Tibetan Dictionary Master
| ཀ |
1.བོད་ཡིག་གི་གསལ་བྱེད་དང་པོ། འདིའི་ང་རོ་འདོན་ཚུལ་ལ་སྐྱེ་གནས་མགྲིན་པ་དང༌། བྱེད་པ་མགྲིན་པ། ནང་གི་རྩོལ་བ་མགྲིན་པ་ནང་ཕྲད། ཕྱིའི་རྩོལ་བ་སྲོག་ཆུང་སྒྲ་མེད།2.མིང་གཞིའི་ཕོ་ཡིག་ཅིག3.རྟགས་མཚུངས་འདྲེན་སྐབས་ག་ད་བ་ས་སྟེ་རྗེས་འཇུག་ཕོས་དྲངས་པའི་མིང་གི་ཆ་ཤས་ཤིག (དཔེར་ན།) ཐབ་ཀ དཔྱིད་ཀ དཔྱིད་ཀའི་མེ་ཏོག ཐོག་ཀའི་ཁང་མིག ངེད་གཉིས་ཀས་སློབ་སྦྱོང་བྱེད་ལྟ་བུ། 4.གྲངས་ཀྱི་མིང་མཐར་བཅུག་ནས་ཚང་མའམ་ཐམས་ཅད་ཅེས་པའི་དོན་སྟོན་པའི་ཆ་ཤས་ཤིག (དཔེར་ན།) སྔ་ཕྱི་གཉིས་ཀ 5.རྩ་བ་དང༌། ཐོག་མ། གདོད་མ་བཅས་ཀྱི་དོན་ཏེ། (དཔེར་ན) གཞི་ནས་དག་པ་ལ་ཀ་ནས་དག་པ་ཟེར་བ་ལྟ་བུ། |
| ཀ་ཀ |
1. སྐྱ་ཀའི་མིང་དང་དེའི་སྐད།2. ལུག་གི་ཨ་ཅུག་གམ་ཐེ་གེ།3. ཡུལ་སྐལ་ལ་ལར་བྱིས་པ་ཆུང་ངུའི་གྱོན་པར་ཡང་ཀ་ཀ་ཟེར། |
| ཀ་ཀ་ནཱི་ལ |
ཨིནྟྲ་ནཱི་ལ་དང་ནི་མ་ལ་གཉིས་ལས་ཅུང་ཟད་ནག་པའི་རྡོ་སྨན་ཞིག་ཡིན་པ་འདིས་ནད་མ་ལུས་སེལ། |
| ཀ་ཀཱ |
(ལེགས་སྦྱར།) བྱ་རོག་གི་མིང་། |
| ཀ་ཀུ་བྷ་ཡ |
(ལེགས་སྦྱར།) ཤིང་དུག་མོ་ཉུང་ངམ་ཨརྫུ་ན། |
| ཀ་ཀོ་ལ |
རྒྱ་གར་ནག་དང་ལྷོ་མོན་ནས་ཐོན་པའི་རྩྭ་ལྡུམ་གྱི་འབྲས་བུ་དེའི་ལོ་སྡོང་ལྗང་གུ་དང་འབྲུའི་པགས་པ་མཐུག་ཅིང་སུལ་ཅན། དྲི་རོ་ག་བུར་དང་ཕྱོགས་མཚུངས་པ་འདིས་ཕོ་མཚེར་གྱི་གྲང་ནད་སེལ། མིང་གི་རྣམ་གྲངས། ཟླ་བའི་བྱེ་མ་དང༌། ཟླ་བའི་གཞོན་ནུ་མའོ། ། |
| ཀ་ཀོ་ལ |
རྩི་ཤིང་ཞིག་གི་འབྲས་བུའི་མིང་ཡིན། ཆེ་བ་སྟར་ཁ་ཙམ། དབྱིབས་འཇོང་ཟླུམ་དང་ཤུན་པར་གཉེར་མ་མང་ཞིང་ནང་ལ་ས་བོན་གྱིས་བཀང་ཡོད། རྒྱ་སྐད་དུ་ཚོ་ཀོ་ཟེར་ཞིང་། ཟས་ཀྱི་བྲོ་བ་འབྱིན་བྱེད་དང་སྨན་བྱེད་ཆོག |
| ཀ་ཁ |
1.བོད་ཡིག་གསལ་བྱེད་སུམ་ཅུའི་མིང་། 2.ཡོན་ཏན་གྱི་ཐོག་མའི་དོན་ཏེ། (དཔེར་ན།) ཀ་ཁ་ཙམ་ཤེས་ཞེས་པ་ལྟ་བུ། |
| ཀ་ཁ་པ |
བོད་ཡིག་ཐོག་མར་སློབ་སྦྱོང་བྱེད་མཁན་གྱི་མིང་། |
| ཀ་ཁ་ཕྱེ |
མདོ་ཁམས་ཀྱི་ས་ཆ་ཕལ་མོ་ཆེར་ཀ་དང་ག་གཉིས་ཀྱི་སྒྲ་གདངས་གཅིག་ཏུ་ཀློག་པས་དེ་གཉིས་དབྱེ་བ་འབྱེད་ཆེད་མདོ་སྨད་པས་ཀ་ལ་ཀ་ཁ་ཕྱེ་ཟེར་ལ། ཀ་ཁ་དབྱེའང་ཟེར། ཁ་ཕྱེ་མེད་པའི་ག་ལ་ཁ་ཟུམ་ཟེར་ལ། ག་ཁ་སྡོམ་ཡང་ཟེར། |
| ཀ་ཁོལ་མ |
སྲོང་བཙན་སྒམ་པོས་རང་གི་བཀའ་ཆེམས་ལེའུ་ཀ་པ་ནས་ཁོལ་བཏོན་གྱིས་ལྷ་ལྡན་གཙུག་ལག་ཁང་གི་ཀ་བ་ཤིང་ལོ་ཅན་གྱི་ལོགས་སུ་གཏེར་དུ་སྦས་པ་ཕྱིས་ཇོ་བོ་རྗེ་ཨ་ཏི་ཤས་གཏེར་ནས་བཏོན་པའི་ཆོས་འབྱུང་ཞིག་ཡིན་ཞིང༌། མིང་གཞན་ལྷ་སའི་དཀར་ཆག་ཀྱང་ཟེར། |
| ཀ་ཁྱི |
ཆུ་འཁོར་གྱི་སྲོག་ཤིང་འོག་གི་ཤིང་རྩབ་ཅིག |
| ཀ་གཅིག་མ |
ནང་དུ་ཀ་བ་གཅིག་ཡོད་པའི་ཁང་མིག |
| ཀ་གཅིག་ལྕམ་གང་མ |
ཁང་བ་ཀ་གཉིས་མའི་ཀ་བ་གཅིག་གི་ཐད་ནས་བར་བཅད་བརྒྱབ་པའི་ཁང་བ། |
| ཀ་གཅིག་སྒོ་གཅིག་མ |
མདོ་སྦུག་མེད་པའི་ཁང་བ་ཀ་གཅིག་མ། |
| ཀ་གཉིས་པ |
(མངོན་བརྗོད།) ཁྭ་ཏའི་མིང་། |
| ཀ་གཏུགས |
ཐབས་ཟད་པའི་དོན་ཏེ། (དཔེར་ན།) ཁས་མི་ལེན་ཀ་གཏུགས་བྱུང༌ལྟ་བུ། |
| ཀ་གཞུ |
ཀ་བ་དང་གཞུ། ཀ་མགོ་དང་གདུང་མའི་བར་གྱི་ཤིང་རྟེན། |
| ཀ་གཟོང |
རང་འཐག་ལ་སོ་འདོན་བྱེད་ཀྱི་གཟོང༌། |
| ཀ་གཡེལ |
‘ཀ'འདིའི་མིང་། |
| ཀ་གྲངས |
གསལ་བྱེད་ཀ་མད་སུམ་ཅུ་སོགས་ཀྱིས་མཚོན་པའི་གྲངས་རིམ། |
| ཀ་གྷཾ་གི |
(ལེགས་སྦྱར།) རྡོ་སྨན་གཡུ་ཡི་རིགས་སྔོ་ནག་ཅིག་འདིས་དུག་སེལ་ཞིང་མཆིན་པའི་ཚ་བ་ལ་ཕན། |
| ཀ་ཅ |
1.ནོར་རྫས་ཀྱི་སྤྱི་མིང་སྟེ། (དཔེར་ན།) ཀ་ཅ་གསོག་འཇོག ཀ་ཅས་ཚིམ་པར་བྱེད་ཅེས་པ་ལྟ་བུ། 2.འཚོ་བའི་ཡོ་བྱད་ཀྱི་སྤྱི་མིང་སྟེ། (དཔེར་ན།) སྣོད་ཀ་ཅ་ཞེས་པ་ལྟ་བུ། |
| ཀ་ཅི |
(ལེགས་སྦྱར།) རས་དཀར་སྲབ་མོ་ཞིག |
| ཀ་ཅོག་ཞང་གསུམ |
སྐ་ཅོག་ཞང་གསུམ་དང་འདྲ། |
| ཀ་ཆ |
ཀ་ཅ་དང་འདྲ། |
| ཀ་ཆུག |
(བརྡའ་རྙིང་།) དེ་ལྟར་ཞེས་པའི་དོན། |
| ཀ་ཆེན་བཞི |
ལྷོ་བྲག་མར་པའི་སློབ་མ་མཆོག་གྱུར་བཞི་སྟེ། རྔོག་ཆོས་སྐུ་རྡོ་རྗེ། མཚུར་སྟོན་དབང་གི་རྡོ་རྗེ། མེས་སྟོན་ཚོན་པོ། མི་ལ་རས་པ་སྟེ་བཞིའོ། ། |
| ཀ་ཎ་ཡ |
(ལེགས་སྦྱར།) མདུང་གི་མར་སྣེར་ཐ་གུ་བཏགས་པའི་མདུང་ཞགས། |
| ཀ་ཏ་རུ |
(ལེགས་སྦྱར།) རེའུ་མིག་གི་མིང་། |
| ཀ་ཏོ་ར |
ཟངས་རག་སོགས་ལས་བཟོས་པའི་གཞོང་བ། |
| ཀ་ཏོ་ར |
གཞོང་བ་ལྟ་བུའི་ཟས་སྣོད་ཅིག་གི་མིང་སྟེ། (དཔེར་ན།) ཤེལ་གྱི་ཀ་ཏོ་ར། ཟངས་ཀྱི་ཀ་ཏོ་ར་ཞེས་པ་ལྟ་བུ། |
| ཀ་ཏྱའི་བུ |
(ལེགས་སྦྱར།) ཤཱཀྱ་མུ་ནེའི་དངོས་སློབ་ཉན་ཐོས་མཐའ་འཁོར་འདུལ་བའི་མཆོག་ཏུ་གྱུར་པ་ཞིག་ཡིན་ལ། ཁོང་ནི་ཉན་ཐོས་ཀྱི་རྩ་བའི་སྡེ་བཞིའི་གནས་བརྟན་པའི་སྡེའི་སྲོལ་གཏོད་མཁན་ཡིན། |
| ཀ་ཐོ |
ཨང་ཀིའི་ཚབ་ཏུ་ཀ་ཁའི་རིམ་པ་བསྒྲིགས་པའི་ཐོ་ཡིག |
| ཀ་དག |
1.སྟོང་བ་ཉིད།2.ཀ་ནས་དག་པ་སྟེ་ཐོག་མ་ཉིད་ནས་དྲི་མ་མེད་པ། |
| ཀ་དག་ཁྲེགས་ཆོད |
གསང་སྔགས་རྫོགས་པ་ཆེན་པོའི་ཉམས་ལེན་གྱི་གནད། ལེ་ལོ་ཅན་འབད་མེད་དུ་གྲོལ་བའི་གདམས་པ་སྟེ། གཞི་གནས་རང་བྱུང་གི་ཡེ་ཤེས་དེ་གྲོལ་ལུགས་ཆེན་པོ་བཞིའི་ངང་དུ་གནས་པ་ཉིད་ངོ་རང་ཐོག་ཏུ་འཕྲོད། ཐག་ཆིག་ཐོག་ཏུ་ཆོད། གདིང་གྲོལ་ཐོག་ཏུ་བཅའ་བ་བཅས་ཀྱིས་ཆོས་ཉིད་ཀ་དག་མ་བཅོས་གཉུག་མའི་དོན་ལ་ཡེ་བབ་སོར་བཞག་གི་ངང་སྐྱོང་བའོ། ། |
| ཀ་དཔེ |
ཀ་ཁའི་དཔེ་སྟེ། ཡིག་གཟུགས་འབྲི་ཀློག་གི་ཐོག་མར་མཁོ་བའི་མ་དཔེ། |
| ཀ་དབྲག |
ཀ་བ་གཉིས་བར་གྱི་སྟོང་ཆ། |
| ཀ་དམ་པ |
(ལེགས་སྦྱར།) 1.ཤིང་ཚོགས་ཅན།2.ཆུ་བྱ་མཐིང་རིལ་ལམ་ཆུ་སྐྱར། |
| ཀ་དམ་པ་ཅན |
(མངོན་བརྗོད) སྤྲིན་པའི་མིང་། |
| ཀ་དམ་པ་བདེ་གཤེགས |
མཚན་དངོས་ཤེས་རབ་སེང་གེའམ། སྤོབས་པ་མཐའ་ཡས་ཀྱང་ཟེར། རབ་བྱུང་གཉིས་པའི་ཆུ་སྟག་ལ་མདོ་ཁམས་སུ་འཁྲུངས། རབ་བྱུང་གསུམ་པའི་ས་ཡོས་ལ་ཁམས་དཔལ་ཡུལ་དུ་ཀཿ ཐོག་དགོན་པ་བཏབ། ཆུ་བྱི་ལ་འདས་པའི་སྔགས་རྙིང་མའི་སློབ་དཔོན་ཞིག |
| ཀ་དམ་བྷ་ར |
(ལེགས་སྦྱར།) སྔོ་སྨན་རིགས་ཤིག |
| ཀ་དར |
རྟེན་འབྲེལ་བྱེད་སྐབས་ཀ་བ་ལ་སྒྲོག་པའི་ཁ་བཏགས། |
| ཀ་ནི་ཀ |
(ལེགས་སྦྱར།) སྔར་རྒྱ་གར་གྱི་རྒྱལ་པོ་ཞིག་སྟེ། དུས་རབས་དང་པོའི་མཇུག་ཏུ་དྲག་ཤུགས་ཀྱིས་རྒྱལ་ཕྲན་གཞན་རྣམས་བཏུལ་ནས་ཇན་ཏོ་ལ་ཞེས་པའི་རྒྱལ་ཁབ་བཙུགས། ཚེ་མཇུག་ཏུ་སངས་རྒྱས་སྐྱབས་སུ་སྟེན་ནས་དགོན་སྡེ་དང་མཆོད་རྟེན་མང་པོ་བཞེངས། སློབ་དཔོན་རྟ་དབྱངས་བཤེས་གཉེན་དུ་བསྟེན་ནས་བསྟན་པ་སྲུང་སྐྱོང་བྱས། ཁ་ཆེའི་ཡུལ་དུ་དགྲ་བཅོམ་པ་མང་པོ་གདན་དྲངས་ཏེ་སྡེ་སྣོད་གསུམ་ལས་བཏུས་པའི་བྱེ་བྲག་ཆེན་པོ་ཞེས་པའི་བསྟན་བཅོས་བསྒྲིགས། |
| ཀ་ནི་ཥཀ |
ཀ་ནི་ཀ་དང་འདྲ། |
| ཀ་པ |
ཀ་ཁའི་རིམ་པ་ལྟར་བསྒྲིགས་པའི་དང་པོ་མཚོན་བྱེད། (དཔེར་ན།) དེབ་ཀ་པ། སྡེ་ཚན་ཀ་པ་ལྟ་བུ། |
| ཀ་པཱ་ལ |
(ལེགས་སྦྱར།) 1>མིའི་ཐོད་རུས། 2>བདེ་བ་སྐྱོང་བ་སྟེ། མིའི་ཐོད་པ་ལས་བཟོས་པའི་སྣོད་ཅིག |
| ཀ་པེད |
1.ཀ་བེད་དང་འདྲ། 2.ལོ་གཅིག་སྐྱེ་བའི་རྩི་ཤིང་ཞིག་གི་འབྲས་བུའི་མིང་ཡིན། ཤུན་ཁོག་མཐུག་ལ་སྲ་བས་སྣུམ་ནག་གི་སྣོད་བྱེད་ཆོག་ཅིང་ས་བོན་སྨན་བྱེད་ཆོག རྒྱ་སྐད་དུ་ཧུ་ལུ་ཟེར། |
| ཀ་ཕིབས |
ཕྱོགས་གཅིག་ལ་རྩིག་པ་མེད་པའི་ཐོག་གཡབ་ཅན་གྱི་སྡོད་གནས། |
| ཀ་ཕུར |
ཕྱུགས་འདོགས་བྱེད་ཀྱི་ཕུར་པ་རིང་པོའི་མིང་ (དཔེར་ན) མཛོ་ཀ་ཕུར་ལ་བཏགས་ལྟ་བུ། |
| ཀ་ཕོར |
ཆུ་འཁོར་གྱི་སྲོག་ཤིང་ཀ་འགོའི་འོག་གི་ཤིང་སྒོར། |
| ཀ་ཕྲེང |
1.གསལ་བྱེད་ཡི་གེའི་སྡེ་ཚན། 2.བོད་ཡིག་གསལ་བྱེད་ཀ་ནས་ཨ་བར་གྱི་རིམ་པ། |
| ཀ་བ |
1.ཁང་བའི་གདུང་མ་འདེགས་བྱེད། (དཔེར་ན།) ཀ་བ་རིང་པོ། ཀ་བ་སྦོམ་པོ་ཞེས་ལྟ་བུ།2.སྲོག་ཤིང་ལྟ་བུའི་དཔེ་སྟེ། (དཔེར་ན) ཚེ་དང་སྲོག་གི་ཀ་བ་བརྟན་པོར་གནས་ཞེས་པ་ལྟ་བུ།3.མཐོ་བའི་དཔེ་སྟེ། (དཔེར་ན།) རི་མཐོན་པོ་གནམ་གྱི་ཀ་བ་འདྲ་ཞེས་པ་ལྟ་བུ། |
| ཀ་བ་བུམ་པ་ཅན |
ལྷ་ས་འཕྲུལ་སྣང་གཙུག་ལག་ཁང་གི་ཀ་བ་ཞིག དེའི་འོག་བོད་རྒྱལ་སྲོང་བཙན་གྱིས་བསྟན་པ་དར་བའི་སྨོན་ཚིག་གི་གཏེར་སྦས་ཡོད་ཟེར། |
| ཀ་བ་ལི |
(ལེགས་སྦྱར) དཔེ་སྣོད་ཤོ་ཀ་ལིའི་མིང༌། |
| ཀ་བ་ཤིང་ལོ་ཅན |
ལྷ་ས་འཕྲུལ་སྣང་གཙུག་ལག་ཁང་གི་ཀ་བ་ཞིག དེའི་འོག་བོད་རྒྱལ་སྲོང་བཙན་གྱིས་ནོར་གཏེར་སྦས་ཡོད་ཟེར། |
| ཀ་བ་སེང་མགོ་ཅན |
ལྷ་ས་འཕྲུལ་སྣང་གཙུག་ལག་ཁང་གི་ཀ་བ་ཞིག དེའི་འོག་བོད་རྒྱལ་སྲོང་བཙན་གྱིས་སྒོ་ཕྱུགས་དར་བའི་སྨོན་ཚིག་གི་གཏེར་སྦས་ཡོད་ཟེར། |
| ཀ་བ་སྦྲུལ་མགོ་ཅན |
ལྷ་ས་འཕྲུལ་སྣང་གཙུག་ལག་ཁང་གི་ཀ་བ་ཞིག དེའི་འོག་བོད་རྒྱལ་སྲོང་བཙན་གྱིས་མཐུ་སྔགས་ཀྱི་གཏེར་སྦས་ཡོད་ཟེར། |
| ཀ་བཀོལ་མ |
ཀ་ཁོལ་མ་དང་འདྲ། |
| ཀ་བཀྱག |
ཀ་བའི་འོག་གདན། |
| ཀ་བཞི་གདུང་བརྒྱད |
ཀ་བ་བཞི་དང་གདུང་མ་བརྒྱད་ཡོད་པའི་ཁང་མིག |
| ཀ་བཤད |
ཚིག་རྐང་རེ་རེའི་ཐོག་མཐའ་བར་གསུམ་གང་རུང་དུ་ཀ་སོགས་གསལ་བྱེད་རིམ་པར་བཀོད་པའི་རྩོམ་ཡིག |
| ཀ་བསྟོད |
ཚིག་རྐང་རེ་རེའི་ཐོག་མཐའ་བར་གསུམ་གང་རུང་དུ་ཀ་སོགས་གསལ་བྱེད་རིམ་པར་བསྒྲིགས་པའི་བསྟོད་པ། |
| ཀ་བེ་ཀོ་བེ |
ཀབ་ཀོབ་སྟེ་མཉེན་པོ་མེད་པ། (དཔེར་ན།) ཀོ་བ་བསྐམས་ནས་ཀབ་ཀོབ་ཏུ་གྱུར་ཞེས་པ་ལྟ་བུ། |
| ཀ་བེ་ཀོབ་བེ |
ཀབ་ཀོབ་ལ་ལྟོས། |
| ཀ་བེད |
1.སྟོད་ནས་བྱུང་བའི་ཤིང་ཏོག་བིལ་བ་མོ། འདིའི་དབྱིབས་བུམ་པ་དང་འདྲ་བས་ཆུ་སྣོད་བྱས་ཆོག་པ་ཞིག 2.ཤིང་སྨན་གྱི་རིགས་ཤིག་རོ་མངར་ལ་ཁ་བ། ཞུ་རྗེས་དྲོད། ནུས་པས་འཁྲུ་བ་གཅོད། ཡན་ལག་གི་སྐྲངས་པ་འཇོམས། 3.ཀ་པེད་ཀྱི་འབྲི་སྲོལ་གཞན། |
| ཀ་མ་རུ |
(ལེགས་སྦྱར།) རྡོ་སྲ་ཞིང་དཀར་བ་ཞིག སྟེང་དུ་རི་མོ་རྐོ་ཆོག་པས་རྩིག་བཟོའི་རྒྱུ་ཆ་བཟང་པོ་ཞིག་ཡིན། མིང་གཞན་ལ་རྡོ་བ་རྒ་ཡང་ཟེར། |
| ཀ་མ་ལ |
1.(སོག་སྐད།) དུས་རབས་བཅུ་བཞི་བར་བྱུང་བའི་ཡོན་རྒྱལ་རབས་ཀྱི་རྒྱལ་པོ་ཐའི་ཏིང་ཡེ་སོན་ཐེ་མུར་གྱི་མཚན།2.(ལེགས་སྦྱར།) མེ་ཏོག་པད་མ་སྔོན་པོ་འདབ་མ་བརྒྱད་པ། |
| ཀ་མ་ལ་ཤཱི་ལ |
པདྨའི་ངང་ཚུལ་ཏེ་དུས་རབས་བརྒྱད་པར་རྒྱ་གར་ཤར་ཕྱོགས་སུ་བྱུང་བའི་རྣལ་འབྱོར་སྤྱོད་པའི་དབུ་མ་རང་རྒྱུད་པའི་སློབ་དཔོན་ཞིག་ཡིན། འདི་ཁྲི་སྲོང་ལྡེའུ་བཙན་སྐབས་བོད་དུ་གདན་དྲངས་ནས་ཧྭ་ཤང་མ་ཧ་ཡ་ནའི་ལྟ་བ་སྟོན་མུན་ཏེ་ཅིག་ཅར་བའི་ལྟ་བ་དང༌། བོ་དྷི་ས་ཏྭ་སོགས་ཀྱི་ལྟ་བ་ཙེན་མིན་ཏེ་རིམ་གྱིས་པའི་ལྟ་བ་གཉིས་མ་མཐུན་པར་རྩོད་པ་བྱས་མཐར་ཀ་མ་ལ་ཤཱི་ལ་རྒྱལ་ཞིང་སྒོམ་རིམ་རྣམ་གསུམ་ཡང་མཛད། |
| ཀ་མང་མ |
ཀ་བ་མང་པོ་ཡོད་པའི་ཁང་བ། |
| ཀ་མད |
བོད་ཡིག་གསལ་བྱེད་ཀ་ལ་སོགས་པ། (དཔེར་ན།) ཀ་མད་སུམ་ཅུའི་སྒྲ་གདངས་དག་པོར་བཀླགས་ལྟ་བུ། |
| ཀ་མི་ཡམ |
(ལེགས་སྦྱར།) མཚེར་བའི་མིང་། |
| ཀ་མིག |
1.བོད་ལུགས་ཁང་བ་ཆེ་ཆུང་བརྩི་སྟངས་ཀ་བ་གཅིག་གི་སའི་རྒྱ་ཁྱོན། (དཔེར་ན།) ཁང་བ་ཀ་མིག་གསུམ་གྱི་ས་ཡོད་ཅེས་པ་ལྟ་བུ། 2. ཁང་བ་ཀ་བཞི་མའི་ནང་གི་རྒྱ་ཁྱོན་ཏེ། ཁང་མིག་དང་དོན་གཅིག |
| ཀ་མེད |
ཐབས་དང་ནུས་པ་མེད་པའི་དོན་ཏེ། (དཔེར་ན།) མི་བྱེད་ཀ་མེད། མི་འགྲོ་ཀ་མེད་ཅེས་པ་ལྟ་བུ། |
| ཀ་འགོ |
1. ཀ་བའི་ཡར་སྣེའི་ཆ།2. ཆུ་འཁོར་གྱི་སྲོག་ཤིང་གི་འགོ་ལ་བསྐོན་པའི་ལྕགས་སྒོར། |
| ཀ་འཇའ་ལ |
ཁམས་དཀར་མཛེས་ཁུལ་དཔལ་ཡུལ་རྫོང་གི་ལ་མཐོན་པོ་ཞིག |
| ཀ་འཕན |
གོས་ཆེན་དང་རས་སོགས་ལས་བཟོས་པའི་ཀ་བའི་རྒྱན་ཞིག |
| ཀ་ཡེ |
འབོད་སྒྲ་ཞིག་སྟེ། (དཔེར་ན) ཀ་ཡེ་བྱིས་པ་ཞེས་པ་ལྟ་བུ། |
| ཀ་ར |
1. སྦྲ་གུར་གྱི་གདུང་མ་དང་ཆོན་ཐག་འགེར་བྱེད་ཀྱི་ཀ་རྒྱུག་གི་མིང་། 2.(ལེགས་སྦྱར།) རོ་མངར། ཞུ་རྗེས་བསིལ། ནུས་པས་ཚ་བ་སེལ། གློ་འཇགས། དབང་པོ་གསལ་བར་བྱེད། ལུས་སྟོབས་གསོ། ཚ་བ་ཁྲག་མཁྲིས་ལ་ཕན་པའི་སྨན་གྱི་ནུས་པ་རྩར་འཁྲིད་པར་བྱེད། 3. བུ་རམ་ཤིང་དང་ཚོད་མངར་གྲོ་འབྲས་སོགས་བཙོ་སྦྱང་བྱས་ནས་བཟོས་པའི་ཁ་ཟས་མངར་མོ་སྤྱིའི་མིང་ (དཔེར་ན།) ཀ་ར་དཀར་པོ་དང་བྱེ་མ་ཀ་ར། ཤེལ་ཀ་ར་སོགས་ལྟ་བུ། |
| ཀ་ར་ཤིང |
བྱེ་མ་ཀ་ར་སོགས་བཟོ་བྱེད་བུར་ཤིང་གི་མིང་། |
| ཀ་ར་ཧ་རི |
(ལེགས་སྦྱར།) བུ་རམ་གྱི་མིང་། |
| ཀ་རག |
རྩིག་ངོས་སོགས་ལ་འབྱུག་བྱའི་ས་རྩི་དཀར་པོ་ཞིག |
| ཀ་རཉྫ |
(ལེགས་སྦྱར།) ལག་པའི་ཐལ་སྦྱོར་ཏེ་ཤིང་སྨན་གྱི་རིགས་ཤིག། རོ་ཁ། ཞུ་རྗེས་དྲོད། ནུས་པས་ཕོ་བའི་མེ་དྲོད་སྐྱེད་པར་བྱེད། |
| ཀ་རཎ་ཌ |
(ལེགས་སྦྱར།) བྱ་སྐད་སྙན་པོ་ཞིག་གི་མིང་། |
| ཀ་རུ |
1.ཁ་དོག་དཀར་པོའི་དོན་ཏེ། (དཔེར་ན།) བལ་ཀ་རུ། གཡག་ཀ་རུ་ཞེས་པ་ལྟ་བུ། 2.འབྲི་གཡག་སོགས་ཀྱི་ཐོད་པའི་སྤུ་དཀར་པོའི་མིང་ངམ་སྤུ་རྟགས་དེ་ཡོད་པའི་ནོར་གྱི་མིང་སྟེ། (དཔེར་ན།) གཡག་ཀ་རུ་ཞེས་པ་ལྟ་བུ། |
| ཀ་རེ་ཀོ་རེ |
1.དྲང་མིན་གཡོ་སྐོར་གྱི་གཏམ་བཤད་སྟངས་ཏེ། (དཔེར་ན།) སྐད་ཆ་ཀ་རེ་ཀོ་རེ་ཁོ་ན་བཤད་པ་ལྟ་བུ།2.ཕར་ཚུར་འཐེན་གྱིས་ནར་འགྱངས་བྱས་པའི་དོན་ཏེ། (དཔེར་ན།) ལམ་བར་ལ་ཀ་རེ་ཀོ་རེ་བྱས་ནས་དུས་ཐོག་ཏུ་སླེབས་མ་ཐུབ་པ་རེད་ལྟ་བུ། |
| ཀ་རྒྱན |
འཕན་སོགས་ཀ་བའི་ལོགས་ཀྱི་རྒྱན་ཆའི་རིགས། |
| ཀ་རྒྱུག |
སྦྲ་དང་གུར་གྱི་ཚུགས་ཤིང༌། |
| ཀ་རྟེན |
ཀ་རྟིང་བརྟན་པོ་བྱེད་པའི་རྡོའི་མིང་། |
| ཀ་རྩོམ |
ཚིག་རྐང་རེ་རེའི་ཐོག་མཐའ་བར་གསུམ་གང་རུང་དུ་ཀ་སོགས་གསལ་བྱེད་རིམ་པར་བསྒྲིགས་པའི་རྩོམ་ཡིག |
| ཀ་ལ |
ལྕགས་ཟངས་འགྱིག་སོགས་ལས་བཟོས་པའི་ཆུ་འདྲེན་ཡོ་བྱད་སྦུབས་ཅན། |
| ཀ་ལ་པིང་ཀ |
(ལེགས་སྦྱར།) ངག་རྒྱུན་ལ་གྲགས་པའི་བྱ་སྐད་སྙན་པ་ཞིག་གི་མིང་། (དཔེར་ན།) སྒོ་ངའི་སྦུབས་རྒྱ་མ་གྲོལ་སྐད་འབྱིན་པའི། །ཀ་ལ་པིང་ཀས་སྐྱེ་དགུ་ངོ་མཚར་འཛིན་ཞེས་པ་ལྟ་བུ། |
| ཀ་ལ་རོ་ཟན |
(ལེགས་སྦྱར།) དུར་གྱི་བྱ་ཞིག |
| ཀ་ལག |
རྡོའི་རིགས་ཤིག་སྟེ་དེའི་ཕྱེ་མས་ཨར་འདམ་གྱི་ཚབ་བྱེད་ཆོག མིང་གཞན་ཞ་ལག་ཀྱང་ཟེར། |
| ཀ་ལཱ་པ |
(ལེགས་སྦྱར།) 1>ཆ་བསགས་པ། 2>བྱང་ཤམྦྷ་ལའི་གྲོང་ཁྱེར་ཞིག་གི་མིང་། |
| ཀ་ལཱ་བྱཱ་ཀ་ར་ཎ |
(ལེགས་སྦྱར།) ཆ་བསགས་ཀྱི་བརྡ་སྤྲོད་པ་སྟེ་སྒྲ་རིག་པར་ཉེ་བར་མཁོ་བའི་ཆ་ཤས་བསགས་པའི་བསྟན་བཅོས་དང༌། དེ་རྩོམ་པ་པོ་ནི་སློབ་དཔོན་སཔྟ་ཝརྨའམ། བོད་སྐད་ལྟར་ན་བདུན་པའི་གོ་ཆ། |
| ཀ་ལི |
མགོ་བོའི་ཐོད་རུས། |
| ཀ་ལི་ཀཱ |
(ལེགས་སྦྱར།) ཙམ་པ་ཀའི་འབྲས་བུའི་མིང། སྨན་དུ་སྤྱད་ཆོག |
| ཀ་ལི་མཐུག་པོ |
(ཡུལ་སྐད།) ཨུ་ཚུགས་ཆེ་བའི་དོན་ཏེ། དཔྲལ་ཀོ་མཐུག་པོའང་ཟེར། |
| ཀ་ཤ |
1.ཤ་མོའི་བྱེ་བྲག་ཅིག2.(ལེགས་སྦྱར) གསལ་བྱེད་ཟེར་བའི་འདམ་རྩྭ་ཞིག |
| ཀ་ཤུ་ཀ |
(ལེགས་སྦྱར།) གསེར་གྱི་སྤུས་ཀ་ལེགས་ཉེས་རྟོག་བྱེད་ཀྱི་རྡོ་ནག་པོ་ཞིག་གི་མིང་། |
| ཀ་ཤུབས |
གོས་ཆེན་དང་སྣམ་ཕྲུག་སོགས་ལས་བཟོས་པའི་ཀ་བའི་ཤུབས། |
| ཀ་སྐྱོར |
ཀ་བའི་འགྲམ་ནས་སྐྱོར་བའི་ཤིང༌། (དཔེར་ན) ཁང་གོག་ལ་ཀ་སྐྱོར་བརྒྱབ་ལྟ་བུ། |
| ཀ་སྒྲོམ |
ཀ་བའི་སྒྲོམ་སྐྱོར། |
| ཀ་སྡེ |
1.བོད་ཡིག་གསལ་བྱེད་ཀྱི་སྡེ་བ་དང་པོ་ཀ་ཁ་ག་ང་བཞིའི་སྤྱི་མིང་།2.ལེགས་སྦྱར་གསལ་བྱེད་ཀྱི་སྡེ་བ་དང་པོ་ཀ་ཁ་ག་གྷ་ང་བཞིའི་སྤྱི་མིང་། |
| ཀཀྞི་སྒོ་བཞི |
(ལེགས་སྦྱར།) མཆོད་རྟེན་གྱི་བང་རིམ་འོག་ཏུ་ཕྱོགས་བཞིར་འགྲོ་སའི་སྒོ་རེ་ཡོད་པ་ཞིག |
| ཀག |
1.དུས་ངེས་ཅན་གྱི་བར་ཆད་ཀྱི་དོན་དུ་གོ་བའི་སྐག་དང་འདྲ།2.(བརྡ་རྙིང་།) གློ་བུར་གྱི་དོན།3. གནོད་འཚེའི་མིང་ལོ་ཏོག་གི་ལོ་ཀག་སེལ་ལྟ་བུ། འདི་ལ‘སྐྱེག’ཀྱང་འབྲི། 4.(བསྣན་ཚིག) 1>དུད་འགྲོའི་ཡན་ལག་སྔོན་མ་གཉིས་ཡར་བཀྱགས་ནས་ལངས་པའི་རྣམ་འགྱུར་ཏེ། རྟ་ཀག་གིས་ལངས་ལྟ་བུ། 2>མྱུར་བའི་དོན་ཏེ། བོས་པ་ཙམ་གྱིས་ཀག་གིས་ལངས་ལྟ་བུ། |
| ཀང་ཀ |
(ལེགས་སྦྱར།) ངག་རྒྱུན་ལ་གྲགས་པའི་བྱ་ཆེན་པོ་སྲོག་ཆགས་ཤི་བའི་རོ་ཟ་མཁན་ཞིག་གི་མིང་། |
| ཀང་ཀའི་མཆུ |
(ལེགས་སྦྱར།) ཤ་རྔམས་མཐུག་པོའི་གཏིང་དུ་ཡོད་པའི་རུས་པ་ཆག་པ་རྣམས་འདོན་བྱེད་ཀྱི་སྐམ་པ་ཞིག |
| ཀཎྜ་ཀ་རི |
(ལེགས་སྦྱར།) ཤིང་སྨན་གྱི་རིགས་ཤིག རོ་མངར་ལ་ཁ་ཞིང་ཚ་བ། ཞུ་རྗེས་སྙོམས། ནུས་པའི་རླུང་ཚད་དང་བད་ཀན་སྐྱ་བོ། གློ་ནད་བཅས་ལ་ཕན། མིང་གཞན་ལ་སྟག་ཚེར་ཞིང་། དེའི་འབྲས་བུ་སྨིན་ཚེ་དམར་བོ་བྱི་རུ་སྤུངས་པ་དང་འདྲ་ལ་ཡུལ་སྐད་དུ་འབྲུ་སིལ་ཟེར་ཞིང་ཟ་ཆོག ལོ་མ་དང་སྡོང་བུ་སྨན་བྱེད་ཆོག། |
| ཀཏྤཱུ་ར |
(ལེགས་སྦྱར།) རྩི་སྨན་ག་བུར་གྱི་མིང་གཞན་ཞིག |
| ཀཏྤཱུ་ར |
(ལེགས་སྦྱར།) ལུས་རྒྱས་སམ་རབ་བསིལ་ཏེ་ག་བུར་གྱི་མིང་གཞན་ཞིག |
| ཀན |
1.(རྒྱ་སྐད) སྨན་པས་ནད་པའི་ལག་རྩར་ལྟ་སྐབས་གོང་མཛུབ་ལ་ཚོན་དང་དཀྱིལ་མཛུབ་ལ་ཀན། སྲིན་མཛུབ་ལ་ཆག་ཟེར་ཏེ། (དཔེར་ན།) ཚོན་ཀན་ཆག་གསུམ་མ་འདྲུས་སྙོམས་པར་བཞག་ཅེས་པ་ལྟ་བུ།3.(ཚབ་ཚིག) ཕ་རོལ་སྟོན་པའི་སྤྱི་སྒྲ་ཞིག་སྟེ། (དཔེར་ན།) རི་འགོ་ཀན་ལ་དར་ལྕོག་ཚུགས། མི་ཀན་གང་ལ་འགྲོ་རྒྱུ་རེད་ཅེས་པ་ལྟ་བུ། |
| ཀན་ཁྲང |
(རྒྱ་སྐད།) རྒྱ་ཐུག་དང༌། བོད་ཐུག་མན་ཆིའི་སོགས་སྒྲིལ་བྱེད་ཀྱི་རྒྱུག་ཧྲིལ། |
| ཀན་གཡས་འོག |
ནད་པའི་ལག་པ་གཡས་པའི་ཀན་རྩར་དོན་ལྔའི་ནང་གི་མཚེར་བ། སྣོད་དྲུག་ནང་གི་ཕོ་བའི་རྩ་ཡོད། |
| ཀན་གཡོན་འོག |
ནད་པའི་ལག་པ་གཡོན་པའི་ཀན་རྩར་དོན་ལྔའི་མཆིན་པ་དང༌། སྣོད་དྲུག་གི་མཁྲིས་པའི་རྩ་གཉིས་ཡོད། |
| ཀན་ཏུར |
(རྒྱ་སྐད།) གཟུགས་པོ་གན་བུབ་བམ་མགོ་རྟིང་སློག་པའི་ལུས་རྩལ་གྱི་མིང་། |
| ཀན་ཚལ |
(རྒྱ་སྐད།) སྔོ་ཚལ་སྐམ་པོ་དང༌། མཚོ་ནས་ཐོན་པའི་ཤ་ཚལ་སྐམ་པོའི་སྤྱི་མིང༌། |
| ཀན་འོག |
(རྒྱ་སྐད།) གུང་མཛུབ་འོག་གི་རྩ། |
| ཀན་རྩ |
(རྒྱ་སྐད།) གུང་མཛུབ་འོག་གི་རྩ། |
| ཀབ་ཀོབ |
(རྒྱན་ཚིག) 1.ཀ་བེ་ཀོ་བེའི་བསྡུས་ཚིག 2.ཀོ་བ་གྱོང་བོ་ལྟ་བུའི་རྣམ་པ་སྟེ། (དཔེར་ན།) ལག་པ་འཁོབ་ནས་ཀབ་ཀོབ་ཏུ་གྱུར་ལྟ་བུ། ཁ་སྐད་དུ་ཀ་བེ་ཀོབ་བེ་ཟེར་བ་དང་དོན་གཅིག་སྟེ། (དཔེར་ན།)ལས་ཀ་མ་ལས་ན་ལུས་པོ་ཀ་བེ་ཀོབ་བེ་ཡིན་ལྟ་བུ། |
| ཀམ་ཀུམ |
(རྒྱན་ཚིག) ཀམ་མི་ཀུམ་མིའི་བསྡུས་ཚིག |
| ཀམ་ཀེམ |
(རྒྱན་ཚིག) ཀམ་མེ་ཀེམ་མེའི་བསྡུས་ཚིག |
| ཀམ་པ |
(ལེགས་སྦྱར།) ཧོར་ཟླ་དང་པོའི་མིང་། |
| ཀམ་མི་ཀུམ་མི |
པགས་རས་སོགས་གཉེར་མ་འཁུམས་ཚུལ། (དཔེར་ན།) ཀོ་གྱོང་ཀམ་མི་ཀུམ་མི་འདི་ཆུ་ལ་སྦོངས་ཤིག ཀོ་བ་ཀམ་མི་ཀུམ་མི་སྤུས་ཚད་ཞན་ལྟ་བུ། |
| ཀམ་མེ་ཀེམ་མེ |
མིག་གདང་བཙུམ་ཡང་ཡང་བྱེད་ཚུལ། (དཔེར་ན།) མིག་ནད་ཅན་གྱིས་ཀམ་མེ་ཀེམ་མེར་ལྟ་ཞེས་པ་ལྟ་བུ། |
| ཀམ་ཚང |
ཀརྨ་བཀའ་བརྒྱུད་པའི་ནང་གསེས་ཀམ་ཚང་བཀའ་བརྒྱུད་ཀྱི་མ་དགོན་ཆགས་ཡུལ། |
| ཀའུ་ཀ་རི |
ཤིང་ཞིག་གི་མིང་། |
| ཀའུ་རིང་བསྲེལ |
(རྒྱ་སྐད།) སྔོ་ཞིག་གི་མིང་། |
| ཀར |
1.(རྒྱན་ཚིག) གཟེར་ཟུག་གམ་གཟེར་མིག་དྲག་པོ་ལངས་པའི་དོན་ཏེ། (དཔེར་ན) གཟེར་བ་ཀར་ཟུག་ནད་དྲག་ངེས་མེད་འཕོ། ན་ཟུག་ཀར་ཀར་ལངས་ཞེས་པ་ལྟ་བུ། 2.གཏིང་ནས་དང་ཤུགས་དྲག་གི་ཚུལ་ཏེ། (དཔེར་ན།) ཁོང་ཁྲོ་ཀར་ཀར་དུ་ལངས་ལྟ་བུ། |
| ཀར་ཀོར |
1.(རྒྱན་ཚིག) དངོས་རྫས་དབྱིབས་ཟླུམ་པོ་མང་པོ་དོན་ཏེ། (དཔེར་ན།) རྡོ་ཀར་ཀོར་དང་། ས་ཀར་ཀོར་ཞེས་པ་ལྟ་བུ། ཁ་སྐད་དུ་ཀ་རེ་ཀོར་རེ་ཟེར། 2. ཀ་རེ་ཀོ་རེའི་བསྡུས་ཚིག |
| ཀར་ཎ་ཀཱ |
(ལེགས་སྦྱར) སྤོས་དཀར་ཤིང༌གི་མིང་། |
| ཀར་བརྒྱུད |
ཀརྨ་བཀའ་བརྒྱུད་པའི་མིང་གཞན་ཞིག |
| ཀར་མྱང་གི་རྩིས |
ཀ་རའི་རོ་མྱང་ལྟ་བུའི་རྩིས་ཏེ་བལ་ཡུལ་དུ་དར་བའི་ཆར་འབྲས་སོགས་བརྟག་ཐབས། |
| ཀར་ཡོལ |
དཀར་ཡོལ་གྱི་འབྲི་ཚུལ་གཞན། |
| ཀར་ལུགས |
ཀརྨ་བཀའ་བརྒྱུད་པའི་མིང་གཞན་ཞིག |
| ཀརྐ་ཊ |
(ལེགས་སྦྱར) སྦལ་བའི་མིང་། |
| ཀརྐ་ཊའི་ཁྱིམ |
ཉི་མའི་ཁྱིམ་བཅུ་གཉིས་ཀྱི་ཁྱིམ་བཞི་པ། ཁྱིམ་ཞག་ཉེ་མ་ཀརྐ་ཊའི་ཁྱིམ་ན་གནས། |
| ཀརྐོ་ཊ |
(ལེགས་སྦྱར) ཀླུ་ཆེན་བརྒྱད་ཀྱི་གྲས་ཤིག |
| ཀརྞ་ཀཥ་ར |
(ལེགས་སྦྱར) བཙོ་བཀྲུ་སྐབས་དུག་འདོན་བྱེད་ཀྱི་རྫས་ཆ་སྐྱེས་པ་དར་མ་ལོ་ཉི་ཤུ་རྩ་གྲངས་ལོན་པའི་དྲི་ཆུ། |
| ཀརྞི་སྒོ་བཞི |
ཀཀྞི་སྒོ་བཞི་དང་འདྲ། |
| ཀརྞི་སྒོ་བཞིའི་མཆོད་རྟེན |
ལྷ་སའི་གཙུག་ལག་ཁང་གི་བྱང་རྒྱུད་ཁྲོམ་ལམ་དུ་སྔར་ཡོད་མཆོད་རྟེན་སྒོ་བཞི་མའི་མིང༌། སྤྱི་ལོ་1368 ལོའི་ གོང་ལ་བོད་ཀྱི་གྲུབ་ཆེན་ཐང་སྟོང་རྒྱལ་པོ་ཡུན་རིང་སྐུ་མཚམས་ལ་བཞུགས་མྱོང་བའི་གནས་ཤིག་ཡིན་པར་གྲགས། |
| ཀརྟི་ཀ |
(ལེགས་སྦྱར།) ཧོར་ཟླ་བཅུ་པ། |
| ཀརྨ |
(ལེགས་སྦྱར) འཕྲིན་ལས་ཀྱི་མིང་། |
| ཀརྨ་དུས་གསུམ་མཁྱེན་པ |
རབ་བྱུང་གཉིས་པའི་ལྕགས་སྟག་ལོར་མདོ་ཁམས་ཏྲེ་ཤོད་གངས་ཀྱི་ར་བར་འཁྲུངས། ལོ་བཅུ་དགུ་པ་ནས་བཟུང་དབུས་སུ་དབུ་ཚད་དང་བཀའ་གདམས་པའི་ལམ་རིམ་སོགས་མང་དུ་གསན། རང་ལོ་སུམ་ཅུ་པར་སྒམ་པོ་བ་ཁུ་དབོན་ལས་གདམས་པ་དུ་མ་མནོས། རབ་བྱུང་གསུམ་པའི་མེ་ཡོས་ལོར་ཁམས་རི་བོ་ཆེར་ཀརྨ་པའི་གདན་ས་བཏབ་པས་ཀརྨ་པ་ཞེས་ཐོགས་ཤིང༌། ཕྱིས་སུ་ལྷ་སའི་ཉེ་འདབས་སྟོད་ལུང་དུ་མཚུར་ཕུ་དགོན་པ་བཏབ་པས་ཀརྨ་པའི་གདན་ས་གོང་འོག་གཉིས་ཞེས་གྲགས། རབ་བྱུང་གསུམ་པའི་ཆུ་གླང་ལོ་དགུང་ལོ་བརྒྱད་ཅུ་རྩ་བཞི་པ་ལ་འདས། |
| ཀརྨ་དེ་བཞིན་གཤེགས་པ |
ཀརྨ་བཀའ་བརྒྱུད་ཞྭ་ནག་པའི་སྐུ་ཕྲེང་ལྔ་པ་འདི་རབ་བྱུང་དྲུག་པའི་ཤིང་བྱི་ལོ་ལ་འཁྲུངས་ཏེ་ཤིང་ལུག་ལོ་ལ་འདས། (1384-1415) མཚན་དངོས་ཆོས་དཔལ་བཟང་པོ་ཡིན། མཚུར་ཕུའི་གདན་ས་བསྐྱངས། རབ་བྱུང་བདུན་པའི་མེ་ཁྱི་ལོར་ཏཱ་མིང་རྒྱལ་པོའི་ཡབ་ཡུམ་གྱི་འདས་མཆོད་ལ་རིས་མེད་ཀུན་སྒྲོལ་གྱི་རིམ་གྲོ་རྒྱ་ཆེར་བསྒྲུབས་པའི་ཡོན་དུ་རྒྱལ་པོས་དེ་བཞིན་གཤེགས་པ་རིན་ཆེན་ཆོས་རྒྱལ་ཞེས་པའི་འཇའ་ས་ཤེལ་ཐམ་བཅས་ཕུལ། |
| ཀརྨ་པ |
1.(ལེགས་སྦྱར) འཕྲིན་ལས་པ།2.ཀརྨ་བཀའ་བརྒྱུད་པའི་བླ་ཆེན་ཀརྨ་རིན་པོ་ཆེའི་སྐུ་འཕྲེང་རིམ་བྱོན་གྱི་མཚན་། 3.ཀརྨ་བཀའ་བརྒྱུད་ཀྱི་གྲུབ་མཐའ་འཛིན་པའི་བླ་མ་དང་མཁན་པོ་སོགས་ལ་ཡང་ཀརྨ་པ་ཟེར། |
| ཀརྨ་པཀྴི་ཆོས་ཀྱི་བླ་མ |
རབ་བྱུང་གསུམ་པའི་ཤིང་བྱི་ལོར་ཁམས་འབྲི་ལུང་དུ་སྐུ་འཁྲུངས་ཤིང་། རབ་བྱུང་ལྔ་པའི་ཆུ་ལུག་ལོར་འདས། (1204-1283) འདི་ཉིད་ཀརྨ་དུས་གསུམ་མཁྱེན་པའི་ཡང་སྲིད་དུ་ངོས་བཟུང་བས་བོད་ལ་བླ་མའི་སྤྲུལ་སྐུ་ངོས་འཛིན་བྱེད་སྲོལ་ཐོག་མ་དེ་ནས་འགོ་ཚུགས། དུས་གསུམ་མཁྱེན་པའི་ཡང་སློབ་སྤོམ་བྲག་པ་བླ་མར་བསྟེན། མེ་ལུག་ལོ་ནས་མཚུར་ཕུར་ཕེབས་ཏེ་ལོ་དྲུག་བཞུགས། སེ་ཆེན་རྒྱལ་པོས་གདན་དྲངས་པ་བཞིན་རོང་ཡུལ་གསེར་སྟོད་དུ་རྒྱལ་པོ་དང་མཇལ། ནང་སོག་ཏུ་འཕྲུལ་སྣང་སྤྲུལ་པའི་ལྷ་ཁང་བཞེངས། རབ་བྱུང་བཞི་པའི་མེ་འབྲུག་ལོར་མོང་གོར་རྒྱལ་པོས་གདན་དྲངས་ཏེ་གུ་ཤྲིའི་གསེར་ཐམ་དང་ཞྭ་ནག་གསེར་མདོངས་ཅན་གནང་བས་ཀརྨ་པཀྴི་ཞེས་གྲགས། པཀྴི་ཞེས་པ་སོག་སྐད་དུ་སློབ་དཔོན་ཟེར། ལྕགས་སྤྲེལ་ལོར་མོང་གོར་རྒྱལ་པོ་འདས། གོ་བེ་ལ་གཅེན་གཅུང་ནང་མ་འཆམས་པ་དང་འབྲེལ་ཚུལ་གྱི་དབང་གིས་བཙོན་དུ་བཟུང་ཞིང་རྒྱང་འབུད་བཏང༌། ཤིང་བྱི་ལོར་གུ་ཡངས་བྱུང་སྟེ་དབུས་སུ་ཕེབས་པའི་ལམ་བར་མདོ་ཁམས་སུ་བསྟན་པ་ལོ་བརྒྱད་སྤེལ། དེ་ནས་མཚུར་ཕུར་བྱོན། དགོན་པ་རྒྱ་ཆེར་བསྐྲུན། |
| ཀརྨ་བཀའ་བརྒྱུད |
དྭགས་པོ་ལྷ་རྗེའི་སློབ་མ་དུས་གསུམ་མཁྱེན་པ་ནས་བརྒྱུད་པའི་གྲུབ་མཐའི་ཆོས་བརྒྱུད་ཀྱི་མིང་། |
| ཀརྨ་མི་བསྐྱོད་རྡོ་རྗེ |
ཀརྨ་ཞྭ་ནག་པའི་སྐུ་ཕྲེང་བརྒྱད་པ། རབ་བྱུང་དགུ་པའི་མེ་ཡོས་ལོར་འཁྲུངས། ཤིང་སྟག་ལོ་ལ་འདས།(1507-1554) དཔའ་བོ་གཙུག་ལག་ཕྲེང་བའི་སློབ་དཔོན་ཡིན། རིག་གནས་ཐམས་ཅད་ལ་མཁས་པས་ལེགས་བཤད་གསུང་རྩོམ་ཤིན་ཏུ་མང༌། |
| ཀརྨ་རང་བྱུང་རྡོ་རྗེ |
ཀརྨ་དུས་གསུམ་མཁྱེན་པའི་སྐུ་ཕྲེང་གསུམ་པའི་མཚན་ཏེ། རབ་བྱུང་ལྔ་པའི་ཤིང་སྤྲེལ་ལོ་ལ་འཁྲུངས། (1284-1339) ས་ཡོས་ལོར་འདས། ཀརྨ་པཀྴིའི་སློབ་མ་ཨུ་རྒྱན་པ་རིན་ཆེན་དཔལ་གྱི་སློབ་མ་ཡིན། ཁམས་དང་དབུས་ཕྱོགས་སུ་གཙུག་ལག་ཁང་དུ་མ་གསར་བཞེངས་དང་ཉམས་གསོ། ཟམ་པ་གསར་འཛུགས་སོགས་ཀྱིས་འགྲོ་དོན་མཛད། རབ་བྱུང་དྲུག་པའི་ལྕགས་ལུག་ལོར་པེ་ཅིན་ལ་ཕེབས་ཏེ་རྒྱལ་པོ་དང་བཙུན་མོ་ལ་དུས་འཁོར་གྱི་དབང་ཆེན་བསྐུར། ཤིང་ཁྱི་ལོར་རི་བོ་རྩེ་ལྔ་བརྒྱུད་ནས་དབུས་སུ་བྱོན་ཏེ་བསམ་ཡས་གཙུག་ལག་ཁང་དུ་བཞུགས། བཀའ་བསྟན་བོད་དུ་འགྱུར་རོ་ཅོག་གསར་དུ་བཞེངས། མདོ་སྔགས་གཉིས་ཀྱི་བསྟན་བཅོས་དང༌། རྩིས་གཞུང་ཀུན་བཏུས་སོགས་མང་དུ་བརྩམས། མེ་བྱིར་རྒྱལ་པོའི་བཀའ་ལྟར་སླར་པེ་ཅིན་དུ་ཕེབས། དེའི་སློབ་མ་གྲགས་པ་སེང་གེ་ནི་ཞྭ་དམར་པའི་སྐུ་ཕྲེང་དང་པོ་ཡིན། |
| ཀརྨ་རབས་བརྒྱད |
བཀའ་བརྒྱུད་པའི་བླ་མ་རིམ་བྱོན་ཀརྨའི་མཚན་ཅན་བརྒྱད་དེ་ཀརྨ་དུས་གསུམ་མཁྱེན་པ། ཀརྨ་པཀྴི། ཀརྨ་རང་བྱུང་རྡོ་རྗེ། ཀརྨ་རོལ་པའི་རྡོ་རྗེ། ཀརྨ་དེ་བཞིན་གཤེགས་པ། ཀརྨ་མཐོང་བ་དོན་ལྡན། ཀརྨ་ཆོས་གྲགས་རྒྱ་མཚོ། ཀརྨ་མི་བསྐྱོད་རྡོ་རྗེ་རྣམས་སོ། ། |
| ཀརྵ་པ་ན |
(ལེགས་སྦྱར) སྔར་རྒྱ་གར་དུ་དངུལ་གྱི་ཚབ་ཏུ་སྤྲོད་ལེན་བྱེད་པའི་མགྲོན་བུ་ཞིག་དངུལ་ཞོའམ་ཊམ་གྱི་དོད་ཡིན། |
| ཀལྤ |
(ལེགས་སྦྱར) དུས་ཀྱི་བསྐལ་བ། |
| ཀསྨིར |
(ལེགས་སྦྱར) རྒྱ་གར་བྱང་ཕྱོགས་ཁ་ཆེའི་ཡུལ་ཞིག་གི་མིང་། |
| ཀཱ་ཀ་རུ |
(ལེགས་སྦྱར།) སྡིག་སྲིན་གྱི་མིང་། |
| ཀཱ་ཀོ་ལ |
(ལེགས་སྦྱར།) 1. བྱ་རོག་ཆེན་པོའི་མིང་།2. དུག་ཀཱ་ཀོ་ལ་སྟེ་བཙན་དུག |
| ཀཱ་ཏྱཱ་ཡ་ན |
ཀ་ཏྱའི་བུ་དང་འདྲ། |
| ཀཱ་ཡཿ |
(ལེགས་སྦྱར།) སྐུའི་མིང་། |
| ཀཱ་རི་ཀ |
(ལེགས་སྦྱར།) བསྟན་བཅོས་ཀྱི་ནང་དོན་དང་གོ་རིམ་ལྟར་དབྱེ་བ་དགར་བའི་དོན་ཚན་གྱི་མིང་ཚིག་ལེའུར་བྱས་པ། |
| ཀཱ་ལི |
1.(ལེགས་སྦྱར།) ཀ་ཕྲེང་སྟེ་གསལ་བྱེད་ཡི་གེའི་སྡེ་ཚན། 2.བོད་ཡིག་གསལ་བྱེད་སུམ་ཅུའི་སྤྱི་མིང་ཡིན་ཏེ། ཀཱ་ལི་སུམ་ཅུ་ཐམ་པའོ་ཞེས་པ་ལྟ་བུ། |
| ཀི |
1.ཀི་སྒྲའི་མིང་སྟེ། (དཔེར་ན།) ཀི་བཏབ་ནས་འབོད་པ་ཞེས་པ་ལྟ་བུ། 2.མིང་མཐར་འཇུག་པ་ནི། (དཔེར་ན།) ཡ་ཀི། མ་ཀི། ཕ་ཀི། སྤྱང་ཀི། ཨང་ཀི་ཞེས་པ་ལྟ་བུ། |
| ཀི་ཀང |
1.གཟའ་རཱ་ཧུ་ལའི་བྱ་རོག་མགོ། 2.ས་བདག་ཅིག |
| ཀི་ཀི |
སྐད་ཕྱུངས་ནས་སྒྲོག་པའི་འབོད་བརྡ་ཞིག་སྟེ། (དཔེར་ན།) ཀི་ཀི་བསྭོ་བསྭོ་དགའ་བའི་ང་རོ་སྒྲོགས་ལྟ་བུ། |
| ཀི་ཀི་བསྭོ་བསྭོ |
ལྷ་གསོལ་སྐབས་ལྷའི་མགོ་འཕང་བསྟོད་བྱེད་དུ་སྒྲོག་པའི་སྒྲ་ཞིག |
| ཀི་ཀུ |
བོད་ཡིག་དབྱངས་བཞིའི་དང་པོ་ཨི་མཚོན་བྱེད་ཀྱི་རྟགས་ (ི) འདིའི་མིང་། |
| ཀི་ལི་ཀི་ལ |
(ལེགས་སྦྱར) གསང་སྔགས་ཀྱི་ཡི་དམ་ཕུར་པ། |
| ཀི་ལི་ཀི་ལིའི་སྒྲ་ཅན |
དུར་ཁྲོད་ཆེན་པོ་བརྒྱད་ཀྱི་ནང་གསེས་ཤིག |
| ཀི་ལྡིར |
མི་མང་པོས་མཉམ་དུ་ཀི་སྒྲ་འབྱིན་པ་སྟེ། (དཔེར་ན།) མི་མང་པོས་ཀི་ལྡིར་བྱས་ནས་སྤྱང་ཀི་འདེད་ཅེས་པ་ལྟ་བུ། |
| ཀི་ཧི་ཧི |
1.དཔའ་ངར་སྐྱེད་བྱེད་ཀྱི་སྐད་གསང་མཐོན་པོ་ཞིག 2. སྙད་བརྐོ་བའི་སྒྲ་ཞིག |
| ཀིང་ཀང |
(རྒྱ་སྐད) རྡོ་རྗེ། |
| ཀིང་ཤུ་ཀ |
ཀེང་ཤུ་ཀ་དང་འདྲ། |
| ཀིན |
སྤར་ཁ་བརྒྱད་ཀྱི་དྲུག་པ། |
| ཀིམ་པ་ཀ |
(ལེགས་སྦྱར) འབྲས་བུ་ལྟ་ན་སྡུག་ཅིང་རོ་མངར་ལ་ཟོས་ན་འཆི་བའི་དུག་རིགས་ཀྱི་ཤིང་ཞིག (དཔེར་ན།) ཡིད་བརྟན་མི་རུང་སྲིད་པའི་ཕུན་ཚོགས་འདི། རྒྱལ་བའི་དབང་པོས་ཀིམ་པའི་འབྲས་འདྲར་གསུངས་ཞེས་པ་ལྟ་བུ། |
| ཀིམས་ཤིང་ཀོང་ཅོ |
གྱིམ་ཤིང་ཀོང་ཇོ་ཡི་འབྲི་ཚུལ་གཞན་ཞིག |
| ཀིའུ |
1. སྒོག་པ་ཆུང་རིགས་ཤིག 2.ཐག་རིང་ནས་འབོད་པའི་བརྡ་ཞིག |
| ཀུ |
1.གུ་ལ་ལྟོས། 2.འདྲེ་གདོན་ཞིག་གི་མིང་། |
| ཀུ་ཀུ |
སྒྲའི་བྱེ་བྲག་ (དཔེར་ན།) ཁུ་བྱུག་ཀུ་ཀུ་གྲགས་ལྟ་བུ། |
| ཀུ་ཀུ་བུ་ཤི |
(ཡུལ་སྐད།) ཏི་ཏི་ཀུ་ཀུ། |
| ཀུ་ཅོ |
འུར་སྐད་དམ་དོན་མེད་དུ་སྒྲོག་པའི་སྐད་སྒྲ་ཆེན་པོའི་དོན་ཏེ། (དཔེར་ན།) ཆུ་ཕྲན་རྟག་ཏུ་ཀུ་ཅོ་ཆེ། རྒྱ་མཚོ་ཀུ་ཅོ་ག་ལ་སྒྲོག ། ཁྱི་རྒན་ཀུ་ཅོ་འདོན་པ་ན། རྒྱུ་མཚན་མེད་པར་གཞན་དག་རྒྱུག་ཅེས་པ་ལྟ་བུ། |
| ཀུ་ཅོ་ཅ་ཅོ |
མི་མང་པོས་བབ་ཅོལ་དུ་སྒྲོག་པའི་སྐད་སྒྲ་ཆེན་པོ། |
| ཀུ་ཅོ་དི་རི་རི |
དོན་མེད་པའི་སྐད་སྒྲ་ཆེན་པོ་འདོན་སྟངས་ཏེ། (དཔེར་ན།) དོན་མེད་ཀྱི་ཀུ་ཅོ་དི་རི་རི་བྱེད་པ་ལྟ་བུ། |
| ཀུ་ཐུག |
(བྱེད་མེད་ལས་ཚིག) ཐབས་ཟད་པའི་དོན་ཏེ། (དཔེར་ན།) དགྲ་དམག་ཀུ་ཐུག་ནས་མགོ་བཏགས་ལྟ་བུ། |
| ཀུ་དམ |
ཀུ་བའི་དམ་འབི། ཆང་རག་གམ་སྣུམ་སོགས་བླུག་སྣོད། |
| ཀུ་དིང་ངེ |
ཀུ་ཅོ་དིང་ངེ་སྟེ་དོན་མེད་པའི་སྐད་སྒྲ་ཆེན་པོ་འདོན་སྟངས་ཤིག་གི་མིང་། |
| ཀུ་དིར |
མི་མང་པོའི་སྐད་སྒྲ་འདོན་སྟངས་ཤིག |
| ཀུ་དིར་བཞད་སྒྲ |
རྒྱོབ་སོད་ཀུ་དིར་བཞད་སྒྲ་མཚང་འབྲུའི་ཚིག |
| ཀུ་དོག |
(བརྡ་རྙིང་།) གུ་དོག |
| ཀུ་བ |
ཀ་པེད་ལ་རིགས་གཉིས་ཡོད་པའི་རིགས་ཤིག་གི་མིང་སྟེ། (དཔེར་ན།) འབྲས་བུའི་སྟེང་ན་རྐེད་ཉག་ཡོད་པ་ཞིག་ཡིན། |
| ཀུ་བ་ལ |
ཨུཏྤལ་སྤྱིའི་མིང༌། |
| ཀུ་བའི་གཟིངས |
སྒྲུང་ནང་གསལ་བ་ཀྭ་ཀྭ་ཟེར་བའི་འབྲས་བུ་བཤགས་ནས་བཟོས་པའི་གྲུ་གཟིངས། |
| ཀུ་བེ་ར |
(ལེགས་སྦྱར) རྣམ་སྲས་རྟ་བདག་བརྒྱད་ཀྱི་གྲས་ཤིག |
| ཀུ་མ་ར་ཏ |
(ལེགས་སྦྱར།) དུས་རབས་གཉིས་པའམ་གསུམ་པ་ཙམ་ལ་རྒྱ་གར་ནུབ་ཕྱོགས་སུ་འཁྲུངས་པའི་རིགས་པའི་རྗེས་འབྲང་གི་མདོ་སྡེ་བའི་སློབ་དཔོན་ཞིག |
| ཀུ་མཱ་ར |
(ལེགས་སྦྱར།) གཞོན་ནུ། |
| ཀུ་མཱ་ར་ཤི |
འདི་ཀུ་མཱ་ར་ཛི་བ་ཞེས་པའི་ཟུར་ཆག་སྟེ་སྔར་ལི་ཡུལ་ལས་བྱུང་བའི་ལོ་ཙཱ་བ་ཆེན་པོ་ཞིག་ཡིན། འདིའི་ཡབ་རྒྱ་གར་བ་ཡིན་ཡང་ལི་ཡུལ་བྱང་རྒྱུད་ཀྱི་རྒྱལ་པོ་ཞིག་གི་མག་པར་གྱུར་པས་ལོ་ཆེན་འདི་ལི་ཡུལ་དུ་ཤིང་འབྲུག་ལོར་འཁྲུངས། (344-413)དགུང་ལོ་བདུན་ཅུ་ལ་འདས། ཆུང་དུས་སུ་རབ་ཏུ་བྱུང་ཞིང༌། མཚན་གཞོན་ནུ་ཚེ་རིང་ཞེས་བཏགས། ཁ་ཆེའི་ཡུལ་དུ་ལེགས་སྦྱར་སྐད་དང་ཐེག་དམན་གྱི་ཆོས་སྦྱངས། ཕྱིས་སུ་ཐེག་ཆེན་ལ་ཞུགས་ཏེ་དབུ་མའི་ལྟ་བ་ལ་མཁས་པ་ཆེན་པོ་བྱུང༌། ལྱང་ཅུ་སྡེ་བཞིར་ཡུན་རིང་བཞུགས་ཏེ་རྒྱ་བོད་ཀྱི་སྐད་ཡིག་ལའང་བྱང་ཆུབ་པར་མཛད། དགུང་ལོ་ང་བདུན་པའི་དུས་སུ་ཡའོ་ཆིན་རྒྱལ་པོ་ཧུང་ཤིའི་ཁྲི་ལོ་གསུམ་པར་རྒྱལ་ས་ཁྲང་ཨན་དུ་གདན་དྲངས། དེར་ལོ་བཅུ་གསུམ་གྱི་རིང་ལ་རྡོ་རྗེ་གཅོད་པ་སོགས་ཤེར་མདོ་ཆེ་ཆུང་དང༌། དམ་པའི་ཆོས་པད་མ་དཀར་པོ། དྲི་མེད་གྲགས་པས་བསྟན་པ་སོགས་མདོ་སྡེ་དུ་མ་དང༌། མགོན་པོ་ཀླུ་སྒྲུབ་ཀྱི་དབུ་མ་རྩ་ཤེས། དབུ་མ་སྒོ་བཅུ་གཉིས་པ། ཨརྱ་དེ་བའི་དབུ་མ་བརྒྱ་པ་ལེའུ་བཅུ། གཞན་ཡང་རྒྱ་ནག་ཏུ་ཀླུ་སྒྲུབ་ཀྱིས་མཛད་པར་གྲགས་པའི་ཤེར་ཕྱིན་ཆེན་མོ་བམ་པོ་བརྒྱ་པ་བཅས་བཀའ་བསྟན་བམ་པོ་སུམ་བརྒྱ་གྱ་བཞི་བསྒྱུར། སློབ་མ་མང་པོ་བསྐྱངས། |
| ཀུ་མུ་ད |
ཀུ་མུད་དང་འདྲ། ཚ་བའི་ཁུལ་དུ་སྐྱེ་བའི་རྩི་ཤིང་མེ་ཏོག་དཀར་ཞིང་མཛེས་པ་ཞིག་གི་མིང་ཡིན་ཞིང་། མཚན་མོ་ཟླ་བ་ཤར་ཚེ་མེ་ཏོག་ཁ་འབྱེད་པ་དང་། ཉིན་མོ་མེ་ཏོག་ཁ་ཟུམ་པ་ཞིག་ཡིན་པར་གྲགས། |
| ཀུ་མུཏ |
ཀུ་མུད་དང་འདྲ། |
| ཀུ་མུད |
1.(ལེགས་སྦྱར།) འདམ་ལས་སྐྱེས་པའི་མེ་ཏོག་ཅིག་མཚན་མོ་ཟླ་བ་ཤར་ཚེ་འདབ་མ་ཁ་འབྱེད་ཅིང༌། ཉིན་མོ་ཉི་མ་ཤར་ཚེ་མེ་ཏོག་ཁ་ཟུམ་པ་ཞིག་ཡིན་པར་གྲགས། མིང་གི་རྣམ་གྲངས་ལ་དགུན་ཟླ་ཐ་ཆུང་སྐྱེས་དང༌། ཆུ་སྐྱེས། སྟེང་འཐུང་དཀར་པོ། འདབ་མའི་མཛོད། མཚན་མོ་བཞད། ཟླ་བ་དགའ། ཟླ་བའི་དྲི། ས་དགའ། ས་སྒྲོག ས་སྟོབས། སའི་གདུ་བུ། ས་མོས། སི་ཏ། ཨུཏྤལ་དཀར་པོ་བཅས་སོ། ། 2. ཀུ་མུ་ད་ཡི་འབྲི་ཚུལ་གཞན། |
| ཀུ་མུད་གཉེན |
(མངོན་བརྗོད།) ཟླ་བའི་མིང་། |
| ཀུ་མུད་དགྲ |
(མངོན་བརྗོད།) ཉི་མའི་མིང་། |
| ཀུ་མུད་ཕན |
(མངོན་བརྗོད།) ཟླ་བའི་འོད་ཟེར་གྱི་མིང་། |
| ཀུ་མུད་ལོ་མ |
(མངོན་བརྗོད།) ཤིང་ཡོངས་འདུ་ས་བརྟོལ་གྱི་མིང་། |
| ཀུ་ཙན་དན |
ཙན་དན་ངན་པ། |
| ཀུ་ཡ |
མིའི་གཅིན་གྱི་སྙོག་ཆའི་མིང་ནད་ཅན་ནད་མེད་གང་གི་དྲི་ཆུའི་ནང་དུ་འབྱུང་ཞིང་ཆུའི་རང་མདོག་གིས་བསྒྱུར་མི་བཏུབ་པ་ལྦུ་བའི་དབྱིབས་ལྟར་ཆེ་ཆུང་སྲོ་མ་ཙམ་སོགས་མདོག་ཤས་ཆེར་སྐྱ་ཞིབ་ཞིབ་ཏུ་ཆུ་ཡི་སྟེང་འོག་བར་བཅས་ལ་གནས་ལ། ནང་གསེས་སུ་དབྱེ་ན་དབྱིབས་མ་ངེས་པ་སྤུ་དང༌། བལ་འདབ། སྤྲིན་འདྲ་བ་སོགས་དང༌། མདོག་ཀྱང་ནད་ཁམས་ཀྱི་དབང་གིས་སྣ་ཚོགས་སྣང་ངོ་། ། |
| ཀུ་ཡངས་དོག |
(བརྡ་རྙིང་།) གུ་ཡངས་དོག་དོན་འདྲ། |
| ཀུ་རུ |
1.སྣམ་བུའི་རྒྱུ་སྒྲིམ་བྱེད་ལག་ཆ་འཕང༌། 2.བོང་བུ། |
| ཀུ་རུ་ཀུ་ལེ |
(ལེགས་སྦྱར།) རིག་བྱེད་མ་ས་སྐྱའི་གསེར་ཆོས་སོགས་ལས་བྱུང་བའི་དབང་གི་ལྷ་མོ་ཞིག |
| ཀུ་རུ་ཀུ་ལླེ |
ཀུ་རུ་ཀུ་ལེ་དང་འདྲ། |
| ཀུ་རུ་ཁ |
1.ཁྲམ་རྟགས་ཏེ་རྟགས༌འདི་ (྾) ལ་ཟེར། 2.ཀོ་རུ་ཁ་ཡི་འབྲི་སྲོལ་གཞན། |
| ཀུ་རེ |
1.བསམ་བཞིན་གད་མོ་སློང་བའི་སྐད་ཆའི་མིང་གཏམ་གྱི་ཐོག་མར་ཀུ་རེ་བཤད་ལྟ་བུ། 2.བསམ་བཞིན་གད་མོ་སློང་བའི་བྱ་བ་བྱས་པ་ལའང་ཀུ་རེ་རྩེ་ཟེར། |
| ཀུ་ལུང |
སྔོ་ཞིག |
| ཀུ་ཤ |
(ལེགས་སྦྱར) ངན་སེལ་ལམ་རྩྭ་མཆོག་རྩྭ་གྲ་མ་ཅན་ཞིག་རོ་མངར་ལ་བསྐ། ཞུ་རྗེས་སྙོམས། ནུས་པས་ཚེ་རིང་དུ་སྲིང་བ་དང༌། ལུས་ཟུངས་རྒྱས་པར་བྱེད། མིང་གི་རྣམ་གྲངས་ལ་ཁྲུས་རྩྭ་དང༌། ངན་སེལ། མཆོད་སྦྱིན་རྒྱན། དག་བྱེད། བདུད་འདུལ་ལྡན། གཙང་བྱེད། རྩྭ་མཆོག་རྩྭ་དབང༌། ས་གནས་བཅས་སོ། ། |
| ཀུ་ཤ་གཙང་བསྲེལ |
རྩྭ་ཀུ་ཤ་གདན་འོག་ཏུ་བཏིང་ནས་གཙང་སྦྲ་མཚོན་པར་བྱེད་ཚུལ་ཞིག |
| ཀུ་ཤ་བྷནྡྷ |
(ལེགས་སྦྱར།) 1>ངན་སིལ་བདེ་སྐྱོང་རྩྭ་ཀུ་ཤའི་འབྲས་བུ་སྨིན་པ་ལས་བྱུང་བའི་རིན་པོ་ཆེའི་རིགས་ཤིག་ནུས་པས་རིམས་ནད་སེལ་བར་བྱེད། 2>དུང་གཡས་འཁྱིལ་གྱི་མིང་གཞན་ཞིག |
| ཀུ་ཤ་ལི |
ཀུ་སཱ་ལི་དང་འདྲ། |
| ཀུ་ཤའི་གྲོང |
རྒྱ་གར་གྱི་གྲོང་ཁྱེར་ཞིག་སྟེ་སྔར་སྟོན་པ་ཤཱཀྱ་ཐུབ་པ་མྱ་ངན་ལས་འདས་སའི་ཡུལ་དེའོ། ། |
| ཀུ་ཤུ |
ཤིང་ཏོག་རིགས་ཤིག་གི་མིང་ཡིན་ཞིང་། ཡུལ་ལ་ལར་སིལ་སྔོ་འཇོང་ཟེར་བར་ངོས་འཛིན་པ་དང་། ཤིང་ཏོག་བིམ་པ་སྟེ་རྒྱ་སྐད་དུ་ཕེན་གོ་ཟེར་བར་ངོས་འཛིན་པའང་ཡོད་ལ། ཉིན་མི་ཟེར་བའི་ཤིང་ཏོག་ལ་ངོས་འཛིན་པའང་ཡོད། |
| ཀུ་ཤུའི་ཁམས |
(མངོན་བརྗོད།) མཐིང༌། |
| ཀུ་ས་ར |
(ལེགས་སྦྱར།) ཆོས་རྒྱལ་སྲོང་བཙན་སྐབས་གདན་ཞུས་ལྟར་བོད་དུ་ཕེབས་པའི་རྒྱ་གར་གྱི་སློབ་དཔོན་ཞིག་ཡིན། ཁོང་གིས་རྒྱུད་སྡེ་ཁག་མང་བོད་ཡིག་ཏུ་བསྒྱུར། |
| ཀུ་སཱ་ལི |
(ལེགས་སྦྱར།) 1>དགེ་བ་ཅན། 2>སྤྲང་པོ། |
| ཀུ་སཱ་ལིའི་ཚོགས་གསོག |
གཅོད་ལུགས་ཀྱི་རང་ལུས་སྦྱིན་པར་བཏང་ནས་ཚོགས་གསོག་པའི་ཆོས་སྤྱོད་ཀྱི་མིང་། |
| ཀུ་སྒྲ |
དོན་མེད་པའི་ཀུ་ཅོའི་སྒྲ། |
| ཀུ་ཧྲང |
(ཡུལ་སྐད།) 1>ར་མ། 2>རྐྱང༌། |
| ཀུག |
(རྒྱན་ཚིག) གཞུའི་དབྱིབས་ལྟ་བུ་སྟེ། (དཔེར་ན།) ཚེས་གསུམ་ཚེས་རིས་གཞུ་ལྟར་ཀུག གྲི་ཀུག ཤིང་ཀུག་ཀུག་ཅེས་པ་ལྟ་བུ། |
| ཀུག་ཀུག |
(ཡུལ་སྐད།) ཁུ་བྱུག་སྟེ་དེའི་སྐད་ལ་བརྟེན་ནས་བཏགས་པའི་མིང༌། |
| ཀུང་ཁང |
(རྒྱ་སྐད།) སྦྲག་ཁང་ངམ་སྦྲག་ཚུགས་ཏེ་གཞུང་དོན་མི་སྣ་དང་སྦྲག་ཡིག་སྐྱེལ་མཁན་གྱི་གནས་ཚང༌། |
| ཀུངྐུམཾ |
(ལེགས་སྦྱར།) གུར་གུམ་གྱི་མིང་། |
| ཀུན |
1.(གྲངས་ཚིག) མིང་མཐར་སྦྱར་ན་མང་ཚིག་ལ་འཇུག་པ་ནི། (དཔེར་ན) དོན་ཀུན། ཕྱོགས་ཀུན། དེ་དག་ཀུན། གཞན་ཀུན། དུས་དང་རྣམ་པ་ཀུན། ཉིན་མཚན་ཀུན་ལྟ་བུ། 2.སྤྱི་ཡོངས་སམ་ཐམས་ཅད་ཀྱི་དོན་ལ་འཇུག་པ་ནི། (དཔེར་ན། ) མཐུན་རྐྱེན་ཀུན་འཛོམས། གཞུང་ལུགས་ཀུན་ཆུབ། ཀུན་མཁྱེན། ཀུན་གཟིགས་ཞེས་པ་ལྟ་བུ། 3. ཡི་གེ་འདིའི་མཐར་ཏུའམ་ནས་གང་རུང་ཞིག་སྦྱར་ན་ཚིག་གི་རྒྱན་དུ་འགྲོ་བའི་རབ་ཏུ་དང་ཤིན་ཏུ་སོགས་ཧ་ཅང་གི་དོན་ཡིན་ཞིང༌། དེ་ཡང་སྐད་གསར་བཅད་མ་བྱས་གོང་དུ་ཀུན་ལ་ད་དྲག་ཐོབ་པས་ཏུ་སྒྲ་འབྲི་དགོས་པར་མ་ཟད། ད་ལྟའང་ཏུ་སྒྲ་དངོས་སུ་འབྲི་དགོས། (དཔེར་ན།) ཀུན་ཏུ་སྐྲག་པ། ཀུན་ཏུ་སྐྱོ་བ། ཀུན་ཏུ་བསྐོར་བ། ཀུན་ཏུ་རབ་ཏུ་འཁྲུགས་པ། ཀུན་ཏུ་འུར་འུར། ཀུན་ཏུ་ཤེས་པར་བྱ་བ། ཀུན་ནས་དགོད་པ། ཀུན་ནས་གྲགས་པ། ཀུན་ནས་གནོད་པར་འགྱུར་བ། ཀུན་ནས་མཛེས་པ། ཀུན་ནས་ཡོངས་སུ་གྲུབ་པ་ཞེས་པ་ལྟ་བུ། |
| ཀུན་ཁྱབ |
(མངོན་བརྗོད།) 1>ནམ་མཁའ། 2>ཕྱོགས། |
| ཀུན་ཁྱབ་ཀྱི་དོན་གཞན་བཀོད་པ |
སྙན་ངག་གི་དོན་གཞན་བཀོད་པའི་རྒྱན་གྱི་ནང་ཚན་ཞིག་སྟེ་བསྒྲུབ་བྱ་གྲགས་ཆེ་བའི་དངོས་པོའི་གནས་ཚུལ་ཁྱད་པར་བ་ཞིག་དམ་བཅར་བཀོད་ནས། དེའི་སྒྲུབ་བྱེད་ཀྱི་རྒྱུ་མཚན་དུ་ཀུན་ལ་ཁྱབ་པའི་དོན་གཞན་ཞིག་བཀོད་པའི་རྒྱན་ལ་ཟེར། |
| ཀུན་ཁྱབ་དཔལ་མོ |
(མངོན་བརྗོད། )ནམ་མཁའི་མིང་། |
| ཀུན་གཏུམ |
(མངོན་བརྗོད།) དམངས་རིགས། |
| ཀུན་གཞི |
1.ཀུན་གཞི་རྣམ་ཤེས་ཀྱི་བསྡུས་མིང་། 2.གཤིས་རྒྱུད་དམ་སེམས་རྒྱུད་ཀྱི་དོན་ཏེ། (དཔེར་ན།) གཤིས་རྒྱུད་དུལ་བ་ལ་ཀུན་གཞི་དུལ་བ་ཟེར་བ་ལྟ་བུ། 3.(ཨཱལཱཡཿ) འདུ་བའི་གནས་དང་བཟེད་སྣོད། |
| ཀུན་གཞི་གནས་ཀྱི་འཁོར་ལོ |
རྩ་རྣམས་སྙིང་ཁར་འདུས་ཏེ་གནས་པའི་ས། |
| ཀུན་གཞིའི་རྣམ་ཤེས |
ནང་པ་སངས་རྒྱས་པའི་གྲུབ་མཐའ་སྨྲ་བ་བཞིའི་ནང་ཚན་སེམས་ཙམ་པས་འདོད་པའི་རྣམ་ཤེས་ཚོགས་བརྒྱད་ཀྱི་ནང་གསེས་ཤིག་ངོ་བོ་ནི་མ་བསྒྲིབས་ལུང་མ་བསྟན་པའི་གཙོ་བོའི་རྣམ་ཤེས་གང་ཞིག བག་ཆགས་ཀྱི་བགོ་གཞིར་གྱུར་པ། རྣམ་སྨིན་དང་ས་བོན་ཐམས་ཅད་ཀྱི་རྟེན་དུ་གྱུར་བའི་གཙོ་སེམས། |
| ཀུན་གཟིགས |
1.ཀུན་ཏུ་གཟིགས་པ་སྟེ་ཐམས་ཅད་ལ་ལྟ་བའམ་བལྟས་པ།2.(མངོན་བརྗོད།) སངས་རྒྱས་ཀྱི་མཚན། |
| ཀུན་གསལ |
(མངོན་བརྗོད།) 1. ཉི་མ། 2.ནམ་མཁའ། 3.མེ་ལོང༌། |
| ཀུན་གསོད |
(མངོན་བརྗོད) སྲིན་པོའི་མིང་། |
| ཀུན་གྱི་མཆོག |
སངས་རྒྱས་ཤཱཀྱ་ཐུབ་པས་སྐྱེ་བ་སྔ་མར་སྦྱིན་པའི་ཕར་ཕྱིན་སྤྱོད་སྐབས་ཀྱི་མཚན། |
| ཀུན་གྱིས་བཀུར་བ |
མི་ཐམས་ཅད་ཀྱིས་གོང་དུ་ཁུར་བའམ་མཐོ་སར་བཏེགས་པ། |
| ཀུན་གྱིས་བཀུར་བའི་སྡེ |
མང་པོས་བཀུར་བའི་སྡེ་དང་དོན་གཅིག |
| ཀུན་གྲུབ |
1.དོན་ཐམས་ཅད་གྲུབ་པ། 2.(མངོན་བརྗོད།) སྟོན་དུས་ཀྱི་མིང་། |
| ཀུན་ཉོན་གྱི་དབང་པོ་ལྔ |
སོ་སྐྱེས་རྒྱུད་ཀྱིས་བསྡུས་པའི་ཚོར་བ་ལྔའོ། ། |
| ཀུན་ཏུ |
(བསྣན་ཚིག) རྒྱན་ཚིག་དང་ལས་ཚིག་ལ་ལའི་མགོར་སྦྱར་ན་ཚད་ཆེ་བ་སོགས་ཀྱི་དོན་ཏེ། (དཔེར་ན།) ཀུན་ཏུ་དམར། ཀུན་ཏུ་བསྐྱོད། ཀུན་ཏུ་གཡོས། ཀུན་ཏུ་ཁྱབ། ཀུན་ཏུ་བརྟགས་ལྟ་བུ། |
| ཀུན་ཏུ་གས |
(མངོན་བརྗོད།) སྤང་རྒྱན་མེ་ཏོག་གི་མིང་། |
| ཀུན་ཏུ་བཟང་པོ |
1.ཆ་ཐམས་ཅད་ནས་དགེ་བའམ་ལེགས་པའི་རིགས་རྣམ་པ་ཐམས་ཅད་ཡོངས་སུ་རྫོགས་པ།2.ཆོས་དབྱིངས་དང༌། ཆོས་སྐུ། སངས་རྒྱས་ཀྱི་སྤྱི་མིང་། 3.དེ་བཞིན་གཤེགས་པའི་བྱེ་བྲག་ཅིག4. བྱང་ཆུབ་སེམས་དཔའི་བྱེ་བྲག་ཅིག5.བོན་ལུགས་ཀྱི་ལོངས་སྤྱོད་རྫོགས་པའི་སྐུ། |
| ཀུན་ཏུ་བཟང་པོ་ཞེས་བྱ་བའི་གཟུངས |
རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པའི་བསྟན་བཅོས་ཤིག |
| ཀུན་ཏུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ |
གཟུངས་མདོའི་སྡེ་ཚན་འགྱུར་བྱང་མེད་པ་ཞིག |
| ཀུན་ཏུ་བརྗོད་པའི་ཆོ་འཕྲུལ |
གཞན་གྱི་སེམས་ཤེས་པའི་སྒོ་ནས་ཉེས་དམིགས་དང་ལེགས་པའི་ཡོན་ཏན་གང་ཡིན་པ་དེ་དག་གཞན་གྱི་སེམས་དང་མཐུན་པར་སྟོན་པ། |
| ཀུན་ཏུ་བརྟགས་པའི་མཚན་ཉིད |
མཚན་ཉིད་གསུམ་གྱི་ནང་གསེས། བཏགས་པ་ཙམ་དུ་ཡོད་པ་རང་འཛིན་རྟོག་པས་སྒྲོ་བཏགས་པ་ཡིད་ཀྱི་རྣམ་པར་ཤེས་པ་ཀུན་ཏུ་རྟོག་པ་དེས་གང་ཟག་དང་ཆོས་ཕྱིན་ཅི་ལོག་ཏུ་སྒྲོ་བཏགས་ནས་བདག་དང་བདག་གི་བ་དང་མིང་ལ་སོགས་པ་ཀུན་ཏུ་བཏགས་པ། |
| ཀུན་ཏུ་འཁོར་བའི་རྒྱན |
སྙན་ངག་གི་སྒྲ་རྒྱན་ཡི་གེའི་སྒྲ་འདྲ་བས་ཚིག་རྐང་བརྩེགས་པའི་ཚིགས་བཅད་སྒོར་མོའམ། གྲུ་བཞིའི་དབྱིབས་ཅན་གྱི་ཕྱོགས་ཀུན་ཏུ་འཁོར་བར་བཀོད་པའི་རྒྱན་ཞིག |
| ཀུན་ཏུ་འགྲོ |
(མངོན་བརྗོད།)1.ནེ་ཙོ།2.ཆུ་བོ།3.རླུང༌བཅས་ཀྱི་མིང་། |
| ཀུན་ཏུ་འཇུག་པ |
1.ག་ས་ག་ལ་འགྲོ་བ།2.སྡུག་བདེན། |
| ཀུན་ཏུ་འཇུག་པ་སྒྲོལ་བ |
ལམ་བདེན། |
| ཀུན་ཏུ་འཇུག་བྱེད |
ཀུན་འབྱུང་བདེན་པ། |
| ཀུན་ཏུ་འཇུག་བྲལ |
འགོག་བདེན། |
| ཀུན་ཏུ་འོད |
ས་བཅུ་གཅིག་པ་སྟེ་མངོན་པར་སངས་རྒྱས་པའི་ས། |
| ཀུན་ཏུ་འོད་རྡོ་རྗེའི་ས |
ས་བཅུ་བཞི་ཡི་གྲས་ཤིག |
| ཀུན་ཏུ་རྒྱུ་གནག་ལྷས་ཀྱི་བུ |
སྔར་ཤཱཀྱ་མུ་ནེ་ཞལ་བཞུགས་སྐབས་རྒྱ་གར་གྱི་གྲུབ་མཐའ་སྨྲ་བ་དྲུག་གི་ནང་གསེས་རང་འབྱུང་བའི་སྟོན་པ་འདིས་སེམས་ཅན་ཐམས་ཅད་ཀྱི་བདེ་སྡུག་རྣམས་རྒྱུ་རྐྱེན་ལ་བརྟེན་ནས་བྱུང་བ་མིན་པར་ངང་ཤུགས་ཀྱིས་བྱུང་བར་འདོད། |
| ཀུན་ཏུ་རྒྱུ་སེན་རིང་གིས་ཞུས་པ་ཞེས་བྱ་བའི་མདོ |
ཤོ་ལོ་ཀ་སོ་བདུན་པ་འགྱུར་བྱང་མེད་པའི་མདོ་ཞིག |
| ཀུན་ཏུ་ཤིས་མ |
ལྷ་མོ་ཨུ་མཱཿ |
| ཀུན་ཏུ་སྦྱོར་བ |
ཉོན་མོངས་པ་སྟེ་དེའི་དབང་གིས་ཁམས་གསུམ་ལ་ཡིད་མི་འབྱུང་བས་དགེ་བ་མི་སྤྱོད་ཅིང་མི་དགེ་བ་བསྒྲུབས་པས་ཕྱི་མ་ལ་སྡུག་བསྔལ་དང་ཀུན་ཏུ་སྦྱོར་བར་བྱེད་པ། |
| ཀུན་ད |
1.ཀུན་མུད་ཀྱི་ཟུར་ཆག2.(མངོན་བརྗོད།) ཁུ་བའི་མིང་། |
| ཀུན་དཀྲིས |
ཞི་གནས་དང༌། བཏང་སྙོམས་སྒོམ་སྐབས་སུ་སེམས་ཡང་ཡང་དཀྲི་བར་བྱེད་པའི་ཉོན་མོངས་ཤིང་། དེ་ལ་རྒྱུན་མི་འཆད་པར་སྤྱོད་པ་དང༌། ངོ་ཚ་ཁྲེལ་མེད་དུ་སྤྱོད་པ། དགའ་ཞིང་མགུ་བར་སྤྱོད་པ། ཉེས་དམིགས་སུ་མི་ལྟ་བ་བཅས་ཡན་ལག་བཞི་ཚང་ན་ཆེན་པོ་དང༌། ཉེས་དམིགས་སུ་མི་ལྟ་ཞིང་ཡན་ལག་གཞན་དག་མ་ཚང་ན་འབྲིང་བ། ཡན་ལག་གཞན་དག་ཚང་ཞིང་ཉེས་དམིགས་སུ་བལྟས་ན་ཆུང་བ་བཅས་དབྱེ་བ་གསུམ་ཡོད། |
| ཀུན་དཀྲིས་བཅུ |
ཀུན་དཀྲིས་བརྒྱད་ཀྱི་སྟེང་དུ་ཁྲོ་བ་དང་འཆབ་པ་གཉིས་བསྣན་པས་བཅུའོ། ། |
| ཀུན་དཀྲིས་བརྒྱད |
ཞི་གནས་དང་བཏང་སྙོམས་ཀྱི་དུས་སུ་སེམས་ཡང་ཡང་དཀྲི་བར་བྱེད་པའི་ཉོན་མོངས་པ་བརྒྱད་དེ་རྨུགས་པ་དང༌། གཉིད། རྒོད་པ། འགྱོད་པ། ཕྲག་དོག སེར་སྣ། ངོ་ཚ་མེད་པ། ཁྲེལ་མེད་པ་རྣམས་སོ། ། |
| ཀུན་དགའ |
1.ཐམས་ཅད་ཡིད་དགའ་བ།2.(མངོན་བརྗོད།) ཤིང་སྟག་ལོ། |
| ཀུན་དགའ་བོ |
ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་གྲས་ཤིག་ཡིན་ལ། འདི་ཉིད་མང་ཐོས་མཆོག་ཏུ་གྱུར་པ་དང༌། བསྟན་པའི་གཏད་རབས་གཉིས་པ། བཀའ་བསྡུ་བ་དང་པོའི་སྐབས་སུ་མདོ་སྡེ་འདོན་པ་པོ། གསོ་རིག་གི་རྒྱུད་བཞི་གསུང་སྐབས་ཀྱི་ནང་འཁོར་བཅས་ཡིན། ། |
| ཀུན་དགའ་མཚོ |
མཚོ་སྔོན་ལྷོ་ཕྱོགས་ཆབ་ཆ་ས་ཁུལ་གྱི་མཚོ་ཞིག་གི་མིང་། |
| ཀུན་དགའ་ར་བ |
1.སྐུ་གསུང་ཐུགས་རྟེན་བཞུགས་ཡུལ་གཙུག་ལག་ཁང༌།2.ཆོས་ཁྲི་དྲ་མིག་ཅན།3.དགེ་འདུན་གྱི་ཆོས་ར།4.ལྗོན་ཤིང་དང་མེ་ཏོག་སྣ་ཚོགས་བཏབ་པའི་ར་བའམ་སྐྱེད་མོས་ཚལ། |
| ཀུན་དགའ་ར་བ་པ |
མེ་ཏོག་དང་ལྗོན་ཤིང་གི་ར་བ་སོགས་ཀྱི་བདག་པོའམ་སྲུང་མཁན། |
| ཀུན་དགའ་རྒྱལ་མཚན |
ས་སྐྱ་པཎྜི་ཏའི་མཚན་དངོས། |
| ཀུན་དགའི་གོས |
(མངོན་བརྗོད།) གོས་མཆོག་གམ། གོས་ཡག་ཤོས། |
| ཀུན་དོང |
བཙོང༌། |
| ཀུན་ནས |
(བསྣན་ཚིག) ལས་ཚིག་ལ་ལའི་མགོར་སྦྱར་ནས་རྒྱ་ཆེ་བ་སོགས་ཀྱི་དོན་ཏེ། (དཔེར་ན།) འཕེལ་རྒྱས་བསམ་པས་ཀུན་ནས་བསླངས་ཏེ་རིག་གནས་བསླབས་ལྟ་བུ། |
| ཀུན་ནས་གྲགས་པ |
1.མིང་སྐད་གྲགས་ཆེ་བ།2.བྱང་ཆུབ་སེམས་དཔའ་ཞིག་གི་མཚན། |
| ཀུན་ནས་ཉོན་མོངས་པ |
རྩ་ཉོན་དྲུག་དང་ཉེ་ཉོན་ཉི་ཤུ་རྒྱུ་དང་ཀུན་སློང་ཅི་རིགས་པའི་སྒོ་ནས་དབྱེ་ཞིང་། རྒྱུད་ལ་ལྡན་པའི་གང་ཟག་ལ་གནས་སྐབས་དང་མཐར་ཐུག་གང་རུང་དུ་སྡུག་བསྔལ་འདྲེན་པའི་ཤེས་པའི་དབྱེ་སྒོ་ཞིག་ཡིན། |
| ཀུན་ནས་ཉོན་མོངས་པ་དང་རྣམ་པར་བྱང་བ |
སྡུག་བསྔལ་བདེན་པ་དང་ཀུན་འབྱུང་བདེན་པ་གཉིས་ཀུན་ནས་ཉོན་མོངས་པའི་ཕྱོགས་དང༌། འགོག་ལམ་གཉིས་རྣམ་བྱང་གི་ཕྱོགས་སོ། ། |
| ཀུན་ནས་ཉོན་མོངས་པ་དང་རྣམ་པར་བྱང་བ་དང་ལྡང་བ་ཐམས་ཅད་མཁྱེན་པའི་སྟོབས |
བསམ་གཏན་རྣམ་ཐར་ཏིང་འཛིན་སྙོམས་འཇུག་སོགས་མཁྱེན་པའི་སྟོབས་དང་དོན་གཅིག |
| ཀུན་ནས་ཉོན་མོངས་པའི་བདེན་པ |
ཀུན་འབྱུང་གི་བདེན་པ་ལ་ཟེར། |
| ཀུན་ནས་བཏུས་པ |
ཀུན་བཏུས་དང་དོན་གཅིག |
| ཀུན་ནས་བཟང |
(མངོན་བརྗོད།) རྒྱལ་པོའི་ཕོ་བྲང༌གི་མིང་། |
| ཀུན་ནས་འཁུམས |
(མངོན་བརྗོད།) གུར་གུམ་གྱི་མིང་། |
| ཀུན་ནས་འཁྱུད |
(མངོན) འཁྲི་ཤིང༌གི་མིང་། |
| ཀུན་ནས་འགེགས |
(མངོན་བརྗོད།) བཙུན་མོའི་ཕོ་བྲང༌གི་མིང་། |
| ཀུན་ནས་འབབ |
(མངོན་བརྗོད།) ཆར་བའི་མིང་། |
| ཀུན་ནས་ལྟ་ན་སྡུག་པའི་དཔེ་བྱད |
དཔེ་བྱད་བཟང་པོ་བརྒྱད་ཅུའི་གྲས་ཤིག་འཁོར་ཀུན་ནས་མཛེས་པར་གྱུར་བ་ཉིད་ཀྱིས་སྤྱོད་ལམ་ཐམས་ཅད་མཐོང་ན་མི་མཐུན་པ་མེད་པས་ཀུན་ནས་ལྟ་ན་སྡུག་པ། |
| ཀུན་ནས་སྒོའི་ལེའུ |
འཕགས་པ་ཀུན་ནས་སྒོའི་ལེའུ་བམ་པོ་གཅིག་པ། ཤོ་ལོ་ཀ་ཉིས་བརྒྱ་དྲུག་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། སུ་རེནྡྲ་བོ་དྷི་དང༌། ལོ་ཙཱ་བ་ཡེ་ཤེས་སྡེས་བསྒྱུར་ཅིང་ཞུས་པའི་མདོ་ཞིག |
| ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་ཞེས་བྱ་བའི་གཟུངས |
རྒྱ་གར་གྱི་མཁན་པོ་ཛི་ན་མི་ཏྲ་དང༌། ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བའི་བསྟན་བཅོས་ཤིག |
| ཀུན་ནས་སྣང་བ་བཀོད་པའི་དཔལ |
སངས་རྒྱས་ཤིག |
| ཀུན་ཕན་གྱི་རྒྱན |
འདོད་དོན་འགའ་ཞིག་སྒྲུབ་པ་ལ་ཉེར་ལེན་གྱི་རྒྱུ་ལས་ཀྱང་འཕྲལ་རྐྱེན་གྱི་གྲོགས་ཤིག་ཀུན་ཏུ་ཕན་པར་སྟོན་པའི་སྙན་ངག་གི་རྒྱན་ཞིག |
| ཀུན་བཏགས |
ཀུན་བརྟགས་ཀྱི་འབྲི་ཚལ་གཞན་ཞིག |
| ཀུན་བཏགས་གཉིས |
མཚན་ཉིད་ཆད་པའི་ཀུན་བཏགས་དང༌། རྣམ་གྲངས་པའི་ཀུན་བཏགས་ཏེ་གཉིས། |
| ཀུན་བཏགས་པའི་གཟུགས |
ཡིད་ཀྱི་སྣང་བར་འཆར་བའི་གཟུགས་ཏེ་རྨི་ལམ་དུ་རྟ་གླང་ཁང་བ་སོགས་ཡུལ་ལྔར་སྣང་བ་རྣམས་དང༌། ཏིང་འཛིན་དུ་ས་གཞི་ཀེང་རུས་ཀྱིས་ཁྱབ་པར་སྣང་བ་ལྟ་བུ། |
| ཀུན་བཏུས |
1.ཀུན་ལས་བཏུས་པ་སྟེ་ཕྱོགས་ཐམས་ཅད་ལས་བསྒྲུགས་པ།2.བཏུ་གཞི་བསྟན་བཅོས་ཅི་རིགས་ལས་བསྡུས་པའི་གཞུང་ལུགས་དང་རྩོམ་རིག་སོགས་ཏེ། (དཔེར་ན།) ཆོས་མངོན་པ་ཀུན་བཏུས། བསླབ་པ་ཀུན་བཏུས། ཚད་མ་ཀུན་བཏུས། མདོ་ཀུན་བཏུས་ལྟ་བུ། |
| ཀུན་བདག |
འཇིག་རྟེན་ཡོངས་ཀྱི་བདག་པོ། |
| ཀུན་བདེ་གླིང |
ལྷ་སའི་རྩེ་པོ་ཏ་ལའི་ལྷོ་ནུབ་ཕྱོགས་སུ་རབ་བྱུང་བཅུ་གསུམ་པའི་ཤིང་སྟག་ལོར་ཕྱག་བཏབ་པའི་དགོན་པ་ཞིག་དེའི་བདག་པོ་རྟ་ཚག་ནོ་མི་ཧན་ནམ། རྗེ་དྲུང་ཧོ་ཐོག་ཐུ་ཞེས་པའི་གོ་མིང་འཛིན་པའི་སྐྱེ་ཕྲེང་སྔ་ཕྱི་གཉིས་ཀྱིས་བོད་ཀྱི་སྲིད་སྐྱོང་ཐེངས་གཉིས་བྱས་ཡོད། |
| ཀུན་བདེན |
ཀུན་འབྱུང་བདེན་པའི་བསྡུས་མིང༌། |
| ཀུན་བདེན་གྱི་སྤང་བྱ་བདུན |
འདོད་པའི་ཁམས་འདིར་ཀུན་བདེན་མཐོང་བས་སྤང་བར་བྱ་བ་མ་རིག་པ་དང༌། འདོད་ཆགས། ཁོང་ཁྲོ། ང་རྒྱལ། ཐེ་ཚོམ། ལོག་ལྟ། ལྟ་བ་མཆོག་འཛིན་ཏེ་བདུན། |
| ཀུན་བཟང |
1.ཀུན་ཏུ་བཟང་པོའི་བསྡུས་ཚིག2.མཚོ་སྔོན་བྱང་ཕྱོགས་རྐང་ཚ་ས་ཆའི་རི་བོ་ཞིག་གི་མིང་། |
| ཀུན་བཟང་ཐུགས་ཀྱི་བསྟན་པ |
གསང་སྔགས་རྙིང་ལུགས་ཀྱི་རྫོགས་པ་ཆེན་པོའི་བསྟན་པ། |
| ཀུན་བཟང་མཆོད་སྤྲིན |
བྱང་སེམས་ཀུན་ཏུ་བཟང་པོའི་རྣམ་འཕྲུལ་ལས་བྱུང་བའི་མཆོད་པ་ཕུན་སུམ་ཚོགས་པ། |
| ཀུན་བཟང་འཁོར་ལོ |
སྙན་ངག་སྒྲ་རྒྱན་གྱི་ནང་གསེས་མིང་ཚིག་ཡི་གེ་རེའུ་མིག་ཏུ་བཀོད་ནས་ཡིག་ཕྲེང་དཀྱུས་སུ་མཐར་ཆགས་དང༌། ཕྱོགས་མཚམས་ནས་དབུས་སུ་བཀླག་ཚུལ་སོགས་སྟོན་པའི་འཁོར་ལོ་ཞིག |
| ཀུན་བཟོད |
1.ཀུན་ནས་བཟོད་པ་སྟེ་དཀའ་བའི་ལས་སམ། ཁུར་བཟོད་པའམ། སྲན་ཐུབ་པ།2.(མངོན་བརྗོད) ས་གཞིའི་མིང་། |
| ཀུན་བརྐོས |
(མངོན་བརྗོད།) ཁྲོན་པའི་མིང་། |
| ཀུན་བརྟགས |
ཀུན་ཏུ་བརྟགས་པའི་མཚན་ཉིད་ཀྱི་བསྡུས་མིང༌། |
| ཀུན་བརྟགས་ཀྱི་ཉོན་མོངས་པ |
གྲུབ་མཐའ་ངན་པས་བློ་བསྒྱུར་བའི་དབང་གིས་ཡང་དག་པའི་དོན་ལ་ཕྱིན་ཅི་ལོག་གི་རྟོག་པས་ཀུན་ཏུ་བརྟགས་པའི་སེམས་རབ་ཏུ་མ་ཞི་བར་བྱེད་པའི་ལྟ་བ་ཉོན་མོངས་ཅན་ལ་སོགས་པའོ། ། |
| ཀུན་བརྟགས་ཀྱི་མ་རིག་པ |
གྲུབ་མཐའ་ངན་པའི་ལྟ་བ་ཉོན་མོངས་པ་དང་འདྲེས་པས་དངོས་པོའི་ཚུལ་ཇི་བཞིན་མི་ཤེས་པའི་རྨོངས་པ་ལྟ་བ་ལོག་པ་རྣམས་སོ། ། |
| ཀུན་བརྟགས་པའི་སྟོབས |
ཏིང་ངེ་འཛིན་དང་འགྲོགས་པའི་ཤེས་རབ་ཀྱིས་ཕྱི་ནང་གི་ཆོས་ཐམས་ཅད་སྟོང་བ་དང་བདག་མེད་པར་མཐོང་བས་དེ་ལ་ཆགས་པ་མི་སྐྱེ་བ། |
| ཀུན་བྱང |
ཀུན་ནས་ཉོན་མོངས་པ་དང༌། རྣམ་པར་བྱང་བའི་ཕྱོགས་གཉིས། |
| ཀུན་བྱེད་རྒྱལ་པོ |
1.(མངོན་བརྗོད།) སེམས་སམ་རྣམ་ཤེས།2.སྟོང་པ་ཉིད། 3.ལྷ་ཚངས་པ།4.རྫོགས་ཆེན་གྱི་བརྡ་ཆད་ཅིག་འཁོར་འདས་ཀུན་གྱི་བྱེད་པོའམ་འཁྲུལ་གྲོལ་ཀུན་གྱི་གཞིར་གྱུར་པའི་རང་རིག་བྱང་ཆུབ་ཀྱི་སེམས་ཏེ་གཞི་རྒྱུད་བདེ་བར་གཤེགས་པའི་སྙིང་པོ།5.གསང་སྔགས་རྙིང་མའི་རྒྱུད་སྡེ་ཞིག་གི་བསྡུས་མིང་རྒྱས་པར་བྱས་ན་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལྟ་བ་ནམ་མཁའ་ལྟར་མཐའ་དབུས་མེད་པའི་རྒྱུད་ལེའུ་བརྒྱད་ཅུ་རྩ་བཞི་པ། ཤྲི་སེངྷ་ཀ་ལ་དང༌། བཻ་རོ་ཙ་ནས་བསྒྱུར་བ། |
| ཀུན་མཁྱེན |
ཐམས་ཅད་མཁྱེན་པ། |
| ཀུན་མཁྱེན་ཉི་མའི་གཉེན |
(མངོན་བརྗོད།) ཤཱཀྱའི་རྒྱལ་པོའི་མཚན། |
| ཀུན་མཐོང |
(མངོན་བརྗོད།) མེ་ལོང༌གི་མིང་། |
| ཀུན་ཟ |
(མངོན་བརྗོད།) མེའི་མིང་། |
| ཀུན་འཁོར |
ཀུན་བཟང་འཁོར་ལོའི་བསྡུས་ཚིག |
| ཀུན་འགེངས |
(མངོན་བརྗོད།) ནམ་མཁའི་མིང་། |
| ཀུན་འགེབས |
(མངོན་བརྗོད།) ནམ་མཁའི་མིང་། |
| ཀུན་འགྱེད |
(མངོན་བརྗོད།) ལྷ་ཚངས་པའི་མིང་། |
| ཀུན་འགྲོ |
1.ཀུན་ཏུ་འགྲོ་བ་སྟེ་སེམས་ཐམས་ཅད་ཀྱི་འཁོར་དུ་འགྲོ་བའམ་རྗེས་སུ་འགྲོ་བ།2.(མངོན་བརྗོད།) ནམ་མཁའ།3.སྦྲུལ། |
| ཀུན་འགྲོ་ལྔ |
སེམས་ཐམས་ཅད་ཀྱི་རྗེས་སུ་འགྲོ་བའི་སེམས་བྱུང་ལྔ་སྟེ་ཚོར་བ་དང༌། འདུ་ཤེས། སེམས་པ། རེག་པ། ཡིད་བྱེད་བཅས་སོ། ། |
| ཀུན་འགྲོའི་རྒྱུ |
རྒྱུ་དྲུག་གི་ནང་གསེས་ཤིག་ཁམས་གསུམ་ཐམས་ཅད་དུ་འགྲོ་ཞིང་རྣམ་གྲོལ་ཐོབ་པ་ལ་གེགས་བྱེད་པའི་ཉོན་མོངས་ཅན་གྱི་ཆོས་རྣམས་སྐྱེད་པར་བྱེད་པ་ཕྲ་རྒྱས་ཀྱི་དངོས་པོ་རྣམས་སོ། ། |
| ཀུན་འཇོམས |
1.ཚང་མ་འགེམས་པར་བྱེད་པ།2.སྦྱོར་བ་ཉེར་བདུན་གྱི་ནང་གསེས་ཤིག3.(མངོན་བརྗོད།) ཆུ་སྲིན་ཆེན་པོའི་མིང་། |
| ཀུན་འདར་མ |
རྩ་དབུ་མ་འདི་ལ་བརྟེན་ནས་ཐིག་ལེ་དང༌། རྩའི་བདེ་བ་དང༌། རླུང་གི་བདེ་བ་ཀུན་སྐྱེ་བས་ཀུན་ཞེས་བྱ་ལ། དེ་སྤྱི་ལ་ཁྱབ་པས་འདར་མ་ཞེས་བྱའོ། ། |
| ཀུན་འདུལ་རྔ |
(མངོན་བརྗོད།) རླུང་སྤྱིའི་མིང་། |
| ཀུན་འདྲེན |
(མངོན་བརྗོད།) སངས་རྒྱས་ཀྱི་མཚན། |
| ཀུན་འབྱུང |
སེམས་ཅན་ལས་ཀྱི་བག་ཆགས་བསགས་པ་དེ་དང་དེ་དག་ལྷ་ལ་སོགས་པའི་སེམས་ཅན་གྱི་རིགས་དྲུག་པོ་དེ་དང་དེའི་ནང་ཕན་ཚུན་ཆ་བྱད་དང་རིགས་འདྲ་བར་འབྱུང་བས་ན་ཀུན་འབྱུང་ངོ། ། |
| ཀུན་འབྱུང་གཉིས |
འཕེན་བྱེད་ལས་དང༌། ཉོན་མོངས་གཉིས། |
| ཀུན་འབྱུང་ཆོས་བཟོད |
ཀུན་འབྱུང་ལ་ཆོས་ཤེས་པའི་བཟོད་པ་ མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་གྲས་འདོད་ཁམས་ཀྱི་ཀུན་འབྱུང་བདེན་པར་དམིགས་ནས་བདག་མེད་དུ་རྟོགས་པའི་མཐོང་ལམ་བར་ཆད་མེད་ལམ་གྱི་ཡེ་ཤེས། ། |
| ཀུན་འབྱུང་ཆོས་ཤེས |
ཀུན་འབྱུང་ལ་ཆོས་ཤེས་པ་སྟེ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་གྲས་ཀུན་འབྱུང་ཆོས་བཟོད་དེ་མ་ཐག་ཏུ་འདོད་ཁམས་ཀྱི་ཀུན་འབྱུང་བདེན་པར་དམིགས་ནས་བདག་མེད་དུ་རྟོགས་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས། ། |
| ཀུན་འབྱུང་བདེན་པ |
བདེན་པ་བཞིའི་ནང་གསེས། རང་འབྲས་ཉེར་ལེན་གྱི་ཕུང་པོ་སྟེ་མ་དག་པའི་སྣོད་བཅུད་ཐམས་ཅད་སྐྱེད་བྱེད་ཀྱི་རྒྱུར་གྱུར་པའི་ལས་དང་ཉོན་མོངས་པ་རྣམས་ཏེ། དེ་དག་ནི་སྡུག་བསྔལ་ཀུན་འབྱུང་བ་ནད་ཀྱི་རྒྱུ་ལྟ་བུ་སྤང་བར་བྱ་བ་ཡིན་པ་འཕགས་པའི་གཟིགས་ངོར་མི་བསླུ་བར་སྣང་བས་ཀུན་འབྱུང་འཕགས་པའི་བདེན་པའོ། ། |
| ཀུན་འབྱུང་བདེན་པའི་རྣམ་པ་བཞི |
བདེན་བཞིའི་རྣམ་པ་བཅུ་དྲུག་གི་ནང་ཚན་རྒྱུ་དང་། ཀུན་འབྱུང་། རབ་སྐྱེ། རྐྱེན་བཞི་ལས་དང་ཉོན་མོངས་པས་འཁོར་བའི་སྡུག་བསྔལ་བསྐྱེད་པས་ས་བོན་གྱི་ཚུལ་གྱིས་རྒྱུ་དང༌། ཁམས་གསུམ་རྒྱུད་ལྔ་ཀུན་འབྱུང་བས་ཞིང་ལས་ལོ་ཏོག་འབྱུང་བའི་ཚུལ་གྱིས་ཀུན་འབྱུང་བ་དང༌། ལས་ཉོན་དྲག་པོས་སྡུག་བསྔལ་ཕྲལ་ལ་སྐྱེ་བས་འབྲེལ་བའི་ཚུལ་གྱིས་རབ་སྐྱེ་དང༌། ལས་ཉོན་ལས་ཁམས་གསུམ་གྱི་གནས་སུ་སྡུག་བསྔལ་གྱི་ཕུང་པོ་མངོན་པར་འགྲུབ་ཕྱིར་ཆུ་ལུད་ལྟར་འབྲས་བུ་སྐྱེ་བའི་གྲོགས་བྱེད་པས་རྐྱེན་བཅས་བཞིའོ། ། |
| ཀུན་འབྱུང་རྗེས་བཟོད |
ཀུན་འབྱུང་ལ་རྗེས་སུ་རྟོགས་པའི་ཤེས་པའི་བཟོད་པ་སྟེ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་གྲས་ཀུན་འབྱུང་ཆོས་ཤེས་དེ་མ་ཐག་ཏུ་ཁམས་གོང་མའི་ཀུན་འབྱུང་བདེན་པར་དམིགས་ནས་སྔར་བཞིན་བདག་མེད་དུ་རྟོགས་པའི་མཐོང་ལམ་བར་ཆད་མེད་ལམ་གྱི་ཡེ་ཤེས། ། |
| ཀུན་འབྱུང་རྗེས་ཤེས |
ཀུན་འབྱུང་ལ་རྗེས་སུ་རྟོགས་པའི་ཤེས་པ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་གྲས་ཀུན་འབྱུང་རྗེས་བཟོད་དེ་མ་ཐག་ཏུ་ཁམས་གོང་མའི་ཀུན་འབྱུང་བདེན་པར་དམིགས་ནས་སྔར་བཞིན་བདག་མེད་དུ་རྟོགས་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས། ། |
| ཀུན་འབྱུང་ཤེས་པ |
ཤེས་པ་བཅུའི་གྲས་ཤིག་སྟེ་ཁམས་གོང་འོག་གི་ཀུན་འབྱུང་བདེན་པ་རྟོགས་པར་བྱེད་པའི་ཤེས་པ། ། |
| ཀུན་འཛིན |
(མངོན་བརྗོད།) ས་བྱི་ལོ། |
| ཀུན་འཛིན་མ |
(མངོན་བརྗོད།) ས་གཞིའི་མིང་། |
| ཀུན་ར |
ཀུན་དགའ་ར་བའི་བསྡུས་ཚིག |
| ཀུན་རིག |
1.ཐམས་ཅད་མཐོང་བའམ། ཤེས་པ།2.ཀུན་རིག་རྣམ་པར་སྣང་མཛད་ཀྱི་བསྡུས་ཚིག |
| ཀུན་རིག་པ |
1.(མངོན་བརྗོད།) མཁས་པ།2.ལྷ་མོ་ཞིག |
| ཀུན་རིག་རྣམ་པར་སྣང་མཛད |
གསང་སྔགས་བྱ་རྒྱུད་ཀྱི་ཡི་དམ་ཞིག་གི་མཚན། |
| ཀུན་རྟོག |
1.སེམས་ཀྱི་རྣམ་པར་རྟོག་པ།2.ཀུན་ཏུ་རྟོག་པ་སྟེ་རྟོག་དཔྱོད་བྱེད་པ། |
| ཀུན་རྟོག་འབྱུང |
ཀུན་རྟོག་སྐྱེ་གནས་དང་དོན་གཅིག |
| ཀུན་རྟོག་སྐྱེ་གནས |
1.དྲན་རྟོག་འཆར་བའི་གནས།2.འདོད་ལྷ། |
| ཀུན་རྫོགས་པ |
1.ཐམས་ཅད་ཟད་པ།2.ཐམས་ཅད་མཐར་ཕྱིན་པ། |
| ཀུན་རྫོབ |
ཡང་དག་པའི་གནས་ལུགས་སྒྲིབ་པར་བྱེད་པའམ་འགེབས་པ་ལྟ་བུར་བྱེད་པའི་དངོས་པོ་རྫུན་པ་རྣམས། |
| ཀུན་རྫོབ་ཀྱི་ཀུན་རྫོབ |
ཀུན་རྫོབ་གསུམ་གྱི་ནང་གསེས་ཤིག་སྒྱུ་མ་དང་། སྨིག་རྒྱུ་དང་མིག་ཡོར་ལ་སོགས་པ་སྣང་བ་ལྟར་གྱི་བྱ་བ་བྱེད་མི་ནུས་པའི་མཚན་ཉིད་ཅན་རྣམས། |
| ཀུན་རྫོབ་གཉིས |
ཡང་དག་ཀུན་རྫོབ་དང་ལོག་པའི་ཀུན་རྫོབ་གཉིས། |
| ཀུན་རྫོབ་གསུམ |
ཀུན་རྫོབ་ཀྱི་ཀུན་རྫོབ་དང༌། ཡང་དག་པ་མ་ཡིན་པའི་ཀུན་རྫོབ་དང༌། ཡང་དག་པའི་ཀུན་རྫོབ་བཅས་གསུམ་མོ། ། |
| ཀུན་རྫོབ་དང་དོན་དམ་པའི་བདེན་པ་བསྟན་པ |
བམ་པོ་གཉིས་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང༌། ཛི་ན་མི་ཏྲ་དང༌། ལོ་ཙཱ་བ་བནྡེ་དྷརྨ་ཏཱ་ཤཱི་ལ་སོགས་ཀྱིས་བསྒྱུར་ཅིང་ཞུས་པ། |
| ཀུན་རྫོབ་པ |
སྟོང་ཉིད་ཀྱི་ལྡོག་ཟླ་སྟེ་སྣང་ཕྱོགས་ཀྱི་ཆོས། |
| ཀུན་རྫོབ་བདེན་པ |
བདེན་པ་གཉིས་ཀྱི་ཡ་གྱལ་ཞིག་བྱེ་བྲག་སྨྲ་བས་གང་ཞིག་བཅོམ་པའམ་བློས་ཆ་ཤས་སོ་སོར་བསལ་བ་ན་རང་འཛིན་གྱི་བློ་འདོར་རུང་བའི་ཆོས་སུ་དམིགས་པ་གཟུང་འཛིན་རགས་པ་རྣམས་དང༌། མདོ་སྡེ་བས་རྟོག་པས་བཏགས་པ་ཙམ་དུ་གྲུབ་པའི་ཆོས་སྤྱི་མཚན་རྣམས་དང༌། སེམས་ཙམ་པས་ཐ་སྙད་དཔྱོད་པའི་རིག་ཤེས་ཀྱིས་རྙེད་དོན་ཀུན་བཏགས་དང་གཞན་དབང་གི་ཆོས། དབུ་མ་བས་རང་མངོན་སུམ་དུ་རྟོགས་པའི་མངོན་སུམ་ཚད་མས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་རྟེན་འབྲེལ་སྣང་བའི་ཆོས་སུ་འདོད་པ་བཅས་འདོད་ལུགས་མི་འདྲ་བ་བཞི་ཡོད། |
| ཀུན་རྫོབ་བྱང་ཆུབ་ཀྱི་སེམས |
རགས་པ་བརྡ་ལས་བྱུང་བའི་བྱང་ཆུབ་ཀྱི་སེམས་ཀུན། |
| ཀུན་རྫོབ་རྒྱ་ཆེ་བའི་ལམ་གྱི་རིམ་པ |
བྱམས་སྙིང་རྗེ་བྱང་ཆུབ་ཀྱི་སེམས་སོགས་ཐབས་ཀྱི་ཆ་དང་བསོད་ནམས་ཀྱི་ཚོགས་རྣམས་སོ། ། |
| ཀུན་རྫོབ་རྟོགས་པའི་ཤེས་རབ |
1.རིག་པའི་གནས་ལྔ་ལ་མཁས་པའི་ཤེས་རབ། 2.ཀུན་རྫོབ་བདེན་པའམ་སྣང་བ་རགས་པའི་ཆོས་རྣམས་རྟོགས་པའི་ཤེས་རབ། |
| ཀུན་རྫོབ་ཤེས་པ |
ཤེས་པ་བཅུའི་ཡ་གྱལ་ཞིག་བདེན་པ་མ་མཐོང་གོང་གི་སོ་སོའི་སྐྱེ་བོ་ཐམས་ཅད་ཀྱི་ཤེས་པ། |
| ཀུན་རྫོབ་སེམས་བསྐྱེད |
སེམས་བསྐྱེད་དང་གོ་དོན་གཅིག་པ་སྟེ་སྨོན་པའི་སེམས་བསྐྱེད་དང༌། འཇུག་པའི་སེམས་བསྐྱེད་གཉིས་ཀྱི་སྤྱིའི་མིང༌། |
| ཀུན་ལ་བཀྲ་ཤིས་མ |
(མངོན་བརྗོད།) ལྷ་མོ་ཨུ་མཱཿ |
| ཀུན་ལས་བཏུས་པ |
ཀུན་བཏུས་དང་དོན་གཅིག |
| ཀུན་ལས་རྒྱལ་བ |
1.གཞན་ཐམས་ཅད་ལས་རྒྱལ་བ།2.སངས་རྒྱས་ཤིག་གི་མཚན། |
| ཀུན་ལྡན |
(མངོན་བརྗོད།) ལྕགས་བྱི་ལོ། |
| ཀུན་ལྡན་རས་པ |
རིན་པོ་ཆེ་རྒྱལ་ཚའི་གཅུང་བོ། རབ་བྱུང་གསུམ་པའི་ས་ཕོ་འབྲུག་ལ་གཙང་གི་ཤབ་སྨད་དུ་འཁྲུངས། མེ་མོ་གླང་ལ་གཤེགས། (1148-1217) འདི་ཉིད་ཕག་མོ་གྲུ་པ་རྡོ་རྗེ་རྒྱལ་པོའི་སློབ་མ་ཞིག་ཕག་གྲུ་ལ་གདམས་པ་ཞུས་ཏེ་བསྒོམས་པས་གྲུབ་ཐོབ་ཏུ་གྱུར། ཁྲོ་ཕུར་སློབ་མ་བསྐྱངས་པའི་གཙོ་བོ་ནི་དེའི་དབོན་པོ་ཁྲོ་ཕུ་ལོ་ཙཱ་བ་བྱམས་པའི་དཔལ་ཡིན། |
| ཀུན་ཤེས |
ཡོན་ཏན་ཐམས་ཅད་ཁོང་དུ་ཆུབ་པ། |
| ཀུན་ཤེས་ཀཽཎྜི་ནྱ |
སངས་རྒྱས་ཤཱཀྱ་ཐུབ་པས་བདེན་བཞིའི་ཆོས་འཁོར་སྐོར་སྐབས་འཁོར་ལྔ་སྡེ་བཟང་པོའི་ནང་ཚན་གཅིག |
| ཀུན་ཤེས་གཅིག་རྡུགས |
མང་པོ་ཤེས་ཀྱང་གནད་གཅིག་ཏུ་འདྲིལ་བ་ལ་མི་མཁས་པའམ་ཐོགས་པ། (དཔེར་ན།) ཀུན་ཤེས་གཅིག་རྡུགས་མཁས་པའི་སྐྱོན་ཞེས་པ་ལྟ་བུ། |
| ཀུན་ཤེས་པའི་དབང་པོ |
ཟག་མེད་ཀྱི་དབང་པོ་གསུམ་གྱི་ཡ་གྱལ། སྒོམ་ལམ་པའི་རྒྱུད་ཀྱི་དབང་པོ་དགུ་དེ་དག་ཉིད་ཀྱིས་མི་མཐུན་པ་དང་གཉེན་པོའི་ཕྱོགས་གསལ་བར་བྱེ་བྲག་ཕྱེད་པ་སྟེ་ཀུན་ཤེས་པའོ། ། |
| ཀུན་ཤེས་བྱེད་པའི་དབང་པོ |
ཟག་མེད་ཀྱི་དབང་པོ་གསུམ་གྱི་ཡ་གྱལ། མཐོང་ལམ་པའི་རྒྱུད་ཀྱི་དབང་པོ་དགུ་པོས་མཐོང་སྤང་གི་ཉོན་མོངས་སྤངས་ནས་སྔར་མི་ཤེས་པ་ཀུན་ཤེས་པར་བྱེད་པའོ། ། |
| ཀུན་ཤེས་ལྡན་པའི་དབང་པོ |
ཟག་མེད་ཀྱི་དབང་པོ་གསུམ་གྱི་ནང་གསེས། མི་སློབ་པའི་རྒྱུད་ཀྱི་དབང་པོ་དགུ་པོ་དེ་དག་ཉིད་མཐོང་སྒོམ་གྱི་ཉོན་མོངས་མ་ལུས་པར་སྤངས་ཏེ་ཟད་མི་སྐྱེ་བའི་ཡེ་ཤེས་དང་ལྡན་པའོ། ། |
| ཀུན་སྐྱབས |
1.འགྲོ་བ་རིགས་དྲུག་ཐམས་ཅད་ཀྱི་སྐྱབས་ཡུལ།2.སངས་རྒྱས་ཤིག་གི་མཚན། |
| ཀུན་སྐྱེད་བྱེད |
(མངོན་བརྗོད།) སྙིང༌གི་མིང་། |
| ཀུན་སྟོབས |
གྲངས་གནས་ཤིག |
| ཀུན་སྣང |
ཀུན་ནས་སྣང་བ་བཀོད་པ་སྟེ་སངས་རྒྱས་ཤིག་གི་མཚན། |
| ཀུན་སྣང་དྭངས་བ་ཅན |
(མངོན་བརྗོད།) ལྷ་མིན་མཚོ། |
| ཀུན་སྣང་འབར |
(མངོན་བརྗོད།) ཉི་མའམ། ཉི་མའི་འོད་ཟེར། |
| ཀུན་སྤངས |
1.ཀུན་ནས་སྤངས་པ་སྟེ་ཐམས་ཅད་དོར་བ།2. སྙིང་རྩ་ལྔའི་གཙོ་བོ།3.བྱ་བྲལ་བ།4.(མངོན་བརྗོད།) མྱ་ངན་ལས་འདས་པ། |
| ཀུན་སྤངས་ཐུགས་རྗེ་བརྩོན་འགྲུས |
རབ་བྱུང་བཞི་བའི་ཆུ་ཡོས་ལོ་ལ་འཁྲུངས། རབ་བྱུང་ལྔ་བའི་ཆུ་གླང་ལ་འདས། (1243-1313) ཡུ་མོ་མི་བསྐྱོད་རྡོ་རྗེའི་སློབ་བརྒྱུད་ཡིན། དེས་གཙང་གི་ལྷ་རྩེ་རྫོང་ཁོངས་ཇོ་ནང་དུ་དགོན་པ་བཏབ། དེའི་ཡང་སློབ་དོལ་པོ་བས་གྲུབ་མཐའ་དེ་རྒྱ་ཆེར་སྤེལ་བས་ཇོ་ནང་བ་གྲགས་ཆེན་པོ་བྱུང་བས་བླ་མ་གོང་མ་དག་ཀྱང་ཆེས་བཀུར་འོས་སུ་གྱུར། |
| ཀུན་སྤྱོད |
ཀུན་ཏུ་སྤྱོད་པ་ལུས་ངག་ཡིད་གསུམ་མམ་དེ་གསུམ་གང་རུང་གི་གཡོ་འགུལ་དང་རྒྱུན་ལྡན་ཆགས་པའི་བྱ་སྤྱོད་ལ་ཟེར་། (དཔེར་ན།) རྟོགས་པ་ལྷ་དང་མཉམ་ཡང༌། ཀུན་སྤྱོད་མི་དང་མཐུན་དགོས་ལྟ་བུ། |
| ཀུན་སྤྱོད |
མིའི་བསམ་ཚུལ་སྤྱོད་ཚུལ་གྱི་སྤྱི་མིང་སྟེ། (དཔེར་ན།) ཀུན་སྤྱོད་དག་ཐེར་བྱེད་ལྟ་བུ། |
| ཀུན་སྤྱོད་གཙང་བའི་དཔེ་བྱད |
དཔེ་བྱད་བཟང་པོ་བརྒྱད་ཅུའི་གྲས་ཤིག་ཐུགས་གཙང་བ་ཉིད་ཀྱིས་སྒོ་གསུམ་གྱི་ཀུན་ཏུ་སྤྱོད་པ་ལ་ཉེས་པའི་དྲི་མ་མེད་པས་གཙང་བ། |
| ཀུན་སྤྱོད་དག་ཐེར |
བསམ་བློའི་ཁྱེར་སོ་དང་ལས་ཀ་བྱེད་སྟངས་ཐད་ལ་ཚུལ་བཞིན་དུ་འཆོས་པར་བྱེད་པ། |
| ཀུན་སྤྱོད་མཚུངས |
(མངོན་བརྗོད།) གྲོགས་མོ། |
| ཀུན་སྤྱོད་སྤྱིའི་ཡོན་ཏན་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། (དཔེར་ན།) ཀུན་སྤྱོད་གཙང་བ་དང༌། ཀུན་ནས་ལྟ་ན་སྡུག་པ་དང༌། ཕྱག་ཞབས་དཔལ་བེའུ་སོགས་ཀྱིས་བརྒྱན་པའི་དཔེ་བྱད་བཅས་སོ། ། |
| ཀུན་སྦྱོར |
ཀུན་ཏུ་སྦྱོར་བའི་བསྡུས་མིང༌། |
| ཀུན་སྦྱོར་གསུམ |
མཐོང་ལམ་གྱི་སྤང་བྱར་གྱུར་བའི་ཀུན་ཏུ་སྦྱོར་བ་གསུམ་འཇིག་ལྟ་ཀུན་བཏགས་ཀྱིས་ཐར་པ་ལ་སྐྲག་ནས་འགྲོ་མི་འདོད་པའི་ཀུན་སྦྱོར་དང༌། ཚུལ་ཁྲིམས་དང་བརྟུལ་ཞུགས་མཆོག་འཛིན་གྱིས་ལམ་མ་ཡིན་པ་ལ་ལམ་དུ་འཛིན་པས་ལམ་ནོར་གྱི་ཀུན་སྦྱོར། ལམ་ལ་ཐེ་ཚོམ་བྱས་ནས་ཐར་པའི་གེགས་བྱེད་པས་ཐེ་ཚོམ་གྱི་ཀུན་སྦྱོར་བཅས་གསུམ་མོ། ། |
| ཀུན་སྦྱོར་ཅན |
(མངོན་བརྗོད།) འདོད་ལྷའི་མིང་། |
| ཀུན་སྦྱོར་དགུ |
རྗེས་སུ་ཆགས་པ་དང༌། ཁོང་ཁྲོ་བ། ང་རྒྱལ། མ་རིག་པ། ལྟ་བ། མཆོག་འཛིན། ཐེ་ཚོམ། ཕྲག་དོག སེར་སྣ་བཅས་ཀྱི་ཀུན་སྤྱོད་དགུའོ། ། |
| ཀུན་སྦྱོར་ལྔ |
རྟེན་གྱི་དབྱེ་བས་ཐ་མའི་ཆ་མཐུན་གྱི་ཀུན་སྦྱོར་ལྔ་དང༌། གོང་མའི་ཆ་མཐུན་གྱི་ཀུན་སྦྱོར་ལྔ་ཡོད་དོ། ། |
| ཀུན་སློང |
1.བྱ་བ་གང་ཞིག་བསྒྲུབ་འདོད་པའི་སེམས་ཀྱི་དམིགས་པའམ། བསམ་ཚུལ།2.ཀུན་ནས་སློང་བ་སྟེ་སེམས་སྐྱེད་པ། |
| ཀུན་སློང |
བྱ་སྤྱོད་ཀྱི་སྔོན་ལ་ཐག་བཅད་པའི་རེ་འདུན་གྱི་མིང་སྟེ། (དཔེར་ན།) ཀུན་སློང་བཟང་པོ་དང་ཀུན་སློང་ངན་པ་ཞེས་པ་ལྟ་བུ། |
| ཀུན་སློང་གཉིས |
རྒྱུའི་ཀུན་སློང་དང༌། དུས་ཀྱི་ཀུན་སློང་གཉིས། |
| ཀུམ |
(བྱེད་མེད་ལས་ཚིག) ཤི་བའི་བརྡ་རྙིང་། |
| ཀུམ་ཀུམ |
(རྒྱན་ཚིག) རྐང་ལག་འཁུམ་ཚུལ་ཏེ། (དཔེར་ན།) འཁྱགས་ནས་ཀུམ་ཀུམ་དུ་བསྡད་འདུག་ལྟ་བུ། |
| ཀུམ་པོ |
1.(རྒྱན་ཚིག) བརྒྱངས་པའི་ལྡོག་ཟླ་སྟེ། (དཔེར་ན།) (དཔེར་ན) ལུས་ཀུམ་པོར་ཉལ་བ་ལྟ་བུ། 2.དཔའ་ཞུམ་པའི་ཚུལ་ཏེ། (དཔེར་ན།) དངངས་སྐྲག་གིས་ཀུམ་པོར་གནས་པ། |
| ཀེ |
བོད་ཀྱི་རུས་ཤིག |
| ཀེ་ཀ |
(ཡུལ་སྐད།) བྱ་སྐྲ་ཁའམ། སྐྱ་ཀ |
| ཀེ་ཀེ་རུ |
(ལེགས་སྦྱར།) 1. སྨན་དུ་འགྲོ་བའི་རྡོའི་ནོར་བུ་ཁ་དོག་ལྗང་སེར་ཞིག2. ཚ་བ་ཆེ་བའི་ས་ཁུལ་དུ་སྐྱེ་བའི་ཤིང་ཞིག |
| ཀེ་ཆུ |
ཟླ་ཆུའི་ཡན་ལག་བོད་ཀྱི་འཇོ་མདའ་རྫོང་དང་ཆབ་མདོ་རྫོང་ཁོངས་སུ་ཡོད་པའི་འབབ་ཆུ་ཞིག |
| ཀེ་ཏ་ཀ |
(ལེགས་སྦྱར།) 1>ཆུ་རྙོག་དྭངས་བྱེད་ཀྱི་དངོས་པོ་ཞིག་རྡོ་ནོར་བུ་ཀེ་ཏ་ཀ་ཡང་ཟེར། 2>ཤིང་ཀེ་ཏ་ཀའི་འབྲས་བུ། |
| ཀེ་ཏུཿ |
(ལེགས་སྦྱར།) 1>རྒྱལ་མཚན། 2>སྐར་མ་མཇུག་རིང༌། |
| ཀེ་ཚེ |
སྣུམ་ནག་གི་རྒྱུ་ལོ་ཏོག་གི་རིགས་ཤིག་དེ་གཞུང་རྟ་རིང་པོ་ཁྲུ་གསུམ་བཞི་སྐྱེས་པ་ལས་ཡལ་ག་མང་པོ་གྱེས་ཤིང་མེ་ཏོག་སེར་པོ་བཞད་པ། འབྲས་བུ་གང་བུ་ཅན་གྱི་ནང་ན་ས་བོན་རིལ་ཟླུམ་ཡུང་ཀར་འདྲ་བ་མང་པོ་ཡོད་པ་ཞིག་རེད། ས་བོན་ལའང་ཀེ་ཚེ་ཟེར། |
| ཀེ་ཛི |
ས་དམའ་སར་སྐྱེ་བའི་ཀླུང་སྒོག་ཅིག |
| ཀེ་རུ |
(བརྡ་རྙིང་།) དཀར་པོའི་དོན་ཏེ། (དཔེར་ན།) ལྷ་ཁང་ཀེ་རུ་བྱ་བ་བཞེངས་ཞེས་པ་ལྟ་བུ། |
| ཀེ་རེ |
(རྒྱན་ཚིག) གྱེན་དུ་ལངས་པའི་དོན་ཏེ། (དཔེར་ན།) གཟུགས་པོ་ཀེ་རེར་ལངས། བྲག་རྡོ་ཀེ་རེར་ལངས་པ། |
| ཀེ་རྩེ |
ཀེའུ་ཙེ་དང་འདྲ། |
| ཀེ་ལ་ཤ |
(ལེགས་སྦྱར།) གངས་རི་སྤྱིའི་མིང་། གངས་ཏི་སེའི་མིང་ལའང་འཇུག་པར་བཤད། |
| ཀེ་ལ་ཤའི་རྒྱལ་པོ |
(མངོན་བརྗོད།) གངས་ཏི་སེ། |
| ཀེ་ཤ་ཅན |
(ལེགས་སྦྱར།) འགྲེང་བུ་དང་ན་རོ་ཉིས་བརྩེགས་ཡོད་པའི་ཡི་གེ། |
| ཀེ་ས་ར |
1.(ལེགས་སྦྱར།) མེ་ཏོག་གི་གེ་སར་རམ། ཟེའུ་འབྲུ།2. (མངོན་བརྗོད།) སྐྲའི་མིང་། |
| ཀེག |
དུས་ངེས་ཅན་གྱི་བར་ཆད་ཀྱི་དོན་དུ་གོ་བའི་སྐག་དང་འདྲ། |
| ཀེག |
ཀག་གི་འབྲི་སྲོལ་གཞན། |
| ཀེག་འཕྲང |
ཚེའི་བར་ཆད་དམ་གེགས་ཀྱི་འགག་དོག་པོ། |
| ཀེང་རུས |
ཤ་མེད་པའི་མི་ཕྱུགས་ཀྱི་རུས་ཁོག་ཆ་ཚང་གི་མིང་། |
| ཀེང་རུས་ཀྱི་འདུ་ཤེས |
མི་སྡུག་པ་སྒོམ་སྐབས་ཆགས་ཡུལ་ཀེང་རུས་ཀྱི་རྣམ་པར་འདུ་ཤེས་པའམ་སེམས་པ། |
| ཀེང་རུས་ཅན |
དུར་ཁྲོད་ཆེན་པོ་བརྒྱད་ཀྱི་གྲས་ཤིག |
| ཀེང་ཤུ་ཀ |
1.རྩི་ཤིང་མེ་ཏོག་དམར་པོ་ཤ་མདོག་ལྟ་བུ་བཞད་པ་ཞིག་ཡིན་པར་གྲགས་ཏེ། (དཔེར་ན།) ཀེང་ཤུའི་མེ་ཏོག་ཤ་ཡིན་ཞེས། ཅེ་སྤྱང་མིན་པ་སུ་ཞིག་བསམ་ཞེས་པ་ལྟ་བུ། 2.རྒྱ་སྐྱེགས་ཤིང་ཤིང་དེའི་ཚི་བ་རྒྱ་སྐྱེགས་(ཡུལ་སྐད་དུ་ལ་ཆ་ཟེར)ཡིན་པར་བཤད་འདུག |
| ཀེམ་ཀེམ |
(རྒྱན་ཚིག) 1.ལྷེམ་ལྷེམ་དུ་འགུལ་ཚུལ་ཏེ། (དཔེར་ན།) བྱིའུ་འཆི་ལ་ཁད་པའི་བྲང་ཁོག་ཀེམ་ཀེམ་དུ་འགུལ། བུང་བ་མེ་ཏོག་གི་སྟེང་དུ་ཀེམ་ཀེམ་གཡོ། ནད་ཅན་མིག་གཉིས་ཀེམ་ཀེམ་དུ་ལྟ་ཞེས་པ་ལྟ་བུ། |
| ཀེའུ |
1. རི་སྒོག2.ལོ་མང་སྐྱེ་བའི་རྩྭ་ལྡུམ་རིགས་ཤིག་ལོ་མ་རིང་ལ་ལེབ་མོ་དང་མེ་ཏོག་དཀར་ལ་ས་བོན་ནག་པོ་ཡིན། ལོ་མ་བཟར་རུང་།3.སྔར་བོད་ཀྱི་རིགས་རུས་ཤིག |
| ཀེའུ་ཙེ |
(རྒྱ་སྐད།) གཡུ་བྱུར་སྔོ་ནེ་སོགས་བརྒྱུས་པའི་བུད་མེད་ཀྱི་བྲང་རྒྱན་ཕྲེང་ཞགས་ཤིག |
| ཀེའུ་ཚང |
1.ལྷ་སའི་ཉེ་འཁོར་གྱི་རི་ཁྲོད་ཅིག 2.བྲག་ཕུག་གི་མིང་དུ་བཤད་པའང་ཡོད། |
| ཀེའུ་རྩེ |
ཀེའུ་ཙེ་དང་འདྲ། |
| ཀེར |
(བྱེད་མེད་ལས་ཚིག) གྱེན་དུ་ལངས་པའི་དོན་ཏེ། མཛུབ་མོ་གནམ་ལ་ཀེར་ལྟ་བུ། |
| ཀེར་ཀེར |
(རྒྱན་ཚིག) ལུས་སོགས་དྲང་པོར་གྱེན་དུ་འགྲེང་ཚུལ་ཏེ། (དཔེར་ན།) ཀེར་ཀེར་དུ་ལངས་ནས་ཕྱོགས་སུ་ལྟ། མཛུབ་མོ་ཀེར་ཀེར་བྱས་ནས་བསམ་བློ་གཏོང༌ལྟ་བུ། |
| ཀེར་ཐིག |
ཀེར་དུ་བྲིས་པའི་དྲང་ཐིག |
| ཀེར་བ |
(བྱེད་མེད་ལས་ཚིག) གྱེན་དུ་ལངས་པའམ། འགྲེང་བའི་དོན་ཏེ། (དཔེར་ན།) གཟུགས་པོ་གྱེན་དུ་ཀེར་བ། མཛུབ་མོ་གྱེན་དུ་ཀེར་བ། ཀེར་ལངས་ལྟ་བུ། |
| ཀེར་མོ |
(རྒྱན་ཚིག) 1. ལུས་གཅེར་བུ། 2.ཁེར་རྐྱང་ངམ་གཅིག་པུ། |
| ཀེར་རེ |
(རྒྱན་ཚིག) ཡ་ཡོ་མེད་པར་ལངས་པའི་ཚུལ་ཏེ། (དཔེར་ན།) ལུས་པོ་ཀེར་རེ་ལངས། དར་ཤིང་ཀེར་རེར་བཙུགས་ལྟ་བུ། |
| ཀེར་ལེབ་སྒུར་གསུམ |
ཀེར་ཀེར་མི་དང༌། ལེབ་ལེབ་ས། སྒུར་སྒུར་ཕྱུགས་ཏེ་སྔོན་རབས་སྤྱི་ཚོགས་ཀྱི་དུས་ཡུན་ངེས་ཅན་ཞིག་སྐབས་ཁྲལ་འུ་ལག་འགེལ་སའི་ཡུལ་གསུམ་ཏེ། ཀེར་ལེབ་སྒུར་གསུམ་གྱི་ཁྲལ་རིགས་ཟེར། |
| ཀཻ་ལ་ཤ |
ཀེ་ལ་ཤ་དང་འདྲ། |
| ཀོ |
1.(བརྡ་རྙིང་།) དགར་དང་བརྣན་པའི་ནི་སྒྲའི་འཇུག་ཚུལ་དང་འདྲ་བའི་ཕྲད་ཅིག་སྟེ། (དཔེར་ན།) མདའ་མོ་འཕེན་པར་འདོད་ན་ནི། །ཕུ་ཐུང་དཔུང་བའི་བར་དུ་རྫེས། །ཞེས་པ་ལ། མདའ་མོ་འཕེན་པར་འདོད་ན་ཀོ། །ཕུ་ཐུང་དཔུང་པའི་བར་དུ་རྫེས། །ཞེས་པ་དང་། འདི་ནི་ཞེས་པ་ལ་འདི་ཀོ་དང་། དེ་ནི་ཞེས་པ་ལ་དེ་ཀོ་ཞེས་འབྲི་བ་ལྟ་བུ་ཡིན།2.ཀོ་བ་ཡི་ཚིག་བསྡུས་པ། |
| ཀོ་ཀོ |
(རྒྱ་སྐད།) 1.ཨ་ཇོ།2.ཀོས་ཀོ་ཡི་འབྲི་ཚུལ་གཞན། |
| ཀོ་ཀོ་གཡག |
1.ཕ་གཡག་དང་མ་མཛོ་མོ་ལས་སྐྱེས་པའི་ཕོ་ཕྱུགས་ཤིག2.མི་རིགས་མི་འདྲ་བ་སྒབ་མཐུན་ལས་བྱུང་བའི་བུ་ཕྲུག་ལ་མཐོང་ཆུང་གིས་འདོགས་པའི་མིང་ངན་ཞིག |
| ཀོ་ཀྲད |
1.ལྷམ་གྱི་རྡོག་པའམ་ཀྲད་པ།2.ལྷམ་གྱི་རྡོག་པ་རྙིང་ཧྲུལ་ཨ་ཀྲད། |
| ཀོ་ཁུག |
ཀོ་བའི་ཁུག་མ་ཆུང་ངུ། |
| ཀོ་ཁྲོལ |
ཀོ་རྒྱུན་ལས་བཟོས་པའི་ཁྲོལ་ཚགས། |
| ཀོ་གདན |
ཀོ་བ་ལས་བཟོས་པའི་གདན། |
| ཀོ་གཞོང |
ཀོ་བ་ལས་བཟོས་པའི་གཞོང་པ་རྩི་ཅན། |
| ཀོ་གཟར |
རྟའི་སྒ་སྟན་གྱི་བར་དུ་འཇུག་རྒྱུའི་ཀོ་གདན། |
| ཀོ་གྲུ |
1.ཀོ་བས་བཟོས་པའི་གྲུའི་མིང་སྟེ། (དཔེར་ན།) ཀོ་གྲུ་གཏོང་བ། ཀོ་གྲུའི་སྒྲོལ་འདོན་ལྟ་བུ།2.ཀོ་བ་དང་གྲུའི་བསྡུས་མིང༌། |
| ཀོ་གླ |
ཀོ་གྲུར་ཞུགས་ནས་འགྲོ་སྐྱོད་བྱས་པའི་གླ་དངུལ་ཏེ། (དཔེར་ན།)ཀོ་གླ་མེད་པའི་འགྲུལ་པ་མིན་ཞེས་པ་ལྟ་བུ། |
| ཀོ་ཅི |
(བརྡ་རྙིང་།) ལྷག་བཅས་སྟེ་སོགས་ཀྱི་སྒྲའི་འཇུག་ཚུལ་དང་འདྲ་བའི་ཕྲད་ཅིག |
| ཀོ་ཆུ |
ཀོ་མོག་གི་ཆུའམ། ས་ཀོང་དོང་དུ་འཁྱིལ་བའི་ཆུ། |
| ཀོ་ཆེས་པ |
(བརྡ་རྙིང་།) གོ་བ་ཐལ་དྲགས་པ། |
| ཀོ་ཉེ |
ཀླུ་བདུད་རྡོ་རྗེ་རིགས་གཉིས་ཀྱི་ནང་ཚན་མེ་ཏོག་དཀར་པོ་འཆར་བ་ཞིག |
| ཀོ་ཉེ |
ཀླུ་བདུད་རྡོ་རྗེ་དཀར་པོ་ཡང་ཟེར། དེ་ནི་ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། ལོ་མ་དང་སྡོང་བུ་ལ་དྲི་ཁྱད་པར་བ་ཞིག་ཡོད་པར་སྨན་གཞུང་དུ། བསྣམས་ན་གླང་ཆེན་དྲི་མ་མནམས་ཞེས་བྲིས་འདུག རྩ་བ་ཆིག་རྐྱང་ཀ་ཟླུམ་གྱི་དབྱིབས་ཅན། ཕྱི་ངོས་སེར་སྐྱ་དང་ཁམ་སྐྱ་གཉིས་ཡོད། མདོག་སེར་སྐྱ་ལ་ཀོ་ཉེའམ་ཀླུ་བདུད་རྡོ་རྗེ་དཀར་པོ་ཟེར། མདོག་ཁམ་སྐྱ་ལ་ཀླུ་བདུད་རྡོ་རྗེ་ནག་པོ་ཟེར། སྨན་གཞུང་དུ་གཉིས་ཀའི་སྤྱི་མིང་ལ་ཀླུ་བདུད་རྡོ་རྗེ་ཟེར། རྩ་བ་སྨན་བཟང་པོ་ཞིག་ཡིན། |
| ཀོ་ཊ |
འབྲུ་རིགས་ཐ་མའི་ཐ་མ་བྲ་བོ་ལྟ་བུ། ཟས་མཆོག་ཀོ་ཊ་རྒྱན་མཆོག་མཚོན་ལ་བྱེད། |
| ཀོ་ཐ |
སྔོ་སྨན་གྱི་རིགས་རྩྭ་དྲེས་མའི་རྩ་བ་རོ་མངར་ལ་ཚ། ཞུ་རྗེས་སྙོམས། ནུས་པས་ཤ་དུག་དང༌། སྦྱར་དུག མ་ཞུ་དུག་ཐབས། སྨུག་པོ་བཅས་ལ་ཕན། |
| ཀོ་ཐུམ |
ཀོ་བའི་ནང་དུ་བཏུམས་པའི་ཐུམ་བུ། |
| ཀོ་དམ |
ཀོ་བའི་དམ་བི། |
| ཀོ་ཕུབ |
ཀོ་བས་བཟོས་པའི་མཚོན་ཆ་འགོག་བྱེད། |
| ཀོ་ཕྱར |
ས་ལ་གདིང་བྱའི་ཀོ་བ་མཉེས་མའི་ཕྱར་བ། |
| ཀོ་བ |
1.རྟ་ནོར་གྱི་པགས་པ་སོགས་པགས་པའི་རིགས་མཐུག་པོ་ལ་ཀོ་བ་དང་། ལུག་ལྤགས་སོགས་སྲབ་པ་ལ་པགས་པ་ཟེར་སྲོལ་ཡོད་དེ། (དཔེར་ན།) བ་ལང་གི་ཀོ་བ་དང་། རྟའི་ཀོ་བ། ར་ལུག་གི་པགས་པ་ཞེས་པ་ལྟ་བུ། ཚིག་བསྡུས་ན་ཀོ་ཞེས་འབྲི་སྟེ། གཡག་གི་ཀོ་བ་ལ་གཡག་ཀོ་ཟེར་བ་ལྟ་བུ།2.(ཡུལ་སྐད།) ཆུ་བོ་ལས་སྒྲོལ་བྱེད་ཀྱི་ཡོ་བྱད་དེ་ཀོ་རྐྱལ་ལ་ཡང་ཀོ་བ་ཟེར་སྲོལ་ཡོད། |
| ཀོ་བཏུམས |
ཀོ་བའི་ནང་དུ་དངོས་རྫས་བསྒྲིལ་བའི་དོན་ཏེ། (དཔེར་ན།) མར་ཀོ་བཏུམས་རྒྱག་པ། ཇ་དོ་པོ་ཀོ་བཏུམས་བྱས་པ་ལྟ་བུ། |
| ཀོ་བཟོ་བ |
རྒྱུ་ཀོ་བ་ཡིན་པའི་ཡོ་བྱད་བཟོ་སྐྲུན་བྱེད་མཁན། |
| ཀོ་བའི་འུ་ལག |
སྔར་ཆུ་ཐོག་ནས་ཤིང་ཆ་སྐྱེལ་འདྲེན་བྱེད་པའི་ཁྲལ། |
| ཀོ་བརྩེགས |
(ཡུལ་སྐད།) ལྷམ་ཟོམ་པའི་ཀོ་མཐིལ་བརྩེགས་མ། |
| ཀོ་བསེ |
ཀོ་བ་མཉེས་མའི་སྐྱི་ཤུན་ལ་ཚོན་རྩི་རུང་བཏང་ཡོད་པའི་རིགས། |
| ཀོ་བྱི་ལ |
ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཁྲག་རླུང་སྟོད་འཚང་འཇོམས། གླང་ཐབས་སེལ། དུག་ཚད་ཞི་བར་བྱེད། མིང་གི་རྣམ་གྲངས་ལ་སྔོ་ལེབ་སྤུ་ཅན་དང༌། ལྡུམ་སྟག་ཕུར་ལེབ། བྱ་འཕུར་ལེབ་བཅས་སོ། ། |
| ཀོ་བྱིལ |
ཀོ་བྱི་ལ་དང་འདྲ། |
| ཀོ་མཁན |
1.ཀོ་བའི་ཅ་ལག་བཟོ་མཁན།2.ཀོ་གྲུ་གཏོང་མཁན། |
| ཀོ་མོག |
ཆུ་འཁྱིལ་བའི་ས་ཀོང་དོང༌། |
| ཀོ་ཙེ |
སྐོ་ཙེ་དང་འདྲ། |
| ཀོ་ཚགས |
ཀོ་བས་བཟོས་པའི་ཚགས་མ། |
| ཀོ་ཚལ |
ཀོ་བ་དུམ་བུའམ། ཀོ་ཧྲུག |
| ཀོ་འཕྱགས |
(ཡུལ་སྐད།) ཀོ་ལྤགས་ཡོད་ཚད་སྡུད་ལེན་གྱི་ཁྲལ། |
| ཀོ་འབིགས |
ཀོ་བ་ལ་ཁུང་བུ་འབིགས་བྱེད་ཀྱི་ལག་ཆ་སྙུང་བུ། |
| ཀོ་འབེ |
ཀོ་བ་ལས་བཟོས་པའི་དཀར་བརྩེགས་ཀྱི་ཁེབས་ཏེ་དྲེའུ་དང༌། ཁལ་བོང་སོགས་ཀྱི་སྒ་འོག་ཏུ་བརྒྱག་བྱ་ཞིག |
| ཀོ་འབོ |
ཀོ་བས་བཟོས་པའི་འབོ། |
| ཀོ་འབོག |
ཀོ་བས་བཟོས་པའི་ཁོམ་འབོག་གམ་གྱོན་འབོག |
| ཀོ་འབོལ |
ཀོ་བས་བཟོས་པའི་འབོལ་གདན། |
| ཀོ་ཡོལ |
(རྒྱ་སྐད།) ནད་ཡོད་སར་སྦྱར་རྒྱུའི་སྨན་རས་ཤིག |
| ཀོ་རུ་ཁ |
ཚིག་བསྡུས་པའི་རྟགས‘༝༝༝’འདིའི་མིང་། |
| ཀོ་རེ |
(རྒྱན་ཚིག) དབྱིབས་གོར་མོའི་དོན་ཏེ། (དཔེར་ན།) བཅོ་ལྔའི་ཟླ་བ་འོད་ཀོ་རེ་ཤར་གཞོན་ནུའི་བཞིན་རས་དམར་ཀོ་རེ་ཞེས་པ་ལྟ་བུ། |
| ཀོ་རོ |
ལྕགས་དང་ཟངས་སོགས་བཞུས་ནས་ཞུན་མར་གྱུར་རྗེས་བཟོ་བྱའི་དངོས་པོའི་རྣམ་པ་ལྟར་བླུག་སའི་སྡོད་ཀྱི་མིང་སྟེ། (དཔེར་ན།) མགར་བའི་ལུགས་ཀོང༌། ལྷ་སྐུའི་ལུགས་ཀོང་ལྟ་བུ། |
| ཀོ་རྐྱལ |
ཀོ་བའི་རྐྱལ་སྣོད། |
| ཀོ་རྒྱུན |
ཀོ་བ་དྲས་པའི་སྐུད་པ། |
| ཀོ་རྡར |
སྐྲ་གྲི་རྡར་བྱེད་ཀྱི་ཀོ་ལྷེབ། |
| ཀོ་ལ |
1. ཀ་ཀོ་ལའི་བསྡུས་ཚིག 2.ཀོ་བ་དང་བལ་ལས་སྐྱེས་པའི་འབུ་རིགས་ཤིག |
| ཀོ་ལའི་འདབ |
(མངོན་བརྗོད།) ན་གི་སྲོག་ཆགས་སྲིན་འབུ་ཞིག་གི་མིང་། |
| ཀོ་ལེ |
(བརྡ་རྙིང་།) ཚང་མའམ་ཧྲིལ་བོའི་དོན་ཏེ། (དཔེར་ན།) ལུས་ཧྲིལ་བོ་ན་བ་ལ་ལུས་ཀོ་ལེར་གཟེར་ཞེས་པ་ལྟ་བུ། |
| ཀོ་ལོང |
1.རྐྱེན་ཆུང་ངུ་ཙམ་ལའང་ཁོང་ཁྲོ་ལང་སྐྱེན་པའི་དོན་ཏེ། (དཔེར་ན།) ཀོ་ལོང་ཆེན་པོ། ཀོ་ལོང་ཚ་པོ། ཚིག་མཐོ་དམན་ཅུང་ཟད་ཙམ་ལ་ཀོ་ལོང་ཆེན་པོ་ལངས་ཞེས་པ་ལྟ་བུ།2.འཁྲུག་སློང་གི་མིང་ ཀོ་ལོང་དང་ཕྲག་དོག་མ་བྱེད་ལྟ་བུ། |
| ཀོ་ལྕག |
སྔར་འགྲམ་པར་གཞུ་བྱེད་ཀྱི་ཁྲིམས་ཆས་ཤིག |
| ཀོ་ལྡིང |
ས་དཀར་སོགས་གཡོ་ས་ཀོ་བའི་སྣོད་སྒྲོམ་ལྡན་ཞིག |
| ཀོ་ལྤགས |
ཀོ་བ་དང་པགས་པའི་བསྡུས་ཚིག |
| ཀོ་ལྤགས་ཀྱི་གཞི |
འདུལ་བའི་གོས་ཀྱི་གཞི་གསུམ་གྱི་ཡ་གྱལ། དམིགས་བསལ་དང་འབྲེལ་བ་ཀོ་ལྤགས་ཀྱི་གཞི་ཡུལ་དབུས་སུ་གནས་མལ་སྐྱོབ་པའི་ཕྱིར་ཀོ་ལྤགས་ཀྱི་ལྷམ་ཙམ་དང་གཙུག་ལག་ཁང་ལས་གཞན་པའི་ཁྱིམ་དུ་སྟན་གཞན་མེད་ན་ཀོ་ལྤགས་ཀྱི་སྟན་ལ་འདུག་པ་ཙམ་གནང་གི་ཉལ་བར་མ་གནང་ལ། མཐའ་འཁོབ་ཏུ་ནི་གྲང་བ་སྐྱོབ་པའི་ཕྱིར་ལྷམ་དང་མལ་སྟན་གཉིས་ཀར་བརྟེན་པར་གནང་ཞིང༌། ཤིན་ཏུ་གྲང་བ་ཆེ་སར་གོས་སོགས་ཅི་དགར་བརྟེན་དུ་རུང་བས་དམིགས་བསལ་ཅན། |
| ཀོ་ཤ |
ལུས་སྟོབས་སྐྱེ་བ་དང༌། སྙིང་མཁལ་གྱི་ནད་གསོ་བར་བྱེད་པའི་སྨན་ཞིག |
| ཀོ་ཤམ་པ |
བཀའ་གདམས་པ་སྤྱན་སྔ་བས་ཤམ་ཐབས་ལ་ཀོ་བའི་ལྷན་པ་མང་པོ་བཏབ་པས་ཁོང་ལ་མཚན་དེ་ལྟར་བཏགས། |
| ཀོ་ཤེལ |
ཤེས་མཉེན་པོ། |
| ཀོ་ཥ |
(ལེགས་སྦྱར།) མཛོད། |
| ཀོ་སག |
ཀོ་སེག་དང་འདྲ། |
| ཀོ་སེག |
ཤིང་གི་ཕོར་པ་སོགས་འཇམ་པོ་བཟོ་བྱེད། |
| ཀོ་སྐུད |
1. ཀོ་བ་ལས་དྲས་པའི་རྒྱུན་བུ།2.ཀོ་བ་མཉེད་དུས་ཀོ་བར་བྱུག་པའི་ཞག་དང་ཀླད་ཞོ་སོགས། |
| ཀོ་སྐོ |
ཀོས་ཀོ་ཡི་འབྲི་ཚུལ་གཞན། |
| ཀོ་སྐྱི |
ཀོ་བའི་ཕྱི་ཤུན་གྱི་སྐྱིའམ། པགས་པ་སྲབ་པོ། |
| ཀོ་སྒྲོག |
1.རྒྱུན་བུ་ལས་བཟོས་པའི་ཁ་སྒྲོག2.ཀོ་བ་ལས་བཟོས་པའི་རྟ་སྒྲོག |
| ཀོ་སྒྲོམ |
ཀོ་བས་བཟོས་པའི་སྣོད་ཅིག |
| ཀོ་སྤྱིན |
ཀོ་བས་བཟོས་པའི་འབྱར་བྱེད་ཀྱི་སྤྱིན། |
| ཀོག |
ཕྱི་ཤུན་གྱོང་པོའི་མིང་སྟེ། (དཔེར་ན།) མར་གྱི་གྲོད་ཀོག ཇ་ཀོག ཤུན་ཀོག རུས་སྦལ་གྱི་ཀོག་པ་ཞེས་པ་ལྟ་བུ། |
| ཀོག་གིས |
(བརྡ་རྙིང་།) མྱུར་དུའམ་གློ་བུར་དུ། |
| ཀོག་མན |
(རྒྱ་སྐད།) རྒྱ་ཐུག་སྐམ་པོ། |
| ཀོག་ཙེ |
རྒྱ་དང་རྙིའི་སྤྱི་མིང༌། |
| ཀོག་ཚེ |
ཀོག་ཙེ་དང་འདྲ། |
| ཀོང |
1.(རྒྱན་ཚིག) མཐའ་མཐོ་ཞིང་དཀྱིལ་དམའ་བའི་དབྱིབས་ཏེ། (དཔེར་ན།) ཀོ་སར་ས་ཞིང་ལས་ལྟ་བུ། 2.དཔངས་མཐོ་བའི་ཕོར་བ་དང་དབྱིབས་མཚུངས་པའི་སྣོད་ཀྱི་མིང་སྟེ། (དཔེར་ན།) ལྕགས་རིགས་བཞུ་བྱེད་ཀྱི་སྣོད་ལ་ལུག་ཀོང་ཟེར་བ་ལྟ་བུ། |
| ཀོང་ཀོང |
ཀྱོང་ཀྱོང༌། ས་ཀོང་ཀོང༌། |
| ཀོང་ཆས |
(ཡུལ་སྐད།) ཀོང་པོའི་ཆས། |
| ཀོང་ཇོ |
(རྒྱ་སྐད།) གོང་མའམ་རྒྱལ་པོའི་སྲས་མོ། རྒྱ་སྐད་ཀྱི་ཀུང་ཀྲུའུ་ཞེས་པའི་སྒྲ་ཟུར་ཆག་པ་སྲས་མོ་དང་དོན་གཅིག |
| ཀོང་དོང |
ས་བྲུས་པའི་ཁུང་བུ། |
| ཀོང་པོ |
1.ལྷ་སའི་ཤར་ངོས་ཉང་ཆུའི་སྟོད་རྒྱུད་དུ་ཡོད་པའི་ཡུལ་ལུང་གི་མིང༌།2.མར་མེ་སྒྲོན་བྱེད་ཀྱི་སྣོད་ཀྱི་མིང་། |
| ཀོང་པོ་བར་ལ |
བོད་ཀྱི་མལ་གྲོ་གུང་དཀར་རྫོང་དང་ཀོང་པོ་རྒྱ་མདའི་བར་དུ་ཡོད་པའི་ལ་ཞིག་ཡིན་ཞིང༌། དབུས་དང་ཀོང་པོའི་མཚམས་རིའང་ཡིན། |
| ཀོང་པོ་བུ་ཆུ |
ལྷ་ཁང་ཞིག་གི་མིང་བོད་ཀྱི་ས་གཞི་སྲིན་མོ་གན་རྐྱལ་དུ་འགྱེལ་བ་འདྲ་བའི་ཁ་གནོན་དུ་སྲོང་བཙན་སྐབས་སུ་བཞེངས་པའི་གཙུག་ལག་ཁང་ཡང་འདུལ་བཞིའི་གྲས་ཤིག་ཡིན། |
| ཀོང་པོ་རྒྱ་མདའ |
1.རྫོང་ཞིག་བོད་ཀྱི་ཀོང་ཡུལ་ཉང་ཆུའི་སྟོད་རྒྱུད་དུ་ཡོད། དེང་སྐབས་རྫོང་མི་དམངས་སྲིད་གཞུང་དེ་ང་ཕོད་ཟམ་ཁར་ཡོད།2.གྲོང་ཞིག་བོད་ཀྱི་ཀོང་ཡུལ་ཉང་ཆུ་དང་སྤྱི་མདའ་ཕྱོགས་ནས་འབབ་པའི་ཆུ་གཉིས་འཛོམས་སའི་ལུང་པ་སུམ་མདོར་ཡོད། |
| ཀོང་པོ་ལོ་གསར |
ཀོང་པོའི་ཡུལ་སྲོལ་ཞིག་སྟེ་བོད་ཟླ་བཅུ་པའི་ནང་ཀོང་ཡུལ་དུ་གཏོང་བའི་ལོ་གསར། |
| ཀོང་བཙུན་དེ་མོ |
བསྟན་མ་བཅུ་གཉིས་ཀྱི་གྲས་ཀོང་ཡུལ་གྱི་གནས་བདག་ཅིག ཡུལ་ཡར་ཀླུང་ལ་བསྡད་ན་ལྷ་ཡར་ལྷ་ཤམ་པོ་དང༌། ཡུལ་ཀོང་པོར་བསྡད་ན་ལྷ་ཀོང་བཙུན་དེ་མོ་བསྟེན་དགོས། |
| ཀོང་བུ |
1.དཔངས་མཐོ་ཞིང་གཏིང་རིང་བའི་སྣོད་ཆུང་ངུ་ཞིག་སྟེ་མར་མེ་འབུལ་སྣོད། མཆོད་ཀོང༌། གསེར་ཀོང༌ལྟ་བུ།2. དཔངས་མཐོ་བའི་ཕོར་བ་ཆུང་ངུའི་མིང་ལ་ཡང་ཀོང་བུ་ཟེར། |
| ཀོང་མོ |
1. ཡུལ་ཀོང་པོའི་བུད་མེད། 2. ཕུག་ཟབ་པ་པའི་དོན་ཏེ། (དཔེར་ན།) མིག་ཀོང་མོ། ས་ཀོང་མོ་ཞེས་པ་ལྟ་བུ།3. མར་བརྡིབས་པའི་དབྱིབས་ཀྱི་མིང་ས་ཀོང་མོ་ཞེས་པ་ལྟ་བུ། |
| ཀོང་ཞག |
ཉི་སྐར་བཅུ་དང་ཆུ་ཚོད་དྲུག་སྤྱི་ཟླ་དགུ་པའི་ཚེས་བཅུ་གསུམ་སྐོར་ནས་འོལ་པ་ལོག་པའི་ཀོང་ཞག་བཅོ་ལྔ་འདྲེན། |
| ཀོང་ཞྭ |
ཀོང་པོའི་ཕོ་མོའི་ཞྭ་མོ། |
| ཀོང་འཛིན་འུལ་མི |
སྔར་ལྷ་ལྡན་ས་ཁུལ་དུ་ལྔ་མཆོད་དང༌། བཞི་མཆོད་སྐབས་མཆོད་མེ་འགེངས་རྒྱུ་དང༌། དགྲམ་རྒྱུ། མཆོད་ཀོང་བསྡུ་རྒྱུ་སོགས་ཀྱི་ལས་ཀ་བྱེད་མཁན་འུལ་མི། |
| ཀོང་ཡུལ |
ཀོང་པོ་དང་དོན་གཅིག |
| ཀོང་རྣ |
ཀོང་ཡུལ་ནས་དར་བའི་རྣ་རྒྱན། |
| ཀོང་རྣ་པན་ཏོག |
རྒྱ་ལུ་ཆས་ཀྱི་རྣ་རྒྱན་གཡས་ཀོང་རྣ་དང༌། གཡོན་པན་ཏོག |
| ཀོང་ལྷམ |
ཀོང་པོ་བ་ཕོ་མོ་སྤྱིའི་ལྷམ། |
| ཀོང་སྐྲ |
སྐྲའི་ལྕང་ལོ་གཉིས་མགོ་བོར་དཀྲི་བ་ཀོང་པོ་བའི་ལུགས་སྲོལ། |
| ཀོང་སྤྲུལ་ཟིན་ཏིག |
ཀརྨ་ངག་དབང་ཡོན་ཏན་རྒྱ་མཚོས་རབ་བྱུང་བཅུ་བཞི་པའི་ནང་མཛད་པའི་ནང་སྨན་སྤྲད་པའི་ཉམས་ཡིག་ཅིག་དེའི་ནང་གཙོ་ཆེ་བ་ནི་ནད་རེ་རེ་བཞིན་རྟགས་དང་བཅོས་ཐབས་སོགས་གནད་དུ་དྲིལ་ནས་ཁ་གསལ་ཞིང་དོན་ཚང་བ་བསྟན་ཡོད་པ་དང༌། དེ་བཞིན་སྨན་དུག་འདོན་བྱེད་ཐབས་སོགས་ཉེར་མཁོའི་དོན་རྣམས་མ་འདྲེས་པར་བཀོད་པའི་སྨན་གཞུང་ཞིག |
| ཀོང་སྤྲུལ་ཡོན་ཏན་རྒྱ་མཚོ |
མཚན་གཞན་གར་དབང་བློ་གྲོས་མཐའ་ཡས་ནི་རབ་བྱུང་བཅུ་བཞི་པའི་ཆུ་བྱར་མདོ་ཁམས་འབྲི་ཟླ་ཟལ་མོ་སྒང་གི་པད་མ་ལྷ་རྩེའི་མདུན་རོལ་རོང་རྒྱབ་སྦས་པའི་ཡུལ་དུ་སྐུ་འཁྲུངས། ཁོང་གིས་རིན་ཆེན་གཏེར་མཛོད་དང༌། གདམས་ངག་མཛོད། བཀའ་བརྒྱུད་སྔགས་མཛོད་རྣམས་བསྒྲིགས་པར་མཛད་ཅིང༌། ཤེས་བྱ་མཛོད་དང༌། ཐུན་མིན་གསང་བའི་མཛོད་བརྩམས་པ་དང་གཏེར་ནས་བཏོན་པ་བཅས་མཛོད་ཆེན་ལྔ་དང༌། དེ་འབྲེལ་སྨན་དང་གཏམ་ཚོགས་སོགས་གསུང་ཐོར་བུ་སྣ་ཚོགས་བཅས་པོ་ཏི་བརྒྱ་ལ་ཉེ་བ་ཞིག་རྩོམ་སྒྲིག་མཛད། རབ་བྱུང་བཅོ་ལྔ་པའི་ས་ཕག་ལོར་འདས། |
| ཀོང་སྤྲེལ |
ཀོང་པོ་ནས་ཐོན་པའི་སྤྲེའུ། |
| ཀོན་པ |
ཀོན་པ་གབ་སྐྱེས་ཀྱི་བསྡུས་ཚིག |
| ཀོན་པ་གབ་སྐྱེས |
སྔོ་སྨན་ཀོན་པ་གབ་སྐྱེས་སྐྱེ་གནས་དབང་གིས་རིགས་གཉིས་སུ་དབྱེ་བས་ཀླུང་སྐྱེས་ཏེ། རོ་ཁ། ཞུ་རྗེས་བསིལ། ནུས་པས་ཁྲག་ཤོར་གཅོད། |
| ཀོབ་ཙེ |
འབྲུམ་བུ་དཀར་པོའི་ནད་རིགས་ཤིག |
| ཀོའུ་དི་ནྱ |
ཀུན་ཤེས་ཀཽཎྜི༌ནྱའི་འབྲི་ཚུལ་གཞན། |
| ཀོར |
(རྒྱན་ཚིག) སྐོར་སྐོར་དང་ཉེ་འདབས་ཀྱི་དོན་ལ་འཇུག་པའི་སྐོར་དང་མཚུངས་ཏེ་རྟགས་འཇུག་ལས། ཕོ་ཡིས་ཕོ་ཡི་མིང་མཐའ་དྲངས་ཞེས་པའི་རྗེས་འཇུག་ག་ད་བའི་རྗེས་སུ་ས་མགོ་དོར་ཏེ་ཀོར་ཞེས་སྦྱར་བ་དང༌། དེ་མིན་གཞན་ལ་བརྗོད་བདེའི་སྒོ་ནས་སྐོར་ཡིག་སྦྱར་དགོས། (དཔེར་ན།) དཔེར་ན། ཐིག་ཀོར། ཀླད་ཀོར། ཐབ་ཀོར། གཡས་སྐོར། གཡོན་སྐོར། ཉེ་སྐོར། ཁྲོམ་སྐོར། མཐའ་སྐོར་ཞེས་པ་ལྟ་བུ། |
| ཀོར་ཀོར |
དབྱིབས་ཟླུམ་པོའམ་སྒོར་སྒོར་གྱི་དོན་ཏེ། (དཔེར་ན།) ཉི་ཟླའི་མཐའ་ལ་འཇའ་འོད་ཀོར་ཀོར་འཁྱིལ་ཞེས་པ་ལྟ་བུ། |
| ཀོར་མོ |
ཀོར་དང་འདྲ། |
| ཀོར་ཚེ |
(བརྡ་རྙིང་།) 1>ཉི་ཚེ། 2> ཕྱོགས་རིས། |
| ཀོལ་མ |
བསྐོལ་མ་ཡི་འབྲི་སྲོལ་གཞན་ཏེ། བསྐོལ་ལ་ལྟོས། |
| ཀོས་ཀོ |
མ་ནེའམ། མ་ལེ་སྟེ་མ་མཆུའི་འོག་གི་རུས་འབུར་གྱི་མིང་། ཡུལ་སྐད་དུ་མ་ནེ་ཟེར། |
| ཀོས་ཀོའི་གཤོང་འབུར |
མ་ལེའི་ཀྱོང་འབུར། |
| ཀོས་ཐག |
(བརྡ་རྙིང་།) ཉམ་ཐག |
| ཀོས་ཐག་པ |
ཉམ་ཐག་པའི་བརྡ་རྙིང་། |
| ཀོས་སྐོ |
ཀོས་ཀོ་དང་འདྲ། |
| ཀོས་སྨྱུང |
མ་ལེའི་རྩེ་ཕྲ་བའམ། རྣོ་བ། |
| ཀཽ་ཤམྦྷི |
(ལེགས་སྦྱར།) སྔར་རྒྱ་གར་དབུས་ཕྱོགས་སུ་ཡོད་པའི་རྒྱལ་ཁབ་མཛོད་ལྡན། |
| ཀཽ་ཤམྦྷིའི་གཞི |
འདུལ་བ་གཞི་བཅུ་བདུན་གྱི་ནང་གསེས། ལས་བྱེ་བའམ་ལས་ཀྱི་རྩོད་པའི་གཞི་ཀཽ་ཤམྦྷིའི་དགེ་སློང་གིས་ཡངས་པ་ཅན་པའི་དགེ་སློང་གནས་དབྱུང་བྱས་པས་རྩོད་པ་ཆེན་པོར་གྱུར་ཏེ། ལས་བྱེ་བ་ལ་ཡུལ་གྱི་མིང་གིས་བཏགས་པ། |
| ཀཽ་ཤི་ཀ |
(ལེགས་སྦྱར།) 1>མཁས་པ། 2>སྨན་གུ་གུལ། 3>བརྒྱ་བྱིན། |
| ཀཽ་ཤི་ཧན |
གུ་ཤི་ཧན་དང་འདྲ། |
| ཀཽཎ་ཎྜི་ནྱ |
ཀུན་ཤེས་ཀཽཎྜི་ནྱའི་འབྲི་ཚུལ་གཞན། |
| ཀཿཐོག་དགོན |
ཁམས་དཔལ་ཡུལ་ཁུལ་གྱི་དགོན་ཆེན་ཞིག་སྟེ། དུས་རབས་བཅུ་གཉིས་པར་ཕག་མོ་གྲུ་བའི་གཅུང་པོ་ཀ་དམ་པ་བདེ་གཤེགས་ཀྱིས་བཏབ། |
| ཀྭ་ཡེ |
1.རང་མཉམ་དང༌། རང་ལས་དམའ་བར་འབོད་པའི་སྒྲ་ཞིག་སྟེ། (དཔེར་ན།) ཀྭ་ཡེ་གྲོགས་པོ་རྣམ་པ་ཚོ་ཞེས་པ་ལྟ་བུ།2. ཀ་ཡེ་ཡི་འབྲི་ཚུལ་གཞན། |
| ཀྭའི |
འབོད་པའི་བརྡ་ཞིག |
| ཀྱ་ཀ |
སྐྱ་ཀ་ཡི་འབྲི་ཚུལ་གཞན། |
| ཀྱ་གེ་ཀྱོག་གེ |
ཀྱག་ཀྱོག་ལ་ལྟོས། |
| ཀྱ་རེ་ཀྱོ་རེ |
རང་ཚུགས་མི་ཐུབ་པའི་རྣམ་པ་སྟེ། (དཔེར་ན།) བྱིས་པ་ལམ་ལ་ཀྱ་རེ་ཀྱོ་རེར་འགྲོ་ཞེས་པ་ལྟ་བུ། |
| ཀྱ་རེ་ཀྱོར་རེ |
ཀྱར་ཀྱོར་ལ་ལྟོས། |
| ཀྱག་ཀྱག |
1. རྩེད་མོའམ་དངོས་འབྲེལ་མ་བརྗོད་པར་ཀྱག་ཀྱག་བྱས་པ་སྟེ། (དཔེར་ན།) སྐད་ཆ་དེ་དངོས་གནས་མ་རེད་ཀྱག་ཀྱག་རེད་ལྟ་བུ། 2. (ཡུལ་སྐད།) བསམ་བཞིན་དུ་བསྙད་བསྐོས་པའི་དོན་ཏེ། (དཔེར་ན།) ཀྱག་ཀྱག་བྱས་ནས་མགོ་རྙོག་བཟོས་འདུག་ལྟ་བུ། |
| ཀྱག་ཀྱོག |
1.(རྒྱན་ཚིག) དབྱིབས་ཕར་འཁྱོག་ཚུར་འཁྱོག་ཡིན་པའི་དོན་ཏེ། ལུང་བ་ཀྱག་ཀྱོག ལམ་ཀྱག་ཀྱོག་ཅེས་པ་ལྟ་བུ། ཁ་སྐད་དུ་ཀྱ་གེ་ཀྱོག་གེ་ཞེས་པ་དང་དོན་གཅིག (དཔེར་ན།) ལམ་ཀྱ་གེ་ཀྱོག་གེ་ལུང་བ་ཀྱ་གེ་ཀྱོག་གེ་ཞེས་པ་ལྟ་བུ། 2. ཀྱག་གེ་ཀྱོག་གེའི་བསྡུས་ཚིག 3. སྔར་རྒྱ་གར་དུ་དར་བའི་གྲངས་གནས་ཆེན་པོ་ཞིག |
| ཀྱག་གེ་ཀྱོག་གེ |
(རྒྱན་ཚིག) དྲང་མིན་ཀྱོག་ཀྱོག་གི་རྣམ་པ་སྟེ། (དཔེར་ན།) ལམ་ཀྱག་གེ་ཀྱོག་གེ། ཤིང་ཀྱག་ཀྱོག་མ་གཏོགས་དྲང་པོ་མི་འདུག ལས་དོན་ཀྱག་ཀྱོག་ཁོ་ན་བྱེད་ལྟ་བུ། |
| ཀྱང |
ཀྱང་འང་ཡང་གསུམ་ལ་བོད་ཡིག་བརྡ་སྤྲོད་རྣམས་སུ་རྒྱན་སྡུད་ཀྱི་ཚིག་ཕྲད་ཟེར། འཇུག་ཚུལ་ནི། ག་ད་བ་ས་ད་དྲག་ཀྱང་། ། ང་ན་མ་ར་ལ་མཐར་ཡང་། །འ་དང་མཐའ་རྟེན་མེད་མཐར་འང། །རྐང་བ་སྐོང་ཚེ་ཡང་འཐོབ་བོ་ཞེས་པ་ལྟར་ཡིན། མིང་ཚིག་དང་རྒྱན་ཚིག་གི་བར་ལ་སྦྱར་ན་ཁྱད་ཆོས་སྔ་མའི་སྟེང་དུ་ཕྱི་མ་དེ་ཡང་ཚང་བའི་དོན་ཏེ། (དཔེར་ན།) རྟ་བོ་འདི་གཟུགས་ཀྱང་ཆེ་ལ་འགྲོས་ཀྱང་མགྱོགས། ལུག་ཀྱང་ཆེ་ལ་བལ་ཡང་བཟང་ལྟ་བུ། མིང་ཚིག་དང་ལས་ཚིག་གི་བར་ལ་སྦྱར་ན་བྱ་བ་སྔ་ཕྱི་གཉིས་ཀ་འདྲ་བའི་དོན་ཏེ། རྩིས་རིག་ཀྱང་བསླབས་ཤིང་སྐད་ཡིག་ཀྱང་སྦྱངས་ལྟ་བུ། རྒྱན་ཚིག་གི་མཐར་སྦྱར་ན། 1>མཐུན་པའི་རྒྱན་སྡུད་ལ་འཇུག་པ་ནི། ཡག་ཀྱང་ཡག་ལ་སྤུས་ཀྱང་ལེགས་ལྟ་བུ། 2>མི་མཐུན་པའི་རྒྱན་སྡུད་ལ་འཇུག་པ་ནི། མདོག་ཡག་ཀྱང་སྤུས་ཀ་དམན་ལྟ་བུ། 3>ལས་ཚིག་གི་མཐར་སྦྱར་ན། མི་མཐུན་པ་སྡུད་པའི་དོན་ལ་འཇུག་པ་ནི། དཀའ་ཚེགས་མྱངས་ཀྱང་སེམས་མི་སྡུག དགྲ་མང་བསླེབས་ཀྱང་དཔའ་མི་ཞུམ་ལྟ་བུ། 4>མཐུན་པ་སྡུད་པའི་དོན་ལ་འཇུག་པ་ནི། དཀའ་ཚེགས་ཀྱང་མྱངས་ལ་གྲུབ་འབྲས་ཀྱང་ཆེན་པོ་ཐོབ་ལྟ་བུ། |
| ཀྱང་ཀྱོང |
(རྒྱན་ཚིག) ཀྱང་ངེ་ཀྱོང་ངེའི་བསྡུས་ཚིག |
| ཀྱང་ངེ་ཀྱོང་ངེ |
(རྒྱན་ཚིག) ས་གཞི་འབུར་ཀོང་ཅན་གྱི་རྣམ་པ་སྟེ། (དཔེར་ན།) ས་གཞི་ཀྱང་ཀྱོང་ལ་འགྲོ་འདུག་མི་བདེ། ས་ཆ་ཀྱང་ངེ་ཀྱོང་ངེ་ཞིག་གི་ནང་དུ་ཆུ་ཏོག་ཙམ་འཁྱིལ་འདུག་ལྟ་བུ། |
| ཀྱམ་ཀྱམ་པ |
ཕར་ཚུར་འཆམ་འཆམ་དུ་འགྲོ་བའི་དོན། |
| ཀྱམ་མེ |
(རྒྱན་ཚིག) འོད་ཀྱི་རྣམ་པ་ཞིག་སྟེ། (དཔེར་ན།) སྐར་ཚོགས་ནམ་མཁར་ཀྱམ་མེར་ཤར། སྒྲོན་མེ་འོད་ཀྱམ་མེ་ཞེས་པ་ལྟ་བུ། |
| ཀྱམས་པ |
(བརྡ་རྙིང་།) ལྷག་ལུས་ཀྱི་དོན། |
| ཀྱར་ཀྱོར |
(རྒྱན་ཚིག) 1.རང་ལྕོགས་མི་ཐུབ་པའི་རྣམ་པ་སྟེ། (དཔེར་ན།) བྱིས་པ་ལམ་ལ་ཀྱར་ཀྱོར་ཙམ་འགྲོ་ཐུབ་ལྟ་བུ། ཁ་སྐད་དུ་ཀྱ་རེ་ཀྱོར་རེ་ཞེས་པ་དང་དོན་འདྲ་ལམ་ལ་ཀྱ་རེ་ཀྱོར་རེ་ཙམ་འགྲོ་ཐུབ་ལྟ་བུ། 2. ཀྱ་རེ་ཀྱོ་རེའི་བསྡུས་ཚིག |
| ཀྱལ་ཀ |
གད་མོ་སློང་བའི་ཚིག་གི་མིང་སྟེ། (དཔེར་ན།) ཀྱལ་ཀ་བཤད། ཀྱལ་ཀ་རྩེ་ལྟ་བུ། |
| ཀྱལ་ཀྱལ |
(རྒྱན་ཚིག) གསོ་བ་རིག་པར་བཤད་པའི་རྩའི་འཕར་ཚུལ་ཞིག་སྟེ། (དཔེར་ན།) གཅོང་པོའི་ལུས་ཀྱི་རྩ་རྣམས་ཀྱལ་ཀྱལ་དུ་འཕར་ཞེས་པ་ལྟ་བུ། |
| ཀྱལ་ཀྱེལ་རེ |
(བརྡ་རྙིང་།) ཅུང་ཟད་རེ་ཞེས་པའི་དོན། |
| ཀྱལ་ཀྱོལ |
(རྒྱན་ཚིག) ལུས་སྟོབས་ཉམས་ཏེ་གོམ་སྟབས་བརྟན་པོ་མེད་པའི་རྣམ་པ་སྟེ། (དཔེར་ན།) དུད་འགྲོ་ཀྱལ་ཀྱོལ་འགའ་དེད་ནས་འོང་གིན་འདུག་ལྟ་བུ། |
| ཀྱལ་གཏམ |
དོན་མེད་དམ་རྩེད་མོའི་གཏམ། |
| ཀྱལ་ཏ |
སྡོང་ཤུན་དམར་ཞིང་ལོ་མ་འོམ་བུ་དང་མཚུངས་པའི་ཤིང་སྡོང་ཞིག་གི་མིང་། སྡོང་ཤིང་ཁོང་སྟོང་མིན་པས། དབྱུག་པ་དང་ཡོ་བྱད་ཀྱི་ཡུ་བ་བྱེད་ཆོག་པའི་ཤིང་རིགས་ཤིག་ཡིན། ཡུལ་སྐད་དུ་ཀྱལ་རྟ་ཟེར། |
| ཀྱལ་པ |
དོན་མེད་དམ་འབྲེལ་མེད་ཀྱི་ངག་སྟེ། (དཔེར་ན།) ཀྱལ་པའི་གཏམ་མི་བརྗོད། དོན་མེད་ཀྱི་ཀྱལ་པ་སྤངས་ནས་དོན་ལྡན་བརྗོད་པར་བྱ་ཞེས་པ་ལྟ་བུ། |
| ཀྱལ་རྟ |
ཀྱལ་ཏ་དང་འདྲ། |
| ཀྱི |
(སྦྲེལ་ཚིག) ཀྱི་གྱི་གི་འི་ཡི་ལྔ་ལ་བརྡ་སྤྲོད་དུ་རྣམ་དབྱེ་དྲུག་པ་འབྲེལ་སྒྲ་ཟེར། ཐོབ་ཐང་རྗེས་འཇུག་ད་བ་ས་གསུམ་དང་ད་དྲག་གི་རྗེས་སུ་ཀྱི་འཐོབ་སྟེ། (དཔེར་ན།) ཁྱོད་ཀྱི་དཔེ་ཆ། རྒྱལ་ཁབ་ཀྱི་བདག་པོ། ཟས་ཀྱི་ཞིམ་མངར། ཕ་རོལ་ཀྱི་རི་བོ་ཞེས་པ་ལྟ་བུ། 1>རྗེས་འཇུག་ག་ང་གཉིས་ཀྱི་རྗེས་སུ་གི་འཐོབ་དམག་གི་མེ་མདའ། མདུང་གི་རྣོ་དབལ་ཞེས་པ་ལྟ་བུ། 2.རྗེས་འཇུག་ན་མ་ར་ལ་བཞིའི་རྗེས་སུ་གྱི་འཐོབ་སྟོན་གྱི་ལོ་ཏོག སྒམ་གྱི་ནང་། གར་གྱི་ཉམས། ཁལ་གྱི་ཆེ་ཆུང་ཞེས་པ་ལྟ་བུ། 3.རྗེས་འཇུག་འ་དང་རྗེས་འཇུག་དངོས་སུ་མེད་པའི་མཐར་འི་འཐོབ་ཅིང་། ཚིགས་བཅད་ཀྱི་ཁ་སྐོང་དགོས་ཚེ་ཡི་འཐོབ་ནམ་མཁའི་དབྱིངས། སའི་གོ་ལ། ས་ཡི་གོ་ལ་ཞེས་པ་ལྟ་བུ། ཚིག་སྔ་ཕྱི་མི་མཐུན་པ་སྟོན་པའི་རྒྱན་ལ་ཡང་འཇུག། |
| ཀྱི་བསེར |
(བརྡ་རྙིང་།) བསིལ་རླུང་དང་གྲང་ངར་ཆེ་བའི་ལྷགས་པ། |
| ཀྱི་ལི་ལི |
(རྒྱན་ཚིག) 1.རྒྱུན་མི་འཆད་པར་འཁྱིལ་ལིར་སྐོར་སྟངས་ཤིག་སྟེ། (དཔེར་ན།) ཉི་གདུགས་ཀྱི་ལི་ལིར་བསྐོར་བ་ཞེས་པ་ལྟ་བུ། 2. དྲི་ངད་ཆེན་པོ་ལྡང་བའི་དོན་ཏེ། (དཔེར་ན།) རྡོ་སྣུམ་གྱི་དྲི་མ་ཀྱི་ལི་ལི་ཞེས་པ་ལྟ་བུ། 3. མྱུར་དུ་འཁོར་བའི་རྣམ་པ་སྟེ། (དཔེར་ན།)འཁོར་ལོ་ཀྱི་ལི་ལི་འཁོར་ཞེས་པ་ལྟ་བུ། |
| ཀྱི་ལྕེ |
1.རྩྭ་སྨན་ཞིག་མེ་ཏོག་གིས་ཕྱེ་བའི་དཀར་ནག་རིགས་གཉིས་ཡོད།2. མིང་གཞན་ལྡུམ་བུ་ཤེལ་ཏིང་ཡང་ཟེར། དེ་ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། མཐོ་ཚད་ལིས་སྨིས10ནས40བར་ཡོད། ཀྱི་ལྕེ་དཀར་པོ་ལ་རྒྱ་སྐད་དུ་མ་ཧྭ་ཅོ་ཟེར། ཀྱི་ལྕེ་ནག་པོ་ལ་རྒྱ་སྐད་དུ་ཆིན་ཅོ་ཟེར། |
| ཀྱི་ལྕེ་དཀར་པོ |
སྔོ་སྨན་གྱི་རིགས་ཀྱི་ལྕེ་མེ་ཏོག་དཀར་པོ་འཆར་བ་ཞིག་རོ་ཁ། ཞུ་རྗེས་བསིལ། ནུས་པས་རྒྱུ་ཚད་དང༌། མཁྲིས་ཚད། མཆིན་ཚད་སོགས་ལ་ཕན། མིང་གི་རྣམ་གྲངས་ལ་སྐུ་དཀར་གནོད་སྦྱིན་ལྕེ་དང༌། ཁྱི་དཀར་དུང་གི་ཐག་པ་ཅན། པུ་དཀར་ཅན། བོང་རྣ་བ། ལ་ཕྲམ་དཀར་པོ། ཤ་ལང་པ། ཤ་ལང་འབངས། ཤེལ་ཏང་དཀར་པོ་བཅས་སོ། ། |
| ཀྱི་ལྕེ་ནག་པོ |
སྔོ་སྨན་གྱི་རིགས་ཀྱི་ལྕེ་མེ་ཏོག་སྔོ་ནག་འཆར་བ་ཞིག་རོ་ཁ། ཞུ་རྗེས་བསིལ། ནུས་པས་སྐྲངས་པ་འཇོམས། གག་པ་སེལ། ཆུ་སེར་སྐེམ། མིང་གི་རྣམ་གྲངས་ལ་སྐྱོང་བྱེད་དང༌། སྤྱང་དུག་ནག་པོ། ཤེལ་ཏང་ནག་པོ་བཅས་སོ། ། |
| ཀྱི་ལྕེ་རྩ་ལོ |
ཁཎྜས༌ཚ་བ་ཀུན་སེལ། སྣོད་ལྷུང་མཁྲིས་ནད་འཁྲུ། |
| ཀྱི་ལྕེའི་ཐལ་བ |
ཀྱི་ལྕེ་དཀར་པོའི་མེ་ཏོག་མེར་བསྲེགས་པའི་ཐལ་བ་ནུས་པས་རླུང་རིམས་ཀྱིས་འབོག་པ་དང༌། དྲན་པ་མི་གསལ་བ། འཐིབས་པ་སོགས་ལ་ཕན། |
| ཀྱི་སྙ |
ཕ་བ་དགོ་དགོ་དགོའི་མིང་གཞན། |
| ཀྱི་ཧུད |
སྡུག་བསྔལ་ལམ། མྱ་ངན་བྱེད་པའི་ཚིག་སྟེ། (དཔེར་ན།) ཀྱི་ཧུད་སྡུག་བསྔལ་ཅན་གྱི་མི་རྣམས་ལ་ལྟོས་ཞེས་པ་ལྟ་བུ། |
| ཀྱི་ཧུད་འདོན་པ |
དམྱལ་བའི་སེམས་ཅན་གྲང་ངར་གྱིས་མནར་ནས་སྐད་ཤུགས་ཀྱིས་འོ་དོད་འདོན་པ་སྟེ་གྲང་བའི་དམྱལ་བ་བརྒྱད་ཀྱི་གྲས་ཤིག |
| ཀྱིག་རྩེ |
རྩིག་པ་རྩིག་བྱེད་ཀྱི་ས་ཕག་དང་གྱོ་མོག་སྲེག་བྱེད་ཀྱི་ས་ཕག་མ་བསྲེགས་པའི་མིང་ལ་མཚོ་སྔོན་ཡུལ་སྐད་དུ་ཀྱིག་རྩེ་ཟེར། |
| ཀྱིང་བསེར |
མགྱོགས་པོར་རྒྱུ་བའི་བསེར་བུའི་མིང་སྟེ། (དཔེར་ན།) རྟ་མགྱོགས་པ་ཀྱིང་བསེར་རླུང་ལ་འགྲན་ཞེས་པ་ལྟ་བུ། སྟོན་དུས་ཀྱི བསེར་བུ་འཁྱག་པའི་མིང་སྟེ་དཔེར་ན་སྟོན་ཀྱིང་བསེར་རླུང་གི་སྐད་ཅིག་འོངས་ཞེས་པ་ལྟ་བུ། |
| ཀྱིན |
(གྲོགས་ཚིག) ཀྱིན་གྱིན་གིན་ཡིན་བཞི་ཡེ་གེའི་ཐོབ་ཐང་ལྟར་ལས་ཚིག་ད་ལྟ་བའི་མཐར་སྦྱར་ན་དུས་ད་ལྟ་བ་སྟོན་པའི་ཚིག་གྲོགས་ཡིན་ཞིང་། ད་བ་ས་གསུམ་གྱི་རྗེས་སུ་ཀྱི་འཐོབ་སྟེ། (དཔེར་ན།) བྱ་བ་སྒྲུབ་ཀྱིན་འདུག རྟ་ལ་སྒ་སྟོད་ཀྱིན་འདུག ལས་ཀ་ལས་ཀྱིན་ཡོད་ལྟ་བུ། ན་མ་ར་ལ་བཞིའི་རྗེས་སུ་གྱིན་འཐོབ་རྩེད་མོ་སྟོན་གྱིན་ཡོད། དོན་ལ་བསམ་གྱིན་འདུག ཁུར་བོ་འཁུར་གྱིན་ཡོད། ཕྱུགས་འཚོལ་གྱིན་ཡོད་ལྟ་བུ། ག་ང་གཉིས་ཀྱི་རྗེས་སུ་གིན་འཐོབ་ཐུན་མོང་གི་དོན་དུ་རྒྱུ་ནོར་གསོག་གིན་ཡོད། ཕྱུགས་ཟོག་རྩྭ་སར་གཏོང་གིན་ཡོད་ལྟ་བུ། འ་དང་རྗེས་འཇུག་མེད་པའི་མཐར་བརྡ་རྙིང་ལ་ཡིན་འཐོབ་སིལ་ཏོག་ཟ་ཡིན་གདའ། གློག་བརྙན་ལ་ལྟ་ཡིན་འདུག་ལྟ་བུ། ད་ལྟ་བཞིན་འབྲི། |
| ཀྱིར་ཀྱིར |
(རྒྱན་ཚིག) སྒྲ་གདངས་ཀྱི་ཁྱད་པར་ཞིག་མཚོན་པ་སྟེ། (དཔེར་ན།) བྱིའུས་སྐད་ཀྱུར་ཀྱུར་དང་ཀྱིར་ཀྱིར་སྒྲོག་པ་ཞེས་པ་ལྟ་བུ། |
| ཀྱིལ་ལེ |
(རྒྱན་ཚིག) དབྱིབས་ཀྱི་རྣམ་པ་གང་རུང་ཞིག་སྟོན་པ་སྟེ། (དཔེར་ན།) མཚེའུ་སྒོར་འཁྱིལ་ལེ། སྦྲུལ་སྒོར་ཀྱིལ་ལེར་འཁྱིལ་ནས་སྡོད་ཅེས་པ་ལྟ་བུ། |
| ཀྱིལ་ལེ་ཉོན |
ཉན་པར་སྐུལ་བའི་ཚིག་ཅིག་སྟེ། (དཔེར་ན།) མ་ཡེངས་རྣ་བ་ཀྱིལ་ལེར་ཉོན་ཞེས་པ་ལྟ་བུ། |
| ཀྱིས |
(ཚིག་འཕྲད།) འབྲེལ་སྒྲ་ཀྱི་ཞེས་པའི་སྒྲའི་སྦྱོར་ཚུལ་དང་མཐུན་པའི་བྱེད་སྒྲའི་རྐྱེན་ཞིག་སྟེ། (དཔེར་ན།) ཁྱོད་ཀྱིས་ཡིག་ཐོག་ཏུ་འཁོད་དང༌། བརྗོད་ཀྱིས་མི་ལང༌། གསེར་ཁབ་ཀྱིས་རྨ་ཁ་བརྟོལ་ཞེས་པ་ལྟ་བུ། |
| ཀྱིས |
(ཚིག་འཕྲད།) 1.ཀྱིས་གྱིས་གིས་འིས་ཡིས་ལྔ་ལ་བོད་ཡིག་བརྡ་སྤྲོད་དུ་བྱེད་སྒྲ་ཟེར། བྱེད་པ་པོ་སྟོན་པའི་ཚིག་དང་ལས་ཚིག་གི་བར་ལ་སྦྱར་ན་བྱེད་སྒྲ་ཡིན་ཏེ། (དཔེར་ན།) ཁྱོད་ཀྱིས་ལྟོས། ཐབས་ཀྱིས་རྟ་རྒོད་འདུལ། དགེ་རྒན་གྱིས་སློབ་མར་དཔེ་ཆ་ཁྲིད། དམག་གིས་དམག་རྩལ་སྦྱང་། ཞིང་པ་ཡིས་ཞིང་འདེབས། ཞིང་པས་ཞིང་འདེབས་ལྟ་བུ། 2.ཚིག་སྔ་ཕྱི་མི་མཐུན་པའི་བར་ལ་སྦྱར་ན་ཚིག་སྔ་ཕྱི་མཚམས་སྦྱོར་བ་སྟེ། (དཔེར་ན།) དེ་ནི་གསེར་རྩི་ཡིན་གྱིས་རག་ཆུམིན། ཁོང་ལ་ཡོན་ཏན་ཡོད་ཀྱིས་ཞེ་སྡང་མེད། རང་དོན་ཚུལ་བཞིན་སྒྲུབ་ན་ཆོག་གིས་ཁྲིམས་སྲོལ་རྨང་ནས་སློག་ན་མི་ཆོག་ལྟ་བུ། 3.རྒྱན་ཚིག་འགའ་རེ་དང་ལས་ཚིག་གི་བར་ལ་སྦྱར་ན་ཚིག་སྔ་མ་ཚིག་ཕྱི་མའི་རྣམ་པ་སོགས་སྟོན་པར་མཚོན་བྱེད་དེ། (དཔེར་ན།)རྒྱལ་ཁབ་རིམ་གྱིས་དར། མི་རྣམས་ཁད་ཀྱིས་འདུས། བྱ་བ་ལྷུན་གྱིས་གྲུབ་ལྟ་བུ། འཇུག་ཚུལ་འབྲེལ་སྒྲ་ཀྱི་གྱི་གི་འི་ཡི་ལྔ་དང་མཚུངས། |
| ཀྱུ |
མིང་འགའི་མཐར་སྦྱར་ན་བཟོ་དབྱིབས་གུག་གུག་སྟོན་པའི་སྒྲ། (དཔེར་ན།) ལྕགས་ཀྱུ། ཉ་ཀྱུ། ཞབས་ཀྱུ་ཞེས་པ་ལྟ་བུ། |
| ཀྱུ་མ |
གཡུ་ཡི་མིང་། |
| ཀྱུ་རུ་ར |
སྐྱུ་རུ་ར་དང་འདྲ། |
| ཀྱུ་རུ་རུ |
(རྒྱན་ཚིག) སྐད་ཕྲ་ཞིང་འགྱུར་ཁུག་ཡོད་པའི་དོན་ཏེ། (དཔེར་ན།) བྱིའུ་ཅོ་གའི་སྐད་སྙན་ཀྱུ་རུ་རུ། ཤུག་ལུ་ཀྱུ་རུ་རུ་འབུད་ཅེས་པ་ལྟ་བུ། |
| ཀྱུག་ཀྱུག |
(རྒྱན་ཚིག) འཇམ་ཞིང་འོད་འཚེར་བའི་དོན་ཏེ། (དཔེར་ན།) སྐྲ་ནག་ཀྱུག་ཀྱུག་བྱེད། འཕྲུལ་འཁོར་སྣུམ་ཀྱུག་ཀྱུག་བྱེད་ལྟ་བུ། |
| ཀྱུང་བུ |
(བརྡ་རྙིང་།) ཐོ་བའི་མིང་། |
| ཀྱུར་ཀྱུར |
(རྒྱན་ཚིག) 1. སྒྲ་གདངས་འབྱིན་ཚུལ་གྱི་རྣམ་པ་ཞིག་སྟེ། (དཔེར་ན།) ཞེས་པའི་ཚིག་བསྡུས་པ་ཀྱུར་ཀྱུར་མགྲིན་པའི་གླིང་བུ་བསྒྱུར་མཁས་པ་ཞེས་པ་ལྟ་བུ།2. ཀྱུ་རུ་རུ་ཞེས་པའི་ཚིག་བསྡུས་པ། |
| ཀྱེ |
འབོད་པའི་སྒྲ་ཀྱེ་གྲོགས་པོ། ཀྱེ་ཀྱེ་གྲོགས་པོ་རྣམས་ཞེས་པ་ལྟ་བུ། |
| ཀྱེ་ཀ |
སྐྱ་ཀ་ཡི་འབྲི་ཚུལ་གཞན། |
| ཀྱེ་ཀྱེ |
འབོད་བརྡ་ཉིས་བརྩེགས་སམ། ནན་ཏན་གྱིས་འབོད་པའི་ཚིག |
| ཀྱེ་མ |
སྨད་པ་དང༌། སྨོན་པ། ཞུམ་པ། ངོ་མཚར་བ། མྱ་ངན། ངེས་པ་སོགས་ཀྱི་དོན་ལ་འཇུག་པའི་འབོད་ཚིག་ཅིག (དཔེར་ན།) ཀྱེ་མ་འདི་འདྲ་མ་ཤོད། ཀྱེ་མ་ལོ་ལེགས་པ་ལ། ཀྱེ་མ་ཕངས་པ་ལ། ཀྱེ་མ་མཚར། ཀྱེ་མ་ཡིད་སེམས་སྐྱོ་བ་ལ། ཀྱེ་མ་ཁྱོད་ཀྱིས་ལྟོས་དང༌ཞེས་པ་ལྟ་བུ། |
| ཀྱེ་མ་ཀྱི་ཧུད |
མྱ་ངན་གྱི་ཚིག་གམ། སྨྲེ་སྔགས་འདོན་པའི་ཚིག |
| ཀྱེ་མ་ཀྱེ་ཧུད |
ཀྱེ་མ་ཀྱི་ཧུད་དང་འདྲ། |
| ཀྱེ་མ་མ |
1.མ་མ་ལ་འབོད་པའི་ཚིག2.མྱ་ངན་ནམ། ཡ་ང་བའི་ཚིག |
| ཀྱེ་མ་མ་ལ |
ཧ་ལས་པའམ། སེམས་སྐྱོ་བའི་ཚིག |
| ཀྱེ་མ་ཧུད |
སེམས་ཞུམ་པའམ། མྱ་ངན་གྱི་ཚིག |
| ཀྱེ་མ་ཧོ |
ངོ་མཚར་རྨད་དུ་བྱུང་བའི་འབོད་སྒྲ་ཀྱེ་མ་ཧོ་ངོ་མཚར་རྨད་དུ་བྱུང་ལྟ་བུ། |
| ཀྱེ་མའོ |
ཡིད་ཞུམ་པའམ། མྱ་ངན་གྱི་ཚིག |
| ཀྱེ་རྡོ་རྗེ |
དགྱེས་པ་རྡོ་རྗེ་སྟེ་སྔགས་བླ་མེད་ཀྱི་ཡི་དམ་ཞིག མིང་གི་རྣམ་གྲངས་ལ་དགྱེས་པ་རྡོ་རྗེ་དང༌། རྡོ་རྗེ་གྲི་གུག་དཔལ་ལྡན་ཁྲག་འཐུང༌། རོལ་པའི་རྡོ་རྗེ། ཧེ་བཛྲ། ཧེ་རུ་ཀ་བཅས་སོ། ། |
| ཀྱེ་རྡོ་རྗེ་ཞེས་བྱ་བའི་རྒྱུད་ཀྱི་རྒྱལ་པོ |
རྒྱུད་སྡེའི་བྱེ་བྲག་ཅིག་རྣལ་འབྱོར་བླ་ན་མེད་པའི་རྒྱུད་སྡེ་བརྟག་པ་གཉིས་པ་དགྱེས་པ་རྡོ་རྗེའི་རྩ་བའི་རྒྱུད་རྒྱས་པ་འབུམ་ཕྲག་བདུན་ཡོད་པ་ལས་ཅུང་ཟད་བསྡུས་པ་འབུམ་ཕྲག་ལྔ་པ་དང༌། དེ་ལས་ཀྱང་བཏུས་པའི་དགྱེས་པ་རྡོ་རྗེ་ཞེས་བྱ་བའི་རྒྱུད་ཀྱི་རྒྱལ་པོ་བཅས་རྒྱ་གར་གྱི་མཁན་པོ་ག་ཡ་དྷ་ར་དང༌། འབྲོག་མིའི་འགྱུར་ལ་སླར་ཡང་ལོ་ཙཱ་བ་གཞོན་ནུ་དཔལ་གྱིས་འགྱུར་ཆད་བསབས་པ། |
| ཀྱེ་རྡོར |
ཀྱེ་རྡོ་རྗེའི་བསྡུས་ཚིག |
| ཀྱེ་རྡོར་གྱི་སྒྲུབ་ཐབས་ཀྱི་ཡན་ལག་དྲུག |
གཞལ་ཡས་ཁང་བསྐྱེད་པ་རྣམ་སྣང་གི་ཡན་ལག་དབང་བསྐུར་བ་མི་བསྐྱོད་པའི་ཡན་ལག་བདུད་རྩི་མྱང་བ་འོད་དཔག་མེད་ཀྱི་ཡན་ལག་བསྟོད་པ་རིན་འབྱུང་གི་ཡན་ལག་མཆོད་པ་དོན་གྲུབ་ཀྱི་ཡན་ལག་རྗེས་ཆགས་རྡོར་སེམས་ཀྱི་ཡན་ལག་རྣམས་སོ། ། |
| ཀྱེ་ཧུ |
སྙིང་རྗེས་མ་བཟོད་པ། ཡིད་ཤིན་ཏུ་སྡུག་པ། ཉམ་ཐག་པ་སོགས་ཀྱི་ཚིག |
| ཀྱེ་ཧུད |
ཀྱི་ཧུད་དང་འདྲ། |
| ཀྱེ་ཧོ |
1.ངོ་མཚར་བའམ། ཧ་ལས་པའི་དོན་ལ་འཇུག་པའི་འབོད་ཚིག2. རྫིག་ཉམས་སྟོན་པའི་འབོད་སྒྲ་ཀྱེ་ཧོ་འདིར་ཚོགས་ཀུན་གྱིས་ཉོན་ལྟ་བུ། |
| ཀྱེད |
འགྲེང་བུ་དང༌། ན་རོ་གཉིས་མཚོན་བྱེད་ཀྱི་རྟགས་ེ་ོ འདི་གཉིས་ཀྱི་མིང་། |
| ཀྱཻ་རྡོ་རྗེ |
ཀྱེ་རྡོ་རྗེ་དང་འདྲ། |
| ཀྱཻ་རྡོར་ལྷན་སྐྱེས |
དགྱེས་པ་རྡོ་རྗེ་ཡུམ་དང་བཅས་པ་སྟེ་སྔགས་བླ་མེད་ཀྱི་ཡི་དམ་ཞིག |
| ཀྱོ་ཏང |
(བརྡ་རྙིང་།) ལྕགས་ཀྱུའི་མིང་། |
| ཀྱོ་བ |
(བརྡ་རྙིང་།) ལྕགས་ཀྱུའི་མིང་། |
| ཀྱོ་བ་ཏང |
(བརྡ་རྙིང་།) ལྕགས་ཀྱུའི་མིང་། |
| ཀྱོག་ཀྱོག |
(རྒྱན་ཚིག) 1.མྱུར་དུ་འགུལ་བའི་དོན་ཏེ། (དཔེར་ན།) མགོ་བོ་དཀར་ཀྱོག་ཀྱོག མགོ་ཀྱོག་ཀྱོག་འདར། ཆུ་ལ་བརྒལ་ན་སྒྱིད་པ་ཀྱོག་ཀྱོག་བྱེད་ལྟ་བུ།2.འཁྱོག་པོའི་དོན་ཏེ། (དཔེར་ན།) མགོ་བོ་ཀྱོག་ཀྱོག་འགུལ་བཞིན། བགྲོད་ལམ་ཀྱོག་ཀྱོག་བརྒྱུད་ལྟ་བུ། |
| ཀྱོག་གེ་བ |
དྲང་མིན་འཁྱོག་པོའི་རྣམ་པ་སྟེ། (དཔེར་ན།) ཐེ་ཚོམ་གྱི་བློ་ཀྱོག་གེ་བ། རྒད་པོ་གཟུགས་པོ་ཀྱོག་གེ་བ་ཞེས་པ་ལྟ་བུ། |
| ཀྱོག་ཐིག |
ཐིག་འཁྱོག་པོ། |
| ཀྱོག་པ |
ཀྱོག་པོ་དང་འདྲ། |
| ཀྱོག་པོ |
དྲང་མིན་འཁྱོག་པོའམ་ཡོན་པོའི་དོན་ཏེ། (དཔེར་ན།) འགྲོ་ལམ་ཀྱོག་པོ། གཏམ་ཀྱོག་པོ། རྐང་ལག་ཀྱོག་པོ། ཁུག་ཀྱོག་སོགས་ལྟ་བུ། |
| ཀྱོག་བཤད |
དྲང་པོར་མ་བཤད་པའི་དོན། |
| ཀྱོག་ལམ |
འགྲོ་ལམ་འཁྱོག་པོ། |
| ཀྱོག་ཤད |
རིན་ཆེན་སྤུངས་ཤད་ཀྱི་མིང་གཞན། |
| ཀྱོག་ཤིང |
ཤིང་འཁྱོག་པོའི་མིང་། |
| ཀྱོང་ཀྱོང |
(རྒྱན་ཚིག) གཤོང་གཤོང༌དང་དོན་འདྲ་སྟེ། (དཔེར་ན།) ས་ཆ་ཀྱོང་ཀྱོང་ནང་དུ་ཆུ་འཁྱིལ་འདུག་ཅེས་པ་ལྟ་བུ། |
| ཀྱོང་ཁ |
ཀོང་ཀོང་ཡོད་སའི་དོན་ཏེ། (དཔེར་ན།) ཀྱོང་ཁ་འབུར་གསོས་ཞེས་པ་ལྟ་བུ། |
| ཀྱོང་པོ |
མར་རྡིབ་ནས་ཆགས་པའི་ཀོང་ཀོང༌སྟེ། (དཔེར་ན།) ས་བབ་ཀྱོང་པོ། ཆ་ཀྱོང་པོར་ཉལ་ནས་ཡིབ་ཅེས་པ་ལྟ་བུ། |
| ཀྱོང་བུ |
1 .གཞང་འབྲུམ་ལ་མར་ཁུ་བླུག་བྱེད་ཀྱི་ཡོ་བྱད་ཅིག2.ཞིང་ལ་ཡུར་མ་ཡུར་བྱེད་ཀྱི་རྐོ་མ།2. ཀྱོང་པོ་དང་འདྲ། |
| ཀྱོང་མོ |
(རྒྱན་ཚིག) ཀྱོང་པོ་དང་འདྲ། |
| ཀྱོར་ཀྱོར |
(རྒྱན་ཚིག) ཡན་གར་དུ་ཡར་ལངས་པའི་དོན་ཏེ། (དཔེར་ན།) རྣ་བ་ཀྱོར་ཀྱོར་བྱས་ལྟ་བུ། |
| ཀྲ་ཁ་ཁྲ་ཆུང |
1.སྔོ་སྨན་ཀོན་པ་གབ་སྐྱེས་ཏེ་སྐྱེ་གནས་ཀྱི་དབང་གིས་རིགས་གཉིས་སུ་དབྱེ་བས་རི་སྐྱེས་ཤིག2.བྱ་སྐྱ་གའི་མིང་གཞན། |
| ཀྲང་ཀྲོང |
(རྒྱན་ཚིག) ཀྲང་ངེ་ཀྲོང་ངེའི་བསྡུས་ཚིག |
| ཀྲང་ངེ |
(རྒྱན་ཚིག) དྲང་བའི་དོན་ཏེ། (དཔེར་ན།) ལུས་ཀྲང་ངེར་། འགྲེང་ཐིག ཀྲང་ངེ་འདུག ལམ་ཆེན་སྐྱ་ཀྲང་ངེ་ཞེས་པ་ལྟ་བུ། |
| ཀྲང་ངེ་ཀྲོང་ངེ |
(རྒྱན་ཚིག) དྲང་པོར་སྲོང་བའི་ཚུལ་ཏེ། (དཔེར་ན།) ལུས་ཚུགས་དྲང་པོར་སྲོང་བའི་ཀྲང་ངེ་ཀྲོང་ངེ་ཞེས་པ་ལྟ་བུ། |
| ཀྲང་ངེ་བ |
(རྒྱན་ཚིག) ཀེ་རེར་ལངས་པའི་ཚུལ་ཏེ། (དཔེར་ན།) གཟུགས་པོ་ཀྲང་ངེ་བར་ལངས། ཀྲང་ངེར་སྡོད་ཅེས་པ་ལྟ་བུ། |
| ཀྲང་ཏཱ་རིན |
(རྒྱ་སྐད།) ཁ་རྒྱུན་གྱི་བཤད་སྲོལ་ལྟར་ཨམ་བན་ཀྲང་ཏཱ་རིན་གྱིས་བོད་དུ་སོན་ཁྱེར་ཡོང་ནས་སྤེལ་བའི་མེ་ཏོག་ཅིག |
| ཀྲང་མའོ་ཚེ |
(རྒྱ་སྐད།) ཀོང་པོའི་ཁྱོ་གའི་ཞྭ་མོ་ཞིག |
| ཀྲང་ལ་རྒྱུགས་པ |
(ཡུལ་སྐད།) ལོ་མ་དང་སྙིང་པོ་རྒྱས་མ་ཐུབ་པར་སྡོང་རྐང་རིང་པོར་གྱུར་པའི་དོན་ཏེ། (དཔེར་ན།) ལུད་མ་བརྒྱབ་པས་ཚལ་རིགས་ཚང་མ་ཀྲང་ལ་རྒྱུགས་འདུག་ཅེས་པ་ལྟ་བུ། |
| ཀྲད |
ཀོ་བ་ལས་དྲས་པའི་གཞུ་ཀྲད། |
| ཀྲད |
རྐང་ལ་གྱོན་རྒྱུའི་ལྷམ་གྱི་རིགས་ཤིག་གི་མིང་སྟེ། (དཔེར་ན།) ཨ་ཀྲད་ངན་ཡང་ཉྭ་དྲོ་ལྟ་བུ། ཀོ་ལྷམ་དང་ཀོ་པགས་ཧྲུལ་བོའི་མིང་དུ་བཤད་པའང་ཡོད། |
| ཀྲད་ཀོར |
1.མཐེབ་ཀོར་གྱི་མིང་སྟེ། (དཔེར་ན།) མཐེ་བོང་ལ་བ་སོའི་ཀྲད་ཀོར་ཞིག་གྱོན་འདུག་ལྟ་བུ། 2. མདའ་འཕེན་སྐབས་ལག་པའི་མཛུ་གུ་སྐྱོབ་བྱེད་ཀྱི་སོར་གདུབ་ཅིག་གི་མིང་ཡུལ་སྐད་ལ་མཐེབ་ར་ཟེར། |
| ཀྲད་པ |
ལྷམ་གྱི་རྡོག་པའི་དོན་ཏེ། (དཔེར་ན།) ལྷམ་ལ་ཀྲད་པ་བརྒྱབ་ཅེས་པ་ལྟ་བུ། |
| ཀྲད་འཁོར |
ཀྲད་ཀོར་དང་འདྲ། |
| ཀྲད་རྒྱུན |
ལྷམ་ལ་རྡོག་པ་རྒྱག་བྱེད་ཀྱི་རྒྱུན་བུ་སྟེ། (དཔེར་ན།) ཀྲད་རྒྱུན་གྱིས་ལྷམ་རྡོག་ཚེམས་ཤིག་ལྟ་བུ། |
| ཀྲབ་ཀྲབ |
(རྒྱན་ཚིག) རྐང་བ་དང་ལག་པས་གར་འཁྲབ་པ་ལྟ་བུའི་རྣམ་འགྱུར་སྟོན་པའི་དོན་ཏེ། (དཔེར་ན།) རྐང་ལག་ཀྲབ་ཀྲབ་བྱས་ནས་གར་འཁྲབ། ལག་པ་ཀྲབ་ཀྲབ་བྱས་ནས་ལས་ཀ་ལས་ལྟ་བུ། |
| ཀྲབ་ཀྲོབ |
(རྒྱན་ཚིག) ཀྲབ་བེ་ཀྲོབ་བེའི་བསྡུས་ཚིག |
| ཀྲབ་བེ་ཀྲོབ་བེ |
(རྒྱན་ཚིག) 1.གར་གྱི་རྣམ་འགྱུར་ཞིག་ (དཔེར་ན།) གོམ་སྟབས་མགྱོགས་ནས་མྱུར་དུ་ཀྲབ་བེ་ཀྲོབ་བེར་འཁྲབ་ཅེས་པ་ལྟ་བུ། 2.གཡོ་སྒྱུའི་བསམ་བློ་འཁོར་སྟངས་ཤིག་གི་དོན་ཏེ། (དཔེར་ན།) སླུ་འདྲིད་མཁས་པའི་གཡོ་སྒྱུའི་སེམས་ཀྲབ་བེ་ཀྲོབ་བེ་ཞེས་པ་ལྟ་བུ། |
| ཀྲི་ཁ |
བྱ་སྐྱ་ཀའི་རིགས་ཤིག་གི་མིང་དབྱིབས་སྐྱ་ཀ་དང་འདྲ་ཞིང་མཇུག་སྒྲོ་སྐྱ་ཀ་ལས་ཐུང་ལ་ཁྱུ་བྱས་ནས་འཚོ་བ་ཞིག ཡུལ་སྐད་ལ་ལར་ལྕུང་ག་སྐེ་ཁྲ་ཡང་ཟེར། |
| ཀྲི་ག |
1.ཉག་ཉག་གམ། ཉག་ཉག་གི་རི་མོ་དོན་ཏེ། (དཔེར་ན།) ཕོར་པའི་ཀྲི་ག། མིག་གི་ཀྲི་ག་ཞེས་པ་ལྟ་བུ།2.ཁྲོན་པའི་འགྲམ་མཐའི་ར་བ། |
| ཀྲི་མི |
ཆུ་བྱ་གག་པའི་རིགས་ཤིག་གི་མིང་དབྱིབས་ངུར་བ་དང་འདྲ་ཞིང་སྤུ་མདོག་དཀར་སྐྱ་ཡིན། |
| ཀྲི་ཡ |
(ལེགས་སྦྱར།) བྱ་བ། |
| ཀྲི་ཡ་ཏནྟྲཿ |
(ལེགས་སྦྱར།) རྒྱུད་སྡེ་བཞིའི་ནང་གསེས་ཁྲུས་དང་གཙང་སྦྲ་སོགས་ཕྱིའི་བྱ་བ་གཙོ་བོར་སྟོན་པ་སྟེ་བྱ་བའི་རྒྱུད། |
| ཀྲི་ཡོ་ག |
(ལེགས་སྦྱར།) ཀྲི་ཡ་དང་ཡོ་ག་བྱ་རྒྱུད་དང༌། རྣལ་འབྱོར་རྒྱུད་གཉིས་ཀྱི་བསྡུས་མིང༌། |
| ཀྲིག་ཀྲིག |
(རྒྱན་ཚིག) 1.གཟི་མདངས་འཚེར་བའམ། སྐྱི་གཡའ་བར་བྱེད་ཚུལ་ཞིག་སྟེ། (དཔེར་ན།) དྲག་པོའི་ཚུལ་གྱིས་གཞན་ལ་ཀྲིག་ཀྲིག་ལྟ། རལ་གྲིའི་དངོ་མདངས་འོད་ཀྲིག་ཀྲིག་ཅིག་འདུག2.གཟུང་བྱ་ནན་ཏན་དུ་འཛིན་སྟངས་ཏེ། ལག་ཏུ་མཚོན་ཆ་ཀྲིག་ཀྲིག་ཏུ་འཛིན་པ་ཞེས་པ་ལྟ་བུ། |
| ཀྲིག་ཅར |
ངེས་པའམ། གཏན་འཁེལ་བའི་དོན་ཏེ། (དཔེར་ན།) ཚོང་ཟོག་གི་རིན་ཐང་ཀྲིག་ཅར་བྱས་མེད། དུས་ཚེས་ཀྲིག་ཅར་བཟོས་སོང༌ལྟ་བུ། |
| ཀྲིག་ཆགས |
ངེས་པའམ། གཏན་འཁེལ་བའི་དོན་ཏེ། ཀྲིག་ཅར་དང་འདྲ། |
| ཀྲིན |
ཀྲིན་ནད་ཅེས་པའི་མིང་བསྡུས་པ་ལྟོ་བ་ན་བའི་ནད་རིགས་ཤིག་ཡིན་པར་བཤད། |
| ཀྲིཥ་ཎ་སཱ་ར |
(ལེགས་སྦྱར།) 1>ནག་ཁྲ། 2>རི་དྭགས་ཁྲི་སྙན་ས་ལེ་སྟེ་ལུས་ཡོངས་རྫོགས་ཐིག་དཀར་ནག་གིས་བརྒྱན་ཞིང༌། གཤིས་ཀ་དུལ་བ། བཀྲ་ཤིས་བདེ་ལེགས་མཚོན་པ་ཞིག |
| ཀྲུ་ཀྲུ |
དབྱིབས་དང་མདོག་བྱ་ཕུག་རོན་དང་འདྲ་ཞིང་ཤིང་སྡོང་གི་ཐོག་ཏུ་ཚང་བཅའ་བའི་བྱ་རིགས་ཤིག་གི་མིང་། |
| ཀྲུགས |
(བརྡ་རྙིང་།) 1>འཁྲུག་པ། 2>ཞོ་དང་འོ་མ་སོགས་དཀྲུག་པར་བྱེད་པའི་ཡོ་བྱད་སྤྱིའི་མིང་། |
| ཀྲུང |
(རྒྱ་སྐད།) རྒྱ་སྐད་ཀྱི་ད་ལྟའི་རྒྱ་ནག་རྒྱལ་ཁབ་ཀྱི་མིང་བསྡུས་པ་ཀྲུང་ཁྲོ། ཀྲུང་རི། ཀྲུང་མེ་ཞེས་པ་ལྟ་བུ། |
| ཀྲུང་ཀྲུང |
ཁྲུང་ཁྲུང་གི་འབྲི་ཚུལ་གཞན། |
| ཀྲུང་ཐང |
(རྒྱ་སྐད།) གོང་མའི་བློན་ཆེན་ལ་འབོད་པའི་ཞེ་ས། |
| ཀྲུང་དབན |
(རྒྱ་སྐད།) དཀར་ཡོལ་འབྲིང་བ། |
| ཀྲུབ་ཟན |
(ཡུལ་སྐད།) སྲུབས་ཟན་ཏེ། ཚེམ་བུའི་བར་སྲུབ་ཏུ་འཇུག་པའི་རྒྱན། |
| ཀྲུམ |
ཤའི་ཞེ་ས་སྟེ། (དཔེར་ན།) ཤ་ཁུ་ལ་ཀྲུམ་ཁུ་དང་། ཤ་ཟོ་ཞེས་པར་གསོལ་ཀྲུམ་བཞེས་ཞེས་པ་ལྟ་བུ། |
| ཀྲུམ་ཁོག |
ཤ་ཁོག |
| ཀྲུམ་དོད |
ཤའི་དོད་དངུལ། |
| ཀྲུམ་མདའ |
མེ་མདའ་འཕྲུལ་མདའ་ཐུང་ཐུང༌། |
| ཀྲུམས |
1.ཀྲུམ་དང་འདྲ། 2.ཤ་ཟས་ཤིག་གི་མིང་། ཤ་ཞིབ་བུར་འཐག་པའི་ལྡེ་གུ་ཡིན་པར་བཤད། |
| ཀྲུའུ་ཞི |
(རྒྱ་སྐད།) རྒྱལ་ཁབ་དང༌། སྲིད་ཏང༌། ཚོགས་པ། ཚོགས་འདུ་སོགས་འགའ་ཞིག་གི་འགོ་ཁྲིད་མཐོ་ཤོས་ཀྱི་གོ་མིང༌། |
| ཀྲེ་ནག |
ཟངས་ང་དང་ཁོག་མ་སོགས་དུ་བས་བདུག་པའི་དྲེག་པ་ནག་པོའི་མིང་། |
| ཀྲོག་ཀྲོག |
(རྒྱན་ཚིག) འདྲོགས་པའམ་ང་རྒྱལ་བའི་རྣམ་འགྱུར་ཏེ། (དཔེར་ན།) མགོ་བོ་ཀྲོག་ཀྲོག་བྱས། ཀྲོག་ཀྲོག་ཚ་བོ་ལྟ་བུ། སྒྲའི་བྱེ་བྲག་སྟེ་ལྷམ་སྒྲ་ཀྲོག་ཀྲོག་གྲགས་ལྟ་བུ། |
| ཀྲོང་ཀྲོང |
(རྒྱན་ཚིག) སྲོང་པོར་ལངས་ཚུལ་ཏེ། (དཔེར་ན།) རྣ་བ་ཀྲོང་ཀྲོང་བྱས་ནས་ཉན་ཞེས་པ་ལྟ་བུ། |
| ཀྲོང་ངེ |
(རྒྱན་ཚིག) གཡོ་བ་མེད་པར་དྲང་པོར་ལངས་པའམ་ཙོག་པུར་བསྡད་པའི་རྣམ་པ་སྟེ། (དཔེར་ན།) གཟུགས་པོ་ཀྲོང་ངེ་འདུག ཀྲོང་ངེ་འགྲེང་ལྟ་བུ། |
| ཀྲོང་ངེ་བ |
(རྒྱན་ཚིག) སྲོང་ངེ་བ་སྟེ་མ་འཁྱོག་པར་དྲང་ཐད་དུ་ལངས་པའི་དོན། (དཔེར་ན།) ཤིང་སྡོང་ཀྲོང་ངེ་བ། ཀྲོང་ངེ་བར་འགྲེང་ཞེས་པ་ལྟ་བུ། |
| ཀྲོང་རྩེ |
(རྒྱ་སྐད།) འཁོར་ཡིག་སྟེ་རྒྱ་ཡིག་གི་འབྲི་ཚུལ་ཞིག |
| ཀྲྀ་ཀྲྀ |
(ལེགས་སྦྱར།) བྱེད་པ་སྟེ་སྔོན་སངས་རྒྱས་འོད་སྲུང་གི་ཡབ་ཀྱི་མཚན། |
| ཀླ་ཀློ |
ཤེས་ཡོན་དར་མེད་པའི་གནའ་བོའི་མིའི་རིགས་ཀྱི་མིང་སྟེ། (དཔེར་ན།) ཀླ་ཀློའི་དུས་སྐབས། ཀླ་ཀློའི་ཡུལ་ཞེས་པ་ལྟ་བུ། བྱ་སྤྱོད་གདུག་རྩུབ་ཅན་གྱི་དོན་ཏེ། སྤྱོད་པ་ཀླ་ཀློ། ཀླ་ཀློའི་རྡུལ་ཞུགས་ཞེས་པ་ལྟ་བུ། |
| ཀླ་ཀློ་ཁ |
(མངོན་བརྗོད།) ཟངས། |
| ཀླ་ཀློ་མཐའ་འཁོབ་ཀྱི་ཞལ་ལྕེ |
སྔར་བོད་ཀྱི་མཐའ་མཚམས་ཡུལ་དུ་སྤྱོད་ཅིང་བོད་རང་ལ་མཁོ་ཆུང་བའི་ཞལ་ལྕེ་སྟེ་ཁྲིམས་ཡིག་ཞལ་ལྕེ་བཅུ་དྲུག་གི་ནང་གསེས་ཤིག |
| ཀླ་ཀློའི་ཆོས་ལུགས |
སྦྲང་རྩིའི་བློ་གྲོས་ཟེར་བའི་མི་ཞིག་གིས་ཤིང་སྤྲེལ་ལོ་སྟེ་སྤྱི་ལོ་624 པར་མ་ཁའི་ཡུལ་དུ་བཙུགས་པའི་ཆོས་ལུགས། |
| ཀླ་ཀློའི་སྐད |
ཤེས་རིག་མ་དར་བའི་ཡུལ་གྱི་སྐད་དེ། སྔར་རྒྱ་གར་དུ་གྲགས་པའི་སྐད་རིགས་ཀྱི་ནང་གསེས་ཤིག |
| ཀླ་ཀློའི་སྤོས |
(མངོན་བརྗོད།) སྒོག་པ། |
| ཀླག |
(བརྡ་རྙིང་།) བལ་གྱིས་བཏགས་པའི་སྣམ་བུའི་ལྭ་བ། སྣམ་ཀླག |
| ཀླག་ཅོར |
སྐད་ཆེན་པོའམ། ཀུ་ཅོ་རྣ་བར་མི་སྙན་པའི་སྒྲ་སྣ་ཚོགས་འདྲེས་པའི་མིང། (དཔེར་ན།) མི་མང་པོས་ཀླག་ཅོར་ཆེན་པོ་བརྒྱབ་ལྟ་བུ། |
| ཀླགས་པ |
(བརྡ་རྙིང་།) གཞན་ལས་ལྷག་པའམ། ཕུལ་དུ་བྱུང་བའི་དོན། |
| ཀླད |
1.གོང་ངམ་སྟེང་ངམ་ཐོག་མའི་དོན་ཏེ། (དཔེར་ན།) དོན་དག་དེ་ཀླད་དུ་གསལ་པོ་བཤད་ཟིན། ཁང་ཀླད། སྦྲ་ཀླད། ཡི་གེའི་ཀླད་ཀོར་ཞེས་པ་སོགས་ལྟ་བུ། 2.ཀླད་པ་ཡི་ཚིག་བསྡུས་པ། |
| ཀླད་ཀོར |
1.གྲངས་གནས་ཀྱི་མགོ་རྩོམ་སའི་ཀླད་ཀོར་ཏེ་རྟགས་༠་འདིའི་མིང་། 2.ལྷ་མོ་འཁྲབ་དུས་རྔོན་པའི་འབག་གི་ཐོད་ཀྱི་གོང་བ།3.ཡི་གེའི་ཀླད་ཀྱི་ཐིག་ཀོར་ཏེ་ལེགས་སྦྱར་གྱི་ཡི་གེའི་ཀླད་དུ་བྲིས་པའི་དབྱིབས་སྒོར་སྒོར་གྱི་རྟགས་ལ་ཟེར། དེ་གསལ་བྱེད་དག་ལ་ཞུགས་པའི་ང་རོ་འདོན་ཚུལ་ནི། ཀ་ནས་ང་བར་གྱི་གསལ་བྱེད་ལྔའི་ཀླད་ཀོར་ལ་ང་སྒྲ་དང༌། ཙ་ནས་ཉ་བར་གྱི་ཀླད་ཀོར་ལ་ཉ་སྒྲ། ཊ་ནས་ཎ་བར་གྱི་ཀླད་ཀོར་ལ་ཎ་སྒྲ། ཏ་ནས་ན་བར་གྱི་ཀླད་ཀོར་ལ་ན་སྒྲ། བ་ནས་མ་བར་གྱི་ཀླད་ཀོར་ལ་མ་སྒྲ། ཡ་ནས་ཀྵ་བར་གྱི་གསལ་བྱེད་དགུའི་ཀླད་ཀོར་ལ་ང་སྒྲ། ཧཱུའི་ཀླད་ཀོར་ལ་ང་སྒྲ། ཨའི་ཀླད་ཀོར་ལ་ང་སྒྲ། ཨོ་ཡིག་གི་ཀླད་ཀོར་ལ་མ་སྒྲ་བཅས་སོ་སོའི་འཇུག་ཚུལ་ལ་བལྟོས་ནས་སྒྲ་འདོན་ཚུལ་མི་འདྲ། |
| ཀླད་ཁྱིམ |
ཀླད་པའི་སྣོད་དམ། མགོ་ཐོད། |
| ཀླད་ཁྲག་ཉམས་པ |
མགོ་ནད་ཅིག |
| ཀླད་གཞུང |
ཀླད་པ་ནས་གཞུ་གུའི་བར་གྱི་སྒལ་གཞུང་། |
| ཀླད་གཞུངས |
ལུས་ཀྱི་སྒལ་ཀླད་དམ་རྒྱུངས་པ། |
| ཀླད་གཟེར |
གཉན་ནད་རིགས་བཅོ་བརྒྱད་ཀྱི་ནང་ཚན་ཀླད་པར་བབ་ནས་གཟེར་ཐབས་ཀྱིས་སྲོག་འཕྲོག་པའི་ནད་ཅིག |
| ཀླད་ཆུང |
བློ་རྒྱ་ཆུང་ཆུང་ངམ་ཅོལ་ཆུང༌། ཕུགས་བསམ་མེད་པའམ་ཤེས་ཡོན་ཧ་ཅང་ཉུང་བའི་མི། |
| ཀླད་དོན |
རྩོམ་གཞུང་གི་མིང་དང་མགོ་བརྗོད་བཅས་ཀྱི་སྤྱི་མིང་སྟེ། (དཔེར་ན།) རྩོམ་གཞུང་ཆ་ཚང་བ་ཞིག་ལ་ཀླད་དོན་དང་གཞུང་དོན། མཇུག་དོན་བཅས་གསུམ་ཡོད་པའི་ནང་ཚན་གྱི་ཀླད་དོན། གོང་རིམ་གྱི་མིང་སྟེ། (དཔེར་ན།) ཀླད་ནས་བཀའ་བབས་ཞེས་པ་ལྟ་བུ། |
| ཀླད་པ |
མཐོ་རིམ་སྲོག་ཆགས་ཀྱི་རྩ་དཀར་རྒྱུད་རིམ་གྱི་ཆ་ཤས་གཙོ་བོ་ཡིན་ཞིང་ཀླད་རུས་ཀྱི་ནང་དུ་ཆགས་ཡོད། དེ་ཀླད་ཆེན་དང་ཀླད་ཆུང་། ཀླད་འབྲིང་། རྒྱུངས་པ་བཅས་འདུས་ནས་གྲུབ་པ་ཡིན་ཞིང་། དབང་པོ་ལྔས་ཡུལ་ཤེས་པ་དང་ལུས་ཀྱི་འགུལ་སྐྱོད་སོགས་ལ་དབང་སྒྱུར་བྱེད་ཀྱིན་ཡོད། མིའི་ཀླད་པ་བསམ་པ་དང་དྲན་ཤེས་ལ་སོགས་པའི་སེམས་ཉིད་ཀྱི་འཕྲོ་འདུ་ལ་དབང་སྒྱུར་བྱེད་ཀྱི་དབང་པོ་ཡིན། ཀླད་པའི་ཕྱི་ཤུན་སྐྱི་མོ་ལ་ཀླད་རྒྱ་ཟེར། |
| ཀླད་པ་དཀར་པོ |
(ཡུལ་སྐད།) བསམ་པ་དཀར་པོའམ། ལྷད་སྐྱོན་མ་ཞུགས་པའི་སེམས། |
| ཀླད་པ་མདུན་མ |
ཀ་ལིའི་མདུན་གྱི་ཀླད་པ་བསམ་བློ་འབྱུང་ཡུལ། |
| ཀླད་པ་རྒྱབ་མ |
ཀ་ལིའི་རྒྱབ་ཀྱི་ཀླད་པ་འགུལ་སྐྱོད་འབྱུང་ཡུལ། |
| ཀླད་པ་ལྗང་གུ |
(ཡུལ་སྐད།) བསམ་པ་རུལ་པའམ། ལྷད་སྐྱོན་ཞུགས་པའི་སེམས། |
| ཀླད་པ་སྲབ་པོ |
མགོ་སླ་པོའམ་བསམ་པ་འགྱུར་ཆོག་ཆོག |
| ཀླད་པའི་ངལ་རྩོལ |
བསམ་བློའི་བྱ་བ་གཙོ་བོར་བྱེད་པའི་ངལ་རྩོལ་གྱི་དོན་ཏེ། (དཔེར་ན།) རྒྱལ་ཁབ་ཀྱི་ལས་དོན་བདག་གཉེར་གྱི་བྱ་བ་དང༌། ཐོན་སྐྱེད་རྩ་འཛུགས་ཀྱི་བྱ་བ། ཆབ་སྲིད་དང་རིག་གནས་ཀྱི་བྱ་བ། ཚན་རིག་བརྟག་དཔྱད་ཀྱི་བྱ་བ་བཅས་ལྟ་བུ། |
| ཀླད་པའི་དར་རྩ |
ཀླད་པའི་རྒྱ་དར་གྱི་སྟེང་དུ་ཤིང་ལོའི་འདབ་རིས་ལྟར་གནས་པའི་རྩ་དཀར་ཏེ། ནང་གསེས་སུ་དབྱེ་ན་གཉན་གྱི་རེ་ཐག་བཞི་དང༌། ཀུན་རྒྱུག་གཉིས། ཚངས་པའི་སྐུད་པ་གཅིག་བཅས་བདུན་མཆིས་སོ། ། |
| ཀླད་པོ་ཆེ |
བློ་སྟོབས་ཆེན་པོའམ། བློ་བརྟན་པོ། |
| ཀླད་ཕོར |
ཀ་ལི། |
| ཀླད་བྱི |
མགོ་དམར་བའམ་ཟངས་ཁོག་ལྟ་བུ་སྟེ་མགོ་བོའི་སྐྲ་རྣམས་རང་བཞིན་གྱིས་བུད་པ། |
| ཀླད་མ |
ཐོག་མའམ། སྟེང་མའམ། གོང་མ། དུས་ཀྱི་ཀླད་མ། |
| ཀླད་མེད |
བྱབ་ཆུང་ངམ་ཅོལ་ཆུང༌། ཀླད་མེད་ཀྱི་གཏམ། |
| ཀླད་མེད |
བསམ་བློ་ཞིབ་མོ་གཏོང་མི་ཤེས་པའི་མི། |
| ཀླད་ཞོ |
ཀ་ལིའི་ནང་གི་ཀླད་པ་ཞོ་དང་འདྲ་བ། |
| ཀླད་ཡུ་འཁོར |
མགོ་ཡུ་འཁོར་བ། |
| ཀླད་རྒྱ |
ཀླད་པའི་ཤུན་པགས་ཀྱི་དོན་ཏེ། (དཔེར་ན) ཀླད་རྒྱ་ལ་སྐྱོན་ཤོར། ཀླད་རྒྱའི་ཚད་ནད་ཅེས་པ་ལྟ་བུ། |
| ཀླད་རྒྱས |
ཀླད་པ་ལས་འབབ་པའི་ཁ་ཆུ་འབྱར་ཚི་ཅན། |
| ཀླད་རྩ |
ལུས་ཀྱི་ཀླད་པ་འཕེལ་རྒྱས་འབྱུང་བའི་རྩ། |
| ཀླད་རྩལ |
བསམ་བློའི་ནུས་རྩལ། |
| ཀླད་ཤུན |
ཀླད་པའི་སྐྱི་དཀར། |
| ཀླད་ཤུབས |
ཀླད་པའི་སྐྱི་དཀར། |
| ཀླད་སྐྱོན |
1.ཀླད་པའི་ནད།2.བསམ་པའི་ལྷད། |
| ཀླད་སྒོ |
1.ཀ་ལིའི་སྲུབས་སྒོ།2.ཚངས་བུག་གམ། སྤྱི་གཙུག་གི་བུ་ག |
| ཀླད་སྤྲི |
ཀླད་པའི་སྐྱི་དཀར། |
| ཀླད་སྲིན |
མགོའི་ཀླད་པ་ལ་ཡོད་པའི་སྲིན་འབུ་ཞིག |
| ཀླད་སྲིན་ནད |
མགོ་བོའི་ཀླད་པ་ལ་གནས་པའི་སྲིན་བུ་རོ་མངར་བ་སོགས་ཀྱིས་བསྐྱེད་པས་སྲིན་འཁྲུགས་ཏེ་ལྡང་དུབ་བྱས་ནས་ན་བའི་མགོ་ནད་ཅིག |
| ཀླན |
(བྱེད་འབྲེལ་ལས་ཚིག) 1.དགྲ་ཤ་ཀླན་པ་ཡུལ་སྐད་དུ་སྙིང་ནད་རྩོད་པ་ཟེར་བའི་དོན། 2.ལན་བཏབ་པའི་དོན་ཏེ། (དཔེར་ན།) ཚིག་ལ་ཚིག་ལན་ཀླན་པ་ཞེས་པ་ལྟ་བུ། |
| ཀླན་ཀ |
སྙད་ཀའམ། རྩོད་གཞི་བཙུགས་པའི་དོན་ཏེ། (དཔེར་ན།) རང་ཁག་གཞན་ལ་གཡོགས་ནས་ཀླན་ཀ་འཚོལ་བ། དགོས་མེད་ཀླན་ཀ་བྱེད་པ། གཞན་ལ་ཀླན་ཀ་མ་བཏབ་གོང་ནས་རང་གི་སྐྱོན་ཡོན་བརྟག་དཔྱད་བྱེད་དགོས་ཞེས་པ་ལྟ་བུ། |
| ཀླན་པ |
(བརྡ་རྙིང་།) ལན་སློག་པའམ་ལན་རྒྱག་པ། ཚིག་ལ་ལན་ཀླན་པ། དགྲ་ཤ་ཀླན་པ། |
| ཀླབ |
(བརྡ་རྙིང་།) ལྭ་བའམ། སྣམ་བུ་མཐུག་པོ། |
| ཀླམ་པ |
(བརྡ་རྙིང་།) བལ་སྐུད་ཀྱིས་བཏགས་པའི་ཕྱར་བ་མཐུག་པོའི་མིང་ད་སྐབས‘ཀམ་པ་ལི’འམ‘བལ་ཕྱར’ཟེར། མགོ་ལ་དཀྲི་རྒྱུའི་རས་རིང་བོའི་མིང་། |
| ཀླལ |
གླལ་གྱི་འབྲི་ཚུལ་གཞན། |
| ཀླས |
1.(རྒྱན་ཚིག) 1>མཐའ་མེད་པའམ་མཐའ་རྒྱ་ཆེ་བའི་དོན་ཏེ། (དཔེར་ན།) ནམ་མཁའ་མཐའ་ཀླས་པ་བྱ་བ་མཐའ་ཀླས་པ་ཞེས་པ་ལྟ་བུ། 2>མང་བའམ་ཟབ་པའི་དོན་ཏེ། (དཔེར་ན།) ཡོན་ཏན་འབྱམས་ཀླས་པ་ཞེས་པ་ལྟ་བུ། 2.(བརྡ་རྙིང་།) རྒྱལ་པོའི་འཁོར་བུད་མེད་སྡོད་ས། ཕོ་བྲང་ཀླས། |
| ཀླས་པ |
མཐའ་མེད་པའམ་རྒྱ་ཆེ་བའི་དོན་ཏེ། (དཔེར་ན།) མཐའ་མེད་པ་ལ་མཐའ་ཀླས་པ་དང་། གྲངས་དང་རྒྱ་ཁྱོན་སོགས་ཆེ་བར་འབྱམས་ཀླས་པ། ཡོན་ཏན་ཆེན་པོ་མངའ་བར་ཡོན་ཏན་འབྱམས་ཀླས་པ་ཞེས་པ་ལྟ་བུ། |
| ཀླུ |
1.སྡེ་བརྒྱད་ཀྱི་ནང་ཚན་ཆུ་ལ་གནས་པའི་དུད་འགྲོའི་རིགས་ཤིག2.བྱེད་པ་བཅུ་གཅིག་ནང་གི་རྟོག་བྱེད་ཅིག3.(མངོན་བརྗོད།) ཀླུ་ཆེན་ལ་མཐའ་ཡས་དང༌། འཇོག་པོ། སྟོབས་རྒྱུ། རིགས་ལྡན། ནོར་རྒྱས་བུ། དུང་སྐྱོང༌། པད་མ། པད་མ་ཆེན་པོ་བརྒྱད་ཡོད་པས་གྲངས་བརྒྱད་མཚོན། |
| ཀླུ་ཁང |
ཀླུ་གནས་སའི་ཕོ་བྲང༌། |
| ཀླུ་གཉན |
1.ཀླུ་བཙན་པོའམ་གདུག་པ་ཅན།2.ས་བདག་ལ་ཀླུ་ཞེས་པ་དང་གཉན་ཞེས་པ་གཉིས་ཡོད་པའི་བསྡུས་མིང༌། |
| ཀླུ་གཏོར |
ཀླུ་ལ་བསྔོ་བའི་གཏོར་མ། |
| ཀླུ་གདོན་ནད |
ལྷ་སྲིན་སྡེ་བརྒྱད་ཀྱི་ནང་ཚན་གདུག་པ་ཅན་ཀླུས་གཏོང་བར་གྲགས་པའི་མཛེ་ནད་སོགས། |
| ཀླུ་གནོད |
ཀླུ་ལས་བྱུང་བའི་གནོད་འཚེ། |
| ཀླུ་གླང་ནག་པོ་རྭ་ཅན |
1.མཚོ་གླང་ཞིག2.སྡིག་སྲིན། |
| ཀླུ་ཆུ |
1.མདོ་སྨད་ལྷོ་ནུབ་ཕྱོགས་སུ་ཡོད་པའི་རྨ་ཆུའི་སྟོད་རྒྱུད་ཀྱི་ཆུ་ལག་ཅིག2.མདོ་སྨད་ལྷོ་རྒྱུད་ཀླུ་ཆུའི་སྟོད་དུ་ཡོད་པའི་རྫོང་ཞིག |
| ཀླུ་ཆེན |
ཀླུ་རྒྱལ་དང་དོན་གཅིག |
| ཀླུ་ཆེན་བརྒྱད |
ཀླུའི་རྒྱལ་པོ་ཆེན་པོ་བརྒྱད་དེ། ནོར་རྒྱས་དང༌། པད་མ། སྟོབས་རྒྱུ། འཇོག་པོ། པད་མ་ཆེན་པོ། དུང་སྐྱོང༌། རིགས་ལྡན། མཐའ་ཡས་ཏེ་བརྒྱད་པོ་འདིར་གྲངས་འདྲེན་ཚུལ་གཞན་ཡང་ཡོད། |
| ཀླུ་ཐེབས |
ཀླུ་སའི་སྟེང་དུ་འོང་བའི་དུས་ཏེ་ཟླ་བ་སོ་སོར་ཀླུ་ཐེབས་ཚེས་གྲངས་ངེས་ཅན་རེ་ཡོད་ཅིང༌། དེ་ལ་ཡང་ཐེབས་ཆེན་དང༌། ཐེབས་ཆུང་གཉིས་ཡོད། |
| ཀླུ་ཐོར |
ཐོར་ནད་ཅིག |
| ཀླུ་དབང |
ཀླུ་ཆེན་ནམ་ཀླུའི་རྒྱལ་པོ། |
| ཀླུ་དུག |
ཀླུ་ལས་བྱུང་བའི་གནོད་པ་ནང་གསེས་ཁ་རླངས་ཀྱི་དུག་དང༌། མཐོང་དུག་ཚོར་བའི་དུག་རེག་པའི་དུག་སོགས་ཡོད། |
| ཀླུ་ནད |
ལྷ་སྲིན་སྡེ་བརྒྱད་ཀྱི་ནང་ཚན་ཀླུས་བཏང་བར་གྲགས་པའི་ནད་མཛེ་དང༌། ཤུ་བ། ཕོལ་མིག་ཟ་རྐོང་ལྟ་བུ། |
| ཀླུ་བདག |
ཀླུ་རྒྱལ་དང་དོན་གཅིག |
| ཀླུ་བདུད |
1.མཛེ་ནད་སོགས་གཏོང་མཁན་ཀླུ་གདུག་རྩུབ་ཅན། 2.མཛེ་ནད་དང༌། གཟའ་ནད། ཆུ་སེར། སྐྲངས་པ་སོགས་ལ་ཕན་པའི་སྔོ་སྨན་ཞིག3.ཀླུ་བདུད་རྡོ་རྗེ’ཞེས་པའི་མིང་བསྡུས་པ། ཀོ་ཉེ་ཡང་ཟེར། 4.ངག་རྒྱུན་ལ་གྲགས་པའི་བྱ་རིགས‘ཀླུ’ཟ་ཐུབ་པ་ཞིག། |
| ཀླུ་བདུད་རྡོ་རྗེ |
སྔོ་སྨན་གྱི་རིགས་ཤིག་མེ་ཏོག་དཀར་ནག་གཉིས་མཆིས་པ། རོ་མངར་ལ་བསྐ། ཞུ་རྗེས་བསིལ། ནུས་པས་གཟའ་ནད་དང༌། མཛེ་ནད། འབམ་གྲུམ་བུ། ཆུ་སེར་བཅས་ལ་ཕན། |
| ཀླུ་བདུད་རྡོ་རྗེ་དཀར་པོ |
དམའ་སར་ཉིན་ངོས་ལས་སྐྱེ་བ། ལོ་མ་སྤུ་ཆུང་ཅན། མེ་ཏོག་དཀར་པོ་བོན་ཤང་འདྲ་བའི་སྔོ་སྨན་ཞིག་འདིས་གཟའ་ཀླུ་འབམ་གདོན་འཇོམས། |
| ཀླུ་བདུད་རྡོ་རྗེ་དམན་པ |
སྔོ་སྨན་ཞིག་འདིས་ཆུ་ཁམས་གསོ་བ་དང་གློ་བའི་ཚ་བ་སེལ། |
| ཀླུ་བདུད་རྡོ་རྗེ་ནག་པོ |
སྲིབ་ཀྱི་ཤིང་ཕྲན་གསེབ་ལས་སྐྱེ་བ། ལོ་མ་དངུལ་གྱི་མདེལ་ཞིབ་འདྲ་བ། མེ་ཏོག་ཐལ་དཀར་གླང་ཆེན་མདོག་དྲིལ་བུ་འདྲ་བ་ཐུར་དུ་བུབ་པ་ཞིག་འདིས་གཟའ་ཀླུ་འབམ་གདོན་རྣམས་འཇོམས། |
| ཀླུ་བཙན |
ཀླུ་དང་བཙན། |
| ཀླུ་བསང |
ཀླུ་རིགས་ལ་དམིགས་ནས་གཏོང་བའི་བསང༌། |
| ཀླུ་མཐར་བྱེད |
(མངོན་བརྗོད།) ནམ་མཁའ་ལྡིང་ངམ། བྱ་ཁྱུང༌། |
| ཀླུ་མེས་ཚུལ་ཁྲིམས་ཤེས་རབ |
རབ་བྱུང་དང་པོའི་མེ་ཡོས་ཡན་གྱི་ལོ་ཞེ་དགུ་པ་ས་སྟག་ལོར་མདོ་སྨད་དན་ཏིག་ཤེལ་གྱི་ཡང་དགོན་ལ་བླ་ཆེན་དགོངས་པ་རབ་གསལ་ལས་བསྙེན་པར་རྫོགས་པའི་དབུས་གཙང་མི་བཅུའི་ཡ་གྱལ་ཞིག |
| ཀླུ་མོ |
ས་བདག་ཀླུ་མོ། |
| ཀླུ་འབུམ |
ཀླུ་ལ་ཕན་པའི་བོན་གཞུང་ཞིག |
| ཀླུ་འབུམ་ཁྲ་བོ |
བོན་གཞུང་ཀླུ་འབུམ་སྡེ་ཚན་གཉིས་པ། |
| ཀླུ་འབུམ་དཀར་ནག |
བོན་གཞུང་ཀླུ་ཆོག་ཁག་གཉིས་ཀྱི་བསྡུས་མིང༌། |
| ཀླུ་འབུམ་དཀར་པོ |
བོན་གཞུན་ཀླུ་འབུམ་སྡེ་ཚན་དང་པོ། |
| ཀླུ་འབུམ་ནག་པོ |
བོན་གཞུང་ཀླུ་འབུམ་སྡེ་ཚན་གསུམ་པ། |
| ཀླུ་ཡི་འཇིག་རྟེན |
(མངོན་བརྗོད།) ས་འོག |
| ཀླུ་ཡི་ཤ |
སྲོག་ཆགས་སྨན་གྱི་ནང་ཚན་གསེར་སྦྲུལ་གྱི་ཤ་རོ་མངར། ཞུ་རྗེས་དྲོད། ནུས་པས་གཉན་ནད་འཇོམས་པ་དང༌། རོ་ཙ། ལུས་ཤ་རྒྱས་པར་བྱེད། |
| ཀླུ་རྒྱལ |
ཀླུའི་རྒྱལ་པོ་སྡེ་བརྒྱད་ནང་ཚན་གྱི་ཀླུ་རིགས་ཀྱི་གཙོ་བོ། |
| ཀླུ་རྒྱལ་མ་དྲོས་པས་ཞུས་པ |
འཕགས་པ་ཀླུའི་རྒྱལ་པོ་མ་དྲོས་པས་ཞུས་པའི་མདོ་བམ་པོ་བཞི་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། |
| ཀླུ་རྒྱལ་རྒྱ་མཚོས་ཞུས་པ |
འཕགས་པ་ཀླུའི་རྒྱལ་པོ་རྒྱ་མཚོས་ཞུས་པའི་མདོ་རྒྱས་པ་བམ་པོ་བདུན་དང༌། ལེའུ་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། |
| ཀླུ་ལྡོག |
ཀླུ་ས་ཡི་རྒྱུ་བར་ས་འོག་ཏུ་འགྲོ་བ། |
| ཀླུ་ཤིང |
ཤིང་གྲ་མ་སྡོང་པོ་ཕྲ་ལ་ལོ་མ་དང་ཚེར་མ་སྐྱ་སོབ་སོབ་ཡོད་པ་སྨན་དུ་འགྲོ་ཞིང༌། ཀླུ་བསང་གཏོང་བྱེད་ཀྱི་ཤིང་ཞིག |
| ཀླུ་སྒུག་སྒར་སྒྲིག |
སྔར་ཧོར་ཟླ་དང་པོའི་ཚེས་ཉེར་གཉིས་ཉིན་ལྷ་སའི་བྲག་ར་ཀླུ་སྒུག་གི་ཐང་ཆེན་དུ་གཟིམ་ཆུང་བ་རྣམས་སྡེབ་ཚོགས་ཀྱིས་སྨོན་ལམ་གཏོར་རྒྱག་པའི་རྒྱབ་སྣོན་དུ་འགྲོ་རྒྱུའི་སྒར་སྒྲིག་བྱེད་པ། |
| ཀླུ་སྒྲུབ |
འཛམ་གླིང་མཛེས་པའི་རྒྱན་དྲུག་གི་ཡ་གྱལ་ཏེ། སྟོན་པ་ཐུབ་པའི་དབང་པོ་མྱ་ངན་ལས་འདས་ནས་ལོ་བཞི་བརྒྱའི་ཐོག་རྒྱ་གར་ལྷོ་ཕྱོགས་བེ་དརྦྷའི་ཡུལ་དུ་བྲམ་ཟེ་ཞིག་གི་ཁྱིམ་དུ་སྐུ་འཁྲུངས། དགུང་ལོ་ཆུང་ངུའི་དུས་ནས་གསང་བ་སྔགས་ཀྱི་རྒྱུད་སྡེ་བཞི་དང༌། སྡེ་སྣོད་གསུམ་སོགས་ཐུན་མོང་དང་ཐུན་མིན་གྱི་རིག་པའི་གནས་མཐའ་དག་ལ་མཁས་པར་སྦྱངས། དཔལ་ན་ལེནྚའི་གཙུག་ལག་ཁང་དུ་གྲུབ་ཆེན་ས་ར་ཧ་པའི་སྐུ་མདུན་དུ་རབ་ཏུ་བྱུང༌། མཚན་དགེ་སློང་དཔལ་ལྡན་དུ་གྲགས། མཐའ་བྲལ་དབུ་མ་རིགས་ཚོགས་དྲུག་དང༌། རྒྱུད་ཀུན་ལས་བཏུས་པ་སོགས་སྟོབས་བཅུ་མངའ་བའི་དགོངས་དོན་གསལ་བར་བྱེད་པའི་བསྟན་བཅོས་ཀྱི་རྒྱལ་པོ་མང་དུ་བསྐྲུན། ཁྱད་པར་དུ་གསོ་བ་རིག་པའི་སྐོར་ལ་འཚོ་བའི་མདོ་ཚིགས་སུ་བཅད་པ། རྩྭ་ཨ་ཝའི་ཆོ་ག། སྨན་རིན་པོ་ཆེའི་རིམ་པ། དངུལ་ཆུའི་སྦྱོར་བ་རིན་ཆེན་ཕྲེང་བ། ལྷོག་པ་སྤུན་བཞིའི་གཉན་བཅོས་སོགས་བསྟན་བཅོས་ཤིན་ཏུ་མང༌། འཕགས་པ་ལྷ་སོགས་སློབ་མ་ཉི་རྡུལ་ལྟར་བསྐྱངས། མཆོད་རྟེན་དང་ལྷ་ཁང་མང་པོ་བཏབ། རྡོ་རྗེ་གདན་ལ་དྲ་མིག་གི་ར་བས་བསྐོར། ལྷོ་ཕྱོགས་དཔལ་ལྡན་འབྲས་སྤུངས་ཀྱི་བཀོད་པ་བཞེངས། སྤྱིའི་ལུགས་ལ་དགུང་ལོ་དྲུག་བརྒྱ་དང༌། སྔ་འགྱུར་ལྟར་ན་དགུང་ལོ་ཆིག་སྟོང་བར་བཞུགས་ནས་འགྲོ་དོན་མཛད་པར་གྲགས། |
| ཀླུ་སྒྲུབ་སྙིང་པོ |
འཕགས་པ་ཀླུ་སྒྲུབ་ཀྱི་མཚན་གཞན་ཞིག |
| ཀླུ་སྨན |
ཀླུ་ལ་ཕན་པའི་སྨན། |
| ཀླུང |
མིང་ཚིག་རེ་འགའི་འཕྲོར་སྦྱར་ན་རྒྱ་ཁྱོན་དང་སྲིད་ཞེང་སོགས་ཆེ་བའི་དོན་ཏེ། (དཔེར་ན།) རི་ཀླུང་སྔོ་ལྗང་ཡིད་དུ་འོང༌། ནགས་ཀླུང༌། ཆུ་ཀླུང༌། རི་རྩྭ་དང་ཀླུང་རྩྭ་གཉིས་ཀ་བཟང༌ཞེས་པ་རྟ་བུ། |
| ཀླུང་ཁང |
ས་བབ་དམའ་སར་ཆགས་པའི་ཁང་པ། |
| ཀླུང་ཆུ |
གཙང་ཆུའམ། ཀླུང་ལ་རྒྱུག་པའི་ཆུ། |
| ཀླུང་ཐང |
ཀླུང་ལ་ཡོད་པའི་ཐང༌། |
| ཀླུང་པ |
ཐང་དུ་སྡོད་མཁན། |
| ཀླུང་ཕྱུགས |
ཡུལ་པའི་སྒོ་ཕྱུགས། |
| ཀླུང་བཞི |
1.ཆུ་བོ་བཞི་ཁ་འབབ་རྣམ་བཞིའང་ཟེར། 2.ཆོས་སྐད་དུ་སྐྱེ་རྒ་ན་འཆི་ལའང་ཟེར། |
| ཀླུང་མ |
གཙང་ཆུ། |
| ཀླུང་འབབ |
ཆུ་རྒྱུན་འབབ་པ། |
| ཀླུང་རགས |
ཆུ་རྒྱུན་འགོག་བྱེད་ཀྱི་རགས། |
| ཀླུང་རབས |
ཆུ་བོ་བརྒལ་སའི་རབས་སམ། ཆུ་ནང་བགྲོད་ལམ་བདེ་པོ་ཡོད་ས། |
| ཀླུང་རྒྱ |
ལུང་གཞུང་སྐམ་གཤེར་ལ་གནས་པའི་སྲོག་ཆགས་བསད་མི་ཆོག་པའི་ཁྲིམས། སྐམ་གཤེར་ལ་གནས་པའི་སྲོག་ཆགས་ཆེ་ཕྲར་འཚེ་བ་མི་ཆོག་པའི་ཀླུང་རྒྱ་སྡོམ་པ། |
| ཀླུང་རྒྱུན |
ཆུ་འབབ་པའི་རྒྱུན། |
| ཀླུང་རྟ |
1.ལྷན་སྐྱེས་ཀྱིས་ཐོབ་པའི་དབང་ཐང་དང་བསོད་ནམས་བཅས་ཀྱི་མིང་། (དཔེར་ན།) མི་ཀླུང་རྟ་ཅན་ལ་དགྲ་ལྷ་འཁོར་ཞེས་པ་ལྟ་བུ། 2.ལས་བསྐོས་ཀྱི་མིང་། |
| ཀླུང་རྩྭ |
ཀླུང་ཐང་ངམ། དམའ་སར་སྐྱེས་པའི་རྩྭ། |
| ཀླུང་ལྡན |
འབབ་ཆུའི་དོན་ཏེ། (དཔེར་ན།) བཀའ་མཆིད་ཀླུང་ལྡན་རྒྱུན་མི་འཆད་པ་ལྟར་སྩོལ་ཞེས་པ་ལྟ་བུ། |
| ཀླུང་ཤ |
ཀླུང་ཤོད་དམ་བདེ་ཐང་སོགས་ལ་སྐྱེ་བ་དམར་ལ་ཁམ་པ་ཞིག |
| ཀླུང་ཤོ |
ཀླུང་ལ་སྐྱེ་བའི་ཤོ་མང་འདིས་ཚ་བ་དང་རྨ་ནད་ཐམས་ཅད་སེལ། |
| ཀླུང་ཤོད |
ས་ཡུལ་ཁ་ལུང་དམའ་བའི་ཕྱོགས། |
| ཀླུང་སྐྱེས་ཀོན་པ་གབ་སྐྱེས |
སྔོ་ཞིག |
| ཀླུང་སྐྱེས་ལོ་ཚན |
སྔོ་སྨན་ཞིག་སྨན་འདི་ལ་སྐྱེ་གནས་དབང་གིས་མིང་མི་འདྲ་བ་ཡོད་ཅིང༌། རི་ལ་སྐྱེས་ན་བྱ་རྐང་དང༌། ཀླུང་ལ་སྐྱེས་ན་ལོ་ཚན་ཞེས་ཟེར། ཕན་ནུས་ནི་འཁྲུ་པ་གཅོད་པར་བྱེད། |
| ཀླུང་སྒོག |
ཀེ་ཛི་ཞེས་ལུང་གཞུང་དུ་སྐྱེས་པའི་སྒོག་པའི་བྱེ་བྲག་ཅིག |
| ཀླུངས |
ཡར་མོ་ཀླུངས་ཞེས་པའི་ཡུལ་གྱི་མིང་དང༌། སྐབས་འགར་རི་ཀླུང་ཞེས་པར་ཡང་ཡང་འཇུག་ས་མཐའ་འབྲི་སྲོལ་ཡོད། |
| ཀླུབ |
1.(བྱེད་འབྲེལ་ལས་ཚིག་ད་ལྟ་བ) རྒྱན་བཏགས་པའམ་གོས་བསྐོན་པའི་དོན་ཏེ། (དཔེར་ན།) ལུས་ལ་རྒྱན་གྱིས་ཀླུབ་ཀྱིན་ཡོད། ཀླུབ་བྱེད་ཀྱི་གོས་དང་རྒྱན་ཞེས་པ་ལྟ་བུ།2.སྔར་བོད་ཀྱི་རིགས་རུས་ཤིག |
| ཀླུབ་པ |
(བྱེད་འབྲེལ་ལས་ཚིག) བརྒྱན་པ་དང་སྤྲས་པ་སོགས་ཀྱི་དོན་ཏེ། (དཔེར་ན།) གོས་ཀྱིས་ལུས་པོ་ཀླུབ་པ་ཞེས་པ་ལྟ་བུ། |
| ཀླུབས |
(བྱེད་འབྲེལ་ལས་ཚིག) ཀླུབ་པའི་སྐུལ་ཚིག་སྟེ། (དཔེར་ན།) རྒྱན་གྱིས་ཀླུབས་ཤིག་ཅེས་པ་ལྟ་བུ། |
| ཀླུའི་གྲོང་ཁྱེར |
1.ཀླུ་མང་པོ་གནས་པའི་ས་ཆ་འམ་ཡུལ་གྲུ།2.སྐབས་རེར་རྒྱ་མཚོའི་མིང་དུའང་འཇུག |
| ཀླུའི་དབང་ཕྱུག |
1.སངས་རྒྱས་ཀླུ་དབང་རྒྱལ་པོ།2.ཀླུ་རྒྱལ། |
| ཀླུའི་བཤེས་གཉེན |
སྤྱི་ལོའི་དུས་རབས་བཞི་པའམ་ལྔ་པ་ཙམ་ལ་བྱུང་བའི་རྒྱ་གར་གྱི་སློབ་དཔོན་ཞིག་ཡིན་པ་འདི་ཀླུ་སྒྲུབ་ཀྱི་དབུ་མའི་རིགས་ལམ་སྤེལ་མཁན་དང༌། སངས་རྒྱས་བསྐྱངས་ནི་དེའི་ཡང་སློབ་ཡིན། |
| ཀླུའི་བྱང་ཆུབ |
མིང་གཞན་ཀླུའི་བློའང་ཟེར། སྔར་རྒྱ་གར་གྱི་སློབ་དཔོན་ཀླུ་སྒྲུབ་ཀྱི་སློབ་མ། ཀླུ་སྒྲུབ་ཀྱི་སྔགས་རྒྱུན་འཛིན་མཁན། ཕྱག་རྒྱ་ཆེན་པོ་ལ་མངའ་བརྙེས་པའི་གྲུབ་ཐོབ་གྲས་ཤིག |
| ཀླུའི་ཡི་གེ |
ནཱགརའི༌ཡི་གེ་སྟེ་སྔར་རྒྱ་གར་གྱི་ཡི་གེ་ཞིག |
| ཀླུའི་སྡེ |
1.ཀླུའི་གྲོང༌།2.གནས་བརྟན་བཅུ་དྲུག་ལས་རི་རྒྱལ་གྱི་ངོས་ཡངས་ལ་བཞུགས་པའི་གནས་བརྟན་ཞིག |
| ཀླུའི་སྦྲུལ |
1.ཀླུ་རིགས་ཀྱི་སྦྲུལ།2.ཀླུའི་རྒྱལ་པོ་ཞིག |
| ཀློ་པ |
དབུས་གཙང་གི་ལྷོ་ཕྱོགས་ན་ཡོད་པའི་བོད་རིགས་ཚོ་སྡེ་ཞིག་གི་མིང་། སྔོན་ཆད‘ཀློ་པ’ཞེས་བརྗོད་ན་སྨད་པ་རེད་ཅེས་བཤད་པས། ད་ལྟ‘ལྷོ་པ’ཟེར། |
| ཀློ་ཡུལ |
བོད་དབུས་ཀྱི་ཤར་ལྷོའི་རྒྱུད་ཀྱི་ས་གནས་ཤིག |
| ཀློ་ཤོག |
སྟོད་ཀློ་ཞེས་པའི་ལུང་པ་ནས་ཐོན་པའི་ཤོག་བུ། |
| ཀློ་སུག |
ཀློ་ཡུལ་ནས་ཐོན་པའི་སུག་སྨེལ་གྱི་མིང༌། |
| ཀློག |
(བྱེད་འབྲེལ་ལས་ཚིག) བཀླགས་པའི་ད་ལྟ་བ། ཡི་གེ་ལ་བལྟས་ནས་ཚིག་འདོན་པའི་དོན་ཏེ། (དཔེར་ན།) སློབ་གྲོགས་ཚོས་དཔེ་ཆ་ཀློག་གིན་ཡོད་ལྟ་བུ། |
| ཀློག་ཀླག |
ཀློག་པའི་མིང་ཙམ་ཏེ། (དཔེར་ན།) དཔེ་དེབ་ཀློག་ཀླག་བྱས་པས་ཅི་ལ་ཕན་ཞེས་པ་ལྟ་བུ། |
| ཀློག་གི་སློབ་དཔོན |
ཐོག་མར་ཡི་གེ་སློབ་མཁན་དགེ་རྒན་ཏེ། (དཔེར་ན།) ཀློག་གི་སློབ་དཔོན་བསྟེན་ནས་ཡི་གེ་སྒྲ་དག་པོ་སློབས་ཤིག་ཅེས་པ་ལྟ་བུ། |
| ཀློག་གྲྭ |
ཡི་གེ་ཀློག་མཁན་གྱི་ཚོགས་པ། |
| ཀློག་གྲྭའི་གནས |
(མངོན་བརྗོད།) དགོན་པ། |
| ཀློག་ཐོབ |
བྱང་ཆུབ་སེམས་དཔའ་ཞིག |
| ཀློག་དེབ |
གདོན་བྱའི་དཔེ་དེབ། |
| ཀློག་པ |
བཀླགས་པའི་ད་ལྟ་བའི་བྱ་མིང་། |
| ཀློག་པའི་སློབ་དཔོན |
ཀློག་སློབ་སའི་དགེ་རྒན། |
| ཀློག་འདོན |
སྒྲོག་བཞིན་པའམ། སྒྲོག་པར་བྱེད་པའི་དོན་ཏེ། (དཔེར་ན།) བཀའ་ཡིག་ཀློག་འདོན་བྱས། རིག་སྔགས་ཀློག་འདོན་བྱེད་པ། མན་ངག་ཀློག་འདོན་གནང་ལྟ་བུ། |
| ཀློག་ར |
དཔེ་ཆ་ཀློག་པའི་ར་བའི་མིང་སྟེ། (དཔེར་ན།) མི་མང་པོས་ཀློག་རའི་ནང་དུ་དཔེ་ཆ་ཀློག་ཅེས་པ་ལྟ་བུ། |
| ཀློག་ཤུ |
མགོ་བོའི་སྐྲ་གསེབ་སོགས་ལུས་ཀྱི་པགས་པའི་སྟེང་ནས་གོག་པའི་ཤུན་ལྤགས་དཀར་ཞིབ་ཅན། |
| ཀློག་སྐྱ |
ས་སྐྱའི་ལོ་ཙཱ་བ་ཤེས་རབ་བརྩེགས་ཀྱི་འཁྲུངས་ཡུལ་གཙང་ཕྱོགས་ཀྱི་ས་ཆ་ཞིག |
| ཀློག་སློབ |
ཡི་གེ་ཀློག་རྒྱུ་སློབ་པ། |
| ཀློག་སློབ་པའི་སློབ་དཔོན |
འདུལ་བ་ལས་བཤད་པའི་སློབ་དཔོན་ལྔའི་ནང་གསེས་རང་གི་སློབ་མ་ལ་ལུང་རྟོགས་ཀྱི་ཡོན་ཏན་འཕེལ་བའི་ཕྱིར་དུ་གདམས་ངག་འདོམས་པར་བྱེད་པའི་དགེ་སློང༌། |
| ཀློགས |
(བྱེད་འབྲེལ་ལས་ཚིག) ཀློག་པའི་སྐུལ་ཚིག་སྟེ། (དཔེར་ན།) དཔེ་ཆ་ཀློགས་ཤིག་ཅེས་པ་ལྟ་བུ། |
| ཀློགས་མ |
(བརྡ་རྙིང་།) དཔོན་མོ། |
| ཀློང |
1.རྒྱ་ཁྱོན་ཆེ་བའི་དོན་ཏེ། (དཔེར་ན།) སེམས་རྒྱ་ནམ་མཁའི་ཀློང་ལྟར་ཡངས་ལྟ་བུ། 2.མང་བའམ་ཟབ་པའི་དོན་ཏེ། (དཔེར་ན།) ཡོན་ཏན་གྱི་ཀློང་བརྡོལ། ཡོན་ཏན་རྒྱ་མཚོའི་ཀློང་ལྟར་ཟབ་ལྟ་བུ། |
| ཀློང་གྱུར |
ཀློང་དུ་གྱུར་པ་དབང་དུ་གྱུར་པའམ་དོན་ཡོངས་སུ་རྟོགས་པའི་དོན། (དཔེར་ན།) རིག་གནས་མང་པོ་ཀློང་དུ་གྱུར་པ་ཞེས་པ་ལྟ་བུ། |
| ཀློང་ཆེན |
ཟབ་ཅིང་ཡངས་པའི་བློ་ཁོག་གམ་ཤེས་རབ། |
| ཀློང་ཆེན་མཛོད་བདུན |
དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའི་བསྟན་བཅོས་བདུན་ཏེ། གྲུབ་མཐའ་མཛོད། ཐེག་མཆོག་མཛོད། ཡིད་བཞིན་མཛོད། མན་ངག་མཛོད། ཆོས་དབྱིངས་མཛོད། གནས་ལུགས་མཛོད། ཚིག་དོན་མཛོད་རྣམས་སོ། ། |
| ཀློང་ཆེན་རབ་འབྱམས |
རྟོགས་པ་རྒྱ་ཆེན་པོ་ཐོབ་པ། |
| ཀློང་ཆེན་རབ་འབྱམས་པ |
རྙིང་མའི་སློབ་དཔོན་ཀློང་ཆེན་པ་དྲི་མེད་འོད་ཟེར་ཞེས་པ་དབུས་ལྷོ་གཡོ་རུ་གྲའི་ཆ་སྟོད་གྲོང་དུ་རབ་བྱུང་ལྔ་པའི་ས་སྤྲེལ་ལོར་འཁྲུངས། རབ་བྱུང་དྲུག་པའི་ཆུ་ཡོས་ལོར་འདས། ཏའི་སི་ཏུ་བྱང་ཆུབ་རྒྱལ་མཚན་དང་དུས་མཉམ་ཡིན། ཁོང་གིས་མཛད་པའི་མཛོད་ཆེན་བདུན་དང༌། སྙིང་ཐིག་ཡ་བཞི། ངལ་གསོ་སྐོར་གསུམ། རང་གྲོལ་སྐོར་གསུམ་སོགས་ཆོས་ཚན་བརྒྱ་ཕྲག་གཉིས་ལྷག་ཙམ་ཡོད། |
| ཀློང་ཆེན་སྙིང་ཐིག |
གསང་སྔགས་རྙིང་མའི་གཏེར་ཆོས་ཤིག་སྟེ་རིག་འཛིན་འཇིགས་མེད་གླིང་པའི་དགོངས་གཏེར། |
| ཀློང་ཐང་སྒྲོན་མ་ལྷ་ཁང |
ཀློང་ཐང་སྒྲོལ་མ་ལྷ་ཁང་ཁང་དང་འདྲ། |
| ཀློང་ཐང་སྒྲོལ་མ་ལྷ་ཁང |
སྔོན་གྱི་བཤད་སྲོལ་ལྟར་བོད་ཀྱི་ས་གཞི་སྲིན་མོ་གན་རྐྱལ་དུ་འགྱེལ་བ་འདྲ་བའི་ཁ་གནོན་དུ་བོད་རྒྱལ་སྲོང་བཙན་སྒམ་པོའི་སྐབས་ཁམས་འདན་མའི་ཁུལ་དུ་བཞེངས་པའི་རུ་གནོན་གྱི་གཙུག་ལག་ཁང་གི་གྲས་ཤིག |
| ཀློང་དུ་གྱུར |
ཁོང་དུ་ཆུད་པའམ་རང་དབང་ཐོབ་པའི་དོན། |
| ཀློང་འཁོར |
1.འཁོར་བཞིན་ནུབ་འགྲོ་བའི་ཆུ་རྦ་རླབས་གཏིང་ཟབ་པོ་ཞིག2. རྒྱ་མཚོ་དང་ཆུ་ཆེན་ནང་གི་འཁོར་ཞིང་འཁྱིལ་བའི་ཆུའི་མིང་། |
| ཀློང་འཁྱིལ |
1.འོད་ཀོར།2.མཚོ་འཁོར། |
| ཀློང་ཡངས |
ཁོང་ཡངས་པ་དང་རྒྱ་ཆེ་བའི་དོན་ཏེ། (དཔེར་ན།) ཀློང་ཡངས་པའི་མི་ལས་སླ་པོར་ཁོང་ཁྲོ་མི་ལངས། ནམ་མཁའ་ཀློང་ཡངས་ནང་དུ་བྱ་རྣམས་འཕུར། |
| ཀློང་རོལ |
གློ་ཡུལ་གྱི་འཇིངས་སམ་དབྱིངས། ཀློང་རོལ་ཡངས་པ། |
| ཀློང་རྡོལ |
དགོངས་པའི་དཀྱིལ་ལམ་དབྱིངས་རྡོལ་ནས་ཤེས་རབ་བམ་རྟོགས་པ་རྒྱ་ཆེན་པོ་ལ་མངའ་བརྙེས་པ། |
| ཀློང་རྡོལ་བླ་མ་ངག་དབང་བློ་བཟང |
རབ་བྱུང་བཅུ་གཉིས་པའི་ས་ཕག་ལོར་འཁྲུངས། རྒྱལ་མཆོག་བསྐལ་བཟང་རྒྱ་མཚོ་དང་པཎ་ཆེན་དཔལ་ལྡན་ཡེ་ཤེས་སོགས་བླ་མར་བསྟེན། འཇམ་དབྱངས་བཞད་པ་དཀོན་མཆོག་འཇིགས་མེད་དབང་པོ་སོགས་སློབ་མ་གྲགས་ལྡན་མང༌། བརྩམས་ཆོས་མཁོ་གནད་ཆེ་བ་པོ་ཏི་ཆེན་པོ་གཅིག་ཡོད། དགུང་གྲངས་བདུན་ཅུ་དོན་དྲུག་བཞུགས། |
| ཀློང་སྡེ |
རྫོགས་ཆེན་ཨ་ཏི་ཡོ་གའི་ནང་གསེས་བྱ་བྲལ་ཀློང་གི་སྡེ་ནི་ཀློང་སྡེ་རྡོ་རྗེ་ཟམ་པ། སློབ་དཔོན་ཤྲཱི་སེངྷ་དང་ལོ་ཆེན་བཻ་རོ་ཙ་ན་ལས་བརྒྱུད་ཅིང༌། འདིའི་ལྟ་གྲུབ་ནི་རང་བྱུང་གི་ཡེ་ཤེས་ཆོས་ཉིད་ཀུན་ཏུ་བཟང་པོའི་ཀློང་དུ་ཆོས་ཅན་གྱི་སྣང་བ་ཐམས་ཅད་རང་སྣང་བཀོད་པའི་རྒྱན་ཙམ་ལས་འཆིང་གྲོལ་དང༌། ཤར་བྱ་ཤར་བྱེད་དུ་མ་གྲུབ་པས། ཡོད་མེད་དང༌། ཡིན་མིན་གང་དུའང་མི་དཔྱོད་པར་ཡེ་གྲོལ་ཕྱོགས་འབྱམས་ཆེན་པོར་གཏན་ལ་འབེབས་པ། |
| ཀློད |
(རྒྱན་ཚིག) དམ་པོར་བཅངས་པ་དང་བཙིར་བའི་ལྡོག་ཟླ་སྟེ། (དཔེར་ན།) སྒྲིག་ལམ་ཀློད་མི་རུང་། བལ་སྐུད་ཀློད་ན་བཟང་། ལ་མགོ(ཡི་གེ)ལྕེ་རྩེ་ཀློད་རྒྱ་སྐྱེད། དས་འཕུལ་ལྕེ་རྩེ་ཀློད་པར་བཀླགས། ཤིན་ཏུ་ཀློད་པའི་བལ་སྐུད། སེམས་ཀློད་པོ་བྱས་ནས་སློབ་སྦྱོང་བྱས་ལྟ་བུ། |
| ཀྵ་ཡ |
(ལེགས་སྦྱར།) མཁྲིས་ནད་ཀྱི་བྱེ་བྲག་ཅིག |
| ཀྵ་ཡ་ནག་པོ |
(ལེགས་སྦྱར།) ཟད་བྱེད་ནག་པོ་ མཁྲིས་ནད་རིགས་བཅུ་གསུམ་གྱི་ནང་ཚན་མཁྲིས་པ་གསོ་བའི་དུས་ལས་འདས་ནས་སྟོབས་མདངས་ཀུན་ཟད་དེ་ཤ་ལྤགས་དང་སེན་མོ་ནག་པོར་འགྱུར་བའི་མཁྲིས་ནད་གདུག་པ་ཅན་ཞིག |
| ཀྵ་ར་གསུམ |
ན་ར་ཀྵ་སྟེ་བྱིས་པ་ལོ་བརྒྱད་ཀྱི་དྲི་ཆུ་དང༌། ཨ་ཤྭ་ཀྵ་ར་སྟེ་རྟ་གསེབ་ཀྱི་དྲི་ཆུ། གཽ་བ་ཀྵ་ར་སྟེ་བ་ལང་གི་དྲི་ཆུ་བཅས་ཏེ་གསུམ། |
| ཀྵེཏྲ་པ་ལ |
(ལེགས་སྦྱར།) རྒྱལ་སྐྱོང་མགོན་པོ་ཕྱག་དྲུག་པའི་འཁོར་ཤར་ཕྱོགས་ཀྱི་གནོད་སྦྱིན་ཞིག |
| ཁ |
1.བོད་ཡིག་གསལ་བྱེད་གཉིས་པ། འདིའི་ང་རོ་འདོན་ཚུལ་ལ་སྐྱེ་གནས་མགྲིན་པ་དང༌། བྱེད་པ་མགྲིན་པ། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་སྒྲ་མེད།1.2མིང་གཞིའི་མ་ནིང་ཡི་གེ་ཞིག2.མིང་སྔོན་གྱི་ཆ་ཤས་ཤིག་སྟེ། (དཔེར་ན།) ཁ་དོག ཁ་འཐོར། ཁ་སྒྱུར་ཞེས་པ་ལྟ་བུ། 3.རྟགས་མཚུངས་འདྲེན་སྐབས་རྗེས་འཇུག་མ་ནིང་གིས་དྲངས་པའི་མིང་མཐའ་ཞིག་སྟེ། (དཔེར་ན།) དགུན་ཁ། གཏེར་ཁ། གསོལ་ཁ།4. སྐྱེ་འགྲོའི་ཟས་ཟ་བ་དང་སྨྲ་བའི་སྒོ་སྟེ། (དཔེར་ན།) ཁ་ལྐུགས་པ། བོང་བུའི་ཁ་ནས་གསེར་བསྐྱུག་མི་ཡོང༌ཞེས་པ་ལྟ་བུ། མིང་གི་རྣམ་གྲངས་ལ་ངག་འདོན་དང༌། གཏམ་གྱི་འབྱུང་གནས། བདུད་རྩིའི་རྟེན། མུ་ཁ། སྨྲ་བའི་སྒོ། སྨྲ་བྱེད། ཞལ། ཟ་བྱེད། གསུང་བྱེད་བཅས་སོ། ། 4.1.ཁ་དང་འདྲ་བའི་ཡོད་བྱད་ཀྱི་ཆ་ཤས་ཏེ། (དཔེར་ན།) སྣོད་ཀྱི་ཁ། ཕོར་བའི་ཁ། བུམ་པའི་ཁ། ཤེལ་དམ་གྱི་ཁ་གཅོད་པ་ལྟ་བུ།5. མདུན་ཕྱོགས་དང་སྔོན་གྱི་དོན་ཏེ། (དཔེར་ན།) ཁང་པ་ཕན་ཚུན་ཁ་སྤྲོད་པ། ཁ་ཕྱོགས་ཞེས་པ་ལྟ་བུ།6. ཉེ་འགྲམ་གྱི་དོན་ཏེ། (དཔེར་ན།) མཚོ་ཁ། གཙང་པོའི་ཁ། 7. སྟེང་ངམ་སྒང་གི་ཕྱོགས་ཆའི་དོན་ཏེ། (དཔེར་ན།) ཁྲི་ཁ། དཔེ་ཆ་ཅོག་ཙེའི་ཁ་ལ་བཏིང་བ།8.དུས་སྐབས་ཀྱི་དོན་ཏེ། (དཔེར་ན།) ཕྱོགས་ལ་འགྲོ་ཁ། ལས་ཀ་བྱེད་ཁར་བསམ་བློ་གཟབ་གཟབ་གཏོང་དགོས།9. སྐད་ཆའམ་ངག་གི་དོན་ཏེ། (དཔེར་ན།) རྫུན་ཤོད་མཁན་གྱི་ཁ་ལ་མཉན་རྒྱུ་མེད། གྲོས་བསྡུར་བྱེད་མི་ཚང་མ་ཁ་མཐུན་པ།10.སྒོ་ཕྱུགས་ཀྱི་ལོ་ཚད་དེ། (དཔེར་ན།) གཡག་ཁ་རྒན། རྟ་ཁ་ཆུང༌།11.རས་ཀྱི་འཇལ་ཚད་ཞེང་དཀྱུས་འདྲ་བ་ཞིག་ (དཔེར་ན།) རས་ཁ་གང༌། གོས་ཆེན་ཁ་དོ་ཞེས་པ་ལྟ་བུ། |
| ཁ་ཀྱོག |
ཁའམ་མཆུ་ཏོ་འཁྱོག་པོའི་དོན། |
| ཁ་ཀློ |
ཀློ་ཡུལ་གྱི་སྟོད་ཆར་སྡོད་པའི་ཀློ་པའི་མི། |
| ཁ་ཁ |
1.སོ་སོ་བ་དང་རེ་རེ་བའི་མིང་སྟེ། (དཔེར་ན།) སྤུན་གཉིས་ཁྱིམ་ཁ་ཁ་ཕྱེ་ལྟ་བུ། 2.(རྒྱན་ཚིག）བྲོ་བ་ཁ་བའི་དོན་ཏེ། (དཔེར་ན།) ལྡུམ་བུ་འདི་ལ་དྲི་ཁ་ཁ་ཞིག་མནམས་འདུག་ལྟ་བུ། |
| ཁ་ཁར་བཞུགས་པ |
1.ཅང་མི་སྨྲ་བར་གནས་པ།2.ལོགས་སུ་རང་གར་སྡོད་པ། |
| ཁ་ཁུ |
(ཡུལ་སྐད།) སྐད་ཆའི་སྒྲོས་ཏེ། (དཔེར་ན།) ད་ནང་ང་ལ་ཁ་ཁུ་མེད་པར་ཁོ་རང་ཕྱིན་འདུག ཕྱིར་ནམ་ཡོང་ཡང་ཁ་ཁུ་མི་འདུག་ཅེས་པ་ལྟ་བུ། |
| ཁ་ཁུ་སིམ་པོ |
1.དབེན་པའམ་འདུ་འཛི་ཟིང་ལོང་མེད་པ།2.སྐད་ཆ་ཉུང་ཞིང་འཚུབ་ལོང་མེད་པའི་མི་དང་བྱ་གཞག་ལ་ཡང་ཁ་ཁུ་སིམ་པོ་ཟེར། |
| ཁ་ཁེངས |
1.སོ་ཚང་བར་བརྗེས་ཟིན་པའི་ཕྱུགས་ཀྱི་ལོ་མིང༌།2.གཞོང་པ་དང་ཁུག་སྣོད་སོགས་ཀྱི་ནང་དུ་རྫས་བླུགས་ནས་གང་བར་བྱས་པ་སྟེ། (དཔེར་ན།) འོ་ཇ་དཀར་ཁེངས་པ་བླུགས་དགོས། ནས་ཀྱིས་ཁུག་མ་ཁ་ཁེངས་སོང་ལྟ་བུ། |
| ཁ་ཁེབས |
སྣོད་ཀྱི་ཁ་འགེབ་བྱེད་ཀྱི་ཡོ་བྱད་ཀྱི་མིང་སྟེ། (དཔེར་ན།) ཟངས་ངའི་ཁ་ཁེབས་ཞེས་པ་ལྟ་བུ། འདི་ལ་ཁ་ལེབ་དང་ཁ་གབ་ཟེར་བའང་ཡོད། |
| ཁ་ཁོག་མེད་པ |
སེམས་ལ་བསམས་པ་དང་ཁ་ནས་བཤད་པ་གཅིག་མཐུན་ཡིན་པའི་དོན། |
| ཁ་ཁོར |
ཉེ་འཁོར་རམ་ཉེ་འབྲེལ་གྱི་མིང་སྟེ། (དཔེར་ན།) ཁང་བའི་ཁ་ཁོར་དུ་ཤིང་སྡོང་བཙུགས། གྲོང་ཁྱེར་དེའི་ཁ་ཁོར་ཞིང་སྡེ་རེད་ལྟ་བུ། |
| ཁ་ཁྱག |
ཁ་ཐེག་གམ་ཁག་ཐེག་གི་དོན། |
| ཁ་ཁྱུད |
སྣོད་སོགས་ཀྱི་ཁའི་མུ་ཁྱུད་དེ་ཁ་སྒོར་རམ་ཁའི་ཁོར་ཡུག |
| ཁ་ཁྱེར |
1.ཁག་འདོགས་པ་སྟེ། (དཔེར་ན།) བཙན་དབང་ཁ་ཁྱེར་གྱིས་གཞན་ལ་བརྙས་བཅོས་བྱེད་པ། གཞུང་དོན་ཁ་ཁྱེར་གྱིས་སྒེར་དོན་སྒྲུབ་པ་ལྟ་བུ།2.མཐའ་དང་མུ་ཁའི་དོན་ཏེ། (དཔེར་ན།) ཅོག་ཙེ་འདིའི་ཁ་ཁྱེར་ལ་རི་མོ་ཡོད།3.སྟེགས་བུའི་དོན་ལའང་འཇུག་པར་བཤད། |
| ཁ་ཁྱེར |
སྟེགས་བུ་དང་ཁྲི་སོགས་ཀྱི་མཐའི་ར་བའི་མིང་སྟེ། (དཔེར་ན།) ཐབ་ཀའི་ཁ་ཁྱེར་ཞེས་པ་ལྟ་བུ། |
| ཁ་ཁྲམ |
དོན་ངོ་བོའི་གནས་ཚུལ་དང་མི་མཐུན་པའི་གཏམ་མམ་བསླུ་བའི་གཏམ་གྱི་མིང་སྟེ། (དཔེར་ན།) ཁ་ཁྲམ་གཡོ་གཏམ་ལ་མ་ཉན་ལྟ་བུ། |
| ཁ་ཁྲལ |
1.མི་གྲངས་ལྟར་བསྡུ་བའི་ཁྲལ་གྱི་མིང་། 2.གཞན་གྱིས་བཙན་སྐུལ་བྱས་ནས་མི་བཤད་ཐབས་མེད་བྱུང་ནས་བཤད་པའི་དངོས་དོན་དང་མི་མཐུན་པའི་སྐད་ཆའི་མིང་སྟེ། (དཔེར་ན།) མི་ཤེས་བཞིན་དུ་ཁ་ཁྲལ་ཙམ་མ་འཇལ་ཞེས་པ་ལྟ་བུ། |
| ཁ་ཁྲིམས |
གཞན་ལ་བཤད་མི་ཆོག་པའི་ཁྲིམས་ཏེ། (དཔེར་ན།) ཁ་ཁྲིམས་བསྡམས་པ་ལྟ་བུ། |
| ཁ་གང |
1.དཀྱུས་ཞེང་མཉམ་པའི་གྲུ་བཞི་སྟེ། (དཔེར་ན།) རས་ཁ་གང༌། གོས་ཆེན་ཁ་གང༌ཞེས་པ་ལྟ་བུ།2.དངུལ་སྐར་མ་ཕྱེད་གསུམ།3.ཟས་ཁམ་གང༌།4 ནོར་ལུག་སོགས་མདུན་སོ་བརྒྱད་པོ་བརྗེས་ཟིན་པ། |
| ཁ་གང་བ |
1.བཅུད་ཀྱིས་སྣོད་གང་བ།2.ཁ་ཚང་བའམ། གྲངས་ཀ་ཚང་བ། |
| ཁ་གང་མ |
1.དཀྱུས་ཞེང་མཉམ་པའི་གྲུ་གཞི་པ། 2.ཁ་གདན་གྲུ་བཞི། |
| ཁ་གཅང་པོ |
1.སྨྲ་མཁས་པ།2.གཏམ་སྙན་པོ། |
| ཁ་གཅིག་ཁོག་གཉིས |
ཁ་ཞེ་མི་མཚུངས་པའི་དཔེ། |
| ཁ་གཅིག་གྲག |
ཀུན་ཁ་མཐུན་པའི་དོན་ཏེ། (དཔེར་ན།) ཚང་མ་ཁ་གཅིག་གྲག་རེད་ལྟ་བུ། |
| ཁ་གཅིག་ལྕེ་གཉིས |
ཁ་གཅིག་ནས་སྐད་ཆ་མི་མཐུན་པ་གཉིས་སྨྲ་བའི་དོན། |
| ཁ་གཅུ་བ |
1.ཁ་ཕྱོགས་གཞན་དུ་སྐྱོག་པའི་དོན་ཏེ། (དཔེར་ན།) སུམ་མདོ་རུ་རླངས་འཁོར་ཁ་གཅུ་བཞིན་སོང་ལྟ་བུ། 2.ཁ་ལོ་སྒྱུར་བའི་དོན་ཏེ། (དཔེར་ན།) རྟའི་ཁ་གཅུ་བཞིན་མདུན་དུ་སོང་ལྟ་བུ། |
| ཁ་གཅུས་སྣ་གཅུས |
ཁ་དང་སྣ་གཡས་གཡོན་དུ་གཅུས་པ་སྟེ་གཞན་གྱི་གཏམ་སོགས་འདོད་པར་མི་འབབ་པའི་རྣམ་འགྱུར་ཞིག |
| ཁ་གཅོད |
སྣོད་ཀྱི་ཁ་ལེབ་ (དཔེར་ན།) ཁོག་མའི་ཁ་གཅོད་ཕྱེ་བ། ཤེལ་དམ་ལ་ཁ་གཅོད་དམ་པོར་རྒྱག་པ་ལྟ་བུ། |
| ཁ་གཏད |
ཐད་ཀར་བབས་པའི་ཕ་རོལ་གྱི་ངོས་སམ་གནས་ཀྱི་མིང་སྟེ། (དཔེར་ན།) ངའི་ཁ་གཏད་ན་ཡོད་པའི་མི། ཉིན་གྱི་ཁ་གཏད་ན་སྲིབ་ཡོད་ལྟ་བུ། |
| ཁ་གཏད་གྱོང་མཉམ |
འཐབ་ཟླ་གཉིས་ཀ་གྱོང་ཚད་མཚུངས་པའི་དོན། |
| ཁ་གཏད་པ |
1.ཕྱོགས་མདུན་བསྟན་པ་སྟེ། (དཔེར་ན།) ཐེ་ཚོམ་མེད་པར་ཤར་ཕྱོགས་སུ་ཁ་གཏད་ནས་ཕྱིན་པ་ལྟ་བུ། 2.འགྲན་ཟླ་བྱེད་པོའི་དོན་ཏེ། (དཔེར་ན།) ཁ་གཏད་དགྲ་ཟླར་ལངས་པ། ཁ་གཏད་འཇལ་ཐབས་ལྟ་བུ། |
| ཁ་གཏད་འཇལ་བ |
ཁ་ཡ་བྱེད་པའམ་འགྲན་ཟླར་ལངས་པའི་དོན། |
| ཁ་གཏམ |
1.ངག་རྒྱུན་ནམ་གཏམ་རྒྱུད།2.སྐད་ཆ།3.གཏམ་དཔེ། |
| ཁ་གཏིང |
1.སྟེང་འོག་གི་དོན་ཏེ། (དཔེར་ན།) མཚོ་ཁ་གཏིང་གཉིས་ཀ་དྭངས་ལྟ་བུ།2.ཁ་དང་སེམས་ཀྱི་དོན་ཏེ། (དཔེར་ན།) ཁ་གཏིང་མཚུངས་པའི་སྒོ་ནས་ལས་དོན་ཧུར་ཐག་བྱེད་ལྟ་བུ། |
| ཁ་གཏིང་གཉིས་ཡོད |
ཁ་ཞེ་རྒྱབ་འགལ་ལམ། ཁ་ཞེ་མི་མཚུངས་པའི་དོན། |
| ཁ་གཏིང་མེད་པ |
1.སྟེང་འོག་མཚུངས་པ།2.ཁ་ཞེ་གཉིས་མེད། |
| ཁ་གཏིང་ལོག་པ |
ཁ་དང་གཏིང་མི་མཐུན་པའམ། ག་ཅི་ལོག་པ། |
| ཁ་གཏུགས་པ |
1.འོ་བྱས་པའམ་མཆུ་སྦྱོར་བྱེད་པ། 2.སྣོད་དང་སྣོད་ཁ་སྤྲོད་པ། |
| ཁ་གཏོང་བ |
རྒྱབ་ནས་སྨད་ར་གཏོང་བའི་དོན་ཏེ། (དཔེར་ན།) གདོང་ཐུག་གིས་སྐྱོན་བརྗོད་བྱེད་དགོས་པ་ལས་ལྐོག་ཏུ་ཁ་གཏོང་བ་མི་འགྲིག་ལྟ་བུ། |
| ཁ་གདངས་པ |
1.ཁ་ཕྱེ་བའི་དོན་ཏེ། (དཔེར་ན།) ཁ་གདངས་ན་གློ་བ་མཐོང་ལྟ་བུ། 2.སྐད་ཆ་བཤད་པའི་དོན་ཏེ། (དཔེར་ན།) ཁ་གདངས་ས་དང་ལག་པ་རྐྱོང་ཡུལ་ཞེས་པ་ལྟ་བུ། |
| ཁ་གདན |
འབོལ་གདན་གྱི་ཁ་ལ་གདིང་རྒྱུའི་རུམ་སོགས། |
| ཁ་གནོན |
དབང་དང་སྟོབས་ཀྱིས་མར་གནོན་བྱེད་དེ། (དཔེར་ན།) བཙན་པོའི་ཁ་གནོན་ཉམ་ཆུང་གི་རྒྱབ་རྩ་ཞེས་པ་ལྟ་བུ། |
| ཁ་གཞོན་པ |
སྒོ་ཕྱུགས་ན་སོ་ཆུང་བའི་དོན། |
| ཁ་གཟར |
ཁེམ་བུའམ་ཤིང་སྐྱོགས། |
| ཁ་གཟེར་པོ |
སྐད་ཆ་ཚིག་རྣོན་པོའམ་གསལ་རྗེན་དུ་བཤད་པ། |
| ཁ་གཡའ་བ |
ཟ་རྐོང་བ་སྟེ་ལུས་ལ་ཟ་འཕྲུག་ལངས་པ། |
| ཁ་གཡར |
གཞན་ལ་ཁག་འགེལ་བའི་དོན་ཏེ། (དཔེར་ན།) གཞུང་དོན་ལ་ཁ་གཡར་ནས་སྒེར་དོན་སྒྲུབ་པ། ན་བར་ཁ་གཡར་ནས་ལས་ཀ་མི་བྱེད་པ་ཞེས་པ་ལྟ་བུ། |
| ཁ་གཡལ |
ཁ་གདངས་ཏེ་གླལ་བ། |
| ཁ་གཡེང |
སེམས་གཡེང་བའམ་མགོ་འཁོར་བ་སྟེ། (དཔེར་ན།) ལྟད་མོར་ཁ་གཡེང་བ། ལས་ཀ་བྱེད་དུས་རིག་པ་མི་སྒྲིམ་པར་ཁ་གཡེངས་ན་འཐུས་ཤོར་ཡོང་རྒྱུར་ཐག་ཆོད་ཅེས་པ་ལྟ་བུ། |
| ཁ་གཡེང་མིག་གཡེང |
དབང་པོ་གཞན་ལ་གཡེང་བ་སྟེ། (དཔེར་ན།) ཁ་གཡེང་མིག་གཡེང་བྱས་ནས་བསྡད་ན་ལས་དོན་མི་འགྲུབ་ཅེས་པ་ལྟ་བུ། |
| ཁ་གཡེར་བ |
ཁ་རྒྱ་ཡངས་པའམ་ཁ་ཐེར་ཐེར་གྱི་དོན། |
| ཁ་གཡོ་ངོས་ལེན |
ཁ་ཙམ་གྱིས་ཁས་ལེན་བྱེད་པ། |
| ཁ་གཡོག་མཛུབ་འཁྲི |
ཁའི་གཡོག་པོ་མཛུབ་མོར་འཁྲི་བ་སྟེ། (དཔེར་ན།) འོས་བབས་འགན་འཁྲིའི་གཏམ་དཔེ། |
| ཁ་གཡོགས |
1.ཁ་གཅོད།2.སྟེང་དུ་གཡོག་རྒྱུའི་ཁེབས། |
| ཁ་གཤག |
1.ཚེམ་བུ་གཅིག་བརྒྱབ་ནས་གཡས་གཡོན་དུ་བསློགས་པའི་ཚེམ་སྲུབ་ཀྱི་མིང༌།2.དཀྱིལ་གཤག་སྟེ། (དཔེར་ན།) ཁག་གཉིས་སུ་སྙོམས་པོར་གཤག་པ། གདུང་མ་སྦོམ་པོ་ཁ་གཤག་བཏང་བ། ཅ་ལག་གང་ཡོད་ཚང་མ་ཕྱོགས་གཉིས་ལ་བགོ་བཤའ་སྟར་ག་ཁ་གཤག་བཏང་བ་ཞེས་པ་ལྟ་བུ། |
| ཁ་གཤགས |
ཁ་ཤགས་དང་འདྲ། |
| ཁ་གཤིབ་གྲོས་སྡུར |
དལ་དལ་ལྷིང་ལྷིང་གི་གྲོས་མོལ་བྱེད་པ་སྟེ། (དཔེར་ན།) དོ་བདག་ཕན་ཚུན་ཚང་འཛོམས་ཐོག་ནས་ཁ་གཤིབ་གྲོས་སྡུར་བརྟན་ལྷིང་བྱེད་པ། ཁ་གཤིབ་གཤིབ། ཁ་སྤུ་རུབ་རུབ་བྱས་ནས་གྲོས་སྡུར་གྱིས་ཐག་གཅོད་པ། |
| ཁ་གསག |
ལོག་འཚོ་ལྔའི་ནང་གསེས་ཤིག་སྟེ། (དཔེར་ན།) རང་ཕན་གྱི་དོན་དུ་གཞན་ལ་བསྟོད་ར་བྱེད་པའི་བྱ་སྤྱོད་ཀྱི་མིང་། |
| ཁ་གསང་པོ |
ཁ་ཡངས་པོའམ་འཁྲོལ་པོ་སྟེ། (དཔེར་ན།) སྐད་ཆ་ཁ་གསང་པོ་བཤད་ལྟ་བུ། |
| ཁ་གསངས |
སྐད་ཆ་འཛེམ་བག་མེད་པར་བཤད་པ་སྟེ། (དཔེར་ན།) ཞིབ་གསལ་ཁ་གསངས། ཁ་གསངས་ན་གོ་བདེ། ནམ་ལངས་ན་འགྲོ་བདེ་ཞེས་པ་ལྟ་བུ། |
| ཁ་གསབ |
སྣོན་མའི་དོན་ཏེ། (དཔེར་ན།) ཁ་གསབ་སྣོན་པ། ཁ་གསབ་རོགས་དངུལ་ལྟ་བུ། |
| ཁ་གསར་པ |
གསར་པའི་དོན་ཏེ། (དཔེར་ན།) གྱོན་པ་ཁ་གསར་ཞེས་པ་ལྟ་བུ། |
| ཁ་གསལ |
གཏམ་གསལ་པོའི་དོན་ཏེ། (དཔེར་ན།) ཇི་ལྟར་འགྲིག་མིན་ཁ་གསལ་བཤད་པ། བསམ་འཆར་གང་ཡོད་ཁ་གསལ་ཞུ་བ་ལྟ་བུ། |
| ཁ་གསལ་གཏིང་གསལ |
སེམས་ལ་གང་དྲན་ཁ་ནས་ཤོད་པ། |
| ཁ་གསེ་བ |
ཁ་གཤོག་པའམ་དུམ་བུར་གསིལ་བ། |
| ཁ་གསོ་བ |
1.རྙིང་པ་གསར་འཆོས་བྱེད་པ།2.མ་ཁེངས་པ་ལ་ཁ་སྣོན་པ།3.ཟས་ཀྱིས་གསོ་བ། |
| ཁ་གསོས |
ཁ་སྣོན་གྱི་དོན་ཏེ། (དཔེར་ན།) ཆུ་མར་འབབ་རྒྱ་མཚོའི་ཁ་གསོས་རེད་ཅེས་པ་ལྟ་བུ། |
| ཁ་གྱུ་བ |
ཁ་ཚུར་ལོག་པའམ་ཁ་ཚུར་ཕྱོགས་པ་སྟེ། (དཔེར་ན།) ཕར་འགྲོ་བཞིན་དུ་ཚུར་ཁ་གྱུ་བ་ཞེས་པ་ལྟ་བུ། |
| ཁ་གྱེས་པ |
1.ལོགས་སུ་བྱེ་བ་སྟེ། (དཔེར་ན།) མ་སྨད་སོ་སོར་ཁ་གྱེས་པ།2.སིལ་བུར་འཐོར་བ་སྟེ། (དཔེར་ན།) སྤྱང་ཀི་འོང་བས་ར་ལུག་གི་ཁྱུ་ཚོགས་ཁ་གྱེས་པ། རྒྱ་ཁྲ་ཧོར་པ་མཐོང་ནས་བྱེའུའི་ཁྱུ་ཚོགས་འདྲོགས་ཏེ་ཁ་གྱེས་པ་ལྟ་བུ། |
| ཁ་གྱོང་པོ |
གཏམ་སྨྲ་ཤུགས་ཆེན་པོའམ་ཁ་རྩོད་བྱེད་པར་དགའ་བ། |
| ཁ་གྱོན |
ནང་གོས་ཀྱི་ཁ་ལ་གོན་རྒྱུའི་སྟེང་གོས། |
| ཁ་གྲག་པ |
1.སྐད་ཆ་བཤད་པའི་དོན་ཏེ། (དཔེར་ན།) ཚོགས་འདུ་འཚོག་དུས་སྦ་གསང་སྦུག་གསུམ་མེད་པར་ཁ་གྲག་པ།2.གཏམ་ལན་སྟེར་བའི་དོན་ཏེ། (དཔེར་ན།) ན་ཚུན་ཁ་ཅང་མི་གྲག་པ། |
| ཁ་གྲངས |
གྲངས་ཀའི་སྤྱི་སྡོམ་གྱི་མིང་སྟེ། (དཔེར་ན།) ཕྱུགས་ཀྱི་ཁ་གྲངས་བརྩིས་ལྟ་བུ། |
| ཁ་གྲམ་པ |
1.ལོགས་སུ་གྱེས་པའི་དོན་ཏེ། (དཔེར་ན།) ཚོགས་འདུ་གྲོལ་ནས་སོ་སོའི་ཁྱིམ་དུ་ཁ་གྲམ་པ་ཞེས་པ་ལྟ་བུ།2.སིལ་བུར་འཐོར་བའི་དོན་ཏེ། (དཔེར་ན།) ཤིང་ལོ་རླུང་གིས་གཏོར་ནས་ཕྱོགས་ཕྱོགས་སུ་ཁ་གྲམ་པ། |
| ཁ་གྲུ |
1.ཁའི་གཡས་གཡོན་གྱི་ཟུར་ཁུག་གཉིས།2.རྒྱ་ཁྱོན། |
| ཁ་གླལ་བ |
གཡལ་སྟོང་རྒྱག་པ། |
| ཁ་གླིང |
1.ཁ་ཆེ་དང་གླིང་གཉིས་འཁྲུག་པའི་གེ་སར་སྒྲུང་གི་སྡེ་ཚན་ཞིག2.འཕྲེད་གླིང་ལ་ཡང་ཁ་གླིང་ཟེར། |
| ཁ་ངན |
ཚིག་ངན་པའམ་ཚིག་རྩུབ་མོའི་དོན་ཏེ། (དཔེར་ན།) ཁ་ངན་གཏམ་ངན། ཚུར་ཁ་ངན་བརྗོད་པར་ཕར་ཁ་ངན་སློག་པ་ཞེས་པ་ལྟ་བུ། |
| ཁ་ངལ |
ཁ་ཐང་ཆད་པ་སྟེ། (དཔེར་ན།) མི་ཉན་པ་ལ་བཤད་པ་ཁ་ངལ་རོགས་རེད་ཅེས་པ་ལྟ་བུ། |
| ཁ་ངོ |
ཁ་དང་ངོ་། |
| ཁ་ངོམས་གྲོད་འགྲངས |
ལྟོགས་སྐོམ་ལས་གྲོལ་བའི་དོན་ཏེ། (དཔེར་ན།) རང་ཉིད་ཁ་ངོམས་གྲོད་འགྲངས་ཡོང་ཐབས་བྱ་རྒྱུ་ལས་གཞན་གྱི་སྐྱིད་སྡུག་མི་ལྟ་བ་ཞེས་པ་ལྟ་བུ། |
| ཁ་ཅིག |
(ཚབ་ཚིག) ངེས་བཟུང་མེད་པའི་མི་ག་གེ་མོ་སྟེ། (དཔེར་ན།) ཁ་ཅིག་གིས་དེ་ལྟར་བཤད་ཅིང་ཁ་ཅིག་གིས་འདི་ལྟར་བཤད་པས་གང་ཡིན་བརྟག་དཔྱད་གཏོང་དགོས་ལྟ་བུ། |
| ཁ་ཅོལ |
གང་བྱུང་མང་བྱུང་བཤད་པའི་ཁ་ལང་ཤོར་བ། |
| ཁ་ཆ |
ཁ་འཕྲིན་ནམ་ངག་བསྐུར་གྱི་དོན་ཏེ། (དཔེར་ན།) ཁོ་ལ་ཁ་ཆ་ཞིག་བཏང་བ་ཡིན་ལྟ་བུ། |
| ཁ་ཆག |
1.འགྲམ་མམ་མཐའ་ལ་ཆག་སྐྱོན་ཡོད་པའི་དོན་ཏེ། (དཔེར་ན།) དཀར་ཡོལ་ཁ་ཆག་ཅེས་པ་ལྟ་བུ། 2.ཁ་ནས་གཏམ་མི་ལེགས་པའམ་བཀྲ་མ་ཤིས་པ་བཤད་མཁན་ནམ་དུས་རྒྱུན་བྱ་ངན་སྤྱོད་ངན་བྱེད་མཁན་གྱི་མི་སྟེ། (དཔེར་ན།) མི་ཁ་ཆག་ཅེས་པ་ལྟ་བུ། |
| ཁ་ཆག་པ |
1.སྣོད་སྤྱད་སོགས་ཀྱི་ཁ་གྲམས་པ།2.ཉུང་དུ་བྲི་བ། |
| ཁ་ཆག་སྣ་རལ |
གྲ་མ་འགྲིག་པ་མང་པོ་བྱུང་བའི་དཔེ་སྟེ། (དཔེར་ན།) ལས་དོན་གང་བྱེད་ཀྱི་སྔོན་དུ་ཐབས་ཇུས་ལེགས་པར་བཏིང་ན་ཁ་ཆག་སྣ་རལ་གྱི་འཐུས་ཤོར་ཡོང་མི་སྲིད་ཅེས་པ་ལྟ་བུ། |
| ཁ་ཆད |
གཏན་འཁེལ་བའི་ཐ་ཚིག་སྟེ། (དཔེར་ན།) ཁ་ཆད་དོན་ལ་གནས་པ། ཁ་ཆད་མེད་པའི་མགོ་བཏགས་ཞུས་པ་ལྟ་བུ། |
| ཁ་ཆབ |
(བརྡ་རྙིང།) 1>ཁ་ཆུ། 2>ཆང་སླ་པོ། |
| ཁ་ཆར |
1.ཁ་བ་དང་ཆར་པའི་བསྡུས་མིང༌།2.གངས་མ་ཆར། |
| ཁ་ཆིངས |
ཁུག་མ་སོགས་ཀྱི་ཁ་སྡོམ་བྱེད། |
| ཁ་ཆུ |
1.ཁའི་མཆིལ་མ།2.ཁ་བ་ཞུ་བའི་ཆུ།3.ཞོའི་ཁ་ཆུ།4.བལ་གྱི་སྤུ་རྐང་རིང་པོའི་གྲས།5.ཤིང་གཤོག་སྐབས་གས་གསེབ་ཏུ་འཇུག་རྒྱུའི་རྩབ་བམ་ཤིང་ཕུར་སོ་ལེབ་ཅན་གྱི་མིང་ (དཔེར་ན།) བཤགས་ཀྱང་མ་གས་ན་ཁ་ཆུས་ཕུག་ཅེས་པ་ལྟ་བུ། |
| ཁ་ཆུང་བ |
1.རྟ་ཕྱུགས་སོགས་ན་སོ་གཞོན་པ།2.སྣོད་སོགས་ཀྱི་ཁ་ཆུང་བ། |
| ཁ་ཆེ |
1.ཀསྨིར་ཏེ། བོད་ཀྱི་ནུབ་ཕྱོགས་སུ་ཡོད་པའི་ཡུལ་ཞིག་གི་མིང༌། ཀ་ཤི་སྨིར་ཡང་ཟེར། 2.དབྱི་སི་ལེན་ཆོས་ལུགས་པར་ཡང་ཁ་ཆེ་ཟེར། |
| ཁ་ཆེ་གུར་ཀུམ |
རྩི་སྨན་གྱི་ནང་ཚན་གུར་ཀུམ་རིགས་ལྔའི་ནང་ནས་མཆོག་ཏུ་གྱུར་པ་ཁ་ཆེའི་ཡུལ་དུ་སྐྱེ་བས་ན་ཡུལ་གྱི་མིང་མེ་ཏོག་ལ་ཐོགས་པ་རོ་མངར། ནུས་པ་བསིལ། མཆིན་ནད་སེལ། རྩ་ཁ་སྡོམ། ཟུངས་ཁྲག་གསོ། |
| ཁ་ཆེ་པཎ་ཆེན |
ཁ་ཆེའི་ཡུལ་གྱི་མཁས་པ་ཆེན་པོ། |
| ཁ་ཆེ་པཎ་ཆེན་ཟླ་བ་མངོན་དགའ |
རྒྱ་གར་ནུབ་ཕྱོགས་ཁ་ཆེའི་ཡུལ་དུ་སྐུ་འཁྲུངས། དགུང་ལོ་ཆུང་ངུའི་དུས་ནས་རིག་གནས་སྤྱི་དང༌། ཁྱད་པར་དུ་གསོ་བ་རིག་པ་ལ་མཁས་པར་སྦྱངས། སློབ་དཔོན་དཔའ་བོས་མཛད་པའི་ཡན་ལག་བརྒྱད་པ་ཆེན་པོ་དང༌། དེ་ལ་འཇུག་པ། སྙིང་པོ་བསྡུས་པ་རྣམས་དང༌། ཙ་ར་ཀ་འབུམ་སྡེ་སོགས་གསོ་རིག་གི་གཙུག་ལག་མཐའ་ཀླས་པར་བརྟེན་ཅིང༌། རང་ཉིད་ཀྱི་རྣམ་དཔྱོད་རིག་པའི་ལམ་ནས་དྲངས་ཏེ། སྙིང་པོ་བསྡུས་པ་རྒྱས་པར་འགྲེལ་བར་ཚིག་དོན་ཟླ་ཟེར་དང༌། དེའི་སྨན་མིང་ཟུར་དུ་བཀོལ་བར་སྒྲ་སྦྱོར་ངེས་པ་སོགས་མཛད། |
| ཁ་ཆེ་བྱེ་བྲག་སྨྲ་བ |
སྔར་ཁ་ཆེའི་ཡུལ་དུ་དར་བའི་ནང་པ་སངས་རྒྱས་པའི་གྲུབ་མཐའ་བྱེ་བྲག་སྨྲ་བའི་ནང་ཚན་ཞིག |
| ཁ་ཆེ་ཤ་ཁ་མ |
ཁ་ཆེ་གུར་ཀུམ་དང་དོན་གཅིག |
| ཁ་ཆེ་ཤ་སྐམ་མ |
ཁ་ཆེ་གུར་ཀུམ་དང་དོན་གཅིག |
| ཁ་ཆེ་སྐྱེས |
(མངོན་བརྗོད།) གུར་ཀུམ། |
| ཁ་ཆེམས |
འཆི་ཁར་འཇོག་པའི་མངག་གཏམ་ཏེ། (དཔེར་ན།) ང་ཡི་ཁ་ཆེམས་མ་བརྗེད་ཉམས་སུ་ལོངས་ཞེས་པ་ལྟ་བུ། |
| ཁ་ཆེམས་རླུང་བསྐུར |
ངན་སྤྱོད་གསང་མི་ཐུབ་པའི་གཏམ་རྒྱུད་ཅིག་སྔར་ཆོམ་པོ་བ་ཞིག་གིས་ནོར་ལྡན་ཞིག་གསོད་ཁར་ནོར་ལྡན་དེས་ང་གསོད་མཁན་མི་དེ་རེད་ཅེས་རླུང་ཕྱོགས་ལ་ཁ་གཏད་དེ་བཤད། ལོ་མང་སོང་རྗེས་ཆོམ་པོ་བས་སྔར་དེ་འདྲ་བྱུང་ཚུལ་བཤད་པས་བསད་པའི་མི་དེའི་ནང་མིས་གོ་ནས་ཆོམ་པོ་བའང་བསད་པ་རེད། |
| ཁ་ཆོས |
ཁས་བཤད་པ་ཙམ་ལས་དོན་དུ་ལག་ལེན་མི་བྱེད་པའི་ཆོས་གཏམ། ལག་ལེན་མི་བྱེད་པར་ཁ་ནས་བཤད་པའི་སྐད་ཆ་སྟོང་བའི་མིང་། |
| ཁ་ཉམས་ལྕེས་དཔྱད |
ནང་རྒྱུས་ནང་གིས་བརྟག་པའི་དོན་ཏེ། (དཔེར་ན།) ཁ་ཉམས་ལྕེས་དཔྱད་བྱས་པའི་སྒོ་ནས་ལས་དོན་འཐུས་ཤོར་མེད་པར་སྒྲུབ་དགོས་ལྟ་བུ། |
| ཁ་ཉིན |
ཁ་སང་གི་སྔ་ཉིན། |
| ཁ་ཉུང |
(རྒྱན་ཚིག) སྐད་ཆ་མང་པོ་མི་བཤད་པའི་དོན་ཏེ། (དཔེར་ན།) ཁ་ཉུང་བྱ་ཉུང་ཞེས་པ་ལྟ་བུ། |
| ཁ་ཉུང་བ |
སྐད་ཆ་ཉུང་ཉུང༌གི་དོན་ཏེ། (དཔེར་ན།) ཁ་ཉུང་ལག་གཙང༌། ཁ་ཉུང་ཚིག་འདུས་ཞེས་པ་ལྟ་བུ། |
| ཁ་ཉུལ |
སྐད་ཆ་སྔོག་ཐབས་ཀྱི་དོན་ཏེ། (དཔེར་ན།) གཞན་བསམ་ཁ་ཉུལ་བྱེད་པ་ཞེས་པ་ལྟ་བུ། |
| ཁ་ཉེར་ཉེར |
ཡིད་ལ་མི་འཐད་པའི་རྣམ་འགྱུར་ཁ་ཉེར་ཉེར་བྱེད་པ། |
| ཁ་ཊྭཱཾ་ག |
དབྱུག་ཏོའི་རྩེར་ཐོད་སྐམ་གསུམ་བརྩེགས་སྟེང་ལྕགས་ཀྱི་རྩེ་གསུམ་ཅན་གྱི་ཕྱག་མཚན་ཞིག |
| ཁ་ཏ |
1.བསླབ་བྱའི་དོན་ཏེ། (དཔེར་ན།) ཁ་ཏས་བློ་འགུགས། ཁ་ཏ་སྐུལ་ལྕག མི་ཉན་པ་ལ་ཁ་ཏ་བྱེད་པ་དེ། ཀོ་བ་སྐམ་པོ་ལག་པས་མཉེད་ལས་དཀའ།2.(བརྡ་རྙིང་།) གཅེས་པར་འཛིན་པའམ་གཅེས་སྤྲས། |
| ཁ་ཏ་བ |
བསླབ་བྱ་བྱེད་པ་པོ། |
| ཁ་ཏ་བསླབ་བྱ |
གྲོས་འདེབས་སློབ་སྟོན། |
| ཁ་ཏི་ཁ་བ |
མཚོ་སྔོན་ཁོངས་གཏོགས་རྗེ་ཙོང་ཁ་པའི་དངོས་སློབ་བྱང་བླ་མས་བཏབ་པ་རྗེ་ཙོང་ཁ་པས་མ་ཡུམ་ལ་བསྐུར་བའི་འདྲ་ཐང་དངོས་མ་གསུང་འབྱོན་དུ་གྲགས་པ་དགོན་པ་འདི་ན་བཞུགས། |
| ཁ་ཏིག |
རོ་ཁ་བ། |
| ཁ་ཏོག |
རྒྱུན་ཟས་མིན་པའི་དུས་ངེས་མེད་དུ་བཟའ་རྒྱུའི་རིགས། |
| ཁ་ཏོན |
ངག་འདོན་ནམ་རྒྱུན་ཀློག་གི་ཆོས། |
| ཁ་ཐག་ཤང་པོ |
ཁ་གསང་པོའམ་ངག་སྒོ་ཡང་པོ། |
| ཁ་ཐབས |
འཇོན་ཐང་དང་ནུས་པའི་དོན་ཏེ། (དཔེར་ན།) དཔལ་འབྱོར་གྱི་ཁ་ཐབས་ལེགས་པ། མི་དེའི་ཁ་ཐབས་སྐྱོ་པོ་རེད་ཅེས་པ་ལྟ་བུ། |
| ཁ་ཐལ |
ཐུག་ཐལ་ལམ་ཐུག་རྩམ་གྱི་དོན་ཏེ། (དཔེར་ན།) འབྲས་ཐུག་སྐོལ་དུས་ཁ་ཐལ་འདེབས་སྲོལ་ཡོད། |
| ཁ་ཐལ་བ |
1.བཤད་སྔ་དྲགས་པའམ་གཏམ་ཤོར་བ།2.རྟ་སོགས་བང་ཁ་ཤོར་བ། |
| ཁ་ཐིའི་རིས་ཅན |
རི་མོ་སྒོར་སྒོར་གྱི་དཀྱིལ་དུ་གྲུ་བཞི་ཡོད་པ་སྔ་དུས་ཀྱི་དོང་ཙེའི་རི་མོ་ཅན་གྱི་ཁ་གདན་སོགས། |
| ཁ་ཐུག |
1.ཐད་ཀ་དང་དྲང་པོའི་དོན་ཏེ། (དཔེར་ན།) ལམ་ཁ་ཐུག་ཏུ་སོང་ན་ཐག་ཉེ། གཏམ་ཁ་ཐུག་ལ་བཤད་ན་གོ་སླ། ལས་དོན་གང་བྱུང་ཡང་ཁ་ཐུག་སོ་སོར་བྱེད་དགོས།2.དོ་བདག་གཉིས་མོས་ཀྱིས་བཟའ་ཚང་བྱས་པའི་དོན་ཏེ། (དཔེར་ན།) ཁོ་གཉིས་ཁ་ཐུག་ནས་ལོ་མང་པོ་སོང༌ལྟ་བུ།3.སྟབས་ཁེལ་བའི་དོན་ཏེ། (དཔེར་ན།) ཁྱེད་རང་འདིར་ཕེབས་པ་དང་ཁ་ཐུག་འཁེལ་སོང༌། ཁ་ཐུག་གདོང་ཐུག་ཅེས་པ་ལྟ་བུ། |
| ཁ་ཐུམ |
1.སྣོད་སྤྱད་ཀྱི་ཁ་ཐུམ།2.(ཡུལ་སྐད།) གྱོན་པའི་མཐའ་འགྲིལ་གྱི་མིང་སྟེ། (དཔེར་ན།) རས་ཁ་གང་ལ་ཁ་ཐུམ་བརྒྱབ་ཅེས་པ་ལྟ་བུ། |
| ཁ་ཐེག |
ཁག་ཐེག་གི་འབྲི་ཚུལ་གཞན། |
| ཁ་ཐེར་ཐེར |
1.དགོད་འཚེར་འཚེར།2.སྣོད་ཀྱི་ཁ་རྒྱ་ཡངས་པའི་དོན་ཏེ། (དཔེར་ན།) སྡེར་མ་ཁ་ཐེར་ཐེར་ཞིག་ཏུ་ཤིང་ཐོག་བསྒྲིགས་པ། ཇ་དམ་ཁ་ཐེར་ཐེར་ཞེས་པ་ལྟ་བུ། |
| ཁ་ཐོག |
ཕྱི་ངོས་སམ་ཚིག་ཙམ་གྱི་དོན་ཏེ། (དཔེར་ན།) ཁ་ཐོག་གི་ཚིག་དོན་ཐོག་ལ་འཇོག་པ་ཞེས་པ་ལྟ་བུ། |
| ཁ་ཐོག་ལག་བཞག |
ཚིག་ཐོག་དོན་གནས་ཀྱི་དཔེ་སྟེ། (དཔེར་ན།) ལས་དོན་གང་ཡིན་ཡང་ཁ་ཐོག་ལག་བཞག་ཅིག་བྱེད་དགོས། |
| ཁ་ཐོགས |
ཁ་བཏགས་ནས་ཐོགས་པའམ། ཚང་མ་གསོད་ཐུབ་པ། |
| ཁ་ཐོན་པ |
(ཡུལ་སྐད།) ཁ་སོས་པ། |
| ཁ་ཐོར |
1.ཆ་མི་ཚང་བའམ་སོ་སོར་གྱེས་པའི་མི་དང་དངོས་རྫས་ཀྱི་མིང་སྟེ། (དཔེར་ན།) དཔེ་ཧྲུལ་ཁ་ཐོར། ལྷུ་ལག་ཁ་ཐོར་རྣམས་ལྷན་དུ་བསྒྲིགས་ལྟ་བུ། 2.ཁའི་བད་ཐོར་རམ་ཤུ་ཐོར། |
| ཁ་ད་ཆད |
(བརྡ་རྙིང།) ཁ་དང་མཉམ་པའི་དོན་ཏེ། (དཔེར་ན།) འབྲུ་རིགས་ཀྱིས་བང་མཛོད་ཁ་ད་ཆད་དུ་གང་བ། |
| ཁ་དཀར་ཁོག་ནག |
སྐད་ཆ་འཇམ་ལ་བསམ་པ་ངན་པ། |
| ཁ་དཀར་གཏིང་ནག |
ཁ་དཀར་ཁོག་ནག་དང་དོན་གཅིག |
| ཁ་དཀར་པོ |
1.སྐད་ཆ་བཀྲ་ཤིས་པ།2.མདོག་དཀར་རྐྱང༌། |
| ཁ་དཀྲི |
མགོ་དང་སྐེ་དཀྲི་བྱེད་ཀྱི་རས་དང་སྣམ་བུ་སོགས་ཀྱི་མིང་། |
| ཁ་དཀྲིས |
སྐེ་ལ་དཀྲི་བྱའི་རས་སམ་ཁ་དཀྲི་བྱེད། |
| ཁ་དག |
1.ཁ་འགྲིག་སོ་འགྲིག་གི་དོན་ཏེ། (དཔེར་ན།) ནོར་དང་བུ་ལོན་ཁ་དག་ཏུ་འགྱུར་བ།2.བརྡ་རྙིང 1> ཚང་མ་ཤི་བ། 2>ཉམ་ཐག་པ། |
| ཁ་དགའ་ངོ་དགའ |
1.ཞེ་ནས་མི་དགའ་ཡང་དགའ་མདོག་བྱེད་པ།2.མི་ལ་ཁ་སྙན་ངོ་འཛུམ་བྱེད་པ། |
| ཁ་དགའ་ངོ་བསྟོད |
ཞེ་ནས་མི་དགའ་ཡང་ཁ་ནས་དགའ་ཚུལ་གྱིས་བསྟོད་ར་བྱེད་པ། |
| ཁ་དངོམ་པ |
ང་རྒྱལ་གྱིས་ཁ་བདེ་ངོམ་སོ་བཤད་པའི་དོན་ཏེ། (དཔེར་ན།) ལག་ལེན་མེད་པར་བཏང་བཏང་བྱུང་བྱུང་གིས་ཁ་དངོམ་པ་ཞེས་པ་ལྟ་བུ། |
| ཁ་དན |
འགྱུར་མེད་གཏན་ཁེལ་གྱི་ཐ་ཚིག་སྟེ། (དཔེར་ན།) ཁ་དན་ཚིག་ལ་མ་གནས་ན་མཐའ་མཇུག་ཅི་འབྱུང་མི་ཤེས། ཁ་དན་དུས་འགྱངས། ཕན་ཚུན་བཙན་གནོད་མི་བྱེད་པའི་ཁ་དན་བཞག་ཅེས་པ་ལྟ་བུ། |
| ཁ་དཔེ |
1.གཏམ་དཔེ། ཁ་དཔེ་ཉན་ན་གོ། རི་མོ་བལྟས་ན་རིག2.ཡུལ་གྲུ་ལ་ལར་སྔར་གྱི་སྒྲུང་གཏམ་ལ་ཁ་དཔེ་ཟེར། |
| ཁ་དཔྱ |
འཕྱ་སྨོད་བྱེད་པ། |
| ཁ་དབང |
1.གཏམ་བཤད་པའི་ནུས་སྟོབས་ཀྱི་དོན་ཏེ། (དཔེར་ན།) དེ་རིང་གྲོས་བསྡུར་གྱི་དོན་རྣམས་ཁོའི་ཁ་དབང་དུ་ཕྱིན་སོང༌ལྟ་བུ།2.མི་སྒེར་གྱི་རྒྱུ་ནོར་ལོངས་སྤྱོད་ཀྱི་མིང་སྟེ། (དཔེར་ན།) ཁ་དབང་གཞུང་བཞེས་ཞེས་པ་ལྟ་བུ།3. བཤད་པ་ལ་མཁས་པའི་ཡོན་ཏན་གྱི་མིང་སྟེ། (དཔེར་ན།) མི་ཁ་དབང་ཅན། བློན་ཁ་དབང་ཆེ་ཡང་རྒྱལ་ལ་བསྟུན་ཞེས་པ་ལྟ་བུ། |
| ཁ་དབང་དཔུང་ཤུགས |
ཁ་ནས་ཤོད་པའི་དབང་ཆ་དང༌། གཞན་ནོན་པར་བྱེད་པའི་དཔུང་ཤུགས། |
| ཁ་དབྲག |
1.རྩ་བ་གཅིག་ནས་ཁག་གཉིས་གསུམ་དུ་གྱེས་པའི་དོན་ཏེ། (དཔེར་ན།) ཆུ་ཁ་དབྲག ལམ་ཁ་དབྲག རྨིག་པ་ཁ་དབྲག ཤིང་གི་ཡལ་ག་ཁ་དབྲག་ཅེས་པ་ལྟ་བུ།2.ཤ་གསེབ་མདེའུ་ཡོད་མེད་བརྟག་བྱེད་ཟླུམ་པོ་ཁ་དབྲག་དབྱིབས་ཅན་གྱི་ཐུར་སྤྱད་ཅིག3. ཁ་བྲག་གི་འབྲི་ཚུལ་གཞན། |
| ཁ་དམ |
(རྒྱན་ཚིག) ཁ་ནས་གང་བྱུང་མི་བཤད་པའི་དོན་ཏེ། (དཔེར་ན།) ཁ་དམ་གསང་ཚུགས་ཞེས་པ་ལྟ་བུ། ཚིག་གོ་དཀའ་བའི་དོན་ཏེ། སྙན་ཚིག་ཁ་དམ་པ། ཁ་དམ་པོ་ཞེས་པ་ལྟ་བུ། |
| ཁ་དམ་པོ |
1.གཏམ་ཆེར་མི་བཤད་པ།2.གསང་ཚིག་ཐུབ་པ།3.ཁ་གཅོད་འགྲིག་པོའམ་དམ་པོ། |
| ཁ་དམར |
1.རྩིས་པའི་བབས་འབྲས་ལེགས་ཉེས་ཅི་འགྱུར་གསལ་ཁ་སྟོན་པའི་མ་འོངས་ལུང་བསྟན།2.(བརྡ་རྙིང་།) ཁག་ཐེག་གི་དོན།3. ནད་ཀྱི་རྟགས་ལ་བརྟེན་ནས་འཚོ་འཆི་སོགས་ཁ་ཚོན་བཅད་པའི་ཚིག་གི་མིང་ ནད་ལ་ཁ་དམར་གདགས་པ། གཞི་རྩ་མ་ཤེས་ཁ་དམར་ལོག་པར་འགྲོ་ཞེས་པ་ལྟ་བུ། |
| ཁ་དམར་གདགས |
སྨན་པས་ནད་པ་ལ་ནད་འདི་ཡིན་དང་འཚོ་འཆི་འདི་འོང་ཞེས་གསལ་བར་ལུང་སྟོན་པའི་དོན། |
| ཁ་དམར་བ |
1. བྱེའུ་ཕྲུག་དང་བྱིས་པ་ཁ་དམར་བ།2. (བརྡ་རྙིང་།) ཁག་ཐེག་བྱེད་མཁན། |
| ཁ་དམར་འབྱེད་པ |
གྲོད་ཁོག་ཁ་གཤག་པ། |
| ཁ་དལ་སྤྱོད་དལ |
ལུས་ངག་གཉིས་ཀ་དལ་བ་སྟེ། (དཔེར་ན།) ཁ་དལ་བས་གང་བྱུང་ཤོད། ལུས་ཁོམ་སྟེ་གང་བྱུང་བྱེད་ལྟ་བུ། |
| ཁ་དི་ར |
སེང་ལྡེང་ཤིང་གི་མིང་གི་རྣམ་གྲངས་ཤིག |
| ཁ་དིག |
ལྕེ་དིག་པ་སྟེ་ཚིག་གསལ་པོ་སྨྲ་མི་ཐུབ་པ། |
| ཁ་དིག་དིག |
སྒྲ་མི་གསལ་བའམ་གཏམ་ཐོན་དཀའ་བའི་ངག་དིག་ལྐུགས། |
| ཁ་དིག་ལྕེ་རེངས |
སྐད་ཆ་སྒྲ་དག་སྒྲོས་གཙང་ཤོད་མི་ཐུབ་པ། |
| ཁ་དུག་ཅན |
(མངོན་བརྗོད།) 1>སྦྲུལ། 2>དུག་སྦྲང༌། |
| ཁ་དུམ་པ |
གྲོས་མཐུན་པའི་དོན་ཏེ། (དཔེར་ན།) དོན་གནད་འདི་ལ་ང་ཚོ་ཚང་མ་ཁ་དུམ་པ་ཡིན་ཞེས་པ་ལྟ་བུ། |
| ཁ་དུལ་པོ |
1.ངག་འཇམ་པོ། 2.རྟ་སོགས་ལེགས་པར་ཐུལ་བའི་ལྷིང་པོ། |
| ཁ་དེབ་ཚད་འཛིན |
ཡིག་རིགས་སོགས་རྩ་བ་འཛིན་ས་མེད་པར་ཁ་ནས་གང་བཤད་ལ་ཆ་འཇོག་པའི་དོན་ཏེ། (དཔེར་ན།) ཁ་དེབ་ཚད་འཛིན་དུ་མ་གྱུར་པར་ཞིབ་བརྩད་བྱེད་པ་གལ་ཆེ་ཞེས་པ་ལྟ་བུ། |
| ཁ་དོག |
1.སྔོ་སེར་དཀར་དམར་སོགས་ཚོན་མདོག་སྤྱིའི་མིང་སྟེ། ཁ་མདོག་ཀྱང་འབྲི། 2.(རྒྱན་ཚིག) ཁ་དོག་མོ་ཡིན་པའི་དོན་ཏེ། (དཔེར་ན།) སྣོད་འདི་ཧ་ཅང་ཁ་དོག་ལྟ་བུ། |
| ཁ་དོག་གི་གཟུགས |
ཁ་དོག་དང་དོན་གཅིག |
| ཁ་དོག་གི་ཟིལ་གནོན་བཞི |
ཟིལ་གྱིས་གནོན་པའི་སྐྱེ་མཆེད་བརྒྱད་ཀྱི་ནང་གསེས། སྔོ་སེར་དཀར་དམར་ཟིལ་གནོན་བཞི་ཏིང་ངེ་འཛིན་གྱིས་ཁ་དོག་རང་ཉིད་འོད་དང་ལྡན་པ་དང་གཞན་སོ་སོར་དམིགས་པས་སྤྲུལ་བསྒྱུར་ལ་དབང་བས་ཟིལ་གྱིས་གནོན་པའོ། ། |
| ཁ་དོག་ཆེན་པོ |
(མངོན་བརྗོད།) གསེར་གྱི་མིང་། |
| ཁ་དོག་པོ |
ཁ་ཆུང་ཆུང༌། |
| ཁ་དོག་མཆོག |
(མངོན་བརྗོད།) བུད་མེད་མཆོག |
| ཁ་དྲག་དབང་བཙན |
ཁ་ཤུགས་ཆེ་བ་དང༌། དབང་ཤེད་ངོམས་པ། |
| ཁ་དྲག་པོ |
གཏམ་ཤུགས་བཙན་པོའི་དོན་ཏེ། (དཔེར་ན།) རང་ལ་བདེན་པ་མེད་ན་ཇི་ལྟར་ཁ་དྲག་པོ་བྱས་ཀྱང་ཉན་མཁན་མེད་ཅེས་པ་ལྟ་བུ། |
| ཁ་དྲང་པོ |
དངོས་འབྲེལ་དྲང་འབྲེལ་གྱི་སྐད་ཆ། |
| ཁ་དྲངས |
སྣེ་ཁྲིད་པའི་དོན་ཏེ། (དཔེར་ན།) སྙན་སྙན་འཇམ་འཇམ་བཤད་དེ་བྱིས་པ་གཞོན་ནུ་རྣམས་ལམ་བཟང་པོར་ཁ་དྲངས་པ་ཞེས་པ་ལྟ་བུ། |
| ཁ་དྲལ |
འཇིག་པའམ་ཞིག་པ། |
| ཁ་དྲི |
སྐད་ཆའི་རྣམ་འགྱུར་གྱི་དོན་ཏེ། (དཔེར་ན།) ཚིག་རྩུབ་སྤངས་ཏེ་ཁ་དྲི་འཇམ་པོ་བྱས། གཏོང་ཕོད་ཆེ་བ་ལས། ཁ་དྲི་གཤིན་པ་དེ་གལ་ཆེ་ཞེས་པ་ལྟ་བུ། |
| ཁ་དྲོ |
1.སྨོན་ཚིག་སྟེ། (དཔེར་ན།) གར་སོང་ཁ་དྲོ་ལྟ་བུ། 2.བྱ་བ་ལམ་འགྲོ་བྱུང་བའི་དོན་ཏེ། (དཔེར་ན།) དམངས་དོན་ཅི་བྱས་ཁ་དྲོ། སྒེར་དོན་བསྒྲུབས་ནས་ཁ་མ་དྲོ་ཞེས་པ་ལྟ་བུ། |
| ཁ་དྲོ་པོ |
ཁ་དྲོ་བ་དང་འདྲ། |
| ཁ་དྲོ་བ |
བཀྲ་ཤིས་པའམ་ལེགས་པོ་འོང་བ། |
| ཁ་དྲོག |
1.གློ་བུར་དུ་བཟའ་བཏུང་རྙེད་པའི་སྐལ་བ། 2.གནས་སྐབས་སམ་ཁ་སྟོང་ཙམ་གྱི་ཕན་པ་སྟེ། (དཔེར་ན།) ཁ་དྲོག་ཆེ་ལ་གཏིང་དྲོག་ཆུང་ཞེས་པ་ལྟ་བུ། |
| ཁ་ན |
རག་ལས་ས་དང་ལྟོས་དགོས་སའི་མིང་སྟེ། (དཔེར་ན།) རྟའི་མགྱོགས་བུལ་གཟུགས་པོ་ཆེ་ཆུང་གི་ཁ་ན་མེད། ཡོན་ཏན་ཡོད་མེད་སློབ་སྦྱོང་བྱས་མ་བྱས་ཀྱི་ཁ་ན་ཡོད་ལྟ་བུ། |
| ཁ་ན་མ་ཐོ་བ |
ཉེས་ལྟུང་དང༌། སྡིག་པ་སོགས་སྡུག་བསྔལ་གྱི་འབྲས་བུ་འཕེན་པའི་ལས་ཏེ། (དཔེར་ན།) ཁ་ན་མ་ཐོ་མེད་པ། ཁ་ན་མ་ཐོ་ཆེ་བ་ལྟ་བུ། |
| ཁ་ན་མ་ཐོ་བ་གཉིས |
སྡིག་པ་མི་དགེ་བ་གཉིས་ཏེ། བཅས་པའི་ཁ་ན་མ་ཐོ་བ་དང༌། རང་བཞིན་གྱི་ཁ་ན་མ་ཐོ་བའོ། ། |
| ཁ་ན་མ་ཐོ་བའི་སྒྲིབ་པ |
མི་དགེ་བ་བཅུ་སོགས་སྡིག་པའི་ལས་ཏེ། དེ་ལ་ལས་ཀྱི་སྒྲིབ་པའང་ཟེར། ། |
| ཁ་ནག་པོ |
1.ཁ་དོག་ནག་པོ། 2.ཁ་མི་དྲོའམ་བཀྲ་མི་ཤིས་པ། |
| ཁ་ནང་དུ་ལྟ་བ |
1. གདོང་ཚུར་སྟོན་པ།2.སེམས་ནང་དུ་བསྐོར་བ་སྟེ་རང་གི་སྒོ་གསུམ་ལ་རང་གིས་རྟོག་དཔྱོད་བྱེད་པ། |
| ཁ་ནང་ལྕེ་རྒྱུས |
ཁ་ནང་དུ་གང་ཡོད་ལྕེ་ལ་རྒྱུས་ཡོད་ཟེར་བ་སྟེ། (དཔེར་ན།) ནང་ཁུལ་གྱི་རྒྱུས་ནང་ཁུལ་གྱི་མི་ལ་ཡོད་པའི་དཔེ། |
| ཁ་ནིང |
(ཡུལ་སྐད།) ཁར་སང་གི་སྔ་ཉིན། |
| ཁ་ནུབ |
ཁ་སང་གི་སྔ་ཉིན་དེའི་མཚན་མོ། |
| ཁ་ནེམ |
ཅུང་ཟད་རྙིང་པའི་དོན་ཏེ། (དཔེར་ན།) གྱོན་པ་ཁ་ནེམ་ཞིག་གོན་འདུག་ལྟ་བུ། |
| ཁ་ནོག་པ |
དྲི་མས་གོས་པ་སྟེ། (དཔེར་ན།) དྲི་མས་ཁ་ནོག་པའི་གྱོན་ཆས་རྣམས་བཀྲུས་ལྟ་བུ། |
| ཁ་ནོར་བ |
སྐད་ཆ་ཤོད་སྟངས་འཕྱུགས་པ། |
| ཁ་པ |
1.ཀ་ཀའི་རིམ་ལྟར་བསྒྲིགས་པའི་ཁ་ཡིག་གི་རྟགས་ཅན་ཏེ། (དཔེར་ན།) དེབ་ཁ་པའི་ནང་དུ་གསལ་པོར་འཁོད་ཡོད་ལྟ་བུ།2.ལེགས་སྦྱར་སྐད་ཀྱི་འཁྲུགས་སྡེབ་གསལ་བྱེད་ཧ་སའི་རེའུ་མིག་ནང་ཁ་ནས་པ་བར་གྱི་བསྡུས་མིང༌། 3.ཚོང་པ་ཕན་ཚུན་བར་འདུམ་འགྲིག་བྱེད་མཁན།4.གཏམ་བཤད་མཁས་པོ། |
| ཁ་པར |
གློག་དང་སྐུད་ལམ་ནས་ཕན་བརྡ་སྤྲོད་བྱེད་ཀྱི་ཅ་ལག་སྟེ། (དཔེར་ན།) ལག་འཁྱེར་ཁ་པར། ཁྱིམ་སྤྱོད་ཁ་པར་ལྟ་བུ། |
| ཁ་པོ |
1.རོ་ཁ་ཏིག་ཅན་ཏེ། (དཔེར་ན།) མར་རྙིང་པའི་ཇ་དེ་ཁ་པོ་འདུག ཚོད་མ་འདི་ཚྭ་ཁ་པོ་ཞིག་འདུག་ལྟ་བུ།2.ཚིག་རེ་གཉིས་ཀྱི་མཐར་སྦྱར་ན་དེ་དང་འདྲ་བར་སྟོན་པ་སྟེ། (དཔེར་ན།) རྫིག་མདོག་ཁ་པོ། མ་ཡིན་ཡིན་མདོག་ཁ་པོ་དེ། རྫུན་ཕུགས་རྡོལ་ན་དགའ་རྒྱུ་མེད་ཅེས་པ་ལྟ་བུ། |
| ཁ་པོ་ཆེ |
ཁ་ཤོབ་ཆེ་བ་སྟེ། (དཔེར་ན།) གཏམ་དོན་མི་མཚུངས་པའི་སྟོང་གཏམ་ཁ་པོ་ཆེ་བཤད་པ་ལྟ་བུ། |
| ཁ་ཕོ |
1.ཁ་ཤོབ་བམ་སྒྲོབ་བཤད་ཀྱི་དོན་ཏེ། (དཔེར་ན།) འུད་ཆེའི་ཁ་ཕོ་ཟློ་བ།2.ཡ་སོས་མ་མཆུ་གནོན་པའི་རྣམ་འགྱུར། |
| ཁ་ཕོའི་ཚིག |
ཕོ་བཟོའམ་རྫིག་གཏམ། |
| ཁ་ཕོར |
འཐུང་སྣོད་ཕོར་པ། |
| ཁ་ཕྱི |
ཁ་བཏགས་སྤུས་ཞན་ཞིག |
| ཁ་ཕྱིན་པ |
(བརྡ་རྙིང་།) གྲོས་མཐུན་པ། |
| ཁ་ཕྱིར་ལྟ་བ |
1.ཁ་ཕྱི་ལོགས་སུ་ཕར་ལྟ་བ།2.ཚུར་ཕྱི་མིག་ལྟ་བ།3.གཞན་སྐྱོན་འཚོལ་བའམ་གཞན་ལ་སྨོད་པ། |
| ཁ་ཕྱིས |
གདོང་ཕྱི་བྱེད་ཀྱི་རས། |
| ཁ་ཕྱེ |
སོ་སོར་ཕྱེས་པ་སྟེ། (དཔེར་ན།) དཔེ་དེབ་ཁ་ཕྱེ་ནས་ཡི་གེར་ལྟ་བ། ཀོ་སྒམ་གྱི་ཁ་ཕྱེ་སྟེ་གྱོན་ཆས་བཏོན་པ་ལྟ་བུ། |
| ཁ་ཕྱོགས |
1.ཕྱོགས་སྤྱིའི་ངོས་ཏེ། (དཔེར་ན།) ཁ་ཕྱོགས་སྒྱུར་བ། ཁ་ཕྱོགས་སྒྱུར་མཚམས་ལྟ་བུ།2.མདུན་ནམ་གདོང་གི་ཕྱོགས། |
| ཁ་ཕྲུ |
ཁའི་ནང་དུ་ཆུ་བཏུངས་ཏེ་ཕྱིར་གཏོར་བའི་ཟེགས་མ་སྟེ། (དཔེར་ན།) ས་ལ་ཁ་ཕྲུ་བཏབ་སྟེ་ས་རྡུལ་མནན་ལྟ་བུ། |
| ཁ་ཕྲུམ |
ཕྲུམ་རུས་ཏེ། (དཔེར་ན།) སོག་རུས་ཀྱི་ཁ་ཕྲུམ་ལྟ་བུ། |
| ཁ་བ |
1. (བྱེད་མེད་ལས་ཚིག) དྲི་མ་འཐུལ་བ་སྟེ། (དཔེར་ན།) མེ་ཏོག་གི་དྲི་བསུང་རྒྱང་རིང་དུ་ཁ་བ། 2.གངས་སམ་ཁ་བ་སྟེ། (དཔེར་ན།) ཁ་བ་སིབ་སིབ་འབབ་པ། རྡོ་ཚན་གྱི་སྟེང་དུ་ཁ་བ་བབ་པ། མིང་བསྡུས་ན་ཁ་ཞེས་འབྲི་ཆོག་ ཁ་བ་དང་ཆར་བ་ལ་ཁ་ཆར་ཟེར་བ་ལྟ་བུ། མིང་གི་རྣམ་གྲངས་ལ་གངས་དང༌། ཆར་སྐུ། མཆོད་བྱ་བཅས་སོ། །3.རོ་དྲུག་གི་ཡ་གྱལ་ཏེ་དོམ་མཁྲིས་ལྟ་བུའི་རྫས་གང་ཁར་རེག་པའི་ཚེ་ཁ་ཡི་དྲི་སྦྱང་ཞིང་ཡི་ག་མེད་པར་གྱུར་པའི་བྲོ་བ་ཞིག |
| ཁ་བ་ཅན |
1.གངས་ཡོད་པའི་ས་ཆ།2.གངས་ཅན་ཏེ་བོད་ཡུལ་གྱི་མིང༌། |
| ཁ་བ་ཆར་ལྡོག |
ཧོར་ཟླ་དང་པོའི་སྒང་ཚད་ལ་ཁ་བ་ཆར་དུ་འགྲོ་བའི་དུས་ཚིགས། |
| ཁ་བ་ཆུང |
ཧོར་ཟླ་བཅུ་པའི་སྒང་ལ་ཁ་བ་འབབ་པའི་མགོ་ཚུགས་པའི་དུས་ཚིགས། |
| ཁ་བ་ཆེ |
ཧོར་ཟླ་བཅུ་གཅིག་པའི་དབུགས་ཐོབ་ནས་ཁ་བ་ཆེ་བ་འབབ་པའི་དུས་ཚིགས། |
| ཁ་བ་རི་པ |
1.གངས་རིའི་ཁྲོད་དུ་སྡོད་མཁན།2.བོད་པའི་མིང༌། |
| ཁ་བཀག་པ |
1.སྐད་ཆ་ཤོད་དུ་མ་བཅུག་པ་སྟེ། (དཔེར་ན།) གཡོ་ཐབས་ཀྱིས་མིའི་ཁ་བཀག་པ་ལྟ་བུ།2.བུག་སྒོ་བཀག་པའི་དོན་ཏེ། (དཔེར་ན།) བུམ་པའི་ཁ་བཀག་ན་ཆུ་མི་འཕོ་ལྟ་བུ།3.འགྲོར་མ་བཅུག་པའི་དོན་ཏེ། (དཔེར་ན།) རྟ་ཁ་བཀག་པ་ལྟ་བུ། |
| ཁ་བཀུག |
1.གོས་ཀྱི་མཐའ་ནང་དུ་བཀུག་པའི་ཚེམ་སྲུབ།2.རྟ་རྒོད་པོ་སྲབ་ཁ་འཐེན་ཀྱང་མི་ཉན་པར་ཁ་སྒུར་བརྒྱབ་པའི་དོན་ཏེ། (དཔེར་ན།) རྟ་དྲེལ་སོགས་ཁ་བཀུག་བརྒྱབ་ཅེས་པ་ལྟ་བུ། |
| ཁ་བཀྲམ |
སྡེ་ཚན་དུ་བགོས་པ་སྟེ། (དཔེར་ན།) ཕྱུགས་ཁྱུ་ཁ་བཀྲམ་ནས་འཚོས་པ་ལྟ་བུ། |
| ཁ་བཀྲལ |
ལོགས་སུ་ཕྱེ་བ་སྟེ། (དཔེར་ན།) དངོས་རིགས་སྡེ་ཚན་རིས་མི་མཐུན་པ་རྣམས་སོ་སོར་ཁ་བཀྲལ་ཏེ་བཞག་ལྟ་བུ། |
| ཁ་བགྱིད་པ |
(བརྡ་རྙིང་།) ཁ་གཏོང་བ། |
| ཁ་བགྲད་མཆེ་གཙིགས |
ཁ་གདངས་ཤིང་མཆེ་བ་གཉེར་བ། |
| ཁ་བཅོལ་ངག་བཅོལ |
ཁ་འཕྲིན་བཅོལ་བའམ་བཞག་པ་སྟེ། (དཔེར་ན།) ངག་ཐོག་ནས་དོན་བཅོལ་བ་མ་བརྗེད་པར་གྱིས་ལྟ་བུ། |
| ཁ་བཏགས |
ཁ་དར་ཡང་ཟེར། བོད་དང་སོག་ཡུལ་ལ་དར་བའི་རྟེན་འབྲེལ་ཞུ་བ་དང་མཇལ་ཁ་སོགས་སུ་འབུལ་བའི་དར་ནར་མོའི་མིང་། འདི་ལ་ཚོན་མདོག་སྣ་ཚོགས་ཡོད་ལ། བོད་ལ་དཀར་པོ་དང་སོག་པོ་ལ་སྔོན་པོ་དར་སྲོལ་ཆེ། ནང་མཛོད་དང༌། ཨ་ཤེ། ཟུབ་ཤེ། བསོད་བཏགས་སོགས་ཡོད། |
| ཁ་བཏགས་ཉིན་མོ་བདེ་ལེགས |
ཉིན་མོ་བདེ་ལེགས་ཞེས་པའི་ཡི་གེ་འཐག་དྲུབ་ཅན་གྱི་དར་རིགས་ཤིག (དཔེར་ན།) ཁ་བཏགས་ཉིན་མོ་བདེ་ལེགས་ཤིག་ཕུལ་ལྟ་བུ། |
| ཁ་བཏགས་པ |
1.མཐུ་ཆུང་ངུར་བྱས་པ།2.ཡོངས་རྫོགས་སམ་མང་པོ་བསད་པ་སྟེ། (དཔེར་ན།) ཁྱི་ར་བས་རི་དྭགས་ཁ་བཏགས་པ་ལྟ་བུ། |
| ཁ་བཏུལ |
རྟ་སོགས་བཏུལ་ཏེ་ཞོན་དུ་རུང་བར་བྱས་པ། |
| ཁ་བད |
1.པུ་ཤུའམ་མདའ་ཡབ།2.ལན་ཀན། |
| ཁ་བད |
ཁང་བ་དང་ཡོ་བྱད་ཀྱི་མཐའི་ར་བའི་མིང་སྟེ། (དཔེར་ན།) ཁང་བ་ཤིང་གི་ཁ་བད་ཅན། ཤིང་ཁྲིའི་ཁ་བད་ཅེས་པ་ལྟ་བུ། |
| ཁ་བདེ་པོ |
སྐད་ཆ་ཤོད་མཁས་པོའམ་ཁ་སྙན་པོ། |
| ཁ་བབས |
ཁའི་གཤིས་ཀ་སྟེ་སྐད་ཆའི་བབས་ཏེ། (དཔེར་ན།) ཁ་བབས་ལྗིད་པའི་མི་ཞེས་པ་ལྟ་བུ། |
| ཁ་བབས་པ |
གསར་པ་ཅུང་ཟད་རྙིང་དུ་སོང་བ། |
| ཁ་བཙན་པོ |
1.གཏམ་དབང་ཤུགས་ཆེན་པོ་དང༌། གཏམ་དྲག་པོའམ་རྩུབ་པོ།2.སྐད་ཆ་བརྟན་པོའམ་གསང་གཏམ་ཕྱི་ལ་མི་བཤད་པ།3.ཁ་གཅོད་དམ་ཁ་སྒྲོག་དམ་པོ། |
| ཁ་བཙོག་པ |
བཙོག་གཏམ་སྨྲ་བའི་ཁ། ཕོག་ཐུག་ལ་མི་འཛེམས་པའི་མི་ཁ་བཙོག་པ། ཁ་བཙོག་བཤད་པ། |
| ཁ་བཟས་འགབ་བཏང |
ཚུར་ཡག་པོ་བྱས་པ་དེ་ཕར་སྡུག་པོ་ལན་འཇལ་བའི་དཔེ། |
| ཁ་བཟས་ལྕེ་ཐིམ |
རང་གིས་བཟས་ཚར་བའམ་བེད་སྤྱད་ཚར་བའི་དོན་ཏེ། (དཔེར་ན།) ཁ་བཟས་ལྕེ་ཐིམ་གྱི་བུ་ལོན་དེ་གང་ལྟར་སེལ་དགོས་ལྟ་བུ། |
| ཁ་བཟེད་པ |
ཁ་གྱེན་དུ་བསླངས་པའམ། ཁུག་མ་སོགས་ཀྱི་ནང་དུ་དངོས་རྫས་བླུག་སྐབས་ཁ་བཟེད་པ། |
| ཁ་བཟོ་འཕེར་པོ |
ཁ་བདེ་ལ་གཏམ་བཤད་མཁས་པོ། |
| ཁ་བའི་དགྲ་བོ |
(མངོན་བརྗོད།) མེ་དང་མེ་ལྷ། |
| ཁ་བའི་དུས |
(མངོན་བརྗོད།) དགུན་ཁ། |
| ཁ་བའི་བྱེ་མ |
(མངོན་བརྗོད།) ག་པུར། |
| ཁ་བའི་འོད |
(མངོན་བརྗོད།) ཟླ་བ། |
| ཁ་བའི་རྡུལ་བརྩེགས |
(མངོན་བརྗོད།) གངས་རི། |
| ཁ་བའི་ལྷུན་པོ |
(མངོན་བརྗོད།) གངས་རི། |
| ཁ་བརྒྱ |
སྐད་ཆ་མང་པོའི་དོན་ཏེ། (དཔེར་ན།) མི་བརྒྱ་ཁ་བརྒྱ་མ་འུར་ལྟ་བུ། |
| ཁ་བརྒྱུད་པ |
1.རང་གིས་དངོས་སུ་མ་བཤད་པར་གཞན་གྱི་ཁ་བརྒྱུད་དེ་བཤད་པ།2.ད་ལྟ་བཤད་རྒྱུན་ཡོད་པ་ཙམ་ལས་ལག་ལེན་མེད་པའི་རིགས་ལ་ཡང་ཟེར། |
| ཁ་བརྙོགས |
1 ཕྱུགས་ཀྱིས་རྩྭ་ཆས་ཟོས་པའི་ལྷག་མའི་མིང་། 2.ཟས་ཞིམ་མངར་ཅན་ཟོས་རྗེས་ཟ་འདོད་ཀྱི་སྲེད་པ་ཇེ་ཆེར་སོང་བའི་དོན། |
| ཁ་བརྙོགས་པ |
ཟས་ཟ་རྒྱུར་གོམས་ཏེ་ཆགས་པའི་ལང་ཤོར་ཏེ། (དཔེར་ན།) བཟས་བཟས་ཀྱིས་ཁ་བརྙོགས། ཕྱིན་ཕྱིན་གྱིས་ལམ་བྱང༌ཞེས་པ་ལྟ་བུ། |
| ཁ་བརྟན་པོ |
1.གཏམ་ཕྱིར་མི་སྐྱེལ་བ།2.སྐད་ཆ་འགྱུར་ལྡོག་མེད་པ། |
| ཁ་བརྡ |
1 མཆུ་བརྡ།2.ཕན་ཚུན་ལབ་གླེང་བྱེད་པའི་ཚིག་གི་མིང་སྟེ། (དཔེར་ན།) ངེད་གཉིས་ཀྱིས་ཁ་བརྡ་བྱས་ལྟ་བུ། |
| ཁ་བརྡའི་རྟེན་འབྲེལ་སྒོ་འབྱེད |
ལོ་གསར་ཚེས་གཅིག་གི་སྔ་དྲོ་མི་སུ་ཕྲད་ལ། བཀྲ་ཤིས་བདེ་ལེགས་ཕུན་སུམ་ཚོགས། གཏན་དུ་བདེ་བ་ཐོབ་པར་ཤོག་ཅེས་བརྗོད་པ་དང༌། གྲོ་ཡོས་ཕྱེ་མར་དང༌། ཇ་ཕུད་ཆང་ཕུད། གྲོ་འབྲས་སོགས་ལ་ལོངས་སྤྱོད་དུས་ཀྱང་ཕུད་གཏོར་དང་སྦྲགས་བཀྲ་ཤིས་པའི་ཚིག་གོང་བཞིན་ལབ་སྲོལ་ཡོད། |
| ཁ་བརླང་པོ |
ཚིག་རྩུབ་པོའི་དོན་ཏེ། (དཔེར་ན།) གཞན་སེམས་སྲེག་པའི་ཁ་བརླང་པོ་མ་བྱེད་ལྟ་བུ། |
| ཁ་བཤད |
1.ཁའི་གཏམ།2.ཁ་ནས་བཤད་པ་ཙམ་ལས་དོན་ལ་མེད་པའི་དོན་དེ། (དཔེར་ན།) ཁ་བཤད་ཁོ་ནས་དོན་མི་འགྲུབ་ཅེས་པ་ལྟ་བུ། |
| ཁ་བཤད་རྒྱག་པ |
1.གཏམ་གཤགས་འགྱེད་པ་སྟེ། (དཔེར་ན།) ཕན་ཚུན་ཚིག་ནད་མ་བཟོད་པར་ཁ་བཤད་རྒྱག་པ།2.ཤིས་བརྗོད་ཀྱི་གཏམ་སྟེ། (དཔེར་ན།) དགའ་སྤྲོ་ཆེན་པོས་དུས་སྟོན་རྟེན་འབྲེལ་གྱི་ཁ་བཤད་རྒྱག་པ་ལྟ་བུ། |
| ཁ་བཤད་ལག་སྒྲུབ |
ཁ་ནས་བཤད་པ་ལྟར་ལག་ལེན་བྱེད་པ། |
| ཁ་བཤལ |
1.ཆུས་ཁ་བཤལ་བའི་མིང་སྟེ། (དཔེར་ན།) ཁ་བཤལ་བཤལ་གཏོང་དགོས་ལྟ་བུ།2.ཆུས་བཤལ་བ་སྟེ། (དཔེར་ན།) གྱོན་པ་དེར་དྲེག་པ་མང་བས་ཁ་བཤལ་ཙམ་གྱིས་དག་མི་ཡོང༌ལྟ་བུ། |
| ཁ་བསོད |
1.བསོད་བཏགས་ཏེ། ཁ་བཏགས་སྤུས་ཞན་ཞིག2.ཟས་བཟང་པོ་རྙེད་པའི་སྐལ་བའམ་བསོད་ནམས། |
| ཁ་བསྐོར་བ |
1.མི་རེ་རེ་བྱས་ནས་དྲིས་ཏེ་གྲོས་བསྡུར་བྱེད་པའི་དོན་ཏེ། (དཔེར་ན།) ཕྱོགས་སོ་སོར་ཁ་བསྐོར་ནས་གྲོས་བསྡུར་བ།2 ཁ་ལོ་བསྒྱུར་བ། རྟ་ཁ་བསྐོར་བ། 3.མགོ་བསྐོར་ནས་བསྐྱུར་བའི་དོན་ཏེ། (དཔེར་ན།) ཁྱི་རྐུན་གཞན་ཡུལ་དུ་ཁ་བསྐོར་བ་ལྟ་བུ། |
| ཁ་བསྐྱོགས་པ |
1.ཁ་ཕར་གཅུས་ཚུར་གཅུས་བྱས་པའི་དོན་ཏེ། (དཔེར་ན།) རྟ་ཁ་ཕར་ཕྱོགས་སུ་བསྐྱོགས་པ་ལྟ་བུ།2.གྲོས་ཁ་བསྒྱུར་བའི་དོན་ཏེ། (དཔེར་ན།) གྲོས་ཁ་ལོག་པར་བསྐྱོགས་པ་ལྟ་བུ། |
| ཁ་བསྒོས་པ |
གཞན་ལ་ཁ་ཏ་བྱས་པའམ་བསླབ་བྱ་བྱས་པ། |
| ཁ་བསྲེ |
མི་གཉིས་གསུམ་གྱིས་བཟའ་བཏུང་གི་སྣོད་སྤྱད་གཅིག་པ་བྱེད་པའི་དོན་ཏེ། (དཔེར་ན།) འགོས་ནད་ཡོད་པའི་མི་དང་ཁ་བསྲེ་མི་ཉན་ལྟ་བུ། |
| ཁ་བསླུས་པ |
1.རྫུན་གྱིས་མགོ་སྐོར་བཏང་སྟེ་རྒྱུ་ནོར་ཁྱེར་བའམ་ཕྲོགས་པ་དང༌། ལོག་པའི་ལམ་དུ་ཁྲིད་པ།2.མགོ་སྐོར་གྱིས་རྒྱུ་ནོར་འཕྲོག་མཁན་དང༌། ལོག་པའི་ལམ་དུ་འཁྲིད་མཁན། |
| ཁ་བུབ་པ |
1.ལུས་མདུན་ཕྱོགས་ཐུར་དུ་བསྟན་པའི་དོན་ཏེ། (དཔེར་ན།) རྟ་སྟེང་ནས་ཁ་བུབ་ཏུ་འགྲིལ་བ།2.སྣོད་སྤྱད་ཁ་ཞབས་སློག་པའི་དོན་ཏེ། (དཔེར་ན།) དཀར་ཡོལ་ཁ་བུབ་ནས་བཞག་པ། |
| ཁ་བོ |
ཇ་ཁ་བོ་ཞེས་པ་ལྟ་བུ། |
| ཁ་བྱ |
(བརྡ་རྙིང་།) ལོ་རྒྱུས་མཁན་གྱི་ངག་ཐོག་ནས་བཤད་པའི་གནའ་གཏམ། |
| ཁ་བྱང |
1.མིང་བྱང་ངམ་ཁ་ཡིག་སྟེ། (དཔེར་ན།) ཁ་བྱང་ཤོག་ལྷེ། ཚོང་རྫས་ཀྱི་ཁ་བྱང་ཞེས་པ་ལྟ་བུ། 2.ཟ་བ་དང་སྨྲ་བ་ལ་གོམས་པ། |
| ཁ་བྱང་ལག་བྱང |
ཡུལ་ལ་ཡུན་རིང་འདྲིས་པས་གོམས་འདྲིས་ཆེ་བའི་དཔེ། |
| ཁ་བྱམས་ཚིག་འཇམ |
འཇམ་པོ་ངག་གིས་སྨྲ་བ་སྟེ། (དཔེར་ན།) ཁ་བྱམས་ཚིག་འཇམ་གྱིས་སེམས་གསོ་བྱེད་ལྟ་བུ། |
| ཁ་བྱེ་བ |
1གཞན་ལ་མ་བརྟེན་པར་རང་བཞིན་དུ་བྱེ་བའམ་སྲུབ་གས་པ།2.ཁ་བྲལ་རྒྱབ་འགལ་དུ་སོང་བ།3.ཕྲུ་གུའི་ཁ་ནས་སྐད་ཆ་ཐོག་མ་བཤད་པ། |
| ཁ་བྲ |
ཁ་བྲག་གི་འབྲི་ཚུལ་གཞན། |
| ཁ་བྲག |
ཉིས་མཚེས་སུ་སྐྱེས་པའི་རྨིག་པའི་མིང་སྟེ། (དཔེར་ན།) ཕག་རྨིག་པ་ཁ་བྲག་ཅན་གྱི་སྲོག་ཆགས་ཀྱི་རིགས་ཡིན་ལྟ་བུ། ཁ་དབྲག་དང་འདྲ། |
| ཁ་བྲལ་བ |
1.སོ་སོར་གྱེས་པའི་དོན་ཏེ། (དཔེར་ན།) བཟའ་མི་ཁ་བྲལ་བ། ཕན་ཚུན་ཁ་བྲལ་དུ་མི་རུང་བ་ཞེས་པ་ལྟ་བུ།2.འཐོར་བའམ་ཞིག་པའི་དོན་ཏེ། (དཔེར་ན།) འཚེམ་ཁ་བྲལ་བ་བསྐྱར་དུ་བཙེམས་ཞེས་པ་ལྟ་བུ། |
| ཁ་བྲི |
ཉུང་ངུར་སོང་བའི་དོན་ཏེ། ཕྲི་དང་འདྲ། |
| ཁ་བླན་པ |
(བརྡ་རྙིང་།) ཁ་བསྒྱུར་བ། |
| ཁ་བློན |
ཡུལ་དཔོན། |
| ཁ་མཁས་ཁོག་སྟོང |
ཁ་ནས་བཤད་མཁས་ཀྱང་དོན་གྱི་བློ་ཐབས་མེད་པའི་དོན་ཏེ། (དཔེར་ན།) མི་དེས་སྐད་ཆ་བཤད་ན་ཁ་མཁས་ཁོག་སྟོང་ཡིན་པས་བློ་གཏོད་མི་འོས་ལྟ་བུ། |
| ཁ་མཁས་པོ |
གཞན་གྱི་ཡིད་ལ་འབབ་པའི་གཏམ་བཤད་མཁས་པོ། |
| ཁ་མཁས་འདྲ་ཆགས |
དོན་དམ་མིན་པའི་གཏམ། |
| ཁ་མང་པོ |
སྐད་ཆ་མང་བའི་ཏོན་ཏེ། (དཔེར་ན།) ཁ་མང་པོ་རོགས་དང་འགྲས། བློ་མང་པོས་རང་དོན་འཆོར་ལྟ་བུ། |
| ཁ་མངར་བ |
སྐད་ཆ་འཇམ་འཇམ་སྙན་སྙན་བཤད་ཚུལ། |
| ཁ་མངལ |
ལྕེའི་སྟེང་རོ་མི་གསལ་བར་གྱུར་པའི་དོན་ཏེ། བད་ཀན་གྱི་ནད་རྟགས་ཤིག |
| ཁ་མཆུ |
གྱོད་དམ། རྩོད་གླེང་གི་དོན་ཏེ། (དཔེར་ན།) ས་ཁང་མི་གསུམ་གྱི་དོན་དུ་ཁ་མཆུ་ཐུག་པ། ཁ་མཆུ་བརྒྱབ་ཀྱང་ཐག་མ་ཆོད་ལྟ་བུ། |
| ཁ་མཆུ་བོགས་ལེན |
གཞན་གྱི་གྱོད་དོན་རང་གིས་འགན་ལེན་པ། |
| ཁ་མཆུའི་དུག་རོ |
རྩོད་གླེང་གི་རྩ་བ་རྙིང་པ། |
| ཁ་མཉན |
ངག་ལ་ཉན་པ། |
| ཁ་མཉམ |
མི་མང་པོའི་བཤད་ཚུལ་འདྲ་བའི་དོན་ཏེ། (དཔེར་ན།) ཁ་མཉམ་ཚིག་མཉམ། བཤད་ན་ཁ་མཉམ། བརྒྱུགས་ན་བང་མཉམ་ལྟ་བུ། མཐོ་དམན་མེད་པ། ཆུ་བོ་རྒྱས་ཏེ་རགས་དང་ཁ་མཉམ་དུ་གྱུར་ལྟ་བུ། |
| ཁ་མཐུན་ཁོག་འགལ |
སྐད་ཆ་འདྲ་ཡང་བསམ་བློ་ཐ་དད་པ། |
| ཁ་མཐུན་གྲོས་བསྡུར |
བློ་རྩེ་གཅིག་གྱུར་གྱི་གྲོས་མོལ། |
| ཁ་མཐུན་ཞེ་མཐུན |
ཁ་ཞེ་གཉིས་ཀ་མཐུན་པ། |
| ཁ་མདོག |
ངོ་གདོང་གི་མདངས་ཏེ། (དཔེར་ན།) ཡུན་རིང་ན་ནས་ཁ་མདོག་ཤོར་འདུག་ལྟ་བུ། ཁ་དོག་གི་འབྲི་ཚུལ་གཞན། |
| ཁ་མནན་པ |
1.སྟེང་ནས་མནན་པ། 2.ཁ་ལག་པས་བསྡམས་པ།3.གཏམ་སྨྲ་མ་བཅུག་པ། |
| ཁ་མཚམས་འབྱེད་པ |
མཐུད་མཚམས་སོ་སོར་འབྱེད་པ། |
| ཁ་མཚར |
ཀུ་རེའི་གཏམ་མམ་རྒོད་གཏམ་ཏེ། (དཔེར་ན།) ཨ་རེ་ཁ་མཚར་ཀུ་རེ་ཡིན་ཞེས་པ་ལྟ་བུ། |
| ཁ་མཚུལ |
1.མཆུ་སྒྲོས།2.ཁའི་ཉེ་འགྲམ་གཡས་གཡོན་གྱི་དོན་ཏེ། (དཔེར་ན།) ཁྱིས་ལག་པ་གཉིས་ཀྱི་དབར་དུ་ཁ་མཚུལ་བཅུག་ནས་ཉལ་ཞེས་པ་ལྟ་བུ། |
| ཁ་མིག་མར་ལྟ |
བྱ་སྤྱོད་ངན་པའི་རྗེས་སུ་འགྲོ་བའམ་དེར་མིག་ལྟོས་བྱེད་པ། |
| ཁ་མིག་ཡར་ལྟ |
བྱ་སྤྱོད་བཟང་པོའི་རྗེས་སུ་འགྲོ་བའམ་དེར་མིག་ལྟོས་བྱེད་པ། |
| ཁ་མུར |
ཟས་མཁྲེགས་པོ་མུར་བའམ་ལྡད་བྱེད་པ་སྟེ། (དཔེར་ན།) ཕྱུར་སྐམ་ཁ་མུར་བྱེད་པ་ལྟ་བུ། |
| ཁ་མེད |
1.ཐབས་མེད་པའི་དོན་ཏེ། (དཔེར་ན།) མི་བྱེད་ཁ་མེད།2.བཤད་རྒྱུའི་གཏམ་མེད་པའི་དོན་ཏེ། (དཔེར་ན།) ལབ་ན་ཁ་མེད། བཏོན་ན་རྒྱུ་མེད། ཁ་མེད་ལྐུགས་པ། ལྕེ་མེད་དིག་པ་ཟེར་བ་ལྟ་བུ།3.གཉན་ནད་རིགས་ཤིག་མཁལ་མ་གཟེར་ཞིང༌། དྲི་ཆུ་སྲི་ལ་ཁྲག་ཏུ་འབབ་པ་ཞིᨵ ཀ་མེད་དང་དོན་འདྲ། |
| ཁ་མེད་མིག་མེད |
(ཡུལ་སྐད།) ཧ་ཅང་མང་པོའམ་ཐལ་དྲགས་པའི་དོན་ཏེ། (དཔེར་ན།) འགྲོ་སོང་ཁ་མེད་མིག་མེད་བཏང་དྲགས་ན་རྒྱུ་ནོར་གྱིས་མི་འདང༌ལྟ་བུ། |
| ཁ་མོ |
1.(རྒྱན་ཚིག) ཏིག་ཏའི་བྲོ་བ་ལྟ་བུའི་དོན་ཏེ། (དཔེར་ན།) སྨན་ཁ་མོ་ཡིན་ཡང་ནད་ལ་ཕན་ལྟ་བུ། 2.རི་དྭགས་ཁ་ཤ་མོ། |
| ཁ་མོས་ཞེ་མོས |
ཁ་གཏིང་གཉིས་མོས། |
| ཁ་ཙམ |
ཁས་བཤད་པ་ལས་དོན་ལ་མི་གནས་པའི་དོན་ཏེ། (དཔེར་ན།) ཁ་ཙམ་མིན་པར་སྙིང་ཐག་པ་ནས་ལག་ལེན་བསྟར་བ། |
| ཁ་ཚ |
1.བྱིས་པའི་ཁའི་ནང་དུ་བྱུང་བའི་ཐོར་པ།2.ནོར་ཕྱུགས་ཀྱི་ཁ་ལྕེ་དང་སུག་བཞི་ལ་ཕོག་པའི་ཕྱུགས་ཀྱི་འགོས་ནད་གདུག་པ་ཅན་ཞིག(རྒྱན་ཚིག) རོ་ཚ་བའི་རིགས་ཟོས་པའི་ཁའི་མྱོང་ཚོར་གྱི་དོན་ཏེ། (དཔེར་ན།) སྒོག་པ་ཟོས་ན་ཁ་ཚ་ཞེས་པ་ལྟ་བུ། |
| ཁ་ཚ་གཏིང་ནག |
བཤད་བཤད་ཚ་ལ་སེམས་ངན་པ། |
| ཁ་ཚ་དགོས་གཏུགས |
ཁ་ཚ་དགོས་གལ་དང་དོན་གཅིག |
| ཁ་ཚ་དགོས་གལ |
ཁ་ཚ་དགོས་ངེས་ཏེ། (དཔེར་ན།) འཚོ་བའི་ནང་ནས་ལྟོ་གོས་གཉིས་ཁ་ཚ་དགོས་གལ་ཆེ་ཤོས་རེད་ཅེས་པ་ལྟ་བུ། |
| ཁ་ཚ་དུས་གཏུགས |
ཤིན་ཏུ་གལ་གནད་ཆེ་བའི་དུས་ཚོད་ལ་ཉེ་བར་སླེབས་པ། |
| ཁ་ཚ་པོ |
1.མི་ཁ་དྲག་པོའམ་ཁ་རྩུབ་པོ།2.གལ་ཆེ་བའམ་ལག་ཐོགས་པོའི་དོན་ཏེ། (དཔེར་ན།) དགོས་མཁོ་ཁ་ཚ་པོ་ཞེས་པ་ལྟ་བུ།3.རོ་ཁ་ཚ་བའི་དོན་ཏེ། (དཔེར་ན།) ཕྲུ་གུ་ལ་ཁ་ཚ་པོའི་ཟས་མ་སྤྲོད་ལྟ་བུ།4.ཤུགས་དྲག་པོའི་དོན་ཏེ། (དཔེར་ན།) དམག་ཁ་ཚ་པོ་ཞིག་རྒྱག་གི་འདུག་ལྟ་བུ། |
| ཁ་ཚ་བ |
རོ་ཁ་ཚ་བ། |
| ཁ་ཚ་ར |
(ཡུལ་སྐད།) བོད་པ་དང་བལ་པོ་འདུས་པ་ལས་བྱུང་བའི་མི་ལ་ཁ་ཚ་ར་ཟེར། |
| ཁ་ཚ་རྨིག་ཚ |
རྨིག་པ་ཁ་དབྲག་ཅན་གྱི་དུད་འགྲོའི་རིམས་ནད་ཅིག་ཐོག་མར་ཕོག་སྐབས་ཁ་ཆུ་མང་དུ་ཐོན་རྗེས་ཁར་ཕོག་ན་ཁ་རུལ་བ་དང༌། ལྕེ་འཆད་པ། རྨིག་པར་ཕོག་ན་རྨིག་པ་རུལ་ཏེ་ཆད་འགྲོ་བའི་ཕྱུགས་ཀྱི་འགོས་ནད་ཆེ་གྲས་ཤིག |
| ཁ་ཚག |
དཀར་ཡོལ་སོགས་ཀྱི་ཁ་ཅུང་ཟད་ཆག་པ། |
| ཁ་ཚང |
1.གནག་ཕྱུགས་ཀྱི་མདུན་སོ་བརྒྱད་པོ་བརྗེས་པའི་ལོ་བདུན་པའི་མིང༌།2.གྲངས་ཚང༌བའི་དོན་ཏེ། (དཔེར་ན།) ཁ་ཚང་ཆ་ཚང༌། སྒོ་ར་ཁ་ཚང༌ལྟ་བུ། |
| ཁ་ཚད |
1.ཁ་ཞེང་གི་ཚད།2.ཁ་ཤགས་འགྲན་པ།3.ཟས་ཀྱི་བྲོ་བ་ལྟ་བ་ (དཔེར་ན།) ཇའི་ཚྭ་ཆེ་ཆུང་ཁ་ཚད་ལྟ་བ་ཞེས་པ་ལྟ་བུ། |
| ཁ་ཚན |
1.གངས་འབབ་ཚན་ཏེ། (དཔེར་ན།) ཀླུང་ལ་བབ་པ་ལས་རི་མགོར་བབ་པའི་ཁ་ཚན་ཆེ།2.སྐད་ཆ་བཤད་ཤུགས་ཆེ་བའི་དོན་ཏེ། (དཔེར་ན།) བདེན་རྫུན་གྱི་དབྱེ་བ་མ་ཕྱེ་གོང་དུ་ཁ་ཚན་ཆེན་པོ་དེ་འདྲ་བཤད་ནས་གང་ཡོང༌།3.ཁ་དང་སོའི་ངར་ཤུགས་ཏེ། (དཔེར་ན།) ཁྱི་འདི་ཁ་ཚན་ཆེན་པོ་ཡིན་པས་སྤྱང་ཀི་ལ་འཐབ་ཐུབ་ཡོང༌། |
| ཁ་ཚར |
1.རས་སོགས་ཐགས་སྐྲུན་བྱས་པའི་སྣེ་མོའི་སྐུད་པའི་མིང་སྟེ། (དཔེར་ན།) རས་ཁ་ཚར་ཅན་ཞེས་པ་ལྟ་བུ། 2.སྨན་རྫས་ལ་ཁ་སྣོན་བྱས་པའི་ཁག་གི་མིང་སྟེ། (དཔེར་ན།) སྨན་ལ་ཁ་ཚར་བསྣན་ལྟ་བུ། |
| ཁ་ཚར་དང་ཕུན་ཚར |
1.སྣམ་བུའམ་རས་སོགས་ཐགས་དངོས་ཀྱི་འགོ་དང་མཇུག་མའི་གཞུང་སྐུད་ཀྱི་ལྷག་མའི་ཆུན་པོའི་མིང་སྟེ། (དཔེར་ན།) རས་ཀྱི་ཁ་ཚར། སྣམ་བུའི་ཕུན་ཚར་ཞེས་པ་ལྟ་བུ། 2.སྐུད་པ་ཕྲ་མོའི་ཆུན་པོ་དང་མཚུངས་པའི་དངོས་རྫས་ཀྱི་མིང་སྟེ། (དཔེར་ན།) མ་རྨོས་ལོ་ཏོག་གི་ཚར་བུ། ར་མའི་མན་ཚར། རའི་ཨོལ་ཚར་ཞེས་པ་ལྟ་བུ། |
| ཁ་ཚར་སྨན |
སྦྱོར་སྡེ་བྱས་པའི་གཙོ་བོའི་སྨན་གྱི་སྟེང་དུ་ཁ་ཚར་གདབ་པའི་སྨན་གཞན་རེ་གཉིས་དཔེར་ན་ཁྱུང་ལྔའི་སྟེང་དུ་མགྲོན་ཐལ་བསྣན་ནས་སྐྲན་ནད་ཀྱི་སྨན་དུ་བཏང་བ་ལྟ་བུའོ། ། |
| ཁ་ཚིག |
ཁ་ནས་བཤད་པའི་གཏམ་གྱི་དོན་ཏེ། (དཔེར་ན།) སྙིང་གཏམ་ཤོད་དགོས་པ་ལས་ཁ་ཚིག་ཙམ་མི་སྨྲ། |
| ཁ་ཚིག་པ |
མཆུ་ཏོ་བཟའ་བཏུང་ཚ་མོས་ཚིག་པ། |
| ཁ་ཚུགས |
གསང་གཏམ་གཞན་ལ་མི་ཤོད་པའི་ཁ་ཚོད་ཟིན་པོ། |
| ཁ་ཚུབ |
སྦྲ་གུར་གྱི་མཐོངས་གཡོགས། |
| ཁ་ཚུབ་དབྱུག་པ |
སྦྲ་གུར་སོགས་ཀྱི་མཐོངས་འདེགས་རྒྱུག་པ། |
| ཁ་ཚོགས་པ |
ངག་ཚོད་ཟིན་པའི་དོན་ཏེ། (དཔེར་ན།) ནང་གཏམ་ཕྱི་ལ་མི་འཁྱར་བའི་ཁ་ཚོགས་པ་ཞེས་པ་ལྟ་བུ། |
| ཁ་ཚོང |
དངོས་སུ་ཉོ་ཚོང་མི་བྱེད་པར་ཁ་ནས་རིན་གོང་སྒྲིག་པ། |
| ཁ་ཚོད |
1.སྐད་ཆ་བཤད་སྟངས་ཇི་འདུག་གི་ཚོད་ལྟ་བ་སྟེ། (དཔེར་ན།) ཁ་ཚོད་ལེན་པ་ཞེས་པ་ལྟ་བུ།2.གཏམ་གྱི་བཤད་ཚོད་དེ། (དཔེར་ན།) ཁ་ཚོད་ཟིན་པ་ཞེས་པ་ལྟ་བུ། |
| ཁ་ཚོན |
1.ཐག་གཅོད་པའི་གཏམ་གྱི་དོན་ཏེ། (དཔེར་ན།) དོན་ལེགས་པར་མ་རྟོགས་པར་ཁ་ཚོན་གཅོད་མི་ཉན་ཞེས་པ་ལྟ་བུ།2.(བརྡ་རྙིང་།) ཁ་ཞེང༌། 3.དངོས་རྫས་རྡུམ་གཅོད་བྱས་པའི་བཅད་ངོས་ཀྱི་མིང་། |
| ཁ་ཚོན་གཅོད |
ཡིན་མིན་སོགས་ཚིག་གིས་དངོས་སུ་ཐག་བཅད་པའི་དོན་ཏེ། (དཔེར་ན།) དཀར་ཕྱོགས་དར་བ་དང་ནུབ་ཕྱོགས་ཉམས་པ་ཁ་ཚོན་གཅོད་ཐུབ། ཡིན་མིན་ཁ་ཚོན་གཅོད་དགོས། ཁ་ཚོན་གཅད་བྱའི་དོན། ཁྱོད་ཀྱིས་བདེན་རྫུན་ཁ་ཚོན་ཆོད་ཅིག་ལྟ་བུ། |
| ཁ་ཛར |
1.འཕྲོ་འཛར།2.ཁ་བྱང༌། |
| ཁ་ཞན་པ |
1.ཁ་དབང་ཆུང་བའམ་སྐད་ཆ་ནུས་མེད།2.འཁོས་ཀ་དམན་པའམ་དབང་ཐང་ཆུང་བ། |
| ཁ་ཞུགས |
ཁ་བརྙོགས་ལང་ཤོར། |
| ཁ་ཞུན |
སྣུམ་ཞུན་སྒྲོན་མེའི་ཡས་སྣོད། |
| ཁ་ཞེ |
ཕྱིའི་རྣམ་པ་དང་སེམས་གཉིས་ཀྱི་མིང་བསྡུས་པ་སྟེ། (དཔེར་ན།) ཁ་ཞེ་གཉིས་མེད་ཀྱིས་སྤྱི་དོན་སྒྲུབ་ལྟ་བུ། |
| ཁ་ཞེ་གཉིས་མེད |
ཁ་ནས་བཤད་པ་དང་སེམས་ལ་དྲན་ཚུལ་མཐུན་པའི་དོན་ཏེ། (དཔེར་ན།) ཁ་ཞེ་གཉིས་མེད་ཀྱི་སྒོ་ནས་མི་དམངས་ལ་ཞབས་འདེགས་བསྒྲུབ་རྒྱུ་ཡིན། ཁ་ཞེ་མཐུན་པ་ཁ་ཞེ་མེད་པར་རོགས་རམ་བྱས་ལྟ་བུ། |
| ཁ་ཞེང |
རྒྱ་ཁྱོན་དང་དོན་འདྲ་སྟེ། (དཔེར་ན།) རས་ཁ་ཞེང་ཆེ་བ། ས་ཁ་ཞེང་ཆེ་ས་ཞེས་པ་ལྟ་བུ། |
| ཁ་ཞེན |
1.ཁ་བཤད་ཙམ་ལ་ཞེན་པ།2.གཏིང་ནས་ཤ་ཞེན་མེད་པའི་དགའ་ཁུལ། |
| ཁ་ཟས |
1.བཟའ་བཅའ་སྤྱིའི་མིང་སྟེ། (དཔེར་ན།) ཁ་ཟས་ཟ་ཚོད་མ་ཟིན་པ། ཁ་ཟས་བསོད་པ། ཁ་ཟས་སྐྱ་བ། ཁ་ཟས་རོ་བརྒྱ་དང་ལྡན་པ། ཁ་ཟས་མི་མཐུན་པ་ཟོས་པས་ཁམས་མ་སྙོམས་པ་ལས་སྡུག་བསྔལ་བྱུང་ཞེས་པ་ལྟ་བུ། མིང་གི་རྣམ་གྲངས་ལ་ལྟོ་དང༌། བཞེས་བྱ། ཟས། བཟའ་བཅའ་བཅས་སོ། །2.བཞེས་སྤྲོའམ་དཀར་སྤྲོ། |
| ཁ་ཟས་སྤྱོད་ཚུལ་ཉེར་གཅིག |
ཉེས་བྱས་ཀྱི་སྡེ་ཚན་ལྔ་པ་ཟས་ཟ་བའི་སྡེ་ལ། ཟས་ལེགས་པར་མི་ཟ་བ་དང༌། ཟས་ཁམ་ཧ་ཅང་ཆེ་བ་དང༌། ཧ་ཅང་ཆུང་བ་དང༌། འཇིག་རྟེན་དང་མཐུན་པའི་ཁམ་རན་པ་མིན་པ་དང༌། ཟས་ཁ་སྒོར་མ་སླེབས་པར་ཁ་གདངས་པ་དང༌། ཟ་བཞིན་དུ་གཏམ་སྨྲ་བ་དང༌། ཟས་མི་ཞིམ་པར་ཙུག་ཙུག་དང༌། ཟས་ཞིམ་པར་ཅག་ཅག་དང༌། གྲང་བ་ལ་ཧུ་ཧུ་དང༌། ཚ་བ་ལ་ཕུ་ཕུའི་སྒྲ་དང་བཅས་པ་དང༌། ལྕེ་ཕྱིར་ཕྱུང་བ་དང༌། འབྲས་སོགས་འབྲུ་མ་རེ་རེ་ནས་གུད་དུ་ཕྱེ་བ་དང༌། ཟས་ལ་འཕྱ་སྨོད་དང༌། ཁམ་གཅིག་མཁུར་གཡས་གཡོན་དུ་སྤོ་བ་དང༌། རྐན་སྒྲ་གཏོག་པ་དང༌། དུད་འགྲོ་ལྟར་ཁམ་འཕྲོ་བཅད་པ་དང༌། ལག་པ་ལ་ཟས་ཆགས་པ་བལྡག་པ་དང༌། མཛུབ་མོས་ལྷུང་བཟེད་བྲད་ནས་འབྱོག་པ་དང༌། ལག་པ་ལ་ཟས་ཆགས་པ་སྤྲུགས་པ་དང༌། ཟས་དང་བཅས་པའི་ལྷུང་བཟེད་སྐྱོམ་སྐྱོམ་བྱེད་པ་དང༌། ཟས་མཆོད་རྟེན་གྱི་གཟུགས་འདྲ་བར་བཅོས་པའི་ཚུལ་གྱིས་ཟ་བ་སྟེ་ཉེར་གཅིག་གོ། ། |
| ཁ་ཟུངས |
རྭ་རྙིའི་རྒྱུད་ཐག |
| ཁ་ཟུར |
1.ཁའི་གྲྭ།2.གཏམ་གྱི་ཚིག་ཟུར། |
| ཁ་ཟེར |
འཕྱ་སྨོད་གཏོང་བའི་དོན་ཏེ། (དཔེར་ན།) གཞན་གྱིས་ཁ་ཟེར་བར་མ་འཛེམས་པར་ལས་དོན་སྒྲུབ་ཅེས་པ་པ་ལྟ་བུ། |
| ཁ་ཟེར་བ |
མི་སྙན་པར་བརྗོད་པའམ་སྨད་ར་གཏོང་བ། |
| ཁ་ཟླ |
1.སྐད་ཆ་ཤོད་པའི་རོགས་པ།2.གཏམ་ཡ། |
| ཁ་འཁུར་ངན་ཤེད |
བཙན་པོ་ཁ་འཁྱེར་གྱི་ངན་ཤུགས་ཀྱི་དོན་ཏེ། (དཔེར་ན།) ཆེ་བཙན་ཁ་འཁུར་ངན་ཤེད་ཉག་རྐྱང་བྱེད་ཅེས་པ་ལྟ་བུ། |
| ཁ་འཁོར་བ |
1.བྱུང་སོང་ངམ་སྐོར་བ་འཁོར་བའི་དོན་ཏེ། (དཔེར་ན།) འགྲོ་སོང་ཁ་མི་འཁོར་བ། ཟ་འབྲུ་ཁ་འཁོར་བ།2.བློ་ཁ་གཏད་ཕྱོགས་ཚུར་འཁོར་བ།3.ཁ་འཁོར་མ་དང་དོན་གཅིག |
| ཁ་འཁོར་མ |
མནའ་མ་གོ་ལོག་པ། |
| ཁ་འཁོལ་བ |
ཟས་ཟ་འདོད་ཀྱིས་ཁ་འཁོལ་བ་སྟེ། (དཔེར་ན།) ཟས་ཞིམ་ཟ་འདོད་ཀྱིས་ཁ་འཁོལ་བ་ཞེས་པ་ལྟ་བུ། |
| ཁ་འཁྱགས་ངོ་འཁྱགས |
མི་སྙན་པའི་གཏམ་དང་མི་སྡུག་པའི་རྣམ་པ་སྟེ། (དཔེར་ན།) ཁོ་མ་དགའ་ནས་ཁ་འཁྱགས་ངོ་འཁྱགས་ཀྱི་རྣམ་པ་བསྟན་འདུག་ཅེས་པ་ལྟ་བུ། |
| ཁ་འཁྱེར |
ཁ་ཁྱེར་དང་འདྲ། |
| ཁ་འགགས་པ |
1.བུ་ག་ཟུམ་པ།2.སྐད་ཆ་ཤོད་འཕྲོ་ཆད་པ། |
| ཁ་འགལ་ཚིག་འགལ |
སྔ་ཕྱི་མི་མཚུངས་པའི་སྐད་ཆ། |
| ཁ་འགུལ |
1.འགྲམ་འགུལ་ལམ་ཟས་ཟ་བ།2.སྐད་ཆ་བཤད་པའི་དོན་ཏེ། (དཔེར་ན།) དོན་གནད་འདིའི་སྐོར་ཁོང་གིས་ཁ་འགུལ་ཙམ་ཞིག་ཀྱང་བྱས་མ་སོང༌ཞེས་པ་ལྟ་བུ། |
| ཁ་འགོ་པ |
མགོ་པ་དང་དོན་འདྲ། |
| ཁ་འགྱུར |
སྔ་མའི་སྐད་ཆར་མི་གནས་པ། |
| ཁ་འགྱེད |
རྩ་བ་ལས་ཡན་ལག་འགྱེད་པ། |
| ཁ་འགྲིག་པ |
1.གྲོས་འཆམས་པའམ། གྲོས་མཐུན་པ།2.སྣོད་ཀྱི་ཁ་དང་ཁེབས་འགྲིག་པ།3.ནད་ཀྱིས་ཁ་སོ་འཐམ་པ་སྟེ་ཁ་འགུལ་མི་ཐུབ་པར་གྱུར་པ། |
| ཁ་འགྲིལ |
1.གོས་དང་སྣོད་སྤྱད་ཀྱི་མཐའ་འགྲིལ།2.གྲོས་འཆམས་པ། |
| ཁ་འཆམ |
ཚིག་མཐུན་པའམ་བློ་མཐུན་པའི་དོན་ཏེ། (དཔེར་ན།) སྡེ་བའི་མི་རྣམས་ཁ་འཆམ་ལྟ་བུ། |
| ཁ་འཆམས་ཕྲུགས་གཅིག |
ཡིད་གཅིག་མཐུན་དུ་གྱུར་པ། |
| ཁ་འཆལ |
དོན་མེད་པའི་གཏམ་ཏེ། (དཔེར་ན།) ཁ་འཆལ་ངག་འཆལ་སྨྲས་ནས་མི་ཚེ་མ་སྐྱེལ་ཞེས་པ་ལྟ་བུ། |
| ཁ་འཆིང |
རས་ཁུག་སོགས་ཀྱི་ཁ་འཆིང་བྱེད་དམ་སྡོམ་བྱེད། |
| ཁ་འཆུ་བ |
རང་བཞིན་འཁྱོག་པོར་འགྱུར་བ། |
| ཁ་འཆོལ |
ཁ་ནས་སྒྲ་དག་པོ་བཤད་མི་ཐུབ་པ་སྟེ། (དཔེར་ན།) ཁོ་ཁ་འཆོལ་ཅན་ཡིན་གཤིས་དྲགས་ཞེས་བརྗོད་དགོས་པར། དྭགས་ཞེས་བརྗོད་ཀྱི་འདུག་ལྟ་བུ། |
| ཁ་འཇམ |
ངག་འཇམ། |
| ཁ་འཇམ་གཏིང་གནག |
སྐད་ཆ་འཇམ་ལ་སེམས་ངན་པ། |
| ཁ་འཇམ་གཏིང་རྩུབ |
ཁ་འཇམ་གཏིང་གནག་དང་དོན་གཅིག |
| ཁ་འཇལ་བ |
རས་སོགས་ཀྱི་ཞེང་ཁ་ལ་བརྟེན་ནས་དེའི་རིང་ཐུང་ཚད་འཇལ་བ |
| ཁ་འཐབ |
ཚིག་རྩོད་དང་ཤགས་འགྱེད་པའི་བྱ་སྤྱོད་ཀྱི་མིང་། (དཔེར་ན།) ཁ་འཐབ། ལག་འཐབ། གྲོས་བསྡུར་ཚོགས་འདུར་ཁ་འཐབ་མང་པོ་བྱས་ལྟ་བུ། |
| ཁ་འཐབ་པ |
1.ཁ་རྩོད་རྒྱག་པ་སྟེ། (དཔེར་ན།) ཁ་འཐབ་ཀྱིས་ཕར་ཕྱོགས་ལས་རྒྱལ་བ་བྱུང་ལྟ་བུ། 2.མ་དངུལ་ཕར་བཏང་པ་དང་ཚུར་བྱུང་བ་དོ་མཉམ་པའི་དོན་ཏེ། (དཔེར་ན།) རྩིས་བརྒྱབ་པས་བྱུང་སོང་ཁ་འཐབ་བྱུང་ལྟ་བུ། |
| ཁ་འཐབ་རང་དག |
བྱུང་སོང་ཁ་འཐབས་ནས་མགོ་ཐུག་པ། |
| ཁ་འཐམ་པ |
1.སོ་འགྲིག་སྟེ་ཁ་གདངས་བཙུམ་མི་ཐུབ་པའི་དོན།2.སྐད་ཆ་ལབ་མི་ཤེས་པ་སྟེ། (དཔེར་ན།) མི་ཁ་འཐམ་པ་ལ་སྐད་ཆ་མི་འདྲི་ལྟ་བུ། |
| ཁ་འཐེན |
རྟ་སོགས་ཀྱི་ཁ་འཐེན་པ་སྟེ། ་ (དཔེར་ན།) ལམ་དུ་རྟ་ཁ་འཐེན་ནས་སྐད་ཆ་བཤད་པ་ལྟ་བུ། |
| ཁ་འཐོར་དགུ་འཐོར |
ཁ་འཐོར་ཡ་འཐོར་ཡང་ཟེར། ལྷུའམ་སྡེ་ཚན། ཁྱུ་གྲངས་སོགས་གྱར་ཚབས་ཆེ་བའི་དོན། |
| ཁ་འཐོར་བ |
1.གང་སར་གྲམ་པའམ་ཡར་བའི་དོན་ཏེ། (དཔེར་ན།) ཡིག་ཆ་ཁ་འཐོར་བ་རྣམས་དཀྱུས་གཅིག་ཏུ་བསྡེབས་ལྟ་བུ།2.ཁ་བྲལ་བའམ་སོ་སོར་གྱེས་པའི་དོན་ཏེ། (དཔེར་ན།) བཟའ་ཚང་ཁ་འཐོར་བ། དངོས་ཆས་ཁ་འཐོར་བ་རྣམས་གཅིག་ཏུ་བསྡུས་པ་ལྟ་བུ། |
| ཁ་འདམ |
སྒེའུ་གཤེར། |
| ཁ་འདར |
ཧ་ཅང་འཁྱགས་ཆེས་ནས་ཁ་འཐབ་འཐབ་བྱེད་པ་སྟེ། (དཔེར་ན།) དགུན་ཨ་རང་ད་རང་གི་གྲང་ངད་མ་བཟོད་པར་ཁ་འདར་བ་ལྟ་བུ། |
| ཁ་འདིག |
སྒྱེ་སྣོད་སོགས་ཁ་སྡོམ་བྱེད་ཀྱི་ཐ་གུའི་མིང་སྟེ། (དཔེར་ན།) སྒྱེའི་ཁ་འདིག དོར་མའི་ཁ་འདིག་ཅེས་པ་ལྟ་བུ། |
| ཁ་འདུམ |
མི་མཐུན་པ་མཐུན་པར་འགྱུར་བ་སྟེ། (དཔེར་ན།) རྩོད་གླེང་ལ་བསམ་བློ་འཁོར་ནས་གྱོད་དོན་ཁ་འདུམ་བྱུང་ལྟ་བུ། |
| ཁ་འདེབས |
གཞི་རྐང་གི་ཐོག་ཏུ་རྒྱག་རྒྱུའི་ཁ་སྣོན་ཏེ། (དཔེར་ན།) དངུལ་ཁ་འདེབས་བརྒྱབ་པ། ཇ་ལ་ཁ་འདེབས་བཏབ་པ་ལྟ་བུ། |
| ཁ་འདོགས་པ |
(བརྡ་རྙིང་།) ཚང་མ་གསོད་པ། |
| ཁ་འདོན |
ཁ་ཏོན་དང་འདྲ། |
| ཁ་འདྲི |
1.ཁ་ཚོད་དམ། ཉམས་ཚོད་ལེན་པ།2.ནད་འདྲི། |
| ཁ་འདྲིས་ཁོག་འདྲིས |
འགྲོགས་འདྲིས་ཟབ་མོའི་དོན་ཏེ། (དཔེར་ན།) གྲོགས་པོ་བཀྲ་ཤིས་དང་ངེད་ཁ་འདྲིས་ཁོག་འདྲིས་ཡིན་ལྟ་བུ། |
| ཁ་འཕང་མཐོན་པོ |
གཏམ་བཤད་སྤོབས་ཆེན་པོ་སྟེ། (དཔེར་ན།) དོན་ལ་མི་གནས་པའི་ཁ་འཕང་མཐོན་པོ་བྱས་ཀྱང་ཕན་མི་ཐོགས་ལྟ་བུ། |
| ཁ་འཕངས་པ |
1.ལུང་དང་རིགས་པ་སོགས་གཞན་དུ་ཡོད་ཚུལ་བཤད་པ་སྟེ། (དཔེར་ན།) རྟགས་འཇུག་གི་སྐབས་སུ་རྗེས་འཇུག་ནི་སུམ་ཅུ་བར་ཁ་འཕངས་ནས་བྲིས་ལྟ་བུ། 2.ཚོང་གི་བར་འདུམ། |
| ཁ་འཕངས་ལག་ཕྱིས |
གཞན་ལ་ཁག་འགེལ་བའི་དོན་ཏེ། (དཔེར་ན།) སྐྱོན་ཆ་ཚང་མ་གཞན་ལ་ཁ་འཕངས་ལག་ཕྱིས་བྱེད་མི་རུང༌ལྟ་བུ། |
| ཁ་འཕྱིད |
ཁ་སོས་པའམ་འཚོ་བར་དཀའ་ངལ་མེད་པའི་དོན་ཏེ། (དཔེར་ན།) ཟོག་ལུག་གསོས་ནས་ཁྱིམ་ཚང་ཁ་འཕྱིད་ཐབས་བྱེད་པ། དཀའ་ལས་བརྒྱབ་སྟེ་ཁ་འཕྱིད་ཐུབ་ཙམ་བྱུང༌ལྟ་བུ། |
| ཁ་འཕྱུར |
སྣོད་ཁེངས་དྲགས་ནས་ལུད་འགྲོ་བའི་དོན་ཏེ། (དཔེར་ན།) བུམ་པའི་ཁ་འཕྱུར། ཟ་འབྲུ་བང་ཁང་གི་ཁ་འཕྱུར་དུ་བླུགས་པ་ལྟ་བུ། |
| ཁ་འཕྲལ |
རང་བཞིན་མ་ཡིན་པར་གཞན་གྱིས་སོ་སོར་ཁ་འབྱེད་པ་སྟེ། (དཔེར་ན།) མ་བུ་ཁ་འཕྲལ། བཟའ་ཚང་ཁ་འཕྲལ་མི་རུང་ལྟ་བུ། |
| ཁ་འཕྲི |
ཉུང་དུ་གཏོང་བ་སྟེ། (དཔེར་ན།) འགྲོ་སོང་ཁ་འཕྲི་བའི་ཐབས་ལམ་ཅི་ཡོད་གསུངས་རོགས་ལྟ་བུ། |
| ཁ་འཕྲིན |
ངག་ཐོག་གི་ལན་ནམ་སྐད་ཆ་སྟེ། (དཔེར་ན།) ང་ལ་གྲོགས་པོའི་ཁ་འཕྲིན་བསྐྱལ་བྱུང༌ལྟ་བུ། |
| ཁ་འཕྲོད་པོ |
1.སྣོད་སྤྱད་ཀྱི་ཁ་གཅོད་འགྲིག་པོ།2.ལས་ཀ་དང་གཏམ་སོགས་མགོ་ཐུག་པ། |
| ཁ་འབབ་བཞི |
གངས་ཏེ་སེའི་ཕྱོགས་བཞི་ནས་འབབ་པའི་ཆུ་བོ་བཞི་ཤར་ཕྱོགས་གླང་ཆེན་ཁ་ནས་གང་གཱ་འབབ། ལྷོ་ཕྱོགས་རྨ་བྱའི་ཁ་ནས་སིནྡྷུ་འབབ། ནུབ་ཕྱོགས་རྟ་ཡི་ཁ་ནས་པཀྵུ་འབབ། འདི་ལ་ཡར་ཀླུངས་གཙང་པོའང་ཟེར། བྱང་ཕྱོགས་སེང་གེའི་ཁ་ནས་སི་ཏ་འབབ། |
| ཁ་འབར་བ |
1.ཚིག་རྩུབ་བཤད་པའི་དོན་ཏེ། (དཔེར་ན།) ཁོང་ཁྲོ་སྐྱེས་ནས་ཁ་འབར་བ་ལྟ་བུ།2.གློ་བུར་ཕྱུག་པོར་འགྱུར་བའི་དོན་ཏེ། (དཔེར་ན།) དུད་ཚང་ཁ་འབར་བ་ལྟ་བུ།3.སྨྲ་མཁས་ཤིང་བཤད་རྒྱུ་མང་བའི་དོན་ཏེ། (དཔེར་ན།) ཁ་འབར་གཡོ་གཏམ་ལྟ་བུ། |
| ཁ་འབར་མ |
ཡི་དྭགས་ཀྱི་རྒྱལ་མོ་ཞིག |
| ཁ་འབར་མའི་གླུད་ཆོག |
ཡི་དྭགས་ཀྱི་རྒྱལ་མོ་ཁ་འབར་མ་ལ་གླུད་རྫོངས་བསྔོ་བའི་ཆོ་ག་ཞིག |
| ཁ་འབུག |
སྐད་ཆ་བཤད་པ་ལ་འབུག་པ་ཟེར་སྲོལ་ཡོད། |
| ཁ་འབུད |
མེ་མདའི་ཁ་འཚང༌། |
| ཁ་འབུར |
ཤིང་བཟོ་བའི་ལག་ཆ་ཞིག |
| ཁ་འབུས |
མེ་ཏོག་སོགས་ཁ་བྱེ་ལ་ཁད་པའི་མཆེ་བ། |
| ཁ་འབུས་པ |
མེ་ཏོག་དང་ཤིང་ལོའི་མཆེ་བ་གསར་དུ་བཞད་པའི་དོན། |
| ཁ་འབོག |
རྟ་དྲེལ་ལ་ཆག་སྟེར་སྣོད་ཆག་ཕད། |
| ཁ་འབྱམས |
སྙིང་པོ་མེད་པའི་སྟོང་གཏམ། |
| ཁ་འབྱམས་པ |
ལོ་མས་འབྲས་བུ་སྒྲིབ་པ་ལྟ་བུའི་སྤྲོས་བཤད་ལ་ཤོར་བ། |
| ཁ་འབྱར |
ཕན་ཚུན་དམ་པོར་འགྲིག་པ་སྟེ། (དཔེར་ན།) པང་ལེབ་གཉིས་ཁ་འབྱར་ནས་འཕྲལ་མ་ཐུབ་པ་ལྟ་བུ། |
| ཁ་འབྱེད་པ |
1.སོ་སོར་ཁ་འཕྲལ་བ།2.ཁ་གཅོད་སེལ་བའམ་ལེན་པ། 3.ཉི་མས་པད་མ་ཁ་འབྱེད་པ་ལྟ་བུ། |
| ཁ་འབྲས |
གདོང་གི་རྣམ་པའམ་དབྱིབས་ཀྱི་དོན་ཏེ། (དཔེར་ན།) བྱིས་པ་འདི་ཁ་འབྲས་གཙང་མ་ཞིག་འདུག་ལྟ་བུ། |
| ཁ་འབྲིད་པ |
1.སླུ་བའི་དོན་ཏེ། (དཔེར་ན།) ཉ་མོ་ཟས་ཀྱིས་ཁ་བྲིད་ནས་བཟུང་ལྟ་བུ།2.ཉུང་དུ་གཏོང་བའི་དོན་ཏེ། (དཔེར་ན།) མང་དྲགས་ན་ཁ་འབྲིད་པར་བྱེད་དགོས་ལྟ་བུ། |
| ཁ་འབྲུ་བ |
སྐད་ཆ་སྔོག་པ་སྟེ། (དཔེར་ན།) བདེན་རྫུན་ཇི་འདྲ་འདུག་སྙམ་དུ་ཚོད་ལེན་ཕྱིར་ཁོའི་ཁ་འབྲུ་བ། ཕུ་གུའི་ཁ་འབྲུ་བ་ལྟ་བུ། |
| ཁ་འཚངས་པ |
1.ཟས་ཀྱིས་ཁ་འགགས་པ་སྟེ། (དཔེར་ན།) ལྟོ་ཆས་ཟ་རྔམ་ཆེས་པས་ཁ་འཚངས་པ་ལྟ་བུ།2.སྐད་ཆ་བཤད་རྒྱུར་འཚང་ག་རྒྱག་པའི་དོན་ཏེ། (དཔེར་ན།) ངའི་སྐད་ཆ་གཞུག་མ་རྫོགས་གོང་དུ་ཁོས་ཁ་འཚངས་པ།3.(མངོན་བརྗོད།) སྨོད་པ། |
| ཁ་འཚུབ |
གངས་འཚུབ། |
| ཁ་འཚོགས |
མི་མང་པོས་གྲོས་བྱེད་པ། |
| ཁ་འཛིང |
རྩོད་གླེང༌གི་དོན་ཏེ། (དཔེར་ན།) ཕན་ཚུན་ཁ་འཛིང་ཤོར་ལྟ་བུ། |
| ཁ་འཛིན |
གཙོ་བོ་འམ་རྒྱབ་རྟེན་གྱི་དོན་ཏེ། (དཔེར་ན།) ཁྱིམ་ཚང་གི་གཙོ་བོ་ལ་ཁྱིམ་གྱི་ཁ་འཛིན་དང་། གྲུབ་མཐའ་དང་རིང་ལུགས་འཛིན་མཁན་གྱི་གཙོ་བོ་ལ་གྲུབ་མཐའི་ཁ་འཛིན། སྡོང་གྲོགས་བྱེད་པའི་གཙོ་བོ་མཛོད་ཟེར་བ་ལ། གཡུལ་ལས་རྣམ་པར་རྒྱལ་བའི་ཁ་འཛིན་མཛོད་ཅེས་པ་ལྟ་བུ། |
| ཁ་འཛིན་གསུམ |
སུག་སྨེལ་དང༌། གུར་ཀུམ། པི་པི་ལིང་སྟེ་གསུམ་ལ་ཟེར། |
| ཁ་འཛིན་རོགས་དན |
ཕྱོགས་འཛིན་ནམ་རོགས་རམ་བྱས་པའི་དོན་ཏེ། (དཔེར་ན།) ཉམ་ཆུང་སྐྱོང་འོས་རིགས་ལ་ཁ་འཛིན་རོགས་དན་གང་ཐུབ་བྱེད་ལྟ་བུ། |
| ཁ་འཛུམ |
གད་མོ་ཅུང་ཟད་བགད་པ་ལྟ་བུའི་ཉམས་འགྱུར། |
| ཁ་འོག |
1.འོག་དང་འདྲ། 2.ལྐོག་གམ་མི་མངོན་པའི་མིང་སྟེ། (དཔེར་ན།) ཁ་འོག་ལ་ཡོག་ཅེས་པ་ལྟ་བུ། |
| ཁ་ཡ |
1.ཕན་ཚུན་རོགས་བྱེད་མཁན་གྱི་མིང་སྟེ། (དཔེར་ན།) ཁ་ཡ་ན་ཟླ་ཞེས་པ་ལྟ་བུ། 2.ཟུང་གི་ཡ་གྱལ་གཅིག་གི་མིང་སྟེ། (དཔེར་ན།) རྨོད་དོར་གྱི་ཁ་ཡ་ཞེས་པ་ལྟ་བུ། འདི་ཆ་ཡ་དང་དོན་འདྲ། 3.ཚིག་ལན་བཤད་པ་དང་བཟང་ངན་གྱི་ལན་བྱིན་པའི་དོན་ཏེ། (དཔེར་ན།) གནམ་ལ་ངོ་ཡ་དང་ས་ལ་ཁ་ཡ་བྱས་ལྟ་བུ། |
| ཁ་ཡ་ངོ་ཡ |
1.འགྲུལ་བར་སྣེ་ལེན་བྱས་པའི་དོན་ཏེ། (དཔེར་ན།) འགྲུལ་པ་ལ་ཁ་ཡ་ངོ་ཡ་ལེགས་པར་བྱེད་ལྟ་བུ། 2.འགྲན་སློང་བའི་རྣམ་པ་སྟེ། (དཔེར་ན།) ཉམ་ཆུང་གིས་བཙན་པོའི་ཁ་ཡ་ངོ་ཡ་མི་ཡོང་ལྟ་བུ། |
| ཁ་ཡག་ངོ་བསྟོད |
རང་མཁོ་གང་རུང་གི་ཆེད་དུ་དོན་ལ་མི་གནས་པའི་བསྟོད་པ་བྱེད་ཚུལ། |
| ཁ་ཡག་ངོ་ཡག |
ཁ་མཁས་འདྲ་ཆགས། |
| ཁ་ཡག་ཚིག་ཡག |
བཀྲ་ཤིས་པའི་གཏམ་མམ་སྐད་ཆ་སྙན་མོ། |
| ཁ་ཡང་བ |
གཏམ་མང་བ། |
| ཁ་ཡན |
1.(རྒྱན་ཚིག) ཁ་དམ་པོ་མིན་པའི་དོན་ཏེ། (དཔེར་ན།) ཁ་ཡན་པས་ཁ་ནས་གང་དྲན་བཤད་ལྟ་བུ། 2.གང་དྲན་དུ་བཤད་པའི་སྐད་ཆ་ཁུངས་མེད་ཀྱི་མིང་སྟེ། (དཔེར་ན།) ཁ་ཡན་འདེད། ཁ་ཡན་མ་བཤད་ལྟ་བུ། |
| ཁ་ཡན་པ |
1.ནང་གཏམ་ཕྱི་ལ་གྱར་བ་སྟེ། (དཔེར་ན།) རང་སྣང་གང་དྲན་གྱིས་ཁ་ཡན་པ་ལྟ་བུ།2.བོར་སྟོར་རམ། ཁ་འཐོར་བ་སྟེ། (དཔེར་ན།) དངོས་ནོར་ཡོ་བྱད་བར་མ་དོར་ཁ་ཡན་པ་རྣམས་རྩད་གཅོད་བྱེད་ལྟ་བུ། |
| ཁ་ཡར |
1.སོ་སོའམ་རེ་རེ་བ་སྟེ། (དཔེར་ན།) མི་རིགས་ཁ་ཡར་ལྟ་བུ།2.ཐར་ཐོར་གྱི་དོན་ཏེ། (དཔེར་ན།) འབྲས་བུ་ཁ་ཡར་ཞེས་པ་ལྟ་བུ།3.ཁ་ཤས་ཀྱི་དོན་ཏེ། (དཔེར་ན།) ཡོ་བྱད་ཁ་ཡར་ལྟ་བུ། |
| ཁ་ཡིག |
མིང་བྱང་ངམ་ཁ་བྱང་གི་ཡི་གེ། |
| ཁ་ཡུ |
རི་དྭགས་ཁ་ཤ་མོ། |
| ཁ་ཡུ |
ཁུ་ཡུ་ལ་ལྟོས། |
| ཁ་ཡོག |
མ་ཉེས་པར་ཉེས་སོ་ཞེས་ཁག་དཀྲི་བ་སྟེ། (དཔེར་ན།) མ་ཉེས་ཁ་ཡོག་བྱུང་ན་བཟོད་ཐབས་མེད་ཅེས་པ་ལྟ་བུ། |
| ཁ་ཡོད་ལག་མེད |
སྟོང་བཤད་མ་གཏོགས་དོན་ལ་མེད་པའམ་ཚིག་ཐོག་ཏུ་དོན་མི་འཁྱོལ་བའི་དོན། |
| ཁ་ཡོན |
ཁ་ཀྱོག་ཀྱོག |
| ཁ་ར |
1.རྟ་དྲེལ་སོགས་ཀྱི་ཁ་ལ་གཡོགས་ནས་རྩྭ་ཟ་འགོག་བྱེད་ཀྱི་མཆུ་ཤུབས།2.ཕྱུགས་ལ་རྩྭ་ཆས་སྟེར་སའི་སྣོད་དམ་ཡོ་བྱད་ཀྱི་མིང་། |
| ཁ་རལ |
གྲངས་དང་ཚད་པ་སོགས་མར་ཆག་པའི་དོན་ཏེ། (དཔེར་ན།) དུས་རབས་ཉི་ཤུ་པ་ལས་ལོ་དུ་ཁ་རལ། ལོ་གྲངས་ལྔ་བཅུ་ཁ་རལ་བའི་ཚེ་ལ་ཞེས་པ་ལྟ་བུ། |
| ཁ་རལ་བ |
1.རྒས་ཏེ་སོ་བུད་པ།2.མཆུ་ཏོ་རལ་བའི་དོན་ཏེ། (དཔེར་ན།) རི་བོང་ཁ་རལ་བ། སྟག་ཁ་རལ་བ་སྟ་བུ། |
| ཁ་རས |
ཁ་འཐམ་བྱེད་དམ་དཀྲི་བྱེད་ཀྱི་རས། |
| ཁ་རི་ཁ་ཐུག |
1.དྲང་པོ་དྲང་བཞག་གམ་ཐད་ཀའི་དོན་ཏེ། (དཔེར་ན།) བསམ་སྦྱོར་ཚང་མ་ཡོ་ཀྱོག་མེད་པ་ཁ་རི་ཁ་ཐུག་བྱེད་དགོས་ལྟ་བུ།2.འཕྲལ་གྱི་དོན་ཏེ། (དཔེར་ན།) ནད་རིམས་འགོས་འཕྲལ་ཕར་འགྱངས་ཕྱི་བཤོལ་མེད་པར་ཁ་རི་ཁ་ཐུག་ལ་སྨན་བཅོས་བྱེད་དགོས་ལྟ་བུ། |
| ཁ་རི་ལ |
བོད་རྒྱལ་རྩེ་རྫོང་གི་ཤར་རྒྱུད་དུ་ཡོད་ཅིང་དེའི་མཐོ་ཚད་རྒྱ་མཚོའི་ངོས་ནས་སྨི་5045 ཡོད། |
| ཁ་རིམས |
བྱིས་པའི་ཁའི་ནང་དུ་ཐོར་པ་ཞིབ་མོ་འབྱུང་བ་ཞིག་ཁ་ཚ་དང༌། ཁ་ལང་ཡང་ཟེར། |
| ཁ་རུ |
1.བེའུའི་སྣ་སྟེང་དུ་བསྒར་ནས་ནུ་མ་ནུ་བ་འགོག་བྱེད་ཀྱི་ཤིང་བུ།2.གླ་བའི་མཆེ་བ། |
| ཁ་རུ་ཚྭ |
ལན་ཚྭའི་རིགས་ཤིག་རོ་ལན་ཚྭ་ལ་ཚ་བ། ཞུ་རྗེས་དྲོད། ནུས་པས་ཕོ་བའི་དྲོད་ཉམས་པ་དང༌། ཟས་མི་འཇུ་བ། རྒྱུ་རྒན་གྱི་ནད་དང་གླང་ཐབས་སོགས་ལ་ཕན། མིང་གི་རྣམ་གྲངས་ལ་བི་ཊཾ་ངོ་དང༌། སྨིན་ཚྭ། རུ་ཚྭ་ཀ་བཅས་སོ། ། |
| ཁ་རུབ་པ |
1.མི་གཅིག་ལ་མི་མང་པོས་ཁ་རྡུང་གཏོང་བ།2.ཁ་ཟུམ་པའམ་འདུས་པ། |
| ཁ་རུལ་ནང་བཤང |
ཁ་རུལ་ན་ཁའི་ནང་འཁྲུད་དགོས་པ་ལྟར་ནང་ཁུལ་གྱི་འགལ་བའམ་མི་མཐུན་པ་རྣམས་ནང་ཁུལ་དུ་སེལ་དགོས་པའི་དཔེ། |
| ཁ་རེ་ཁོ་རེ |
གྱ་གྱུ་ཅན་ནམ་དྲང་པོ་མིན་པའི་དོན་ཏེ། (དཔེར་ན།) ཡ་ཡོ་ཁར་ཁོར་ཅན་གྱི་ལས་ཀ་བྱེད་སྟངས་མི་བཟང་ལྟ་བུ། |
| ཁ་རེ་སྐྱེངས |
ངོ་ཚ་བའི་ཚུལ། |
| ཁ་རོ |
ཁམ་གྱིས་བཅད་པའི་ལྟོ་ཆས་ཟོས་ལྷག |
| ཁ་རོག |
ཅང་མི་སྨྲ་བ་སྟེ། (དཔེར་ན།) ཁ་རོག་བསྡད་ནས་བསམ་བློ་ཐོངས། རྣ་བ་མ་གཙེར་ཁ་རོག་སྡོད་ལྟ་བུ། |
| ཁ་རོག་གེ་བ |
སྐད་ཆ་མི་བཤད་པར་སྡོད་ཚུལ་ཏེ། (དཔེར་ན།) མི་ཚང་མ་ཁ་རོག་གེ་བར་བསྡད་པ་ལྟ་བུ། |
| ཁ་རོང་དོག་པོ |
རི་ཕན་ཚུན་བར་གྱི་ས་ཡུལ་གུ་དོག་པོ། |
| ཁ་རྒན་པོ |
ཕྱུགས་རིགས་ན་སོ་མཐོ་བ་སྟེ། (དཔེར་ན།) རྟ་དྲེལ་ཁ་རྒན་པོ་འདི་ཡག་པོ་གསོ་དགོས་ལྟ་བུ། |
| ཁ་རྒས་པ |
ཁ་རྒན་པོ་དང་འདྲ། |
| ཁ་རྒོད |
(རྒྱན་ཚིག) ཀུ་རེ་སོགས་བཤད་པར་མཁས་པའི་དོན་ཏེ། (དཔེར་ན།) མི་ཁ་རྒོད་ཀྱིས་ཀུ་རེ་བཤད་དེ་ཐམས་ཅད་བཞད་གད་ཐེག་གེ་སོང་ལྟ་བུ། |
| ཁ་རྒོད་གཏིང་རྒོད |
ཁ་ཞེ་མཚུངས་པའི་དཔའ་སྙིང་ཅན། |
| ཁ་རྒོད་པོ |
1.ཁ་བདེ་པོའམ་འཕེར་པོ་སྟེ། (དཔེར་ན།) གཏམ་ཁ་རྒོད་སྟོང་བཤད་མཁས་མདོག་ཁ་ཞེས་པ་ལྟ་བུ།2.གཏམ་གྱོང་པོའམ་རྩུབ་པོ་ལ་ཡང་ཁ་རྒོད་པོ་ཟེར། |
| ཁ་རྒྱ |
1.འཕྲེད་ཞེང་ངམ་རྒྱ་ཁྱོན།2.ཡིག་ཤུབས་སོགས་ཀྱི་ཁ་དང་ཕྱི་རོལ་ལ་བཏབ་པའི་རྒྱ་སྟེ་ཐེལ་ཙེ། |
| ཁ་རྒྱགས་པ |
གུས་ཚུལ་མེད་པའི་སྐད་ཆ། |
| ཁ་རྒྱན |
1.སྣོད་སྤྱད་ཀྱི་ཁའི་རྒྱན་ཆ་སོགས།2.རྩྭ་ཀུ་ཤ་དང་རྨ་བྱའི་སྒྲོ་སོགས་ཀྱིས་བཟོས་པའི་བུམ་པའི་ཁ་རྒྱན།3.སྨ་ར། |
| ཁ་རྒྱབ་གཉིས་མེད |
ཟས་དང་གོས་གཉིས་ཀ་མེད་པ། |
| ཁ་རྒྱལ་བ |
1.ཁ་གཤགས་སམ་རྩོད་པ་ལས་རྒྱལ་བ།2.ངོ་འཕང་མཐོ་བའམ་བགོ་མཐོ་བ། |
| ཁ་རྒྱུ་གཤིན་པོ |
1.ངག་འཇམ་པོའམ་མཐུན་པོ།2.ཁ་ལ་ཉན་པོ། |
| ཁ་རྒྱུ་བྲོ་རྒྱུ |
རོའམ་བྲོ་བའི་དོན་ཏེ། (དཔེར་ན།) ཟས་དེ་ས་ཟོས་པ་བཞིན་ཁ་རྒྱུ་བྲོ་རྒྱུ་གང་ཡང་མི་འདུག་ལྟ་བུ། |
| ཁ་རྒྱུག |
གཞན་གྱི་སྐད་ཆའི་རྗེས་སུ་འགྲོ་བ་སྟེ། (དཔེར་ན།) རང་གི་ལྟ་བ་མེད་པར་གཞན་གྱི་ཁ་རྒྱུག་མ་བྱེད་ལྟ་བུ། |
| ཁ་རྒྱུད |
ངག་རྒྱུན་ནམ་བཤད་རྒྱུན། |
| ཁ་རྒྱུན |
1.གཏམ་རྒྱུན་ནམ་བཤད་སྲོལ།2.རྐྱལ་སྣོད་ཀྱི་ཁ་སྒྲོག་ཀོ་རྒྱུན། |
| ཁ་རྗེ |
སྟོབས་འབྱོར་དང་སྟོབས་ཤུགས་ཀྱི་མིང་སྟེ། (དཔེར་ན།) མི་དམངས་ཁ་རྗེ་དར་ཞེས་པ་ལྟ་བུ། དབང་ཐང་དང་བསོད་ནམས་ཀྱི་དོན་ལའང་འཇུག |
| ཁ་རྗེ་དབང་ཐང |
1.བསོད་ནམས་དང༌། དེ་ལ་ལོངས་སྤྱོད་པའི་བགོ་སྐལ།2.མི་སྒེར་གྱི་རྒྱུ་ནོར་ལོངས་སྤྱོད་དེ། (དཔེར་ན།) སྒེར་གྱི་ཁ་རྗེ་དབང་ཐང་སོ་སོར་དབང༌ལྟ་བུ། |
| ཁ་རྗེའི་ཁྱུ་མཆོག |
བསོད་ནམས་ཆེན་པོ། |
| ཁ་རྙིང་པ |
ལས་སོང་གི་དངོས་པོ་སྟེ། (དཔེར་ན།) ཕྱུ་པ་ཁ་རྙིང་པ་ཞིག་གྱོན་འདུག་ལྟ་བུ། |
| ཁ་རྡིབ་པ |
1.སོ་བུད་དེ་མཆུ་རྡིབ་པ།2.གངས་རྡིབ་པ་སྟེ། (དཔེར་ན།) རྩྭ་ཐང་ཚང་མར་ཁ་རྡིབ་བྱུང་ལྟ་བུ། |
| ཁ་རྡུང |
ཚིག་ངན་ནམ་གཤེ་གཤེ་བཏང་བ་སྟེ། (དཔེར་ན།) ལས་ཀ་མི་འགྲིག་པ་ཅུང་ཟད་བྱུང་བ་དང་ཁ་རྡུང་གཏོང་མི་རུང༌ལྟ་བུ། |
| ཁ་རྦད |
ཁ་ཤོབ་བམ་འུར་ཤོབ་སྟེ། (དཔེར་ན།) དངོས་སུ་ལག་ལེན་མེད་པར་ཁ་རྦད་ཁོ་ན་བཤད། |
| ཁ་རྨ་ལྷོག་པ |
ཁ་ལ་སྐྱེས་པའི་རྨ་སྐྲངས་སྦོས་ཅན་ཞིག |
| ཁ་རྩང |
ཉིན་སྔོན་མའི་མིང་སྟེ་ཁ་སང་དང་འདྲ། |
| ཁ་རྩར་འཁྲིལ་པོ |
ཁ་ལ་ཉན་པའི་དོན་ཏེ། (དཔེར་ན།) བཞོན་རྟ་ཁ་རྩར་འཁྲིལ་པོ། གང་བཤད་ལག་ལེན་བྱེད་པའི་ལས་རོགས་ཁ་རྩར་འཁྲིལ་པོ་ཞེས་པ་ལྟ་བུ། |
| ཁ་རྩལ |
གཏམ་ཤོད་པའི་ནུས་རྩལ། |
| ཁ་རྩིས |
ཡིད་འདྲེན་བཞིན་དུ་ངག་ཐོག་ནས་དྲངས་པའི་རྩིས་ཐབས། |
| ཁ་རྩུབ་ཁོག་ཡག |
ཁ་མི་སྙན་ཡང་སེམས་བཟང་བ། |
| ཁ་རྩེད |
ཁ་ནས་རྩེད་མོ་བཤད་པ། |
| ཁ་རྩོད |
དངོས་སུ་སྐད་ཆ་བཤད་པའི་རྩོད་པའི་མིང་སྟེ། (དཔེར་ན།)༌ ཁ་རྩོད་ཚིག་རྩོད། ཡིན་མིན་ཁ་རྩོད་བྱས་ལྟ་བུ། |
| ཁ་རྫིག་ངོ་རྫིག |
གཏམ་རྫིག་པོ་བཤད་པ་དང༌། གདོང་རྫིག་པོ་སྟོན་པ། |
| ཁ་རླངས |
ཁའི་དབུགས་རླངས་ཏེ། (དཔེར་ན།) མིག་ཤེལ་ལ་ཁ་རླངས་བཏབ་ནས་ཕྱིས་པ། དུག་སྦྲུལ་ནག་པོའི་ཁ་རླངས་ཕོག་ལྟ་བུ། |
| ཁ་ལ་ཅ་ལེ་བ |
གཏིང་ལ་མ་འདྲེས་པར་ཁ་ལ་གཡེངས་པའི་དོན། |
| ཁ་ལ་ཡུག |
དུས་བྱ་བྱིའུ་ཞིག་གི་མིང་སྟེ། གཤོག་པ་རིང་ལ་མཇུག་མ་ཁེ་གྲིའི་ཁ་བཀྱེད་པ་ལྟ་བུ། རྒྱབ་ནག་ཅིང་ལྟོ་ངོས་དཀར་བ། དབྱར་དུས་རྒྱུན་པར་མི་ཁྱིམ་གྱི་ཁང་བའི་གདུང་ལྕམ་ཐོག་གམ་བྲག་སྐྱིབས་སུ་འདམ་གྱིས་ཚང་བཟོ་ཞིང་། བར་སྣང་ནས་འཕུར་གྱིན་སྦྲང་ནག་དང་དུག་སྦྲང་བཟུང་ནས་ཟ་བའི་ཕན་བྱ་ཞིག་ཡིན། གནའ་དཔེར་དེའི་མིང་ལ་ཁུག་རྟ་དང་ཀ་ལན་ཏ་སོགས་མིང་མང་པོ་ཡོད། |
| ཁ་ལ་རྒྱ་བྱིན |
ཁ་ལ་ཐེལ་ཚེ་བརྒྱབ་སྟེ་གཏམ་སྨྲ་རུ་མ་བཅུག་པའམ་སྨྲ་བའི་ནུས་པ་མེད་པར་བཟོ་བའི་དོན་ཏེ། (དཔེར་ན།) རྩོད་གཤགས་བཏབ་པས་ཁ་ལ་རྒྱ་བྱིན་ལྟར་ལན་གདབ་རྒྱུ་མེད་པར་གྱུར། |
| ཁ་ལག |
1. ཁ་དང་ལག་པའི་ཚིག་བསྡུས་པ་སྟེ། (དཔེར་ན།) ཁ་ལག་དམ་མེད་དུ་བྱ་བ་བྱས་ལྟ་བུ།2.ལྷ་སའི་ཕལ་སྐད་དུ་ཟས་ཐུན་ལ། ཁ་ལག་ཟེར་སྲོལ་ཡོད། |
| ཁ་ལང |
བྱིས་པའི་ཁའི་ནང་དུ་བྱུང་བའི་ཐོར་པ་ཆུང་ངུ་ཞིག |
| ཁ་ལད་པ |
1.ཁ་ངན་ལང་ལ་ཤོར་བ།2.ཟས་ཟ་ཉེས་ཤོར་བ། |
| ཁ་ལན |
སྐད་ཆའི་ལན་དང་ངག་འཕྲིན་ཏེ། (དཔེར་ན།) ཡི་གེ་འབྲི་མ་ཐུབ་ན་ཁ་ལན་ངེས་པར་གཏོང་དགོས་ལྟ་བུ། |
| ཁ་ལབ |
ཁ་ནས་གཏམ་བཤད་པའི་དོན་ཏེ། (དཔེར་ན།) ཁ་ལབ་ཤབ་ཤུབ། ཁ་ལབ་བཅད་ནས་ཕན་ཚུན་སྐད་ཆ་བཤད་རེས་མི་བྱེད་ལྟ་བུ། |
| ཁ་ལས |
1.སྐད་ཆ་བཤད་པའི་བྱ་བའི་མིང་སྟེ། (དཔེར་ན།) རླུང་གི་ནད་ཅན་ཁ་ལས་ཆེར་མི་བྱ་ལྟ་བུ། 2.ཁ་ཕོའི་དོན་ཏེ། (དཔེར་ན།) རྒྱལ་ཁ་བླངས་ཀྱང་ཁ་ལས་མ་ཆེ་ཞེས་པ་ལྟ་བུ། 3.རང་གི་བྱ་སྤྱོད་ཀྱིས་གཞན་ལ་བསྐྱེད་པའི་བྱེད་ལས་ཀྱི་མིང་སྟེ། (དཔེར་ན།) ཁ་ལས་དགེ་ལྟ་བུ། |
| ཁ་ལས་སྐྱེས |
(མངོན་བརྗོད།) བྲམ་ཟེ། |
| ཁ་ལུང་པ |
འབྲོག་དགོན་པ་ན་གནས་པ་པོ། |
| ཁ་ལུད |
1.ཁའི་ནང་གི་མཆིལ་མ་གར་པོ་སྟེ། (དཔེར་ན།) ཁ་ལུད་གང་སར་གཡུགས་ན་འཕྲོད་བསྟེན་ལ་གནོད་ལྟ་བུ།2.སྣོད་ནང་དུ་མ་ཤོང་བར་ཁ་ནས་ཕྱིར་འཕྱུར་བའམ་ལུད་པ།3.ལྗང་པ་སྐྱེས་རྗེས་ཞིང་ཁར་ཁ་སྣོན་བརྒྱབ་པའི་ས་ལུད། |
| ཁ་ལེ་ནག་པོ |
སྙིང་ནད་རིགས་བདུན་གྱི་ནང་ཚན། སྤྲོ་ཐུང་ཞིང་མིག་འབུར་ཚུགས་སུ་ལྟ་ལ། ཁ་ཡོ་བར་འགྱུར་བ་ཞིག་ཁ་ལེ་ཞེས་ཁ་ཡོ་བའི་དོན་དང༌། ནག་པོ་ཞེས་སྙིང་ནད་གདུག་པ་ཅན་གྱི་དོན་ནོ། ། |
| ཁ་ལེན |
1.སྣེ་ལེན་བྱེད་པ་སྟེ། (དཔེར་ན།) མགྲོན་པོར་ཁ་ལེན་པ་ལྟ་བུ། 2.གྲི་རྣོ་ཕྱིར་ཀོ་བ་དང་རས་སོགས་ལ་བརྡར་བའི་དོན་ཏེ། (དཔེར་ན།) གྲི་ཁ་ལེན་པ་ལྟ་བུ།3.ནང་དུ་ཕྱིར་འདེད་པ་སྟེ། (དཔེར་ན།) རྩྭ་ས་ནས་ནོར་ཕྱུགས་ཁ་ལེན་པ།4.ནོར་ཕྱུགས་སོགས་ཀྱི་ཁ་ནས་འཇུ་བ། |
| ཁ་ལེན་ངོ་ལེན |
ཕྱོགས་འགྲུལ་གྱི་གཉེར་ཁ་ལེན་འཛིན་ཏེ། (དཔེར་ན།) འགྲུལ་རིགས་ནམ་འབྱོར་ལ་ཁ་ལེན་ངོ་ལེན་འཕྲལ་འཕྲལ་བྱེད་ལྟ་བུ། |
| ཁ་ལེན་ངོ་སྲུང |
གཏམ་དང་གདོང་གི་སྣེ་ལེན། |
| ཁ་ལེབ |
ཁ་ཁེབས་དང་མཚུངས། |
| ཁ་ལོ |
ཁ་ཕྱོགས་སམ་ཁ་ཕྱོགས་སྒྱུར་བའི་བྱ་སྤྱོད་ཀྱི་མིང་སྟེ། (དཔེར་ན།) གྲུ་གཟིངས་ཁ་ལོ་བསྒྱུར། རྟ་ཁ་ལོ་བཏུལ། ལུས་ཁ་ལོ་འཁོར་ལྟ་བུ། |
| ཁ་ལོ་པ |
1.འགྲིམ་འགྲུལ་ཡོ་བྱད་ཤིང་རྟ་དང་རླངས་འཁོར་སོགས་ཁ་ཕྱོགས་སྒྱུར་མཁན་གྱི་སྤྱི་མིང་སྟེ། (དཔེར་ན།) ཤིང་རྟའི་ཁ་ལོ་པ། རླངས་འཁོར་ཁ་ལོ་པ་ཞེས་པ་ལྟ་བུ། 2.རྩྭ་ལྡུམ་གྱི་ཆ་ཤས་ས་ངོས་སུ་སྐྱེས་པའི་ལྗང་ལོ་ལའང་ཡུལ་སྐད་དུ་ཁ་ལོ་ཟེར་ཏེ། (དཔེར་ན།) ལ་ཕུག་གི་ཁ་ལོ། ཉུང་མའི་ཁ་ལོ་ཞེས་པ་ལྟ་བུ། |
| ཁ་ལོ་སྒྱུར་བ |
1.དབང་སྒྱུར་བ་སྟེ། (དཔེར་ན།) གནམ་ས་ཁ་ལོ་སྒྱུར་བའི་དཔོན་པོ་ཞེས་པ་ལྟ་བུ།2.ཁ་ཕྱོགས་སྒྱུར་བ་སྟེ། (དཔེར་ན།) ཆིབས་པའི་ཁ་ལོ་སྒྱུར་བ། རླངས་འཁོར་ཁ་ལོ་སྒྱུར་བ་ལྟ་བུ།3.སངས་རྒྱས་ཤིག་གི་མཚན། |
| ཁ་ལོག་ངོ་ལོག |
རྒོལ་བའི་གཏམ་དང་བྱ་སྤྱོད། |
| ཁ་ལོག་པ |
1.ཕར་བྱས་པའི་ལན་ཚུར་ལྡོག་པ་སྟེ། (དཔེར་ན།) རང་གི་བྱ་སྤྱོད་ནོར་བས་མང་ཚོགས་ཁ་ལོག་པ་རེད། ཁྱི་གྱང་ཁུག་ལ་བཀར་ན་ཁ་ལོག་མི་རྒྱག་ཀ་མེད་རེད་ལྟ་བུ།2.མཚོན་གྱི་རྣོ་ལོག་པར་ཡང་ཁ་ལོག་པ་ཟེར། |
| ཁ་ལོག་ཚིག་ལོག |
ཡི་མ་རངས་པའི་ཚིག་ལན་ཏེ། (དཔེར་ན།) སེམས་བཟང་གི་ཁ་ཏ་ལ་ཁ་ལོག་ཚིག་ལོག་རྒྱག་མི་རུང༌ལྟ་བུ། |
| ཁ་ལྔ་པ |
(མངོན་བརྗོད།) སེང་གེ། |
| ཁ་ལྗིད་པོ |
ངག་སྒོ་དམ་པོའམ་སྐད་ཆ་མང་པོ་མི་བཤད་པ། |
| ཁ་ལྟ་བ |
1.མདུན་ཕྱོགས་སྟོན་པའི་དོན་ཏེ། (དཔེར་ན།) གཏམ་བཤད་བྱེད་མཁན་གྱི་ཕྱོགས་སུ་ཉན་མཁན་ཚང་མས་ཁ་ལྟ་བ།2.རྟགས་བཟང་འགོ་ཚུགས་པའི་དོན་ཏེ། (དཔེར་ན།) ཕྱུགས་རིགས་སྐྱེ་འཕེལ་ཁ་ལྟ་བ། |
| ཁ་ལྟ་མིག་ལྟ |
ཁ་ནས་སློབ་སྟོན་དང་མིག་གིས་ལྟ་རྟོག་བྱེད་པ་སྟེ། (དཔེར་ན།) དྭ་ཕྲུག་ལ་ཁ་ལྟ་མིག་ལྟ་བྱེད་དགོས་ལྟ་བུ། |
| ཁ་ལྟས |
གཏམ་བཟང་ངན་གྱི་རྟགས་མཚན་ཏེ། (དཔེར་ན།) ཁ་ལྟས་ངན་པ། ཁ་ལྟས་ཡག་པོ་ཞེས་པ་ལྟ་བུ། |
| ཁ་ལྟིར |
སྔར་བོད་དངུལ་ཁ་གང་རི་བའི་ཆང་བླུག་སྣོད། |
| ཁ་ལྡིབ |
གཏམ་ལྡབ་ལྡིབ་བམ། ཆེར་མི་གསལ་བ། |
| ཁ་ལྡིབ་ལྡིབ |
གཏམ་སྨྲ་བ་མི་གསལ་བའི་ཚུལ། |
| ཁ་ལྤགས |
1.མཆུ་ཏོ།2.སྟེང་གི་པགས་པའམ་ཕྱིའི་ཤུན་པ། |
| ཁ་ལྷག |
བྱུང་སོང་གི་རྩིས་ཁ་འཐབ་པའི་ལྷག་མའམ། ནོར་ཟས་བེད་སྤྱད་པའི་ལྷག་མའི་དོན་ཏེ། (དཔེར་ན།) ཚོང་རྩིས་བརྒྱབ་པའི་ཁ་ལྷག འཚོ་བའི་ཆ་རྐྱེན་དུ་བེད་གཅོད་བྱས་པའི་ཁ་ལྷག་ཅེས་པ་ལྟ་བུ། |
| ཁ་ལྷག་འཁྲོལ་འཁྱིལ |
རྩིས་མགོ་གཏུགས་པའི་ལྷག་མའམ། བེད་སྤྱད་པའི་ལྷག་འཕྲོ། |
| ཁ་ཤ |
1.རི་དྭགས་བྱེ་བྲག་ཅིག རི་དྭགས་ཁ་ཤའི་མིང་སྟེ་དབྱིབས་ཤ་བ་དང་འདྲ་ཞིང་དེ་ལས་ཆུང་བ། རྭ་ཤ་བོའི་རྭ་ལྟར་ལོ་རེ་ལ་ཐེངས་རེ་བརྗེ་བ་ཞིག་ཡིན་ཞིང་། ཤ་རྭའི་ཚབ་བྱས་ནས་སྨན་དུ་བཀོལ་ཆོག2.ཀོ་བ་མཉེས་མའི་སྐྱི་དཀར་ལ་ཡང་ཁ་ཤ་ཟེར། |
| ཁ་ཤགས |
ཀྱལ་ཀའི་སྒོ་ནས་ཤགས་འགྱེད་པ་སྟེ། (དཔེར་ན།) ཕྱོགས་གཉིས་ཕན་ཚུན་ཁ་ཤགས་རྒྱུན་མི་འཆད་པར་འགྱེད་པ། གཟུ་དཔང་གི་མདུན་དུ་སུ་བདེན་སུ་རྫུན་གྱི་ཁ་ཤགས་འགྱེད་པ། མི་ཚོ་ཁག་གཉིས་ཀྱིས་གཞས་ཚིག་གིས་ཁ་ཤགས་རྒྱག་པ་ལྟ་བུ། |
| ཁ་ཤའི་རྭ |
སྲོག་ཆགས་སྨན་གྱི་རིགས་ཤིག་རོ་ལན་ཚ། ཞུ་རྗེས་བསིལ། ནུས་པས་གློ་བ་སོགས་བྱང་ཁོག་ཏུ་རྣག་ཁྲག་ཆུ་སེར་རྒྱས་པ་སྐེམ། དུག་ཚད་སེལ། |
| ཁ་ཤས |
(གྲངས་ཚིག) གྲངས་ཀ་ཉུང་ཤས་ཀྱི་དོན་ཏེ། (དཔེར་ན།) མི་ཁ་ཤས་ཉིན་ཁ་ཤས་ཞེས་པ་ལྟ་བུ། |
| ཁ་ཤིང |
1.ལྷམ་གྱི་ཁ་རྒྱོང་བྱེད་ཀྱི་ཤིང༌།2.ཁ་རུ།3.སྒོ་ཐོད་མཛེས་རྒྱན་གྱི་བང་རིམ་ཞིག |
| ཁ་ཤུགས |
གཏམ་བཤད་པའི་ནུས་སྟོབས་ཏེ། (དཔེར་ན།) དཀར་ནག་བདེན་རྫུན་གྱི་དབྱེ་བ་འབྱེད་པ་ལ་ཁ་ཤུགས་ཆེན་པོ་མི་དགོས། |
| ཁ་ཤུབས |
པར་རྐོའི་ཡོ་བྱད་ལུགས་སྣོད། |
| ཁ་ཤུར |
གཟོང་གི་བྱེ་བྲག་གཟོང་ཁ་རྟ་སྒ་འདྲ་བ་ཞིག |
| ཁ་ཤོ |
མཆུ་རལ་བ། |
| ཁ་ཤོབ |
1.རྫུན་ཚིག་གི་དོན་ཏེ། (དཔེར་ན།) ཁ་ཤོབ་བཤད་ནས་གཞན་མགོ་བསྐོར་བ་ལྟ་བུ། 2.འུད་གཏམ་སྟོང་པའི་དོན་ཏེ། (དཔེར་ན།) མི་ཁ་ཤོབ་ཚ་བོ་ཅན་ཞེས་པ་ལྟ་བུ། |
| ཁ་ཤོམ |
འུད་ཤོབ་ཀྱི་སྐད་ཆ་སྟེ། (དཔེར་ན།) ཁ་ཤོམ་བཤད་དེ་གཞན་ཟིལ་གྱིས་གནོན་རྩིས་བྱེད། ཁས་བླངས་ཐེབས་གཅོག་གི་ཁ་ཤོམ་ཆེ་བ་ལྟ་བུ། |
| ཁ་ཤོར་བ |
1.གཏམ་ཁ་ནས་ཤོར་བའི་དོན་ཏེ། (དཔེར་ན།) གང་བྱུང་དུ་ཁ་ཤོར་བ་ལྟ་བུ།2.ཐལ་དྲགས་པའམ་ཚད་ལས་འདས་པའི་དོན་ཏེ། (དཔེར་ན།) མེ་མདའ་ཁ་ཤོར་བ། སྣོད་ཀྱི་ཁ་ཤོར་བ་ལྟ་བུ། |
| ཁ་ཤྭ |
མཆུ་རལ་བའམ་ཤྭ་སྒྲོས། |
| ཁ་ས |
1.དེ་རིང་གི་ཉིན་སྔོན་མ་སྟེ་ཁ་སང་དང་འདྲ། 2.ལེགས་སྦྱར་སྐད་ཀྱི་གསལ་བྱེད་འཁྲུགས་བསྡེབས་ནང་ཁ་ནས་ས་བར་གྱི་བསྡུས་མིང༌། དེའི་ཞིབ་ཆ་ཧ་ས་ལ་ལྟོས། |
| ཁ་ས་ཁ་ཉིན |
ཁ་ས་དང་ཁ་ཉིན་ཏེ། ཁ་སང་དང་འདྲ། |
| ཁ་སང |
ཁ་རྩང་དང་འདྲ། |
| ཁ་སངས |
ཁ་རྩང་དང་འདྲ། |
| ཁ་སརྤ་ཎི |
(ལེགས་སྦྱར།) མཁའ་སྤྱོད་དེ་སྤྱན་རས་གཟིགས་ཀྱི་བྱེ་བྲག་ཅིག |
| ཁ་སུབ |
སྦྲའི་སྟེང་གི་མཐོངས་གཡོག་བྱེད་ཀྱི་རེ་ལྡེ། |
| ཁ་སུར |
ཤིང་ཏོག་ཁ་སུར་ཏེ་རྒྱ་སྐད་དུ་མིས་ཙོ་ཟེར། |
| ཁ་སེང |
ཉེ་སྔོན་ནམ་ཉེ་ཆར་དུས། |
| ཁ་སོ |
1.ཁའི་སོ།2.གྲིའི་ཁའམ་སོ།3.འགྲམ་མམ་ཟུར། |
| ཁ་སོ་ངོ་ལག་ལྟ་བ |
ངོ་དཀར་ནག་དང༌། ལག་པའི་བྱ་སྤྱོད་ལ་ལྟ་བ། ཁ་སོ་ངོ་ལག་ལྟ་བའི་སྒོ་ནས་གཞན་སེམས་ཤེས་པ། |
| ཁ་སོང |
རྟ་ནོར་ལོ་ལོན་པའམ་རྒས་པ། |
| ཁ་སྐད |
1.ཟེར་རྒྱུན།2.ཕལ་སྐད་དང༌། རྩོམ་རིག་གི་སྐད་ཆའི་གཞི་རྩ་ཡིན་པའི་སྐད་ཆ་དཀྱུས་མའི་མིང་། |
| ཁ་སྐོང |
མ་ཚང་བའམ་མ་ལོངས་པ་བསྣན་པའི་ཁག་གི་མིང་སྟེ། (དཔེར་ན།) སློབ་མས་བཤད་པའི་སྐད་ཆའི་ཁ་སྐོང་དུ་དགེ་རྒན་གྱིས་སྐད་ཆ་ཁ་ཤས་བཤད། སློབ་ཁང་གི་དངུལ་ཐེབས་ཀྱི་ཁ་སྐོང་དུ་རྒྱལ་ཁབ་ཀྱིས་སྒོར་མོ་ལྔ་བརྒྱ་བྱིན་ལྟ་བུ། |
| ཁ་སྐོང་གི་ཆོས་བཅུ་གསུམ |
བསྙེན་རྫོགས་ཀྱི་དགེ་འདུན་མངོན་གྱུར་གྱི་ནང་གསེས། ཁ་སྐོང་གི་ཆོས་ལ་ལས་གྲལ་དུ་མི་འདུག་པར་འགྲེང་བ་དང༌། ཡུལ་དེ་ཆད་ལས་སོགས་བྱ་བའི་འོས་སུ་གྱུར་པ་དང༌། ལུས་དངོས་སུ་མ་འདུས་པར་འདུན་པ་སོགས་ཕུལ་བ་དང༌། བསྙེན་པར་མ་རྫོགས་པ་དང༌། སྡོམ་པ་ཉམས་པ་དང༌། མཚམས་མེད་བྱས་པ་དང༌། སྟོན་པའི་བསྟན་པ་ལ་ཡིད་མི་ཆེས་པའི་སྡིག་ལྟ་ཅན་དང༌། སྤོ་མགུ་ལ་སོགས་པ་དམན་པའི་ས་ན་གནས་པ་དང༌། ཆོས་ཕྱོགས་པ་ལས་ལྟ་བ་ཐ་དད་པའི་ཆོས་མིན་ཕྱོགས་པ་དང༌། བསྡམ་བྱ་ཉེས་བྱས་ཡན་ཆད་ཀྱིས་གོས་པའི་འཁྲུལ་བཅས་མ་ཡིན་པ་སྟེ་གཞིའི་སྐབས་ནས་འབྱུང་བ་བཅུ་དང༌། མཚམས་གཞན་དང་མཚན་གཞན་དང༌། དཀོན་མཆོག་གཞན་འཛིན་པ་མ་ཡིན་པ་སྟེ་ཞུ་བའི་སྐབས་ནས་འབྱུང་བ་གསུམ་བཅས་བཅུ་གསུམ་མོ། ། |
| ཁ་སྐོང་སྦྱིན་སྲེག |
ཆོ་ག་ལྷག་ཆད་ཀྱི་ཉམས་པ་སྐོང་བའམ་གསོ་བའི་ཕྱིར་ཡི་དམ་གང་རུང་གི་སྒོས་བླུག་པའི་སྦྱིན་སྲེག་གམ་ཆོ་གའི་ཡན་ལག་ཚང་བར་བླུག་པའི་ལས་སྦྱོར་གྱི་སྦྱིན་སྲེག |
| ཁ་སྐོམ |
ཁའི་ནང་གི་རླན་སྐམ་པའི་གདུང་བ་སྟེ། (དཔེར་ན།) ཁ་སྐོམ་པའི་མི་ལ་ཆུའང་ཞིམ་ལྟ་བུ། |
| ཁ་སྐྱུར |
ལྗང་སྤྲིན་ཏེ། (དཔེར་ན།) ལྷ་འབྲི་བ་ཚོའི་ལོགས་སྐད་ཅིག |
| ཁ་སྐྱུར་བ |
1.ཚོས་ལོག་པ།2.རོ་མྱོང་ཚུལ་ཞིག་སྟེ། (དཔེར་ན།) ཁམ་བུ་ཟོས་རྐྱེན་ཁ་སྐྱུར་ལངས་ལྟ་བུ། |
| ཁ་སྐྱེངས |
(བྱེད་མེད་ལས་ཚིག) ངོ་གནོངས་པའི་དོན་ཏེ། སྐྱེངས་དང་འདྲ། |
| ཁ་སྐྱེད |
ཟླ་སྲང་ཁ་སྐྱེད་ཀྱི་བསྡུས་ཚིག |
| ཁ་སྐྱེལ |
གཞན་དང་མཆུ་སྦྱོར་བའམ། འོ་བྱེད་པ། |
| ཁ་སྐྱོང |
གཞན་ལ་མགོ་ཐོན་ཐབས་ཀྱི་རོགས་ཟླ་བྱེད་པའམ་འཚོ་སྐྱོང་བྱེད་པ། |
| ཁ་སྒོ |
1.སྐད་ཆ་བཤད་པའི་དོན་ཏེ། (དཔེར་ན།) སྐད་གསེང་མཐོ་ཞིང་ཁ་སྒོ་ཡངས་པོའི་ཐོག་ནས་ཚོགས་གཏམ་བཏང་ལྟ་བུ།2 བཞིན་རས་ཀྱི་དོན་ཏེ། (དཔེར་ན།) བྱིས་པ་ཚང་མ་ཁ་སྒོ་མཛེས་པ་ཤ་སྟག་འདུག་ཅེས་པ་ལྟ་བུ། |
| ཁ་སྒྱུར་བ |
2.ཚོས་མདོག་སྒྱུར་བའི་དོན་ཏེ། (དཔེར་ན།) རས་དཀར་པོ་དམར་པོར་ཁ་སྒྱུར་བ། ཁ་སྒྱུར་དངུལ་ཆས་ཞེས་པ་ལྟ་བུ།2.ཁ་ཕྱོགས་སྒྱུར་བའི་དོན་ཏེ། (དཔེར་ན།) ཤར་ཕྱོགས་སུ་ཁ་སྒྱུར་བ་ལྟ་བུ། |
| ཁ་སྒྲོག |
རྐྱལ་པའམ་ཁུག་མ་སོགས་ཀྱི་ཁ་སྡོམ་བྱེད། |
| ཁ་སྒྲོབ |
ཁ་ཤོབ་བམ་འུད་གཏམ་ཏེ། (དཔེར་ན།) གནས་ལུགས་དང་མི་མཐུན་པའི་ཁ་སྒྲོབ་བཤད་པ། |
| ཁ་སྒྲོམ |
འུད་གཏམ། |
| ཁ་སྔ་བ |
སྐད་ཆ་བཤད་སྔ་བ་སྟེ། (དཔེར་ན།) གྲོས་འགོ་འདོན་མཁན་ཁ་སྔ་བ་ཞེས་པ་ལྟ་བུ། |
| ཁ་སྙོམས |
ཁ་མཐོ་དམན་སྙོམས་པོ། |
| ཁ་སྟན |
ཁ་གདན་དང་འདྲ། |
| ཁ་སྟབས |
1.སྟོབས་སམ་ནུས་པའི་མིང་སྟེ། (དཔེར་ན།) ཡོན་ཏན་གྱི་ཁ་སྟབས། ལག་རྩལ་གྱི་ཁ་སྟབས་ཞེས་པ་ལྟ་བུ།2.གདོང་གི་རྣམ་པ་ལ་ཡང་ཁ་སྟབས་ཟེར། |
| ཁ་སྟོང |
1.དོན་ལ་མི་འབབ་པའི་སྐད་ཆ་རྐྱང་པ།2.སྐད་ཆ་མང་པོ་སྟེ། (དཔེར་ན།) མི་སྟོང་ཁ་སྟོང༌ཞེས་པ་ལྟ་བུ། |
| ཁ་སྟོབས |
གཏམ་སྨྲ་བའི་ནུས་པའི་མིང་སྟེ། (དཔེར་ན།) ཐབས་ཇུས་བཟང་ཞིང༌། ཁ་སྟོབས་ཆེ་ཞེས་པ་ལྟ་བུ། |
| ཁ་སྡུད་པ |
1.སྣོད་ཀྱི་ཁ་ཟུམ་པར་བྱེད་པ་སྡེ། (དཔེར་ན།) ཁུག་མ་ཁ་སྡུད་པ་ལྟ་བུ།2.མི་མང་སོགས་ཕྱོགས་གཅིག་ཏུ་འདུ་བར་བྱེད་པ། |
| ཁ་སྡུམ |
ཁོན་སྡུམ་པའམ། མཐུན་པར་བྱེད་པ། |
| ཁ་སྡུར |
ཁ་བཤད་འགྲན་པའམ་ཁ་བརྡར་བྱེད་པ་སྟེ། (དཔེར་ན།) ཐུན་མཚམས་སུ་ཁ་སྡུར་མ་གཏོང་ཞིག་ལྟ་བུ། |
| ཁ་སྡོམ་པ |
1.སྣོད་ཀྱི་ཁ་འཆིང་བ།2.སྐད་ཆ་འགོག་པར་བྱེད་པ། |
| ཁ་སྣོན |
གཞི་རྩའི་སྟེང་དུ་སྣོན་པ་བྱེད་པ་སྟེ། (དཔེར་ན།) ཚད་མ་ལོངས་པ་དེར་ཁ་སྣོན་རྒྱག་པའི་དོན། |
| ཁ་སྤམ |
སྔར་བོད་གཞུང་གི་གུང་དང་བཀའ་བློན། ཡ་སོར་ཁྲི་པའི་མགྲོན་གཉེར་བཅས་ཀྱི་གཟབ་ཞྭ། |
| ཁ་སྤུ |
སྨ་ར། |
| ཁ་སྤོས་པ |
གཞན་དུའམ། གསར་དུ་ཁ་བསྒྱུར་བ་སྟེ། (དཔེར་ན།) སྨན་པ་ཁ་སྤོས་པ། སྡོད་ས་ཁ་སྤོས་པ་ལྟ་བུ། |
| ཁ་སྤོས་རྩིས་སྤྲོད |
ལས་བྱེད་བརྗེ་སྤོས་ཀྱི་འགན་ཁུར་སྤྲོད་ལེན། |
| ཁ་སྤྱིན |
ཁའི་མཆིལ་མས་བརླན་པའམ་ཁ་རླངས་ཀྱིས་དྲོས་བཅུག་སྟེ་ཤོག་བུ་སྦྱོར་བྱེད་ཀྱི་སྤྱིན། |
| ཁ་སྤྲད |
ཁ་འཕྲད་པར་བྱས་པ་སྟེ། (དཔེར་ན།) ཡུན་རིང་བྲལ་བའི་མ་བུ་ཁ་སྤྲད་པ་ལྟ་བུ། |
| ཁ་སྤྲིས |
ཞོ་དང་འོ་མ་སོགས་ཀྱི་ཁར་ཆགས་པའི་སྤྲིས་མ། |
| ཁ་སྤྲོད |
ཐད་ཀ་ཐད་སོར་གནས་པའི་དོན་ཏེ། (དཔེར་ན།) སྒོ་ཆེན་ཁ་སྤྲོད་དུ་ཡོད། གྱོད་ཡའི་ཁ་སྤྲོད་དུ་བསྡད་ལྟ་བུ། |
| ཁ་སྤྲོད་པ |
1.ཕན་ཚུན་ངོ་ཤེས་བྱེད་འཇུག་པ།2.ཁ་དང་ཁ་གཏུགས་པ། |
| ཁ་སྦུག་དོག་པོ |
སྐད་ཆ་ཤོད་མཚེར་ཆེན་པོ། |
| ཁ་སྦུབ |
མདུན་ནམ་ཁ་ས་ངོས་ལ་གཏད་པའི་དོན་ཏེ། (དཔེར་ན།) དཀར་ཡོལ་ཁ་སྦུབ། བྱིས་པ་ཁ་སྦུབ་ཏུ་ཉལ་ལྟ་བུ། |
| ཁ་སྦུབ་པ |
1.སྣོད་སྤྱད་ཁ་ཞབས་སློག་པ།2.ཁ་ས་ལ་བསྟན་པའི་དོན་ཏེ། (དཔེར་ན།) ཉལ་ཁྲིའི་སྟེང་ལ་ཁ་སྦུབ་ཏུ་ཉལ་བ། |
| ཁ་སྦོན |
(བརྡ་རྙིང་།) ཁ་ཏོན། |
| ཁ་སྦྱར |
1.ཁ་དང་ཁ་སྦྱོར་བའམ་འོ་བྱེད་པ།2.སྣོད་སོགས་ཀྱི་ཁ་སྦྱར་བ།3.(མངོན་བརྗོད།) གའུ། |
| ཁ་སྦྱོང་བ |
1.ཟས་ལ་ཁ་གོམས་སུ་འཇུག་པ།2.ཀློག་པ་དང་གཏམ་གྱི་ཁ་རྩལ་སྦྱོང་བ། |
| ཁ་སྦྱོར |
1ཁ་དང་ཁ་སྦྱོར་བའམ། འོ་བྱེད་པ།2.དངོས་པོ་གཉིས་གཅིག་ཏུ་སྦྱོར་བའི་དོན་ཏེ། དཔེར་ན།) ཁ་སྦྱོར་ལྷུ་སྒྲིག་ལྟ་བུ།3.འཁྲིག་པ། |
| ཁ་སྦྱོར་བདུན་ལྡན |
(མངོན་བརྗོད།) རྡོ་རྗེ་འཆང༌སངས་རྒྱས་ལོངས་སྤྱོད་རྫོགས་པའི་སྐུའི་རང་བཞིན་ནི་ཁ་སྦྱོར་ཡན་ལག་བདུན་དང་ལྡན་པ་ལོངས་སྤྱོད་རྫོགས་པའི་ཡན་ལག་དང༌། ཁ་སྦྱོར་གྱི་ཡན་ལག་བདེ་བ་ཆེན་པོའི་ཡན་ལག་རང་བཞིན་མེད་པའི་ཡན་ལག་སྙིང་རྗེས་ཡོངས་སུ་གང་བའི་ཡན་ལག་རྒྱུན་མི་འཆད་པའི་ཡན་ལག་འགོག་པ་མེད་པའི་ཡན་ལག་རྣམས་སོ། ། |
| ཁ་སྦྲང་རྩི་ཁོག་སྣག་ཚ |
ཁ་འཇམ་ཞིང་སེམས་ནག་པའི་དཔེ། |
| ཁ་སྨར་བ |
(བརྡ་རྙིང་།) ཁ་བརྙོགས་པ། |
| ཁ་སྨྲང |
(བརྡ་རྙིང་།) སྐད་ཆ་བཤད་པ། |
| ཁ་སྨྲས |
མི་ཁ་ངན་པའི་དོན་ཏེ། (དཔེར་ན།) བྱ་སྤྱོད་མི་བཟང་ན་ཁ་སྨྲས་གླེང་བརྗོད་ཕོག་ཡོང་ལྟ་བུ། |
| ཁ་སྲ་བོ |
1.གཏམ་མང་པོ་མི་བཤད་པ་སྟེ། (དཔེར་ན།) བློ་སྦུག་དོག་པའི་རྐྱེན་གྱིས་མི་ཁ་སྲ་བོ་ཞིག་ཏུ་གྱུར་སོང་ལྟ་བུ།2.རྟ་དྲེལ་སོགས་ཁ་ལོ་སྒྱུར་དཀའ་བའི་དོན་ཏེ། (དཔེར་ན།) བཞོན་པ་ཁ་སྲ་བོ་དེ་གང་འདོད་ཀྱི་ཕྱོགས་སུ་གཏོང་འཐེན་བྱེད་རྒྱུ་ཁག་པོ་ཡོང༌ལྟ་བུ། |
| ཁ་སྲི |
ཉུང་དུ་གཏོང་བའི་དོན་ཏེ། (དཔེར་ན།) འགྲོ་སོང་གི་གྲངས་འབོར་ཁ་སྲི་བརྒྱབ་ན་སྤྱི་ལ་ཕན་ཐོགས་ཆེ་ལྟ་བུ། |
| ཁ་སླ་བ |
1.གཏམ་གང་བྱུང་བཤད་པ།2.ཟས་གང་བྱུང་ཟ་བ། |
| ཁ་སླེ་ཡོན |
(བརྡ་རྙིང་།) ཁ་ཀྱོག་ཀྱོག |
| ཁ་སློག |
1.ཚུར་ཟུག་པའི་དོན་ཏེ། (དཔེར་ན།) བདག་པོར་ཁ་སློག་རྒྱག་པའི་སྒོ་ཁྱི་ནི། དབྱུག་པས་བསྣུན་ཏེ་རྒྱང་རིང་བསྐྲད་ན་ལེགས།2.(བརྡ་རྙིང་།) གྱེན་ལོག |
| ཁ་སློང |
ཁ་སྣོན། |
| ཁ་སློང་བ |
1.མ་ཚང་བའམ་ཉམས་པའི་ཁ་གསོ་བ།2.སྣོད་ཀྱི་ཁ་གྱེན་དུ་སྟོན་པ། |
| ཁ་སློབ |
ངག་ཐོག་གི་བསླབ་བྱ། |
| ཁ་ཧམ་ཆེ་བ |
ཁ་ཤེད་མཁྲང་བའམ་ཁ་ཤོབ་ཚ་བ། |
| ཁ་ཧུབ་རྒྱག་པ |
ཁས་རྔུབ་པ། |
| ཁ་ཧྲག་པོ |
ཁ་དབང་བཙན་པའི་དོན་ཏེ། (དཔེར་ན།) ཁ་ཧྲག་པོ་བཤད་མཁན་དེའི་ཁ་དབང་དུ་མ་ཤོར་བ་བྱེད་དགོས་ལྟ་བུ། |
| ཁག |
1.སྡེ་ཚན་གྱི་དོན་ལ་འཇུག་སྟེ། (དཔེར་ན།) དགོན་སྡེ་ཁག ཡུལ་ཁག ལུང་པ་ཁག ལས་ཁུངས་ཁག་ལྟ་བུ། 2.འགན་དབང་གི་དོན་ལ་འཇུག་སྟེ། (དཔེར་ན།) ལག་བསྟར་གྱི་ཁག་འཁུར་བ། འཐུས་ཚང་ཡོང་བའི་ཁག་འགན་ལེན་པ་ལྟ་བུ། |
| ཁག་ཁག |
སོ་སོ་བའི་དོན་ཏེ། (དཔེར་ན།) ལས་ཀ་གཅིག་པ་མ་རེད་ཁག་ཁག་རེད། ཤ་རྫ་མ་ལ་བཙོས་ཀྱང་ཤ་ཁུ་ཁག་ཁག་རེད་ལྟ་བུ། |
| ཁག་ཁག་སོ་སོ |
ཕན་ཚུན་འབྲེལ་བ་མེད་པ་སྟེ། (དཔེར་ན།) བཟོ་ཞིང་ཚོང་གསུམ་ཁག་ཁག་སོ་སོ་མིན་པར་ཕན་ཚུན་འབྲེལ་བ་དམ་ཟབ་ཡོད། |
| ཁག་གཅིག |
སྡེ་ཚན་གཅིག་གི་དོན་ཏེ། (དཔེར་ན།) མི་ཁག་གཅིག ལུང་པ་ཁག་གཅིག་གི་སྐད་རིགས་ལྟ་བུ། |
| ཁག་གཡོགས |
རང་སྐྱོན་གཞན་གཡོགས་ཀྱི་དོན་ཏེ། (དཔེར་ན།) རང་གིས་ནོར་བའི་བྱ་བ་གཞན་ལ་ཁག་གཡོགས་བྱེད་མི་རུང་ལྟ་བུ། |
| ཁག་ངན་པ |
ནག་ཉེས་སམ་ལན་རྩའི་དོན་ཏེ། (དཔེར་ན།) ཤ་ཞིམ་པོ་ཨ་ཕོ་སྤྱང་ཀིས་བཟས། ཁག་ངན་པ་ཨ་ལྕེ་ཝ་མོར་བཞག་ལྟ་བུ། |
| ཁག་ངན་སྦིར་སྒྲ |
ཉེས་ཅན་ཡིན་པའི་སྐད་གྲགས་ཆེ་བ་སྟེ། (དཔེར་ན།) གཟུགས་མེད་གྲིབ་བཟོ་བྱས་ནས་ཁག་ངན་སྦིར་སྒྲ་མ་སྒྲོགས་ལྟ་བུ། |
| ཁག་ཐེག |
དམ་བཅས་པའི་དོན་ཏེ། (དཔེར་ན།) ལས་འགན་འགྲུབ་པར་ཁག་ཐེག་བྱེད་ལྟ་བུ། ཡུལ་སྐད་དུ་ཁག་ཁྱག་ཟེར། |
| ཁག་ཐེག་པ |
1.འགན་ལེན་པ་པོ།2.འགན་ལེན་ཐུབ་པའམ། ཕོད་པ། |
| ཁག་དཀྲི |
ཉེས་འགན་གཡོག་པ་སྟེ། (དཔེར་ན།) ཕར་ཚུར་ང་མིན་ཁོ་ཡིན་གྱི་ཁག་དཀྲི་བྱས། གཅིག་གིས་གཅིག་ལ་ཁག་དཀྲི་བཞག་ལྟ་བུ། |
| ཁག་དཀྲི་བསྙོན་འཛུགས |
བྱས་ཉེས་གཞན་ལ་གཡོགས་པ་དང་ཧམ་བཤད་བྱས་པ་སྟེ། (དཔེར་ན།) མི་ལ་ཁག་དཀྲི་བསྙོན་འཛུགས་ཀྱིས་རང་ཉེས་སེལ་ཐབས་བྱེད་མི་རུང་ལྟ་བུ། |
| ཁག་པོ |
(རྒྱན་ཚིག) དཀའ་བའི་དོན་ཏེ། (དཔེར་ན།) ལས་ཀ་ཧ་ཅང་ཁག་པོ་ལས། ལམ་ཁག་པོར་སོང་ལྟ་བུ། |
| ཁག་བགོ |
སྡེ་ཚན་སོ་སོར་བགོ་བ་སྟེ། (དཔེར་ན།) དཔུང་སྡེ་ཁག་བགོས་ཏེ་གཡུལ་ལ་བཏང་། ལས་འགན་རྣམས་སྡེ་ཚན་སོ་སོར་ཁག་བགོས་ཀྱིས་སྤྲད་ལྟ་བུ། |
| ཁག་བཏགས་པ |
1.ཁག་འཕངས་པ་སྟེ། (དཔེར་ན།) ཁམ་བུ་ཟ་འདོད་མེད་པས་སྐྱུར་མོའི་རོ་ལ་ཁག་བཏགས་ཞེས་པ་ལྟ་བུ།2.ཉེས་ཁག་གཡོགས་པའམ་སྙད་བཏགས་པའི་དོན་ཏེ། (དཔེར་ན།) ཁོ་ལ་མ་བྱས་བྱས་ཚུལ་གྱི་ཁག་བཏགས་པ་རེད་ལྟ་བུ། |
| ཁག་མེད |
གཞན་གྱིས་བྱ་སྤྱོད་མི་འོས་པ་བྱས་པ་ལ་བཟོད་སྒོམ་བྱེད་པའི་དོན་ཏེ། (དཔེར་ན།) སྤྱི་དོན་བསྒྲུབས་ནས་ནོར་འཁྲུལ་ཅུང་ཟད་རེ་བྱུང་ཡང་ཁག་མེད། ནོར་འཁྲུལ་རེ་བྱུང་ནའང་ཁག་མེད་བསམ་གྱིན་ཡོད་ལྟ་བུ། |
| ཁག་འཁུར |
འགན་འཁུར་གྱི་དོན་ཏེ། (དཔེར་ན།) ང་རང་གིས་ཁག་འཁུར་ཐུབ་ཀྱི་ཡོད་ལྟ་བུ། |
| ཁག་འཁྱག |
འགན་ལེན་དང་འདྲ། |
| ཁག་འཁྲིས |
འགན་འཁེལ་བ། |
| ཁག་འགན |
1.ལས་ཀའི་ཁུར་འགན།2.ཉེས་སྐྱོན་གྱི་འགན། |
| ཁག་འགེལ |
ཉེས་པ་མ་བྱས་པར་བྱས་ཚུལ་གྱི་ཁག་ངན་གཡོགས་པ། |
| ཁག་འཇོག |
སྐྱོན་འགེལ་བའམ་སྙད་འདོགས་པ་སྟེ། (དཔེར་ན།) རང་ནོངས་ངོས་ལེན་མི་བྱེད་པར་གཞན་ལ་ཁག་འཇོག་ཐབས་བྱས་ལྟ་བུ། |
| ཁག་འཛུད |
ཉེས་སྐྱོན་འཛུགས་པ། |
| ཁག་རུབ |
ཁག་མང་ཕྱོགས་གཅིག་ཏུ་སྒྲིལ་བ་སྟེ། (དཔེར་ན།) མི་མང་ཕྱོགས་གཅིག་ཏུ་ཁག་རུབ་ཀྱིས་གྲོས་སྡུར་བྱེད་པ་ལྟ་བུ། |
| ཁག་སྐུར |
1.མ་བྱས་ཀྱང་བྱས་སོང་ཞེས་པའི་ཉེས་སྐྱོན་འདོགས་པ།2.ལས་ཀའི་འགན་དཀྲི་བ། |
| ཁག་སྦྱོང |
སྡུག་སྦྱོང༌བ་སྟེ། (དཔེར་ན།) ཁག་སྦྱོང་གི་དུས་ཚོད་ཡོལ་ནས་སླར་ལྡང་བའི་གོ་སྐབས་མེད་པར་གྱུར་སོང༌ལྟ་བུ། |
| ཁང་ཁུངས |
ཁང་པའི་འཛིན་བདག་སུ་ཡིན་གྱི་ཁུངས་ཏེ། (དཔེར་ན།) གཞུང་གི་ཁང་ཁུངས། སྒེར་གྱི་ཁང་ཁུངས་ལྟ་བུ། |
| ཁང་ཁོངས |
སུ་ཡང་རུང་བ་ཞིག་ལ་བདག་དབང་ཐོབ་པའི་ཁང་པའི་གྲས་ཏེ། (དཔེར་ན།) གཞུང་ལ་བདག་པའི་ཁང་ཁོངས་ལེ་ལག་ཁོར་ཡུག སྒེར་ལ་དབང་བའི་ཁང་ཁོངས་སྟེང་ཤོད་ཁེ་གཙང༌ལྟ་བུ། |
| ཁང་ཁྱིམ |
ཁང་པའམ་ཁྱིམ། |
| ཁང་ཁྲལ |
སྔར་ཁང་པ་གླས་ནས་སྡོད་མཁན་ཚོས་ཁང་བདག་ལ་ཁང་གླ་སྤྲོད་རྒྱུའི་ཁོངས་སུ་མ་གཏོགས་པའི་ངལ་རྩོལ་གྱི་ཁྲལ་ཞིག་སྟེ། (དཔེར་ན།) སྔར་ཁང་ཁྲལ་རྒྱུག་པ་དང་ཁང་གླ་སྤྲོད་པ་ཁག་ཁག་རེད་ཅེས་པ་ལྟ་བུ། |
| ཁང་གཉེར |
ཁང་པ་བདག་གཉེར་བྱེད་པོ། |
| ཁང་གཞི |
ཁང་པའི་འོག་གཞི། |
| ཁང་གསོལ |
སྡོད་ཁྱིམ་གསར་འཛིན་གྱི་རྟེན་འབྲེལ། |
| ཁང་གླ |
སྡོད་ཁང་གཡར་བའི་གླ་སྟེ། (དཔེར་ན།) ཁང་མིག་སྟོང་པ་གཞན་ལ་ཁང་གླར་གཏོང་བ། ཁང་གླ་སྤྲོད་པ། ཁང་གླ་བསྡུ་བ་ལྟ་བུ། |
| ཁང་ཆེན |
1.ཁང་པ་ཆེན་པོའི་བསྡུས་མིང་། 2.གཙུག་ལག་ཁང༌ལ་ཡང་ཁང་ཆེན་ཟེར་སྲོལ་ཡོད་པར་བཤད། |
| ཁང་ཆེན་གྱི་ལྷག་མ |
དགེ་འདུན་ལྷག་མ་བཅུ་གསུམ་ལས། ཡོ་བྱད་ལ་ཆགས་པ་ལས་གྱུར་པའི་ལྷག་མ་གཉིས་ཀྱི་ཡ་གྱལ། གཞི་དང་དངོས་པོ་མ་དག་པས་དགེ་སློང་བཞི་ཡན་ཆད་ཀྱི་དོན་དུ་ཁང་པ་ཆེན་པོ་བརྩིགས་པའོ། ། |
| ཁང་ཆེན་བསོད་ནམས་རྒྱལ་པོ |
མཚན་གཞན་དཱ་ཆིང་པ་ཐུར་ཡང་ཟེར། གཙང་རྣམ་གླིང་རྫོང་གི་མི་ཡིན་ཞིང༌། ལྷ་བཟང་ཧཱན་གྱིས་བོད་ལ་དབང་སྒྱུར་བའི་དུས་སུ་མངའ་རིས་སྤྱི་ཁྱབ་མཛད། ཕོ་ལྷ་ལགས་དང་ལྷན་ཅིག་ཏུ་ཇུན་གར་གྱི་དམག་སྡེ་འགོག་ཐབས་བྱས་པས་མཉྫུ་གོང་མས་ཁོང་ལ་པེ་ཙེས་ཞེས་པའི་གོ་གནས་གནང༌། རབ་བྱུང་བཅུ་གཉིས་པའི་ལྕགས་གླང་ལོར་མཉྫུ་གོང་མའི་བཀའ་ལྟར་བོད་ཀྱི་དབུ་བཞུགས་བཀའ་བློན་མཛད། རབ་བྱུང་བཅུ་གཉིས་པའི་མེ་ལུག་ལོང་ང་ལུམ་སྦྱར་གསུམ་སོགས་ཀྱིས་ཁོང་བཀྲོངས། ། |
| ཁང་ཐོག |
1.ཁང་པའི་སྟེང་ངམ་རྩེ་ཐོག2.ཁང་པའི་ཐོག་འགེབས་སམ་ཐོག་ཁེབས། མིང་གི་རྣམ་གྲངས་ལ་ཆུ་སྐྱོབ་དང༌། ཡ་ཕུབ། ཡང་ཐོག་བཅས་སོ། ། |
| ཁང་ཐོག་ཆུ་འགྲོ |
ཁང་སྟེང་གི་ཆུ་འགྲོའི་ཝ་ཁ། |
| ཁང་ཐོག་དར་ལྕོག |
ཁང་པའི་ཐོག་ཏུ་བཙུགས་པའི་དར་ལྕོག་ལྡ་ལྡི་དང་བཅས་པ། |
| ཁང་ཐོག་པུ་ཤུ |
ཁང་པའི་ཉ་རྒྱབ། |
| ཁང་དམར |
རྫོང་ཞིག་གི་མིང་། བོད་ལྷོ་རྒྱུད་རྒྱལ་རྩེ་དང་གྲོ་མོའི་བར་དུ་ཡོད། རྫོང་འདིའི་ལྷོ་ངོས་འབྲུག་ཡུལ་དང་ས་འབྲེལ་ཡིན། |
| ཁང་པ་ལྕམ་གང་མ |
ཞེང་དུ་ལྕམ་གང་ལས་མེད་པའི་ཁང་མིག |
| ཁང་པའི་ལྷག་མ |
དགེ་འདུན་ལྷག་མ་བཅུ་གསུམ་ལས། ཡོ་བྱད་ལ་ཆགས་པ་ལས་གྱུར་པ་གཉིས་ཀྱི་ཡ་གྱལ། གཞི་སྲོག་ཆགས་མང་ཞིང་རྩོད་པ་ཅན་འཇིག་རྐྱེན་ཡོད་པས་མི་རུང་བ་གསུམ་དང་ལྡན་པའི་སར་རང་དོན་དུ་དགེ་འདུན་ལས་གནང་བ་མ་ཐོབ་བཞིན་སྲིད་དུ་ཁྲུ་བཅོ་བརྒྱད་དང༌། ཞེང་དུ་ཁྲུ་ཕྱེད་དང་བཅུ་གཅིག་གི་ཚད་ལས་ལྷག་པའི་ཁང་པ་བརྩིགས་པའོ། ། |
| ཁང་བ |
མིའི་འདུག་གནས་སམ་དངོས་རྫས་འཇོག་སའི་རྩིག་དངོས་ཀྱི་མིང། ཚིག་བསྡུས་ན་ཁང་ཞེས་འབྲི་སྟེ། (དཔེར་ན།) ཤིང་ཁང་མཛོད་ཁང་ཞེས་པ་ལྟ་བུ། མིང་གི་རྣམ་གྲངས་ལ་ཁང་ཁྱིམ་དང༌། ཁབ། ཁྱིམ། འཇུག་བྱའི་གནས། རྟེན་གནས། རྟེན་གཞི། འདུག་གནས། འདུག་ས། གནས་ཁང༌། གནས་གཞི། ཕིབས་འོག་བླ་གབ་ཅན་བཅས་སོ། ། འདི་ལ་ཁང་པ་ཞེས་བྲིས་ཀྱང་རུང་། |
| ཁང་བདག |
ཁང་བའི་བདག་པོ་སྟེ། (དཔེར་ན།) ཁང་བདག་གི་ཐོག་ཁར་མོ་བྲན་གྱི་རྡིག་སྒྲ་གྲག་ལྟ་བུ། |
| ཁང་བཟང |
1.ཁང་པ་བཀོད་ལེགས་སམ་ཁང་པ་ཡག་པོ། 2.གཞལ་ཡས་ཁང༌། |
| ཁང་བུ |
ཁང་པ་ཆུང་ཆུང༌། |
| ཁང་བྱིའུ |
ཁང་ཁྱིམ་དུ་གནས་པའི་བྱིའུ་མཆིལ་པ། |
| ཁང་བྱེའུ |
ཁང་བྱིའུ་དང་འདྲ། |
| ཁང་བྱེལ |
ཁང་བྱིའུ་དང་འདྲ། |
| ཁང་མཚེས |
གྲོང་པ་ཁྱིམ་མཚེས། |
| ཁང་མིག |
བཅད་བརྒྱབ་པའི་ཁང་ཆུང༌གི་མིང་སྟེ། (དཔེར་ན།) ཁང་པ་འདིའི་ནང་ཁང་མིག་ག་ཚོད་འདུག་ཅེས་པ་ལྟ་བུ། |
| ཁང་མོ་ཆེ |
ཁང་པ་ཆེན་པོ། |
| ཁང་ཚན |
ཁམས་ཚན་དང་འདྲ། |
| ཁང་ཞིང |
ཁང་པ་དང་ཞིང་གའི་བསྡུས་མིང་། |
| ཁང་འཛིན |
ཁང་གླ་སྤྲད་འཛིན། |
| ཁང་རུལ |
ཁང་པ་གོག་པོ། |
| ཁང་རོ |
གནས་ཁང་ཞིག་རོ། |
| ཁང་རོ་ཚྭ་ཁ |
བོད་དབུས་ཀྱི་ཤན་རྩ་རྫོང་ཁོངས་སུ་ཡོད། |
| ཁང་རྨང |
ཁང་པའི་གཞི་རྩའམ་རྩིག་པའི་རྨང༌རྡོ་སྟེ། (དཔེར་ན།) ཁང་རྨང་གཏིང་རིང་པོ་བཏིང་ན་བརྟན་པོ་ཡོང༌། |
| ཁང་རྩ |
1.ཁང་པའི་རྨང་གཞིའམ་རྩིག་རྨང༌།2.ཁང་པའི་འཁྲིས་སམ་འགྲམ་སྟེ། (དཔེར་ན།) ཁང་པར་མེ་སྐྱོན་ཤོར་ན། ཁང་རྩའི་རྫིང་ཆུ་སྐམ་ཡོང༌ལྟ་བུ། |
| ཁང་རྩིག |
ཁང་པའི་རྩིག་པ། |
| ཁང་རྩེག |
ཉིས་རིམ་ཡན་ཆད་ཡོད་པའི་ཁང་བའི་མིང་། |
| ཁང་ཤུལ་སྟོང་པ |
ཁང་ཁྱིམ་འཐོར་ཤུལ་གྱི་ས་སྟོང༌། |
| ཁང་སྒྲོམ |
ཁང་པའི་ཕྱིའི་སྒྲོམ། |
| ཁང་སྟོང་རྐུན་མ |
དོན་མེད་རྣམ་རྟོག་གི་དཔེ་སྟེ། (དཔེར་ན།) རྣམ་རྟོག་དགྲ་རུ་ལངས་ན། ཁང་སྟོང་རྐུན་མས་ཁེངས་ཞེས་པ་ལྟ་བུ། |
| ཁང་སྤྱིལ |
ཁང་ཆུང༌། |
| ཁང་སྲུང་བ |
ཁང་པ་སྲུང་མཁན། |
| ཁངས |
ཡུལ་སྐད་དུ་ཁ་བའི་མིང་། |
| ཁཎྜ |
(ལེགས་སྦྱར།) དུམ་བུ་སྨན་གང་ཞིག་ཆུར་བསྐོལ་ནས་ཁུ་བ་གདུས་པའི་དྭངས་མ་གར་པོར་གྱུར་པ་ལ་ཟེར། |
| ཁད |
(གྲོགས་ཚིག) ལས་ཚིག་ད་ལྟ་བའི་མཐར་སྦྱར་ན་དོན་ཞིག་འབྱུང་བའམ་བྱ་བ་ཞིག་བྱེད་པ་ལ་བར་ཐག་ཧ་ཅང་ཉེ་བའི་དོན་ཏེ། (དཔེར་ན།) འགྲོ་ལ་ཁད། ཉི་མ་འཆར་ལ་ཁད། སྐད་ཆ་བཤད་ལ་ཁད། རྟ་ཐོག་ནས་ལྷུང་ལ་ཁད་བྱས་ལྟ་བུ། |
| ཁད་ཀྱིས |
(བསྣན་ཚིག) ལས་ཚིག་གི་མགོར་སྦྱར་ན་རིམ་གྱིས་དང་དལ་གྱིས་ཞེས་པའི་དོན་ཏེ། (དཔེར་ན།) ཁད་ཀྱིས་སོང་ནས་ལྷ་སར་འབྱོར། ཞིང་ནང་དུ་ཆུས་ཁད་ཀྱིས་བཀང་། ཟས་ཁད་ཀྱིས་ཟོས་ལྟ་བུ། |
| ཁད་མཉམ |
མཐོ་དམའ་ཆ་མཉམ་པ། |
| ཁད་འགྱངས་ཁ་ཐོར |
ཕན་ཚུན་བར་ཐག་འགྱངས་ཤིང་ཁ་ཚང་མཉམ་རུབ་ཏུ་མེད་པ། |
| ཁད་ཡངས་པ |
མཐོང་རྒྱ་ཆེ་བའམ་གུ་དོག་པོ་མིན་པ་སྟེ། (དཔེར་ན།) ས་ཆ་མཐོ་ལ་ཁད་ཡངས་པར་ཕྱིན་ནས་རྒྱང་རིང་དུ་བལྟས་ན་སེམས་པ་སྤྲོ་ལྟ་བུ། |
| ཁད་རྒྱང |
ས་ཁད་རྒྱང་བ་སྟེ་ཕན་ཚུན་ཆོད་བར་ཐག་གི་མིང་། |
| ཁད་སྙོམས་པོ |
མཐོ་དམའ་ཆ་མཉམ་པའི་དོན་ཏེ། (དཔེར་ན།) ཞིང་ཁ་རྨོ་ལོག་བརྒྱབ་ནས་ཁད་སྙོམས་པོར་བཟོ་བ། |
| ཁན |
ཁ་སྣོན་བྱས་པའི་ཁག་གི་མིང་སྟེ། (དཔེར་ན།) རྟ་རྐང་ལ་བོང་བུ་བྱིན་ཏེ་ཁན་ལ་སྒོར་ཉི་ཤུ་སྤྲད་ལྟ་བུ། |
| ཁན་ཁོན |
(རྒྱན་ཚིག) ཁན་ནེ་ཁོན་ནེའི་བསྡུས་ཚིག |
| ཁན་ད |
སྨན་གྱི་ཁུ་བ་གདུས་ནས་སྤྱིན་ལྟར་དཀག་པའི་མིང་། ཁན་ཊ་ཞེས་པའི་འབྲི་ཚུལ་གཞན་ཞིག་ཡིན་ཏེ། (དཔེར་ན།) སྐྱེར་བའི་ཁན་ད། སེང་ལྡེང་གི་ཁན་ད་ཞེས་པ་ལྟ་བུ། |
| ཁན་ནེ་ཁོན་ནེ |
(རྒྱན་ཚིག) ཁོན་འགྲས་ཀྱི་སེམས་འཆང་ཚུལ་ཏེ། (དཔེར་ན།) ཕན་ཚུན་ཁན་ནེ་ཁོན་ནེ་མི་མཐུན་འཐབ་རྩོད་རྒྱུ་ལྟ་བུ། |
| ཁན་པ |
1.གུན་གསབ་ཀྱི་བསྣན་བྱའམ་འཐོལ་བར་སྤྲད་པའི་དངོས་པོ་སྟེ། (དཔེར་ན།) དངོས་པོ་ལེགས་ཉེས་བརྗེ་སྐབས་ཁན་པ་སྤྲོད་ལེན་བྱེད། རྟ་ཚོང་བརྒྱབ་ནས་ཁན་སློག་ལྟ་བུ། 2.སྣོན་རྩིས་ཀྱི་དོན་ལའང་འཇུག་པར་བཤད། |
| ཁན་འདེ |
(བརྡ་རྙིང་།) ཁག་པོའམ་དཀའ་ལས། |
| ཁབ |
1.འཚེམ་རྒྱག་བྱེད་ཀྱི་ཡོད་བྱད་དེ། (དཔེར་ན།) ལྕགས་ཁབ་ཟངས་ཁབ་ཅེས་པ་ལྟ་བུ། 2.མིང་ལ་ལའི་མཐར་སྦྱར་ན་དེ་གནས་སའམ་དབང་བསྒྱུར་སའི་གོང་བུ་གཅིག་ལ་གོ་སྟེ། (དཔེར་ན།) རྒྱལ་པོའི་ཁབ། བཙུན་མོ་ཁབ་ན་ཡོད་ཀྱང་སྲས་གཅིག་ཀྱང་མེད།3.བག་མའམ་ཆུང་མ་དོན་ཏེ། (དཔེར་ན།) བུའི་ཁབ་ཏུ་འོས་པའི་ཆུང་མ། བུ་མོ་དེ་ཁབ་ཏུ་བླངས་ལྟ་བུ། |
| ཁབ་ཁ |
ཁབ་ཀྱི་རྩེ་མོ། |
| ཁབ་ཁོབ |
(རྒྱན་ཚིག) ཁབ་བེ་ཁོབ་བེའི་བསྡུས་ཚིག |
| ཁབ་གཞུག་སྐུད་པས་བསུབ་དགོས |
1.འགྲོ་སྒོ་བཏང་བའི་ཤུལ་ཡོང་སྒོས་དགང་དགོས་པའི་དཔེ།2.ཁ་ནས་བཤད་པའི་ཚིག་བྱ་སྤྱོད་ཐོག་ཏུ་དོན་ཐོག་ལ་འབབ་དགོས་པའི་དཔེ། |
| ཁབ་གོང་གཟེར |
བོར་ཟགས་མེད་པའི་དཔེ། |
| ཁབ་ཆུན་མ |
མནའ་མ་གཞོན་པ། |
| ཁབ་ཆེན་མ |
མནའ་མ་རྒན་པ། |
| ཁབ་བཙའ |
གསེར་ཁབ་དང་མེ་བཙའ། |
| ཁབ་བཙུན་མ |
ཁྱིམ་བདག་མོའམ། བཙུན་མོ། |
| ཁབ་བཙུན་མོ |
ཁབ་བཙུན་མ་དང་འདྲ། |
| ཁབ་བེ་ཁོབ་བེ |
(རྒྱན་ཚིག) ལུས་ལས་སུ་མི་རུང་བའམ་ལས་ཇི་བཞིན་དུ་བྱེད་མི་ཐུབ་པའི་ཚུལ་ཏེ། (དཔེར་ན།) ན་ནས་ཉལ་མལ་ནང་དུ་ཁབ་བེ་ཁོབ་བེར་ལུས། ལུས་པོ་ཁབ་ཁོབ་ཏུ་གྱུར་ལྟ་བུ། |
| ཁབ་མགོ |
མགོ་བོའི་རུས་པ་ཆག་གམ་མ་ཆག་བརྟག་བྱེད་ཀྱི་ཡོ་བྱད་ཅིག |
| ཁབ་མིག |
ཁབ་མགོའི་བུ་གའི་མིང་སྟེ། དེའི་ནང་སྐུད་པ་དྲངས་ནས་ཚེམས་པོ་རྒྱག་དགོས། |
| ཁབ་འཛིན་མོ |
བག་མའམ། ཁྱིམ་བདག་མོ། |
| ཁབ་འཛུགས་སྙུང་འཛུགས |
རང་གི་འདོད་པ་གཞན་ལ་འགེལ་གང་ཐུབ་བྱེད་པའི་དཔེ། |
| ཁབ་རལ |
འཚེམ་བྱེད་ཁབ་ཀྱི་སྣོད་དམ་ཁབ་ཤུབས། |
| ཁབ་རལ་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྱིམ་པ་ཉེ་དུ་མ་ཡིན་པ་ལ་སྤུས་ནོམ་ཡོད་པ་བ་སོ་ལ་སོགས་པའི་ཁབ་རལ་འཆོས་སུ་བཅུག་སྟེ་ལེན་པའོ། ། |
| ཁབ་རྩེ |
ཁབ་ཀྱི་རྣོ་བཏོད་པའི་ཕྱོགས་ངོས་ཀྱི་མིང་། |
| ཁབ་ལེན |
རྡོ་སྨན་རིགས་ཤིག་རོ་ཁ། ཞུ་རྗེས་ཅུང་བསིལ། ནུས་པས་མདེའུ་འབྱིན། ལྕགས་གཡའ་འགོག རུས་ཆག་གསོ། ཀླད་པའི་ནད་དང་རྩ་ནད་སེལ། མིང་གི་རྣམ་གྲངས་ལ་སྐུད་འདྲེན་ལེན་པོའོ། ། འདི་ལ་ཁབ་ལེན་རྡོའམ་རྡོ་ཁབ་ལེན་ཡང་ཟེར། |
| ཁབ་ཤུབས |
འཚེམ་བྱེད་ཁབ་ཀྱི་སྣོད། |
| ཁབ་སོ |
རྒྱལ་པོའི་མཛོད་ཁང༌། |
| ཁབ་སོ་ནང་པའི་ཁྲིམས |
སྲོང་བཙན་སྒམ་པོས་བོད་དུ་ལག་བསྟར་བྱས་པའི་ཁྲིམས་ཡིག་དྲུག་པ་སྟེ་བདེན་རྫུན་དབྱེ་འབྱེད་སྐབས་གཉིས་ཀ་བདེན་ན་གཉིས་ཀ་བདེན་དང་དགའ་གསུམ་དུ་གཅོད་པ། |
| ཁབ་སྙུང་གང་འགྲོ |
འགྲོ་ཚོད་དམ་གཡོ་ཐབས་གང་ཐུབ་ཅི་ཐུབ་བྱེད་པའི་དཔེ། |
| ཁབ་སྣོད |
འཚེམ་སྤྱད་ཁབ་བླུག་སྣོད། |
| ཁབ་སྤང་བ |
ཁྱིམ་སྤང་བ། |
| ཁབ་སྲུབ |
ཚེམ་སྲུབ། |
| ཁབས |
གདོང་སོགས་ལ་ཆགས་པའི་གྲོ་ཐིག |
| ཁམ |
1.སོ་བརྒྱད་པའི་ཚད་གཅིག་གི་མིང་སྟེ། (དཔེར་ན།) ཁམ་བུ་ཁམ་གང་ཟོས་པ་ལྟ་བུ།2.(རྒྱ་སྐད།) སྤར་ཁ་བརྒྱད་ཀྱི་ལྔ་པ། |
| ཁམ |
1.ཟས་ཁར་ཤོང་བའི་ཚད་ཀྱི་དོན་ཏེ། (དཔེར་ན།) ཟས་ཁམ་གང་ཡོད་ན་མཉམ་ཟ། གོས་ཁ་གང་ཡོད་ན་མཉམ་གོན་ཞེས་པ་ལྟ་བུ། 2.ཁམ་བུ་ཞེས་པའི་མིང་མཐའ་བསྡུས་པ། 3.ཁམ་པ་ཞེས་པའི་མིང་མཐའ་བསྡུས་པ། |
| ཁམ་ཁུམ |
ཁམ་མི་ཁུམ་མིའི་བསྡུས་ཚིག |
| ཁམ་ཁུམ་གྱི་གཉེར་མ |
འཁུམས་པའི་གཉེར་མ། |
| ཁམ་གྱི་ཟས |
ཁམ་ཟས་དང་དོན་གཅིག |
| ཁམ་ཆུ |
སྤར་ཁ་བརྒྱད་ཀྱི་ཡ་གྱལ་ཞིག |
| ཁམ་ཆུང |
སངས་རྒྱས་ཀྱི་གསུང་ཡུམ་འབྲིང་པོ་ཉི་ཁྲི་ལྔ་སྟོང་བོན་གྱི་ཐ་སྙད་དུ་བསྒྱུར་བ། |
| ཁམ་ཆེན |
སངས་རྒྱས་ཀྱི་གསུང་ཡུམ་རྒྱས་པ་བོན་ལུགས་སུ་བསྒྱུར་བ། |
| ཁམ་དཀར |
ཕྱུགས་ཀྱི་སྤུ་མདོག་སེར་ནག་ལས་དཀར་ཤས་ཆེ་བ་སྟེ། (དཔེར་ན།) མཛོ་མོ་ཁམ་དཀར་མ་ཞེས་པ་ལྟ་བུ། |
| ཁམ་དམར |
ཁ་དོག་གི་བྱེ་བྲག་ཅིག་སྟེ། (དཔེར་ན།) མདོག་སེར་ནག་ལས་དམར་ཤས་ཆེ་བ། |
| ཁམ་ནག |
ཁ་དོག་གི་བྱེ་བྲག་ཅིག་མདོག་སེར་ནག་ལས་ནག་པོ་ཤས་ཆེ་བ་ཞིག |
| ཁམ་པ |
སེར་པོ་དང་ནག་པོ་འདྲེས་པའི་ཁ་དོག་གི་མིང་སྟེ། (དཔེར་ན།) གཡག་ཁམ་པ་ཞེས་པ་ལྟ་བུ། མིང་བསྡུས་ན་ཁམ་ཞེས་འབྲི་ཆོག་ རྟ་ཁམ་སེར། རས་ཁམ་ནག རྟ་ཁམ་ཁམ་ཞེས་པ་ལྟ་བུ། |
| ཁམ་ཕོར |
རྫ་ཕོར། |
| ཁམ་བུ |
1.ཤིང་འབྲས་དང་ཤིང་སྨན་གྱི་རིགས་ཤིག་སྟེ། རོ་མངར་ལ་སྐྱུར། ནུས་པ་སྙོམས། ཚི་གུའི་སྣུམ་གྱིས་སྐྲ་དང༌། སྨ་ར་སྨིན་མ་བཅས་སྐྱེ། བསྲེགས་ཐལ་གྱིས་རྨ་གསོ་བ་སོགས་བྱེད།2.ཟ་བའི་ཁམ་ཚད། |
| ཁམ་བུ་མ་ཆུ |
བོད་ཀྱི་ལྷོ་རྒྱུད་ན་ཡོད་པའི་འབབ་ཆུ་ཞིག དེའི་ཆུ་འགོ་བློན་པོ་རྒྱལ་གདོང་ནས་བྱུང་ཞིང༌། གྲོ་མོ་བརྒྱུད་ནས་འབྲུག་ཡུལ་དུ་འབབ། |
| ཁམ་བུ་རག་ཤ |
སིལ་ཏོག་ཁམ་བུ་དང་ཧ་ལམ་མཚུངས་ཤིང་། ཤིང་ཏོག་གི་ཐོག་ཏུ་སྤུས་ཁྱབ་ཡོད། སྨིན་ཚེ་ཟ་ཆོག་ལ་ཚིག་གུའི་ནང་སྙིང་སྨན་བྱེད་ཆོག ཁམ་བུ་རག་ཤའི་ཤིང་སྡོང་ལོ་མ་ལྷུང་བའི་ཤིང་སྡོང་ཞིག་ཡིན་ཞིང་། ལོ་མ་སྣ་རིང་ལ་ཞེང་དོག་པ་ཡིན། མེ་ཏོག་དམར་སྐྱ་ཡིན། མིང་བསྡུས་ན་ཁམ་ཞེས་འབྲི་ཆོག་སྟེ། (དཔེར་ན།) ཁམ་བུའི་སྡོང་པོ་ལ་ཁམ་སྡོང་ཟེར་བ་ལྟ་བུ། |
| ཁམ་བུ་རྡོ་ལེན |
ཁམས་ཕྱོགས་ཀྱི་བྱིས་པའི་རྩེད་མོ་ཞིག་སྟེ། འཁྱིལ་ཆུའི་ནང་དུ་རྡོ་ལེབ་ཀྱི་སྟེང་དུ་རྡོ་རིལ་ཆུང་ངུ་ཞིག་བཞག་ནས་མིག་བཙུམས་ཏེ་མགོ་ཆུ་ནང་དུ་བཅུག་ནས་རྡོ་རིལ་དེ་ཁ་ཡིས་སྒྲུག་པ། |
| ཁམ་མདོག |
ཁ་དོག་གི་བྱེ་བྲག་ཅིག |
| ཁམ་མི་ཁུམ་མི |
(རྒྱན་ཚིག) 1.སུལ་མང་བའི་རྣམ་པ་ཞིག་སྟེ། (དཔེར་ན།) ཁམ་ཁུམ་སུལ་མང་རས་གོས་གྱོན་མི་བདེ་ལྟ་བུ། 2.གཉེར་མའི་དོན་ཏེ། (དཔེར་ན།) རྒད་པོའི་ལུས་ལ་ཁམ་ཁུམ་གཉེར་མ་མང༌ལྟ་བུ། |
| ཁམ་ཚད |
ཟས་ཁ་གང་གི་ཚོད། |
| ཁམ་ཚིག |
ཁམ་བུའི་ཚི་གུའམ་ནང་རུས་སམ་ནང་སྙིང༌། |
| ཁམ་ཚིག་གི་ནང་སྙིང |
ཁམ་ཚིག་ནང་དུ་ཡོད་པའི་སོན་དཀར་པོ། |
| ཁམ་ཚོད |
ཁམ་ཚད་དང་འདྲ། |
| ཁམ་ཟས |
འདོད་པའི་ཁམས་ཁོ་ན་ལ་ཡོད་པ་སྣ་ལྕེ་ལུས་གསུམ་གྱིས་ཁམ་དུ་བཅད་ཅིང་མིད་ནས་ཟ་བའི་དྲི་རོ་རེག་བྱ་གསུམ་གྱི་བདག་ཉིད་ཅན། |
| ཁམ་ཟས་གསུམ |
དྲི་རོ་རེག་བྱའི་སྐྱེ་མཆེད་གསུམ་གྱི་བདག་ཉིད་ཅན་གྱི་ཟས། |
| ཁམ་འཕྲོ |
ཁར་ཟོས་པའི་ཟས་རྡོག་ལྷག་མ། |
| ཁམ་རན་པ |
ཟས་ཀྱི་ཁམ་ཚད་ཆེ་ཆུང་རན་པ། |
| ཁམ་ས |
ས་མདོག་དམར་སྨུག་ཚི་ཅན་ཞིག |
| ཁམ་སེར |
ཁ་དོག་གི་བྱེ་བྲག་ཅིག་སྟེ། (དཔེར་ན།) དམར་ནག་ལས་སེར་ཤས་ཆེ་བ་ཞིག |
| ཁམ་སྟར |
ཤིང་འབྲས་ཁམ་བུ་དང་སྟར་གའི་བསྡུས་ཚིག |
| ཁམ་སྡོང |
ཁམ་བུའི་ཤིང་སྡོང༌། |
| ཁམ་སྨུག |
ཁ་དོག་གི་བྱེ་བྲག་ཅིག་མདོག་སེར་ནག |
| ཁམ་སྨྱུག་རི་མོ |
ཁམ་བུ་དང་སྨྱུག་མའི་རི་མོའི་བསྡུས་མིང༌། |
| ཁམས |
1.མིའི་ལུས་སེམས་དབང་པོ་རྣམས་ཀྱི་ནུས་སྟོབས་ཀྱི་མིང་སྟེ། (དཔེར་ན།) ཁམས་ཧ་ཅང་དྭངས། ཁམས་དྭངས་ནས་བྱ་བ་བསྒྲུབས་ན་ནུས་པ་ཆེ། ཁམས་བདེ། ལུས་ཁམས་བདེ་ཞེས་པ་ལྟ་བུ།2.སྲོག་ཆགས་ཀྱི་ལུས་ནས་བྱུང་བའི་རིགས་རྒྱུད་སྤེལ་བའི་ས་བོན་ནམ་དེ་དང་འདྲེས་པའི་གཤེར་ཁུའི་མིང་སྟེ། (དཔེར་ན།) ཁམས་དཀར་དམར་ཞེས་པ་ལྟ་བུ། 3.རྫ་མ་དང་དཀར་ཡོལ་བཟོ་སྐྲུན་གྱི་རྒྱུ་བྱེད་ཆོག་པའི་སའི་མིང་སྟེ། (དཔེར་ན།) རྫ་ཁམས་ཞེས་པ་ལྟ་བུ། ཡོངས་གྲགས་ལ་རྫ་འདམ་ཟེར། 4.ས་གཞི་ཆེན་པོ་དང་གླིང་དང་གླིང་ཕྲན་སོགས་ཀྱི་མིང་སྟེ། (དཔེར་ན།) རྒྱལ་ཁམས། འཇིག་རྟེན་ཀྱི་ཁམས་ཞེས་པ་ལྟ་བུ། 5.རང་གཤིས་སམ་ངོ་བོའི་མིང་སྟེ། (དཔེར་ན།) སའི་ཁམས། རླུང་གི་ཁམས་ཞེས་པ་ལྟ་བུ། 6. མདོ་དབུས་ཁམས་གསུམ་གྱི་ནང་ཚན་ཁམས་ཕྱོགས་ལ་ཡང་ཁམས་ཞེས་འབྲི། |
| ཁམས་ཀྱི་བསྐལ་དོན |
འཇིག་རྟེན་གྱི་ཁམས་ལ་འདོད་ཁམས་དང༌། གཟུགས་ཁམས། གཟུགས་མེད་ཁམས་བཅས་གསུམ་དུ་དབྱེ་བས། གཟུགས་མེད་ཁམས་ལ་ལྟོས་ཏེ། གཟུགས་ཁམས་དང་འདོད་ཁམས་གཉིས་ལ་ཁམས་འོག་མ་ཟེར་བ་ལྟ་བུར་མཚོན་ན་འདོད་ཁམས་པས་གཟུགས་ཁམས་པའི་དོན་མི་ཤེས་པ་ལྟ་བུའོ། ། |
| ཁམས་ཀྱི་རྒྱལ་པོ |
མཐའ་མཚམས་ཀྱི་རྒྱལ་ཕྲན། |
| ཁམས་ཀྱི་སྙན་འགྲེལ་ཆེན་མོ |
སྙན་ངག་མེ་ལོང་གི་འགྲེལ་པ་དབྱངས་ཅན་ངག་གི་རོལ་མཚོ་ལེགས་བཤད་ནོར་བུའི་འབྱུང་ཁུངས་ཞེས་བྱ་བ། རབ་བྱུང་བཅུ་གསུམ་པའི་ལྕགས་སྟག་ལོར་ཁམས་སྤྲུལ་བསྟན་འཛིན་ཆོས་ཀྱི་ཉི་མས་མཛད་པའོ། ། |
| ཁམས་གསུམ |
འདོད་ཁམས། གཟུགས་ཁམས། གཟུགས་མེད་ཁམས་ཏེ་གསུམ། |
| ཁམས་གསུམ་དབང་འདུས་སྤྱན་རས་གཟིགས |
སྤྱན་རས་གཟིགས་ཀྱི་བྱེ་བྲག་ཅིག |
| ཁམས་གསུམ་ན་སྤྱོད་པ |
ཁམས་གསུམ་ན་གནས་པའི་སེམས་ཅན། |
| ཁམས་གསུམ་པ |
1.གཟུགས་མེད་ཀྱི་ཁམས།2.ལྷ་དབང་ཕྱུག་ཆེན་མོའི་བུ་རྒན་པ་ཚོགས་བདག |
| ཁམས་གསུམ་འཁོར་ལོས་སྒྱུར་བ |
(མངོན་བརྗོད།) དུས་འཁོར། |
| ཁམས་གསུམ་རྣམ་རྒྱལ |
(མངོན་བརྗོད།) སྒྲ་གཅན། |
| ཁམས་གསུམ་ས་དགུ |
འདོད་ཁམས་དང༌། བསམ་གཏན་བཞི། གཟུགས་མེད་བཞི་རྣམས་སོ། ། |
| ཁམས་གསེང |
སྐྱོ་དུབ་བསང་བའམ་གསེང་བར་བྱེད་པ། |
| ཁམས་གསོ |
ལུས་སྟོབས་འཕེལ་ཐབས་བྱེད་པ། |
| ཁམས་གོང་གི་ས་པ |
གཟུགས་དང་གཟུགས་མེད་ཀྱི་དངོས་གཞི། |
| ཁམས་གོང་མ |
གཟུགས་དང་གཟུགས་མེད་གཉིས། |
| ཁམས་གོང་མ་གཉིས |
ཁམས་གསུམ་གྱི་ནང་གསེས། གཟུགས་ཁམས་དང༌། གཟུགས་མེད་ཀྱི་ཁམས་གཉིས་སོ། ། |
| ཁམས་གོང་མའི་འདོད་ཆགས |
གཟུགས་དང་གཟུགས་མེད་ཀྱིས་བསྡུས་པའི་སྲེད་པ་གཞལ་ཡས་ཁང་ལའང་ཆགས་པ་ཡོད་ཀྱང་ཕལ་ཆེར་སྙོམས་འཇུག་ལ་ཆགས་པའི་ཁ་ནང་དུ་བལྟས་པར་མཚུངས་པའོ། ། |
| ཁམས་ཆེན་པོ |
(མངོན་བརྗོད།) དངུལ་ཆུ། |
| ཁམས་ཉོག་པ |
1.ལུས་སེམས་མི་བདེ་བ།2.རང་བཞིན་དྭངས་པོ་མེད་པ། |
| ཁམས་ཏྲེ་བོ |
བོད་ཁམས་ཕྱོགས་ཀྱི་དཀར་མཛེས་རོང་པ་ཚ་ནས་རྟའུ་བར་གྱི་སྤྱི་མིང༌། |
| ཁམས་ཐ་མ |
1.གཤིས་སམ་རང་བཞིན་ངན་ཤོས།2.འདོད་ཁམས། |
| ཁམས་དཀར་པོ |
(མངོན་བརྗོད།) སྐྱེས་པའི་ཐིག་ལེ། |
| ཁམས་དཀར་འཛག་པ |
1.མོ་ནད་ཀྱི་བྱེ་བྲག་ཅིག2.སྐྱེས་པའི་ཁུ་བའམ་ཐིག་ལེ་ལྷུང་བ། |
| ཁམས་དང་ས་པ |
ཁམས་གསུམ་དང་དེའི་སས་བསྡུས་པ། |
| ཁམས་དམར་པོ |
(མངོན་བརྗོད།) ཁྲག་དང་ཟླ་མཚན། |
| ཁམས་དྭངས་པ |
1.ལུས་ཀྱི་ཁམས་བདེ་བ།2.གཙང་མའམ། དྭངས་གསལ། |
| ཁམས་དྲུག |
སའི་ཁམས། ཆུའི་ཁམས། མེའི་ཁམས། རླུང་གི་ཁམས། ནམ་མཁའི་ཁམས། རྣམ་པར་ཤེས་པའི་ཁམས་བཅས་དྲུག་གོ། |
| ཁམས་དྲུག་ལྡན |
ནམ་མཁའ། རླུང༌། མེ། ཆུ། ས། ཡེ་ཤེས་ཀྱི་ཁམས་རྣམས་ལྡན་པའི་མིའི་ལུས་རྟེན་གསང་སྔགས་རྡོ་རྗེ་ཐེག་པ་སྒྲུབ་པའི་སྣོད་དུ་རུང་བ། |
| ཁམས་པ |
བོད་རིགས་ཀྱི་ཡ་གྱལ་ཞིག་སྟེ་ཁམས་སུ་སྐྱེས་པའི་བོད་རིགས། |
| ཁམས་པ་དབུ་སེ |
ཀརྨ་དུས་གསུམ་མཁྱེན་པའི་མཚན་གཞན་ཞིག |
| ཁམས་བཅོ་བརྒྱད |
ཕྱིའི་ཁམས་དྲུག་གམ་དམིགས་པའི་ཁམས་དྲུག་དང༌། ནང་གི་ཁམས་དྲུག་གམ་རྟེན་གྱི་ཁམས་དྲུག་རྣམ་པར་ཤེས་པའི་ཁམས་དྲུག་གམ་བརྟེན་པའི་ཁམས་དྲུག་སྟེ་བཅོ་བརྒྱད། |
| ཁམས་བདེ་བ |
ལུས་ལ་ནད་མེད་པ། ཁམས་བདེ་འདྲི་བ། |
| ཁམས་བཞི |
ས་ཁམས། ཆུ་ཁམས། མེ་ཁམས། རླུང་ཁམས་ཏེ་བཞི། |
| ཁམས་བཟང་པོ |
1.གཟུགས་ལུས་བདེ་པོ།2.ཁམས་གོང་མ། |
| ཁམས་བར་མ |
གཟུགས་ཁམས། |
| ཁམས་བརྒྱད |
དངུལ་ཆུ་བཙོ་བཀྲུ་ཆེན་མོའི་སྐབས་སུ་མཁོ་བའི་ཁམས་བརྒྱད་དེ། ཕ་ཝང་ལོང་བུ་དང༌། གསེར་རྡོ། དངུལ་རྡོ། ཁབ་ལེན། ཆུ་སྐྱུར་རྡོ། བ་བླ། ལྡོང་རོས། ལྷང་ཚེར་དམར་པོ་བཅས་བརྒྱད་དོ། ། |
| ཁམས་བརྒྱད་གཏན་ལ་ཕབ་པའི་འབུམ |
བོན་ལུགས་སྤྱོད་པའི་སྐོར་གྱི་གཞུང་ཞིག |
| ཁམས་བརྟས |
ལུས་ཀྱི་སྟོབས་རྒྱས་པ། |
| ཁམས་བསིལ |
1.ལུས་གྲང་བས་གདུངས་པ།2.འབྱུང་བ་གྲང་ངད་ཅན། |
| ཁམས་བྲིས |
ཁམས་ནས་བྲིས་པའི་ཡིག་གཟུགས་སམ་རི་མོ། |
| ཁམས་མི་ཉག |
ཁམས་ཡུལ་གྱི་བྱེ་བྲག་ཅིག |
| ཁམས་ཚན |
དགོན་པའི་གྲྭ་ཚང་གི་སྡེ་ཚན་ཞིག་གྲྭ་པ་ཡོང་ཁུངས་ས་ཁུལ་ལ་གཞིགས་ནས་ཚན་ཁག་སོ་སོར་བགོས་ཤིང༌། ཁམས་ཚན་དུ་མ་ལས་གྲྭ་ཚང་གཅིག་གྲུབ། སྔར་སེ་འབྲས་དགའ་གསུམ་ལ་ཆ་བཞག་ན། སེ་ར་དགོན་པར་ཁམས་ཚན་སུམ་ཅུ་དང༌། འབྲས་སྤུངས་དགོན་པར་བརྒྱད་ཅུ། དགའ་ལྡན་དགོན་པར་ཉེར་དྲུག་བཅས་ཡོད་པ་ལྟ་བུའོ། ། |
| ཁམས་ཚན་ཆོས་མཛད |
གྲྭ་སའི་ཁམས་ཚན་ལ་གཏོང་སྒོ་བཏང་ནས་གཞོན་ཁྲལ་རྒྱུག་མི་དགོས་པའི་གྲྭ་པ། |
| ཁམས་ཚན་དགེ་རྒན |
གྲྭ་ས་སོ་སོའི་ཁམས་ཚན་གྱི་སྒྲིག་གནོན་མཁན་འགོ་བྱེད། |
| ཁམས་ཞྭ |
ཁམས་པའི་ཞྭ་མོ། |
| ཁམས་ཟངས |
ཁམས་ནས་ཐོན་པའི་ཆུ་སྣོད་ཟངས། |
| ཁམས་འཁྲུགས་པ |
གཟུགས་པོ་མི་བདེ་བ། |
| ཁམས་འདྲི |
ལུས་བདེའམ་ཞེས་འདྲི་བ། |
| ཁམས་འཕོ་བ |
1.ལུས་ཀྱི་ཁུ་བ་འཆོར་བ།2.འཆི་འཕོ་བ། |
| ཁམས་འོག་མ |
འདོད་ཁམས། |
| ཁམས་རིས |
ཁམས་བྲིས་དང་འདྲ། |
| ཁམས་རྙོག་པོ |
ལུས་སེམས་མི་དྭངས་པའམ་མི་བདེ་བ། |
| ཁམས་རྡིག |
བོད་ཁམས་ཕྱོགས་ཀྱི་སྡེ་དགེ་དང་དཔལ་ཡུལ་ནས་ཐོན་པའི་ཟངས་རག་གི་རྡིག |
| ཁམས་རྨྱ་བ |
ཐང་ཆད་པའམ་ཉོབ་པ། |
| ཁམས་ལུགས་བ་ཤ་ཀ |
རི་སྐྱེས་སྐྲ་བཟང་སྟེ་སྔོ་ཞིག |
| ཁམས་ལོག་པ |
ཁམས་ལྡོག་པ་དང་འདྲ། |
| ཁམས་ལྔ |
1.ངོ་མཚར་རྩ་བདུན་དང༌། དོན་སྣོད་ཀྱི་སྐབས་སུ་ཁམས་ལྔ་སྦྱར་སྐབས་ཤིང་དང༌། མེ། ས། ལྕགས། ཆུ་བཅས་ཁམས་ལྔའོ།2.ལུས་དང༌། ནད། སྨན་བཅས་ཀྱི་སྐབས་སུ་ཁམས་ལྔ་སྦྱར་སྐབས་ས་དང༌། ཆུ། མེ། རླུང༌། ནམ་མཁའ་བཅས་ལྔའོ། ། |
| ཁམས་ལྔའི་ཡོན་ཏན |
སའི་ཁམས་སྒྲ་རེག་རོ་གཟུགས་དྲིའི་ཡོན་ཏན་ལྔ་ལྡན། ཆུ་ཁམས་སྒྲ་རེག་རོ་གཟུགས་ཀྱི་ཡོན་ཏན་བཞི་ལྡན། མེ་ཁམས་སྒྲ་རེག་རོའི་ཡོན་ཏན་གསུམ་ལྡན། རླུང་གི་ཁམས་སྒྲ་རེག་ཡོན་ཏན་གཉིས་ལྡན། ནམ་མཁའི་ཁམས་སྒྲའི་ཡོན་ཏན་གཅིག་ལྡན། |
| ཁམས་ལྡོག་པ |
1.ལུས་ཀྱི་འབྱུང་བའི་ཁམས་ལོག་པ།2.ཟས་ཀྱི་དང་ག་ལོག་པ།3.མིའི་རང་བཞིན་ནམ་གཤིས་ཀ་འགྱུར་བ། |
| ཁམས་སངས་པ |
1.རྨོངས་འཐིབས་སངས་པ།2.ནད་དྲག་པ། |
| ཁམས་སོས་པ |
1.ངལ་སོས་པ།2.ལུས་སྟོབས་ཉམས་པ་སླར་སོས་པ། |
| ཁམས་སྐད |
གཙོ་བོར་དཀར་མཛེས་དང་ཡུལ་ཤུལ་ས་ཆར་བཤད་པའི་བོད་སྐད། |
| ཁམས་སྙོམས་པ |
གཟུགས་ཁམས་བདེ་བ། |
| ཁམས་སྟོད |
ཁམས་ཡུལ་གྱི་ཆུ་བོ་མང་ཆེ་བ་བྱང་ནས་ལྷོ་ཕྱོགས་སུ་འབབ་པས་སྔར་བོད་ཀྱི་དེབ་ཐེར་ནང་དུ་མཚོ་སྔོན་ས་འབྲེལ་བྱང་རྒྱུད་ལ་ཁམས་སྟོད་ཟེར། |
| ཁམས་སྟོད་རྒྱལ་མོའི་དངུལ་ཆུ |
ཁྱུང་བོ་དཀར་ནག་སེར་གསུམ་གྱི་ཆུ། བྱང་གི་སོག་ཆུ། ནག་ཆུ། རྒྱ་སྟོན་དང་ལྕགས་ར་དཔལ་འབར་གྱི་ཆུ་སོགས་འདྲེས་ཏེ་འབར་མ་ཕྱོགས་སུ་འགྲོ་བའི་ཆུ་ཆེན། |
| ཁམས་སྣ་ཚོགས་མཁྱེན་པའི་སྟོབས |
ཐེག་པ་ཆེ་ཆུང་རྣམ་པ་གསུམ་གྱི་རིགས་དང་མ་ངེས་པ་དང་རིགས་མེད་པ་ལྟ་བུ་དང༌། སྐལ་བ་དང་བག་ཆགས་ཤས་ཆེ་ཆུང་གི་བྱེ་བྲག་གིས་རིགས་ལྔར་དབྱེ་བར་མཁས་པའམ། ཡང་ན། རྟེན་དབང་པོའི་ཁམས་དང༌། བརྟེན་པ་རྣམ་ཤེས་ཀྱི་ཁམས། དམིགས་པ་ཡུལ་གྱི་ཁམས་ལ་སོགས་པ་ཁམས་ཀྱི་རབ་དབྱེ་རྣམ་པ་ཀུན་ཏུ་མཁྱེན་པ། |
| ཁམས་སྨད |
ཁམས་ཡུལ་གྱི་ཆུ་བོ་མང་ཆེ་བ་བྱང་ནས་ལྷོ་ཕྱོགས་སུ་འབབ་པས་སྔར་བོད་ཀྱི་དེབ་ཐེར་ནང་དུ་གསང་སྔགས་ཆོས་རྫོང་གི་ཤར་རྒྱུད་ནས་ཡུན་ནན་ཞིང་ཆེན་གྱི་ནུབ་རྒྱུད་བར་ལ་ཁམས་སྨད་ཟེར། |
| ཁམས་སླང |
ཁམས་ཀྱི་སླ་ང་ཡོས་རྔོད་བྱེད་ལྕགས་སྣོད། |
| ཁམས་སླེའུ |
1.ཁམས་ཁུལ་དུ་ལྕུག་མས་བསླས་པའི་སྣོད་རུ་བཞི་ཅན།2.ཁམས་ནས་ཐོན་པའི་སླེའུའམ། ཕྱར་བ། |
| ཁར་ཁོར |
(རྒྱན་ཚིག) ཁ་རེ་ཁོ་རེའི་བསྡུས་ཚིག |
| ཁར་གོང |
རྡོ་དཀར་གོང༌། |
| ཁར་དབང |
ཁ་རྗེ་དབང་ཐང་གི་བསྡུས་ཚིག |
| ཁར་ཕོག་སྣར་ཕོག |
འཛེམས་ཟོན་མེད་པའི་ཚིག་རྩུབ་ཀྱི་དོན་ཏེ། སྐད་ཆ་ཁར་ཕོག་སྣར་ཕོག་ཁོ་ན་མ་བཤད་ཅེས་པ་ལྟ་བུ། |
| ཁར་བ |
འཁར་བ་ཡི་འབྲི་ཚུལ་གཞན |
| ཁར་འདོན་པ |
1.ངག་ནས་འདོན་པ་སྟེ། (དཔེར་ན།) བློ་ན་ཡོད་པའི་དོན་ཁར་འདོན་པ་ལྟ་བུ། 2.འོག་ཕྱོགས་དང་སྣོད་ཀའི་ནང་གི་དངོས་པོ་སོགས་སྟེང་དུ་འདོན་པ། |
| ཁར་རྗེ |
ཁ་རྗེ་དང་འདྲ། |
| ཁར་རྩང |
ཁ་སང་སྟེ་དེ་རིང་གི་སྔ་ཉིན། |
| ཁར་སང |
ཁར་རྩང་དང་དོན་གཅིག |
| ཁལ |
1.རྟ་དྲེལ་སོགས་ཕྱུགས་ལ་དགལ་བྱའི་དངོས་རྫས་ཀྱི་མིང་སྟེ། (དཔེར་ན།) བལ་ཁལ། རྩྭ་ཁལ། མཛོ་ཁལ་ར་ཡིས་མི་ཐེག་ལྟ་བུ། 2.སྔར་བོད་ལུགས་འབོར་ཚད་དང་ལྗིད་ཚད་འཇལ་བྱེད་ཡོ་བྱད་ཅིག་རུའི་ཁལ་དང༌། ཕྱི་མ་འདེགས་ཁལ་ཟེར། རུའི་ཁལ་གཅིག་ལ་བྲེ་ཉི་ཤུ་ཡིན་པར་རྒྱ་མ་ཉེར་བརྒྱད་ཙམ་དང༌། འདེགས་ཁལ་གཅིག་ལ་ཉ་ག་ཉི་ཤུ་ཡིན་པར་རྒྱ་མམ་བདུན་ཙམ་ཡོད། |
| ཁལ་ཁ |
ཁལ་ཁ་ཁུ་རལ་གྱི་བསྡུས་ཚིག |
| ཁལ་ཁ་ཁུ་རལ |
(སོག་སྐད།) སོག་ཡུལ་གྱི་གྲོང་ཁྱེར་ཞིག |
| ཁལ་ཁ་གཟུགས |
སྔར་བོད་ཀྱི་མི་ཆེན་ཚོས་གཟབ་མཆོར་དུ་གྱོན་པའི་སོག་ལུགས་ཀྱི་གོས་རྒྱན་ཆ་ཚང་ཞིག |
| ཁལ་ཁ་རྗེ་བཙུན་དམ་པ |
སོག་པོ་ཁལ་ཁའི་དགེ་ལུགས་པའི་སྤྲུལ་པའི་སྐུ་ཆེ་ཤོས་ཤིག་གི་མིང་ཡིན། ཁོང་གི་སྐུ་ཕྲེང་དང་པོ་ནི་ཇོ་ནང་པའི་སྐད་གྲགས་ཡོད་པའི་དགེ་སློང་ཏཱ་ར་ན་ཐ་ཡིན་པར་གྲགས། |
| ཁལ་གཡག |
ཁལ་འགེལ་སའི་གཡག |
| ཁལ་ཇགས |
ཁལ་འཕྱགས་དང་དོན་གཅིག |
| ཁལ་དོ |
1.ཁལ་དོས་ཀྱང་ཟེར། ཁལ་མར་འགེལ་རྒྱུའི་དོ་པོ།2.ཁལ་གཉིས། |
| ཁལ་དྲེའུ |
ཁལ་དྲེལ་ཡང་ཟེར། ཁལ་འགེལ་སའི་དྲེལ། |
| ཁལ་པ |
ཁལ་མའི་རྗེས་སུ་འགྲོ་བའི་མི། |
| ཁལ་མ |
དོ་པོ་འགེལ་སའི་ཕྱུགས་སོགས། |
| ཁལ་མ |
སྐྱེལ་འདྲེན་ལ་བཀོལ་བའི་གནག་གི་མིང་། |
| ཁལ་འཕྱགས |
(ཡུལ་སྐད།) སྔར་གཞུང་གི་ཨར་ལས་དང༌། སྨོན་ལམ་ཚོགས་ཤིང་སོགས་ལ་ཁལ་མ་གཏོང་དགོས་པའི་ཕྱི་ཁྲལ་ཞིག |
| ཁལ་འཕྱགས་རྒྱག་པ |
ཁལ་མ་གར་ཡོད་བཙན་ཁྲལ་དུ་སྐུལ་བ། |
| ཁལ་རྒྱབ |
ཁལ་མར་འགེལ་རྒྱུའི་ཁུར་ཚད། |
| ཁལ་རྔ |
གཡག་གི་རྔ་མ། |
| ཁལ་རྟ |
ཁལ་འགེལ་སའི་རྟ། |
| ཁལ་རྫ |
འབྲུ་ཁལ་གཅིག་ཤོང་བའི་རྫ་མ། |
| ཁལ་སྒ |
ཁལ་འགེལ་སའི་སྒ། |
| ཁལ་སྡེམ |
རིང་ཚད་སྨི་གཅིག་ལྷག་ཙམ་དང་ཞེང་ཚད་སྨི་གཅིག་ལོན་ཙམ་གྱི་བོད་ཤོག་བྲེ་ཁ་ཉི་ཤུ་ཐམ་པ་རེ་ལ་ཁལ་སྡེམ་གཅིག་ཟེར། |
| ཁས་གཞེས་ཉིན |
ཁས་ཉིན་དང་གཞེས་ཉིན། |
| ཁས་ཆེ |
རང་གིས་རང་ངོ་སྤྲོད་བྱས་པའི་དོན་ཏེ། (དཔེར་ན།) སྨན་པར་ཁས་ཆེ་བ། མཁས་པར་ཁས་ཆེ་བ་མ་བྱེད་ལྟ་བུ། |
| ཁས་ཉིན |
ཁ་སའི་སྔ་ཉིན། |
| ཁས་དམན |
འཁོས་ཀས་དབུལ་བ། |
| ཁས་བརྗོད |
(མངོན་བརྗོད།) གླུ་དབྱངས། |
| ཁས་བླངས་ཀྱིས་བསལ་བ |
བསལ་བ་བཞིའི་ནང་གསེས། རང་ཚིག་སྔ་ཕྱི་འགལ་བ། (དཔེར་ན།) བདག་གི་མ་མོ་གཤམ་ཡིན་ནོ་ཞེས་པ་ལྟ་བུའོ། ། |
| ཁས་བླངས་ཐེབས་གཅོག |
ཁས་ལེན་བྱས་པའི་དོན་ལག་ཏུ་མི་ལེན་པའི་དོན་ཏེ། (དཔེར་ན།) ལས་རོགས་སྒྲུབ་རྒྱུ་གཏན་འཁེལ་བྱས་ཀྱང་ཁས་བླངས་ཐེབས་གཅོག་མ་བྱེད་ཅེས་པ་ལྟ་བུ། |
| ཁས་བླངས་པས་ཞི་བ |
འདུལ་བ་ལས་བཤད་པའི་རྩོད་པ་ཞི་བྱེད་ཀྱི་ཆོས་བདུན་གྱི་གྲས། ལྟུང་བ་གླེང་བ་ན་མཐོང་སྡོམ་ལེགས་པར་བྱས་པའི་སྒོ་ནས་ཕྱིར་བཅོས་ཏེ་རྩོད་པ་ཞི་བར་བྱེད་པའོ། ། |
| ཁས་བླངས་རྒྱབ་སྐྱུར |
ཁས་ལེན་བྱས་པའི་དོན་མ་བརྩིས་པའི་དོན་ཏེ། (དཔེར་ན།) ལས་དོན་སྒྲུབ་རྒྱུ་ཁས་བླངས་རྒྱབ་སྐྱུར་བྱས་ན་མ་རབས་ཁྲེལ་མེད་རེད་ཅེས་པ་ལྟ་བུ། |
| ཁས་བླངས་ལག་བསྟར |
ཁས་ལེན་བྱས་པའི་དོན་དངོས་སུ་བསྒྲུབས་པའི་དོན་ཏེ། རང་གིས་ཇི་ལྟར་བཤད་པའི་དོན་རྣམས་ཁས་བླངས་ལག་བསྟར་ཚིག་ཐོག་དོན་ཁེལ་བྱས་ཞེས་པ་ལྟ་བུ། |
| ཁས་ཞན་པ |
ཁ་ཞན་པ་དང་འདྲ། |
| ཁས་འཆེ་བ |
རང་གིས་ཁས་ལེན་པའམ་རང་ཉིད་ངོ་སྤྲོད་པའི་དོན་ཏེ། (དཔེར་ན།) སྐྱེ་བོ་དམ་པས་ཁས་འཆེ་བ། བསྒྲིམས་ཏེ་འབད་པས་འགྲུབ་པར་བྱ་ཞེས་པ་ལྟ་བུ། |
| ཁས་འཆེས་པའི་དགེ་སློང |
སྡོམ་པ་མ་བླངས་པའམ། ཡང་ན་སྡོམ་པ་རལ་ཏེ་མེད་པར་གྱུར་ན་ཡང་ང་དགེ་སློང་ཡིན་ཞེས་པ་ལྟ་བུ། |
| ཁས་ལེན |
བཅོལ་བའི་ལས་དང་དུ་ལེན་པའི་དོན་ཏེ། (དཔེར་ན།) ཁས་ལེན་ཚིག་བརྩི། ཁས་ལེན་འགན་ཁུར། |
| ཁས་ལེན་པ |
1.དམ་བཅའ་འཇོག་པའམ་དང་དུ་ལེན་པ། 2.ཁས་ལེན་པ་པོ། |
| ཁས་ལེན་སོས་ཐེག |
ཁས་ལེན་དམ་བཅའ་བྱས་པའི་དོན་ཏེ། (དཔེར་ན།) རང་གིས་ཇི་ལྟར་ཁས་ལེན་སོས་ཐེག་བྱས་པའི་དོན་རྣམས་འལ་འོལ་རྒྱང་སྐྱུར་བྱེད་མི་ཉན་ཞེས་པ་ལྟ་བུ། |
| ཁས་ས |
(ཡུལ་སྐད།) ཁ་རྩང་སྟེ་དེ་རིང་གི་ཉིན་སྔོན་མ། |
| ཁི་འུ |
(ཡུལ་སྐད།) སྤུ་རྩིད་ཀྱི་ཁུ་ལུ། |
| ཁིའུ |
གྲི་ཆུང་ངུའི་མིང་སྟེ། (དཔེར་ན།) གྲི་ཁིའུ་ཞེས་པ་ལྟ་བུ། |
| ཁིས་མགོ |
(ཡུལ་སྐད།) ཐབ་ཀྱི་ཐལ་བ་འདོན་སའི་སྒོ། |
| ཁུ |
ཁུ་བོ་ཞེས་པའི་ཚིག་བསྡུས་པ། ཁུ་བ་ཞེས་པའི་ཚིག་བསྡུས་པ། |
| ཁུ་ཁོག |
ཁ་ཟས་སྲེག་པ་ལྕགས་སམ་ཟངས་ཀྱི་ཁོག་སྣོད་ཆེན་པོ། |
| ཁུ་ཁྲག |
ཟུངས་བདུན་གྱི་ཕྱི་མོ་སྐྱེས་པའི་ཁུ་བ་དཀར་པོ་དང༌། བུད་མེད་ཀྱི་ཟླ་མཚན་དམར་པོ་གཉིས་སོ། ། |
| ཁུ་གདུས |
སྨན་ཁུ་སོགས་བསྐོལ་བའི་དོན་ཏེ། (དཔེར་ན།) སྨན་སྙིགས་དོར་ཏེ་ཁུ་གདུས་ཡུན་རིང་བྱོས་ལྟ་བུ། |
| ཁུ་གུ |
1.(ཡུལ་སྐད།) ཁུག་མ་ཆུང་ངུ།2.(བརྡ་རྙིང་།) ཕའི་སྤུན་ཟླའམ་ཨ་ཁུ། |
| ཁུ་གེ |
(ཡུལ་སྐད།) ཁུག་མ་ཆུང་ངུ། |
| ཁུ་ཆུ |
སྐྱེས་པའི་ཐིག་ལེ། |
| ཁུ་ཐུ་ཆི |
(སོག་སྐད།) གཡོག་པོ། |
| ཁུ་དབོན |
ཨ་ཁུ་དང༌། ཚ་བོ། |
| ཁུ་ནུ |
1.ཁུ་བོ་དང་ནུ་བོ་ཞེས་པའི་བསྡུས་ཚིག2.སྟོད་མངའ་རིས་ཁུལ་གྱི་ཡུལ་ཞིག |
| ཁུ་ནུ་ལ |
རི་ཆེན་ཞིག་སྟེ། ནུབ་ཕ་སྨིར་ས་མཐོའི་ཤར་ངོས་ནས་བཟུང་ཞིན་ཅང་དང་བོད་དབུས་བརྒྱུད་དེ་མཚོ་སྔོན་དུ་བརྒྱུགས་པའི་རི་བོ་ཞིག་དེའི་རིང་ཚད་སྤྱི་ལེ་2500 དང་རི་རྩེ་མཐོ་ཤོས་གངས་དཀར་ལ་ཞེས་པ་མཚོ་ངོས་ལས་སྨི་7719 ཡོད། |
| ཁུ་པ |
(བརྡ་རྙིང་།) འཆག་པ། |
| ཁུ་བ |
ཕོའི་ཐིག་ལེ་སྟེ། (དཔེར་ན།) སྨན་གཞུང་དུ་ཁུ་བ་ཤོར་བ། ཁུ་བ་ཉམས་པ་ཁུ་བ་གསོ་བ་ཞེས་པ་སོགས་ལྟ་བུ། མིང་གི་རྣམ་གྲངས་ལ་སྐྱེས་བུའི་རྟགས་དང༌། ཁམས་དཀར་པོ། ཐིག་ལེ། སྟོབས་ལྡན། དྭངས་མ། ནུས་བྱེད། དབང་པོར་འགྲོ། བྱང་སེམས་དཀར་པོ། ཟླ་བ། ས་བོན་བཅས་སོ། །2.དངོས་རྫས་གཞན་འདྲེས་ཡོད་པའི་ཆུའི་མིང་སྟེ། (དཔེར་ན།) ཤའི་ཁུ་བ་ཞེས་པ་ལྟ་བུ། ཚིག་བསྡུས་ན་ཁུ་ཞེས་འབྲི་ཆོག་ ཤ་ཁུ། སིལ་ཁུ། སྨན་ཁུ་ཞེས་པ་ལྟ་བུ། |
| ཁུ་བ་དཀར་བ |
1.འོ་མ་སོགས་ཁུ་བ་དཀར་པོ།2.སྐྱེས་པའི་ཐིག་ལེ།3.(མངོན་བརྗོད།) གཟའ་པ་སངས། |
| ཁུ་བ་དམར་པོ |
(མངོན་བརྗོད།) ཁྲག |
| ཁུ་བ་དྭངས་མ |
ཁུ་བའི་སྙིང་པོའམ། ཉིང་ཁུ། |
| ཁུ་བ་བྱེད |
(མངོན་བརྗོད།) རྐང་མར། |
| ཁུ་བ་མ |
ལུས་རྩའི་བྱེ་བྲག་ཅིག |
| ཁུ་བ་ཟད |
བུད་མེད་དང་ཉལ་པོ་སྤྱད་དྲགས་པ་དང་ལུས་སྟོབས་ཞན་པ་སོགས་ཀྱིས་སྐྱེས་པའི་ཁམས་ཀྱི་དྭངས་མ་ཐིག་ལེ་དཀར་པོ་ཟད་པར་གྱུར་པ། |
| ཁུ་བ་འབྱིན་པའི་ལྷག་མ |
དགེ་འདུན་ལྷག་མ་བཅུ་གསུམ་གྱི་ནང་ཚན། སེམས་ཅན་ལ་ཆགས་པ་ལས་གྱུར་པའི་ལྷག་མ་ལྔའི་ཡ་གྱལ་ཞིག་གཞན་གྱི་ཁ། བཤང་ལམ། ཟག་བྱེད་གསུམ་གང་རུང་མ་ཡིན་པའི་ལུས་ཀྱི་ཆ་ཤས་སམ། རང་གི་སོར་མོ་ལྟ་བུས་ཁུ་བ་འབྱིན་པའོ། ། |
| ཁུ་བའི་གནས |
(མངོན་བརྗོད།) སྐྱེས་པའི་འབྲས་བུའམ་རླིག་རིལ། |
| ཁུ་བའི་གསང |
རྒྱབ་ཀྱི་སྒལ་ཚིགས་བཅུ་དགུ་པ་ཁུ་བའི་གསང་དེར་མེ་བཙའ་བཞག་ན་ཁུ་བ་འབྱམས་པ་དང༌། ལུགས་པ་སེལ། |
| ཁུ་བའི་དབང་པོ |
(མངོན་བརྗོད།) དངུལ་ཆུ། |
| ཁུ་བའི་བདག་ཉིད |
(མངོན་བརྗོད།) སྐྱེས་པ། |
| ཁུ་བའི་ཡང་ཁུ |
ཁུ་བའི་དྭངས་མའམ་ཉིང་ཁུ། |
| ཁུ་བའི་རྡེའུ |
བྱིས་པ་དང༌། དགེ་སློང༌། འཁྲིག་པ་མ་སྤྱད་པའི་མི་སོགས་ཀྱི་ཁུ་བ་འགགས་ཏེ་འདྲིལ་ནས་རྡེའུ་རུ་གྱུར་པའི་ཆུ་འགགས་ཀྱི་ནད་ཅིག |
| ཁུ་བའི་སློབ་མ |
(མངོན་བརྗོད།) ལྷ་མིན། |
| ཁུ་བསྡུས |
སྟབས་བདེ་རུ་བཏང་བའི་དོན་ཏེ། (དཔེར་ན།) ལས་ཁུངས་ཁུ་བསྡུས། ནང་དོན་གྱི་སྡེ་ཚན་ཁུ་བསྡུས་བྱས་པ་ལྟ་བུ། |
| ཁུ་བོ |
ཕའི་སྤུན་ཨ་ཁུ། |
| ཁུ་བོ |
ཕའི་ཕུ་བོ་དང་ནུ་བོ་ནི་ཁུ་བོ་ཡིན། ཚིག་བསྡུས་ན་ཁུ་ཞེས་འབྲི་ཆོག་སྟེ། (དཔེར་ན།) ཨ་ཁུ། ཕ་ཁུ་ཞེས་པ་ལྟ་བུ། |
| ཁུ་བྱུག |
བྱ་ཞིག་གི་མིང་ལུས་ཀྱི་སྒྲོ་ནག་སྐྱ་དང་། མཇུག་སྒྲོ་ལ་དཀར་ཐིག་ཡོད། དབྱར་འགོ་ཚེས་དུས་གྲག་ཅིང་སྐད་སྙན་མོ་ཡིན། མིང་གི་རྣམ་གྲངས་ལ་ངག་སྙན་དང༌། ལྔ་པའི་དབྱངས་ལྡན། འདབ་མའི་ཐེག་པ། འདོད་པའི་ཏཱ་ལ། ན་ཚོད་གནས། ནགས་དགའ། དཔྱིད་ཀྱི་ཕོ་ཉ། དབྱངས་སྙན། དབྱངས་སྙན་སྒྲོག་མིག་མཛེས། གཞན་གྱིས་རྒྱས། གཞན་གྱིས་གསོས། གཞན་ལ་སེམས་བཅས་སོ། ། |
| ཁུ་བྱུག་གྲག་ཟླ |
1.ཧོར་ཟླ་གསུམ་པ།2.གླང་ཁྱིམ་སྟེ་ཁྱིམ་བཅུ་གཉིས་ཀྱི་ཡ་གྱལ་ཞིག |
| ཁུ་བྱུག་རྩི་ཐོག |
སྔོ་སྨན་ཁུ་བྱུག་རྩྭ་ལྗང་མཆོག་དམན་རིགས་གཉིས་ཀྱི་ནང་ནས་དམན་པ། |
| ཁུ་བྱུག་རྩྭ་ལྗང |
སྔོ་སྨན་གྱི་རིགས་ཤིག་རོ་མངར་ལ་ཁ་བ། ཞུ་རྗེས་སྙོམས། ནུས་པས་རྩ་ཁ་འབྱེད། ཆུ་འགགས་འབྱིན། |
| ཁུ་མ་འདུས་པ |
ཆ་རྐྱེན་མ་ཚང་བའམ་འ་འུབ་མ་འདུས་པའི་དོན་ཏེ། (དཔེར་ན།) ལས་དོན་ཁུ་མ་འདུས་པ་ལྟ་བུ། |
| ཁུ་མ་རྩིད |
ཁུ་ལུ་དང་རྩིད་པ་གཉིས་འདྲེས་མའི་མིང༌། |
| ཁུ་ཚན |
ཕའི་སྤུན་དང་དེའི་ཚ་བོ་གཉིས་ཀྱི་བསྡུས་མིང༌། |
| ཁུ་ཚུར |
མཛུབ་མོ་ལྔ་བཅངས་པའི་ལག་མགོའི་མིང་སྟེ། (དཔེར་ན།) ལག་པ་ཁུ་ཚུར་བཅངས། མཛུབ་མོ་ལྔ་བཅངས་ཁུ་ཚུར་བྱེད་ལྟ་བུ། |
| ཁུ་ཚུར་གྱིས་འཚོ |
(མངོན་བརྗོད།) གསེར་བཟོ་བ། |
| ཁུ་འདེབས |
འབོད་སྐད་ཆེན་པོ་རྒྱག་པ། |
| ཁུ་འཕངས |
ཁ་བ་ཡི་མིང་གཞན་ཏེ། (དཔེར་ན།) དུང་གི་ཁུ་འཕངས་ཐ་ར་ར་ཞེས་པ་ལྟ་བུ། |
| ཁུ་འཕྲིག |
དོགས་པའམ་རྣམ་རྟོག ཁང་སྟོང་ནང་ནས་རྐུ་ཤོར་ཡོང་སྙམ་པའི་ཁུ་འཕྲིག་བྱེད་པ། |
| ཁུ་འབངས |
དབྱིབས་རིལ་པོ་ཡིན་པའི་ཁ་བའི་བྱེ་བྲག་ཅིག་སྟེ། (དཔེར་ན།) ཁུ་འབངས་ཁ་བའི་སྣ་འདྲེན་ཡིན། དུང་གི་ཁུ་འབངས་ཐ་ར་ར་ཞེས་པ་ལྟ་བུ། ཡོངས་གྲགས་སུ་ཁུ་འཕངས་འབྲི། |
| ཁུ་ཡུ |
རྭ་མེད་པའི་གནག་ཕྱུགས་ཏེ། (དཔེར་ན།) གཡག་ཁུ་ཡུ། བ་ལང་ཁུ་ཡུ་ཞེས་པ་ལྟ་བུ། འདི་ལ་ཁ་ཡུ་ཞེས་ཟེར་བའང་ཡོད། |
| ཁུ་ཡུག |
ཁུ་བྱུག་དང་འདྲ། |
| ཁུ་ཡེ |
ཕྱྭ་གཡང་ཁུག་ཅིག་ཅེས་པའི་འབོད་སྒྲ་སྟེ། (དཔེར་ན།) ཕྱྭ་ཁུ་ཡེ། རྣམ་ཐོས་སྲས་ཀྱིས་ནོར་གཡང་སྩོལ་ལྟ་བུ། |
| ཁུ་ར |
(ཡུལ་སྐད།) སྣུམ་ཁུར་ཏེ་སྣུམ་ཁོལ་ནང་བཙོས་པའི་བག་ལེབ་ཆུང་ངུ་། |
| ཁུ་རྔོག་འབྲོམ་གསུམ |
ཇོ་བོ་རྗེ་དཔལ་ལྡན་ཨ་ཏི་ཤའི་སློབ་མའི་གཙོ་བོ། ཁུ་བརྩོན་འགྲུས་གཡུང་དྲུང་དང༌། རྡོག་ལེགས་པའི་ཤེས་རབ། འབྲོམ་རྒྱལ་བའི་འབྱུང་གནས་བཅས་གསུམ་མོ། ། |
| ཁུ་རྡུལ |
ཕའི་ཁུ་བ་དང་མའི་མངལ་ཁྲག |
| ཁུ་ལུ |
ཕྱུགས་ཀྱི་སྤུ་རྩུབ་མོ་ལ་གྲ་དང་སྤུ་ཕྲ་མོ་ལ་ཁུ་ལུ་ཟེར། (དཔེར་ན།) རའི་ཁུ་ལུ་ནོར་གྱི་ཁུ་ལུ་ཞེས་པ་ལྟ་བུ། ཚིག་བསྡུས་ན་ཁུལ་ཞེས་འབྲི་སྲོལ་ཡོད་དེ། ཝ་ལྤགས་གྲ་ཁུལ་ཉིས་འཛོམས། ནོར་ཁུལ། ར་ཁུལ། ཁྱི་ཁུལ་ཞེས་པ་ལྟ་བུ། |
| ཁུ་ལུ་ཚི་རིང |
གནག་ཕྱུགས་ཀྱི་རྩིད་པ་མིན་པའི་སྤུ་འཇམ་པོ་སྣ་རིང་པོ། |
| ཁུ་ལེ |
1.ཉ་གའམ་སྲང་གི་མདའ།2.ཟོ་བའམ་ཟོ་ལག་སྲང་ཆ་དང་རྒྱ་མའི་སྟེང་གི་དངོས་རྫས་འཇོག་སའི་སྣོད་ཀྱི་མིང་། |
| ཁུ་ལེའི་རི་མོ |
སྲང་མདའི་ངོས་ཀྱི་གྲངས་ཚད་རི་མོ། |
| ཁུ་སིམ་པོ |
སྒྲ་དམའ་བའམ་ཟིང་ལོང་མེད་པ། |
| ཁུག |
1.བཀུག་གི་སྐུལ་ཚིག་སྟེ། (དཔེར་ན།) ཁྱོད་ཀྱིས་མཛུབ་མོ་ཁུག་ཅིག་ལྟ་བུ། 2.ཐབས་དང་ནུས་པ་དང་དབང་གིས་ཚུར་བསྡུས་པའི་དོན་ཏེ། (དཔེར་ན།) རྒྱལ་ཁབ་ཀྱིས་མི་སྣ་བཀུག པད་མའི་དྲི་ཡིས་བུང་བ་བཀུག་ལྟ་བུ།3.དངོས་པོའི་རྣམ་པ་གཞན་དུ་བསྒྱུར་བའི་དོན་ཏེ། (དཔེར་ན།) ད་ལོའི་ཐོན་སྐྱེད་ཀྱི་དངོས་རྫས་རྣམས་རིན་ཐང་དུ་བཀུག་ན་སྒོར་7000 ཡིན། སྐྲངས་པ་རྣག་ཏུ་བཀུག། སྨན་བཟང་དྲོད་དུ་འགུགས་པ་ཞེས་སོགས་ལྟ་བུ། 4.(བྱེད་འབྲེལ་ལས་ཚིག) ཁུགས་ཀྱི་མ་འོངས་པ་དང་ད་ལྟ་བ། ཚོང་རྫས་སོགས་ཉོ་བྱེད་ཀྱི་དངུལ་འདང་བའི་དོན་ཏེ། (དཔེར་ན།) སྒོར་མོ་གཅིག་གིས་ཀ་ར་རྒྱ་མ་གང་ཁུག་ལྟ་བུ། |
| ཁུག་ཀྱོག |
འགྲིམ་འགྲུལ་ཉུང་བའི་ཡུལ་ཏེ། (དཔེར་ན།) ཁུག་ཀྱོག་ཅིག་ཏུ་བུ་ཆུང་རྩེ་ལྟ་བུ། |
| ཁུག་ཁྲ |
རྒྱ་ལུ་ཆས་གྱོན་དུས་སྐེད་པར་གདགས་རྒྱུའི་རྒྱན་ཆ་ཞིག |
| ཁུག་ཆུང |
ཏིག་ཏའི་མིང་གི་རྣམ་གྲངས། |
| ཁུག་པའི་གྲངས་ཀ |
བཅུ་ལྡབ་ཀྱི་འགྱུར་ཁྱད་ཡོད་པའི་གྲངས་གནས་ཆེ་ཆུང་གཉིས་ཀྱི་ཆེ་བའི་མིང་། དེ་ཆུང་བའི་མིང་གི་མཐར་ཆེན་པོ་ཞེས་པ་བཏགས་ནས་བྱུང་བ་རྣམས། (དཔེར་ན།) ཐེར་འབུམ་དང་ཐེར་འབུམ་ཆེན་པོ་ལྟ་བུ། |
| ཁུག་མ |
རས་དང་པགས་པ་སོགས་ཀྱིས་བཟོས་པའི་དངོས་རྫས་སྡུད་བྱེད་ཀྱི་སྣོད་ཆུང་ངུའི་མིང་སྟེ། (དཔེར་ན།) རས་ཀྱི་ཁུག་མ། ཀོ་བའི་ཁུག་མ་ཞེས་པ་ལྟ་བུ། ཚིག་བསྡུས་ན་ཁུག་ཅེས་འབྲི་ཆོག་ རས་ཁུག ཀོ་ཁུག་ཅེས་པ་ལྟ་བུ། |
| ཁུག་ཞོ |
ཁུལ་ཞོ་དང་དོན་འདྲ། |
| ཁུག་འཁྱོག |
ཁུག་ཀྱོག་དང་འདྲ། |
| ཁུག་རྟ |
ཆར་སྡོད་བྱིའུའམ། ཁ་ལ་ཡུག་གམ། འདག་བྱིའུ། མིང་གི་རྣམ་གྲངས་ལ་སྒྲ་སྒྲོག་དང༌། ཆར་དགའ། ཆར་སྡོད། ཆུ་ཉུང༌། ཐུབ་པའི་བུ། སྤྲིན་འདེགས། སྤྲིན་ལ་སློང༌། བཟང་མོ་བཅས་སོ། ། |
| ཁུག་རྟ |
ཁ་ལ་ཡུག་གི་མིང་གཞན། |
| ཁུག་རྟའི་གློ་བ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་གློ་རྣག་སྐེམ། གློ་རྡོལ་གསོ། |
| ཁུག་རྣ |
ལྷོ་འུར་ཞེས་འབྱུང་སྟེ་ན་བུན་གྱི་མིང་ཡིན་ཟེར་ཡང་ནམ་མཁའ་དྭངས་པའི་ཚེ་སྔ་དྲོའི་དུས་རྒྱང་རིང་པོར་བལྟས་ཚེ་དུ་བ་སྲབ་མོ་ལྟ་བུ་སྔོ་ཕྱུར་རེར་མཐོང་བ་དེ་ཡིན། |
| ཁུག་རྣའི་ཁ་དོག |
ཡན་ལག་གི་ཁ་དོག་བརྒྱད་ཀྱི་ནང་གསེས་ཤིག |
| ཁུག་སྣ |
ཁུག་རྣ་དང་འདྲ། |
| ཁུག་སྣ |
མཁའ་དབུགས་ཀྱི་ནང་དུ་ས་རྡུལ་དང་བྱེ་རྡུལ། ཆུ་རྡུལ་སོགས་འདྲེས་ནས་སྨུགས་པ་ལྟར་འཐིབས་པའི་མདོག་སྐྱ་བོའི་མིང་ (དཔེར་ན།) ཁུག་སྣ་འཐིབས་ལྟ་བུ། འདི་ལ་ཁུག་རྣ་ཞེས་འབྲི་སྲོལ་ཡང་ཡོད། |
| ཁུགས |
(བྱེད་འབྲེལ་ལས་ཚིག) 1.ཁུག་གི་འདས་པ་སྟེ། སྒོར་མོ་སུམ་ཅུས་ལྭ་བ་ཆ་ཚང་ཞིག་ཁུགས་ནས་ད་དུང་ལྷག་མ་ཡོད་ལྟ་བུ། 2.བཀུག་གི་སྐུལ་ཚིག |
| ཁུགས |
ཁུགས་པ་སྟེ་ས་དབྱིབས་དང་དངོས་རྫས་གུག་འཁྱོག་གི་ཁག་གི་མིང་སྟེ། (དཔེར་ན།) རྨ་ཆུའི་ཁུགས་པ། ཐག་པའི་ཁུགས་མགོ། ཐེར་ཁུགས། ས་ཁུགས་ཞེས་པ་ལྟ་བུ། འདི་ལ་ཁུག་འབྲི་བའང་ཡོད། |
| ཁུགས་པ |
ཁུག་པའི་འདས་པ། |
| ཁུང |
བུ་ག་ཆུང་ཆུང་གི་མིང་སྟེ། (དཔེར་ན།) སྣ་ཁུང་། བྱི་ཁུང་། ཆུ་ཁུང་། ཐུར་ཁུང་། ཤིང་ལེབ་ལ་ཁུང་བུ་བརྟོལ་ལྟ་བུ། |
| ཁུང་གཟོང |
ཀོ་བར་བུ་ག་འབིགས་བྱེད་ཅིག |
| ཁུང་དུ་ཉལ |
མངོན་བརྗོད།) སྦྲུལ། |
| ཁུང་པོ |
སྦུབས་དོང༌། |
| ཁུང་བུ |
བུག་པའམ་བུ་ག་སྟེ། (དཔེར་ན།) སའི་ཁུང་བུའི་ནང་དུ་དུག་སྦྲུལ་གནས། རྩིག་པར་ཁུང་བུ་བྲུས་ལྟ་བུ། |
| ཁུང་སྦུབས |
བུ་གའམ་ཁུང་བུའི་ནང༌། |
| ཁུངས |
1.ཆུ་རྒྱུན་སོགས་གང་ནས་བྱུང་སའི་གནས་གཙོ་བོའི་མིང་སྟེ། (དཔེར་ན།) རྨ་ཆུ་དང་འབྲི་ཆུའི་འབྱུང་ཁུངས་ཞེས་པ་ལྟ་བུ། 2.བདེན་དཔང་དུ་འོས་པའི་གཞུང་དང་མི་སོགས་ཀྱི་དོན་ཏེ། (དཔེར་ན།) སྲིད་ཇུས་ཀྱི་ཁུངས་གཏུགས་ས། སྐད་ཆ་ཁུངས་དག ལག་ལེན་ནི་ཡོན་ཏན་ཀྱི་འབྱུང་ཁུངས་ཡིན་ཞེས་པ་སོགས་ལྟ་བུ།3.ལས་དོན་རིགས་སྒྲུབ་སའི་གནས་གཙོ་བོའི་མིང་སྟེ། (དཔེར་ན།) སློབ་གསོ་ལས་ཁུངས། དཔལ་འབྱོར་ལས་ཁུངས་ལྟ་བུ། |
| ཁུངས་གཙིགས |
ཡང་དག་པའམ། ཁུངས་ལུང་ཡོད་པའི་སྐད་ཆ་དང་བྱ་སྤྱོད་ཀྱི་དོན། |
| ཁུངས་ཐུབ་པ |
1.གདེང་ཐུབ་པའམ་བློ་འགེལ་རུང་བ་སྟེ། (དཔེར་ན།) བཀའ་གཏན་ཁུངས་ཐུབ། བློ་ཕུགས་གཏད་ཆོག་པའི་གྲོགས་པོ་ཁུངས་ཐུབ་པ་ལྟ་བུ།2.རྒྱུ་སྤུས་དག་པོའམ་རྐང་ཡག་པོ་སྟེ། (དཔེར་ན།) བསྲེས་ལྷད་ཟོལ་གསུམ་མེད་པའི་དངོས་པོ་ཁུངས་ཐུབ་ལྟ་བུ།3.ཕུགས་ཐུབ་པའམ་ཁུངས་འཛིན་འཕེར་པོའི་དོན་ཏེ། (དཔེར་ན།) ལྷག་བསམ་རྣམ་དག་གིས་བྱས་པའི་ལས་དོན་ཁུངས་ཐུབ་རེད་ལྟ་བུ། |
| ཁུངས་དག་སྤུས་གཙང |
འབྱུང་ཁུངས་ལ་སྐྱོན་མེད་ཅིང༌། སྤུས་ཀ་ལེགས་པ། |
| ཁུངས་དྲངས |
རྒྱུ་མཚན་གྱི་ཁུངས་བཤད་པ། |
| ཁུངས་ཕྱུང |
(བརྡ་རྙིང་།) འབྱུང་ཁུངས་རྩད་གཅོད་པ། |
| ཁུངས་བཙན་པ |
1.འབྱུང་ཁུངས་དག་པ།2.རྒྱབ་རྟེན་ཤུགས་ཅན། |
| ཁུངས་བཙུན་པོ |
འབྱུང་ཁུངས་དག་པོའམ་གཙང་མ། |
| ཁུངས་མ |
1.ཐོག་མའི་རྒྱུ་ཆའི་མིང་སྟེ། (དཔེར་ན།) དཔེ་ཆ་ཁུངས་མ་ཞེས་པ་ལྟ་བུ།2.ཁུངས་གཏུགས་སའི་མིང་སྟེ། (དཔེར་ན།) གཞུང་ཁུངས་མ་ཞེས་པ་ལྟ་བུ། |
| ཁུངས་མེད |
འབྱུང་ཁུངས་གང་ཡིན་བཤད་རྒྱུ་མེད་པ་སྟེ། (དཔེར་ན།) ཁུངས་མེད་ལུང་མེད། ཁུངས་མེད་རྫུན་བཟོ་ཞེས་པ་ལྟ་བུ། |
| ཁུངས་འཁྱོལ་པོ |
མཐའ་འཁྱོངས་པོའམ། ཡིད་བརྟན་འཕེར་བ་སྟེ། (དཔེར་ན།) མི་དྲང་གོ་ཆོད་ཀྱིས་བྱས་པའི་ལས་ཀ་རྣམས་ཁུངས་འཁྱོལ་པོ་ཡོང༌ཞེས་པ་ལྟ་བུ། |
| ཁུངས་འདེད |
གང་ནས་བྱུང་བའི་ཁུངས་རྩད་གཅོད་པ་སྟེ། (དཔེར་ན།) འུར་རྐྱེན་ཡོང་གནས་གང་ཡིན་ཁུངས་འདེད་པ་ལྟ་བུ། |
| ཁུངས་འཚོལ |
འབྱུང་སའི་ཁུངས་གང་ཡིན་རྩད་གཅོད། |
| ཁུངས་ཡོད་ལུང་ཡོད |
ཡིད་ཆེས་གདེང་ཐུབ། |
| ཁུངས་ལ |
ལ་ཞིག་བོད་ཀྱི་འབྲོང་པ་རྫོང་གི་ལྷོ་རྒྱུད་དུ་ཡོད། |
| ཁུངས་ལུང |
འབྱུང་སའི་རྩ་བ་དང༌། སྒྲུབ་བྱེད་ལུང་ཚིག་ཚད་ལྡན་ནམ། དེའི་རྒྱུ་མཚན་ཏེ། (དཔེར་ན།) ཁུངས་ལུང་ཏན་ཏིག ཁུངས་ལུང་མེད་པ། ཁུངས་ལུང་འདྲེན་པ་ཞེས་པ་ལྟ་བུ། |
| ཁུངས་སྐྱེལ |
བདེན་པ་དང་ཡང་དག་པའི་རྒྱུ་མཚན་བཤད་པ་སྟེ། (དཔེར་ན།) ཁུངས་སྐྱེལ་དངོས་རིགས། ཁུངས་སྐྱེལ་ཡིག་རིགས་ཞེས་པ་ལྟ་བུ། |
| ཁུངས་སྐྱེལ་དག་འབུད |
འདི་ཡིན་འདི་མིན་གྱི་ར་སྤྲོད་མཐར་ཕྱིན་བྱེད་པ་སྟེ། (དཔེར་ན།) གནས་ལུགས་ཡོང་རྐྱེན་ཚང་མ་ཧེ་བག་མེད་པའི་ཁུངས་སྐྱེལ་དག་འབུད་བྱེད་པ་ཞེས་པ་ལྟ་བུ། |
| ཁུངས་སྐྱེལ་ར་འཕྲོད |
ར་སྤྲོད་བྱེད་འོས་རྣམས་ངོ་འཕྲོད་པ་སྟེ། (དཔེར་ན།) ཁོ་པའི་བྱ་སྤྱོད་ཚང་མ་ཁུངས་སྐྱེལ་ར་འཕྲོད་དག་གཙང་བྱུང་ཞེས་པ་ལྟ་བུ། |
| ཁུངས་སྒྲིག་པ |
1.དངོས་ཆད་ཀྱི་ཚབ་སྒྲིག་པ་སྟེ། (དཔེར་ན།) རྩིས་འཁྲི་དངོས་རིགས་བོར་ཆད་རྣམས་ཀྱི་ཁུངས་སྒྲིག་པ་ལྟ་བུ།2.འགྲོ་ཁུངས་འཚོལ་བ་སྟེ། (དཔེར་ན།) ཕྲུ་གུ་སློབ་གྲྭར་གཏོང་སའི་ཁུངས་སྒྲིག་པ་ལྟ་བུ།3.སྡེ་ཚན་མ་ནོར་བར་སྦྱོར་བ་སྟེ། (དཔེར་ན།) དངོས་པོ་རྣམས་ཁུངས་སོ་སོར་སྒྲིག་པ། རང་ཁུངས་སོ་སོ་སྒྲིག་པ་ལྟ་བུ། |
| ཁུངས་སྣེ |
ཁུངས་མཚོན་པའི་རྟགས་སམ་ཕྱོགས་ཏེ། (དཔེར་ན།) རྐང་རྗེས་ལ་བལྟས་པས་རྐུན་མ་གང་དུ་སོང་བའི་ཁུངས་སྣེ་རྙེད་ཅེས་པ་ལྟ་བུ། |
| ཁུད |
རས་དང་གདན་པགས་པ་སོགས་ཀྱི་ཐོག་ངོས་ཀྱི་དོན་ཏེ། (དཔེར་ན།) པགས་པའི་ཁུད་ལ་མར་བཏུམས། གདན་ཁུད་ལ་གྲོ་ནས་གདལ། ལག་རས་ཀྱི་ཁུད་ལ་དཔེ་ཆ་གཅུད། ཤོག་གུའི་ཁུད་ལ་སྨན་བཏུམས་ཞེས་པ་སོགས་ལྟ་བུ། |
| ཁུན |
འཁུན་གྱི་འབྲི་ཚུལ་གཞན། |
| ཁུན་ཆུ་ལི |
(སོག་སྐད།) ཁྲུང་ཁྲུང་སོགས་ཀྱི་རི་མོ་ཡོད་པའི་གོས་ཆེན་ཞིག |
| ཁུན་པ |
(བརྡ་རྙིང་།) ཅ་ཅོ། |
| ཁུམ |
བཀུམས་ཀྱི་སྐུལ་ཚིག་སྟེ། (དཔེར་ན།) སྤྱང་ཀི་ཁུམ་ཞིག་ལྟ་བུ། |
| ཁུམ་གཉེར |
ཚུར་འདུས་ཏེ་ཆགས་པའི་གཉེར་མ། |
| ཁུམ་བུ |
ཤིང་ཏོག་ཁམ་བུ་སྟེ། ཁམ་བུའི་སྡོང་པོ་ལོ་མ་ལྷུང་བའི་ཤིང་སྡོང་ཞིག་ཡིན་ཞིང་། མཐོ་ཚད་སྨིས་བཞི་ནས་དགུའི་བར་ཡོད། དཔྱིད་དུས་ལོ་མ་མ་འབུས་གོང་མེ་ཏོག་བཞད་ཅིང་། མེ་ཏོག་དམར་སྐྱའམ་དཀར་པོ་ཡིན། སིལ་ཏོག་སྨིན་ཚེ་ཁ་དོག་དམར་སེར་ཟོས་ན་རོ་སྐྱུར་ལ་མངར་བ་ཡིན། ཚིག་གུའི་ནང་སྙིང་ལ་མངར་བ་དང་ཁ་བ་རིགས་གཉིས་ཡོད་པའི་མངར་བ་ཟ་ཆོག་ལ་ཁ་བ་སྨན་བྱེད་ཆོག སིལ་ཏོག་ལ་ཁམ་བུ་ཟེར། |
| ཁུམས |
1.འགུམས་པའི་སྐུལ་ཚིག 2.(བརྡ་རྙིང་།) 1>ཤེས་སམ་རྟོགས། 2>འགྲིག་པ། 3>འགན་ལེན་བྱེད་ཐུབ་པ་བཅས་ཀྱི་དོན། |
| ཁུར |
(བྱེད་འབྲེལ་ལས་ཚིག) འཁུར་གྱི་འདས་པ་དང་སྐུལ་ཚིག དངོས་རྫས་མིའི་རྒྱབ་དང་ཕྲག་པ་ལ་བཞག་ནས་འཁྱེར་བའི་དོན་ཏེ། (དཔེར་ན།) སླེ་བོ་ཁུར་ནས་ལུད་བཏུས། མེ་མདའ་ཕྲག་ལ་ཁུར་ཅིག་ལྟ་བུ། |
| ཁུར་གདང |
ཁུར་པོའི་གདང་ཤིང༌། |
| ཁུར་གླ |
རྡོག་ཁྲེས་ཁྱེར་བའི་གླ། |
| ཁུར་ཆེན |
1.ཁྲེས་པོ་ཆེན་པོ།2.འགན་ཁུར་ཆེན་པོ། |
| ཁུར་ཐག |
ཁུར་པོ་འཁུར་བྱེད་ཀྱི་ཐག་པ། |
| ཁུར་དཀར |
སྔོ་ཁུར་མོང་དཀར་ནག་གཉིས་ཀྱི་ནང་ཚན་མེ་ཏོག་དཀར་པོ་འཆར་བ་ཞིག |
| ཁུར་ནག |
སྔོ་ཁུར་མོང་དཀར་ནག་གཉིས་ཀྱི་ནང་ཚན། མེ་ཏོག་སེར་པོ་འཆར་བ་ཞིག |
| ཁུར་པོ |
རྒྱབ་ལ་འཁུར་རྒྱུའི་རྡོག་ཁྲེས་ཀྱི་དོན་ཏེ། (དཔེར་ན།) རང་གི་ཁུར་པོ་རང་གིས་འཁུར། ཤིང་ཁུར། འགན་ཁུར། ཁུར་འདོར་བ། ལས་དོན་ཁུར་དུ་ལེན་པ། གཞུང་དོན་ཁུར་གྱིས་དུབ་པ་ལྟ་བུ། |
| ཁུར་བ |
1.འཁུར་བའི་འདས་པ།2. འཁུར་ལ་ལྟོས། |
| ཁུར་བཞི |
ཕུང་པོའི་ཁུར་དང༌། བརྩོན་འགྲུས་ཀྱི་ཁུར། ཉོན་མོངས་པའི་ཁུར། དམ་བཅའི་ཁུར་བཅས་བཞིའོ། ། |
| ཁུར་བཟོད་པ |
འགན་ཁུར་ཆེན་པོ་ལེན་ཕོད་པའམ་དཀའ་སྡུག་དང་ལེན་ནུས་པ། |
| ཁུར་བསླང་ངོ |
(བརྡ་རྙིང་།) ངག་གི་ཉེས་པ་གསོག་པ། |
| ཁུར་བོར་བ |
1.ཁྲེས་ཁུར་བརླག་པ།2.འགན་ཁུར་བསྐྱུར་བ། |
| ཁུར་མང |
ཁུར་མོང་དང་འདྲ། |
| ཁུར་མོང |
ལོ་མང་སྐྱེས་པའི་རྩྭ་ལྡུམ་ཞིག་ཡིན། སྡོང་བུ་སྦུབས་སྟོང་ཅན་ཡིན་ལ་བཅད་ན་ཁུ་བ་དཀར་པོ་འཛག མེ་ཏོག་སེར་པོ་ཡིན། རྩྭ་ཡོངས་རྫོགས་སྨན་དུ་བཀོལ་ཆོག་ལ་ཚོད་མ་བྱས་ཀྱང་ཆོག |
| ཁུར་ཙ |
རྡོག་ཁྲེས་དང་འདྲ། |
| ཁུར་ཙ་བ |
རྡོག་ཁྲེས་འཁུར་མཁན། |
| ཁུར་ཚ |
ཁུར་ཡོད་པའི་དངོས་རྫས་ཀྱི་མིང་ཁུར་ཙ་དང་འདྲ། |
| ཁུར་ཚ་བ |
ཁུར་ཙ་བ་དང་འདྲ། |
| ཁུར་ཚད |
ཁྲེས་པོ་ཆེ་ཆུང་གི་ཚད། |
| ཁུར་ཚོད |
སྔོ་ཁུར་མོང་ལས་བྱས་པའི་ཚོད་མ་སྟེ་ནུས་པས་ཚ་བ་སེལ། |
| ཁུར་ཚོས |
མཁུར་ཚོས་དང་འདྲ། |
| ཁུར་འགེལ་བ |
1.དོ་པོ་འཁུར་དུ་འཇུག་པ།2.ལས་འགན་དཀྲི་བ། |
| ཁུར་འདྲེན་པ |
1.རྡོག་ཁྲེས་དབོར་བ།2.ཁུར་པོ་འཁྱེར་བ་པོ། |
| ཁུར་འཛིན |
འགན་ཁུར་ལེན་པ། |
| ཁུར་རྔན |
སྤོམ་ཚོད་ཀྱིས་སྤྲད་པའི་ཁུར་གླ། |
| ཁུར་རྩ |
སྔོ་ཁུར་མོང་གི་རྩ་བ་རོ་ཁ། ནུས་པ་བསིལ། བད་ཀན་སྨུག་པོ་དང༌། ཚ་བ་སེལ། |
| ཁུར་རྩལ་བ |
(མངོན་བརྗོད།) རྡོག་ཁྲེས་འཁུར་མཁན། |
| ཁུར་ལ་མི་འཇིགས |
(མངོན་བརྗོད།) ས་གཞི། |
| ཁུར་ལེན་པ |
1.ཁྲེས་ཁུར་ཚུར་ལེན་པ།2.ལས་ཀའི་འགན་ལེན་པ། |
| ཁུར་ལྕི་བ |
1.ཁུར་པོ་ལྗིད་པོ།2.འགན་ཁུར་ལྗིད་པོ། |
| ཁུར་ཤིང |
1.རྐང་ཐང་ཐག་རིང་འགྲུལ་པའི་རྡོག་ཁྲེས་འཁྱེར་སྤྱད་ཅིག2.ཁུར་པོའི་གདང་ཤིང༌། |
| ཁུར་སེམས |
ཁུར་ལེན་པའི་བསམ་པ། |
| ཁུར་སྐུར་བ |
1.ཁུར་པོ་འཁུར་དུ་འཇུག་པ།2.ལས་འགན་དཀྲི་བ། |
| ཁུལ |
1.ས་ཁོངས་ཀྱི་དོན་ཏེ། (དཔེར་ན།) བཟོ་ལས་ཁུལ། ཞིང་ལས་ཁུལ། རང་སྐྱོང་ཁུལ། ཕྱུགས་ལས་ཁུལ་ཞེས་པ་ལྟ་བུ། 2.ཁུ་ལུ་ཞེས་པའི་ཚིག་བསྡུས་པ། (དཔེར་ན།) ནོར་ཁུལ། རྔ་ཁུལ་ཞེས་པ་ལྟ་བུ། 3.ལས་ཚིག་ལ་ལའི་མཐར་སྦྱར་ན་བརྫུས་པའམ་ཡིན་པའི་ལད་མོ་བྱས་པ་དང་གནད་སྨིན་མ་ཡིན་པའི་རྣམ་པའི་མིང་སྟེ། (དཔེར་ན།) མི་ཤེས་ཤེས་ཁུལ། མ་ཡིན་ཡིན་ཁུལ། འགྲོ་ཁུལ་འདུག་ཁུལ། བསམ་བློ་གཏོང་ཁུལ་ཞེས་པ་སོགས་ལྟ་བུ། |
| ཁུལ་ཕྱིང |
ཁུ་ལུ་ལས་བཟོས་པའི་ཕྱིང་པ། |
| ཁུལ་བལ |
གནག་ཕྱུགས་སོགས་ཀྱི་ཁུ་ལུ་དང་ལུག་བལ། |
| ཁུལ་ཞོ |
བྱིས་པ་འཇོག་བྱེད་ཀྱི་ཡོ་བྱད་ཅིག་གི་མིང་། |
| ཁུལ་འཕྱིང |
ཁུལ་ཕྱིང་དང་འདྲ། |
| ཁུལ་རྩིད |
ཁུ་ལུ་དང་རྩིད་པ། |
| ཁུལ་སྒྱེ |
ཁུ་ལུ་ལས་འཐག་འཚེམ་བྱས་པའི་སྣོད་སྤྱད། |
| ཁུས་མོ |
ངུ་སྐད་ཆེན་པོའི་དོན་ཏེ། (དཔེར་ན།) སེམས་སྡུག་སྟེ་ཁུས་མོ་བཏབ་ལྟ་བུ། |
| ཁུས་འདེབས |
ངུ་སྐད་ཀྱི་ཆོ་ངེ་འདེབས་པའི་དོན་ཏེ། (དཔེར་ན།) ཁྱི་ངན་དགྲ་ཁུས་འདེབས་ཞེས་པ་ལྟ་བུ། |
| ཁུས་སྐད |
ངུ་སྐད་ཀྱི་ཆོ་ངེ་། |
| ཁེ |
ཁེ་ཕན་ཏེ་གྱོང་གུད་ཀྱི་ལྡོག་ཟླའི་མིང་སྟེ། (དཔེར་ན།) ཐུན་མོང་གི་ཁེ་ཕན། ཁེ་འདོད་གྲགས་འདོད་མ་བྱེད་ཅེས་པ་ལྟ་བུ། |
| ཁེ་ཁོལ |
ཚོས་ཁ་སྙོམས་པོ་མ་བྱུང་བའི་ཁྲ་ཐིག་སྟེ། (དཔེར་ན།) རས་འདི་ལ་ཚོས་ཡག་པོ་མ་བརྒྱབ་པས་ཁེ་ཁོལ་བྱུང་འདུག་ལྟ་བུ། |
| ཁེ་གཙང |
གཞན་དང་མ་འདྲེས་པ་སྟེ། (དཔེར་ན།) མི་རིགས་ཁེ་གཙང༌། ཁང་པའི་སྒོ་ར་ཁེ་གཙང་ཞིག་གི་ནང་དུ་བསྡད་ཡོད་ལྟ་བུ། |
| ཁེ་གུན |
ཁེ་བཟང་དང་གྱོང་གུན། ཁེ་གུན་མེད་པ། ཁེ་གུན་ཇི་ཡོང་བརྟག་དཔྱད་ལེགས་པར་བྱེད་ལྟ་བུ། |
| ཁེ་གྱོང |
ཁེ་བཟང་དང་གྱོང་གུན། |
| ཁེ་གྲགས |
ཁེ་བཟང་དང་སྙན་གྲགས། ཁེ་གྲགས་འདོད་སེམས། |
| ཁེ་གྲི |
(ཡུལ་སྐད།) རས་སོགས་འདྲ་བྱེད་ཀྱི་ཡོ་བྱད་ཅིག་རྒྱ་སྐད་དུ་ཇེམ་ཙེ་ཟེར། |
| ཁེ་ཉེན |
1.ཕན་པ་དང་གནོད་པའི་དོན་ཏེ། (དཔེར་ན།) སྒེར་གྱི་ཁེ་ཉེན་ལ་མི་ལྟ་བར་ལས་དོན་ལ་འབད་དགོས་ལྟ་བུ།2.(ཡུལ་སྐད།) དེ་རིང་བརྩིས་པའི་ཉིན་གཉིས་ཀྱི་སྔ་ཉིན། |
| ཁེ་ཉེན་གོ་ཤེས |
ཕན་པའི་ཁེ་དང༌། གནོད་པའི་ཉེན་ཁ་གསལ་པོར་ངོས་འཛིན་པའི་དོན་ཏེ། (དཔེར་ན།) འཕྲལ་ཕུགས་ཀྱི་ཁེ་ཉེན་གོ་ཤེས་བྱེད་པ་ཞེས་པ་ལྟ་བུ། |
| ཁེ་དབང |
ཁེ་བཟང་དང་དབང་ཆའི་དོན་ཏེ། (དཔེར་ན།) བབ་ཐོབ་ཀྱི་ཁེ་དབང༌ཞེས་པ་ལྟ་བུ། |
| ཁེ་པ |
ཚོང་རྒྱག་པའི་ལས་ཀ་ལ་བརྟེན་ནས་འཚོ་བའི་མི། |
| ཁེ་པོ |
རིན་གོང་ཆུང་བའི་དོན་ཏེ། (དཔེར་ན།) ཚོང་ཟོག་དེའི་གོང་ཁེ་པོ་འདུག ཟོག་གོང་ཁེ་རུ་འགྲོ་ལྟ་བུ། |
| ཁེ་ཕན |
ཁེ་བཟང་དང་ཕན་སླེབས་ཀྱི་དོན་ཏེ། (དཔེར་ན།) སྒེར་གྱི་ཁེ་ཕན། སྤྱི་ཚོགས་ཀྱི་ཁེ་ཕན། |
| ཁེ་ཕམ |
ཁེ་གྱོང༌། |
| ཁེ་བཟང |
སྐྱེད་ཁའམ་ཕན་སླེབས་བཟང་པོའི་དོན་ཏེ། (དཔེར་ན།) ཁེ་བཟང་སྤྲད་པ། ཁེ་བཟང་ཡོང་སྒོ་ཞེས་པ་ལྟ་བུ། |
| ཁེ་བུ་སུ |
(ཡུལ་སྐད།) ཉལ་ཁྲིའི་སྟེང་དུ་གདིང་བྱའི་གདན་ཏེ་ཁ་གདན་ནམ་རུམ། |
| ཁེ་བོགས |
ཁེ་བཟང་དང་སྐྱེད་ཀ |
| ཁེ་མེད་གྱོང་མེད |
ཁེ་བཟང་དང་གྱོང་གུན་གཉིས་ཀ་མེད་པ། |
| ཁེ་ཚོང |
ཁེ་བཟང་ཡོད་པའི་ཚོང་ལས། |
| ཁེ་ཚོང་པ |
ཚོང་ཟོག་སྡེབ་ཉོ་བྱས་ཏེ་ཕར་སིལ་ཚོང་བྱེད་མཁན། |
| ཁེ་འཇའ |
(རྒྱ་སྐད།) ཕུ་དུང་མེད་པའི་སྟོད་གོས། |
| ཁེ་འདོད |
རང་ལ་ཁེ་བཟང་པོ་ཐོབ་པར་འདོད་པ། |
| ཁེ་འབབ |
ཁེ་བཟང་བྱུང་འབོར། |
| ཁེ་རུ་མ |
གཅིག་པུའམ་ཧྲང་ཧྲང༌གི་དོན་ཏེ། (དཔེར་ན།) མི་ཚང་ཁེ་རུ་མ། |
| ཁེ་རྐྱང |
ཁེར་རྐྱང་དང་འདྲ། |
| ཁེ་ལས |
ཁེ་བཟང་ཅན་གྱི་ལས་ཀའི་དོན་ཏེ། (དཔེར་ན།) ཁེ་ལས་བདག་གཉེར། བཟོ་ཚོང་སོགས་ཁེ་ལས་སྤེལ་བ་ལྟ་བུ། |
| ཁེ་ལས |
ཐོན་སྐྱེད་དང་སྐྱེལ་འདྲེན། ཉོ་ཚོང་སོགས་དཔལ་འབྱོར་གྱི་བྱ་བ་བྱེད་པའི་སྡེ་ཁག་གི་མིང་ཡིན་ཞིང་། བཟོ་གྲྭ་དང་ལྕགས་ལམ་ཚོང་ལས་ཐམས་ཅད་ཁེ་ལས་ཡིན། |
| ཁེ་ལོག་ཚོང་ལོག |
རིན་ཐང་ལས་བརྒལ་བའི་ཁེ་སྤོགས་ཁོ་ན་གཉེར་བ། |
| ཁེ་སང |
ཁེ་བཟང་དང་འདྲ། |
| ཁེ་སྐྱེད |
ཚོང་གི་མ་རྩའི་འཕལ་ཆ་དང་བུ་ལོན་གྱི་སྐྱེད་ཀ |
| ཁེ་སྒྲུབ |
ཁེ་བཟང་ཐོབ་ཐབས་ཏེ། (དཔེར་ན།) ཁེ་སྒྲུབ་ཁོ་ནའི་བསམ་བློ་གཏོང་མི་རུང་ལྟ་བུ། |
| ཁེ་སྤོགས |
1.ཁེ་ལས་ཀྱི་མ་རྩ་ལས་ལྷག་པའི་ཆ་ཤས་ཀྱི་མིང་སྟེ། (དཔེར་ན།) ཚོང་ལ་ཁེ་སྤོགས་བླངས་ལྟ་བུ། 2.བུན་བཏང་བའི་འཕེལ་ཀ་དང་ཚོང་བྱས་པའི་ཁེ་སྤོགས་ཀྱི་མིང་སྟེ། (དཔེར་ན།) ཚོང་གི་ཁེ་སྤོགས། ཁེ་བཟང་ཞེས་པ་ལྟ་བུ། |
| ཁེ་སྤོགས་པ |
ཁེ་བཟང་སྒྲུབ་མཁན། |
| ཁེ་སྤོགས་འདོད་གདུང |
ཁེ་བཟང་ཆེན་པོ་ཡོང་འདོད་ཀྱིས་ཡིད་གདུང་བ། |
| ཁེ་སླེབས |
ཡོང་འབབ། |
| ཁེགས |
1.(བྱེད་མེད་ལས་ཚིག) བུ་ག་དང་སྦུ་གུ་སོགས་ཀྱི་ནང་དུ་དངོས་རྫས་བཙངས་ནས་དངོས་རྫས་གཞན་འགྲོ་མི་ཐུབ་པར་གྱུར་པའི་དོན་ཏེ། (དཔེར་ན།) སྦུ་གུ་ཁེགས་ནས་དབུགས་རྒྱུ་དཀའ། ཆུ་ཁུང་ཁེགས་ནས་ཆུ་མི་འགྲོ་ལྟ་བུ། 2.མཚམས་ཆད་པར་གྱུར་པའི་དོན་ཏེ། (དཔེར་ན།) སྲོལ་ངན་བཀག་ནས་ཁེགས་ལྟ་བུ། |
| ཁེགས་པ |
ཁེག་པའི་འདས་པ། |
| ཁེང |
(བརྡ་རྙིང་།) བྲན་གཡོག |
| ཁེང་ལོག |
(བརྡ་རྙིང་།) འབངས་གྱེན་ལོག |
| ཁེངས |
1.(བྱེད་མེད་ལས་ཚིག) ནང་དུ་གཏམས་པའི་དོན་ཏེ། (དཔེར་ན།) འབྲུ་མཛོད་འབྲུས་ཁེངས། ཆུ་མཛོད་ཆུས་ཁེངས་ལྟ་བུ། 2.ཁེངས་པ་ཞེས་པའི་ཚིག་བསྡུས་པ། |
| ཁེངས་གཏམ |
ང་རྒྱལ་གྱི་གཏམ་སྟེ། (དཔེར་ན།) ང་རྒྱལ་གྱི་གཏམ་ཡོན་ཏན་ཆེ་ཡང་ཁེངས་གཏམ་མ་བཤད་ལྟ་བུ། མིང་གི་རྣམ་གྲངས་ལ་དྲེགས་ཚིག་དང་རོ་ཁེངས་པའི་གཏམ་མོ། ། |
| ཁེངས་པ |
1.རང་གི་ཡོན་ཏན་སོགས་ལེགས་པར་རློམ་ཞིང་གཞན་ལ་མཐོང་ཆུང་བྱེད་པའི་བསམ་པ་དང་སྤྱོད་པའི་མིང་། (དཔེར་ན།) ཁེངས་པ་སྐྱུངས། ཁེངས་པ་སྤོངས་ལྟ་བུ། ཚིག་བསྡུས་ན་ཁེངས་ཞེས་འབྲི་ཆོག་སྟེ། (དཔེར་ན།) ང་རྒྱལ་ཁེངས་དྲེགས་མ་སྐྱེ། རྒྱུན་དུ་ཁེངས་སྐྱུངས་གྱིས་ལྟ་བུ། 2.(བྱེད་མེད་ལས་ཚིག) ཆབ་རོམ་ཆགས་པའི་དོན་ཏེ། (དཔེར་ན།) དགུན་ས་ཁེངས། རྐང་བ་འཁྱགས་ནས་ཁེངས་སོང་ལྟ་བུ། |
| ཁེངས་པའི་ང་རྒྱལ |
ང་རྒྱལ་གྱི་རྣམ་གྲངས་ཤིག |
| ཁེངས་མེད |
1.ང་རྒྱལ་མེད་པ།2.སངས་རྒྱས་ཤིག་གི་མཚན། |
| ཁེངས་རློམ |
ང་རྒྱལ་གྱི་སྒོ་ནས་མ་ཡིན་ཡིན་མདོག་བྱེད་པ། |
| ཁེངས་རློམ་གཞན་བརྙས |
ང་རྒྱལ་གྱི་སྤོབས་པས་གཞན་དག་ཁྱད་དུ་བསད་པ། |
| ཁེངས་ལྡན་མ |
(མངོན་བརྗོད།) བུད་མེད་དར་མ། |
| ཁེངས་སེམས |
ང་རྒྱལ་གྱི་སེམས་ཏེ། (དཔེར་ན།) མཁས་འདོད་ཡོད་ན་ཁེངས་སེམས་མེད་པ་བྱེད་དགོས། རང་གི་ཁེངས་སེམས་མ་བཅག་ན། གཞན་གྱི་ཡོན་ཏན་མཐོང་མི་ཡོང༌ཞེས་པ་ལྟ་བུ། |
| ཁེངས་སྐྱུང |
ང་རྒྱལ་དོར་བའམ་སྤངས་པའི་དོན་ཏེ། (དཔེར་ན།) ཁེངས་སྐྱུང་བྱས་ན་ཡར་ཐོན་ཡོང༌། ང་རྒྱལ་བྱས་ན་རྗེས་སུ་ལུས། |
| ཁེད |
དམངས་ཁྲོད་དུ་ཡོད་པའི་གབ་ཚིག་གི་བརྡ་ཞིག་སྙན་ངག་གི་གབ་ཚིག་གི་རྒྱན་དང་འདྲ། (དཔེར་ན།) མི་བརྒྱ་ལ་སྐེ་རགས་གཅིག་ཡོད་པ་དེ་གང་ཡིན་ནམ། ལན་དུ། ཕྱགས་མའོ། ། |
| ཁེན |
1.(བྱེད་མེད་ལས་ཚིག) མི་འགྱེལ་བའི་ཆེད་དུ་གཞན་ལ་བརྟེན་པའི་དོན་ཏེ། (དཔེར་ན།) ལུས་པོ་རྩིག་པ་ལ་ཁེན། ལག་པ་འཁར་བ་ལ་ཁེན་ལྟ་བུ།2.སྤར་ཁ་བརྒྱད་ཀྱི་བཞི་པ། |
| ཁེན་གནམ |
(རྒྱ་སྐད།) སྤར་ཁ་བརྒྱད་ཀྱི་བྱེ་བྲག་ཅིག |
| ཁེན་པ |
(ཡུལ་སྐད།) སྙེ་བའམ་རྟེན་པའི་དོན་ཏེ། (དཔེར་ན།) གཡས་གཡོན་ལ་མི་ཁེན་པར་ཙོག་པུར་བསྡད་ལྟ་བུ། |
| ཁེབ |
ཁེབས་དང་འདྲ། |
| ཁེབས |
(བྱེད་འབྲེལ་ལས་ཚིག) འགེབ་ཐུབ་པའམ་སྒྲིབ་ཐུབ་པའི་དོན་ཏེ། (དཔེར་ན།) རང་ཁ་ལག་པས་ཁེབས་རུང་གཞན་ཁ་ཕྱར་བས་མི་ཁེབས། ས་གཞི་ཀོ་བས་མི་ཁེབས་ཀྱང་ལྷམ་མཐིལ་ཀོ་བས་གཡོགས་ན་ཆོག་ཅེས་པ་ལྟ་བུ། |
| ཁེབས་གཅོད |
སྣོད་ཀྱི་ཁེབས་གཡོགས། |
| ཁེབས་ཆེ་བ |
ཁྱབ་ཆེ་བ། |
| ཁེབས་ཐིག |
གཡོག་སྤྱད་སྡོམ་བྱེད་ཀྱི་ཐག་པ། |
| ཁེབས་མ |
རྟ་དྲེལ་སོགས་ཀྱི་སྒལ་པར་གཡོག་བྱེད་ཀྱི་རས་གང་ཕྱིང་སྟན་སོགས། |
| ཁེབས་འབུབས་པ |
གཡོག་པ་དང་འགེབས་པ། |
| ཁེམ |
ཞིང་ཆས་ཤིག་གི་མིང་སྟེ། (དཔེར་ན།) ཤིང་ཁེམ། ལྕགས་ཁེམ་ཞེས་པ་ལྟ་བུ། |
| ཁེམ་བུ |
ཟས་ཟ་བྱེད་ཀྱི་ཡོད་བྱད་ཁེམ་དང་དབྱིབས་མཚུངས་པ་ཞིག་གི་མིང་། |
| ཁེའུ་སུས |
(བརྡ་རྙིང་།) རྒྱུན་ཟས་མ་ཡིན་པའི་ཁ་ཟས་བཟང་པོ། |
| ཁེར |
1.(བྱེད་མེད་ལས་ཚིག) རྒྱས་པའམ་གྱེན་དུ་འགྲེང་བའི་དོན་ཏེ་ཀེར་དང་དོན་འདྲ། 2.(རྒྱན་ཚིག) རྐྱང་པའི་དོན་ཏེ། (དཔེར་ན།) མི་ཁེར་འདུག་རྟ་ཁེར་རྒྱུག ཤིང་ཁེར་སྐྱེས། གྲོགས་མེད་ཁེར་རྐྱང་ཞེས་པ་ལྟ་བུ། |
| ཁེར་དགོད |
རང་ཉིད་གཅིག་པུར་དག་མོ་དགོད་པ། |
| ཁེར་མ |
གཅིག་བུའི་དོན་ཏེ། (དཔེར་ན།) གཅིག་པུ་རྐྱེན་མེད་པའི་རྒྱུ་ཁེར་མ་ལ་འབྲས་བུ་ག་ནས་ཡོང༌། མདའ་རྒོད་ཁེར་འཕེན། དཔུང་རྒོད་ཁེར་ངོམ་ཞེས་པ་ལྟ་བུ། |
| ཁེར་འགྲོ |
གཅིག་པུར་རྒྱུ་བ་སྟེ། (དཔེར་ན།) ཕོ་རྒོད་པོས་དཔུང་གདང་མ་བསྒྲིགས་པར། ཁེར་འགྲོ་སྲོག་དམར་སྐྱེལ་བའི་རྒྱུ། རྟ་རྒོད་ཁེར་རྒྱུག་མི་རྒོད་ཁེར་འགྲོ་ཞེས་པ་ལྟ་བུ། |
| ཁེར་ཡ |
གཅིག་པུ། |
| ཁེར་རེ་མ |
ཆིག་རྐྱང་ངམ་གཅིག་པུ། |
| ཁེར་རྐྱ |
ཆིག་རྐྱ་སྟེ། (དཔེར་ན།) སྐུད་པ་ཁེར་རྐྱས་རྟ་མི་ཐོགས། |
| ཁེར་རྒོད |
ཁེར་དགོད་དང་འདྲ། |
| ཁེར་ལབ |
གྲོགས་མེད་ཆིག་ལབ། |
| ཁེལ |
1.(བྱེད་འབྲེལ་ལས་ཚིག) ཕོག་པའི་དོན་ཏེ། (དཔེར་ན།) མདའ་འཕངས་ཏེ་འབེན་ལ་ཁེལ། ཚིག་བཤད་པ་དོན་ཐོག་ལ་ཁེལ་ལྟ་བུ། 2.ཡིད་ཆེས་པའི་དོན་ལ་འཇུག་པ་ནི། (དཔེར་ན།) སེམས་ཁེལ་བ། བློ་ཁེལ་ས་ཞེས་པ་ལྟ་བུ། |
| ཁེལ་བ |
འཁེལ་བའི་འདས་པ། |
| ཁོ |
ང་དང་ཁྱོད་ལས་གཞན་པའི་མི་གསུམ་པ་སྟོན་པའི་ཚབ་ཚིག་སྟེ། (དཔེར་ན།) ཁྱོད་ཀྱིས་ཁོ་ངོ་ཤེས་སམ། ཁོ་ཁྱོད་ཀྱི་སློབ་གྲོགས་ཡིན་ནམ། ཁོ་རང་། ཁོ་ཚོ། ཁོ་རྣམས་ཞེས་པ་སོགས་ལྟ་བུ། |
| ཁོ་ཅག |
ཁོ་རང་ཚོ་དང་འདྲ་ཁོ་ཅག་དང་ངེད་ཅག་མཉམ་དུ་ལས་དོན་བྱེད་མྱོང༌ལྟ་བུ། |
| ཁོ་ཆུ་གོང་མ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག་གོ་ལོག་དགའ་བདེ་ས་ཆར་ཡོད། |
| ཁོ་ཆུ་འགབ་མ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག་མགོ་ལོག་དགའ་བདེ་ས་ཆར་ཡོད། |
| ཁོ་ཉིད |
ཁོ་པ་རང་ཉིད། |
| ཁོ་ཐག |
(གྲོགས་ཚིག) གཏན་ལ་ཕབ་པའི་དོན་ལ་འཇུག་པ་ནི། (དཔེར་ན།) ཡིན་མིན་ཁོ་ཐག་བཅད། ཁོ་ཐག་གཅོད་དགོས། ཁོ་ཐག་ཆོད་ཅིག་ལྟ་བུ། |
| ཁོ་ཐག་ཆོད་པ |
རེ་ཐག་ཆོད་པའམ། རེ་བ་ཟད་པའི་དོན་ཏེ། (དཔེར་ན།) གཏོར་མ་ཆུར་གཡུགས་ན་བྱ་ཁྱི་ཁོ་ཐག་ཆོད་ཡོང༌ལྟ་བུ། |
| ཁོ་ཐོ |
ཀོ་བ་ལས་བཟོས་པའི་མེ་མདའི་རྫས་བླུག་སྣོད། |
| ཁོ་ན |
(རྒྱན་ཚིག) མིང་གང་ཡང་རུང་བའི་མཐར་སྦྱར་ན་དེ་གཅིག་པུའི་དོན་ཏེ། (དཔེར་ན།) མི་ཁོ་ནས་མ་གཏོགས་སྲོག་ཆགས་གཞན་གྱིས་ཡོ་བྱད་བཀོལ་ནས་ངལ་རྩོལ་བྱེད་མི་ཤེས་ལྟ་བུ། |
| ཁོ་ན་ཉིད |
འབའ་ཞིག་གམ་གཅིག་པུའི་དོན་ཏེ། (དཔེར་ན།) རང་ཉིད་ཁོ་ན་ཉིད། བདེན་དོན་ནི་གནས་ལུགས་ཁོ་ན་ཉིད་ཡིན་ལྟ་བུ། |
| ཁོ་པ |
མི་དེ་ཞེས་པའི་དོན་ཏེ། (དཔེར་ན།) ཁོ་པ་ཚོས་གང་བཤད་ཚང་མ་བདེན་པར་མ་འཛིན་ལྟ་བུ། |
| ཁོ་བོ |
སྐྱེས་པ་བདག་གམ་རང་ཉིད་ཀྱི་དོན་ཏེ། (དཔེར་ན།) ཁོ་བོ་དུས་རྣམ་པ་ཀུན་ཏུ་བདེ་པོ་ཡིན། དེ་ནི་ཁོ་བོའི་བློ་དང་ཡོངས་སུ་མཐུན། ལས་དོན་འདིའི་སྐོར་ཁོ་བོ་ཅག་གིས་གཡས་གཞོགས་གཡོན་འདེགས་བྱས་ནས་བསྒྲུབ་དགོས་ལྟ་བུ། |
| ཁོ་མོ |
སྐྱེ་དམན་བདག་གམ་རང་ཉིད། |
| ཁོ་ཚག |
ཟས་རླངས་འཚོད་བྱེད་པའི་ཡོ་བྱད་ཅིག་གི་མིང་། |
| ཁོ་ར |
ཉེ་འཁོར་རམ་མཐའ་སྐོར་གྱི་མིང་སྟེ། (དཔེར་ན།) གྲོང་ཁྱེར་གྱི་ཁོ་ར་ཁོར་ཡུག་ཅེས་པ་ལྟ་བུ། |
| ཁོ་ར་ཁོར་ཟུག |
ཁོ་ར་ཁོར་ཡུག་དང་དོན་གཅིག |
| ཁོ་ར་ཁོར་ཡུག |
1.མཐའ་བསྐོར་བའི་མུ་ཁྱུད་དམ་ལྕགས་རི།2.མཐའི་རྒྱ་ཁྱོན་འཁོར་མོ། |
| ཁོ་རང |
མི་དེ་རང༌། |
| ཁོ་རེ |
སྐྱེས་པ་ལ་འབོད་པའི་སྒྲ་སྟེ། (དཔེར་ན།) ཁོ་རེ་ཉོན་དང་འཕྲིན་འདི་སྐྱོལ་ཅིག ཁོ་རེ་ཁྱོད་དལ་བར་མ་འདུག་ལས་ཀ་གྱིས་ལྟ་བུ། |
| ཁོ་ལག |
1.ལུས་པོའམ་ལུས་པོའི་ཡན་ལག2.(བརྡ་རྙིང་།) ཆུ་ཞེང་ངམ་རྒྱ་ཁྱོན། |
| ཁོ་ལག་ཡངས་པ |
1.རྒྱ་ཁྱོན་ཆེ་བ།2.ལུས་ཀྱི་སྟོབས་ཤུགས་ཆེ། |
| ཁོ་ལག་རྫོགས་པ |
འཕེལ་སྟོབས་ཡོངས་སུ་རྫོགས་པ་ལུས་ཀྱི་ཁོ་ལག་རྫོགས་པའི་དར་མ་ཞིག་ཅེས་པ་ལྟ་བུ། |
| ཁོ་ཤེད |
ཁོ་ན་རེའམ། ཁོས་འདི་སྐད་ཟེར་ཞེས་པའི་དོན། |
| ཁོག |
1.མི་ཕྱུགས་ཀྱི་ལུས་ཀྱི་མིང་སྟེ། (དཔེར་ན།) ལུས་ཁོག ཤ་ཁོག་ཅེས་པ་ལྟ་བུ། 2.ཕྱི་ཤུན་སྲ་མོའི་མིང་སྟེ། (དཔེར་ན།) སྟར་ཁོག་སྐམ་པོ་ཞེས་པ་ལྟ་བུ།3.མི་ཕྱུགས་ཀྱི་ལྟོ་བའི་ནང་ཕྱོགས་ཀྱི་མིང་སྟེ། (དཔེར་ན།) ཁོག་ན་དོན་ལྔ་སྣོད་དྲུག་ཡོད་ལྟ་བུ། 4.1ནང་གི་དོན་ཏེ། (དཔེར་ན།) ལུང་ཁོག ནང་ཁོག ཤིང་ཁོག་སྟ་རེས་ལོན་ཀྱང་། མི་ཁོག་མི་ཡིས་ཤེས་དཀའ་ཞེས་པ་ལྟ་བུ། 4.རྫ་སྣོད་ཀྱི་མིང་སྟེ། (དཔེར་ན།) རྫ་ཁོག་ཅེས་པ་ལྟ་བུ།5.བཀག་དང་བཀོག་གི་སྐུལ་ཚིག་ལ་ཁོག་ཅེས་འབྲི་བའང་ཡོད། |
| ཁོག་གཅིག |
1.གཡག་ལུག་སོགས་ཀྱི་ཤ་ཕྱི་སྒྲོམ་ཆ་ཚང་གཅིག་སྟེ། (དཔེར་ན།) ལུག་ཤ་ཁོག་གཅིག་ལྟ་བུ།2.ནང་དོན་གཅིག་པའི་དཔེ་སྟེ། (དཔེར་ན།) སྐད་ཆ་བཤད་སྟངས་མི་འདྲ་ཡང༌། ནང་དོན་ཁོག་གཅིག་རེད་ལྟ་བུ། |
| ཁོག་གཅོང |
མ་ཞུ་བའི་རྒྱུ་བྱས་པའི་ཁོང་ནད་རྙིང་པ་ནང་གསེས་སུ་དབྱེ་ན་གཅོང་སྡེ་བཞི་དང་གཅོང་སྡེ་དྲུག་གཅོང་སྡེ་བཅུ་དྲུག་བཅས་མཆིས། |
| ཁོག་ཆུང |
ཁོག་པ་ཆུང་ངུའི་བསྡུས་ཚིག |
| ཁོག་ཆུད |
ཤེས་རྟོགས། |
| ཁོག་དབུབ་སྟོང་ཐུན་གྱི་ཆིངས |
ཆིངས་ལྔའི་ནང་ཚན་ཞིག་དཔེ་ཆའི་གཞུང་དོན་ཁོག་སྒྲིག་གི་ས་བཅད། |
| ཁོག་པ |
1.མི་ཕྱུགས་ཀྱི་ལྟོ་བའམ། སྣོད་སྤྱད་ཀྱི་ནང་དང་སྦུག་གི་དོན་ཏེ། (དཔེར་ན།) ཟས་ངན་གཅིག་གིས་ཁོག་པའི་སྟོད་སྨད་དཀྲུག བུམ་པའི་ཁོག་ན་བདུད་རྩི་ལྟེམ་མེར་འཁྱིལ་ལྟ་བུ། 2.སེམས་པའམ་གཤིས་རྒྱུད་ཀྱི་དོན་ཏེ། (དཔེར་ན།) ཁ་འོ་མ་ཁོག་ཚེར་མ། ཕོ་ཁྱོ་གའི་ཁོག་པར་མདའ་ཤོང་མདུང་ཤོང༌། ཁོག་པར་དྲན་ཚད་ཁ་ནས་བཤད་པ་ཞེས་པ་ལྟ་བུ། |
| ཁོག་པ་ཅན |
1.མི་སེམས་རྒྱུད་ངང་རིང་བ།2.(མངོན་བརྗོད།) རུས་སྦལ། |
| ཁོག་པ་ཆུང་ངུ |
1.ཁོག་པ་ཆེན་པོའི་ལྡོག་ཕྱོགས་ཏེ་གྲོད་ཁོག་ཆུང་ཆུང༌།2.བཟོད་སེམས་མེད་པ། |
| ཁོག་པ་འགྲིམ |
ཁོག་པ་འཁྲུ་བའམ་བཤལ་བ་སྦྱོང་སྨན་བཏུང་བས་ཁོག་པ་འགྲིམ་གྱིན་འདུག་ལྟ་བུ། |
| ཁོག་པ་རྒྱོང་བ |
1.དཀྲུག་འདོད་ཀྱིས་གཞན་ལ་ངན་སློབ་པ།2.ནང་ནས་རྒྱོང་བ། |
| ཁོག་ཕྲུག |
ཁོག་མ་ཆུང་ཆུང༌། |
| ཁོག་བརྒྱངས་ཟིང་སློང |
བསམ་ངན་གྱིས་གཞན་སེམས་བསྐུལ་ནས་ཟིང་འཁྲུག་སློང་བ། |
| ཁོག་མ |
ཟས་གཡོ་བྱེད་རྫ་སྣོད་ཀྱི་མིང་རྫ་མའི་ཁོག་མ། རྫ་ཁོག རྡོ་ཁོག་ཅེས་པ་ལྟ་བུ། |
| ཁོག་མནའ |
སྙིང་ཐག་པའི་མནའ་འམ། དམ་བཅའ། |
| ཁོག་ཚིལ |
ཁོག་པའི་ནང་གི་ཚི་ལུ། |
| ཁོག་ཚོད |
ཉམས་ཚོད་ཀྱི་དོན་ཏེ། (དཔེར་ན།) རང་རྒྱུས་རང་གིས་མི་ཤེས་པར་གཞན་གྱི་ཁོག་ཚོད་ལེན་པ་མཚར་ལྟ་བུ། |
| ཁོག་ཞུགས |
1.མིའི་ཁོག་ཏུ་ལྷ་འདྲེ་ཞུགས་པ་ལྷ་ཁོག་ཞུགས་ཀྱིས་ལུང་བསྟན་གནང་ལྟ་བུ། 2.མི་ཞིག་གི་བློ་མི་གཞན་ཞིག་གིས་བསྐྱོད་པའམ་བསྒྱུར་པ། |
| ཁོག་འབུབས |
དཔེ་རིས་སོགས་སྐྱ་ཐིག་ཙམ་འབྲི་བའམ་རྩོམ་གཞུང་གི་ནང་དོན་རགས་རིམ་བཤད་པའམ་བྲིས་པའི་དོན་ཏེ། (དཔེར་ན།) རྩོམ་འབྲི་བར་ཐོག་རྩོམ་ཁོག་འབུབས་དགོས་ལྟ་བུ། |
| ཁོག་འབུབས་དྲང་སྲོང་ཀུན་ཏུ་དགའ་བའི་ཟློས་གར |
རབ་བྱུང་བཅུ་པའི་ནང་ཟུར་མཁར་བློ་གྲོས་རྒྱལ་པོས་མཛད་པའི་རིག་གནས་སྤྱི་དང༌། ཁྱད་པར་དུ་གསོ་བ་རིག་པ་རྒྱ་གར་དུ་དར་ཚུལ་དང༌། རིམ་བཞིན་བོད་དུ་དར་ཚུལ། གཡུ་ཐོག་པ་སོགས་གསོ་རིག་གི་བསྟན་འཛིན་རྣམས་བྱོན་ཚུལ་སོགས་འཁོད་པའི་སྨན་གྱི་ཆོས་འབྱུང་ཞིག |
| ཁོག་འབུབས་འཛུམ་དཀར་བཞད་པའི་ཉི་མ |
རབ་བྱུང་བརྒྱད་པའི་ནང་བྱང་པ་བཀྲ་ཤིས་དཔལ་བཟང་གིས་མཛད་པའི་འཕགས་ཡུལ་དང་བོད་དུ་གསོ་བ་རིག་པ་དར་ཚུལ་དང༌། གསོ་བ་རིག་པའི་བསྟན་འཛིན་གྱི་སྐྱེས་བུ་རྣམས་བྱོན་ཚུལ་སོགས་འཁོད་པའི་སྨན་གྱི་ཆོས་འབྱུང་ཞིག |
| ཁོག་འབུབས་ལེགས་བཤད་གསེར་གྱི་སྙེ་མ |
རབ་བྱུང་བརྒྱད་པའི་ནང་བྱར་པོ་པཎ་ཆེན་གྱིས་མཛད་པའི་གསོ་བ་རིག་པ་ཇི་ལྟར་དར་བའི་ཚུལ་བཤད་པའི་སྨན་གྱི་ཆོས་འབྱུང་ཞིག |
| ཁོག་འབུབས་ལེགས་བཤད་བཻཌཱུརྻའི་མེ་ལོང་དྲང་སྲོང་དགྱེས་པའི་དགའ་སྟོན |
རབ་བྱུང་བཅུ་གཉིས་པའི་ཆུ་མོ་ལུག་གི་ལོར་སྡེ་སྲིད་སངས་རྒྱས་རྒྱ་མཚོས་མཛད་པའི་འཕགས་ཡུལ་དང་བོད་དུ་གསོ་བ་རིག་པ་ཇི་ལྟར་དར་བའི་ཚུལ་དང་གཡུ་ཐོག་ཡོན་ཏན་མགོན་པོ་སོགས་གསོ་བ་རིག་པའི་བསྟན་འཛིན་གྱི་སྐྱེས་བུ་རྣམས་བྱོན་ཚུལ་སོགས་གསལ་བར་འཁོད་པའི་སྨན་གྱི་ཆོས་འབྱུང་ཞིག |
| ཁོག་འབུབས་ཤེས་བྱ་རབ་གསལ |
རབ་བྱུང་བཞི་པའི་ནང་བྲང་ཏི་དཔལ་ལྡན་འཚོ་བྱེད་ཀྱིས་མཛད་པའི་གསོ་བ་རིག་པ་དར་ཚུལ་གྱི་ཆོས་འབྱུང་ཞིག |
| ཁོག་ཡངས |
1.བློ་རྒྱ་ཆེ་བའི་དོན་ཏེ། (དཔེར་ན།) བརྟན་བརླིང་ཁོག་ཡངས་ཀྱི་མི་ལ་གྲོགས་པོ་མང་ལྟ་བུ།2.རྒྱའམ་ཁད་ཀྱི་དོན་ཏེ། (དཔེར་ན།) ལུང་པ་ཁོག་ཡངས་སུ་ནོར་ལུག་འཚོས་ལྟ་བུ། |
| ཁོག་རུལ |
1.ནང་ངམ་སྙིང་རུལ་བའི་དོན་ཏེ། (དཔེར་ན།) ཁོག་རུལ་ཞིང་འབྱོན་ཐང་མེད་ན་ལས་དོན་སྒྲུབ་མི་ཐུབ་ལྟ་བུ།2.བསམ་པ་ངན་པའི་དོན་ལའང་འཇུག |
| ཁོག་རྒས |
གཟུགས་ཁོག་རྒས་པ། |
| ཁོག་རྒྱོང |
ངན་སློབ་པའམ་འུར་སློང་བ། |
| ཁོག་རྩིས |
1.བློ་ཐོག་གི་གྲངས་རྩིས།2.བསམ་བློའི་འཆར་གཞི། |
| ཁོག་རྩེ |
ཀོག་ཙེ་དང་འདྲ། |
| ཁོག་ལྟིར |
རྫ་སོགས་ལས་བཟོས་པའི་ཇ་སྣོད་ཆང་སྣོད། |
| ཁོག་ལྡིར |
ཇ་སྐོལ་བྱེད་ཀྱི་རྫ་སྣོད་ཀྱི་མིང་། ཁོག་ལྟིར་ཀྱང་འབྲི། |
| ཁོག་ཤིང |
སྲོག་ཤིང༌། |
| ཁོག་སོབ |
ཁོག་པ་མཁྲེགས་པོ་མིན་པ། |
| ཁོག་སྟོང |
ནང་སྟོང་པ་གཟི་བརྗིད་ཆེ་ཡང་ཁོག་སྟོང༌ཡིན་ལྟ་བུ། |
| ཁོག་སྟོད |
ལུས་ཀྱི་སྟོད། |
| ཁོག་སྡོམ་པ |
ཁ་འགྲིལ་བའམ། ཁ་མཐུན་པ། |
| ཁོག་སྤུན |
རུམ་སོགས་ཀྱི་སྤུན། |
| ཁོག་སྦུབས |
ཁོག་པའི་ནང་གི་སྟོང་ཆ། |
| ཁོག་སྨད |
ལུས་ཀྱི་སྨད། |
| ཁོག་སྨན |
བཏུང་བྱའམ་བཟའ་བྱའི་སྨན་ཏེ། (དཔེར་ན།) ལྟོ་བའི་ནད་ལ་ཁོག་སྨན་འཐུང༌ལྟ་བུ། |
| ཁོགས |
1.(བྱེད་འབྲེལ་ལས་ཚིག) བཀག་པའི་སྐུལ་ཚིག། དགག་པ་བརྒྱབ་པའི་དོན་ཏེ། (དཔེར་ན།) ཁུངས་མེད་པའི་བཤད་ཚུལ་རིགས་པས་ཁོགས་ཤིག། ཆུ་ཁོགས་ཤིག་ཅེས་པ་ལྟ་བུ།2.(བྱེད་འབྲེལ་ལས་ཚིག) བཀོག་གི་སྐུལ་ཚིག (དཔེར་ན།) རྩིག་ངོས་ཀྱི་ཤོག་བུ་རྣམས་ཁོགས་ཤིག་ལྟ་བུ།3.སྔོན་ལ‘ཁ'སྦྱར་ན་སྐད་ཆ་བཤད་མཚམས་འཇོག་པའི་དོན་ལ་འཇུག་སྟེ། (དཔེར་ན།) ཁ་ཁོགས་ཤིག་ལྟ་བུ། |
| ཁོང |
1.ཁོ་རང་ཞེས་པའི་ཞེ་ས་སྟེ། (དཔེར་ན།) སྨན་པ་ཁོང་གིས་རྨས་མ་ཚོར་སྨན་འཆོས་མཛད་ལྟ་བུ།2.སེམས་དང་བསམ་པའི་དོན་ཏེ། (དཔེར་ན།) གད་མོ་ཁོང་ནས་རྒོད་པ་ལ་རྒྱུ་མཚན་ཅི་ཡོད། ཁ་ཙམ་མ་ཡིན་ཁོང་ནས་ཕྱུང་བའི་སྙིང་གཏམ་ཡིན་པས་སེམས་ལ་ཞོག་ལྟ་བུ། 3. ཁོག་པ་དང་ནང༌གི་དོན་ཏེ། (དཔེར་ན།) ཁོང་ནང་ཟུག་རྔུ་སྨན་གྱིས་འབྱིན་དགོས་ལྟ་བུ། 4.འགེངས་པའི་སྐུལ་ཚིག་ལ། ཁོང་དང་ཁེང་འབྲི་བའང་ཡོད། |
| ཁོང་ཁྲག |
ཁོག་པའི་ནང་གི་ཁྲག་སྟེ། (དཔེར་ན།) ཁ་ནས་ཁོང་ཁྲག་བསྐྱུགས་ན་ཉེན་ཁ་ཆེ་ལྟ་བུ། |
| ཁོང་ཁྲོ |
ཞེ་སྡང་དགྲ་ལ་སོགས་པ་སེམས་ཅན་ཕ་རོལ་པོ་རྣམས་ལ་བརྡེག་ཅིང་གསད་པ་ལ་སོགས་པ་གནོད་པ་སྣ་ཚོགས་བྱ་བར་སེམས་པ། |
| ཁོང་ཁྲོ་བ |
ཞེ་སྡང་བ། |
| ཁོང་ཁྲོའི་ཕྲ་རྒྱས |
སེམས་ཅན་དང༌། སྡུག་བསྔལ། སྡུག་བསྔལ་གྱི་གཞི་བཅས་ལ་ཀུན་ནས་མནར་བའི་སེམས་ཀྱི་བག་ལ་ཉལ་བ། |
| ཁོང་ཁྲོའི་ཡུལ |
དགྲ་སོགས་སེམས་ཅན་དང༌། སྡུག་བསྔལ་དང༌། སྡུག་བསྔལ་གང་ལས་འབྱུང་བའི་གནས་རྣམས་སོ། ། |
| ཁོང་གཅོང |
1. (བརྡ་རྙིང་།) སེམས་ཁྲལ་ཡོད་པ།2.ཁོང་ནད་ཡོད་པ། |
| ཁོང་གནག |
ཞེ་ནག་པོའམ་སེམས་ངན་པོ། |
| ཁོང་གསེང |
ཕར་ཚུར་བརྟོལ་བའི་བུ་གའི་མིང་སྟེ། (དཔེར་ན།) པ་ཏྲ་ཁོང་གསེང་མ་ཞེས་པ་ལྟ་བུ། |
| ཁོང་གསེབ |
བར་སྲུབ་ཀྱི་དོན་ཏེ། (དཔེར་ན།) ཤིང་གི་ཁོང་གསེབ་ཏུ་སྦས་པ། བྲག་གི་ཁོང་གསེབ། རྩིག་པའི་ཁོང་གསེབ་ཅེས་པ་ལྟ་བུ། |
| ཁོང་གློད |
སེམས་ལྷོད་པོར་བཞག་པ། |
| ཁོང་ངན་ལག་ཡང |
སེམས་ངན་ལག་རྡེག་གི་དོན་ཏེ། (དཔེར་ན།) ཁོང་ངན་ལག་ཡང་བྱས་ནས་འཐུས་ཚང་ཤོར་ཞེས་པ་ལྟ་བུ། |
| ཁོང་ཆུད |
1.ཁོང་དུ་ཆུད་པ་སྟེ་ལེགས་པར་རྟོགས་པའི་དོན་ཏེ། (དཔེར་ན།) གང་ཞིག་ཁོང་དུ་ཆུད་པ་ལག་ཏུ་ལོངས་ཞེས་པ་ལྟ་བུ།2.(མངོན་བརྗོད།) སྡུག་བསྔལ། |
| ཁོང་དགོད |
སེམས་ཀྱི་གཏིང་ནས་ཤོར་བའི་གད་མོ། |
| ཁོང་དུ་ཆུད་པ |
ལེགས་པར་རྟོགས་པའི་དོན་ཏེ། (དཔེར་ན།) རིག་གནས་ཤེས་བྱ་ཁོང་དུ་ཆུད་པ་ཞིག་བྱེད་དགོས། ལག་རྩལ་གྱི་ཤེས་ཡོན་རྣམས་ཁོང་དུ་ཆུད་པ་ཞིག་བྱེད་དགོས་ལྟ་བུ། |
| ཁོང་དུ་ཆུད་པའི་ལེའུ་གསུམ |
སྟོན་པ་མྱ་ངན་ལས་འདས་ནས་བསྟན་པའི་གནས་ཚད་ལོ་ལྔ་བརྒྱ་ཕྲག་བཅུའི་དང་པོ་ནས་གསུམ་པའི་བར་རིམ་བཞིན་དགྲ་བཅོམ་པའི་ལེའུ་དང༌། ཕྱིར་མི་འོང་བའི་ལེའུ། རྒྱུན་དུ་ཞུགས་པའི་ལེའུ་སྟེ་གསུམ། |
| ཁོང་ནང |
ཁོག་པའི་ནང༌། |
| ཁོང་ནད |
ཁོག་ནད། |
| ཁོང་པའི་དྲོད |
ཁོག་ནང་གི་མེ་དྲོད། |
| ཁོང་མ |
ཁྱིམ་མམ་ནང་མ། |
| ཁོང་ཚར |
ལུག་ཨ་མའི་ཁོག་པའི་ནང་དུ་ཡོད་སྐབས་ཀྱི་ལུག་ཕྲུག་གི་པགས་པ། |
| ཁོང་འཁྱིད |
(བརྡ་རྙིང་།) ནང་ནས་བཏོན་པ། |
| ཁོང་འཁྲུགས་པ |
1.སེམས་མ་ཞི་བར་གྱུར་པ་ཁྱོད་རང་ཅིའི་ཕྱིར་ཁོང་འཁྲུགས་པ་ཡིན་ལྟ་བུ། 1.2.ཁྲོས་པ། |
| ཁོང་འབྱིན |
ཁོག་གམ། ནང་ནས་ཕྱིར་འདོན་པ། |
| ཁོང་འབྲས |
ཁོང་པའི་ནང་གི་དོན་སྣོད་ལ་འབྱུང་བའི་འབྲས་ནད་ཕྱིར་མི་མངོན་པ་ཞིག |
| ཁོང་འཛིན |
སེམས་ཀྱི་གཏིང་ནས་ཁོན་ཏུ་འཛིན་པའི་དོན། |
| ཁོང་ཡངས |
1.སེམས་གུ་ཡངས་པའི་དོན་ཏེ། (དཔེར་ན།) ཁོང་ཡངས་དཀྱེལ་ཆེ། ཁོང་ཡངས་པའི་མི་དེ་སྣང་བ་སྐྱིད་ཅེས་པ་ལྟ་བུ། 2.རྒྱ་ཆེ་བའི་དོན་ཏེ། (དཔེར་ན།) ས་ཆ་ཁ་ཡངས་ཁོང་ཡངས་རེད་ཅེས་པ་ལྟ་བུ། |
| ཁོང་ཡུས |
ཕན་བཏགས་པའི་དྲིན་ངོམས་ཏེ་ཡུས་བཤད་པ། |
| ཁོང་རུལ |
1.སྙིང་རུལ་ཏེ་བསམ་ཤེས་མེད་པ།2.ནང་རུལ་ཏེ་ནང་ཁུལ་གྱི་གསང་པ་ཕྱིར་སྐྱེལ་བ། |
| ཁོང་ལག |
ཁོག་པའི་ནང་དུ་ལག་པ་འཇུག་པ་ལུང་པ་འགའ་ཞིག་ཏུ་ཕྱུགས་ལུག་སོགས་ལ་ཁོང་ལག་བཏང་ནས་གསོད་སྲོལ་ཡོད་ལྟ་བུ། |
| ཁོང་ཤིང |
སྲོག་ཤིང་ངམ། གཙོ་བོའི་དོན་སྙིང༌སྟེ། (དཔེར་ན།) ཁྲིམས་ཀྱི་ཁོང་ཤིང་ཡོ་འཁྱོག་མི་བཟོ་བ་ཞེས་པ་ལྟ་བུ། |
| ཁོང་ཤོར |
1.ཁོག་པའི་ནང་དུ་སོང་བ་སྟེ། (དཔེར་ན།) བྱིས་པས་རྡེའུ་སོགས་མིད་ནོར་བྱུང་ལྟ་བུ།2.ཕྱུགས་ལ་བྱ་བཅོས་བྱེད་སྐབས་འབྲས་བུ་ཁོང་དུ་ཤོར་ཏེ་ལུས་པ། |
| ཁོང་སུབས |
(བརྡ་རྙིང་།) ཁ་སྣོན། |
| ཁོང་སེང |
ཁོང་གསེང་དང་འདྲ། |
| ཁོང་སོབ |
ཁོག་པ་མཁྲེགས་པོ་མིན་པའམ་སོབ་སོབ། |
| ཁོང་སྒྲིལ |
(བརྡ་རྙིང་།) ལྕགས་སྒྲོག |
| ཁོང་སྙིང |
1.ཁོག་པའི་སྙིང༌།2.ཤིང་གི་ཁོང་སྙིང༌། |
| ཁོང་སྙོམ |
(བརྡ་རྙིང་།) སྒྱིད་ལུག་ལེ་ལོ། |
| ཁོང་སྟོང |
(མངོན་བརྗོད།) བུ་ག |
| ཁོང་སྲན |
བཟོད་སྲན། |
| ཁོང་སྲིན |
ཕོ་བ་དང༌། ལོང་ག། རྒྱུ་མ། གཞང༌། མཚན་མ་བཅས་སུ་གནས་པའི་ལྷན་སྐྱེས་ཀྱི་སྲིན་བུ། |
| ཁོངས |
1.(བྱེད་འབྲེལ་ལས་ཚིག) བཀང་གི་སྐུལ་ཚིག (དཔེར་ན།) འབྲུས་བང་མཛོད་ཁོངས་ཤིག་ལྟ་བུ། 2.ས་མཚམས་བགོས་པའི་ས་ཁུལ་གྱི་མིང་སྟེ། (དཔེར་ན།) རྒྱལ་ཁབ་ཀྱི་མངའ་ཁོངས། ཞིང་ཆེན་གྱི་ས་ཁོངས་ཞེས་པ་ལྟ་བུ།3.རིགས་དང་སྡེ་ཁག་གི་མིང་སྟེ། (དཔེར་ན།) ལོ་ཏོག་ཀྱང་རྩི་ཤིང་གི་ཁོངས་སུ་འདུས། སྦྲང་མའང་སྲོག་ཆགས་ཀྱི་ཁོངས་སུ་གཏོགས་ལྟ་བུ། |
| ཁོངས་གཏོགས |
ཕྱོགས་གཏོགས་སམ་རིགས་དང་སྡེ་ཚན་གྱི་དོན་ཏེ། (དཔེར་ན།) བོད་ཀྱི་ཁོངས་གཏོགས་ས་ཆ། རི་དྭགས་ཀྱི་ཁོངས་གཏོགས་ནོར་ལུག་ལྟ་བུ། |
| ཁོད |
1.(བྱེད་འབྲེལ་ལས་ཚིག) བཀད་ཀྱི་སྐུལ་ཚིག་སྟེ། (དཔེར་ན།) བྲག་ཁོད་ཅིག་ཅེས་པ་ལྟ་བུ།2.ཕྱི་ངོས་སམ་ཐོག་ངོས་ཀྱི་མིང་སྟེ། (དཔེར་ན།) ས་ཁོད་སྙོམ། ཆེ་ཆུང་ཁོད་མཉམ་པ་ཞེས་པ་ལྟ་བུ། |
| ཁོད་ར |
ཆུ་འཁོར་ནང་རྩམ་པ་འབབ་ཡུལ་གྱི་སྐྱོར་ར། |
| ཁོད་སྙོམས་པ |
མཐོ་དམའ་ཆ་མཉམ་པ་ས་གཞི་ཁོད་སྙོམས་པ་ལ་ཁང་པ་མང་པོ་བརྒྱབ་ཡོད་ལྟ་བུ། |
| ཁོན |
1.སྤར་ཁ་བརྒྱད་ཀྱི་གཉིས་པ། 2.འཁོན་གྱི་འབྲི་ཚུལ་གཞན། |
| ཁོན་པ |
འཁོན་པ་དང་འདྲ། |
| ཁོན་ས |
(རྒྱ་སྐད།) སྤར་ཁ་བརྒྱད་ཀྱི་བྱེ་བྲག་ཅིག |
| ཁོབ |
འགེབས་པའི་སྐུལ་ཚིག |
| ཁོབ་ཁྲོབ |
ཤིང་བཀོག་པ་དང༌། རྣ་ལྤགས་འདྲིལ་བའི་སྒྲ། |
| ཁོབ་ཤ་ཚ་པོ |
(ཡུལ་སྐད།) ལས་ཀ་འཕྲལ་འཕྲལ་ལ་བྱེད་མི་ཐུབ་མཁན། |
| ཁོབས |
1.(བྱེད་འབྲེལ་ལས་ཚིག) བཀབ་ཀྱི་སྐུལ་ཚིག་སྟེ། (དཔེར་ན།) བྱིས་པ་ལ་ཉལ་ཐུལ་ཁོབས་ལྟ་བུ། 2སྦས་པའམ་གསང་བའི་ནུས་པའི་དོན་ཏེ། (དཔེར་ན།) ཉེས་པ་བཀབ་ཀྱང་མི་ཁོབས་ལྟ་བུ། |
| ཁོམ |
དུས་སྐབས་དང་གོ་སྐབས་ཀྱི་མིང་སྟེ། (དཔེར་ན།) ལོང་གཏམ་བཤད་ནས་འདུག་ཁོམ་མེད། ཁོམ་པ་ཡོད་དུས་རྩལ་སྦྱང་བྱས་ལྟ་བུ། |
| ཁོམ་འབོག |
ཀོ་བས་བཟོས་པའི་ཅ་ལག་འཇུག་སྣོད། |
| ཁོམ་ལོང |
ཁོམ་པ་དང་དོན་འདྲ་སྟེ། (དཔེར་ན།) དེ་རིང་ཁོམ་ལོང་མེད་ལྟ་བུ། |
| ཁོར |
1. (བྱེད་འབྲེལ་ལས་ཚིག) བཀར་གྱིསྐུལ་ཚིག་སྟེ། (དཔེར་ན།) མ་མོ་དང་ལུ་གུ་ཁོར་ཅིག་ལྟ་བུ། འདིའི་མ་འོངས་པ་དང་ད་ལྟ་བ་ལ་དགར་འབྲི་བའང་ཡོད། 2.སྦྲ་དང་རས་གུར་སོགས་ཀ་ར་དང་དབྱུག་པས་ཡར་འཇོག་ཏུ་བཅུག་པའི་དོན་ཏེ། (དཔེར་ན།) བཀར་བྱའི་རས་གུར་ཁོར་ལྟ་བུ། |
| ཁོར་ཕ |
(བརྡ་རྙིང་།) ཁྱིམ་མི། |
| ཁོར་མོ |
1.བར་མཚམས་མེད་པའམ། རྒྱུན་མི་འཆད་པའི་དོན་ཏེ། (དཔེར་ན།) མི་རབས་མང་པོའི་བར་དུ་སྡུག་བསྔལ་ཁོར་མོར་མྱོང་བ། གྲོང་ཁྱེར་གྱི་མཐའ་འཁོར་དུ་ལྕགས་རི་ཁོར་མོར་བསྐོར་བ་ལྟ་བུ།2. ཁོར་མོ་ཡུག་གི་བསྡུས་ཚིག |
| ཁོར་མོ་ཡུག |
1.མཐའ་སྐོར་ཏེ། (དཔེར་ན།) ཕྱི་རོལ་ནས་ལྕགས་རི་ཁོར་མོ་ཡུག་ཏུ་བསྐོར་བ་ལྟ་བུ།2.རྒྱུན་ནམ་བར་མ་ཆད་པའི་དོན་ཏེ། (དཔེར་ན།) ཉིན་མཚན་ཁོར་མོ་ཡུག་ཏུ་ལས་གྲྭ་བཙུགས་པ། ལོ་ཁོར་མོ་ཡུག་ཏུ་ལས་ཀ་བྱས་ལྟ་བུ། |
| ཁོར་ཟུག |
(བརྡ་རྙིང་།) ཉེ་སྐོར་དང༌། མཐའ་སྐོར། |
| ཁོར་ཡུག |
1.མཐའ་བསྐོར་བའི་ཉེ་འདབས་ཀྱི་མིང་སྟེ། (དཔེར་ན།) གྲོང་ཁྱེར་གྱི་ཁོར་ཡུག་ན་སྐྱེད་ཚལ་མང་ལྟ་བུ། 2.ས་ཁུལ་དང་དངོས་རྫས་ཀྱི་མཐའ་འགྲམ་གྱི་མིང་སྟེ། (དཔེར་ན།) མཚོ་སྔོན་པོའི་ཁོར་ཡུག་ན་འབྲོག་པ་རྣམས་བསྡད་ཡོད་ལྟ་བུ། |
| ཁོར་ཡུག་གི་ལྕགས་རི |
ཁོར་ཡུག་རི་དང་དོན་གཅིག |
| ཁོར་ཡུག་རི |
མངོན་པ་ལས་གསལ་བ་ལྟར། གླིང་བཞིའི་ཕྱི་རོལ་ན་ལྕགས་ལས་གྲུབ་པའི་རི་དེའི་ཕྱིའི་མཐའ་སྐོར་དུ་དཔག་ཚད་ས་ཡ་ཕྲག་གསུམ་དང་དྲུག་འབུམ་ཉིས་སྟོང་དྲུག་བརྒྱ་ཉི་ཤུ་རྩ་ལྔ་ཡོད། |
| ཁོར་ས |
ལྷའི་གཞལ་ཡས་ཁང་གི་བར་ཁྱམས་སམ། སྐོར་ལམ་ལྟ་བུ་ཁོར་ས་ནང་མ། ཁོར་ས་ཕྱི་མ། ཁོར་ས་བར་མ་ལྟ་བུ། |
| ཁོལ |
1.བཀོལ་གྱི་སྐུལ་ཚིག་སྟེ། (དཔེར་ན།) ལས་མི་རྣམས་ལས་ཀར་ཁོལ་ཅིག་ལྟ་བུ། 2.འགེལ་གྱི་སྐུལ་ཚིག་སྟེ། (དཔེར་ན།) གཡག་ལ་དོ་པོ་ཁོལ་ཅིག་ལྟ་བུ། 3.འཁེལ་བའི་སྐུལ་ཚིག་སྟེ། (དཔེར་ན།) བལ་གྱི་སྐུད་ཁོལ་ཅིག་ལྟ་བུ།5. ཟུར་དང་ལོགས་ཀྱི་དོན་ཏེ། (དཔེར་ན།) གཞུང་ཆེན་པོའི་ནང་ནས་ལེའུ་གཅིག་ཁོལ་དུ་འདོན་པ། གཅེས་ནོར་རྣམས་མཛོད་ཁང་ནས་ཁོལ་དུ་ཕྱུང་སྟེ་བཞག་པ། གསུང་འབུམ་གྱི་ནང་ནས་ཁོལ་བཀར་གྱིས་པར་དུ་བསྐྲུན་པ་ལྟ་བུ། 6.(བྱེད་མེད་ལས་ཚིག) འཁོལ་བའི་ད་ལྟ་བ་དང་འདས་པ། གཤེར་བའི་དངོས་རྫས་ལ་དྲོད་ཕོག་སྟེ་དྲོད་ཚད་ངེས་ཅན་ཞིག་ལ་བསླེབས་ན། ནང་ནས་ལྦུ་བ་འབྱུང་ཞིང་། ཐོག་ངོས་ལྷོག་ལྷོག་འཕྱུར་ནས་རླངས་པར་འགྱུར་བ་སྟེ། མཁའ་དབུགས་ཆེན་པོའི་གནོན་ཤུགས་ཚད་ལྡན་གྱི་འོག་ཏུ་ཆུའི་ཁོལ་སྐབས་ཚ་ཚད་བརྒྱ་ཡིན། (དཔེར་ན།) ཆུ་ཁོལ་གྱིན་འདུག ཆུ་བསྐོལ་ནས་ཁོལ་ལྟ་བུ། |
| ཁོལ་ཁོལ |
(རྒྱན་ཚིག) ཟིང་ཟིང་ངམ། ལོང་ལོང་དུ་གཡོ་བའི་དོན། |
| ཁོལ་པོ |
གཡོག་ཏུ་བཀོལ་བའི་མི་ཁོལ་པོ་ཚང་མར་གླ་རྔན་སྟེར་དགོས་ལྟ་བུ། |
| ཁོལ་བ |
(བྱེད་མེད་ལས་ཚིག) འཁོལ་བའི་ད་ལྟ་བ་དང་འདས་པ་སྟེ། (དཔེར་ན།) ཆུ་འཁོལ་བ་ཁོལ་སོང་ལྟ་བུ། |
| ཁོལ་བུ |
1.གཡོག་པོ་ཆུང་ངུའི་དོན2.སྦུད་པ་སྟེ་མེ་སྦར་བར་རླུང་རྒྱག་པའི་ལག་ཆ་ཆུང་ངའི་མིང་།3.ཆ་ཤས་དང༌། ཡན་ལག་དང༌། ཐོར་བུ་སོགས་ཀྱི་དོན། |
| ཁོལ་བུ |
ལུས་ཀྱི་ཆ་ཤས་སོགས་ཀྱི་མིང་སྟེ། (དཔེར་ན།) ལུས་ཁོལ་བུར་ན་བ། ཡན་ལག་ཁོལ་བུར་ན་བ་ཞེས་པ་ལྟ་བུ། |
| ཁོལ་བོ |
གཡོག་ལས་བགྱིད་པའི་ཕོའི་མིང་། |
| ཁོལ་མ |
1.བསྐོལ་ཚར་བའི་ཆུ་སོགས་ཏེ། (དཔེར་ན།) ཇ་ཁོལ་མ། ཆུ་ཁོལ་མ་ཞེས་པ་ལྟ་བུ། 2.རེག་བྱ་ཚ་བ་དང་ནུས་ཤུགས་ཆེ་བའི་དོན་ཏེ། ཁྲོ་ཆུ་ཁོལ་མ། དུག་མཚོ་ཁོལ་མ་ཞེས་པ་ལྟ་བུ།3.མཐོང་ཁུང་ངམ་སྐར་ཁུང༌ལ་ཁོལ་ཟེར་བར་དག་ཡིག་ལ་ལར་བཤད། 4.(ཡུལ་སྐད།) རྫ་ཁོག་གི་མིང་། |
| ཁོལ་མཆུ |
སྦུད་པའི་ལྕགས་སྦུབས། |
| ཁོལ་མོ |
1.གཡོག་ལས་བྱེད་པའི་བུད་མེད་ཀྱི་སྤྱི་མིང་།2.སྦུད་པའམ་རླུང་སྒམ་གྱི་མིང་སྟེ། (དཔེར་ན།) མེ་ལ་ཁོལ་མོ་བརྒྱབ་ཅེས་པ་ལྟ་བུ། |
| ཁོལ་རྐྱལ |
སྦུད་པའི་རྐྱལ་པ། |
| ཁོལ་རྒྱུད |
བྲན་གཡོག་གི་མི་རྒྱུད། |
| ཁོས |
1.ཁོ་ཡིས་ཞེས་པའི་བྱེད་སྒྲ་བསྡུས་པ་སྟེ། (དཔེར་ན།) ཁོས་སློབ་སྦྱོང་བྱས་ཞེས་པ་ལྟ་བུ།2.བཀས་ཀྱི་སྐུལ་ཚིག་སྟེ། (དཔེར་ན།) ཁྱོད་ཀྱིས་རྡོ་ཁོས་ཤིག་ལྟ་བུ། |
| ཁོས་པ |
(བརྡ་རྙིང་།) འདུན་པ། |
| ཁྭ |
བྱ་ནག་པོ་ཕོ་རོག་ལས་ཆུང་ཞིང་། ཤིང་སྡོང་ལ་ཚང་བཅའ་བ་ཞིག་ཡིན། དེ་ལ་བྱ་རོག་ཆུང་བ་ཡང་ཟེར། |
| ཁྭ་སྐད |
བྱ་ནག་ཁྭ་ཏའི་སྐད། |
| ཁྭ་སྐད་ཤེས་པའི་རིག་པ |
བྱ་ནག་ཁྭ་ཏའི་སྒྲ་སྐད་ལས་བཟང་ངན་དཔྱོད་ཤེས་ཀྱི་རིག་པ། |
| ཁྭ་སྐྲོད་ནུས་པ |
བྱ་ཁྭ་ཏ་འདེད་ཐུབ་པའི་བུ་ཆུང་སྤྱིར་བཏང་ལོ་ལྔ་ནས་བདུན་བར་དུ་སླེབས་ན་རབ་ཏུ་བྱུང་ཆོག་པའི་དོན། |
| ཁྱ་གེ་ཁྱོ་གེ |
(རྒྱན་ཚིག) དྲང་པོ་མེད་པའམ་ཀྱོག་ཀྱོག་གི་དོན་ཏེ། (དཔེར་ན།) རི་མོ་ཁྱ་གེ་ཁྱོ་གེ། ཤིང་ཁྱག་ཁྱོག་གིས་ཀ་གདུང་བཟོ་མི་ཉན། ཚིག་ཁྱ་གེ་ཁྱོ་གེ་ལ་ཡིད་བརྟན་མེད་ལྟ་བུ། |
| ཁྱ་མ |
(ཡུལ་སྐད།) མེ་ཤིང་ངམ་བུད་ཤིང༌། |
| ཁྱ་རེ་ཁྱོ་རེ |
(རྒྱན་ཚིག) ཕར་གཡོ་ཚུར་གཡོ་བྱེད་པ་དང་གུག་འཁྱོག་མང་བའི་དོན་ཏེ། (དཔེར་ན།) ནད་པ་ཅུང་དྲག་སྟེ་ཁྱ་རེ་ཁྱོ་རེར་འགྲོ་བ། ཕྲུ་གུ་ཁྱར་ཁྱོར་དུ་ཕྱིན་པ། ཤིང་སྡོང་ཁྱ་རེ་ཁྱོ་རེ་ཞེས་པ་ལྟ་བུ། ཁ་སྐད་ཁྱར་ཁྱོར་ཞེས་པ་དང་འདྲ། |
| ཁྱག |
(བྱེད་འབྲེལ་ལས་ཚིག) ཡར་འདེགས་ཐུབ་པའམ་གནོན་ཤུགས་བཟོད་པའི་དོན་ཏེ། (དཔེར་ན།) རྔ་མོང་གི་ཁལ་བོང་བུས་མི་ཁྱག་ཅེས་པ་ལྟ་བུ། འདི་ཐེག་དང་དོན་འདྲ། |
| ཁྱག་ཁྱོག |
(རྒྱན་ཚིག) ཁྱ་གེ་ཁྱོ་གེའི་བསྡུས་ཚིག |
| ཁྱགས |
འཁྱགས་ཀྱི་འབྲི་ཚུལ་གཞན། |
| ཁྱད |
ཁྱད་པར་ཏེ་བྱ་དངོས་ཤིག་གི་བྱ་དངོས་གཞན་དང་མ་འདྲ་བའི་ཁག་གི་མིང་། (དཔེར་ན།) རྟ་འདི་གཉིས་ལ་ཁྱད་མེད། གཡག་འདི་གཉིས་ལ་ཁྱད་པར་ཆེ་ལྟ་བུ། |
| ཁྱད་གཞི |
རྩ་བའམ་རྨང་གཞིའི་མིང་སྟེ། (དཔེར་ན།) ཁྱད་གཞི་མེད་པར་ཁྱད་ཆོས་ག་ལ་ཡོད་ལྟ་བུ། |
| ཁྱད་གཞི་ཐ་དད་ལ་ཁྱད་ཆོས་མཚུངས་དང་མི་མཚུངས་གཉིས་ཁའི་བསྡུས་བརྗོད |
བསྡུས་བརྗོད་ཀྱི་རྒྱན་གྱི་ནང་ཚན་ཞིག་དཔེའི་ཁྱད་གཞི་ཁྱད་ཆོས་ཀྱི་རང་བཞིན་ཇི་འདྲ་བ་བརྗོད་པ་དེས། དཔེ་དོན་གཉིས་ཀྱི་ཁྱད་གཞི་ཐ་དད་ལ་ཁྱད་ཆོས་མཚུངས་པ་དང་མི་མཚུངས་པའི་གནས་ཚུལ་གང་ཡིན་ཤུགས་ཀྱིས་བསྡུས་ཏེ་བརྗོད་པའི་རྒྱན་ཞིག |
| ཁྱད་གཞི་ཐ་དད་ལ་ཁྱད་ཆོས་མཚུངས་པའི་བསྡུས་བརྗོད |
བསྡུས་བརྗོད་ཀྱི་རྒྱན་གྱི་ནང་ཚན་ཞིག་དཔེའི་ཁྱད་གཞི་དང་ཁྱད་ཆོས་ཀྱི་གནས་ལུགས་བརྗོད་པ་དེས། དཔེ་དོན་གཉིས་ཀྱི་ཁྱད་གཞི་ངོ་བོ་ཐ་དད་ལ་ཁྱད་ཆོས་མཚུངས་པ་ཤུགས་ཀྱིས་བསྡུས་ཏེ་བརྗོད་པའི་རྒྱན་ཞིག |
| ཁྱད་གསོད |
ཁྱད་དུ་གསོད་པ་ཞེས་པའི་ཚིག་བསྡུས་པ་སྟེ། (དཔེར་ན།) དཀའ་ངལ་ཁྱད་གསོད་བྱས། མི་དབུལ་པོ་ལ་ཁྱད་གསོད་མ་བྱེད་ལྟ་བུ། |
| ཁྱད་ཅི |
ཁྱད་པར་ཅི་ཡོད་ཅེས་པའི་བསྡུས་ཚིག་སྟེ། (དཔེར་ན།) དེ་རིང་སང་ཉིན་གཉིས་ལ་ཁྱད་ཅི་ཡོད། སྤྲིན་དང་སྨུག་པ་གཉིས་ལ་ཁྱད་ཅི་ཡོད་ལྟ་བུ། |
| ཁྱད་ཆོས |
1.གཞན་ལས་འཕག་པའི་རྟགས་མཚན་ནམ་ནུས་པ་ཁྱད་པར་བའི་མིང་སྟེ། (དཔེར་ན།) ལས་ཀ་ལས་ཤེས་པ་མིའི་ཁྱད་ཆོས་རེད་ལྟ་བུ། 2.དངོས་པོ་རང་རང་གི་རྟགས་མཚན་གྱི་མིང་སྟེ། (དཔེར་ན།) ཁྱད་གཞི་དང་ཁྱད་ཆོས་ཞེས་པ་ལྟ་བུ། ལག་པའི་ཁྱད་གཞི་ལུས་ཕུང་དང་ལུས་ཕུང་ལ་ཁྱད་ཆོས་ལ་ཡན་ལག་ལྔ་སོགས་ཡོད་པ་ལྟ་བུ། |
| ཁྱད་ཐོན་པ |
གཞན་ལས་ལྷག་པའི་ཤུགས་ནུས་བྱུང་བའམ་གཟེངས་སུ་ཐོན་པ། |
| ཁྱད་དབང |
གཞན་དང་མི་འདྲ་བའི་དབང་ཆ། |
| ཁྱད་དུ |
བསད་དང་། གསོད། སོད་རྣམས་ཀྱི་ཐོག་མར་སྦྱར་ན་འཛེམ་དོགས་མི་བྱེད་པའམ་མཐོང་ཆུང་བྱས་པའི་དོན་ལ་འཇུག་སྟེ། (དཔེར་ན།) དཀའ་ངལ་ཁྱད་དུ་བསད་ནས་སློབ་སྦྱོང་བྱས། ཚ་གྲང་ཁྱད་དུ་བསད་ནས་ནོར་ལུག་འཚོས། དཀའ་ངལ་ཁྱད་དུ་སོད་ཅིག དབུལ་པོ་ཁྱད་དུ་མ་གསོད་ཅེས་པ་ལྟ་བུ། |
| ཁྱད་དུ་གསོད་པ |
མི་རྩི་བ་དང༌། བརྙས་བཅོས་བྱེད་པའམ། འཛེམ་བག་མེད་པ་བཅས་ཀྱི་དོན་ཏེ། (དཔེར་ན།) དཀའ་ངལ་ཁྱད་དུ་གསོད་པ། ང་རྒྱལ་དབང་གིས་གཞན་ཁྱད་དུ་གསོད་པ། སྒེར་གྱི་ཕན་གནོད་ཁྱད་དུ་གསོད་པ་ཞེས་པ་ལྟ་བུ། |
| ཁྱད་དུ་གསོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གསོ་སྦྱོང་གི་མདོ་སོགས་འདོན་པ་ལ་འདི་འདྲའི་དོན་ཡོད་པར་ད་གདོད་ཤེས་སོ་ཞེས་ཟེར་ཞིང་འདུལ་བར་གཏོགས་པའི་བསླབ་པ་ཁྱད་དུ་གསོད་པའོ། ། |
| ཁྱད་དུ་འཕགས་པ |
ཁྱད་པར་དུ་འཕགས་པ་དང་དོན་གཅིག |
| ཁྱད་དོན |
དམིགས་བསལ་ཅན་གྱི་བྱ་ལས། |
| ཁྱད་ནོར |
གཞན་ལས་ལྷག་པའི་ནོར་རམ་རྩ་བ་ཆེ་བའི་ནོར། |
| ཁྱད་པར |
1.ཕྱོགས་གཉིས་ཀྱི་མི་འདྲ་བའི་དབྱེ་བ་དང༌། བྱེ་བྲག་ཁག་གི་དོན་ཏེ། (དཔེར་ན།) མཐོ་དམའི་ཁྱད་པར་དང་། དབུལ་ཕྱུག་གི་ཁྱད་པར། ཡངས་དོག་གི་ཁྱད་པར་ཞེས་པ་ལྟ་བུ། 2.ཁྱད་པར་གྱི་མཐའ་རུ་དུ་ཞེས་སྦྱར་ན་དམིགས་བསལ་དུའམ་ལྷག་པའི་དོན་སྟོན་ཏེ། (དཔེར་ན།) སྤྱིར་མེ་ཏོག་དང༌། ཁྱད་པར་དུ་མེ་ཏོག་དམར་པོ་ལ་དགའ་བ། མ་གཞི་ཁོང་གི་སྐུ་གཟུགས་ཐང་པོ་མེད་པ་དང༌། ཁྱད་པར་དུ་དེང་སང་མགུལ་ཆམ་ཕོག་ནས་སྙུང་གཞི་དྲག་པོ་ཞིག་བཞེས་འདུག་ལྟ་བུ། |
| ཁྱད་པར་གནས |
(མངོན་བརྗོད།) བྱང་ཆུབ་ལྗོན་ཤིང༌། |
| ཁྱད་པར་གཞན་མི་སྤོང་བའི་སྒྲ |
རྗོད་བྱེད་ཀྱི་སྒྲ་གང་ཞིག་རང་གིས་ཟིན་པར་བརྗོད་པའི་སྒྲས་བརྗོད་བྱའི་ཁྱད་ཆོས་གཞན་རྣམས་རང་གི་བརྗོད་བྱར་མ་སྤངས་པའི་སྒོ་ནས་སྟོན་པ་སྟེ་ཁྱད་གཞི་སྟོན་པའི་སྒྲ། (དཔེར་ན།) སྒྲ་མི་རྟག་པ་ཞེས་པ་ལྟ་བུ་སྒྲ་རང་ཉིད་མི་རྟག་པ་ཡིན་པར་སྟོན་པ་ལས་ཁྱད་པར་གཞན་མི་སྤོང་བའོ། ། |
| ཁྱད་པར་གཞན་སྤོང་གི་སྒྲ |
རྗོད་བྱེད་ཀྱི་སྒྲ་གང་ཞིག་རང་གིས་ཟིན་པར་བརྗོད་པའི་སྒྲས་བརྗོད་བྱའི་ཁྱད་ཆོས་གཞན་རྣམས་རང་གི་བརྗོད་བྱར་སྤངས་པའི་སྒོ་ནས་སྟོན་པ་ཁྱད་ཆོས་སྟོན་པའི་སྒྲ། (དཔེར་ན།) སྒྲའི་མི་རྟག་པ་ཞེས་པ་ལྟ་བུ་སྒྲའི་ཁྱད་པར་དུ་བྱས་ནས་ཁྱད་པར་གཞན་རྣམས་རང་གི་བརྗོད་བྱར་སྤོང་བའོ། ། |
| ཁྱད་པར་གྱི་དགའ་བ |
རྣམ་རྟོག་འབྲིང་པོ་ཆོད་པ་ཞི་བདེའི་ཉམས་ཆེར་རྒྱས་ནས་རྟོག་པ་ཕལ་ཆེར་འགགས་ཀྱང༌། སེམས་དང་སེམས་བྱུང་འབྲེལ་མ་ཆོད་པའི་ཆ་ནས་མྱོང་བ་ལ་ཐོབ་ཤོར་ཅུང་ཟད་འཆར་བའི་དུས་ན་ལྟ་བ་གོམས་པ་ཞེས་བྱ། |
| ཁྱད་པར་གྱི་དུས་ཆེན་བཞི |
སངས་རྒྱས་ཀྱིས་བྱིན་གྱིས་བརླབས་པའི་དུས་ཆེན་རྣམ་པ་བཞི་མངོན་པར་བྱང་ཆུབ་པའི་དུས་ཆེན་དང༌། ཆོས་འཁོར་བསྐོར་བའི་དུས་ཆེན། ལྷ་ལས་བབ་པའི་དུས་ཆེན། ཆོ་འཕྲུལ་ཆེན་པོའི་དུས་ཆེན་རྣམས་སོ། ། |
| ཁྱད་པར་གྱི་སྤྱོད་པ་ལྔ |
འདུལ་བ་ལས་བཤད་པའི་སྤོ་མགུ་སྤྱོད་སྐབས་ཁྱད་པར་གྱི་སྤྱོད་པ་ལྔ་སྤང་དགོས་པ་སྤོ་མགུ་སྤྱོད་པའི་གང་ཟག་གིས་དགེ་སློང་རང་བཞིན་དུ་གནས་པའི་བསྙེན་བཀུར་བྱེད་པ་དང་དུ་ལེན་པའི་སྤྱོད་པ་དང༌། དེས་དགེ་སློང་རང་བཞིན་དུ་གནས་པ་དང་གནས་ཁང་གཅིག་ཏུ་གནས་མལ་འཆའ་བ་སོགས་མཉམ་འགྲོགས་ཀྱི་སྤྱོད་པ་དང༌། དགེ་སློང་རང་བཞིན་དུ་གནས་པ་ལ་ལྟུང་བ་གླེང་བ་དང༌། དགེ་སློང་རང་བཞིན་དུ་གནས་པ་ལ་ཆད་ལས་བཅད་པ་དང༌། དགེ་སློང་རང་བཞིན་དུ་གནས་པ་དང་ལྷན་ཅིག་ཏུ་འགྲོ་བ་སྟེ་ལྔ་པོ་སྤང་པའོ། ། |
| ཁྱད་པར་ཅན |
གཞན་དང་མི་འདྲ་བའི་ཁྱད་པར་ཡོད་པ་ཁག་གི་མིང་སྟེ། (དཔེར་ན།) ཁྱད་པར་ཅན་གྱི་ཐབས་ཤེས་ལ་བརྟེན་ནས་གྲུབ་འབྲས་ཁྱད་པར་ཅན་སྒྲུབ་པ། མི་ཁྱད་པར་ཅན་གྱི་ལས་དོན་ཀྱང་ཁྱད་པར་ཅན་སྒྲུབ་ནུས་ལྟ་བུ། |
| ཁྱད་པར་ཅན་གྱི་གཟུགས་ཅན |
གཟུགས་ཅན་གྱི་རྒྱན་གྱི་ནང་ཚན་ཞིག་དཔེ་ཅན་དོན་གྱི་དངོས་པོ་དམའ་བ་ཞིག་དཔེའི་དངོས་པོ་མཐོ་བ་ཞིག་གི་གཟུགས་ཅན་དུ་བཀོད་པ་དེས་ཁྱད་དུ་ཐོན་པའི་བྱ་བ་ལྷག་པར་འགྲུབ་པར་སྟོན་པའི་རྒྱན་ཞིག |
| ཁྱད་པར་ཅན་རབ་ཏུ་གྲགས་པ་མ་ཡིན་པ |
ཆོས་ཅན་མ་གྲུབ་པ་དང་དོན་གཅིག་ཚད་མའི་རིག་པའི་བསྒྲུབ་བྱ་ལྟར་སྣང་གི་ནང་ཚན་ཞིག་གྲངས་ཅན་པས་སངས་རྒྱས་པ་ལ་བདག་ནི་སེམས་པ་ཅན་ཡིན་ནོ། ཞེས་སྒྲུབ་པར་ཆ་མཚོན་ན། བསྒྲུབ་བྱའི་ཆོས་ཅན་བདག་ཅེས་པ་དེ་སངས་རྒྱས་པས་ཁས་མ་བླང་པས་ཁྱད་པར་ཅན་རབ་ཏུ་གྲགས་པ་མ་ཡིན་པའི་སྐྱོན་དུ་གྱུར་ནས་བསྒྲུབ་བྱ་ལྟར་སྣང་དུ་གྱུར་ཏོ། ། |
| ཁྱད་པར་ཆོས་སྐུའི་མཎྜལ |
ཆོས་དབྱིངས་སྐྱེ་མེད་ཀྱི་མཎྜལ་ཐོག་སྣང་བཞི་རྟོག་ཚོགས་ཀྱི་ཚོམ་བུ་བཀོད་ནས། བླ་མ་ཆོས་སྐུའི་ལྷ་ཚོགས་ལ་འབུལ་བ། |
| ཁྱད་པར་དག་པ་བའི་རྟགས |
རང་བཞིན་གྱི་རྟགས་ཡང་དག་གི་ནང་གསེས། རང་རྗོད་བྱེད་ཀྱི་སྒྲས་སྒྲུབ་བྱེད་ཀྱི་དངོས་པོ་རང་གི་རང་བཞིན་བརྗོད་པ་ལས། རྒྱུ་རྐྱེན་གྱི་ཁྱད་པར་བརྗོད་པ་ལ་མ་ལྟོས་པ། (དཔེར་ན།) སྒྲ་ཆོས་ཅན། མི་རྟག་དངོས་པོ་ཡིན་པའི་ཕྱིར། ཞེས་པ་ལྟ་བུ་རྒྱུ་རྐྱེན་གྱིས་བྱས་མ་བྱས་དང་གང་གིས་བྱས་པ་སོགས་ཀྱི་དཔྱད་པ་དག་པའམ་མི་ལྟོས་པའོ། ། |
| ཁྱད་པར་དུ |
དམིགས་སུ་དགར་བའི་དོན་ཏེ། (དཔེར་ན།) ཞིང་ལས་ཀྱི་ཐད་ནས་ཁྱད་པར་དུ་འབྲུ་རིགས་ལ་གཙིགས་འཛིན་བྱེད་དགོས། གཞན་ལས་ཁྱད་པར་དུ་འཕགས་པ་ཞེས་པ་ལྟ་བུ། |
| ཁྱད་པར་དུ་གདགས་པ |
མིང་ངམ་ཐ་སྙད་དམིགས་བསལ་དུ་གདགས་པ། |
| ཁྱད་པར་དུ་འགྲོ་བ |
གོང་ནས་གོང་དུ་འགྲོ་བ། |
| ཁྱད་པར་དུ་འཕགས་པ |
གཞན་ལས་མཆོག་ཏུ་གྱུར་པ་ཁྱད་པར་དུ་འཕགས་པ་བླ་ན་མེད་པ་ལྟ་བུ། |
| ཁྱད་པར་བ |
དཀྱུས་མ་དང་མི་འདྲ་བའི་བྱ་དངོས་ཀྱི་མིང་སྟེ། (དཔེར་ན།) སྨན་ཁྱད་པར་བ། རྒྱུ་གཟེར་གྱི་སྨན་ཁྱད་པར་བ། ང་མི་དཀྱུས་མ་ཞིག་ཡིན་པ་ལས་མི་ཁྱད་པར་བ་ཞིག་མིན་ལྟ་བུ། འདི་ལ་ཁྱད་པར་ཅན་ཡང་ཟེར། |
| ཁྱད་པར་བཀོད་པ |
1.མི་འདྲ་བའི་ཚུལ་བཤད་པའམ། བྲིས་པ།2.ཁང་པ་སོགས་བཟོ་བཀོད་དམ་རྣམ་པ་ཁྱད་པར་ཅན། |
| ཁྱད་པར་བརྗོད་པའི་རྒྱན |
དོན་རྒྱན་གྱི་གྲས་ཤིག་བརྗོད་བྱ་ཡོན་ཏན་དང༌། རིགས། བྱ་བ། རྫས། རྒྱུ་རྣམས་ལ་རང་རང་གི་མཚན་ཉིད་མ་ཚང་ཡང༌། ཚང་བ་དང་ཁྱད་མེད་དངོས་པོའི་ནུས་པ་ཕུལ་དུ་བྱུང་བ་སྟོན་པའི་རྒྱན་ཞིག |
| ཁྱད་པར་བརྗོད་པའི་རྒྱན་ལྔ |
ཁྱད་པར་བརྗོད་པའི་རྒྱན་གྱི་ནང་གསེས་རྣམ་གྲངས་ལྔ་ནི། ཡོན་ཏན་མ་ཚང་བའི་ཁྱད་པར་བརྗོད་པ། རིགས་མ་ཚང་བའི་ཁྱད་པར་བརྗོད་པ། བྱ་བ་མ་ཚང་བའི་ཁྱད་པར་བརྗོད་པ། རྫས་མ་ཚང་བའི་ཁྱད་པར་བརྗོད་པ། རྒྱུ་མ་ཚང་བའི་ཁྱད་པར་བརྗོད་པ་བཅས་སོ། ། |
| ཁྱད་པར་འདོན་པ |
གཞན་ལས་ལྷག་པར་ནུས་ཤུགས་འདོན་པ། |
| ཁྱད་པར་འཕགས་བསྟོད |
སྟོན་པ་ཐུབ་པའི་དབང་པོ་ལ་བསྟོད་པ་རྒྱ་གར་གྱི་སློབ་དཔོན་མཐོ་བཙུན་གྲུབ་རྗེས་མཛད་པ། |
| ཁྱད་པར་རབ་ཏུ་གྲགས་པ་མ་ཡིན་པ |
ཚད་མའི་རིག་པའི་བསྒྲུབ་བྱ་ལྟར་སྣང་གི་ནང་ཚན་ཞིག་དཔེར་ན་སངས་རྒྱས་པས་གྲངས་ཅན་པ་ལ་སྒྲ་འཇིག་ཅེས་པ་ལྟ་བུར་མཚོན་ན། བསྒྲུབ་བྱ་འདིའི་ཚིག་སྟོད་ཆ་སྒྲ་ཞེས་པ་དེར་རྒོལ་ཕྱི་རྒོལ་གཉིས་ཀས་ཁས་བླངས་ཀྱང་ཚིག་སྨད་ཆ་འཇིག་པ་དེ་གྲངས་ཅན་པས་ཁས་མ་བླངས་སྟབས་ཁྱད་པར་རབ་ཏུ་གྲགས་པ་མ་ཡིན་པའི་སྐྱོན་གྱུར་ཏོ། ། |
| ཁྱད་པར་རྟོགས་པ |
བཟང་ངན་དང་ཆེ་ཆུང་སོགས་ཀྱི་དབྱེ་བ་ཤེས་པའི་དོན་ཏེ། (དཔེར་ན།) ལེགས་ཉེས་ཀྱི་ཁྱད་པར་རྟོགས་པའི་བློ་གྲོས་མེད་ཐབས་མེད་ཅེས་པ་ལྟ་བུ། |
| ཁྱད་པར་ལ་གནས་པའི་དོན་གཞན་བཀོད་པ |
དོན་གཞན་བཀོད་པའི་རྒྱན་གྱི་ནང་ཚན་ཞིག་བསྒྲུབ་བྱ་བརྗོད་འདོད་ཀྱི་དངོས་པོ་བྱེད་ལས་ཁྱད་པར་ཅན་ཞིག་དེའི་སྒྲུབ་བྱེད་དུ་གང་དང་ཆོས་མཚུངས་པའི་བྱེད་ལས་ཁྱད་པར་དང་ལྡན་པ་ཞིག་བཀོད་པའི་རྒྱན། |
| ཁྱད་པར་ལྟོས་པ་བའི་རྟགས |
རང་བཞིན་གྱི་རྟགས་ཡང་དག་གི་བྱེ་བྲག་ཅིག་རང་རྗོད་བྱེད་ཀྱི་སྒྲས་སྒྲུབ་བྱེད་རང་གི་ཁྱད་པར་རམ་ཁྱད་ཆོས་དངོས་ཤུགས་གང་རུང་གིས་རྗོད་པར་བྱེད་པ། དུང་སྒྲ་ཆོས་ཅན། མི་རྟག་རྩོལ་བྱུང་ཡིན་པའི་ཕྱིར། ཞེས་པ་ལྟ་བུ་རང་ཉིད་རྩོལ་བ་ལ་ལྟོས་དགོས་པའི་ཁྱད་པར་གྱི་རྟགས་ཀྱིས་བསྒྲུབ་པའོ། ། |
| ཁྱད་མཚར |
ཡ་མཚན་ནམ་ངོ་མཚར། |
| ཁྱད་མེད |
དབྱེ་བ་མེད་པའམ་མི་འདྲ་བ་མེད་པའི་དོན་ཏེ། (དཔེར་ན།) མི་དེ་ཚོའི་ཡོན་ཏན་ཆེ་ཆུང་ལ་ཁྱད་མེད། འགྲོ་སྡོད་གང་བྱེད་ཀྱང་ང་ལ་ཁྱད་མེད་ལྟ་བུ། |
| ཁྱད་ཞུགས་པ |
གཞན་དང་མི་འདྲ་བའི་ནུས་པ་ཐོན་པའམ་ཕྱིས་རྗེས་བཞག་པའི་དོན་ཏེ། (དཔེར་ན།) ཚ་བ་ཆེ་སར་ཆུ་ལ་མེ་དང་ཁྱད་ཞུགས་པའི་དགེ་མཚན་ཡོད། གཡུ་ཐོག་ཡོན་ཏན་མགོན་པོ་ནི་འཛམ་གླིང་སྟེང་ཁྱད་ཞུགས་པའི་ལྷ་རྗེ་ཡིན་ལྟ་བུ། |
| ཁྱད་འཕགས |
ཁྱད་པར་དུ་འཕགས་པའི་བསྡུས་ཚིག |
| ཁྱད་འཕགས་ཕུལ་བྱུང |
ཕུལ་བྱུང་གི་རྒྱན་གྱི་ནང་ཚན་ཞིག་མཚོན་བྱེད་ཡོན་ཏན་ཤིན་ཏུ་ལྷག་པ་དེ་ལས་ཀྱང་མཚོན་བྱ་དོན་གྱི་ཡོན་ཏན་ཁྱད་པར་འཕགས་པར་བརྗོད་པའི་རྒྱན་ཞིག |
| ཁྱབ |
1.(བྱེད་མེད་ལས་ཚིག) བཀབ་པ་ལྟར་བཀང་བའི་དོན་ཏེ། (དཔེར་ན།) ཉི་འོད་ཀྱིས་ས་སྟེང་ཁྱབ། ནོར་ལུག་གིས་རྩྭ་ཐང་ཁྱབ། ནགས་ཚལ་གྱི་ཁྱབ་ཁོངས་ཞེས་པ་ལྟ་བུ།2.མཚན་ཉིད་རིག་པའི་བརྡར་ཁོངས་སུ་འདུས་པའི་དོན་ལ་འཇུག་སྟེ། (དཔེར་ན།) ལོ་ཏོག་ཡིན་ན་རྩི་ཤིང་ཡིན་པས་ཁྱབ(ལོ་ཏོག་ཡིན་ཚད་རྩི་ཤིང་གི་ཁོངས་སུ་འདུས)ཅེས་པ་ལྟ་བུ། |
| ཁྱབ་ཁོངས |
གང་ཞིག་གི་ཁྱབ་པའི་ས་ཁོངས་སམ་ཁྱབ་ཡུལ་ཏེ། (དཔེར་ན།) སྨན་གྱི་ཁྱབ་ཁོངས་སུ་ཕྱི་ལུགས་བོད་ལུགས་གཉིས་ཀ་ཡོད་ལྟ་བུ། |
| ཁྱབ་གདལ |
1.རྒྱ་ཁྱབ་ཏུ་དར་བར་བྱས་པ་སྟེ། (དཔེར་ན།) བོད་ཀྱི་རིག་གནས་ཁྱབ་གདལ་དུ་བཏང་ལྟ་བུ།2.སེམས་ཅན་རྣམས་ཀྱི་རྒྱུད་ལ་ཐོག་མ་ནས་གནས་པའི་བདེ་བར་གཤེགས་པའི་སྙིང་པོ། |
| ཁྱབ་གནས |
(མངོན་བརྗོད།) ཁྲག |
| ཁྱབ་ཆ |
ཡོངས་ལ་ཁྱབ་པའམ་ཁེབས་པའི་ཆ་སྟེ། (དཔེར་ན།) རིག་གནས་ཀྱིས་མ་ཁྱབ་པའི་ཆ་མེད་ལྟ་བུ། |
| ཁྱབ་ཆུང་བ |
ཁྱབ་ཆ་ཆུང་བའི་དོན་ཏེ། (དཔེར་ན།) ཁུག་ཀྱོག་གི་ལུགས་སྲོལ་ནི་ཁྱབ་ཆུང་བ་ཞིག་རེད་ལྟ་བུ། |
| ཁྱབ་ཆེ |
ཁོངས་གཏོགས་མང་པའི་དོན་ཏེ། (དཔེར་ན།) རིག་གནས་དར་ཁྱབ་ཆེ། རྡུང་རྡེག་བྱེད་ཡུལ་ཁྱབ་ཆེ་མི་རུང། འཛམ་གླིང་སྟེང་དབྱིན་སྐད་ནི་ཧ་ཅང་ཁྱབ་ཆེ། |
| ཁྱབ་པ་ཁོ་ན་མ་གྲུབ་པ |
ཐལ་འགྱུར་ལ་བཀོད་ཚོད་ཀྱི་སྒོ་ནས་རྟགས་ཀྱིས་གསལ་བ་ལ་ཁྱབ་པ་ཁོ་ན་མ་གྲུབ་པ། (དཔེར་ན།) སངས་རྒྱས་པའི་ངོར། སྒྲ་ཆོས་ཅན། རྟག་པ་ཡིན་པར་ཐལ། གཞལ་བྱ་ཡིན་པའི་ཕྱིར་ཞེས་པའི་ཐལ་འགྱུར་ལྟ་བུར་མཚོན་ན་གཞལ་བྱ་ཡིན་ན་རྟག་པ་ཡིན་པས་མ་ཁྱབ་སྟེ་མི་རྟག་པ་ལའང་ཁྱབ་པའི་ཕྱིར་ཞེས་པ་ལྟ་བུ། |
| ཁྱབ་པ་ཕྱིན་ཅི་ལོག་པ་བཞི |
རྟགས་གསལ་ཁྱབ་པ་སྒོ་བརྒྱད་ཀྱི་ནང་གསེས། རྗེས་ཁྱབ་ཕྱིན་ཅི་ལོག་དང༌། ལྡོག་ཁྱབ་ཕྱིན་ཅི་ལོག་དང༌། ཐུར་ཁྱབ་ཕྱིན་ཅི་ལོག་དང༌། འགལ་ཁྱབ་ཕྱིན་ཅི་ལོག་སྟེ་བཞིའོ། ། |
| ཁྱབ་པ་མ་གྲུབ |
གཟུགས་ཡིན་ཕྱིན་ཁ་དོག་ཡིན་མི་དགོས་པའི་ཁྱབ་པ་མེད་པ་ངེས་པ་མེད་པའི་ཚིག་མཚན་ཉིད་ཀྱི་ཁྱབ་མཐའི་ཚིག་ཅིག་སྟེ། (དཔེར་ན།) གཟུགས་ཡིན་ན་ཁ་དོག་ཡིན་པས་ཁྱབ་པ་མ་གྲུབ་ཅེས་པ་ལྟ་བུ། |
| ཁྱབ་པ་མ་ངེས་པ |
ཐལ་འགྱུར་ལྟར་སྣང་བཞིའི་ནང་གསེས། རྟགས་དེ་བསྒྲུབ་བྱའི་ཆོས་ཀྱི་མཐུན་ཕྱོགས་དང་མི་མཐུན་ཕྱོགས་གཉིས་ཀར་འཇུག་པས་མཐུན་ཕྱོགས་ཁོ་ནར་ཁྱབ་པ་མ་ངེས་པ་སྟེ། (དཔེར་ན།) སྒྲ་ཆོས་ཅན། མི་རྟག་པར་ཐལ། ཤེས་བྱ་ཡིན་པའི་ཕྱིར། ཞེས་པ་ལྟ་བུ་ཤེས་བྱ་ཡིན་ན་མཐའ་གཅིག་ཏུ་མི་རྟག་པ་ཡིན་པས་མ་ཁྱབ་ཅིང༌། ཐལ་ལན་མ་ཁྱབ་ཅེས་སམ་ཁྱབ་པ་མ་ངེས་ཞེས་བརྗོད་པའོ། ། |
| ཁྱབ་པ་མགོ་མཚུངས་ཀྱི་ལན |
མཚུངས་པ་མགོ་སྙོམས་ཀྱི་ལན་ནོ། ། |
| ཁྱབ་པ་ཚད་མས་གྲུབ་ཅིང་རྟགས་ཁས་བླངས་ཀྱིས་གྲུབ་པ |
སྒྲ་རྟག་པར་ཁས་ལེན་པའི་གང་ཟག་གི་ངོར། སྒྲ་ཆོས་ཅན། མ་བྱས་པ་ཡིན་པར་ཐལ། རྟག་པ་ཡིན་པའི་ཕྱིར། ཞེས་བཀོད་པ་ལྟ་བུར་མཚོན་ན། རྟག་ན་མ་བྱས་པས་ཁྱབ་པ་ཚད་མས་གྲུབ་ལ་རྟགས་རྟག་པ་ཁས་ལེན་པའོ། ། |
| ཁྱབ་པ་འགལ་བ |
ཐལ་འགྱུར་ལྟར་སྣང་བཞིའི་ནང་གསེས། རྟགས་དང་བསྒྲུབ་བྱ་མི་མཐུན་པ་སྟེ། (དཔེར་ན།) སྒྲ་ཆོས་ཅན། རྟག་པ་ཡིན་པར་ཐལ། བྱས་པའི་ཕྱིར། ཞེས་པ་ལྟ་བུ་སྒྲུབ་བྱེད་དང་ཁྱབ་པ་འགལ་བས་ཐལ་ལན་ཁྱབ་པ་འགལ་ཞེས་བརྗོད་པའོ། ། |
| ཁྱབ་པ་འཇལ་བའི་རྟགས་འཛིན་སེམས |
རྟགས་འཛིན་སེམས་གཉིས་ཀྱི་ཡ་གྱལ། རྗེས་དཔག་གི་རྒྱུ་ཁྱབ་པ་འགྲོ་ལྡོག་གི་ཚུལ་འཛིན་པའི་མངོན་རྗེས་ཡིད་དཔྱོད་གང་རུང་གི་ཤེས་པ། (དཔེར་ན།) བྱས་རྟགས་ཀྱིས་སྒྲ་མི་རྟག་པར་བསྒྲུབ་ན། བྱས་ན་མི་རྟག་པས་ཁྱབ་པར་འཇལ་བའམ་ངེས་པའི་བློ་ལྟ་བུའོ། ། |
| ཁྱབ་པ་འདུ་བྱེད་ཀྱི་སྡུག་བསྔལ |
ཟག་བཅས་ཀྱི་ཚོར་བ་བཏང་སྙོམས་ཡུལ་དང་ཅས་པ་སྟེ་གནས་ངན་ལེན་རྗེས་སུ་འབྲེལ་བས་འདུ་བྱེད་ཀྱི་སྡུག་བསྔལ་དང༌། སྡུག་བསྔལ་ཐམས་ཅད་ལ་ཁྱབ་པ་དང་སྡུག་བསྔལ་གཞན་གཉིས་ཀྱི་རྩ་བར་གྱུར་པའོ། ། |
| ཁྱབ་པ་རྣལ་མ་བཞི |
རྟགས་གསལ་ཁྱབ་པ་སྒོ་བརྒྱད་ཀྱི་ནང་གསེས། རྗེས་ཁྱབ་རྣལ་མ་དང༌། ལྡོག་ཁྱབ་རྣལ་མ་དང༌། ཐུར་ཁྱབ་རྣལ་མ་དང༌། འགལ་ཁྱབ་རྣལ་མ་སྟེ་བཞིའོ། ། |
| ཁྱབ་པ་སྒོ་བརྒྱད |
1.མཚན་མཚོན་གྱི་ཁྱབ་པ་སྒོ་བརྒྱད།2.རྟགས་གསལ་གྱི་ཁྱབ་པ་སྒོ་བརྒྱད། |
| ཁྱབ་པའི་དམིགས་པ |
དེ་བཞིན་ཉིད་ཀྱིས་ཆོས་ཐམས་ཅད་ལ་ཁྱབ་པའི་དམིགས་པ་ཞི་གནས་ཀྱི་དམིགས་པ་བཞིའི་ནང་ཚན་ཞིག |
| ཁྱབ་པའི་དམིགས་པ་བཞི |
ཞི་གནས་ཀྱི་ཁྱབ་པའི་དམིགས་པ་བཞི་རྣམ་པར་རྟོག་པ་དང་བཅས་པའི་གཟུགས་བརྙན། རྣམ་པར་རྟོག་པ་མེད་པའི་གཟུགས་བརྙན། དངོས་པོའི་མཐའ། དགོས་པ་ཡོངས་སུ་འགྲུབ་པ་བཅས་ཀྱི་དམིགས་པ་བཞིའོ། ། |
| ཁྱབ་པར་ཐལ |
ཐལ་འགྱུར་འགོད་སྐབས་ཀྱི་ཁྱབ་པ་བསྒྲུབ་པའི་ངག་དུ་བ་ཡོད་ན་མེ་ཡོད་པས་ཁྱབ་པར་ཐལ། ཞེས་པ་ལྟ་བུ་སྒྲུབ་བྱེད་དེ་ཡོད་པའམ་ཡིན་པའི་རྟགས་ཀྱིས་བསྒྲུབ་བྱ་དེ་ཡོད་པའམ་ཡིན་ངེས་པའི་ཁྱབ་པ་བསྒྲུབ་པའི་རྟགས་སྦྱོར་གྱི་ངག་གོ། ། |
| ཁྱབ་པར་འཇུག་པ |
ཁྱབ་བྱེད་ཀྱིས་ཁྱབ་བྱའི་གནས་ཀུན་ལ་ཁྱབ་པར་འཇུག་པ་དཔེར་ན་ཙན་དན་ཡིན་ན་ཤིང་ཡིན་པས་ཁྱབ་པའམ། མེ་ཡིན་ན་ཚ་ཞིང་བསྲེག་པ་ཡིན་པས་ཁྱབ་པ་ལྟ་བུ། ཤིང་ནི་ཙན་དན་དང༌། ཚ་བསྲེག་ནི་མེ་ཁྱབ་པར་འཇུག་ཡོད་པའོ། ། |
| ཁྱབ་བདག |
(མངོན་བརྗོད།) སངས་རྒྱས། |
| ཁྱབ་བརྡལ |
ཁྱབ་གདལ་དང་འདྲ། |
| ཁྱབ་བསྒྲགས |
མི་ངམ་པོ་ལ་ཁྱབ་པར་བསྒྲགས་པའི་བསྡུས་ཚིག་སྟེ། (དཔེར་ན།) ཁྱབ་བསྒྲགས་ཡི་གེ་ལྟ་བུ། |
| ཁྱབ་བྱ |
བྱེ་བྲག་གི་དོན། (དཔེར་ན།) གསེར་བུམ་དེ་བུམ་པའི་ཁྱབ་བྱ་དང༌། བྱས་པ་ནི་མི་རྟག་པའི་ཁྱབ་བྱ་དང༌། མ་བྱས་པ་ནི་རྟག་པའི་ཁྱབ་བྱ་ཡིན་ལྟ་བུ། |
| ཁྱབ་བྱ་ཁྱབ་བྱེད་ཀྱི་འགལ་བ |
ཕན་ཚུན་སྤངས་འགལ་གྱི་བརྒྱུད་འགལ་ཏེ། ཁྱབ་བྱ་བྱས་པ་དང༌། ཁྱབ་བྱེད་རྟག་པ་གཉིས་ལྟ་བུ་ཁྱབ་བྱ་དང་ཁྱབ་བྱེད་མི་མཐུན་པར་གནས་པའོ། ། |
| ཁྱབ་བྱེད |
དུ་མ་འགེབས་པར་བྱེད་པའི་སྤྱི་སྟེ། (དཔེར་ན།) བུམ་པ་དེ་གསེར་བུམ་དང་རྫ་བུམ་སོགས་རང་གི་བྱེ་བྲག་ཐམས་ཅད་ལ་ཁྱབ་བྱེད་དང༌། རྟག་པ་ནི་མ་བྱས་པའི་ཁྱབ་བྱེད་དང༌། མི་རྟག་པ་ནི་བྱས་པའི་ཁྱབ་བྱེད་ཡིན་པ་ལྟ་བུའོ། ། |
| ཁྱབ་བྱེད་དང་འགལ་བའི་ཁྱབ་བྱ་དམིགས་པ |
འགལ་བའི་ཁྱབ་བྱ་དམིགས་པ་བཞིའི་ནང་གསེས། གནོད་བྱེད་ཀྱི་ཁྱབ་བྱ་རྟགས་སུ་བཀོད་ནས། གནོད་བྱའི་ཁྱབ་བྱ་འགོག་པ་སྟེ། (དཔེར་ན།) ཙནྡན་གྱི་མེས་ཁྱབ་པར་ནོན་པའི་གཞིར་ཆོས་ཅན། ཁ་བའི་རེག་པ་མེད་དེ། ཙནྡན་གྱི་མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་ཙནྡན་གྱི་མེས་གྲང་བའི་ཁྱབ་བྱ་མེད་པར་སྒྲུབ་པའོ། ། |
| ཁྱབ་བྱེད་དང་འགལ་བའི་ཁྱབ་བྱ་དམིགས་པའི་ཐལ་འགྱུར |
རང་རིགས་འཕེན་པའི་ཐལ་འགྱུར་བཞིའི་ནང་གསེས། འགལ་བའི་ཁྱབ་བྱ་རྟགས་སུ་བཀོད་ནས་ཐལ་འགྱུར་འཕངས་པ་གང་ཞིག་བཟློག་ན་ཁྱབ་བྱེད་དང་འགལ་བའི་ཁྱབ་བྱ་དམིགས་པའི་རང་རྒྱུད་འཕེན་པ་དཔེར་ན། ཙན་དན་གྱི་མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། ཙན་མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། ཁ་བའི་རེག་པ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། ཁ་བའི་རེག་པ་མེད་དེ། ཙན་མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་རང་གི་རིགས་གཅིག་པའི་རང་རྒྱུད་འཕེན་པའོ། ། |
| ཁྱབ་བྱེད་དང་འགལ་བའི་འབྲས་བུ་དམིགས་པ |
འགལ་བའི་འབྲས་བུ་དམིགས་པ་བཞིའི་ནང་གསེས། གནོད་བྱེད་ཀྱི་འབྲས་བུ་རྟགས་སུ་བཀོད་ནས། གནོད་བྱའི་ཁྱབ་བྱ་འགོག་པ་དཔེར་ན། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། ཁ་བའི་རེག་པ་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེ་འབྲས་ཀྱིས་གྲང་བའི་ཁྱབ་བྱ་མེད་པར་སྒྲུབ་པའོ། ། |
| ཁྱབ་བྱེད་དང་འགལ་བའི་འབྲས་བུ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་ཁྱབ་བྱ་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་འབྲས་བུ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་རྒྱུ་དང་འགལ་བའི་ཁྱབ་བྱ་དམིགས་པའི་རང་རྒྱུད་འཕེན་པ་དཔེར་ན། ཙན་དན་གྱི་མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། ཙན་མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་འབྲས་སྤུ་ལོང་བྱེད་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་འབྲས་སྤུ་ལོང་བྱེད་མེད་དེ། ཙན་མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། ། |
| ཁྱབ་བྱེད་དང་འགལ་བའི་རང་བཞིན་དམིགས་པ |
འགལ་བའི་རང་བཞིན་དམིགས་པ་བཞིའི་ནང་གསེས། གནོད་བྱེད་ཀྱི་ངོ་བོ་རྟགས་སུ་བཀོད་ནས། གནོད་བྱའི་ཁྱབ་བྱ་འགོག་པ་དཔེར་ན། མེས་ཁྱབ་པར་ནོན་པའི་ཤར་གཞིར་ཆོས་ཅན། ཁ་བའི་རེག་པ་རྒྱུན་ཆགས་སུ་འབྱུང་བ་མེད་དེ། མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེའི་རང་བཞིན་གྱིས་གྲང་བའི་ཁྱབ་བྱ་མེད་པར་སྒྲུབ་པའོ། ། |
| ཁྱབ་བྱེད་དང་འགལ་བའི་རང་བཞིན་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་ཁྱབ་བྱ་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་རང་བཞིན་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་རང་བཞིན་དང་འགལ་བའི་ཁྱབ་བྱ་དམིགས་པའི་རང་རྒྱུད་འཕེན་པ་དཔེར་ན། ཙན་དན་གྱི་མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། ཙན་དན་གྱི་མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་རེག་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་རེག་མེད་དེ། ཙན་དན་གྱི་མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། ། |
| ཁྱབ་བྱེད་དང་འགལ་བའི་རྒྱུ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་ཁྱབ་བྱ་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་རྒྱུ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་འབྲས་བུ་དང་འགལ་བའི་ཁྱབ་བྱ་དམིགས་པའི་རང་རྒྱུད་འཕེན་པ་དཔེར་ན། ཙན་དན་གྱི་མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། ཙན་མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་རེག་གི་དངོས་རྒྱུ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་རེག་གི་དངོས་རྒྱུ་མེད་དེ། ཙན་མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་གྱུར་རོ། ། |
| ཁྱབ་བྱེད་དུ་འཇུག་པ |
རྟགས་ཀྱིས་གསལ་བ་ལ་ཁྱབ་པ་རྟགས་དེ་བསྒྲུབ་བྱའི་ཆོས་ཀྱི་མཐུན་ཕྱོགས་སམ། མི་མཐུན་ཕྱོགས་གང་རུང་དང་གཉིས་ཀ་ལ་ཁྱབ་པར་ཡོད་པའོ། ། |
| ཁྱབ་བྱེད་མ་དམིགས་པའི་ཐལ་འགྱུར |
གཞན་རིགས་འཕེན་པའི་ཐལ་འགྱུར་བཅུ་བཞིའི་ནང་གསེས། ཁྱབ་བྱེད་མ་དམིགས་པ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་རང་བཞིན་གྱི་གཏན་ཚིགས་འཕེན་པ་དཔེར་ན། ཤ་པ་ལྡན་པའི་ཤར་གཞིར་ཆོས་ཅན། ཤ་པ་མེད་པར་ཐལ། ཤིང་མེད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། ཤིང་ཡོད་དེ་ཤ་པ་ཡོད་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། ། |
| ཁྱབ་བྱེད་མ་དམིགས་པའི་རྟགས |
སྣང་རུང་གི་འབྲེལ་ཟླ་མ་དམིགས་པའི་རྟགས་ཀྱི་ནང་གསེས། བདག་གཅིག་གི་འབྲེལ་བ་ལ་བརྟེན་ནས་འགོག་བྱེད་ཁྱབ་བྱེད་མ་དམིགས་པའི་རྟགས་ཀྱིས་དགག་བྱ་ཁྱབ་བྱ་བཀག་པ། དཔེར་ན། བྲག་རྫོང་ཕ་གི་ན་ཆོས་ཅན། ཤིང་ཤ་པ་མེད་དེ། ཤིང་མེད་པའི་ཕྱིར། ཞེས་པ་ལྟ་བུའོ། ། |
| ཁྱབ་བྱེད་འགལ་དམིགས་ཀྱི་རྟགས |
སྣང་རུང་གི་འགལ་ཟླ་དམིགས་པའི་རྟགས་ཀྱི་ནང་གསེས། བསྒྲུབ་ཆོས་དང་འགལ་བའི་ཁྱབ་བྱེད་དམ་སྤྱི་རྟགས་སུ་བཀོད་ནས། དགག་ཆོས་ཁྱབ་བྱའམ་བྱེ་བྲག་པ་འགོག་པ། དཔེར་ན། མེ་སྟོབས་ཆེན་པོས་ཁྱབ་པར་ནོན་པའི་གཞིར་ཆོས་ཅན། ཁ་བའི་རེག་པ་རྒྱུན་ཆགས་སུ་འབྱུང་བ་མེད་དེ། མེ་སྟོབས་ཆེན་པོས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ། ཁ་བའི་རེག་པ་གྲང་རེག་གི་བྱེ་བྲག་གམ་ཁྱབ་བྱ་ཡིན་པ་དེ་མ་དམིགས་པའི་རྟགས་སུ་ཁྱབ་བྱེད་མེ་སྟོབས་ཆེན་པོས་ཁྱབ་པར་ནོན་པའི་དངོས་པོ་དང་འགལ་བའོ། ། |
| ཁྱབ་བྱེད་རླུང |
ལུས་ཀྱི་རྩ་བའི་རླུང་ལྔའི་ཡ་གྱལ་ཞིག་སྟེ། སྙིང་ལ་གནས་ཤིང༌། ཁྲག་སོགས་དྭངས་མ་ལུས་ཀུན་ལ་ཁྱབ་པར་བྱེད་པ་དང༌། རྐང་ལག་འདེགས་འཇོག་སོགས་ལུས་ཀྱི་སྒུལ་སྐྱོད་བྱེད་པའི་རླུང༌། |
| ཁྱབ་མཆེད |
རྒྱ་ཁྱབ་ཏུ་འཕེལ་བ། |
| ཁྱབ་མཉམ |
ཆོས་གཉིས་ཕན་ཚུན་ཡིན་ན་ཡིན་མཉམ་དང༌། མིན་ན་མིན་མཉམ་འདུས་བྱས་དང་མི་རྟག་པ་ལྟ་བུའོ། ། |
| ཁྱབ་མཐའ |
རྟགས་གསལ་དང་མཚན་མཚོན་སོགས་ཕན་ཚུན་ཁྱབ་པ་ཡོད་མེད་ཀྱི་གནས་ལ་མཐའ་དཔྱད་བཀོད་པ་ཡོད་མེད་དང༌། ཡིན་མིན་གྱི་མཐའ་གཅོད་པ། དཔེར་ན། བྱས་པ་ཡིན་ན་མི་རྟག་པ་ཡིན་པས་ཁྱབ། དུ་བ་ཡོད་ན་མེ་ཡོད་པས་ཁྱབ་ཅེས་པ་ལྟ་བུའོ། ། |
| ཁྱབ་འགྲེམས |
ཀུན་ལ་ཁེབས་པར་འགྲེམས་པ། |
| ཁྱབ་འགྲོ |
1.(མངོན་བརྗོད།) དྲི།2.གཡོག་པོ། |
| ཁྱབ་འཇུག |
1.བྲམ་ཟེ་རྣམས་ཀྱིས་འཇིག་རྟེན་བྱེད་པོར་འཛིན་པའི་ལྷ་ཞིག་སྟེ་སྣོད་བཅུད་ཐམས་ཅད་ལ་ཁྱབ་པས་ཁྱབ་དང༌། འཇུག་པ་བཅུའི་སྒོ་ནས་བྱ་བ་ལ་འཇུག་པས་འཇུག་ཟེར། མིང་གི་རྣམ་གྲངས་ལ་སྐྲ་ཅན་གསོད་དང༌། གོ་པིན་ད། དགའ་བའི་དབང་པོ། འགྲོ་བའི་ཏོག་འཇིག་པ་བཅུ་པ། ཉེ་དབང༌། ཐ་གུའི་ལྟོ་ཅན། ཐིག་ལེ་དྲུག་པ། ནབས་སོ་སྐྱེས། པད་མའི་ལྟེ་བ། དཔའ་བོའི་རྒྱུད། དཔལ་གྱི་བདག་པོ། དཔལ་གྱི་བེའུས་མཚན། དཔལ་གྱི་ལག་པ། དབྱིག་གི་ལྟེ་བ། སྦྱོར་བ་བརྒྱ་བ། མི་ཡི་ཐེག་པ། མིའུ་ཐུང༌། འོག་དབང་སྐྱེས། གཡུང་དྲུང་ཅན། གཡོ་མེད་གླང་རྫི། སྲེད་མེད་བུ་བཅས་སོ། །2.གཟའ་རཱ་ཧུ་ལ། |
| ཁྱབ་འཇུག་གནས |
(མངོན་བརྗོད།) ནམ་མཁའ། |
| ཁྱབ་འཇུག་གནོན་པ |
(མངོན་བརྗོད།) སྤང་རྒྱན་མེ་ཏོག |
| ཁྱབ་འཇུག་གཟེར |
རཱ་ཧུ་ལེ་ནེ་སྟེ། ཁྱབ་འཇུག་གི་ནད། |
| ཁྱབ་འཇུག་གི་འཇུག་པ་བཅུ |
བྲམ་ཟེ་རྣམས་ཀྱི་བཤད་སྲོལ་ལྟར་ལྷ་ཁྱབ་འཇུག་གིས་འཇིག་རྟེན་གྱི་བྱ་བ་ལ་སྤྲུལ་པ་བཅུའི་སྒོ་ནས་འཇུག་པ་ཉ་དང༌། རུས་སྦལ། ཕག་རྒོད། མིའི་སེང་གེ། མིའུ་ཐུང༌། ཤིང་རྟ་བཅུ་པའི་བུ་རཱ་མ་ཎ། ཛམཱད་ཨགྣིའི་བུ་རཱ་མ་ཎ། ནག་པོ། སངས་རྒྱས་ཤཱཀྱ་ཐུབ་པ། རིགས་ལྡན་བྲམ་ཟེའི་བུ་ཀརྐི་ཙེ་བཅས་བཅུའོ། ། |
| ཁྱབ་འཇུག་དྲེགས་པའི་གདོང |
1.(མངོན་བརྗོད།) སྨན་ཆེན།2.གཟའ་རཱ་ཧུ་ལའི་ཁྲོ་ཞལ་དགུ། |
| ཁྱབ་འཇུག་པ |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག་ཡིན་ཞིང་། དེས་ཁྱབ་འཇུག་སྟོན་པར་འཛིན་ཅིང༌། འཁོར་བ་ཟད་མཐའ་ཅན་དུ་འདོད། |
| ཁྱབ་འཇུག་རྐང་པ |
(མངོན་བརྗོད།) གངྒཱ། |
| ཁྱབ་ལྡན |
(མངོན་བརྗོད།) བཤང་བ། |
| ཁྱབ་སྟོབས |
(མངོན་བརྗོད།) ལྷ་བརྒྱ་སྦྱིན། |
| ཁྱབ་སྤེལ |
ཕྱོགས་ཚང་མ་ནས་གོང་འཕེལ་དུ་གཏོང་ཕྱོགས་ཐམས་ཅད་དུ་ཁྱབ་སྤེལ་བྱེད་ཅེས་པ་ལྟ་བུ། |
| ཁྱམ་ཁྱོམ |
(རྒྱན་ཚིག) ཁྱམ་མེ་ཁྱོམ་མེའི་བསྡུས་ཚིག |
| ཁྱམ་མེ་ཁྱོམ་མེ |
(རྒྱན་ཚིག) འགུལ་སྟངས་རིགས་ཤིག་མཚོན་པ་ས་འགུལ་རྐྱེན་གྱིས་སྣོད་བཅུད་ཁྱམ་ཁྱོམ་དུ་གཡོ་ལྟ་བུ། |
| ཁྱམས |
ཁང་བའི་མདུན་གྱི་བྱ་འདབ་ཀྱི་འོག་ཕྱོགས་ཀྱི་མིང་སྟེ། (དཔེར་ན།) ཁང་བའི་སྒོ་ཁྱམས། བར་ཁྱམས། ཁྱམས་ར་ཞེས་པ་ལྟ་བུ། |
| ཁྱམས་ར |
ར་བས་བསྐོར་བའི་ཁང་པའི་ཁྱམས། |
| ཁྱམས་སྟོད |
ཁྱམས་རའི་སྦུག་ཕྱོགས། |
| ཁྱམས་སྨད |
ཁྱམས་རའམ་ཁང་པའི་ཚོམས་ཀྱི་མདོའི་ཕྱོགས། |
| ཁྱར་ཁྱོར |
(རྒྱན་ཚིག) ཕར་ཡོ་ཚུར་ཡོ་བྱེད་པ་དང་གུག་འཁྱོག་མང་པའི་དོན་ཏེ། (དཔེར་ན།) གོམ་འགྲོས་ཁྱར་ཁྱོར། ཤིང་སྡོང་ཁྱར་ཁྱོར་ཞེས་པ་ལྟ་བུ། ཁ་སྐད་དུ་ཁྱ་རེ་ཁྱོར་རེ་ཟེར། |
| ཁྱར་མཁན |
(བརྡ་རྙིང་།) ཡུལ་འཁྱར་པ། |
| ཁྱི |
1.དུད་འགྲོ་ཁྱིའི་མིང་རྣ་བ་དང་སྣ་ཧ་ཅང་གསལ་ཞིང་། ཁྱིམ་སྒོ་སྲུང་ཤེས་ཤིང་སྒོ་ཕྱུགས་ཀྱང་སྲུང་ཤེས། མིང་གི་རྣམ་གྲངས་ལ་སྐྱེ་བའི་ཆ་ཅན་དང༌། གྲོང་གི་གཅན་གཟན། འདོད་དབང༌། རྡོ་རྗེའི་མཇུག་མ་ཅན། ནོར་སྲུང༌། རྫི་གསང་བ། ཤ་ཁྱི། སེང་གེའི་རིགས། གསོ་བྱེད་བཅས་སོ། 2.ལོ་འཁོར་བཅུ་གཉིས་ཀྱི་ཡ་གྱལ་ཞིག |
| ཁྱི་ཁ་རྡོ་ལེན |
ལས་དོན་གང་ཞིག་ཡིན་རུང་དེ་ལ་ཁ་གཏད་འཇལ་མཁན་རེ་དགོས་པའི་དཔེ། |
| ཁྱི་ཁར་རུས་བཟུང |
གཙིགས་ཆེར་བརྩིས་ཏེ་བློས་གཏོང་མི་བྲ་བའི་དཔེ། |
| ཁྱི་གཟིག |
གཟིག་གི་རིགས་ཤིག |
| ཁྱི་གསར |
ཁྱི་ལོ་ཆུང༌སྤྱིའི་མིང་སྟེ། (དཔེར་ན།) ལུང་ཆུང་སྦུག་ན་ཁྱི་གསར་བཙན་ཞེས་པ་ལྟ་བུ། |
| ཁྱི་གུ |
ཁྱིའི་ཕྲུ་གུ། |
| ཁྱི་ངར་བ |
ཁྱི་ཐུ་པོའམ་གཞན་གྱི་སྟེང་ཤུགས་ཆེར་གཙིགས་པའི་ཁྱི། |
| ཁྱི་ཉར་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་ཚོའི་ཁྱིམ་དུ་ཁྱི་ཉར་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| ཁྱི་ཉལ་རྒྱུག་སློང |
དོན་མེད་གཞན་ལ་སྙད་རྐོའི་གཏམ་དཔེ། (དཔེར་ན།) བདག་ལ་བཀའ་བཀྱོན་ཁྱི་ཉལ་རྒྱུག་སློང་གི་ཚུལ་དུ་གནང་བྱུང༌ལྟ་བུ། |
| ཁྱི་ཐུ་པོ |
ཁྱི་རྒོད་པོའམ་ངར་པོ། |
| ཁྱི་དུག |
རྒྱུ་བའི་དུག་གི་ནང་ཚན་ཁྱི་སྨྱོན་གྱི་སོས་རྨུགས་པའི་དུག་ནད་ལུས་ལ་ཞེན་པ། |
| ཁྱི་ཕག་གི་བརྟུལ་ཞུགས |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག་གི་རྗེས་འཛིན་པ་ཚོས་དུས་རྒྱུན་སྲོལ་གྱི་བརྟུལ་ཞུགས། |
| ཁྱི་ཕུར |
ཁྱི་འདོགས་སའི་ཕུར་པ། |
| ཁྱི་ཕྲུག |
ཁྱིའི་ཕྲུ་གུ། |
| ཁྱི་མིག་བཞི |
མིག་གཉིས་ཀྱི་ཐོད་དུ་སྤུ་མདོག་སེར་པོའི་ཐིག་ལེ་གཉིས་ཡོད་པའི་ཁྱི། |
| ཁྱི་མེ་ཏོག |
སྔོ་རྩྭ་ཞིག |
| ཁྱི་མོ་ཚང་མ |
ཁྱི་མོ་སྦྲུམ་ལྡན་དང་ཕྲུ་གུ་འཁྲིད་རྒྱུ་ཡོད་པའི་ཁྱི་མོ་སྟེ། (དཔེར་ན།) ཁྱི་མོ་ཚང་མའི་སྒོ་འགྲམ་ནས། སེང་དཀར་མོ་ཡིན་ཡང་དོགས་ཟོན་དགོས་ལྟ་བུ། |
| ཁྱི་ཟུག |
ཁྱིས་སྐད་རྒྱག་པ་འགྲུལ་པ་སླེབས་ན་ཁྱི་ཟུག་ཡོང༌ལྟ་བུ། |
| ཁྱི་ཟླ |
ཧོར་ཟླ་དགུ་པ། |
| ཁྱི་འཁྱར |
ཁྱི་འཁྱམས་ཏེ། བདག་པོ་མེད་པའི་ཁྱི། |
| ཁྱི་འགོག |
ཁྱིས་འཆའ་བའམ་རྨུག་ཏུ་མི་འཇུག་པར་འགོག་པ་སྟེ། (དཔེར་ན།)་མི་གཅིག་གིས་ཁྱི་འགོག་རྒྱུ་དང༌། ཤིང་གཅིག་གིས་མེ་འབར་རྒྱུ་དཀའ་ཞེས་པ་ལྟ་བུ། |
| ཁྱི་འགྱེད |
ཁྱི་རྦད་པའམ་སྐུལ་བ། |
| ཁྱི་འབིགས |
(མངོན་བརྗོད།) སྲོག་ཆགས་གཟུགས་མོའམ་བྱི་ཐུར་ཅན། |
| ཁྱི་ཡན |
བདག་པོ་མེད་པའི་ཁྱི་འཁྱམས། |
| ཁྱི་ར |
རི་དྭགས་རྔོན་པའི་ལས་ཀའི་མིང་སྟེ། (དཔེར་ན།) ཁྱི་ར་བརྒྱབ་ཅེས་པ་ལྟ་བུ། |
| ཁྱི་ར་བ |
རྔོན་པ། |
| ཁྱི་རོ |
1.ཁྱིའི་རོ།2.(ཡུལ་སྐད།) ཁྱི་ལ་གཤེ་བའི་ཚིག |
| ཁྱི་རྐུན |
1.རྐུ་བྱེད་པའི་ཁྱི།2.ཁྱི་ལ་སྨོད་པའི་ཚིག |
| ཁྱི་རྒན |
1.ཁྱི་ལོ་ལོན་པ་སྟེ། (དཔེར་ན།) ཁྱི་རྒན་ཤ་ལ་རྒྱུགས་ན། ཁྱི་ཕྲུག་རང་དགར་རྒྱུག2.གཞན་ལ་གཤེ་བའི་ངན་ཚིག |
| ཁྱི་རྒན་རྒྱ་བོ |
ཁྱི་རྒན་འགྲམ་པའི་སྤུ་མདོག་ནག་པོའམ་ནག་སེར་ཅན། |
| ཁྱི་རྔ་སྤྱང་ཚེར |
མཛོ་མོ་ཤིང་གི་མིང་གི་རྣམ་གྲངས་ཤིག |
| ཁྱི་རྔོ |
ཟ་ཕྲུག་ལངས་ནས་སྤུ་བྱི་བའི་ཁྱི་ནད་ཅིག |
| ཁྱི་རྦད་པ |
གཞན་འཛིན་པའམ་རྨུག་པའི་ཕྱིར་ཁྱི་སྐུལ་བ་སྟེ། (དཔེར་ན།) ཆོ་ཆོ་བྱས་ནས་ཁྱི་རྦད་པ། རི་དྭགས་རྔོན་ལ་ཁྱི་རྦད་བཞིན་ཡོད་ལྟ་བུ། |
| ཁྱི་ལས་ལོད |
ཁྱི་ལས་ངན་པ་ཧ་ཅང་ཐ་ཤལ་གྱི་དཔེ། |
| ཁྱི་ལོ |
ལོ་སྐོར་བཅུ་གཉིས་ཀྱི་ནང་ཚན་ཁྱི་ལ་ཁེལ་བའི་ལོ། |
| ཁྱི་ལྡོམ |
བདག་པོ་མེད་པའི་ཁྱི། |
| ཁྱི་ཤིག |
འཇུ་བ། |
| ཁྱི་ཤིང |
ཤིང་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་གློ་ནད་སེལ། ལུད་པ་གྱེན་དུ་འདྲེན། ཡུལ་སྐད་དུ་ཁྱི་ཙག་ཝ་ཟེར། |
| ཁྱི་ཤིང་དམན་པ |
ཤིང་གི་བྱེ་བྲག |
| ཁྱི་སྒོག |
(ཡུལ་སྐད།) རི་ལ་སྐྱེས་པའི་སྒོག་པ་ཞིག |
| ཁྱི་སྤྱང |
ཁྱི་སྤྱང་ཚ་ཞེས་ཁྱིའི་རིགས་ཤིག་སྤྱང་ཀི་དང་འདྲ་ཞིང༌། རང་གཤིས་དྲག་པོ། རྫི་རྣོ་བ་ཞིག་ཡིན། |
| ཁྱི་སྤྱང་ཁ་འགྲིལ |
ཁྱི་སྤྱང་ཁ་མཐུན་ཡང་ཟེར། མི་ངན་ཁ་འགྲིལ་གྱི་དཔེ། |
| ཁྱི་སྤྱང་ཚ |
ཁྱི་སྤྱང་དང་དོན་གཅིག |
| ཁྱི་སྤྱང་ལག་སྦྲེལ |
མི་ངན་ཁ་མཐུན་གྱི་དཔེ། |
| ཁྱི་སྤྲང |
1.ཁྱི་བདག་མེད།2.དབུལ་བོ་ལ་དམོད་ཚིག |
| ཁྱི་སྨྱོན |
སེམས་སྨྱོ་ནད་ཀྱིས་ཟིན་པའི་ཁྱི་ཁྱི་སྨྱོན་ཡིན་ཡང་བདག་པོ་ངོ་ཤེས་ལྟ་བུ། |
| ཁྱི་ཨ་སོབ |
ཁྱི་སྤུ་རིང་པོ་ཞིག |
| ཁྱིགས |
བཀྱིག་གི་སྐུལ་ཚིག་ལུག་ཁྱིགས་ཤིག་ཅེས་པ་ལྟ་བུ། |
| ཁྱིད |
མཁྱིད་དང་འདྲ། |
| ཁྱིད |
མཁྱིད་ཀྱི་འབྲི་ཚུལ་གཞན། |
| ཁྱིམ |
1.ཁྱིམ་ཚང་སྟེ་གཉེན་སྒྲིག་དང་རིགས་རུས་ཀྱི་རྒྱུད་པ་རྨང་གཞི་བྱས་པའི་སྤྱི་ཚོགས་ཀྱི་སྡེ་ཚན་ཞིག་ཡིན་ལ། དེར་ཕ་མ་བུ་ཕྲུག་དང་མཉམ་དུ་འཚོ་བའི་གཉེན་བཤེས་བཅས་འདུས་ཡོད། (དཔེར་ན།) རང་ཁྱིམ་རང་བདག ཁྱིམ་གཅིག་གི་མི། བརྩོན་བསྲིས་ཀྱི་སྒོ་ནས་ཁྱིམ་སྐྱོང་བ་ཞེས་པ་ལྟ་བུ།2.གཟའ་སྐར་རྣམས་ལ་འཛིན་པར་བྱེད་པའི་ལས་ཀྱིས་ཕན་འདོགས་པས་ཁྱིམ་ཟེར་ཏེ (དཔེར་ན།) ཉི་ཁྱིམ་ཞེས་པ་ལྟ་བུ།4.ཉི་མ་ལ་ཁྱིམ་བཅུ་གཉིས་ཡོད་སྟབས། གྲངས་ཚིག་གི་དབང་དུ་བྱས་ན་ཁྱིམ་གྱིས་བཅུ་གཉིས་མཚོན། |
| ཁྱིམ་ཁོལ |
1.ཁྱིམ་ནང་གི་བྲན་གཡོག2.(མངོན་བརྗོད།) རླིགའབྲས་ཕྱུང་བའི་ཁྱོ་ག |
| ཁྱིམ་གནས |
1.ཁྱིམ་ཚང༌།2.ཁྱིམ་དུ་ཡོད་པ།3.(མངོན་བརྗོད།) མནའ་མ། |
| ཁྱིམ་གནས་སྐྱེད་མ |
(མངོན་བརྗོད།) ཨ་མ། |
| ཁྱིམ་གཙོ |
ཁྱིམ་འཛིན་གྱི་གཙོ་བོ། |
| ཁྱིམ་གཙོ་བུད་མེད |
ཁྱིམ་འཛིན་གྱི་གཙོ་བོ་བུད་མེད། |
| ཁྱིམ་གཞིས |
གཏན་དུ་གནས་སའི་གཞིས། |
| ཁྱིམ་གཟའ |
ཉི་མ་ཁྱིམ་སོ་སོར་སླེབས་ཉིན་གྱི་རེས་གཟའ། དེ་ལ་ཁྱིམ་འཕོའི་གཟའ་ཡང་ཟེར། |
| ཁྱིམ་གསར |
གསར་དུ་ཆགས་པའི་ཁྱིམ་ཚང༌། |
| ཁྱིམ་གསར་མ |
མནའ་མ་གསར་པ། |
| ཁྱིམ་གསོ་བ |
1.ཁང་བ་ཉམས་གསོ་བྱེད་པ།2.ཁྱིམ་གྱི་འཚོ་ཐབས་བྱེད་པ། |
| ཁྱིམ་གསོ་སེམས་ཅན |
སྒོ་ཕྱུགས་ཁྲག་ཆགས། |
| ཁྱིམ་གྱི་ཀུན་དགའ་ར་བ |
གླིང་གའམ། སྐྱེད་མོས་ཚལ། |
| ཁྱིམ་གྱི་གཏོར་ཟ |
(མངོན་བརྗོད།) ཁྱིམ་བྱའམ་བྱ་གག |
| ཁྱིམ་གྱི་གཙུག་ཕུད་ཅན |
(མངོན་བརྗོད།) ཁྱིམ་བྱ། |
| ཁྱིམ་གྱི་གོ་རེ་ལོང |
(བརྡ་རྙིང་།) ཁྱིམ་གད་དར་བྱེད་པ། |
| ཁྱིམ་གྱི་གོ་ལ |
ཁྱིམ་གྱི་འཁོར་ལོ་ཟླུམ་པོའི་ཚུལ་གྱིས་འཁོར་བའི་ཉི་མའི་འགྲོ་ལམ། |
| ཁྱིམ་གྱི་དག་ར |
ཁང་པའི་མདུན་གྱི་ར་བ། |
| ཁྱིམ་གྱི་ནོར་བུ |
(མངོན་བརྗོད།) སྒྲོན་མེ། |
| ཁྱིམ་གྱི་བདག་པོ་བཅུ་གཉིས |
ཉི་མ་བཅུ་གཉིས་དང་དོན་གཅིག |
| ཁྱིམ་གྱི་ཚལ |
གླིང་གའམ་སྐྱེད་མོས་ཚལ། |
| ཁྱིམ་གྱི་འཁོར་ལོ |
ཉི་མའི་འགྲོ་ལམ། |
| ཁྱིམ་གྱི་རིག་པ |
འཇིག་རྟེན་གྱི་རིག་རྩལ་ཏེ། ཁྱིམ་སྐྱོང་ཐབས་དང་རྒྱལ་ཁབ་སྐྱོང་ཐབས་ཀྱི་བསྟན་བཅོས་དང་ལུགས་སྲོལ་སོགས། |
| ཁྱིམ་གྱི་རྗེ་དཔོན |
ཁྱིམ་བདག་སྟེ་བཟའ་དཔོན་ལ་ཟེར། |
| ཁྱིམ་གྱི་རྡོ |
(མངོན་བརྗོད།) རི་ལས་འོང་བའི་ཚོན་རྩི། |
| ཁྱིམ་གྱི་སོ་ཚིས |
ཁྱིམ་ཚང་གི་འཚོ་ཐབས། |
| ཁྱིམ་གྲངས |
1.ཁྱིམ་ཚང་མང་ཉུང༌།2.ཁྱིམ་བཅུ་གཉིས་མཚོན་བྱེད་ཀྱི་ཨང་གྲངས་ཏེ་ཐིག་ཤར་ན་ལུག་ཁྱིམ་དང༌། གཅིག་ཤར་ན་གླང་ཁྱིམ། གཞན་རྣམས་རིགས་འགྲེ། |
| ཁྱིམ་གྲོགས |
མཉམ་དུ་ཆགས་པའི་ཐེམ་དུད། |
| ཁྱིམ་གྲོང |
མི་ཚང་གི་གྲོང༌། |
| ཁྱིམ་ཅན |
ཉི་མ་སོགས་ནི་སྐར་ཁྱིམ་ལོངས་སུ་སྤྱོད་པ་པོ་ཡིན་པས་ན་ཁྱིམ་ཅན་ཞེས་བརྗོད། |
| ཁྱིམ་ཆགས |
གཞིས་ཆགས་པ། |
| ཁྱིམ་ཐབ |
བཟའ་ཚོའམ། བཟའ་མི་ཁྱོ་ཤུག་ཕོ་མོ་དེ་གཉིས་ཁྱིམ་ཐབ་སྒྲིག་པའི་དོན་ཏེ། (དཔེར་ན།) ཁྱིམ་ཐབ་བླངས་ཏེ་རང་གི་ཕ་མེས་ཀྱི་གཞིས་འཛིན་བྱས་ལྟ་བུ། |
| ཁྱིམ་ཐབ་མ |
ཆུང་མའམ་ཁྱིམ་བདག་མོ། |
| ཁྱིམ་ཐབས |
1.ཁྱིམ་གྱི་འཚོ་ཐབས་སམ་འཚོ་ཚིས།2.ཁྱིམ་ཐབ་དང་འདྲ། |
| ཁྱིམ་དཔོན |
1.རྒྱལ་པོའམ་བློན་ཆེན་གྱི་ཕྱག་མཛོད་ལྟ་བུ།2.བཟའ་དཔོན་ནམ་ཁྱིམ་བདག |
| ཁྱིམ་དུ་འགྲོ |
(མངོན་བརྗོད།) བྱ་ཕ་ཝང༌། |
| ཁྱིམ་ནང |
1.མི་ཚང་གི་ནང༌།2.ཁྱིམ་པའི་སྡོད་གནས། |
| ཁྱིམ་ནོར |
མི་ཚང་གི་རྒྱུ་ནོར། |
| ཁྱིམ་པ |
ཁྱིམ་པའམ་རབ་ཏུ་མ་བྱུང་བའི་མི་ཁྱིམ་པ་ཕོ་མོའི་དོན་ཏེ། (དཔེར་ན།) གྲྭ་བ་ཁྱིམ་པར་བབས་པ་ལྟ་བུ། |
| ཁྱིམ་པ་བརྟག་པའི་དཔྱད |
ཁྱིམ་པའི་མཚན་ཉིད་དམ་རང་བཞིན་ལ་བརྟག་དཔྱད་བྱེད་པའི་ཐབས། |
| ཁྱིམ་པ་མི་ནག |
མི་སྐྱའམ་རབ་ཏུ་མ་བྱུང་བའི་མི། |
| ཁྱིམ་པ་མོ |
1.ཁྱིམ་པ་བུད་མེད།2.(མངོན་བརྗོད།) མནའ་མ། |
| ཁྱིམ་པ་སུན་འབྱིན་པ |
དགེ་འདུན་པའི་སྤྱོད་ཚུལ་མི་མཛེས་པ་བསྟན་ནས་འཇིག་རྟེན་པ་རྣམས་ཞེ་ཁྲེལ་བར་བྱེད་པ། |
| ཁྱིམ་པ་སྐྱ་བོ |
མི་སྐྱ། |
| ཁྱིམ་པའི་ཆ་ལུགས |
མི་སྐྱ་བོའི་ཆས་གོས་གྱོན་སྟངས། |
| ཁྱིམ་པའི་ཆོས |
ཁྱིམ་པའི་སྤྱོད་ཚུལ་ཏེ། (དཔེར་ན།) གྲྭ་བ་ནི་ནམ་ཡང་ཁྱིམ་པའི་ཆོས་ཀྱིས་མ་བཅིངས་པ་ལྟ་བུ། |
| ཁྱིམ་པའི་མཚན་རྟགས |
སྐྱ་བོའི་རྟགས་མཚན། |
| ཁྱིམ་པའི་ལས |
མི་སྐྱའི་ལས་ཀ། |
| ཁྱིམ་ཕུགས |
(བརྡ་རྙིང་།) ཁྱིམ་འབིགས་པ་དང་དོན་གཅིག |
| ཁྱིམ་ཕུང |
(བརྡ་རྙིང་།) ཁྱིམ་ཚང་ནང་འཁྲུག |
| ཁྱིམ་ཕུབ་པ |
ཁྱིམ་གཞིས་གསར་དུ་བརྒྱབ་པའམ་ཁྱིམ་བཟུང་བའི་དོན་ཏེ། (དཔེར་ན།) ཁོ་བོས་ཁྱིམ་ཕུབ་ནས་ལོ་མང་པོ་ཕྱིན་སོང༌། |
| ཁྱིམ་ཕྱྭ |
ལག་རྩར་བརྟེན་ནས་གཉེན་ཚན་དང་བཅས་པའི་ལེགས་ཉེས་སོགས་བརྟག་དཔྱད་བྱེད་པའི་མོ་ཕྱྭ་ངོ་མཚར་རྩ་བདུན་གྱི་ཡ་གྱལ་ཞིག |
| ཁྱིམ་བཅུ་གཉིས |
སྐར་ཁྱིམ་ཏེ། སའི་གོ་ལས་ཉི་མར་སྐོར་བ་རྒྱག་པའི་མུ་ཁྱུད་ཟླུམ་པོ་ལ་ཆ་མཉམ་བཅུ་གཉིས་སུ་བགོས་པའི་མིང་ལ་ཁྱིམ་བཅུ་གཉིས་ཟེར་ཞིང་། དེ་དག་ནི། བུམ་པ། ཉ། ལུག་འཁྲིག་པ། གླང༌། ཀརྐ་ཊ། སེང་གེ། བུ་མོ། སྲང༌། སྡིག་པ། གཞུ། ཆུ་སྲིན་བཅས་སོ། །མིང་དེ་ལྟར་བཏགས་པའི་རྒྱུ་མཚན་ནི། རི་ཡི་རྒྱལ་པོ་རི་རབ་ལ་གཞུ་དང༌། ཆུ་སྲིན་དང༌། བུམ་པ་དང༌། ཉ་དང༌། ལུག་དང༌། གླང་ལ་སོགས་པའི་གདོང་པའི་དབྱིབས་དང་འདྲ་བའི་ཐད་ཀ་ན་ཉི་མ་གནས་ཚེ་དེ་ལྟར་མིང་འདོགས་ལུགས་གཅིག་དང༌། ཡང་འཛམ་བུའི་གླིང་ན། གཞུ་སྲ་བའི་དུས་དང༌། ཆུ་སྲིན་གྱི་ཁ་ཉི་མ་ལ་བསྟན་ནས་འདུག་པའི་དུས་དང༌། བུམ་པའི་ཆང་གི་ཆང་རོ་ནུས་དང་ལྡན་པའི་དུས་དང༌། ཉ་རྣམས་ཆུ་ལ་རྒྱུ་བའི་དུས་དང༌། ལུ་གུ་སྐྱེ་བའི་དུས་དང༌། གླང་རྣམས་ཀྱིས་ཞིང་རྨོ་བའི་དུས་དང༌། དུད་འགྲོ་རྣམས་འདོད་ཆགས་ལངས་པའི་དུས་དང༌། ཀརྐ་ཊ་ནི་སྦལ་པ་ཡིན་པས་སྦལ་པས་སྐད་འབྱིན་པའི་དུས་དང༌། སེང་གེས་ཆགས་པ་སྤྱོད་པའི་དུས་དང༌། བུ་མོ་རྣམས་མདངས་བཟང་བའི་དུས་དང༌། སྲང་ངམ་ཉ་ག་ལ་ཇ་མར་འདེགས་པའི་དུས་དང༌། སྡིག་པ་རྣམས་ཁུང་དུ་འགྲོ་བའི་དུས་དང༌། ཁ་ཅིག་འདི་དུད་འགྲོ་གསོད་པའི་སྡིག་པའི་དུས་ཀྱང་ཟེར་རོ། ཁྱིམ་གཅིག་གི་ས་ཁྱོན་ནི་རྒྱུ་སྐར་གྱི་རྐང་པ་དགུ་སྟེ་ཡུལ་གྱི་ཆུ་ཚོད་བརྒྱ་དང་སོ་ལྔ་ཡོད། |
| ཁྱིམ་བདག |
1.མི་ཚང་གི་བདག་པོ།2.སྦྱིན་བདག་གཞན་ལ་ལོངས་སྤྱོད་ཀྱི་མཐུན་རྐྱེན་སྤྲོད་པའི་མི། |
| ཁྱིམ་བདག་མོ |
མི་ཚང་གི་བདག་མོ། |
| ཁྱིམ་བདག་ལམ་ལུགས |
གནའ་ནས་ད་བར་སྤྱི་ཚོགས་སུ་དར་པའི་ཁྱིམ་གྱི་སྒྲིག་ལམ་ཞིག་ཡིན་ལ། ཁྱིམ་ལ་བདག་པོ་བྱེད་མཁན་གྱི་སྐྱེས་པའམ་ཨ་མ་ནི་རྗེ་བོ་དང་རྒྱུ་ནོར་གྱི་བདག་པོ་ཡིན་པས་ཁྱིམ་མི་ཚང་མས་ཁོ་ལ་བརྩི་བཀུར་བྱེད་པ་ཡིན། |
| ཁྱིམ་བརྟག་པའི་དཔྱད |
ཁྱིམ་ཚང་གི་ས་དབྱིབས་བཟང་ངན་བརྟག་དཔྱད་བྱེད་ཐབས། |
| ཁྱིམ་བྱ |
1.ཁྱིམ་ནང་དུ་གསོ་བའི་བྱ་དེ་སོགས། མིང་གི་རྣམ་གྲངས་ལ་རྐང་པའི་མཚོན་བྱ་ཅན་དང༌། དགའ་བྱེད། སྔ་བར་སྒྲ་སྒྲོག་ཐོ་རེངས་སྐད་སྒྲོག་བདེ་ལེགས་ཅན། ནོར་བུའི་མགྲིན་ཅན། པགས་པའི་གཙུག་ཕུད་ཅན། འཕེལ་བྱེད། མྱ་ངན་མེད། མཚན་མོ་སྐད་སྒྲོག་མཚན་མོ་རིག། ཟངས་ཀྱི་གཙུག་ཕུད་ཅན། ཟངས་ཟེ་ཅན། ཟུང་གི་སྒྲ་སྒྲོག་འོད་ཀྱི་སྡེ། ཡོངས་ཟླུམ་མིག་གསོ་བྱེད་བཅས་སོ། །2 བྱིའུ་ཞིག་གི་མིང༌། |
| ཁྱིམ་མ |
ལུས་རྩའི་བྱེ་བྲག་ཅིག |
| ཁྱིམ་མཚེས |
ཁྱིམ་ཚང་གི་ཉེ་འགྲམ་དུ་ཡོད་པའི་ཁྱིམ་གྲོགས་ཏེ། ཡུལ་ལ་ལར་གྲོང་རོགས་སམ། གྲོང་པ་ཡང་ཟེར། ཐག་ཉེའི་འགྲམ་དུ་ཡོད་པའི་རྒྱལ་ཁབ་ཕན་ཚུན་ལ་ཡང་ཁྱིམ་མཚེས་རྒྱབ་ཁབ་ཟེར། |
| ཁྱིམ་མི |
ཁྱིམ་ཚང་གཅིག་ཡིན་པའི་མི། |
| ཁྱིམ་ཚང |
ཁྱིམ་ལ་ལྟོས། |
| ཁྱིམ་ཚིས |
མི་ཚང་གི་འཚོ་ཐབས་ཏེ། རྒྱུ་ནོར་ལྟོ་གོས་སོགས་ཀྱི་མཐུན་རྐྱེན་ལ་ཟེར། |
| ཁྱིམ་ཚུགས |
1.མི་ཚང་གི་གཞིའམ་འཚོ་རྟེན།2.ཁྱིམ་གཞི་བརྟན་པོར་ཆགས་ཐུབ་པའི་དོན་ཏེ། (དཔེར་ན།) གྲོང་ཁྱེར་དུ་ཁྱིམ་ཚུགས་ཐུབ་པ་བྱུང་ཞེས་པ་ལྟ་བུ། |
| ཁྱིམ་ཚོ |
མི་ཚང་གི་འཚོ་རྟེན་ནམ་རང་ཚུགས་ཐུབ་པའི་ནུས་པའི་དོན་ཏེ། (དཔེར་ན།) མི་ཚང་ཁྱིམ་ཚོ་ཟིན་པའི་ཆེད། བརྩོན་པའི་དཀའ་བ་མང་དུ་སྤྱད་ལྟ་བུ། |
| ཁྱིམ་ཞག |
ཉི་མ་ཁྱིམ་རེར་འཕོ་བའི་ཡུན་ཚད་སུམ་ཅུར་བགོས་པའི་ཆ་ཤས་གཅིག |
| ཁྱིམ་ཞག |
སྐར་རྩིས་ཀྱི་བརྡ་ཞིག་སྟེ། (དཔེར་ན།) སའི་གོ་ལས་ཉི་མར་སྐོར་བ་གཅིག་རྒྱག་པའི་ཡུན་ལ་ཆ་སུམ་བརྒྱ་རེ་ལྔ་བྱས་པའི་ཆ་གཅིག་ལ་ཉིན་ཞག་གཅིག་བྱས་པའི་མིང་། |
| ཁྱིམ་ཞག་དཀྱིལ་འཁོར |
ཁྱིམ་ལོ་གཅིག་གམ་ཁྱིམ་ཞག་སུམ་བརྒྱ་དྲུག་ཅུ་ཐམ་པ། |
| ཁྱིམ་ཞག་དུས་ཀྱི་རྟག་ལོངས |
ཁྱིམ་ཞག་གཅིག་གི་དུས་ལོངས་ཏེ། ཡུལ་ལོངས་དུས་ཚོད་བཞི་དང་ཆུ་སྲང་སུམ་ཅུའམ་ཉིན་ཞག་གི་ཆུ་ཚོད་དྲུག་ཅུ་དང༌། ཆུ་སྲང་ང་གཉིས། དབུགས་བཞི། དབུགས་གཅིག་དུས་མདའ་མཁའ་རི་ཡིད་ཀྱི་ཆར་བྱས་པའི་ཆ་ཤས་སུམ་ཁྲི་ལྔ་སྟོང་བརྒྱ་ཕྲག་གཅིག་དང་བཞི་ཡིན། |
| ཁྱིམ་ཟླ |
1.བཟའ་ཟླ།2.ཁྱིམ་ཞག་སུམ་ཅུ་ཚང་བའི་དུས་ཏེ། ཉི་མས་རང་འགྲོས་ཀྱིས་ཡུལ་གྱི་ཆུ་ཚོད་མདའ་ཡོན་ཟླ་བ་བགྲོད་པའི་ཡུན་ཚད་དེ་ལ་ཁྱིམ་ཟླ་ཞེས་བྱའོ། ། |
| ཁྱིམ་ཟླའི་དུས་ཀྱི་རྟག་ལོངས |
གཟའི་རང་འཁོར་བཞི་སོང་ཟིན་པའི་འཕྲོ་ན་གཟའ་གནས་སུ་གཉིས་དང༌། ཆུ་ཚོད་ཉེར་དྲུག་ཆུ་སྲང་ཉེར་གཅིག་དབུགས་གཅིག་དབུགས་གཅིག་རི་རོའི་ཆ་བཅུ། རི་མཁའ་རིའི་ཚ་ལྔ་བརྒྱ་དོན་གསུམ། འདོད་ཆ་གཉིས་བཅས་སོ། ། |
| ཁྱིམ་འཕོ |
ཉི་ཟླ་ཁྱིམ་ནས་ཁྱིམ་དུ་འཕོ་བ། ལག་ལེན་བྱེད་སྐབས་སུ་དོན་གྱི་ཁྱིམ་འཕོ་དང་བྱེད་སླའི་ཁྱིམ་འཕོ་གཉིས་ཡོད། |
| ཁྱིམ་འབིགས་པ |
1.རྐུན་མ་སོགས་ཀྱིས་ཁང་ཁྱིམ་གྱི་རྩིག་པར་བུག་པ་རྟོལ་བ།2.(མངོན་བརྗོད།) རྐུན་མ་དང་ཙི་ཙི་སོགས་རྩིག་པར་བུག་པ་རྟོལ་མཁན། |
| ཁྱིམ་འབྱོར་པ |
མི་ཚང་ཕྱུག་པོ། |
| ཁྱིམ་འཚོ |
1.ཁྱིམ་ཚང་ལ་འཚོ་སྐྱོང་བྱེད་པ།2.ཁྱིམ་དང་འཚོ་བའི་བསྡུས་མིང༌། |
| ཁྱིམ་འཛིན |
ཁྱིམ་སོ་འཛིན་མཁན། |
| ཁྱིམ་འཛིན་མ |
ཆུང་མའམ། ཁྱིམ་བདག་མོ། |
| ཁྱིམ་རྒྱུད |
མི་ཚང་གི་རིགས་རྒྱུད། |
| ཁྱིམ་ལས |
མི་ཚང་གི་ཕྱི་ནང་ལས་ཀ |
| ཁྱིམ་ལོ |
ཉི་མ་རང་འགྲོས་ཀྱིས་རྒྱུ་སྐར་འཁོར་ལོ་རྫོགས་པར་སྤྱོད་པ་ལ་བརྟེན་ནས་ས་ལ་དུས་བཞི་འཁོར་ཚུལ་གྱི་ཁྱིམ་བཅུ་གཉིས་རྫོགས་པར་འཆར་བ་ལ་ཁྱིམ་ལོ་ཞེས་བཏགས་པའོ། ། ཁྱིམ་ལོ་གཅིག་ལ་ཁྱིམ་ཞག་སུམ་བརྒྱ་དང་དྲུག་ཅུ་ཐམ་པ། ཉིན་ཞག་སུམ་བརྒྱ་དྲུག་ཅུ་རེ་ལྔ་དང་མིག་ཀླུ་མེ་སྐྱོན་གྱི་ཆ་4975) སྐྱོན་སྟོན་ལོ་འཕོའི་ཐད་ལ་ལྟོས། ། |
| ཁྱིམ་ལྡན |
(མངོན་བརྗོད།) སྲོག་ཆགས་རྩངས་པ། |
| ཁྱིམ་ལྷ |
ཁྱིམ་དུ་གནས་པའི་མི་མ་ཡིན། |
| ཁྱིམ་ས |
ཁྱིམ་ཆགས་སའམ་ཡོད་ས། |
| ཁྱིམ་སུན་འབྱིན་པ |
ཁྱིམ་པ་སུན་འབྱིན་པ་དང་དོན་གཅིག |
| ཁྱིམ་སུན་འབྱིན་པའི་ལྷག་མ |
དགེ་འདུན་ལྷག་མ་བཅུ་གསུམ་ལས། བསྒོ་བ་ལས་གྱུར་པའི་ལྷག་མ་བཞིའི་ནང་གསེས། བསླབ་པ་དང་འགལ་བའི་ངན་སྤྱོད་ཀྱིས་ཁྱིམ་པ་རྣམས་སུན་འབྱིན་པར་བྱས་ཏེ། མ་དད་པ་བྱེད་པའི་ཚེ་དགེ་སློང་དེ་དགེ་འདུན་གྱི་གནས་ནས་བསྐྲད་པ་ན་སྐྲོད་བྱེད་དགེ་འདུན་ལ་བསྐུར་བ་འདེབས་པ་ལན་གསུམ་གྱི་བར་དུ་བཟློག་ཀྱང་མི་ཉན་པའོ། ། |
| ཁྱིམ་སོ |
ཁྱིམ་ཚང་གི་འཚོ་རྟེན་ནམ་རང་སྐྱ་ཐུབ་པའི་ནུས་པའི་དོན་ཏེ། (དཔེར་ན།) འགྲོ་གྲོན་གཏོང་ཐབས་མཁས་ན་མི་ཚང་ཁྱིམ་སོ་ཟིན་ཐུབ་ཅེས་པ་ལྟ་བུ། |
| ཁྱིམ་སོ་འཛིན་པ |
1.མི་ཚང་སྐྱོང་བ།2.མི་ཚང་སྐྱོང་མཁན།3.བག་མར་འགྲོ་བ། |
| ཁྱིམ་སོགས་ཀྱི་སྡེ་ཚན |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་དྲུག་པ་ལ། ཟན་གཅོད་དུ་འཇུག་པའི་ལྟུང་བྱེད་དང༌། མེ་ལ་རེག་པའི་ལྟུང་བྱེད་དང༌། འདུན་པ་ཕྱིར་བསྒྱུར་བའི་ལྟུང་བྱེད་དང༌། ནུབ་གཅིག་ལྷག་པོར་ཉལ་བའི་ལྟུང་བྱེད་དང༌། སྡིག་ལྟ་མི་གཏོང་བའི་ལྟུང་བྱེད་དང༌། སྤང་བའི་རྗེས་སུ་ཕྱོགས་པའི་ལྟུང་བྱེད་དང༌། དགེ་ཚུལ་བསྙིལ་བ་སྡུད་པའི་ལྟུང་བྱེད་དང༌། གོས་ཁ་མ་བསྒྱུར་བ་གྱོན་པའི་ལྟུང་བྱེད་དང༌། རིན་པོ་ཆེ་ལ་རེག་པའི་ལྟུང་བྱེད་དང༌། ཁྲུས་བྱེད་པའི་ལྟུང་བྱེད་བཅས་བཅུའོ། ། |
| ཁྱིམ་སྐྱོང |
1.ཁྱིམ་ཚང་སྐྱོང་བ་པོ།2.ཁྱིམ་སྐྱོང་བར་བྱེད་པ། |
| ཁྱིམ་སྔགས་པ |
མི་སྐྱ་སྔགས་འཆང་བ། |
| ཁྱིམ་སྟོང་པ |
མི་ནོར་མེད་པའི་ཁང་ཁྱིམ། |
| ཁྱིམ་སྟོངས་པ |
མི་ཚང་འཐོར་བ། |
| ཁྱིམ་སྤངས |
ཁྱིམ་སྲིད་བློས་བཏང་བ། |
| ཁྱིམ་སྤོ |
སྡོད་གནས་སྤོ་བ། |
| ཁྱིམ་སྦྱོང |
(བརྡ་རྙིང་།) བྱི་བ། |
| ཁྱིམ་སྲ་ཚོ |
མི་ཚང་རང་ཚུགས་ཐུབ་པའི་ནུས་པའི་དོན་ཏེ། (དཔེར་ན།) ཁྱིམ་སྲ་ཚོ་ཟིན་ན་མི་ནོར་ཤུགས་ཀྱིས་འཁོར་ཡོང༌ལྟ་བུ། |
| ཁྱིམ་སྲིད་དམས་པ |
(བརྡ་རྙིང་།) ཁྱིམ་གྱི་འབྱོར་བ་ཉམས་པ། |
| ཁྱིམ་སླེབ |
ལྷོ་གླིང་དབུས་མའི་ཚངས་ཐིག་གཞིར་བཞག་ནས་ཉི་མ་ཁྱིམ་བཅུ་གཉིས་སོ་སོར་ཐོག་མར་སླེབས་པའི་ཆུ་ཚོད་ནི། ལུག་ཐ་སྐར། ཆུ་ཚོད་0 གླང༌། སྨིན་དྲུག་ཆུ་ཚོད་15 འཁྲིག་མགོ། ཆུ་ཚོད་30 ཀརྐ་ཊ། ནབས་སོ། ཆུ་ཚོད་45 སེང་གེ། མཆུ། ཆུ་ཚོད་0 བུ་མོ། དབོ། ཆུ་ཚོད་15 སྲང༌། ནག་པ། ཆུ་ཚོད་30 སྡིག་ས་ག། ཆུ་ཚོད་45 གཞུ། སྣུབས། ཆུ་ཚོད་0 ཆུ་སྲིན། ཆུ་སྨད། ཆུ་ཚོད་15 བུམ་པ། མོན་གྲེ། ཆུ་ཚོད་30 ཉ། ཁྲུམས་སྟོད། ཆུ་ཚོད་45 བཅས་སོ། ། |
| ཁྱིའུ |
1.གས་སྲུབས་ཇེ་ཆེར་གཏོང་བའམ་ཇེ་དམ་དུ་གཏོང་ཆེད་དུ་གདབ་པའི་ཤིང་ཕུར་དང་ལྕགས་ཕུར་ལྟ་བུའི་མིང་སྟེ། (དཔེར་ན།) ཤིང་སྲུབས་ལ་ཁྱིའུ་གདབ རྡོ་སྲུབས་ལ་ལྕགས་ཁྱིའུ་གདབ་ཅེས་པ་ལྟ་བུ། 2.ལྷམ་ཚུགས་འདོད་བྱེད་ཀྱི་ཡོ་བྱད་ཅིག་གི་མིང་སྟེ་ཡོངས་གྲགས་ལ་ལྷམ་ཁྱིའུ་ཟེར་ཏེ། (དཔེར་ན།) ལྷམ་ལ་ལྷམ་ཁྱིའུ་བརྒྱབ་ཅེས་པ་ལྟ་བུ། |
| ཁྱིའུ་ཀ |
བཅད་འཕྲོ། |
| ཁྱིར |
(བརྡ་རྙིང་།) ཆང་ཁྱིར་རམ་ཆང་རྫ། |
| ཁྱིལ |
(རྒྱན་ཚིག) དུང་གི་རི་མོ་ལྟ་བུའི་དབྱིབས་ཀྱི་དོན་ཏེ། (དཔེར་ན།) སྐྲ་ཁྱིལ། དུང་ཁྱིལ། གཡས་སུ་ཁྱིལ་བ་ཞེས་པ་ལྟ་བུ། |
| ཁྱིལ་གྱིས་སྡོད |
མྱུར་དུ་སྡོད་པའི་རྣམ་པ་ཞིག་སྟེ། (དཔེར་ན།) ང་འགྲོ་ཞེས་ཤར་རེར་འགྲོ། ང་སྡོད་ཅེས་ཁྱིལ་གྱིས་སྡོད་ཅེས་པ་ལྟ་བུ། |
| ཁྱུ |
མི་དང་སྲོག་ཆགས་མང་པོ་མཉམ་དུ་འདུས་པའི་མིང་སྟེ། (དཔེར་ན།) མི་ཁྱུ། ལུག་ཁྱུ། བྱ་ཁྱུ། ལུག་ཁྱུའི་ར། རྟ་ཁྱུའི་རྐྱང་ཞེས་པ་ལྟ་བུ། |
| ཁྱུ་གཡག |
འབྲས་བུ་མ་ཕྱུང་བའི་ཕ་གཡག |
| ཁྱུ་པ |
ཁྱུ་གཡག་དང་དོན་གཅིག |
| ཁྱུ་བསྒྲིགས |
སེམས་ཅན་རིགས་མཐུན་སོ་སོའི་ཚོགས་གྲལ་བསྡེབས་པ། |
| ཁྱུ་མ |
ལེགས་སྦྱར་སྐད་ཀྵུ་མཱ་ཞེས་པའི་ཟུར་ཆག་སྟེ་སོ་མ་རཱ་ཛཱའམ་ཟར་མའི་རིགས་ཤིག |
| ཁྱུ་མཆོག |
1.མང་པོའི་ནང་གི་མཆོག་ཏུ་གྱུར་པ་སྟེ། (དཔེར་ན།) མིའི་ནང་གི་ཁྱུ་མཆོག་དམ་པ་ཞེས་པ་ལྟ་བུ།2.(མངོན་བརྗོད།) ཆུ་རྟ་ལོ། |
| ཁྱུ་མཆོག་གི་སྟབས་སུ་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་འཁོར་གྱི་སྣ་དྲགས་པ་ལ་མཆོག་ཏུ་མཁས་པ་ཉིད་ཀྱིས་ཁྱུ་མཆོག་གི་སྟབས་སུ་གཤེགས་པ། |
| ཁྱུ་མཆོག་ཅན |
(མངོན་བརྗོད།) ཧོར་ཟླ་བརྒྱད་པ། |
| ཁྱུ་མཆོག་མིག་དམར |
(མངོན་བརྗོད།) མ་ཧེ། |
| ཁྱུ་མཆོག་རྐང་པ |
(མངོན་བརྗོད།) ཁྲུམས་ཀྱི་ཟླ་བ་སྟེ་ཧོར་ཟླ་བརྒྱད་པ། |
| ཁྱུ་མཆོག་རྒྱལ་མཚན |
(མངོན་བརྗོད།) ལྷ་དབང་ཕྱུག་ཆེན་པོ། |
| ཁྱུ་ཚན |
(བརྡ་རྙིང་།) རྒྱུ་སྟོབས་ཆེན། |
| ཁྱུ་འུར་རྒྱུག་པ |
སེམས་ཅན་མང་པོའི་ཚོགས་འུར་རྒྱུག་བྱེད་པའམ། འདྲོག་པ། |
| ཁྱུ་ཡི་བདག |
(མངོན་བརྗོད།) གླང་པོ་མཆོག |
| ཁྱུ་ཡི་མགོན་པོ |
(མངོན་བརྗོད།) གླང་པོ་མཆོག |
| ཁྱུ་རྩེད |
མང་པོ་འདུས་ཏེ་མཉམ་དུ་གར་རྩེད་རྩེ་བ། |
| ཁྱུ་སྐད |
མང་པོ་ཚོགས་པའི་འུར་སྐད། |
| ཁྱུ་སྐྱོང |
སེམས་ཅན་མང་པོ་འཚོ་མཁན་གྱི་རྫི་བོ། |
| ཁྱུ་སྣ་འདྲེན་པ |
ཚོགས་པའི་འགོ་འཁྲིད་པ། |
| ཁྱུག་ཁྱུག |
1.(རྒྱན་ཚིག) གྱ་གྱུར་གཡོ་བའི་རྣམ་པ་སྟེ། (དཔེར་ན།) གློག་ཁྱུག་ཁྱུག་བྱེད། གློག་ཞགས་ཁྱུག་སེ་ཁྱུག ཉ་མོ་ཁྱུག་ཁྱུག་བརྐྱལ་ལྟ་བུ། 2.ཅུང་ཟད་ཀྱི་དོན་ཏེ། (དཔེར་ན།) ལམ་ལ་ཁྱུག་ཙམ་སོང་། ཟས་ཁྱུག་ཙམ་ཟོས་ལྟ་བུ། |
| ཁྱུག་གེ་བ |
(རྒྱན་ཚིག) མྱུར་སྟབས་སུ་གཡོ་ཚུལ་ཞིག་སྟེ། (དཔེར་ན།) ཐག་རིང་ནས་མེ་འོད་དམར་ཁྱུག་གེ་བ་ཞིག་མཐོང་བྱུང༌ལྟ་བུ། |
| ཁྱུག་པ |
མྱུར་པོའི་དོན་ཏེ། (དཔེར་ན།) སེམས་ཁྲལ་བྱས་ཏེ་ཁྱུག་གིས་འགྲོ་བ། མི་དེ་ལས་ཀ་བྱེད་དུས་བདེ་ཅག་ཁྱུག་པ་ལ་ཞེས་པ་ལྟ་བུ། |
| ཁྱུག་པོ |
འཁྱོག་པོ་ཡི་འབྲི་ཚུལ་གཞན། |
| ཁྱུག་ཙམ |
ཧྲིལ་ཙམ་མམ་ཡུད་ཙམ་གྱི་དོན་ཏེ། (དཔེར་ན།) ཁྱོད་རང་འདིར་ཁྱུག་ཙམ་ཕེབས་རོགས་གནང༌། འདི་གར་ཁྱུག་ཙམ་ཡོང་ནས་ཡང་བསྐྱར་གཞན་དུ་ཕྱིན་སོང༌ལྟ་བུ། |
| ཁྱུགས་སེ་ཁྱུག |
ཤིན་ཏུ་མྱུར་བའི་ཚུལ་ཏེ། (དཔེར་ན།) མུན་ནག་གི་ནང་དུ་གློག་འོད་ཁྱུགས་སེ་ཁྱུག་ལྟ་བུ། |
| ཁྱུང |
1.སྔར་གྱི་བཤད་སྲོལ་ལ་བྱ་ཆེན་ཞིག་མི་རིགས་སོ་སོའི་གཤད་ཚུལ་མི་འདྲ་སྟབས་བྲིས་པའི་གཟུགས་བརྙན་ཡང་སྣ་ཚོགས་ཡོད། (དཔེར་ན།) ཁྱུང་མཁའ་ལྡིང་སྙི་ལ་འཛིན་ཐབས་མེད། སྟག་དམར་ཡག་ཐག་པས་བཏགས་ཐབས་མེད་ཅེས་པ་ལྟ་བུ། 2.སྔར་བོད་ཀྱི་ཡབ་འབངས་རུས་དྲུག་གི་གྲས་ཤིག |
| ཁྱུང་ཁྲ |
བྱ་ཁྱུང་སྤུ་མདོག་ཁྲ་བོ་ཅན་ཞིག |
| ཁྱུང་ཆེན |
ནམ་མཁའ་ལྡིང༌སྟེ་བྱ་ཆེན་ཞིག། |
| ཁྱུང་ཆེན་སྐེ་རིང |
ཁྲུང་ཁྲུང༌། |
| ཁྱུང་ཐུར་ཅན |
(མངོན་བརྗོད།) 1>གོ་ཁྲབ། 2>རྨོག་གམ་ལྕགས་ཞྭ། |
| ཁྱུང་དཀར |
གནག་ཕྱུགས་མཛོའི་མིང་སྟེ། (དཔེར་ན།) ཁྱུང་དཀར་མཛོ་ཡི་བཀའ་དྲིན་ལ་རྟོལ་བོ་རོག་པོ་དབུས་ལ་སླེབས་ཞེས་པ་ལྟ་བུ། |
| ཁྱུང་པོ |
1.ཁམས་ཁྱུང་པོ་ཞེས་པའི་ཡུལ།2.སྲོང་བཙན་སྒམ་པོའི་སྐབས་བོད་ཀྱི་རིགས་རུས་ཤིག་གི་མིང་སྟེ་གཙང་སྨད་ས་ཁུལ་ལ་དབང་བསྒྱུར་ཡོད། |
| ཁྱུང་པོ་སེར་ཚ |
སེར་ཚ་དང་དོན་གཅིག |
| ཁྱུང་པོ་སྟེང་ཆེན |
སྟེང་ཆེན་དང་དོན་གཅིག |
| ཁྱུང་ལྔ |
བོད་ཀྱི་སྨན་པས་ཨ་རུ་དང་སྨན་ཆེན། ཤུ་དག རུ་རྟ། གླ་རྩི་སོགས་བསྡེབས་པའི་སྨན་གྱི་རིལ་བུ་ཞིག་གི་མིང་། |
| ཁྱུང་སེང་འདུས |
1.བྱ་ཁྱུང་དང་སེང་གེ་འཁྲིག་པ།2.སེང་གེ་རྐང་པ་བརྒྱད་པ། |
| ཁྱུང་སྐྱུགས |
ཁྱུང་གིས་སྦྲུལ་ཟོས་པ་ལས་བྱུང་བར་གྲགས་པའི་རིན་པོ་ཆེ་ཞིག་གཡུ་རྙིང་ལས་ཅུང་ཟད་མཐིང་མདངས་ཆགས་པ་ཞིག་ནུས་པས་དུག་ནད་དང༌། མཆིན་ནད། མཛེ་ནད་སོགས་འཇོམས། ཡོངས་གྲགས་ལ་མཆོང་ཟེར། རྒྱན་ཆ་བྱེད་ཆོག་ལ་སྨན་ཡང་བྱེད་ཆོག |
| ཁྱུང་སྐྱེས |
(མངོན་བརྗོད།) མརྒད། |
| ཁྱུང་སྔོན་སྐྱེས |
(མངོན་བརྗོད།) སྐྱ་རེངས། |
| ཁྱུང་སྡེར |
1.མདོ་དབུས་ས་ཆའི་རྫ་མཐོ་སའི་སྤང་ལྗོངས་སུ་སྐྱེ་བའི་རྩྭ་ལྡུམ་ཞིག་ཡིན། ལོ་མ་ས་ལ་བཀབ་པ་ལྟར་སྐྱེས་ཤིང་སྣེ་ན་སྡེར་མོའི་དབྱིབས་ཅན་གྱི་ཚེར་མ་གུག་པོ་ཞིག་ཡོད། མདོག་དམར་ཞད་ཆེ་བ་དང་ནག་ཞད་ཆེ་བ་གཉིས་ཡོད་པས། ཁྱུང་སྡེར་དཀར་པོ་དང་ཁྱུང་སྡེར་སྨུག་པོ་རིགས་གཉིས་ཡོད། རྩྭ་ཡོངས་རྫོགས་སྨན་བྱེད་ཆོག 2.བྱ་ཁྱུང་གི་སྡེར་མོ།3.ཤིང་སྨན་ཞིག |
| ཁྱུང་སྡེར་དཀར་པོ |
ཤིང་སྨན་གྱི་ནང་ཚན་བྱ་ཕོའི་ཕྱི་སྡེར་དང་འདྲ་བ་ཞིག་ནུས་པས་དུག་ཚད་སེལ། |
| ཁྱུང་སྡེར་སྨུག་པོ |
ཤིང་སྨན་རིགས་བྱ་རོག་གི་སྡེར་མོ་བསྐུམ་པ་འདྲ་བ་ཞིག་ནུས་པས་དུག་ཚད་སེལ། |
| ཁྱུད |
ཁོར་ཡུག་ཏུ་ཡོད་པའི་ར་བའམ་མཐའ་སྐྱོར་སོགས་ཀྱི་མིང་སྟེ། (དཔེར་ན།) འཁོར་ལོའི་ཁྱུད་མོ མུ་ཁྱུད་ཅེས་པ་ལྟ་བུ། |
| ཁྱུད་ཁོར |
ཁྱུད་འཁོར་དང་འདྲ། |
| ཁྱུད་མོ |
1.མུ་ཁྱུད་དམ། རྭ་བ།2.ལག་པ་གཉིས་ཀྱི་མཛུབ་མོའི་རྩེ་ཐུག་པའི་བར་གྱི་རིང་ཚད་དེ། (དཔེར་ན།) རྩྭ་ཁྱུད་གང༌། ཤིང་སྡོང་ཁྱུད་མོ་དོ་ལྟ་བུ། |
| ཁྱུད་འཁོར |
ལོ་ཧྲིལ་པོའི་མིང་སྟེ། (དཔེར་ན།) ལོ་ཁྱུད་འཁོར་ལྔ་ཞེས་པ་ལྟ་བུ། |
| ཁྱུད་འཁོར་ལོ |
ལོ་ཧྲིལ་པོའམ་ལོ་འཁོར་མོ། |
| ཁྱུར |
རིལ་བོའི་མིང་སྟེ། (དཔེར་ན།) སྨན་རིལ་ཁྱུར་མིད་བྱས། སྦྲུལ་གྱིས་བྱིའུ་ཁྱུར་མིད་བྱེད་ལྟ་བུ། |
| ཁྱུར་ཁྱུར |
(རྒྱན་ཚིག) གྱ་གྱུའི་འགྲོ་སྟངས་ཏེ། (དཔེར་ན།) ཉ་རྣམས་ཆུ་ནང་དུ་ཁྱུར་ཁྱུར་འགྲོ། དུག་སྦྲུལ་རྩྭ་ཁྲོད་དུ་ཁྱུར་ཁྱུར་རྒྱུག་ལྟ་བུ། |
| ཁྱུར་དགའ |
(མངོན་བརྗོད།) འབྲོག་པ། |
| ཁྱུར་པོ |
(རྒྱན་ཚིག) རིལ་པོའི་དོན་ཏེ། (དཔེར་ན།) ལོ་གཅིག་ཁྱུར་པོ། ཟླ་གཅིག་ཁྱུར་པོ། ཉིན་མཚན་ཁྱུར་པོ་ཞེས་པ་ལྟ་བུ། |
| ཁྱུར་མིད |
ཁྱུར་པོའམ་རིལ་པོར་མིད་པའི་དོན་ཏེ། (དཔེར་ན།) ཤ་རྡོག་ཁྱུར་མིད་གཏོང་བ། བཙན་རྒྱལ་གྱིས་རྒྱལ་ཕྲན་རྣམས་ཁྱུར་མིད་བཏང་ལྟ་བུ། |
| ཁྱེ |
བཀྱེས་ཀྱི་སྐུལ་ཚིག་སྟེ། (དཔེར་ན།) ཁྱེ་ཁྱེ་དམག་དཔུང་དགྲ་ལ་ཁྱེ་ལྟ་བུ། |
| ཁྱེ་ཆུང |
1.བུ་དང་བུ་མོ་ཆུང་ཆུང༌།2.(བརྡ་རྙིང་།) ཁེ་བཟང་ཆུང་བ། |
| ཁྱེ་ཉེན |
ཁེ་ཉེན་དང་དོན་འདྲ། |
| ཁྱེ་པ |
(བརྡ་རྙིང་།) ཁེ་པ་ཚོང་སྤོགས་སྒྲུབ་མཁན། |
| ཁྱེ་པོ |
ཕོ་འཕྱོན་པའམ་འཆལ་པོ། |
| ཁྱེ་བཤང་མཚོ |
སྐམ་སའི་མཚོ་ཞིག་བོད་ཀྱི་དཔལ་མགོན་རྫོང་ཁོངས་རྩ་སྐྱ་གཙང་པོའི་བྱང་ངོས་སུ་ཡོད། |
| ཁྱེ་བོ |
གྲི་གུག་དྲ་བྱེད་ཀྱི་ལག་ཆ་ཞིག |
| ཁྱེ་བོགས་མཁན |
(བརྡ་རྙིང་།) ཁེ་སྐྱེད་མཁན་དང་ཚོང་པ། |
| ཁྱེ་མ |
པགས་ནད་ཀྱི་བྱེ་བྲག་ཅིག་སྟེ། ཡུལ་སྐད་དུ་ཁྱི་རྨ་ཟེར་ཞིང་། སྨན་གཞུང་དུ་གླང་ཤུ་ཟེར་བ་དེའི་མིང་། |
| ཁྱེ་མ་ཁྱེ |
(བརྡ་རྙིང་།) རྒྱལ་ཕམ་དང༌། ཁེ་གུན། |
| ཁྱེ་སྤོགས |
ཁེ་སྤོགས་དང་དོན་འདྲ། |
| ཁྱེད |
1.ཁྱོད་ཀྱི་ཞེ་ས་སྟེ། (དཔེར་ན།) ཁྱེད་གང་ལ་ཕེབས། ཁྱེད་རང་སྐུ་གཟུགས་བདེ་མོ་ཡིན་ནམ་ལྟ་བུ། 2.བཀྱེད་ཀྱི་སྐུལ་ཚིག |
| ཁྱེད་པ |
1.(བརྡ་རྙིང་།) འདང་བ།2.སྙོམས་པ། |
| ཁྱེམ |
ས་རྐོ་ལེན་བྱེད་པའི་ཡོ་བྱད་ཅིག་གྲུ་ཁྱེམ། ལྕགས་ཁྱེམ། མེ་ཁྱེམ་ཞེས་པ་ལྟ་བུ། |
| ཁྱེམ་པོ |
སྦྱག་མ་དང༌། དྲུ་སྐྱ། ཀོ་སྐྱ་སོགས་ཁྱེམ་ཆེ་བ། |
| ཁྱེམ་པོ |
ས་རྐོ་བྱེད་དང་ཡུར་མ་ཡུར་བྱེད་ཀྱི་ཡོ་བྱད་ཅིག་གི་མིང་སྟེ། ཆེ་བ་ལ་ཁྱེམ་པོ་དང་ཆུང་བ་ལ་ཁྱེམ་བུ་ཟེར།ཁྱེམ་དང་འདྲ། |
| ཁྱེམ་བུ |
མེ་ཁྱེམ་དང་ཟ་ཐུར་སོགས་ཁྱེམ་ཆུང་བ། |
| ཁྱེའུ |
1.མིའི་ཕྲུ་གུ། ཁྱེའུ་ཕོ་མོ། 2.གྲི་གུག |
| ཁྱེའུ |
བཙས་ནས་ཡུན་རིང་མ་ལོན་པའི་བྱིས་པའི་མིང་སྟེ། (དཔེར་ན།) ཁྱེའུ་ཆུང་། ཁྱེའུ་ནུ་ཞོ་འཐུང་མཁན་ཞེས་པ་ལྟ་བུ། |
| ཁྱེའུ་ཁ |
ལོ་ཏོག་གི་མྱུ་གུ་དང༌། མེ་ཏོག་གི་ཐིའུ། ཤིང་ལོ་གསར་དུ་ཁ་འབུས་པ། |
| ཁྱེའུ་གེལ་པོ |
ཕྲུ་གུ་ཤ་རྒྱགས་པ། |
| ཁྱེའུ་ཆུང |
མིའི་ཕྲུ་གུ་ཆུང་ངུ། |
| ཁྱེའུ་ཐོན་པ |
1.མིའི་ཕྲུ་གུ་བཙའ་བ།2.ལོ་ཏོག་དང༌། ཤིང་སོགས་ཀྱི་མྱུ་གུ་ཁ་འབུས་པ། |
| ཁྱེའུ་ཕོ་རོག་སྐྲོད་ནུས་པ |
བུ་གཞོན་ནུ་བྱ་རོག་རྒྱང་དུ་འབུད་ནུས་པ་ལོ་བཞིའམ་ལྔ་སླེབས་པའི་བུ་ཆུང་རབ་ཏུ་བྱུང་ཆོག་པ། |
| ཁྱེའུ་ཚང |
གསར་བའི་བརྡ་རྙིང་། |
| ཁྱེའུ་སུས |
དུས་ངེས་མེད་དུ་ཟ་བའི་ཟས་དང་སྨན་གྱི་མིང་སྟེ། (དཔེར་ན།) ཟས་ཁྱེའུ་སུས་ཟ་བ། སྨན་ཁྱེའུ་སུས་གཏོང་བ་ཞེས་པ་ལྟ་བུ། |
| ཁྱེར |
1.འཁྱེར་བའི་སྐུལ་ཚིག་དང་འདས་པ། (དཔེར་ན།) ཅ་ལག་འདི་ཁྱེར་ཞིག ཅ་ལག་ཁྱེར་ནས་ཁྱིམ་ལ་སོང་ལྟ་བུ།2.ར་བའི་དོན་ལ་འཇུག་སྟེ། (དཔེར་ན།) ཁང་བའི་ཁ་ཁྱེར། ཁྱེར་གཞན་གྱིས་བར་མ་བཅད་པ་ལྟ་བུ།2.(བརྡ་རྙིང་།) ཁང་ཐོག |
| ཁྱེར་བ |
འཁྱེར་བའི་འདས་པ། |
| ཁྱེལ |
(རྒྱན་ཚིག) ཁྲིའུ་ལ་འཕོངས་སྟེགས་སུ་འདུག་པའི་འདུག་སྟངས་ཏེ། (དཔེར་ན།) བཟང་པོའི་འདུག་སྟངས་ཁྱེལ་བཞུགས་ཀྱི་ཚུལ་ཞེས་པ་ལྟ་བུ། |
| ཁྱེལ་བཞུགས་པ |
རྐུབ་སྟེགས་ལ་ཙོག་པོར་སྡོད་པ་བཟང་པོའི་འདུག་སྟངས་ཁྱེལ་བཞུགས་པ་ལྟ་བུ། |
| ཁྱེས |
འགྱེད་པའི་སྐུལ་ཚིག |
| ཁྱོ |
གཉེན་སྒྲིག་བྱས་པའི་ཕོ་ལ་ཁྱོ་དང་བུད་མེད་ལ་ཆུང་མ་ཟེར། འདི་ལ་ཁྱོ་བོ་ཞེས་འབྲི་སྲོལ་ཡང་ཡོད། ཕོ་སྐྱེས་ལ་ཁྱོ་བོ་དང་ཆུང་མ་ལ་ཁྱོ་མོ་ཡང་ཟེར། |
| ཁྱོ་ག |
གཉེན་སྒྲིག་བྱས་ཟིན་པའི་སྐྱེས་པའམ་གཉེན་སྒྲིག་གི་ལོ་ཚད་ལོན་པའི་སྐྱེས་པ་སྟེ། (དཔེར་ན།) སྐྱེས་པ་ཁྱོ་ག་ཞེས་བྱ་བ་ལྟོགས་ཀྱང་བཞད་གད་ཐག་གེ་བ་ཞིག་ཡིན་དགོས་ཞེས་པ་ལྟ་བུ། |
| ཁྱོ་ཕོ |
1.ཁྱིམ་བདག2.མག་པ། |
| ཁྱོ་བོ |
ཁྱིམ་བདག་གམ་བཟའ་ཟླ་ཕོའི་མིང་། མིང་གི་རྣམ་གྲངས་ལ་ཁྱོ་ཕོ་བོ་དང༌། དགའ་གྲོགས། དགའ་བར་བྱེད། གེགས་བྱེད། གཏན་གྱི་གྲོགས། བདག་པོ། རྩ་ལག་བྱེད། མཛའ་དྲོགས། མཛའ་ན་བོ། རབ་ཏུ་ཚ་བྱེད་བཅས་སོ། ། |
| ཁྱོ་མང |
(མངོན་བརྗོད།) སྨད་འཚོང་མ། |
| ཁྱོ་མེད་མ |
ཁྱོ་ག་མེད་པའམ། མག་པ་མེད་པའི་བུད་མེད། |
| ཁྱོ་མོ |
ཁྱོ་ག་ཡོད་པའི་བུད་མེད། |
| ཁྱོ་འདམ་མ |
(མངོན་བརྗོད།) བག་མའམ། ཁྱིམ་བདག་མོ། |
| ཁྱོ་ལྡན་མ |
བག་མའམ་ཁྱིམ་བདག་མོ། |
| ཁྱོ་ཤུག |
ཁྱོ་བོ་དང་ཆུང་མའི་མིང་བསྡུས་པ་སྟེ། (དཔེར་ན།) ཁྱོ་ཤུག་གཉིས་ཀས་ངལ་རྩོལ་བྱེད་ལྟ་བུ། |
| ཁྱོག |
འགྱོག་པའི་སྐུལ་ཚིག་ལ་ཁྱོག་འབྲི་བའང་ཡོད། |
| ཁྱོག་པ |
(བྱེད་འབྲེལ་ལས་ཚིག) ཐེག་ཐུབ་པའམ་འདེགས་ཐུབ་པའི་དོན་ཏེ། (དཔེར་ན།) དཀའ་ངལ་ཅི་ཙམ་བྱུང་ཡང་ཁྱོག་པ། གང་མི་ཁྱོག་པར་དོའི་སྣོན་པ་ཞེས་པ་ལྟ་བུ། |
| ཁྱོག་པོ |
ཐེག་པའམ་ཁུར་ཐུབ་པ་ལས་འགན་ཁྱོག་པོ་འདུག་ལྟ་བུ། |
| ཁྱོགས |
1.འགྱོག་གི་སྐུལ་ཚིག2.འགྲིམ་འགྲུལ་ཡོ་བྱད་རྙིང་པ་ཞིག་གི་མིང་སྟེ། (དཔེར་ན།) སྔ་གཞུག་ནས་རྟ་ནོར་ལ་འགེལ་བའམ་མིས་འདེགས་པ་ཞིག་ཡིན། དེའི་མིང་ལ་མདོ་ལི་དང་དོ་ལི་འགྱོགས་འཇམ་ཡང་ཟེར།3.རྨས་མ་དང་ནད་པ་འདེགས་བྱེད་ཀྱི་ཡོ་བྱད་ཀྱི་མིང་སྟེ། (དཔེར་ན།) ཁྱོགས་རས། ཁྱོགས་ཤིང་ཞེས་པ་ལྟ་བུ། |
| ཁྱོགས |
འགྱོག་གི་སྐུལ་ཚིག་སྟེ། (དཔེར་ན།) ཁྱེད་ཀྱིས་ལྕགས་གཏུན་ཡར་ཁྱོགས་ཤིག་ལྟ་བུ། ད་ལྟ་བར་འགྱོགས་དང་སྐུལ་ཚིག་ལ་ཁྱོག་འབྲི་བའང་ཡོད། |
| ཁྱོགས་ཁྲི |
འདོ་ལིའམ་ཕེབས་བྱམས། |
| ཁྱོགས་གཡོགས |
ཕེབས་བྱམས་ཀྱི་ཁེབས། |
| ཁྱོགས་ལྔ་ལྡི་ཅན |
འགྱོགས་བྱམས་དྲ་ཕྱེད་དར་འཕན་སོགས་ཀྱི་རྒྱན་ཅན། |
| ཁྱོགས་སྤྱིལ |
འགྱོགས་བྱམས་སམ་འདོ་ལི། |
| ཁྱོད |
(ཚབ་ཚིག) སྐད་ཆ་བཤད་ཡུལ་གྱི་མི་གཅིག་འབོད་པའི་ཚབ་ཚིག་སྟེ། (དཔེར་ན།) བྱིས་པ་ཁྱོད་ཀྱི་མིང་ལ་ཅི་ཟེར། བུ་མོ་ཁྱོད་གང་ལ་འགྲོ་ལྟ་བུ། |
| ཁྱོད་ཚོ |
(ཚབ་ཚིག) སྐད་ཆ་བཤད་ཡུལ་མི་དུ་མ་འབོད་པའི་ཚབ་ཚིག་སྟེ། (དཔེར་ན།) ཁྱོད་ཚོས་ངལ་གསོ་ཞིག་གྱིས་དང་ང་ཚོས་མུ་མཐུད་ནས་ལས་ཆོག་ལྟ་བུ། |
| ཁྱོན |
1.སྲིད་ཞེང་གཉིས་ཀ་བསྡོམས་པའི་ཚད་ལ་འཇུག་པ་ནི། (དཔེར་ན།) ས་ཁྱོན་ར་བའི་ཁྱོན། ཁྱོན་ཡངས་ཞེས་པ་ལྟ་བུ། 2.ཡོངས་རྫོགས་ཀྱི་དོན་ཏེ། (དཔེར་ན།) ཁྱོན་བསྡོམས་མི་བརྒྱ་ཡོད་ལྟ་བུ། |
| ཁྱོན་ཆེ་བ |
1.རྒྱ་ཆེ་བ།2.གྲངས་འབོར་མང་བ། |
| ཁྱོན་ནས |
གཞི་ནས་སམ་རྩ་བ་ནས་ཞེས་པའི་དོན་ཏེ། (དཔེར་ན།) དེ་རིང་ཡོང་མཁན་ཁྱོན་ནས་མེད་ཅེས་པ་ལྟ་བུ། |
| ཁྱོན་པོ |
(བརྡ་རྙིང་།) མང་ཆེ་བ། |
| ཁྱོན་བསྒྲིལ |
ཐམས་ཅད་གཅིག་ཏུ་བསྒྲིལ་བའི་དོན་ཏེ། (དཔེར་ན།) སྡེ་ཚན་མང་པོ་ཡོད་ཀྱང་ཁྱོན་བསྒྲིལ་ན་ཆེ་ཆུང་གཉིས་སུ་འདུ་ཞེས་པ་ལྟ་བུ། |
| ཁྱོན་བསྡོམས |
ཐམས་ཅད་གཅིག་ཏུ་བསྒྲིལ་བའི་དོན་ཏེ། (དཔེར་ན།) ཤོག་གྲངས་ཁྱོན་བསྡོམས་ལྔ་བརྒྱ་ཡོད་ལྟ་བུ། |
| ཁྱོན་འབོར |
ཕྱོགས་གཅིག་ཏུ་བསྡོམས་པའི་འབོར་གྲངས་ཏེ། (དཔེར་ན།) གླ་ཕོགས་ཀྱི་ཁྱོན་འབོར། མི་གྲངས་ཁྱོན་འབོར་ཞེས་པ་ལྟ་བུ། |
| ཁྱོན་ཡངས |
རྒྱ་ཆེ་བའི་དོན་ཏེ། (དཔེར་ན།) བོད་ཀྱི་བྱང་ཕྱོགས་སུ་འབྲོག་ཁུལ་ཁྱོན་ཡངས་པོ་ཡོད་ལྟ་བུ། |
| ཁྱོམ་ཁྱོམ |
ལུས་ཚུགས་མི་ཟིན་པའི་འདར་ཚུལ་ལམ་འགུལ་སྟངས་ཤིག་སྟེ། (དཔེར་ན།) མགོ་ཡུ་འཁོར་ན་བཟི་ཁྱོམ་ཁྱོམ་བྱེད་ཀྱི་རེད་ཅེས་པ་ལྟ་བུ། |
| ཁྱོར་ཆུ |
ཐལ་མོའི་སོར་མོ་ཅུང་ཟད་བསྐུམས་པའི་ནང་དུ་བླུགས་པའི་ཆུ། |
| ཁྱོར་དོ |
སྙིམ་པ་གང༌། |
| ཁྱོར་བ |
ལག་ཐལ་ཡ་གཅིག་ཅུང་ཟད་འཁུམས་པའི་མིང་། དེ་དང་སྲང་དོ་གཉིས་དོན་གཅིག (དཔེར་ན།) སྙིམ་པ་གང་ལ་ཁྱོར་བ་དོ་ཡོད་ཅེས་པ་ལྟ་བུ། |
| ཁྱོར་བ |
ལག་མགོ་གཉིས་བཤིབས་ནས་མཛུབ་མོ་རྣམས་ཅུང་ཟད་གུག་པའི་ནང་ངོས་སམ། དེ་གང་བའི་ཚད་དམ་ཡང་ན་ལག་ཡས་ཀྱི་མཛུབ་མོ་རྣམས་ཅུང་ཟད་གུག་པའི་ནང་ངོས་སམ་དེ་གང་བའི་ཚད་ཀྱི་མིང་སྟེ། (དཔེར་ན།) འབྲུ་ཁྱོར་བ་གང་། ཆུ་ཁྱོར་བ་གང་ཞེས་པ་ལྟ་བུ། ཚིག་བསྡུས་ན་ཁྱོར་ཞེས་འབྲི་ཆོག་སྟེ། ཡ་ཁྱོར་གང་ཞེས་པ་ལྟ་བུ། |
| ཁྱོས |
ཁྱོས་མ་སྟེ་ཟས་ལྷག་གི་བརྡ་རྙིང་། ཁྱོ་ཡིས་ཞེས་པའི་བྱེད་སྒྲ་བསྡུས་པ་སྟེ། (དཔེར་ན།) ཁྱོས་ཆུང་མར་བཤད་ལྟ་བུ། |
| ཁྱོས་མ |
1.ཟས་ཀྱི་ལྷག་མ།2.རྔན་པའམ་ལག་རྟགས་ཏེ། (དཔེར་ན།) ང་ལ་ཁྱོས་མ་རྣམས་བསྐུར་ཏེ་སྔོན་ལ་བརྫངས་ཞེས་པ་ལྟ་བུ། |
| ཁྲ |
བྱ་ཁྲ་སྟེ། ཕུག་རོན་དང་བྱིའུ་སོགས་བཟུང་ནས་ཟ་བའི་བྱ་གཏུམ་པོ་ཞིག་ཡིན་ལ་རིགས་ཤིན་ཏུ་མང་། དུས་རྒྱུན་མཐོང་བར་བྱིའུ་ཁྲ་དང་སྐྱ་ཁྲ་གཉིས་ཡོད། |
| ཁྲ་ཀྱི་ལེ |
(རྒྱན་ཚིག) ཉི་ཟླ་དང་གློག་འོད་སོགས་ཤར་སྟངས་ཤིག་སྟེ། (དཔེར་ན།) ཁྲ་ལྷམ་སྐར་མ་ཁྲ་ཀྱི་ལེར་ཤར་འདུག་ལྟ་བུ། |
| ཁྲ་ཁྲ |
1.ཁྲ་བོ་དང་དོན་འདྲ་སྟེ། (དཔེར་ན།) བ་ལང་ཁྲ་ཁྲ། ར་མ་ཁྲ་ཁྲ་ཞེས་པ་ལྟ་བུ། 2.སྣ་ག་མང་པའི་དོན་ཏེ། (དཔེར་ན།) ཅ་ལག་ཁྲ་ཁྲ་རིག་རིག་ཅེས་པ་ལྟ་བུ། |
| ཁྲ་ཁྲོ |
སྤྲོ་ཐུང་བའམ་ངང་ཐུང་བའི་དོན་ཏེ། (དཔེར་ན།) ཁྲ་ཁྲོ་ཅན་དང་མཉམ་དུ་རྩེད་མོ་མ་རྩེ་ཞེས་པ་ལྟ་བུ། |
| ཁྲ་གེ་ཁྲུག་གེ |
(རྒྱན་ཚིག) ཁྲག་ཁྲུག་ལ་ལྟོས། |
| ཁྲ་གླིང |
1.(ཡུལ་སྐད།) སྒེའུ་ཁུང་ཁྲ་མ་ཉིས་སྦྱར་རམ་གསུམ་སྦྱར་གྱི་གླིང༌། 2.ཤར་ཁྲ་མོ་གླིང་སྟེ་གླིང་གེ་སར་གྱི་སྒྲུང་དུ་བཤད་པའི་གླིང་ཡུལ་ལ་ཡང་ཁྲ་གླིང་ཟེར། |
| ཁྲ་ཆིལ་ལེ་བ |
(རྒྱན་ཚིག) བཀྲག་མདངས་ཆེ་བའི་དོན་ཏེ། (དཔེར་ན།) མདའ་གྲི་མདུང་གཞུ་དང་བཅས་ཁྲ་ཆིལ་ལེ་བའི་ངང་ནས་གཡུལ་དུ་བསྐྱོད་དོ་ཞེས་པ་ལྟ་བུ། |
| ཁྲ་ཆུང་མིག |
ལྟ་བྱེད་མིག་ཁྲ་ཆུང་མིག་ལ་རྡུལ་མི་འགྲོ་ལྟ་བུ། |
| ཁྲ་ཆེམ་ཆེམ |
(རྒྱན་ཚིག) ཧ་ཅང་བཀྲ་བའི་ཚོན་མདངས་འཕྲོ་སྟངས་ཏེ། (དཔེར་ན།) སྟག་གཟིག་གི་སྤུ་རིས་ཁྲ་ཆེམ་ཆེམ། རིན་ཆེན་མཛེས་རྒྱན་གྱི་འོད་མདངས་ཁྲ་ཆེམ་ཆེམ་ཞེས་པ་ལྟ་བུ། |
| ཁྲ་ཆེམ་མེ |
(རྒྱན་ཚིག) འོད་བཀྲག་འཚེར་སྟངས་ཤིག་སྟེ། (དཔེར་ན།) ནམ་མཁའ་གཡའ་དག་ལ་རྒྱུ་སྐར་ཁྲ་ཆེམ་མེར་ཤར་འདུག་ཅེས་པ་ལྟ་བུ། |
| ཁྲ་ཆོད |
ཤིང་གི་ཁྲ་མའི་བཅད། |
| ཁྲ་ཆོལ |
འབྲུ་རིགས་དཀར་ནག་སོགས་འདྲེས་པའི་མིང༌། |
| ཁྲ་ཐ་རེ |
(རྒྱན་ཚིག) མདོག་སྣ་ཚོགས་མངོན་པ་སྟེ། (དཔེར་ན།) མིག་ལས་མཆི་མ་ཁྲ་ཐ་རེ་ཟགས་པ། ཕྲེང་བ་མགུལ་ན་ཁྲ་ཐ་རེ་བཏགས་ཡོད་ལྟ་བུ། |
| ཁྲ་ཐིག |
1.ཐིག་ལེའི་རི་མོ།2.ལྷམ་གྱི་སྣ་མགོའི་ཡར་ཙམ་གྱི་ཕར་ཕྱིན། |
| ཁྲ་པ |
1.རྔོན་པ།2.ལྷམ་གྱི་ཕར་ཕྱིན་རྒྱག་མཁན། |
| ཁྲ་བཀྱག |
ཇ་དཀར་གྱི་སྟེགས་བུ་སྟེ། (དཔེར་ན།) ཇ་ཕོར་འཇོག་སའི་སྟེགས་བུ་ཞེས་པ་ལྟ་བུ། |
| ཁྲ་བཅད |
ཁང་པ་ལ་ཤིང་གི་ཁྲ་མ་བསྒྲིགས་པའི་ཡོལ་བཅད། |
| ཁྲ་བོ |
ཁ་དོག་སྣ་ཚོགས་ཀྱི་དོན་ཏེ། (དཔེར་ན།) མདོག་སྟག་གི་ཁྲ་བོ་ཕྱི་ལ་ཡོད། མི་ཡི་ཁྲ་བོ་ནང་ལ་ཡོད་ཅེས་པ་ལྟ་བུ། |
| ཁྲ་བོ |
(རྒྱན་ཚིག) ཁ་དོག་སྣ་ཚོགས་བཀྲ་བའི་མདོག་སྟེ། (དཔེར་ན།) རས་ཁྲ་བོ བ་ལང་ཁྲ་བོ་ཞེས་པ་ལྟ་བུ། མིང་མཐའ་བསྡུས་ན་ཁྲ་ཞེས་འབྲི་ཆོག་སྟེ། རས་ཁྲ། ཤོག་ཁྲ དམར་ཁྲ། དཀར་ཁྲ་ཞེས་པ་ལྟ་བུ། |
| ཁྲ་བོ་ལ |
བོད་དབུས་ཀྱི་སྙན་རོང་རྫོང་གི་བྱང་ཤར་ངོས་སུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་4930 ཡོད། |
| ཁྲ་མ |
1.རྒྱ་གྲམ་ལྟ་བུའི་རི་མོ་སྐར་ཁུང་གི་ཁྲ་མ། 2.ཡི་གེའི་ཁྲ་མ། ཁ་མཆུ་ཐག་ཆོད་པའི་བཅད་མཚམས་ཁྲ་མ།3.བཏབ་ནས་ཞག་དྲུག་ཅུ་སོང་མཚམས་སྨིན་ཡོང་བའི་ནས་དང་ཁྲེ།4.ཁྱ་མ་དང་འདྲ། |
| ཁྲ་མ |
1.དཔེ་མཚོན་གྱི་རི་མོའི་མིང་སྟེ། (དཔེར་ན།) སའི་ཁྲ་མ། སྐར་མའི་ཁྲ་མ་ཞེས་པ་ལྟ་བུ། ཚིག་བསྡུས་ན་ཁྲ་ཞེས་འབྲི་སྟེ སའི་ཁྲ་མ་ལ་ས་ཁྲ་ཟེར་བ་ལྟ་བུ། 2.དངོས་རྫས་ཀྱི་གྲངས་སྤུས་སོགས་བཀོད་པའི་ཡི་གེའམ་རེའུ་མིག་གི་མིང་སྟེ། (དཔེར་ན།) ཁྲ་མའི་ཡི་གེ། རྩིས་ཀྱི་ཁྲ་མ་ཞེས་པ་ལྟ་བུ། 3.རྩིས་སྤྲོད་ཀྱི་མིང་སྟེ། (དཔེར་ན།) ཐུན་མོང་གི་ནོར་རྫས་ཁྲ་མ་སྤྲོད་དགོས། ཁྲ་མ་བླངས་ལྟ་བུ། མིང་མཐའ་བསྡུས་ན་ཁྲ་ཞེས་བྲིས་ཆོག་སྟེ། ཁྲ་ཡིག ཁྲ་ཐོ་ཞེས་པ་ལྟ་བུ། |
| ཁྲ་མ་ཉིས་སྒྲོམ |
སྒེའུ་ཁུང་ཁྲ་མ་གླིང་ཉིས་བསྒྲིགས། |
| ཁྲ་མན |
རི་མོ་སྔོ་དམར་དཀར་གསུམ་ཡོད་པའི་གཟི་སྟེ་དཀར་ཁྲ་མན་ཡང་ཟེར། |
| ཁྲ་མིག |
ཁྲ་མའི་དྲ་མིག |
| ཁྲ་མེ་ཁྲུམ་མེ |
ཁྲམ་ཁྲུམ་ལ་ལྟོས། |
| ཁྲ་མེ་རེ |
(རྒྱན་ཚིག) ཁ་དོག་སྣ་ཚོགས་ཀྱི་བཀྲག་མདངས་སྣང་ཚུལ་ཏེ། (དཔེར་ན།) ཕྱོགས་ནས་འདུས་པའི་མི་ཚོགས་རྣམས་ཀྱིས་གོས་ཁྲ་མེ་རེ་གྱོན་པ། ལུས་རྩལ་ཐང་མིས་ཁྲ་མེ་རེར་གང་འདུག་ལྟ་བུ། |
| ཁྲ་མེན |
1.གཏེར་ནས་བཏོན་པའི་རིན་པོ་ཆེ་ཞིག2.ངག་རྒྱུན་ལ་གྲགས་པའི་བདུད་རིགས་ཤིག |
| ཁྲ་མེར་མེར |
(རྒྱན་ཚིག) ཁ་དོག་སྣ་ཚོགས་ཀྱི་རང་མདངས་སྣང་ཚུལ་ཏེ། (དཔེར་ན།) གློག་ཞུ་ཚོན་མདོག་མང་པོ་ཁྲ་མེར་མེར་བཀྲ་བ། རི་ལྡེབས་རྣམས་ར་ལུག་གིས་ཁྲ་མེར་མེར་དུ་གང་འདུག་ལྟ་བུ། |
| ཁྲ་ཟླ |
(མངོན་བརྗོད།) ཧོར་ཟླ་གཉིས་པ། |
| ཁྲ་འབྲུག་ལྷ་ཁང |
སྲོང་བཙན་སྒམ་པོའི་སྐབས་བཏབ་པའི་ལྷ་ཁང་ཞིག་ལྷོ་ཁ་ཡར་ཀླུངས་སྣེ་གདོང་ས་ཁུལ་དུ་ཡོད་ཅིང། མཐའ་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག་ཡིན། དེར་ཝུན་ཤིང་ཀོང་ཇོའི་ཕྱག་རྫས་སུ་གྲགས་པའི་ཐབ་ཚང་དང༌། ཀ་དྲུག་སྒོ་དྲུག་ཀོང་ཇོའི་འདྲ་སྐུ་མུ་ཏིག་གི་ཐང་ག་སོགས་བཞུགས་ཡོད་སྐད། |
| ཁྲ་ཡོལ |
སྒེ་ཁུང་ཁྲ་མ་ཅན་གྱི་ཡོལ་བ། |
| ཁྲ་རིང |
1.བཀྲ་ཤིས་ཁྲ་རིང་གི་བསྡུས་ཚིག2.ཁ་ཏོག་སྣ་ཚོགས་ལྡན་པའི་དངོས་པོ་ནར་དབྱིབས་ཅན་སྤྱིའི་མིང་སྟེ། (དཔེར་ན།) ཐག་པ་ཁྲ་རིང་། མེ་མདའ་ཁྲ་རིང་ལྟ་བུ། |
| ཁྲ་རིལ་རིལ |
(རྒྱན་ཚིག) ཁ་དོག་བཀྲ་ཚུལ་གྱི་ཁྱད་པར་ཞིག་སྟེ། (དཔེར་ན།) རྐང་རྩེད་སྤོ་ལོ་ཁྲ་རིལ་རིལ། ཞུམ་བུའི་མིག་གཉིས་ཁྲ་རིལ་རིལ་དུ་ལྟ་ཞེས་པ་ལྟ་བུ། |
| ཁྲ་རུ |
སྒེའུ་ཁུང་གི་ཤེལ་ཁྲ་བསྒར་སའི་རུ། |
| ཁྲ་རྒྱ |
བྱ་ཁྲ་འཛིན་བྱེད་ཀྱི་རྙི། |
| ཁྲ་ལ |
ཁམས་སྐྱེ་དགུ་ས་ཆར་ཡོད་པའི་བ་ཡན་ཧ་རིའི་རི་རྒྱུད་ཀྱི་ལ་མཐོན་པོ་ཞིག་ཡིན། |
| ཁྲ་ལམ་མེ |
(རྒྱན་ཚིག) མདོག་སྣ་ཚོགས་པའམ་མ་འདྲེས་གསལ་བར་སྣང་ཚུལ་ཏེ། (དཔེར་ན།) མ་འོངས་པའི་གནས་ཚུལ་ཁྲ་ལམ་མེར་མཐོང་། མེ་ལོང་ལ་གཟུགས་བརྙན་ཤར་བ་ལྟར་ཁྲ་ལམ་མེ་བར་ཡོད། སྤང་ལྗོངས་སུ་མེ་ཏོག་ཁྲ་ལམ་མེར་བཞད་ཅེས་པ་ལྟ་བུ། |
| ཁྲ་ལམ་ལམ |
(རྒྱན་ཚིག) ཧ་ཅང་གསལ་བའི་ཚོན་མདངས་སྣ་ཚོགས་འཆར་སྟངས་ཏེ། (དཔེར་ན།) རྨ་བྱའི་སྒྲོ་མདངས་ཁྲ་ལམ་ལམ། འཇའ་ཚོན་གྱི་མདངས་རིས་ཤིན་ཏུ་ཁྲ་ལམ་ལམ་འདུག་ཅེས་པ་ལྟ་བུ། |
| ཁྲ་ལེ་ཁྲུལ་ལེ |
ཁྲལ་ཁྲུལ་ལ་ལྟོས། |
| ཁྲ་ལྷམ་མེ |
(རྒྱན་ཚིག) འོད་སྣ་ཚོགས་འཕྲོ་སྟངས་སམ་ཡིད་ལ་གསལ་བོར་འཆར་ཚུལ་ཏེ། (དཔེར་ན།) མཚན་མོ་གློག་ཞུའི་འོད་མདངས་ཁྲ་ལྷམ་མེར་གསལ། སྔར་གྱི་གནས་ཚུལ་ཁྲ་ལྷམ་མེར་དྲན་ཞེས་པ་ལྟ་བུ། |
| ཁྲ་ཤིག་ཤིག |
(རྒྱན་ཚིག) འོད་བཀྲག་འཚེར་བའི་རྣམ་པ་ཞིག་སྟེ། (དཔེར་ན།) སྟག་ལྤགས་ཀྱི་རི་མོ་ཁྲ་ཤིག་ཤིག་འདུག་ཅེས་པ་ལྟ་བུ། |
| ཁྲ་ཤེལ |
སྒེའུ་ཁུང་གི་ཁྲ་མའི་ཤེལ། |
| ཁྲ་སིང་སིང |
(རྒྱན་ཚིག) བར་གསེང་དང་རེའུ་མིག་གི་བུ་ག་གསལ་བ་སྟེ། (དཔེར་ན།) སྐར་ཁུང་ཁྲ་མའི་བར་སྟོང་ཁྲ་སིང་སིང་མཐོང་གི་འདུག ནགས་དེར་སྡོང་སྐམ་ཁྲ་སིང་སིང་མང༌། རུས་པ་ཁྲ་སིང་སིང་ལ་ཁྱིའང་མི་འཁོར་ཞེས་པ་ལྟ་བུ། |
| ཁྲ་སྟན |
གདན་ཁྲ་བོ། |
| ཁྲ་སྦོ |
(མངོན་བརྗོད།) ཁྲ་ཟླའམ་དབོ་ཟླ་ཧོར་ཟླ་གཉིས་པ། |
| ཁྲ་སློག |
དཔྱད་ཁྲ་དང་དུ་མི་ལེན་པ། |
| ཁྲ་ཧོར |
བྱ་ཁྲ་ཧོར་པ། |
| ཁྲ་ཧྲིག་ཧྲིག |
(རྒྱན་ཚིག) མིག་འབུར་ཚུགས་སུ་ལྟ་ཚུལ་ཏེ། (དཔེར་ན།) སྟག་གཟིག་གི་མིག་ཁྲ་ཧྲིག་ཧྲིག་ལྟ་བ་ཞེས་པ་ལྟ་བུ། |
| ཁྲག |
སྲོག་ཆགས་ཀྱི་ལུས་ཀྱི་གཤེར་ཁུ་དམར་པོའི་མིང་སྟེ། དེ་ལུས་ཡོངས་ལ་ཁྱབ་པར་རྒྱུ་ནས་གསོ་བཅུད་ལུས་ཀྱི་ཁག་སོ་སོར་འགྲེམ་བྱེད་ཅིག་ཡིན་པར་མ་ཟད། བཅུད་ཀྱི་སྙིགས་མ་རྣམས་ཕྱི་ལ་འདོར་བྱེད་ཀྱི་དབང་པོའི་ནང་ལ་སྐྱེལ་བྱེད་ཅིག་ཀྱང་ཡིན། (དཔེར་ན།) ཁྲག་རྩ། ཟུངས་ཁྲག ཁྲག་ནད། ཁྲག་ཕྱུངས་ཞེས་པ་ལྟ་བུ |
| ཁྲག་ཁྲིག |
ཐེར་འབུམ་ཆེན་པོ་བཅུ་ཐམ་པ། |
| ཁྲག་ཁྲིག་སྣང་བ |
(མངོན་བརྗོད།) སྨིག་རྒྱུ། |
| ཁྲག་ཁྲུག |
(རྒྱན་ཚིག) ཟང་ཟིང་ངམ་མི་བདེ་བའི་དོན་ཏེ། (དཔེར་ན།) ཚ་རྒྱས་ནས་སེམས་ཁྲག་ཁྲུག་བྱུང་ལྟ་བུ། ཁ་སྐད་དུ་ཁྲ་གེ་ཁྲུག་གེ་ཟེར་ཏེ། དེ་རིང་སེམས་ཁྲ་གེ་ཁྲུག་གེ་ཞིག་རེད་ཅེས་པ་ལྟ་བུ། |
| ཁྲག་ཁྲོག |
(རྒྱན་ཚིག) ཁྲག་གེ་ཁྲོག་གེའི་བསྡུས་ཚིག |
| ཁྲག་ཁྲོག་པ |
སྔོ་སྨན་གྱི་ནང་ཚན་ཁང་ཕུག་པའམ་དར་ཡ་ཀན་ཏེ། ནུས་པས་བྱང་ཁོག་ནང་གི་རྣག་ཁྲག་སྐེམ། རྐང་འབམ་འཇོམས། |
| ཁྲག་གཅོད |
ཁྲག་འཛག་འགོག་པ། |
| ཁྲག་གཅོར |
མིག་འདོན་སྒྱིད་འབྲེག་སོགས་མི་ལུས་སྟེང་དུ་གཏོང་བའི་ཁྲིམས་གཅོད་ལུགས་ངན་ཞིག |
| ཁྲག་གཏར |
ཁྲག་རྒྱག་པའམ་འདོན་པའི་དོན་ཏེ། (དཔེར་ན།) ནད་རིགས་འགའ་ཤས་ལ་ཁྲག་གཏར་ན་ཕན་ཐོགས་ཡོད་ཅེས་པ་ལྟ་བུ། |
| ཁྲག་གདན |
མི་བསད་པའི་རོ་འཇོག་སའི་གདན་ནམ་གོས་ཆས། |
| ཁྲག་གཙགས |
ཁྲག་གཏར་བའམ་བཏོན་པ། |
| ཁྲག་གི་ཁྲུག་གི |
(རྒྱན་ཚིག) ཟིང་ངེར་འཛིངས་པའམ། འདྲེས་ནས་འཁྲུགས་པའི་ཚུལ་ཏེ། (དཔེར་ན།) དཔེ་ཆ་རྣམས་ཁྲག་གི་ཁྲུག་གི་བྱས་ཏེ་བསྔོགས་འདུག གོང་འོག་འཛིངས་ཤིང་ཁྲག་ཁྲུག་ཏུ་འཁྲུགས་ཞེས་པ་ལྟ་བུ། |
| ཁྲག་གི་སོ་ནད |
སོ་ནད་བྱེ་བྲག་ཅིག |
| ཁྲག་གེ་ཁྲོག་གེ |
(རྒྱན་ཚིག) སྒྲིག་བཀོད་འཁྲུགས་པའི་ཟང་ངི་ཟིང་ངིའི་སྣང་ཚུལ་ཏེ། (དཔེར་ན།) སྒམ་གཡུགས་ཏེ་ཅ་ལག་རྣམས་ཁྲག་གེ་ཁྲོག་གེར་གྱུར་འདུག་ཅེས་པ་ལྟ་བུ། |
| ཁྲག་ཆགས |
ཁྲག་དང་ལྡན་པ་སྟེ་སྲོག་ཆགས་ཀྱི་མིང་། (དཔེར་ན།) སྒོ་ཕྱུགས་ཁྲག་ཆགས་ཡིན་པས་ཤི་གོད་ལོས་ཡོང༌ཞེས་པ་ལྟ་བུ། |
| ཁྲག་ཐིགས |
ཁྲག་འཛགས་པའི་ཐིགས་པ། |
| ཁྲག་དྲི |
ཁྲག་གི་དྲི་མ་སྲོག་བཅད་པའི་ཁྲག་དྲི་བྲོ་ཞེས་པ་ལྟ་བུ། |
| ཁྲག་དྲོན |
ཁྲག་དྲོད་མ་ཡལ་བའམ་ཚ་པོ། |
| ཁྲག་ནད |
ངན་ཁྲག་རྒྱས་པའི་ནད་དམ་ཁྲག་ཉམས་པའི་ནད། |
| ཁྲག་བཤལ |
ཁྲག་འཁྲུ་བ། |
| ཁྲག་མ་ཆོད་པའི་མོ་ནད |
བུད་མེད་ཕྲུ་གུ་སྐྱེས་ནས་ཁྲག་མཚམས་མ་ཆོད་པའི་ནད་ཅིག |
| ཁྲག་མཁྲིས |
ཁྲག་ནད་དང༌། མཁྲིས་པའི་ནད་གཉིས་མཉམ་དུ་འདོམ་པའི་ནད། |
| ཁྲག་མདངས |
ཁྲག་གི་མདོག་གམ་དམར་མདོག་གི་དོན་ཏེ། (དཔེར་ན།) མཁུར་ཚོས་ལ་རང་བཞིན་གྱིས་ཁྲག་མདངས་གསལ་བ་ཞེས་པ་ལྟ་བུ། |
| ཁྲག་ཚབས |
བུད་མེད་ཀྱི་ཟླ་མཚན་རྒྱུན་ལྡན་བཞིན་མ་བབ་པར་རླུང་གིས་ངན་ཁྲག་ལུས་ལ་གཏོར་ནས་བྱེར་བའི་ནད་དེ། ནང་གསེས་སུ་དབྱེ་ན་གློ་བའི་ཁྲག་ཚབས་དང༌། སྙིང་གི་ཁྲག་ཚབས། མཆིན་པའི་ཁྲག་ཚབས། མཚེར་པའི་ཁྲག་ཚབས། མཁྲིས་པའི་ཁྲག་ཚབས། མཁལ་མའི་ཁྲག་ཚབས། རྒྱུ་མའི་ཁྲག་ཚབས། འོ་ཚབས། ནུ་ཚབས། ཁྲག་ཚབས་གོར་པ་བཅས་རིགས་བཅུ་མཆིས་སོ། ། |
| ཁྲག་ཚབས་གོར་པ |
མོ་ནད་ཁྲག་ཚབས་བཅུའི་ནང་ཚན་ལུས་ལྕི་ཞིང་འགྲོ་མི་ཐུབ་པ་དང༌། རྒྱུ་སྨད་དུ་འདྲིལ་སྙམ་སེམས་པ་འབྱུང་བ་ཞིག |
| ཁྲག་ཞག |
1.ཁྲག་དང་ཞག་ཚིའི་བསྡུས་ཚིག2.ལྦུ་ལྷོག་ལྷོག་འཕྱུར་བའི་ཁྲག་ལ་ཡང་ཁྲག་ཞག་ཟེར། |
| ཁྲག་འཁྲུག |
ལུས་ཀྱི་ཁྲག་འཁྲུག་པའི་ནད། |
| ཁྲག་འཁྲུགས |
ནད་ཅིག་གི་མིང་སྟེ། ཁྲག་འཁྲུག་དང་འདྲ། |
| ཁྲག་འཇིབ |
ཁྲག་ཁས་རྔུབ་པའམ་འཐེན་པ། |
| ཁྲག་འཐུང |
1.ཧེརུཀཿ བདེ་མཆོག་གི་མཚན་ཞིག2.(མངོན་བརྗོད།) 1> སྲིན་བུ་པད་པ། 2> སྐྱུ་རུ་ར། |
| ཁྲག་འབབ |
1.ཁྲག་ཐོན་པ།2.(མངོན་བརྗོད།) རྒྱ་གར་གྱི་ཆུ་བོ་ཆེན་པོ་བཞིའི་གྲས་སི་ཏཱ། |
| ཁྲག་འབྱིན |
ཁྲག་འདོན་པ། |
| ཁྲག་འཚབ |
བསད་པའམ་རྨས་པའི་ལན་ལེན་པ། |
| ཁྲག་འཛག |
ཁྲག་ཐིགས་རྒྱག་པ། |
| ཁྲག་འཛིན |
(མངོན་བརྗོད།) པགས་པ། |
| ཁྲག་རུལ |
རྣག |
| ཁྲག་རོ |
1.ཁྲག་གི་སྙིགས་མའམ་རོ་ཏོ།2.ཁྲག་ནད་ཀྱི་ནད་རོ། |
| ཁྲག་རྐང |
སྔོ་སྨན་གྱི་ནང་ཚན་སེར་པོ་ཁྲག་རྐང་དང་མྱང་རྩི་སྤྲས་ཀྱང་ཟེར་ཏེ། རོ་ཁ་ལ་བསྐ། ཞུ་རྗེས་བསིལ། ནུས་པས་ཆུ་གཤེར་འཐེན། རྒྱུ་ཚད་འཇོམས། རིམས་ཚད་སེལ། |
| ཁྲག་རྒྱས |
ལུས་ལ་ཁྲག་སྐྱེས་པ། |
| ཁྲག་རྒྱུད |
རིགས་རྒྱུད་དེ། (དཔེར་ན།) དུས་རབས་སྔ་མ་ནས་བཟུང་མི་ཚང་དེ་གཉིས་ཀྱི་དབར་དུ་ཁྲག་རྒྱུད་ཀྱི་འབྲེལ་བ་ཞིག་ཀྱང་ཆགས་ཡོད་ཅེས་པ་ལྟ་བུ། |
| ཁྲག་རྒྱུན |
ཁྲག་རྒྱུ་བའི་རྒྱུན་ཏེ། (དཔེར་ན།) ཤི་འཕྲལ་ལུས་ཀྱི་ཁྲག་རྒྱུན་ཆད་འགྲོ་ལྟ་བུ། |
| ཁྲག་རྗེས |
ཁྲག་འཛགས་པའམ་མི་སོགས་གསོད་སར་ཁྲག་བཏོན་པའི་ཤུལ། |
| ཁྲག་རྨེན |
ལུས་ཀྱི་སྨེ་བ་དམར་པོ། |
| ཁྲག་རྩ |
ཁྲག་རྒྱུ་བའི་རྩ་ལ་འཕར་རྩ་དང་། སྡོད་རྩ། ཁྲག་རྩ་ཕྲ་མོ་བཅས་གསུམ་ཡོད་པ་ལ་ཁྲག་རྩ་ཟེར། |
| ཁྲག་རྭ |
རི་དྭགས་ཤ་བའི་རྭ་ཅོ་ཁྲག་ལྡན། |
| ཁྲག་རླངས |
1.ཁྲག་གི་རླངས་པ།2.(བརྡ་རྙིང་།) རོ་ལངས། |
| ཁྲག་རླུང |
ཁྱབ་བྱེད་ཀྱི་རླུང་འཁྲུགས་ནས་ཁྲག་དང་རླུང་གཉིས་རེས་མོས་བྱས་ནས་སྟོད་དུ་འཚང་བའི་ནད་དེ་ནད་རྟགས་སུ་མགོ་དང་ལུས་སྟོད་ན་ཞིང་སྙིང་མི་བདེ་བ་སོགས་བྱེད་པ་ཞིག |
| ཁྲག་ལམ |
ལུས་ཀྱི་ཁྲག་རྩ་ཞིག |
| ཁྲག་ལམ་ཧྲེངས་ནད |
ཁྲག་ལམ་རེངས་པོར་གྱུར་པའི་ན་ཚ། |
| ཁྲག་ལས་གྱུར་པ |
(མངོན་བརྗོད།) ཤ |
| ཁྲག་ལས་གྱུར་པ་རྣ་བའི་ནད |
རྣ་ནད་ཀྱི་བྱེ་བྲག་ཅིག |
| ཁྲག་ལིང |
ཁྲག་ལིང་ལིང་ངམ་རྡོག་རྡོག་སྟེ། (དཔེར་ན།) རྩ་ལམ་དུ་ཁྲག་ལིང་ཆགས་ཞེས་པ་ལྟ་བུ། |
| ཁྲག་ལོང |
ལོང་གའི་གཡས་གཡོན་དབུས་གསུམ་གྱི་གནས་སྟངས་ལ་བརྟེན་ནས་དབྱེ་བའི་གཡས་ངོས་སུ་ཡོད་པའི་ཆ་ཤས་དེའོ། ། |
| ཁྲག་ལྡན་མ |
(མངོན་བརྗོད།) བུད་མེད་དར་མ། |
| ཁྲག་ཤ |
ཁྲག་ལིང་ཆགས་པ། |
| ཁྲག་ཤེད |
ལུས་ཀྱི་ཁྲག་ཤུགས་ཏེ། (དཔེར་ན།) ཁྲག་ཤེད་ཆེ་བ། ཁྲག་ཤེད་ཆུང་བ་ལྟ་བུ། |
| ཁྲག་ཤོར |
ལུས་ནས་ཁྲག་ཟགས་པའམ། ཐོན་པ། |
| ཁྲག་སྐེམ |
ཁྲག་གཅོད་བྱེད་སྨན་མཆོག་ཅིག |
| ཁྲག་སྐྱུག |
1.ཁྲག་སྐྱུག་པའི་ནད།2.(མངོན་བརྗོད།) ཆུ་ཕག་ལོ། |
| ཁྲག་སྐྱེས |
(མངོན་བརྗོད།) ལུས་ཀྱི་ཤ |
| ཁྲག་སྐྲན |
ཁ་ཟས་ཀྱི་དྭངས་མ་མ་ཞུ་བ་དོན་སྣོད་ཀྱི་ནང་དུ་ཁྲག་ངན་རྒྱས་ཤིང༌། དེ་འདྲིལ་ཏེ་སྐྲན་དུ་གྱུར་པ། |
| ཁྲག་སྐྲན་ཧྲེམ་པོ |
མངལ་དུ་ཁྲག་སྐྲན་ཆགས་པ་ཞིག་སྟེ། ནད་རྟགས་སུ་མངལ་དུ་བུ་ཆགས་པ་ལྟར་ཧྲེམ་སྟེ་མཁྲེགས་པོར་ཆགས་ཤིང་ལྡང་དུབ་བྱེད་པ་ཞིག |
| ཁྲག་སྦྱོར |
ཆེ་བ་སྲོག་དང༌། ཆུང་བ་ཡན་ལག་སོགས་གཅོད་པའི་དྲག་ལས་ཤིག |
| ཁྲག་སྨྱོ |
རྨ་ཁའི་ནང་དུ་ཆགས་པའི་ཁྲག་ངན། |
| ཁྲག་སྲིན |
1.སྲིན་ནད་ཁྲག་ལ་བབས་པ་ཞིག2.ལུས་ལ་ལྷན་སྐྱེས་སུ་མཆིས་པའི་སྲིན་བུ་རིགས་བདུན་གྱི་ནང་ཚན་ཁྲག་ལ་རྒྱུ་ནས་ལུས་ཀུན་ཏུ་འགྲོ་བའི་མདོག་དམར་ཞིང་དབྱིབས་ཟླུམ་པའི་སྲིན་བུ་ཤིན་ཏུ་ཕྲ་མོ་ཞིག |
| ཁྲང |
མཁྲང་གི་འབྲི་ཚུལ་གཞན། |
| ཁྲང་ཞི |
(རྒྱ་སྐད།) རྒྱ་ལུགས་སྲོལ་རྒྱུན་གྱི་ཟློས་གར་ཞིག་སྟེ། (དཔེར་ན།) ཚོགས་འདུ་གྲོལ་བའི་རྗེས་སུ་ཁྲང་ཞི་འཁྲབ་ཅེས་པ་ལྟ་བུ། |
| ཁྲད་ཁྲོད |
ཁོང་གསེང་ངམ་བར་གསེབ། |
| ཁྲབ |
མཚོན་ཆ་འགོག་བྱེད་ཀྱི་ལྭ་བ་ཐོག་ལ་ལྕགས་རིགས་ལེབ་མོ་བསྒྲིགས་ཡོད་པ་ཞིག་སྟེ། (དཔེར་ན།) གཡུལ་འཁྲུགས་སྐབས་མདའ་མདུང་འགོག་བྱེད་ཀྱི་མིང་། |
| ཁྲབ་ཆས |
དྲག་ཆས་གོ་ཁྲབ། |
| ཁྲབ་བྱང |
ཁྲབ་ཀྱི་བྱང་བུ། |
| ཁྲབ་མ |
1.ཁྲབ་གྱོན་པའི་དམག་མི།2.(བརྡ་རྙིང་།) ལུས་ལ་གྱོན་བྱེད་པའི་ཁྲབ། |
| ཁྲབ་མཁན |
གོ་ཁྲབ་བཟོ་མཁན། |
| ཁྲབ་རྨོག |
ལུས་སྐྱོབ་དང་མགོ་སྐྱོབ་གཉིས། |
| ཁྲབ་ལྕིབས |
ཁྲབ་ཀྱི་ནང་གདན་ནམ་ནང་གོས། |
| ཁྲམ |
1.རྩིས་ཀྱི་ཁྲམ་ཁ་སོགས་རི་མོའི་བྱེ་བྲག་ཅིག་སྟེ། (དཔེར་ན།) ཁྱེ་བོས་ཁྲམ་བརྒྱབ་པ། བཅུ་ཁྲམ་ལྟ་བུ།2.འཕྲོག་བཅོམ་གྱི་བྱ་སྤྱོད་དང་ནག་ཉེས་ཀྱི་མིང་སྟེ། (དཔེར་ན།) གཡོ་སྒྱུ་ཆེ་བའི་ཁྲམ་པས་གཞན་ནོར་བླངས་ཞེས་པ་ལྟ་བུ། |
| ཁྲམ་ཁ |
1.རྒྱ་གྲམ་གྱི་རི་མོ་སྟེ་ཁྲམ་བམ། རྩིས་ཀྱི་ཁྲམ་ཁ།2.འདྲེ་གདོན་འགུགས་བྱེད་ཀྱི་ཤིང་བྱང༌། |
| ཁྲམ་ཁའི་ཤིང |
ཁྲམ་རིས་བཏབ་པའི་ཤིང་སྟེ་འདྲེ་གདོན་འགུགས་བྱེད་ཀྱི་ཤིང་བྱང༌། |
| ཁྲམ་ཁྲམ |
(རྒྱན་ཚིག) ཐང་མར་རྡལ་བའམ་འགྲེམས་ཚུལ་ཏེ། (དཔེར་ན།) ལྕི་བ་རློན་པ་ཐང་ལ་ཁྲམ་ཁྲམ་དུ་བཀྲམ་ནས་ཉི་མར་བསྐམས་ལྟ་བུ། |
| ཁྲམ་ཁྲུམ |
(རྒྱན་ཚིག) རྡོག་པོ་ཆུང་ངུ་མང་བའི་དོན་ཏེ། (དཔེར་ན།) ས་རྡོག་ཁྲམ་ཁྲུམ། རྩམ་པ་ཁྲམ་ཁྲུམ། ལུས་ལ་རྨ་ཁྲམ་ཁྲུམ་གྱིས་ཁྱབ་ལྟ་བུ། ཁ་སྐད་དུ་ཁྲ་མེ་ཁྲུམ་མེ་ཟེར་ཏེ། ས་ཁྲ་མེ་ཁྲུམ་མེ། འབྲུམ་པ་ཁྲ་མེ་ཁྲུམ་མེ་ཞེས་པ་ལྟ་བུ། |
| ཁྲམ་གཤོམ་པ |
1.གཡོ་ཁྲམ་གྱི་གྲབས་གཤོམ་བྱེད་པ།2.གཡོ་ཁྲམ་བྱེད་མཁན་གྱི་དོན་ཏེ། (དཔེར་ན།) མི་ཁྲམ་གཤོམ་པ་ཐ་ཆད་ཅེས་པ་ལྟ་བུ། |
| ཁྲམ་ནག |
གཡོ་ཁྲམ་ཚ་པོ་མི་ཁྲམ་པ་ཁྲམ་ནག་ཅེས་པ་ལྟ་བུ། |
| ཁྲམ་པ |
འཕྲོག་བཅོམ་གྱི་ཉེས་སྤྱོད་བྱེད་མཁན། |
| ཁྲམ་བམ |
1.ཉེས་ཅན་གྱི་མིང་ཡིག་ཐོག་ལ་བྲིས་པའི་རྒྱ་གྲམ་གྱི་རི་མོ་ ྾ འདིའི་མིང་། 2. གཞན་བསླུ་བའི་བྱ་སྤྱོད་ཀྱི་མིང་སྟེ། (དཔེར་ན།) གཡོ་ཁྲམ་མ་བྱེད་ལྟ་བུ། |
| ཁྲམ་མི་ཁྲུམ་མི |
(རྒྱན་ཚིག) ངལ་དུབ་ཀྱིས་ལུས་འཁྱོར་ཚུལ་ཞིག་སྟེ། (དཔེར་ན།) ཐག་རིང་དུ་ཕྱིན་ནས་གཟུགས་པོ་ཁྲམ་མི་ཁྲུམ་མིར་གྱུར་འདུག་ཅེས་པ་ལྟ་བུ། |
| ཁྲམ་ཚན |
(བརྡ་རྙིང་།) རྩིས་ཐོ། |
| ཁྲམ་ཚོང་པ |
གཡོ་ཐབས་ཀྱིས་ཁེ་སྤོགས་སྒྲུབ་མཁན། |
| ཁྲམ་རྒྱག |
མི་རོ་བྱ་གཏོར་བྱེད་སྐབས་ཤ་ལྤགས་སྦྲགས་མར་དུམ་བུར་དྲ་བ་སྟེ། (དཔེར་ན།) མི་བསད་པས་མ་ཆོག་པར་རོ་ཐོག་ལ་ཁྲམ་བརྒྱབ་འདུག་ཅེས་པ་ལྟ་བུ། |
| ཁྲམ་ལ་བཏབ |
ཉོན་མོངས་པ་དང་བདུད་འདུད་འདུལ་བའི་གསང་སྔགས་ཀྱི་ཆོ་ག་ཞིག་སྟེ། (དཔེར་ན།) ་བདག་འཛིན་གདོན་དང་བདུད་བཞི་ཁྲམ་ལ་བཏབ་ལྟ་བུ། |
| ཁྲམ་ཤིང |
1.ཉེས་ཅན་གྱི་ཉེས་པ་དང་མིང་ཡི་གེར་བྲིས་པའི་ཤིང་གི་བྱང་བུའི་མིང་སྟེ། (དཔེར་ན།) ཉེས་ཅན་ཁྲམ་ལ་བཏབ་ལྟ་བུ། 2.དམོད་སྤྱོད་བྱ་ཡུལ་གྱི་མིང་ཐོ་དང་འདོད་གསོལ་སོགས་ཡི་གེར་བཀོད་པའི་བྱང་བུའི་མིང་།3.ཤིང་གི་རྒྱ་གྲམ་གྱི་མིང་། |
| ཁྲམ་སེམས |
གཡོ་རྫུན་གྱི་བསམ་ངན་འཆང་བ་ཁྲམ་སེམས་འཛིན་པ་ལྟ་བུ། |
| ཁྲལ |
1.རྒྱལ་ཁབ་ཀྱིས་ཁེ་ལས་དང་ཐུན་མོང་། མི་སོ་སོ་བཅས་ལས་བསྡུས་པའི་དོང་ཙེ་དང་དངོས་རྫས་ཀྱི་མིང་། སྤྱི་ཚོགས་ཀྱི་ལམ་ལུགས་མི་འདྲ་བའི་དབང་གིས་ཁྲལ་གྱི་ངོ་བོ་དང་ནུས་པའང་མི་འདྲ་བ་ཡིན། (དཔེར་ན།) འབྲུ་ཁྲལ་བལ་ཁྲལ་ཞེས་པ་ལྟ་བུ། 2.ཁྲལ་དང་མཚུངས་པའི་བྱ་ལས་ཀྱི་མིང་སྟེ། (དཔེར་ན།) ལས་དོན་ཁྲལ་ལྟར་སྒྲུབ་མི་རུང་ལྟ་བུ།3.མྱ་ངན་ནམ་སེམས་སྡུག་པའི་དོན་ཏེ། (དཔེར་ན།) ཐུགས་ཁྲལ་གནང་། སེམས་ཁྲལ་བྱས་ལྟ་བུ།4.(རྒྱན་ཚིག) སོར་མོ་དང་ལྕགས་སོགས་ཀྱིས་་བྲད་པའི་སྒྲ་ཞིག་སྟེ། (དཔེར་ན།) ཁྲལ་ཁྲལ་བྲད། ཁྲལ་སྒྲ་གྲགས་ལྟ་བུ། |
| ཁྲལ་ཁུངས |
ཁྲལ་འུལ་རྒྱུག་ཡུལ་དཔོན་གྱི་ལས་ཁུངས། |
| ཁྲལ་ཁོངས |
ཁྲལ་འུལ་རྒྱུག་མིའི་གྲས། |
| ཁྲལ་ཁྲལ |
(བརྡ་རྙིང་།) ཐར་ཐོར་ཏེ་ཚགས་མི་དམ་པ། |
| ཁྲལ་ཁྲིམས |
1.ཁྲལ་དང་ཁྲིམས་ལུགས།2.ཁྲལ་འགེལ་བའི་ཁྲིམས། |
| ཁྲལ་ཁྲིམས་འཁུར་ཤེས |
ཁྲལ་དང་ཡུལ་ཁྲིམས་དང་དུ་ལེན་ཤེས་པའམ། རྩི་འཇོག་བྱེད་ཤེས་པ། |
| ཁྲལ་ཁྲུལ |
(རྒྱན་ཚིག) སོ་སོར་ཐོར་ནས་འབྲེལ་མེད་པའི་རྣམ་པ་སྟེ། (དཔེར་ན།) ས་ཁྲལ་ཁྲུལ། སྣང་བ་ཁྲལ་ཁྲུལ རྨི་ལམ་ཁྲལ་ཁྲུལ་ཞེས་པ་ལྟ་བུ། ཁ་སྐད་དུ་ཁྲ་ལེ་ཁྲུལ་ལེ་ཟེར་ཏེ། རྨི་ལམ་ཁྲལ་ལེ་ཁྲུལ་ལེ་རྨིས་ལྟ་བུ |
| ཁྲལ་ཁྲོལ |
(རྒྱན་ཚིག) ཁྲལ་ལེ་ཁྲོལ་ལེའི་བསྡུས་ཚིག |
| ཁྲལ་གཡོག |
ཁྲལ་པའི་གཡོག་པོ། |
| ཁྲལ་གཡོལ |
ཁྲལ་རྒྱུག་རྒྱུ་བྱོལ་བ། |
| ཁྲལ་ཆག |
ཁྲལ་འབབ་ཡང་དུ་ཕྱིན་པ། |
| ཁྲལ་པ |
ས་རྟེན་ལ་བརྟེན་ནས་ཁྲལ་འུ་ལག་རྒྱུག་མཁན། |
| ཁྲལ་བརྡ |
ཁྲལ་འུལ་སྐུལ་འདེད་ཀྱི་བརྡ། |
| ཁྲལ་བརྡ་གཏོང་མཁན |
ཁྲལ་འུ་ལག་གི་སྐུལ་བརྡ་རྒྱག་མཁན་ནམ་རྒན་པོ། |
| ཁྲལ་བོགས |
1.སྔར་ཁྲལ་པ་ཕྱུག་པོས་རང་ཁྲལ་གཞན་ལ་གླས་པའི་བོགས་མ།2.ཁྲལ་དང་བོགས་མ་གཉིས། |
| ཁྲལ་མངོན་སླ་བཅོས |
ཁྲལ་ཡིན་བསམས་ཏེ་རང་འགན་ལེགས་པར་མི་སྒྲུབ་པ། |
| ཁྲལ་མི |
ཁྲལ་རྒྱུག་མཁན་གྱི་མི། |
| ཁྲལ་མི་ཟླར་གཡབ |
ཁྲལ་པས་ཁྲལ་རོགས་སྦྲན་ནས་ཁྲལ་སྐུལ་མཁན་ལ་ངོ་རྒོལ་བྱེད་པ། |
| ཁྲལ་ཚད |
ཁྲལ་འབབ་ཀྱི་ཚད་གཞིའི་དོན་ཏེ། (དཔེར་ན།) ཁྲལ་ཚད་སྤོར་གཅོག་ཅེས་པ་ལྟ་བུ། |
| ཁྲལ་ཞིང |
ཁྲལ་འུལ་སྒྲུབ་རྟེན་གྱི་ས་ཞིང༌། |
| ཁྲལ་ཟླ་ཁྲལ་རོགས |
ཁྲལ་འུལ་རྒྱུག་མཁན་ནང་ཁུལ་གྱི་མི། |
| ཁྲལ་འཁྲི |
རང་ཐོག་ཏུ་བབ་པའི་ཁྲལ་འུལ་གྱི་འགན། |
| ཁྲལ་འཇལ |
འབྲུ་དངུལ་སོགས་ཀྱི་ཁྲལ་སྒྲུབ་པ། |
| ཁྲལ་འདེད་པ |
1.ཁྲལ་འུལ་རྒྱུག་པར་སྐུལ་འདེད་བྱེད་པ།2.ཁྲལ་འུལ་སྐུལ་འདེད་བྱེད་མཁན། |
| ཁྲལ་འཕར |
རྩ་བའི་ཁྲལ་གྱི་ཞོར་དུ་བཀལ་བའི་འཕར་ཁྲལ། |
| ཁྲལ་འབབ |
ཁྲལ་སྒྲུབ་དགོས་ཀྱི་འབོར་ཚད་དེ། (དཔེར་ན།) ཁྲལ་འབབ་འཕར་ཆག་ཅེས་པ་ལྟ་བུ། |
| ཁྲལ་འུལ |
ཁྲལ་དང་འུ་ལག་གི་བསྡུས་མིང་སྟེ། (དཔེར་ན།) ཁྲལ་འུལ་འགེལ་དཀྲི། ཁྲལ་འུལ་སྒྲུབ་འཇལ་ཞེས་པ་ལྟ་བུ། |
| ཁྲལ་རིགས |
ཁྲལ་འུལ་སྣ་ཚོགས་ཏེ། (དཔེར་ན།) ཁྲལ་རིགས་ཡང་ཆ་བྱེད་པ། ཁྲལ་རིགས་རྩ་ཆག་གཏོང་ཞེས་པ་ལྟ་བུ། |
| ཁྲལ་རིགས་སྒྲུབ་ཁུངས |
ཁྲལ་རིགས་སྒྲུབ་འཇལ་བྱ་ཡུལ་མངའ་བདག |
| ཁྲལ་རྒྱུག་པ |
1.ཁྲལ་སྒྲུབ་པའམ་འུ་ལག་ཏུ་འགྲོ་བ།2.རྐང་འགྲོ་ལག་འདོན་གྱི་ཁྲལ་གང་ཞིག་འཁྲི་བ་དེ་དོད་མ་ཡིན་པར་དངོས་སུ་རྒྱུག་དགོས་མཁན། |
| ཁྲལ་རྟེན་ས་ཞིང |
ཁྲལ་འུལ་རྒྱུག་རྒྱུའི་དམིགས་རྟེན། |
| ཁྲལ་ལི་ཁྲུལ་ལི |
(རྒྱན་ཚིག) ཐུར་དུ་འཕྱང་བའི་རྣམ་པ་ཞིག་སྟེ། (དཔེར་ན།) གོས་ཧྲུལ་ཁྲལ་ལི་ཁྲུལ་ལི་འཛར་ནས་འགྲོ། རྒྱན་ཆ་ཁྲལ་ལི་ཁྲུལ་ལི་མང་པོ་བཏགས་འདུག ལྕང་མའི་ཡལ་ག་ཁྲལ་ལི་ཁྲུལ་ལིར་བསྡད་འདུག་ཅེས་པ་ལྟ་བུ། |
| ཁྲལ་ལེ་ཁྲོལ་ལེ |
(རྒྱན་ཚིག) རྒྱན་ཆ་ཕྲུལ་ཕྲུལ་མང་པོ་འཐབ་པའི་སྒྲའི་བྱེ་བྲག་ཅིག་སྟེ། (དཔེར་ན།) རིན་ཆེན་རྒྱན་ཆའི་སྒྲ་ཁྲལ་ལེ་ཁྲོལ་ལེར་སྒྲོག་ཅིང་འདུག་ཅེས་པ་ལྟ་བུ། |
| ཁྲལ་སི |
1. (རྒྱ་སྐད།) གཞུང་དོན། ཁྲལ་སི་ཞབས་འདེགས། 2.ཁྲལ་རིགས་སྐོར་གྱི་ལས་དོན་ཏེ། (དཔེར་ན།) ཁྲལ་སི་སྐེད་ཆད་ཅེས་པ་ལྟ་བུ། |
| ཁྲལ་སྡུད་པ |
1.ཁྲལ་སྡུད་ལེན་བྱེད་པ།2.ཁྲལ་སྡུད་བྱེད་མཁན། |
| ཁྲི |
1.མི་རྣམས་འཚོག་སྐབས་གཙོ་བོ་དེ་སྡོད་སའི་སྟེགས་བུ་སྟེ། (དཔེར་ན།) བླ་མ་ཁྲི་ལ་བསྐོས། གསེར་ཁྲི་དཔོན་ལ་དབང་ཞེས་པ་ལྟ་བུ།2.ཁྲི་དང་འདྲ་བའི་དོན་ཏེ། (དཔེར་ན།) ཉལ་ཁྲི། ལས་ཁྲི། གདན་ཁྲི། ཐགས་ཁྲི་ཞེས་པ་ལྟ་བུ།3.མཆོད་རྟེན་གྱི་ས་འཛིན་དང་བང་རིམ་བར་གྱི་ཁྲི།2. སྟོང་ཕྲག་བཅུ། |
| ཁྲི་ཀླིང་བ |
(བརྡ་རྙིང་།) དྲ་བས་སྦྲེལ་བར་བྱས་པའི་ཁྲི། |
| ཁྲི་ཁྲི |
དུང་ཕྱུར་གཅིག |
| ཁྲི་ཁྲི་འབུམ་འབུམ |
ཧ་ཅང་མང་བའི་དོན་ཏེ། (དཔེར་ན།) མི་ཁྲི་ཁྲི་འབུམ་འབུམ། |
| ཁྲི་གཉན |
ཁྲི་སྙན་དང་འདྲ། |
| ཁྲི་གཉན་གཟུངས་བཙན |
སྔར་བོད་རྒྱལ་ཉེར་དགུ་པ། ལྷ་ཐོ་ཐོ་རི་གཉན་བཙན་གྱི་བུ་ཡིན། རྒྱལ་པོ་དེའི་སྐབས་སུ་བོད་ཀྱི་ཞིང་ས་དང་འབྲོག་ས་འབྲེལ་མཐུད་དང༌། མཚོ་དང་མཚེའུ་ཡུར་བུར་འབྲེལ་སྦྱོར་བྱས་ནས་དེའི་ཆུ་ཞིང་ཁ་ལ་འདྲེན་པའི་སྲོལ་བཙུགས། |
| ཁྲི་གདན |
1.ཁྲི་དང་གདན་གྱི་བསྡུས་ཚིག།2.ཁྲིའི་ཁ་གདན། |
| ཁྲི་གདུགས |
1.ཉི་མའི་མིང་སྟེ། (དཔེར་ན།) དགུང་སྔོན་མཐོན་པོར་ཁྲི་གདུགས་ཉི་མ་ཤར་ལྟ་བུ།2.ཁྲི་དང་གདུགས། |
| ཁྲི་གཙུག་ལྡེ་བཙན |
བོད་རྒྱལ་ཞེ་གཅིག་པ་ཁྲི་རལ་པ་ཅན་གྱི་མཚན་དངོས། |
| ཁྲི་ཆེན |
1.སྔར་བོད་རྗེ་ཆོས་རྒྱལ་གྱི་གདུང་ལས་བརྒྱུད་ཅིང༌། ཆོས་སྲིད་གཉིས་ཀའི་གོ་གནས་ཀྱི་ལྷག་ཞབས་ཙམ་སྐྱོང་བ་ལ་ཁྲི་ཆེན་གྱི་མཚན་གྱིས་གཟེངས་སུ་བསྟོད་པ་ཨེ་ལྷ་རྒྱ་རི་ཁྲི་ཆེན། ས་སྐྱ་བདག་ཆེན་ནམ་ཁྲི་ཆེན། གྲ་ཕྱི་སྨིན་གྲོལ་གླིང་ཁྲི་ཆེན་ལྟ་བུ།2.དགོན་པའི་མཁན་པོ་དང་ཆོས་སྲིད་ཀྱི་འགན་འཁྲི་གཙོ་འཁུར་བྱེད་མཁན་ལ་ཡང་ཁྲི་ཆེན་ཟེར། |
| ཁྲི་ཐུབ |
1.ཚེ་ལོ་ཁྲི་གཅིག་ཐུབ་པ།2.འཐབ་ཟླ་ཁྲི་ཙམ་འཇོམས་ནུས་པ། |
| ཁྲི་ཐོག་པ |
ཁྲི་པའི་འགན་འཁྲི་འཁུར་བཞིན་པ། |
| ཁྲི་དར་མ་ཨུ་དུམ་བཙན |
སྔར་བོད་རྒྱལ་བཞི་བཅུ་ཞེ་གཉིས་པ་འདིའི་མིང་གཞན་གླང་དར་མ་ཡང་ཟེར། ཁྲི་ལྡེ་སྲོང་བཙན་གྱི་སྲས་གཉིས་པ་ཡིན། རྒྱལ་པོ་འདིའི་སྐབས་སུ་སངས་རྒྱས་ཀྱི་བསྟན་པ་ཧ་ཅང་ཉམས་དམས་སུ་བཏང་བར་མ་ཟད། རྩ་བ་ནས་འདོར་དགོས་པའི་བཀའ་ཡང་ཕབ་པས་ཁམས་དང་ཨ་མདོ། སྟོད་མངའ་རིས་མ་གཏོགས་དབུས་གཙང་ཁུལ་གྱི་སངས་རྒྱས་ཀྱི་བསྟན་པར་གཏོར་བཤིག་ཚབས་ཆེན་བྱུང་བ་རེད། ཕྱིས་ལྷ་ལུང་དཔལ་གྱི་རྡོ་རྗེས་བཀྲོངས། |
| ཁྲི་དྲུག་འགྱོགས |
སེང་གེ་དང༌། གླང་ཆེན། རྟ་མཆོག་རྨ་བྱ། ཤང་ཤང༌། གྱད་ཀྱི་མི་རྣམས་ཀྱིས་བརྒྱན་པའི་ཁྲི། |
| ཁྲི་པ |
དགོན་པའི་ཆོས་སྲིད་ཀྱི་འགན་འཁྲི་གཙོ་འཁུར་བྱེད་པོ་དབུ་བཞུགས་མཁན། དགའ་ལྡན་ཁྲི་པ། མཁན་པོ་ཁྲི་པ། བཀའ་བློན་ཁྲི་པ་ཞེས་པ་ལྟ་བུ། |
| ཁྲི་ཕྲག |
སྟོང་ཕྲག་བཅུའི་གྲངས། |
| ཁྲི་བགྲངས་མཚོ |
མཚོ་སྔོན་ནུབ་ཕྱོགས་གོར་མོ་རྫོང་གི་མཚོ་ཞིག |
| ཁྲི་བཙན་ནམ |
ཏོ་རེ་ལོང་བཙན་དང་འོ་མ་ལྡེ་བཟའ་གཉིས་ཀྱི་སྲས། སྔར་བོད་རྒྱལ་ཉེར་ལྔ་པ་སྟེ་བཙན་ལྔའི་ཡ་གྱལ་ཞིག |
| ཁྲི་བཙུན |
བཙུན་མོ་སྤྱི་ལ་འཇུག་ཀྱང༌། སྒོས་སུ་སྲོང་བཙན་སྒམ་པོའི་བཙུན་མོ་བལ་བཟའ་ལ་སྦྱར་རོ། ། |
| ཁྲི་བཤམས |
བཞུགས་ཁྲི་བརྒྱབ་པ། |
| ཁྲི་མུ |
བོད་སྟོད་ཕྱོགས་མཚོ་སྣ་རྫོང་གི་ས་ཆ་ཞིག་ཡིན། འགྲོ་བ་བཟང་མོ་ཞེས་པའི་སྒྲུང་ནང་བདུད་མོ་ཧ་ཤང་གི་ཕ་ཡུལ་ནི་འདིའི་རྒྱུད་ན་ཡོད། |
| ཁྲི་མུན |
(བརྡ་རྙིང་།) བཙོན་ར། |
| ཁྲི་མོན |
ཁྲི་མུན་དང་འདྲ། |
| ཁྲི་ཟུར |
1.གྲངས་ཀ་ཁྲི་ཕྲག་གཅིག་གི་ཟུར་གཅིག་གམ། ཆ་གཅིག2.ཁྲི་པ་ཟུར་པ་ལས་འགན་འཕོས་ཟིན་པའི་ཁྲི་པ། |
| ཁྲི་ཟུར་པ |
ལས་ཐོག་ཡོལ་ཏེ་ཟུར་དུ་གནས་པའི་ཁྲི་པ། |
| ཁྲི་འདུ |
བོད་ཁམས་ཕྱོགས་ཀྱི་རྫོང་ཞིག་ཁམས་སྐྱེ་རྒུ་མདོའི་ཤར་རྒྱུད་དང་བ་ཡན་ཧ་རིའི་ལྷོ་ཕྱོགས་སུ་ཡོད། |
| ཁྲི་འདུགས |
ཉི་མའི་མིང་གཞན་ཏེ། (དཔེར་ན།) ཁྲི་གདུགས་ཉི་མ་འོད་པོ་ཆེ་ཞེས་པ་ལྟ་བུ། |
| ཁྲི་འདོན |
གོ་ས་དང་དབང་ཆ་ཆེ་སར་འདོན་པ། |
| ཁྲི་འདོན་མངའ་གསོལ |
རྒྱལ་པོ་སོགས་ཀྱི་གོ་ས་སྤྲད་ནས་ཁྲི་ལ་གདན་དྲངས་ཏེ་རྟེན་འབྲེལ་བྱེད་པ། |
| ཁྲི་འཕང |
ཁྲིའི་དཔངས་ཚད། |
| ཁྲི་རལ |
ཁྲི་རལ་པ་ཅན་གྱི་བསྡུས་མཚན། |
| ཁྲི་རལ་པ་ཅན |
མཚན་དངོས་ལ་ཁྲི་གཙུག་ལྡེ་བཙན་ཡང་ཟེར། དབུ་སྐྲ་འཁྲུད་པ་ལ་མི་མཉེས་ཤིང༌། རལ་པའི་ལན་བུ་རྣམ་པར་དུད་པས་ན་བཙན་པོ་རལ་པ་ཅན་དུ་མཚན་ཐོགས། འདི་ནི་སད་ན་ལེགས་མཇིང་ཡོན་གྱི་སྲས་གསུམ་པ། བོད་རྒྱལ་གདུང་རབས་ཞེ་གཅིག་པ་ཡིན་ལ། དེ་གོང་རྒྱ་བོད་གཉིས་མི་མཐུན་ཡང་བློན་ཆེན་པོ་བྲན་ག་དཔལ་ཡོན་གཙོས་པའི་བོད་ཀྱི་ལོ་པཎ་དང་རྒྱའི་ཧཱ་ཤང་རྣམས་ཀྱིས་དབོན་ཞང་མཐུན་པར་མཛད། རྒྱ་བོད་ཀྱི་ས་མཚམས་ཕྱེ། བོད་སྐྱིད་རྟག་ལོ་བརྒྱད་པ། རྒྱའི་ཅང་ཀེང་ལོ་གཉིས་པ་ཆུ་ཕོ་སྟག་ལོ་ལ་ལྷ་སར་བྲོ་བོར་བའི་ཡི་གེ་ཆུ་ཡོས་ལོ་ལ་ལྷ་ས་དང༌། རྒྱའི་ཕོ་བྲང༌། གུང་གུ་རྨེ་རུ་གསུམ་གྱི་རྡོ་རིང་ལ་བྲིས། ལྷ་སའི་རྡོ་རིང་ད་ལྟ་བཞུགས་བཞིན་ཡོད། གཞན་གཉིས་ད་ལྟ་ཡལ་བར་གྱུར། དེ་ནས་གཟུང་རྒྱ་བོད་གཉིས་མཐུན་ཞིང་འབྲེལ་བ་བཟང་བར་བྱུང་བས། གནམ་ལ་ཆེ་བ་ཉི་ཟླ་ཟུང་གཅིག་ས་ལ་ཆེ་བ་བཙན་པོ་དབོན་ཞང་ཞེས་གླེང༌། ཡང་དེའི་རིང་ལ་རྒྱ་བལ་གྱི་པཎྜི་ཏ་མང་པོ་དང༌། ལོ་ཙཱ་བ་སྐ་ཅོག་ཞང་གསུམ་སོགས་གདན་འཛོམས་པར་གྲོས་བྱས་ཏེ། བཀས་བཅད་རྣམ་པ་གསུམ་མཛད། སྔར་བསྒྱུར་ཟིན་པའི་མདོ་རྒྱུད་བསྟན་བཅོས་ཀྱི་རིགས་རྣམས་སྐད་གསར་བཅད་ཀྱིས་གཏན་ལ་ཕབ། གསར་དུ་མང་པོ་བསྒྱུར། ཆད་ལྷག་སྤང་བའི་ཕྱིར་དཀར་ཆག་བྲིས། སྐྱིད་ཤོད་དུ་འུ་ཤང་རྡོའི་དཔེ་མེད་བཀྲ་ཤིས་དགེ་འཕེལ་གཙུག་ལག་ཁང་རྒྱ་ཕིབས་དགུ་ཐོག་མ་བཞེངས། དགེ་འདུན་མི་རེ་ལ་འབངས་མི་ཁྱིམ་བདུན་དུ་བཅད་དེ་ཕུལ། དབུ་སྐྲ་ལ་དར་ཡུག་བཏགས་པའི་སྟེང་དུ་རབ་ཏུ་བྱུང་བ་རྣམས་བཞུགས་སུ་འཇུག་པ་སོགས་ཀྱི་བསྙེན་བཀུར་བྱས། དེ་ལྟར་བཀུར་སྟི་ཁམ་ཆེ་བ་མཛད་པས་ཆོས་ལ་མི་དད་པའི་བློན་པོ་དབས་སྟག་རྣ་ཅན་སོགས་ཀྱིས་ལྐོག་བསད་བྱས། དེབ་ཐེར་རྣམས་ལས་བཙན་པོ་འདི་དང་སྲོང་བཙན་སྒམ་པོ། ཁྲི་སྲོང་ལྡེ་བཙན་གསུམ་ལ་མེས་དབོན་རྣམ་གསུམ་ཟེར། |
| ཁྲི་རིན་པོ་ཆེ |
དགའ་ལྡན་ཁྲི་རིན་པོ་ཆེའི་བསྡུས་ཚིག |
| ཁྲི་རྐང་འཆོས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྲིའི་རྐང་པ་ཁྲུ་གང་ལས་མཐོ་བ་འཆོས་པའོ། ། |
| ཁྲི་རྒྱབ་དྲུག་འགྱོགས |
བྱ་ཁྱུང་དང༌། ཀླུ་མོ། ཆུ་སྲིན། བུ་ཆུང༌། ཀྲིཥ། ཎ་སཱ་ར། གླང་ཆེན་བཅས་ཀྱིས་བཏེག་པའི་སངས་རྒྱས་བྱང་སེམས་ཀྱི་ཁྲིའི་རྒྱབ་ཡོལ། བྱ་ཁྱུང་སྟེང་ལ་བྲིས་ཡོད་པ་དང༌། ཀླུ་མོ་སོགས་ལྔ་པོ་དེ་གཡས་གཡོན་གཉིས་སུ་བྲིས་ཡོད། |
| ཁྲི་རྩེ་འབུམ་བཞེར་གྱི་ཁྲིམས |
སྲོང་བཙན་སྒམ་པོས་བོད་དུ་ལག་བསྟར་བྱས་པའི་ཁྲིམས་ཡིག་དང་པོ་སྟེ་བོད་ཀྱི་ཁོད་དྲུག་དང༌། བཀའ་འགྲོས་ཆེན་པོ་དྲུག་ཡིག་ཚངས་དྲུག་བཀའི་ཕྱག་རྒྱ་དྲུག་རྐྱེན་དྲུག་དཔའ་མཚན་དྲུག་བཅས་ཁྱོན་བསྡོམས་དོན་ཚན་སུམ་ཅུ་སོ་དྲུག་ཡོད། |
| ཁྲི་རྭ་བ་ཅན |
གྲངས་ཁྲི་ལོངས་མ་ལོངས་ཙམ། |
| ཁྲི་ལམ |
ཁྱོགས་སམ། ཤིང་རྟའི་ཁྲི་ལ་བརྟེན་ནས་བགྲོད་ཐུབ་པའི་གཞུང་ལམ། |
| ཁྲི་ལྕོག |
ཁྲི་མདུན་དུ་རྒྱག་པའི་ལྕོག་ཙེ་མཐོན་པོ། |
| ཁྲི་ལྡེ་གཙུག་བརྟན |
སྔར་བོད་རྒྱལ་སོ་བདུན་པ་མིང་གཞན་ཁྲི་ལྡེ་གཙུག་བཙན་དང༌། མེས་ཨག་ཚོམ་ཡང་ཟེར། རྒྱལ་པོ་དེའི་སྐབས་སུ་ཐང་ཀྲུང་ཙུང་གི་སྲས་མོ་གྱིམ་ཤང་ཀོང་ཇོ་བཙུན་མོར་བླངས། སྤྱི་ལོ་733 ལོར་རྒྱ་བོད་གཉིས་ཀྱི་ས་མཚམས་ཁྲི་ལིང་ལ་རྡོ་རིང་བཙུགས་ཤིང་ཕན་ཚུན་ཉོ་ཚོང་བྱས། རྒྱ་དཔེ་མདོ་གསེར་འོད་དང༌། འདུལ་བ་རྣམ་འབྱེད་ཀྱི་བསྟན་བཅོས། དེ་མིན་རྒྱ་ནག་གི་སྨན་གཞུང་དང༌། རྩིས་གཞུང་མང་པོ་བོད་དུ་བསྒྱུར། |
| ཁྲི་ལྡེ་ཡུམ་བརྟན |
འདི་ནི་གླང་དར་མའི་བཙུན་མོ་ཆེན་མའི་བུ་དོད་ཡིན་ཏེ། གླང་དར་བཀྲོངས་རྟིང་ཡུམ་གྱིས་མི་གཞན་པའི་བུ་ཆུང་ཞིག་བཙལ་ནས་རང་གི་བུར་བྱས། གཞན་གྱིས་དེ་ལ་བློ་མི་ཐུབ་ཀྱང༌། ཡུམ་གྱི་བཀའ་བརྟན་དུ་བཅུག་པས་ཁྲི་ལྡེ་ཡུམ་བརྟན་དུ་མིང་ཆགས། ཕྱིས་བཙུན་མོ་ཆུན་མའི་བུ་གནམ་ལྡེ་འོད་སྲུངས་དང་མ་འཆམས་པར་འཁྲུག་ལོང་བྱུང་སྟེ་གཉིས་ཀའི་རྒྱལ་ས་ཤོར། དེ་ནས་བཟུང་སྟེ་གཉའ་ཁྲི་བཙན་པོའི་གདུང་རྒྱུད་ཀྱིས་བོད་སྤྱི་ལ་དབང་བསྒྱུར་མ་ཐུབ་བོ། ། |
| ཁྲི་ལྡེ་སྲོང་བཙན |
ཁྲི་སྲོང་ལྡེའུ་བཙན་གྱི་སྲས་གསུམ་པ་མུ་ཏིག་བཙན་པོ་ཡིན་ཞེས་པ་དང༌། ཡང་སྲས་བཞི་པའོ་ཞེས་པ་དང༌། ཡང་དབོན་སྲས་ཁྲི་རལ་པ་ཅན་ཡིན་ཞེས་པ་སོགས་བཞེད་ཚུལ་སྣ་ཚོགས་འདུག་གོ། ། |
| ཁྲི་ཤིང |
འཁྲི་ཤིང་དང་འདྲ། |
| ཁྲི་སྐོར |
1.ཁྲི་ཕྲག་ཟིན་མ་ཟིན་ཙམ་གྱི་གྲངས་ཀ་སྟེ། (དཔེར་ན།) མི་ཚང་ཁྲི་སྐོར་ཡོད་པའི་ས་ཁུལ་ཞེས་པ་ལྟ་བུ། 2.མཆོད་རྟེན་སོགས་ལ་སྐོར་བ་ཁྲི་གཅིག་བརྒྱབ་པའི་མིང༌།3.གནའ་བོའི་དུས་ཀྱི་དབུས་གཙང་གི་སྲིད་འཛིན་ས་ཁུལ་གྱི་མིང་། |
| ཁྲི་སྐོར་བཅུ་གསུམ |
འགྲོ་མགོན་ཆོས་རྒྱལ་འཕགས་པས་སེ་ཆེན་རྒྱལ་པོའི་བཀའ་འབྲེལ་བཞིན་དབུས་གཙང་ལ་དབང་སྒྱུར་སྐབས་སུ་བཙུགས་པའི་ཁྲི་སྐོར་ས་ཁུལ་ཏེ་ལ་སྟོད་ལྷོ་བྱང་གཉིས་དང༌། གུར་མོ། ཆུ་མིག་ཤངས། ཞ་ལུ་སྟེ་གཙང་ལ་ཁྲི་སྐོར་དྲུག་རྒྱ་མ་དང༌། འབྲི་གུང༌། ཚལ་པ། ཐང་པོ་ཆེ། ཕག་མོ་གྲུ། གཡའ་བཟང་སྟེ་དབུས་ལ་ཁྲི་སྐོར་དྲུག་དབུས་གཙང་གི་མཚམས་སུ་ཡར་འབྲོག་སྟག་ལུང་ཁྲི་སྐོར་གཅིག་སྟེ་ཁྲི་སྐོར་བཅུ་གསུམ། |
| ཁྲི་སྐོར་བཏང་བ |
(ཡུལ་སྐད།) ས་གདན་སོགས་འཐག་དུས་ལག་པས་ཡར་མི་རྙོབ་ཚེ་ཐགས་ཁྲི་དམའ་རུ་བཏང་བའི་དོན། |
| ཁྲི་སྒྱོགས |
1.བྱམས་ཁྲི།2.མེ་སྒྱོགས། |
| ཁྲི་སྒྲ་དཔུང་བཙན |
དཔུང་ཞེས་པར་སྤུངས་ཡང་སྣང༌། ཁྲི་བཙན་ནམ་དང་སྨན་བཟའ་ཁྲི་དཀར་གཉིས་ཀྱི་སྲས་སྔར་བོད་རྒྱལ་ཉེར་དྲུག་པ་སྟེ་བཙན་ལྔའི་ཡ་གྱལ་ཞིག |
| ཁྲི་སྙན |
ཁྲི་སྙན་སཱ་རའི་བསྡུས་ཚིག |
| ཁྲི་སྙན་སཱ་ར |
ཀྲིཥ༌ཎ་སཱ་རའམ་སྙན་ས་ལེའང་ཟེར། རི་དྭགས་ནག་ཁྲ་ཞིག |
| ཁྲི་སྟན |
ཁྲི་དང་སྟན་གྱི་བསྡུས་མིང་སྟེ། (དཔེར་ན།) ཁྲི་སྟན་ཆེན་པོ་ཞེས་པ་ལྟ་བུ། |
| ཁྲི་སྟོང་མང་པོ |
འབོར་ཆེན་སྟོན་པའི་མང་ཚིག |
| ཁྲི་སྦྲེལ་མ |
ཁྲི་ཉིས་གཤིབས་སམ། ཁྲི་ཉིས་བསྒྲིགས། |
| ཁྲི་སྲོང་རྩན |
(བརྡ་རྙིང་།) སྲོང་བཙན་སྒམ་པོ་དང་དོན་གཅིག |
| ཁྲི་སྲོང་ལྡེ་བཙན |
ཁྲི་སྲོང་ལྡེའུ་བཙན་ཞེས་བྲིས་པའང་སྣང༌། ཁྲི་ལྡེ་གཙུག་བརྟན་མེས་ཨག་ཚོམ་དང་རྒྱ་བཟའ་གྱིམ་ཤིང་ཀོང་ཇོ་གཉིས་ཀྱི་སྲས། བོད་རྒྱལ་གདུང་རབས་སོ་བརྒྱད་པ་ཡིན་ལ། རྒྱལ་སར་འཁོད་དུས་ནར་མ་སོན། མ་ཞང་སྣ་ནམ་སོགས་ཀྱིས་སངས་རྒྱས་པའི་ཆོས་བྱར་མེད་པའི་ཁྲིམས་བཅས། རྒྱལ་པོ་ནར་སོན་ཏེ་ཆོས་བྱ་བའི་བཀའ་གནང༌། མཁན་པོ་བྷོ་ངྷི་ས་ཏྭ་དང་སློབ་དཔོན་པདྨ་འབྱུང་གནས་གཉིས་སྤྱན་དྲངས་ཏེ། བསམ་ཡས་གཙུག་ལག་ཁང་ཆེན་མོ་བཞེངས། རྒྱ་བལ་སོགས་ནས་པཎྜི་ཏ་མང་པོ་སྤྱན་དྲངས་པ་དང༌། སྒྲ་སྒྱུར་གྱི་ལོ་ཙཱ་བ་མང་པོ་གསོ་སྐྱོང་བྱས་ཏེ། བཀའ་མདོ་རྒྱུད་མང་པོ་བོད་སྐད་དུ་བསྒྱུར། སད་མི་མི་བདུན་གྱིས་འགོ་བྱས་འབངས་སུམ་བརྒྱ་རབ་ཏུ་བྱུང་ནས་དགེ་འདུན་གྱི་སྡེ་བཙུགས། ཏ་ཟིག་དང་ཟ་ཧོར། ཐང་རྒྱལ་རབས་བཅས་ལ་དམག་བརྒྱབ། ཕྱིས་རྒྱ་བོད་ཕན་ཚུན་མཐུན་འགྲིག་བྱུང་ནས་ཐང་དིད་ཛུང་ཁྲི་ལོ་བཞི་པ་ཆུ་ཕག་ལོ་ལ་ཙེང་ཤུ་ཧྱྭན་དུ་མནའ་གཙིགས་བྱས་པ་སོགས་མཛད་པ་མང་དུ་མཛད། བཙན་པོ་འདི་མེས་དབོན་རྣམ་གསུམ་གྱི་ཡ་གྱལ་དང༌། མཁན་སློབ་ཆོས་གསུམ་གྱི་ཡ་གྱལ་དུའང་གྲགས་སོ། ། |
| ཁྲི་སྲོང་ལྡེ་བརྩན |
(བརྡ་རྙིང་།) ཁྲི་སྲོང་ལྡེ་བཙན་དང་འདྲ། |
| ཁྲི་སྲོང་ལྡེའུ་བཙན |
ཁྲི་སྲོང་ལྡེ་བཙན་དང་འདྲ། |
| ཁྲིག་ཁྲིག |
1.(རྒྱན་ཚིག) བརྟན་ཅིང་བརླང་བའི་དོན་ཏེ། (དཔེར་ན།) རི་རྒྱལ་ལྷུན་པོ་ཁྲིག་ཁྲིག་བརྟན་ཅེས་པ་ལྟ་བུ། 2.འཚམས་པོའམ། ཆ་སྙོམས་པོའི་དོན་ཏེ། (དཔེར་ན།) མང་ཉུང་ཁྲིག་ཁྲིག་ཅིག་བྱུང་འདུག་ལྟ་བུ། 3.ལེགས་པའི་ལྡོག་ཕྱོགས་ངན་པའི་དོན་ཏེ། (དཔེར་ན།) མི་དེ་ཁྲིག་ཁྲིག་ཅིག་འདུག་ལྟ་བུ། 4. ལྷམ་མཐིལ་གྱི་ཐྲིག་སྒྲ་ལ་ཁྲིག་ཅེས་འབྲི་བའང་ཡོད། |
| ཁྲིག་གཅིག |
སྡེབ་གཅིག་གམ་ལྷན་ཅིག་གི་དོན་ཏེ། (དཔེར་ན།) གྲོ་འབྲས་ཁྲིག་གཅིག་ལ་བསྲེ་མི་རུང་ཞེས་པ་ལྟ་བུ། |
| ཁྲིག་པ་གང |
(ཡུལ་སྐད།) ཕྱུར་བུར་གང་བའམ་གང་ཚད་ཆེ་བའི་དོན་ཏེ། (དཔེར་ན།) ཟེའུ་འོ་མས་ཁྲིག་པ་གང་འདུག་ཅེས་པ་ལྟ་བུ། |
| ཁྲིག་སྙོམས |
ཆ་སྙོམས་ཀྱི་དོན་ཏེ། (དཔེར་ན།) ལམ་འདི་རྐང་ཐང་མར་འགྲོ་མཁན་ཚོར་ཁྲིག་སྙོམས་བྱུང་འདུག་ཅེས་པ་ལྟ་བུ། |
| ཁྲིགས |
གྲལ་ལམ་སྟར་གྱི་དོན་ཏེ། (དཔེར་ན།) མི་རྣམས་གྲལ་བསྟར་ཁྲིགས་སུ་ཆགས་སུ་གནས་ལྟ་བུ། |
| ཁྲིགས་ཁྲིགས |
1.(རྒྱན་ཚིག) གྲ་སྒྲིག་གི་བྱ་བ་སོགས་མ་ཚང་བ་མེད་པའི་དོན་ཏེ། (དཔེར་ན།) འགྲོ་ཆས་རྣམས་ཁྲིགས་ཁྲིགས་བྱས་ལྟ་བུ། 2.རིམ་པ་མ་འཆོལ་བའི་དོན་ཏེ། (དཔེར་ན།) ཚོང་རྫས་རྣམས་ཁྲིགས་ཆགས་སུ་བསྒྲིགས་ལྟ་བུ། |
| ཁྲིགས་ཁྲིགས་མེད |
(ཡུལ་སྐད།) ཧ་ལམ་ཡིད་ཆེས་པའམ་རེ་བ་བྱེད་པ་དང་དོགས་ཟོན་བྱེད་པ་སོགས་སྟོན་ཏེ། (དཔེར་ན།) ད་ལོ་ལོ་ཡག་འབྱུང་བར་ཁྲིགས་ཁྲིགས་མེད། འགྲོ་དང་མི་འགྲོ་ཁྲིགས་ཁྲིགས་མེད་ཅེས་པ་ལྟ་བུ། |
| ཁྲིགས་ཆགས |
རིམ་པ་ངེས་ཅན་བར་མ་ཆད་པར་གྲལ་དུ་བསྟར་བའི་དོན་ཏེ། (དཔེར་ན།) དགེ་བའི་བཤེས་གཉེན་གྱིས་བླང་དོར་ཁྲིགས་ཆགས་སུ་བསྟན། ཚོགས་འདུར་ཡོང་མཁན་ཚང་མ་ཁྲིགས་ཆགས་སུ་བསྒྲིགས་ནས་ནང་དུ་ཕྱིན། བཞུགས་ཁྲི་རྣམས་ཁྲིགས་ཆགས་སུ་བཀོད་ཅེས་པ་ལྟ་བུ། |
| ཁྲིགས་ཏེ |
རྦད་དེའམ་རྩ་བ་ནས་ཞེས་པའི་དོན་ཏེ། (དཔེར་ན།) ལས་ཀ་ཚང་མ་འཚེམས་ལུས་མེད་པར་ཁྲིགས་ཏེ་ཚར་སོང༌ཞེས་པ་ལྟ་བུ། |
| ཁྲིགས་སེ |
(ཡུལ་སྐད།) 1.རྦད་དེའམ། རྩ་བ་ནས་ཞེས་པའི་དོན་ཏེ། (དཔེར་ན།) ལས་དོན་ཚང་མ་ཁྲིགས་སེ་བྱས་ཚར། ལུང་པ་འདིར་ཆུས་ཁྲིགས་སེ་གང་སོང༌། རྨོངས་གཉིད་ཁྲིགས་སེ་སད་ནས་ཡར་ལངས་ཞེས་པ་ལྟ་བུ།2.ཐ་སྙད་ལ་ལའི་མཐར་སྦྱར་ན་འོས་ཤིང་འཚམ་པའི་དོན་ཏེ། (དཔེར་ན།) ལྷམ་འདི་ངའི་རྐང་བ་ལ་ཁྲིགས་སེ་འདུག ལྭ་བ་འདི་ངའི་གཟུགས་པོ་ལ་ཁྲིགས་སེ་རན་ལྟ་བུ། |
| ཁྲིད |
(བྱེད་འབྲེལ་ལས་ཚིག) 1.འཁྲིད་པའི་འདས་པ་དང་སྐུལ་ཚིག (དཔེར་ན།) བྱིས་པ་ཁྲིད་ནས་སློབ་གྲྭར་སོང་། བྱིས་པ་ཁྲིད་ཅིག་ལྟ་བུ།ལས་ཚིག་ལས་ལའི་མཐར་སྦྱར་ན་མིང་ཚིག་ཏུཡང་འགྱུར་ཏེ། (དཔེར་ན།) སློབ་ཁྲིད། དཔེ་ཁྲིད། དམར་ཁྲིད་ཅེས་པ་ལྟ་བུ། |
| ཁྲིད་ཆེན |
འགྲེལ་ཆེན་ནམ། འགྲེལ་བཤད་རྒྱས་པའི་དོན་ཏེ། (དཔེར་ན།) ཁྲིད་ཆེན་བརྒྱད་ཅེས་པ་ལྟ་བུ། |
| ཁྲིད་ཆེན་བརྒྱད |
འགྲོ་མགོན་གཙང་པ་རྒྱ་རས་ཀྱི་གདམས་ངག་བླ་མ་སྐུ་གསུམ་གྱི་ཁྲིད། བྱམས་སྙིང་རྗེའི་ཁྲིད། རྒྱུ་འབྲས་རྟེན་འབྲེལ་གྱི་ཁྲིད། ལྔ་ལྡན་བདུད་རྩི་ཐིགས་པའི་ཁྲིད། ལྷན་ཅིག་སྐྱེས་སྦྱོར་གྱི་ཁྲིད། ནཱ་རོ་ཆོས་དྲུག་གི་ཁྲིད། ཆོས་བརྒྱད་མགོ་སྙོམས་ཀྱི་ཁྲིད། གསང་སྤྱོད་ལྡོག་སྒོམ་གྱི་ཁྲིད་དེ་བརྒྱད་དོ། ། |
| ཁྲིད་པ |
འཁྲིད་པའི་འདས་པའི་བྱ་མིང་། |
| ཁྲིད་བཤད |
དཔེ་ཆའི་ཚིག་དོན་དང་ལག་རྩལ་སོགས་ངག་ཐོག་ནས་འགྲེལ་བཤད་བརྒྱབ་པའི་མིང་། |
| ཁྲིད་འདེབས |
དཔེ་ཆ་སོགས་ཀྱི་གོ་དོན་སློབ་པའམ་བརྡ་སྤྲོད་པའི་དོན་ཏེ། (དཔེར་ན།) སློབ་ཕྲུག་རྣམས་ལ་དཔེ་ཆའི་ཚིག་དོན་ཁ་གསལ་གོ་བདེའི་ཁྲིད་འདེབས་བྱེད་པ་ཞེས་པ་ལྟ་བུ། |
| ཁྲིད་ཡིག |
སློབ་ཁྲིད་བྱེད་རྒྱུའི་ཡི་གེའམ་དཔེ་ཆའི་མིང་སྟེ། (དཔེར་ན།) ཁྲིད་ཡིག་ཀུན་བཟང་བླ་མའི་ཞལ་ལུང་ཞེས་པ་ལྟ་བུ། |
| ཁྲིད་སྟོན |
ལམ་ཁྲིད་དམ་སློབ་སྟོན་གྱི་མིང་། |
| ཁྲིམས |
གཏན་ལ་ཕབ་པའི་ལུགས་སྲོལ་དང་ཁྲིམས་ཡིག་གིས་མི་རྣམས་ཀྱི་བྱ་སྤྱོད་སྡོམ་པར་བྱེད་པའི་ཚད་གཞི་སྣ་ཚོགས་ཀྱི་སྤྱི་མིང་ཡིན་ལ། དེའི་ནང་དུ་བཅའ་ཁྲིམས་དང་བཀའ་ཁྲིམས་རྣམས་འདུས་ཡོད། (དཔེར་ན།) ཁྲིམས་དང་མཐུན་པ། ཁྲིམས་འགལ་གྱི་བྱ་བ། ཁྲིམས་ལ་སྦྱར་བ་ཞེས་པ་ལྟ་བུ། |
| ཁྲིམས་ཀྱི་ཁ་ལོ་པ |
(མངོན་བརྗོད།) བློན་པོ། |
| ཁྲིམས་ཀྱི་ཁོལ་པོ |
རྟག་ཏུ་ཁྲིམས་ཀྱི་ལས་བྱེད་མཁན་དང་ནམ་ཡང་ཁྲིམས་དང་འགལ་བའི་མི། |
| ཁྲིམས་ཁང |
ཁྲིམས་གཅོད་ཁང༌མིང་གི་རྣམ་གྲངས་ལ་ཁྲིམས་ཀྱི་ར་བ་དང༌། ཁྲིམས་རྔའི་ཁང་པ། སྒྲ་ལྡན་ཅན། དྲིལ་སྒྲོག་ས་བཅས་སོ། ། |
| ཁྲིམས་གཅོད |
གཏན་འབེབས་ཀྱི་ལུགས་སྲོལ་ལམ་ཁྲིམས་ཡིག་གི་འབྲུ་དོན་ལྟར་ཉེས་ཅན་ལ་བཏང་བའི་ཆད་ལས་ཀྱི་མིང་སྟེ། (དཔེར་ན།) ཉེས་ཆད་གཏོང་བ། ལ་ཁའི་སོ་པ་མ་གཏོགས་ཁྲིམས་གཅོད་ཀྱི་སྟ་རེ་མ་རེད་ཅེས་པ་ལྟ་བུ། |
| ཁྲིམས་གཅོད་ཡུལ |
1.ཁྲིམས་ར།2.ཉེས་ཅན་གྱི་མི། |
| ཁྲིམས་གཅོད་ལས་མཁན |
ཁྲིམས་གཅོད་ཀྱི་ལས་ཀ་ལག་ལེན་སྟར་བའི་མི། |
| ཁྲིམས་གཏམ |
ནག་ཅན་ལ་ཁྲིམས་གཅོད་དུས་བསྒྲག་པའི་གཏམ། |
| ཁྲིམས་གནས |
1.ཁྲིམས་ལ་གནས་པ།2.ཁྲིམས་གཅོད་སའི་གནས་སམ་ཡུལ། |
| ཁྲིམས་ཆད |
ཁྲིམས་དང་འགལ་བའི་ཉེས་ཆད། |
| ཁྲིམས་ཆས |
ཁྲིམས་གཅོད་གཏོང་སྐབས་ཀྱི་ཡོ་བྱད། |
| ཁྲིམས་ཆེན་དྲུག |
མི་སྲོག་མི་གཅོད་པ། གཞན་ནོར་མི་རྐུ་བ། རྫུན་མི་བཤད་པ། ལོག་གཡེམ་མི་སྤྱོད་པ། ཆང་མི་འཐུང་བ་སྟེ་གཏན་ཁྲིམས་ལྔ་དང༌། ཁེང་མི་ལྡོག་པ་བཅས་སྔར་བོད་རྗེ་སྲོང་བཙན་སྒམ་པོས་བཅས་པའི་ཁྲིམས་ཆེན་དྲུག་ཅེས་སུ་གྲགས། |
| ཁྲིམས་ཆེན་བདུན |
མི་སྲོག་མི་གཅོད་པ། གཞན་ནོར་མི་རྐུ་བ། རྫུན་མི་བཤད་པ། ལོག་གཡེམ་མི་སྤྱོད་པ། ཆང་མི་འཐུང་བ་སྟེ་གཏན་ཁྲིམས་ལྔ་དང༌། ཁེང་མི་ལྡོག་པ། བང་སོ་མི་འདྲུ་བ་གཉིས་བཅས་སྔར་བོད་རྗེ་སྲོང་བཙན་སྒམ་པོས་བཅས་པའི་ཁྲིམས་བདུན་ཞེས་སུ་གྲགས། |
| ཁྲིམས་ཉིས་བརྒྱ་ལྔ་བཅུ་རྩ་གསུམ |
དགེ་སློང་ཕའི་བསྲུང་བྱའི་འདུལ་ཁྲིམས་ཀྱི་གྲངས། |
| ཁྲིམས་ཐུ་མོ་ཆེ |
ཁྲིམས་ལུགས་བཙན་པོའམ། ཧ་ཅང་ལྕི་བའི་ཁྲིམས། |
| ཁྲིམས་དཔོན |
ཞལ་ལྕེ་གཅོད་པ་པོ། |
| ཁྲིམས་དུང |
1.ཁྲིམས་གཅོད་དྲག་པོ་གཏོང་སྐབས་འབུད་པའི་དུང༌།2.ཁྲིམས་སར་འཛོམ་བྱེད་ཀྱི་དུང་བརྡ། |
| ཁྲིམས་དེབ |
ཁྲིམས་ལུགས་ཀྱི་ཡིག་ཆ། |
| ཁྲིམས་དྲག་པོ |
1.ཁྲིམས་ལྕི་པོ།2.ལུས་སྲོག་ལ་ཆད་འབེབས་ཀྱི་ཁྲིམས། |
| ཁྲིམས་དྲལ |
ཁྲིམས་བཤིག་པའམ། ཁྲིམས་རྒྱ་དབྲལ་བ། |
| ཁྲིམས་ཕོག |
ཁྲིམས་ཀྱིས་ཉེས་པ་ལུས་དང་རྒྱུ་ཐོག་ཏུ་ཕོག་པ། |
| ཁྲིམས་བདག |
བཀའ་ཁྲིམས་ཀྱི་བདག་པོ། ཁྲིམས་བདག་གོང་ས། |
| ཁྲིམས་བཙུན |
ཚུལ་ཁྲིམས་ལྡན་པའི་བཙུན་པ། |
| ཁྲིམས་བཟོ |
སྒྲིགས་ཁྲིམས་གསར་བཟོ། |
| ཁྲིམས་བརྩི |
བཀའ་ཁྲིམས་དང་ལེན། |
| ཁྲིམས་བཤིག |
ཁྲིམས་ལ་མ་བརྩིས་པར་གཏོར་བ། |
| ཁྲིམས་མཐུན |
ཁྲིམས་ལུགས་དང་མི་འགལ་བ། |
| ཁྲིམས་མཐུན་གཅོད་རྒྱ |
ཁྲིམས་དང་མཐུན་པར་ཐག་གཅོད་བྱས་པའི་ཆོད་གན། |
| ཁྲིམས་མུན |
(མངོན་བརྗོད།) 1>ཁྲིམས་གཅོད་ར་བ། 2>བཙོན་ཁང༌། |
| ཁྲིམས་མེད |
སྲོལ་བཟང་ངམ་མི་ཆོས་ཡ་རབས་ཀྱི་ལུགས་སྲོལ་མེད་པའི་དོན་ཏེ། (དཔེར་ན།) ཡུལ་གྲུ་དེར་ཅི་བྱས་ཀྱང་ཁྲིམས་མེད། ཁྲིམས་མེད་ན་སྤྱི་ཚོགས་ཟ་ཟིང་ཆགས་ཡོང་ཞེས་པ་ལྟ་བུ། |
| ཁྲིམས་མེད་བཙན་ཤེད |
ཁྲིམས་ལུགས་ལ་མི་བརྩི་བར་གཞན་ལ་དབང་ཡོད་ཐུབ་ཚོད་བྱེད་པའི་བྱ་སྤྱོད་ཀྱི་མིང་། |
| ཁྲིམས་མེད་ལུགས་མེད |
ཁྲིམས་དང་ལུགས་སྲོལ་གང་དང་ཡང་མི་མཐུན་པའི་ངན་སྤྱོད་ཚབས་ཆེན་གྱི་མིང་། |
| ཁྲིམས་འགལ |
ཁྲིམས་ལུགས་དང་མི་མཐུན་པའི་སྤྱོད་པ་སྟེ། (དཔེར་ན།) ཁྲིམས་འགལ་ལུགས་འཆོལ། ཁྲིམས་འགལ་ནག་ཅན། ཁྲིམས་འགལ་བྱ་སྤྱོད་ཅེས་པ་ལྟ་བུ། |
| ཁྲིམས་འཇགས |
ཁྲིམས་ཇི་ལྟར་བསྒྲགས་པ་ལྟར་གནས་པ། |
| ཁྲིམས་འཇལ |
ཉེས་ཆད་འཇལ་བ། |
| ཁྲིམས་འཛིན་པ |
ཡུལ་ལུང་ངམ་ཚོགས་སྡེ་སོ་སོའི་གཏན་འབེབས་ལྟར་གྱི་ཁྲིམས་ཡིག་འཛིན་པའི་ལས་མི་སྟེ། (དཔེར་ན།) དགོན་པའི་ཁྲིམས་འཛིན་པ། ཡུལ་གྱི་ཁྲིམས་འཛིན་པ་ཞེས་པ་ལྟ་བུ། |
| ཁྲིམས་ཡིག |
རྒྱལ་ཁབ་ཀྱི་ཁྲིམས་ལུགས་གཏན་ལ་ཕབ་པའི་ཡིག་རིགས། |
| ཁྲིམས་ཡིག་གསུམ |
སྲོང་བཙན་སྒམ་པོའི་སྐབས་ལག་ལེན་བསྟར་བའི་བདེན་རྫུན་དབྱེ་འབྱེད་ཀྱི་ཞལ་ལྕེ་ཁག་གསུམ་སྟེ། མདོ་ལོན་ཞུ་བཅད་ཀྱི་ཁྲིམས་དང༌། དབང་ཆེན་བཅད་ཀྱི་སྤྱི་ཁྲིམས། ཁབ་སོ་ནང་པའི་ཁྲིམས་བཅས་སོ། ། |
| ཁྲིམས་ཡིག་དྭངས་ཤེལ་མེ་ལོང |
རབ་བྱུང་བཅུ་གཅིག་པའི་ལྕགས་བྱ་ལོ་སྟེ་སྤྱི་ལོ་ ༡༦༨༡ ལོར་སྡེ་སྲིད་སངས་རྒྱས་རྒྱ་མཚོས་བརྩམས་པའི་ཁྲིམས་ཡིག་སྐོར་གྱི་དཔེ་དེབ་ཅིག |
| ཁྲིམས་ཡིག་དྲུག |
ཁྲི་རྩེ་འབུམ་བཞེར་གྱི་ཁྲིམས་དང༌། འབུམ་གསེར་ཐོག་ཤ་བ་ཅན་གྱི་ཁྲིམས། རྒྱལ་ཁམས་དཔེར་བླངས་ཀྱི་ཁྲིམས། མདོ་ལོན་ཞུ་བཅད་ཀྱི་ཁྲིམས། དབང་ཆེན་བཅད་ཀྱི་སྤྱི་ཁྲིམས། ཁབ་སོ་ནང་པའི་ཁྲིམས་ཏེ་སྲོང་བཙན་སྒམ་པོས་བོད་དུ་ལག་ལེན་བསྟར་བའི་རྩ་བའི་བཀའ་ཁྲིམས་དྲུག |
| ཁྲིམས་ར |
ཁྲིམས་ཁང་གིས་བཙུགས་པའི་ལས་ཁུངས་ཤིག་སྟེ། གཙོ་བོར་ཁྲིམས་ལ་ཞིབ་བཤེར་དང་ཞིབ་བརྟག་བྱེད་པའི་འགན་ཁུར་ཡོད། |
| ཁྲིམས་རྐུན་ལྐོག་བརྡུངས |
ཁྲིམས་ལུགས་ཁ་ཁྱེར་གྱི་སྒོ་ནས་གཞན་ལ་ལྐོག་བརྙས་མནར་བརྡུངས་བྱེད་པའི་བྱ་སྤྱོད་ཀྱི་མིང་། |
| ཁྲིམས་རྒྱུན |
ཁྲིམས་སྲོལ། |
| ཁྲིམས་རྔ |
སྔར་ནག་ཅན་ལ་ཁྲིམས་གཅོད་དུས་རྡུང་བའི་རྔ། |
| ཁྲིམས་རྔའི་ཁང་པ |
(མངོན་བརྗོད།) ཁྲིམས་ཁང༌། |
| ཁྲིམས་རྩ |
ཁྲིམས་ལུགས་ཀྱི་རྩ་བའི་གཞུང་ལུགས་སམ་རྩ་ཚིག་སྟེ། (དཔེར་ན།) ཁྲིམས་རྩ་བྲག་རི་ལས་ནན་པ། ཁྲིམས་གཞུག་མདའ་མོ་ལས་སྲོང་བ་ཞེས་པ་ལྟ་བུ། |
| ཁྲིམས་ལུགས |
ཁྲིམས་ཀྱི་ལུགས་སྲོལ་གྱི་བསྡུས་མིང་། |
| ཁྲིམས་ལྡན |
ཚུལ་ལྡན་ནམ། ཁྲིམས་མཐུན། |
| ཁྲིམས་ལྷོད |
ཚུལ་ཁྲིམས་སམ། ཡུལ་ཁྲིམས་དམ་པོ་མིན་པ། |
| ཁྲིམས་ས |
ཁྲིམས་ཁང་གི་དོན་ཏེ། (དཔེར་ན།) ཁྲིམས་ས་གོང་མ། ཁྲིམས་ས་ལ་སོང་ནས་གྱོད་བཤད་ལྟ་བུ། |
| ཁྲིམས་ས་བར་གཅོད |
ཁྲིམས་ཁང་ནས་ཐག་གཅོད་དགོས་ངེས་ཀྱི་གྱོད་དོན་དེ་འོག་ནས་ཁྲིམས་འགལ་གྱིས་ཐག་གཅོད་བྱས་པའི་དོན། |
| ཁྲིམས་ས་ཚོད་ལོངས |
ཁྲིམས་ལ་མཐོང་ཆུང་བྱེད་པ། |
| ཁྲིམས་སུམ་བརྒྱ་དྲུག་ཅུ |
དགེ་སློང་མའི་བསྲུང་བྱའི་འདུལ་ཁྲིམས་ཀྱི་གྲངས། |
| ཁྲིམས་སྡོམ་པ |
1.ཁྲིམས་བཟོ་བ། 2.ཁྲིམས་ལྟར་མི་རྣམས་ཀྱི་བྱ་སྤྱོད་ལ་སྟངས་འཛིན་ཤུགས་དྲག་བྱེད་པ། |
| ཁྲིམས་སྦྱོར |
ཁྲིམས་ལ་སྦྱོར་བའི་བསྡུས་ཚིག |
| ཁྲིམས་སྲུང |
ཚུལ་ཁྲིམས་སམ་ཡུལ་ཁྲིམས་བརྩི་སྲུང༌། |
| ཁྲིམས་སྲོལ |
ཁྲིམས་ཀྱི་ལུགས་སྲོལ་གྱི་བསྡུས་ཚིག |
| ཁྲིའུ |
འདུག་སྟེགས་ཆུང་ངུའི་མིང་། |
| ཁྲིའུ་ཁྱོགས |
ཕེབས་ཁྲིའམ། འགྱོགས་ཁྲི། |
| ཁྲིའུ་ཤིང |
རྐུབ་སྟེགས། |
| ཁྲིལ |
འཁྲིལ་གྱི་འབྲི་ཚུལ་གཞན། |
| ཁྲིས |
རྐང་དང་ཉག་མའི་དོན་ཏེ། (དཔེར་ན།) སྐ་རགས་ཁྲིས་གཅིག་ཅེས་པ་ལྟ་བུ། |
| ཁྲིས་སྐུད |
གྱོན་པའི་མཐར་གཏོང་རྒྱུའི་སྐུད་པ་བསླས་མ། |
| ཁྲུ |
1.གྲུ་མོའི་སྣེ་ནས་མཐེབ་ཆུང་རྩ་བའི་ཚིགས་བར་གྱི་ཆ་ཤས་དེ་ལ་བསྐུམས་ཁྲུ་གང་དང༌། གྲུ་མོའི་སྣེ་ནས་གུང་མཛུབ་ཀྱི་རྩེ་མོ་བར་གྱི་ཆ་ཤས་དེ་ལ་བརྐྱངས་ཁྲུ་གང་ཞེས་ཟེར་བས། སྔ་མ་ལ་སོར་ཉི་ཤུ་དང༌། ཕྱི་མ་ལ་སོར་ཉེར་བཞི་མཆིས་སོ། །2.འདུལ་བ་ལས་གསལ་བ་ལྟར་ན་རང་གི་ལུས་ཀྱི་སྤྱི་གཙུག་ནས་རྐང་མཐིལ་གྱི་བར་དུམ་བུ་བདུན་དུ་བཏང་བའི་དུམ་བུ་གཉིས་ཀྱི་རིང་ཚད་ཅིག |
| ཁྲུ་གང་ཁོར་ཡུག |
ཁྲུ་གང་གྲུ་བཞི་པ། |
| ཁྲུ་ཐིལ |
(རྒྱ་སྐད།) ཆ་སྒམ་སྒྲོག་ཙེ་སོགས་ཀྱི་ལོགས་ངོས་དངོས་པོ་འཇུག་སྣོད། |
| ཁྲུ་འཇལ |
རས་དང་གོ་ལྤགས་སོགས་ཁྲུ་ཚད་ལེན་པ། |
| ཁྲུ་སློག་པ |
ཕྲུ་སློག་པ་དང་འདྲ། |
| ཁྲུང |
ཆང་གི་བརྡ་རྙིང་། |
| ཁྲུང་ཁྲུང |
བྱ་ཁྲུང་ཁྲུང༌གི་མིང་སྟེ། (དཔེར་ན།) ཁྲུང་ཁྲུང་དཀར་ཡང་མཇུག་རྩེ་ནག་ཅེས་པ་ལྟ་བུ། མིང་གི་རྣམ་གྲངས་ལ་ཀྲུང་ཀྲུང་དང༌། མགྲིན་རིང༌། མཇུག་ནག་མིག་སྨན་མཇུག་ཅན་བཅས་སོ། ། |
| ཁྲུང་ཁྲུང་ཁ་སྤྲོད |
བྱ་ཁྲུང་ཁྲུང་གཉིས་གདོང་སྤྲོད་ཀྱི་རི་མོ། |
| ཁྲུང་བན |
ཆང་སྣོད། |
| ཁྲུང་བན་རྟ་མགོ་མ |
ཆོས་རྒྱལ་སྲོང་བཙན་སྒམ་པོའི་སྐྱེམས་ཆང་བླུག་སྣོད། རྗེ་ཙོང་ཁ་པས་ས་འོག་ནས་བཏོན་ཏེ་ལྷ་ལྡན་གཙུག་ལག་ཁང་གི་སྲོང་བཙན་སྒམ་པོའི་སྐུ་མདུན་ལ་བཤམས་པ་ཞིག |
| ཁྲུང་མ |
ཆང་མ། |
| ཁྲུང་ཞུ་མ |
ཆང་འདྲེན་མཁན་གཡོག་མོ། |
| ཁྲུང་རིན |
ཆང་རིན། |
| ཁྲུང་ས |
1.ཆང་འཐུང་སའི་གནས།2.ཆང་ས་སྟེ་གཉེན་སྒྲིག་བྱེད་སྒོ། |
| ཁྲུད་མ |
1.བཀྲུ་བཤལ་བྱེད་པའི་མིང༌སྟེ། (དཔེར་ན།) ནས་ལ་ཁྲུད་མ་བརྒྱབ་ནས་ཉི་མར་བསྐམས།2.དྲི་མ་བཀྲུས་པའི་ཆུ་སྙིགས། |
| ཁྲུན |
1.དབྱེ་བའམ་ཤན་གྱི་དོན་ཏེ། (དཔེར་ན།) རྒྱལ་ཕམ་གྱི་ཁྲུན་གཅོད་པ། བདེན་རྫུན་གང་ཡིན་གྱི་ཁྲུན་འབྱེད་པ།2.དཀྱུས་སམ། སྲིད་དམ། འཕང་ངམ། དཔངས་ཀྱི་ཚད་དེ། (དཔེར་ན།) ཁྲུན་མཐོ་བ། ཁྲུན་རིང་བ་ཞེས་པ་ལྟ་བུ། |
| ཁྲུན་ཐག |
ཁོ་ཐག་དང་དོན་འདྲ་སྟེ། (དཔེར་ན།) ཁྲུན་ཐག་མ་བཅད་ལྟ་བུ། |
| ཁྲུམ་ཁྲུམ |
(རྒྱན་ཚིག) རྟ་དྲེལ་གྱིས་སྲན་མ་ཟ་བ་ལྟ་བུའི་སྒྲ་སྟེ། (དཔེར་ན།) རྟས་སྲན་མ་ཁྲུམ་ཁྲུམ་ཟ། ཁྱིས་རུས་པ་ཁྲུམ་ཁྲུམ་འཆའ་ལྟ་བུ། |
| ཁྲུམས |
རྒྱུ་སྐར་ཁྲུམས་སྟོད་དང་ཁྲུམས་སྨད་གཉིས་ཀྱི་སྤྱི་མིང༌། |
| ཁྲུམས་ཞག |
ལོག་ཞག་ཉེར་བཞི་དང་བྱ་ཞག་བཞི་བཅུ་རྫོགས་རྗེས་སུ་ཁྲུམས་ཞག་བཅུ་གཉིས་བརྩི་བྱ་ཞག་རྫོགས་རྗེས་གཙང་གི་ཁྲུམས་ཞག་བརྩི་ཞེས་པ་ལྟར་རོ། ། |
| ཁྲུམས་ཟླ |
ཁྲུམས་སྟོད་ཟླ་བའི་བསྡུས་མིང་། ཧོར་ཟླ་བདུན་པའི་བཅུ་དྲུག་ནས་བརྒྱད་པའི་བཅོ་ལྔའི་བར་དུ་ཁྲུམས་སྟོད་ཟླ་བ་ཟེར། |
| ཁྲུམས་སྟོད |
རྒྱུ་སྐར་ཉི་ཤུ་རྩ་བརྒྱད་ཀྱི་ནང་ཚན་ཞིག མིང་གི་རྣམ་གྲངས་ལ་བྱ་མཆུ་དང༌། ར་ཡི་ལྷ་མོ། གནས་མེ་བཅས་སོ། ། |
| ཁྲུམས་སྟོད་ཟླ་བ |
བོད་རྩིས་ཀྱི་ཟླ་བ་བརྒྱད་པའི་མིང་ཡིན་ལ། བོད་རྩིས་ཀྱི་ཟླ་བ་དང་པོ་ནས་བཅུ་གཉིས་པའི་བར་རིམ་པ་བཞིན་དུ། 1མཆུ་ཟླ་བ། 2 དབོ་ཟླ་བ། 3 ནག་པ་ཟླ་བ། 4 ས་ག་ཟླ་བ། 5 སྣྲོན་ཟླ་བ། 6 ཆུ་སྟོད་ཟླ་བ། 7 གྲོ་བཞིན་ཟླ་བ། 8 ཁྲུམས་སྟོད་ཟླ་བ། 9 དབྱུ་གུ་ཟླ་བ། 10 སྨིན་དྲུག་ཟླ་བ། 11 མགོ་ཟླ་བ། 12 རྒྱལ་ཟླ་བ་བཅས་ཡིན། དེ་ཡང་བོད་རྩིས་ཀྱི་ཟླ་དེ་དག་གི་ཚེས་བཅོ་ལྔའི་ཟླ་བ་སྐར་ཚོགས་དེ་དག་དང་མཉམ་དུ་འཆར་ནུབ་བྱེད་པའི་རྒྱུ་མཚན་གྱིས་ཟླ་བའི་མིང་ལའང་དེ་ལྟར་བཏགས་པ་ཡིན། དཔེར་ན་བོད་རྩིས་ཀྱི་ཟླ་བ་བཅུ་པ་སྨིན་དྲུག་ཟླ་བའི་ཚེས་བཅོ་ལྔའི་ཟླ་བ་སྐར་མ་སྨིན་དྲུག་དང་མཉམ་དུ་འཆར་ནུབ་བྱེད་པ་ང་ཚོས་ཤའི་མིག་གིས་མངོན་སུམ་དུ་མཐོང་ཐུབ་པ་ལྟ་བུའོ། ། |
| ཁྲུམས་སྨད |
རྒྱུ་སྐར་ཉི་ཤུ་རྩ་བརྒྱད་ཀྱི་ནང་ཚན་ཞིག མིང་གི་རྣམ་གྲངས་ལ་ཨུཏྟ་ར་དང༌། བྷ་དྲ་པཱ། ཟེའུ་འཆིང་བཅས་སོ། ། |
| ཁྲུའུ་རྩེ |
(རྒྱ་སྐད།) སྟོང་སྐུད་ལས་བཏགས་པའི་དར་རིགས་ཤིག |
| ཁྲུལ |
1.དངོས་རྫས་སོ་སོར་བྲལ་བའི་རྡོག་པོའི་མིང་སྟེ། (དཔེར་ན།) ཤིང་ཁྲུལ་བ གོ་རེ་ཁྲུལ་བ། ཟས་ཁྲུལ། ཤ་ཁྲུལ་ཞེས་པ་ལྟ་བུ། 2.(བྱེད་མེད་ལས་ཚིག) རྡོག་པོར་ཐོར་བའི་དོན་ཏེ། (དཔེར་ན།) མཆི་མ་ཁྲུལ། ཤིང་ལོ་ས་ལ་ཁྲུལ་ཞེས་པ་ལྟ་བུ། |
| ཁྲུས |
1.འཁྲུད་པའི་སྐུལ་ཚིག 2. ཁྲུས་ཀྱི་མིང༌སྟེ། (དཔེར་ན།) གཟུགས་པོ་ལ་ཁྲུས་རྒྱག་པ་ཞེས་པ་ལྟ་བུ། |
| ཁྲུས |
བཀྲུ་བའི་བྱ་བའི་མིང་སྟེ། (དཔེར་ན།) ཁྲུས་ཆུ། ཁྲུས་ཁང་། ཁྲུས་གཞོང་ཞེས་པ་ལྟ་བུ། |
| ཁྲུས་ཀྱི་བརྟུལ་ཞུགས |
(མངོན་བརྗོད།) དྲང་སྲོང༌། |
| ཁྲུས་ཁང |
ཁྲུས་བྱེད་སའི་ཁང་པ། |
| ཁྲུས་གཞོང |
1.ལུས་འཁྲུད་སའི་གཞོང་པ།2.ཁྲུས་གསོལ་སྐབས་ཀྱི་འབབ་གཞོང༌། |
| ཁྲུས་གསུམ་བྱེད་པ |
བྱ་རྒྱུད་ཀྱི་སྤྱོད་པ་ཕྱིའི་ཁྲུས་ཡན་ལག་ལྔ་ཁྲུས། ནང་གི་ཁྲུས་རྩ་ལྟུང་དག་པར་བྱེད་པ། གསང་པའི་ཁྲུས་མཚན་རྟོག་དག་པར་བྱེད་པའོ། ། |
| ཁྲུས་གསོལ |
སྐུ་ཁྲུས་འབུལ་པ། |
| ཁྲུས་ཆལ |
འདག་རྫས་སམ། ཁྲུས་རྫས། |
| ཁྲུས་ཆུ |
1.གཟུགས་པོ་འཁྲུད་བྱེད་ཀྱི་ཆུ།2.ལྷ་རྟེན་ལ་ཁྲུས་གསོལ་བྱས་པའི་ཆུ། |
| ཁྲུས་དར |
ལྷ་རྟེན་ལ་ཁྲུས་གསོལ་བྱེད་སྐབས་སྐུ་ཕྱི་བར་བྱེད་པའི་དར་གོས། |
| ཁྲུས་བཤལ |
ཆུས་དྲི་མ་བཤལ་བ། |
| ཁྲུས་བུམ |
ཁྲུས་གསོལ་སོགས་བྱེད་པའི་ཡོ་བྱད་བུམ་པ། |
| ཁྲུས་བྱ་བ |
ཕྱི་འཇུག་གི་ནང་གསེས། དབང་གི་དཀྱིལ་འཁོར་དུ་མ་ཞུགས་པའི་སྔོན་དུ་སློབ་མ་རྣམས་ཕྱི་རོལ་དུ་ལས་བུམ་གྱི་ཆུས་བཀྲུ་བའོ། ། |
| ཁྲུས་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཚ་བའི་དུས་ཟླ་བ་གསུམ་དང༌། ནད་ལ་ཕན་པ་སོགས་གནང་བའི་དུས་མ་ཡིན་པར་སྔར་ཁྲུས་བྱས་ནས་ཟླ་བ་ཕྱེད་མ་འདས་པའི་སྔ་རོལ་དུ་རང་དགར་ཁྲུས་བྱེད་པའོ། ། |
| ཁྲུས་མ |
ཁྲུད་མ་དང་འདྲ། |
| ཁྲུས་མཁན |
(མངོན་བརྗོད།) ཞུམ་བུའམ་བྱི་ལ། |
| ཁྲུས་རས |
ཁྲུས་རྒྱག་སྐབས་འབྱིད་བྱེད་དང་གྱོན་རྒྱུའི་རས། |
| ཁྲུས་རྩི |
འདག་རྫས། |
| ཁྲུས་རྩྭ |
(མངོན་བརྗོད།) དག་བྱེད་རྫས་རྩྭ་ཀུ་ཤ |
| ཁྲུས་རྫས |
འདག་རྫས། |
| ཁྲུས་རྫིང |
ཁྲུས་རྒྱག་སའི་ཆུ་རྫིང༌། |
| ཁྲུས་སྡེར |
ལྷ་རྟེན་ལ་ཁྲུས་གསོལ་སྐབས་ཀྱི་འབབ་གཞོང༌། |
| ཁྲེ |
ལོ་ཏོག་ཅིག་གི་མིང་སྟེ། (དཔེར་ན།) སྙེ་མ་བྱི་ལའི་མཇུག་མའི་དབྱིབས་དང་འདྲ་ལ་ལོ་མའི་མདོག་ཅུང་ཟད་དམར་ནག་ཡིན། འབྲུ་རྡོག་ཤུན་པ་བགྲུས་རྗེས་ཡུལ་སྐད་དུ་དྲུ་མ་ཟེར་ཞིང་། ཐུག་པ་བསྐོལ་ནས་ཟས་སུ་བྱེད་ཆོག རྩྭས་ཕྱུགས་གསོ་ཆོག རྒྱ་སྐད་དུ་ཀོའུ་ཙི་ཟེར། |
| ཁྲེ་རྒོད |
ལོ་ཏོག་ཅིག་གི་མིང་། རྒྱ་སྐད་དུ་ཀོ་ལེང་ཟེར། |
| ཁྲེ་རྩེ |
(རྒྱ་སྐད།) ཐིག་ཚད་འཇལ་བྱེད། |
| ཁྲེ་ལོག་ལོག་བྱེད |
(རྒྱན་ཚིག) ལུས་ཀྱིས་འགྲེ་ལྡོག་བྱེད་སྟངས་ཤིག་སྟེ། (དཔེར་ན།) ངུ་ཞིང་འགྱེལ་ནས་ཁྲེ་ལོག་ལོག་བྱེད་ཅིང་འདུག་ཅེས་པ་ལྟ་བུ། |
| ཁྲེགས་ཆོད |
(བརྡ་རྙིང་།) 1.སྔ་འགྱུར་བའི་ལྷག་མཐོང་གི་བརྡ་ཆད།2.ཀ་དག་ཁྲེགས་ཆོད་ཀྱི་བསྡུས་ཚིག |
| ཁྲེགས་པ |
(བརྡ་རྙིང་།) མཁྲེགས་པ། |
| ཁྲེད་ཁྲེད |
(རྒྱན་ཚིག) དྭངས་གསལ་མེད་པའི་དོན་ཏེ། (དཔེར་ན།) མདོག་དམར་ཁྲེད་ཁྲེད། ནག་ཁྲེད་ཁྲེད། སྔོ་ཁྲེད་ཁྲེད་བྱེད་ཅེས་པ་ལྟ་བུ། |
| ཁྲེན |
སྐྱོན་གྱི་བརྡ་རྙིང་། |
| ཁྲེམ་གཉེར |
བྱིས་པའི་གཉེར་མའི་མིང་སྟེ། གཞོན་གཉེར་རམ་ཞོ་གཉེར་ཡང་ཟེར། ཆུའི་གཉེར་མ་ལའང་འཇུག་པར་བཤད། |
| ཁྲེམ་མེ་བ |
(རྒྱན་ཚིག) འོད་འཚེར་བའི་རྣམ་པ་སྟེ། (དཔེར་ན།) མེ་ལོང་འོད་ཁྲེམ་མེ་བ་ཞེས་པ་ལྟ་བུ། |
| ཁྲེམས་པ |
(བྱེད་མེད་ལས་ཚིག) ཐིམ་པ་དང་སིམ་པའི་དོན་ཏེ། (དཔེར་ན།) ཞིང་གི་ནང་དུ་ཆུ་ཁྲེམས་པ་ཞེས་པ་ལྟ་བུ། |
| ཁྲེའུ |
(བརྡ་རྙིང་།) གདན་ཁྲ་བོ། |
| ཁྲེའུ་ཚེ |
སྟན་ཁ་དོག་ཅན། |
| ཁྲེལ |
1.ཉེས་སྤྱོད་ལ་འཛེམ་པའི་བསམ་པ་དང་བྱ་སྤྱོད་ཀྱི་མིང་སྟེ། (དཔེར་ན།) ཁྲེལ་ཡོད ཁྲེལ་མེད། ཁྲེལ་གཞུང་ཅན། ཁྲེལ་མེད་ལུགས་མེད་ཅེས་པ་ལྟ་བུ། 2.(བྱེད་མེད་ལས་ཚིག) རེ་བ་ཆད་པ་དང་ཞེན་པ་ལོག་པའི་དོན་ཏེ། (དཔེར་ན།) སེམས་མ་ཁྲེལ། ཐུགས་མ་ཁྲེལ་ཞེས་པ་ལྟ་བུ། |
| ཁྲེལ་གདོང |
ངོ་ཚ་བའི་རྣམ་འགྱུར་གྱི་གདོང༌། |
| ཁྲེལ་གཞུང |
གཞན་ཁྲེལ་དོགས་ཀྱི་འཛེམ་བག |
| ཁྲེལ་དགོད |
ཁྲེལ་རྒོད་དང་འདྲ། |
| ཁྲེལ་དོགས |
གཞན་ཞེ་ཁྲེལ་བའི་དོགས་པ། |
| ཁྲེལ་བ |
(བྱེད་མེད་ལས་ཚིག) གཞན་རྒྱུ་མཚན་དུ་བྱས་ནས་ཉེས་སྤྱོད་ལ་འཛེམ་པ་སྟེ། (དཔེར་ན།) ཉེས་སྤྱོད་ལ་ཁྲེལ་བ། མི་འོས་པའི་ཆེ་ཐབས་དེ་སྐྱེ་བོ་ཁྲེལ་བའི་རྒྱུ་རུ་འགྱུར་ཞེས་པ་ལྟ་བུ། |
| ཁྲེལ་བག |
ཁྲེལ་གཞུང་དང་བག་ཡོད་ཀྱི་བསྡུས་ཚིག |
| ཁྲེལ་བགད |
ཁྲེལ་རྒོད་དང་འདྲ། |
| ཁྲེལ་བལྟས |
ཁྲེལ་བའི་རྣམ་འགྱུར་གྱི་ལྟ་སྟངས། |
| ཁྲེལ་བོར |
ཞེ་ཁྲེལ་དོགས་ལ་མི་ལྟ་བ། |
| ཁྲེལ་མེད |
1.གཞན་རྒྱུ་མཚན་དུ་བྱས་ཏེ་ཉེས་པ་ལ་འཛེམ་པ་མེད་པར་འཇུག་པ་སྟེ། སྤྱོད་ངན་ལ་གཞན་གྱིས་ཁྲེལ་དོགས་མི་བྱེད་པ།2.ཉེ་ཉོན་ཉི་ཤུའི་ནང་གསེས་ཤིག |
| ཁྲེལ་མེད་ལུགས་མེད |
ཁྲེལ་ངོ་ཚ་མེད་པ་དང༌། ལུགས་སྲོལ་ལ་མེད་པའི་དོན་ཏེ། (དཔེར་ན།) ཁྲེལ་མེད་ལུགས་མེད་ཀྱི་སྤྱོད་ངན་ཞེས་པ་ལྟ་བུ། |
| ཁྲེལ་འདེབས་པ |
གཞན་སྐྱོན་གྱི་རྣམ་གྲངས་ར་སྤྲོད་པའི་དོན་ཏེ། (དཔེར་ན།) སྔར་གྱི་བྱས་ཉེས་ལ་ཁྲེལ་འདེབས་པ་དང་བཅས་ཕྱིན་ཆད་ལེགས་བཅོས་དགོས་པའི་བསླབ་བྱ་གཏོང་ལྟ་བུ། |
| ཁྲེལ་ཡོད |
1.གཞན་ནམ་འཇིག་རྟེན་རྒྱུ་མཚན་དུ་བྱས་ནས་ཉེས་པ་ལ་འཛེམ་པའི་ལས་ཅན་ཏེ། སྤྱོད་ངན་ལ་གཞན་གྱིས་ཁྲེལ་དོགས་བྱེད་པ། དགེ་བའི་སེམས་བྱུང་བཅུ་གཅིག་གི་གྲས་ཤིག 2.ངོ་ཚ་ཁྲེལ་ཡོད་ཀྱི་མི། |
| ཁྲེལ་ཡོད་པའི་ནོར |
འཕགས་ནོར་བདུན་གྱི་ནང་གསེས། གཞན་ངོར་ལྟོས་ཏེ་ཁ་ན་མ་ཐོ་བ་འཛེམ་པ་སྟེ། དགེ་བའི་ཆོས་རྣམས་སྲུང་ཞིང་ཉེས་པའི་ཚོགས་བཟློག་པར་བྱེད་པས་བློན་པོ་རིན་ཆེ་དང་ཆོས་མཚུངས་པའོ། ། |
| ཁྲེལ་རྒོད |
མ་རངས་པར་འཕྱ་བའི་གད་མོ་སྟེ། (དཔེར་ན།) གཞན་སྐྱོན་མཐོང་དུས་ཁྲེལ་རྒོད་བྱེད་པ་ཙམ་དུ་མ་འཇོག མི་ཚོ་ཁྲེལ་རྒོད་ཤོར་བ། འཕྲལ་དུ་ཁས་བླངས་ཕུགས་སུ་བསྐྱུར། བདུད་ཀྱང་ཁྲེལ་རྒོད་བྱེད་པ་མཐོང༌ཞེས་པ་ལྟ་བུ། |
| ཁྲེལ་ཤེས |
གཞན་གྱིས་ཁྲེལ་ཡོང་སྙམ་དུ་བསམ་ཤེས་པའི་དོན་ཏེ། (དཔེར་ན།) རྟག་ཏུ་བག་ཡོད་ཁྲེལ་ཤེས་ཀྱི་སྒོ་ནས་རང་གི་སྤྱོད་ལམ་ལ་ཞིབ་དཔྱད་བྱེད་པ་ཞེས་པ་ལྟ་བུ། |
| ཁྲེས |
1.རྩྭ་ལས་བྱས་པའི་སྟན།2.(བརྡ་རྙིང་།) ཆ་ཚང་ངམ་ཀུན་གྱི་དོན་ཏེ། ཁྲེས་པོ་ལ་ལྟོས། |
| ཁྲེས་ཁུར |
ཁུར་པོའམ། ཁུར་ཙ། རྡོག་ཁྲེས། |
| ཁྲེས་ཁྲེས་སུ་ན་བ |
ཟུག་རྔུས་བརྒྱལ་བ་བཞིན་དུ་ན་བ། |
| ཁྲེས་པོ |
ཁུར་པོ་དང་འདྲ་སྟེ། (དཔེར་ན།) སྒལ་པར་ཁྲེས་པོ་ཁྱེར་བ། ཐག་པས་ཁྲེས་པོ་འདྲག་ཅེས་པ་ལྟ་བུ། |
| ཁྲེས་པོ་འཁུར་མཁན |
ཁུར་པོ་འཁུར་བ་པོ། མིང་གི་རྣམ་གྲངས་ལ་ཁུར་འདྲེན་པ་དང༌། ཁུར་བ། ཁུར་རྩལ་བ། རྒྱབ་ཀྱིས་ཐེག་པ་བཅས་སོ། ། |
| ཁྲོ |
1.ཞུན་བདར་མ་བཅད་པའི་ལྕགས་རིགས།2.ཁྲོ་ལས་བཟོས་པའི་སྣོད་དེ། (དཔེར་ན།) ཚོགས་ཁྲོ། ཇ་ཁྲོ། ཐུག་ཁྲོ། དཀྱིལ་ཁྲོ་ཞེས་པ་ལྟ་བུ། 3.ཁྲོས་ཀྱི་མ་འོངས་པ་དང་ད་ལྟ་བ།4.ཁྲོ་བོ་ཞེས་པའི་ཚིག་བསྡུས་པ། |
| ཁྲོ་ཁང |
དཀྱིལ་འཁོར་གྱི་སྒོ་སྲུང་ཁྲོ་བོ་བཞུགས་ཁང༌། |
| ཁྲོ་གཉེར |
ཁྲོ་བའི་གཉེར་མ་སྟེ་ཁྲོས་པའི་གདོང་གི་གཉེར་མ། (དཔེར་ན།) སྙིང་ནས་མི་དགའ་བ་ཡིན་ཡང་གདོང་དུ་ཁྲོ་གཉེར་མི་འདོན། ཁྲོ་གཉེར་བསྡུས་ཏེ་ཚིག་རྩུབ་མོས་བསྡིགས་ཤིང་སྨོད་པར་བྱེད་ཅེས་པ་ལྟ་བུ། |
| ཁྲོ་གཉེར་ཅན་མ |
ཡི་དམ་སྒྲོལ་མའི་བྱེ་བྲག་ཅིག |
| ཁྲོ་གཏུམ |
1.ཁོང་ཁྲོ་དྲག་པོ་ཞེ་སྡང་གི་ཁྲོ་གཏུམ་མི་བཟོད་པ་འབར་བ།2.མདོ་སྨད་ཁྲོ་ཆུའི་ཡུལ་གྱི་ལ་ཞིག |
| ཁྲོ་ངར |
ཁོང་ཁྲོའི་ངར་ཤུགས། |
| ཁྲོ་ཆུ |
1.བཞུས་ནས་ཆུ་ལྟར་འཁོལ་བའི་ཁྲོ་ལྕགས་ཀྱི་ཁུ་བ་སྟེ། (དཔེར་ན།) ལུགས་ཀོང་ཁྲོ་ཆུས་གང་ཞེས་པ་ལྟ་བུ། 2.ཟུང་ཆུའི་ཆུ་རྒྱུད་ཀྱི་ཡན་ལག་ཅིག་སྟེ། དེ་དམུ་དགེའི་ཆུ་དང་གཅིག་ཏུ་འདྲེས་ནས་མཐར་རྨིན་ཅང་གཙང་པོར་འབབ།3.མདོ་སྨད་ཀྱི་ས་ཁུལ་ཞིག་སྟེ། ཁྲོ་ཆུའི་ལྷོ་འགྲམ་དུ་ཡོད། |
| ཁྲོ་ཉམས |
རྔམ་བརྗིད་དམ། ཚིག་པ་ཟ་བའི་རྣམ་འགྱུར། |
| ཁྲོ་ཐབ |
ཁྲོ་ལས་བཟོས་པའི་མེ་ཐབ་སྟེ། (དཔེར་ན།) རྡོ་སོལ་འབུད་སའི་ཁྲོ་ཐབ་ཅེས་པ་ལྟ་བུ། |
| ཁྲོ་དཀར |
འཁར་བའམ། ཟངས་དཀར། |
| ཁྲོ་ནག |
ལྕགས་རིགས་ཁྲོ་ནག་པོ། |
| ཁྲོ་ཕུ་དགོན་པ |
ཕག་གྲུའི་ཡང་སློབ་བྱམས་པ་དཔལ་གྱིས་ཕྱག་བཏབ་པའི་དགོན་པ་གཙང་ཤབ་གཞུང་གི་ཤར་རྒྱུད་དུ་ཡོད། |
| ཁྲོ་ཕུ་བཀའ་བརྒྱུད |
འགྲོ་མགོན་ཕག་མོ་གྲུ་པའི་སློབ་མ་རིན་པོ་ཆེ་རྒྱལ་ཚ་དང་དེའི་སློབ་མ་ཁྲོ་ཕུ་ལོ་ཙཱ་བ་བྱམས་པ་དཔལ་བཅས་ནས་བརྒྱུད་པའི་བཀའ་བརྒྱུད། |
| ཁྲོ་ཕུ་ལོ་ཙཱ་བ་བྱམས་པ་དཔལ |
རིན་པོ་ཆེ་རྒྱལ་ཚ་དང་ཀུན་ལྡན་རས་པ་སྐུ་མཆེད་ཀྱི་དབོན་པོ་འདི་རབ་བྱུང་གསུམ་པའི་ཆུ་སྤྲུལ་ལོར་འཁྲུངས། དགུང་ལོ་ཉི་ཤུ་པ་ནས་ཞང་དགེ་བ་ལས་སྒྲ་རིག་པ་མཐར་ཕྱིན་སྦྱངས་ཏེ་ལོ་ཙཱ་བ་གྲགས་ཅན་དུ་གྱུར། ཉེར་བཞི་པ་ལ་བལ་ཡུལ་དུ་བྱོན། ཁ་ཆེ་པཎ་ཆེན་བུདྡྷཤྲི་ལས་མདོ་སྔགས་ཀྱི་གདམས་པ་མང་དུ་གསན། སྔ་རྟིང་དུ་མི་ཏྲ་ཛོ་གེ་དང༌། ཤཱཀྱཤྲིབྷདྲ། བུདྡྷཤྲི་སོགས་པཎྜིཏ་དུ་མ་ཁྲོ་ཕུར་སྤྱན་དྲངས། ཡུལ་འཁོར་རྣམས་སུ་འཆད་ཉན་མཛད། ཁྲོ་ཕུ་དགོན་པར་བྱམས་ཆེན་ཁྲུ་བརྒྱད་ཅུ་པ་བཞེངས། སྲས་སེམས་པ་ཆེན་པོ་བྱུང༌། དེའི་ཡང་སློབ་ཏུ་བུ་སྟོན་རིན་པོ་ཆེ་བྱོན། རབ་བྱུང་བཞི་པའི་ཤིང་བྱ་ལ་འདས། དེའི་སློབ་མ་དག་ལས་རིམ་པར་བརྒྱུད་པ་རྣམས་ལ་ཁྲོ་ཕུ་བཀའ་བརྒྱུད་ཅེས་གྲགས། |
| ཁྲོ་བ |
1. (བྱེད་མེད་ལས་ཚིག) ཁོང་ཁྲོ་འཕེལ་བའམ་སྐྱེས་པའི་དོན་ཏེ། (དཔེར་ན།) སྡང་དགྲ་བོས་མཐོང་ན་ཁྲོ་བ། གཉེན་ནང་མས་རིག་ན་དགའ་བ་ཞེས་པ་ལྟ་བུ། 1.1ཁོང་ཁྲོ་ལངས་པའི་བྱ་མིང་སྟེ། (དཔེར་ན།) དགྲ་ལ་ཁྲོ་བ། གཉེན་ལ་བྱམས་པ་ཞེས་པ་ལྟ་བུ།2.ཉེ་ཉོན་ཉི་ཤུའི་ནང་གསེས་ཤིག མིང་གི་རྣམ་གྲངས་ལ་ཁོང་ཁྲོ་དང༌། ཁྲོས་པ། འཁྲུགས་པ། མངོན་འཇོམས། སྡང་སེམས། མི་བཟོད་པ། ཚིག་པ་ཟ་བཅས་སོ། ། |
| ཁྲོ་བའི་རྒོད་པ |
ཁོང་ཁྲོའི་སེམས་རྒོད་དམ་ཚིག་པ་ཟ་བའི་རྐྱེན་གྱིས་སེམས་གཡེང་བ། |
| ཁྲོ་བས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་མི་འདོད་པའི་བྱ་བའི་དངོས་པོ་བྱུང་ཟིན་པ་ཞིག་འགོག་བྱེད་ཀོ་ལོང་གི་ཁྲོ་ཚིག་བརྗོད་པའི་སྒོ་ནས་འགོག་པར་བྱེད་པའི་རྒྱན་ཞིག |
| ཁྲོ་བོ |
1.དྲག་པོ།2.ཁྲོ་བ་པོ།3.དྲག་པོའི་རྣམ་འགྱུར་ཅན་གྱི་ལྷ་སྤྱི།4.(མངོན་བརྗོད།) 1> ཤིང་གླང་ལོ། 2.>ནང་གི་སྲུང་འཁོར་གྱི་ཕྱོགས་བཅུར་བཞུགས་ནས་སྒྲུབ་པ་པོ་ལ་སྲུང་བའི་ཁྲོ་བོ་བཅུ་ཡོད་པས་གྲངས་བཅུ་མཚོན། |
| ཁྲོ་བོ་བཅུ་གཅིག |
གནོད་མཛེས་དང༌། གཤིན་རྗེ་གཤེད། གཞན་གྱིས་མི་ཐུབ་པ། རྟ་མགྲིན། བདུད་རྩི་འཁྱིལ་བ། འདོད་རྒྱལ། དབྱུག་སྔོན་ཅན། སྟོབས་པོ་ཆེ། མི་གཡོ་བ། གཙུག་ཏོར་འཁོར་བསྒྱུར། རྡོ་རྗེ་ས་འོག་རྣམས་སོ། ། |
| ཁྲོ་བོ་རྣམ་པར་རྒྱལ་བའི་རྟོག་པ་གསང་བའི་རྒྱུད |
རྒྱུད་ཀྱི་བྱེ་བྲག་ཅིག་སྟེ། ཁྱོན་ལེའུ་བཅུ་ཡོད་ཅིང༌། བོད་ཡིག་གི་སྒྱུར་ཡིག་ཡོད་ཀྱང༌། སྒྱུར་པ་པོའི་མཚན་བཀོད་མེད། སླར་རྒྱ་ཡིག་གཞིར་བཟུང་ནས་བསྒྱུར་བཅོས་བྱས་པ་ཞིག |
| ཁྲོ་བོའི་བཞད་པ་བརྒྱད |
སྡིགས་པའི་གད་མོ། ཧ་ཧ། དགྱེས་པའི་གད་མོ། ཧེ་ཧེ། སྒེག་པའི་གད་མོ། ཧི་ཧི། ཟིལ་གྱིས་གནོན་པའི་གད་མོ། ཧོ་ཧོ་སྟེ་བརྒྱད། |
| ཁྲོ་བོའི་བཞུགས་སྟངས |
ཞབས་གཅིག་བརྐྱངས་ཤིང་གཅིག་བསྐུམས་ཏེ་བཞུགས་སྟངས། |
| ཁྲོ་བོའི་རྒྱལ་པོ |
ལྷ་དྲག་པོའི་གཙོ་བོ། |
| ཁྲོ་བོའི་རྡོ་རྗེ |
རྡོ་རྗེ་བྱེ་བྲག་ཅིག |
| ཁྲོ་བོའི་སྔགས |
ལྷ་དྲག་པོའི་གཟུངས་སྔགས། |
| ཁྲོ་མི་ཐང |
(བརྡ་རྙིང་།) ཁྲོ་མི་དགོས། |
| ཁྲོ་མིག |
ཁོང་ཁྲོ་བའི་མིག་མེ་ལྟར་འབར་བའི་ཁྲོ་མིག་གིས་དགྲ་ལ་ལྟ་ཞེས་པ་ལྟ་བུ། |
| ཁྲོ་མོ |
1.བུད་མེད་ཁོང་ཁྲོ་ཅན།2.མངོན ཤིང་འབྲུག་ལོ།3.ལྷ་མོ་ཁྲོ་མོ། |
| ཁྲོ་ཚུབ |
ཁོང་ཁྲོའི་རྣམ་འགྱུར་རླུང་ཚུབ་ལྟ་བུའི་གཟུགས་སུ་བཀོད་པ་སྟེ། (དཔེར་ན།) ཁྲོ་ཚུབ་ལངས་པའི་རྣམ་འགྱུར་ཅི་ཡང་སྟོན་ཅེས་པ་ལྟ་བུ། |
| ཁྲོ་ཟངས |
1.ཁྲོ་དང་ཟངས་མཉམ་བསྲེས་ཀྱིས་ལུགས་བརྒྱབ་པའི་སྣོད་སྤྱད།2.ལྕགས་རིགས་ཁྲོའི་ནང་གསེས་ཤིག |
| ཁྲོ་འཁོར |
རྒྱ་ལུ་ཆས་སྤྲོས་སྐབས་གྱོན་རྒྱུའི་ཞྭ་མོའི་བྱེ་བྲག་ཅིག |
| ཁྲོ་འཁྲུགས |
ཁོང་ཁྲོ་ལངས་ཏེ་སེམས་འཁྲུགས་པ་སྟེ། (དཔེར་ན།) ཁྲོ་འཁྲུགས་མེ་ལྟར་འབར་ཞེས་པ་ལྟ་བུ། |
| ཁྲོ་འཇོམས |
ཁོང་ཁྲོ་གཅོག་པ་སྟེ། (དཔེར་ན།) བཟོད་པ་བསྒོམས་ཏེ་ཁྲོ་འཇོམས་པ། རིག་པ་བསྒྲིམས་ནས་ཁྲོ་འཇོམས་ཞེས་པ་ལྟ་བུ། |
| ཁྲོ་འདར |
ཁོང་ཁྲོ་ལངས་ནས་ལུས་འདར་བ། |
| ཁྲོ་རྐྱན |
ཁྲོ་ལས་བཟོས་པའི་རྐྱན་བུའམ། ཁོག་ལྟིར། |
| ཁྲོ་རྒྱལ |
ཁྲོ་བོའི་རྒྱལ་པོ་སྟེ་ལྷ་དྲག་པོའི་གཙོ་བོ། |
| ཁྲོ་རྒྱུད་མདོ་ཆེན་བྱམས་པ |
བོན་ལུགས་བསྐྱེད་རྫོགས་ཀྱི་འབྲས་བུའི་སྐོར་བཤད་པའི་གཞུང་ཞིག |
| ཁྲོ་རྔམས |
ཁྲོས་ཏེ་གསོད་སྡིགས་ལ་རིངས་པའམ་དགའ་བ་སྟེ། (དཔེར་ན།) གནོད་བྱེད་མི་བསྲུན་པའི་ཕྱོགས་ལ་ཧ་ཅང་ཁྲོ་རྔམས་བྱེད་ཅེས་པ་ལྟ་བུ། |
| ཁྲོ་ལ |
1.བོད་མདོ་ཁམས་་སྡེ་དགེ་ཡུལ་གྱི་རི་ཞིག2.ཀོང་པོ་ཉང་ཕུ་དང་ཨར་རྩ་མཚོའི་བར་དུ་ཡོད་པའི་རི་བོ་ཞིག་ཡིན། དེའི་མཐོ་ཚད་རྒྱ་མཚོའི་ངོས་ནས་སྨི་5494 ཡོད། |
| ཁྲོ་ལོ་ལོ |
1.(རྒྱན་ཚིག) རྡོག་པོ་མང་པོ་ཕན་ཚུན་བརྡབས་པའི་སྒྲ་སྟེ། (དཔེར་ན།) དྲིལ་བརྡ་ཁྲོ་ལོ་ལོ་དཀྲོལ་ལྟ་བུ། 2.རྡོག་པོ་ཆུང་ངུ་མང་པོ་གཡོ་འགུལ་གྱི་རྣམ་པ་སྟེ། (དཔེར་ན།) སིལ་ཏོག་ཁྲོ་ལོ་ལོ། རྒུན་འབྲུམ་ཁྲོ་ལོ་ལོ་ཞེས་པ་ལྟ་བུ། |
| ཁྲོ་ལྕགས |
1.ཞུན་བདར་མ་བཅད་པའི་ལྕགས།2.ཁྲོ་ལྕགས་ལས་ལུགས་བརྒྱབ་པའི་དངོས་པོ། |
| ཁྲོ་ལྡན |
(མངོན་བརྗོད།) དཔའ་བོ། |
| ཁྲོ་སེམས |
ཁོང་ཁྲོའི་སེམས། |
| ཁྲོ་སྐྱབས |
མདོ་སྨད་ཁྲོ་ཆུ་ཡུལ་གྱི་མིང་རྙིང༌། |
| ཁྲོག |
དངོས་རྫས་སྲ་མཁྲེགས་རིགས་ཕན་ཚུན་ཐོགས་གཏུག་བྱས་པའི་སྒྲ་སྟེ། (དཔེར་ན།) གོམ་སྒྲ་ཁྲོག་ཁྲོག་གྲགས། ཆོམ་སྒྲ་དང་ཁྲོག་སྒྲ་གྲགས། རྒྱུ་མར་འུར་ཁྲོག་གྲགས་ལྟ་བུ། |
| ཁྲོག་ཁྲོག |
(རྒྱན་ཚིག) སྒྲ་གྲག་སྟངས་ཤིག་སྟེ། (དཔེར་ན།) ལྟོ་བ་སྤོས་པས་ཁོག་ན་སྒྲ་ཁྲོག་ཁྲོག་ཏུ་གྲག ཀོ་གྱོང་དྲུད་ན་ཁྲོག་ཁྲོག་ཅེས་པ་ལྟ་བུ། |
| ཁྲོག་ཆུང |
1.སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རྩ་ཚད་སེལ། རྨ་གསོ། ཁྲག་ཤོར་གཅོད།2.མེས་ཆེར་མ་ཚིག་པའམ་ཚོས་ཙམ་པ་ལ་ཡང་ཁྲོག་ཆུང་ཟེར། |
| ཁྲོག་ཆེན |
སྔོ་སྨན་ཞིག |
| ཁྲོག་པོ |
1.མེས་ཚིག་པོའམ་ཚོས་པོ་སྟེ། (དཔེར་ན།) བག་ལེབ་ཁྲོག་པོ་ཞེས་པ་ལྟ་བུ།2.རྣ་བ་དེ་ཙམ་མི་གསལ་བ་ཨམ་ཅོག་ཁྲོག་པོ། |
| ཁྲོག་སྨན |
1.ས་འོག་ནས་བཏོན་རྗེས་དངོས་པོ་གཞན་དང་མ་འདྲེས་ཤིང༌། ཕྱེ་མར་མ་བཏགས་པའི་སྨན་ཧྲོབ།2.སྔོ་སྨན་མིན་པའི་སྨན་རིགས། |
| ཁྲོང་ངེ་བ |
(རྒྱན་ཚིག) ཀྲོང་ངེའམ་སྲོང་ངེ་བ། (དཔེར་ན།) གཟུགས་པོ་ཁྲོང་ངེར་ལངས་འདུག་ཅེས་པ་ལྟ་བུ། |
| ཁྲོད |
བར་དང་ནང་གི་མིང་སྟེ། (དཔེར་ན།) ནགས་ཁྲོད་ཀྱི་སྤྲེའུ། རི་ཁྲོད་ཀྱི་རི་དྭགས། དམངས་ཁྲོད་ཀྱི་གླུ་གཞས་ཞེས་པ་ལྟ་བུ། |
| ཁྲོན་པ |
མིས་བརྐོས་ནས་བསྐྲུན་པའི་ཆུ་ཡོད་པའི་དོང་གི་མིང་། མིང་གི་རྣམ་གྲངས་ལ་ཀུན་བརྐོས་དང༌། ཆུ་ཉལ། ཆུ་ཡི་ཀ་བ། བྲུས་ཆུ་བཅས་སོ། ། |
| ཁྲོན་བུ |
1.ཁྲོན་པ་ཆུང་ཆུང༌།2.ལོ་མང་སྐྱེ་བའི་རྩྭ་ལྡུམ་དུག་ཅན་ཞིག་རིང་ཚད་ལ་ལིས་སྨིས15—40བར་ཡོད རྩ་བ་ལ་ཕུག་ལྟ་བུ། ཤུན་པ་ཁམ་ནག་དང་ནང་སེར་སྐྱ་ཡིན རྩ་བ་དུག་འདོན་བྱས་ནས་སྨན་དུ་བཀོལ་ཆོག མཚོ་ངོས་ནས་སྨིས་སུམ་སྟོང་ཡན་གྱི་ས་མཐོ་སར་སྐྱེས་ཡོད། རོ་མངར། ཞུ་རྗེས་སྙོམས། ནུས་པས་དུག་ཚད་དང༌། སྣོད་ཚད། བད་ཀན་གྱི་ནད་སོགས་ཐུར་དུ་སྦྱོང་བར་བྱེད། |
| ཁྲོན་མ |
(བརྡ་རྙིང་།) རྩུབ་པོ། |
| ཁྲོན་འཛིན |
སྔར་སྨོན་ལམ་ཚུགས་དུས་ལྷ་སའི་སྒོ་ར་སོ་སོའི་ནང་དུ་ཡོད་པའི་ཁྲོན་པའི་ཆུ་བེད་སྤྱོད་སྔར་བཞིན་བྱས་ཆོག་པ་ཚོགས་ཆེན་ཞལ་ངོར་གནང་བ་ཞུས་པའི་འཁྲོལ་འཛིན། |
| ཁྲོན་རགས |
ཁྲོན་པའི་ཁའི་ར་བ། |
| ཁྲོན་སྐྱོགས |
ཁྲོན་པའི་ནང་ནས་ཆུ་འཆུ་བྱེད། |
| ཁྲོན་སྦལ |
ཁྲོན་པའི་ནང་གི་སྦལ་པ་མཐོང་རྒྱ་ཆུང་བའི་དཔེ། |
| ཁྲོབས |
དཀྲབ་ཀྱི་སྐུལ་ཚིག་འབྲུ་རིགས་ཁྲོབས་ཤིག་ལྟ་བུ། |
| ཁྲོམ |
1.མི་མང་པོ་དང༌། ཚོང་ཟོག་མང་པོ་འདུ་ས་སྟེ། (དཔེར་ན།) ཁྲོམ་ཚོགས་ནས་སྟོན་མོ་བཤམས། ཚོང་ཁྲོམ་ལ་སོང་། ཤ་ཁྲོམ། ཚལ་ཁྲོམ་ཞེས་པ་ལྟ་བུ། 2.དམག་ལས། |
| ཁྲོམ་ཁྲོམ |
དོམ་དོམ་སྟེ་རྟ་ལ་འདོགས་རྒྱུའི་རྒྱན་ཆ་ཞིག་སྟེ། (དཔེར་ན།) བཞོན་རྟ་ལ་ཁྲོམ་ཁྲོམ་ཉིས་བརྩེགས་བརྒྱབ་ཅེས་པ་ལྟ་བུ། |
| ཁྲོམ་གཏམ་ལམ་ཆ |
ཆ་འཇོག་མི་འོས་པའི་གཏམ་འཁྱར། |
| ཁྲོམ་གཞུང |
ཁྲོམ་གྱི་དཀྱིལ་ལམ་ལྟེ་གནས། |
| ཁྲོམ་གསེབ |
ཁྲོམ་གྱི་ནང་ངམ་ཁྲོད། |
| ཁྲོམ་གོང |
ཁྲོམ་གྱི་དངོས་ཟོག་གི་གོང་ཐང༌། |
| ཁྲོམ་གྱི་རུ་སྣ |
གཡུལ་འགྱེད་པའི་མི་སྣ། |
| ཁྲོམ་ཆུ |
གཙང་ས་སྐྱ་ཡུལ་གྱི་འབབ་ཆུ་ཞིག |
| ཁྲོམ་ཆེན |
1.ཚོང་ཁྲོམ་ཆེན་པོ་སྟེ་ཚོང་གི་ཆེད་དུ་འདུས་པའི་མི་ཚོགས་ཆེན་པོ། 2.མི་ཁྲོམ་ཆེན་པོ་སྟེ་དོན་གང་རུང་གི་ཆེད་དུ་འདུས་པའི་མི་ཚོགས་ཆེན་པོ། |
| ཁྲོམ་ཐང |
ཁྲོམ་གོང་དང་དོན་གཅིག |
| ཁྲོམ་ཐོག་ཆོད་པ |
མང་པོའི་ནང་དུ་སྐད་གྲགས་ཐོན་པ་སྟེ། (དཔེར་ན།) དེ་རིང་རྟ་རྒྱུག་འགྲན་བསྡུར་སྐབས་རྟ་འདིས་ཁྲོམ་ཐོག་ཆོད་སོང༌ཞེས་པ་ལྟ་བུ། |
| ཁྲོམ་བཏབ |
(བརྡ་རྙིང་།) 1>དམག་བརྒྱབ་པ། 2>དམག་སྒར་བཏབ་པ། |
| ཁྲོམ་བཏོན |
མང་པོ་འདུས་སར་བཤམས་པའམ་བཀྲམ་ནས་འཚོང་བ་སྟེ། (དཔེར་ན།) ཚོང་ཟོག་ཁྲོམ་བཏོན་བྱས་ནས་བཙོངས་ལྟ་བུ། |
| ཁྲོམ་བསྒྲགས |
མི་མང་པོའི་དབུས་སུ་བྱེད་པའི་ཁྱབ་བསྒྲགས་ཏེ། (དཔེར་ན།) གསང་རྒྱ་ཁྲོམ་བསྒྲགས། གསང་བ་ཁྲོམ་བསྒྲགས་ཞེས་པ་ལྟ་བུ། |
| ཁྲོམ་མེ་བ |
(རྒྱན་ཚིག) འོད་འཕྲོ་ཚུལ་ཞིག་སྟེ། (དཔེར་ན།) རྩྭ་རྩེར་ཟིལ་པ་ཁྲོམ་མེ་བར་ཆགས་ཞེས་པ་ལྟ་བུ། |
| ཁྲོམ་ཚོགས |
མི་ཟོག་མང་པོ་འཛོམས་ས་སྟེ། (དཔེར་ན།) ཁྲོམ་ཚོགས་ཀྱི་ཉི་མར་གཏམ་དགོས། དགྲར་འཐབ་པའི་ཉི་མར་དཔའ་དགོས་ཞེས་པ་ལྟ་བུ། |
| ཁྲོམ་འཚལ |
(བརྡ་རྙིང་།) དམག་བརྒྱབ་པ། |
| ཁྲོམ་འཚོགས་ཀྱི་ཚུལ |
ཕྱག་མཆོད་གསོལ་འདེབས་ཀྱི་རྟེན་ཚོགས་ཞིང་སྒོམ་ཚུལ་ཞིག་གཙོ་བོའི་མཐའ་སྐོར་བང་རིམ་སྟེང་འོག་ཏུ་མི་ཁྲོམ་འཚོགས་པ་ལྟར་སྒོར་སྒོར་འཁྱིལ་འཁྱིལ་དུ་བཞུགས་པའི་རྣམ་པ། |
| ཁྲོམ་ར |
ཚོང་ཟོག་བཀྲམ་པའི་ར་བའམ་ས་ཆ། |
| ཁྲོམ་རུ |
དམག་ཚོགས། |
| ཁྲོམ་ལམ |
ཁྲོམ་སྲང༌། |
| ཁྲོམ་ས |
(བརྡ་རྙིང་།) དམག་ས། |
| ཁྲོམ་སྐོར |
1.མི་མང་གྲལ་སྟར་བསྒྲིགས་ནས་ཁྲོམ་ལམ་དུ་བསྐོར་ཏེ་གཟི་རྔམ་སྟོན་པ་དང་འབོད་ཚིག་སྒྲོག་པ།2.ཁྲོམ་ལ་འགྲོ་བ། |
| ཁྲོམས |
བཀྲམ་གྱི་སྐུལ་ཚིག་དངོས་རྫས་ཁྲོམས་ཤིག་ལྟ་བུ། |
| ཁྲོལ |
1.འགྲེལ་བའི་སྐུལ་ཚིག་སྟེ། (དཔེར་ན།) གཞུང་གི་དཀའ་གནད་རྣམས་ཁྲོལ་ཅིག་ལྟ་བུ། 2.འགྲོལ་བའི་སྐུལ་ཚིག་ཆིངས་ཐག་ཁྲོལ་ཅིག་ལྟ་བུ། (དཔེར་ན།) དཀྲོལ་གྱི་འདས་པ་ཡི་འབྲི་སྟངས་གཞན། |
| ཁྲོལ་ཁྲོལ |
(རྒྱན་ཚིག) ཌཱ་མ་རུ་སོགས་ཀྱི་སྒྲ་འཁྲོལ་སྟངས་ཤིག |
| ཁྲོལ་བ |
(བརྡ་རྙིང་།) ཤེས་པའམ་རྟོགས་པ། |
| ཁྲོལ་བུ |
(རྒྱན་ཚིག) དངོས་རྫས་རྡོག་པོ་ཆུང་ངུའི་རྣམ་པ་སྟེ། (དཔེར་ན།) སྨན་རྫས་རྣམས་ཁྲོལ་བུར་བརྡུངས་ནས་གདུས་ལྟ་བུ། |
| ཁྲོལ་བོ |
(རྒྱན་ཚིག) མཉེན་མེད་པ་སྟེ། (དཔེར་ན།) ཤིང་ཁྲོལ་བོ་ཞེས་པ་ལྟ་བུ། |
| ཁྲོལ་མ |
དངོས་རྫས་རགས་ཞིབ་འབྱེད་བྱེད་ཀྱི་ཡོ་བྱད་ཅིག་གི་མིང་སྟེ། ཁྲོལ་ཚགས་ཀྱང་ཟེར། མཚོ་སྔོན་ཡུལ་གྲུ་ལ་ལའི་ཡུལ་སྐད་དུ་དམྱིག་མང་ཡང་ཟེར། |
| ཁྲོལ་ཚགས |
འབྲུ་རིགས་འཚག་བྱེད་ཀྱི་ཡོ་བྱད། |
| ཁྲོལ་རྒྱག |
ཞིང་ཁ་ཐེངས་གཉིས་པའི་རྨོན་པ་རྒྱག་པ། |
| ཁྲོལ་ལེ་བ |
(རྒྱན་ཚིག) ཌཱ་མ་རུ་སོགས་ཀྱི་སྒྲ་གྲག་ཚུལ་ཞིག |
| ཁྲོལ་ལོ་ལོ |
(རྒྱན་ཚིག) ཁྲོ་ལོ་ལོ་དང་འདྲ། |
| ཁྲོས |
(བྱེད་མེད་ལས་ཚིག) ཁྲོ་བའི་འདས་པ། ཞེ་སྡང་ལངས་པའི་དོན་ཏེ། (དཔེར་ན།) དྲག་ཏུ་ཁྲོས། དྲག་ཏུ་ཁྲོས་པའི་ཉམས་ཅན། གཅན་གཟན་དྲག་ཏུ་ཁྲོས་ནས་མཆེ་བ་གཙིགས་ལྟ་བུ། |
| ཁྲོས་པ |
ཁྲོ་བའི་བྱ་བ་འདས་པའི་མིང་། |
| ཁྲོས་མ |
ལྷ་དྲག་མོ། |
| ཁྲོས་ཚིག |
ཁྲོས་པའི་ཚིག་རྩུབ་བམ་ཚིག་གནག་པོ། |
| ག |
1.བོད་ཡིག་གསལ་བྱེད་གསུམ་པ། འདིའི་ང་རོ་འདོན་ཚུལ་ལ་སྐྱེ་གནས་མགྲིན་པ་དང༌། བྱེད་པ་མགྲིན་པ། ནང་གི་རྩོལ་བ་མགྲིན་པ་ནང་ཕྲད་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 1.མིང་གཞིའི་མོ་ཡིག་ཅིག 2.སྔོན་འཇུག་གི་མ་ནིང་ཡི་གེ་ཞིག 3.རྗེས་འཇུག་གི་ཕོ་ཡིག་ཅིག 4.རྟགས་མཚུངས་འདྲེན་སྐབས་རྗེས་འཇུག་མོ་ཡིག་གིས་དྲངས་པའི་མིང་གི་ཆ་ཤས་ཤིག་སྟེ། (དཔེར་ན།) ཐང་ག།གསུམ་ག་ལྟ་བུ། 2.(བསྣན་ཚིག) ལས་ཚིག་ལ་ལའི་མགོར་སྦྱར་ན་བྱུང་མི་སྲིད་པའི་དོན་ཏེ། (དཔེར་ན།) ཁྲིམས་དང་འགལ་ག་ལ་རུང་། ས་བོན་མ་བཏབ་པར་མྱུ་གུ་ག་ལ་སྐྱེ། དཀའ་ངལ་མེད་པ་ཞིག་ག་ལ་སྲིད་ལྟ་བུ། འདི་གང་དུ་ཞེས་པ་དང་ཕལ་ཆེར་དོན་འདྲ།3.སྤྱི་སྒྲའི་དོན་དུ་འཇུག་པ་ནི། (དཔེར་ན།) ག་དུས། ག་ཚོད། ག་རེ། ག་རུ། ག་འདྲ་ཞེས་པ་ལྟ་བུ། |
| ག་ཁ་བསུམ |
མདོ་ཁམས་ཀྱི་ཡུལ་གྲུ་འགར་ཀ་དང་ག་གཉིས་ཀྱི་སྒྲ་གདངས་གཅིག་ཏུ་འབོད་པས་ག་ཡིག་གསལ་བར་སྟོན་བྱེད་ཀྱི་ཚིག་ཅིག |
| ག་ཁྲལ |
སྔར་ཞིང་འབྲོག་གི་སྒོ་ཕྱུགས་ཆེ་ཆུང་གང་ཡོད་ས་ནས་ལོ་ངེས་ཅན་རེའི་མཚམས་དངུལ་ཁྲལ་བསྡུ་སྲོལ་ཞིག |
| ག་ག་ཚིལ |
གཡའ་སྒོག་པ་སྟེ་དབུས་སྐད་དུ་ཨི་ཙི་ལུ་གུ་ཟེར། |
| ག་གཞའ |
ག་ཞ་དང་འདྲ། |
| ག་གཞུང |
ག་ཁྲལ་བསྡུ་རྒྱུའི་གཡག་ལུག་དཀར་ནག་གི་གྲངས་ཐོ། |
| ག་གི |
(ཡུལ་སྐད།) གང་ཞིག་གམ་ག་རེ་ཟེར་བའི་དྲི་ཚིག་སྟེ། (དཔེར་ན།) འདི་མིན་ན་ག་གི་རེད་ཁྱོད་ཀྱིས་སྟོན་རོགས་ཟེར་བ་ལྟ་བུ། |
| ག་གེ་བ |
(ཚབ་ཚིག) ག་གེ་མོ་དང་འདྲ། |
| ག་གེ་མོ |
(ཚབ་ཚིག) ས་ཆ་ག་གེ་མོ། ལས་ཀ་ག་གེ་མོ་ཞེས་པ་ལྟ་བུ། |
| ག་གོན |
ཤིང་ཏོག་ཅིག་གམ་ཉུང་མའི་མིང་། |
| ག་ཆད |
1.(རྒྱན་ཚིག) ཐང་ཆད་པའི་དོན་ཏེ། (དཔེར་ན།) བྱིས་པ་ག་ཆད་དུ་ངུས་ལྟ་བུ། 2.བཞད་གད་ཀྱི་མིང་སྟེ། (དཔེར་ན།) ག་ཆད་ཀྱི་སྒྲ་ཆེན་པོ་གྲགས་ལྟ་བུ། |
| ག་ཎ་པ་ཏི |
(ལེགས་སྦྱར།) ཚོགས་ཀྱི་བདག་པོ། |
| ག་ཐག |
(བརྡ་རྙིང་།) ཡོད་ཚད་ཚང་མ། |
| ག་དག |
(བརྡ་རྙིང་།) ཡོད་ཚད་ཚང་མ། |
| ག་དར |
གད་དར་དང་དོན་མཚུངས། |
| ག་དུར |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ལ། རྩ་བ་རྡོག་པོ་རྨེན་བུའི་དབྱིབས་ཅན་ཤུན་པ་སྨུག་པོ་དང་ནང་དཀར་པོ་ཡིན། གཞུང་རྟ་ཁེར་སྐྱེས། ལོ་མ་ལྗང་གུ་རལ་གྲིའི་དབྱིབས་ཅན་རྩེ་ལ་མེ་ཏོག་ལྗང་སེར་ཆུང་ངུའི་ཆུན་པོ་ཆགས་ཡོད། རྩ་བ་སྨན་བྱེད་ཆོག |
| ག་དོར |
ཤ་བའི་རྭ་དང་། ཁ་ཤའི་རྭ། བསེ་རུའི་རྭ་གསུམ་ལ་ག་དོར་གསུམ་མམ་གཱ་དོར་གསུམ་ཟེར་ཏེ། (དཔེར་ན།) བསེ་རུ་ཁ་ཤ་ཤ་རུ་གསུམ། གྭ་དོར་གསུམ་ཞེས་བྱ་བའོ་ལྟ་བུ། |
| ག་དོར་གསུམ |
སྲོག་ཆགས་ཀྱི་སྨན་གྱི་ནང་ཚན། ཤ་བ་དང༌། ཁ་ཤ། བསེ་རུ་གསུམ་གྱི་རྭའོ། ། |
| ག་ན་བ |
ག་ལ་བ་དང་འདྲ། |
| ག་ན་ཚད |
(ཚབ་ཚིག) སྔར་དངོས་སུ་བགྲངས་པ་དེ་ལས་ལྷག་པ་ད་དུང་བགྲང་རྒྱུ་ཡོད་པའི་དོན་ཏེ། (དཔེར་ན།) ད་དུང་དེ་ཡིས་ག་ན་ཚད་ཅེས་པ་ལྟ་བུ། |
| ག་ནས་ག་ནས |
(ཡུལ་སྐད།) རྩ་བ་ཉིད་ནས་ཞེས་པའི་དོན་ཏེ། (དཔེར་ན།) ག་ནས་ག་ནས་དཔེ་སྲིད་དམ་ཞེས་པ་ལྟ་བུ། |
| ག་པ |
ཀ་ཁའི་རིམ་པ་ལྟར་བསྒྲིགས་པའི་ཨང་གསུམ་པའི་དོན། |
| ག་པ་ག་པ |
(ཡུལ་སྐད།) གནས་སམ། ཡུལ་མ་ངེས་པའི་གནས་ཚུལ་དྲི་ཚིག་སྟེ། (དཔེར་ན།) ཁྱོད་ཀྱིས་སློབ་གཉེར་བྱེད་པར་ག་པ་ག་པར་ཕྱིན་པ་ཡིན་ཞེས་པ་ལྟ་བུ། |
| ག་པུར |
ག་པུར་གྱི་ལྗོན་ཤིང་ནི། ཐེ་ཝན་སོགས་ས་དྲོ་སར་སྐྱེ་བའི་ཤིང་སྡོང་རྟག་ཏུ་སྔོ་བ་ཞིག་ཡིན། ཤིང་མཁྲེགས་ཤིང་སུལ་ཞིབ་པ་དང་། དྲི་ཞིམ་ཅན་ཞིག་ཡིན། ཤིང་སྒམ་སོགས་བཟོས་ན་སྲིན་འབུ་འགོག་ཐུབ། ཤིང་དེའི་རྩ་བ་སྡོང་བུ་ཡལ་ག་ལོ་མ་རྣམས་རླངས་འཚོད་བྱས་ནས་བཙགས་པའི་དངོས་རྫས་དཀར་པོ་ཆབ་རོམ་གྱི་ཟེགས་མ་ལྟ་བུའི་མིང་ལ་ག་པུར་ཟེར། དེ་ལ་བཟོ་ཚུལ་དང་འབྱུང་ཁུངས་ཀྱི་དབང་གིས་མང་ག་པུར་དང་། ཤེལ་ག་པུར། སྟང་ཟིལ་ག་པུར་བཅས་གསུམ་ཡོད་པ་རྣམས་སྨན་བྱེད་ཆོག |
| ག་པུར་དབང |
(མངོན་བརྗོད།) ཟླ་བ། |
| ག་པུར་འཛིན |
(མངོན་བརྗོད།) ཟླ་བ། |
| ག་ཕྱི་ག་ལོག |
ཕྱིན་ཅི་ལོག་པའི་དོན་ཏེ། (དཔེར་ན།) སྐད་ཆ་བདེན་རྫུན་ག་ཕྱི་ག་ལོག་བཤད་པ། ལས་ཀ་དཀར་ནག་ག་ཕྱི་ག་ལོག་བྱེད་པ་ཞེས་པ་ལྟ་བུ། |
| ག་ཕྱི་ལོག་པ |
ཕྱིན་ཅི་ལོག་པ། |
| ག་བསྒྱུར |
ཕར་ཚུར་གོ་བརྗེས་འགེབས་སྦྱོར་གྱི་དོན་ཏེ། (དཔེར་ན།) ཟོག་རིན་འབྲུ་འབབ་སྤྲོད་དགོས་རྣམས་དངུལ་རྐྱང་སྤྲོད་རྒྱུའི་ག་བསྒྱུར་བཏང་བ། འབྲུ་དངུལ་ཕར་ཚུར་གོ་བརྗེས་ག་བསྒྱུར་བཏང་ནས་གཙང་དག་སྤྲད་ཟིན་ལྟ་བུ། |
| ག་བུ་ཐུད་གསོབ |
ཕ་བ་དགོ་དགོའི་མིང་གི་རྣམ་གྲངས། |
| ག་བུར |
(ལེགས་སྦྱར།) ལུས་རྒྱས་སམ་རབ་བསིལ་ཏེ་རྩི་སྨན་གྱི་རིགས་ཤིག་རོ་བསྐ་ལ་ཚ། ཞུ་རྗེས་ཤིན་ཏུ་བསིལ། ནུས་པས་རྒྱས་ཚད་གསོད། རྙིང་ཚད་སེལ། མིང་གི་རྣམ་གྲངས་ལ་ཁ་བའི་ཕྱེ་མ་དང༌། ཁ་བའི་མིང་ཅན། རྡུལ་གྱི་སྙིང་པོ། ནུས་ལྡན། སྤྲིན་གྱི་སྙིང་པོ། ཟླ་བ་སེང་གེའི་འོ་མ། ཟླ་བའི་ཐལ་བ། ཟླ་བའི་མིང་ཅན། འོད་དཀར་ཅན། རོའི་གེ་སར། ཤིང་གི་སྙིང་པོ་བཅས་སོ། ། |
| ག་བུར་ཏིས་ལོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་གློ་ཚད་དང༌། རིམས་ཚད་སེལ། མིང་གི་རྣམ་གྲངས་ལ་ཁྱི་དུག་པ་དང༌། ཁྱི་དུག་སྤྱང་བརྒྱལ། སྔོན་མོ་ཆམ་འདྲེན། ཆམ་པ་ལམ་ལྡོག སེང་གེ་སྦར་རྒྱབ་བཅས་སོ། ། |
| ག་བུར་ནག་པོ |
རི་ཕག་གི་བྲུན་རྫ་མའི་བུམ་པ་ལྟ་བུར་བླུགས་ལ་ཁ་འདག་པས་བཀག་ནས་དུ་བ་མ་ཤོར་བ་མེར་བསྲེགས་པའི་ཐལ་བ་ནུས་པས་མཁྲིས་པ་གྲང་མཁྲིས་དང༌། མཁྲིས་སྐྲན། གཉན་རིམས། རིམས་ནད་ཕོ་བར་བབ་པ་སོགས་ལ་ཕན། མིང་གི་རྣམ་གྲངས་ལ་གར་ནག་དང༌། ཕག་ཐལ། ཕག་བྲུན་བཅས་སོ། ། |
| ག་བྲ |
རྩྭ་སྨན་གྱི་རིགས་ཤིག་སྟེ། ཡུལ་སྐད་དུ་འབྲུ་སིལ་ཟེར་ཞིང་སྨན་གཞུང་དུ་ག་བྲ་ཟེར། |
| ག་ཙམ |
(ཚབ་ཚིག) གྲངས་དང་བོངས་ཚོད་དུས་ཡུན་སོགས་ཀྱི་དོན་ཏེ། (དཔེར་ན།) ག་ཙམ་འགོར་ཡོང་ངམ། འབོར་གྲངས་ག་ཙམ་ལོངས་ཡོད་དམ།འགྲོ་ལམ་རིང་ཐུང་ག་ཙམ་ཡོད་ཅེས་པ་ལྟ་བུ། |
| ག་ཙུག |
(ཡུལ་སྐད།) གང་འདྲའམ། ཇི་ལྟར་ཞེས་པའི་དོན་ཏེ། (དཔེར་ན།) ད་ག་ཙུག་བྱེད་དགོས་སམ་ཞེས་པ་ལྟ་བུ། |
| ག་ཚོད |
(ཚབ་ཚིག) ཇི་ཙམ་དང༌། མང་ཉུང་དྲི་བའི་ཚིག་སྟེ། (དཔེར་ན།) ཁྱེད་རང་དགུང་ལོ་ག་ཚོད་ཡིན། ཚོགས་འདུར་འགྲོ་མཁན་མི་ག་ཚོད་ཡོད་ཅེས་པ་ལྟ་བུ། |
| ག་ཛ་དན |
(ལེགས་སྦྱར།) གླང་པོའི་སོ་སྟེ་གླང་པོ་ཆེའི་མཆེ་བ། ནུས་པས་གདོན་ནད་དང༌། འགོ་བའི་རིམས་ནད་སྲུང༌། |
| ག་ཞ |
འཕྱ་ལད་ཀྱི་གད་མོའི་དོན་ཏེ། (དཔེར་ན།) དྲང་གཏམ་བཤད་པར་གཞན་གྱིས་ག་ཞ་བྱས་ཀྱང་སྐྱོན་ཅི་ཡོད། མི་རྣམས་ཀྱིས་ག་ཞ་བྱེད་པར་མི་འཛེམ་པ། མི་མང་པོའི་དབུས་སུ་སྨ་འབེབས་ཀྱི་ག་ཞ་སྒྲོག་ཅེས་པ་ལྟ་བུ། |
| ག་ཞན |
(བརྡ་རྙིང་།) གད་མོ། |
| ག་འགྲིག་པ |
ལྷུ་འགྲིག་པའི་དོན་ཏེ། (དཔེར་ན།) ལྷུག་ལག་ཆེ་ཆུང་ཚང་མ་ག་འགྲིག་པ་ཞེས་པ་ལྟ་བུ། |
| ག་འདྲ |
གང་འདྲའམ། ཅི་འདྲ་ཐོན་རྫས་སྤུས་ཀ་ག་འདྲ་འདུག་ཅེས་པ་ལྟ་བུ། |
| ག་འབབ |
ག་ཁྲལ་གྱི་འབབ། |
| ག་འཛོལ |
མགོ་མ་ཐུག་པ་ཕར་སྤྲོད་ཚུར་ལེན་གྱི་རྩིས་གྲངས་ག་འཛོལ་བ་ཞེས་པ་ལྟ་བུ། |
| ག་འུ |
རྒ་བུ་དང་འདྲ། |
| ག་ཡ་འོད་སྲུང |
སངས་རྒྱས་ཀྱི་ཉན་ཐོས་ཤིག |
| ག་རུ་ཌཿ |
(ལེགས་སྦྱར།) བྱ་ཁྱུང༌། |
| ག་རེ |
(ཚབ་ཚིག) 1.བསམ་བློ་གཏོང་བའམ་ཐེ་ཚོམ་ཟ་བ་མཚོན་པའི་འབོད་སྒྲ་སྟེ། (དཔེར་ན།) ག་རེ་ངས་གློ་བུར་དུ་ཡིད་ལ་མི་དྲན་པས་བསམ་བློ་ཞིག་གཏོང་། ག་རེ་མི་དེའི་མིང་ལ་ཅི་ཟེར་ཞེས་པ་ལྟ་བུ། 2.དངོས་རྫས་ང་ལ་བྱིན་ཞེས་པ་མཚོན་པའི་འབོད་སྒྲ་སྟེ། (དཔེར་ན།) ག་རེ་དཔེ་ཆ་དེ་ང་ལ་བྱིན་ཞེས་པ་ལྟ་བུ། 3.ཅི་ཞིག་དང་ཅིའི་དོན་ཏེ། (དཔེར་ན།) དཀའ་ངལ་སེལ་མི་ཐུབ་པ་ག་རེ་ཡོད། ཁྱོད་འགྲོ་དོན་ག་རེ་ཡོད་ཅེས་པ་ལྟ་བུ། |
| ག་རྒྱག་པ |
ཕན་ཚུན་འགྲིག་པ་དང༌། མགོ་ཐུག་པའམ་ར་འཕྲོད་པའི་དོན་ཏེ། (དཔེར་ན།) ཁ་བཤད་ལག་ལེན་ག་རྒྱག་པ། བྱུང་སོང་གི་རྩིས་གྲངས་ག་རྒྱག་པ་ཞེས་པ་ལྟ་བུ། |
| ག་ལ |
(བསྣན་ཚིག) ལས་ཚིག་ལ་ལའི་མགོར་སྦྱར་ན་ཧ་ལས་པའམ་ཡ་མཚན་པའི་དོན་ཏེ། (དཔེར་ན།) ཁྲིམས་དང་འགལ་ག་ལ་རུང་། ས་བོན་མ་བཏབ་པར་མྱུ་གུ་ག་ལ་སྐྱེ། དཀའ་ངལ་མེད་པ་ཞིག་ག་ལ་སྲིད་ལྟ་བུ། |
| ག་ལ་ག་ལ |
གནས་སམ། ཡུལ་མ་ངེས་པའི་གནས་ཚུལ་དྲི་ཚིག་སྟེ། (དཔེར་ན།) ཡུལ་ག་ལ་ག་ལར་ཐོན་ཁུངས་འབོལ་བ་འདུག་གམ་ཞེས་པ་ལྟ་བུ། |
| ག་ལ་བ |
ཡུལ་ཕྱོགས་གང་ཞིག་གམ། གང་དུ་ཡོད་པ་ཞིག་གི་དོན་ཏེ། (དཔེར་ན།) འགྲོ་སའི་ཕྱོགས་ག་ལ་བ་དེར་སུ་འགྲོ། ཁྱོད་སྡོད་ས་ག་ལ་བ་དེར་ང་འོང་ངོ་ཞེས་པ་ལྟ་བུ། |
| ག་ལེ |
(རྒྱན་ཚིག) དལ་མོའམ་ལྷོད་པའི་དོན་ཏེ། (དཔེར་ན།) ཁྱེད་ག་ལེ་ཕེབས། ག་ལེ་ག་ལེ་སོང་ན་བོང་བུས་རྒྱལ་ཁམས་བསྐོར་ཡོང་ཞེས་པ་ལྟ་བུ། |
| ག་ལེ་ག་ལེ |
(རྒྱན་ཚིག) དལ་པོ་དལ་པོའི་ངང་འགྲོ་བའི་ཚུལ་ཏེ། (དཔེར་ན།) ག་ལེ་ག་ལེར་ཕྱིན་ན་རྒན་མོས་རྒྱ་ནག་འཁོར་ཡོང༌ཞེས་པ་ལྟ་བུ། |
| ག་ལེ་གུ་ལེ |
(རྒྱན་ཚིག) ཤུགས་མེད་པའི་དལ་མོའི་དོན་ཏེ། (དཔེར་ན།) ་ག་ལེ་གུ་ལེའི་ངང་ནས་ནམ་ཟླ་འཕྲོ་བརླག་གཏོང་བ་ཞེས་པ་ལྟ་བུ། |
| ག་ལོག |
སྒྲོ་འདོགས་ཀྱི་མིང་སྟེ། (དཔེར་ན།) མི་ལ་ག་ལོག་མ་བྱེད་ལྟ་བུ། |
| ག་ཤ |
ཕྲག་པ་ནས་མཆན་ཁུང་ཕན་ཚུན་དུ་བསྣོལ་མར་འཆིང་བའི་ཐག་པའི་དོན་ཏེ། (དཔེར་ན།) འདོགས་ཁྱི་ལ་ག་ཤ་གཡོགས་པ་ཞེས་པ་ལྟ་བུ། |
| ག་ཤལ |
ཕྲག་པ་ནས་མཆན་འོག་ཏུ་འཆིང་བའི་མེ་ཏོག་སོགས་ཀྱི་རྒྱན་ཆ་སྟེ། (དཔེར་ན།) མེ་ཏོག་གི་ག་ཤལ། རིན་ཆེན་ག་ཤལ། རིན་པོ་ཆེའི་ག་ཤལ་གྱིས་མཛེས་པ་ཞེས་པ་ལྟ་བུ། |
| ག་ཤལ |
སེ་རལ་དུ་གོན་པའི་རྒྱན་ཆ་རིགས་ཤིག་གི་མིང་། |
| ག་ཤེད |
ཡུལ་ངེས་མེད་དམ་ངོས་བཟུང་མེད་པའི་དོན་ཏེ། (དཔེར་ན།) ད་ལྟ་ང་ཡུལ་ག་ཤེད་ཅིག་ལ་འགྲོ་དགོས། དཔེ་ཆ་དེ་ངས་ག་ཤེད་ཅིག་ལ་བཞག་ཡོད། ཁོ་ག་ཤེད་དུ་སོང་བ་མི་ཤེས། སྡུག་བསྔལ་བསལ་བའི་རྒྱུ་ག་ཤེད་ན་མྱུར་དུ་ཚོལ་ཅིག་ཅེས་པ་ལྟ་བུ། |
| ག་ཤེས |
(བརྡ་རྙིང་།) ཁ་རྡུང་བཏང་བའམ། ཁ་ཟེར་བ། |
| ག་ས |
ཕྱོགས་ངེས་མེད་ཀྱི་དོན་ཏེ། (དཔེར་ན།) ས་ཕྱོགས་ག་ས་ག་ལ་དྲིལ་བསྒྲགས་བྱེད་དུ་ཕྱིན་ཅེས་པ་ལྟ་བུ། |
| ག་སྡུམ |
ག་ཁ་བསུམ་དང་དོན་གཅིག |
| ག་སྡུམ |
ག་འདིའི་མིང་། |
| ག་སློག |
ཕྱིན་ཅི་སློག་པའི་དོན་ཏེ། (དཔེར་ན།) ལས་ཀ་བྱེད་སྟངས་ག་སློག་ཏུ་གྱུར་ན་དོན་མི་འགྲུབ་ཅེས་པ་ལྟ་བུ། |
| གག |
(བརྡ་རྙིང་།) 1>འབོད་པའི་སྒྲ་ཞིག 2>སྤྱི་སྒྲ་གང༌། |
| གག་གེ་གོག་གེ |
(རྒྱན་ཚིག) 1>ལས་སུ་མི་རུང་བའམ། ལུས་ཟོར་ལྕི་བའི་དོན་ཏེ། (དཔེར་ན།) གག་གེ་གོག་གེའི་ལུས་དེ་འགྲོ་མི་བདེ་ཞེས་པ་ལྟ་བུ། 2>གོག་སྟེ་འགྲོ་བ་བྱིས་པའི་འགྲོ་ཚུལ་ཏེ། (དཔེར་ན།) བྱིས་པ་ཆུང་ཆུང་དེ་གག་གེ་གོག་གེ་བྱས་ནས་ཐག་རིང་དུ་ཕྱིན་སོང༌ཞེས་པ་ལྟ་བུ། |
| གག་གོག |
(རྒྱན་ཚིག) གག་གེ་གོག་གེའི་བསྡུས་ཚིག |
| གག་པ |
1.གཉན་ནད་ལྕེའི་སྟེང་དུ་བབས་ནས་ལྕེ་སྐྲངས་ཤིང་སྐད་འགག་པ་ཞིག་ནང་གསེས་སུ་དབྱེ་ན་ཕོ་གག་དང༌། མོ་གག་བུ་གག་གཉན་གག་བཅས་རིགས་བཞི་མཆིས།2.བྱ་གག་པ་མཆུ་ལེབ་ལ་རྐང་པ་ཐུང་བ། སྡེར་མོ་སྐྱི་མོས་སྦྲེལ་ཅིང་ཆུར་རྐྱལ་མཁས་པའི་བྱའི་རིགས་ཤིག་ཡིན་པ་འདི་ལ་ཁྱིམ་བྱ་དང་རི་བྱ་གཉིས་ཡོད། |
| གག་ཚིལ་སྒོག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྐྱི་གཡའ་བར་འདོད་པའི་བསམ་པས་དགེ་སློང་ལ་གཡའ་སྒོག་པ། |
| གག་ཟོར |
གག་པས་ལྕེ་སྟེང་ཐོར་པ་ཐོན་པ་དང༌། ལྕེ་འོག་སྐྲངས་པ་གཤག་བྱེད་ཀྱི་ཡོ་བྱད་ཅིག |
| གག་ལྷོག |
གཉན་ནད་ལྕེ་ལ་བབས་ཏེ་གྲེ་བ་འགག་པ་གག་པའི་ནད་དང༌། ཤ་ལ་བབས་ཏེ་ཐོར་པ་འབྱུང་བ་ལྷོག་པའི་ནད་དང་གཉིས་ཀྱི་བསྡུས་མིང༌། |
| གང |
ཚབ་ཚིག་གམ་སྤྱི་སྒྲ་སྟེ། དུས་དང་གྲངས་ཀ ཕྱོགས། ལས། དངོས་པོ་སོགས་ཐམས་ཅད་ལ་འཇུག་ཅིང་། ཚིག་ཟིན་ལ་བྱེ་བྲག་གི་གཞི་མི་སྟོན་པས་སྤྱི་སྒྲ་ཟེར། (དཔེར་ན) མི་གང་དག བྱ་བ་གང་ཞིག ས་གང་ལ་འགྲོ། གང་དྲན་དྲན་མ་བྱེད། མི་གང་འདྲ་ཞེས་པ་ལྟ་བུ། |
| གང་ག |
(གྲངས་ཚིག) ཐམས་ཅད་དམ་ཚང་མའི་དོན། |
| གང་ག་ཆུང |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་དུག་ཚད་དང༌། རྨ་ཚད། ཚ་འཁྲུ། ཚ་བས་སྐྲངས་པ་སོགས་འཇོམས་པར་བྱེད། |
| གང་གཱ |
རྒྱ་གར་ཕྱེད་གླིང་གི་ཆུ་བོ་ཆེན་པོ་ཞིག་གི་མིང་སྟེ། ཧི་མ་ལ་ཡའི་རི་རྒྱུད་ནས་འབབ་ཅིང་ཤར་ཕྱོགས་སུ་རྒྱ་གར་བྱང་རྒྱུད་འཕྲེད་གཏུབ་བྱས་ནས་བྷང་ག་ལ་མཚོ་ཁུག་ཏུ་རྒྱ་མཚོར་འབབ། ཁྱོན་བསྡོམས་རིང་ཚད་ལ་སྤྱི་ལེ་ཉིས་སྟོང་བདུན་བརྒྱ་ཡོད། |
| གང་གཱ་འཛིན |
(མངོན་བརྗོད།) 1>རྒྱ་མཚོ། 2>ལྷ་དབང་ཕྱུག་ཆེན་པོ། |
| གང་གཱ་སྐྱེས |
(མངོན་བརྗོད།) 1>གཞོན་ནུ་གདོང་དྲུག 2>གསེར། |
| གང་གཱའི་བྱེ་མ |
གང་གཱའི་ཀླུང་གི་བྱེ་མའང་ཟེར། ཆུ་བོ་གང་གཱ་ཞེས་པར་ཡོད་པའི་བྱེ་མ་ཇི་སྙེད་ཀྱི་གྲངས་འབོར་ཏེ་སྔར་རྒྱ་གར་ལུགས་ཀྱི་གྲངས་གནས་ཆེན་པོ་ཞིག་སྟེ་ཧ་ཅང་མང་བའི་དཔེ། |
| གང་གཱའི་ཡབ |
(མངོན་བརྗོད།) རི་བོ་གངས་ཏེ་སེ། |
| གང་ཅི |
(ཚབ་ཚིག) ཡོངས་རྫོགས་སམ་ཚང་མའི་དོན་ཏེ། (དཔེར་ན།) ལས་དོན་གང་ཅི། གང་ཅིའི་ལག་འཛངས། གང་ཅི་འདོར་མེད། གང་ཅིའི་ཐད་ནས་ཡར་རྒྱས་བྱུང་འདུག གནས་ཚུལ་གང་ཅིར་ལྟ་རྟོག་བྱས་ནས་འཆར་གཞི་འདིང་བ་ཞེས་པ་ལྟ་བུ། |
| གང་ཉིད |
ཁྱེད་རང༌། གང་ཉིད་སྐུ་ཁམས་བདེ་ཐང་ཡིན་ཤག |
| གང་ཏིག |
(བརྡ་རྙིང་།) གང་འདོད་འདོད། |
| གང་ཐུབ་གང་ལྕོགས |
ཅི་ནུས་ཅི་ལྕོགས་སམ། གང་ཐུབ་ཐུབ། |
| གང་ཐུབ་ཅི་ཐུབ |
ཇི་ལྟར་ནུས་ནུས་ཀྱི་དོན་ཏེ། (དཔེར་ན།) ནུས་ཤུགས་ཡོད་དགུ་རྩལ་སྤྲུགས་ཀྱིས་ལས་དོན་གང་ཐུབ་ཅི་ཐུབ་བྱེད་པ་ཞེས་པ་ལྟ་བུ། |
| གང་ཐོན་ཐོན |
གང་བྱུང་བྱུང༌གི་དོན་ཏེ། (དཔེར་ན།) སྐད་ཆ་གང་ཐོན་ཐོན་བཤད་ན་མི་འགྲིག་ཅེས་པ་ལྟ་བུ། |
| གང་དག |
ཅི་ཡོད་དམ་གཞི་རེ་རེ་ནས་གྲངས་བཤེར་གྱི་དོན་ཏེ། (དཔེར་ན།) འདི་རྣམས་གང་དག་ཁྱེད་རང་ཚོའི་རེད། གང་དག་ཕྱོགས་བཅུའི་འཇིག་རྟེན་ན་ཞེས་པ་ལྟ་བུ། |
| གང་དང་གང |
སྤྱི་སྒྲ་གཉིས་བརྩེགས་ཏེ། (དཔེར་ན།) ཡུལ་གང་དང་གང་དུ་སྐད་ཆ་གང་དང་གང་བཤད་ཅེས་པ་ལྟ་བུ་སྟེ། གང་སྔོན་མ་སྤྱི་ཙམ་པོ་དང་གང་ཕྱི་མས་བྱེ་བྲག་གི་གཞི་གང་རུང་ཞིག་སྟོན་པ་ཡིན། |
| གང་དེ |
དེའི་དོན་ཏེ་སྤྱི་སྒྲ་བྱེ་བྲག་ལ་འཇུག་སྟེ། (དཔེར་ན།) ངའི་དཔེ་ཆ་གང་དེའི་རྒྱབ་ཤ་དམར་པོ་ཡིན།མི་གང་དེའི་བསམ་བློ་འཁོར་སྟངས་ཡག་པོ་རེད་ཅེས་པ་ལྟ་བུ། |
| གང་དྲག་ཅི་དྲག |
1.ཅི་ལེགས་ལེགས་དང༌། གང་བཟང་བཟང༌གི་དོན་ཏེ། (དཔེར་ན།) མི་དམངས་ལ་ཕན་འདོགས་གང་དྲག་ཅི་དྲག་བྱེད་པ།2.འུ་ཐུག་པའི་གདུང་ཚིག་སྟེ། (དཔེར་ན།) ཁྱོད་རང་ལ་དཀའ་ཚེགས་དེ་འདྲ་བྱུང་བ་ད་གང་དྲག་ཅི་དྲག་ཅེས་པ་ལྟ་བུ། |
| གང་དྲན་ལག་འགེལ |
སྣང་བར་ཅི་ཤར་ཐམས་ཅད་ལག་ལེན་བསྟར་བ། |
| གང་ན་བ |
1.གང་དུ་ཡོད་པ་སྟེ། (དཔེར་ན།) ཁྱེད་རང་བཞུགས་ཡུལ་གང་ན་བ་དེར་ངས་བཅར་ཡོང༌ཞེས་པ་ལྟ་བུ། 2.ག་རེ་ན་བ། |
| གང་ནུས་དེ་སྒྲུབ་དང་རྩོལ་བསྟུན་ཐོབ་སྤྲོད |
སྤྱི་ཚོགས་རིང་ལུགས་ཀྱི་སྤྱི་ཚོགས་ནང་མི་སོ་སོའི་འཚོ་བའི་རྒྱུ་ཆས་བགོ་བཤའ་རྒྱག་སྟངས་ཀྱི་རྩ་དོན་ཞིག རྩ་དོན་དེས་ངལ་རྩོལ་པ་རྣམས་ཀྱིས་རང་ནུས་གང་ཡོད་ཀྱིས་སྤྱི་ཚོགས་ཀྱི་ཆེད་དུ་ངལ་རྩོལ་བྱེད་དགོས་པའི་བླང་བྱ་དང༌། སྤྱི་ཚོགས་ཀྱིས་ངལ་རྩོལ་པ་སོ་སོས་བཏོན་པའི་ངལ་རྩོལ་གྱི་གྲངས་ཚད་དང་སྤུས་ཚད་ལྟར་འཚོ་བའི་རྒྱུ་ཆས་སྤྲོད་དགོས་པའི་བླང་བྱ་བཏོན་ཡོད་པ་རེད། |
| གང་པོ |
1.རིལ་པོའམ་ཆ་ཚང༌བའི་དོན་ཏེ། (དཔེར་ན།) མི་ཚེ་གང་པོ། ལོ་གང་པོ་ཞེས་པ་ལྟ་བུ། 2.ཉན་ཐོས་ཉེ་འཁོར་བཅུའི་ནང་གསེས། ཆོས་སྟོན་པའི་མཆོག་ཏུ་གྱུར་པའོ། ། |
| གང་པོ་འབོད |
(མངོན་བརྗོད།) བརྒྱ་བྱིན། |
| གང་ཕྱོགས |
(མངོན་བརྗོད།) ཡར་ངོ་། |
| གང་བ |
(བྱེད་མེད་ལས་ཚིག) ཆ་ཤས་རྣམས་ཚང་བར་གྱུར་པའམ་ཚད་ལོངས་པའི་དོན་ཏེ། (དཔེར་ན།) ཟླ་བ་ཉ་གང་བ། བྱིས་པ་ཤ་ཁ་གང་བ། བྲེ་ཁ་གང་བ་ཞེས་པ་ལྟ་བུ། མིང་བསྡུས་ན་གང་ཞེས་འབྲི་ཆོག་སྟེ། (དཔེར་ན།) ཉ་གང་ཟླ་བ། བྲེ་ཁ་གང་ཞེས་པ་ལྟ་བུ། |
| གང་བ་བཟང་པོ |
གནོད་སྦྱིན་ཞིག་རྣམ་ཐོས་ཀྱི་བུ་ཞིག |
| གང་བའི་ཟླ་བ |
ཚེས་བཅོ་ལྔའི་ཟླ་བ་ཉ་གང་བ། |
| གང་བུ |
1.མེ་ཏོག་ཁ་མ་བྱེ་བའི་ཐེའུ་སྟེ། (དཔེར་ན།) མེ་ཏོག་ལ་གང་བུ་ཐོན་པ་ཞེས་པ་ལྟ་བུ། 2.ཤུན་སྐོགས་གཅིག་གི་ནང་ན་ས་བོན་མང་པོ་ཡོད་པའི་རྩི་ཤིང་གི་འབྲས་བུའི་མིང་སྟེ། (དཔེར་ན།) སྲན་མའི་གང་བུ། ཏིལ་གྱི་གང་བུ། འབྲུ་གང་བུ་ཅན། རྩི་ཤིང་གང་བུ་ཅན་ཞེས་པ་ལྟ་བུ། ཚིག་བསྡུས་ན་གང་ཞེས་འབྲི་ཆོག་སྟེ། (དཔེར་ན།) སྲན་གང་། ཏིལ་གང་ཞེས་པ་ལྟ་བུ། མེ་ཏོག་ཁ་མ་ཕྱེ་བའི་ཐའུའི་མིང་ མེ་ཏོག་གི་གང་བུ་ཞེས་པ་ལྟ་བུ། |
| གང་བོ |
(རྒྱན་ཚིག) ཚད་ལོངས་པ་སྟེ། (དཔེར་ན།) མི་ཚེ་གང་བོར་གསར་བརྗེ་བྱས། ཉིན་གང་བོར་ངལ་རྩོལ་བྱས་ལྟ་བུ། མིང་བསྡུས་ན་གང་ཞེས་འབྲི་ཆོག་སྟེ། (དཔེར་ན།) མི་ཚེ་གང་ལ་གསར་བརྗེ་བྱས་ལྟ་བུ། |
| གང་བྱས |
1.གང་ལྟར་ཞེས་པའི་དོན་ཏེ། (དཔེར་ན།) སྐད་ཆ་མང་པོ་འདུག་ཀྱང༌། གང་བྱས་ངས་ནི་ཤོད་རྒྱུ་མ་བྱུང༌ལྟ་བུ།2.བྱས་པ་ཚང་མ་བྱ་བ་བྱས་ཚད་ཅེས་པའི་དོན། |
| གང་བྱུང་བ |
1.ཐོབ་ཚད་ཚང་མའི་དོན་ཏེ། (དཔེར་ན།) གོ་སྐབས་གང་བྱུང་བ་ཚང་མ་བེད་སྤྱོད་བྱས་པ་ལྟ་བུ།2.ཅིའང་རུང་བའི་དོན་ཏེ། (དཔེར་ན།) ལྟོ་གོས་གང་བུང་ན་ཡང་འགྲིག་ཅེས་པ་ལྟ་བུ། |
| གང་བྱུང་བྱུང |
1.བྱུང་ཚད་དམ་ཚང་མ།2.གང་རུང་རུང༌།3.ལག་ཏུ་གང་ཐེབས་ཐེབས། |
| གང་བྱུང་མང་བྱུང |
མ་བརྟགས་གང་དྲན་གྱི་བྱ་བ་སྟེ། (དཔེར་ན།) ལས་དོན་གང་བྱུང་མང་བྱུང་བྱས་པ། སྐད་ཆ་གང་བྱུང་མང་བྱུང་བཤད་ཅེས་པ་ལྟ་བུ། |
| གང་བྱུང་སྨྲ་བ |
1.ཁ་ནས་གང་ཐོན་ཤོད་པ། 2.བྱུང་ལུགས་ཇི་བཞིན་དྲང་པོར་སྨྲ་བ། |
| གང་མགྱོགས་ཅི་མགྱོགས |
མགྱོགས་གང་ཐུབ་ཀྱི་དོན་ཏེ། (དཔེར་ན།) དཔལ་འབྱོར་འཛུགས་སྐྲུན་གྱི་བྱ་བ་ཁག་གང་མགྱོགས་ཅི་མགྱོགས་ཀྱིས་བྱེད་ཅེས་པ་ལྟ་བུ། |
| གང་མང་གིས་ཞི་བ |
འདུལ་བ་ལས་བཤད་པའི་རྩོད་པ་ཞི་བྱེད་ཀྱི་ཆོས་བདུན་གྱི་གྲས། མངོན་སུམ་བརྒྱད་ཀྱི་སྒོ་ནས་རྩོད་པ་ཞི་བར་མ་ནུས་ན། ཚུལ་ཤིང་བྲིམས་ཏེ་གང་མང་བའི་ཕྱོགས་ལ་དག་པ་བྱིན་ཏེ་ཞི་བར་བྱེད་པའོ། ། |
| གང་མིན་ཚད |
ཧ་ལས་པའི་དོན་ཏེ། (དཔེར་ན།) ལས་ཀ་གང་མིན་ཚད་ཡག་པོ་བྱས་འདུག གང་མིན་ཚད་ཚབས་ཆེན་རེད། དེ་འདྲ་ཡིན་ན་གང་མིན་ཚད་ཡག་པོ་རེད་ཅེས་པ་ལྟ་བུ། |
| གང་མྱུར་ཅི་མྱུར |
གང་མགྱོགས་ཅི་མགྱོགས། |
| གང་ཙུག |
གང་འདྲའམ་ཇི་ལྟར། |
| གང་ཞིག |
སྤྱི་སྒྲ་ཞིག་སྟེ། (དཔེར་ན།) བྱ་བ་གང་ཞིག ལས་དོན་ཆེ་ཆུང་གང་ཞིག་སྒྲུབ་ཀྱང་དོ་དོ་བརྟན་བརྟན་བྱས་ནས་སྒྲུབ་དགོས། གང་ཞིག་ཡིད་ལ་བྱེད་པ་ཞེས་པ་ལྟ་བུ། |
| གང་ཞེ་ན |
ཅི་རེད་ཟེར་ན་ཞེས་པའི་དོན་ཏེ། (དཔེར་ན།) དེ་ལྟར་བཤད་པའི་རྒྱུ་མཚན་གང་ཞེ་ན། མིག་གི་རྣམ་པར་ཤེས་པ་གང་ཞེ་ན་ཞེས་པ་ལྟ་བུ། |
| གང་ཟག |
གདགས་གཞི་ཕུང་པོ་ལྔ་པོ་གང་རུང་ལ་བརྟེན་ནས་བཏགས་པའི་མིའམ། སྐྱེས་བུའམ། སེམས་ཅན་གང་དེའི་རྒྱུད་ལ་སྐྱོན་ཡོན་གཉིས་ཀ་རེ་ཞིག་གང་བ་དང༌། རེ་ཞིག་ཟག་པ་སྟེ་འཇིག་པར་འགྱུར་བའི་མིང༌། (དཔེར་ན།) གང་ཟག་གིས་གང་ཟག་ལ་ཚོད་འཛིན་མ་བྱེད། གང་ཟག་མ་བརྟགས་པར་གཏམ་བཅོལ་མ་བྱེད་ཅེས་པ་ལྟ་བུ། མིང་གི་རྣམ་གྲངས་ལ་སྐྱེ་བ་དང༌། སྐྱེས་བུ། མཐོང་བ་པོ། བདག་བྱེད་དུ་འཇུག་པ་པོ། བྱེད་པ་པོ། ཚོར་བ་པོ། ཟ་བ་པོ། ཤེད་བདག་ཤེད་ལས་སྐྱེས། ཤེས་པ་པོ། སེམས་ཅན། སྲོག་སློང་བ་པོ། གསོ་བ་བཅས་སོ། ། |
| གང་ཟག་གི་གདགས་གཞི |
ཕུང་པོ་ལྔ་གཟུགས་དང༌། ཚོར་བ། འདུ་ཤེས། འདུ་བྱེད། རྣམ་ཤེས་བཅས་སོ། ། |
| གང་ཟག་གི་གཞི |
འདུལ་བ་གཞི་བཅུ་བདུན་གྱི་ནང་གསེས། དུས་དང་དུས་མ་ཡིན་པ་བསྡུས་པ་འབྱུང་བའི་གཞི་གང་ཟག་གིས་ལྟུང་བ་བཅབས་མ་བཅབས་ཀྱི་རྣམ་དབྱེ་སྟོན་པ་ལ་གང་ཟག་གི་མིང་གིས་བཏགས་པའོ། ། |
| གང་ཟག་གི་བདག |
གང་ཟག་རང་རྐྱ་ཐུབ་པའི་རྫས་ཡོད་དུ་གྲུབ་པ། ། |
| གང་ཟག་གི་བདག་མེད |
བདག་མེད་གཉིས་ཀྱི་ཡ་གྱལ། རང་རྒྱུད་ཀྱིས་བསྡུས་པའི་ཕུང་པོ་བདེན་པར་མ་གྲུབ་པའོ། ། |
| གང་ཟག་གི་བདག་འཛིན |
བདག་འཛིན་གཉིས་ཀྱི་ཡ་གྱལ། གདགས་གཞི་རང་རྒྱུད་ཀྱིས་བསྡུས་པའི་ཕུང་པོ་ལ་བརྟེན་ནས་ང་དང་ང་ཡིར་འཛིན་པའོ། ། |
| གང་ཟག་གི་བསམ་པ་ལ་དགོངས་པ |
གང་ཟག་ཁ་ཅིག་ལ་བསྔགས་པའི་དགེ་བའི་རྩ་བ་འགའ་ཞིག་དེས་ཆོག་པར་འཛིན་པའི་གང་ཟག་ཁ་ཅིག་གི་ངོར་སྨད་པ་ལྟ་བུའོ། ། |
| གང་ཟག་བཞི |
མུན་པ་ནས་མུན་པར་འགྲོ་བ། མུན་པ་ནས་སྣང་བར་འགྲོ་བ། སྣང་བ་ནས་མུན་པར་འགྲོ་བ། སྣང་བ་ནས་སྣང་བར་འགྲོ་བ་སྟེ་བཞིའོ། ། |
| གང་ཟག་ལ་མི་རྟོན |
མི་རྟོན་པ་བཞིའི་ནང་གསེས་ཤིག་ཆོས་དང་མི་མཐུན་པའི་སྤྱོད་པ་ཅན་ཡིན་ན་རིགས་རུས་སྙན་གྲངས་མངའ་ཐང་སོགས་ཇི་སྟར་ཆེ་ནའང་ཉེ་བར་མི་བརྟེན་པའོ། ། |
| གང་ཟག་སྙན་བརྒྱུད |
སྔར་དུས་རབས་བརྒྱད་པའི་སྐབས་སློབ་དཔོན་པདྨ་འབྱུང་གནས་དང༌། པཎ་ཆེན་བི་མ་ཡི་ཏྲ་གཉིས་ཀྱིས་སློབ་མ་རྣམས་ལ་ནང་རྒྱུད་ཡོ་ག་གསུམ་གྱི་མན་ངག་དངོས་སུ་གསུངས་ཏེ་རིམ་གྱིས་བྱུང་བའི་བརྒྱུད་པ་དེའོ། ། |
| གང་ཟག་སྟ་གོན |
དབྱར་གནས་ཀྱི་སྦྱོར་བའི་ཆོ་ག་ཞིག་ཐོག་མར་གནས་མལ་སྟོབས་པའི་ཆེད་དུ། ཁྱད་ཆོས་བཅུ་ལྡན་གྱི་དགེ་སློང་གཅིག་གམ་གཉིས་གསོལ་བ་དང་གཉིས་ཀྱི་ལས་ཀྱིས་གནས་མལ་སྟོབ་པའི་གང་ཟག་ཏུ་བསྐོས་ཏེ། སྦྱོར་བ་ཚུལ་ཤིང་ཉེ་བར་བཞག་པ་དང༌། ཁྲིམས་ཀྱི་བྱ་བ་བརྗོད་པ་གསོལ་བའི་ལས་བྱང༌། ཚུལ་ཤིང་འགྲིམ་པ་སོགས་བྱས་ཏེ། དངོས་གཞིའི་གནས་གཙུག་ལག་ཁང་དང༌། ཤིང་དྲུང་སོགས་སུ་ཁྲི་དང་སྟན་དང་གོས་ལ་སོགས་པའི་གནས་མལ་རྣམས་རྒན་རིམ་བཞིན་དུ་བསྟབས། མཇུག་ཏུ་གནས་མལ་ལ་གདིང་བ་རྣམ་པར་དག་པས་བསྐྱབས་ནས་ལོངས་སྤྱོད་པའི་ཚུལ་བརྗོད་པ་བཅས་སོ། ། |
| གང་འཐད་གང་རིགས |
ཇི་ལྟར་བྱེད་འོས་པའམ་འགྲིག་པ། |
| གང་འདྲ |
ཇི་འདྲའམ། ག་འདྲ་ཞེས་པའི་དོན་ཏེ། (དཔེར་ན།) ཚིག་འདིའི་དོན་གང་འདྲ་རེད་ཅེས་པ་ལྟ་བུ། |
| གང་འཚམས |
ཐལ་ཆ་མེད་པའི་འཚམས་པོའམ། གཉིས་མཐར་མ་ལྷུང་བའི་འཚམས་པོ། |
| གང་ཡག་ཡག |
འགྲིག་ཙམ་དང༌། ལོ་ཙམ་གྱི་དོན་ཏེ། (དཔེར་ན།) ཅ་ལག་འདི་གང་ཡག་ཡག་འདུག ལས་ཀ་བྱེད་སྟངས་གང་ཡག་ཡག་འདུག་ཅེས་པ་ལྟ་བུ། |
| གང་ཡང |
ཅི་ཡང་ངམ། གཅིག་ཀྱང༌ཞེས་པའི་དོན་ཏེ། (དཔེར་ན།) མཐུན་རྐྱེན་གང་ཡང་ཚང་བ། ནད་རིམས་ན་ཚ་གང་ཡང་མེད་པ། མི་གང་ཡང་རུང་བ་ཞིག རྒྱུ་རྐྱེན་གང་ཡང་རུང་བ་གཅིག་མ་ཚང་ན་འབྲས་བུ་འབྱུང་བར་མི་འགྱུར་བ་ཞེས་པ་ལྟ་བུ། |
| གང་ཡིན |
1.གང་འདྲའམ་ཅི་འདྲ་ཡིན། 2.ཡིན་པ་ཐམས་ཅད། |
| གང་ཡིན་འདི་ཡིན་མེད་པ |
1.ཚད་འཛིན་རྒྱུ་མེད་པ་སྟེ། (དཔེར་ན།) སྐད་ཆ་གང་ཡིན་འདི་ཡིན་མེད་པ་མ་བཤད་ཅེས་པ་ལྟ་བུ།2.ཧ་ལས་པའི་དོན་ཏེ། (དཔེར་ན།) རྟ་འདིའི་འགྲོས་ཡག་པ་ལ་གང་ཡིན་འདི་ཡིན་མི་འདུག་ཅེས་པ་ལྟ་བུ། 3.ཆོ་མེད་པ་སྟེ། (དཔེར་ན།) ལས་ཀ་འདི་ཆོ་མེད་གང་ཡིན་འདི་ཡིན་མེད་པ་ཞིག་བྱས་འདུག་ཅེས་པ་ལྟ་བུ། |
| གང་ཡོད |
1.ཡོད་ཚད་ཚང་མའམ་ཇི་སྙེད་ཀྱི་དོན་ཏེ། (དཔེར་ན།) ནུས་ཤུགས་གང་ཡོད། བསམ་འཆར་གང་ཡོད་བཤད་ཟིན་ཞེས་པ་ལྟ་བུ།2.ཅི་ཞིག་ཡོད་དམ་ག་རེ་ཡོད་ཅེས་པའི་དོན་ཏེ། (དཔེར་ན།) ལས་དོན་གང་ཡོད་ནའང་བྱེད་དགོས་ཞེས་པ་ལྟ་བུ། |
| གང་རིགས |
ཅི་རིགས། |
| གང་རིགས |
གང་དག་གམ་གང་འོས་ཀྱི་དོན་ཏེ། (དཔེར་ན།) མི་གང་རིགས། ས་གང་རིགས། དོན་དེ་གང་རིགས་ཤིག་སྒྲུབ་ལྟ་བུ། |
| གང་རུང |
ཅི་རིགས་ཏེ། (དཔེར་ན།) བཞོན་པ་རྟ་དྲེལ་གང་རུང་ཡོད་ན་འགྲིག རྟགས་གང་རུང་གཅིག་ལ་མ་གྲུབ་པ་ཞེས་པ་ལྟ་བུ། |
| གང་རུང |
འགའ་ཞིག་གི་ནང་ནས་རེ་གཉིས་སམ། གཅིག་གི་དོན་ཏེ། (དཔེར་ན།) མི་འདི་གཉིས་ལས་གང་རུང་ཞིག་ནི་སློབ་གྲྭའི་དགེ་རྒན་རེད། སྨན་འདི་རྣམས་ལས་གང་ཡང་རུང་བ་ཞིག་གིས་ཆམ་པའི་ནད་ལ་ཕན་ལྟ་བུ། |
| གང་རུང་རུང |
1.གང་བྱུང་བྱུང༌གི་དོན་ཏེ། (དཔེར་ན།) ལག་ཆ་གང་རུང་རུང་ཞིག་འཁྱེར་ཡོང་ན་མི་འགྲིག་ཅེས་པ་ལྟ་བུ། 2.གང་འོས་འོས་ཀྱི་དོན་ཏེ། (དཔེར་ན།) ད་རེས་ཀྱི་དངུལ་ལྷག་འདི་གང་རུང་རུང་དུ་སྤྱད་ཆོག་ཅེས་པ་ལྟ་བུ། |
| གང་ལ་གང་འཚམས |
གང་ལ་གང་འོས་སམ་གང་ལ་ཅི་འོས་ཀྱང་ཟེར། ཡུལ་གང་ལ་དངོས་པོའམ་བྱ་བ་གང་རན་པ། |
| གང་ལ་དེ་འཚམས |
ཡུལ་གང་ལ་དེ་དང་རིགས་མཚུངས་པའི་དོན་ཏེ། (དཔེར་ན།) མི་སོ་སོའི་གནས་ཚུལ་གང་ལ་དེ་འཚམས་ཀྱིས་གོ་སྒྲིག་བྱེད་ཅེས་པ་ལྟ་བུ། |
| གང་ལ་ལ |
སེམས་ལྡན་སེམས་མེད་བྱེ་བྲག་པར་སྦྱོར་རྒྱུའི་སྤྱི་མིང༌སྟེ། (དཔེར་ན།) ཡུལ་གང་ལ་ལ་ཞིག་ཏུ་འགྲོ་དགོས། མི་གང་ལ་ལ་ཞེས་པ་ལྟ་བུ། |
| གང་ལེགས་པ |
གང་བཟང་པའམ་བཟང་ཤོས་ཀྱི་དོན་ཏེ། (དཔེར་ན།) སྐད་ཆ་གང་ལེགས་པ་ཞིག་བཤད་འདུག གང་ལེགས་གང་བཟབ་ཅེས་པ་ལྟ་བུ། |
| གང་ལོ |
ཕན་ཐོགས་པ་ཅི་ཡིན་པའི་དོན་ཏེ། (དཔེར་ན།) དངོས་པོ་དེ་ཚོའི་ནང་ནས་ཁྱོད་རང་གང་ལོ་བ་ཞིག་འདོམས་ཞེས་པ་ལྟ་བུ། |
| གང་ལྟར |
གང་ཡིན་ཡང་ངམ་ག་རེ་ཡིན་ནའང༌ཞེས་པའི་དོན་ཏེ། (དཔེར་ན།) གང་ལྟར་དེ་འདྲ་བྱས་ན་འགྲིག་གི་མ་རེད་ཅེས་པ་ལྟ་བུ། |
| གང་ས |
ཆ་ཐམས་ཅད་དང༌། ཕྱོགས་ཚང་མ་དང༌། སྒོ་ཀུན་བཅས་ཀྱི་དོན་ཏེ། (དཔེར་ན།) ཡུལ་ལུང་གང་ས་གང་ལ་སྐོར་གཡེང་དུ་ཕྱིན་པ། ས་ཕྱོགས་གང་ས་གང་ལ་འགྲོ་མྱོང༌ཞེས་པ་ལྟ་བུ། |
| གང་ས་ཅི་ཐད |
ཕྱོགས་ཐམས་ཅད་ཀྱི་དོན་ཏེ། (དཔེར་ན།) མཐུན་རྐྱེན་གང་ས་ཅི་ཐད་ནས་འཛོམས་འདུག་ཅེས་པ་ལྟ་བུ། |
| གང་སྒྲ |
སྤྱི་སྒྲ་ཞིག་སྟེ་གང་དང་དོན་གཅིག |
| གང་སྔ |
སྔ་མ་སུ་ཡིན་གྱི་དྲི་ཚིག་སྟེ། (དཔེར་ན།) བྱ་བ་རྣམས་གང་སྔ་བསྒྲུབ་དགོས་ཞེས་པ་ལྟ་བུ། |
| གང་སྔ་སྔ |
གང་མགྱོགས་མགྱོགས་ཀྱི་དོན་ཏེ། (དཔེར་ན།) སང་ཉིན་གང་སྔ་སྔ་ཕེབས་རོགས་གནང༌ཞེས་པ་ལྟ་བུ། |
| གང་སྟོང |
འཕེལ་འགྲིབ་ཀྱི་དོན་ཏེ། (དཔེར་ན།) དབྱར་གྱི་གཙང་པོ་གང་སྟོང་འཕེལ་འགྲིབ་མང༌། ཟླ་བ་ཟླ་རེར་གང་སྟོང་ཐེངས་རེ་བྱེད་ཅེས་པ་ལྟ་བུ། |
| གང་སྤེལ་མ |
སློབ་དཔོན་དབྱིག་གཉེན་གྱི་སློབ་མ་གང་སྤེལ་གྱིས་བརྩམས་པའི་མངོན་པ་མཛོད་ཀྱི་འགྲེལ་པ། |
| གངས |
ཁ་བ་དང་ཁ་བ་ཆབ་རོམ་དུ་གྱུར་བའི་རི་བོའི་མིང་སྟེ། (དཔེར་ན།) གངས་ཉིལ་བ། གངས་བཤངས་པ། གངས་སིམ་སིམ་བབས་པ་ཞེས་པ་ལྟ་བུ། |
| གངས་ཀྱི་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་དམངས་ཀྱི་ཁང་ཐོག་དང༌། ཉེ་སྐོར་དུ་བབ་པའི་གངས་རྣམས་འཕྱག་སྐྱེལ་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| གངས་ཅན |
ཁ་བའམ་གངས་རི་ཡོད་པའི་ཡུལ་ལུང༌སྟེ། (དཔེར་ན།) གངས་ཅན་མཁས་པའི་གཙུག་རྒྱན། ཡུལ་གངས་ཅན་གྱི་སྐད། གངས་ཅན་ལྗོངས་ཞེས་པ་ལྟ་བུ། |
| གངས་ཅན་གྱི་མཁས་པ་མི་གསུམ |
ཚིག་ལ་མཁས་པ་ས་སྐྱ་པཎྜི་ཏ་ཀུན་དགའ་རྒྱལ་མཚན། དོན་ལ་མཁས་པ་བུ་སྟོན་རིན་ཆེན་གྲུབ། ཚིག་དོན་གཉིས་ཀར་མཁས་པ་རྗེ་བཙུན་བློ་བཟང་གྲགས་པ་བཅས་གསུམ་མོ། ། |
| གངས་ཅན་ཆོས་རྒྱལ |
བོད་ཀྱི་ཆོས་རྒྱལ། |
| གངས་ཅན་མགོན་པོ |
སྤྱན་རས་གཟིགས། |
| གངས་ཆར |
1.གངས་དང་ཆར་པའི་བསྡུས་མིང༌། 2.གངས་མ་ཆར་ཏེ། (དཔེར་ན།) དགུན་དཔྱིད་ལ་གངས་ཆར་བུ་ཡུག་འཚུབས་པ་ཡོང༌། |
| གངས་ཆུ |
གངས་ཞུ་ནས་བྱུང་བའི་ཆུ། |
| གངས་ཆུའི་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་དམངས་ཀྱི་ཁང་ཐོག་འཁྱིལ་བའི་གངས་ཆུ་ཕྱི་ལོགས་སུ་གཤོ་འདོན་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| གངས་ཏེ་སེ |
བོད་མངའ་རིས་ས་ཆའི་གངས་རི་ཏེ་སེ་སྟེ། ཕྱི་ནང་གཉིས་ཀའི་གནས་རི་རྩ་ཆེན་ཞིག་ཏུ་བརྩི། |
| གངས་ཏེ་སེའི་རི་རྒྱུད |
བོད་ཀྱི་རི་རྒྱུད་ཆེན་པོ་ཞིག་དེའི་གཙོ་བོའི་རི་རྩེ་མཐོ་ཤོས་གནས་རེ་ཁྱད་འཕགས་ཅན་གངས་རིན་པོ་ཆེ་ཞེས་གྲགས་པར་རྣམ་ཀུན་ནས་རང་རྒྱལ་དང༌། ཕྱི་རྒྱལ་ཁོངས་ཆོས་དད་ཅན་གྱི་མི་ཚོས་ཕྱག་སྐོར་མཇལ་མཆོད་སོགས་བྱེད་པར་མ་ཟད། ལྷག་པར་རྟ་ལོ་ནམ་ཤར་ལ་མཇལ་མི་མང་དུ་འདུས་ནས་ཕྱག་མཆོད་དུས་སྟོན་ཤིན་ཏུ་ཚན་ཆེ་བ་བྱེད་ཡུལ་ཞིག མིང་གི་རྣམས་གྲངས་ལ་ཀེ་ལ་ཤའི་རྒྱལ་པོ་དང༌། གང་གཱའི་ཡབ། གངས་རིའི་བུ། དབྱིག་གི་ལྟེ་བ་བཅས་སོ། ། |
| གངས་ཐིགས |
རྡོ་རིལ་མོ་བྱིའུའི་སྒོ་ངའི་དབྱིབས་ཅན། སོས་བལྡད་ན་སོ་མི་སེག་ཅིང་བྲོ་བ་ཅི་ཡང་མེད་པ་ཞིག་ཡིན། རྒྱ་སྐད་དུ་ཀན་ཧྲི་ཟེར་ཞིང་སྨན་བྱེད་ཆོག |
| གངས་ཐིབས |
ཁ་བ་ཆེན་པོ་བབས་པའི་དོན་ཏེ། (དཔེར་ན།) འབྲོག་ཁུལ་དུ་གངས་ཐིབས་བརྒྱབ་ན་ནོར་ཕྱུགས་ལ་གོད་ཉེན་ཆེ་ཞེས་པ་ལྟ་བུ། |
| གངས་ཐུལ |
ཁ་བ་སིབ་སིབ་ཀྱི་དོན་ཏེ། (དཔེར་ན།) ད་ནང་སྔ་དྲོ་རི་མགོར་གངས་ཐུལ་སྐྱ་ཆགས་པ་ཞིག་བབ་འདུག སྦྲང་བུ་ལྡིང་བ་བཞིན་དུ་གངས་ཐུལ་སི་ལི་སི་ལི་འབབ་ཀྱིན་འདུག་ལྟ་བུ། |
| གངས་ད་བྱིད |
(མངོན་བརྗོད།) གངས་སྦལ། |
| གངས་དཀར |
1.གངས་རི་སྟེ། (དཔེར་ན།) གངས་དཀར་སེང་གེའི་གཡུ་རལ་ལ། ཁྱི་ནག་དོམ་བུའི་རྔ་མས་འགྲན་ཞེས་པ་ལྟ་བུ།2.གངས་རི་ཞིག་སྟེ། ཁམས་ཕྱོགས་ཀྱི་དར་མདོ་རྫོང་ན་ཡོད། |
| གངས་མ་ཆར |
ཁ་བ་དང་ཆར་པ་འདྲེས་མ། |
| གངས་མཐོན་མཐིང་རྒྱལ་མོ |
ཇོ་མོ་གླང་མ་རིའི་མིང་གཞན་ཞིག |
| གངས་མདོག |
གངས་རིའི་མདོག་གམ་མདོག་དཀར་པོ། |
| གངས་ཞོད |
གངས་འབབ་པ། |
| གངས་འུར་རྒྱག་པ |
1.གངས་ལྷགས་འཚུབ་པ། 2.གངས་ཉིལ་བ། |
| གངས་རི |
ཁ་བའི་རི་སྟེ། (དཔེར་ན།) གངས་རི་ལྷུན་ཆགས་ཅན། མཐའ་བཞིར་གངས་རི་ཆེན་པོས་བསྐོར་ལྟ་བུ། མིང་གི་རྣམ་གྲངས་ལ་ཀཻ་ལ་ཤ་དང༌། ཁ་བའི་རྡུལ་བརྩེགས། ཁ་བའི་རི། ས་འཛིན་དཀར་པོ་བཅས་སོ། ། |
| གངས་རི་དཀར་པོ |
1.གངས་རིའི་མདོག་དཀར་པོ།2.རི་རྒྱུད་ཅིག་སྟེ། བོད་དབུས་ཕྱོགས་ཀྱི་སྤོ་ཡུལ་དང་མེ་ཏོག་རྫོང་བར་དུ་ཡོད། |
| གངས་རི་ལ་གནས་པའི་སྡེ |
ཕལ་ཆེན་སྡེ་པ་ལྔའི་ནང་གསེས་ཤིག |
| གངས་རིན་པོ་ཆེ |
གངས་ཏེ་སེའི་རི་རྒྱུད་ཀྱི་རྩེ་གཙོ་བོ་དེ་ཡིན་ཞིང༌། བོད་དབུས་ཕྱོགས་ཀྱི་་སྤུ་ཧྲེང་རྫོང་གི་བྱང་རྒྱུད་དུ་ཡོད། མཐོ་ཚད་རྒྱ་མཚོའི་ངོས་ནས་སྨི་6656 ཡོད། ལྷ་དབང་ཕྱུག་ཆེན་པོའི་གནས་རི་ཡིན་ཡང་ཟེར། |
| གངས་རིའི་ཁྲོད |
1.གངས་ཀྱི་རི་གསེབ། 2.བོད་ཡུལ། |
| གངས་རིའི་དབང |
རི་བོ་གངས་ཅན། |
| གངས་རིའི་བུ |
(མངོན་བརྗོད།) གངས་ཏེ་སེ། |
| གངས་རིའི་ར་བ |
ཁ་བའི་རི་རྒྱུད་དེ། (དཔེར་ན།) གངས་རིའི་ར་བས་བསྐོར་བའི་ཞིང་ཁམས་ཞེས་པ་ལྟ་བུ། |
| གངས་རིའི་ལྗོངས |
བོད་ཡུལ། |
| གངས་རུད |
གངས་རི་ནས་གངས་ཉིལ་བ། |
| གངས་རྒན |
1.སྲིད་པའི་གངས་རི། 2.ཉིན་གྲངས་མང་པོར་བབ་ཚན་ཆེ་བའི་ཁ་བ། |
| གངས་རྒྱལ |
(མངོན་བརྗོད།) སེང་གེ། |
| གངས་རྡིབ |
1.གངས་རི་ནས་གངས་ཉིལ་བ། 2.གངས་ཆེན་པོ་བབ་པ། |
| གངས་རྩེ་བརྒྱད |
མཚོ་སྔོན་ནུབ་ཕྱོགས་ཐེན་ཆེན་རྫོང་གི་གངས་རི་ཞིག |
| གངས་ལྗོངས |
བོད་ཡུལ། |
| གངས་ལྟོངས |
གངས་རིའི་ལ་ཉག་གི་ལྟོངས་ཀ། |
| གངས་ལྡན |
(མངོན་བརྗོད།) 1>གངས་རི། 2>བོད་ཡུལ། 3>ཤུ་དག་དཀར་པོ། |
| གངས་ལྷགས |
ཁ་བ་འདྲེས་མའི་རླུང་སྟེ། (དཔེར་ན།) བུ་ཡུག་གི་འཚུབ་མ་གངས་ལྷགས་འཚུབ་པའི་མཚན་མོ། ལམ་བར་དུ་གངས་ལྷགས་དྲག་པོ་ལྡང་བྱུང༌ཞེས་པ་ལྟ་བུ། |
| གངས་ཤུར་གློད་པ |
གངས་ཀྱི་དཀྱིལ་དུ་ཤུར་རེར་རྒྱུག་པ། |
| གངས་སུལ |
གངས་རིའི་གསེང་ངམ། བར་གསེབ། |
| གངས་སྦལ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར་ལ་ཆུང་ཟད་སྐྱུར། ཞུ་རྗེས་དྲོད། ནུས་པས་རོ་ཙ་བར་བྱེད། ཁུ་སྟོབས་འཕེལ། མཁལ་མའི་དྲོད་སྐྱེད། མིང་གི་རྣམ་གྲངས་ལ་གངས་ད་བྱིད་དང༌། སྟོབས་སྐྱེད། སྟོབས་ལྡན་མུ་ཏིག་གོས་ཅན། ཤའི་རྒྱལ་པོ་རྣམས་སོ། ། |
| གངས་སྦལ་མཛའ་མོ |
(མངོན་བརྗོད།) ཆུ་སྐྱར། |
| གཅག་པ |
གཅོག་པ་དང་འཆག་པའི་མ་འོངས་པ། |
| གཅགས |
(བྱེད་འབྲེལ་ལས་ཚིག) འཇགས་པའི་མ་འོངས་པ། སེམས་ལ་ངེས་པར་བྱས་པ་དང་སེམས་ལ་བཟུང་བའི་དོན་ཏེ། (དཔེར་ན།) ཡིད་ལ་གཅགས་བྱའི་ཚིག་དོན། དོན་གལ་ཆེན་ཡིད་ལ་གཅགས་དགོས་ལྟ་བུ། |
| གཅང |
(རྒྱན་ཚིག) 1>རིག་པ་གསལ་བའི་དོན་ཏེ། (དཔེར་ན།) བྱིས་པ་གཅང་བོ་ཞེས་པ་ལྟ་བུ། 2>ཤེས་ཚོར་རྣོ་བའི་དོན་ཏེ། (དཔེར་ན།) རི་དྭགས་གཅང་བོ་བྱིའུ་གཅང་བོ་ཞེས་པ་ལྟ་བུ། |
| གཅང་གཅོང |
(རྒྱན་ཚིག) གཅང་ངེ་གཅོང་ངེའི་བསྡུས་ཚིག |
| གཅང་ངེ་གཅོང་ངེ |
(རྒྱན་ཚིག) ལུས་རེས་བདེ་རེས་མི་བདེ་བའི་སྣང་ཚུལ་ཞིག་སྟེ། (དཔེར་ན།) ངའི་གཟུགས་པོ་བདེ་ཐང་མེད་པའི་གཅང་ངེ་གཅོང་ངེ་ཁོ་ན་རེད་ཅེས་པ་ལྟ་བུ། |
| གཅང་པོ |
(རྒྱན་ཚིག) ངག་སྒོ་ཡངས་པའམ། ཁ་འཇམ་སྨྲ་མཁས་ཀྱི་དོན་ཏེ། (དཔེར་ན།) མགྲོན་པོ་གནས་བདག་གཅང་པོ་འཛོམས་ན་བློ་བག་ཕེབས་པོ་ཡོང༌། |
| གཅད |
(བྱེད་འབྲེལ་ལས་ཚིག) གཅོད་ཀྱི་མ་འོངས་པ། དངོས་རྫས་རིང་བོ་དུམ་བུར་གཏུབ་པའི་དོན་ཏེ། (དཔེར་ན།) གཅད་བྱའི་ཤིང་ཞེས་པ་ལྟ་བུ། |
| གཅད་པ |
གཅོད་པའི་མ་འོངས་པའི་བྱ་མིང་། |
| གཅད་བྱ |
(མངོན་བརྗོད།) སེན་མོ། |
| གཅན |
1.ལམ་འཕྲང་ངམ་ལམ་འགོག་བྱེད་ཀྱི་ར་བ་དང་སྒོའི་མིང་གི་བརྡ་རྙིང་གཅན་རིམ་པ་ལྔ་ཞེས་པ་ལྟ་བུ། 2.ས་མཚམས་དཔྱ་ཁྲལ་གྱི་མིང་། |
| གཅན་གཟན |
གཙོ་བོར་ཤ་ཟ་བར་བརྟེན་ནས་འཚོ་བའི་རི་སྐྱེ་སྲོག་ཆགས་ཀྱི་སྤྱི་མིང་སྟེ། སྟག་སེང་དོམ་དྲེད་ཝ་སྤྱང་སོགས་ཐམས་ཅད་བཅན་གཟན་ཡིན། |
| གཅན་གཟན་ཁྲ་བོ |
(མངོན་བརྗོད།) སྟག |
| གཅན་པ |
སོ་པ། ལ་གཅན་པ། |
| གཅན་ཚ |
རྫོང་ཞིག་སྟེ། མདོ་སྨད་བྱང་རྒྱུད་དང་རྨ་ཆུའི་ལྷོ་འགྲམ་དུ་ཡོད། |
| གཅན་འཕྲང |
འགག་ལམ་མམ་ལམ་གུ་དོག་པོ། |
| གཅན་སྒོ |
(བརྡ་རྙིང་།) སྨད་འཚོང་མའི་ཁྱིམ། |
| གཅམ་གསག |
རྫུན་ཚིག་བཅོས་མའི་ཁ་གསག |
| གཅམ་བསྟོད |
བཅོས་མའི་ངོ་བསྟོད་ཀྱི་དོན་ཏེ། (དཔེར་ན།) གཅམ་བསྟོད་སྨྲས་པ། གཅམ་བསྟོད་སྒྲོག་པ་ཞེས་པ་ལྟ་བུ། |
| གཅམ་བུ |
1.གཏམ་བཅོས་མའམ་བཅོས་མའི་ངོ་བསྟོད་ཀྱི་དོན་ཏེ། (དཔེར་ན།) ཁྱེད་ལ་གཅམ་བུའི་ངོ་བསྟོད་ཞུས་པ་མིན་ཞེས་པ་ལྟ་བུ།2.བཅོས་མའམ་ཟོལ་སྦྱོར་རམ་རྫུན་མའི་དོན་ཏེ། (དཔེར་ན།) གཏམ་གཅམ་བུ། ཚིག་གཅམ་བུ་བཤད་དེ་གཞན་ལ་མགོ་སྐོར་གཏོང་མཁན་ཚོ་ནམ་ཞིག་ལ་རྫུན་རྐུབ་བརྡོལ་ཡོང༌ཞེས་པ་ལྟ་བུ། |
| གཅམ་བུ་པ |
གཞན་ལ་ངོ་དགའ་བྱེད་མཁན་གྱི་མི་སྟེ། ཡུལ་སྐད་དུ་ཡོག་ལི་ཞེས་པ་དང་དོན་གཅིག |
| གཅམ་བུ་བ |
དྲང་པོ་མི་བྱེད་མཁན་ནམ་ཟོལ་སྦྱོར་མཁན། |
| གཅར |
མ་འོངས་པ་གཅར་བྱའི་སྲིན་བུ་ཞེས་པ་ལྟ་བུ། |
| གཅར |
1. (བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་འདས་པ། རྡུང་རྡེག་བྱེད་པའི་དོན་ཏེ། (དཔེར་ན།) བྱིས་པ་ལ་གཅར་མི་རུང་། མི་ལ་གཅར་མཁན་ཞེས་པ་ལྟ་བུ། སྐུལ་ཚིག་ལ་གཅོར་འབྲི། 2.(བྱེད་མེད་ལས་ཚིག) བཅར་གྱི་མ་འོངས་པ་དང་ད་ལྟ་བ། (དཔེར་ན།) གམ་དུ་ཉེ་བའི་དོན་ཏེ། སྟག་གི་གམ་དུ་གཅར་མི་རུང་ཞེས་པ་ལྟ་བུ། |
| གཅར་བ |
གཅོར་བའི་མ་འོངས་པ། |
| གཅལ |
ར་བའི་མཐིལ་ངོས་ཀྱི་མིང་སྟེ། རྡོ་བཏིང་བའི་ར་བའི་མཐིལ་ལ་རྡོ་གཅལ་ཟེར། |
| གཅལ་དུ་བཀྲམ |
དངོས་རྫས་རྣམས་གོ་རིམ་མེད་པར་ས་ལ་བརྡལ་བའི་དོན་ཏེ། (དཔེར་ན།) གཡུལ་ངོར་དགྲ་ཟླའི་མི་རོ་གཅལ་དུ་བཀྲམ་ལྟ་བུ། |
| གཅལ་མ |
1.ས་ངོས་སུ་རྡོ་ཤིང་སོགས་སྙོམས་པོར་བསྒྲིགས་པའི་གཞི་སྟེ། (དཔེར་ན།) རྡོ་གཅལ། པང་གཅལ། ཨར་གཅལ་ཞེས་པ་ལྟ་བུ།2.ཁོད་སྙོམས་དང་ཆལ་མའི་དོན་ཏེ། (དཔེར་ན།) མེ་ཏོག་གཅལ་དུ་བཀྲམ་པ་ཞེས་པ་ལྟ་བུ། |
| གཅི |
(བྱེད་འབྲེལ་ལས་ཚིག) གཅིས་ཀྱི་མ་འོངས་པ་དང་ད་ལྟ་བ། གཅིན་པ་གཏོང་བའི་དོན་ཏེ། (དཔེར་ན།) གཅི་བྱའི་གཅིན་གཅི་དགོས་ལྟ་བུ། |
| གཅི་བ |
(བྱེད་འབྲེལ་ལས་ཚིག) གཅིན་པ་གཅི་བ་ལྟ་བུའི་བྱ་མིང་། |
| གཅིག |
1.(གྲངས་ཚིག) གྲངས་ཀྱི་གཅིག་གྲངས་ཀ་རིལ་པོའི་ཉུང་མཐའ། (དཔེར་ན།) ནད་བརྒྱ་སྨན་གཅིག ཚིག་བརྒྱ་དོན་གཅིག གཅིག་ལ་གཅིག་བརྟེན་ཞེས་པ་ལྟ་བུ། མིང་གི་རྣམ་གྲངས་ལ་ཟླ་བ་དང༌། གཟུགས། འོད་དཀར་ཅན། རི་བོང་ཅན། བསེ་རུ་བཅས་སོ། །2.ཡོངས་རྫོགས་དང་རིལ་པོའི་དོན་ཏེ། (དཔེར་ན།) མི་ཚེ་གཅིག བྱེད་ན་བྱེད་གཅིག རྒྱག་ན་རྒྱག་གཅིག བློ་གཅིག་སེམས་གཅིག མཐའ་གཅིག་ཏུ་ལེགས་པ། གཅིག་ཏུ་ཆ་མི་མཐུན་པ་ཞེས་པ་ལྟ་བུ།3.བྱ་ཚིག་གི་སྔོན་དུ་སྦྱར་ནས་དེའི་ལན་གཅིག་གམ་ཐེངས་གཅིག་གི་དོན་དུ་འཇུག་པའི་ཕྲད་ཅིག་སྟེ། (དཔེར་ན།) ཁྱོད་ཀྱིས་གཅིག་ཤོད་དང༌། ང་ལ་གཅིག་སྟོན་དང༌། ཁོ་ལ་གཅིག་བལྟས་ནས་ཕྱིན་སོང༌། རྒྱུག་པས་གཅིག་བརྒྱབ་ནས་བསད་པ། གཅིག་འགྲོ་རྩིས་ཡོད་ལྟ་བུ། |
| གཅིག་ཀ |
གཅིག་ནི་ཞེས་པའི་དོན་ཏེ། (དཔེར་ན།) མང་ཚོགས་གྲས་ཀྱི་མི་གཅིག་ཀ་ཞེས་པ་ལྟ་བུ། |
| གཅིག་གཅིག་གཉིས་གཉིས |
1.ཉུང་ཉུང་གི་དོན། 2.ལྷག་ཆད་ནོར་གསུམ་མེད་པར་གསལ་པོར་སྟོན་པའི་དོན་ཏེ། (དཔེར་ན།) གཞུང་ཁྲ་ནང་གསལ་ཚང་མ་གཅིག་གཅིག་གཉིས་གཉིས་སུ་རྩིས་སྤྲད་ཡོད། དེང་སང་གི་གཏམ་གསར་གཅིག་གཅིག་གཉིས་གཉིས་སུ་ཞུས་ལྟ་བུ། |
| གཅིག་གཉིས |
ཁ་ཤས་སམ་འགའ་ཞིག་གི་དོན་ཏེ། (དཔེར་ན།) མི་གཅིག་གཉིས། ཁང་པ་གཅིག་གཉིས་ཞེས་པ་ལྟ་བུ། |
| གཅིག་གནས |
བཅུ་ལོངས་གོང་དུ་སྒྲིལ་བའི་རྩིས་ལུགས་ཀྱི་གྲངས་གནས་དང་པོ། |
| གཅིག་གི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དོན་གཉིས་ཀ་ལ་ཐུན་མོང་དུ་འཇུག་རུང་གི་ཡོན་ཏན་སྒོ་ནས་མཚུངས་ཀྱང༌། ཁྱད་ཆོས་གཅིག་གིས་འདྲ་བ་ལས་ལྡོག་སྟེ་མི་མཚུངས་པ་སྟོན་པའི་རྒྱན་ཞིག |
| གཅིག་གོ་གཉིས་ཆོད |
གཅིག་གིས་གཉིས་ཀྱི་གོ་ཆོད་པ། |
| གཅིག་གོ་བཅུ་ཆོད |
གཅིག་གིས་བཅུའི་གོ་ཆོད་པ། |
| གཅིག་གྱུར |
ཁག་ཁག་མ་ཡིན་པར་གྱུར་པའི་དོན་ཏེ། (དཔེར་ན།) གོང་བུ་གཅིག་གྱུར། བློ་རྩེ་གཅིག་གྱུར། ངོས་འཛིན་གཅིག་གྱུར་ཞེས་པ་ལྟ་བུ། |
| གཅིག་གྲོགས་གཅིག་བྱེད |
གཅིག་ལ་གཅིག་གིས་ཕན་པ། |
| གཅིག་ངར་གཅིག་སློང |
གཅིག་གིས་གཅིག་ལ་ངར་སློང་བའི་དོན་ཏེ། (དཔེར་ན།) ཕན་ཚུན་གཅིག་ངར་གཅིག་སློང་བྱས་པས་ལས་ཆོད་ཆེན་པོ་བྱུང་སོང༌ཞེས་པ་ལྟ་བུ། |
| གཅིག་ཅིག |
གཅིག་པུ་ཞིག་ཅེས་པའི་དོན་ཏེ། (དཔེར་ན།) ནགས་ཚལ་སྟུག་པོའི་ཁྲོད་དུ་མི་གཅིག་ཅིག་འགྲོ་བཞིན་འདུག་ཅེས་པ་ལྟ་བུ། |
| གཅིག་ཆོག |
སྣེ་གཅིག་གིས་གོ་མང་པོ་ཆོད་པའི་དོན་ཏེ། (དཔེར་ན།) རྒྱན་གོས་གཅིག་ཆོག གྱོན་པ་འདི་ཉིད་དྲོ་དང་མཛེས་པ་གཅིག་ཆོག་རེད་ཅེས་པ་ལྟ་བུ། |
| གཅིག་ཉིད |
གཅིག་པུའམ་དེ་ཁོ་ན་རང༌། |
| གཅིག་ཏུ་མཛེས་པ |
1.སྐྱོན་མེད་མཛེས་པ་ཤ་སྟག 2.བྱང་ཆུབ་སེམས་དཔའ་ཞིག་གི་མཚན། |
| གཅིག་ཐོག་གཉིས་བརྩེགས |
རྣམ་པ་རིམ་བརྩེགས་ཀྱི་དོན་ཏེ། (དཔེར་ན།) ལས་ཁུངས་མང་པོ་གཅིག་ཐོག་གཉིས་བརྩེགས་སུ་བཙུགས་པ། གནས་ཚུལ་བཟང་པོ་གཅིག་ཐོག་གཉིས་བརྩེགས་བྱུང༌ཞེས་པ་ལྟ་བུ། |
| གཅིག་དང་ཐ་དད་བྲལ་བའི་མཚན་ཉིད |
སྟོང་པ་ཉིད་ཀྱི་རང་བཞིན་ཏེ། སྤྲོས་པའི་མཐའ་བརྒྱད་དང་བྲལ་བའི་དེ་ཁོ་ན་ཉིད་ཀྱི་ནང་གསེས་ཤིག |
| གཅིག་དུ |
གཅིག་དང་དུ་མ་སྟེ། ངོ་བོ་གཅིག་དང་མང་པོ། (དཔེར་ན།) གཅིག་དུ་གཉིས་སུ་མེད་པ་ཞེས་པ་ལྟ་བུ། |
| གཅིག་དུ་བྲལ |
གཅིག་དང་དུ་མ་གང་རུང་དུ་མེད་པའི་དོན་ཏེ། ཆོས་ཐམས་ཅད་ཀྱི་གནས་ལུགས་གཏན་ལ་འབེབས་བྱེད་ཀྱི་རིགས་པ་ཞིག |
| གཅིག་དུ་བྲལ་གྱི་གཏན་ཚིགས |
གཏན་ཚིགས་ཆེན་པོ་ལྔའི་ནང་གསེས། ཆོས་རྣམས་ཀྱི་ངོ་བོ་ལ་དཔྱོད་པ། གཅིག་དང་དུ་མ་དང་བྲལ་བ་རྣམ་པར་ཐར་བའི་སྒོ་སྟོང་པ་ཉིད་སྟོན་པའི་གཏན་ཚིགས་ཏེ། མྱུ་གུ་ལྟ་བུའི་ཆོས་ཀུན་ཆོས་ཅན་བདེན་པར་མེད་དེ་བདེན་པའི་གཅིག་དང་དུ་མ་གང་རུང་དུ་མེད་པའི་ཕྱིར། ཞེས་པ་ཁྱབ་བྱེད་མ་དམིགས་པའི་གཏན་ཚིགས་སོ། ། |
| གཅིག་དུ་བྲལ་གྱི་དཔྱད་པ |
སྟོང་ཉིད་སྒྲུབ་བྱེད་ཀྱི་རིགས་པ་ཞིག |
| གཅིག་པ |
1.འདྲ་བ་དང་མཚུངས་པ་མཐུན་པ་སོགས་ཀྱི་དོན་ཏེ། (དཔེར་ན།) ཁྱི་དང་བྱི་ལ་ནི་སྲོག་ཆགས་རིགས་མི་གཅིག་པ་རེད། འབྲོང་དང་གཡག་ནི་རིགས་གཅིག་པ་རེད། ངེད་གཉིས་ཀྱི་དྲན་ཚུལ་གཅིག་པ་རེད་ལྟ་བུ། 2.ཡོངས་སུ་རྫོགས་པ་དང་ཚད་ལོངས་པའི་དོན་ཏེ། (དཔེར་ན།) སྐྱེ་བ་གཅིག ཚེ་གཅིག་ལུས་གཅིག་ཅེས་པ་ལྟ་བུ།3.བློ་ཐག་ཆོད་པོའི་དོན་ཏེ། (དཔེར་ན།) མགྲིན་གཅིག་དབྱངས་གཅིག བློ་གཅིག་སེམས་གཅིག སེམས་བསམ་པ་རྩེ་གཅིག་ཅེས་པ་ལྟ་བུ།4.ཁེར་རྐྱང་གི་དོན་ཏེ། (དཔེར་ན།) ཕ་གཅིག་བུ་གཅིག མི་གཅིག་སྲོག་གཅིག་ཅེས་པ་ལྟ་བུ། |
| གཅིག་པ་གཅིག་རྐྱང |
དབྱེར་མེད་པའི་དོན་ཏེ། (དཔེར་ན།) མཚེ་མ་དེ་གཉིས་ཀྱི་ངོ་རིས་གཅིག་པ་གཅིག་རྐྱང་རེད་ཅེས་པ་ལྟ་བུ། |
| གཅིག་པ་བཀག་པའི་ཐ་དད |
རྫས་རྒྱུན་གཅིག་ཡིན་ཀྱང་དུས་ལ་ལྟོས་པས་འདས་མ་འོངས་ཐ་དད་པས་གཅིག་ཡིན་ན་ཅིག་ཤོས་ཡིན་པ་འགལ་བ། (དཔེར་ན།) བུམ་པ་གཅིག་གི་སྐད་ཅིག་སྔ་ཕྱི་ཐ་དད་ལྟ་བུའོ། ། |
| གཅིག་པ་བཞི |
གཅིག་པ་ལ་དབྱེ་ན། རང་ལྡོག་གཅིག་པ་དང༌། ངོ་བོ་གཅིག་པ། རིགས་གཅིག་པ། རྫས་གཅིག་པ་སྟེ་བཞིའོ། ། |
| གཅིག་པུ |
ཁེར་རྐྱང་གི་དོན་ཏེ། (དཔེར་ན།) རང་གཅིག་པུ། ཁོ་གཅིག་པུས་དཔེ་ཆར་བལྟས་ལྟ་བུ། |
| གཅིག་པུ་མ |
ཁེར་རྐྱང་གི་མོ་རིགས། |
| གཅིག་པུར་གནས |
(མངོན་བརྗོད།) རི་དྭགས་བསེ་རུ། |
| གཅིག་པོ |
1. ཁེར་རྐྱང༌གི་དོན་ཏེ། (དཔེར་ན།) ཁོ་རང་གཅིག་པོར་ཡོང་བ་རེད་ཅེས་པ་ལྟ་བུ། 2.གཞན་པའམ་ཅིག་ཤོས་ཏེ། (དཔེར་ན།) མི་གཅིག་པོ་དེ་ཡོང་མི་འདུག དོན་གཅིག་པོ་དེ་བསྒྲུབ་དགོས་ཞེས་པ་ལྟ་བུ། |
| གཅིག་ཕན་གཅིག་གྲོགས |
གཅིག་གིས་གཅིག་ལ་ཕན་རོགས་བྱེད་པ་སྟེ། (དཔེར་ན།) གྲོང་པ་ཁྱིམ་མཚེས་ཆགས་སྡང་མེད་པར་གཅིག་ཕན་གཅིག་གྲོགས་བྱེད་ཅེས་པ་ལྟ་བུ། |
| གཅིག་བྱས་གཉིས་གྲུབ |
ལས་ཀ་གཅིག་བྱས་ནས་དོན་དག་གཉིས་འགྲུབ་པའི་དོན་ཏེ། (དཔེར་ན།) ཐབས་ཇུས་མཁས་པས་ལས་དོན་གཅིག་བྱས་གཉིས་གྲུབ་བྱུང་བ་རེད་ལྟ་བུ། |
| གཅིག་བྱས་ན |
མ་ངེས་པ་སྟོན་པའི་ཚིག་ཅིག་སྟེ། (དཔེར་ན།) གཅིག་བྱས་ན་ཁོང་སང་ཉིན་ཡོང་གི་ཡོད་འགྲོ། ཁྱོད་རང་གིས་ཚོད་ཅིག་ལྟོས་དང༌། གཅིག་བྱས་ན་འཁྱེར་ཐུབ་མདོག་ཁ་པོ་རེད་ཅེས་པ་ལྟ་བུ། |
| གཅིག་མཐུན |
རིགས་གཅིག་ཏུ་གཞི་མཐུན་པའི་དོན་ཏེ། (དཔེར་ན།) བསམ་པ་དང་གྲོས་མོལ་གཅིག་མཐུན་དུ་གྱུར་ཞེས་པ་ལྟ་བུ། |
| གཅིག་མཚུངས |
གཅིག་པ་ནང་བཞིན་ལྟར་ཏེ། (དཔེར་ན།) དམིགས་ཡུལ་གཅིག་མཚུངས། གོམ་སྟབས་གཅིག་མཚུངས་ཞེས་པ་ལྟ་བུ། |
| གཅིག་མིན་གཉིས་མིན |
ཡང་ཡང༌གི་དོན་ཏེ། (དཔེར་ན།) ཆགས་སྒོ་གཅིག་མིན་གཉིས་མིན་བྱུང་སོང༌ཞེས་པ་ལྟ་བུ། |
| གཅིག་ཚིག |
བོད་ཡིག་ལྟར་ན་རྣམ་དབྱེ་དང་པོ་དེ་ག་རང་གཅིག་ཚིག་ཡིན། |
| གཅིག་ཟླུམ |
ཟླ་སྒྲིལ་ཏེ་གོང་བུ་གཅིག་ཏུ་འདྲིལ་བ། |
| གཅིག་འཇགས་གཅིག་ལངས |
ས་གནས་གཅིག་ལ་ཞོད་འཇགས་དང་ས་གནས་གཞན་ཞིག་ལ་ཟིང་ཆ་ལངས་པ། |
| གཅིག་འཕར་གཅིག་ཆག |
གཅིག་ཡར་འཕར་ཞིང་གཅིག་མར་ཆག་པའི་དོན་ཏེ། (དཔེར་ན།) ཁྲོམ་ཐང་གཅིག་འཕར་གཅིག་ཆག་ཅི་རིགས་ཡོང༌ཞེས་པ་ལྟ་བུ། |
| གཅིག་འཕྲོར་གཅིག་མཐུད |
རྒྱུན་བར་མ་ཆད་དུ་མཐུད་པའི་དོན་ཏེ། (དཔེར་ན།) ལས་རྒྱུན་གཅིག་འཕྲོར་གཅིག་མཐུད་བྱེད་ཅེས་པ་ལྟ་བུ། |
| གཅིག་ཡིད་གཅིག་ཆེས |
ཕན་ཚུན་བློ་ཁེལ་བའི་དོན་ཏེ། (དཔེར་ན།) ཡུན་རིང་སོང་མཚམས་སུ་ཕན་ཚུན་གཅིག་ཡིད་གཅིག་ཆེས་བྱུང་སོང༌ལྟ་བུ། |
| གཅིག་རེ་གཉིས་རེ |
རེ་གཉིས་ཏེ་ཉུང་ངུའི་དོན། (དཔེར་ན།) མི་ངན་གཅིག་རེ་གཉིས་རེ། འགྲོ་ཐེངས་གཅིག་རེ་གཉིས་རེ་ལས་མེད་ཅེས་པ་ལྟ་བུ། |
| གཅིག་རྐྱང |
གཅིག་པུ་རྐྱང་རྐྱང་ངམ་ཟླ་མེད་ཆིག་རྐྱང༌གི་དོན་ཏེ། (དཔེར་ན།) མི་ཚང་གཅིག་རྐྱང༌། ཞིང་ལས་གཅིག་རྐྱང༌། རང་ཉིད་ཁོ་ན་བདེ་འདོད་ཀྱི་བསམ་བློ་གཅིག་རྐྱང་གཏོང་བ་ཞེས་པ་ལྟ་བུ། |
| གཅིག་རྐྱེན་གཅིག་བྱེད |
གཅིག་ལ་གཅིག་གིས་ཕན་གནོད་ཀྱི་རྐྱེན་བྱེད་པ། |
| གཅིག་རྗེས་གཉིས་མཐུད |
བར་མི་འཆད་པར་མཐུད་སྟངས་ཏེ། (དཔེར་ན།) གྲུབ་འབྲས་གཅིག་རྗེས་གཉིས་མཐུད་ཀྱིས་ཐོབ་པ། རྒྱལ་ཁ་གཅིག་རྗེས་གཉིས་མཐུད་ཀྱིས་བླངས་པ། ཕམ་ཉེས་གཅིག་རྗེས་གཉིས་མཐུད་དུ་བྱུང༌ཞེས་པ་ལྟ་བུ། |
| གཅིག་ལ་གཅིག་ལྟོས་ཀྱི་རབ་སྤེལ |
རབ་སྤེལ་གྱི་རྒྱན་གྱི་ནང་གསེས་ཤིག བརྗོད་འདོད་ཀྱི་དངོས་པོའི་སྐབས་ཐོབ་སྦྱར་ནས་བསྲེ་བྱ་སྲེ་བྱེད་དམ། སྤེལ་བྱ་སྤེལ་བྱེད་གཅིག་ལ་གཅིག་ལྟོས་ཀྱི་རྒྱན་ཞིག |
| གཅིག་ལན་གཉིས་འདེབས |
གཅིག་བཤད་གཅིག་གིས་མ་ཉན་པར་ལན་འདེབས་པ། |
| གཅིག་ལན་གཉིས་ལན |
ཚིག་རེ་ལ་ཚིག་རེས་ལན་སློག་པ་སྟེ། (དཔེར་ན།) སེམས་བཟང་གིས་བཤད་པའི་བསླབ་བྱར་མི་ཉན་པར་གཅིག་ལན་གཉིས་ལན་བསློགས་ཞེས་པ་ལྟ་བུ། |
| གཅིག་ལྕོགས |
བྱ་བ་མང་པོ་གཅིག་གིས་བྱེད་ནུས་པའི་དོན་ཏེ། (དཔེར་ན།) གཅིག་ལྕོགས་དགེ་རྒན། དོ་དམ་གཅིག་ལྕོགས། ལས་འགན་གཅིག་ལྕོགས་ཞེས་པ་ལྟ་བུ། |
| གཅིག་ཤེས་ཀུན་གྲོལ |
ཚིག་དོན་གཅིག་ཤེས་པས་གཞན་ཀུན་ཤུགས་ཀྱིས་གོ་བ། |
| གཅིག་སྐྱེས་དབང་ལག |
ཆིག་སྐྱེས་དབང་ལག་དང་འདྲ། |
| གཅིག་སྒྲིལ |
1.ཕྱོགས་གཅིག་ཏུ་སྒྲིལ་བའི་དོན་ཏེ། (དཔེར་ན།) རྡོག་རྩ་གཅིག་སྒྲིལ། སྟོབས་ཤུགས་མཐའ་དག་གཅིག་སྒྲིལ་བྱེད་ཅེས་པ་ལྟ་བུ། 2.མགོ་ལོག་ཤར་ལྷོའི་ངོས་སུ་ཡོད་པའི་རྫོང་ཞིག |
| གཅིག་སྙིང་གཅིག་གཏད |
ཕན་ཚུན་ཡིད་ཆེས་པའམ་བློ་གཏད་པ། |
| གཅིག་སྡུད |
ཁ་ཐོར་རྣམས་ཕྱོགས་གཅིག་ཏུ་ཚུར་སྡུད་པ་སྟེ། (དཔེར་ན།) ནུས་ཤུགས་གཅིག་སྡུད་ཅེས་པ་ལྟ་བུ། |
| གཅིག་སྡོམ |
ཁྱོན་གཅིག་ཏུ་སྒྲིལ་བ། |
| གཅིན་དྲེག |
དྲི་ཆུའི་དྲེག་པ་སྟེ། སྨན་པས་དེ་གཞིར་བཟུང་ནས་ནད་གཞི་བརྟག་དཔྱད་བྱེད་ས་ཞིག |
| གཅིན་པ |
དྲི་ཆུ་སྟེ། (དཔེར་ན།) གཅིན་པ་བྲོ་བ། གཅིན་དྲི་ཁ་བ། གཅིན་པ་གཏོང་དུས་གསང་སྤྱོད་དྲན་ཞེས་པ་ལྟ་བུ། མིང་གི་རྣམ་གྲངས་ལ་རྒྱུན་འབབ་དང༌། དྲི་ཆུ། མི་བསྐྱོད་པ། རབ་འཛག་བཅས་སོ། ། |
| གཅིན་ཕྱི་ས |
གཅིན་པ་དང་སྐྱག་པ། |
| གཅིན་བཟེད |
ཆབ་ཏོག་གམ་གཅིན་སྣོད། |
| གཅིན་འགག |
གཅིན་གཏོང་དཀའ་བའམ་གཏན་ནས་གཏོང་མི་ཐུབ་པའི་ནད་དྲག་པོ་ཞིག་གི་མིང་། |
| གཅིན་ལམ |
གཅིན་པ་འབབ་ལམ། |
| གཅིན་ཤ |
ཤ་མོའི་རིགས་ཤིག |
| གཅིན་ཤོར |
གཅིན་པ་དབང་མེད་དུ་འཆོར་བ། |
| གཅིན་སྙི |
རླན་ཅན་ཡུལ་དུ་རྒྱུན་རིང་སྡོད་པ་དང་བད་ཚིལ་འཕེལ་བ་སོགས་ཀྱིས་རྐྱེན་གྱིས་རྒྱུན་ལྡན་ལྟར་མ་ཡིན་པ་གཅིན་པ་གྲངས་མང་དུ་གཏོང་དགོས་པའམ་དབང་མེད་དུ་ཤོར་བའི་དོན། |
| གཅིན་སྟུག |
དྲི་ཆུ་དག་དྲི་ཆེན། |
| གཅིན་སྲི |
གཅིན་ཅུང་ཟད་ཙམ་རེ་མ་གཏོགས་གཏོང་མི་ཐུབ་པའི་ནད་ཅིག་གི་མིང་། |
| གཅིའུ |
གཅེའུ་ཡི་འབྲི་ཚུལ་གཞན། |
| གཅིའུ་རྨ་བཀྲུ |
བཤང་ལམ་ནང་རྨ་ཡོད་པ་འཁྲུད་བྱེད་ཀྱི་ཡོ་བྱད་ཆུ་མདའ། |
| གཅིར |
(བྱེད་འབྲེལ་ལས་ཚིག) བཅིར་གྱི་མ་འོངས་པ་དང་ད་ལྟ་བ། མནན་ནས་ལེབ་མོ་བྱས་པའི་དོན་ཏེ། (དཔེར་ན།) མཛུབ་གུ་རྡོ་བར་ལ་མ་གཅིར་ལྟ་བུ། འདས་པ་ལ་བཅིར་དང་སྐུལ་ཚིག་ལ་ཆིར་འབྲི། |
| གཅིར་བ |
(བྱེད་འབྲེལ་ལས་ཚིག) གཅིར་བའི་བྱ་མིང་། |
| གཅིལ |
(བྱེད་འབྲེལ་ལས་ཚིག) གྲིས་ཤ་སོགས་གཅོད་པའི་དོན་ཏེ། (དཔེར་ན།) གྲིས་ཤ་ལ་གཅིལ་ལྟ་བུ། |
| གཅིས |
(བྱེད་འབྲེལ་ལས་ཚིག) གཅི་བའི་འདས་པ་དང་སྐུལ་ཚིག་སྟེ། (དཔེར་ན།) གཅིན་གཅིས་རྗེས་ལག་པ་བཀྲུ་དགོས། གཅིན་གཅིས་ཤིག་ལྟ་བུ། |
| གཅིས་པ |
གཅི་བའི་འདས་པའི་བྱ་མིང་། |
| གཅུ |
(བྱེད་འབྲེལ་ལས་ཚིག) གཅུས་ཀྱི་མ་འོངས་པ་དང་ད་ལྟ་བ། དྲང་བོ་ལས་ལྡོག་ཏུ་འཇུག་པའི་དོན་ཏེ། (དཔེར་ན།) ལག་པ་གཅུ་རེ་བྱས། གཅུ་མཁན་ཞེས་པ་ལྟ་བུ། |
| གཅུ་གཟེར |
གཟེར་མགོའི་ཁག་ལ་དུང་འཁྱིལ་གྱི་རི་མོ་ཡོད་པའི་གཟེར་མའི་མིང་། |
| གཅུ་གལ |
དོ་གལ་ལམ་ཁག་འགན། |
| གཅུ་དུང |
1.གཅུ་གཟེར་གྱི་གཟེར་གདན་གྱི་མིང་། 2.གཅུ་བོ་ཡི་ཚིག་བསྡུས་པ། |
| གཅུ་པོ |
(རྒྱན་ཚིག) ཀྱོག་ཀྱོག་གམ་འཁྱོག་པོའི་དོན་ཏེ། (དཔེར་ན།) ཤིང་གཅུ་པོ། ལམ་གཅུ་པོ་ཞེས་པ་ལྟ་བུ། |
| གཅུ་བ |
(བྱེད་འབྲེལ་ལས་ཚིག) གཅུས་པའི་ད་ལྟ་བའི་བྱ་མིང་། |
| གཅུ་བོ |
(རྒྱན་ཚིག) དྲང་མིན་འཁྱོག་འཁྱོག་གི་དོན་ཏེ། (དཔེར་ན།) གཟུགས་པོ་གཅུ་བོ་ཞེས་པ་ལྟ་བུ། ཚིག་བསྡུས་ན་གཅུ་འབྲི། གཅུ་ཤིང་ཞེས་པ་ལྟ་བུ། |
| གཅུ་ཚེམ |
འཚེམ་པོ་རྒྱག་སྟངས་ཤིག |
| གཅུ་འཛེར |
གཅུས་ཏེ་སྐྱེས་པའི་ཤིང་གི་འཛེར་པ། |
| གཅུ་རུ་ཚ་པོ |
གྱོང་པོའམ་རང་ཤེད་ཚ་པོའི་དོན་ཏེ། (དཔེར་ན།) གཅུ་རུ་ཚ་པོའི་མི་ཞེས་པ་ལྟ་བུ། |
| གཅུགས |
(བྱེད་མེད་ལས་ཚིག) མཛའ་བའམ་མཐུན་པའི་དོན་ཏེ། (དཔེར་ན།) མཛའ་གཅུགས་ཀྱི་གྲོགས་པོ། ཡིད་གཅུགས་མཛའ་བོ་ཞེས་པ་ལྟ་བུ། (བྱེད་འབྲེལ་ལས་ཚིག) བྱམས་བརྩེ་བྱེད་པའི་དོན་ཏེ། (དཔེར་ན།) མ་ཡིས་བུ་ལ་གཅུགས་པ་ཇི་བཞིན་བརྩེ་ཞེས་པ་ལྟ་བུ། |
| གཅུགས་པ |
མཐུན་པའམ་མཛའ་བའི་དོན་ཏེ། (དཔེར་ན།) ཡིད་གཅུགས་པ། གཅུགས་མེད་བྱས་པ། ཕན་ཚུན་གཏིང་ནས་མཐུན་ཞིང་ཡིད་གཅུགས་པའི་གྲོགས་པོ་ཞེས་པ་ལྟ་བུ། |
| གཅུགས་པ་སྨྲ་བ |
ཡིད་མཐུན་གྱི་གཏམ་བཤད་པ། |
| གཅུགས་མཁན |
(མངོན་བརྗོད།) གཡོ་ཅན། |
| གཅུགས་ལྡན |
མཛའ་མཐུན་ཅན། |
| གཅུང |
ཕ་མ་གཅིག་ལས་སྐྱེས་པའི་སྤུན་གཞོན་པ་ཁག་གི་དོན་ཏེ། (དཔེར་ན།) བུ་དང་བུ་མོ་གཅེན་གཅུང་རྣམས་ཞེས་པ་ལྟ་བུ། |
| གཅུང་དགའ་བོ |
སྟོན་པ་སངས་རྒྱས་ཀྱི་གཅུང་པོ་དང་དངོས་སློབ་ཅིག |
| གཅུང་དོན་ཡོད་དོན་གྲུབ |
སྔར་རྒྱལ་པོ་ཞིག་གི་ཆེན་མ་འདས་འོག་ཏུ་སྲས་དོན་གྲུབ་ཟེར་བ་ལུས་པ་དེ་དང༌། ཆུན་མའི་སྲས་དོན་ཡོད་ཟེར་བ་གཉིས་མཛའ་མཐུན་ཆེན་པོ་ཡོད་ཀྱང༌། ཆུན་མས་དོན་ཡོད་ལ་རྒྱལ་པོའི་གོ་འཕང་འཐོབ་ཐབས་བྱེད་ཆེད་དོན་གྲུབ་རྒྱང་འབུད་གཏོང་དུས་གཅེན་གཅུང་གཉིས་འབྲལ་མ་ཕྱོད་པར་མཉམ་དུ་བྲོས་ཕྱིན་པའི་ལམ་བར་དཀའ་ཚེགས་སྣ་ཚོགས་བྱུང་ནས་ཕན་ཚུན་ཁ་འཐོར། ཕྱིས་དོན་གྲུབ་རྒྱལ་ཁབ་གཞན་ཞིག་གི་རྒྱལ་པོའི་མག་པར་ཕྱིན་ནས་རྒྱལ་པོ་བྱས་པ་དང༌། རང་གིས་གཅུང་པོ་དོན་ཡོད་བཙལ་ཏེ་རྙེད་ནས་ཕ་མེད་ཀྱི་རྒྱལ་ཁབ་ལ་བསྐྱལ་པས་ཡབ་རྒྱལ་ཤིན་ཏུ་མཉེས་བཞིན་པའི་ངང་དོན་ཡོད་ཀྱང་རང་རྒྱལ་གྱི་རྒྱལ་པོར་དབང་བསྐུར་བ་ཞེས་རོ་སྒྲུང་ལས་བྱུང་བའི་ལོ་རྒྱུས་འདི་དག་པཎ་ཆེན་བློ་བཟང་ཡེ་ཤེས་སོགས་མཁས་པ་རིམ་བྱོན་དང༌། མི་དམངས་ཚོས་རྣམ་ཐར་དང༌། ལྷ་མོའི་འཁྲབ་གཞུང་དུ་བསྒྲིགས་ཡོད། |
| གཅུང་པོ |
ཕ་མ་གཅིག་པའི་བུ་སྤུན་ཆུང་བ། |
| གཅུང་བོ |
ནུ་བོ། |
| གཅུང་མོ |
ཕ་མ་གཅིག་པའི་བུ་མོ་སྤུན་ཆུང་བ། |
| གཅུད |
(བྱེད་འབྲེལ་ལས་ཚིག) དངོས་པོ་ཐུམ་ནང་ལ་བཏུམས་པའི་དོན་ཏེ། (དཔེར་ན།) སྨན་སྣ་ཤོག་གུའི་ནང་ལ་གཅུད། རྨ་ཁ་རས་ཀྱིས་གཅུད་ལྟ་བུ། |
| གཅུད་དུ་བོར |
བདག་གཉེར་མི་བྱེད་པའི་དོན་ཏེ། (དཔེར་ན།) སྤྱི་རྫས་གཅུད་དུ་འབོར་མི་རུང་ཞེས་པ་ལྟ་བུ། |
| གཅུད་བོར |
(བརྡ་རྙིང་།) 1.དོ་གལ་ཆེན་པོའི་གནད་ལ་བཀར་ནས་ལས་འགན་སྒྲུབ་ཏུ་བཅུག་པའམ་དེའི་སྒོ་ནས་བཏུལ་བ། 2.གཏན་ལ་ཕབ་པ། 3.བདག་གཉེར་མི་བྱེད་པ། |
| གཅུན |
(བྱེད་འབྲེལ་ལས་ཚིག) བཅུན་པའི་མ་འོངས་པ། བཙན་ཐབས་ཀྱི་སྒོ་ནས་བཀོད་འདོམས་ལ་ཉན་དུ་བཅུག་པའི་དོན་ཏེ། (དཔེར་ན།) རྟ་རྒོད་སྲབ་ཀྱིས་གཅུན། དམུ་རྒོད་ཁྲིམས་ཀྱིས་གཅུན། གཅུན་བྱའི་རྟ་རྒོད་ཅེས་པ་ལྟ་བུ། |
| གཅུན་པ |
འཇུན་པའི་ད་ལྟ་བའི་འབྲི་སྲོལ་གཞན་ཞིག་དང་མ་འོངས་པ། |
| གཅུར |
(བྱེད་འབྲེལ་ལས་ཚིག) བཅུར་གྱི་མ་འོངས་པ། འཇུར་མིག་ལ་དྲངས་པའི་དོན་ཏེ། (དཔེར་ན།) འཇུར་མིག་ལ་གཅུར་བྱ། ལྕགས་སྐུད་འཇུར་མིག་ལ་གཅུར་དགོས་ལྟ་བུ།ཡུལ་སྐད་དུ་འཇུར་མིག་ལ་དྲངས་ཞེས་པ་དང་དོན་གཅིག |
| གཅུར་བ |
(བྱེད་འབྲེལ་ལས་ཚིག) གཅུར་བའི་བྱ་མིང་། |
| གཅུས |
གཅུ་བའི་སྐུལ་ཚིག |
| གཅུས |
(བྱེད་འབྲེལ་ལས་ཚིག) གཅུ་བའི་འདས་པ་དང་སྐུལ་ཚིག་སྟེ། (དཔེར་ན།) གཅུ་གཟེར་གཅུས་ནས་དམ་པོ་བྱས། གཅུ་གཟེར་དམ་པོར་གཅུས་ཤིག་ལྟ་བུ། |
| གཅུས་གདན |
མོ་གཅུས་ཀྱི་མིང༌། |
| གཅུས་གཟེར |
དུང་རེས་ལྡན་པའི་གཟེར་ཏེ་ཕོ་གཅུས་དང་མོ་གཅུས་ཀྱི་སྤྱི་མིང༌། |
| གཅུས་ཐིག |
པད་མའི་འདབ་མའི་མུ་ཁྱུད་ལྟ་བུའི་ཐིག |
| གཅུས་དུང |
གཅུས་གཟེར་གྱི་གཟེར་གདན། |
| གཅུས་པ |
གཅུ་བའི་འདས་པ། |
| གཅུས་ཕུར |
གཅུས་རིས་ཅན་གྱི་ཕུར་པའམ་ཕོ་གཅུས་ཀྱི་མིང༌། |
| གཅུས་བུ |
གཅུས་རིས་ཅན་གྱི་གཟེར་གྱི་དོན་ཏེ། (དཔེར་ན།) ཕོ་གཅུས། མོ་གཅུས་ཞེས་པ་ལྟ་བུ། |
| གཅུས་རིས |
1.གཅུས་གཟེར་ལྟར་གྱི་རི་མོ། 2.གྲིམ་རྒྱག་པའི་མིང༌སྟེ། (དཔེར་ན།) ལག་པ་གཅུས་རིས་བསྐོར་བ་ལྟ་བུ། |
| གཅེ |
བོད་ཀྱི་རུས་ཤིག |
| གཅེན |
ཕ་མ་གཅིག་ལས་སྐྱེས་པའི་སྤུན་རྒན་པ། |
| གཅེན་གཅུང |
སྤུན་མཆེད་རྒན་གཞོན། |
| གཅེན་གྱིས་ལོག་པ |
(བརྡ་རྙིང་།) རྩ་བ་ནས་རྒྱབ་འགལ་དུ་སོང་བ། |
| གཅེན་ཐོར |
ཁའི་ནང་འབྲུམ་ཐོར་མང་དུ་སྐྱེས་ནས་ཟུག་རྔུ་འབྱུང་བའི་ཁ་ནད་ཀྱི་རིགས་ཤིག |
| གཅེན་པོ |
ཕ་མ་གཅིག་ལས་སྐྱེས་པའི་བུ་སྤུན་རྒན་པ། |
| གཅེན་པོ |
ཕུ་བོ། |
| གཅེན་མོ |
ཕ་མ་གཅིག་ལས་སྐྱེས་པའི་བུ་མོ་སྤུན་རྒན་པ། |
| གཅེམ་པོ |
(ཡུལ་སྐད།) སྲབ་པོའམ་ཕྲ་པོའི་དོན་ཏེ། (དཔེར་ན།) ཕྱུ་པ་ཧ་ཅང་གཅེམ་པོ་ཞིག་གྱོན་འདུག ཁང་པ་འདིའི་ཤིང་ཆ་ཚང་མ་ཤིན་ཏུ་གཅེམ་པོ་ཞིག་འདུག་པས་ཕུགས་འཕེར་ཡོང་བ་མི་འདུག་ཅེས་པ་ལྟ་བུ། |
| གཅེའུ |
1.དུ་བ་རྔུབ་བྱེད་སྦུ་གུ་རིང་པོ་ཞིག 2.ལྕགས་ཟངས་སོགས་ལས་བཟོས་པའི་སྦུ་གུས་སྨན་བཤང་ལམ་ནས་ནང་དུ་འཕུལ་བར་བྱེད་པའི་ཡོ་བྱད་ཁ་ཡངས་ཤིང་རྩེ་མོ་དོག་པའི་སྦུབས་ཅན་ཞིག |
| གཅེར་གྲོལ |
གྲོལ་ལུགས་ཆེན་པོ་བཞིའི་ནང་གསེས། རང་བྱུང་གི་རིག་པ་ལ་ཚོགས་བརྒྱད་ཀྱི་ཤེས་པ་ཐམས་ཅད་ཀྱང་ཡུལ་ཡུལ་ཅན་གཉིས་སུ་མེད་པ་སྐད་ཅིག་ཉིད་ལ་ཐོག་བབ་ཆེན་པོར་རང་བཞིན་གྱིས་གྲོལ་བས་གཅེར་གྲོལ་ཞེས་བྱའོ། ། |
| གཅེར་བུ |
(རྒྱན་ཚིག) 1.ལུས་སྒྲིབ་བྱེད་མེད་པའི་དོན་ཏེ། (དཔེར་ན།) ལུས་གཅེར་བུ། གཅེར་བུར་ཁྲུས་བྱས་ལྟ་བུ། 2.དངོས་རྫས་སོགས་སྒྲིབ་བྱེད་དང་འགེབ་བྱེད་མེད་པའི་དོན་ཏེ། (དཔེར་ན།) ཉེས་སྐྱོན་གཅེར་བུར་བཏོན། རང་གཟུགས་གཅེར་བུར་མངོན་ལྟ་བུ། |
| གཅེར་བུ་གཉེན་གྱི་བུ |
སྔར་རྒྱ་གར་གྱི་གྲུབ་མཐའ་སྨྲ་བ་རྒྱལ་བ་པའི་སྟོན་པ་ཞིག |
| གཅེར་བུ་པ |
སྔར་རྒྱ་གར་གྱི་གྲུབ་མཐའ་ཞིག་གཅེར་བུ་ལ་ངོ་ཚར་མི་འཛིན་པས་འཛེམ་མེད་པ་དང་ཐལ་བ་པ། ཕྱོགས་སུ་ལྡོམ་བུ་བྱེད་པས་ཀུན་ཏུ་རྒྱུ་ཞེས་གྲགས་སོ། འདིས་འདོད་པའི་ཚིག་དོན་དགུ་ནི། སྲོག་ཟག་པ། སྡོམ་པ། ངེས་པར་རྒ་བ། འཆིང་བ། ལས། སྡིག་པ། བསོད་ནམས། ཐར་པ་རྣམས་སོ། ཡང་དུས་འཁོར་ལས། སྲོག་ལྡན་དང༌། སྲོག་ལྡན་མ་ཡིན་པ། ཟག་པ། སྡོམ་པ། སྤང་བ། བཅིངས་པ། འཕར་བ། འགྲོ་བ། འོང་བ་སྟེ་དགུར་འདོད་པར་བཤད་དོ། ། |
| གཅེར་བུ་པ་ལ་ཟས་སྦྱིན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགོས་པ་ཁྱད་པར་ཅན་མེད་པར་ཕྱི་རོལ་པ་ལ་གཏོགས་པའི་ཕོ་མོ་ལ་ཟས་སྟེར་བ། |
| གཅེར་བུ་མ |
1.གོས་མེད་དམར་ཧྲེང་གི་མིང༌། 2.གྱོན་པ་མ་གྱོན་པའི་བུ་མོ། |
| གཅེར་བུའི་བརྟུལ་ཞུགས |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག་གི་དཀའ་ཐུབ་སྤྱོད་ལུགས་ཤིག |
| གཅེར་མོ |
བུད་མེད་གཅེར་བུ། |
| གཅེར་འཛིན |
མངོན་སུམ་དུ་འཛིན་པ་དང༌། དམར་རྗེན་དུ་རྩི་བའི་དོན་ཏེ། (དཔེར་ན།) གཡོ་སྒྱུའི་གཏམ་དྲང་གཏམ་དུ་གཅེར་འཛིན་མ་བྱེད། གང་བཤད་གཅེར་འཛིན་བྱེད་ཅེས་པ་ལྟ་བུ། |
| གཅེར་སྐྱོབ |
(མངོན་བརྗོད།) གྱོན་པའམ་གོས། |
| གཅེར་སྒྲིབ |
(མངོན་བརྗོད།) གྱོན་པའམ་གོས། |
| གཅེས |
(བྱེད་འབྲེལ་ལས་ཚིག) ཤ་ཚ་སྙིང་ཉེ་བྱེད་པའི་དོན་ཏེ། (དཔེར་ན།) དམག་བཀུར་དམངས་གཅེས། མི་དམངས་ལ་གཅེས། དགེ་རྒན་གྱིས་སློབ་མ་ལ་གཅེས། སློབ་མ་གཅེས་པར་བསྐྱངས་ལྟ་བུ། |
| གཅེས་ནོར |
རྩ་ཆེན་དུ་རྩི་བའི་དངོས་རྫས་ཀྱི་དོན་ཏེ། (དཔེར་ན།) གཅེས་ནོར་བདག་ཉར་བྱེད་ཅེས་པ་ལྟ་བུ། |
| གཅེས་པ |
1.(བྱེད་འབྲེལ་ལས་ཚིག) བརྩི་མཐོང་ངམ་གཙིགས་ཆེན་པོ་བྱེད་པའི་དོན་ཏེ། (དཔེར་ན།) མི་དམངས་ཀྱི་རྒྱལ་ཁབ་ལ་མི་དམངས་རང་གིས་གཅེས་པ། སྤྱི་རྫས་ལ་གཅེས་པ། གཟུགས་པོའི་བདེ་ཐང་ལ་གཅེས་པ། དཀའ་སྡུག་མ་མྱངས་པའི་མི་བྱིས་པ་གཅེས་པས་དཀའ་སྡུག་ཐེག་དཀའ་ལྟ་བུ། 2.གལ་ཆེ་བའམ་མཁོ་ཆེ་བའི་དོན་ཏེ། (དཔེར་ན།) སྨན་གྱི་སྡེབ་ཁ་གཅེས་གཅེས་རྣམས་ཕྱོགས་གཅིག་ཏུ་བསྡུས་ལྟ་བུ། |
| གཅེས་པོ |
གལ་ཆེ་བའམ་གཙིགས་ཆེན་པོའི་དོན་ཏེ། (དཔེར་ན།) སྤྱི་རྫས་ལ་གཅེས་པོ་བྱེད་ཅེས་པ་ལྟ་བུ། |
| གཅེས་ཕྲུག |
བརྩེ་ཞེན་ཆེན་པོ་བྱེད་སའི་ཕྲུ་གུ། |
| གཅེས་ཕྲུག་མ |
ཕ་མས་གཅེས་སྐྱོང་ཚད་མེད་བྱེད་པའི་བུ་མོ། |
| གཅེས་བཏུས |
མཁོ་ཆེ་བའམ་ལེགས་ཤོས་སྙིང་པོ་རྣམས་བསྒྲུགས་པ་སྟེ། (དཔེར་ན།) དཔེ་ཆ་འདི་གཞུང་མང་པོ་ནས་གཅེས་བཏུས་བྱས་པ་ཡིན་ལྟ་བུ། |
| གཅེས་བསྡུས |
གཅེས་པའམ་སྙིང་པོ་རྣམས་ཕྱོགས་གཅིག་ཏུ་བསྒྲིལ་བ་སྟེ། (དཔེར་ན།) རྒྱས་པ་ཉུང་དུ་བསྡུས་པ། ལེགས་བཤད་གཅེས་བསྡུས་ལྟ་བུ། |
| གཅེས་མིང |
བརྩེ་དུང་གིས་འབོད་མིང་བླ་དྭགས། |
| གཅེས་འཛིན |
རྩ་བ་ཆེན་པོར་རྩེ་བའམ་གཙིགས་ཆེན་པོ་བྱེད་པའི་དོན་ཏེ། (དཔེར་ན།) རང་ཤེད་གཅེས་འཛིན་བྱེད་པ། མཁས་པས་མཁས་པ་གཅེས་པར་འཛིན། དཔའ་བོས་དཔའ་བོའི་ལར་རྒྱ་ཤེས་ཞེས་པ་ལྟ་བུ། |
| གཅེས་ལང |
གཅེས་དྲགས་ནས་ཆགས་པའི་ངན་གོམས་ཀྱི་དོན་ཏེ། (དཔེར་ན།) ཧ་ཅང་བྱམས་དྲགས་པས་གཅེས་ལང་ལ་ཤོར་བ། ཕྲུ་གུ་གཅེས་ལང་ལ་བཏང་ལྟ་བུ། |
| གཅེས་སྐྱོང |
བྱམས་སེམས་ཀྱིས་སྐྱོང་བའི་དོན་ཏེ། (དཔེར་ན།) གཅེས་སྐྱོང་གང་ལེགས་ཞེས་པ་ལྟ་བུ། |
| གཅེས་སྤྲས |
མཐོང་ཆེན་ནམ་ཅ་ག་དག་པོའི་དོན་ཏེ། (དཔེར་ན།) སྤྱི་རྫས་ལ་གཅེས་སྤྲས། མཛའ་བཤེས་ལ་གཅེས་སྤྲས་བྱེད་པ། ནོར་གྱི་སྙིང་པོར་བཟུང་ནས་གཅེས་སྤྲས་བྱེད་ཅེས་པ་ལྟ་བུ། |
| གཅེས་སྲུང |
གཅེས་སྤྲས་བྱས་ནས་སྲུང་བ། |
| གཅོ་བོ |
(བརྡ་རྙིང་།) ཀྱོག་པོ་དང་འཁྱོག་པོ། |
| གཅོག |
(བྱེད་འབྲེལ་ལས་ཚིག) བཅག་པའི་མ་འོངས་པ་དང་ད་ལྟ་བ། དངོས་པོ་སྲ་མོ་དུམ་བུ་མང་བོར་བཏང་བའི་དོན་ཏེ། (དཔེར་ན།) རྡོ་གཅོག་དགོས། ཤིང་གཅོག་མཁན། རྡོ་གཅོག་གིན་འདུག་ལྟ་བུ། |
| གཅོག་ཆ |
འབོར་ཐོག་ནས་འཕྲི་ཆ། |
| གཅོག་པ |
1. (བྱེད་འབྲེལ་ལས་ཚིག) 1>གཅོག་པའི་བྱ་མིང་། 2>མགོ་གནོན་པའི་དོན་ཏེ། (དཔེར་ན།) སྨན་ཆུ་བཏུངས་འཕྲལ་ན་ཚ་གཅོག་ཅེས་པ་ལྟ་བུ། 3>ཆུང་དུ་གཏོང་བའི་དོན་ཏེ། (དཔེར་ན།) ཚོང་ཟོག་གི་རིན་གོང་གཅོག་པ། སྒོ་ཕྱུགས་ལ་རྩྭ་བཅག་ཆུ་བཅག་བྱེད་མི་རུང༌། ཉིན་མོའི་ཟས་བཅག་མཚན་མོའི་གཉིད་བཅག གླ་ཕོགས་ཐོག་ནས་ཟས་རིན་བཅག་ཅེས་པ་ལྟ་བུ།4>འགལ་བ་བྱེད་པའི་དོན་ཏེ། (དཔེར་ན།) ཁས་ལེན་དམ་བཅའ་བཅག་པ། ཁས་བླངས་ཐེབས་གཅོག་བྱེད་པ་ཞེས་པ་ལྟ་བུ། |
| གཅོག་རྩིས |
1.འཕྲི་རྩིས། 2.ཟོག་གོང་མར་གཅོག་པའི་རྩིས། |
| གཅོང |
གཅོང་ནད་དེ། བོད་ཀྱི་གསོ་བ་རིག་པར་མ་ཞུ་བ། སྐྱ་རྦབ། འོར། དམུ་ཆུ། སྐྲན། གཅོང་ཆེན་ཟད་བྱེད་བཅས་ནད་རིགས་དྲུག་གི་སྤྱི་མིང་ལ་གཅོང་ནད་ཟེར། |
| གཅོང་གཡང |
བཙན་པོའམ་གཡང་གཟར་ཏེ། (དཔེར་ན།) རི་བོ་གཅོང་གཡང༌། བྲག་རོང་གཅོང་གཡང་ཅན་ཞེས་པ་ལྟ་བུ། |
| གཅོང་ཆེན |
ནད་རྙིང་ཆེན་པོ། |
| གཅོང་ཆེན་པོ |
1.ལུས་སེམས་ཀྱི་ནད་ཚབས་ཆེན་པོ། 2.གོག་ཧྲུལ་ཆེ་བ་སྟེ། (དཔེར་ན།) ཁང་པ་གོག་གཅོང་ཆེན་པོ་ཞེས་པ་ལྟ་བུ། |
| གཅོང་ཆེན་ཟད་བྱེད |
གཅོང་ཆེན་སྡེ་དྲུག་གི་ཡ་གྱལ་ཏེ་ཕོ་བའི་མེ་དྲོད་ཉམས་ནས་ཁ་ཟས་ཀྱི་དྭངས་མ་གནས་སུ་མ་སྨིན་པ་དྲི་མར་གྱུར་ནས་ལུས་ཟུངས་ཟད་པར་བྱེད་པའི་ནད་ཅིག |
| གཅོང་ཆེན་སྡེ་དྲུག |
མ་ཞུ་བའི་ནད་དང༌། སྐྲན། སྐྱ་རྦབ། འོར་ནད། དམུ་ཆུ། གཅོང་ཆེན་ཟད་བྱེད། |
| གཅོང་ནད |
ན་ཚ་རྙིང་པ། |
| གཅོང་པོ |
ལུས་ཟུངས་ཉམས་པའི་དོན་ཏེ། (དཔེར་ན།) ཡུན་རིང་པོ་ཟས་འཇུ་དཀའ་བ་བྱུང་བས་གཟུགས་བཞི་གཅོང་པོ་འདུག་ཅེས་པ་ལྟ་བུ། |
| གཅོང་ཟོམ |
ཁང་པ་སོགས་གོག་ཧྲུལ་གྱི་དོན་ཏེ། (དཔེར་ན།) ལྷ་ཁང་གཅོང་ཟོམ་ཞེས་པ་ལྟ་བུ། |
| གཅོང་རོང |
གཡང་སའམ་གྲོག་རོང༌གི་དོན་ཏེ། (དཔེར་ན།) གཅོང་རོང་དུ་ལྷུང་བ་ལྟ་བུ། |
| གཅོང་སྐད |
ལུས་སམ་སེམས་མི་བདེ་བའི་འོ་དོད་དམ་སྡུག་བསྔལ་གྱི་སྐད། སྟོན་དུས་ཐ་མར་ངང་པས་གཅོང་སྐད་འབྱིན། རེ་བ་ཆད་པས་གཅོང་སྐད་ཤོར་བ། མིང་གི་རྣམ་གྲངས་ལ་ཆོ་ངེ་མོ་དང༌། འཇིགས་སྐྱེས། སྡུག་སྐད། མྱ་ངན་སྐད། སྨྲེ་སྔགས་བཅས་སོ། ། |
| གཅོང་སྡེ་བཞིའི་ངོས་འཛིན་འཁྲུལ་མེད་ལུང་གི་འཁྲི་ཤིང |
རབ་བྱུང་བདུན་པའི་ནང་ཟུར་མཁར་མཉམ་ཉིད་རྡོ་རྗེས་མཛད་པའི་མ་ཞུ་བའི་རྒྱུ་ལས་བྱུང་བའི་གཅོང་སྡེ་བཞི་ཡི་ངོས་འཛིན་དང༌། བཅོས་ཐབས་གསལ་བར་སྟོན་པའི་སྨན་གྱི་དཔེ་ཚན་ཞིག |
| གཅོད |
1.(བྱེད་འབྲེལ་ལས་ཚིག) བཅད་ཀྱི་ད་ལྟ་བ། (དཔེར་ན།) ཤིང་གཅོད་མཁན། སྡོང་བོ་གཅོད་ཀྱིན་ཡོད་ལྟ་བུ།2.མེད་པར་བྱས་པའམ་བཏུལ་བའི་དོན་ཏེ། (དཔེར་ན།) ལོག་སྨྲ་ཚར་གཅོད་པ་ལྟ་བུ།3.ཕ་དམ་པ་སངས་རྒྱས་ནས་བརྒྱུད་པའི་ཆོས་བརྒྱུད་ཅིག།4.འབྱུངས་ཁུངས་དང་དོན་རྩ་འཚོལ་བ་དང་རྟོགས་པའི་དོན་ཏེ། (དཔེར་ན།) བདེན་དོན་གྱི་གནས་ལུགས་ལ་རྩད་གཅོད་ཞིབ་འཇུག་བྱེད་པ། རྐུན་མ་སུ་ཡིན་རྩད་གཅོད་བྱེད་དགོས་ལྟ་བུ། |
| གཅོད་ཀྱི་གདམས་པ |
མ་ཅིག་ལབ་སྒྲོན་ནས་བརྒྱུད་པའི་ཕུང་པོ་གཟན་བསྐྱུར་གྱི་གདམས་པ། |
| གཅོད་གཏུབ |
ཐད་ཀར་གཅོད་ཅིང་དུམ་བུར་འབྲེག་པའི་དོན་ཏེ། (དཔེར་ན།) འཕྲུལ་འཁོར་ལ་བརྟེན་ནས་ངར་ལྕགས་རྒྱུ་ཆས་གཅོད་གཏུབ་བྱེད་ཅེས་པ་ལྟ་བུ། |
| གཅོད་གཟོང |
ལྕགས་གྲང་མོ་གཏུབ་བྱེད་ཀྱི་གཟོང༌། |
| གཅོད་གུར |
གུར་ཆུང་ཆུང་ཞིག་སྟེ། གཅོད་གཏོང་མཁན་སྡོད་ས། |
| གཅོད་ཐབས |
1.ཤིང་སོགས་གཅོད་པའི་ཐབས། 2.ལས་དོན་ཐག་གཅོད་བྱེད་ཐབས། |
| གཅོད་པ |
1.(བྱེད་འབྲེལ་ལས་ཚིག) བཅད་པའི་ད་ལྟ་བའི་བྱ་མིང་། གཏུབ་པའམ་འབྲེག་པའི་དོན་ཏེ། (དཔེར་ན།) ཤིང་གཅོད་པ། བྱ་གཅོད་པ་ལྟ་བུ།2.གསོད་པའི་དོན་ཏེ། (དཔེར་ན།) སྐེ་གཅོད་པ། སྲོག་གཅོད་པ་ལྟ་བུ།3.བར་མཚམས་འཇོག་པའི་དོན་ཏེ། (དཔེར་ན།) བར་དུ་གཅོད་པ། དུས་མཚམས་གཅོད་པ། འཁྲུ་བ་གཅོད་པ་ལྟ་བུ།4 སྤོང་བའམ་མེད་པ་བཟོ་བའི་དོན་ཏེ། (དཔེར་ན།) ཐ་མག་གཅོད་པ། འབྲེལ་བ་གཅོད་པ། དགྲ་ངན་ཚར་གཅོད་པ་ཞེས་པ་ལྟ་བུ། 5.འགོག་པའམ་རྫོང་བའི་དོན་ཏེ། (དཔེར་ན།) ་ཆུ་རྒྱུན་གཅོད་པ་ཞེས་པ་ལྟ་བུ།6.གཏན་ལ་འབེབས་པ་དང༌། གཏན་དུ་ཁེལ་བའི་དོན་ཏེ། (དཔེར་ན།) བློ་ཐག་གཅོད་པ། ཚིག་ཐག་གཅོད་པ། བརྒྱ་ཁ་གཅིག་གིས་གཅོད་མི་ཉན་ཞེས་པ་ལྟ་བུ།7.ལག་ལེན་བྱེད་པའི་དོན་ཏེ། (དཔེར་ན།) དོན་གཅོད་པ། ཉེས་ཆད་གཅོད་པ། ཁྲིམས་གཅོད་པ་ཞེས་པ་ལྟ་བུ།8.འཚོལ་བ་དང༌སྙེག་པའི་དོན་ཏེ། (དཔེར་ན།) རྩད་གཅོད་པ། རྗེས་གཅོད་པ་ལྟ་བུ། 9.དབྱེ་འབྱེད་དང༌བརྟག་དཔྱད་བྱེད་པའི་དོན་ཏེ། (དཔེར་ན།) བྱེ་བྲག་ཏུ་གཅོད་པ། བྱེ་བྲག་ཏུ་མི་གཅོད་པ། དོན་དམ་བདེན་པའི་མཐའ་གཅོད་པ་ལྟ་བུ། 10.འགྲོ་སྐྱོད་བྱས་ནས་སླེབ་པའི་དོན་ཏེ། (དཔེར་ན།) རྒྱང་ལམ་རྟས་གཅོད་པ། རི་ཀླུང་གཅོད་པ། བྱ་ཁྱུང་གཤོག་རྡེབ་བྱེད་བཞིན་ནམ་འཕང་གཅོད་པ་ལྟ་བུ།11.གྲུབ་མཐའ་རིས་མེད་ལ་དར་བའི་མ་ཅིག་ལབ་སྒྲོན་གྱི་ཆོས་ལུགས་སྤྱོད་མཁན། |
| གཅོད་པིར |
(རྒྱ་སྐད།) རི་མོར་བཅད་རྒྱག་བྱེད་ཀྱི་པིར་ཕྲ་མོ་ཞིག |
| གཅོད་བྱེད |
(མངོན་བརྗོད།) 1 >བྱ་མཆུ། 2> ལག་པ། 3 >སོ། |
| གཅོད་མཚམས |
བཅད་མཚམས་དང་འདྲ། |
| གཅོད་འཐོག |
ཤིང་སོགས་གཅོད་པ་དང་འབྲས་བུ་འཐོག་པའི་དོན་ཏེ། (དཔེར་ན།) ཤིང་དང་འབྲས་བུ་གང་བྱུང་དུ་གཅོད་འཐོག་མ་བྱེད་ཅེས་པ་ལྟ་བུ། |
| གཅོད་འབྲེག |
དུམ་བུར་གཅོད་ཅིང་འབྲེག་པ། |
| གཅོད་འབྲེག་གི་ཁྲིམས |
ཉེས་ཅན་གྱི་རྐང་ལག་དང་དབང་པོ་གཅོད་འབྲེག་བྱེད་པའི་ཁྲིམས། |
| གཅོད་རྒྱ |
1.ཁ་མཆུ་ཐག་གཅོད་བྱེད་པའི་དཔྱད་མཚམས་ཡི་གེ། 2.རྒྱུ་ནོར་ལ་རིན་ཐང་བརྩི་སྟངས་ཤིག་སྟེ། (དཔེར་ན།) ཉེས་ཅན་གྱི་ཁྲིམས་ཆད་ལ་དངོས་པོ་འཇལ་བར་གཅོད་རྒྱ་བྱེད་པ། འབྲུ་དངུལ་བུན་ཆད་ཀྱི་ཚབ་ཏུ་རྒྱུ་ནོར་ལ་རིན་ཐང་བརྩིས་ཏེ་སྤྲོད་ལེན་གྱི་གཅོད་རྒྱ་བྱེད་པ་ཞེས་པ་ལྟ་བུ།3.བཅད་རྒྱ་དང་འདྲ། |
| གཅོད་རྟོགས |
གྲངས་གནས་ཤིག |
| གཅོད་ལུགས |
1.ཤིང་སོགས་གཅོད་སྟངས། 2.ཁ་མཆུ་སོགས་ཐག་གཅོད་ཚུལ། 3.མ་ཅིག་ལབ་སྒྲོན་གྱི་ཆོས་སྲོལ། |
| གཅོམ |
(བརྡ་རྙིང་།) 1.ཁེངས་དྲེགས་ཏེ། (དཔེར་ན།) ང་རྒྱལ་གཅོམ་བསྐྱུངས་ཞེས་པ་ལྟ་བུ།2.ལུས་སྟོབས་ཀྱི་དོན་ཏེ། (དཔེར་ན།) ལུས་གཅོམ་གསོ་བ་ལྟ་བུ། |
| གཅོམ་པ |
(བྱེད་འབྲེལ་ལས་ཚིག) བཅམས་པའི་ད་ལྟ་བའི་བྱ་མིང་། ད་ལྟ་བར་གཅོམ་དང་། མ་འོངས་པར་བཅམ། འདས་པར་བཅམས། སྐུལ་ཚིག་ལ་གཅོམས་འབྲི། ཁ་ཆད་བཟོ་བའམ་བྱེད་པ་ཁ་དན་གཅོམ་པའི་དོན་ཏེ། (དཔེར་ན།) ཚིག་དན་བཅམས་པ། རྗེས་སུ་གང་བྱེད་ཀྱི་གྲོས་གཅོམ་པ་ཞེས་པ་ལྟ་བུ། |
| གཅོམ་བསྐྱུངས |
1.སྐད་ཆུང་ངུར་སྨྲ་བ། 2.ཁེངས་དྲེགས་སྤངས་པ། |
| གཅོར |
1.གམ་དུ་བཅར་བའི་གཅར་གྱི་སྐུལ་ཚིག 2.རྡུང་རྡེག་གི་གཅར་གྱི་ད་ལྟ་བ་སྟེ། (དཔེར་ན།) སྲིན་བུ་གཅོར་མཁན་ཞེས་པ་ལྟ་བུ། |
| གཅོར་བ |
(བྱེད་འབྲེལ་ལས་ཚིག) 1.འགྲམ་དུ་གཏུག་པའམ་འཁྲིས་ལ་འགྲོ་བའི་དོན་ཏེ། (དཔེར་ན།) དེ་རིང་ཁོང་གི་སྐུ་དྲུང་དུ་མི་རྣམས་གཅོར་གྱིན་འདུག་ང་ཡང་མཉམ་དུ་བཅར་བ་ཡིན་ཞེས་པ་ལྟ་བུ། 2.འཚིར་བ་དང་བརྡུངས་ཏེ་འཇོམས་པར་བྱས་པའི་དོན་ཏེ། (དཔེར་ན།) ་སྒོ་ང་བཅར་ཏེ་བཅག་པ། རྣག་བཅར་ཏེ་བཏོན་པ་ཞེས་པ་ལྟ་བུ། |
| གཅོལ་བ |
(བྱེད་འབྲེལ་ལས་ཚིག) གཏོར་བའམ་འཆོལ་དུ་འཇུག་པའི་དོན་ཏེ། (དཔེར་ན།) ཁ་ཅོལ་ཆུང་ངུས་མི་གཅོལ་བར། རྒྱ་མཚོ་བཞིན་དུ་བརླིང་བར་བྱ་ཞེས་པ་ལྟ་བུ། |
| གཉག |
(བྱེད་འབྲེལ་ལས་ཚིག) གཉོག་གི་མ་འོངས་པ། ཟས་སོས་བལྡད་ནས་ཞིབ་མོར་བྱས་པ་སྟེ། (དཔེར་ན།) གཉག་བྱའི་ཟས་ཟས་གཉག་པར་བྱ་ལྟ་བུ། ད་ལྟ་བར་གཉོག་དང་། འདས་པ་ལ་གཉགས། སྐུལ་ཚིག་ལ་གཉོགས་འབྲི། |
| གཉག་པ |
གཉོག་པའི་མ་འོངས་པ། |
| གཉགས |
བོད་ཀྱི་ཡབ་འབངས་རུས་དྲུག་གི་ཡ་གྱལ་ཞིག |
| གཉགས |
བོད་ཀྱི་རུས་ཤིག གཉག་ལ་ལྟོས། |
| གཉགས་ཁྲི་བཟང་ཡང་སྟོན |
བཟང་ཡང་སྟོན་སྙགས་ཀྱི་མིང་གཞན་ཞིག |
| གཉགས་པ |
གཉོག་པའི་འདས་པ། |
| གཉང་བ |
སྐྱག་པ་དང་བྲུན་གྱི་མིང་གཞན། |
| གཉང་མ |
རྙང་མའི་འབྲི་སྲོལ་གཞན། |
| གཉན |
རི་དྭགས་གཉན་ཏེ་གཟུགས་དབྱིབས་ལུག་དང་ཆ་མཚུངས་ཤིང་རྭ་ཆེན་པོ་དུང་འཁྱིལ་ལྟར་སྐྱེས་པ། སྤུ་ཁ་སྐྱ་བོ་ཡིན་ཞིང་། ཤ་ཟོས་ཆོག གག་ནད་དང་ལྷོག་པ་ལ་སོགས་པའི་འགོས་ནད་བསྐྱེད་པའི་རྒྱུ་རྐྱེན་ཁྱད་པར་བ་ཞིག་གི་མིང་། |
| གཉན་ཁ |
རྨ་ཁའི་ཚ་ངད་འབར་ཤུགས། |
| གཉན་ཁ་མེད |
གཉན་རིགས་བཅོ་བརྒྱད་ཀྱི་ནང་ཚན་ཞིག་མཁལ་མ་ལ་བབ་པའི་གཉན་ནད་ཅིག |
| གཉན་གསོད |
རྨ་ནད་སེལ་བྱེད་ཀྱི་སྨན་རིགས། |
| གཉན་གླང |
ཕོ་བ་དང་རྒྱུ་མ་སོགས་ལ་བབ་པའི་གཉན་ནད་དང་འདོམས་པའི་གླང་ཐབས་ཤིག |
| གཉན་ཆེན་ཐང་ལྷ |
1.རི་བོ་ཞིག་བོད་བྱང་ཐང་གི་གནམ་མཚོའི་ལྷོ་ངོས་སུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་7111 ཡོད། 2.རི་རྒྱུད་ཅིག་སྟེ། བོད་ཀྱི་འདམ་གཞུང་རྫོང་གི་ནུབ་རྒྱུད་ནས་ཆབ་མདོ་ས་ཁུལ་གྱི་དཔའ་ཤོད་རྫོང་བར་དཀྱུས་སུ་བརྒྱུགས་ནས་ཡོད། |
| གཉན་ཐུབ་པ |
སྔོ་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་པགས་ནད་དང༌། མཛེར་པ་སྐྱེས་པ་ལ་ཕན། |
| གཉན་དུག |
1.ལྷོག་པའི་ནད། 2.དུག་དྲག་པོ་ཡོད་པའི་རྩི་ཤིང་རིགས་ཤིག 3.བོད་ཀྱིས་རུས་ཤིག |
| གཉན་ནད |
ཕྱི་རོལ་གྱི་དུག་ཅན་སྲིན་བུ་པརྤ་ཏ་དང༌། ནང་གི་ལྷན་སྐྱེས་ཀྱི་ཁྲག་སྲིན་གཉིས་འདོམས་པའི་ནད་ཤིན་ཏུ་གཉན་པ་ཞིག་ནང་གསེས་སུ་ཀླད་གཟེར་སོགས་རིགས་བཅོ་བརྒྱད་ཙམ་མཆིས། |
| གཉན་ནད་འཁྱམ་པོ |
སྐེ་དང༌། ལྐོག་མ། མཇིང་པའི་ལྡེབས་སོགས་སུ་སྐྲངས་འབུར་འབྱུང་བའི་གཉན་ནད་ཅིག |
| གཉན་པ |
གཉན་པོ་དང་འདྲ། |
| གཉན་པའི་གནད |
ཤིན་ཏུ་ཉེན་ཆེ་བའི་གནས་ཏེ། (དཔེར་ན།) མགོ་བོའི་ཀླད་པ་དང༌། བྱང་ཁོག་གི་སྙིང་ལྟ་བུའོ། ། |
| གཉན་པོ |
བཙན་ཤེད་ཆེན་པོའམ་ཁྲོ་བའི་དོན་ཏེ། (དཔེར་ན།) ས་ཆ་གཉན་པོ། ལྷ་གཉན་པོ། ཁྲིམས་གཉན་པོ། དམ་ཚིག་གཉན་པོ། བཀའ་གཉན་པོ། |
| གཉན་པོ་གསང་བ |
བོད་རྒྱལ་ཉེར་བདུན་པ་ལྷ་ཐོ་ཐོ་རི་གཉན་བཙན་གྱི་རིང་ལ་ནམ་མཁའ་ནས་ཟ་མ་ཏོག་ཅིག་བབ་པ་ཁ་ཕྱེ་བའི་ནང༌། མདོ་ཟ་མ་ཏོག་སྙིང་པོ་ཡི་གེ་དྲུག་མ་དང༌། སྤང་སྐོང་ཕྱག་བརྒྱ་མ། གསེར་གྱི་མཆོད་རྟེན་ཞིག་བཅས་བྱུང་བའི་མིང་དུ་བཤད་ལ། དེ་ནས་བཟུང་དམ་པའི་ཆོས་ཀྱི་དབུ་བརྙེས་པ་ཡིན་པར་བཤད། |
| གཉན་ཕོ |
རི་དྭགས་གཉན་གྱི་ཕོ། |
| གཉན་ཕྲན |
མི་མིན་གཉན་རིགས་ཕྲ་མོ། |
| གཉན་བུ |
རྨ་ནད་ཀྱི་བྱེ་བྲག་ཅིག |
| གཉན་ཚད |
གཉན་ནད་དང་ཚད་པ་གཉིས་འདོམས་པའི་ནད་དེ་གཉན་ཚད་གཟེར་ཐུང་ལྟ་བུའོ། ། |
| གཉན་ཚད་རྒྱས་པ |
རྨ་ཁར་ཚ་ངད་ལངས་པ། |
| གཉན་ཞང་ཞུང |
སྟོད་ཡུལ་ཞང་ཞུང་སྟེ་བོད་མངའ་རིས་ཁུལ་ལ་དྭགས་ཀྱི་མིང་རྙིང་པ། |
| གཉན་ཞན |
གྲལ་རིམ་མཐོ་དམའ་དང༌། དྲག་ཞན། |
| གཉན་འབུར |
གཉན་ནད་འབར་འབུར་ལྟ་བུ་ལུས་ཀྱི་གནས་གང་དུ་སྐྲངས་པ་འབར་འབུར་འབྱུང་བ་ཞིག |
| གཉན་འབྲས |
ངན་ཁྲག་རླུང་གིས་བསྒྲིལ་བ་ལ་ལྷན་སྐྱེས་ཀྱི་སྲིན་དང་བསྡོངས་ནས་ཤ་རུས་རྩ་ལ་ཞེན་པར་གྱུར་པའི་འབྲས་ནད་ཅིག |
| གཉན་རིགས་བཅོ་བརྒྱད |
གཉན་ནད་བབ་སའི་དབང་གིས་རིགས་མི་འདྲ་བ་བཅོ་བརྒྱད་ཀྱི་བསྡུས་མིང་གཉན་ནད་ཀླད་གཟེར་དང༌། གག་པ། གཟེར་ཐུང༌། གཉན་གླང༌། རྒྱུ་གཟེར། མེ་དབལ། གཉན་རྨེན་བུ། ཉྭ་ལོག་ལྷོག་པ། གཉན་འབྲས། འཛུམ་ལྟག་དགྱེ། མཁྲིས་པ་རྩར་རྒྱུག་ནང་ལྷོག་གཉན་ཁ་མེད། འཁྱམ་པོ། གཉན་འབུར། རྣ་རྩ་ཕུས་འདེབས། ངམ་རུ་བཅས་སོ། ། |
| གཉན་རིམས |
འཁྱམ་པོ་དང་འབའ་འབུར་ལྟ་བུ་གཞན་ལ་འགོ་བའི་གཉན་རིམས་སྤྱི། |
| གཉན་རྭ |
སྲོག་ཆགས་ཀྱི་སྨན་གྱི་ནང་ཚན་རི་དྭགས་གཉན་གྱི་རྭ། ནུས་པས་གཞན་ལ་འགོ་བའི་རིམས་ནད་སྲུང་ཞིང་ཞི་བར་བྱེད། |
| གཉན་ས |
1.ས་ཆ་བཙན་པོ། 2.བཀའ་ཡུལ་གཉན་པའི་ས་ཆ་མི་མིན་གདུག་ཅན་གནས་ས། |
| གཉན་སྲིན |
1.གཉན་ནད་པརྤ་ཏ་དང༌། ཁྲག་སྲིན་གཉིས་འདོམས་པའི་ནད། 2.གཉན་ཁ་ཡོད་པའི་སོ་སྲིན་གྱི་ནད་ཟུག་རྔུ་དྲག་པོ་འབྱུང་བ་ཞིག 3.རྨའི་ནང་དུག་ཅན་སྲིན་བུ་ཞུགས་ཏེ་སྐྲངས་ཤིང་ཁྲག་ནག་པོ་འཛག་པ་དང༌། ཟུག་རྔུ་དྲག་པོ་འབྱུང་བ་ཞིག |
| གཉའ |
སྐེའི་རྒྱབ་ངོས་ཏེ། (དཔེར་ན།) ཨ་མས་བུ་ཆུང་གཉའ་ལ་ཁུར། གླང་རྫི་གླང་བོའི་གཉའ་ལ་ཞོན་ལྟ་བུ། |
| གཉའ་ཁྲི་བཙན་པོ |
དེབ་སྔོན་དུ་ཁྲི་བཙན་པོ་འོད་ལྡེ་ཞེས་པ་དང་དོན་གཅིག་བོད་རྒྱལ་རབས་ཀྱི་ཐོག་མ་དེ་གང་ནས་བྱོན་པ་ལ། གཟུགས་ཁམས་འོད་གསལ་ལྷ་ལས་བབས་པ་དང༌། ཤཱཀྱའི་རྒྱལ་རྒྱུད་ཡིན་པ་སོགས་གཏམ་རྒྱུད་འདྲ་མིན་ཡོད་ཅིང༌། གང་ལྟར་ཡུལ་གང་ཞིག་ནས་བོད་ཡུལ་བཙན་ཐང་སྒོ་བཞིར་སླེབས་པའི་ཚེ་བོད་མི་རྣམས་ཀྱིས་མཐོང་སྟེ་མི་ལས་འདས་པའི་མཚན་དང་ལྡན་པས་ཡ་མཚན་སྐྱེས་ཏེ་གང་ནས་བྱོན་དྲིས་པར། སྐད་བརྡ་མ་འཕྲོད་པར་གནམ་ལ་མཛུབ་མོ་ཀེར་བས་ལྷ་ལས་ཆད་པར་གོ་ནས། བོད་ཁམས་ཀྱི་རྒྱལ་པོར་འོས་སོ་ཞེས་གཉའ་བར་བཏེགས་ནས་འོང་བས་གཉའ་ཁྲི་བཙན་པོ་ཞེས་གྲགས་ལ། དེ་དུས་བོད་ལ་ཡུལ་རྗེ་བཅུ་གཉིས་ཡོད་པའི་སྤྱིའི་དབང་པོར་གྱུར་པས་བོད་སྤྱིའི་རྒྱལ་པོའི་ཐོག་མ་ཡིན་ལ། གནམ་གྱི་ཁྲི་བདུན་དུ་གྲགས་པའི་དང་པོ་ཡང་ཡིན། |
| གཉའ་གདན |
རྟ་དྲེལ་སོགས་ཀྱི་གཉའ་ལྟག་སྐྱོབ་བྱེད་ཀྱི་སྣམ་བུ་དང་ཕྱིང་པ་སོགས། |
| གཉའ་གནོན |
གཉའ་འམ་ལྟག་པ་ནས་གནོན་པའི་དོན་ཏེ། (དཔེར་ན།) བཙན་ཤེད་གཉའ་གནོན་འོག་ཏུ་སྡོད་མི་དགོས་པ་བྱུང༌ཞེས་པ་ལྟ་བུ། |
| གཉའ་གནོན |
1.དབང་ཤུགས་ཀྱིས་གཞན་བཙན་བཀོལ་བྱེད་པའི་བྱ་སྤྱོད་ཀྱི་མིང་སྟེ། (དཔེར་ན།) སྔོན་ཆད་དབུལ་བོས་གཉའ་གནོན་མྱངས་ལྟ་བུ། 2.གཉའ་བ་ནས་མར་གནོན་པའི་དོན་ཏེ། (དཔེར་ན།) གཉའ་མནན། གཉའ་ནོན་ཅིག་ལྟ་བུ། |
| གཉའ་གནོན་སྨ་འབེབས |
བཙན་གནོན་གྱིས་ངོ་སྨད་དུ་འཇུག་པ། |
| གཉའ་གོང |
མི་ཕྱུགས་སོགས་ཀྱི་གཉའ་ལྟག་སྟེ། (དཔེར་ན།) ལག་གཉིས་གཉའ་གོང་དུ་བསྣོལ་བ་ཞེས་པ་ལྟ་བུ། |
| གཉའ་ཆག་པ |
དཔའ་ཞུམ་པའམ་བག་འཁུམས་པའི་དོན་ཏེ། (དཔེར་ན།) ཕ་རོལ་གྱི་རྒོལ་བ་ཚང་མ་གཉའ་ཆག་འདུག ངར་ངར་ཤོར་ཤོར་ཇི་ཙམ་བྱས་ཀྱང་གཉའ་མི་ཆག་ཅེས་པ་ལྟ་བུ། |
| གཉའ་དམས |
ང་རྒྱལ་ཆག་པའམ། སྟོབས་ཉམས་པ། |
| གཉའ་དྲག |
(བརྡ་རྙིང་།) རྩུབ་འགྱུར། |
| གཉའ་ནང |
རྫོང་ཞིག་སྟེ། བོད་ཀྱི་ལྷོ་ནུབ་རྒྱུད་དུ་ཡོད། འདིའི་ལྷོ་ངོས་བལ་པོ་དང་ས་འབྲེལ་ཡིན། |
| གཉའ་ནང་ཤོག་བུ |
གཉའ་ནང་ནས་ཐོན་པའི་ཤོག་བུ། |
| གཉའ་བ |
མཇིང་པའམ་སྐེའི་རྒྱབ་སྟེ། (དཔེར་ན།) ཨ་མས་བུ་ཆུང་གཉའ་བར་ཁུར། གླང་རྫི་གླང་པོའི་གཉའ་བར་ཞོན་ཞེས་པ་ལྟ་བུ། མིང་གི་རྣམ་གྲངས་ལ་མཇིང་པ་དང༌། གཉའ་ལྟག་ལྟག་པ་བཅས་སོ། ། |
| གཉའ་བ་ཧྲངས་པ |
ངན་པ་གཉའ་རེངས་ཏེ། (དཔེར་ན།) ཕྲུ་གུ་གཅུན་མཁན་མེད་པས་ལང་ལ་ཤོར་ནས་གཉའ་བ་ཧྲངས་ཞེས་པ་ལྟ་བུ། |
| གཉའ་བཅག་པ |
ང་རྒྱལ་དང་སྤོབས་པ་བཅོམ་པའི་དོན་ཏེ། (དཔེར་ན།) སྟོབས་ཤུགས་ཆེན་པོས་དགྲ་བོའི་གཉའ་བཅག་པ་ཞེས་པ་ལྟ་བུ། |
| གཉའ་བོ |
1.དཔང་པོའམ་ཁག་ཐེག 2.(ཡུལ་སྐད།) མག་པ་དང་མནའ་མ་སྐྱེལ་བསུ་བྱེད་མཁན། |
| གཉའ་བོ |
དཔང་བོའམ་བར་མའི་བརྡ་རྙིང་། |
| གཉའ་མ |
(ཡུལ་སྐད།) མོ་མཚན། |
| གཉའ་ཙོག |
རྨོན་མཛོའི་གཉའ་ལྟག་སྟེང་གི་རྒྱན་དར་ཞིག |
| གཉའ་ཚིགས |
གཉའ་རུས་ཀྱི་ཚིགས། |
| གཉའ་ཟུངས་རྒྱུད་མོ |
(བརྡ་རྙིང་།) ལྕགས་ཐག |
| གཉའ་རངས་པ |
གཉའ་རེངས་པ་དང་འདྲ། |
| གཉའ་རུས |
མཇིང་པའི་རུས་པ་སྟེ། (དཔེར་ན།) གཉའ་རུས་ཆག་པ། གཉའ་རུས་མི་ཆག་པ་ཞེས་པ་ལྟ་བུ། |
| གཉའ་རེངས |
1.གྱོང་བོའམ་བཙན་པོ་མགོ་མི་སྒུར་བ་སྟེ། (དཔེར་ན།) མི་ངན་གཉའ་རེངས་པ་ཞེས་པ་ལྟ་བུ། 2.རྒྱབ་ཕྱོགས་ཀྱི་མིང་སྟེ། (དཔེར་ན།) ཁང་བའི་གཉའ། སྡེ་བའི་གཉའ་ཞེས་པ་ལྟ་བུ། |
| གཉའ་རེངས་པ |
ངན་ལང་དུ་ཤོར་ཏེ་དྲེད་པའམ་གྱོང་བའི་དོན་ཏེ། (དཔེར་ན།) མི་གཉའ་རེངས་ཞི་བས་འདུལ་དཀའ། མི་འདི་གཉའ་རེངས་འདུག་ཅེས་པ་ལྟ་བུ། |
| གཉའ་རྒན་ཆགས་པ |
(ཡུལ་སྐད།) རྒྱུ་ནོར་ལོངས་སྤྱོད་གློ་བུར་དུ་ཕུན་སུམ་ཚོགས་པར་གྱུར་པའི་དོན་ཏེ། (དཔེར་ན།) ལོ་ཤས་རིང་དུ་མི་ཚང་དེ་དག་ཚང་མ་གཉའ་རྒན་ཆགས་ཞེས་པ་ལྟ་བུ |
| གཉའ་ལག་བཀུག་པ |
དུད་འགྲོའི་མགོ་དང་ལག་པ་གཉིས་ཐག་པས་མཉམ་དུ་བསྡམས་པ་སྟེ་ཕྱུགས་སྡེབ་སྦྱོར་བྱེད་ཐབས་ཤིག |
| གཉའ་ལྕིབས |
གཉའ་ལྤགས་ཏེ་གཉའ་ཤིང་ལ་དཀྲི་རྒྱུའི་སྣམ་བུའམ་ཕྱིང་པ། |
| གཉའ་ལྟག |
མཇིང་པའམ་སྐེའི་རྒྱབ། |
| གཉའ་ཤ |
མཇིང་པའི་ཤ། |
| གཉའ་ཤིང |
རྨོན་མཛོའི་གཉའ་གཉིས་སྦྲེལ་བྱེད་སོ་ནམ་པའི་ཡོ་བྱད་ཅིག མིང་གི་རྣམ་གྲངས་ལ་གཉའ་ཕུར་དང་གཤོལ་མདའ་འདྲེན་ནོ། ། |
| གཉའ་ཤིང |
རྨོད་ནོར་གཉིས་ཀྱི་སྐེ་སྦྲེལ་ནས་གཤོལ་འཐེན་བྱེད་ཀྱི་ཤིང་གི་ཡོ་བྱད་ཀྱི་མིང་། |
| གཉའ་ཤིང་འཛིན |
1.གསེར་གྱི་རི་བདུན་གྱི་ནང་གསེས་ཤིག་ཉི་ཟླ་འཆར་སའི་རྩེ་མོ་ན་བྲག་ཤིང་རྟའི་གཉའ་ཤིང་ལྟ་བུ་ཡོད་ལ། ངོས་སུ་དཔག་ཚད་སུམ་འབུམ་ཉི་ཁྲི་དང༌། མཐའ་སྐོར་དུ་ས་ཡ་གཅིག་དང་ཉིས་འབུམ་དང་བརྒྱད་ཁྲི་ཡོད། 2.(མངོན་བརྗོད།) ཤིང་རྟ། |
| གཉའ་སྒ |
རྨོན་མཛོའི་གཉའ་ཤིང༌། |
| གཉལ |
1.བོད་ཡིག་ཐོག་མར་སྲོལ་གཏོད་མཁན་ཐུ་མི་སཾ་བྷོ་ཊའི་འཁྲུངས་ཡུལ་ལྷོ་ཁ་ཁུལ་གྱི་ས་ཆ་ཞིག 2.སྔར་བོད་ཀྱི་རིགས་རུས་ཤིག |
| གཉལ་པ་གྲྭ་ཚང |
ལྷོ་རྒྱུད་གཉལ་དྲེའུ་ལྷས་དགོན་པ། |
| གཉལ་ལོ་རོ |
ལྷོ་བྲག་རྫོང་གི་ས་ཆ་ཞིག་སྔར་འདི་གའི་ཡུལ་མི་རྣམས་ཀྱི་ནང་ནས་ཚོང་ལས་སམ་ཚོང་པ་ཉི་ཚེ་བ་བྱེད་མཁན་མང་བ་དང་ས་ཐག་རིང་ཐུང་གང་སར་ཁྱབ་ཆེ་བས་གྲགས་པ་ཆེ་བའི་ཡུལ་ཞིག་ཏུ་གྱུར། |
| གཉི |
གཉིས་ཀྱི་འབྲི་ཚུལ་གཞན་ཏེ། (དཔེར་ན།) ངེད་གཉིས་ཀ—ངེད་གཉི་ག་ཞེས་པ་ལྟ་བུ། |
| གཉི་ག |
(བརྡ་རྙིང་།) གཉིས་ཀའི་དོན་ཏེ། (དཔེར་ན།) འགྲོ་ས་དེ་གཉི་ག་མིན་པའི་ཕུང་གསུམ་པ་མེད། རང་གཞན་གཉི་གར་བདེ་བ་ཐོབ་ཅེས་པ་ལྟ་བུ། འདི་ལ་གཉི་ཀ་འབྲི་བའང་ཡོད། |
| གཉི་གཟེར |
(བརྡ་རྙིང་།) ཉི་ཟེར། |
| གཉི་མ |
(བརྡ་རྙིང་།) ཉི་མ། |
| གཉིག |
(བརྡ་རྙིང་།) གཅིག |
| གཉིད |
གཞན་འགྱུར་བཞིའི་ནང་གསེས། ལུས་ཉམས་ཆུང་ཞིང་དུབ་པ་དང་མུན་པ་ཡིད་ལ་བྱེད་དེ། རྨུགས་རྨུགས་པོར་འདུག་པའི་དབང་གིས་རྣམ་པར་ཤེས་པ་ཡུལ་ལ་འཇུག་མི་ནུས་ཤིང༌། ལུས་ཀྱང་འཛིན་མི་ནུས་པར་ནང་དུ་འདུས་ནས་བྱ་བ་ཀུན་ཤོར་བའི་མཚན་ཉིད་ཅན། (དཔེར་ན།) མདང་དགོང་ང་ཚོ་ཚང་མ་གཉིད་སྐྱིད་པོ་ཁུག་བྱུང༌། ཚད་ནད་ཕོག་ནས་གཉིད་ཀྱིས་འཐུམས་ཏེ་བསྡད་འདུག མིང་གི་རྣམ་གྲངས་ལ་མནལ་དང༌། མིག་འཛུམ་པ། རྨོངས་པའི་གྲོགས་པོ། གཟིམས་བཅས་སོ། ། |
| གཉིད་ཀྱི་སྙོམ་པ |
(བརྡ་རྙིང་།) གཉིད་ལ་ཆགས་པའི་ལེ་ལོའམ་གཉིད་ལ་དགའ་བའི་སྒྱིད་ལུག |
| གཉིད་ཁུག་པ |
གཉིད་ལ་སོང་བའི་དོན་ཏེ། (དཔེར་ན།) འགྲངས་པ་གཉིད་ཁུག་ཀྱང༌། ལྟོགས་པ་གཉིད་མི་ཁུག་ཅེས་པ་ལྟ་བུ། |
| གཉིད་གཏམ |
གཉིད་ཁུག་ནས་བཤད་པའི་སྐད་ཆ་སྟེ། (དཔེར་ན།) མི་ལ་ལས་རྟག་པར་གཉིད་གཏམ་བཤད་ཅེས་པ་ལྟ་བུ། |
| གཉིད་གསོད་པ |
གཉིད་ལས་སློང་བའི་དོན་ཏེ། (དཔེར་ན།) སྐད་བཏང་ནས་གཉིད་གསོད་དགོས་ཞེས་པ་ལྟ་བུ། |
| གཉིད་ཆག་པ |
གཉིད་ཁུག་མ་ཐུབ་པའི་དོན་ཏེ། (དཔེར་ན།) ལས་ཀ་མ་ཚར་བའི་དངངས་སྐྲག་གིས་དགོང་མོ་གཉིད་ཆག་བྱུང༌ལྟ་བུ། |
| གཉིད་ཆེ་བ |
སད་དཀའ་བའི་གཉིད་དེ། (དཔེར་ན།) སེམས་ཁུར་མེད་ན་གཉིད་ཆེ་བ་ཡོང༌ཞེས་པ་ལྟ་བུ། |
| གཉིད་ཉལ་བ |
གཉིད་ཁུག་པའི་དོན་ཏེ། (དཔེར་ན།) ནམ་དཀར་ལ་གཉིད་ཉལ། ཟླ་དཀར་ལ་ཤིག་བཏུས་ཞེས་པ་ལྟ་བུ། |
| གཉིད་ཐིབས་ཐིབས |
གཉིད་བྲོ་ཉམས་སམ་གཉིད་ཁུག་ལ་ཉེ་བའི་དོན་ཏེ། (དཔེར་ན།) མི་གཅིག་པུར་སྡོད་ཡུན་རིང་བས་གཉིད་ཐིབས་ཐིབས་བྱས་བྱུང༌ཞེས་པ་ལྟ་བུ། |
| གཉིད་ཐུན |
གཉིད་ཁུག་ཐེངས་ཏེ། (དཔེར་ན།) གཉིད་ཐུན་གཅིག་ཅེས་པ་ལྟ་བུ། |
| གཉིད་ཐེབས |
གཉིད་ཉལ་བའི་དུས་སྐབས་ཏེ། (དཔེར་ན།) མདང་དགོང་ཕར་འགྲོ་ཚུར་ཡོང་གི་བྲེལ་ཟིང་གིས་གཉིད་ཐེབས་ཆག་ཅེས་པ་ལྟ་བུ། |
| གཉིད་དཀྲོག |
གཉིད་ལས་སློང་བའི་དོན་ཏེ། (དཔེར་ན།) མགོ་ལ་ཐུག་ཐུག་བཏང་ནས་གཉིད་དཀྲོག་ཅེས་པ་ལྟ་བུ། |
| གཉིད་དུས |
1.ཚན་མོའི་མིང༌། 2.གཉིད་ཉལ་བའི་སྐབས། |
| གཉིད་དུས་ཀྱི་འོད་གསལ |
རྫོགས་རིམ་གྱི་ཆོས་ཤིག་གཉིད་ཀྱི་ཤེས་པ་སྔ་མ་རྣམ་པར་དག་ཅིང་སླར་རྨི་ལམ་གྱི་རྟོག་པ་དང་རླུང་སྦྱོང་བྱེད་ཀྱི་གཉིད་སྔ་མའི་རིགས་འདྲ་མ་སྐྱེས་པའི་བར་དེར་རྟོག་པ་དང་བྲལ་བའི་ཆོས་ཀྱི་སྐུ་བདེ་སྟོང་གཉིས་སུ་མེད་པའི་ཡེ་ཤེས་དག་ཅིང་འོད་གསལ་བ་སྟོན་གནམ་དྭངས་པ་ལྟ་བུ་ཞིག་འཆར་བ། |
| གཉིད་པ |
(བྱེད་འབྲེལ་ལས་ཚིག) གཉིད་པའི་བྱ་མིང་། (དཔེར་ན།) གཉིད་ཁུག་པ། ཕྲུ་གུ་གཉིད་གཉིད་པ་རེད་ཅེས་པ་ལྟ་བུ། |
| གཉིད་བྲོ་བ |
གཉིད་ཁུག་གྲབས། |
| གཉིད་མི་སད |
(མངོན་བརྗོད།) སྦྲུལ། |
| གཉིད་འཐིབས |
གཉིད་ཀྱིས་ནོན་པའི་དོན་ཏེ། (དཔེར་ན།) གཟུགས་པོ་ཐང་པོ་མེད་པས་ཉིན་མོའང་གཉིད་འཐིབས་ཡོང་གི་འདུག་ཅེས་པ་ལྟ་བུ། |
| གཉིད་འཐུག་པོ |
སད་དཀའ་བའི་གཉིད། |
| གཉིད་འདོར་ཟས་བརྗེད |
གཉིད་མེད་ཅིང་ཟས་ཀྱང་མི་དྲན་པའི་དོན་ཏེ། (དཔེར་ན།) རྒྱལ་ཁབ་འཛུགས་སྐྲུན་གྱི་དོན་དུ་གཉིད་འདོར་ཟས་བརྗེད་ཀྱི་ངང་ནས་འབད་བརྩོན་ཤུགས་དྲག་བྱེད་ཅེས་པ་ལྟ་བུ། |
| གཉིད་འདྲོགས |
གཉིད་ཧར་སད་བརྒྱབ་པའི་དོན་ཏེ། (དཔེར་ན།) གློ་བུར་འུར་སྒྲ་དྲག་པོ་ཐོས་པས་གཉིད་འདྲོགས་སོང༌ཞེས་པ་ལྟ་བུ། |
| གཉིད་ཡར |
གཉིད་མི་ཁུག་པའི་དོན་ཏེ། (དཔེར་ན།) ན་ཟུག་ལངས་ནས་གཉིད་ཡར་རྒྱག་ཅེས་པ་ལྟ་བུ། |
| གཉིད་ཡུར |
གཉིད་ལ་སོང་བའི་དོན་ཏེ། (དཔེར་ན།) མཚན་མོ་ཉལ་མ་ཐག་ཏུ་གཉིད་ལ་ཡུར་ཞེས་པ་ལྟ་བུ། |
| གཉིད་རྨུགས |
རིག་པ་མི་གསལ་བ། |
| གཉིད་ལ་ཤོར་བ |
གཉིད་ལ་སོང་བའི་དོན་ཏེ། (དཔེར་ན།) ཞུམ་བུ་གཉིད་ལ་ཤོར་ཀྱང་བསམ་རྒྱུ་བྱེའུ་ཞེས་པ་ལྟ་བུ། |
| གཉིད་ལབ |
ལབ་འཆོལ་ཏེ། (དཔེར་ན།) གཉིད་ཁུག་ནས་བཤད་པའི་གཏམ། |
| གཉིད་ལམ |
རྨི་ལམ་གྱི་དོན་ཏེ། (དཔེར་ན།) གཉིད་ལམ་སྐྱིད་པོ་གཏོང་བ་ཞེས་པ་ལྟ་བུ། |
| གཉིད་ལོག |
གཉིད་ཉལ་བའི་དོན་ཏེ། (དཔེར་ན།) རྫི་བོ་གཉིད་ལོག་ན་ལུག་སྤྱང་ཀིས་ཟ་ཉེན་ཡོད་ཅེས་པ་ལྟ་བུ། |
| གཉིད་ལྕི་པོ |
སད་དཀའ་བའི་གཉིད་དེ། (དཔེར་ན།) གྲོད་པ་རྒྱགས་པས་གཉིད་ལྕི་པོ་ཁུག་པ་རེད་ཅེས་པ་ལྟ་བུ། |
| གཉིད་ལྗི་པོ |
གཉིད་ལྕི་པོ་དང་འདྲ། |
| གཉིད་སངས |
གཉིད་དྭངས་པ་སྟེ། (དཔེར་ན།) བྱིའུའི་སྐད་སྙན་ཐོས་ནས་གཉིད་སངས་སོང༌ཞེས་པ་ལྟ་བུ། |
| གཉིད་སད་པ |
གཉིད་དྭངས་པ་སྟེ། (དཔེར་ན།) སྐད་སྒྲ་བརྒྱབ་ནས་ཕྲུ་གུ་གཉིད་སད་པ་ཞེས་པ་ལྟ་བུ། |
| གཉིད་སྒྲ |
གཉིད་དུས་ཀྱི་སྔུར་པ། |
| གཉིད་སྔུར |
གཉིད་ཁུག་དུས་གཏོང་བའི་དབུགས་སྒྲ། |
| གཉིད་སྟུག་པོ |
སད་དཀའ་བའི་གཉིད་དེ། (དཔེར་ན།) གཞན་གྱིས་སུག་སུག་བཏང་ཡང་མི་སད་པའི་གཉིད་སྟུག་པོ་ཡུན་རིང་ཁུག་ཅེས་པ་ལྟ་བུ། མིང་གི་རྣམ་གྲངས་ལ་གཉིད་ཀྱིས་རོ་བ་དང༌། གཉིད་ལོག་ཉལ་བ། གཉིད་སོང༌། རྨི་ལམ། ལེགས་ཕབ། སེམས་མྱོས་པ་བཅས་སོ། ། |
| གཉིད་སྲབ |
གཉིད་མཐུག་པོ་མིན་པ། |
| གཉིད་སྲུང |
གཉིད་མི་ཁུག་པའི་ཐབས་བྱེད་པ་སྟེ། (དཔེར་ན།) ནད་པའི་གཞོགས་ལ་བསྡད་ནས་གཉིད་སྲུང་བ་ཞེས་པ་ལྟ་བུ། |
| གཉིད་སྲེད |
གཉིད་ལ་ཞེན་པ། |
| གཉིད་སླེབས |
གཉིད་ཁུག་ལ་ཉེ་བའི་དོན་ཏེ། (དཔེར་ན།) ཁམས་ཉོག་སྟེ་གཉིད་སླེབས་པ་ལྟ་བུ། |
| གཉིད་ཧབ་སད་རྒྱག་པ |
(ཡུལ་སྐད།) གཉིད་འདྲོགས་ནས་སད་ཡོང་བའི་དོན་ཏེ། (དཔེར་ན།) ཕྲུ་གུ་གཉིད་ཧབ་སད་བརྒྱབ་པས་ངུས་སོང་ཞེས་པ་ལྟ་བུ། |
| གཉིལ |
(བྱེད་མེད་ལས་ཚིག) རྣོ་ངར་ཉམས་པར་བྱས་པའི་དོན་ཏེ། (དཔེར་ན།) རྡོ་ལ་གྲིས་བརྒྱབ་ན་གྲི་ཁ་གཉིལ། མདུང་རྩེ་གཉིལ་ལྟ་བུ། |
| གཉིས |
གྲངས་ཀའི་གཉིས་ཏེ། (དཔེར་ན།) ང་གཉིས། བཟའ་ཚང་གཉིས། ཕྱི་ནང་གཉིས། མཆན་ཁུང་གཉིས་ལྟ་བུ། མིང་གི་རྣམ་གྲངས་ལ་འཁྲིག་པ་དང༌། བགྲོད་པ། ཐབས་ཤེས། མིག་མཚེ་མ། ཟུང༌། ལག་པ་བཅས་སོ། ། |
| གཉིས་ཀ |
གཉིས་ཡོད་པའི་དོན་ཏེ། (དཔེར་ན།) ཕན་ཚུན་གཉིས། ཕ་མ་གཉིས་ཀ་ཞེས་པ་ལྟ་བུ། |
| གཉིས་ཀའི་ཆ་ལས་རྣམ་པར་གྲོལ་བ |
དགྲ་བཅོམ་པ་གང་ཉོན་སྒྲིབ་དང་སྙོམས་འཇུག་གི་སྒྲིབ་པ་གཉིས་ལས་གྲོལ་ཏེ་རྣམ་པར་ཐར་པ་བརྒྱད་ལ་སྙོམས་པར་འཇུག་ནུས་པའོ། ། |
| གཉིས་ཀྱི་གཉིས་སྤྲད་པ |
འཁྲིག་སྤྱོད། |
| གཉིས་ཀྱིས་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དོན་གཉིས་ཁྱད་ཆོས་འགའ་ཞིག་གི་སྒོ་ནས་རྣམ་པ་མཚུངས་ཀྱང༌། ཐུན་མོང་མིན་པའི་ཁྱད་ཆོས་རེ་རེའི་སྒོ་ནས་མཚུངས་པ་ལས་ལྡོག་སྟེ་མི་མཚུངས་པར་སྟོན་པའི་རྒྱན་ཞིག |
| གཉིས་གཉིས་འཁྱུད་པ |
ཕོ་མོ་གཉིས་གཉིས་འཁྱུད་སྦྱོར། |
| གཉིས་གཉིས་སྤྱོད |
(མངོན་བརྗོད།) ངུར་པ། |
| གཉིས་དགའི་ཁྱིམ |
(མངོན་བརྗོད།) མོ་མཚན། |
| གཉིས་པ |
1.གྲངས་རིམ་ཞིག 2.རིམ་པ་གཉིས་པ་སྟེ། (དཔེར་ན།) དེབ་གཉིས་པ། ཐེངས་གཉིས་པ། བུ་གཉིས་པ་ཞེས་པ་ལྟ་བུ། 3.གཙོ་ཕལ་གཉིས་ཀྱི་ནང་གི་ཕལ་བའི་དོན་ཏེ། (དཔེར་ན།) དཔོན་པོ་གཉིས་པ། ཕ་མ་གཉིས་པ་ཞེས་པ་ལྟ་བུ།4.(མངོན་བརྗོད།) ཁྱིམ་བདག་མོ། |
| གཉིས་པོ |
1.གཉིས་ཙམ་དུ་ཚད་བཟུང་བར་འཇུག་པ་སྟེ། (དཔེར་ན།) ལག་པ་འདི་གཉིས་པོར་བརྟེན་ནས་རང་ཁ་གསོས་ལྟ་བུ། 2.ཕན་ཚུན་གཉིས། |
| གཉིས་ཕན |
རང་གཞན་གཉིས་ཀར་ཕན་པ། |
| གཉིས་ཕྱོགས |
ཕན་ཚུན་གཉིས་ཀའི་ཕྱོགས་ཏེ། (དཔེར་ན།) གཉིས་ཕྱོགས་ཆིངས་ཡིག་ཅེས་པ་ལྟ་བུ། |
| གཉིས་མཇུག་གསུམ་མཐུད |
གཉིས་པའི་རྗེས་སུ་གསུམ་པ་མཐུད་པ་སྟེ་རྒྱུན་མི་འཆད་པའི་དཔེ། |
| གཉིས་མཉམ་དགུ་མཉམ་གྱི་རྟ་བབས |
གཞལ་ཡས་ཁང་གི་སྒོ་བཞིའི་རྟ་བབས་ཀྱི་བཟོ་དབྱིབས་ཤིག |
| གཉིས་མེད་གསུང་བ |
(མངོན་བརྗོད།) སངས་རྒྱས། |
| གཉིས་མེད་རྒྱུད |
བསྐྱེད་རྫོགས་ཟུང་འཇུག་འོད་གསལ་གྱི་རིམ་པ་གཙོ་བོར་སྟོན་པས་གཉིས་སུ་མེད་པའི་རྒྱུད་དོ། ། |
| གཉིས་ཚིག |
རྣམ་དབྱེ་དང་པོའི་ཡན་ལག་མིང་མཐའི་སྒྲ་ཞིག་སྟེ་"དག"་གི་མིང༌། |
| གཉིས་འཐུང |
(མངོན་བརྗོད།) གླང་པོ་སྤྱི། |
| གཉིས་འཐུང་དབང་པོ |
(མངོན་བརྗོད།) གླང་པོ་མཆོག |
| གཉིས་འཛིན |
1.རྟག་ཆད་ཀྱི་མཐའ་གཉིས་སུ་འཛིན་པ། 2.ཡུལ་ཡུལ་ཅན་ཐ་དད་དུ་འཛིན་པ། |
| གཉིས་ལོ་དྲང་གཞག |
ཕྱོགས་ལྷུང་མེད་པའི་དོན་ཏེ། (དཔེར་ན།) བར་དཔང་བྱེད་དུས་གཉིས་ལོ་དྲང་གཞག་གི་སྐད་ཆ་བཤད་དགོས་ཞེས་པ་ལྟ་བུ། |
| གཉིས་ལྡན་དུས |
སྐལ་བཟང་རྣམ་འདྲེན་གསུམ་པ་འོད་སྲུང་བྱོན་པའི་སྐབས་འཛམ་གླིང་མི་རྣམས་ཀྱིས་ཆོས་དང༌། ནོར། འདོད་པ། བདེ་བ་བཞི་ལས་ཆ་གཉིས་ཉམས་ནས་ཆ་གཉིས་ལ་ལོངས་སུ་སྤྱོད་པའི་དུས་ཏེ་དེའི་ཡུན་ཚད་ལ་ལོ་གྲངས་བརྒྱད་འབུམ་དྲུག་ཁྲི་བཞི་སྟོང་ཡོད་པར་བཤད། |
| གཉིས་སུ་བྱར་མེད་པ |
ལོགས་སུ་དབྱེ་རྒྱུ་མེད་པའི་དོན་ཏེ། (དཔེར་ན།) མི་རིགས་གོང་བུ་གཅིག་གྱུར་ནི་གཉིས་སུ་བྱར་མེད་པ་ཞིག་རེད་ཅེས་པ་ལྟ་བུ། |
| གཉིས་སུ་མེད |
(མངོན་བརྗོད།) དུས་འཁོར། |
| གཉིས་སུ་མེད་པ |
དབྱེ་བ་མེད་པའམ་གཅིག་པ་ཡིན་པའི་དོན་ཏེ། (དཔེར་ན།) ཆུ་ཡི་ནང་དུ་འོ་མ་བླུགས་ཏེ་གཉིས་སུ་མེད་པར་གྱུར་ཞེས་པ་ལྟ་བུ། |
| གཉིས་སུ་མེད་པའི་ཤེས་པ |
རྟག་ཆད་ཀྱི་མཐའ་གཉིས་དང་བྲལ་བའི་བློ། |
| གཉིས་སུ་མེད་པའི་སྐད་ཅིག་མའི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། ཆོས་ཐམས་ཅད་གཟུང་འཛིན་རྫས་ཐ་དད་དུ་མ་གྲུབ་པར་སྐད་ཅིག་མ་གཅིག་ལ་མངོན་སུམ་དུ་རྟོགས་ནུས་པའི་སེམས་དཔའི་རྣལ་འབྱོར་མཐར་ཐུག |
| གཉིས་སྐྱེས |
(མངོན་བརྗོད།) 1> བྱ། 2> བྲམ་ཟེ། 3> སོའི་མིང་གི་རྣམ་གྲངས་ཡིན་པས་གྲངས་སུམ་ཅུ་སོ་གཉིས་མཚོན། |
| གཉིས་སྐྱེས་དབང་པོ |
(མངོན་བརྗོད།) 1> མཁའ་ལྡིང༌། 2 >ཚངས་པ། 3> ཟླ་བ། |
| གཉིས་སྐྱེས་རྒྱལ་པོ |
(མངོན་བརྗོད།) ཟླ་བ། |
| གཉིས་སྣང |
1.ཕྱི་གཟུང་བ་དང༌། ནང་འཛིན་པ་གཉིས་སུ་སྣང་བ། 2.ཉི་ཟླ་དང་སྐྲ་ཤད་སོགས་མང་པོར་སྣང་བ་རབ་རིབ་ཅན་གྱི་གཉིས་སྣང༌། |
| གཉུག་དམག |
གནས་གཅིག་ལ་རྒྱུན་དུ་སྡོད་པའི་དམག |
| གཉུག་མ |
1.(རྒྱན་ཚིག) གློ་བུར་གྱི་ལྡོག་ཟླ་སྟེ། (དཔེར་ན།) གཉུག་མར་གནས་པའི་སྲོག་ཆགས(སྔོན་ནས་གནས་པའི་སྲོག་ཆགས)ཞེས་པ་ལྟ་བུ། 2.བཅོས་མ་མིན་པའི་དོན་ཏེ། (དཔེར་ན།) གཉུག་མའི་སེམས། གཉུག་མའི་དོན་མ་བཅོས། གཉུག་མའི་ངང་དུ་བཞག་ལྟ་བུ། |
| གཉུག་མའི་དགེ་འདུན |
སྔར་ནས་དེར་ཡོད་པའི་དགེ་འདུན་ཏེ། (དཔེར་ན།) རྒྱལ་པོས་ཀྱང་གཉུག་མའི་དགེ་འདུན་དང་གཞན་གྱི་ཡུལ་ནས་དགེ་འདུན་སྤྱན་འདྲེན་པ་ཞེས་པ་ལྟ་བུ། |
| གཉུག་མའི་ཡེ་ཤེས |
རང་བཞིན་དུ་གནས་པའམ་ཡེ་ནས་ཡོད་པའི་རིག་པ་སྟེ། གདོད་ནས་དག་པའི་རང་བྱུང་གི་ཡེ་ཤེས་སམ་གཞིའི་ཡེ་ཤེས། |
| གཉུག་མའི་ལུས |
སྲོག་འཛིན་གྱི་རླུང་ཕྲ་མོའམ་རླུང་སེམས་དབྱེར་མེད་ཀྱི་དྭངས་མའི་ལུས་ཏེ། དེ་ནི་འཁོར་བ་ཐོག་མེད་ནས་སངས་མ་རྒྱས་ཀྱི་བར་དུ་རྒྱུན་མི་འཆད་པ། |
| གཉུག་མའི་ས |
(བརྡ་རྙིང་།) དུར་གྱི་ས། |
| གཉུག་མའི་སེམས |
རྒྱུན་དུ་གནས་པའི་སེམས་སམ་གཞིའི་སེམས། |
| གཉུག་མར་གནས་པ |
རྒྱུན་དུ་སྡོད་པའམ་གཏན་དུ་གནས་པའི་དོན་ཏེ། (དཔེར་ན།) གཉུག་མར་གནས་པའི་མི་ཞེས་པ་ལྟ་བུ། |
| གཉུལ |
(བྱེད་འབྲེལ་ལས་ཚིག) སྐོར་གཡེང་བྱེད་པའམ་འགྲོ་འོང་བྱེད་པ་སྟེ། (དཔེར་ན།) རྩྭ་སྨན་བཏུ་ཆེད་ནགས་སུ་གཉུལ། རི་སུལ་གཉུལ་ནས་རི་དྭགས་རྔོན་ལྟ་བུ། |
| གཉུལ་བ |
(བྱེད་འབྲེལ་ལས་ཚིག) སོ་ལྟ་བའམ་འཚོལ་བའི་དོན་ཏེ། (དཔེར་ན།) ཕྱོགས་ཀུན་གཉུལ་བ། གནས་ཚུལ་ལེགས་པར་གཉུལ་ཏེ་ཕྱིར་ལོག་ཕེབས་ཤིག་ཅེས་པ་ལྟ་བུ། |
| གཉེ་བོ |
(བརྡ་རྙིང་།) ཕོ་ཉ། |
| གཉེ་མ |
ལོང་གའི་གཞུག་དང་གཞང་གི་མགོ་གཉིས་བར་གྱི་ཆ་ཤས། མར་སྣེ་གཞང་བ་དང་འབྲེལ་ཞིང་ཡར་སྣེ་ལོང་ག་དང་འབྲེལ་བའི་རྒྱུ་མ་སྟེ། རྒྱུ་དཀར་ཡང་ཟེར། |
| གཉེན |
ཉེ་དུ་རྩ་ལག་སྟེ། (དཔེར་ན།) ཕ་གཉེན། བཤེས་གཉེན། མ་གཉེན་ཞེས་པ་ལྟ་བུ། མིང་གི་རྣམ་གྲངས་ལ་ཆོ་འབྲང་དང༌། ཉེ་དུ། ཉེ་འབྲེལ། གཉེན་འདབ། གཉེན་གཤིན། སྣག་གི་གཉེན། འབྲེལ་བ། རྩ་ལག་མཛའ་བཤེས། རིགས་མཚུངས། རིགས་རུས་བཅས་སོ། ། |
| གཉེན་ཀ |
གཉེན་ཁ་དང་འདྲ། |
| གཉེན་ཁ |
བཟའ་ཚང་ངམ་ཁྱིམ་ཐབ། |
| གཉེན་ཁ་བྲལ་བ |
1.ཁྱོ་ཤུག་བྲལ་བ། 2.མཐུན་གྲོགས་རྒྱབ་འགལ་དུ་སོང་བ། |
| གཉེན་ཁར་སླེབས་པ |
བག་མར་སླེབས་པ་དང་མག་པར་སླེབས་པ། |
| གཉེན་གན |
སློང་ཆང་གཏོང་ཉིན་བུ་མནའི་ཁྱིམ་ཕྱོགས་གཉིས་ནས་བཞག་པའི་གན་རྒྱ། |
| གཉེན་གཤིན |
ཉེ་དུ་མཛའ་མཐུན་ཏེ། (དཔེར་ན།) ཕྱོགས་གཉིས་དབར་དུ་གཉེན་གཤིན་གྱི་འབྲེལ་ལམ་དམ་ཟབ་ཅིག་ཡོད་ཅེས་པ་ལྟ་བུ། |
| གཉེན་གྲོགས |
གཉེན་ཉེ་དང་གྲོགས་པོ། |
| གཉེན་ཉེ་དུ |
སྤུན་དང༌། མཛའ་གྲོགས། |
| གཉེན་ཉེ་བ |
ཉེ་དུ་རྩ་ལག་ཀུན། |
| གཉེན་ཉེ་བློ་ཕམ |
སྤུན་དང་མཛའ་གྲོགས་སེམས་ཕམ་པའི་དོན་ཏེ། (དཔེར་ན།) ཤ་ཚ་ཅན་གྱི་གཉེན་ཉེ་བློ་ཕམ་ཡོང་བ་དང༌། ཕྲག་དོག་ཅན་གྱི་དགྲ་བོ་དགའ་སྤྲོ་ཡོང་བའི་ལས་ཀ་མ་བྱེད་ཅེས་པ་ལྟ་བུ། |
| གཉེན་ཉེ་འབྲེལ |
ཉེ་དུ་རྩ་ལག་ཀུན། |
| གཉེན་ཏེ |
(བརྡ་རྙིང་།) བོས་ཏེ། |
| གཉེན་དཔང |
གཉེན་སྒྲིག་སྐབས་ཕན་ཚུན་གཉིས་ཕྱོགས་བར་གྱི་དཔང་པོ། |
| གཉེན་པོ |
མགོ་གནོན་ནམ། འདུལ་བྱེད་དང༌། སྤོང་བྱེད། ཞི་བར་བྱེད་པའི་སྟོབས་ཏེ་ལོག་ཕྱོགས་འཇོམས་པའི་ཐབས་ཏེ། (དཔེར་ན།) ནད་གསོ་བར་བྱེད་པའི་གཉེན་པོ་སྨན། དགྲ་འདུལ་བའི་གཉེན་པོ་ཞི་དྲག་གི་སྟོབས་ཤུགས་གཉིས་ཞེས་པ་ལྟ་བུ། |
| གཉེན་པོ་ཀུན་ཏུ་སྤྱོད་པའི་སྟོབས |
སྡིག་པ་འཆགས་བྱེད་ཀྱི་གཉེན་པོ་སྟོབས་བཞིའི་ནང་གསེས། ཕྱག་འཚལ་བ་དང་ཡིག་བརྒྱ་བཟླ་བ་སོགས་མཐོལ་བཤགས་ཀྱི་ལས་བྱེད་པ། |
| གཉེན་པོ་ཕྱོགས་ཀྱི་ཤེས་རྣམ |
རང་གི་མི་མཐུན་ཕྱོགས་འཇོམས་ནུས་ཀྱི་མཁྱེན་པའོ། །ཤེར་ཕྱིན་དོན་བདུན་ཅུའི་ནང་གསེས། |
| གཉེན་པོ་བཞི |
སྤོང་བའི་གཉེན་པོ་དང༌། གཞིའི་གཉེན་པོ། ཐག་སྲིང་བའི་གཉེན་པོ། རྣམ་པར་སུན་འབྱིན་པའི་གཉེན་པོ། |
| གཉེན་པོ་ལྡེམ་དགོངས |
དམ་པའི་ཆོས་ལ་བརྙས་པ་ལ་སོགས་པའི་ཉེས་པ་བརྒྱད་འདུལ་བའི་ཕྱིར་དུ་ཐེག་ཆེན་གསུངས་པ་ལྟ་བུ། |
| གཉེན་པོའི་དགེ་བ |
ཉོན་མོངས་པ་དང་ཤེས་བྱའི་སྒྲིབ་པ་དེ་དག་རྣམ་པར་སུན་འབྱིན་པ་དང་ཐག་བསྲིང་བ་དང་སྤང་བ་དང་འབྲལ་བར་བྱེད་པའི་ལམ་ལ་བརྩོན་པ། |
| གཉེན་པོའི་ཕྱོགས་ཀྱི་གཞི་ཤེས |
ཤེར་ཕྱིན་དོན་བདུན་ཅུའི་ནང་གསེས། གཞི་ཤེས་གང་ཞིག་ཐབས་སྙིང་རྗེ་ཆེན་པོ་དང་སྟོང་ཉིད་མངོན་སུམ་དུ་རྟོགས་པའི་ཤེས་རབ་ཀྱིས་ཟིན་པའི་མཚན་འཛིན་གྱི་གཉེན་པོ་བྱེད་ནུས་པ་ཐེག་ཆེན་འཕགས་རྒྱུད་ཀྱི་མཁྱེན་པའོ། ། |
| གཉེན་པོའི་ཡན་ལག |
བསམ་གཏན་བཞིའི་ཡན་ལག་ཅིག་བསམ་གཏན་བཞིའི་རང་སའི་སྤང་བྱ་སྤོང་བའི་གཉེན་པོ་དང༌། གཉེན་པོ་དེས་ཐོབ་པའི་གོང་མའི་ཡོན་ཏན། |
| གཉེན་པོའི་ལམ |
སྒྲིབ་པ་སྤོང་བྱེད་ཀྱི་དངོས་གཉེན་དུ་གྱུར་པའི་ལམ་མཐོང་སྒོམ་གྱི་བར་ཆད་མེད་ལམ་ལྟ་བུ། |
| གཉེན་པོའི་སྟོབས |
སྒྲིབ་པ་སྤོང་བྱེད་ཀྱི་གཉེན་པོའི་སྟོབས། |
| གཉེན་པོའི་སྟོབས་བཞི |
རྟེན་གྱི་སྟོབས། རྣམ་པར་སུན་འབྱིན་པའི་སྟོབས། ཉེས་པ་ལས་སླར་ལྡོག་པའི་སྟོབས། གཉེན་པོ་ཀུན་ཏུ་སྤྱོད་པའི་སྟོབས་བཅས་བཞི། |
| གཉེན་ཕྱོགས |
ཉེ་དུ་རྩ་ལག་ཀུན། མིང་གི་རྣམ་གྲངས་ལ་འཁོན་མེད་དང༌། གྲོགས་པོ། གཉེན་བཤེས། མཐུན་ཕྱོགས། བློ་ཉེ། མཛའ་གཅུགས། མཛའ་བས་བཅིངས། མཛའ་བཤེས། ཟུན། ཡིད་གཅུགས། ཡིད་མཐུན་པ། རང་ཕྱོགས་བཅས་སོ། ། |
| གཉེན་བཤེས |
ཉེ་དུ་མཛའ་གྲོགས་ཏེ། (དཔེར་ན།) ཁྱོད་ལ་གཉེན་བཤེས་གཅིག་ཀྱང་མེད། གཉེན་བཤེས་དགྲར་ལངས་ཞེས་པ་ལྟ་བུ། |
| གཉེན་བྱེད་པ |
གཉེན་སྒྲིག་བྱེད་པ། |
| གཉེན་མཐུན་གྱི་ལས་འབྲེལ |
བཟའ་ཚང་དགའ་མཐུན་གྱི་ལས་འབྲེལ། |
| གཉེན་ཚན |
སྤུན་ཉེའི་སྡེ་ཚན་ཏེ། (དཔེར་ན།) གཉེན་ཚན་མདའ་སྨྱུག་སྐྱེ་སྐྱེ་ཡོད་ཅེས་པ་ལྟ་བུ། |
| གཉེན་ཟླ |
གཉེན་ཡའམ་གཉེན་ཕྱོགས་གྲོགས་པོ། |
| གཉེན་འཁོར |
གཉེན་ཉེ་འཁོར་བཅས། |
| གཉེན་འགྲིག་པ |
1.མཛའ་མཐུན་བྱུང་བ། 2.ཁྱོ་ཤུག་འབྲེལ་བ། |
| གཉེན་འཐམས་པ |
(བརྡ་རྙིང་།) ཕན་ཚུན་གཉེན་ཚན་དུ་སྒྲིག་པ། |
| གཉེན་འདབ |
སྤུན་ཉེ་དུའམ་གཉེན་བཤེས། |
| གཉེན་འདུན |
ཤ་རུས་གང་རུང་གིས་མི་རབས་བདུན་བརྒྱུད་ཚུན་ཆད་དུ་འབྲེལ་བའི་གཉེན་ཏེ་ཉེ་དུ་དང་དོན་གཅིག (དཔེར་ན།) གློ་བུར་གཉེན་འདུན་ལོངས་སྤྱོད་ཀུན་དང་བྲལ་ཞེས་པ་ལྟ་བུ། |
| གཉེན་འཕྲད |
ཕ་མ་སོགས་གཉེན་ཉེ་འཕྲད་པ། |
| གཉེན་འབྲེལ |
1.མཛའ་མཐུན། 2.ཁྱོ་ཤུག་གི་འབྲེལ་བ། |
| གཉེན་ཡ |
གཉེན་བསྒྲིག་སའི་ཡུལ་ཏེ། (དཔེར་ན།) གཉེན་ཡ་མ་དམའ། དགྲ་ཡ་མ་མཐོ་ཞེས་པ་ལྟ་བུ། |
| གཉེན་ཡིག |
བག་མ་གཏོང་ལེན་གྱི་གན་ཡིག |
| གཉེན་ལོག |
བག་མར་ཕྱིན་རྗེས་དུས་མཚམས་གང་རུང་ཞིག་ཏུ་བུ་བུ་མོ་ནང་མི་དང་བཅས་པ་ཕ་མའི་ཁྱིམ་དུ་ཐེངས་དང་པོ་འགྲོ་བ། |
| གཉེན་སྐོར |
གཉེན་ཉེ་འཁོར། |
| གཉེན་སྒྲིག |
ཁྱོ་ཤུག་གམ་བཟའ་ཚང་བྱེད་པ་སྟེ། (དཔེར་ན།) ན་ཚོད་དར་ལ་བབ་པའི་ཕོ་མོ་ཕན་ཚུན་བློ་མོས་ལྟར་གཉེན་སྒྲིག་བྱེད་པ། གཉེན་སྒྲིག་སྟོན་འབྲེལ། གཉེན་སྒྲིག་སྟོན་མོ་ཞེས་པ་ལྟ་བུ། |
| གཉེན་སྟོན |
གཉེན་སྒྲིག་བྱེད་སྐབས་ཀྱི་སྟོན་མོ། |
| གཉེན་སྡེ |
གཉེན་ཕྱོགས། |
| གཉེན་སྡེབ |
1.བཟའ་ཚང་མཐུན་སྡེབ། 2.གཉེན་ཉེ་སྒབ་མཐུན་བྱེད་པ་སྟེ། སྔར་ཕ་ཚན་མི་རབས་བདུན་བརྒྱུད་དང་མ་ཚན་མི་རབས་ལྔ་བརྒྱུད་ཚུན་ཆད་ལ་ཉེ་དུའམ་གཉེན་འདུན་ཟེར། |
| གཉེན་སྲེད |
གཉེན་ལ་ཞེན་ཆགས། |
| གཉེར |
(བྱེད་འབྲེལ་ལས་ཚིག) ཡོན་ཏན་སོགས་ཐོབ་ཆེད་འབད་པ་བྱས་པའི་དོན་ཏེ། (དཔེར་ན།) དོན་དུ་གཉེར། ཡོན་ཏན་དོན་དུ་གཉེར། སྐོམ་པས་ཆུ་དོན་དུ་གཉེར་ལྟ་བུ། |
| གཉེར་ཁ |
བདག་གཉེར་རམ་དོ་དམ་གྱི་དོན་ཏེ། (དཔེར་ན།) དངོས་པོ་རྣམས་ཁ་འཐོར་དུ་མི་འགྲོ་བའི་གཉེར་ཁ་བྱེད་པ་ལྟ་བུ། |
| གཉེར་གཉེར |
1.ཁྲོ་བའི་ངོ་འཛུམ་ནག་པོ་གཉེར་གཉེར་སྟོན་པ། 2.མཆེ་བ་རིང་པོ་གཉེར་གཉེར་བྱེད་པ། 3.དོན་གཉེར། |
| གཉེར་གདམས |
བཅོལ་མངག་གཉེར་གཏད་དེ། (དཔེར་ན།) འཕྲལ་ཕུགས་ཀྱི་བྱེད་སྒོའི་རྣམ་གཞག་གཉེར་གདམས་བྱེད་པ་ཞེས་པ་ལྟ་བུ། |
| གཉེར་དུ་གཏད་པ |
སྲུང་མཁན་དུ་བསྐོས་པའི་དོན་ཏེ། (དཔེར་ན།) གཉེར་དུ་གཏད་པའི་སྤྱི་རྫས་ཚང་མ་བོར་བརླག་འཐོར་རྐྱེན་དུ་མི་འགྲོ་བ་བྱེད་དགོས་ཞེས་པ་ལྟ་བུ། |
| གཉེར་པ |
དོ་དམ་བྱེད་མཁན་ཏེ། (དཔེར་ན།) དཀོན་གཉེར། སྐུ་གཉེར། ཁང་གཉེར། གཞིས་གཉེར། མགྲོན་གཉེར། ཡིག་ཚང་གཉེར་པ། མིང་གི་རྣམ་གྲང་ལ་ལྡེ་མིག་པ་དང༌། ནང་གི་གྲུ་འཛིན། ནོར་སྐྱོང༌། ནོར་གྱི་སྲུང་མ། མིག་གི་ཆོས་ཅན། མཛོད་པ་བཅས་སོ། ། |
| གཉེར་པ |
རྒྱུ་རྫས་ལ་དོ་དམ་བྱེད་མཁན། |
| གཉེར་མ |
སུལ་མ་སྟེ་འདུས་པའམ། འཁུམས་པའམ། བརྩེགས་པའི་རི་མོ་སྟེ། (དཔེར་ན།) ཁྲོ་བའི་གཉེར་མ། རྒས་པའི་གཉེར་མ། ཆུའི་གཉེར་མ། གཉེར་མས་གང་བ། ཁྲོ་གཉེར་བསྡུས་པ། ལོ་ན་མཐོན་པོར་སླེབས་ན་གདོང་དང་གཟུགས་པོའི་པགས་པ་གཉེར་མ་འཁུམ་ཡོང༌ཞེས་པ་ལྟ་བུ། |
| གཉེར་མའི་གདོང |
(མངོན་བརྗོད།) སྤྲེའུ། |
| གཉེར་ཚང |
བཟའ་བཅའི་རིགས་སོགས་འཇོག་སའི་ཁང་པ། |
| གཉེར་འཛིན |
དོ་དམ་བྱེད་མཁན། |
| གཉེལ |
མཉེལ་གྱི་འབྲི་ཚུལ་གཞན། |
| གཉོག |
(བྱེད་འབྲེལ་ལས་ཚིག) རྡུང་རྡེག་བྱས་པའི་དོན་ཏེ། (དཔེར་ན།) ལྕག་གིས་རྟ་ལ་གཉོག བྱིས་པ་ལ་མ་གཉོག་ལྟ་བུ། གཉག་ལ་ལྟོས། |
| གཉོག་པ |
(བྱེད་འབྲེལ་ལས་ཚིག) རྡུང་རྡེག་གི་གཉོག་པའི་བྱ་མིང་། (དཔེར་ན།) རྡུང་རྡེག་བྱེད་པ། ལྕག་གིས་རྟ་ལ་གཉོག བྱིས་པ་མ་གཉོག ཁང་པའི་མཐིལ་ཞལ་གཉོག་པ་ཞེས་པ་ལྟ་བུ། |
| གཉོགས |
གཉོག་པའི་སྐུལ་ཚིག |
| གཉོང་ཆུང |
(བརྡ་རྙིང་།) ཉམ་ཆུང༌། |
| གཉོད |
(བརྡ་རྙིང་།) རིན་ཐང་དང༌། བུད་མེད་ཀྱི་རིན། |
| གཉོད་ཀ |
1.རིན་ཐང་གི་བརྡ་རྙིང་། འདི་ལ་གཉོད་ཁ་འབྲི་བའང་ཡོད། 2.ཟས་བཅུད་ཀྱི་སྙིང་བོའི་བརྡ་རྙིང་། |
| གཉོད་ཁ་ཆུང་བ |
(བརྡ་རྙིང་།) 1>འཁོས་ཀ་ཆུང་བའམ། སྟོབས་ཆུང་བ། 2>གཏོང་ཕོད་ཆུང་བ། 3> བསྲན་ཆུང་བ། |
| གཉོད་མེད་པ |
(བརྡ་རྙིང་།) བཟོད་བསྲན་མེད་པ། |
| གཉོམ |
(རྒྱན་ཚིག) ཞན་ཞིང་སྙི་བའི་དོན་ཏེ། (དཔེར་ན།) དགྲ་ལ་གཉོམ་མ་ཁུར་ལྟ་བུ། |
| གཉོམ་ཆུང |
སྟོབས་ཞན་པའམ་སེམས་ཆུང་བྱས་ནས་སྡོད་མཁན་ཏེ། (དཔེར་ན།) གཉོམ་ཆུང་སྡོད་ལུགས་མཁས་པས་ན། བཙན་པོས་བྱ་ཐབས་རྙེད་པར་དཀའ་ཞེས་པ་ལྟ་བུ། |
| གཉོས |
སྔར་བོད་ཀྱི་རུས་ཤིག |
| གཉྫིར |
(ལེགས་སྦྱར།) གན་ཇི་ར་སྟེ་གཙུག་ལག་ཁང་དང་དགོན་པ་སོགས་ཀྱི་ཁང་པའི་མཛེས་རྒྱན་ཟངས་སོགས་ལས་གྲུབ་པ་ཞིག |
| གཎ་གཡོག |
གན་གཡོག་དང་འདྲ། |
| གཎྜི |
དགེ་འདུན་བསྡུ་བའི་བརྡ་སྤྲོད་བྱེད་ཀྱི་ཡོ་བྱད་ཅིག་འདུལ་བ་ལས་བཤད་པའི་ཚད་ལྡན་གྱི་གཎྜི་ནི། རྒྱུ་ཙན་དན་དང༌། བིལ་བ་དང༌། པ་ལཱ་ཤ་དང༌། ཙན་དན་དམར་པོ་དང༌། སྟར་བུ་དང༌། འོ་སེ་ལ་སོགས་པས། ཚད་དབྱིབས་སྲིད་དུ་སོར་བརྒྱད་ཅུ་རྩ་བཞི། ཞེང་དུ་སོར་དྲུག་དཔངས་སུ་སོར་གཉིས། ཟུར་བཞིར་བརྒྱད་བཞོགས་སོར་གཉིས་གཉིས་དང་ལྡན་པ། རྩེ་མོ་གཉིས་སྦལ་བའི་མགོ་འདྲ་བའོ། ། |
| གཎྜི་ཐེའུ |
གན་གཡོག |
| གཏག |
(བྱེད་འབྲེལ་ལས་ཚིག) གཏགས་ཀྱི་ད་ལྟ་བ་དང་སྐུལ་ཚིག དབྱུག་པས་རྡེག་པ་སྟེ། (དཔེར་ན།) གདབ་བུས་སློག་པ་གཏག་གིན་འདུག གདན་གཏག་བྱེད་ཀྱི་དབྱུགས་པས་སློག་པ་གཏག་ཅིག་ཅེས་པ་ལྟ་བུ། |
| གཏག་པ |
(བརྡ་རྙིང་།) གཞན་ལ་རྡུང་རྡེག་གཏོང་བའམ་འཚོག་པ། |
| གཏག་མ |
1.སྣམ་བུ་སོགས་ཐགས་འཐག་མཁན་གྱི་ཡོ་བྱད་ཅིག་སྟེ། སྤུན་སྐུད་གཏག་བྱེད་ཡིན། 2.ཚིག་གྲོགས་ཁ་ཡིག་སྦྱར་ན་ཡུལ་སྐད་ལ་ལར་འཆལ་གཏམ་བཤད་པའི་དོན་ཏེ། (དཔེར་ན།) ཁ་གཏག་དོན་མེད། ཁ་མ་གཏག་ལྟ་བུ། |
| གཏགས |
(བྱེད་འབྲེལ་ལས་ཚིག) མ་འོངས་པ་དང་འདས་པ། (དཔེར་ན།) གཏགས་བྱའི་སློག་པ། གདབ་བུས་བལ་བཏགས་ནས་བསེད། གཏགས་པའི་བལ། བལ་གཏགས་མ་ཞེས་པ་ལྟ་བུ། |
| གཏང |
གཏོང་གི་མ་འོངས་པ། (དཔེར་ན།) གཏང་བྱའི་རྟ་ནོར་ཞེས་པ་ལྟ་བུ། |
| གཏང་ཡས |
གྲངས་གནས་ཤིག |
| གཏང་ཡིག |
འཕྲིན་གཏམ་བསྐུར་ཡིག་སྟེ། (དཔེར་ན།) གཏང་ཡིག་གཏོང་བ་ཞེས་པ་ལྟ་བུ། |
| གཏང་རག |
གཞན་ལ་ལས་བཅོལ་བྱས་པའི་བྱ་བ་ལེགས་པར་གྲུབ་པའི་དྲིན་གཟོ་བའི་བྱ་སྤྱོད་ཀྱི་མིང་སྟེ། (དཔེར་ན།) སློབ་ཁང་གྲུབ་པའི་གཏང་རག་ཏུ་ཆང་མགྲོན་བྱས་ལྟ་བུ། |
| གཏད |
(བྱེད་འབྲེལ་ལས་ཚིག) གཏོད་པའི་འདས་པ 1.རྫས་སྔགས་ཀྱི་སྒོ་ནས་གཞན་གནོད་ཀྱི་མཐུ་གཏད་པ་སྟེ། (དཔེར་ན།) མནན་གཏད་རྒྱག་པ། 2.ཡིད་ཆེས་པ་སྟེ། (དཔེར་ན།) མི་དམངས་ལ་བློ་གཏད་བློ་རྩེ་གཏད་ལྟ་བུ། |
| གཏད་གཉེར |
གཉེར་གཏད་དམ་ལས་བཅོལ། |
| གཏད་དཀར་འགྲོ་བཟང་མ |
ལྷ་མོ་ཚེ་རིང་མཆེད་ལྔའི་ཡ་གྱལ་ཞིག |
| གཏད་པ |
སྦྱིན་པའམ་སྤྲོད་པའི་དོན་དུ་གོ་བའི་གཏོད་པའི་འདས་པ་དང་མ་འོངས་པ། |
| གཏད་པ་ལས་བྱུང་བའི་སྤང་བ |
སྤང་ལྟུང་སུམ་ཅུའི་ནང་གསེས། སྦྱིན་བདག་གིས་གཏད་པའི་དབྱར་གྱི་རྙེད་པ་དབྱར་མཚམས་ཀྱི་ནང་དུ་ལོངས་སྤྱོད་པའོ། ། |
| གཏད་མེད |
འདི་ཡིན་འདི་མིན་གྱི་གཏད་སོ་མེད་པའམ། ཆ་འཇོག་བྱེད་མི་རུང་བའི་དོན་ཏེ། (དཔེར་ན།) ལས་ཀ་གཏད་མེད་ཆོ་མེད་ཅིག་མ་བྱེད་ཅེས་པ་ལྟ་བུ། |
| གཏད་རབས |
1.གཅིག་ནས་གཅིག་ཏུ་རིམ་གྱིས་སྤྲད་པའི་རྒྱུན། 2.སྟོན་པ་ཤཱཀྱ་ཐུབ་པའི་བསྟན་པ་གཏད་སའི་བརྒྱུད་འཛིན་གྱི་རབས། |
| གཏད་རབས་བདུན |
སྔར་རྒྱལ་བསྟན་དགྲ་བཅོམ་པ་གཅིག་ནས་གཅིག་ཏུ་སྤྲད་པའི་བྱུང་རིམ་འོད་སྲུང་དང༌། ཀུན་དགའ་བོ། ཤ་ནའི་གོས་ཅན། ཉེ་སྦས། དྷཱི་ཏི་ཀ། ནག་པོ། ལེགས་མཐོང་ཆེན་པོ་སྟེ་བདུན། |
| གཏད་རྒྱ |
གཏེར་སྲུང་ལ་གཉེར་དུ་གཏད་པ། |
| གཏད་ལེན |
སྤྲོད་ལེན། ལས་བྱེད་གསར་རྙིང་ཕན་ཚུན་སྤྱི་དངོས་གཏད་ལེན་བྱེད། |
| གཏད་ས |
1.བློ་གཏད་ས། 2.དངོས་པོ་སྤྲོད་ས། 3.མདའ་དང་མེ་མདའ་སོགས་ཁ་གཏད་ས། |
| གཏད་ས་བཞི |
བཀའ་གདམས་པ་གོང་མའི་ཐུགས་བཅུད་ཕུགས་ནོར་བཅུའི་ནང་གསེས་ཤིག་བློ་ཕུགས་ཆོས་ལ་གཏད། ཆོས་ཕུགས་སྤྲང་ལ་གཏད། སྤྲང་ཕུགས་ཤི་ལ་གཏད། ཤི་ཕུགས་གྲོག་པོ་སྐམ་པོ་ལ་གཏད་ཅེས་པའི་གཏད་ས་བཞིའོ། ། |
| གཏད་སོ |
བློ་རྩེ་གཏད་ཡུལ་དང་ཆ་འཇོག་ས་སྟེ། (དཔེར་ན།) གཏད་སོ་མེད་པའི་མི། དམིགས་པ་གཏད་སོ་ཞེས་པ་ལྟ་བུ། |
| གཏན |
1.དུས་གནས་སྐབས་ཙམ་མིན་པ་སྟེ། (དཔེར་ན།) ནམ་ཞག་གཏན་དུ་མིག་ལྟོས་ཡར་ལྟ་བྱེད། གཏན་དུ་འཚོ་ཞིང་གཞེས། གཏན་དུ་བདེ་བ་ཐོབ་ལྟ་བུ།2.རྩ་བའམ་ནམ་ཡང༌ཞེས་པའི་དོན་ཏེ། (དཔེར་ན།) གཏན་ནས་མེད། འགོག་ཐབས་གཏན་ནས་མེད་པ། མཐུན་ཐབས་གཏན་ནས་མི་བྱེད་པ། སྔ་མ་དང་གཏན་ནས་མི་འདྲ་ཞེས་པ་ལྟ་བུ། 3.ཡུན་རིང་བའམ་ཕུགས་ཀྱི་དོན་ཏེ། (དཔེར་ན།) གཏན་གྱི་གྲོགས་པོ། གཏན་གྲོགས། གཏན་གྱི་འདུན་མ། གཏན་འདུན། གོར་ནད་གཏན་མེད་དུ་བཏང་ལྟ་བུ། ལག་ལེན་གྱི་ཉམས་མྱོང་རྣམས་གཏན་ནས་མ་བརྗེད་ལྟ་བུ། 3.(བྱེད་འབྲེལ་ལས་ཚིག) སྒོ་དམ་པོ་བྱས་པའི་དོན་ཏེ། (དཔེར་ན།) སྒོ་གཏན་ཞེས་པ་ལྟ་བུ། |
| གཏན་ཁེལ |
ཐག་བཅད་པའམ་ངེས་ཅན་བྱེད་པའི་བྱ་སྤྱོད་ཀྱི་མིང་སྟེ། (དཔེར་ན།) སློབ་སྦྱོང་གི་དུས་གཏན་ཁེལ་བྱས་ལྟ་བུ། |
| གཏན་ཁེལ |
ཐག་ཆོད་པའི་དོན། (དཔེར་ན།) བྱེད་ཕྱོགས་གཏན་ཁེལ་བ། འགྲོ་ལམ་གཏན་ཁེལ། དུས་ཚོད་གཏན་ཁེལ་ཞེས་པ་ལྟ་བུ། |
| གཏན་ཁྲ |
བཀའ་ཤོག་གཏན་ཚིགས་དང་ཁྲ་མའི་བསྡུས་ཚིག་སྟེ། (དཔེར་ན།) སྲིད་གཞུང་གི་གཏན་ཁྲ་ཡིག་རིགས་ཞེས་པ་ལྟ་བུ། |
| གཏན་ཁྲིམས |
དགེ་བསྙེན་དང་དགེ་ཚུལ་སོགས་རང་རང་གི་ཆོ་ག་ལ་བརྟེན་ནས་སྡོམ་པ་བླངས་ཏེ། དེ་དག་གི་སྡོམ་ཁྲིམས་ཇི་སྲིད་འཚོའི་བར་གཏན་དུ་སྲུང་བའི་ཁྲིམས། |
| གཏན་གཏན |
བརྟན་བརྟན་དང་འདྲ། |
| གཏན་གནས་མི་ནུབ |
དུས་ཡུན་དུ་གནས་ཤིང་མི་ཡལ་བའི་དོན་ཏེ། (དཔེར་ན།) མི་དམངས་ཀྱི་དཔའ་བོའི་སྙན་གྲགས་གཏན་གནས་མི་ནུབ་ཅེས་པ་ལྟ་བུ། |
| གཏན་གཡོག |
ཚེ་གང་སྡོད་དགོས་པའི་གཡོག་པོ། |
| གཏན་གྱི་དོན |
ཕུགས་ཀྱི་དོན་ཏེ། (དཔེར་ན།) ལས་དོན་གང་ཞིག་སྒྲུབ་ཀྱང་གཏན་གྱི་དོན་ལ་བསམ་བློ་གཏོང་དགོས་ལྟ་བུ། |
| གཏན་གྱི་བསམ་བློ |
ཕུགས་དོན་གྱི་བསམ་བློ་སྟེ། (དཔེར་ན།) མི་སོ་སོའི་གཏན་གྱི་བསམ་བློ་གཏོང་སྟངས་མི་འདྲ་བ་རེད་ཅེད་ལྟ་བུ། |
| གཏན་གྱི་འདུན་མ |
ཕུགས་ཀྱི་བྱུས་སམ་རེ་འདུན་ཏེ། (དཔེར་ན།) གཏན་གྱི་འདུན་མ་སྒྲུབས་ཤིག་ཅེས་པ་ལྟ་བུ། |
| གཏན་གྲོགས |
ཚེ་གང་གི་མཛའ་གྲོགས་སམ་བཟའ་ཟླ། |
| གཏན་ཆགས |
གཏན་ཕེབས་སམ། རྒྱུན་དུ་གནས་པའི་དོན་ཏེ། (དཔེར་ན།) ཁུག་ཀྱོག་གི་ཡུལ་གྲུ་སོ་སོར་གཏན་ཆགས་སྡོད་པའི་མི། གནས་ཡུལ་གཏན་ཆགས་ཞེས་པ་ལྟ་བུ། |
| གཏན་དུ་བ |
རྟག་པ་དང་བརྟན་པ། འགྱུར་མེད་གཏན་དུ་བ། |
| གཏན་པ |
1.སྒོའི་ནང་ངོས་ནས་གནོན་བྱེད་ཨ་ཤིང༌གི་མིང་སྟེ། (དཔེར་ན།) སྒོའི་གཏན་པ་རྒྱོབ་ཅེས་པ་ལྟ་བུ།2.སྔར་གྱི་ཁྲིམས་ཆས་ཤིག |
| གཏན་པ་མེད་པའི་མཆོད་སྦྱིན |
རྒྱུན་ཆད་མེད་པའི་མཆོད་སྦྱིན་རྒྱ་ཆེན་པོ། |
| གཏན་པ་མེད་པའི་སྦྱིན་པ |
སློང་བ་པ་ལ་རྒྱུན་མ་ཆད་པར་ཕངས་པ་མེད་པར་སྦྱིན་པ་སྒོ་ལ་གཏན་པ་མེད་པར་གཏོང་བ་རྒྱ་ཆེན་པོའི་སྒོ་འཕར་ཕྱེ་བའོ། ། |
| གཏན་པ་སྲེ་བ་མེད་པའི་མཆོད་སྦྱིན |
དྲིན་གསོབ་ཡོང་སྙམ་པའི་བསམ་བློ་མེད་པའི་མཆོད་སྦྱིན། |
| གཏན་ཕེབས |
གཏན་ལ་ཕེབས་པ་དང་དོན་གཅིག |
| གཏན་བུ |
སྒོ་གནོན་ཏེ་སྒོ་འཕུལ་མི་ཐུབ་པ་བྱེད་པའི་ཡོ་བྱད། |
| གཏན་བོགས |
ལོ་ལྟར་གཏན་འཇགས་སུ་སྤྲོད་ལེན་བྱེད་པའི་བོགས་མ། |
| གཏན་མ |
ཕུགས་སམ། ཡུན་རིང༌གི་དོན་ཏེ། (དཔེར་ན།) ནམ་ཕུགས་གཏན་མའི་འཚོ་ཐབས་ཞེས་པ་ལྟ་བུ། |
| གཏན་མེད |
རྩ་བ་ནས་མེད་པའི་དོན་ཏེ། (དཔེར་ན།) གཉའ་གནོན་བཤུ་གཞོག་གི་ལམ་ལུགས་གཏན་མེད་བཟོས་པ། དགྲ་བོ་གཏན་མེད་དུ་བཏང་བ་ལྟ་བུ། |
| གཏན་མེད་དུ་འཇུག་པ |
རྟགས་ཏེ་གསལ་བ་ལ་མི་འཇུག་པ་གསལ་བ་དེའི་མཐུན་ཕྱོགས་སམ་མི་མཐུན་ཕྱོགས་གང་རུང་དང༌། གཉིས་ཀ་ལ་གཏན་ནས་མེད་པའོ། ། |
| གཏན་ཚིག |
1.གཏན་ལ་འབེབས་བྱེད་ཀྱི་ཚིག2.རྒྱུ་མཚན་སྟོན་པའི་ངག་གཏན་ཚིགས་ཀྱི་འབྲི་ཚུལ་གཞན་ཞིག |
| གཏན་ཚིགས |
1.དོན་གཏན་ལ་འབེབས་བྱེད་ཀྱི་ཚིག་ཕྲེང་གི་ཚིགས་སམ་དུམ་བུ་སྒྲུབ་བྱེད་དང༌། རྒྱུ་མཚན་ནོ། 2.གཞུང་དམ་འཁོད་པའི་བཀའ་ཤོག་གི་ཡི་གེ་ཁུངས་བཙན། |
| གཏན་ཚིགས་ཀྱི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དང་དོན་གཉིས་བྱེད་ལས་ཀྱི་སྒོ་ནས་ཕན་ཚུན་ཧ་ལམ་མཚུངས་ཀྱང༌། མི་འདྲ་བའི་གཏན་ཚིགས་སམ། རྒྱུ་མཚན་གཅིག་གི་སྒོ་ནས་སོ་སོར་ལྡོག་པའི་རྒྱན། |
| གཏན་ཚིགས་གསུམ |
འབྲས་བུའི་རྟགས་དང༌། རང་བཞིན་གྱི་རྟགས་དང༌། མ་དམིགས་པའི་རྟགས་ཏེ་གསུམ་མོ། ། |
| གཏན་ཚིགས་ཆེན་པོ་ལྔ |
དབུ་མའི་ལྟ་བ་གཏན་ལ་འབེབས་བྱེད་ཀྱི་རྟགས་སམ་རྒྱུ་མཚན་ཆེན་པོ་ལྔ་གཅིག་དུ་བྲལ་གྱི་གཏན་ཚིགས་དང༌། རྡོ་རྗེ་གཟེགས་མའི་གཏན་ཚིགས་དང༌། ཡོད་མེད་སྐྱེ་འགོག་གི་གཏན་ཚིགས་དང༌། མུ་བཞི་སྐྱེ་འགོག་གི་གཏན་ཚིགས་དང༌། རྟེན་འབྲེལ་གྱི་གཏན་ཚིགས་བཅས་ལྔའོ། ། |
| གཏན་ཚིགས་ཐིགས་པ |
གཏན་ཚིགས་ཀྱི་ཐིགས་པའི་རབ་ཏུ་བྱེད་པ་ཞེས་པ། ཕྱོགས་ཆོས་དང་ཁྱབ་པ་སྤྱིར་གཏན་ལ་འབེབས་པའི་གཞུང༌། སློབ་དཔོན་ཆོས་ཀྱི་གྲགས་པས་མཛད་པའི་ཚད་མ་སྡེ་བདུན་ལས་འཕྲོས་པ་ཡན་ལག་ལྟ་བུའི་བསྟན་བཅོས་བཞིའི་གྲས་ཤིག |
| གཏན་ཚིགས་མཁར་རུ |
དུས་རབས་བཅུ་བདུན་པའི་འགོར་བོད་སྲིད་སྐྱོང་ཀརྨ་བསྟན་སྐྱོང་དབང་པོས་འདེགས་གཤོར་གྱི་དངོས་པོ་འཇལ་བྱེད་ཚད་གཞི་གཏན་འབེབས་བཟོས་པའི་འབོ་དང་རྒྱ་མ་རྣམས་ཀྱི་མིང༌། |
| གཏན་ཚིགས་འདྲེན་པ |
དམ་བཅས་པའི་ཚིག་སྔ་མར་རྒྱུ་མཚན་འདྲེན་པའི་ལྷག་བཅས་ཀྱི་སྒྲ་ཞིག་སྟེ། (དཔེར་ན།) མེ་ཡོད་དེ་དུ་བ་ཡོད་པའི་ཕྱིར་ཞེས་པ་ལྟ་བུ། |
| གཏན་ཚིགས་ཡང་དག |
སྒྲུབ་བྱེད་ཀྱི་རྟགས་ཡང་དག |
| གཏན་ཚིགས་རིག་པ |
རིག་པའི་གནས་ལྔའི་ཡ་གྱལ། དོན་གྱི་འཁྲུལ་བ་ཚར་གཅོད་པར་བྱེད་པ་ཚད་མ་རིག་པའོ། ། |
| གཏན་ཚིགས་རིགས་པ |
ཡུལ་ལྐོག་གྱུར་འཇལ་བྱེད་རྗེས་དཔག་གི་གཞིའམ་རྟེན་དུ་གྱུར་པའི་རྟགས་ཀྱི་རིགས་པའོ། ། |
| གཏན་ཚིགས་ལྟར་སྣང |
ཚུལ་གསུམ་མ་ཚང་བ་འགལ་མ་ངེས་མ་གྲུབ་གསུམ་གང་རུང་གི་སྐྱོན་དང་ལྡན་པའི་རྟགས། (དཔེར་ན།) བྱས་རྟགས་ཀྱིས་སྒྲ་རྟག་པར་བསྒྲུབ་པ་ལྟ་བུའོ། ། |
| གཏན་ཚིགས་ལྟར་སྣང་གསུམ |
འགལ་བའི་གཏན་ཚིགས་དང༌། མ་ངེས་པའི་གཏན་ཚིགས་དང༌། མ་གྲུབ་པའི་གཏན་ཚིགས་ཏེ་གསུམ་མོ། ། |
| གཏན་ཚིགས་ས་བོན |
བཀའ་ཤོག་གི་འཆར་གཞིའམ་ཟིན་བྲིས། |
| གཏན་འཁྱོལ |
ཕུགས་འཁྱོལ་བའི་དོན་ཏེ། (དཔེར་ན།) ལས་ཀ་འགོ་བརྩམས་ནས་མཇུག་མ་ཚར་བར་འབད་བརྩོན་གཏན་འཁྱོལ་སྙུག་བསྲིང་བྱེད་དགོས་ཞེས་པ་ལྟ་བུ། |
| གཏན་འཇགས |
རྒྱུན་དུ་གནས་པའི་དོན་ཏེ། (དཔེར་ན།) སྔར་བཞིན་གཏན་འཇགས་སུ་གནས་ཡོད་ཅེས་པ་ལྟ་བུ། |
| གཏན་འཇགས་གླ་པ |
དུས་རྒྱུན་དུ་མི་ཚང་ངེས་ཅན་ཞིག་ནས་ལས་གླ་བླངས་ཏེ་གཡོག་རྒྱུག་དགོས་མཁན། |
| གཏན་འཇགས་ལམ་ཡིག |
སྔར་བོད་ཀྱི་སྲིད་གཞུང་གིས། གཞུང་སྒེར་གྱི་དངོས་ཟོག་སྐྱེལ་འདྲེན་ནམ་དགོས་དུས་དེ་འཕྲལ་རྟ་ཁལ་སྐུལ་འདེད་ཆོག་པའི་རྒྱུན་གཏན་ལག་འཁྱེར་བཀའ་ཤོག |
| གཏན་འབེབས |
ཕུགས་འཕེར་ཐག་གཅོད་ཀྱི་དོན་ཏེ། (དཔེར་ན།) གསར་དུ་གཏན་འབེབས་བྱས་པ། འཆར་གཞི་འདི་ད་རེས་ཚོགས་ཆེན་ཐོག་གཏན་འབེབས་བྱུང་བ་ཞིག་རེད་ཅེས་པ་ལྟ་བུ། |
| གཏན་རྒྱུག་འུ་ལག |
དུས་རྟག་པར་ལས་ལ་བཀོལ་བའི་འུ་ལག |
| གཏན་ལ་དབབ་པ་བསྡུ་བ |
འཕགས་པ་ཐོགས་མེད་ཀྱིས་མཛད་པའི་སེམས་ཙམ་པའི་གཞུང་ས་སྡེ་ལྔའམ་རྣལ་འབྱོར་སྤྱོད་པའི་སའི་ཡ་གྱལ་ཞིག |
| གཏན་ལ་ཕབ་པའི་སྡེ |
གསུང་རབ་ཡན་ལག་བཅུ་གཉིས་ཀྱི་བཅུ་གཉིས་པ་ཆོས་རྣམས་ཀྱི་རང་སྤྱིའི་མཚན་ཉིད་རྒྱས་པར་སྟོན་པ། (དཔེར་ན།) ཆོས་མངོན་པའི་སྡེ་སྣོད་ལྟ་བུ། |
| གཏན་ལ་ཕབ་པར་བསྟན་པའི་སྡེ |
གཏན་ལ་ཕབ་པའི་སྡེ་དང་དོན་གཅིག |
| གཏན་ལ་ཕེབས་པ |
ཐག་བཅད་དེ་ཆོད་པའི་དོན་ཏེ། (དཔེར་ན།) ཚོང་ཁྲོམ་གྱི་ཉོ་ཐང་ཚང་མ་ཉག་སྲང་ཚད་མས་གཏན་ལ་ཕེབས་པ་ལྟ་བུ། |
| གཏན་ལ་འབེབ |
དཔྱད་པ་བཏང་བའམ་གྲོས་བྱས་ནས་ཐག་གཅོད་པའི་དོན། (དཔེར་ན།) བཟང་ངན་གཏན་ལ་འབེབ་པ། སྒྲིག་ལམ་གཏན་ལ་ཕབ། གཏན་ལ་དབབ་དགོས། གཏན་ལ་ཕོབས་ཤིག་ལྟ་བུ། |
| གཏན་ལ་འབེབས་པ |
ཐག་གཅོད་པའི་དོན་ཏེ། (དཔེར་ན།) དཔྱད་བདར་གྱིས་གཏན་ལ་འབེབས་པ་ཞེས་པ་ལྟ་བུ། |
| གཏན་ལ་འབེབས་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དོན་གང་ཡིན་ཁྱད་པར་འབྱེད་དཀའ་ཡང༌། རྒྱུ་མཚན་གྱི་ངེས་ཚིག་ཡང་དག་སྒོ་ནས་མ་ནོར་བར་སོ་སོར་ངེས་པ་རྙེད་པའི་རྒྱན་ཞིག |
| གཏན་ལེགས |
དུས་ནམ་ཡང་ཡག་པོའི་དོན་ཏེ། (དཔེར་ན།) གཏན་ལེགས་ཀྱི་བྱ་བ་ཞེས་པ་ལྟ་བུ། |
| གཏན་ཤིང |
སྒོ་གཏན་བྱེད་ཀྱི་དབྱུག་པའི་མིང་། |
| གཏན་སྡོད |
རྒྱུན་དུའམ་རྟག་ཏུ་སྡོད་པའི་དོན་ཏེ། (དཔེར་ན།) གྲོང་ཁྱེར་ནང་དུ་གཏན་སྡོད་ཀྱི་མི་འབོར་ཅི་ཙམ་ཡོད་ཅེས་པ་ལྟ་བུ། |
| གཏམ |
1.བརྗོད་པའམ་སྐད་ཆ་སྟེ། (དཔེར་ན།) སྙིང་གཏམ། གསང་གཏམ། བླུན་གཏམ། ཚོགས་གཏམ། དཔྱད་གཏམ། གཏམ་སྔོག་པ། གཞན་གྱི་གཏམ་ལ་རྣ་བ་གཏད་དེ་ཉོན། བུ་སྐྱེས་པ་ལ་མིང༌། ཆང་དྲངས་པ་ལ་གཏམ། མི་རྣམས་ཐམས་ཅད་ཕྱུག་པོའི་བུ་ལ་དགའ། གཏམ་རྣམས་ཐམས་ཅད་འདོད་པའི་ཕྱོགས་སུ་འགྲོ། ཕོ་རོག་ཤ་ཁྱེར་ལུང་པའི་ཕུ་དང༌། སྤྲང་པོ་གཏམ་ཁྱེར་ལུང་པའི་མདའ། མི་ཁོམ་པ་བརྒྱད་ཀྱི་གཏམ་ཞེས་པ་ལྟ་བུ། 2.མིང་གྲགས་ཀྱི་དོན་ཏེ། (དཔེར་ན།) རོ་ས་འོག་ཏུ་སོང་ཡང༌། གཏམ་ས་སྟེང་དུ་སྡོད་ཅེས་པ་ལྟ་བུ།3.(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། བཅོལ་བ་དང་གདམས་པའི་ད་ལྟའི་འབྲི་སྲོལ་གཞན་ཏེ། (དཔེར་ན།) གྲོགས་སུ་གཏམ་དགོས། ལས་ཀ་ལས་རོགས་གཏམ་དགོས་ལྟ་བུ། |
| གཏམ་ཁུངས་མ |
སྐད་ཆ་ཁུངས་བཙུན། |
| གཏམ་གཞན་འཕྲོ་བ |
སྐད་ཆའི་རྩ་བ་ལས་ཡན་ལག་མཆེད་པ་སྟེ། (དཔེར་ན།) ཞིང་ལས་ཐོན་སྐྱེད་ཀྱི་གྲོས་བསྡུར་བྱེད་བཞིན་དུ་བཟོ་ལས་རྒྱ་སྐྱེད་གཏོང་རྒྱུའི་གཏམ་གཞན་འཕྲོ་བ་ལྟ་བུ། |
| གཏམ་གཞི |
སྐད་ཆའི་རྩ་བ། |
| གཏམ་གྱི་གླེང་གཞི |
སྐད་ཆའི་འབྱུང་གཞི། |
| གཏམ་གྱི་ཉེས་པ |
གཏམ་ནོར་བའམ་ཚིག་སྐྱོན། |
| གཏམ་གྱི་དངོས་པོ |
གཏམ་གྱི་དོན་ཏེ། (དཔེར་ན།) གཏམ་གྱི་དངོས་པོ་ལས་དོན་བྱུང་བ་ལྟ་བུ། |
| གཏམ་གྱི་བདུད་རྩི |
གཏམ་རྣ་བར་འཇེབས་ལ་དོན་དང་ལྡན་པ་བདུད་རྩི་འདྲ་བ། |
| གཏམ་གྱི་འབྱུང་གནས |
(མངོན་བརྗོད།) ཁ། |
| གཏམ་གྱོང་པོ |
1.ཁེངས་དྲེགས་ཀྱི་སྐད་ཆ་རྩིང་པོའི་དོན་ཏེ། (དཔེར་ན།) ང་རྒྱལ་གྱིས་རྒྱུད་བརླམས་ཏེ་གཏམ་གྱོང་པོ་ཤ་སྟག་བཤད་ཅེས་པ་ལྟ་བུ།2.གཉའ་མི་ཆག་པའི་སྐད་ཆ་སྟེ། (དཔེར་ན།) ཁོ་ལ་སྡིགས་སྟངས་ཇི་ལྟར་བྱས་ཀྱང་ད་དུང་གཏམ་གྱོང་པོ་ཁོ་ན་བཤད་ཀྱི་འདུག་ལྟ་བུ། |
| གཏམ་གླེང |
འཕྲོས་མོལ་ཏེ། (དཔེར་ན།) དགའ་སྤྲོའི་གཏམ་གླེང་བྱུང་ཞེས་པ་ལྟ་བུ། |
| གཏམ་ངན |
1.སྐད་ཆ་ངན་པའི་དོན་ཏེ། (དཔེར་ན།) མི་ངན་ཁ་ནས་གཏམ་ངན་འབྱུང༌ཞེས་པ་ལྟ་བུ། 3.མིང་ངན་པ་སྟེ། (དཔེར་ན།) སྒེར་སེམས་ཅན་ལ་གཏམ་ངན་འཁོར་ཞེས་པ་ལྟ་བུ། |
| གཏམ་ངན་མི་ཁ |
ཊམིང་ངན་ཆགས་པའམ་འཁོར་བ་སྟེ། (དཔེར་ན།) ཚུལ་མིན་བྱ་སྤྱོད་བྱས་ན་གཞན་གྱི་གཏམ་ངན་མི་ཁ་ཟུག་ཡོང༌ཞེས་པ་ལྟ་བུ། |
| གཏམ་ངོ་ལྐོག་ཅན |
མདུན་རྒྱབ་མི་མཐུན་པའི་སྐད་ཆ། |
| གཏམ་ཅི་གྲག |
1.སྐད་ཆ་ག་རེ་ཐོས། 2.སྐད་ཆ་ཐོས་ཚད། |
| གཏམ་ཅོལ |
དོན་མེད་གང་བྱུང་གི་གཏམ། |
| གཏམ་ཆད |
1.སྐད་ཆའི་འཕྲོ་སྐྱོང་མ་ཐུབ་པར་ཆད་པ་སྟེ། (དཔེར་ན།) ཐོག་མར་སྐད་ཆ་མང་པོ་བཤད་ནས་མཇུག་ཏུ་གཏམ་ཆད་པ་རེད་ཅེས་པ་ལྟ་བུ།2.རྗེས་ཀྱི་བྱེད་སྟངས་ལ་ཁ་དན་བཞག་པ་སྟེ། (དཔེར་ན།) ཕན་ཚུན་རོགས་རེས་བྱ་རྒྱུའི་གཏམ་ཆད་བྱེད་ཅེས་པ་ལྟ་བུ། |
| གཏམ་ཉོག |
དོན་མེད་པའི་སྐད་ཆ་སྟེ། (དཔེར་ན།) བརྗོད་བྱའི་དོན་དང་མི་ལྡན་པའི་གཏམ་ཉོག་ཁོ་ན་བཤད་ཅེས་པ་ལྟ་བུ། |
| གཏམ་ཐོན་པ |
སྐད་ཆ་ཤོར་བའི་དོན་ཏེ། (དཔེར་ན།) ཅི་འཕྲོས་མོལ་འཕྲོས་ཀྱི་ཞོར་ལ་དོན་གནད་ཆེ་རིགས་ཀྱི་གཏམ་ཐོན་པ་ཞེས་པ་ལྟ་བུ། |
| གཏམ་ཐོས་པ |
སྐད་ཆ་ཐོས་པའི་དོན་ཏེ། (དཔེར་ན།) བློ་ལ་མི་འབབ་པའི་གཏམ་ཐོས་པ་ཙམ་གྱིས་ཞེ་འགྲས་པ། ལས་དོན་འགྲུབ་ཚུལ་གྱི་གཏམ་ཐོས་པ་ཞེས་པ་ལྟ་བུ། |
| གཏམ་དཔེ |
དཔེ་ལ་སྦྱར་ནས་དོན་སྟོན་པའི་ཚིག་སྦྱོར་གྱི་རྣམ་པ་ཞིག་གི་མིང་། |
| གཏམ་དོན་འདྲིལ་བ |
གཏམ་དང་དོན་གནད་གཅིག་ཏུ་འདྲིལ་བའི་དོན་ཏེ། (དཔེར་ན།) གྲོས་བསྡུར་བྱས་པའི་སྙིང་པོ་གཏམ་དོན་འདྲིལ་བ་གལ་ཆེ་ཞེས་པ་ལྟ་བུ། |
| གཏམ་པ |
(བྱེད་འབྲེལ་ལས་ཚིག) 1.བརྗོད་པའི་དོན་དུ་གོ་བའི་གཏམ་པའི་ད་ལྟ་བའི་བྱ་མིང་།2.གཞན་དུ་འཆོལ་བའི་དོན་དུ་གོ་བའི་འདམ་པའི་མ་འོངས་པ། |
| གཏམ་པད་མའི་ཚལ་གྱི་ཟློས་གར |
རབ་བྱུང་བཅུ་བཞི་པས་རྫོགས་ཆེན་དཔལ་སྤྲུལ་འཇིགས་མེད་ཆོས་ཀྱི་དབང་པོས་མཛད་པའི་སྙན་ངག་གི་གཏམ་ཞིག་ལྷ་ཆོས་དང་མཐུན་པའི་གཏམ་པད་མའི་ཚལ་གྱི་ཟློས་གར་ཞེས་བྱ་བ་བརྗོད་བྱ་སྔོན་འགྲོའི་ཉམས་ལེན་གྱི་རིམ་པ་དང༌། ཆོས་དང་ཆོས་མིན་གྱི་དབྱེ་བ་སོགས་རྗོད་བྱེད་ཚིག་བཅད་ལྷུག་སྤེལ་མའི་སྙན་ངག་གི་གཏམ་ཕལ་སྐད་གོ་བདེ་བའི་ཚིག་ཏུ་བསྡེབས་ནས་བརྩམས་པའི་གཞུང་ཞིག་ཉེ་ཆར་ལོ་ཙཱ་བ་ཀྲུའུ་ཝེ་ཧན་མཆོག་གིས་རྒྱ་ཡིག་ཏུ་བསྒྱུར་པའོ། ། |
| གཏམ་བཟང |
འཕྲིན་ནམ་སྐད་ཆ་ཡག་པོ་སྟེ། (དཔེར་ན།) ཚང་མ་ནང་གཤིན་བདེ་ཐང་ཡིན་ལུགས་ཀྱི་གཏམ་བཟང་ཐོས་ཞེས་པ་ལྟ་བུ། |
| གཏམ་བཤེར |
1.སྐད་ཆར་བརྟག་ཞིབ་བྱེད་པའི་དོན་ཏེ། (དཔེར་ན།) གཏམ་བཤེར་བྱས་ནས་བདེན་རྫུན་ཤེས་ཞེས་པ་ལྟ་བུ།2.གཏམ་འགྲན་སྡུར་བྱེད་པ། |
| གཏམ་བསྒྲགས |
སྐད་ཆ་བཤད་པ་དང༌། ཡིག་རིགས་བཀླགས་པའི་དོན་ཏེ། (དཔེར་ན།) གསར་འགྱུར་ནང་དུ་གཏམ་བསྒྲགས་པ་ལྟ་བུ། |
| གཏམ་མ |
གྲངས་གནས་ཤིག |
| གཏམ་མགྱོགས་པོ |
སྨྲ་ལྕེ་བདེ་པོ་སྟེ། (དཔེར་ན།) ཕྲུ་གུ་དེ་གཏམ་མགྱོགས་པོར་བཤད་ཐུབ་མཁན་ཞིག་རེད་ཅེས་པ་ལྟ་བུ། |
| གཏམ་མཇུག་བཅད་པ |
1.སྐད་ཆའི་མཇུག་མ་བཤད་པར་རང་གིས་མཚམས་བཅད་པ། 2.གཞན་གྱིས་གཏམ་མཇུག་ཤོད་དུ་མ་བཅུག་པར་མཚམས་བཅད་པ། |
| གཏམ་མྱུར་བ |
སྨྲ་ལྕེ་བདེ་པོའི་དོན་ཏེ། (དཔེར་ན།) སྨྲ་ལྕེ་བདེ་པོས་བཤད་པའི་གཏམ་མྱུར་དྲགས་པས་ཚིག་དོན་ཧ་ཅང་གསལ་པོ་རང་གོ་ཐུབ་ཀྱི་མི་འདུག་ཅེས་པ་ལྟ་བུ། |
| གཏམ་ཚོགས |
རྒྱལ་བློན་དང༌། བླ་གྲྭ། འབངས་འཁོར་སོགས་ཡུལ་མཆོག་དམན་བར་གསུམ་ལ་རང་རང་གི་ངོ་སྐལ་དང་འཚམ་པར་སྤང་བླང་གི་བསླབ་བྱ་རྣམས་ཚིག་བཅད་ལྷུག་ཅི་རིགས་ཀྱིས་གཏམ་དུ་བྱས་པའི་གསུང་སྐོར་རྣམས་ཕྱོགས་གཅིག་ཏུ་བསྒྲིགས་པ་ཞིག |
| གཏམ་འཁྱམས |
སྐད་ཆ་ཁུངས་མེད་དེ། (དཔེར་ན།) རྒྱུ་མཚན་འདི་ཡིན་ཤོད་རྒྱུ་མེད་པའི་གཏམ་འཁྱམས་ལ་ཡིད་ཆེས་མི་རུང༌ཞེས་པ་ལྟ་བུ། |
| གཏམ་འཁྱར |
གཅིག་ནས་གཅིག་ཏུ་མཆེད་པའི་སྐད་ཆའམ། ཁུངས་མེད་ཀྱི་གཏམ། |
| གཏམ་འགོ་ལས་མཇུག |
མཐའ་སྐྱེལ་དགོས་པའི་གཏམ་དཔེ་སྟེ། (དཔེར་ན།) ལས་དོན་བྱེད་སྒོ་གང་ཡོད་གཏམ་འགོ་ལས་མཇུག་མཐའ་འཁྱོངས་བྱེད་དགོས་ཞེས་པ་ལྟ་བུ། |
| གཏམ་འགྲིག་པ |
ཕན་ཚུན་གླེང་གཏམ་འདུམ་པའི་དོན་ཏེ། (དཔེར་ན།) ཕན་ཚུན་རྩོད་གླེང་གི་གཏམ་འགྲིག་པའི་ཆོད་དོན་བཞག་སོང༌ཞེས་པ་ལྟ་བུ། |
| གཏམ་འཆལ |
ཁུངས་མེད་ཀྱི་གཏམ་སྟེ། (དཔེར་ན།) གཏམ་འཆལ་བཤད་ན་ཁུངས་མི་འཁྱོལ་ཞེས་པ་ལྟ་བུ། |
| གཏམ་འདོད |
རང་ལ་གཏམ་སྙན་ཡོང་འདོད་དེ། (དཔེར་ན།) མི་དེ་གཏམ་འདོད་ཆེན་པོ་ཞིག་ཡིན་པས་ངོ་བསྟོད་ལ་ཧ་ཅང་དགའ་པོ་འདུག ཡིན་ལུགས་དངོས་དང་མ་འབྲེལ་བའི་གཏམ་འདོད་བཤད་པ་ཞེས་པ་ལྟ་བུ། |
| གཏམ་འདྲི |
སྐད་ཆ་འདྲི་བ་སྟེ། (དཔེར་ན།) བདེ་འཚམས་ཀྱི་གནས་ཚུལ་གཏམ་འདྲི་བྱེད་པ་ཞེས་པ་ལྟ་བུ། |
| གཏམ་འདྲེས |
1.སྐད་ཆའི་དོན་དག་དབྱེ་བ་མ་ཆོད་པ། 2.(བརྡ་རྙིང་།) མཐུན་པའི་ཚིག་གིས་ཕན་ཚུན་སྨྲ་རེས་བྱུང་བ། |
| གཏམ་འཕྱར་རྒྱག་གདེང་གསུམ |
དགོས་པ་དང་བསྟུན་པའི་བཤད་ཚུལ་འཇམ་རྩུབ་སོགས་ཀྱི་དཔེ། |
| གཏམ་འབྲེལ་ཆགས་པ |
སྐད་ཆ་སྔ་ཕྱི་ནང་འགལ་མེད་པ་སྟེ། (དཔེར་ན།) བསམ་འཆར་གྱི་གཏམ་འབྲེལ་ཆགས་པ་ཞིག་བཤད། ཚིག་འཇམ་པོའི་སྒོ་ནས་གཏམ་འབྲེལ་ཆགས་པ་ཞིག་བཤད་ཅེས་པ་ལྟ་བུ། |
| གཏམ་རྒྱལ་བ |
རྩོད་གླེང་བརྒྱབ་ནས་རྒྱལ་ཁ་ཐོབ་པ་ཁྲིམས་སར་ཁ་མཆུ་རྩོད་རེས་བྱས་ནས་གཏམ་རྒྱལ་བ། མིང་གི་རྣམ་གྲངས་ལ་ཁ་རྒྱལ་བ་དང༌། རྩོད་པ་ཐོབ་པ། ཤགས་རྒྱལ་བ་བཅས་སོ། ། |
| གཏམ་རྒྱུད |
སྔོན་བྱུང་གི་ལོ་རྒྱུས་བཤད་རྒྱུན་ཏེ། (དཔེར་ན།) དམངས་ཁྲོད་ཀྱི་གཏམ་རྒྱུད། རྒྱ་མཚོའི་གཏམ་རྒྱུད། བྱ་སྤྲེལ་གཏམ་རྒྱུད་ཅེས་པ་ལྟ་བུ། |
| གཏམ་རྒྱུད |
དམངས་ཁྲོད་ཀྱི་ངག་རྒྱུན་ལ་གྲགས་པའི་ལོ་རྒྱུས་དང་སྒྲུང་སོགས་ཀྱི་སྤྱི་མིང་། |
| གཏམ་རྒྱུན |
1.སྔར་གྱི་བཤད་རྒྱུན།2.སྐད་ཆའམ་ངག་གི་རྒྱུན། |
| གཏམ་རྡུགས་པ |
སྐད་ཆ་ཟད་པའི་དོན་ཏེ། (དཔེར་ན།) སེམས་ལ་སྔངས་སྐྲག་སྐྱེས་ཏེ་ཁ་ནས་གཏམ་རྡུགས་པ་ཞེས་པ་ལྟ་བུ། |
| གཏམ་རླུང་ལ་སྐུར་བ |
གཞན་ཞིག་བརྒྱུད་ནས་སྐད་ཆ་གོ་བར་བྱེད་པ་སྟེ། (དཔེར་ན།) གཅིག་ནས་གཅིག་ཏུ་བརྒྱུད་དེ་གཏམ་རླུང་ལ་སྐུར་བ། གང་བྱུང་གིས་གཏམ་རླུང་ལ་བསྐུར་བ་ལས་དངོས་སུ་བཤད་པ་ལེགས་ཞེས་པ་ལྟ་བུ། |
| གཏམ་ལན |
སྐད་ཆའི་ལན་པོ་སྟེ། (དཔེར་ན།) གཏམ་ལ་གཏམ་ལན་མེད་ན་ལྐུགས་པ། ཟས་ལ་ཟས་ལན་མེད་ན་སྤྲང་པོ་ཞེས་པ་ལྟ་བུ། |
| གཏམ་ལྕེབས |
གཞན་གྱི་སྐད་ཆའི་བཤད་འཕྲོ་ཕྲོགས་ཏེ་རང་གིས་བཤད་པ་སྟེ། (དཔེར་ན།) གཞན་གྱིས་སྐད་ཆ་བཤད་པའི་སྒང་ལ་གཏམ་ལྕེབས་བྱས་ནས་གྲོས་དོན་འཐོར་རྐྱེན་བྱས་ཞེས་པ་ལྟ་བུ། |
| གཏམ་ལྡིབ |
སྐད་ཆའི་ཚིག་མི་གསལ་བ་སྟེ། (དཔེར་ན།) མི་ལྕེ་དིག་གིས་བཤད་པའི་གཏམ་ལྡིབ་ཀྱིས་བརྡ་དོན་མི་འཕྲོད་ཅེས་པ་ལྟ་བུ། |
| གཏམ་ལྷུ་འགྲིག་པོ |
གཏམ་སྔ་ཕྱི་འབྲེལ་ཆགས་པོ་སྟེ། (དཔེར་ན།) ཐོག་མཐའ་བར་གསུམ་གྱི་བརྗོད་གཏམ་ལྷུ་འགྲིག་པོ་བྱུང་སོང༌ཞེས་པ་ལྟ་བུ། |
| གཏམ་སྐྱེལ་བ |
1.བང་ཆེན་ནམ་ཕོ་ཉ། 2.ནང་གཏམ་ཕྱི་ལ་ཤོད་པ།3.ངག་སྐྱེལ་བའི་བྱ་མིང་། |
| གཏམ་སྙན |
རྣ་བར་འགྲོ་བའི་ཚིག་གམ་བཀྲ་ཤིས་པའི་སྐད་ཆ་སྟེ། (དཔེར་ན།) ཤ་ཚའི་ཁ་ནས་གཏམ་སྙན་མི་ཐོན། གཏམ་སྙན་ཐོས་ན་དགའ་ཞིང་སྤྲོ་བ་འཕེལ་ཞེས་པ་ལྟ་བུ། |
| གཏམ་སྟོང |
སྙིང་པོ་མེད་པའི་གཏམ། |
| གཏམས |
གྲངས་གནས་ཤིག |
| གཏམས |
(བྱེད་འབྲེལ་ལས་ཚིག) 1.གཏམ་གྱི་འདས་པ། (དཔེར་ན།) ལས་རོགས་གཏམས་ནས་རྩིག་པ་བརྒྱབ་ལྟ་བུ། སྐུལ་ཚིག་ལ་ཐོམས་འབྲི་བའང་ཡོད། 2. མར་འབེབས་པའམ་གཅོག་འཕྲི་བྱས་པའི་དོན་ཏེ། (དཔེར་ན།) ཚོང་ཟོང་གི་རིན་གོང་གཏམས་ནས་ཉོས་ལྟ་བུ། སྐུལ་ཚིག་ལ་གཏོམས་ཟེར་བའང་ཡོད། |
| གཏམས་པ |
(བྱེད་མེད་ལས་ཚིག) 1.འགེངས་པའི་དོན་ཏེ། (དཔེར་ན།) བང་མཛོད་ནོར་གྱིས་གཏམས་ལྟ་བུ། 2.གཏོད་པའི་དོན་དུ་གོ་བའི་གཏམ་པའི་འདས་པ།3.གཅོག་འཕྲིའི་དོན་དུ་གོ་བའི་གཏམས་པའི་བྱ་མིང་། |
| གཏའ |
1.(བརྡ་རྙིང་།) བརྒྱབ་པའམ། བརྡེགས་པའམ་བརྡུངས་པ།2.ཁག་ཐེག་གམ་དཔང་པོར་བཞག་པའི་དོན་ཏེ། (དཔེར་ན།) ཅ་ལག་གཏའ་མར་བླངས་ནས་དངུལ་བུན་བཏང་ལྟ་བུ། |
| གཏའ་གཏོར |
ལྷ་ལ་འབུལ་བའི་མཆོད་གཏོར་གྱི་བྱེ་བྲག་ཅིག |
| གཏའ་གམ་པ |
1.(བརྡ་རྙིང་།) ཆུང་ངུའི་དུས་ནས་ལང་ཚོ་ཉམས་ཏེ་སྟོབས་ཤུགས་མེད་པའི་མི། 2.བུ་ལོན་ཡོད་པའི་མི། |
| གཏའ་ཉིས་རི་བ |
བུ་ལོན་གྱི་དམིགས་རྟེན་རིན་ཐང་ལྡབ་རི་བ། |
| གཏའ་བཅོས |
རྩིས་ཀྱི་རིམ་གྲོའི་འཆོས་ཐབས་ཤིག |
| གཏའ་མ |
བུ་ལོན་འཇལ་རྒྱུའི་དམིགས་རྟེན་ཏེ། (དཔེར་ན།) དངོས་པོ་རྒྱན་ཆ་གཏའ་མར་འཇོག་པ། མི་གཏའ་མར་འཇོག་པ་ཞེས་པ་ལྟ་བུ། |
| གཏའ་མ་བླུ་བ |
བུ་ལོན་གཡར་སྐབས་བཞག་པའི་དངོས་པོ་དངུལ་སྤྲད་ནས་ཚུར་ལེན་པ། |
| གཏའ་མ་འདས་པ |
བུ་ལོན་གྱི་གཏའ་མ་ཁ་ཆད་ཀྱི་དུས་ལས་བརྒལ་ཏེ་བུན་བདག་གིས་ཟ་བ། |
| གཏར |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བདང་འདས་པ། ནད་པའི་ལུས་ནས་ཁྲག་རྣག་ལེན་པའི་དོན་ཏེ། (དཔེར་ན།) སྐྲངས་པ་གཏར་བར་བྱ། གཏར་གྱིན་ཡོད། སྐྲངས་པ་གཏར་ནས་རྣག་ཐོན་ལྟ་བུ། |
| གཏར་ཀ |
གཏར་ཁ་དང་འདྲ། |
| གཏར་ཁ |
ཁྲག་རྩའི་གཏར་དམིགས་ཐོག་ཏུ་གཙག་བུ་བརྡེགས་ནས་ནད་ཁྲག་ཕྱིར་དབྱུང་བའི་ཐབས་ཤིག (དཔེར་ན།) ནད་པའི་ལག་སོར་ལ་གཏར་ཁ་རྒྱག གཏར་ག་འདེབས་ཞེས་པ་ལྟ་བུ། |
| གཏར་ཁྲག |
གཏར་དམིགས་ནས་ཕྱིར་དབྱུང་བའི་ཁྲག |
| གཏར་ག |
གཏར་ཁ་དང་འདྲ། |
| གཏར་དམིགས |
ཁྲག་གཏར་སའི་རྩ་དམིགས་ཏེ། (དཔེར་ན།) སྐྲ་མཚམས་ནས་སོར་བཞི་གཞལ་བས་ན་མཚོག་གསང་དང༌། གྲུ་མོ་ནས་སོར་བཞི་གཞལ་བས་ན་རུ་ཐུང་ལྟ་བུའོ། ། |
| གཏར་བ |
(བྱེད་འབྲེལ་ལས་ཚིག) ཁྲག་གཙགས་ནས་འདོན་པ་སྟེ། (དཔེར་ན།) ཁྲག་གཏར་མཁན་སྨན་པ་ཞིག་གིས་ནད་པའི་མགོ་ལ་ཁྲག་གཏར་སོང༌ཞེས་པ་ལྟ་བུ། |
| གཏར་བསྲེག |
ཁྲག་རྩའི་གཏར་དམིགས་སྟེང་གཏར་བ་དང༌། མེ་བཙའི་གསང་དམིགས་སྟེང་བསྲེག་པ། |
| གཏར་རྩ |
གཙག་བུ་བརྡེགས་ནས་ཁྲག་གཏར་དུ་རུང་བའི་རྩ་ནང་གསེས་སུ་དབྱེ་ན་རྩེ་ཆུང་དང༌། སྣོད་ཁ། རྩ་བོ་ཆེ་ལྟ་བུ་བདུན་ཅུ་རྩ་བདུན་མཆིས་སོ། ། |
| གཏལ་པོ |
(ཡུལ་སྐད།) བ་ལང་གི་ལྕི་བ་བརྫིས་ནས་རྩིག་ལྡེབས་དང་བྲག་རྡོ་སོགས་ཀྱི་ཐོག་ལེབ་མོར་སྦྱར་ཏེ་བསྐམས་ནས་མེ་ཤིང་བྱེད་པ། |
| གཏི |
བཤད་པའམ་སྨྲ་བའི་བརྡ་རྙིང་ངམ་ཡུལ་སྐད་དེ། (དཔེར་ན།) ཡང་ཡང་བཤད་པ་ལ་ཡང་ཡང་གཏི་ཞེས་པ་ལྟ་བུ། |
| གཏི་ཁེ |
ལུག་གི་ལུས་ན་ཡོད་པའི་སྲིན་བུ་གནོད་པ་ཅན་ཞིག་གི་མིང་། འདི་ལ་གཏི་གེ་ཡང་ཟེར། |
| གཏི་ཐུག |
(རྒྱན་ཚིག) ཐབས་ཤེས་མེད་པ་སྟེ། (དཔེར་ན།) མི་གཏི་ཐུག་ཅེས་པ་ལྟ་བུ། ཡུལ་སྐད་དུ་སེར་སྣ་ཅན་ལ་གཏི་ཐུག་ཟེར། |
| གཏི་བ |
(བརྡ་རྙིང་།) སྨྲ་བ། |
| གཏི་མུག |
1.གཉིད་ཀྱི་མིང་གཞན། 2.(རྒྱན་ཚིག) རིག་པ་མི་གསལ་བ་སྟེ། (དཔེར་ན།) མི་གཏི་མུག་ཅན་ཞེས་པ་ལྟ་བུ། |
| གཏི་མུག་གི་དུར་ཕག་ནག་པོ |
མ་རིག་པའི་གཏི་མུག་དེ་ཕག་པ་ནག་པོའི་གཟུགས་སུ་བཀོད་པ། |
| གཏི་མུག་མེད་པ |
སོ་སོར་བརྟགས་པའི་སྒོ་ནས་དོན་ལ་མ་རྨོངས་པ་དང་ཉེས་པ་ལ་མི་འཇུག་པར་བྱེད་པ། དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག |
| གཏི་མུག་མེད་པའི་དགེ་བའི་རྩ་བ |
དམིགས་མེད་ཡེ་ཤེས་ཀྱི་རྩིས་ཟིན་པའི་དགེ་རྩ། |
| གཏི་མུག་ཟླ་བ |
མཆུ་ཟླ་སྟེ་ཧོར་ཟླ་དང་པོ་ལ། རྡོ་རྗེ་མཁའ་འགྲོའི་རྒྱུད་སོགས་ལས་གཏི་མུག་ཟླ་བ་ཟེར། |
| གཏི་མུག་འཁོར་ལོ |
1.ཕག་གི་སྣའི་གབ་མིང་སྟེ། ནུས་པས་གཉན་ནད་དང་ལྷོག་པའི་ནད་ལ་ཕན། 2.(མངོན་བརྗོད།) ཕག་པ། |
| གཏི་མུག་རོ་ཉལ |
ཧ་ཅང་གླེན་ཞིང་ལྐུགས་པ་སྟེ། (དཔེར་ན།) ཅི་ཡང་མི་ཤེས་པའི་གཏི་མུག་རོ་ཉལ་ཞིག་ཅེས་པ་ལྟ་བུ། |
| གཏི་ལུམ |
(རྒྱན་ཚིག) གཏུ་ལུམ་གྱི་འབྲི་སྲོལ་གཞན། |
| གཏི་ལུམ་པ |
འདོད་པས་སེམས་མྱོས་པའི་མི་སྟེ། (དཔེར་ན།) འདོད་ཡོན་ལ་ཧ་ཅང་གཏི་ལུམ་པས་ངོམས་དུས་མེད་ཅེས་པ་ལྟ་བུ། |
| གཏིག |
(བྱེད་འབྲེལ་ལས་ཚིག) བཏིགས་ཀྱི་ད་ལྟ་བ། ཆུ་སོགས་གཤེར་བའི་རིགས་ཐིགས་པ་རེ་རེ་བཞིན་མར་འབབ་ཏུ་འཇུག་པ་སྟེ། (དཔེར་ན།) སྨན་ཆུ་རྣ་བར་གཏིག་པར་བྱེད། སྨན་ཆུ་མིག་ལ་གཏིག་མཁན། སྨན་ཆུ་གཏིག་བྱེད་ཀྱི་དཔྱད་ཆས་ཞེས་པ་ལྟ་བུ། |
| གཏིག་པ |
(བྱེད་འབྲེལ་ལས་ཚིག) ཆུ་སོགས་གཏིག་པའི་ད་ལྟ་བའི་བྱ་མིང་། |
| གཏིགས |
(བྱེད་འབྲེལ་ལས་ཚིག) གཏིག་གི་སྐུལ་ཚིག་སྟེ། (དཔེར་ན།) སྨན་ཆུ་གཏིགས་ཤིག་ལྟ་བུ། |
| གཏིགས་པ |
གཏིག་པའི་མ་འོངས་པའི་འབྲི་ཚུལ་གཞན་ཞིག |
| གཏིང |
ཞབས་དང་མཐིལ་ཏེ། (དཔེར་ན།) རྒྱ་མཚོ་གཏིང་རིང༌། མི་གཏིང་ཆེ་བ། ཁ་དཀར་གཏིང་ནག གཏིང་དཔག་དཀའ་བ། རི་རབ་རྩེ་ཡི་ཉི་ཟླ། རྒྱ་མཚོའི་གཏིང་གི་ནོར་བུ་ཞེས་པ་ལྟ་བུ། |
| གཏིང་ཀློ |
ཀློ་ཡུལ་དབུས་སམ། མཐིལ་དུ་གནས་པའི་ཀློ་པ། |
| གཏིང་གནག་ཁ་ཚ |
སེམས་ངན་ལ་ཁ་རྩུབ་པའི་དོན་ཏེ། (དཔེར་ན།) མི་གཏིང་གནག་ཁ་ཚ་ཕན་ཚུན་བར་ལ་མཐུན་སྒྲིལ་ག་ནས་ཡོང་སྲིད་ཅེས་པ་ལྟ་བུ། |
| གཏིང་གནག་པོ |
སེམས་ངན་པོ། |
| གཏིང་གཞལ |
གཏིང་དཔག་པའམ་གཏིང་ཚོད་ལེན་པ། |
| གཏིང་གྱོང་ཁ་འཇམ |
བློ་རྒོད་ཚིག་འཇམ་གྱི་མི་སྟེ། (དཔེར་ན།) མི་གཏིང་གྱོང་ཁ་འཇམ་ལ་དོགས་ཟོན་བྱེད་དགོས་ཞེས་པ་ལྟ་བུ། |
| གཏིང་ཅན |
1.མི་བློ་སྒམ་པ། 2.ཆུ་གཏིང་ཟབ་པ། |
| གཏིང་ཉེ་བ |
1.གཏིང་ཐུང་བ། 2.བློ་སེམས་མཐུན་པ། |
| གཏིང་དཔག |
གཏིང་དཔོག་དང་འདྲ། |
| གཏིང་དཔོག |
ཚོད་ལེན་པའི་དོན་ཏེ། (དཔེར་ན།) གཏིང་དཔག་དཀའ་བའི་དོན་བློས་དཔོག་པར་མི་ནུས་ཞེས་པ་ལྟ་བུ། |
| གཏིང་དུག་ཁ་འཚེར |
བསམ་ངན་ཁ་འཛུམ། |
| གཏིང་དོན་ལེན་པ |
དོན་གནད་ཀྱི་ཚོད་ལེན་པ་སྟེ། (དཔེར་ན།) ཕྱོགས་སོ་སོའི་བསམ་ཚུལ་གྱི་གཏིང་དོན་ལེན་ཤེས་བྱེད་ཞེས་པ་ལྟ་བུ། |
| གཏིང་ནད |
འཁོན་འཛིན། |
| གཏིང་ཕིགས |
གོ་དོན་གྱི་གནད་རྟོགས་པ་སྟེ། (དཔེར་ན།) གྲོས་བསྡུར་བྱ་རྒྱུའི་དོན་གནད་ཀྱི་གཏིང་ཕིགས་སོང༌ཞེས་པ་ལྟ་བུ། |
| གཏིང་ཕུག་རིང་པོ |
1.ཟབ་པའམ་སྦུག་ཐག་རིང་པོའི་དོན་ཏེ། (དཔེར་ན།) རིའི་ཁོག་པ་བྲུས་པའི་ས་སྦུབས་གཏིང་ཕུག་རིང་པོ་ལྟ་བུ།2.རྟོགས་དཀའ་བའི་དོན་ཏེ། (དཔེར་ན།) དཔེ་ཆའི་ཚིག་དོན་གཏིང་ཕུག་རིང་པོ་ཞེས་པ་ལྟ་བུ། |
| གཏིང་ཕྱིན་པ |
དོན་གནད་མཐར་ཕྱིན་པའི་དོན་ཏེ། (དཔེར་ན།) གྲོས་བསྡུར་གཏིང་ཕྱིན་པ་ཞིག་བྱས་པ་ལྟ་བུ། |
| གཏིང་བྱིང |
གཏིང་དུ་ནུབ་པའི་དོན་ཏེ། (དཔེར་ན།) ཀོ་གྲུ་ཧ་ཅང་ལྗིད་ཆེ་ན་གཏིང་བྱིང་གི་ཉེན་ཁ་ཡོད་ཅེས་པ་ལྟ་བུ། |
| གཏིང་མ་ཆོད |
ཚོད་མ་ཐིག་པའི་དོན་ཏེ། (དཔེར་ན།) གནས་ལུགས་ངོ་མ་གང་ཡིན་གཏིང་མ་ཆོད་ན་གྲོས་ཐག་གཅོད་ཐལ་བྱེད་མི་རུང༌ཞེས་པ་ལྟ་བུ། |
| གཏིང་མཐའ |
ཟབ་པའི་ཚད་དང་རྒྱ་ཁྱོན་གྱི་ཚད་དེ། (དཔེར་ན།) རྒྱ་མཚོའི་གཏིང་མཐའ་དཔག་དཀའ་བ། ཤེས་བྱ་གཏིང་མཐའ་ཚད་ལས་འདས། གྲངས་ཚད་ཀྱི་གཏིང་མཐའ་མཐའ་ཡས་པ། འཁོར་བའི་གཏིང་མཐའ་ཤེས་དཀའ་བ། བྱ་ལས་ཀྱི་གཏིང་མཐའ་མི་མངོན་པ་ཞེས་པ་ལྟ་བུ། |
| གཏིང་མེད |
1.གཏིང་ཤིན་ཏུ་ཟབ་པའམ། གཏིང་མི་མངོན་པའི་དོན་ཏེ། (དཔེར་ན།) རྒྱ་མཚོའི་ཀློང་བཞིན་བློ་གྲོས་ཤིན་ཏུ་ཟབ་ཡངས་གཏིང་མེད་པ་ཞེས་པ་ལྟ་བུ།2.གཏིང་ཧ་ཅང་ཐུང་བའི་དོན་ཏེ། (དཔེར་ན།) རྫིང་ཆུང་གཏིང་མེད་ལ་རྐྱལ་རྒྱག་མི་ཐུབ་ཅེས་པ་ལྟ་བུ། |
| གཏིང་ཚད |
ཟབ་ཚད། |
| གཏིང་ཚུགས་པ |
1.རྩ་བ་ཚུགས་པའི་དོན་ཏེ། (དཔེར་ན།) ལས་དོན་རྨང་གཞི་གཏིང་ཚུགས་པ་ཞིག་བྱེད་ཅེས་པ་ལྟ་བུ།2.མཐིལ་ཕྱིན་པའི་དོན་ཏ། (དཔེར་ན།) གོ་བ་གཏིང་ཚུགས་པ་ཞིག་རྙེད་ཐབས་བྱེད་ཅེས་པ་ལྟ་བུ། |
| གཏིང་ཟབ |
གཏིང་རིང་པོའི་དོན་ཏེ། (དཔེར་ན།) རྒྱ་མཚོ་གཏིང་ཟབ། ཚིག་དོན་རྒྱ་ཆེ་གཏིང་ཟབ་ཅེས་པ་ལྟ་བུ། |
| གཏིང་འཚོལ |
ཚོད་ལེན་པ། |
| གཏིང་རིང |
ཕུགས་སམ་ཚད་དཔོག་དཀའ་བའི་དོན་ཏེ། (དཔེར་ན།) འཕྲལ་དུ་ཐག་གཅོད་དཀའ་བའི་རྩོད་གཞི་མགོ་རྙོག་ལ་གཏིང་རིང་བ་ཞིག་འདུག་ཅེས་པ་ལྟ་བུ། |
| གཏིང་རྟོགས |
དོན་གནད་ཀྱི་མཐིལ་ལོན་པའི་དོན་ཏེ། (དཔེར་ན།) དངོས་ཡོད་ཀྱི་གནས་ལུགས་གང་ཡིན་གཏིང་རྟོགས་ངེས་ཤེས་རྙེད་ཅེས་པ་ལྟ་བུ། |
| གཏིང་རྡིབ |
འོག་ཁུང་དུ་རྡིབ་པ་སྟེ། (དཔེར་ན།) མིག་གཏིང་ལ་རྡིབ་ཅེས་པ་ལྟ་བུ། |
| གཏིང་རྡོ |
1.རླུང་དང་རྦ་རླབས་ཀྱིས་མི་གཡོ་བའི་ཆེད་དུ་གྲུ་གཟིངས་ཀྱི་འོག་ཏུ་བཏགས་ནས་ཐུར་དུ་འཐེན་པར་བྱེད་པའི་རྡོ་སྟེ། (དཔེར་ན།) ལེགས་ན་ཐར་བའི་གྲུ་གཟིངས་ལུས་འདི་ཡིན། ཉེས་ན་འཁོར་བའི་གཏིང་རྡོ་ལུས་འདི་ཡིན། 2.ཉ་འཛིན་དྲ་བའི་མས་ཀྱི་རྡོ། |
| གཏིང་རྩ |
གཞིའམ་ཕུགས་ཀྱི་དོན་ཏེ། (དཔེར་ན།) ཕ་རོལ་པོའི་བྱ་སྤྱོད་བཟང་ངན་གྱི་གཏིང་རྩ་རྟོགས་ཐུབ་ཀྱི་རེད། |
| གཏིང་སྐྱེས |
བོད་སྟོད་རྒྱུད་ཀྱི་རྫོང་ཞིག་ཡིན། རྫོང་དེའི་ལྷོ་ངོས་བལ་པོ་དང་ས་འབྲེལ་དང་ཤར་ལྷོ་འབྲས་ལྗོངས་དང་ས་འབྲེལ་ཡིན། |
| གཏིབ |
(བྱེད་འབྲེལ་ལས་ཚིག) གཏིབས་ཀྱིམ་འོངས་པ་དང་ད་ལྟ་བ། རླངས་པ་སོགས་དབུགས་གཟུགས་ཀྱིས་མིག་ལམ་སྒྲིབ་པ་སྟེ། (དཔེར་ན།) ཁང་བར་རླངས་པ་གཏིབ་པར་བྱ། གཏིབ་བཞིན་པ་ཞེས་པ་ལྟ་བུ། |
| གཏིབ་པ |
གཏིབ་པའི་བྱ་མིང་། |
| གཏིབས |
གཏིབ་པའི་འདས་པ་དང་སྐུལ་ཚིག་སྟེ། (དཔེར་ན།) རླངས་པ་གཏིབས་ནས་མིག་ལམ་བསྒྲིབས། རླངས་པ་གཏིབས་ཤིག་ལྟ་བུ། |
| གཏིམ |
སྟིམ་གྱི་འབྲི་ཚུལ་གཞན། |
| གཏིར་མིག |
ལྕགས་གཟེར་སོགས་བཟོ་བྱེད་བུ་ག་ཆེ་ཆུང་སྣ་ཚོགས་ཡོད་པའི་ལྕགས་ལེབ། |
| གཏུ་ལུམ |
མྱོས་བྱེད་ཀྱིས་བཟི་བ་སྟེ། (དཔེར་ན།) ཆང་གིས་བཟི་ནས་གཏུ་ལུམ་ཆགས། ངར་མའི་མྱོས་བྱེད་བཏུངས་ན་གཏུ་ལུམ་འགྱུར་ཞེས་ལྟ་བུ། |
| གཏུག |
(བྱེད་འབྲེལ་ལས་ཚིག) 1.གཏུགས་ཀྱི་མ་འོངས་པ་དང་ད་ལྟ་བ། ཕན་ཚུན་ཐུག་ཏུ་འཇུག་པའི་དོན་ཏེ། (དཔེར་ན།) བྱ་སྒོང་རྡོ་ལ་མ་གཏུག ཁུ་ཚུར་གཏུག་མཁན་ཞེས་པ་ལྟ་བུ།2.ཡར་ཞུ་བྱས་པ་སྟེ། (དཔེར་ན།) གྱོད་དོན་གོང་རིམ་ལ་ཞུ་གཏུག་བྱས་ལྟ་བུ།3.ཕན་ཚུལ་འཕྲད་དུ་འཇུག་པའི་དོན་ཏེ། (དཔེར་ན།) ངོ་གཏུག་དགོས། བུ་ཕྲུག་ཕ་མ་ལ་ངོ་གཏུག་དགོས་ཞེས་པ་ལྟ་བུ། ངོ་གཏུགས་ནས་བསམ་འཆར་བཤད། དཔུང་བ་གཏུགས་ནས་དགྲ་ལ་འཐབ་ལྟ་བུ། 4.འབྱུང་ས་འབྱུང་ཁུངས་འཚོལ་བའི་དོན་ཏེ། (དཔེར་ན།) སློབ་དེབ་གཞུང་ལུགས་ལ་ཁུངས་གཏུག་དགོས། སྲིད་ཇུས་ཀྱི་ཁུངས་གཏུག་ས་ཞེས་པ་ལྟ་བུ། |
| གཏུག་པ |
གཏུགས་པའི་ད་ལྟའི་བྱ་མིང་། |
| གཏུག་བཤེར |
གྱོད་གཞི་སོགས་གོང་རིམ་ལ་ཐག་གཅོད་པར་ཞུ་བའི་བྱ་སྤྱོད་དེ། (དཔེར་ན།) ཁྲིམས་སར་གཏུག་བཤེར་བྱས་ནས་བདེན་རྫུན་དབྱེ་འབྱེད་བྱེད་ཅེས་པ་ལྟ་བུ། འདི་ལ་གཏུགས་བཤེར་ཞེས་འབྲི་མཁན་ཀྱང་ཡོད། |
| གཏུག་མི |
1.ཁྲིམས་ལ་གཏུག་མཁན། 2.ཕན་ཚུན་གཏུག་མཁན། |
| གཏུག་སྦྱངས |
ཁྲིམས་གཏུགས་ཀྱིས་བདེན་རྫུན་སྦྱངས་བཤེར་བྱེད་པ། |
| གཏུགས |
1.གཏུག་གི་འདས་པ་དང་སྐུལ་ཚིག་སྟེ། (དཔེར་ན།) ཁུ་ཚུར་གཏུགས་ནས་རྩེད་མོ་རྩེ། ཁུ་ཚུར་གཏུགས་ཤིག་ལྟ་བུ། 2.སླེབ་པའི་དོན་ཏེ། (དཔེར་ན།) པེ་ཅིན་ལ་གཏུགས། མཐའ་ལ་གཏུགས་ལྟ་བུ། 3.འཐབ་ཏུ་བཅུག་པའི་དོན་ཏེ། (དཔེར་ན།) དམག་གཏུགས། དགྲ་ལ་གཏུགས་ལྟ་བུ། |
| གཏུགས་པ |
1. གཏུག་པའི་འདས་པའི་བྱ་མིང་། 2. (བྱེད་མེད་ལས་ཚིག) འཛད་པ་ཏེ། (དཔེར་ན།) གླ་པ་དངུལ་ལག་གཏུགས་པ། ཁ་ཚ་དགོས་གཏུགས། ནམ་མཁའི་མཐའ་གཏུགས་པ་ཞེས་པ་ལྟ་བུ། |
| གཏུགས་བཤེར |
གྱོད་གཞི་སོགས་གོང་རིམ་མམ་རྒྱལ་ཁབ་ལས་ཁུངས་ལ་ཐག་གཅོད་པར་ཞུ་བའི་བྱ་གཞག་གི་མིང་སྟེ། (དཔེར་ན།) གཏུགས་བཤེར་བརྒྱབ། གཏུགས་བཤེར་བྱས་ལྟ་བུ། འདི་ལ་ཡོངས་གྲགས་སུ་གཏུག་བཤེར་ཞེས་འབྲི། |
| གཏུན |
1.གཏུན་ཡས་མས་སྤྱི་མིང༌སྟེ། (དཔེར་ན།) རྡོ་གཏུན། ལྕགས་གཏུན། ཤིང་གཏུན། སྒོག་གཏུན། ཁྲོག་སྨན་གཏུན་གྱིས་རྡུང་བ། རུས་པ་གཏུན་རྡུང་བྱེད་ཅེས་པ་ལྟ་བུ། 2.(ཡུལ་སྐད།) མས་གཏུན། |
| གཏུན་ཁུང |
ཚྭ་སོགས་རྡུང་སའི་སྣོད་ཀོང་བོའི་མིང་སྟེ། ཡུལ་སྐད་དུ་ཇ་རྐོ་དང་རྡོ་རྐོ་ཟེར། |
| གཏུན་བུ |
1.མས་གཏུན་ཆུང་ངུ། 2.(ཡུལ་སྐད།) ཡས་གཏུན། |
| གཏུན་ཞིང |
(མངོན་བརྗོད།) ལ་ཕུག |
| གཏུན་རྡོ |
ཡས་གཏུན། |
| གཏུན་ཤིང |
འབྲས་སོགས་རྡུང་བྱེད་ཀྱི་ཤིང༌། |
| གཏུབ |
(བྱེད་འབྲེལ་ལས་ཚིག) གཏུབས་ཀྱི་མ་འོངས་པ་དང་ད་ལྟ་བ། དངོས་རྫས་དུམ་བུར་གཅོད་པ་སྟེ། (དཔེར་ན།) ཤིང་གཏུབ་དགོས། ཤ་གཏུབ་ཀྱིན་ཡོད། ཤིང་གཏུབ་བྱེད་ཀྱི་གྲི་ཞེས་པ་ལྟ་བུ། |
| གཏུབ་པ |
གཏུབས་པའི་ད་ལྟ་བའི་བྱ་མིང་། |
| གཏུབ་སྤྱད |
ཤ་སོགས་དུམ་བུར་གཏུབ་བྱེད་ལག་ཆ། |
| གཏུབས |
གཏུབ་པའི་འདས་པ་དང་སྐུལ་ཚིག་སྟེ། (དཔེར་ན།) ཚོད་མ་གཏུབས་ནས་བརྔོས། གཏུབས་པའི་ཚོད་མ། ཤིང་གཏུབས་མ། ཚོད་མ་གཏུབས་ཤིག་ལྟ་བུ། |
| གཏུབས་པ |
གཏུབ་པའི་འདས་པ། |
| གཏུབས་ཤ |
གཏུབས་ཟིན་པའི་ཤ། |
| གཏུམ |
1.(རྒྱན་ཚིག) རང་གཤིས་རྩུབ་པ་སྟེ། (དཔེར་ན།) གཅན་གཟན་གཏུམ་པོ། གཏུམ་སྤྱོད། གཏུམ་དྲག ཁྲོ་ཞིང་གཏུམ་པ་ཞེས་པ་ལྟ་བུ། 2.(བྱེད་འབྲེལ་ལས་ཚིག) བཏུམས་ཀྱི་ད་ལྟ་བ། རས་སོགས་ཀྱི་བཏུམ་པ་སྟེ། (དཔེར་ན།) མར་འདི་གྲོད་པས་གཏུམ་དགོས་ཞེས་པ་ལྟ་བུ། |
| གཏུམ་དྲག |
1.ཤིན་ཏུ་མ་རུངས་པ། 2.དུར་ཁྲོད་ཆེན་པོ་བརྒྱད་ཀྱི་ནང་གསེས་ཤིག |
| གཏུམ་པ |
གཏུམ་པོ་དང་འདྲ། |
| གཏུམ་པོ |
ཁྲོ་བོའམ་དྲག་པོ་སྟེ། (དཔེར་ན།) ཁྱེད་རང་ཐུགས་གཏུམ་པོ་འདུག ཁྲོ་ཞིང་གཏུམ་ལ་སྙིང་རྗེ་མེད། གཏུམ་ཞིང་རྒོད་པ། ཚིག་གཏུམ་པོ་མཉན་དུ་མི་འོས་ཞེས་པ་ལྟ་བུ། |
| གཏུམ་པོ་ཞལ་གསུམ་ཕྱག་དྲུག་པ |
མགོན་པོ་སོགས་ལྷ་ཁྲོ་བོ། |
| གཏུམ་པོ་རབ་སྣང |
སྔར་སངས་རྒྱས་ཤཱཀྱ་མུ་ནེ་ཞལ་བཞུགས་སྐབས་རྒྱ་གར་ཀ་ཏྱ་རྒྱལ་པོ་ཞེས་ཤིན་ཏུ་རྒྱུད་གཏུམ་པ་ཞིག་ཡོད་པ་མཐར་བཅོམ་ལྡན་འདས་ཀྱིས་བཏུལ་ནས་བཟང་པོར་གྱུར་པ། |
| གཏུམ་པོའི་འོད |
(མངོན་བརྗོད།) ཉི་མ། |
| གཏུམ་མེ་འབར་འཛག |
གཏུམ་མོ་འབར་འཛག་དང་དོན་གཅིག |
| གཏུམ་མོ |
1.བུད་མེད་ཁྲོ་མོ། 2.ལུས་ཀྱི་རྩའི་བྱེ་བྲག་ཅིག 3.ལྷ་མོ་ཨུ་མ། 4.གཏུམ་མོའི་མེའི་བསྡུས་མིང༌། 5.བྱ་སྤྱོད་གདུག་རྩུབ་ཅན་གྱི་བུད་མེད། 6.གཏུམ་མོ་མེ་དྲོད་ཅེས་པའི་ཆོས་ལུགས་ཕྱོགས་ཀྱི་མོས་སྒོམ་ཞིག |
| གཏུམ་མོ་འབར་འཛག |
ལྟེ་བའི་གཏུམ་མོའི་མེ་སྦར་ནས་སྤྱི་བོའི་ཨ་ཐུང་ལས་ཞི་བདེའི་བྱང་སེམས་འཛག་པ། |
| གཏུམ་མོའི་མེ |
རྫོགས་རིམ་གྱི་རྩ་བའི་ཆོས་ཤི་རྩ་རླུང་ཐིག་ལེ་གནད་དུ་བསྣུན་པས་ལྟེ་བའི་ཨ་ཐུང་ལས་བདེ་དྲོད་སྦར་བས་ཕུང་ཁམས་མ་དག་པ་རྣམས་སྲེག་ཅིང་ཉོན་མོངས་རྣམ་རྟོག་ཐམས་ཅད་འཇོམས་པ་གཏུམ་པའི་ལས་བྱེད་ཅིང༌། ལྷན་ཅིག་སྐྱེས་པའི་ཡེ་ཤེས་མྱུར་དུ་སྐྱེད་པར་བྱེད་པའོ། ། |
| གཏུམ་རྔམ |
འཇིགས་སུ་རུང་བའི་ཚུལ་ཏེ། (དཔེར་ན།) རང་ཕྱོགས་ལ་ཞི་ཞིང་དེས་ལ། དགྲ་བོར་གཏུམ་རྔམ་ཆེན་པོ་འདུག་ལྟ་བུ། |
| གཏུམ་སྤྱོད |
རྩུབ་མོའི་སྤྱོད་པ། |
| གཏུམས་པ |
གཏུམ་པའི་འདས་པའི་འབྲི་ཚུལ་གཞན་ཞིག |
| གཏུར་བུ |
ལྭ་བ་སོགས་འཇུག་བྱེད་ཀྱི་ཁུག་མ་རིགས་ཤིག་གི་མིང་སྟེ། (དཔེར་ན།) ད་ལྟའི་རྟ་འབོག་དང་འདྲ། |
| གཏུལ |
(བྱེད་འབྲེལ་ལས་ཚིག) 1.ཕྱེ་མའི་རིགས་ཅུང་ཟད་རེ་དངོས་རྫས་གཞན་གྱི་ཐོག་ཏུ་གཏོར་བ་སྟེ། (དཔེར་ན།) ཇ་ཁར་རྩམ་པ་གཏུལ། རྨ་ཐོག་ཏུ་སྨན་ཕྱེ་གཏུལ། ཐུག་པར་ཚྭ་གཏུལ་ལྟ་བུ། 2.དུད་པ་གཏོང་བ་དང༌། འཐུལ་བར་བྱེད་པ་སྟེ། (དཔེར་ན།) སྤོས་རིང་སྦར་ནས་དུ་བ་གཏུལ་ཞེས་པ་ལྟ་བུ། |
| གཏུལ་བ |
གཏུལ་བྱ་མིང་། |
| གཏེ་དཔོན |
བྱེད་གཏེའམ་གཙོ་བདག |
| གཏེ་པོ |
1.ཉེས་ཅན་གཙོ་བོ། 2.མི་གཟུགས་པོ་ཐུང་ངུ་སྟེ། (དཔེར་ན།) གཏེ་པོའི་ནང་གི་གཟུགས་བཟང༌ཞེས་པ་ལྟ་བུ། 3.(བརྡ་རྙིང་།) འགོ་པ། རྗེ་བོ། |
| གཏེ་བ |
བུ་ལོན་འཇལ་རྒྱུའི་དམིགས་རྟེན་དུ་བཞག་པའི་དངོས་རིགས་ཏེ། (དཔེར་ན།) བུ་ལོན་གྱི་གཏེ་བར་ཁང་པ་འཇོག་པ། གཏེ་བར་འཛུད་ཅེས་པ་ལྟ་བུ། |
| གཏེ་བོ |
1.འགོ་བ་དང་རྗེ་བོའི་བརྡ་རྙིང་། 2.ད་སྐབས་ངན་པ་ལ་འཇུག་པ་གཙོ་ཆེ་སྟེ། (དཔེར་ན།) ཇག་པའི་གཏེ་བོ། ཉེས་ཅན་གྱི་གཏེ་བོ་ཞེས་པ་ལྟ་བུ། |
| གཏེ་མ |
(ཡུལ་སྐད།) གཏའ་མ་སྟེ་བུ་ལོན་གྱི་དམིགས་རྟེན། (དཔེར་ན།) བུ་ལོན་གཡར་ན་སྤྲད་རྟེན་གཏེ་མ་འཇོག་ཅེས་པ་ལྟ་བུ། འདི་ལ་གཏའ་མ་འབྲི་བ་རྒྱུགས་ཆེ། |
| གཏེ་འབབ |
བུན་གཏེའི་འབབ་ཡོང༌། |
| གཏེང་པ |
བུ་ལོན་སྤྲད་ནས་གཏེང་པ་ཚུར་ལེན། |
| གཏེའུ |
གཏའ་མ། |
| གཏེར |
1.མཛོད་དམ་དངོས་པོ་དང་ནུས་ཤུགས་མང་པོ་གནས་པའི་ཡུལ་ཏེ། (དཔེར་ན།) ཆུ་གཏེར། ཟབ་གཏེར། ལྕགས་གཏེར། འབྲུ་གཏེར། ཡོན་ཏན་གྱི་གཏེར། ཆོས་གཏེར་ཞེས་པ་ལྟ་བུ།2.གཏེར་ཆོས་ཀྱི་བསྡུས་མིང༌།3.(མངོན་བརྗོད།) གཏེར་ལ་པད་མ་ཅན་དང༌། དུང་ཅན། པད་མ་ཆེན་པོ། ཆུ་སྲིན་ཅན། རུས་སྦལ་ཅན། རྔ་ཅན། དགའ་བ་ཅན། སྔོན་པོ། འཛིན་བྱེད་ཅེས་དགུ་ཡོད་པས་གྲངས་ཀ་དགུ་མཚོན། |
| གཏེར་ཁ |
ལྕགས་དང་རྡོ་སོལ་སོགས་སྔོག་འདོན་བྱེད་སའི་ཁུངས་ཏེ། (དཔེར་ན།) ལྕགས་གཏེར། རྡོ་སོལ་གཏེར་ཁ། གཏེར་ཁ་སྔོག་འདོན། གཏེར་ཁ་འབྱེད་པ། གཏེར་ཁ་བཙལ་འཚོལ་ཞེས་པ་ལྟ་བུ། |
| གཏེར་ཁུལ |
གཏེར་ཁ་ཡོད་སའི་ས་ཁུལ། |
| གཏེར་གནས |
1.གཏེར་ཁ་ཡོད་ས། 2.ནོར་གྱི་བང་མཛོད། |
| གཏེར་ཆེན |
1.མི་མངོན་པའི་གནས་ནས་ཆོས་འདོན་མཁན་ཏེ། (དཔེར་ན།) གཏེར་སྟོན་ཆེན་པོ་ཞེས་པ་ལྟ་བུ།2.གཏེར་ཁ་ཆེན་པོ། 3.གྲངས་གནས་ཤིག |
| གཏེར་ཆེན་པོའི་བུམ་པ |
དགོས་འདོད་འབྱུང་བའི་བུམ་པ། བཀྲ་ཤིས་རྟགས་བརྒྱད་ཀྱི་ཡ་གྱལ་ཞིག་སྟེ། རིན་པོ་ཆེ་འཛད་པ་མེད་པའི་རྟགས་མཚོན་བྱེད། |
| གཏེར་ཆོས |
གཏེར་ནས་གདན་དྲངས་པའི་ཆོས་ཏེ། སློབ་དཔོན་པད་མ་འབྱུང་གནས་སོགས་ཀྱིས་འགྲོ་དོན་དུས་ལ་མ་བབ་པར་སྟོན་དུ་མི་རུང་ཞིང་མ་འོངས་སྐལ་ལྡན་རྣམས་ཀྱི་དོན་དུ་རི་བྲག་ཆུ་ཤིང་སོགས་སུ་རེ་ཞིག་མཁའ་འགྲོའི་གཏད་རྒྱ་དང་བཅས་མི་མངོན་པར་རྒྱས་བཏབ་པའི་གསང་སྔགས་ཀྱི་གདམ་ཟབ་རྣམས་ཕྱིས་གྲུབ་པའི་སྐྱེས་བུ་རྣམས་ཀྱིས་གཏེར་ནས་བཏོན་ཏེ་ཡི་གེར་ཕབ་པའི་ཡང་ཟབ་བླ་ན་མེད་པའི་ཆོས་སྐོར། |
| གཏེར་བདག |
1.གཏེར་གྱི་བཀའ་སྲུང་ངམ། གཉེར་དུ་གཏད་པའི་གཏེར་རྣམས་སྲུང་བའི་ལྷ། 2.གཏེར་ཁའི་བདག་པོ། 3.(མངོན་བརྗོད།) རྣམ་ཐོས་སྲས། |
| གཏེར་བདག་གླིང་པ |
མཚན་དངོས་པདྨ་གར་དབང་འགྱུར་མེད་རྡོ་རྗེ་ཟེར། རབ་བྱུང་བཅུ་གཅིག་པའི་མེ་ཁྱི་ལོར་གྲྭ་ནང་དར་རྒྱས་ཆོས་གླིང་དུ་འཁྲུངས། རབ་བྱུང་བཅུ་གཅིག་པའི་མེ་འབྲུག་ལོར་ཨོ་རྒྱན་སྨིན་གྲོལ་གླིང་གི་དགོན་པ་བཏབ། གསུང་ཆོས་གླེགས་བམ་བཅུ་གསུམ་ཙམ་ཡོད། རབ་བྱུང་བཅུ་གཉིས་པའི་ཤིང་རྟ་ལོར་འདས། |
| གཏེར་མ |
གཏེར་ནས་བླངས་པའི་ཆོས་སམ་ནོར། |
| གཏེར་མཛོད |
1.ནོར་མཛོད། 2.རིན་ཆེན་གཏེར་མཛོད་ཀྱི་བསྡུས་མིང༌། |
| གཏེར་ཚེག |
གཏེར་ཆོས་ཀྱི་ཚིག་མཚམས་སུ་བྲིས་པའི་ཚེག་རིལ་ཉིས་བརྩེགས་བར་དུ་འཕྲེད་བཅད་ཅན། |
| གཏེར་རྡོ |
བཞུ་བཏུལ་བྱེད་རིན་ཡོད་པའི་རྡོ། |
| གཏེར་རྫས |
1.གཏེར་ནོར། 2.གཡང་རྫས། 3.གཅེས་ཉར་བྱེད་པའི་ནོར་རིགས་རྩ་ཆེན། |
| གཏེར་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་དང་པོ་བའི་རྒྱུད་ཀྱི་སྦྱིན་པའི་ཕར་ཕྱིན་དང་ལྡན་པའི་སེམས་བསྐྱེད་ནི་ཆོས་དང་ཟང་ཟིང་གི་ལོངས་སྤྱོད་ཀྱིས་སེམས་ཅན་ཐམས་ཅད་ཚིམ་པར་བྱེད་ཀྱང་མི་ཟད་པས་ན་གཏེར་ཆེན་པོ་ལྟ་བུའོ། ། |
| གཏེར་སྟོན |
གཏེར་རྫས་འདོན་མཁན། |
| གཏེར་སྟོན་གོང་འོག་གཉིས |
མངའ་བདག་ཉང་རལ་པ་ཅན་དང༌། གུ་རུ་ཆོས་ཀྱི་དབང་ཕྱུག་གཏེར་སྟོན་འདི་གཉིས་ནི་རྙིང་མའི་གཏེར་སྟོན་གྱི་ནང་ནས་ཧ་ཅང་སྐད་གྲགས་ཆེ་བ་གཉིས་རེད། |
| གཏེར་སྲུང |
གཏེར་ཁ་སྲུང་མཁན་སྲུང་མ། |
| གཏོ |
རིམ་གྲོའི་ཆོ་ག་ཞིག |
| གཏོ་ཆོག |
གཏོ་མདོས་ཀྱི་ཆོ་ག། |
| གཏོ་དཔྱད |
གཏོ་བཅོས་ལ་བརྟེན་པའི་བཅོས་ཐབས། |
| གཏོ་བཅོས |
རིམ་གྲོའི་སྒོ་ནས་རྐྱེན་སེལ་གྱི་བཅོས་ཐབས། |
| གཏོ་བཅོས་ཚ་པོ |
(ཡུལ་སྐད།) བསྟན་བཤིག་ཚ་པོའི་དོན་ཏེ། (དཔེར་ན།) མི་དེ་སུ་དང་མི་འདྲ་བའི་གཏོ་བཅོས་ཚ་པོ་ཞིག་ཡོད་ཅེས་པ་ལྟ་བུ། |
| གཏོ་སྐྱེལ |
གཏོ་བཅོས་ཀྱི་གླུད་རྫོངས་གནོད་ཕྱོགས་གང་ཡིན་ལ་སྐྱེལ་བ། |
| གཏོག |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། མཛུབ་མོ་བརྡེབས་སྒྲ་འབྱིན་པ་དང་། ལྕེ་དང་རྐན་བརྡེབས་པ་ལས་སྒྲ་འབྱིན་པའི་དོན་ཏེ། (དཔེར་ན།) སེ་གོལ་གཏོག་པ། རྐན་སྒྲ་གཏོག་མཁན་ཞེས་པ་ལྟ་བུ། |
| གཏོག་པ |
(བྱེད་འབྲེལ་ལས་ཚིག) གཏོགས་པའི་ད་ལྟ་བའི་བྱ་མིང་། |
| གཏོགས |
1.(བྱེད་འབྲེལ་ལས་ཚིག) གཏོག་གི་འདས་པ་དང་སྐུལ་ཚིག་སྟེ། (དཔེར་ན།) སེ་གོལ་གཏོགས་ནས་སྒྲ་གྲགས། སེ་གོལ་གཏོགས་ཤིག་ལྟ་བུ། 2.(བྱེད་མེད་ལས་ཚིག) 1>ཁོངས་སུ་འདུས་པའི་དོན་ཏེ། (དཔེར་ན།) རང་རྒྱལ་གྱི་མངའ་ཁོངས་སུ་གཏོགས་པའི་ས་རྒྱ། ཆར་གཏོགས། སྡེར་གཏོགས་པ། ཉེར་གཏོགས། གྲས་སུ་གཏོགས་པ་ཞེས་པ་ལྟ་བུ། 2>དབང་བའི་དོན་ཏེ། (དཔེར་ན།) གྲུབ་འབྲས་ཐམས་ཅད་མི་དམངས་ལ་གཏོགས་པ་ཡིན་ལྟ་བུ། 3>ཚད་བཟུང་བའི་དོན་ཏེ། (དཔེར་ན།) མི་གཅིག་ལ་ལག་པ་གཉིས་མ་གཏོགས་མེད་ལྟ་བུ། |
| གཏོགས་པ |
གཏོག་པའི་འདས་པའི་བྱ་མིང་། |
| གཏོགས་འདོད |
1.(མངོན་བརྗོད།) ལྷ་དབང་ཕྱུག་ཆེན་པོ། 2.(བརྡ་རྙིང་།) གཞན་ནོར་འཕྲོག་འདོད་པ། |
| གཏོང |
(བྱེད་འབྲེལ་ལས་ཚིག) བཏང་གི་ད་ལྟ་བ། བཀག་པའམ་བཅིངས་པ་ལས་ཐར་ནས་རང་དགར་འགྲོར་འཇུག་པ་སྟེ། (དཔེར་ན།) ནོར་ལུག་ཕྱི་ལ་གཏོང་མཁན། རྟ་ནོར་རྩྭ་ཐང་དུ་གཏོང་དགོས། ཞིང་ལ་ཆུ་གཏོང་བ། ཆུ་གཏོང་མཁན། མི་ངན་ནང་ལ་མ་གཏོང་། ངན་པ་བཟུང་ནས་མ་གཏོང་ལྟ་བུ། |
| གཏོང་དབྱངས་རིང་བ |
སྐད་རྟ་འཐེན་པའི་གདངས་རིང་པོ། |
| གཏོང་དེབ |
གཏོང་སྒོའི་གཞི་འཛིན་སའི་དེབ། |
| གཏོང་ཕོད |
སྟེར་སྦྱིན་གྱི་སྙིང་སྟོབས་ཏེ། (དཔེར་ན།) གཏོང་ཕོད་ཅན། ལུས་སྲོག་བློས་གཏོང་ཕོད་པའི་སྐྱེས་བུ་ཞེས་པ་ལྟ་བུ། |
| གཏོང་ཕོད་ཆུང་ངུ |
ཟས་ནོར་སྟེར་སྦྱིན་གྱི་སྙིང་སྟོབས་ཆུང་ཆུང༌། |
| གཏོང་བ |
(བྱེད་འབྲེལ་ལས་ཚིག)1.བཏང་གི་ད་ལྟ་བའི་བྱ་མིང་། སྟེར་བའམ་བྱིན་པ་སྦྱིན་པ་གཏོང་བ། (དཔེར་ན།) འགྲོ་སོང་གཏོང་བ། བུ་ལོན་གཏོང་བ། 2.འདོར་བའི་དོན་ཏེ། (དཔེར་ན།) རང་སྲོག་བློས་གཏོང༌།3.གློད་པའི་དོན་ཏེ། (དཔེར་ན།) ར་ལུག་རྩྭ་ཁར་གཏོང་བ། ཚེ་ཐར་གཏོང་བ། ཞིང་ཆུ་གཏོང་བ། ཐབ་ལ་མེ་གཏོང་བ། 4.མངགས་པའི་དོན་ཏེ། (དཔེར་ན།) དམག་མི་གཏོང་བ། ལན་གཏོང་བ། བརྡ་གཏོང་བ། 6.ཁ་ལོ་སྒྱུར་བའི་དོོན་ཏེ། (དཔེར་ན།) ་ཀོ་གྲུ་གཏོང་བ། གནམ་གྲུ་གཏོང་བ། 7.བྱེད་པའི་དོན་ཏེ། (དཔེར་ན།) སློབ་གསོ་གཏོང་བ། བསམ་བློ་གཏོང་བ། |
| གཏོང་བ་རྗེས་སུ་དྲན་པ |
རྗེས་སུ་དྲན་པ་དྲུག་གི་ནང་གསེས། སྦྱིན་པའི་ཡོན་ཏན་རྗེས་སུ་དྲན་པའོ། ། |
| གཏོང་བ་རྗེས་སུ་དྲན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། ཀུན་རྫོབ་ཏུ་ཆོས་དང་ཟང་ཟིང་གི་སྦྱིན་པའི་ཡོན་ཏན་རིམ་ལྡན་དུ་དྲན་པའོ། ། |
| གཏོང་བའི་ནོར |
འཕགས་ནོར་བདུན་གྱི་ནང་གསེས། ཟང་ཟིང་གི་དངོས་པོ་སོགས་གཞན་ལ་སྦྱིན་པ་བསོད་ནམས་དང་ཡེ་ཤེས་ཀྱི་ཚོགས་ཆེན་འགྲུབ་པས་གླང་པོ་རིན་པོ་ཆེ་དང་ཆོས་མཚུངས་པའོ། ། |
| གཏོང་འཐེན |
ཁ་ལོ་སྒྱུར་བ་འཕྲུལ་འཁོར་གཏོང་འཐེན་བྱེད་པ། |
| གཏོང་ཡོང |
ཕར་གཏོང་གི་འགྲོ་སྒོ་དང༌། ཚུར་ལེན་གྱི་ཡོང་སྒོ་སྟེ། (དཔེར་ན།) རྒྱུ་ནོར་བེད་སྤྱོད་མཁས་པོ་བྱས་ན་གཏོང་ཡོང་འགོ་ཐུག་རྒྱུ་ངེས་ཅན་རེད་ཅེས་པ་ལྟ་བུ། |
| གཏོང་ཡོང་ཁ་འཐབ |
ནོར་ཕར་སྤྲོད་ཚུར་ལེན་འགོ་གཏུག་པ་སྟེ། (དཔེར་ན།) འགྲོ་སོང་གཏོང་ཚོད་རན་པོ་བྱས་ན་གཏོང་ཡོང་ཁ་འཐབ་ངེས་པར་ཐུབ་ཀྱི་རེད། ལོ་རེའི་གཏོང་ཡོང་ཁ་འཐབ་དང་མི་འཐབ་ཅི་རིགས་ཡོང་སྲིད་ཅེས་པ་ལྟ་བུ། |
| གཏོང་ཡོང་ག་འཛོལ |
1.ཡོང་སྒོ་དང་འགྲོ་སྒོ་གཉིས་རྩིས་འགོ་མི་ཐུག་པ་སྟེ། (དཔེར་ན།) བྱུང་སོང་ཧེ་བག་ཆེ་དྲགས་པས་གཏོང་ཡོང་ག་འཛོལ་བྱུང་བ་རེད་ཅེས་པ་ལྟ་བུ། 2.ཚུར་ཡོང་སྒོ་ཉུང་ལ་ཕར་གཏོང་སྒོ་མང་བའི་དོོན་ཏེ། (དཔེར་ན།) འབབ་ཁུངས་ཉུང་ལ་འཆར་འཕར་འགྲོ་ཁུངས་ཧ་ཅང་མང་བས་གཏོང་ཡོང་ག་འཛོལ་དུ་གྱུར་པ་རེད་ཅེས་པ་ལྟ་བུ། |
| གཏོང་ཡོང་འཁྲོལ་འཁྱིལ |
སྤྲོད་ལེན་བྱུང་སོང་ཁ་འཐབ་པའི་ལྷག་མ་སྟེ། (དཔེར་ན།) ཁེ་ལས་ཁག་གི་གཏོང་ཡོང་འཁྲོལ་འཁྱིལ་གང་མང་བྱུང་ཞེས་པ་ལྟ་བུ། |
| གཏོང་ཡོང་འགོ་སྙོམས |
སྤྲོད་ལེན་བྱུང་སོང་ཁ་འཐབ་ཏུ་ཕྱིན་པ་སྟེ། (དཔེར་ན།) ལོ་རེའི་གཏོང་ཡོང་འགོ་སྙོམས་པ་ལས། འཕར་ཆག་ཧང་སོང་ཆེ་བ་ཡོང་གི་མེད་ཅེས་པ་ལྟ་བུ། |
| གཏོང་ཡོང་རྩིས་ཁྲ |
ཕར་གཏོང་རྒྱུ་དང་ཚུར་ཡོང་རྒྱུའི་རྩིས་ཁྲ། |
| གཏོང་ལེན |
ཕར་སྤྲོད་ཚུར་ལེན། |
| གཏོང་སེམས |
སྦྱིན་པ་གཏོང་བའི་སེམས། |
| གཏོང་སྒོ |
1.འགྲོ་སོང༌། 2.གཏོང་ཡུལ་ངེས་པ་ཅན་ལ་འཆར་ཅན་ཟང་ཟིང་གི་རྒྱུན་གཏོང་བའི་བྱེད་སྒོ་སྟེ། (དཔེར་ན།) སྔར་དགེ་བཤེས་ཀྱི་མིང་བཏགས་བྱེད་ཆེད་དུ་ངེས་པར་གཏོང་སྒོ་རྒྱ་ཆེན་པོ་ཞིག་གཏོང་དགོས་པ་ལྟ་བུ། |
| གཏོང་སྒོའི་མཆོད་ཆས |
དགོན་སྡེ་ཁག་གི་ནང་དུ་གཏོང་སྒོ་གཏོང་སྐབས་སུ་བཤམས་པའི་མཆོད་རྫས། |
| གཏོད |
1.(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་སྐུལ་ཚིག་གསུམ་གར་འཇུག་སྟེ། (དཔེར་ན།) བློ་གཏོད་ས། བློ་གཏོད་མཁན། བློ་རྩེ་གཏོད་ཅིག་ལྟ་བུ། (འདིའི་སྐུལ་ཚིག་གཅིག་བུར་མ་གཏོགས་རྣ་རུ་མི་འབྲི་མཁན་ཀྱང་ཡོད།) 2.གསར་བཟོའམ་གསར་འཛུགས་ཏེ། (དཔེར་ན།) སྲོལ་བཟང་ཁག་མང་སྔར་མེད་གསར་དུ་གཏོད་པ་ཞེས་པ་ལྟ་བུ། 4.ལག་ཏུ་སྤྲོད་པ་སོགས་ཀྱི་དོན་དུ་གོ་བའི་གཏད་ཀྱི་སྐུལ་ཚིག |
| གཏོད་པ |
གཏོད་པའི་བྱ་མིང་། |
| གཏོམས |
གཞན་སྐུལ་བའི་དོན་དུ་གོ་བའི་གཏམ་པ་དང་། ཚོང་ཟོག་གི་རིན་གོང་གཅོག་འཕྲིའི་དོན་དུ་གོ་བའི་གཏམས་པའི་སྐུལ་ཚིག |
| གཏོར |
(བྱེད་འབྲེལ་ལས་ཚིག) 1>སོ་སོར་འབྲལ་བ་སྟེ། (དཔེར་ན།) ལྭ་བའི་སྲུབས་མ་གཏོར། མ་བུ་ཁ་མ་གཏོར། རུས་པའི་ལྷུ་མ་གཏོར། རླུང་གིས་སྤྲིན་ཕུང་གཏོར། སྲན་ཕུང་དབྱུག་པས་གཏོར་གཏོར་། ཁྲ་ཡིས་བྱིའུ་ཁྱུ་གཏོར་གཏོར་ལྟ་བུ། 2>དངོས་རྫས་ས་ལ་འཕངས་པ་སྟེ། ཞིང་ལ་ས་བོན་གཏོར། ས་ལ་ཆུ་གཏོར། འབྲུ་རྡོག་ས་ལ་མ་གཏོར་ལྟ་བུ། |
| གཏོར་ཁུང |
1.ཆུ་ཁུང་སྟེ་སྟོར་ཁུང་གི་འབྲི་ཚུལ་གཞན། 2.གཏོར་མ་ཞེས་པའི་མིང་མཐའ་བསྡུས་པ། 3.གཏར་གྱི་སྐུལ་ཚིག |
| གཏོར་གདན |
གཏོར་མའི་འོག་ཏུ་འདིང་རྒྱུའི་གདན། |
| གཏོར་གདུགས |
གཏོར་མའི་སྟེང་དུ་འཛུགས་རྒྱུའི་གདུགས། |
| གཏོར་གསུམ |
(ཡུལ་སྐད།) ལྷམ་ཟོན་པའི་རྟིང་པའི་འཇའ་ཐོག་གི་དམར་པོ་ཟུར་གསུམ། |
| གཏོར་གསོས |
མཆོད་གཏོར་གྱི་ཁ་གསོས། |
| གཏོར་ཆས |
ཆབ་གཏོར་གྱི་ཡོ་བྱད། |
| གཏོར་དར |
གཏོར་མའི་སྟེང་དུ་འཛུགས་རྒྱུའི་དར། |
| གཏོར་ཕུད |
ལོངས་མ་སྤྱད་གོང་གི་གཏོར་མའི་དྭངས་མ། |
| གཏོར་བ |
(བྱེད་འབྲེལ་ལས་ཚིག) ཆུ་གཏོར་བ་དང་བཤིག་གཏོར་སོགས་ཀྱི་བྱ་མིང་། |
| གཏོར་བརླག |
ཆུད་ཟོས་སམ། མེད་པ་བཟོ་བ། |
| གཏོར་བཤིག |
ཁ་འཐོར་དུ་བཏང་ནས་མེད་པར་བཟོ་བ་སྟེ། (དཔེར་ན།) རྩིག་པ་གཏོར་བཤིག་གཏོང་བ། སྒྲིག་ལམ་གཏོར་བཤིག་མ་བྱེད་ཅེས་པ་ལྟ་བུ། |
| གཏོར་བཤོས |
མཆོད་གཏོར་རམ་ཞལ་ཟས། |
| གཏོར་བུ |
1.མཆོད་ཆས་སོགས་ཡོ་བྱད་ཙག་ཙིག་བླུག་སྣོད། 2.ཆོས་གོས་རྣམ་གསུམ་འཇོག་སའི་སྣོད། |
| གཏོར་མ |
མཆོད་སྦྱིན་ལ་བསྔོ་རྒྱུའི་ཟན་གོང༌སྟེ། (དཔེར་ན།) གཏོར་མ་གཏོང་བ། གཏོར་མ་འབུལ་བ། གཏོར་མ་སྦྱིན་པ་ཞེས་པ་ལྟ་བུ། |
| གཏོར་མ་ཆ་གསུམ |
ཕྱོགས་སྐྱོང་དང༌། འབྱུང་པོ། བགེགས་བཅས་ལ་སྦྱིན་པའི་གཏོར་མ། |
| གཏོར་མ་བརྒྱ་རྩ |
བདག་བསྐྱེད། ཚོགས་ཞིང༌། འཁོར་འདས་ཀྱི་མགྲོན་ཚན་བཅུ་གཅིག་བཅས་སོ་སོར་གཏོར་རིལ་བཅུ་རེ་བསྔོ་བའི་ཆོ་ག། |
| གཏོར་མ་རྒྱག་པ |
མཐུ་སྔགས་ཀྱི་ནུས་པ་ལ་བརྟེན་ནས་ཕ་རོལ་པོ་འཇོམས་པར་བྱེད་པ། |
| གཏོར་མགྲོན |
གཏོར་མ་འབུལ་སའི་ཡུལ། |
| གཏོར་མས་རྒྱས |
(མངོན་བརྗོད།) བྱ་རོག |
| གཏོར་ཟ |
(མངོན་བརྗོད།) བྱ་རོག |
| གཏོར་ཟན |
གཏོར་མའི་རྒྱུ་སྤག |
| གཏོར་ཟོར |
གཏོར་རྒྱག་གམ། འཕེན་རྒྱུའི་གཏོར་མ། |
| གཏོར་ཟློག |
གཏོར་ཟོར་དང་ཟློག་པའི་བསྡུས་མིང༌། |
| གཏོར་འགྲེམས |
ཆུ་སོགས་གཏོར་ཞིང་འགྲེམས་པ་སྟེ། (དཔེར་ན།) གད་ཆུ་གཏོར་འགྲེམས་ཞེས་པ་ལྟ་བུ། |
| གཏོར་ར |
གཏོར་མ་འཕེན་སའི་ས་ཆ་སྟེ། (དཔེར་ན།) གཏོར་ར་ནང་མ། གཏོར་ར་ཕྱི་མ་ཞེས་པ་ལྟ་བུ། |
| གཏོར་རོ |
ལྷ་ལ་ཕུལ་ཟིན་པའི་གཏོར་ཟན་རྙིང་པ། |
| གཏོར་རྒྱག |
འཕང་བྱའི་གཏོར་མ་སྟེ། (དཔེར་ན།) སྔགས་པས་དགྲ་བགེགས་ལ་གཏོར་རྒྱག་རྒྱག་གིན་འདུག་ཅེས་པ་ལྟ་བུ། |
| གཏོར་རྒྱན |
གཏོར་མའི་མར་རྒྱན། |
| གཏོར་རྩམ |
གཏོར་མའི་རྒྱུ་རྩམ་པ་སྟེ། (དཔེར་ན།) གཏོར་རྩམ་རྗེན་བཏགས་ཞེས་པ་ལྟ་བུ། |
| གཏོར་སྐམ |
གཏོར་རོ་སྐམ་པོ། |
| གཏོར་སྐྱོན |
འཐོར་བརླག་གི་སྐྱོན་ཏེ། (དཔེར་ན།) གནས་ཁང་ཡོ་བྱད་སོགས་གཏོར་སྐྱོན་བྱུང་བ། ཁྲིམས་ལུགས་གཏོར་སྐྱོན་ཚབས་ཆེན་བྱེད་པ་ཞེས་པ་ལྟ་བུ། |
| གཏོར་སྒམ |
གཏོར་མ་འཇོག་སའི་སྒམ། |
| གཏོར་སྟེགས |
གཏོར་མ་འཇོག་སའི་བཀྱག་གམ། རྐང་གསུམ། |
| གཏོལ |
ཆའམ་རྒྱུས་དང༌། གདེང༌། ངེས་པ། |
| གཏོལ་བ |
(བརྡ་རྙིང་།) 1.མཚང་འབྲུ་བ་སྟེ། (དཔེར་ན།) ཁོའི་སྐྱོན་མཚང་གཏོལ་བ་ཞེས་པ་ལྟ་བུ།2.ཕིགས་པ་སྟེ། (དཔེར་ན།) མདའ་བརྒྱབ་པས་འབེན་ལ་ཨི་ཁུང་གཏོལ་བ་ཞེས་པ་ལྟ་བུ། |
| གཏོལ་བྲལ |
གཏོལ་མེད་དང་དོན་གཅིག |
| གཏོལ་མེད |
རྒྱུས་མེད་དང༌། ངེས་མེད། ཐབས་མེད་བཅས་ཀྱི་དོན་ཏེ། (དཔེར་ན།) ཅི་བྱེད་གཏོལ་མེད་དུ་གྱུར། གར་འགྲོ་གཏོལ་མེད་ཅེས་པ་ལྟ་བུ། |
| གཏོས |
བོངས་ཚོད་ཀྱི་མིང་སྟེ། (དཔེར་ན།) རི་བོ་ལྟར་གཏོས་ཆེ་བ། ཞིང་རའི་འབྲུ་ཕུང་རི་བོའི་གཏོས་དང་མཉམ་ལྟ་བུ། |
| གཏོས་པ |
(བརྡ་རྙིང་།) ཚད་མེད་པ། |
| གཏོས་ཚད |
བོང་ཆེ་ཆུང་གི་ཚད། |
| གད |
1.གད་པ་ལ་ལྟོས། 2.གད་དར་ཞེས་པའི་ཚིག་བསྡུས་པ། |
| གད་ཀ |
གཡང་ས་སྟེ། (དཔེར་ན།) གཡས་ཕྱོགས་གད་ཀ་དང༌། གཡོན་ཕྱོགས་གཡང༌གཟར་རེད་ཅེས་པ་ལྟ་བུ། |
| གད་ཁ |
གད་ཀ་དང་འདྲ། |
| གད་ཁུང |
གད་པའི་ཕུག་གཏིང་རིང་ཅན། |
| གད་གཙང |
འབྲུ་རིགས་ལ་ས་རྡོ་གཞའ་ཕུ་སོགས་མེད་པའི་སྤུས་གཙང༌གི་དོན་ཏེ། (དཔེར་ན།) ནས་སྲན་གད་གཙང་བྱས་ཏེ་མཛོད་དུ་བཅུག་ཅེས་པ་ལྟ་བུ། |
| གད་ཆུ |
གད་བདར་མ་བྱས་གོང་ནས་གཏོར་བའི་ཆུ། |
| གད་དར |
གཙང་སྦྲ་བྱེད་པའི་ལས་ཀའི་མིང་སྟེ། (དཔེར་ན།) ཁང་བར་གད་དར་བྱས། སྣོད་ཆ་རྣམས་ལ་གད་དར་བྱས་ལྟ་བུ། བསྡུས་ན་གད་ཅེས་འབྲི་ཆོག་སྟེ། (དཔེར་ན།) གད་སྙིགས། གད་བརྒྱབ་ལྟ་བུ། |
| གད་པ |
1.གཡང་སའི་མིང་སྟེ། (དཔེར་ན།) གད་པའི་སྐྱིབས། གད་པའི་གཡང་ཞེས་པ་ལྟ་བུ། རྟགས་མཐའ་བསྡུས་ན་གད་ཅེས་འབྲི་ཆོག་སྟེ། (དཔེར་ན།) གད་ཁ། གད་ཕུག གད་གཡང་ཞེས་པ་ལྟ་བུ། 2.གད་དར་བྱེད་མཁན་ལའང་གད་པ་ཟེར། |
| གད་ཕུག |
གད་པའི་ཁུག་གམ་གད་ཁུང༌། |
| གད་བདར |
བྱི་དོར་ཏེ། (དཔེར་ན།) ཁང་པར་ཉིན་ལྟར་གད་བདར་རྒྱག་དགོས་པ་བཞིན་དུ་རང་གི་བསམ་པ་ལའང་རྟག་པར་བརྟག་དཔྱད་བྱེད་དགོས། གད་བདར་མ་བྱས་པར་གཙང་སྦྲ་གང་ནས་ཡོང༌ཞེས་པ་ལྟ་བུ། |
| གད་བརྒྱངས |
གད་རྒྱངས་དང་འདྲ། |
| གད་མོ |
བཞད་གད་དེ། (དཔེར་ན།) གད་མོ་བྲོ་བ། གད་མོ་སློང་བ། གད་མོ་འབྱིན་དུ་འཇུག་པ། གད་མོ་ཁྲ་ཁྲ་ཤོར་བ། གད་མོ་དབང་མེད་དུ་ཤོར་བ། ཁ་ཐེར་ཐེར་བྱས་ནས་གད་མོ་དགོད་པ། གཞན་གྱིས་གད་མོ་རྟ་གད་ལྟར་དགོད་པ་མཐོང་དུས་རང་ཡང་གད་མོ་འཆོར་གྲབས་བྱེད་པ་ཞེས་པ་ལྟ་བུ། |
| གད་མོ་རྒོད་པ |
གད་མོ་དགོད་པ། |
| གད་མོའི་གནས |
གད་མོ་ཆོར་བའི་ཡུལ། |
| གད་མོའི་དབྱངས་ལྡན |
(མངོན་བརྗོད།) སྲིན་བྱའམ་འུག་པ། |
| གད་ཟུར |
སའི་གད་པའི་མཐའ། |
| གད་རོ |
གད་བརྒྱབ་པའི་ཐལ་རྡུལ་ཉལ་ཉིལ། |
| གད་རྒྱངས |
1.སེང་གེ་སོགས་གཅན་གཟན་ཆེན་པོའི་རིགས་ཀྱི་ངར་སྐད་ཀྱི་མིང་སྟེ། (དཔེར་ན།) སེང་གེས་གད་རྒྱངས་བསྒྲགས་ལྟ་བུ། 2.གད་མོ་ཆེན་པོ་དགོད་པའི་ངར་སྒྲ་ལའང་གད་རྒྱངས་ཟེར། |
| གད་རྒྱངས་ཅན |
(མངོན་བརྗོད།) དབང་ཕྱུག་ཆེན་པོ། |
| གད་སྐྱིབས |
གད་འོག་གཡབ་ཕུབ་པ་ལྟར་ཡོད་ས། |
| གད་སྒྲ |
གད་མོ་བགད་པའི་སྐད་སྒྲ། |
| གད་སྙིགས |
གད་བརྒྱབ་པའི་ཐལ་རྡུལ་ཉལ་ཉིལ་ཏེ། (དཔེར་ན།) གད་སྙིགས་སྤུངས་པ་རྣམས། གད་སྙིགས་འཕྱགས་ཟིན་ཞེས་པ་ལྟ་བུ། |
| གད་སྙིགས་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་དམངས་ཀྱི་ཁྱིམ་ནང་གད་སྙིགས་ཕྱི་ལོགས་སུ་འདོན་སྐྱེལ་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| གད་སྲིན |
རང་དབང་མེད་པར་རྒྱུན་མཐུད་ཀྱིས་འཆོར་བའི་གད་མོ་སྟེ། (དཔེར་ན།) ཁ་ཤོབ་ཚ་པོས་དགོད་བྲོའི་བཏམ་བཤད་པས་མི་ཚང་མ་གད་སྲིན་ལངས་ནས་གྲོད་པ་ན་དགོས་པ་བྱུང༌ཞེས་པ་ལྟ་བུ། |
| གདག |
(བྱེད་འབྲེལ་ལས་ཚིག) བཏགས་ཀྱི་མ་འོངས་པ། བསད་ནས་གཏན་མེད་བྱས་པ་སྟེ། (དཔེར་ན།) ཨ་བྲ་ཁ་གདག་དགོས་ལྟ་བུ། |
| གདགས |
1.བཏགས་ལ་ལྟོས། 2.སྨན་གཞུང་དུ་བཤད་པའི་བརྡ་ཞིག་སྟེ། ཉིན་ཕྱོགས་དང་། ཉིན་དཀར། ཚ་ནད་སོགས་དོན་མང་བོར་འཇུག་སྟེ། (དཔེར་ན།) རི་བོའི་གདགས་སུ་སྐྱེས་པའི་དྲོད་སྨན། གདགས་སྲིབ(ཉིན་མཚན་གཉིས་ཀྱི་མཚམས)དབུགས་སྙོམ་གདགས་ཀྱི་རྩ(ཚ་བའི་རྩ)ཞེས་པ་ལྟ་བུ། |
| གདགས་ཁྲི་བཙན་པོ |
མེར་ཁྲི་བཙན་པོ་དང་གདགས་ལྷ་དཀར་མོ་གཉིས་ཀྱི་སྲས། སྔར་བོད་རྒྱལ་དྲུག་པ་སྟེ་གནམ་གྱི་ཁྲི་བདུན་གྱི་ཡ་གྱལ་ཞིག |
| གདགས་གཞི |
མིང་འདོགས་སའི་གཞི་སྟེ། (དཔེར་ན།) གང་ཟག་གི་གདགས་གཞི་ནི་ཕུང་པོ་ལྔ་རེད་ཅེས་པ་ལྟ་བུ། |
| གདགས་པ |
1.འདོགས་པའི་མ་འོངས་པ། 2. མིང་གི་ཐ་སྙད། |
| གདགས་སྲིབ |
1.ནད་བལྟ་སྐབས་སུ་གདགས་སྨན་པ་དང༌། སྲིབ་ནད་པ་ཡིན།2.རྩ་བལྟ་སྐབས་སོར་མོའི་ཡར་ཟུར་དོན་ལྔའི་རྩ་ལ་གདགས་དང༌། མར་ཟུར་སྣོད་དྲུག་གི་རྩ་ལ་སྲིབ་ཟེར།3.དབུགས་ཕྱི་ནང་དུ་རྒྱུ་སྐབས་དབུགས་ཕྱིར་རྒྱུ་ལ་གདགས་དང༌། ནང་རྒྱུ་ལ་སྲིབ་ཟེར།4.དུས་ཚོད་སྐབས་གདགས་ཉིན་མོ་དང༌། སྲིབ་མཚན་མོ་ཡིན།5.སྨན་གྱི་སྐྱེ་གནས་སྐབས་གདགས་ཉིན་ངོས་ཀྱི་རི་དང༌། སྲིབ་སྲིབ་ངོས་ཀྱི་རི་ལ་ཟེར། |
| གདང |
(བྱེད་འབྲེལ་ལས་ཚིག) 1.གདངས་ཀྱི་མ་འོངས་པ་དང་ད་ལྟ་བ། ཁ་མིག་ཆེར་ཕྱེ་བ་སྟེ། (དཔེར་ན།) ཁ་གདང་བར་བྱ། ཁ་གདང་བར་བྱེད་ལྟ་བུ། 2.ས་ལ་ཐག་པ་བརྐྱངས་པའི་སྣེ་མོར་ཕུར་པ་བརྒྱབ་པའི་སྒོ་ཕྱུགས་འདོགས་ཐག་སྟེ། (དཔེར་ན།) མཚན་མོར་རྟ་བོང་ཚང་མ་གདང་ལ་བཏགས་ལྟ་བུ། 3.ཁྱིམ་བྱའི་སྡོད་གནས་སུ་འཕྲེད་དུ་བཏང་བའི་ཤིང༌སྟེ། (དཔེར་ན།) ཁྱིམ་བྱ་རྣམས་དགོང་མོ་བྱ་གདང་ལ་འཛེག 4.གོས་སོགས་འགེལ་སའི་དཔྱང་ཐག་དང་ཤིང་ལྟ་བུ། |
| གདང་ཆུ |
འབབ་ཆུ་ཞིག་སྟེ། ཆུ་འགོ་གདང་ལའི་ལྷོ་ངོས་ནས་བྱུང་ཞིང་སྙན་རོང་རྫོང་ཁུལ་དུ་ཤག་ཆུ་དང་འདྲེས་པ་དེ་རྒྱལ་མོ་རྔུལ་ཆུའི་ཆུ་འགོ་ཞིག་ཡིན། |
| གདང་ཐག |
གོས་སོགས་འགེལ་སའི་དཔྱང་ཐག་སྟེ། ཐང་ལ་རྟ་ཕྱུགས་འདོགས་ཐག |
| གདང་ཐག་འཕྲུལ་མིག་བཅུ་འབྱར་བ |
རྟ་དྲེལ་ཁལ་བོང་སོགས་ཕྲེང་བསྟར་གྱིས་འདོགས་བྱེད་ཐག་པ་ལུང་བཅུ་འབྱར་བ། |
| གདང་ཕུར |
1.ཁང་པའི་ནང་དུ་གོས་སོགས་འགེལ་སའི་ཤིང་ཕུར། 2.ནོར་གདང་འཛིན་བྱེད་ཀྱི་ཕུར་པ། |
| གདང་བ |
གདངས་པའི་ད་ལྟ་བའི་བྱ་མིང་། |
| གདང་བུ |
1.སྐས་འཛེག་གི་གདང་བུ་སྟེ། (དཔེར་ན།) སྐས་ཀྱི་གདང་བུ་གྲངས་ཀ་ཡ་ལ་ཐུག་པ་ཞིག་བཟོ་དགོས། བར་ཐོག་ཤིང་སྐས་གདང་བུ་བཅུ་གཅིག་ཡོད་ལྟ་བུ། 2.ཁྱིམ་ནང་གི་ཡོ་བྱད་འགེལ་ས་ཆུང་ངུ་སྟེ། (དཔེར་ན།) གོས་ཀྱི་གདང་བུ། ཁྱིམ་བྱའི་གདང་བུ། ཕུར་གདང༌། ཡིག་གདང༌ཞེས་པ་ལྟ་བུ། |
| གདང་ར |
སྒོ་ཕྱུགས་རྡང་ལ་འདོགས་སའི་ར་བ། |
| གདང་ལ |
1 ལ་ཞིག་སྟེ། བོད་ཀྱི་སྙན་རོང་རྫོང་གི་བྱང་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6220 ཡོད། 2.རི་བོ་ཞིག་སྟེ། བོད་དབུས་ཀྱི་བྱང་ཤར་ངོས་དང་མཚོ་སྔོན་གྱི་ལྷོ་ནུབ་ངོས་ན་ཡོད། རྒྱལ་མོ་རྔུལ་ཆུ་དང༌། ཟླ་ཆུ། འབྲི་ཆུ་བཅས་ཀྱི་ཆུ་འགོ་རི་བོ་འདིའི་གཞོགས་གཉིས་ནས་བྱུང་བ་ཡིན། |
| གདང་ཤིང |
གྱོན་ཆས་སོགས་འགེལ་སའི་ཤིང་གདང༌། |
| གདངས |
1.སྒྲའི་ཉམས་ཏེ། (དཔེར་ན།) སྐད་གདངས། གཞས་གདངས། གདངས་བཅག་པ། གདངས་ཆག་པ། གདངས་སྙན་པོ། གདངས་འདྲ་བ། གདངས་འཐེན་པའི་སྒོ་ནས་སྙན་ཚིག་འདོན་པ། དུང་གདངས་རིང་པོ་ཞིག་བཏང་སོང༌ཞེས་པ་ལྟ་བུ།2.གདང་གི་འདས་པ་སྟེ། (དཔེར་ན།) མིག་གདངས་ནས་བལྟས། ཁ་གདངས་ནས་གླུ་བླངས་ལྟ་བུ། 3.(བརྡ་རྙིང་།) བྱེད་ལུགས། |
| གདངས་དབྱངས |
གདངས་ཀྱི་འགྱུར་ཁུག |
| གདངས་པ |
1. གདང་བའི་འདས་པའི་བྱ་མིང། 2. (བརྡ་རྙིང་།) ནད་སངས་པའམ། དྲག་པ་སྟེ། (དཔེར་ན།) སྙུང་གཞི་གདངས་པ་དང་འཕྲལ་དུ་ཕེབས་སོང༌ཞེས་པ་ལྟ་བུ། |
| གདངས་འདུར |
ཚོགས་དབུས་སོགས་སུ་ཁ་འདོན་སྐད་གདངས་རིང་པོས་འདོན་པར་གདངས་དང༌། ཁ་འདོན་ཤར་མར་འདོན་པར་འདུར་ཟེར། |
| གདངས་སྒྲིག་པ |
སྐད་གདངས་མཐུན་པར་སྡེབ་པ། |
| གདན |
1.ལུས་འོག་ཏུ་གདིང་རྒྱུའི་ཉལ་ཆས་ཀྱི་མིང་སྟེ། (དཔེར་ན།) བལ་གདན། ས་གདན། པགས་གདན་ཞེས་པ་ལྟ་བུ། 2.རྟིང་གཞིར་འཇོག་རྒྱུའི་དངོས་རྫས་ཀྱི་མིང་སྟེ། (དཔེར་ན།) རྩིག་པའི་རྨང་གདན། གཟེར་མའི་གཟེར་གདན། ཀ་བའི་ཀ་གདན་ཞེས་པ་ལྟ་བུ། |
| གདན་ཁྲི |
1.སྡོད་སའི་སྟན་ནམ་ཁྲི། 2.གདན་འོག་ཏུ་འདིང་རྒྱུའི་ཤིང་སྒྲོམ། |
| གདན་གཉེར |
གདན་བདག་གཉེར་བར་ཆེད་དུ་བསྐོས་པའི་མི། |
| གདན་གསུམ |
1.སྤྱིར་བཏང་དུ། ཕུང་ཁམས་གཤེགས་པ་གཤེགས་མ། དབང་ཡུལ་སེམས་དཔའ་སེམས་མ། ཡན་ལག་ཁྲོ་བོ་ཁྲོ་མོ་བཅས་ཀྱི་གདན་གསུམ་མོ། །2.ས་སྐྱ་པའི་ལུགས་ལ། སངས་རྒྱས་དང་བྱང་ཆུབ་སེམས་དཔའི་གདན་དང༌། རིག་མ་དང་ལྷ་མོའི་གདན། ཁྲོ་བོ་དང་ཁྲོ་མོའི་གདན་བཅས་གསུམ་མོ། །3.གདན་ས་གསུམ་གྱི་བསྡུས་མིང་། |
| གདན་གསུམ་དཀྱིལ་འཁོར |
ལུས་ཀྱི་ཕུང་ཁམས་སྐྱེ་མཆེད་རྣམས་གདན་གསུམ་ཚང་བའི་དཀྱིལ་འཁོར་དུ་གནས་པ་ཕུང་ཁམས་གཤེགས་པ་གཤེགས་མའི་གདན། སྐྱེ་མཆེད་སེམས་དཔའ་སེམས་མའི་གདན། ཡན་ལག་ཁྲོ་བོ་ཁྲོ་མོའི་གདན་རྣམས་སོ། ། |
| གདན་ཅོག |
གདན་དང་ཅོག་ཙེ། |
| གདན་ཆ |
1.གདན་ཆས་དང་འདྲ། 2.ཡ་མིན་པའི་གདན། |
| གདན་ཆས |
སྡོད་སའི་གདན་སོགས། |
| གདན་ཐོག |
བོད་མདོ་ཁམས་་དར་མདོ་རྫོང་གི་རི་བོ་ཞིག |
| གདན་བཏིང་བ |
མི་འདུག་སའི་ཡོ་བྱད་ས་རུ་བཏིང་བ་སྟེ། (དཔེར་ན།) གདན་བཏིང་བ་ལ་བཞུགས་ནས་བཀའ་མོལ་གནང་ཞེས་པ་ལྟ་བུ། |
| གདན་ཞུ |
ལས་དོན་སོགས་ཀྱི་ཆེད་དུ་འབོད་ཅིང་བསུ་བ་བྱས་པ་སྟེ། (དཔེར་ན།) གདན་ཞུའི་ཡི་གེ། གསོལ་སྟོན་དུ་ཐག་རིང་གི་སྐུ་མགྲོན་གདན་ཞུ་བྱས་ལྟ་བུ། |
| གདན་ཞུས་ལྟར |
གདན་དྲངས་པ་བཞིན་ཞེས་པའི་དོན་ཏེ། (དཔེར་ན།) སྐུ་མགྲོན་ཚང་མ་གདན་ཞུས་ལྟར་ཕེབས་འདུག་ཅེས་པ་ལྟ་བུ། |
| གདན་ཞྭ |
འབྲས་སྤུངས་སྒོ་མང་གྲྭ་ཚང་གི་ཧར་གདོང་དང་བསམ་བློ་ཁང་ཚན་དགེ་རྒན་གྱི་ཞྭ་མོ། |
| གདན་འཐུས |
གདན་ས་ཁག་གི་འཐུས་མི་སྔར་བོད་ཀྱི་ལས་དོན་ཆེ་གྲས་ཐག་གཅོད་བྱེད་པར་སྲིད་གཞུང་གི་དཔོན་རིགས་ཀྱི་མཉམ་དུ་གདན་ས་སེ་འབྲས་དགའ་གསུམ་གྱི་འཐུས་མི་ཡང་ཡོང་དགོས་པ་དེར་ཟེར། |
| གདན་འདེགས |
གཞི་བསྐྱས་ནས་འགྲོ་བའམ་གཞིས་སྤོས་ནས་འགྲོ་བ། |
| གདན་འདྲེན |
མགྲོན་དུ་འབོད་པའམ་ལས་དོན་བསྒྲུབ་ཏུ་འབོད་པའི་ཞེ་ས་སྟེ། (དཔེར་ན།) དགེ་རྒན་ཕུལ་དུ་ཕྱིན་པ་ཞིག་སློབ་གྲྭར་གདན་འདྲེན་གྱིན་ཡོད། ཚན་རིག་པ་སློབ་གྲྭར་གདན་དྲང་དགོས། མཚན་ཉིད་རིག་པ་སྨྲ་པ་སློབ་གྲྭར་གདན་དྲངས་ནས་སློབ་ཁྲིད་བྱས། ཞིང་དབུལ་རྒན་པོ་གདན་དྲོངས་ཤིག་ལྟ་བུ། |
| གདན་རབས |
དགོན་པའི་གདན་ས་འཛིན་པའི་སྐྱེས་བུ་རིམ་བྱུང་གི་ལོ་རྒྱུས་ཀྱི་དཔེ་དེབ། |
| གདན་ལྕོག |
གདན་ཅོག་དང་འདྲ། |
| གདན་ས |
1.མི་གཏན་སྡོད་བྱེད་སའི་གནས་ཀྱི་མིང་། 2.མདོ་དང་རྒྱུད་སྡེ་སོགས་ལ་འཆད་ཉན་གྱི་སྲོལ་ཀ་གཏན་ཆགས་པའི་དགོན་པ་ཆེན་པོའི་མིང་། (དཔེར་ན།) དཔེར་ན་གདན་ས་སེར་འབྲས་དགའ་གསུམ་ལྟ་བུ། བླ་མ་དང་སྐྱེས་བུ་དམ་པའི་བཞུགས་གནས་ལ་ཡང་གདན་ས་ཟེར། |
| གདན་ས་གསུམ |
སེར་འབྲས་དགའ་གསུམ། |
| གདན་ས་ཐེལ |
གདན་ས་མཐིལ་དང་འདྲ། |
| གདན་ས་མཐིལ |
རབ་བྱུང་གསུམ་པའི་ས་སྟག་ལོར་འགྲོ་མགོན་ཕག་མོ་གྲུ་པ་རྡོ་རྗེ་རྒྱལ་པོས་ཕྱག་བཏབ་པའི་དྭགས་པོ་བཀའ་བརྒྱུད་ཀྱི་དགོན་པ་ཞིག་དེང་སང་ཟངས་རི་རྫོང་ཁོངས་སུ་ཡོད། |
| གདབ |
བཏབ་ཀྱི་མ་འོངས་པ་སྟེ། (དཔེར་ན།) གདབ་བྱའི་ས་བོན། ཞིང་གདབ་དགོས། གསོལ་བ་གདབ་དགོས་ལྟ་བུ། |
| གདབ་དམིགས |
གདབ་པར་བྱ་བའི་དམིགས་ཡུལ། |
| གདབ་པ |
1. འདེབས་པའི་མ་འོངས་པ། 2.བྱེད་པ་བཅུ་གཅིག་ནང་གི་འཕོ་བྱེད་ཅིག 2.(བརྡ་རྙིང་།) ཤིང་གི་ཡལ་ག་ལྕུག་ཕྲན། |
| གདབ་བུ |
ལྭ་བ་སོགས་གཏག་བྱེད་ཀྱི་ཤིང་གི་དབྱུག་པ་ཕྲ་མོའི་མིང་སྟེ། (དཔེར་ན།) གདབ་བུས་པགས་པ་གཏགས་ལྟ་བུ། |
| གདབ་ཡས |
གྲངས་གནས་ཤིག |
| གདམ |
1.(བྱེད་འབྲེལ་ལས་ཚིག) འདོམས་ཀྱི་མ་འོངས་པ་སྟེ། (དཔེར་ན།) ཚན་རིག་གི་ཡོན་ཏན་རྣམས་སློབ་མར་གདམ་པར་བྱ། དགེ་རྒན་གྱི་ཞལ་གདམ་ཞེས་པ་ལྟ་བུ། 2.མང་བོའི་ཁྲོད་ནས་བསལ་གདམ་བྱེད་པ་སྟེ། (དཔེར་ན།) འཐུས་མི་གདམ་དགོས་ལྟ་བུ། |
| གདམ་ཀ |
1.གདམ་སྒྲུག་གི་དོན་ཏེ། (དཔེར་ན།) བཟང་ངན་གཉིས་ཀྱི་ནང་ནས་གདམ་ཀ་མ་ནོར་བ་ཞིག་རང་གིས་བྱེད་དགོས་ལྟ་བུ། 2.འདམ་ག་ཡི་འབྲི་ཚུལ་གཞན། |
| གདམ་ང |
1.གང་ཡང་རུང་བའི་དོན་ཏེ། (དཔེར་ན།) ལ་ལར་གདམ་ང་ཅན་ཉིད་དེ། འཕྲེང་ཕྲེང་དང་འཕྲིན་ཕྲིན་ལྟ་བུའོ་།ཞེས་པ་ལྟ་བུ། 2.འདམ་ང་ཡི་འབྲི་ཚུལ་གཞན། |
| གདམ་ང་ཅན |
གཅིག་ཏུ་མ་ངེས་པའི་དོན་ཏེ། (དཔེར་ན།) མིང་ཚིག་འདི་གཉིས་གང་རུང་སྦྱར་ཆོག་པའི་གདམ་ང་ཅན་ཡིན། དངོས་པོ་འདི་ཚོའི་ནང་ནས་གང་འདོད་བླངས་ཆོག་པའི་གདམ་ང་ཅན་ཞིག་ཡིན་ཞེས་པ་ལྟ་བུ། |
| གདམ་ངག |
ལག་རྩལ་སོགས་ཀྱི་དཀའ་གནད་ཐག་གཅོད་བྱེད་ཀྱི་ཐབས་ཤེས་ཁྱད་པར་བའི་མིང་སྟེ། (དཔེར་ན།) གློ་ནད་གསོ་བའི་གདམ་ངག་ཅེས་པ་ལྟ་བུ། |
| གདམ་པ |
འདོམས་པའི་མ་འོངས་པའི་བྱ་མིང་། |
| གདམ་བྱའི་དབང་ཆ |
བདམ་བྱའི་དབང་ཆ་དང་འདྲ། |
| གདམས |
(བྱེད་འབྲེལ་ལས་ཚིག) གདམ་གྱི་འདས་པ། ཕན་པའི་ཚིག་གིས་བསླབ་བྱ་བཏང་བ་སྟེ། (དཔེར་ན།) དགེ་རྒན་གྱིས་སློབ་མ་ལ་སློབ་སྦྱོང་བྱེད་པར་གདམས་ལྟ་བུ། |
| གདམས་ངག |
མན་ངག་གམ་ཕན་པའི་ངག་སྟེ། (དཔེར་ན།) བསླབ་བྱའི་གདམས་ངག་ལ་ཉན་དགོས་ཞེས་པ་ལྟ་བུ། |
| གདམས་ངག་ཁྱད་པར་ཅན |
ཐེག་ཆེན་གྱི་རིགས་ཅན་འཚང་རྒྱ་བའི་ལམ་ཆ་ཚང་སྟོན་པའི་མདོ་དང་བསྟན་བཅོས་ཐམས་ཅད་དོ། ། |
| གདམས་ངག་གསོ་དགག་བཞག་པའི་གཞི |
ལྟུང་བ་ཕྱིར་བཅོས་ཀྱི་གཞི་བཞིའི་ནང་གསེས། ལྟུང་བ་ཕྱིར་བཅོས་ཀྱི་ཐབས་ལ་འགོད་པ་རྒྱུད་སྦྱོང་ཚུལ་བྱེ་བྲག་ཏུ་འཆད་པ་ཡོངས་སུ་སྦྱོང་བའི་གཞི་ལྟུང་བ་གླེང་བའི་སྒོ་ནས་གཞན་གྱི་རྒྱུད་སྦྱོང་བར་བྱེད་ཅིང༌། ལྟུང་བ་གླེངས་ཀྱང་དེའི་སྐབས་མི་འབྱེད་ན་བརྗོད་བཅས་དང༌། གདམས་ངག་བཞག་པ་དང༌། གསོ་སྦྱོང་བཞག་པ་དང༌། དགག་དབྱེ་བཞག་པ་བཅས་བྱེད་པ་དང༌། སྐབས་ཕྱེ་ནའང་མཉན་པར་མི་བྱེད་ན་ཕུར་བཅས་བྱེད་པ་རྣམས་སོ། ། |
| གདམས་ངག་གི་གཞུང |
བྱང་ཆུབ་ལམ་གྱི་སྒྲོན་མ། བློ་སྦྱོང་གི་ཁྲིད། བསྟན་རིམ་གྱི་ཁྲིད། བདེན་བཞིའི་ཁྲིད། རྟེན་འབྲེལ་གྱི་ཁྲིད། བདེན་གཉིས་ཀྱི་ཁྲིད་སོགས་མང་ངོ་། ། |
| གདམས་ངག་བཅུ་གཅིག |
དགེ་སློང་གི་སྡོམ་པ་འབོག་པའི་མཇུག་ཏུ་གདམས་ངག་བརྗོད་པ་དགེ་སློང་གི་བསླབ་བྱ་མདོར་བསྡུས་བརྗོད་པ་དང༌། དེ་ལ་བསླབ་ཚུལ་བརྗོད་པ་ཡིན་ལ། དེའི་ནང་གསེས་སུ་བསྟེན་བྱ་འཚོ་བ་རྣམ་དག་དང༌། བསྲུང་བྱ་ཚུལ་ཁྲིམས་རྣམ་དག་དང༌། ཉམས་ལེན་སྤྱོད་པ་རྣམ་དག་ལ་དགེ་སྦྱོང་གི་ཆོས་བཞི་དང༌། བསྙེན་རྫོགས་ཐོབ་པས་མཆོག་ཏུ་འདོད་པའི་དོན་འགྲུབ་པ་དང༌། གནས་བརྟན་རྣམས་དང་ཚུལ་ཁྲིམས་མཉམ་པ་དང༌། མཁན་སློབ་ལ་གུས་པར་བྱ་བ་དང༌། གྲོགས་ལ་གུས་པར་བྱ་བ་བཅས་དུལ་བའི་གནས་ལ་བསླབ་པ་དང༌། རྟོགས་པ་ལྟ་བ་རྣམ་དག་ལ་སྤོང་ཀློག་བྱེད་པ་དང༌། ཡང་དག་པར་བླང་བ་ལ་བསླབ་པ་དང༌། བསླབ་པ་ལ་གུས་པར་སྦྱར་བ་དང༌། བསྒྲུབ་པར་བྱ་བ་ཐབས་བརྗོད་པ་བག་ཡོད་པར་གདམས་པ་བཅས་བཅུ་གཅིག་གོ། ། |
| གདམས་ངག་བཞག་པ |
འདུལ་བའི་ཕྱག་ལེན་ཞིག་གང་ལ་ལྟུང་བ་གླེངས་ཀྱང་མཉན་པར་མི་བྱེད་ཅིང་བཀའ་བློ་མི་བདེ་བར་བྱེད་ན་གླེང་དྲན་ལ་སོགས་པའི་སྒོ་ནས་བཞམས་བསྒོ་བྱེད། དེས་ཀྱང་མ་ཞི་ན་གདམས་ངག་སྟོན་པའི་འཕྲོ་བཞག་པའོ། ། |
| གདམས་ངག་འབོགས་པ |
གདམས་ངག་སྟོན་པ་དང་དོན་གཅིག |
| གདམས་ངག་སྟོན་པ |
ཉམས་ལེན་གྱི་གནད་དམ་སྙིང་པོ་བཤད་པ། |
| གདམས་པ |
འདོམས་པའི་འདས་པའི་བྱ་མིང་། |
| གདའ |
1.(བྱེད་མེད་ལས་ཆིག) ཡོད་པའམ་གནས་པ་སྟེ། (དཔེར་ན།) གཙང་བོ་ལ་བརྒལ་རབ་གདའ། ཆུ་བོ་ལ་ཟམ་པ་གདའ། བདེ་བར་གདའ་ལྟ་བུ། 2.ལས་ཚིག་ད་ལྟ་བའི་མཐར་སྦྱར་ན་དུས་ད་ལྟ་བ་མཚོན་པའི་ཚིག་གྲོགས་ཏེ། (དཔེར་ན།) ཞིང་འབྲེག་གིན་གདའ། ཕྱུགས་འཚོ་བཞིན་གདའ་ལྟ་བུ། |
| གདའ་མོ |
(ཡུལ་སྐད།) ཡོད་ཨའམ་འདུག་ཨ་སྟེ། (དཔེར་ན།) མི་དེ་ལ་ཡོན་ཏན་བཟང་པོ་གདའ་མོ་ཞེས་པ་ལྟ་བུ། |
| གདར |
1.གྲི་སོགས་ལ་རྣོ་སྤྲོད་བྱེད་ཀྱི་རྡོ་སྟེ། (དཔེར་ན།) གྲི་འདི་གདར་ལ་བདར་དགོས་ལྟ་བུ།2.མར་ཐུད་ཀྱི་རྡོག་པོའི་མིང་ཡིན་པར་བཤད་འདུག |
| གདར་མ |
གྲུ་བཞི་ནར་མོའི་དབྱིབས་ཅན་ཏེ། (དཔེར་ན།) མར་གདར་མ། ཐུད་གདར་མ་ཞེས་པ་ལྟ་བུ། |
| གདལ |
(བྱེད་འབྲེལ་ལས་ཚིག) བདལ་གྱི་ད་ལྟ་བ། གཅལ་དུ་བཀྲམ་པ་སྟེ། (དཔེར་ན།) ཐང་མ་གདལ་ལྟ་བུ། |
| གདལ་ཁ |
ཁྱབ་གདལ་གྱི་དོན་ཏེ། (དཔེར་ན།) ནད་རིམས་གདལ་ཁ་ཧ་ཅང་ཆེ་ཞེས་པ་ལྟ་བུ། |
| གདལ་གཏམ |
གཅིག་ནས་གཅིག་ཏུ་མཆེད་པའམ་ཁྱབ་པའི་གཏམ་སྟེ། (དཔེར་ན།) ཆུ་བརྒྱ་ཟམ་འོག་ཏུ་འདུས་ཞེས་པ་འདི་མི་རྣམས་ཀྱི་གདལ་གཏམ་ཁྱབ་ཆེ་ཞིག་རེད་ཅེས་པ་ལྟ་བུ། |
| གདལ་པོ |
(བརྡ་རྙིང་།) དཀྲུག་ཤིང་རྒྱག་པ། |
| གདལ་བ |
1. (བྱེད་འབྲེལ་ལས་ཚིག) མཆེད་པ་དང་ཁྱབ་པའི་དོན་ཏེ། (དཔེར་ན།) ལུང་པ་དེར་ནད་རིམས་གདུག་པ་ཞིག་གདལ་འདུག་ལྟ་བུ།2. ཡོངས་ཁྱབ་ཀྱི་མིང༌སྟེ། (དཔེར་ན།) ཡུལ་ལུགས་གདལ་བ་ཆེན་པོ་ལྟ་བུ། |
| གདལ་བ་ཆོས་ཉིད་ཀྱི་ས |
སྔགས་རྙིང་མའི་གཞུང་དུ། རྣལ་འབྱོར་ལྔ་པའི་སྐབས་སུ་ཐོབ་པའི་ས་དགུ་པ་མཐར་ལམ་དུ། ཆོས་ཉིད་དོན་གྱི་འོད་གསལ་དང༌། ཆོས་ཅན་ལྷ་སྐུའི་སྣང་བ་གཉིས་འདུ་འབྲལ་མེད་པའི་ཆོད་ཉིད་ཀྱི་ཕྱག་རྒྱས་སྣང་སྤྱོད་ཐམས་ཅད་ལ་ཁྱད་པར་གདལ་བས། ས་དགུ་པ་ལ་གདལ་བ་ཆོས་ཉིད་ཀྱི་ས་ཞེས་བྱའོ། ། |
| གདས |
(བྱེད་འབྲེལ་ལས་ཚིག) བཤད་པའི་དོན་ཏེ། (དཔེར་ན།) ཚིག་ཡང་དང་ཡང་དུ་གདས་ཞེས་པ་ལྟ་བུ། |
| གདས་པ |
གདས་པའི་བྱ་མིང་། སྨྲ་བའམ་ཞུ་བའམ་གོ་བའི་དོན་ཏེ། (དཔེར་ན།) ཁོང་ལ་དོན་གནད་ཚང་མ་གདས་པ་ཡིན། ཚིག་དག་གིས་ནི་གདས་པར་བྱ་ཞེས་པ་ལྟ་བུ། |
| གདིང |
1.གཏིང༌དང་འདྲ་སྟེ། (དཔེར་ན།) ཁོ་སེམས་ཀྱི་གདིང་ནས་ཚིག་པ་ཟོས་སོང༌། 2.འདིང་གི་མ་འོངས་པ་སྟེ། (དཔེར་ན།) གདིང་བྱའི་གདན་གདིང་བར་བྱ་ལྟ་བུ། |
| གདིང་གྲོལ་ཐོག་ཏུ་བཅའ་བ |
ཀ་དག་ཁྲེགས་ཆོད་ཀྱི་སྒོམ་རིམ་ཉམས་སུ་ལེན་ཚུལ་ཞིག་ཅི་སྣང་ཅི་ཤར་ཐམས་ཅད་དང་པོ་ཆོས་ཉིད་ཀྱི་རྩལ་དུ་བྱུང༌། ད་ལྟ་ཆོས་ཉིད་ཀྱི་ངང་དུ་གནས། མཐར་ཆོས་ཉིད་ཀྱི་ངང་དུ་ཐིམ་པའོ། ། |
| གདིང་བ |
1.འདིང་བའི་མ་འོངས་པའི་བྱ་མིང། 2.འཚོ་བའི་ཡོ་བྱད་བཅུ་གསུམ་གྱི་ནང་གསེས། གནས་མལ་བསྐྱབ་པའི་ཕྱིར་དུ་གནང་ཞིང༌། ཚད་སྲིད་དུ་ཁྲུ་གསུམ་ཞེང་དུ་ཁྲུ་དོ་སོར་དྲུག་ཡོད་པའི་རབ་བྱུང་གི་སྟན་གྱི་བྱེ་བྲག་ཅིག |
| གདིང་བ་ཚད་ལྷག་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གདིང་བ་སྲིད་དུ་ཁྲུ་གསུམ་དང་ཞེང་དུ་ཁྲུ་དོ་དང་སོར་དྲུག་གི་ཚད་ལས་ལྷག་པ་འཆང་བའོ། ། |
| གདིང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གདིང་བ་ལས་གྱུར་པའི་ལྟུང་བྱེད་དེ། གཙུག་ལག་ཁང་དུ་རང་གི་གདིང་བའི་འོག་ཏུ་བཏིང་བའི་རྩྭ་དང་ལོ་མ་ལ་སོགས་པ་རྗེས་སུ་མ་བསྡུས་པ། |
| གདུ |
1.(བྱེད་འབྲེལ་ལས་ཚིག) གདུས་ཀྱི་མ་འོངས་པ་དང་ད་ལྟ་བ། ཆུ་སོགས་ཡུན་རིང་དུ་བསྐོལ་བའི་དོན་ཏེ། (དཔེར་ན།) སྨན་གདུ་དགོས། སྨན་གདུ་མཁན་ཞེས་པ་ལྟ་བུ། འདས་པ་དང་སྐུལ་ཚིག་ལ་གདུས་འབྲི་སྟེ། (དཔེར་ན།) སྨན་པས་སྨན་གདུས་ནས་ནད་པར་བླུད། སྨན་གདུས་ཤིག་ལྟ་བུ། 2.(བྱེད་མེད་ལས་ཚིག) གདུས་ཀྱི་མ་འོངས་པ་དང་ད་ལྟ་བ། ཆུ་སོགས་བསྐོལ་ནས་ཁོལ་ཏེ་སྦུ་བ་ལྷོག་ལྷོག་དུ་འཕྱུར་བའི་དོན་ཏེ། (དཔེར་ན།) ཇ་ཁོལ་ནས་གདུ་ལ་ཁད་ཡོད་ལྟ་བུ། གདུས་ནི་འདས་པ་ཆུ་གདུས་ནས་རླངས་པ་འཕྱུར་ལྟ་བུ། 3.ཆུའི་གཡོ་འགུལ་ཧ་ཅང་མགྱོགས་པའི་དོན་ཏེ། (དཔེར་ན།) ཆུ་ལོག་ཟེད་ཟེད་གདུ་ཞེས་པ་ལྟ་བུ། |
| གདུ་གུ |
གདུ་བུ་དང་འདྲ། |
| གདུ་བུ |
ལག་ངར་དང་སོར་མོ་ལ་གོན་པའི་ཨ་ལོང་དབྱིབས་ཀྱི་རྒྱན་ཆའི་མིང་སྟེ། གདུ་གུ་ཡང་ཟེར་ཞིང་། མིང་བསྡུས་ན་གདུབ་ཅེས་འབྲི་སྟེ། (དཔེར་ན།) ལག་གདུབ། སོར་གདུབ། གདུབ་ཀོར་ཞེས་པ་ལྟ་བུ། |
| གདུ་བུས་བསྡམས་པ |
གདུ་བུ་གྱོན་པ། |
| གདུག |
1.(བྱེད་འབྲེལ་ལས་ཚིག) བདུགས་ཀྱི་ད་ལྟ་བ། དུ་བ་དང་དྲི་དཀྲིགས་པའི་དོན་ཏེ། (དཔེར་ན།) ཁང་བར་སྤོས་གདུག་གིན་ཡོད། དུ་བ་གདུག་མཁན་ཞེས་པ་ལྟ་བུ།2.(རྒྱན་ཚིག) དྲག་པོ་དང་རྩུབ་པོ་སྟེ། (དཔེར་ན།) གདུག་སྤྱོད། གདུག་རྩུབ། གཅན་གཟན་གདུག་པ་ཅན། སྐད་སྒྲ་གདུག་པ་ཅན། སྐད་སྒྲ་གདུག་པོ་ཞེས་པ་ལྟ་བུ། |
| གདུག་ཅན |
གདུག་པ་ཅན་དང་དོན་གཅིག |
| གདུག་པ |
མ་རུངས་པ་དང་མི་བཟད་པ་སྟེ། (དཔེར་ན།) གཅན་གཟན་གདུག་པ། བསམ་བློ་གདུག་པ། ཞེ་སྡང་མེ་ལྟར་འབར་ནས་གདུག་པའི་ང་རོ་ཆེས་ཆེར་སྒྲོག་ཅེས་པ་ལྟ་བུ། |
| གདུག་པ་གཉུག་མར་གནས་པ |
ལྷན་སྐྱེས་ཀྱི་མི་མ་ཡིན་རྒྱུན་དུ་གནས་པ་ཞིག |
| གདུག་པ་ཅན |
གནོད་པ་ཅན་ནམ་ཞེ་སྡང་ཅན་ཏེ། (དཔེར་ན།) དགྲ་བོ་གདུག་པ་ཅན་གྱིས་ཀྱང་གནོད་པ་བྱེད་མི་ཐུབ་ཅེས་པ་ལྟ་བུ། |
| གདུག་འདྲེ |
གདུག་པ་ཅན་གྱི་འདྲེ། |
| གདུག་འདྲེའི་སྦུད་པ |
ཕ་བ་དགོ་དགོའམ་ག་བུ་ཐུད་གསོབ་ཀྱི་མིང་གཞན་ཞིག |
| གདུག་རྩུབ |
ལུས་ངག་ཡིད་གསུམ་གྱི་བྱ་སྤྱོད་མ་རུངས་པའི་དོན་ཏེ། (དཔེར་ན།) རྒྱལ་པོ་གདུག་རྩུབ་ཅན། གདུག་རྩུབ་སྤྱོད་ངན། ཚིག་གདུག་རྩུབ་ཅན། གདུག་རྩུབ་དགུ་འཛོམས། གདུག་རྩུབ་སེམས་གནག བསམ་པ་གདུག་རྩུབ་ཅན་གྱིས་མི་ལ་གནོད་འཚེ་བྱེད་ཅེས་པ་ལྟ་བུ། |
| གདུག་སེམས |
གནོད་སེམས། |
| གདུག་སྤྱོད |
མ་རུངས་པའི་བྱ་སྤྱོད་དེ། (དཔེར་ན།) གདུག་སྤྱོད་ཀྱི་བྱ་བ། གཞན་ལ་གདུག་སྤྱོད་བཏང་ཞེས་པ་ལྟ་བུ། |
| གདུག་སྦྲུལ |
གདུག་རྩུབ་ཆེ་བའི་སྦྲུལ། |
| གདུགས |
1.ཉི་ཆར་འགོག་བྱེད་དེ། (དཔེར་ན།) ཉི་གདུགས། ཆར་གདུགས། གདུགས་ཡུ། ཆར་པ་འབབ་དུས་གདུགས་ཕུབ་ལྟ་བུ། མིང་གི་རྣམ་གྲངས་ལ་ཐུར་མ་བརྒྱ་པ་དང་ཚད་སྐྱོབ་བོ། །2.ཉི་མའི་དོན་ཏེ། (དཔེར་ན།) ནམ་མཁའི་གདུགས་ཀྱི་དཀྱིལ་འཁོར་ལྟར་འོད་ཟེར་གསལ་ཞིང་ཚ་ཤུགས་དང་ལྡན་ཞེས་པ་ལྟ་བུ། 3.ཉིན་མོ། 4.སྔ་དྲོ། |
| གདུགས་ཁང |
(བརྡ་རྙིང་།) བསྲོ་ཁང་ངམ་ཁྲུས་ཁང༌། |
| གདུགས་ཁེབས |
(མངོན་བརྗོད།) ཤིང་སྟག་པ། |
| གདུགས་ཐོགས་པ |
1.གདུགས་འཛིན་པར་བྱེད་པ། 2.ལག་ཏུ་གདུགས་འཛིན་པ་པོ། |
| གདུགས་དཀར |
1.དབུ་གདུགས་སམ། ཉི་གདུགས་དཀར་པོ། 2.དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བའི་གདུགས་དཀར་པོ་ཅན། 3.དབུ་སྟོང་ཕྱག་སྟོང་ཅན་གྱི་ལྷ་མོ་ཞིག |
| གདུགས་དཀར་ཟློག་སྒྱུར |
རིག་སྔགས་ཀྱི་རྒྱལ་མོ་གདུགས་དཀར་གྱི་མདོ་ཆོག་ལ་བརྟེན་ནས་བར་ཆད་ཟློག་བྱེད་ཆོ་ག་ཞིག |
| གདུགས་མཚན |
ཉིན་མཚན། |
| གདུགས་ཚོད |
1.ཉིན་གུང༌། 2.ཉིན་གུང་གི་ཟས་ཏེ། (དཔེར་ན།) འཁོར་དང་བཅས་པར་གདུགས་ཚོད་དྲངས་ཞེས་པ་ལྟ་བུ། |
| གདུགས་འཁོར |
སྐར་རྩིས་ནང་གི་རི་མོ་ཞིག |
| གདུགས་རིམ |
(མངོན་བརྗོད།) གདུགས་བརྩེགས་པའི་རིམ་པ་སྟེ། མཆོད་རྟེན་ལ་གདུགས་རིམ་པ་བཅུ་གསུམ་ཡོད་པས་གྲངས་བཅུ་གསུམ་མཚོན། |
| གདུགས་རེ |
(བརྡ་རྙིང་།) ཉིན་རེ། |
| གདུགས་ཤེར་སེང་གསུམ་གྱི་བཟློག་པ |
གདུགས་དཀར་གྱི་བཟློག་པ་དང༌། ཤེས་རབ་སྙིང་པོའི་བཟློག་པ། མཁའ་འགྲོ་མ་སེང་གེའི་གདོང་པ་ཅན་གྱི་བཟློག་པ་བཅས་གསུམ་གྱི་བསྡུས་མིང༌། |
| གདུང |
1.རིགས་རུས། 2.རུས་པའི་ཞེ་ས་སྟེ། (དཔེར་ན།) སྐུ་གདུང༌། འཕེལ་གདུང༌ཞེས་པ་ལྟ་བུ། 3.(བྱེད་མེད་ལས་ཚིག) གདུངས་པའི་མ་འོངས་པ་དང་ད་ལྟ་བ། སྡུག་བསྔལ་བསྐྱེད་པའམ་མནར་བ་སྟེ། (དཔེར་ན།) སྔོན་ཆད་ནད་ཀྱིས་གདུང་བར་བྱེད། ད་ལྟ་ནད་ཀྱི་གདུང་བ་སེལ་ལྟ་བུ། 4. བྱམས་བརྩེ་བྱེད་པའི་དོན་ཏེ། (དཔེར་ན།) མ་ཡིས་བུ་ལ་གདུང་བ་བཞིན། ཞིང་པ་དབུལ་བོར་བརྩེ་ཞིང་གདུང་ཞེས་པ་ལྟ་བུ། |
| གདུང་ཁང |
རོ་ཁང༌གི་ཞེ་ས་སྟེ། (དཔེར་ན།) བླ་མའི་གདུང་ཁང་། རྒྱལ་པོའི་གདུང་ཁང་ཞེས་པ་ལྟ་བུ། |
| གདུང་ཆེན |
ཁང་པའི་ནང་གི་གདུང་མ་ཆེན་པོ། |
| གདུང་ཏལ་མ |
ཁང་མིག་ཆེན་པོར་ཀ་བ་འཛུགས་མི་དགོས་པར་ཏལ་མར་གཏོང་བའི་གདུང་རིང༌། |
| གདུང་ཐལ |
རོ་བསྲེགས་པའི་ཐལ་བ། |
| གདུང་དབྱངས |
ཉམ་ཐག་པའི་སྐད་ཀྱི་མིང་སྟེ། (དཔེར་ན།) གདུང་དབྱངས་ཀྱི་སྒོ་ནས་སྡུག་བསྔལ་བཤད་ལྟ་བུ། |
| གདུང་བ |
(བྱེད་འབྲེལ་ལས་ཚིག) གདུང་བའི་བྱ་མིང་། |
| གདུང་བའི་འོད་འབྱིན |
(མངོན་བརྗོད།) ཉི་མ། |
| གདུང་བསབས་པ |
རིགས་རྒྱུད་མ་ཆད་པ་བྱས་པ། |
| གདུང་བྱེད |
(མངོན་བརྗོད།) 1>ཉི་མ། 2>ཐན་པ། |
| གདུང་མ |
ཀ་བའི་མགོའམ་རྩིག་པའི་ཐོག་འཕྲེད་ལ་བཞག་ནས་ཁང་བའི་ཀླད་ཐེག་བྱེད་ཀྱི་ཤིང་སྡོང་སོགས་ཀྱི་མིང་། ཚིག་བསྡུས་ན་གདུང་ཞེས་འབྲི་ཆོག་སྟེ། (དཔེར་ན།) གདུང་ལྕམ། གདུང་འདེགས་ཀྱི་ཀ་བ་ཞེས་པ་ལྟ་བུ། |
| གདུང་ཚན |
གཉེན་ཚན། |
| གདུང་ཚིག |
སྡུག་བསྔལ་བའི་ཚིག་གམ་ཡིད་སྐྱོ་བའི་ཚིག་སྟེ། (དཔེར་ན།) ཕན་ཚུན་ཐུག་པ་དང་སྡུག་བསྔལ་མྱོང་ཚུལ་གྱི་གདུང་ཚིག་མང་པོ་བརྗོད་པ། ཕན་ཚུན་ཡིད་འཕྲེང་བའི་ངང་ནས་གདུང་ཚིག་རྗོད་རེས་བྱེད་ཅེས་པ་ལྟ་བུ། |
| གདུང་ཞུགས་ཕུལ |
རོ་མེར་བསྲེགས་པ། |
| གནོད་སེམས |
གཞན་ལ་མི་བདེ་བ་བཟོ་འདོད་ཀྱི་སེམས། མིང་གི་རྣམ་གྲངས་ལ་ངན་སེམས་དང༌། སྡུག་སེམས། མ་རུངས་སེམས། འཚེ་སེམས་བཅས་སོ། ། |
| གནོད་སྐྱེལ |
གཞན་ལ་སྐྱོན་གཏོང་བ་སྟེ། (དཔེར་ན།) ཕར་ཚུར་གནོད་སྐྱེལ་བྱེད་པ་ཞེས་པ་ལྟ་བུ། |
| གནོད་སྐྱོན |
འགལ་རྐྱེན་ནམ་ཉེར་འཚེ་སྟེ། (དཔེར་ན།) རང་བྱུང་འབྱུང་བའི་གནོད་སྐྱོན་སེལ་བ། དམག་འཁྲུག་གི་གནོད་སྐྱོན་བྱུང་རིགས་མགྱོགས་མྱུར་གསོ་བ། གཞན་ལ་གནོད་སྐྱོན་བཏང་ཚད་རང་ལ་འཁོར་བ་ཞེས་པ་ལྟ་བུ། |
| གནོད་སྦྱིན |
1.མི་མིན་ལྷ་འདྲེའི་རིགས། 2.ནོར་ལྷའི་བྱེ་བྲག་འགའ། |
| གནོད་སྦྱིན་ཁ་རླངས |
(མངོན་བརྗོད།) དགུ་ཚིགས། |
| གནོད་སྦྱིན་གང་བཟང |
རི་བོ་ཞིག་སྟེ། བོད་ཀྱི་སྣ་དཀར་རྩེ་རྫོང་དང་རྒྱལ་རྩེ་རྫོང་གི་བར་མཚམས་སུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་7191 ཡོད། |
| གནོད་སྦྱིན་ཆང |
(མངོན་བརྗོད།) ཆང༌། |
| གནོད་སྦྱིན་ཕྱོགས |
(མངོན་བརྗོད།) བྱང་ཕྱོགས། |
| གནོད་སྦྱིན་མ |
(མངོན་བརྗོད།) ཉི་མ། |
| གནོད་སྦྱིན་རྒྱལ |
(མངོན་བརྗོད།) རྣམ་ཐོས་སྲས། |
| གནོད་སྦྱིན་སྡེ་དཔོན |
1.གནོད་སྦྱིན་ཚོགས་ཀྱི་རྗེ་བོ་རྣམ་ཐོས་སྲས་ལྟ་བུ། 2.(མངོན་བརྗོད།) ཕྱག་ན་རྡོ་རྗེ། |
| གནོད་སྦྱིན་སྤོས |
(མངོན་བརྗོད།) སྤོས་དཀར། |
| གནོན |
‘ནོན’གྱི་ད་ལྟ་བ། |
| གནོན་པ |
(བྱེད་འབྲེལ་ལས་ཚིག) མནན་པའི་ད་ལྟ་བའི་བྱ་མིང་། སྟེང་ནས་འོག་ཏུ་ཤུགས་ཀྱིས་བརྫིས་ཏེ་འགུལ་དུ་མི་འཇུག་པའམ་གཞོམ་པར་བྱེད་པ་སྟེ། (དཔེར་ན།) ཆུ་སྨྱོན་འགོག་པ་ལས་མི་མང་པོའི་ཁ་ལབ་གནོན་དཀའ། དྲགས་ཤུགས་ཀྱིས་གནོན་པ་ཞེས་པ་ལྟ་བུ། |
| གནོན་བཙིར |
སྟེང་ནས་འོག་ཏུའམ་ཕྱི་ནས་ནང་དུ་བཅུམ་ཞིང་གཞོམ་པ་སྟེ། (དཔེར་ན།) པད་ཁ་གནོན་བཙིར་གྱིས་སྣུམ་འདོན་པ། གོས་རློན་པ་གནོན་བཙིར་བྱས་ནས་ཉི་མར་སྐེམ། ཤིང་བལ་སོབ་སོབ་རྣམས་གནོན་བཙིར་གྱིས་ཞེས་པ་ལྟ་བུ། |
| གནོན་ཤིང |
1.སྒོ་སོགས་གནོན་བྱེད་ཀྱི་ཤིང༌། 2.ཐགས་ཆས་ཀྱི་རྐང་ཤིང༌། |
| གནོན་ཤུགས |
གནོན་བྱེད་ཀྱི་ཤུགས་ཏེ། (དཔེར་ན།) གླེང་ཕྱོགས་ཀྱི་གནོན་ཤུགས་ཧ་ཅང་ཆེ་ཞེས་པ་ལྟ་བུ། |
| གནོན་སྡོམ |
སྒྲིག་ཁྲིམས་ཀྱིས་གཅུན་པ་སྟེ། (དཔེར་ན།) ལོག་སྤྱོད་པ་རྣམས་ལ་ཁྲིམས་སྲོལ་གནོན་སྡོམ་ལེགས་པར་དགོས་རྒྱུ་ཞེས་པ་ལྟ་བུ། |
| གནོས |
‘ནོད’ཀྱི་སྐུལ་ཚིག |
| གནྡྷ་བྷ་དྲ |
(ལེགས་སྦྱར།) དྲི་བཟང་སྔོ་སྨན་གྱི་རིགས་ཤིག་རོ་ཁ་ལ་མངར། ཞུ་རྗེས་སྙོམས། ནུས་པས་སྐྲན་ནད་དང༌། དྲེག་ནད། ཆམ་པ། དུག་ནད། བད་ཀན་སྐྱ་བོ་བཅས་ལ་ཕན། |
| གབ |
(བྱེད་འབྲེལ་ལས་ཚིག) སྦས་པའི་དོན་ཏེ། (དཔེར་ན།) གབ་སྦས་བྱེད་པ། ཕག་ཏུ་གབ་ནས་བསྡད་ཅེས་པ་ལྟ་བུ། |
| གབ་པ |
1.(བྱེད་འབྲེལ་ལས་ཚིག) གབ་པའི་བྱ་མིང་། (དཔེར་ན།) བྱིའུ་ཤིང་ལོའི་འོག་ཏུ་གབ་པ། འཕྱི་བ་ཚང་དུ་གབ་པ་ཞེས་པ་ལྟ་བུ། 2. ཆ་མཉམ་པའི་དོན་ཏེ། (དཔེར་ན།) ཆུ་ཞེང་གབ་པ་ཞེས་པ་ལྟ་བུ། |
| གབ་པ་མངོན་ཕྱུང |
1.སྲོང་བཙན་སྒམ་པོས་རང་གི་ཚ་བོ་མང་སྲོང་མང་བཙན་ལ་གནང་བའི་ཞལ་གདམས་ཀྱི་མིང༌།2.གབ་སྦས་ཀྱི་དོན་དང་དངོས་པོ་སོགས་ཕྱིར་མངོན་དུ་བཅུག་པ། |
| གབ་ཕྱུང |
དགོངས་པ་བཀྲོལ་བའམ། སྦས་དོན་གསལ་བར་བཤད་པ། |
| གབ་ཙེ |
1.ཟ་མ་ཏོག་གམ། སྣོད། 2.འབྱུང་རྩིས་ཀྱི་ཁྲམ་ཁ། |
| གབ་ཚད |
བད་རླུང་གཉིས་ཀྱི་འོག་ཏུ་གབ་པའི་ཚ་བའི་མིང༌། |
| གབ་ཚིག |
1.གསང་ཚིག 2.སྙན་ངག་གི་རྒྱན་ཞིག་གི་མིང་། 3.ལྡེའུ། དམངས་ཁྲོད་དུ་ཁེད་ཟེར། |
| གབ་ཚིག་གི་རྒྱན |
རྩེད་མོ་སོགས་ཀྱི་མདུན་སར་བཞད་གད་སློང་བའི་ཆེད་དང༌། གབ་ཚིག་ཤེས་པ་རྣམས་ནང་ཕན་ཚུན་གསང་གཏམ་ཚིག་ཏུ་སྨྲ་བ་དང༌། རང་དང་མི་མཐུན་པའི་ཕ་རོལ་པོ་རྣམས་མགོ་བོ་རྨོངས་པར་བྱེད་པའི་ཕྱིར་དུ་གབ་བྱ་སྣ་ཚོགས་ལ་གབ་བྱེད་སྣ་ཚོགས་སྦྱར་ཏེ་སྟོན་པའི་རྒྱན་ཞིག |
| གབ་ཚེ |
གབ་ཙེ་དང་འདྲ། |
| གབ་འཚོལ |
གསང་བ་བྱས་ནས་འཚོལ་བ། |
| གབ་ཡིག |
གསང་བའི་ཡི་གེ་སྟེ། (དཔེར་ན།) གབ་ཡིག་རྒྱ་དམ་ཡོད་པ་ཞིག་བསྐུར་ཞེས་པ་ལྟ་བུ། |
| གབ་རེས་འུར་རེས |
གབ་རེས་ཡིབ་རེས་ཀྱང་ཟེར། བྱིས་པའི་རྩེད་མོའི་གྲས་ཤིག་གཅིག་གབ་ནས་གཞན་དག་གིས་འཚོལ་བ། |
| གབ་རྒྱ |
གསང་རྒྱ། |
| གབ་རྩ |
མི་མངོན་པའི་རྩ་འཕར་སྟངས། |
| གབ་རྩེ |
གབ་རྩེ་དང་འདྲ། |
| གབ་སྒྲ |
གབ་ཚིག |
| གམ |
1.མིང་མཐའ་གའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག་སྟེ། (དཔེར་ན།) གཅན་གཟན་འདི་ནི་གཟིག་གམ། ཡང་ན་སྟག་ཅིག་རེད་ཅེས་པ་ལྟ་བུ།2.མིང་མཐའ་གའི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག་སྟེ། (དཔེར་ན།) ཆུ་ཁོལ་མ་འདུག་གམ། མི་འདུག སྐུ་གཟུགས་བདེ་པོ་འདུག་གམ་ཞེས་པ་ལྟ་བུ། |
| གམ་གཟོང |
ཚག་རྒྱག་སྐབས་ལྕགས་སོགས་ཀྱི་ངོས་སུ་གུག་ཐིག་འབྲི་བྱེད་ཀྱི་ལག་ཆ་ཞིག |
| གམ་གཡོག |
དྲུང་ན་སྡོད་པའི་བྲན། |
| གམ་ཅར་མཁན་སྡེ་ཆེ་ཆུང |
སྐུའི་དྲུང་དུ་སྡོད་པའི་མཁན་ཆེན་དང་མཁན་ཆུང་ཏཱ་ལའི་བླ་མའི་གསོལ་དཔོན་དང༌། གཟིམ་དཔོན། མཆོད་དཔོན་སོགས། |
| གམ་ཆུང་ལ |
ལ་ཞིག་སྟེ། བོད་ཀྱི་སྟེང་ཆེན་རྫོང་གི་བྱང་རྒྱུད་དུ་ཡོད། |
| གམ་པ |
རྫོང་ཞིག་སྟེ། བོད་དབུས་ཀྱི་ལྷོ་རྒྱུད་ན་ཡོད་ཅིང༌། འདིའི་ལྷོ་ངོས་འབྲས་ལྗོངས་དང་ས་འབྲེལ་ཡིན། |
| གམ་པ་ལ |
ལ་ཞིག་སྟེ། བོད་དབུས་གོང་དཀར་རྫོང་གི་ནུབ་རྒྱུད་དུ་ཡོད། |
| གམ་བཅར་བ |
སྐུ་གམ་མམ་ཉེ་འགྲམ་དུ་སྡོད་མི། |
| གམ་འབྲོག |
གྲོང་ཁྱེར་གྱི་ཉེ་ལོགས་རྩྭ་ཁ་ལེགས་པོ་ཡོད་པའི་འབྲོག་ས། |
| གམ་ཡོ |
(བརྡ་རྙིང་།) དྲུང་ངམ་ཉེ་འགྲམ། |
| གམ་རུམ |
བོད་དབུས་་གམ་པ་ས་ཁུལ་ནས་ཐོན་པའི་གདན་རུམ། |
| གཙག |
1.(བྱེད་འབྲེལ་ལས་ཚིག) གཙགས་པའི་ད་ལྟ་བ། ཁབ་དང་འབིག་སོགས་སྣེ་མོ་ཅན་གྱིས་དངོས་རིགས་ལ་བསྣུན་པ་སྟེ། (དཔེར་ན།) ཁབ་ཀྱིས་གཙག་གིན་ཡོད་ལྟ་བུ།2.བཙགས་ཀྱི་མ་འོངས་པར་གཙག་འབྲི་བའང་ཡོད། |
| གཙག་ཁབ |
ཁྲག་གཏར་བྱེད་ཀྱི་གཙག་བུ། |
| གཙག་གདན |
ལྕེ་རྩར་གཙག་བུ་རྒྱག་སྐབས་རྩ་མི་འགྱུར་བའི་ཆེད་དུ་ལྕེ་གནོན་བྱེད་ཀྱི་ཡོ་བྱད་ཅིག |
| གཙག་པ |
གཙག་པའི་ད་ལྟ་བའི་བྱ་མིང་། |
| གཙག་བུ |
ནད་ཁྲག་ཕྱིར་འབྱིན་པར་བྱེད་པའི་ལག་ཆ་ནང་གསེས་སུ་དབྱེ་ན་སྟ་རེའི་ཁ་འདྲ་སོགས་རིགས་མི་འདྲ་བ་དྲུག་མཆིས། རྨ་འབྲས་སྨིན་པར་གཙག་བུ་རྒྱག་པ། འདི་ལ་གཙགས་བུ་ཞེས་འབྲི་བའང་ཡོད། |
| གཙག་བུ་འབྲི་ལྕེ |
མཆིན་ཁྲག་སྨུག་པོ་རྒྱས་པ་དང༌། གྲང་བ་བཅས་ན་བར་ཆུ་རྒྱུས་གསེབ་ཏུ་རྒྱག་བྱེད་ཀྱི་ཡོ་བྱད་ཅིག |
| གཙག་བུ་སྟ་རེ་ཁ |
མིག་དམར་པོ་ཆགས་པ། མགོ་གཟེར་བ། སྙིང་མི་བདེ་བ། ཕོ་སྲིན་གླང་འཐབ། མོ་ནད་ཁྲག་ཚབས་ན་བ་བཅས་ལ་རུས་སྟེང་དུ་རྒྱག་བྱེད་ཀྱི་ཡོ་བྱད་ཅིག |
| གཙགས |
1.(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་འདས་པ། གྲི་མདུང་ཁབ་སོགས་ཀྱིས་བསྣུན་པའི་དོན་ཏེ། (དཔེར་ན།) གཙགས་བྱའི་སྨན་ཁབ། སྨན་པས་གཙགས་ཁབ་གཙགས་ཀྱིན་ཡོད། དགྲ་བོར་མེ་མདའི་ཁ་གྲིས་གཙགས་ནས་བསད་ལྟ་བུ།2.ཁབ་སྐུད་ཀྱིས་གཙག་དྲུབ་བྱས་པའི་དོན་ཏེ། (དཔེར་ན།) ཚེམ་བཟོ་བས་དར་ཆའི་སྟེང་དུ་རི་མོ་གཙགས་ཞེས་པ་ལྟ་བུ། |
| གཙགས་པ |
གཙག་པའི་འདས་པའི་འདས་པའི་བྱ་མིང། |
| གཙགས་བུ |
བོད་ཀྱི་གསོ་རིག་གི་སྨན་དཔྱད་ཀྱི་ཡོ་བྱད་ཅིག་གི་མིང་སྟེ། ཕལ་ཆེ་བ་རྣོ་ལྕགས་ཀྱིས་བཟོས་ཤིང་དབྱིབས་ཁབ་དང་མཚུངས་པས། གཙགས་ཁབ་དང་སྐམ་ཁབ་ཀྱང་ཟེར། |
| གཙང |
1.དབུས་ནས་ནུབ་ཕྱོགས་སུ་བརྩི་བའི་བོད་ཡུལ། 2.གཙང་མ་ལ་ལྟོས། |
| གཙང་ཁང |
འདུ་ཁང་སྦུག་གི་རྟེན་ཁང༌། |
| གོས་སྐུ |
གོས་ཆེན་གྱིས་བཟོས་པའི་སྐུ་བརྙན། |
| གོས་སྐུད |
སྲིན་བལ་གྱི་སྐུད་པའི་མིང་། |
| གོས་སྒབ |
གོས་ཀྱི་གཤམ་མཐའ། |
| གོས་སྔོན་ཅན |
(མངོན་བརྗོད།) 1>ནམ་མཁའ། 2>ཕྱག་ན་རྡོ་རྗེ། 3>གཟའ་སྤེན་པ། 4>ཁྱབ་འཇུག་གི་གཅེན་པོ་སྟོབས་བཟང༌། |
| གོས་སྟོད |
བོད་གཞུང་གི་རྩེ་དྲུང་ཚོའི་ལས་གོས་ཤིག |
| གོས་སྣེ |
1.གྱོན་པའི་སྣེ་མོའམ་ཟུར། 2.གོས་ཀྱི་རིགས་ཁ། |
| གོས་སྤུ་མ |
སྤུ་ཡོད་པའི་རས་སོགས། |
| གོས་སྤུ་རིས་མ |
སྤུ་རིས་ཡོད་པའི་རས་སོགས། |
| གོས་སྤྲིན་རིས་མ |
སྤྲིན་པའི་རི་མོ་ཅན་གྱི་གོས་ཆེན། |
| གོས་སྦེད་པའི་ལྟུང་བྱེད |
རབ་བྱུང་སྡེ་ལྔ་པོ་གང་རུང་གི་གྱོན་པ་རྐུ་སེམས་མེད་པར་སྦེད་པ་ལས་བྱུང་བའི་ལྟུང་བྱེད། |
| གོས་སློག |
1.ཕྱུ་པ་དང་པགས་ཚར། 2.གྱོན་པ་སྤྱིའི་མིང༌། |
| གོས་ཧྭ |
གོས་སྨད་ཁ་བྲལ་བའམ་གོས་ཀྱི་ཟུར་འབྲལ། |
| གཽཏམ |
1.(ལེགས་སྦྱར།) སྟོན་པ་སངས་རྒྱས་ཀྱི་མཚན་ཏེ། གོའུཏམ་མམ། གོ་ཏ་འམ། འགོའུ་ཏ་མ་ཡང་ཟེར། 2.བླ་མའི་རིགས་ཏེ་སྔར་རྒྱ་གར་གྱི་སངས་རྒྱས་ཤཱཀྱ་ཐུབ་པའི་རིགས་རུས་ཀྱི་མིང༌། 3.སྔར་རྒྱ་གར་གྱི་དྲང་སྲོང་ཞིག་གི་མིང༌། |
| གྭ |
གནག་ཕྱུགས་དང་རྟ་སོགས་ཀྱི་དཔྲལ་བ་ནས་སྣ་རྩེའི་བར་དཀར་པོ། |
| གྭ་གྭ |
(རྒྱ་སྐད།) སྔོ་ཚལ་གྱི་རིགས་ཤིག |
| གྭ་ཆུ |
འབབ་ཆུ་ཞིག་སྟེ། (དཔེར་ན།) བོད་ཀྱི་སྟེང་ཆེན་རྫོང་གི་ནུབ་རྒྱུད་དུ་ཡོད། |
| གྭ་དོར |
ཤྭ་བའི་ཁྲག་རྭ། |
| གྭ་བ |
གདོང་གི་སྤུ་དཀར་པོ་ཡིན་པའི་རྟ་བོང་སོགས་ཀྱི་མིང་སྟེ། (དཔེར་ན།) རྟ་ནག་གྭ་བ། བོང་བུ་གྭ་བ། ལུག་ནག་གྭ་བ་རྭ་རིང་ཅན་ཞེས་པ་ལྟ་བུ། |
| གྭ་ཞུར |
རྟ་དྲེལ་སྒོ་ཕྱུགས་སོགས་ཀྱི་གདོང་པའི་གཞུང་མཆུ་རྩེ་བར་སྤུ་མདོག་སྐྱ་ཁྱུ་རེ་བ་ཡོད་པ། |
| གྭ་ཤྭ |
གྭ་ཞུར་དང་འདྲ། |
| གྱ |
གྲངས་བརྒྱད་ཅུ་གྱ་གཅིག་ནས་བརྒྱད་ཅུ་གྱ་དགུའི་བར་དུ་སྦྱོར་རྒྱུའི་ཚིག་གྲོགས་ཤིག་སྟེ། (དཔེར་ན།) བརྒྱད་ཅུ་གྱ་ལྔ། གྱ་བདུན་ཞེས་པ་ལྟ་བུ། |
| གྱ་གེ་གྱོག་གེ |
(རྒྱན་ཚིག) གྱག་གྱོག་ལ་ལྟོས། |
| གྱ་གྱུ |
1.(རྒྱན་ཚིག) གཡོ་སྒྱུའམ་གཡོན་ཅན་ཏེ། (དཔེར་ན།) སླུ་བའི་གྱ་གྱུ། མི་གྱ་གྱུ་ཅན་གྱིས་སྐད་ཆ་དྲང་པོ་བཤད་མི་ཡོང༌། ལས་དོན་གྱ་གྱུ་བྱས་ན་ནམ་ཞིག་སྔོ་ལོ་འཕྱར་ཡོང༌ཞེས་པ་ལྟ་བུ། 2.དྲང་པོ་མིན་པའམ་ཀྱོག་ཀྱོག་སྟེ། (དཔེར་ན།) ལམ་ཕྲན་གྱ་གྱུ། ཆུ་ཀླུང་གྱ་གྱུར་འབབ། ཤིང་གྱ་གྱུ་ཅན་མདའ་མོ་མི་ཉན། བློ་གྱ་གྱུ་ཅན་གྲོགས་པོ་མི་ཉན་ཞེས་པ་ལྟ་བུ། |
| གྱ་གྱུ་བ |
1.གཡོ་སྒྱུ་ཅན། 2.བརྟན་པོ་མེད་པ། |
| གྱ་གྱུ་འགྲོས |
1.(རྒྱན་ཚིག) ཁྱར་ཁྱོར་གྱི་འགྲོ་སྟངས། 2.(མངོན་བརྗོད།) 1>དུ་བ། 2>འབབ་ཆུ། 3>སྦྲུལ། |
| གྱ་གྱུ་ལ་ཁ |
བོད་མདོ་ཁམས་བཙན་ལྷ་ཡུལ་གྱི་ལ་ཞིག |
| གྱ་གྱུའི་རི་མོ |
1.རི་མོ་ཀྱོག་ཀྱོག 2.(མངོན་བརྗོད།) སྨིག་རྒྱུའི་མིང༌། |
| གྱ་གྱུར་འགྲོ |
(རྒྱན་ཚིག) གྱ་གྱུ་འགྲོས་དང་འདྲ། |
| གྱ་ཉེས |
(བརྡ་རྙིང་།) ཉམས་ཉེས་དང་ཇུས་ཉེས། |
| གྱ་ཐོ |
(བརྡ་རྙིང་།) རྣ་རྒྱན། |
| གྱ་དོ |
(བརྡ་རྙིང་།) རྣ་རྒྱན། |
| གྱ་ནོམ་པ |
(རྒྱན་ཚིག) གྲངས་མང་ཞིང་སྤུས་བཟང་བའི་དོན་ཏེ། (དཔེར་ན།) བཟོ་གྲྭའི་ཐོན་རྫས་གྱ་ནོམ་པ། རས་གོས་གྱ་ནོམ་པ་ཞེས་པ་ལྟ་བུ། |
| གྱ་ནོམ་སྣང་བ |
1.ལེགས་པོའམ་ཡག་པོའི་དོན། 2.བསམ་གཏན་བཞི་པའི་གནས་རིས་དྲུག་པ་གནས་འདིར་སྐྱེས་པའི་ལྷ་ནི་ལུས་སེམས་ཉེར་ཞིའི་བདེ་བ་ཆོས་ཀྱི་མཆོག་སྣང་བས་གྱ་ནོམ་སྣང་བ་ཞེས་བྱ་སྟེ་གཙང་མའི་གནས་ལྔའི་ནང་གསེས་ཤིག 3.(བརྡ་རྙིང་།) ཡོད་པ། |
| གྱ་བ |
(བརྡ་རྙིང་།) ཉམས་པའི་དོན་ཏེ། (དཔེར་ན།) བར་དུ་གྱ་བ་སོར་ཆུད། འགྲོ་བ་གྱ་ཞིང་མགོན་མེད་པ་ཞེས་པ་ལྟ་བུ། |
| གྱ་མ་གྱུ |
(རྒྱན་ཚིག) ཀྱོག་པོ་དང་འཁྱོག་པོའི་དོན་ཏེ། (དཔེར་ན།) ཆུ་བོ་གྱ་མ་གྱུར་འབབ། སེམས་གྱ་མ་གྱུ་ཞེས་པ་ལྟ་བུ། |
| གྱ་ཙོམ |
གྱ་ཚོམ་དང་འདྲ། |
| གྱ་ཚོམ |
མ་བརྟགས་པའི་དོན་ཏེ། (དཔེར་ན།) ཁ་ནས་གང་བྱུང་མང་བྱུང་གིས་གྱ་ཚོམ་དུ་སྨྲ་བ། བཤེས་གཉེན་གྱ་ཚོམ་དུ་བསྟེན་ན་འདུན་མ་ཉེས། གྱ་ཚོམ་དུ་ཁ་ཚོན་མ་གཅོད། གྱ་ཚོམ་དུ་ཆུ་རྐྱལ་མ་རྒྱག་ཅེས་པ་ལྟ་བུ། |
| གྱག་གྱོག |
(རྒྱན་ཚིག) གུག་འཁྱོག་མང་པོ་ཡོད་པའི་དོན་ཏེ། (དཔེར་ན།) ལམ་གྱག་གྱོག ལུང་བ་ཀྱག་ཀྱོག་ཅེས་པ་ལྟ་བུ། ཁ་སྐད་དུ་ཀྱ་གེ་ཀྱོག་གེའམ་གྱ་གེ་གྱོག་གེ་ཟེར་ཏེ། (དཔེར་ན།) ལམ་གྱ་གེ་གྱོག་གེ། ལུང་ཁོག་ཀྱ་གེ་ཀྱོག་གེ་ཞེས་པ་ལྟ་བུ། |
| གྱག་པ |
(བརྡ་རྙིང་།) བརླག་པ། |
| གྱང |
(རྒྱ་སྐད།) ས་ཤིང་སྒྲོམ་ནང་དུ་བརྡུངས་པའི་རྩིག་པ་སྟེ། (དཔེར་ན།) གྱང་རྡུང་བ། གྱང་ཧྲུལ། གྱང་གོག གྱང་འགྱེལ་བ་ཡོག་ཤིང་གིས་མི་ཐེག་ཅེས་པ་ལྟ་བུ། |
| གྱང་གོག |
གྱང་གོག་པོ་སྟེ། གྱང་རྙིང་བའི་དོན། |
| གྱང་གྱིང |
1.(རྒྱན་ཚིག) གྱང་ངི་གྱིང་ངིའི་བསྡུས་ཚིག 2. (བརྡ་རྙིང་།) ཁེངས་དྲེགས་ཀྱི་ལུས་ཀྱི་རྣམ་འགྱུར། |
| གྱང་གྱོང |
(རྒྱན་ཚིག) གྱང་ངེ་གྱོང་ངེའི་བསྡུས་ཚིག |
| གྱང་ངི་གྱིང་ངི |
(རྒྱན་ཚིག) ཁེངས་དྲེགས་ཀྱི་རྣམ་པ་སྟེ། (དཔེར་ན།) གྱང་ངི་གྱིང་ངིའི་མི་ལ་ཚང་མས་དགའ་པོ་མི་བྱེད་ཅེས་པ་ལྟ་བུ། |
| གྱང་ངེ་གྱོང་ངེ |
མ་ཐུལ་བའི་གྱོང་ཚུལ་ཏེ། (དཔེར་ན།) ས་གྱང་ངེ་གྱོང་ངེ་ཆུ་ལུད་ཀྱིས་འདུལ་དགོས། མི་གྱང་ངེ་གྱོང་ངེ་དེར་སྐད་ཆ་བཤད་ཁག་པོ་འདུག་ཅེས་པ་ལྟ་བུ། |
| གྱང་ཐོ |
ལྷ་རི་གྱང་ཐོའི་བསྡུས་ཚིག |
| གྱང་ནག་ཁ་སྦྱོར |
ཕྱོགས་གཉིས་ཕན་ཚུན་དབྱེན་སྦྱོར་དཀྲུག་ཤིང་གིས་རྒྱབ་འགལ་དུ་གཏོང་བའི་དཔེ། |
| གྱང་ཕྲེང |
གྱང་གི་དཔངས་རིམ་སྟེ། (དཔེར་ན།) ལྕགས་རིའི་དཔངས་ལ་གྱང་ཕྲེང་སུམ་ཅུ་སོ་དྲུག་ཡོད་ཅེས་པ་ལྟ་བུ། |
| གྱང་མཐུད |
རྩིག་པའི་གྱང་གཉིས་བར་གྱི་མཐུད་མཚམས། |
| གྱང་མཚམས |
1.གྱང་གཉིས་མཐུད་མཚམས་སམ་གྱང་གཉིས་ཀྱི་བར་མཚམས། 2.གྱང་གི་འཁྲིས་སམ་ཉེ་འགྲམ། |
| གྱང་ར |
གྱང་རྩིག་གི་ར་བ། |
| གྱང་རིས |
གྱང་ལྡེབས་ཀྱི་རི་མོ་སྟེ། (དཔེར་ན།) གཙུག་ལག་ཁང་གི་རྩིག་པར་གྱང་རིས་ཡོངས་ཁྱབ་ཏུ་ཡོད་ཅེས་པ་ལྟ་བུ། |
| གྱང་རྒྱུག |
གྱང་ས་རྡུང་བྱེད་རྒྱུག་པ། |
| གྱང་རྩིག |
1.གྱང་དང་རྩིག་པའི་བསྡུས་ཚིག 2.ས་ལས་བཟོས་པའི་རྩིག་པའམ་སྐྱ། |
| གྱང་ལོགས |
གྱང་རྩིག་གི་ལྡེབས་ངོས། |
| གྱང་ལྡེབས |
གྱང་རྩིག་གི་ལྡེབས་ངོས། |
| ཐོད་རས |
མགོ་དཀྲི་བྱེད་ཀྱི་རས། |
| ཐོད་རུས |
མགོ་རུས། |
| ཐོད་རྒལ |
གནས་རིམ་པ་ལས་བརྒལ་ནས་ཡར་འཕར་བའི་ལས་དོན་གྱི་མིང་སྟེ། (དཔེར་ན།) དམག་པོན་ཐོད་རྒལ་བ། གོ་གནས་ཐོད་རྒལ་བྱས་ལྟ་བུ། |
| ཐོད་རྒལ་དུ་སྙོམས་པར་འཇུག་པ |
ཏིང་འཛིན་རིམ་གྱིས་བསྒོམ་པ་ལ་མ་ལྟོས་པར་རིམ་འདས་ཀྱི་སྒོ་ནས་མཉམ་པར་འཇོག་པའོ། ། |
| ཐོད་རྒྱན |
1.མགོ་རྒྱན། 2.སྟེང་དུ་གདགས་བྱའི་གནམ་རྒྱན། |
| ཐོད་རྔ |
མིའི་ཐོད་པ་ལས་བཟོས་པའི་རྔ་ཆུང་ངམ། ཌ་མ་རུ། |
| ཐོད་རྩ |
ཐོད་པའི་རྩ་ལམ། |
| ཐོད་ལེ་ཀོར |
ཐོ་ལེ་ཀོར་དང་འདྲ། |
| ཐོད་སྐམ |
མི་མགོ་སྐམ་པོ། |
| ཐོད་སྐམ་རིགས་རྒྱན |
ཐོད་སྐམ་ལྔའི་དབུ་རྒྱན། |
| ཐོད་སྒོར |
སྔར་བོད་ཀྱི་ལྷ་ལྕམ་ཚོའི་མགོ་རྒྱན་མུ་ཏིག་ལས་བཟོས་པའི་ཞྭ་མོ་ལྟ་བུ་ཞིག |
| ཐོན |
1.བཏོན་པའི་སྐུལ་ཚིག་སྟེ། (དཔེར་ན།) ཚགས་པར་ཐོན་ཅིག་ལྟ་བུ། 2.(བྱེད་མེད་ལས་ཚིག་འདས་པ) 1>ནང་ནས་ཕྱི་ལ་བུད་པ་སྟེ། (དཔེར་ན།) ནང་ནས་སྒོ་ལ་ཐོན། ཕྱི་ལ་ཐོན་ལྟ་བུ། 3.བོད་ཀྱི་རུས་ཤིག་གམ་ཡར་ཀླུང་གཙང་པོའི་ལྷོ་ཕྱོགས་ཀྱི་གྲོང་རྡལ་ཞིག་གི་མིང་། དེ་ནི་སློབ་དཔོན་ཐོན་མིའི་འཁྲུངས་ཡུལ་ཡིན་པར་བཤད། |
| ཐོན་ཁུངས |
དངོས་རིགས་ཐོན་སའི་འབྱུང་ཁུངས། |
| ཐོན་ཐི |
ཐུན་ཐི་དང་འདྲ། |
| ཐོན་པ |
འཐོན་པའི་འདས་པ། |
| ཐོན་ཕྱག |
ཕྱོགས་སུ་ཐོན་ཁའི་ཕྱག་འབུལ་གྱི་དོན་ཏེ། (དཔེར་ན།) ཐག་རིང་དུ་འགྲོ་དུས་ཐོན་ཕྱག་ཞུ་བ། སེམས་མི་དགའ་བས་ཐོན་ཕྱག་མ་ཞུས་པར་རྡོག་ཐོན་བྱས་སོང༌ལྟ་བུ། |
| ཐོན་བུ |
1.ཐོམ་བུ་དང་འདྲ། 2.(བརྡ་རྙིང་།) གཞན་གྱི་ཆུང་མ་དང་འགྲོགས་པ་ལས་སྐྱེས་པའི་བུ། |
| ཐོན་བུ་བཙས་པ |
(བརྡ་རྙིང་།) དང་པོར་གསར་དུ་བཙས་པ། |
| ཐོན་མི |
1.སྙེ་མོ་ཐོན་ཟེར་བའི་ཡུལ། 2.ཐོན་ལ་གནས་པའི་མི། |
| ཐོན་མི་སཾབྷོཊ |
ཐུ་མི་སམ་བྷོ་ཊའི་མཚན་གྱི་འབྲི་སྲོལ་གཞན་ཞིག |
| ཐོན་ཡུལ |
དངོས་རིགས་ཐོན་སའི་ཡུལ་ལུང༌། |
| ཐོན་རྫོངས |
འགྲོ་ཁར་སྤྲོད་རྒྱུའི་ལག་རྟགས། |
| ཐོན་ལྕག |
སྔར་ཉེས་ཅན་བཙོན་འཇུག་བྱས་ནས་བཙོན་ཁང་ནས་ཐོན་ཉིན་ཐོན་ལྕག་ཅེས་རྟ་ལྕག་བརྒྱ་ནས་ཉིས་བརྒྱའི་བར་གཞུ་སྲོལ་ཡོད། |
| ཐོན་སྐོར |
ས་ཞིང་གི་ཐོན་འབབ་རྩི་ལུགས་ཤིག་བོད་ཀྱི་ཞིང་ཁ་ས་འབྲིང་ནས་ལོ་རེར་སྟོན་འབྲས་ཐོན་སྐོར་བཅུ་གཉིས་འབབ་ཙམ་རེ་ཐོན་སྲོལ་འདུག |
| ཐོན་སྐྱེད |
མི་རྣམས་ཀྱིས་ལག་ཆར་བརྟེན་ནས་ཐོན་སྐྱེད་རྒྱུ་ཆས་སྣ་ཚོགས་དང༌། འཚོ་བའི་རྒྱུ་ཆས་སྣ་ཚོགས་གསར་སྐྲུན་བྱེད་པ། |
| ཐོན་སྐྱེད་ཀྱི་རྣམ་པ |
མི་རྣམས་ཀྱིས་དངོས་རྫས་ཀྱི་རྒྱུ་ཆ་ཐོན་སྐྱེད་བྱེད་ཚུལ་གྱི་རྣམ་པ་ དེའི་ནང་ལ་ཐོན་སྐྱེད་སྟོབས་ཤུགས་ཀྱི་ཕྱོགས་དང་ཐོན་སྐྱེད་འབྲེལ་བའི་ཕྱོགས་གཉིས་ཀ་འདུས་ཡོད། དེ་ནི་ཐོན་སྐྱེད་སྟོབས་ཤུགས་དང་ཐོན་སྐྱེད་འབྲེལ་བའི་རྩོད་སྒྲུབ་ཀྱི་གཅིག་གྱུར་ཅིག་ཡིན། སྤྱི་ཚོགས་ལམ་ལུགས་ཀྱི་ངོ་བོ་ནི་ཐོན་སྐྱེད་ཀྱི་རྣམ་པ་ལ་རག་ལས་ཡོད། |
| ཐོན་སྐྱེད་ནུས་ཤུགས |
ངལ་རྩོལ་གྱི་ནུས་པ་ཡོད་པའི་མི་དང་ཐོན་སྐྱེད་རྒྱུ་ཆས་ཏེ། ཐོན་སྐྱེད་ཀྱི་ལག་ཆ་དང༌། ངལ་རྩོལ་བྱེད་ཡུལ་ཟུང་དུ་སྦྲེལ་ནས་གྲུབ་པའི་རང་བྱུང་ཁམས་འདུལ་བ་དང་བསྒྱུར་བཅོས་བྱེད་པའི་ནུས་ཤུགས། |
| ཐོན་སྐྱེད་འབྲེལ་བ |
མི་རྣམས་ཀྱིས་དངོས་པོའི་རྒྱུ་ཆས་ཐོན་སྐྱེད་བྱེད་པའི་བརྒྱུད་རིམ་ནང་ཆགས་པའི་སྤྱི་ཚོགས་ཀྱི་འབྲེལ་བ་ལ་ཟེར། དེར་ཐོན་སྐྱེད་རྒྱུ་ཆས་དབང་བའི་ལམ་ལུགས་ཀྱི་རྣམ་པ་དང༌། མི་རྣམས་ཀྱིས་ཐོན་སྐྱེད་བྱེད་པའི་ནང་གི་གོ་ས་དང་ཕན་ཚུན་གྱི་འབྲེལ་བ། ཐོན་རྫས་བགོ་བཤའི་རྣམ་པ་བཅས་འདུས་ཡོད། དེའི་ནང་ནས་རག་ལས་སའི་ནུས་པ་ཐོན་པ་ནི་ཐོན་སྐྱེད་རྒྱུ་ཆས་དབང་བའི་ལམ་ལུགས་ཀྱི་རྣམ་པ་དེ་ཡིན། |
| ཐོན་སྐྱེད་རྒྱུ་ཆས |
ངལ་རྩོལ་གྱི་རྒྱུ་ཆས་དང་ངལ་རྩོལ་བྱ་ཡུལ་ལ་ཟེར་ཞིང༌། དེ་ནི་མི་རྣམས་ཀྱིས་དངོས་པོའི་རྒྱུ་ཆས་ཐོན་སྐྱེད་བྱེད་སྐབས་ངེས་པར་དུ་དགོས་པའི་ཆ་རྐྱེན་ཞིག་ཡིན། |
| ཐོན་སྐྱེད་སྟོབས་ཤུགས |
ཐོན་སྐྱེད་ཡོ་བྱད་དང་ཐོན་སྐྱེད་རྒྱུ་ཆ། ཐོན་སྐྱེད་ཀྱི་ཉམས་མྱོང་དང་ནུས་རྩལ་ངེས་ཅན་ཡོད་པའི་མི་རྣམས་ཀྱི་སྤྱི་མིང་ཡིན་ཞིང་། ངལ་རྩོལ་བྱེད་མཁན་གྱི་མང་ཚོགས་ནི་མིའི་རིགས་ཀྱི་སྤྱི་ཚོགས་དར་རྒྱས་སུ་འགྲོ་བཞིན་པའི་སྐབས་རིམ་ཐམས་ཅད་ཀྱི་ཐོན་སྐྱེད་སྟོབས་ཤུགས་ཀྱི་གཞི་རྩ་ཡིན། |
| ཐོབ |
(བྱེད་མེད་ལས་ཚིག་འདས་པ) ལག་ལ་འོངས་པ་སྟེ། (དཔེར་ན།) ངལ་རྩོལ་མང་བོ་བྱས་ནས་སྐལ་བ་མང་བོ་ཐོབ་ལྟ་བུ། |
| ཐོབ་ཀྱིས་འཇལ་བ |
ལོག་འཚོ་ལྔའི་ནང་གསེས་ཤིག་རྒྱལ་པོ་སོགས་ཁ་ཅིག་གིས་བདག་ལ་བྱིན་པ་མ་བླངས། དད་ལྡན་ཁ་ཅིག་གིས་བྱིན་པ་བླང་ཞེས་སོགས་རྙེད་པའི་བསྔགས་པ་དང༌། རྙེད་པ་འཚོལ་མཁན་གྱི་བསྔགས་པ་སྨྲ་བའོ། ། |
| ཐོབ་ཁུངས |
སྡེ་ཁག་གང་གི་མངའ་འོག་ཏུ་གཏོགས་པ། |
| ཐོབ་གྲངས |
གང་ཐོབ་པའི་འབོར་གྲངས། |
| ཐོབ་ཅི |
ཐེབས་ཆི་དང་འདྲ། |
| ཐོབ་ཆ |
རིན་འབབ་བམ། ཐོབ་པའི་ཆ། |
| ཐོབ་ཆི |
ཐེབས་ཆི་དང་འདྲ། |
| ཐོབ་ཆུ |
ཐེབས་ཆི་དང་འདྲ། |
| ཐོབ་ཐང |
1.ཡི་གེའི་ཐོབ་ཐང་། 2.སྤྱི་ཚོགས་ཐོག་དང་ཁྲིམས་ལུགས་ཐོག་གི་མིའི་གོ་གནས་ཀྱི་མིང་། (དཔེར་ན།) མི་དམངས་འཐུས་མིའི་ཐོབ་ཐང་། སྲིད་བློན་གྱི་ཐོབ་ཐང་ཞེས་པ་ལྟ་བུ། |
| ཐོབ་ཐོ |
བྱུང་ཐོ། |
| ཐོབ་ནོར |
1.བགོ་བྱའི་གྲངས་བགོད་བྱེད་ཀྱིས་བགོས་པའི་ཅི་ཐོབ་ཀྱི་གྲངས། 2.སོ་སོར་ཐོབ་པའི་རྒྱུ་ནོར་གྱི་སྐལ་པ། |
| ཐོབ་པ |
1.འཐོབ་པའི་འདས་པ། 2.ལྡན་མིན་འདུ་བྱེད་དུ་གྱུར་པའི་ཆོས་བཅུ་བཞིའི་ནང་གསེས་ཤིག་བྱེ་བྲག་སྨྲ་བའི་ལུགས་ལ། རང་གང་དང་ལྡན་པའི་གང་ཟག་གི་རྒྱུད་ལ་ལྡན་བྱེད་ཀྱི་རྫས། 3.ཉེར་ཐོབ་དང་དོན་གཅིག |
| ཐོབ་བཤགས |
ཧབ་ཐོབ་དང་ཁ་གཤགས་འགྱེད་པ། |
| ཐོབ་བྱེད |
(མངོན་བརྗོད།) ལུས། |
| ཐོབ་ཚིར |
(བརྡ་རྙིང་།) བྱུང་བའི་རེས་མོའམ། བྱུང་རིམ། |
| ཐོབ་ཡིག |
དབང་ལུང་སོགས་ཆོས་རྒྱུན་ཐོབ་པའི་བརྗེད་ཐོ། |
| ཐོབ་རིམ |
དབང་ལུང་སོགས་ཐོབ་པའི་རིམ་པ། |
| ཐོབ་རྒྱལ |
གཙང་རྣམ་གླིང་རྫོང་གི་ཁོངས་ས་གནས་ཤིག་རྒྱལ་དབང་སྐུ་ཕྲེང་བརྒྱད་པ་འཇམ་དཔལ་རྒྱ་མཚོ་འཁྲུངས་ཡུལ། |
| ཐོབ་ལྡན་མ |
སྐར་མ་མོན་གྲེ། |
| ཐོབ་ཤ |
1.ཧབ་ཐོབ་དང༌། ཧབ་ཤ། རྒྱལ་ཁ་ཐོབ་ཤ་འགྱེད་པ། 2.ཐོབ་སྐལ་གྱི་ཤ། |
| ཐོབ་ཤག་ཤག |
ཐོབ་རྐྱང་གི་གདེང་ཚོད་དེ། (དཔེར་ན།) རྒྱལ་ཁ་རང་ལ་ཐོབ་ཤག་ཤག་བྱེད་པ་ཞེས་པ་ལྟ་བུ། |
| ཐོབ་ཤོར |
རྒྱལ་ཕམ་དང༌། རྙེད་པ་དང་བརླག་པ་སྟེ། (དཔེར་ན།) ཁེ་བཟང་ཐོབ་ཤོར་མ་བརྩིས་པ་ལྟ་བུ། |
| ཐོབ་ས་ཐོབ་ཁུངས |
འབབ་ས་འབབ་ཁུངས། |
| ཐོབ་སྐལ |
ཐོབ་ཚོད་ཀྱི་སྐལ་བ། |
| ཐོབས |
བཏབ་པའི་སྐུལ་ཚིག་སྟེ། (དཔེར་ན།) ཞིང་ཐོབས་ཤིག་ལྟ་བུ། |
| ཐོམ |
གཞན་དུ་འཆོལ་བའི་དོན་དུ་གོ་བའི་འདམ་པའི་སྐུལ་ཚིག |
| ཐོམ་བུ |
ཆུ་འཆུ་བྱེད་ཀྱི་ཡོ་བྱད་ཀྱི་མིང་སྟེ། (དཔེར་ན།) ཤིང་གི་ཐོམ་བུ། ཤིང་ཐོམ། ལྕགས་ཀྱི་ཐོམ་བུ། ལྕགས་ཐོམ་ཞེས་པ་ལྟ་བུ། |
| དབོན་མོ |
1.བཙུན་མོ།2.ཚ་མོ། |
| དབོན་ཞང |
ཞང་པོ་དང༌། ཚ་བོ། |
| དབོན་རྒྱུད |
ཕ་ཕྱོགས་ཀྱི་སྤུན། |
| དབོན་སེར་གཟུགས |
བུད་མེད་ཡོད་པའི་གྲྭ་གཟུགས། |
| དབོན་སྲས |
1.སྤུན་གྱི་བུའམ། ཚ་བོའི་ཞེ་ས།2.བོན་པོའི་བླ་མའི་མིང༌། |
| དབོར་པ |
ཆར་ཆུ་འགྲོ་སའི་ཝ་ཁ། |
| དབོར་བ |
(ཡུལ་སྐད།) སྐྱེལ་འདྲེན་བྱེད་པའི་དོན་ཏེ། (དཔེར་ན།) རྡོ་ཤིང་དབོར་བ། ཉེར་མཁོའི་དངོས་ཆས་རྣམས་ཕར་ཚུར་དབོར་བ་ཞེས་པ་ལྟ་བུ། |
| དབོར་འདྲེན |
(ཡུལ་སྐད།) ཕར་གཏོང་ཚུར་འཁྱེར་གྱི་དོན་ཏེ། (དཔེར་ན།) དངོས་ཟོག་ཕར་ཚུར་དབོར་འདྲེན་བྱེད་པ། ས་རྡོ་དབོར་འདྲེན་བྱེད་ཅེས་པ་ལྟ་བུ། |
| དབོལ |
1.གཡང་གཟར་ཟབ་མོའི་མིང་། (དཔེར་ན།) དམུས་ལོང་དབོལ་ལ་ལྷུང་ཉེན་ཆེ་ལྟ་བུ། 2.ཕྱོགས་གཉིས་ས་དབྱིབས་མཐོ་བའི་ལུང་བའི་མིང་། (དཔེར་ན།) དབོལ་དུ་ཆུ་ལོག་འོངས་ལྟ་བུ། |
| དབོལ་བ |
(བརྡ་རྙིང་།) 1>འཕོ་བར་བྱེད་པ་དང༌། གཤོ་བ། 2>གཏིང་དཔག་དཀའ་བའམ། ཟབ་པ། |
| དབོས |
(བྱེད་མེད་ལས་ཚིག) བོངས་ཚོད་ཇེ་ཆེར་སོང་བའི་དོན་ཏེ། (དཔེར་ན།) ས་འཁྱགས་ཉི་མས་དྲོས་ན་དབོས། ནད་བྱུང་ན་ཤ་དབོས་སྲིད། ལུས་དབོས་ན་ནད་ཡོད་པའི་རྟགས་ཡིན་ལྟ་བུ། |
| དབོས་པ |
(བརྡ་རྙིང་།) སྐྲང་བ་དང༌། སྦོས་པ། |
| དབྱངས |
གདངས་དང༌། ང་རོའི་དོན་ཏེ། (དཔེར་ན།) མགྲིན་དབྱངས། སྐད་ཀྱི་སྒྲ་དབྱངས། དབྱངས་འཐེན་ནས་གསར་བརྗེའི་གླུ་ལེན་པ། གཞས་ཚིག་དབྱངས་སུ་གྱེར་བ་ཞེས་པ་ལྟ་བུ། |
| དབྱངས་ཀྱིས་བསྙད་པའི་སྡེ |
གསུང་རབ་ཡན་ལག་བཅུ་གཉིས་ཀྱི་གཉིས་པ་དབུས་དང་ཐ་མར་ཚིགས་སུ་བཅད་པའི་དབྱངས་ཀྱིས་བསྙད་པའི་མདོ་སྡེ་རྣམས་ཏེ་ཉན་ཐོས་ཀྱི་མདོ་སྡེའི་སྡེ་སྣོད་དུ་གཏོགས་སོ། ། |
| དབྱངས་གཅིག་པུ་པ |
སཾ་ཀྲྀ་ཏའི་དབྱངས་གཅིག་རྐྱང་ལས་མེད་པའི་ཚིག ཨཨཔེཧི ཨ ཨཨིནྡྲཔཤྱ ཨི ཨཨུཏིཥྛ ཨུ |
| དབྱངས་གསལ |
དབྱངས་ཡིག་དང༌། གསལ་བྱེད་ཀྱི་ཡི་གེ། |
| དབྱངས་ངེས་པའི་བྱ་དཀའི་རྒྱན |
ཚིགས་བཅད་གཅིག་གི་ཚིག་རྐང་རེ་རེའམ། བཞི་ག་ལ་ཨི་སོགས་དབྱངས་རེ་རེ་ཁོ་ནའི་སྒྲའི་ངེས་པ་སྦྱར་ཏེ་སྟོན་པའི་རྒྱན་ཞིག |
| དབྱངས་ཅན |
སྒྲ་གདངས་སྙན་པོ་ཅན་ཏེ། (དཔེར་ན།) དབྱངས་ཅན་དགྱེས་གླུ་ཞེས་པ་ལྟ་བུ། |
| དབྱངས་ཅན་དགྱེས་གླུ |
སྙན་ངག་མེ་ལོང་གི་འགྲེལ་པ་དབྱངས་ཅན་དགྱེས་གླུ་ཞེས་བྱ་བ་འདི་ནི་རབ་བྱུང་བཅུ་གཅིག་པའི་མེ་ཕག་ལོར་རྒྱལ་དབང་ལྔ་པས་མཛད་པ། |
| དབྱངས་ཅན་དགྱེས་པའི་རོལ་མཚོ |
སྙན་ངག་མེ་ལོང་གི་འགྲེལ་པ་དབྱངས་ཅན་དགྱེས་པའི་རོལ་མཚོ་འདི་ནི་རབ་བྱུང་བཅོ་ལྔ་པའི་ས་བྱ་ལོར་འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོས་མཛད་པ། |
| དབྱངས་ཅན་བྱཱ་ཀ་ར་ཎ |
སྔར་རྒྱ་གར་བ་ཨ་ནུ་བྷཱུ་ཏིས་བརྩམས་པའི་སྒྲའི་བསྟན་བཅོས་ད་བར་བོད་དུ་དར་བཞིན་པ་ཞིག |
| དབྱངས་ཅན་མ |
ཤེས་རབ་སྩོལ་བའི་ལྷ་མོ་ཞིག སྔར་གྱི་གཏམ་རྒྱུད་དུ་བསྐལ་པ་ཐོག་མའི་དུས་ཤིག་ན་ལྷོ་ཕྱོགས་ཀྱི་རྒྱ་མཚོ་ཆེན་པོ་རླུང་གིས་གཡོས་པ་ལས་དེའི་ནང་དུ་བརྟན་གཡོའི་སྒྲ་སྐད་ཐམས་ཅད་རབ་ཏུ་སྙན་པར་གྲགས་པས་ཚངས་པ་ཆེན་པོས་ལོ་དུ་མར་སྒྲ་དེ་ལ་མངོན་པར་དགའ་ཞིང་རོ་མྱང་བས་འདུག་ཅིང༌། མཐར་སྒྲ་དབྱངས་དེ་རྣམས་གཅིག་ཏུ་འདུས་ནས་ལྷ་མོ་འདི་ཉིད་བྱུང་བར་གྲགས། མིང་གི་རྣམ་གྲངས་ལ་རྒྱ་མཚོའི་ལྷ་མོ་དང༌། སྒྲ་དབྱངས་ལྷ་མོ། ངག་དབང་ལྷ་མོ། རྡོ་རྗེ་དབྱངས་ཀྱི་དབང་ཕྱུག་མ། བློ་ཡི་གཏེར། དབྱངས་ལྡན་མ། སྨྲ་ལྷ་མོ། ཚངས་པའི་སྲས་མོ། མཚོ་ལྡན་མ། མཚོ་བྱུང་མ། ཟླ་བའི་སྲིང་མོ། ཤེར་ལྷ་མོ། ཤེས་རབ་ལྷ་མོ་བཅས་སོ། ། |
| དབྱངས་ཅན་ལྷ་མོ |
དབྱངས་ཅན་མ་དང་དོན་གཅིག |
| དབྱངས་ཉམས་པ |
1.སྒྲ་དབྱངས་ཆག་པ།2.ལེགས་སྦྱར་གྱི་གསལ་བྱེད་ཡི་གེ་སྲོག་མེད་པ། |
| དབྱངས་པ |
1.(ཡུལ་སྐད།) གླུ་ལེན་པའི་དོན་ཏེ། (དཔེར་ན།) གླུ་གཞས་དབྱངས་པ་ཞེས་པ་ལྟ་བུ། 2.དབུ་མཛད་དམ། བྱང་འདྲེན་སོགས་འདོན་དབྱངས་ཀྱི་བྱེད་པོ། |
| དབྱངས་བཅུ་དྲུག |
ལེགས་སྦྱར་སྐད་ཀྱི་དབྱངས་བཅུ་དྲུག ཨ་ཨཱ། ཨི་ཨཱི། ཨུ་ཨཱུ། རི་རཱི། ལི་ལཱི། ཨེ་ཨཻ། ཨོ་ཨཽ། ཨཾ་ཨཿ བཅས། |
| དབྱངས་བཅུ་པ |
(མངོན་བརྗོད།) གཟའ་པ་སངས། |
| དབྱངས་བདག |
(མངོན་བརྗོད།) གཟའ་ཕུར་བུ། |
| དབྱངས་བདུན |
གླུ་དབྱངས་ཀྱི་ངེས་པ་བདུན་གྱི་བསྡུས་ཚིག |
| དབྱངས་བཞི |
ཨི། ཨུ། ཨེ། ཨོ་བཞི་དེ་དག་སོ་སོའི་མཚོན་བྱེད་གི་གུ་སོགས་གུག་བཀྱེད་ཀྱི་རྣམ་པ་ཅན་བཞི་ཡོད། |
| དབྱངས་བྲལ |
སྒྲའི་སྲོག་མེད་ཀྱི་ཡི་གེ། |
| དབྱངས་མེད |
སྒྲའི་སྲོག་མེད་ཀྱི་ཡི་གེ། |
| དབྱངས་འཆར |
དབྱངས་ཡིག་ལ་བརྟེན་ནས་བརྟག་པའི་རྩིས་ཀྱི་མིང༌། |
| དབྱངས་འཆར་གྱི་རྒྱུད |
ལྷ་དབང་ཕྱུག་ཆེན་པོ་དང་ལྷ་མོ་ཨུ་མ་གཉིས་ཀྱིས་ཞུ་བ་ཞུ་ལན་གྱི་ཚུལ་དུ་གསུངས་པར་བཤད། བདེ་སྡུག་ལེགས་ཉེས་རྒྱལ་ཕམ་སོགས་བརྟག་ཐབས་ཀྱི་འཁོར་ལོ་མང་པོར་སྟོན་པ་དང༌། དབྱངས་དང་གསལ་བྱེད་ཚེས་ལ་འཆར་ཚུལ་སྟོན་པའི་ཆ་ནས་མིང་དེ་ལྟར་བཏགས་པའོ། ། |
| དབྱངས་འཆར་གྱི་རྩིས |
དབྱངས་དང་གསལ་བྱེད་ལ་སྦྱར་ནས་ལེགས་ཉེས་བརྩི་ཚུལ། |
| དབྱངས་ཡིག |
1.ཡི་གེ་ལ་དབྱངས་ཡིག་དང་གསལ་བྱེད་ཀྱི་ཡི་གེ་གཉིས་ཡོད། ངག་ནས་སྒྲ་འབྱིན་སྐབས་དབུགས་ཀྱིས་གྲོ་བའི་ནང་གི་སྐྱི་མོ་ལེབ་མོ་ཞིག་ཡོད་པ་དེ་འདར་དུ་བཅུག་ནས་སྒྲ་འབྱིན་པ་ཡིན་ལ། ཁ་ནང་ནས་སྐད་འབྱིན་སྐབས་ལྕེ་རྐན་ལ་ཐོགས་གཏུག་མེད་པར་འབྱུང་བའི་སྒྲ་དེ་མཚོན་བྱེད་ཀྱི་ཡི་གེ་ནི་དབྱངས་ཡིག་ཡིན། དཔེར་ན་བོད་ཡིག་གི་ཨི་ཨུ་ཨེ་ཨོ་བཞི་ལྟ་བུ། 2.སྐད་གདངས་ཀྱི་མཐོ་དམའ་རིང་ཐུང་ཕྲ་སྦོམ་སོགས་མཚོན་བྱེད་ཀྱི་རྟགས་སམ་རྟགས་དེ་ལྟར་དུ་གྲགས་པའི་སྒྲའི་མིང་། |
| དབྱངས་རྟ |
སྒྲའི་མཐོ་དམན་ཕྲ་སྦོམ་སོགས་མཚོན་པའི་རྟགས་ཏེ། (དཔེར་ན།) དམངས་གླུ་མཐའ་དག་ལ་དབྱངས་རྟ་ངེས་ཅན་རེ་ཡོད་ཅེས་པ་ལྟ་བུ། |
| དབྱངས་ལོགས་པ |
མཚུངས་པ་དང་འདྲ་བ་མ་ཡིན་པའི་སཾ་ཀྲྀ་ཏའི་མཚམས་སྦྱོར་ཡི་གེ་བཞི། ཨེ་ཨཻ་ཨོ་ཨཽ ཨཻ ཨེ ཨཽ ཨོ |
| དབྱངས་ལྡན་མ |
(མངོན་བརྗོད།) ལྷ་མོ་དབྱངས་ཅན་མ། |
| དབྱངས་ལྡེམ་མོ |
(མངོན་བརྗོད།) ལྷའི་གླུ་མཁན། |
| དབྱངས་སྒྲོག |
(མངོན་བརྗོད།) སྦྲང་བུ། |
| དབྱངས་སྒྲོག་པ |
(མངོན་བརྗོད།) ལྷའི་གླུ་མཁན། |
| དབྱངས་སྙན |
(མངོན་བརྗོད།) 1>ཁུ་བྱུག 2>དྲི་ཟ། 3>ལྷ་ཡི་གླུ་མཁན། |
| དབྱར |
དུས་ཚིགས་བཞིའི་ནང་གི་དུས་ཚིགས་གཉིས་པ་དབྱར་ཁའི་མིང་། (དཔེར་ན།) དབྱར་དགུན། དབྱར་ལྭ་ཞེས་པ་ལྟ་བུ། |
| དབྱར་ཀ |
དབྱར་ཁ་དང་འདྲ། |
| དབྱར་ཁ |
ནམ་དུས་བཞིའི་དབྱར་ཁ་སྟེ། (དཔེར་ན།) དབྱར་ཁའི་སྤང་ལ་གང་ཡང་སྐྱེ། གཞོན་ནུའི་བློ་ལ་གང་ཡང་འཆར། དབྱར་ཁ་ལྕགས་ལ་བདག་པོ་རྒྱོབ། དགུན་ཁ་རྫ་ལ་བདག་པོ་རྒྱོབ། ནམ་ཞག་རྒྱུན་དུ་ཁ་ལ་བདག་པོ་རྒྱོབ་ཅེས་པ་ལྟ་བུ། མིང་གི་རྣམ་གྲངས་ལ་ཆར་ལྡན་པ་དང༌། ཆར་འབབ་དུས། ཆུ་བོའི་གཞུང་རྒྱས། སྤྲིན་འབྱུང་བཅས་སོ། ། |
| དབྱར་ཁ་སྤེན་མའི་མེ་ཏོག |
རུམ་ཐགས་ཀྱི་རི་མོའི་བྱེ་བྲག་ཅིག |
| དབྱར་ཁང |
1.དབྱར་ཁར་སྡོད་ཁང་སྟེ་བསིལ་ཁང༌།2.(བརྡ་རྙིང་།) དགེ་སློང་མའི་སྡོད་ཁང༌། |
| དབྱར་ཁས་བླངས |
རབ་བྱུང་གིས་དབྱར་གནས་ཁས་བླངས་པ། |
| དབྱར་གཅིག་མ |
ལོ་གཅིག་ལོན་པའི་བེའུ། |
| དབྱར་གཉིས་མ |
ལོ་གཉིས་ལོན་པའི་བེའུ། |
| དབྱར་གནས |
འདུལ་བ་གཞི་གསུམ་གྱི་ཡ་གྱལ་ཞིག་དབྱར་སྔ་ཕྱི་གང་ཡིན་རུང་དབྱར་ཟླ་གསུམ་གྱི་རིང་ལ། དགེ་ཚུལ་སློང་རྣམས་ཀྱིས་མཚམས་ལས་འདས་ཏེ་སྐྱ་རེངས་འཆར་བར་མི་བྱ་བའི་དམ་བཅའི་གནས་སུ་འབྲེལ་བ་དང༌། དགེ་འདུན་གྱི་ནང་དུ་འཁྲུག་ལོང་མི་བྱ་བ་དང༌། ཐོས་པ་སོགས་ལ་བརྩོན་པ་དང༌། གཙུག་ལག་ཁང་རལ་གྲུམ་བཅོས་པ་སོགས་ཀྱི་དམ་བཅའ་བཟུང་ནས་དབྱར་ཁས་ལེན་པའོ། ། |
| དབྱར་གནས་ཀྱི་ཆོ་ག |
སྦྱོར་བ་གཙུག་ལག་ཁང་བྱི་དོར་བྱ་ཞིང༌། གནས་མལ་སྟ་གོན་དང༌། གང་ཟག་སྟ་གོན་སོགས་བྱས་ནས། དངོས་གཞི་བླ་གབ་དང་བཅས་པའི་གནས་སུ་དགེ་སློང་གི་མདུན་དུ་སྔགས་ཚིག་ལན་གསུམ་བརྗོད་པས་དབྱར་གནས་པར་ཁས་བླངས་ཏེ། བྱིན་གྱིས་མ་བརླབས་པར་མཚམས་ཀྱི་ཕྱི་རོལ་ཏུ་སྐྱ་རེངས་འཆར་བར་མི་སྡོད་པར་ཐོས་བསམ་བསྒོམ་པ་ལ་བརྩོན་པའི་མཐར་དགག་དབྱེ་བྱ་བའོ། ། |
| ནམ་མཁའི་མིག |
(མངོན་བརྗོད།) ཉི་མ། |
| ནམ་མཁའི་མུ་ཁྱུད |
(མངོན་བརྗོད།) སྲིན་བུ་མེ་ཁྱེར། |
| ནམ་མཁའི་མེ་ཏོག |
1.མེད་པའམ་མི་སྲིད་པའི་དཔེ། 2.(མངོན་བརྗོད།) རྒྱུ་སྐར། |
| ནམ་མཁའི་ཟིལ་པ |
གནམ་གཡེར་བའི་སྐབས་བ་མོ་འབྱུང་བའི་ཆུ་རྡུལ། |
| ནམ་མཁའི་འོད |
(མངོན་བརྗོད།) སྲིན་བུ་མེ་ཁྱེར། |
| ནམ་མཁའི་རྒྱལ་མཚན |
(མངོན་བརྗོད།) སྤྲིན་པ། |
| ནམ་མཁའི་རྟ |
(མངོན་བརྗོད།) བྱ། |
| ནམ་མཁའི་རྣ་བ |
(མངོན་བརྗོད།) ཟླ་བ། |
| ནམ་མཁའི་རླངས་པ |
(མངོན་བརྗོད།) བ་མོ། |
| ནམ་མཁའི་ལམ |
གཟའ་རྣམས་རྒྱུ་བའི་ལམ་ཉི་ཁྱིམ་བཅུ་གཉིས། |
| ནམ་མཁའི་སྐ་རགས |
(མངོན་བརྗོད།) དགུ་ཚིགས། |
| ནམ་མཁའི་སྐྲ་ཅན |
(མངོན་བརྗོད།) དབང་ཕྱུག |
| ནམ་མཁའི་སྙིང་པོ |
ཉེ་སྲས་བརྒྱད་གྲས་ཀྱི་བྱང་སེམས་ཤིག |
| ནམ་མཁའི་སྟེང་འགྲོ་བ |
(མངོན་བརྗོད།) གཟའ་མིག་དམར། |
| ནམ་མཁའི་སྟོབས |
(མངོན་བརྗོད།) རླུང་སྤྱི། |
| ནམ་མཁའི་སྲོག |
(མངོན་བརྗོད།) རླུང་སྤྱི། |
| ནམ་མཁར་འགྲོ |
(མངོན་བརྗོད།) འདབ་ཆགས། |
| ནམ་མཇུག |
སྟོན་མཇུག |
| ནམ་ཚོང |
མི་དང་སྲོག་ཆགས་ཀྱི་སྙིང་དང་གློ་བ་ཡོད་སའི་ཁོག་པའི་སྟོད་དང་སྒྲོག་རུས་མན་གྱི་ཁག་དེའི་མིང་སྟེ། (དཔེར་ན།) ལུག་ཤ་ནམ་ཚོང་གཅིག་ཟེར་བ་ལྟ་བུ། |
| ནམ་ཚོད |
མཚན་མོའི་ཐུན་སྔ་ཕྱིའི་ཚོད་དེ། (དཔེར་ན།) བྱ་མེད་སར་བོང་བུས་ནམ་ཚོད་དང༌། ཁྱི་མེད་སར་ཞུམ་བུས་རུས་པ་མུར། ཁྱིམ་བྱས་ནམ་ཚོད་ཐིག་ཅེས་པ་ལྟ་བུ། |
| ནམ་ཞག |
ཉི་མ་ནམ་ཤར་གྱི་ཞག་དུས། |
| ནམ་ཞག་རྒྱུན་གཏན |
དུས་རྒྱུན་ནམ་རྟག་པར་གྱི་དོན་ཏེ། (དཔེར་ན།) ནམ་ཞག་རྒྱུན་གཏན་དོགས་ཟོན་བྱེད་དགོས་ཞེས་པ་ལྟ་བུ། |
| ནམ་ཞག་རྒྱུན་པ |
ནམ་ཞག་རྒྱུན་གཏན་དང་དོན་གཅིག |
| ནམ་ཞར |
(བརྡ་རྙིང་།) ནམ་ཡང༌། |
| ནམ་ཞིག |
དུས་སྐབས་ཤིག་གམ་ཉིན་ཞིག་ཅེས་པའི་དོན་ཏེ། (དཔེར་ན།) ནམ་ཞིག་ཕར་ཐོན་ཚུར་སྦྱོར་ཚང་མ་ངེས་གཏན་བྱེད་དགོས། རྫུན་གཏམ་ཇི་ཙམ་བཤད་མཁས་ཀྱང་ནམ་ཞིག་གཞན་གྱིས་ཧ་གོ་ཡོང༌ཞེས་པ་ལྟ་བུ། |
| ནམ་ཞོད |
རྒྱུན་ཆར་ཆེན་པོའི་མིང་། (དཔེར་ན།) ད་ལོ་ནམ་ཞོད་མང་ལྟ་བུ། |
| ནམ་ཟླ |
1.དུས་ཚོད་སྤྱིའི་མིང༌། (དཔེར་ན།) ནམ་ཟླ་རིང་པོ། དབྱར་དགུན་སྟོན་དཔྱིད་ལོའི་ནམ་ཟླ་ཡིན་ཞེས་པ་ལྟ་བུ། 2.གནམ་གཤིས་ཀྱི་དོན་ཏེ། (དཔེར་ན།) དབྱར་དུས་ནམ་ཟླ་དྲོ་ཞེས་པ་ལྟ་བུ། |
| ནམ་འཕང |
1.མཚན་སྙན་གྲགས་སོགས་ཀྱི་མིང་། 2.མཐོན་པོའམ་ནམ་མཁའི་མཐོངས་ཀྱི་མིང་། (དཔེར་ན།) ནམ་འཕང་བཅད། ནམ་འཕང་བསྟོད་ཅེས་པ་ལྟ་བུ། |
| ནམ་འཕང་གཅོད་བྱེད |
(མངོན་བརྗོད།) བྱ་རྒོད། |
| ནམ་འོག |
1.སྐར་མ་ས་ག། 2.ནམ་མ་ལངས་གོང༌། |
| ནམ་ཡང |
དུས་རྒྱུན་ཆད་མེད་པའམ་དུས་གང་དང་གང་གི་དོན་ཏེ། (དཔེར་ན།) སྔོན་བྱོན་མེས་པོའི་བཀའ་དྲིན་ནམ་ཡང་བརྗེད་མི་ཉན། གསར་བརྗེའི་རིགས་པའི་གཞུང་ལུགས་ནམ་ཡང་སློབ་སྦྱོང་བྱེད་ལྟ་བུ། |
| ནམ་རིང |
མཚན་མོའི་དུས་རིང་བའི་དོན་ཏེ། (དཔེར་ན།) ཉིན་ཐུང་ན་ནམ་རིང༌ཞེས་པ་ལྟ་བུ། |
| ནམ་རྒྱུན |
དུས་རྒྱུན་ནམ་རྟག་པར་དང་འདྲ་སྟེ། (དཔེར་ན།) བསམ་ཚུལ་ནམ་རྒྱུན་དང་མི་འདྲ་བ། མི་གཤིས་བཟང་ངན་གང་ཡིན་ནམ་རྒྱུན་གྱི་སྤྱོད་ལམ་ལ་བརྟགས་ན་ཤེས་ཞེས་པ་ལྟ་བུ། |
| ནམ་རྨས |
ཡུལ་ངན་ཏེ། སྤྲིན་དང་ན་བུན་སོགས་འཐིབས་ནས་ཉི་འོད་མི་མཐོང་བའི་ཉིན། |
| ནམ་རྨུས་པ |
གནམ་འཐིབས་པ་དང༌། ས་སྲོས་པའམ་མུན་རུབ་པ། |
| ནམ་ལ |
ལ་ཞིག བོད་ཀྱི་དིང་རི་རྫོང་གི་ལྷོ་རྒྱུད་དུ་ཡོད། |
| ནམ་ལངས |
1.ནངས་པར་མཁའ་དབྱིངས་ལ་ཉི་འོད་འཕོག་པའི་དོན་ཏེ། (དཔེར་ན།) ནམ་ལངས་ནས་ཉི་མ་ཤར། ནམ་མ་ལངས་པར་མལ་ལས་ལངས་ལྟ་བུ། 2.དུས་ངེས་མེད་ཀྱི་དོན་ཏེ། (དཔེར་ན།) ཁྱོད་ལ་ནམ་འགྲོ་རྒྱུ་ཡིན། ནམ་དུས་འགྲོ་རྒྱུ་ཡིན་ལྟ་བུ། |
| ནམ་ལངས་པ |
མཚན་དུས་ཡོལ་བའམ་ནམ་གསལ་བ། མིང་གི་རྣམ་གྲངས་ལ་དང་པོ་གསལ་དང༌། རབ་སྔ་གསལ། རབ་སད་བཅས་སོ། ། |
| ནམ་སེང་ཙམ |
ནམ་ལངས་མ་ལངས་ཙམ། |
| ནམ་སྟོད |
ནམ་གྱི་ཆ་སྟོད་ཀྱི་བསྡུས་ཚིག |
| ནམ་སྨད |
ནམ་གྱི་ཆ་སྨད་ཀྱི་བསྡུས་ཚིག |
| ནམ་སྲོད |
མཚན་མོའི་ཆ་སྟོད། |
| ནམ་སྲོས་པ |
ས་རུབ་པ། |
| ནམཿ |
(ལེགས་སྦྱར།) འདུད་དོའམ་ཕྱག་འཚལ་བ། |
| ནའུ་ག |
སྤང་ལྗང་གུ། |
| ནར |
(རྒྱན་ཚིག) ཟླུམ་ཞིང་རིང་བའི་དབྱིབས་ཏེ། (དཔེར་ན།) དབྱིབས་ནར་མོ། རྡོ་ནར་ནར། སྔས་འབོག་གི་དབྱིབས་ནར་ནར་ཡིན་ཞེས་པ་ལྟ་བུ། |
| ནར་གྱིས |
1.འཇུར་མིག་ནས་མར་དང་འདམ་སོགས་དབྱིབས་རིང་བོ་ཕྱི་ལ་ཐོན་པ་ལྟ་བུའི་རྣམ་པ་སྟེ། (དཔེར་ན།) བུ་ག་ནས་སྦྲུལ་ཞིག་ནར་གྱིས་བྱུང་ལྟ་བུ། 2.ན་རུ་ཞེས་པའི‘རུ’ཡིག་བསྡུས་པ། (དཔེར་ན།) ལོ་ཆེར་ལོན་པ་ལ། ནར་སོན་དང་། ན་ཐང་དུ་ཕྱུགས་འཚོས་ཞེས་པ་ལྟ་བུ། |
| ནར་ནར |
དབྱིབས་ནར་མོའམ་འཛར་འཛར་གྱི་དོན་ཏེ། (དཔེར་ན།) ཐག་པ་ནར་ནར་དུ་དྲུད། ཆུ་ནར་ནར་དུ་རྒྱུག་པ། གོས་ནར་ནར་དུ་འཛར། གཏན་ཁེལ་གྱི་དུས་ཚོད་ནར་ནར་དུ་བྱས་མི་ཆོག་ཅེས་པ་ལྟ་བུ། |
| ནར་ནར་པོ |
1.དཀྱུས་རིང་བའི་དབྱིབས་ཏེ། (དཔེར་ན།) སྒོར་མོ་ནར་ནར་པོ། གྲུ་བཞི་ནར་ནར་པོ་ཞེས་པ་ལྟ་བུ། 2.འཛར་འཛར་པོའམ་ཉོར་ཉོར་པོའི་དོན་ཏེ། (དཔེར་ན།) ལས་ཀ་ཚར་རྒྱུ་མེད་པའི་ནར་ནར་པོ་མ་བྱེད་ཅེས་པ་ལྟ་བུ། 3.མངལ་གྱི་གནས་སྐབས་ལྔའི་གསུམ་པའམ། མི་ལུས་མངལ་དུ་ཆགས་པའི་བདུན་ཕྲག་གསུམ་པ་སྟེ་མེར་མེར་པོ་ལས་ཤ་དབྱིབས་ཧ་ཅང་སྙི་བ་ལྟ་བུར་གྱུར་པ་མནན་དུ་མི་བཟོད་པའི་དུས། |
| ནར་ནར་མོ |
ནར་ནར་པོ་དང་འདྲ། |
| ནར་ནོར |
ན་རེ་ནོ་རེའི་བསྡུས་ཚིག |
| ནར་བ |
རིང་དུ་ཕྱིན་པའི་དོན་ཏེ། (དཔེར་ན།) འགྱིག་གི་སྐུད་པ་དེ་འཐེན་ན་ནར་ཡོང༌། མཆི་མ་ནར་ཏེ་འཛག ལས་ཀ་དེ་དུས་ཐོག་ནས་ཅུང་ཟད་ནར་བ་རེད། ལས་ཀ་ནར་ན་འགྱུར་ལྡོག་མང༌ཞེས་པ་ལྟ་བུ། |
| ནར་མ |
རྒྱུན་ཆགས་པའམ་རྒྱུན་མི་འཆད་པའི་དོན་ཏེ། (དཔེར་ན།) ཟས་ནར་མ། བཟའ་བཏུང་ནར་མར་གཏོང༌། སྔ་ཕྱི་ནར་མར་སྙན་སུན་ཞུ་བ། ལས་ཀ་ནར་མར་བྱས་ཞེས་པ་ལྟ་བུ། |
| ནར་མོ |
དཀྱུས་རིང་མོའི་དོན་ཏེ། (དཔེར་ན།) སྨྱུ་གུའི་དབྱིབས་ནར་མོ་རེད། དེར་རྡོ་ནར་མོ་ཞིག་འདུག་ཅེས་པ་ལྟ་བུ། |
| བློ་གཏད་ལིངས་བཅོལ |
ཕུགས་བློ་རྦད་དེ་བཀལ་བའི་དོན་ཏེ། (དཔེར་ན།) ཁོ་ལ་བློ་གཏད་ལིངས་བཅོལ་གྱིས་ལས་དོན་མངགས་ལྟ་བུ། |
| བློ་གཏིང་ཟབ་པ |
1.ཤེས་རབ་གཏིང་རིང་བ། 2.བློ་སྒམ་པའམ་བརླིང་བ། |
| བློ་གཏེར་མཆོག |
(མངོན་བརྗོད།) འཇམ་པའི་དབྱངས། |
| བློ་གདེང |
སེམས་ཀྱི་གདེང་ཚོད་དེ། (དཔེར་ན།) དགྲ་བོ་མཐར་སྐྲོད་ཐུབ་པའི་བློ་གདེང་རྙེད་པ་ལྟ་བུ། |
| བློ་གཡེང |
(ཡུལ་སྐད།) 1>སེམས་ཁུར་རམ་སེམས་ཁྲལ་གྱི་དོན་ཏེ། (དཔེར་ན།) ལས་འགན་མི་འགྲུབ་དོགས་ཀྱིས་བློ་གཡེང་བྱེད་མི་དགོས་ལྟ་བུ། 2>སེམས་གཞན་དུ་འཕྲོ་བའི་དོན་ཏེ། (དཔེར་ན།) བྱ་བྱེད་མང་པོ་དྲན་ནས་བློ་གཡེང་བ་ལྟ་བུ། |
| བློ་གཤོགས་ཆེན་པོ |
སྙིང་སྟོབས་ཆེན་པོའི་དོན་ཏེ། (དཔེར་ན།) ལས་དོན་གྱི་གནད་འགག་གཙོར་འདོན་བྱས་ཏེ་བློ་གཤོགས་ཆེན་པོ་བསྐྱེད་ནས་ཐེ་ཚོམ་མེད་པར་ཐག་གཅོད་དགོས་ལྟ་བུ། |
| བློ་གསར་བུ |
སློབ་གཉེར་བ་གསར་པ། |
| བློ་གསལ |
1.ཤེས་རབ་གསལ་བའི་དོན་ཏེ། (དཔེར་ན།) ལག་བདེ་བློ་གསལ་ཞེས་པ་ལྟ་བུ། 2.གླུ་དབྱངས་ངེས་པ་བདུན་གྱི་ནང་གསེས་ཤིག |
| བློ་གསལ་གླིང |
འབྲས་སྤུངས་དགོན་གྱི་་གྲྭ་ཚང་ཆེན་པོ་ཞིག |
| བློ་གྲོགས |
བློ་གཏད་ཐུབ་པའི་གྲོགས་པོ། |
| བློ་གྲོས |
ཕྱི་རོལ་ཡུལ་གྱི་གཤིས་ལུགས་ཤེས་པའི་རིག་པའི་མིང་། (དཔེར་ན།) བཟོ་པའི་ནང་ན་མི་བློ་གྲོས་ཅན་མང་། ཡོན་ཏན་སྦྱངས་ན་བློ་གྲོས་འཕེལ་ལྟ་བུ། |
| བློ་གྲོས་ངན་པ |
1.ཤེས་རབ་ཞན་པ། 2.བདུད་ཀྱི་བུ། |
| བློ་གྲོས་ཆེན་པོ |
1.ཤེས་རྒྱ་ཆེན་པོ། 2.འཕགས་པའི་གང་ཟག |
| བློ་གྲོས་བརྟན་པ |
རྒྱ་གར་ལྷོ་ཕྱོགས་སུ་འཁྲུངས་ཤིང༌། མངོན་པ་ལ་མཁས་པའི་སློབ་དཔོན་ཞིག |
| བློ་གྲོས་ལོག་པ |
ཤེས་རབ་ཕྱིན་ཅི་ལོག་པ། |
| བློ་ངན |
1.རིག་པ་དམན་པ། 2.བསམ་བློ་ཕྱིན་ཅི་ལོག་པ། 3.(མངོན་བརྗོད།) ལྕགས་བྱ་ལོ། |
| བློ་ངན་གསུམ |
མ་རྟོགས་དང་ལོག་རྟོགས། ཐེ་ཚོམ་བཅས་གསུམ། |
| བློ་ངོ |
བསམ་ངོའམ་བསམ་བློའི་ནང༌། |
| བློ་ངོར་མ་གྲུབ་པ |
མ་གྲུབ་པའི་རྟགས་གསུམ་གྱི་ནང་གསེས། ཆོས་ཅན་དང༌། རྟགས། དེ་གཉིས་ཀྱི་འབྲེལ་བ་གང་རུང་ལ་ཐེ་ཚོམ་ཟ་ནས་བསྒྲུབ་བྱ་བསྒྲུབ་མི་ནུས་པའམ་མ་གྲུབ་པའོ། ། |
| བློ་ངོར་མ་གྲུབ་པའི་རྟགས་གསུམ |
ཆོས་ཅན་ལ་ཐེ་ཚོམ་ཟ་ནས་མ་གྲུབ་པ་དང༌། རྟགས་ལ་ཐེ་ཚོམ་ཟ་ནས་མ་གྲུབ་པ་དང༌། གཞི་རྟགས་ཀྱི་འབྲེལ་བ་ལ་ཐེ་ཚོམ་ཟ་ནས་མ་གྲུབ་པ་སྟེ་གསུམ་མོ། ། |
| བློ་ཆུང་བ |
1.བློ་གྲོས་དམན་པ། 2.བློ་རྒྱའམ། བློ་ཁོག་ཆུང་བ་སྟེ། (དཔེར་ན།) གཡུལ་སར་དཔའ་འཁུམས་བློ་ཆུང་བྱེད་མི་རུང༌ལྟ་བུ། |
| བློ་ཆེན་པོ |
1.བློ་གྲོས་སམ་ཤེས་རྒྱ་ཆེན་པོ། 2.བློ་རྒྱའམ་བློ་ཁོག་ཆེན་པོ། |
| བློ་ཉེ་བ |
སེམས་མཐུན་པའམ། མཛའ་བ་སྟེ། (དཔེར་ན།) གྲོགས་པོ་བློ་ཉེ་བ། ཁྱིམ་མཚེས་བློ་ཉེ་བ་ཞེས་པ་ལྟ་བུ། |
| བློ་ཐག་གཙང་བཅད |
སེམས་ཐག་ལིངས་ཀྱིས་བཅད་པའི་དོན་ཏེ། (དཔེར་ན།) བཙན་རྒྱལ་རིང་ལུགས་ལ་ངོ་རྒོལ་མཐའ་གཅིག་ཏུ་བྱ་རྒྱུར་བློ་ཐག་གཙང་བཅད་ཟིན་ལྟ་བུ། |
| བློ་ཐག་ཆོད་པ |
སེམས་ཐག་ཆོད་པ། |
| བློ་ཐག་རྦད་གཅོད |
སེམས་ཐག་གཙང་གཅོད། |
| བློ་ཐུབ |
ཡིད་ཆེས་ཀྱི་དོན་ཏེ། (དཔེར་ན།) བློ་ཐུབ་པ། མི་ཡིད་ཆེས་བློ་ཐུབ་ཅེས་པ་ལྟ་བུ། |
| བློ་དཀར |
1.སེམས་བཟང་བའི་དོན་ཏེ། (དཔེར་ན།) བློ་དཀར་དྲང་བདེན། མེས་རྒྱལ་ལ་བློ་དཀར་བ་ཞེས་པ་ལྟ་བུ། 2.ཕན་ཚུན་དགའ་བའི་ཕྱོགས་ཏེ། (དཔེར་ན།) ཁོ་གཉིས་བློ་དཀར་གྱི་གྲོགས་པོ་རེད་ཅེས་པ་ལྟ་བུ། |
| བློ་དཀར་སེམས་དཀར |
ལྷག་བསམ་རྣམ་དག |
| བློ་དཀྱེལ |
བློ་རྒྱ། |
| བློ་དཀྲོགས་པ |
སེམས་དཀྲུགས་པའི་དོན་ཏེ། (དཔེར་ན།) ཚིག་རྩུབ་པོས་མིའི་བློ་དཀྲོགས་པ་ཞེས་པ་ལྟ་བུ། |
| བློ་དམན་པ |
ཤེས་རབ་དམན་པའམ་བླུན་པ། |
| བློ་དོགས |
སེམས་ཀྱི་དོགས་པ་སྟེ། (དཔེར་ན།) དོན་ཆུང་ངུ་ལ་བློ་དོགས་ཆེན་པོ་བྱེད་མི་དགོས། སྒེར་དོན་འགྲུབ་མིན་གྱི་བློ་དོགས་བསལ་བ་ཞེས་པ་ལྟ་བུ། |
| བློ་ཕམ་པ |
སེམས་མ་མགུ་བའམ་ཡིད་མ་ཚིམས་པ། |
| བློ་ཕམ་ཡི་ཆད |
སེམས་མ་མགུ་ནས་རེ་ཐག་ཆད་པ། |
| བློ་ཕམ་ཡི་མུག |
གྱོང་གུད་ཀྱིས་བློ་སེམས་ཕམ་ཞིང་སྐྱོ་བ། |
| བློ་ཕུགས |
1.བསམ་བློའི་ཕུགས། 2.མཐར་ཐུག་གི་དམིགས་ཡུལ། |
| བློ་བ |
(ཡུལ་སྐད།) ལས་ཇུས་གཏོང་མཁན། |
| བློ་བག |
སེམས་ཀྱི་ཉམས་སམ་སྣང་ཚུལ་ཏེ། (དཔེར་ན།) སེམས་ཁུར་ཕབ་སྟེ་བློ་བག་དྲོ་བའི་ངང་ནས་ལས་དོན་བྱེད་པ། དོགས་སྣང་ཆེ་དྲགས་ནས་བློ་བག་འཁུམས་པ། སྒེར་གྱི་གཏམ་དོན་ཁེ་གསུམ་ཐོབ་ཤོར་རེ་དོགས་ཀྱི་སྒོ་ནས་བློ་བག་མི་ཕེབས་པ་ལྟ་བུ། |
| བློ་བཅོལ |
ཡིད་ཆེས་བྱེད་པའི་དོན་ཏེ། (དཔེར་ན།) ནད་པས་སྨན་པ་ལ་བློ་བཅོལ་བྱས་ལྟ་བུ། |
| བློ་བཅོལ་བ |
ཡིད་ཆེས་པའི་དོན་ཏེ། (དཔེར་ན།) ནད་པས་སྨན་པ་ལ་བློ་བཅོལ་བ་ལྟ་བུ། |
| བློ་བད |
བློ་བསམ་བད་ཀན་གྱི་གཟུགས་སུ་བཀོད་པ་དེ། ཐེ་ཚོམ་གྱི་དོན། |
| བློ་བདེ་པོ |
1.བློ་ཡིད་ཚིམ་པ། 2.བློ་སེམས་བག་ཕེབས། |
| བློ་བདེ་བག་ཕེབས |
ཞེ་འདོད་གང་ཞིང་སྡོད་བག་ཕེབས་པ། |
| བློ་བདེ་ཞེ་ལྷོད |
ཞེ་འདོད་གང་ཞིང་བློ་ལྷོད་པ། |
| བློ་བབ |
སེམས་མགུ་བ། |
| བློ་བབ་སེམས་བབ |
ཡིད་མགུ་ཞིང་རངས་པ། |
| བློ་བཟང |
(མངོན་བརྗོད།) 1>མཁས་པ། 2>འདོད་ལྷའི་བུ། |
| བློ་བཟང་ཆོས་ཀྱི་རྒྱལ་མཚན |
ཀུན་གཟིག་པཎ་ཆེན་ཨེར་ཏེ་ནིའི་སྐུ་ཕྲེང་བཞི་པ། ཁོང་ནི་༸གོང་ས་་ཏཱ་ལའི་བླ་མ་སྐུ་ཕྲེང་བཞི་པ་དང་ལྔ་པའི་བསྙེན་རྫོགས་མཁན་པོ་མཛད་ཅིང༌། ཆོས་སྡེ་ཆེན་པོ་བཀྲ་ཤིས་ལྷུན་པོ་དང་སེ་ར་འབྲས་སྤུངས་བཅས་ཀྱི་གདན་ཁྲིའི་ཁུར་བཞེས་པའི་ཐོག་གུ་ཤྲི་བསྟན་འཛིན་ཆོས་ཀྱི་རྒྱལ་པོ་དབུས་གཙང་ལ་མ་འབྱོར་གོང་དང༌། མན་ཇུ་གོང་མ་པེ་ཅིན་ལ་མ་ཕེབས་གོང་ནས་སོ་སོར་འབྲེལ་བ་བཟང་པོ་བཙུགས་པར་བརྟེན། དགེ་ལུགས་པའི་བསྟན་ཇུས་ལ་ཕན་ཧ་ཅང་ཆེན་པོ་ཐོགས་ཡོད་ཅིང༌། རབ་བྱུང་བཅུ་གཅིག་པའི་ཤིང་བྱ་ལོར་གུ་ཤྲི་བསྟན་འཛིན་ཆོས་རྒྱལ་གྱིས་པཎྜི་ཏ་ཆེན་པོ་དང་སོག་སྐད་འབོ་ག་ཏོ་སྟེ་བློ་གྲོས་སྟོབས་ལྡན་ཞེས་པའི་མཚན་གསོལ། མེ་ཕག་ལོར་མན་ཇུ་གོང་མ་ཧྲུན་ཀྲིས་བླ་མ་རྡོ་རྗེ་འཆང་ཞེས་པའི་མཚན་གསོལ། |
| བློ་བཟང་ཆོས་རྒྱན |
པཎ་ཆེན་སྐུ་ཕྲེང་བཞི་པ་སྟེ་བློ་བཟང་ཆོས་ཀྱི་རྒྱལ་མཚན་གྱི་བསྡུས་མཚན། |
| བློ་བཟང་པོ |
རིག་པ་བཟང་པོ། |
| བློ་བཟང་ཡེ་ཤེས |
ཀུན་གཟིག་པཎ་ཆེན་ཨེར་ཏེ་ནི་སྐུ་ཕྲེང་ལྔ་པ། |
| བློ་བཟང་རྒྱ་མཚོ |
༸གོང་ས་ཏཱ་ལའི་བླ་མ་སྐུ་ཕྲེང་ལྔ་པ་ཡིན་ལ། རབ་བྱུང་བཅུ་པའི་མེ་སྦྲུལ་ལོར་ལྷོ་ཁ་འཕྱོངས་རྒྱས་རྫོང་དུ་འཁྲུངས། རབ་བྱུང་བཅུ་པའི་ཆུ་ཁྱི་ལོར་གདན་དྲངས་པ་ལྟར་འབྲས་སྤུངས་ལ་ཕེབས། རབ་བྱུང་བཅུ་པའི་ཤིང་གླང་ལོར་པཎ་ཆེན་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་བསྟེན་ནས་རབ་ཏུ་བྱུང༌། རབ་བྱུང་བཅུ་གཅིག་པའི་མེ་གླང་ལོར་པཎ་ཆེན་སྐུ་ཕྲེང་བཞི་པ་དང་བཀའ་མོལ་གནང་ནས་སྐུ་ཚབ་གཅིག་མངགས་ཏེ་མན་ཇུ་རྒྱལ་ཚང་དང་འབྲེལ་ལམ་བཙུགས། རབ་བྱུང་བཅུ་གཅིག་པའི་ཆུ་རྟ་ལོར་གུ་ཤྲི་བསྟན་འཛིན་ཆོས་རྒྱལ་གྱིས་བོད་ཁམས་ཡོངས་རྫོགས་དབང་དུ་བསྒྱུར་བའི་མཚན་གནས་ཕུལ་ནས་དགའ་ལྡན་ཕོ་བྲང་གི་སྲིད་དབང་གཞི་ཚུགས། ཆུ་འབྲུག་ལོར་པེ་ཅིན་དུ་ཕེབས། དེའི་ཕྱི་ལོར་རྒྱ་ནག་གོང་མས་ནུབ་ཕྱོགས་མཆོག་ཏུ་དགེ་བའི་ཞིང་གི་རྒྱལ་དབང་ས་སྟེང་གི་རྒྱལ་བསྟན་ཡོངས་ཀྱི་བདག་པོ་ཐམས་ཅད་མཁྱེན་པ་བཛྲ་ཐ་ར་ཏཱ་ལའི་བླ་མ་ཞེས་པའི་གཟེངས་བསྟོད་གནང༌། རབ་འབྱུང་བཅུ་གཅིག་པའི་ཆུ་ཁྱི་ལོར་འདས། |
| བློ་བཟོ |
རང་བཟོ་སྟེ་རང་བློས་ཡིན་རློམ་བྱེད་པ། |
| མཐའ་གཅོད |
མཐའ་དཔྱོད་དང་འདྲ། |
| མཐའ་གཉིས |
1.ཡ་མཐའ་དང་མ་མཐའ་གཉིས་ཏེ། (དཔེར་ན།) ལོངས་སྤྱོད་མཐའ་གཉིས་ལ་མ་ལྷུང་བ(འབྲིང་ཙམ)ཞེས་པ་ལྟ་བུ། 2.རྟག་མཐའ་དང་ཆད་མཐའ་གཉིས་ལ་མཐའ་གཉིས་ཟེར། |
| མཐའ་གཉིས་བྲལ་བ |
དབུ་མའི་ལམ། |
| མཐའ་གཉིས་སྤང་བའི་སྤྱོད་པ |
རབ་ཏུ་བྱུང་བ་རྣམས་ཀྱི་འཚོ་བ་རྒྱས་དྲགས་པ་དང༌། ཞན་དྲགས་པའི་མཐའ་གཉིས་སུ་མ་ལྷུང་བ་འདོད་པ་བསོད་ཉམས་ཀྱི་མཐའ་དང་ངལ་དུབ་ལ་སྦྱོར་བའི་མཐའ་གཉིས་སྤང་བའོ། ། |
| མཐའ་གཉིས་སྤངས་པ |
ལྟ་བ་རྟག་ཆད་གཉིས་ཀྱི་མཐའ་སྤངས་པ་དང༌། འཚོ་བ་བསོད་ཉམས་ཀྱི་མཐའ་དང༌། ངལ་ཞིང་དུབ་པའི་མཐའ་གཉིས་སྤངས་པ། |
| མཐའ་གཏུགས་པ |
ཕ་མཐར་གཏུགས་པ་སྟེ་མཐའ་ལ་སླེབས་པའི་དོན་ཏེ། (དཔེར་ན།) དུས་སྔ་ཕྱིའི་མཐའ་གཏུགས་པ། ནམ་མཁའི་དབྱིངས་ཀྱི་མཐའ་གཏུགས་པ་ལྟ་བུ། |
| མཐའ་གསལ |
གསལ་བའི་དོན་ཏེ། (དཔེར་ན།) དཀར་ནག་མཐའ་གསལ་ཡོང་ལྟ་བུ། |
| མཐའ་གསལ་མཐིལ་མཐོང |
གནས་ཚུལ་མངོན་སུམ་དུ་ར་འཕྲོད་གསལ་པོ་བྱུང་བ། |
| མཐའ་གྲུ |
ཡུལ་ཁམས་དང་ར་བ་སོགས་ཀྱི་རྒྱ་ཁྱོན་གྱི་མཚམས་ཏེ། (དཔེར་ན།) མངའ་ཁོངས་ཀྱི་མཐའ་གྲུ་ཆེ། བཟོ་གྲྭའི་མཐའ་གྲུ་ཡངས་པ་ཞེས་པ་ལྟ་བུ། |
| མཐའ་གྲོགས |
ཕུགས་ཀྱི་གྲོགས། |
| མཐའ་གྲོལ |
གྲོལ་ལུགས་ཆེན་པོ་བཞིའི་ནང་གསེས། རང་བྱུང་གི་རིག་པ་དེ་ཉིད་དུས་གསུམ་དང་ཤེས་བྱ་གང་དུའང་མི་གནས་པས་མཐའ་གྲོལ་ཞེས་བྱའོ། ། |
| མཐའ་ངོས |
དབུས་མིན་པའི་ཟུར་གྱི་ཆ། |
| མཐའ་ཅན |
1.རྗེས་འཇུག་དངོས་སུ་ཡོད་པའི་མིང་ངམ་ཚིག 2.ཟད་མཐའ་འམ། ཕ་མཐའ་ཡོད་པ། |
| མཐའ་ཆགས |
ལྭ་བའི་མཐའ་བལྟབས་ནས་བཙེམས་པའི་ཁག་གི་མིང་། (དཔེར་ན།) ལྭ་བ་བཟོས་ནས་མཐའ་ཆགས་བྱས་ལྟ་བུ། འདི་ལ་ཡུལ་སྐད་ལ་ལར་ཁ་ཆགས་ཟེར་བའང་ཡོད། |
| མཐའ་ཆུམས |
མཐའ་ནས་འདུས་པ་སྟེ། (དཔེར་ན།) བྱ་སྤྱོད་ཚང་མ་མཐའ་ཆུམས་བྱས་པ་ལྟ་བུ། |
| མཐའ་ཆོད |
ཐེ་ཚོམ་མམ་དོགས་པ་སོགས་ཀྱི་རྩ་བ་ཆོད་པའི་དོན་ཏེ། (དཔེར་ན།) དོགས་གནས་ཀྱི་མཐའ་ཆོད་ནས་ཡང་དག་པའི་དོན་ངེས་པ་ལྟ་བུ། |
| མཐའ་ཐིག |
མཐའ་ལ་བརྒྱབ་པའི་ཐིག་རིས་ཏེ། (དཔེར་ན།) དཀྱིལ་འཁོར་གྱི་མཐའ་ཐིག དཔེ་ཆའི་མཐའ་ཐིག་ཅེས་པ་ལྟ་བུ། |
| མཐའ་ཐུམ |
གོས་ཀྱི་མཐའ་འགྲིལ། |
| མཐའ་དག |
(གྲངས་ཚིག) ཡོད་ཚད་ཐམས་ཅད་ཀྱི་དོན་ཏེ། (དཔེར་ན།) གསུང་རྩོམ་མཐའ་དག་པར་དུ་བསྐྲུན་རྒྱུ་རེད། སློབ་གྲོགས་མཐའ་དག་གིས་སློབ་སྦྱོང་བྱེད་ཀྱིན་ཡོད་ལྟ་བུ། |
| མཐའ་དག་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་སྟེ། དཔེ་ཅན་དོན་གྱི་ཡན་ལག་དང་ཡན་ལག་ཅན་མཐའ་དག་དཔེའི་ཡན་ལག་དང་ཡན་ལག་ཅན་གྱི་གཟུགས་སུ་བཀོད་པའི་རྒྱན་ཞིག |
| མཐའ་དཔྱོད |
གཞུང་དོན་དཀའ་གནད་ཀྱི་མཐའ་ལ་དཔྱད་པ་བྱེད་པ་སྟེ། (དཔེར་ན།) གཞུང་དོན་ཟབ་མོ་ལ་ལུང་དང་རིགས་པ་སྦྱར་ནས་མཐའ་དཔྱོད་པ། རང་ལ་ཐེ་ཚོམ་ཡོད་ན་གཞན་ལ་འདྲི་སྡུར་བྱས་ཏེ་མཐའ་དཔྱོད་བྱེད་ཅེས་པ་ལྟ་བུ། |
| མཐའ་དབུས |
མཐའ་དང་དཀྱིལ་ཏེ། (དཔེར་ན།) ནམ་མཁར་མཐའ་དབུས་མེད། ཡུལ་གྱི་མཐའ་དབུས། གྲལ་གྱི་མཐའ་དབུས་ཞེས་པ་ལྟ་བུ། |
| མཐའ་དམག |
རྒྱལ་ཁབ་ཕྱི་རོལ་གྱི་དགྲ་དམག |
| མཐའ་དོན |
ལས་དོན་ཐག་ཆོད་པའི་མཐའ་མའི་དོན་གནད། |
| མཐའ་པ |
ས་ཆ་ཡུལ་གྲོང་སོགས་ཀྱི་མཐའ་ལ་གནས་པའི་མི་སྟེ། (དཔེར་ན།) དགོན་པའི་མཐའ་པ་ཞེས་པ་ལྟ་བུ། |
| མཐའ་བཙན་པ |
མཐའ་བཟང་བའམ། ཕུགས་བརྟན་པའི་དོན་ཏེ། (དཔེར་ན།) རྒྱ་ཁྱབ་མི་དམངས་རྣམས་ལ་རྒྱབ་རྟེན་བཅོལ་ན་མཐའ་བཙན་པ་ཞིག་ཡོང༌ལྟ་བུ། |
| མཐའ་བཞི |
1.ཕྱོགས་བཞིའམ། ངོས་བཞིའམ། མཐའ་སྐོར། 2.མུ་བཞི། 3.སྐྱེས་ནས་ལོ་བཞི་ལོན་པའི་རྟ་དྲེལ་སོགས། 4.སྐྱེས་མཐའ་འཆི་བ། འདུས་མཐའ་འབྲལ་བ། བསགས་མཐའ་འཛད་པ། མཐོ་མཐའ་ལྷུང་བ་སྟེ་བཞི། 5.བདེན་པར་གྲུབ་པའི་རྟག་མཐའ་དང༌། ཐ་སྙད་ཙམ་དུ་མེད་པའི་ཆད་མཐའ། བདེན་པར་གྲུབ་པ་དང་ཐ་སྙད་དུ་མེད་པ་གཉིས་ཀར་ཡོད་པའི་ཡོད་མཐའ། བདེན་པར་མེད་པ་དང་ཐ་སྙད་དུ་ཡོད་པ་གཉིས་ཀར་མེད་པའི་མེད་མཐའ་བཅས་བཞི་ཡོད་མཐའ་དང༌། མེད་མཐའ། གཉིས་ཀའི་མཐའ། གཉིས་མིན་གྱི་མཐའ་རྣམས་སོ། ། |
| མཐའ་བཞི་ལས་རྣམ་པར་རྒྱལ་བ |
མཐའ་སྐོར་གྱི་ཕྱོགས་ཐམས་ཅད་ལས་རྣམ་པར་རྒྱལ་བ། |
| མཐའ་བཞིའི་བླ་སྨན་དགུ |
དུས་རབས་བརྒྱད་པའི་ནང་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་དུས་སུ་ཡུལ་ལུང་གཞན་ནས་གདན་དྲངས་པའི་རྒྱ་གར་གྱི་སྨན་པ་ཤནྟི་གརྦྷ་དང༌། ཁ་ཆེ་གུ་ཧྱེ་བཛྲ། རྒྱ་ནག་ནས་སྟོང་གསུམ་གང་བ། ཧ་ཤང་བ་ལ། ཧང་ཏི་པ་ཏ་གསུམ། ཏ་ཟིག་ནས་ཧ་ལ་ཤནྟི། གྲུ་གུ་ནས་སེང་མདོ་འོད་ཆེན། དོལ་པོ་ནས་ཁྱོལ་མ་རུང་རྩེ། བལ་པོ་ནས་དྷརྨ་ཤི་ལ་སྟེ་དགུའོ། ། |
| མཐའ་བསྡོམས་གན་རྒྱ |
འགྱུར་ལྡོག་མི་འབྱུང་བའི་ཕྱིར་ཐག་གཅོད་ཀྱི་བྲིས་དན་ཏེ། (དཔེར་ན།) ཕན་ཚུན་གཉིས་ཕྱོགས་ནས་མཐའ་བསྡོམས་གན་རྒྱ་འཛུགས་རྒྱུར་མོས་མཐུན་བྱུང༌ལྟ་བུ། |
| མཐའ་བྲལ |
1.མཐའ་མེད་ཀྱི་དོན་ཏེ། (དཔེར་ན།) སྡུག་བསྔལ་རྒྱ་མཚོ་མཐའ་བྲལ་ཡང༌། ཁ་སྐོར་ཤེས་ན་སྐམ་སར་སླེབས་ཞེས་པ་ལྟ་བུ། 2.(མངོན་བརྗོད།) ནམ་མཁའ། |
| མཐའ་མ |
མཇུག་གི་དོན་ཏེ། (དཔེར་ན།) དུས་རབས་བཅུ་དགུ་པའི་ལོ་མཐའ་མ། ཉིན་མཐའ་མ་ཞེས་པ་ལྟ་བུ། ཚིག་བསྡུས་ན་མཐའ་ཞེས་འབྲི་ཆོག་སྟེ། (དཔེར་ན།) གྲལ་གྱི་མཐའ་མ་ལ་གྲལ་མཐའ་ཟེར་བ་ལྟ་བུ། |
| མཐའ་མཇུག |
སླད་མའམ། འབྱུང་འགྱུར་གྱི་དོན་ཏེ། (དཔེར་ན།) གྲལ་བསྟར་གྱི་མཐའ་མཇུག ཡིག་ཕྲེང་དེའི་མཐའ་མཇུག་ལ་ཡོད་པའི་ཡི་གེ། ཕྱི་ལོའི་མཐའ་མཇུག་ཏུ་ཚུར་ལོག་ཡོང༌ལྟ་བུ། |
| མཐའ་མཚམས |
ས་མཚམས་ཀྱི་དོན་ཏེ། (དཔེར་ན།) མཐའ་མཚམས་བརྟན་སྲུང༌། མཐའ་མཚམས་ས་ཁུལ་ཞེས་པ་ལྟ་བུ། |
| མཐའ་མཚམས་ས་ཐིག |
རྒྱལ་ཁབ་ཕན་ཚུན་གྱི་མཐའི་དབྱེ་མཚམས་ས་ཐིག |
| མཐའ་མི |
1.ཡུལ་གཞན་དང་ཕྱི་རྒྱལ་གྱི་མི། 2.ཡུལ་ཁམས་ཀྱི་མཐར་གནས་པའི་མི། |
| མཐའ་མེད |
1.མཐའ་མངོན་མི་ཐུབ་པའམ་མུ་མེད་པའི་དོན་ཏེ། (དཔེར་ན།) མཐའ་མེད་འཁོར་བ་རྣམས་ཀྱི་ཚང་ཚིང་ཁྲོད་ཅེས་པ་ལྟ་བུ། 2.(མངོན་བརྗོད།) ནམ་མཁའ། |
| མཐའ་མེད་མུ་མེད |
མཐའ་རྫོགས་རྒྱུ་མེད་པ། |
| མཐའ་ཚར |
རས་སོགས་ཐགས་སུ་བསྐྲུན་པའི་དངོས་རྫས་ཀྱི་མཐའི་སྐུད་པའི་མིང་། ཡུལ་སྐད་ལ་ལར་འདི་ལ་ཁ་ཚར་ཡང་ཟེར། |
| མཐའ་འཁོབ |
1.རིག་གཞུང་མ་དར་བའི་ཡུལ། 2.སངས་རྒྱས་ཀྱི་འཁོར་རྣམ་བཞི་མི་རྒྱུ་བའི་ཡུལ། 3.རྒྱལ་ཁམས་སམ་ཡུལ་གྲུ་ཞིག་གི་མཐའ་མཚམས་ས་ཁུལ། |
| མཐའ་འཁྱོངས |
བྱ་བ་མ་རྫོགས་བར་དུ་བསྐྱངས་ནས་བྱུང་བ། |
| མཐའ་འཁྱོལ |
རྫོགས་པར་གྲུབ་པའི་དོན་ཏེ། (དཔེར་ན།) སློབ་སྦྱོང་མཐའ་འཁྱོལ་བ། བྱ་བ་མཐའ་འཁྱོལ་བ་ཞེས་པ་ལྟ་བུ། |
| མཐའ་འགེགས |
མཐའ་གཅོད་པའམ། གཏན་ལ་འབེབས་པ། |
| མཐའ་འགྲིལ |
ཚེམ་བུའི་མཐའ་འཇགས། |
| མཐའ་འཇགས |
གོས་སོགས་ཀྱི་མཐའ་ཆགས་སམ། མཐའ་འགྲིལ་གྱི་དོན་ཏེ། (དཔེར་ན།) གྱོན་པ་འཚེམ་སྐབས་མཐའ་མར་མཐའ་འཇགས་གཏོང་བ་ལྟ་བུ། |
| མཐའ་འདུམ |
མཐར་ཐུག་གི་བར་འདུམ་སྟེ། (དཔེར་ན།) མི་མཐུན་པ་ཐམས་ཅད་ཀྱི་མཐའ་འདུམ་པར་བྱས་པ་ལྟ་བུ། |
| མཐའ་འདུལ་གཙུག་ལག་ཁང |
བོད་རྗེ་སྲོང་བཙན་སྒམ་པོའི་སྐབས་བོད་ཆགས་ཡུལ་གྱི་ས་དབྱིབས་སྲིན་མོ་གན་རྐྱལ་དུ་ཉལ་བ་ལྟ་བུའི་དཔུང་མགོ་གཡས་གཡོན་དང༌། དཔྱི་མགོ་གཡས་གཡོན་གྱི་ཁ་གནོན་དུ་བཞེངས་པའི་གཡོན་རུ་ཁྲ་འབྲུག་དང༌། གཡས་རུ་གཙང་འགྲམ། དབུ་རུ་བཀའ་ཚལ། རུ་ལག་གྲུམ་པ་རྒྱང་སྟེ་ལྷ་ཁང་བཞི། |
| མཐའ་འདེད |
མཐར་མ་ཐུག་བར་འདེད་པའམ་རྩད་གཅོད་པའི་དོན་ཏེ། (དཔེར་ན།) བདེན་རྫུན་གྱི་དབྱེ་བ་མཐའ་འདེད་གསལ་པོར་བྱས་ལྟ་བུ། |
| མཐའ་འདོམས |
མཐའ་མཇུག་ཚང་བར་འདུས་པའི་དོན་ཏེ། (དཔེར་ན།) འཕྲལ་ཕུགས་འགྱུར་ལྡོག་མེད་པའི་མཐའ་འདོམས་ཀྱི་གན་རྒྱ་འཇོག་ལེན་བྱས་ལྟ་བུ། |
| མཐའ་འབུད |
རྒྱང་འབུད་དེ། (དཔེར་ན།) ཉེས་ཅན་རིགས་མཐའ་འབུད་གཏོང་བ་ལྟ་བུ། |
| མཐའ་འབྱམས |
1.མཐའ་ཀླས་པ། 2.གྲངས་གནས་ཤིག |
| མཐའ་འབྲས |
ཕུགས་ཀྱི་འབྲས་བུའམ་ལག་རྗེས། |
| མཐའ་ཡས |
གྲངས་ཚད་སོགས་དཔག་ཏུ་མེད་པའི་དོན་ཏེ། (དཔེར་ན།) རྒྱུ་སྐར་མཐའ་ཡས་པའི་དབུས་ནས་སྨིན་དྲུག་ངོས་འཛིན་ཐུབ་ལྟ་བུ། |
| མཐའ་ཡས་པ |
མཐའ་མེད་པ་སྟེ། (དཔེར་ན།) ནམ་མཁའི་རྒྱ་ཁྱོན་མཐའ་ཡས་པ་ལྟ་བུ། |
| མཐའ་ཡས་པའི་འདུ་ཤེས |
འདུ་ཤེས་ཚད་མེད་པ་སྟེ་ནམ་མཁའ་མཐའ་ཡས་སྐྱེ་མཆེད་ནས་འདུ་ཤེས་མེད་འདུ་ཤེས་མེད་མིན་མན་ཆད་ཀྱི་འདུ་ཤེས་སོ། ། |
| མཐའ་ཡས་མ |
(མངོན་བརྗོད།) 1>ས་གཞི། 2>དཔལ་ལྡན་ལྷ་མོ། |
| མཐའ་ཡུལ |
རང་ཡུལ་མིན་པའི་གཞན་ཡུལ་ཏེ། (དཔེར་ན།) རྒྱུས་མེད་མཐའ་ཡུལ་དུ་འགྲོ་ཞེས་པ་ལྟ་བུ། |
| མཐའ་རྒྱན |
གོས་ཀྱི་མཐའ་རྒྱན་སྲམ་ལྤགས་ལྟ་བུ། |
| མཐའ་རྙེད་དཀའ |
(མངོན་བརྗོད།) གཟེ་མ་ར་མགོ། |
| མཐའ་རྟེན |
ཡི་གེའི་རྗེས་འཇུག་སྟེ། (དཔེར་ན།) ག་ང་ད་ན་བ་མ་འ་ར་ལ་ས་བཅས་སོ། ། |
| མཐའ་རྟེན་གྱི་དབང |
སློབ་མ་རྣམས་དབུགས་དབྱུང་བ་དང་བཀྲ་ཤིས་པར་བྱ་བའི་ཕྱིར་ཙཀ་ལི་སོགས་ཀྱིས་རྒྱལ་སྲིད་སྣ་བདུན་དང༌། བཀྲ་ཤིས་རྟགས་བརྒྱད་དང་རྫས་བརྒྱད་སོགས་ཀྱི་དབང་བསྐུར་བའོ། ། |
| གདུང་ཟམ |
གདུང་མ་རྐང་གཅིག་གི་ཟམ་པ། |
| གདུང་འཁོར |
གདུང་མ་བཞི་སྣེ་སྤྲད་པའི་གྲུ་བཞི་འཁོར་མ། |
| གདུང་འདེགས |
1.གདུང་མ་འདེགས་བྱེད་ཀྱི་ཀ་བ། 2.གདུང་མ་འདེགས་པར་བྱེད་པའི་བྱ་བ། |
| གདུང་འབར་ཆེ |
(མངོན་བརྗོད།) ཐན་པ། |
| གདུང་འབོད |
སེམས་སྐྱོ་བའི་ངང་ནས་འབོད་པ་སྟེ། (དཔེར་ན།) སྡུག་བསྔལ་མ་བཟོད་པར་གདུང་འབོད་ཡང་ཡང་བྱེད་ཅེས་པ་ལྟ་བུ། |
| གདུང་འཚོབ |
1.རུས་རྒྱུད་ཉམས་པ་དེ་འཚོབ་པར་བྱེད་པ་དང་འཛིན་པར་བྱེད་པ། 2.རིགས་དང་ལུགས་ཀྱི་རྒྱུད་འཛིན་མཁན། |
| གདུང་འཛིན |
1.རིགས་རྒྱུད་རྗེས་སུ་འཛིན་པ། 2.རིགས་རྒྱུད་འཛིན་མཁན། |
| གདུང་རབས |
རུས་རྒྱུད་མི་རབས། |
| གདུང་རིགས |
རུས་རྒྱུད། |
| གདུང་རིང |
1.ཁང་པའི་གདུང་ཤིང་རིང་པོ། 2.གདུང་རྒྱུད་ཀྱི་མི་རབས་རིང་པོ། |
| གདུང་རུས |
1.བླ་མ་སོགས་ཀྱི་རུས་པ། 2.རིགས་རྒྱུད། |
| གདུང་རྒྱུད |
རིགས་རྒྱུད་ཀྱི་ཞེ་ས། |
| གདུང་རྟེན |
སྐུ་གདུང་བཅུག་པའི་མཆོད་རྟེན། |
| གདུང་ཤུགས |
གདུང་བའམ་འདུན་པ་དྲག་པོའི་དོན་ཏེ། (དཔེར་ན།) གདུང་ཤུགས་ཀྱིས་གསོལ་བ་བཏབ་ཅེས་པ་ལྟ་བུ། |
| གདུང་སེམས |
སྡུག་བསྔལ་གྱིས་མནར་བའི་སྐྱོ་སྣང༌སྟེ། (དཔེར་ན།) གདུང་སེམས་མཉམ་སྐྱེ། གདུང་སེམས་དྲག་པོས་མཆི་མ་ཆར་པ་ལྟར་བབས་ཞེས་པ་ལྟ་བུ། |
| གདུང་སྐས |
གདུང་མ་རྐང་གཅིག་ལ་ཉག་ཀ་བཏོན་པའི་འཛེག་སྐས་ཏེ། བོད་སྐས་དང༌། བྱ་སྐས་ཀྱང་ཟེར། |
| གདུང་སྐྱོབ |
(མངོན་བརྗོད།) ཉི་གདུགས། |
| གདུང་སྒྲོམ |
པུར་སྒམ་མམ་རོ་སྒམ། |
| གདུང་སྲས |
རུས་རྒྱུད་ཀྱི་སྲས། |
| གདུངས |
གདུང་བའི་འདས་པ་དང་སྐུལ་ཚིག་སྟེ། (དཔེར་ན།) དབུལ་འཕོངས་ཀྱིས་གདུངས་པའི་མིས་བརྩོན་པ་བྱས་སྟབས་བདེ་བ་མྱངས་ཞེས་པ་ལྟ་བུ། |
| གདུངས་པ |
གདུང་བའི་འདས་པའི་བྱ་མིང། |
| གདུད་པ |
འདུད་པའི་མ་འོངས་པའི་བྱ་མིང་། |
| གདུབ |
གདུ་བུའི་བསྡུས་མིང༌སྟེ། (དཔེར་ན།) གསེར་གདུབ། ལག་གདུབ་ཅེས་པ་ལྟ་བུ། |
| གདུབ་ཀོར |
གདུ་བུ་སྟེ་རྐང་ལག་གི་རྒྱན། |
| གདུབ་སིལ |
རྐང་ལག་གི་རྒྱན་གདུ་བུ་འཁྲོལ་བའི་སྒྲ། |
| གདུབ་སྐོར |
གདུབ་ཀོར་དང་འདྲ། |
| གདུལ |
འདུལ་གྱི་མ་འོངས་པ་སྟེ། (དཔེར་ན།) གདུལ་བྱའི་དགྲ་བོ་གདུལ་དགོས་ལྟ་བུ། |
| གདུལ་བ |
འདུལ་བའི་མ་འོངས་པ། |
| གདུལ་བའི་དངོས་པོ་ལྔ |
བསྡིགས་པ། སྨད་པ། བསྙད་པ། སླར་བསྡུམ་པ། སྤང་བ་སྟེ་མི་འཇིགས་པ་བཅས་ལྔ། |
| གདུལ་བྱ |
1.ཆོས་ལུགས་ཀྱི་ཆོས་སྟོན་ཡུལ། 2.སློབ་འཁོར་སོགས་ཀྱི་མིང་། |
| གདུལ་བྱའི་ཁམས་དབང་བཞི |
སྔགས་རྒྱུད་སྡེ་བཞིའི་གདུལ་བྱ་རྣམས་ཀྱིས་ལམ་སྒོམ་པའི་ནུས་པ་དམན་མཆོག་མི་འདྲ་བ་བཞིར་ངེས་པ་སྟོང་པ་དང་ལྷའི་རྣལ་འབྱོར་མངོན་དུ་བྱེད་པ་ལ་ཕྱིའི་བྱ་བ་མང་པོ་ལ་ལྟོས་པ་དང༌། བྱ་བ་ཧ་ཅང་མི་མང་བར་ཕྱིའི་བྱ་བ་དང་ནང་གི་ཏིང་འཛིན་གཉིས་ཆ་མཉམ་པ་ལ་ལྟོས་པ་དང༌། ཕྱིའི་བྱ་བ་དང་ནང་གི་ཏིང་འཛིན་གཉིས་ལས་ཏིང་འཛིན་གཙོ་བོར་གྱུར་པ་ལ་ལྟོས་པ་དང༌། ཕྱིའི་བྱ་བ་ལ་མི་ལྟོས་པར་གོང་ན་མེད་པའི་རྣལ་འབྱོར་སྐྱེད་ནུས་པ་སྟེ་བཞི། |
| གདུལ་ཞིང |
སངས་རྒྱས་ཀྱི་གདུལ་བྱ་གནས་པའི་ཞིང་ངམ་ཡུལ་ཏེ། (དཔེར་ན།) མི་མཇེད་འཇིག་རྟེན་གྱི་ཞིང་ལྟ་བུ། |
| གདུས |
1.(བྱེད་མེད་ལས་ཚིག) གདུ་བའི་འདས་པ། (དཔེར་ན།) ཆུ་གདུས་ནས་རླངས་པ་འཕྱུར་ལྟ་བུ། 2.(བྱེད་འབྲེལ་ལས་ཚིག) གདུ་ཡི་འདས་པ་དང་སྐུལ་ཚིག |
| གདུས་ཁུ |
ཡུན་རིང་དུ་བསྐོལ་བའི་ཁུ་བ། |
| གདུས་ཐང |
སྨན་དང༌། ཇ། རུས་པ་སོགས་ཡུན་རིང་དུ་བསྐོལ་བའི་ཁུ་བ། |
| གདུས་པ |
གདུ་བའི་འདས་པའི་བྱ་མིང་། |
| གདེག |
འདེགས་པའི་མ་འོངས་པ་སྟེ། (དཔེར་ན།) གདེག་བྱའི་གདུང་མ་ཞེས་པ་ལྟ་བུ། |
| གདེག་པ |
འདེགས་པའི་མ་འོངས་པའི་བྱ་མིང། |
| གདེང |
1.ཚད་དམ་རྩིས་གཞི་སྟེ་ཡིད་ཆེས་ཀྱི་རྒྱུ་མཚན་ཏེ། (དཔེར་ན།) བློ་གདེང༌། གདེང་ཚོད། འཐོབ་གདེང༌ཞེས་པ་ལྟ་བུ།2.(བྱེད་འབྲེལ་ལས་ཚིག) གདེངས་པའི་མ་འོངས་པ་དང་ད་ལྟ་། ཡར་འཕྱར་བ་སྟེ། (དཔེར་ན།) རལ་གྲི་ཀླད་ལ་གདེང་བར་བྱ་ལྟ་བུ། |
| གདེང་ཐུབ་པ |
བློ་ཁེལ་བ་སྟེ། (དཔེར་ན།) ཐག་རིང་དུ་འགྲོ་དུས་ལམ་གྲོགས་གདེང་ཐུབ་པ་ཞིག་དགོས་ལྟ་བུ། |
| གདེང་ཐོབ་པ |
ངེས་ཤེས་ཐོབ་པའམ། ནང་བྱན་ཆུབ་པའི་དོན་ཏེ། (དཔེར་ན།) མི་འཇིགས་པའི་བློ་གདེང་ཐོབ་པ་ལྟ་བུ། |
| གདེང་དྲོད |
སྤོབས་པའི་ཚོད་དེ། (དཔེར་ན།) བྱ་བ་མ་བརྩམས་གོང་ལ་གདེང་དྲོད་རྙེད་པ་ཞིག་དགོས་ལྟ་བུ། |
| གདེང་བ |
(བྱེད་འབྲེལ་ལས་ཚིག) གདེངས་པའི་མ་འོངས་པའི་བྱ་མིང་། |
| གདེང་ཚད |
ཡིད་ཆེས་ཡོད་པའི་དཔའ་གདེང་གི་མིང་སྟེ། (དཔེར་ན།) ནད་སོས་པའི་གདེང་ཚད་ལོན་ཞེས་པ་ལྟ་བུ། |
| གདེང་ཚོད |
ཡིད་ཆེས་སམ་སྤོབས་པ་སྟེ། (དཔེར་ན།) དགྲ་བོ་ཚང་མ་ཐུབ་ཡོང་སྙམ་པའི་གདེང་ཚོད་རྙེད་པ། ཕྱོགས་ཐམས་ཅད་ནས་རྣམ་པར་རྒྱལ་ཐུབ་པའི་གདེང་ཚོད་ཡོད་ལྟ་བུ། |
| གདེང་འཁེལ་བ |
ཡིད་ཆེས་པ་སྟེ། (དཔེར་ན།) ང་ཚོ་དྲང་བདེན་ཡིན་པས་གདེང་འཁེལ་བའི་གྲོགས་པོ་རྙེད་ཐུབ། ཕོ་ཉ་གདེང་འཁེལ་བ་ཞིག་བཏང་ལྟ་བུ། |
| གདེང་འཇོག་པ |
ཆ་འཇོག་པའམ་རིན་ཐང་རྩི་བ་སྟེ། (དཔེར་ན།) ཚོང་ཟོག་བཀྲམ་ནས་རིན་གོང་འདི་ཙམ་ཁུག་ཡོང་བསམ་པའི་གདེང་འཇོག་པ་ཞེས་པ་ལྟ་བུ། |
| གདེང་ལྡན་པ |
གདེང་ཡོད་པ་སྟེ། (དཔེར་ན།) མཐར་ཐུག་གི་རྒྱལ་ཁ་ཐོབ་པའི་གདེང་ལྡན་པ་ཞིག་དགོས་ལྟ་བུ། |
| གདེངས |
གདེང་གི་འདས་པ་དང་སྐུལ་ཚིག་སྟེ། (དཔེར་ན།) གྲི་རིང་ཀླད་ལ་གདེངས་ནས་དགྲ་ལ་བརྒྱབ། གྲི་གདེངས་ཤིག་ལྟ་བུ། |
| གདེངས་ཀ |
ཀླུ་རྒྱལ་གྱི་མགོར་སྐྱེས་པའི་རྒྱན་ལྟ་བུ་ཞིག་སྟེ། (དཔེར་ན།) སྦྲུལ་ལྔའི་གདེངས་ཀ། སྦྲུལ་བདུན་གྱི་གདེངས་ཀ་ཞེས་པ་ལྟ་བུ། |
| གདེངས་ཀ་ཅན |
(མངོན་བརྗོད།) ཀླུ། |
| གདེངས་ཀ་བདུན་པ |
(མངོན་བརྗོད།) ཀླུའི་དབང་པོ། |
| གདེངས་ཀ་འཛིན |
(མངོན་བརྗོད།) སྦྲུལ་གྱི་གདེངས་ཀ་ཡོད་པའི་ཀླུ་རྒྱལ། |
| གདེངས་ཅན |
(མངོན་བརྗོད།) 1.ཀླུ་ལ་མིང་གཞན་གདེངས་ཅན་ཡང་ཟེར་བས་གྲངས་བརྒྱད་མཚོན། 2>གདེངས་ཀ་ཅན་གྱི་བསྡུས་ཚིག 3>སྦྲུལ། |
| གདེངས་ཅན་དབང་པོ |
(མངོན་བརྗོད།) ཀླུའི་རྒྱལ་པོ། |
| གདེངས་ཅན་འདྲེན་པ |
(མངོན་བརྗོད།) ཀླུ་རྒྱལ། |
| གདེངས་ཅན་ལྷ་མོ |
1.སྐར་མ་སྐག 2.ཀླུ་མོ་ཞིག |
| གདེངས་པ |
གདེང་བའི་འདས་པ། |
| གདོང |
1.གདོང་པ་སྟེ་ངོ་གདོང་གི་བསྡུས་ཚིག 2.མདུན་གྱི་དོན་ཏེ། (དཔེར་ན།) གདོང་དུ་འགྲོ་མཁན་རྣམས་དེ་རིང་ཐོན་པ་རེད། རི་བོང་དང་རུས་སྦལ་གཉིས་གོམ་རྩལ་འགྲན་པས་རུས་སྦལ་གདོང་དུ་སླེབས། རང་རང་གི་ཡུལ་དུ་གདོང་ཕྱོགས་ཏེ་ལྡོག་ཅེས་པ་ལྟ་བུ། 3.འཕྲིན་སོགས་སྐྱེལ་མངགས་བྱེད་པའམ་བརྒྱུད་པའི་དོན་ཏེ། (དཔེར་ན།) བང་ཆེན་རྡོ་རྗེའི་གདོང་ནང་དོན་ཞུ་ཡིག་རྟེན་དང་བཅས་པ་ཕུལ་ཡོད་ཅེས་པ་ལྟ་བུ།4.སྒང་འབུར་གྱི་སྣེ་མོའི་མིང་སྟེ། (དཔེར་ན།) རི་གདོང་། གདོང་ག་གདོང་སྣ་ཞེས་པ་ལྟ་བུ། 5.མགོའི་མིང་སྟེ། (དཔེར་ན།) ལུག་གཉིས་ཀྱིས་གདོང་ཐུག་བརྒྱབ་ཅེས་པ་ལྟ་བུ། |
| གདོང་ཁ |
ངོ་གདོང༌། |
| གདོང་ཁེབས |
1.དཔེ་ཆ་གླེགས་བམ་གྱི་གདོང་འཛར། 2.གདོང་འབག 3.བུད་མེད་ཀྱི་གདོང་ལ་གྱོན་པའི་སང་རས། |
| གདོང་གཏུགས་པ |
ཕན་ཚུན་གདོང་དང་གདོང་ཐད་ཀར་ཕྲད་པར་བྱས་པ་སྟེ། (དཔེར་ན།) དངོས་སུ་གདོང་གཏུགས་པ། ལམ་འཕྲང་དོག་པོར་གདོང་གཏུགས་ཞེས་པ་ལྟ་བུ། |
| གདོང་གཡོགས་བཅིང་བ |
ཕྱི་འཇུག་གི་ནང་གསེས་ཏེ། སློབ་མ་རྣམས་དཀྱིལ་འཁོར་མཐོང་བ་རེ་ཞིག་བསྒྲིབ་པ་དང༌། མ་རིག་པས་ལྡོངས་པ་མཚོན་བྱེད་དུ་མིག་དར་དམར་པོ་དཔྲལ་བར་བཅིང་བའོ། ། |
| གདོང་གཤིས |
ངོ་གདོང་གི་རྣམ་འགྱུར་ཏེ། (དཔེར་ན།) ཁོའི་རྫུན་རྐུབ་རྡོལ་བས་ཁ་སྐྱེངས་ནས་གདོང་གཤིས་འགྱུར་སོང༌ཞེས་པ་ལྟ་བུ། |
| གདོང་གཤེར |
ཕན་ཚུན་གདོང་ཐུག་གིས་རྩོད་པ་སྟེ། (དཔེར་ན།) གྱོད་ཡ་གཉིས་གདོང་གཤེར་བྱེད་དུ་འཇུག་པ་ཞེས་པ་ལྟ་བུ། |
| གདོང་གི་ཡ་མ |
མིག་དང་རྣ་བའི་བར་གྱི་ཡ་ཁུང་གཡས་གཡོན། |
| གདོང་གུད་དུ་སྒྱུར་བ |
ངོ་གདོང་ཐད་ཀར་མི་སྟོན་པར་གཡས་གཡོན་སོགས་ལ་ཟུར་བཅུས་བྱེད་པ་སྟེ། (དཔེར་ན།) འཁོན་པའི་མི་དང་ཕྲད་དུས་གདོང་གུད་དུ་སྒྱུར་བ་ལྟ་བུ། |
| གདོང་གྲོགས |
སྡོང་གྲོགས་དང་འདྲ། |
| གདོང་གློད་པ |
ངོ་ཚ་བའམ་ཁ་སྐྱེངས་ནས་གདོང་ས་ལ་ཕབ་པ་སྟེ། (དཔེར་ན།) ཨ་མས་མི་མང་པོའི་ཁྲོད་དུ་བུ་ལ་བཀའ་བཀྱོན་གནང་བས་བུ་ངོ་ཚ་ནས་གདོང་གློད་པ་ལྟ་བུ། |
| གདོང་ངན |
(མངོན་བརྗོད།) 1>སྤྲེའུ། 2>མེ་སྤྲེལ་ལོ། |
| གདོང་ཆུང |
1.ངོ་གདོང་ཆུང་བ། 2.ངོ་ཚ་ཆེ་བ་དང༌། ཁྲེལ་ཡོད་པ། 3.རྩིས་མཐོང་མེད་པ་དང་སྣང་ཆུང༌གི་དོན་ཏེ། (དཔེར་ན།) ཡ་རབས་ཀྱིས་སྒེར་ཕན་གདོང་ཆུང་དུ་འདོར་ཐུབ་པ། གཉེན་ལ་གདོང་ཆུང་གི་ལྟག་པ་སྟོན་ཞེས་པ་ལྟ་བུ། |
| གདོང་ཆེན |
1.ངོ་གདོང་ཆེན་པོ། 2.དཔྲལ་ཀོ་མཐུག་པོ་དང༌། ངོ་ཚ་མེད་པ། 3.རྩིས་མཐོང་ཆེན་པོ། |
| གདོང་ཐུག་ཁུངས་སྐྱེལ |
ངོ་གདོང་ཕྲད་ནས་དོན་རྩ་ར་སྤྲོད་བྱེད་པ་སྟེ། (དཔེར་ན།) གདོང་ཐུག་ཁུངས་སྐྱེལ་ཞིག་རང་ཞུས་ཆོག་པ་ཞུ་ཞེས་པ་ལྟ་བུ། |
| གདོང་ཐུག་པ |
1.ཞལ་རས་མཇལ་བའི་དོན་ཏེ། (དཔེར་ན།) རང་གཞན་གྱི་དཔུང་དམག་གདོང་ཐུག་ཏུ་འཐབ་པ་ལྟ་བུ། 2.ཕན་ཚུན་གློ་བུར་དུ་གདོང་ཐུག་བརྒྱབ་པ། |
| གདོང་དཀར |
1.ངོ་གདོང་གི་ཤ་མདོག་དཀར་པོ། 2.གདོང་འཛུམ་པའི་རྣམ་འགྱུར། 3.ས་མིང་ཞིག་སྟེ། བོད་ཀྱི་སྟོད་ལུང་བདེ་ཆེན་རྫོང་ཁོངས་སུ་ཡོད། |
| གདོང་དམར་ཅན་གྱི་ཡུལ |
བོད་མི་ཕལ་ཆེ་བའི་གདོང་མདོག་སྐྱ་བོ་རང་མིན་པར་དམར་ཤས་ཆེ་བའི་རྒྱུ་མཚན་གྱིས་བོད་ཡུལ་ལ་གདོང་དམར་ཅན་གྱི་ཡུལ་ཞེས་ཟེར། མདོ་ལས་ཀྱང༌། གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་དང༌། རྒྱའི་དེབ་ཐེར་དུ་བོད་མི་རྣམས་ལ་གདོང་གི་མཛེས་བྱེད་དུ་ཚོས་དམར་པོ་བགོ་བའི་གོམས་སྲོལ་ཡོད་པར་བཤད་པ་དང༌། བོད་རང་གི་ཡི་གེ་རྙིང་པ་རྒྱལ་པོའི་བཀའ་ཐང་སོགས་ལས་ཀྱང་ཤ་ཟན་གདོང་དམར་ཅན་ཞེས་ཀྱང་སྣང་ངོ་། ། |
| གདོང་དམར་པོ |
ངོ་མདོག་དམར་པོ་སྟེ་ཁོང་ཁྲོ་ཟ་བའི་གདོང་མདོག (དཔེར་ན།) ཚིག་པ་ཟོས་ནས་གདོང་དམར་པོར་ཕྱིན་སོང༌ལྟ་བུ། |
| གདོང་དམར་བ |
1.སྔར་བོད་རིགས་ཀྱི་མིང་ལ་དེ་ལྟར་ཟེར། 2.གདོང་གི་ཁ་དོག་དམར་བ། |
| གདོང་དམར་ཡུལ |
གདོང་དམར་ཅན་གྱི་ཡུལ་དང་དོན་གཅིག |
| གདོང་དར |
པུ་ཏིའི་གདོང་ངོས་སུ་གདགས་བྱ་གོས་ཆེན་སོགས་ཀྱིས་བཟོས་པའི་གདོང་རྟགས། |
| གདོང་དྲུག་པ |
ལྷ་དབང་ཕྱུག་ཆེན་པོའི་བུ་གཞོན་ནུ་གདོང་དྲུག མིང་གི་རྣམ་གྲངས་ལ་བཅུ་གཉིས་མིག་ལྡན་དང༌། མ་དྲུག་བུ། ལྷའི་དམག་དཔོན་བཅས་སོ། ། |
| གདོང་པ |
བཞིན་རས་ཏེ། (དཔེར་ན།) གདོང་པ་ནག་ཀྱང་སེམས་པ་དཀར། གདོང་དཀར་བ་ཟླ་བ་ལྟ་བུ། |
| གདོང་ཕྱིས |
1.གདོང་བཀྲུས་པ། 2.གདོང་འབྱིད་བྱེད་ཀྱི་རས། 3.འཚོ་བའི་ཡོ་བྱད་བཅུ་གསུམ་གྱི་ནང་གསེས། སྲིད་དང་ཞེང་དུ་ཁྲུ་གང་གི་ཚད་དང་ལྡན་པའི་ཡོ་བྱད་ཅིག |
| གདོང་ཕྲད་པ |
ཞལ་རས་མཇལ་བ་སྟེ། (དཔེར་ན།) གདོང་ཕྲད་པའི་སྐབས་སུ་སྐད་ཆ་བཤད་པ་ལས་རྒྱབ་ཏུ་བཤད་མི་ཉན་ཞེས་པ་ལྟ་བུ། |
| གདོང་བཅུ་པ |
(མངོན་བརྗོད།) སྲིན་པོའི་རྒྱལ་པོ། |
| གདོང་བན |
(རྒྱ་སྐད།) ཁྲུས་སྤྱད། |
| གདོང་བཞི་པ |
(མངོན་བརྗོད།) ཚངས་པ། |
| གདོང་བཞི་མིག་བརྒྱད |
མི་མང་འཛོམས་པའི་དོན་ཏེ། (དཔེར་ན།) དོན་དག་དེའི་སྐོར་ང་རང་ཚོ་གདོང་བཞི་མིག་བརྒྱད་ཀྱིས་གྲོས་ཐག་བཅད་པ་ཡིན་ནོ་ཞེས་པ་ལྟ་བུ། |
| གདོང་བརྐོས |
པར་ཤིང་གི་ཟུར་གདོང་གི་ཁ་བྱང་བརྐོས་མ། |
| གདོང་བརྟན་པོ |
གཤིས་ཀ་འགྱུར་སླ་པོ་མིན་པའམ་རང་ཚུགས་ཐུབ་པོའི་དོན་ཏེ། (དཔེར་ན།) གཞན་གྱི་ངོ་འཛུམ་དཀར་ནག་ལ་མི་ལྟ་བའི་གདོང་བརྟན་པོ་ཞིག་ཡོད། དུས་ཡུན་ཇི་ཙམ་འགྲོགས་ཀྱང་འགྱུར་བ་མེད་པའི་གདོང་བརྟན་པོ་ཞིག་བྱེད་དགོས་ལྟ་བུ། |
| གདོང་བཤེར་ར་སྤྲོད |
དངོས་སུ་གདོང་ཐུག་ནས་ར་སྤྲོད་བྱེད་པ་སྟེ། (དཔེར་ན།) ཕན་ཚུན་གཉིས་ཀྱི་བཤད་ཚུལ་འགལ་འཛོལ་ཆེ་བས་གདོང་བཤེར་ར་སྤྲོད་མི་བྱེད་ཐབས་མེད་བྱུང༌ཞེས་པ་ལྟ་བུ། |
| གདོང་བསུ |
ཚུར་ཡོང་མཁན་གྱི་གདོང་ལ་ཕྱིན་ནས་བསུ་བ་སྟེ། (དཔེར་ན།) གདོང་བསུས་ནས་ཕར་རྒོལ་བྱེད་པ། གདོང་བསུས་ཏེ་ཁྱིམ་དུ་སླེབས་པ། ཐག་རིང་བར་དུ་འགྲུལ་པ་གདོང་བསུ་ལ་འགྲོ་བ་ཞེས་པ་ལྟ་བུ། |
| གདོང་བསྡུས་པ |
བཞིན་བསྡུས་ནས་ཁྲོ་གཉེར་བསྟན་པ་སྟེ། (དཔེར་ན།) སེམས་ཁྲོས་ཏེ་གདོང་བསྡུས་པ་ལྟ་བུ། |
| གདོང་མདོག |
བཞིན་རས་ཀྱི་ཁ་དོག་སྟེ། (དཔེར་ན།) ཁོང་ཁྲོ་ཟོས་ནས་གདོང་མདོག་དམར་ནག་བསྟན་ཅེས་པ་ལྟ་བུ། |
| གདོང་ཚན |
ངོ་ཚ་མཚེར་སྣང༌སྟེ། (དཔེར་ན།) གདོང་ཚན་ཆུང་བ། གདོང་ཚན་ཆེ་བ། གདོང་ཚན་མཐུག་པོ་ཡིན་པས་ངོ་ཚ་ཟེར་བ་མི་ཤེས་ལྟ་བུ། |
| གདོང་ཚན་ཅན |
དཔྲལ་ཀོ་མཐུག་པོའམ། ངོ་ཚ་འཛེམ་བག་ཆུང་བའི་དོན་ཏེ། (དཔེར་ན།) གདོང་ཚན་ཅན་གྱི་མི་ཚོས་གང་ཡང་བྱས་ཡོང༌ལྟ་བུ། མིང་གི་རྣམ་གྲངས་ལ་སྐྱེངས་པ་མེད་དང༌། གནོང་མེད། དཔྲལ་ཀོ་ཅན། སྤྱི་བརྟོལ་ཅན། འཚེར་བ་མེད། ལོག་པར་སྤོབས་བཅས་སོ། ། |
| གདོང་ཞུ |
རིམ་བརྒྱུད་ཀྱིས་མ་ཞུས་པར་ཞུ་ཡུལ་གཙོ་བོའི་མདུན་དུ་རང་ཉིད་ཀྱིས་ཐད་ཀར་ཞུས་པ་སྟེ། (དཔེར་ན།) སྔ་ཕྱིའི་བདེ་སྡུག་ཡོང་རྐྱེན་ཚང་མ་དོན་གྱི་བདག་པོ་ངོ་མའི་སྐུ་མདུན་དུ་གདོང་ཞུ་མཐར་ཕྱིན་བྱས་པ་ཡིན་ལྟ་བུ། |
| གདོང་འབག |
གདོང་ལ་གྱོན་རྒྱུའི་འབག |
| གདོང་འབྱིད |
1.ངོ་རས་ཀྱིས་འཕྱིད་པ། 2.གདོང་ཕྱི་བྱེད་ཀྱི་རས། |
| གདོང་འཛར |
ཆོས་པོ་ཏིའི་མཚན་ཡིག་འཁོད་པའི་འཛར། |
| གདོང་འཛིན |
སྒྲ་གཅན་གདོང་དང་ཉི་ཟླ་ཕྲད་དེ་འཛིན་པའི་མིང༌། |
| གདོང་ཡིག |
གླེགས་བམ་གྱི་གདོང་ཁེབས་སྟེང་གི་ཡི་གེ། |
| གདོང་ཡིག་གི་རྒྱ |
རྒྱ་རིམ་པ་བདུན་གྱི་ནང་གསེས། གླེགས་བམ་མི་འཁྲུག་པར་བྱེད་པའི་རྟགས་ཏེ་གདོང་འཛར། |
| གདོང་རིས |
ངོ་གདོང༌དང་འདྲ་སྟེ། (དཔེར་ན།) གདོང་རིས་ངན་པ་ཞེས་པ་ལྟ་བུ། |
| གདོང་ལེན་པ |
མདུན་དུ་འགྲོ་མཁན་ཏེ། (དཔེར་ན།) དམག་གི་མཚོན་ཆའི་གདོང་ལེན། གདོང་ལེན་འཐབ་འཛིང་པ། ཕར་འགྲོ་དམག་གི་གདོང་ལེན་ཡིན། ཚུར་ཡོང་དཔུང་གི་རྗེས་མ་ཡིན། སྤྲང་པོ་ཡིན་ན་ཁྱི་ཁ་གདོང་ལེན་པ་ཞིག་དགོས་ཞེས་པ་ལྟ་བུ། |
| གདོང་ལྔ་པ |
(མངོན་བརྗོད།) 1>དབང་ཕྱུག་ཆེན་པོ། 2>སེང་གེ། |
| གདོང་ལྡོག་པ |
1.མཛའ་བརྩེའི་རྣམ་འགྱུར་ལོག་པའི་དོན་ཏེ། (དཔེར་ན།) བྱ་སྤྱོད་ངན་པས་ཁྲེལ་ནས་དགའ་ཉེ་བློ་དཀར་གྱི་གདོང་ལྡོག་པ་ཞེས་པ་ལྟ་བུ། 2.ཚུར་ཡོང་བཞིན་དུ་ཕར་ལོག་པ་སྟེ། (དཔེར་ན།) དགྲ་བོར་འཐབས་པས་གདོང་ལྡོག་ཏུ་བྲོས་སོང༌། ན་ཚ་ཕོག་འཕྲལ་སྨན་བཏང་བས་ནད་གཞི་གདོང་ལྡོག་སོང༌ཞེས་པ་ལྟ་བུ། |
| གདོང་ལྷགས |
མདུན་ཕྱོགས་ནས་གཡུག་པའི་རླུང༌སྟེ། (དཔེར་ན།) གདོང་ལྷགས་རྒྱག་དུས་གྲུ་སྐུལ་དཀའ་ཞེས་པ་ལྟ་བུ། |
| གདོང་ཤིང |
(ཡུལ་སྐད།) ལྷམ་གྱི་གདོང་རྒྱོང་བྱེད་ཀྱི་ཤིང༌། |
| གདོང་ཤེད |
ཧམ་སྤོབས་ཏེ། (དཔེར་ན།) རང་དོན་ཁོག་ཏུ་བཅུག་ནས་གཞུང་གི་རྒྱུ་ནོར་ལ་འདོད་རྔམ་གྱི་གདོང་ཤེད་ཆེན་པོ་བྱེད་ཅེས་པ་ལྟ་བུ། |
| གདོང་སྐར |
གཟའ་སྒྲ་གཅན་གྱི་གདོང་ཐད་ཀྱི་སྐར་མ། |
| གདོང་སྒྱུར |
གདོང་གི་རྣམ་འགྱུར་གཞན་དུ་སྒྱུར་བར་བྱེད་པ་སྟེ། (དཔེར་ན།) རྒྱུ་རྐྱེན་ཕྲན་བུ་ཙམ་ལ་གདོང་སྒྱུར་བའི་བྱ་སྤྱོད་མ་བྱེད་ཅེས་པ་ལྟ་བུ། |
| གདོང་སྔོན་ལ |
བོད་མདོ་ཁམས་འབའ་ཐང་ཡུལ་གྱི་ལ་ཞིག |
| གདོང་སྔོན་ལ |
མདོ་སྟོད་འབའ་ཐང་ཡུལ་གྱི་ལ་ཞིག |
| གདོང་སྟོན་པ |
ངོ་གདོང་སྟོན་པ་སྟེ། (དཔེར་ན།) གདོང་སྟོན་མི་ཤེས་པ། གདོང་སྟོན་པ་ལ་ངོ་ཚ་བ། ཕྲུ་གུ་འགའ་ཤས་ཀྱིས་འགྲུལ་པ་གསར་པ་སླེབས་དུས་གདོང་སྟོན་མི་ཐུབ་པ་བྱས་ཡོང༌ཞེས་པ་ལྟ་བུ། |
| གདོང་སྟོན་པ |
ངོ་གདོང་སྟོན་པ་སྟེ། (དཔེར་ན།) གདོང་སྟོན་མི་ཤེས་པ། གདོང་སྟོན་པ་ལ་ངོ་ཚ་བ། ཕྲུ་གུ་འགའ་ཤས་ཀྱིས་འགྲུལ་བ་སླེབས་དུས་གདོང་སྟོན་མི་ཐུབ་པ་བྱས་ཡོང་ལྟ་བུ། |
| གདོང་སྣ་གཏད་པ |
ཁ་ཕྱོགས་པའི་དོན་ཏེ། (དཔེར་ན།) རང་ཡུལ་ལ་གདོང་སྣ་གཏད་ནས་ལོག་ཅེས་པ་ལྟ་བུ། |
| གདོང་སྣ་གཏད་པ |
ཁ་ཕྱོགས་པ་སྟེ། (དཔེར་ན།) རང་ཡུལ་ལ་གདོང་སྣ་གཏད་ནས་ལོག་པ་ཞེས་པ་ལྟ་བུ། |
| གདོང་སྤྲད་པ |
ཕན་ཚུན་གདོང་ཐུག་ཏུ་བཅུག་པ་སྟེ། (དཔེར་ན།) སྔར་ནས་ཡ་བྲལ་དུ་སོང་བའི་མཛའ་གྲོགས་ཕན་ཚུན་ད་ལམ་ང་རང་གིས་གདོང་སྤྲད་པ་ཡིན་ཞེས་པ་ལྟ་བུ། |
| གདོང་སྤྲད་པ |
ཕན་ཚུན་གདོང་ཐུག་ཏུ་བཅུག་པ་སྟེ། (དཔེར་ན།) སྔར་ནས་ཡ་བྲལ་དུ་སོང་བའི་མཛའ་གྲོགས་ཕན་ཚུན་ད་ལམ་ང་རང་གིས་གདོང་སྤྲད་པ་ཡིན་ཞེས་པ་ལྟ་བུ། |
| གདོང་སྨད་པ |
གདོང་ས་ལ་ཕབ་པ་སྟེ། (དཔེར་ན།) རྫུན་རྐུབ་རྡོལ་ཏེ་ངོ་ཚ་ནས་གདོང་སྨད་ཅེས་པ་ལྟ་བུ། |
| གདོང་སྨད་པ |
གདོང་ས་ལ་ཕབ་པ་སྟེ། (དཔེར་ན།) རྫུན་རྐུབ་རྡོལ་ཏེ་ངོ་ཚ་ནས་གདོང་སྨད་པ་ཞེས་པ་ལྟ་བུ། |
| གདོངས |
གདེངས་པའི་སྐུལ་ཚིག་སྟེ། (དཔེར་ན།) ཁ་གདོངས་ཤིག་ལྟ་བུ། |
| གདོངས |
གདང་བའི་སྐུལ་ཚིག |
| གདོད |
1.བཏོད་པའི་མ་འོངས་པ་སྟེ། (དཔེར་ན།) གདོད་བྱའི་ལུགས་སྲོལ། སྲོལ་གདོད་དགོས་ལྟ་བུ། 2.གདོད་མ་སྟེ། དང་པོའམ་ཐོག་མའི་དོན། (དཔེར་ན།) མཁའ་དབྱིངས་གདོད་ནས་མཐའ་མེད་ཡིན། སྣང་མུན་གདོད་མ་ཉིད་ནས་འགལ་བར་གནས་པ་ཞེས་པ་ལྟ་བུ། |
| གདོད |
ཐོག་མ་དང་རྩ་བ་དང་པོ་བཅས་ཀྱི་དོན། |
| གདོད་ནས་མ་སྐྱེས་པ |
ཆོས་ཀུན་དོན་དམ་པར་སྐྱེ་བ་མེད་པའི་དོན། |
| གདོད་ནས་མ་སྐྱེས་པ |
ཐོག་མ་ཉིད་དམ་རྩ་བ་ཉིད་ནས་མ་སྐྱེས་པ། |
| གདོད་བྲལ |
གཞི་རྩ་བ་ནས་བྲལ་བ། |
| གདོད་མ |
ཐོག་མའམ་དང་པོའི་དོན་ཏེ། (དཔེར་ན།) གདོད་མའི་དུས། གདོད་མའི་ནགས་ཚལ་ཞེས་པ་ལྟ་བུ། |
| གདོད་མའི་སངས་རྒྱས |
1.ཐོག་མའི་མགོན་པོ་འོད་མི་འགྱུར་བའམ་ཆོས་སྐུ་ཀུན་ཏུ་བཟང་པོ། 2.གཞི་དུས་ཀྱི་སངས་རྒྱས་ཏེ་གཞི་རྒྱུད་བདེ་བར་གཤེགས་པའི་སྙིང་པོ། |
| གདོན |
1.མི་མིན་གྱི་གནོད་བྱེད་ཅིག་སྟེ། (དཔེར་ན།) ཁོའི་སེམས་རྒྱུད་གདོན་གྱིས་བརླམས་པ་ལྟར་སྨྱོན་པར་གྱུར། རང་དབང་མེད་པར་གདོན་ཞུགས་པ། 2.བཏོན་གྱི་མ་འོངས་པ། |
| གདོན་གནོད |
འདྲེ་གདོན་གྱི་འཚེ་བ། |
| གདོན་གསུམ |
སྟེང་གདོན་གཟའ་དང་རྒྱུ་སྐར། བར་གདོན་བཙན་དང་རྒྱལ་པོ། འོག་གདོན་ཀླུ་དང་ས་བདག་བཅས་གསུམ། |
| གདོན་ནད |
ལྷ་ཀླུ་གཟའ་བཙན་ལྟ་བུ་མི་མིན་གྱིས་གནོད་པ་བཏང་བའི་ནད་གཟའ་གྲིབ་དང་མཛེ་ནད་ལྟ་བུ། |
| གདོན་པ |
འདོན་པའི་མ་འོངས་པ། |
| གདོན་ཕྱྭ |
མི་ཞིག་གི་ལག་རྩ་འཕར་སྟངས་ལ་བརྟེན་ནས་ཁོ་ལ་གདོན་འདྲེའི་གནོད་སྐྱོན་སོགས་བྱུང་ཡོད་མེད་བརྟག་དཔྱད་བྱེད་པའི་མོ་ཕྱྭ་སྟེ་ངོ་མཚར་རྩ་བདུན་གྱི་ནང་གསེས་ཤིག |
| གདོན་བགེགས |
མི་མ་ཡིན་གདོན་བགེགས། |
| གདོན་མི་ཟ |
ཐེ་ཚོམ་མེད་པའི་དོན་ཏེ། (དཔེར་ན།) བརྩོན་པ་བསྐྱེད་ན་འབྱོར་བ་རྒྱས་པར་གདོན་མི་ཟ་ཞེས་པ་ལྟ་བུ། |
| གདོན་མི་ཟ་བ |
ཐེ་ཚོམ་མེད་པ་སྟེ། (དཔེར་ན།) དགྲས་རྒོལ་བར་ལྷགས་པ་གདོན་མི་ཟ་ཞེས་པ་ལྟ་བུ། |
| གདོན་ཞུགས་པ |
མི་མ་ཡིན་མིའི་ཁོག་པར་ཞུགས་པ་སྟེ། (དཔེར་ན།) རྒྱུད་ལ་གདོན་ཞུགས་ཏེ་སྨྱོས་སོང་ཟེར་བ་ལྟ་བུ། |
| གདོན་ཟོག |
བར་ཆད་ཡོང་བའི་ནོར་རྫས། |
| གདོན་འདྲེ |
མི་མིན་གདོན་འདྲེའམ། གདུག་འདྲེ། |
| གདོན་སྲི |
གདོན་གནོད་དུས་སུ་ལྡང་བའི་སྲི། |
| གདོམས |
འདམ་པའི་སྐུལ་ཚིག་ཐོམ་དང་དོན་གཅིག་ |
| གདོལ |
1.བདལ་བའི་སྐུལ་ཚིག་སྟེ། (དཔེར་ན།) ཐང་མ་གདོལ་ཅིག་ལྟ་བུ། 2.གླེབས་ནས་རྒྱ་ཁྱོན་ཇེ་ཆེར་བཏང་བ་སྟེ། (དཔེར་ན།) ཕྱེ་གདལ་ཞེས་པ་ལྟ་བུ། |
| གདོལ་བ |
རྒྱ་གར་གྱི་རིགས་བཞིའི་ཡ་གྱལ་ཞིག་གི་མིང་སྟེ། བཤུ་གཞོག་དང་གཉའ་གནོན་ཆེས་ལྕི་བ་མྱོང་མཁན་གྱི་རིམ་གྲས་ཤིག་ཡིན། |
| གདོལ་རིགས |
སྔར་རྒྱ་གར་གྱི་རིགས་བཞིའི་ཐ་མ་དམངས་རིགས་ལས་ཀྱང་དམན་པའི་མགར་བ་དང༌། བཤན་པ། རྔོན་པ། ཉ་པ། ཐགས་མཁན། ཆོམ་པོ་སོགས་སྤྱིའི་མིང༌། |
| གདོལ་སྤྱོད |
མི་བསྲུན་རྩུབ་པོའི་སྤྱོད་པ། |
| གདོས |
བོངས་དང་ལྗིད་ཚད་ཆེ་བ་སྟེ། (དཔེར་ན།) གདོས་བཅས་ཤ་རུས། གདོས་བཅས་ཀྱི་ལུས། ལམ་ཆས་མང་ན་ལམ་ལ་འགྲོ་མཁན་གྱི་གདོས་ཡིན་ལྟ་བུ། |
| གདོས་ཆེ་བ |
གདོས་སུ་ཆེ་བའི་བསྡུས་ཚིག |
| གདོས་ཐག |
གྲུའི་ཐག་པ། |
| གདོས་པ |
1.གྲུ། 2.སྐྱ་བ། 3.གྲུ་གཟིངས་ཀྱི་སྟེང་དུ་བཙུགས་པའི་རླུང་དར། 4.མཉན་པ་སྟེ་གྲུ་པ། |
| གདོས་པ |
གྲུ་དར་གྱི་མིང་དུ་བཤད་པ་ཡོད། |
| གདོས་པ་འཛིན་པ |
(མངོན་བརྗོད།) ཀོ་གྲུ་གཏོང་མཁན། |
| གདོས་བཅས |
རགས་པའི་གཟུགས་ཅན་ཏེ། (དཔེར་ན།) གདོས་བཅས་ཤ་ཁྲག་གི་ལུས་ལྟ་བུ། |
| གདོས་བུ |
1.ཤིང་བུ་ལས་བྱས་པ་ཆུ་ཚོད་ཀྱི་སྣོད་འདྲ་བ་དགེ་སློང་བསམ་གཏན་པ་གཉིད་སློང་བྱེད། 2.གྲུའི་རླུང་གཡོར། |
| གདོས་བྲལ |
འཇའ་ཚོན་ལྟ་བུའི་གཟུགས་ཕྲ་བ། |
| གདོས་མེད |
བོངས་ཆུང་བའམ་ཕྲ་བ། |
| གདོས་ཚད |
བོངས་ཚད་དང༌། ལྗིད་ཆེ་ཆུང་གི་ཚད། |
| གདོས་སུ་ཆེ་བ |
1.ལྗིད་ཆེ་བ། 2.བོངས་ཚད་ཆེ་བ། |
| གན |
ཉེ་དྲུང་ངམ་ཉེ་སའི་མིང་སྟེ། (དཔེར་ན།) དགེ་རྒན་གྱི་གན་དུ་སོང་ལྟ་བུ། ཀན་གྱི་འབྲི་ཚུལ་གཞན། |
| གན་ཀྱལ |
གན་རྐྱལ་གྱི་འབྲི་ཚུལ་གཞན། |
| གན་གཡོག |
གཎྜི་རྡུང་བྱེད་ཀྱི་ཤིང་ཞིག་རྒྱུ་ཙན་དན་དང༌། བིལ་བ་སོགས་གཎྜིར་རྡུང་བའི་ཤིང་དེ་ཉིད་ལས་བྱས་པ། ཚད་གཎྜི་ལ་འཕོག་པའི་ཚད་ལ་སོར་བཅུ་གཉིས། ལག་པས་གཟུང་བར་བྱ་བའི་འཆང་གཟུང་ལ་ཡང་ཚད་དེ་ཉིད་དང་ལྡན་པ། རྩེ་མོ་གཉིས་ནེའུ་ལེའི་མགོ་བཞིན་དུ་ཡོད་པའོ། ། |
| གན་ཇི་ར |
གཉྫིརའི་ཟུར་ཆག་གཙུག་ལག་ཁང་སོགས་ཀྱི་ཐོག་སྟེང་དུ་འཛུགས་རྒྱུའི་རྒྱན་ཆའི་རིགས་ཤིག |
| གན་ཇིར |
གན་ཇི་རའི་བསྡུས་མིང༌། |
| གན་དར |
གོས་ཆེན་གྱི་རིགས་ཤིག |
| གན་དེ |
གཎྜི་དང་དོན་གཅིག |
| གན་དེ་ཐེའུ |
གན་དེ་རྡུང་བྱེད་ཀྱི་ཤིང་དབྱུག |
| གན་དོན |
གན་རྒྱའི་ནང་དོན། |
| གན་དྷོ་ལ |
(ལེགས་སྦྱར།) 1>གཙུག་ལག་ཁང༌། 2>གཙང་ཁང༌། |
| གན་པ |
(བརྡ་རྙིང་།) གཉེར་བའམ་མཛོད་པ། |
| གན་བུབ |
(བརྡ་རྙིང་།) གན་རྐྱལ་དང་ཁ་སྦུབ་གཉིས། |
| གན་མཛོད |
མཛོད་ཁང་གི་མིང་གཞན། |
| གན་འདོམས |
གན་རྒྱ་ལེན་པའམ་གན་རྒྱ་བླངས་ནས་ཐག་གཅོད་བྱེད་པ། |
| གན་འཛིན |
1.རྟགས་ཐེལ་བཞག་པའི་ཁ་དན་ཡི་གེ་བསྡུས་པ། 2.གན་རྒྱ་དང་འཛིན་ཡིག |
| གན་འཛིན་གཅིག་འཐུས |
གན་རྒྱ་དང་འཛིན་ཐུང་ཡི་གེ་གཅིག་གིས་འཐུས་པ། |
| གན་ཡིག |
1.གན་རྒྱའི་ཡི་གེ། 2.གན་རྒྱ་དང་ཡིག་རིགས་གཞན་དག |
| གན་རྐྱལ |
(རྒྱན་ཚིག) ལྟོ་བའི་ངོས་ཡར་བསྟན་ནས་ཉལ་བའམ་འགྱེལ་བའི་དོན་ཏེ། (དཔེར་ན།) ས་ལ་གན་རྐྱལ་དུ་འགྱེལ། མལ་ལ་གན་རྐྱལ་དུ་ཉལ་ལྟ་བུ། |
| གན་རྐྱལ་བུ |
(མངོན་བརྗོད།) སྐར་མ་བརྟན་པ། |
| གན་རྒྱ |
མིང་དང་མིའི་བར་ཚོགས་པ་དང་ཚོགས་པའི་པར། རྒྱལ་ཁབ་དང་རྒྱལ་ཁབ་བར་སོགས་ལ་བཞག་པའི་ཆིངས་ཡིག་གི་སྤྱི་མིང་། (དཔེར་ན།) ཚོང་གི་གན་རྒྱ་བཞག རྩྭ་སའི་གན་རྒྱ་བཞག་ལྟ་བུ། འདི་ལ་གན་འཛིན་ཡང་ཟེར། |
| གན་ལྡེ |
(ཡུལ་སྐད།) གལ་ལྡེ་སྟེ་སྣོད་ཕད་མགོ་སྦྲེལ་ཞིག |
| གན་ཤོག |
1.གན་རྒྱ། 2.གན་རྒྱ་འབྲི་སའི་ཤོག་བུ། |
| གན་སྦུབ |
གན་རྐྱལ་དང་ཁ་སྦུབ་ཀྱི་བསྡུས་ཚིག |
| གནག |
1.སྒོ་ཕྱུགས་བ་ལང་དང་འབྲི་གཡག མ་ཧེ་སོགས་ཀྱི་སྤྱི་མིང་།2.(བྱེད་མེད་ལས་ཚིག) ཞེ་སྡང་ལངས་པའམ་རྫིག་ཉམས་བསྟན་པ་སྟེ། (དཔེར་ན།) ངོ་གནག་ནས་སྡིགས་མོ་བྱས། དགྲ་ལ་གནག་ཀྱང་དམངས་ལ་བྱམས་ལྟ་བུ།3.(རྒྱན་ཚིག) སེམས་རྩུབ་པའི་དོན་ཏེ། (དཔེར་ན།) མི་རྔམ་གནག ཞེ་གནག་ཅེས་པ་ལྟ་བུ། |
| གནག་ཁྱུ |
དུད་འགྲོ་འབྲི་གཡག་དང༌། མཛོའི་ཁྱུ། |
| གནག་ནད |
ཕྱུགས་ནད། |
| གནག་པ |
1.ཕྱིའི་རྣམ་འགྱུར་འཇམ་འཇམ་འདྲ་ཡང༌། ནང་དུ་གནོད་སེམས་འཆང་བའི་སེམས་ངན་པོ་སྟེ། (དཔེར་ན།) ཞེ་གནག་པ། གནག་པའི་གླན་ཀ་ཞེས་པ་ལྟ་བུ།2.ནག་པོ་སྟེ། (དཔེར་ན།) དུད་འགྲོ་སྤུ་གནག ངོ་གནག་མ་སྟོན། སྐྲ་སྣུམ་ལ་གནག་པ་ཞེས་པ་ལྟ་བུ། |
| གནག་པོ |
གནག་པ་དང་འདྲ། |
| གནག་ཕྱུགས |
འབྲི་གཡག་དང་མཛོའི་རིགས། |
| གནག་བག |
མདོག་ནག་པོའི་དྲི་མ་སྟེ། (དཔེར་ན།) གདོང་པར་སྨེ་བ་དང་གནག་བག་མེད་ཅེས་པ་ལྟ་བུ། |
| གནག་རྗེས |
ཕྱུགས་རིགས་ཀྱི་རྐང་ལག་གི་རྗེས། |
| གནག་རྫི |
ནོར་འཚོ་བའི་རྫི་བོ། |
| གནག་ལིངས་བཏབ |
(བརྡ་རྙིང་།) ཤ་ལིངས་བཏབ་ཀྱང་ཟེར། ཤ་ཁྲལ་ཆེན་པོ་བསྡུས་པ། |
| གནག་སེམས |
གདུག་སེམས་སམ་ཞེ་ནག་པོ། |
| གནང |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་འདས་པ། བྱིན་པའི་ཞེ་ས་སྟེ། (དཔེར་ན།) བྱས་རྗེས་བཞག་པར་བྱ་དགའ་གནང་། དགའ་རྟགས་གནང་། བྱ་དགའ་གནང་བཞིན་པ་ཞེས་པ་ལྟ་བུ། |
| གནང་ཆ |
གོང་རིམ་ནས་གསོལ་རས་བསྩལ་རྒྱུའི་དངོས་རྫས། |
| གནང་ཆེན |
བཟོ་པ་སོགས་ན་ཚོད་ཆེ་བའམ་ལུས་ཁམས་ཞན་པ་སོགས་ཀྱི་དབང་གིས་རང་གི་ལས་བྱ་དེ་མ་ལས་པར་རྒྱལ་ཁབ་དང་ཚོགས་པ་སོགས་ཀྱིས་གཟིགས་སྐྱོང་ངེས་ཅན་ཞིག་བྱས་ནས་ངལ་གསོ་ཡུན་རིང་བྱེད་ཆོག་པའི་དབང་ཆའི་མིང་། གུ་ཡངས་ཀྱི་གནང་བ་ཆེན་པོ་སྲོག་གི་ཆད་པ་མྱོང་མི་དགོས་པའི་གནང་བ། |
| གནང་བ |
1.(བྱེད་འབྲེལ་ལས་ཚིག) གནང་བའི་བྱ་མིང་། 1.སྟེར་བའི་ཞེ་ས་སྟེ་སྩལ་བ། (དཔེར་ན།) གཟིགས་བཟོས་གནང་བ། ལེགས་སྐྱེས་གནང་བ། བཀའ་ལན་གནང་བ་ཞེས་པ་ལྟ་བུ། 3.སྒྲུབ་པ་དང་བྱེད་པའི་ཞེ་ས། (དཔེར་ན།) ཕྱག་ལས་གནང་བ། ཐུགས་ཁུར་གནང་བ། གསུང་བཤད་གནང་བ་ཞེས་པ་ལྟ་བུ། 4.བྱེད་དུ་རུང་བའི་དོན་ཏེ། (དཔེར་ན།) དགོངས་པ་གནང་བ་ཞུས་ནས་ཐོབ་སོང༌། གནང་བ་མ་ཐོབ་གོང་ལ་ཕྱིར་ཕྱིན་མི་ཆོག་ཅེས་པ་ལྟ་བུ། |
| གནང་བཀག |
རུང་བ་གནང་ཞིང༌། མི་རུང་བཀག་པ། |
| གནང་བའི་ཉེས་མེད་བཅུ་གསུམ |
དགེ་ཚུལ་ལ་ཉེས་མེད་དུ་གནང་བ་ཆོས་གོས་ལྷག་པོ་འཆང་བ་དང༌། ལྷུང་བཟེད་ཟུང་འཆང་བ་དང༌། ཆོས་གོས་དང་བྲལ་བ་དང༌། ས་རྐོ་བ་དང༌། རིན་ཆེན་གྱི་རིགས་ལ་རེག་པ་དང༌། མེ་ལ་རེག་པ་དང༌། བློས་བཏང་ནས་ཡང་ཟ་བ་དང༌། ཤིང་མི་གང་ལས་མཐོར་འཛེགས་པ་དང༌། ཤིང་སོགས་སྐྱེ་བ་གཅོད་པ་དང༌། བྱིན་ལེན་མ་བྱས་པར་ཟ་བ་དང༌། རྩྭ་སྔོན་གྱི་ཁྲོད་དུ་མི་གཙང་བ་འདོར་བ་དང༌། གསོག་འཇོག་ཏུ་སོང་བ་ཟ་བ་དང༌། རུང་བ་མ་བྱས་པར་ས་བོན་འཇོམས་པ་བཅས་བཅུ་གསུམ་མོ། ། |
| གནང་ཚུར་ལེན |
(བརྡ་རྙིང་།) རྒྱལ་ཁ་ཚུར་ལེན་པ། |
| གནང་རྟེན |
ལག་རྟགས་སམ་ཡིག་རྟེན། |
| གནང་སྐྱེས |
བྱ་དགར་བྱིན་པའི་དངོས་རྫས་ཀྱི་མིང་། |
| གནང་སྦྱིན |
གསོལ་རས་ཏེ། (དཔེར་ན།) གནང་སྦྱིན་གྱི་འབྱོར་པ་ལ་འགྲན་དུ་མི་བཟོད་པ་ལྟ་བུ། |
| གནངས |
རྗེས་ཀྱི་ཉིན་གསུམ་པའི་མིང་སྟེ། (དཔེར་ན།) སང་ཉིན་དང་གནངས་ཉིན་ཞེས་པ་ལྟ་བུ། |
| གནངས་གཞེས |
གནངས་ཉིན་དང་གཞེས་ཉིན་གྱི་བསྡུས་ཚིག་སྟེ། (དཔེར་ན།) དེ་རིང་སང་ཉིན་མ་བྱས་ན་གནངས་གཞེས་བྱེད་ལོང་མི་ཡོང༌ཞེས་པ་ལྟ་བུ། |
| གནངས་ཉིན |
སང་གི་ཕྱི་ཉིན། |
| གནངས་ཕོད |
ལོ་རྗེས་མའི་རྗེས་མ་སྟེ། (དཔེར་ན།) ད་ལོ་ནས་བརྩིས་པའི་ལོ་གསུམ་པ། |
| གནངས་བརྡ |
འབྱུང་འགྱུར་ཉིན་གསུམ་པར་གང་བྱེད་དགོས་པའི་བརྡ་སྟེ། (དཔེར་ན།) ཚོགས་འདུ་ནམ་འཚོགས་གནངས་བརྡ་གཏོང་ཡོང༌ཞེས་པ་ལྟ་བུ། |
| གནངས་འཆར |
ཉི་མ་གསུམ་པའི་ཐོག་གི་དུས་ཚིགས་རེ་མོས་ཏེ། (དཔེར་ན།) ཉི་མ་གནངས་འཆར་ཐོག་ལྟད་མོ་རེ་སྟོན་ཞེས་པ་ལྟ་བུ། |
| གནད |
1.མི་དང་སྲོག་ཆགས་ཀྱི་ལུས་ཕུང་གི་གལ་ཧ་ཅང་ཆེ་སའི་ཁག་གི་མིང་སྟེ། (དཔེར་ན།) རྩ་གནད། ཤ་གནད་ཅེས་པ་ལྟ་བུ། 2.དཔེ་ཆའི་ནང་གི་གོ་དཀའ་བའི་ཚིག་དང་དོན་གལ་ཆེན་གྱི་མིང་སྟེ། (དཔེར་ན།) གཞུང་གི་དཀའ་གནད། ཚིག་གི་གནད་དོན། ཚིག་གནད་ལ་ཁེལ་ཞེས་པ་ལྟ་བུ། |
| གནད་ཀ |
སྙིང་པོ་དང༌། རྩ་བའམ་འགག་རྩ་སྟེ། (དཔེར་ན།) ཚིག་གི་གནད་ཀ། དོན་གྱི་གནད་ཀ། དཀའ་བའི་གནད་ཀ། རྩ་བའི་གནད་ཀ། སྐྱོན་བརྗོད་གནད་ཀར་ཕོག་པ་དང༌། ལེགས་བཅོས་མཐིལ་དུ་ཕྱིན་ཅེས་པ་ལྟ་བུ། |
| གནད་ཁེལ་བ |
1.དགོས་དོན་གྱི་ཐོག་ཏུ་འཁྱོལ་བ་སྟེ། (དཔེར་ན།) ལས་དོན་བྱེད་ཕྱོགས་གནད་ཁེལ་བ། ན་ཚའི་སྨན་བཅོས་གནད་ཁེལ་བ་ཞེས་པ་ལྟ་བུ། 2.ལུས་ཀྱི་གནད་ཆེ་སར་ཁེལ་བ་སྟེ། (དཔེར་ན།) རྨ་ནད་གནད་ཁེལ་གྱིས་རྐྱེན་པས་ཉེན་ཁ་ཆེ་ཞེས་པ་ལྟ་བུ། |
| གནད་གཅོད་པ |
རང་བཞིན་གྱིས་འཆི་སྐབས་རླུང་དང༌། གསོད་དུས་མཚོན་ཆས་ལུས་ཀྱི་རྩ་གནད་རྣམས་གཅོད་པ། |
| གནད་གསང |
གཏར་གའི་དམིགས་དང༌། མེ་བཙའི་གསང་ལྟ་བུ་སྟེ། (དཔེར་ན།) ལུས་ཀྱི་རྩ་གནད་དང་རྒྱུས་གནད་མེད་པའི་གསང་དམིགས་ཞེས་པ་ལྟ་བུ། |
| གནད་གསུམ |
ཐོད་རྒལ་བསྒོམ་པའི་གནད་གསུམ་བཅའ་བ་ལུས་ཀྱི་གནད་སྐུ་གསུམ་གྱི་བཞུགས་སྟངས་གསུམ་ལས་མི་གཡོ་བ། འཁྲིད་པ་དབྱིངས་ཀྱི་གནད་སྐུ་གསུམ་གྱི་གཟིགས་སྟངས་ལས་མི་འགུལ་བ། སྣང་བ་ཡུལ་གྱི་གནད་དབྱིངས་རིག་མི་འབྲལ་ཞིང་རླུང་དལ་བར་སྡོད་པ་རྣམས་སོ། |
| གནད་ཆུང་ཆེ་བཟོས |
གནད་ཆུང་ཆུང་ཞིག་ཆེན་པོ་བཟོས་པ། |
| གནད་དོན |
1.འགྲེལ་བཤད་རྒྱག་པ་དང་ལན་འདེབས་དགོས་པའི་དོན་ཚན་གྱི་མིང་སྟེ། (དཔེར་ན།) ད་ཐེངས་ཀྱི་རྒྱུགས་ལེན་པ་ལ་གནད་དོན་ལྔ་ཡོད། གནད་དོན་དེ་ལ་ངས་ལན་བཏབ་པ་ཡིན་ལྟ་བུ། 2.རྟོག་དཔྱོད་དང་གྲོས་བྱས་ནས་ཐག་གཅོད་དགོས་པའི་འགལ་བ་དང་དཀའ་ངལ་སོགས་ཀྱི་མིང་སྟེ། (དཔེར་ན།) བསམ་པའི་གནད་དོན་ལངས་ཕྱོགས་ཀྱི་གནད་དོན་རྩྭ་སའི་རྩོད་གླེང་གི་གནད་དོན་ཞེས་པ་ལྟ་བུ། 3.བསམ་ཡུལ་ལས་འདས་པའི་བྱ་དངོས་མི་ལེགས་པའི་མིང་སྟེ། (དཔེར་ན།) ལམ་ནས་གནད་དོན་ཞིག་ལ་ཐུག་ཟེར་བ་ལྟ་བུ། 4.གནད་ཀྱི་དོན་པོ’ཞེས་པའི་ཚིག་བསྡུས་པ་སྟེ། (དཔེར་ན།) ཚིག་བརྒྱ་སྟོང་བཤད་པའི་གནད་དོན་ཞེས་ལྟ་བུ། |
| གནད་བསྡུས |
གནད་འགག་ཐམས་ཅད་གཅིག་ཏུ་བསྒྲིལ་བ་སྟེ། (དཔེར་ན།) སྨན་དཔེ་གནད་བསྡུས་ལྟ་བུ། |
| གནད་བསྡུས་དོན་སྙིང |
གནད་དོན་ཕྱོགས་བསྡུས་ཀྱི་སྙིང་པོ། |
| གནད་འགག |
གལ་འགངས་ཆེ་སའམ་གཞི་རྩའི་དོན་ཏེ། (དཔེར་ན།) ལས་དོན་འགྲུབ་ཐུབ་མིན་གྱི་གནད་འགག་མི་ཤུགས་ལ་ཐུག་ཡོད། ལས་དོན་གང་ཡིན་དེའི་གནད་འགག་ཆེ་ས་ནས་བསམ་བློ་གཏོང་ཐུབ་པ་དང༌། གནད་འགག་ཆུང་ས་ནས་ལག་ལེན་བསྟར་ཐུབ་པ་བྱེད་དགོས་ཞེས་པ་ལྟ་བུ། |
| གནད་འགྲོལ་བ |
1.གནད་དོན་བཀྲལ་ནས་འཆད་པ། 2.རྒྱའམ་མདུད་པ་འགྲོལ་བ། |
| གནད་འཆད་པ |
མཚོན་ཆ་དང༌། ནང་རླུང་གང་རུང་གི་རྐྱེན་ལ་བརྟེན་ནས་ལུས་ཀྱི་རྩ་གནད་རྣམས་དུམ་བུར་ཞིག་འགྲོ་བ། |
| གནད་ལ་བཀར་བ |
དོན་གནད་ཀྱི་ཕུག་རྩར་གཏུགས་པ་སྟེ། (དཔེར་ན།) རྩ་དོན་གྱི་གནད་ལ་བཀར་ནས་གྲོས་མོལ་བྱེད། ཁྲིམས་ཀྱི་གནད་ལ་བཀར་ནས་སྒྲིགས་ལ་བཅུར། བྱས་ཉེས་ཀྱི་གནད་ལ་བཀར་ནས་ཁྲིམས་ཆད་འགེལ་བ་ཞེས་པ་ལྟ་བུ། |
| གནད་ལ་བསྒྲེ་བ |
1.གཡོ་ཐབས་ཀྱིས་གནོད་པ་བྱེད་པ། 2.ཡོན་པོ་དང་གྱ་གྱུའི་རྣམ་པ། 3.གནད་དོན་རིགས་འགྲེ་གཏོང་རྒྱུའམ་གནད་དོན་གཅིག་མཚུངས་བྱ་རྒྱུ། |
| གནད་སྙིང |
དོན་གནད་སྙིང་པོ། |
| གནད་སྨིན |
གང་དུ་དམིགས་སའི་གནད་ཐོག་ཏུ་ཕན་པ་སྟེ། (དཔེར་ན།) རྒྱུ་དངོས་བེད་སྤྱོད་གནད་སྨིན་པ་ཞིག་བྱེད་དགོས་ལྟ་བུ། |
| གནན |
མནན་གྱི་མ་འོངས་པ་སྟེ། (དཔེར་ན།) འོག་ཏུ་གནན་པར་བྱ་ལྟ་བུ། |
| གནམ |
ནམ་མཁའ་སྟེ་རྒྱུ་སྐར་གྱི་ལམ། (དཔེར་ན།) གནམ་ངན་པ། གནམ་དྭངས་པོ། གནམ་སྡུག་པོ། གནམ་འཚུབ་པོ། གནམ་ལ་འཕུར་དགུ། གནམ་ལ་སྐར་མ་མང་ཡང༌། དཀར་གསལ་འདྲ་ཡི་མི་འདུག་ཅེས་པ་ལྟ་བུ། |
| གནམ་ཁུང |
མཐོངས་ཁུང་ངམ་སྟེང་གི་དུ་ཁུང༌། |
| གནམ་གང |
ལུགས་རྙིང་གི་ཟླ་རེའི་ཚེས་སུམ་ཅུ་པའི་མིང་‘ནམ་གང’དང‘གནམ་སྟོང’ཡང་ཟེར། |
| གནམ་གཟེར |
ཕྱིང་གུར་གྱི་གཏན་ཤིང་དང༌། སྒོའི་ཡ་ཐེམས་ལ་བཏགས་པའི་གཏན་ཤིང་ངམ་གཡའ་ཤིང༌། |
| གནམ་གཤིས |
གནམ་གྱི་རང་བཞིན་ནམ་གཤིས་ཀ་སྟེ། (དཔེར་ན།) གནམ་གཤིས་སྔོན་བསྒྲགས་བྱུང་ན་སད་སེར་འགོག་ཐུབ། དྲོ་གྲང་དང་གནམ་ཐང་རུབ་སོགས་ཀྱི་འགྱུར་ལྡོག་གི་མིང་གནམ་གཤིས་ཡག་པོ། གནམ་གཤིས་འགྱུར་ལྡོག་ཅེས་པ་ལྟ་བུ། |
| གནམ་གསོར |
སྟེང་ཕྱོགས་ནས་ཐུར་དུ་སྐོར་བའི་གསོར་ཆེ་བ། |
| གནམ་གྱི་ཁྲི་བདུན |
སྔར་བོད་རྒྱལ་ཐོག་མ་གཉའ་ཁྲི་བཙན་པོ་ནས་བཟུང་སྟེ་མུ་ཁྲི་དང༌། དིང་ཁྲི། སོ་ཁྲི། མེར་ཁྲི། གདགས་ཁྲི། སྲིབ་ཁྲི་བཅས་རྒྱལ་རབས་བདུན་པོ་ཤི་དུས་ནམ་མཁར་གཤེགས་སོ་སྐད་ཟེར་སྲོལ་འདུག་པས་གནམ་གྱི་ཁྲི་བདུན་ཞེས་པ་དང༌། མུ་ཁྲི་ནས་སྲིབ་ཁྲིའི་བར་སོ་སོའི་སྐྱེད་བྱེད་མའི་མིང་ལ་བརྟེན་ནས་མིང་བཏགས་པ་ཁོ་ན་ཡིན་འདུག |
| གནམ་གྱི་གོ་ལ |
ཉི་ཟླ་སྐར་མ་རྣམས་གནས་སའི་རླུང་གི་དཀྱིལ་འཁོར། |
| གནམ་གྱི་ཉེར་འཚེ |
(མངོན་བརྗོད།) སད་སེར་བཙའ་ཐན་སོགས། |
| གནམ་གྱི་འཇིགས་པ |
(མངོན་བརྗོད།) ཐན་པ་དང་སད་སེར་སོགས། |
| གནམ་གྱི་རྒྱན |
(མངོན་བརྗོད།) བླ་བྲེ། |
| གནམ་གྱི་རྒྱལ |
(མངོན་བརྗོད།) 1>གྱལ་རིགས། 2>རྒྱལ་པོ། |
| གནམ་གྲུ |
ནམ་མཁར་འཕུར་སྐྱོད་བྱེད་པའི་ཡོ་བྱད་ཅིག |
| གནམ་གྲུ་ཐང |
གནམ་གྲུ་འཕུར་འབབ་བྱེད་སའི་ཐང་ཆེན། |
| གནམ་གྲུམ་པ |
ནམ་མཁའ་ཆེར་འཁྲུག་པའམ། སྐད་ངན་སྒྲོག་པ་སོགས་ལ་གྲུམ་པའི་དཔེར་བྱས་པ་སྟེ། (དཔེར་ན།) རི་བོ་ཉིལ་བ་དང་གནམ་གྲུམ་པ་ལྟ་བུའི་མེ་སྒྱོགས་ཀྱི་སྒྲ་ཆེན་ཐོས་པ་ལྟ་བུ། |
| གནམ་གྲོ་ཐག་རྩེད |
སྔར་ཧོར་ཟླ་དང་པོའི་ཚེས་གཉིས་ཉིན་པོ་ཏ་ལའི་ཤར་ཆེན་ལྕོག་གི་ཡང་སྟེང་ནས་རྡོ་རིང་ནང་མའི་བར་གཙང་གནམ་གྲོ་པའི་ཕོ་སྐྱེས་ལུས་རྩལ་ཅན་འགས་ཐུར་རྒྱུག་ཐག་ཤུར་གློད་པའི་རྩེད་འཇོ་ཞིག |
| གནམ་ཆུ |
ཆར་པའམ་ཆར་པའི་ཆུ་སྟེ། (དཔེར་ན།) ཆུ་ཡུར་གསར་དུ་བཏོད་པས་གནམ་ཆུ་རེ་སྒུག་བྱེད་མི་དགོས་ཞེས་པ་ལྟ་བུ། |
| གནམ་ཆོད་པ |
ཆར་མཚམས་ཆོད་པ། |
| གནམ་ཉེ |
ཁམས་རྒྱལ་ཐང་ཕྱོགས་ཀྱི་ས་ཆ་ཞིག |
| གནམ་ཐང་པ |
གནམ་ཡེར་བ། |
| གནམ་དཔྱད |
གནམ་གཤིས་བརྟག་དཔྱད། |
| གནམ་དབྱིབས |
1.བར་སྣང་གི་ཕྱོགས་ཀྱི་བཟོ་དབྱིབས། 2.ནམ་མཁའི་དགུང༌། |
| གནམ་དུ་གཤེགས་པ |
ཚེ་ལས་འདས་པའི་ཞེ་ས། |
| གནམ་དུ་འཁོལ་བ |
མཚོའི་རྦ་རླབས་སོགས་དྲག་ཏུ་འཕྱུར་བའི་དཔེ། |
| གནམ་དྲག་ལ |
ལ་ཞིག་སྟེ། མདོ་ཁམས་རྔ་བ་ཟུང་ཆུ་རྫོང་ན་ཡོད། |
| གནམ་པ་བ |
རྡོ་ཆེན་གཤག་པ་དང༌། རྡོ་རིས་བརྐོ་ལས་བྱེད་མི་སྤྱིའི་བླ་དྭགས་ཀྱི་མིང་སྟེ། དེ་དག་གི་ལས་བཟོའི་ལག་རྒྱུན་ཐོག་མར་གནམ་ཞེས་པའི་ཡུལ་ནས་དར་བས་ད་ལྟ་རྡོ་གཤག་པ་ཐམས་ཅད་ལ་མིང་དེ་ལྟར་གྲགས་སོ། ། |
| གནམ་པང |
ཐོག་པང་སྟེ་ཁང་པའི་ངོས་སུ་པང་ལེབ་བསྒྲིགས་པའི་ཐོག |
| གནམ་པོ |
དྲང་བོའི་བརྡ་རྙིང་། བཞད་གད་ཀྱི་བརྡ་རྙིང་། |
| གནམ་པྲ |
གནམ་གཤིས་ལེགས་ཉེས་ཀྱི་པྲ་རྟགས། |
| གནམ་བསྐོས |
1.གནམ་ནས་བསྐོ་བཞག་བྱས་པ། 2.(བརྡ་རྙིང་།) སྐུ་བསོད། 3 (མངོན་བརྗོད།) འཁོར་ལོས་སྒྱུར་རྒྱལ། |
| གནམ་བསྐོས་གོང་མ |
སྔར་གོང་མར་ཆེ་བསྟོད་ཀྱིས་འབོད་པའི་ཞེ་ས། |
| གནམ་བསྐོས་དགའ་ལྡན་ཕོ་བྲང |
རྒྱལ་དབང་ལྔ་བ་ནས་དབུ་བརྙེས་པའི་བོད་ཀྱི་སྲིད་གཞུང་། |
| གནམ་བསྐོས་འཇམ་དབྱངས་གོང་མ་བདག་པོ་ཆེན་པོ |
སྔར་གོང་མར་ཆེ་བསྟོད་ཀྱིས་འབོད་པའི་ཞེ་ས། |
| གནམ་བསྐོས་ས་ཡི་ཚངས་པ |
སྔར་གོང་མར་ཆེ་བསྟོད་བྱས་པའི་མིང༌། |
| གནམ་མདའ |
1.བར་སྣང་ནས་རང་བཞིན་དུ་གྲགས་པའི་སྒྲ་ཞིག་ངག་རྒྱུན་དུ་བཀྲ་མི་ཤིས་པའི་ལྟས་ཡིན་ཟེར། 2.ཧོར་ཟླ་དང་པོའི་ཚེས་ཉེར་བདུན་ཉིན་ལྷ་སའི་རྫོང་རྒྱབ་ཏུ་གནམ་མདའི་འཕོང་རྩལ་འགྲན་པའི་རྩེད་སྣ་ཞིག |
| གནམ་མཚོ |
མཚོ་ཞིག་སྟེ། སོག་སྐད་དུ་ཐང་གེ་རི་ནོའུར་ཞེས་ཟེར། ལྷ་སའི་ནུབ་བྱང་ངོས་འདམ་གཞུང་དང་དཔལ་མགོན་རྫོང་གཉིས་ཀྱི་མཚམས་སུ་ཡོད། འབོ་ཆུ་སོགས་མཚོ་འདིའི་ནང་དུ་འབབ་ཅིང༌། རྒྱ་ཁྱོན་སྤྱི་ལེ་གྲུབ་བཞི་1993 ཡོད། བོད་དབུས་ཕྱོགས་ཀྱི་མཚོ་ཆེ་ཤོས་འདི་ཡིན། |
| གནམ་མཚོ་ལ |
ལ་ཞིག་སྟེ། བོད་མདོ་ཁམས་ཆབ་མདོ་རྫོང་གི་ནུབ་རྒྱུད་དུ་ཡོད། |
| གནམ་འཇམ་ས་འཇམ |
དུས་བདེ་ཞོད་འཇགས་ཀྱི་དཔེ། |
| གནམ་འཐིབས་པ |
ནམ་མཁའ་སྤྲིན་གྱིས་འགྲིབ་པ། |
| གནམ་འཐིབས་ས་རུབ |
མུན་ནག་འཐུག་པོའི་དཔེ། |
| གནམ་འབབ་པ |
ཆར་འབབ་པ། |
| གནམ་འོག |
འཛམ་གླིང་གི་མིང་སྟེ། (དཔེར་ན།) གནམ་འོག་ན་རྒྱལ་ཁབ་མང་ཞེས་པ་ལྟ་བུ། |
| གནམ་ཡངས་ཀ་བ་བཞི |
ཁང་ཆེན་གྱི་བར་ཁྱམས་སེང་གཡབ་ཀ་བ་བཞིའི་ས། |
| གནམ་ཡེར |
གནམ་ཐང་ནས་སྤྲིན་འཁོར་མི་ཐུབ་པ། |
| གནམ་ཡོལ |
གནམ་རྒྱན་ནམ་ལྕམ་ཁེབས། |
| གནམ་རི་སྲོང་བཙན |
འདིའི་མཚན་གནམ་རི་སློན་བཙན་ཞེས་ཀྱང་སྣང༌། སྟག་རི་གཉན་གཟིགས་དང་འོལ་གོང་བཟའ་སྟོང་བཙུན་འགྲོ་དཀར་གཉིས་ཀྱི་སྲས། བོད་རྒྱལ་གདུང་རབས་སོ་གཉིས་པ་ཡིན་ལ། འདིའི་སྐབས་སུམ་པ། ཀོང་པོ། དྭགས་པོ། འཕན་ཡུལ། མྱང་པོ་སོགས་ཡུལ་མང་པོ་མངའ་འོག་ཏུ་བསྡུས། མཐའི་རྒྱ་དང་གྲུ་གུའང་བླངས། སྲོང་བཙན་སྒམ་པོའི་སྐབས་ཀྱི་རྒྱལ་ཁམས་ཆེན་པོའི་དབྱིབས་ཙམ་ཆགས། ཕྱག་ལྕག་གིས་དྲས་ཏེ་བློན་པོ་རྗེས་ཅན་རྣམས་ཀྱི་བྱ་དགར་ཡུལ་ས་དང༌། མཁར། བྲན་ཁྱིམ་བསྩལ། བློན་འབངས་རྣམས་ཀྱིས་བཙན་པོ་འདི་ཆབ་སྲིད་གནམ་ལས་མཐོ་བ། དབུ་རྨོག་རི་ལས་བཙན་ཏེ། གནམ་རི་སློན་བཙན་ཞེས་མཚན་དུ་གསོལ། གཞན་ཡང་འདིའི་སྐབས་སུ་རྒྱ་ནག་ནས་སྨན་དང་འབྱུང་རྩིས་བླངས། རྟ་མདོ་བ་ཅང་ཤེས་རྙེད་པར་ཆིབས་ནས་བྱང་འབྲོང་སྨྱོན་པ་བསད་པའི་ཤ་སྒ་ལ་བཏགས་པ་ས་ལ་ལྷུང་བ་ལ་ཚྭ་འགོས་པའི་བྲོ་བ་ཚོར་བས་ལན་ཚྭ་ངོ་ཤེས་ཏེ་བྱང་གི་ཚྭ་ལེན་པའི་སྲོལ་བྱུང་སྐད། |
| གནམ་རུ |
གཞུའི་མིང་གཞན། |
| གནམ་རྒྱ་ས་རྙི |
ཕྱོགས་ཚང་མར་རྒྱ་རྙི་བཙུགས་པ་ལྟ་བུ་སྟེ། དགྲ་བོའམ་ཉེས་ཅན་རྣམས་ལས་སླ་པོ་ཐར་ས་མེད་པའི་དཔེ། |
| གནམ་རྒྱན |
བླ་རེའི་མིང་གཞན། |
| གནམ་རྡིབ |
འབྱུང་མི་སྲིད་པའི་དཔེ། (དཔེར་ན།) རི་བོང་གནམ་རྡིབ་ཀྱི་སྡུག་བསྔལ་ཞེས་པ་ལྟ་བུ། |
| གནམ་རྡོ |
1.གནམ་ནས་བྱུང་བའི་རྡོ། 2.སེར་བ། |
| གནམ་རློན་པ |
1.ཆར་ཆེས་པའི་གནམ་གཤིས། 2.ལུགས་རྙིང་གི་ལོ་ཧྲིལ་བོ་གཅིག་གི་མིང་སྟེ། (དཔེར་ན།) གནམ་ལོ་རྟའི་ལོ། གནམ་ལོ་གསར་ཚེས་ཀྱི་ཉིན་ཞེས་པ་ལྟ་བུ། |
| གནམ་ལོ |
ལོའི་ཞེ་ས། |
| གནམ་ལོ་གསར་བཞད |
གནམ་ལོ་གསར་ཚེས་དང་དོན་གཅིག་ |
| གནམ་ལོ་གསར་ཚེས |
གནམ་ལོ་གསར་དུ་ཚེས་པ་སྟེ། (དཔེར་ན།) གནམ་ལོ་གསར་ཚེས་ལ་བཀྲ་ཤིས་རྟེན་འབྲེལ་ཞུས་ལྟ་བུ། |
| གནམ་ལོའི་སྨེ་བ |
འབྱུང་རྩིས་ལས་བྱུང་བའི་ལོ་སོ་སོའི་སྨེ་བ། |
| གནམ་ལྕགས |
1.ལྕེ་འབབ་བམ་ཐོག་མདའ་འཕངས་པ་སྟེ། (དཔེར་ན།) གནམ་ལྕགས་ཐོག་ལས་ཚ་ཞེས་པ་ལྟ་བུ། 2.ས་འོག་ནས་གཏེར་བཏོན་པའི་རྡོ་རྗེ་དང་ཕུར་པ་ལྟ་བུ་བརྡུངས་ན་སྐད་སྙན་ཞིང༌། ཁ་དོག་གསལ་མིན་སྣུམ་མདངས་ཅན་ལྕགས་ཕལ་པས་མི་བརྫི་བ་ཞིག་ནུས་པས་བགེགས་འཇོམས་ཤིང་སྨྱོ་བྱེད་ལ་ཕན། |
| གནམ་ལྕགས་ཐོག་བབ |
མགོ་སྟེང་དུ་ཐོག་བརྒྱབ་པ་ལྟ་བུར་གློ་བུར་གྱི་གོད་ཆགས་བྱུང་བའི་དཔེ་སྟེ། (དཔེར་ན།) མི་འདོད་པ་གནམ་ལྕགས་ཐོག་བབ་ལྟར་བྱུང་བ་ཞེས་པ་ལྟ་བུ། |
| གནམ་ལྕགས་འབར་བ |
རི་བོ་ཞིག་སྟེ། བོད་དབུས་ཕྱོགས་སྨན་གླིང་རྫོང་ཁོངས་ཡར་ཀླུངས་གཙང་པོའི་ཁུག་པ་ཆེན་པོའི་ནང་དུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་7756 ཡོད། |
| གནམ་ལྕགས་སྒྲ |
(མངོན་བརྗོད།) འབྲུག་སྒྲ། |
| གནམ་ལྡེ་འོད་སྲུངས |
འདི་ནི་གླང་དར་མའི་བཙུན་མོ་ཆུན་མའི་སྲས་ཏེ། འདི་བཙུན་མོ་ཆེན་མས་གསོད་དམ་འཕྲོག་པར་དོགས་པས་མཚན་མོར་མར་མེའི་འོད་དང་མ་བྲལ་བར་བསྲུངས་པས་མིང་དེ་ལྟར་ཆགས། ཕྱིས་སུ་འདི་དང་ཁྲི་ལྡེ་ཡུམ་བརྟན་གཉིས་མ་འཆམས་པར་འཁྲུགས་ཏེ་གཉིས་ཀའི་རྒྱལ་ས་ཤོར། དེ་ནས་བཟུང་སྟེ་གཉའ་ཁྲི་བཙན་པོའི་གདུང་རྒྱུད་ཀྱིས་བོད་སྤྱི་ལ་དབང་བསྒྱུར་མ་ཐུབ་བོ། ། |
| གནམ་ས |
1.ནམ་མཁའ་དང་ས་གཞི། 2.ཁྱད་པར་ཆེན་པོའི་དཔེ་སྟེ། (དཔེར་ན།) གནམ་གྲུ་དང་རྐང་ཐང་གི་མགྱོགས་ཁྱད་གནམ་ས་དང་འདྲ་ཞེས་པ་ལྟ་བུ། |
| གནམ་ས་ཁ་རྡེབ |
གནམ་དང་ས་གཉིས་སྦུག་ཆལ་རྡེབ་པ་ལྟར་གཡོ་འགུལ་བཏང་བ་སྟེ། གཡོ་འགུལ་ཚབས་ཆེན་གྱི་དཔེ། |
| གནམ་ས་བླ་འོག་འགྱུར་བ |
འགྱུར་ལྡོག་ཆེན་པོའི་དཔེ་སྟེ། (དཔེར་ན།) ས་འགུལ་བྱུང་རྗེས་ཀྱི་འགྱུར་ལྡོག་ནི་གནམ་ས་བླ་འོག་འགྱུར་བ་ལྟར་བྱུང་ཞེས་པ་ལྟ་བུ། |
| གནམ་སྐྱོད |
1.བར་སྣང་ལ་འགྲོ་བ། 2.(མངོན་བརྗོད།) འདབ་ཆགས། |
| གནམ་སྐྱོན |
1.ཐན་པའི་དུས། 2.གནམ་གཤིས་ངན་པ། 3.གཟའ་ནད་དམ་གྲིབ་སྐྱོན། |
| གནམ་སྒོ |
1.ཐོག་ཁ་ནས་ཡར་མར་འཛུལ་སའི་སྒོ། 2.ཐོག་གི་སྐར་ཁུང༌། 3.འབྱུང་རྩིས་ལས་བྱུང་བ་ལྟར་ན་སྐར་མ་ངན་པ་ཤར་བའི་ཕྱོགས། |
| གནམ་སྔོན་པོ |
1.ནམ་མཁའ་སྔོ་སངས། 2. (ཡུལ་སྐད།) གནམ་དཔང་དུ་འཛུགས་པའི་མནའ་ཚིག་ཅིག |
| གནམ་སྟོང |
ཟླ་རེའི་ཚེས་སུམ་ཅུ་པ། དུས་འཁོར་ལུགས་སུ་ཟླ་བ་ཀུན་ལ་གནམ་སྟོང་ཡོད་ཀྱང༌། རྒྱ་རྩིས་ལ་ཡོད་མེད་མི་ངེས་ཏེ། ཡོད་ན་ཟླ་བ་ཆེ། མེད་ན་ཟླ་བ་ཆུང་ཟེར། |
| གནམ་ཨ་སྔོན |
ནམ་མཁའ། |
| གནའ |
ཡུན་རིང་ལོན་པའི་སྔོན་དུས་ཀྱི་མིང་སྟེ། (དཔེར་ན།) གནའ་སྔ་མོ་གནའ་དུས་ཞེས་པ་ལྟ་བུ། |
| གནའ་གཏམ |
ངག་རྒྱུན་ལ་གྲགས་པའི་གཏམ་རྒྱུད་སྣ་ཚོགས་ཀྱི་སྤྱི་མིང་སྟེ། (དཔེར་ན།) བྱིས་པར་གནའ་གཏམ་བཤད་ལྟ་བུ། |
| གནའ་གཡག |
ལུག་དང་འདྲ་བའི་རི་དྭགས་ཤིག་སྟེ་གནའ་བ་ཕོ། |
| གནའ་གཤིས |
གནའ་བོའི་གཤིས་ལུགས། གནའ་གཤིས་ཀྱི་ཤུགས། |
| གནའ་དཔེ |
1.སྔོན་དུས་ཀྱི་གཏམ་དཔེ། 2.སྔོན་དུས་ཀྱི་དཔེ་ཆ། |
| གནའ་དུས |
སྔོན་གྱི་དུས་ཏེ། (དཔེར་ན།) གནའ་དུས་ཆ་ལུགས་ཞེས་པ་ལྟ་བུ། |
| གནའ་བ |
རི་དྭགས་ཤིག |
| གནའ་བོ |
དུས་ཡུན་རིང་བོའམ་ལོ་མང་བོ་འདས་པའི་དོན་ཏེ། (དཔེར་ན།) གནའ་བོའི་དཀར་ཡོལ—གནའ་དཀར། ་གནའ་བོའི་ཁང་བ-གནའ་ཁང་ཞེས་པ་ལྟ་བུ། |
| གནའ་མི |
སྔ་དུས་ཀྱི་མི། |
| གནའ་མོ |
1.སྔ་མོའམ་སྔོན་དུས། 2.རི་དྭགས་གནའ་བ་མོ། |
| གནའ་རབས |
གནའ་སྔ་མོའི་དུས་རབས། |
| གནའ་རྫས |
སྔ་དུས་ཀྱི་དངོས་རྫས། |
| གནའ་རྫས་ཞིབ་དཔྱོད |
སྔ་དུས་ཀྱི་དངོས་པོ་དང་རྗེས་ཤུལ་ལ་བརྟེན་ནས་སྔར་གྱི་ལོ་རྒྱུས་ལ་ཞིབ་འཇུག་བརྟག་དཔྱད་བྱེད་པ། |
| གནའ་རྫས་རྙིང་ཤུལ |
སྔ་དུས་ཀྱི་དངོས་རྫས་རྙིང་པ་དང་ཡུལ་ལུང་གི་རྗེས་ཤུལ། |
| གནའ་ཤུལ་གྲགས་ཅན |
སྔ་རབས་ཀྱི་རྗེས་ཤུལ་མིང་གྲགས་ཅན། |
| གནའ་སྔ་མོ |
སྔར་སྔ་མོ། |
| གནའ་སྲོལ |
སྔར་གྱི་ལུགས་སྲོལ། |
| གནས |
1.ས་ཆའམ་ཡུལ་ཁམས་ཏེ། (དཔེར་ན།) ས་གནས། གོ་གནས། མཆོད་གནས། སྐྱབས་གནས། གྲོང་ཁྱེར་ཆགས་པའི་གནས་ཞེས་པ་ལྟ་བུ།2.སྡོད་ས་སྟེ། (དཔེར་ན།) རྒྱལ་པོའི་གནས། ཁྱིམ་པའི་གནས་ཞེས་པ་ལྟ་བུ། 3.དགོན་སྡེ་སོགས་སྐུ་གསུང་ཐུགས་རྟེན་ཡོད་ས་སྟེ། (དཔེར་ན།) གནས་ཁྱད་པར་ཅན་གྱི་དགོན་སྡེ་ཞེས་པ་ལྟ་བུ།4.ཐགས་ཁྲིའི་ཡན་ལག་ཅིག 5.དམིགས་པའི་ཡུལ་ཏེ། (དཔེར་ན།) གད་མོའི་གནས། ངོ་ཚ་བའི་གནས། དོགས་པའི་གནས་ཞེས་པ་ལྟ་བུ།6.བླ་མའམ་སློབ་དཔོན་ཏེ། (དཔེར་ན།) གནས་ཀྱི་སློབ་མ་ཞེས་པ་ལྟ་བུ། 7.གཅིག་བཅུ་བརྒྱ་སྟོང་ཁྲི་སོགས་ཀྱི་གྲངས་གནས་ཏེ། (དཔེར་ན།) བགོད་བྱེད་མཐའ་དབུས་ཐིག་ལེ་ནི། རང་གནས་འཛིན་ལས་བགོད་ནུས་མེད། གནས་མི་མཚུངས་ན་བསྲེ་མི་རིགས་ཞེས་པ་ལྟ་བུ། 8.སྐར་མ་ཆུ་ཚོད་ནས་ཆ་ཤས་བར་གྱི་གནས་རྣམས་ཏེ། (དཔེར་ན།) སྐར་གནས། དབྱུ་གུའི་གནས། དེ་ཉིད་གནས་དྲུག་ཚར་ལྔ་བཀོད། ཆ་ཤས་མང་ཉུང་དང་གནས་ལ་ངེས་པ་མེད་ཅེས་པ་ལྟ་བུ།9.འགྲོ་སྒོ་དང་རིན་ཐང་ཅི་ཙམ་སོང་བའི་དོན་ཏེ། (དཔེར་ན།) ཀོ་སྒམ་འདི་ལ་མ་རྩ་ཅི་ཙམ་གནས། ལྕགས་ཁེམ་འདི་ལ་ལྕགས་རྒྱ་མ་བཞི་གནས་ལྟ་བུ།10.དུས་ཐུང་ངུར་གཡར་བའི་འདུག་གནས་ཀྱི་མིང་སྟེ། (དཔེར་ན།) ཞག་གཅིག་གི་གནས་ཚང་གཡར་ཞེས་པ་ལྟ་བུ། 11.(བྱེད་མེད་ལས་ཚིག) སྡོད་པའམ་འཚོ་བའི་དོན་ཏེ། (དཔེར་ན།) 1>ཆུ་ལ་གནས་པའི་ཉ་སྲམ། ས་ལ་གནས་པའི་རི་དྭགས་ཆུ་སྐམ་གཉིས་གནས་ཀྱི་སྲོག་ཆགས་ཞེས་པ་ལྟ་བུ།2>བྱ་དངོས་རྣམས་བྱུང་ནས་འཇིག་པའི་བར་མུ་མཐུད་དུ་དུས་དང་གོ་ས་བཟུང་ཡོད་པའི་དོན་ཏེ། (དཔེར་ན།) བདེ་སྐྱིད་ཡུན་རིང་དུ་གནས་པར་སྨོན་ཞེས་པ་ལྟ་བུ། |
| གནས་ཀྱི་དངོས་པོ |
སྡོད་ཡུལ་གྱི་འཛིན་ཆས། |
| གནས་ཀྱི་བདག་པོ |
(མངོན་བརྗོད།) བརྒྱ་བྱིན། |
| གནས་ཀྱི་ཡན་ལག |
1.བསམ་གཏན་བཞིའི་ཡན་ལག་ཅིག་བསམ་གཏན་བཞིའི་གཉེན་པོའི་ཡན་ལག་དང་ཕན་ཡོན་གྱི་ཡན་ལག་གཉིས་པོ་འབྱུང་བའི་གཞི་སེམས་རྩེ་གཅིག་པའི་ཏིང་ངེ་འཛིན་ནོ། །2.དྲན་པ་ཡང་དག་བྱང་ཆུབ་ཀྱི་ཡན་ལག་གོ། |
| གནས་ཀྱི་སློབ་དཔོན |
འདུལ་བ་ལས་བཤད་པའི་སློབ་དཔོན་ལྔའི་ནང་གསེས། གནས་འཆའ་བའི་སློབ་མ་ལ་དགག་སྒྲུབ་གནང་གསུམ་གྱི་བསླབ་བྱ་སློབ་པར་བྱེད་པའི་དགེ་སློང༌། |
| གནས་ཀྱི་སློབ་མ |
བླ་མའི་གམ་དུ་གནས་འཆའ་བའི་སློབ་མ། |
| གནས་ཁང |
འདུག་སའི་ཁྱིམ། |
| གནས་གཏོང་བ |
1.གནས་ཚང་གཡར་བ་སྟེ། (དཔེར་ན།) གློ་བུར་དུ་ལྷགས་པའི་མགྲོན་པོ་ལ་ཚ་ཞག་གི་གནས་གཏོང་ཞེས་པ་ལྟ་བུ། 2.རང་གནས་སྤོང་བ། |
| གནས་གཙང་མ |
གཙང་མའི་གནས་རིས་ལྔ་ནི་འཕགས་པའི་གནས་ཡིན་པས་གནས་གཙང་མ་ཞེས་བྱའོ། ། |
| གནས་གཙང་མའི་ས་ལྔ |
མི་ཆེ་བ། མི་གདུང་བ། གྱ་ནོམ་སྣང༌། ཤིན་ཏུ་མཐོང༌། འོག་མིན་ཏེ་ལྔ། |
| གནས་གཞི |
1.སྡོད་སའི་ཡུལ་ལམ་ཁང་གཞིས། 2.རྣམ་དབྱེ་བདུན་པ། 3.(མངོན་བརྗོད།) ཁང་པ། |
| གནས་གཞི་སྟོན་པའི་སྒྲ |
རྣམ་དབྱེ་བདུན་པ་རྟེན་གནས་ཀྱི་སྒྲ་ནི། གཞི་གང་ལ་ཆོས་དེ་ལྡན་པའམ་མི་ལྡན་པར་སྟོན་པའི་ལ་དོན་གྱི་ཕྲད་སྦྱར་བའི་སྒྲ་ཞིག་སྟེ། (དཔེར་ན།) གནམ་ལ་ཉི་ཟླ་ཡོད། ས་ལ་སྲོག་ཆགས་ཡོད། བར་སྣང་ལ་གང་ཡང་མེད་ཅེས་པ་ལྟ་བུ། |
| གནས་གཞིའི་སྒྲ |
གནས་གཞི་སྟོན་པའི་སྒྲ་དང་དོན་གཅིག་ |
| གནས་གོང |
དངོས་པོའི་རིན་གོང༌སྟེ། (དཔེར་ན།) ངལ་རྩོལ་གྱི་ཐོན་སྐྱེད་ལས་ཆོད་རིམ་གྱིས་སྤར་ནས་ཐོན་ཟོག་གི་གནས་གོང་རིམ་གྱིས་བཅག་པ་ཞེས་པ་ལྟ་བུ། |
| གནས་གོང་མ |
གཟུགས་ཁམས་དང་གཟུགས་མེད་ཁམས། |
| གནས་གླ |
གནས་ཚང་གཡར་བའི་གླ་ཆ། |
| གནས་ངན་མ |
(ཡུལ་སྐད།) གཞན་གྱི་མནའ་མར་ཕྱིན་ཟིན་ཀྱང་རང་གི་ཕ་མའི་ཁྱིམ་ལ་ཞེན་པའི་བུད་མེད། |
| གནས་ངན་ལེན |
1.སྐྱེ་གནས་མི་ལེགས་པར་སྐྱེ་བ་སྟེ། ད་ལྟ་སྡུག་བསྔལ་བར་བྱེད་པའི་གཞི་ཡིན་པས་ན་གནས་དང་སླར་སྡུག་བསྔལ་ཕྱི་མ་འདྲེན་པས་ན་ངན་ལེན་ཞེས་བྱ།2.སྒོ་གསུམ་ལས་སུ་མི་རུང་བ། 3.ཡུལ་ཅན་ཕྱིན་ཅི་ལོག་གོང་ནས་གོང་དུ་བསྐྱེད་པའི་ནུས་པའམ་སེམས་རྒྱུད་ལ་གནས་པའི་བག་ཆགས། 4.(བརྡ་རྙིང་།) ལྟུང་བ། |
| གནས་ངན་ལེན་གྱི་གཡེང་བ |
རྣམ་གཡེང་དྲུག་གི་ནང་ཚན་ཞིག་སྟེ། སྙིང་ནས་ཏིང་ངེ་འཛིན་གྱི་ཡོན་ཏན་འདོད་ཀྱང་བདག་ནི་བསམ་གཏན་པའོ་སྙམ་པའི་ང་རྒྱལ་མངོན་དུ་བྱུང་བ། |
| གནས་ངན་ལེན་བརྗོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཕམ་ལྷག་གང་རུང་བྱུང་བའི་དགེ་སློང་ལ་རང་ཉིད་དེའི་ལྟུང་བ་གླེང་བར་མ་བསྐོས་བཞིན་དུ་བསྙེན་པར་མ་རྫོགས་པ་ལ་སྨྲ་བར་བྱེད་པའོ། ། |
| གནས་ངན་ལེན་འཆབ་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགོས་པ་ཁྱད་པར་ཅན་མེད་པར་དགེ་སློང་གཞན་ལ་ཕམ་ལྷག་གང་རུང་གི་ལྟུང་བ་བྱུང་བ་ཤེས་བཞིན་དུ་འཆབ་པའོ། ། |
| གནས་ཆ |
སེམས་གཞན་དུ་མི་གཡེང་བར་གནས་པའི་ཆ་སེམས་ཏིང་ངེ་འཛིན་ལ་གནས་པའི་ཆ་དེའོ། གནས་ཆ་དང་མཐུན་པའི་བསམ་གཏན། |
| གནས་ཆགས་པ |
གཞིས་ཆགས་པ་སྟེ། ཡུལ་ངེས་ཅན་ཞིག་ལ་གཏན་དུ་སྡོད་པ་སྟེ། (དཔེར་ན།) ལུང་པ་འདི་ལ་དགའ་ཞེན་བྱས་ཏེ་གནས་ཆགས་པ་རེད། ཡུལ་དེར་གནས་ཆགས་མ་ཐུབ་ཅེས་པ་ལྟ་བུ། |
| གནས་ཆུང་ཆོས་རྒྱལ་ཆེན་པོ |
གཞུང་བསྟེན་དགྲ་ལྷ་པེ་ཧར་རྒྱལ་པོ། |
| གནས་ཆུང་དགོན |
གནས་ཆུང་སྒྲ་དབྱངས་གླིང་སྟེ། སྔར་བོད་སྲིད་གཞུང་གི་སྲུང་མ་གཙོ་བོ་ཆོས་སྐྱོང་རྡོ་རྗེ་གྲགས་ལྡན་གནས་སའི་དགོན་པ་དེའོ། ། |
| གནས་ཆུང་ལྕོག |
གནས་ཆུང་དགོན་གྱི་མིང་གཞན་ཞིག |
| གནས་ཆེན |
1.རྩ་འགངས་ཆེ་བའི་ས་གནས། 2.གནས་མཆོག་དང་དོན་གཅིག |
| གནས་ཆེན་ལྔ |
འཛམ་གླིང་གི་གནས་ཆེན་ལྔ་སྟེ། ཡུལ་དབུས་རྒྱ་གར་རྡོ་རྗེ་གདན། ཤར་གྱི་རི་བོ་རྩེ་ལྔ། ལྷོའི་པོ་ཏ་ལ། ནུབ་ཀྱི་ཨོ་ཊི་ཡ་ན། བྱང་གི་ཤམྦྷ་ལ་བཅས་སོ། ། |
| གནས་ཐམས་ཅད་དུ་འཕར་བ |
དགེ་འདུན་ཉི་ཤུའི་ནང་གསེས། འོག་མིན་གྱི་མཐར་ཐུག་པར་འགྲོ་བ་གང་ཚངས་ཆེན་མ་གཏོགས་པ་གནས་གཞན་ཐམས་ཅད་བརྒྱུད་ནས་འོག་མིན་གྱི་རྟེན་ལ་འདའ་བའི་རིགས་ཅན་ནོ། ། |
| གནས་དང་གནས་མ་ཡིན་པ་མཁྱེན་པའི་སྟོབས |
དེ་བཞིན་གཤེགས་པའི་སྟོབས་བཅུའི་ཡ་གྱལ་ཞིག་ལས་དང་ཉོན་མོངས་པ་ནི་སེམས་ཅན་སྐྱེད་པའི་རྒྱུ་ཡིན་པར་ཤེས་ལ་བདག་དང་བྱེད་པ་དང་དབང་ཕྱུག་ལ་སོགས་པ་ནི་སེམས་ཅན་སྐྱེད་པའི་རྒྱུ་མ་ཡིན་པར་མཁྱེན་པ་དང༌། དགེ་བས་མཐོ་རིས་སུ་སྐྱེ་བའི་གནས་ཡིན་ལ། དེས་ངན་སོང་དུ་སྐྱེ་བའི་གནས་མ་ཡིན་པར་མཁྱེན་པ་དང༌། མི་དགེ་བ་སྤྱད་པས་ངན་སོང་དུ་སྐྱེ་བའི་གནས་ཡིན་ལ། དེས་མཐོ་རིས་སུ་སྐྱེ་བའི་གནས་མ་ཡིན་པར་མཁྱེན་པ་སོགས་སོ། ། |
| གནས་དབེན་པ |
ཟང་ཟིང་མེད་པའི་གནས་ཏེ། དགོན་རི་ཁྲོད་སོགས། |
| གནས་དབྱུང |
1.རང་ས་ནས་རྒྱང་རིང་དུ་འབུད་པ་སྟེ། (དཔེར་ན།) ཁྲིམས་འགལ་ཉེས་ཅན་རྣམས་གནས་དབྱུང་གཏོང་ཞེས་པ་ལྟ་བུ། 2.གོ་གནས་འབེབས་པ་སྟེ། (དཔེར་ན།) ལས་དོན་བྱས་ཉེས་བྱུང་ནས་གནས་དབྱུང་གཏོང་ཞེས་པལྟ་བུ། |
| གནས་དབྱུང་བདུན |
ལྟུང་བ་ཕྱིར་བཅོས་ཀྱི་གཞི་བཞིའི་ནང་གསེས། མི་སྤྲོ་བ་ནན་ཏུར་གྱི་ཕྱིར་བཅོས་བྱེད་པའི་ཚུལ་ཞིག་ལྷག་མ་ལ་སོགས་པའི་ལྟུང་བ་བྱུང་བར་ཀུན་ལ་གྲགས་ཀྱང་ཕྱིར་བཅོས་བྱེད་མི་འདོད་པའི་གང་ཟག་རང་བཞིན་གྱི་གནས་ནས་ཕྱིར་དབྱུང་བ་ལ། ལྟུང་བ་མ་མཐོང་ཟེར་བ། ལྟུང་བ་ཕྱིར་མི་འཆོས་པ། སྡིག་ལྟ་ཅན། འཐབ་ཀྲོལ་བྱེད་པ། འཐབ་ཀྲོལ་གྱི་རྒྱུ་ཉེ་བར་སྒྲུབ་པ། དགེ་སློང་མ་དང་འཕྱར་གཡེང་དང་རྩ་ཧྲལ་གྱིས་འདྲིས་ཤིང་གནས་པ། ཆོས་རྣམ་པར་གཏན་ལ་ཕབ་པས་ཀྱང་རྩོད་པ་ཞི་བར་མ་གྱུར་པ་རྣམས་ནི་གནས་ནས་དབྱུང་བ་བདུན་ནོ། ། |
| གནས་དུས |
1.ཡུལ་ཕྱོགས་དང་དུས་སྐབས། 2.སྡོད་པའི་སྐབས། |
| གནས་དུས་ཚོད་རྩིས |
ཡུལ་དང་དུས་བབ་ལ་བསྟུན་ནས་བྱ་ངན་བྱེད་པ། |
| གནས་ནས་སྤེད་པ |
(བརྡ་རྙིང་།) རང་ས་ནས་གཞན་དུ་འབུད་པ། |
| གནས་པ |
1.ཡོད་པའམ་བརྟེན་པ་ཆགས་པ་སྡོད་པ་སྟེ། (དཔེར་ན།) ཐབ་ནང་དུ་མེ་གནས་པ། ནགས་ཚལ་ནང་དུ་གཅན་གཟན་གནས། ཁྱིམ་དུ་གནས་པའི་ཁྱིམ་བྱ། རི་ལ་གནས་པའི་རི་དྭགས། བྱས་རྗེས་འོད་འབར་ལོ་སྟོང་བར་དུ་གནས། ལུང་པ་དེར་སྤོས་རུང་གནས་ཐུབ་མ་སོང༌། ཁྲིམས་ལ་གནས་པ། བཤད་སྲོལ་དེ་གྲས་དོན་ལ་གནས་པ། སོན་བཏབ་ནས་མྱུ་གུ་སྐྱེ་རྒྱུར་གནས་པ་ཞེས་པ་ལྟ་བུ།2.སློབ་མ། 3.ལྡན་མིན་འདུ་བྱེད་ཀྱི་ནང་གསེས་ཤིག་སྟེ། འདུ་བྱེད་ཀྱི་ཕུང་པོ་དེ་དག་བྱུང་ནས་དེ་སྐད་ཅིག་མའི་རྒྱུན་མཐུད་པ་ནམ་མ་ཤིའི་བར་དུ་འདུག་པ་དེའོ། ། |
| གནས་པ་དགུ |
སྟོན་པ་དང༌། ཆོས། དགེ་འདུན། སློབ་དཔོན། མཁན་པོ། བླ་མ། གནས། གང་ཟག་ཡུལ་བཅས་དགུ་ལ་བརྟེན་པའོ། ། |
| གནས་པ་བཞི |
ཞུགས་གནས་བརྒྱད་ཀྱི་ནང་གསེས་ཏེ། དགེ་སྦྱོང་གི་འབྲས་བུ་ལ་གནས་པ་བཞི་རྒྱུན་ཞུགས་འབྲས་གནས་དང༌། ཕྱིར་འོང་འབྲས་གནས་དང༌། ཕྱིར་མི་འོང་འབྲས་གནས་དང༌། དགྲ་བཅོམ་འབྲས་གནས་རྣམས་སོ། ། |
| གནས་པ་མི་འགྱུར་བའི་ས |
སྔགས་རྙིང་མའི་གཞུང་དུ། རྣལ་འབྱོར་ལྔ་པའི་སྐབས་སུ་ཐོབ་པའི་ས་བརྒྱད་པ་མཐར་ལམ་དུ། དབྱིངས་ཡེ་དབྱེར་མེད་ཀྱི་དགོངས་པ་ལ་རྟག་ཏུ་གནས་ཤིང་འཕོ་འགྱུར་མེད་པས། ས་བརྒྱད་པ་ལ་གནས་པ་མི་འགྱུར་བའི་ས་ཞེས་བྱའོ། ། |
| གནས་པ་ལས་མི་བསྐྱོད་པའི་ཆོས་ཅན |
དགྲ་བཅོམ་པ་དྲུག་གི་ནང་གསེས། གང་དབང་པོ་རྟུལ་པོ་འདོད་ཡོན་གྱིས་མྱོས་ཀྱང་རུང་མ་མྱོས་ཀྱང་རུང་མཐོང་བའི་ཆོས་ལ་བདེ་བར་གནས་པ་ལས་ཡོངས་སུ་ཉམས་པའི་སྐལ་བ་ཅན་མ་ཡིན་ལ་དབང་པོ་རྣམས་སྦྱང་བའི་སྐལ་བ་ཅན་ཡིན་ཡང་མ་ཡིན་པའོ། ། |
| གནས་པའི་བར་བསྐལ་ཉི་ཤུ |
ཡ་ཐོག་རིང་མོའམ་བར་བསྐལ་དང་པོ་དང༌། ཁུག་པ་བཅོ་བརྒྱད་དེ་བར་བསྐལ་བཅོ་བརྒྱད་དང༌། མ་ཐོག་རིང་མོའམ་བར་བསྐལ་ཐ་མ་སྟེ་བསྡོམས་པས་བར་གྱི་བསྐལ་པ་ཉི་ཤུའོ། ། |
| གནས་པའི་བསྐལ་པ |
བསྐལ་པ་བཞིའི་གཉིས་པ་འཇིག་རྟེན་ཆགས་ཟིན་པ་ནས་འཇིག་ལ་ཐུག་པའི་བར་གྱི་གནས་པའི་ཡུན་ཚད་དེ་མནར་མེད་དུ་སེམས་ཅན་གཅིག་སྐྱེས་པ་ནས་གནས་བསྐལ་གྱི་མགོ་ཚུགས་པ་ཡིན་ཞིང༌། མི་རྣམས་ཀྱི་ཚེ་ལོ་དཔག་མེད་ནས་བརྒྱད་ཁྲི་དང༌། དེ་ནས་སངས་རྒྱས་འཁོར་བ་འཇིག་གསེར་ཐུབ། འོད་སྲུང༌། ཤཱཀྱ་ཐུབ་པ་སྟེ་བྱམས་པ་མ་བྱོན་བར་བསྐལ་པ་ཡ་ཐོག་རིང་མོ་ཡིན་ཞིང༌། དེ་རྗེས་མར་འགྲིབ་ཚེ་ལོ་བཅུ་པ་ནས་ཡར་འཕེལ་བརྒྱད་ཁྲིའི་བར་དུ་འཕེལ་བའི་བར་གྱི་ཁུག་པ་བཅོ་བརྒྱད་དང༌། སངས་རྒྱས་སྟོང་གི་ཐ་མ་སངས་རྒྱས་མོས་པ་བྱོན་པ་ནས་བསྐལ་པ་མ་ཐོག་རིང་མོ་བཅས་བར་བསྐལ་ཉི་ཤུའི་ཡུན་ལ་གནས་པའི་བསྐལ་པ་ཞེས་བྱའོ། ། |
| གནས་པའི་རང་རྒྱལ |
ཉན་ཐོས་ཀྱི་རྒྱུན་ཞུགས་ཀྱི་འབྲས་བུ་ཙམ་ཐོབ་ནས་རང་རྒྱལ་དུ་གྱུར་པ། |
| གནས་པོ |
1.གནས་ཚང་བདག་པོ། 2.ཁྱིམ་གྱི་བདག་པོ། 3.ཚོང་དཔང༌། |
| གནས་ཕུན་སུམ་ཚོགས་པ |
ཕུན་སུམ་ཚོགས་པ་ལྔའི་ནང་གསེས་ཏེ། འོག་མིན། དགའ་ལྡན་སོགས་ལྷ་ཡུལ་དང༌། ཝཱ་རཱ་ཎ་སི། བྱ་རྒོད་ཕུང་པོའི་རི། རི་བོ་མ་ལ་ཡ་སོགས་སངས་རྒྱས་ཀྱི་ཆོས་གསུངས་པའི་གནས་ཞེས་པ་ལྟ་བུ། |
| གནས་ཕྱོགས |
1.སྡོད་པའི་ས་ཕྱོགས། 2.ལྟ་བ་འཛིན་སྟངས། |
| གནས་བཅས་པ |
1.སྡོད་གནས་ཀྱི་རྟེན་གཞི་གསར་དུ་ཆགས་པ་སྟེ། (དཔེར་ན།) གང་ཞིག་དུག་གི་རི་ལ་གནས་བཅས་ན། དེ་ཡི་འདབ་ཆགས་ཐམས་ཅད་དུག་ཏུ་འགྱུར། གང་ཞིག་གསེར་གྱི་རི་ལ་གནས་བཅས་ན། དེ་ཡི་འདབ་ཆགས་ཐམས་ཅད་གསེར་དུ་འགྱུར་ཞེས་པ་ལྟ་བུ།2.སྡོད་སའི་ཁྱིམ་ཚང་སོགས་བཟོས་པ་སྟེ། (དཔེར་ན།) མཐའ་མཚམས་སུ་གནས་བཅས་པ་ལྟ་བུ། |
| གནས་བདག |
གནས་ཚང་གི་བདག་པོ། |
| གནས་བདེ་དུས་འཇགས |
གནས་བདེ་ཞིང་དུས་སྐབས་ལྷིང་འཇགས། |
| གནས་བབས |
སྡོད་བབས་སམ། གནས་ཚུལ་གྱི་བབས་ཏེ། (དཔེར་ན།) གནས་བབས་ཧ་ཅང་བཟང༌། གནས་བབས་བྱ་དཀའ་བྱེད་གཏད་དུ་གྱར་ཞེས་པ་ལྟ་བུ། |
| གནས་བཞི་པ |
(མངོན་བརྗོད།) སྲིན་པོའི་རྒྱལ་པོ། |
| གནས་བཟང་པོ |
1.སྡོད་ས་བཟང་པོ། 2.(མངོན་བརྗོད།) 1>ལྷ་ཡུལ། 2>རྩྭ་རི་གངས་རི་སོགས་ལྟ་བུ། |
| གནས་བརྟན |
རང་ལས་བསླབ་པ་རྒན་པའི་དགེ་སློང་གི་ཆེ་བརྗོད་དེ་འདུལ་བའི་བརྡ། |
| གནས་བརྟན་པ་གསུམ |
ཐེག་དམན་སྡེ་པ་བཅོ་བརྒྱད་ཀྱི་ནང་གསེས། རྒྱལ་བྱེད་ཚལ་ན་གནས་པ་དང༌། འཇིགས་མེད་རི་ལ་གནས་པ། གཙུག་ལག་ཁང་ཆེན་ན་གནས་པ་སྟེ་སྡེ་གསུམ། |
| གནས་བརྟན་པའི་སྡེ |
ཉན་ཐོས་ཀྱི་རྩ་བའི་སྡེ་པ་བཞིའི་ནང་གསེས། གནས་བརྟན་འཕགས་པའི་རིགས་ཡིན་པར་སྨྲ་བས་གནས་བརྟན་པར་གྲགས་ལ། མདོ་འདོན་པའི་ཚེ་བི་ཤྭ་ཙིའི་སྐད་དུ་འདོན། མཁན་པོ་སྨྱིག་མ་མཁན་གྱི་རིགས་ཀ་ཏྱཱ་ཡ་ན། སྣམ་སྦྱར་སྣམ་ཕྲན་ལྔ་ནས་ཉེར་གཅིག་མན་ཆོད་ལ་རྟགས་དུང༌། དགེ་སློང་གི་མིང་འབྱུང་གནས་དང་གོ་ཆའི་མཐའ་ཅན། གྲུབ་མཐའ་འགོག་སྙོམས་ལ་སེམས་ཡོད་པ་དང༌། ལོག་ཤེས་མེད་པ་དང༌། གྲངས་མེད་བཅུ་ཡན་ནས་སུམ་ཅུ་མན་གང་རུང་གིས་འཚང་རྒྱ་བར་འདོད་པའོ། ། |
| གནས་བརྟན་བཅུ་དྲུག |
ཤཱཀྱ་ཐུབ་པས་བསྟན་པ་གཉེར་དུ་གཏད་པའི་དགྲ་བཅོམ་པ་བཅུ་དྲུག་ཡན་ལག་འབྱུང༌། མ་ཕམ་པ། ནགས་ན་གནས། དུས་ལྡན། རྡོ་རྗེ་མོའི་བུ། བཟང་པོ། གསེར་གྱི་བེའུ། བྷ་ར་དྷྭ་ཛ་གསེར་ཅན། བ་ཀུ་ལ། སྒྲ་གཅན་འཛིན། ལམ་ཕྲན་བསྟན། བྷ་ར་དྷྭ་ཛ་བསོད་སྙོམས་ལེན། ལམ་ཆེན་བསྟན། ཀླུའི་སྡེ། སྦེད་བྱེད། མི་ཕྱེད་པ་སྟེ་བཅུ་དྲུག |
| གནས་བཤད |
གནས་དང་རྟེན་གསུམ་གྱི་ལོ་རྒྱུས་བརྡ་སྤྲོད་པ་སྟེ། (དཔེར་ན།) ལྷ་ཁང་རྙིང་པར་གནས་བཤད་གསར་པ་ཞེས་པ་ལྟ་བུ། |
| གནས་བསྐལ |
གནས་པའི་བསྐལ་པའི་བསྡུས་ཚིག་སྟེ། ས་གཞི་ཆེན་པོར་སེམས་ཅན་བྱུང་ནས་གནས་པའི་དུས་སྐབས་ཀྱི་མིང་། |
| གནས་བསྐལ་གྱི་དུས་བཞི |
འཇིག་རྟེན་ཆགས་ནས་མ་ཞིག་པའི་བར་གྱི་དུས་བཞི་རྫོགས་ལྡན་དང༌། གསུམ་ལྡན། གཉིས་ལྡན། རྩོད་ལྡན་བཅས་སོ། ། |
| གནས་བྱའི་ཆོས་བཞི |
རབ་ཏུ་བྱུང་བས་རྒྱུན་དུ་སྤྱད་པར་བྱ་བའི་འཚོ་བའི་སྤྱོད་ལམ་རིགས་བཞི་གོས་བཟང་ངན་གྱི་མཐའ་གཉིས་སུ་མ་ལྷུང་བ་དང༌། ཟས་མཐའ་གཉིས་སུ་མ་ལྷུང་བ། གནས་མལ་མཐའ་གཉིས་སུ་མ་ལྷུང་བ། སྨན་མཐའ་གཉིས་སུ་མ་ལྷུང་བར་སྤྱོད་པ་བཅས་བཞིའོ། ། |
| གནས་བྱེད |
(མངོན་བརྗོད།) 1>བུད་མེད། 2>འོད། |
| གནས་བླ་མ |
རབ་བྱུང་རྟེན་སའི་གནས་བརྟན། |
| གནས་མ |
1.མནའ་མར་ཕྱིན་ཟིན་པའི་བུད་མེད། 2.སྐར་མ་ཁྲུམས་སྟོད། |
| གནས་མ་བུ་པའི་སྡེ |
མང་བཀུར་བ་གསུམ་གྱི་ཡ་གྱལ་ཞིག |
| གནས་མགྲོན |
ལམ་བར་གྱི་གནས་ཚང་དང་དེར་ཡོང་མཁན། |
| གནས་མང་གྲངས་ཀ |
གཅིག་གནས་ནས་བཅུ་གནས་དང༌། བརྒྱ་གནས། སྟོང་གནས་སོགས་མང་པོར་བརྩེགས་པ། |
| གནས་མཆོག |
1.ཆོས་ལུགས་ཀྱི་སྐུ་གསུང་ཐུགས་རྟེན་བཞུགས་ཡུལ་མཆོག་ཏུ་གྱུར་པ། 2.ལོ་རྒྱུས་ཀྱི་དོན་སྙིང་ཆེན་པོ་ལྡན་པའམ་ནུས་པ་ཆེན་པོ་ཐོན་མྱོང་ས་ལ་ཡང་གནས་མཆོག་ཟེར། |
| གནས་མཇལ་བ |
1.གནས་རྟེན་མཇལ་བ། 2.གནས་མཇལ་མཁན། |
| གནས་མལ |
སྡོད་གནས་སམ་སྡོད་མལ། |
| གནས་མལ་གྱི་གཞི |
འདུལ་བ་གཞི་བཅུ་བདུན་ལས། བདེར་གནས་རྐྱེན་གྱི་གཞི་ལྔའི་ནང་གསེས། གནས་མལ་མཐའ་གཉིས་སུ་མ་ལྟུང་བས་བདེ་བར་གནས་པའི་གཞི་སྟེ་གཙུག་ལག་ཁང་བརྩིགས་ནས། སྒོ་ཁང་དུ་སྲིད་པའི་འཁོར་ལོ་ཆ་ལྔ་པ་སོགས་བྲི་བར་བྱ་ཞིང༌། དྲི་གཙང་ཁང་དུ་བསྟན་པའི་གཙོ་བོ་དང༌། ལོགས་སུ་ཐུབ་པའི་སྐྱེས་རབས་སོགས་བྲི་བ་དང༌། གཞན་ཡང་མཛོད་དང་ཟས་ཁང་ལ་སོགས་པ་དང༌། གང་ཟག་སོ་སོའི་ཁང་པ་སྤྱོད་ལམ་བཞི་ཤོང་གི་ཚད་ཅན། མཆོད་རྟེན་དང་ལྕགས་རི། རྒྱལ་མཚན་ལ་སོགས་པ་གཞུང་མཐུན་དུ་བྱ་བའོ། དེ་དང་འབྲེལ་བར་མཆོག་ལ་རབ་ཏུ་བྱུག་བས་ཕྱག་བྱ་བ་དང༌། མཉམ་ན་རྒན་པ་དང༌། བུད་མེད་ཀྱིས་དགེ་སློང་ལ་ཕྱག་བྱེད་པ་སོགས་ཀྱི་བསླབ་བྱ་བཅས་སོ། ། |
| གནས་མལ་གྱི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གནས་མལ་ལས་གྱུར་པའི་ལྟུང་བྱེད་དེ་ཁྲི་ལ་སོགས་པ་དགེ་འདུན་གྱི་གནས་མལ་རང་གིས་ལོངས་སྤྱོད་པའི་མཐར་ཚགས་མ་བྱས་པར་ཉི་མ་ཆར་པ་སོགས་ཀྱིས་ཆུད་ཟོས་སུ་འཇུག་པའོ། ། |
| གནས་མིན |
1.འོས་མ་ཡིན་པ་སྟེ། (དཔེར་ན།) བྱེ་ཐང་ལོ་ཏོག་འདེབས་སའི་གནས་མིན་ཞེས་པ་ལྟ་བུ།2.བྱ་བ་བྱེད་མི་རུང་བའི་གནས་ཏེ། (དཔེར་ན།) དགྲ་བོ་སྙིང་རྗེ་བྱེད་སའི་གནས་མིན་ཞེས་པ་ལྟ་བུ། |
| གནས་མེད་པ |
1.འོས་མེད་པའམ་མི་འཐད་པ་སྟེ། (དཔེར་ན།) ངལ་རྩོལ་མ་བྱས་པར་ཐོན་འབྲས་ཀྱི་བགོ་སྐལ་རྩོད་སའི་གནས་མེད་ཅེས་པ་ལྟ་བུ།2.གོ་སྐབས་མེད་པ་སྟེ། (དཔེར་ན།)་དགྲ་བོའི་བཙན་འཛུལ་ངན་ཇུས་ལམ་ལྷོང་ཡོང་བའི་གནས་མེད་ཅེས་པ་ལྟ་བུ།3.སྡོད་ས་མེད་པ་སྟེ། (དཔེར་ན།) སྔར་གནས་མེད་པ་རྣམས་ལ་ད་ལྟ་གནས་གསར་པ་ཡོད་ཅེས་པ་ལྟ་བུ། 4.(མངོན་བརྗོད།) རླུང་སྤྱི། |
| གནས་མེད་ཕྱོགས་གྱར |
སྡོད་གནས་མེད་པས་ཡུལ་ཕྱོགས་ངེས་མེད་དུ་གྱར་བ་སྟེ། (དཔེར་ན།) བཙན་འཛུལ་དམག་འཁྲུག་གི་རྐྱེན་ངན་བྱུང་ནས་མི་དམངས་རྣམས་གནས་མེད་ཕྱོགས་གྱར་དུ་གྱུར་པ་རེད་ཅེས་པ་ལྟ་བུ། |
| གནས་མེད་འཁྱམས་པོ |
སྡོད་གནས་ཁྱིམ་གཞིས་གང་ཡང་མེད་པས་ངེས་མེད་དུ་འཁྱམས་ནས་སྡོད་མཁན། |
| གནས་མོ |
1.གནས་ཚང་གི་བདག་མོ། 2.ཁྱིམ་གྱི་བདག་མོ། |
| གནས་མོ་སྣ་གཉིས |
རི་རྩེ་ཞིག་སྟེ། བོད་ཀྱི་སྤུ་ཧྲེང་རྫོང་ཁོངས་མ་ཕམ་གཡུ་མཚོའི་ལྷོ་ངོས་སུ་ཡོད། མཐོ་ཚད་རྒྱ་མཚོའི་ངོས་ནས་སྨི་7728 ཡོད། |
| གནས་ཚང |
གཡར་བའི་སྡོད་ཁང༌སྟེ། (དཔེར་ན།) རང་ལ་སྡོད་ཁང་མེད་པས་གཞན་ནས་གནས་ཚང་གཡར་ཞེས་པ་ལྟ་བུ། |
| གནས་ཚད |
མང་ཉུང་ངམ་ཆེ་ཆུང་གི་ཚད་དེ། (དཔེར་ན།) རིན་གོང་གི་གནས་ཚད། དུས་ཡུན་གྱི་གནས་ཚད། ཤེས་ཡོན་གྱི་གནས་ཚད་ཅེས་པ་ལྟ་བུ། |
| གནས་ཚུལ |
ཡུལ་དང༌། བྱ་བ། དངོས་པོ། དུས་ཚོད་སོགས་ཀྱི་བབས་སམ་ཡོང་སྟངས་དང་ཆགས་སྟངས་ཏེ། (དཔེར་ན།) དངོས་ཡོད་གནས་ཚུལ། གནས་ཚུལ་ངོ་མ། གནས་ཚུལ་དམིགས་བསལ་ཅན། གནས་ཚུལ་རྒྱུན་ལྡན། གནས་ཚུལ་ཐོར་བུ། གནས་ཚུལ་ཧྲིལ་པོ་ཞེས་པ་ལྟ་བུ། |
| གནས་ཚུལ |
བྱ་སྤྱོད་དང་དངོས་པོའི་འགྱུར་ལྡོག་བྱུང་བའི་རྣམ་པའི་མིང་སྟེ། (དཔེར་ན།) རྒྱལ་ཁབ་ཕྱི་ནང་གི་གནས་ཚུལ་ཞེས་པ་ལྟ་བུ། |
| གནས་ཟོས་བདེ་པོ |
(ཡུལ་སྐད།) འཚེ་བ་མེད་པ་སྟེ། (དཔེར་ན།) དེང་སང་མི་ཚང་མ་གནས་ཟོས་བདེ་པོ་རེད་ཅེས་པ་ལྟ་བུ། |
| གནས་འགྱུ |
རྣམ་རྟོག་འཆར་ཚུལ། |
| གནས་འགྱུར་བ |
སྔར་གྱི་གནས་ཚུལ་དེ་གཞན་ཞིག་ཏུ་འགྱུར་བ་སྟེ། (དཔེར་ན།) བདེ་སྡུག་ཐམས་ཅད་རང་བཞིན་གནས་འགྱུར་བ་ཞེས་པ་ལྟ་བུ། |
| གནས་འཇུག |
(མངོན་བརྗོད།) ཉིན་མོ། |
| གནས་འཕོ་བ |
1.སྡོད་གནས་གཞན་དུ་འགྱུར་བ། 2.སྐྱེ་གནས་གཞན་དུ་འགྱུར་བ། 3.གོ་གནས་གཞན་དུ་འགྱུར་བ། |
| གནས་འབེབས་པ |
1.གནས་གཞིའམ་སྡོད་ས་གཏན་འཆའ་བ་སྟེ། (དཔེར་ན།) གྲོང་ཁྱེར་གྱི་ནང་ནས་གྲོང་གསེབ་ཏུ་གནས་འབེབས་པ་ལྟ་བུ།2.གོ་གནས་གཅོག་པ་སྟེ། (དཔེར་ན།) ལས་ཉེས་བྱེད་འཛོལ་ལ་གཞིགས་ནས་གནས་འབེབས་བྱེད་དགོས་ལྟ་བུ། |
| གནས་འཛིན་བུ་མོ |
(མངོན་བརྗོད།) མཚན་མོ། |
| གནས་འོག་མ |
འདོད་ཁམས། |
| གནས་ཡིག |
ལྷ་ཁང་དང་གནས་ཀྱི་ལོ་རྒྱུས་ཀྱི་ཡི་གེ། |
| གནས་ཡུལ |
སྡོད་སའི་ཡུལ། |
| གནས་ཡུལ་དོམ་ལ |
ལ་ཞིག་སྟེ། བོད་ཀྱི་སྨན་གླིང་རྫོང་གི་ལྷོ་རྒྱུད་དུ་ཡོད། |
| གནས་རི |
ལྷ་གནས་པའི་རི། |
| གནས་རྟེན |
1.ཆོས་ལུགས་ཀྱི་གནས་འགངས་ཅན་དང་རྟེན་གསུམ། 2.གནས་སའམ་གནས་གཞི། |
| གནས་ལན |
ཕར་གནས་ཚུལ་ཡི་གེ་བཏང་བའི་ཡིག་ལན། |
| གནས་ལུགས |
1.དངོས་པོ་རྣམས་ཀྱི་རང་གཤིས་སམ་ངོ་བོའི་དོན་ཏེ། (དཔེར་ན།) འཇིག་རྟེན་གྱི་གནས་ལུགས་ཞེས་པ་ལྟ་བུ།2.ཐུན་མོང་གི་གོམས་སྲོལ་དུ་གྱུར་པའི་ལུགས་སྲོལ་གྱི་མིང་སྟེ། (དཔེར་ན།) ས་ཆ་རེ་ལ་གནས་ལུགས་རེ། གནས་ལུགས་དང་མི་མཐུན་པའི་སྤྱོད་པ་ཞེས་པ་ལྟ་བུ།3.བྱ་དངོས་ཀྱི་ཆོས་ཉིད་ཀྱི་མིང་སྟེ། (དཔེར་ན།) འབྲོག་དབུལ་རྒན་པོས་ལུག་སྔ་གཏོང་འཕྱི་སྡུད་བྱས་ན་ལེགས་པའི་གནས་ལུགས་བཤད་ལྟ་བུ། |
| གནས་ལུགས་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག་མེད་པ། ཕྱལ་བ། ལྷུན་གྲུབ། གཅིག་པུའི་རྣམ་གྲངས་རང་བཞིན་རྫོགས་པ་ཆེན་པོའི་རྒྱུད་སྡེའི་རང་སྐད་མ་ཉམས་པར་བརྗོད་དོན་ཐ་དད་དུ་གནད་འགག་བཀྲོལ་ཞིང་ཡིན་ལུགས་གནད་ཐོག་ཏུ་ཕབ་ནས་འགག་བསྡམས། རང་གྲོལ་བསམ་ངོ་ལས་འདས་པའི་ཆིངས་སུ་བཅིངས། འབད་རྩོལ་རྒྱུ་འབྲས་ལ་མ་ལྟོས་པར་ལ་བཟླ་བ་རྡོ་རྗེའི་གནས་ཆེན་པོ་བཅུ་དྲུག་གསལ་བར་སྟོན་པ་མཛོད་ཁང་ངམ་ལེའུ་ལྔ་པའི་བདག་ཉིད་ཅན་རྩ་འགྲེལ་གཉིས་ལྡན་གྱི་གཞུང་འདི་དུས་རབས་བཅུ་བཞི་པར་ཀུན་མཁྱེན་ཀློང་ཆེན་གྱིས་མཛད་པའོ། ། |
| གནས་ལྔ |
ལུས་ཀྱི་གནས་ལྔ་སྤྱི་བོ། མགྲིན་པ། སྙིང་ག།ལྟེ་བ། གསང་གནས་བཅས་སོ། ། |
| གནས་སྐབས |
ཐག་ཉེ་བའི་དུས་དང་དུས་ཡུན་ཐུང་ངུ་ཙམ་གྱི་མིང་སྟེ། (དཔེར་ན།) གནས་སྐབས་སུ་དཀའ་ཚེགས་ཅུང་ཟད་ཆེ། གནས་སྐབས་ཀྱི་ཕན་པ་ཙམ་བསམས་ནས་ཕུགས་ཀྱི་འདུན་པ་ཆེན་པོ་འདོར་མི་རུང་ལྟ་བུ། |
| གནས་སྐབས་བཞི |
ལུས་ལ་རྩ་རླུང་ཐིག་ལེ་རྫོགས་པས་གནས་སྐབས་བཞི་འབྱུང་དེ་གསུམ་གྱི་རང་ངོ་མ་ཤེས་ཤིང་གཟུང་འཛིན་དུ་ཞེན་པའི་དབང་ལས་ཚོགས་དྲུག་མི་གསལ་བར་ཀུན་གཞི་ལ་བསྡུས་པ་གཉིད་འཐུག་པོའི་གནས་སྐབས་དང༌། དེ་ལས་ཡིད་འདུ་བྱེད་དང་བཅས་པ་རྨི་ལམ་གྱི་གནས་སྐབས་དང༌། ཚོགས་དྲུག་ཡུལ་ལ་འཇུག་པ་ཐ་མལ་གྱི་དུས་ཏེ་སད་པའི་དུས་དང༌། དེ་ལས་འཕོ་བའི་བག་ཆགས་ཉམས་སུ་མྱོང་བ་སྙོམས་འཇུག་གི་གནས་སྐབས་ཏེ་བཞིའོ། ། |
| གནས་སྐབས་བརྒྱད |
སྔགས་ལུགས་ལས་བཤད་པའི་ས་ཆུ་མེ་རླུང་དང༌། དཀར་ལམ། དམར་ལམ། ནག་ལམ། སྣང་བ་བཅས་ཐིམ་རིམ་གྱི་གནས་སྐབས་བརྒྱད། |
| གནས་སྐབས་ལམ་ཡིག |
དུས་བཅད་ལྟར་ས་གནས་ག་གེ་མོར་འགྲོ་ཆོག་པའི་ཡི་གེ། |
| གནས་སྐོར |
གནས་རྟེན་རིམ་བཞིན་མཇལ་གྱིན་འགྲོ་བ། |
| གནས་སྐོར་བ |
གནས་རྟེན་མཇལ་སྐོར་བྱེད་མཁན། |
| གནས་སྤར |
1.སྡོད་གནས་སྤོ་བ། 2.གོ་ས་སྤར་བ། 3.ཆོས་ལུགས་ལྟར་གཤིན་པོའི་རྣམ་ཤེས་གནས་གོང་མར་སྤར་བ། |
| གནས་སྤོ་བ |
སྡོད་གནས་གཞན་དུ་སྤོ་བ་སྟེ། (དཔེར་ན།) སྡོད་ཁང་གསར་པའི་ནང་དུ་གནས་སྤོ་བ། དབྱར་དུས་རུ་བ་རྣམས་རྩྭ་ཆུ་གང་བཟང་དུ་གནས་སྤོ་བ་ཞེས་པ་ལྟ་བུ། |
| གནས་སྦྱིན་པ |
སྡོད་ས་སྤྲོད་པ། |
| གནས་སྦྱིན་པའི་སློབ་དཔོན |
གནས་ཀྱི་སློབ་དཔོན་དང་དོན་གཅིག |
| གནས་སྲུང་པོ |
(མངོན་བརྗོད།) རྣམ་ཐོས་སྲས། |
| གནུབས |
གཙང་རིན་སྤུངས་ཁུལ་གྱི་ལུང་པ་ཞིག་དང་དེར་གནས་བོད་ཀྱི་ཡབ་འབངས་རུས་དྲུག་ནང་གི་རུས་མིང་ཞིག |
| གནུབས |
བོད་ཀྱི་རུས་ཤིག |
| གནུབས་སངས་རྒྱས་ཡེ་ཤེས |
ཁྲི་སྲོང་ལྡེ་བཙན་གྱི་དུས་སུ་བྱུང་ནས་བོད་དང༌། བལ་པོ་དང༌། རྒྱ་གར་དང༌། བྲུ་ཤའི་མཁས་པ་མང་པོ་བསྟེན་ཞིང༌། འདི་ལ་མདོ་སྒྱུ་སེམས་གསུམ་གྱི་བཀའ་ཐམས་ཅད་གཅིག་ཏུ་བབས་པ་ཡིན་པར་གྲགས། སོ་ཟུར་གནུབས་གསུམ་གྱི་ཡ་གྱལ་ཞིག |
| གནོང |
(བྱེད་མེད་ལས་ཚིག) འཛེམ་དོགས་བྱེད་པའི་དོན་ཏེ། (དཔེར་ན།) རང་སྐྱོན་ལ་མ་གནོང་། རྟ་རྒན་རྒྱབ་རྨ་ལ་གནོང་ལྟ་བུ། |
| གནོང་བ |
(བྱེད་འབྲེལ་ལས་ཚིག) ངོ་ཚ་བར་གོ་བའི་བྱ་མིང་། |
| གནོང་བཀུར་བ |
རང་གི་ཉེས་པ་ཁས་ལེན་པ། |
| གནོང་བག |
སེམས་ཞུམ་པའམ་ངོ་ཚ་བའི་རྣམ་པ། |
| གནོང་མེད་པ |
ཉེས་སྐྱོན་གྱི་གནོང་འགྱོད་མེད་པ། |
| གནོང་འཁུར་བ |
རང་སྐྱོན་རང་གིས་ངོས་ལེན་པ་སྟེ། (དཔེར་ན།) གཞན་གྱིས་སྣ་མཛུབ་མ་བཙུགས་གོང་དུ་རང་གནོང་འཁུར་བ་ཞེས་ལྟ་བུ། |
| གནོང་འགྱོད |
ཉེས་སྐྱོན་བྱུང་བའི་གནོང་དང་འགྱོད་པ་སྟེ། (དཔེར་ན།) རང་སྐྱོན་ལ་གནོང་འགྱོད་སྐྱེས་ཏེ་ཕྱིས་འདོམས་བྱེད་ཅེས་པ་ལྟ་བུ། |
| གནོང་ལེན་པ |
ཉེས་པ་ལ་ངོ་ཚ་བའི་རྣམ་འགྱུར་སྟོན་པ་སྟེ། (དཔེར་ན།) མི་མང་གི་དབུས་སུ་རང་སྐྱོན་གྱི་གནོང་ལེན་པ་ཞེས་པ་ལྟ་བུ། |
| གནོངས |
གཞན་ལ་བྱིན་པའི་དོན་དུ་གོ་བའི་གནོང་གི་སྐུལ་ཚིག་སྟེ། (དཔེར་ན།) བྱས་རྗེས་ཅན་ལ་བྱ་དགའ་གནོངས་ཤིག་ལྟ་བུ། |
| གནོངས་པ |
ངོ་ཚོ་བའི་དོན་དུ་གོ་བའི་གནོང་བའི་འདས་པ། |
| གནོད |
1.(བྱེད་འབྲེལ་ལས་ཚིག) གྱོང་གུད་གཏོང་བ་སྟེ། (དཔེར་ན།) ནད་ཡམས་ལུས་ལ་གནོད། ཐན་པ་ཞིང་ལ་གནོད། ཆང་འཐུངས་པ་མང་ན་ལུས་ལ་གནོད་ལྟ་བུ། 2.བརྩེ་དུང་ཉམས་པར་བྱེད་པ་སྟེ། (དཔེར་ན།) ཚིག་རྩུབ་སེམས་ལ་གནོད་ལྟ་བུ། |
| གནོད་གནས |
གནོད་སྦྱིན་ནམ། མི་མིན་ནོར་ལྷའི་རིགས། |
| གནོད་ཉེན |
གནོད་འཚེའི་ཉེན་ཁ་སྟེ། (དཔེར་ན།) བཙན་འཛུལ་བྱེད་མཁན་ཇི་སྲིད་གནས་པ་དེ་སྲིད་དམག་འཁྲུག་གི་གནོད་ཉེན་ཡོད་ཅེས་པ་ལྟ་བུ། |
| གནོད་དོགས |
བར་ཆད་འབྱུང་བའི་བློ་དོགས་ཏེ། (དཔེར་ན།) དུས་ཀུན་གནོད་དོགས་ཡོད་ཚེ་ཡིད་གཟབ་བྱ་ཞེས་པ་ལྟ་བུ། |
| གནོད་པ |
1.(བྱེད་འབྲེལ་ལས་ཚིག) སྡུག་བསྔལ་བ། གཙེ་བ་དང་གྱོང་གུད་དུ་གཏོང་བའི་བྱ་ལས་ཀྱི་མིང་སྟེ། (དཔེར་ན།) གཞན་གྱིས་གནོད་པ་མ་བྱས་ན། རང་གིས་གཞན་ལ་གནོད་མི་བྱེད་ཅེས་པ་ལྟ་བུ།2.གཞན་ལ་གནོད་པའི་ནུས་པ་དང་བྱ་སྤྱོད་སོགས་ཀྱི་དོན་ཏེ། (དཔེར་ན།) སྦྲུལ་གྱི་གནོད་པ། དུག་གི་གནོད་པ་ཞེས་པ་ལྟ་བུ། |
| གནོད་པ་གཤོམ་པ |
འཚེ་བ་བྱེད་པར་གྲ་སྒྲིག་པ། |
| གནོད་པ་བཟློག་པའི་གསོ་སྦྱོང |
མཐུན་པའི་གསོ་སྦྱོང་ལས་དུས་མ་ངེས་པའི་གསོ་སྦྱོང་གི་གྲས་ཤིག་སེར་བ་དང༌། ཆོམ་རྐུན། ནད་ཡམས་སོགས་གནོད་པ་བྱུང་ཟིན་བཟློག་པའམ་སླར་མི་འབྱུང་བའི་ཕྱིར་གསོ་སྦྱོང་བྱེད་པའོ། ། |
| གནོད་པ་སྐྱེལ་བ |
གཞན་ལ་འཚེ་བར་བྱེད་པ་སྟེ། (དཔེར་ན།) གཞན་ལ་གནོད་པ་སྐྱེལ་བའི་ལས་མི་བྱེད། མིང་གི་རྣམ་གྲངས་ལ་ངན་བྱེད་པ་དང༌། ཉེས་བྱེད། མཐོ་འཚམས་པ། གནོད་སྐྱེལ་བ། རྣམ་འཚེ། འཚེ་བར་བྱེད་བཅས་སོ། ། |
| གནོད་པའི་ལྷག་མ་གཉིས |
དགེ་འདུན་ལྷག་མ་བཅུ་གསུམ་གྱི་ནང་གསེས། གཞི་མེད་ཀྱི་སྐུར་འདེབས་དང༌། བག་ཙམ་གྱི་སྐུར་འདེབས་གཉིས་ནི་གནོད་པ་ལས་གྱུར་པའི་ལྷག་མའོ། ། |
| གནོད་པར་བྱེད་པའི་མི་དགེ་བ |
སེམས་ཅན་ལ་གནོད་པ་བྱེད་པ་སྟེ། (དཔེར་ན།) གནོད་པས་འཛག་པ། རྐྱེན་ངན་ཕྲད་དེ་ལུས་ཟུངས་ས་བོན་ཤོར་བ་ལྟ་བུ། |
| གནོད་བསྙེན |
ཀུན་འབྱུང་བ། |
| གནོད་བྱེད་གདོན་བགེགས |
གནོད་པ་གཏོང་མཁན་འདྲེ་དང་འབྱུང་པོ་སོགས། |
| གནོད་བྱེད་ལ་ཇི་མི་སྙམ་པའི་བཟོད་པ |
ཕན་བཏགས་པའི་སེམས་ཅན་ལ་སོགས་པ་གཞན་གྱིས་བརྡེག་པ་དང༌། བཅིང་བ་ལ་སོགས་པའི་གནོད་པ་སྣ་ཚོགས་བྱེད་ཀྱང་དེ་ལ་མི་ཁྲོ་ཞིང་ངན་སེམས་མི་སྐྱེ་བ། |
| གནོད་མིག |
སྡང་མིག་གམ་ཚིག་པ་ཟ་བའི་ལྟ་སྟངས། |
| གནོད་ཚིག |
གཞན་ལ་ཕོག་ཐུག་བྱེད་པའི་སྐད་ཆ་སྟེ། (དཔེར་ན།) དགོས་མེད་ཞེན་པ་སྲེག་པའི་གནོད་ཚིག་མ་བཤད་ཅེས་པ་ལྟ་བུ། |
| གནོད་ཟད་པ |
འགོག་པ། |
| གནོད་ཟས |
གཟུགས་ཁམས་ལ་མི་འཕྲོད་པའི་ལྟོ། |
| གནོད་ཟློག་གསོ་སྦྱོང |
གསོ་སྦྱོང་གསུམ་གྱི་ནང་གསེས་བར་ཆད་ཟློག་བྱེད་གསོ་སྦྱོང་ཞིག |
| གནོད་འགྱེད་པ |
གནོད་པ་གཏོང་བའམ། སྡུག་བསྔལ་བཟོ་བ་སྟེ། (དཔེར་ན།) སྒྲིག་ལམ་ལ་གནོད་འགྱེད་པ། སྤྱི་པའི་ཁེ་ཕན་ལ་གནོད་འགྱེད་པ་ཞེས་པ་ལྟ་བུ། |
| གནོད་འཚེ |
གནོད་པ་དང་གླགས་འཚོལ་བའི་བྱ་སྤྱོད་ཀྱི་མིང་སྟེ། (དཔེར་ན།) ཞི་བདེ་ལ་གནོད་འཚེ་གཏོང་བའི་བཙན་རྒྱལ་རིང་ལུགས་པར་ངོ་རྒོལ་བྱེད་པ་ཞེས་པ་ལྟ་བུ། |
| གནོད་རྐྱེན |
མི་བདེ་བ་སྐྱེད་བྱེད། |
| གནོད་ལན |
ངན་བྱས་པའི་ལན་པོ་སྟེ། (དཔེར་ན།) དུས་ཡུན་རིང་སོང་ཡང་གནོད་ལན་འཇལ་སེམས་མི་གཏོང་ལྟ་བུ། |
| གནོད་ལྟས |
གནོད་འཚེ་འོང་བའི་སྔོན་རྟགས། |
| གཙང་ཁྲུས |
དྲི་མ་གཙང་སེལ་བྱེད་པའི་ཁྲུས་ཏེ། (དཔེར་ན།) ཞོགས་པ་རེ་རེ་བཞིན་གདོང་དང་ལག་པ་གཙང་ཁྲུས་བྱེད་ཅེས་པ་ལྟ་བུ། |
| གཙང་གནས |
(མངོན་བརྗོད།) དྲང་སྲོང༌། |
| གཙང་ཆག |
ཁྲལ་རིགས་རྩ་ཆག་བྱུང་བ་སྟེ། (དཔེར་ན།) ཁྲལ་རྒྱུག་མི་དགོས་པར་གཙང་ཆག་བྱུང་སོང༌ཞེས་པ་ལྟ་བུ། |
| གཙང་ཆུ |
1.གཙང་པོའི་ཆུ། 2.གཙང་གི་ས་ཆ་བརྒྱུད་ནས་འབབ་པའི་ཆུ་བོ། 3.ཆུ་གཙང་མ། |
| གཙང་ཆུང་ཀརྨ་ཆོས་གྲགས་རྒྱ་མཚོ |
རྒྱ་མཚོ་རྣམ་གསུམ་གྱི་ཡ་གྱལ་སྐར་རྩིས་ལ་མཁས་པར་གྲགས་ཤིང༌། དེའི་སློབ་མ་ནོར་བཟང་རྒྱ་མཚོ། ཕུག་པ་ལྷུན་གྲུབ་རྒྱ་མཚོ་བཅས་རྒྱ་མཚོ་རྣམ་གསུམ་མོ། ། |
| གཙང་ཉ |
གཙང་ཆུ་རྒྱུག་པའི་ནང་གནས་པའི་ཉ་མོ་སྟེ། རོ་མངར། ཞུ་རྗེས་ཅུང་བསིལ། ནུས་པས་ཟས་འཇུ། ཡི་ག་འབྱེད། བད་ཀན་སྨུག་པོ་ལ་ཕན། |
| གཙང་དག |
ཡོངས་སུ་དག་པའམ་ལྷག་མ་མེད་པ་སྟེ། (དཔེར་ན།) གད་སྙིགས་རྣམས་རྩ་མེད་གཙང་དག་བཟོ་དགོས་ལྟ་བུ། |
| གཙང་དབྲེ |
1.གཙང་མ་དང་བཙོག་པ། 2.ཡི་གར་འོང་བ་དང༌། ཡི་གར་མི་འོང་བ། |
| གཙང་དམེ |
གཙང་རྨེ་དང་འདྲ། |
| གཙང་དུས |
དུས་ཚོད་རྫོགས་པའི་སྐབས་ཏེ། (དཔེར་ན།) གུང་སེང་གཙང་དུས་ཕྱིར་ལོག་ཡོང་ཞེས་པ་ལྟ་བུ། |
| གཙང་པ |
གཙང་ཕྱོགས་ཀྱི་ཡུལ་མི། |
| གཙང་པ་བདུན་བརྒྱུད |
རྗེ་ཙོང་ཁ་པ་སྐུ་གཤེགས་རྗེས་དགའ་ལྡན་ཁྲི་པ་བྱེད་མཁན་གཙང་པ་ཁོ་ན་ཡིན་པའི་རྒྱལ་ཚབ་རྗེ་དང༌། མཁས་གྲུབ་རྗེ། ཞ་ལུ་པ་ལེགས་པ་རྒྱལ་མཚན། བློ་གྲོས་ཆོས་སྐྱོང༌། བ་སོ་ཆོས་ཀྱི་རྒྱལ་མཚན། བློ་གྲོས་བརྟན་པ། སྨོན་ལམ་དཔལ་བ་སྟེ་བདུན། |
| གཙང་པ་བསྟན་སྐྱོང་དབང་པོ |
དུས་རབས་བཅུ་བདུན་པ་ཙམ་ལ་བོད་ཀྱི་སྲིད་དབང་འཛིན་མཁན་ཞིག་ཡིན་ལ། འདིས་ཀརྨ་བཀའ་བརྒྱུད་ཀྱི་ཞྭ་དམར་བ་དང་ཇོ་ནང་པའི་གྲུབ་མཐའ་ལ་རྒྱབ་སྐྱོར་དང་དགེ་ལུགས་པའི་གྲུབ་མཐའ་ལ་སྡང་པོ་བྱས་པས་རབ་བྱུང་བཅུ་གཅིག་པའི་ཆུ་རྟ་ལོར་གུ་ཤྲི་བསྟན་འཛིན་ཆོས་རྒྱལ་གྱིས་བཟུང་ནས་བཀྲོངས། |
| གཙང་པ་རྒྱ་རས་ཡེ་ཤེས་རྡོ་རྗེ |
རབ་བྱུང་གསུམ་པའི་ལྕགས་མོ་སྦྲུལ་གྱི་ལོ་གཙང་མྱང་སྟོད་ཁུ་ལེའི་ཡུལ་དུ་འཁྲུངས། གདུང་རུས་རྒྱ་བྱ་བའི་རྒྱུད་ཡིན། དགུང་ལོ་ཉེར་གཉིས་པར་གྲུབ་ཆེན་གླིང་རས་པ་བསྟེན་པས་དེའི་བུ་ཆེན་དུ་གྱུར། ཀློང་རྡོལ་དང་ར་ལུང་དགོན་པ་བཏབ། སླད་ནས་ཞེ་དྲུག་ལོ་དབུས་ཕྱོགས་གནམ་གྱི་ཕུར་འབྲུག་དགོན་པ་ཕྱག་བཏབ། ཙ་རིའི་གནས་སྒོ་ཕྱེ། སློབ་བརྒྱུད་བཟང་པོ་ཆེས་མང་དུ་འཕེལ་བས་མི་ཕྱེད་འབྲུག་པ། འབྲུག་ཕྱེད་སྤྲང་པོ། སྤྲང་ཕྱེད་གྲུབ་ཐོབ་ཅེས་གྲགས། རང་ལོ་ལྔ་བཅུ་ང་གཅིག་པ་རབ་བྱུང་བཞི་པའི་ལྕགས་ལུག་ལོར་འདས། |
| གཙང་པོ |
ཆུ་ཀླུང་ཆེན་པོ་སྟེ། མིང་གི་རྣམ་གྲངས་ལ་གླིང་ལྡན་མ་དང༌། རྒྱུན་ལྡན། ངོགས་ལྡན། ཆུ་རྒྱུན། ཉ་ལྕིབས་ཅན། འབབ་ཆུ། མཚོར་འབབ། གཡོ་ལྡན། རླབས་ལྡན་བཅས་སོ། ། |
| གཙང་པོ་འཕྲེད་བཅད |
གཙང་པོའི་ཚུ་རོལ་ནས་ཕ་རོལ་ཏུ་ཐད་ཀར་བཅད་པ་སྟེ། (དཔེར་ན།) མི་རྐྱལ་རྩལ་ཅན་གྱིས་གཙང་པོ་འཕྲེད་བཅད་ཀྱིས་འགྲོ་བ་ལྟ་བུ། |
| གཙང་བ |
1.དག་པ་སྟེ། (དཔེར་ན།) བུ་ལོན་གཙང་བ། དུས་སྒོ་གཙང་སོང༌ཞེས་པ་ལྟ་བུ། 2.(རྒྱན་ཚིག) གཙང་མ་དང་དོན་འདྲ། (དཔེར་ན།) ཤིན་ཏུ་གཙང་བའི་ཟས། ཧ་ཅང་གཙང་བའི་ཁང་བ། ཁ་གཙང་བ(འཆལ་གཏམ་སོགས་མི་བཤད་པ)ཞེས་པ་ལྟ་བུ། |
| གཙང་བཙོག |
ཡིད་དུ་འོང་བ་དང༌། སྐྱུག་བྲོ་བ། |
| གཙང་བཤང |
གད་སྙིགས་སོགས་གཙང་མར་བཤང་བ་སྟེ། (དཔེར་ན།) ཆུ་སྦུབས་འགགས་པ་གཙང་བཤང་བྱེད་ཅེས་པ་ལྟ་བུ། |
| གཙང་བཤལ |
ཆུ་གཙང་མས་དྲི་མའི་ལྷག་མ་དག་པར་བཀྲུ་བ་སྟེ། (དཔེར་ན།) སྐྲ་དང་གོས་བཀྲུས་ཏེ་གཙང་བཤལ་བཏང་བ། དཀར་ཡོལ་གཙང་བཤལ་བྱེད་ཅེས་པ་ལྟ་བུ། |
| གཙང་བཤུས |
ཡི་གེ་དང་རི་མོ་དཔེ་ཇི་མ་ཇི་བཞིན་གཙང་མར་བྲིས་པ་སྟེ། (དཔེར་ན།) མ་ཟིན་གཞིར་བཟུང་གིས་གཙང་བཤུས་བྱས་པ། གཟུགས་རིས་མ་དཔེའི་སྟེང་ནས་གསར་པ་ཞིག་གཙང་བཤུས་བྱས་ཞེས་པ་ལྟ་བུ། |
| གཙང་བཤེར |
མཐར་ཐུག་པར་བཤེར་བ་སྟེ། (དཔེར་ན།) མཛོད་ཁང་དུ་ཉར་བའི་དངོས་རིགས་གཙང་བཤེར་བྱེད་པ་ཞེས་པ་ལྟ་བུ། |
| གཙང་བོ |
1.ཆུ་བོ་ཆེན་པོ་སྤྱིའི་མིང་སྟེ། (དཔེར་ན།) ལྷ་སའི་གཙང་བོ། ཡར་ཀླུང་གཙང་བོ་ཞེས་པ་ལྟ་བུ། 2.བོད་དབུས་ཀྱི་ཆུ་ཆེན་དང་པོ་ཡར་ཀླུང་གཙང་བོའི་མིང་བསྡུས་པ། |
| གཙང་བྱེད |
(མངོན་བརྗོད།) 1>མེ། 2> རྩྭ་ཀུ་ཤ། 3>བརྒྱ་བྱིན། |
| གཙང་བྲིས |
1.ཡི་གེའམ་རི་མོ་གཏན་འབེབས་ཀྱི་གཙང་བཤུས་ཏེ། (དཔེར་ན།) ཟིན་བྲིས་ཞུ་དག་བཏང་ནས་གཙང་བྲིས་བྱེད་པ་ཞེས་པ་ལྟ་བུ།2.གཙང་པས་འབྲི་རྒྱུན་གྱི་རི་མོའམ་ཡི་གེའི་རུས། |
| གཙང་མ |
(མངོན་བརྗོད།) ཧོར་ཟླ་ལྔ་པ། |
| གཙང་མཆོད |
ཕུད་མ་ཉམས་ཤིང་བཙོག་པས་མ་སྦགས་པའི་མཆོད་པ་སྟེ། (དཔེར་ན།) ལྷ་ལ་གཙང་མཆོད་འབུལ་བ་ཞེས་པ་ལྟ་བུ། |
| གཙང་མའི་གནས |
བསམ་གཏན་བཞི་པའི་ལྷ་རིས་ཤིག |
| གཙང་མའི་གནས་ལྔ |
འཕགས་པ་ཁོ་ན་གནས་པའི་ལྷ་ཡུལ་ལྔ་སྟེ། མི་ཆེ་བ་དང༌། མི་གདུང་བ། ཤིན་ཏུ་མཐོང་བ། གྱ་ནོམ་སྣང་བ། འོག་མིན་བཅས་སོ། ། |
| གཙང་མའི་ཟླ་བ |
ཧོར་ཟླ་ལྔ་པའི་མར་ངོ་ནས་ཟླ་བ་དྲུག་པའི་ཡར་ངོ་རྫོགས་པའི་བར་གྱི་མིང༌། |
| གཙང་ཟོན |
གཙང་ལ་བཟོས་པའི་ཟོན་པ། |
| གཙང་འགྲམ་ལྷ་ཁང |
སྲོང་བཙན་སྒམ་པོའི་སྐབས་བཏབ་པ་གཙང་གཞིས་ཀ་རྩེའི་ས་ཁུལ་དུ་ཡོད་པའི་མཐའ་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག |
| གཙང་འཕྱར |
འབྲུ་རླུང་ལ་ཕྱར་ཏེ་གད་གཙང་བཟོ་བ། |
| གཙང་འཕྲོག |
རྦད་དེ་འཕྲོག་པ་སྟེ། (དཔེར་ན།) ཡུལ་ལུང་གཙང་འཕྲོག ཁྱིམ་ནང་གི་རྒྱུ་ནོར་གཙང་འཕྲོག་བྱས་ཞེས་པ་ལྟ་བུ། |
| གཙང་རིས |
1.གཙང་པའི་ལག་རྒྱུན་གྱི་ཡི་གེ་དང༌། རི་མོ་འབྲི་གཟུགས། 2.གནས་གཙང་མའི་ལྷ་གནས། |
| གཙང་རིས་པ |
གནས་གཙང་མའི་ལྷ། |
| གཙང་རུམ |
གཙང་ནས་ཐོན་པའི་རུམ། |
| གཙང་རྨེ |
དྲི་མ་མེད་པའམ་གཙང་མ་དང༌། དྲི་མ་ཅན་ནམ་བཙོག་པ། |
| གཙང་རྩིས |
རྩིས་ཁམས་དྭངས་རྒྱག་པ་སྟེ། (དཔེར་ན།) ལོ་འཁོར་གྱི་བྱུང་སོང་ཚང་མ་གཙང་རྩིས་རྒྱག་པ་ཞེས་པ་ལྟ་བུ། |
| གཙང་ལེགས་གྲུབ |
སྔར་ཆོས་རྒྱལ་ཁྲི་སྲོང་ལྡེའུ་བཙན་སྐབས་བོད་ཀྱི་སད་མི་མི་བདུན་གྱི་ཡ་གྱལ་ཞིག |
| གཙང་ཤོག |
1.གཙང་ནས་ཐོན་པའི་ཤོག་བུ། 2.ཤོག་བུ་གཙང་མ། |
| གཙང་སིང་ངེ་བ |
རྙོག་རྡུལ་མི་གཙང་བའི་རིགས་མེད་པ་སྟེ། (དཔེར་ན།) ས་ཆ་གཙང་སིང་ངེ་བ་ཞིག་ལ་ངལ་གསོས་ཞེས་པ་ལྟ་བུ། |
| གཙང་སེལ |
ལྷག་མ་མེད་པར་བཟོ་བ་སྟེ། (དཔེར་ན།) སྐྱོན་ཆ་ཚང་མ་གཙང་སེལ་བཟོས་པ། དཀའ་ཚེགས་གཙང་སེལ། ལུགས་ངན་གཙང་སེལ། བུ་ལོན་གཙང་སེལ་ཞེས་པ་ལྟ་བུ། |
| གཙང་སྣམ |
གཙང་ཕྱོགས་ནས་བཏགས་པའི་སྣམ་བུ། |
| གཙང་སྤྱོད |
1.ཚངས་པར་སྤྱོད་པའམ་རྣམ་པར་དག་པའི་སྤྱོད་པ། 2.(ཡུལ་སྐད།) གསང་སྤྱོད། |
| གཙང་སྤྲོད |
བུ་ལོན་སོགས་ཆ་ཚང་འཇལ་བ་སྟེ། (དཔེར་ན།) གཡར་དངུལ་རྣམས་གཙང་སྤྲོད་བྱས་ཟིན་ཞེས་པ་ལྟ་བུ། |
| གཙང་སྦྱོར |
(བརྡ་རྙིང་།) གྲྭ་པའི་ཟས་ཀྱི་ཞལ་ཏ་བ། |
| གཙང་སྦྲ |
ཁྲུས་དང་བྱི་དོར་གྱི་བྱ་བ་སྟེ། (དཔེར་ན།) གཙང་སྦྲ་ལ་དང་དོད་བྱས་པ། གཙང་སྦྲ་ཡག་པོ་བྱས་པ། གཙང་སྦྲ་འཕྲོད་བསྟེན་ཞེས་པ་ལྟ་བུ། |
| གཙང་སྨན་ཡེ་ཤེས་བཟང་པོ |
ལྷ་ས་ལྕགས་པོ་རིའི་གསོ་རིག་འགྲོ་ཕན་གླིང་གི་སྨན་པ་མཁས་ཆེན་ཞིག་རབ་བྱུང་བཅུ་གཉིས་པའི་སྨད་ཙམ་དུ་རྒྱལ་དབང་སྐུ་ཕྲེང་བདུན་པ་བསྐལ་བཟང་རྒྱ་མཚོ་དང༌། ཕོ་ལྷ་བསོད་ནམས་སྟོབས་རྒྱལ་གཉིས་ཀྱིས་མདོ་སྨད་དུ་ཆིང་ཝང་བསྟན་འཛིན་དབང་ཕྱུག་གི་བླ་སྨན་དུ་བཏང་བས། ལོ་ཤས་རིང་བླ་སྨན་པ་མཛད་དེ་རྗེས་སུ་མདོ་སྨད་བླ་བྲང་བཀྲ་ཤིས་འཁྱིལ་དུ་ཕེབས་ནས་སྨན་པ་གྲྭ་ཚང་བཙུགས། རྡོ་རྗེ་རབ་འབྱམས་དང༌། སོག་པོ་མེར་གན་ཨེམ་ཆི་བློ་བཟང་དར་རྒྱས་སོགས་སློབ་མ་མང་པོ་བསྐྱངས། བཀའ་རྩོམ་ཡང་སྨན་སྦྱོར་གཅེས་བསྡུས་དང༌། བྱང་ཁོག་ཡུལ་ཐིག་རྩ་འགྲེལ་སོགས་མཛད། གསོ་རིག་རྒྱུད་བཞིའི་ཁྲིད་རྒྱུན་དང་སྨན་ངོས་འཛིན་གྱི་སྐོར་སོགས་ལག་ལེན་དམར་ཁྲིད་སྲོལ་གཏོད་པ་སོགས་མདོ་སྨད་བྱང་རྒྱུད་དུ་གསོ་རིག་ལ་མཛད་རྗེས་ཤིན་ཏུ་ཆེ་ཞིང་ད་ལྟའི་བར་དུ་ཕྱག་ལེན་དེ་དག་གི་སྲོལ་རྒྱུན་མ་ཉམས་པར་གནས་སོ། ། |
| གཙབ |
གཙབས་ཀྱི་མ་འོངས་པར་གཙབ་འབྲི་བའང་ཡོད། |
| གཙབ་གདན |
ཤ་རུས་རྩྭ་ཤིང་སོགས་དུམ་བུར་གཏུབ་སའི་ཤིང་སྟན་ལྟ་བུ། |
| གཙབ་སྟན |
མཚོན་གྱིས་བཙབ་སའི་མས་གདན། |
| གཙབས |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་འདས་པ། གྲི་དང་སྟ་རེ་སོགས་ཀྱིས་དངོས་རྫས་དུམ་བུར་བཅད་པའི་དོན་ཏེ། (དཔེར་ན།) གཙབས་བྱའི་ཚོད་མ། ཇ་མས་ཚོད་མ་གཙབས་ཀྱིན་འདུག ཚོད་མ་གཙབས་ནས་བརྔོས་ལྟ་བུ། |
| གཙི |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། གཅེས་སྤྲས་དང་གུས་བཀུར་བྱེད་པའི་དོན་ཏེ། (དཔེར་ན།) གཙི་བྱའི་སྒྲིལ་ལམ་སྒྲིག་ལམ་གཙི་དགོས་ལྟ་བུ། |
| གཙིགས |
རྩིས་མཐོང་ངམ་རྩ་འགངས་ཏེ། (དཔེར་ན།) གཙིགས་ཆེན་པོ། གཙིགས་ཆུང་དུ་མཐོང་བ། ལག་རྩལ་བསྒྱུར་བཀོད་ལ་གཙིགས་ཧ་ཅང་ཆེན་པོ་བྱེད་པ། སྐྱོན་དང་ནོར་འཁྲུལ་ཕྲན་བུ་ཙམ་གྱི་རིགས་ལའང་གཙིགས་ཆུང་མ་བྱེད་ཅེས་པ་ལྟ་བུ། |
| གཙིགས |
1.(བྱེད་འབྲེལ་ལས་ཚིག) ཞེ་སྡང་དང་ན་ཟུག་སོགས་ཀྱིས་སོ་མངོན་པའི་དོན་ཏེ། (དཔེར་ན།) སྟག་གིས་ཁ་གདངས་མཆེ་བ་གཙིགས། ན་ཟུག་ལངས་ནས་སོ་གཙིགས་ལྟ་བུ། 2.(རྒྱན་ཚིག) 1>མ་ནོར་བ་དང་མི་འཛུར་བའི་དོན་ཏེ། (དཔེར་ན།) དུས་ཚོད་འཁོར་ལོ་འདི་ཧ་ཅང་གཙིགས། ཉི་འཛིན་ཟླ་འཛིན་གྱི་རྩིས་བརྒྱབ་པ་གཙིགས་མོ་རེད་ལྟ་བུ། 2>འགངས་ཆེ་བའི་དོན་ཏེ། (དཔེར་ན།) ཕུང་ཁམས་བདེ་བ་གཙིགས་ཆེན་དུ་འཛིན་དགོས། འབྲོག་ཕྱོགས་སུ་ཕྱུགས་ལས་གཙིགས་སུ་འཛིན་དགོས་ལྟ་བུ། |
| གཙིགས་གཙིགས |
(རྒྱན་ཚིག) གཅེས་གཅེས་ཕངས་ཕངས་ཏེ། (དཔེར་ན།) རྒྱལ་ཁབ་ཀྱི་འཛུགས་སྐྲུན་མ་དངུལ་གཙིགས་གཙིགས་བྱེད་པ་ཞེས་པ་ལྟ་བུ། |
| གཙིགས་པ |
(བྱེད་འབྲེལ་ལས་ཚིག) གཙིགས་པའི་བྱ་མིང་། མཆེ་བ་ཕྱིར་གཉེར་བ་སྟེ། (དཔེར་ན།) སྟག་མོ་ཁྲོས་ནས་ཁ་གདངས་མཆེ་བ་གཙིགས་པ། མཆེ་གཙིགས་སྡེར་བགྲད་ཅེས་པ་ལྟ་བུ། |
| གཙིགས་བཟུང་བ |
(བརྡ་རྙིང་།) 1>གཅེས་པ། 2>ཁས་བླངས་པ། |
| གཙིགས་བློ |
གཅེས་ཤིང་ཕངས་པའམ། རྩ་བ་ཆེན་པོར་འཛིན་པའི་བསམ་པ་སྟེ། (དཔེར་ན།) མི་དམངས་མང་ཚོགས་ཀྱི་ཧུར་སེམས་ལ་གཙིགས་བློ་དམ་པོར་འཛིན་པ་ཞེས་པ་ལྟ་བུ། |
| གཙིགས་ལ་འབེབས་པ |
(བརྡ་རྙིང་།) གཏན་ལ་འབེབས་པ། |
| གཙིགས་སུ་ཆེ་བ |
རྩིས་མཐོང་ཆེ་བའི་དོན་ཏེ། (དཔེར་ན།) ཕན་ཚུན་དགའ་ཞེན་གྱིས་གཙིགས་སུ་ཆེ་ཞེས་པ་ལྟ་བུ། |
| གཙིགས་སྣང |
རྩིས་མཐོང༌གི་དོན་ཏེ། (དཔེར་ན།) བཟོ་ལས་དང་ཞིང་ལས་གཉིས་ཀར་གཙིགས་སྣང་ཆེན་པོ་བྱེད་པ། གཙིགས་སྣང་ཆུང་བ་ཞེས་པ་ལྟ་བུ། |
| གཙིར |
བཙིར་གྱི་མ་འོངས་པའི་འབྲི་ཚུལ་གཞན། |
| གཙིས |
གཙི་བའི་འདས་པ་དང་སྐུལ་ཚིག་སྟེ། (དཔེར་ན།)་ཁ་བླངས་ཚིག་གཙིས། སྒྲིག་ལམ་གཙིས་ཤིག་ལྟ་བུ། |
| གཙུག |
མིའི་མགོ་བོའི་ཀླད་ཀྱི་དཀྱིལ་ངོས་ཀྱི་མིང་སྟེ། (དཔེར་ན།) གཙུག་ཏུ་བཀུར། གཙུག་གི་རྒྱན། སྤྱི་གཙུག་ཅེས་པ་ལྟ་བུ། |
| གཙུག་གཡུ |
ཧོར་མོའི་སྤྱི་གཙུག་ཏུ་འདོགས་པའི་གཡུ་རྒྱན། |
| གཙུག་གཡུ་ཐག་པ |
སྔར་བོད་ཀྱི་ལྷ་ལྕམ་གྱི་མགོ་རྒྱན་བྱེ་བྲག་ཅིག |
| གཙུག་ཏོར |
མགོའི་སྤྱི་བོར་རང་ཆས་སུ་སྐྱེས་པའི་ཤའི་གཙུག་ཏོར་རམ། སྐྲ་བཅིངས་པ་ལས་བྱུང་བའི་བཅོས་མའི་གཙུག་ཏོར། |
| གཙུག་ཏོར་གདུགས་དཀར་མོ |
གདུགས་དཀར་མཆོག་གྲུབ་མ་དང་དེ་ལས་གསུངས་པའི་ལྷ་མོ། |
| གཙུག་ཏོར་ཅན |
སངས་རྒྱས་རབས་བདུན་གྱི་ཡ་གྱལ་ཞིག |
| གཙུག་ཏོར་བལྟར་མི་མངོན་པ |
དབུར་གཙུག་ཏོར་ལྡན་པའི་མཚན་བཟང་དང་དོན་གཅིག |
| གཙུག་ཏོར་འཁོར་བསྒྱུར |
རིག་སྔགས་ཀྱི་ཁྲོ་རྒྱལ་ཞིག |
| གཙུག་ཏོར་རྣམ་རྒྱལ་མ |
རྣམ་རྒྱལ་མའི་གཟུངས་ལས་བྱུང་བའི་ལྷ་མོ། |
| གཙུག་ཏོར་སྡེ་ལྔ |
གཙུག་ཏོར་གདུགས་དཀར་དང༌། གཙུག་ཏོར་དྲི་མེད། གཙུག་ཏོར་རྣམ་རྒྱལ། གཙུག་ཏོར་འབར་བ། གཙུག་ཏོར་ཕུར་བུ་རྣམས་སོ། ། |
| གཙུག་ན་ཟླ་བ |
(མངོན་བརྗོད།) ལྷ་དབང་ཕྱུག་ཆེན་པོ། |
| གཙུག་ན་རིན་ཆེན |
(མངོན་བརྗོད།) ཀླུའི་རྒྱལ་པོ། |
| གཙུག་ནོར |
1.གཙུག་རྒྱན་གྱི་ནོར་བུ། 2.མཆོག་ཏུ་གྱུར་པ་དང༌། བླ་ན་མེད་པའི་དོན་ཏེ། (དཔེར་ན།) དགོས་འདོད་འབྱུང་བའི་གཙུག་ནོར་དུ་བརྩིས་པ་ལྟ་བུ། |
| གཙུག་ཕུད |
1.སྐྲའི་ཐོར་ཅོག་གི་རྩེ་དང་རལ་པ་མདུད་པའི་ཟུར་ཕུད། 2.སྐྲའི་ལན་བུའི་སྣེ། 3.རབ་བྱུང་གིས་ཐོག་མར་འབྲེག་རྒྱུའི་སྐྲ་ཕུད། 4.(མངོན་བརྗོད།) ལྷ་དབང་ཕྱུག་ཆེན་པོ། |
| གཙུག་ཕུད་ཅན |
(མངོན་བརྗོད།) 1>སྐར་མ་དུ་བ་མཇུག་རིང༌། 2>ཁྲོན་པ། 3>དྲང་སྲོང་བྱེ་བྲག་པ་ཞིག 4 >མེ། 5>རྨ་བྱ། |
| གཙུག་ཕུད་འཁྱིལ་བ |
སྐྲ་ལན་བུའམ་ལྕང་ལོ་འཁྱིལ་མོ་ཅན། |
| གཙུག་ཕུད་ལྔ་པ |
(མངོན་བརྗོད།) 1>འཇམ་དབྱངས། 2>སེང་གེ། |
| གཙུག་ཞྭ |
སྤྱི་གཙུག་ཙམ་ཁེབས་པའི་ཞྭ་མོ་ཞིག |
| གཙུག་འཁྱིལ |
སྤྱི་གཙུག་གི་སྤུ་འཁྱིལ། |
| གཙུག་འཕྲུ |
1.བྱ་དེའི་མགོ་ཤའི་ཟེ་པྲོག 2.ཞྭ་ཡི་ཏོག |
| གཙུག་རྒྱན |
སྤྱི་གཙུག་གི་རྒྱན། |
| གཙུག་ལག |
1.རིག་གནས་ཐམས་ཅད་ཀྱི་སྤྱི་མིང་སྟེ། (དཔེར་ན།) གཙུག་ལག་ཐམས་ཅད་ལ་མཁས། གཙུག་ལག་རྣམ་པ་བཞི(གནའ་དཔེར་བཤད་པའི་ཡི་གེའི་གཙུག་ལག་དང་སྒྲ་སྐད་ཀྱི་གཙུག་ལག རྣམ་པར་རིག་བྱེད་ཀྱི་གཙུག་ལག་འཇིག་རྟེན་པའི་གཙུག་ལག)ལ་མཁས་ལྟ་བུ། 2.སྡེ་སྣོད་དེ་ཆོས་དཔེའི་མིང་། |
| གཙུག་ལག་ཁང |
1.གཙུག་ལག་རིག་པའི་གནས་ལ་བརྟག་དཔྱད་དང་ཞིབ་འཇུག་བྱེད་སའི་གནས་ཀྱི་མིང་། 2.ཆོས་འཆད་སའི་ཁང་བའི་མིང་འདུ་ཁང་ཡང་ཟེར། |
| གཙུག་ལག་ཁང་ཆེན་ན་གནས་པའི་སྡེ |
སྔར་རྒྱ་གར་གྱི་ཉོན་ཐོས་སྡེ་པ་བཅོ་བརྒྱད་ཀྱི་ཡ་གྱལ་ཞིག |
| གཙུག་ལག་གསུམ |
སྡེ་སྣོད་གསུམ། |
| གཙུག་ལག་དང་པོ |
(མངོན་བརྗོད།) འཁོར་བ། |
| གཙུག་ལག་བཞི |
སྲིད་སྲུང་དང༌། ངེས་བརྗོད། མཆོད་སྦྱིན། སྙན་ཚིག་སྟེ་ཕྱི་རོལ་པའི་རིག་བྱེད་བཞི། |
| གཙུག་ལག་རིག་པ |
བརྡ་སྤྲོད་གཙོས་ཐ་སྙད་ཀྱི་རིག་གནས་ཚང་མ། |
| གཙུག་ལྡན |
(མངོན་བརྗོད།) རྨ་བྱ། |
| གཙུག་སྒྲོ |
1.བྱ་བྱེའུའི་སྤྱི་གཙུག་གི་སྒྲོ་སྤུ། 2.ཞྭ་མོའི་གཙུག་སྒྲོ། |
| གཙུག་སྤུ |
སྤྱི་གཙུག་གི་སྐྲ། |
| གཙུབ |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། དངོས་རྫས་ཕན་ཚུན་བརྡར་བའི་དོན་ཏེ། (དཔེར་ན།) གཙུབ་ཤིང་གཙུབ་པར་བྱ། གཙུབ་ཤིང་གཙུབ་མཁན་ཞེས་པ་ལྟ་བུ། |
| གཙུབ་གཏན |
འབྲད་རྡར་བྱེད་སའི་མས་གདན་གྱི་ཤིང༌། |
| གཙུབ་གདན |
གཙུབ་གཏན་དང་འདྲ། |
| གཙུབ་པ |
(བྱེད་འབྲེལ་ལས་ཚིག) འབྲད་པའམ་བརྡར་བ་སྟེ། (དཔེར་ན།) གཙུབ་གཏན་སྟེང་དུ་གཙུབ་ཤིང་གཙུབས་ནས་མེ་བྱུང་བ། ཙན་དན་བསིལ་བ་ཡིན་མོད་ཀྱི། གཙུབ་པར་གྱུར་ན་འབར་བར་འགྱུར་ཞེས་པ་ལྟ་བུ། |
| གཙུབ་ཤིང |
བརྡར་ནས་མེ་འདོན་བྱེད་ཡས་མས་ཀྱི་ཤིང༌། |
| གཙུབ་ཤིང་གཙུབ་སྟན |
མེ་འབྱིན་པའི་ཤིང་ཡས་མས་གཉིས། |
| གཙུབ་སྟན |
1.གནའ་དུས་ཀྱི་མིས་གཙུབ་ཤིང་གཙུབས་ནས་མེ་ལེན་པའི་ཤིང་རྟེན་གྱི་མིང་། 2.དངོས་རྫས་བསྒུལ་ནས་ས་རྡུལ་ལང་དུ་འཇུག་པའི་དོན་ཏེ། (དཔེར་ན།) ས་བརྐོས་ནས་རྡུལ་གཙུབས། ཁང་བར་རྡུལ་མ་གཙུབ་ལྟ་བུ། |
| གཙུབས |
གཙུབ་པའི་འདས་པ་དང་སྐུལ་ཚིག་སྟེ། (དཔེར་ན།) གནའ་མིས་གཙུབ་ཤིང་གཙུབས་ནས་མེ་བླངས། གྲི་ཁ་རྡོ་ལ་གཙུབས་ཤིག་ལྟ་བུ། |
| གཙུབས་པ |
གཙུབ་པའི་འདས་པ། |
| གཙེ |
(བྱེད་འབྲེལ་ལས་ཚིག) གཙེས་པའི་མ་འོངས་པ་དང་ད་ལྟ་བ། གནོད་པ་བྱས་ཏེ་འཁྲུག་ལོང་སོགས་སློང་བའི་དོན་ཏེ། (དཔེར་ན།) ཁྱི་ཁ་གཙེ། ཁྱི་ཁ་གཙེ་མཁན། ཁྱི་ཁ་མ་གཙེ་ལྟ་བུ་ཞེས་པ་ལྟ་བུ། |
| གཙེ་བ |
(བྱེད་འབྲེལ་ལས་ཚིག) གནོད་པའམ་སུན་པར་བྱེད་པ་སྟེ། (དཔེར་ན།) རྒྱལ་ཁབ་ཀྱི་བདེ་འཇགས་ལ་གཙེས་པའི་ཉེས་པ། མི་དམངས་ཀྱི་ཁེ་ཕན་ལ་གཙེ་བའི་ལོག་སྤྱོད་པ། ར་ལུག་ལ་སྤྱང་ཀིས་གཙེ་བ། ཚིག་རྩུབ་ཀྱིས་མིའི་སེམས་གཙེ་ཞེས་པ་ལྟ་བུ། |
| གཙེའུ |
སྨན་དཔྱད་ཀྱི་ཡོ་བྱད་ཅིག |
| གཙེར |
1.(བྱེད་འབྲེལ་ལས་ཚིག) མི་བདེ་བར་བྱས་པའི་དོན་ཏེ། (དཔེར་ན།) གཏམ་ངན་གྱིས་རྣ་བ་གཙེར། རྣ་སྡུག་བྱས་ལྟ་བུ། 2.གཙེ་རུ་ཞེས་པའི་ཚིག་བསྡུས་པ་སྟེ། གཙེར་འོངས། གནོད་པ་བྱེད་དུ་འོངས་ལྟ་བུ། |
| གཙེར་བ |
(བྱེད་འབྲེལ་ལས་ཚིག) རྣ་བ་སུན་པར་བྱེད་པ་སྟེ། (དཔེར་ན།) དོན་མེད་ཀུ་ཅོ་མང་པོས་རྣ་བ་གཙེར་བར་བྱེད་པ། མི་ཚོགས་མང་དུ་འདུས་ནས་ཅ་ཅོའི་སྒྲས་གཙེར་བ་ཞེས་པ་ལྟ་བུ། |
| གཙེར་སུན |
རྣ་བ་གཙེར་ཞིང་སེམས་སུན་པར་བྱེད་པའི་བརྡབས་གསིགས་ཏེ། (དཔེར་ན།) རང་འདོད་ཁོག་བཅངས་ཀྱིས་གཞན་ལ་གཙེར་སུན་བྱས་པ། ས་བདག་གིས་མི་སེར་རྣམས་ལ་གཙེར་སུན་ཚད་མེད་བཏང་ཞེས་པ་ལྟ་བུ། |
| གཙེས |
གཙེ་བའི་འདས་པ་དང་སྐུལ་ཚིག་སྟེ། (དཔེར་ན།) མི་དམངས་ཀྱི་ཚེ་སྲོག་ལ་གཙེས་པའི་བཙན་རྒྱལ་རིང་ལུགས། བཙན་རྒྱལ་རིང་ལུགས་པས་རྒྱལ་ཁབ་གཞན་ལ་གཙེས་པར་ང་ཚོས་ངོ་རྒོལ་བྱེད་དགོས་ལྟ་བུ། |
| གཙོ་གལ་ཆེ་བ |
གཙོ་གནད་ཆེ་བ་སྟེ། (དཔེར་ན།) ལས་དོན་གཙོ་གལ་ཆེ་རིགས་ཞེས་པ་ལྟ་བུ། |
| གཙོ་ཆེ་བ |
གལ་ཆེ་བའམ་གནད་ཆེ་བ་སྟེ། (དཔེར་ན།) ལས་འགན་གཙོ་ཆེ་བ། ལྕགས་ལམ་གཙོ་ཆེ་བ། ཞིང་བཏབ་སྐྱེས་དངོས་གཙོ་ཆེ་བ་ཞེས་པ་ལྟ་བུ། |
| གཙོ་དྲག |
སྔར་བོད་སྲིད་གཞུང་གི་གཞུང་སྒེར་ཆོས་གསུམ་གྱི་གཞིས་ཀ་ཁག་གི་གཞིས་སྡོད་དང་བརྒྱ་ཚོ་རྒན་པོའི་མིང༌། |
| གཙོ་ཕལ |
དྲག་པ་དང༌། དཀྱུས་མ་སྟེ། (དཔེར་ན།) ལས་བྱེད་པ་གཙོ་ཕལ་ཞེས་པ་ལྟ་བུ། |
| གཙོ་བོ |
(རྒྱན་ཚིག) 1.སྤྱི་ཁྱབ་དང༌། རྗེ་བོ་སྟེ། (དཔེར་ན།) ཁོང་གཙོ་བོར་བྱས་པའི་འཐུས་མི་ཚོགས་པ་ཞེས་པ་ལྟ་བུ། མིང་གི་རྣམ་གྲངས་ལ་ཁྱད་ཐོན་དང༌། མགོ་མ། སྔོན་མ། མཆོག་གྱུར། མཆོག་ཏུ་བྱུང་བ། དང་པོར་གྱུར་པ། དམ་པ། དྲག་ཤོས། ཕུལ་བྱུང༌། ཕྱི་ཕྱེད་མིན་པ། བླ་ན་མེད་པ། རྩེར་ཐོན། རྩེར་བྱུང༌། གཞན་ཁྱད་ཅན། རབ། རབ་རྩོམ་བཅས་སོ། །2.གནད་དམ། སྙིང་པོ་སྟེ། (དཔེར་ན།) རྒྱུ་རྐྱེན་གཙོ་བོ་ཁྱོད་ལ་ཐུག་འདུག དོན་གྱི་གཙོ་བོ་བསྟན་ནས་བཤད་སོང༌ལྟ་བུ།3.གྲངས་ཅན་པས་རྡུལ་མུན་སྙིང་སྟོབས་གསུམ་ཆ་མཉམ་པའི་གནས་སྐབས་ཀྱི་རྩ་བའི་རང་བཞིན་ཟེར་བ་འབྲས་བུ་ཐམས་ཅད་ཀྱི་རྒྱུ་བྱེད་པ་ཤིན་ཏུ་ལྐོག་ཏུ་གྱུར་པ་ཞིག་ཡོད་ཅེས་སྒྲོ་བཏགས་པ་དེའོ། ། |
| གཙོ་མ |
གསོ་མ་ཡི་མིང་གཞན། |
| གཙོ་འཁོར |
ལྷ་དང་མིའི་གཙོ་བོ་དང༌། དེའི་རྗེས་འབྲང༌། |
| གཙོ་འགན་ལེན་མི |
ལས་ཁུར་རྐང་འཛིན་བྱེད་མཁན། |
| གཙོ་འདོན |
དོན་མང་པོའི་ནང་ནས་གཅིག་དམིགས་སུ་བཀར་ནས་འདོན་པ་སྟེ། (དཔེར་ན།) སྔོན་དུ་བསམ་བློའི་སྐོར་གྱི་གནད་དོན་གཙོ་འདོན་བྱས་ནས་ཐག་གཅོད་པ། དེ་རིང་ཉམས་མྱོང་ཕྱོགས་སྡོམ་བྱ་རྒྱུའི་ཐད་གཙོ་འདོན་གྱིས་བཤད་པ་ཞེས་པ་ལྟ་བུ། |
| གཙོ་རྒན |
སྔར་རྫོང་གཞིས་འོག་གི་ཡུལ་ལུང་སོ་སོའི་འགོ་པའམ་འགོ་བྱེད། |
| གཙོ་སེམས |
རང་གི་འཁོར་དུ་བྱུང་བའི་སེམས་བྱུང་ཡོད་པའི་རྣམ་རིག་སྟེ། རྣམ་ཤེས་ཚོགས་དྲུག་ལ་སོགས་པའོ། ། |
| གཙོག |
བཙོག་གི་འབྲི་ཚུལ་གཞན། |
| གཙོགས |
གཙག་པའི་སྐུལ་ཚིག |
| གཙོགས |
1.གཙགས་ཀྱི་སྐུལ་ཚིག་སྟེ། (དཔེར་ན།) གཙགས་ཁབ་གཙོགས་ཤིག མདུང་གིས་དགྲ་ལ་གཙོགས་ཤིག་ལྟ་བུ། 2.ཁབ་སྐུད་ཀྱིས་གཙགས་དྲུབ་བྱས་པའི་དོན་ཏེ། (དཔེར་ན།) ཚེམ་བཟོ་པས་དར་ཆའི་སྟེང་དུ་རི་མོ་གཙགས་ལྟ་བུ། |
| གཙོད |
ཕྱི་དབྱིབས་ར་དང་འདྲ་ཞིང་ར་ལས་ཆེ་བའི་རི་དྭགས་ཤིག་གི་མིང་། |
| གཙོད་ཁྲག |
སྲོག་ཆགས་ལས་བྱུང་བའི་སྨན་ཞིག་སྟེ། རོ་མངར་ལ་བསྐ། ཞུ་རྗེས་སྙོམས། ནུས་པས་འཁྲུ་བ་གཅོད། སྐྱེ་རྒྱུན་འགོག |
| གཙོད་གཞུ |
གཙོད་ཀྱི་རྭ་ཅོ་ལས་བཟོས་པའི་གཞུ། |
| གཙོད་མ |
རི་དྭགས་གཙོད་ཕྲུག་གི་ཨ་མ། |
| གཙོད་རུ |
སྲོག་ཆགས་སྨན་གྱི་རིགས་ཤིག་རོ་ལན་ཚ། ཞུ་རྗེས་སྙོམས། ནུས་པས་ཟླ་མཚན་མི་སྙོམས་པ་དང༌། མངལ་དུ་ཁྲག་སྐྲན་འདྲིལ་བ། བུ་རོ་ལུས་པ། ཁོག་པ་བཤལ་བ་སོགས་ལ་ཕན། |
| གཙོབས |
གཙབ་ཀྱི་སྐུལ་ཚིག་སྟེ། (དཔེར་ན།) ཚོད་མ་གཙོབས་ཤིག་ལྟ་བུ། |
| གཙོར་འདོན |
གཙོ་འདོན་དང་འདྲ། |
| གཙོས་པ |
གཅིག་གཙོ་བོར་བཏོན་ཏེ་གཞན་རྣམས་ཞར་ལ་གོ་བའི་བསྡུས་ཚིག་གམ། ཁྱབ་བྱེད་ཀྱི་ཚིག་སྟེ། (དཔེར་ན།) ནས་ཀྱིས་གཙོས་པའི་འབྲུ་རིགས། བལ་གྱིས་གཙོས་པའི་ཡུལ་ཟོག་ཅེས་པ་ལྟ་བུ། |
| གཞག |
བཞག་གི་མ་འོངས་པ་སྟེ། (དཔེར་ན།) གཞག་བྱའི་དངོས་རྫས་ཞེས་པ་ལྟ་བུ། |
| གཞག་པ |
གནས་སུ་འཇོག་པའམ་སྒྲིག་པའི་དོན་དུ་གོ་བའི་འཇོག་པའི་མ་འོངས་པ། |
| གཞགས་པ |
བཞགས་པ་དང་འདྲ། |
| གཞང |
མི་ཕྱུགས་ཀྱི་རྒྱུ་མའི་མར་སྣའི་རྐུབ་དང་འབྲེལ་བའི་ཆ་ཤས་ཀྱི་མིང་། |
| གཞང་གྲིབ |
སྨད་འཚོང་མ་ལས་གོས་པའི་བཙོག་གྲིབ། |
| གཞང་འབྲུམ |
དྲི་ཆེན་འབབ་པའི་ལམ་ཨ་ལོང་ཁ་ནས་གྱེན་དུ་སོར་ཕྱེད་དང་ལྔ་གཞལ་བ་ལ་གཞང་ཞེས་ཟེར་བས། དེར་ཕོག་པའི་ནད་འབྲུམ་པ་ཁྲག་བཅས་འཛགས་པའི་ལྷན་སྐྱེས་རྨ་ཡི་ནང་ཚན་ཞིག |
| གཞང་འཚོང་མ |
སྨད་འཚོང་མ། |
| གཞང་ལུག་པ |
བཤང་ལམ་རྒྱུ་མ་ཕྱིར་ལུག་པའམ་རྫི་ཤ་ལུག་པའང་ཟེར། |
| གཞང་ལོག་པ |
བཤང་ལམ་རྒྱུ་མ་ཕྱིར་ལོག་པ། |
| གཞང་སྲིན |
བཤང་ལམ་དུ་སྲིན་བུས་ཟ་འཕྲུག་སྐྱེད་པའི་ནད་ཅིག |
| གཞན |
(ཚབ་ཚིག) རང་གི་ལྡོག་ཟླ་སྟེ། (དཔེར་ན།) གཞན་དོན། མི་གཞན་པ། བདག་བསྟོད་གཞན་སྨོད་མ་བྱེད། གཞན་ལ་རག་མ་ལས་ཞེས་པ་ལྟ་བུ། |
| གཞན་གནོད་གཞི་བཅས་སྤོང་བ |
སོ་ཐར་སྡོམ་པའི་ངོ་བོ་གཞན་ལ་གནོད་པ་ནི་ལུས་ངག་གི་མི་དགེ་བ་བདུན་དང༌། གཞི་ནི་འདིར་རྒྱུའི་དོན་ཏེ་ཡིད་ཀྱི་མི་དགེ་བ་གསུམ་བཅས་པ་སྤོང་བའོ། དེའང་ལེགས་སྨོན་དང་འཇིགས་སྐྱོབ་ཙམ་མིན་པར་འཁོར་བ་མཐའ་དག་ལས་ངེས་པར་འབྱུང་བའི་བསམ་པས་རྩིས་ཟིན་པ་ནི་སོར་སྡོམ་མཚན་ཉིད་པའོ། ། |
| གཞན་གཡམ |
གཞན་གྱི་ཞོར་ཏེ། (དཔེར་ན།) རང་ཉིད་ཀྱིས་རྟོག་དཔྱོད་མི་བྱེད་པར་གཞན་གཡམ་དུ་འབྲངས་ཏེ་སྐད་ཆ་གང་རུང་བཤད་ཅེས་པ་ལྟ་བུ། |
| གཞན་གསོ |
(བྱེད་འབྲེལ་ལས་ཚིག) བྱ་ཁྭ་ཏ། |
| གཞན་གསོ་རབ་དགའ |
(བྱེད་འབྲེལ་ལས་ཚིག) བྱ་རོག |
| གཞན་གསོས |
(མངོན་བརྗོད།) 1>ཁུ་བྱུག 2>བྲན་གཡོག |
| གཞན་གྱི་གཞི |
སྤྱོད་རྒྱུད་ཀྱི་བཟླས་པ་ཡན་ལག་བཞིའི་ནང་གསེས་ཤིག་སྟེ། མདུན་བསྐྱེད་བསྒོམས་ནས་དམ་ཡེ་སྤུན་གྲོགས་ཀྱི་ཚུལ་དུ་དངོས་གྲུབ་བསྒྲུབ་པའོ། ། |
| གཞན་གྱི་དངོས་པོ་སྟོང་པ་ཉིད |
འཇིག་རྟེན་པ་ལས་གཞན་འཇིག་རྟེན་ལས་འདས་པའི་རྣམ་པར་མི་རྟོག་པའི་ཡེ་ཤེས་ཀྱིས་རྟོགས་པར་བྱ་བའི་ཆོས་ཉིད། |
| གཞན་གྱི་དབང་གི་མཚན་ཉིད |
མཚན་ཉིད་གསུམ་གྱི་ནང་གསེས། རྒྱུ་རྐྱེན་གཞན་གྱི་དབང་ལས་སྐྱེས་པ་རྫས་སུ་ཡོད་པའི་དངོས་པོ་ཀུན་བཏགས་ཀྱི་གདགས་གཞིར་གྱུར་ཅིང་ཀུན་གཞིའི་ཆ་ཡིན་པ། ཡང་དག་པ་མ་ཡིན་པའི་ཀུན་རྟོག་ཁམས་གསུམ་པའི་མཚན་ཉིད་ཅན་གྱི་རྣམ་པར་རིག་པ་ཙམ་ངོ་བོ་རྫས་སུ་གྲུབ་ཅིང་འཁྲུལ་ངོར་རྒྱུ་དང་རྐྱེན་ལས་བྱུང་བ། |
| གཞན་གྱི་ལོག་སྒྲུབ་བཟོད་པའི་བཟོད་པ |
གཞན་གྱི་རང་ལ་རྡུང་རྡེག་བྱེད་པ་དང་ཚིག་ངན་སྨྲ་བ་སོགས་ཀྱི་ལན་དུ་ཞེ་སྡང་མི་བྱ་བར་བྱམས་སྙིང་རྗེ་བསྐྱེད་ནས་དེར་ཕན་འདོགས་པ། |
| གཞན་གྱི་ལྕེ་རྟེན |
གཞན་གྱི་བསླབ་བྱ། |
| གཞན་གྱིས་གསོས |
(མངོན་བརྗོད།) ཁུ་བྱུག |
| གཞན་གྱིས་མི་ཐུབ་པ |
1.ཕ་རོལ་པོས་གནོད་མི་ནུས་པ། 2.ལྷ་ཁྲོ་བོ་ཞིག་གི་མཚན། 3.(མངོན་བརྗོད།) སྤང་རྒྱན། |
| གཞན་གྱིས་མི་ཐུབ་པ་དཀར་པོ |
(མངོན་བརྗོད།) ཤུ་དག་དཀར་པོ། |
| གཞན་གྱིས་རྒྱས |
(མངོན་བརྗོད།) ཁུ་བྱུག |
| གཞན་གྱིས་ལྕེས་རྟེན་པ |
གཞན་གྱིས་སྙད་འདོགས་པ། |
| གཞན་ངོ |
མི་ཕ་རོལ་པོའི་ངོ་ལ་རྩིས་མཐོང་བྱེད་པ་སྟེ། (དཔེར་ན།) གཞན་ངོར་ལྟ་བ་ཞེས་པ་ལྟ་བུ། |
| གཞན་ངོས |
ཕ་རོལ་གྱི་ཕྱོགས། |
| གཞན་དག |
ཕ་རོལ་པོའི་ཉིས་ཚིག་གམ་མང་ཚིག་སྟེ། (དཔེར་ན།) གནས་ལུགས་གཞན་དག་དང་ཐུན་མོང་མ་ཡིན་པ། མི་གཞན་དག་གིས་དོ་ཟླར་མི་སྤོབས་པ་ཞེས་པ་ལྟ་བུ། |
| གཞན་དབང |
1.རང་དབང་མིན་པ་དང༌། རང་དབང་མེད་པའི་དོན་ཏེ། (དཔེར་ན།) གཞན་དབང་དུ་གྱུར་བ་ལྟ་བུ། མིང་གི་རྣམ་གྲངས་ལ་གཞན་རྒྱུད་དང༌། གཞན་ལྟོས། གཞན་ལ་རག་ལས་པ། རང་དབང་མིན་པ། རང་དབང་མེད་པ། དབང་མེད་བཅས་སོ། །2.གཞན་གྱི་དབང་གི་མཚན་ཉིད་ཀྱི་བསྡུས་མིང༌། |
| གཞན་དབང་གཉིས |
མ་དག་གཞན་དབང་དང༌། དག་པ་གཞན་དབང་སྟེ་གཉིས་སོ། ། |
| གཞན་དབང་གི་ངོ་བོ་ཉིད |
གཞན་གྱི་དབང་གི་མཚན་ཉིད་དང་དོན་གཅིག |
| གཞན་དབང་གིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་མི་འདོད་པའི་བྱ་བ་ཞིག་སྒྲུབ་པར་རྩོམ་པ་ལ། འགོག་བྱེད་གཞན་དབང་ལ་ཁག་བཞག་ནས་ཟུར་གྱིས་འགོག་པའི་རྒྱན་ཞིག |
| གཞན་དུ་ན |
དེ་མ་ཡིན་ན་ཞེས་པའི་དོན་ཏེ། (དཔེར་ན།) མེ་ཏོག་ལ་ཆུ་རྒྱག་དགོས་ཀྱི། གཞན་དུ་ན་སྐམ་འགྲོ། གཞན་དུ་ན་ནི་ངེས་པ་མེད་ཅེས་པ་ལྟ་བུ། |
| གཞན་དུ་སྤགས་པ |
(བརྡ་རྙིང་།) གནས་གཞན་དུ་སྤོས་པ། |
| གཞན་དོན |
1.གཞན་དག་ལ་ཕན་པའི་དོན་ཏེ། (དཔེར་ན།) གཞན་དོན་ལ་རྩོལ་བ། གཞན་དོན་མ་ཕེར་བ། སྔོན་ལ་གཞན་དོན་དང༌། རྗེས་ལ་རང་དོན་ཞེས་པ་ལྟ་བུ། 2.གཞན་གྱི་དོན་དག་སྟེ། (དཔེར་ན།) གཞན་དོན་ལྷུར་ལེན་ཞེས་པ་ལྟ་བུ། |
| གཞན་དོན་གྱི་རྟགས |
རྟགས་ཡང་དག་གང་ཞིག་སྔ་རྒོལ་གྱིས་ཕྱིར་རྒོལ་གྱི་དོན་དུ་བཀོད་པ། དཔེར་ན། རྒོལ་བས་ཕྱིར་རྒོལ་ལ་བྱས་པས་སྒྲ་མི་རྟག་པར་སྒྲུབ་པའི་ཚེ་བྱས་པ་ལྟ་བུའོ། ། |
| གཞན་དོན་རྗེས་དཔག |
རང་ཉིད་ཀྱིས་མཐོང་བའི་དོན་དེ་རྟགས་ཡང་དག་གི་སྒོ་ནས་གཞན་ལ་སྟོན་པའི་ངག་སྟེ་སྒྲུབ་ངག་ཡང་དག་སྒྲུབ་ངག་དེས་ཕྱིར་རྒོལ་གྱི་རྒྱུད་ལ་འབྲས་བུ་རྗེས་དཔག་བསྐྱེད་ཕྱིར། འབྲས་མིང་རྒྱུ་ལ་བཏགས་ནས་གཞན་དོན་རྗེས་དཔག་ཅེས་བྱའོ། ། |
| གཞན་དོན་རྟོགས་པའི་ཤེས་རབ |
ཕྱིའི་ནད་བཞི་བརྒྱ་རྩ་བཞིའི་སྨན་དཔྱད་ལ་མཁས་པ་དང༌། ནང་གི་ནད་འདོད་ཆགས་ཞེ་སྡང་ལ་སོགས་པའི་གཉེན་པོ་བྱམས་པ་དང་སྙིང་རྗེ་ལ་སོགས་པ་སྟོན་པའི་བློ། |
| གཞན་དྲིང |
གཞན་གྱི་སྟོབས་སམ་དྲིན་ཤུགས་ཏེ། (དཔེར་ན།) གཞན་དྲིང་ལ་ལྟོས་པ། གཞན་དྲིང་མི་འཇོག་པ། སྤོབས་པ་གཞན་དྲིང་མི་འཇོག་པ། སྐད་གཉིས་སྨྲ་བ་ལ་གཞན་དྲིང་མི་འཇོག་པའི་བྱང་ཆུབ་པ་ཞེས་པ་ལྟ་བུ། |
| གཞན་དྲིང་མི་འཇོག་པ |
གཞན་ལ་རྟེན་མི་དགོས་པའི་དོན་ཏེ། (དཔེར་ན།) རིག་པའི་གནས་ལ་གཞན་དྲིང་མི་འཇོག་པའི་མཁས་པ་ཞེས་པ་ལྟ་བུ། |
| གཞན་པ |
1. ལོགས་སུའམ་ཐ་དད་པའི་དོན་ཏེ། (དཔེར་ན།) མི་གཞན་པ། གོ་སྐབས་གཞན་པ། མིང་གཞན་པ་ཞེས་པ་ལྟ་བུ། མིང་གི་རྣམ་གྲངས་ལ་ཅིག་ཤོས་དང༌། ཐ་དད། དབྱེ་བ། གཞན། གཞན་དག་ལ་ལ་བཅས་སོ། །2. བདག་མིན་པའི་ཕ་རོལ་པ་ཐམས་ཅད་དེ། (དཔེར་ན།) གཞན་ལ་འཁང་བ། གཞན་ལ་བསྔོ་བ། གཞན་པས་འཕྱ་བ་དང་སྨོད་པ་ལ་མི་འཛེམ་པ། གཞན་གྱི་བསླབ་བྱར་མ་ཉན་ན། དེ་ལས་འོན་པ་སུ་ཞིག་ཡོད་ཅེས་པ་ལྟ་བུ། |
| གཞན་ཕན |
གཞན་ལ་ཕན་པ་སྟེ། (དཔེར་ན།) གཞན་ཕན་ལྷག་བསམ་དཀར་པོའི་བསམ་པ་རྩེ་གཅིག་ཏུ་ཁྱེར་ནས་བློ་མཐུན་རྣམས་ལ་རོགས་རམ་བྱེད་པ་ཞེས་པ་ལྟ་བུ། |
| གཞན་ཕན་བརྩོན་འགྲུས |
སེམས་ཅན་རྣམས་ཐབས་ཀྱིས་བསྡུས་ཏེ་དགེ་བ་ལ་འགོད་པ། |
| གཞན་ཕྱོགས |
1.ཕ་རོལ་པའི་གྲུབ་མཐའ། 2.རང་ཕྱོགས་ཀྱི་ལྡོག་ཟླ། |
| གཞན་བདེ་རང་སྐྱིད |
རང་གཞན་གཉིས་ཀ་བདེ་ཞིང་སྐྱིད་པ་སྟེ། (དཔེར་ན།) གཞན་བདེ་རང་སྐྱིད་ཡོང་རྒྱུ་ནི་མི་ཚང་མའི་འདོད་བློ་རེད་ཅེས་པ་ལྟ་བུ། |
| གཞན་བརྟེན་འཚོ་སྐྱེལ |
གཞན་ལ་བཤུ་གཞོག་བྱས་པ་ཁོ་ནར་བརྟེན་ནས་རང་གི་འཚོ་བ་སྐྱེལ་བ། |
| གཞན་བསྙེམས་བཟོད |
(མངོན་བརྗོད།) བརྒྱ་བྱིན། |
| གཞན་མ |
གཞན་པ་དང་འདྲ། |
| གཞན་ཞོར་རང་དྲུད |
གཞན་གྱི་ཞོར་ལ་རང་ཡང་ཚུད་པ། |
| གཞན་འགའ་ཞིག |
གཞན་དག་ཁ་ཤས་ཀྱི་དོན་ཏེ། (དཔེར་ན།) མི་གཞན་འགའ་ཞིག དུས་གཞན་འགའ་ཞིག ཡུལ་གཞན་འགའ་ཞིག་ཅེས་པ་ལྟ་བུ། |
| གཞན་འགྱུར་བཞི |
སེམས་བྱུང་ང་གཅིག་གི་ནང་ཚན། གཉིད་དང༌། འགྱོད་པ་དང༌། རྟོག་པ་དང༌། དཔྱོད་པ་བཅས་བཞི་དེ་རྣམས་ཀུན་སློང་དང༌། བསམ་པའི་ཁྱད་པར་གྱིས་དགེ་མི་དགེ་ལུང་མ་བསྟན་ཅི་རིགས་པར་འགྱུར་བས་གཞན་འགྱུར་བཞི་ཞེས་བྱའོ། ། |
| གཞན་འགྲན་ནད་ལངས |
གཞན་ལ་འགྲན་སེམས་སྐྱེ་བ་ནད་ལངས་པའི་གཟུགས་སུ་བཀོད་པ། |
| གཞན་འདྲེན་ལྷག་བཅས་ཀྱི་སྒྲ |
ཚིག་དོན་ལྷག་མ་ཡོད་ཙམ་སྟོན་པའི་ལྷག་བཅས་ཀྱི་སྒྲ་ཞིག་སྟེ། (དཔེར་ན།) ཤར་གྱི་ཕྱོགས་སུ་རྒྱ་མཚོ་དེ་བཞིན་ནུབ་ཕྱོགས་རི་ཆེན་ནོ། དེ་ནི་མི་འདི་ནི་ཁྱི་ཞེས་པ་ལྟ་བུ། |
| གཞན་འཕྲུལ |
གཞན་འཕྲུལ་དབང་བྱེད་དང་དོན་གཅིག |
| གཞན་འཕྲུལ་དབང་བྱེད |
འདོད་ལྷ་རིས་དྲུག་གི་ནང་གསེས། གཞན་གྱིས་སྤྲུལ་པའི་ལོངས་སྤྱོད་ལ་ཅི་དགར་དབང་བྱེད་པས་གཞན་འཕྲུལ་དབང་བྱེད་ཅེས་བྱ། |
| གཞན་འབྱོར་ལྔ |
འབྱོར་པ་བཅུའི་ནང་གསེས། ཆ་རྐྱེན་གཞན་ལ་ལྟོས་ནས་ཚང་དགོས་པ་ལྔ་སྟེ། སངས་རྒྱས་བྱོན་པ་དང༌། དེས་ཆོས་གསུངས་པ། བསྟན་པ་གནས་པ། བསྟན་པའི་རྗེས་སུ་འཇུག་པ། ཆོས་ཀྱི་མཐུན་རྐྱེན་ཚང་བ་བཅས་ལྔའོ། ། |
| གཞན་འཚེ |
(མངོན་བརྗོད།) རྐུན་མ། |
| གཞན་ཡང |
བཤད་ཚུལ་སྔོན་མའམ་བཤད་ཟིན་པ་ལས་གཞན་པ་སྟེ། (དཔེར་ན།) རྩོམ་དེ་ཚིག་སྦྱོར་ལེགས་པ་བཤད་ཟིན་ཅིང་། གཞན་ཡང་བརྗོད་བྱའང་ཤིན་ཏུ་ལེགས་ཏེ་ཞེས་པ་ལྟ་བུ། |
| གཞན་རིག |
ཡུལ་ཅན་རང་ལས་གཞན་པའི་ཕྱི་རོལ་གྱི་གཟུགས་སོགས་ལ་འཇུག་པར་བྱེད་པའི་ཤེས་པ། དབང་ཤེས་ལྟ་བུའོ། ། |
| གཞན་རིགས་འཕེན་པའི་ཐལ་འགྱུར |
སྒྲུབ་བྱེད་འཕེན་པའི་ཐལ་འགྱུར་གང་ཞིག་བཟློག་པ་རང་དང་རིགས་ཐ་དད་པ་གཞན་འཕེན་པ་དཔེར་ན། དུ་ལྡན་གྱི་ལ་ལ་ཆོས་ཅན། དུ་བ་མེད་པར་ཐལ། མེ་མེད་པའི་ཕྱིར། ཞེས་རྒྱུ་མ་དམིགས་པའི་ཐལ་འགྱུར་གྱིས། དེ་ཆོས་ཅན། མེ་ཡོད་དེ། དུ་བ་ཡོད་པའི་ཕྱིར། ཞེས་འབྲས་བུའི་གཏན་ཚིགས་འཕེན་པའོ། ། |
| གཞན་རིགས་འཕེན་པའི་ཐལ་འགྱུར་བཅུ་བཞི |
བཟློག་པ་གཞན་རིགས་འཕེན་པའི་ཐལ་འགྱུར་ལ་དབྱེ་ན། རྒྱུ་མ་དམིགས་པའི་ཐལ་འགྱུར་དང༌། འབྲས་བུ་དམིགས་པའི་ཐལ་འགྱུར་དང༌། ལྷན་ཅིག་མི་གནས་འགལ་གྱི་ཐལ་འགྱུར་དགུ་དང༌། ཕན་ཚུན་སྤངས་འགལ་གྱི་ཐལ་འགྱུར་དང༌། ཁྱབ་བྱེད་མ་དམིགས་པའི་ཐལ་འགྱུར་དང༌། རང་བཞིན་དམིགས་པའི་ཐལ་འགྱུར་བཅས་བཅུ་བཞིའོ། ། |
| གཞན་རྒྱུད |
མི་གཞན་གྱི་སེམས་རྒྱུད་ཏེ། (དཔེར་ན།) གཞན་རྒྱུད་ལ་ཡིད་ཆེས་བསྐྱེད་པ། གཞན་རྒྱུད་ལ་ཡོད་པའི་རྣ་བའི་དབང་པོ་ཞེས་པ་ལྟ་བུ། |
| གཞན་རྒྱུད་ཅན་གྱི་ནད |
ནད་གཞན་གྱིས་རྒྱུད་བསླད་པ་འདྲེས་པའི་ནད་དེ། (དཔེར་ན།) བད་མཁྲིས་དང༌། བད་རླུང༌། མཁྲིས་རླུང་ལྟ་བུའོ། ། |
| གཞན་རྡུགས |
ཐབས་གཞན་ཟད་པ། |
| གཞན་རྩོད་འཐེན་འཁྱེར |
མི་གཞན་ལ་རྩོད་པ་བརྒྱབ་སྟེ་རང་འདོད་ཕྱོགས་ཞེན་བྱེད་པ་སྟེ། (དཔེར་ན།) གནད་དོན་དངོས་ལ་མ་བལྟས་པར་རང་འདོད་ཁོ་ནས་གཞན་རྩོད་འཐེན་འཁྱེར་བྱེད་པ་ཞེས་པ་ལྟ་བུ། |
| གཞན་ལ་སེམས |
(མངོན་བརྗོད།) བྱ་ཁུ་བྱུག |
| གཞན་ལས་ངེས་ཀྱི་ཚད་མ |
ཚད་མ་གང་ཞིག་རང་ཉིད་ཚད་མ་ཡིན་པར་གཞན་སྟོབས་ཀྱིས་ངེས་པ་འདྲེན་པ་ (དཔེར་ན།) ཨུཏྤལ་ངོ་མི་ཤེས་པའི་གང་ཟག་གི་རྒྱུད་ཀྱི་ཨུཏྤལ་འཛིན་པའི་དབང་མངོན་དང༌། ཚད་མའི་བརྡ་ལ་མ་བྱང་བའི་སྐྱེས་བུའི་རྒྱུད་ཀྱི་ཚད་མ་ལྟ་བུའོ། ། |
| གཞན་ལས་ངེས་པ་གསུམ |
གཞན་ལས་ངེས་ཀྱི་ཚད་མ་ལ་ངེས་པ་འདྲེན་ཚུལ་གྱིས་དབྱེ་ན་དོན་ལ་ཨུཏྤལ་ཡིན་ཀྱང་རྒྱང་རིང་པོ་ནས་ཁ་དོག་ཙམ་ལས་གང་ཡིན་ཐེ་ཚོམ་ཟ་དུས་ཀྱི་མིག་ཤེས་ལྟ་བུ་སྣང་བ་རང་ལས་ངེས་ཤིང་བདེན་པ་གཞན་ལས་ངེས་པ་དང༌། དོན་ལ་ཤུག་པ་ཡིན་པ་ལ་རྒྱང་རིང་པོ་ནས་ཡལ་འདབ་ཅན་དུ་ངེས་ཀྱང་གང་ཡིན་ཐེ་ཚོམ་ཟ་དུས་ཀྱི་མིག་ཤེས་ལྟ་བུ་སྤྱི་རང་ལས་ངེས་ཤིང་ཁྱད་པར་གཞན་ལས་ངེས་པ་དང༌། རྒྱང་རིང་པོ་ནས་འོད་དམར་ཙམ་ངེས་ཀྱང་མར་མེ་དང་ནོར་བུ་སོགས་གང་གི་འོད་ཡིན་ཐེ་ཚོམ་ཟ་དུས་ཀྱི་མིག་ཤེས་ལྟ་བུ་ཡོད་པ་རང་ལས་ངེས་ཤིང་བདག་ཉིད་ཀྱི་སྤྱི་དང་ཁྱད་པར་གཞན་ལས་ངེས་པ་སྟེ་གསུམ་མོ། ། |
| གཞན་ལུགས |
རང་གི་འདོད་ལུགས་ལ་ལྟོས་པའི་གཞན་གྱི་ལུགས་ཏེ་གྲུབ་མཐའ་གཞན། |
| གཞན་ལྡན་རྣམ་གཅོད |
རྣམ་གཅོད་ཀྱི་སྒྲའི་ནང་གསེས། ཆོས་དེ་གཞི་གཞན་ལ་ལྡན་པ་རྣམ་པར་བཅད་ནས་གཞི་དེ་ཁོ་ན་ལ་ལྡན་པར་སྟོན་པའི་སྒྲ་ (དཔེར་ན།) སྒྲ་ཁོ་ན་མཉན་བྱ་ཡིན་ཞེས་པ་ལྟ་བུ། རྣམ་གཅོད་ཀྱི་སྒྲའམ་ཚིག་ཕྲད་དེ་ཁྱད་གཞིའི་འོག་དེ་མ་ཐག་པར་སྦྱར་ནས་རྗོད་པར་བྱེད་པའོ། ། |
| གཞན་སེམས |
མི་ཕ་རོལ་པོའི་འདོད་པ་གཞན་སེམས་སྲུང་བ་ཞེས་པ་ལྟ་བུ། |
| གཞན་སེམས་ཤེས་པའི་མངོན་ཤེས |
སེམས་ཅན་གཞན་གྱི་བསམ་པ་དང་བག་ལ་ཉལ་ཤས་ཆེ་ཆུང་ཀུན་ཤེས་པ་སྟེ། མངོན་ཤེས་དྲུག་གི་ནང་གསེས་ཤིག |
| གཞན་སེལ |
རང་དངོས་སུ་རྟོགས་པའི་བློས་རང་གི་དགག་བྱ་དངོས་སུ་བསལ་བའི་སྒོ་ནས་རྟོགས་པར་བྱ་བ། (དཔེར་ན།) བུམ་པའི་དོན་སྤྱི་ལྟ་བུ། འདི་དང་སེལ་བ་དང༌། དགག་པ་དང་དོན་གཅིག་གོ། ། |
| གཞན་སེལ་བརྟག་པའི་ཚིག་ལེའུ་བྱས་པ |
རྒྱ་གར་གྱི་སློབ་དཔོན་དགེ་སྲུང་གིས་བརྩམས་པའི་ཚད་མའི་གཞུང་ཞིག |
| གཞན་སེལ་ཞེས་བྱ་བའི་རབ་ཏུ་བྱེད་པ |
རྒྱ་གར་གྱི་སློབ་དཔོན་ཆོས་མཆོག་གིས་བརྩམས་པའི་ཚད་མའི་གཞུང་ཞིག |
| གཞན་སྐྱེས |
1.(མངོན་བརྗོད།) གཡོག་པོ། 2.དངོས་པོ་གཞན་ལས་སྐྱེ་བར་འདོད་པའི་ལྟ་བ་སྟེ་གྲངས་ཅན་པའི་གྲུབ་མཐའི་འདོད་ཚུལ་ལྟ་བུའོ། ། |
| གཞན་སྐྱོན |
མི་གཞན་གྱི་སྐྱོན། |
| གཞན་སྐྱོར་ངོ་སྲུང |
ངོ་སྲུང་གིས་རྒྱབ་སྐྱོར་བྱེད་པ་སྟེ། (དཔེར་ན།) ཁྲིམས་སར་མི་ཚང་མ་འདྲ་མཉམ་ཡིན་པས་གཞན་སྐྱོར་ངོ་སྲུང་བྱས་མི་ཆོག་ཅེས་པ་ལྟ་བུ། |
| གཞན་སྟོང |
ཇོ་ནང་པས་འདོད་པའི་ལྟ་བ་སྟེ། ཡུལ་གཟུང་བ་དང་ཡུལ་ཅན་འཛིན་པ་གཉིས་སུ་མེད་པ་རྟོགས་པའི་གཟུང་འཛིན་གཉིས་མེད་ཀྱི་ཡེ་ཤེས་དེ་ཡོངས་གྲུབ་ཡིན་ལ། དེ་གཞན་དབང་དང་ཀུན་བཏགས་སོགས་ཀུན་རྫོབ་པའི་ཆོས་གཞན་གྱིས་སྟོངས་པས་ན་གཞན་སྟོང་ཞེས་ཟེར། |
| གཞན་སྡུག་སྙིང་ཚིམ |
གཞན་ལ་སྡུག་བསྔལ་བྱུང་ན་དགའ་ཚོར་བྱེད་པ། |
| གཞན་སྡེ་པ |
ཕྱི་རོལ་པ། |
| གཞབ |
(བྱེད་འབྲེལ་ལས་ཚིག) བཞབ་ཀྱི་མ་འོངས་པ་དང་ད་ལྟ་བ། ཆུ་ཁར་གཡེང་བའི་དངོས་རྫས་ཕྲ་མོ་མང་བོ་ཕྱོགས་གཅིག་ཏུ་བསྡུས་ནས་ལེན་པའམ་དེ་དང་མཚུངས་པའི་ལས་ཀ་བྱེད་པ་སྟེ། (དཔེར་ན།) འོ་མའི་ཁ་ནས་མར་གཞབ་པ། འོ་ཟོའི་ཁ་ནས་མར་གཞབ་མཁན་ཞེས་པ་ལྟ་བུ། |
| གཞབ་པ |
(བརྡ་རྙིང་།) འཇབ་པ། |
| གཞབས་པ |
(བརྡ་རྙིང་།) 1>ཐབས་ཀྱིས་བརྟགས་པ། 2>བཞགས་པ་དང་འདྲ། |
| གཞམས |
འཇམ་པོ་ཡི་བརྡ་རྙིང་འཇམ་པོ་སྒོ་ནས་སྒོ་བ(བཤད་པ)ལ་གཞམས་སྒོ་བྱེད་ཟེར་བ་ལྟ་བུ། |
| གཞའ |
1.(བྱེད་མེད་ལས་ཚིག) རྨ་ཁ་སོས་དཀའ་བ་གཞའ་ལ་ཤ་རུས་ཚ་གྲང་རྣམ་པ་བཞི། ཤ་གཞའ་བ་ནི་ཤ་རུས་སྐྱེར་མི་འདོད། རུས་གཞའ་རུས་པའི་སྟེང་ནས་ཤ་མི་སྐྱེ། ཚ་གཞའ་རྨ་ཁ་ཤི་ལ་རླངས་པ་ཆེ། 2.(བྱེད་མེད་ལས་ཚིག) མི་མངོན་པའི་གནས་སུ་ཡིབ་པའམ་སྦས་པ་སྟེ། ཝ་མོ་གཞའ་ལ་མཁས། རི་བོང་རྩྭ་གསེབ་ཏུ་གཞའ་ཞེས་པ་ལྟ་བུ། 3.བརླན་གྱི་བརྡ་རྙིང་ངམ་ཡུལ་སྐད། (དཔེར་ན།) གྲང་གཞའ་དྲོད་བྲལ་རྨ་ཁ་ཤི་བའོ་ཞེས་པ་ལྟར་ཡིན། |
| གཞའ་གསང |
(བརྡ་རྙིང་།) 1>འཕྲིན་ལས། 2>གཡུང་དྲུང༌། 3>ཕྱི་ནང་གཉིས། |
| གཞའ་བ |
(བརྡ་རྙིང་།) 1>སྐུང་བའམ་ཡིབས་པ། 2>མགུ་བ། 3>གབ་པ། |
| གཞའ་ཚོན |
འཇའ་ཚོན། |
| གཞའ་རིས |
འཇའ་ཚོན་གྱི་རི་མོ། |
| གཞར |
(བྱེད་འབྲེལ་ལས་ཚིག) བཞར་གྱི་མ་འོངས་པ་དང་ད་ལྟ་བ། སྐྲ་དང་ཁ་སྤུ་སོགས་བྲེག་པ་སྟེ། (དཔེར་ན།) གཞར་བྱའི་སྐྲ། སྐྲ་གཞར་གྱིན་འདུག་ལྟ་བུ། |
| གཞར་བ |
1. (བྱེད་འབྲེལ་ལས་ཚིག) སྐྲ་སོགས་བྲེག་པ་སྟེ། (དཔེར་ན།) སྐྲ་གཞར་བ་ལྟ་བུ།2.འབྲད་པ་སྟེ། (དཔེར་ན།) རྩིག་ངོས་ཀྱི་དྲེག་པ་གཞར་བ་ལྟ་བུ།3. (བརྡ་རྙིང་།) ཉེ་བའམ་མཐུན་པ། |
| གཞར་ཡང |
(བསྣན་ཚིག) གཏན་དུའམ་སླར་ཡང་སོགས་ཀྱི་བརྡ་རྙིང་སྟེ། (དཔེར་ན།) ནམ་ཡང་མེད་ལ་གཞར་ཡང་མེད་ཟེར་བ་ལྟ་བུ། |
| གཞར་ལ |
(བརྡ་རྙིང་།) ཞོར་ལ། |
| གཞལ |
འཇལ་གྱི་མ་འོངས་པ་སྟེ། (དཔེར་ན།) རིང་ཐུང་འདོམ་ལ་གཞལ་དགོས། སྲང་ལ་གཞལ་བྱའི་དངོས་རྫས་ཞེས་པ་ལྟ་བུ། |
| གཞལ་ཐག |
གྲངས་གནས་ཤིག |
| གཞལ་ཐིམ |
གྲངས་གནས་ཤིག |
| གཞལ་དཔག |
གྲངས་གནས་ཤིག |
| གཞལ་ཕུལ |
གྲངས་གནས་ཤིག |
| གཞལ་བ |
འཇལ་བའི་མ་འོངས་པའི་བྱ་མིང་། |
| གཞལ་བྱ |
ཚད་མས་རྟོགས་པར་བྱ་བའི་ཆོས་ཏེ། ཀ་བུམ་ལ་སོགས་པའི་ཤེས་བྱའི་ཆོས་ཐམས་ཅད་ནི་ཚད་མས་དངོས་སུ་རྟོགས་པར་བྱ་བའམ། ཤུགས་ལ་རྟོགས་པར་བྱ་བའོ། ། |
| གཞལ་བྱ་གཉིས |
རང་མཚན་དང་སྤྱི་མཚན་གཉིས་སོ། ། |
| གཞལ་བྱའི་གནས་གསུམ |
མངོན་གྱུར་དང༌། ལྐོག་གྱུར་དང༌། ཤིན་ཏུ་ལྐོག་གྱུར་ཏེ་གསུམ་མོ། ། |
| གཞལ་བྱེད་ཆ་བཅུ་གཅིག |
དུས་འཁོར་ལུགས་ཀྱི་གཟུགས་ཕྲ་རགས་འཇལ་བྱེད་ཀྱི་ཚད་ཅིག་རྡུལ་ཕྲ་རབ། རྡུལ་ཕྲ་མོ། སྐྲ་རྩེ། སྐེ་ཚེ། ཤིག་ནས། སོར་མོ་རྣམས་རིམ་བཞིན་བརྒྱད་འགྱུར་དང༌། སོར་ཉི་ཤུ་ལ་ཁྲུ། ཁྲུ་བཞི་ལ་འདོམ། འདོམ་ཉིས་སྟོང་ལ་རྒྱང་གྲགས། འདི་བཞི་ལ་དཔག་ཚད་གཅིག་བཅས་སོ། ། |
| གཞལ་བྱེད་བཅུ་དྲུག |
མངོན་པ་མཛོད་དུ་གཟུགས་ཕྲ་རགས་འཇལ་བྱེད་ཀྱི་ཚད་ཅིག་རྡུལ་ཕྲ་རབ། རྡུལ་ཕྲན། ལྕགས་རྡུལ། ཆུ་རྡུལ། རི་བོང་གི་རྡུལ། ལུག་རྡུལ། གླང་གི་རྡུལ། ཉི་ཟེར་གྱི་རྡུལ། སྲོ་མ། ཤིག་ནས། སོར་མོ། ཞེང་བཅས་རིམ་བཞིན་བདུན་འགྱུར་དང༌། སོར་ཚིགས་ཉེར་བཞིར་ཁྲུ་གང༌། ཁྲུ་བཞི་ལ་འདོམ་གང༌། འདོམ་ལྔ་བརྒྱ་ལ་རྒྱང་གྲགས། དེ་བརྒྱད་ལ་དཔག་ཚད་གཅིག་བཅས་སོ། ། |
| གཞལ་བྱེད་ཚད་མ་གསུམ |
མངོན་སུམ་དང༌། རྗེས་དཔག ཡིད་ཆེས་ཚད་མ་བཅས་གསུམ་མོ། ། |
| གཞལ་བླུགས |
འཇལ་བྱེད་ཀྱི་འབོ། |
| གཞལ་མེད |
1.འཇལ་དུ་མེད་པ་སྟེ། (དཔེར་ན།) ཕ་མའི་བཀའ་དྲིན་གཞལ་དུ་མེད་ཅེས་པ་ལྟ་བུ།2 གྲངས་གནས་ཤིག |
| གཞལ་མེད་ཁང |
གཞལ་ཡས་ཁང་དང་དོན་གཅིག་ |
| གཞལ་མེད་ཅན |
(མངོན་བརྗོད།) ལྷ་སྤྱི། |
| གཞལ་ཚད |
རིང་ཐུང་དང༌། ཆེ་ཆུང་སོགས་གཞལ་བའི་ཚད། |
| གཞལ་འཁོར |
གྲངས་གནས་ཤིག |
| གཞལ་འཕྱོས |
གྲངས་གནས་ཤིག |
| གཞལ་ཡས |
1.ཚད་ལས་འདས་པ། 2.གྲངས་གནས་ཤིག |
| གཞལ་ཡས་ཁང |
1.རྒྱུ་དང་རྒྱ་ཁྱོན་སོགས་ཀྱི་ཚད་དང་ཡོན་ཏན་འཇལ་མི་ནུས་པའི་ལྷའི་ཁང་བཟང༌། 2.རིའི་དབང་པོ་རི་རབ། |
| གཞས |
དམངས་ཁྲོད་ཀྱི་རྩོམ་རིག་གི་རྣམ་པ་ཞིག་གི་མིང་སྟེ། ཕལ་ཆེ་བ་ནི་ཚིགས་བཅད་ཡི་གེ་དྲུག་ཅན་ཡིན། (དཔེར་ན།) ཤར་ཕྱོགས་རི་བོ་རྩེ་ནས། །དཀར་གསལ་ཟླ་བ་ཤར་བྱུང། །མ་སྐྱེས་ཨ་མའི་ཞལ་རས། །ཡིད་ལ་འཁོར་འཁོར་བྱས་བྱུང་། ཞེས་པ་ལྟ་བུ། |
| གཞས་གདངས |
གླུ་སོགས་ཀྱི་དབྱངས་སམ་གདངས་ཏེ། (དཔེར་ན།) གཞས་གདངས་རྩོམ་མཁན། གཞས་གདངས་སྙན་མོ་ཞེས་པ་ལྟ་བུ། |
| གཞས་གཞུག |
གཞས་ཀྱི་མཇུག་བསྡུ་ས་ནི་གཞས་གཞུག་ཡིན། |
| གཞས་ཆེན |
སྔར་བོད་ཡུལ་གྱི་མི་ཆེན་སྐུ་དྲག་དག་གིས་ཆང་ས་རྒྱག་སྐབས་སྐྱེས་པ་ཕོས་རྟེན་འབྲེལ་མཚོན་བྱེད་དུ་སྒྲ་གདངས་དམའ་ཞིང་རིང་བར་གླུ་བླངས་ནས་གཞས་གཞུག་ལ་རྐང་འགྲོས་མགྱོགས་མྱུར་གྱིས་ཞབས་བྲོ་རྒྱག་པ་ཞིག |
| གཞས་དཔོན |
གཞས་གཏོང་བའི་འགོ་གླེང་མཁན་ནམ་དགེ་རྒན། |
| གཞས་མ |
གཞས་གཏོང་མཁན་གྱི་བུད་མེད། |
| གཞས་མ་རྣམ་ཐར |
གདངས་རིང་གདངས་ཐུང་གི་གཞས་དང༌། འགྱུར་ཁུག་སྤེལ་མའི་རྣམ་ཐར་ཏེ། (དཔེར་ན།) གཞས་མ་རྣམ་ཐར་བཏང་ནས་དགའ་དགའ་སྐྱིད་སྐྱིད་བྱེད་པ་ལྟ་བུ། |
| གཞས་ཚིག |
གླུ་གཞས་ཀྱི་ཚིག་འབྲུ། |
| གཞས་འགོ |
གཞས་ཀྱི་འགོར་ངག་གི་གདངས་རིང་པོར་གཏོང་བ་ཞིག |
| གཞས་ར |
གཞས་གཏོང་བའི་ས་ཆ་སྟེ། (དཔེར་ན།) ཆོས་རར་ཆོས་དང༌། གཞས་རར་གཞས་ཞེས་པ་ལྟ་བུ། |
| གཞས་རྙིང |
གླུ་གཞས་ཀྱི་ཚིག་དང་གདངས་རྙིང་པ། |
| གཞས་ཤགས |
གདོང་ཐུག་རྩེད་འགྲན་གྱིས་གཞས་གཏོང་བ་སྟེ། (དཔེར་ན།) ཕར་ཚུར་གཞས་ཤགས་རྒྱག་པ་ལྟ་བུ། |
| གཞི |
1.ས་ཆ་དང༌གནས་ཡུལ་ཏེ། (དཔེར་ན།) ཁྱིམ་གཞི། ས་གཞི། ཡུལ་གཞི། གནས་གཞི་ལྟ་བུ།2.རྩ་བ་དང༌་ངོ་མ་རྨང་གཞིའི་དོན་ཏེ། (དཔེར་ན།) རྟེན་གཞི། མ་གཞི། ཚོས་གཞི། དངོས་གཞི། གཞི་གཅིག་དུ་མར་སྤྲོ་བ། གཞི་འཆའ་བ་ལྟ་བུ།3.ཁྱཔ་བའམ་བྱེ་བྲག་པ་སྟེ། (དཔེར་ན།) ཁྱད་གཞི། མཚན་གཞི། བསླབ་གཞི། རྩོད་གཞི། གྱོད་གཞི་ཞེས་པ་ལྟ་བུ།4.རྒྱུ་དང༌ས་བོན་གྱི་དོན་ཏེ། (དཔེར་ན།) ནད་གཞི། ཡོང་གཞི། འབྱུང་གཞི། གཞི་ཅི་ལས་གྱུར་པ། གཞི་མེད་པར་འབྲས་བུ་མི་ཡོང༌ཞེས་པ་ལྟ་བུ། |
| གཞི |
གཞི་མ་སྟེ། འོག་རིམ་དང་རྩ་བ་དང་རྟེན་གཞིའི་མིང་། (དཔེར་ན།) རྩིག་པའི་རྨང་གཞི། གཞི་རྩ། ཡོན་ཏན་གྱི་གཞི་མ། རྟིང་གཞི། གཞི་འཛིན་ས། གཞི་རུ་འཛིན་པ་ཞེས་པ་ལྟ་བུ། |
| གཞི་གཅིག་གི་ཡོན་ཏན་འགལ་བ |
འགལ་བའི་རྒྱན་གྱི་ནང་གསེས་ཤིག་བྱེད་པོའི་དངོས་པོ་གཞི་གཅིག་གི་ཡོན་ཏན་གྱི་ཁྱད་པར་ཕན་ཚུན་འགལ་བ་སྟོན་པའི་རྒྱན་ཞིག |
| གཞི་གཅིག་གི་རྫས་ཆོས་དུ་མ་འགལ་བ |
འགལ་བའི་རྒྱན་གྱི་ནང་གསེས་ཤིག་བརྗོད་འདོད་ཀྱི་དངོས་པོ་གཞི་གཅིག་གི་ཁྱད་ཆོས་མང་པོ་འགལ་བ་སྟོན་པའི་རྒྱན་ཞིག |
| གཞི་གཅིག་གི་རྫས་དང་ལས་འགལ་བ |
འགལ་བའི་རྒྱན་གྱི་ནང་གསེས་ཤིག་བརྗོད་འདོད་ཀྱི་དངོས་པོ་གཞི་གཅིག་ལ་ཁྱད་ཆོས་ཀྱི་རྫས་མི་འདྲ་བ་མང་པོ་ཚོགས་པ་དང༌། དེའི་བྱེད་ལས་ཀྱང་ཕན་ཚུན་འགལ་བ་སྟོན་པའི་རྒྱན་ཞིག |
| གཞི་གཅིག་གི་ལས་འགལ་བ |
འགལ་བའི་རྒྱན་གྱི་ནང་གསེས་ཤིག་བྱེད་པོའི་དངོས་པོ་གཞི་གཅིག་གི་བྱེད་ལས་འགལ་བ་སྟོན་པའི་རྒྱན་ཞིག |
| གཞི་གདན |
འོག་སྟན། |
| གཞི་གསུམ་གསལ་བྱེད |
དབྱར་གནས་དང་གསོ་སྦྱོང་དགག་དབྱེ་གཞི་གསུམ་བྱེད་ཚུལ་གསལ་བར་སྟོན་པའི་གཞུང་ཞིག་སྟེ། དུས་རབས་བཅོ་བརྒྱད་པར་དཀའ་ཆེན་ཡེ་ཤེས་རྒྱལ་མཚན་གྱིས་མཛད་པའོ། ། |
| གཞི་གསུམ་ཆོ་ག |
གསོ་སྦྱོང་དང༌། དབྱར་གནས། དགག་དབྱེ་གསུམ་གྱི་ལག་ལེན་དངོས་སུ་བྱེད་པའི་སྐོར་གྱི་གཞུང༌། དེ་ཡང་ཟླ་བ་རེ་རེ་བཞིན་ཚེས་བཅོ་ལྔ་དང༌། གནམ་གང་གཉིས་ལ་གསོ་སྦྱོང་རེ་དང༌། དབྱར་ཁ་ཟླ་བ་དྲུག་པའི་ཚེས་བཅུ་དྲུག་ནས་ཟླ་བ་བདུན་པའི་ཚེས་ཉེར་དགུའི་བར་དབྱར་ཁྲིམས་ཁས་བླངས་པས་དབྱར་གནས་དང༌། དེ་ཟླའི་སུམ་ཅུ་ཉིན་དབྱར་གནས་གྲོལ་སྐབས་དགག་དབྱེ་བཅས་ཡིན། |
| གཞི་གྲུབ |
ཚད་མས་གྲུབ་པ་སྟེ། ཀ་བུམ་ལ་སོགས་པའི་ཆོས་གང་དང་གང་ཡིན་ཀྱང་དེ་ཡོད་མེད་དང་ཡིན་མིན་སོགས་བློ་ཚད་མས་བརྟགས་ནས་དེ་ལྟར་གྲུབ་པའོ། ། |
| གཞི་ཆོས་གཅིག་པ |
ལྡོག་པ་གཅིག་པས་མ་གྲུབ་པ་གསུམ་གྱི་ཡ་གྱལ་ཏེ། གཞི་ཆོས་ཐ་དད་མེད་ནས་མ་གྲུབ་པ། (དཔེར་ན།) སྒྲ་ཆོས་ཅན། སྒྲ་ཡིན་ཏེ། བྱས་པའི་ཕྱིར། ཞེས་པ་ལྟ་བུའོ། ། |
| གཞི་ཇི་བཞིན་པ |
སྦྱངས་པའི་ཡོན་ཏན་བཅུ་གཉིས་ཀྱི་ནང་གསེས། མལ་སྟན་ལ་ཆགས་པའི་གཉེན་པོ་དབེན་སར་གནས་གར་བབ་བབ་ཏུ་འདུག་ཅིང་བདེ་བ་མི་འདམ་པར་འདུག་པ། |
| གཞི་ཐ་དད་པའི་བྱ་བ་འགལ་བ |
འགལ་བའི་རྒྱན་གྱི་ནང་གསེས་ཤིག་བྱེད་པོའི་དངོས་པོ་གཞི་མི་འདྲ་བ་གཉིས་ཀྱི་བྱ་བ་མི་མཐུན་པ་འགལ་བ་སྟོན་པའི་རྒྱན་ཞིག |
| གཞི་ཐམས་ཅད་ཡོད་པར་སྨྲ་བ་བདུན |
ཐེག་དམན་སྡེ་པ་བཅོ་བརྒྱད་ཀྱི་གྲས་ཤིག་སྟེ། གཞི་ཐམས་ཅད་ཡོད་པར་སྨྲ་བ་དང༌། འོད་སྲུང་བ། ས་སྟོན་པ། ཆོས་སྲུང་བ། མང་ཐོས་པ། གོས་དམར་བ། རྣམ་པར་ཕྱེ་སྟེ་སྨྲ་བ་སྟེ་སྡེ་བདུན། |
| གཞི་ཐམས་ཅད་ཡོད་པར་སྨྲ་བའི་སྡེ |
ཡོད་པར་སྨྲ་བའི་སྡེ་དང་དོན་གཅིག |
| གཞི་དཀར་པོ |
ཚོས་གཞི་ནག་པོའི་ལྡོག་ཟླ་སྟེ། (དཔེར་ན།) རས་གཞི་དཀར་པོ། གཞི་དཀར་པོའི་སྟེང་མེ་ཏོག་དམར་ལྗང་གི་རི་མོ་ཡོད་པ་ཞེས་པ་ལྟ་བུ། |
| གཞི་དགོན |
གཞིས་དགོན་དང་འདྲ། |
| གཞི་དུས་ཀྱི་བར་དོ |
སྲིད་པ་བར་དོ་སྟེ་བར་དོ་དངོས། |
| གཞི་དུས་ཀྱི་འོད་གསལ |
སེམས་ཅན་ཐམས་ཅད་ཀྱི་སེམས་ཀྱི་རང་བཞིན་ཡེ་ནས་རྣམ་པར་དག་པ་རང་བཞིན་གྱིས་འོད་གསལ་བའི་བདག་ཉིད་ཅན་ཏེ། གཞི་རྒྱུད་བདེ་བར་གཤེགས་པའི་སྙིང་པོ། |
| གཞི་དུས་ཀྱི་ཡེ་ཤེས་ལྔ |
ཉོན་མོངས་པ་ལྔ་པོ་ཡེ་ཤེས་ལྔར་གནས་འགྱུར་བ་ཞེ་སྡང་རང་གྲོལ་མེ་ལོང་དང༌། ང་རྒྱལ་རང་གྲོལ་མཉམ་པ་ཉིད། འདོད་ཆགས་རང་གྲོལ་སོ་སོར་རྟོགས། ཕྲག་དོག་རང་གྲོལ་བྱ་བ་གྲུབ། གཏི་མུག་རང་གྲོལ་ཆོས་ཀྱི་དབྱིངས་ཞེས་བཤད་དོ། ། |
| གཞི་དེབ |
མ་དེབ། |
| གཞི་ནག་པོ |
ཚོས་གཞི་དཀར་པོའི་ལྡོག་ཟླ་སྟེ། (དཔེར་ན།) གཞི་ནག་པོ་ལ་ཡིག་འབྲུ་དཀར་པོའི་རི་མོ་ཤིན་ཏུ་གསལ་ཞེས་པ་ལྟ་བུ། |
| གཞི་ནས |
རྩ་བ་ནས་ཞེས་པའི་དོན་ཏེ། (དཔེར་ན།) ལས་དོན་གཞི་ནས་རྐང་ཡག་པོ་ཚུགས་པ་ཞེས་པ་ལྟ་བུ། |
| གཞི་པ |
གནས་གཅིག་ཏུ་གཏན་སྡོད་བྱེད་མཁན་གྱི་མི། |
| གཞི་ཕྲན་ཚེགས |
1.གཞི་རྩ་ཆུང་ཆུང༌། 2.འདུལ་གཞུང་གི་བྱེ་བྲག་ཅིག |
| གཞི་བཅུ་བདུན |
རབ་བྱུང་གི་བསྒྲུབ་པའི་བསླབ་བྱ་ལ། སྡོམ་པ་མ་ཐོབ་པ་འཐོབ་པར་བྱེད་པ་རབ་བྱུང་གི་གཞི་གཅིག་དང༌། ཐོབ་པ་མི་ཉམས་པར་བསླབ་པ་བསྲུང་བའི་གཞི་དགུ་དང༌། ཉམས་པ་ཕྱིར་བཅོས་ཀྱི་གཞི་བདུན་ཏེ་བཅུ་བདུན་ནོ། ། |
| གཞི་བདག |
1.ཡུལ་ལྷ་གཞི་བདག་སྟེ་ས་བདག་ལྟ་བུ། 2.ཁང་གཞི་སོགས་དབང་བ་པོ། |
| གཞི་བདག་གཉུག་མར་གནས་པ |
ཡུལ་གང་དེར་རྟག་ཏུ་གནས་ཤིང་སྐྱོབ་པའི་འཇིག་རྟེན་པའི་ལྷ། |
| གཞི་བསྙེན |
རྩ་བའི་བསྙེན་ཚད་ཀྱི་གྲངས། |
| གཞི་བསྡུ་བ |
སློབ་དཔོན་ཐོགས་མེད་ཀྱིས་མཛད་པའི་ས་སྡེ་ལྔའི་ཡ་གྱལ་ཞིག་སྟེ། རྗོད་བྱེད་ཀྱི་གཞུང་རྣམས་སྡེ་སྣོད་གསུམ་དུ་བསྡུ་བར་བསྟན་པའོ། ། |
| གཞི་བོ |
རྒྱུན་དུ་སྡོད་མཁན། |
| གཞི་བྱེས |
གཞིས་བྱེས་དང་འདྲ། |
| གཞི་མ |
གཞི་རྩ། |
| གཞི་མ་གྲུབ་པ |
1.ཚད་མས་མ་གྲུབ་པ། 2.མེད་པ། 3.གཤིས་ཀ་ཡག་པོ་མིན་པ། |
| གཞི་མཐུན |
ཐ་དད་པའི་ཆོས་གཉིས་ཀ་གཞི་གཅིག་ཏུ་མཐུན་པའམ། གཉིས་ཀ་ཡིན་པ་སྟེ། (དཔེར་ན།) གསེར་བུམ་དེ་གསེར་ཡང་ཡིན་ལ་བུམ་པའང་ཡིན་པ་ལྟ་བུའོ། ། |
| གཞི་མཐུན་གྱི་དྲུག་པ |
རྣམ་དབྱེ་དྲུག་པའི་ནང་གསེས་རྫས་སུ་གྲུབ་པ་གཉིས་མེད་ཀྱི་དངོས་པོ་གཅིག་གི་སྟེང་དུ་གཞི་མཐུན་པར་སྦྱོར་བ་སྟེ། (དཔེར་ན།) ཟླ་བའི་དཀར་མདངས། ཉི་མའི་ཚ་ཟེར། གསེར་གྱི་རྒྱན། དཔལ་གྱི་བེའུ་ཞེས་པ་ལྟ་བུ། |
| གཞི་མཐུན་པ |
འགལ་མེད་གཅིག་ཏུ་འདུ་བ་སྟེ། (དཔེར་ན།) སྒྲ་ནི་ཤེས་བྱ་དང༌དངོས་པོ་གཉིས་ཀའི་གཞི་མཐུན་ཡིན་ཞེས་ལྟ་བུ། |
| གཞི་མཚུངས |
འདྲ་བ། |
| གཞི་མེད |
1.སྟོང་པ་ཉིད། 2.རྩ་བ་མེད་པའི་དོན་ཏེ། (དཔེར་ན།) གཞི་མེད་སྐུར་འདེབས། གཞི་མེད་སྒྲོ་འདོགས་ཞེས་པ་ལྟ་བུ། |
| གཞི་མེད་ཀྱི་ལྷག་མ |
དགེ་འདུན་ལྷག་མ་བཅུ་གསུམ་ལས། གནོད་པ་ལས་གྱུར་པ་གཉིས་ཀྱི་ཡ་གྱལ། དགེ་སློང་གཞན་ལ་བརྗོད་པའི་གཞི་མཐོང་ཐོས་དོགས་གསུམ་མེད་བཞིན་ཕམ་བཞི་གང་གི་སྒོ་ནས་སྐུར་བ་འདེབས་པའོ། ། |
| གཞི་ཚུགས |
རྩ་བ་ཚུགས་པ། |
| གཞི་འཛིན་ས |
ཁུངས་ལུང༌། |
| གཞི་རིམ |
རྨང་གཞིའམ་རིམ་པ་འོག་མ། |
| གཞི་རྐང |
རྩ་བའམ། མ་མོ། མ་གཞི་སྟེ། (དཔེར་ན།) གཞི་རྐང་ཐོག་ནས་གྲུབ་པ་ཞེས་པ་ལྟ་བུ། |
| གཞི་རྒྱ |
ཐ་གྲུའི་ཁྱོན་ཡོངས་ཀྱི་དོན་ཏེ། (དཔེར་ན།) གཞི་རྒྱ་ཆེ་ཆུང༌། ལས་གཞི་རྒྱ་ཆེ་བ་ཞེས་པ་ལྟ་བུ། |
| གཞི་རྟགས་ཀྱི་འབྲེལ་བ་མ་གྲུབ་པ |
དོན་ལ་མ་གྲུབ་པའི་རྟགས་དྲུག་གི་ནང་གསེས། གཞི་རྟགས་ཀྱི་འབྲེལ་བ་མི་སྲིད་ནས་མ་གྲུབ་པ་སྟེ། (དཔེར་ན།) སྒྲ་ཆོས་ཅན། མི་རྟག་མིག་གིས་གཟུང་བྱ་ཡིན་པའི་ཕྱིར། ཞེས་པ་ལྟ་བུ་སྒྲུབ་བྱེད་དང་བསྒྲུབ་གཞི་གཉིས་ཀྱི་འབྲེལ་བ་མེད་པས་རྟགས་མ་གྲུབ་པའོ། ། |
| གཞི་རྟགས་ཀྱི་འབྲེལ་བ་ལ་ཐེ་ཚོམ་ཟ་ནས་མ་གྲུབ་པ |
བློ་ངོར་མ་གྲུབ་པའི་རྟགས་གསུམ་གྱི་ཡ་གྱལ་ཏེ། ཆོས་ཅན་དང་རྟགས་གཉིས་ཀྱི་བར་ལ་ཁྱབ་འབྲེལ་ཡོད་མེད་མ་ངེས་པའི་རྐྱེན་གྱིས་མ་གྲུབ་པ་སྟེ། (དཔེར་ན།) རྨ་བྱའི་སྒྲ་རི་སུལ་གསུམ་པོ་གང་ནས་གྲག་པར་མ་ངེས་པའི་ངོར། རི་སུལ་གསུམ་གྱི་དབུས་ན་ཆོས་ཅན། རྨ་བྱ་ཡོད་དེ། རྨ་བྱའི་སྒྲ་གྲག་པའི་ཕྱིར། ཞེས་པ་ལྟ་བུའོ། ། |
| གཞི་རྟགས་གཅིག་པ |
ལྡོག་པ་གཅིག་པས་མ་གྲུབ་པ་གསུམ་གྱི་གྲས། གཞི་རྟགས་ཐ་དད་མེད་ནས་མ་གྲུབ་པ་སྟེ། (དཔེར་ན།) དཔེར་ན། སྒྲ་ཆོས་ཅན། མི་རྟག་སྒྲ་ཡིན་པའི་ཕྱིར་ཞེས་པ་ལྟ་བུའོ། ། |
| གཞི་རྩ |
དོན་གྱི་གཞིའམ་རྩ་བ་སྟེ། (དཔེར་ན།) གཞི་རྩ་བཙུགས་པ་ཞེས་པ་ལྟ་བུ། |
| གཞི་རྫོགས་པ་ཆེན་པོ |
སྔགས་རྙིང་མའི་ཆོས་སྐད་དེ། གཞི་གནས་རང་བྱུང་གི་ཡེ་ཤེས་སོ། །དེ་ཡང་རིག་པའི་ངོ་བོ་ལ། འཁོར་འདས་ཀྱི་ཆོས་ཐམས་ཅད་རྫོགས་པ་འཁོར་བའི་ཆོས་ཐམས་ཅད་རྨི་ལམ་ལྟར་མེད་སྣང་ཉག་གཅིག་ཡིན་ཀྱང་རིག་རྩལ་བདག་ཏུ་བཟུང་བ་ལས་གཞན་མེད་པ་དང༌། མྱ་ངན་ལས་འདས་པའི་ཆོས་ཐམས་ཅད་ནི་ཉི་མ་དང་ཟེར་བཞིན་ལྷུན་གྱིས་གྲུབ་པའི་ཚུལ་དུ་རྫོགས་པ་དེ་ཉིད་སྲིད་ཞི་ཀུན་ཁྱབ་ཀྱི་ཡེ་ཤེས་ཡིན་པས་ཆེན་པོའོ། ། |
| གཞི་ལ་གཞོལ་བ |
གཞོལ་བ་གསུམ་གྱི་བཟླས་པའི་ཡ་གྱལ་ཏེ། བདག་མདུན་ལྷར་གསལ་བའོ། ། |
| གཞི་ལམ་འབྲས་གསུམ |
ཐེག་པ་ཐམས་ཅད་ཀྱི་ལྟ་སྒོམ་འབྲས་གསུམ་ལ་སྦྱར་བ་གཞི་ལྟ་བ་གཏན་ལ་ཕབ་པ་དང༌། ལམ་སྒོམ་པས་ཉམས་སུ་བླངས་པ། འབྲས་བུ་བྱང་ཆུབ་ཐོབ་པ་བཅས་གསུམ། |
| གཞི་ལྔ |
བྱེ་བྲག་སྨྲ་བས་ཤེས་བྱའི་ཆོས་ཐམས་ཅད་གཞི་ལྔའི་ནང་དུ་འདུས་པར་འདོད་ལ། དེ་ནི་སྣང་བ་གཟུགས་ཀྱི་གཞི་དང༌། གཙོ་བོ་སེམས་ཀྱི་གཞི། འཁོར་སེམས་བྱུང་གི་གཞི། ལྡན་མིན་འདུ་བྱེད་ཀྱི་གཞི། འདུས་མ་བྱས་པའི་གཞི་སྟེ་ལྔའོ། ། |
| གཞི་ལྡོག |
ཆོས་རྣམས་ཀྱི་རང་རང་གི་མཚན་ཉིད་མཚོན་པའི་གཞི་སྟེ། (དཔེར་ན།) བུམ་པའི་གཞི་ལྡོག་གསེར་བུམ་ཡིན་པ་ལྟ་བུའོ། ། |
| གཞི་ཤེས |
གཞི་ཕུང་ཁམས་སྐྱེ་མཆེད་ཀྱིས་བསྡུས་པའི་ཆོས་ཐམས་ཅད་གང་ཟག་གི་བདག་མེད་མངོན་སུམ་དུ་རྟོགས་པའི་ཐེག་དམན་གྱི་རྟོགས་རིགས་སུ་གནས་པའི་རྒྱུད་ཀྱི་མཁྱེན་པ། ཤེར་ཕྱིན་དངོས་པོ་བརྒྱད་ཀྱི་ཡ་གྱལ་ཞིག |
| གཞི་ཤེས་ཀྱི་ཆོས་དགུ |
ཤེར་ཕྱིན་དོན་བདུན་ཅུ་ལས་མཁྱེན་པ་གསུམ་གྱི་ཆོས་སུམ་ཅུའི་ནང་ཚན། གཞི་ཤེས་མཚོན་བྱེད་ཀྱི་ཆོས་དགུ་ནི། ཤེས་པས་སྲིད་ལ་མི་གནས་པའི་གཞི་ཤེས་དང༌། སྙིང་རྗེས་ཞི་ལ་མི་གནས་པའི་གཞི་ཤེས་དང༌། རིང་བའི་གཞི་ཤེས་དང༌། ཉེ་བའི་གཞི་ཤེས་དང༌། མི་མཐུན་ཕྱོགས་ཀྱི་གཞི་ཤེས་དང༌། གཉེན་པོའི་ཕྱོགས་ཀྱི་གཞི་ཤེས་དང༌། གཞི་ཤེས་ཀྱི་སྦྱོར་བ་དང༌། བྱང་སེམས་ཀྱི་སྦྱོར་བའི་མཉམ་ཉིད་དང༌། གཞི་ཤེས་ཀྱི་མཐོང་ལམ་བཅས་དགུའོ། ། |
| གཞི་ཤེས་ཀྱི་མཐོང་ལམ |
ཤེར་ཕྱིན་དོན་བདུན་ཅུའི་ནང་གསེས། སྤྲོས་བྲལ་མངོན་སུམ་དུ་རྟོགས་པའི་མཐོང་ལམ་གང་ཞིག་ཐེག་དམན་གྱི་མཐོང་ལམ་ཤུགས་ལ་འཕེན་བྱེད་གཞི་ཤེས་ཀྱི་སྐབས་ནས་དངོས་སུ་བསྟན་པའི་ཐེག་ཆེན་གྱི་བདེན་པ་མངོན་རྟོགས་སོ། ། |
| གཞི་ཤེས་ཀྱི་རྣམ་པ |
ཉན་རང་གིས་གང་ཟག་གི་བདག་མེད་རྟོགས་པའི་ཡེ་ཤེས། |
| གཞི་ཤེས་ཀྱི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས་ཏེ། གཞི་གཟུགས་སོགས་ལ་ཞེན་པ་བཀག་ནས་བསྒོམས་པས་ཉན་རང་གི་སྦྱོར་བ་ཤུགས་ལ་འཕེན་བྱེད་ཀྱི་སེམས་དཔའི་རྣལ་འབྱོར། |
| གཞི་སྔོན་སྐྱེས |
(མངོན་བརྗོད།) གློག |
| གཞི་སྤྱིལ་བ |
(བརྡ་རྙིང་།) ས་གཞི་ཁོད་སྙོམས་པོ་བཟོས་པ། |
| གཞིག |
(བྱེད་འབྲེལ་ལས་ཚིག) གཞིགས་ཀྱི་མ་འོངས་པ་དང་ད་ལྟ་བ་སྐུལ་ཚིག་སྟེ། དཔྱད་པ་གཏོང་བའི་དོན་ཏེ། (དཔེར་ན།) གཞུང་དོན་ལ་གཞིག་པར་བྱ། བདེན་བརྫུན་ལ་གཞིག་མཁན། གཞིག་ཅིག་ལྟ་བུ། འདས་པ་ལ་གཞིགས་ཞེས་འབྲི། |
| གཞིག་པ |
(བྱེད་འབྲེལ་ལས་ཚིག) གཞིགས་ཀྱི་ད་ལྟ་བའི་བྱ་མིང་། |
| གཞིགས |
གཞིག་པའི་འདས་ཚིག |
| གཞིགས |
གཞིག་ལ་ལྟོས། |
| གཞིགས་པ |
གཞིག་པའི་འདས་པ། |
| གཞིབ |
འཇིབ་ཀྱི་མ་འོངས་པ་སྟེ། (དཔེར་ན།) གཞིབ་བྱའི་སྨན་ཁུ་གཞིབ་པར་བྱ་ལྟ་བུ། |
| གཞིབ་པ |
འཇིབ་པའི་མ་འོངས་པའི་བྱ་མིང། |
| གཞིབ་འཐུང |
1.འཇིབ་པ་དང་འཐུང་བ། 2.(མངོན་བརྗོད།) བྱིས་པ། |
| གཞིབ་སྦུབས |
འོ་མ་སོགས་འཇིབ་བྱེད་ཀྱི་སྦུ་གུ་ལྟ་བུ། འོ་མ་གཞིབ་སྦུབས། |
| གཞིབས |
འཇིབ་ཀྱི་ད་ལྟ་བ་ལ་གཞིབས་འབྲི་བའང་ཡོད། |
| གཞིབས་པ |
(བརྡ་རྙིང་།) 1>སྒྲིག་པའི་དོན་ཏེ། (དཔེར་ན།) མི་མང་པོ་གྲལ་གཞིབས་ཏེ་བསྡད་ཅེས་པ་ལྟ་བུ། 2>གཞིབ་པ་དང་སྡེབ་པའི་དོན་ཏེ། (དཔེར་ན།) ཁང་པ་གུ་དོག་པོ་ཡིན་སྟབས་ཚང་མ་གཞིབས་ནས་བཞུགས་དགོས་ཞེས་པ་ལྟ་བུ། |
| གཞིའི་གཉེན་པོ |
གཉེན་པོ་བཞིའི་ཡ་གྱལ་ཞིག་བར་ཆད་མེད་པའི་ལམ་གྱིས་སྤངས་པའི་བྲལ་ཐོབ་འཛིན་པ་བར་ཆད་མེད་པའི་ལམ་དང་པོ་མ་གཏོགས་པ་སྡུག་བསྔལ་ལ་ཆོས་ཤེས་པ་ལ་སོགས་པ་རྣམ་པར་གྲོལ་བའི་ལམ་མོ། ། |
| གཞིའི་གནས་ལུགས |
བོན་གྱི་བཤད་ཚུལ་ལྟར། འོད་གསལ་སྟོང་པ་བོན་སྐུའི་ངོ་བོ་རང་བཞིན་རྣམ་དག་རྩོལ་མེད་ལྷུན་གྲུབ་སེམས་ཅན་ཐམས་ཅན་ལ་རང་ཆས་སུ་ཡོད་པའི་གཞིའི་གནས་ལུགས་ཏེ་ནང་པའི་བདེ་གཤེགས་སྙིང་པོ་དང་འདྲ་བ་ཞིག |
| གཞིའི་ཆོས |
འཁོར་བའི་བསྡུས་པའི་ཕུང་ཁམས་སྐྱེ་མཆེད་རྣམས་སོ། ། |
| གཞིའི་ཟུང་འཇུག |
བར་དོའི་སེམས་དང་དེའི་ལུས་ཚོགས་པ་གཉིས། |
| གཞིའི་འོད་གསལ |
འཆི་བ་འོད་གསལ། |
| གཞིའི་རྒྱུད |
གཞིའམ་ཐབས་ཀྱི་རྒྱུད་ནི། སྒྲ་ཡངས་པར་ན་རིགས་སད་ནས་བྱང་ཆུབ་ཀྱི་བར་དུ་བགྲོད་པར་བྱེད་པའི་ལམ་གྱི་རྣམ་པ་སྲིད་དོ་འཚལ་ཐམས་ཅད་དང་། དོག་པར་ན་སྨིན་བྱེད་ཀྱི་དབང་དང་གྲོལ་བྱེད་ཀྱི་ལམ་ཡན་ལག་དང་བཅས་པ་ལ་གཞི་ཞེས་བྱའོ། ། |
| གཞིའི་རྡོར་བཟླས |
སྐྱེས་ནས་མ་ཤི་བར་དུ་རླུང་འབྱུང་འཇུག་བྱེད་པ། |
| གཞིའི་སེམས་དབེན |
འཆི་བ་འོད་གསལ་གྱི་སྔ་ལོགས་ཀྱི་སྣང་མཆེད་ཐོབ་གསུམ། |
| གཞིའི་སྐུ་གསུམ |
ཐ་མལ་བའི་སྐྱེ་བ་གཞིའི་སྤྲུལ་སྐུ་དང༌། ཐ་མལ་གྱི་འཆི་བ་གཞིའི་ཆོས་སྐུ། ཐ་མལ་གྱི་བར་དོ་གཞིའི་ལོངས་སྐུ་བཅས་གསུམ། |
| གཞིའི་སྒྱུ་ལུས |
བར་དོའི་ལུས། |
| གཞིར་བཅས |
ཡིན་ཤག་ཤག་གམ་ཐེ་ཚོམ་མེད་པའི་དོན་ཏེ། (དཔེར་ན།) གཟུགས་པོ་བདེ་ཐང་ཡིན་པ་གཞིར་བཅས། ཕྱག་ལ་འབྱོར་པ་གཞིར་བཅས་ཞེས་པ་ལྟ་བུ། |
| གཞིར་བཞག |
རྩ་བ་བྱས་པའམ་གཙོ་བོར་བཞག་པའི་དོན་ཏེ། (དཔེར་ན།) གཏན་ཕེབས་གཞིར་བཞག དངོས་ཡོད་གནས་ལུགས་གཞིར་བཞག་ཅེས་པ་ལྟ་བུ། |
| གཞིར་བཟུང |
རྩ་བར་བཟུང་བའི་དོན་ཏེ། (དཔེར་ན།) སྲིད་ཇུས་གཞིར་བཟུང་སྟེ་ལས་དོན་སྒྲུབ་པ། འཆར་གཞི་གཞིར་བཟུང་གིས་ལེགས་པར་བསྒྲུབས་པ་ཞེས་པ་ལྟ་བུ། |
| གཞིལ |
བཅིལ་གྱི་མ་འོངས་པ་སྟེ། (དཔེར་ན།) གཞིལ་བྱའི་མེ་དཔུང་། མེ་ཆེན་གཞིལ་བར་བྱ་ལྟ་བུ། |
| གཞིལ་བ |
བྱེ་འབྲེལ་ལས་ཚིག་གི་དབང་དུ་བྱས་པའི་འཇིལ་བའི་མ་འོངས་པའི་བྱ་མིང་། |
| གཞིས་ཀ |
བདག་དབང་ཡོད་པའི་ས་ཞིང་སྡོད་ཁང་བཅས་པའི་རྟེན་གཞི་སྟེ། (དཔེར་ན།) ཕ་གཞིས། གཞུང་གཞིས། སྒེར་གཞིས། ཆོས་གཞིས། དབང་ཨ་ཕ་ཆེ་གཞིས་ཨ་མས་བདག་ཅེས་པ་ལྟ་བུ། |
| གཞིས་ཀ་རྩེ |
1.གཞིས་ཀ་བསམ་འགྲུབ་རྩེའི་བསྡུས་ཚིག་སྟེ། ལྷ་སའི་ནུབ་རྒྱུད་དུ་ཡོད་པའི་རྫོང་ཞིག རྫོང་འདིའི་འགྲམ་དུ་མྱང་ཆུ་དང་ཡར་ཀླུངས་གཙང་པོ་འདྲེས་ཡོད།2.ས་ཁུལ་ཞིག་བོད་ཀྱི་གཙང་ཁུལ་དུ་ཡོད་ཅིང༌། འདིའི་ཁོངས་སུ་གཞིས་ཀ་རྩེ་དང༌། རྣམ་གླིང༌། གཏིང་སྐྱེས། ས་སྐྱ། ལྷ་རྩེ། དིང་རི། གཉའ་ནང༌། སྐྱིད་རོང༌། བཞད་མཐོང་སྨོན། ངམ་རིང༌། འབྲོང་པ། རྒྱལ་རྩེ། ཁང་དམར། རིན་སྤུངས། གྲོ་མོ། པ་སྣམ། གམ་པ། ས་དགའ་བཅས་རྫོང་ཁག་བཅོ་བརྒྱད་ཡོད། |
| གཞིས་ཁག |
གཞིས་ཀ་ཁག |
| གཞིས་ཁང |
1.སྒེར་པའི་ཁང་ཁྱིམ་ལྟེ་བ། 2.ས་གནས་ཀྱི་གཞིས་གཉེར་སྡོད་ཁང༌། |
| གཞིས་གཉེར |
གཞིས་ཀའི་གཉེར་པ། |
| གཞིས་གཡོག |
གཞིས་ཀའི་ལས་གཡོག |
| གཞིས་ཆགས་པ |
1.ས་ཆ་གཅིག་ཏུ་རྒྱུན་སྡོད་བྱེད་པ་སྟེ། (དཔེར་ན།) གྲོང་ཁྱེར་ནང་དུ་གཞིས་ཆགས་པ། ཞིང་གྲོང་དུ་གཞིས་ཆགས་པ། འབྲོག་ལྷས་གཞིས་ཆགས་ཞེས་པ་ལྟ་བུ། 2.ས་གནས་ངེས་ཅན་ཞིག་ཏུ་གཞིས་ཆགས་ནས་སྡོད་མཁན། |
| གཞིས་དགོན |
གྲོང་དུ་ཡོད་པའི་ལྷ་ཁང་དང་དགོན་ཆུང༌། |
| གཞིས་དུད |
གཞིས་ཀའི་ཁོངས་སུ་གཏོགས་པའི་དུད་ཚང་ཆུང་ཆུང་ཁྲལ་རྟེན་ས་ཞིང་མེད་པ། |
| གཞིས་དེབ |
གཞིས་ཀྱི་ས་ཁང་མི་གསུམ་ཇི་ཡོད་པ་དང་ཕར་འགྲོ་ཚུར་ཡོང་གི་དེབ་ཡིག |
| གཞིས་པ |
གཞིས་ཐོག་གམ་ཁྱིམ་དུ་སྡོད་མཁན། |
| གཞིས་བཅས་པ |
གནས་བཅས་ཏེ་རྒྱུན་སྡོད་བྱས་པ་སྟེ། (དཔེར་ན།) འབྲོག་ཁུལ་དུ་གཞིས་བཅས་ཏེ་བསྡད་ཅེས་པ་ལྟ་བུ། |
| གཞིས་བསྒྲིལ |
ཁྱིམ་ཚང་གཉིས་གཅིག་ཏུ་བསྒྲིལ་བ། |
| གཞིས་བྱེས |
གཞིས་ནི་གནས་མལ་དང༌། བྱེས་ནི་ཕྱོགས། |
| གཞིས་བྱེས་ཞལ་འཛོམས |
ཁྱིམ་གཞིས་སུ་སྡོད་མཁན་དང༌། ཕྱོགས་འགྲོའི་མི་མཉམ་འཛོམས་བྱུང་བ་སྟེ། (དཔེར་ན།) གཞིས་བྱེས་ཞལ་འཛོམས་ཐོག་གསུང་གླེང་ཞིབ་རྒྱས་གནང་སོང༌ཞེས་པ་ལྟ་བུ། |
| གཞིས་མ་ལག |
གཞིས་གཙོ་བོ་དང༌། དེའི་ཡན་ལག |
| གཞིས་མགྲོན |
1.ཕ་ཡུལ་ནས་ཡོང་བའི་འགྲུལ་པ། 2.ཁྱིམ་ཚང་ནང་ལ་སྡོད་མཁན་དང༌། ཕྱོགས་ནས་ཡོང་བའི་མགྲོན་པོ། |
| གཞིས་འབབ |
གཞིས་ཀའི་ཡོང་འབབ། |
| གཞིས་འབྲུ |
གཞིས་ཀའི་སྟོན་ཐོག་འབྲུ་རིགས་ཏེ། (དཔེར་ན།) གཞིས་འབྲུ་འབེབས་འདྲེན་བྱེད་པ་ཞེས་པ་ལྟ་བུ། |
| གཞིས་འབྲོག |
1.གཞིས་པ་དང་འབྲོག་པ། 2 འགོ་བདག་གི་གཞིས་ཀའི་ཁོངས་གཏོགས་ཀྱི་འབྲོག་པ། |
| གཞིས་འོག |
གཞིས་ཀའི་ཁོང་གཏོགས་མི་སེར། |
| གཞིས་རྒྱལ་དིང་གསུམ |
གཞིས་རྩེ་དང༌། རྒྱལ་རྩེ། དིང་རི་གསུམ། |
| གཞིས་རྩ་ལེན |
གཞིས་ཀ་རྩ་བ་ནས་ལེན་པ་སྟེ། (དཔེར་ན།) གཞུང་བཞེས་བཏང་བ་ལྟ་བུ། |
| གཞིས་རྩེ |
གཞིས་ཀ་རྩེའི་བསྡུས་ཚིག |
| གཞིས་ལག |
གཞིས་ཀའི་ཡན་ལག་མ་གཞིས་ལྟེ་བའི་ཁོངས་གཏོགས་གཞིས་ཆུང༌ལྟ་བུ། |
| གཞིས་སྐྱེལ |
གཞིས་ཀ་ཞིག་ནས་གཞིས་ཀ་གཞན་ཞིག་ཏུ་སྐྱེལ་དགོས་པའི་དབོར་འདྲེན་གྱི་ཁྲལ། |
| གཞིས་སྡོད |
གཞིས་སུ་སྡོད་མཁན། |
| གཞིས་སྤོ་བ |
སྡོད་གནས་སྤོ་བ། |
| གཞུ |
1.མདའ་སྟན་ཏེ། (དཔེར་ན།) གཞུ་འཐེན་མདའ་འཕེན། གཞུ་ལ་མདའ་སྦྱར་བ། གཞུ་མ་འཐེན་བཞག་ན་ཆག་རྒྱུ་མེད་ཅེས་པ་ལྟ་བུ། མིང་གི་རྣམ་གྲངས་ལ་མདའ་སྐྱོད་དང༌། མདའ་སྟན། མདའ་ལྟོ་བ། མདའ་སྣུན་བྱེད། མདའ་འཕེན། མདའ་ཟ། མདའ་ཟས་ཅན། གནམ་རུ་བཅས་སོ། །2.ཀ་བའི་བྲེ་སྟེང་དུ་ཡོད་པའི་གཞུ།3.(བྱེད་འབྲེལ་ལས་ཚིག) གཞན་ལ་བརྒྱབ་པའི་དོན་དུ་གོ་བའི་གཞུས་པའི་ད་ལྟ་བ་དང་མ་འོངས་པ། (དཔེར་ན།) ཁྱི་ལ་དབྱུག་པ་གཞུ་དགོས། དབྱུག་པ་གཞུ་མཁན་ཞེས་པ་ལྟ་བུ། |
| གཞུ་ཀྲད |
གཞུ་རྒྱུད་དེ་གཞུ་འགུགས་བྱེད་ཀྱི་རྒྱུན་བུ། |
| གཞུ་ཁྱིམ |
ཉི་ཁྱིམ་ཞག་ཉི་བར་སྐར་གནས་བཅོ་བརྒྱད་ཆར་ཚེ་ཉི་མ་གཞུ་ཁྱིམ་ལ་སླེབས། ལྷོ་གློང་ཤར་མའི་ཚངས་ཐིག་སྟེང་དགུན་ཉི་ལྡོག་འཆར། དེའི་མིང་དོན་ཁྱིམ་བཅུ་གཉིས་ཀྱི་ཐད་ན་གསལ། |
| གཞུ་ཁྱིམ་ཅན |
(མངོན་བརྗོད།) མགོ་ཟླ་བའམ་ཧོར་ཟླ་བཅུ་གཅིག་པ། |
| གཞུ་གང་ཚད |
འདོམ་པ་གང་གི་ཚད། |
| གཞུ་གུ |
(ཡུལ་སྐད།) 1>མཇུག་མ་རི་བོང་གི་གཞུ་གུ་ལྟ་བུ། 2>ཐ་མའམ་གཤམ་མ་སྟེ། (དཔེར་ན།) ལས་དོན་གྱི་གཞུ་གུ་བསྒྲིལ་བ། གྲུའི་གཞུ་གུ་ཞེས་པ་ལྟ་བུ། |
| གཞུ་ཐུང |
1.མདའ་སྟན་ཐུང་བ། 2.ཀ་སྟེང་གི་གཞུ་ཆུང༌། |
| གཞུ་དབྱིབས |
གཞུ་དང་འདྲ་བའི་བཟོ་དབྱིབས། |
| གཞུ་བ |
(བྱེད་འབྲེལ་ལས་ཚིག) གཞུ་བའི་བྱ་མིང་། |
| གཞུ་བཀང |
གཞུ་ལ་མདའ་སྦྱར་ནས་བཀང་བའམ་འཐེན་པ། |
| གཞུ་བདུང་བ |
(བརྡ་རྙིང་།) གཞུ་འཐེན་པ། |
| གཞུ་མཆོག |
1.གཞུ་ལེགས་པའི་མིང༌། 2.གཞུའི་སྣེ་མོ། |
| གཞུ་མོ |
གཞུ་དང་འདྲ། |
| གཞུ་འདོམ |
འདོམ་པ་གང་། དེ་ལ་ཁྲི་བཞི་ཡོད། (དཔེར་ན།) གཞུ་འདོམ་ལྔ་བརྒྱ་ཙམ་གྱི་སར་བྱོན་ཞེས་པ་ལྟ་བུ། |
| གཞུ་རིང |
1.མདའ་སྟན་གྱི་གཞུ་རིང་བ། 2.ཀ་སྟེང་གི་གཞུ་རིང༌། |
| གཞུ་རྒྱལ |
(མངོན་བརྗོད།) ལྷ་མ་ཡིན། |
| གཞུ་རྒྱུད |
གཞུ་འགུགས་བྱེད་ཀྱི་རྒྱུན་བུ་སྟེ། (དཔེར་ན།) གཞུ་རྒྱུད་འཐེན་པ་ལྟ་བུ། མིང་གི་རྣམ་གྲངས་ལ་འགུགས་བྱེད་རྒྱུད་དང༌། གཞུ་ཀྲད་དོ། ། |
| གཞུ་རྩ |
གཞུའི་དབྱིབས་དང་འདྲ་བའི་ལུས་རྩའི་བྱེ་བྲག་ཅིག |
| གཞུ་ལས་སྐྱེས |
(མངོན་བརྗོད།) ལྷ་མ་ཡིན། |
| གཞུ་ཤུབས |
གཞུ་འཇུག་སྣོད། |
| གཞུ་སྒྲ |
གཞུ་བཀང་ནས་གློད་སྐབས་བྱུང་བའི་སྐད། |
| གཞུག |
1.རྗེས་མའམ་མཇུག་མའི་མིང་སྟེ། (དཔེར་ན།) ཚིག་གཞུག་དོན་གྱིས་བསུབས། ཁབ་གཞུག་སྐུད་པས་བསུབས། དམག་ཕར་འགྲོའི་སྔོན་མ། ཚུར་འོང་གི་གཞུག་མ་ཞེས་པ་ལྟ་བུ། (བྱེད་འབྲེལ་ལས་ཚིག) འཇུག་གི་མ་འོངས་པ། (དཔེར་ན།) ལུག་རར་གཞུག་བྱའི་ལུག་ཅེས་པ་ལྟ་བུ། |
| གཞུག་གུ |
མཇུག་མའམ་རྔ་མའི་དོན་ཏེ། (དཔེར་ན།) རྟ་མགོ་ལུག་གཞུག མགོ་མེད་གཞུག་མེད། མགོ་གཞུག་ལོག་པ། ཁྱི་ཉལ་སར་གཞུག་གུ་མ་ལུས་པ་དགོས་ཞེས་པ་ལྟ་བུ། |
| གཞུག་ཆུང |
1.རྒྱབ་ཀྱི་མེ་བཙའི་གསང་མིག་སྒལ་ཚིགས་ཉི་ཤུ་པ་མན་ཆད་ཀྱི་རུས་པ་ཝ་གདོང་ཡང་ཟེར་བ་དེའོ། །2.མཇུག་མ་ཐུང་བའམ། གཞུག་གི་ཆུང་བ། |
| གཞུག་ཏོ |
1.སྒལ་ཚིགས་མཇུག་གི་རུས་པ་གཞུག་གུ་ཆུང་ཟེར་བ་དེའི་མིང་གི་རྣམ་གྲངས་ཤིག 2.མཇུག་མའི་རྩེ་སྟེ། (དཔེར་ན།) ཁྱིའི་གཞུག་ཏོ་ཞེས་པ་ལྟ་བུ། |
| གཞུག་ཐུང |
1.སྒལ་རུས་ཀྱི་མཐའ་མ་གསུམ་པོ། 2.མཇུག་མ་ཐུང་ཐུང༌། 3.ཕྱི་ཐག་ཐུང་བ། |
| གཞུག་པ |
ནང་དུ་འཇུག་པའི་དོན་དུ་གོ་བའི་མ་འོངས་པའི་བྱ་མིང་། |
| གཞུག་པ་ལྡེམ་དགོངས |
ལྡེམ་དགོངས་བཞིའི་ཡ་གྱལ་ཞིག་སྟེ། བསྟན་པ་ལ་གཞུག་པའི་དོན་དུ་གང་ཟག་གི་བདག་ཡོད་པར་གསུངས་པ་ལྟ་བུའོ། ། |
| གཞུག་མ |
མཇུག་མའམ་གཞུག་མ་དང་འདྲ། |
| གཞུག་རིལ |
མཇུག་མ་འཁྱིལ་རིལ་ཏེ་ཁྱི་གཞུག་ལྟ་བུ། |
| གཞུང |
1.སྔར་གྱི་དཔོན་ཚང་ངམ་གོང་མ་ཚང་དང་ད་ལྟའི་སྲིད་དབང་ལག་ལེན་བསྟར་བའི་ལས་ཁུངས་ཏེ། (དཔེར་ན།) སྲིད་གཞུང༌། རྒྱལ་པོའི་གཞུང༌། སྡེ་པ་གཞུང༌། བོད་གཞུང༌ཞེས་པ་ལྟ་བུ།2.སྤྱིའམ་ཐུན་མོང་རྒྱལ་ཁབ་བམ། ལས་ཁུངས། ཁེ་ལས། ཚོགས་ཁག་བཅས་གང་རུང་ལ་ཟེར་ཞིང༌། སྒེར་གྱི་ལྡོག་ཟླ། (དཔེར་ན།) གཞུང་ཡིག སྒེར་དོན་དོར་ནས་གཞུང་དོན་སྒྲུབ་ལྟ་བུ། 3.བསྟན་བཅོས་སོགས་དཔེ་ཆའི་རིགས་ཏེ། (དཔེར་ན།) ཚད་ལྡན་གྱི་གཞུང༌། གཞུང་ཤིན་ཏུ་ངན་པ། གཞུང་རྙིང༌། སྨན་གཞུང༌། འཁྲབ་གཞུང༌ཞེས་པ་ལྟ་བུ། 4.སྲིད་དམ་དཀྱུས་ཀྱི་དོན་ཏེ། (དཔེར་ན།) འཕྲེད་གཞུང༌ཆུ་གཞུང༌། གཞུང་རིང༌ཞེས་པ་ལྟ་བུ། 5.དཀྱིལ་ལམ་དབུས་ཏེ། (དཔེར་ན།) མཚོ་གཞུང༌། གཙང་པོའི་གཞུང༌། ལྕེ་གཞུང༌ཞེས་པ་ལྟ་བུ། 6.ངང་རྒྱུད་དམ་གཤིས་ཀ་སྟེ། (དཔེར་ན།) སེམས་ཀྱི་གཞུང༌། གཞུང་ངན། གཞུང་དྲང༌ཞེས་པ་ལྟ་བུ། |
| གཞུང་ཀོ |
ཆུ་བོའི་གཞུང་དུ་གཏོང་བའི་ཀོ་བ་སྟེ། (དཔེར་ན།) གཞུང་ཀོ་བཏང་ནས་འཕུར་བ་ལྟར་འགྲོ་ཞེས་པ་ལྟ་བུ། |
| གཞུང་ཁྲ |
དོན་ཕྲ་ཞིབ་ཕྱོགས་གཅིག་ཏུ་བཀོད་པའི་ཡི་གེ། |
| གཞུང་ཁྲལ་དངོས་གཞི |
སྲིད་གཞུང་རང་ལ་བབས་པའི་ཁྲལ་ངོ་མ། |
| གཞུང་གཉེར |
གཞུང་གིས་བདག་གཉེར་བྱེད་པ། |
| གཞུང་གནས |
སྲིད་གཞུང་གི་དོན་ཏེ། (དཔེར་ན།) གཞུང་གནས་སུ་བདག་གིར་བཞེས་ཞེས་པ་ལྟ་བུ། |
| གཞུང་གཞིས |
སྔར་བོད་སྲིད་གཞུང་ལ་དབང་བའི་གཞིས་ཀ། |
| གཞུང་གཤག |
1.དཀྱུས་སུ་གཤག་པ་སྟེ། (དཔེར་ན།) དགྲ་བོའི་དམག་དཔུང་གཞུང་གཤག་གིས་དཔའ་བོ་རྣམས་མདུན་མཆོངས་བྱེད་ཅེས་པ་ལྟ་བུ། 2.དཀྱིལ་དུ་གཤག་པ། |
| གཞུང་གྲོན |
རྒྱལ་ཁབ་བམ་ཚོགས་ཁག་གིས་བཏང་བའི་འགྲོ་གྲོན། |
| གཞུང་ངན་པོ |
ཕྱི་ཐག་མེད་པ། |
| གཞུང་ཆུ |
1.ལུང་པའི་དཀྱིལ་ནས་རྒྱུག་པའི་ཆུ། 2 བོད་ཀྱི་ལྷ་རི་རྫོང་ཁོངས་ཀྱི་ཆུ་བོ་ཞིག་དང༌། ཡིད་འོང་གཙང་པོའི་ཡན་ལག་ཅིག་ཡིན། |
| གཞུང་ཆེན་མོ |
རིགས་པའི་གཞུང་ལུགས་ཆེན་པོ་སྟེ། (དཔེར་ན།) དབུ་ཕར་འདུལ་མཛོད་སོགས་ཀྱི་གཞུང་ལུགས་ཆེན་པོ་རྣམས་ལྟ་བུ། |
| གཞུང་ཐག |
གུར་གྱི་གཞུང་ཐག |
| གཞུང་ཐིག |
1.དཀྱིལ་ཐིག 2.དཀྱུས་སུ་བཏབ་པའི་ཐིག |
| གཞུང་དངུལ |
གཞུང་ངམ་སྤྱི་པའི་དངུལ་ཏེ། རྒྱལ་ཁབ་དང༌། ལས་ཁུངས། ཁེ་ལས། ཚོགས་ཁག་བཅས་ལ་དབང་བའི་དངུལ། |
| གཞུང་དངོས |
བཤད་རྒྱུའི་གཞུང་དངོས་གཞི། |
| གཞུང་དོན |
1.དཔེ་ཆའི་ནང་དོན་གཙོ་ཆེ་བ།2.རྒྱལ་ཁབ་དང་སྲིད་གཞུང་གི་ལས་དོན་ཏེ། (དཔེར་ན།) གཞུང་དོན་ཕྱོགས་འགྲོ། གཞུང་དོན་གཙོ་བོར་བཟུང་ན། རང་དོན་ཤུགས་ལ་འབྱུང་ཞེས་པ་ལྟ་བུ། |
| གཞུང་དོས |
གཞུང་ངམ་སྤྱི་བར་དབང་བའི་དོས་པོ། |
| གཞུང་ནག |
1.སེམས་ཀྱི་གཤིས་རྒྱུད་ནག་པོ། 2.(མངོན་བརྗོད།) རི་དྭགས་ཤིག |
| གཞུང་པོ་ཏི་ལྔ |
མདོ་ཕྱོགས་ཀྱི་རྒྱ་གཞུང་གཙོ་བོ་ལྔ་ཕར་ཕྱིན་དང༌། དབུ་མ། ཚད་མ་རྣམ་འགྲེལ། འདུལ་བ། མཛོད་དེ་ལྔ། |
| གཞུང་ཕྱོགས |
1.སྲིད་གཞུང་གི་ཕྱོགས་སམ་ངོས། 2.རྒྱུན་ཕྱོགས་སམ་དཀྱུས་ཕྱོགས། |
| གཞུང་བཅད |
1.དར་གོས་སོགས་གཞུང་ནས་བཅད་པ། 2.དཀྱུས་རིང་བའི་ཕྱོགས་བརྒྱུད་ནས་ཕྱིན་པ། |
| གཞུང་བཅད་རིན་གོང |
སྲིད་གཞུང་གིས་གཏན་ལ་ཕབ་པའི་རིན་གོང༌། |
| གཞུང་བཏང་མི་འགྲོ |
སྲིད་གཞུང་ནས་ཕྱོགས་ལ་བཏང་བའི་མི་སྣ། |
| གཞུང་བཞེས |
སྲིད་གཞུང་གིས་བླངས་པ་སྟེ། (དཔེར་ན།) རྒྱུ་ནོར་གཞུང་བཞེས་ཞེས་པ་ལྟ་བུ། |
| གཞུང་བཟང |
ཕྱི་ཐག་རིང་བ། |
| གཞུང་བཟོ་བ |
གཞུང་གི་བཟོ་པ། |
| གཞུང་བསྒྲིགས་པ |
དཔེ་ཆའི་ཚིག་དོན་གྱི་གོ་རིམ་ཕྱོགས་གཅིག་ཏུ་བསྒྲིགས་པའམ་བསྡེབས་པ། |
| གཞུང་བསྲངས |
དོན་གཞུང་དྲང་པོར་བསྲངས་པ་སྟེ། (དཔེར་ན།) དྲང་པོས་གཞུང་བསྲངས་ན་སྒོ་ངས་རྟ་ཁྱོག་ཅེས་པ་ལྟ་བུ། |
| གཞུང་བསྲིངས |
རྒྱུན་ཡུན་རིང་དུ་བཏང་བ་སྟེ། (དཔེར་ན།) གཞུང་བསྲིངས་ནས་མཐུན་སྒྲིལ་དམ་ཟབ་བྱས། མཛའ་མཐུན་འབྲེལ་བ་གཞུང་བསྲིངས་བྱེད་པ་ཞེས་པ་ལྟ་བུ། |
| གཞུང་བུན |
1.སྲིད་གཞུང་གིས་སྒེར་སོ་སོར་བཏང་བའི་བུ་ལོན་ལ་ཟེར། 2.དེང་སྐབས་ནི་རྒྱལ་ཁབ་ཀྱིས་སྤྱི་དམངས་སམ་ཕྱི་རྒྱལ་ནས་གཡར་བའི་བུ་ལོན་ལ་ཟེར། |
| གཞུང་བྱིན་པོ |
དཔེ་ཆའི་གཞུང་ཡོངས་རྫོགས། |
| གཞུང་བྲིས |
གཞུང་རིས་དང་འདྲ། |
| གཞུང་བླ་མ |
འདུལ་བ་ལུང་སྡེ་བཞིའི་ནང་གསེས་ཤིག |
| གཞུང་མ |
དབུས་མའམ། དཀྱིལ་མ། |
| གཞུང་ཚབ |
གཞུང་གི་སྐུ་ཚབ། |
| གཞུང་ཚབ་ཆེན་མོ |
རྒྱལ་ཁབ་སོ་སོའི་སྲིད་གཞུང་གི་སྐུ་ཚབ་ཆེན་མོ། |
| གཞུང་ཚིག |
དཔེ་ཆའི་རྩ་བའི་ཚིག |
| གཞུང་ཚོང |
གཞུང་གི་ཚོང་ལས། |
| གཞུང་ཚོང་པ |
སྲིད་གཞུང་གི་ཚོང་ལས་བྱེད་མཁན། |
| གཞུང་ཞག |
ཉི་སྐར་བརྒྱད་དང་ཆུ་ཚོད་ང་བརྒྱད། སྤྱི་ཟླ་བརྒྱད་པའི་ཚེས་ཉེར་བདུན་སྐོར་ནས་གཞུང་ཞག་ཉེར་གཅིག་འདྲེན། སད་ངེས་པར་ཡོད་པའི་སྐབས་སོ། ། |
| གཞུང་ཞབས |
སྲིད་གཞུང་གི་ལས་དོན་ཅི་རིགས་སྒྲུབ་པར་ཆེད་བསྐོས་ཀྱི་མི། |
| གཞུང་འགྲེལ |
དཔེ་ཆ་གཞུང་ཆེན་མོའི་འགྲེལ་པ། |
| གཞུང་འབུལ |
རྒྱལ་ཁབ་ལ་རྩིས་འབུལ་བ་སྟེ། (དཔེར་ན།) གཞུང་འབུལ་ཁེ་འབབ་ཅེས་པ་ལྟ་བུ། |
| གཞུང་འབྲུ |
རྒྱལ་ཁབ་ཀྱིས་བདག་པའི་འབྲུ་རིགས། |
| གཞུང་ཡིག |
1.གཞུང་དོན་གྱི་ཡི་གེ། 2.ཡིག་གཟུགས་གཞུང་རིས་ཀྱི་རུས་དབྱིབས། |
| གཞུང་རིས |
སྔར་ལྷ་སའི་རྩེ་སློབ་གྲྭ་བས་འབྲི་བའི་ཡིག་གཟུགས། |
| གཞུང་རུ |
སྔར་བོད་སྲིད་གཞུང་ལ་གཏོགས་པའི་རུ་བ། |
| གཞུང་རྐྱང |
མི་ཚང་མི་རྒྱུ་གཉིས་འཛོམས་ལ་རང་ཁོངས་ནས་འབོད་པའི་ཞེ་ཚིག་སྟེ། (དཔེར་ན།) གཞུང་རྐྱང་གི་གཏོང་ཡོང་རྒྱུ་ནོར། གཞུང་རྐྱང་གི་འཚོ་ཚིས་ཞེས་པ་ལྟ་བུ། |
| གཞུང་རྒྱུག |
སྔར་བོད་ཀྱི་སྲིད་གཞུང་རང་ལ་ཁྲལ་འུལ་རྒྱུག་མཁན་མི་སེར། |
| གཞུང་རྒྱུག་མི་རྩ |
སྔར་བོད་ཀྱི་སྲིད་གཞུང་རང་ལ་གཏོགས་པའི་མི་རྩ། |
| གཞུང་རྒྱུག་མི་སེར |
སྔར་བོད་ཀྱི་སྲིད་གཞུང་རང་ལ་གཏོགས་པའི་ཁྲལ་རྒྱུག་མི་སེར། |
| གཞུང་རྒྱུག་འཁྱེར་ཞན |
སྔར་བོད་ཀྱི་སྲིད་གཞུང་གི་གཞུང་རྒྱུག་མི་སེར་དབུལ་ཕོངས། |
| གཞུང་རྒྱུག་ས་འཛིན |
སྔར་བོད་ཀྱི་སྲིད་གཞུང་རང་ལ་ཁྲལ་རྒྱུག་མཁན་གྱི་ཁྲལ་པ། |
| གཞུང་ལམ |
ལམ་ཆེན། |
| གཞུང་ལས |
གཞུང་ངམ་སྤྱི་བའི་ལས་དོན། |
| གཞུང་ལས་ཆེན་མོ |
སྔར་བོད་ཀྱི་སྲིད་གཞུང་སྐབས། ལག་ཤེས་བཟོ་ལས་མི་མང་བསྐོངས་བསྡུས་ཀྱིས་དུས་ཡུན་རིང་པོའི་བར་གླ་ཕོགས་སྣེ་སེལ་ཙམ་སྤྲད་ནས་གཞུང་ལས་སྣ་ཚོགས་བྱེད་དུ་འཇུག་པའི་ཁྲལ་ཆེན་ཞིག |
| གཞུང་ལུགས |
1.མི་རྣམས་ཀྱིས་རང་བྱུང་ཁམས་དང་མིའི་རིགས་ཀྱི་སྤྱི་ཚོགས་ཀྱི་ཆོས་ཉིད་ཤེས་པའི་བརྒྱུད་རིམ་དང་ལྡན་པའི་ཤེས་ཡོན་གྱི་མིང་སྟེ། ལག་ལེན་ལས་ཕྱོགས་བསྡུ་བྱས་ཤིང་ལག་ལེན་གྱི་ཁྲོད་དུ་བདེན་དཔང་བྱས་པའི་ཤེས་ཡོན་ནི་ད་གཟོད་གཞུང་ལུགས་རྣམ་དག་ཡིན། (དཔེར་ན།) རིགས་པའི་གཞུང་ལུགས། གཞུང་ལུགས་ཟབ་མོ་ཞེས་པ་ལྟ་བུ། 2.བརྒྱུད་རིམ་དང་ལྡན་པའི་ཤེས་ཡོན་བཤད་པའི་དཔེ་ཆའི་མིང་སྟེ། (དཔེར་ན།) སྨན་གྱི་གཞུང་ལུགས། མཚན་ཉིད་རིག་པའི་གཞུང་ལུགས་ཞེས་པ་ལྟ་བུ། |
| གཞུང་ལུགས་འཛིན |
(མངོན་བརྗོད།) བློན་པོ། |
| གཞུང་ལུགས་ལེགས་བཤད |
དུས་རབས་བཅུ་གསུམ་པར་ས་སྐྱ་པཎྜི་ཏ་ཀུན་དགའ་རྒྱལ་མཚན་གྱིས་མཛད་པའི་ཕྱི་རོལ་མུ་སྟེགས་པ་དང་ནང་པ་སངས་རྒྱས་པའི་གྲུབ་མཐའ་རྣམས་ཀྱི་འདོད་ཚུལ་རྣམས་གསལ་བར་སྟོན་པའི་གཞུང་ཞིག |
| གཞུང་ལུས |
དཔེ་གཞུང་གི་བརྗོད་བྱ་དངོས་གཞི། |
| གཞུང་ལྡན |
གཤིས་རྒྱུད་ཕུན་སུམ་ཚོགས་པའི་མི། |
| གཞུང་ཤིང |
ཁང་པ་དང༌། སྦྲ་གུར་སོགས་ཀྱི་གཞུང་དུ་བཏང་བའི་གདུང་མ་དང༌། སྲོག་ཤིང༌། |
| གཞུང་ཤེར་ཕྱིན |
ཐེག་ཆེན་གྱི་ལམ་འབྲས་བུ་དང་བཅས་པ་སྟོན་པའི་གསུང་རབ། |
| གཞུང་ས |
སྲིད་གཞུང༌སྟེ། རང་ཉིད་གང་དུ་གཏོགས་པའི་རྒྱལ་ཁབ་ཀྱི་གཞུང་ལ་གཞུང་ས་ཟེར། |
| གཞུང་སེམས |
སྤྱི་པ་ལ་ཕན་པའི་བསམ་བློ་སྟེ། (དཔེར་ན།) གཞུང་སེམས་འགྱུར་མེད། གཞུང་སེམས་རྣམ་དག་ཅེས་པ་ལྟ་བུ། |
| གཞུང་སྒེར |
སྤྱི་དང་སྒེར་ཏེ། (དཔེར་ན།) གཞུང་སྒེར་གཉིས་ལྟ། གཞུང་སྒེར་གཉིས་ཕན། གཞུང་སྒེར་མཉམ་གཉེར་ཞེས་པ་ལྟ་བུ། |
| གཞུང་སྒེར་ཆོས་གསུམ |
སྔར་བོད་ཀྱི་སྲིད་གཞུང་སྐབས་སྲིད་གཞུང་དང༌། སྒེར་པ་མི་དྲག དགོན་སྡེ་ཁག་བཅས་ཏེ་སྡེ་ཁག་ཆེན་པོ་གསུམ། |
| གཞུང་སྒོ |
རྒྱ་སྒོ་སྟེ་སྒོ་ཆེན་གཙོ་བོ། |
| གཞུང་སྣེ |
སྲིད་གཞུང་གི་ལས་སྣེའམ་སྲིད་གཞུང་གི་ལས་བྱེད་པ། |
| གཞུང་སྲོང་བ |
1.ལྷ་མོ་བས་འཁྲབ་གཞུང་གི་ལོ་རྒྱུས་བཤད་པ། 2.གཏམ་དང་ལས་དོན་གྱི་གཞུང་དྲང་པོར་སྲོང་བ། |
| གཞུངས |
1.(རྒྱན་ཚིག) གཡོ་སྒྱུ་མེད་ཅིང་ཁོངས་ཡངས་པའི་དོན་ཏེ། (དཔེར་ན།) ཡིད་གཞུངས་གྲོགས་པོ་ཞེས་པ་ལྟ་བུ། 2.མཐོ་རིམ་སྲོག་ཆགས་ཀྱི་སྒལ་ཚིགས་སྦུ་གུའི་ནང་གི་སྒལ་རྣག་གི་མིང་སྟེ། བརྒྱུངས་པ་ཡང་ཟེར། |
| གཞུངས་པ |
1. སྒལ་རྣག 2.བློ་གསལ་བའམ་མཁས་པ་སྟེ། (དཔེར་ན།) ཡིད་གཞུངས་ཞེས་པ་ལྟ་བུ། |
| གཞུངས་བརྒྱུངས |
གཞུངས་པའམ་བརྒྱུངས་པ་སྟེ། སྒལ་ཚིགས་ནང་གི་ཀླད་པ། |
| གཞུངས་རིང |
ཕྱི་ཐག་རིང་བ་སྟེ། (དཔེར་ན།) གཞུངས་རིང་གི་གྲོགས་པོ་ཞེས་པ་ལྟ་བུ། |
| གཞུན་པོ |
(རྒྱན་ཚིག)1>ལེགས་པ་དང༌། ཡིད་དུ་འོང་བ་སྟེ། (དཔེར་ན།)་གསེར་གཞུན་པོ། སྟོན་ཐོག་གཞུན་པོ་ཞེས་པ་ལྟ་བུ། 2>ཧུར་བརྩོན་དང་ལས་ལ་བཀོལ་བདེ་བ་སྟེ། (དཔེར་ན།) ལས་ཀ་གཞུན་པོ་ཞེས་པ་ལྟ་བུ། འདི་ལ་བཞུན་པོ་ཡང་འབྲི། |
| གཞུམ་པ |
འཇུམ་པའི་མ་འོངས་པ། |
| གཞུའུ |
གཞུ་ཆུང་ཆུང༌། |
| གཞུའུ |
གཞུ་ཆུང་ཆུང་གི་མིང་། |
| གཞུར |
(བྱེད་འབྲེལ་ལས་ཚིག) བཞུར་གྱི་ད་ལྟ་བ་དང་སྐུལ་ཚིག (དཔེར་ན།) ཆུ་རྙོགས་སོགས་དྭངས་སྙིགས་འབྱེད་པ་སྨན་ཁུ་གཞུར་གྱིན་འདུག གཞུར་ཅིག་ལྟ་བུ། |
| གཞུར་བ |
(བྱེད་འབྲེལ་ལས་ཚིག) བཞུར་བའི་ད་ལྟ་བའི་བྱ་མིང་། |
| གཞུར་བརྟག |
(བརྡ་རྙིང་།) ཟུར་ཟ། |
| གཞུར་མེད |
(བརྡ་རྙིང་།) གཞོམ་མེད། |
| གཞུས |
(བྱེད་འབྲེལ་ལས་ཚིག) གཞུ་བའི་འདས་པ་དང་སྐུལ་ཚིག་སྟེ། (དཔེར་ན།) དབྱུག་པ་སོགས་ཀྱིས་བརྒྱབ་པའི་དོན་ཏེ། རྟ་ལ་ལྕག་གིས་གཞུས་ནས་བརྒྱུགས། ལྕག་གཞུས་ཤིག་ལྟ་བུ། |
| གཞེ་ནིང |
ལོ་སྔོན་མའི་སྔོན་མ་སྟེ། (དཔེར་ན།) ད་ལོ། ན་ནིང་། གཞེ་ནིང་ཞེས་པ་ལྟ་བུ། |
| གཞེན |
དྲན་པའི་མིང་སྟེ། (དཔེར་ན།) དྲན་སྐུལ་ལ་གཞེན་སྐུལ་ཟེར་བ་ལྟ་བུ། |
| གཞེན་པ |
(བརྡ་རྙིང་།) དྲན་སྐུལ་གཏོང་བ་སྟེ། (དཔེར་ན།) ལས་ཀ་གཞེན་པ། མ་བརྗེད་པར་གཞེན་པ། དོ་སྣང་དུ་གཞེན་པ་ཞེས་པ་ལྟ་བུ། |
| གཞེན་འདེབས |
དྲན་སྐུལ་ཏེ། (དཔེར་ན།) འཕྲལ་འཕྲལ་གཞེན་འདེབས་བྱེད་ཅེས་པ་ལྟ་བུ། |
| གཞེན་སྐུལ |
ལེགས་པའམ། ཕན་པ་ལ་བསྐུལ་བའི་དྲན་བསྐུལ་ཏེ། (དཔེར་ན།) གྲོགས་པོའི་བསམ་བློ་འཁྱོག་འགྲོ་བ་ལ་དྲང་པོར་སྲོང་བའི་གཞེན་སྐུལ་བྱེད་ཅེས་པ་ལྟ་བུ། |
| གཞེར་བ |
(བརྡ་རྙིང་།) བསྟེན་པའི་དོན་ཏེ། (དཔེར་ན།) ནད་པས་སྨན་པ་གཞེར་ནས་ནད་ལས་གྲོལ་ཞེས་པ་ལྟ་བུ། |
| གཞེས |
1.ཉིན་བཞི་པ་སྟེ། (དཔེར་ན།) དེ་རིང་། སང་ཉིན། གནངས་ཉིན། གཞེས་ཉིན་ཞེས་པ་ལྟ་བུ། 2.འདུག་པའམ་གནས་པའི་ཞེ་ས་སྟེ། (དཔེར་ན།) སྲོག་འཚོ་བ་ལ་འཚོ་གཞེས་པ་ཟེར་བ་ལྟ་བུ། |
| གཞེས་ཀྱི་ལྷ་ཉིན་དཀར་པོ |
གཞེས་ཉིན། |
| གཞེས་ཉིན |
གནངས་ཉིན་གྱི་རྗེས་མ། |
| གཞེས་ནིང |
འདས་ལོ་སྔ་མའི་སྔ་མ་སྟེ། (དཔེར་ན།) གཞེས་ནིང་ལོ་ལྟ་བུ། |
| གཞེས་པ |
(བརྡ་རྙིང་།) གནས་པའམ་བཞུགས་པ་སྟེ། (དཔེར་ན།) འཚོ་ཞིང་གཞེས་པ་ཞེས་པ་ལྟ་བུ། |
| གཞེས་ཕོད |
གནངས་ཕོད་ཀྱི་ལོའི་རྗེས་མ། |
| གཞེས་འཆར |
ཉིན་མོ་བཞི་པའི་ཐོག་གི་དུས་ཚིགས་རེ་མོས་ཏེ། (དཔེར་ན།) ཉི་མ་གཞེས་འཆར་ཐོག་ཚོགས་འདུ་རེ་འཚོག་ལྟ་བུ། |
| གཞེས་འཇགས |
1.གཞེས་ཉིན་ནམ་ཤར། 2.བཞུགས་གདན་འཇགས། |
| གཞོག |
(བྱེད་འབྲེལ་ལས་ཚིག) བཞོགས་ཀྱི་མ་འོངས་པ་དང་ད་ལྟ་བ། གྲི་སོགས་ཀྱིས་དངོས་རྫས་ཕྱི་རིམ་ནས་ལེབ་མོ་རེ་རེ་གཅོད་པ་སྟེ། (དཔེར་ན།) ཤིང་གཞོག་པར་བྱ། ཤིང་གཞོག་གིན་འདུག་ཅེས་པ་ལྟ་བུ། |
| གཞོག་པ |
བཞུར་བ་དང་གཤེག་པའི་དོན་དུ་གོ་བའི་བཞོག་པའི་མ་འོངས་པ། |
| གཞོག་རྒྱག་པ |
(ཡུལ་སྐད།) སྟེའུ་རྩག་གིས་ཤིང་གཞོག་པ། |
| གཞོགས |
1.ལུས་ཀྱི་རྩིབ་ལོགས་ཀྱི་མིང་སྟེ། (དཔེར་ན།) གཞོགས་ཕྱེད་ན་བ། གཞོགས་གཡས་ས་ལ་ཕབ་ནས་ཉལ་ལྟ་བུ། 2. ཟུར་དང་ཉེ་འཁོར་གྱི་མིང་སྟེ། (དཔེར་ན།) དོན་གྱི་གཞོགས་ཙམ་ཞེས་ལྟ་བུ། མདའ་འཕངས་པ་འབེན་གྱི་གཞོགས་ལ་མ་སོང་ལྟ་བུ།3.གཤེག་པའི་དོན་དུ་གོ་བའི་གཞོག་པའི་འདས་པ་དང་སྐུལ་ཚིག |
| གཞོགས་གཡས |
1.ལུས་ཀྱི་གཞོགས་སམ་གློ་གཡས་པ། 2.ཁང་པ་སོགས་ཀྱི་ལོགས་གཡས་པ། |
| གཞོགས་གཡོན |
1.ལུས་ཀྱི་གཞོགས་སམ་གློ་གཡོན་པ། 2.ཁང་པ་སོགས་ཀྱི་ལོགས་གཡོན་པ། |
| གཞོགས་དྲུང |
ཟུར་རམ། འཁྲིས་སམ་འགྲམ་གྱི་དོན་ཏེ། (དཔེར་ན།) ཕྲན་གྱི་གཞོགས་དྲུང་དུ་བཞུགས་པ་འདི་སློབ་གྲྭའི་དགེ་རྒན་རེད་ཅེས་པ་ལྟ་བུ། |
| གཞོགས་ཕྱེད |
1.ལུས་ཀྱི་གཞོགས་ཕྱེད་དེ། (དཔེར་ན།) གཞོགས་ཕྱེད་ན་བ། གཞོགས་ཕྱེད་སྐམ་པ་ཞེས་པ་ལྟ་བུ།2.ཁང་པ་སོགས་ཀྱི་ལོགས་ཕྱེད། |
| གཞོགས་བཤལ |
ལུས་གཞོགས་དྲུད་ནས་འགྲོ་བ། |
| གཞོགས་བསྙེས་པ |
ཟུར་ཕབ་པའི་སྡོད་སྟངས་ཏེ། (དཔེར་ན།) སྙེ་འབོལ་ལ་གཞོགས་གཡས་བསྙེས་ཞེས་པ་ལྟ་བུ། |
| གཞོགས་ཟུར |
ལོགས་སམ་ཟུར། |
| གཞོགས་འགྱེལ |
(ཡུལ་སྐད།) ཚེམ་བུ་གཅིག་བརྒྱབ་ནས་ཕྱོགས་གཅིག་ཏུ་བལྟབས་པའི་ཚེམ་སྲུབ་ཀྱི་མིང༌། |
| གཞོགས་འགྲད |
རྡོག་སྣ་ཐུར་དུ་ཤོར་བ། |
| གཞོགས་འདེགས |
ཕན་ཚུན་རོགས་རམ་སྟེ། (དཔེར་ན།) གཡས་གཞོགས་གཡོན་འདེགས། ང་ཁོང་གི་གཞོགས་འདེགས་སུ་ཡོང་བ་ཡིན་ཞེས་པ་ལྟ་བུ། |
| གཞོགས་འདྲིད |
ཟུར་རམ་ཐབས་མཁས་ཀྱིས་སླུ་བ་སྟེ། (དཔེར་ན།) གཞོགས་འདྲིད་ཀྱི་ཚིག་ཅེས་པ་ལྟ་བུ། |
| གཞོགས་འཕྱས |
ཟུར་ནས་འཕྱ་སྨོད། |
| གཞོགས་སྟེགས |
སྒེག་ཆོས་སམ་སྒེག་ཉམས། |
| གཞོགས་སྨྲས |
ཟུར་ནས་སྨྲས་པ། |
| གཞོགས་སློང |
ལོག་འཚོ་ལྔའི་ཡ་གྱལ་ཞིག་སྟེ། གཞན་ནོར་འཐོབ་ཕྱིར་དེའི་དངོས་རྫས་ལ་བསྟོད་བསྔགས་བྱེད་པ་ཞིག |
| གཞོང་ཁུང |
གཞོང་པ་དང་འདྲ། |
| གཞོང་ཐོགས |
1.རི་རབ་ཀྱི་བང་རིམ་ལ་གནས་པའི་གནོད་སྦྱིན་རིགས། 2.ལག་ན་གཞུང་ཐོགས་ཀྱི་བསྡུས་མིང༌། |
| གཞོང་དབྱིབས་ས་ཁུལ |
གཞོང་པའི་དབྱིབས་འདྲའི་ས་ཕྱོགས། |
| གཞོང་པ |
ཤིང་སོགས་ཀྱི་སྣོད་བྱེ་བྲག་པ་ཞིག་སྟེ། (དཔེར་ན།) ཁྱི་གཞོང༌། རྟ་གཞོང༌ཞེས་པ་ལྟ་བུ། |
| གཞོང་པ་ལྷ་ཆུ |
ལྷ་སའི་ནུབ་ངོས་ཀྱི་སྐྱོར་མོ་ལུང་དུ་ཡོད་པའི་སློབ་དཔོན་པདྨས་ཕྱག་འཁར་གྱིས་གཏེར་དུ་བཏོན་པར་གྲགས་པའི་ཆུ་མིག་ངོ་མཚར་ཅན་ཞིག |
| གཞོང་བ |
དཀྱིལ་ཀོང་བའི་སྣོད་སྡེར་མའི་རིགས་ཀྱི་སྤྱི་མིང་སྟེ། (དཔེར་ན།) ཤིང་གི་གཞོང་བ། གསེར་གྱི་གཞོང་བ་ལ་འཇག་མས་ལྷན་པ་ཞེས་པ་ལྟ་བུ། ཚིག་བསྡུས་ན་གཞོང་ཞེས་འབྲི་ཆོག་སྟེ། (དཔེར་ན།) ཤིང་གཞོང་། ཁྲུས་གཞོང་ཞེས་པ་ལྟ་བུ། |
| གཞོང་བུ |
ཤིང་སྣོད་གཞོང་པ་ཆུང་ཆུང༌། |
| གཞོང་སྒོར |
ཤིང་སོགས་ཀྱི་གཞོང་པ་ཟླུམ་པོ། |
| གཞོངས |
རྒྱ་ཁྱོན་ཆེ་ལ་བདེ་བའི་ས་ཆའི་མིང་སྟེ། (དཔེར་ན།) སྤང་གཞོངས་ཞེས་པ་ལྟ་བུ། |
| གཞོངས་སྤྱོད |
ལྗོངས་སྤྱོད་པའམ་ལྗོངས་རྒྱུ་བ། |
| གཞོན |
(རྒྱན་ཚིག) ལོ་ཚད་ཆུང་བའི་དོན་ཏེ། (དཔེར་ན།) ལོ་ན་གཞོན་པའི་སྒང་། ལུས་ལ་གཞོན་ཤ་ཆགས་ལྟ་བུ། |
| གཞོན་ཁྲལ |
གྲྭ་པ་གསར་པ་བྱས་ནས་ལས་སྣེ་ཞིག་མ་བྱུང་བར་ཆུ་ལེན་རྒྱུ་དང་རྡོག་ཁྲེས་དབོར་རྒྱུ། ཇ་བླུག་རྒྱུ། སྤྱི་ཁང་ལ་གད་ཕྱིས་བྱེད་རྒྱུ་སོགས་ཀྱི་བྱ་བ་བྱེད་དགོས་པར་གཞོན་ཁྲལ་ཟེར། |
| གཞོན་ཉམས |
ན་ཚོད་གཞོན་ནུའི་རྣམ་པ་སྟེ། (དཔེར་ན།) གཞོན་ཉམས་དོད་པོ་ཞེས་པ་ལྟ་བུ། |
| གཞོན་ནུ |
1. བྱིས་པའི་ན་ཚོད་ཡོལ་ནས་དར་མར་མ་སླེབས་བར་གྱི་ལོ་ཆུང་ཕོ་མོ་རྣམས་ཏེ། (དཔེར་ན།) རིག་པ་གཞོན་ནུའི་དུས་སུ་བསླབ་ཅེས་པ་ལྟ་བུ། མིང་གི་རྣམ་གྲངས་ལ་ཐོར་བུ་དང༌། ལང་ཚོ་ཅན་ནོ། 2.(མངོན་བརྗོད།) མིག་དམར། 3.གསར་པའི་དོན་ཏེ། (དཔེར་ན།) རྩྭ་གཞོན་ནུ། ཤིང་གཞོན་ནུ། ཟླ་བ་གཞོན་ནུ། ཉི་མ་གཞོན་ནུ། གཞོན་ནུའི་དཔལ་ཡོན་ཞེས་པ་ལྟ་བུ། |
| གཞོན་ནུ་གདོང་དྲུག |
དབང་ཕྱུག་གི་བུ་ཆུང་བ། |
| གཞོན་ནུ་བུམ་སྐུ |
རྫོགས་པ་ཆེན་པོའི་བཤད་སྲོལ་ཐུན་མོང་མ་ཡིན་པ་ཞིག་ཕྱིར་གསལ་གྱི་ཤེས་པ་ནང་དུ་ལོག་ནས། ནང་གསལ་གདོད་མའི་གཞི་དབྱིངས་ཆེན་པོ་རང་ངོར་སྣང་བ། གཞི་ལས་འཕགས་པ། བྱེ་བྲག་ཕྱེད་པ། ཕྱེད་ཐོག་ཏུ་གྲོལ་བ། གཞན་ལས་མ་བྱུང་བ། རང་སར་གནས་པ་སྟེ་ཁྱད་ཆོས་དྲུག་དང་ལྡན་པ་སྐུ་དང་ཡེ་ཤེས་རྒྱ་མཚོའི་བདག་ཉིད་ཅན་གྱི་ཀུན་ཏུ་བཟང་པོའི་དགོངས་པའོ། ། |
| གཞོན་ནུ་མ |
བུད་མེད་གཞོན་ནུ་མ། |
| གཞོན་ནུ་སྐྱེས |
(མངོན་བརྗོད།) བཻ་ཌཱུརྱ་ཕལ་པ། |
| གཞོན་ནུའི་དུས |
འགྲོ་བ་དང་རྩེ་ནུས་ལ། འདོད་པ་སྤྱོད་མི་ནུས་པའི་བར། |
| གཞོན་ནུའི་ཕྲེང་བ |
(མངོན་བརྗོད།) ཛཱ་ཏིའི་མེ་ཏོག |
| གཞོན་པ |
1.སྐྱེས་པ་ལོ་ན་དར་མ་སྟེ། (དཔེར་ན།) གཞོན་པའི་ཤུགས་ལས་རྒད་པོའི་ཇུས་བཟང༌ཞེས་པ་ལྟ་བུ། 2.ལས་གནས་དང་གོ་སའི་དོན་ཏེ། (དཔེར་ན།) ཚོགས་གཙོ་གཞོན་པ། དྲུང་ཆེ་གཞོན་པ་ཞེས་པ་ལྟ་བུ། |
| གཞོན་མ |
གཞོན་ནུ་མ། |
| གཞོན་རབས |
མི་རབས་གཞོན་པ། |
| གཞོན་ཤ |
གཞོན་ཉམས་ཏེ། (དཔེར་ན།) གཞོན་ཤ་ཆགས་པ་ཞེས་པ་ལྟ་བུ། |
| གཞོན་ཤ་ཅན་གྱི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཆོས་གོ་སླ་བར་སྟོན་པའི་ཕྱིར་སྐུ་ཤིན་ཏུ་གཞོན་ཤ་ཅན། |
| གཞོན་སོ་དཀར |
ལོ་ཆུང་སོ་དཀར་པོའི་དུས་ཏེ། (དཔེར་ན།) གཞོན་སོ་དཀར་དུས་ནས་མ་བརྩོན་ན། རྒས་གཉེར་མས་ཁེངས་དུས་འགྱོད་ཀྱང་ཕྱིས་ཞེས་པ་ལྟ་བུ། |
| གཞོབ |
(བྱེད་འབྲེལ་ལས་ཚིག) སྤུ་རིགས་མེས་ཚིག་པའི་དོན་ཏེ། (དཔེར་ན།) མེ་ལྕེས་བལ་སྤུ་གཞོབ། གཞོབ་དྲེག་ཆགས། གཞོབ་དྲི་འཐུལ་ལྟ་བུ། |
| གཞོབ་དྲི |
སྤུ་དང་ཤ་རུས་སོགས་མེས་ཚིག་ནས་བྲོ་བའི་དྲི་ངན། |
| གཞོབ་པ |
(བྱེད་འབྲེལ་ལས་ཚིག) འཚིག་པ་སྟེ། (དཔེར་ན།) མར་མེའི་མེ་ལྕེས་སྐྲ་གཞོབ་ཡོང༌ཞེས་པ་ལྟ་བུ། |
| གཞོབས |
1.བཞབས་ཀྱི་སྐུལ་ཚིག་སྟེ། (དཔེར་ན།) དར་བའི་ཁར་གཡེང་བའི་མར་གཞོབས་ཤིག་ལྟ་བུ། 2.འཇབ་ཀྱི་མ་འོངས་པར་གཞབ་འབྲི་བའང་ཡོད། གཞབ་ལ་ལྟོས། |
| གཞོམ |
བཅོམ་གྱི་མ་འོངས་པ་སྟེ། (དཔེར་ན།) གཞོམ་བྱའི་དགྲ་རྫོང་གཞོམ་དགོས་ལྟ་བུ། |
| གཞོམ་གཞིག |
འཇིག་པའམ་བཅོམ་ལས་ཀྱི་མིང་སྟེ། (དཔེར་ན།) གཞོམ་གཞིག་མེད་པ་རྡོ་རྗེའི་བྲག་ལྟར་བརྟན། གཞོམ་གཞིག་བྲལ་བའི་ནམ་མཁའི་ཁྱོན་ཀུན་འགེངས་ལྟ་བུ། |
| གཞོར |
1.བཞར་བའི་སྐུལ་ཚིག་སྟེ། (དཔེར་ན།) སྐྲ་གཞོར་ཅིག་ལྟ་བུ། 2.(བརྡ་རྙིང་།) འཇོར་རམ། ཏོག་ཙེ། |
| གཞོར་བུ |
འཇོར་བུའམ། ཏོག་ཙེ་ཆུང་བ། |
| གཞོལ |
1.(བྱེད་མེད་ལས་ཚིག) ཐུར་དུ་འབབ་པའི་དོན་ཏེ། (དཔེར་ན།) རྟ་ལས་བབས་པ་ལ་རྟ་ལས་གཞོལ་ཟེར་བ་དང་། སའི་གཞོལ་ཕྱོགས། ཐུར་དུ་གཞོལ་ཞེས་པ་ལྟ་བུ། 2.(བྱེད་འབྲེལ་ལས་ཚིག) འབད་པ་བྱས་པའི་དོན་ཏེ། (དཔེར་ན།) སློབ་སྦྱོང་ལ་གཞོལ་ལྟ་བུ། |
| གཞོལ་བ |
1.(བྱེད་འབྲེལ་ལས་ཚིག) འབད་རྩོལ་གྱི་དོན་དུ་གོ་བའི་གཞོལ་བའི་བྱ་མིང།2.(བྱེད་མེད་ལས་ཚིག) གཡོལ་བའི་དོན་དུ་གཞོལ་བའི་བྱ་མིང་། |
| གཞོལ་བ་གསུམ་གྱི་བཟླས་པ |
བྱ་རྒྱུད་ཀྱི་བཟླས་བརྗོད་ཀྱི་དེ་ཁོ་ན་ཉིད་གསུམ་སྟེ། གཞི་ལ་གཞོལ་བ། སེམས་ལ་གཞོལ་བ། སྒྲ་ལ་གཞོལ་བའོ། ། |
| གཞོལ་མ |
ལུས་ཀྱི་རྩའི་བྱེ་བྲག་ཅིག |
| གཞོལ་འགྲོ་བ |
1.ཐུར་བབས་ཀྱིས་འགྲོ་བ་སྟེ། (དཔེར་ན།) ཆུ་བོ་ཐམས་ཅད་རྒྱ་མཚོར་གཞོལ་འགྲོ་བ་ཞེས་པ་ལྟ་བུ།2.(མངོན་བརྗོད།) ཆུ། |
| གཞོལ་འབབ |
(མངོན་བརྗོད།) ཆུ། |
| གཞོས |
བཞོས་པའི་སྐུལ་ཚིག་སྟེ། (དཔེར་ན།) བཞོན་མ་གཞོས་ཤིག་ལྟ་བུ། |
| གཟག་པ |
གཟགས་པའི་ད་ལྟ་བ་དང་མ་འོངས་པའི་འབྲི་ཚུལ་གཞན་ཞིག |
| གཟགས |
བཙགས་ཀྱི་ད་ལྟ་བ་ལ་གཟགས་འབྲི་བའང་ཡོད། |
| གཟགས་པ |
(བྱེད་འབྲེལ་ལས་ཚིག) གཡུག་གཡུག་བྱས་ནས་ཤུགས་ཀྱིས་ཕྱིར་འདོན་པ་དང༌གཏིག་པ་སྟེ། (དཔེར་ན།) མདོང་མོའི་ནང་གི་ཇ་གཟགས་པ། ཆུ་ཐིགས་ས་ལ་གཟགས་པ། སྨྱུག་མདོང་ནང་ནས་སྲན་མ་གཟགས་ཞེས་པ་ལྟ་བུ། |
| གཟང |
རྩེ་མོའམ་རྣོ། |
| གཟང་རིང |
རྩེ་རྣོ་ཞིང་རིང་བ་སྟེ། (དཔེར་ན།) ཚེར་མ་གཟང་རིང༌། སྙུང་བུ་གཟང་རིང༌། མདུང་གཟང་རིང༌། གྲི་གཟང་རིང༌ཞེས་པ་ལྟ་བུ། |
| གཟན |
1.གཟན་ཆས་ཀྱི་མིང་སྟེ། (དཔེར་ན།) བྱ་རྒོད་གཟན་ལ་འཁོར། སྔ་དྲོ་གཟན་ལ་འདུར། ཕྱི་དྲོ་ཚང་ལ་འདུར། དྲེད་ཀྱིས་གཟན་འཚོལ་ཞེས་པ་ལྟ་བུ། 2.བཟའ་བའི་རིགས་ཟ་མཁན་ཏེ། (དཔེར་ན།) ལྟོ་གཟན། ཤ་གཟན། རྩྭ་གཟན་ཞེས་པ་ལྟ་བུ། 3.ཟ་མཁན་ནམ་ལེན་མཁན་གྱི་དཔེ་སྟེ། (དཔེར་ན།) དཔོན་ངན་རྒྱུ་གཟན། རྡོ་གསེར་གཟན། གསེར་རྡོ་གཟན་ཞེས་པ་ལྟ་བུ། 4.གྲྭ་བ་སོགས་ཀྱི་སྟོད་གོས་གྲུ་བཞི་རིང་བོ་ཞིག་གི་མིང་། 5.(བྱེད་མེད་ལས་ཚིག) མྱོང་ཚོར་ཡིད་དུ་མི་འོང་བ་འབྱུང་བ་སྟེ། (དཔེར་ན།) བསྒོ་བ་རྣ་ལ་གཟན་པ། ཚིག་རྩུབ་རྣ་བར་གཟན། སྙིང་ལ་གཟན་པའི་ཚིག་ཅེས་པ་ལྟ་བུ།6.(རྒྱན་ཚིག) གདུག་རྩུབ་ཆེ་བའི་དོན་ཏེ། (དཔེར་ན།) ཚིག་གཟན་པོ་ཞེས་པ་ལྟ་བུ། 7.འཛའ་ཡི་མ་འོངས་པར་གཟན་འབྲི་བའང་ཡོད། |
| གཟན་གོད |
ཆུད་ཟོས་སུ་སོང་བ་དང་ཟད་པའི་དོན་ཏེ། (དཔེར་ན།) གྱོན་པ་གཟན་གོད་ཆེན་པོ་འདུག་ཅེས་པ་ལྟ་བུ། |
| གཟན་ཆག |
གཟན་པ་དང་ཆག་གི་བསྡུས་མིང༌། |
| གཟན་ཐག |
གྲྭ་པའི་གཟན་གྱི་ཕྱི་ནས་སྒྲོག་ཐག |
| གཟན་དྲོན |
ཟན་དྲོན་དང་འདྲ། |
| གཟན་པ |
1.(བྱེད་འབྲེལ་ལས་ཚིག) ཆུད་ཟོས་སུ་བཏང་བའི་དོན་དུ་གོ་བའི་གཟོན་པའི་འདས་པ་དང་མ་འོངས་པའི་འབྲི་སྲོལ་གཞན།2.(བྱེད་མེད་ལས་ཚིག) གནོད་པའམ་གཙེས་པ་སྟེ། (དཔེར་ན།) ཚེར་མ་རྐང་པ་ལ་གཟན་པ། སྙན་ལ་གཟན་པ། སྤྱོད་པ་མི་བཟང་བས་གྲོགས་ལ་གཟན་པ་ཞེས་པ་ལྟ་བུ།3.(བརྡ་རྙིང་།) གསན་པ། 4.དོན་མེད་གྲོན་ཆེ་བ་སྟེ། (དཔེར་ན།) ཟས་གོས་གཟན་པ་ལ་ཚོད་མི་འདུག་ཅེས་པ་ལྟ་བུ། |
| གཟན་པ་རྒྱག་པ |
རྟ་དྲེལ་སོགས་ལ་གཟན་པའམ་རྩྭ་སྟེར་བ་སྟེ། (དཔེར་ན།) རྟ་དྲེལ་ལ་ཆུ་བླུད་ནས་གཟན་པ་རྒྱག་ཅེས་པ་ལྟ་བུ། |
| གཟན་པོ |
1.གྲོན་ཆེ་བ་སྟེ། (དཔེར་ན།) ཟས་ལ་གཟན་པོ་ཡོང༌། ཟས་ལ་གཟན་པོ་ཡོང༌ཞེས་པ་ལྟ་བུ། 2.གནོད་པོའམ་རྩུབ་པོ་སྟེ། (དཔེར་ན།) ཚིག་རྩུབ་མོས་རྣ་བར་གཟན་པོ་བྱས་ཞེས་པ་ལྟ་བུ། |
| གཟན་རྒྱག |
ཆུད་ཟའི་གནོད་པ་སྟེ། (དཔེར་ན།) ནོར་རྫས་ལ་གཟན་རྒྱག་མ་བྱེད། གཟན་རྒྱག་ཆེན་པོ་བྱུང་འདུག་ཅེས་པ་ལྟ་བུ། |
| གཟན་རྩྭ |
རྟ་ཟོག་ར་ལུག་སོགས་གསོ་བྱེད་ཀྱི་རྩྭ། |
| གཟན་ཤམ |
གྲྭ་པའི་གཟན་དང་ཤམ་ཐབས་ཀྱི་བསྡུས་མིང༌། |
| གཟན་ཤིང |
གཟན་པ་དང་མེ་ཤིང༌། |
| གཟན་སྐྱུར |
གྲྭ་པའི་གཟན་གྱི་སྣེ་མོ་ཐུར་དུ་འབེབས་པའི་གུས་ཚུལ་ཞིག་སྟེ། (དཔེར་ན།) གྲྭ་པ་ཚོས་གཟན་སྐྱུར་ཕབ་ནས་དགའ་བསུ་གུས་འདུད་ཞུས་པ་ལྟ་བུ། |
| གཟན་སྒྲོག |
གྲྭ་གཟན་སྡོམ་བྱེད་ཀྱི་ཐག་པ། |
| གཟན་སྙིགས |
གནག་ཕྱུགས་ཀྱིས་རྩྭ་བཟས་པའི་སྙིགས་རོའམ་འཕྲོས། |
| གཟན་སྟན |
རབ་བྱུང་གི་གཟན་དང་གདན། |
| གཟན་སྡོམ |
གྲྭ་པའི་གཟན་གྱི་ཕྱི་ནས་སྒྲོག་ཐག |
| གཟན་སྣ་ལྔ |
རྒྱ་ལུ་ཆས་གྱོན་དུས་ཀྱི་གཟན། |
| གཟབ |
(བྱེད་འབྲེལ་ལས་ཚིག) གཟབས་པའི་ད་ལྟ་བ། རིག་པ་བསྒྲིམས་པ་དང་དོགས་ཟོན་བྱེད་པའི་དོན་ཏེ། (དཔེར་ན།) ནད་པས་ཟས་སྤྱོད་གཟབ། དགྲ་ལ་གཟབ། རྒྱུན་དུ་ཁ་ཚིག་གཟབ་ཅེས་པ་ལྟ་བུ། |
| གཟབ་གཟབ |
ནན་ཏན་གྱི་དོ་འཁུར་རམ་སྤྱོད་ལམ་སྒྲིམ་པོ་སྟེ། (དཔེར་ན།) བསམ་བློ་གཟབ་གཟབ་གཏོང་བ། ལམ་འཕྲང་དོག་སར་འགྲོ་དུས་གཟབ་གཟབ་བྱེད་དགོས་ཞེས་པ་ལྟ་བུ། |
| གཟབ་གཟབ་གཟེངས་གཟེངས |
(རྒྱན་ཚིག) དགའ་དགའ་གུས་གུས་སམ་དང་དང་དོད་དོད་དེ། (དཔེར་ན།) ངལ་རྩོལ་གཟབ་གཟབ་གཟེངས་གཟེངས་ཀྱིས་བྱས་པ། གཟབ་གཟབ་གཟེངས་གཟེངས་ཀྱིས་སྣེ་ལེན་ཞུས་པ་ལྟ་བུ། |
| གཟབ་གཟབ་ནན་ནན |
རིག་པ་བསྒྲིམས་པའི་བྱེད་སྟངས་ཏེ། (དཔེར་ན།) དོན་གནད་ཚང་མ་གཟབ་གཟབ་ནན་ནན་གྱིས་ཐག་གཅོད་བྱེད་པ་ལྟ་བུ། |
| གཟབ་གཟེངས |
(རྒྱན་ཚིག) གཟབ་གཟབ་གཟེངས་གཟེངས་ཀྱི་བསྡུས་ཚིག |
| གཟབ་གཤར |
བོད་ཡིག་གཟབ་མ་དབུ་ཅན་དང་གཤར་མ་དབུ་མེད་གཉིས། |
| གཟབ་གསོལ |
བོད་ལུགས་གཟབ་རྒྱས་ཀྱི་ལྷ་གསོལ་ཞིག |
| གཟབ་གོས |
གཟབ་སྤྲོས་རྒྱག་བྱེད་ཀྱི་གོས། |
| གཟབ་གོས |
མཆོར་གོས་ཀྱི་མིང་། |
| གཟབ་ནན |
གཟབ་གཟབ་ནན་ནན་ཏེ། (དཔེར་ན།) གྲོས་སྡུར་གཟབ་ནན་བྱེད་པ། གཟབ་ནན་གྱིས་ཉན་པ་ཞེས་པ་ལྟ་བུ། |
| གཟབ་པ |
(བྱེད་འབྲེལ་ལས་ཚིག) 1.གཟབས་པའི་ད་ལྟ་བའི་བྱ་མིང་། (དཔེར་ན།) ཟས་སྤྱོད་ལ་གཟབ་པ། སྣེ་ལེན་གཟབ་དགོས་ཞེས་པ་ལྟ་བུ།2.གཟོབ་པའི་མ་འོངས་པ། |
| གཟབ་བཞེས |
1.འཁྲི་ཁུར་དང་སྤྱོད་ལམ་གྱི་གཟབ་བརྩོན་ཏེ། (དཔེར་ན།) ཐུགས་ཁུར་གཟབ་བཞེས། འཕྲོད་བསྟེན་གཟབ་བཞེས་ཞེས་པ་ལྟ་བུ། 2.གཟབ་མཆོར་སྤྲས་པ། |
| གཟབ་བརྟན |
གཟབ་ནན་བརྟན་པོ་སྟེ། (དཔེར་ན།) མནོ་བསམ་གཟབ་བརྟན་གཏོང་བ་ཞེས་པ་ལྟ་བུ། |
| གཟབ་བཤར |
གཟབ་གཤར་དང་འདྲ། |
| གཟབ་མ |
ཡི་གེ་དབུ་ཅན་ནམ་ཡིག་དཀར། |
| གཟབ་མཆོར |
རྒྱན་གོས་ཡག་པོ་སྟེ། (དཔེར་ན།) གཟབ་མཆོར་སྤྲས་པ་ཞེས་པ་ལྟ་བུ། |
| གཟབ་འཆོས |
གཟབ་གཟབ་ཀྱིས་བྱ་བ་ལེགས་པོ་ཡོང་ཐབས་བྱེད་པ། |
| གཟབ་ཡིག |
བོད་ཡིག་དབུ་མེད་ཀྱི་ཡིག་གཟུགས་ཤིག་སྟེ། (དཔེར་ན།) བཀའ་ཤོག་སོགས་ལ་གཟབ་ཡིག་འབྲི་ཞེས་པ་ལྟ་བུ། |
| གཟབ་རྒྱས |
གཟབ་གཟབ་ཀྱི་རྒྱས་སྤྲོས་ཏེ། (དཔེར་ན།) གསོལ་སྟོན་གཟབ་རྒྱས་གཤོམ་པ་ཞེས་པ་ལྟ་བུ། |
| གཟབ་ལྷིང |
ལས་ཀ་གཟབ་གཟབ་བམ། བརྟན་པོའམ་ལྷིང་པོ་སྟེ། (དཔེར་ན།) བྲེལ་འཚབ་མེད་པར་གཟབ་ལྷིང་གི་སྒོ་ནས་མདུན་དུ་སྐྱོད་ཅེས་པ་ལྟ་བུ། |
| གཟབ་སྤྲས |
གོས་རྒྱན་སོགས་ལེགས་པར་བགོས་པའི་སྤྱོད་ལམ་སྟེ། (དཔེར་ན།) གར་པས་གཟབ་སྤྲས་བྱས་ལྟ་བུ། |
| གཟབ་སྤྲོས |
རྒྱན་གོས་གཟབ་མཆོར། |
| གཟབས་པ |
གཟོབ་པའི་འདས་པ། |
| གཟའ |
1.ཉི་མ་ཟླ་བ་སོགས་ཀྱི་གཟའ་སྟེ། (དཔེར་ན།) བླ་གཟའ། སྲོག་གཟའ། གཤེད་གཟའ་ཞེས་པ་ལྟ་བུ། 2.(མངོན་བརྗོད།) ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ་སྟེ་རེས་གཟའ་བདུན་ཡོད་པས་གྲངས་བདུན་མཚོན། |
| གཟའ་ཁྱིམ |
རྒྱུ་སྐར་གཟའི་སྡོད་གནས། |
| གཟའ་གདོན |
རཱ་ཧུ་ལ་སྟེ་གཟའ་གྲིབ་ཀྱི་ནད་གཏོང་མཁན་གདོན་འདྲེ་བྱེ་བྲག་པ་ཞིག |
| གཟའ་གནས་དྲུག |
གཟའ་གནས་དང༌། ཆུ་ཚོད། ཆུ་སྲང༌། དབུགས། རི་རོའི་ཆ་ཤས། རི་མཁའ་རིའི་ཆ་ཤས་ཏེ་དྲུག |
| གཟའ་གྲིབ |
སྒྲ་གཅན་གདོང་ཐུག་གི་གནོད་པ། |
| གཟའ་ངན་པ |
ནག་རྩིས་ཀྱི་བཤད་སྲོལ་ལ་གཤེད་གཟའ་སོགས་བཀྲ་མི་ཤིས་པའི་གཟའ་ལ་ཟེར། |
| གཟའ་ཉི་མ |
1.སྐར་རྩིས་ལུགས་ཀྱི་རེས་གཟའ་བདུན་གྱི་ནང་ཚན་ཐོག་མར་ཉི་མ་ནས་འགོ་འཛིན། ཉི་མ་ཐོག་མར་སྐྱེས་པའམ། སྟོང་པར་ཞུགས་རྗེས་ཐོག་མར་ཉི་མ་ནས་འགོ་འཛིན་པའི་རྒྱུ་མཚན་གྱིས་ཡིན། སྐྱེས་ཁྱིམ་ཀརྐཌ། སྐར་དྲུག་སྟེ་ནབས་སོའི་ཆུ་ཚོད་ཞེ་ལྔ། ཉི་མའི་ཞག་གསུམ་དཀྱིལ་འཁོར་དང་ཡུལ་ལོངས་ཀྱི་ཐད་ལའང་ལྟོས། 2.གཟའ་འཁོར་རེའི་ཞག་བདུན་པ། |
| གཟའ་དག |
རེས་གཟའ་དག་པ་སྟེ་ལྔ་བསྡུས་ཀྱི་ནང་གསེས། ཚེས་ལོངས་རྫོགས་མཚམས་ཀྱི་རེས་གཟའ་དང༌། ཆུ་ཚོད། ཆུ་སྲང་སོགས་གསལ་བར་སྟོན་པའོ། ། |
| གཟའ་དགུ |
ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ། སྒྲ་གཅན། མཇུག་རིང་སྟེ་གཟའ་དགུ། |
| གཟའ་དགུ་པ |
སྐར་མ་དུ་བ་མཇུག་རིང༌། |
| གཟའ་དུག |
1.རྩི་ཤིང་རིགས་ཤིག་སྲོག་ཆགས་ཉེ་འཁོར་དུ་སོང་བའམ་རེག་ན་དུག་ཕོག་ཅིང་། དུག་སེལ་དང་སྦྱོར་ཐབས་སོགས་འགྲིག་ན་སྨན་ཁྱད་པར་ཅན་ཞིག་ཡིན། བོད་ཉིང་ཁྲིའི་ནགས་གསེབ་ཏུ་ཡོད་ཟེར། 2.རྩ་དཀར་རམ་དབང་རྩ་དང་། ཁྲག་རྩ་དང་ཀླད་པ་སོགས་ལ་ནད་བྱུང་ནས་གློ་བུར་དུ་འགྱེལ་བ་དང་བརྒྱལ་བའམ། རྐང་ལག་བཤལ་བ་དང་དབང་བོ་ཉམས་པའི་ནད་དྲག་པོ་ཞིག་སྟེ། (དཔེར་ན།) གཟགས་ཕོག གཟའ་འཕར། གཟའ་བརྒྱབ་ལྟ་བུ། |
| གཟའ་དྷྲུ |
གཟའི་ཟླ་ལོངས་ཕྱོགས་གཅིག་ཏུ་དྲིལ་བ་ལ་གཟའི་དྷྲུ་ཝ་བརྩི་བྱའི་ཟླ་བ་སྔ་མའི་གནམ་སྟོང་གི་རེས་གཟའ་དང༌། ཚེས་ཞག་དེ་རྫོགས་མཚམས་ཀྱི་ཆུ་ཚོད་རྒྱུན་དང་བཅས་པ། |
| གཟའ་ནད |
གཟའ་བདུད་རཱ་ཧུ་ལས་གཏོང་བར་གྲགས་པའི་ནད་དེ། ཀླད་སྟེང་ཁྲག་རྩ་རྡོལ་ནས་ཁ་ལྐུགས་ཤིང་མིག་སླེ་བ་དང༌། གཞོགས་བཤལ་བ། ཚོར་བ་ཉམས་པ། དྲི་ཆེན་དང་དྲི་ཆུ་དབང་མེད་དུ་འཆོར་བ་བཅས་འབྱུང་བའི་ནད་ཅིག |
| གཟའ་པ་སངས |
1.རེས་གཟའ་བདུན་གྱི་དྲུག་པ། 2.གཟའ་འཁོར་རེའི་ཞག་ལྔ་པ། |
| གཟའ་ཕུར་བུ |
1.རེས་གཟའ་བདུན་གྱི་ནང་ཚན་ལྔ་པ། དེ་ནི་སྐར་མ་དཀར་ལ་དམར་བའི་མདངས་ཅན་ཞིག་ཡིན། སྐྱེས་ཁྱིམ་མེ་བཞིའི་ཆུ་ཚོད་ཐིག་ཉིན་དཀྱིལ་བཞི་སྟོང་སུམ་བརྒྱ་སོ་གཉིས། ཚེས་དཀྱིལ་བཞི་སྟོང་བཞི་བརྒྱ་མདའ་འདོད་དྲག་ཆ་དགུ་སྟོང་ལྔ་བརྒྱ་གྱ་བཞི། 2.གཟའ་འཁོར་རེའི་ཞག་བཞི་པ། 3.ལྷའི་བླ་མ་གཟའ་ཕུར་བུ་ནི་ལྷ་རྣམས་ལ་སྒྲ་རིག་པ་སློབ་མཁན་དགེ་རྒན་ཡིན་སྐད། |
| གཟའ་ཕོག་པ |
གཟའ་ནད་ཐེབས་པ། |
| གཟའ་ཕྱེད་དག་པ |
གཟའ་དག་གི་ཆེད་དུ་གཟའ་བར་ལ་ཟླ་རྐང་གིས་སྣོན་འཕྲི་བྱས་ནས་ཉི་རྐང་གིས་ད་དུང་སྣོན་འཕྲི་མ་བྱས་པས་ན་ཕྱེད་དག་ཟེར། |
| གཟའ་བཅུ |
ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ། སྒྲ་གཅན། དུས་མེ། མཇུག་རིང་བཅས་བཅུ། |
| གཟའ་བདུད་དཀར་པོ |
གཟའ་དུག་མེ་ཏོག་དཀར་པོ་འཆར་བ་ཞིག་ནུས་པ་གཟའ་དུག་དང་མཚུངས། |
| གཟའ་བདུད་ནག་པོ |
གཟའ་དུག་མེ་ཏོག་སྔོ་ནག་འཆར་བ་ཞིག་ནུས་པ་གཟའ་དུག་དང་མཚུངས། |
| གཟའ་བདུད་མགོ་དགུ |
སྔོ་སྨན་གཟའ་དུག་སྡོང་པོ་གཅིག་ལ་མེ་ཏོག་དགུ་འཆར་བ་ཞིག་ནུས་པ་གཟའ་དུག་དང་མཚུངས། |
| གཟའ་བདུན |
རེས་གཟའ་བདུན་ཏེ་ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ། |
| གཟའ་བར་བ |
གཟའ་དྷྲུ་ལ་རྟག་ལོངས་བྱིན་པས་གཟའ་བར་གྲུབ་ཀྱང་རྐང་ལོངས་སྣོན་འཕྲི་མ་བྱས་པས་ཉིན་ཞག་དེའི་རེས་གཟའ་དངོས་སུ་འགྱུར་མི་འགྱུར་ལ་ངེས་པ་མེད་པས་ན་བར་བ་སྟེ་ཕུང་གསུམ་པ་ཞེས་པའི་དོན་ནོ། ། |
| གཟའ་བརྒྱད་པ |
རཱ་ཧུ་ལའམ་གཟའ་སྒྲ་གཅན་ཏེ། སྔར་གྱི་བཤད་སྲོལ་ལ་ཉི་མ་ཟླ་བ་ཟ་མཁན་གྱི་གཟའ་ལ་ཟེར། |
| གཟའ་མཇུག་རིང |
སྐར་མ་དུ་བ་མཇུག་རིང༌། |
| གཟའ་མིག་དམར |
1.རེས་གཟའ་བདུན་གྱི་ནང་ཚན་གསུམ་པ། དེ་ནི་སྐར་མ་དམར་པོ་འོད་དམར་གསལ་ལེ་བ་ཞིག་ཡིན། སྐྱེས་ཁྱིམ་མཆུའི་ཆུ་ཚོད་སུམ་ཅུ། ཉིན་ཞག་དཀྱིལ་འཁོར་དྲུག་བརྒྱ་གྱ་བདུན། ཚེས་ཞག་དཀྱིལ་འཁོར་དྲུག་བརྒྱ་གོ་བདུན་མདའ་འདོད་དྲག་ཆ་ཆིག་ཁྲི་ཉིས་བརྒྱ་ཞེ་དགུ། 2.གཟའ་འཁོར་རེའི་ཞག་གཉིས་པ། |
| གཟའ་ཟླ་བ |
1.རེས་གཟའ་བདུན་གྱི་གཉིས་པ། 2.གཟའ་འཁོར་རེའི་ཞག་དང་པོ། |
| གཟའ་འཁོར |
གཟའ་བདུན་རེ་མོས་ཀྱིས་སླེབས་མཚམས། |
| གཟའ་འཛིན |
ཉི་ཟླ་གཟས་སྒྲིབ་པ་སྤྱིར་གནམ་སྟོང་སྟེ་ཉི་ཟླ་གཉིས་ཕྱོགས་གཅིག་ཏུ་འཆར་བའི་དུས་དེར་སྒྲ་གཅན་གདོང་མཇུག་གང་རུང་དང་གསུམ་འཛོམས་ཚེ་ཉི་འཛིན་འབྱུང་སྲིད་ལ། ཉ་གང་སྟེ་ཉི་ཟླ་གཉིས་ཁ་གཏད་དུ་འཆར་བའི་དུས་དེར་སྒྲ་གཅན་གདོང་མཇུག་དང་ཟླ་བ་གཉིས་འཛོམས་ཚེ་ཟླ་འཛིན་འབྱུང་སྲིད་ཀྱང༌། དེ་གསུམ་རླུང་འགྲོས་ཀྱི་བགྲོད་པ་མྱུར་དལ་དང་ལྷོ་དབུས་བྱང་གསུམ་གང་ལ་སྤྱོད་པ་མཐུན་ནམ་མི་མཐུན། སྐར་མ་གང་དང་གང་ལ་གནས་པ་སོགས་ལེགས་པར་བརྟག་དགོས་ཏེ། ས་ཚིགས་སོ་སོའི་དབང་གིས་འཛིན་ཆ་ཆེ་ཆུང་དུས་སྔ་ཕྱི་མཐོང་མི་མཐོང་མི་འདྲ་བ་སྣ་ཚོགས་འབྱུང་ངོ་། ། |
| གཟའ་ཡི་མུ་ཁྱུད |
(མངོན་བརྗོད།) གནམ་གྱི་དགུ་ཚིགས་སམ་གནམ་གྱི་སྐེ་རགས། |
| གཟའ་ཡི་རྟེན |
(མངོན་བརྗོད།) སྐར་མ་བརྟན་པ། |
| གཟའ་ཡི་རྣ་བ་འཛིན |
(མངོན་བརྗོད།) སྒྲ་གཅན། |
| གཟའ་ཡིས་བཟུང |
(མངོན་བརྗོད།) ཟླ་བ་གཟས་བཟུང་བ། |
| གཟའ་རཱ་ཧུ་ལ |
གཟའ་དགུའི་བརྒྱད་པ་སྒྲ་གཅན། |
| གཟའ་རོ |
གཟའ་ནད་བྱུང་ནས་ནད་རོ་ལུས་པའི་མི་ཕྱུགས། |
| གཟའ་རྒོད |
(མངོན་བརྗོད།) གཟའ་སྒྲ་གཅན། |
| གཟའ་ལྔ |
1.ཉི་ཟླ་གཉིས་མ་གཏོགས་པའི་རེས་གཟའ་ལྷག་མ་ལྔའམ་དེ་ལྔའི་བགྲོད་པ་རྩི་པའི་སྐར་རྩིས་རིག་པ་ཞིག་གི་མིང་སྟེ། (དཔེར་ན།) 《གཟའ་ལྔའི་རྩིས》 ཞེས་པ་ལྟ་བུ། 2.ལུས་སྨད་རྒྱ་མཚོར་ཟུག་ཅིང་མགོ་ལུས་ཧྲིལ་བོར་མིག་གིས་ཁེངས་ཕའི་ལྷ་མཐུ་བོ་ཆེ་ཞིག་གི་མིང་། |
| གཟའ་ལྷག་པ |
1.རེས་གཟའ་བདུན་གྱི་ནང་ཚན་བཞི་པ། དེ་ནི་སྐར་མ་དཀར་གསལ་གསེར་འོད་ཅན་ཞིག་ཡིན། ཉིན་དཀྱིལ་གྱ་བདུན་དང་བརྒྱ་ཆ་གོ་བདུན། ཚེས་དཀྱིལ་གྱ་དགུ་དང་བརྒྱ་ཆ་སོ་དྲག་མདའ་འདོད་དྲག་ཆ་དགུ་སྟོང་སུམ་བརྒྱ་དང་བཞི། སྐྱེས་ཁྱིམ་ས་གའི་ཆུ་ཚོད་སུམ་ཅུ། 2.གཟའ་འཁོར་རེའི་ཞག་གསུམ་པ། |
| གཟའ་སྐར |
ཉི་མ་སོགས་གཟའ་དང་བྲ་ཉེ་སོགས་རྒྱུ་སྐར། |
| གཟའ་སྐར་གནས |
(མངོན་བརྗོད།) ནམ་མཁའ། |
| གཟའ་སྐར་བཟང་པོ |
གཟའ་སྐར་གྱི་འཕྲོད་སྦྱོར་བཟང་པོ། |
| གཟའ་སྐར་མཁན |
རྩིས་པ། |
| གཟའ་སྐར་ཚེས་རྩིས |
གཟའ་སོགས་རྩི་ཐབས། |
| གཟའ་སྐར་རྒྱུ་ལམ |
(མངོན་བརྗོད།) གོ་ལའམ་ནམ་མཁའ། |
| གཟའ་སྒྲ་གཅན |
སྔར་གྱི་བཤད་སྲོལ་ལྟར་ཉི་མ་དང་ཟླ་བ་ཟ་མཁན་ཏེ་ལྷ་མ་ཡིན་གྱི་དབང་པོ། |
| གཟའ་སྤེན་པ |
1.རེས་གཟའ་བདུན་གྱི་ནང་ཚན་བདུན་པ། དེ་ནི་སྐར་མ་འོད་ཆུང་དཀར་ཤམ་མེ་བ་ཞིག་ཡིན་ཡང་འགྲོས་དལ་བས་ཕྱིར་ལོག་ལ་བརྟེན་ནས་ཞིབ་བརྟག་བྱས་ན་ངེས་ཐུབ་པ་ཞིག་ཡིན། སྐྱེས་ཁྱིམ་སྣྲུབས་ཀྱི་ཆུ་ཚོད། ཉིན་དཀྱིལ་ཆིག་ཁྲི་བདུན་བརྒྱ་རེ་དྲུག་ཚེས་དཀྱིལ་ཆིག་ཁྲི་དགུ་བརྒྱ་སོ་བདུན་མདའ་འདོད་དྲག་ཆ་ཆིག་སྟོང་བཞི་བརྒྱ་གོ་བདུན། 2.གཟའ་འཁོར་རེའི་ཞག་དྲུག་པ། |
| གཟའི་ཁམས |
ཉི་མ་མིག་དམར་མེ་ཡི་ཁམས། ཟླ་བ་ལྷག་པ་ཆུ་ཡི་ཁམས། པ་སངས་སྤེན་པ་ས་ཡི་ཁམས། ཕུར་བུ་སྒྲ་གཅན་རླུང་གི་ཁམས། ཞེས་པ་ལྟར་སྐར་རྩིས་པ་དང༌། ནག་རྩིས་པ་རྣམས་ཀྱིས་ཕུར་བུ་ཤིང་དང༌། པ་སངས་ལྕགས་ཡིན་པར་འདོད་པ་མ་གཏོགས་གཞན་འདྲའོ། ། |
| གཟའི་དྷྲུ་བ |
གཟའ་དྷྲུ་དང་དོན་གཅིག |
| གཟའི་ནང་གསེས་ཀྱི་བགྲོད་པ |
ཟླ་བའི་རང་འགྲོས་མྱུར་བས་ཉི་མའི་མདུན་ནས་འཆར་ཏེ་རྒྱབ་ཏུ་ནུབ། ལྷག་སངས་མཇུག་རིང་གསུམ་ཉི་མ་དང་ཉེ་བར་འགྲོགས་ཤིང་རང་འགྲོས་ཚུལ་གྱིས་ཉི་མའི་མདུན་རྒྱབ་ཅི་རིགས་ནས་འཆར་ནུབ་བྱེད་པས་སྲོད་དང་ཐོ་རེངས་ཙམ་མ་གཏོགས་མི་མཐོང་ལ། དྲག་གཟའ་གསུམ་རང་འགྲོས་བུལ་བས། ཉི་མའི་རྒྱབ་ནས་འཆར་ཏེ་མདུན་དུ་ནུབ་པས་མཚན་ཕྱེད་ལའང་མཐོང་ངོ་། ། |
| གཟའི་བདག་པོ |
(མངོན་བརྗོད།) ཉི་མ། |
| གཟའི་མུ་ཁྱུད |
གཟའ་ཡི་མུ་ཁྱུད་དང་དོན་གཅིག |
| གཟའི་རྟག་ལོངས |
དེ་ལ་ཞག་གསུམ་གྱི་རྟག་ལོངས་གསུམ་ཡོད་ཅིང༌། དེ་ལས་ཚེས་ཞག་ནི་ཚེས་ཞག་གཅིག་གི་ཡུན་ཚད་ཆ་མཉམ་ན་ཆུ་ཚོད་ང་དགུ། ཆུ་སྲང་གསུམ། དབུགས་བཞི་རི་མཁའ་རིའི་ཆ་ཤས་བཅུ་དྲུག |
| གཟའི་རྟེན |
གཟའ་ཡི་རྟེན་དང་དོན་གཅིག |
| གཟའི་རྣ་བ་འཛིན |
གཟའ་ཡི་རྣ་བ་འཛིན་དང་དོན་གཅིག |
| གཟར |
1.བཟར་གྱི་མ་འོངས་པ་སྟེ། (དཔེར་ན།) གཟར་བྱའི་ལྭ་བ་གཟར་དགོས་ལྟ་བུ། 2.སྒ་འོག་གི་སྟན་གྱི་བྱེ་བྲག་ཅིག |
| གཟར |
1.ཐུར་ལ་འཕྱང་དུ་བཅུག་པའི་དོན་དུ་གོ་བའི་འཛར་གྱི་མ་འོངས་པ། 2.ཆུ་སོགས་འཛག་པའི་དོན་དུ་གོ་བའི་འཛར་གྱི་མ་འོངས་པ། 3.གཟར་བོ་ཡི་ཚིག་བསྡུས་པ། |
| གཟར་ཆེན |
རྟ་སྒའི་འོག་ཏུ་འདིང་རྒྱུའི་གོས་ཆེན་གྱི་སྟན་ཞིག |
| གཟར་ཐག |
ཡོ་བྱད་འགེལ་སའི་ལུང་ཐག་གམ་གཟེར་ཐག |
| གཟར་བ |
(བྱེད་འབྲེལ་ལས་ཚིག) འགེལ་བ་སྟེ། (དཔེར་ན།) བླ་གོས་ཕྲག་པར་གཟར། འབེན་གཟར་བ་ལྟ་བུ། |
| གཟར་བུ |
ཐུག་པ་སོགས་བླུག་བྱེད་ཤིང་ལས་བཟོས་པ་ཞིག་སྟེ། (དཔེར་ན།) དཀའ་ལས་སྐྱ་བས་བརྒྱབ་ནས་ལོངས་སྤྱོད་གཟར་བུས་བྱས་ཞེས་པ་ལྟ་བུ། མིང་གི་རྣམ་གྲངས་ལ་སྐྱོགས་དང༌། ལག་སྐྱོགས། ཤིང་སྐྱོགས་བཅས་སོ། ། |
| གཟར་བུ་མགོ |
(མངོན་བརྗོད།) སྦྲུལ། |
| གཟར་བོ |
(རྒྱན་ཚིག) ཐུར་དུ་བསེགས་ཚད་ཆེ་བའི་དོན་ཏེ། (དཔེར་ན།) རི་གཟར་བོ། ལ་གཟར་བོ་ཞེས་པ་ལྟ་བུ། ཚིག་བསྡུས་ན་གཟར་ཞེས་འབྲི་ཆོག་བྲག་གཟར། རི་གཟར་ཞེས་པ་ལྟ་བུ། |
| གཟར་མགོ |
ཐ་མག་གམ་དུ་བ་འཐེན་སྤྱད་དགང་གཟར་གྱི་མགོ། |
| གཟར་མོ |
གཟར་པོ་དང་དོན་གཅིག |
| གཟར་ཡུ |
ཐ་མག་འཐེན་བྱེད་དགང་གཟར་གྱི་ཀན་ཙེའམ་མདའ། |
| གཟར་རུ |
(ཡུལ་སྐད།) ཤིང་སྐྱོགས་ཏེ། (དཔེར་ན།) རྩམ་པའི་གཟར་རུ། ཐུག་པའི་གཟར་རུ་ཞེས་པ་ལྟ་བུ། |
| གཟར་སྟན |
སྒ་འོག་གི་སྟན། |
| གཟལ་བ |
(བརྡ་རྙིང་།) བཀས་པ། |
| གཟས |
1.(བྱེད་འབྲེལ་ལས་ཚིག་འདས་པ) སྦྱོར་བ་བརྩམས་པའམ་གྲ་སྒྲིག་བྱས་པ་སྟེ། (དཔེར་ན།) རྡེག་པར་གཟས། ཟ་བར་གཟས་ལྟ་བུ། མ་འོངས་པ་དང་ད་ལྟ་བར་གཟའ་འབྲི་རྡེག་པར་གཟའ་གཟའ་བྱས་ལྟ་བུ། 2.(བྱེད་མེད་ལས་ཚིག) དམིགས་ཡུལ་གཅིག་ལ་གཏད་པའི་དོན་ཏེ། (དཔེར་ན།) ཕུགས་འདུན་ལ་གཟས་ནས་སློབ་སྦྱོང་དུ་སོང་། གཟས་ནས་སློབ་གྲྭར་སོང་ལྟ་བུ། |
| གཟས་པ |
(བྱེད་འབྲེལ་ལས་ཚིག) ཁ་གཏོད་པ་དང་སྡིག་པ་དང་རྩོམ་པ་བཅས་ཀྱི་དོན་ཏེ། (དཔེར་ན།) མདའ་འབེན་ལ་གཟས་པ། རྡུང་རྡེག་བྱེད་པར་གཟས་པ། བྱ་བར་གཟས་པ། དེ་ལ་རལ་གྲི་བརྡེག་པར་གཟས་པ་ན། ཐད་དུ་གཟས་པ་ཞེས་པ་ལྟ་བུ། |
| གཟས་འཛིན |
གཟའ་འཛིན་དང་དོན་གཅིག |
| གཟས་ས |
(ཡུལ་སྐད།) འབྲོག་པའི་རྟ་ནོར་ར་ལུག་སོགས་འཚོ་ཡུལ། |
| གཟི |
1.གཏེར་ཁ་ནས་ཐོན་པའི་རིན་པོ་ཆེ་ཁྲ་བོ་ཞིག་གི་མིང་སྟེ། མཆོང་ཡང་ཟེར། 2.འོད་མདངས་སམ་བཀྲག་མདངས་ཀྱི་མིང་སྟེ། (དཔེར་ན།) ཉི་མའི་གཟི་མདངས། གོས་ཀྱི་གཟི་མདངས་ཞེས་པ་ལྟ་བུ། |
| གཟི་དོམ |
གདོན་གནོད་སེལ་ཞིང་མིག་ཁྲག་འཇོམས་པ་དང་གཟི་བྱིན་སྐྱེད་པའི་དོམ་ར་ཁྱད་པར་བ་ཞིག |
| གཟི་པང |
གསེར་རིས་ལ་གཟི་འོད་འདོན་དུས་ལག་གདན་གྱི་པང་ལེབ་བམ་ཤིང་ལེབ། |
| གཟི་བརྗིད |
ཁྱད་པར་དུ་འཕགས་པའི་བཟོ་ལྟ་དང་གོ་དོན་ཁྱད་པར་བའི་མིང་སྟེ། (དཔེར་ན།) ཁང་ཆེན་གཟི་བརྗིད་ཅན། ལུས་གཟི་བརྗིད་འབར་བ། ལས་དོན་གཟི་བརྗིད་ཅན་ཞེས་པ་ལྟ་བུ། |
| གཟི་བརྗིད་ཅན་གྱི་རྒྱན |
དོན་རྒྱན་གྱི་ནང་གསེས་ཤིག་འགའ་ཞིག་དཔའ་བའི་རྒྱན་གྱིས་རང་ཉིད་གཟི་བརྗིད་ཆེ་ཆེ་དང་གཞན་དག་ཉམ་ཆུང་ཆུང་ལྟར་སྟོན་པའི་རྒྱན་ཞིག་ལྟ་བུ། |
| གཟི་བརྗིད་ཆེ་བ |
1.བཀྲག་མདངས་སམ་རྔམ་ཟིལ་ཆེ་བ། 2.མངོན གཞོན་ནུ་གདོང་དྲུག |
| གཟི་བརྗིད་ཆེན་པོ |
1.རྔམ་ཟིལ་ཆེ་བའམ་བཀྲག་མདངས་ཆེན་པོ། 2.སངས་རྒྱས་ཤིག་གི་མཚན། |
| གཟི་བརྗིད་སྐྱེས |
(མངོན་བརྗོད།) གསེར། |
| གཟི་བྱིན |
བཀྲག་མདངས་ཏེ། (དཔེར་ན།) གཟི་བྱིན་གྱི་དཔལ། གཟི་བྱིན་ཉམས་པ། གཟི་བྱིན་ཆེན་པོ་ཞེས་པ་ལྟ་བུ། |
| གཟི་མ |
མིག་ལྕིབས་ཀྱི་མཐར་སྐྱེས་པའི་སྤུའི་མིང་། |
| གཟི་མཐུ |
གཟི་བརྗིད་ཀྱི་ནུས་པ་སྟེ། (དཔེར་ན།) གཟི་མཐུ་ཉིན་རེ་ལས་ཉིན་རེ་ཇེ་ཆེར་འགྲོ་བ་ཞེས་པ་ལྟ་བུ། |
| གཟི་མདངས |
1.ལུས་ཀྱི་བཀྲག་མདངས། 2.ཉི་ཟླ་སོགས་ཀྱི་འོད་ཟེར་ཏེ། (དཔེར་ན།) ནུབ་ཕྱོགས་གངས་རི་དཀར་པོ་གཟི་མདངས་རྒྱས་ཞེས་པ་ལྟ་བུ། 3.སངས་རྒྱས་ཤིག་གི་མཚན། |
| གཟི་མིག་དགུ་པ |
རིན་ཆེན་གཟི་མཆོག་གྱུར་མིག་རིས་དགུ་པ་ཅན། |
| གཟི་ཞགས |
རིན་ཆེན་གཟིའི་ཕྲེང་བ། |
| གཟི་འོད |
གཟི་བརྗིད་དང་འོད་ཟེར་ཏེ། (དཔེར་ན།) ཉི་ཟླའི་གཟི་འོད། གློག་གི་གཟི་འོད་ཅེས་པ་ལྟ་བུ། |
| གཟི་རིས |
གསེར་ཆུ་བྱུགས་པའི་སྟེང་དུ་གཟི་ཡིས་བྲིས་པའི་རི་མོ། |
| གཟི་རྒྱག་པ |
གསེར་རིས་ལ་གཟི་ཡིས་བརྡར་ཏེ་འོད་འདོན་པ། |
| གཟི་རྔམ |
གཟི་བརྗིད་དང་ཟིལ་ཤུགས་ཏེ། (དཔེར་ན།) སེང་གེས་གཅན་གཟན་དང་རི་དྭགས་གཞན་ལ་གཟི་རྔམ་སྟོན་པ་ཞེས་པ་ལྟ་བུ། |
| གཟི་རྙིང |
རྡོ་སྨན་ཞིག |
| གཟི་རྡོ |
1.རྡོ་སྨན་ཞིག 2.རྡོ་སྨན་ཞིག་ནུས་པས་བུ་སྣོད་ཀྱི་དྲོད་སྐྱེད། |
| གཟི་ལོག |
མིག་ཞར་རམ་མིག་བཟོ་དབྱིབས་འཁྱོལ་བ་སྟེ། (དཔེར་ན།) ཕྲུ་གུ་དེའི་མིག་གཟི་ལོག་རེད་ཅེས་པ་ལྟ་བུ། |
| གཟིག |
སྤུ་མདོག་སེར་སྐྱའམ་དམར་སེར་གྱི་སྟེང་དུ་ཐིག་ལེ་ཟླུམ་པོའམ་ཟུར་གསུམ་ནག་ཐིག་སོགས་ཀྱིས་ཁྱབ་པ། མཆོང་མཁས་ཤིང་སྡོང་བོར་འཛེག་ཐུབ་པ། གཟན་དུ་ཤ་བ་དང་སྤྲེའུ་སོགས་བཟའ་བའི་གཅན་གཟན་གཏུམ་པོ་ཞིག་ཡིན། སྐབས་འགར་སྒོ་ཕྱུགས་དང་ཁྱི་ཡང་ཟ། དེའི་པགས་པ་ནི་པགས་རིགས་རྩ་ཆེན་ཞིག་ཡིན། |
| གཟིག་ཐིག་མ |
གཟིག་ལྤགས་ཀྱི་ཐིག་ལེའི་རིས་ཅན་ཏེ། (དཔེར་ན།) སྣམ་བུ་གཟིག་ཐིག་མ། རུམ་གདན་གཟིག་ཐིག་མ་ཞེས་པ་ལྟ་བུ། |
| གཟིག་རིས |
གཟིག་ལྤགས་ཀྱི་ཐིག་རིས། |
| གཟིག་ལྤགས |
གཟིག་གི་པགས་པ་སྟེ། (དཔེར་ན།) གཟིག་ལྤགས་བཀབ་པའི་བོང་བུ་ཡིས། ལོ་ཐོག་ཟོས་མཐར་གཞན་གྱིས་བསད་ཅེས་པ་ལྟ་བུ། |
| གཟིག་ཤུབས |
གཟིག་ལྤགས་ལས་བཟོས་པའི་མདའ་ཤུབས། |
| གཟིག་སྒམ |
(ཡུལ་སྐད།) གཟིག་འཛིན་བྱེད་ས་དོང་ནང་གི་རྡོ་སྒམ། |
| གཟིག་སློག |
གཟིག་ལྤགས་ཀྱི་གྱོན་པ་ཞིག |
| གཟིགས |
(བྱེད་འབྲེལ་ལས་ཚིག) ལྟ་བ་དང་མཐོང་བའི་ཞེ་ས་སྟེ། (དཔེར་ན།) ལྟད་གཟིགས། དམག་གཟིགས་ཞེས་པ་ལྟ་བུ། |
| གཟིགས་པ |
(བྱེད་འབྲེལ་ལས་ཚིག) 1.མཐོང་བ་དང་ལྟ་བའི་ཞེ་ས་སྟེ། (དཔེར་ན།) རྟ་ཐོག་ནས་གྲོག་མ་གཟིགས་པ། བོང་བ་གསེར་གཟིགས། སྤྱན་གྱིས་གཟིགས་ནས་ཞལ་ནས་འདི་སྐད་གསུང༌། གཟིགས་མོར་གཟིགས་ཤིག གཟིགས་འཚལ་ཞེས་པ་ལྟ་བུ། 2.རྟོགས་པའི་ཞེ་ས་སྟེ། (དཔེར་ན།) བདེན་དོན་ཡང་དག་པར་གཟིགས་པ། ཐུགས་རྗེས་གཟིགས་རོགས་གནང༌ཞེས་པ་ལྟ་བུ། 3.ཉོ་བའི་ཞེ་ས་སྟེ། (དཔེར་ན།) ཐུགས་མཁོ་ཡོ་བྱད་ཚང་མ་གཟིགས་གྲུབ་བམ་ཞེས་པ་ལྟ་བུ། |
| གཟིགས་པ་གཡོ་རྟེན |
ཞུ་ཡིག་དང་མཉམ་དུ་འབུལ་རྒྱུའི་ཁ་བཏགས་དང་དངོས་རྫས་ཏེ། (དཔེར་ན།) ཞུ་ཡིག་ལ་གཟིགས་པ་གཡོ་རྟེན་མཚོན་ཙམ་བཅས་གུས་པས་ཕུལ་ཞེས་པ་ལྟ་བུ། |
| གཟིགས་པ་ཆེན་པོ |
1.མཐོང་ཆེན་པོའམ་གཙིགས་ཆེན་པོའམ་ཧ་ཅང་དགའ་པོ་བྱེད་པ། 2.སངས་རྒྱས་ཤིག་གི་མཚན། |
| གཟིགས་པ་རྣམ་པ་ལྔ |
གཟིགས་པ་ལྔ་ལྡན་དང་དོན་གཅིག |
| གཟིགས་པ་ལྔ་ལྡན |
རྒྱལ་བ་དམ་པ་ཏོག་དཀར་གྱི་གཟིགས་པ་ལྔ་སྟེ།་ཡུལ་སེར་སྐྱ་དང༌། རིགས་རྒྱལ་པོ། རུས་བུ་རམ་ཤིང་པ་ཤཱཀྱའི་རྒྱུད། ཡུམ་སྒྱུ་མ་ལྷ་མཛེས། དུས་སྙིགས་མ་ལྔ་བདོ་བཅས་ལ་གཟིགས་པ་ལྔའོ། ། |
| གཟིགས་པ་སྒྲིབ་མེད་དག་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཚིག་གི་དོན་ཤིན་ཏུ་རྣམ་པར་དག་པ་སྟོན་པས་སྤྱན་གྱི་གཟིགས་པ་རབ་རིབ་མེད་ཅིང་རྣམ་པར་དག་པའོ། ། |
| གཟིགས་བཟོས |
བྱས་རྗེས་ཀྱི་ལེགས་སྐྱེས། |
| གཟིགས་བཟོས་གསོལ་རས |
བྱས་རྗེས་ཀྱི་ལེགས་སྐྱེས། |
| གཟིགས་བཟོས་ཉེས་འགེལ |
བྱས་རྗེས་བདག་རྐྱེན་སྤྲོད་པ་དང་བྱས་ཉེས་ལ་ཉེས་ཆད་འགེལ་བ། |
| གཟིགས་བཟོས་ཡིག་རིགས |
བྱས་རྗེས་འཇོག་མཁན་ལ་བདག་རྐྱེན་གནང་བའི་བཀའ་གཏན་ཚིགས། |
| གཟིགས་བཟོས་རྟགས་མ |
བྱས་རྗེས་འཇོག་མཁན་ལ་གནང་བའི་རྟགས་མ། |
| གཟིགས་བཟོས་སྐུལ་ལྕག |
གཟི་བརྗིད་མཚན་སྙན་ནམ་ལེགས་སྐྱེས་གནང་སྟེ་སྐུལ་ལྕག་གཏོང་བ། |
| གཟིགས་བྱང |
ཡི་གེའི་ཁ་བྱང༌། |
| གཟིགས་བྱེད |
(མངོན་བརྗོད།) མིག |
| གཟིགས་མཁྱེན་སྤྲིང་ཡིག |
རྒྱལ་ཁབ་ཅིག་གིས་རང་གི་བསམ་འཆར་རྒྱལ་ཁབ་གཞན་ཞིག་ལ་བཏང་བའི་ཕྱི་འབྲེལ་ཡི་གེ། |
| གཟིགས་མཆན |
དཔེ་ཆའི་རྩ་བ་ཡིག་ཆེན་ལ་ཡིག་ཆུང་གི་མཆན་ཡོད་པ། |
| གཟིགས་མོ |
ལྟད་མོ། |
| གཟིགས་ཚུལ |
ལྟ་སྟངས་སམ་མཁྱེན་ཚུལ་ཏེ། (དཔེར་ན།) གཟིགས་ཚུལ་སྣ་ཚོགས་འབྱུང་སྲིད། དགོངས་དོན་ཟབ་མོར་གཟིགས་ཚུལ་ཅི་ཞིག་བྱུང་ངམ་ཞེས་པ་ལྟ་བུ། |
| གཟིགས་ཞིབ |
མིག་གིས་བལྟས་ཏེ་ཞིབ་འཇུག་བྱེད་པ་སྟེ། (དཔེར་ན།) གཟིགས་ཞིབ་སྡིངས་ཆ་ཞེས་པ་ལྟ་བུ། |
| གཟིགས་འབུལ |
1.གཟིགས་ཞིབ་ཏུ་འབུལ་བ། 2.གཟིགས་མོ་འབུལ་བ། 3.གཟིགས་ཕུད་འབུལ་བ་སྟེ། (དཔེར་ན།) དཔེ་དེབ་གསར་བསྐྲུན་སྣ་ཚོགས་གཟིགས་འབུལ་ཞུ་བ་ལྟ་བུ། |
| གཟིགས་འཚལ |
གཟིགས་པར་མཛོད། |
| གཟིགས་རྟེན |
ཞུ་ཡིག་དང་མཉམ་དུ་འབུལ་རྒྱུའི་ཁ་བཏགས་དང་དངོས་རྫས་ཏེ། (དཔེར་ན།) གཟིགས་རྟེན་སྟོང་མིན་ཙམ་ཞིག་ཕུལ་ཡོད་ཅེས་པ་ལྟ་བུ། |
| གཟིགས་རྟོག |
གཙོ་བོ་མཐོ་གྲས་སོགས་དམག་དཔུང་དང་མི་མང་གི་སྔུན་དུ་ཕེབས་ནས་ལྟ་རྟོག་བྱེད་པའི་ཆོ་ག་ཞིག |
| གཟིགས་སྐྱོང |
བརྩེ་བས་སྐྱོང་བ་སྟེ། (དཔེར་ན།) ནད་པར་གཟིགས་སྐྱོང༌། སྔོན་གཤེགས་དཔའ་བོའི་ཁྱིམ་མི་དང་དམག་མིའི་ནང་མི་རྣམས་ལ་གཟིགས་སྐྱོང་གནང་ཞེས་པ་ལྟ་བུ། |
| གཟིང |
གཟེང་གི་འབྲི་ཚུལ་གཞན། |
| གཟིང་བ |
(བྱེད་མེད་ལས་ཚིག) ཟང་ཟིང་དུ་ལངས་པ་སྟེ། (དཔེར་ན།) སྨ་ར་དང་སྨིན་མ་གྱེན་དུ་གཟིང་བ་ཞེས་པ་ལྟ་བུ། |
| གཟིངས |
1.ཆུ་ཐོག་ཏུ་ཤིང་གདུང་མའམ་སྨྱུག་མ་བསྒྲིགས་ཏེ་བརྩིགས་ནས་འདྲེན་པའི་ཡོ་བྱད་དེ། (དཔེར་ན།) ཤིང་རྣམས་ཆུ་ཐོག་གཟིངས་བཅས་ཏེ་དྲངས་པ་ཡིན་ཞེས་པ་ལྟ་བུ། མིང་གི་རྣམ་གྲངས་ལ་ཆུ་གཏེར་ལམ་དང༌། གཟིངས་ཆེན་ནོ། 2.གྲུ་གཟིངས་སམ་གྲུ་རྫིངས། |
| གཟིངས་པ |
གཟིང་བའི་འདས་པ། |
| གཟིམ |
(བྱེད་འབྲེལ་ལས་ཚིག) གཟིམས་པའི་མ་འོངས་པ་དང་ད་ལྟ་བ། མལ་དུ་ཉལ་བ་དང་གཉིད་ལོག་པའི་ཞེ་ས་སྟེ། (དཔེར་ན།) མལ་དུ་གཟིམ་པར་བྱ། མནལ་དུ་གཟིམ་ལྟ་བུ། |
| གཟིམ་ཁང |
རྒྱུན་དུ་འདུག་སའི་ཁང་བའི་ཞེ་ས། |
| གཟིམ་གཡོག |
སྔར་སྐུ་དྲག་གི་མདུན་ལ་རྒྱུན་དུ་གཡོག་རྒྱུག་མཁན། |
| གཟིམ་ཆུང |
སྡོད་སའི་ཁང་མིག་ཆུང་གྲས། |
| གཟིམ་ཆུང་བ |
གཟིམ་ཁང་བཀོད་སྒྲིག་དང་ཉར་ཚགས་བྱེད་པར་ཆེད་བསྐོས་ཀྱི་མི། |
| གཟིམ་དཔོན |
གཟིམ་ཁང་བཀོད་སྒྲིག་པའི་འགོ་དཔོན། |
| གཟིམ་དམག |
གཟིམ་ཆུང་བ་སྟེ། སྔར་ས་རྟེན་ལ་འཁྲི་བའི་བོད་སྔ་རབས་པའི་ཆས་གོས་ཅན་གྱི་དམག་མི། |
| གཟིམ་པ |
གཟིམས་པའི་ད་ལྟ་བའི་བྱ་མིང་། |
| གཟིམ་འགག |
སྔར་བླ་མ་གོ་གནས་མཐོན་པོ་ཡོད་པ་ཚོའི་སྡོད་སའི་ཁང་པའི་སྒོ་འགྲམ་དུ་ལྟ་སྲུང་བྱེད་མཁན་ཏེ། ཕལ་ཆེ་བ་མི་བྱིངས་ལས་གཟུགས་སྟོབས་ཆེ་བ་ཤ་སྟག་ཡོད། |
| གཟིམས |
1.གཟིམ་པའི་འདས་པ་དང་སྐུལ་ཚིག་སྟེ། (དཔེར་ན།) མལ་དུ་གཟིམས་ནས་ངལ་གསོས་ལྟ་བུ།2.ཉལ་འདུག་དང་འབྲེལ་བའི་མིང་འགའི་སྔོན་དུ་སྦྱར་ནས་ཞེ་སའི་མིང་བཟོ་བའི་ཚིག་གྲོགས་ཤིག་སྟེ། (དཔེར་ན།) གཟིམས་སྒོ། གཟིམས་ཁང༌། གཟིམས་ཆས་ལྟ་བུ། |
| གཟིམས་ཁང |
མལ་སའི་ཁང་པའམ་སྡོད་སའི་ཁང་པ། |
| གཟིམས་ཁེབས |
ཉལ་ཆས་འགེབས་བྱེད། |
| གཟིམས་ཁྲི |
ཉལ་ཁྲི། |
| གཟིམས་གུར |
ཉལ་སའམ་སྡོད་སའི་རས་གུར། |
| གཟིམས་ཆས |
མལ་ཆའམ་ཉལ་ཆས། |
| གཟིམས་ཐུལ |
ཟླ་གམ་མམ་ཐུལ་བ། |
| གཟིམས་པ |
གཟིམས་པའི་འདས་པའི་བྱ་མིང་། |
| གཟིམས་ཕྲུག |
ཉལ་གཟན་སྤུ་རིང་ཅན། |
| གཟིམས་མལ |
ཉལ་གནས་སམ་ཉལ་ས། |
| གཟིམས་མལ་བ |
སྔར་བོད་རྒྱལ་པོའི་ཉལ་ཁང་རང་ལ་གཡོག་བྱེད་མཁན་ཏེ་ཕྱིས་ཀྱི་གཟིམ་དཔོན་དང་འདྲ་བ་ཞིག |
| གཟིམས་འབོག |
མལ་ཆས་བླུག་སྣོད་འབོག་འཇོལ། |
| གཟིམས་རྐྱོང |
ཉལ་བའི་སྐབས་འདིང་རྒྱུའི་རྐྱོང་གདན། |
| གཟིམས་ལམ |
རྨི་ལམ་གྱི་ཞེ་ས་སྟེ། (དཔེར་ན།) གཟིམས་ལམ་བརྟག་པ་ཞེས་པ་ལྟ་བུ། |
| གཟིམས་ཤག |
ཁང་ཁྱིམ་གྱི་ཞེ་ས། |
| གཟིམས་ས |
ཉལ་སའི་ཞེ་ས། |
| གཟིམས་སྒོ་མཚན་འབྱར་མ |
ཁང་པའི་སྒོ་མིང་བྱང་ཅན། |
| གཟིར |
(བྱེད་འབྲེལ་ལས་ཚིག) མནར་བ་དང་ཨར་ལ་གཏད་པ་སྟེ། (དཔེར་ན།) ལུས་སེམས་གདུང་བས་གཟིར། ནད་ཀྱིས་གཟིར། དབུལ་བོ་བུ་ལོན་གྱིས་གཟིར་ལྟ་བུ། |
| གཟིར་བ |
1.(བྱེད་འབྲེལ་ལས་ཚིག) གཟིར་བའི་བྱ་མིང་།2.གཟས་པ་དང་ཁ་གཏོད་པའམ་སྣུན་པ་སྟེ། (དཔེར་ན།) འབེན་ལ་གཟིར་ནས་མེ་སྒྱོགས་རྒྱག་པ། དགྲ་བོའི་སྙིང་ཁར་མཚོན་ཆས་གཟིར་བ་ཞེས་པ་ལྟ་བུ། |
| གཟིར་བལྟས |
སྡིགས་སྟངས་ཀྱིས་བལྟས་པའམ་ཁྲོས་པའི་ལྟ་སྟངས། |
| གཟིལ |
(རྒྱན་ཚིག) སྐྲག་ནས་ལུས་ཀྱི་བ་སྤུ་གཟེངས་པ་དང་མཉམ་དུ་བྱུང་བའི་མྱོང་ཚོར་རིགས་ཤིག་སྟེ། (དཔེར་ན།) གཟིལ་བུན་པ། ལུས་གཟིལ་བུན་པ་ཞིག་བྱུང་ལྟ་བུ། |
| གཟུ |
1.ཕྱུགས་འདོགས་བྱེད་དང་ས་མཚམས་ཀྱི་རྟགས་སོགས་བྱེད་པའི་ཀ་བ་ལྟ་བུའི་མིང་། 2.གཟུ་བོ་ཡི་མིང་མཐའ་བསྡུས་པ། |
| གཟུ་དཔང |
ཤན་འབྱེད་དམ་བར་གྱི་དཔང་པོ། |
| གཟུ་པ |
རྩོད་གླེང་འགྲིག་འདུམ་བྱེད་མཁན་གྱི་མི། |
| གཟུ་བཟང |
རྒྱ་གར་གྱི་རྒྱལ་པོ་ཞིག་གི་མིང༌། |
| གཟུ་བོ |
1. རྩོད་གླེང་བར་འདུམ་བྱེད་མཁན། 2. དྲང་པོ་སྟེ། (དཔེར་ན།) བློ་གཟུ་བོར་གནས་པ། གཟུ་བོའི་ཚིག་ལ་བརྩི་བཀུར་བྱེད་པ། གཟུ་བོའི་བྱ་བ་བྱེད་པ། གཟུ་ལོག་ཁྲིམས་ལོག་ཅེས་པ་ལྟ་བུ། |
| གཟུ་བློ |
སེམས་དྲང་པོ་སྟེ། (དཔེར་ན།) བདག་བསྟོད་གཞན་སྨོད་མི་བྱེད་པར། གཟུ་བློའི་གཏམ་གྱིས་ཐམས་ཅད་དགའ་ཞེས་པ་ལྟ་བུ། |
| གཟུ་བློན |
བདེན་རྫུན་དབྱེ་བའི་བློན་པོ་དྲང་པོ། |
| གཟུ་མས་བཀོད |
གཤམ་འོག་ནས་ཐག་གཅོད་པ་སྟེ། (དཔེར་ན།) ལུགས་དང་འགལ་བའི་གཟུ་མས་བཀོད་བྱས་མི་ཆོག་ཅེས་པ་ལྟ་བུ། |
| གཟུ་འཚོ་མ |
(བརྡ་རྙིང་།) སྨད་འཚོང་མ། |
| གཟུ་ལུམ |
1.ཚུལ་འཆོས། 2.རང་བཟོ་གཟུ་ལུམ་སྨྲ་བ་སྟེ། (དཔེར་ན།) སུམ་རྟགས་དོན་གྱི་བརྡ་སྤྲོད་དང༌འབྲེལ་མེད་གཟུ་ལུམ་ནོར་བ་རེད་ཅེས་པ་ལྟ་བུ། 3.མ་བརྟགས་པའི་སྤྱོད་པ། |
| གཟུ་ལུམ་ཅན |
1.བརྟག་དཔྱད་ཞིབ་འཇུག་མ་བྱས་པར་སྐད་ཆ་བཤད་མཁན་དང་ལས་ཀ་བྱེད་མཁན། 2.རང་བཟོ་ཅན། |
| གཟུག |
1.བཙུགས་པའི་མ་འོངས་པ་སྟེ། (དཔེར་ན།) གཟུག་བྱའི་ཤིང་སྡོང་ཞེས་པ་ལྟ་བུ། 2.ཤ་ཁོག་གཅིག་ཆ་བཞིར་བགོས་པའི་ཆ་གཅིག་སྟེ། ཤ་ཁོག་གཅིག་ལ་སྟོད་གཟུག་གཉིས་དང་སྨད་གཟུག་གཉིས་ཡོད། |
| གཟུགས |
1. གཟུགས་སུ་རུང་བའི་དངོས་པོ་རེག་པས་གཟུགས་སུ་ཡོད་པ་དང༌། ཡུལ་སྤྱད་པས་གཟུགས་སུ་ཡོད་པའི་ཆོས་ཏེ། བེམ་པོ་དང། སྒྲ། དྲི། རོ། རེག་བྱ་སྤྱིའི་མིང་། 2.ལུས་ཕུང་གི་མིང་སྟེ། (དཔེར་ན།) མི་གཟུགས་རིང་། རྟ་གཟུགས་ཆེན་ཞེས་པ་ལྟ་བུ། 3.དབྱིབས་དང་ཁ་དོག་སོགས་དངོས་པོ་སྤྱིའི་མིང་སྟེ།་ (དཔེར་ན།) མིག་གིས་གཟུགས་མཐོང་ལྟ་བུ།4.(མངོན་བརྗོད།) གཟུགས་ཀྱི་ཕུང་པོ་གཅིག་ཏུ་ངེས་པས་གྲངས་གཅིག་མཚོན། |
| གཟུགས་ཀྱི་ཁམས་བཅུ |
ཁམས་བཅོ་བརྒྱད་ལས་གཟུགས་ཀྱི་ཕུང་པོའི་ཆར་གཏོགས་པ་བཅུ་སྟེ། མིག་གི་ཁམས་ནས་ལུས་ཀྱི་ཁམས་བར་གྱི་ཡུལ་ཅན་དབང་པོ་ལྔ་དང༌། གཟུགས་ཀྱི་ཁམས་ནས་རེག་བྱའི་ཁམས་བར་གྱི་ཡུལ་དོན་ལྔ་སྟེ་བཅུའོ། ། |
| གཟུགས་ཀྱི་གླུད |
ནད་པའི་སྲོག་ཚབ་ཏུ་གླུད་དུ་གཏོང་བའི་འདྲ་གཟུགས། |
| གཟུགས་ཀྱི་ཆུང་མཐའ |
རྡུལ་ཕྲ་རབ། |
| གཟུགས་ཀྱི་ཉི་མ |
སྔར་གྱི་གཏམ་རྒྱུད་དུ་དྲང་སྲོང་ཞིག་གི་བུ་མོ་གཟུགས་ཀྱི་ཉི་མ་ཟེར་བ་དེ་རྒྱལ་པོས་བཙན་ཤེད་བྱས་ནས་བཙུན་མོར་ཁྲིད་སྐབས་ཕ་རྒན་གྱི་བསླབ་བྱ་བརྗེད་ཅིང༌། མི་ངན་དང་འགྲོགས་ཏེ་དོགས་ཟོན་མ་བྱས་པས་མགོ་སྐོར་ཐེབས་རྐྱེན་རྒྱལ་པོས་རྒྱང་འབུད་བཏང་བ་དང་ཕྱིས་སུ་མི་ངན་དེ་རྣམས་འགྱོད་སེམས་སྐྱེས་ཏེ་སྔར་བྱས་གཡོ་སྒྱུའི་སྡིག་པ་མཐོལ་བཤགས་ཀྱིས་བུ་མོ་ལ་བཟོད་གསོལ་ཞུས་པ་ལྟར་ཡང་བསྐྱར་ཕོ་བྲང་དུ་ལོག་པའི་སྒྲུང་གི་ལོ་རྒྱུས་གཞིར་བཞག་གིས་བསྒྲིགས་པའི་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག |
| གཟུགས་ཀྱི་ཕུང་པོ |
ཕུང་པོ་ལྔའི་ཡ་གྱལ་ཞིག་སྟེ། རྒྱུ་གཟུགས་དང་འབྲས་གཟུགས་སོགས་གཟུགས་སུ་རུང་བའི་དངོས་པོ་དུ་མ་སྤུངས་པའམ་འདུས་པའོ། ། |
| གཟུགས་ཀྱི་ཟླ་བོ |
མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| གཟུགས་ཀྱི་འཇིག་རྟེན |
གཟུགས་ཁམས་ཀྱི་སྣོད་བཅུད། |
| གཟུགས་ཀྱི་རྡུལ་ཕྲ་རབ |
གཟུགས་ཅན་རྣམས་ཀྱི་རྩོམ་གཞིའི་ཕྲ་རྡུལ། |
| གཟུགས་ཀྱི་ལྷ |
ཟླ་དཀྱིལ་སྔགས་ཕྲེང་དང་བཅས་པ་ལས་འོད་ཟེར་སྤྲོ་བསྡུས་སངས་རྒྱས་ཀྱི་མཛད་པ་བསྒྲུབས་ཏེ་ཟླ་བ་སྔས་དང་བཅས་པ་ཡོངས་སུ་གྱུར་པ་ལས་སྤྱན་ལ་སོགས་པས་ཕྱེ་བའི་ཞལ་ཕྱག་ཡོངས་སུ་རྫོགས་པའི་རིགས་ཀྱི་ལྷ་དེ་དང་དེའི་གཟུགས་སུ་བསྒོམ་པ། བྱ་རྒྱུད་ལྷ་དྲུག་གི་ནང་གསེས་ཤིག |
| གཟུགས་ཀྱི་སྐྱེ་མཆེད |
ཕྱིའི་སྐྱེ་མཆེད་དྲུག་གི་ནང་གསེས་ཤིག་མིག་ཤེས་ཀྱི་ཡུལ་དུ་གྱུར་པ་དབྱིབས་དང་ཁ་དོག་གིས་བསྡུས་པའི་གཟུགས་རྣམས་སོ། ། |
| གཟུགས་ཀྱི་སྙེ་མ |
(མངོན་བརྗོད།) སྨད་འཚོང་མའི་གཙོ་མོ། |
| གཟུགས་ཀྱིས་འཚོ |
(མངོན་བརྗོད།) སྨད་འཚོང་མ། |
| གཟུགས་ཁམས |
1.ལུས་ཁམས། 2.རི་རབ་ཀྱི་སྟེང་གི་བར་སྣང་ལ་གནས་བཅས་པའི་བསམ་གཏན་དང་པོ་ནས་བཞི་པའི་བར་གྱི་གནས་རིས་རྣམས་ཏེ། དྭངས་པའི་རང་བཞིན་གྱི་འོད་ལུས་དང་ལྡན་པ་དང༌། འདོད་པ་ལས་འདོད་ཆགས་དང་བྲལ་ཞིང་གཟུགས་ལ་འདོད་ཆགས་དང་བཅས་པའོ། ། |
| གཟུགས་ཁམས་ཀྱི་གནས་བཞི |
གཟུགས་ཁམས་ཀྱི་ལྷ་རྣམས་ཀྱི་གནས་བཞི་བསམ་གཏན་དང་པོའི་གནས་དང༌། བསམ་གཏན་གཉིས་པའི་གནས་དང༌། བསམ་གཏན་གསུམ་པའི་གནས་དང༌། བསམ་གཏན་བཞི་པའི་གནས་ཏེ་བཞིའོ། ། |
| གཟུགས་ཁམས་ཀྱི་མཐོང་སྤང་ཉེར་བརྒྱད |
གཟུགས་ཁམས་སུ་ཁོང་ཁྲོ་མེད་པས། འདོད་ཁམས་ཀྱི་མཐོང་སྤང་སོ་གཉིས་ལས་བདེན་བཞིའི་སྤང་བྱ་ཁོང་ཁྲོ་བཞི་དོར་བའི་ལྷག་མ་ཉེར་བརྒྱད། |
| གཟུགས་ཁམས་ཀྱི་ས་བཞི |
གཟུགས་ཁམས་ཀྱི་གནས་བཞི་དང་དོན་གཅིག |
| གཟུགས་ཁམས་ཀྱི་སྒོམ་སྤང་གསུམ |
གཟུགས་ཀྱི་ཁམས་སུ་སྒོམ་ལམ་གྱི་སྤང་བྱ་མ་རིག་པ་དང༌། འདོད་ཆགས། ང་རྒྱལ་བཅས་གསུམ། |
| གཟུགས་ཁམས་ཀྱི་སྒོམ་སྤང་བརྒྱ་བརྒྱད་ཅུ |
གཟུགས་ཁམས་ཀྱི་སྒོམ་སྤང་ལྔ་པོ་དེ་བསམ་གཏན་བཞི་པོ་རེ་རེ་ནས་ཆེན་པོའི་ཆེན་པོ་སོགས་སྒོམ་སྤང་སྐོར་དགུས་ཕྱེ་བས་བརྒྱ་དང་བརྒྱད་ཅུ། |
| གཟུགས་ཁམས་ཀྱི་སྒོམ་སྤང་ལྔ |
གཟུགས་ཀྱི་ཁམས་སུ་སྒོམ་ལམ་གྱིས་སྤང་བར་བྱ་བ་མ་རིག་པ་དང༌། འདོད་ཆགས། ང་རྒྱལ། འཇིག་ལྟ། མཐར་ལྟ་བཅས་སོ། ། |
| གཟུགས་ཁམས་གནས་རིས་བཅུ་བདུན |
བསམ་གཏན་དང་པོའི་གནས་རིས་གསུམ་དང༌། བསམ་གཏན་གཉིས་པའི་གནས་རིས་གསུམ་དང༌། བསམ་གཏན་གསུམ་པའི་གནས་རིས་གསུམ་དང༌། བསམ་གཏན་བཞི་པའི་གནས་རིས་བརྒྱད་དེ་བཅུ་བདུན་ནོ། ། |
| གཟུགས་ཁམས་བཅུ་དྲུག |
དུས་འཁོར་གྱི་ལུགས་སུ། རི་རབ་ཀྱི་དཔྲལ་བའི་ཆ་བཞི་ལ། འོག་མིན་དང༌། ཤིན་ཏུ་མཐོང༌། མི་གདུང་བ། མི་ཆེ་བ་བཅས་བཞི་གནས། སྣ་ཡི་ཆ་བཞིར། འབྲས་བུ་ཆེ། བསོད་ནམས་སྐྱེས། སྤྲིན་མེད། དགེ་རྒྱས་བཅས་བཞི་གནས། ཀོས་ཀོའི་ཆ་བཞི་ལ། ཚད་མེད་དགེ། དགེ་ཆུང༌། འོད་གསལ། ཚད་མེད་འོད་བཅས་བཞི་གནས། མགྲིན་པའི་སུམ་ཆ་ཡན་ལ། འོད་ཆུང༌། ཚངས་ཆེན། མདུན་ན་འདོན། ཚངས་རིས་བཅས་བཞི་གནས། |
| གཟུགས་ཁམས་བཞི |
བསམ་གཏན་དང་པོ་དང༌། གཉིས་པ། གསུམ་པ། བཞི་པ་བཅས་ཀྱི་གནས་བཞི། |
| གཟུགས་གཞི |
མི་སོགས་ཀྱི་ལུས་པོའམ་ཕུང་པོ་སྟེ། (དཔེར་ན།) བདག་ཅག་གཟུགས་གཞི་བདེ་པོ་ཡིན་ཞེས་པ་ལྟ་བུ། |
| གཟུགས་གཤིས |
གཟུགས་ཐང་ལོད་ཀྱི་ཚད་དམ་གཤིས་ཀ། |
| གཟུགས་གྲུབ་རྟགས་མཚན |
མདོག་དབྱིབས་ཅན་གྱི་རྣམ་འགྱུར་རམ་ཡོངས་མཐོང་གི་རྟགས་མཚན། |
| གཟུགས་ངན |
ཡིད་དུ་མི་འོང་བའི་གཟུགས། |
| གཟུགས་ཅན |
གཟུགས་དང་ལྡན་པ་ཐམས་ཅད། |
| གཟུགས་ཅན་གཟུགས་ལ་ལྟ་བའི་རྣམ་ཐར |
རྣམ་པར་ཐར་པ་བརྒྱད་ཀྱི་ནང་གསེས་ཤིག་བདག་རང་གི་གཟུགས་སྔར་མ་བཤིག་པར་ཕྱི་རོལ་གྱི་གཟུགས་སྟོང་པར་འཇིག་ཅིང་སུན་འབྱིན་པའི་ཏིང་ངེ་འཛིན་ནོ། ། |
| གཟུགས་ཅན་གྱི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་དངོས་པོ་ཞིག་དཔེའི་གཟུགས་སུ་བཀོད་ཅིང༌། དེ་ཉིད་ཀྱང་དཔེ་གཞན་གྱི་གཟུགས་ཅན་དུ་སྦྱོར་བའི་རྒྱན་ཞིག |
| གཟུགས་ཅན་གྱི་དངོས་པོ |
རེག་རྒྱུ་དང་མཐོང་རྒྱུ་ཡོད་པ་མཐའ་དག |
| གཟུགས་ཅན་གྱི་རྒྱན |
དཔེ་དང་དོན་གྱི་དངོས་པོ་གཉིས་ཕན་ཚུན་ཐ་དད་མ་ཡིན་པར་གཟུགས་གཅིག་གི་ངོ་བོར་དབྱེར་མེད་དུ་སྦྱོར་བའི་རྒྱན་ཞིག་སྟེ། ནང་གསེས་རྣམ་གྲངས་ཉི་ཤུ་ཐམ་པ་ནི། བསྡུས་པའི་གཟུགས་ཅན། མ་བསྡུས་པའི་གཟུགས་ཅན། བསྡུས་ཤིང་མ་བསྡུས་པའི་གཟུགས་ཅན། མཐའ་དག་གཟུགས་ཅན། ཆ་ཤས་གཟུགས་ཅན། ཆ་ཤས་ཅན་གྱི་གཟུགས་ཅན། ཡན་ལག་གཅིག་པའི་གཟུགས་ཅན། ལྡན་པའི་གཟུགས་ཅན། ལྡན་མིན་གཟུགས་ཅན། མི་མཉམ་པའི་གཟུགས་ཅན། ཁྱད་པར་ཅན་གྱི་གཟུགས་ཅན། འགལ་བའི་གཟུགས་ཅན། རྒྱུའི་གཟུགས་ཅན། སྦྱར་བའི་གཟུགས་ཅན། དཔེའི་གཟུགས་ཅན། ལྡོག་པ་ཅན་གྱི་གཟུགས་ཅན། འགོག་པའི་གཟུགས་ཅན། མཉམ་འཇོག་གི་གཟུགས་ཅན། གཟུགས་ཅན་གྱི་གཟུགས་ཅན། བསྙོན་དོར་གྱི་གཟུགས་ཅན་རྣམས་སོ། ། |
| གཟུགས་ཅན་མ |
(མངོན་བརྗོད།) མཛེས་མ། |
| གཟུགས་ཅན་མ་ཡིན་པ |
དབྱིབས་དང་ཁ་དོག་གི་རྣམ་པ་ཅན་མ་ཡིན་པ་སྟེ་མིག་གིས་མཐོང་རྒྱུ་མེད་པའི་གྲས། |
| གཟུགས་ཅན་མ་ཡིན་པའི་ཕུང་པོ |
ཚོར་བ་དང༌། འདུ་བྱེད། འདུ་ཤེས། རྣམ་ཤེས་ཏེ་བཞི། |
| གཟུགས་ཅན་མ་ཡིན་པའི་སེམས་ཅན |
གཟུགས་མེད་ཁམས་པ། |
| གཟུགས་ཅན་སྙིང་པོ |
སངས་རྒྱས་དང་དུས་མཉམ་པའི་རྒྱལ་པོ་ཞིག |
| གཟུགས་ཐུང |
གཟུགས་དཀྱུས་ཐུང་ཐུང༌། |
| གཟུགས་དང་བ |
རྣམ་པར་ཤེས་པའི་རྟེན་ཅན་གྱི་དབང་པོ། |
| གཟུགས་དབྱིབས |
1.ཐོགས་རེག་བྱར་རུང་བའི་དབྱིབས་གཟུགས་ཏེ། (དཔེར་ན།) གྲུ་བཞི་དང་ཟླུམ་པོ། ལེབ་ལེབ། རིལ་རིལ་སོགས་ལྟ་བུ། 2.ལུས་པོའི་བཟོ་ལྟ་སྟེ། (དཔེར་ན།) ལུས་རིང་པོ་དང་ཐུང་ཐུང༌། མཛེས་པ་དང་མི་མཛེས་པ་སོགས་ལྟ་བུ། |
| གཟུགས་དྭངས་པ |
དབང་པོའི་ཁམས་དྭངས་པ། |
| གཟུགས་པ |
འཛུགས་པའི་མ་འོངས་པ། |
| གཟུགས་པོ |
ལུས་སམ་ཕུང་པོ་སྟེ། (དཔེར་ན།) གཟུགས་པོ་ཐང་པོ། གཟུགས་པོ་སྐྱོ་པོ། གཟུགས་པོ་འོར་ལྷུང༌། གཟུགས་ཁོག་རྒས་པ། གཟུགས་པོ་ལ་བདག་གཅེས་ལེགས་པོ་བྱེད་ཅེས་པ་ལྟ་བུ། |
| གཟུགས་པོ་འཁོར་བ |
(ཡུལ་སྐད།) མའི་མངལ་དུ་ཕྲུ་གུ་ཆགས་པ། |
| གཟུགས་ཕུང |
1.མིའི་རོ། 2.གཟུགས་ཀྱི་ཕུང་པོའི་བསྡུས་མིང༌། |
| གཟུགས་ཕྲ་བ |
རྡུལ་ཕྲ་རབ། |
| གཟུགས་ཕྲ་མོ |
1.ལུས་པོ་ཕྲ་མོའམ་ཆུང་ཆུང༌། 2.རྡུལ་ཕྲན་ལྟ་བུའི་གཟུགས། 3.བར་དོའི་ཡིད་ལུས། 4.འོད་ཀྱི་ལུས། |
| གཟུགས་བཅོས |
1.ལྷ་སྐུ་སོགས་བཟོས་པ། 2.དངོས་གནས་མ་ཡིན་པའི་གཟུགས། |
| གཟུགས་བཟང |
ཡིད་དུ་འོང་བའི་བྱད་གཟུགས། |
| གཟུགས་བརྙན |
1.མེ་ལོང་དང་ཆུ་སོགས་ནང་གི་འཆར་གཟུགས་ཏེ། (དཔེར་ན།) ཁྲོན་པ་ཤིན་ཏུ་གཏིང་རིང་བ་ཞིག་གི་ཁར་སེང་གེ་སོང་བ་ན་ཆུ་ནང་དུ་རང་གི་གཟུགས་བརྙན་མཐོང་ཞེས་པ་ལྟ་བུ།2.མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| གཟུགས་བརྙན་གྱི་དཀྱིལ་འཁོར |
གསང་སྔགས་སྒྲུབ་པའི་བྱ་བའམ་རྒྱུད་ཀྱི་དངོས་པོ་ཞིག་རྟེན་གཞལ་ཡས་ཁང་གྲུ་བཞི་སྒོ་བཞི་རྟ་བབས་ཁང་བརྩེགས་ཏོག་དང་བཅས་པ་དང༌། བརྟེན་པ་ལྷའི་ས་བོན་དང༌། ཕྱག་མཚན། ཞལ་ཕྱག་སོགས་རྡུལ་ཚོན་དང༌། རས་བྲིས། ཚོམ་བུའི་རྣམ་པར་བཀོད་པའི་གཟུགས་སོ། ། |
| གཟུགས་བརྙན་གྱི་དགའ་བ |
དགའ་བའི་རྒྱན་གྱི་ནང་གསེས་ཤིག་དགའ་བ་སྐྱེ་བའི་རྒྱུ་དངོས་གཟུགས་མཐོང་བ་མ་ཡིན་པར་གཟུགས་བརྙན་ཙམ་མཐོང་བ་ལས་དགའ་བ་སྐྱེས་པར་སྟོན་པའི་རྒྱན་ཞིག |
| གཟུགས་བརྙན་འཆར་བྱེད |
(མངོན་བརྗོད།) མེ་ལོང༌། |
| གཟུགས་བརྙན་སྐྱེ་གནས |
(མངོན་བརྗོད།) མེ་ལོང༌། |
| གཟུགས་བྱད |
གཟུགས་པོ་དང་གདོང༌སྟེ། (དཔེར་ན།) གཟུགས་བྱད་མཛེས་པ། གཟུགས་བྱད་ངན་པ་ཞེས་པ་ལྟ་བུ། |
| གཟུགས་མང |
(མངོན་བརྗོད།) 1>ཁྱབ་འཇུག 2 >ཉི་མ། 3 >འདོད་ལྷ། 4 >སྤྱན་རས་གཟིགས། 5 >དབང་ཕྱུག་ཆེན་པོ། |
| གཟུགས་མངས |
(མངོན་བརྗོད།) སྤོས་དཀར། |
| གཟུགས་མཆོག |
1.གཟུགས་བཟང་པོ་མཆོག་ཏུ་གྱུར་པ། 2.(མངོན་བརྗོད།) ལོངས་སྤྱོད་རྫོགས་པའི་སྐུ། 3.སངས་རྒྱས་ཤིག་གི་མཚན། |
| གཟུགས་མཉམ |
མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| གཟུགས་མཚུངས |
མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| གཟུགས་མཛེས |
ཡིད་དུ་འོང་བའི་གཟུགས་ཏེ། མིང་གི་རྣམ་གྲངས་ལ་སྙིང་དུ་སྡུག་པ་དང༌། སྙིང་དུ་འབབ་པ། སྙིང་པོ་ལྡན། བལྟ་བས་ཆོག་མི་ཤེས་པ། བལྟ་བས་མི་ངོམས། ཐུན་མོང་མིན་པ། མཐོང་ན་དགའ། སྡུག་གུ། མིག་ཏུ་འཐད། མིག་ལ་མངར། མཚར་བ། མཚར་སྡུག་མཛེས་སྡུག་གཟུགས་བཟང་བ། ཡན་ལག་མཆོག་ལྡན། ཡིད་གར་འོང༌། ཡིད་དགའ། ཡིད་འཕྲོག་ཡིད་འོང༌། ལུས་མཆོག་ལྡན། ལུས་མཛེས་པ། ལེགས་པ། ཤིན་ཏུ་སྡུག་ཤིན་ཏུ་མཛེས་བཅས་སོ། ། |
| གཟུགས་མི་སྡུག་པ |
ལུས་མི་མཛེས་པ་སྟེ། (དཔེར་ན།) ནང་ལ་ཡོན་ཏན་ཡོད་ན་ཕྱིའི་གཟུགས་མི་སྡུག་ཀྱང་སྐྱོན་མེད་ཅེས་པ་ལྟ་བུ། |
| གཟུགས་མེད་ཀྱི་རྣམ་ཐར་བཞི |
གཟུགས་མེད་སྐྱེ་མཆེད་མུ་བཞིའི་ཏིང་ངེ་འཛིན་ཤེས་རབ་མཚུངས་ལྡན་དང་བཅས་པ། གཟུགས་ཁམས་དང་རང་ས་འོག་མའི་ཟག་བཅས་ཀྱི་ཆགས་པ་ལས་ཐར་བར་བྱེད་པའི་སྙོམས་འཇུག་བཞི་ནམ་མཁའ་མཐའ་ཡས་སྐྱེ་མཆེད་ཀྱི་རྣམ་ཐར་དང༌། རྣམ་ཤེས་མཐའ་ཡས་སྐྱེ་མཆེད་ཀྱི་རྣམ་ཐར་དང༌། ཅི་ཡང་མེད་པའི་སྐྱེ་མཆེད་ཀྱི་རྣམ་ཐར་དང༌། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་རྣམ་ཐར་རྣམས་སོ། ། |
| གཟུགས་མེད་ཁམས |
ནམ་མཁའ་མཐའ་ཡས་ནས་སྲིད་པའི་རྩེ་མོའི་བར་གྱི་སྐྱེ་མཆེད་མུ་བཞི་དེ་དག་ལ་ཡིད་གཟུགས་དྭངས་པ་ཙམ་ལས་རགས་གཟུགས་མེད་ཅིང༌། འདོད་གཟུགས་ལས་འདོད་ཆགས་དང་བྲལ་ཞིང་གཟུགས་མེད་ལ་འདོད་ཆགས་དང་བཅས་པའོ། ། |
| གཟུགས་མེད་ཁམས་ཀྱི་མཐོང་སྤང་ཉེར་བརྒྱད |
གཟུགས་མེད་ཁམས་སུ་ཁོང་ཁྲོ་མེད་པས། འདོད་ཁམས་ཀྱི་མཐོང་སྤང་སོ་གཉིས་ལས་བདེན་བཞིའི་སྤང་བྱ་ཁོང་ཁྲོ་བཞི་དོར་བའི་ལྷག་མ་ཉེར་བརྒྱད་དོ། ། |
| གཟུགས་མེད་ཁམས་ཀྱི་སྒོམ་སྤང་གསུམ |
གཟུགས་མེད་ཁམས་སུ་སྒོམ་ལམ་གྱི་སྤང་བྱ་མ་རིག་པ་དང༌། འདོད་ཆགས། ང་རྒྱལ་བཅས་གསུམ། |
| གཟུགས་མེད་ཁམས་ཀྱི་སྒོམ་སྤང་བརྒྱ་བརྒྱད་ཅུ |
གཟུགས་མེད་ཀྱི་སྒོམ་སྤང་ལྔ་པོ་དེ་གཟུགས་མེད་ཀྱི་ས་བཞི་པོ་རེ་རེ་ནས་ཆེན་པོའི་ཆེན་པོ་སོགས་སྒོམ་སྤང་སྐོར་དགུས་ཕྱེ་བས་བརྒྱད་དང་བརྒྱད་ཅུ། |
| གཟུགས་མེད་ཁམས་ཀྱི་སྒོམ་སྤང་ལྔ |
གཟུགས་མེད་ཁམས་ཀྱི་སྒོམ་ལམ་གྱིས་སྤང་བར་བྱ་བ་མ་རིག་པ་དང༌། འདོད་ཆགས། ང་རྒྱལ། འཇིག་ལྟ། མཐར་ལྟ་བཅས་ལྔ། |
| གཟུགས་མེད་ཁམས་བཞི |
གཟུགས་མེད་སྐྱེ་མཆེད་མུ་བཞི་དང་དོན་གཅིག་ |
| གཟུགས་མེད་གཟུགས་ལ་ལྟ་བའི་རྣམ་ཐར |
རྣམ་པར་ཐར་པ་བརྒྱད་ཀྱི་ནང་གསེས། བདག་རང་གི་གཟུགས་ཆ་ཤས་ཀྱིས་སྟོང་པར་བཤིག་པ་ནི་ནང་གཟུགས་མེད་པར་འདུ་ཤེས་པ་དང༌། ཕྱི་རོལ་གྱི་གཟུགས་སྣམ་བུ་དང་བུམ་པ་ལ་སོགས་པ་སྟོང་པར་སུན་འབྱིན་པའོ། ། |
| གཟུགས་མེད་གྲིབ་ཆགས |
སྐྱོན་མེད་པ་ལ་ཡོད་པར་མངོན་པའི་དཔེ། |
| གཟུགས་མེད་གྲིབ་བཟོ |
སྐྱོན་མེད་སྐྱོན་འདོགས་ཏེ། (དཔེར་ན།) རང་གིས་མངོན་སུམ་མཐོང་ཐོས་མེད་པར་གཟུགས་མེད་གྲིབ་བཟོ་མ་བྱེད་ཅེས་པ་ལྟ་བུ། |
| གཟུགས་མེད་དུ་ཉེ་བར་འགྲོ་བ |
ཕྱིར་མི་འོང་འབྲས་གནས་ཁྱད་པར་ཅན་གྱི་ནང་གསེས། གཟུགས་ཁམས་སུ་མི་འཇུག་པར་གཟུགས་མེད་དུ་སྐྱེས་ནས་འདའ་བའོ། ། |
| གཟུགས་མེད་པའི་ས་བཞི |
གཟུགས་མེད་སྐྱེ་མཆེད་མུ་བཞི་དང་དོན་གཅིག |
| གཟུགས་མེད་བཞི |
ནམ་མཁའ་མཐའ་ཡས། རྣམ་ཤེས་མཐའ་ཡས། ཅི་ཡང་མེད་པ། ཡོད་མིན་མེད་མིན་བཅས་བཞི། |
| གཟུགས་མེད་རིགས་བཞི |
ནམ་མཁའ་མཐའ་ཡས་དང༌། རྣམ་ཤེས་མཐའ་ཡས། ཅི་ཡང་མེད། སྲིད་རྩེ་བཅས་བཞིའོ། ། |
| གཟུགས་མེད་རྣམ་ཐར |
ཀུན་དཀྲིས་མངོན་གྱུར་པ་བྲལ་བར་མཐུན་པར་གནས་པའི་ལམ་གྱི་རང་བཞིན་ལ་གཟུགས་མེད་པའི་སྙོམས་འཇུག་བཞིའོ། ། |
| གཟུགས་མེད་སྐྱེ་མཆེད་མུ་བཞི |
ནམ་མཁའ་མཐའ་ཡས་སྐྱེ་མཆེད་དང༌། རྣམ་ཤེས་མཐའ་ཡས་སྐྱེ་མཆེད། ཅི་ཡང་མེད་པའི་སྐྱེ་མཆེད། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དེ་བཞི། |
| གཟུགས་མེད་སྙོམས་འཇུག |
དམིགས་པའི་སྒོ་ནས་འོག་ས་ལས་འདས་པའི་རིགས་སུ་གནས་པའི་དགེ་སེམས་རྩེ་གཅིག་པའོ། ། |
| གཟུགས་མེད་སྙོམས་འཇུག་བཞི |
ནམ་མཁའ་མཐའ་ཡས། རྣམ་ཤེས་མཐའ་ཡས། ཅི་ཡང་མེད་པའི་སྐྱེ་མཆེད། སྲིད་རྩེའི་སྙོམས་འཇུག་སྟེ་གཟུགས་མེད་ཁམས་ཀྱི་སྙོམས་འཇུག་བཞིའོ། ། |
| གཟུགས་མོ |
བྱི་ཐུར་ཅན་ཏེ་སྒང་གཟུགས་སམ་ཟེ་མོ། |
| གཟུགས་མོ་བྱི་ཐུར |
སྤུ་ཁབ་ལྟར་རྣོ་བའི་སྲོག་ཆགས་ཟེ་མོ་སྒང་ཐུར། |
| གཟུགས་འཆར་བྱེད |
(མངོན་བརྗོད།) མེ་ལོང༌། |
| གཟུགས་འཚོང་མ |
(མངོན་བརྗོད།) སྨད་འཚོང་མ། |
| གཟུགས་འཛིན |
(མངོན་བརྗོད།) མིག |
| གཟུགས་འཛིན་དབང་མངོན |
གཟུགས་འཛིན་པའི་དབང་པོའི་མངོན་སུམ་རང་གི་བདག་རྐྱེན་མིག་གི་དབང་པོ་ལས་དངོས་སུ་སྐྱེས་པའི་གཞན་རིག་ཤེས་པ་རྟོག་བྲལ་མ་འཁྲུལ་བ། |
| གཟུགས་འཛིན་པ |
མཛེས་མི་མཛེས་ཆེ་ཆུང་སོགས་གཟུགས་ཀྱི་ཁྱད་པར་མིག་ཤེས་ཀྱིས་ལྟ་བ། |
| གཟུགས་འཛིན་ཡིད་མངོན |
གཟུགས་འཛིན་པའི་ཡིད་ཀྱི་དབང་པོའི་མངོན་སུམ་རང་གི་བདག་རྐྱེན་གཟུགས་འཛིན་ཡིད་ཀྱི་དབང་པོ་ལས་དངོས་སུ་སྐྱེས་པའི་གཞན་རིག་གི་ཤེས་པ་རྟོག་བྲལ་མ་འཁྲུལ་བ། གཟུགས་འཛིན་དབང་མངོན་སྐད་ཅིག་ཕྱི་མ་ལྟ་བུ་རང་གི་གཟུགས་དོན་གྲོགས་སུ་ཡོད་པའི་དབང་མངོན་གཅིག་གིས་དེ་མ་ཐག་རྐྱེན་བྱས་པ་ལས་བྱུང་བའི་གཞན་རིག་གི་ཤེས་པ་རྟོག་བྲལ་མ་འཁྲུལ་བའོ། ། |
| གཟུགས་ཡས |
གྲངས་གནས་ཤིག་སྟེ། གྲངས་ཀྱི་གནས་དྲུག་ཅུའི་རྩི་སྟངས་གཞན་ཞིག་གི་ནང་ཡོད་པའི་གྲངས་ཀའི་མིང༌། |
| གཟུགས་རགས་པ |
1.ཤ་ཁྲག་ཡོད་པའི་གཟུགས་ཕུང༌། 2.ས་རྡོ་སོགས་མིག་གིས་མཐོང་ཐུབ་པའི་དངོས་པོ། |
| གཟུགས་རྒྱན |
1.ཚིག་རྒྱན་རིག་པས་དཔེ་དང་དཔེ་ཅན་གཉིས་ལ་མཚུངས་པ་གསལ་བྱེད་ཀྱི་སྒྲ་སྦྱར་མེད་པའི་རྒྱན་གྱི་རིགས་ལ་གཟུགས་རྒྱན་ཟེར། 2.བཙུགས་ཀྱི་མ་འོངས་པ་ལ་གཟུགས་འབྲི་བའང་ཡོད། |
| གཟུགས་རྗེས་གྲིབ་འབྲང |
ཕན་ཚུན་མི་འབྲལ་བའི་དཔེ། (དཔེར་ན།) གོ་མིང་དང་ལས་འགན་གཟུགས་རྗེས་གྲིབ་འབྲང་ལྟ་བུ་རེད་ཅེས་པ་ལྟ་བུ། |
| གཟུགས་སུ་ཉེ་བར་འགྲོ་བ |
ཕྱིར་མི་འོང་འབྲས་གནས་ཁྱད་པར་ཅན་གྱི་ནང་གསེས་ཤིག་འདོད་པའི་རྟེན་ཅན་གྱི་ཕྱིར་མི་འོང་གང་གཟུགས་ཁམས་སུ་ངེས་པར་སྐྱེ་བ་བླངས་ནས་མྱང་འདས་ཐོབ་པའོ། ། |
| གཟུགས་སུ་ཉེ་བར་འགྲོ་བ་གསུམ |
ཕྱིར་མི་འོང་འབྲས་གནས་ཁྱད་པར་ཅན་ལས་གཟུགས་སུ་ཉེ་བར་འགྲོ་བ་གསུམ་བར་དོར་འདའ་བ་དང༌། སྐྱེས་ནས་འདའ་བ་དང༌། གོང་དུ་འཕོ་བ་རྣམས་སོ། ། |
| གཟུང་ཐག་རྡོ་རྗེ |
སྔགས་ཆོག་བུམ་སྒྲུབ་སོགས་ལ་དགོས་པའི་ཡོ་བྱད་ཅིག་ཚོན་སྣ་ལྔ་ལྡན་གྱི་ཐིག་སྐུད་རྡོ་རྗེར་དཀྲིས་པ་ཞིག |
| གཟུང་བ |
1.འཛིན་པའི་མ་འོངས་པ། 2.ཡུལ་ཏེ་གཟུགས། སྒྲ། དྲི། རོ། རེག་བྱ། ཆོས་བཅས་དྲུག་པོ་མཚན་ཉིད་རིག་པས་ཕྱི་རོལ་གྱི་ཡུལ་ལ་གཟུང་བ་དང་ནང་གི་ཡུལ་ཅན་ལ་འཛིན་པ་ཟེར།2.(མངོན་བརྗོད།) བུ་ལོན། |
| གཟུང་བ་བདག་མེད |
ཡུལ་རང་ངོས་ནས་བདེན་པར་མ་གྲུབ་པ། |
| གཟུང་བ་ཡུལ |
ཕྱི་རོལ་ཡུལ་དུ་ཡོད་པའི་དངོས་པོ། |
| གཟུང་བ་རྡུལ་ཕྲན་ཆ་མེད |
ཡུལ་གྱི་དངོས་པོའི་ཆུང་མཐའ་ཕྱོགས་མཚམས་ཀྱི་ཆ་དབྱེ་མི་ཐུབ་པ་ཞིག་སྟེ། བྱེ་བྲག་སྨྲ་བས་འདོད་པའི་ཕྱི་དོན་རྩོམ་བྱེད་དོ། ། |
| གཟུང་བའི་རྩ |
ལུས་ཀྱི་རྩའི་བྱེ་བྲག་ཅིག |
| གཟུང་བྱའི་ཡུལ |
ཕྱི་རོལ་གྱི་དངོས་པོ། |
| གཟུང་མ |
ཆུང་མ། |
| གཟུང་མོ |
(བརྡ་རྙིང་།) གཟུགས་མོ་དང་དོན་གཅིག |
| གཟུང་འཛིན |
ཡུལ་དང་ཡུལ་ཅན་གཉིས་བསྡུས་པའི་མིང༌། |
| གཟུང་འཛིན་རྟོག་པ |
ཆོས་དང་གང་ཟག་གཉིས་ཀྱི་བདག་འཛིན་ནམ་ཡུལ་དང་ཡུལ་ཅན་གཉིས་སུ་བདེན་པར་ཞེན་པའི་རྣམ་རྟོག |
| གཟུང་ཡུལ |
འཛིན་བྱེད་ཀྱི་བློས་གཟུང་བར་བྱ་བའི་ཡུལ་ཏེ། བློ་ངོར་སྣང་བའི་ཆོས་བུམ་པ་དང༌། བུམ་པའི་དོན་སྤྱི་ལྟ་བུའོ། ། |
| གཟུང་རྣམ |
ཁ་ཕྱིར་ཕྱོགས་ཏེ་གཟུང་བ་ཡུལ་གྱི་རྣམ་པར་སྐྱེ་བ་མིག་ཤེས་སོགས་གཞན་རིག་གི་ཤེས་པ་རྣམས་སོ། ། |
| གཟུངས |
ཆོས་ཀྱི་ཚིག་དོན་མི་བརྗེད་པར་འཛིན་པའི་དོན་ཏེ། ངོ་བོ་དྲན་པ་དང་ཤེས་རབ་ཁྱད་པར་ཅན་གྱིས་བྱེད་ལས་དགེ་བའི་ཆོས་རྣམས་འཛིན་ཅིང་མི་དགེ་བའི་ཆོས་རྣམས་སེལ་བའི་མཐུ་དང་ལྡན་པའོ། ལྭ་བ་སོགས་ཀྱི་སྲུབས་མི་འཕར་བའམ་ཡ་སྡེབ་མི་འཆོར་བར་སྦྲེལ་བྱེད་ཀྱི་སྐུད་པ་སོགས་ཀྱི་མིང་ལྭ་བ་ལ་གཟུངས་བཏབ(ཨབ་བརྒྱབ)ཁབ་གཟུངས་ཞེས་པ་ལྟ་བུ། |
| གཟུངས་ཀྱི་ཚིག |
མདོ་དང་རྒྱུད་སྡེ་སོགས་ནས་ཕྱུང་བའི་གཟུང་སྔགས། |
| གཟུངས་ཀྱི་སྒོ་བཞི |
བཟོད་པའི་གཟུངས་དང༌། སྔགས་ཀྱི་གཟུངས། ཚིག་གི་གཟུངས། དོན་གྱི་གཟུངས་བཅས་བཞིའོ། ། |
| གཟུངས་ཀྱི་སྟོབས |
ཆོས་ཀྱི་ཚིག་དོན་མི་བརྗེད་པར་འཛིན་པའོ། ། |
| གཟུངས་ཁེབས |
གཟུངས་སྔགས་ཀྱི་ཤོག་དྲིལ་ལ་གཡོག་རྒྱུའི་དར་གོས། |
| གཟུངས་གཞུག |
མཆོད་རྟེན་དང་སྐུ་འདྲའི་ནང་ལ་འཇུག་རྒྱུའི་རིང་བསྲེལ་དང་གཟུངས་སྔགས་སོགས་རྟེན་གྱི་སྙིང་པོ། ། |
| གཟུངས་གཞུག་འབུལ་བ |
1.མཆོད་རྟེན་ནམ་སྐུ་འདྲའི་ནང་དུ་རིང་བསྲེལ་སོགས་འཇུག་པ། 2.མགོ་བསྐོར་བཏང་ནས་ཁོག་པ་བརྒྱངས་པ། |
| གཟུངས་གཟེར |
སྒོའི་མཇོ་སྣ། |
| གཟུངས་གསུམ |
རྣམ་སྨིན་གྱིས་ཐོབ་པའི་གཟུངས། ཐོས་བསམ་གོམས་པས་ཐོབ་པའི་གཟུངས། སྒོམ་བྱུང་ཏིང་ངེ་འཛིན་གྱིས་ཐོབ་པའི་གཟུངས་བཅས་གསུམ་མོ། ། |
| གཟུངས་ཆེན་གྲྭ་ལྔ |
སྟོང་ཆེན་རབ་འཇོམས་མ་དང༌། རྨ་བྱ་ཆེན་མོ། གསང་སྔགས་རྗེས་འཛིན་མ། བསིལ་བའི་ཚལ་ཆེན་མོ། སོ་སོར་འབྲང་མ་བཅས་ཀྱི་གཟུངས་སྔགས། |
| གཟུངས་ཆེན་པོ |
གཟུངས་ཀྱི་རྣམ་གྲངས་ཤིག |
| གཟུངས་ཐག |
གཟུང་ཐག་རྡོ་རྗེ་དང་དོན་གཅིག |
| གཟུངས་ཐོབ་པ |
མི་བརྗེད་པའི་གཟུངས་ཐོབ་པའམ་དབང་ཐོབ་པ། |
| གཟུངས་དཔག་ཏུ་མེད་པ |
གཟུགས་སྔགས་ཀྱི་གྲངས་མཐའ་ཡས་པ། |
| གཟུངས་མ |
ཕྱག་རྒྱ་མ་སྟེ་ཤེས་རབ་མ། |
| གཟུངས་འདུས |
ཇོ་ནང་ཏཱ་ར་ན་ཐས་མདོ་རྒྱུད་ཁག་ནས་བཏོན་པའི་གཟུངས་སྔགས་དང་ཆོས་ཚན་གྱི་གླེགས་བམ་ཞིག |
| གཟུངས་འདེབས |
1.སྔགས་ཕྲེང་གི་སྐུད་པས་རྒྱས་བཏབ་སྟེ་བྱིན་གྱིས་རློབ་པ། 2.གཟུངས་སྔགས་བཟླས་པའི་ཕུས་འདེབས་པ། |
| གཟུངས་རིང |
གཟུངས་སྔགས་རིང་བའི་གྲས་ཏེ། (དཔེར་ན།) རྣམ་རྒྱལ་མའི་གཟུངས་རིང་ལྟ་བུའོ། ། |
| གཟུངས་རྒྱག |
གོས་ཀྱི་ཐོག་ལ་ལྷན་པ་རྒྱག་སྐབས་སྔོན་ལ་ལྷན་པའི་སྟེང་དུ་རོབ་རྒྱག་པ། |
| གཟུངས་རྟེན |
སྐུ་འདྲའི་གཟུངས་སྔགས་སོགས་ཀྱི་ནང་རྟེན། |
| གཟུངས་ལྔ |
ཟུང་འཇུག་འབུལ་རྒྱུའི་གཟུངས་ལྔ་གཙུག་ཏོར་རྣམ་རྒྱལ་དང༌། གཙུག་ཏོར་དྲི་མེད། གསང་བ་རིང་བསྲེལ། བྱ་བ་རྒྱན་འབུམ། རྟེན་འབྲེལ་རྙིང་པོ་རྣམས་སོ། ། |
| གཟུངས་སུ་བཟུང་བ |
ཚིག་དོན་མ་བརྗེད་པར་བྱས་པ་སྟེ། (དཔེར་ན།) བསླབ་བྱ་ཚང་མ་གཟུངས་སུ་བཟུང་བ་ལྟ་བུ། |
| གཟུངས་སྔགས |
ལྷའི་སྐུ་དང་གསུང་རྡོ་རྗེ་གཙོ་བོར་སྒྲུབ་བྱེད་བདེ་སྟོང་ཡི་གེར་ཤར་བའི་སྔགས། |
| གཟུངས་སྤོབས |
སྔར་ཐོས་པའི་ཚིག་དོན་མི་བརྗེད་པར་འཛིན་པ་ནི་གཟུངས་དང༌། ཆོས་ཀྱི་ཚིག་དོན་བཤད་པ་ལ་ཐོགས་པ་མེད་པ་ནི་སྤོབས་པའོ། ། |
| གཟུངས་སྦྱིན |
1.གྲངས་གནས་ཆེན་པོ་ཞིག 2.གཟུངས་ཀྱི་ལུང་འབོག་པ། |
| གཟུད |
འཛུད་ཀྱི་མ་འོངས་པ་སྟེ། (དཔེར་ན།) ཡང་དག་པའི་ལམ་དུ་གཟུད་དགོས་ལྟ་བུ།ྶ |
| གཟུད་པ |
འཛུད་པའི་མ་འོངས་པའི་བྱ་མིང་། |
| གཟུམ |
བཙུམ་ལ་གཟུམ་འབྲི་བའང་ཡོད། |
| གཟུར |
1.(བྱེད་མེད་ལས་ཚིག) འཛུར་གྱི་མ་འོངས་པ། མདའ་སོགས་ལ་འབྱོལ་བའི་དོན་ཏེ། (དཔེར་ན།) གཟུར་བྱའི་མདའ། གཟུར་བར་བྱ་ཞེས་པ་ལྟ་བུ།2.གཟུ་བོར་ཞེས་པའི་རྣམ་དབྱེ་བསྡུས་པ། |
| གཟུར་གནས |
ཕྱོགས་སུ་མ་ལྷུང་བར་དྲང་པོར་གནས་པའམ་གཟུ་བོར་གནས་པ་སྟེ། (དཔེར་ན།) བློ་གཟུར་གནས་ཀྱི་སྒོ་ནས་ལས་དོན་བྱེད་པ། གཟུར་གནས་སྐྱེས་བུ་ཉིན་གྱི་སྐར་མ་ལྟར་དཀོན་ཞེས་པ་ལྟ་བུ། |
| གཟུར་གནས་དྲང་འབྲེལ |
ཕྱོགས་རིས་མེད་པ། |
| གཟུར་བ |
1.འཛུར་བའི་མ་འོངས་པ། 2.(བརྡ་རྙིང་།) ལུད་པ། |
| གཟུས |
བོད་ཀྱི་རུས་ཤིག |
| གཟེ |
1.སྡོད་གནས་དང་ཚང་གི་མིང་ལ་འཇུག་སྟེ། (དཔེར་ན།) སྟག་ཚང་ལ་སྟག་གཟེ་ཟེར་བ་ལྟ་བུ། 2.ཁལ་རྟ་ལ་འགེལ་རྒྱུའི་སླེ་བོའི་མིང་དུ་བཤད་པའང་ཡོད། |
| གཟེ་ཆུང |
རྣོ་མེད་པའི་དོན་ཏེ། (དཔེར་ན།) སྙུང་བུ་གཟེ་ཆུང༌ཞེས་པ་ལྟ་བུ། |
| གཟེ་མ |
ཐང་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་མཁལ་ནད་དང༌། གཅིན་འགག་པ། གྲུམ་བུ་བཅས་ལ་ཕན། ལུས་སྟོབས་སྐྱེད། མིང་གི་རྣམ་གྲངས་ལ་རྒྱ་མཚོའི་མཐའ་ཅན་དང༌། ངུ་བྱེད་མ། ཆུ་མེད་སྐྱེས། མཐའ་རྙེད་དཀའ། རེག་པ་དཀའ། རེག་བྱ་ངན་བཅས་སོ། ། |
| གཟེ་མ་ར་མགོ |
གཟེ་མ་དང་དོན་གཅིག |
| གཟེ་མའི་འབྲུ |
ཚེར་མ་གཟེ་མ་ར་མགོའི་འབྲས་བུ། |
| གཟེ་མོ |
(ཡུལ་སྐད།) གཟུགས་མོ། |
| གཟེ་ཚོང |
(བརྡ་རྙིང་།) ཚོང་ལས། |
| གཟེ་རུ |
གཟེར་བུ། |
| གཟེག |
འཛེག་གི་མ་འོངས་པ་ལ་གཟེག་འབྲི་བའང་ཡོད། |
| གཟེག་ཆ |
བཟོད་བསྲན། |
| གཟེགས་མ |
ཟེགས་མ་དང་འདྲ། |
| གཟེགས་ཟན་པ |
སྔར་རྒྱ་གར་གྱི་དྲང་སྲོང་ཞིག་སྟེ། དེས་གཞན་གྱིས་བོར་བའི་གཟེགས་མ་ཟ་ཞིང་བརྟུལ་ཞུགས་ལ་སྤྱོད་མཁན་ཞིག་ཡིན་པས་མིང་དེ་ལྟར་གྲགས། |
| གཟེང |
(བྱེད་མེད་ལས་ཚིག) གཟེངས་པའི་མ་འོངས་པ་དང་ད་ལྟ་བ། སྤུ་སོགས་གྱེན་དུ་ལང་བ་སྟེ། (དཔེར་ན།) སྐྲ་ཁམ་སེར་གྱེན་དུ་གཟེང་། སྤུ་གཟེང་བ། སྐྲ་གཟེང་བ་ཞེས་པ་ལྟ་བུ། |
| གཟེངས |
1.གཟེང་བའི་འདས་པ་སྟེ། (དཔེར་ན།) བྱི་ལ་གཉིས་སྤུ་གཟེངས་ནས་འཐབ་ཅེས་པ་ལྟ་བུ།2.དཔངས་ཀྱི་དོན་ཏེ། (དཔེར་ན།) དཔྲལ་བའི་དབྱེས་ཆེ་ཞིང་ཤངས་ཀྱི་གཟེངས་མཐོ་བ་ཞེས་པ་ལྟ་བུ། |
| གཟེངས་གཟེངས |
(རྒྱན་ཚིག) འགྲེང་འགྲེང་ངམ་ཡར་ཟིང་ཟིང༌ཡིན་པ་སྟེ། (དཔེར་ན།) སྨིན་མ་གྱེན་དུ་གཟེངས་གཟེངས་བྱས་ནས་ལྟ་ཞེས་པ་ལྟ་བུ། |
| གཟེངས་ཅན |
དྲང་སྲོང་ཞིག་གི་མིང༌། |
| གཟེངས་པ |
1. (བྱེད་འབྲེལ་ལས་ཚིག) གྱེན་དུའམ་ཡར་འདེགས་པའམ་རྐྱོང་བའི་དོན་ཏེ། (དཔེར་ན།) སྦྲུལ་མགོ་གྱེན་དུ་གཟེངས་པ། རལ་གྲི་གནམ་དུ་གཟེངས་པ། བང་མེད་ཀྱང་ཐུ་བ་གཟེངས་གཟེངས་ཟེས་པ་ལྟ་བུ། 2(བརྡ་རྙིང་།) གཟི་བྱིན། |
| གཟེངས་པོ |
1.དཔངས་མཐོ་པོ་སྟེ། (དཔེར་ན།) རི་བོའི་རྩེ་མོ་གཟེངས་པོ་གནམ་ལ་སྙེག་ལྟ་བུ། 2.ཕུལ་བྱུང་དང་ཁྱད་འཕགས་ཏེ། (དཔེར་ན།) བྱས་རྗེས་གཟེངས་པོ། ཡོན་ཏན་གཟེངས་པོ་ཞེས་པ་ལྟ་བུ། |
| གཟེངས་བསྟོད |
བསྔགས་བརྗོད་དང༌། གཟིགས་བཟོས་ཏེ། (དཔེར་ན།) གཟེངས་བསྟོད་འཕར་མ། འོས་བབས་ཀྱི་གཟེངས་བསྟོད། གཟེངས་བསྟོད་ལག་འཁྱེར་ཞེས་པ་ལྟ་བུ། |
| གཟེངས་མཐོ་བ |
གཞན་ལས་ལྷག་པའམ་ལེགས་པ་སྟེ། (དཔེར་ན།) བྱས་རྗེས་གཟེངས་མཐོ་བ། བཞུགས་ཁྲི་གཟེངས་མཐོ་བ། འབུལ་བ་གཟེངས་མཐོ་བ་ཞེས་པ་ལྟ་བུ། |
| གཟེངས་ཞྭ |
ཞྭ་རྩེ་མོ་རིང་པོ་ཞིག |
| གཟེངས་སུ་ཐོན་པ |
གཞན་ལས་ཁྱད་དུ་ཐོན་པ། |
| གཟེད |
(བྱེད་མེད་ལས་ཚིག) སྣེ་གཅིག་ཡར་བཀལ་ནས་སྣེ་གཞན་ནམ་ཁུག་སོ་མར་འཕྱང་བའི་དོན་ཏེ། (དཔེར་ན།) སློག་པའི་ཐུ་བ་གཉིས་གཡས་གཟེད་དང་གཡོན་གཟེད་བྱས། མཛོའི་སྣ་ཐིག་རྭ་མགོར་གཟེད་ལྟ་བུ། འཛེད་ཀྱི་མ་འོངས་པ་ལ་གཟེད་འབྲི་བའང་ཡོད། |
| གཟེད་པ |
1.(བྱེད་འབྲེལ་ལས་ཚིག) བཟེད་ཀྱི་མ་འོངས་པ་སྟེ། (དཔེར་ན།) སྣོད་ཀྱི་ཁ་གཟེད་སྐབས་ནང་དུ་འབྲུ་རིགས་བླུགས་དགོས། སྐེ་ཁྱེར་ནས་ཞགས་པ་གཟེད་ལྟ་བུ། 2.(བརྡ་རྙིང་།) སྐས། |
| གཟེན |
(རྒྱ་སྐད།) སྣུམ་གྱིས་བཙོས་པའི་བཟའ་བྱ་ཞིག |
| གཟེབ |
1.གུར། 2.ལྕུག་མ་སོགས་ཀྱིས་སླེས་པའི་སྒྲོམ་དྲ་མིག་ཅན་གྱི་མིང་སྟེ། (དཔེར་ན།) སྨྱུག་མས་གཟེབ་ཅིག་སླེས། གཟེབ་ཏུ་བྱིའུ་བཅུག་ལྟ་བུ། ར་བ་དྲ་མིག་ཅན་གྱི་མིང་ཁང་བ་གཟེབ་དྲ་ཅན་ཞེས་པ་ལྟ་བུ། |
| གཟེབ་ཀྱི་སྤྲོག་མ |
སྨྱུག་མ་སོགས་ལས་བཟོས་པའི་གཟེབ་སྣོད། |
| གཟེབ་མ |
1.སྨྱུག་མས་བཟོས་པའི་སྣོད་དབྱིབས་གྲུ་བཞི་ཞིག་སྟེ། (དཔེར་ན།) ནེ་ཙོ་སྨྲ་བས་གཟེབ་མར་ཚུད་ཅེས་པ་ལྟ་བུ། 2.གཟེབ་སྣོད་དང་འདྲ། |
| གཟེབ་སྣོད |
སྨྱུག་མའམ་ཤིང་གི་ལྕུག་མའི་སྒམ་སྒྲོམ་ཁ་སྦྱར་ལྟ་བུའི་སློ་མ། |
| གཟེམ |
འཛེམ་གྱི་མ་འོངས་པ། |
| གཟེམ་པ |
འཛེམ་པའི་ད་ལྟ་བའི་འབྲི་སྲོལ་གཞན་ཞིག |
| གཟེར |
1.(བྱེད་མེད་ལས་ཚིག) ན་ཟུག་སྐྱེ་བའི་དོན་ཏེ། (དཔེར་ན།) རྒྱུ་མ་གཟེར། མགོ་བོ་གཟེར་ལྟ་བུ། 2.འོད་གཟེར། 3.ལྕགས་ཀྱིས་བཟོས་པའི་འཛུགས་བྱེད་རྣོན་པོ་ཞིག་སྟེ། (དཔེར་ན།) ལྕགས་གཟེར། གཅུས་གཟེར། སྨྱུག་གཟེར། གཟེར་གྱིས་འདེབས་པ་ཞེས་པ་ལྟ་བུ། |
| གཟེར་ཁ |
ན་ཟུག་གི་དོན་ཏེ། (དཔེར་ན།) རྩིབ་ནད་ཀྱི་གཟེར་ཁ་རྒྱག་པ་ཞེས་པ་ལྟ་བུ། |
| གཟེར་གདན |
གཟེར་དང་འོག་གཞིའི་བར་གྱི་གདན། |
| གཟེར་ཐུང |
1.ཡུན་ཐུང་ནད་ཀྱི་གཟེར། 2.སྟོད་གཟེར་གློ་ཚད་ཅེས་པ་གཉན་རིགས་བཅོ་བརྒྱད་ཀྱི་ནང་གསེས་ཤིག 3.ལྕགས་གཟེར་ཐུང་ཐུང༌། |
| གཟེར་ཐེབས |
གཟེར་བུ་བཏབ་ནས་ཟུག་པ་སྟེ། (དཔེར་ན།) ལས་དོན་མི་འགྱུར་བའི་གནད་གཟེར་ཐེབས་པ་ཞེས་པ་ལྟ་བུ། |
| གཟེར་དམིགས |
ན་ཚ་ཡོད་སའི་གནད་གསང༌། |
| གཟེར་ནད |
གཟེར་ཟུག་རྒྱག་པའི་ན་ཚ་སྟེ། (དཔེར་ན།) གློ་བུར་གཟེར་ནད་བྱུང་ཞེས་པ་ལྟ་བུ། |
| གཟེར་བ |
1.ན་བའི་དོན་དུ་གོ་བའི་གཟེར་བའི་བྱ་མིང་།2.(ཡུལ་སྐད།) སྐོན་པ་དང༌། འགེལ་བ། འཛུགས་པ་བཅས་ཀྱི་དོན་ཏེ། (དཔེར་ན།) སྐེད་པར་གྲི་གཟེར། གོང་བར་ཁབ་གཟེར། རྣ་བར་སྨྱུ་གུ་གཟེར་ཞེས་པ་ལྟ་བུ། |
| གཟེར་བུ |
གཟེར་ཆུང་ངུ་། |
| གཟེར་མ |
དངོས་རྫས་དབྱིབས་ནར་མོ་སྣེ་རྣོ་བའི་མིང་སྟེ། (དཔེར་ན།) ལྕགས་ཀྱི་གཟེར་མ། ཟངས་ཀྱི་གཟེར་མ་ཞེས་པ་ལྟ་བུ། ཚིག་བསྡུས་ན་གཟེར་ཞེས་འབྲི་ཆོག་སྟེ། (དཔེར་ན།) ལྕགས་གཟེར། ཟངས་གཟེར་ཞེས་པ་ལྟ་བུ། |
| གཟེར་མགོ |
གཟེར་གྱི་མགོ། |
| གཟེར་མིག |
1.ལུས་ཀྱི་ཁག་ཆུང་ངུ་ཞིག་གམ་ལུས་ཀྱི་གསང་མིག་ན་ཡོད་པའི་ན་ཟུག་གི་མིང་། 2.འཛར་གྱི་སྐུལ་ཚིག3.ན་ཟུག་གི་གནད། 4.གཟེར་བུ་རྒྱག་ཡུལ་ཨི་ཁུང༌། |
| གཟེར་ཚོམ |
སྐུད་པས་ཚེམ་སྟངས་ཤིག |
| གཟེར་ཟུག |
1.ནད་ཀྱི་ཟུག་རྔུ། 2.གཟེར་བུ་ཟུག་པ་སྟེ། (དཔེར་ན།) རྐང་པར་གཟེར་ཟུག་པ་ལྟ་བུ། |
| གཟེར་འདེབས |
1.གཟེར་ཁ་རྒྱག་པ་སྟེ། (དཔེར་ན།) ཤིང་ལ་ལྕགས་ཀྱི་གཟེར་འདེབས་ཞེས་པ་ལྟ་བུ། 2.ན་བའམ་ནད་གོས་པ་སྟེ།་ (དཔེར་ན།) ལུས་ལ་ནད་ཀྱི་གཟེར་འདེབས་པ་ལྟ་བུ། |
| གཟེར་སྡོམ |
གཟེར་གྱིས་མཉམ་དུ་སྡོམ་པ་སྟེ། (དཔེར་ན།) ཤོག་ལྷེ་མང་པོ་བརྩེགས་པའི་མཐའ་སྣེར་གཟེར་སྡོམ་བརྒྱབ་ཅེས་པ་ལྟ་བུ། |
| གཟོ |
(བྱེད་འབྲེལ་ལས་ཚིག) གཟོས་ཀྱི་མ་འོངས་པ་དང་ད་ལྟ་བ། དྲིན་ལན་འཇལ་བའམ་བཟང་ལན་བཟང་གིས་འཇལ་བ་སྟེ། (དཔེར་ན།) དྲིན་གཟོ་བ། བྱས་པ་གཟོ་བ(བཟང་བྱས་པར་བཟང་ལན་འཇལ་བ)ཞེས་པ་ལྟ་བུ། |
| གཟོགས |
གཟགས་པའི་སྐུལ་ཚིག |
| གཟོང |
བུ་གའམ་ཁུང་བུ་རྐོ་བྱེད་ཀྱི་ཡོ་བྱད་རིགས་ཤིག་གི་མིང་སྟེ། (དཔེར་ན།) རྡོ་གཟོང(རྡོ་བཟོའི་རྡོ་གཏག་བྱེད་ཀྱི་རྣོ་ལྕགས་ཀྱི་ཕུར་བ)རྣོ་གཟོང་ཞེས་པ་ལྟ་བུ། |
| གཟོང་ཁ |
ཨི་ཁུང་འབིགས་བྱེད་ལག་ཆའི་སོ། |
| གཟོང་ཁ་གཅིག་སྒྲིལ |
གཟོང་ལ་ཁ་གཉིས་ཡོད་མི་རུང་བ་ལྟར་གཅིག་སྒྲིལ་དགོས་པའི་དཔེ། |
| གཟོང་ཆག |
ཤིང་བཟོ་བའི་གཟོང་གི་བྱེ་བྲག་ཅིག |
| གཟོང་བུ |
ཤིང་བཟོ་བས་ཤིང་འབིགས་བྱེད་ཀྱི་གཟོང་ཆུང་ཆུང༌། |
| གཟོང་རིལ |
ལྕགས་རིགས་ལ་ཨི་ཁུང་འབིགས་བྱེད་ཀྱི་གཟོང༌། |
| གཟོད |
1.(བསྣན་ཚིག) རྒྱུན་དུ་ད་གཟོད་ཅེས་བཀོལ་བ་ཁྱབ་ཆེ་ཞིང་རྒྱུ་མཚན་སྟོན་པའི་ན་ཡིག་དང་འབྲེལ་ནས་བཀོལ་ཏེ། (དཔེར་ན།) འཐབ་རྩོད་བྱས་ན་ད་གཟོད་རྒྱལ་ཁ་ལེན་ཐུབ། དགྲ་བོ་ལ་འཐབ་རྩོད་བྱས་ན། ད་གཟོད་དགྲ་བོ་ཕམ་པར་བྱེད་ཐུབ་ལྟ་བུ། 2.གཟོད་མ་ཞེས་པའི་ཚིག་བསྡུས་པ། |
| གཟོད་མ |
ཐོག་མའམ་དང་པོ་སྟེ། (དཔེར་ན།) ནམ་མཁའ་གཟོད་མ་ནས་མཐའ་མེད་པ་ཡིན་ལྟ་བུ། ཚིག་བསྡུས་ན་གཟོད་ཅེས་འབྲི་ཆོག་སྟེ། (དཔེར་ན།) གཟོད་ནས་དྭངས་པ་ཞེས་པ་ལྟ་བུ། |
| གཟོན |
1.འཛའ་ཡི་སྐུལ་ཚིག་སྟེ། ཡོངས་གྲགས་ལ་ཆུད་ཟོས་སུ་གཏོང་། བཏང་། ཐོངས་ཞེས་འབྲི། འཛའ་ཡི་ད་ལྟ་བ་ལ་གཟོན་འབྲི་བའང་ཡོད། 2.རྩུབ་པའམ་ཡིད་དུ་མི་འོང་བའི་དོན་ཏེ། (དཔེར་ན།) བསྒོ་བ་རྣར་གཟོན་ལྟ་བུ། |
| གཟོན་པ |
1.(བྱེད་འབྲེལ་ལས་ཚིག) ཆུད་ཟོས་པ་སྟེ། (དཔེར་ན།) རྒྱུ་དངོས་རྣམས་ཆུད་གཟོན་པར་ངོ་རྒོལ་བྱེད་པ་ཞེས་པ་ལྟ་བུ། 2.(བརྡ་རྙིང་།) མི་ཉན་པ་དང་ཉན་འདོད་མེད་པ་སྟེ། (དཔེར་ན།) བསྒོ་བ་རྣར་གཟོན་པ་ཞེས་པ་ལྟ་བུ། |
| གཟོབ |
གཟབ་ཀྱི་འབྲི་ཚུལ་གཞན། |
| གཟོབ་པ |
(བྱེད་འབྲེལ་ལས་ཚིག) བློ་བསྒྲིམས་ནས་བག་ཟོན་བྱེད་པ་སྟེ། (དཔེར་ན།) བརྟགས་ཏེ་གཟབ་པ། ལས་སྟབས་གཟོབ་པར་བྱེད་པ། རིག་པ་གཟོབ་གཟོབ་པ། བློན་པོར་མངའ་གསོལ་བ་ལ་ཤིན་ཏུ་གཟབས་པ་ཞེས་པ་ལྟ་བུ། |
| གཟོབ་པོ |
བག་ཟོན་གྱི་དོན་ཏེ། (དཔེར་ན།) སྟབས་གཟོབ་པོ་ཞེས་པ་ལྟ་བུ། |
| གཟོབས |
1.གཟབས་པའི་སྐུལ་ཚིག་སྟེ། (དཔེར་ན།) དགྲའི་ཟོལ་སྦྱོར་ལ་གཟོབས་ཤིག་ལྟ་བུ། 2.མགྲོན་པོ་སོགས་ལ་སྣེ་ལེན་གང་ལེགས་བྱེད་པ་སྟེ། (དཔེར་ན།) མགྲོན་པོའི་སྣེ་ལེན་ལ་གཟབས་ལྟ་བུ། |
| གཟོལ་བ |
(བརྡ་རྙིང་།) བཀས་ནས་གས་པ། |
| གཟོས |
གཟོ་བའི་འདས་པ་དང་སྐུལ་ཚིག་སྟེ། (དཔེར་ན།) དྲིན་གཟོས། བྱས་པ་གཟོས་ལྟ་བུ། |
| གའུ |
1.ལྷ་སྐུ་འཇོག་སའི་ཟེའུ་ལྷ་ཁང༌། མིང་གི་རྣམ་གྲངས་ལ་ཁ་སྦྱར་དང་ཟ་མ་ཏོག་གོ། །2.ཕོ་མོའི་རྒྱན་ཞིག་སྟེ། (དཔེར་ན།) སྐྲའི་གའུ། སྐེའི་གའུ་ཞེས་པ་ལྟ་བུ། |
| གའུ་ཁ་སྦྱར |
སྟེང་འོག་གམ། རྒྱབ་མདུན་ཁ་སྦྱར་གྱི་སྣོད་སྒྲོམ་མམ་པར་བུ། |
| གའུ་གསུམ་སྒྲོམ |
སྔར་བོད་ཀྱི་ལྷ་ལྕམ་གྱི་གཟབ་སྤྲོས་སྐེ་རྒྱན་བྱེ་བྲག་ཅིག་གསེར་གྱིས་བཟོས་པའི་གའུ་ཆེ་བ་གཅིག་དང་ཆུང་བ་གཉིས་ཀྱི་བར་ལ་གཡུ་དང་མུ་ཏིག་སོགས་སྐུད་པར་བརྒྱུས་ནས་བྲང་ཁར་འདོགས་ཤིང༌། གོང་གི་ཆུང་བ་གཉིས་ནུ་མའི་སྟེང་དང༌། འོག་གི་ཆེ་བ་དེ་སྐེད་པར་སླེབས་པ་ཞིག་ཡོད། |
| གའུ་ལེ |
1.ལས་ཀའི་གོ་རིམ་འགོད་སའི་དེབ་ཆུང༌། 2.ཡིག་རིགས་འཇུག་སྣོད་ཤོག་ཤུབས། |
| གའུ་ལེ་མཚུངས་པ |
ལས་ཀའི་གོ་རིམ་གྱི་སྒྲིག་སྟངས་འདྲ་བ། |
| གཡག |
1.གཡག་དང་འབྲི་བཤོས་པ་ལས་སྐྱེས་པའི་ཕོ་ཕྱུགས་ཏེ། (དཔེར་ན།) རྟ་གཡག་མགོ་སྦྲེལ། གཡག་ཆད་གཅིག་གིས་གཡག་ཆད་བརྒྱ། ཚིག་པ་གཡག་ལ་བཟས་ནས་རྡོག་རྒྱག་བེའུ་ལ་གཞུས། གཡག་གིས་ཆུ་འཐུང་མ་འདོད་ན། གཉའ་ནས་མནན་པས་ཅི་ལ་ཕན། གཡག་རྒན་གྱིས་གདང་འཚོ་མ་ཟིན་ན། གདང་གི་སྐེད་པ་འཁྱོག་ཉེན་ཡོད་ཅེས་པ་ལྟ་བུ།2.(ཡུལ་སྐད།) འོག་རླུང༌། |
| གཡག་གྭ་པ |
གཡག་གདོང་དཀར་པོ། |
| གཡག་ཆད་ལ |
མདོ་ཁམས་ཁྲོ་ཆུ་རྫོང་དུ་ཡོད་པའི་ལ་ཞིག |
| གཡག་ཐེར |
གཙང་ཁུལ་གྱི་ས་གནས་སྟོད་གཡག་སྡེ་ས་ཁུལ་ནས་ཐོན་པའི་ཐེར་མ། |
| གཡག་པ |
1.གཡག་རྫི། 2.(ཡུལ་སྐད།) ཁ་བ་འཕྱག་བྱེད་དང༌། གཡུལ་ལས་གཏོང་སྐབས་འབྲུ་བསྡུ་བྱེད་ཀྱི་ལག་ཆ་ཞིག |
| གཡག་བཀལ་མཚོ |
མཚོ་ཞིག་སྟེ། བོད་ཀྱི་དཔལ་མགོན་རྫོང་གི་དབུས་ཁུལ་དུ་ཡོད། |
| གཡག་མགོ་རླུང་ཚུབ |
རེས་འགའ་ནུབ་ནས་འཆར་བའི་གཟའ་ཞིག་གི་མིང༌། སྒྲ་གཅན་གྱི་སྤྲུལ་བར་གྲགས། |
| གཡག་ཡུ་བོ |
རྭ་ཅོ་མེད་པའི་གཡག |
| གཡག་རུ |
གཡག་གི་རྭ་ཅོ། |
| གཡག་རུ་དགྲ་ཆོས |
གཡག་རྭ་གཡོན་མ་ཞིག་གི་ནང་དུ་མནན་གཏད་ཀྱི་རྫས་རྣམས་བཅུག་སྟེ། དགྲ་བོར་མནན་གཏད་བྱེད་པའི་དྲག་པོའི་ལས་སྦྱོར་གྱི་ཆོ་ག་ཞིག |
| གཡག་རོག་ཞོལ་ཆེན |
སྤུ་རྩིད་རིང་པོ་ཞོལ་ལེར་ཡོད་པའི་གཡག་ནག་པོ་འོག་ཅན་ནམ་ཁྱུ་པ། |
| གཡག་རོང་གཉིས |
ས་སྐྱ་པའི་མདོ་ཕྱོགས་ཀྱི་བསྟན་འཛིན་གཡག་ཕྲུག་སངས་རྒྱས་དཔལ་དང༌། རོང་སྟོན་ཤེས་བྱ་ཀུན་གཟིགས་གཉིས། |
| གཡག་རྒོད |
1.རྣམ་པ་གཡག་དང་འདྲ་བའི་མདོ་དབུས་མཐོ་སྒང་གི་རི་དྭགས་འབྲོང་གི་མིང་གཞན། 2.བོད་སྙེ་བོའི་ས་ཆ་ཞིག་གི་མིང་སྟེ། མིང་ཡོངས་རྫོགས་ལ་སྙེ་མོ་གཡག་སྡེ་རྫོང་ཟེར། |
| གཡག་རྔ |
1.གཡག་གི་རྔ་མ། 2.སྲོག་བཞིན་སྲུང་བའི་གངས་གཡག་གི་རྔ་མ། |
| གཡག་ལ |
བོད་ཀྱི་ཁང་དམར་རྫོང་གི་ལྷོ་རྒྱུད་དུ་ཡོད། |
| གཡག་ལག |
ཕྱོགས་འགྲོ་སྐབས་གཡག་པ་མི་གཅིག་གིས་བདག་བཟུང་བྱེད་རྒྱུའི་གནག་ཕྱུགས་ཉི་ཤུ་ཐམ་པའི་ཚོ་གཅིག |
| གཡག་ཤད |
ལོ་གསུམ་ལོན་པའི་གཡག་སྟེ། (དཔེར་ན།) ལུང་པ་ཕུ་ཐུང་གི་ཚད་ཙམ་ལ། ཨ་བྲ་གཡག་ཤད་ཙམ་གྱི་ཚད་ཅེས་པ་ལྟ་བུ། |
| གཡག་ཤི་འབྲོང་ཆད |
ཨུ་ཚུགས་མཐར་སྐྱེལ་བའི་དཔེ། |
| གཡག་ཤུག |
(ཡུལ་སྐད།) སྡོང་པོ་ཐུང་ཞིང་ཚེར་མ་ཅན་གྱི་ཤུག་པ། |
| གཡག་སྒ |
(ཡུལ་སྐད།) གཡག་ལ་བསྟད་རྒྱུའི་ཁལ་སྒ་སྟེ། (དཔེར་ན།) གཡག་སྒ་འཁོར་བཅས་ཞེས་པ་ལྟ་བུ། |
| གཡག་སྡེ |
གཙང་ཁུལ་གྱི་ས་གནས་གཡག་སྡེ། |
| གཡག་ཨ་ཡུ |
རྭ་ཅོ་མེད་པའི་གཡག |
| གཡང |
1.རྒྱུ་ནོར་ལོངས་སྤྱོད་སོགས་ཀྱི་སྤྱི་མིང་སྟེ། (དཔེར་ན།) རྟ་ནོར་ལུག་གསུམ་གྱི་གཡང་འཁོར། འབྲུ་སྣ་ལྔའི་གཡང་འཁོར་ཞེས་པ་ལྟ་བུ། 2.བྲག་གཟར་དང་ངོས་གཟར་གྱི་མིང་སྟེ། (དཔེར་ན།) བྲག་གཡང་། གཡང་རོང(ལུང་གྲོག)གད་གཡང་། གཡང་ས། གྲོག་གཡང་ཞེས་པ་ལྟ་བུ། 3.ཕྱུག་པོ་ཡོང་ཆེད་དུ་འདོན་པའི་ཆོ་ག་ཞིག་སྟེ། ཕྱྭ་གཡང་ཟེར། |
| གཡང་ཁ |
1.གཡང་གཟར་པོའི་མཐའ། 2.གཡང་སྒམ་གྱི་ཁ་སྟེ། (དཔེར་ན།) གཡང་ཁ་བསྡམས་པ་ཞེས་པ་ལྟ་བུ།3.བསོད་ནམས་སམ་བཅུད་ཀྱི་ཚད། |
| གཡང་ཁང |
གཡང་སྒྲུབ་བྱེད་པའི་ཁང་པའམ་གཡང་སྒམ་འཇུག་པའི་ཁང་པ། |
| གཡང་ཁུག |
1.གཡང་བཀུག་ནས་ཁུག་པ་སྟེ་བསོད་ནམས་སམ་བཅུད་འཕེལ་བ། 2.གཡང་རྫས་བླུག་པའི་ཁུག་མ། |
| གཡང་གཞི |
1.མི་ལྤགས་སྦུབས་བཤུས་ཆ་ཚང་གི་མིང༌། 2.སྲོག་ཆགས་ཀྱི་མགོ་སུག་གི་པགས་པ་ཆ་ཚང་བ་ཡོད་པའི་པགས་གདན། |
| གཡང་གཟའ |
གཟའ་སྤེན་པ། |
| གཡང་གསོལ |
གཡང་གནས་པར་བྱེད་པ། |
| གཡང་གྲོད་རལ་བ |
(ཡུལ་སྐད།) བསོད་ནམས་ཅན་གྱི་མི་རྒན་ཤི་བ། |
| གཡང་ཆགས་པ |
ཕུན་སུམ་ཚོགས་པའི་བཅུད་དང་ལྡན་པ་སྟེ། (དཔེར་ན།) གཡང་ཆགས་པ་རྒྱ་མཚོའི་ནོར་བུ་འདྲ་ཞེས་པ་ལྟ་བུ། |
| གཡང་ཊི |
(རྒྱ་སྐད།) རྡོ་རིགས་རིན་པོ་ཆེའི་གྲས་ཤིག་སྟེ། (དཔེར་ན།) གཡང་ཊི་དཀར་པོ། གཡང་ཊི་སྔོ་ཟླུམ། གཡང་ཊི་སྔོན་པོ། གཡང་ཊི་ལྗང་གུ། གཡང་ཊིའི་ནག་པོ། གཡང་ཊི་ཡག་པོ། གཡང་ཊི་དཀར་ཡོལ། ས་ཕག་རིལ་པོ་ལས། གཡང་ཊི་དུམ་བུ་དགའ་ཞེས་པ་ལྟ་བུ། |
| གཡང་དཀར |
ལུག་གི་མིང་གཞན་ཏེ། གཡང་མོ་ཡང་ཟེར་ཞིང་། ཡོངས་གྲགས་ལ་གཡང་དཀར་ལུག་ཟེར། |
| གཡང་དར |
1.གཡང་མདར་གདགས་བྱའི་ཁ་བཏགས་ཏེ། (དཔེར་ན།) གཡང་དར་ཁ་བཏགས་ལྟ་བུ། 2.གཡང་རྫས་ཀྱི་གོས་དར། |
| གཡང་བཞག |
གཡང་ཤ་དང་འདྲ། |
| གཡང་བུམ |
1.ས་བཅུད་བུམ་པ། 2.གཡང་རྫས་འཇུག་སྣོད་དམ། ནོར་གཡང་བསྒྲུབས་ཏེ་རྒྱ་བསྡམས་ཟིན་པའི་བུམ་པ། |
| གཡང་བྲེ |
གཡང་རྫས་ཀྱི་བྲེ། |
| གཡང་མདའ |
གཡང་རྫས་ཀྱི་མདའ། |
| གཡང་མོ |
གཡང་དཀར་དང་དོན་གཅིག |
| གཡང་ཟ་བ |
འཇིགས་སྣང་སྐྱེ་བ་སྟེ། (དཔེར་ན།) ཉེན་ཁའི་གནས་དང་འཕྲད་དུས་གཡང་ཟ་བའི་རྣམ་པ་མི་སྟོན་པ་ཞེས་པ་ལྟ་བུ། |
| གཡང་ཟེ |
གྲོག་རོང་སྟེང་ཕྱོགས་ཀྱི་མཐའ། |
| གཡང་འགུགས |
ཟས་ནོར་ལོངས་སྤྱོད་འགུགས་བྱེད་ཀྱི་ཆོ་ག་ཞིག |
| གཡང་རོང |
གཡང་གཟར་པོའི་གྲོག་རོང༌། |
| གཡང་རྟེན |
ཕུན་ཚོགས་སམ་བསོད་ནམས་ཀྱི་བཅུད་འཁོར་སའི་རྫས། |
| གཡང་རྩེ |
གཡང་གི་རྩེ་མོ་སྟེ་ཧ་ཅང་ཡག་པོ། (དཔེར་ན།) གཡང་རྩེའི་སྒང་ལ་ཡས་སྒྲོན་ཞེས་པ་ལྟ་བུ། |
| གཡང་རྩེ |
རྒྱུ་མཚན་བཤད་པའི་ཚིག་གི་མིང་སྟེ། (དཔེར་ན།) ཆང་དཀར་ཡོལ་གཡང་རྩེ་དང་བཅས་ཞེས་པ་ལྟ་བུ། |
| གཡང་རྫས |
རིན་པོ་ཆེའི་རིགས་དང་འབྲུ་སྣ་སོགས་གཡང་རྫས་སྤྱིའི་མིང༌། |
| གཡང་ལུག |
གཡང་རྟེན་གྱི་ལུག དེས་མི་ཕྱུགས་གཉིས་འཕེལ་མཚོན་པ་དང༌། ནམ་ཡང་མི་གསོད་ཅིང༌། དེའི་རྭ་དང་སྐེད་པ་སོགས་རྟག་ཏུ་དར་ཚོན་གྱིས་བརྒྱན་ནས་འཇོག་པ་ཞིག་ཡིན། |
| གཡང་ལུགས |
སྐ་རགས་མ་བཅིངས་པར་གོས་ལྷུག་ལྷུག་ཏུ་གྱོན་སྟངས་ཏེ། (དཔེར་ན།) གོས་གཡང་ལུགས་སུ་གྱོན་ཅེས་པ་ལྟ་བུ། |
| གཡང་ལྦ |
(ཡུལ་སྐད།) ལུས་ལ་མི་གནོད་པའི་སྐེའི་ལྦ་བ། |
| གཡང་ལྷ |
1.གཡང་གི་ལྷའམ་ནོར་ལྷ། 2. (ཡུལ་སྐད།) ནོར་ཕྱུགས་ལ་བྱམས་པོ་བྱེད་པའི་ཚིག |
| གཡང་ཤ |
གཡང་རྫས་ལུག་ཤ་ལག་གཡས། |
| གཡང་ས |
གཅོང་རོང་སྟེ༌། (དཔེར་ན།) གཡང་ས་ལས་འཛིན་པ། གཡང་སར་རྟ་ཁ་བཀག་ཅེས་པ་ལྟ་བུ། |
| གཡང་སྐར་གཉིས |
དཔྱིད་ཚུགས་དང་སྟོན་ཚུགས་རྗེས་ཀྱི་ས་ཕོ་ལྔ་པའི་ཉིན་ཏེ། ཞིང་ཕར་འདེབས་དང་སྟོན་ཐོག་ཚུར་སྡུད་ཀྱི་རྟེན་འབྲེལ་སྒྲིག་པའི་ཉིན། |
| གཡང་སྒམ |
གཡང་འབོད་བླ་མས་གཡང་འགུགས་བཏོན་ནས་གཡང་རྫས་རྣམས་སྒམ་ནང་དུ་རྒྱས་བཏབ་རྒྱུ་ནོར་འཕེལ་ཐབས་བྱེད་པར་དམིགས་ནས་ཡར་རྟེན་མཆོད་པའི་གནས་སུ་བཞག་པའི་སྒམ་ཞིག |
| གཡང་སྒྲོམ |
གཡང་སྒམ་དང་འདྲ། |
| གཡན་དགབ |
འཚོ་བའི་ཡོ་བྱད་བཅུ་གསུམ་གྱི་ནང་གསེས། གཡན་པའི་ནད་ཅན་གྱིས་ཤ་ལ་སྦྱར་ནས་གྱོན་པར་བྱ་བ། ཚད་སྲིད་དུ་ཁྲུ་དྲུག་དང་ཞེང་དུ་ཁྲུ་གསུམ་ཡོད་པའི་ཡོ་བྱད་ཅིག |
| གཡན་དགབ་ཚད་ལས་ལྷག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གཡན་པ་དགབ་སྲིད་དུ་ཁྲུ་དྲུག་དང་ཞེང་དུ་ཁྲུ་གསུམ་ལས་ལྷག་པ་འཆང་བ། |
| གཡན་པ |
ཟ་འཕྲུག་འབྱུང་ཞིང་ཆུ་སེར་འཛག་པའི་པགས་ནད་ཅིག་སྟེ། ནང་གསེས་སུ་དབྱེ་ན་ཚ་གྲང་གཉིས་མཆིས། (དཔེར་ན།) གཡན་པ་ཟ་བ། གཡན་པ་འཕྲུག་པ་ཞེས་པ་ལྟ་བུ། |
| གཡན་པ་དགབ་པ |
གཡན་དགབ་དང་དོན་གཅིག |
| གཡན་པ་རྒྱ་ཐོར |
ཟ་འཕྲུག་ཅན་གྱི་ཤུ་ཐོར། |
| གཡན་སྐྱོ་བ |
(བརྡ་རྙིང་།) འཛེམ་མེད་དུ་སྤྱོད་པའམ་ཅོ་འདྲི་བ། |
| གཡབ |
1.རླུང་འགུགས་ཡོ་བྱད་ཅིག་སྟེ། (དཔེར་ན།) སྦྲང་གཡབ། བསིལ་གཡབ། རླུང་གཡབ་ཅེས་པ་ལྟ་བུ། 2.སྐྱིབས་ཏེ། (དཔེར་ན།) བྱ་གཡབ། གསེང་གཡབ། མདའ་གཡབ། གཡབ་སྟེང༌ཞེས་པ་ལྟ་བུ། 3.(ཡུལ་སྐད།) འཁྲིག་པ་སྤྱོད་པ། 4.(བྱེད་འབྲེལ་ལས་ཚིག) གཡབས་ཀྱི་མ་འོངས་པ། བསིལ་ཡབ་དང་ལག་པ་སོགས་གཡུག་པའི་དོན་ཏེ། (དཔེར་ན།) གཡབ་བྱའི་བསིལ་ཡབ་ཅེས་པ་ལྟ་བུ། ད་ལྟ་བར་གཡོབ་དང་། འདས་པ་ལ་གཡབས། སྐུལ་ཚིག་ལ་གཡོབས་འབྲི། |
| གཡབ་གཡུག |
1.གཡབ་མོ་གཡབ་ཅིང་གཡུག་པ་སྟེ། (དཔེར་ན།) ལག་པས་མེ་ཏོག་གི་ཆུན་པོ་བཟུང་ནས་གཡབ་གཡུག་རྒྱག་པ་ལྟ་བུ།2.ཚུར་ཤོག་ཅེས་པའི་ལག་བརྡ། |
| གཡབ་གཡོབ |
གཡབ་མོ་གཡོབ་ཚུལ། |
| གཡབ་དར |
གཡོབ་པའམ་གཡུག་རྒྱུའི་དར། རྡོ་རྗེ་སོགས་ཀྱི་སྣེར་བཏགས་པའི་དར། |
| གཡབ་པ |
1.གཡོབ་པའི་མ་འོངས་པའི་བྱ་མིང་།2. (ཡུལ་སྐད།) འབྲུ་སོགས་འཕྱག་སྟེ་རུག་རུག་བཟོ་བྱེད་ཅིག |
| གཡབ་མོ |
འདི་རུ་ཤོག་ཅེས་པའི་བརྡ་གཏོང་བའི་དར་ཆ་དང་ལག་པ་སོགས་ཏེ། (དཔེར་ན།) གྱོད་ལ་གཡབ་མོ་འདེབས་མི་རེད། ཆགས་སྒོ་རིན་གྱིས་ཉོ་མི་རེད་ཅེས་པ་ལྟ་བུ། |
| གཡབས |
གཡབ་ལ་ལྟོས། |
| གཡབས་པ |
གཡོབ་པའི་འདས་པ། |
| གཡམ |
1.རྗེས་དང་ཞོར་གྱི་མིང་སྟེ། (དཔེར་ན།) བརྟག་དཔྱད་མེད་པར་གཞན་གྱི་ཚིག་རྗེས་འབྲངས་པ་ལ་གཡམ་ལ་བརྒྱུགས་པ་ཟེར་བ་ལྟ་བུ། 2.རྡོ་གཡའ་མའི་ཚིག་བསྡུས་པ་སྟེ། (དཔེར་ན།) གཡམ་རྡོ། གཡམ་སྟེགས་ཟེར་བ་ལྟ་བུ། |
| གཡམ་པ |
རང་བཞིན་གྱིས་ཆགས་པའི་རྡོ་ལེབ་ཅིག་སྟེ། (དཔེར་ན།) གཡམ་སྒྲོམ། རྡོ་གཡམ་པའི་སྟེང་ལ་མ་ཎི་བརྐོས་པ། མགོ་ཐོག་གཡམ་སེལ་ཞེས་པ་ལྟ་བུ། |
| གཡམ་བཟང་བཀའ་བརྒྱུད |
གཡའ་བཟང་བཀའ་བརྒྱུད་ཀྱི་འབྲི་སྲོལ་གཞན་ཞིག |
| གཡའ |
1.དྲི་མ་ལྕགས་ཟངས་སོགས་ཀྱི་ངོས་ལ་ཆགས་པའི་ནག་ནོག་སྟེ། (དཔེར་ན།) དཀར་གཡའ། གཡའ་བརྒྱབ་པ། གཡའ་ཆག་པ། གཡའ་ལང་བ། ཧ་ཡང་གི་གཡའ་བསངས་པ། ལྕགས་གཡའ་སྨན། ཟངས་གཡའ་དུག ནམ་མཁའ་གཡའ་དག་ཅེས་པ་ལྟ་བུ།2.བག་གམ་ཞད་དེ། (དཔེར་ན།) འཁོར་གཡོག་གི་གཡའ་དྲི་བྲོ་བ། མི་ངན་རྒྱལ་པོར་བསྐོས་ན་སྤྲེའུའི་གཡའ། ཆམ་པ་ཕོག་པའི་གཡའ་བྱུང་བ། གནམ་དྭངས་པོ་ཡོང་གཡའ་འདུག ཐན་པ་གཏང་གཡའ་གསལ་པོ་ཤར་བ། འཆི་འགྲོ་བའི་གཡའ་ཞེས་པ་ལྟ་བུ།3.གཡའ་མ་ཡི་ཚིག་བསྡུས་པ། |
| གཡའ་ཀྱི |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་སྣོད་མཁྲིས་རྒྱས་པ་ཞི། མཁྲིས་ནད་གྱེན་དུ་སྐྱུག་པ་དང༌། ཐུར་དུ་བཤལ་བ་སོགས་བྱེད། མིང་གི་རྣམ་གྲངས་ལ་ཁྲག་དར་ཡ་ཀན་དང༌། གངས་ཀྱི་ལྷ་མོ། རྒྱལ་པོ་ཟླ་བསིལ། དར་ཡ་ཀན། བདུད་རྩི་རབ་བསིལ། གཡའི་བཅུད་བཅས་སོ། ། |
| གཡའ་ཀྱི་མ |
རྩྭ་སྨན་ཞིག |
| གཡའ་ཁྲོད |
རྡོ་གཡམ་ཡོད་པའི་རིའི་ཁྲོད་དེ། (དཔེར་ན།) གཡའ་ཁྲོད་དང་གངས་ཁྲོད་འགྲིམས་ཞེས་པ་ལྟ་བུ། |
| གཡའ་གྲོ |
ཨ་བི་ཥ་ཡི་མིང་གཞན་ཞིག |
| གཡའ་ཆུ |
གཡའ་རི་ལས་འབབ་པའི་ཆུ། |
| གཡའ་དག་པ |
1.ཟངས་ལྕགས་སོགས་ཀྱི་གཡའ་དག་པ། 2.གློ་བུར་གྱི་སྒྲིབ་བྱེད་དག་པ། 3.ནམ་མཁའ་ལ་དུ་བ་དང་སྤྲིན་པ་ཐལ་བ་སོགས་མེད་པ། |
| གཡའ་དུག |
ཟངས་གཡའ་སོགས་ལས་བྱུང་བའི་དུག |
| གཡའ་ནད |
1.གཡན་པའམ་ཟ་འཕྲུག་གི་ནད། 2.ཟངས་གཡའ་སོགས་ཀྱིས་བསྐྱེད་པའི་ཕོ་ནད། |
| གཡའ་ཕིང |
(རྒྱ་སྐད།) ཉལ་ནས་འཐེན་པའི་ཐ་མག་དུག་ཅན་ཞིག |
| གཡའ་བ |
1. (བྱེད་མེད་ལས་ཚིག) 1>ཟ་འཕྲུག་ལང་བ་སྟེ། (དཔེར་ན།) ལུས་ཀྱི་པགས་པ་གཡའ་བ་ལྟ་བུ། 2>འདར་སྙམ་བྱེད་པ་སྟེ། (དཔེར་ན།) སྐྱི་གཡའ་བ་ཞེས་པ་ལྟ་བུ། 2.(བརྡ་རྙིང་།) ཉེ་འཁོར། |
| གཡའ་བག |
1.ལྷང་ངམ་བག་ཆགས་ཀྱི་གཤིས། 2.ལྕགས་རིགས་ཀྱི་གཡའ། |
| གཡའ་བཟང |
བོད་དབུས་ཀྱི་ལྷོ་ཁ་ས་ཁུལ་ཁོངས་སྣེ་གདོང་རྫོང་གི་ལུང་པ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| གཡའ་བཟང་ཆོས་རྗེ་ཆོས་ཀྱི་སྨོན་ལམ |
རབ་བྱུང་གསུམ་པའི་ས་གླང་ལོ་གཙང་ཞལ་གྱི་དམར་མོར་འཁྲུངས། (1169-1233) གདུང་རུས་གནུབས། འགྲོ་མགོན་ཕག་གྲུའི་བུ་ཆེན་བཞིའི་ཡ་གྱལ་ཟྭ་ར་བ་སྐལ་ལྡན་ཡེ་ཤེས་སེང་གེའི་སློབ་མར་གྱུར། དགུང་ལོ་སོ་བརྒྱད་པ་མེ་སྟག་ལ་ཡར་ཀླུངས་གཡའ་བཟང་དགོན་པ་བཏབ་ནས་རྒྱུན་བཞུགས་མཛད། དེ་ནས་རིམ་པར་བརྒྱུད་པ་རྣམས་ལ་གཡའ་བཟང་བཀའ་བརྒྱུད་ཅེས་གྲགས། འདུལ་བའི་བཤད་པ་དང་ལག་ལེན་གཙོ་བོར་མཛད་པས་གནུབས་འདུལ་འཛིན་དུ་ཡང་གྲགས། དགུང་ལོ་རེ་ལྔ་པ་ཆུ་སྦྲུལ་ལོར་འདས། |
| གཡའ་བཟང་དགོན་པ |
གཡའ་བཟང་ཆོས་རྗེ་ཆོས་ཀྱི་སྨོན་ལམ་གྱིས་རབ་བྱུང་གསུམ་པའི་མེ་སྟག་ལོ་ལ་ཡར་ཀླུངས་སྟོད་ཤམ་པོའི་གངས་རིའི་ཉེ་འདབས་སུ་བཏབ་པའི་དགོན་པ་ཞིག་དེ་ནས་བརྒྱུད་པའི་གདམས་པའི་བརྒྱུད་འཛིན་ལ་གཡའ་བཟང་བཀའ་བརྒྱུད་ཟེར། |
| གཡའ་བཟང་བཀའ་བརྒྱུད |
རབ་བྱུང་བཞི་པར་འགྲོ་མགོན་ཕག་མོ་གྲུ་པའི་སློབ་མ་ཟྭ་ར་སྐལ་ལྡན་ཡེ་ཤེས་སེང་གེ་དང་དེའི་སློབ་མ་གཡའ་བཟང་ཆོས་རྗེ་ཆོས་ཀྱི་སྨོན་ལམ་ནས་རིམ་བཞིན་བརྒྱུད་པའི་བཀའ་བརྒྱུད། |
| གཡའ་བྲག |
གཡའ་རི་དང་བྲག་རི། |
| གཡའ་མ |
རྡོ་གཡའ་མ་སྟེ་བསྡུས་ན། (དཔེར་ན།) རྡོ་གཡམ། གཡའ་མ་ཉིལ་བ་རྫ་ནས་ཉིལ། རྫ་མེད་ན་གཡའ་མ་ཉིལ་དོན་མེད་ཅེས་པ་ལྟ་བུ། |
| གཡའ་མ་ལུང |
བོད་ཀྱི་ལྷོ་ཁ་ས་ཁུལ་ཁོངས་གྲྭ་ནང་རྫོང་གི་རྙིང་མའི་དགོན་པ་ཞིག |
| གཡའ་མཁྲང་བ |
ཟ་འཕྲུག་གི་ནད་ལ་ཕུར་ཕུར་བཏང་ནས་མཁྲེགས་པོ་ཆགས་པ། |
| གཡའ་མཚམས |
གཡའ་རི་དང་སྤང་རིའམ་གངས་རིའི་མཚམས། |
| གཡའ་རི |
རྡོ་སྔོ་མདོག་ཅན་དང་གཡའ་མ་ལེབ་མོས་གྲུབ་པའི་རི་བོ། |
| གཡའ་ཤིང |
(ཡུལ་སྐད།) སྒོའི་གཏན་ཤིང་ངམ་ཨ་ཤིང༌། |
| གཡའ་ཤིང |
ལོ་མ་ལྟུང་བའི་ཤིང་སྡོང་ཞིག་རྒྱ་སྐད་དུ་ཧྥེང་ཧྲུ་ཟེར། |
| གཡའ་སེལ |
ལྷད་ཞུགས་པ་སེལ་བ་སྟེ། (དཔེར་ན།) བསྟན་འགྲོར་གཅེས་ན་གཡའ་སེལ་སོགས། བསྟན་བཅོས་རྣམ་དག་གཟིགས་ན་མཁྱེན་ཅེས་པ་ལྟ་བུ། |
| གཡའ་སྐུད |
1.ལྕགས་རིགས་ཀྱི་ཡོ་བྱད་སྟེང་དུ་བསྐུས་པའི་སྣུམ་གྱི་མིང་སྟེ། (དཔེར་ན།) ཁྲོ་ཟངས་ལ་གཡའ་སྐུད་བཏང་ལྟ་བུ། 2.དྲི་མ་ནག་ནོག་གམ་ན་བུན་དང་སྐྱོ་བའི་རྣམ་འགྱུར་གྱི་མིང་སྟེ། (དཔེར་ན།) དགུང་སྔོན་གཡའ་དག་པ། དགའ་ནས་ངོའི་གཡའ་དག་ལྟ་བུ། |
| གཡའ་སྒོག |
1.རེག་ནས་གད་མོ་སློང་བ་དང་ག་ག་ཚིལ་སྒོག་པ། 2.གཡའ་རི་ལས་སྐྱེས་པའི་སྒོག་པ། |
| གཡའ་སྤང |
གཡའ་རི་དང་སྤང་རིའི་བསྡུས་ཚིག་སྟེ། (དཔེར་ན།) གཡའ་སྤང་ལ་གནས་པའི་རི་དྭགས་ཞེས་པ་ལྟ་བུ། |
| གཡར |
1.(བརྡ་རྙིང་།) 1>ཞལ་ཏེ། ཁའམ་ངོ་གདོང་གི་ཞེ་ས་སྟེ། (དཔེར་ན།) གཡར་ཚ་བ། གཡར་གཟིགས་པ། གཡར་གྱིས་ལེན་པ་ཞེས་པ་ལྟ་བུ། 2>སྤྱན་ཏེ་མིག་གི་ཞེ་ས་སྟེ། (དཔེར་ན།) གཡར་འདྲེན་པ། གཡར་བསྟར་ཞུ་བ་ཞེས་པ་ལྟ་བུ།2.(བྱེད་འབྲེལ་ལས་ཚིག) གཡོར་གྱི་མ་འོངས་པ་དང་འདས་པ། གཞན་གྱི་དངོས་རྫས་གནས་སྐབས་སུ་བེད་སྤྱད་པ་སྟེ། (དཔེར་ན།) ངས་དགེ་རྒན་གྱི་དཔེ་ཆ་གཡར་ནས་བལྟས། གཡར་བྱའི་དཔེ་ཆ་ཞེས་པ་ལྟ་བུ། |
| གཡར་ཁང |
1.གཡར་པོའི་ཁང་པ། 2.(མངོན་བརྗོད།) ལུས། |
| གཡར་ཁམས |
སྐུ་ཁམས་ཏེ། (དཔེར་ན།) གཡར་ཁམས་བདེ་བ་ཞེས་པ་ལྟ་བུ། |
| གཡར་ཁྲལ |
ངོ་ཁྲལ་ལམ། ཁ་ཁྲལ་ཏེ། མི་གཞན་གྱི་ངོ་མ་བཟློག་པར་བྱས་པའི་ལས་ཀ། (དཔེར་ན།) གཡར་ཁྲལ་སྤྲོད་པ་ཞེས་པ་ལྟ་བུ། |
| གཡར་གཟིགས |
(བརྡ་རྙིང་།) 1>ཟས། 2>གཟིགས་མོ། 3>ཁ་ངོ་ལ་ལྟ་བ། |
| གཡར་གླ |
དངོས་པོ་གཡར་སྐབས་དངོས་བདག་ལ་སྤྲོད་དགོས་པའི་དངུལ་ཏེ། (དཔེར་ན།) ཁང་པ་གཡར་གླ། འཛིན་ཆས་གཡར་གླ་ཞེས་པ་ལྟ་བུ། |
| གཡར་ངོ |
(ཡུལ་སྐད།) ཁའམ་གདོང༌། |
| གཡར་ཆབ |
(བརྡ་རྙིང་།) ཆུ། |
| གཡར་དངོས |
ཚུར་གཡར་པོ་བླངས་པའམ་ཕར་གཡར་པོ་བཏང་བའི་དངོས་པོ། |
| གཡར་དམ |
ཁས་བླངས་པའམ་དམ་བཅས་པའི་ལས་དོན་གྱི་མིང་སྟེ། (དཔེར་ན།) མི་ཚེ་འདིར་མི་དྲང་མོ་ཞིག་བྱེད་པར་གཡར་དམ་བཅས་ལྟ་བུ། |
| གཡར་པོ |
གཡར་པའི་དངོས་རྫས་ཏེ། (དཔེར་ན།) ཕར་གཡར་པོ་ཕུལ། ཚུར་གཡར་པོ་ཞུ། གཡར་པོ་བདག་རེངས། གཡར་པོ་རིང་ཐུང་བྱེད་པ། གཡར་པོ་ཡུན་རིང་ན་བདག་པོའི་ཚུལ་ཞེས་པ་ལྟ་བུ། |
| གཡར་པོ་བདག་རེངས |
གཡར་བའི་དངོས་པོ་ཕྱིར་མི་སྤྲོད་པ་སྟེ་ཧམ་བཟུང་བྱེད་པའི་དཔེ། |
| གཡར་བ |
(བྱེད་འབྲེལ་ལས་ཚིག) གཡར་བའི་བྱ་མིང་། |
| གཡར་བཏང |
གཡར་པོ་བཏང་བ། |
| གཡར་མ |
1.གཡར་བའི་དངོས་པོ་སྟེ། (དཔེར་ན།) རྟ་གཡར་མ། དཔེ་ཆ་གཡར་མ་ཞེས་པ་ལྟ་བུ། 2.སྔོན་ལ་ཁ་སྦྱར་ན་རྒྱུ་མཚན་རྣམ་དག་མ་ཡིན་པ་ཞིག་འཚོལ་བའི་དོན་ཏེ། (དཔེར་ན།) ཟམ་པ་བསྐྲུན་པའི་དུས་ཡུན་ཐུང་བ་ལ་ཁ་གཡར་ནས་ཟམ་པའི་རྒྱུ་སྤུས་ཇེ་ཞན་དུ་གཏོང་མི་རུང་ལྟ་བུ། ཡུལ་སྐད་དུ་ཁག་འཇོག་ས་ཟེར་བ་དང་དོན་འདྲ། 3.ཁའམ་ངོ་དང་མདུན་གྱི་བརྡ་རྙིང་སྟེ། (དཔེར་ན།) གཟུགས་ཁམས་ལ་གཡར་ཁམས་དང་། ངོ་ཚ་བ་ལ་གཡར་ཚ་བ་ཟེར་བ་ལྟ་བུ། |
| གཡར་མོ་ཐང |
1.སྔོ་སྨན་མེ་ཏོག་གི་རིགས་ཤིག་རོ་མངར་ཁ། ཞུ་རྗེས་སྙོམས། ནུས་པས་རྨ་གསོ། སྐྲངས་པ་འཇོམས། མིང་གི་རྣམ་གྲངས་ལ་གཡར་མོ་ཐང་པ་དང༌། ལུ་གུ་མེ་ཏོག་བསིང་མ་དམར་པོ་བཅས་སོ། 2 གཡེར་མོ་ཐང་གི་འབྲི་སྲོལ་གཞན་ཞིག |
| གཡར་ཚ་བ |
(བརྡ་རྙིང་།) ངོ་ཚ་བ། |
| གཡར་ཚུས |
(བརྡ་རྙིང་།) ཞལ་ཚུས་སམ་ཁ་ཟས་ཏེ། (དཔེར་ན།) གཡར་ཚུས་འདྲེན་པ་ཞེས་པ་ལྟ་བུ། |
| གཡར་ཞལ |
ཞལ་རས། |
| གཡར་འཛིན |
དངོས་པོ་གཡར་སྐབས་བཞག་པའི་འཛིན་ཡིག |
| གཡར་ལམ |
(བརྡ་རྙིང་།) 1>རྨི་ལམ། 2 >སྤྱན་སྔ་དང་མདུན། |
| གཡར་སྐྱི |
ཕར་ཚུར་གཡར་བ་དང་སྐྱི་བ་སྟེ། (དཔེར་ན།) རང་ལ་དངུལ་མེད་ཀྱང་གཞན་གྱི་ས་ནས་གཡར་སྐྱི་བྱས་ཆོག་ཅེས་པ་ལྟ་བུ། |
| གཡར་སྔར |
(བརྡ་རྙིང་།) 1>ལག་རྟགས། 2>སྐུ་དྲུང་དུ། |
| གཡལ |
གླལ་བརྒྱང་བྱས་པ་སྟེ། (དཔེར་ན།) གཉིད་ཁུག་ན་གཡལ་བ་འོང་ཞེས་པ་ལྟ་བུ། |
| གཡལ་བ |
(བྱེད་མེད་ལས་ཚིག) དོན་མེད་དུ་ཁ་གདངས་ཏེ་སྐད་སྒྲ་དང་བཅས་དབུགས་ཕྱིར་འབྱིན་པའི་རླུང་ནད་ལྡང་བའི་རྣམ་འགྱུར་ཞིག |
| གཡལ་ཞིང་འདར་བ |
ནད་ཅིག |
| གཡལ་རྨྱོང |
དོན་མེད་དུ་ཁ་གདང་ཞིང་སྐད་འབྱིན་པ་གཡལ་བ་དང༌། རྐང་ལག་རྣམས་ཤད་དུ་བརྐྱང་དགོས་པའི་བྱ་རྨྱོང་བྱེད་པ་གཉིས་ཀྱི་བསྡུས་མིང༌། |
| གཡལ་སྟོང |
(ཡུལ་སྐད།) གླལ་བའམ་གཡལ་བ་ཨ་སྟོང༌། |
| གཡས |
1.རང་གི་ཁ་བྱང་ཕྱོགས་སུ་གཏད་ན་ཤར་ཕྱོགས་ནི་གཡས་ཡིན་ལ་ནུབ་ཕྱོགས་ནི་གཡོན་ཡིན། 2.ཆབ་སྲིད་བསམ་བློའི་ཐོག་རྙིང་ཞེན་དང་ལོག་སྤྱོད་ལ་གཏོགས་པའི་དོན་ཏེ། (དཔེར་ན།) གཡས་ལྷུང་པ། གཡས་ཕྱོགས་པ་ཞེས་པ་ལྟ་བུ། 3.བོད་ཀྱི་རུས་ཤིག |
| གཡས་ཁག་གཡོན་དཀྲི |
སོ་སོའི་བྱ་ངན་གྱི་ཁག་གཞན་ལ་དཀྲི་བ། |
| གཡས་ཁྱིམ་གྱི་ནུ་བོ |
(བརྡ་རྙིང་།) མ་མི་གཅིག་པའི་སྤུན་ནུ་བོ། |
| གཡས་གཞོགས་གཡོན་འདེགས |
ཕན་ཚུན་རམ་འདེགས་སམ་རོགས་རམ་གྱི་དོན་ཏེ། (དཔེར་ན།) ལས་དོན་འདི་ང་ཚོ་ཐུན་མོང་གིས་གཡས་གཞོགས་གཡོན་འདེགས་བྱས་ཏེ་སྔ་ཙམ་འགྲུབ་ཐུབ་པ་བྱེད་དགོས་ཞེས་པ་ལྟ་བུ། |
| གཡས་གཡོན |
1གཡས་ཕྱོགས་དང་གཡོན་ཕྱོགས་ཀྱི་བསྡུས་ཚིག2.སྐབས་འགར་ཕན་ཚུན་ནམ་ཅིག་ཤོས་ཉིས་ཤོས་སུའང་གོ་སྟེ། (དཔེར་ན།) གཡས་གཡོན་ལ་ལྟ་བ། གཡས་གཡོན་དུ་འཁྱོར་བ། གཡས་འཇགས་གཡོན་ལངས། གཡས་འགྲོ་གཡོན་སྐྱོད། གཡས་བསྐུམ་གཡོན་བརྐྱང༌། གཡས་བྱས་གཡོན་ཤོར། གཡས་ལེན་གཡོན་འཇོག གཡས་བཤད་གཡོན་བཤད། ཞབས་བྲོ་འཁྲབ་དུས་ཁ་གཡས་ཕྱོགས་གཡོན་ཕྱོགས་སུ་སྐོར་བ། རྐང་མགྱོགས་ཀྱི་བློན་པོ་དེས་ཐུ་བ་ནག་པོ་གཡས་བརྫེས་དང་གཡོན་བརྫེས་བྱས། གྲི་གུ་ནག་པོ་གཡས་འདོགས་དང་གཡོན་འདོགས་བྱས། གོམ་ལ་རིང་ཐུང་མེད་པ་བརྒྱབ་སྟེ་སོང་ངོ་ཞེས་པ་ལྟ་བུ། |
| གཡས་གྲལ |
གཡས་ངོས་སུ་བསྒྲིགས་པའི་གྲལ། |
| གཡས་ཆུང |
སྣང་ཆུང་ངམ་མཐོང་ཆུང༌། |
| གཡས་དཀར་གཡོན་ནག |
དྲང་པོ་མིན་པ་ཕྱོགས་རིས་ཀྱི་དཔེ། |
| གཡས་པ |
1.ཁ་ཤར་ཕྱོགས་སུ་གཏོད་སྐབས་ཀྱི་ལྷོ་ངོས་ཏེ། (དཔེར་ན།) ཁང་མིག་གཡས་པ། ལག་གཡས་བརྐྱངས་པ། རྐང་གཡས་བསྐུམ་པ། གཡས་འཁྱོར་གཡོན་འཁྱོར། གཡས་ཕྱོགས་གཡོན་འདེགས། གཡས་ཕྱག་རྒྱ་བྱེད་དུས། གཡོན་བུམ་པ་ཤོར། གཡས་ལོག་གཡོན་ལོག་ཅེས་པ་ལྟ་བུ།2.(བརྡ་རྙིང་།) གཡར་བའམ་བརྙན་པ་སྟེ། (དཔེར་ན།) སྐྱེད་ལྕིའི་བུ་ལོན་གཡས་པ། ཆང་གཡས་ཆུས་འཇལ་ཞེས་པ་ལྟ་བུ། |
| གཡས་ཕྱོགས |
1.ལག་པ་གཡས་པའི་ཟུར། 2.ཤོག་ཐོག་གི་གཡས་ཕྱོགས་དང་གཡོན་ཕྱོགས་ངོས་འཛིན་བྱེད་སྟངས་ལ་རྒྱ་ལུགས་དང་བོད་ལུགས་གཉིས་མི་འདྲ་བ་ཡོད་དེ། རྒྱ་ལུགས་ལ་དཔེ་ཆ་དང་རི་མོ་ལྟ་མཁན་གྱི་ལུས་པོ་གཙོ་བོར་བཞག་ནས་དེའི་ལག་པ་གཡས་གཡོན་ཤོག་ཐོག་གི་གཡས་གཡོན་དུ་བརྩི་རྒྱུ་དང༌། བོད་ལུགས་ལ་ནི་དཔེ་དེབ་དང་ཐང་ག་ཉིད་གཙོ་བོར་བཞག་ནས་དེ་དག་གི་གཡས་ཟུར་དང༌། གཡོན་ཟུར་ཤོག་ཐོག་གི་གཡས་གཡོན་དུ་བརྩི་རྒྱུ། |
| གཡས་ཕྱོགས་སུ་ལྡོག་ཅིང་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྐོར་ཕྱོགས་ཀྱི་ལམ་དང་མཐུན་པར་གཤེགས་པ་ཉིད་ཀྱིས་གཡས་ཕྱོགས་སུ་ལྡོག་ཅིང་གཤེགས་པ། |
| གཡས་མ |
(མངོན་བརྗོད།) རྐུན་པོའམ་ཇག་པ། |
| གཡས་འཁྱིལ |
ཆུ་དང་རི་མོ་དབྱིབས་སོགས་གཡས་སྐོར་དུ་འཁྱིལ་བའི་མིང༌སྟེ། (དཔེར་ན།) དུང་དཀར་གཡས་འཁྱིལ། གྲོང་པའི་ཕྱི་རོལ་ཏུ་རྒྱུག་ཆུ་གཡས་འཁྱིལ་འབབ་ཅེས་པ་ལྟ་བུ། |
| གཡས་རུ |
1.བར་དབུས་གཙང་རུ་བཞིའི་ནང་གསེས་ཤིག་སྟེ། ལྟེ་བ་རྣམ་གླིང་ཁོངས་ཤངས་ཀྱི་གཞོང་པ་ཚལ་ལ་བཞག་ནས་ཤར་བྲགས་ཀྱི་གླང་མ་གུར་ཕུབ་དང༌། ལྷོ་གཉའ་ནང་གཡག་པོའི་སྣ། ནུབ་བྱེ་མ་ལ་དགུ། བྱང་སྨྲི་ཏི་ཆུ་ནག་བཅས་སོ་སོའི་བར་དུ་ཡོད་པའི་ས་ཡུལ་གྱི་མིང་རྙིང༌། 2.རུ་གཡས་གཡོན་གཉིས་སུ་ཕྱེ་བའི་ནང་ནས་གཡས་རུ་སྟེ། (དཔེར་ན།) དམག་གི་གཡས་རུ། གཡས་རུའི་ཤོག་ཁ་ཞེས་པ་ལྟ་བུ། |
| གཡས་རུ་གཙང་པོ |
འབབ་ཆུ་ཞིག་སྟེ། བོད་ཀྱི་གཏིང་སྐྱེས་རྫོང་གི་ཁོངས་སུ་ཡོད། དེའི་ཆུ་འགོ་ཧི་མ་ལ་ཡའི་བྱང་ངོས་ནས་བྱུང་ཞིང་དིང་རི་རྫོང་གི་ཁུལ་དུ་བུམ་ཆུའི་ནང་དུ་འབབ། |
| གཡས་རྡར་གཡོན་རྡར |
གཟོང་གི་བྱེ་བྲག་ཅིག |
| གཡས་ལོགས |
གཡས་ཀྱི་ཕྱོགས། |
| གཡས་ལྷུང |
རྙིང་ཞེན་གྱི་བསམ་བློའམ་ལོག་སྤྱོད་དབང་ཤུགས་ལ་འོས་མེད་འགྲིག་ཐབས་སམ་མགོ་འདོགས་པ། |
| གཡས་ཤོག |
གཡས་རུ། |
| གཡས་སྐོར |
1.ཞབས་བྲོ་འཁྲབ་དུས་གཡས་ཕྱོགས་སུ་བསྐོར་བའི་གོམ་སྟངས། 2.རང་ལུས་ཀྱི་གཡས་ངོས་ལྟེ་གནས་དང་ཉེ་བར་སྦྱར་ནས་སྐོར་བ། 3.ཡིག་ཕྲེང་དང༌། རིས་ཐིག་སོགས་འགོ་གཡོན་ནས་ཚུགས་ཏེ་གཡས་སུ་བྲིས་པའི་ཕྱོགས། |
| གཡས་སྡེ |
ཡུལ་གྱི་གཡས་སུ་ཡོད་པའི་སྡེ་ཁག |
| གཡས་སྡོད |
(མངོན་བརྗོད།) ཤིང་རྟའི་ཁ་ལོ་པ། |
| གཡས་སྤྱན་གཡོན་མིག |
གཡས་པར་སྤྱན་དང་གཡོན་མར་མིག་ཅེས་དྲང་པོ་མིན་པར་ཕྱོགས་སུ་ལྷུང་བའི་དཔེ། |
| གཡི |
གཟུགས་དབྱིབས་བྱི་ལ་དང་ཕྱོགས་ཙམ་མཚུངས་ཤིང་དེ་ལས་ཆེ་ལ་སྤུ་མདོག་སེར་སྐྱ། རྔ་མ་ཐུང་ཞིང་རྣ་རྩེར་སྤུ་རིང་བོ་ནག་པོ་སྤུ་རྭ་ལྟ་བུ་ཞིག་ཡོད་པའི་གཅན་གཟན་ཞིག་ཡིན། དེའི་པགས་པ་ནི་པགས་རིགས་རྩ་ཆེན་ཞིག་ཡིན། |
| གཡི་སྤྱང |
གཡི་དང་སྤྱང་ཀིའི་བསྡུས་མིང༌། |
| གཡི་སྦུག་ཚྭ་ཁ |
བོད་ཀྱི་ཤན་རྩ་རྫོང་གི་དབུས་ཁུལ་དུ་ཡོད། |
| གཡིག་པ |
(བྱེད་མེད་ལས་ཚིག) གཡིགས་པའི་ད་ལྟ་བའི་བྱ་མིང་། སྒྲེགས་པའམ་སྐྱིགས་བུ་བྱེད་པ་སྟེ། (དཔེར་ན།) གཡེར་མས་མིད་པ་གཡིག་གི་འདུག་ཅེས་པ་ལྟ་བུ། |
| གཡིགས |
(བྱེད་མེད་ལས་ཚིག) གཡིག་པའི་འདས་པ། གཡེར་མ་ཟོས་ནས་མིད་པ་སྦྲིད་པ་སྟེ། (དཔེར་ན།) གཡེར་མས་མིད་པ་གཡིགས་ལྟ་བུ། |
| གཡིགས་པ |
(བརྡ་རྙིང་།) བདར་བ། |
| གཡིགས་བུ |
སྐྱིགས་བུ། |
| གཡིའུ |
གཡག་ཆུང་བ། |
| གཡིས |
(ཡུལ་སྐད།) འབྲུ་རིགས་བཙིར་བའི་སྣུམ་གྱི་མིང་སྟེ། (དཔེར་ན།) ཟར་གཡིས། ལོག་གཡིས། གཡིས་སྣོད་ཅེས་པ་ལྟ་བུ། |
| གཡུ |
1.གཏེར་ཁ་ནས་ཐོན་པའི་རིན་པོ་ཆེ་མདོག་ལྗང་གུ་དང་དབྱིབས་སྣ་ཚོགས་ཡོད་པ། རྡོ་ལྟར་སྲ་བ། རྒྱན་ཆ་བྱེད་ཆོག་པ་ཞིག་ཡིན། 2.མདོག་ལྗང་གུ་མཚོན་པ་སྟེ། (དཔེར་ན།) གཡུ་མཚོ། གཡུ་ལོ་ཞེས་པ་ལྟ་བུ། |
| གཡུ་གཤོངས |
སྔོ་ཐིང་ངེར་ཆགས་པའི་ལྗོངས། |
| གཡུ་ཐོག |
གཡུའི་རྒྱ་ཕིབས་ཏེ། (དཔེར་ན།) གཡུ་རྩི་ཅན་གྱི་ཐོག་ཕིབས་ཞེས་པ་ལྟ་བུ། |
| གཡུ་ཐོག་གསར་མ་ཡོན་ཏན་མགོན་པོ |
གཡུ་ཐོག་རྙིང་མ་ཡོན་ཏན་མགོན་པོ་ནས་བརྩིས་པའི་གདུང་རབས་བཅུ་གསུམ་པ་རབ་བྱུང་གཉིས་པའི་ནང་གཙང་ཉང་སྟོད་སྒོ་བཞི་རེ་ཐང་དུ་འཁྲུངས། དགུང་ལོ་བརྒྱད་ཀྱི་སྟེང་གསོ་རིག་ལ་ཐུགས་གཞོལ་ཏེ་གསན་བསམ་མཛད་པས་མཁས་པར་གྱུར། དགུང་ལོ་བཅུའི་ཐོག་མང་མཁར་ཚ་ལུང་བ་རོག་སྟོན་དཀོན་མཆོག་སྐྱབས་ལས་དཔལ་ལྡན་རྒྱུད་བཞི་རྫོགས་པར་ཞུས། དགུང་ལོ་བཅོ་བརྒྱད་པ་ནས་རྒྱ་གར་ལ་རིམ་བཞིན་ཐེངས་དྲུག་ཕེབས་ཏེ་མཁའ་འགྲོའི་གཙོ་མོ་དཔལ་ལྡན་ཕྲེང་བ་དང༌། དྲང་སྲོང་ཙ་ར་ཀ་སོགས་བསྟེན་ནས་གསོ་དཔྱད་ཀྱི་གཞུང་ལུགས་ཐམས་ཅད་ཐུགས་སུ་ཆུད་པར་གསན་པས་མཁས་པའི་གྲགས་པས་ཕྱོགས་ཀུན་ལ་ཁྱབ་པར་གྱུར། རྡོ་རྗེ་གདན་དུ་པཎ་ཆེན་བརྒྱ་ཕྲག་དུ་མའི་ཚོགས་དཔོན་མཛད། སླར་བོད་དུ་ཕེབས་ནས་ལུས་ཅན་དུ་མ་ན་བ་དང་འཆི་བ་ལས་སྐྱོབ་པར་མཛད་ཅིང༌། ཕྱི་རབས་ཀྱི་རྗེས་འཇུག་དང་བུ་སློབ་རྣམས་ཀྱི་དོན་དུ་བརྒྱད་པ་ཆེ་ཆུང་གི་སྙིང་པོ་བསྡུས་པ་དང༌། དཔའ་བོའི་སྙིང་པོ་བསྡུས་པའི་མདོ་གནས་ཀྱི་འགྲེལ་པ་མཐོང་བའི་མེ་ལོང་སོགས་བརྩམས། ཁྱད་པར་དུ་དཔལ་ལྡན་རྒྱུད་བཞི་འདི་ཉིད་གསོ་དཔྱད་ཀུན་གྱི་ཡང་རྩེར་གཟིགས་ནས་སྐད་གསར་བཅད་ཀྱིས་གཏན་ལ་ཕབ་སྟེ་གསེར་མཆན་དང༌། ཟོང་མཆན་གཉིས་བཏབ། གཞན་ཡང་ཡུལ་དུས་སོགས་དགོས་ཁྱད་ཀྱི་དབང་གིས་སྐབས་སུ་བབ་པའི་ཞལ་སྐོང་ཅི་རིགས་མཛད། རྒྱུད་ཀྱི་གཞུང་འགྲེལ་མན་ངག་ཁ་སྐོང་དང་བཅས་པའི་གོ་ཆོད་དུ་ཆ་ལག་བཅོ་བརྒྱད་ལེགས་པར་བསྒྲིགས་ནས་སྐལ་ལྡན་གྱི་ཐུགས་སྲས་ཡེ་ཤེས་གཟུངས་ལ་གདམས། རྗེ་འདི་ཉིད་ལ་རྒྱུད་འཛིན་གྱི་བུ་སློབ་གྲངས་ལས་འདས་པ་བྱུང་བའི་གཙོ་བོ་ནི་སུམ་སྟོན་ཡེ་ཤེས་གཟུངས་ཀྱིས་དབུ་མཛད་པའི་ལྗང་སྨན་ལེབ་སེ་དང༌། འབལ་སྨན་ཉི་མ། སྟོན་པ་ཨ་ཚེས། ཤ་རམས་པ་ཉི་མ་དཔལ། གཡུ་ཐོག་བསོད་ནམས་སེང་གེ། དགེ་བཤེས་རོག་ཆུང་སོགས་མཁས་པ་མིང་དོན་མཚུངས་པ་སུམ་བརྒྱར་ཉེ་བ་བྱུང༌། དགུང་ལོ་བདུན་ཅུ་རྩ་བདུན་སྟེང་དུ་ཕེབས་པའི་ཚེ་ཞིང་དུ་གཤེགས། |
| གཡུ་ཐོག་ཟམ་པ |
སྔར་ལྷ་སའི་གཙུག་ལག་ཁང་གི་ནུབ་ཕྱོགས་སུ་ཡོད་པའི་ཟམ་པ་ཞིག་སྟེ། རྒྱ་ལུགས་གྱོ་རྩི་ལྗང་གུའི་རྒྱ་ཕིབས་ཅན་ཞིག |
| གཡུ་ཐོག་རྙིང་མ་ཡོན་ཏན་མགོན་པོ |
སྤྱི་ལོའི་དུས་རབས་བརྒྱད་པའི་ས་མོ་སྦྲུལ་གྱི་ལོར་སྟོད་ལུང་སྐྱིད་སྣ་རུ་ཡབ་གཡུ་ཐོག་ཁྱུང་པོ་རྡོ་རྗེ་དང༌། ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤྲེལ་ཟླའི་ཚེས་བཅོ་ལྔ་ཉིན་སྐུ་འཁྲུངས། དགུང་ལོ་གསུམ་གྱི་ཐོག་རང་གི་ཡབ་ལས་ཡི་གེ་འབྲི་ཀློག་དང༌། གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན་ཏེ་ནད་པ་བསྐྱངས། དགུང་ལོ་ལྔ་པར་ཡབ་ལས་བདུད་རྩི་སྨན་སྒྲུབ་དང༌། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས། དགུང་ལོ་བཅུའི་ཐོག་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། རྒྱལ་པོས་ཉམས་སད་བླང་ཕྱིར་བྲང་ཏི་རྒྱལ་གཉེར་མཁར་ཕུག་སོགས་བོད་ཀྱི་མཁས་པ་རྣམས་དང་རྩོད་དུ་བཅུག་པས་ཀུན་ལས་རྣམ་པར་རྒྱལ་ཏེ་བོད་སྨན་མཁས་པ་མི་དགུའི་གཙོ་བོར་གྱུར། རྒྱ་གར་གྱི་སྨན་པ་ཤནྟི་གརྦྷ་དང༌། རྒྱ་ནག་གི་སྨན་པ་སྟོང་གསུམ་གང་བ་སོགས་ཡུལ་ཕྱོགས་གཞན་ནས་གདན་དྲངས་པའི་བླ་སྨན་མཁས་པ་མི་དགུས་དྲི་བ་མི་འདྲ་བ་བཏོན་པས་དེ་དག་ལ་སྒྲ་ཚད་རིག་པའི་སྒོ་ནས་དེ་དང་མཐུན་པའི་ལན་བཏབ་རྒྱ་བོད་མཁས་པ་ཡོངས་ཀྱི་གཙུག་ཏུ་བཀུར་ནས་མི་ཡུལ་དུ་བྱོན་པའི་སངས་རྒྱས་སྨན་བླ་ཞེས་གྲགས། ཆོས་རྒྱལ་མེས་ཨག་ཚོམ་དང༌། ཁྲི་སྲོང་ལྡེ་བཙན་གཉིས་ཀྱི་བླ་སྨན་པ་མཛད། དགུང་ལོ་ཉེར་ལྔ་ཐོག་རྒྱ་གར་དུ་ཐེངས་དང་པོ་ཕེབས་པ་དང་རིམ་བཞིན་ཐེངས་གསུམ་ཕེབས་ཏེ་པཎ་ཆེན་ཙནྡྲཱ་བྷཱི་དང༌། མཁས་པ་མེ་དབང་སོགས་སློབ་དཔོན་དུ་མ་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང༌། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། རྒྱ་ནག་རི་བོ་རྩེ་ལྔར་ཐེངས་གཅིག་ཕེབས་ཏེ་འཕགས་པ་འཇམ་དཔལ་གྱི་མདུན་ནས་སྦྱོར་བའི་ཕྲེང་བ་དང༌། བྱང་ཁོག་དོན་འགྲེམས་སོགས་གདམས་ངག་དུ་མ་ཞུས་ནས་བོད་དུ་ཕེབས་ཏེ་གངས་ཅན་བོད་ཡུལ་གྱི་སྨན་གྱི་རིག་པས་གཞི་བྱས། དེའི་སྟེང་རྒྱ་གར་ནག་གྱི་སློབ་དཔོན་རྣམས་ཀྱི་གདམས་ངག་དང༌། བེ་རོ་ཙ་ནས་བསྒྱུར་པའི་ཕྱོགས་གཞན་གྱི་གསོ་བ་རིག་པའི་འགྱུར་དག་གི་དགོངས་བཅུད་རྣམས་བླངས་ནས་ཁ་སྣོན་མཛད་དེ་དཔལ་ལྡན་རྒྱུད་བཞི་ཞེས་པའི་མ་ཕྱི་བསྐྲུན། བལ་པོའི་རྒྱལ་པོ་ཧ་རྡ་རུ་གྲང་བ་ཐུར་འབབས་ཀྱི་ནད་བཅོས་པ་སོགས་སྐུ་ཚེ་གང་པོར་གསོ་རིག་བསྟན་དོན་ཁོ་ན་མཛད། གདུང་རྒྱུད་འཛིན་པའི་སྲས་འབུམ་སེང་དང༌། དཔལ་འབུམ། དགའ་དགའ་གསུམ་འཁྲུངས། ཀོང་པོ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གྱི་ས་ཆེན་པོ་འདི་གང་བར་བསྐྲུན། དགུང་ལོ་བརྒྱ་དང་ཉི་ཤུ་རྩ་ལྔའི་ཐོག་འདས། |
| གཡུ་དྲུག་དམར |
དམར་མདངས་ཅུང་ཟད་ཡོད་པའི་གཡུའི་རིགས་ཤིག |
| གཡུ་ཕྲ |
གཡུའི་ཕྲ་རྒྱན། |
| གཡུ་བཤད |
(ཡུལ་སྐད།) སྔར་བག་མ་གཏོང་ཡུལ་གྱི་མ་ཡིས་མནའ་མའི་མགོར་གཡུ་བཏགས་ཏེ་མི་གཞན་ཞིག་གིས་བཤད་པ་རྒྱག་པ། |
| གཡུ་བུར |
(ཡུལ་སྐད།) 1>གཡུ་དང་བྱུར། 2>རྣ་བར་རྒྱན་བྱེད་ཀྱི་གཡུ་རྡོག་ཆུང་ངུ། |
| གཡུ་བྱུར |
གཡུ་དང་བྱུ་རུའི་བསྡུས་མིང༌། |
| གཡུ་མདོག |
གཡུའི་ཁ་དོག་སྟེ། (དཔེར་ན།) ལོ་མ་གཡུ་མདོག་ཅན་ཞེས་པ་ལྟ་བུ། |
| གཡུ་མཚོ |
གཡུ་མདོག་ཅན་ལས་མིང་ཐོགས་པའི་མཚོ་སྟེ། (དཔེར་ན།) ཡར་འབྲོག་གཡུ་མཚོ། མ་ཕམ་གཡུ་མཚོ་ཞེས་པ་ལྟ་བུ། |
| གཡུ་ཞགས་སྒོར་མོ |
མིག་ཁུང་འཁྱོག་པོར་ཡོད་པའི་གཡུ་རྡོག |
| གཡུ་འབྲུག |
འབྲུག་གི་མིང༌སྟེ། (དཔེར་ན།) གཡུ་འབྲུག་སྔོན་མོ། རྒྱ་སྟག་དང་གཡུ་འབྲུག གཡུ་འབྲུག་ནམ་མཁར་ལྡིང་ཡང༌། སྤར་རྡོ་ས་ལ་མི་ལྷུང༌ཞེས་པ་ལྟ་བུ། |
| གཡུ་རལ |
རལ་པ་སྔོན་པོ། |
| གཡུ་རལ་ཅན |
(མངོན་བརྗོད།) སེང་གེ། |
| གཡུ་རྩི |
རྒྱ་ཕིབས་དང་ཁོག་མ་སོགས་རྫའི་རིགས་ལ་གཏོང་རྒྱུའི་རྩི། |
| གཡུ་ལོ |
གཡུ་མདོག་ཅན་གྱི་ལོ་མ། |
| གཡུ་ལོ་བཀོད་པའི་ཞིང་ཁམས |
རྗེ་བཙུན་སྒྲོལ་མའི་ཞིང་ཁམས། |
| གཡུ་སྤུར |
གཡུ་ཡི་རྣ་རྒྱན། |
| གཡུ་སྦྲང |
གཡུ་མདོག་ཅན་གྱི་སྦྲང་བུ། |
| གཡུག |
(བྱེད་འབྲེལ་ལས་ཚིག) གཡུགས་པའི་མ་འོངས་པ་དང་ད་ལྟ་བ། ཕར་འཕེན་པ་སྟེ། (དཔེར་ན།) གཡུག་བྱའི་རྡོ། རྡོ་གཡུག་མཁན་ཞེས་པ་ལྟ་བུ། |
| གཡུག་པ |
1.(བྱེད་འབྲེལ་ལས་ཚིག) གཡུགས་པའི་ད་ལྟ་བའི་བྱ་མིང་། 2.བསྐྱོད་པའམ་གཡོ་བ་སྟེ། (དཔེར་ན།) རླུང་ཤར་ནས་གཡུག་ན་འབབ་རྟགས་རེད། རླུང་ནུབ་ནས་གཡུག་ན་ཐང་རྟགས་རེད་ཅེས་པ་ལྟ་བུ། 3.བོར་བརླག་ཏུ་འཇུག་པ་སྟེ། (དཔེར་ན།) རྒྱུ་ནོར་ཚང་མ་གཡུག་གི་འདུག་ཅེས་པ་ལྟ་བུ། |
| གཡུགས |
1.གཡུག་པའི་འདས་པ་དང་སྐུལ་ཚིག་སྟེ། (དཔེར་ན།) རྡོ་ཕར་གཡུགས། རྡོ་འདི་ཕར་གཡུགས་ཤིག་ལྟ་བུ། 2.དོར་བ་སྟེ། (དཔེར་ན།) གྲོགས་ངན་གཡུགས་ཤིག་ལྟ་བུ། |
| གཡུགས་པ |
གཡུག་པའི་འདས་པའི་བྱ་མིང་། |
| གཡུང |
1.(རྒྱན་ཚིག) རྒོད་པའི་ལྡོག་ཟླ་རྟ་གཡུང་མོ་སྟེ། (དཔེར་ན།) རྟ་རྒོད་གཡུང་ལ་ཕབ་ལྟ་བུ། 2.གནའ་བོའི་རྒྱ་གར་གྱི་གྲལ་རིམ་མམ་མི་རིགས་ཤིག་གི་མིང་། གཡུང་པོའི་རིགས་ཟེར། |
| གཡུང་གི་མི་སྡེ |
སྲོང་བཙན་སྒམ་པོའི་སྐབས་སུ་རྒྱལ་པོར་དགོས་མཁོ་སྒྲུབ་མཁན་འབངས་མིའམ་བྲན་གཡོག་དྲག་གྲས། |
| གཡུང་དགོན |
གཡུང་ཧོ་ཀོང་དགོན་པ་སྟེ། རབ་བྱུང་བཅུ་གཉིས་པའི་ཤིང་ཁྱི་ལོར་བཞེངས། ཐོག་མར་གོང་མ་གཡུང་ཀྲེང་རྒྱལ་སྲས་སྐབས་ཀྱི་བཞུགས་ཤག་ཡིན་ཞིང༌། ཤིང་སྦྲུལ་ལོར་དགོན་པར་བསྒྱུར། འདི་ནི་པེ་ཅིན་ས་ཁུལ་དུ་ད་ལྟར་ཡོད་པའི་དགོན་པ་ཆེ་ཤོས་ཤིག་ཡིན། |
| གཡུང་དྭགས |
རྟ་ཕྱུགས་སོགས་མི་ལ་འཁོར་བའི་སེམས་ཅན་སྤྱིའི་མིང༌། |
| གཡུང་དྲུང |
1.རྟག་པའམ་འགྱུར་བ་མེད་པ། 2.བཀྲ་ཤིས་པའི་རི་མོའི་བྱེ་བྲག |
| གཡུང་དྲུང་ཅན |
(མངོན་བརྗོད།) ཁྱབ་འཇུག |
| གཡུང་དྲུང་པ |
བོན་པོ། |
| གཡུང་དྲུང་འཁྱིལ་བ |
(མངོན་བརྗོད།) རྒྱལ་པོའི་ཕོ་བྲང༌། |
| གཡུང་དྲུང་ལག་འཁྱུད |
གཡུང་དྲུང་གི་རི་མོ་མུ་འབྲེལ་མ། |
| གཡུང་དྲུང་ལམ |
བོན་ལུགས་ཀྱི་སྒྲུབ་ཐབས། |
| གཡུང་དྲུང་ལྟུང་བཤགས |
བོན་གྱི་ལྟུང་བཤགས། |
| གཡུང་དྲུང་སེམས་དཔའ |
བོན་པོའི་བྱང་སེམས་ཀྱི་མིང༌། |
| གཡུང་དྲུང་སྐུ |
རྟག་པའམ་འགྱུར་མེད་ཀྱི་སྐུ། |
| གཡུང་པོ |
1.གདོལ་རིགས་ཏེ། སྔར་རྒྱ་གར་གྱི་རིགས་དམན་པ་ཞིག 2.སྡིག་སྲིན་དང་སྦལ་པ་ལྕོང་མོ་སོགས་ཟ་མཁན་གྱི་མི་རིགས་ལ་དམའ་འབེབས་བྱས་པའི་མིང༌། 3. གཡུང་བ་དང་འདྲ། |
| གཡུང་བ |
1.སྐྲུན་པའམ་ཐུལ་བ་མི་འདྲོག་པ་དང་བརླིང་པོའམ་འདྲིས་གོམས་ཐོན་པ་སྟེ། (དཔེར་ན།) རྟ་གཡུང་བ། མཛོ་གཡུང་མ། རྒོད་གཡུང༌ཞེས་པ་ལྟ་བུ། 2.གཟུགས་པོ་ཞན་པ། 3.དངོས་རིགས་ཞན་པ་སྟེ། (དཔེར་ན།) གཡུང་བའི་དངོས་པོ་ཞེས་པ་ལྟ་བུ། |
| གཡུང་བབ་པ |
1.ཐུལ་བའམ་ལྷིང་བབས་པ་སྟེ། (དཔེར་ན།) རྟ་བཏུལ་ནས་གཡུང་བབས་པར་གྱུར་ཞེས་པ་ལྟ་བུ། 2.ཆུ་རྒྱུན་དལ་བུས་བབས་པ། |
| གཡུང་མ |
གཡུང་བ་དང་འདྲ། |
| གཡུང་མཚོ |
བོད་ཀྱི་སྣ་དཀར་རྩེ་རྫོང་ཁོངས་ཡར་འབྲོག་གཡུ་མཚོའི་ལྷོ་ནུབ་ངོས་སུ་ཡོད། |
| གཡུང་མོ |
1.སྔར་རྒྱ་གར་གྱི་བཤན་པའི་རིགས་ཀྱི་བུད་མེད། 2.བུད་མེད་རིགས་ངན་ནམ་འཆལ་མོ། 2. གཡུང་བ་དང་འདྲ། |
| གཡུང་ཟ |
(བརྡ་རྙིང་།) 1>རུས། 2>མི་དང་འདྲིས་པའི་རི་དྭགས། |
| གཡུང་ལ |
རི་བོ་ཞིག་སྟེ། བོད་ཀྱི་རྒྱལ་རྩེ་རྫོང་གི་བྱང་ངོས་ན་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་4720 ཡོད། |
| གཡུར |
(བྱེད་མེད་ལས་ཚིག) གཉིད་ལོག་པའི་དོན་ཏེ། (དཔེར་ན།) གཉིད་དུ་གཡུར་བ་ཞེས་པ་ལྟ་བུ། འདི་ལ་ཡུར་ཞེས་ཀྱང་འབྲི། |
| གཡུར་བ |
ཡུར་བའི་འབྲི་སྲོལ་གཞན་ཞིག་ |
| གཡུར་ཟ་བ |
(རྒྱན་ཚིག) འབྲས་བུ་མང་བོ་ཆགས་པའི་དོན་ཏེ། (དཔེར་ན།) སིལ་ཏོག་གཡུར་ཟ་བ། འབྲས་བུ་གཡུར་དུ་ཟ་བ་ཞེས་པ་ལྟ་བུ། |
| གཡུལ |
དམག་འཁྲུག་གི་མིང་སྟེ། (དཔེར་ན།) དཔའ་བོ་གཡུལ་དུ་ཆས་པ། དམག་དཔུང་གཡུལ་དུ་ཆས་ལྟ་བུ། |
| གཡུལ་ཁ |
1.དམག་འཁྲུག་རྒྱག་ས་སྟེ། (དཔེར་ན།) དཔུང་གི་ཚོགས་བགྲང་དུ་མེད་པ་གཡུལ་ཁར་ཆས་ཞེས་པ་ལྟ་བུ།2.སྟོན་ཐོག་ཚར་མའི་ལས་ཀ་བྱེད་ས་སྟེ། (དཔེར་ན།) གཡུལ་ཁ་གཅོག་པ། གཡུལ་ཁ་གྱང་བསྐོངས། གཡུལ་ཁ་སྲུང་བ་ཞེས་པ་ལྟ་བུ། |
| གཡུལ་གཞི |
ལོ་ཏོག་རྡུང་སའི་གཞི་སྟེ་ཕལ་སྐད་དུ་གཡུལ་ཁ་ཟེར། |
| གཡུལ་གཤོམ |
དམག་གྲ་དངོས་སུ་སྒྲིག་པ་སྟེ། (དཔེར་ན།) དགྲ་བོས་བདག་ཅག་ལ་ཡང་ནས་ཡང་དུ་གཡུལ་གཤོམ་བྱས་ཞེས་པ་ལྟ་བུ། |
| གཡུལ་གྱི་ཁ་ལོ་པ |
དམག་འཐབ་བཀའ་བཀོད་པ། |
| གཡུལ་གྱི་ངོ |
1.དམག་ས། 2.དམག་འཁྲུག་ཡོང་བའི་སྔ་ལྟས། |
| གཡུལ་གྲུ |
དམག་གྲུ། |
| གཡུལ་ངོ |
དམག་ས་སྟེ། (དཔེར་ན།) གཡུལ་ངོར་འདོང་བ། གཡུལ་ངོར་ཞུགས་པ། གཡུལ་ངོར་ལྷུང་བའི་རལ་གྲི་དེ། སུ་ཡི་གྲོགས་འགྱུར་ངེས་པ་མེད། གཡུལ་ངོར་ཡང་ཡང་འཐབ་པའི་མི། དཔའ་རྩལ་སྙིང་སྟོབས་ལྡན་པར་གྱུར་ཞེས་པ་ལྟ་བུ། |
| གཡུལ་ངོར་བརྟེན |
(མངོན་བརྗོད།) དཔའ་བོ། |
| གཡུལ་ཆས |
དམག་མཁོའི་དངོས་རྫས། |
| གཡུལ་ཐང |
1.དམག་རྒྱག་ཡུལ་གྱི་ཐང༌། 2.སྟོན་ཐོག་གཡུལ་ལས་བྱེད་སའི་ཐང༌། |
| གཡུལ་ཐོན |
1.གཡུལ་ལས་བཏང་ཚར་བའི་སྟོན་མོ། 2.དམག་ལ་ཆས་པ། |
| གཡུལ་དུ་འཛིན |
(མངོན་བརྗོད།) མཚོན་ཆ། |
| གཡུལ་དུས |
1.སྟོན་ལས། 2.དམག་ལས་ཀྱི་དུས་སམ་དམག་འཐབ་ཀྱི་དུས། |
| གཡུལ་ན་བརྗིད |
(མངོན་བརྗོད།) དཔའ་བོ། |
| གཡུལ་བཟློག |
ཚུར་རྒོལ་བྱེད་མཁན་གྱི་དགྲ་བོ་ཕམ་པར་བྱས་པ། |
| གཡུལ་བྲེས |
གཡུལ་སྤྲོད་དང་དོན་གཅིག་ |
| གཡུལ་འཁྲུག |
དམག་འཁྲུག |
| གཡུལ་འགྱེད |
དམག་འཐབ་གཡུལ་འགྱེད་ལས་རྒྱལ་བ་སྟེ། (དཔེར་ན།) དམག་གསོ་ཉིན་སྟོང༌། གཡུལ་འགྱེད་དུས་གཅིག་ཅེས་་པ་ལྟ་བུ། |
| གཡུལ་རྒྱགས |
དམག་མཁོའི་བཟའ་བཅའ། |
| གཡུལ་རྒྱལ་ཕྱིར་ལོག |
དམག་ལ་རྒྱལ་ཁ་ལོན་ནས་རང་གནས་སུ་ལོག་པ། |
| གཡུལ་ལས |
1.དམག་གི་ལས་ཀ་སྟེ། (དཔེར་ན།) གཡུལ་ལས་ལ་ཞུགས་ཏེ་རྒྱལ་བ་ཞེས་པ་ལྟ་བུ། 2.གཡུལ་ཁའི་སྙེ་མ་བརྡུང་བསལ་གྱི་ལས་ཀ་སྟེ།་ (དཔེར་ན།) གཡུལ་ལས་བྱེད་པ་ཞེས་པ་ལ་བུ། |
| གཡུལ་ལོག |
ཕ་རོལ་གྱི་དགྲ་དམག་ལོག་པ། |
| གཡུལ་ས |
དམག་ས། |
| གཡུལ་སྤྲོད |
དམག་རྒྱག་པ། |
| གཡེ |
མི་མེད་ས་སྟོང་གི་མིང་། |
| གཡེ་ཐང |
དབེན་གནས་ཐང་གི་མིང་སྟེ། གྲོང་ལས་འདོམ་ལྔ་བརྒྱ་ཕན་ཆད་སོང་བའི་ས་ཆར་དགོན་པ་དང༌། དེ་ལས་རིང་བར་བརྒལ་བ་ན་གཡེ་ཐང་ཟེར། |
| གཡེ་བྱས་པ |
ཨ་མདོའི་ཁ་སྐད་དུ་མི་ཤི་ནས་དུར་ཁྲོད་དུ་བསྐྱལ་བའི་དོན། |
| གཡེང་ |
1.(བྱེད་འབྲེལ་ལས་ཚིག) གཡེངས་པའི་མ་འོངས་པ་དང་ད་ལྟ་བ། སེམས་རྩེ་གཅིག་མི་བྱེད་པ་སྟེ། (དཔེར་ན།) སེམས་གཞན་ལ་གཡེང་། མིག་ལྟད་མོ་ལ་གཡེང་ལྟ་བུ། 2.(བྱེད་མེད་ལས་ཚིག) གཡེངས་པའི་མ་འོངས་པ་དང་ད་ལྟ་བ། ཆུའི་གཏིང་དུ་མི་ནུབ་པར་ཆུ་ངོས་སུ་གནས་པ་སྟེ། (དཔེར་ན།) ཤིང་ཆུ་ཁར་གཡེང་ཞེས་པ་ལྟ་བུ། |
| གཡེང་གཏམ |
དོན་མེད་ངག་འཁྱལ་ཏེ། (དཔེར་ན།) གཡེང་གཏམ་ལབ་ཏུ་ཁོམ་པ་མེད་ཅེས་པ་ལྟ་བུ། |
| གཡེང་གཡེང་བ |
བག་མེད་བྱེད་བཞིན་པ་སྟེ། (དཔེར་ན།) སེམས་དང་དབང་པོ་ཕྱི་ནང་གི་ཡུལ་ལ་ཡང་ཡང་གཡེང་གཡེང་བ་ཞེས་པ་ལྟ་བུ། |
| གཡེང་བ |
1. (བྱེད་མེད་ལས་ཚིག) ཆུ་སོགས་ཁར་གཡེངས་པའི་དོན་དུ་གོ་བའི་ད་ལྟ་བའི་བྱ་མིང་། 2.(བྱེད་འབྲེལ་ལས་ཚིག) བག་མེད་ཀྱི་དོན་དུ་གོ་བའི་ད་ལྟ་བའི་བྱ་མིང་། |
| གཡེང་བག |
རྣམ་གཡེང་དང་བག་མེད་ཀྱི་བསྡུས་མིང༌། |
| གཡེང་རྩེད |
རྣམ་གཡེང་དང་རྩེད་མོའི་བསྡུས་མིང༌། |
| གཡེངས |
1.གཡེང་བའི་འདས་པ་དང་སྐུལ་ཚིག་སྟེ། (དཔེར་ན།) སེམས་མ་གཡེངས་པར་སློབ་ཁྲིད་ལ་མཉན་ལྟ་བུ། 2.(བྱེད་མེད་ལས་ཚིག) གོས་སོགས་བཀྲམ་པའི་དོན་ཏེ། (དཔེར་ན།) པགས་པ་ཉི་མར་གཡེངས། སྐྲ་རྣམས་རྒྱབ་ལ་གཡེངས་ལྟ་བུ། |
| གཡེངས་པ |
གཡེང་བའི་འདས་པ། |
| གཡེན |
དབྱེན་གྱི་འབྲི་ཚུལ་གཞན། |
| གཡེན་པ |
(བརྡ་རྙིང་།) 1>བསྡིགས་པ་དང་འདེད་པ། 2>ངོ་ཚ་བ། ཟས་ལ་གཡེན་པ། |
| གཡེན་སྤྱོ་བ |
1.སྡང་བ། 2.ཅོ་འདྲི་བ། 3.ཕྲ་མ་བྱེད་པ། 4.བསྡིགས་པ། 5.དེད་པ། |
| གཡེན་སྦྱོར |
ཕྲ་མ་སྟེ། (དཔེར་ན།) ཕན་ཚུན་མཐུན་པའི་བར་དུ་གཡེན་སྦྱོར་བྱེད་ཅེས་པ་ལྟ་བུ། |
| གཡེམ |
(བྱེད་འབྲེལ་ལས་ཚིག) ཚུལ་མིན་གྱི་འཁྲིག་པ་སྤྱོད་པའི་དོན་ཏེ། ལོག་གཡེམ་དང་དོན་འདྲ། |
| གཡེམ་པ |
(བྱེད་འབྲེལ་ལས་ཚིག) འཁྲིག་ལོག་སྤྱོད་པ་སྟེ། (དཔེར་ན།) ལོག་པར་གཡེམ་པ། གཡེམ་ལ་དགའ་བ་ཞེས་པ་ལྟ་བུ། |
| གཡེམ་མ |
1.སྨད་འཚོང་མ། 2.ཁྱོ་ག་གཏན་འཁེལ་མེད་པའི་བུད་མེད་ལའང་གོ་བར་བཤད། |
| གཡེར |
1.(རྒྱན་ཚིག) བྱིས་པ་ག་ཆད་དུ་ངུས་པ་སྟེ། (དཔེར་ན།) བྱིས་པས་གཡེར་བྱས་ལྟ་བུ།2.(བརྡ་རྙིང་།) སྙོམ་པ། |
| གཡེར་ཁ |
དྲིལ་བུ་ཆུང་ཆུང་གཡེར་མའི་ཁ་ལྟ་བུ་སྟེ། (དཔེར་ན།) རྒྱན་གཡེར། བྱི་བ་མང་པོ་གྲོས་བྱས་ནས་ཞུམ་བུའི་སྐེ་ལ་གཡེར་ཁ་གཡོགས་ཞེས་པ་ལྟ་བུ། |
| གཡེར་ཆུང |
གཡེར་ཁ་ཆུང་ངུ། |
| གཡེར་པོ |
1.(རྒྱན་ཚིག)1.མཁས་པ་དང་ཤེས་རིག་གྲུང་པོའམ་ཤེས་རབ་དྭངས་གསལ་ཅན། 2.གཟབ་མཆོར་སྤྲོས་པར་དགའ་མཁན། 3.མཐོང་གཡེལ་ཆེ་བ། ཁང་པ་གཡེར་པོ། གནམ་གཡེར་པོ། 4. གྲིམས་པོའི་དོན་ཏེ། (དཔེར་ན།) ཤེས་རིག་གཡེར་པོ་ཞེས་པ་ལྟ་བུ། |
| གཡེར་པོ་ཆེ |
སྐད་གྲགས་ཆེན་པོ་སྟེ། (དཔེར་ན།) དཔའ་རྩལ་གཉིས་ལྡན་གྱི་མི་གཡེར་པོ་ཆེ་ཞེས་པ་ལྟ་བུ། |
| གཡེར་བ |
1.མཆོར་སྒེག་ཆེ་བ་སྟེ། (དཔེར་ན།) རྒྱན་ཆས་མཛེས་ཤིང་གཡེར་བ། བུད་མེད་གཡེར་མོ་ཞེས་པ་ལྟ་བུ།2.སྣོད་ཀྱི་ཁ་ཕྱིར་གྱེས་པ། 3.ནམ་མཁའ་གཡེར་བ། |
| གཡེར་བག |
(བརྡ་རྙིང་།) 1>རྒོད་བག་གམ་སེམས་འཕངས་མཐོ་བ། 2>བཞད་གད་ཆེ་བ། 3>སྣང་བ་ཆེ་ས། 4>དབེན་གནས། |
| གཡེར་མ |
ཤིང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་རྩ་ཁ་འབྱེད། སྲིན་ནད་གསོད། ཟས་འཇུ། ཟ་འཕྲུག་ཞི། ཆང་ནད་ལ་ཕན། མིང་གི་རྣམ་གྲངས་ལ་ཁ་གདངས་དང༌། སྤོར་ཚ། རྩ་འབྱེད། ཤིང་ཨ་ཙ་ར་བཅས་སོ། ། |
| གཡེར་མོ |
1.(རྒྱན་ཚིག) ས་ཁུལ་ཁྱོན་ཡངས་པའི་དོན་ཏེ། (དཔེར་ན།) ཁང་བ་གཡེར་མོ། ས་ཆ་གཡེར་མོ་ཞེས་པ་ལྟ་བུ། 2.བུད་མེད་གཟབ་སྤྲོས་ལ་དགའ་མཁན། |
| གཡེར་མོ་ཐང |
སྔར་མདོ་སྨད་ཅེས་པའི་མིང་གི་རྣམ་གྲངས། |
| གཡེར་ཤིང་པ |
སྔོ་སྨན་གྱི་རིགས་ཤིག་རོ་ཚ་ལ་བསྐ། ཞུ་རྗེས་བསིལ། ནུས་པས་འབྲུམ་བུའི་ནད་ཀྱིས་ཚ་བ་རྒྱས་པར་ཕན། |
| གཡེར་ཤིང་བ |
འབྲས་བུའི་དབྱིབས་གཡེར་མ་དང་མཚུངས་ཤིང་གཡེར་དྲི་བྲོ་བའི་ལྡུམ་རིགས་ཤིག་ཡིན། |
| གཡེལ |
1.(བྱེད་འབྲེལ་ལས་ཚིག) ཁས་བླངས་པ་ཡལ་བར་དོར་བའི་དོན་ཏེ། (དཔེར་ན།) ཁས་བླངས་དམ་བཅའ་གཡེལ་མི་རུང་ལྟ་བུ། 2.ལྭ་བའི་ཐུ་བ་ཁ་ཕྱེ་བ་སྟེ། (དཔེར་ན།) དང་ག་མ་གཡེལ། ལྭ་བའི་ཐུ་བ་མ་གཡེལ་ལྟ་བུ། 3.ལྷོད་གཡེང་བྱས་པ་སྟེ།་ (དཔེར་ན།) སློབ་སྦྱོང་གཡེལ་མི་རུང་། གཡེལ་བ་མེད་པར་སློབ་སྦྱོང་བྱས་ལྟ་བུ། |
| གཡེལ་ཅན |
གཡེལ་བག་ཅན་གྱི་བསྡུས་ཚིག |
| གཡེལ་བ |
1. (བྱེད་མེད་ལས་ཚིག) གཡེང་བ་སྟེ། (དཔེར་ན།) སེམས་པ་གཞན་དུ་མ་གཡེལ་ཞིག ཉིན་མཚན་དུས་ཀུན་ཏུ་སྐད་ཅིག་ཀྱང་མི་གཡེལ་བར་གཟིགས་ཞེས་པ་ལྟ་བུ།2.བརྗེད་པ་སྟེ། (དཔེར་ན།) ལས་དོན་བྱ་རྒྱུའི་ཁས་ལེན་བྱས་ནས་དགོས་དུས་གཡེལ་ནས་མི་འདུག་ཅེས་པ་ལྟ་བུ། 3.འབྲལ་བ་དང་སྙོམ་ལས་སམ་བརྩོན་པ་ཞན་པའི་དོན་ཏེ། (དཔེར་ན།) བག་མེད་གཡེལ་བ། ལས་ཀར་གཡེལ་བ་བྱེད་པ་ཞེས་པ་ལྟ་བུ། 4. གུ་ཡངས་པོ་སྟེ། (དཔེར་ན།) རྣམ་པར་གཡེལ་བའི་ཤེས་རིག་ཅེས་པ་ལྟ་བུ། |
| གཡེལ་བག་ཅན |
རྩེད་མོར་དགའ་མཁན། |
| གཡེལ་མ |
(མངོན་བརྗོད།) 1>བུད་མེད་འདོད་ལྡན་མ། 2>སྨད་འཚོང་མ། |
| གཡོ |
1.(བྱེད་འབྲེལ་ལས་ཚིག) གཡོས་ཀྱི་མ་འོངས་པ་དང་ད་ལྟ་བ། ཟས་གཡོ་སྐོལ་དང་འདམ་བརྫི་བྱེད་པའི་དོན་ཏེ། (དཔེར་ན།) ཇ་མས་ཟས་གཡོ་ལྟ་བུ། 2.(བྱེད་མེད་ལས་ཚིག) གཡོས་ཀྱི་མ་འོངས་པ་དང་ད་ལྟ་བ། དངོས་གཟུགས་འགུལ་བའི་དོན་ཏེ། (དཔེར་ན།) གཞན་ཕན་བསམ་པ་གཡོ་མེད་རི་ལྟར་བརྟན་ལྟ་བུ།3.གཞན་བསླུ་བའིབསམ་པ་དང་བྱ་སྤྱོད་ཀྱི་མིང་སྟེ། (དཔེར་ན།) མི་གཡོ་ཅན། གཡོ་སྒྱུ། གཡོ་ཐབས། གཡོ་ཟོལ་ཞེས་པ་ལྟ་བུ། 4.བྱ་སྤྱོད་བཅོས་མའི་མིང་སྟེ། (དཔེར་ན།) ཤི་གཡོ་བྱས། སྲིན་བུ་ལ་ལས་ཀྱང་ཤི་གཡོ་བྱེད་ཤེས་ཞེས་པ་ལྟ་བུ།5.རྙེད་བཀུར་སོགས་ལ་ཆགས་པས་རང་གི་ཉེས་པ་སྦས་ཏེ་ཉེས་རྒྱུན་སྐྱོང་བའི་སེམས་གྱ་གྱུ་བ་ཆགས་སྡང་གཏི་མུག་གི་ཆར་གཏོགས་པ། ཉེ་ཉོན་ཉི་ཤུའི་ནང་གསེས་ཤིག |
| གཡོ་ཁྲམ |
གཡོ་སྒྱུ་དང་ཁྲམ་པའི་བསྡུས་མིང༌། (དཔེར་ན།) ལྐོག་ཟ་གཡོ་ཁྲམ་བྱེད་པ་ཞེས་པ་ལྟ་བུ། མིང་གི་རྣམ་གྲངས་ལ་གྱ་གྱུ་དང༌། འགེབས། སྒྱུ། ངན་ཀྱོག་ངན་ཐབས། ངན་གཡོ། བཅོས་མ། ལྕེ་གཉིས། མ་རུང་བ། ཟོག་ཟོལ། རྫུ་བཅས་སོ། ། |
| གཡོ་ཁྲམ་ཅན |
གཡོ་སྒྱུ་ཅན་རྒྱབ་མདུན་མི་མཚུངས་པ། |
| གཡོ་ཅན |
1.མི་གཡོ་སྒྱུ་ཅན། (དཔེར་ན།) གཡོ་ཅན་ཁ་ནས་བདེན་བདེན་ཅི་ཡང་བཤད་ཅེས་པ་ལྟ་བུ།2.(མངོན་བརྗོད།) 1> དུང༌། 2> བྱི་ལ། |
| གཡོ་ཅན་དྲང་བརྫུ |
མགོ་སྐོར་གཏོང་ཚུལ་ཞིག་སྟེ། (དཔེར་ན།) གཡོ་ཅན་དྲང་བརྫུས་ཀྱིས་རང་དོན་གཉེར་ཞེས་པ་ལྟ་བུ། |
| གཡོ་བ |
གཡོས་པའི་ད་ལྟ་བའི་བྱ་མིང་། |
| གཡོ་བ་ཅན |
(མངོན་བརྗོད།) འདོད་པས་དྲེགས་པའི་གླང་པོ། |
| གཡོ་བ་བཅུད་ཀྱི་སེམས་ཅན |
སྐྱེ་འགྲོ་སྤྱིའམ་འགྲོ་བ་རིགས་དྲུག་སྲོག་ཆགས་ཀྱི་རིགས་ཡོད་ཚད། |
| གཡོ་བཀོལ |
གཡོ་སྒྱུའི་སྒོ་ནས་གཞན་བྲན་དུ་བཀོལ་བ། |
| གཡོ་བཀྱེ |
དུས་རྟག་ཏུ་གཡོ་བྱེད་མཁན། |
| གཡོ་བཙོངས |
རྫུ་བག་བསྟན་པ། |
| གཡོ་བའི་འོད |
(མངོན་བརྗོད།) 1>སྨིག་རྒྱུ། 2>གློག |
| གཡོ་བའི་སྡོང་པོ |
(མངོན་བརྗོད།) སྤོས་དཀར་ཤིང༌། |
| གཡོ་བསྐོར |
མགོ་སྐོར་བཏང་བ་སྟེ། (དཔེར་ན།) ཁ་བདེ་ལྕེ་བདེ་མགོ་བདེ་དྲན་འཕྲུལ་གྱིས་མི་གཞན་ལ་གཡོ་བསྐོར་བྱས་ཞེས་པ་ལྟ་བུ། |
| གཡོ་བསྒུལ |
བསྒུལ་བསྐྱོད། |
| གཡོ་བྱེད |
(མངོན་བརྗོད།) 1>སྨན་པི་པི་ལིང༌། 2>བུང་བ། 3>རླུང་ངམ་ལྷགས་པ། |
| གཡོ་བྱེད་མ |
(མངོན་བརྗོད།) བུད་མེད། |
| གཡོ་བྱེད་མགོན |
(མངོན་བརྗོད།) རླུང་ལྷ། |
| གཡོ་མཁན |
1.ཟས་གཡོས་སྦྱོར་བྱེད་མཁན། 2.གཡོ་སྒྱུ་ཅན། |
| གཡོ་མེད |
1.བརྟན་པོའི་དོན་ཏེ། (དཔེར་ན།) གཡོ་མེད་བརྟན་པོར་གནས། རི་ལྟར་གཡོ་མེད་གནས་ཞེས་པ་ལྟ་བུ། 2.དྲང་པོ་སྟེ། (དཔེར་ན།) བློ་སེམས་གཡོ་མེད་ཅེས་པ་ལྟ་བུ། 3.(མངོན་བརྗོད།) ཁྱབ་འཇུག |
| གཡོ་མེད་གླང་རྫི |
(མངོན་བརྗོད།) ཁྱབ་འཇུག |
| གཡོ་མེད་སྔོན་སྐྱེས |
(མངོན་བརྗོད།) ཁྱབ་འཇུག་གི་ཕུ་བོ་སྟོབས་བཟང་གི་མིང༌། |
| གཡོ་ཟོལ |
1.གཡོ་རྫུ་སྟེ། (དཔེར་ན།) གཡོ་ཟོལ་མེད་པའི་གྲོགས་པོ་ཞེས་པ་ལྟ་བུ། 2.སྒྱིད་ལུག་ལེ་ལོ། |
| གཡོ་འགུལ |
འགུལ་སྐྱོད་དེ། (དཔེར་ན།) གཡོ་འགུལ་གཏོང་མི་ཐུབ་པ། སེམས་ལ་གཡོ་འགུལ་ཐེབས་པ། གླིང་ཆེན་ལྔ་པོར་གཡོ་འགུལ་ཐེབས་ཤིང་རླུང་དང་གནམ་ལྕགས་ཤུགས་དྲག་ཆེ་ལྟ་བུ། |
| གཡོ་འདར |
ལུས་སོགས་གཡོ་བ་དང་འདར་བ་སྟེ། (དཔེར་ན།) ཁོང་ཁྲོ་ལངས་ནས་གཟུགས་པོ་གཡོ་འདར་ཤོར་ལྟ་བུ། |
| གཡོ་འཕར |
ལུས་སོགས་གཡོ་བ་དང་འཕར་བ་སྟེ། (དཔེར་ན།) སྙིང་རྩ་གཡོ་འཕར་ཞེས་པ་ལྟ་བུ། |
| གཡོ་འཕྲུལ |
གཡོ་སྒྱུ་དྲན་འཕྲུལ། |
| གཡོ་འཕྲོག |
གཡོ་ཇུས་ཀྱི་སྒོ་ནས་ལེན་པ། |
| གཡོ་རུ |
བར་དབུས་གཙང་རུ་བཞིའི་ནང་གསེས་ཤིག་ལྟེ་བ་ཡར་ཀླུངས་ཁྲ་འབྲུག་ལ་བཞག་ནས་ཤར་ཀོང་ཡུལ་བྲེས་སྣ་དང༌། ལྷོ་ཤ་འུག་སྟག་སྒོ། ནུབ་ཁ་རག་གངས་རྩེ། བྱང་རྨ་ལ་ལ་བརྒྱུད་བཅས་ཀྱི་བར་དུ་ཡོད་པའི་ས་ཡུལ་གྱི་མིང་རྙིང༌། |
| གཡོ་རྒན |
1.གཡོ་ཁོ་ན་བྱེད་མཁན། 2.གཡོ་ཅན་རྒན་པོ། |
| གཡོ་རྩོལ |
འགུལ་བ་དང་ཤུགས་སྐྱེད་པ། |
| གཡོ་རྫུན |
མགོ་སྐོར་ཐབས། |
| གཡོ་ལྡན |
1.ནུབ་བ་ལང་སྤྱོད་ཀྱི་བྱང་ལ་ཡོད་པའི་གླིང་གཡོག་སྟེ་གླིང་ཕྲན་བརྒྱད་ཀྱི་ཡ་གྱལ་ཞིག 2.(མངོན་བརྗོད།) 1> བུད་མེད། 2> འབབ་ཆུ། 3> གཡོ་སྒྱུ་ཅན། |
| གཡོ་ལྷད |
གཡོ་སྒྱུའི་སྐྱོན་ལྷད་དེ། (དཔེར་ན།) གཡོ་ལྷད་མེད་པ། གཡོ་ལྷད་ཞོར་འཛུལ་ཞེས་པ་ལྟ་བུ། |
| གཡོ་སྐོལ |
བཟའ་བ་གཡོ་བ་དང་བཏུང་བ་སྐོལ་བ། |
| གཡོ་སྐྱོད |
གཡོ་འགུལ་ཏེ། (དཔེར་ན།) གཡོ་སྐྱོད་ཙམ་ཡང་མི་བྱེད་པར་དྲང་པོར་སྡོད་ཅེས་པ་ལྟ་བུ། |
| གཡོ་སྒུལ |
གཡོ་བར་བྱེད་པའི་ལས་ཀྱི་མིང་སྟེ། (དཔེར་ན།) གཡོ་སྒུལ་བཏང་ལྟ་བུ། |
| གཡོ་སྒྱུ |
རང་སྐྱོན་སྦ་ཞིང་གཞན་མགོ་སྐོར་བའི་བསམ་སྦྱོར་ཞིག་སྟེ། (དཔེར་ན།) གཡོ་སྒྱུ་མགོ་སྐོར། གཡོ་ཅན་ཝ་མོ། གཡོ་སྒྱུ་མེད་པ། གཡོ་སྒྱུས་ཚོད་མི་ཟིན་པ། གཡོ་སྒྱུ་མེད་ཅིང་ཀུན་ལ་བྱམས་པ། གཡོ་སྒྱུ་མེད་པའི་ཝ་དང༌། མི་ཤ་མི་ཟ་བའི་སྟག་མེད། ཝ་མོ་གཡོ་སྒྱུ་ཆེ་རུང༌། རྔོན་པའི་ལག་ནས་མི་ཐར་ལྟ་བུ། |
| གཡོ་སྒྱུ་ཁྲམ་གསུམ |
སྐྱོན་སྦེད་པ། ཡོན་ཏན་ངོམ་པ། ཧམ་པའམ་རྫུན་གཏམ་བཤད་པ་སྟེ་གསུམ། |
| གཡོ་སྣོད |
ཟས་གཡོ་སྣོད། |
| གཡོག |
ཞབས་འདེགས་སམ་གཞན་ལ་རོགས་ཕན་བྱེད་པ་དང་། རང་ཉིད་ཀྱི་འཚོ་བའི་ཆེད་དུ་གཞན་གྱི་ལས་དོན་དམའ་རིམ་སྒྲུབ་པའི་བྱ་ལས་ཀྱི་མིང་སྟེ། (དཔེར་ན།) ནད་གཡོག་བྱས་ལྟ་བུ། |
| གཡོག་གླ |
གཡོག་པོའི་ལས་ཀའི་གླ། |
| གཡོག་ནང་ཟན |
སྦྱིན་བདག་གི་ནང་དུ་ལྟོ་ཟ་མཁན་གྱི་གཡོག་པོ། |
| གཡོག་པ |
(བྱེད་འབྲེལ་ལས་ཚིག) གཡོགས་པའི་ད་ལྟ་བ་དང་མ་འོངས་པའི་བྱ་མིང་། ཕྱི་ངོས་མི་མངོན་པར་འགེབ་པའི་དོན་ཏེ། (དཔེར་ན།) ཁ་བས་རི་མགོ་གཡོག་སྲིད། ལུས་པོ་གོས་ཀྱིས་གཡོག་དགོས་ལྟ་བུ། |
| གཡོག་པོ |
བྲན་ནམ་ཁོལ་པོ་སྟེ། (དཔེར་ན།) བྲན་གཡོག དཔོན་གཡོག ཕ་རྗེས་བུ་རབས་ཀྱི་གཡོག་པོ་ཞེས་པ་ལྟ་བུ། |
| གཡོག་བཞུན་པོ |
ཁ་ལ་ཉན་པོའི་བྲན་ནམ་ལས་ཀ་བསྐུལ་བདེ་བའི་གཡོག་པོ། |
| གཡོག་བྱེད་པ |
1.བྲན་གྱི་ལས་ཀ་བྱེད་པ་སྟེ། (དཔེར་ན།) ལུས་བཙོངས་གཞན་གཡོག་བྱེད་པ་ལྟ་བུ། 2.བདག་གཅེས་བྱེད་པ་སྟེ། (དཔེར་ན།) ཞིང་ཁར་གཡོག་བྱེད་པ་ཞེས་པ་ལྟ་བུ། |
| གཡོག་མོ |
བྲན་མོའམ་ཁོལ་མོ། |
| གཡོག་ཞིང |
སྔར་གཡོག་པོ་རྒྱུག་རྟེན་དུ་སྤྲད་པའི་ས་རྟེན། |
| གཡོག་འཁོར |
1.གཡོག་པོ་དང་འཁོར། 2.གཡོག་པོ། |
| གཡོགས |
བཀབ་པའི་དོན་དུ་གོ་བའི་གཡོག་པའི་སྐུལ་ཚིག་དང་འདས་ཚིག |
| གཡོགས་པ |
གཡོག་པའི་འདས་པའི་བྱ་མིང་། |
| གཡོགས་མ |
རྒྱབ་ཤའམ་ཕྱི་ཤ་ལྡན་པའི་གོས་གདན་སོགས་ཏེ། (དཔེར་ན།) སློག་པ་གཡོགས་མ། པགས་གདན་གཡོགས་མ་ཞེས་པ་ལྟ་བུ། |
| གཡོད |
1.ཕྱུགས་ཀྱི་རྒྱུ་མ་ལ་རྒྱུ་ནག་དང་རྒྱུ་དཀར་གཉིས་ཡོད་པའི་རྒྱུ་དཀར་གྱི་མིང་གཞན་ཏེ། མཚོ་སྔོན་ཁ་སྐད་དུ་གཡོས་ཟེར། 2.ཕྱུགས་བཤས་པའི་རྒྱུ་དཀར་གྱི་ནང་དུ་ཟས་རིགས་བརྫངས་ནས་བཟོས་པའི་ཟས་ཀྱི་མིང་། |
| གཡོན |
གཡས་ཀྱི་ལྡོག་ཕྱོགས་ཀྱི་མིང་སྟེ། (དཔེར་ན།) ལག་གཡོན། ལག་པ་གཡོན་པ་ཞེས་པ་ལྟ་བུ། |
| གཡོན་གཏམ |
གཡོ་ཁྲམ་གྱི་སྐད་ཆ། |
| གཡོན་གྱི་ལྷ |
(མངོན་བརྗོད།) དབང་ཕྱུག་ཆེན་པོ། |
| གཡོན་གྲལ |
གཡོན་ངོས་སུ་བསྒྲིགས་པའི་གྲལ། |
| གཡོན་ཅན |
1. གཡོ་སྒྱུ་ཅན། (དཔེར་ན།) གཡོན་ཅན་ཚོགས་ཀྱིས་བསླུ་བར་བརྩོན་ཞེས་པ་ལྟ་བུ།2.(མངོན་བརྗོད།) 1> ཞུམ་བུའམ་བྱི་ལ། 2> བདུད། |
| གཡོན་པ |
1. ཁ་ཤར་ཕྱོགས་སུ་གཏོད་སྐབས་ཀྱི་བྱང་ངོས་ཏེ། (དཔེར་ན།) ལག་པ་གཡོན་པ། གཡོན་དུ་བརྐྱང་བསྐུམ་ཡང་ཡང་བྱེད་པ་ཞེས་པ་ལྟ་བུ།2. མི་བརྟན་པ་དང་འཁྱོག་པའི་དོན་ཏེ། (དཔེར་ན།) རང་བཞིན་གཡོན་པའི་བྱ་སྤྱོད་ཅེས་པ་ལྟ་བུ། |
| གཡོན་པ་མ |
སྙིང་ཁའི་རྩ་འདབ་ཅིག |
| གཡོན་པོ |
བརྟན་པོ་མེད་པའམ་འཁྱོག་པོའི་དོན་ཏེ། (དཔེར་ན།) བྱ་བ་གཡོན་པོ། སྐད་ཆ་གཡོན་པོ་བཤད་པ་ཞེས་པ་ལྟ་བུ། |
| གཡོན་ཕྱོགས |
1.ལག་པ་གཡོན་པའི་ཟུར། 2.ཤོག་ཐོག་གི་གཡས་ཕྱོགས་དང་གཡོན་ཕྱོགས་ངོས་འཛིན་བྱེད་སྟངས་ཀྱི་དོན་དུ་གོ་བའི་གཡས་ཕྱོགས་དང་དོན་གཅིག |
| གཡོན་མ |
1.བུད་མེད། 2.འཕྱོན་མ། 3.ལག་པ་གཡོན་པ། |
| གཡོན་མིག་མ |
(མངོན་བརྗོད།) བུད་མེད་མཆོག |
| གཡོན་རུ |
1.རུ་གཡས་གཡོན་གཉིས་སུ་ཕྱེ་བའི་ནང་ནས་གཡོན་རུ་སྟེ། (དཔེར་ན།) དམག་གི་གཡོན་རུ། གཡོན་རུའི་ཤོག་ཁ་ཞེས་པ་ལྟ་བུ།2.རུ་ལག་གི་མིང་གསར། 3.སོག་པོ་ཨོ་རོད་ཚོ་བཞིའི་ནང་གསེས་ཀྱི་ཇུན་གར་གྱི་མིང་གཞན་ཞིག |
| གཡོན་རོལ |
གཡོན་ཕྱོགས། |
| གཡོན་ལག |
1.ལག་པ་གཡོན་པས་ལས་ཀ་གཙོ་བོར་བྱེད་མཁན། 2.ལག་པ་གཡོན་པ། |
| གཡོན་ལམ |
གཡོ་སྒྱུའི་ལམ་སྲོལ། |
| གཡོན་ལོགས |
གཡོན་གྱི་གཞོགས་སམ་ཕྱོགས། |
| གཡོན་ལྷུང |
ཆབ་སྲིད་ཀྱི་བསམ་བློ་ཡར་ཐོན་ནམ་སྔོན་ཐོན་དུ་བསྐྱོད་ཐལ་ཆེ་བ། |
| གཡོན་སྐོར |
1.ཞབས་བྲོ་སོགས་འཁྲབ་དུས་གཡོན་ཕྱོགས་སུ་སྐོར་བའི་གོམ་སྟབས། 2.རང་ལུས་ཀྱི་གཡོན་ངོས་ལྟེ་གནས་དང་ཉེ་བར་སྦྱར་ནས་སྐོར་བ། 3.ཡིག་ཕྲེང་དང་རིས་ཐིག་སོགས་འགོ་གཡས་ནས་ཚུགས་ཏེ་གཡོན་དུ་བྲིས་པའི་ཕྱོགས། |
| གཡོན་སྐྱེས |
(མངོན་བརྗོད།) འདོད་ལྷ། |
| གཡོན་སྡོད |
(མངོན་བརྗོད།) ཁ་ལོ་པ། |
| གཡོབ |
གཡབ་ཀྱི་ད་ལྟ་བ། |
| གཡོབ་པ |
(བྱེད་འབྲེལ་ལས་ཚིག) ཕྱོགས་གཅིག་ཏུ་སྡུད་པ་སྟེ། (དཔེར་ན།) རྡུལ་དང་གད་སྙིགས་ཕྱོགས་གཅིག་ལ་གཡོབ་པ་ལྟ་བུ། |
| གཡོབ་བྱེད |
1.(མངོན་བརྗོད།) གྲུ་སྒུལ་བྱེད་དབྱུག་པ། 2.གཡང་མདའ་སྟེ་མདའ་དར་ཡང་ཟེར། 3.རྔ་གཡབ། 4.རླུང་གཡབ། |
| གཡོབས |
གཡོབ་པའི་སྐུལ་ཚིག |
| གཡོབས |
གཡབ་ཀྱི་སྐུལ་ཚིག |
| གཡོམ་པ |
(བརྡ་རྙིང་།) གཡོ་བའམ་འགུལ་བ། |
| གཡོར |
1.གཡར་བའི་སྐུལ་ཚིག 2. ཕོན་འབོར་ཏེ། (དཔེར་ན།) གཡོར་ཆེ་བ། ཚོང་ཟོག་གཡོར་ཆེན་ཞིག་འཕར་བ་ཞེས་པ་ལྟ་བུ། |
| གཡོར་གྲུ |
རླུང་ཤུགས་དང་བསྟུན་ཏེ་གཡོར་མོ་འཐེན་ནས་འགྲོ་བའི་གྲུ། |
| གཡོར་དག |
ཟས་སྦྱོར་ཏེ། (དཔེར་ན།) གཡོར་དག་ཕུན་སུམ་ཚོགས་པ་བྱས་ཞེས་པ་ལྟ་བུ། |
| གཡོར་པོ |
1.གཡར་པོ་གཏོང་ལེན་བྱེད་མཁན་གཉིས་ཀར་གོ་བའི་མིང༌། 2.བོད་ལྷོ་ཁའི་གྲྭ་ཕྱི་དང་གྲྭ་ནང་རྒྱུད་ཀྱི་ས་ཁུལ་གྱི་མིང༌། |
| གཡོར་བ |
(བྱེད་འབྲེལ་ལས་ཚིག) གཡོགས་པའམ་བསྒྲིབས་པའམ་འགེབས་པ་སྟེ། (དཔེར་ན།) ཤིང་གི་གྲིབ་མས་ཉི་མ་གཡོར་བ་ཞེས་པ་ལྟ་བུ། |
| གཡོར་བོ |
བོད་ཀྱི་ཡུལ་ཞིག |
| གཡོར་མ་སོ |
(བརྡ་རྙིང་།) ཧ་ཅང་མང་པོ། |
| གཡོར་མོ |
གྲུ་གཟིངས་ཀྱི་དར་པོ་ཆེ་སྟེ། (དཔེར་ན།) རླུང་གཡོར། གཡོར་གྲུ། གཡོར་ཤིང༌ཞེས་པ་ལྟ་བུ། |
| གཡོལ་བ |
(བྱེད་འབྲེལ་ལས་ཚིག) གཟུར་བའམ་འབྱོལ་བ་སྟེ། (དཔེར་ན།) ཚ་གཡོལ། རླུང་གཡོལ། ལས་འགན་གཡོལ་བ། ལྕི་གཡོལ་ཡང་ལེན། དཀའ་གཡོལ་སླ་འཚང༌། གཡོལ་ཐབས་མེད་པ། གཞུང་ལམ་ལ་གཡོལ་ནས་ལམ་ལོག་ཏུ་ཕྱིན་པ། ཆུ་འོག་བྲག་རྡོ་ལས་གཡོལ་བ་ཞེས་པ་ལྟ་བུ། |
| གཡོས |
1. (བྱེད་འབྲེལ་ལས་ཚིག) འགུལ་བའི་དོན་དུ་གཡོ་བའི་སྐུལ་ཚིག 2.ལུས་ཀྱི་ལོང་ག། 3.བཙོས་ཟིན་པའི་བཟའ་བྱའི་རིགས་ཏེ། (དཔེར་ན།) མེ་བཏང་གཡོས་བྱེད། བཟའ་བཏུང་གི་གཡོས་ཕུན་སུམ་ཚོགས་པར་ལོངས་སྤྱོད་བྱས། 4.འདས་པ་དང་སྐུལ་ཚིག་སྟེ། (དཔེར་ན།) ཟས་གཡོས། རྩིག་ལས་པས་ཨར་འདམ་གཡོས་ལྟ་བུ། |
| གཡོས་ཁང |
ཐབ་ཚང༌། |
| གཡོས་ཐབ |
ལྟོ་བཟོ་སའི་ཐབ། |
| གཡོས་དཔོན |
མ་ཆེན་གྱི་གཙོ་བོ། |
| གཡོས་པ |
1. གཡོ་བའི་འདས་པ། 2. རྙིང འདོད་པ། |
| གཡོས་མ |
མ་ཆེན། |
| གཡོས་མལ |
1.ཐབ་ཚང༌། 2.ཐབ་ཚང་དང་ཉལ་ཁང་གཉིས་ཀྱི་བསྡུས་མིང༌། |
| གཡོས་ར་མ |
(ཡུལ་སྐད།) ནང་ཁྲོལ་བཤང་ལམ་གྱི་རྒྱུ་མའི་ཤ། |
| གཡོས་སྣོད |
ལྟོ་བཟོ་སྣོད་དམ་བླུག་སའི་ཡོ་བྱད། |
| གཡོས་སྦྱོར |
ལྟོ་ཆས་བཟོ་བ་སྟེ། (དཔེར་ན།) གཡོས་སྦྱོར་གཟབ་པ། བཟའ་བཏུང་གཡོས་སྦྱོར་གྱི་ལག་འབྲས་གཙང་ཞིང་ཞིམ་ཞེས་པ་ལྟ་བུ། |
| གར |
ཉམས་འགྱུར་གྱི་གོ་རིམ་ངེས་ཅན་ལྟར་ལུས་འགུལ་བའི་རྣམ་འགྱུར་གྱི་མིང་སྟེ། (དཔེར་ན།) གླུ་ལེན་གར་རྩེད་བྱེད། གར་འཁྲབ། གར་བསྒྱུར། གར་འཆམ་ལྟ་བུ། |
| གར་གྱི་ཆ་བྱད་དགུ |
སྒྱུ་རྩལ་དྲུག་ཅུ་རེ་བཞིའི་ནང་གསེས་ཤིག་གར་འཁྲབ་སྐབས་ཀྱི་རྣམ་འགྱུར་ལ་སྒེག་པ་དང༌། དཔའ་བ། མི་སྡུག་པ་ནི་ལུས་ཀྱི་ཉམས་གསུམ། དྲག་ཤུལ་དང༌། བཞད་གད། འཇིགས་རུང་ནི་ངག་གི་ཉམས་གསུམ། སྙིང་རྗེ་དང༌། རྔམ་པ། ཞི་བ་ནི་ཡིད་ཀྱི་ཉམས་གསུམ། |
| གར་གྱི་ཉམས་དགུ |
གར་གྱི་ཆ་བྱད་དགུ་དང་དོན་གཅིག |
| གར་གྱི་ཉམས་བརྒྱད |
ཉམས་ལ་ལྟོས། |
| གར་གྱི་དབང་པོ |
(མངོན་བརྗོད།) རྨ་བྱ། |
| གར་གླུ |
1.ཟློ་གར་གྱི་གླུ།2.༸རྒྱལ་དབང་སྐུ་འཕྲེང་ལ་ཆེད་གཏོང་གླུ་དབངས་ཤིག |
| གར་གླུ་རོལ་གསུམ |
དགེ་ཚུལ་གྱི་སྤང་བྱ་བླངས་འདས་སོ་གསུམ་གྱི་ནང་གསེས། རྩེད་མོའི་རིགས་བྱེད་གླུ་དང༌། གར་དང༌། རོལ་མོ་སྟེ་གསུམ་མོ། ། |
| གར་ཅིག |
(བརྡ་རྙིང་།) གང་ཞིག |
| གར་ཆང |
ཆང་གར་པོ། |
| གར་ཉམས |
གར་འཁྲབ་སྐབས་ལུས་ཀྱི་རྣམ་འགྱུར། |
| གར་ཐབས |
གར་གྱི་འཁྲབ་སྟངས། |
| གར་ཐིག་དབྱངས་གསུམ |
གར་ནི་འབག་དང་འཆམ་གོས་གྱོན་ནས་འཆམ་རྒྱག་པ་དང༌། ཐིག་ནི་དཀྱིལ་འཁོར་འབྲི་བ། དབྱངས་ནི་ངག་ནས་གྱེར་བའི་གདངས་རྣམས་སོ། ། |
| གར་ཐོད་ཐོད |
(རྒྱན་ཚིག) གང་བྱུང་བྱུང༌སྟེ། (དཔེར་ན།) ཁེ་ཉེན་བསམ་བློ་མ་བཏང་བར་ལས་ཀ་གར་ཐོད་ཐོད་མ་བྱེད་ཅེས་པ་ལྟ་བུ། |
| གར་དགོས་འུ་ལག |
སྔར་དགོས་གལ་གར་བྱུང་ལ་སྐུལ་འདེད་བྱེད་རྒྱུའི་དམིགས་སུ་བཀར་བའི་ཁྲལ་པ་ཚོ་ཆུང་ཞིག |
| གར་དཔོན |
ཟློས་གར་པའི་འགོ་ཁྲིད། |
| གར་ནག |
ཕག་པའི་སྐྱག་པ་མེ་ལ་བསྲེགས་པའི་ཐལ་བ། |
| གར་པ |
བྲོ་གར་འཁྲབ་མཁན། |
| གར་པོ |
(རྒྱན་ཚིག) 1.སླ་པོ་མིན་པ་སྟེ། (དཔེར་ན།) ཆང་གར་པོ། ཇ་གར་པོ། ཐུག་པ་གར་པོ། གར་ཚད། གར་སླ་འཚམས་པོ་ཞེས་པ་ལྟ་བུ། 2.གྱོང་པོ་སྟེ། (དཔེར་ན།) གླགས་མི་རྙེད་པའི་མི་གར་པོ་ཞིག་ཅེས་པ་ལྟ་བུ། 3.གཞི་ཆེན་པོ་སྟེ། (དཔེར་ན།) རྩོད་པ་གར་པོ། ཁ་མཆུ་གར་པོ་ཞེས་པ་ལྟ་བུ། |
| གར་ཕྲུག |
1.ཕ་མ་གར་པ་ཡིན་པའི་བུ་ཕྲུག2.གར་འཁྲབ་མཁན་བྱིས་པ། |
| གར་བ |
གར་པོ་དང་འདྲ། |
| གར་བབ |
འགྲོ་གནས་སྡོད་གནས་ངེས་མེད་གང་དུ་ཁེལ་ཁེལ། |
| གར་བུ |
1.གོང་བུའམ་གཅིག་ཏུ་འགྲིལ་བའི་རྡོག་པོ་སྟེ། (དཔེར་ན།) ལྕགས་ཀྱི་གར་བུ་ཞེས་པ་ལྟ་བུ། 2.(མངོན་བརྗོད།) ལྕགས། 3.(བརྡ་རྙིང་།) ལྕེ། |
| གར་བོ |
(རྒྱན་ཚིག) ཆུ་སོགས་གཤེར་ཁུའི་ནང་ལ་རྫས་གཞན་འདྲེས་ནས་ནུར་བོ་ཡིན་པའི་དོན་ཏེ། (དཔེར་ན།) ལྡེ་གུ་གར་སླ་རན་པ། ཆང་གར་བོ། གར་ཆང་ཞེས་པ་ལྟ་བུ། |
| གར་བྲོ |
ཟློས་གར་བྲོ་གཞས། |
| གར་མ |
1. གར་མཁན་མ། 2. སླ་པོ་མིན་པ་སྟེ། (དཔེར་ན།) ཐུག་པ་གར་མ། ཇ་གར་མ་ཞེས་པ་ལྟ་བུ། |
| གར་མཁན |
1.གར་འཁྲབ་མཁན། མིང་གི་རྣམ་གྲངས་ལ་གར་པ་དང༌། ཟློས་གར་མཁན། རོལ་སྒེག་མ། རོལ་རྩེད་མ་བཅས་སོ། །2.(མངོན་བརྗོད།) རྨ་བྱ། |
| གར་མཁན་ཆེ |
(མངོན་བརྗོད།) དབང་ཕྱུག་ཆེན་པོ། |
| གར་མཁན་མ |
1.གར་འཁྲབ་མཁན་བུད་མེད། 2.(མངོན་བརྗོད།) ལྡོང་རོས། |
| གར་མོ |
གར་པོ་དང་འདྲ། |
| གར་འགྲོས |
1.གར་རྩེད་ཀྱི་འགྲོ་སྟངས། 2.བང་རྩལ་མྱུར་འགྲོས། གར་མཁས་པའི་འགྲོ་སྟངས་ཀྱི་མིང་། |
| གར་འཆམ |
1.ལུས་སྒེག་འགྱིང་གི་ཉམས་ལྡན་པའི་གར། 2.གར་དང་འཆམ་གཉིས། |
| གར་འཕྱགས |
སྔར་སྲིད་གཞུང་ལ་གར་འཁྲབ་མཁན་གྱི་མི་བསྡུ་བའི་ཁྲལ་ལས། |
| གར་འབག |
གར་འཆམ་གྱི་གདོང་འབག |
| གར་རོལ་པ |
གར་འཁྲབ་མཁན་དང་རོལ་ཆ་གཏོང་མཁན། |
| གར་རྒྱན |
1.ཟློས་གར་གྱི་ཡོ་སྤྱད་རྒྱན་ཆ། 2.(མངོན་བརྗོད།) བ་བླ། |
| གར་རྩེད |
གར་འཁྲབ་པའི་རྩེད་མོ། |
| གར་ལོ |
གར་ལྷམ་དང་དོན་གཅིག་ |
| གར་ལོག |
སྔར་ཁ་ཆེ་ཡུལ་གྱི་མི་རིགས་ཏུ་རུ་ཀའི་ནང་གསེས་ཡན་ལག་ཅིག་ཡིན་ཞིང༌། དུས་རབས་བཅུ་གཅིག་པར་དེའི་རྒྱལ་པོ་ཞིག་གིས་ལྷ་བླ་མ་ཡེ་ཤེས་འོད་བཀྲོངས་པ། |
| གར་ལྷམ |
(ཡུལ་སྐད།) བོད་ལྷམ་གྱི་རིགས་ཤིག |
| གར་ཤ |
མཐེ་བོང་དང་མཛུབ་མོའི་བར་གྱི་ཤ། |
| གར་སོང་ཆ་མེད |
གང་དུ་སོང་བ་སོགས་ཅུང་ཟད་ཙམ་ཡང་ཤེས་དཀའ་བའི་དོན་ཏེ། (དཔེར་ན།) སྤྲིན་ནག་རླུང་གིས་གཏོར་བ་བཞིན་གར་སོང་ཆ་མེད་དུ་གྱུར་ཅེས་པ་ལྟ་བུ། |
| གར་སོང་རྗེས་མེད |
གར་སོང་འདིར་སོང་མེད་པ། |
| གར་སྟབས |
གར་གྱི་སྟངས་སྟབས་སམ་གར་འཁྲབ་སྟངས་ཏེ། (དཔེར་ན།) གར་སྟབས་ལིང་ལིང་བསྒྱུར་ལྟ་བུ། |
| གར་སྟེགས |
གར་འཁྲབ་སའི་སྡིངས་ཆ། |
| གར་སླ |
གར་བ་དང་སླ་བའི་བསྡུས་མིང༌སྟེ། (དཔེར་ན།) རྩམ་ཐུག་གར་སླ་འཚམས་པོ་ཞིག་འཐུང་བ། ཐང་སྨན་གར་སླ་རན་པོ་སྦྱོར་དགོས་ཞེས་པ་ལྟ་བུ། |
| གལ |
1.རྒྱའམ། རྙི། 2.གནད་འགག་གམ་རྩ་བ་སྟེ། (དཔེར་ན།) གལ་ཆེན་དུ་འཛིན་པ། ལས་དོན་གྱི་གལ་ཆེ་ཆུང་ལ་གཞིགས་ནས་སྔ་རྟིང་གི་གོ་རིམ་སྒྲིག་པ། རྩག་རྩིག་གལ་ཆུང་བའི་གྲས་ལ་ཧ་ཅང་ལྟ་དགོས་དོན་མི་འདུག ད་རེས་གལ་ཆེ་ལ་ཐུག་སྟབས་མི་ཞུ་ཀ་མེད་བྱུང༌ལྟ་བུ། |
| གལ་གྱིས |
(བརྡ་རྙིང་།) ནན་གྱིས་ཞེས་པའི་དོན་ཏེ། (དཔེར་ན།) ཉེས་ཅན་ལ་གལ་གྱིས་ངལ་རྩོལ་བྱེད་འཇུག་པ། གལ་གྱིས་གཅུན་པ་ཞེས་པ་ལྟ་བུ། |
| གལ་ཆེ་བ |
དཀྱུས་མ་མིན་པའི་དོན་ཏེ། (དཔེར་ན།) ལས་དོན་གལ་ཆེན། གལ་ཆེ་བའི་བྱ་བ་མང་པོ་བསྒྲུབས་ལྟ་བུ། |
| གལ་ཆེན་སྦྱོང་བའི་ས |
སྔགས་རྙིང་མའི་གཞུང་དུ། རྣལ་འབྱོར་གཉིས་པའི་སྐབས་སུ་ཐོབ་པའི་ས་གསུམ་པ་སྦྱོར་ལམ་དུ་མཐོང་ལམ་དོན་གྱི་འོད་གསལ་ལ་སྒྲིབ་པའི་མངོན་རྒྱུའི་བག་ཆགས་ཐམས་ཅད་སྦྱོང་བས་གལ་ཆེན་སྦྱོང་བའི་ས་ཞེས་བྱའོ། ། |
| གལ་ཏ |
རེ་ལྡེ་ལས་བཟོས་པའི་རྒྱགས་ཆས་བླུག་སྣོད་ཅིག |
| གལ་ཏ་མགོ་སྦྲེལ |
རེ་ལྡེ་ལས་བཟོས་པའི་རྒྱགས་ཕྱེ་བླུག་སྣོད་མགོ་སྦྲེལ་ཏེ། (དཔེར་ན།) དཔེ་རེ་བཤད་ན་དོན་རེ་ཡོད། དཔེ་དོན་གལ་ཏ་མགོ་སྦྲེལ་ཡིན་ལྟ་བུ། |
| གལ་ཏེ |
བརྟག་པ་མཐའ་བཟུང་གི་སྒྲའམ་མ་ངེས་པ་བརྟག་པའི་ཚིག་ཕྲད་ཅིག་སྟེ། (དཔེར་ན།) ཚང་མས་ཕྱར་བ་གྲུ་འདེགས་བྱེད་དགོས་པ་ལས། གལ་ཏེ་མི་གཅིག་གིས་དེ་ལྟར་མ་བྱས་ན་ལས་དོན་ལ་འཐུས་ཤོར་ཡོང༌། ཁྱོད་ཀྱིས་གལ་ཏེ་བྱེད་མ་ཐུབ་ན་ངས་རོགས་ཞུ་ཆོག་ཅེས་པ་ལྟ་བུ། |
| གལ་དུ་འཛིན་པ |
1.སུན་འབྱིན་པ། 2.ཁས་ལེན་པ། 3.དོན་དམ་པོར་འཛིན་པ། |
| གལ་པོ་ཆེ |
རྩ་འགངས་ཆེན་པོ་སྟེ། (དཔེར་ན།) གལ་པོ་ཆེ་ལ་ནན་ཏན་དང་དམ་པའི་ཆོས་ལ་བརྒྱ་ཚར་ཞེས་པ་ལྟ་བུ། |
| གལ་བཟུང |
(བརྡ་རྙིང་།) ཁས་ལེན་དང་སུན་འབྱིན། |
| གལ་བཟུང་བ |
རྩོད་པ་བྱེད་སྐབས་རང་གི་འདོད་ཚུལ་གསལ་བར་བསྟན་པའི་དོན་ཡིན། འདི་ལ་གལ་འཛུགས་ཀྱང་ཟེར། རང་གི་འདོད་ཚུལ་འགྲིག་ཡོད་པའི་རྒྱུ་མཚན་དྲངས་པ་ལ་གཞུང་འཛུགས་པ་ཟེར། |
| གལ་བསྡོམས |
དོན་གྱི་སྙིང་པོ་བསྡུས་པ་སྟེ། (དཔེར་ན།) གནད་དོན་གལ་བསྡོམས་སྨྲས་ན་ཚིག་ཚོགས་ཉུང༌ཞེས་པ་ལྟ་བུ། |
| གལ་བོ་ཆེ |
གོ་དོན་ཆེན་པོ་དང་ལྡན་པའི་དོན་ཏེ། (དཔེར་ན།) གལ་བོ་ཆེ་ལ་ནན་ཏན། ལས་དོན་གལ་བོ་ཆེ་ཞེས་པ་ལྟ་བུ། |
| གལ་མདོ |
གནད་འགག་གམ་སྙིང་པོ་སྟེ། (དཔེར་ན།) རྒྱལ་ཕམ་དབྱེ་འབྱེད་ཀྱི་གལ་མདོ། ཚ་གྲང་ནད་ཀྱི་གལ་མདོ་ཞེས་པ་ལྟ་བུ། |
| གལ་འགག |
གནད་ཆེ་བའི་འགག་སྒོའི་དོན་ཏེ། (དཔེར་ན།) རྒྱལ་ཕམ་གྱི་གལ་འགག་ནི་ལམ་ཕྱོགས་ལ་རག་ལས་ཡོད། ནད་པ་འཆི་གསོན་གྱི་གལ་འགག་ལ་ཐུག་དུས་སྨན་པ་བཟང་པོ་གལ་ཆེ་ལྟ་བུ། |
| གལ་འགངས |
རྩ་འགངས་ཀྱི་དོན་ཏེ། (དཔེར་ན།) དོན་གནད་གལ་འགངས་ཆེ་རིགས་ཙམ་དུ་མ་ཟད། གལ་འགངས་ཆུང་བའི་སྐོར་ལའང་གཟབ་ནན་བྱེད་དགོས་ཞེས་པ་ལྟ་བུ། |
| གལ་འཛིན་པ |
1.རྔོན་པ། 2.(བརྡ་རྙིང་།) དགག་པ་རྒྱག་པའི་དོན་ཏེ། (དཔེར་ན།) གལ་འཛིན་པ་ལས་རྒྱལ་བ་ཞེས་པ་ལྟ་བུ། |
| གལ་འཛུགས་པ |
1.རྙི་འཛུགས་པ། 2.ཡ་ལ་འཛུགས་པ། |
| གལ་རོ |
སྙིགས་མ་ལྟ་བུའི་དངོས་རྫས་མཁོ་མེད་ཀྱི་མིང་སྟེ། (དཔེར་ན།) ལྕགས་གལ་རོ་བཏུས་ནས་ངར་ལྕགས་སྦྱངས། དངོས་རྫས་གལ་རོ་བསྡུས་ནས་ལས་སྣོན་བྱས་ལྟ་བུ། |
| གལ་ལ |
(བརྡ་རྙིང་།) བུ་རམ་དྭངས་མ། |
| གལ་སྲིད |
ཐེ་ཚོམ་གྱི་ཚིག་གམ་བརྟག་པའི་ཚིག་སྟེ། (དཔེར་ན།) དྲང་བདེན་གྱི་བྱ་གཞག་ལ་གལ་སྲིད་འཕྲལ་དུ་རྒྱལ་ཁ་མ་ཐོབ་ཀྱང༌། མཐར་དེ་ལྟར་འཐོབ་རྒྱུ་ངེས་ཅན་ཡིན། ཁང་པའི་ནང་དུ་གལ་སྲིད་སྡོད་མཁན་གཞན་མེད་ནའང༌། ཁང་པ་སྲུང་མཁན་གཅིག་ཡོད་པ་ཐག་ཆོད། གལ་སྲིད་བརྒྱ་ཐམ་པ་མེད་ཀྱང༌། དགུ་བཅུ་ཐམ་པ་ཏན་ཏན་ཡོད་ཅེས་པ་ལྟ་བུ། |
| གཤག |
(བྱེད་འབྲེལ་ལས་ཚིག) གཤགས་པའི་མ་འོངས་པ་དང་ད་ལྟ་བ། དངོས་རྫས་ཧྲིལ་བོ་སིལ་བུར་བྱེད་པའི་དོན་ཏེ། (དཔེར་ན།) གཤག་བྱའི་ཤོག་བུ། རས་གཤག་མཁན་ཞེས་པ་ལྟ་བུ། |
| གཤག་གཟོང |
རྡོ་ཆེན་གཤག་བྱེད་ཀྱི་ལྕགས་གཟོང་སྟེ་རྡོ་གཤག་མཁན་གྱི་ལག་ཆ་ཞིག |
| གཤག་པ |
གཤོག་པའི་མ་འོངས་པ། |
| གཤག་བཅོས |
སྨན་དཔྱད་ཀྱི་རིགས་ཤིག་སྟེ། ནད་པའི་ལུས་ཀྱི་ཆ་ཤས་གཤགས་ནས་ནད་འབྱིན་པའི་དཔྱད་བཅོས་ཀྱི་མིང་། |
| གཤགས |
1.གཤག་པའི་འདས་པ་སྟེ། (དཔེར་ན།) རས་གཤགས་ནས་སྐེ་རགས་བཅིངས་ལྟ་བུ། 2.(བྱེད་མེད་ལས་ཚིག) 1>དམ་པོར་གྱུར་པའི་དོན་ཏེ། (དཔེར་ན།) ཐག་པའི་མདུད་པ་གཤགས། གཤགས་མདུད་ཅེས་པ་ལྟ་བུ། 2>ཤན་ཞུགས་ཟབ་པས་སྣང་ངོར་ཡང་ཡང་ཤར་བའི་དོན་ཏེ། (དཔེར་ན།) སྒྲ་སྙན་རྣ་བར་གཤགས། བདེན་གཏམ་ཡིད་ལ་གཤགས་ལྟ་བུ། 3>དངོས་རྫས་བརྡུངས་ནས་ཞིབ་མོ་བྱས་པའི་དོན་ཏེ། (དཔེར་ན།) ཚྭ་བརྡུངས་ནས་གཤགས་ལྟ་བུ། |
| གཤགས་ངན |
ཁ་གཤགས་ངན་པ། |
| གཤགས་པ |
གཤོག་པའི་འདས་པའི་བྱ་མིང་། |
| གཤགས་པའི་རྨ |
བློ་བུར་གྲི་མཚོན་སོགས་ཕོག་པ་ལས་བྱུང་བའི་རྨ་རིགས་བརྒྱད་ཀྱི་ནང་ཚན་ཤ་གྱེན་ཐུར་དུ་གཤགས་པའི་རྨ། |
| གཤགས་བཀྱེ |
གཏམ་གྱི་འཐབ་རྩོད་བྱས་པ་དེང་སང་ཁ་འཐབ་ཟེར་བ་དང་དོན་མཚུངས། |
| གཤགས་མ |
གཞུང་གཤགས་མང་པོ་བཏང་བའི་མེ་ཤིང༌། |
| གཤགས་འགྱེད |
གཤགས་བཀྱེ་དང་དོན་གཅིག |
| གཤགས་རལ |
ཁ་ཤགས་བཀྱེ་བ། |
| གཤགས་རྒྱལ་བ |
གཏམ་གྱི་རྩོད་པ་ལས་རྒྱལ་བའམ་ཁ་རྒྱལ་བ། |
| གཤགས་ལས |
ཁོག་པ་སོགས་གཤགས་ཏེ་སྨན་བཅོས་བྱེད་ཐབས། |
| གཤང |
བོད་ཀྱི་གནའ་བོའི་རོལ་ཆས་དཀྲོལ་བ་ལས་སྒྲ་འབྱིན་པ་ཞིག་གི་མིང་ཟངས་དང་ལི་རིགས་ཀྱིས་བཟོས་པའི་སྡེར་མའི་དབྱིབས་ཅན་དཀྱིལ་ལ་རྡོག་པོ་སྲ་མོ་བཏགས་ནས་དཀྲོལ་ཆོག་པ་ཞིག་ཡིན། |
| གཤང་གཤོང |
(རྒྱན་ཚིག) ངོས་སྙོམ་པོ་མིན་པའི་དོན་ཏེ། (དཔེར་ན།) ས་འབར་འབུར་གཤང་གཤོང་ཞེས་པ་ལྟ་བུ། |
| གཤང་ངེ་གཤོང་ངེ |
(རྒྱན་ཚིག) ས་མཐོ་དམའ་སྒང་གཤོང་ཡོད་པ་སྟེ། (དཔེར་ན།) ས་ཆ་གཤང་ངེ་གཤོང་ངེ་ཞེས་པ་ལྟ་བུ། |
| གཤན་པ |
ཤན་པ་དང་འདྲ། |
| གཤམ |
འོག་མ་དང་རྗེས་མ་དང་སྨད་མ་ཞེས་པའི་དོན་ཏེ། (དཔེར་ན།) སྒབ་གཤམ། འོག་གཤམ། དོན་ཚན་གཤམ་གསལ་ལྟར། རི་མོའི་གོང་གཤམ་ཞེས་པ་ལྟ་བུ། |
| གཤམ་ཐབས |
ཤམ་ཐབས་དང་འདྲ། |
| གཤམ་བུ |
སྐར་ཁུང་གི་སྟེང་ཁྱམས་ཀྱི་རས་ཀྱི་གཤམ་བུ། |
| གཤམ་མ |
འོག་མ་སྟེ། (དཔེར་ན།) གཤམ་མར་འཁོད་པ་ཞེས་པ་ལྟ་བུ། |
| གཤམ་འཛར |
འོག་ཏུ་འཕྱང་བའམ། སྒབ་ཏུ་འཕྱང་བ་སྟེ། (དཔེར་ན།) སྟོང་སྐུད་ཀྱི་གཤམ་འཛར་ཞེས་པ་ལྟ་བུ། |
| གཤམ་འོག |
འོག་རིམ། |
| གཤམ་རིམ |
འོག་རིམ། |
| གཤའ |
དབུས་སྐད་ཀྱི་ཤག་ཅེས་པའི་དོན་དང་འདྲ་སྟེ། (དཔེར་ན།) སྐུ་ཁམས་གསལ་དྭངས་ཡིན་གཤའ། ཞུ་འཕྲིན་ཕྱག་སོན་བྱུང་གཤའ་ལགས་ཞེས་པ་ལྟ་བུ། |
| གཤའ་མ |
(རྒྱན་ཚིག) རྣམ་དག་གམ་ཡང་དག་དང༌། རྣལ་མ་དང༌། ལེགས་པོ་དང་ཟོལ་མེད་པ་སོགས་ཀྱི་དོན་ཏེ། (དཔེར་ན།) ལས་ཁུར་ཟོལ་མེད་གཤའ་མ་ལེན་གྱི་ཡོད། སློབ་སྦྱོང་གཤའ་མ་བྱས་པ། ཡང་ཡང་དཔྱད་ན་ཡིན་ལུགས་གཤའ་མ་རྟོགས་ཡོང༌ཞེས་པ་ལྟ་བུ། |
| གཤའ་ཚེ |
ལྕགས་རིགས་དངུལ་མདོག་ཅན་སྲ་ལ་མཉེན་པ་ཞིག་ཡིན་ཞིང་། བ་མ་དང་སྡེར་མ་སོགས་བཟོ་བྱེད་ཀྱི་རྒྱུ་ཆ་ཡིན། ཡུལ་སྐད་ལ་ལར་ཧ་ཡང་ཟེར། ཚིག་བསྡུས་ན་གཤའ་ཞེས་འབྲི་ཆོག་སྟེ། (དཔེར་ན།) གཤའ་སྡེར་ཞེས་པ་ལྟ་བུ། |
| གཤའ་ཚེ་དཀར་པོ |
གཤའ་ཚེ་དང་དོན་གཅིག |
| གཤའ་རིང |
ལག་ངར་གྱི་འོག་ཏུ་ཡོད་པའི་བད་ཀན་གཤའ་རིང་དང༌། མཁྲིས་པ་གཤའ་རིང༌། ཆུ་སེར་གཤའ་རིང་ཞེས་པའི་གཏར་དམིགས་གསུམ་གྱི་མིང༌། |
| གཤར |
(བྱེད་མེད་ལས་ཚིག) བཤར་གྱི་ད་ལྟ་བ། གཅིག་རྗེས་སུ་གཅིག་འབྲངས་ནས་འགྲོ་བའི་དོན་ཏེ། (དཔེར་ན།) དམག་གཤར་གྱིན་འདུག ལུག་རྣམས་ཆུ་ཁར་གཤར་ལྟ་བུ། |
| གཤར་བ |
(བྱེད་འབྲེལ་ལས་ཚིག) རིམ་གྱིས་འགྲོ་བ་སྟེ། (དཔེར་ན།) ལམ་འཕྲང་དོག་པོར་འགྲུལ་པ་དང་རྟ་དྲེལ་རྣམས་གཤར་གྱིན་འདུག ཁྱོད་ཚོ་འཚང་ག་མ་བརྒྱབ་པར་རིམ་གྱིས་གཤོར་ཅིག་ཅེས་པ་ལྟ་བུ། |
| གཤར་མ |
དབུ་མེད་འཁྱུག་ཡིག |
| གཤར་མ |
བོད་ཡིག་དབུ་མེད་རིགས་ཤིག་གི་མིང་གཤར་བྲིས་སམ་གཤར་ཡིག་ཀྱང་ཟེར། |
| གཤར་ཡིག |
དབུ་མེད་ཀྱི་ཡི་གེ། |
| གཤར་རྒྱག་པ |
ཚེམ་བུ་བས་གོས་ཀྱི་ནང་ཤ་སོགས་ལ་སྟེང་གནོན་གྱི་ཚུགས་སམ་གཤར་ཐོར་རེ་བ་རྒྱག་པ། |
| གཤར་སྦྱང |
1.དཔེ་ཆའི་ཚིག་སོགས་ཡང་ཡང་བཏོན་ནས་བློ་ལ་ངེས་པར་བྱེད་པའི་ཐབས་ཤིག་གི་མིང་སྟེ། (དཔེར་ན།) དགུ་མཐའི་རྩ་ཚིག་གཤར་སྦྱང་བྱས་ལྟ་བུ། 2.བསླབ་བྱའི་ནང་དོན་ཡིད་ལ་ངེས་ཆེད་དུ་བཀོད་པའི་དོན་ཚན་གྱི་མིང་སྟེ། (དཔེར་ན།) སློབ་ཚན་གྱི་གཤར་སྦྱང་ཞེས་པ་ལྟ་བུ། |
| གཤལ |
(བྱེད་འབྲེལ་ལས་ཚིག) བཤལ་གྱི་མ་འོངས་པ་དང་ད་ལྟ་བ། ཆུའི་ཤུགས་ལ་བརྟེན་ནས་དྲི་མ་སོགས་དག་པར་བྱེད་པའི་དོན་ཏེ། (དཔེར་ན།) ཟས་ཟོས་རྗེས་ཁ་གཤལ་དགོས། དྲི་མ་ཆུ་ལ་གཤལ་གྱིན་འདུག་ལྟ་བུ། |
| གཤལ་གོས་པ |
སྐྱོན་གོས་པའམ་ངན་གཡའ་ཕོག་པ། |
| གཤས་མ |
གཤའ་མ་དང་དོན་འདྲ། |
| གཤིན |
1.གཤིན་པ་ལ་ལྟོས། 2.གཤིན་པོ་ལ་ལྟོས། |
| གཤིན་གནས |
དུར་ཁྲོད། |
| གཤིན་གྱི་ནགས |
དུར་ཁྲོད། |
| གཤིན་ཆོག |
གཤིན་པོ་རྗེས་འཛིན་བྱེད་པའི་ཆོ་ག་ཞིག |
| གཤིན་དཀོར |
ཤི་པོའི་དོན་དུ་དགེ་འདུན་པ་ལ་ཕུལ་བའི་ནོར་རྫས། |
| གཤིན་དགེ |
གཤིན་པོར་དམིགས་པའི་དགེ་རྩ། |
| གཤིན་པ |
1.(རྒྱན་ཚིག) དགའ་ཞིང་ཤ་ཚ་བ་བའི་དོན་ཏེ། (དཔེར་ན།) ཐུགས་མཉེས་ཤིང་གཤིན་པ། སེམས་གཤིན་པའི་སྒོ་ནས་སྙིང་གཏམ་གླེང་ལྟ་བུ། ཚིག་བསྡུས་ན་གཤིན་ཞེས་འབྲི་ཆོག་མཉེས་གཤིན་སྙིང་རྗེའི་སེམས་ཀྱིས་ནད་པ་བསྐྱབས་ལྟ་བུ། 2. བཅུད་དང་ལྡན་པའི་དོན་ཏེ། (དཔེར་ན།) གཟན་ཆག་གཤིན་པ་ཞེས་པ་ལྟ་བུ།3. ས་ཞིང་སོགས་ས་གཤིས་བཟང་བའི་དོན་ཏེ། (དཔེར་ན།) ཞིང་ས་གཤིན་པ་ལས་ལོ་ཡག་འབྱུང་ལྟ་བུ། འཇམ་པོ་དང་དུལ་བའི་དོན་དུ་གོ་བའི་གཤིན་པོ་དང་འདྲ། |
| གཤིན་པོ |
ཚེ་ལས་འདས་པོའི་མིང་སྟེ། (དཔེར་ན།) གཤིན་པོའི་གྱོན་པ། གཤིན་པོའི་བྱང་ཡིག བླ་མ་རང་མགོ་མ་ཐོན་པར། གཤིན་པོའི་ཡར་འདྲེན་ཕར་བཞག་རེད་ཅེས་པ་ལྟ་བུ། |
| གཤིན་ཟན |
གཤིན་ཟས་དང་འདྲ། |
| གཤིན་ཟས |
1.ཤི་མཁན་གྱི་རྒྱུ་དངོས་ཐོག་ནས་བཟོས་པའི་ཟས། 2.ཤི་མཁན་གྱི་དོན་དུ་དམིགས་ནས་གཏོང་བའི་དངོས་རྫས། |
| གཤིན་འདྲེ |
མི་ཤི་ནས་གསོན་པོར་སྡོད་མཁན་ལ་གནོད་པ་སྐྱེལ་བའི་འདྲེ་ལ་ཟེར། |
| གཤིན་ཡུལ |
གཤིན་པོའི་ཡུལ་ཏེ་ཤི་ནས་སྐྱེ་བ་མ་བླངས་བར་གྱི་ཡུལ་ལམ་གནས། |
| གཤིན་རྗེ |
1.གཤིན་པོ་ཀུན་གྱི་རྗེ་བོ་སྟེ། (དཔེར་ན།) ཕོར་པ་གཏིང་རིང་ལ་མདོག་སྐྱ་བ་གཤིན་རྗེའི་གདོང་འདྲ་བ་ཞིག་གཡར་བྱུང༌ཞེས་པ་ལྟ་བུ། མིང་གི་རྣམ་གྲངས་ལ་ལྔ་པའི་བདག་དང༌། ཉི་མའི་བུ། ཆོས་ཀྱི་རྒྱལ་པོ། འཆི་བདག་མཐར་བྱེད། དུས་འཛིན། ཕ་གཤིན་བདག་བེ་ཅོན་འཆང༌། དབྱུག་འཛིན། མ་ཧེའི་རྒྱལ་མཚན་ཅན། མཚུངས་འཇུག་མཚུན་གྱི་ལྷ། མཚུན་ལ་རོལ། འཚེ་བའི་དབང་ཕྱུག་ཡ་མུ་ནའི་སྤུན། གསོད་བྱེད། ལྷོ་ཡི་ཕྱོགས་སྐྱོང་བཅས་སོ། །2.(མངོན་བརྗོད།) གཤིན་རྗེ་ལ་ཕོ་མོ་གཉིས་ཡོད་པས་གྲངས་གཉིས་མཚོན། |
| གཤིན་རྗེ་གཤེད |
དཔལ་རྡོ་རྗེ་འཇིགས་བྱེད་དེ། གསང་སྔགས་བླ་མེད་ཕ་རྒྱུད་ཀྱི་ཡི་དམ་ཞིག |
| གཤིན་རྗེ་ཆོས་རྒྱལ |
1.དམ་ཅན་ཆོས་རྒྱལ།2.འཆི་བདག་གཤིན་རྗེ། |
| གཤིན་རྗེ་མོ |
(མངོན་བརྗོད།) སྐར་མ་བྲ་ཉེ། |
| གཤིན་རྗེའི་ཁྲམ |
འཆི་བདག་གིས་འཆི་བརྡ་གཏོང་བའི་རྟགས་སམ་མཚན་མ་སྟེ། (དཔེར་ན།) ཁྱོད་གཤིན་རྗེའི་ཁྲམ་ལ་མ་བཏབ་ན། ང་དཔའ་མིང་བཏགས་པ་སྟོང་གཏམ་གྱིས་ཞེས་པ་ལྟ་བུ། |
| གཤིན་རྗེའི་ནགས |
(མངོན་བརྗོད།) དུར་ཁྲོད་རོ་གནས། |
| གཤིན་རྗེའི་ཕྱོགས |
(མངོན་བརྗོད།) ལྷོ་ཕྱོགས། |
| གཤིན་རྗེའི་བ་དན |
(མངོན་བརྗོད།) གཟའ་སྤེན་པ། |
| གཤིན་རྗེའི་བཞོན་པ |
(མངོན་བརྗོད།) མ་ཧེ། |
| གཤིན་རྗེའི་བུ |
(མངོན་བརྗོད།) གྲོག་མ། |
| གཤིན་རྗེའི་སྐྱེས་བུ |
དམྱལ་བའི་ལས་མཁན། |
| གཤིན་རྗེའི་སྲིང་མོ |
1.(མངོན་བརྗོད།) ཆུ་བོ་པཀྵུ། 2.གཤིན་རྗེའི་ཡུམ། |
| གཤིན་རྩིས |
གཤིན་པོའི་དོན་དུ་རྒྱག་པའི་རྩིས། |
| གཤིན་རྫས |
གཤིན་པོའི་ནོར་རྫས། |
| གཤིན་ས |
1.ཞིང་ས་འབོལ་པོ་དུལ་མ། 2.མཐུན་པོ་བྱེད་ས། |
| གཤིན་སྟོང |
གནའ་དུས་བོད་ཀྱི་ཁྲིམས་སྲོལ་ལྟར་བསད་པའི་མི་སྲོག་གི་ཁྲིམས་འཇལ་ཞིག |
| གཤིན་སྦྱང |
གཤིན་པོ་རྣམས་ཀྱི་རྣམ་ཤེས་གནས་སྤོར་བྱེད་པའི་ཆོ་ག། |
| གཤིབ |
(བྱེད་འབྲེལ་ལས་ཚིག) བཤིབས་པའི་ད་ལྟ་བ། དངོས་པོ་གཉིས་ཡན་དྲང་ཐིག་གཅིག་ལ་བསྒྲིགས་པའི་དོན་ཏེ། (དཔེར་ན།) དཔུང་བ་མཉམ་གཤིབ། ལྷན་དུ་གཤིབ་མཁན་ཞེས་པ་ལྟ་བུ། |
| གཤིབ་པ |
གཤིབ་པའི་ད་ལྟ་བའི་བྱ་མིང་། |
| གཤིབས |
གཤིབ་ཀྱི་སྐུལ་ཚིག་སྟེ། (དཔེར་ན།) མཉམ་དུ་གཤིབས་ཤིག་ལྟ་བུ། འདིའི་མ་འོངས་པར་གཤིབ་དང་། ད་ལྟ་བར་གཤིབས་འབྲི་བའང་ཡོད། |
| གཤིབས་གཤིབས |
རུག་རུག་གམ་ཉེ་བར་བཅར་ནས་བསྒྲིགས་པ། |
| གཤིབས་པ |
གཤིབ་པའི་འདས་པ། |
| གཤིས |
1.གཤིས་ཀ་དང་རང་བཞིན་ནམ་ངོ་བོའི་མིང་སྟེ། (དཔེར་ན།) རང་གཤིས། མིའི་རང་གཤིས། གཤིས་ཀ་འཇམ་པོ། ས་གཤིས་གཤིན་པོ་ཞེས་པ་ལྟ་བུ། 2.རྒྱུ་མཚན་སྟོན་པའི་ཚིག་ཅིག་སྟེ། (དཔེར་ན།) གནམ་གྲུར་བསྡད་པ་ཡིན་གཤིས་མགྱོགས་པོ་སླེབས་ཐུབ་པར་ཐག་ཆོད། དོན་དམ་པའི་ལྷ་ཆོས་ལ་སྦྱར་གཤིས་གོ་དཀའ་བ་འདུག་ཅེས་པ་ལྟ་བུ། |
| གཤིས་ཀ |
རང་བཞིན་ནམ་རྒྱུ་དག་སྟེ། (དཔེར་ན།) གོམས་གཤིས། མི་གཤིས། གནམ་གཤིས། ས་གཤིས། གཤིས་ཀ་བཟང་ངན། གཤིས་རྩུབ་ཁ་ཚ་ཞེས་པ་ལྟ་བུ། |
| གཤིས་རྒྱུད |
རང་བཞིན་ནམ་རྒྱུ་དག་སྟེ། (དཔེར་ན།) གཤིས་རྒྱུད་གྱོང་པོ། གཤིས་རྒྱུད་རྩིང་པོ། གཤིས་རྒྱུད་བཙན་པོ། རང་གི་གཤིས་རྒྱུད་བཟང་པོ་ཇི་ལྟ་བ་བཞིན་དུ་གཞན་དག་ཀྱང་དེ་ལྟ་བུའོ་སྙམ་པ་ནི་ནོར་རོ་ཞེས་པ་ལྟ་བུ། |
| གཤིས་ལུགས |
1.གོམས་སྲོལ། 2.ཆོས་རྣམས་ཀྱི་རང་བཞིན་སྟོང་ཉིད། |
| གཤིས་ལུགས |
ངོ་བོའམ་རང་གཤིས་ཀྱི་མིང་སྟེ། (དཔེར་ན།) སྟག་གིས་ཤ་ཁྲག་བཟའ་བ་གཤིས་ལུགས་ཡིན་ལྟ་བུ། |
| གཤུ |
བཤུས་ཀྱི་ད་ལྟ་བ་སྟེ། (དཔེར་ན།) ཤུན་པ་གཤུ་བཞིན་འདུག པགས་པ་གཤུ་མཁན་ཞེས་པ་ལྟ་བུ། |
| གཤུང |
བཤུང་གི་འབྲི་ཚུལ་གཞན། |
| གཤུང་བ |
1.(བྱེད་འབྲེལ་ལས་ཚིག) སྨོད་ནས་ལྐོག་ཏུ་ཁ་གཏོང་བ་སྟེ། (དཔེར་ན།) གཤུང་བར་དམོད་པ། གཤིས་ལུགས་གཤུང་བ་ཞེས་པ་ལྟ་བུ། 2.(བརྡ་རྙིང་།) རང་གཞན་གྱི་སྐྱོན་དངོས་སུ་བརྗོད་པ། |
| གཤུད |
(བྱེད་འབྲེལ་ལས་ཚིག) བཤུད་ཀྱི་མ་འོངས་པ་དང་ད་ལྟ་བ། ལུས་ཀྱི་སྐྱི་མོ་བརྡར་ནས་རྨས་པའི་དོན་ཏེ། (དཔེར་ན།) རྐང་བ་ལྷམ་གྱིས་གཤུད། ལག་པ་རྡོ་ལ་ཐོགས་ན་གཤུད་ཉེན་ཆེ་ལྟ་བུ། |
| གཤུམ |
བཤུམ་གྱི་འབྲི་ཚུལ་གཞན། |
| གཤུར |
(བྱེད་འབྲེལ་ལས་ཚིག) བཤུར་གྱི་ད་ལྟ་བ་དང་སྐུལ་ཚིག་སྟེ། (དཔེར་ན།) དངོས་རྫས་སྲབ་མོར་གཞོག་པའི་དོན་ཏེ། ཤིང་གཤུར། ལ་ཕུག་གཤུར་དགོས། མར་རྡོག་གཤུར་ཅིག་ལྟ་བུ་ཞེས་པ་ལྟ་བུ། |
| གཤེ |
(བྱེད་འབྲེལ་ལས་ཚིག) གཤེས་ཀྱི་མ་འོངས་པ་དང་ད་ལྟ་བ། སྡིགས་མོ་བྱེད་པའི་དོན་ཏེ། (དཔེར་ན།) གཤེ་གཤེ་བཏང་། སྤྱི་ནོར་བརླགས་པར་ཀུན་གྱིས་གཤེ་བར་འོས་ལྟ་བུ། |
| གཤེ་གཤེ་གཏོང་བ |
ཚིག་རྩུབ་བརྗོད་པ། |
| གཤེ་བ |
(བྱེད་འབྲེལ་ལས་ཚིག) གཤེས་པའི་ད་ལྟ་བའི་བྱ་མིང་། |
| གཤེག་པ |
གཤོག་པའི་ད་ལྟ་བའི་འབྲི་སྲོལ་གཞན་ཞིག |
| གཤེགས |
1.(བྱེད་མེད་ལས་ཚིག) སོང་བའི་དོན་ཏེ། (དཔེར་ན།) ཡུལ་གཞན་ལ་གཤེགས་ལྟ་བུ། 2.ཤི་བའི་ཞེ་ས་སྐུ་གཤེགས་ལྟ་བུ། |
| གཤེགས་གཏོར |
ལྷ་ཕེབས་པའི་སྐབས་དང་བསྟུན་པའི་གཏོར་མ། |
| གཤེགས་པ |
(བྱེད་མེད་ལས་ཚིག) 1.ཕེབས་པ་སྟེ། (དཔེར་ན།) ཡུལ་ལྗོངས་མང་པོར་གཤེགས་པ། གཤེགས་སུ་གསོལ། རང་གནས་སུ་གཤེགས་པ། ཉེ་ཞོ་མེད་པར་བདེ་བར་གཤེགས་ཞེས་པ་ལྟ་བུ། 2.འདས་པའི་དོན་ཏེ། (དཔེར་ན།) བདེ་བར་གཤེགས་པ། དེ་བཞིན་གཤེགས་པ། མར་མེ་གཤེགས་སོང༌། གནམ་དུ་གཤེགས་པ། སྐུ་གཤེགས་པའི་བྱེད་སྒོ་ཞེས་པ་ལྟ་བུ། |
| གཤེགས་མགྲོན |
བསུ་སྐྱེལ་སྟོན་མོ་སོགས་བྱེད་དགོས་པའི་ཚུར་ཡོང་ཕར་འགྲོའི་མགྲོན་པོ་གལ་ཆེ། |
| གཤེགས་རྫོངས |
འདས་མཆོད་དེ་ཤི་ཚར་བའི་རྗེས་སུ་གཤིན་པོའི་ཆེད་དུ་ཡར་དཀོན་མཆོག་ལ་མཆོད་པ་དང༌། བར་དགེ་འདུན་ལ་བསྙེན་བཀུར། མར་ངན་སློང་ལ་སྦྱིན་གཏོང་སོགས་རྣམ་དཀར་དགེ་སྒྲུབ་གང་རུང་བྱས་པའི་དོན། |
| གཤེགས་སྐྱེམས |
ཡུལ་གཞན་དུ་ཕེབས་ཁར་འབུལ་རྒྱུའི་བཏུང་བ་ཇ་ཆང་སོགས། ཕེབས་ཆང་ཡང་ཟེར། |
| གཤེགས་སྟངས་བདུན |
དཔེ་བྱད་བཟང་པོ་བརྒྱད་ཅུའི་གྲས་ཤིག་སེང་གེའི་སྟབས་སུ་གཤེགས་པ་དང༌། གླང་པོ་ཆེའི་སྟབས་སུ་གཤེགས་པ་དང༌། ངང་པའི་སྟབས་སུ་གཤེགས་པ་དང༌། ཁྱུ་མཆོག་གི་སྟབས་སུ་གཤེགས་པ་དང༌། གཡས་ཕྱོགས་སུ་ལྡོག་ཅིང་གཤེགས་པ་དང༌། མཛེས་པར་གཤེགས་པ་དང༌། དྲང་པོར་གཤེགས་པ་བཅས་བདུན་ནོ། ། |
| གཤེད |
མི་མཐུན་པའི་ཕྱོགས་སམ་དགྲ་ཟླའམ་དགྲ་བོ་སྟེ། (དཔེར་ན།) དགྲ་གཤེད། ལོ་གཤེད་ཅེས་པ་ལྟ་བུ། |
| གཤེད་མ |
1.སྲོག་གཅོད་མཁན། 2.གཤིན་རྗེའི་ཕོ་ཉ། |
| གཤེད་མ |
1.གསོད་ཁྲིམས་ལག་ལེན་ལ་འདེབས་མཁན་གྱི་མིང་། 2.འདྲེ་ཞིག་གི་མིང་། |
| གཤེན |
བོན་གྱི་སྟོན་པ་གཤེན་རབ་ཀྱི་རུས་མིང༌། |
| གཤེན་རབ |
སྔར་སངས་རྒྱས་ཤཱཀྱ་ཐུབ་པ་དང་དུས་མཚུངས་སུ་བོད་མངའ་རིས་ཞང་ཞུང་ཡུལ་གྱི་འོལ་མོ་ལུང་རིང་དུ་བྱུང་བའི་བོན་པོའི་སྟོན་པ་ཞིག |
| གཤེན་རབ་མི་བོ་ཆེ |
ཞང་ཞུང་གི་ཡུལ་དུ་འཁྲུངས་པའི་བོན་གྱི་སྟོན་པ་ཞིག |
| གཤེན་རབས |
གཤེན་རབ་དང་འདྲ། |
| གཤེན་རབས་མི་བོ་ཡེ་གཤེན |
བོན་སྲོལ་ཐོག་མར་གཏོད་མཁན་གྱི་སྟོན་པ། |
| གཤེན་ལྷ |
བོན་ལྷ། |
| གཤེན་སྲས |
བོན་གྱི་བྱང་ཆུབ་སེམས་དཔའི་མིང༌། |
| གཤེར |
1.(བྱེད་འབྲེལ་ལས་ཚིག) ཆུས་བརླན་པར་བྱས་པའི་དོན་ཏེ། (དཔེར་ན།) ཆར་བ་བབས་ནས་ས་གཞི་གཤར་ལྟ་བུ། 2.(རྒྱན་ཚིག) དངོས་རྫས་ཀྱི་ནང་དུ་ཆུའི་ཆ་ཤས་མང་བའམ་རླན་པའི་དོན་ཏེ། (དཔེར་ན།) ས་གཤེར་ས—ས་བརླན་ས་ཞེས་པ་ལྟ་བུ། 3.གཤེར་བ་སྟེ་ཆུ་དང་ཆུའི་རྣམ་པ་ཅན་གྱི་དངོས་རྫས་ཀྱི་མིང་སྟེ། (དཔེར་ན།) གཤེར་ཁུ་ཞེས་པ་ལྟ་བུ། 4.བཤེར་གྱི་མ་འོངས་པ་དང་ད་ལྟ་བ། (དཔེར་ན།) གྱོད་གཞི་གཤེར་དགོས། གཤེར་བྱ་ཞེས་པ་ལྟ་བུ། |
| གཤེར་ཚག |
མིག་ནད་གཤེར་ཚག་མིག་ནས་མཆི་མ་འཛག་ཅིང་གཟུགས་ལ་ལྟ་མི་བཟོད་པར་ན་བའི་མིག་ནད་ཅིག |
| གཤེར་འཛིན |
(མངོན་བརྗོད།) 1>ཆུ། 2>སྤྲིན། |
| གཤེར་ལྡན |
(མངོན་བརྗོད།) ཟླ་བ། |
| གཤེར་ས |
རླན་གཤེར་རམ་བཞའ་ཚན་ཡོད་པའི་ས། |
| གཤེས |
གཤེ་བའི་འདས་པ་དང་སྐུལ་ཚིག་སྟེ། (དཔེར་ན།) ཀུན་གྱིས་གཤེས་ནས་སྤྱོད་ངན་བསྒྱུར་ལྟ་བུ། |
| གཤོ |
1.གཏན་དུ་འཁེལ་བའི་ལམ་སྲོལ་ཏེ། (དཔེར་ན།) གཤོ་དོད་པ། གཤོ་ལམ་ཆགས་པ། གཤོ་ངན་ཚུགས་པ་ཞེས་པ་ལྟ་བུ།2.བྱོ་ཡི་འབྲི་སྲོལ་གཞན། 3.གཤོས་ཀྱི་མ་འོངས་པ་དང་ད་ལྟ་བ། |
| གཤོ |
གཤོས་པའིམ་འོངས་པ་དང་ད་ལྟ་བ་སྟེ། (དཔེར་ན།) ཆུ་རྐ་གཤོ་རུ་མ་འཇུག ཆུས་ས་གཤོ་ཐུབ་ལྟ་བུ། |
| གཤོ་བ |
(བྱེད་འབྲེལ་ལས་ཚིག) གཤོ་བའི་ད་ལྟ་བའི་བྱ་མིང་། |
| གཤོག |
1.དཔུང་ངམ་སྟོབས། 2.གྲོང་ཚོ་ཆེན་པོ། 3.གཤགས་ཀྱི་སྐུལ་ཚིག་སྟེ། (དཔེར་ན།) ཤིང་གཤོག གཤོག་ཅིག་ལྟ་བུ།3.གཤོག་པ་ཡི་ཚིག་བསྡུས་པ། |
| གཤོག་ཀ |
1.སྔོན་གྱི་གྲོང་གསེབ་ཀྱི་སྲིད་འཛིན་ས་ཁུལ་ཞིག་གི་མིང་ད་ལྟའི་ཡུལ་ཚོ་དང་འདྲ། 2.མི་ཁག་གཅིག་གི་མིང་སྟེ། (དཔེར་ན།) མི་གཤོག་ཀ་གཅིག་ཅེས་པ་ལྟ་བུ། |
| གཤོག་ཆགས |
བྱ་རིགས། |
| གཤོག་དཀར |
(མངོན་བརྗོད།) ངང་པ། |
| གཤོག་པ |
བྱའམ་ཉ་ཡི་འདབ་མ་སྟེ། (དཔེར་ན།) གཤོག་པ་རྡེབ་པ། གཤོག་པ་གཡུག་པ། གཤོག་པ་གཡོབ་པ། གཤོག་པ་ལྷེབ་ལྷེབ། བྱ་གཤོག་ལྷེབ་ལྷེབ་བྱས་ཏེ་འཕུར། བྱ་ནམ་མཁར་འཕུར་བ་ལ་གཤོག་པ་གཉིས་དགོས་ཞེས་པ་ལྟ་བུ། |
| གཤོག་པ་ཅན |
(མངོན་བརྗོད།) 1>རྟ། 2>བྱ། |
| གཤོག་བཀྲ |
(མངོན་བརྗོད།) བྱ་སྲེག་པ། |
| གཤོག་འགྲོ |
(མངོན་བརྗོད།) བྱ་སྤྱིའི་མིང༌། |
| གཤོག་རྩལ |
བྱའི་གཤོག་པའི་འཕུར་རྩལ་ཏེ། (དཔེར་ན།) རྒོད་ཕྲུག་ལ་གཤོག་རྩལ་རྒྱས་པ་དང༌། ངང་ཕྲུག་ལ་རྐྱལ་རྩལ་རྫོགས་པ་བཞིན་མགོ་ཐོན་པ་ཞེས་པ་ལྟ་བུ། |
| གཤོག་ལྗང |
(མངོན་བརྗོད།) ནེ་ཙོ། |
| གཤོག་ལྡན |
(མངོན་བརྗོད།) བྱ། |
| གཤོག་སྒྲ |
གཤོག་ཟུང་འཐབ་པའམ་རྡེབ་པའི་སྒྲ་སྟེ། (དཔེར་ན།) ངང་པའི་ཁྱུ་ཚོགས་གཤོག་སྒྲ་དིར་དིར་སྒྲོག་བཞིན་འཕུར་ཞེས་པ་ལྟ་བུ། |
| གཤོག་སྒྲོ |
བྱའི་གཤོག་པའམ་སྒྲོ་སྟེ། (དཔེར་ན།) གཤོག་སྒྲོ་དར་གྱི་སྐུད་པས་བསྡམས་གྱུར་ན། རྒོད་པོ་ཡིན་ཡང་ནམ་འཕངས་གཅོད་ཐབས་མེད་ཅེས་པ་ལྟ་བུ། མིང་གི་རྣམ་གྲངས་ལ་འགེབས་བྱེད་དང༌། སྒྲོ། འདབ་མ། འདབ་གཤོག་ལུས་འདེགས། གཤོག་པ་བཅས་སོ། ། |
| གཤོགས |
1.གཤོག་པའི་སྐུལ་ཚིག2.བཤག་གི་ད་ལྟ་བ་ལ་གཤོགས་འབྲི་བའང་ཡོད། |
| གཤོང |
1.དམའ་ཞིང་བདེ་བའི་ས་ཆའི་མིང་སྟེ། (དཔེར་ན།) གཤོང་ས། ཁུལ་གཤོང་། ཟི་ཁྲོན་གཤོང་ས་ཞེས་པ་ལྟ་བུ། འདི་ལ་གཤོངས་འབྲི་བའང་ཡོད། 2.གཤོང་བ་ཞེས་པའི་ཚིག་བསྡུས་པ། 3.གཤོངས་ཀྱི་ད་ལྟ་བ། |
| གཤོང |
བཤངས་པའི་ད་ལྟ་བ་སྟེ། (དཔེར་ན།) གྲི་ཤུབས་ནས་གཤོང་མཁན་ཞེས་པ་ལྟ་བུ། |
| གཤོང་གཤོང |
(རྒྱན་ཚིག) དམའ་མོའམ་ཀོང་ཀོང༌སྟེ། (དཔེར་ན།) ས་གཞི་གཤོང་གཤོང་རྣམས་སུ་ཆུ་འཁྱིལ་འདུག་ཅེས་པ་ལྟ་བུ། |
| གཤོང་ཆུ |
ས་ཀོང་མོར་ཡོད་པའི་ཆུ། |
| གཤོང་བ |
1.ཁ་ཡངས་ཤིང་དཔང་དམའ་བའི་སྣོད་སྡེར་མ་ལྟ་བུའི་རིགས་ཀྱི་མིང་སྟེ། (དཔེར་ན།) རྫ་མའི་གཤོང་བ། ཤིང་གི་གཤོང་བ་ཞེས་པ་ལྟ་བུ། ཚིག་བསྡུས་ན་གཤོང་ཞེས་འབྲི་ཆོག་རྫ་གཤོང་། ཤིང་གཤོང་། གཤོང་རྐོ། ལྕགས་གཤོང་ཞེས་པ་ལྟ་བུ།2.(བྱེད་འབྲེལ་ལས་ཚིག) འདྲུ་བ་དང་སེལ་བ་སྟེ། (དཔེར་ན།) གད་སྙིགས་གཤོང་བ། གཙང་པོ་གཤོང་བ་ལྟ་བུ། |
| གཤོང་བུ |
ས་གཞི་ཀོང་ཀོང་ངམ་ཀྱོང་ཀྱོང༌སྟེ། (དཔེར་ན།) མི་ལ་ཡར་དུས་མར་དུས་ཡོད། ས་ལ་སྒང་རེ་གཤོང་རེ་ཡོད་ཅེས་པ་ལྟ་བུ། |
| གཤོང་ཞིང |
ཐང་ལ་ཡོད་པའི་ཞིང༌སྟེ། (དཔེར་ན།) སྒང་ཞིང་གྲོ་སྙེ་སེར་འཁྱིལ་འཁྱིལ། གཤོང་ཞིང་འབྲས་མྱུག་སྔོ་ཐིང་ཐིང༌ཞེས་པ་ལྟ་བུ། |
| གཤོངས |
(བྱེད་འབྲེལ་ལས་ཚིག) བཤངས་ཀྱི་སྐུལ་ཚིག དངོས་རྫས་ཤུབས་སོགས་ཀྱི་ནང་ནས་ཕྱི་ལ་བཏོན་པ་སྟེ། (དཔེར་ན།) གྲི་རིང་ཤུབས་ནས་གཤོངས་ལྟ་བུ། |
| གཤོམ |
1.བཤམ་གྱི་ད་ལྟ་བར་གཤོམ་འབྲི་བའང་ཡོད།2.གྲ་སྒྲིག་བྱེད་པ་དང་འགོད་པ་སྟེ། (དཔེར་ན།) གྲབས་གཤོམ། སྒྲིག་གཤོམ། གཡུལ་གཤོམ་པ་ཞེས་པ་ལྟ་བུ། 3.ཕྱིར་འདོན་པ་སྟེ། (དཔེར་ན།) རལ་གྲི་གཤོམ་པ་ཞེས་པ་ལྟ་བུ། |
| གཤོམ་ར |
1.གྲ་སྒྲིག 2.དངོས་རྫས་སྒྲིག་འགོད་བྱེད་ས། |
| གཤོམ་ར་འཐེན་པ |
(ཡུལ་སྐད།) ཡོད་ཉམས་དང་ཡིན་ཉམས་སྟོན་པའི་དོན། |
| གཤོམས་པ |
གཤོམ་པའི་ད་ལྟ་བའི་འབྲི་སྲོལ་གཞན་ཞིག |
| གཤོར |
1.གཤར་བ་དང་གཤོར་བའི་སྐུལ་ཚིག 2.(བརྡ་རྙིང་།) 1>ཡུར་བ། 2>སྣོད་ཅིག 3>ཐོད་པ། 3.བྲེ་སྲང་ལ་འཇལ་བའི་དོན་ཏེ། (དཔེར་ན།) ལྕི་ཡང་སྲང་ལ་གཤར། འབྲུ་རིགས་བྲེ་ལ་བཤར་ནས་བླངས་ལྟ་བུ། 4.ཚིག་ཡང་ཡང་བཏོན་པའི་དོན་ཏེ། (དཔེར་ན།) དཔེ་ཆ་བློ་ལ་གཤར། བློ་ལ་གཤོར་ཅིག་ལྟ་བུ། |
| གཤོར |
གཤེར་གྱི་སྐུལ་ཚིག |
| གཤོར |
1.(བྱེད་འབྲེལ་ལས་ཚིག) བཤོར་གྱི་ད་ལྟ་བ་དང་སྐུལ་ཚིག ཤ་པགས་སོགས་ལེན་ཆེན་དུ་རི་དྭགས་འཛིན་པ་དང་གསོད་པའི་དོན་ཏེ། (དཔེར་ན།) རི་དྭགས་གཤོར་མཁན། རི་དྭགས་གཤོར་ཅིག་ཅེས་པ་ལྟ་བུ། 2.སྐྱོར་སྦྱོང་གི་དོན་དུ་གོ་བའི་གཤར་གྱི་སྐུལ་ཚིག 3.རྟོག་དཔྱོད་ཀྱི་དོན་དུ་གོ་བའི་བཤེར་གྱི་སྐུལ་ཚིག |
| གཤོར་ཁ་རྒྱག་པ |
འབྲུ་སྲན་སོགས་ཚད་འཇལ་བ། |
| གཤོར་བ |
1.(བྱེད་འབྲེལ་ལས་ཚིག) 1> རི་དྭགས་རྔོན་པའམ་རྔོན་རྒྱག་པ་སྟེ། (དཔེར་ན།) ཉ་གཤོར་བ། ཤ་བ་གཤོར་བ་ཞེས་པ་ལྟ་བུ།2. ཚད་འཇལ་བ་སྟེ། (དཔེར་ན།) འབྲུ་རིགས་འབོ་དང་བྲེ་ལ་གཤོར་བ་ཞེས་པ་ལྟ་བུ། 3..རྩུབ་པོའམ་འཇམ་པོ་མིན་པ་སྟེ། (དཔེར་ན།) དབུ་སྐྲ་གཤོར་བ་ཞེས་པ་ལྟ་བུ། |
| གཤོར་བྲེ |
འབྲུ་སོགས་འཇལ་བྱེད་ཀྱི་བྲེ་སྟེ། (དཔེར་ན།) མང་ཉུང་གཤོར་བྲེ་ལ་འཇལ། ལྗིད་ཡང་རྒྱ་སྲང་ལ་འདེགས་ཞེས་པ་ལྟ་བུ། |
| གཤོལ |
1.ཞིང་ཁ་རྨོ་སློག་བྱེད་པའི་ཡོ་བྱད་ཅིག་སྟེ། (དཔེར་ན།) ཐོང་གཤོལ། གཤོལ་གྱིས་རྨོ་བ་ལྟ་བུ། 2.བཤལ་གྱི་སྐུལ་ཚིག་སྟེ། (དཔེར་ན།) དྲི་མ་རྣམས་ཆུས་གཤོལ་ཅིག་ལྟ་བུ། |
| གཤོལ་ཅན |
(མངོན་བརྗོད།) མ་ཧེ། |
| གཤོལ་པོ |
1.རྨོ་སྤྱད་ཐོང་གཤོལ། 2.རྒྱུ་སྐར་བྱེ་བྲག་པ་ཞིག |
| གཤོལ་བཏབ་པ |
1.ཕྱིར་འཐེན་བྱེད་དུ་བཅུག་པ། 2.ཐོང་གཤོལ་ཞིང་ཁར་བཙུགས་པ། |
| གཤོལ་མགོ |
ཞིང་ཁ་རྨོ་བྱེད་གཤོལ་གྱི་མགོ། |
| གཤོལ་མདའ |
གཤོལ་འཐེན་བྱེད་ཀྱི་ཡུ་བའི་མིང་། |
| གཤོལ་མདའ་འཛིན |
གསེར་གྱི་རི་བདུན་གྱི་ཡ་གྱལ་རིའི་རྩེ་མོ་གསེར་གྱི་གཤོལ་མདའ་ལྟ་བུར་ཡོད་པ། ངོས་རེར་དཔག་ཚད་བཞི་འབུམ་བཞི་ཁྲི་དང༌། མཐའ་སྐོར་དུ་ས་ཡ་གཅིག་དང་བདུན་འབུམ་དྲུག་ཁྲི་ཡོད་པ་ཞིག |
| གཤོལ་རྟེན |
ཐོང་གཤོལ་གྱི་མདའ་རྟེན་ཤིང་རིང་པོ། |
| གཤོལ་ལྕགས |
ཐོང་གཤོལ་གྱི་རྩེ་ལྕགས། |
| གཤོལ་ལྡན |
(མངོན་བརྗོད།) 1>བེ་ཏའི་ཤིང༌། 2>མ་ཧེ། |
| གཤོལ་སྤྱད |
ཐོང་གཤོལ་གྱི་ཡན་ལག |
| གཤོས |
1.(བྱེད་འབྲེལ་ལས་ཚིག) གཤོ་ཡི་འདས་པ། ཆུའི་ཤུགས་ཀྱིས་ས་ལ་ཤུལ་བཏོད་པའི་དོན་ཏེ། (དཔེར་ན།) ཆུས་ས་གཤོས་ནས་གྲོ་མོ་བྱུང་། ཆུས་རྐ་གཤོས་ལྟ་བུ།2.(བརྡ་རྙིང་།) འཁྲིག་པ། 3.བཤོ་ཡི་འདས་པ་དང་སྐུལ་ཚིག་ལ་གཤོས་འབྲི་བའང་ཡོད། |
| གས |
1.སེར་ཁའི་མིང་སྟེ། (དཔེར་ན།) ཤིང་གི་གས་ཁ། གྱང་གི་གས་སྲུབས་ཞེས་པ་ལྟ་བུ། 2.(བྱེད་མེད་ལས་ཚིག) དངོས་རྫས་ལ་སེར་ཁ་བྱུང་བའི་དོན་ཏེ། (དཔེར་ན།) ཤིང་གས། རྡོ་གས་སྲིད་ལྟ་བུ། |
| གས་ཁ |
སེར་ཀའི་གས་སྲུབས་ཏེ། (དཔེར་ན།) སྒོའི་གས་ཁ་ནས་ཡར་བལྟས་ཞེས་པ་ལྟ་བུ། |
| གས་ཆག |
སེར་གས་དང་ཆག་གྲུམ་སྟེ། (དཔེར་ན།) དཀར་ཡོལ་གས་ཆག་ཅན་ཞེས་པ་ལྟ་བུ། |
| གས་པ |
(བྱེད་མེད་ལས་ཚིག) འགས་པའི་འདས་པ། |
| གས་འཕན |
སེར་ཁ་གས་པའི་སྐྱོན། |
| གས་འཕུལ |
སྔོན་འཇུག་ག་ཡིག་འཇུག་རུང་བའི་ཡེ་གེ |
| གས་སྲུབས |
སེར་ག་སྟེ། (དཔེར་ན།) ། དཀར་ཡོལ་དེ་ཚོའི་ནང་ནས་གས་སྲུབས་མེད་པ་ཞིག་ཁྱེར་ཤོག རྩིག་པ་དེར་གས་སྲུབས་ཆེན་པོ་བྱུང་འདུག་ཅེས་པ་ལྟ་བུ། |
| གསག |
1.(བརྡ་རྙིང་།) 1>མ་ཚོར་བ། 2>མྱུར་བ། 2.ཟུར་གྱི་དོན་ཏེ། (དཔེར་ན།) གསག་གིས་འགྲོ་བ་ལྟ་བུ། 3.(བྱེད་འབྲེལ་ལས་ཚིག) །གསོག་གི་མ་འོངས་པའི་འབྲི་ཚུལ་གཞན། |
| གསག་གཅོད |
པར་རྐོ་བའི་ཡིག་རིས་དངོས་གཞི་རྐོ་སྤྱད་ཅིག |
| གསག་གསིར |
1.(བརྡ་རྙིང་།) བང་བརྒྱུགས་ཏེ་མཆོང་བ། (རྒྱན་ཚིག) སྒྲ་གྲགས་ཚུལ་ཞིག་སྟེ། (དཔེར་ན།) མེ་ནང་དུ་ཆུ་བླུགས་པས་གསག་གསིར་གྲགས་ཞེས་པ་ལྟ་བུ། |
| གསགས་ཀ |
གསེག་ཀ་དང་འདྲ། |
| གསང |
1.(བྱེད་འབྲེལ་ལས་ཚིག) གསོང་བའི་མ་འོངས་པ་དང་འདས་པ། སྦེད་པ་དང་ཀུན་ལ་ཤེས་སུ་འཇུག་མི་རུང་བའི་དོན་ཏེ། (དཔེར་ན།) དམག་དོན་དགྲ་ཟླ་ལ་གསང་དགོས། གསང་བྱའི་དམག་དོན། རང་སྐྱོན་གསང་ནས་གཞན་སྐྱོན་མ་བཤད་ལྟ་བུ། 2.ཀུན་ལ་ཤེས་སུ་འཇུག་མི་རུང་བའི་གནས་དང་བྱ་སྤྱོད་ཀྱི་མིང་སྟེ། (དཔེར་ན།) གསང་དོན། གསང་ཁེབས། གསང་ཡི་ཅེས་པ་ལྟ་བུ། |
| གསང་ཁང |
1.གསང་བའི་ཁང་པ། 2.གསང་སྤྱོད་དམ། ཕྱི་ས་ཁང༌། |
| གསང་ཁུང |
1.བཤང་ལམ། 2.གསང་སྤྱོད་ཀྱི་བཤང་གཅི་འདོར་སའི་བུག་པ། |
| གསང་ཁེབས |
འདོམས་སོགས་ལུས་ཀྱི་ཆ་ཤས་སྒྲིབ་བྱེད་ཀྱི་ལྭ་བའི་རིགས་ཀྱི་སྤྱི་མིང་། |
| གསང་གཏམ |
གསང་བའི་སྐད་ཆ་སྟེ། (དཔེར་ན།) གསང་གཏམ་འགྲོལ་བ། གསང་གཏམ་གཞན་ལ་མ་བཤད་ཅེས་པ་ལྟ་བུ། |
| གསང་གནད |
ཡོངས་གྲགས་མིན་པའི་གནད་འགག |
| གསང་གནས |
1.ཕོ་མོའི་མཚན་མ། 2.གསང་བའི་ས་གནས། |
| གསང་གནས་བདེ་སྐྱོང་གི་འཁོར་ལོ |
གསང་གནས་ཐད་ཀྱི་དབུ་མ་ལས་གྱེས་པའི་རྩ་འདབ་སོ་གཉིས་གདུགས་ཀྱི་རྩིབས་མ་ལྟར་ཁ་མར་ཕྱོགས་པ། |
| གསང་གྲོས |
གསང་བའི་གྲོས་མོལ། |
| གསང་ཆ |
1.སྦ་གསང༌། གསང་ཆ་བྱེད་པ། 2.ལྐོག་ནས་བཏང་བའི་ཡིག་ཆའམ་འཕྲིན། |
| གསང་ཆབ |
གཅིན་པའི་དོན་ཏེ། (དཔེར་ན།) གསང་ཆབ་གསིལ་བ་ཞེས་པ་ལྟ་བུ། |
| གསང་ཆེན་བསྟན་པའི་གསལ་བྱེད |
གསང་སྔགས་འཛིན་སྤེལ་བྱེད་མཁན། |
| གསང་ཉུལ |
གསང་བའི་སྒོ་ནས་གཞན་གྱི་བྱ་སྤྱོད་ལ་སོ་ལྟ་ཚོད་ཉུལ་བྱེད་མཁན། |
| གསང་ཐག |
གཞན་གྱིས་མི་མངོན་པར་གློད་འཐེན་བྱེད་པའི་ཐག་པ། |
| གསང་དབང |
1.མཆོག་དབང་གོང་མ་གསུམ་གྱི་ཡ་གྱལ་ཞིག་བླ་མ་ཡབ་ཡུམ་གྱི་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ནས་སློབ་མའི་ངག་ལ་བསྐུར་ཞིང་ངག་གི་དྲི་མ་དག་ལམ་རྩ་རླུང་གི་རྣལ་འབྱོར་བསྒོམ་པ་དང་སྔགས་བཟླ་བ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་པའི་སྐུ་ཐོབ་པའི་སྐལ་བ་རྒྱུད་ལ་འཇོག་བྱེད་ཀྱི་དབང༌། 2.(མངོན་བརྗོད།) ཕྱག་ན་རྡོ་རྗེ། |
| གསང་དོན |
གསང་བའི་དོན་གནད་དེ། (དཔེར་ན།) གསང་དོན་ནང་མ་ཞེས་པ་ལྟ་བུ། |
| གསང་པོ |
ཡངས་པོའམ་འཁྲོལ་པོ་སྟེ། (དཔེར་ན།) སྐད་གསང་པོ། ཁ་གསང་པོ་ཞེས་པ་ལྟ་བུ། |
| གསང་ཕུ |
སྐྱིད་ཤོད་སྨད་ཀྱི་གསང་ཕུ་ཞེས་པའི་ཡུལ་དང་དགོན་པ། |
| གསང་ཕུ་དགོན་པ |
གསང་ཕུ་ནེའུ་ཐོག་དང་དོན་གཅིག |
| གསང་ཕུ་ནེའུ་ཐོག |
རབ་བྱུང་དང་པོའི་ཆུ་གླང་ལོར་ཨ་ཏི་ཤའི་དགེ་ཕྲུག་རྔོག་ལེགས་པའི་ཤེས་རབ་ཀྱིས་བཏབ་ཅིང༌། རྗེས་སུ་ཨ་ཏི་ཤའི་དགེ་ཕྲུག་བློ་ལྡན་ཤེས་རབ་ཀྱིས་བསྐྱར་འདེབས་བྱས་པའི་དགོན་པ་ཞིག |
| གསང་ཕུའི་དབྱར་ཆོས |
གསང་ཕུ་ནེའུ་ཐོག་དགོན་པར་དབྱར་དུས་འཚོགས་པའི་ཆོས་ར། |
| གསང་བ |
1.(བྱེད་འབྲེལ་ལས་ཚིག) གཞན་ལ་སྦེད་པའི་དོན་དུ་གོ་བའི་འདས་དང་མ་འོངས་པའི་བྱ་མིང་།2.གཞན་ལ་མངོན་མི་རུང་བའི་དོན་དང་བྱ་སྤྱོད་དེ། (དཔེར་ན།) གསང་བའི་དམག་དོན། གསང་བའི་བྱ་སྤྱོད་ཅེས་པ་ལྟ་བུ། |
| གསང་བ་གསུམ |
སྐུའི་གསང་བ་དང༌། གསུང་གི་གསང་བ། ཐུགས་ཀྱི་གསང་བའོ། ། |
| གསང་བ་དབང་བསྒྱུར་ཐབས་ཀྱི་ཐེག་པ |
མ་ཧཱ། ཨ་ནུ། ཨ་ཏི་གསུམ་སྟེ་རྙིང་མའི་ཐེག་པ་རིམ་དགུའི་ནང་གསེས་ཤིག |
| གསང་བ་དམ་པོ |
1.ཧ་ཅང་གསང་བ། 2.གཞན་ལ་མི་སྟོན་པའི་དངོས་པོའམ་ནང་དོན། |
| གསང་བ་ཟབ་མོའི་དབང་གསུམ |
མ་ཧཱ་ཡོ་གའི་འཇུག་སྒོ་སྤྱོད་པའི་བརྟུལ་ཞུགས་ཅན་ལ་གསང་དབང༌། རིག་པའི་བརྟུལ་ཞུགས་ཅན་ལ་ཤེས་རབ་ཡེ་ཤེས་ཀྱི་དབང༌། མཉམ་པའི་བརྟུལ་ཞུགས་ཅན་ལ་དབྱེར་མེད་བདེ་བ་ཆེན་པོའི་དབང་བཅས་གསུམ། |
| གསང་བ་འདུས་པ |
བླ་མེད་ཕ་རྒྱུད་ཀྱི་ལམ་དང་འབྲས་བུའི་གསང་བའི་གནད་ཐམས་ཅད་འདུས་པའི་རྒྱུད་དང༌། དེའི་ཡི་དམ་ཞིག |
| གསང་བ་འཛིན |
(མངོན་བརྗོད།) ཕྱག་ན་རྡོ་རྗེ། |
| གསང་བདག |
1.གསང་བའི་བདག་པོ། 2.(མངོན་བརྗོད།) རྣམ་ཐོས་སྲས། |
| གསང་བའི་གསུང |
ལྐོག་ཏུ་གདམས་པའི་བཀའ་དང་ནང་དོན་གྱི་བསླབ་བྱ། |
| གསང་བའི་ཐེག་པ |
གསང་སྔགས་ནི་ཉན་ཐོས་སོགས་སྣོད་མིན་ལ་སྦ་བའི་ཕྱིར་གསང་བའི་ཐེག་པ་ཞེས་བྱའོ། ། |
| གསང་བའི་ནད |
སྐྱེས་པ་དང་བུད་མེད་ཀྱི་མཚན་མའི་ནད། |
| གསང་བའི་པད་མ |
(མངོན་བརྗོད།) བུད་མེད་ཀྱི་རྟགས། |
| གསང་བའི་བདག་པོ |
(མངོན་བརྗོད།) 1>རྣམ་ཐོས་སྲས། 2>ཕྱག་ན་རྡོ་རྗེ། |
| གསང་བའི་བླ་མ |
(མངོན་བརྗོད།) ལྷ་དབང་ཕྱུག་ཆེན་པོ། |
| གསང་བའི་འཁོར་ལོ |
(མངོན་བརྗོད།) མོ་མཚན། |
| གསང་བའི་ལྷོང |
གེགས་སམ་བར་ཆད་དེ་ཁྲོ་བ་དང་ཡིད་མུག་པ་ལྟ་བུ། |
| གསང་བའི་སྙིང་པོ |
1.གང་བྱུང་ལ་མི་སྟོན་པའི་གནད་འགག 2.གསང་བའི་གཟུངས་སྔགས། |
| གསང་བརྡ |
ལྐོག་ནས་གཏོང་བའི་བརྡའམ་གཞན་ལ་དོ་སྣང་འདྲེན་དཀའ་བའི་ཆེད་བཀོད་བརྡ་རྟགས་སོགས་ཀྱི་དོན་ཏེ། (དཔེར་ན།) གསང་བརྡ་གཏོང་བ། གསང་བརྡ་སྤྲད་པ་ཞེས་པ་ལྟ་བུ། |
| གསང་མཚན |
གསང་སྔགས་ཀྱི་དབང་བསྐུར་སྐབས་བཏགས་པའི་མིང༌། |
| གསང་མཛོད |
1.ཐུགས་དགོངས་སུ་ཡོད་པའི་གསང་བའི་བང་མཛོད་དེ། (དཔེར་ན།) མན་ངག་སློབ་དཔོན་ཐུགས་ལ་གནས། དགོངས་པའི་གསང་མཛོད་ལོན་ཐབས་འཚལ་ཞེས་པ་ལྟ་བུ།2.གཞན་གྱི་མི་ཤེས་སར་སྦས་པའི་མཛོད་ཁང་། |
| གསང་ཚིག |
1.གསང་བའི་སྐད་ཆ། 2.སྔགས་ཀྱི་བརྡ་སྐད། |
| གསང་འདུས |
གསང་བ་འདུས་པའི་བསྡུས་ཚིག |
| གསང་ཡུམ |
སྔགས་ལུགས་ཀྱི་བླ་སྤྲུལ་གྱིས་བསྟེན་པའི་བདག་མོ། |
| གསང་རྒྱ |
གསང་བ་དམ་པོའི་དོན་ཏེ། (དཔེར་ན།) གསང་རྒྱ་འགྲོལ་བ། གསང་རྒྱ་བསྡམས་པ་ཞེས་པ་ལྟ་བུ། |
| གསང་རྟགས |
མི་མངོན་པའི་རྟགས་མཚན། |
| གསང་ས |
1.ས་གནད་ཀྱི་འདུས་མདོ། 2.སྦ་གསང་བྱ་སའི་ཡུལ། |
| གསང་སྐུད |
གསང་བའི་སྒོ་ནས་བརྡ་གཏོང་ངམ། གློད་འཐེན་བྱེད་པའི་སྐུད་པ་སྟེ། (དཔེར་ན།) གསང་སྐུད་འཐེན་པ། ཕོ་མོའི་བར་གསང་སྐུད་འཐེན་མཁན་ཞེས་པ་ཞེས་པ་ལྟ་བུ། |
| གསང་སྒྲོ |
གསང་གནས་ཀྱི་གཤམ་དུ་འཕྱང་བའི་སྒྲོ་བ་སྐྱེས་པའི་རླིག་པའི་མིང་གི་རྣམ་གྲངས་ཤིག |
| གསང་སྔགས |
ཤེས་རབ་སྟོང་པ་ཉིད་དང་ཐབས་སྙིང་རྗེ་ཆེན་པོ་ཟུང་དུ་འཇུག་པའི་སྒོ་ནས་ཡིད་མཚན་རྟོག་ལས་སྐྱོབ་པར་བྱེད་པའི་བདེ་བ་ཆེན་པོའི་ཡེ་ཤེས་ཏེ། གསང་ཞིང་སྦས་པས་འགྲུབ་ལ། སྣོད་མིན་རྣམས་ཀྱི་སྤྱོད་ཡུལ་མ་ཡིན་པས་གསང་སྔགས་ཞེས་བྱའོ། ། |
| གསང་སྔགས |
སངས་རྒྱས་ཆོས་ལུགས་ཀྱི་ཡ་གྱལ་ཞིག་གི་མིང་། |
| གསང་སྔགས་ཀྱི་ཁྱད་ཆོས་བཞི |
རྒྱུ་མཚན་ཉིད་ཀྱི་ཐེག་པ་ལས་འབྲས་བུ་སྔགས་ཀྱི་ཐེག་པ་ཁྱད་དུ་འཕགས་པའི་ཆོས་བཞི་མཐར་འབྲས་སངས་རྒྱས་དོན་དུ་གཉེར་བར་གཅིག་པ་ཡིན་ཀྱང༌། ལམ་གྱི་འཇུག་སྒོ་དབང་སྐུར་བ་སྔོན་དུ་སོང་ནས་ལྷ་སྒོམ་ཞིང་སྔགས་བཟླ་བ་སོགས་ཐབས་ཀྱི་ཆ་ལ་མ་རྨོངས་པ་དང༌། གདུལ་བྱའི་ཁམས་དབང་དང་མཐུན་པར་བྱ་སྤྱོད་རྣལ་འབྱོར་སོགས་རྒྱུད་སྡེའི་དབྱེ་སྒོ་མཐའ་ཡས་པའི་ཕྱིར་ཐབས་མང་བ་དང༌། དཀའ་ཐུབ་སོགས་ཚེགས་ཆེན་པོ་ལ་མ་སྟོས་པར་ཐབས་ཀྱི་སྤྱོད་པས་དཀའ་བ་མེད་པར་ས་ལམ་བགྲོད་པ་དང༌། དབང་རྣོན་ཐེག་པ་ཆེན་པོའི་རིགས་ཅན་གྱི་ཡུལ་དུ་གྱུར་པ་རྣམས། |
| གསང་སྔགས་ཀྱི་གདུལ་བྱ་བཞི |
གསང་སྔགས་རྒྱུད་སྡེ་བཞིའི་ལམ་གྱིས་གདུལ་བར་བྱ་བའི་ཡུལ་ནི་རིགས་བཞི་ལྟ་བ་དང༌། དགོད་པ། ལག་བཅངས། གཉིས་གཉིས་འཁྱུད་པ་སྟེ་འདོད་ཡོན་ལ་ཆགས་པ་ལམ་དུ་བྱེད་ཚུལ་མི་འདྲ་བ་བཞིའོ། ། |
| གསང་སྔགས་ཀྱི་དམ་ཚིག |
རྡོ་རྗེ་འཆང་གིས་ཇི་ལྟར་གསུངས་པའི་བཅས་པ་ལས་མི་འདའ་བར་ཉམས་སུ་ལེན་པའི་ཁས་ལེན་དམ་བཅའ། |
| གསང་སྔགས་ཀྱི་བབས་སོ་གསུམ |
གངས་རིའི་ཁྲོད་དུ་སྔ་འགྱུར་རྡོ་རྗེ་ཐེག་པའི་བསྟན་པ་དང་པོ་གཉགས་ཛྙཱ་ན་ཀུ་མ་ར་ལ་བབས། བར་དུ་གནུབས་ཆེན་སངས་རྒྱས་ཡེ་ཤེས་ལ་བབས། མཐའ་མར་ཟུར་ཤཱཀྱ་འབྱུང་གནས་ལ་བབས། དེ་ལས་གཉགས་དང་གནུབས་རྣམ་གཉིས་ནི་དུས་རབས་བརྒྱད་པ་དང༌། ཟུར་ནི་དུས་རབས་བཅུ་པར་བྱུང༌། |
| གསང་སྔགས་ཀྱི་རྣལ་འབྱོར་པ |
གསངས་སྔགས་ཀྱི་ཆོས་ཉམས་སུ་ལེན་མཁན། |
| གསང་སྔགས་ཀྱི་སྡོམ་པ |
རྡོ་རྗེ་འཆང་གིས་འདི་དང་འདི་བྱ་དགོས་སོ་ཞེས་གསུངས་པ་ལྟར་མི་བྱེད་པ་དང༌། འདི་དང་འདི་མི་བྱའོ་ཞེས་གསུངས་པ་ལས་ལྡོག་ནས་བྱེད་པའི་ཉེས་སྤྱོད་རྣམས་བསྲུང་ཞིང་སྡོམ་པར་བྱེད་པའི་ཚུལ་ཁྲིམས། |
| གསང་སྔགས་ཀྱི་སྣོད |
གསང་སྔགས་ཀྱི་ཆོས་བསྟན་བྱའི་ཡུལ་ལམ་གདུལ་བྱའི་གང་ཟག་འབྲས་བུ་མྱུར་དུ་འགྲུབ་པའི་ལམ་ལ་འཇུག་པས་དབང་པོ་རྣོ་བ་དང༌། དབང་གིས་རྒྱུད་སྨིན་པར་བྱས་པ་དང༌། རྩ་བ་དང་ཡན་ལག་གི་དམ་ཚིག་བསྲུང་བ་མཚན་ཉིད་དེ་གསུམ་དང་ལྡན་པའི་གང་ཟག་ནི་གསང་སྔགས་ཀྱི་སྣོད་དུ་རུང་བའོ། ། |
| གསང་སྔགས་གསར་མ |
དུས་རབས་བཅུ་གཅིག་པར་ལོ་ཙཱ་བ་རིན་ཆེན་བཟང་པོ་ཕྱིན་ཆད་དུ་བསྒྱུར་པའི་རྒྱུད་རྣམས། |
| གསང་སྔགས་གསར་མ་པ |
ལོ་ཆེན་རིན་བཟང་གི་དུས་ཚུན་དུ་བསྒྱུར་པའི་གསང་སྔགས་ཀྱི་གྲུབ་མཐའ་འཛིན་མཁན་སྤྱི། |
| གསང་སྔགས་ཆོས་རྫོང |
ས་མིང་ཞིག་སྟེ། བོད་ཀྱི་རྫ་ཡུལ་རྫོང་གི་མིང་རྙིང༌། |
| གསང་སྔགས་རྒྱལ |
(མངོན་བརྗོད།) རྡོ་རྗེ་འཆང༌། |
| གསང་སྔགས་རྗེས་འཛིན་མ |
གཟུངས་ཆེན་གྲྭ་ལྔའི་ནང་ཚན་ཞིག |
| གསང་སྔགས་རྙིང་མ |
སྤྱི་ལོའི་དུས་རབས་བདུན་པའི་འགོར། རྒྱལ་པོ་སྲོང་བཙན་སྒམ་པོའི་སྐབས་རྒྱ་གར་གྱི་སློབ་དཔོན་ཀུ་སཱ་ར་སོགས་གདན་དྲངས་ནས་གསང་སྔགས་ཀྱི་ཆོས་མང་པོ་བསྒྱུར། དེ་རྗེས་དུས་རབས་བརྒྱད་པའི་ནང་རྒྱལ་པོ་ཁྲི་སྲོང་ལྡེ་བཙན་གྱི་སྐབས་རྒྱ་གར་ནས་སློབ་དཔོན་པད་མ་སམ་བྷ་བ་དང༌། པཎ་ཆེན་བི་མ་ལ་མི་ཏྲ་སོགས་རྒྱ་གར་གྱི་སློབ་དཔོན་མང་པོ་བོད་དུ་གདན་དྲངས་ནས་གསང་སྔགས་ཀྱི་ཆོས་མང་པོ་བསྒྱུར། དེ་ནས་དུས་རབས་བཅུ་པའི་མཇུག་པཎྜི་ཏ་སྨྲི་ཏི་བོད་དུ་སླེབས་པའི་བར་བསྒྱུར་པའི་གསང་སྔགས་ཀྱི་ཆོས་རྣམས་ལ་གསང་སྔགས་རྙིང་མ་ཟེར། |
| གསང་སྔགས་རྡོ་རྗེ་ཐེག་པ |
བྱ་རྒྱུད། སྤྱོད་རྒྱུད། རྣལ་འབྱོར་གྱི་རྒྱུད། རྣལ་འབྱོར་བླ་ན་མེད་པའི་རྒྱུད་བཅས་ཀྱི་བསྟན་དོན་འབྲས་བུ་སྔགས་ཀྱི་ཐེག་པ། |
| གསང་སྟེ་སྟོན་པའི་སློབ་དཔོན |
ཁ་སྐོང་གི་ཆོས་དང་ལྡན་ཞིང༌། འགྲོ་བ་བཞི་དང་བྲལ་བ་ལྐོག་ཏུ་བར་ཆད་དྲི་བ་ལ་མཁས་པ་དགེ་འདུན་གྱིས་གསོལ་བ་འབའ་ཞིག་པའི་ལས་ཀྱི་གསང་སྟོན་དུ་བསྐོས་ནས་བསྒྲུབ་བྱ་ལ་ལྐོག་ཏུ་བར་ཆད་དྲིས་ཏེ་དགེ་འདུན་ལ་གོ་བར་བྱེད་པའི་དགེ་སློང་ངོ་། ། |
| གསང་སྟོན |
བསྙེན་རྫོགས་ཀྱི་ཆོ་ག་ལག་ལེན་བྱེད་སྐབས་ཀྱི་མཁན་པོ་གཉིས་པའི་མིང་། |
| གསང་སྤྱོད |
1.བཤང་གཅི་འདོར་སའི་ཁང་པ་སྟེ། (དཔེར་ན།) གཡང་གྲལ་སྒྲིག་སྐབས་ཕྱི་མ། གསང་སྤྱོད་འདོན་དུས་ནང་མ་ཞེས་པ་ལྟ་བུ། 2.འཁྲིག་པ། |
| གསང་སྦེད |
མི་མངོན་པར་སྦེད་པ་སྟེ། (དཔེར་ན།) རང་གི་བསམ་བློ་གསང་སྦེད་མི་བྱེད་ཅེས་པ་ལྟ་བུ། |
| གསང་སློབ |
དགེ་སློང་གི་སྡོམ་པ་གནང་མཁན་ཞིག་སྟེ། གསང་སྟེ་སྟོན་པའི་སློབ་དཔོན། |
| གསངས་པ |
གསང་བའི་འདས་པ། |
| གསད |
བསད་པའི་མ་འོངས་པ་སྟེ། (དཔེར་ན།) གསད་བྱའི་སྤྱང་ཀི་གསད་དགོས་ལྟ་བུ། |
| གསད་པ |
གསོད་པའི་མ་འོངས་པ། |
| གསན |
གསོན་པའི་མ་འོངས་པ་དང་འདས་པ་སྟེ། (དཔེར་ན།) གསན་བྱའི་སྒྲ་སྙན། སྒྲ་སྙན་ལ་གསན་ནས་སྤྲོ་བ་སྐྱེས་ལྟ་བུ། |
| གསན་པ |
ཉན་པའི་དོན་དུ་གོ་བའི་འདས་པ་དང་མ་འོངས་པའི་བྱ་མིང་། |
| གསན་བཞེས |
ཉན་འཇོག་གི་དོན་ཏེ། (དཔེར་ན།) བསམ་འཆར་གསན་བཞེས་གནང་ཞེས་པ་ལྟ་བུ། |
| གསབ |
(བྱེད་འབྲེལ་ལས་ཚིག) བསབས་པའི་ད་ལྟ་བ་སྟེ། (དཔེར་ན།) ཁ་གསབ་མཁན། ཁ་གསབ་ཀྱིན་འདུག་ལྟ་བུ། |
| གསབ་ཆ |
ཁ་གསབ་བྱེད་དངོས་རིགས་ཏེ། (དཔེར་ན།) འཚོ་བའི་གསབ་ཆ། གུན་གསབ་དངོས་རྫས་ཞེས་པ་ལྟ་བུ། |
| གསབ་པ |
བསབས་པའི་ད་ལྟ་དང་མ་འོངས་པའི་བྱ་མིང་། |
| གསབ་ཚིག |
ཁ་སྐོང་གི་ཚུལ་དུ་བྲིས་པའི་ཚིག |
| གསའ |
རྫ་རི་མཐོ་སར་ཡོད་པའི་གཟིག་གི་རིགས་ཤིག་ཡུལ་སྐད་དུ་རྩྭ་གཟིག་དང་། སྲོག་ཆགས་རིག་པའི་ནང་དུ་གངས་གཟིག་ཟེར། |
| གསའ་མ་གཟིག |
གཅན་གཟན་ཞིག |
| གསའ་ཡས |
གྲངས་གནས་ཤིག |
| གསར |
(རྒྱན་ཚིག) གསར་རྙིང་གི་གསར་བ་སྟེ། (དཔེར་ན།) འོ་མ་གསར་བ། ཤ་གསར་ཞེས་པ་ལྟ་བུ། |
| གསར་གཏོད |
སྔར་མེད་ཀྱི་ཐབས་ཚུལ་གསར་དུ་འདོན་པ་སྟེ། (དཔེར་ན།) གསར་གཏོད་པ། ལམ་ལུགས་གསར་གཏོད་བྱས་པ། ཡིག་སྲོལ་གསར་གཏོད། མཚོ་ལམ་གསར་གཏོད་ཅེས་པ་ལྟ་བུ། |
| གསར་གྲོགས |
གསར་དུ་འགྲོགས་པའི་གྲོགས། |
| གསར་ངད |
དྲི་ངད་གསར་བ་སྟེ། (དཔེར་ན།) གྱོན་པའི་གསར་ངད། གསར་ངད་ཉམས་པ་ཞེས་པ་ལྟ་བུ། |
| གསར་ཐོག |
1.སྟོན་ཐོག་གསར་པ། 2.གསར་པའི་སྒང་ངམ་གསར་དུས། |
| གསར་དར |
གསར་དུ་དར་འཕེལ་བྱུང་བ། |
| གསར་པ |
སོ་མ་དང་དང་པོ་སྟེ། (དཔེར་ན།) མི་གསར་པ། གྱོན་པ་གསར་པ། ལོ་གསར། མི་རྙིང་པ་དགའ། གོས་གསར་པ་དགའ། དམག་དཔུང་གི་བཀོད་པ་གསར་པ་ཞིག་བསྒྲིགས་ཞེས་པ་ལྟ་བུ། |
| གསར་པ་གསར་རྐྱང |
ཐོན་མ་ཐག་ལ་གསར་ངད་མ་ཡལ་བ་སྟེ། (དཔེར་ན།) རླངས་འཁོར་གསར་པ་གསར་རྐྱང༌། གྱོན་པ་འདི་བཟོས་མ་ཐག་པའི་གསར་པ་གསར་རྐྱང་ཡིན་ཞེས་པ་ལྟ་བུ། |
| གསར་བཅོས |
གསར་དུ་བཅོས་པ། |
| གསར་བཏོད |
མིའི་རྩོལ་བར་བརྟེན་ནས་སྔར་མེད་གསར་དུ་སྲོལ་བཏོད་པའམ་འབྱུང་དུ་བཅུག་པའི་བྱ་དངོས་ཀྱི་མིང་སྟེ། (དཔེར་ན།) པར་རྒྱག་པའི་ལག་རྩལ་ནི་ནུབ་ཕྱོགས་མི་དམངས་ཀྱིས་ཐོག་མར་གསར་བཏོད་བྱས་པ་ཞིག་རེད་ལྟ་བུ། |
| གསར་བཟོས |
གསར་དུ་བསྐྲུན་པའི་དངོས་པོ། |
| གསར་བརྗེ |
བརྟན་ཆགས་པའི་ལུགས་སྲོལ་ལ་བཅོས་བསྒྱུར་གྱིས་རྙིང་ཚབ་གསར་པར་བརྗེ་བ་སྟེ། (དཔེར་ན།) རིག་གནས་གསར་བརྗེ། ཆབ་སྲིད་གསར་བརྗེ་ཞེས་པ་ལྟ་བུ། |
| གསར་བུ |
གཉེན་སྒྲིག་གི་ན་ཚོད་ནས་དར་མའི་བར་རམ། ལས་དོན་ཞིག་སྒྲུབ་པར་ཞུགས་ནས་ཡུན་རིང་མ་ལོན་པའི་དོན་ཏེ། (དཔེར་ན།) བྱིས་པ་དང་གསར་བུ། བཟོ་ཕྲུག་གསར་བུ་པ་ཞེས་པ་ལྟ་བུ། |
| གསར་བུ་བ |
གསར་བུ་དང་འདྲ། |
| གསར་མ |
1.སངས་རྒྱས་ཆོས་ལུགས་ཀྱི་ཡ་གྱལ་གསང་སྔགས་ལ་གསར་རྙིང་གཉིས་ཡོད་པའི་གསར་མ། 2.ལུགས་སྲོལ་དང་གྲུབ་མཐའ་སོགས་རྙིང་བ་བཅོས་ནས་གསར་བ་བཙུགས་པ་སྟེ། (དཔེར་ན།) སྨན་གཞུང་གསར་མ་ཞེས་པ་ལྟ་བུ། |
| གསར་མ་བ |
ལོ་ཙཱ་བ་ཆེན་པོ་རིན་ཆེན་བཟང་པོ་མན་ཆད་གསང་སྔགས་ཀྱི་རྒྱུད་བོད་དུ་བསྒྱུར་པའི་སྲོལ་འཛིན་པ་པོ་རྣམས་ལ་གསར་མ་བ་ཟེར། |
| གསར་ཚེས |
ལོ་ཟླ་ཞག་དུས་སོགས་ཀྱི་འགོ་གསར་དུ་ཤར་བ་སྟེ། (དཔེར་ན།) གནམ་ལོ་གསར་ཚེས། དུས་རབས་གསར་ཚེས། གསར་བཟོ། གསར་དུ་བཟོ་བ། ལ་ལམ་མེད་ལ་ལམ་བུ་གསར་དུ་བཟོས། ཆུ་ཟམ་མེད་ལ་ཟམ་པ་གསར་དུ་བཙུགས་ལྟ་བུ། |
| གསར་འགྱུར |
གནས་ཚུལ་དང་འགྱུར་ལྡོག་གསར་པ་སྟེ། (དཔེར་ན།) གསར་འགྱུར་ཁང༌། གསར་འགྱུར་འགོད་མཁན། གསར་འགྱུར་མདོར་བསྡུས། གསར་འགྱུར་ཕྱོགས་བསྡུས་ཞེས་པ་ལྟ་བུ། |
| གསར་འགྲོགས་པ |
ཨ་གསར་ཅན། |
| གསར་འཐོམ་པ |
སྔར་གྲྭ་པ་གསར་ཞུགས་མཁན་ལ་སྨད་པའི་ཚིག |
| གསར་འོངས |
(མངོན་བརྗོད།) མགྲོན་པོ། |
| གསར་རྐྱང |
རྙིང་བའི་གཡའ་དག་པའི་དོན་ཏེ། (དཔེར་ན།) གྱོན་གོས་གསར་པ་གསར་རྐྱང༌། བཟོ་དབྱིབས་གསར་རྐྱང༌ཞེས་པ་ལྟ་བུ། |
| གསར་རྙིང |
གསར་པ་དང་རྙིང་བའི་བསྡུས་ཚིག |
| གསར་སྐྱེས |
1.མི་ཕྱུགས་སོགས་ཀྱི་ཕྲུ་གུ། 2.ཐོལ་སྐྱེས་ཏེ། (དཔེར་ན།) དྲན་བློ་གསར་སྐྱེས། ལྗང་མྱུག་གསར་སྐྱེས། གསར་སྐྱེས་བུ་ཕྲུག གསར་སྐྱེས་སྟོབས་ཤུགས་ཞེས་པ་ལྟ་བུ། 3.(མངོན་བརྗོད།) ལོ་ཏོག་དང་མེ་ཏོག་སོགས་ཀྱི་མྱུ་གུ། |
| གསར་སྐྲུན |
གསར་དུ་བཟོ་བ་སྟེ། (དཔེར་ན།) ཆུ་བེད་གསར་སྐྲུན་བྱས་པ། འཕྲུལ་འཁོར་གསར་སྐྲུན་བྱས་པ་ལྟ་བུ། |
| གསར་སྤྲོས |
དང་ཐོག་མེད་བཞིན་དུ་གསར་སྐྱེད་བྱས་པ་སྟེ། (དཔེར་ན།) ཁྲལ་ལུགས་གསར་སྤྲོས། དཔེ་དབྱིབས་གསར་སྤྲོས། སྔར་མེད་གསར་སྤྲོས་ཞེས་པ་ལྟ་བུ། |
| གསར་སྦོལ |
ས་ཞིང་ཚལ་ཞིང་སོགས་གསར་དུ་ཕྲུ་སློག་རྒྱག་པ་སྟེ། (དཔེར་ན།) ས་སྟོང་འབོར་ཆེན་གསར་སྦོལ་བྱས་པ། གསར་སྦོལ་ས་ཞིང༌ཞེས་པ་ལྟ་བུ། |
| གསལ |
(རྒྱན་ཚིག) 1>འོད་སྣང་ཆེ་བའི་དོན་ཏེ། (དཔེར་ན།) ཉི་མ་འོད་གསལ་བ། འོད་གསལ་བའི་ལམ་ཆེན་ལ་འགྲོ། གློག་སྒྲོན་རབ་ཏུ་གསལ་ལྟ་བུ།2>སྒྲིབ་བྱེད་དང་ནག་ནོག་མེད་པའི་དོན་ཏེ། (དཔེར་ན།) དཔེ་ཆ་འདིའི་ཡི་གེ་ཧ་ཅང་གསལ། ཡི་གེ་ཧ་ཅང་གསལ་བོ་རེད། དཔེ་ཆ་གསལ་མོ་ལ་བལྟས། གསལ་བར་མངོན། གསལ་རྗེན་དུ་ཕྱུང་ལྟ་བུ། 3.གོ་སླ་བའི་དོན་ཏེ། (དཔེར་ན།) ཚིག་བདེ་ཞིང་ཁ་གསལ་བ་ཞེས་པ་ལྟ་བུ། |
| གསལ་ཁ |
ལྐོག་ཏུ་གྱུར་པ་མ་ཡིན་པའམ་ཐེ་ཚོམ་མེད་པའི་དོན་ཏེ། (དཔེར་ན།) དོན་དེ་ངས་གསལ་ཁ་ཤེས། གསལ་ཁ་མཐོང་ལྟ་བུ། |
| གསལ་ཁ་གཏོད་པ |
ཤེས་ཟིན་པའི་ལས་དོན་གང་ཞིག་སླར་ཡང་བཤད་ནས་གསལ་འདེབས་བྱེད་པའམ་གསལ་པོར་སྟོན་པ། |
| གསལ་ཁུང |
བུག་པའམ་བུ་གའི་མིང༌སྟེ། (དཔེར་ན།) གྱང་ལ་གསལ་ཁུང་བརྟོལ་བ། ཤར་ངོས་ལ་གསལ་ཁུང་གཅིག་འདུག་ཅེས་པ་ལྟ་བུ། |
| གསལ་གནས |
(མངོན་བརྗོད།) 1>ཕྱོགས། 2>ནམ་མཁའ། |
| གསལ་གསལ་རྗེན་རྗེན |
(རྒྱན་ཚིག) སྒྲིབ་གཡོགས་མེད་པ་སྟེ། (དཔེར་ན།) གནད་དོན་གསལ་གསལ་རྗེན་རྗེན་དུ་ཐོན་པ་ཞེས་པ་ལྟ་བུ། |
| གསལ་གྲགས |
ཐུན་མོང་དུ་གསལ་བའམ་ཡོངས་སུ་ཐོས་པའི་སྐད་གྲགས་ཏེ། (དཔེར་ན།) མཁས་པའི་གསལ་གྲགས་ཞེས་པ་ལྟ་བུ། |
| གསལ་ཆ |
མངོན་གསལ་ཆེ་ཆུང་གི་ཚད་དེ། (དཔེར་ན།) ཁང་པའི་གསལ་ཆ། གསལ་ཆ་ཆུང་བ། གསལ་ཆ་ཆེ་བ། གསལ་ཆ་མེད་པ་ཞེས་པ་ལྟ་བུ། |
| གསལ་ཆ་ཐོན་པ |
ཐོག་མར་དེ་ཡིན་དེ་མིན་གསལ་པོ་མ་བྱུང་བ་གང་ཞིག་གསལ་པོར་བྱུང་བ། |
| གསལ་ཐེབས |
དྲན་སྐུལ་ཐེབས་པ་དང་དོན་བསམས་ཏེ་ཡིད་ལ་ཤར་བ་སྟེ། (དཔེར་ན།) ཁྱེད་ཀྱིས་བཤད་རྗེས་ངའི་སེམས་ལ་གསལ་ཐེབས་བྱུང༌ཞེས་པ་ལྟ་བུ། |
| གསལ་པོ |
སྒྲིབ་མེད་མངོན་པའི་དོན་དུ་གོ་བའི་གསལ་བ་དང་འདྲ། |
| གསལ་བ |
1.མངོན་པར་གྱུར་པ་སྟེ། (དཔེར་ན།) གཞུང་དུ་གསལ་བ། གོང་གསལ། གཤམ་གསལ། སེམས་ལ་མི་གསལ་བ། བདེན་རྫུན་གསལ་བར་བྱེད་པ། ཕྱི་གསལ་ནང་གསལ། གསེར་ས་འོག་ཏུ་ཡོད་ན་འོད་ནམ་མཁར་གསལ་ཞེས་པ་ལྟ་བུ།2.སྒྲིབ་མེད་མངོན་པ་སྟེ། (དཔེར་ན།) སྐུ་དཀྱིལ་གསལ་དྭངས། སྒྲ་སྡེབ་གསལ་བ། ཐུགས་དག་ཅིང་རྙོག་མེད་གསལ་བ། སྐད་ཆ་གསལ་བ། རིག་པ་གསལ་བ། ཡིག་རིས་གསལ་བ། གཞུང་དོན་གསལ་བར་ཁོང་དུ་ཆུད་པ། གསལ་བར་མངོན་པ། གསལ་སྟོན། གསལ་རྟོགས། སྒྲ་གསལ་ལ་མ་གསལ་ཞིག་ཐོས་བྱུང༌། དཔེ་ཆ་གསལ་ལ་མ་གསལ། གསལ་ལ་དྭངས་པ། གསལ་ལ་སིང་དག བློ་རིག་གསལ་བ། ཉིན་མོར་བྱེད་པའི་སྣང་བ་ལྟར་གསལ་བ། ཡར་ངོའི་ཟླ་བ་ལྟར་ཇེ་གསལ། དབྱར་ཁའི་ཆུ་བོ་ལྟར་ཇེ་རྒྱས་ཞེས་པ་ལྟ་བུ།3.བསྒྲུབ་བྱའི་ཆོས་སམ་དམ་བཅའ། (དཔེར་ན།) བྱས་པའི་རྟགས་ཀྱིས་སྒྲ་མི་རྟག་པར་བསྒྲུབ་པ་ན། མི་རྟག་པ་ཞེས་པ་གསལ་བའོ། །4.སྤྱི་དང་བྱེ་བྲག་གི་ཟླས་ཕྱེ་བའི་བྱེ་བྲག་ལ་ལ་ཡང་གསལ་བ་ཟེར། |
| གསལ་བ་ཅན |
(མངོན་བརྗོད།) 1>མཁས་པ། 2>མཐིང༌། |
| གསལ་བ་འོད་ཀྱི་གླིང |
བོན་སྟོན་པ་གཤེན་རབས་ཀྱི་འཁྲུངས་ཡུལ། |
| གསལ་བཀྲོལ |
འགྲེལ་བཤད་ཞིབ་གསལ་བརྒྱབ་པ་སྟེ། (དཔེར་ན།) དཔེ་ཆའི་ནང་དོན་གསལ་བཀྲོལ་བྱས་ལྟ་བུ། |
| གསལ་བཏབ |
དྲན་གསོ་བྱས་པའམ་དྲན་པར་བྱས་པ། |
| གསལ་བའི་ནོར་བུ |
(མངོན་བརྗོད།) ཉི་མ། |
| གསལ་བའི་སྒོ |
(མངོན་བརྗོད།) མཁས་པ། |
| གསལ་བསྒྲགས |
མངོན་གསལ་དོད་པོས་ཁྱབ་བསྒྲགས་བྱས་པ། |
| གསལ་བྱེད |
1.རང་གྲོགས་དབྱངས་དང་སྦྱར་བ་ལ་བརྟེན་ནས་རང་གི་བརྗོད་དོན་གསལ་བར་བྱེད་པའི་ཆ་ནས་བཞག་པའི་ཡི་གེ། 2.བརྗོད་བྱ་སོགས་གསལ་བར་བྱེད་པ། 3.(མངོན་བརྗོད།) 1>མིག 2>ཉི་མ། 3>འོད། 4>མེ། 5>མེ་ལྷ། |
| གསལ་བྱེད་ཀྱི་ཚོགས |
ཡི་གེའི་ཚོགས། |
| གསལ་བྱེད་ཀྱི་རྒྱན |
རིགས་དང༌། བྱ་བ། ཡོན་ཏན། རྫས་ཏེ་བརྗོད་བྱ་དོན་གྱི་དངོས་པོ་བཞི་གང་རུང་སྟོན་པའི་རྗོད་བྱེད་ཀྱི་ཚིག་གཅིག་ཚིགས་བཅད་ཀྱི་རྐང་པ་ཐོག་མཐའ་བར་གསུམ་གང་དུ་གནས་པ་དེས། རང་ཚིག་སྔ་ཕྱིའི་ངག་རྒྱུན་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག་ནང་གསེས་རྣམ་གྲངས་བཅུ་གཉིས་ནི། རིགས་བརྗོད་ཐོག་མའི་གསལ་བྱེད། བྱ་བ་ཐོག་མའི་གསལ་བྱེད། ཡོན་ཏན་ཐོག་མའི་གསལ་བྱེད། རྫས་བརྗོད་ཐོག་མའི་གསལ་བྱེད། རིགས་བརྗོད་བར་གྱི་གསལ་བྱེད། བྱ་བ་བརྗོད་པ་བར་གྱི་གསལ་བྱེད། རིགས་བརྗོད་མཐའི་གསལ་བྱེད། བྱ་བ་བརྗོད་པ་མཐའི་གསལ་བྱེད། ཕྲེང་བའི་གསལ་བྱེད། འགལ་དོན་གསལ་བྱེད། དོན་གཅིག་གསལ་བྱེད། སྦྱར་བའི་གསལ་བྱེད་བཅས་སོ། ། |
| གསལ་བྱེད་ངེས་པའི་བྱ་དཀའི་རྒྱན |
ཚིགས་བཅད་གཅིག་གི་ཚིག་རྐང་རེ་རེའམ། བཞི་ག་ལ་དབྱངས་དང་མ་འབྲེལ་བར་གསལ་བྱེད་ཁོ་ནའི་སྒྲའི་ངེས་པ་སྦྱར་ཏེ་སྟོན་པའི་རྒྱན་ཞིག |
| གསལ་བྱེད་དབྱངས་བཅས |
གསལ་བྱེད་སུམ་ཅུ་པོར་དབྱངས་ཨི་སོགས་བཞི་མཚོན་བྱེད་ཀྱི་གི་གུ་སོགས་བཞི་ཡོད་པ། |
| གསལ་བྱེད་དབྱངས་མེད |
གསལ་བྱེད་སུམ་ཅུ་པོར་དབྱངས་ཨི་སོགས་བཞི་མཚོན་བྱེད་ཀྱི་གི་གུ་སོགས་བཞི་པོ་མེད་པ། |
| གསལ་བྱེད་མཚམས་སྦྱོར |
ལེགས་སྦྱར་ཡི་གེའི་གསལ་བྱེད་རྣམས་སྡེབ་གཅིག་ཏུ་སྦྱར་ནས་འདོན་པའི་ཚུལ། |
| གསལ་བྱེད་ཡི་གེ |
མིང་ཚོགས་དེ་དག་ཡི་གེས་གསལ་བས་ན་གསལ་བྱེད་ཡི་གེ་ཀ་ཁ་སོགས་སུམ་ཅུ་ཐམ་པ། |
| གསལ་བྱེད་རྐྱང་པ |
དབྱངས་དང་མི་ལྡན་པའི་གསལ་བྱེད་ཡི་གེ། |
| གསལ་བྱེད་སུམ་ཅུ |
ཀཱ་ལི་སུམ་ཅུ། |
| གསལ་བྱེད་སོ་བཞི |
ལེགས་སྦྱར་སྐད་ཀྱི་གསལ་བྱེད་སོ་བཞི། ཀ་ཁ་ཁ་གྷ་ང། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ། ཥ་ས་ཧ་ཀཥ། |
| གསལ་མཆོག |
འོད་སྣང་གསལ་བའི་མཆོག་ཏུ་གྱུར་པ། |
| གསལ་མཐོང |
1.གསལ་པོར་མཐོང་བ། 2.ཀླུ་རྒྱལ་ཞིག |
| གསལ་མཛད |
1.གསལ་བར་བྱེད་པ། 2.བྱང་སེམས་ཤིག་གི་མཚན། |
| གསལ་མིག |
1.བུག་པའམ་བུ་གའི་མིང༌། 2.ལྟ་བྱེད་ཀྱི་མིག་གསལ་པོ། |
| གསལ་མེ |
སྣང་གསལ་མར་མེ། |
| གསལ་ཞག |
སྤྱི་ཞག་དེའི་རེས་གཟའ་དང་གཟའ་དག་གི་རེས་གཟའ་མཐུན་ནམ་མི་མཐུན་བརྟགས་ནས་མཐུན་པར་བྱས་པའི་སྤྱི་ཞག་ལ་གསལ་ཞག་ཅེས་བརྗོད། |
| གསལ་འདེབས |
བརྗེད་པའི་དོན་ནམ་སེམས་ན་གསལ་པོ་མེད་པའི་དོན་རྣམས་སེམས་ལ་དྲན་དུ་འཇུག་པའམ། སེམས་ལ་གསལ་བར་འཆར་དུ་འཇུག་པའི་དོན་ཏེ། (དཔེར་ན།) སྔར་གྱི་ལས་དོན་མི་དྲན་ན་ང་ཡིས་ཁྱོད་ལ་གསལ་ཞིག་གདབ། ཁོས་ང་ལ་གསལ་བཏབ་ནས་ངས་དོན་དེ་ཡིད་ལ་དྲན་ལྟ་བུ། |
| གསལ་ཡས |
གྲངས་གནས་ཤིག |
| གསལ་རྒྱལ |
རྒྱལ་པོ་གསལ་རྒྱལ་གྱི་བསྡུས་ཚིག |
| གསལ་རྗེན |
སྒྲིབ་མེད་མངོན་སུམ་ཏེ། (དཔེར་ན།) རང་གི་བསམ་ཚུལ་གསལ་རྗེན་དུ་སྟོན་པ་ཞེས་པ་ལྟ་བུ། |
| གསལ་རྟོགས |
ཞིབ་གསལ་ཤེས་པའིད་དོན་ཏེ། (དཔེར་ན།) ས་ཆའི་གནས་ཚུལ་གསལ་རྟོགས་བྱུང་བ་ཞེས་པ་ལྟ་བུ། |
| གསལ་ལམ་ལམ |
(རྒྱན་ཚིག) མངོན་པར་གསལ་བའི་དོན་ཏེ། (དཔེར་ན།) ཚིག་དོན་བློ་ལ་གསལ་ལམ་ལམ་དྲན་པ་ཞེས་པ་ལྟ་བུ། |
| གསལ་ལེ |
(རྒྱན་ཚིག) 1>འོད་སྣང་མིག་ལ་གསལ་བར་ཤར་བ་སྟེ། (དཔེར་ན།) གློག་སྒྲོན་དཀར་གསལ་ལེ་བཀར། སྐྱ་རེངས་གསལ་ལེ་ཤར་ལྟ་བུ།2>བློ་རིག་རྣོ་བའི་དོན་ཏེ། (དཔེར་ན།) བློ་རབ་ཏུ་གསལ་བ། རིག་པ་ཤིན་ཏུ་གསལ་བ་ཞེས་པ་ལྟ་བུ། |
| གསལ་ལེ་བ |
(རྒྱན་ཚིག) བཀྲ་ལམ་མེར་གསལ་བ་སྟེ། (དཔེར་ན།) སྒྲ་དབྱངས་རྣ་བར་གསལ་ལེ་བ་ཐོས་པ། ཡུལ་ལྗོངས་རྣམས་ཡིད་ལ་གསལ་ལེ་བར་འཆར་ཞེས་པ་ལྟ་བུ། |
| གསལ་ལྡན |
1.(མངོན་བརྗོད།) 1> མཁས་པ། 2> གཟའ་ལྷག་པ། 3> མཐིང༌། 2.ཀ་ཤིའི་ཡུལ་ཏེ། སྔར་རྒྱ་གར་གྱི་ས་མིང་ཞིག 3.སངས་རྒྱས་ཤིག་གི་མཚན། |
| གསལ་ལྷང་ངེ |
(རྒྱན་ཚིག) ཧ་ཅང་གསལ་བའི་ཁྱད་པར་ཞིག་སྟེ། (དཔེར་ན།) སྟོན་ཀའི་ཟླ་བ་གསལ་ལྷང་ངེར་ཤར་ཞེས་པ་ལྟ་བུ། |
| གསལ་ཤིང |
མིའི་ལུས་ཀྱི་འོག་སྒོ་ནས་ཡར་འབིགས་བྱེད་ཀྱི་ཁྲིམས་ཤིང་ཞིག |
| གསལ་སིང་ངེ་བ |
(རྒྱན་ཚིག) མངོན་པར་གསལ་བ་སྟེ། (དཔེར་ན།) བལྟ་བྱའི་ཡུལ་རྣམས་གསལ་སིང་ངེ་བ་མཐོང་ཞེས་པ་ལྟ་བུ། |
| གསལ་སྟོང |
ངོ་བོ་སྟོང་པ་དང༌། རང་བཞིན་གསལ་བ། |
| གསལ་སྟོང་དབྱེར་མེད |
དབྱིབས་དང་ཡེ་ཤེས་དབྱེར་མེད་ཀྱི་རིག་པ། |
| གསལ་སྟོང་འཛིན་མེད |
དཔལ་ལྡན་ས་སྐྱ་པའི་ལྟ་བའི་འདོད་ཚུལ་ནི། སེམས་རང་གི་ངོ་བོ་གྲུབ་ཙམ་ནས་གསལ་བ་མི་འདོར་བས་གསལ་བ་སེམས་ཀྱི་མཚན་ཉིད་དང༌། གསལ་བ་དེ་དབྱིབས་དང་ཁ་དོག་སོགས་གང་དུ་བཙལ་ཀྱང་མ་རྙེད་པས་སྟོང་པ་སེམས་ཀྱི་རང་བཞིན། དེ་ལྟ་བུའི་གསལ་བའི་དུས་ཉིད་ན་སྟོང་ཞིང་སྟོང་པའི་དུས་ཉིད་ན་གསལ་བས་གསལ་སྟོང་དབྱེར་མེད་ཟུང་འཇུག་བརྗོད་བྲལ་བཅོས་མ་མ་ཡིན་པའི་སེམས་ཀྱི་ངོ་བོའོ། ། |
| གསལ་སྣང |
1.(རྒྱན་ཚིག) གསལ་པོར་ཤར་བ་སྟེ། (དཔེར་ན།) དོན་དག་འདི་ཧ་ཅང་གསལ་སྣང་བྱུང་ཞེས་པ་ལྟ་བུ། 2.འོད་སྣང༌སྟེ། (དཔེར་ན།) ཟླ་འོད་ཀྱི་གསལ་སྣང་ཞེས་པ་ལྟ་བུ། 3.(མངོན་བརྗོད།) ཉི་མ། |
| གསལ་སྤུངས་ཀྱི་ཐལ་འགྱུར |
གསལ་བ་སྟེ་བསྒྲུབ་བྱའི་ཆོས་དུ་མ་སྤུངས་ཤིང༌། ཆོས་ཅན་དང༌། རྟགས་རེ་རེ་ལས་མེད་པ་དཔེར་ན། སྒྲ་ཆོས་ཅན། ཤེས་བྱ་ཡིན་པར་ཐལ། བྱས་པ་ཡིན་པར་ཐལ། ཡོད་པ་ཡིན་པར་ཐལ། བེམ་པོ་ཡིན་པའི་ཕྱིར། ཞེས་པ་ལྟ་བུའོ། ། |
| གསས |
བོན་པོའི་ཆོས་ལུགས་ཀྱི་ལྷ་ཞིག་གི་མིང་། |
| གསས་ཁང |
བོན་པོའི་ལྷ་ཁང༌། |
| གསས་མོ |
1.བོན་གྱི་ལྷ་མོ་དང༌། དེའི་ཁོག་རྟེན་བུད་མེད། 2.འདས་ལོག་ལུང་སྟོན་མཁན། 3.ཆོས་རྗེ། |
| གསིག |
བསིགས་ཀྱི་ད་ལྟ་བ། |
| གསིག་པ |
1.(བྱེད་འབྲེལ་ལས་ཚིག) བསིགས་པའི་ད་ལྟ་བའི་བྱ་མིང་།2.གྱེན་དུ་བསྟོད་པ་སྟེ། (དཔེར་ན།) རྡོག་ཁྲེས་སྟོད་གསིག་བརྒྱབ་ཅེས་པ་ལྟ་བུ། |
| གསིགས |
སིགས་ཀྱི་འབྲི་ཚུལ་གཞན། |
| གསིང |
1.ནེའུ་གསིང་། 2.གཙང་མར་བྱེད་པའི་དོན་དུ་གོ་བའི་བསིང་གི་ད་ལྟ་བ། |
| གསིང་ཆུ |
སྤང་དང་ནགས་ཚལ་ལས་བྱུང་བའི་གསིང་མའི་ཆུ། |
| གསིང་མ |
1.རྩྭ་སྔོན་སྐྱེས་པའི་སྤང་ཐང༌སྟེ། (དཔེར་ན།) ནེའུ་གསིང༌། གསིང་མ་སྔོ་ཐིང་ཐིང་ཞིག་ཅེས་པ་ལྟ་བུ། 2.སྤང་ཐང་དུ་འཁྱིལ་བའི་མཚེའུ་ཆུང༌། |
| གསིང་མ་མེ་ཏོག |
ནེའུ་གསིང་ལ་སྐྱེས་པའི་མེ་ཏོག |
| གསིངས |
བསིང་གི་སྐུལ་ཚིག |
| གསིར |
(བྱེད་འབྲེལ་ལས་ཚིག) བསིར་གྱི་ད་ལྟ་བ། མྱུར་དུ་བསྐོར་བའམ་ཕར་འཕངས་པའི་དོན་ཏེ། (དཔེར་ན།) འཁོར་ལོ་གསིར། སྐུད་ཕང་གསིར། མདའ་གསིར། རྡོ་གསིར་ལྟ་བུ། མ་འོངས་པ་དང་འདས་པ་སྐུལ་ཚིག་ལ་བསིར་འབྲི་སྟེ། (དཔེར་ན།) བསིར་བྱའི་མདའ། མདའ་བསིར་ནས་སོང་། མདའ་བསིར་ཅིག་ལྟ་བུ། |
| གསིལ |
1.གསིལ་བའི་སྐུལ་ཚིག 2.གནས་འོག་མ་འཁོར་ལོས་བསྒྱུར་བ་སྟེ། (དཔེར་ན།) ཆུ་ཚོད་གནས་ནས་གཅིག་ཕབ་ལ་སྲང་དུ་དྲུག་ཅུར་གསིལ། ཚེས་ལོངས་རི་མཁའ་རིའི་བར་གསིལ་ཞེས་པ་ལྟ་བུ། 3.(བྱེད་འབྲེལ་ལས་ཚིག) བསིལ་བའི་ད་ལྟ་བ་དང་སྐུལ་ཚིག་སྟེ། (དཔེར་ན།) དངོས་རྫས་གཅིག་ཆ་ཤས་མང་བོར་བྱེད་པའི་དོན་ཏེ། ཤིང་བཟོས་ཤིང་གསིལ་གྱིན་འདུག ཤིང་གསིལ་ཅིག་ལྟ་བུ། |
| གསིལ་བ |
(བྱེད་འབྲེལ་ལས་ཚིག) 1.འཁྲོལ་བ་དང་སྒྲ་འབྱིན་པའི་དོན་ཏེ། (དཔེར་ན།) འཁར་གསིལ་གསིལ་བ། དྲིལ་བུ་གསིལ་བ། སིལ་སྙན་གསིལ་བ་ཞེས་པ་ལྟ་བུ། 2.འགས་པའམ་སོ་སོར་ཕྱེས་པའི་དོན་ཏེ། (དཔེར་ན།) ཇ་རིལ་གསིལ་བ། རྡོ་དུམ་བུར་གསིལ་བ། མེ་ཤིང་གསིལ་བ་ཞེས་པ་ལྟ་བུ། 3.འཁྲུད་པའི་ཞེ་ས་སྟེ། (དཔེར་ན།) ཞབས་གསིལ་བ། ཕྱག་གསིལ་བ་ཞེས་པ་ལྟ་བུ། 4.བཞར་བའི་ཞེ་ས་སྟེ། (དཔེར་ན།) དབུ་སྐྲ་གསིལ་བ་ཞེས་པ་ལྟ་བུ། 4.གཅིན་པ་གཏོང་བའི་དོན་ཏེ། (དཔེར་ན།) དྲི་ཆུ་གསིལ་བ་ལྟ་བུ། |
| གསིལ་བྱེད |
(མངོན་བརྗོད།) འཁར་གསིལ། |
| གསུ་བེལ |
བུད་མེད་ཀྱི་གསང་ལམ་ནས་ཕྱིར་འཛགས་པའི་མི་གཙང་བའི་རྫས་དཀར་པོ། |
| གསུག |
ལྐོག་རྔན་ནམ་ལྐོག་རྫོངས་ལ་བྱིན་པའི་རྒྱུ་ནོར་གྱི་མིང་སྟེ། (དཔེར་ན།) ཆེན་པོ་རྣམས་ལ་གསུག་ཟོས་པའི། ཉེན་གྱིས་བརླག་པར་འགྱུར་བ་མང་ཞེས་པ་ལྟ་བུ། |
| གསུག་པ |
ལྐོག་རྔན་ཏེ། (དཔེར་ན།) གསུག་ཟ་བ། དཔོན་ངན་ཟ་རྔམ་ཅན་ལ་གསུག་བྱིན་པ། ལེགས་ཉེས་འབྱེད་པོས་གཉེན་ངོ་དང་གསུག་འབུལ་ལ་བལྟས་ན་དོན་རྣམས་བརླག་པར་འགྱུར་ཞེས་པ་ལྟ་བུ། |
| གསུང |
1.(བྱེད་འབྲེལ་ལས་ཚིག) གསུངས་པའི་མ་འོངས་པ་དང་ད་ལྟ་བ། (དཔེར་ན།) དགེ་རྒན་ཁོང་གིས་དཔེ་ཆ་གསུང་བཞིན་འདུག མི་དམངས་ལ་བསླབ་བྱ་གསུང་དགོས་ལྟ་བུ། 2.བཤད་པའམ་ཀློག་པའི་ཞེ་ས་སྟེ། (དཔེར་ན།) སློབ་མས་དགེ་རྒན་གྱི་གསུང་ལ་ཉན། ཞལ་གསུང་ལྟ་བུ། |
| གསུང་ཀུན་ཏུ་བརྗོད་པའི་ཆོ་འཕྲུལ |
ཆོ་འཕྲུལ་གསུམ་གྱི་ཡ་གྱལ་ཞིག་གདུལ་བྱའི་སེམས་དང་མཐུན་པར་ཆོས་སྟོན་པ། |
| གསུང་ཁུངས |
བཤད་པའི་ཁུངས་ཏེ། (དཔེར་ན།) དེ་གསུང་བ་པོའི་གསུང་ཁུངས་གང་ཡིན་ཞིབ་ཕྲ་གསལ་བཤད་ཡོང་བ་ཞུ་ཞེས་པ་ལྟ་བུ། |
| གསུང་གསལ་བ |
1.གཏམ་ཁ་གསལ་པོ། 2.སྐད་གསང་མཐོན་པོའམ་གསལ་པོ། |
| གསུང་གི་ཆུ་རྒྱུན |
གསུང་ཆུ་ཡི་གཟུགས་སུ་བཀོད་པ། |
| གསུང་གི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ་གསུང་འབྲུག་གི་སྒྲ་དང་ལྡན་པ་དང༌། གསུང་མཉེན་ཞིང་འཇམ་པའོ། ། |
| གསུང་གི་བདུད་རྩི |
བདུད་རྩི་ལྟར་ཕན་པའི་གསུང༌། |
| གསུང་གི་མངའ་བདག |
(མངོན་བརྗོད།) འཇམ་པའི་དབྱངས། |
| གསུང་གིས་བྱིན་གྱིས་བརླབས་པའི་བཀའ |
སྟོན་པས་གསུང་གིས་བྱིན་གྱིས་བརླབས་པ་མ་སྐྱེས་དགྲའི་འགྱོད་པ་བསལ་བའི་མདོ་ལྟ་བུ། |
| གསུང་གླེགས |
1.འཕྲིན་ཡིག 2.གསུང་རབ་ཀྱི་གླེགས་བམ། |
| གསུང་གླེང |
གཏམ་གླེང༌སྟེ། (དཔེར་ན།) ཐུགས་དགྱེས་པའི་གསུང་གླེང་མང་པོ་མཛད། གསུང་གླེང་ཞིབ་རྒྱས་གནང༌ཞེས་པ་ལྟ་བུ། |
| གསུང་ཆོས |
གསུང་གི་ཆོས་ཏེ་ཆོས་ཀྱི་ཞེ་ས། |
| གསུང་ཆོས་ཀྱི་ཕྱག་རྒྱའི་རྣལ་འབྱོར |
ཡིད་ཀྱི་ཤེས་པའི་གློ་བུར་གྱི་འཁྲུལ་བ་བསལ་ནས་རང་བཞིན་སོ་སོར་རྟོག་པའི་ཡེ་ཤེས་མངོན་དུ་བྱ་བ་སྟེ་རྣལ་འབྱོར་རྒྱུད་ཀྱི་ཕྱག་རྒྱ་བཞིའི་ནང་གསེས་ཤིག |
| གསུང་དབྱངས་ཡན་ལག་ལྔ |
འབྲུག་སྒྲ་ལྟར་ཟབ་པ་དང༌། སྙན་ཞིང་འཇེབས་ལ་རྣ་བར་སྙན་པ་དང༌། ཡིད་དུ་འོང་ཞིང་དགའ་བར་བྱེད་པ་དང༌། རྣམ་པར་གསལ་ཞིང་རྣམ་པར་རིག་པར་བྱེད་པ་དང༌། མཉན་འོས་ཤིང་མི་མཐུན་པ་མེད་པའོ། ། |
| གསུང་ནང་མ |
ཕྱིར་མི་སྟོན་པའི་གསུང༌། |
| གསུང་བ |
(བྱེད་འབྲེལ་ལས་ཚིག) གསུངས་པའི་ད་ལྟ་བའི་བྱ་མིང་། |
| གསུང་བགྲོས |
གྲོས་བྱེད་པའི་སྐད་ཆ་དང་ཡི་གེ་སོགས་ཀྱི་མིང་སྟེ། (དཔེར་ན།) ཁོང་རྣམ་གཉིས་ཀྱིས་གསུང་བགྲོས་གནང་། འཐུས་མི་རྣམས་ཚོགས་ནས་གསུང་བགྲོས་གནང་ལྟ་བུ། |
| གསུང་བཅག་པ |
བླ་མའི་བཀའ་ལ་མ་བརྩིས་པའམ་བཀའ་དང་རྒྱབ་འགལ་བྱས་པ། |
| གསུང་བརྟག |
ཐུགས་བརྟག་དང་མཚུངས་ཏེ་མོའི་བརྟག་དཔྱད། |
| གསུང་བཤད |
བསླབ་བྱ་སོགས་ཀྱི་བཤད་པ་སྟེ། (དཔེར་ན།) གསུང་བཤད་གནང་བ། གསུང་བཤད་ར་བ་ཞེས་པ་ལྟ་བུ། |
| གསུང་བྲིས |
1.འཕྲིན་ཡིག 2.བླ་ཆེན་མི་ཆེན་གྱི་གསུང་བཤད་ཡི་གེར་བྲིས་པ། |
| གསུང་མཁྱེན |
1.སྐད་ཆ་སོགས་བཤད་མཁས་པོ་ཡོད་པ། 2.དོན་དག་ཞུ་སྐབས་ཁྱེད་མཁྱེན་ཟེར་བའི་ཚབ་ཏུ་སྐུ་མཁྱེན་གསུང་མཁྱེན་ཟེར་བ། |
| གསུང་མགུར |
གསུང་གི་མགུར་དབྱངས་སམ། མགུར་གླུ་སྟེ། (དཔེར་ན།) གསུང་མགུར་བཞེས་པ་ལྟ་བུ། |
| གསུང་མཆིད |
1.བཀའ་མོལ། 2.བཀའ་མཆིད། |
| གསུང་མཆོག |
གཞན་ལ་ཕན་པའི་གཏམ། |
| གསུང་མཉེན་ཞིང་འཇམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྙན་པ་ལ་སོགས་པར་གསུང་པ་ཉིད་ཀྱིས་གསུང་སྙན་ཞིང་མཉེན་ལ་འཇམ་པ། |
| གསུང་མད |
(བརྡ་རྙིང་།) སྐད་ཆ་བདེན་པ། |
| གསུང་མདུད |
གཟུངས་སྔགས་བཏོན་ནས་ཕུས་བཏབ་པའི་སྲུང་བ། |
| གསུང་ཚངས་དབྱངས་ལྟ་བུ |
ཚངས་པའི་དབྱངས་ཀྱི་མཚན་བཟང་དང་དོན་གཅིག |
| གསུང་ཚོགས |
གསུང་བྲིས་ཡིག་ཚོགས། |
| གསུང་འཕྲིན |
ཆབ་ཤོག་གམ་སྤྲིང་ཡིག |
| གསུང་འཕྲོས |
1.འཕྲོས་པའམ་སྐད་ཆ། 2.གཏམ་གྱི་ལྷག་མ་སྟེ། (དཔེར་ན།) དུས་ཚོད་མ་འདང་བས་གསུང་འཕྲོས་ལུས་ཞེས་པ་ལྟ་བུ། |
| གསུང་འབུམ |
གསུང་རྩོམ་ཕྱོགས་བསྡུས་ཀྱི་མིང་སྟེ། (དཔེར་ན།) ས་སྐྱའི་གསུང་འབུམ་ཞེས་པ་ལྟ་བུ། |
| གསུང་འབྲུག་གི་སྒྲ་དང་ལྡན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་བསྙེངས་པ་ཐམས་ཅད་མི་མངའ་བ་ཉིད་ཀྱིས་གསུང་འབྲུག་གི་སྒྲ་ལྟར་བརྗིད་ཆེ་བ། |
| གསུང་རབ |
སངས་རྒྱས་ཀྱི་གསུངསྟེ༌། (དཔེར་ན།) གསུང་རབ་ཀློག་པ། གསུང་རབ་ཀྱི་དོན་ཟབ་ཅིང་རྒྱ་ཆེ་བའི་སྙིང་པོ་མ་འཁྲུལ་ཞིང་མ་བསླད་ཅེས་པ་ལྟ་བུ། |
| གསུང་རབ་ཀྱི་ཡན་ལག་གསུམ |
བསླབ་གསུམ་སྟོན་པ། ཕྱག་རྒྱ་གསུམ་དང་ལྡན་པ། ཐོག་མཐའ་བར་གསུམ་དུ་དགེ་བ། |
| གསུང་རབ་གླེགས་བམ |
ཆོས་པོ་ཏི། |
| གསུང་རབ་བཀའ་རྩོམ |
སངས་རྒྱས་ཀྱི་གསུང་སོགས་སྐྱེས་བུ་དམ་པའི་རྩོམ་ཡིག |
| གསུང་རབ་ཡན་ལག་དགུ |
གསུང་རབ་ཡན་ལག་བཅུ་གཉིས་འབྱེད་སྡུད་བྱས་ནས་མདོའི་སྡེ་དང༌། དབྱངས་ཀྱིས་བསྙད་པ། ལུང་དུ་བསྟན་པ། ཚིགས་སུ་བཅད་པ། ཆེད་དུ་བརྗོད་པ། གླེང་གཞི། ཤིན་ཏུ་རྒྱས་པ། རྨད་དུ་བྱུང་བ། གཏན་ལ་ཕབ་པ་སྟེ་རྒྱལ་བའི་གསུང་རབ་ཡན་ལག་དགུར་གྱུར། |
| གསུང་རབ་ཡན་ལག་བཅུ་གཉིས |
སངས་རྒྱས་ཀྱིས་གསུངས་པའི་རྗོད་བྱེད་ཀྱི་ཆོས་རྣམས་ཡན་ལག་སྡེ་ཚན་བཅུ་གཉིས་སུ་བསྡུས་པ་མདོའི་སྡེ། དབྱངས་ཀྱིས་བསྙད་པའི་སྡེ། ལུང་དུ་བསྟན་པའི་སྡེ། ཚིགས་སུ་བཅད་པའི་སྡེ། ཆེད་དུ་བརྗོད་པའི་སྡེ། གླེང་གཞིའི་སྡེ། རྟོགས་པ་བརྗོད་པའི་སྡེ། དེ་ལྟ་བུ་བྱུང་བའི་སྡེ། སྐྱེས་པའི་རབས་ཀྱི་སྡེ། ཤིན་ཏུ་རྒྱས་པའི་སྡེ། རྨད་དུ་བྱུང་བའི་སྡེ། གཏན་ལ་ཕབ་པའི་སྡེའོ། ། |
| གསུང་རབ་རིན་པོ་ཆེའི་གཏམ |
སྔར་བོད་རྒྱལ་ཁྲི་སྲོང་ལྡེ་བཙན་གྱི་དུས་སུ་ལོ་ཙཱ་བ་སྐ་བ་དཔལ་བརྩེགས་ཀྱིས་བརྩམས་པའི་བསྟན་བཅོས་ཤིག |
| གསུང་རྒྱུན |
ཞལ་རྒྱུན་ནམ་ངག་རྒྱུན་ཏེ། (དཔེར་ན།) ཁོ་བོའི་སློབ་དཔོན་གྱི་གསུང་རྒྱུན་ནི་དེ་འདྲ་ཞིག་ཡིན་ཞེས་པ་ལྟ་བུ། |
| གསུང་རྟེན |
ཆོས་པོ་ཏི་ཆེ་ཆུང༌། |
| གསུང་རྩོམ |
བརྩམས་པའི་དཔེ་ཆ་དང་རྩོམ་གྱི་མིང་སྟེ། (དཔེར་ན།) དགེ་རྒན་གྱི་གསུང་རྩོམ་ལྟ་བུ། |
| གསུང་རྩོམ་གཅེས་བསྡུས |
མི་གཅིག་གམ་མི་དུ་མའི་གསུང་རྩོམ་གྱི་ནང་གི་མཁོ་བའམ་གལ་ཆེ་བ་བཏུས་པ་སྟེ། (དཔེར་ན།) ཕྱི་རྒྱལ་མཁས་པའི་གསུང་རྩོམ་གཅེས་བསྡུས་ལྟ་བུ། |
| གསུང་ལན |
སྐད་ཆའི་ལན་པོ་སྟེ། (དཔེར་ན།) གཏམ་ལན། ཡབ་ཀྱི་གསུང་ལན་ཙམ་ཡང་མ་བྱུང་ངོ་། གསུང་ལན་ཡོད་པ་ཞུ་ཞེས་པ་ལྟ་བུ། |
| གསུང་ལྔ |
སྔགས་རྙིང་མའི་རྒྱུད་དུ། སྟོན་པ་སྐུ་ལྔས་རང་རང་གི་འཁོར་ལ་བརྡ་སྤྲོད་པའི་བདག་ཉིད་ཅན་ཏེ། སྐྱེ་མེད་དོན་གྱི་གསུང༌། དགོངས་པ་བརྡའི་གསུང༌། བརྗོད་པ་ཚིག་གི་གསུང༌། དབྱེར་མེད་རྡོ་རྗེའི་གསུང༌། མངོན་བྱང་གི་གསུང་སྟེ་ལྔའོ། འབྲས་ཆོས་ཉེར་ལྔའི་ནང་གསེས་ཤིག |
| གསུང་སྐྱེས |
(མངོན་བརྗོད།) ཉན་ཐོས། |
| གསུང་སྒྲོས |
1.སྐད་ཆ། 2.ཁ་རྒྱུན་ནམ་ངག་རྒྱུན་ཏེ། (དཔེར་ན།) གསུང་སྒྲོས་གཞན་པ་ཞིག་གནང་བ། འདི་ལ་གསུང་སྒྲོས་གཉིས་ཡོད་ཅེས་པ་ལྟ་བུ། |
| གསུང་སྒྲོས |
བཤད་ཚུལ་གལ་ཆེ་ཞིང་དོན་ཟབ་པའི་ཚིག་ཐུང་ངུ་རྣམས་མཉམ་དུ་བསྡུས་པའི་དཔེ་ཆ་སོགས་ཀྱི་མིང་། |
| གསུང་སྙན |
སྐད་ཀྱི་གདངས་སམ་སྐད་ཆ་སྙན་པོ་སྟེ། (དཔེར་ན།) བྱ་ཁུ་བྱུག་ཁ་ན་དབྱར་ཁའི་གསུང་སྙན་ཡོད་ཅེས་པ་ལྟ་བུ། |
| གསུང་སྲས |
སངས་རྒྱས་ཀྱི་གསུང་ལས་སྐྱེས་པའི་ཉན་རང༌། |
| གསུངས |
གསུངས་པའི་འདས་པ་དང་སྐུལ་ཚིག་སྟེ། (དཔེར་ན།) དེ་སྐད་ཅེས་གསུངས་སོ། །དཔེ་ཆ་གསུངས་ཤིག་ལྟ་བུ། |
| གསུངས་པ |
གསུང་བའི་འདས་པའི་བྱ་མིང་། |
| གསུད |
1.ཟས་མ་ཞུ་བར་ཁར་ཐོན་པའི་དྲི་ངན་གྱི་མིང་སྟེ། སྒྲེགས་པ་ཡང་ཟེར། 2.གློ་བ་སྐྲངས་པའི་ནད་རིགས་ཤིག་གི་ནད་རྟགས་ཀྱི་མིང་། དེ་ནི་གློ་བ་དབུགས་ཀྱིས་བརྒྱངས་པ་ལྟ་བུའི་སྣང་བ་ཤར་ཞིང་དབུགས་འཚང་བ་ཞིག་ཡིན་པར་བཤད། |
| གསུད་ནད |
མ་ཞུ་བའི་ནད་རིགས་ཤིག་ཐུར་སེལ་གྱི་རླུང་ལོག་ནས། ནད་རྟགས་སུ་དབུགས་ངན་སྲི་བ་དང༌། དྲི་ཆེན་སྐམ་པ། ཁ་ཟས་གང་ཟོས་ཀྱི་དྲི་མ་ཁ་སྣའི་ལམ་དུ་སྒྲེགས་བརྒྱབ་ནས་ཐོན་པ་ཞིག |
| གསུད་པ |
སྒྲེགས་པ། |
| གསུད་པར་བྱེད་པའི་རླུང |
ལུས་ནང་དུ་རྒྱུ་བའི་རླུང་གི་བྱེ་བྲག་ཅིག |
| གསུབ |
བསུབས་མ་འོངས་པ་སྟེ། (དཔེར་ན།) གསུབ་བྱའི་ཡི་གེ། གསུབ་དགོས་ལྟ་བུ། |
| གསུབ་པ |
1.(བརྡ་རྙིང་།) 1>ཁྱིས་རྨུར་བ། 2>ལག་པས་འཕུར་བ། |
| གསུབས |
བསུབས་ཀྱི་སྐུལ་ཚིག |
| གསུམ |
གྲངས་གནས་ཤིག་སྟེ། མིང་གི་རྣམ་གྲངས་ལ་འཇིག་རྟེན་དང༌། མེ། རྩེ་མོ། ཚ་བ། ཡོན་ཏན། སྲིད་པ་བཅས་སོ། ། |
| གསུམ་ཁ |
གསུམ་གའམ་གསུམ་པོ་ཐམས་ཅད་དེ། (དཔེར་ན།) རྒྱལ་ཁབ་དང་ཐུན་མོང༌། སྒེར་བཅས་ཕྱོགས་གསུམ་ཁའི་ཁེ་ཕན་ལ་ལྟ་རྟོག་བྱས་ལྟ་བུ། |
| གསུམ་ག |
གསུམ་ཁ་དང་འདྲ། |
| གསུམ་གཉིས |
1.གསུམ་ཆ་གཉིས། 2.གསུམ་དང་གཉིས། |
| གསུམ་ཆ |
དུམ་བུ་གསུམ་དུ་བགོས་པའི་ཆ་ཤས་ཏེ། (དཔེར་ན།) གསུམ་ཆ་གཅིག གསུམ་ཆ་གཉིས་ལྟ་བུ། |
| གསུམ་ཐོག |
1.ཁང་པ་གསུམ་བརྩེགས། 2.ཁང་པ་གསུམ་བརྩེག་ཀྱི་ཐོག་ཁ། |
| གསུམ་དགའ |
(མངོན་བརྗོད།) ཟླ་བ། |
| གསུམ་པ |
རིམ་པ་གསུམ་པ་སྟེ། (དཔེར་ན།) དང་པོ། གཉིས་པ། གསུམ་པ་ཞེས་པ་ལྟ་བུ། |
| གསུམ་པའི་རང་བཞིན |
(མངོན་བརྗོད།) ཕོ་མིན་མོ་མིན་གསུམ་པའི་རང་བཞིན་མ་ནིང༌། |
| གསུམ་པོ |
གྲངས་ཀ་གསུམ་དུ་ངེས་པའི་དོན་ཏེ། (དཔེར་ན།) ངེད་ཕ་བུ་གསུམ་པོ་ཞེ་པ་ལྟ་བུ། |
| གསུམ་ཕྲུགས |
གསུམ་རེ་གསུམ་རེ་ཡོད་པའི་གསུམ་ཚན། |
| གསུམ་ཕྲེང་ཅན |
(མངོན་བརྗོད།) ནེ་ཙོ། |
| གསུམ་བརྡ་ལ |
གསུམ་བརྡ་ལ་ཞེས་པའི་གཞས་ཚིག |
| གསུམ་བསྒྲིལ |
ཁག་གསུམ་གཅིག་ཏུ་བསྒྲིལ་བ་སྟེ། (དཔེར་ན།) ཁ་དོག་གསུམ་བསྒྲིལ་གྱི་ཐག་ཁྲ་ཞེས་པ་ལྟ་བུ། |
| གསུམ་མདོ |
ཆུ་དང་ལམ་སོགས་ཁག་གསུམ་གཅིག་ཏུ་འཛོམས་པའི་འགག་སྟེ། (དཔེར་ན།) ཆུ་གསུམ་མདོ། ལམ་གསུམ་མདོ་ཞེས་པ་ལྟ་བུ། |
| གསུམ་ཚ |
རང་གི་བུ་དང་བུ་མོའི་ཕྲུ་གུ་ལ་ཚ་བོ་དང༌། དེ་དག་གི་ཕྲུ་གུ་ལ་ཡང་ཚ། དེའི་ཕྲུ་གུ་ལ་གསུམ་ཚ་ཟེར། |
| གསུམ་ཚན |
གསུམ་རེ་གསུམ་རེ་ཡོད་པའི་ཚན་པ། |
| གསུམ་ཚོང |
(ཡུལ་སྐད།) ཚོང་པ་ཚོས་མ་རྩ་སྒོར་གཅིག་གིས་ཚོང་བརྒྱབ་ནས་སྒོར་གསུམ་བྱུང་བ་ལྟ་བུ། |
| གསུམ་ཟུར |
གསུམ་དུ་བགོས་པའི་ཆ་གཅིག |
| གསུམ་འདུས |
ཁག་གསུམ་གཅིག་ཏུ་འདུས་པ་སྟེ། (དཔེར་ན།) གསེར་དངུལ་རག་གསུམ་བསྲེས་ནས་བླུགས་པའི་སྤྱོད་ཆས། མི་རིགས་གསུམ་འདུས་ཀྱི་ས་ཁུལ་ཞེས་པ་ལྟ་བུ། |
| གསུམ་རིག་པ |
ཚེ་སྔ་མ་རིག་པ་དང༌། ཕྱི་མ་རིག་པ། ཟག་པ་ཟད་པ་རིག་པ་སྟེ་གསུམ་རིག་པའོ། ། |
| གསུམ་རྩེན |
1.ལྷ་ཡུལ་ཏེ་གཙོ་བོ་ཚངས་པ་དང༌། དབང་ཕྱུག་དང༌། ཁྱབ་འཇུག་གསུམ་རྩེན་ཞིང་རོལ་བའི་གནས། 2.མཐོ་རིས། |
| གསུམ་ལྡན་དུས |
འཛམ་གླིང་མི་རྣམས་ཀྱིས་ཆོས་དང༌། ནོར། འདོད་པ། བདེ་བ་བཞི་ལས་ཆ་གཅིག་ཉམས་ནས་ཆ་གསུམ་ལ་ལོངས་སྤྱོད་པའི་དུས་ཏེ་དེའི་ཡུན་ཚད་ལ་ལོ་གྲངས་ས་ཡ་གཅིག་དང་ཉིས་འབུམ་དགུ་ཁྲི་དྲུག་སྟོང་ཡོད་ཅིང༌། དེ་དུས་སངས་རྒྱས་གསེར་ཐུབ་བྱོན་ཡོད་པར་གསུངས་སོ། ། |
| གསུམ་ཤས |
སྔར་ཞིང་པ་དུད་ཚང་གཉིས་ཀྱིས་ཐུན་མོང་དུ་ཞིང་བདག་གི་ས་ཞིང་ཤས་བླངས་པའི་ལོ་ཐོག་རྣམས་ཞིང་བདག་དང་ཞིང་པ་བཅས་ཕྱོགས་གསུམ་སྙོམ་པོར་བགོས་པའི་ཆ་ཤས། |
| གསུམ་སྐོར་མ |
ལུས་རྩའི་བྱེ་བྲག་ཅིག |
| གསུམ་སྒྲ |
བྱེད་པའི་སྒྲ། |
| གསུམ་སྒྲ་ཅན |
(མངོན་བརྗོད།) སྦྲང་མ། |
| གསུར |
1.བོད་ཀྱི་ཡུལ་སྲོལ་དུ་བར་དོ་བ་རྣམས་ལ་སྦྱིན་རྒྱུ་དཀར་གསུམ་དམར་གསུམ་བསྲེས་པའི་རྩམ་པ་མེར་བསྲེགས་པའི་དུད་པ་སྟེ། (དཔེར་ན།) དཀར་གསུར། དམར་གསུར། ཇ་གསུར། མར་གསུར། གསུར་ངད། གསུར་གཏོང་བ། 2.འགྲམ་ངོས་སམ་རྩིབས་ལོགས་ཀྱི་མིང་སྟེ། (དཔེར་ན།) སྒོ་གསུར་གྱི་ཁྱི་མོ་བཙན། ནགས་གསུར་གྱི་སྟག་མོ་ངར། བུ་ཆུང་ཕ་མའི་གསུར་ན་སྐྱིད། ཤིང་མྱུག་ཆུ་བོའི་གསུར་ནས་རྒྱས་ལྟ་བུ། |
| གསུར་ཁོག |
(ཡུལ་སྐད།) བོད་ཀྱི་གོམས་སྲོལ་དུ་ཕུང་པོ་ཡོད་སའི་སྒོའི་ཕྱི་རོལ་ཏུ་འགེལ་བའི་གསུར་སྣོད་ཁོག་མ། |
| གསུར་པ |
(ཡུལ་སྐད།) གོ་གནས་ལ་འདུག་པའི་ཚད་ལོངས་ནས་སྤོར་བའི་མི་ལ་གསུར་ཕའམ་ཟུར་པ་ཟེར་ཏེ་མཁན་པོ་གསུར་པ་ཞེས་པ་ལྟ་བུ། |
| གསུར་བསྔོ |
མར་རྩམ་སོགས་མེར་བསྲེགས་ནས་གསུར་བཏང་བ་དེ་འབྱུང་པོ་སོགས་ལ་བསྔོ་བ། |
| གསུར་འདུག |
སྔོན་དུས་གཞུང་ལ་ཁྲལ་འཇལ་བའི་ནུས་པ་མེད་པའི་མི་རེངས་ལ། གསུར་འདུག་གམ་ཟུར་འདུག་ཟེར། |
| གསུས་ཁོག |
གྲོད་ཁོག |
| གསུས་ཁྱིམ |
ལྟོ་བའམ་གྲོད་ཁོག་སྟེ། (དཔེར་ན།) གསུས་ཁྱིམ་ཆེ་བའི་མི་ལྟ་བུ། |
| གསུས་ཁྲག |
1.ཁོག་པའི་ཁྲག 2.མངལ་གྱི་ཁྲག |
| གསུས་གྲོད |
གྲོད་ཁོག |
| གསུས་པ |
གྲོད་ཁོག་གམ་ལྟོ་བ་སྟེ། (དཔེར་ན།)་གསུས་ལྡིར། གསུས་པ་འགེངས་པ། གསུས་པ་འཕྱང་བ། གསུས་པ་སྦོས་པ། གསུས་ལུག གསུས་པ་ལྟོགས་པ་ཞེས་པ་ལྟ་བུ། |
| གསུས་པོ |
གསུས་པ་དང་འདྲ། |
| གསུས་པོ་ཆེ |
1.གྲོད་ཁོག་ཆེན་པོ། 2.དགྲ་བཅོམ་པ་ཞིག |
| གསུས་འཕྱང |
1.གསུས་པ་འཕྱང་བ། 2 (མངོན་བརྗོད།) རྔ་མོང༌། |
| གསུས་རྐེད |
ལུས་ཀྱི་ལྟོ་བ་དང་རྐེད་པ། |
| གསུས་རྫིང་ཅན |
གྲོད་ཁོག་ལྡིར་ལྡིར་ཅན། |
| གསུས་ལྕིབས |
ལྟོ་དཀྲིས་སམ་རྐེད་དཀྲིས་ཏེ་གྱོན་པའི་རིགས་ཤིག |
| གསུས་ལྟོ |
གྲོད་ཁོག |
| གསེ |
1.(བྱེད་འབྲེལ་ལས་ཚིག) གསེས་ཀྱི་མ་འོངས་པ་དང་ད་ལྟ་བ། དངོས་རྫས་དུམ་བུ་གཅིག་དུམ་བུ་མང་བོར་བཏང་བའི་དོན་ཏེ། (དཔེར་ན།) གསེ་བྱའི་བུད་ཤིང་བུད་ཤིང་། གསེ་བཞིན་འདུག ཤིང་གསེ་མཁན་ཞེས་པ་ལྟ་བུ།2.གདམ་ང་བྱས་པའི་དོན་ཏེ། (དཔེར་ན།) ནོར་ལུག་ཉི་ཤུའི་ནང་ནས་གཅིག་གསེ་དགོས་ལྟ་བུ། |
| གསེ |
(བྱེད་འབྲེལ་ལས་ཚིག) བསེགས་ཀྱི་མ་འོངས་པ་དང་ད་ལྟ་བ། ཕྱོགས་གཅིག་ཏུ་ཡོ་བའི་དོན་ཏེ། (དཔེར་ན།) སྨྱུག་ཁ་ཅུང་ཟད་གསེག་དགོས། ཐིག་གདབ་པ་གསེག་མི་རུང་ལྟ་བུ། |
| གསེག་ཀ |
ཕྱོགས་གཅིག་ཏུ་གསེག་གསེག་བྱས་ནས་བཟོས་པའི་བཅད་ཁ་སྟེ། (དཔེར་ན།) སྨྱུག་ཁ་གསེག གདུང་མར་གསེག་ཀ་བཏོན་པ། ཐད་ཀ་ལ་མ་ཕྱིན་པར་གསེག་འགྲོས་སུ་ཕྱིན། གསེག་ཚད་ཅེས་པ་ལྟ་བུ། |
| གསེག་ཀ་ལི |
དཔེ་ཆའི་སྣོད་ཤོ་ཀ་ལི། |
| གསེག་ཁ |
གསེག་ཀ་དང་འདྲ། |
| གསེག་གཅོད |
འཕྲེད་དུ་གཅོད་བྱེད་ཤིང་བཟོ་བའི་ལྕགས་གཟོང་སོ་ལེབ་མོ་ཅན་ཞིག |
| གསེག་གཅོད་ཁ་གཉིས་མ |
(ཡུལ་སྐད།) ཡིག་འབྲུའི་བར་མཚམས་འདོན་བྱེད་ཁའི་ཕྱོགས་གཉིས་ཀ་བརྡར་བའི་ལག་ཆ་ཞིག |
| གསེག་གཅོད་ཁ་རིལ |
(ཡུལ་སྐད།) ན་ཡིག་སོགས་ཡིག་འབྲུའི་མིག་འདོན་བྱེད་ཀྱི་ལག་ཆ་ཞིག |
| གསེག་གཅོད་ཁ་ལེབ |
(ཡུལ་སྐད།) ཡིག་འབྲུའི་བར་མཚམས་འདོན་བྱེད་ཀྱི་ལག་ཆ་ཞིག |
| གསེག་གཅོད་ཁ་ལོག |
(ཡུལ་སྐད།) ཡིག་འབྲུའི་བར་མཚམས་འདོན་བྱེད་ཀྱི་ལག་ཆ་ཞིག |
| གསེག་གཅོད་ཁ་སྦུབས |
(ཡུལ་སྐད།) ཡིག་འབྲུའི་བར་མཚམས་འདོན་བྱེད་ཀྱི་ལག་ཆ་ཞིག |
| གསེག་གཅོད་ཆེ་སག |
(ཡུལ་སྐད།) པར་ཤིང་གི་སྟོང་ཆ་འདོན་བྱེད་ཆེ་གྲས་ཤིག |
| གསེག་གཅོད་པུས་འགུགས |
(ཡུལ་སྐད།) པར་ཤིང་གི་སྟོང་ཆ་ཆུང་རིགས་འདོན་བྱེད་ཀྱི་ལག་ཆ་ཞིག |
| གསེག་གཅོད་སེན་གཟུགས་མ |
(ཡུལ་སྐད།) ཡིག་འབྲུའི་བར་མཚམས་འདོན་བྱེད་སེན་མོའི་གཟུགས་ཅན་གྱི་གཟོང་ཆུང་ཞིག |
| གསེག་གྲི |
ཤིང་བཟོ་བས་ཤིང་བཞུར་བྱེད་གྲི་རྩེ་གསེག་ཀ་ཅན་ཞིག |
| གསེག་གྲི་ཤུར་ཅན |
ཤིང་བཟོ་བས་ཤིང་བཞུར་བྱེད་གྲི་སོ་གསེག་ཁ་ཅན་ཆུང་བ་ཞིག |
| གསེག་ཆེན |
(ཡུལ་སྐད།) ཟངས་བཟོ་བའི་ལག་ཆ་ཞིག |
| གསེག་མ |
རྡོའི་རྡོག་པོ་ཆུང་ཆུང་ངམ་བྱེ་མའི་རྡུལ་གྱི་མིང་སྟེ། (དཔེར་ན།) རྡོའི་གསེག་མ། བྱེ་མའི་གསེག་མ་ཞེས་པ་ལྟ་བུ། ཚིག་བསྡུས་ན་གསེག་ཅེས་འབྲི་ཆོག་སྟེ། (དཔེར་ན།) བྱེ་གསེག་ཅེས་པ་ལྟ་བུ། |
| གསེག་ལམ |
རིའི་འཕྲེད་དུ་ཡོད་པའི་ལམ་ཁ། |
| གསེག་ལོན |
ཤིང་བཟོ་བའི་ལག་ཆ་ཞིག |
| གསེག་ཤང |
གསིལ་བྱེད་དམ་འཁར་གསིལ། |
| གསེག་ཤིང |
དགེ་སློང་གི་འཁར་བ་ཞིག་གི་མིང་། |
| གསེང |
1.བར་མཚམས་སམ། སྲུབས་ཏེ། (དཔེར་ན།) བྲག་གསེང༌། ཁོག་མའི་གསེང་བསུབ་པ། ཁོང་གསེང་བརྒྱངས་པ། ལས་གསེང༌། གྲལ་གསེང༌། ཀ་བའི་གསེང༌ལྟ་བུ། 2.དཀྱིལ་དང་ཁྲོད་དེ། (དཔེར་ན།) སྤྲིན་པའི་གསེང༌། ནགས་གསེང༌ཞེས་པ་ལྟ་བུ། |
| གསེང་གཡབ |
ཁང་པའི་མཐོངས་སུ་དཀར་གསལ་བསིལ་གཡབ་ལྟར་ཡོད་པ་སྟེ། (དཔེར་ན།) གསེང་གཡབ་ཡངས་ཤིང་མཐོན་པོའི་འདུ་ཁང༌ཞེས་པ་ལྟ་བུ། |
| གསེང་གསེང |
(རྒྱན་ཚིག) བར་བར་རམ་བར་སྟོང་སེང་སེང༌སྟེ། (དཔེར་ན།) སྣམ་བུའི་ཐག་རྐང་གསེང་གསེང་རེད་ཅེས་པ་ལྟ་བུ། |
| གསེང་དབར |
བར་མཚམས་ཏེ། (དཔེར་ན།) ཉིན་གུང་གསེང་དབར་བྱུང་ཚེ་ཡུད་ཙམ་ཕེབས་རོགས་ཞེས་པ་ལྟ་བུ། |
| གསེང་དབྲག |
བར་མཚམས་སམ་བར་གསེང༌། |
| གསེང་ཕྲག |
བར་མཚམས་ཏེ། (དཔེར་ན།) ལས་ཀའི་གསེང་ཕྲག མི་ཚོགས་ཀྱི་གསེང་ཕྲག་ཅེས་པ་ལྟ་བུ། |
| གསེང་བར |
གསེང་དབར་དང་འདྲ། |
| གསེང་བུག |
བར་སེང་ངམ་བུག་པ་ཆུང་ཆུང༌། |
| གསེང་ཡབ |
གསེང་གཡབ་དང་འདྲ། |
| གསེང་ལམ |
གསང་ལམ་མམ། ཐག་ཐོགས་མེད་པའི་ཉེ་ལམ་ཏེ། (དཔེར་ན།) གསེང་ལམ་འཚོལ་བ་ཞེས་པ་ལྟ་བུ། |
| གསེང་ཤོར |
1.བར་གསེང་དུ་ཤོར་བ་སྟེ། (དཔེར་ན།) མི་དོགས་ཅན་གཅིག་ཀྱང་གསེང་ཤོར་བྱུང་མེད་ཅེས་པ་ལྟ་བུ། 2.བར་ཆོད་པའམ་ནར་ལུས་ཤོར་བ། |
| གསེད |
(བྱེད་འབྲེལ་ལས་ཚིག) བསེད་ཀྱི་མ་འོངས་པ་དང་ད་ལྟ་བ། བལ་སོགས་འཕྱིང་བའམ་འཛིངས་པ་སོ་སོར་བཀྲལ་བའི་དོན་ཏེ། (དཔེར་ན།) བལ་གསེད་མཁན་ཞེས་པ་ལྟ་བུ། |
| གསེད་པ |
(བྱེད་འབྲེལ་ལས་ཚིག) བསེད་པའི་ད་ལྟ་བའི་བྱ་མིང་། |
| གསེད་བཀྲོལ |
ཞིབ་ཏུ་དབྱེ་བའམ། སོ་སོར་དབྱེ་བ་སྟེ། (དཔེར་ན།) དགེ་སྡིག་གསེད་བཀྲོལ་ཞེས་པ་ལྟ་བུ། |
| གསེབ |
1.འབྲས་བུ་མ་ཕྱུང་བའི་རྟ་བོང་སོགས་ཏེ། (དཔེར་ན།) རྟ་གསེབ་གཏོང་བ། གསེབ་འབྲས་གཅོད་པ་ཞེས་པ་ལྟ་བུ། 2.ཁྲོད་དང་གསེང༌གི་དོན་ཏེ། (དཔེར་ན།) མིའི་གསེབ། གྲོང་གསེབ། གྲོང་གསེབ་པ། ཁྲོམ་གསེབ། སྟག་ནགས་ཀྱི་གསེབ་ཏུ་འཕྱོ་བ། འཁྲུལ་པའི་གསེབ་ནས་གནས་ལུགས་བཙལ་བ་ཞེས་པ་ལྟ་བུ། |
| གསེབ་ལམ |
ལམ་ཆུང་ངམ་ལམ་གུ་དོག་པོ་སྟེ། (དཔེར་ན།) གཅན་གཟན་འགྲོ་བའི་གསེབ་ལམ་ཞེས་པ་ལྟ་བུ། |
| གསེར |
1.རིན་ཆེན་དང་པོ་སྟེ། (དཔེར་ན།) སྨན་དུ་འགྲོ་བའི་རིན་པོ་ཆེའི་རིགས་ཤིག ནང་གསེས་སུ་དམར་སེར་གཉིས་མཆིས། རོ་བསྐ། ཞུ་རྗེས་བསིལ། ནུས་པས་ཚེ་རིང༌། རྒས་པ་སྲ། དབྱིག་དུག་སེལ། སྐྱེ་རྒྱུན་གཅོད། མིང་གི་རྣམ་གྲངས་ལ་ཁ་དོག་རྒྱལ་པོ་དང༌། ཁ་དོག་ཆེན་པོ། གང་གཱ་སྐྱེས། ལྕགས་ཀྱི་གཙོ་བོ། ལྕགས་མཆོག་ཆ་ཤས་སྦྱངས། མདངས་ལྡན། མདོག་ལྡན། བུམ་བརྒྱ་སྐྱེས། མེའི་ས་བོན། ཚོང་འདུས་འགྲིམ། འཚོ་བ་སྒྲོལ་བྱེད། ཟོང་མཆོག་གཟི་བརྗིད་སྐྱེས། འོད་བྱེད་པ། ཡིད་འོང༌། རི་ལས་སྐྱེས། རིན་ཆེན་ཆེ། རིན་ཆེན་མདོག་བཟང༌། ས་ལེ་སྦྲམ། སའི་སྙིང་པོ། སའི་ཟླ་བ། བསྲེག་བྱ། ཧེ་མ་བཅས་སོ། །2.མིང་འགའི་སྔོན་དུ་སྦྱར་ན་ཞེ་ཚིག་གམ་ཆེ་བརྗོད་སྟོན་པ་སྟེ། (དཔེར་ན།) གསེར་ཞལ། གསེར་སྙན། གསེར་སྐྱེམས། གསེར་ལམ་ཞེས་པ་ལྟ་བུ། |
| གསེར་ཀོ |
གསེར་རྩིའམ་རག་བཏུལ་བྱུགས་པའི་ཀོ་བ། |
| གསེར་ཀོང |
གསེར་ལས་བཟོས་པའི་མཆོད་མེའི་ཀོང་བུ། |
| གསེར་ཁ |
གསེར་ཐོན་པའི་གཏེར་ཁ། |
| གསེར་ཁབ་མེ་བཙའ |
གསེར་ཁབ་དང་མེ་བཅོས་ལ་བརྟེན་ནས་སྨན་དཔྱད་བྱེད་ཐབས་ཤིག |
| གསེར་ཁུ་བ |
(མངོན་བརྗོད།) མེ་ལྷ། |
| གསེར་ཁྲི |
གསེར་གྱི་བཞུགས་ཁྲི་སྟེ། (དཔེར་ན།) གསེར་ཁྲིར་མངའ་གསོལ། སེང་གེ་བརྒྱད་ཀྱིས་བཏེག་པའི་གསེར་ཁྲི་རིན་པོ་ཆེ་ཞེས་པ་ལྟ་བུ། |
| གསེར་གདུང |
གསེར་གྱིས་གཡོགས་པའི་སྐུ་གདུང་མཆོད་རྟེན། |
| གསེར་གདུབ |
གསེར་གྱི་ཕྱག་གདུབ་ཞབས་གདུབ་སོགས་རྐང་ལག་གི་རྒྱན། |
| གསེར་གཞི་མ |
སྐྱིན་ཁེབས་ཀྱི་བྱེ་བྲག་ཅིག |
| གསེར་གྱི་ཀ་བ |
1.ལུས་ཀྱི་རྩ་ལམ་ཞིག 2.གསེར་ལས་བཟོས་པའི་གདུང་འདེགས། |
| གསེར་གྱི་ཁུ་བ |
(མངོན་བརྗོད།) 1>མེ། 2>མེ་ལྷ། |
| གསེར་གྱི་གཟུགས |
1.སངས་རྒྱས་ཀྱི་སྐུ་གསེར་གྱི་མདོག་ཅན། 2.གསེར་ལས་བྱས་པའི་གཟུགས་བརྙན། |
| གསེར་གྱི་ཐིག་ལེ |
(མངོན་བརྗོད།) ལྷ་ཁྱབ་འཇུག |
| གསེར་གྱི་དཀྱིལ་འཁོར |
མངོན་པ་མཛོད་ལས་བཤད་པ་ལྟར་ཆུའི་དཀྱིལ་འཁོར་དེ་ཡུན་རིང་པོར་རླུང་གིས་བསྲུབས་པ་ལས་ཕྱིས་ནི་ཆུའི་རྔམས་སུ་འབུམ་ཕྲག་བརྒྱད་ཡོད་པའི་མཚོར་གྱུར་པའི་ལྷག་མ་དཔངས་སུ་དཔག་ཚད་སུམ་འབུམ་ཉི་ཁྲི་གསེར་གྱི་རང་བཞིན་དུ་གྱུར་པའོ། ། |
| གསེར་གྱི་དགྲ |
(མངོན་བརྗོད།) ལྕགས། |
| གསེར་གྱི་དབྱངས |
(མངོན་བརྗོད།) ཉི་མའི་རྟ། |
| གསེར་གྱི་ཕུད་བུ |
1.སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མཁྲིས་ནད་དང༌། དུག་ཆུ་སེར་བཅས་ཀྱི་ནད་གྱེན་དུ་འདྲེན་པར་བྱེད། 2.གསེར་རྒྱན་གྱིས་སྤྲས་པའི་རལ་པའི་ཐོར་ཅོག |
| གསེར་གྱི་བཀའ |
རྒྱལ་པོ་ཆེན་པོའི་གསུང་ངག་གམ། བཀའ་ཡིག |
| གསེར་གྱི་བེའུ |
གནས་བརྟན་བཅུ་དྲུག་གི་ཡ་གྱལ་ཞིག་སྟེ། སྟོན་པའི་བཀའ་བཞིན་ཁ་ཆེའི་ཡུལ་དུ་བསྟན་པ་སྐྱོང་བར་བཞུགས་པ་དང༌། འགྲོ་བའི་དོན་གཉེར་བ། |
| གསེར་གྱི་བྱེ་མ |
1.ཆུ་བོ་ཆེན་པོའི་བྱེ་མ་ལ་གསེར་ཡོད་པ། 2.ས་སྨན་གྱི་རིགས་ཤིག་སྟེ། མཚོ་ངོགས་སོགས་སུ་ཆགས་པའི་བྱེ་མ་གསེར་འོད་ཅན་ཞིག་རོ་ཚ། ཞུ་རྗེས་དྲོད། ནུས་པས་མཁལ་མའི་ནད། དྲི་ཆུ་འགགས་པ། རུས་ཆག་བཅས་ལ་ཕན། |
| གསེར་གྱི་མདོང |
(མངོན་བརྗོད།) དཔག་བསམ་ཤིང༌། |
| གསེར་གྱི་མིག་ཅན |
(མངོན་བརྗོད།) ཉ། |
| གསེར་གྱི་མེ་ཏོག |
1.མེ་ཏོག་ཙམ་པ་ཀ། 2.སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་སྣོད་ཚད་དང༌། མཁྲིས་པའི་ཚ་བ་སེལ། མིང་གི་རྣམ་གྲངས་ལ་གཟོང་མཆུ་དང༌། སོ་ན་སུཥྤ། གསེར་མེ། གསོར་མགོ་བཅས་སོ། །3.གསེར་ལས་བཟོས་པའི་མེ་ཏོག |
| གསེར་གྱི་འཁོར་ལོ |
1.བཀྲ་ཤིས་རྟགས་བརྒྱད་ཀྱི་ཡ་གྱལ་ཞིག 2.གསེར་ལས་བཟོས་པའི་འཁོར་ལོ། |
| གསེར་གྱི་རི་བདུན |
མངོན་པ་ནས་བཤད་པའི་རི་རབ་ཀྱི་འཁོར་ཡུག་ཏུ་བསྐོར་བའི་རི་བདུན་ཏེ་མུ་ཁྱུད་འཛིན་དང༌། རྣམ་འདུད། རྟ་རྣ། ལྟ་ན་སྡུག་སེང་ལྡེང་ཅན། གཤོལ་མདའ་འཛིན། གཉའ་ཤིང་འཛིན་ནོ། ། |
| གསེར་གྱི་རྒྱ་ཕིབས |
ཟངས་ལ་ཚ་གསེར་བཏང་བའི་ཁང་ཐོག་རྒྱ་ཕིབས། |
| གསེར་གྱི་ལུས |
(མངོན་བརྗོད།) ནམ་མཁའ་ལྡིང༌། |
| གསེར་གྱི་སྒྲོམ་བུ |
གསེར་གྱིས་བཟོས་པའི་སྒམ་ཆུང༌། |
| གསེར་གྱི་སྙིང་པོ |
1.ལྷད་མེད་གསེར་རྐྱང༌། 2.(མངོན་བརྗོད།) ས་གཞི། |
| གསེར་གྱི་སྙིང་པོ་ཅན |
བསྲུབས་ན་གསེར་འབྱུང་རུང་གི་ཆར། |
| གསེར་གྲི |
གསེར་འདྲ་བྱེད་ཀྱི་ཇེམ་ཙེ། |
| གསེར་གླེགས |
1.གསེར་ཕྱེ་ལས་བྲིས་པའི་ཆོས་ཀྱི་གླེགས་བམ། 2.བཀའ་ཡིག་བརྐོས་ཡོད་པའི་གསེར་ལེབ། |
| གསེར་ངང |
ཆུ་བྱ་ངང་སེར་རམ་ངུར་པ། |
| གསེར་ངུར |
ཆུ་བྱ་ངུར་པ། |
| གསེར་ཅན |
1.སྔོ་ཞིག 2.ར་གན། |
| གསེར་ཅན་བུ |
(མངོན་བརྗོད།) ལྷ་མ་ཡིན། |
| གསེར་ཅན་འདབ |
(མངོན་བརྗོད།) བྱུ་རུ། |
| གསེར་ཆབ |
གསེར་གྱི་ཁུ་བ་སླ་མོ་འདྲེས་པའི་ཆུ། |
| གསེར་ཆུ |
1.གསེར་བཞུས་པའི་ཁུ་བའམ་གསེར་ཞུན། 2.འབབ་ཆུ་ཞིག་སྟེ། བོད་མདོ་ཁམས་ཆབ་མདོ་རྫོང་གི་ནུབ་རྒྱུད་དུ་ཡོད། སྟོད་རྒྱུད་ལ་འཛི་ཆུ་ཟེར། བྲག་གཡབ་རྫོང་ཁུལ་དུ་ཟླ་ཆུར་འབབ། |
| གསེར་ཆོས |
མཐིང་ཤོག་གི་ངོས་སུ་གསེར་ཞུན་གྱིས་བྲིས་པའི་ཆོས། |
| གསེར་ཆོས་བཅུ་གསུམ |
ཚར་ལུགས་ལས་ལྕགས་རིའི་ཕྱི་རོལ་ཏུ་མི་འདའ་བའི་ཆོས་ཏེ། མཁའ་སྤྱོད་སྐོར་གསུམ། དམར་ཆེན་སྐོར་གསུམ། དམར་ཆུང་སྐོར་གསུམ། འཆི་མེད་རྡོ་རྗེ་ལྷ་མོ། ཛམ་དམར། སེང་གདོང་མ། འཇམ་དཔལ་ནག་པོ་སྟེ་བཅུ་གསུམ། |
| གསེར་ཉ |
ལུས་གསེར་གྱི་མདངས་ལྟར་འོད་འཕྲོ་བའི་ཉ་རིགས་ཤིག་སྟེ་བཀྲ་ཤིས་རྟགས་བརྒྱད་ཀྱི་ཡ་གྱལ་ཞིག |
| གསེར་ཊཾ |
གསེར་གྱི་དོང་ཙེ། |
| གསེར་ཏིག |
མེ་ཏོག་སེར་བོ་ཅན་གྱི་རྩྭ་ཏིག་ཏའི་རིགས་ཤིག་གི་མིང་། |
| གསེར་ཏིལ |
གསེར་ལས་བཟོས་པའི་ནད་དམིགས་སྲེག་བྱེད་ཀྱི་ཏིལ་པ་དེ་ནད་དམིགས་སྟེང་བརྡེགས་ན་རྩ་ཆད་པ་དང༌། ཀླད་སྐྱོན། རྩ་དཀར། མིག་སོགས་དབང་པོ་མི་གསལ་བའི་ནད་བཅས་ལ་ཕན། |
| གསེར་ཏོག |
1.ཁང་པའི་རྩེ་ཏོག 2.ཞྭ་མོ་སོགས་ཀྱི་གསེར་ཏོག |
| གསེར་ཐབ |
གསེར་མགར་གྱི་ཡོ་སྤྱད་ཅིག |
| གསེར་ཐམ |
གསེར་གྱི་ཐམ་ག། |
| གསེར་ཐར |
བོད་མདོ་ཁམས་ཀྱི་ཡུལ་གྲུ་ཞིག་གསེར་རྟ་ཡང་ཟེར། |
| གསེར་ཐལ |
གསེར་གྱི་ཕྱེ་མ། |
| གསེར་ཐིག |
བོན་གྱི་ལྟ་བ་སྟོན་པའི་གཞུང་ཞིག |
| གསེར་ཐུབ |
བསྐལ་བཟང་འདིའི་རྣམ་འདྲེན་གཉིས་པ་དང༌། སངས་རྒྱས་དཔའ་བོ་བདུན་གྱི་ལྔ་པའོ། ། |
| གསེར་ཐོག |
གསེར་གྱི་རྒྱ་ཕིབས། |
| གསེར་ཐོད |
གསེར་གྱི་ཅོད་པན་ནམ་པྲོག་ཞུ། |
| གསེར་དངུལ |
1.གསེར་དང་དངུལ་གྱི་བསྡུས་ཚིག གསེར་དངུལ་གྱིས་སྤ་བ། 2.འགྲོ་དངུལ་སྤྱིའི་མིང༌། |
| གསེར་དངུལ་ཕྱེད་མའི་གླེགས་བམ |
གསེར་དངུལ་གཉིས་ཀྱིས་ཡིག་ཕྲེང་སྤེལ་མར་བྲིས་པའི་གླེགས་བམ། |
| གསེར་དམ |
1.གསེར་གྱི་ཐམ་ག། 2.གསེར་གྱི་དམ་བི། |
| གསེར་དེབ |
གསེར་བྱུང་སོང་གི་དེབ་གཞུང་ཡི་གེ། |
| གསེར་ཕུད |
ལྷ་ལ་འབུལ་རྒྱུའི་ཞལ་སྐྱེམས། |
| གསེར་ཕུར |
1.སྐར་མ་བརྟན་པ། 2.གསེར་གྱི་ཕུར་པའམ་གཟེར་བུ། |
| གསེར་བཅད |
(ཡུལ་སྐད།) ཐང་ག་འབྲི་སྐབས་ཚོན་གཞན་ལ་འཐེན་པའི་གསེར་གྱི་རི་མོའི་བཅད། |
| གསེར་བདུན་པ |
(མངོན་བརྗོད།) བུད་མེད་ཀྱི་སྐེད་ཆིངས། |
| གསེར་བཙོ་མ |
ལྷད་བཏོན་བཙོ་སྦྱངས་བྱས་པའི་གསེར། |
| གསེར་བཟང་དྲི་མེད |
1.གསེར་བཟང་པོ་དྲི་མ་མེད་པའམ་ལྷད་མ་འདྲེས་པའི་གསེར་ཡག་པོ། 2.སངས་རྒྱས་ཤིག་གི་མཚན། |
| གསེར་བཟོ་བ |
གསེར་རྡུང་བ་པོའམ་གསེར་མགར། མིང་གི་རྣམ་གྲངས་ལ་ཁུ་ཚུར་གྱིས་འཚོ། ཟླ་བས་འཇུག་གསེར་མཁན། གསེར་མགར། གསེར་ལས་པ་བཅས་སོ། ། |
| གསེར་བརྡུངས་མ |
ཡང་ཡང་བཞུ་བཏུལ་བྱས་པའི་གསེར། |
| གསེར་བྱེ |
1.རྒྱ་སྐད་དུ་ཧོང་ཅིན་ཧྲ་ཟེར་བའི་རྩི་ཤིང་རིགས་ཤིག་གི་ལོ་མའི་བྱེ་རྡུལ་སྨན་བྱེད་ཆོག་པ་ཞིག 2.གཏེར་ཁ་ནས་ཐོན་པའི་བྱེ་མའི་རིགས་ཤིག་ལ་ངོས་འཛིན་པའང་ཡོད། |
| གསེར་བྱེ་ནག་པོ |
སྔོ་ཞིག |
| གསེར་བྲིས |
གསེར་ཆུས་བྲིས་པའི་ཆོས་དཔེ་སྟེ། (དཔེར་ན།) རྡོ་རྗེ་གཅོད་པ་གསེར་བྲིས་མ་ཞེས་པ་ལྟ་བུ། |
| གསེར་མཁར |
རྒྱལ་པོའི་ཕོ་བྲང༌། |
| གསེར་མགར |
གསེར་རྡུང་བ་པོ། |
| གསེར་མངལ་ཅན |
(མངོན་བརྗོད།) གཏམ་རྒྱུད་དུ་འཇིག་རྟེན་འདི་ཐོག་མར་ཆགས་དུས་གསེར་གྱི་སྒོ་ངའམ་གསེར་དང་འདྲ་བའི་སྒོ་ངའི་ནང་ནས་ཚངས་པ་སྐྱེས་པའི་རྒྱུ་མཚན་གྱིས་དེ་ལྟར་ཟེར། |
| གསེར་མཆོག |
1.ཛམྦུའི་ཆུ་གསེར། 2.སངས་རྒྱས་ཤིག་གི་མཚན། |
| གསེར་མདུང |
1.གསེར་ལས་བཟོས་པའི་མདུང༌། 2.སྨིན་དབྲག་གི་དཀྱིལ་ནས་གཡས་སུ་ཚོན་གང་གཞལ་བ་དང༌། དེ་ནས་གྱེན་དུ་ཚོན་དོ་གཞལ་བའི་སྐྲ་མཚམས་སུ་ཡོད་པའི་ཁྲག་རྩ་ཞིག་དེ་གཏར་ན་མིག་ནད་དང༌། མིག་གི་རྫི་མ་བྱི་བ་སོགས་ལ་ཕན། |
| གསེར་མདོག |
1.རི་དྭགས་ཤིག 2.ཨ་རུ་རའི་ནང་གསེས་ཤིག 3.ཁ་དོག་གསེར་གྱི་མདོག་སྟེ། (དཔེར་ན།) གསེར་མདོག་སྐྲ། སྐུ་གསེར་མདོག་འདྲ་བ་ཞེས་པ་ལྟ་བུ། |
| གསེར་མིག |
(མངོན་བརྗོད།) 1>ཉའི་མིང༌། 2>འུག་པའི་མིང༌། |
| གསེར་མེ |
གསེར་གྱི་མེ་ཏོག་གི་བསྡུས་ཚིག |
| གསེར་ཚག |
གསེར་སྤྱད་ཀྱི་དཀྲོལ་ཚག་སྟེ། (དཔེར་ན།) དངུལ་གྱི་བུམ་པར་གསེར་ཚག་རྒྱག་པ་ཞེས་པ་ལྟ་བུ། |
| གསེར་ཞུན་མ |
1.གསེར་བཞུས་པའི་ཁུ་བ། 2.བཙོ་སྦྱངས་ཚར་བའི་གསེར། |
| གསེར་ཞོ |
ཐུར་སྲང་ལ་འདེགས་པའི་ཞོ་ཚད་དམ། གསེར་ཞོ་གང་གི་ལྗིད། |
| གསེར་ཟངས |
1.ཚ་གསེར་བཏང་བའི་ཟངས། 2.གསེར་དང་ཟངས་དམར། |
| གསེར་ཟིལ |
1.གསེར་གྱི་མདོག་གམ་གཟི་འོད། 2.རྡོ་སྨན་གྱི་རིགས་གསེར་མདོག་ཟིལ་འོད་འཕྲོ་ཞིང་དབྱིབས་རྒྱ་ཁབ་གཤིབ་པ་འདྲ་བ་ཞིག་ནུས་པས་རུས་ཆག་གསོ་ཞིང༌། རུས་མདོག་འབྱིན། |
| གསེར་འགྱུར |
ལྕགས་སོགས་གསེར་དུ་བསྒྱུར་ནས་གྱུར་པའི་དོན། (དཔེར་ན།) གསེར་འགྱུར་རྩི་ཞེས་པ་ལྟ་བུ། |
| གསེར་འདབ |
1.གསེར་ཟངས་ཀྱི་བྱ་འདབ་བམ་རྒྱ་ཕིབས། 2.གསེར་གྱི་འདབ་མ། |
| གསེར་འདབ་ཅན |
(མངོན་བརྗོད།) ནམ་མཁའ་ལྡིང༌། |
| གསེར་འཕྱང |
(མངོན་བརྗོད།) མེ་མོ་བྱ། |
| གསེར་འཕྲུ |
1.ཁང་པའི་རྩེ་ཐོག་གི་གསེར་རྒྱན། 2.གསེར་གྱི་ལྡེམ་འཕྲུ། |
| གསེར་འཕྲེང |
1.ལེགས་བཤད་གསེར་འཕྲེང་གི་བསྡུས་མིང༌། 2.གསེར་གྱི་འཕྲེང་བ། |
| གསེར་འབར |
(མངོན་བརྗོད།) 1>མེ། 2>མེ་ལྷ། |
| གསེར་འོ་མ |
(མངོན་བརྗོད།) ཨུ་དུམ་བཱ་ར། |
| གསེར་འོད |
1.གསེར་གྱི་བཀྲག་མདངས། 2.མདོ་སྡེ་གསེར་འོད་དམ་པ། |
| གསེར་འོད་ཅན |
1.གསེར་གྱི་མདོག་ལྟར་སེར་བའི་དངོས་པོ། 2.(མངོན་བརྗོད།) ནམ་མཁའི་གློག |
| གསེར་ཡིག |
1.གོང་མས་བཏང་བའི་བཀའ་ཡིག 2.འདས་གསོན་གྱི་མིང་བྱང་གསེར་བྲིས་མཆོད་མེར་སྲེག་རྒྱུའི་གསེར་ཡིག |
| གསེར་ཡིག་གསེར་ཐམ |
གོང་མས་མཆོད་གནས་བླ་མ་ལ་ཕུལ་བའི་གསེར་བྲིས་ཀྱི་བཀའ་རྒྱ་དང་གསེར་བཟོས་ཐམ་ག། |
| གསེར་ཡིག་པ |
1.གོང་མའི་དྲུང་ཡིག 2.གོང་མའི་བཀའ་ཡིག་སྐྱེལ་མི་བང་ཆེན། |
| གསེར་རི་བདུན |
གསེར་གྱི་རི་བདུན་དང་དོན་གཅིག |
| གསེར་རིལ་སྨྱུག་ཁྲོག |
སྔར་བོད་སྲིད་གཞུང་གི་དྲུང་ཡིག་ཆེན་མོ་དང༌། རྩིས་ཕྲུག་པ་སོགས་ཀྱིས་འདོགས་རྒྱུའི་སྣག་བུམ་དང་སྨྱུ་གུའི་ཤུབས་ཀྱི་མིང༌། |
| གསེར་རིས |
གསེར་གྱིས་བྲིས་པའི་རི་མོ། |
| གསེར་རྐོ་བ |
1.གསེར་སྔོག་མཁན། 2.གསེར་སྔོག་པའམ་གསེར་འདོན་པ། |
| གསེར་རྡོ |
རྡོ་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། དྲོད་སྙོམས། ནུས་པས་རུས་ཆག་གསོ། མིག་ལ་ཕན། མིང་གི་རྣམ་གྲངས་ལ་ཏ་བྱ་དང༌། ཏ་ཙ་ཡང་ཟེར། |
| གསེར་རྣ |
གསེར་གྱིས་བཟོས་པའི་རྣ་རྒྱན། |
| གསེར་ལག |
(མངོན་བརྗོད།) ཆུ་བོ་སི་ཏཱ། |
| གསེར་ལས་པ |
གསེར་རྡུང་བ་པོའམ་གསེར་མགར། |
| གསེར་ལྗང་བརྡུངས |
གསེར་རྐྱང་གིས་བཟོས་པའི་དངོས་སྤྱད། |
| གསེར་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས་ཏེ། བྱང་སེམས་ཚོགས་ལམ་འབྲིང་པོ་བའི་རྒྱུད་ཀྱི་རྒྱུན་གནས་པའི་བསམ་པ་དང་ལྡན་པའི་སེམས་བསྐྱེད་ནི། ཚེ་འདི་ཕྱི་ལ་ཕྱིན་དྲུག་གིས་བསྡུས་པའི་ཕན་བདེའི་བསམ་པ་བྱང་ཆུབ་ཀྱི་བར་དུ་མི་འགྱུར་བས་ན་གསེར་ལྟ་བུའོ། ། |
| གསེར་ལྡན |
(མངོན་བརྗོད།) 1>གཟའ་ལྷག་པ། 2>རྟ། 3>མེ། 4>མེ་ལྷ། 5>འབབ་ཆུ། |
| གསེར་ལྡན་གཞི |
(མངོན་བརྗོད།) ས་གཞི། |
| གསེར་ལྡན་མ |
(མངོན་བརྗོད།) 1>ས་གཞི། 2>འབབ་ཆུ། 3>སྟོན་གྱི་དུས། 4>གཟའ་ལྷག་པ། 5>ཆུ་བོ་གངྒཱ། 6>ལྷ་མོ་ཨུ་མ། |
| གསེར་ལྡེམ |
གསེར་གྱི་ལྡེམ་འཕྲུ་ཞེས་པ་སྔ་དུས་བླ་ཆེན་དཔོན་ཆེན་སོགས་ཀྱི་ཞྭ་མོའི་ཏོག |
| གསེར་ཤིང |
(མངོན་བརྗོད།) ཤིང་ཡོངས་འདུ་ས་བརྟོལ། |
| གསེར་ཤོག |
1.གསེར་མདོག་ཅན་གྱི་ཤོག་བུ། 2.གསེར་དང་རག་སྲབ་མོར་བརྡུངས་པའི་གསེར་ཤོག |
| གསེར་ས་ཕག |
ས་ཕག་གྲུ་བཞིའི་དབྱིབས་ལྟར་བཟོས་པའི་གསེར། |
| གསེར་ས་ལེ་སྦྲམ |
བསྲེགས་བཅད་བརྡར་གསུམ་གང་ཡང་མ་བྱས་པའི་གསེར་རང་བྱུང་རྡོག་རྡོག |
| གསེར་སྐུ |
གསེར་རྐྱང་མའམ། གསེར་ཟངས་ལས་བཟོས་པའི་ལྷའི་གཟུགས་བརྙན་ཏེ། (དཔེར་ན།) དཀོན་གཉེར་ཕྱི་བདར་མཁས་ན། གསེར་སྐུ་རག་ལ་བཏང་ཡོང༌། བླ་མ་ཟེར་ཡང་མི་རེད། གསེར་སྐུ་ཟེར་ཡང་རག་རེད། གསེར་སྐུ་རང་བྱོན་གྱིས་གསུང་མི་འབྱོན། ནག་པོ་འབྲུ་ཞིབ་ཀྱིས་ཁ་གྲགས། གསེར་སྐུ་ས་འོག་མནན་གྱུར་ཀྱང༌། བར་སྣང་མཐོངས་ལ་འོད་ལམ་འཆར། མཁས་པ་ཟུར་དུ་བཀར་གྱུར་ཀྱང༌། དགོས་དུས་ཕུད་མཆོད་བྱེད་དགོས་ཡོད་ཅེས་པ་ལྟ་བུ། |
| གསེར་སྐུད |
1.གསེར་གྱི་སྐུད་པ་སྟེ། (དཔེར་ན།) གསེར་སྐུད་ཡོད་པའི་གོས་ཆེན་ཞེས་པ་ལྟ་བུ།2.སྔོ་ཞིག |
| གསེར་སྐྱ |
དཀར་མདངས་ཅན་གྱི་གསེར། |
| གསེར་སྐྱེམས |
ལྷ་ལ་འབུལ་རྒྱུའི་བཏུང་བ་སྟེ། (དཔེར་ན།) གསེར་སྐྱེམས་འབུལ་བ་ཞེས་པ་ལྟ་བུ། |
| གསེར་སྒ |
ཚ་གསེར་བཏང་ཡོད་པའི་རྟ་སྒ། |
| གསེར་སྙན་རིན་པོ་ཆེ |
1.རྣ་བའི་ཞེ་ས། 2.མཆོག་ལ་འབུལ་རྒྱུའི་ཡི་གེའི་ཆེ་བསྟོད། |
| གསེར་སྟན |
མགར་བའི་འོག་རྡོ། |
| གསེར་སྟན་འོག་ཚ |
གསེར་མགར་གྱི་ལག་ཆ་ཞིག |
| གསེར་སྡོང |
1.དཔག་བསམ་ཤིང༌། 2.སྐུ་གདུང་བླུགས་པའི་མཆོད་རྟེན། གསེར་གྱི་ཕྱི་གཡོགས་ཅན། |
| གསེར་སྡོང་འཛམ་གླིང་རྒྱན་གཅིག |
རབ་བྱུང་བཅུ་གཉིས་པའི་ཆུ་སྤྲེལ་ལོ་ལ་འགོ་བཙུགས་ཏེ་ཤིང་ཁྱི་ལོ་ལ་གྲུབ་པའི་རྒྱལ་དབང་ལྔ་པའི་སྐུ་གདུང་མཆོད་རྟེན། |
| གསེར་སྦྲམ |
གསེར་གར་བུའམ། རྡོག་པོ་སྟེ་ལེབ་ལྕུག་སོགས། |
| གསེར་སྨར་རྐྱང |
གཞན་དག་མ་འདྲེས་པའི་གསེར་ཁེར་རྐྱང་མ། |
| གསེར་སྲང |
སྲང་གང་གི་ལྗིད་ཡོད་པའི་གསེར་ཏེ། (དཔེར་ན།) གསེར་སྲང་སུམ་ཅུ་ཞེས་པ་ལྟ་བུ། |
| གསེར་སྲབ |
གསེར་ཚག་ཕྲ་རྒྱན་ཅན་གྱི་རྟ་སྲབ། |
| གསེས |
1.གསེ་བའི་སྐུལ་ཚིག 2.སྡེ་ཚན་དང་ཆ་ཤས་ཏེ། (དཔེར་ན།) ནང་གསེས། མི་རིགས་ཀྱི་ནང་གསེས་ཞེས་པ་ལྟ་བུ། |
| གསེས་ཁྲ |
ཆ་བགོས་བྱས་པའི་ཐོ་ཡིག |
| གསེས་པ |
གསེ་བའི་འདས་པ། |
| གསོ |
(བྱེད་འབྲེལ་ལས་ཚིག) གསོས་ཀྱི་མ་འོངས་པ་དང་ད་ལྟ་བ། འཚོ་བའི་རྒྱུ་རྐྱེན་བསྒྲུབས་ནས་སྐྱོང་བའམ་འཚོ་བར་བྱེད་པའི་དོན་ཏེ། (དཔེར་ན།) རང་ཁ་རང་གསོ་ཞེས་པ་ལྟ་བུ། |
| གསོ་ཐབས |
1.ནད་པ་སོགས་གསོ་ཚུལ། 2.ཕྲུ་གུ་དང་བྱ་རི་དྭགས་སོགས་གསོ་བའི་ཐབས། |
| གསོ་ཐབས་ལག་ལེན་བཅོ་བརྒྱད |
སྨན་པས་ནད་པའི་ཁམས་མ་སྙོམས་པ་གསོ་ཞིང་ནད་ལས་གྲོལ་བའི་ཐབས་ལག་ལེན་གྱི་རིམ་པ་བཅོ་བརྒྱད་དེ། ཐང་དང༌། ཕྱེ་མ། རིལ་བུ། ལྡེ་གུ། སྨན་མར། སྣུམ་འཆོས། བཤལ། སྐྱུགས། སྣ་སྨན། འཇམ་རྩི། ནི་རུ་ཧ། རྩ་སྦྱོང༌། གཏར་ཁ། མེ་བཙའ། དུགས། ལུམས། བྱུགས་པ། ཐུར་དཔྱད་བཅས་དང་ལག་ལེན་ཉེར་གསུམ་སྡེ་ཚན་བཅོ་བརྒྱད་དུ་བསྡུ་ཚུལ་ནི་སྨན་ཆང་ཐང་གི་ཁོངས་དང༌། རིན་པོ་ཆེ་དང་ཁཎྜ་གཉིས་རིལ་བུའི་ཁོངས། སྔོ་སྦྱོར་དང་ཐལ་སྨན་གཉིས་ཕྱེ་མའི་ཁོངས་སུ་བསྡུ་བའོ། ། |
| གསོ་ཐིག |
སྐྱེ་བོ་གསོ་ཐིག་གི་བསྡུས་མིང༌། |
| གསོ་དཔེ་ལ |
ལ་ཞིག་སྟེ། བོད་ཀྱི་སྤོ་བོ་ཡིད་འོང་གི་ལྷོ་ངོས་ན་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་4906 ཡོད། |
| གསོ་དཔྱད |
1.སྨན་བཅོས་ཀྱི་སྒོ་ནས་ནད་གསོ་བའི་ཐབས་ཀྱི་མིང་། 2.སོར་ཆུད་པར་བྱས་པའི་དོན་ཏེ། (དཔེར་ན།) ངལ་གསོ། ངལ་གསོས། སླར་གསོ། སླར་གསོས་ལྟ་བུ། 3.མེའི་རྒྱུན་བཞག་པའི་དོན་ཏེ། (དཔེར་ན།) མེ་གསོ། མེ་གསོས་ལྟ་བུ། |
| གསོ་དཔྱད་པ |
སྨན་པའམ། ཨེམ་ཆི། |
| གསོ་བ |
1.(བྱེད་འབྲེལ་ལས་ཚིག) འཚོ་བ་དང་སྐྱེད་པ་ཕྲུ་གུ་གསོ་བ་སྟེ། (དཔེར་ན།) ལུག་གསོ་བ། ནད་གསོ་བ། རྟ་གསོ་མཚོན་རྡར། མེ་ཁ་གསོ་བ། གཅོང་གཞི་གསོར་མི་རུང་བ། རང་ཁ་རང་གསོ་ཞེས་པ་ལྟ་བུ། 2.ཉམས་པ་རྣམས་ཡང་བསྐྱར་འཕེལ་བར་བྱེད་པ་སྟེ། (དཔེར་ན།) གྲངས་ཀ་མ་ཚང་བ་རྣམས་ཁ་གསོ་བྱེད་པ། སེམས་གསོ་ཞེས་པ་ལྟ་བུ། 4.(མངོན་བརྗོད།) སྐྱེ་བོ། |
| གསོ་བ་པོ |
1.ཟས་གོས་ཀྱིས་གསོ་སྐྱོང་བྱེད་མཁན། 2.སྨན་པ། |
| གསོ་བ་རིག་པ |
རིག་པའི་གནས་ཆེན་ལྔའི་ཡ་གྱལ་ཏེ། ལུས་སྲོག་གསོ་བར་བྱེད་པའི་རིག་པ་གསོ་བྱ་དང༌། གསོ་བྱེད། གསོ་ཚུལ། གསོ་མཁན་བཅས་ཀྱི་རྣམ་གཞག་སྟོན་པའི་རིག་གནས་སོ། ། |
| གསོ་བ་རིག་པའི་བསྟན་བཅོས |
སྔོན་བྱོན་མཁས་པས་མཛད་པའི་སྨན་གྱི་གཞུང་ལུགས་ཏེ། འཕགས་ཡུལ་གྱི་སློབ་དཔོན་ཆེན་པོ་དཔའ་བོས་མཛད་པའི་ཡན་ལག་བརྒྱད་པའི་སྙིང་པོ་བསྡུས་པ་དང་བོད་ཀྱི་མཁས་པ་ཆེན་པོ་གཡུ་ཐོག་ཡོན་ཏན་མགོན་པོས་མཛད་པའི་དཔལ་ལྡན་རྒྱུད་བཞི་ལྟ་བུའོ། ། |
| གསོ་བའི་ལྷ་མོ |
1.སྐར་མ་ནམ་གྲུའི་མིང༌། 2.སྨན་གྱི་སྲུང་མ་མོ་རིགས། |
| གསོ་བྱེད |
(མངོན་བརྗོད།) 1>ལུས་གསོ་ཞིང་ནད་ཞི་བར་བྱེད་པ་པོ་སྨན་པའི་མིང་གཞན་ཞིག 2>ཁྱི། 3>ཁྱིམ་བྱ། 4>སྨན། |
| གསོ་མ |
1.ཞིང་ལ་བཏབ་པའི་རྩི་ཤིང་ཞིག་སྡོང་བུའི་ཤུན་པའི་མིང་ལའང་གསོ་མ་ཟེར་ཞིང་། ཐག་པ་བསྒྲིག་བ་དང་། སྐུད་པ་འཁེལ་བ། རས་འཐག་པ་སོགས་ཀྱི་རྒྱུ་བཟང་བོ་ཞིག་ཡིན། འདི་ལ་རིགས་ཤིན་ཏུ་མང་། 2.མ་མའམ་མ་ཚབ། |
| གསོ་མཁན |
1.ཟས་གོས་ཀྱིས་ལུས་གསོ་བ་པོ། 2.སྨན་བཅོས་ཀྱིས་ནད་གསོ་བ་པོ། |
| གསོ་རས |
1.བཅོས་མའི་རས། 2.སོ་མ་རཱ་ཛཱའི་རས། |
| གསོ་རིག |
གསོ་བ་རིག་པའི་བསྡུས་ཚིག |
| གསོ་རིག་ཁོག་དབུབ་དྲང་སྲོང་རྒྱས་པའི་དགའ་སྟོན |
དུས་རབས་བཅུ་བདུན་པའི་ནང་སྡེ་སྲིད་སངས་རྒྱས་རྒྱ་མཚོས་མཛད་པའི་འཕགས་ཡུལ་དང་བོད་དུ་གསོ་རིག་ཇི་ལྟར་དར་བའི་ཚུལ་དང༌། བྱང་ཟུར་ལུགས་གཉིས་སོགས་གསལ་བར་བཀོད་པའི་སྨན་གྱི་ཆོས་འབྱུང་རྒྱས་པ་ཞིག |
| གསོ་རིག་ཁོག་ཕུབ་པད་དཀར་བཞད་པའི་ཉིན་བྱེད |
བྱང་སྨད་པ་བསོད་ནམས་ཡེ་ཤེས་རྒྱལ་མཚན་གྱིས་བརྩམས་པའི་གསོ་བ་རིག་པའི་ཆོས་འབྱུང་ཞིག |
| གསོ་རིག་ཉེར་མཁོའི་དོན་གསལ |
རབ་བྱུང་བཅུ་གཉིས་པའི་ནང་དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་གསོ་བ་རིག་པའི་སྐོར་གྱི་ཉེ་བར་མཁོ་བའི་བརྡ་དང༌། མིང་གི་མངོན་བརྗོད་སོགས་ཀྱི་དོན་གསལ་བར་བཀྲོལ་བའི་སྨན་གྱི་བསྟན་བཅོས་ཤིག |
| གསོ་རིག་པ |
གསོ་བ་རིག་པའི་ལག་ལེན་གྱི་ཉམས་མྱོང་དང་གཞུང་ལུགས་ཀྱི་ཤེས་ཡོན་ངེས་ཅན་ཡོད་པའི་མི། |
| གསོ་སྐྱེད་ལེན་པོ |
གཟུགས་པོའི་ཤ་ཤེད་འཕེལ་བ་སྟེ། (དཔེར་ན།) རྟ་འདི་གསོ་སྐྱེད་ལེན་པོ་འདུག་ཅེས་པ་ལྟ་བུ། |
| གསོ་སྐྱོང |
1.བུ་དང་ནོར་ཕྱུགས་སོགས་འཚོ་སྐྱོང་བྱེད་ཐབས་ཏེ། (དཔེར་ན།) བུ་ཕྲུག་གསོ་སྐྱོང་བྱེད་པ། ནོར་ཕྱུགས་གསོ་སྐྱོང་བྱེད་པ། གསོ་སྐྱོང་ཕ་མས་བྱས་ཀྱང༌། ལུས་སྲོག་དཔོན་ལ་བདག་ཅེས་པ་ལྟ་བུ། 2.འགོ་འཛིན་རོགས་རམ་གྱི་ཐབས་ཏེ། (དཔེར་ན།) མི་རིགས་ཀྱི་ལས་བྱེད་པ་གསོ་སྐྱོང་བྱེད་ཅེས་པ་ལྟ་བུ། |
| གསོ་སྤྱད |
ཨེམ་ཆིའི་སྨན་བཅོས་ཡོ་བྱད། |
| གསོ་སྦྱོང |
1.སྐྱེད་སྲིང་དང་སྦྱོང་བརྡར། 2.ཟླ་དུས་ཚེས་གྲངས་ངེས་ཅན་ཞིག་ལ་དགེ་ཚུལ་སློང་གིས་ལྟུང་བཤགས་སྡོམ་བྱེད་དམ། ཁྱིམ་པས་སྡོམ་པ་བསྲུངས་ཏེ་དགེ་གསོ་སྡིག་སྦྱོང་བྱེད་པའི་ཆོ་ག། |
| གསོ་སྦྱོང་གསུམ |
དུས་འབྲེལ་གསོ་སྦྱོང་དང༌། བཀྲ་ཤིས་གསོ་སྦྱོང༌། གནོད་ཟློག་གསོ་སྦྱོང་སྟེ་གསུམ། |
| གསོ་སྦྱོང་གི་ཆོ་ག |
དགེ་ཚུལ་སློང་གིས་ཉེས་ལྟུང་བཤགས་པའི་ཆོ་ག་དང༌། ཐེག་ཆེན་གསོ་སྦྱོང་ལེན་པའི་ཆོ་ག། |
| གསོ་སྦྱོང་དྲུག |
བཅུ་བཞི་པའི་གསོ་སྦྱོང༌། བཅོ་ལྔ་པའི་གསོ་སྦྱོང༌། གནོད་པ་ཞི་བའི་གསོ་སྦྱོང༌། མཐུན་པའི་གསོ་སྦྱོང༌། བཀྲ་ཤིས་པའི་གསོ་སྦྱོང༌། ཞི་གནས་ཀྱི་གསོ་སྦྱོང་རྣམས་སོ། ། |
| གསོ་སྦྱོང་བཅུ་བཞི་པ |
མཐུན་པའི་གསོ་སྦྱོང་ལས་དུས་ངེས་པའི་གསོ་སྦྱོང་གི་ནང་གསེས་ཤིག་རྒྱལ་དང༌། དབོ་དང༌། ས་ག་དང༌། ཆུ་སྟོད་དང༌། ཁྲུམས་སྨད། སྨིན་དྲུག་བཅས་ཀྱི་ཟླ་བའི་མར་ངོའི་ཉིན་ཞག་བཅུ་བཞི་པ་ལ་གསོ་སྦྱོང་ཞག་མི་ཐུབ་པ་བྱ་བའོ། ། |
| གསོ་སྦྱོང་བཅོ་ལྔ་པ |
མཐུན་པའི་གསོ་སྦྱོང་ལས་དུས་ངེས་པའི་གསོ་སྦྱོང་གི་ནང་གསེས་ཏེ། ལོ་སྐོར་ཟླ་བ་བཅུ་གཉིས་ཀྱི་ཡར་ངོ་དང༌། མགོ་དང༌། མཆུ་དང༌། ནག་པ་དང༌། སྣྲོན་དང༌། གྲོ་ཞུན་དང༌། ཐ་སྐར་ཏེ་ཟླ་བ་དྲུག་གི་མར་ངོ་བཅས་བཅོ་བརྒྱད་པོ་ལ་གསོ་སྦྱོང་བྱེད་པའོ། ། |
| གསོ་སྦྱོང་བཞག་པ |
འདུལ་བའི་ཕྱག་ལེན་ཞིག་ལྟུང་བ་གླེང་ཀྱང་སྐབས་མི་འབྱེད་མཉན་པར་མི་བྱེད་པའི་གང་ཟག་ལ། དགེ་འདུན་དང་ལྷན་ཅིག་ཏུ་གསོ་སྦྱོང་བྱེད་དུ་མི་འཇུག་པའོ། ། |
| གསོ་སྦྱོང་བཞག་པའི་གཞི |
འདུལ་བ་གཞི་བཅུ་བདུན་གྱི་ནང་གསེས་གདམས་ངག་གསོ་སྦྱོང་བཞག་པའི་གཞི་ལྟུང་བ་གླེང་བའི་སྐབས་མི་འབྱེད་པ་ལ་གདམས་ངག་བཞག་པ་དང༌། གསོ་སྦྱོང་བཞག་པ། དགག་དབྱེ་བཞག་པར་བྱེད་པའོ། ། |
| གསོ་སྦྱོང་འཕགས |
རྒྱ་གར་གྱི་གནའ་རབས་རྒྱལ་པོ་ཞིག |
| གསོ་སྨན |
ནད་གསོ་བྱེད་ཀྱི་སྨན། |
| གསོག |
1.བསོགས་པའི་ད་ལྟ་བ་སྟེ། (དཔེར་ན།) ཉེས་པ་གསོག་མཁན། འབྲུ་རིགས་གསོག་གིན་ཡོད་ཅེས་པ་ལྟ་བུ།2.གསག་གི་ད་ལྟ་བ། 3.གསོག་པོ་ལ་ལྟོས། |
| གསོག་ཁྲ |
རྒྱུ་ནོར་གསོག་སྒྲུབ་ཀྱི་ཐོ་ཡིག |
| གསོག་གྲུན |
(བརྡ་རྙིང་།) རྒྱུ་ནོར་སོགས་འཇོག་པ། |
| གསོག་པ |
(བྱེད་འབྲེལ་ལས་ཚིག) བསོགས་པའི་ད་ལྟ་བའི་བྱ་མིང་། |
| གསོག་པོ |
(རྒྱན་ཚིག) སྙིང་བོ་མེད་པའམ་བདེན་པ་མ་ཡིན་པའི་དོན་ཏེ། (དཔེར་ན།) མི་གསོག་པོ། ཚིག་གསོག་པོ་ཞེས་པ་ལྟ་བུ། ཚིག་བསྡུས་ན་གསོག་ཅེས་འབྲི་ཆོག་སྟེ། (དཔེར་ན།) གསོག་གསོབ། གསོག་རྫུ་ཞེས་པ་ལྟ་བུ། |
| གསོག་བརྫུས |
སྙིང་མེད་བརྫུས་མའི་དངོས་པོ་སྟེ། (དཔེར་ན།) བྱས་རྗེས་གསོག་བརྫུས་ཞེས་པ་ལྟ་བུ། |
| གསོག་བྲུབ |
སྡེབ་གཅིག་ཏུ་རུབ་ནས་འཇོག་པ་སྟེ། (དཔེར་ན།) ཉམས་མྱོང་གསོག་བྲུབ་ཅེས་པ་ལྟ་བུ། |
| གསོག་འཇོག |
རྒྱུ་ནོར་སོགས་གསོག་ཅིང་འཇོག་པ་སྟེ། (དཔེར་ན།) དངུལ་གསོག་འཇོག་བྱེད་པ་ཞེས་པ་ལྟ་བུ། |
| གསོག་འཇོག |
ཉར་ཚགས་བྱ་བའི་མིང་སྟེ། (དཔེར་ན།) མི་དམངས་དངུལ་ཁང་དུ་སྒོར་མོ་གསོག་འཇོག་བྱས། སྟོན་ཁ་འབྲུ་རིགས་གསོག་འཇོག་བྱས་ལྟ་བུ། |
| གསོག་འཇོག་གི་སྤང་བ |
སྤང་ལྟུང་སུམ་ཅུའི་ནང་གསེས། སྨན་གསུམ་པོ་གང་རུང་དུ་དུས་ལས་འདས་པར་བཅངས་པའོ། ། |
| གསོག་འཇོག་བྱས་པ་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྨན་གསུམ་གང་རུང་ལོངས་སྤྱད་པའི་ལྷག་མ་རང་དུས་ལས་འདས་པར་གསོག་འཇོག་བྱས་ནས་ལོངས་སྤྱོད་པའོ། ། |
| གསོག་རུན |
(བརྡ་རྙིང་།) རྒྱུ་ནོར་སོགས་གསོག་ཅིང་འཇོག་པ་སྟེ། (དཔེར་ན།) དུས་རྟག་ཏུ་གསོག་རུན་བྱེད་པར་བརྩོན། |
| གསོག་རུམ |
ཕྱོགས་སྡུད་བྱས་ནས་མཉམ་དུ་རུབ་པ་སྟེ། (དཔེར་ན།) རི་སྐྱེས་སྨན་རིགས་གསོག་རུམ་བྱེད་ཅེས་པ་ལྟ་བུ། |
| གསོག་རུམ |
རྒྱུ་རྫས་སོགས་ཉུང་ངུ་ལས་མང་དུ་སྤེལ་བའི་བྱ་བའི་མིང་སྟེ། (དཔེར་ན།) ཀ་ཅའི་གསོག་རུམ་ཞེས་པ་ལྟ་བུ། |
| གསོག་རྒྱོང |
གསོག་གསོབ་ཁོག་སྟོང་རྫས་ཀྱིས་རྒྱོང་བ་སྟེ། (དཔེར་ན།) མགོ་སྔས་གླ་སྤུས་གསོག་རྒྱོང་བྱེད་པ། ཁོག་པ་གསོག་རྒྱོང༌ཞེས་པ་ལྟ་བུ། |
| གསོག་ལྡང |
ནད་ལྐོག་གྱུར་དུ་གསོག་ཅིང་མངོན་གྱུར་དུ་ལྡང་བར་བྱེད་པ། |
| གསོག་ལྡང་ཞི་གསུམ |
ནད་དང་པོ་མི་མངོན་པ། བར་དུ་ཕྱིར་ལང་བ། ཐ་མར་དྲག་པ་སྟེ་གསུམ། |
| གསོག་སྒྲུབ |
བཙལ་འཚོལ་གྱིས་སྡུད་པ། |
| གསོགས |
1.བསོགས་ཀྱི་སྐུལ་ཚིག་སྟེ། (དཔེར་ན།) སྤྱི་ལ་རྒྱུ་ནོར་གསོགས་ཤིག་ལྟ་བུ། 2.གསག་གི་སྐུལ་ཚིག་གི་འབྲུ་ཚུལ་གཞན། 3.གསེག་གི་སྐུལ་ཚིག |
| གསོང |
གསང་གི་ད་ལྟ་བ་སྟེ། (དཔེར་ན།) དམག་དོན་གསོང་མཁན། གསོང་བྱེད་ཅེས་པ་ལྟ་བུ། |
| གསོང་པོ |
དྲང་པོ་དང་བདེན་པ་སྟེ། (དཔེར་ན།) སྐད་ཆ་གསོང་པོར་སྨྲ་བ། སེམས་གསོང་པོ་ཞེས་པ་ལྟ་བུ། |
| གསོང་བོ |
སྲོང་བོ་དང་འདྲ། |
| གསོང་ལྡོང |
བཙོག་ཆུ་འགྲོ་བའི་ཝ་ཁ། |
| གསོངས |
གསང་བའི་སྐུལ་ཚིག་སྟེ། (དཔེར་ན།) དམག་དོན་དགྲ་ལ་གསོངས་ཤིག་ལྟ་བུ། |
| གསོད |
བསད་པའི་ད་ལྟ་བ་སྟེ། (དཔེར་ན།) སྤྱང་ཀི་གསོད་མཁན། གསོད་ཀྱིན་ཡོད་ཅེས་པ་ལྟ་བུ། |
| གསོད་གཅོད |
གསོད་པ་དང་ཡན་ལག་སོགས་གཅོད་པའི་སྡུད་ཚིག |
| གསོད་པ |
(བྱེད་འབྲེལ་ལས་ཚིག) བསད་པའི་ད་ལྟ་བའི་བྱ་མིང་། |
| གསོད་པ་གསུམ |
དགེ་ཚུལ་གྱི་བསླབ་བྱ་བླངས་འདས་སོ་གསུམ་གྱི་ནང་གསེས་ཏེ། སྲོག་གཅོད་ཀྱི་ཆར་གཏོགས་དུད་འགྲོ་གསོད་པ་དང༌། སྲོག་ཆགས་དང་བཅས་པའི་རྩྭ་ཆུར་འདེབས་པ་དང༌། སྲོག་ཆགས་དང་བཅས་པའི་ཆུར་སྤྱོད་པ་བཅས་གསུམ་མོ། ། |
| གསོད་བདག་བུ |
(མངོན་བརྗོད།) སྲིན་པོ། |
| གསོད་བདག་སྐྱེས |
(མངོན་བརྗོད།) 1>གཤིན་རྗེ། 2>དབང་ཕྱུག་ཆེན་པོ། 3>བདུད་དགའ་རབ་དབང་ཕྱུག 4>སྲིན་པོའི་རྒྱལ་པོ། |
| གསོད་བྱེད |
(མངོན་བརྗོད།) གཤིན་རྗེ། |
| གསོད་མ |
(མངོན་བརྗོད།) ལྷ་མོ་ཨུ་མ། |
| གསོད་རྟགས |
1.གསོད་རྒྱུར་ཐག་ཆོད་པའི་རྟགས། 2.མཚོན་ཆ་ཞིག་གི་མིང༌། |
| གསོད་རྟགས་མེ་ཏོག |
སྔར་རྒྱ་གར་གྱི་ལུགས་ལ་ཉེས་ཅན་གསོད་པའི་རྟགས་སུ་མགོ་ལ་འཆིང་བའི་མེ་ཏོག་དམར་པོ་ཞིག་ལེགས་སྦྱར་སྐད་ལ་ཀ་ར་ཝཱི་ར་དང༌། བོད་སྐད་ལ་རེའུ་ལྕག་པ་ཟེར། |
| གསོན |
1.(བྱེད་མེད་ལས་ཚིག) ཚེ་སྲོག་གནས་པའི་དོན་ཏེ། (དཔེར་ན།) ཚེ་གསོན་པའི་དགོས་པ་ནི་མི་དམངས་ལ་ཞབས་འདེགས་ཞུ་བ་དེ་ཡིན་ལྟ་བུ། 2.(བྱེད་འབྲེལ་ལས་ཚིག) གསན་པའི་ད་ལྟ་བ་དང་སྐུལ་ཚིག ཉན་པའི་ཞེ་ས་སྟེ། (དཔེར་ན།) གླུ་དབྱངས་ལ་གསོན་ཅིག་ཅེས་པ་ལྟ་བུ། |
| གསོན་གཤིན |
གསོན་པོ་དང་གཤིན་པོའི་ཚིག་བསྡུས། |
| གསོན་པ |
(བྱེད་འབྲེལ་ལས་ཚིག) ཚེ་སྲོག་གནས་པའི་དོན། |
| གསོན་པོ |
1.མི་དང་སྲོག་ཆགས་ཀྱི་ཚེ་སྲོག་གནས་པའི་དོན་ཏེ། (དཔེར་ན།) དགྲ་ཡ་གསོན་པོར་བཟུང་། སྤྱང་ཀི་གསོན་པོར་བཟུང་ལྟ་བུ། 2.སྐྱེ་དངོས་རིགས་ཀྱི་སྐྱེ་ནུས་ཉམས་མེད་པའི་དོན་ཏེ། (དཔེར་ན།) ལུས་ཀྱི་ཤ་གསོན་པོ་ཞེས་པ་ལྟ་བུ། 3.འཛའ་ཡི་ད་ལྟ་བར་གསོན་འབྲི་བའང་ཡོད། |
| གསོན་བཟུང |
མ་བསད་པར་གསོན་པོར་བཟུང་བ་སྟེ། (དཔེར་ན།) དགྲ་བོ་གསོན་བཟུང་བྱེད་ཅེས་པ་ལྟ་བུ། |
| གསོན་བསྐྱུར |
སྔ་དུས་མི་གསོན་པོར་ཆུའམ་གཡང་དུ་བསྐྱུར་བའི་ཁྲིམས་ལུགས་ངན་པ་ཞིག |
| གསོན་བྲལ |
མ་ཤི་བར་ཁ་གྱེས་པ་སྟེ། (དཔེར་ན།) གསོན་བྲལ་བྱས་པ་ཡི་རེ་མུག་ཅེས་པ་ལྟ་བུ། |
| གསོན་འདྲེ |
གཟུགས་ཅན་གྱི་གནོད་འདྲེ་མི་གསོན་པོ་ཕོ་མོ། |
| གསོན་འདྲེ་མ |
བུད་མེད་ལ་སྨོད་པའི་ཚིག |
| གསོན་སྟོང |
སྔར་བོད་ཀྱི་ཁྲིམས་ཡིག་རྙིང་པའི་ནང་གི་ཁྲིམས་ལུགས་ཤིག་གསོད་སེམས་བྱེད་མིས་ཕ་རོལ་པོ་གསོད་གྲབས་བྱེད་པའི་སྔོན་དུ་གསད་བྱའི་མི་དེས་ཁྲིམས་ལ་གཏུགས་ཏེ་གསོད་སེམས་བྱེད་མིའི་ལག་ནས་ལེན་པའི་འཇལ། |
| གསོན་སྦེད |
མི་དང་སྲོག་ཆགས་གསོན་པོ་ས་དོང་དུ་སྦེད་པའི་ཁྲིམས་སྲོལ་ངན་པ་ཞིག |
| གསོན་སྦྱང |
གསོན་པོ་རྣམས་ཀྱི་སྡིག་སྒྲིབ་སྦྱོང་བའི་ཆོ་ག། |
| གསོབ |
1.ཁོང་སྟོང་བ་བྱས་ནས་བཟོས་པའི་མི་ཕྱུགས་སོགས་ཀྱི་འདྲ་གཟུགས་ཀྱི་མིང་སྟེ། (དཔེར་ན།) གསོབ་གཟུགས་ཞེས་པ་ལྟ་བུ། 2.སྙིང་བོ་མེད་པའི་དོན་ཏེ། (དཔེར་ན།) གསོག་གསོབ་ཅེས་པ་ལྟ་བུ། 3.བསབ་ཀྱི་ད་ལྟ་བའི་འབྲི་ཚུལ་གཞན། |
| གསོབ་པ |
(བྱེད་འབྲེལ་ལས་ཚིག) འཇལ་བའམ་ཚབ་སྤྲོད་པའི་དོན་ཏེ། (དཔེར་ན།) བུ་ལོན་གསོབ་ཅེས་པ་ལྟ་བུ། |
| གསོབ་ཕྱུར |
(ཡུལ་སྐད།) ཕྱུར་བ་གསོབ་གསོབ། |
| གསོབ་ཚིག |
རྫུན་གྱི་ཚིག |
| གསོབ་སྨན |
1.སྨན་གསོབ་གསོབ། 2.གསོབ་བྱེད་ཀྱི་སྨན། |
| གསོམ |
མདོང་མོ་བཟོ་བྱེད་ཀྱི་ཐང་ཤིང་གི་རིགས་ཤིག མིང་གི་རྣམ་གྲངས་ལ་བཅུད་འཛིན་དང་ཐང་ཤིང་ངོ་། ། |
| གསོམ་པ |
དུས་བཞིར་སྔོ་བའི་ཐང་ཤིང་གི་རིགས་ཀྱི་ཤིང་སྡོང་ཞིང་རིགས་མང་བོ་ཡོད། ལོ་མ་ཁབ་དབྱིབས་ཅན་སྡོང་ཤིང་དྲང་ལ་ཤིང་རིང་བོ་སྐྱེས་པས་ཁང་བའི་ཀ་གདུང་དང་སྒམ་བཟོ་བ་སོགས་ལ་བཀོལ་ས་ཧ་ཅང་མང་བ་ཞིག་ཡིན། ཚིག་བསྡུས་ན་གསོམ་ཞེས་འབྲི་ཆོག་སྟེ། (དཔེར་ན།) གསོམ་སྡོང་། གསོམ་ཤིང་། གསོམ་པ་དང་ཤུག་པ་ལ་གསོམ་ཤུག་ཟེར་བ་ལྟ་བུ། |
| གསོམ་ཤིང |
ཐང་ཤིང༌། |
| གསོམ་སེང་ལྡེང |
སེང་ལྡེང་རིགས་གསུམ་གྱི་ནང་ཚན་མདོག་སྐྱ་ལ་གསོམ་དང་འདྲ་བ་ཞིག |
| གསོར |
1.(བྱེད་འབྲེལ་ལས་ཚིག) བསར་གྱི་ད་ལྟ་བ་དང་སྐུལ་ཚིག ལག་པས་སྟ་རེ་དང་ཟོར་བ་སོགས་བསྐོར་བའི་དོན་ཏེ། (དཔེར་ན།) ཞིང་པས་ཟོར་བ་གསོར་བཞིན་ཞིང་བྲེགས། བཟོ་པས་ཐོ་བ་གསོར་བཞིན་གཏེར་ཁ་བརྐོས། ལག་གི་ཟོར་བ་གསོར་ཅིག་ལྟ་བུ། 2. བསྐོར་ནས་བུ་ག་འབིགས་བྱེད་ཀྱི་ཡོ་བྱད་ཅིག་གི་མིང་སྟེ། གསོར་འབིགས་ཀྱང་ཟེར། |
| གསོར་བྱེད་འཕྲུལ་འཁོར |
ས་ལ་ཁུང་བུ་གཏིང་རིང་བོ་ཕུག་ནས་གཏེར་རྫས་འཚོལ་བྱེད་ཀྱི་འཕྲུལ་འཁོར་ཞིག |
| གསོར་ལྡེམ |
སྔོ་སྨན་གྱི་རིགས་ཤིག་རོ་མངར་ལ་བསྐ། ཞུ་རྗེས་བསིལ། ནུས་པས་མེས་ཚིག་པའི་རྨ་ལ་ཕན། |
| གསོལ |
(བྱེད་འབྲེལ་ལས་ཚིག) 1.བཟའ་བཏུང་སོགས་ལོངས་སུ་སྤྱད་པ་དང་ལྭ་བ་སོགས་གྱོན་པའི་ཞེ་ས་སྟེ། (དཔེར་ན།) ཇ་གསོལ(ཇ་འཐུང)ཀ་ར་གསོལ(ཀ་ར་ཟོ)སྐུ་ལ་དམག་ཆས་གསོལ(ལུས་ལ་དམག་ཆས་གྱོན)ལྟ་བུ། 2.ལས་ཚིག་ལ་ལའི་མཐར་སྦྱར་ན་རང་གི་རེ་འདུན་བསྒྲུབ་པ་གཞན་ལ་ཞུ་བ་བྱས་པའི་དོན་ཏེ། (དཔེར་ན།) ནད་པ་འདི་ལ་སྨན་དཔྱད་མཛད་པར་གསོལ། སློབ་ཁྲིད་གནང་དུ་གསོལ་ལྟ་བུ། 3.ཞུ་བའམ་བཤད་པའི་དོན་ཏེ། (དཔེར་ན།) བདག་གིས་དགེ་རྒན་ཁྱེད་ལ་འདི་སྐད་གསོལ་ཞེས་པ་ལྟ་བུ། 4.གསོལ་བ་སྟེ་ཁ་ཟས་ཀྱི་ཞེ་ས་ལ་འཇུག་པ་ནི། (དཔེར་ན།) གསོལ་ཇ་ཞེས་པ་ལྟ་བུ། |
| གསོལ་ཁ |
1.ལྷ་མཆོད་པ། 2.བསྐང་གསོ། |
| གསོལ་ཁ་ཁང |
1.གསོལ་ཁ་ཞུ་སའི་རྒྱལ་ཁང༌། 2.མགོན་ཁང་ངམ་སྲུང་མ་ཁང༌། |
| གསོལ་ཁ་བ |
1.ཆོས་སྐྱོང་གི་མགོན་པོ་བ། 2.བླ་མའི་གསོལ་དཔོན། |
| གསོལ་ཁང |
1.སྟོན་མོ་གཏོང་སའི་མགྲོན་ཁང༌། 2.མེ་ཁང་ངམ་ཐབ་ཚང༌། |
| གསོལ་གཟིམས་མཆོད་གསུམ |
བླ་ཆེན་ཚོའི་ཞབས་འབྲིང་པ་སྟེ། གསོལ་དཔོན། གཟིམས་དཔོན། མཆོད་དཔོན་གསུམ་གྱི་བསྡུས་མིང༌། |
| གསོལ་གྲོད |
གྲོད་ཁོག་གི་ཞེ་ས་སྟེ། (དཔེར་ན།) སྔ་དྲོ་ཤ་རྗེན་མ་བཟས་ན། ཕྱི་དྲོ་གསོལ་གྲོད་སྙུང་དོན་མེད་ཅེས་པ་ལྟ་བུ། |
| གསོལ་ངན |
དུག་སྦྱར་བའི་ལྟོ་ཆས། |
| གསོལ་ཆེན |
གསོལ་དཔོན་ཆེན་མོ། |
| གསོལ་དཔོན |
གསོལ་ཆས་འབུལ་འདྲེན་བྱེད་མི། |
| གསོལ་དོད |
ཞལ་ལག་འབུལ་རྒྱུའི་འགྲོ་སོང་དོད་དངུལ། |
| གསོལ་ཕྱུགས་ཁང |
(ཡུལ་སྐད།) འབྲི་མཛོ་བ་ཕྱུགས་སོགས་སྡོད་གནས་ཀྱི་ཞེ་ས། |
| གསོལ་བ |
1.(བྱེད་འབྲེལ་ལས་ཚིག) ཞུ་བའམ་བཤད་པའི་དོན་ཏེ། (དཔེར་ན།) གསོལ་བ་འདེབས་ཞེས་པ་ལྟ་བུ། 2.མིང་རྐྱང་འགའ་ཞིག་གི་ཐོག་མར་སྦྱར་ཚེ་ཞེ་སའམ་ཆེ་བརྗོད་ཀྱི་དོན། (དཔེར་ན།) གསོལ་ཚིགས། གསོལ་ཇ། གསོལ་ཀྲུམ། གསོལ་སྤྲོ། གསོལ་ཅོག གསོལ་ལྟིར། གསོལ་ཐབ། གསོལ་མདོང༌། གསོལ་ཕོགས། གསོལ་མར། གསོལ་ཞོ། གསོལ་འོ། གསོལ་ཞིབ་ཅེས་པ་ལྟ་བུ།3.བཞེས་པ་དང་འབུལ་བའི་དོན་ཏེ། (དཔེར་ན།) ཁྲི་ལ་མངའ་གསོལ་ཞེས་པ་ལྟ་བུ། |
| གསོལ་བ་གཅིག་པ |
གསོལ་བ་ཞུ་བ་ལན་གཅིག |
| གསོལ་བ་དང་གཉིས |
གསོལ་བ་དང་གཉིས་ཀྱི་ལས་ལ་ལྟོས། |
| གསོལ་བ་དང་གཉིས་ཀྱི་ལས |
འདུལ་བ་ལས་བཤད་པའི་གནས་དང་བློ་མཐུན་པར་བྱ་བ་དང༌། དགེ་སློང་མའི་སྡོམ་པ་འབོག་པ་སོགས་སུ་གསོལ་བ་ཚར་གཅིག་དང༌། ལས་དངོས་ཚར་གཅིག་བཅས་རྣམ་གྲངས་གཉིས་སུ་འབྱུང་བས་གསོལ་གཉིས་ལས་ཞེས་བྱའོ། ། |
| གསོལ་བ་དང་བཞིའི་ལས |
བསྙེན་རྫོགས་བསྒྲུབ་པ་སོགས་ལ། གསོལ་བ་ལན་གཅིག་དང་ལས་དངོས་ཚར་གསུམ་བརྗོད་པའོ། ། |
| གསོལ་བ་ཕུར་ཚུགས |
བློ་སེམས་རྩེ་གཅིག་པའམ་འགྱུར་བ་མེད་པའི་གསོལ་འདེབས། |
| གསོལ་བ་བཞེས་པ |
ཟ་མ་ཟ་བའི་ཞེ་སའི་མིང༌། |
| གསོལ་བ་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག་དགེ་འདུན་ལ་བསྙེན་པར་རྫོགས་པའི་གསོལ་བ་ལན་གསུམ་བཏབ་པའོ། ། |
| གསོལ་བ་འདེབས་རྟེན |
ལྷ་བླ་མ་ལ་རང་གི་འདོད་དོན་སྐྱབས་འཇུག་ཞུ་རྟེན། |
| གསོལ་བ་འབའ་ཞིག་པའི་ལས |
འདུལ་བ་ལས་བཤད་པའི་གསང་སྟོན་བསྐོ་བ་སོགས་གསོལ་བ་ཁོ་ན་ལས་བརྗོད་པ་མེད་པས་གསོལ་བ་འབའ་ཞིག་པའི་ལས་ཞེས་བྱའོ། ། |
| གསོལ་བ་འཚལ་བ |
ཟ་མ་ཟ་བ། |
| གསོལ་བཞི |
གསོལ་བ་དང་བཞིའི་ལས་ཀྱི་བསྡུས་མིང༌། |
| གསོལ་བའི་ལས |
གསོལ་བ་འབའ་ཞིག་པའི་ལས་ཀྱི་བསྡུས་མིང༌། |
| གསོལ་མཆོད |
ལྷ་འདྲེར་བསྐང་གསོ་དང་བསང་མཆོད། |
| གསོལ་ཞལ |
ཕོར་པའི་ཞེ་ས་སྟེ། (དཔེར་ན།) དངུལ་དཀར་གྱི་གསོལ་ཞལ་ཆང་གིས་བཀང་བ་ཞེས་པ་ལྟ་བུ། |
| གསོལ་འདེབས |
གསོལ་བ་འདེབས་པ་སྟེ་ཞུ་བ་འབུལ་བ། |
| གསོལ་འཕྲིན |
འདོད་དོན་གསོལ་བའི་འཕྲིན་བཅོལ། |
| གསོལ་རས |
1.གོང་རིམ་གྱིས་འོག་རིམ་ལ་བྱིན་པའི་དངོས་རྫས་ཀྱི་སྐལ་བའི་མིང་སྟེ། (དཔེར་ན།) དགེ་རྒན་གྱིས་སུམ་རྟགས་ཚར་གཅིག་ང་ལ་གསོལ་རས་སུ་བསྩལ་ལྟ་བུ། 2.ཕོར་རས་ཀྱི་ཞེ་ས། |
| གསོལ་སྟོན |
གསོལ་ཚིགས་བཤམ་པའི་སྟོན་མོ་སྟེ། (དཔེར་ན།) གསོལ་སྟོན་འགྱེད་པ། གསོལ་སྟོན་བཤམས་ཞེས་པ་ལྟ་བུ། |
| གསོལ་སྨན |
སྨན་གྱི་ཞེ་ས། |
| གསོས |
1.གསོ་བའི་འདས་པ་དང་སྐུལ་ཚིག་སྟེ། (དཔེར་ན།) ངལ་རྩོལ་བྱས་ནས་རང་ཁ་གསོས། རང་ཁ་རང་གིས་གསོས་ཤིག་ལྟ་བུ། 2.སྒོ་ཕྱུགས་ལ་རྩྭ་ཆས་སོགས་བྱིན་ནས་འཚོ་སྐྱོང་བྱས་པའི་དོན་ཏེ། (དཔེར་ན།) ཕག་གསོ་མཁན། ཕག་གསོས་ནས་ལུད་བསོགས་ལྟ་བུ།3.སྨན་བཅོས་བྱས་པའི་དོན་ཏེ། (དཔེར་ན།) སྨན་ཁང་དུ་ནད་གསོས་ནས་ལུས་པོ་བདེ་ཐང་དུ་གྱུར་ལྟ་བུ། |
| གསོས་ཆུ |
ལོ་ཏོག་སོགས་བཏབ་བཙུགས་ཀྱི་དངོས་པོ་རྣམས་ཉམས་པ་གསོས་བྱེད་ཀྱི་ཆུ་སྟེ། (དཔེར་ན།) ལོ་ཏོག་ལ་གསོས་ཆུ་བཏང་ལྟ་བུ། |
| གསོས་ཐང |
རྨ་འཇལ་གྱི་ཚད་གཞི། |
| གསོས་པ |
གསོ་བའི་འདས་པའི་བྱ་མིང་། |
| གསོས་ཕྲུག |
རང་ལུས་ལས་སྐྱེས་པ་མིན་ཡང་གསོས་པའམ་བསྐྱངས་པའི་ཕྲུ་གུ། |
| གསོས་བསྒྲོན |
སྣོན་པ་བཏབ་པའམ་ཉམས་གསོ་བྱས་པ་སྟེ། (དཔེར་ན།) སྐུ་གཟུགས་བསྒྲོན་གནང་བ་ཞེས་པ་ལྟ་བུ། |
| གསོས་བུ |
བསྐྱངས་པའི་བུ། |
| གསོས་མ |
1.སྨན་བཅོས་ཀྱི་དོན་ཏེ། (དཔེར་ན།) ནད་པར་གསོས་མ་བཏང་ཞེས་པ་ལྟ་བུ།2.མིའི་ལྟོ་ཆས་སྤྲད་ནས་གསོས་པའི་ར་ལུག་སོགས། |
| གསོས་འདེབས |
1.ཉམས་པར་ཁ་གསོས་རྒྱག་པ་སྟེ། (དཔེར་ན།) ཁང་རྙིངལ་་གསོས་འདེབས་ཞེས་པ་ལྟ་བུ། 2.དྲན་གསོ་གཏོང་བ་སྟེ། (དཔེར་ན།) མི་བརྗེད་པའི་དོན་དུ་དྲན་གསོས་འདེབས་པ་ཞེས་པ་ལྟ་བུ། |
| གི |
1.མིང་མཐའ་ག་དང༌། ང་གཉིས་ཀྱི་རྗེས་སུ་སྦྱོར་བའི་འབྲེལ་སྒྲའི་རྐྱེན་ཞིག་སྟེ། (དཔེར་ན།) རི་འོག་གི་ཀླུང་ཐང༌། ཁང་སྟེང་གི་དར་ཆ་ཞེས་པ་ལྟ་བུ།2.རྒྱས་པར་ཀྱི་ལ་ལྟོས། |
| གི་གུ |
དབྱངས་ཡིག་ཨི་མཚོན་པའི་རྟགས་ིའདིའི་མིང་། |
| གི་གུ་ཤ |
དཀར་ཡོལ་གྱི་རྩི་བསྐོན་ཡོད་པའི་ཟངས་ལྕགས་ཀྱི་ཡོ་བྱད་རིགས་ཤིག་ཡིན་ཞིང་། གི་གུ་ཤའི་སྡེར་མ་དང་ཇ་དེམ། བུམ་པ་སོགས་ཡོད། |
| གི་ཝང |
མི་དང༌། གླང་ཆེན། བ་ལང་དང་འབྲི་གཡག་མཛོ་དང་མཛོ་མོ་སོགས་ཀྱི་མཁྲིས་པར་ནད་བྱུང་ནས་མཁྲིས་ཁུ་རྡོག་པོར་ཆགས་པའི་སྨན་མཆོག་ཅིག་ཡིན་ཞིང་། མདོག་སེར་ལ་རོ་ཁ་ཞིང་དུག་ཅུང་ཟད་ཡོད་པ་ཞིག་ཡིན། དེས་ཚ་སེལ་བ་དང་སྙིང་གི་ནུས་པ་བསྐྱེད་ཅིང་། སྨྱོ་འབོག་སོགས་ལ་ཕན། ཡི་གེ་འདི་ལ་གི་ཧང་དང་གི་ཝཾ་སོགས་འབྲི་ཚུལ་ཡོད། |
| གི་ལིང |
གྱི་ལིང་དང་འདྲ། |
| གི་ཧང |
གི་ཝང་དང་འདྲ། |
| གིང |
ལྷའི་འཁོར་རམ་ཕོ་ཉ་སྟེ་གར་འཆམ་འཁྲབ་སྐབས་ལག་པར་རྔེའུ་བཟུང་ནས་མཆོང་བཞིན་དུ་འཁྲབ་པའི་ཀེང་རུས་གཟུགས་ཅན་ཞིག་སྟེ། (དཔེར་ན།) གིང་ཕོ། གིང་མོ་ཞེས་པ་ལྟ་བུ། |
| གིན |
1.(རྒྱ་སྐད།) སྤར་ཁ་བརྒྱད་ཀྱི་གྲས་ཤིག གིན་རི་བོ། 2.ག་ངའི་མཐར་སྦྱར་རྒྱུ་བཞིན་ཞེས་པ་དང་གཅིག་པའི་ད་ལྟ་བའི་ལས་སྟོན་བྱེད་ཀྱི་ཕྲད་ཅིག་སྟེ། (དཔེར་ན།) ཞིང་ཁར་ཆུ་གཏོང་གིན་ཡོད། མི་དེ་ཚོ་ད་ལྟ་ཡོང་གིན་འདུག་ལྟ་བུ། 3.རྒྱས་པར་ཀྱིན་ལ་ལྟོས། |
| གིམ |
(རྒྱ་སྐད།) རོལ་མོ་ཞིག |
| གིས |
འབྲེལ་སྒྲ་གི་ཞེས་པའི་སྒྲའི་སྦྱོར་ཚུལ་དང་མཐུན་པའི་བྱེད་སྒྲའི་རྐྱེན་ཞིག་སྟེ། (དཔེར་ན།) བདག་གིས་བསམ་བློ་མ་བཏང་བ་མིན། ཁོང་གིས་ཞིབ་འཇུག་གནང་སོང༌། དར་ཆ་རླུང་གིས་བསྐྱོད་ཅེས་པ་ལྟ་བུ། ཀྱིས་ལ་ལྟོས། |
| གུ |
1.ནང་ངམ་ཡུལ་ཏེ། (དཔེར་ན།) བསམ་ངན་དེ་འདྲ་ཡིད་ཀྱི་གུ་ལའང་དྲན་མ་མྱོང༌ལྟ་བུ། 2.རྒྱ་ཁྱོན་གྱི་དོན་ཏེ། (དཔེར་ན།) ས་ཆ་གུ་ཡངས་པོ་ལ་ཁང་པ་གུ་དོག་པོ་འདུག་ཅེས་པ་ལྟ་བུ།3.ཆུང་ངུ་མཚོན་བྱེད་ཀྱི་མིང་གྲོགས་ཤིག་སྟེ། (དཔེར་ན།) ཁྱི་གུ། ཐ་གུ། ཐི་གུ། གྲི་གུ་ཞེས་པ་ལྟ་བུ།4.སྨོན་ཚིག་གི་ཁ་སྐོང༌བྱེད་ཅིག་སྟེ། (དཔེར་ན།) བསམ་དོན་འགྲུབ་པར་གྱུར་ཅིག་གུ་ཞེས་པ་ལྟ་བུ། |
| གུ་གུ |
གི་གུ་དང་འདྲ། |
| གུ་གུ་ཤ |
རྡོ་རྩི་བཏང་བའི་ལྕགས་ཀྱི་ཡོ་བྱད་རིགས། |
| གུ་གུལ |
གུ་གུལ་ཤིང་ནི་ཤིང་སྡོང་ཆེན་པོ་ལོ་མ་ཟླུམ་པོ་མེ་ཏོག་དམར་པོ་བཞད། ཧིན་རྡུ་ཉི་ཞི་ཡའི་སུ་མོན་རྡ་ར་གླིང་ཕྲན་དང་ཀྲོ་ཝ་གླིང་ཕྲན། དེ་མིན་ཐེ་རྒྱལ་ཁབ། ཡོ་ནན། ཨེ་རན་སོགས་ན་ཡོད། ཚི་བའི་ངོ་བོ་ཐང་ཤིང་གི་ཚི་བ་དང་འདྲ་ཞིང་མེ་ལ་བསྲེགས་ན་དྲི་ངད་ཁྱད་པར་བ་ལྡང་། སྨན་བཟང་པོ་ཞིག་ཡིན། |
| གུ་གུལ་ནག་པོ |
འདྲེ་འཇིགས་ཤིང་གི་ཐང་ཆུ་ནག་པོ། |
| གུ་གེ |
1.བོད་རྩ་མདའ་རྫོང་གི་ས་ཆ་ཞིག་སྟེ། མིང་རྙིང་པར་ཞང་ཞུང་ཟེར། གླང་དར་མའི་རབས་བཞི་པ་ལྡེ་གཙུག་མགོན་གྱིས་ཡུལ་འདི་སྐྱོང་མྱོང་བས་གུ་གེ་རྒྱལ་རབས་ཟེར་ཞིང༌། མིང་རྒྱལ་རབས་ཀྱི་སྐབས་སུའང་བསྡད་ཡོད། དེའི་རྗེས་ཤུལ་རྩ་མདའ་རྫོང་དུ་ཡོད། 2.ཤིང་ལྕུག་ཆུང་བ། |
| གུ་གེ་ཁམས་ཚན |
དབུས་གཙང་ཆོས་སྡེ་ཆེན་པོ་རྣམས་སུ་སྟོད་མངའ་རིས་གུ་གེ་ནས་ཡོང་བའི་གྲྭ་རྒྱུན་འདུ་སའི་ཁམས་ཚན་ཞིག |
| གུ་ཎ་པཱ་ལ |
བཟང་པོ་བསྐྱངས་ཏེ། བོད་དུ་ཕེབས་མྱོང་བའི་རྒྱ་གར་གྱི་སློབ་དཔོན་པཱ་ལ་རྣམ་གསུམ་ཞེས་པའི་གྲས་ཤིག |
| གུ་ཐུང |
(ཡུལ་སྐད།) དོར་མའམ་གོས་ཐུང༌། |
| གུ་དུང |
གུ་ཐུང་དང་འདྲ། |
| གུ་དོག་པོ |
རྒྱ་ཁྱོན་ཆེར་མེད་པའམ། བར་སྟོང་ཆུང་ཆུང༌གི་དོན་ཏེ། (དཔེར་ན།) ལམ་ག་གུ་དོག་པོ་ཞེས་པ་ལྟ་བུ། |
| གུ་དྲག |
སློབ་དཔོན་པདྨ་དྲག་པོའི་སྐུར་བཞེངས་པའི་རྣམ་པ། |
| གུ་ཡངས་པ |
གུ་ཡངས་པོ་དང་འདྲ། |
| གུ་ཡངས་པོ |
བག་ཡངས་དང༌། རྒྱ་ཁྱོན་ཆེན་པོའམ་བར་སྟོང་ཆེན་པོའི་དོན་ཏེ། (དཔེར་ན།) སེམས་གུ་ཡངས་པོ། ས་ཆ་གུ་ཡངས་པོ་ཞེས་པ་ལྟ་བུ། |
| གུ་ཡུ |
གོ་ཡུའི་འབྲི་སྲོལ་གཞན་ཞིག་ |
| གུ་རུ |
(ལེགས་སྦྱར།) 1>བླ་མའམ་དགེ་རྒན། 2>ལྗིད་པ། |
| གུ་རུ་ཆོས་དབང |
རབ་བྱུང་བཞི་པའི་ཆུ་སྤྲེལ་ལ་འཁྲུངས། (1212-1273) རབ་བྱུང་ལྔ་པའི་ཆུ་བྱ་ལོར་འདས། རྙིང་མའི་གཏེར་སྟོན་གྲགས་ཅན་ཞིག་ཡིན། |
| གུ་རུ་མཚན་བརྒྱད |
གུ་རུ་ཤཱཀྱ་སེངྒེ། གུ་རུ་པདྨ་སཾབྷ། གུ་རུ་ཉི་མ་འོད་ཟེར། གུ་རུ་སེངྒེ་སྒྲ་སྒྲོག་གུ་རུ་རྡོ་རྗེ་གྲོ་ལོད། གུ་རུ་མཚོ་སྐྱེས་རྡོ་རྗེ། གུ་རུ་པདྨ་རྒྱལ་པོ། གུ་རུ་བློ་ལྡན་མཆོག་སྲེད་དེ་བརྒྱད། |
| གུ་ལང |
ལྷ་དབང་ཕྱུག་ཆེན་པོ། |
| གུ་ལིང |
བཟང་གོས་ཀྱི་རིགས་ཤིག |
| གུ་ཤ |
གུ་གུ་ཤའི་བསྡུས་ཚིག |
| གུ་ཤི |
(སོག་སྐད།) མཁས་པ་དང༌། ལོ་ཙཱ་བ། |
| གུ་ཤི་ཧན |
(སོག་སྐད།) 1.མཁས་པའི་དབང་པོ་སྔར་སོག་པོའི་གོ་ཐོབ་ཅིག 2.གུ་ཤྲཱི་བསྟན་འཛིན་ཆོས་རྒྱལ་གྱི་མིང༌། |
| གུ་ཤྲཱི |
1.(རྒྱ་སྐད།) གོ་ཐོབ་ཀྱི་མིང་ཞིག 2.(ལེགས་སྦྱར།) ཡོན་ཏན་དཔལ། |
| གུ་ཤྲཱི་བསོད་ནམས་གྲགས་པ |
ཕག་གྲུ་སྡེ་སྲིད་ཁྲི་རབས་བཞི་པ་འདི་རབ་བྱུང་དྲུག་པའི་ས་ཕག་ལོ་ལ་འཁྲུངས། (1359-1408) རབ་བྱུང་དྲུག་པའི་ལྕགས་བྱ་ལོ་ནས་ཤིང་གླང་ལོའི་བར་ལོ་བཞི་སྲིད་བསྐྱངས། རྩེ་ཐང་གི་ཚོགས་པ་ལོ་བཅུ་གསུམ་བསྐྱངས། གདན་ས་མཐིལ་གྱི་སྤྱན་སྔ་ལོ་བཅུ་དགུ་མཛད། ཏཱ་མིང་ཧུང་འུ་རྒྱལ་པོས་ཀྭ་དིན་གུ་ཤྲཱིའི་གོ་ས་གནང༌། རབ་བྱུང་བདུན་པའི་ས་བྱི་ལོ་ལ་འདས། |
| གུ་ཤྲཱི་བསྟན་འཛིན་ཆོས་རྒྱལ |
སྔར་ཨ་མདོ་སོག་རིགས་ཚོ་བ་ཧོ་ཤོད་ཀྱི་འགོ་དཔོན་ཞིག་ཡིན། (1582-1654) རབ་བྱུང་བཅུ་གཅིག་པའི་ཤིང་རྟ་ལོ་ལྷ་སར་འདས། འདི་ཉིད་རབ་བྱུང་བཅུ་གཅིག་པའི་ལྕགས་འབྲུག་ལོ་དཔུང་ཚོགས་དང་བཅས་དབུས་སུ་འབྱོར། ཆུ་རྟ་ལོ་པཎ་ཆེན་སྐུ་ཕྲེང་བཞི་པ་དང༌། ཆུ་ལུག་ལོར་གཙང་པ་སྡེ་སྲིད་བཅོམ་སྟེ་ཏཱ་ལའི་བླ་མ་སྐུ་ཕྲེང་ལྔ་པར་བཀུར་བཟོས་ཀྱིས་ཆོས་སྲིད་གཉིས་ལྡན་དགའ་ལྡན་ཕོ་བྲང་གསར་དུ་བཙུགས། |
| གུག |
(རྒྱན་ཚིག) གཡག་རྭའི་དབྱིབས་ལྟ་བུ་སྟེ། (དཔེར་ན།) ནེ་ཙོའི་མཆུ་ནི་དམར་ཞིང་གུག ཚེས་གསུམ་ཚེས་རིས་གཞུ་ལྟར་གུག མགོ་བོ་གུག་གུག་བྱས། རྭ་གུག་གུག ཤིང་གི་གུག་བསྲངས་ཞེས་པ་ལྟ་བུ། |
| གུག་ཀྱེད |
གུག་ནི་གི་གུ་ཞབས་ཀྱུ་གཉིས་དང༌། ཀྱེད་ནི་འགྲེང་བུ་ན་རོ་གཉིས། |
| གུག་གཟོང |
དངུལ་མགར་གྱིས་བུ་ག་འབིགས་བྱེད་ཀྱི་ལག་ཆ་ཞིག |
| གུག་གུ |
གི་གུའི་མིང༌། |
| གུག་གུག |
(རྒྱན་ཚིག) དབྱིབས་ཐུར་དུ་གུག་ཚུལ་ཏེ། (དཔེར་ན།) སྐེད་པ་གུག་གུག སྟོད་གུག་གུག་ཅེས་པ་ལྟ་བུ། |
| གུག་གེ་བ |
(རྒྱན་ཚིག) གུག་གུག་སྟེ། (དཔེར་ན།) རྔ་མོང་སྐེ་གུག་གེ་བར་འགྲོ་ཞེས་པ་ལྟ་བུ། |
| གུག་པ |
(བྱེད་མེད་ལས་ཚིག) འཁྱོགས་པའམ་ཐུར་དུ་དུད་པ་སྟེ། (དཔེར་ན།) ཤིང་གི་ཡལ་ག་གུག་པ། རྒད་པོའི་གཟུགས་གུག་པ། དུད་འགྲོའི་ལུས་གུག་པ། ནེ་ཙོའི་མཆུ་གུག་པ་ཞེས་པ་ལྟ་བུ། |
| གུག་པོ |
གུག་གུག་ཡིན་པའི་དངོས་པོ་སོགས་ཀྱི་མིང་སྟེ། (དཔེར་ན།) དབྱུག་པ་གུག་པོ། གྲི་གུག་པོ། ཤིང་གུག་པོ་ཞེས་པ་ལྟ་བུ། |
| གུག་སྲང |
སྔར་གུ་གེ་ལུང་པར་དར་བའི་ཉ་ག་ཞིག་སྟེ། (དཔེར་ན།) གསེར་གུག་སྲང་སུམ་བརྒྱ་ཞེས་པ་ལྟ་བུ། |
| གུགྒུལ |
(ལེགས་སྦྱར།) གུ་གུལ། |
| གུང |
1.(རྒྱ་སྐད།) སྔར་རྒྱ་ནག་གོང་མའི་སྐབས་ཀྱི་གོ་ས་ཞིག 2.དཀྱིལ་ཏེ། དགུང་ཞེས་འབྲི་བའང་ཡོད། (དཔེར་ན།) ཉིན་གུང༌། མཚན་གུང་ཞེས་པ་ལྟ་བུ། 3.སྲོག་ཆགས་ཀྱི་རིགས་སྟག་དང་དབྱིབས་ཆ་ཙམ་འདྲ་ཞིང༌། སྤུ་རིས་ནར་མོ་དང་སྒོར་མོ་གཉིས་འདྲེས་པའི་གཅན་གཟན་ཞིག་དེའི་ཤ་ཡིས་སྨྱོ་བྱེད་ཀྱི་ནད་དང༌། འབྱུང་གདོན་གྱི་ནད་ལ་ཕན། (དཔེར་ན།) གུང་ལྤགས། དཔའ་བོའི་རྐྱེན་དུ་གུང་དང་སྟག་ཅེས་པ་ལྟ་བུ།4.སྔ་ཕྱིའི་རིམ་པ་སྟེ། (དཔེར་ན།) བཤད་ཚུལ་མི་འདྲ་བ་རྣམས་གུང་བསྒྲིགས་ནས་ལྟོས་ཞེས་ལྟ་བུ། |
| གུང་ཁྲན་ཏང |
འབྱོར་མེད་གྲལ་རིམ་གྱི་སྲིད་ཏང་ཞིག་དང༌། འབྱོར་མེད་གྲལ་རིམ་གྱི་གདོང་ལེན་རུ་ཁག་ཅིག་འབྱོར་མེད་གྲལ་རིམ་གྱི་གྲལ་རིམ་རྩ་འཛུགས་ཀྱི་རྣམ་པ་མཐོ་ཤོས་ཤིག་བཅས་ཡིན་ཞིང༌། ཏང་དེའི་མཛུབ་སྟོན་བསམ་བློ་ནི་མར་ཁེ་སི་ལེ་ཉིན་རིང་ལུགས་ཡིན། དེའི་དམིགས་ཡུལ་ནི་འབྱོར་མེད་གྲལ་རིམ་དང་དེ་མིན་གཉའ་གནོན་མྱོང་མཁན་ངལ་རྩོལ་མི་དམངས་མཐའ་དག་གི་འགོ་ཁྲིད་བྱས་ཏེ་གསར་བརྗེའི་འཐབ་རྩོད་ལ་བརྟེན་ནས་སྲིད་དབང་ལེན་པ་དང༌། འབྱོར་མེད་གྲལ་རིམ་གྱི་སྲིད་དབང་སྒེར་འཛིན་གྱིས་འབྱོར་ལྡན་གྲལ་རིམ་གྱི་སྲིད་དབང་སྒེར་འཛིན་གྱི་ཚབ་བྱེད་པའི་སྒོ་ནས་སྤྱི་ཚོགས་རིང་ལུགས་དང་གུང་ཁྲན་རིང་ལུགས་མངོན་དུ་འགྱུར་བ་བྱེད་རྒྱུ་དེ་ཡིན། |
| གུང་ཁྲན་རིང་ལུགས |
ཨུ་རུ་སི་དང་རྒྱ་ནག་སོགས་སུ་དར་བའི་སྤྱི་ཚོགས་ཀྱི་ལམ་ལུགས་ཤིག་ཡིན། དེ་འཕེལ་རྒྱས་འགྲོ་བའི་དུས་རིམ་གཉིས་སུ་ཕྱེ། དུས་རིམ་དམའ་བ་ནི་སྤྱི་ཚོགས་རིང་ལུགས་དང༌། དུས་རིམ་མཐོ་བ་ནི་གུང་ཁྲན་རིང་ལུགས་ཡིན། དུས་རྒྱུན་དུ་བཤད་པའི་གུང་ཁྲན་རིང་ལུགས་ནི་གུང་ཁྲན་རིང་ལུགས་ཀྱི་དུས་རིམ་མཐོ་བ་དེར་ཟེར། དུས་རིམ་དེའི་རིང་ལ་ཐོན་སྐྱེད་ནུས་ཤུགས་འཕེལ་རྒྱས་ཆེན་པོ་བྱུང་བ་དང༌། སྤྱི་ཚོགས་ཀྱི་ཐོན་རྫས་ཆེས་ཕུན་སུམ་ཚོགས་པ་བྱུང་བ། མི་རྣམས་ལ་བསམ་པའི་གོ་རྟོགས་མཐོན་པོ་དང་ལྡན་པ། ངལ་རྩོལ་བྱ་རྒྱུ་དེ་འཚོ་བའི་ནང་ལ་མེད་དུ་མི་རུང་བར་གྱུར་པ། ཁྱད་པར་ཆེན་པོ་གསུམ་རྩ་མེད་དུ་གྱུར་པ། གུང་ཁྲན་རིང་ལུགས་ཀྱི་སྤྱི་ལ་དབང་བའི་ལམ་ལུགས་ལག་ཏུ་ལེན་པ། བགོ་བཤའི་རྩ་དོན་ནི་གང་ནུས་དེ་སྒྲུབ་དང་མཁོ་བསྟུན་ཐོབ་སྤྲོད་བྱ་རྒྱུ་དེ་ཡིན། |
| གུང་གཉིས |
ཉིན་གུང་དང་མཚན་གུང༌། |
| གུང་གསེང |
གུང་སེང་དང་འདྲ། |
| གུང་ཇ |
ཉིན་དགུང་གི་ཇ། |
| གུང་ཐང |
བོད་མངའ་རིས་ཁུལ་གྱི་ས་ཆ་ཞིག་གི་མིང་། |
| གུང་ཐུན |
ཉིན་མོ་ཐུན་བཞིར་དབྱེ་བའི་ཐུན་གསུམ་པའོ། ། |
| གུང་བསང |
གུང་སེང་དང་འདྲ། |
| གུང་བསྒྲིགས |
གྲལ་ལམ་གོ་རིམ་འགྲིག་པར་བྱས་པ། |
| གུང་བློན |
1.བློན་པོ་གཙོ་བོའམ་ནང་བློན། 2.གུང་དང་བཀའ་བློན་གྱི་བསྡུས་ཚིག |
| གུང་མཐོ |
མཐེ་བོང་དང་གུང་མོ་བརྐྱངས་ཏེ་ཚད་པའི་མཐོ། |
| གུང་མཛུབ |
དཀྱིལ་མཛུབ། |
| གུང་མོ |
1.ལག་པའི་སོར་མོ་ལྔ་ལ་རིམ་པ་ལྟར་མཐེ་བོང་། མཛུབ་མོ། གུང་མོ། སྲིན་ལག ། མཐེའུ་ཆུང་ཟེར། གུང་མོ་ལ་དཀྱིལ་མཛུབ་དང་མཐེའུ་ཆུང་ལ་མཛུབ་ཆུང་ཡང་ཟེར། 2.གོང་མོ་ཡི་འབྲི་ཚུལ་གཞན། 3.གཟིག་འདྲ་བའི་གཅན་གཟན་རིགས་ཤིག |
| གུང་ཚིགས |
1.ཉིན་གུང་དུས་མཚམས། 2.ཉིན་གུང་སྐབས་ཀྱི་བཟའ་བཏུང༌། |
| གུང་ཟ |
(མངོན་བརྗོད།) སེང་གེ། |
| གུང་ཡོལ |
ཉིན་གུང་ངམ་ནམ་གུང་ཡོལ་བའི་དུས། |
| གུང་རི་གུང་བཙན |
བོད་ཀྱི་རྒྱལ་པོ་ཞིག་སྲོང་བཙན་སྒམ་པོའི་སྲས་ཡིན། མིང་གཞན་གུང་སྲོང་གུང་རྩན་ནམ། གུང་སྲོང་གུང་བཙན་ཡང་ཟེར། རྒྱལ་པོ་འདི་དགུང་ལོ་བཅུ་གསུམ་གྱི་དུས་སུ་སྲོང་བཙན་སྒམ་པོས་རྒྱལ་སར་བསྐོས་ཀྱང་དགུང་ལོ་བཅོ་བརྒྱད་ལ་གཤེགས་རྗེས་སྲོང་བཙན་སྒམ་པོས་སླར་ཡང་སྲིད་སྐྱོང་མཛད། རྒྱལ་པོ་འདིའི་སྐབས་ཇ་དང་རོལ་མོ་རྒྱ་ནག་ནས་བོད་དུ་དར། རང་གི་ཡུམ་མོང་བཟའ་ཁྲི་ལྕམ་དང་ལྷན་ཅིག་ཏུ་དཔལ་གྱི་ཡེར་པའི་ལྷ་ཁང་བཞེངས། |
| གུང་རུ |
བར་དབུས་གཙང་རུ་བཞིའི་གཡོ་རུའི་མིང་གསར། |
| གུང་རུ་ལེགས |
ཐི་ཤོ་ལེགས་དང་བཙན་མོ་གུར་སྨན་གྱི་སྲས། སྔར་བོད་རྒྱལ་བཅུ་གསུམ་པ་སྟེ་སའི་ལེགས་དྲུག་གི་ཡ་གྱལ་ཞིག |
| གུང་ལ་ཕུག |
(རྒྱ་སྐད།) ལ་ཕུག་གི་བྱེ་བྲག་ཅིག |
| གུང་སང |
གུང་སེང་དང་འདྲ། |
| གུང་སེང |
ལུས་སེམས་ངལ་དུབ་བྱུང་བ་གསོ་ཞིང་སེལ་བའི་ཐབས་ཏེ། (དཔེར་ན།) གུང་སེང་ཉི་མ། ལས་ཡུན་གང་འཚམས་ཤིག་སོང་མཚམས་གུང་སེང་གཏོང་ཞེས་པ་ལྟ་བུ། |
| གུཎ་པཱ་ལ |
(ལེགས་སྦྱར།) ཡོན་ཏན་བསྐྱངས་ཏེ་དུས་རབས་བཅུ་གཅིག་པར་བོད་དུ་ཕེབས་མྱོང་བའི་རྒྱ་གར་གྱི་སློབ་དཔོན་པཱ་ལ་རྣམ་གསུམ་གྱི་གྲས་ཤིག |
| གུད |
(བརྡ་རྙིང་།) ཟུར་རམ་ལོགས་ཀྱི་དོན་ཏེ། (དཔེར་ན།) གུད་དུ་བོར་བ། གུད་ན་ཡོད་པ། གུད་དུ་མེད་པ། གུད་དུ་བྱའོ། །གུད་དུ་འཛིན་པ་ཞེས་པ་ལྟ་བུ། |
| གུད་པ |
1.(བྱེད་མེད་ལས་ཚིག) ཉམས་པའི་དོན་ཏེ། (དཔེར་ན།) ལུས་སྟོབས་གུད་པ། བཟང་པོ་གུད་པ་དར་ལས་འཇམ། ངན་པ་རྒྱགས་ན་ཤིང་ལས་རྩུབ་ཅེས་པ་ལྟ་བུ། 2.རྩ་འཕར་སྟངས་མི་གསལ་བ། |
| གུད་པོ |
ཉམས་པོ་སྟེ། (དཔེར་ན།) མི་དེ་ལུས་གུད་པོ་ཞིག་འདུག་ལྟ་བུ། |
| གུན |
གྱོང༌གི་དོན་ཏེ། (དཔེར་ན།) གཞན་ལ་གུན་མི་གཏོང༌། རང་གིས་གུན་འཁྱེར། ང་ལ་གུན་ཕོག་བྱུང་སྙམ་དུ་མ་སེམས་ཞེས་པ་ལྟ་བུ། |
| གུན་གསབ |
གྱོང་བྱུང་བའི་ཁ་གསབ། |
| གུན་པོ |
ཕམ་པོའམ་གྱོང་ཆེན་པོ། |
| གུན་མཐུད |
གྱོང་ཁ་གསབ་པའི་དོན་ཏེ། (དཔེར་ན།) འགྲོ་གྲོན་འཕར་སོང་གི་གུན་མཐུད་མཚོན་བྱེད་ཤོག་སྒོར་ལྔ་བརྒྱ་ཐམ་པ་སྤྲད་ཅེས་པ་ལྟ་བུ། |
| གུཔྟའི་ཡི་གེ |
རྒྱ་གར་གྱི་ཡི་གེའི་བྱེ་བྲག་པ་ཞིག་སྟེ་སྔར་ཐོན་མི་སམྦྷོ་ཊས་བོད་ཡིག་གི་གཟུགས་རྩོམ་པའི་ཚེ་མ་དཔེ་མཛད་པའི་ཡི་གེ་ཡིན་པར་གྲགས། |
| གུམ |
ཀུམ་གྱི་འབྲི་ཚུལ་གཞན། |
| གུམ་པ |
འགུམ་པའི་འདས་པ། |
| གུར |
རས་དང་རེ་ལྡེ་ཕྱིང་པ་བཅས་ལས་བཟོས་པའི་སྡོད་གནས་ཏེ། (དཔེར་ན།) ཕྱིང་གུར། དབུ་གུར། བཞུགས་གུར། དམག་གུར། སོག་གུར། ཐབ་གུར། གུར་རྒྱུག གུར་ཐག གུར་ཕུབ་ནས་སྡོད་པ། སྡོད་གུར་འདེགས་པ། ཉི་མ་ཤར་ནས་གུར་ཕབ་སྟེ་ཐོན་པ་ལྟ་བུ། མིང་གི་རྣམ་གྲངས་ལ་གུར་ཁང་དང༌། གོས་ཁྱིམ། སྦྲ། སྦྲ་གུར་བཅས་སོ། ། |
| གུར་ཀུམ |
གུར་གུམ་དང་འདྲ། |
| གུར་ཀུམ |
རྩ་སྨན་ཞིག་སྟེ། མཆོག་ནི་ཞི་པན་ཡ་རྒྱལ་ཁབ་ནས་ཐོན་པ་ཡིན་ལ། བོད་ཀྱི་གོམས་སྲོལ་ལ་ཁ་ཆེ་གུར་ཀུམ་ཟེར། གཞན་རྒྱ་གར། བལ་ཡུལ། རྒྱ་ནག་སོགས་ནས་ཐོན་པ་ལ་རྩྭ་གུར་ཀུམ་ཟེར་ཞིང་གུར་ཀུམ་གྱི་ཚབ་ཏུ་སྨན་བྱེད་ཆོག |
| གུར་ཀླད |
གུར་གྱི་ཐོད་སྟེང༌། |
| གུར་ཁང |
1.དབྱིབས་གུར་དང་འདྲ་བའི་གནས་ཏེ། (དཔེར་ན།) ཤིང་གི་གུར་ཁང༌། རྩྭའི་གུར་ཁང༌ཞེས་པ་ལྟ་བུ། 2.འོད་གུར་རམ་འཇའ་འོད་ཀྱིས་གྲུབ་པའི་ཕོ་བྲང༌ལྟ་བུ་སྟེ། (དཔེར་ན།) འཇའ་ཚོན་གྱི་གུར་ཁང༌། སྤྲིན་གྱི་གུར་ཁང༌ཞེས་པ་ལྟ་བུ། |
| གུར་ཁེབས |
གུར་སྟེང་གི་གཡབ། |
| གུར་ཁྱིམ |
སྡོད་གུར་ཏེ། (དཔེར་ན།) གུར་ཁྱིམ་རྣམ་པར་བཀྲ་བ་གངས་རིའི་དུམ་བུ་འཐོར་བ་ལྟ་བུས་ཕྱོགས་དང་མཚམས་ཀུན་གང་ཞེས་པ་ལྟ་བུ། |
| གུར་གདུང |
གུར་གྱི་གདུང་མ། |
| གུར་གུམ |
(ལེགས་སྦྱར།) ཀུང་ཀུ་མ་ཟུར་ཆགས་པ་སྟེ། བྱ་རྐང་མ་དང༌། ཁ་ཆེ་གུར་གུམ། ལེ་བརྒན་མ། བལ་པོ་གུར་གུམ། བོད་གུར་གུམ་མམ་ལྡུམ་ར་གུར་གུམ་བཅས་ལྔ་མཆིས། རོ་མངར། ཞུ་རྗེས་བསིལ། ནུས་པས་མཆིན་ནད་སེལ། རྩ་ཁ་སྡོམ། ཟུངས་ཁྲག་གསོ། མིང་གི་རྣམ་གྲངས་ལ་ཀུན་ནས་འཁུམས་དང༌། ཁ་ཆེར་སྐྱེས། མཆིན་སྨན་གཙོ་བོ། མཆོག་ལྡན། འཇམ་དབྱངས་མདོག་ཅན། ཉི་མ་གུང་རྙེད། འཐུང་བྱེད། དྲི་ཞིམ། དྲི་བཟང༌། བདེ་བྱེད། དཔའ་བོ་བརྟན་པ། ཕྲ་མ་ཅན། མེ་ཏོག་ཉི་མ། མེ་ཏོག་དོན་ཅན། མེའི་རྩེ་མོ། རྩ་བ་བརྒྱ་པ། ཚིམ་བྱེད་དམར། རྫིང་དྲུང་སྐྱེས། ལི་ཁྲིའི་མདངས་ཅན། ལུས་དམར་ལེ་བརྒན་རྩི་བཅས་སོ། ། |
| གུར་གུམ་གསུམ |
ཁ་ཆེ་གུར་གུམ་དང༌། བལ་པོ་གུར་གུམ། བོད་གུར་གུམ་མམ་པྲི་ཡང་ཀུ་བཅས་ཏེ་གསུམ་མོ། ། |
| གུར་གྱི་བབ་ལེ |
གུར་གྱི་རྒྱན་སྤྲོས་རི་མོ་ཚེམ་དྲུབ་མ། |
| གུར་གྱི་མགོན་པོ |
ཡེ་ཤེས་པའི་སྲུང་མ་ཞིག |
| གུར་གྱི་ཤམ་བུ |
གུར་ཐོག་གི་མཐར་བཏང་བའི་རྒྱན་ཞིག་སྟེ། (དཔེར་ན།) གུར་གྱི་ཤམ་བུ་རླུང་གི་ཡམ་ཡོམ་དུ་སྒུལ་ཞེས་པ་ལྟ་བུ། |
| གུར་ཏིག |
མེ་ཏོག་སེར་སྐྱ་འཆར་བའི་ཤིང་སྨན་ཞིག་སྟེ། རོ་ཁ། ཞུ་རྗེས་སྙོམས། ནུས་པས་ཁྲག་མཁྲིས་དང༌། རྨ་ཚད་འཇོམས། |
| གུར་དྲག |
བདེ་མཆོག་གི་བཀའ་སྡོད་སྲུང་མ་ཞིག |
| གུར་ནག |
སྦྲ་གུར། |
| གུར་བུ |
1.དབྱིབས་གྲུ་བཞི། 2.གུར་ཆུང་ཆུང༌། |
| གུར་མགོན་ལྕམ་དྲལ |
ཡེ་ཤེས་པའི་སྲུང་མ་གུར་མགོན་ཡབ་ཡུམ་གཉིས། |
| གུར་མཐོངས |
གུར་གྱི་ཐོག་ཁུང༌། |
| གུར་མོ |
གཏིང་སྐྱེས་རྫོང་གི་ས་ཆ་སྔར་འགྲོ་མགོན་ཆོས་རྒྱལ་འཕགས་པས་བཙུགས་པའི་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| གུར་ཞོལ |
གུར་གྱི་གཤམ་དུ་ཡོད་པའི་ཆུ་ལེན་རས། |
| གུལ་གུལ |
(རྒྱན་ཚིག) འདར་བའམ་འདར་ཡོམ་ཡོམ་བྱེད་པའི་རྣམ་པ་སྟེ། (དཔེར་ན།) མེ་སྒྱོགས་བརྒྱབ་པས་ཁང་བ་གུལ་གུལ་གཡོ། རྒྱུག་ཁྱི་བདག་པོའི་རྗེས་ལ་གུལ་གུལ་བརྒྱུགས་ལྟ་བུ། ཡུལ་སྐད་དུ་གུ་ལི་ལི་ཞེས་པ་དང་དོན་གཅིག |
| གུལ་ནག |
གུ་གུལ་ནག་པོ། |
| གུས་པ |
1. (བྱེད་མེད་ལས་ཚིག) ཡིད་དང་བས་འདུད་པ་སྟེ། (དཔེར་ན།) སློབ་དཔོན་ལ་གུས་པ། དཔའ་བོ་ལ་གུས་པ་ཞེས་པ་ལྟ་བུ། 2.རང་ཉིད་དམའ་སར་འཇོག་པའི་ཚིག་སྟེ།་ (དཔེར་ན།) གུས་པ་རྣམ་རྒྱལ་ནས་ཆེད་དུ་ཞུ་སྙིང༌ཞེས་པ་ལྟ་བུ། |
| གུས་པོ |
དང་བའི་རྣམ་པ་ཅན་གྱི་སེམས་དགའ་པོའམ་མོས་པོ་སྟེ། (དཔེར་ན།) ཞལ་བཀོད་གང་གནང་གུས་པོར་ཉན་པ། ཕྲུ་གུ་འདི་ཕ་མ་ལ་གུས་པོ་ཞིག་རེད་ཅེས་པ་ལྟ་བུ། |
| གུས་ཕྱག |
གུས་པའི་སྒོ་ནས་འཚལ་བའི་ཕྱག |
| གུས་བཀུར |
གུས་འདུད་བསྙེན་བཀུར། |
| གུས་ཞབས |
ཡིད་དང་བའི་སྒོ་ནས་ཞབས་ཕྱི་ཞུ་བ་སྟེ། (དཔེར་ན།) གཡོ་ཟོལ་མེད་པའི་གུས་ཞབས་ཆེན་པོ་བྱས་པ་ལྟ་བུ། |
| གུས་ཞེན |
གུས་བཀུར་དང་ཤ་ཞེན། |
| གུས་འདུད |
གུས་པས་འདུད་པ་སྟེ། (དཔེར་ན།) གུས་འདུད་ཡིད་སྨོན། གུས་གུས་འདུད་འདུད། དགེ་རྒན་ལ་གུས་འདུད་ཞུས་ལྟ་བུ། |
| གུས་རྫས |
འབུལ་བའི་དངོས་པོ། |
| གུས་ལན |
ཚུར་གུས་འདུད་བྱས་པའི་ལན་སློག་པའི་གུས་ཚུལ། |
| གུས་སྦྱོར |
གུས་པའི་སྤྱོད་པ། |
| གུས་སྲོལ |
གུས་ལུགས་ཀྱང་ཟེར་ཏེ། གུས་བཀུར་ཞུ་བའི་ཚུལ་ལུགས། |
| གེ |
(གྲོགས་ཚིག) རྗེས་འཇུག་རང་འདྲར་འགྲེང་བུ་སྦྱར་བའི་གེ་ངེ་དེ་ནེ་བེ་མེ་འེ་རེ་ལེ་སེ་རྣམས་རྒྱན་ཚིག་གི་མཐར་སྦྱར་ན་དོན་དུ་མར་འཇུག་པ་གཤམ་གསལ་ལྟར། 1.ཐ་སྙད་ལ་ལའི་མཐར་སྦྱར་ན་དབྱིབས་དང་རྣམ་པ་སོཊ་གློ་བུར་དུ་བྱུང་བའམ་གསལ་བར་མངོན་པ་མཚོན་པ་ནི། (དཔེར་ན།) གདོང་ནག་རོག་གེ་སོང་། སྐྱ་རེངས་སྐྱ་སང་ངེ་ཤར་། ཐག་པ་རྦད་དེ་ཆད། རྗེས་དྲན་རྡོ་རིང་ལྷན་ནེ་འགྲེང་འདུག མུན་པ་ནག་འཐིབ་བེ་འཁྲིགས། མེ་ཏོག་དམར་ལྡེམ་མེ་བཞད། ལུག་རྣམས་ཐང་ལ་དཀར་ཐར་རེ་བཀྲམ། འབྲི་གཡག་རྣམས་ནག་ཅོལ་ལེ་འོང་གིན་འདུག་ཅེས་པ་སོགས་ལྟ་བུ། 2.རྒྱན་ཚིག་གི་མཐར་སྦྱར་ནས་བསྐྱར་ཟློས་སུ་བྱུང་ན་དབྱིབས་དང་རྣམ་པ་སོགས་བསྐྱར་ཟློས་སུ་བྱུང་བ་མཚོན་པ་ནི། (དཔེར་ན།) རྔ་མོང་གུག་གེ་གུག་གེ་རྒྱུག་གིན་འདུག རྡོ་གཏགས་པའི་སྒྲ་ཐག་གེ་ཐག་གེ་གྲག ལྕགས་མགར་བའི་སྒྲ་སང་ངེ་སང་ངེ་བྱེད། མགོ་མདུང་ངེ་མདུང་ངེ་འགུལ་གྱིན་འདུག ཤུད་དེ་ཤུད་དེ་བརྒྱུགས། སློབ་ཐུན་འཚོགས་པའི་དྲིལ་བརྡ་སིལ་ལེ་སིལ་ལེ་གྲག། ཁྱི་རྒན་ཧོན་ནེ་ཧོན་ནེ་ཟུག་གིན་འདུག། ཆུ་འབུར་རེ་འབུར་རེ་འཕྱུར། དར་ཆ་ལྷབ་བེ་ལྷབ་བེ་རླུང་གིས་བསྐྱོད་སོགས་ལྟ་བུ། 3.རྒྱན་ཚིག་བསྐྱར་ཟློས་བྱེད་ཚུལ་ཁྱད་པར་བར་སྦྱར་ན་དབྱིབས་དང་རྣམ་པ་སོགས་ཆ་མི་སྙོམ་པ་དང་མང་བ་མཚོན་ཏེ། (དཔེར་ན།) ཁང་བ་ད་གེ་དོག་གེ། རྩྭ་ར་ངེ་རིང་ངེ། ཐག་པ་ཐ་ངེ་ཐུང་ངེ་། སྐད་ཆ་རྫ་ནེ་རྫུན་ནེ། ལུས་སྦྲ་དེ་སྦྲིད་དེ། ཚིག་ལྡ་བེ་ལྡིབ་བེ། དངོས་རྫས་ཐ་མེ་ཐུམ་མེ། ཤོག་གུ་ཧྲ་ལེ་ཧྲུལ་ལེ། རི་མདའ་ངེ་མདུང་ངེ། བྲག་ཟ་རེ་ཟོར་རེ་ཞེས་པ་སོགས་ལྟ་བུ། |
| གེ་རེ་ལྷ་པ |
ལྷ་རིགས་ལས་ཆད་པའི་སྔགས་འཆང་གི་གདུང་རྒྱུད་ཅིག |
| གེ་སར |
1.མེ་ཏོག་གི་ཟེའུ་འབྲུ། 2.སྔོ་སྨན་ཞིག་ནུས་པས་ཚ་བ་སེལ། 3.གླིང་གེ་སར་གྱི་བསྡུས་ཚིག་ |
| གེ་སར་གསུམ |
ནཱ་ག་གེ་སར་དང༌། པུཥཔེ་གེ་སར། པདྨ་གེ་སར་ཏེ་གསུམ། |
| གེ་སར་གྱི་སྒྲུང |
གླིང་རྗེ་གེ་སར་རྒྱལ་པོའི་སྒྲུང་ཞེས་སྤྱི་ཚོགས་ཐོག་གྲགས་ཆེ་བ་ཡིན་ཞིང༌། དེ་ནི་སྔར་སྒྲུང་མཁན་ཞེས་པའི་མི་ཡི་གེ་ཙམ་ཡང་མི་ཤེས་ཀྱང་གེ་སར་གྱི་སྒྲུང་ཆ་ཚང་བློ་ཐོག་ནས་ཤོད་ཐུབ་མཁན་མང་པོ་བྱུང་ཞིང་ད་ལྟའང་ཡོད་པ་དེ་དག་གིས་བཤད་པ་རྣམས་ཕྱོགས་བསྒྲིགས་བྱས་པས་བརྗོད་ཚུལ་འདྲ་མིན་སྣ་ཚོགས་རྫོང་ཆེན་བཅོ་བརྒྱད་དང༌། རྫོང་འབྲིང་བདུན། རྫོང་ཕྲན་བཞི། ལྷ་གླིང༌། དམྱལ་གླིང་བཅས་ལེ་ཚན་རྒྱས་བསྡུས་ཁྱོན་བསྡོམས་སུམ་ཅུ་ལྷག་ཙམ་ཡོད་ཟེར། |
| གེ་སར་ཅན |
(མངོན་བརྗོད།) པད་མ། |
| གེ་སར་འཛིན |
(མངོན་བརྗོད།) སྦྲང་བུ། |
| གེ་སར་སྤྱོད |
(མངོན་བརྗོད།) སྦྲང་བུ། |
| གེག་པ |
རྐན་ཕུག་ལ་འབྱུང་བའི་རྨ་རིགས་ཤིག་གི་མིང་། |
| གེགས |
རྐྱེན་ངན་བར་ཆད་ཀྱི་དོན་ཏེ། (དཔེར་ན།) ལས་དོན་གྱི་གེགས་སུ་གྱུར་པ། རྐྱེན་གོད་མང་པོའི་གེགས་ཆགས་པ་རྣམས་བསལ་བ། གྲ་སྒྲིག་ལེགས་པར་བྱས་ཡོད་སྟབས་ལས་དོན་ཚང་མ་གེགས་མེད་དུ་གྲུབ་སོང༌ཞེས་པ་ལྟ་བུ། |
| གེགས་ཆ |
གེགས་ཀྱི་ཆ་ཤས། |
| གེགས་དབང་བར་ཆད |
འདྲེ་གདོན་གྱི་རྐྱེན་ལས་བྱུང་བའི་གློ་བུར་གྱི་ཉེར་འཚེའམ། གོད་ཀ། |
| གེགས་བར |
གེགས་དང་བར་ཆད་དེ། (དཔེར་ན།) སྐུ་ལ་གེགས་བར་མེད་པར་བྱ་བ་ལམ་ལྷོངས་ཡོང་བའི་སྨོན་འདུན་ཞུ། |
| གེགས་བྱེད |
1.བར་ཆད་བྱེད་མཁན། 2.བར་གཅོད་བྱེད་པའི་བྱ་མིང་། |
| གེགས་བྱེད་པོ |
གནོད་བྱེད་གདོན་འདྲེ། |
| གེགས་བྱེད་བགེགས |
བར་ཆད་གཏོང་བའི་མི་མ་ཡིན། |
| གེགས་མེད་བདེ་བགྲོད |
བར་ཆད་མེད་པར་བདེ་པོར་སླེབས་པ། |
| གེགས་འཚུབ |
བར་ཆད་ཀྱི་འཚུབ་ལྷོངས། |
| གེགས་སུ་གྱུར་པ |
1.གདོན་འདྲེའི་བར་ཆད་དུ་གྱུར་པ། 2(བརྡ་རྙིང་།) རག་ལས་པ། |
| གེར་མ |
(བརྡ་རྙིང་།) རག་རྗེན་པ། |
| གེར་ལིང |
རྟ་མཆོག |
| གེལ་པ |
ལྕུག་ཕྲན་དང༌། ཤིང་གི་ཡལ་ག། |
| གེལ་པོ |
ཤ་ཁྲག་རྒྱས་པའི་དོན་ཏེ། (དཔེར་ན།) ཁྱེའུ་གེལ་པོ། མིའུ་ཐུང་གེལ་པོ་ཞེས་པ་ལྟ་བུ། |
| གེལ་བ |
1.ལྗོན་ཤིང་གི་ཡལ་ག་དང་ལྕུག་མའི་མིང་། 2.མེས་ཤིང་བསྲེགས་པའི་རོ་མ་ནག་པོའི་མིང་སྟེ། (དཔེར་ན།) སོལ་གེལ་ཞེས་པ་ལྟ་བུ། |
| གོ |
1.(གྲོགས་ཚིག) གོ་ངོ་དོ་ནོ་བོ་མོ་འོ་རོ་ལོ་སོ་ཏོ་བཅས་ཡི་གེ་བཅུ་གཅིག་ནི་བོད་ཡིག་གི་རྫོགས་ཚིག་གམ་སླར་བསྡུ་ལ་འཇུག་ཚུལ་ནི། 1>མིང་རྐྱང་གི་མཐར་སྦྱར་ན་ཡིན་ནམ་རེད་དང་དོན་འདྲ་སྟེ། (དཔེར་ན།) འདི་ནི་ལུག་གོ། ། འདི་ནི་གཡག་གོ། ། འབྲོང་ངོ་ལྟ་བུ། 2>ལས་ཚིག་འདས་པའི་མཐར་སྦྱར་ན་བྱ་བ་དེ་རྫོགས་པའི་དོན་ཏེ། (དཔེར་ན།) དགྲ་བཀག་གོ། །རྡོ་བཅག་གོ། །སོང་ངོ་། །ཡོད་དོ། །ཡིན་ནོ་སོགས་ལྟ་བུ། འཇུག་ཚུལ་ནི་རྗེས་འཇུག་རང་འདྲའི་མཐའ་ལ་སྦྱོར་ཞེས་པ་ལྟར་སྦྱོར་དགོས། 2.(བྱེད་འབྲེལ་ལས་ཚིག) 1>ཤེས་པའམ་རྟོགས་པའི་དོན་ཏེ། (དཔེར་ན།) ཚིག་དོན་གོ་བདེ་བ། གཞུང་དོན་གོ་དཀའ་བ་ཞེས་པ་ལྟ་བུ། 2>ཐོས་པའི་དོན་ཏེ། (དཔེར་ན།) ཁུ་བྱུག་གི་སྐད་གོ་ལྟ་བུ། 3.དགུ་བཅུ་བཚོན་པའི་ཚིག་གྲོགས་ལ་འཇུག་པ་ནི། (དཔེར་ན།) གོ་གཅིག གོ་གཉིས། གོ་དགུ་ཞེས་པ་ལྟ་བུ། 4.ཕན་པ་ཡོད་པའི་དོན་ལ་འཇུག་པ་ནི། (དཔེར་ན།) མི་གོ་ཆོད་རི་ལ་སོང་ན་རི་གོ་ཆོད་ཡུལ་དུ་བསྡད་ན་ཡུལ་གོ་ཆོད། གོ་བཅད། གོ་ཆོད་ཅེས་པ་ལྟ་བུ། 5. སྐབས་དང༌། མཚམས་དང༌། གནས་བཅས་ཀྱི་དོན་ཏེ། (དཔེར་ན།) སྔ་ཕྱི་གོ་ལྡོག གོ་མཚམས་མེད་པ་ཞེས་པ་ལྟ་བུ། |
| གོ་ཁ |
1.ཐབ་འོག་གི་གོ་ཐལ་འདོན་ས། 2.ཁྱིམ་གྱི་ལྟོ་གྲལ་ཏེ། (དཔེར་ན།) ལས་ཕྱི་རུ་བྱེད། ལྟོ་གོ་ཁར་ཟ་ཞེས་པ་ལྟ་བུ། |
| གོ་ཁང |
གོ་མཚོན་འཇོག་ཁང༌། |
| གོ་ཁྲབ |
ལུས་སྐྱོབ་ལྕགས་གོས་ཏེ། (དཔེར་ན།) གཡུལ་སར་མ་ཕྱིན་གོང་ནས་གོ་ཁྲབ་གྱོན་ཞེས་པ་ལྟ་བུ། |
| གོ་གཅལ |
པང་གཅལ། |
| གོ་གནས |
གོ་བབ་ཀྱི་ཐོབ་ཐང༌སྟེ། (དཔེར་ན།) གོ་གནས་བསྐོ་འཐེན། གོ་གནས་གཅིག་ལྕོགས། གོ་གནས་རྗེས་འབྲེལ། གོ་གནས་སྤོར་གཅོག གོ་གནས་ཕབ་པ། གོ་གནས་ཚ་ལེན། གོ་གནས་རིམ་པ། གོ་གནས་འཁྱུར་བ་ཞེས་པ་ལྟ་བུ། |
| གོ་གཡོག |
ཐབ་མེ་དཀྲུག་བྱེད་ཀྱི་ཤིང༌སྟེ། (དཔེར་ན།) ཙན་དན་གྱིས་གོ་གཡོག་དང༌། གོས་ཆེན་གྱིས་ཐབ་ཕྱིས་བྱེད་མི་རུང་ཞེས་པ་ལྟ་བུ། |
| གོ་གསེད |
གོ་དོན་གསལ་པོར་བཀྲོལ་བ་སྟེ། (དཔེར་ན།) རང་ཉིད་རྨོངས་པའི་གནད་དོན་རྣམས་ལ་གོ་གསེད་གསལ་པོ་གནང་བྱུང༌ཞེས་པ་ལྟ་བུ། |
| གོ་གྲལ |
1.གོ་སའི་གྲལ། 2.གོ་ཁའི་གྲལ། |
| གོ་གྲས |
གོ་གྲལ་དང་འདྲ། |
| གོ་ངན་ཀླད་བླུགས |
ངན་བསླབ་བརྒྱབ་པ། |
| གོ་ངན་མ |
(ཡུལ་སྐད།) མནའ་མར་ཕྱིན་མ་ཟིན་པར་རང་གི་ནང་དུ་ལུས་པའི་བསམ་ཤེས་མེད་པའི་བུད་མེད། |
| གོ་ཅ |
(བརྡ་རྙིང་།) གོ་ཆ། |
| གོ་ཅོག |
རྗེས་འཇུག་ག་ཡིག་གི་མཐར་བཞག་ན་ཐམས་ཅད་ཅེས་པའི་དོན་སྟོན་ཏེ། (དཔེར་ན།) བྲག་གོ་ཅོག སྟག་གོ་ཅོག་ཅེས་པ་ལྟ་བུ། |
| གོ་ཆ |
1.གོ་ཁྲབ་དང་ལག་ཆ་སྟེ། (དཔེར་ན།) གོ་གྱོན་མཚོན་ཐོགས། གོ་བཀྲག་མཚོན་བརྗིད། དཔའ་བོར་གོ་ཆ་སྤྲས་ཞེས་པ་ལྟ་བུ། 2.གོ་ཁྲབ་སྟེ། (དཔེར་ན།) དམག་མི་ཐམས་ཅད་གོ་ཆ་ཆ་ལག་ཚང་བ་ཞིག་དགོས་ཞེས་པ་ལྟ་བུ། མིང་གི་རྣམ་གྲངས་ལ་སྐྱོབ་བྱེད་དང༌། ཁྲབ། འཁྲུག་གོས། གོ་ཁྲབ། ལྕགས་ཀྱི་བགོ་བ། ལྕགས་གོས། དྲ་བ་ཅན། བྲང་གཡོགས། མཚོན་སྐྱོབ། མཚོན་སྒྲིབ། ཞུབ་ཅན། ལུས་སྐྱོབ། ལུས་སྲུང་བཅས་སོ། །3.ལྷ་དང་སྔགས་ཀྱི་སྲུང་ཐབས་ཤིག |
| གོ་ཆ |
མཚོན་ཆ་འགོག་སྲུང་བྱེད་པའི་ཁྲབ་རྨོག་ཕུབ་སོགས་ཀྱི་སྤྱི་མིང་སྟེ། (དཔེར་ན།) ལུས་ལ་གོ་ཆ་གྱོན། ལག་ལ་མཚོན་ཆ་ཐོགས་ཞེས་པ་ལྟ་བུ། འདི་མིང་མཐའ་བསྡུས་ན་གོ་ཞེས་འབྲི་ཆོག་སྟེ། (དཔེར་ན།) ལུས་ལ་གོ་བགོས། ལག་ལ་མཚོན་ཐོགས་ཞེས་པ་ལྟ་བུ། |
| གོ་ཆའི་བཀོད་པ་བསྟན་པ |
མདོ་སྡེ་ཞིག འགོས་ཆོས་འགྲུབ་ཀྱིས་རྒྱ་ཡིག་གཞིར་བཟུང་ནས་བོད་ཡིག་ཏུ་བསྒྱུར། |
| གོ་ཆའི་བརྩོན་འགྲུས |
སྙིང་སྟོབས་མི་ཞུམ་པའི་རྩོལ་བ། |
| གོ་ཆའི་ལྷ་ཡབ་དྲུག |
རྡོ་རྗེ་སེམས་དཔའ་དང༌། རྣམ་སྣང༌། པདྨ་གར་དབང༌། ཧེ་རུ་ཀ་ནག་པོ། རྡོ་རྗེ་ཉི་མ། རྟ་མཆོག་སྟེ་དྲུག |
| གོ་ཆའི་ལྷ་ཡུམ་དྲུག |
རྡོ་རྗེ་ཕག་མོ་དང༌། གཤིན་རྗེ་མ། རྨོངས་བྱེད་མ། སྐྱོང་བྱེད་མ། སྐྲག་བྱེད་མ། ཙཎྚི་ཀ་སྟེ་དྲུག |
| གོ་ཆོད་པ |
1.ལས་དོན་འཕེར་བའམ་ནུས་པ་སྟེ། (དཔེར་ན།) གར་བཏང་གོ་ཆོད་ཅེས་པ་ལྟ་བུ། 2.དོད་ཐུབ་མཁན་ཏེ། (དཔེར་ན།) རྡོ་གོ་ཤིང་གིས་མི་འོང་ཞེས་པ་ལྟ་བུ།3.དོད་ཐུབ་པ། |
| གོ་ཆོད་པོ |
དགོས་དོན་སྒྲུབ་ཐུབ་པའམ་ཕན་ཐོགས་པོ་སྟེ། (དཔེར་ན།) ཅ་ལག་འདི་གོ་ཆོད་པོ་ཞིག་བྱུང༌། ལས་དོན་དེའི་སྐོར་ལ་མི་འདི་གོ་ཆོད་པོ་ཡོད་དམ་ཞེས་པ་ལྟ་བུ། |
| གོ་ཏ་མ |
གཽཏམ་ཡི་སྒྲ་བསྒྱུར། |
| གོ་ཐང |
བེད་སྤྱོད་འཕེར་བ་སྟེ། (དཔེར་ན།) རྟ་ཤེད་བཟང༌། མི་གོ་ཐང༌ཞེས་པ་ལྟ་བུ། |
| གོ་ཐལ |
1.ཐབ་ཀྱི་ནང་གི་ཐལ་བ། 2.བྱ་གོ་བོའི་སྐྱག་པ། |
| གོ་ཐལ་མདོག |
ཁ་དོག་སྔོ་སྐྱ། |
| གོ་ཐོས |
རྣ་བར་གོ་བའམ་ཐོས་པ་སྟེ། (དཔེར་ན།) གནས་ཚུལ་ཚང་མ་གོ་ཐོས་བྱུང༌། ནང་གི་གནས་ལུགས་ཞིབ་གསལ་གོ་ཐོས་མ་བྱུང༌ཞེས་པ་ལྟ་བུ། |
| གོ་དོན |
གོ་རྒྱུའི་དོན་དག་སྟེ། (དཔེར་ན།) སྙིང་པོ་གོ་དོན་འཕིགས་པ། དཔེ་ཆའི་ནང་གསལ་གོ་དོན་ཁྲིད་ཅེས་པ་ལྟ་བུ། |
| གོ་ནོར |
1.གོ་དོན་ནོར་འཁྲུལ་བྱུང་བ་སྟེ། (དཔེར་ན།) ཡིག་ཆ་དེའི་ནང་དོན་གོ་ནོར་ཐེབས་སོང་ཞེས་པ་ལྟ་བུ། མིང་གི་རྣམ་གྲངས་ལ་གོ་བསྣོར་དང༌། གོ་ཟློག་གོ་ལོག་གོ་བ་འགྱུར་བ། གོ་བ་འཁྲུལ་བ་བཅས་སོ། །2.རིམ་པ་གོ་ལྡོག་ཏུ་གྱུར་པ། |
| གོ་བ |
1. (བྱེད་མེད་ལས་ཚིག) 1>ཤེས་པ་དང་རྟོགས་པ་སྟེ། (དཔེར་ན།) དོན་གྱིས་གོ་བ། ཧ་གོ་བ། སྨྲ་ཤེས་དོན་གོ། གོ་བ་ལྷང་ཙམ་བྱུང་བ། གོ་བ་ལོག་པ། ཁ་སངས་ན་གོ་བདེ། ནམ་ལངས་ན་འགྲོ་བདེ། གཞུང་དོན་གོ་དཀའ་ཞེས་པ་ལྟ་བུ། 2>ཐོས་པའི་དོན་ཏེ། (དཔེར་ན།) གོ་བ་བརྒྱ་ལས་མཐོང་བ་གཅིག་ལྷག སྐད་ཆ་དེ་འདྲ་གཏན་ནས་གོ་མ་མྱོང༌། ཚང་མ་གསལ་པོར་གོ་བྱུང༌ཞེས་པ་ལྟ་བུ། 2. བློ་རྩལ་ལམ་བློ་ཡི་རྟོགས་པའི་ནུས་པ་སྟེ། (དཔེར་ན།) མི་དེའི་གོ་བ་ཟབ་པོ་འདུག གོ་བ་མེད་པའི་གླང་རྒན་ལ། རྒྱལ་པོའི་བཀའ་ལས་དབྱུག་པ་བཙན་ཞེས་པ་ལྟ་བུ། |
| གོ་བ་ཅན |
མཁས་པ་དང་གོ་སྟོབས་ཆེན་པོ་ཡོད་པ་སྟེ། (དཔེར་ན།) མི་གོ་བ་ཅན་ལ་ཚིག་གཅིག་གིས་ཆོག་རྟ་གོམ་པ་ཅན་ལ་ལྕག་གཅིག་གིས་ཆོག མི་གོ་བ་ཅན་ལ་བཤད་བདེ། ཤིང་ཡལ་ག་ཅན་ལ་འཛེག་བདེ་ཞེས་པ་ལྟ་བུ། |
| གོ་བ་ལོག་སྒྲུབ |
གོ་བ་ཕྱིན་ཅི་ལོག་ཏུ་རྒྱག་པ། |
| གོ་བགོ |
གོ་ཆ་གྱོན་པ་སྟེ། (དཔེར་ན།) མེས་རྒྱལ་སྲུང་སྐྱོབ་བྱེད་ཆེད་དུ་གོ་བགོ་མཚོན་འཁྱེར་བྱེད་ཅེས་པ་ལྟ་བུ། མིང་གི་རྣམ་གྲངས་ལ་གོ་བགོས་དང༌། ཡ་ལད་བགོས། གཡུལ་གྱི་ཆས་ཞུགས་པ་བཅས་སོ། ། |
| གོ་བཅད་པ |
1.འདོད་དོན་བསྒྲུབས་པ་སྟེ། (དཔེར་ན།) ལས་དོན་ཁག་མང་མི་གཅིག་གིས་གོ་བཅད་ཅེས་པ་ལྟ་བུ། 2.ཚབ་བམ་དོད་ཐུབ་པར་བྱས་པ་སྟེ། (དཔེར་ན།) ལྕགས་སྐྱོགས་མེད་སར་ཤིང་སྐྱོགས་ཀྱིས་གོ་བཅད་ཅེས་པ་ལྟ་བུ། |
| གོ་བབ |
གོ་སའི་རིམ་པ་དང་མཐུན་པའི་བབ་སྟེ། (དཔེར་ན།) སོ་སོའི་གོ་བབ་ལ་གཞིགས་ཏེ་གཟིགས་སྐྱོང་གནང་བ། ཁོང་བཞུགས་སའི་གྲལ་གནས་གོ་བབ་མཐོ་བ་ཞིག་རེད་ཅེས་པ་ལྟ་བུ། |
| གོ་བརྗེས |
གོ་སའམ། གནས་སྤོས་པ་སྟེ། (དཔེར་ན།) འདོད་མོས་ཀྱིས་ལས་གནས་གོ་བརྗེས་བརྒྱབ་པ། རྟ་དང་གཡག་ལུག་གོ་བརྗེས་བརྒྱབ་ཅེས་པ་ལྟ་བུ། |
| གོ་བརྡ |
དོན་སྙིང་རྟོགས་རྒྱུ་ཡོད་པའི་ལུས་ཀྱི་རྣམ་འགྱུར་དང༌། ངག་གི་སྐད་ཆ། དེ་མིན་པའི་སྒྲ་དང་ཡི་གེ་སོགས་ཏེ། (དཔེར་ན།) ལུས་ངག་རྣམ་འགྱུར་ཅི་རིགས་ཀྱི་སྒོ་ནས་ནང་དོན་གྱི་གོ་བརྡ་སྤྲོད་པ། ཕན་ཚུན་གོ་བརྡ་འཛོལ་ནས་དོན་དག་ཕྱིན་ཅི་ལོག་ཏུ་གོ་བ། མངའ་ཁུལ་ཚང་མར་གོ་བརྡ་འཕྲོད་ངེས་ཀྱི་བཀོད་ཁྱབ་མཐར་ནན་བགྱིས་པ། སྐད་ཡིག་གི་འབྲུ་དོན་གོ་བརྡ་འཕྲོད་མིན་བྱུང་མཚམས་དོགས་སེལ་བྱེད་ཅེས་པ་ལྟ་བུ། |
| གོ་བཤེར |
ཁྲབ་རྨོག་ཕུབ་སོགས་མཚོན་ཆ་འགོག་སྲུང་བྱེད་པའི་རིགས་ལ་བལྟ་བཤེར་བྱས་པ་སྟེ། (དཔེར་ན།) དམག་དཔོན་གྱིས་དམག་གི་གོ་བཤེར་བྱས་ཏེ་སོང༌ཞེས་པ་ལྟ་བུ། |
| གོ་བསྐོན་གསེད་འགྲོལ |
གནད་དོན་གསལ་པོར་བཤད་པ་སྟེ། (དཔེར་ན།) ཁྱིམ་ཚང་ཚང་མར་གོ་བསྐོན་གསེད་འགྲོལ་བྱས་ཞེས་པ་ལྟ་བུ། |
| གོ་བསྡུར |
གྲོས་མོལ་ལམ་ཕན་ཚུན་གྲོས་བསྡུར་བྱས་པ་སྟེ། (དཔེར་ན།) རྟག་ཏུ་གོ་བསྡུར་བྱས་ན་དོན་གནད་གསལ་པོ་རྟོགས་རྒྱུར་ཕན་ཐོགས་པ་ཡོང༌ཞེས་པ་ལྟ་བུ། |
| གོ་བིན་ད |
(ལེགས་སྦྱར།) ཁྱབ་འཇུག |
| གོ་བེ་ལ |
(སོག་སྐད།) སྔར་འགྲོ་མགོན་ཆོས་རྒྱལ་འཕགས་པ་དང་སྐུ་ཐོག་གཅིག་པའི་ཡོན་རྒྱལ་རབས་ཀྱི་རྒྱལ་པོ་ཞིག་སྟེ་སེ་ཆེན་རྒྱལ་པོ་ཡང་ཟེར། |
| གོ་བོ |
བྱ་གོ་བོའི་མིང་སྟེ། བྱ་ཆེན་པོ་ཕྱུགས་ཀྱི་རུས་པ་ཁྱུར་མིད་བྱེད་པ་ཞིག་ཡིན། ཚིག་བསྡུས་ན་གོ་ཞེས་འབྲི་ཆོག་སྟེ། (དཔེར་ན།) གོ་བོའི་བྲུན་ལ་གོ་བྲུན་ཟེར་བ་ལྟ་བུ། |
| གོ་བོ་གླག་གག |
ཕོ་དྲོད་ཆེ་བའི་བྱ་ཆེན་ཞིག |
| གོ་བྱེ |
ཤིང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་སྲིན་ནད་གསོད། ཕོ་བའི་རིམས་སེལ། རྨ་སོགས་རུལ་བ་གཅོད། ཆུ་སེར་སྐེམ། མིང་གི་རྣམ་གྲངས་ལ་དཔལ་འབྲས་དང༌། མ་ནུ་ཁྲག་ཅན། མ་ནུ་བསེ་ཤིང༌། བསེ་འབྲས། བསེ་མ་ནུ་བཅས་སོ། ། |
| གོ་བྱེད |
དགེ་སློང་གི་ཡོ་བྱད་འཁར་གསིལ། |
| གོ་བློ |
ཤེས་རབ་བམ་བློ་གྲོས། |
| གོ་མ |
(ཡུལ་སྐད།) མནའ་མར་མ་ཕྱིན་པར་ཕ་མའི་ནང་དུ་ཡོད་པའི་བུད་མེད། |
| གོ་མག |
མག་པ། |
| གོ་མཚམས |
བར་མཚམས་ཀྱི་དོན་ཏེ། (དཔེར་ན།) འདི་གའི་གནས་ཚུལ་གོ་མཚམས་མེད་པར་ཞུས་ཡོད་པས་གསལ་པོར་མཁྱེན་ཡོད་ངེས་ཞེས་པ་ལྟ་བུ། |
| གོ་མཚོན |
མཚོན་ཆའི་རིགས། |
| གོ་མཛོད |
གོ་མཚོན་འཇོག་ཁང༌། |
| གོ་མི |
(ལེགས་སྦྱར།) བཙུན་པ། |
| གོ་མི་དགེ་བསྙེན |
ཇི་སྲིད་འཚོ་བའི་བར་དུ་དགེ་བསྙེན་གྱི་སྤང་བྱ་རྩ་བ་བཞི་དང་ཡན་ལག་བཞི་སྲུང་ཞིང༌། བཙུན་པའི་ཆ་ལུགས་འཆང་བའི་དགེ་བསྙེན། |
| གོ་མེད་ཚོར་མེད |
བཟང་ངན་དང་དགའ་སྡུག་གི་ཚོར་བ་གང་ཡང་མེད་པ། |
| གོ་ཙན་ཐང་ཆུ |
ཙན་དན་དཀར་པོའི་ཚིའམ་རྩི། |
| གོ་ཚོད |
ཤེས་པའི་ཚོད་ཡིན་ནམ་ཤེས་ན་ཆོག་ཅེས་པའི་དོན་ཏེ། (དཔེར་ན།) ཐེངས་མང་པོ་བསླབས་ཚར། དོན་ཧ་གོ་ཚོད་ཡིན་ཞེས་པ་ལྟ་བུ། |
| གོ་ཞུབ |
(བརྡ་རྙིང་།) ཁྲབ། |
| གོ་ཟློག |
གོ་རིམ་ལོག་པ་སྟེ། (དཔེར་ན།) དཔེ་ཆ་མགོ་མཇུག་གོ་ཟློག བླང་དོར་གོ་ཟློག་ཅེས་པ་ལྟ་བུ། |
| གོ་འཇོ |
བོད་མདོ་ཁམས་ཀྱི་རྫོང་ཞིག་སྟེ། བོད་དབུས་ཀྱི་ཤར་རྒྱུད་དང་འབྲི་ཆུའི་ནུབ་འགྲམ་དུ་ཡོད། |
| གོ་འཐུན |
(བརྡ་རྙིང་།) 1>གང་མོས། 2>སྣ་ཚོགས། 3>ཚོགས་ཤིང་འདུ་བ། |
| གོ་འདུན |
(བརྡ་རྙིང་།) 1>གང་མོས། 2>སྣ་ཚོགས། 3>འདག་རྫས། 4>ཚོགས་པའམ། འདུ་བ། |
| གོ་འཕང |
1.ཐོབ་ཐང་དང་གོ་སའི་མིང་སྟེ། (དཔེར་ན།) མཁས་པའི་གོ་འཕང་ཞེས་པ་ལྟ་བུ། 2.འཐོབ་བྱའི་འབྲས་བུ་དང་གོ་ས་སོགས་ཀྱི་དོན་ཏེ། (དཔེར་ན།) ལྷ་ཡི་གོ་འཕང་། རྒྱལ་པོའི་གོ་འཕང་ཞེས་པ་ལྟ་བུ། |
| གོ་འཕེར |
ཕན་ཐོགས་པོའམ་འཇོན་པོ་སྟེ། (དཔེར་ན།) ལས་བྱེད་གོ་འཕེར། དར་མ་གོ་འཕེར། ལས་གནས་གང་ལ་བཏང་ཡང་གོ་འཕེར་ཞེས་པ་ལྟ་བུ། |
| གོ་འབྱེད་ཅན |
(མངོན་བརྗོད།) ནམ་མཁའ། |
| གོ་འབྱེད་པ |
1.བར་མཚམས་སམ། དབྱེ་བ་འབྱེད་པ། 2.གོ་སྐབས་འབྱེད་པའམ་གོ་སྐབས་སྟེར་བ། |
| གོ་ཡུ |
1.ཤིང་སྨན་གྱི་རིགས་ཤིག་རོ་ཁ་ལ་ཚ་བ། ཞུ་རྗེས་དྲོད། ནུས་པས་མཁལ་ནད་སེལ། སོ་ཡི་རྩི་སྲུང་བར་བྱེད་ཅེས་པ་ལྟ་བུ། 2.རྭ་རྙིང་འཛུགས་བྱེད་ཀྱི་རྒྱུག་པ་ཞིག |
| གོ་ཡོག |
གོ་གཡོག་དང་འདྲ། |
| གོ་ར |
1.མེ་ཐལ་འཐེན་སའི་ར་སྐྱོར། 2(བརྡ་རྙིང་།) བཙོན་ར། |
| གོ་རིག |
གོ་སྟོབས་ཀྱི་རིག་པ་སྟེ། (དཔེར་ན།) གོ་རིག་ལ་གཞིགས་ནས་སློབ་ཕྲུག་སོ་སོས་སློབ་གཉེས་བྱས་ལྟ་བུ། |
| གོ་རིག་ཅན |
རིག་པ་གསལ་པོ་ཡོད་མཁན། |
| གོ་རིམ |
1.ངང་ཚུལ་ལམ་སྐབས་བབ་དང་མཐུན་པའི་རིམ་པ་སྟེ། (དཔེར་ན།) གོ་རིམ་དང་ལྡན་པ། ཤོག་གྲངས་ཀྱི་གོ་རིམ་འཁྲུགས་པ། ཨང་གྲངས་ཀྱི་གོ་རིམ་འཆོལ་བ་ཞེས་པ་ལྟ་བུ། མིང་གི་རྣམ་གྲངས་ལ་སྔོན་རྗེས་དང༌། རིམ་ཅན། རིམ་པ། སྲོལ་ཀ་བཅས་སོ། །2.རྒྱུ་དང་འབྲས་བུ་རེ་རེ་ནས་རིམ་བཞིན་འབྱུང་བ། ལྡན་མིན་འདུ་བྱེད་ཀྱི་ནང་གསེས་ཤིག |
| གོ་རེ |
(ཡུལ་སྐད།) ཁུར་བ་སྟེ། འབྲུ་རིགས་ཀྱི་ཕྱེས་བཅོས་པའི་ཟས་བག་ལེབ་དང་ཅོང་རྡོག་སོགས་ཀྱི་སྤྱི་མིང་། ཚིག་བསྡུས་ན་གོར་ཞེས་འབྲི་སྲོལ་ཡོད་དེ། (དཔེར་ན།) སྣུམ་གྱི་གོ་རེ་ལ་སྣུམ་གོར་ཟེར་བ་ལྟ་བུ། |
| གོ་རེ་ལོང |
(བརྡ་རྙིང་།) 1>ལག་གཡོག་གམ། གཡོག་བྱེད་པ། 2>བང་ཕྱིན་ནམ། མངག་གཞུག་པ། 3>རང་དབང་མེད་པར། |
| གོ་རྒས་མ |
ཕ་མའི་ཁྱིམ་རང་དུ་ན་ཚོད་རྒས་པའི་བུད་མེད། |
| གོ་རྒྱ |
1.ཐོས་རྒྱ་སྟེ། (དཔེར་ན།) གོ་རྒྱ་ཆུང་བའི་མི་ཞེས་པ་ལྟ་བུ།2.དོན་གོ་སྟོབས་ཀྱི་བློ་རྒྱ། |
| གོ་རྒྱ་ཅན |
1.ཚིག་དོན་རྒྱ་ཆེར་གོ་ཐུབ་མཁན། 2.ཐོས་པ་རྒྱ་ཆེ་ཡོད་པའི་མི། |
| གོ་རྒྱུ |
1.ཚིག་ཟུར་གྱིས་བསྟན་པའི་བརྡ་སྟེ། (དཔེར་ན།) ཁོའི་སྐད་ཆ་ལ་གོ་རྒྱུ་ཆེན་པོ་ཞིག་འདུག དེ་ལྟར་བྱས་ན་མི་འགྲིག་པའི་གོ་རྒྱུ་ཡང་ཡང་བཏང་བ་ཡིན། དངོས་སུ་ལབ་མེད་ཀྱང་ཚིག་ཤུགས་ལ་བརྟེན་ནས་གོ་རྒྱུ་མང་པོ་ཡོད་ཅེས་པ་ལྟ་བུ། |
| གོ་རྟོགས |
གོ་དོན་རྟོགས་པ་སྟེ། (དཔེར་ན།) བསམ་བློའི་གོ་རྟོགས་ཆུ་ཚད་མཐོ་རུ་གཏོང་བ། བཟང་ངན་དབྱེ་འབྱེད་ཐུབ་པའི་གོ་རྟོགས་ལྡན་ཞེས་པ་ལྟ་བུ། |
| གོ་རྩེད |
ལྷ་ལྡན་སྨོན་ལམ་ཆེན་མོའི་གཏོར་རྒྱག་སྐབས་གཟིམ་ཆུང་དམག་མིས་མེ་མདའ་དང༌། མདའ། གྲི། མདུང༌། ཕུབ་སོགས་གོ་ཆ་ཁྱེར་ནས་རྩལ་རྩེད་པ་ལ་གོ་རྩེད་ཟེར། |
| གོ་ལ |
1.སྲ་རྩིའི་རྒྱུ་བསེ་ཤིང་གི་ཁུ་བ། 2.མགྲོན་བུ་མེར་བསྲེགས་པའི་ཐལ་བ། 3.(ལེགས་སྦྱར།) ལེགས་སྦྱར་གྱི་སྐད་དུ་གུ་རུ་ལྕི་བ་དང༌། ལ་གྷ་མ་ཡང་བའི་དོན་བསྡུས་པའི་གུ་ལ། ཨུའི་ཡོན་ཏན་འཕེལ་བའི་གོ་ལ་གོ་ནི་མཐོ་རིས་སོགས་དང༌། ལ་ནི་ཡང་བ་སོགས་དོན་དུ་མར་འཇུག་པས་མཐོ་བར་གནས་པའི་གཟའ་སྐར་གྱི་རིས་རྣམས་མི་ལྟུང་བར་འཛིན་པས་མཐོ་རིས་འཛིན་དང༌། སྟེང་ཕྱོགས་སུ་ཁྱིམ་དང་ས་ལ་དུས་བཞི་འཁོར་བར་བྱེད་པའི་ལས་ཅན་ཡིན་པས་ཕྱོགས་འཁོར་དང༌། རི་གླིང་རྣམས་ཀྱི་སྟེང་དུ་གདུགས་ཀྱི་རྣམ་པས་གནས་པས་ཟླུམ་པོ་དང༌། ལྷུན་པོའི་སྟེང་དུ་མཐོ་ལ་མེ་དཀྱིལ་ཐད་ཀར་དམའ་བས་སྒང་གཤོང་དང༌། འདེགས་བྱེད་རླུང་སྟོབས་ལྗིད་ཆེ་ཞིང་འཕུལ་བྱེད་རླུང་སྟོབས་ཀྱི་ནུས་པ་ཡང་བས་ལྕི་ཡང་ཞེས་ཀྱང་བྱའོ། །དེ་ལ་ནམ་མཁའི་གོ་ལ་དང༌། སྐར་ཁྱིམ་དུ་རྒྱུ་བའི་ཉི་ཟླའི་གོ་ལ། སའི་གོ་ལ་སོགས་ཡོད་དོ། ། |
| གོ་ལག |
གོ་མཚོན། |
| གོ་ལའི་རླུང |
རྒྱུ་སྐར་སོགས་ཀྱི་འགྲོ་ལམ་སྟེང་གི་རླུང་རྒྱུན། |
| གོ་ལཱ |
(ལེགས་སྦྱར།) ལྡོང་རོས། |
| གོ་ལེ |
ལུས་ཀྱི་ཆ་ཤས་ངེས་མེད་ཀྱི་མིང་སྟེ། (དཔེར་ན།) སྨན་གཞུང་དུ་ཡན་ལག་གོ་ལེར་ཚ་བ་འཁྱུག་པ་སེལ་ཞེས་པ་ལྟ་བུ། |
| གོ་ལེབ |
རྭ་རྙིའི་ལྷུ་ལག་གྲས་ཤིག |
| གོ་ལོ |
1.གོ་ཙམ་ཤེས་ཙམ་སྟེ། (དཔེར་ན།) མི་དེས་བཤད་ཚད་གོ་ལོ་ཐོས་ལོ་ཁོ་ན་རེད་ཅེས་པ་ལྟ་བུ། 2.ངེས་གསལ་མེད་པའི་ཟེར་སྒྲོས་ཏེ། (དཔེར་ན།) སྐད་ཆ་འདི་གོ་ལོ་ཐོས་ལོ་ཡིན་མ་གཏོགས་བརྟན་བརྟནs་བཤད་རྒྱུ་མེད་ཅེས་པ་ལྟ་བུ། |
| གོ་ལོ་གདེང་ལྡན |
མི་གོ་ཆོད་པ་དང་གདེང་ཚོད་ལྡན་པ། |
| གོ་ལོག |
1.ཕྱིན་ཅི་ལོག་པ་དང༌། ཡང་དག་མ་ཡིན་པ་སྟེ། (དཔེར་ན།) སྙིང་རྗེ་གོ་ལོག བརྩོན་འགྲུས་གོ་ལོག་ཅེས་པ་ལྟ་བུ།2.གོ་བ་ལོག་པ་སྟེ། (དཔེར་ན།) ཕན་པར་སྨྲས་པ་ལ་གནོད་པར་གོ་ལོག་བྱེད་པ། སེམས་བཟང་བྱས་པ་ལ་བསམ་ངན་དུ་གོ་ལོག་བྱེད་ཅེས་པ་ལྟ་བུ། 3.སྔ་ཕྱི་ཕན་ཚུན་གོ་བརྗེ་བ་སྟེ། (དཔེར་ན།) གདོང་མཇུག་གོ་ལོག་བྱེད་པ། |
| གོ་ལོག་པ |
གོ་རིམ་མམ། གོ་ས་ལོག་པ་སྟེ། (དཔེར་ན།) གོང་འོག་གམ་སྟེང་འོག་ག་ཕྱི་ལོག་པར་གྱུར་པ། དཔོན་གཡོག་གོ་ལོག་ཅེས་པ་ལྟ་བུ། |
| གོ་ལོག་མ |
མནའ་མར་འགྲོ་ས་ནས་རང་གི་ཕ་མའི་ནང་ལ་ལོག་པའི་བུད་མེད། |
| གོ་ལོད |
(ཡུལ་སྐད།) གོ་བརྡ་འཕྲོད་ལོད་དམ་གོ་བདེ་ལོད་དེ། (དཔེར་ན།) ཁོའི་སྐད་ཆ་དེ་ཁྱོད་ཀྱི་རྣ་བར་གོ་ལོད་ཇི་འདྲ་འདུག་ཅེས་པ་ལྟ་བུ། |
| གོ་ལོབ |
(བརྡ་རྙིང་།) 1>མྱུར་བ། 2>གཡོ་སྒྱུ། |
| གོ་ལྡོག་པ |
1.གནས་འགྱུར་བ། 2.གོ་དོན་ཕྱིན་ཅི་ལོག་པ། 3.དཀར་ནག་གོ་ལྡོག་པ། |
| གོ་ཤིརྵ |
(ལེགས་སྦྱར།) ཙན་དན་དཀར་པོ། |
| གོ་ཤེས |
རྟོགས་པ་དང་ཤེས་པ། |
| གོ་ས |
གོ་གནས་ཏེ། (དཔེར་ན།) གོ་ས་མཐོ་རུ་བཏང་བ། གོ་ས་འདྲ་བ་གཅིག་ནས་གཅིག་ཏུ་སྤོ་བ། གོ་ས་འཕོས་ནས་ལས་འགན་གསར་པ་ཞིག་འཁུར་ཞེས་པ་ལྟ་བུ། |
| གོ་སྐབས |
1.དུས་ཚོད་དམ་དུས་སྐབས་ཏེ། (དཔེར་ན།) ལྟ་སྐོར་དུ་འགྲོ་རྒྱུའི་གོ་སྐབས་རྙེད་པ། སློབ་གཉེར་བྱེད་པའི་གོ་སྐབས་འབྱེད་པ་ཞེས་པ་ལྟ་བུ། 2.བར་མཚམས་ཏེ། (དཔེར་ན།) ཧུར་བརྩོན་མ་བྱས་པར་གོ་སྐབས་བཟང་པོ་དོན་མེད་དུ་ཤོར་བ། སྐོར་བ་འཁོར་བའི་གོ་སྐབས་མ་བཞག་ཅེས་པ་ལྟ་བུ། |
| གོ་སྐལ |
ཐོབ་པའི་སྐལ་གྱི་མིང་། |
| གོ་སྒྲིག |
གྲ་སྒྲིག་སྟེ། (དཔེར་ན།) ཚོགས་འདུའི་གོ་སྒྲིག་ལེགས་པར་ཟིན་པ། སློབ་སྦྱོང་གི་གོ་སྒྲིག་བྱེད་རྒྱུ་མ་བྱུང༌ཞེས་པ་ལྟ་བུ། |
| གོ་སྒྲུབ |
ཤེར་ཕྱིན་དོན་བདུན་ཅུའི་ནང་གསེས། ཐེག་ཆེན་ལ་འཇུག་པའི་ཕྱིར་གོ་བགོས་པ་གོ་ཆའི་སྒྲུབ་པ་ཐེག་ཆེན་སེམས་བསྐྱེད་ལ་བརྟེན་ནས་དོན་གཉིས་སྒྲུབ་པའི་བྱ་བ་གང་ཞིག་ཕར་ཕྱིན་དྲུག་རེ་རེའི་ནང་དུ་དྲུག་དྲུག་ཚང་བར་བསྡུས་ནས་ཉམས་སུ་ལེན་པའོ། ། |
| གོ་སྙོད |
སྔོ་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་དུག་དང༌། རླུང་ཚད། མིག་ནད་བཅས་ལ་ཕན། |
| གོ་སྟོབས |
བློ་གྲོས་ཀྱི་སྟོབས་ཏེ། (དཔེར་ན།) མི་དེ་ལུས་སྟོབས་ཆེ་བ་ཙམ་མ་ཟད། གོ་སྟོབས་ཀྱང་ཆེན་པོ་ཡོད་ཅེས་པ་ལྟ་བུ། |
| གོ་སྣང |
ཐོས་ཚུལ་ལམ། ཐོས་སྣང༌སྟེ། (དཔེར་ན།) ཁྱེད་རང་གིས་དེ་ལྟར་གསུངས་ཀྱང༌། ངའི་གོ་སྣང་ལ་འདི་འདྲ་ཞིག་གོ་བྱུང༌ཞེས་པ་ལྟ་བུ། |
| གོ་ཧྲག |
མི་དང་གོ་མཚོན་རྟ་བཅས་བཟང་བའི་དཔུང༌། |
| གོག |
(བྱེད་མེད་ལས་ཚིག) ཡན་ལག་བཞི་ས་ལ་བཙུགས་ནས་འགྲོ་བའི་དོན་ཏེ། (དཔེར་ན།) གོག་ནས་འགྲོ། གོག་འགྲོ་བྱེད་ལྟ་བུ། |
| གོག་པ |
(བྱེད་མེད་ལས་ཚིག) 1>ཡན་ལག་བཞིའམ་སུག་བཞི་ས་ལ་བཙུགས་ཏེ་འགྲོ་བ། (དཔེར་ན།) ཕྲུ་གུ་གོག་ནས་འགྲོ་བ་ལྟ་བུ། 2>ལྷུང་བའི་དོན་དུ་འཇུག་པའི་འགོག་པའི་འདས་པ། |
| གོག་པོ |
1.(རྒྱན་ཚིག) སུག་བཞི་ས་ལ་བཙུགས་པའི་འགྲོ་སྟངས་ཏེ། (དཔེར་ན།) གོག་པོ་བསྒུར་ནས་ཕྱིན་སོང༌། ལངས་མི་ཐུབ་པར་གོག་པོ་བྱས་ནས་འགྲོ་ཞེས་པ་ལྟ་བུ། 2.རྙིང་ཧྲུལ་ཏེ། (དཔེར་ན།) ལྗོན་ཤིང་གོག་པོ། ཁང་པ་གོག་པོ། མཁར་རྫོང་གི་རྙིང་ཤུལ་གོག་པོ་ཞིག་ལུས་ཞེས་པ་ལྟ་བུ། |
| གོག་ཚེ |
རི་དྭགས་འཛིན་བྱེད་ཀྱི་རྙི་དང་རྒྱ། |
| གོག་སྐྱོན |
རྙིང་ནས་སྐྱོན་ཅན་དུ་གྱུར་པ་སྟེ། (དཔེར་ན།) ལོ་རྒས་པའི་གོག་སྐྱོན་ཅན། ཁང་པ་རྙིང་ཧྲུལ་གོག་སྐྱོན་ཅན་ཞེས་པ་ལྟ་བུ། |
| གོག་ཧྲུལ |
རྙིང་རུལ། |
| གོང |
1.རིན་པ་དང༌། ཐང་གཞི་སྟེ། (དཔེར་ན།) གོང་ཁེ་པོ། གོང་ཚད། གོང་བཅག་པ། འབྲུ་གོང༌། ཟོག་གོང་འཕར་ཆག ཡུལ་གོང་ཆག་པ། ཁྲོམ་གོང་སྤར་ཞེས་པ་ལྟ་བུ། 2.ལྟག་མ་དང༌། བླ་དང༌། སྟེང༌གི་དོན་ཏེ། (དཔེར་ན།) རིམ་པ་གོང་འོག དབང་ཆ་གོང་ན་མེད་པ། སྟོབས་ཤུགས་གོང་ནས་གོང་དུ་འཕེལ་བ། ས་སྟེང་གི་གོང་དུ་ས་བླ་ཡིན་ཞེས་པ་ལྟ་བུ། 3.ཐོག་མ་དང་སྔོན་གྱི་དོན་ཏེ། (དཔེར་ན།) གོང་སྨོས་ལྟར། གོང་མཚུངས། གོང་ཞུས་ལྟར། གོང་བཞིན། ངའི་བསམ་འཆར་གོང་དུ་བརྗོད་པ་དེ་ག་རང་ལས་མེད། དགུན་དུས་མ་ཤར་གོང༌ཞེས་པ་ལྟ་བུ། |
| གོང་གཏམ་པ |
རིན་གོང་སྒྲིག་པ། |
| གོང་གཤམ |
1.ཐང་གའི་མེ་ལོང་གི་ཕྱོགས་བཞིའི་གོས་ཆེན་མཐའ་ལྕགས་ཕྱི་ནང༌། 2.སྟེང་དང་འོག |
| གོང་གསལ |
ཐོད་དུ་འཁོད་པ་དང༌། སྔོན་དུ་བརྗོད་པའི་དོན་ཏེ། (དཔེར་ན།) ཞུ་རྒྱུའི་དོན་གནད་ཚང་མ་ཡི་གེའི་བརྗོད་བྱ་གོང་གསལ་ལྟར་ལ་ཧེ་བག་མེད་ཅེས་པ་ལྟ་བུ། |
| གོང་གུ་རྨེ་རུ |
ལྷ་སའི་ཇོ་བོ་དབུ་སྐྲའི་རྡོ་རིང་དུ་གསལ་བའི་སྐབས་དེའི་ཐེའུ་ཅུའི་ཕྱོགས་ཀྱི་ཡུལ་ཞིག་གི་མིང༌། |
| གོང་གོང |
སྔ་མའི་སྔ་མ། |
| གོང་ཐག |
1.རིན་ཐང་གི་ཆོད་མཚམས་ཏེ། (དཔེར་ན།) ཉོ་ཚོང་གི་གོང་ཐག་བཅད་ཅེས་པ་ལྟ་བུ། 2.སྒའི་གོང་ཐག |
| གོང་ཐང |
རིན་ཐང༌གི་དོན་ཏེ། (དཔེར་ན།) རྟ་ཕོ་བྲེས་ལ་བཏགས་ན། གོང་ཐང་མི་ཡིས་རྒྱག་ཡོང༌ཞེས་པ་ལྟ་བུ། |
| གོང་ཐིག |
ཤམ་བུའི་གོང་བའི་སྟེང་གི་ཐིག་ལེ་ལྔ་ཚོམ་གྱི་མིང༌། |
| གོང་དཀར |
1.བྱ་གོང་མོ་ལས་ཆེ་ཞིང༌། རྫ་རི་མཐོ་སར་གནས་པའི་བྱ་ཞིག 2.རྫོང་ཞིག་སྟེ། བོད་ཀྱི་ཡར་ཀླུངས་གཙང་པོའི་རྐེད་རྒྱུད་དང༌། ཡར་འབྲོག་གཡུ་མཚོའི་བྱང་ངོས་སུ་ཡོད། |
| གོང་དུ་འཕོ་བ |
གཟུགས་སུ་ཉེ་བར་འགྲོ་བ་གསུམ་གྱི་ནང་གསེས། གཟུགས་ཁམས་སུ་དང་པོར་སྐྱེས་པའི་རྟེན་ལ་མྱང་འདས་མི་འཐོབ་པར་གོང་དུ་འཕོས་ཏེ་འདའ་བའོ། དེ་ལའང་འོག་མིན་གྱི་མཐར་ཐུག་པར་འགྲོ་བ་དང༌། སྲིད་རྩེའི་མཐར་ཐུག་པར་འགྲོ་བ་སྟེ་གཉིས་ཡོད་དོ། ། |
| གོང་ཕུད |
གོང་དུ་ཕུད་པ་སྟེ། (དཔེར་ན།) མི་དེ་གོང་དུ་ཕུད་པ། ར་བཟི་སྨྱོན་པ་གོང་དུ་ཕུད། དཀོན་མཆོག་གོང་ཕུད་ཅེས་པ་ལྟ་བུ། |
| གོང་ཕེབས |
གོང་དུ་བཀའ་ཇི་ལྟར་ཕེབས་པའི་དོན་སྙིང༌གོང་ཕེབས་བཞིན། ཕྲན་བསོད་ནམས་དཔལ་འབྱོར་ནས་ཞལ་འདེབས་སྲང་ཆིག་སྟོང་ཐམ་པ་ཕུལ་ཞེས་པ་ལྟ་བུ། |
| གོང་བ |
གོས་ཀྱི་གོང་བ་སྟེ། (དཔེར་ན།) གོང་གོར། ཝ་གོང༌། སྟོད་ཐུང་གི་གོང་བའི་མཐའ་ལྕགས་ལ་མེ་ཏོག་གིས་བརྒྱན་པ། གོས་གོང་བ་མེད་ན་བཟོ་འཕྲོ་རེད་ཅེས་པ་ལྟ་བུ། |
| གོང་བཀུར |
གོང་དུ་བཀུར་བ་སྟེ། མཐོང་ཆེར་བརྩིས་པ་དང༌། ཐོད་དུ་འཁུར་བ། (དཔེར་ན།) རང་གི་ཕ་མར་གོང་བཀུར་བྱེད་ཅེས་པ་ལྟ་བུ། |
| གོང་བུ |
1.གཅིག་ཏུ་འདྲིལ་བའི་རྡོག་པོ་རིལ་མོ་སྟེ། (དཔེར་ན།) སའི་གོང་བུ། ལྕགས་ཀྱི་གོང་བུ། མཐུན་སྒྲིལ་གོང་བུ་གཅིག་གྱུར་ཞེས་པ་ལྟ་བུ། མིང་གི་རྣམ་གྲངས་ལ་གོར་མདང༌། གོར་གཟུགས། རྡོག་པོ་བཅས་སོ། །2.འདོད་ཁམས་ཀྱི་རྫས་ས་ཆུ་མེ་རླུང་ལ་བརྟེན་ནས་ཐོག་མར་གཟུགས་དྲི་རོ་རེག་ཤིན་ཏུ་ཕྲ་རབ་བྱུང་བ་རྣམས་ཡེ་ཤེས་ཁོ་ནའི་སྤྱོད་ཡུལ་ཡིན་པ་དེ་ལ་གོང་བུ་ཟེར། གོང་བུ་འདུས་ཏེ་རྡུལ་ཕྲན་ཕྲ་རབ་བྱུང་ཞིང་དེ་ནས་བདུན་ལྡབ་བདུན་ལྡབ་ཏུ་འགྱུར་བས་རྡུལ་ཕྲན་དང༌། ལྕགས་རྡུལ། ཆུ་རྡུལ། རི་བོང་རྡུལ། ལུག་རྡུལ། གླང་རྡུལ་བཅས་རིམ་གྱིས་བྱུང་བའི་ཐ་མར་ཉི་མའི་འོད་ཟེར་གྱི་རྡུལ་བྱུང་བ་དེ་ཉིད་གཞི་ནས་ཤ་མིག་གི་སྤྱོད་ཡུལ་དུ་གྱུར། 3.(མངོན་བརྗོད།) ལྕགས། |
| གོང་བོ |
ཡན་ལག་མེད་ཅིང་ལྟོ་བས་འགྲོ་མཁན། |
| གོང་མ |
1.རྒྱལ་པོ་ཆེན་པོ་སྟེ། (དཔེར་ན།) མངའ་བདག་གོང་མ། གོང་མའི་ཕོ་བྲང༌། གོང་མ་ཆེན་པོ། གོང་མའི་རྒྱལ་ཁབ་ཅེས་པ་ལྟ་བུ། 2.སྔ་རབས་ཀྱི་བླ་མ་དམ་པ་སྟེ། (དཔེར་ན།) ས་སྐྱ་གོང་མ་ལྔ། བོན་གྱི་གོང་མ་ཆེ་དྲུག་ཅེས་པ་ལྟ་བུ།2.སྔོན་མ་དང༌། སྟེང་མའི་དོན་ཏེ། (དཔེར་ན།) མི་རབས་གོང་མ། རིམ་པ་གོང་མ། གོང་མའི་གོང་མ། ཁམས་གོང་མ། ས་གོང་མ་ཞེས་པ་ལྟ་བུ། |
| གོང་མ་ཆེ་དྲུག |
བོན་གྱི་བླ་མ་དྲུག |
| གོང་མ་མཆོད་ཡོན |
སྔར་བོད་ཀྱི་མཆོད་གནས་སམ་བླ་མ་མཐོ་ཤོས་ཏཱ་ལའི་བླ་མ་དང་ཡོན་བདག་གམ་སྦྱིན་བདག་མཐོ་ཤོས་རྒྱ་ནག་གོང་མ་ལྟ་བུ་ལ་ཟེར། |
| གོང་མ་ཚང |
སྔ་དུས་གོང་མ་དཔོན་འཁོར་བཞུགས་གནས་དང་བཅས་པའི་སྤྱི་མིང༌། |
| གོང་མ་སྲིག |
བྱ་སྲེག་པའི་མིང་ཡིན་ཞིང་། ཧ་ལམ་གོང་མོ་དང་འདྲ་ཡང་མཆུ་རྐང་དམར་པོ་མིན། |
| གོང་མ་སྲེག |
བྱ་སྲེག་པ་བྱ་གོང་མོ་དང་ཆ་འདྲ་ཡང་མཆུ་རྐང་དམར་མིན་སེར་པོ་ཞིག |
| གོང་མཐུན |
1.སྔ་མ་དང་མཐུན་པ། 2.རིན་གོང་འཚམས་པ། |
| གོང་མའི་གནས་གཙང་ལྔ |
གནས་གཙང་མའི་ས་ལྔ་དང་དོན་གཅིག |
| གོང་མའི་ཆ་མཐུན་གྱི་ཀུན་སྦྱོར་ལྔ |
གོང་མའི་ཆ་མཐུན་ལྔ་དང་དོན་གཅིག |
| གོང་མའི་ཆ་མཐུན་ལྔ |
ཁམས་གོང་མའི་ཆ་མཐུན་ཏེ། གཟུགས་དང་གཟུགས་མེད་ཀྱི་ཀུན་སྦྱོར་ལྔ་ནི། གཟུགས་ཀྱི་འདོད་ཆགས་དང༌། གཟུགས་མེད་པའི་འདོད་ཆགས་དང༌། རྒོད་པ་དང༌། རྨོངས་པ་དང༌། ང་རྒྱལ་བཅས་སོ། ། |
| གོང་མོ |
སྤང་ལ་གནས་པའི་ལྷ་བྱ་གོང་མོ་སྤུ་མདོག་སྐྱ་སེར་དང༌། ལྟོ་བའི་སྤུ་མདོག་ཁྲ་བོ་བསྟར་ལ་བསྒྲིགས་པ། མཆུ་རྐང་དམར་པོ་ཅན་ཞིག |
| གོང་མོ་མཚོ |
བོད་དབུས་ཀྱི་སྣ་དཀར་རྩེ་རྫོང་ཁོངས་ཡར་འབྲོག་གཡུ་མཚོའི་ནུབ་ངོས་སུ་ཡོད། |
| གོང་འཁོད |
གོང་དུ་གསལ་བ། |
| གོང་འགྲིག |
གོང་ཐག་ཆོད་པ། |
| གོང་འཐུས |
1.གོང་གིས་གོ་ཆོད་པ། 2.སྔར་གྲོ་མོ་བའི་མི་སེར་གྱི་འགོ་བྱེད་དེ། རྫོང་གཞིས་གཞན་དག་གི་ཚོ་དཔོན་དང་འདྲ་བ་ཞིག |
| གོང་འཕེལ |
ཡར་རྒྱས་ཏེ། (དཔེར་ན།) ཉིན་བཞིན་གོང་འཕེལ་དུ་འགྲོ་བ། མི་དམངས་ཀྱི་འཚོ་བ་རིམ་བཞིན་གོང་འཕེལ་དུ་ཕྱིན་ཅེས་པ་ལྟ་བུ། |
| གོང་འབབ |
རིན་འབབ། |
| གོང་འོག |
གོང་དང་གཤམ་མམ་སྟེང་འོག་གི་དོན་ཏེ། (དཔེར་ན།) གོང་འོག་བསྣོར་བ། གོང་འོག་འཕོས་པ། སྟོད་སྨད་གོ་རིམ་གོང་འོག་འཆོལ་བ། དཔེ་ཆའི་ལེ་ཚན་གོང་འོག་གོ་ལྡོག་བྱས་ནས་བསྒྲིགས་ཞེས་པ་ལྟ་བུ། |
| གོང་རིམ |
གོང་གི་རིམ་པ། |
| གོང་རོལ |
སྔ་རོལ་ལམ་སྔོན། |
| གོང་རྒྱག་པ |
1.རིན་ཚད་བཤད་པ་སྟེ། (དཔེར་ན།) གོང་ཡང་ཏིག་རྒྱག་པ། ཧར་གོང་བརྒྱབ་པ་ཞེས་པ་ལྟ་བུ། 2.རྩི་མཐོང་འཇོག་པ་སྟེ།་ (དཔེར་ན།) ཤ་ཤི་ཤ་ལ་མི་ལྟ་ཡང༌། སྡེར་མ་གསེར་སྡེར་ལ་གོང་བརྒྱབ་ཅེས་པ་ལྟ་བུ། |
| གོང་རྒྱན |
གོས་ཀྱི་གོང་བའི་ཕྱི་རྒྱན། |
| གོང་རྨེད |
སྒའི་གོང་ཐག་དང་རྨེད་ཐག |
| གོང་ལྟར |
སྔ་མ་ནང་བཞིན། |
| གོང་ས |
1.བླ་དཔོན་མཐོ་ཤོས་ཀྱི་གོ་ས་སྤྱིའི་མིང༌སྟེ། (དཔེར་ན།) ས་སྐྱོང་གོང་ས། ཁྲིམས་བདག་གོང་ས་ཞེས་པ་ལྟ་བུ། 2.གོང་མའི་ས། |
| གོང་ས་མཆོད་ཡོན |
སྔར་བོད་ཀྱི་བླ་སྤྲུལ་མཐོ་ཤོས་ཏཱ་ལའི་བླ་མ་ལྟ་བུ་དང༌། ཡོན་བདག་མཐོ་ཤོས་བོད་ཀྱི་རྒྱལ་ཚབ་ལྟ་བུ་བཅས་ལ་ཟེར་ཞིང༌། སྐབས་འགར་ཏཱ་ལའི་བླ་མ་དང་པཎ་ཆེན་ཨེར་ཏེ་ནི་ཕན་ཚུན་བླ་སློབ་ཏུ་གྱུར་མཚམས་གོང་ས་མཆོད་ཡོན་ཡང་ཟེར། |
| གོང་སའི་དབང་པོ |
1.(མངོན་བརྗོད།) གཟུགས་ཁམས་ཀྱི་བདག་པོ་ཚངས་པ། 2.ས་གོང་མར་ཡོད་པའི་དབང་པོ། |
| གོང་སའི་སྙོམས་འཇུག |
གཟུགས་གཟུགས་མེད་ཀྱི་སྙོམས་འཇུག |
| གོང་སྒྲིག |
ཚོང་ཟོག་ལ་རིན་ཐང་ཡང་ཏིག་ཤོད་རེས་བྱེད་པ། |
| གོང་སྤེལ |
གོང་དུ་སྤེལ་བ་སྟེ། (དཔེར་ན།) ཡར་རྒྱས་གཏོང་བ། བཟོ་ཞིང་གི་ཐོན་སྐྱེད་གོང་སྤེལ་གཏོང་བ། སྤུས་ཚད་གོང་དུ་སྤེལ་བ་ལྟ་བུ། |
| གོང་སྨན་དཀོན་ཅོག་ཕན་དར |
རབ་བྱུང་དགུ་པའི་ནང་གཙང་ས་སྐྱར་སྐུ་འཁྲུངས། དགུང་ལོ་དགུའི་ཐོག་རང་གི་མེས་པོ་དཀོན་ཅོག་བདེ་ལེགས་སོགས་བསྟེན་ནས་གསོ་བ་རིག་པ་དཔྱིས་ཕྱིན་པར་སྦྱངས། གསོ་བ་རིག་པའི་མན་ངག་སྤྱི་དང་ཁྱད་པར་དུ་དཔལ་ལྡན་བྱང་པའི་བཞེད་པ་གཙོ་བོར་བསྟན་ནས་འགྲོ་དོན་བསྐྱངས། གསུང་རྩོམ་ཡང་རྩ་རྒྱུད་ཀྱི་འགྲེལ་པ་མེ་ལོང་མཐོང་གསལ། མན་ངག་གི་སྐོར་ལ་གསོ་རིག་དགོས་འདོད་འབྱུང་བ་ནོར་བུའི་ཕྲེང་བ་ཞེས་བྱ་བ། ཉམས་ཡིག་བརྒྱ་རྩར་གྲགས་པ་རྣམས་མཛད། བརྒྱུད་འཛིན་གྱི་སློབ་མ་མངའ་རིས་པ་བདེ་ཆེན་དང༌། མང་མཁར་བདེ་གླིང་པ་ཉི་མ་གྲགས་སོགས་བྱུང༌། |
| གོང་སྨན་དཀོན་ཅོག་བདེ་ལེགས |
རབ་བྱུང་བརྒྱད་པའི་ནང་གཙང་ས་སྐྱར་སྐུ་འཁྲུངས། བྲང་ཏི་ཆོས་རྒྱལ་བཀྲ་ཤིས་སོགས་སློབ་དཔོན་མང་པོ་བསྟེན་པ་དང༌། གངས་རིའི་ལྗོངས་ན་གྲགས་པའི་གསོ་བ་རིག་པའི་ཡིག་ཆ་ཕལ་མོ་ཆེ་ལ་ཞིབ་ཏུ་གཟིགས་ཏེ། རྒྱ་བོད་ཀྱི་མཁས་པ་དུ་མའི་སྙན་བརྒྱུད་གབ་པ་རྣམས་ཁོལ་དུ་བཏོན་ནས་ཁྲིགས་སུ་བསྡེབས་པའི་མན་ངག་པོ་ཏི་དམར་པོ་དང༌། པོད་ནག་པོད་ཁྲ། ཕྱི་མ་རྒྱུད་ཀྱི་དཀའ་འགྲེལ་གནས་ཐམས་ཅད་གསལ་བའི་སྒྲོན་མེ། བརྒྱུད་པའི་རྣམ་ཐར། སྨན་མིང་བརྡ་སྤྲོད། རྒྱུད་ཀྱི་དཀའ་འཕྲང་འགྲོལ་བའི་ཤོག་སེར་བཅས་པོད་བདུན། རྩ་ཆུའི་གནད་འགྲོལ་ཞལ་གྱི་གདམས་པ་དམར་འབྱིན། སྔོའི་འཁྲུངས་དཔེ་དོན་བསྡུས། ཁྱད་པར་དུ་དཔལ་ལྡན་རྒྱུད་བཞི་ལ་མཆན་འགྲེལ་ཤིན་ཏུ་རྒྱས་པར་འདེབས་པའི་རྒྱུད་ཆེན་ཁྲ་མོ་བེ་བུམ་སེང་ལྡིང་མར་གྲགས་པ་སློབ་དཔོན་བསྟེན་མི་དགོས་པར་བལྟས་པ་ཙམ་གྱིས་གྲོལ་བར་བཞེད་པ་རྣམས་མཛད་དེ་གསོ་བ་རིག་པའི་བསྟན་པ་དགུང་དུ་བཏེགས། |
| གོད་ཀ |
རྒྱུ་ནོར་དང་ཕྱུགས་ཀྱི་སྟོར་བརླག་ཤི་ཆད་དེ། (དཔེར་ན།) མི་དམངས་ཀྱི་རྒྱུ་ནོར་ལ་གོད་ཀ་ཡོང་དུ་མི་འཇུག མི་ལ་ནད་གཞི་དང་ཕྱུགས་ལ་གོད་ཀ་གང་ཡང་མེད་ཅེས་པ་ལྟ་བུ། |
| གོད་ཁ |
གོད་ཀ་དང་འདྲ། |
| གོད་ཆགས |
ཤི་གོད་དང་གྱོང་གུད་སྤྱིའི་དོན་ཏེ། (དཔེར་ན།) ད་ལོ་གནག་ཕྱུགས་ལ་གོད་ཆགས་གང་ཡང་བྱུང་མི་འདུག་ཅེས་པ་ལྟ་བུ། |
| གོད་ཆུང |
གྱོང་གུད་ཆུང་བའི་དོན། |
| གོད་པ |
(བྱེད་མེད་ལས་ཚིག) ཉམས་པའམ་ཟད་པ་སྟེ། (དཔེར་ན།) སྔར་ཡོད་ནོར་རྣམས་གོད་ནས་མི་འདུག་ཅེས་པ་ལྟ་བུ། |
| གོད་མ |
(བརྡ་རྙིང་།) 1>ཟས་ཀྱི་གཟེགས་མའམ་རོ་མ་དང༌། གོས་ཀྱི་ལྷག་མ་སོགས། 2>ཞིག་རལ་དུ་སོང་བ་རྣམས། |
| གོན |
(བྱེད་འབྲེལ་ལས་ཚིག) ལྷམ་གོས་སོགས་གྱོན་པའི་དོན་ཏེ། (དཔེར་ན།) ལུས་ལ་ལྭ་གོན། རྐང་ལ་ལྷམ་གོན། མགོ་ལ་ཞྭ་གོན་ལྟ་བུ། |
| གོན་པ |
ལྭ་བ་སོགས་གྱོན་ཆས་ཀྱི་སྤྱི་མིང་སྟེ། གྱོན་པ་དང་དོན་གཅིག |
| གོབ |
གབ་པའི་སྐུལ་ཚིག |
| གོབ་ལོབ |
(བརྡ་རྙིང་།) སླ་བཅོས་ཏེ། (དཔེར་ན།) བསྒྲུབ་བྱར་གོབ་ལོབ་མ་བྱེད་ཅེས་པ་ལྟ་བུ། |
| གོམ་ཁ |
གོམ་པ་སྤོ་བའི་རྣམ་པ་སྟེ། (དཔེར་ན།) གོམ་ཁ་ཡང་པོ། གོམ་ཁ་དལ་མོ་ཞེས་པ་ལྟ་བུ། |
| གོམ་པ་ཕྱིར་ཕྲི་བ |
(བརྡ་རྙིང་།) གོམ་པ་ཕྱིར་འཐེན་པ། |
| གོམ་པ་བོར་བ |
(བརྡ་རྙིང་།) གོམ་པ་སྤོ་བ། |
| གོམ་ཚུལ |
གོམ་པ་འདོར་བའི་རྣམ་པ། |
| གོམ་ཞེང |
ལམ་དུ་འགྲོ་སྐབས་རྐང་གཉིས་ཀྱི་བར་ཚད་དེ། (དཔེར་ན།) གོམ་ཞེང་ཆེན་པོས་མདུན་དུ་བགྲོད་ཅེས་པ་ལྟ་བུ། |
| གོམ་འཁྱོར |
གོམ་པ་ཡ་ཡོར་གྱུར་པའི་དོན་ཏེ། (དཔེར་ན།) རྟ་རྒས་ན་གོམ་འཁྱོར། མི་རྒས་ན་རིག་འཁྱོར་ཞེས་པ་ལྟ་བུ། |
| གོམ་འཁྱོལ |
རྐང་ཐང་ལ་ཕྱིན་ཏེ་སླེབས་པ། |
| གོམ་འགྲོས |
རྐང་པའི་འགྲོ་སྟངས་ཏེ། (དཔེར་ན།) ཆང་གིས་ར་བཟི་སྟེ་གོམ་འགྲོས་འཁྱོར། ལུས་སྟོབས་ཆེ་ལ་གོམ་འགྲོས་མྱུར་ཞེས་པ་ལྟ་བུ། |
| གོམ་རླབས |
གོམ་ཞེང༌། |
| གོམ་ཤུགས |
གོམ་སྟབས། |
| གོམ་ཤུགས་ཅན |
གོམ་ཤེད་ཆེན་པོ། |
| གོམ་སྟབས |
ལམ་ལ་འགྲོ་སྐབས་ཀྱི་གོམ་པ་སྤོ་བའི་རྣམ་པའི་མིང་སྟེ། (དཔེར་ན།) གོམ་སྟབས་ཆེན་པོ་སྤོས་ནས་སྔོན་དུ་སོང་ལྟ་བུ། |
| གོམས |
(བྱེད་མེད་ལས་ཚིག)1.གོམས་འདྲིས་སུ་གྱུར་པའི་དོན་ཏེ། (དཔེར་ན།) གང་ལ་གོམས་པ་དེ་ལ་མཁས། དཔེ་ཆ་ཀློག་པ་ལ་གོམས་པ་ཞེས་པ་ལྟ་བུ། 2.བྱང་ཆུབ་པའི་དོན་ཏེ། (དཔེར་ན།) ལག་རྩལ་ལ་གོམས་པའི་བཟོ་པ་ཞེས་པ་ལྟ་བུ། |
| གོམས་གཤིས |
གོམས་པའི་རྒྱུ་དག་གམ་ལུགས་སྲོལ་ཏེ། (དཔེར་ན།) ཡུལ་དེའི་གོམས་གཤིས་ལུགས་བཟང་ཞེས་པ་ལྟ་བུ། |
| གོམས་པ |
(བྱེད་མེད་ལས་ཚིག) བྱང་བའི་དོན་ཏེ། (དཔེར་ན།) ལག་ཤེས་གོམས་ན་མཁས་པར་འགྱུར། འཚོ་བ་སྐྱེལ་ལུགས་གསར་པར་གོམས་ཞེས་པ་ལྟ་བུ། |
| གོམས་པ་ཀློང་གྱུར |
གོམས་པ་དབང་དུ་གྱུར་པ་སྟེ། གོམས་བྱང་ཆུབ་པ། |
| གོམས་པའི་བག་ཆགས |
གོམས་འདྲིས་ཀྱི་ས་བོན། |
| གོམས་བྱང |
གོམས་པའི་བྱང་འབྲས་ཏེ། (དཔེར་ན།) ལག་རྩལ་ལ་གོམས་བྱང་མེད་ཅེས་པ་ལྟ་བུ། |
| གོམས་མྱོང |
གོམས་པའི་ཉམས་མྱོང༌། |
| གོམས་འདྲིས |
བྱང་གོམས་ཏེ། (དཔེར་ན།) གོམས་འདྲིས་ཡོད་པའི་ལས་རྣམས་དཀའ་ངལ་ཆུང༌། ཡུན་རིང་བྱས་ན་གོམས་འདྲིས་འཐོན་ཡོང༌། ལས་དང་པོ་བ་ལ་གོམས་འདྲིས་མེད་ཅེས་པ་ལྟ་བུ། |
| གོམས་ལོན |
ལས་ཀ་བྱང་ཆུབ་པ། |
| གོམས་སྟོབས |
གོམས་པའི་སྟོབས་ཏེ་ཡུན་རིང་དུ་འདྲིས་ནས་ཐོབ་པའི་ཤུགས་སམ་ནུས་པ། |
| གོམས་སྦྱང |
གོམས་པའི་བསླབ་སྦྱང༌། |
| གོའུཏམ |
(ལེགས་སྦྱར།) གཽཏམ་དང་འདྲ། |
| གོར |
1.ནོར་གྱི་འགོས་ནད་དྲག་པོ་ཞིག་གི་མིང་སྟེ། གོར་ནད་ཀྱང་ཟེར། 2.(རྒྱན་ཚིག) ཟླ་བ་ཉ་གང་བའི་དབྱིབས་ལྟ་བུ་སྟེ། (དཔེར་ན།) ཟླུམ་གོར། ར་བ་གོར་གོར་ཞེས་པ་ལྟ་བུ། |
| གོར་གོར |
(རྒྱན་ཚིག) སྒོར་སྒོར་རམ་ཟླུམ་པོ། |
| གོར་གོར་པོ |
མངལ་གྱི་གནས་སྐབས་ལྔའི་བཞི་པའམ། མི་ལུས་མངལ་དུ་ཆགས་པའི་བདུན་ཕྲག་བཞི་པ་ནར་ནར་པོ་ལས་ཤ་སྐ་བར་གྱུར་པའི་ཐོག་མནན་བཟོད་ཙམ་དུ་བྱུང་བའི་དུས། |
| གོར་གོར་བ |
སྲ་བའམ་མཁྲེགས་པ། |
| གོར་ནད |
ནོར་ཕྱུགས་ལ་ཐོག་མར་གོར་ནད་ཕོག་སྐབས་ནས་གཅིག་ཏུ་ལངས་ཏེ་ཡུན་རིང་སྡོད་པ་དང༌། སོ་འཆའ་བ། ནང་དུ་ཚ་བ་རབ་ཏུ་རྒྱས་ཏེ་ནང་ཤ་ཀུན་བཙོས་པ་ལྟར་དཀར་པོར་གྱུར་ཏེ་ཤི་བའི་ཕྱུགས་ཀྱི་འགོས་ནད་ཆེ་གྲས་ཤིག |
| གོར་པ |
སྲ་བའམ་མཁྲེགས་པའི་དོན་ཏེ། (དཔེར་ན།) ཟས་གོར་པ་རྡོ་འདྲ་བ་སོས་མི་ཕེར་ཞེས་པ་ལྟ་བུ། |
| གོར་བ |
བག་ལེབ་ཀྱི་རིགས་ཤིག |
| གོར་བུ |
(བརྡ་རྙིང་།) 1>དབྱིབས་གྲུ་བཞི། 2>གདན་སྒོར། |
| གོར་བོད |
བལ་པོ་དང་བོད། |
| གོར་མ |
(བརྡ་རྙིང་།) རྡོའི་མིང་སྟེ། (དཔེར་ན།) གོར་མ་རྡོ་ཡིས་མཁར་ཞིག་བརྩེགས། ཆར་ཟམ་ཟིམ་བབ་ན་དགྲ་མེད་ཡིན་ཞེས་པ་ལྟ་བུ། |
| གོར་མ་ཆག |
1.ཐེ་ཚོམ་མེད་ཅེས་པའི་དོན་ཏེ། (དཔེར་ན།) བཙན་རྒྱལ་རིང་ལུགས་ཕམ་པར་གོར་མ་ཆག་ལྟ་བུ།2.ཐེ་ཚོམ་མེད་པ་དང༌། ངེས་པའི་དོན། |
| གོར་མ་བཀུམ་པ |
(བརྡ་རྙིང་།) ཐེ་ཚོམ་མེད་པ། |
| གོར་མོ |
(བརྡ་རྙིང་།) 1.སྡང་བའི་སེམས། 2.དབྱིབས་གོར་གོར་གྱི་དོན་ཏེ། (དཔེར་ན།) རྟ་ར་གོར་མོ་རྟ་ཡིས་གང་ལྟ་བུ། |
| གོར་རོ་རོ |
(རྒྱན་ཚིག) འཁྱིལ་འཁྱིལ་དུ་འཁོར་བའི་རྣམ་པ་སྟེ། (དཔེར་ན།) མིག་མཐའ་མཆི་མ་གོར་རོ་རོ་བྱས། ཕུག་རོན་དོང་ཁར་གོར་རོ་རོ་འཁོར། རླུང་ནག་འཚུབ་མ་གོར་རོ་རོ་ལྡང་ལྟ་བུ། |
| གོར་རྡོ |
གྲམ་པའི་རྡོ། |
| གོར་ལེབ |
བག་ལེབ་ཀྱི་རིགས་ཤིག |
| གོར་ཥ |
བག་ཡུལ་གྱི་མི་རིགས་ཤིག |
| གོལ |
(བྱེད་མེད་ལས་ཚིག) འཆུག་པའི་བརྡ་རྙིང་སྟེ། (དཔེར་ན།) ལོག་པའི་ལམ་དུ་གོལ་མི་རུང་ཞེས་པ་ལྟ་བུ། |
| གོལ་བ |
(བྱེད་མེད་ལས་ཚིག) ནོར་བའམ་འཁྲུལ་བའི་ཕྱོགས་ཏེ། (དཔེར་ན།) འགྲོ་སའི་ལམ་གོལ། གོལ་བའི་བསམ་པ། ལོག་པའི་ལམ་དུ་གོལ་ཉེན་ཆེ་ཞེས་པ་ལྟ་བུ། |
| གོལ་མ |
(བརྡ་རྙིང་།) ཟན་དྲོན། |
| གོལ་ས |
1.ནོར་སའམ་ལམ་ལོག་པ་སྟེ། (དཔེར་ན།) གཞུང་ལམ་བོར་ནས་གོལ་སར་འཕྱན་པ་ཞེས་པ་ལྟ་བུ། 2.གཡང་ས། |
| གོས |
1.གྱོན་པའམ་ལུས་ཀྱི་བགོ་བྱ་སྟེ། (དཔེར་ན།) སྟོད་གོས། སྨད་གོས། རྒྱུན་གོས། གཟབ་གོས། གོས་ཧྲུལ་པོ། གོས་ལྷག་ངན་ངོན། ཕོ་གོས། མོ་གོས། ལྟོ་སྟེར་གོས་གཡོགས། གོས་འབུད་པ། གོས་བཤུ་བ། གོས་གཟར་བ། འཁོར་ལོས་གོས་འཚེམ་པ་ཞེས་པ་ལྟ་བུ། མིང་གི་རྣམ་གྲངས་ལ་འཁྲུད་བྱ་དང༌། གྱོན་པ། གྱོན་བྱ། དགབ་བྱ། བགོ་བ། བགོ་བྱ། གཅེར་སྐྱོབ། གཅེར་སྒྲིབ། ན་བཟའ། གཡོགས་མ། ལུས་སྐྱོབ་བཅས་སོ། །2.རྒྱ་ལུ་ཆས་ཀྱི་ནང་གོས་ནག་པོ་སུལ་ཅན། |
| གོས་ཀྱི་གཞི |
འཚོ་མཁོ་ལྷག་པའི་ཡོ་བྱད་བཅས་འཚོ་བའི་ཡོ་བྱད་དང་འབྲེལ་བ་གོས་ཀྱི་གཞི་སྟེ། བདེར་གནས་རྐྱེན་གྱི་གཞི་ལྔ་ལས་གོས་ཀྱི་གཞི་གསུམ་གྱི་བྱེ་བྲག་ཅིག |
| གོས་ཀྱི་གཞི་གསུམ |
འདུལ་བ་གཞི་བཅུ་བདུན་ལས། བདེར་གནས་རྐྱེན་གྱི་གཞི་ལྔའི་ནང་གསེས། གོས་མཐའ་གཉིས་སུ་མ་ལྟུང་བའི་སྒོ་ནས་བདེ་བར་གནས་པ་གོས་ཀྱི་གཞི་ལ་གསུམ་སྟེ། སྲ་བརྐྱང་གི་གཞི་དང༌། གོས་ཀྱི་གཞི། ཀོ་ལྤགས་ཀྱི་གཞིའོ། ། |
| གོས་ཀྱི་ཤན |
རྫས་ཀྱི་ཤན་གྱི་ནང་གསེས་ཤིག་སྟེ། བྱིན་གྱིས་མ་བརླབས་པའི་གོས་ཀྱིས་བྱིན་གྱིས་མ་བརླབས་པའི་གོས་ཕྱི་མ་ལ་ཤན་བརྡེགས་པ་ཞག་བཅུ་འདས་པ་དང༌། ཞག་སུམ་ཅུ་འདས་པའི་རྗེས་སུ་ལྟུང་བ་སྐྱེད་པའོ། ། |
| གོས་ཁ |
(ཡུལ་སྐད།) གོས་ཆེན་གྱི་ཁ་གདན་གྲུ་བཞི། |
| གོས་ཁ་མ་བསྒྱུར་བ་གྱོན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རུང་བའི་ཚོན་གསུམ་གྱིས་ཁ་མ་བསྒྱུར་བའི་ཁྲུ་གང་ལོངས་པའི་གོས་དཀར་པོར་གཞན་གྱིས་གཡོགས་མེད་པར་གྱོན་པ། |
| གོས་ཁང |
(མངོན་བརྗོད།) གུར། |
| གོས་ཁུད |
གོས་ཀྱི་ཁུད་ལྟེབ། |
| གོས་ཁྱིམ |
(མངོན་བརྗོད།) གོས་ཁང་དང་དོན་གཅིག་ |
| གོས་གདང |
གོས་འགེལ་སའི་གདང༌། |
| གོས་གཟན |
གོས་ཆེན་གྱིས་བཟོས་པའི་ཕོ་མོའི་གཟན། |
| གོས་གཤམ |
གོས་ཀྱི་སྒབ། |
| གོས་གསར་བཏགས་མ |
གོས་ཆེན་དཔེ་གསར། |
| གོས་གསུམ་བརྗེ་བ |
བྱ་རྒྱུད་ཀྱི་སྤྱོད་པ་སྟེ། ཕྱིའི་གོས་གསར་པ་གྱོན་པ། ནང་གི་གོས་སྡོམ་པ་སྲུང་བ། གསང་བའི་གོས་ལྷ་སྒོམ་པའོ། ། |
| གོས་གསེར་སྐུད་མ |
གསེར་སྐུད་ཡོད་པའི་གོས་ཆེན་གྱི་རིགས། |
| གོས་གསོར་མ |
བརྗེ་རེས་བྱ་རྒྱུའི་གོས། |
| གོས་གུར |
གོས་ཆེན་གྱིས་བཟོས་པའི་གུར། |
| གོས་གོང |
གོས་ཀྱི་གོང་བ། |
| གོས་ཅན |
(མངོན་བརྗོད།) ཙན་དན། |
| གོས་ཆས |
གྱོན་ཆས། |
| གོས་ཆེན |
སྲིན་སྐུད་ལས་བཏགས་པའི་བཟང་གོས་སྤྱིའི་མིང༌སྟེ། (དཔེར་ན།) གོས་ཆེན་འབྲུག་རིས་མ། གོས་ཆེན་འབྲུག་རིས་གསུམ་ལྡན། གོས་ཆེན་རྒས་ཀྱང་རི་མོ་མི་ཡལ། དཔའ་བོ་ཤི་ཡང་སྙན་གྲགས་མི་ཉམས་ཞེས་པ་ལྟ་བུ། |
| གོས་ཆེན་གསེར་མ |
གཞི་གོས་ཆེན་སྟེང་གསེར་སྐུད་ཀྱི་རི་མོ་ཡོད་པ། |
| གོས་ཆེན་སྤུ་མ |
གཞི་གོས་ཆེན་སྟེང་སྤུ་མའི་རི་མོ་ཅན། |
| གོས་ཇུས |
གོས་ཆེན་ཚོན་ཁྲའི་རིགས་ཤིག |
| གོས་ཐང |
གོས་ཆེན་གྱིས་བཟོས་པའི་ཐང་ག། |
| གོས་ཐུང |
1.གུ་དུང༌དོར་མ། 2.གྱོན་པ་ཐུང་ངུ། |
| གོས་དཀར་ཅན |
1.གོན་པ་སྐྱ་བོ་གྱོན་མཁན་སྤྱི། 2.ཁྱིམ་པ་སྔགས་པ་གོས་དཀར་ཅན། |
| གོས་དཀར་ལྕང་ལོ་ཅན |
ཁྱིམ་ལ་གནས་ནས་གྱོན་པ་དཀར་པོ་གྱོན་ཞིང་མགོ་སྐྲ་རིང་པོར་བཞག་ནས་མི་བཞར་བའི་སྔགས་པའི་གྲས་སོ། ། |
| གོས་དམར་སྡེ |
ཡོད་སྨྲ་སྡེ་བདུན་གྱི་ཡ་གྱལ་ཞིག |
| གོས་པ |
འགོ་བའི་འདས་པ། |
| གོས་པང |
གོས་ཆེན་ལས་བཟོས་པའི་པང་གདན། |
| གོས་བགོ་བའི་ཚུལ་བཅུ |
ཉེས་བྱས་ཀྱི་སྡེ་ཚན་དང་པོ། གོས་བགོ་བའི་སྡེ་ལ་ཤམ་ཐབས་ཀྱི་ཡ་མཐའ་དང་མ་མཐའ་མི་མཉམ་པས་ཟླུམ་པོ་མིན་པ་དང༌། པུས་མོ་ཡན་ཆད་དུ་བརྩེངས་པ་དང༌། ལོང་བུ་མན་ཆད་དུ་འཇོལ་བ་དང༌། མས་ཟུར་གྱི་གྲྭ་གླང་པོ་ཆེའི་སྣ་ལྟར་འཕྱངས་པ་དང༌། སྐ་རགས་ཀྱི་གོང་ཏ་ལའི་ལོ་མ་ལྟར་བལྟེབ་པ་དང༌། སྐ་རགས་བར་ནས་འཕུར་མ་བཞིན་དུ་འབུར་བ་དང༌། སྐ་རགས་སྟེང་དུ་སྦྲུལ་གྱི་གདེངས་ཀ་ལྟར་མཐོ་དམན་ཅན་བཅས་ཤམ་ཐབས་ཀྱི་བདུན་དང༌། ཆོས་གོས་ཟླུམ་པོ་མིན་པ་དང༌། ཧ་ཅང་རིང་བ་དང༌། ཧ་ཅང་ཐུང་བ་སྟེ་སྟོད་ཀྱི་གོས་གྱོན་ཚུལ་གསུམ་བཅས་གོས་གྱོན་ཚུལ་འདི་རྣམས་བྱས་ན་ཉེས་བྱས་སུ་འགྱུར་རོ། ། |
| གོས་བསུམ |
(བརྡ་རྙིང་།) གོས་གཡོགས། |
| གོས་བྱིན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་དགེ་སློང་མར་ཆོས་གོས་བྱིན་པའོ། ། |
| གོས་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་དགེ་སློང་མའི་གོས་དགེ་སློང་གིས་འཚེམ་པའོ། ། |
| གོས་བྲལ |
1.གཅེར་བུའམ་དམར་ཧྲེང༌། 2.སངས་རྒྱས་ཤིག་གི་མཚན། |
| གོས་མཐའ |
གོས་ཀྱི་མཐའ་ཆག་གི་དོན་ཏེ། (དཔེར་ན།) གོས་མཐར་སྲམ་ལྤགས་ཀྱི་རྒྱན་བཏང་ཞེས་པ་ལྟ་བུ། |
| གོས་ཚགས |
ཆས་གོས་གྱོན་སྟངས་ཏེ། (དཔེར་ན།) ཕྲུ་གུ་རྣམས་ཀྱི་གོས་ཚགས་ལེགས་པོ་བཅོས་ནས་སྐྱེད་ཚལ་དུ་གཏོང་ཞེས་པ་ལྟ་བུ། |
| གོས་ཚོས་མ |
ཚོས་མདོག་གང་རུང་བརྒྱབ་པའི་གོས། |
| གོས་ཟེགས་པོ |
གོས་རྙིང་ཧྲུལ། |
| གོས་འཇབ |
(ཡུལ་སྐད།) གོས་ཆེན་གྱི་ཁ་གདན་རིང་པོ། |
| གོས་འདང |
གོས་ལྡེང་དང་འདྲ། |
| གོས་འཕན |
གོས་ཆེན་ལས་བཟོས་པའི་ཀ་འཕན། |
| གོས་འབོག |
1.གོས་ཆེན་གྱི་འབོག 2.ཕྱོགས་ལ་འགྲོ་སྐབས་མཁོ་བའི་མལ་ཆས་དང་གྱོན་ཆས་འཇུག་སྣོད། |
| གོས་འབོལ |
གོས་ཆེན་གྱི་འབོལ་གདན། |
| གོས་འབྱུང་ལྗོན་པ |
དཔག་བསམ་གྱི་ཤིང་ལྟ་བུ། |
| གོས་འཛར |
1.གྱོན་པ་དང་གོས་ཆེན་གྱི་སྣེ་འཛར། 2.གོས་ལྷུག་སྟེ་འཛར་བ། |
| གོས་ཡིག་རིས་མ |
ཡི་གེའི་རི་མོ་ཡོད་པའི་གོས་ཆེན། |
| གོས་ཡུག |
གོས་ཆེན་བུབས་ཚང༌སྟེ། (དཔེར་ན།) གོས་ཡུག་གཅིག་ཅེས་པ་ལྟ་བུ། |
| གོས་རྐྱོང |
གོས་ཆེན་གྱིས་བཟོས་པའི་རྐྱོང་གདན། |
| གོས་རྒྱུ |
གོས་བཟོ་བའི་རྒྱུ་ཆ། |
| གོས་ལེན་པའི་སྤང་པ |
སྤང་ལྟུང་སུམ་ཅུའི་ནང་གསེས། རང་ལ་ཆོས་གོས་རྣམ་གསུམ་ཡོད་བཞིན་འཁོར་གསུམ་ཁེབས་པའི་ཚད་དུ་ལོངས་པའི་གོས་ཉེ་དུ་མ་ཡིན་པའི་དགེ་སློང་མ་ལས་བླངས་པའོ། ། |
| གོས་ལྡེང |
གྱོན་པ་གཅིག་གི་རྒྱུ་ལོང་ཚད། |
| གོས་ལྷག་འཆང་བའི་སྤང་བ |
སྤང་ལྟུང་སུམ་ཅུའི་ནང་གསེས། ཆོས་གོས་ཀྱི་རྒྱུར་མ་བསྔོས་པ་ཁྲུ་ཚད་དུ་ལོངས་པ་ཡན་ཆད་ཀྱི་གོས་ལྷག་པོར་རང་ལ་དབང་བ་བྱིན་གྱིས་མ་བརླབས་པར་ཞག་བཅུ་མ་རྫོགས་ཀྱི་བར་དུ་འཇོག་པའོ། ། |
| གོས་སུལ |
གོས་ཀྱི་གཉེར་མའམ་སྟེར་ཁ། |
| གྱང་ཤིང |
གྱང་རྩིག་བཟོ་བྱེད་ཀྱི་ཤིང་སྒྲོམ། |
| གྱང་སྐུ |
གྱང་ལྡེབས་སུ་བྲིས་པའི་སྐུ་བརྙན། |
| གྱང་སྐོར |
ཁང་པ་དང་གྲོང་པ་སོགས་ཀྱི་མཐར་བསྐོར་བའི་གྱང་གི་ར་བ། |
| གྱང་སྒྲོམ |
གྱང་རྡུང་སྣོད་ཤིང་སྒྲོམ། |
| གྱད |
1.རྩལ་སྟོབས་དང་ལུས་ཤུགས། 2.ངག་རྒྱུན་དུ་གྲགས་པའི་མིའུ་ཐུང་ཤེད་ཆེ་བ་ཞིག |
| གྱད་ཆེན |
སྟོབས་རྩལ་ཅན། |
| གྱད་ནར་སོན་པ |
གྱད་མིའི་ལུས་རྩལ་ལོངས་པ། |
| གྱད་མི |
ལུས་ཤུགས་ཆེས་ཆེ་བའི་མི། |
| གྱད་འཐབ |
ལུས་ཤུགས་འགྲན་སྡུར་བྱེད་པ། |
| གྱད་འཛིང |
ལུས་རྩལ་ཤུགས་ཆེ་འགྲན་སྡུར་བྱེད་པ། |
| གྱད་རྡོ |
ཤུགས་རྩལ་སྦྱོང་བྱེད་ཡར་འགྱོགས་རྒྱུའི་རྡོ། |
| གྱད་རྩལ |
1.ལུས་ཤུགས་ཆེ་ཆུང་འགྲན་སྡུར་བྱེད་ཐབས། 2.ལུས་ཤུགས་ཀྱི་རྩལ། |
| གྱད་སྟོབས |
གྱད་མིའི་སྟོབས་ཤུགས་ཏེ། (དཔེར་ན།) དགའ་སྟོན་འཚོགས་ནས་གྱད་སྟོབས་སྡུར་བ་ལྟ་བུ། |
| གྱབས |
ཀུ་རེའི་དོན་ཏེ། (དཔེར་ན།) གསུང་ཆེ་ལ་དྲང་བ་གྱབས་ཀྱིས་མི་མཛད་ཅེས་པ་ལྟ་བུ། |
| གྱམ |
བྲག་རིའི་གཡབ་བམ། བྲག་ཕུག་རྒྱ་ཆེ་ལ་གཏིང་སྦུག་ཐུང་བ་ཞིག་སྟེ། (དཔེར་ན།) བྲག་གྱམ། གད་གྱམ་ཞེས་པ་ལྟ་བུ། |
| གྱམ་པ |
(བརྡ་རྙིང་།) ཆུ་ཆེན་འབབ་སའི་ཤུལ་གྱི་མིང་སྟེ། ད་ལྟ་འདི་ལ་གྲམ་པ་འབྲི། |
| གྱམ་བུ |
བྲག་ཕུག་ཆུང་བ། |
| གྱར་བ |
(བྱེད་མེད་ལས་ཚིག) 1.འགྱུར་བའམ་གྱུར་བའི་དོན་ཏེ། (དཔེར་ན།) ཅི་བྱ་མེད་པའི་གནས་སུ་གྱར་བ། འཁྲུག་ཟིང་གི་གནས་སུ་གྱར་བ། གྲོགས་མེད་ཁེར་རྐྱང་གི་གནས་སུ་གྱར་བ་ཞེས་པ་ལྟ་བུ། 2.འཁྱམ་པའི་དོན་ཏེ། (དཔེར་ན།) གཞན་ཡུལ་དུ་གྱར་བ། ཡུལ་གྱར་སྤུན་ཟླ་ཞེས་པ་ལྟ་བུ། 3.ཁ་འཐོར་བའམ་བརླག་པའི་དོན་ཏེ། (དཔེར་ན།) ཁ་གྱར་བ། ལྷུ་གྱར་བ། དཔེ་ཆའི་ཤོག་ལྷེ་གཅིག་གྱར་འདུག་ཅེས་པ་ལྟ་བུ། |
| གྱར་མ་གྱེར་ཁུག |
སྐད་གདངས་ཀྱི་འགྱུར་ཁུག་འདེགས་འཇོག་གི་རྣམ་པ་ཞིག |
| གྱལ་གྱོལ |
(རྒྱན་ཚིག) རྐང་པ་གྱོལ་བའི་འགྲོ་སྟངས་ཏེ། (དཔེར་ན།) གྱལ་གྱོལ་དུ་འགྲོ་བ་ཞེས་པ་ལྟ་བུ། |
| གྱི |
1.མིང་མཐའ་ན་མ་ར་ལ་བཅས་ཀྱི་རྗེས་སུ་སྦྱོར་བའི་འབྲེལ་སྒྲའི་རྐྱེན་ཞིག་སྟེ། (དཔེར་ན།) འཛུགས་སྐྲུན་གྱི་བྱ་གཞག ལམ་གྱི་ཟུར། གསོལ་མར་གྱི་ལྗགས་གོང༌། ཚེ་དབང་རྣམ་རྒྱལ་གྱི་ཞྭ་མོ་ཞེས་པ་ལྟ་བུ།2. (བརྡ་རྙིང་།) གྲི། |
| གྱི་ཐང |
ཙོང་ཁ་ཞེས་པའི་མིང་གི་རྣམ་གྲངས་ཏེ། མཚོ་སྔོན་པོའི་ཤར་ཕྱོགས་ཀྱི་རྨ་ཆུའི་རྒྱུད་སྤྱིའི་མིང༌། |
| གྱི་ན་པ |
ཁེངས་སྐྱུངས་བྱེད་པའི་ཚིག་སྟེ། ངའམ་བདག་ཅེས་པའི་དོན་ནོ། ། |
| གྱི་ན་བ |
1.རང་གའམ་ཐ་མལ་གྱི་དོན་ཏེ། (དཔེར་ན།) འགྲོ་བ་གྱི་ནར་འཁྱམས་པ་མ་ལུས་པ་བདེ་ལ་འཁོད་ཅེས་པ་ལྟ་བུ། 2.དམན་པའི་དོན་ཏེ། (དཔེར་ན།) གྱི་ནས་འཚོ་བ། ལྟོ་གྱི་ན་བ་དང་གོས་ལྷགས་སྐྱོབ་ཙམ་གྱིས་ཆོག་ཤེས་ཞེས་པ་ལྟ་བུ། 3.ལེ་ལོ་ཅན། |
| གྱི་ལིང |
རྟ་མཆོག་གམ་ཕུལ་དུ་བྱུང་བའི་རྟ་སྟེ། (དཔེར་ན།) རྟ་མཆོག་གྱི་ལིང་བཞོན་ཏེ་མགྱོགས་པོར་འགྲོ། རྟ་གྱི་ལིང་མགོ་འཕང་ཤིན་ཏུ་མཐོ། ལག་མཚོན་ཆའི་རྣོ་དཔལ་རབ་ཏུ་ཆེ་ཞེས་པ་ལྟ་བུ། |
| གྱིག |
གྱིག་སྡོང་གི་མིང་སྟེ། ཤིང་སྡོང་གི་ཚི་བའི་ནང་སྤྱིན་གྱི་འབྱར་བག་མང་པོ་ཡོད་པས། གྱིག་སྤྱིན་བཟོ་ཆོག |
| གྱིག་སྦྱིན |
ཆུ་ལྷམ་དང་རླངས་འཁོར་གྱི་འཁོར་ལོའི་མུ་ཁྱུད་བཟོ་བ་སོགས་བཀོལ་ས་ཧ་ཅང་མང་པོ་ཡོད་པ་ཞིག་ཡིན། གྱིག་སྡོང་ནི་སྔར་པ་ཞི་རྒྱལ་ཁབ་ཏུ་སྐྱེ་བ་ཞིག་ཡིན་ཞིང་། ད་ལྟ་རྒྱ་ནག་ཏུ་ཡང་ཡོད། |
| གྱིང |
གིང་དང་འདྲ། |
| གྱིང་གོང |
(བརྡ་རྙིང་།) ཞི་བ། |
| གྱིང་ཤང་ཀོང་ཇོ |
གྱིམ་ཤིང་ཀོང་ཇོ་དང་འདྲ། |
| གྱིན |
ན་མ་ར་ལའི་མཐར་སྦྱར་རྒྱུ་བཞིན་ཞེས་པ་དང་གཅིག་པའི་ད་ལྟ་བའི་ལས་སྟོན་བྱེད་ཕྲད་གཞན་དབང་ཅན་ཞིག (དཔེར་ན།) འཁོར་ལོ་འཁོར་གྱིན་འདུག་ལྟ་བུ། ཀྱིན་ལ་ལྟོས། |
| གྱིན་ཏ |
(བརྡ་རྙིང་།) རྒྱུ་རྐྱེན་མེད་པ། |
| གྱིན་འདའ་བ |
(བརྡ་རྙིང་།) 1>ཐ་མལ་བ་དང༌། དམན་པ། 2>རང་ག་བ་དང་རང་བཞིན་པ། 3>དོན་དག་མེད་པ་དང༌། ལེ་ལོ་ཅན། |
| གྱིམ་པོ |
(བརྡ་རྙིང་།) སོ་དམག |
| གྱིམ་ཤང་ཀོང་ཇོ |
གྱིམ་ཤིང་ཀོང་ཇོ་དང་འདྲ། |
| གྱིམ་ཤིང |
(བརྡ་རྙིང་།) རོལ་མོ། |
| གྱིམ་ཤིང་ཀོང་ཇོ |
རྒྱ་བཟའ་རྗེས་མ་སྟེ། རྒྱའི་དེབ་ཐེར་ལས། བོད་ཀྱི་རྒྱལ་མོ་ཁུ་དན་གྱིས་བུ་མོ་སློང་དུ་བྱུང་བ་ལ། རྒྱ་རྗེ་ཐང་ཀྲུང་ཙུང་གི་ནུ་བོ་ཡུང་དབང་གི་བུ་མོ་ཀིམས་ཤིང་ཀོང་ཇོ་བྱིན། ཀེང་ལུང་གི་ལོ་བཞི་པ་ལྕགས་ཁྱི་སྟེ་སྤྱི་ལོ་710 ལོར་བོད་ཀྱི་ཞང་བཙན་ཏོ་རི་ལྷས་བྱིན་གྱིས་བསུས། ཀྲུང་ཙང་སྐུ་དངོས་ཀྱིས་མགར་ཆེན་པོ་ཞིང་ཕེང་ཧྱེན་གྱི་བར་དུ་སྐྱེལ་ཐུང་རྒྱ་ཆེར་མཛད་དེ། མཁར་དེའི་ཉེས་པ་ཅན་རྣམས་ཐར་དུ་བཅུག་དམངས་ལ་ཁྲལ་འུལ་ལོ་གཅིག་མི་དགོས་པར་བྱས། མཁར་དེའི་མིང་ཡང་བརྗེས་ཏེ་ཀོང་ཇོའི་མིང་གྱིམ་ཤིང་ཞེས་བཏགས། གཞན་ཡང་བསྟན་བཅོས་དང༌། གོས་དར་ཁྲི་ཚོ་དུ་མ། བཟོ་རིགས་དང་སྒྱུ་རྩལ་སྣ་ཚོགས་པ། རོལ་མོ་ཁྱད་པར་བ་ཆ་ཚང་ལ་སོགས་པ་རྫོངས་སྐལ་གྱ་ནོམ་པ་བསྩལ། ཕྱིས་སུ་སླར་ཡང་རྨ་ཆུ་ནུབ་རྒྱུད་ཁུག་དགུ་ཞེས་པ་མི་ཉག་གི་ཡུལ་ཁམས་ཐམས་ཅད་ཀོང་ཇོ་ལ་བྱིན། ཞེས་དེབ་དམར་དུ་ཞིབ་པར་དྲངས་པ་ལྟར་རོ། །ཀོང་ཇོ་བོད་དུ་བྱོན་ནས་ཁྲི་ལྡེ་གཙུག་བརྟན་དང་འདུས་པ་ལ་སྲས་ཁྲི་སྲོང་ལྡེ་བཙན་བྱུང་བས་བོད་རྒྱ་གཉིས་དབོན་ཞང་དུ་གྱུར། |
| གྱིམ་ཤུང |
(རྒྱ་སྐད།) བཀྲ་ཤིས་པ་དང་བཀྲ་མི་ཤིས་པའམ། བཟང་ངན་ནམ་ཞི་ཚུབ་པོ། |
| གྱིམ་ཤུང་རིན་ཆེན་སྤུངས་པ |
ནག་རྩིས་སྐོར་གྱི་བོད་འགྱུར་རྙིང་པ་ཞིག་ཡིན་ཞིང་འདིའི་དཔེ་རྒྱུན་བར་སྐབས་ཐོར་ནས་མི་སྣང་བར་གྱུར། |
| གྱིས |
1.བགྱིད་པའི་སྐུལ་ཚིག 2.འབྲེལ་སྒྲ་གྱི་ཞེས་པའི་སྒྲའི་སྦྱོར་ཚུལ་དང་མཐུན་པའི་བྱེད་སྒྲའི་རྐྱེན་ཞིག་སྟེ། (དཔེར་ན།) སྤྲིན་གྱིས་ཉི་མའི་དཀྱིལ་འཁོར་བཀབ། རྫུན་གཏམ་གྱིས་ཁུངས་སྐྱེལ་མི་ཐུབ་པ། གཡང་དཀར་གྱིས་འབའ་སྒྲ་སྒྲོག་པ། ཚུར་རྒོལ་ཐོལ་གྱིས་བྱུང་བ་ལྟ་བུ། ཀྱིས་ལ་ལྟོས། |
| གྱུ་ནམ |
གཡོ་སྒྱུ་ཅན་གྱི་མི། |
| གྱུ་བ |
(བརྡ་རྙིང་།) 1>གོང་དུ་བཀུར་བ། 2>ཟོས་པ། 3>བཀྲུ་བ། 4>ང་རྒྱལ་ཅན། |
| གྱུ་རུ་ལུགས |
(བརྡ་རྙིང་།) རྒྱུན་ཆགས་པ། |
| གྱུ་རུ་ལུགས་སུ་ཤོད་པ |
(བརྡ་རྙིང་།) དྲང་པོར་སྨྲ་བ། |
| གྱུག་གྱུག |
(རྒྱན་ཚིག) ཀྱུག་ཀྱུག་དང་མཚུངས་ཏེ། ཀྱུག་ཀྱུག ། གྱུག་གྱུག ། ཁྱུག་ཁྱུག་གསུམ་ནི་རྗེས་འཇུག་ཕོ་དང་མོ། མ་ནིང་གི་ཡི་གེ་ཅན་གྱི་མིང་ཚིག་གི་མཐར་རྟགས་མཐའ་འདྲེན་ཚུལ་ལྟར་སྦྱོར་རིགས་ཏེ། (དཔེར་ན།) ནག་ཀྱུག་ཀྱུག སེར་གྱུག་གྱུག སྔོ་ཁྱུག་ཁྱུག་ཅེས་པ་ལྟ་བུ། |
| གྱུར |
(བྱེད་མེད་ལས་ཚིག) འགྱུར་གྱི་འདས་པ། ངོ་བོ་དང་རྣམ་པ། གནས་ཚུལ་སོགས་སྔར་དང་མི་འདྲ་བ་བྱུང་བའི་དོན་ཏེ། (དཔེར་ན།) ལྕོང་མོ་སྦལ་བར་གྱུར། ལུས་ཁམས་བདེ་བར་གྱུར། ལོངས་སྤྱོད་འཛོམས་པར་གྱུར་ལྟ་བུ། |
| གྱུར་ཅིག |
སྨོན་ཚིག་ཅིག་སྟེ། (དཔེར་ན།) སྐུ་ཚེ་རིང་ཞིང་ནད་མེད་པར་གྱུར་ཅིག འཛམ་གླིང་ཡོངས་ལ་ཞི་བདེས་ཁྱབ་པར་གྱུར་ཅིག |
| གྱུར་ཅིག་གུ |
ཡོང་བར་ཤོག་ཅེས་ཡིད་ཤིན་ཏུ་བསྐྱོད་པས་ཅི་མ་རུང་སྙམ་དུ་སྨོན་པའི་ཚིག |
| གྱུར་དུག |
གྱུར་པའི་དུག་སྟེ། ཁ་ཟས་སོགས་ཀྱི་ངོ་བོ་ཐོག་མ་ནས་དུག་མ་ཡིན་ཡང་དུས་དང་རྐྱེན་གྱི་དབང་གིས་རང་བཞིན་འགྱུར་ནས་དུག་ཏུ་གྱུར་པའི་དོན། |
| གྱུར་པ |
འགྱུར་པའི་འདས་པ། |
| གྱུར་མིད |
ཁྱུར་མིད་ཀྱི་འབྲི་སྲོལ་གཞན། |
| གྱུར་འཛག |
གྲང་བའི་ནད་རིགས་ཤིག |
| གྱེད |
(བྱེད་མེད་ལས་ཚིག) བར་མཚམས་ཕྱེ་བའི་དོན་ཏེ། (དཔེར་ན།) ཕྱིར་གྱེད། ཕྱི་ལ་གྱེད། གྱེད་མཚམས་ཞེས་པ་ལྟ་བུ། |
| གྱེན |
གྱེན་ཐུར་གྱི་གྱེན་ནམ་དཀན་ཏེ། (དཔེར་ན།) གྱེན་ལམ། གྱེན་གཟར་པོ། ལག་མཐིལ་གྱེན་དུ་བཀན་པ། མིག་གྱེན་དུ་ལྟ་བ། དབུ་སྐྲ་གྱེན་དུ་གཟེངས་པ། ཉི་མ་ནུབ་ནས་འཆར་བ་དང་ཆུ་བོ་གྱེན་དུ་འགྲོ་བ་མི་སྲིད་ཅེས་པ་ལྟ་བུ། |
| གྱེན |
སྟེང་ཕྱོགས་དང་མཐོ་བའི་ཕྱོགས་ཀྱི་མིང་སྟེ། (དཔེར་ན།) དཀན་གཟར་དུ་གྱེན་ལ་འགྲོ་བ། རི་ངོས་སུ་གྱེན་ལ་འགྲོ་བ། མིག་གིས་གྱེན་ལ་ལྟ་བ། གྱེན་དུ་ལངས་པ། གྱེན་དུ་འགྲེང་བ་ཞེས་པ་ལྟ་བུ། |
| གྱེན་གསེག |
གསེགས་ལམ། |
| གྱེན་ཐུར |
རི་ངོས་སོགས་ཀྱི་ཡར་མར་གྱི་དོན་ཏེ། (དཔེར་ན།) རི་ལམ་གྱི་གྱེན་ཐུར་གཟར་པོ་འདུག་ཅེས་པ་ལྟ་བུ། |
| གྱེན་བརྡོལ |
ཡར་འཕྱུར། |
| གྱེན་བརྩེགས |
(མངོན་བརྗོད།) རི། |
| གྱེན་མ་གསེག |
གྱེན་གཟར་པོ་མ་ཡིན་པ། |
| གྱེན་མིག་ཅན |
(མངོན་བརྗོད།) ཤ་ར་བྷ་སྟེ། སེང་གེ་རྐང་པ་བརྒྱད་པ། |
| གྱེན་ཟློག |
ངོ་ལོག་གི་དོན་ཏེ། (དཔེར་ན།) བཙན་དབང་གི་གཉའ་གནོན་འཁུར་མི་ཐུབ་པས་གྱེན་ཟློག་བྱེད་ཅེས་པ་ལྟ་བུ། |
| གྱེན་འགྲེང |
གྱེན་དུ་ལང་བ། |
| གྱེན་འདེགས |
ཡར་འགྱོག་པ། |
| གྱེན་འདྲེན |
1.ཡར་འཐེན་པ། 2.ཡར་སྐྱེལ་བ། |
| གྱེན་འདྲེན་སྨན |
ལུས་ཀྱི་སྟོད་ནད་སེལ་ཞིང་གྱེན་དུ་སྐྱུགས་པར་བྱེད་པ་མེ་རླུང་གི་ཡོན་ཏན་དང་ལྡན་པའི་སྨན། (དཔེར་ན།) རི་ཤོ་དང་སྤྱང་ཚེར་ལྟ་བུ་ལའོ། ། |
| གྱེན་འཕྱུར |
1.ཡར་ལུད་པའི་དོན་ཏེ། (དཔེར་ན།) རྦ་རླབས་གྱེན་འཕྱུར། ཆུ་མིག་གི་ཆུ་གྱེན་དུ་འཕྱུར་བ་ལྟ་བུ།2.(མངོན་བརྗོད།) རི། |
| གྱེན་འབྱུང |
དབུགས་འཚང་བའི་ནད་ཀྱི་རིགས་ཤིག |
| གྱེན་རྒྱུ |
(མངོན་བརྗོད།) མེ། |
| གྱེན་རྒྱུའི་རླུང |
ལུས་ཀྱི་རྩ་བའི་རླུང་ལྔའི་ཡ་གྱལ་ཞིག་སྟེ། བྱེད་ལས་ཚིག་འབྱིན་པ་དང༌། དབུགས་གྱེན་དུ་རྒྱུ་བ་སོགས་བྱེད་པའི་རླུང༌། |
| གྱེན་རྣ་ཅན |
(མངོན་བརྗོད།) བྱ་འུག་པ། |
| གྱེན་ལོག |
1.གོང་རིམ་ལ་ངོ་ལོག་གི་དོན་ཏེ། (དཔེར་ན།) འབངས་གྱེན་ལོག་གི་ལོ་རྒྱུས་ཞེས་པ་ལྟ་བུ།2.ཀན་ཏུར་སློག་པའམ་ལུས་པོ་མགོ་རྟིང་སློག་པའི་རྩལ། |
| གྱེན་ལྡོག |
1.ངོ་ལོག 2.བཀའ་ཁྱད་དུ་གསོད་པ། 3.ཡར་ལོག་པ་སྟེ། (དཔེར་ན།) རླུང་གྱེན་ལྡོག གྲུ་གཟིངས་གྱེན་ལྡོག་ཏུ་གཏོང་བ། རི་གཟར་རྦབ་རྡོ་གྱེན་ལྡོག་དཀའ་ཞེས་པ་ལྟ་བུ། |
| གྱེན་སློང |
ཡར་སྒྲེང་བ་སྟེ། (དཔེར་ན།) དར་ཆ་གྱེན་སློང༌ཞེས་པ་ལྟ་བུ། |
| གྱེར |
(བྱེད་འབྲེལ་ལས་ཚིག) དབྱངས་ངེས་ཅན་ལ་དྲངས་ནས་ཚིག་འདོན་པའི་དོན་ཏེ། (དཔེར་ན།) སྙན་ངག་དབྱངས་སུ་གྱེར། གྱེར་དབྱངས་ཞེས་པ་ལྟ་བུ། |
| གྱེར་དབྱངས |
གདངས་རིང་འཐེན་པའི་གླུ་དབྱངས། |
| གྱེར་བ |
(བྱེད་འབྲེལ་ལས་ཚིག) གྱེར་བའི་ད་ལྟ་བའི་བྱ་མིང་། |
| གྱེར་སྒོམ་བཞི |
བོན་ལུགས་ཕྲིན་ལས་སྐོར་གྱི་གཞུང་ཞིག |
| གྱེར་སྒོམ་ཚུལ་ཁྲིམས་སེང་གེ |
རབ་བྱུང་གཉིས་པའི་ཤིང་བྱི་ལོར་ཡར་ཀླུངས་སུ་ཁྲ་འབྲུག་པའི་རྗེ་རྒྱུད་དུ་འཁྲུངས། ཕག་གྲུ་རྡོ་རྗེ་རྒྱལ་པོའི་སློབ་མ་ཡིན། རབ་བྱུང་གསུམ་པའི་ལྕགས་གླང་ལོར་སྙེ་ཕུར་ཤུག་གསེབ་དགོན་པ་བཏབ་པས་ཤུག་གསེབ་བཀའ་བརྒྱུད་ཅེས་པ་བྱུང༌། དེ་ནས་རིམ་པར་བརྒྱུད་པ་དག་གིས་ཞི་བྱེད་པའི་རྗེས་སུ་འབྲངས་པས་དེབ་སྔོན་དུ་འདི་ཉིད་ཞི་བྱེད་པར་འཇོག་ཤིང་བྱི་ལོ་ལ་འདས། |
| གྱེས |
(བྱེད་མེད་ལས་ཚིག) འགྱེ་བའི་འདས་པ། སོ་སོར་བྲལ་བའམ་ལོགས་སུ་བཀར་བའི་དོན་ཏེ། (དཔེར་ན།) ལྗོན་ཤིང་ལས་ཡལ་ག་གྱེས། གཞུང་ལམ་གཅིག་ལས་ལམ་ཕྲན་གཉིས་གྱེས། གྲོགས་པོ་རྣམས་སོ་སོར་གྱེས་ནས་རང་ཡུལ་དུ་སོང་ལྟ་བུ། མ་འོངས་པ་དང་ད་ལྟ་བར་འགྱེ་འབྲི། |
| གྱེས་པ |
འགྱེས་པའི་འདས་པ། |
| གྱེས་ལ |
ལ་ཞིག་སྟེ། བོད་ཀྱི་ངམ་རིང་རྫོང་གི་ལྷོ་ནུབ་ངོས་སུ་ཡོད། |
| གྱེས་སོ |
1.ལམ་ག་དང་ཤིང་གི་ཡལ་ག་སོགས་གྱེས་མཚམས་སམ་ཁ་དབྲག2.གྱེས་པ་རེད་དམ་གྱེས་པ་ཡིན་ཞེས་པའི་དོན་ཏེ། (དཔེར་ན།) ངེད་གཉིས་དེ་ནས་ཁ་གྱེས་སོ། །ཁོ་གཉིས་འཕྲལ་མ་ཉིད་དུ་ཁ་གྱེས་སོ་ཞེས་པ་ལྟ་བུ། |
| གྱོ |
གྱོ་མོ་ཡི་ཚིག་བསྡུས་པ། |
| གྱོ་དུམ |
སོ་བཏང་བའི་ས་ཕག་ཆག་དུམ། |
| གྱོ་མོ |
1.སོ་བཏང་བའི་ས་ཕག 2.རྫ་ལས་བཟོས་པའི་སྣོད་སྤྱད། 3.ས་ཕག་གམ་རྫ་སྣོད་ཆག་པའི་དུམ་བུ། |
| གྱོ་རྩི |
རྫའི་རྩི། |
| གྱོང |
ཕམ་ཁའམ་གུན་ཏེ། (དཔེར་ན།) གྱོང་རག་པ། སྟ་རེས་རྡོ་ལ་གཞུས་ན་སྐུ་གྱོང་ལྕགས་ལ་ཕོག་ཡོང༌ཞེས་པ་ལྟ་བུ། |
| གྱོང་ཁ |
ཐོབ་སྐལ་བརླགས་པའམ་མ་བྱུང་བའི་ཆ་ཤས། |
| གྱོང་ཁེལ |
གྱོང་ཆགས་པའམ་ཐོབ་སྐལ་གྱི་འབོར་ཚད་ཆག་པ། |
| གྱོང་གུད |
ཁེ་ཕན་གྱི་ལྡོག་ཟླའི་མིང་སྟེ། (དཔེར་ན།) ནོར་རྫས་གྱོང་གུད་དུ་མ་གཏོང་། ཕྱུགས་ལ་གྱོང་གུད་མ་བྱུང་ལྟ་བུ། |
| གྱོང་གུན |
ཁེའི་ལྡོག་ཕྱོགས་གྱོང་ངམ་གུན་ཏེ། (དཔེར་ན།) གྱོང་གུན་གཏོང་བ། རེ་ཞིག་གྱོང་གུན་རག་པ་དེ། དགེ་བའི་གྲོགས་སུ་འགྱུར་ཡང་སྲིད་ཅེས་པ་ལྟ་བུ། |
| གྱོང་གྲུགས |
(བརྡ་རྙིང་།) 1>བསྐལ་པ་ཡ་ཐོག་སྐབས་མི་རྣམས་ཀྱི་ཟས་སུ་རུང་བའི་ས་ཞག 2>སའི་ཚི་ཞག |
| གྱོང་བ |
གྱོང་པོ་དང་འདྲ། |
| གྱོང་བོ |
(རྒྱན་ཚིག) 1.མཉེན་པའི་ལྡོག་ཟླ་སྟེ། (དཔེར་ན།) ཀོ་བ་གྱོང་བོ། ས་གྱོང་བོ་ཞེས་པ་ལྟ་བུ། 2.བསྒྱུར་དཀའ་བའི་དོན་ཏེ། (དཔེར་ན།) ཞེ་གྱོང་བོ། མི་གྱོང་བོ་ཞེས་པ་ལྟ་བུ། 3.ཚིག་སྦྱོར་མི་བདེ་བའི་དོན་ཏེ། (དཔེར་ན།) ཚིག་གྱོང་བོ། སྐད་ཆ་གྱོང་བོ་ཞེས་པ་ལྟ་བུ། ཚིག་བསྡུས་ན་གྱོང་ཞེས་འབྲི་ཆོག་སྟེ། (དཔེར་ན།) ཀོ་གྱོང་། ཞེ་གྱོང་། ཚིག་གྱོང་ཞེས་པ་ལྟ་བུ། |
| གྱོང་མཉམ་གདོང་གཏུགས |
མི་ངར་པོ་དང་ངར་པོ་དངོས་སུ་འཐབ་པ། |
| གྱོང་མཉམ་ཐུག་པ |
མཁྲེགས་པ་འདྲ་འདྲའི་དོན་ཏེ། (དཔེར་ན།) མི་གྱོང་མཉམ་ཐུག་ན་བར་འདུམ་བྱེད་དཀའ་ཞེས་པ་ལྟ་བུ། |
| གྱོང་རུ་བ |
1.རྒྱུད་གྱོང་པོ་ཅན། 2.རླན་མེད་སྐམ་གྱོང་སོང་བ། |
| གྱོང་རོལ |
(བརྡ་རྙིང་།) 1.ས་ཞག་སྟེ་བསྐལ་པ་ཡ་ཐོག་སྐབས་ས་སྟེང་ནས་རང་བཞིན་གྱིས་ཐོན་པའི་ཞག་རྩི་མིའི་ཟས་སུ་རུང་བ། 2.ས་རྡུལ་སོགས་རྫིང་ཆུའི་ཁར་ཆགས་ནས་བྱུང་བའི་སྤྲིས་མ་ལྟ་བུ་ཞིག |
| གྱོང་སིལ་སིལ |
(རྒྱན་ཚིག) གྱོང་ཤས་ཆེ་ཙམ་གྱི་ཚུལ་ཏེ། (དཔེར་ན།) མི་དེའི་ལུས་པོ་གྱོང་སིལ་སིལ་ཞིག་རེད་ཅེས་པ་ལྟ་བུ། |
| གྱོང་ཧྲག་ཧྲག |
(རྒྱན་ཚིག) གྱོང་ཤས་ཆེ་བའི་ཚུལ་ཏེ། (དཔེར་ན།) སྐད་ཆ་གྱོང་ཧྲག་ཧྲག་ཅིག་བཤད་ཡོང༌། གྱོན་པ་གྱོང་ཧྲག་ཧྲག་ཅིག་གྱོན་ཞེས་པ་ལྟ་བུ། |
| གྱོད |
མི་དང་མིའི་བར། ཚོགས་པ་དང་ཚོགས་པའི་བར་ལ་བྱུང་བའི་རྩོད་གླེང་སོགས་ཀྱི་མིང་སྟེ། (དཔེར་ན།) ས་གྱོད་འགྲིག་འདུམ་བྱས་ལྟ་བུ། |
| གྱོད་ཁ |
རྩོད་པ་སྟེ། (དཔེར་ན།) ཕན་ཚུན་ནང་གྲོས་བྱས་ཀྱང་མ་འགྲིག་པར་གྱོད་ཁ་གཏུགས་པ། ང་ཁྱོད་ཁ་རྩོད་ཀྱི་ལབ་གླེང་གྱོད་ཁ་ལངས་པ། ལབ་རྙོག་མང་པོའི་གྱོད་ཁ་རྩོད་པ་ཞེས་པ་ལྟ་བུ། |
| གྱོད་ཁོངས |
གྱོད་ཀྱི་ཕྱོགས་གཏོགས་སམ། གྱོད་ཀྱི་ནང་དུ་ཚུད་མཁན། |
| གྱོད་གཞི |
ཁྲིམས་གཏུག་བྱས་པའི་རྒྱུ་རྐྱེན་ནམ་ཁ་མཆུའི་རྩ་བ་སྟེ། (དཔེར་ན།) གྱོད་གཞི་སློང་བ་ཞེས་པ་ལྟ་བུ། |
| གྱོད་ཆགས |
གྱོད་དང་བྱུར་ཆགས། |
| གྱོད་ཐོག་གྱོད་བརྩེགས |
1.ཁ་མཆུ་གཅིག་ཐོག་ཉིས་བརྩེགས་བྱུང་བ། 2.ནག་ཉེས་ཐོག་ལ་ནག་ཉེས་བརྩེགས་པ། |
| གྱོད་པ |
ཁྲིམས་གཏུག་བྱེད་མཁན། |
| གྱོད་བརྡལ་བྱས |
ཁག་འཕང་གི་བསྙོན་བཙུགས་པའམ་ཡ་ལ་དཀྲིས་པ། |
| གྱོད་ཞིབ་ལས་ཁུངས |
གྱོད་དོན་སྐོར་ཉམས་ཞིབ་བྱེད་པའི་ཆེད་དོན་ལས་ཁུངས། |
| གྱོད་འཁྲུན |
གྱོད་ཐག་གི་དོན་ཏེ། (དཔེར་ན།) ལོ་མང་པོ་སོང་ཡང༌། ད་དུང་གྱོད་འཁྲུན་ཆོད་མ་སོང༌ཞེས་པ་ལྟ་བུ། |
| གྱོད་འཚོལ |
རྩོད་གླེང་ཆེད་དུ་འཚོལ་བ་སྟེ། (དཔེར་ན།) སྔར་འཁོན་ཞེ་ལ་བཞག་ནས་ཆེད་དུ་གྱོད་འཚོལ་བྱས་ཞེས་པ་ལྟ་བུ། |
| གྱོད་ཡ |
ཁྲིམས་གཏུག་བྱེད་མཁན་ཕྱོགས་གཅིག |
| གྱོད་ལོག་ཁྲ་ལོག |
ཁ་མཆུ་མ་འདུམས་ཤིང༌། དཔྱད་ཁྲ་ཁྲིམས་སར་ཕྱིར་ལོག་པ། |
| གྱོན |
(བྱེད་འབྲེལ་ལས་ཚིག) ཞྭ་གོས་སོགས་ལུས་ལ་གཡོགས་པའི་དོན་ཏེ། (དཔེར་ན།) ལུས་ལ་ལྭ་བ་གྱོན། མགོ་ལ་ཞྭ་གྱོན། རྐང་ལ་ལྷམ་གྱོན་ལྟ་བུ། |
| གྱོན་གོས |
གྱོན་བྱའི་གོས། |
| གྱོན་ཆས |
གོས་སྤྱིའི་མིང༌སྟེ། (དཔེར་ན།) གྱོན་ཆས་སྒྱུར་བ། ཕོ་མོའི་གྱོན་ཆས་ཁག་ཁག་སོ་སོ་རེད་ཅེས་པ་ལྟ་བུ། |
| གྱོན་པ |
1.(བྱེད་འབྲེལ་ལས་ཚིག) ཀླུབ་པའི་དོན་ཏེ། (དཔེར་ན།) གོས་གྱོན་པ། བོང་བུས་གཟིག་ལྤགས་གྱོན་པ་ཞེས་པ་ལྟ་བུ། 2.ལུས་ལ་གོན་རྒྱུའི་གོས་ཀྱི་མིང་སྟེ། (དཔེར་ན།) གྲྭ་བའི་གྱོན་པ། དམག་མིའི་གྱོན་པ་ཞེས་པ་ལྟ་བུ། |
| གྱོན་པོ |
(བརྡ་རྙིང་།) རྩལ་འགྲན་པ། |
| གྱོན་ཕྱིང |
གྱོན་རྒྱུའི་ཕྱིང་པ། |
| གྱོན་འདང |
གྱོན་ལྡེང་དང་འདྲ། |
| གྱོན་ལྡང |
གྱོན་ལྡེང་དང་འདྲ། |
| གྱོན་ལྡེང |
གྱོན་པ་གཅིག་གི་རྒྱུ་ལོང་ཚད། |
| གྱོལ |
(བྱེད་མེད་ལས་ཚིག) མིའི་རྐང་བའམ་ཕྱུགས་ཀྱི་སུག་བཞི་གང་རུང་ལ་སྐྱོན་བྱུང་ནས་ལམ་ལ་འགྲོ་དཀའ་བའི་དོན་ཏེ། (དཔེར་ན།) རྟ་འདི་གྱོལ་གྱིན་འདུག་ལྟ་བུ། |
| གྱོལ་པོ |
རྐང་པ་འཐེང་པོའི་དོན་ཏེ། (དཔེར་ན།) རྟ་གྱོལ་པོ། འགྲོས་སྟབས་གྱོལ་པོ་ཞེས་པ་ལྟ་བུ། |
| གྱོས་པོ |
ཆུང་མའི་ཕ་ནི་ཁྱོ་བོའི་གྱོས་པོ་དང་ཁྱོ་བོའི་ཕ་ནི་ཆུང་མའི་གྱོས་པོ་ཡིན། |
| གྱོས་མོ |
ཆུང་མའི་མ་ནི་ཁྱོ་བོའི་གྱོས་མོ་དང་ཁྱོ་བོའི་མ་ནི་ཆུང་མའི་གྱོས་མོ་ཡིན། |
| གྱོས་སྒྱུག |
གྱོས་པོ་དང་སྒྱུག་མོ་སྟེ་རང་གི་བཟའ་ཟླའི་ཕ་མ། ཆུང་མའི་ཕ་མ་ཁྱོ་གའི་གྱོས་སྒྱུག་རེད། ཁྱོ་གའི་ཕ་མའང་ཆུང་མར་དེ་དང་མཚུངས། |
| གྱཽ་ཁྭང་རེའུ་མིག |
རྒྱ་ནག་རྩིས་ཀྱི་རྒྱུ་སྐར་ཉེར་བརྒྱད་དང༌། གཟའ་བདུན་གྱི་འཕྲོད་སྦྱོར་བརྟག་ཐབས་ཀྱི་མིང༌། |
| གྲ |
1.དུད་འགྲོའི་རིགས་ཀྱི་སྤུའི་རྩེ་མོ་སྟེ། (དཔེར་ན།) སྤུའི་གྲ། ཝའི་གྲ་ཁ་མཛེས་པ་མེ་ལྕེ་འདྲ་ཞེས་པ་ལྟ་བུ།2.ཆ་ཤས་སམ་ཡན་ལག་གམ་དུམ་བུ་སྟེ། (དཔེར་ན།) རྩེ་གྲ། ཚིག་གྲ་མ་ཉམས་པ། གནའ་དུས་ཀྱི་ཅ་ལག་གྲ་མ་ཆག་པ་ལྟ་བུ། 4.སྔར་བོད་ཡུལ་གྱི་རིགས་རུས་དྲུག་གི་ཡ་གྱལ་ཞིག |
| གྲ་ཁེབས |
རྟ་དྲེལ་གྱི་སྒལ་པར་གཡོག་བྱེད། |
| གྲ་ཆག་གྲུ་ཉམས |
དངོས་པོར་སྐྱོན་ཤོར་བ་སྟེ། (དཔེར་ན།) གཡར་ཞུས་དངོས་པོ་ཚང་མ་གྲ་ཆག་གྲུ་ཉམས་མེད་པར་རྩིས་འབུལ་ཞུས་ཡོད་ཅེས་པ་ལྟ་བུ། |
| གྲ་ཆུ |
(ཡུལ་སྐད།) སྤུ་གཤིས་རྩུབ་པོའི་གྲ། |
| གྲ་དག |
(ཡུལ་སྐད།) གཙང་སྦྲ། |
| གྲ་ནང |
རྫོང་ཞིག་སྟེ། བོད་དབུས་ཕྱོགས་ཀྱི་ལྷོ་རྒྱུད་དང་ཡར་ཀླུངས་གཙང་པོའི་སྐེད་རྒྱུད་ན་ཡོད། |
| གྲ་ཕུབ |
1.འབྲུའི་ཕྱི་ཤུན་གྱི་མིང་། 2.གྲ་མ་དང་ཕུབ་མ་ཡི་མིང་བསྡུས་པ། |
| གྲ་བཞི་ལས་ཁུངས |
སྔར་བོད་གཞུང་གི་ལས་ཁུངས་ཤིག་ཡིན་ཞིང་། ལས་འགན་ནི་དངུལ་དང་ཟངས་ཤོག་བཅས་ལ་དངུལ་པར་བརྒྱབ་ནས་འགྲེམས་རྒྱུ་དང༌། དངུལ་གསར་རྙིང་བརྗེ་རྒྱུ། བུ་ལོན་གཏོང་རྒྱུ་སོགས་ཡིན། |
| གྲ་བཞུར |
སྤུ་གྲ་མེ་ལ་བསྲེགས་པ་སྟེ། (དཔེར་ན།) སྣམ་བུའི་སྤུ་གྲ་མེ་ལ་བཞུར་ཞེས་པ་ལྟ་བུ། |
| གྲ་བརྒྱབ་པ |
གཟན་པའི་གྲ་མ་ཕྱུགས་ཀྱི་ལྕེ་འོག་ཏུ་ཟུག་ནས་རྨ་བཟོས་པ། |
| གྲ་མ |
1.སྤུ་དང༌། འབྲུ་རིགས་ཀྱི་སྙེ་མའི་གྲ་མ་སྟེ། (དཔེར་ན།) མིག་ནང་གི་གྲ་མ། སྙིང་ནང་གི་ཚེར་མ་ཞེས་པ་ལྟ་བུ། 2.བོད་ནས་ཐོན་པའི་སླེ་ཏྲེས། 3.(བརྡ་རྙིང་།) ཚེར་མ་ཅན་གྱི་ཤིང་རིགས། |
| གྲ་མ་ཅན |
1.གྲ་མ་ཡོད་པའི་རིགས་ཏེ། (དཔེར་ན།) འབྲུ་གྲ་མ་ཅན་གྱིས་རྩམ་པ་འཐག་མི་ཉན། གྲོ་ཞིབ་གྲ་མ་ཅན་ཞེས་པ་ལྟ་བུ། 2.མཚན་མའི་ནང་དུ་གྲ་མས་ཁེངས་སྙམ་པའི་ན་ཟུག་ལྡང་བའི་ཕོ་མཚན་གྱི་ནད་ཅིག |
| གྲ་ཟུག་པ |
གྲང་ངར་ཆེ་སྐབས་རྟའི་སྤུ་རྩེ་འཁུམས་པ། |
| གྲ་འགྲིག |
འཐུས་སྒོ་ཚང་བ་སྟེ། (དཔེར་ན།) སྔོན་འགྲོ་གྲ་འགྲིག་པ་དང་དངོས་གཞི་འཛུགས་ཐུབ་པ། ལས་དོན་ཚང་མ་གྲ་འགྲིག་ཕུན་སུམ་ཚོགས་པ་བྱུང་སོང༌། བསམ་གྲོས་མཐུན་པོ་བྱུང་ན་ལས་ཀ་གྲ་འགྲིག་པོ་ཡོང༌། མཐུན་རྐྱེན་འཛོམས་མེད་པའི་ལས་ཀ་གྲ་མ་འགྲིག་ཅེས་པ་ལྟ་བུ། |
| གྲ་འགྲིག་འཐུས་ཚང |
ལས་དོན་བགེགས་མེད་གནད་དུ་སོང་བ་སྟེ། (དཔེར་ན།) ལས་དོན་མཐའ་དག་གྲ་འགྲིག་འཐུས་ཚང་བྱུང་སོང༌ཞེས་པ་ལྟ་བུ། |
| གྲ་རུ |
ཕོར་པ་སོགས་དཀྲུག་བྱེད་ཀྱི་འཁོར་ལོའི་གཡས་གཡོན་གྱི་རུ་ཤིང༌། |
| གྲ་རྒྱས་པ |
སྟོབས་འབྱོར་དར་ཆེ་བའི་དོན་ཏེ། (དཔེར་ན།) ཁྱིམ་ཚང་གྲ་རྒྱས་པ། རྒྱལ་ཁབ་གྲ་རྒྱས་པ་ཞེས་པ་ལྟ་བུ། |
| གྲ་རྒྱས་ཕུན་སུམ་ཚོགས་པ |
འདོད་ཡོན་ཡོངས་སུ་ཚང་བའི་དོན་ཏེ། (དཔེར་ན།) གྲ་རྒྱས་ཕུན་སུམ་ཚོགས་པའི་འཚོ་བ་ཞིག་རོལ་ན་འདོད་ཅེས་པ་ལྟ་བུ། |
| གྲ་རྩུབ |
(ཡུལ་སྐད།) བལ་གྱི་གྲ་རྩུབ་པོ། |
| གྲ་ལོ་རྒྱས་པོ |
དར་རྒྱས་ཆེན་པོ། |
| གྲ་སྒྲིག |
སྔོན་འགྲོའི་བྱ་བའམ་སྟ་གོན་ཏེ། (དཔེར་ན།) ལས་འགོ་དངོས་སུ་འཛུགས་རྒྱུའི་གྲ་སྒྲིག་བྱེད་པ། གྲ་སྒྲིག་བྱས་ན་བྱ་བ་འགྲུབ། གྲ་སྒྲིག་མེད་ན་འགྲུབ་མི་ཐུབ་ཅེས་པ་ལྟ་བུ། |
| གྲ་སྡེབ |
1.པགས་པའི་སྤུ་གྲ་སྙོམས་སྒྲིག 2.ཚོགས་པ་གཅིག་ཏུ་བསྡེབས་པའམ་ངན་འབྲེལ་བྱས་པ་སྟེ། (དཔེར་ན།) མི་ངན་གྲ་སྡེབ་བྱས་ནས་ཡུལ་ལུང་དཀྲུགས་ཞེས་པ་ལྟ་བུ། |
| གྲ་སྦུབ |
རོལ་ཆ་སྐད་བཟང་བའི་བྱེ་བྲག་ཅིག |
| གྲག |
(བྱེད་མེད་ལས་ཚིག) གྲགས་ཀྱི་མ་འོངས་པ་དང་ད་ལྟ་བ། སྒྲ་གྲག་པའམ་སྐད་འབྱིན་པའི་དོན་ཏེ། (དཔེར་ན།) ཁུ་བྱུག་གྲག ཁ་འུར་སྒྲ་གྲག་གིན་འདུག་ལྟ་བུ། |
| གྲག་པ |
(བྱེད་མེད་ལས་ཚིག) སྒྲ་སྐད་ཐོན་པ་སྟེ། (དཔེར་ན།) གློག་འཁྱུགས་པ་དང་ཆབས་ཅིག་འབྲུག་སྒྲ་གྲག་པ། ཁོས་ང་ལ་ཁ་གྲག་མ་བྱུང༌ཞེས་པ་ལྟ་བུ། |
| གྲག་སྟོང |
དོན་སྟོང་གི་དོན་ཏེ། (དཔེར་ན།) དོན་མེད་གྲག་སྟོང་གི་སྐད་ཆ་མ་བཤད་ཅེས་པ་ལྟ་བུ། |
| གྲག་སྟོང་དབྱེར་མེད |
རྣ་བའི་ཡུལ་དུ་གྲག་པའི་སྒྲ་རྣམས་སྟོང་ཉིད་དང་དབྱེར་མ་མཆིས་པ། |
| གྲགས |
(བྱེད་མེད་ལས་ཚིག) གྲག་གི་འདས་པ། སྙན་གྲགས་ཀྱི་དོན་ཏེ། (དཔེར་ན།) མི་གྲགས་པ་ཅན། མི་སྙན་གྲགས་ཅན། གཡུ་ཐོག་ཡོན་ཏན་མགོན་པོ་ནི་གནའ་དུས་ཀྱི་སྨན་པ་སྙན་གྲགས་ཅན་ཞིག་རེད་ལྟ་བུ། |
| གྲགས་ཅན |
སྐད་གྲགས་ཅན། |
| གྲགས་ཆེན |
1.སྐད་གྲགས་ཆེ་བ། 2.བྱང་སེམས་སྤྱི། |
| གྲགས་པ |
(བྱེད་མེད་ལས་ཚིག) གྲག་པའི་འདས་པའི་བྱ་མིང་། |
| གྲགས་པ་ཉམས་པའི་རྒྱུ་དྲུག |
རྒྱན་འགྱེད་པ་དང༌། འདུས་པ་ལ་བལྟ་བ། ལེ་ལོ། ཆང་འཐུང་བ། སྡིག་གྲོགས་བསྟེན་པ། མཚན་མོ་གྲོང་དུ་འགྲོ་བ་བཅས་དྲུག་གོ། ། |
| གྲགས་པ་བྱང་ཆུབ |
ཕག་གྲུ་སྡེ་སྲིད་ཁྲི་རབས་གསུམ་པ། འདིས་རབ་བྱུང་དྲུག་པའི་ཤིང་སྟག་ལོ་ནས་ལྕགས་བྱ་ལོའི་བར་ལོ་བདུན་སྲིད་བསྐྱངས། |
| གྲགས་པ་རྒྱལ་མཚན |
ས་ཆེན་ཀུན་དགའ་སྙིང་པོའི་སྲས་ས་སྐྱ་གོང་མ་གསུམ་པ། རབ་བྱུང་གསུམ་པའི་མེ་མོ་ཡོས་ལ་འཁྲུངས། དགུང་ལོ་ཉེར་དྲུག་པ་ལ་གདན་སར་བཞུགས། དགུང་ལོ་བདུན་ཅུ་པ་མེ་ཕོ་བྱི་བ་ལ་གཤེགས། |
| གྲགས་པའི་མཚན་མ |
གྲགས་པ་དོན་མཐུན་ཡིན་པ་མི་ཚང་མས་ཁས་ལེན་དགོས་པའི་རྟགས་སམ་མཚན་མ། |
| གྲགས་པའི་མཚོ་ཆེན་བཞི |
མ་ཕམ་གཡུ་མཚོ། བྱང་གནམ་མཚོ་ཕྱུག་མོ། ཡར་འབྲོག་གཡུ་མཚོ། མཚོ་སྔོན་པོ་ཁྲི་ཤོར་རྒྱལ་མོ་བཅས་སོ། ། |
| གྲགས་པའི་མུ་ཁྱུད |
(མངོན་བརྗོད།) བརྒྱ་བྱིན། |
| གྲགས་པའི་རྗེས་དཔག |
རྗེས་དཔག་གསུམ་གྱི་ནང་གསེས། རང་གི་རྟེན་གྲགས་རྟགས་ཡང་དག་ལ་བརྟེན་ནས་བརྡའམ་འདོད་པ་ཙམ་གྱིས་བཞག་པའི་ཡུལ་ལ་མི་བསླུ་བའི་ཤེས་པ། (དཔེར་ན།) རྟོག་ཡུལ་ན་ཡོད་པའི་རྟགས་ཀྱིས་རི་བོང་ཅན་ལ་ཟླ་སྒྲས་བརྗོད་རུང་དུ་རྟོགས་པའི་རྗེས་དཔག་ལྟ་བུའོ། ། |
| གྲགས་པའི་རྟགས |
རྟགས་ཡང་དག་གསུམ་གྱི་ནང་གསེས། འཇིག་རྟེན་ན་ཇི་ལྟར་གྲགས་པ་དེ་ཉིད་རྒྱུ་མཚན་དུ་བྱས་ནས་བསྒྲུབ་གཞི་དེ་བསྒྲུབ་ཆོས་དེ་ཡིན་པར་འཇོག་བྱེད་ཀྱི་རྟགས། དཔེར་ན། རི་བོང་ཆོས་ཅན། ཟླ་བ་ཞེས་པའི་སྒྲས་བརྗོད་དུ་རུང་རྟོག་ཡུལ་ན་ཡོད་པའི་ཕྱིར། ཞེས་པ་ལྟ་བུ་སྒྲ་རྟོག་གིས་བཞག་ཅིང་འཇིག་རྟེན་དུ་གྲགས་པ་ཉིད་ལས་རང་ངོས་ནས་རྒྱུ་མཚན་གཞན་མེད་པ། |
| གྲགས་པས་བསལ་བ |
བསལ་བ་བཞིའི་ནང་གསེས། དམ་བཅའ་དང་འཇིག་རྟེན་གྲགས་པ་དང་འགལ་བ་སྟེ། (དཔེར་ན།) མིའི་ཐོད་པ་གཙང་བར་བསྒྲུབ་པ་དང༌། བུམ་པ་ལ་ཟླ་བ་ཞེས་བརྗོད་པ་ལྟ་བུའོ། ། |
| གྲགས་འདོད |
སྙན་གྲགས་འདོད་པ། |
| གྲགས་སྐམ |
སྙིང་པོ་མེད་པའི་སྙན་གྲགས། |
| གྲགས་སྙན་དཀར་བ |
མིང་སྙན་གྲགས་བཟང་པོ་སྟེ། (དཔེར་ན།) བྱས་རྗེས་བཟང་བའི་གྲགས་སྙན་དཀར་པོས་ཕྱོགས་ཀུན་ཁྱབ་འདུག་ཅེས་པ་ལྟ་བུ། |
| གྲང |
1.(རྒྱན་ཚིག) ཚ་བའི་ལྡོག་ཟླ་སྟེ། (དཔེར་ན།) ས་ཆ་ཚ་གྲང་སྙོམ་པ། ནམ་ཟླ་དྲོ་གྲང་སྙོམ་པ་ཞེས་པ་ལྟ་བུ། 2.(བརྡ་རྙིང་།) དྲི་བའམ་ཐེ་ཚོམ་སྟོན་པའི་ཚིག་གྲོགས་ཤིག་སྟེ། (དཔེར་ན།) བྱ་བ་དེ་ལྟར་བྱས་ན་ནོར་འཁྲུལ་དུ་མི་འགྱུར་གྲང་སྙམ་ཞེས་པ་ལྟ་བུ། |
| གྲང་ཁྲག |
གྲང་བའི་ནད་དང་ཁྲག་ནད་འདྲེས་པའི་ནད། |
| གྲང་གནས |
གནམ་གཤིས་གྲང་བའི་ས་གནས། |
| གྲང་གཞའ |
རྨ་ཁ་གཞའ་བ་རིགས་ཤིག་རྨ་ཁ་དྲོད་དང་བྲལ་ཞིང་རེག་བྱ་ཚོར་བ་མེད་པ་ཞིག |
| གྲང་གཞི |
གྲང་བའི་ནད་གཞི། |
| གྲང་གས |
གྲང་ཆེ་བས་གས་པ། |
| གྲང་གསུམ་དྲོ་གསུམ |
བདེ་སྡུག་ལ་ངེས་པ་མེད་པའི་དཔེ། (དཔེར་ན།) དཔྱིད་ཉི་རིང་པོ་ལ་གྲང་གསུམ་དྲོ་གསུམ། མི་ཚེ་རིང་པོ་ལ་སྐྱིད་གསུམ་སྡུག་གསུམ། |
| གྲང་གསེར |
ཕྱེ་མར་བཏུལ་བའི་གསེར་འབྱུག་དུས་མེ་ལ་བརྟེན་མི་དགོས་པ་ཞིག་སྟེ། (དཔེར་ན།) ལྷ་སྐུར་གྲང་གསེར་བྱུགས་ཞེས་པ་ལྟ་བུ། |
| གྲང་གྲུམ |
གྲང་བ་ཤས་ཆེ་བའི་གྲུམ་བུའི་ནད་དེ་གཞན་དུ་ཏྲེམ་དཀར་ཞེས་ཀྱང་ཟེར། |
| གྲང་གླང |
མ་ཞུ་བའི་རྒྱུ་བྱས་པའི་གྲང་བའི་གླང་འཐབ་ཅིག |
| གྲང་ངད |
(རྒྱན་ཚིག) གྲང་མོའི་མིང་སྟེ། (དཔེར་ན།) གྲང་ངད་ལྡང་བ། སྟོན་ཁ་གྲང་ངད་ལྡང་ལྟ་བུ། |
| གྲང་ངར |
གྲང་བའི་ངར་ཤུགས་ཏེ། (དཔེར་ན།) གྲང་ངར་ཆེན་པོ། གྲང་ངར་མི་བཟོད་པ། དགུན་ཟླ་དང་པོར་གྲང་ངར་སླེབས་པ། དཔྱིད་ཟླ་དང་པོར་གྲང་ངར་གྱི་རྩེར་སོན་པ། གངས་རི་མཐོ་བ་དང༌། གྲང་ངར་ཆེན་པོར་མི་འཛེམ་ཞེས་པ་ལྟ་བུ། |
| གྲང་ངར་ཆུང |
ཟླ་བ་བཅུ་གཉིས་པའི་དབུགས་ལ་གྲང་ངར་ཆུང་ཞེས་པའི་དུས་ཚིགས་ཟེར། |
| གྲང་ངར་ཆེ |
ཟླ་བ་བཅུ་གཉིས་པའི་སྒང་ལ་གྲང་ངར་ཆེ་བའི་དུས་ཚིགས་ཟེར། |
| གྲང་ངར་དང་གྲང་ངར་ཆུང |
དུས་གཟེར་ཉེར་བཞིའི་ཡ་གྱལ་ཡིན། |
| གྲང་ཅང་ཅང |
(རྒྱན་ཚིག) འཁྱགས་ཚུལ་ལམ་འཁྱགས་སྟངས་ཤིག་སྟེ། (དཔེར་ན།) ལྷགས་བསིལ་ལུས་ལ་ཕོག་པས་གྲང་ཅང་ཅང་བྱས་བྱུང༌ལྟ་བུ། |
| གྲང་ཆུ |
1.གྲང་ནད་ཅན་གྱི་གཅིན་པ། 2.ནད་ཅིག |
| གྲང་ཐུར |
དཔྱད་ཀྱི་ལག་ཆ་མེར་མ་བསྲེགས་པར་ཟུག་རྔུའི་སྟེང་དུ་དབུག་པར་བྱ་བའི་ཐུར་མ་སྤྱིའི་མིང༌། |
| གྲང་དམྱལ |
གྲང་བའི་དམྱལ་བའི་བསྡུས་མིང༌། |
| གྲང་དམྱལ་བརྒྱད |
ཆུ་བུར་ཅན་དང༌། ཆུ་བུར་རྡོལ། སོ་ཐམ་ཐམ་པ། ཀྱི་ཧུད་ཟེར། ཨ་ཆུ་ཟེར། ཨུཏཔལ་ལྟར་གས་པ། པད་མ་ལྟར་གས་པ། པད་མ་ཆེན་པོ་ལྟར་གས་པ་སྟེ་བརྒྱད། |
| གྲང་དུག |
ཚ་གྲང་འཐབ་ནས་གླང་ཐབས་སུ་གྱུར་པའི་རྟ་ནད་ཅིག |
| གྲང་དུས |
(མངོན་བརྗོད།) དགུན་གྱི་དུས། |
| གྲང་དྲོ |
1.ཚ་གྲང༌། 2.གྲང་བ་དང་དྲོ་བའི་བསྡུས་མིང༌། |
| གྲང་ནག |
ནད་ཅིག |
| གྲང་ནད |
འཁྱགས་ནས་བྱུང་བའི་ནད་རིགས་ཤིག |
| གྲང་བ |
1.ཚ་བའི་ལྡོག་ཕྱོགས་ཏེ། (དཔེར་ན།) དགུན་དུས་གོས་ལྷམ་མ་གྱོན་པས་གྲང་བས་མནར་བ། ཆར་རླུང་འཐབ་པའི་གྲང་བས་མགོ་ལུས་གཟིར་བ། འཁྱག་རོམ་གྱི་ནང་དུ་ཕྱིན་ནས་གྲང་བས་མི་ཚུགས། མིང་གི་རྣམ་གྲངས་ལ་འཁྱགས་པ་དང༌། གྲང་ངད། གྲང་མོ། གྲང་རེག་བསེར་བུ། ལྷགས་ངར་བཅས་སོ། །2.བད་ཀན་སོགས་འཁྱགས་ནས་བྱུང་བའི་ནད་རིགས་ཤིག 3.སྨན་གྱི་ཞུ་རྗེས་སམ་ཡོན་ཏན། |
| གྲང་བ་གཏིང་འཁར |
ནད་གྲང་བ་བཅོས་པའི་དུས་ལས་འདས་ཏེ་ལུས་ཟུངས་ཡོངས་སུ་ཞན་པར་གྱུར་ནས་སྨན་པའི་དབུགས་ཕྱི་ནང་གི་རྒྱུ་བ་གཅིག་ལ་འཕར་རྩ་ལན་གཉིས་སམ་གཅིག་ལས་འཕར་མི་ནུས་པ་གསོ་དཀའ་བ་སྲོག་གཅོད་ནད་དགུའི་ཡ་གྱལ་ཞིག |
| གྲང་བ་ལྷིང་ཆད |
བད་ཀན་སྨུག་པོ་དུས་གསུམ་གྱི་ནང་ཚན་ཚ་བའི་གྲོགས་དང་བྲལ་ཏེ་གྲང་བ་གཅིག་པུར་གྱུར་པའི་དོན། |
| གྲང་བའི་ཆུ |
ལུས་ཀྱི་ས་ཆུའི་ཁམས་འཕེལ་བ་ལས་བྱུང་བའི་གྲང་བའི་ནད་ཀྱིས་ཟིན་པའི་རྟགས་སུ་དྲི་ཆུ་ཁ་དོག་དཀར་རམ་སྔོ་ལ་སླ་བ། རླངས་པ་དང་དྲི་མ་ཆུང་བ། ལྦུ་བ་ཆེ་བར་འབྱུང་བ་ཞིག |
| གྲང་བའི་དམྱལ་བ |
འཛམ་གླིང་འདིའི་ས་འོག་ནས་དཔག་ཚད་ལྔ་བརྒྱ་སོང་མཚམས་སུ་འཕྲེད་ཉལ་དུ་གནས་པའི་སེམས་ཅན་དམྱལ་བ། |
| གྲང་བའི་ནད |
ལུས་ཀྱི་ས་ཆུའི་ཁམས་འཕེལ་བ་ལས་བྱུང་བའི་ནད་ཅིག་ནད་རྟགས་སུ་ཁ་ཟས་མི་འཇུ་བ་དང༌། དཔྱི་སྐེད་ན་བ། ལུས་ཀྱི་དྲོད་ཉམས་པ། དྲི་ཆུ་སྲིའམ་སྙི་བ་སོགས་འབྱུང་བ་ཞིག |
| གྲང་བའི་འཁྲུ་བ |
གྲང་འཁྲུ་དང་དོན་གཅིག་ |
| གྲང་བའི་རྩ |
ལུས་ཀྱི་ས་ཆུའི་ཁམས་འཕེལ་བ་ལས་བྱུང་བའི་གྲང་བའི་ནད་ཀྱིས་ཟིན་པའི་རྟགས་སུ་འཕར་རྩ་ཞན་པ་དང༌། བྱིང་བ། རྒུད་པ། བུལ་བ། ལྷོད་པ། སྟོང་བ་བཅས་འཕར་ཚུལ་དྲུག་མཆིས་སོ། ། |
| གྲང་བའི་སེམས་ཅན་དམྱལ་བ |
གྲང་བའི་དམྱལ་བ་དང་དོན་གཅིག |
| གྲང་བའི་སེམས་ཅན་དམྱལ་བ་བརྒྱད |
གྲང་དམྱལ་བརྒྱད་དང་དོན་གཅིག |
| གྲང་བའི་སྡུག་བསྔལ |
འཁྱག་པའི་སྡུག་བསྔལ། |
| གྲང་མཁྲིས |
མཁྲིས་པ་འཇུ་བྱེད་ཀྱི་བྱེད་ལས་ཉམས་པའི་གྲང་བ་ཤས་ཆེ་བའི་མཁྲིས་ནད་ཅིག་ནད་རྟགས་སུ་མིག་སྤྲིན་དང་ཤ་མདོག་སེར་པོར་འགྱུར་བ་དང༌། ཟས་མི་འཇུ་བ། བཤང་བ་དཀར་པོར་འགྱུར་བ་སོགས་སོ། ། |
| གྲང་མོ |
བསིལ་ཆེ་བའམ། ཚ་བ་ལས་ལྡོག་པ་སྟེ། (དཔེར་ན།) གནམ་གྲང་མོ། ཆུ་ཁོལ་གྲང་མོ། ལྟོ་ཆས་གྲང་མོ། བཏུང་བ་གྲང་མོ་ཞེས་པ་ལྟ་བུ། |
| གྲང་ཚ |
དངོས་ཆས་མེར་མ་བསྲེགས་པར་ཚ་ལ་གཏོང་བའི་ཐབས། |
| གྲང་ཚལ |
རྔོ་སྲེག་སོགས་མ་བྱས་པའི་བཟའ་བྱའི་ཚལ་གྲང་མོ། |
| གྲང་ཟིལ |
1.གྲང་ངད་དམ་གྲང་ངར། 2.ཟིལ་པ་གྲང་མོ། |
| གྲང་ཟུག |
བསིལ་བའི་ནུས་ཤུགས་ཏེ། (དཔེར་ན།) ས་ཆ་དེ་གྲང་ཟུག་ཆེན་པོ་འདུག་ཅེས་པ་ལྟ་བུ། |
| གྲང་འཁུམས |
ལུས་གྲང་ནས་འཁུམས་པ། |
| གྲང་འཁྲུ |
བད་ཀན་གྲང་བ་ཤས་ཆེ་བའི་ལྦུ་བ་བེ་སྣབས་ཅན་འཁྲུ་བ་ཞིག |
| གྲང་འདར |
ལུས་གྲང་བ་དང་འདར་བའི་རླུང་གི་ནད་རྟགས་ཤིག |
| གྲང་འཛགས |
ལྒང་པའི་ནད་ཅིག |
| གྲང་འོར |
ཁ་ཟས་མ་ཞུ་བ་དྭངས་སྙིགས་འདྲེས་པ། དྭངས་མའི་ལམ་དུ་ཤོར་བ་དེས་ཁྲག་ངན་རྒྱས་ཏེ་ཤ་ལྤགས་ལ་བྱེར་བས་ཆུ་སེར་འཕེལ་བ་དང༌། ཆུ་སེར་དེ་ཉིད་ཐུར་དུ་ལྷུང་ཞིང་ལུས་གཡོ་བར་གྱུར་པ་ལ་འོར་ཞེས་ཟེར་བས་འདིར་བད་རླུང་གྲང་བ་དང་བསྡོང་བའི་འོར་ནད་ཀྱི་མིང༌། |
| གྲང་རེག |
གྲང་བའི་རེག་བྱ། |
| གྲང་རེག་ཅན |
(མངོན་བརྗོད།) དགུན་ཁ། |
| གྲང་རླུང |
1.གྲང་ངད་ཆེ་བའི་རླུང༌། སྟོན་དུས་གྲང་རླུང་ལྡང་ཞེས་པ་ལྟ་བུ། 2.ཕོ་བའི་མེ་དྲོད་ཉམས་པའི་གྲང་བ་དང་རླུང་གཉིས་འདོམས་ཏེ་ཟས་མི་འཇུ་ཞིང་ལྟོ་བ་སྦོས་པ་དང༌། དཔྱི་སྐེད་སོགས་ན་བའི་ནད་ཀྱི་མིང༌། |
| གྲང་ལྷགས |
རླུང་གྲང་མོ་སྟེ། (དཔེར་ན།) ལམ་བར་དུ་གྲང་ལྷགས་ཆེན་པོ་ཞིག་ཐུག་ཅེས་པ་ལྟ་བུ། |
| གྲང་ལྷང་ལྷང |
(རྒྱན་ཚིག) འཁྱག་ལྷང་ལྷང༌སྟེ། (དཔེར་ན།) ལྷགས་པའི་དཀྱིལ་དུ་ཕྱིན་ན་གྲང་ལྷང་ལྷང་བྱས་ཡོང༌ལྟ་བུ། |
| གྲང་ཤས |
གྲང་ངད་ཀྱི་ཆ། |
| གྲང་ཤུམ |
ཕྱི་རོལ་གྱི་བསེར་བུའི་རླུང་གིས་བུས་པ་སོགས་མ་ཡིན་པར་དོན་མེད་དུ་ལུས་གྲང་ཤུམ་བྱེད་པའི་རླུང་གི་ནད་རྟགས་ཤིག་སྟེ། (དཔེར་ན།) ཆམ་པའི་འཕྲུལ་གྱིས་ལུས་ལ་གྲང་ཤུམ་རྒྱག་པ། གཟུགས་པོར་གྲང་ཤུམ་རྒྱག་གི་མི་འདུག་གམ་ཅེས་པ་ལྟ་བུ། |
| གྲང་སངས |
གྲང་མོ་བཟོ་བ། |
| གྲང་སི་རི་རི |
(རྒྱན་ཚིག) རླུང་བསིལ་བུ་ལྡང་ཚུལ་ཏེ། (དཔེར་ན།) ལ་ཁར་སླེབས་དུས་ལྷགས་པ་གྲང་སི་རི་རི་རྒྱག་ཅེས་པ་ལྟ་བུ། |
| གྲང་སི་ལེ་བ |
(རྒྱན་ཚིག) བསིལ་བའི་ཚོར་བ་སྟེ། (དཔེར་ན།) ཚ་བ་ཆེ་སྐབས་ཤིང་སྡོང་གི་འོག་ཏུ་བསྡད་ན་གྲང་སི་ལེ་བ་ཞིག་ཡོང་གིན་འདུག་ཅེས་པ་ལྟ་བུ། |
| གྲང་སྐྱོབ |
དྲོ་འཆོས་ཀྱི་གོས་རིགས། |
| གྲངས |
སྡེ་ཁག་བརྩི་གཞི་བྱས་ནས་བསྟན་པའི་བྱ་དངོས་ཀྱི་མང་ཉུང་སྟེ། (དཔེར་ན།) མིའི་གྲངས་ཀ ཕྱུགས་ཀྱི་ཁ་གྲངས། མི་གྲངས། ཕྱུགས་གྲངས། ལོ་གྲངས། ལན་གྲངས་ལྟ་བུ། |
| གྲངས་ཀ་མིང་ཅན |
འཇལ་བྱེད་ཚད་གཞིའི་མིང་ཡོད་པའི་གྲངས་སྟེ། (དཔེར་ན།) ལེ་དབར་གསུམ་མམ། སྨི་ལྔ་ལྟ་བུ། |
| གྲངས་ཀ་མིང་མེད་མ |
འཇལ་བྱེད་ཚད་གཞིའི་མིང་མེད་པའི་གྲངས་ཀ་སྟེ། (དཔེར་ན།) གཅིག་གཉིས་གསུམ་ལྟ་བུ། |
| གྲངས་ཀ་མིང་རྐྱང་མ |
འཇལ་བྱེད་ཚད་གཞིའི་མིང་གཅིག་ལས་མེད་པའི་གྲངས་ཀ་སྟེ། (དཔེར་ན།) ཁལ་གཅིག་གམ་རྒྱ་མ་གསུམ་ལྟ་བུ། |
| གྲངས་ཀ་མིང་སྦྲགས་མ |
འཇལ་བྱེད་ཚད་གཞིའི་མིང་གཉིས་སམ། མང་པོ་ཡོད་པའི་གྲངས་ཀ་སྟེ། (དཔེར་ན།) སྲང་གསུམ་ཞོ་དོ་སྐར་ལྔ་དང༌། ཁལ་བདུན་བྲེ་ལྔ་ཕུལ་དོ་ལྟ་བུ། |
| གྲངས་གནས |
གྲངས་ཀ་མཚོན་པའི་ཨང་ཀི་ཡོད་སའི་གནས་ཏེ། (དཔེར་ན།) ཨང་ཀི་དུ་མ་ཡོད་པའི་གྲལ་མཐའ་ནས་ཡར་བརྩིས་ན་གནས་དང་པོ་ནི་གཅིག་གནས་ཡིན་ཞིང་། གནས་གཉིས་པ་ནི་བཅུ་གནས། གནས་གསུམ་པ་ནི་བརྒྱ་གནས་ཡིན་པ་སོགས་རིགས་བསྒྲེས་ན་ཆོག |
| གྲངས་གནས་དྲུག་ཅུ |
སྔར་རྒྱ་གར་གྱི་རྩིས་ལུགས་ལ་གྲངས་གནས་ཀྱི་མིང་དྲུག་ཅུ་ཡོད་དེ། 1 གཅིག 2 བཅུ། 3 བརྒྱ། 4 སྟོང༌། 5 ཁྲི། 6 འབུམ། 7 ས་ཡ། 8 བྱེ་བ། 9 དུང་ཕྱུར་ཏེ་དགུ་བོ་རེ་རེ་ནས་བརྩིས་པས་རྐྱང་བའི་གྲངས་གནས་དགུ་དང༌། 10 ཐེར་འབུམ། 12 ཁྲག་ཁྲིག 14 རབ་བཀྲམ། 16 གཏམས། 18 དཀྲིགས། 20 མི་འཁྲུགས། 22 ཁྱད་འབྱིན། 24 སྤང་རྟེན། 26 དེད་འདྲེན། 28 མཐའ་སྣང༌། 30 རྒྱུ་རིག 32 འོད་མཛེས། 34 དབང་པོ། 36 ལེགས་འབྱིན། 38 རྟོགས་འགྲོ། 40 འབྱིང་རྡུལ། 42 རྒྱ་རྟགས། 44 སྟོབས་འཁོར། 46 བརྡ་ཤེས། 48 རྣམ་བྱུང༌། 50 སྟོབས་མིག 52 བྱམས་པ། 54 སྙིང་རྗེ། 56 དགའ་བ། 58 བཏང་སྙོམས་ཏེ་ཉེར་ལྔ་པོ་ཆེན་པོ་དང་བཅས་གཉིས་རེ་བརྩིས་པས་ལྔ་བཅུ་དང་དེའི་སྟེང་དུ། 60 གྲངས་མེད་ཐ་མ་སྟེ་གཅིག་བསྣན་པས་དྲུག་ཅུའོ། ། |
| གྲངས་ཅན་པ |
སྔར་རྒྱ་གར་གྱི་གྲུབ་མཐའ་ཞིག་ཡིན་པ་འདིའི་སྟོན་པ་ནི་སེར་སྐྱའམ་དབང་ཕྱུག་ནག་པོ་ཟེར་ཞིང༌། དེ་ཉིད་ཉེར་ལྔའི་གྲངས་ཀྱི་མཚན་ཉིད་ཤེས་པ་ལས་གྲོལ་བར་འདོད་པས་གྲངས་ཅན་པ་ཞེས་བརྗོད་པའི་ཤེས་བྱ་ཉེར་ལྔའི་རྣམ་བཞག་བཤད་པར་བྱ་གཙོ་བོ་དང༌། ཆེན་པོ་དང༌། ང་རྒྱལ་དང༌། གཟུགས་སྒྲ་དྲི་རོ་རེག་བྱ་སྟེ་དེ་ཙམ་ལྔ་དང༌། ས་ཆུ་མེ་རླུང་ནམ་མཁའ་སྟེ་འབྱུང་བ་ལྔ་དང༌། ངག་ལག་པ། རྐང་པ། རྐུབ། འདོམས་ཀྱི་དབང་པོ་སྟེ་ལས་ཀྱི་དབང་པོ་ལྔ་དང༌། མིག་རྣ་བ། སྣ། ལྕེ། པགས་པའམ་ལུས་ཀྱི་དབང་པོ་སྟེ་བློའི་དབང་པོ་ལྔ་དང༌། གཉིས་ཀའི་བདག་ཉིད་ཅན་ཡིད་ཀྱི་དབང་པོ་སྟེ་དབང་པོ་བཅུ་གཅིག་དང༌། བདག་ཤེས་རིག་གི་སྐྱེས་བུ་སྟེ་ཉི་ཤུ་རྩ་ལྔའོ། ། |
| གྲངས་ཉུང་མི་རིགས |
མི་རིགས་མང་པོ་ཡོད་པའི་རྒྱལ་ཁབ་ནང་གི་མི་གྲངས་མང་ཤོས་ཀྱི་མི་རིགས་ཕུད་པའི་མི་རིགས་གཞན་རྣམས་ལ་ཟེར། |
| གྲངས་ཐེལ |
སྔར་ལས་རྩོལ་བྱེད་མཁན་མི་སེར་ཚོའི་སྐྱེལ་འདྲེན་འུ་ལག་འགྲོ་ཐེངས་མང་ཉུང་རྩི་བྱེད་དུ་ངོ་ལ་བརྒྱབ་པའི་ཐེལ་ཙེ། |
| གྲངས་ཐོ |
གྲངས་ཀའི་ཐོ་ཡིག |
| གྲངས་བཞིན་གྱི་རྒྱན |
སྙན་ངག་དོན་རྒྱན་ནང་གི་རིམ་པ་ཅན་གྱི་རྒྱན། |
| གྲངས་བརྡ |
གྲངས་ཀའི་མིང་བརྡའམ། ཐ་སྙད། |
| གྲངས་བཤེར |
གྲངས་ཀ་ཞིབ་རྩིས་བྱེད་པ་སྟེ། (དཔེར་ན།) མ་དངུལ་གྲངས་བཤེར་གྱིས་རྩིས་སྤྲོད་ཅེས་པ་ལྟ་བུ། |
| གྲངས་མེད་ཐ་མ |
གྲངས་གནས་དྲུག་ཅུ་པ་བཏང་སྙོམས་ཆེན་པོ་བཅུ་ལ། གྲངས་མེད་ཐ་མ་སྟེ་རང་གི་གོང་ན་དྲུག་ཅུའི་གནས་གཞན་མེད་པས་ན་གྲངས་མེད་ཅེས་བརྗོད་པ་མ་གཏོགས་གྲངས་གཏན་ནས་མེད་པར་བྱས་པ་མ་ཡིན་ནོ། ། |
| གྲངས་མེད་པ |
1.ཆོས་མངོན་པ་སོགས་ལས་བྱུང་བའི་གྲངས་གནས་ཆེ་བ་ཞིག་སྟེ། (དཔེར་ན།) བསྐལ་པ་གྲངས་མེད་པ་གསུམ་ཞེས་པ་ལྟ་བུ། 2.གྲངས་འབོར་བགྲང་དུ་མེད་པ། |
| གྲངས་ཚང་གཙང་འབུལ |
ཆད་ལུས་མེད་པར་གཙང་དག་འབུལ་བ། |
| གྲངས་ཚད |
གྲངས་ཀ་མང་ཉུང༌། |
| གྲངས་ཚན |
གྲངས་ཀའི་སྡེ་ཚན། |
| གྲངས་ཚིག |
གྲངས་ཀ་མཚོན་པའི་ཐ་སྙད་ཀྱི་མིང་སྟེ། (དཔེར་ན།) གཅིག གཉིས། གསུམ། གཅིག བཅུ། བརྒྱ། སྟོང་། གང་། དོ། དང་པོ། གཉིས་པ་ཞེས་པ་སོགས་ལྟ་བུ། |
| གྲངས་འབོར |
གྲངས་ཀའི་ཚད་དམ་ཁྱོན་ཏེ། (དཔེར་ན།) སློབ་གྲྭ་བའི་གྲངས་འབོར་ལོན་ཞེས་པ་ལྟ་བུ། |
| གྲངས་འབྱམས |
གྲངས་གནས་ཤིག |
| གྲངས་རིམ་པ་ཅན་གྱི་རྒྱན |
སྙན་ངག་དོན་རྒྱན་ནང་གི་རིམ་པ་ཅན་གྱི་རྒྱན། |
| གྲངས་ལས་འདས་པ |
གྲངས་ཚད་འཇོག་མི་ཐུབ་པ། |
| གྲངས་ཤེས |
(མངོན་བརྗོད།) རྩིས་པ། |
| གྲངས་སྡུད་པ |
རྣམ་དབྱེ་ལྔ་པའི་ནང་གསེས་ཏེ། གཅིག་ནས་བརྒྱའི་བར་ཞེས་པ་ལྟ་བུ། |
| གྲབ |
གྲབ་རྒྱགས་ཏེ། ང་རྒྱལ་ཁེངས་དྲེགས་ཀྱི་མིང་། (དཔེར་ན།) མི་གྲབ་རྒྱགས་ཅན་ཞེས་པ་ལྟ་བུ། |
| གྲབ་གཡེར་ཚྭ་ཁ |
བོད་ཀྱི་འབྲོང་པ་རྫོང་གི་བྱང་རྒྱུད་དུ་ཡོད། |
| གྲབས |
1.ཉེ་བའི་དོན་ཏེ། (དཔེར་ན།) འགྲོ་གྲབས་ཡོད། ཤོར་གྲབས། འཆི་གྲབས་ཡོད་ཅེས་པ་ལྟ་བུ། 2. སྔོན་འགྲོའི་དོན་ཏེ། (དཔེར་ན།) གསོལ་ཚིགས་བཤམ་རྒྱུའི་གྲབས་སྒྲིག་པ། ཞིང་པ་ཚོས་སོ་ནམ་གྱི་གྲབས་བྱེད་ཅེས་པ་ལྟ་བུ། |
| གྲབས་གཤོམ |
གྲ་སྒྲིག་གམ་སྔོན་འགྲོ་སྟེ། (དཔེར་ན།) འགྲུལ་པ་ཚང་མས་ཕྱོགས་འགྲོའི་གྲབས་གཤོམ་བྱེད་ཀྱིན་འདུག ལྐོག་གཡོ་ངན་ཇུས་ཀྱི་གྲབས་གཤོམ་བྱེད་པ་ཞེས་པ་ལྟ་བུ། |
| གྲབས་དམག |
རྒྱབ་གནོན་དང་རོགས་བྱེད་ཀྱི་དཔུང་སྡེ། |
| གྲབས་འབྲུ |
མུ་གེ་སིལ་ཆེད་དུ་བསགས་པའི་ཟ་འབྲུ། |
| གྲབས་ཡུལ |
སྟ་གོན་ནམ་གྲ་སྒྲིག |
| གྲབས་རྒྱགས |
ལམ་བར་དུ་བཟའ་རྒྱུར་བསྡོགས་པའི་ཟས་རིགས། |
| གྲམ་ཁ |
ཆུའི་གྲམ་པའི་ཁ་སྟེ། (དཔེར་ན།) ཆུའི་གྲམ་ཁར་གོས་ཉི་མར་བསྐམས་ཞེས་པ་ལྟ་བུ། |
| གྲམ་གསེག |
ཆུ་སོང་ཤུལ་གྱི་རྡོ་ཧྲུག |
| གྲམ་ཐང |
རྡོ་གྲམ་པ་ཡོད་སའི་ཐང༌། |
| གྲམ་པ |
1.(བྱེད་མེད་ལས་ཚིག) ཁྱབ་པའམ་འཐོར་བ་སྟེ། (དཔེར་ན།) གནག་ཕྱུགས་ཚང་མ་རི་ལ་གྲམ་འདུག ནད་གཞི་པགས་པར་གྲམ་ཞེས་པ་ལྟ་བུ། 2.ཆུ་འགྲམ་གྱི་རྡོ་ཧྲུག་སྟེ། (དཔེར་ན།) ཆུ་འགྲམ་གྱི་གྲམ་པ་ཞེས་པ་ལྟ་བུ། |
| གྲམ་བཀྲ་ཤིས་རྩེ་པ |
ཡུལ་མིང་ལས་བཏགས་པའི་སྔ་དུས་བོད་ཀྱི་ལྷ་མོའི་ཚོགས་པ་ཞིག་ཡུལ་དེ་གཙང་རྣམ་གླིང་རྫོང་ན་ཡོད། |
| གྲམ་སྟོང |
རྡོ་ཧྲུག་གིས་ཁེངས་པའི་ཐང༌། |
| གྲམ་ཧྲུག |
རྡོ་གོར་མ་ཆུང་ཆུང༌། |
| གྲལ |
སྟར་རམ་སྦྲེང༌སྟེ། (དཔེར་ན།) གྲལ་འགོ། གྲལ་སྐེད། གྲལ་མཇུག བཞུགས་གྲལ། གཡས་གྲལ། གཡོན་གྲལ། མི་གྲལ། གྲལ་འགྲིག་པོ། སྡོད་གྲལ་བསྒྲིགས་ཏེ་སྡོད་པ། གྲལ་འགོ་ནས་གཏམ་བཤད་ན་གྲལ་མཇུག་ཏུ་ཉན་མཁན་ཡོད་དགོས་ཞེས་པ་ལྟ་བུ། |
| གྲལ་གཤིབས |
གྲལ་གྱི་བར་གསེང་ཆུང་དུ་གཏོང་བ། |
| གྲལ་གསེང |
གྲལ་དུ་སྡོད་པའི་བར་གསེང༌། |
| གྲལ་པ |
གྲལ་དུ་སྡོད་མཁན། |
| གྲལ་མ |
ཁང་བའི་ཀླད་འགེབ་བྱེད་ཀྱི་དྲབ་རྒྱུག་གི་མིང་། |
| གྲལ་མཚུངས |
རིགས་མཚུངས་སམ་ཁྱུ་ཚོ་འདྲ་བ། |
| གྲལ་མཚེས |
སྡོད་སའི་གྲལ་གནས་མཉམ་གཤིབ་ཏུ་ཡོད་པ། |
| གྲལ་མཚེས་པ |
གྲལ་རོགས། |
| གྲལ་ཚུད |
གྲལ་དུ་ཚུད་པ། |
| གྲལ་ཚེས |
ཚེས་གྲངས། |
| གྲལ་འཚོས་པ |
(བརྡ་རྙིང་།) བབ་ལ་གཞིགས་པའམ་ལྟ་བའི་དོན་ཏེ། (དཔེར་ན།) གཏམ་བཤད་ན་གྲལ་འཚོས་ལྟ་བུ། |
| གྲལ་འཛིན |
སྡོད་ས་འཛིན་པ། |
| གྲལ་རིམ |
1.སྟར་གཅིག་གི་སྔ་ཕྱིའི་གོ་རིམ་ཏེ། (དཔེར་ན།) རྒན་གཞོན་གྲལ་རིམ་བཞིན་དུ་བསྒྲིགས་པ། གྲལ་རིམ་མ་འཁྲུགས་པ་ལྟ་བུ། མིང་གི་རྣམ་གྲངས་ལ་ཁྲིགས་ཆགས་སུ་བཀོད་པ་དང༌། གྲལ་སྟར། གྲལ་དུ་སྒྲིག་པ། གྲལ་དུ་བསྟར་བ། ཕྲེང་བཀོད་པ། ཕྲེང་བ། ཚར་དུ་དངར། ཚར་བ། ལུ་གུ་རྒྱུད་བཅས་སོ། །2.སྤྱི་ཚོགས་ཀྱི་ཐོན་སྐྱེད་བརྒྱུད་རིམ་ངེས་ཅན་ཞིག་གི་ནང་ལ་མི་རྣམས་ཀྱིས་གནས་བབ་མི་འདྲ་བ་རེ་འཛིན་གྱི་ཡོད་པ་སྟེ། (དཔེར་ན།) ཕྱུག་པོ་དང་དབུལ་བོ། མཁས་པ་དང་བླུན་པོ། བཙན་པོ་དང་གཉོམ་པོ་སོགས་ཀྱི་རིམ་པ་ལའང་གྲལ་རིམ་ཟེར། |
| གྲལ་རོགས |
གྲལ་འཁྲིས་སུ་སྡོད་མཁན། |
| གྲས |
རིགས་སམ་སྡེ་ཚན་ཏེ། (དཔེར་ན།) མཐོ་གྲས། བཟོ་ལས་ཀྱི་གྲས། ཝ་ཡང་གཅན་གཟན་གྱི་གྲས་ཡིན་ལྟ་བུ། |
| གྲས་པ |
(བརྡ་རྙིང་།) 1>ཐོག་སྟེང་གི་ལན་ཀན་ནམ་སྒྲོམ་སྐྱོར། 2>སྐས་འཛེག་གི་ལག་འཇུ། |
| གྲི |
1.གཅོད་བྱེད་དམ་གཏུབ་བྱེད་ཀྱི་ལག་ཆ་ཞིག་སྟེ། (དཔེར་ན།) གྲི་ཁ། གྲི་ཐུང༌། གྲི་རིང༌། གྲི་རྩེ། གྲི་ཤུབས། སྤུ་གྲི། སྐྲ་གྲི། གྲི་འདོན་རྒྱ་འདྲེ་རྒྱག་པ། གྲི་རྣོ་རྡུགས་པ། གྲི་བསྣུན་པ། གྲི་རྩེད། གྲི་རུབ་བྱེད་པ། གྲི་བཙུགས་ཏེ་བསད་པ། ཤ་བཙོས་བཙོས་པ་དང་གྲི་བརྡར་བརྡར་བ་རེད་ཅེས་པ་ལྟ་བུ། མིང་གི་རྣམ་གྲངས་ལ་སྒྲོལ་བྱེད་དང༌། རྗེས་སུ་གཅོད། དཔལ་གྱི་སྙིང་པོ། མཚོན་ཆའི་གཞི་བཅས་སོ། །2.ནད་མེད་གློ་བུར་དུ་ཤི་བའི་རྐྱེན་ལ་གྲིའི་བརྡར་འདོགས་ཏེ། རྟ་གྲིར་ཤི་བ། སྐོམ་གྲིར་ཤི་བ། མཚོན་གྲིར་འཆི་བ། འཁྱགས་གྲིར་ཤི་བ། ལྟོགས་གྲིར་ཤི་བ་ཞེས་པ་ལྟ་བུ། |
| གྲི་ཀླད |
མཆོད་རྫས་ཤིག་སྟེ། མི་འཐབ་གྲིར་ཤི་བའི་ཀླད་པ། |
| གྲི་ཁ་ལྕགས་ཟམ |
ཁམས་རྒྱལ་ཐང་ཕྱོགས་ཀྱི་འབའ་ལུང་རྫོང་ཁོངས་སུ་ཟླ་ཆུའི་ཐོག་ལ་བཙུགས་པའི་ལྕགས་ཟམ་ཞིག |
| གྲི་ཁྲག |
མཆོས་རྫས་ཤིག་སྟེ། མཚོན་འོག་ཏུ་ཤི་བའི་མིའི་ཁྲག |
| གྲི་གུ |
1.གྲི་ཆུང་ངུ། 2.ས་མིང་ཞིག་སྟེ། བོད་ཀྱི་མཚོ་སྨད་རྫོང་གི་མིང་རྙིང་ཡིན། |
| གྲི་གུ་མཚོ |
བོད་ཀྱི་མཚོ་སྨད་རྫོང་ཁོངས་སུ་ཡོད། |
| གྲི་གུག |
1.གྲི་ཀྱོག་པོ་ཞིག 2.སྔར་གྱི་མཚོན་ཆ་ཞིག |
| གྲི་གུམ་བཙན་པོ |
སྲིབ་ཁྲི་བཙན་པོའི་སྲས་སྔར་བོད་རྒྱལ་སྟོད་ཀྱི་སྟེང་གཉིས་ཀྱི་གྲས་ཤིག་ཡིན་པ་འདི་ལ་སྲས་ཤ་ཁྲི་དང༌། བྱ་ཁྲི། ཉ་ཁྲི་དང་སྲས་མོ་གཅིག་བཅས་ཡོད་ཅིང༌། ཕྱིས་བློན་པོ་ལོ་ངམ་རྟ་རྫིས་བཀྲོངས། བོད་དུ་སྐུ་ཕུང་ས་འོག་ཏུ་སྦས་པའི་སྲོལ་གྱི་འགོ་ཚུགས། རྒྱལ་པོ་དེའི་རིང་ལ་རྒྱ་ནག་གི་གོ་ཁྲབ་སྨར་ཁམས་བརྒྱུད་བོད་ལ་དྲངས། |
| གྲི་ཆད |
སྔར་མི་བསད་པའི་གྲི་ལ་འཁྲི་བའི་ཉེས་ཆད། |
| གྲི་དངོ |
གྲི་ཁའམ་གྲི་སོ། |
| གྲི་དཔའ་དམ |
སྐེད་གྲི་རིང་པོ། |
| གྲི་མགོ |
གྲིའི་ཡུ་བ་སྟེ། (དཔེར་ན།) སྙོབ་སར་ལག་པ་སུ་རིང་དང༌། གཅོད་སར་གྲི་མགོ་སུ་རིང་མ་བྱེད་ཅེས་པ་ལྟ་བུ། |
| གྲི་མདུར |
གྲི་རྩེའི་གསེག་ཁ། |
| གྲི་མཚོན |
མཚོན་ཆ་གྲི། |
| གྲི་འགག་གསོར |
(ཡུལ་སྐད།) སྐེད་གྲི་ཐུང་བ། |
| གྲི་འཐག |
གྲི་སོ་གཉིས་ཀྱིས་ཤ་འདྲ་གཏུབ་བྱེད་པའི་མིང་སྟེ། གྲི་གཉིས་ཀྱིས་གྲི་འཐག་བྱས་ནས་ཤ་གཙབ་ཅེས་པ་ལྟ་བུ། |
| གྲི་འཐབ |
1.ཕན་ཚུན་གྲི་ཁ་བཀྱེ་བའམ་གྲི་ཁྱེར་ནས་འཛིང་བ་སྟེ། (དཔེར་ན།) དཔའ་རྟུལ་རྣམས་ཀྱིས་གྲི་འཐབ་ཇ་ཡུན་ཙམ་བྱས་ལྟ་བུ།2.(ཡུལ་སྐད།) ཇེམ་རྩེ། |
| གྲི་འཛིང |
གྲི་ཁྱེར་ནས་འཐབ་པ། |
| གྲི་རུབ |
མི་མང་པོས་མི་གཅིག་ལ་གྲི་སྡེབ་གཡུག་གམ་སྡེབ་འཛུགས་བྱེད་པ། |
| གྲི་རུས |
མཆོད་རྫས་ཤིག་སྟེ། མི་གྲི་ཁར་ཤི་བའི་རུས་པ། |
| གྲི་ལ་ཁུ་ཚུར་རྡེག་པ |
ཉེན་ཁ་ཡོད་སར་འཛེམ་མི་ཤེས་པའི་དཔེ། |
| གྲི་ལྕག |
གྲིའི་ལེབ་བམ་ལྟག་སྟེ། (དཔེར་ན།) གསད་བྱའི་སེམས་ཅན་གྲི་ལྕག་གིས་བརྡུངས་པ་ལྟ་བུ། |
| གྲི་ལྟག |
གྲིའི་ལྟག་པ། |
| གྲི་ཤ |
མི་དར་མ་ནད་མེད་གློ་བུར་དུ་གྲིར་ཤི་བའི་ཤ་རོ་མངར། ཞུ་རྗེས་དྲོད། ནུས་པས་གཉན་ནད་དང༌། སྲོག་རླུང༌། རྒྱལ་གདོན་བཅས་ལ་ཕན། |
| གྲི་ཤི |
མཚོན་ཆ་ཕོག་ནས་ཤི་བའམ་ལྕེབས་པ་སོགས་ལ་གྲི་ཤི་ཟེར། |
| གྲི་ཤུར |
གྲིས་བཞོགས་པའི་རི་མོ་ཤུར་ཅན། |
| གྲི་སོ |
གྲིའི་ཁ། |
| གྲིན་པོ |
(རྒྱན་ཚིག) རིག་པ་རྣོ་བའི་དོན་ཏེ། (དཔེར་ན།) མི་གྲིན་པོ། བློ་གྲིན་པོ། རིག་པ་གྲིན་པོ་ཞེས་པ་ལྟ་བུ། |
| གྲིབ |
1.དམེ་བཙོག་ལ་བརྟེན་ནས་འབྱུང་བའི་ནད་ཅིག་སྟེ། (དཔེར་ན།) རྩ་ལམ་ཧྲེངས་ནས་གྲིབ་ཕོག་ཅེས་པ་ལྟ་བུ། 2.མི་གཙང་བའི་དམེ་བཙོག་སྟེ། (དཔེར་ན།) ཟས་གྲིབ། གོས་གྲིབ། བག་གྲིབ། ཡུགས་གྲིབ། དམ་གྲིབ། ནལ་གྲིབ། མནའ་གྲིབ། དམར་གྲིབ། འཁོན་གྲིབ། རོ་གྲིབ་ཅེས་པ་ལྟ་བུ། |
| གྲིབ་ཁུང |
ཉི་མ་མི་འཆར་ས། |
| གྲིབ་ཁྲུས |
གྲིབ་ནད་སེལ་ཐབས་བྱབ་ཁྲུས་ཀྱི་མིང༌། |
| གྲིབ་གནོན |
ལག་པ་སྙིང་གར་བཞག་སྟེ་གཉིད་ཁུག་ན་འཇིགས་སྐྲག་སྐྱེ་བའི་འཁྲུལ་སྣང་གི་རྨི་ལམ། |
| གྲིབ་གནོན་གྱི་གདོན |
ལག་པ་སྙིང་གར་བཞག་སྟེ་གཉིད་ཁུག་ན་ལུས་སེམས་མནན་ནས་བྱུང་བའི་འཁྲུལ་སྣང་སྟེ། སྔར་གྱི་བཤད་སྲོལ་ལྟར་གནོད་པ་སྐྱེལ་བའི་གདོན་རིགས་ཤིག་གིས་བྱས་པ་རེད་ཅེས་ཟེར། |
| གྲིབ་གཟུགས |
ཐུར་གྲིབ་ཀྱི་ཉི་མའི་གྲིབ་མ། ཉི་ལྡོག་གི་གྲིབ་གཟུགས་འགྱུར་བ། |
| གྲིབ་ནག |
འོད་ཟེར་མི་ཕོག་པའི་ས། |
| གྲིབ་ནག་འདྲེར་མཐོང |
དོགས་པ་སྐྱེ་མི་དགོས་སར་དོགས་པ་སྐྱེས་པ། |
| གྲིབ་ནད |
གཟའ་ཕོག་པའི་ནད། |
| གྲིབ་ཕྱོགས |
རིའི་བྱང་ངོས་ཉི་འོད་ཕོག་དཀའ་བའི་ས་ཆ། |
| གྲིབ་བཙོག |
བཙོག་པའི་ནད། |
| གྲིབ་བརྙན |
གྲིབ་མའམ་གྲིབ་ནག་གི་གཟུགས་བརྙན། |
| གྲིབ་བསངས |
གྲིབ་བཙོག་སེལ་ཐབས་བྱས་པ། |
| གྲིབ་བསིལ |
གྲིབ་ནག་བསིལ་པོ། |
| གྲིབ་མ |
ཡན་ལག་གི་ཁ་དོག་བརྒྱད་ཀྱི་གྲས་ཏེ། ནང་གི་གཟུགས་མཐོང་བ་ལ་མི་སྒྲིབ་པའི་ཁ་དོག་ནག་པོ། གཟུགས་ཀྱི་གྲིབ་མ་ལྟ་བུ་ནང་ན་ཡོད་པའི་གཟུགས་མིག་ལ་སྣང་ཐུབ་པའོ། ། (དཔེར་ན།) ཤིང་གི་གྲིབ་མ། ཉི་མ་ནུབ་མཚམས་རི་རྩེའི་གྲིབ་མ་སླེབས་པ། ལ་འགོ་ཡི་ཉི་མ། ལ་རྟིང་གི་གྲིབ་མ། ལུས་དང་གྲིབ་མ་བཞིན་དུ་འགྲོགས་པ། གྲགས་པ་ངན་པ་གྲིབ་མ་བཞིན་དུ་འགྲོགས་པར་འགྱུར་བ་ཞེས་པ༷་ལྟ་བུ། |
| གྲིབ་མ་སྣུམ་པོ |
གྲིབ་མ་བསིལ་ཞིང་ཤིན་ཏུ་བག་ཕེབས་པའི་དོན་ཏེ། (དཔེར་ན།) ལྗོན་ཤིང་བཟང་པོའི་གྲིབ་མ་སྣུམ་པོར་ངལ་གསོས་པས་བདེ་སྣང་ཐོབ་ཅེས་པ་ལྟ་བུ། |
| གྲིབ་མདོས |
གྲིབ་ནད་སེལ་ཐབས་ཀྱི་མདོས་ཡས། |
| གྲིབ་ཚོད |
1.ཉི་གྲིབ་ལས་དུས་ཚོད་ལྟ་བྱེད 2.གྲིབ་གཟུགས་ཀྱི་རིང་ཐུང་གི་ཚད། |
| གྲིབ་ལམ |
1.གནམ་གྱི་དགུ་ཚིགས། 2.རིའི་སྲིབ་ཀྱི་འགྲོ་ལམ། |
| གྲིབ་ལིང |
གྲིབ་ལས་བྱུང་བའི་མིག་གི་ལིང་ཏོག |
| གྲིབ་ལུང |
སྲིབ་ཀྱི་ལུང་པ། |
| གྲིབ་ལོང |
གྲིབ་སྐྱོན་གྱིས་མིག་འགྲིབ་པའི་ལོང་སྐྱོན། |
| གྲིབ་ཤོར |
གཙང་མར་བཙོག་གྲིབ་ཀྱི་སྐྱོན་ཤོར་བ། |
| གྲིབ་སེལ |
གྲིབ་ནད་སེལ་ཐབས། |
| གྲིབ་སོ |
གྲིབ་མ་སྟེ། (དཔེར་ན།) ཉི་མ་ཕར་ཕར་འགྲོ་དུས་གྲིབ་སོ་ཚུར་ཚུར་སླེབས་བྱུང༌། ཁང་པ་བརྩིགས་ཐོག་མང་ཡང༌། གྲིབ་སོ་ས་ལ་འབབ་དོགས། རི་བོ་ཆེན་པོའི་གྲིབ་སོ་དང༌། རྐྱལ་གོག་ཆེན་པོའི་ཞབས་ར་ཞེས་པ་ལྟ་བུ། |
| གྲིབ་སྐམ |
རླན་ཅན་གྲིབ་ནག་ཏུ་སྐམ་བཅུག་པ། |
| གྲིབ་སྐྱོན |
གཟའ་བདུད་རཱ་ཧུ་ལ་ཡི་གྲིབ་མ་ཕོག་པར་གྲགས་པའི་ཀླད་པའི་སྟེང་དུ་ཁྲག་རྩ་རྡོལ་ནས་གློ་བུར་དུ་བརྒྱལ་བའི་ནད་ཅིག |
| གྲིམ |
(བྱེད་མེད་ལས་ཚིག) གྲིམས་པའི་མ་འོངས་པ་དང་ད་ལྟ་བ། སྐུད་པ་དང་ཐག་པ་སོགས་བསྒྲིལ་བ་དམ་པའི་དོན་ཏེ། (དཔེར་ན།) རྩིད་སྐུད་གྲིམ་དཀའ། བལ་སྐུད་གྲིམ་སླ་ལྟ་བུ། |
| གྲིམ་ཅག |
བག་ཟོན། |
| གྲིམ་པ |
གྲིམས་པའི་ད་ལྟ་བའི་བྱ་མིང་། |
| གྲིམ་པོ |
1.ཐང་པོའམ་་སྤྱང་པོའི་དོན་ཏེ། (དཔེར་ན།) རིག་པ་གྲིམ་པོ། ལག་པ་གྲིམ་པོ་ཞེས་པ་ལྟ་བུ།2.ལྷོད་པོའི་ལྡོག་ཕྱོགས་སམ་ལྡོག་ཟླ་སྟེ། (དཔེར་ན།) ཐག་པ་གྲིམ་པོ། ལག་རྩ་འཕར་སྟངས་གྲིམ་པོ་ལྟ་བུ། |
| གྲིམ་ལྷོད |
དམ་ལྷུག་སྟེ། (དཔེར་ན།) རིག་པ་གྲིམ་ལྷོད་འཚམ་པོ་ཞེས་པ་ལྟ་བུ། |
| གྲིམས |
(བྱེད་མེད་ལས་ཚིག) གྲིམ་པའི་འདས་པ་སྟེ། (དཔེར་ན།) ཐག་པ་བསྒྲིལ་ནས་གྲིམས་ལྟ་བུ། |
| གྲིའུ |
གྲི་ཆུང་ངུའི་མིང་། |
| གྲིལ |
(བྱེད་མེད་ལས་ཚིག) འགྲིལ་བའི་འདས་པ། སྟེང་འོག་འཁོར་ནས་འགྲོ་བའི་དོན་ཏེ། (དཔེར་ན།) རྡོ་རིལ་ཐུར་དུ་གྲིལ། གྲུ་གུ་གྲིལ་ལྟ་བུ། |
| གྲིལ་ཁ |
བསྒྲིལ་ནས་རིལ་པོར་གྱུར་པའི་དབྱིབས།་ཏེ། (དཔེར་ན།) ཤོག་གྲིལ། རས་གྲིལ། གྱོན་པ་རྣམས་གྲིལ་ཁ་རྒྱག་ལྟ་བུ། |
| གྲུ |
1.ཆུ་ལས་སྒྲོལ་བྱེད་གཟིངས་ཏེ། (དཔེར་ན།) ཤིང་གྲུ། ཀོ་གྲུ། གྲུ་གླ། གྲུ་ཐག གྲུ་ཐོགས་པ། གྲུ་ཐོག་རིམ་ཅན། སྐྱ་བ་བརྒྱབ་སྟེ་གྲུ་སྐུལ་བ། དངོས་ཆས་མང་པོས་གྲུ་བརྒྱངས་པ། སྐྱ་བས་གྲུ་འཕུལ་ཀྱང་འགྲོ་མི་ཐུབ་པ། གཙང་ཆུའི་གཞུང་དུ་གྲུ་བཏང༌། ཆུའི་འབབ་རྒྱུན་དལ་སར་ཐག་པས་གྲུ་རྟོད་པ། དབྱར་ཆུ་རྒྱས་ནས་གྲུ་ཚུགས་ལྟ་བུ། 2.ཟུར་གྱི་དོན་ཏེ། (དཔེར་ན།) ཁང་པའི་གྲུ། ལྕོག་ཙེ་གྲུ་བཞི་མ་ཞེས་པ་ལྟ་བུ། |
| གྲུ་ཁ |
གྲུ་གཟིངས་འབབ་སའི་ཆུ་ཁ། |
| གྲུ་ཁུག |
1.ལག་པ་བསྐུམས་པའི་གྲུ་མོའི་ཁུག 2.ཟུར་ཁུག |
| གྲུ་ཁྱེམ |
གྲུ་གཟིངས་ཆུ་རུ་བགྲོད་པར་ཆུ་དཀྲུག་བྱེད་ཀྱི་ཁྱེམ། |
| གྲུ་ག |
འགྲམ་ལོགས་གཉིས་ཐུག་པའི་མཚམས་ཀྱི་མིང་སྟེ། (དཔེར་ན།) གྱང་གི་གྲུ་ག ཁང་བའི་གྲུ་ག་ཞེས་པ་ལྟ་བུ། ཚིག་བསྡུས་ན་གྲུ་ཞེས་འབྲི་ཆོག་སྟེ། (དཔེར་ན།) གྲུ་ཟུར་ཞེས་པ་ལྟ་བུ། |
| གྲུ་གདུབ |
གྲུ་མོའི་རྒྱན་ཆ། |
| གྲུ་གཟིངས |
གྲུ་དང་གཟིངས་ཚིག་བསྡུས་པ། |
| གྲུ་གསུམ |
དབྱིབས་ཟུར་གསུམ་གྱི་དོན། |
| གྲུ་གུ |
1.སྐུད་པ་བསྒྲིལ་བའི་གོང་བུ། 2.སྔར་བོད་བྱང་རྒྱུད་དང༌། ཤིན་ཅང་གི་ས་འབྲེལ་ཁུལ་དུ་ཆགས་པའི་རྒྱལ་ཕྲན་ཞིག གནའ་དུས་ཀྱི་མི་རིགས་ཤིག་གམ་ཚོ་བ་ཞིག་གི་མིང་། |
| གྲུ་གུ |
1.རྩལ་སྦྱང་གི་ཡོ་བྱད་ཅིག་སྟེ། བོད་ཡིག་གི་གནའ་དཔེར་ཕོ་ལོང་ཟེར་ཞིང་། ཡུལ་སྐད་ལ་ལར་པོ་ལོ་དང་ཨ་མདོའི་ཡུལ་སྐད་དུ་ལྒང་ལི་ཟེར། 2.ཐགས་འཐག་བྱེད་ཀྱི་སྐུད་པ་རྡོག་པོར་དྲིལ་བའི་མིང་། མིང་བསྡུས་ན་གྲུག་ཅེས་འབྲི་ཆོག་སྟེ། (དཔེར་ན།) གྲུག་རིལ་ཞེས་པ་ལྟ་བུ། |
| གྲུ་ཆགས་མའི་ལུགས |
འཕྱུགས་པར་འདོད་པའི་ལུགས་ནང་གསེས་གླིང་བཞི་དུས་བཞི་འཁོར་བར་འདོད་པའི་ལུགས་དེ་ལའང་མཁའ་ལ་ཁྱིམ་དང་སར་དུས་བཞི་གཉིས་ཀ་གཡོན་སྐོར་དུ་འདོད་པ་དང༌། དུས་གཡོན་ཁྱིམ་གཡས་དང༌། གཉིས་ཀ་གཡས་སྐོར་དུ་འདོད་པ་བཅས་གསུམ་ཡོད། |
| གྲུ་ཆར |
ཆར་འཇམ་པོ་སྟེ། (དཔེར་ན།) ཡུལ་གྲུ་ཀུན་ལ་གྲུ་ཆར་བབས་ཞེས་པ་ལྟ་བུ། |
| གྲུ་ཆོད |
སྡེ་ཚན་སྡེ་ཚན་དུ་བཅད་པའི་རེའུ་མིག |
| གྲུ་དཔུང |
ཀོ་གྲུ་རྒྱོང་བྱེད་ཀྱི་ཤིང༌། |
| གྲུ་ནང་སེམས་གཅིག |
མི་ཚང་མ་བསམ་བློ་གཅིག་པ། |
| གྲུ་ནར |
གྲུ་བཞི་ནར་མོ། |
| གྲུ་པ |
གྲུ་གཏོང་བའི་ལས་ཀ་ལས་མཁན་གྱི་མིང་། |
| གྲུ་བ་ཆུ་ཁ |
བོད་ཀྱི་སྨར་ཁམས་རྫོང་ཁོངས་འབྲི་ཆུའི་གྲུ་ཁ་ཞིག་ཡིན། |
| གྲུ་བཙས |
གྲུ་གླ། |
| གྲུ་བཙས་པ |
མཉན་དཔོན། |
| གྲུ་བཞི |
1.འགྲམ་ལོགས་བཞི་ཡོད་པའི་དབྱིབས་སམ་གླིང་དྲུག་ཀའི་ངོས་མཉམ་པའི་དབྱིབས་ཀྱི་དོན་ཏེ། (དཔེར་ན།) གྲུ་བཞི་བྲེ་དང་འདྲ་། རས་གྲུ་བཞི། ཁང་བ་གྲུ་བཞི་ཞེས་པ་ལྟ་བུ། .2.རྡོ་སྨན་གྱི་རིགས་ཤིག་རོ་བསྐ། ཞུ་རྗེས་དྲོད། ནུས་པས་ཀླད་སྐྱོན་གསོ། ཆུ་སེར་སྐེམ། |
| གྲུ་བཞི་ཁ་གང་མ |
མཐའ་བཞིའི་རིང་ཐུང་ཆ་སྙོམས་པའི་བཟོ་དབྱིབས་ཤིག |
| གྲུ་བཞི་ནར་མོ |
ཟུར་བཞི་ཡོད་པའི་དབྱིབས་ནར་མོ། |
| གྲུ་བཞི་ལམ་འཁྱེར |
བཀའ་གདམས་པའི་བཤད་ཚུལ་ཞིག་སྟེ། སངས་རྒྱས་ཀྱི་བཀའ་ཐམས་ཅད་ཆ་ཚང་བར་གདམས་ངག་ཏུ་གོ་བ་ལོན་པ། |
| གྲུ་བཞི་ལྷམ་པ |
མཐོ་དམའ་ཞེང་དཀྱུས་ཚང་མ་གཅིག་པ་ཡིན་པ་ཤོ་ལྟ་བུའི་དབྱིབས། |
| གྲུ་བཞི་སྒོ་བཞི |
ཁང་པ་གྲུ་བཞི་སྒོ་བཞི་མ། |
| གྲུ་བུ |
སྐུད་པའི་གོང་བུ། |
| གྲུ་བོ་ཆེ |
གྲུ་གཟིངས། |
| གྲུ་མཁན |
གྲུ་གཏོང་མཁན་ཏེ། མིང་གི་རྣམ་གྲངས་ལ་སྐྱ་བ་འཛིན་དང༌། མཉན་པ། གདོས་པ། རྣ་བ་འཛིན་བཅས་སོ། ། |
| གྲུ་མགོ |
1.ལག་པའི་གྲུ་མོའི་མགོའམ་སྣེ། 2.གྲུའི་མགོ། |
| གྲུ་མོ |
ལག་ངར་དང་དཔུང་པའི་བར་གྱི་ཚིགས་འབུར་ཏེ། (དཔེར་ན།) གྲུ་མོའི་ཆུ་བ་ལྟ་བུ། མིང་གི་རྣམ་གྲངས་ལ་ཉེ་བའི་དཔུང་པའོ། ། |
| གྲུ་མོ་གཞུ་མཆོག་རུས་འབུར |
ལུས་ཀྱི་གསང་གནད་ཅིག |
| གྲུ་ཚིགས |
གྲུ་མོའི་རུས་པའི་ལྷུ་མཚམས། |
| གྲུ་ཚུགས |
གྲུ་ལ་སྡོད་སའི་ས་ཚུགས། |
| གྲུ་ཚུགས་ས |
1.གྲུ་པ་སྡོད་ས། 2.ཀོ་གྲུ་གཏོང་ས། |
| གྲུ་ཞབས |
གྲུའི་མཐིལ་ལམ། གྲུའི་འོག |
| གྲུ་ཟམ |
1.གྲུ་དང་ཟམ་པའི་བསྡུས་མིང༌། 2.གྲུ་མང་པོ་གཤིབས་སྒྲིག་གིས་བཟོས་པའི་ཟམ་པ། 3.གྲུ་དང་སྐམ་སའི་བར་བཙུགས་པའི་རྐང་ཟམ། |
| གྲུ་འཛིན |
སྤྱན་རས་གཟིགས་ཀྱི་གནས་མཆོག་ཅིག |
| གྲུ་འཛིན་གཉིས་པ |
ལྷ་ས་པོ་ཏ་ལ། |
| གྲུ་འཛིན་བདག་པོ |
(མངོན་བརྗོད།) སྤྱན་རས་གཟིགས། |
| གྲུ་རྫིངས |
མཚོར་འགྲོ་བའི་གྲུ་ཆེན་པོའི་མིང་། |
| གྲུ་རྫོང |
གྲུའི་ནང་དུ་འཇུག་རྒྱུའི་དངོས་པོ། |
| གྲུ་ལམ |
ཆུ་ཐོག་གི་ལམ། |
| གྲུ་ཤན |
ཆུ་བོ་ལས་སྒྲོལ་བྱེད་ཤིང་གི་གྲུ། མིང་གི་རྣམ་གྲངས་ལ་སྒྲོལ་བྱེད། ཆུ་ཡི་ཤིང་རྟ། རྟ་མགོ་ཅན། རྟགས་གསུམ་པ། ཕ་མཐར་སྒྲོལ། གཟིངས། སེང་གེ་ཅན་བཅས་སོ། ། |
| གྲུ་ཤན་ཁ |
གྲུ་ཤན་གཏོང་སའི་ཆུ་ཁའམ་ཆུ་འགྲམ། |
| གྲུ་ཤན་པ |
གྲུ་ཤན་གཏོང་མཁན། |
| གྲུ་ཤིང |
གྲུ་ས་ལ་འབྱར་སྐབས་འཕུལ་རྒྱག་གཏོང་བྱེད་ཀྱི་རྒྱུག་པ་རིང་པོ། |
| གྲུ་ས |
གྲུ་ཁའམ་ཤན་ཁ། |
| གྲུ་སྐས |
ཁང་པའི་ཟུར་དུ་འཛུགས་རྒྱུའི་སྐས། |
| གྲུ་སྐྱ |
གྲུ་སྐྱོད་བྱེད་སྐྱ་བ་སྟེ་ཤིང་ལེབ་ཡུ་བ་ཅན་ཞིག མིང་གི་རྣམ་གྲངས་ལ་སྐྱ་བ་དང༌། སྐྱོད་བྱེད། གྲུ་སྐུལ། གྲུ་ཡི་གཤོག་པ། གྲུའི་ཡན་ལག་གཡོབ་བྱེད་བཅས་སོ། ། |
| གྲུག |
(བྱེད་འབྲེལ་ལས་ཚིག) 1>བཅག་ནས་རྡོག་པོ་ཆུང་ངུ་བྱས་པའི་དོན་ཏེ། (དཔེར་ན།) དཀར་ཡོལ་ནང་ལ་གོ་རེ་གྲུག རྡོ་གྲུག་ལྟ་བུ། 2>མིའི་སྐྱི་པགས་ལ་གྲང་ངར་ཕོག་ནས་རྩུབ་པོར་གྱུར་པའི་དོན་ཏེ། (དཔེར་ན།) བསེར་བུ་ཕོག་ནས་ངོ་གྲུག ལག་པ་གྲུག་ལྟ་བུ། 3>རྟ་བོང་དྲེལ་གསུམ་གྱི་འཕོངས་ཀྱི་མིང་སྟེ། (དཔེར་ན།) རྟ་ལ་གྲུག་ཤུར་འཐེན། རྟའི་གྲུག་ཐོག་ཅེས་པ་ལྟ་བུ། 3.གྲུ་གུ་ལ་ལྟོས། |
| གྲུག་བུ |
ཆག་པོར་གྱུར་པའི་སྣོད་སྤྱད། |
| གྲུག་མདོ |
རྟ་བོང་སོགས་ཀྱི་འཕོངས་མགོའི་མིང་སྟེ། (དཔེར་ན།) རྟ་ལ་གྲུག་ཤུར་ཐོན་ཞེས་པ་ལྟ་བུ། |
| གྲུགས་པ |
གྲུག་པའི་འདས་པ། |
| གྲུང་པོ |
(རྒྱན་ཚིག) 1.སྤྱང་པོའི་དོན་ཏེ། (དཔེར་ན།) མི་དེ་སྤྱང་གྲུང་གཉིས་འཛོམས་ཤིག་འདུག གྲུང་ཟོན་གཉིས་ལྡན། ཁྱོ་ཕྱུག་ཆུང་མ་གྲུང༌། བལ་འཇམ་སྣམ་བུ་ལེགས་ཞེས་པ་ལྟ་བུ། 2.ནུས་པ་དང་ལྡན་པའི་དོན་ཏེ། (དཔེར་ན།) ས་བོན་གྲུང་པོ། མེ་གྲུང་པོ་ཞེས་པ་ལྟ་བུ། |
| གྲུང་བ |
(རྒྱན་ཚིག) གྲུང་པོ་དང་འདྲ། |
| གྲུང་བོ |
(རྒྱན་ཚིག) 1.རིག་པ་གསལ་བའི་དོན་ཏེ། (དཔེར་ན།) བློ་གྲུང་བོ། མི་གྲུང་བོ། སྤྱང་གྲུང་གཉིས་འཛོམས་ཞེས་པ་ལྟ་བུ། 2.བཟང་བའི་དོན་ཏེ། (དཔེར་ན།) ས་བོན་གྲུང་བོ་ཞེས་པ་ལྟ་བུ། |
| གྲུང་ཤ་དོད་པོ |
(རྒྱན་ཚིག) ཉོབ་པོ་མིན་པ། |
| གྲུངས |
བགྲུང་གི་ད་ལྟ་བའི་འབྲི་ཚུལ་གཞན། |
| གྲུབ |
(བྱེད་མེད་ལས་ཚིག) འགྲུབ་ཀྱི་འདས་པ། བྱུང་བའམ་ཆགས་པའི་དོན་ཏེ། (དཔེར་ན།) ཤ་ཁྲག་ལས་གྲུབ་པའི་ལུས་པོ། ཆུ་ཐིགས་བསོགས་ནས་རྒྱ་མཚོ་གྲུབ། འབད་མེད་ལྷུན་གྱིས་གྲུབ་ལྟ་བུ། |
| གྲུབ་གཟུགས |
1.མང་པོ་གཅིག་ཏུ་བསྡུས་ནས་གྲུབ་པའི་གཟུགས། 2.བརྩིས་ཚར་ནས་བབ་པའི་གྲངས་ཀྱི་རི་མོ། |
| གྲུབ་ཆེན |
མཆོག་གི་དངོས་གྲུབ་ཐོབ་པའི་རྣལ་འབྱོར་པ། |
| གྲུབ་ཆེན་ཨུ་རྒྱན་པ |
མཚན་དངོས་རིན་ཆེན་དཔལ་ཞེས་གྲགས། རབ་བྱུང་བཞི་པའི་ལྕགས་སྟག་ལོ་ལ་འཁྲུངས་ཤིང་རབ་བྱུང་ལྔ་པའི་ས་བྱི་ལོ་ཀརྨ་པ་གསུམ་པ་རང་བྱུང་རྡོ་རྗེ་ཀརྨ་པ་པཀྵའི་སྐྱེ་སྲིད་དུ་ངོས་འཛིན་པ་པོ་ཡིན། |
| གྲུབ་ཐོབ |
ལམ་རྟོགས་ཁྱད་པར་ཅན་མངོན་དུ་བརྙེས་ཏེ་མཆོག་དང་ཐུན་མོང་གི་དངོས་གྲུབ་ཐོབ་པའི་གང་ཟག |
| གྲུབ་ཐོབ་ཁྱུང་པོ་རྣལ་འབྱོར |
མཁས་གྲུབ་ཁྱུང་པོ་སྟེ་ཤངས་པ་བཀའ་བརྒྱུད་ཀྱི་སྲོལ་འབྱེད་པ་པོ། |
| གྲུབ་པ |
1.འགྲུབ་པའི་འདས་པའི་བྱ་མིང། 2.(ཡུལ་སྐད།) དུས་འདས་པ་སྟོན་བྱེད་ཀྱི་ཚིག་གྲོགས་ཤིག་སྟེ། (དཔེར་ན།) ཞལ་ལག་མཆོད་གྲུབ་པ་ཡིན་ནམ་ཞེས་པ་ལྟ་བུ། |
| གྲུབ་པའི་དབང་ཕྱུག |
མདོ་སྔགས་གང་རུང་གི་རྟོགས་པ་མཆོག་བརྙེས་པའི་གང་ཟག |
| གྲུབ་པའི་ཡན་ལག་གཉིས |
རྟེན་འབྲེལ་ཡན་ལག་བཅུ་གཉིས་ཀྱི་ནང་ཚན། སྐྱེ་བའི་ཡན་ལག་དང༌། རྒ་ཤིའི་ཡན་ལག་ནི་འགྲོ་བ་ཐ་དད་པའི་སྐྱེ་བ་སོགས་མངོན་པར་གྲུབ་པས་གྲུབ་པའི་ཡན་ལག་གཉིས་སོ། ། |
| གྲུབ་པའི་སྤྱོད་པ |
རྒྱུད་ཀྱི་ལམ་གྱི་མངོན་རྟོགས་སྤྱོད་པའི་སྒོ་བཞིའི་ནང་གསེས་ཏེ། ལྷ་དང་སྐལ་བ་མཉམ་པའི་རིག་འཛིན་ནམ་མཁའ་སྤྱོད་གྲུབ་ནས། དེའི་རྟེན་ལ་སྔགས་ཀྱི་ཕྱིན་དྲུག་གི་སྤྱོད་པ་སྤྱད་དེ་མཐར་ཐུག་གི་འབྲས་བུ་ལྷའི་སྐུ་གསུང་ཐུགས་དང་མཉམ་པར་སྦྱོར་བས་རིགས་གསུམ་རྡོ་རྗེ་འཛིན་པའི་གོ་འཕང་མངོན་དུ་བྱེད་པའོ། ། |
| གྲུབ་བདེ་དབྱེར་མེད་ཀྱི་རྫས་གཅིག |
ཆོས་གཉིས་པོ་མཉམ་སྐྱེ་མཉམ་གནས་ཀྱི་སྐྱེ་གནས་འཇིག་གསུམ་དུས་མཉམ་ཞིང་ཆོས་དེ་གཉིས་ཀྱི་རྫས་ཡིན་ཁྱབ་མཉམ་ཡང་ཡིན། དེ་གཉིས་ཕན་ཚུན་གཅིག་སྣང་བའི་མངོན་སུམ་ལ་གཅིག་ཤོས་ཀྱང་སྣང་དགོས་པའོ། ། |
| གྲུབ་བདེ་རྫས་གཅིག |
གཞི་གཅིག་གི་སྟེང་གི་ལྡོག་པ་རིགས་མི་མཚུངས་པ་རྣམས་མཉམ་སྐྱེ་མཉམ་གནས་ཀྱི་སྐྱེ་གནས་འཇིག་གསུམ་དུས་མཉམ་ཞིང་རྫས་གཅིག་པ་ཡིན་པ། |
| གྲུབ་བརྙེས |
གྲུབ་པ་ཐོབ་པ་སྟེ། སྔགས་ལུགས་ཀྱི་གྲུབ་པའི་དངོས་གྲུབ་བརྒྱད་གང་རུང་སོགས་ཐོབ་པའི་རྣལ་འབྱོར་པ། |
| གྲུབ་བསལ |
བློ་ངོར་ཚད་མས་གྲུབ་ཟིན་པ་དང༌། དོན་ལ་ཚད་མའི་བསལ་བ་ཞུགས་པའོ། ། |
| གྲུབ་མཆོག |
གྲུབ་ཐོབ་ཀྱི་མཆོག་སྟེ་མཆོག་གི་དངོས་གྲུབ་ཐོབ་པའི་སྐྱེས་བུ་ཆེན་པོ། |
| གྲུབ་མཆོག་མ |
གྲུབ་པ་ཐོབ་པའི་རྣལ་འབྱོར་མ། |
| གྲུབ་མཐའ |
ཕྱི་ནང་གི་ཆོས་ལུགས་སོ་སོའི་ལྟ་བ་འཛིན་ཚུལ་ཏེ། རང་གི་བློ་ངོར་གཞི་ལམ་འབྲས་བུ་གསུམ་སོགས་གཞུང་དང༌། རིགས་པས་བསྒྲུབས་ནས་གྲུབ་པར་ཐག་བཅད་པའི་ལྟ་ཚུལ་ལམ། གཞུང་ལུགས། |
| གྲུབ་མཐའ་གོང་མ |
དབུ་མ་པ་དང་སེམས་ཙམ་པ་གཉིས་སོ། ། |
| གྲུབ་མཐའ་ཆེན་མོ |
གྲུབ་མཐའི་རྣམ་བཤད་རང་གཞན་གྲུབ་མཐའ་ཀུན་དང་ཟབ་དོན་མཆོག་ཏུ་གསལ་བ་ཀུན་བཟང་ཞིང་གི་ཉི་མ་ལུང་རིགས་རྒྱ་མཚོ་སྐྱེ་དགུའི་རེ་བ་ཀུན་སྐོང་ཞེས་བྱ་བ་དུས་རབས་བཅུ་བདུན་པར་ཀུན་མཁྱེན་འཇམ་དབྱངས་བཞད་པའི་རྡོ་རྗེས་མཛད་པའོ། ། |
| གྲུབ་མཐའ་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག་སྟེ་ཐོག་མར་སྟོན་པ་བྱོན་ཚུལ་རགས་རིམ་གྱིས་ཁོག་དབུབ། ཕྱི་རོལ་པའི་གྲུབ་མཐའ་བརྒལ་ཏེ་དགག་གཞིར་བཞག་སྟོན་པའི་བསྟན་པ་ཐུན་མོང་དང་ཐུན་མིན་ཐེག་པའི་བྱེ་བྲག་འཕགས་ཆོས་དུ་མའི་སྒོ་ནས་བསྒྲུབས་ཏེ་དཔྱད་བཟོད་པར་འགྲེལ་བ་རིམ་ཁང་བརྒྱད་ཡོད་པ་འདི་ནི་དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། ། |
| གྲུབ་མཐའ་འོག་མ |
བྱེ་བྲག་སྨྲ་བ་དང་མདོ་སྡེ་པ་གཉིས་སོ། ། |
| གྲུབ་མཐའ་ལ་མ་ཞུགས་པ |
རིགས་པས་སྦྱར་བའི་གཞུང་ལུགས་ལ་མ་བརྟེན་པར་རང་དགར་ཚེ་འདིའི་བདེ་བ་ཙམ་དོན་དུ་གཉེར་བའོ། ། |
| གྲུབ་མཐའ་ལ་ཞུགས་པ |
ཚེ་འདིའི་བདེ་བ་ཙམ་གྱིས་ཆོག་པར་མི་འཛིན་པར་རང་གི་བློ་ངོར་འཐད་པས་སྦྱར་བའི་གཞུང་ལུགས་ལ་བརྟེན་ནས་དངོས་པོའི་གནས་ཚུལ་ལ་དཔྱད་ནས་བླང་དོར་བྱེད་པ། |
| གྲུབ་མཐའ་སྟོན་པ་པོ |
ལྟ་བའི་འདོད་ཚུལ་འཆད་པ་པོ། ། |
| གྲུབ་མཐའ་སྨྲ་བ |
རང་གི་བློ་ངོར་ལུང་དང་རིགས་པས་དོན་གྱི་གནས་ཚུལ་ཡང་དག་པར་གྲུབ་པའི་ཚུལ་དེ་རིགས་པའི་ལམ་ནས་སྨྲ་བ་ལས་གཞན་དུ་འདའ་བར་མི་བྱེད་པ། |
| གྲུབ་མཐའ་སྨྲ་བ་གཉིས |
སངས་རྒྱས་པའི་གྲུབ་མཐའ་སྨྲ་བ་དང༌། སངས་རྒྱས་པ་མ་ཡིན་པའི་གྲུབ་མཐའ་སྨྲ་བ་གཉིས་སོ། ། |
| གྲུབ་མཐའ་སྨྲ་བ་བཞི |
ཐེག་པ་ཆེ་ཆུང་གི་གྲུབ་མཐའ་སྨྲ་བ་བཞི་སྟེ་བྱེ་བྲག་སྨྲ་བ། མདོ་སྡེ་པ། སེམས་ཙམ་པ། དབུ་མ་པ་བཅས་སོ། ། |
| གྲུབ་མཐའི་ཚེས་ལོངས |
གྲུབ་རྩིས་ཀྱི་ཚེས་ཀྱི་ལོངས་སྤྱོད། |
| གྲུབ་འབྲས |
ལས་ཀ་བྱས་ནས་བྱུང་བའི་འབྲས་བུ་སྟེ། (དཔེར་ན།) དཀའ་ལས་བརྒྱབ་ནས་གྲུབ་འབྲས་ཐོབ་པ། གྲུབ་འབྲས་འོད་སྟོང་འབར་བ་ཞིག་ཐོབ་འདུག་ཅེས་པ་ལྟ་བུ། |
| གྲུབ་རྟགས |
གྲུབ་པ་ཐོབ་པའི་རྟགས་མཚན། |
| གྲུབ་རྩིས |
དུས་འཁོར་རྩ་རྒྱུད་ལས་དངོས་སུ་བསྟན་པའི་སྐར་རྩིས་ལ་གྲུབ་མཐའི་རྩིས་ཞེས་བྱའོ། །གྲུབ་རྩིས་འདི་ལ་ལུགས་མང་སྟེ་ཕུག་ལུགས་དང༌། མཚུར་ཕུ་ལུགས། དགའ་ལྡན་རྩིས་གསར་སོགས་ཡོད། |
| གྲུམ |
1.གྲུམ་པ་ཡི་ཚིག་བསྡུས་པ། 2.གྲུམ་པོ་ཡི་ཚིག་བསྡུས་པ། 3.གྲུམ་བུ་ཡི་ཚིག་བསྡུས་པ། 4.དངོས་རྫས་ཆག་པའི་དུམ་བུའི་མིང་། |
| གྲུམ་ནད |
གྲུམ་བུའི་ནད། |
| གྲུམ་པ |
སྲོག་ཆགས་ཤིག་གི་མིང་། སྤུ་སྐྱ་བོ་ཅན་མགོ་ན་དཀར་ཤུར་གསུམ་ཡོད། པགས་པས་གདན་བཟོ་ཆོག ཚིག་བསྡུས་ན་གྲུམ་ཞེས་འབྲི་ཆོག་སྟེ། (དཔེར་ན།) གྲུམ་ལྦགས། གྲུམ་གདན་ཞེས་པ་ལྟ་བུ། |
| གྲུམ་པ་གཡུ་ཆུ |
འབབ་ཆུ་ཞིག་སྟེ། ཆུ་འགོ་ཧི་མ་ལ་ཡའི་རྒྱུད་ཀྱི་བྱང་ངོས་ནས་བྱུང༌། བོད་ཀྱི་ཁང་དམར་རྫོང་གི་དབུས་རྒྱུད་ནས་བྱང་ངོས་རྒྱལ་རྩེ་རྫོང་དུ་འབབ་ཅིང༌། མྱང་ཆུའི་ཡན་ལག་ཅིག་ཡིན། |
| གྲུམ་པ་རྒྱང་ལྷ་ཁང |
སྲོང་བཙན་སྒམ་པོའི་སྐབས་བཏབ་ཅིང། གཙང་ལྷ་རྩེ་ཁུལ་དུ་ཡོད་ཅིང་མཐའ་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག་ཡིན། |
| གྲུམ་པའི་རྨ |
བརྡུངས་པའམ་བཙིར་བའི་རྨ། |
| གྲུམ་པོ |
ཡན་ལག་སོགས་ལ་སྐྱོན་ཡོད་པ་སྟེ། (དཔེར་ན།) དམག་མི་ཞ་བོ་གྲུམ་པོར་རོགས་རམ་བྱེད་པ་ཞེས་པ་ལྟ་བུ། ཚིག་བསྡུས་ན་གྲུམ་ཞེས་འབྲི་ཆོག་སྟེ། (དཔེར་ན།) ཞ་གྲུམ་ཞེས་པ་ལྟ་བུ། |
| གྲུམ་བུ |
རླན་ཅན་གྱི་ཡུལ་དུ་རྒྱུན་རིང་སྡོད་པ་སོགས་ཀྱིས་རྐྱེན་བྱས་ནས་ཚིགས་མིག་གི་ཆུ་སེར་འཕེལ་ནས་བད་ཀན་འབྱོར་བྱེད་ཀྱི་བྱེད་ལས་ཉམས་པས་ཚིགས་ཀུན་ཆག་གྲུམ་ཤོར་བ་ལྟར་ན་བ་ལ་གྲུམ་བུ་ཞེས་ཟེར་ཏེ། ནང་གསེས་སུ་དབྱེ་ན་ཤ་ཏྲེམ་དང༌། རུས་ཏྲེམ། རྩ་ཏྲེམ། ཆུ་ཏྲེམ། ཏྲེམ་དཀར། ཏྲེམ་ནག་བཅས་རིགས་དྲུག་མཆིས་སོ། ། |
| གྲུམ་བུ་དཀར་པོ |
བད་ཀན་རིགས་དྲུག་གི་ཡ་གྱལ་ཞིག་ནད་རྟགས་ཕོ་མཆིན་མི་བདེ་ཞིང༌། ཁ་ཟས་འཁྲུ་སྐྱུགས་བྱེད་པ། ཉྭ་བཞི་མིག་རུས་སོགས་ན་ནས་མཇུག་ཏུ་གྲུམ་བུར་འགྱུར་བའི་ནད་ཅིག |
| གྲུམ་ཙེ |
གདན་གྱི་བྱེ་བྲག་དྲེའུ་རྔོག |
| གྲུམ་ལྤགས |
སྲོག་ཆགས་གྲུམ་པའི་པགས་པ། |
| གྲུམས |
(བྱེད་མེད་ལས་ཚིག) ཆག་ནས་དུམ་བུ་མང་པོར་གྱུར་པའི་དོན་ཏེ། (དཔེར་ན།) རྡོ་ཕོག་ནས་རུས་པ་གྲུམས་ལྟ་བུ། |
| གྲུམས་པ |
གྲུམ་པའི་འདས་པ། |
| གྲུའི་གཤོག་པ |
(མངོན་བརྗོད།) གྲུའི་སྐྱ་བ། |
| གྲུའི་ཉག་ཐག |
གྲུ་འཐེན་བྱེད་ཀྱི་ཐག་པ། |
| གྲུའི་དར་ཅོག |
གྲུ་གཟིངས་ཐོག་ཏུ་འཛུགས་རྒྱུའི་དར་ཅོག |
| གྲུའི་དར་ཤིང |
1.གྲུའི་རླུང་གཡབ་འགེལ་སའི་ཤིང༌། 2.གྲུའི་དར་ལྕོག་བསྒར་སའི་ཤིང༌། |
| གྲུའི་ཡན་ལག |
(མངོན་བརྗོད།) གྲུའི་སྐྱ་བ། |
| གྲུའི་རབ |
(མངོན་བརྗོད།) གྲུ་ཤན། |
| གྲུར་འཇུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་མ་དང་ལྷན་ཅིག་གྲུར་ཞུགས་ཏེ་ཆུའི་རྒྱུན་ཕྱོགས་སམ་ལྡོག་ཕྱོགས་གང་རུང་ལ་རྒྱང་གྲགས་ཀྱི་སར་ཕྱིན་པའོ། ། |
| གྲུལ་ཐུབ་པ |
(བརྡ་རྙིང་།) བློ་ཁེལ་བའི་ཕན་ཐོགས་པའམ་གདེང་ཐུབ་པ། |
| གྲུལ་བུམ |
གནོད་སྦྱིན་གྱི་རིགས་ཤིག་སྟེ། རྒྱ་མཚོའི་ནང་དུ་གནས་པའི་གནོད་སྦྱིན་གཟུགས་མིའི་དབྱིབས་དང་འདྲ་ལ། མགོ་བོ་སྲོག་ཆགས་སྣ་ཚོགས་ཀྱི་མགོ་ཅན། རྐང་ལག་གི་གྲུ་མོ་དང་རྣ་བའི་སྟེང་དུ་ཤའི་རལ་བ་ཡོད་པ་ཞིག |
| གྲུལ་བུམ་གདོན |
གྲུལ་བུམ་ཞེས་པས་བཏང་བའི་གདོན་ཏེ། ནད་རྟགས་སུ་ངོ་ནག་ལ་དལ་བར་འགྲོ་ཞིང་རླིག་པ་སྐྲང་བ་ཞིག |
| གྲུལ་བུམ་དབང་པོ |
གནོད་སྦྱིན་གྱི་རྒྱལ་པོ་ཞིག |
| གྲུལ་བུམ་སྡེ་དཔོན |
གནོད་སྦྱིན་གྱི་བདག་པོ་ཞིག |
| གྲུས |
1.གནག་ཕྱུགས་ཀྱི་ལོ་ན་རྒན་གཞོན་ལྟ་བའི་རྭ་ཅོའི་རིས་འཁོར། 2.བགྲུས་པའི་སྐུལ་ཚིག་སྟེ། (དཔེར་ན།) འབྲས་གྲུས་ཤིག་ལྟ་བུ། ད་ལྟ་བ་ལ་བགྲུད་འབྲི་བའང་ཡོད་དེ། (དཔེར་ན།) འབྲས་བགྲུད་མཁན། འབྲས་བགྲུད་ཀྱིན་འདུག་ལྟ་བུ། |
| གྲུས་མ |
དྲུས་མ་དང་འདྲ། |
| གྲུས་མ |
དྲུས་མ་ཡི་འབྲི་ཚུལ་གཞན། |
| གྲེ |
1.རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་སྐྱེས་པ་དང༌། རྟ་ཆུང༌། འཚོ་བ་བཅས་སོ། །2.གྲེ་བ་ཡི་ཚིག་བསྡུས་པ། |
| གྲེ་གསང |
གློ་གསང་རྒྱག་པ་མིད་པ་བདེ་པོ་བཟོ་བ། |
| གྲེ་ཆམ |
གྲེ་བ་ཚ་ཞིང་སྐད་འཛེར་བ་སོགས་འབྱུང་བ་ཞིག |
| གྲེ་ཐོགས |
བད་ཀན་མིད་དཀྱུས། |
| གྲེ་བ |
ཨོལ་གྲོང་དང་མིད་པའི་མགོར་གནས་པའི་སྐད་ཀྱི་གདངས་དང༌། དབྱངས་ཀྱི་འགྱུར་ཁུག་འབྱུང་བའི་རྟེན་བྱེད་པ་ཞིག་སྟེ། (དཔེར་ན།) གྲེ་བ་བདེ་པོ། གྲེ་བ་འགགས་ཞེས་པ་ལྟ་བུ། |
| གྲེ་བསལ |
གྲེ་གསང་དང་འདྲ། |
| གྲེ་བོ |
ཕོ་གདོན་གྱི་བྱེ་བྲག་ཅིག |
| གྲེ་མོ |
མོ་གདོན་གྱི་བྱེ་བྲག་ཅིག |
| གྲེ་འགྱུར |
སྐད་དམ་ངག་གི་ཉམས་ཏེ། (དཔེར་ན།) ཡིད་འོང་སྙན་པའི་གྲེ་འགྱུར་དེས། ཁུ་བྱུག་སྐད་སྙན་ཟིལ་གྱིས་མནན་ཞེས་པ་ལྟ་བུ། |
| གྲེ་སེར་འབྲོང |
རི་དྭགས་འབྲོང༌། |
| གྲེ་སྐྱེས |
(མངོན་བརྗོད།) གཟའ་ཕུར་བུ། |
| གྲེམས |
འགྲེམ་པའི་སྐུལ་ཚིག་གི་འབྲི་སྲོལ་གཞན་ཞིག |
| གྲེམས་མཚོ |
མཚོ་ཞིག་སྟེ། བོད་ཀྱི་སྣ་དཀར་རྩེ་རྫོང་ཁོངས་ཡར་འབྲོག་གཡུ་མཚོའི་ནུབ་ངོས་སུ་ཡོད། |
| གྲེའུ |
མོན་གྱི་སྲན་མའི་བྱེ་བྲག་ཅིག |
| གྲེས་མ |
སྔོ་སྨན་གྱི་རིགས་ཤིག་ནང་གསེས་སུ་རིགས་གསུམ་མཆིས། རོ་ཚ། ནུས་པ་འབྲས་བུས་སྲིན་གསོད། མེ་ཏོག་གིས་མིག་གསལ། གླང་ཐབས་འཇོམས། |
| གྲོ |
འབྲུ་རིགས་ཤིག་སྟེ། (དཔེར་ན།) དགུན་གྲོ། གྲོ་སྙེ། གྲོ་ལྤགས། གྲོ་རྐྱལ་ལྟ་བུ། མིང་གི་རྣམ་གྲངས་ལ་ཡིད་བཟང་དང་ཡིད་ལེགས་སོ། ། |
| གྲོ་ཁ |
ལམ་རྒྱགས་ཏེ། (དཔེར་ན།) གྲོ་ཁའི་མཐུན་རྐྱེན་མ་འཛོམས་ན་ཐག་རིང་དུ་འགྲོ་མི་ཐུབ་ཅེས་པ་ལྟ་བུ། |
| གྲོ་ཁང |
རྟ་དྲེལ་སོགས་ཀྱིས་བསྐོར་ཏེ་གྲོ་ཞིབ་འཐག་སའི་ཁང་པ། |
| གྲོ་ག |
ཤིང་སྟག་པའམ་ཤིང་ལྟག་པའི་ཤུན་པ། |
| གྲོ་གྲོ |
བལ་དཀར་ནག་འདྲེས་མའི་མིང༌། |
| གྲོ་ཆག |
བརྡུངས་ཏེ་ལེབ་མོ་བཟོས་པའི་གྲོ། |
| གྲོ་ཆན |
གྲོ་ཆག་ལས་བཟོས་པའི་ཐུག་པ། |
| གྲོ་ཆས |
ལམ་རྒྱགས་སམ་ལམ་ཟས། |
| གྲོ་ཆུ |
(ཡུལ་སྐད།) གྲོ་རིལ་གྱི་ཐུག་པ། |
| གྲོ་ཐལ |
ལོ་ཏོག་གྲོ་ནས་ཀྱི་སྙེ་མར་ཆགས་ནས་འབྲུ་རྡོག་ཐལ་བ་ནག་པོར་འགྱུར་བའི་ནད་ཅིག |
| གྲོ་ཐིག |
ངོ་ལ་ནག་ཐིག་ཆུང་ཆུང་མང་པོ་ཡོད་པ། |
| གྲོ་ཐུག |
གྲོ་རིལ་གྱི་ཐུག་པ། |
| གྲོ་དཀར |
རྟ་དྲེལ་གང་རུང་སྤུ་མདོག་སྔོ་ལ་དཀར་ཤས་ཆེ་ཙམ་ཡོད་པ། |
| གྲོ་དམར |
རྟ་དྲེལ་སྤུ་མདོག་སྔོན་པོ་དམར་ཤས་ཕྲན་བུ་ཡོད་པ། |
| གྲོ་ཕུབ |
གྲོའི་སྙེ་མའི་ཤུན་ལྤགས་ཕུབ་མ། |
| གྲོ་ཕྱེ |
འབྲུ་རིགས་གྲོ་བཏགས་པའི་ཕྱེའི་མིང་། |
| གྲོ་བ |
ཤིང་སྟག་པ། |
| གྲོ་བཞིན |
རྒྱུ་སྐར་ཉི་ཤུ་རྩ་བརྒྱད་ཀྱི་ནང་གསེས་ཤིག མིང་གི་རྣམ་གྲངས་ལ་འཕྲོག་བྱེད་དང་བོན་པོའོ། ། |
| གྲོ་བཞིན་ཅན |
(མངོན་བརྗོད།) གྲོ་བཞིན་ཟླ་བ། |
| གྲོ་བཞིན་ཟླ་བ |
1.ཧོར་ཟླ་བདུན་པ། 2.འདུལ་བ་ལས་ཧོར་ཟླ་དྲུག་པའི་བཅུ་དྲུག་ནས་བདུན་པའི་བཅོ་ལྔའི་བར་དུ་གྲོ་བཞིན་ཟླ་བ་ཟེར། |
| གྲོ་བོ |
སྤུ་ཁ་དཀར་ནག་འདྲེས་པའི་མདོག་གི་མིང་སྟེ། (དཔེར་ན།) རྟ་གྲོ་བོ་ཞེས་པ་ལྟ་བུ། ཚིག་བསྡུས་ན་གྲོ་ཞེས་འབྲི་ཆོག་སྟེ། (དཔེར་ན།) རྟ་གྲོ་སྔོན་ཞེས་པ་ལྟ་བུ། |
| གྲོ་བོ་ལུང |
ལྷོ་བྲག་གྲོ་བོ་ལུང་སྟེ། བོད་ལྷོ་བྲག་རྫོང་ཁོངས་ཀྱི་ས་ཆ་ཞིག དེ་ནི་མར་པ་ལོ་ཙཱ་བའི་འཁྲུངས་ཡུལ་ཡིན། |
| གྲོ་མ |
ལོ་མང་སྐྱེ་བའི་ས་ཉལ་རྩྭ་ལྡུམ་ཞིག་ཡིན་ཞིང་། གཞུང་རྟ་ཕྲ་ལ་ཞན་པ་དང་མདོག་དམར་ནག་ཡིན། རིང་ཚད་ལིས་སྨིས50ཙམ་ལ་བསླེབས་པ་མང་པོ་སྐྱེས་ཡོད། རྩ་བ་ཕྲ་མོའི་སྣེ་ལ་རྡོག་པོ་འཇོང་དབྱིབས་ཅན་ཆགས་ཡོད་པ་ཟ་ཆོག་པ། དེ་ལའང་གྲོ་མ་ཟེར་ཞིང་སྨན་བྱེད་ཆོག ཚིག་བསྡུས་ན་གྲོ་ཞེས་འབྲི་ཆོག་སྟེ། (དཔེར་ན།) གྲོ་མའི་ཁུ་བ་ལ་གྲོ་ཁུ་ཟེར་བ་ལྟ་བུ། |
| གྲོ་མར |
གྲོ་མ་དང་མར་གྱི་བསྡུས་ཚིག |
| གྲོ་མོ |
རྫོང་ཞིག་སྟེ། བོད་ཀྱི་ལྷོ་རྒྱུད་ན་ཡོད། འདིའི་ཤར་ངོས་འབྲུག་ཡུལ་དང་ནུབ་ངོས་འབྲས་ལྗོངས་དང་ས་འབྲེལ་ཡིན། |
| གྲོ་ཚང་དགོན་པ |
་དུས་རབས་བཅོ་ལྔ་པའི་དུས་འགོར་བཏབ་པའི་མཚོ་སྔོན་གྱི་དགོན་པ་ཞིག |
| གྲོ་ཞིན |
གྲོ་བཞིན་དང་འདྲ། |
| གྲོ་ཞིབ |
གྲོ་ཞིབ་ཞིབ་བཏགས་པའི་ཕྱེ་མ་སྟེ། (དཔེར་ན།) གྲོ་ཞིབ་བསྙལ་ནས་ཆིལ་མན་མོག་མོག་བཟོ་བ་ལྟ་བུ། |
| གྲོ་ཞུན |
གྲོ་བཞིན་དང་འདྲ། |
| གྲོ་ཟན |
1.གྲོ་ཞིབ་བཙོས་མ་དང༌། མར། ཕྱུར་བ། བུ་རམ་སོགས་མཉམ་དུ་བརྫིས་པའི་བཟའ་བྱ། 2.གྲོ་ཞིབ་བརྫིས་ཏེ་བཟོས་པའི་ཟས། |
| གྲོ་ཟས |
1.གྲོ་ཁའམ་ལམ་རྒྱགས། 2.གྲོའི་རིགས་ཀྱི་ཟས། |
| གྲོ་འདེབས་པ |
1.ལམ་དུ་ཚ་ཕོགས་རྒྱག་པ། 2.གྲོའི་ཞིང་ཁར་སོན་འདེབས་པ། |
| གྲོ་ཡོས |
གྲོ་བརྔོས་པའི་ཡོས། |
| གྲོ་རིལ |
འཐག་ལས་མ་བྱས་པའི་གྲོ། |
| གྲོ་རྗེན |
(ཡུལ་སྐད།) གྲོ་བཏགས་པའི་ཕྱེ་མའམ་གྲོ་ཞིབ། |
| གྲོ་རྟེན |
ཕྱོགས་འགྲུལ་སྐབས་ལམ་རྒྱགས་ཀྱི་དམིགས་རྟེན་དངུལ་དང་དངོས་རྫས། |
| གྲོ་རྩམ |
1.གྲོ་བརྔོས་ཏེ་བཏགས་པའི་རྩམ་པ། 2.(ཡུལ་སྐད།) ཕྱོགས་འགྲུལ་གྱི་ལམ་རྒྱགས་རྩམ་པ། |
| གྲོ་ལམ |
ཚ་ཕོགས་ཀྱི་ལམ་ཚད། |
| གྲོ་ལུང་པ |
མཚན་དངོས་བློ་གྲོས་འབྱུང་གནས། གཞོན་ནུའི་དུས་ཇོ་བོ་རྗེ་དང་འབྲོམ་སྟོན་ལས་བཀའ་གདམས་ཀྱི་ཆོས་གསན། རྔོག་ལོའི་སློབ་མའི་གྲས་ལས་གསུང་རབ་ཀུན་ལ་མཁས་པར་གྲགས། ཇོ་བོའི་གཞུང་ཆུང་རྣམས་གཙོ་བོར་གྱུར་པའི་ཆོས་ཆུང་བརྒྱ་རྩ་ལ་དོན་ཁོག་འཆིང་བའི་ཊིཀ༌དང༌། བསྟན་རིམ་ཆེ་ཆུང་གཉིས་མཛད། བསྟན་རིམ་ཆེན་མོ་ནི་ལམ་སྒྲོན་གྱི་དགོངས་འགྲེལ་ཟླ་མེད་ཡིན་པས་རྗེ་ཙོང་ཁ་པའི་ལམ་རིམ་ཆེན་མོ་ཡང་ཕལ་ཆེར་འདི་དང་མཐུན་པར་མཛད། |
| གྲོ་ལོ |
གྲོ་མའི་ལོ་མ། |
| གྲོ་ལོ་ས་འཛིན |
སྔོ་ཞིག |
| གྲོ་ལྕོག |
སྤུངས་པའི་གྲོ་སོག |
| གྲོ་ལྤགས |
གྲོ་ཞིབ་བཏགས་ནས་ཐོན་པའི་ཤུན་ལྤགས། |
| གྲོ་ཤ |
ཕྱོགས་འགྲུལ་གྱི་ལམ་རྒྱགས་ཤ། |
| གྲོ་སོ་ཕྱེ་མར |
བོད་དུ་ལོ་གསར་སོགས་རྟེན་འབྲེལ་གྱི་བྱེད་སྒོའི་སྐབས་སུ་སྒྲིག་གཤོམ་བྱེད་པའི་གྲོ་ཡོས་དང་ཕྱེ་མར་འབོ་ནང་དུ་བླུགས་ནས་དེའི་ཐོག་ཏུ་གྲོ་སྙེ་དང་མེ་ཏོག་སོགས་བཙུགས་ཤིང༌། མགྲོན་པོ་ཕེབས་དུས་དེ་ཕུལ་ནས་དགའ་བསུ་སྣེ་ལེན་ཞུ། |
| གྲོ་སོག |
འབྲུ་རིགས་གྲོའི་སོག་མ། |
| གྲོ་སྔོན |
རྟ་དཀར་པོ་སྔོ་ཤས་ཆེ་བ། |
| གྲོ་སྤྱི |
སྔར་བོད་ཀྱི་གྲོ་མོའི་ཕྱོགས་ཀྱི་སྤྱི་ཁྱབ་དཔོན་པོ། |
| གྲོག |
1.གློ་བུར་དུ་ཐོབ་པའི་ནོར་རྫས་ཀྱི་མིང་སྟེ། (དཔེར་ན།) ནང་སྔ་ལངས་ཚང་ལ་གྲོག་ཅིག་ཡོད། དགུང་ཉལ་འཕྱི་ཚང་ལ་གྱོང་ཞིག་ཟེར་བ་ལྟ་བུ། 2.གྲོག་མ་ཡི་མིང་བསྡུས་པ། 3.གྲོག་མོ་ཡི་མིང་བསྡུས་པ། |
| གྲོག་གཟར |
གྲོག་རོང་གཡང་ས་གཟར་པོ། |
| གྲོག་གཡང |
ས་ཆ་གྲོག་རོང་གཡང་གཟར་ཅན། |
| གྲོག་ཆུ |
གྲོག་མོའི་ནང་ནས་འབབ་པའི་ཆུ། |
| གྲོག་ཆེ |
སྟེས་དབང་གིས་ཐོབ་པའི་ནོར་རྫས་ཆེ་བ། |
| གྲོག་པོ |
གྲོག་མོ་དང་འདྲ། |
| གྲོག་ཕྱྭ |
སྐྱེས་བུའི་འཕར་རྩ་ལ་བརྟགས་ནས་རྙེད་པ་དང༌། ནོར་འཚོལ་གྱི་ལམ་འགྲོ་ཡོད་མེད་བརྟག་ཐབས་ཤིག |
| གྲོག་མ |
འབུ་སྲིན་གྱི་རིགས་ཤིག མིང་གི་རྣམ་གྲངས་ལ་རྒྱུ་རྒྱུ་ར་དང༌། གཤིན་རྗེའི་བུ། སྲིན་ཕྲ་མ་བཅས་སོ། ། |
| གྲོག་མ་དཀར་པོ |
ཤིང་རིགས་ཟ་མཁན་གྱི་གྲོག་མ་གནོད་ཅན། |
| གྲོག་མཁར |
ཚ་བའི་ཁུལ་ན་ཡོད་པའི་གྲོག་མའི་རིགས་ཤིག་གི་གྲོག་ཚང་གི་མིང་། |
| གྲོག་མཁར་བ |
སྔར་རྒྱ་གར་གྱི་དྲང་སྲོང་ཞིག་སྟེ། གྲོག་མའི་མཁར་དུ་དཀའ་ཐུབ་གྲུབ་པས་མིང་དེ་བཏགས། |
| གྲོག་མོ |
ཆུས་བཤལ་བའི་གཡང་རོང་ངམ། རི་སུལ་ཏེ། (དཔེར་ན།) གྲོག་མོ་སྐམ་པོར་ཉ་རྒྱ་བཙུགས་ཀྱང་ཉ་མོ་སྐམ་ན་གནས་པ་མི་སྲིད་ཅེས་པ་ལྟ་བུ། |
| གྲོག་ཚང |
འབུ་གྲོག་མའི་ཚང༌སྟེ། (དཔེར་ན།) ལྟད་མོ་བ་གྲོག་ཚང་རྡོལ་བ་ལྟར་འདུས་ཞེས་པ་ལྟ་བུ། མིང་གི་རྣམ་གྲངས་ལ་གྲོག་མཁར་དང༌། གྲོག་མའི་ཁྱིམ། བརྒྱ་བྱིན་སྤྱི་བོ། ནོར་ལྡན་བརྩེགས་བཅས་སོ། ། |
| གྲོག་རོང |
ཆུས་བཤལ་བའི་གཡང་རོང༌། |
| གྲོག་ཤིང |
1.མཆོད་རྟེན་དང༌། གྱང་རྙིང་སོགས་ཀྱི་ལྡེབས་སུ་ཆར་པ་ཕོག་ནས་སྤང་གི་རྣམ་པ་ལྟར་གྱུར་པ་དེ་ལ་ཟེར་ཏེ། དེས་དུགས་བྱས་ན་རྨ་རྙིང་པ་དང༌། ཚིགས་སྟེང་སྐྲངས་པ། ཆུ་སེར་གྱི་ཟ་འཕྲུག་ལང་བ་སོགས་ལ་ཕན། 2.རྩི་ཤིང་གི་རིགས་ཤིག་སྟེ། རྩ་བ་དང་ལོ་མ་སྡོང་བུ་སོགས་གསལ་པོ་མེད་ཅིང་། སྲིབ་ལོགས་སུ་སྐྱེ་བ་ཞིག་ཡིན། འདི་ལ་གྲོག་ཤིང་བ་ཡང་ཟེར། |
| གྲོག་ཤུར |
ཆུ་ལོག་གིས་ས་གཤོང་རོང་ཤར་ཤུར་དུ་བཟོས་པའི་མིང༌། |
| གྲོག་སྐད |
ཟས་ནོར་སོགས་ཡོང་བའི་ལྟས་སུ་ཕོ་རོག་དང་བྱ་ཁྲའི་སྐད། |
| གྲོག་སྐེད |
1.སྲོག་ཆགས་གྲོག་མའི་སྐེད་པ། 2.ངམ་གྲོག་གི་སྐེད་པ། |
| གྲོག་སྦུར |
འབུ་སྲིན་གྱི་རིགས། |
| གྲོག་སྦྱིན |
གྲོག་མཁར་ཡོད་སར་རྩམ་པ་དང་མར་མཉམ་དུ་བསྲེས་པའི་ཕྱེ་མར་གྲོག་མར་སྦྱིན་པའི་སྲོལ། |
| གྲོག་སྦྲང |
གྲོག་མ་དང་སྦྲང་བུའི་བསྡུས་མིང༌། |
| གྲོགས |
1.ཕན་ཚུན་དགའ་བའམ་ཕན་ཚུན་ཕན་པ་སྒྲུབ་མཁན་གྱི་མི་སྟེ། (དཔེར་ན།) སུ་ཞིག་ནི་དགྲ་ཡིན་པ་དང་སུ་ཞིག་ནི་གྲོགས་ཡིན་པ་ཤེས་དགོས། སྙིང་ཉེ་བའི་གྲོགས་པོ་ཞེས་པ་ལྟ་བུ།2.ལས་ཚིག་ད་ལྟ་བའི་མཐར་སྦྱར་ན་མཉམ་དུ་བྱ་བ་དེ་བྱེད་མཁན་གྱི་མིང་ལ་འཇུག་པ་ནི། (དཔེར་ན།) འདུག་གྲོགས། འགྲོ་གྲོགས། ཟ་གྲོགས་ཞེས་པ་ལྟ་བུ།3.རོགས་རམ་གྱི་བྱ་བའི་མིང་ལ་འཇུག་པ་ནི། (དཔེར་ན།) ལས་ཀ་ལས་གྲོགས་བྱས། སློབ་སྦྱོང་བྱེད་གྲོགས་བྱས་ལྟ་བུ། ཡུལ་སྐད་དུ་འདི་ལ་རོགས་ཞེས་འབྲི་བ་མང་། |
| གྲོགས་ཀྱི་རྒྱུ |
ལྷན་ཅིག་འབྱུང་བའི་རྒྱུའོ། ། |
| གྲོགས་ཀྱིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་མི་འདོད་པའི་བྱ་བའི་དངོས་པོ་ཞིག་འགོག་བྱེད་རོགས་རམ་གྱི་ཕན་ཚིག་བརྗོད་པའི་ཟོལ་གྱིས་ཤུགས་ལ་འགོག་པའི་རྒྱན་ཞིག |
| གྲོགས་དན |
རོགས་རམ་གྱི་དོན་ཏེ། (དཔེར་ན།) ལས་དོན་བྱེད་སྐབས་ཕན་ཚུན་གྲོགས་དན་བྱེད་དགོས་ལྟ་བུ། |
| གྲོགས་དམག |
དམག་རྒྱག་སྐབས་ཕན་ཚུན་རོགས་རམ་བྱེད་པའི་དམག |
| གྲོགས་པོ |
ཡིད་མཐུན་པའམ་མཛའ་བའི་མི་སྟེ། (དཔེར་ན།) གྲོགས་པོ་རྙིང་པ། གྲོགས་པོ་བློ་ཐུབ། གྲོགས་པོ་མཛའ་བ། གྲོགས་གསར། སྟོངས་གྲོགས། སྡོངས་གྲོགས། གྲོགས་སུ་འཐམས་པ་ཞེས་པ་ལྟ་བུ། |
| གྲོགས་པོ་གྲོགས་མཆེད |
སྤུན་ལྟར་མཛའ་བའི་མི་སྟེ། (དཔེར་ན།) ཁོ་ཚོ་དང་ང་ཚོ་གྲོགས་པོ་གྲོགས་མཆེད་ཡིན་ཞེས་པ་ལྟ་བུ། |
| གྲོགས་ཕྱྭ |
གྲོགས་རྩ་དང་དོན་གཅིག |
| གྲོགས་བཤེས |
བློ་བཀལ་ཆོག་པའི་གྲོགས་པོ། |
| གྲོགས་མཆེད |
སྤུན་ལྟར་བརྩེ་བའི་གྲོགས་པོ། |
| གྲོགས་མེད་ཁེར་རྐྱང |
རོགས་མེད་གཅིག་པོ། |
| གྲོགས་མེད་གཅིག་པུ |
རོགས་མེད་པའི་ཁེར་རྐྱང༌སྟེ། (དཔེར་ན།) མ་རབས་སྤྱོད་ངན་ཁོ་ན་བྱས་ཏེ་གྲོགས་མེད་གཅིག་པུར་ལུས་ཞེས་པ་ལྟ་བུ། |
| གྲོགས་མེད་པའི་སྡུག་བསྔལ |
སྡུག་བསྔལ་དྲུག་གི་ནང་གསེས་ཤིག |
| གྲོགས་མོ |
གྲོགས་པོ་བུད་མེད་ཀྱི་དོན། མིང་གི་རྣམ་གྲངས་ལ་ཀུན་སྤྱོད་མཚུངས་དང༌། ན་མཉམ་མ། ཕོ་ཉ་མོ། བློ་དཀར་མ། ཟླ་མ་བཅས་སོ། ། |
| གྲོགས་འདེད |
འབྱུང་རྩིས་ནང་དགྲ་ལ་བརྟེན་ནས་གྲོགས་རྩི་བ་སྟེ། ཤིང་གྲོགས་ས། ས་གྲོགས་ཆུ། ཆུ་གྲོགས་མེ། མེ་གྲོགས་ལྕགས། ལྕགས་གྲོགས་ཤིང༌། |
| གྲོགས་རྩ |
མ་བུ་དགྲ་གྲོགས་འབྱུང་བ་བརྩིས་ནས་རྩ་བརྟག་སྐབས་ཤིང་གྲོགས་ས་ལྟ་བུ་གྲོགས་དང་འཕྲད་པ་དེ་ལ་གྲོགས་རྩ་ཞེས་ཟེར། |
| གྲོགས་སྐལ |
བཟའ་ཟླ་སྟེ། (དཔེར་ན།) གཏན་གྲོགས་ཀྱི་སྐལ་བ་ཞེས་པ་ལྟ་བུ། |
| གྲོགས་སྤུན |
གྲོགས་པོ་དང་སྤུན་མཆེད། |
| གྲོང |
1.ཐེམ་དུད་དམ་མི་ཚང༌། 2.མི་ཚང་གང་འཚམས་ཤིག་མཉམ་དུ་ཆགས་པའི་སྡེ་བ་སྟེ། (དཔེར་ན།) བརྒྱ་གྲོང༌། སྟོང་གྲོང༌། གྲོང་ཁང༌། གྲོང་སྟོད། གྲོང་སྨད། གྲོང་དཀྱིལ་ལྟ་བུ། མིང་གི་རྣམ་གྲངས་ལ་གྲོང་སྡེ་དང༌། རྒྱལ་ལམ། སྡེ་ཚོ། ཡུལ་སྡེ་བཅས་སོ། ། |
| གྲོང་ཁང |
གྲོང་ཁྱེར་ནང་ཡོད་པའི་སྡོད་གནས་ཁང་པ། |
| གྲོང་ཁུལ |
གྲོང་ཁྱེར་ནང༌། |
| གྲོང་ཁྱིམ |
གྲོང་ཁྱེར་ནང་གི་ཁྱིམ་ཚང༌། |
| གྲོང་ཁྱེར |
ལས་རིགས་མང་པོ་འཛོམས་པའི་སྡེ་སྟེ། སྔར་གྱི་བཤད་སྲོལ་དུ་ལྕགས་བཟོ་སོགས་བཟོ་བའི་རིགས་བཅོ་བརྒྱད་ཚང་བའི་ཡུལ། (དཔེར་ན།) གྲོང་ཁྱེར་བ། གྲོང་ཁྱེར་གྱི་ཉེ་འདབས། གྲོང་ཁྱེར་ཆེ་ཆུང༌། གྲོང་ཁྱེར་ལྟེ་བ་ལྟ་བུ། མིང་གི་རྣམ་གྲངས་ལ་སྐྱོང་བྱེད་དང༌། འཇིགས་མེད་གནས། ཕོ་བྲང་འཁོར། མི་བསྐྱོད་གནས། མི་གྲོང༌། སྲུང་བྱེད་བཅས་སོ། ། |
| གྲོང་ཁྱེར་གྱི་སྒབ་མོ |
(བརྡ་རྙིང་།) 1>སྨད་འཚོང་མ། 2>གསང་ཐག་འཐེན་མཁན། |
| གྲོང་ཁྱེར་ཉེ་ཀོར |
གྲོང་ཁྱེར་གྱི་ཉེ་འདབས། |
| གྲོང་ཁྱེར་རྗེ་བོ |
རྒྱལ་ཕྲན་ནམ་ཡུལ་གྱི་བདག་པོ། |
| གྲོང་ཁྱེར་ལྟ་ན་སྡུག |
རི་རབ་ཀྱི་རྩེ་མོའི་དབུས་ན་གྲོང་ཁྱེར་ལྟ་ན་སྡུག་ཅེས་བྱ་བ་ངོས་རེ་རེ་ལ་དཔག་ཚད་ཉིས་སྟོང་ལྔ་བརྒྱ་ལྔ་བརྒྱ་པ་མཐའ་སྐོར་ན་དཔག་ཚད་ཁྲིས་འཁོར་བ་ཡོད་ཅིང༌། དེའི་འཕང་དུ་དཔག་ཚད་ཕྱེད་དང་གཉིས་གྱེན་དུ་འཕགས་པ་གསེར་གྱི་རང་བཞིན་དབྱིབས་ལེགས་ཤིང་ལྟ་ན་སྡུག་པ་རིན་པོ་ཆེའི་ཀ་བ་དྲུག་ཁྲི་ཡོད་པ། རིན་པོ་ཆེ་སྣ་བཞིའི་ཟམ་པ་བརྒྱུད་མ་བཞི་དང༌། ནང་གི་ས་གཞི་ཚོན་སྣ་བརྒྱ་རྩ་གཅིག་གིས་བཀྲ་བར་བྱས་པ་མནན་ན་ནེམ་ཞིང་བཏེགས་ན་འཕར་བ་མེ་ཏོག་མན་ད་ར་བས་པུས་ནུབ་ཙམ་དུ་ཁེབས་པ་ཞིག་ཡོད་དོ། ། |
| གྲོང་ཁྱེར་སྤྱོད |
(མངོན་བརྗོད།) བྱ་ཕོ་རོག |
| གྲོང་གཅིག་མ |
དུད་ཚང་གཅིག་ལས་མེད་པའི་གྲོང༌། |
| གྲོང་གཉིས་ལ |
ལ་ཞིག་སྟེ། བོད་ཀྱི་རྩ་མདའ་རྫོང་གི་ལྷོ་རྒྱུད་དུ་ཡོད། མཐོ་ཚད་རྒྱ་མཚོའི་ངོས་ནས་སྨི་5611 ཡོད། |
| གྲོང་གཏམ |
ཕལ་གཏམ། |
| གྲོང་གསུམ་མཐར་བྱེད |
(མངོན་བརྗོད།) ལྷ་དབང་ཕྱུག་ཆེན་པོ། |
| གྲོང་གསེབ |
གྲོང་ཁྱེར་ནས་ལམ་ཐག་རིང་ཙམ་ཡོད་པའི་ཞིང་ལས་ས་ཁུལ་གྱི་གྲོང་ཚོ། |
| གྲོང་གསེབ་པ |
གྲོང་གསེབ་ལ་གཏན་སྡོད་བྱེད་མཁན། |
| གྲོང་གི་གཅན་གཟན |
(མངོན་བརྗོད།) ཁྱི། |
| གྲོང་གི་སྤྲེའུ |
(མངོན་བརྗོད།) བྱི་ལ། |
| གྲོང་ཆོག |
ཁྱིམ་པའི་ནང་ལ་ཚུགས་པའི་ཞབས་བརྟན་ཆོ་ག། |
| གྲོང་ཆོག་པ |
ཆོས་བཏོན་པའི་ཡོན་ལ་བརྟེན་ནས་འཚོ་བ་སྐྱེལ་མཁན། |
| གྲོང་ཆོས |
འཁྲིག་སྤྱོད་དེ། (དཔེར་ན།) བུ་མོ་གྲོང་པའི་ཆོས་ཀྱིས་མ་གོས་པ་ཞེས་པ་ལྟ་བུ། |
| གྲོང་ཐག་ཉེ་བ |
གྲོང་ཐག་ཉེ་བའི་དགོན་པ། |
| གྲོང་དཔོན |
གྲོང་སྡེའི་འགོ་བྱེད། |
| གྲོང་དུ་འཇུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་ཁྱིམ་དུ་གུང་ཡོལ་ནས་སང་གི་སྐྱ་རེངས་མ་ཤར་གྱི་བར་དུ་གནས་པའོ། ། |
| གྲོང་དུ་འདྲེན |
(མངོན་བརྗོད།) བོང་བུ། |
| གྲོང་དུ་རྒྱུ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རང་གྲོང་གཞན་དུ་རྒྱུ་བ་ལ་བརྟེན་ནས། དགེ་འདུན་སྤྱིའི་གདུགས་ཚོད་ལས་ཡོལ་བའོ། ། |
| གྲོང་དྲག་དམག་སྒར |
སྔར་བོད་ཀྱི་སྲིད་གཞུང་སྐབས། ཁྱིམ་ཚང་དྲག་རིགས་ཚང་མར་དམིགས་བསལ་འཕར་མའི་དམག་མི་སྐོང་འདེམས་བྱས་པའི་དམག་སྒར་ཞིག |
| གྲོང་པ |
1.གྲོང་ལ་གཏན་དུ་སྡོད་པའི་མིའམ་རབ་ཏུ་མ་བྱུང་བའི་མི། 2.(ཡུལ་སྐད།) ཁྱིམ་མཚེས། |
| གྲོང་བདག |
གྲོང་པའི་ནང་གི་འགོ་བྱེད། |
| གྲོང་བཟོ |
སྔར་དུས་རྟག་ཏུ་གཞུང་ལས་ལ་འགྲོ་མི་དགོས་པའི་ཚེམ་བུ་བའི་ཚོགས་པ། |
| གྲོང་བསྙེན |
གྲོང་ཁྱིམ་དུ་མཚམས་བཅད་དེ་བསྙེན་སྒྲུབ་བྱེད་པ། |
| གྲོང་མཚེས |
ཁྱིམ་མཚེས། |
| གྲོང་མཚེས་པ |
གྲོང་པ་ཁྱིམ་མཚེས་ཏེ། འདབས་འབྲེལ་དུ་ཡོད་པའི་ཁྱིམ་ཚང་ངམ་མི། |
| གྲོང་མི |
གྲོང་ཁྱིམ་གྱི་མི། |
| གྲོང་ཚིག |
1.ཕལ་སྐད། 2.བཙོག་པའི་ཚིག |
| གྲོང་ཚོ |
གྲོང་ཁྱིམ་ཁག་གམ་སྡེ་ཚན། |
| གྲོང་འཇུག |
ཕུང་པོའི་གྲོང་ལ་རྣམ་ཤེས་འཇུག་པ་སྟེ། (དཔེར་ན།) རྒྱལ་བུའི་གདུང་ལ་གྲོང་འཇུག་བྱས་ནས་རང་གི་ཕུང་པོ་ཆུ་བོར་བསྐྱུར་ཅེས་པ་ལྟ་བུ། |
| གྲོང་འཇོམས |
(མངོན་བརྗོད།) 1>ཁྱབ་འཇུག 2>བརྒྱ་བྱིན། 3>ངང་པ་སྤྱི། |
| གྲོང་འདབས |
གྲོང་གི་ཉེ་འདབས། |
| གྲོང་ཡུལ |
ཁྱིམ་པའི་གནས། |
| གྲོང་རོགས |
ཁྱིམ་མཚེས། |
| གྲོང་རྡལ |
སྔར་གྱི་བཤད་སྲོལ་ལྟར་ན་གྲོང་ཆུང་ཆུང་མིན་པ་སྟེ། གྲོང་ཁྱེར་ལས་ཆུང་བ། བཟོ་ཚོང་མང་ཙམ་འཛོམས་ཡོད་པའི་གྲོང་སྡེ། |
| གྲོང་སྐད |
ཡུལ་སྐད། |
| གྲོང་སྟོང |
མི་ནོར་མེད་པའི་གྲོང་ཁང་སྟོང་པ། |
| གྲོང་སྡེ |
མི་ཚང་མང་པོ་ཡོད་པའི་གྲོང༌། |
| གྲོང་སྣེ |
གྲོང་གི་འགོའམ། མཐའ། |
| གྲོངས |
(བྱེད་མེད་ལས་ཚིག) ཤི་བའི་ཞེ་ས། |
| གྲོངས་པ |
འགྲོངས་པའི་འདས་པ། |
| གྲོད་ཁོག |
ལྟོ་བའམ། གསུས་པ་སྟེ། (དཔེར་ན།) གྲོད་ཁོག་ཆེ་བ། གྲོད་ཁོག་ཆུང་བ། གྲོད་ཁོག་ལྟོགས་པ་ཞེས་པ་ལྟ་བུ། མིང་གི་རྣམ་གྲངས་ལ་དཀུ། དགང་བྱ། ལྟོ་བ། ཕོ་བ། བྲང་ཞོལ། གསུས་པ་བཅས་སོ། ། |
| གྲོད་ཁོག་ལྷུག་གེ་བ |
གྲོད་པ་ལུག་པའམ་འཕྱང་བ་སྟེ། (དཔེར་ན།) བ་ལང་གྲོད་ཁོག་ལྷུག་གེ་བ་ཞེས་པ་ལྟ་བུ། |
| གྲོད་ཉོར་ཅན |
ལུས་ཀྱི་ཤ་རྒྱགས་པ་ལས་བྱུང་བའི་ལྟོ་བ་ལྷུག་ལྷུག་ཏུ་འཕྱང་བ་སྟེ། མིང་གི་རྣམ་གྲངས་ལ་རྐེད་སྦོམ་དང༌། ལྟོ་ལྡིར། ལྟོ་འཕྱང་བ། གསུས་པོ་ཆེ། གསུས་རྫིང་ཅན་བཅས་སོ། ། |
| གྲོད་པ |
ཕོ་བའི་མིང་གཞན་ཏེ། རྒྱུན་དུ་གསུས་པ་ཞེས་པ་དང་དོན་གཅིག |
| གྲོད་པ་ཅན |
ཟས་གྲོན་ཆེ་བའི་གྲས། |
| གྲོད་པུ |
ནོར་ལུག་སོགས་སྐྱུག་ལྡད་བྱེད་པའི་སྲོག་ཆགས་ཀྱི་ཕོ་བའི་ཆ་ཤས་ཆེ་ཤོས་ཀྱི་མིང་། |
| གྲོད་རིལ |
ནོར་ཕྱུགས་ཀྱི་གྲོད་པའི་ནང་དུ་བཏུམས་པའི་མར་རིལ་སོགས། |
| གྲོན |
(བྱེད་འབྲེལ་ལས་ཚིག) ཆུད་ཟོས་སུ་བཏང་བའི་དོན་ཏེ། (དཔེར་ན།) ཐུན་མོང་གི་རྒྱུ་ནོར་མ་གྲོན་ལྟ་བུ། |
| གྲོན་ཅན |
1.འགྲོ་གྲོན་ཆེ་བ། 2.(བརྡ་རྙིང་།) དོན་མེད། |
| གྲོན་ཆུང |
འགྲོ་སོང་ཆུང་བའི་དོན་ཏེ། (དཔེར་ན།) གྲོན་ཆུང་ཁུ་སྡུད། གྲོན་ཆུང་ལས་བརྩོན་ཞེས་པ་ལྟ་བུ། |
| གྲོན་ཆེ |
འགྲོ་སོང་ཆེ་བ། |
| གྲོན་པ |
ཟད་པའམ་ཆུད་ཟོས་ཏེ། (དཔེར་ན།) ལས་དོན་འདིར་རྒྱུ་ནོར་གྲོན་པ་མང་ཞེས་པ་ལྟ་བུ། |
| གྲོན་པ་ཅན |
གནོད་པ་ཅན་ཞེས་པའི་བརྡ་རྙིང་། |
| གྲོན་ཤས |
འགྲོ་སོང་གི་ཆ། |
| གྲོའི་གཡུང་དྲུང |
རྟེན་འབྲེལ་བྱེད་སྐབས་བཞུགས་ཁྲི་དང་གདན་གྱི་ཐོག་ལ་གྲོའི་འབྲུ་རྣམས་སྟར་དུ་འཐེན་པའི་གཡུང་དྲུང་གི་རི་མོ། |
| གྲོལ |
(བྱེད་མེད་ལས་ཚིག) 1>བཅིངས་པ་དང་བསྡམས་པ་བཤིགས་པའི་དོན་ཏེ། (དཔེར་ན།) སྐེ་རགས་གྲོལ། མདུད་པ་གྲོལ། སྒྲོག་གུ་གྲོལ་ལྟ་བུ། 2>མཇུག་རྫོགས་པའམ་སོ་སོར་གྱེས་པའི་དོན་ཏེ། (དཔེར་ན།) ཚོགས་འདུ་གྲོལ། སློབ་ཐུན་གྲོལ་ལྟ་བུ། 3>ཐར་བའི་དོན་ཏེ། (དཔེར་ན།) སྡུག་བསྔལ་ལས་གྲོལ། བཙོན་ལས་གྲོལ་ལྟ་བུ། བཀྲོལ་གྱི་སྐུལ་ཚིག་ལ་གྲོལ་འབྲི་བའང་ཡོད། |
| གྲོལ་ཉིན |
ལས་གྲྭ་གྲོལ་བའམ། ཟིན་པའི་ཉིན་མོ། |
| གྲོལ་བ |
1.ཚིགས་བཅད་རྩོམ་ཚུལ་ཞིག་སྟེ། ཤོ་ལོ་ཀ་གཅིག་གིས་བརྗོད་བྱའི་དོན་གང་ཡིན་པ་དེ་རྫོགས་པར་སྟོན་ནུས་པ། 2.མྱང་འདས་སམ་ཐར་པའི་དོན་ཏེ། (དཔེར་ན།) གྲོལ་བ་ཐོབ་ཅེས་པ་ལྟ་བུ། |
| གྲོལ་བ་ཅན |
(མངོན་བརྗོད།) 1>སྨན་ན་ལེ་ཤམ། 2>མུ་ཏིག |
| གྲོལ་བ་ཅན་སྐྱེད་བྱེད |
(མངོན་བརྗོད།) ཉ་སྐྱོགས། |
| གྲོལ་བ་ཡོངས་སུ་རྫོགས་པ |
ཕྱོགས་ཐམས་ཅད་ལས་རྣམ་པར་གྲོལ་བ་སྟེ་ཉོན་མོངས་དང་ཤེས་བྱའི་སྒྲིབ་པ་གཉིས་ཀྱི་ཆ་ལས་ལེགས་པར་ཐར་བ། |
| གྲོལ་བྱེད་འཇོམས |
(མངོན་བརྗོད།) བརྒྱ་བྱིན། |
| གྲོལ་མ |
ཕོ་བ་དང་རྒྱུ་མའི་ནང་གི་ཞར་སྐྱེས་སྲིན་བུ་ཞིག་སྟེ། ཁ་སྐད་དུ་རྒྱུ་འབུ་ཡང་ཟེར། |
| གྲོལ་མདུད |
མདུད་པ་གྲོལ་ཆོག་ཆོག |
| གྲོལ་ལུགས་ཆེན་པོ་བཞི |
ཀ་དག་ཁྲེགས་ཆོད་ཀྱི་གདམས་པ་རིག་པ་ཆོས་སྐུར་གྲོལ་བའི་ཚུལ་ཆེན་པོ་བཞི་ཡེ་གྲོལ། རང་གྲོལ། གཅེར་གྲོལ། མཐའ་གྲོལ་རྣམས་སོ། ། |
| གྲོལ་སྟོན |
ལས་དོན་གང་རུང་གྲུབ་མཚམས་ཀྱི་དགའ་སྟོན། |
| གྲོས |
ཕན་ཚུན་བསམ་འཆར་བསྡུར་བའི་གཏམ་སྟེ། (དཔེར་ན།) ཐོན་སྐྱེད་བྱེད་རྒྱུའི་གྲོས་གླེང་བ། ཚོང་ཟོག་ཁྱོན་འབོར་ཆེ་ཙམ་སྒྲུབ་རྒྱུའི་གྲོས་གཅོམ་པ། ཕན་ཚུན་རོགས་རམ་བྱེད་རྒྱུའི་གྲོས་འཆམས་པ། གྲོས་ཐག་བཅད་པ། ཡུལ་ལུགས་ཆ་སྟོན་གྱི་གྲོས་འདེབས་པ། གང་དགའ་ཅི་ལེགས་ཀྱི་གྲོས་འདྲི་བ་ཞེས་པ་ལྟ་བུ། |
| གྲོས་ཀྱི་སྣོད |
(མངོན་བརྗོད།) བློན་པོ། |
| གྲོས་གྲོགས |
གྲོས་སྡུར་བྱེད་སའི་ཡུལ། |
| གྲོས་ཆོད |
གྲོས་བསྡུར་ཚོགས་འདུར་གྲོས་བྱས་ནས་ཐག་ཆོད་པའི་དོན་ཚན་གྱི་མིང་། |
| གྲོས་དན |
གྲོས་ཁ་མཐུན་པ་སྟེ། (དཔེར་ན།) གྲོས་དན་ཆོད་ཡིག་ཅེས་པ་ལྟ་བུ། |
| གྲོས་དོན |
ཐུན་མོང་ནས་གྲོས་སྡུར་བྱ་རྒྱུའི་ནང་དོན་ཏེ། (དཔེར་ན།) གྲོས་དོན་གོ་རིམ་གཏན་ལ་ཕབ་ཅེས་པ་ལྟ་བུ། |
| གྲོས་པ |
1.བློ་འདྲི་སའི་མི། 2.(མངོན་བརྗོད།) བློན་པོ། |
| གྲོས་བསྡུར |
གྲོས་སྡུར་དང་འདྲ། |
| གྲོས་མཐུན |
གཅིག་གྱུར་བྱུང་བའི་གྲོས་དོན། |
| གྲོས་མེད་བསམ་མཐུན |
གྲོས་མ་བྱས་ནའང་བསམ་པ་གཅིག་ཏུ་མཐུན་པ། |
| གྲོས་མོལ |
གྲོས་སྡུར། |
| གྲོས་ཚོགས |
གྲོས་སྡུར་བྱེད་རྒྱུའི་ཚོགས་འདུ། |
| གྲོས་འགོ |
གྲོས་སྡུར་བྱ་རྒྱུའི་དོན་རྩའི་གཞི་མ་སྟེ། (དཔེར་ན།) གྲོས་འགོ་རྩོམ་ཞེས་པ་ལྟ་བུ། |
| གྲོས་ཡ |
གྲོས་སྡུར་བྱེད་སའི་རོགས་པ། |
| གྲོས་རིམ |
གྲོས་བྱེད་པའི་གོ་རིམ། |
| གྲོས་སྡུར |
ལས་དོན་གྱི་སྐད་ཆ་གོ་སྡུར་གྱི་དོན་ཏེ། (དཔེར་ན།) ལས་དོན་བྱེད་སྟངས་སྐོར་ལ་ཕན་ཚུན་གྲོས་སྡུར་བྱེད་པ་ཞེས་པ་ལྟ་བུ། |
| གྲྭ |
1.བྱ་བ་གང་ཡང་རུང་བ་ཞིག་བྱེད་སའི་གནས་སམ་སྡེ་ཚན་ཏེ། (དཔེར་ན།) སློབ་གྲྭ། འཛིན་གྲྭ། ཆོས་གྲྭ། རྩོད་གྲྭ། ལས་གྲྭ། བཟོ་གྲྭ། སྨན་གྲྭ། རྩིས་གྲྭ། ཀློག་གྲྭ། འདོན་གྲྭ། སྒོམ་གྲྭ། སྔགས་གྲྭ། འདུལ་གྲྭ་ཞེས་པ་ལྟ་བུ།2.ཟུར་གྱི་དོན་ཏེ། (དཔེར་ན།) ཁང་པའི་གྲྭ། གོས་ཀྱི་གྲྭ་ཞེས་པ་ལྟ་བུ། |
| གྲྭ་ཁང |
གྲྭ་པ་སྡོད་ཁང༌། |
| གྲྭ་ཁྲལ |
སྔར་གྲྭ་ཁོངས་སུ་འཇུག་པའི་བཙུན་ཁྲལ། |
| གྲྭ་གཞོན |
ལོ་ན་གཞོན་པའི་གྲྭ་པའམ། སྒྲིག་ཞུགས་ཕྱི་བ། |
| གྲྭ་གཟུགས |
གྲྭ་པའི་གཟུགས་བརྙན་ནམ་ཆ་བྱད། |
| གྲྭ་གཟུགས་དབོན་པོ |
གྲྭ་ཆས་གྱོན་པའི་སྐྱ་བོ། |
| གྲྭ་གཡོག |
གྲྭ་པའི་གཡོག་པོ། |
| གྲྭ་གྲངས |
དགེ་འདུན་པའི་ཞལ་གྲངས། |
| གྲྭ་ཆས |
གྲྭ་པའི་གྱོན་ཆས། |
| གྲྭ་ཇ |
གྲྭ་ཚང་ནས་གཏོང་བའི་ཇ། |
| གྲྭ་ཐོག |
གྲྭ་པའི་མི་རབས་རྒན་གཞོན། |
| གྲྭ་དམག |
སེར་དམག་སྟེ། དམག་འགྲོ་མཚོན་ཆ་འཁྱེར་བའི་གྲྭ་པ། |
| གྲྭ་དམངས |
གྲྭ་མང་བྱིངས། |
| གྲྭ་ནང་བྱམས་གླིང |
རབ་བྱུང་བརྒྱད་པའི་ཆུ་འབྲུག་ལོ་ལ་ཐུ་མི་ལྷུན་གྲུབ་བཀྲ་ཤིས་ཀྱིས་བཏབ་པའི་དགོན་པ་ཞིག་སྟེ། ལྷོ་ཁའི་ཡར་ཀླུངས་གཙང་པོའི་ལྷོའི་རི་ལྡེབས་སུ་ཡོད། |
| གྲྭ་པ |
དགེ་འདུན་པ་སྤྱིའི་མིང༌། |
| གྲྭ་པ་གྲྭ་རྐྱང |
ཆགས་རྟེན་མེད་ཅིང་འགྲོ་བདེ་སྡོད་བདེའི་རབ་བྱུང༌། |
| གྲྭ་པ་དཔེ་ཆ་བ |
གྲྭ་པ་མཚན་ཉིད་སློབ་གཉེར་བ། |
| གྲྭ་པ་བཀའ་ལོག་པ |
སྐྱ་སར་བབ་པ་སྟེ་རབ་བྱུང་གི་ཚུལ་ཁྲིམས་ཉམས་པའམ་ཡར་ཕུལ་ནས་ཁྱིམ་དུ་ལོག་པ། |
| གྲྭ་པ་མངོན་ཤེས་ཅན |
མཚན་གཞན་ཤེས་རབ་རྒྱལ་བའམ་དབང་ཕྱུག་འབར་ཏེ། རབ་བྱུང་དང་པོ་མ་ཤར་བའི་སྔོན་གྱི་ཆུ་ཕོ་བྱི་བའི་ལོ་ལ་གཡོ་རུ་ལ་སྐུ་འཁྲུངས། དགུང་ལོ་ཆུང་ངུའི་དུས་ནས་བསམ་ཡས་ཀྱི་ཆོས་གྲྭར་བྱོན། ཀླུ་མེས་ཀྱི་མཁན་བུ་ཡམ་ཤུད་རྒྱལ་བ་འོད་ལས་རབ་ཏུ་བྱུང༌། མཚན་དབང་ཕྱུག་འབར་ཞེས་བཏགས། རང་གི་ཁུ་བོ་ཞང་སྟོན་ཆོས་འབར་ལས་མདོ་སྔགས་ཀྱི་ཆོས་སྐོར་དང་གསོ་བ་རིག་པ། ཕ་དམ་པ་སངས་རྒྱས་ལས་ཞི་བྱེད་སྐོར། ཁ་ཆེ་པཎ་ཆེན་ཟླ་བ་མགོན་པོ་ལས་སྦྱོར་དྲུག་གི་གདམས་པ་སོགས་གསན། ཡུལ་གྲྭ་ལ་འཁྲུངས་པས་གྲྭ་པ་དང༌། ཆོས་མངོན་པ་ལ་མཁྱེན་རྒྱ་རྒྱས་པས་མངོན་ཤེས་ཞེས་གྲགས་པར་གྱུར། ཁྱད་པར་དུ་བསམ་ཡས་དབུ་རྩེའི་བར་ཁང་གི་ཀ་བ་བུམ་པ་ཅན་གྱི་འོག་ནས་གསོ་བ་རིག་པའི་དཔལ་ལྡན་རྒྱུད་བཞིའི་མ་དཔེ་ས་ཕོ་སྟག་ལོ་སྟོན་ཟླ་ར་བའི་ཚེས་བཅོ་ལྔའི་ནམ་ཕྱེད་ཆུ་ཚོད་གསུམ་པར་གཏེར་ནས་གདན་དྲངས་ཤིང་དཔེ་ལས་བཤུས་ཏེ་ཕྱི་མོ་རང་གནས་སུ་བཞུགས། བུ་དཔེ་ལོ་གཅིག་གསང་སྟེ་ཕྱིས་སུ་ཡར་ལུང་གི་དགེ་བཤེས་ཁུ་སྟོན་དབུས་པ་དར་མ་གྲགས་པ་ལ་གནང༌། གྲ་ནང་གི་མདར་དཔལ་གྲ་ཐང་གི་ཆོས་གྲྭ་ཆེན་པོ་ཕྱག་བཏབ། གསུང་རྩོམ་དུ་རྒྱུད་ཀྱི་བསྡུས་དོན་སོགས་བསྟན་བཅོས་སྣ་ཚོགས་བརྩམས། དགུང་ལོ་བདུན་ཅུ་རྩ་དགུའི་ཐོག་དགོངས་པ་གཤེགས། |
| གྲྭ་པ་རྡབ་བེ་རྡོབ་བེ |
1.གྲྭ་པ་ལོ་ཚོད་ཆེ་མིན་ཆུང་མིན། 2.དཔེ་ཆ་མི་ལྟ་བའི་ཡང་ཡེང་ཅན། |
| གྲྭ་ཕོར |
གྲྭ་ཤག་སོ་སོར་ཇ་འཐུང་བའི་ཤིང་ཕོར། |
| གྲྭ་ཕྲུག |
གྲྭ་པ་ཆུང་ཆུང་ངམ། བཙུན་ཆུང༌། |
| གྲྭ་བཞི་རྩིས་བཤེར |
ཧོར་ཟླ་དང་པོའི་ཚེས་ཉེར་གསུམ་ཉིན། སྨོན་ལམ་གཏོར་རྒྱབ་རྟ་དམག་ལྔ་བརྒྱ་དང༌། གཟིམས་པ་སོགས་ཚང་མིན་གྲངས་བཤེར་གཏོང་བའི་བརྩི་གཞག་གི་བྱེད་སྒོ་ཞིག |
| གྲྭ་བུ་སློབ |
གྲྭ་པ་སློབ་མ། |
| གྲྭ་མང |
གྲྭ་པ་མང་ཚོགས། |
| གྲྭ་ཚང |
དགེ་འདུན་སྡེ་ཚོགས་ཀྱི་ཚན་ཁག་ཅུང་ཟད་ཆེ་བ་ཁག་གི་མིང་སྟེ། མཚན་ཉིད་གྲྭ་ཚང༌། སྔགས་པ་གྲྭ་ཚང༌། དུས་འཁོར་གྲྭ་ཚང༌། ཤར་རྩེ་གྲྭ་ཚང༌། བྱང་རྩེ་གྲྭ་ཚང༌། སེར་བྱེས་གྲྭ་ཚང༌ཞེས་པ་ལྟ་བུ། |
| གྲྭ་ཚང་ཆོས་མཛད |
གྲྭ་ཚང་ལ་གཏོང་སྒོ་བཏང་ནས་དམིགས་བསལ་དབང་ཆ་བླངས་པའི་གྲྭ་པ། |
| གྲྭ་ཚབ |
གྲྭ་པའི་ཚབ། |
| གྲྭ་ཚོགས |
1.གྲྭ་པ་འདུས་པའི་ཚོགས་པ། 2.གྲྭ་པ་མང་ཉུང་གི་ཚད་དེ། (དཔེར་ན།) དེའི་སྐབས་སུ་གྲྭ་ཚང་ནང་ལ་གྲྭ་ཚོགས་རྒྱས་པོ་འདུག་ཅེས་པ་ལྟ་བུ། |
| གྲྭ་ཟུར |
ཟུར་སྣེའམ་གྲུ། |
| གྲྭ་འཕྱགས |
རབ་ཏུ་བྱུང་རན་པའི་མི་ཚང་མ་གྲྭ་པ་བྱེད་དུ་འཇུག་པའི་ཁྲལ། |
| གྲྭ་རིགས |
གྲྭ་པའི་གྲས། |
| གྲྭ་རུ |
སྔར་དགོན་པ་ཁག་གི་གྲྭ་ཚང་ངམ། གྲྭ་པའི་རུ་བ། |
| གྲྭ་རྒན |
1.གྲྭ་པ་རང་ལོ་རྒན་པ། 2.སྒྲིག་ཞུགས་སྔ་བའི་གྲྭ་པ། |
| གྲྭ་རྒྱུན |
ཐག་རིང་ཐུང་ཅི་རིགས་ནས་སློབ་གཉེར་བྱེད་དུ་ཕེབས་པའི་གྲྭ་པ། |
| གྲྭ་རྟགས |
སྣམ་སྦྱར་གྱི་གྲྭ་རྟགས་ཏེ་དུང་དང༌། པདྨ། ཤིང་ལོ། ནོར་བུ་སོགས། |
| གྲྭ་ལོག |
བན་ལོག་གམ་སྐྱ་བབས་པའི་གྲྭ་པ། |
| གྲྭ་ལྔ |
གཟུངས་ཆེན་གྲྭ་ལྔའི་བསྡུས་མིང༌། |
| གྲྭ་ཤག |
གྲྭ་པ་སྡོད་ཁང༌། |
| གྲྭ་ཤར |
གྲྭ་པ་ན་གཞོན། |
| གྲྭ་ས |
ཕྱོགས་མང་ནས་དགེ་འདུན་པ་འདུས་ཏེ་ཆོས་ལུགས་ཀྱི་གཞུང་དང་རིག་གནས་སོགས་འཆད་རྩོད་རྩོམ་གསུམ་བྱེད་ཡུལ་གྱི་དགོན་པ། |
| གྲྭ་སྐལ |
གྲྭ་པའི་འགྱེད་སྐལ། |
| གྲྭ་སྐོར་བ |
རྩོད་གྲྭ་ཁག་ཏུ་བསྐྱོད་ནས་དོགས་གཅོད་བགྲོ་གླེང་བྱེད་མཁན། |
| གྲྭ་སྡེབ |
དཔུང་སྟོབས་སྒྲིག་པ། |
| གླ |
1.ལས་ཀ་བྱས་པར་སྤྲོད་རྒྱུའི་ཐོབ་སྐལ་ཏེ། (དཔེར་ན།) འཚེམ་གླ། ལས་གླ་བླངས་པ། 2.(བྱེད་འབྲེལ་ལས་ཚིག) གླས་པའི་མ་འོངས་པ་དང་ད་ལྟ་བ་སྟེ། (དཔེར་ན།) གླ་པ་གླ་མི་ཆོག། གླ་པ་གླ་མཁན་ཞེས་པ་ལྟ་བུ། 3.གཞན་གྱི་སྐྱེལ་འདྲེན་ཡོ་བྱད་དང་འགྲིམ་འགྲུལ་ཡོ་བྱད་སོགས་བཀོལ་སྤྱོད་བྱས་ནས་ཐོབ་སྐལ་ངེས་ཅན་སྟེར་བའི་དོན་ཏེ། (དཔེར་ན།) ཁལ་རྟ་གླས། ཤིང་རྟ་གླས། ཤིང་རྟ་གླས་ཤིག་ལྟ་བུ། |
| གླ་ཁོལ |
གླ་པ་དང་གཡོག་པོ། |
| གླ་གག |
བྱ་གོ་བོ་ཀླད་ཀར། |
| གླ་གོར |
གླ་གོར་ཞོ་ཤ་སྟེ་ཤིང་འབྲས་ཤིག |
| གླ་ཆ |
ལས་ཀ་བྱས་པའི་གླ་ཐོབ། མིང་གི་རྣམ་གྲངས་ལ་ཁུར་གླ་དང༌། ཁུར་རྔན། ཁུར་བའི་རིན། གླ་ཡོན། དགེ་སྒྲུབ་གླ། རྔན་པ། རྙེད་པ། བྱ་དགའ། མཚར་དགའ། གཟེངས་བསྟོད། ཡོན། རིན། ལས་གླ་བཅས་སོ། ། |
| གླ་ཆུ |
མདོ་སྨད་ཆབ་མདོ་བརྒྱུད་ནས་འབབ་པའི་ཆུ་བོ་ཟླ་ཆུའི་མིང་གི་ཟུར་ཆག |
| གླ་ཐང |
ལས་གླའི་ཚད་དམ་ཐང་གཞི། |
| གླ་ཐོབ |
ལས་ཀ་བྱས་པའི་གླའི་ཐོབ་ཆ། |
| གླ་པ |
སྤྱི་ཚོགས་ཁྲོད་ངལ་རྩོལ་སྟོབས་ཤུགས་བཙོངས་ནས་འཚོ་བའི་མི། |
| གླ་པོ |
གླ་པ་བྱེད་མཁན། |
| གླ་ཕོགས |
ལས་གླ་དངུལ་དང་བཟའ་རྟེན་འབྲུ་སོགས། |
| གླ་ཕོར |
ཤིང་གླ་བའི་ཕོར་པ། |
| གླ་ཕྲུག |
1.གླ་པ་བྱེད་པའི་བྱིས་པའམ་ན་ཆུང་གི་མིང་། 2.རི་དྭགས་གླ་ཡི་ཕྲུ་གུ་ལའང་གླ་ཕྲུག་ཟེར། |
| གླ་བ |
1.དྲི་ཞིམ་རྩི་ལྡན་གྱི་རི་དྭགས་ཤིག་སྟེ། (དཔེར་ན།) གླ་ལྤགས། གླ་མཆེ་ཞེས་པ་ལྟ་བུ། མིང་གི་རྣམ་གྲངས་ལ་གླ་རྩི་ཅན་དང༌། དྲི་བཟང་དབང་པོ། རླུང་བསྲེགས། ས་ལུས་བཅས་སོ། །2.ཤིང་ཞིག |
| གླ་བ་གླ་རྩི་ཅན |
གླ་བ་ཕོ། |
| གླ་བ་མཆེ་བ་ཅན |
གླ་བ་ཕོ། |
| གླ་བ་ཤིང་དཀར་པོ |
ཤིང་ཞིག |
| གླ་བདག |
གླ་པ་གླ་མཁན། |
| གླ་བཙས |
(བརྡ་རྙིང་།) གླ་དང་བཙས་གཉིས་གླ་ཆའི་དོན་གཅིག་སྟེ། (དཔེར་ན།) གླ་བཙས་ཀྱིས་འགྲུལ་པ་གཙེར་བ་ལྟ་བུ། |
| གླ་བའི་ནོར་བུ |
(མངོན་བརྗོད།) གླ་རྩི། |
| གླ་བུ |
གླ་པ་དང་འདྲ། |
| གླ་བོ |
(བརྡ་རྙིང་།) གླེང་མོ་གླ་བོ་དྲིན་དུ་གཅགས་པ་གླེང་མོ་གང་བྱུང་བ་རྣམས་ཐུགས་ལ་བཏགས་པ། |
| གླ་མི |
གླ་པ་བྱེད་མཁན་ཏེ། (དཔེར་ན།) གླ་མི་གློ་བུར་བ་ཞེས་པ་ལྟ་བུ། |
| གླ་མོ |
རི་དྭགས་གླ་བ་མོ། |
| གླ་ཚེར |
ཤིང་ཞིག |
| གླ་ཟན |
1.ལས་ཀའི་གླ་ཟ་མཁན། 2.གླ་མིའི་ཟས། |
| གླ་འབོལ |
གླ་སྤུའི་ནང་ཚངས་ཅན་གྱི་འབོལ་གདན། |
| གླ་རིན |
གླ་དང་རིན་པའི་བསྡུས་མིང༌། |
| གླ་རྒྱུན |
གླ་ལྤགས་མཉེས་མའི་རྒྱུན་བུ། |
| གླ་རྔན |
ལས་ཀའི་གླ་དང་རྔན་པ། |
| གླ་རྩི |
རྩི་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་དུག་ནད་དང༌། མཆིན་ནད། མཁལ་མའི་གཉན་ཚད། སྲིན་ནད། གཉན་རིམས་བཅས་ལ་ཕན། མིང་གི་རྣམ་གྲངས་ལ་ལྟེ་བའི་དྲི་དང༌། དྲི་ཆེན་ལྟེ་བ། དྲིའི་རྩི། དྲི་ཡི་གོས་ཅན། དྲི་ཡི་ཐོད། འདོམས་ཀྱི་ངད་རྩི། སྦྲུལ་སྐྲག་བྱེད། སྦྲུལ་དུག་མྱོས་པའི་མཚན་མ། རི་དྭགས་འཆང༌། རི་དྭགས་ལྟེ་བ། རི་དྭགས་རྩི་བཅས་སོ། ། |
| གླ་རྩི་ཁ |
བོད་མདོ་ཁམས་ཟུང་ཆུ་རྫོང་གི་ལ་ཞིག |
| གླ་ལྟོ |
གླ་ཆས་དང་ལྟོ་ཆས་ཏེ། (དཔེར་ན།) གླ་ལྟོའི་མཐུན་རྐྱེན། གླ་ལྟོ་ཡོག་པ་གཟན་སྒྲིལ་གྱིས་སྤྲད་ཅེས་པ་ལྟ་བུ། |
| གླ་སྐྱེས |
གླ་ཆ་དང༌། གཟིགས་བཟོས། |
| གླ་སྒང |
སྔོ་སྨན་གྱི་རིགས་ཤིག་རོ་བསྐ་ལ་མངར། ཞུ་རྗེས་བསིལ། ནུས་པས་སྐད་འགགས་པ་དང༌། གློ་བའི་ཚད་པ། རྒྱུ་ཚད་སོགས་ལ་ཕན། |
| གླ་སྒྲིལ་ལྟོ་སྒྲིལ |
ལས་ཀ་བྱས་པའི་གླ་དང་ལྟོ་གཉིས་དངུལ་སོགས་ལ་སྒྲིལ་བའམ་ཕབ་པ། |
| གླག |
བྱ་གླག་གི་མིང་སྟེ། བྱ་སྤུའི་མདོག་དུ་ཁ་ཅན། སྡེར་མོ་རྣོ་ཞིང་གུག་པ་དང་། མཆུ་གུག་པོ་ལྕགས་ཀྱུ་ལྟ་བུ། ལུ་གུ་དང་ཁྱིམ་བྱ་སོགས་བཟུང་ནས་ཟ་བའི་བྱ་གནོད་པ་ཅན་ཞིག་ཡིན། དེ་ལ་གླག་ཁྲ་དང་གླག་རོག་རིགས་གཉིས་ཡོད། |
| གླག་ཁྲ་མོ |
བྱ་གླག་མོ། |
| གླག་པ |
(བརྡ་རྙིང་།) ལྟག་པ། |
| གླག་རོག |
བྱ་གླག་ནག་པོ། |
| གླགས |
དུས་ཚོད་དང་སྐབས་མཚམས་ཀྱི་དོན་ཏེ། (དཔེར་ན།) ཁོམ་གླགས་མེད་པ། ལྟ་གླགས་མེད་པ། ཁྱིམ་དུ་སྡོད་གླགས་མེད་པ། ཕན་ཚུན་གཅིག་གིས་གཅིག་ལ་གླགས་རྙེད་དཀའ། སྡུག་བསྔལ་བཟོད་གླགས་མེད་པ་ཞེས་པ་ལྟ་བུ། |
| གླགས་ཁེལ་བ |
1.འགྲན་ཟླ་བྱེད་ཐུབ་པ། 2.ཕ་རོལ་ཕམ་པར་བྱས་པ། |
| གླགས་འཚོལ |
སྐབས་འཚོལ་བ། |
| གླགས་རྙེད་པ |
1.གོ་སྐབས་བྱུང་བ། 2.འགྲན་ཟླ་བྱེད་ཐུབ་པ། |
| གླགས་ལྟ་བ |
1.ཚོད་ལྟ་བ། 2.སྐྱོན་འཚོལ་བ། |
| གླགས་སྐབས་འཚོལ་བ |
1.ཕ་རོལ་པོ་ཉམས་ཉེས་ཐུབ་པའི་དུས་སྐབས་འཚོལ་བ། 2.ཁག་འདོགས་སའི་གནད་འཚོལ་བ། |
| གླང |
སྒོ་ཕྱུགས་བ་ལང་ཕོའི་མིང་། |
| གླང་ཀོ |
གླང་གོག་གི་ཀོ་བ། |
| གླང་ཀླད |
ཁྲུས་རྫས་ཏེ། རྒྱ་སྐད་དུ་ཡཱི་རྩི། |
| གླང་ཁྱིམ |
ཁྱིམ་བཅུ་གཉིས་ཀྱི་གཉིས་པ། ཁྱིམ་ཞག་ཉི་བར་སྨིན་དྲུག་སྟེང་དུ་སླེབས་ནས་ཆུ་ཚོད་བཅོ་ལྔ་འདས་ནས་གླང་ཁྱིམ་ལ་སླེབས། |
| གླང་ཁྱུ་མཆོག |
(མངོན་བརྗོད།) གླང་པོའམ་གླང་ཆེན། |
| གླང་གོག |
བ་ལང་ཕོ། |
| གླང་ཆེན |
སྐམ་སར་གནས་པའི་སེམས་ཅན་ཆེ་ཤོས་རྣ་བ་ཆེ་ལ་སྣ་ཧ་ཅང་རིང་བ་ཞིག (དཔེར་ན།) གླང་ཆེན་གྱིས་མ་ཐེག་པའི་ཁུར་དེ་བོང་བུས་ག་ནས་འཁུར་ཐུབ། གླང་ཆེན་ལ་ཚེར་མ་ཟུག་པ་ལྟར་གྱུར་ལྟ་བུ། |
| གླང་ཆེན་ཁ་འབབ |
བོད་མངའ་རིས་ས་ཁུལ་ཁོངས་རྩ་མདའ་རྫོང་གི་ཆུ་ཞིག་སྟེ་རྒྱ་གར་ཆུ་བོ་གང་གཱ་ཞེས་པའི་ཆུ་འགོ། |
| གླང་ཆེན་གི་ཝཾ |
གླང་པོ་ཆེ་ལས་བྱུང་བའི་གི་ཝཾ་སྟེ། གི་ཝཾ་རིགས་ཐམས་ཅད་ཀྱི་ནང་ནས་ནུས་པ་མཆོག་ཏུ་གྱུར་པ་ཞིག |
| གླང་ཆེན་ཆིག་ཐུབ |
སྔོ་སྨན་དཔའ་བོ་ཆེན་པོའི་མིང་གི་རྣམ་གྲངས་ཤིག |
| གླང་ཆེན་ཐལ་དཀར |
གླང་ཆེན་མཆོག་མཆེ་བ་དྲུག་ལྡན། |
| གླང་ཆེན་མཆེ་བ |
བ་སོ། |
| གླང་ཆེན་འགྱིང་རི |
སི་ཁྲོན་ཞིང་ཆེན་ཨོ་མེ་རྫོང་གི་ལྷོ་ནུབ་ན་ཡོད་ཅིང༌། རྒྱ་མཚོའི་ངོས་ལས་མཐོ་ཚད་སྨི་3099 ཡོད་པ་དང༌། རྒྱ་ནག་གི་ནང་པའི་ཆོས་ལུགས་ཀྱི་གནས་མཆོག་ཅིག་ཡིན། |
| གླང་ཆེན་འགྲོས |
(མངོན་བརྗོད།) བུད་མེད་མཆོག |
| གླང་ཆེན་རྩི |
གླང་ཆེན་གི་ཝང༌། |
| གླང་ཆེན་ས་སྲུང |
ལྷ་ཡུལ་གྱི་གླང་ཆེན་ཞིག་ལུས་དཀར་ལ་ཡན་ལག་བདུན་པ་ལེགས་པར་གནས་པ། མགོ་དམར་བ་མཆེ་བ་དྲུག་ལྡན་དབང་པོ་དང་ཉེ་དབང་རྣམས་ཀྱི་བཞོན་པར་གྱུར་པ་ཞིག |
| གླང་ཆེན་སྨྱོན་པ |
1.གླང་པོ་ཆེ་སྨྱོན་པ། 2.དུག་ཤས་ཆེ་བའི་སྔོ་རིགས་ཤིག |
| གླང་ཏིག་པ |
སྔོ་ཞིག |
| གླང་ཐང |
ས་མིང་ཞིག བོད་དབུས་ཀྱི་ལྷུན་གྲུབ་རྫོང་ན་ཡོད། |
| གླང་ཐང་དགོན |
རབ་བྱུང་གཉིས་པའི་ཆུ་བྱ་ལོ་ལ་དགེ་བཤེས་གླང་རི་ཐང་པས་བཏབ་པའི་དགོན་པ་ཞིག་ལྷ་སའི་བྱང་ཤར་ཕྱོགས་ལྷུན་གྲུབ་རྫོང་ན་ཡོད། |
| གླང་ཐབས |
གླང་འཐབ་དང་འདྲ། |
| གླང་དར་མ |
སྔར་བོད་རྒྱལ་ཁྲི་དར་མ་ཨུ་དུམ་བཙན་གྱི་མིང་འདོགས། |
| གླང་པོ |
གླང་ཆེན་ཏེ། མིང་གི་རྣམ་གྲངས་ལ་འཁོར་ལོའི་རྐང་དང༌། མཆེ་བ་སྟོབས་ལྡན། གཉིས་འཐུང༌། སྟོབས་ལྡན། ཐིག་ལེ་ཅན། ནགས་ཚལ་དགའ། སྣ་ཞགས་ཅན། དབྱུག་པའི་རྣ་ཅན། མང་པོ་འཐུང༌། མྱོས་རྡུལ་ཅན། མྱོས་བུམ་ཅན། ལག་ལྡན། ས་ལུད་ཉལ། སོ་ཅན། སོ་གཉིས་པ། སོ་ལྡན་བཅས་སོ། ། |
| གླང་པོ་གཏུམ་པོ |
1.མ་བཏུལ་བའི་གླང་པོ། 2.གླང་ཆེན་སྨྱོན་པ། |
| གླང་པོ་ཆེ |
དེང་རབས་ས་ཐོག་གི་སྲོག་ཆགས་ཆེ་ཤོས་ཤིག་ཡིན་ཞིང་། རྒྱ་ནག་ཡུན་ནན་ཞིང་ཆེན་དང་འབར་མ་རྒྱལ་ཁབ། ཨ་ཧྥེ་རི་ཀའི་གླིང་སོགས་ན་ཡོད། ཡོངས་གྲགས་སུ་གླང་ཆེན་ཟེར། |
| གླང་པོ་ཆེ་ཁྲོ་བོ |
གླང་ཆེན་གཏུམ་པོ། |
| གླང་པོ་ཆེ་ཅང་ཤེས |
ལེགས་ཉེས་ཀྱི་ལྟས་སོགས་ཤེས་པའི་གླང་ཆེན། |
| གླང་པོ་ཆེ་དམུ་རྒོད |
གཞན་ལ་གནོད་འཚེ་བྱེད་པའི་གླང་ཆེན། |
| གླང་པོ་ཆེ་ས་ལ་རབ་བརྟན |
གླང་ཆེན་ས་སྲུང་དང་དོན་གཅིག |
| གླང་པོ་ཆེའི་སྟབས་སུ་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཀླུ་ཟིལ་གྱིས་གནོན་པ་ལ་མཁས་པ་ཉིད་ཀྱིས་གླང་པོ་ཆེའི་སྟབས་སུ་གཤེགས་པ། |
| གླང་པོ་མཆོག |
གླང་པོའི་རྒྱལ་པོ་སྟེ། མིང་གི་རྣམ་གྲངས་ལ་ཁྱུ་ཡི་མགོན་པོ་དང༌། ཁྱུ་ཡི་བདག མཆེ་བ་དྲུག་ལྡན། གཉིས་འཐུང་དབང་པོ། ཐལ་དཀར། སྤོས་ཀྱི་གླང་བཅས་སོ། ། |
| གླང་པོ་འཇོམས |
(མངོན་བརྗོད།) སེང་གེ། |
| གླང་པོ་རིན་པོ་ཆེ |
རྒྱལ་སྲིད་སྣ་བདུན་གྱི་གྲས་ཤིག |
| གླང་པོའི་ཁ་ལོ་པ |
གླང་རྫི། |
| གླང་པོའི་ཟས |
(མངོན་བརྗོད།) བྱང་ཆུབ་ལྗོན་ཤིང༌། |
| གླང་པོའི་ལྕུག་མ |
(མངོན་བརྗོད།) ཆུ་ཤིང༌། |
| གླང་མ |
ཤིང་ཕྲན་ཞིག |
| གླང་མ་རི |
ཇོ་མོ་གླང་མ་རིའི་བསྡུས་ཚིག |
| གླང་མོ |
གླང་པོ་ཆེ་མོ། མིང་གི་རྣམ་གྲངས་ལ་གཉིས་འཐུང་མ་དང༌། ལག་ལྡན་མ། སོ་གཉིས་མ་བཅས་སོ། ། |
| གླང་ཚེར |
ཤིང་བྱེ་བྲག་པ་ཞིག |
| གླང་ཟལ་པོ |
གླང་གོག་ཁྲ་ཁྲ། |
| གླང་ཟླ |
ཧོར་ཟླ་བཅུ་གཉིས་པ། |
| གླང་འཐབ |
ཚ་གྲང་འཐབ་པ་དང༌། ཕོ་ལོང་རྒྱུ་མའི་སྲིན་བུ་འཁྲུགས་པ་སོགས་ཀྱིས་ནད་རྟགས། གླང་བུའི་རྭས་བསྣུན་པ་ལྟར་གྱི་ཟུག་རྔུ་དྲག་པོ་འཕྲལ་འཕྲལ་དུ་འབྱུང་བ་ཞིག |
| གླང་རི་ཐང་པ |
རབ་བྱུང་དང་པོའི་ཤིང་རྟ་ལོར་འཁྲུངས། མཚན་རྡོ་རྗེ་སེང་གེ། པོ་ཏོ་བའི་དངོས་སློབ། བཀའ་གདམས་བློ་སྦྱོང་གི་མན་ངག་དམིགས་པའི་ས་བཅད་བརྒྱད་དུ་མཛད་པ་ལ་བློ་སྦྱོང་ཚིགས་བརྒྱད་མར་གྲགས་པ་དེ་ཚོགས་ཆོས་སུ་མཛད། རབ་བྱུང་གཉིས་པའི་ཆུ་བྱ་ལོར་གླང་ཐང་དགོན་པ་བཏབ། རབ་བྱུང་གཉིས་པའི་ཆུ་ཡོས་ལ་འདས། |
| གླང་རུ |
བ་ལང་གི་རྭ་ཅོ། |
| གླང་རོག |
གླང་གོག་སྤུ་མདོག་ནག་པོ། |
| གླང་རྒོད |
གླང་ཆེན་མ་ཐུལ་བའམ། དུལ་མ་མིན་པ། |
| གླང་རྒྱབ |
1.གླང་གོག་གི་སྒལ་བ། 2.གླང་གིས་ཁྱེར་བའི་དོ་རྒྱབ། 3.དཀྱིལ་འཁོར་རྟ་བབས་ཀྱི་བང་རིམ་ཞིག |
| གླང་རྡུལ |
སྔར་རྒྱ་གར་གྱི་རྩིས་གཞིའི་གནས་ཤིག་སྟེ། ལུག་གི་རྡུལ་བདུན་བསྒྲིལ་བའོ། ། |
| གླང་རྩིས |
ལོ་ཐོའི་རྩིས་རྩི་སྟངས་ནང་གསེས་ཤིག |
| གླང་རྫི |
གླང་ཆེན་སྐྱོང་བ་པོ། |
| གླང་རྭ |
གླང་གོག་གི་རྭ་ཅོ། |
| གླང་ལོ |
ལོ་སྐོར་བཅུ་གཉིས་ཀྱི་གྲས་ཤིག |
| གླང་ལོ་པ |
སྐྱེས་པ་གླང་ལོ་པ་སྟེ། (དཔེར་ན།) གླང་ལོ་པའི་ཆག་སྒོ་ཡོས་ལོ་པར་ཁེལ་ཞེས་པ་ལྟ་བུ། |
| གླང་ལོ་མ |
བུད་མེད་གླང་ལོ་མ། |
| གླང་ཤིང |
གླང་མ་ཤིང༌། |
| གླང་ཤུ |
པགས་མདོག་སྐྱ་བོ་འབྲུམ་ཆུང་སྐྱ་གསོབ་ཡོད་པ་ཟ་འཕྲུག་ལྡང་བའི་པགས་ནད་ཅིག་དང༌། ཤ་རོ་གླང་གི་གཉའ་བ་ལྟར་མཐུག་ཅིང་སེར་ག་འབྱུང་བའི་མཛེ་ནད་རིགས་ནང་ནས་གཅིག་དང་གཉིས་ལ་འཇུག |
| གླང་སྐེར་བེལ་བཏགས |
ཆེ་ཆུང་ངམ། བཟང་ངན་མཉམ་སྦྲེལ་གྱི་དཔེ་སྟེ། (དཔེར་ན།) མི་ཚོའི་ལུས་སྟོབས་བཟང་ངན་གླང་སྐེར་བེལ་བཏགས་བཞིན་མཉམ་སྦྲེལ་སྒྲིག་འཛུགས་བྱས་ལྟ་བུ། |
| གླང་སྒུར |
མཆིན་ནད་ཅིག |
| གླང་ཧྲང |
(ཡུལ་སྐད།) ཕ་གླང༌། |
| གླན |
1.(བྱེད་འབྲེལ་ལས་ཚིག) གློན་གྱི་འདས་པ། དངོས་རྫས་ཀྱི་ཐོག་ལ་དངོས་རྫས་གཞན་རེག་པའམ་བཞག་པ་དང་སྦྱར་བའི་དོན་ཏེ། (དཔེར་ན།) ལྭ་བའི་ཐོག་ལ་ལྷན་པ་གླན། རྩིག་ངོས་ལ་འཇིམ་པ་གླན། རྨ་ཁར་སྨན་རས་གླན་ལྟ་བུ།2.ལན་བཏབ་པའམ་གནོད་པ་བྱས་པའི་ལན་དུ་སླར་གནོད་པ་བྱས་པའི་དོན་ཏེ། (དཔེར་ན།) ལན་གླན། དགྲ་ལ་འཁོན་ལན་གླན་ལྟ་བུ། 3.བོད་ཀྱི་རུས་ཤིག |
| གླན་གླེན |
(རྒྱན་ཚིག) སྤྱང་པོ་མིན་པ་སྟེ། (དཔེར་ན།) མི་འདི་གླན་གླེན་ཞིག་རེད་ལྟ་བུ། གླན་ནེ་གླེན་ནེའི་བསྡུས་ཚིག |
| གླན་པ |
གློན་པའི་འདས་པ་དང་མ་འོངས་པ་ད་ལྟ་བ། |
| གླམ |
སྣམ་བུ་མཐུག་པོའི་མིང་། |
| གླམ་གྱིས་ཁྱེར |
(བརྡ་རྙིང་།) ཧམ་སྤུ་རྒྱག་པ། |
| གླམ་པ |
(བརྡ་རྙིང་།) སྣམ་བུ་མཐུག་པོ། |
| གླལ |
(བྱེད་མེད་ལས་ཚིག) གླལ་སྒྱིང་བྱེད་པའི་དོན་ཏེ། (དཔེར་ན།) མི་རྒན་གླལ་བའི་སྒྲ། གཉིད་བབས་ནས་གླལ་སྒྱིང་བྱེད་ལྟ་བུ། |
| གླལ་བ |
གླལ་བའི་བྱ་མིང་། |
| གླས |
(བྱེད་འབྲེལ་ལས་ཚིག) གླ་བའི་འདས་པ་དང་སྐུལ་ཚིག (དཔེར་ན།) ཤིང་བཟོ་གླས་ནས་ཤིང་སྒམ་བཟོས། མགར་པ་གླས་ནས་ལྕགས་བརྡུང་ཞེས་པ་ལྟ་བུ། |
| གླས་དམག |
གླ་པ་བསྒྲིགས་པའི་དམག་སྡེ། |
| གླས་པ |
1.གླ་བའི་འདས་པའི་བྱ་མིང། 2.(བརྡ་རྙིང་།) སྡོད་ས་སྤོས་པ། |
| གླས་མི |
གླ་མི། |
| གླས་འཐུང |
(མངོན་བརྗོད།) རུས་སྦལ། |
| གླས་འཚོ་བ |
ལས་ཀའི་གླ་ཆར་བརྟེན་ནས་འཚོ་ཐབས་བྱེད་པ། |
| གླིང |
1.གཙང་པོའམ་རྒྱ་མཚོའི་ཆུས་མཐའ་ནས་བསྐོར་བའི་སྐམ་ས་ཆེ་ཆུང༌སྣ་ཚོགས་ཏེ། (དཔེར་ན།) འཛམ་བུ་གླིང༌། མཚོ་དབུས་གླིང༌། གསེར་གླིང༌། རིན་ཆེན་གླིང༌། གླིང་ཆེན་ལྔ་ལྟ་བུ། 2.དུམ་བུ་དང༌། ཆ་ཤས་ཀྱི་དོན་ཏེ། (དཔེར་ན།) ཟོག་ཤ་བཞི་གླིང་གཅིག ལུག་ཤ་བཞི་གླིང་གསུམ་ཞེས་པ་ལྟ་བུ། 3.དགོན་སྡེ་ཆེ་ཁག་ལ་བཏགས་པའི་མིང༌སྟེ། (དཔེར་ན།) ཐེག་ཆེན་གླིང༌། བྱམས་པ་གླིང༌། རིན་ཆེན་སྤུངས་པའི་གླིང༌ཞེས་པ་ལྟ་བུ། 4.(མངོན་བརྗོད།) རི་རབ་ཀྱི་ཁོར་ཡུག་ཏུ་ཟླ་བ་དང༌། འོད་དཀར། ཀུ་ཤ། མིའམ་ཅི། ཁྲུང་ཁྲུང༌། དྲག་པོའི་གླིང༌། འཛམ་གླིང་ཆེན་པོ་བཅས་གླིང་བདུན་ཡོད་པས་གྲངས་བདུན་མཚོན། |
| གླིང་ཀ |
སྤྲོ་འཆམ་བྱེད་སའི་ཡུལ་ལམ་སྐྱེད་ཚལ་ལྡུམ་ར་སོགས་ཀྱི་མིང་། |
| གླིང་ཁ |
གླིང་ག་དང་འདྲ། |
| གླིང་ག |
ལྕགས་རིའམ་རྭ་བས་བསྐོར་བའི་སྐྱེད་ཚལ་ཁང་པ་དང་བཅས་པ་སྟེ། (དཔེར་ན།) གཅན་གཟན་གླིང་ག། ནོར་བུ་གླིང་ག། ཁམ་བུ་གླིང་ག། མི་དམངས་གླིང་ག་ཞེས་པ་ལྟ་བུ། |
| གླིང་གཡོག |
གླིང་ལག་དང་དོན་གཅིག |
| གླིང་གེ་སར |
གེ་སར་སྒྲུང་ནས་བྱུང་བའི་དམག་གི་རྒྱལ་པོ། |
| གླིང་ཆེན |
རྒྱ་མཚོས་བསྐོར་བའི་སྐམ་ས་ཆེན་པོ། |
| གླིང་ཆེན་འཇིག་རྟེན་ཤིང་རྟ་མ |
(མངོན་བརྗོད།) འབབ་ཆུ། |
| གླིང་དྲུག |
གླིང་དྲུག་ལོངས་སྤྱོད་ཀྱི་ས་དང་དོན་གཅིག |
| གླིང་དྲུག་ལོངས་སྤྱོད་ཀྱི་ས |
བསིལ་རིའི་ནང་གི་རི་མཚོ་གླིང་གསུམ་ལ་ཉི་ཟླའི་འོད་ཟེར་མི་འཕོག་ཀྱང༌། མི་རྣམས་རང་འོད་ཀྱིས་འཚོ་བ་སོགས་ལྷ་དང་ལོངས་སྤྱོད་མཉམ་པས་ན། གླིང་དྲུག་ལོངས་སྤྱོད་ཀྱི་ས་སྟེ་ཟླ་བ་དང༌། འོད་དཀར། ཀུ་ཤ། མིའམ་ཅི། ཁྲུང་ཁྲུང༌། དྲག་པོའི་གླིང་བཅས་སོ། ། |
| གླིང་ཕྲན |
རྒྱ་མཚོ་ཆེན་པོའི་དཀྱིལ་དུ་ཆགས་པའི་སྐམ་ས། |
| གླིང་ཕྲན་བརྒྱད |
རི་རབ་ཀྱི་མཚམས་བཞིར་ཆགས་པའི་ལུས་དང་ལུས་འཕགས། རྔ་ཡབ་དང་རྔ་ཡབ་གཞན། གཡོ་ལྡན་དང་ལམ་མཆོག་འགྲོ། སྒྲ་མི་སྙན་དང་སྒྲ་མི་སྙན་གྱི་ཟླ་སྟེ་བརྒྱད། |
| གླིང་ཕྲེང |
བསྟར་ཕྲེང་དུ་ཆགས་པའི་གླིང་ཚོམ། |
| གླིང་བདུན |
དུས་འཁོར་ནས་བཤད་པའི་རི་རབ་ཀྱི་ཁོར་ཡུག་ཏུ་འཁོད་པའི་གླིང་བདུན་ཏེ། ཟླ་བ་དང༌། འོད་དཀར། ཀུ་ཤ། མིའམ་ཅི། ཁྲུང་ཁྲུང༌། དྲག་པོའི་གླིང༌། འཛམ་གླིང་ཆེན་པོ་བཅས་སོ། ། |
| གླིང་བཞི |
རི་རབ་ཀྱི་ཕྱོགས་བཞི་རྒྱ་མཚོར་ཆགས་པའི་གླིང་ཆེན་བཞི་ཤར་ལུས་འཕགས་པོ་དང༌། ལྷོ་འཛམ་བུ་གླིང༌། ནུབ་བ་ལང་སྤྱོད། བྱང་སྒྲ་མི་སྙན་བཅས་སོ། ། |
| གླིང་བསྲེ |
སྔོན་གསང་ཕུ་ནེའུ་ཐོག་གི་དགོན་པར་གླིང་སྟོད་སྨད་གཉིས་བཟང་འགྲན་གྱི་ཚུལ་དུ་ཕན་ཚུན་བསྲེས་ནས་ཆོས་ཀྱི་རྩོད་པ་མཛད་པ་ལ་གླིང་བསྲེ་ཞེས་གྲགས་པ། ཕྱིས་སུ་འབྲས་སྤུངས་སོགས་གྲྭ་ས་གཞན་དུའང་དེའི་སྲོལ་དར། |
| གླིང་བསྲེའི་དགེ་བཤེས |
གདན་ས་འགའ་རེའི་ཚོགས་ཆེན་དུ་གླིང་ཡོངས་ཀྱི་དགེ་འདུན་བསྲེས་ཏེ་བཟའ་བཏུང་གི་ཆོས་སྟོན་བཟང་པོ་གཤོམ་བཞིན་དུ་མཚན་ཉིད་དམ་བཅའ་འཇོག་པའི་དགེ་བཤེས། |
| གླིང་བུ |
སྦུབས་མ་ཅན་གྱི་རོལ་ཆ་སྤྱི་འཕྲེད་གླིང༌། རྒྱ་གླིང༌། རྐང་གླིང༌། དུང་རྒྱ་གླིང་འབུད་ཅེས་པ་ལྟ་བུ། |
| གླིང་བུ་ཤིང |
(མངོན་བརྗོད།) སྨྱུག་མ། |
| གླིང་མ |
ཆུ་དཀྱིལ་གྱི་སྐམ་ས། |
| གླིང་མདའ |
དགོན་པའམ་གླིང་གའི་གཤམ། |
| གླིང་མེ |
འདས་མཆོད་སྐབས་མཚན་མོར་ཐོག་ཁར་སྦར་བའི་མཆོད་མེ། |
| གླིང་ཚོམ |
རྒྱ་མཚོའི་ནང་ལ་ཕན་ཚུན་ཐག་ཉེ་བར་གནས་པའི་གླིང་ཕྲན་ཁག་གཅིག |
| གླིང་འཛིན |
(མངོན་བརྗོད།) ས་གཞི། |
| གླིང་རས་པདྨ་རྡོ་རྗེ |
རབ་བྱུང་གཉིས་པའི་ས་ཕོ་སྤྲེལ་གྱི་ལོར་གཙང་མྱང་སྟོད་དུ་འཁྲུངས། རང་ལོ་སོ་བརྒྱད་པར་ཕག་མོ་གྲུབ་པའི་སློབ་མར་གྱུར། རབ་བྱུང་གསུམ་པའི་ས་སྤྲེལ་ལོ་སྣ་ཕུ་དགོན་པར་གཤེགས། དེའི་བརྒྱུད་འཛིན་གྱི་གཙོ་བོ་གཙང་པ་རྒྱ་རས་ཀྱིས་སྐྱིད་སྨད་གནམ་གྱི་ཕུར་འབྲུག་དགོན་པ་བཏབ་པས་འབྲུག་པ་བཀའ་བརྒྱུད་ཅེས་པའི་གྲུབ་མཐའི་མིང་ཆགས། |
| གླིང་ལག |
1.གླིང་ཁའི་ལེ་ལག་ཆུང་ངུ། 2.དགོན་པའི་འདུ་ཁང་གི་ཉེ་འདབས་སུ་ཡོད་པའི་ལྷ་ཁང་དང༌། དགོན་པ་ཆེན་པོའི་ཉེ་འདབས་སུ་ཡོད་པའི་རི་ཁྲོད་ལྟ་བུ། 3.རྒྱུག་ཆུ་ཁ་གྲམས་པའི་བར་གྱི་སྐམ་ས་དང༌། གླིང་ཆེན་གྱི་ཉེ་འགྲམ་དུ་ཡོད་པའི་གླིང་ཆུང༌། |
| གླིང་ལོག |
ནང་འཁྲུག་གི་མིང་། |
| གླིངས་པ |
(བརྡ་རྙིང་།) ཕྱིང་བའི་སྟན། |
| གླིངས་སྟན |
(བརྡ་རྙིང་།) ཕྱིང་བའི་གདན། |
| གླུ |
དབྱངས་སུ་གྱེར་ཆོག་པའི་ཚིག་སྦྱོར་རམ་ཚིག་སྦྱོར་རིགས་དབྱངས་སུ་གྱེར་བའི་དབྱངས་སོགས་རིག་རྩལ་གྱི་རྣམ་པ་ཞིག་སྟེ། (དཔེར་ན།) གླུ་ལེན་གར་རྩེད། དམངས་གླུ། བོད་གླུ། བདེ་སྐྱིད་ཀྱི་འཚོ་བ་ལ་བསྟོད་གླུ་ལེན་ལྟ་བུ། |
| གླུ་གཞས |
གླུ་དང༌གཞས་ཏེ། (དཔེར་ན།) གླུ་གཞས་མཉམ་གཏོང༌ལྟ་བུ། |
| གླུ་གཞས་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་དམངས་ཀྱི་ཁྱིམ་དུ་གླུ་གཞས་བཏང་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| གླུ་གར |
གཞས་དང་ཞབས་བྲོ། གླུ་གར་འབུད་དཀྲོལ་སོགས་ཏེ། (དཔེར་ན།) ས་གཞི་གླུ་གར་རོལ་མོའི་རྩེད་འཇོས་བཀང༌ཞེས་པ་ལྟ་བུ། |
| གླུ་གསང་མཐོན་པོ |
སྐད་གསང་མཐོན་པོས་གཏོང་བའི་གླུ། |
| གླུ་ཆུང |
སྐད་གདངས་དམའ་པོས་གཏོང་བའི་གླུ་དབྱངས། |
| གླུ་དབྱངས |
རྟ་དབྱངས་ངེས་ཅན་ལ་བརྟེན་ནས་གཏོང་བའི་སྙན་ཚིག་རོལ་མོ་དང་བཅས་པ། (དཔེར་ན།) གླུ་དབྱངས་སྙན་པ། དགའ་བའི་མེས་རྒྱལ་ལ་གླུ་དབྱངས་འབུལ་བ། བཀྲ་ཤིས་བདེ་ལེགས་ཀྱི་གླུ་དབྱངས་འབུལ་བ་ལྟ་བུ། མིང་གི་རྣམ་གྲངས་ལ་ཁས་བརྗོད་དང༌། གླུ། མགྲིན་སྐྱེས་བཅས་སོ། ། |
| གླུ་དབྱངས་ཀྱི་ངེས་པ |
དབྱངས་མཐོ་དམའ་སོགས་ཀྱི་རིམ་པ། |
| གླུ་དབྱངས་ཀྱི་ངེས་པ་བདུན |
སྒྱུ་རྩལ་དྲུག་ཅུ་རེ་བཞིའི་ནང་གསེས་རིགས་ཤིག་དྲུག་སྐྱེས་དང༌། དྲང་སྲོང༌། ས་འཛིན། བར་མ། ལྔ་ལྡན། བློ་གསལ། འཁོར་ཉན་དང་བདུན། དྲུག་སྐྱེས་རྨ་བྱའི་སྐད་ལྟར་སྒྲོག་དྲང་སྲོང་བ་ལང་སྐད་ཀྱིས་རྩོམ། ས་འཛིན་སྐྱེས་ནི་ར་ཡི་སྐད། བར་མ་ཁྲུང་ཁྲུང་སྒྲ་སྒྲོག་བཞིན། ལྔ་ལྡན་མེ་ཏོག་ལྡན་དུས་སུ། ཁུ་བྱུག་སྐད་སྙན་སྒྲོག་ལྟ་བུ། བློ་གསལ་རྟ་སྐད་ལྟ་བུར་འཚེར། འཁོར་ཉན་གླང་པོའི་སྒྲ་ལྟ་བུའོ། རྩེད་མོ་རློམ་པར་བླང་བ་ནི། བར་མ་དང་ནི་ལྔ་ལྡན་དབྱངས། དཔའ་བོ་དྲག་པོ་ངོ་མཚར་དུ། དྲུག་སྐྱེས་དྲང་སྲོང་དེ་བཞིན་ནོ། ས་འཛིན་པ་དང་འཁོར་ཉན་དབྱངས། སྙིང་རྗེའི་རོ་ལ་བླང་བར་བྱ། འཐབ་མོ་འཇིགས་དང་བཅས་པ་ལ། བློ་གསལ་དབྱངས་ནི་བླང་བའོ། ། |
| གླུ་དབྱངས་ཟླ་བ |
(མངོན་བརྗོད།) ཧོར་ཟླ་བཅུ་པ། |
| གླུ་དབྱངས་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་བཅུ་པ་བའི་རྒྱུད་ཀྱི་ཡེ་ཤེས་ཀྱི་ཕར་ཕྱིན་དང་ལྡན་པའི་སེམས་བསྐྱེད་ནི་གདུལ་བྱ་ཡིད་འདུན་པར་བྱེད་པའི་ཆོས་སྟོན་པས་ན་དྲི་ཟའི་གླུ་དབྱངས་ལྟ་བུའོ། ། |
| གླུ་པ |
གླུ་དབྱངས་གཏོང་མཁན། |
| གླུ་མ |
1.གླུ་དབྱངས་གཏོང་མཁན་གྱི་བུད་མེད། 2.སྙན་ཞིང་འཇེབས་པའི་གླུ་དབྱངས་ཀྱིས་ལྷ་ཚོགས་མཆོད་པའི་ལྷ་མོའི་མིང༌། |
| གླུ་མ་དབྱངས |
ཉམས་མགུར་རམ་མགུར་མ་སྟེ། (དཔེར་ན།) ཡིད་སྐྱོ་བའི་གླུ་མ་དབྱངས་ཞེས་པ་ལྟ་བུ། |
| གླུ་ཚིག |
གླུ་ལེན་པའི་ཚིག་སྟེ། དབྱངས་སུ་གྱེར་ཆོག་པའི་ཚིག་སྦྱོར། |
| གླུ་ལེན་བྲོ་འཁྲབ |
གླུ་གར་མཉམ་དུ་བྱེད་པའིི་དོན་ཏེ། (དཔེར་ན།) དགའ་སྤྲོའི་ངང་ནས་གླུ་ལེན་བྲོ་འཁྲབ་བྱེད་ཅེས་པ་ལྟ་བུ། |
| གླུ་ལེན་མ |
(མངོན་བརྗོད།) ཤིང་སེང་ལྡེང༌། |
| གླུ་ལྕེ་བ |
(མངོན་བརྗོད།) ལྡོང་རོས། |
| གླུ་ཤགས |
ཕན་ཚུན་ཤགས་རྒྱག་པའི་སྒོ་ནས་སྤྱི་ཚོགས་ཀྱི་ངན་མཚང་འབྱིན་པ་དང་། རོལ་རྩེད་ཀྱི་ནུས་པ་ཤིན་ཏུ་ཆེ་བའི་དམངས་གླུ་རིགས་ཤིག |
| གླུ་སྒྲ |
གླུ་བླངས་པའི་སྒྲ་སྐད། |
| གླུད |
ལུས་ཚབ་ཀྱི་དོན་ཏེ། (དཔེར་ན།) གཟུགས་ཀྱི་གླུད། རྟ་གླུད། ཕྱུགས་གླུད། སྲོག་གི་གླུད། མི་གླུད། འདྲེ་ཤར་སྒོར་བཞག་ནས་གླུད་ནུབ་སྒོར་གཏོང་བ། སྔར་ལུང་པ་དེར་ནད་པའི་དོན་དུ་འདྲེ་ལ་གླུད་གཏོང་བའི་སྲོལ་འདུག་ཅེས་པ་ལྟ་བུ། |
| གླུད་གཏོར |
ནད་པ་སོགས་ཀྱི་དོན་དུ་འདྲེ་གདོན་ལ་གཏོང་བའི་གཏོར་མ། |
| གླུད་ཆས |
གླུད་གཏོང་སྐབས་སྤྲོད་པའི་རྫོངས་སྐལ་དངོས་ཆས། |
| གླུད་འགོང |
ལྷ་སའི་ཚོགས་མཆོད་གཏོར་རྒྱག་སྐབས་རྫོང་བའི་གླུད་འགོང༌། |
| གླུད་ཡས |
གླུད་དང་རྫོངས་ཆས། |
| གླུད་རྫས |
གཏོར་གླུད་དང་མཉམ་དུ་གཏོང་བའི་རྫས་སྣ་ཚོགས། |
| གླུམ |
བཙོས་ནས་ཆང་རྩི་བཏབ་པའི་འབྲུ་རིགས་ཀྱི་མིང་སྟེ། ཡོངས་གྲགས་ལ་སྦང་མ་ཟེར། (དཔེར་ན།) ཆང་གླུམ། སྦང་གླུམ་ཞེས་པ་ལྟ་བུ། |
| གླེ |
ཆུ་གཉིས་བར་གྱི་གྲམ་ཐང༌། |
| གླེ |
གླིང་ཆུང་ཆུང་གི་མིང་དུ་དག་ཡིག་ལ་ལར་བཤད་འདུག |
| གླེ་གདམས་པ |
སླེ་འདམས་པ་དང་འདྲ། |
| གླེ་བར |
གླིང་ཕྲན། |
| གླེ་བོ |
སླེ་བོ་ཡི་འབྲི་ཚུལ་གཞན། |
| གླེ་འདམ་ཅན |
སླེ་འདམ་ཅན་དང་འདྲ། |
| གླེ་འདམས |
ལུས་ཀྱི་སྐྱེ་ལུགས་ལ་སྐྱོན་ཡོད་པའི་ཟ་མ་མ་ནིང་གི་རིགས་ཤིག་གི་མིང་། |
| གླེགས |
གླེགས་བུ་ཡི་ཚིག་བསྡུས་པ། |
| གླེགས་ཆབ |
ཆོས་ཐག་གི་སྣེ་མོར་སྦྱར་བའི་ཆབ་ཙེའམ་ཆབ་མགོ། |
| གླེགས་ཐག |
གླེགས་བམ་འཆིང་བྱེད་ཀྱི་ཐག་པ། |
| གླེགས་བམ |
ཡི་གེ་བྲིས་པའི་གླེགས་བུ་མང་པོ་ཕྱོགས་གཅིག་ཏུ་བསྡུས་པ་སྟེ། དཔེ་ཆའི་མིང་། |
| གླེགས་བུ |
1.ཆོས་གོས་ཀྱི་གླིང་གྲུ་བཞིར་བཅད་པའི་གྲྭ། 2.གླེགས་བམ་སོགས་ཀྱི་མིང་དང༌། ཨང་གྲངས་རྣམས་རགས་ཙམ་བཀོད་ནས་མཐོང་གསལ་སར་བཏགས་པའི་ཛར་བུ། 3.ཡིག་ཆའི་དོན་ཏེ། (དཔེར་ན།) བཀའི་གླེགས་བུ་ལྟ་བུ། 4.དཀྱུས་རིང་ལ་ཞེང་དོག་པའི་དངོས་རྫས་ལེབ་མོའི་མིང་སྟེ། (དཔེར་ན།) ཤིང་གི་གླེགས་བུ། ཟངས་ཀྱི་གླེགས་བུ། གོས་ཀྱི་གླེགས་བུ་ཞེས་པ་ལྟ་བུ། ཚིག་བསྡུས་ན་གླེགས་ཞེས་འབྲི་ཆོག་སྟེ། (དཔེར་ན།) སྒོའི་ཆ་ཤས་ལེབ་མོ་གཡོ་འགུལ་བྱེད་ཐུབ་པ་དེའི་མིང་ལ་སྒོ་གླེགས་ཟེར་བ་ལྟ་བུ། |
| གླེགས་མ |
ཟངས་ལྕགས་ཤིང་སོགས་ལས་བཟོས་པའི་ལེབ་མོ་པང་ལེབ་ལྟ་བུ། |
| གླེགས་ཤིང |
དཔེ་ཆ་ལ་རུལ་སྐྱོན་དང་ནོག་སྐྱོན་མི་འབྱུང་ཆེད་ཕྱོགས་གཉིད་སྡོམ་བྱེད་ཀྱི་ཤིང་གི་མིང་། པོ་ཏི་རེ་ལ་གླེགས་ཤིང་གཉིས་དགོས། |
| གླེང |
(བྱེད་འབྲེལ་ལས་ཚིག) གླེངས་པའི་མ་འོངས་པ་དང་ད་ལྟ་བ། བཤད་པའི་དོན་ཏེ། (དཔེར་ན།) དྲང་བདེན་གྱི་བྱ་སྤྱོད་རྒྱུན་དུ་གླེང་དགོས། གཅིག་གླེང་གཉིས་གླེང་བྱས་ན་ཀུན་གྱིས་ཤེས། མེས་པོ་གོང་མའི་མཛད་རྗེས་ཀུན་གྱིས་གླེང་གིན་ཡོད་ལྟ་བུ། |
| གླེང་གཞི |
1.གྲོས་མོལ་གྱི་དོན་གཙོ་བོའམ་སྐད་ཆའི་གཞི་སྟེ། (དཔེར་ན།) སྒྲུང་གི་གླེང་གཞི། ཚུལ་ཁྲིམས་བཅས་པའི་གླེང་གཞི་ཞེས་པ་ལྟ་བུ། 2.རྩོད་གླེང་ཡོང་རྐྱེན་ཏེ། (དཔེར་ན།) ཁ་མཆུའི་གླེང་གཞི་དྲང་ལྟ་བུ། 3.བསྟན་བཅོས་ཀྱི་དངོས་གཞིའི་སྔོན་དུ་བརྗོད་པའི་དོན་རྣམས། 4.ས་བཅད་དང༌། དཀར་ཆག་བཅས་ཀྱི་དོན་ལའང་འཇུག |
| གླེང་གཞིའི་སྡེ |
གསུང་རབ་ཡན་ལག་བཅུ་གཉིས་ཀྱི་དྲུག་པ་གང་ཟག་འགའ་ཞིག་གི་ཆེད་དུ་གསུངས་པ་སྟེ། (དཔེར་ན།) རྫ་མཁན་གྱི་བུ་ནོར་ཅན་ལ་བརྟེན་ནས་མ་བྱིན་ལེན་གྱི་བཅས་པ་མཛད་པའི་མདོ་ལྟ་བུ་འདུལ་བའི་སྡེ་སྣོད་དུ་གཏོགས་པ་ཞིག་གོ། ། |
| གླེང་པོ |
གཏམ་བཤད་མཁན། |
| གླེང་བ |
(བྱེད་འབྲེལ་ལས་ཚིག) གླེངས་པའི་ད་ལྟ་བའི་བྱ་མིང་། |
| གླེང་བརྗོད |
1.སྨྲ་བརྗོད། 2.ཀླན་ཀ་དང༌། ཁ་མཆུའམ། ཁ་སྨྲས་གླེང་རྩོད་བཅས་ཀྱི་དོན་ལའང་འཇུག་སྟེ། (དཔེར་ན།) དོན་མེད་གླེང་བརྗོད་འཚོལ་བ་ཞེས་པ་ལྟ་བུ། |
| གླེང་མེད |
བཤད་མ་དགོས་པའམ་རྩོད་གླེང་མ་དགོས་པ་སྟེ། (དཔེར་ན།) དོན་གནད་འདིའི་སྐོར་གླེང་མེད་འཐུས་ཚང་ཐག་ཆོད་དགོས་རྒྱུ། དེ་དག་ཚང་མ་རང་རྒྱལ་མངའ་ཁོངས་ས་ཆ་གླེང་མེད་རེད་ཅེས་པ་ལྟ་བུ། |
| གླེང་མོ |
སྐད་ཆའི་དོན་ཏེ། (དཔེར་ན།) ཁོ་ཚོས་སྒེར་གྱི་དོན་དུ་གླེང་མོ་བྱས་ལྟ་བུ། |
| གླེང་མོལ |
སྐད་ཆ་ཕར་བཤད་ཚུར་བཤད་ཀྱི་དོན་ཏེ། (དཔེར་ན།) གཏམ་བཟང་མང་པོ་གླེང་མོལ་བྱེད་ཀྱིན་འདུག་ཅེས་པ་ལྟ་བུ། |
| གླེང་འབུམ |
འདུལ་བའི་གླེང་གཞིའི་དཔེ་ཆའོ། ། |
| གླེང་རྩོད |
ཁ་མཆུ། |
| གླེང་སེལ |
རྩོད་གླེང་སེལ་བྱེད་ཙམ་གྱི་དོན་ཏེ། (དཔེར་ན།) ཉེས་ཆད་གླེང་སེལ་ཙམ་ཞིག་གཏོང་བ། གླེང་སེལ་ཉེས་པ། སྐད་ཆ་གླེང་སེལ་ཙམ་བཤད་པ། ལག་རྟགས་གླེང་སེལ་ཞིག་ཕུལ་ཞེས་པ་ལྟ་བུ། |
| གླེང་སློང |
གྲོས་བསྡུར་གྱི་གཏམ་མམ་མགོ་རྩོམ་པའི་གཏམ་གྱི་དོན་ཏེ། (དཔེར་ན།) གླེང་སློང་མང་པོ་བྱས། འཚོ་བའི་སྐོར་གྱི་གླེང་སློང་ཞིབ་གསལ་བྱེད་ཅེས་པ་ལྟ་བུ། |
| གླེང་སློང་བ |
གཏམ་གྱི་འགོ་སློང་བའམ་སྐད་ཆའི་རྐྱེན་སློང་བ། |
| གླེངས |
གླེང་བའི་འདས་པ་དང་སྐུལ་ཚིག་སྟེ། (དཔེར་ན།) སྔོན་གྱི་སྡུག་བསྔལ་གླེངས་ནས་ད་ལྟའི་བདེ་སྐྱིད་ཤེས། སྔོན་གྱི་སྡུག་བསྔལ་རྣམས་གླེངས་ཤིག་ལྟ་བུ། |
| གླེངས་པ |
གླེང་བའི་འདས་པའི་བྱ་མིང་། |
| གླེན་གོག |
(རྒྱན་ཚིག) བླུན་པོའམ། གང་ཡང་མི་ཤེས་པའི་དོན་ཏེ། (དཔེར་ན།) དུད་འགྲོ་ལས་ཀྱང་གླེན་གོག་ཆེ་ཞེས་པ་ལྟ་བུ། |
| གླེན་པ |
(རྒྱན་ཚིག) ཤེས་རྨོངས་ཀྱི་དོན་ཏེ། (དཔེར་ན།) བོང་བུ་ལྟ་བུའི་གླེན་པ་ཞེས་པ་ལྟ་བུ། མིང་གི་རྣམ་གྲངས་ལ་གླན་གླེན་དང༌། ལྟོ་འགོངས། ཐ་ཤལ། བླུན་པོ། མི་གསལ་བ། ལེ་ལོ་བ་བཅས་སོ། ། |
| གླེན་པ་གཏི་མུག་ཅན |
(རྒྱན་ཚིག) བླུན་པོ། |
| གླེན་པ་ཨུ་ཚུགས |
གཞན་གྱིས་བཤད་པ་ལ་མི་ཉན་པར་རང་འདོད་ཀྱི་སྐད་ཆ་དང་ལས་ཀ་མཐར་སྐྱེལ་བྱེད་ཚུལ། |
| གླེན་པོ |
བླུན་པོའམ་རྨོངས་པ་སྟེ། (དཔེར་ན།) མི་གླེན་པོ་ཞེས་པ་ལྟ་བུ། |
| གླེན་མ |
(རྒྱན་ཚིག) བུད་མེད་བླུན་མོ། |
| གླེན་རྟགས |
མི་ཤེས་པའི་རྟགས་མཚན་ཏེ། (དཔེར་ན།) བྱ་དཀའ་བྱེད་གཏད་ཀྱིས་གླེན་རྟགས་མ་སྟོན་ཞེས་པ་ལྟ་བུ། |
| གླེན་ལྐུགས |
བློ་རྨོངས་པ་དང་ངག་ལྐུགས་པའི་བསྡུས་མིང༌། |
| གླེབ |
(བྱེད་འབྲེལ་ལས་ཚིག) གླེབས་ཀྱི་མ་འོངས་པ་དང་ད་ལྟ་། མནན་ནས་ལེབ་མོར་བྱས་པའི་དོན་ཏེ། (དཔེར་ན།) གླེབ་བྱའི་འཇིམ་པ། འཇིམ་པ་གླེབ་དགོས་ཞེས་པ་ལྟ་བུ། |
| གླེབ་པ |
གླེབས་པའི་ད་ལྟ་བའི་བྱ་མིང་། |
| གླེབས |
གླེབ་པའི་འདས་པ་དང་སྐུལ་ཚིག་སྟེ། (དཔེར་ན།) ལྕགས་གོང་གླེབས་ནས་ལྕགས་ལེབ་བཟོས། འཇིམ་པ་གླེབས་ཤིག་ལྟ་བུ། |
| གླེབས་པ |
གླེབ་པའི་འདས་པའི་བྱ་མིང་། |
| གླེབས་རིལ |
རྟའི་རྔ་རྔོག་སོགས་ཀྱིས་བཟོས་པའི་དབྱར་ཁ་ལྕི་བ་རློན་པ་ལེབ་མོ་བཟོ་བྱེད། |
| གླེའུ |
རི་དྭགས་གླ་བའི་ཕྲུ་གུ། |
| གློ |
1.རྩིབ་ལོགས་སམ་གཞོགས་ཀྱི་མིང་སྟེ། (དཔེར་ན།) གློ་གཡས། གློ་འབུར། གློ་ཁུག ཁང་བའི་གློ་སྒོ། གློ་གྲི་ཞེས་པ་ལྟ་བུ།2.སྒའི་གློ་ཐག་གི་མིང་སྟེ། (དཔེར་ན།) རྟ་ལ་སྒ་བརྒྱབ་ནས་གློ་འཐེན་ལྟ་བུ།3.གློ་བ་ཡི་ཚིག་བསྡུས་པ། |
| གློ་ཁ |
དམར་ལ་དཀར་ཞད་ཆེ་བའི་མདོག་གི་མིང་། |
| གློ་ཁུག |
གཞོགས་ལ་འདོགས་རྒྱུའི་ཁུག་མ། |
| གློ་གཅོང |
གློ་ནད་བརྒྱད་ཀྱི་ནང་ཚན་གློ་རྒྱུན་དུ་ལུ་བ་དང༌། ལུས་ཀྱི་ཤ་སྐེམ་ལ་ཤེད་ཆུང་བ། མགྲིན་པ་ནས་སོར་སྒྲ་འབྱུང་བ། ལུས་རྔུལ་ཞིང་འགུལ་སྐྱོད་དཀའ་བར་གྱུར་པ་བཅས་སོ། ། |
| གློ་གསང |
རྒྱབ་ཀྱི་སྒལ་ཚིགས་བཞི་པ་དང་ལྔ་པ་གློ་མ་དང་གློ་བུ་འབྲེལ་བའི་མེ་བཙའི་གསང་དེར་མེ་བཙའ་བཞག་ན་གློ་བར་རླུང་དང་བད་ཀན་ཞུགས་པ་སོགས་ལ་ཕན། |
| གློ་གསང་བར་པ |
ལུས་ཀྱི་གསང་གནད་ཅིག |
| གློ་གསང་འོག་མ |
ལུས་ཀྱི་གསང་གནད་ཅིག |
| གློ་གསུད |
གློ་རྒྱུན་མི་འཆད་པར་རྒྱག་སྟངས་ཤིག་སྟེ། (དཔེར་ན།) ཕྲུ་གུ་ཆུང་ངུ་དེ་གློ་གསུད་རྒྱུན་མི་འཆད་པར་རྒྱག་ཅེས་པ་ལྟ་བུ། |
| གློ་གྲི |
གློར་འདོགས་པའི་གྲི་ཆུང་ཤུབས་ལྡན། |
| གློ་ཆམ |
ཆམ་པ་གློ་བར་བབ་པ་ཞིག་སྟེ། ནད་རྟགས་སུ་གློ་རྒྱག་ཅིང་ལུད་པ་མང་པོ་འབྱུང་བ་དང༌། དབུགས་ཧལ་བ། བྲང་དང་སྟོད་རྒྱབ་གཟེར་བ་སོགས་འབྱུང་བ་ཞིག |
| གློ་ཆུང |
ཕྱི་གློའམ་རྒྱུ་གློ། |
| གློ་ཐག |
སྒའི་གློ་ཐག་པ། |
| གློ་དཀར |
རྩིག་ལྡེབས་གཡས་གཡོན་གྱི་སྒེ་ཁུང༌། |
| གློ་དཀར་ཅན |
གཞང་འབྲུམ་གཅོད་བྱེད་ཀྱི་ཡོ་བྱེད་ལྡེབས་སམ་ལོགས་སུ་བུག་པ་ཡོད་པ་ཞིག |
| གློ་དཀར་ཅན་ཕོ |
ཕོའི་གཞང་འབྲུམ་གང་ན་ཡོད་ཤེས་ནས་འབྲུམ་པ་གཅོད་བྱེད་ཀྱི་ཡོ་བྱད་ཅིག |
| གློ་དཀར་ཅན་མོ |
མོའི་གཞང་འབྲུམ་གང་ན་ཡོད་ཤེས་ནས་འབྲུམ་པ་གཅོད་བྱེད་ཀྱི་ཡོད་བྱད་ཅིག |
| གློ་ནད |
མི་ཕྱུགས་ཀྱི་གློ་བར་བྱུང་བའི་ནད་ཅིག་སྟེ། ནོར་ཕྱུགས་ལ་གློ་ནད་ཐོག་མར་ཕོག་སྐབས་ཉལ་དུས་ལུས་སྟོད་མཐོན་པོར་བྱས་ཏེ་ཉལ་བ་དང༌། ནང་དུ་གློ་བ་རྣག་གིས་བཟས་ཏེ་འཆི་བའི་ཕྱུགས་ཀྱི་འགོས་ནད་ཆེ་གྲས་ཤིག |
| གློ་ནད་ཐེང་པོ |
གློ་ནད་རིགས་བརྒྱད་ཀྱི་ནང་ཚན་རླུང་དང་འདོམས་པའི་གློ་ནད་དེ། ནད་རྟགས་གློ་འགོག་དཀའ་ཞིང་དགོང་དང་ཐོ་རེངས་ཀྱི་དུས་སུ་ཝུ་སོབ་ཅན་ལུ་བ་ཞིག |
| གློ་ནད་ཐེས་པོ |
གློ་ནད་བརྒྱད་ཀྱི་ནང་ཚན་ལུས་སྟོད་ལྕི་ཞིང་ཁེངས་ལ་དབུགས་འཚང་བ་དང༌། ལུད་པ་སྔོ་ལྗང་དུ་ལུ་བ་ཞིག |
| གློ་ནད་བརྒྱད |
གློ་ནད་ཐེང་པོ་དང༌། གློ་བ་སྐྱ་རྦབ། གློ་ཚད། ཆུ་ཤོར། ཐེས་པོ། གློ་གཅོང༌། གློ་རྒྱས། གློ་བ་བུང་ཚང་བཅས་བརྒྱད་མཆིས་སོ། ། |
| གློ་ཕུག |
1.རྩིག་ལྡེབས་སུ་བྲུས་པའི་ཅ་ལག་འཇོག་ས། 2.རྩ་ལམ་གྱི་གློའམ་ལོགས་ངོས་ནས་གཏར་ཁ་བརྒྱབ་སྟེ་ཁྲག་འདོན་པའི་སྨན་བཅོས་བྱེད་ཐབས་ཤིག |
| གློ་ཕྲེང |
ལོང་ཕྲེང་དང་འདྲ། |
| གློ་བ |
མི་དང་མཐོ་རིམ་སྲོག་ཆགས་ཀྱི་དབུགས་འབྱིན་རྔུབ་བྱེད་པའི་དབང་པོ་ཡིན། མིའི་གློ་བ་ནི་བྲང་ཁོག་གི་ནང་ན་ཡོད་ཅིང་ཕྱི་ངོས་སུ་ཕྱི་ཤུན་འབྱར་བག་ཅན་སྲབ་ལ་སོབ་པ་ཞིག་གིས་གཡོགས་ཡོད། གློ་བ་གཡས་གཡོན་གཉིས་ཡོད་པས། གཡོན་པ་ལ་འདབ་མ་གཉིས་དང་གཡས་པར་འདབ་མ་གསུམ་ཡོད། གློ་བ་གཡས་གཡོན་གཉིས་ཀ་ཨོལ་གྲོག་གིས་སྦྲེལ་ཅིང་། སྙིང་ཁོང་ནས་ཐོན་པའི་ཁྲག་རྒྱུན་དབྱངས་གཉིས་ཐན་གྱུར་ཅན་དེ་གློ་བའི་འཕར་རྩ་བརྒྱུད་ནས་གློ་བའི་ཆུ་བུར་དུ་སོང་རྗེས། དེའི་ནང་ནས་རླུང་ཁམས་བརྗེ་རེས་བྱས་ཏེ། ཁྲག་རྒྱུན་རྣམས་དབྱངས་དབུགས་ལྡན་པའི་ཁྲག་རྒྱུན་དུ་གྱུར་ནས་གློ་བའི་སྡོད་རྩ་བརྒྱུད་ནས་སླར་སྙིང་ཁོང་ལ་རྒྱུ་བ་རེད། ཚིག་བསྡུས་ན་གློ་ཞེས་འབྲི་ཆོག་སྟེ། (དཔེར་ན།) གློ་བའི་སྨན་ལ་གློ་སྨན་ཟེར་བ་ལྟ་བུ། |
| གློ་བ་ཆུ་ཤོར |
གློ་ནད་རིགས་བརྒྱད་ཀྱི་ནང་ཚན་ངན་ཆུ་གློ་ལ་ཤོར་བ་ཞིག་ནད་རྟགས་སྟོད་བརྒྱང་བ་དང༌། མགོ་ན་བ། མིག་སྤྲིན་སེར་པོར་འགྱུར་བ་ཞིག |
| གློ་བ་ཉེ་བ |
སྙིང་ཐག་ཉེ་བ། |
| གློ་བ་དཀར་བ |
སེམས་དཀར་བ། |
| གློ་བ་དགའ |
ཡིད་དགའ་བའམ་སེམས་དགའ། |
| གློ་བ་བུ་ལྔ |
གློ་བའི་མདུན་ངོས་ཀྱི་ཆ་ཤས་ལྔ་མཛོ་སྣ་དང༌། བྱ་སྒབ། ཐུགས་ཁབ། རྟེ་མིག་དགྲ་ལྕེ་བཅས་སོ། ། |
| གློ་བ་བུ་ལྔའི་གསང |
རྒྱབ་ཀྱི་སྒལ་ཚིགས་ལྔ་པ་གློ་བ་བུ་ལྔ་དང་འབྲེལ་བའི་མེ་བཙའི་གསང་མིག་དེར་མེ་བཙའ་བཞག་ན་གློ་ལ་རླུང་དང་བད་ཀན་ཞུགས་པ་ལ་ཕན། |
| གློ་བ་བུང་ཚང |
གློ་ནད་རིགས་བརྒྱད་ཀྱི་ནང་ཚན་བུང་བས་ཚང་བསགས་པ་ལྟར་གློ་བའི་རྩ་སྦུབས་ལ་རྣག་བསགས་པ་ཞིག |
| གློ་བ་མ་ལྔ |
གློ་བའི་རྒྱབ་ངོས་ཀྱི་ཆ་ཤས་ལྔ་སྟེ་སྟག་མགོ་དང༌། སྒང༌། རྩིབས། གཤམ། ཟགས་སྣ་བཅས་སོ། ། |
| གློ་བ་མ་ལྔའི་གསང |
རྒྱབ་ཀྱི་སྒལ་ཚིགས་བཞི་པ་གློ་བ་མ་ལྔ་དང་འབྲེལ་བའི་མེ་བཙའི་གསང་དེར་མེ་བཙའ་བཞག་ན་གློ་བར་རླུང་དང་བད་ཀན་ཞུགས་པ་ལ་ཕན། |
| གློ་བ་རིང་བ |
རྒྱབ་གཏོད་བྱས་པའམ། སྙིང་ཐག་རིང་བ། |
| གློ་བ་སྐྱ་རྦབ |
གློ་ནད་བརྒྱད་ཀྱི་ནང་ཚན་སྐྱ་རྦབ་གློ་བ་ལ་བབས་པ་ནད་རྟགས་སུ་གློ་ལུ་བ་དང༌། གདོང་དང་མིག་ལྕིབས་སྐྲང་བ། དབུགས་ཧལ་བ་སོགས་འབྱུང་བ་ཞིག |
| གློ་བའི་སྒང་རྩ |
གྲུ་མོའི་ཕྱི་ཟུར་ནས་མས་སུ་སོར་བཞི་གཞལ་མཚམས་ཀྱི་སྒང་ཟུར་དུ་ཡོད་པའི་གློ་བ་དང་འབྲེལ་བའི་གཏར་རྩ་དེ་གཏར་ན་གློ་ཚད་དང༌། སྐད་འགག་པ་སོགས་ལ་ཕན། |
| གློ་བུ |
གློ་བའི་མདུན་ཕྱོགས་ཀྱི་ཆ་ཤས་ཆུང་བ། |
| གློ་བུག |
གློ་གཉིས་ལ་རྨ་ཁུང་ཐོན་པ་སྟེ། (དཔེར་ན།) རྟ་རྒན་རྒྱབ་ཆད་ལ་གློ་བུག་བརྡོལ་ཞེས་པ་ལྟ་བུ། |
| གློ་བུར |
(བསྣན་ཚིག) བསམ་ཡུལ་ལས་འདས་པའི་དོན་བྱུང་བར་སྟོན་པའི་ཚིག་གྲོགས་ཏེ། (དཔེར་ན།) གློ་བུར་དུ་ལམ་ལ་ཆས། གློ་བུར་དུ་ཡར་ལངས། གློ་བུར་དུ་མགོ་བོ་ཡར་བཀྱགས་ལྟ་བུ། |
| གློ་བུར་གེགས་དབང་གདོན་སྐྱོད |
གློ་བུར་འདྲེ་ཡིས་རྒྱུད་བརླམས་པ་སྟེ། (དཔེར་ན།) ངེས་མེད་ཐོག་རྒྱག་ཏུ་བར་ཆད་བྱུང་བའི་དཔེ། |
| གློ་བུར་གྱི་དྲི་མ |
ཉོན་མོངས་པ་དང་ཤེས་བྱའི་སྒྲིབ་པ་གཉིས་ནི་སེམས་ཀྱི་རང་བཞིན་ལ་མ་ཞུགས་པར་སེམས་དང་འབྲལ་རུང་དུ་ཡོད་པས་ན་གློ་བུར་གྱི་དྲི་མ་ཞེས་བྱའོ། ། |
| གློ་བུར་ཐོག་བབ |
གློ་བུར་ཐོག་རྒྱག་དང་དོན་གཅིག |
| གློ་བུར་ཐོག་རྒྱག |
མ་བསམས་མ་དྲན་པའི་ངང་ལ་གསར་དུ་བྱུང་བའི་རིགས་ཏེ། (དཔེར་ན།) གློ་བུར་ཐོག་རྒྱག་ལ་ལྷགས་པ་ཆེན་པོ་ལངས་པ་ལྟ་བུ། |
| གློ་བུར་དྲི་བྲལ་གྱི་མྱང་འདས |
གློ་བུར་གྱི་དྲི་མ་ཉོན་སྒྲིབ་སྤངས་པའི་མྱང་འདས། |
| གློ་བུར་བ |
ཐོལ་གྱིས་བྱུང་བའམ་འཕྲལ་དུ་བྱུང་བའི་གྲས་ཏེ། (དཔེར་ན།) བསམ་བློ་གློ་བུར་བ། འགྲུལ་པ་གློ་བུར་བ་ཞེས་པ་ལྟ་བུ། |
| གློ་བུར་རྣམ་དག |
གློ་བུར་གྱི་དྲི་མ་དང་བྲལ་བའི་འགོག་བདེན། |
| གློ་བུར་རྨ |
ཕྱི་རོལ་ནས་མདའ་རྡོ་གྲི་མཚོན་སོགས་ཕོག་པའི་རྐྱེན་ལས་བྱུང་བའི་རྨ་ནང་གསེས་སུ་དབྱེ་ན་བཤུས་པའི་རྨ་དང༌། གཤགས་པའི་རྨ་སོགས་རིགས་བརྒྱད་མཆིས་སོ། ། |
| གློ་བུར་སྟག་གིས་མི་ཚུགས |
གྲ་སྒྲིག་མེད་པར་གློ་བུར་དུ་བྱུང་བའི་དོན་ལ་ཡ་ལན་བྱེད་དཀའ་བའི་དོན། |
| གློ་མ |
གློ་བའི་རྒྱབ་ཕྱོགས་ཀྱི་ཆ་ཤས་ཆེ་བ། |
| གློ་མཆིན་འདོམས་རྩ |
གློ་བའི་སྒང་རྩ་དང་མཆིན་རྩ་རུ་ཐུང་གཉིས་འདོམས་པའི་མཁྲིག་མའི་ཚིགས་འབུར་རྒྱབ་ངོས་ཀྱི་གཏར་རྩ་དེ་གཏར་ན་མཆིན་པ་ན་བ་དང༌། མིག་སྤྲིན་དམར་སེར་ཆགས་པ། གློ་ལུ་བ་བཅས་ལ་ཕན། |
| གློ་ཚད |
གློ་ནད་རིགས་བརྒྱད་ཀྱི་ནང་ཚན་གློ་བར་ཚ་བ་ཞུགས་པའི་ནད་དེ། ནད་རྟགས་སུ་ལུས་སྟོད་མདུན་རྒྱབ་གཟེར་ཞིང༌། གློ་དྲག་ཏུ་ལུ་བ། ལུད་པའི་ནང་ནས་ཁྲག་འབྱུང་བ་ཞིག |
| གློ་ཟུང |
ཁམས་ཕྱོགས་ཀྱི་ཕོ་མོ་གཉིས་ཀས་གཞོགས་ལ་འདོགས་རྒྱུའི་རྒྱན་ཆ་ཞིག |
| གློ་འགོག |
གློ་བརྒྱབ་སྟེ་ལུད་པ་འགོག་པ་མིང་གི་རྣམ་གྲངས་ལ་འཁོགས་པ་དང༌། གློ་རྒྱག་པ། ལུ་བ། ལུད་འབོད་པ་བཅས་སོ། ། |
| གློ་འདོགས |
ལུས་ཀྱི་གློ་གཡས་གཡོན་ལ་འདོགས་པའི་གྲི་དང་ཁབ་ཤུབས་སོགས། |
| གློ་འབུའི་ནད |
ནོར་ལུག་གི་གློ་བར་འབུ་ཞུགས་པའི་ནད་ཅིག |
| གློ་འབུར |
རྩིག་པ་དང་གྱང་ནས་ཟུར་དུ་འབུར་བའི་ཁང་པའམ་རྩིག་པ། |
| གློ་འབྲས |
མིད་པ་དང་ཨོལ་ཀྲོང་གི་མགོར་བབས་པའི་གློ་ནད་ཅིག་སྟེ། ནད་རྟགས་མིད་པ་ན་ཞིང༌། སྐད་འགགས་པ། གློ་ལུ་ཞིང་ཟས་མིད་དཀའ་བ་ཞིག |
| གློ་ཡུ |
གློ་བ་འཛིན་བྱེད་ཀྱི་ཡུ་བ་ལྟར་གྱུར་པ་དབུགས་རྒྱུ་བའི་ལམ་ཨོལ་ཀྲོང་གི་མིང་གཞན་ཞིག |
| གློ་རྒོད |
ལུག་དང་བེའུ་སོགས་གློ་དྲག་ཏུ་ལུ་བའི་ཕྱུགས་ནད་ཅིག |
| གློ་རྒྱག |
1.གློ་ལུ་བའམ་ལངས་པ། 2.གློ་བུར། |
| གློ་རྒྱན |
གཞོགས་ལ་འདོགས་རྒྱུའི་རྒྱན་ཆ། |
| གློ་རྒྱས |
གློ་ནད་བརྒྱད་ཀྱི་ནང་ཚན་ཏེ། ནད་རྟགས་སུ་སྐད་འཛེར་ཞིང༌། སྟོད་རྒྱོང་བ། དབུགས་རྔམ་རྒོད་བྱེད་པ། ལུད་པ་ཁྲག་འབྱུང་བ་ཞིག |
| གློ་རྡེག |
གློ་བུར་ཞེས་པའི་དོན་ཏེ། (དཔེར་ན།) གློ་རྡེག་ཏུ་མི་མང་པོ་འཛོམས་ལྟ་བུ། |
| གློ་རྡེག་དང་གློ་རྒྱག |
གློ་བུར་དུ་ཞེས་པ་དང་དོན་འདྲ། |
| གློ་རྣག |
གློ་བར་ཚ་བ་ཞུགས་ནས་གློ་བའི་རྩ་སྦུབས་ཀྱི་ཁྲག་དང་ཆུ་སེར་རྣམས་རུལ་ནས་རྣག་ཏུ་གྱུར་པ་ཞིག |
| གློ་རྩ |
སོག་པའི་མེ་ལོང་འོག་གི་སྔོན་བུ་དང་གྲུ་མོའི་སྒང་རྩ་ལྟ་བུ་གློ་བ་དང་འབྲེལ་བའི་རྩ། |
| གློ་ལུ |
གློ་བ་དང་ཨོལ་གྲོག་ལ་ནད་ཡོད་པའི་རྐྱེན་གྱིས་ལུད་པ་ལུ་བའི་ནད་ཀྱི་མིང་། |
| གློ་ལེན |
རྟ་སྒའི་གློ་འཆིང་ཐག་པ། |
| གློ་ལྡེག་པ |
སྙིང་འགུལ་བ། |
| གློ་ཤོ་རྒོད |
(བརྡ་རྙིང་།) རིག་པ་སྤྱང་བ། |
| གློ་སུད |
ཨོལ་གྲོག་གི་ནད་རིགས་ཤིག་གི་མིང་། |
| གློ་སོར |
གློ་ཡུའི་ལམ་ནས་སོར་སོར་ཞེས་པའི་སྒྲ་འབྱུང་བའི་གློ་ནད་ཅིག |
| གློ་སྐར |
གློ་དཀར་དང་འདྲ། |
| གློ་སྒོ |
ཁང་པའི་ལོགས་ཟུར་དུ་ཡོད་པའི་སྒོ། |
| གློ་སྒྲ |
གློ་རྒྱག་པའི་སྒྲ། |
| གློ་སྙིང |
1.ནང་ཁྲོལ་གློ་བ་དང་སྙིང༌སྟེ། (དཔེར་ན།) དངངས་སྐྲག་སྐྱེས་ནས་གློ་སྙིང་ལྡེག་ལྡེག་ཏུ་འགུལ་བ་ཞེས་པ་ལྟ་བུ།2.སེམས་སམ་ཡིད་དེ། (དཔེར་ན།) གློ་སྙིང་གཏད་པ་ཞེས་པ་ལྟ་བུ། |
| གློ་སྙིང་བྲང་གསུམ་གཏོད་པ |
ཡིད་གཉིས་མེད་པར་རྩེ་གཅིག་ཏུ་བློ་གཏད་འཆོལ་བ། |
| གློ་སྙིང་འདོམས་རྩ |
གློ་བའི་སྒང་རྩ་དང་སྙིང་རྩ་སྣོད་ཁ་གཉིས་འདོམས་པའི་འཁྲིག་མའི་ཡར་ཟུར་གྱི་རུས་འབུར་ནས་གྱེན་དུ་སོང་བཞི་གཞལ་བའི་སར་ཡོད་པའི་གཏར་རྩ་ཞིག དེ་གཏར་ན་གློ་སྙིང་ལ་ཚ་བ་ཞུགས་པ་དང༌། བྲང་རྒྱབ་གཟེར་བ། ཁྲག་ངན་རྒྱས་པ། གློ་ལངས་ནས་ལུད་པ། འགོག་དཀའ་བ་སོགས་ལ་ཕན། |
| གློ་སྦུབས |
གློ་བའི་ཁོག་སྦུབས། |
| གློག |
དངོས་གཟུགས་ཀྱི་ཁྲོད་དུ་གནས་པའི་ནུས་པ་ཞིག་གི་མིང་སྟེ། དེ་ལ་གདགས་གློག་དང་སྲིབ་གློག་གམ། ཕོ་གློག་དང་མོ་གློག་རིགས་གཉིས་ཡོད། མི་རྣམས་ཀྱིས་ནུས་པ་དེ་བཀོལ་ནས་གློག་སྒྲོན་འགེར་ཞིང་འཁྲུལ་འཁོར་སྐོར་གྱིན་ཡོད། |
| གློག་ཁང |
གློག་འདོན་སའི་འཕྲུལ་འཁོར་ཁང༌། |
| གློག་དམར |
གློག་གི་ཁ་དོག་སྟེ། (དཔེར་ན།) འབྲུག་སྒྲ་མ་བསྒྲགས་གོང་དུ་གློག་དམར་འཁྱུག དྲག་ཆར་འབབ་པའི་རྟགས་སུ་གློག་དམར་ཆེམ་ཆེམ་གཡོ་ཞེས་པ་ལྟ་བུ། |
| གློག་པ |
པགས་ནད་ཀྱི་རིགས་ཤིག་སྟེ། (དཔེར་ན།) གློག་ཤུ་ཡང་ཟེར། |
| གློག་བཞུ |
གློག་གི་ནུས་པར་བརྟེན་ནས་འོད་འབྱིན་པའི་སྒྲོན་མེ། |
| གློག་ཞགས |
གློག་འོད་ཞགས་པའི་གཟུགས་སུ་བཀོད་པ་སྟེ། (དཔེར་ན།) ཆར་སྤྲིན་ནང་དུ་གློག་ཞགས་ཡང་ཡང་འཁྱུག་ཅེས་པ་ལྟ་བུ། |
| གློག་འཕྲིན |
ཁ་པར་རམ་གློག་འཕྲིན་ནམ། སྐུད་མེད་གློག་འཕྲིན་གྱི་སྒྲིག་ཆས་གང་རུང་ཞིག་གི་ཐོག་ནས་སྐྱེལ་བའི་གཏམ་མམ་གསར་འགྱུར། |
| གློག་འོད |
གློག་གི་འོད་མདངས། |
| གློག་རྡུལ |
དངོས་ལུགས་རིག་པར་བཤད་པའི་རྡུལ་ཕྲ་རབ་འགྲུབ་བྱེད་ཀྱི་རྨང་གཞིའི་ཕྲ་རྡུལ་ཞིག |
| གློག་ལྡན |
(མངོན་བརྗོད།) སྤྲིན་པ། |
| གློག་ཤུན |
གློག་པའི་ནད་ཀྱིས་དབང་གིས་ལུས་ཀྱི་ཕྱི་ཤུན་སྲབ་མོ་ཕུབ་མ་ལྟ་བུ་བྱུང་བ་དེའི་མིང་། |
| གློག་སྐས |
གློག་ཤུགས་ཅན་གྱི་སྐས་འཛེག |
| གློག་སྐུད |
གློག་རྒྱུ་སའི་ལྕགས་རིགས་ཀྱི་སྐུད་པ། |
| གློང |
(བྱེད་འབྲེལ་ལས་ཚིག) གློངས་པའི་མ་འོངས་པ་དང་ད་ལྟ་བ། དངོས་རྫས་མང་པོ་སྟེང་འོག་སློག་པའམ་གོ་ས་བརྗེས་ནས་དངོས་རྫས་གཞན་འཚོལ་བའི་དོན་ཏེ། (དཔེར་ན།) ས་གློང་རྡོ་གློང་བྱས་ནས་བཙལ། ཁྱིམ་གློང་བརྒྱབ། གློང་བྱའི་དངོས་རྫས། གློང་བྱའི་རྩྭ། རྩྭ་གློང་མཁན་ཞེས་པ་ལྟ་བུ། |
| གློང་ཐང་སྒྲོལ་མ་ལྷ་ཁང |
སྲོང་བཙན་སྒམ་པོའི་སྐབས་བཏབ་པའི་ལྷ་ཁང་ཞིག་སྟེ། ཁམས་འདན་མ་ས་ཁུལ་དུ་ཡོད། དེ་ནི་རུ་གནོན་གྱི་གཙུག་ལག་ཁང་བཞིའི་ཡ་གྱལ་ཞིག་ཡིན། |
| གློངས |
འདས་པ་དང་སྐུལ་ཚིག་སྟེ། (དཔེར་ན།) རྩྭ་གློངས་ནས་འབྲུ་བཏུས། དཔེ་ཆ་གློངས་ནས་ལུང་ཁུངས་བཙལ། ཁྱོད་ཀྱིས་དཔེ་ཆ་གློངས་ཤིག་ལྟ་བུ། |
| གློད |
ཀློད་ཀྱི་འབྲི་སྲོལ་གཞན། |
| གློད་པ |
(བྱེད་འབྲེལ་ལས་ཚིག) འགྲོལ་བའམ་གཏོང་བའི་དོན་ཏེ། (དཔེར་ན།) བཅིངས་པ་གློད་པ། སེམས་གློད་པ། གདོང་གློད་པ། མ་བཟུང་མ་གློད་པར་སྡོད་པ་ཞེས་པ་ལྟ་བུ། |
| གློད་བཀྲོལ |
གློད་པ་སྟེ། (དཔེར་ན།) བཙོན་པ་གློད་བཀྲོལ་བཏང་ལྟ་བུ། |
| གློད་ཤོར |
བཏགས་པ་དང་བཅུག་པའི་རིགས་གློད་པའམ། རང་བཞིན་གྱིས་ཤོར་བ་སྟེ། (དཔེར་ན།) བཙོན་པ་རྣམས་གློད་ཤོར་མེད་པར་དོ་དམ་བྱེད་དགོས་ལྟ་བུ། |
| གློན |
གླན་པའི་མ་འོངས་པ་དང་ད་ལྟ་བ་སྐུལ་ཚིག་གསུམ་ལ་འཇུག་སྟེ། (དཔེར་ན།) ལྷན་པ་གློན་དགོས། ལྷན་པ་གློན་མཁན། ལྷན་པ་གློན་ཞིག་ལྟ་བུ། |
| གློན་པ |
(བྱེད་འབྲེལ་ལས་ཚིག) ལྷན་པ་སོགས་གླན་པའི་ད་ལྟ་བ་དང་མ་འོངས་པའི་བྱ་མིང་། |
| གློན་སྨན |
སྦྱར་རྒྱུའི་སྨན། |
| གློས |
གླ་བའི་སྐུལ་ཚིག |
| གློས་པ |
(བརྡ་རྙིང་།) རྨོངས་པ། |
| གྷི་ཝཾ |
གི་ཝཾ་དང་འདྲ། |
| གྷུར་ཁ |
མོ་གཅུས་བཟོ་བྱེད། |
| ང |
1.བོད་ཡིག་གསལ་བྱེད་བཞི་པ་འདིའི་ང་རོ་འདོན་ཚུལ་ལ་སྐྱེ་གནས་མགྲིན་པ་སྣ་དང་བཅས་པ་དང༌། བྱེད་པ་མགྲིན་པ། ནང་གི་རྩོལ་བ་མགྲིན་པ་ནང་ཕྲད་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་ཤིན་ཏུ་མོའི་ཡི་གེ་ཞིག 3.རྗེས་འཇུག་མོ་ཙམ་གྱི་ཡི་གེ་ཞིག 4.གྲངས་འབོར་ལྔ་བཅུ་དང་དེའི་གཅིག་གནས་རྣམས་ཀྱི་བར་དུ་འཇུག་རྒྱུའི་ཚིག་ཕྲད་ཅིག་སྟེ། (དཔེར་ན།) ལྔ་བཅུ་ང་ལྔ། ལྔ་བཅུ་ང་དགུ་ལྟ་བུ།5.(ཚབ་ཚིག) བདག་གམ་རང་ཉིད་ཀྱི་དོན་ལ་འཇུག་སྟེ། (དཔེར་ན།) མི་རྒན་པོ་ང། ང་རང་བོད་ཀྱི་མི་ཡིན། ང་རང་རི་མོ་པ་ཞིག་ཡིན་ལྟ་བུ། |
| ང་ཆེ་ང་བཙན |
(རྒྱན་ཚིག) ང་ལས་ཆེ་བ་མེད། ང་ལས་བཙན་པ་མེད་ཟེར་པ་ལྟ་བུ། |
| ང་ཉིད |
(ཚབ་ཚིག) རང་ཉིད་དེ། (དཔེར་ན།) རྩོམ་ཡིག་འདི་ནི་ང་ཉིད་ཀྱིས་བྲིས་པ་ཡིན་ལྟ་བུ། |
| ང་པ |
ཀ་ཁའི་རིམ་པ་ལྟར་དཀར་ཆག་བསྒྲིགས་པའི་བཞི་པའི་དོན། |
| ང་ཕོད་རྡོ་རྗེ་རྒྱལ་པོ |
ཀོང་ཡུལ་དུ་སྐྱེས། མན་ཇུ་རྒྱལ་རབས་ཀྱིས་ཇུན་གར་དུས་ཟིང་ལྷིང་འཇགས་སུ་གཏོང་དུས་ཁོས་བྱས་རྗེས་བཞག་པའི་རྐྱེན་གྱིས་པེ་ཙེས་ཞེས་པའི་གོ་གནས་ཐོབ། རབ་བྱུང་བཅུ་གཉིས་པའི་ལྕགས་གླང་ལོར་བོད་ཀྱི་བཀའ་བློན་བྱས། རབ་བྱུང་བཅུ་གཉིས་པའི་མེ་ལུག་ལོར་ངན་པ་ཁ་མཐུན་གྱིས་དབུ་བཞུགས་བཀའ་བློན་ཁང་ཆེན་བསོད་ནམས་རྒྱལ་པོ་དམར་གསོད་བྱས་པས་སྲོག་ཐོག་གི་ཁྲིམས་གཅོད་བཏང༌། |
| ང་བ |
1.(རྒྱན་ཚིག) དྲི་ཐུལ་ཆེ་བའི་དོན་ཏེ། (དཔེར་ན།) མེ་ཏོག་འདི་དག་དྲི་ང་བ་ཞེས་པ་ལྟ་བུ། 2.འཇིཊ་པའམ་སྐྱེངས་པའི་དོན་ཏེ། (དཔེར་ན།) ཡ་ང་བ། ཉམ་ང་བ། བྱེ་ཐང་ཡ་ང་བ་ཞེས་པ་ལྟ་བུ། |
| ང་བདེན་ང་ཡུས |
(རྒྱན་ཚིག) རང་ཉིད་ཡང་དག་པ་དང་བྱ་བ་མང་པོ་བསྒྲུབས་ཡོད་ཅེས་འཁང་ར་བྱེད་པ་སྟེ། (དཔེར་ན།) ཕན་ཚུན་ང་བདེན་ང་ཡུས་ཁོ་ན་མ་བྱེད་ཅེས་པ་ལྟ་བུ། |
| ང་མིན་ཁོ་ཡིན |
(རྒྱན་ཚིག) རང་ཁག་གཞན་དཀྲི་སྟེ། (དཔེར་ན།) རང་འཁྲིའི་ལས་འགན་བཞག་ནས་ང་མིན་ཁོ་ཡིན་གྱི་ཁག་འདོགས་ཤ་སྟག་བྱས་ལྟ་བུ། |
| ང་མིན་སུ་ཡིན |
(རྒྱན་ཚིག) ཡང་དག་པ་དེ་ང་མ་གཏོགས་གཞན་སུ་ཡིན་སྙམ་པའི་སྤོབས་པ་སྟེ། (དཔེར་ན།) ང་མིན་སུ་ཡིན་སྙམ་པའི་སྤོབས་པ་བྱེད་ཅེས་པ་ལྟ་བུ། |
| ང་མེད |
བདག་བདེན་པར་མ་གྲུབ་པ། |
| ང་ཡི་བ |
བདག་གིར་བཟུང་བའི་ཕྱི་ནང་གི་དངོས་པོ་ཐམས་ཅད། |
| ང་ཡིར་འཛིན་པ |
དངོས་པོ་ལ་བདག་འཛིན་བྱེད་པ། |
| ང་ཡིར་འཛིན་པའི་འཇིག་ལྟ་ལྷན་སྐྱེས |
ང་ཡི་བ་ལ་དམིགས་ནས་རྣམ་པ་རང་གི་མཚན་ཉིད་ཀྱིས་གྲུབ་པར་འཛིན་པ། |
| ང་ཡིར་འཛིན་པའི་རྣམ་པར་འཇིག་ཚོགས་ལ་ལྟ་བ |
ང་ཡིར་འཛིན་པའི་འཇིག་ལྟ་ལྷན་སྐྱེས་དང་དོན་གཅིག |
| ང་ར |
(ཡུལ་སྐད།) གྲང་ངར་གྱི་དོན་ཏེ། (དཔེར་ན།) ས་སྒང་ང་ར་ཆེ། དགུན་གྱི་ང་ར་བཟོད་པ་དཀའ་ལྟ་བུ། |
| ང་ར་ར |
(རྒྱན་ཚིག) སྒྲ་དྲག་ལ་རྩུབ་པའི་དོན་ཏེ། (དཔེར་ན།) འབྲུག་སྒྲ་ང་ར་ར་གྲགས། གནམ་གྲུ་ང་ར་ར་འཕུར་ལྟ་བུ། |
| ང་རང |
(ཚབ་ཚིག) བདག་ཉིད་དམ། ངེད་རང༌ཞེས་པའི་དོན་ཏེ། (དཔེར་ན།) དེ་ང་རང་གི་ཡིན། སང་གནངས་ང་རང་གཅིག་པུ་འགྲོ་རྒྱུ་ཡིན་ཞེས་པ་ལྟ་བུ། |
| ང་རོ |
1.སྐད་ཀྱི་གདངས་ཏེ་དབྱངས་གསལ་གྱི་ཡི་གེ་སོ་སོའི་སྒྲ་གདངས། (དཔེར་ན།) ང་རོ་ཞེས་བྱ་བ་ཡི་གེ་རྐྱང་པ་རྣམས་རང་རང་གི་སྐྱེ་གནས་དང་མཐུན་པ་དང༌། དབྱངས་ལྡན་རྣམས་ཀྱང་སོ་སོའི་ང་རོ་བྱུང་ཚུལ་བཅས་ཡི་གེ་རེ་རེ་ནས་ཀློག་པའི་སྒྲ་གདངས་ལ་སྦྱར་བར་བྱའོ་ཞེས་པ་ལྟ་བུ།2.ངར་སྐད་ཀྱི་དོན་ཏེ། (དཔེར་ན།) སྟག་མོ་ཁྲོས་པའི་ང་རོས་བྲག་ཅ་སྒྲོག སེང་གེའི་ང་རོས་སྡེར་ཆགས་ཟིལ་གྱིས་གནོན། ཉམ་ཐག་པའི་ང་རོ་འབྱིན་ཞེས་པ་ལྟ་བུ། 4.ལེགས་སྦྱར་གྱི་དབྱངས་གསལ་ཡི་གེའི་སྟེང་དུ་བྲིས་པའི་ཀླད་ཀོར། |
| ང་རོ་ཅན |
(མངོན་བརྗོད།) སེང་གེ། |
| ང་རོ་དཀྱུས་མ |
ཀླད་ཀོར་རམ་རྗེས་སུ་ང་རོ་སྒྲའི་ཡི་གེའི་སྟེང་དུ་བྲིས་ནས་སྣ་ལྡན་མཚོན་བྱེད་ཀྱི་ཐིག་ཀོར། |
| ང་རྒྱལ |
ཁེངས་པ་དང་དྲེགས་པ་རང་ཉིད་ཁྱད་དུ་འཕགས་པར་རློམ་ཞིང༌། གཞན་ལ་མ་གུས་པ་དང་སྡུག་བསྔལ་འབྱུང་བའི་རྟེན་བྱེད་པ་རྩ་ཉོན་དྲུག་གི་ནང་གསེས་ཤིག (དཔེར་ན།) ང་རྒྱལ་ཁེངས་དྲེགས། ང་རྒྱལ་སྐྱུང་བ། ང་རྒྱལ་སྒང་ལ་ཡོན་ཏན་ཆུ་མི་ཆགས་ཞེས་པ་ལྟ་བུ། |
| ང་རྒྱལ་གསལ་སྣང |
ཐ་མལ་གྱི་ཞེན་པའི་གཉེན་པོར་འབྲས་དུས་ཀྱི་ལྷ་དེ་དང་དེ་དངོས་ཡིན་སྙམ་པའི་ང་རྒྱལ་དང༌། རྟེན་དང་བརྟེན་པའི་གསལ་སྣང་གོམས་པར་བྱེད་པ། |
| ང་རྒྱལ་གྱི་གླང་བུ་རོག་པོ |
ཁེངས་དྲེགས་ཅན་གྱི་མི་གླང་ནག་པོའི་གཟུགས་སུ་བཀོད་པ། |
| ང་རྒྱལ་ཅན |
ཁེངས་དྲེགས་ཡོད་པའི་མ། ་མིང་གི་རྣམ་གྲངས་ལ་ཁེངས་ལྡན་དང༌། ཁེངས་པ། རྒྱགས་པ། ང་ལྡན། སྙེམས་པ། དྲེགས་ལྡན། དྲེགས་པ་བཅས་སོ། ། |
| ང་རྒྱལ་བདུན |
ང་རྒྱལ་དང༌། ལྷག་པའི་ང་རྒྱལ། ང་རྒྱལ་ལས་ཀྱང་ང་རྒྱལ། ངའོ་སྙམ་པའི་ང་རྒྱལ། མངོན་པའི་ང་རྒྱལ། ཅུང་ཟད་སྙམ་པའི་ང་རྒྱལ། ལོག་པའི་ང་རྒྱལ་བཅས་བདུན། |
| ང་རྒྱལ་ལས་ཀྱང་ང་རྒྱལ |
ང་རྒྱལ་བདུན་གྱི་ནང་གསེས་ཤིག་སྟེ། གཞན་ཁྱད་འཕགས་རྣམས་ལས་ཀྱང་བདག་ཁྱད་པར་འཕགས་སྙམ་དུ་ཁེངས་པ། |
| ང་ལན་ཁྱོད་ལན |
ཉེས་སྐྱོན་བྱུང་བའི་ངན་ཁག་ཕན་ཚུན་གཡོག་རེས་བྱེད་པ་སྟེ། (དཔེར་ན།) ལས་འགན་ཐད་ང་ལན་ཁྱོད་ལན་མ་ཡིན་པར་ཕྱར་བ་གྲུ་འདེགས་བྱེད་ཅེས་པ་ལྟ་བུ། |
| ང་ལས་ནུ |
འཁོར་ལོས་སྒྱུར་རྒྱལ་ཞིག |
| ངག |
1.སྐྱེས་བུའི་ལྕེ་རྐན་མཆུ་སོ་སོགས་ཀྱི་རྩོལ་བ་ལས་བྱུང་བའི་རྗོད་བྱེད་ཀྱི་སྒྲ་གང་ཞིག་རང་ཡུལ་ཁྱད་ཆོས་འཇུག་ལྡོག་གི་གཞི་དང་སྦྱར་ནས་རྗོད་པར་བྱེད་པ། (དཔེར་ན།) བུམ་པ་ཆུང་ངུས་ཆུ་སྐྱོར་ཅིག་ཅེས་པའི་སྒྲ་ལྟ་བུའོ། །2.མིའི་སྐད་ཆ་བཤད་པའི་དབང་པོའི་མིང་སྟེ། (དཔེར་ན།) ངག་ལྐུགས་པ། ངག་སྒོ་ཡངས་པ་ཞེས་པ་ལྟ་བུ། 3.ཚིག་ལ་ལའི་མཐར་སྦྱར་ན་ངག་ནས་བྱུང་བའམ་ངག་དང་འབྲེལ་བའི་དོན་སྟོན་ཏེ། (དཔེར་ན།) སྙན་ངག གླུ་ངག སྐད་ངག་ཅེས་པ་ལྟ་བུ། |
| ངག་ཀྱལ |
དོན་སྙིང་མེད་པའི་སྐད་ཆ་སྟེ། (དཔེར་ན།) དོན་ལྡན་གྱི་འཕྲོས་མོལ་བཞག་ནས་དོན་མེད་ཀྱི་ངག་ཀྱལ་ཁོ་ན་བཤད་ཀྱིན་སྡོད་པ་ལྟ་བུ། |
| ངག་གདངས |
སྐད་གདངས་ཏེ། (དཔེར་ན།) གཞས་མས་ངག་གདངས་ཤིན་ཏུ་མཐོ་བའི་ངང་ནས་གླུ་ལེན་ཞེས་པ་ལྟ་བུ། |
| ངག་གདམས |
(མངོན་བརྗོད།) དྲང་སྲོང༌། |
| ངག་གསལ |
གདོང་ཐུག་གིས་བཤད་པ་སྟེ། (དཔེར་ན།) ཞིབ་ཆ་ཁོ་རང་ངོ་བཅར་གྱིས་ངག་གསལ་ཞུས་ཆོག་ཅེས་པ་ལྟ་བུ། |
| ངག་གི་ངེས་ཚིག |
ངག་གི་དོན་ནམ། སྐད་ཆའི་རྒྱུ་མཚན། |
| ངག་གི་དབང་ཕྱུག |
(མངོན་བརྗོད།) འཇམ་པའི་དབྱངས། |
| ངག་གི་མཚོན་ཆ |
(མངོན་བརྗོད།) ལྷ། |
| ངག་གི་འདབ་མ |
(མངོན་བརྗོད།) ལྕེ། |
| ངག་གི་རྒྱལ་པོ |
(མངོན་བརྗོད།) འཇམ་དབྱངས། |
| ངག་གི་རྣམ་པར་རིག་བྱེད |
སེམས་ཀྱི་དབང་གིས་ངག་གི་རང་བཞིན་གྱི་སྒྲ་བྱུང་བ། |
| ངག་གི་རྩལ་གསུམ |
ཕོ་རྩལ་སྣ་དགུའི་ནང་གསེས། ལོ་རྒྱུས་ཀྱིས་དགེ་ཐོན་པ། གཏམ་གྱིས་བཞད་གད་ཐོན་པ། གཤགས་ཀྱིས་ཕ་རོལ་གནོན་པ་བཅས་སོ། ། |
| ངག་གི་ལས |
ངག་གི་སྒོ་ནས་བསགས་པའི་ལས་ཏེ། (དཔེར་ན།) རྫུན་སྨྲ་བ་སོགས་ངག་གི་ལས་མི་དགེ་བ་དང༌། རྫུན་སྨྲ་བ་སྤང་བ་སོགས་ངག་གི་ལས་དགེ་བ་ལྟ་བུ། |
| ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ |
སྔར་ཡེ་ཤེས་ཀྱིས་སེམས་ཅན་གྱི་དོན་དུ་གང་འགྱུར་བ་གཏན་ལ་ཕབ་ནས་སེམས་ཅན་གྱི་བསམ་པ་དང་མཐུན་པར་ཡན་ལག་དྲུག་ཅུ་དང་ལྡན་པའི་གསུང་འབྱུང་བ་སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| ངག་གི་ལས་ལམ |
ངག་གིས་བྱས་པའི་ལས་དང་ལས་ཀྱི་འཇུག་སྒོ། |
| ངག་གི་སྒྲོན་མ |
དཔལ་སྒང་ཆོས་མཛད་ལོ་ཙཱ་བས་རབ་བྱུང་དགུ་པའི་ས་ཁྱི་ལོར་བརྩམས་པའི་བོད་ཀྱི་དག་ཡིག་ཅིག |
| ངག་གི་སྤྱོད་ཡུལ |
ངག་གིས་བརྗོད་ཐུབ་པའི་གནས། |
| ངག་གིས་དབུལ |
(མངོན་བརྗོད།) ལྐུགས་པའམ་སྨྲ་མི་ཤེས་པ། |
| ངག་གེ་ངོག་གེ |
(རྒྱན་ཚིག) སྒྲ་མི་གསལ་བའི་ཚུལ་ཏེ། (དཔེར་ན།) སྐད་ཆ་ངག་གེ་ངོག་གེས་བརྡ་མི་འཕྲོད། གཏམ་ངག་ངོག་དོན་ལ་འཁྱོལ་ལེ་མིན་ཞེས་པ་ལྟ་བུ། |
| ངག་གོ |
(བརྡ་རྙིང་།) ཤི་བ། |
| ངག་ངོག |
(རྒྱན་ཚིག) ངག་གེ་ངོག་གེའི་བསྡུས་ཚིག |
| ངག་ཅལ་ཅོལ |
(རྒྱན་ཚིག) བབ་ཅོལ་ལམ། གང་བྱུང་བཤད་པའི་གཏམ་ཉོག་སྟེ། (དཔེར་ན།) ངག་ཅལ་ཅོལ་བཤད་ནས་མི་སེམས་དཀྲུགས་ཞེས་པ་ལྟ་བུ། |
| ངག་ཐོག |
ཁ་ཐོག་གམ་སྐད་ཆའི་ནང་གི་དོན་ཏེ། (དཔེར་ན།) རྩ་དོན་ངག་ཐོག་ནས་དངོས་ར་སྤྲོད་པ། ལན་གསལ་ངག་ཐོག་ནས་འདེབས་དགོས་པ་ཞེས་པ་ལྟ་བུ། |
| ངག་དང་མི་ལྡན |
(མངོན་བརྗོད།) ལྐུགས་པ་སྨྲ་མི་ཤེས་པ། |
| ངག་དབང |
ངག་གི་དབང་ཕྱུག་གི་བསྡུས་ཚིག |
| ངག་དབང་ལྷ་མོ |
ལྷ་མོ་དབྱངས་ཅན་མའི་མཚན། |
| ངག་དབེན |
1.ངག་འཆལ་གཏམ་ཀུན་སྤངས་པ། 2.རྫོགས་རིམ་གྱི་དབེན་གསུམ་གྱི་ཡ་གྱལ་ཞིག་སྣ་རྩེ་གསུམ་དུ་ཐིག་ལེ་གསུམ་གྱི་སྲོག་རྩོལ་བསྒོམས་ནས་རླུང་ཐིམ་པས་སྟོང་པ་བཞི་བསྐྱེད་པའོ། ། |
| ངག་དོན་གྱི་དཔེ |
དཔེའི་རྒྱན་གྱི་ནང་གསེས་ཤིག་མཚོན་བྱ་དཔེ་ཅན་གྱི་དངོས་པོ་འགའ་ཞིག་སྔོན་དུ་བཀོད་པའི་གོ་རིམ་བཞིན་དུ་རྗེས་སུ་བཀོད་པའི་མཚོན་བྱེད་དཔེའི་དངོས་པོ་རྣམས་ཀྱིས་ཀྱང་བསྟན་བྱ་དོན་གྱི་གོ་རིམ་མ་འཆོལ་བར་བྱེད་པའི་རྒྱན་ཞིག་བཞིན་སྒྲ་གཅིག་པ་དང༌། དུ་མ་གཉིས་ཡོད། |
| ངག་བཀོད |
སྐད་ཆའི་ཐོག་གི་སློབ་སྟོན་ཏེ། (དཔེར་ན།) ངག་བཀོད་དང་ལེན། ལས་ཀ་བྱེད་ལུགས་བྱེད་སྟངས་ཀྱི་ངག་བཀོད་བྱེད་པ་ཞེས་པ་ལྟ་བུ། |
| ངག་བཀྱལ |
ངག་ཀྱལ་དང་འདྲ། |
| ངག་བཅད་པ |
1.སྨྲ་བ་སྤོང་བ་སྟེ། (དཔེར་ན།) སྨྱུང་གནས་ཡན་ལག་བརྒྱད་པའི་སྡོམ་པ་ཞུས་ཏེ་ངག་བཅད་པ་ཞེས་པ་ལྟ་བུ། 2.(མངོན་བརྗོད།) དྲང་སྲོང༌། |
| ངག་བཙན |
1.ཚིག་ཁུངས་བཙན་ནམ་བདེན་པའི་ཚིག 2.དབང་ཤེད་ཀྱི་བཙན་གཏམ། |
| ངག་བཟོ |
ངག་གི་བྱེད་ལས་ལས་བྱུང་བ་ཐམས་ཅད་དེ། (དཔེར་ན།) ངག་ལས་ཆོས་འཆད་པ་དང༌། རྩོད་པ། གཏམ་གླེང་བ། གླུ་དབྱངས་ལེན་པ་སོགས་སྐབས་བབ་རྣམ་པ་མི་འདྲ་བ་ཇི་སྙེད་འབྱུང་བ་རྣམས་སོ། ། |
| ངག་བྲེལ |
སྐད་ཆ་བཤད་ཚུལ་མགྱོགས་པོའི་དོན་ཏེ། (དཔེར་ན།) ངག་བྲེལ་གཏམ་གྱིས་དོན་མི་གསལ་ཞེས་པ་ལྟ་བུ། |
| ངག་མ |
ངག་ཐོག་ཏུ་བསྐུར་བའི་གཏམ། |
| ངག་མཚུངས |
བརྗོད་ཚུལ་མཐུན་པ། |
| ངག་མི་འཆལ་བ |
དོན་མེད་ཀྱི་སྐད་ཆ་མི་བཤད་པ། |
| ངག་ཙམ |
ཁ་ཙམ་དང་སྐད་ཆ་ཙམ་ཞེས་པའི་དོན་ཏེ། (དཔེར་ན།) ལག་ཏུ་མི་ལེན་པར་ངག་ཙམ་གྱིས་ཅི་ཕན་ཞེས་པ་ལྟ་བུ། |
| ངག་ཚབ |
1.འཕྲིན་ཡིག 2.ངག་ཐོག་གི་ལན། |
| ངག་ཚབ་པ |
གཞན་གྱི་ཚབ་བྱས་ནས་སྐད་ཆ་བཤད་མཁན་གྱི་མིང་། |
| ངག་ཚིག |
རྗོད་བྱེད་ཀྱི་ཚིག |
| ངག་འཁྱལ |
དོན་མེད་པའི་སྐད་ཆ་སྟེ་ངག་ཀྱལ་ཡང་ཟེར། (དཔེར་ན།) ཚིག་རྩུབ་ངག་འཁྱལ། ངག་འཁྱལ་སྨྲས་པས་ཚིག་མི་བཙུན་ཞེས་པ་ལྟ་བུ། མིང་གི་རྣམ་གྲངས་ལ་ཆ་མེད་གཏམ་དང༌། འཆལ་ཚིག་བབ་ཅོལ། བླ་ཆོལ། མུ་ཅོར་བཅས་སོ། ། |
| ངག་འཁྲིལ་ལུས་ཁྱུག |
ངག་བཀོད་ཀྱི་རྗེས་སུ་འཁྲིལ་ཞིང༌། ལུས་བདེ་ཅག་ཁྱུག་པོ། ། |
| ངག་འགྲོས |
བཤད་སྲོལ་ལམ་བཤད་སྟངས་ཏེ། (དཔེར་ན།) ཟུར་ཟའི་ངག་འགྲོས་ཞེས་པ་ལྟ་བུ། |
| ངག་འཆལ |
སྙིང་པོ་མེད་པའི་སྐད་ཆ་སྟེ། (དཔེར་ན།) གང་བྱུང་ངག་འཆལ་གྱི་སྐད་ཆར་ཆ་འཇོག་བྱེད་པ་སྣང་བ་འཁྲུལ་ལྟ་བུ། |
| ངག་འདོན |
ཁ་ཏོན་ནམ་ཁ་འདོན་ཏེ། བློ་ལ་ཟིན་ཚར་བ་རྣམས་ངག་ནས་སྐྱོར་བ། |
| ངག་འཕྲིན |
ངག་ཐོག་ཏུ་བསྐུར་བའི་གནས་ཚུལ་ཏེ། (དཔེར་ན།) ངག་འཕྲིན་བསྐུར་བ་རྣམས་འབྱོར་བྱུང་ཞེས་པ་ལྟ་བུ། |
| ངག་འཛིན |
ངག་སྐྱོར་དང་དོན་གཅིག |
| ངག་རྒྱན |
སྐད་ཆའི་ཉམས་འགྱུར། |
| ངག་རྒྱུགས |
ཁ་ཐོག་ནས་རྒྱུགས་སྤྲོད་ལེན་བྱེད་པ། |
| ངག་རྒྱུན |
བཤད་སྲོལ་ཏེ། (དཔེར་ན།) སྔ་རབས་ཀྱི་ངག་རྒྱུན། ལུང་པ་དེའི་ངག་རྒྱུན། གནའ་སྔ་མོའི་ངག་རྒྱུན་ལ་དེ་ལྟར་ཡོད་ཀྱང་བདེན་མིན་མི་ཤེས་ཞེས་པ་ལྟ་་བུ། |
| ངག་རྒྱུན |
དམངས་ཁྲོད་དུ་གྲགས་ཆེ་བའི་གཏམ་རྒྱུད་བདེན་རྫུན་སྣ་ཚོགས་ཀྱི་སྤྱི་མིང་། |
| ངག་རྟ |
གླུ་གཞས་ཀྱི་གདངས་སམ་དབྱངས། |
| ངག་རྡུགས་པ |
སྐད་ཆ་བཤད་རྒྱུ་རྫོགས་ནས་ཆད་པ་སྟེ། (དཔེར་ན།) རྩོད་ལན་འདེབས་མ་ཐུབ་པར་ངག་རྡུགས་ལྟ་བུ། |
| ངག་རྩལ |
ཁ་བདེ་ལ་མྱུར་བ་སྟེ། (དཔེར་ན།) ངག་རྩལ་ཆེ་ལ་བསམ་བློ་འཁོར་སྐྱེན་པ་ལྟ་བུ། |
| ངག་ལན |
ཁ་ཐོག་ནས་སྐྱེལ་པའི་ལན་ཏེ། (དཔེར་ན།) ཚང་མར་ངག་ལན་སྤྲད་པ་ཡིན། ཡིག་ལན་དང་ངག་ལན་གང་ཡང་མ་བྱུང༌ཞེས་པ་ལྟ་བུ། |
| ངག་ལམ |
ངག་གི་སྒོའམ་ངག་ཐོག་སྟེ། (དཔེར་ན།) གནས་ཚུལ་ཞིབ་གསལ་ངག་ལམ་ནས་ཞུས་ཆོག ད་རེས་ཡི་གེ་བསྐུར་རྒྱུ་བྱུང་མ་སོང་ཡང༌། བང་མི་འདི་པའི་ངག་ལམ་དུ་གསལ་བ་ལྟར་ཡིན་པས་དེ་དོན་ལག་ལེན་བསྟར་དགོས། ཁོང་གི་ངག་ལམ་ནས་འཕྲིན་འབྱོར་བྱུང༌ཞེས་པ་ལྟ་བུ། |
| ངག་ལྐུགས་པ |
གཏམ་སྨྲ་མི་ཤེས་པར་གྱུར་པ། |
| ངག་ལྡབ་ལྡིབ |
ལྕེ་དང་མགྲིན་པར་སྐྱོན་ཞུགས་ནས་སྐད་ཆ་གསལ་པོར་བརྗོད་མི་ཐུབ་པའི་ཚུལ་ཞིག |
| ངག་ཤོར་བ |
1.མ་བརྟགས་མ་དཔྱད་པར་སྐད་ཆ་བཤད་པ། 2.ངག་བཅད་ཁྲིམས་འཆལ་བ། |
| ངག་སྐད |
སྨྲ་བརྗོད། |
| ངག་སྐྱོར |
དཔེ་ཆའི་ཚིག་ངག་ཐོག་ནས་སྐྱོར་བ། |
| ངག་སྒོ |
(མངོན་བརྗོད།) ཁ། |
| ངག་སྙན |
(མངོན་བརྗོད།) ཁུ་བྱུག |
| ངག་སྡོམ་པ |
1.དོན་གནད་འགའ་རེ་སྨྲ་རྗོད་མི་ཆོག་པའི་ངག་ཁྲིམས་བཟོ་བ། 2.མི་སྨྲ་བའི་བརྟུལ་ཞུགས་ལེན་པ་སྟེ་ངག་བཅད་པ། |
| ངག་སྤྱི་བརྟོལ་བ |
གཏམ་གང་བྱུང་སྨྲ་བའི་ཧམ་ཕོད་ཅན། |
| ངག་སྦྱོར |
མིང་ཚིག་བརྗོད་པ་རྣམས་ཕྲད་དང་རྣམ་དབྱེས་སྦྱོར་བ། |
| ངང |
1.རྒྱུད་དམ་གཤིས་ཀ་སྟེ། (དཔེར་ན།) དོན་ཆེན་བསྒྲུབ་པ་ལ་ངང་རིང་དགོས། ངང་རྒྱུད་འཇམ་ན་ཀུན་གྱིས་བརྩི་ལྟ་བུ།2.རང་བཞིན་ནམ་ཚུལ་ཏེ། (དཔེར་ན།) སྟོང་ཉིད་ཀྱི་ངང་དུ་གནས། དགའ་བའི་ངང་ནས་གླུ་ལེན་ལྟ་བུ།3.རང་ཤུགས་སམ་འབད་མེད་ལྷུན་གྲུབ་ཀྱི་དོན་ཏེ། (དཔེར་ན།) སྦྱང་བརྩོན་བྱས་ན་ཡོན་ཏན་ངང་གིས་འཕེལ་ལྟ་བུ།4.ད་ལྟ་བ་སྟོན་པའི་སྒྲ་ཞིག་སྟེ། (དཔེར་ན།) ཕྲན་སློབ་སྦྱོང་བྱེད་པའི་ངང་དུ་མཆིས། བདེ་ཞིང་སྐྱིད་པའི་ངང་དུ་ཡོད་ལྟ་བུ།5.ངང་བ་ཡི་ཚིག་བསྡུས་པ། |
| ངང་ཁྱུ |
བྱ་ངང་པའི་ཁྱུ་ཚོགས། |
| ངང་གིས |
1.གཞན་གྱི་རྩོལ་བ་ལ་མ་བརྟེན་པའི་དོན་ཏེ། (དཔེར་ན།) བྲག་རི་སུས་ཀྱང་མ་བརྩིགས་ངང་གིས་གྲུབ། རྒྱ་མཚོ་སུས་ཀྱང་མ་བསྐྱིལ་ངང་གིས་འཁྱིལ་ལྟ་བུ། 2.ནས་སྒྲ་དང་ལ་དོན་སྦྱར་ནས་ལས་ཚིག་དང་རྒྱན་ཚིག་ལ་ལའི་མཐར་སྦྱར་ན་ལས་དེ་བྱེད་བཞིན་པའི་དོན་ཏེ། (དཔེར་ན།) སྣང་བ་སྐྱིད་པའི་ངང་ནས་ནོར་ལུག་འཚོས། དེའི་ཚེ་དེའི་ངང་ལ་ཉི་མ་ཤར། བདེ་སྐྱིད་ཀྱི་ངང་ལ་ལོ་ཉི་ཤུ་ལོན་ལྟ་བུ། |
| ངང་ངུར |
ངང་པ་དཀར་པོ་དང༌། ངུར་པ་སྟེ། (དཔེར་ན།) ངང་དཀར་དང་ངང་སེར། ངང་ངུར་གྱི་ཚོགས་རྣམས་མཁའ་དབྱིངས་མཐོན་པོར་ལྡིང༌ལྟ་བུ། |
| ངང་ཆུ |
ས་སིན་དྷུར་དང་སྤྱིན་བསྲེས་པའི་སྐྱོ་མ། |
| ངང་ཐུང |
ངང་རྒྱུད་ཐུང་བའི་དོན་ཏེ། (དཔེར་ན།) གཟབ་ལྷིང་བརྟན་ཏིག་མེད་པར་ངང་ཐུང་ཚབ་ཚུབ་ཀྱིས་ལས་དོན་བྱས་ན་འཐུས་ཤོར་ཡོང་རྒྱུ་ཐག་གིས་ཆོད་ཅེས་པ་ལྟ་བུ། |
| ངང་དཀར |
1.བྱ་ངང་པ་དཀར་པོ། 2.དཀར་ཤས་ཆེ་བའི་ལི་ཧང་མདོག |
| ངང་བ |
བྱ་བོ་ལས་ཆེ་ཞིང་སྐེ་རིང་ལ་ལུས་ཀྱི་སྒྲོ་སྤུ་ཐམས་ཅད་དཀར་བའི་ཆུ་བྱ་ཞིག་གི་མིང་། དེ་ལ་ཁྱིམ་བྱ་ངང་བ་དང་། རི་བྱ་ངང་བ་གཉིས་ཡོད། རྒྱ་སྐད་དུ་ཨི་ཟེར། ཚིག་བསྡུས་ན་ངང་ཞེས་འབྲི་ཆོག་ངང་བའི་ཤ་ལ་ངང་ཤ་ཟེར་བ་ལྟ་བུ། |
| ངང་བ་ཅན |
(མངོན་བརྗོད།) རྐང་གདུབ། |
| ངང་བ་སེར་ལྡན |
ས་སེར་སྐྱ་འཇམ་པོ་ཞིག་སྟེ། (དཔེར་ན།) ཚོན་རྩིའི་གཞི་ལ་ས་ངང་པ་སེར་ལྡན་བྱུགས་ན་ཚོན་རྩི་ལེན་བདེ་པོ་ཡོང༌ཞེས་པ་ལྟ་བུ། |
| ངང་བའི་རྐང་པ |
(མངོན་བརྗོད།) 1>དངུལ་ཆུ། 2>ལ་ཕུག |
| ངང་བའི་རྒྱལ་པོ |
བྱ་ངང་བའི་གཙོ་བོའམ། མཆོག་སྟེ། (དཔེར་ན།) ངང་བའི་རྒྱལ་པོ་པད་མཚོར་འཇུག་པ་ཇི་བཞིན་སྤྲོ་བ་རབ་ཏུ་བརྟས་ཞེས་པ་ལྟ་བུ། |
| ངང་བའི་ཤིང་རྟ |
(མངོན་བརྗོད།) ཚངས་པ། |
| ངང་བའི་སྟབས་སུ་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ནམ་མཁའ་ལ་གཤེགས་པར་མཁས་པ་ཉིད་ཀྱིས་ངང་པའི་སྟབས་སུ་གཤེགས་པ། |
| ངང་བསྲིང |
རྒྱུན་རིང་དུ་གཏོང་བའམ་བྲེལ་འཚབ་མི་བྱེད་པའི་དོན་ཏེ། (དཔེར་ན།) འདོད་ཐག་མི་ཉེ་བར་ངང་བསྲིང་གི་སྒོ་ནས་ལས་དོན་བསྒྲུབ་དགོས་དགོས་ལྟ་བུ། |
| ངང་ཚུལ |
1.རང་བཞིན་ནམ་གཤིས་ཀ་སྟེ། (དཔེར་ན།) ཞི་ཞིང་དུལ་བའི་ངང་ཚུལ། ངང་ཚུལ་ཟོལ་མེད་པ། སོ་སོའི་ངང་ཚུལ་རྒྱུས་ལོན་པ་ལྟ་བུ། 2.མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| ངང་ཚུལ་འགོག་པ |
མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| ངང་འཐེན |
ཕར་འགྱངས་པའི་དོན་ཏེ། (དཔེར་ན།) གྲ་སྒྲིག་ལེགས་པར་མ་བྱུང་བས་ལས་འགོ་འཛུགས་རྒྱུ་ངང་འཐེན་བྱས་སོང༌ལྟ་བུ། |
| ངང་རིང |
ངང་རྒྱུད་རིང་པོའམ། ཞི་ཞིང་དུལ་བའི་གཤིས་ཀ་སྟེ། (དཔེར་ན།) ཁོ་ལ་ནོར་འཁྲུལ་བྱུང་དུས་ངས་ངང་རིང་གིས་རོགས་རམ་བྱས་པ་ཡིན་ལྟ་བུ། |
| ངང་རྒྱུད |
སེམས་ཀྱི་རང་བཞིན་ནམ་གཤིས་ཀ་སྟེ། (དཔེར་ན།) ངང་རྒྱུད་འཇམ་པོ། ངང་རྒྱུད་ཐུང་ཐུང༌། ངང་རྒྱུད་རིང་པོ་ལྟ་བུ། |
| ངང་རྩི་མཚོ |
བོད་ཀྱི་ཤན་རྩ་རྫོང་གི་ལྷོ་རྒྱུད་དུ་ཡོད། |
| ངང་ལ་རིང་མཚོ |
མཚོ་ཞིག་སྟེ། བོད་ཀྱི་སྒེར་རྩེ་རྫོང་དང་འབྲོང་པ་རྫོང་གི་མཚམས་སུ་ཡོད། |
| ངང་ལུང་གངས་རི |
བོད་ཀྱི་དགེ་རྒྱས་རྫོང་དང་རུ་ཐོག་རྫོང་གི་མཚམས་སུ་ཡོད་པའི་རི་ཞིག་ཡིན་ཞིང༌། མཐོ་ཚད་རྒྱ་མཚོའི་ངོས་ནས་སྨི་6596 ཡོད། |
| ངང་སེར |
བྱ་ངུར་པ། |
| ངང་སྐྱ |
1.ངང་བའི་རིགས་སྒྲོ་མདོག་སྐྱ་བོ་ཅན་ཞིག། 2.ངུར་བའི་རིགས་སྐྱ་བོ་ལ་ཡུལ་སྐད་ལ་ལར་ངང་སྐྱ་ཟེར། |
| ངང་སྒོམ |
བོན་ལུགས་ཀྱི་སྒོམ་སྟངས་ཤིག་སྟེ། སེམས་རྩེ་གཅིག་ཏུ་བསྒོམས་པས་སྐབས་ཤིག་ན་སྣང་བ་རང་གྲོལ་གྱི་ཉམས་འཆར། ཏིང་ངེ་འཛིན་འདུ་འབྲལ་མེད་པས་སྒོམ་མེད་དང་ཡེངས་མེད་དུ་གནས་པ་བྱུང་ན་ངང་སྒོམ་ཚད་དུ་འཁྱོལ་བ་ཡིན་ཟེར། |
| ངད |
1.ནུས་པའམ་བཅུད་ཀྱི་དོན་ཏེ། (དཔེར་ན།) སྨན་ངད། དྲོ་ངད། གྲང་ངད། གངས་ངད། བསུང་ཞིམ་གྱི་ངད་དྲི་ཞེས་པ་ལྟ་བུ། 2.(རྒྱན་ཚིག) བཅུད་ཞན་པའི་དོན་ལ་འཇུག་པ་ནི། (དཔེར་ན།) ཁ་ཟས་སྔོ་ངད་ཀྱི་རིགས་ཞེས་པ་ལྟ་བུ། |
| ངད་ཅན |
དྲི་ཞིམ་པའི་ནུས་པ། |
| ངད་ལྡན |
དྲི་ཞིམ་པའི་ནུས་པ། |
| ངན |
(རྒྱན་ཚིག) 1.བཟང་བའི་ལྡོག་ཟླ་སྟེ། (དཔེར་ན།) བཟང་ངན། ངན་བརྗོད་མ་བྱེད། བསམ་ངན་སྤོངས། སྤྱོད་ངན་དོར། མི་ངན་པ་ལ་མ་འགྲོགས་ཞེས་པ་ལྟ་བུ། 2.སྤུས་ཀ་དམན་པའི་དོན་ཏེ། (དཔེར་ན།) སློག་པ་ངན་རུང་རྒྱབ་དྲོ། ཨ་ཀྲད(ལྷམ)ངན་རུང་ཉྭ་དྲོ་ཞེས་པ་ལྟ་བུ།3.ཡིད་དུ་མི་འོང་བ་དང་མི་སྙན་པའི་དོན་ཏེ། (དཔེར་ན།) གཏམ་ངན། སྐད་ངན་ཞེས་པ་ལྟ་བུ། |
| ངན་ཁྱབ |
(མངོན་བརྗོད།) ཡི་དྭགས། |
| ངན་ཁྲེབ |
འོས་འགན་སྐྱུར་འཇོག་གི་དོན་ཏེ། (དཔེར་ན།) ངན་ཁྲེབ་བྱེད་མཁན་རྣམས་དེ་ལམ་དུ་བཞག་ན་མི་འཐུས་ཞེས་པ་ལྟ་བུ། |
| ངན་ཁྲེབ་རྒལ་རལ |
བྱེད་འོས་པའི་ལས་ཀའམ་རང་ལ་འཁྲིས་པའི་ལས་ཀ་དེ་ཁག་འདོགས་སྣ་ཚོགས་ཀྱིས་རྩ་བ་ནས་མི་བྱེད་པ། |
| ངན་གཏད |
བསམ་སྦྱོར་ངན་པའི་མཐུ་གཏད། |
| ངན་གཡོ |
གཞན་གནོད་ཀྱི་གཡོ་ཐབས། |
| ངན་གཡོ་དྲན་འཕྲུལ |
བསམ་ངན་གཡོ་འཕྲུལ། |
| ངན་གཡོ་མ |
(མངོན་བརྗོད།) ཝ། |
| ངན་གསོ |
ཉམས་རྒུད་སླར་གསོའི་དོན་ཏེ། (དཔེར་ན།) སྒོ་ཕྱུགས་ཤེད་ཞན་རྣམས་ལ་ངན་གསོ་གང་གཟབ་བྱེད་དགོས་ཞེས་པ་ལྟ་བུ། |
| ངན་གོམས |
སྤྱོད་ངན་ལང་ཤོར་གྱི་དོན་ཏེ། (དཔེར་ན།) ཡུན་རིང་ངན་གོམས་ཤོར་བའི་གཤིས་ཀ་བཅོས་དཀའ་ཞེས་པ་ལྟ་བུ། |
| ངན་གྲ་སྔོན་བསྒྲིགས |
བྱ་ངན་བྱེད་རྒྱུའི་སྔོན་གྲ་བསྒྲིགས་པ། |
| ངན་གྲོས |
ཚུལ་མིན་གྲོས་བསྡུར་གྱི་དོན་ཏེ། (དཔེར་ན།) རང་དོན་སེམས་ལ་བཅངས་ནས་གཞན་གནོད་སྐྱེལ་འདོད་ཀྱི་ངན་གྲོས་བྱས་པ། འདོད་པས་ངོ་ཚ་བསྒྲིབས་ནས་ངན་གྲོས་ཁོག་བཅུག་མ་བྱེད་ཅེས་པ་ལྟ་བུ། |
| ངན་ངོན |
(རྒྱན་ཚིག) སྤུས་ཀ་དམན་པའི་དོན་ཏེ། (དཔེར་ན།) ཟས་ངན་ངོན། གོས་ངན་ངོན་ཞེས་པ་ལྟ་བུ། |
| ངན་དགུ |
ངན་རྒུ་དང་དོན་གཅིག་ |
| ངན་དབང་ནང་གྲོས |
མི་ངན་གྱི་ཁ་དབང་ལྐོག་གྲོས་ཏེ། (དཔེར་ན།) ལྐོག་གཡོ་གྲ་སྒྲིག་གི་ངན་དབང་ནང་གྲོས་མ་བྱེད་ཅེས་པ་ལྟ་བུ། |
| ངན་དྲེགས |
ངན་པ་ཡིན་ལ་ཁེངས་དྲེགས་ཀྱང་ཡོད་པའི་དོན་ཏེ། (དཔེར་ན།) ངན་དྲེགས་ཅན་རེངས་སུ་མི་འཇུག་པར་གཉའ་བ་ནས་གནོན་དགོས་ཞེས་ལྟ་བུ། |
| ངན་ནེ་ངོན་ནེ |
(རྒྱན་ཚིག) ངན་པ་དང་ཉུང་ངུའི་དོན་ཏེ། (དཔེར་ན།) ཟས་གོས་གནས་མལ་ངན་ནེ་ངོན་ནེ་ཙམ་གྱིས་འཚོ་བ་སྐྱེལ་བ། འཚོ་བ་ངན་ངོན། ལྟོ་གོས་ངན་ངོན་ལྟ་བུ། |
| ངན་ནེ་བ |
(རྒྱན་ཚིག) དམན་པའི་དོན་ཏེ། (དཔེར་ན།) གོས་ངན་ནེ་བ་གྱོན་ལྟ་བུ། |
| ངན་པ |
ངན་ལ་ལྟོས། |
| ངན་པ་དགུ་འཛོམས |
ཧོར་ཟླ་བཅུ་གཅིག་པའི་ཚེས་དྲུག་བདུན་བར་ཉིན་མཚན་གཅིག་གི་རིང་ལ་ས་བདག་ངན་པ་ཉི་མ་ནག་ཆེན་དང༌། དེ་མིན་པའི་ས་བདག་ངན་པ་གཞན་བརྒྱད་པོ་བཅས་མཉམ་དུ་ཁེལ་རྒྱུ་ཡིན་པའི་དུས་ཚོད་ངན་ཤོས་ཤིག |
| ངན་པ་བྱས་རྒྱལ |
ངན་བྱས་ལང་དུ་ཤོར་བའི་དོན་ཏེ། (དཔེར་ན།) རང་སྣང་གང་དྲན་གྱིས་ཁྲིམས་མེད་ངན་པ་བྱས་རྒྱལ་དུ་སོང་ཞེས་པ་ལྟ་བུ། |
| ངན་པ་རྒྱུས་ཡོད |
མི་ངན་གྱིས་ནང་གི་གནས་ཚུལ་ཕྱིར་བཤད་པ་སྟེ། (དཔེར་ན།) མི་ངན་གྱིས་ནང་དོན་གནས་ཚུལ་ཚང་མ་ངན་པ་རྒྱུས་ཡོད་བྱེད་ཀྱི་འདུག་ལྟ་བུ། |
| ངན་པ་ལང་ཤོར |
སྤྱོད་ངན་གོམས་ཐལ་ཆེ་བའི་དོན་ཏེ། (དཔེར་ན།) སློབ་གསོ་མ་ཐོང་བས་ངན་པ་ལང་ཤོར་ལ་སོང་བ་རེད་ཅེས་པ་ལྟ་བུ། |
| ངན་པ་སྦུག་མཐུན |
མི་ངན་ཁ་མཐུན་ནམ་ངན་པ་ཁ་མཐུན་ཏེ། (དཔེར་ན།) འཁྲུག་སློང་ཞེ་ལ་བཅངས་ཏེ་ངན་པ་སྦུག་མཐུན་ཕྱི་དགྲ་ནང་འཇུག་མ་བྱེད་ཅེས་པ་ལྟ་བུ། |
| ངན་པའི་ཟས་ཅན |
(མངོན་བརྗོད།) སྦྲུལ། |
| ངན་པའི་ཤུབས་ལྡན |
(མངོན་བརྗོད།) རུས་སྦལ། |
| ངན་པོ |
བཟང་པོ་མ་ཡིན་པ་སྟེ། ངན་པ་དང་འདྲ། |
| ངན་ཕྱིད |
འཚོ་བ་ངན་པས་དུས་འདའ་བ། |
| ངན་བསྐུལ་དཀྲུག་ཤིང |
བསམ་བློ་ངན་པས་གཞན་གྱི་རྒྱུད་བསྐུལ་ནས་འཛའ་གཅུགས་ཕན་ཚུན་དབྱེན་སྦྱོར་གྱི་ཕྲ་མ། |
| ངན་བུ |
བདག་གམ་ཕྲན། |
| ངན་བྱས་ངོ་ཁྱེར |
སྤྱོད་ངན་ངོ་སོར་ཁྱེར་བ་སྟེ། (དཔེར་ན།) མིག་ལྟོས་ངན་པ་འཇོག་པར་ཅི་མི་སྙམ་པར་ངན་བྱས་ངོ་སོ་ཁྱེར་ཞེས་པ་ལྟ་བུ། |
| ངན་བྱས་ངོ་སོ |
ངན་བྱས་ངོ་ཁྱེར་དང་དོན་གཅིག |
| ངན་མཐུན |
མི་ངན་ཁ་མཐུན་གྱི་དོན་ཏེ། (དཔེར་ན།) ངན་མཐུན་ལག་སྦྲེལ། ངན་མཐུན་རྒྱུས་ཡོད་ཅེས་པ་ལྟ་བུ། |
| ངན་ཞེན |
ངན་པར་ཞེན་ཆགས་པ། |
| ངན་འགྲོ |
རྒྱུ་མི་དགེ་བའི་ལས་ཆེ་བ་མང་དུ་བསགས་ནས་འབྲས་བུ་སྡུག་བསྔལ་ཆེ་བ་ཁོ་ན་མྱོང་བར་འགྲོ་བའི་ངན་སོང་གསུམ་སྤྱིའི་མིང༌། |
| ངན་འགྲོ་གསུམ |
དམྱལ་བ། ཡི་དྭགས། དུད་འགྲོ་སྟེ་གསུམ། |
| ངན་འགྲོ་ཐམས་ཅད་ཡོངས་སུ་སྦྱོང་བ་གཙུག་ཏོར་རྣམ་པར་རྒྱལ་མ |
གཟུངས་ཀྱི་བྱེ་བྲག་ཅིག་རྒྱ་གར་གྱི་མཁན་པོ་ཛི་ན་མི་ཏྲ་དང༌། སུ་རེནྟྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པའོ། ། |
| ངན་འགྲོ་བ |
ངན་འགྲོ་གསུམ་དུ་སྐྱེས་པའི་སེམས་ཅན། |
| ངན་འགྲོའི་མཐིལ |
(མངོན་བརྗོད།) དམྱལ་བ། |
| ངན་འགྲོའི་ལམ |
(མངོན་བརྗོད།) མི་དགེ་བ། |
| ངན་འགྲོའི་སྡུག་བསྔལ |
ངན་སོང་གསུམ་གྱི་སྡུག་བསྔལ་ཏེ། དམྱལ་བ་ལ་ཚ་གྲང་གི་སྡུག་བསྔལ་དང༌། ཡི་དྭགས་ལ་བཀྲེས་སྐོམ་གྱི་སྡུག་བསྔལ། དུད་འགྲོ་ལ་བཀོལ་སྤྱོད་ཀྱི་སྡུག་བསྔལ་བཅས་སོ། ། |
| ངན་འདྲིས |
ངན་གོམས། |
| ངན་འབྲེལ |
བྱ་ལས་སྡུག་པོའི་འབྲེལ་ལམ་སྟེ། (དཔེར་ན།) བཟང་འབྲེལ་ཚེ་གཅིག་སངས་རྒྱས། ངན་འབྲེལ་འཁོར་བ་མཐའ་ཅན་ཞེས་པ་ལྟ་བུ། |
| ངན་རེངས |
སེམས་ངན་ཞིང་རྒྱུད་གྱོང་བ། |
| ངན་རོལ་མ |
(མངོན་བརྗོད།) སྨད་འཚོང་མ། |
| ངན་རྐང |
གཞུང་ཁྲལ་སྟེར་ཐུབ་རྒྱུ་ལྟ་ཅི། མདོར་ན་སོ་སོའི་འཚོ་བ་ཡང་རང་འགོ་མི་ཐོན་པའི་ཁྱིམ་དུད་ལ་ཟེར། |
| ངན་རྒུ |
ངན་པའི་རིགས་སྣ་ཚོགས་སམ། ཡོད་ཚད་དེ། (དཔེར་ན།) གཞི་གཅིག་ལ་བཀྲ་མི་ཤིས་པའི་མཚན་ལྟས་ངན་རྒུ་ཚང་བ། རྟེན་འབྲེལ་ལེགས་ཚོགས་སྒྲིག་སྒོ་གཅིག་གིས་མི་ཤིས་མཚན་ལྟས་ངན་རྒུ་ཐུབ་ཅེས་པ་ལྟ་བུ། |
| ངན་རྒྱབ |
ངན་པའི་རྒྱབ་རོགས་ཀྱི་དོན་ཏེ། (དཔེར་ན།) ངན་རྒྱབ་བྱེད་མི། ངན་རྒྱབ་ངན་སྐྱོར་མ་བྱེད་ཅེས་པ་ལྟ་བུ། |
| ངན་རྟགས |
ངན་ལྟས་དང་དོན་གཅིག |
| ངན་ལང |
ངན་གོམས་ཏེ། (དཔེར་ན།) ཆ་མ་བཏུང་ན་ངན་ལང་ཤོར་ནས་སྡོད་མི་ཚུགས་ཞེས་པ་ལྟ་བུ། |
| ངན་ལན |
ཚུར་ངན་པ་བྱས་པའི་ལན་པོ་སྟེ། (དཔེར་ན།) བཟང་ལན་ངན་གྱིས་འཇལ་བ། ངན་ལན་ངན་གྱིས་འཇལ་བ། ཁྱི་ཉལ་རྒྱུག་སློང་བཞིན་དུ་དོན་མེད་ཚུར་གནོད་བྱས་པས། རྣག་ཐོག་གཙག་འཛུགས་བཞིན་དུ་ཕར་ཡང་ངན་ལན་འཇལ་བ་ལྟ་བུ། |
| ངན་ལན་ངན་ལྡོན |
ཚུར་ངན་པ་བྱས་པའི་ལན་པོ་ངན་པས་འཇལ་བ། |
| ངན་ལན་བཟང་འཇལ |
ཚུར་ངན་པ་བྱས་པའི་ལན་པོ་བཟང་པོས་འཇལ་བ། |
| ངན་ལམ |
དམན་པའི་ལམ་མམ་ཕྱིན་ཅི་ལོག་པའི་ལམ་སྟེ། (དཔེར་ན།) ངན་ལམ་དུ་སོང་བ་ལྟ་བུ། |
| ངན་ལས་རྒྱལ |
(མངོན་བརྗོད།) གཟའ་པ་སངས། |
| ངན་ལྟས |
བཀྲ་མི་ཤིས་པའི་རྟགས་མཚན། |
| ངན་ཤགས |
ཚིག་ངན་གྱི་རྩོད་ཤགས་ཏེ། (དཔེར་ན།) ཕན་ཚུན་ངན་ཤགས་འགྱེད་ནས་ཁྲོ་བའི་སྡང་མིག་སྟོན་ལྟ་བུ། |
| ངན་ཤི |
ལུས་སྟོབས་ཉམས་ཏེ་ཤི་བ། |
| ངན་ཤུགས |
ཤུགས་རྐྱེན་ནམ་ནུས་པ་ངན་པའི་དོན་ཏེ། (དཔེར་ན།) སྡིག་གྲོགས་དང་འགྲོགས་ཡུན་རིང་བས་ངན་ཤུགས་གོས་པ་རེད། ཁེངས་དྲེགས་ལང་ཤོར་གྱི་མི་དེ་ངན་ཤུགས་ཆེ་ལྟ་བུ། |
| ངན་ཤུགས་ཧམ་ཁྱེར |
དབང་ཤེད་ཀྱིས་ཕྲོགས་པའི་དོན་ཏེ། (དཔེར་ན།) བྱིངས་ལ་དབང་ཇུས་མེད་པར་ཁོ་པས་ངན་ཤུགས་ཧམ་ཁྱེར་གྱིས་བེད་སྤྱོད་བཏང་སོང༌ལྟ་བུ། |
| ངན་ཤེད་སྒལ་རལ |
སྤྱོད་ངན་ལེ་ལོ་ཅན་ཏེ། (དཔེར་ན།) རང་བབ་འོས་འགན་ལ་ངན་ཤེད་སྒལ་རལ་བྱས་ན་མི་འགྲིག་ལྟ་བུ། |
| ངན་སེལ |
(མངོན་བརྗོད།) 1>ངུར་བ། 2>ཆུ། 3>རྩྭ་ཀུ་ཤ། |
| ངན་སོང |
ངན་འགྲོ་དང་དོན་གཅིག |
| ངན་སོང་ཀུན་འདྲེན |
བྱང་ཆུབ་སེམས་དཔའ་ཞིག |
| ངན་སྐྱུགས |
སྐྱུགས་པ། |
| ངན་སྒྲོག་ཕྲ་མ |
ལྐོག་ཏུ་གཞན་གྱི་སྐྱོན་ཆ་བསྒྲགས་ནས་དབྱེན་སྦྱོར་བྱེད་པ། |
| ངན་སྔགས |
གཞན་ལ་གནོད་བྱེད་ཀྱི་སྔགས། |
| ངན་སྔགས་མཐུ་གཏད |
ངན་སྔགས་ཀྱི་སྒོ་ནས་མཐུ་གཏོང་བ་དང་གཏད་འཇུག་པ། |
| ངན་སྙིགས |
1.དྲི་ངན་གྱི་སྙིགས་མ། 2.ངན་པ་སྣ་ལྔ་བདོ་བའི་སྙིགས་དུས། |
| ངན་སྤོང་བུ |
(མངོན་བརྗོད།) གཟའ་པ་སངས། |
| ངན་སྤོང་འཛིན |
(མངོན་བརྗོད།) གཟའ་པ་སངས། |
| ངན་སྤོང་སྐྱེས |
(མངོན་བརྗོད།) རྩྭ་དུར་བ། |
| ངན་སྦྲེལ |
མི་ངན་ལག་སྦྲེལ། |
| ངན་སློང |
ཟས་ངན་ངོན་ཙམ་སློང་བའི་སློང་མོ་བ་སྟེ། ངན་སློང་བའང་ཟེར། |
| ངན་སློད |
ངན་པའི་སྐྱོན་གྱིས་སློད་པར་བྱེད་པའམ། འགོས་པར་བྱེད་པའི་དོན་ཏེ། (དཔེར་ན།) བློ་གསར་གཞོན་ནུ་རྣམས་ལ་བག་མེད་རྩིང་སྤྱོད་ཀྱི་ངན་སློད་མ་བྱེད་ཅེས་པ་ལྟ་བུ། |
| ངན་སློབ |
བསམ་སྦྱོར་ངན་པ་བྱེད་དུ་འཇུག་པ་སྟེ། (དཔེར་ན།) ཁྲིམས་འགལ་གྱི་ངན་སློབ་རྒྱག་པ། ངན་སློབ་ཉེས་ཅན་གཏེ་བོ་ཞེས་པ་ལྟ་བུ། |
| ངན་ཧྲུལ |
དམན་པ་དང་རྙིང་ཧྲུལ་གྱི་དོན་ཏེ། (དཔེར་ན།) དུད་ཚང་ངན་ཧྲུལ། གྱོན་པ་ངན་ཧྲུལ་ཞེས་པ་ལྟ་བུ། |
| ངབ |
ཟིལ་ཤུགས་སམ་ནུས་པའི་དོན་ཏེ། (དཔེར་ན།) མེ་ཆེན་གྱི་ངབ་ལ་གཅར་དཀའ། ཞག་ཚིལ་ངབ་ཀྱིས་ཞེན་པ་ལོག ཆུ་ལས་རླབས་དྲག་ཅིང་མེ་ལས་ངབ་ཚ་བ་ཞེས་པ་ལྟ་བུ། |
| ངམ |
1.འབྱེད་སྡུད་ཀྱི་སྒྲ་ཞིག་སྟེ། གམ་ལ་ལྟོས། 2.རང་བཞིན་ནམ་གཤིས་ཀྱི་དོན་ཏེ། (དཔེར་ན།) ངམ་གནག་བཞིན་གྱི་གཉེར་མ་མི་སངས་པ་ཞེས་པ་ལྟ་བུ། 3.ཐེམ་པ་སྐས་ཀྱི་དབྱིབས་ལྟ་བུའི་གད་པའི་མིང་སྟེ། (དཔེར་ན།) ངམ་ཁ། འོལ་ངམ(རྐ་ཆུ་འབབ་སའི་ཐེམ་པ)ཞེས་པ་ལྟ་བུ། |
| ངམ་ཁ |
(ཡུལ་སྐད།) འོལ་འགྲམ་སྟེ་རྐ་ཆུ་འབབ་སའི་ཐེམ་པ། |
| ངམ་གནག |
གདུག་རྩུབ་ཆེ་བ་དང་རང་གཤིས་རྩུབ་པའི་དོན་ཏེ། (དཔེར་ན།) ཞིང་བདག་ངམ་གནག ཕྱུགས་བདག་ངམ་གནག་ཅེས་པ་ལྟ་བུ། |
| ངམ་གྲོག |
གཡང་སའམ། གྲོག་རོང༌། |
| ངམ་ངམ་ཤུགས་ཀྱིས |
མིའི་རྩོལ་བ་ལ་མ་བརྟེན་པའི་དོན་ཏེ། (དཔེར་ན།) བྱིས་པ་མི་ངན་པར་འགྲོགས་ན་ངམ་ངམ་ཤུགས་ཀྱིས་སྐྱོན་འགོ། མི་བཟང་བོར་འགྲོགས་ན་ངམ་ངམ་ཤུགས་ཀྱིས་བཟང་འགོ་ལྟ་བུ། འདི་ལ་ངང་ངམ་ཤུགས་ཀྱིས་ཞེས་འབྲི་སྲོལ་ཡང་ཡོད་དེ། (དཔེར་ན།) རིག་གནས་ཀྱི་དགེ་མཚན་མཐོང་ན་ངང་ངམ་ཤུགས་ཀྱིས་དགའ་སྤྲོ་སྐྱེས་ཞེས་པ་ལྟ་བུ། |
| ངམ་ནག་པ |
ངམ་གནག་པ་དང་འདྲ། |
| ངམ་རིང |
རྫོང་ཞིག་སྟེ། བོད་དབུས་ཀྱི་ནུབ་རྒྱུད་དང་མདོག་གཞུང་གཙང་པོའི་ཆུ་རྒྱུད་དུ་ཡོད། ཡར་ཀླུངས་གཙང་པོ་རྫོང་འདིའི་ནུབ་རྒྱུད་ནས་ཤར་དུ་འབབ། |
| ངམ་རུ |
གཉན་ནད་རིགས་ཤིག་གྲེ་བའི་ནང་དང་མགུལ་པར་འབབ་པའི་ནད་ཅིག |
| ངམ་རོང |
ཕྱོགས་གཉིས་གད་པ་ཡིན་པའི་གཤོང་ས་དམའ་བ། |
| ངམ་ལ་རྒྱག་པ |
(ཡུལ་སྐད།) ཟས་ལ་དང་ག་མེད་པའམ་ཞེན་པ་ལོག་པ། |
| ངམ་ཤུགས |
ངམ་ངམ་ཤུགས་ཤུགས་ཀྱི་བསྡུས་ཚིག |
| ངའོ་སྙམ་པ |
གདགས་གཞི་ཕུང་པོ་ལྔ་ལ་བཏགས་པའི་ང་ཙམ་ལ་དམིགས་ནས་ང་ཡིན་སེམས་པའམ་རྟོག་པ། |
| ངའོ་སྙམ་པའི་ང་རྒྱལ |
ང་རྒྱལ་བདུན་གྱི་ནང་གསེས་ཤིག་ཉེ་བར་ལེན་པའི་ཕུང་པོ་ལ་བདག་དང་བདག་གི་བའི་དངོས་པོ་མེད་བཞིན་པར་བདག་དང་བདག་གིར་གྱི་དངོས་པོ་ཡོད་དོ་སྙམ་དུ་རློམ་ཞིང་ཁེངས་པ། |
| ངར |
1.(བྱེད་མེད་ལས་ཚིག) དྲོད་ཚད་ཇེ་མཐོར་སོང་བའི་དོན་ཏེ། (དཔེར་ན།) ཉི་མའི་འོད་ཀྱིས་ས་གཞི་ངར། སོལ་བའི་མེ་ཡིས་སླ་ང་ངར་ལྟ་བུ། 2.རྣོ་ལྕགས་ཀྱི་སྲ་མཁྲེགས་སམ་རྣོ་དབལ་གྱི་མིང་སྟེ། (དཔེར་ན།) གྲི་ངར་ཅན། མཚོན་ཆ་རྣོ་ངར་ཅན། གྲིའི་ངར་མ་ཤོར་ལྟ་བུ།3.རྐང་བ་དང་ལག་པའི་ལྷུ་གཉིས་ཀྱི་མིང་སྟེ། (དཔེར་ན།) རྗེ་ངར། ལག་ངར། ངར་གདོང་ཞེས་པ་ལྟ་བུ། 4.སྐད་སྒྲ་དྲག་པོའི་མིང་སྟེ། (དཔེར་ན།) ངར་སྐད། ངར་སྒྲ་ཞེས་པ་ལྟ་བུ། |
| ངར་གཅོག་པ |
1.མཚོན་གྱི་རྣོ་ནུས་ཞན་དུ་གཏོང་བ། 2.ཁེངས་དྲེགས་འཇོམས་པ་སྟེ། (དཔེར་ན།) དགྲ་ཕྱོགས་ཀྱི་ངར་གཅོག་པ་ལྟ་བུ། |
| ངར་གདོང |
ལག་ཡུ་དང་རྐང་ཡུའི་རུས་པ་སྟེ། ལག་ངར་དང་རྐང་ངར་ཟེར། |
| ངར་གསོད་པ |
1.མཚོན་གྱི་རྣོ་ངར་མེད་པ་བཟོ་བ། 2.དཔའ་ངར་ཞི་བར་བྱེད། |
| ངར་ངར |
(རྒྱན་ཚིག) དཔའ་ངོམ་གྱི་དོན་ཏེ། (དཔེར་ན།) རང་ཚོད་མ་ཟིན་པར་ངར་ངར་ཁོ་ན་བྱས་ལྟ་བུ། |
| ངར་ངར་པོ |
(རྒྱན་ཚིག) 1.གཤིས་ཀ་ཤིན་ཏུ་ངར་པོ། 2.དབུགས་ཆེས་ཆེར་བརྩེགས་སྟངས། |
| ངར་ངར་ཕད་ཕད |
(ཡུལ་སྐད།) ངར་ཆེན་པོ་ལངས་པའི་རྣམ་པ། |
| ངར་ངར་འཁུན་སྒྲ |
དབུགས་བརྩེགས་སྟངས་ཀྱི་སྒྲ། |
| ངར་ངར་རྒོད་རྒོད |
(རྒྱན་ཚིག) མི་ངར་མ་དང་རྒོད་པོ་ཡིན་ཁུལ་གྱི་རྣམ་འགྱུར་ཏེ། (དཔེར་ན།) ངར་ངར་རྒོད་རྒོད་ཀྱི་ངང་ནས་ཚིག་རྩུབ་ཀྱི་རྣོ་དབལ་འབར་བས་ཕ་རོལ་གནོན་འདོད་པ་སྟོང་བསམ་ཡིན་ལྟ་བུ། |
| ངར་ཆ |
1.མཚོན་གྱི་རྣོའི་ནུས་པ། 2.བློའི་གྲིམ་ཆ། |
| ངར་པོ |
ཐུ་པོའམ་རྒོད་པོ་སྟེ། (དཔེར་ན།) མི་ངར་པོ། ཁྱི་ངར་པོ། ལྕགས་ངར་པོ་ཞེས་པ་ལྟ་བུ། |
| ངར་བ |
1.རྩལ་དང་སྤོབས་པ་སོགས་ཆེ་བའི་དོན་ཏེ། (དཔེར་ན།) བུ་ངར་བ། རྟ་ངར་བ་ཞེས་པ་ལྟ་བུ། 2.རྩི་ཤིང་གི་ལོ་མའི་ཡུ་བའི་མིང་སྟེ། (དཔེར་ན།) ལོ་མ་ལྗང་ལ་ངར་བ་དམར། ལོ་མའི་ངར་བ་ཞེས་པ་ལྟ་བུ། |
| ངར་བཏགས |
འབྲུ་རིགས་མ་བརྔོས་པ་རྗེན་པར་བཏགས་པ། |
| ངར་བསྐྱེད |
དཔའ་ངར་གྱི་སེམས་སྟོབས་ཆེར་བསྐྱེད། |
| ངར་བྱེད་པ |
བདག་ཏུ་བྱེད་པའམ་འཛིན་པ། |
| ངར་བླུད་པ |
ངར་ལྡུད་པ་དང་དོན་གཅིག་ |
| ངར་མ |
ཐུ་བའམ་རྒོད་པ་སྟེ། (དཔེར་ན།) གཞོན་ནུ་ངར་མ། རྟ་ངར་མ། མི་ངར་མ་ཞིག་ཅེས་པ་ལྟ་བུ། |
| ངར་མི |
གླུད་དུ་རྫོང་ཆེད་དུ་འབྲུ་ནས་རྗེན་བཏགས་ཀྱི་ཕྱེ་ལས་བཟོས་པའི་འདྲ་གཟུགས་ཤིག དེའི་དམིགས་ཡུལ་ནི་གླུད་དེས་མི་ནད་པ་དེའི་ལུས་སྲོག་གི་ཚབ་བྱས་ཏེ་འཆི་བ་ལས་ཐར་བའི་ཆེད་དུའོ། ། |
| ངར་འགྲོས |
ཤུགས་དྲག་གི་གོམ་སྟབས་ཏེ། (དཔེར་ན།) ངར་འགྲོས་ཀྱིས་ཕྱིན་སོང༌ལྟ་བུ། |
| ངར་འཛིན་གྱི་འཇིག་ལྟ་ལྷན་སྐྱེས |
ངའོ་སྙམ་པ་སྐྱེ་བའི་གཞི་ང་ལ་དམིགས་ནས་རྣམ་པ་རང་གི་མཚན་ཉིད་ཀྱིས་གྲུབ་པར་འཛིན་པ། |
| ངར་འཛིན་པ |
རང་རྒྱུད་ཀྱི་ང་ཙམ་ལ་དམིགས་ནས་ངའོ་སྙམ་དུ་འཛིན་པའི་བདག་འཛིན། |
| ངར་རྒྱུག |
ཤུགས་དྲག་གིས་མྱུར་སྟབས་སུ་འགྲོ་བ་སྟེ། (དཔེར་ན།) རྟ་ཕོ་ངར་རྒྱུག་གིས་འགྲོ་བ་ལྟ་བུ། |
| ངར་ལྕགས |
1.བཙོ་སྦྱངས་བྱས་པ་ལས་བྱུང་བའི་ལྕགས། 2.སྲ་མཁྲེགས་ཀྱི་དོན་ཏེ། (དཔེར་ན།) ངར་ལྕགས་ལྟར་སྲ་མཁྲེགས་ཆེ་བའི་ཁུ་ཚུར་ཞེས་པ་ལྟ་བུ། |
| ངར་ལྡུད |
1.ལྕགས་རིགས་ངར་ནས་ཆུ་དང་སྣུམ་སོགས་ཀྱི་ནང་དུ་བསྲུབས་ནས་སྲ་མཁྲེགས་སུ་བྱེད་པའི་དོན་ཏེ། (དཔེར་ན།) ལྕགས་ལ་ངར་ལྡུད་དགོས། ལྕགས་ཁེམ་ལ་ངར་བླུད་ལྟ་བུ།2.མི་ལ་ངར་སློང་བའམ་སྐུལ་ལྕག་གཏོང་བའི་དོན་ཏེ། (དཔེར་ན།) གང་ལྟར་ནའང་འདི་རྣམས་ཀྱི་ཟེར་ལུགས་འདིས་ང་ལ་ངར་ལྡུད་པར་འདུག་ལྟ་བུ། |
| ངར་ཤ་སློང་བ |
ངར་སློང་བ་དང་དོན་གཅིག |
| ངར་ཤུགས |
དཔའ་ངར་གྱི་ཤུགས་ཏེ། (དཔེར་ན།) ངར་ཤུགས་ཆེ་རུ་སོང་ལྟ་བུ། |
| ངར་སྐད |
ང་རོ་དྲག་པོའི་སྒྲ་སྐད་དེ། (དཔེར་ན།) བྱི་ལས་ངར་སྐད་བརྒྱབ་ཀྱང༌། སྟག་མོ་འཇིགས་སྣང་མི་སྐྱེ་ལྟ་བུ། |
| ངར་སྐད་ཅན |
(མངོན་བརྗོད།) སྟག |
| ངར་སྒྲ |
ངར་སྐད། |
| ངར་སྣབས |
སྣབས་ལུད་ཀྱི་མིང་གཞན། |
| ངར་སློང་བ |
སེམས་ཤུགས་སྐྱེད་པར་བྱེད་པའམ་ང་རྒྱལ་སློང་བ་སྟེ། (དཔེར་ན།) གཅིག་ངར་གཅིག་གིས་སློང༌བཞིན་མདུན་དུ་བགྲོད་ལྟ་བུ། |
| ངལ་གསོ |
ལས་ཀའམ་སློབ་སྦྱོང་སོགས་གནས་སྐབས་མཚམས་བཞག་ནས་ལུས་སེམས་གསོ་བའི་བྱ་སྤྱོད་དེ། (དཔེར་ན།) ངལ་གསོ་རེ་མོས། ངལ་གསོའི་གུང་སེང༌། ངལ་གསོ་བརྒྱབ་ནས་ལྷོད་པོར་བསྡད་ཅེས་པ་ལྟ་བུ། |
| ངལ་གསོ་སྐོར་གསུམ |
དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའི་གཞུང་གསུམ་ཏེ། སེམས་ཉིད་ངལ་གསོ། སྒྱུ་མ་ངལ་གསོ། བསམ་གཏན་ངལ་གསོ་བཅས་སོ། ། |
| ངལ་གསོའི་འདུན་ས |
(མངོན་བརྗོད།) བཟའ་ཤིང་གི་ར་བ། |
| ངལ་གསོར་གནས་པ |
ཞབས་སྐྱིལ་ཀྲུང་དང༌། ཕྱག་གཉིས་རང་བབས་སུ་པུས་མོའི་ཐོག་བཞག་སྟེ་ལྷོད་ཆགས་པའི་འདུག་ཚུལ་ཞིག |
| ངལ་དུབ |
སེམས་དུབ་པ་དང་ལུས་ཐང་ཆད་པའི་དོན་ཏེ། (དཔེར་ན།) ངལ་དུབ་ཆེ་ཐག་ཆོད་པ། ངལ་དུབ་ལ་མི་འཛེམས་པར་སློབ་སྦྱོང་བྱས་ལྟ་བུ། |
| ངལ་བ |
ངལ་དུབ་དང་འདྲ་སྟེ། (དཔེར་ན།) སེམས་ངལ་བ་མེད་པར་དམངས་དོན་སྒྲུབ་ལྟ་བུ། |
| ངལ་བསོ་བ |
ངལ་གསོའི་འབྲི་ཚུལ་གཞན། |
| ངལ་བསོས་པོ |
(མངོན་བརྗོད།) རྣམ་ཐོས་སྲས། |
| ངལ་བསོས་བུ |
ངལ་བསོས་པོ་དང་དོན་གཅིག |
| ངལ་རྩོལ |
དཀའ་བ་དང་འབད་བརྩོན་ཏེ། (དཔེར་ན།) ལུས་ཀྱི་ངལ་རྩོལ། བསམ་པའི་ངལ་རྩོལ་ལྟ་བུ། |
| ངལ་རྩོལ་དཔེ་བཟང |
ངལ་རྩོལ་བྱེད་སྐབས་གཞན་ལས་འཕགས་པའི་མིག་དཔེ་འཇོག་མཁན། |
| ངལ་སྐྱེན་པོ |
ཐང་ཆད་སླ་པོ། |
| ངུ |
1.(བྱེད་མེད་ལས་ཚིག) ངུས་པའི་མ་འོངས་པ་དང་ད་ལྟ་བ། ན་ཟུག་ལངས་པའམ་སྐྱོ་སེམས་སྐྱེས་ཏེ་མིག་ནས་མཆི་མ་འབབ་ཅིང་ཁ་ནས་སྡུག་སྐད་འབྱིན་པའི་དོན་ཏེ། (དཔེར་ན།) ངུ་སྐད་ཤོར་། ངུ་འབོད་བྱས། བྱིས་པའི་ངུ་སྐད་ཅེས་པ་ལྟ་བུ།2.ངུ་སྐད་དང་མཚུངས་པའི་སྒྲ་འབྱིན་པའི་དོན་ལ་འཇུག་པ་ནི། (དཔེར་ན།) ཁྱིས་ངུ་ཟུག་བྱེད། སྤྱང་ཁུས་ངུ་སྐད་འབྱིན་ལྟ་བུ། |
| ངུ་གདོང |
1.ངུ་བའི་གདོང༌། 2.རྟག་ཏུ་ངུ་གྲབས་བྱས་ནས་སྡོད་མཁན་གྱི་གདོང༌། |
| ངུ་ངག |
ངུ་བཞིན་བཤད་པའི་སྐད་ཆའི་མིང་སྟེ། (དཔེར་ན།) ངུ་ངག་གིས་ཞུ་བ་བྱས་ལྟ་བུ། |
| ངུ་ཅོ |
ངུ་བའི་སྐད་ཅོར་གྱི་དོན་ཏེ། (དཔེར་ན།) ཁྱིམ་ནང་དུ་གོད་ཆགས་བྱུང་ནས་ནང་མི་ཚང་མས་ངུ་ཅོ་དིར་དིར་ཅེས་པ་ལྟ་བུ། |
| ངུ་ཅོ་ཏེག་ཏེག |
ངུ་སྐད་ཤུབ་ཤུབ་ཀྱི་དོན་ཏེ། (དཔེར་ན།) རེས་འགའ་ངུ་སྐད་ཏེག་ཏེག། རེས་འགའ་བཞད་གད་ཏེག་ཏེག་ཅེས་པ་ལྟ་བུ། |
| ངུ་ཅོར |
ངུ་སྐད་ཆེན་པོའི་དོན་ཏེ། (དཔེར་ན།) ཡིད་གདུང་བས་གཟིར་ཏེ་ངུ་ཅོར་བྱས་ལྟ་བུ། |
| ངུ་དགོད |
གད་མོ་དང་བཅས་ངུ་ཤོར་བ། |
| ངུ་དངགས |
ངུ་ངག་དང་འདྲ། |
| ངུ་བ |
(བྱེད་མེད་ལས་ཚིག) ངུས་པའི་ད་ལྟ་དང་མ་འོངས་པའི་བྱ་མིང་། |
| ངུ་བྱེད་མ |
(མངོན་བརྗོད།) གཟེ་མ་ར་མགོ། |
| ངུ་མ་དགོད |
ངུ་དགོད་འདྲེས་མ། |
| ངུ་མ་ཤགས |
ངུ་བ་དང་སྦྲགས་ནས་ཡུས་ཤགས་རྒྱག་པ། |
| ངུ་ཟུག |
ཁྱི་ངུ་བཞིན་ཟུག་པའི་སྐད། |
| ངུ་འབོད |
1.ངུ་ངག་གི་ཀུ་ཅོ། 2.ཚ་དམྱལ་བརྒྱད་ཀྱི་ནང་གསེས། ལྕགས་བསྲེགས་ཀྱི་ཁང་པ་སྒོ་མེད་པའི་ནང་དུ་འཚོད་ཅིང་སྡུག་བསྔལ་བ། འདི་ནས་ཐར་བའི་དུས་མི་འོང་སྙམ་དུ་འོ་དོད་འབོད་པའོ། ། |
| ངུ་འབོད་ཆེན་པོ |
1.ངུ་ངག་གི་འབོད་སྒྲ་དྲག་པོ། 2.ཚ་དམྱལ་བརྒྱད་ཀྱི་ནང་གསེས། ལྕགས་བསྲེགས་ཀྱི་ཁང་པ་གཉིས་རིམ་གྱི་ནང་དུ་གཤིན་རྗེའི་ལས་མཁན་རྣམས་ཀྱིས་ཐོ་བ་ལ་སོགས་པས་རྡེག་ཅིང༌། སྒོ་ཕྱི་ནང་གཉིས་ཀ་ལྕགས་ཞུན་གྱི་ཞལ་བ་བྱས་པས་ནང་མ་ལས་ཐར་ཀྱང་ཕྱི་མ་ལས་མི་ཐར་སྙམ་དུ་འོ་དོད་ཆེན་པོ་འབོད་པའོ། ། |
| ངུ་ལབ |
ངུ་བཞིན་དུ་གཏམ་སྨྲ་བ་སྟེ། (དཔེར་ན།) ངུ་ལབ་བགྲངས་ནས་བདེན་ཡུས་བདར་བ་ཞེས་པ་ལྟ་བུ། |
| ངུ་སྐད |
ངུ་བའི་སྒྲ་སྐད་དེ། (དཔེར་ན།) སེམས་སྡུག་མ་བཟོད་པར་ངུ་སྐད་བཏོན་ལྟ་བུ། |
| ངུ་སྒྲ |
ངུ་བའི་སྒྲ་སྐད། |
| ངུད་མོ |
ངུ་བའི་སྒྲའི་བྱེ་བྲག་ཅིག་སྔངས་པ་ཡང་ཟེར། |
| ངུར |
1.(བྱེད་མེད་ལས་ཚིག) གནག་གིས་སྐད་འབྱིན་པའི་དོན་ཏེ། (དཔེར་ན།) འབྲི་ངུར། བེའུ་ངུར་ཞེས་པ་ལྟ་བུ། 2.ངུར་བ་ཡི་ཚིག་བསྡུས་པ།3.ཁ་དོག་དམར་ལ་སེར་ཞད་ཆེ་བའི་དོན་ཏེ། (དཔེར་ན།) ངུར་ཀ ངུར་ཁམ་ཞེས་པ་ལྟ་བུ། |
| ངུར་ཁ |
བྱ་ངུར་པའི་ཁ་དོག |
| ངུར་ཁ་མ |
ངུར་ཁ་དང་དོན་གཅིག་ |
| ངུར་ཁམ |
ངུར་ཁ་དང་དོན་གཅིག |
| ངུར་པ |
བྱ་ངང་པ་སེར་པོ། མིང་གི་རྣམ་གྲངས་ལ་འཁོར་ལོ་ཅན་དང༌། གཉིས་གཉིས་སྤྱོད། འདབ་ཆགས་གསེར་ལྡན། འདོད་པ་ལྡན། མཚན་མོ་འབྲལ། ཤིང་རྟའི་ལུས་བཅས་སོ། ། |
| ངུར་པའི་ཤ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་ཉྭ་ལོག་དང༌། གཉན་ནད་སོགས་ལ་ཕན། |
| ངུར་བ |
1.བྱ་གག་དང་མཚུངས་ཤིང་སྤུ་དམར་སེར་དང་གཤོག་སྒྲོ་དང་མཇུག་སྒྲོ་ནག་པོ་ཅན་གྱི་ཆུ་བྱ་ཞིག་གི་མིང་། ཡུལ་སྐད་ལ་ལར་བྱ་འདི་ལ་ངང་བ་ཟེར་བའང་ཡོད། ཚིག་བསྡུས་ན་ངུར་ཞེས་འབྲི་ཆོག་སྟེ། (དཔེར་ན།) ངང་ངུར་ཞེས་པ་ལྟ་བུ། 2.སྔུར་བ་ཡི་འབྲི་ཚུལ་གཞན། |
| ངུར་སྐད |
གནག་ཕྱུགས་ངུར་བའི་སྒྲ། |
| ངུར་སྒྲ་ཅན |
(མངོན་བརྗོད།) 1>ཕག་པའི་མིང༌། 2>གནག་ཕྱུགས་ཀྱི་མིང༌། |
| ངུར་སྨྲིག |
མདོག་དམར་སེར་ཏེ། (དཔེར་ན།) བྱ་ངུར་པའི་མདོག་ལྟ་བུ། |
| ངུར་སྨྲིག་གོས |
དམར་སེར་མདོག་ཅན་གྱི་ཆོས་གོས། |
| ངུར་སྨྲིག་འཛིན་པ |
(མངོན་བརྗོད།) གོས་ངུར་སྨྲིག་གྱོན་པའི་གྲྭ་པ། |
| ངུར་སྨྲིག་རྒྱལ་མཚན་འཆང་བའི་སྡེ |
རབ་བྱུང་གི་སྡེ། |
| ངུས |
ངུ་བའི་འདས་པ་དང་སྐུལ་ཚིག་སྟེ། (དཔེར་ན།) བྱིས་པ་ངུས་ནས་མཆི་མ་བཀུ་ལྟ་བུ། |
| ངུས་པ |
ངུ་བའི་འདས་པ། |
| ངུས་པའི་མཆི་མ |
ངུས་པའི་མིག་ཆུ། |
| ངུས་ལས་བྱུང |
(མངོན་བརྗོད།) མིག་ཆུ། |
| ངེ |
གེ་ལ་ལྟོས། |
| ངེ་མོ |
(བརྡ་རྙིང་།) དགོས་པ། |
| ངེད |
ང་རང་ངམ་བདག་དང་དོན་འདྲ་ཞིང་གཙོ་བོར་ཚིག་གཞན་དང་འབྲེལ་ཏེ་བཀོལ་བ་མང་། (དཔེར་ན།) ངེད་ཚང་། ངེད་གཉི་ག་ཞེས་པ་ལྟ་བུ། |
| ངེད་ཉིད |
ང་རང་དང་དོན་གཅིག |
| ངེད་རང |
ང་རང༌། |
| ངེར་བ |
(བྱེད་འབྲེལ་ལས་ཚིག) སྟག་གཟིག་དང་ཁྱི་སོགས་ཀྱི་ངར་སྐད་འདོན་པ་སྟེ། (དཔེར་ན།) ཁྱི་ངེར་བར་བྱིས་པ་སྐྲག སྟག་གཟིག་གིས་ངར་སྐད་ངེར་བ་ཞེས་པ་ལྟ་བུ། |
| ངེར་སྐད |
ཁྱི་དང་གཅན་གཟན་གྱིས་ངེར་ངེར་ཞེས་འདོན་པའི་སྐད། |
| ངེས |
(བྱེད་མེད་ལས་ཚིག) ཤེས་ནས་སེམས་ལ་བཟུང་བའི་དོན་ཏེ། (དཔེར་ན།) དཔེ་ཆ་བློ་ལ་ངེས། སྨན་གཞུང་བློ་ལ་ངེས་པའི་སྨན་པ། གྲངས་ཀ་སེམས་ལ་ངེས་རྩིས་རིག བློ་ལ་ངེས་པའི་དགེ་རྒན། སྣང་ལ་མ་ངེས་པ་ཞེས་པ་ལྟ་བུ། |
| ངེས་གནས |
1.དངོས་སུ་ཡོད་པ། 2.བྱང་སེམས་ཀྱི་བྱེ་བྲག་ཅིག |
| ངེས་གཟུང |
1.ཡུལ་གཅིག་ལ་དམིགས་སུ་བཀར་བ། 2.ངེས་པ་བརྟན་པོར་བཟུང་བ། |
| ངེས་གཟུང་སྒྲ |
ནི་སྒྲའི་འཇུག་ཚུལ་ཞིག་སྟེ། (དཔེར་ན།) སྐྱེས་བུ་ཁོང་ནི་ཕུལ་དུ་གྱུར་པའོ་ལྟ་བུ། |
| ངེས་གསལ |
ཤེས་གསལ་གྱི་དོན་ཏེ། (དཔེར་ན།) དོན་དེ་ཁྱེད་རང་གིས་ངེས་གསལ་ལྟར་ཡིན་ལྟ་བུ། |
| ངེས་ངེས་ཏིག་ཏིག |
ངེས་གསལ་བརྟན་པོའི་དོན་ཏེ། (དཔེར་ན།) ངེས་ངེས་ཏིག་ཏིག་གིས་ལག་ལེན་བསྟར་བ། བཀའ་ལན་ངེས་ངེས་ཏིག་ཏིག་གནང་སྐྱོང་ཡོད་པ་ཞུ་ལྟ་བུ། |
| ངེས་ངེས་པོ |
1.ཡིད་ལ་བརྟན་པོར་འཇགས་པ་སྟེ། (དཔེར་ན།) སེམས་ལ་ངེས་ངེས་པོ་ཞིག་བྱེད་ཀྱི་ཡོད་ལྟ་བུ། 2.འགྱུར་མེད་བརྟན་པོ། |
| ངེས་ཅན |
1.གཏན་ཁེལ་ལམ་ཐག་ཆོད་པའི་དོན་ཏེ། (དཔེར་ན།) རྒྱལ་ཁ་འཐོབ་རྒྱུ་ངེས་ཅན་ཡིན་ལྟ་བུ། 2.ངེས་པ་ཅན་དང་དོན་གཅིག་སྟེ། (དཔེར་ན།) དུས་ངེས་པ་ཅན། དུས་ངེས་ཅན། ཚད་ངེས་ཅན་ཞེས་པ་ལྟ་བུ། |
| ངེས་ཏིག |
ངེས་ངེས་ཏིག་ཏིག་གི་བསྡུས་ཚིག |
| ངེས་དོན |
གདུལ་བྱ་ཁྱད་པར་ཅན་རྣམས་ཀྱི་ངོར། ཆོས་ཐམས་ཅད་ཀྱི་ཆོས་ཉིད་སྐྱེ་འགག་སོགས་སྤྲོས་པ་དང་བྲལ་བའི་དོན་ཟབ་མོ་སྟོང་པ་ཉིད་དང༌། དངོས་པོ་གཤིས་ཀྱི་གནས་ལུགས་རང་བཞིན་གྱིས་འོད་གསལ་ཞིང་སྨྲ་བསམ་བརྗོད་པ་ཐམས་ཅད་ལས་འདས་པའི་དོན་སྟོན་པ་རྣམས་དང༌། དེ་སྟོན་བྱེད་གསུང་རབ་དགོངས་འགྲེལ་དང་བཅས་པའོ། ། |
| ངེས་དོན་གྱི་མདོ་སྡེ |
དབུ་མ་པའི་ལུགས་ལ། སྟོང་ཉིད་དངོས་བསྟན་བསྟན་བྱའི་གཙོ་བོར་བྱས་ནས་སྟོན་པའི་མདོ། ཡུམ་རྒྱས་འབྲིང་བསྡུས་གསུམ་ལྟ་བུའོ། ། |
| ངེས་དོན་གྱི་རྡོར་དྲིལ |
བདེ་སྟོང་གཉིས་སོ། ། |
| ངེས་དོན་གྱི་ཨ་ཐུང |
སྲོག་འཛིན་ཕྲ་བ། |
| ངེས་དོན་ལ་རྟོན་པ |
རྟོན་པ་བཞིའི་ནང་གསེས་ཤིག་ཆོས་གང་ཞིག་རྟོག་གེ་བ་དང་ཉན་ཐོས་དང་རང་སངས་རྒྱས་ཀྱི་སྤྱོད་ཡུལ་ལས་ཤིན་ཏུ་འདས་ཤིང༌། ཟབ་ཅིང་རྒྱ་ཆེ་བའི་དོན་དབང་པོ་རབ་ཀྱི་སྤྱོད་ཡུལ་བསམ་གྱིས་མི་ཁྱབ་པའི་གནས་རྣམས་ནི་ངེས་པའི་དོན་ཏེ། དེ་ལ་ཡིད་རྟོན་པར་བྱ་བའོ། ། |
| ངེས་པ |
1.གདེང་ཚོད་ཀྱི་དོན་ཏེ། (དཔེར་ན།) ལས་འགན་ལེགས་འགྲུབ་ཀྱི་ངེས་པ་མེད། ངེས་པ་བརྟན་པོ་ཞིག་རྙེད་ཡོད་ལྟ་བུ། 2.སྦྱོར་བ་ཉེར་བདུན་གྱི་ནང་གསེས་ཤིག 3.བདེན་པ་དང༌། མི་བསླུ་བའམ་རྫུན་མ་མ་ཡིན་པ་སྟེ། (དཔེར་ན།) ངེས་པའི་དོན། ངེས་པའི་རྟོགས་པ་ཞེས་པ་ལྟ་བུ། |
| ངེས་པ་ཅན་གྱི་སྦྱར་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གང་ཡང་རུང་བ་ཞིག་གི་སྦྱར་ཆོས་རྣམས་ཀྱི་ནང་ནས་སྦྱར་གཞི་དང་མི་མཐུན་པའི་སྒྲའི་འཇུག་དོན་རྣམས་བཀག་སྟེ་དེ་དང་མཐུན་པའི་སྒྲ་དོན་གཅིག་ཉིད་དུ་ངེས་པ་སྟོན་པའི་རྒྱན་ཞིག |
| ངེས་པ་དང་མ་ངེས་པར་འགྲོ་བའི་ཕྱག་རྒྱ་ལ་འཇུག་པའི་མདོ |
བམ་པོ་གཅིག་པ། རྒྱ་གར་གྱི་མཁན་པོ། པྲཛྙཱ་ཝརྨ་དང་སུ་རེནྟྲ་བོ་དྷི་དང་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པའོ། ། |
| ངེས་པ་ཕུལ་བྱུང |
ཕུལ་བྱུང་གི་རྒྱན་གྱི་ནང་གསེས་ཤིག་འཇིག་རྟེན་གྲགས་ཚོད་ལས་བརྒལ་བའི་གཏན་ཚིགས་ཀྱི་ངེས་པ་ཕུལ་བྱུང་སྟོན་པའི་རྒྱན་ཞིག |
| ངེས་པ་མེད་པ |
ངེས་བརྟན་མེད་པའམ་མ་ངེས་པ་སྟེ། (དཔེར་ན།) ང་རང་ག་དུས་ཡོང་མིན་ངེས་པ་མེད་ཅེས་པ་ལྟ་བུ། |
| ངེས་པ་མེད་པའི་སྡུག་བསྔལ |
སྡུག་བསྔལ་དྲུག་གི་ཡ་གྱལ་ཞིག་སྟེ། སྡུག་བསྔལ་གྱི་ཆེ་ཆུང་དང༌། གནས་དང༌། ཚད་ལ་ངེས་པ་མེད་པ། |
| ངེས་པ་འགོག་པའི་སྦྱར་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གང་རུང་ཞིག་གི་སྦྱར་ཆོས་གཞི་གཅིག་གི་སྟེང་ཁོ་ན་ལ་ཡོད་པའི་ངེས་པ་སྦྱར་ཞིང༌། འོན་ཀྱང་དེ་གཅིག་པུར་མ་ཟད་དེ་འདྲའི་རྣམ་པ་གཞན་ལའང་ཡོད་པར་སྟོན་པའི་རྒྱན་ཞིག |
| ངེས་པ་འདྲེན་པ |
རང་ཡུལ་ལ་ཡོད་མེད་ཡིན་མིན་གྱི་སྒྲོ་འདོགས་བཅད་ནས་ཇི་བཞིན་ལེགས་པར་ཤེས་པའོ། ། |
| ངེས་པ་ལྔ |
ལོངས་སྐུའི་ངེས་པ་ལྔ་གནས་ངེས་པ་འོག་མིན་སྟུག་པོ་བཀོད་ཁོ་ནར་བཞུགས་པ། སྐུ་ངེས་པ་མཚན་དཔེ་ཡོངས་སུ་གསལ་རྫོགས་ཀྱིས་སྤྲས་པ། འཁོར་ངེས་པ་བྱང་སེམས་འཕགས་པ་ཤ་སྟག་གིས་བསྐོར་བ། ཆོས་ངེས་པ་ཐེག་ཆེན་གྱི་ཆོས་འབའ་ཞིག་གསུང་བ། དུས་ངེས་པ་འཁོར་བ་ཇི་སྲིད་བར་དུ་བཞུགས་པ་བཅས་ལྔའོ། ། |
| ངེས་པ་ལྔ་བྲལ |
དགེ་ཚུལ་སློང་སོགས་གཏན་ཁྲིམས་ཀྱི་སྡོམ་པ་ལེན་པར་འགལ་རྐྱེན་ངེས་པ་ལྔ་བྲལ་དགེ་སློང་ལ་དངོས་དང༌། དགེ་ཚུལ་ལ་ཆ་འདྲ་ཞིག་དགོས་པ་མཐུན་རྐྱེན་ཚང་བའི་ཡུལ་འདིར་བསྲུང་གི་གཞན་དུ་བསྲུང་མི་ནུས་སྙམ་པ་ལྟ་བུ་ཡུལ་ངེས་པ། ལོ་ཟླ་སོགས་འདི་ཙམ་དུ་བསྲུང་གི་དེ་ཕན་བསྲུང་མི་ནུས་སྙམ་པ་ལྟ་བུ་དུས་ངེས་པ། འཐབ་རྩོད་ཀྱི་སྐབས་མ་གཏོགས་པ་གཞན་དུ་བསྲུང་སྙམ་པ་ལྟ་བུ་ཚེ་ངེས་པ། དགྲ་མ་གཏོགས་པ་གཞན་གྱི་སྲོག་མི་གཅོད་སྙམ་པ་ལྟ་བུ་སེམས་ཅན་ངེས་པ། བསླབ་བྱ་རགས་པ་འགའ་ཞིག་ལས་ཕྲ་བ་རྣམས་བསྲུང་མི་ནུས་སྙམ་པ་ལྟ་བུ་ཡན་ལག་ངེས་པ་སྟེ་དེ་རྣམས་དང་བྲལ་ན་སོར་སྡོམ་ཐོབ་པའོ། ། |
| ངེས་པ་ལྔ་ལྡན |
1.ངེས་པ་ལྔ་དང་དོན་གཅིག 2.(མངོན་བརྗོད།) རྡོ་རྗེ་འཆང༌། |
| ངེས་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་དོན་གྱི་གནས་ལུགས་དང་ཆོས་མཚུངས་པའི་དཔེ་གཅིག་ཁོ་ནར་ངེས་པ་རྙེད་པའི་རྒྱན་ཞིག |
| ངེས་པའི་དོན |
ངེས་དོན་དང་དོན་གཅིག |
| ངེས་པའི་དོན་གྱི་མདོ་སྡེ |
ངེས་དོན་གྱི་མདོ་སྡེ་དང་དོན་གཅིག |
| ངེས་པའི་ཚིག |
རྗེས་གྲུབ་མིང་གི་ཚིག་འགྲེལ་ཏེ། (དཔེར་ན།) སྒྲ་དོན་ལེགས་པར་ཤེས་པས་ངེས་པའི་ཚིག་ལ་མཁས་ལྟ་བུ། |
| ངེས་པའི་ཚིག་སོ་སོ་ཡང་དག་པར་རིག་པ |
སོ་སོ་ཡང་དག་པར་རིག་པ་བཞིའི་གྲས་ཤིག་སེམས་ཅན་སྣ་ཚོགས་ཀྱི་སྐད་དང་བརྡ་དང་སྒྲ་ཤེས་ཤིང་ཚིག་གཅིག་གིས་ཀྱང་དོན་རྣམ་པ་དུ་མར་གོ་བ་དང༌། ཚིག་འཁྲུལ་བ་དང༌། ཚབ་ཚུབ་དང༌། ཟློས་པ་མེད་པར། འཕགས་པས་བསྔགས་པའི་སྐྱེ་བོ་དགའ་བར་འགྱུར་བའི་ཚིག |
| ངེས་པའི་ས |
ཐེག་པ་གསུམ་གྱི་ཕྱིར་མི་ལྡོག་པའི་སའམ། མཐོང་ལམ་འཕགས་པའི་ས། |
| ངེས་པར |
ནན་ཏན་བྱེད་ཅིང་ཐེ་ཚོམ་མེད་པའི་དོན་ཏེ། (དཔེར་ན།) ཡོན་ཏན་སློབ་ན་ངེས་པར་བརྩོན་པ་བྱེད་དགོས། བརྩོན་པ་ངེས་པར་དུ་བྱེད་དགོས་ལྟ་བུ། |
| ངེས་པར་བསྲེག |
(མངོན་བརྗོད།) སོས་དུས། |
| ངེས་པར་འགྲེལ་བ |
ཚིག་དོན་ངེས་ཅན་དུ་འགྲོལ་བ། |
| ངེས་པར་འབྱིན་པ |
ངེས་འབྱིན་དང་དོན་གཅིག |
| ངེས་པར་འབྱུང་བ |
ངེས་འབྱུང་དང་དོན་གཅིག |
| ངེས་པར་འབྱུང་བའི་ལམ་སྟོན་པ་ལ་མི་འཇིགས་པ |
མི་འཇིགས་པ་བཞིའི་གྲས་ཤིག་བྱང་ཆུབ་ཕྱོགས་ཀྱི་ཆོས་རྣམས་ཀྱིས་རྣམ་པར་གྲོལ་བ་ཐོབ་ཅིང་གཞན་གྱིས་ནམ་ཡང་མ་ཡིན་པར་མངོན་སུམ་དུ་གཟིགས་པའི་ཕྱིར། དེ་ལྟར་སྟོན་པ་ལ་སུས་ཀྱང་རྒོལ་བའི་གནས་མེད་པའོ། ། |
| ངེས་པར་འབྱེད་པའི་ཆ |
ངེས་འབྱེད་ཀྱི་ཆ་དང་དོན་གཅིག |
| ངེས་པར་ལེགས་པ |
ངེས་ལེགས་དང་དོན་གཅིག |
| ངེས་པས་ལྟོས་པ་འགོག་པའི་རྟགས |
ཕན་ཚུན་སྤངས་འགལ་གྱི་ནང་གསེས་ཏེ། ངེས་པ་རྟགས་སུ་བཀོད་ནས་དགག་ཆོས་ལྟོས་པ་དང་བཅས་པ་ཡིན་པ་འགོག་པ་སྟེ། (དཔེར་ན།) བུམ་པ་ཆོས་ཅན། འཇིག་རྒྱུ་དོན་གཞན་ལ་ལྟོས་པ་དང་བཅས་པ་མ་ཡིན་ཏེ། འཇིག་ངེས་ཡིན་པའི་ཕྱིར། ཞེས་པ་ལྟ་བུའོ། ། |
| ངེས་པོ |
1.བློ་ལ་འཇགས་པོའི་དོན་ཏེ། (དཔེར་ན།) གནས་ཚུལ་ཚང་མ་སེམས་ལ་ངེས་པོ་བྱུང༌ལྟ་བུ། 2.བརྟན་པོའི་དོན་ཏེ། (དཔེར་ན།) ཆིངས་དོན་མཐའ་དག་ཚིག་ཐོག་དོན་ཁེལ་གྱི་ངེས་པོ་བྱུང་བ་ལྟ་བུ། |
| ངེས་བཟུང |
ངེས་གཟུང་དང་འདྲ། |
| ངེས་བརྗོད |
1.ཆོས་སོ་སོའི་མཚན་ཉིད་རྗོད་པའི་ཚིག 2.ཉི་མའི་རྟ་བདུན་གྱི་གྲས་ཤིག |
| ངེས་བརྗོད |
ངེས་ཚིག་དང་དོན་གཅིག |
| ངེས་བརྗོད་ཀྱི་རིག་བྱེད |
སྔར་རྒྱ་གར་བྲམ་ཟེའི་ཆོས་ལུགས་ཀྱི་གཞུང་བཞིའི་གྲས་ཤིག་མིང་ཚིག་གི་ངེས་པ་སྒྲུབ་པའི་སྒྲའི་རིག་བྱེད་ཅིག |
| ངེས་བརྟན |
ངེས་པ་བརྟན་པོ་ཡོང་རྒྱུ་ངེས་བརྟན་ཡིན་ལྟ་བུ། |
| ངེས་བསྟན་གྱི་རྒྱན |
དོན་རྒྱན་གྱི་ནང་གསེས་ཤིག་འཇིག་རྟེན་ལ་གྲགས་པའི་ངེས་པ་སྟོན་བྱེད་དཔེའི་དངོས་པོ་འགའ་ཞིག་གིས་དེ་དང་ཕྱོགས་མཚུངས་པའི་ངེས་པ་བསྟན་བྱ་དཔེ་ཅན་གྱི་དངོས་པོ་འགའ་ཞིག་ལ་འབྲས་བུ་ཕན་གནོད་གང་རུང་སྟེར་བ་མཚོན་པར་བྱེད་པའི་རྒྱན་ཞིག |
| ངེས་བསྟན་གྱི་རྒྱན་གཉིས |
ངེས་པར་བསྟན་པའི་རྒྱན་གྱི་ནང་གསེས་རྣམ་གྲངས་གཉིས་ནི། མཆོག་གི་ངེས་བསྟན་དང༌། མཆོག་མིན་ངེས་བསྟན་ནོ། ། |
| ངེས་བསྲིང |
ངེས་པར་དུ་བསྐུར་བ་སྟེ། (དཔེར་ན།) གོང་གསལ་གནས་ཚུལ་རྣམས་ངེས་བསྲིང་ཡོད་པ་ཞུ་ཞེས་པ་ལྟ་བུ། |
| ངེས་མེད |
ངེས་པ་མེད་པ་དང་དོན་གཅིག |
| ངེས་མེད་ཀྱི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་དོན་གྱི་གནས་ལུགས་དང་ཆོས་མཚུངས་པའི་དཔེ་གཅིག་ཁོ་ནར་མ་ངེས་པར་གཞན་ཡང་ཡོད་པར་སྟོན་པའི་རྒྱན་ཞིག |
| ངེས་ཚིག |
བྱ་དངོས་ཤིག་གི་ངོ་བོ་དང་ཁྱད་ཆོས་སམ་སྒྲ་སྤྱི་ཞིག་གི་གོ་དོན་འཁྲུལ་བ་མེད་པར་མཚོན་པའི་མིང་ངམ་ཚིག་སྟེ། འདི་ལ་ངེས་བརྗོད་ཀྱང་ཟེར། |
| ངེས་ཚིག་འདྲེན་པ |
དམ་བཅས་པའི་ཚིག་གི་སྒྲ་དོན་འདྲེན་པའི་ལྷག་བཅས་ཀྱི་སྒྲ་ཞིག |
| ངེས་འགྲོ |
(མངོན་བརྗོད།) ཐར་ལམ། |
| ངེས་འགྲོ་ཅན |
(མངོན་བརྗོད།) ཚོང་བ། |
| ངེས་འདྲོངས |
1.ངེས་ཤེས་འདྲོངས་པ་སྟེ་དོན་ཁོང་དུ་ཆུད་པ། 2.ཏན་ཏན་ཏིག་ཏིག་གི་དོན་ཏེ། (དཔེར་ན།) ཁ་སྔོན་བཀའ་མངགས་ཞུས་པའི་དངོས་པོ་རྣམས་འགྲོ་མི་ངེས་འདྲོངས་མདུན་སྐུར་རོགས་གནང༌ཞེས་པ་ལྟ་བུ། |
| ངེས་འབྱིན |
ངེས་པར་འབྱིན་པ་སྟེ། འཁོར་བའི་ཉེས་པ་དང་གཏན་བྲལ་ཞིང་མྱ་ངན་ལས་འདས་པའི་གནས་སུ་ཕྱིན་པར་བྱེད་པ། བདེན་བཞི་མི་རྟག་སོགས་བཅུ་དྲུག་གི་ནང་གསེས་ཤིག |
| ངེས་འབྱུང |
ཁམས་གསུམ་བཙོན་ར་དང་འདྲ་བ་ནས་ཐར་ཅིང་མྱ་ངན་ལས་འདས་པའི་གནས་བདེ་བར་ཕྱིན་པ་འཁོར་བའི་གནས་མཐའ་དག་ལས་ཐར་བར་འདོད་པའི་སེམས། བདེན་བཞི་མི་རྟག་སོགས་བཅུ་དྲུག་གི་ནང་གསེས་ཤིག |
| ངེས་འབྱུང་སྒྲུབ་པ |
ཤེར་ཕྱིན་དོན་བདུན་ཅུའི་ནང་གསེས། ཐེག་ཆེན་ལ་ཞུགས་པ་མཐར་ཕྱིན་པ་ཐེག་ཆེན་སེམས་བསྐྱེད་ལ་བརྟེན་ནས་བླ་མེད་བྱང་ཆུབ་ཀྱི་ཆེད་དུ་དོན་གཉིས་སྒྲུབ་པའི་བྱ་བ་གང་ཞིག་འབྱུང་བ་མཐར་ཐུག་ཏུ་གདོན་མི་ཟ་བར་འབྱིན་བྱེད་ས་བཅུ་པའི་ཁྱད་པར་ལམ་གྱིས་བསྡུས་པའོ། ། |
| ངེས་འབྱུང་སྤུ་སུད |
འཕྲལ་འཕྲལ་སྐྱེས་པའི་ངེས་འབྱུང་མི་བརྟན་པ་ཞིག་སྟེ། ཕུ་བཏབ་ན་བསེར་བུས་ཁྱེར་འགྲོ་བའི་སྤུ་ལྟ་བུ་ཞིག |
| ངེས་འབྱེད |
ངེས་པར་འབྱེད་པ་མཐོང་ལམ། |
| ངེས་འབྱེད་ཀྱི་ཆ |
མཐོང་ལམ་གྱི་ཟག་པ་མེད་པའི་ཡེ་ཤེས་འདི་ཉིད་ཟག་མེད་ཡེ་ཤེས་ཡོངས་རྫོགས་ཀྱི་ཆ་ཤས་གཅིག་ཙམ་ཡིན་པས་ན་ཆ་ཟེར། |
| ངེས་འབྱེད་ཆ་མཐུན |
སོ་སོ་སྐྱེ་བོ་ལས་ངེས་པར་འབྱེད་པ་འཕགས་པའི་ལམ་གྱི་ཆ་མཐོང་ལམ་སྐྱེ་བ་དང་རྗེས་སུ་མཐུན་པའོ། ། |
| ངེས་འབྱེད་ཆ་མཐུན་བཞི |
སྦྱོར་ལམ་དྲོད་དང༌། རྩེ་མོ་དང༌། བཟོད་པ་དང༌། ཆོས་མཆོག་སྟེ་བཞིའོ། ། |
| ངེས་འབྱེད་ཡན་ལག |
ཤེར་ཕྱིན་དོན་བདུན་ཅུ་པའི་ནང་གསེས་ཤིག་གདམས་པའི་དོན་ཉམས་སུ་བླངས་པ་ལས། སྦྱོར་ལམ་རྒྱུད་ལ་སྐྱེ་བ་ཐེག་ཆེན་ཐར་པ་ཆ་མཐུན་གྱི་རྗེས་སུ་སྐྱེས་པའི་མངོན་རྟོགས་གང་ཞིག་མོས་སྤྱོད་ཀྱི་སས་བསྡུས་པའོ། ། |
| ངེས་འཛིན |
(བརྡ་རྙིང་།) ཕུ་བོ། |
| ངེས་རྩིས |
གཏན་ལ་ཕབ་ཟིན་པའི་རྩིས། |
| ངེས་ལེགས |
གཏན་དུ་བདེ་བ་ཐར་པ་དང༌། ཐམས་ཅད་མཁྱེན་པའི་གོ་འཕང༌། |
| ངེས་ལེགས་ཀྱི་རྒྱུ |
ཤེས་རབ་སྟེ། གཙོ་བོ་བདག་མེད་རྟོགས་པའི་ཤེས་རབ། |
| ངེས་ཤེས |
1.དོན་ཐག་ཆོད་པར་རྟོགས་པའི་བློའི་མིང་སྟེ། (དཔེར་ན།) རིགས་པའི་གཞུང་ལུགས་གྱི་དོན་ལ་ངེས་ཤེས་སྐྱེས། 2.ཁ་ཚོན་ཆོད་པ་དང་ཐག་ཆོད་པའི་དོན་ཏེ། (དཔེར་ན།) བདེ་སྐྱིད་འབྱུང་བར་ངེས། བྱ་བ་འགྲུབ་པར་ངེས། འབྱུང་ངེས། འགྲུབ་ངེས། ནམ་ཡོང་ངེས་པ་མེད། དེ་ཡིན་པའི་ངེས་པ་མེད་ལྟ་བུ། |
| ངེས་ཤེས་རྙེད་པ |
1.ཡིད་ཆེས་སྐྱེས་པ། 2.དོན་གསལ་པོར་རྟོགས་པ། |
| ངེས་སྒྲིབ |
(མངོན་བརྗོད།) ལྗང་པ། |
| ངེས་སྲེག་གི་ཟླ་བ |
(མངོན་བརྗོད།) ཧོར་ཟླ་ལྔ་པའི་མིང༌། |
| ངོ |
1.མགོའི་ཁ་མིག་ཡོད་སའི་ཁག་གི་མིང་སྟེ། (དཔེར་ན།) ངོ་མདངས། ངོ་འཛུམ་ཞེས་པ་ལྟ་བུ།2.གོ་གནས་སམ། དབང་ཐང་དང་བརྩེ་དུང་སོགས་ཀྱི་དོན་ཏེ། (དཔེར་ན།) མི་ངོ་ཆེན། མི་ངོ་མེད། ངོ་ཆེན་ངོ་མེད་ལ་ཁྱད་པར་མ་གཏོང་ཞེས་པ་ལྟ་བུ།3.ཕྱི་ངོས་སམ་གནས་ཀྱི་དོན་ཏེ། (དཔེར་ན།) དཔེ་ཆའི་ངོ་ལ་བལྟས་ཏེ་ཡི་གེ་ཀློག གནམ་ངོ་འཐིབས། གཡུལ་ངོ་ན་དམག་མང། བློ་ངོ་ལ་དེ་ལྟ་ཤར་ལྟ་བུ།4.ང་མཐར་འཇུག་པའི་སླར་བསྡུའི་ཕྲད་ཅིག་སྟེ། གོ་ལ་ལྟོས། |
| ངོ་ཁབས |
པགས་མདོག་དཀྱུས་དང་མི་འདྲ་བ་སྐྱ་ཐེར་སྣ་ཚོགས་ཤར་བའི་པགས་ནད་རིགས་ཤིག |
| ངོ་ཁེབས |
གདོང་པ་འགེབས་བྱེད་ཀྱི་སང་རས་སོགས། |
| ངོ་ཁེབས་གྲོ་ཐིག |
གདོང་ལྤགས་ནག་ཁྲའི་སྟེང་དུ་ཐོན་པའི་ཐིག་ལེ་ཆུང་ངུ་། |
| ངོ་ཁྲལ |
1.ཐོབ་སྐལ་དུ་འཁྲི་བའི་ཁྲལ། སྔར་བོད་ཀྱི་སྒེར་བའི་ཁྱིམ་དུ་ཞབས་སྡོད་ཞུ་མི་མེད་མཁན་གྱིས་སྲིད་གཞུང་ལ་འཇལ་དགོས་པའི་ཁྲལ་ཞིག 2.ངོ་གཅོག་མི་ནུས་པར་བྱེད་དགོས་པའི་ལས། |
| ངོ་ག |
(བརྡ་རྙིང་།) སྣང་ངོས། |
| ངོ་གཅོག |
གཞན་གྱི་རེ་འདོད་རྩིས་མེད་དུ་གཏོང་བ་སྟེ། (དཔེར་ན།) གྲོགས་པོའི་ངོ་གཅོག་མ་ཕོད་པར་དེ་ལྟར་བཤད་ཅེས་པ་ལྟ་བུ། |
| ངོ་གཉིས་མ |
དངོས་སུ་མི་དང་ལྐོག་ཏུ་འདྲེ་བྱེད་མཁན་གྱི་མི་སྟེ། (དཔེར་ན།) མི་ངོ་གཉིས་མར་དོགས་བསྒྲིམ་དགོས་ལྟ་བུ། |
| ངོ་གཏུག |
ཕན་ཚུན་ངོ་ཐུག་བྱས་པ། |
| ངོ་གཏོང་བསུ་ལེན |
གཉེན་སྒྲིག་སྐབས་ནང་མི་ངོ་མ་ཕྱིན་ནས་མནའ་མ་བསུ་ལེན་བྱེད་པ། |
| ངོ་གདོང |
1.ལུས་ཀྱི་གདོང་བ་སྟེ། (དཔེར་ན།) ངོ་གདོང་ནག་ལོག་གེ་བ། ཁོང་ཁྲོ་ལངས་ཏེ་ངོ་གདོང་དམར་པོར་གྱུར་ལྟ་བུ། 2.ཐད་ཀའམ་གདོང་ཐུག་གི་དོན་ཏེ། (དཔེར་ན།) སྐད་ཆ་ངོ་གདོང་དུ་བཤད་ན་སེམས་ལ་མི་གནོད་ལྟ་བུ། |
| ངོ་གནག་པ |
བཞིན་རས་ལ་ཁྲོ་བའི་རྣམ་པ་ཅན། |
| ངོ་གནོང |
ངོ་ཚ་དང་དོན་འདྲ་སྟེ། (དཔེར་ན།) ངོ་རེ་གནོང་། ངོ་གནོང་མི་དགོས་ཞེས་པ་ལྟ་བུ། |
| ངོ་གཡོག |
སྐུ་ངོའམ་དཔོན་དང་འཁོར་གཡོག་གི་དོན་ཏེ། (དཔེར་ན།) དཔོན་ངོ་གཡོག་ཚང་མ་ལྷན་དུ་ཕེབས་ཞེས་པ་ལྟ་བུ། |
| ངོ་གྲངས |
ངོའམ་རྡོག་པོའི་གྲངས་ཀ་སྟེ། (དཔེར་ན།) དཔེ་དེབ་ཀྱི་ངོ་གྲངས། ཁྱིམ་ནང་དུ་སྡོད་མི་ངོ་གྲངས། ལོ་ཟླའི་ངོ་གྲངས། པོ་ཏིའི་ངོ་གྲངས་བརྒྱ་དང་བརྒྱད་ཡོད་ལྟ་བུ། |
| ངོ་ཅག |
ང་ཚོའམ། བདག་ཅག |
| ངོ་ཆག |
སྔར་བོད་དུ་ཞབས་སྡོད་དངོས་སུ་ཞུས་རྗེས་ཆག་པའི་ཁྲལ་འབབ། |
| ངོ་ཆེན |
1.དབང་ཐང་དང་གོ་ས་མཐོ་བའི་དོན་ཏེ། (དཔེར་ན།) དཔོན་པོ་ངོ་ཆེན་ཞེས་པ་ལྟ་བུ།2.རོགས་མགོན་ཞུ་བའི་དོན་ཏེ། (དཔེར་ན།) དཔོན་ལ་ངོ་ཆེན་ཞུས་ནས་རང་དོན་སྒྲུབ་ལྟ་བུ། |
| ངོ་ཆེན་གཏོང་བ |
1.ངོ་ཆེན་ཞུ་མི་གཏོང་བ། 2.ངོ་ལ་བལྟས་ཏེ་དོན་སྨིན་གཏོང་བ། |
| ངོ་ཆེན་ཞུ་བརྒྱུད |
མགོ་འདྲེན་ཞུ་བའི་དོན་ཏེ། (དཔེར་ན།) ཁྲིམས་སར་ངོ་ཆེན་ཞུ་བརྒྱུད་ཀྱིས་བཀའ་ཉེས་ཆག་ཡང་ཞུས་ཀྱང་མ་ཕན་ལྟ་བུ། |
| ངོ་ཆོད |
ངོ་ཤེས་པའམ་ངོས་འཛིན་ཐུབ་པ་སྟེ། (དཔེར་ན།) ངས་ཁོའི་ངོ་ཆོད་ཐུབ། ས་ངོ་མི་ཆོད་པ། མིག་ཡོད་ཀྱང་ཡག་ཉེས་ངོ་མི་ཆོད་ཅེས་པ་ལྟ་བུ། |
| ངོ་ཏི |
(བརྡ་རྙིང་།) 1>ངོ་མའམ། དངོས་གནས། 2>ངོ་བོ། |
| ངོ་ཐང |
མཐོང་ཆེ་ཆུང་ངམ། བརྩི་འཇོག་ཆེ་ཆུང༌གི་དོན་ཏེ། (དཔེར་ན།) ཀུན་ལ་ངོ་ཐང་ཆུང༌བ་སྤྲང་པོ་ཡིན། གཡོག་ལ་ངོ་ཐང་ཆེ་བ་དཔོན་པོ་ཡིན་ལྟ་བུ། |
| ངོ་ཐུག་དྲི་ལན |
ཕན་ཚུན་ངོ་ཕྲད་ཀྱིས་གཏམ་ཕར་དྲི་ཚུར་དྲི། |
| ངོ་ཐུག་པ |
གདོང་དང་གདོང་ཐུག་པ་སྟེ། དངོས་སུ་ཕྲད་པ། |
| ངོ་ཐོག |
ངོ་མའམ་དངོས་གནས་ཏེ། (དཔེར་ན།) གཏམ་ངོ་ཐོག་བཤད་པ་ཞེས་པ་ལྟ་བུ། |
| ངོ་ཐོག་ཞག |
གང་བརྩིའི་སྐབས་དེའི་ངོ་ཐོག་ཞག་འདས་པའི་ཁྱིམ་ཞག་སྟེང་གཟུགས་བསྣན་པས་གྲུབ། |
| ངོ་ཐོན་པ |
1.སྙན་གྲགས་བྱུང་བ་དང༌། གོ་གནས་འཕེལ་བ། གཟེངས་སུ་ཐོན་པ་བཅས་ཀྱི་དོན་ཏེ། (དཔེར་ན།) གྲུབ་འབྲས་ངོ་ཐོན་པ་ཞིག་ཐོབ་སོང༌ལྟ་བུ། 3.(བརྡ་རྙིང་།) ནན་གྱིས། |
| ངོ་དཀར་བ |
1.ངོ་འཛུམ་པ། 2.དངོས་ཆས་ནང་ནས་ཅུང་བཟང་བའི་ཁག་གི་དོན་ཏེ། (དཔེར་ན།) ངའི་ཅ་ལག་གི་ནང་དུ་འདི་ལས་ངོ་དཀར་བ་མེད་ཅེས་པ་ལྟ་བུ། |
| ངོ་དགའ |
དངོས་སུ་གཞན་དགའ་བར་བྱེད་པའི་ཚིག་གམ་བྱ་སྤྱོད་དང་། ཚུལ་དང་མི་མཐུན་པའམ་ལ་རྒྱ་ཤོར་བའི་ཐབས་ཀྱིས་གཞན་དགའ་བར་བྱེད་པའི་ཚིག་དང་བྱ་སྤྱོད་སོགས་ཀྱི་མིང་སྟེ། ངོ་བསྟོད་ཀྱང་ཟེར། |
| ངོ་དགའ་ངོ་བསྟོད |
ངོ་དགའ་དང་དོན་གཅིག |
| ངོ་དགའ་ཕྱོགས་འཐེན |
ངོ་ལ་བལྟས་ནས་ཕྱོགས་རིས་བྱེད་པ། |
| ངོ་དགའ་སྤྲེལ་ལད |
ངོ་བསྲུངས་ནས་བསྟོད་བསྔགས་བྱེད་པ། |
| ངོ་དོད |
སྔར་ཞབས་རྟེན་ཕ་གཞིས་ཡོད་ཀྱང༌། ཞབས་སྡོད་དངོས་སུ་མ་ཞུས་པའི་རིང་སྤྲོད་དགོས་པའི་དངུལ་ཁྲལ། |
| ངོ་ནོར་སྦས་བསྐུངས |
བཟང་ངན་བརྗེ་འཕྲུལ་དང་ལྐོག་ཉར་གྱི་དོན་ཏེ། (དཔེར་ན།) རྩིས་འཁྲི་དངོས་རིགས་རྣམས་ངོ་ནོར་སྦས་བསྐུངས་མེད་པར་རྩིས་སྤྲོད་ཞུ་དགོས་ལྟ་བུ། |
| ངོ་ཕན |
མ་རྩ་ལ་ཕན་པ་སྟེ། བུ་ལོན་འཇལ་མཁན་གྱིས་བུན་བདག་ལ་སྐྱེད་ཁ་སྤྲད་པའི་ལྷག་མ་ངོ་བོའམ་མ་རྩ་ནས་གཅོག་རྒྱུར་སྤྲད་པ་དེར་ངོ་བོ་ལ་ཕན་པ་ཟེར་བའི་ཚིག་སྡུད་ལ་ངོ་ཕན་ཟེར། |
| ངོ་ཕེབས |
ངོ་མའམ་དངོས་སུ་ཕེབས་པ་སྟེ། (དཔེར་ན།) ཁོང་ཚོགས་འདུ་འཚོག་སར་ངོ་ཕེབས་གནང་ཞེས་པ་ལྟ་བུ། |
| ངོ་ཕྲད |
ཕན་ཚུན་གདོང་ཐུག་པ་སྟེ། (དཔེར་ན།) མི་རིང་བར་ངོ་ཕྲད་ཡོང་བའི་སྨོན་འདུན་ཞུ་ལྟ་བུ། |
| ངོ་བརྟན་པོ |
གདོང་བརྟན་པོ་སྟེ། (དཔེར་ན།) མི་དེ་དགའ་སྡུག་གི་འགྱུར་བ་སྐྱེན་པོ་མེད་པར་ངོ་བརྟན་པོ་ཞིག་རེད་ཅེས་པ་ལྟ་བུ། |
| ངོ་བཤུས |
འདྲ་བཤུས་ཏེ། མ་དཔེར་བརྟེན་ནས་བཤུས་པའི་ཡིག་ཆ་དང་རི་མོ་སོགས། (དཔེར་ན།) དཔེ་ཆ་པར་མ་ལ་བརྟེན་ནས་ངོ་བཤུས་བྱེད་པ་ལྟ་བུ། |
| ངོ་བསྟོད |
ཁ་གསག་གི་ཚིག་གམ། མདུན་དུ་ཆེ་བརྗོད་བྱེད་པ་སྟེ། (དཔེར་ན།) རྒྱལ་པོ་རྣམས་ནི་ངོ་བསྟོད་དགའ། དྲང་པོའི་གཏམ་ལ་མཉན་པ་དཀོན། ངོ་བསྟོད་དང༌། ཟོལ་ཚིག་ནོར་གྱིས་བསླུ་བ་བཅས་ལ་དོགས་ཟོན་གཟབ་ཅེས་པ་ལྟ་བུ། |
| ངོ་བསྟོད་ཀྱི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་ལས་དཔེ་ཡོན་ཏན་ལྷག་ཀྱང༌། དཔེ་ཅན་ལ་ངོ་སྲུང་སྤྲེལ་ལད་སྟོན་ཕྱིར་དཔེ་ལ་གཟེངས་བསྟོད་མེད་པར་ཕན་ཚུན་འདྲ་མཉམ་མཚུངས་མཉམ་དུ་སྦྱོར་བའི་རྒྱན་ཞིག |
| ངོ་བོ |
རང་བཞིན་ནམ་གཤིས་ཀའི་མིང་སྟེ། (དཔེར་ན།) སྨན་ལ་ངོ་བོའི་སྒོ་ནས་བསིལ་དྲོད་གཉིས། ནད་ལ་ངོ་བོའི་སྒོ་ནས་ཚ་གྲང་གཉིས། ཆུ་དང་ཆབ་རོམ་གཉིས་ངོ་བོ་གཅིག་ཡིན་ལྟ་བུ། |
| ངོ་བོ་ཀ་དག |
རིག་པའི་ངོ་བོ་ཆོས་ཉིད་སྟོང་པའི་ཆ། |
| ངོ་བོ་གཅིག་པ |
རང་བཞིན་ཐ་མི་དད་པ་སྟེ། དཔེར་ན་བུམ་པ་དང་མི་རྟག་པ་ལྟ་བུའོ། །མིང་གི་རྣམ་གྲངས་ལ་རང་བཞིན་གཅིག་པ་དང༌། བདག་ཉིད་གཅིག་པའོ། ། |
| ངོ་བོ་གཅིག་ལ་ལྡོག་པ་ཐ་དད་པ |
རང་བཞིན་སོ་སོ་བ་མ་ཡིན་ཞིང་རང་གི་ལྡོག་པ་ཐ་དད་དུ་གནས་པ་སྟེ། (དཔེར་ན།) བུམ་པ་དང་ཤེས་བྱ་གཉིས་དང༌། མི་རྟག་པ་དང་དངོས་པོ། མི་དང་མིའི་ཉེར་ལེན་གྱི་ཕུང་པོ་ལྟ་བུའོ། ། |
| ངོ་བོ་ཅན་གྱི་རྒྱན |
གཟུགས་ཅན་གྱི་རྒྱན། |
| ངོ་བོ་ཉིད |
རང་བཞིན་ཉིད་དམ། ངོ་བོ་དེ་རང༌སྟེ། (དཔེར་ན།) སེམས་ཀྱི་ངོ་བོ་ཉིད། དོན་གྱི་ངོ་བོ་ཉིད། ངོ་བོ་ཉིད་ཀྱིས་འཕེལ་འགྲིབ་ཏུ་གྱུར་པ། ནམ་མཁའི་ཁམས་ནི་རང་གི་ངོ་བོ་ཉིད་ཀྱིས་རྣམ་པར་དག་པ་ཞིག་གོ། །མིའི་རྩོལ་བས་བཟོས་པ་ཡིན་གྱི་ངོ་བོ་ཉིད་ཀྱིས་བྱུང་བ་མ་ཡིན་ལྟ་བུ། |
| ངོ་བོ་ཉིད་ཀྱི་དགེ་བ |
དད་སོགས་དགེ་བའི་སེམས་བྱུང་བཅུ་གཅིག |
| ངོ་བོ་ཉིད་ཀྱི་དྲན་པ་ཉེར་བཞག |
ལུས་ཚོར་སེམས་ཆོས་བཞིའི་ངོ་བོ་ལ་ཤེས་རབ་ཀྱིས་ཇི་ལྟར་འབྱེད་པ་བཞིན་དྲན་པ་ཉེ་བར་བཞག་པའོ། ། |
| ངོ་བོ་ཉིད་ཀྱི་མི་དགེ་བ |
རྩ་བའི་ཉོན་མོངས་པ་དང་ཉེ་ཉོན་རྣམས་ཏེ། ཉེས་སྤྱོད་ཀུན་ནས་སློང་བའི་ཕྱིར་ཐམས་ཅད་ངོ་བོ་ཉིད་ཀྱི་མི་དགེ་བའོ། ། |
| ངོ་བོ་ཉིད་ཀྱི་ཚིག་བླ་དྭགས |
དངོས་པོ་རྣམས་ཀྱི་ཁྱད་གཞི་ཙམ་སྟོན་པའི་འདོད་རྒྱལ་གྱི་ཚིག |
| ངོ་བོ་ཉིད་ཀྱི་ལུང་མ་བསྟན |
ཁམས་དང་སྐྱེ་མཆེད་གཟུགས་ཅན་བརྒྱད་དང༌། དེ་དང་མཚུངས་ལྡན་གྱི་ཡིད་དང༌། སྲོག་དང༌། རིས་མཐུན་པ་དང༌། མིང་ཚིག་ཡི་གེའི་ཚོགས་རྣམས་སོ། ། |
| ངོ་བོ་ཉིད་གསུམ |
ཀུན་ཏུ་བརྟགས་པའི་ངོ་བོ་ཉིད་དང༌། གཞན་གྱི་དབང་གི་ངོ་བོ་ཉིད། ཡོངས་སུ་གྲུབ་པའི་ངོ་བོ་ཉིད་དེ་གསུམ། |
| ངོ་བོ་ཉིད་མེད་པ་གསུམ |
མཚན་ཉིད་ངོ་བོ་ཉིད་མེད་པ་ཉིད་དང༌། སྐྱེ་བ་ངོ་བོ་ཉིད་མེད་པ་ཉིད། དོན་དམ་པ་ངོ་བོ་ཉིད་མེད་པ་ཉིད་དེ་གསུམ། |
| ངོ་བོ་ཉིད་མེད་པ་ཉིད |
བདག་གི་ངོ་བོ་ཉིད་དུ་མ་གྲུབ་པ་སྟེ། མཚན་ཉིད་གསུམ་གྱི་ནང་གསེས་ཡོངས་གྲུབ་ཀྱི་མིང་། |
| ངོ་བོ་ཉིད་མེད་པར་སྨྲ་བ |
ནང་པའི་གྲུབ་མཐའ་སྨྲ་བའི་བྱེ་བྲག་ཅིག་སྟེ། ཆོས་ཐམས་ཅད་བདེན་མེད་དུ་ཁས་ལེན་པའི་དབུ་མ་པ་རྣམས་སོ། ། |
| ངོ་བོ་ཉིད་སྐུ |
ཤེར་ཕྱིན་དོན་བདུན་ཅུའི་ནང་གསེས་ཤིག་སངས་རྒྱས་ཀྱི་སྐུའི་བྱེ་བྲག་དག་པ་གཉིས་ལྡན་གྱི་དབྱིངས་མཐར་ཐུག་པའི་སྐུ། |
| ངོ་བོ་ཉིད་སྐུ་གཉིས |
རང་བཞིན་རྣམ་དག་གི་སྐུ་དང༌། གློ་བུར་རྣམ་དག་གི་ཆར་གྱུར་པའི་སྐུ་གཉིས། |
| ངོ་བོ་ཉིད་སྐུའི་མཚན་ཉིད་ལྔ |
འདུས་མ་བྱས་པ་དང༌། དབྱེར་མེད་པ། མཐའ་གཉིས་སྤངས་པ། སྒྲིབ་པ་གསུམ་ལས་གྲོལ་བ། རང་བཞིན་གྱིས་འོད་གསལ་བ་བཅས་ལྔ། |
| ངོ་བོ་ཉིད་སྐུའི་ཡོན་ཏན་ལྔ |
གཞལ་དུ་མེད་པ་དང༌། གྲངས་མེད་པ། བསམ་དུ་མེད་པ། མཉམ་པ་མེད་པ། དྲི་མས་དག་པ་བཅས་ལྔ། |
| ངོ་བོ་ཉིད་སྟོང་པ་ཉིད |
གཟུགས་དང་སྒྲ་ལ་སོགས་པའི་ཆོས་ཉིད་དེ་ལ་དངོས་པོ་མེད་པ། |
| ངོ་བོ་ཐ་དད་པ |
ངོ་བོ་སོ་སོ་བའམ་རང་བཞིན་ཐ་དད་པ། (དཔེར་ན།) རྟག་དངོས་གཉིས་ལྟ་བུའོ། ། |
| ངོ་བོ་བདག་གཅིག་གི་འབྲེལ་བ |
1.བདག་གཅིག་འབྲེལ་དང་དོན་གཅིག་2.རྣམ་དབྱེ་དྲུག་པའི་ནང་གསེས། བདག་ཉིད་གཅིག་པའི་འབྲེལ་བ་སྟོན་བྱེད་ཀྱི་སྒྲ། (དཔེར་ན།) ལྕགས་ཀྱི་སྐུད་པ་དང༌། རྡོའི་ཁང་པ་ཞེས་པའི་སྐབས་ཀྱི་སྐུད་པའི་བདག་ཉིད་དམ་རྒྱུ་ཆ་ལྕགས་དང༌། ཁང་པའི་བདག་ཉིད་དམ་རྒྱུ་ཆ་རྡོ་ཡིན་པས་འབྲེལ་སྒྲ་འདིས་བདག་ཉིད་གཅིག་པ་ཡིན་པར་ཤེས་ཐུབ། |
| ངོ་བོ་མེད་པ་སྟོང་པ་ཉིད |
སྟོང་ཉིད་བཅུ་དྲུག་གི་ནང་གསེས་ཤིག་སྟེ་དངོས་པོ་མེད་པའི་ངོ་བོ་ཉིད་སྟོང་པ་ཉིད། |
| ངོ་བོ་སྟོན་པའི་སྒྲ |
ཁྱད་གཞི་དོན་གྱི་ངོ་བོ་ཙམ་སྟོན་ཞིང༌། དེའི་ཁྱད་ཆོས་གང་ཡང་གསལ་བར་མི་བྱེད་པའི་མིང་རྐྱང་ཡིན་པ་འདི་དག་ལ་རྣམ་དབྱེ་དང་པོ་ཞེས་པའི་མིང་ཐོབ་ཀྱང༌། ལོགས་སུ་རྣམ་དབྱེའི་རྐྱེན་སྟེར་རྒྱུ་མེད་པ་སྟེ། (དཔེར་ན།) ལྕགས། ཟ་བ། དམར་པོ་ཞེས་པ་ལྟ་བུ། |
| ངོ་བོའི་བསྐལ་དོན |
ངོ་བོ་ཕྲ་བའི་དབང་གིས་མ་མཐོང་བའི་བསྐལ་དོན་ཏེ། རང་གི་མདུན་ལ་ཡོད་པའི་ས་རྡུལ་ཕྲ་རབ་ལྟ་བུའོ། ། |
| ངོ་བྱའོ |
(བརྡ་རྙིང་།) བསྟུན་དགོས་པ། |
| ངོ་མ |
རྫུན་མའི་ལྡོག་ཟླ་སྟེ། (དཔེར་ན།) བྱུ་རུ་རྫུན་མ་དང་ངོ་མ་ཞེས་པ་ལྟ་བུ། |
| ངོ་མ་ཆོག་པ |
(ཡུལ་སྐད།) གཞན་ངོ་ཟློག་མ་ནུས་པའི་དོན་ཏེ། (དཔེར་ན།) ངོ་མ་ཆོག་པར་ཁས་ལེན་བྱེད་དགོས་བྱུང༌ལྟ་བུ། |
| ངོ་མ་ཆོད་པ |
ངོས་འཛིན་མ་ཐུབ་པའི་དོན་ཏེ། (དཔེར་ན།) དཔོན་དམག་སུ་ཡིན་ངོ་མ་ཆོད་པ་ལྟ་བུ། |
| ངོ་མཐོ་བ |
1.མང་པོའི་ནང་ནས་བཟང་བ། 2.ངོ་སོ་ཆེ་བ། |
| ངོ་མཚང་བྲུས |
དངོས་སུ་མཚང་བྲུས་པའི་དོན་ཏེ། (དཔེར་ན།) ངོ་མཚང་འབྲུ་མཁན། ངོ་མཚང་བྲུས་ནས་ཞེས་པ་ལྟ་བུ། |
| ངོ་མཚང་འདྲུ་བ |
སྐྱོན་འདོན་པ། |
| ངོ་མཚར |
ཁྱད་མཚར་རམ་ཡ་མཚན་ཏེ། (དཔེར་ན།) ལྟད་མོ་ངོ་མཚར་ཅན། བྱས་རྗེས་ངོ་མཚར་ཅན། ངོ་མཚར་གྱིས་ལྟ་བ། མཛད་པ་ངོ་མཚར་ཅན། ཡུལ་ལྗོངས་ཀྱི་སྣང་བ་ངོ་མཚར་ཆེ་ཞིང་མཛེས་སྡུག་བརྗིད་ཆགས་དང་ལྡན་ཞེས་པ་ལྟ་བུ། |
| ངོ་མཚར་པོ |
1.གདོང་མཛེས་པོ། 2.ཡ་མཚན་ཆེན་པོ། |
| ངོ་མཚར་ཕུལ་བྱུང |
ཕུལ་བྱུང་གི་རྒྱན་གྱི་ནང་གསེས་ཤིག་འཇིག་རྟེན་གྲགས་ཚོད་ལས་བརྒལ་བའི་ངོ་མཚར་ཅན་གྱི་ཁྱད་ཆོས་ཕུལ་བྱུང་སྟོན་པའི་རྒྱན་ཞིག |
| ངོ་མཚར་བ |
ཡ་མཚན་པ་སྟེ། (དཔེར་ན།) ངོ་མཚར་བའི་ལྟས། ངོ་མཚར་རྨད་དུ་བྱུང་ཞེས་པ་ལྟ་བུ། |
| ངོ་མཚར་རྩ་བདུན |
མི་ནད་མེད་ཀྱི་རྩའི་འཕར་ཚུལ་ལ་བརྟེན་ནས་ལྐོག་གྱུར་གྱི་དོན་རྣམས་གསལ་བར་ལུང་སྟོན་ནུས་པའི་རྩ་བརྟག་ཐབས་བདུན་ཏེ། ཁྱིམ་ཕྱྭ་དང༌། མགྲོན་ཕྱྭ། དགྲ་ཕྱྭ། གྲོགས་ཕྱྭ། གདོན་ཕྱྭ། མེ་ཆུ་གོ་ལྡོག་བུ་རྩ་བཅས་སོ། ། |
| ངོ་མཚར་ལྔ་ལྡན་འཛམ་གླིང་གི་ནོར་འཛིན |
འཛམ་བུ་གླིང་འདིར་ཁྱད་དུ་འཕགས་པའི་ཡུལ་གྲུ་ཆེན་པོ་ལྔ་ཡོད་པ་ནི། དབུས་སུ་རྒྱ་གར་རྡོ་རྗེ་གདན་ཤཱཀྱ་ཐུབ་པའི་ཞིང༌། ཤར་དུ་རྒྱ་ནག་རི་བོ་རྩེ་ལྔ་འཇམ་དཔལ་དབྱངས་ཀྱི་ཞིང༌། ལྷོ་ན་རི་བོ་པོ་ཏ་ལ་སྤྱན་རས་གཟིགས་ཀྱི་ཞིང༌། ནུབ་ན་ཨོ་རྒྱན་མཁའ་འགྲོའི་གླིང་པད་མ་འབྱུང་གནས་ཀྱི་ཞིང༌། བྱང་ན་ཤམ་བྷ་ལ་ཆོས་རྒྱལ་རིགས་ལྡན་གྱི་ཞིང་བཅས་ལྔ་ཡོད། |
| ངོ་མའི་རང་བཞིན |
ངོ་ཐོག་གི་གནས་ལུགས། |
| ངོ་མི་འཚོ་བ |
1.ངོ་མི་ཤེས་པ། 2.ངོ་སྲུང་མི་བྱེད་པ། |
| ངོ་མི་རྟག་པ |
ངོ་སྟོན་སྟངས་དཀར་ནག་འགྱུར་ལྡོག་མང་བ། |
| ངོ་མེད་དོན་མེད |
ངོ་སོ་དང་དོན་གཉིས་ཀ་མེད་པ་སྟེ། (དཔེར་ན།) དཀའ་ལས་ཇི་ཙམ་བརྒྱབ་ཀྱང་ངོ་མེད་དོན་མེད་རེད་ཅེས་པ་ལྟ་བུ། |
| ངོ་མེད་ལྐོག་མེད |
ངོ་ལྐོག་མཚུངས་པ། |
| ངོ་ཚ |
1.གཞན་གྱིས་འཕྱ་སྨོད་དང་བཞད་གད་བྱེད་པར་འཛེམས་པའི་དོན་ཏེ། (དཔེར་ན།) བུ་མོ་ངོ་ཚ་ནས་མགོ་སྨད། བྱིས་པ་འདི་མི་མང་གི་མདུན་དུ་གཏམ་བཤད་པར་ངོ་ཚ། ངོ་རེ་ཚ་ཞེས་པ་ལྟ་བུ། 2.འཕྱ་སྨོད་ཀྱི་གནས་སུ་གྱུར་པའི་བྱ་སྤྱོད་ཀྱི་མིང་སྟེ། (དཔེར་ན།) ངོ་ཚར་གཏད། ངོ་ཚ་ཉོས། ངོ་ཚ་ཤེས་ཤིང་ཁྲེལ་ཡོད་པ་ཞེས་པ་ལྟ་བུ། |
| ངོ་ཚ་ཁ་སྐྱེངས |
ངོ་ཚ་བའི་སྣང་ཚུལ་ཞིག་སྟེ། (དཔེར་ན།) ངོ་ཚ་ཁ་སྐྱེངས་ཀྱིས་ཁོང་ཁྲོ་ལངས་ཞེས་པ་ལྟ་བུ། |
| ངོ་ཚ་ཁྲེལ་འདས |
ངོ་ཚ་མེད་པ་དང་ཁྲེལ་མེད་པའི་དོན་ཏེ། ངོ་ཚ་ཁྲེལ་མེད་ཀྱང་ཟེར། |
| ངོ་ཚ་ཁྲེལ་ཡོད |
རང་སྐྱེངས་པ་དང་གཞན་ཁྲེལ་དོགས་ལ་འཛེམ་པ། |
| ངོ་ཚ་ཁྲེལ་སེམས |
རང་སྐྱེངས་གཞན་ཁྲེལ་གྱི་བསམ་པ། |
| ངོ་ཚ་བ |
ངོ་ཚ་དང་འདྲ། རང་ཉིད་ཀྱིས་ནོངས་པ་ངོས་ཟིན་པས་གདོང་ཚ་ཕྱུར་ཕྱུར་བྱེད་པ་སྟེ། (དཔེར་ན།) ངོ་ཚ་བའི་གནས། ཉེས་སྤྱོད་ལ་ངོ་མི་ཚ་བ་ལྟ་བུ། མིང་གི་རྣམ་གྲངས་ལ་སྐྱེངས་པ་དང༌། ཁྲེལ་ལྡན། ཁྲེལ་ཡོད། ངོ་དམན། ངོ་ཚ་ཤེས་པ། བག་ཡོད། བག་ལྡན། མིག་དམན། འཚེར་བ། འཛེམ་མདོག་ཞུམ་མེད་བཅས་སོ། ། |
| ངོ་ཚ་མེད་པ |
བདག་རྒྱུ་མཚན་དུ་བྱས་ཏེ་སྡིག་པ་ལ་མི་འཛེམ་པ་དུག་གསུམ་གྱི་ཆར་གཏོགས་པ་ཉེ་ཉོན་ཉི་ཤུའི་ནང་གསེས་ཤིག |
| ངོ་ཚ་ཤེས་པ |
དགེ་བའི་སེམས་བྱུང་བཅུ་གཅིག་གི་གྲས་ཤིག་སྟེ་བདག་གམ་ཆོས་རྒྱུ་མཚན་དུ་བྱས་ནས་ཁ་ན་མ་ཐོ་བ་ལ་འཛེམ་པ་ཉེས་སྤྱོད་སྡོམ་པའི་རྟེན་བྱེད་པའི་ལས་ཅན་ཞིག |
| ངོ་ཚ་ཤེས་པའི་ནོར |
འཕགས་ནོར་བདུན་གྱི་ནང་གསེས། རང་ངོར་ལྟོས་པའི་ཁ་ན་མ་ཐོ་བ་འཛེམ་པ་ཉོན་མོངས་པ་བདག་མེད་རྟོགས་པའི་ཤེས་རབ་ཀྱི་སྦུབས་སུ་སྦ་བས་རྟ་མཆོག་རིན་པོ་ཆེ་དང་ཆོས་མཚུངས་པའོ། ། |
| ངོ་ཚ་སྤྲད་རིན |
རྐུན་པོ་བཟུང་ནས་རང་ཡུལ་དུ་སློག་སྐབས་འཛིན་མཁན་གྱིས་རྐུན་པོར་སྤྲོད་རྒྱུའི་ལམ་རྒྱགས། |
| ངོ་ཚ་སྨིན་པོ |
ངོ་ཚ་སླ་བོ། |
| ངོ་ཚན |
བློ་སྟོབས་སམ་ཧམ་སྤོབས་ཏེ། (དཔེར་ན།) ངོ་ཚན་ཆུང་བ། ངོ་ཚན་ཆེ་བ་ཞེས་པ་ལྟ་བུ། |
| ངོ་ཚབ |
ཚབ་བྱེད་མཁན། |
| ངོ་ཟིལ |
ངོའི་གཟི་མདངས་ཏེ། (དཔེར་ན།) མི་དེ་ནི་ངོ་ཟིལ་ཆེ་བའི་དཔའ་བོ་ཞིག་རེད་ཅེས་པ་ལྟ་བུ། |
| ངོ་ཟུམ་པ |
གདོང་ནག་པོ་བསྟན་པའི་དོན་ཏེ། (དཔེར་ན།) ཁོང་ཁྲོ་ལངས་ནས་ཁ་སྦོས་ངོ་ཟུམ་བྱས་ལྟ་བུ། |
| ངོ་ཟློག |
ངོ་སློག་པ་སྟེ་རེ་བ་བྱས་པ་ཁས་མི་ལེན་པ། (དཔེར་ན།) ཁས་ལེན་རྒྱབ་བསྐྱུར་གྱིས་ངོ་ཟློག་བྱེད། སྣང་བ་གདོང་འདེད་ཀྱིས་ངོ་ཟློག་བྱེད་པ། ཡང་ཡང་ནན་སྐུལ་བྱས་པའི་ངོ་ལྡོག་དཀའ། ངོ་མ་ཟློག་ཅེས་པ་ལྟ་བུ། |
| ངོ་ཟློག་གི་ཚིག |
1.གདོང་ཐུག་གིས་རྒོལ་བའི་གཏམ། 2.རེ་བ་ཁས་མི་ལེན་པའི་ཚིག |
| ངོ་འཁོར |
མི་ངོ་གཙོ་བོ་དང་དེའི་རྗེས་འབྲང་བ། |
| ངོ་འཁྱེར |
གཞན་ལ་ངོམ་འཕྱར་གྱི་ངོ་སོར་འཁྱེར་བ་སྟེ། (དཔེར་ན།) ངན་བྱས་ངོ་འཁྱེར་ལྟ་བུ། |
| ངོ་འདྲ |
1.ཡི་གེ་སོགས་ངོ་མ་དང་འདྲ་བཤུས། 2.གདོང་བ་དང་འདྲ་བ། |
| ངོ་འཕང |
ངོ་སོའི་དཔངས་སམ་ཆེ་ཆུང་གི་དོན་ཏེ། (དཔེར་ན།) བྱས་རྗེས་ཅུང་ཟད་ལས་མེད་ཀྱང༌། གཟིགས་བཟོས་ཀྱི་ངོ་འཕང་མཐོ་བ་ཞིག་བྱུང་སོང༌། བྱས་རྗེས་བཟང་ངན་གྱི་ངོ་འཕང་མཐོ་དམའི་ཁྱད་པར་གནམ་སའི་བར་ཐག་ལྟ་བུ་ཡོད་ལྟ་བུ། |
| ངོ་འཕྲོད |
1.དངོས་པོ་དང་བྱ་སྤྱོད་སོགས་ངོས་ཟིན་པའི་ཐོན་ཏེ། (དཔེར་ན།) གནས་ལུགས་བཤད་ནས་ངོ་འཕྲོད་ལྟ་བུ།2.ཐུག་པའམ་མཇལ་བའི་དོན་ཏེ། (དཔེར་ན།) ཡུན་རིང་ཁ་བྲལ་བའི་སྤུན་ཟླ་ད་ལམ་ངོ་འཕྲོད་ནས་དགའ་སྤྲོ་ཆེན་པོ་བྱུང༌ལྟ་བུ། 2.བཅོས་མ་མ་ཡིན་པར་ལག་པར་འབྱོར་བའི་དོན་ཏེ། (དཔེར་ན།) ཕྱག་བྲིས་ངོ་འཕྲོད་བྱུང་བས་འདིར་ཡང་བློ་སེམས་བདེ་ལྟ་བུ། |
| ངོ་འཚོ་བ |
ངོ་སྲུང་བྱེད་པ་སྟེ། (དཔེར་ན།) རྩ་དོན་བཟུང་ནས་ངོ་མི་འཚོ་ལྟ་བུ། |
| ངོ་འཛིན |
གཞན་གྱི་ངོ་སྲུང་ངམ། སེམས་སྲུང༌། |
| ངོ་འཛིན་ཟོལ་འཇོག |
ཉེས་ཅན་ལ་ངོ་སྲུང་ཟོལ་ཡངས་སུ་འཇོག་པ། |
| ངོ་འཛུམ |
དགའ་བའི་རྣམ་འགྱུར་ཏེ། (དཔེར་ན།) ཁོང་ནི་རྒྱུན་དུ་ངོ་འཛུམ་སྟེ་བཞུགས་པ་ལས་ཅང་མི་གསུང༌ལྟ་བུ། |
| ངོ་འཛུམ་གཏིང་གནག |
ཁ་འཛུམ་སེམས་གནག |
| ངོ་འཛུམ་དཀར་ནག |
དགའ་སྡུག་གི་ངོ་གདོང་དཀར་ནག |
| ངོ་འཛོམས |
གདོང་འཛོམས་སམ། ངོ་ཕྲད་པ་སྟེ། (དཔེར་ན།) ཕན་ཚུན་ངོ་འཛོམས་བྱུང་ལྟ་བུ། |
| ངོ་ཡ |
ཁ་ཡའམ་ཁ་གཏད་དེ། (དཔེར་ན།) ཁ་མཆུའི་ངོ་ཡ། རྩོད་པའི་ངོ་ཡ། དཔའ་བོའི་ངོ་ཡ་ལོན་པར་དཀའ་ལྟ་བུ། |
| ངོ་རང་ཐོག་ཏུ་འཕྲོད་པ |
ཀ་དག་ཁྲེགས་ཆོད་ཀྱི་སྒོམ་རིམ་ཉམས་སུ་ལེན་ཚུལ་ཞིག་རིག་པའི་ངོ་བོ་ཀ་དག་གི་གནས་ལུགས་ཇི་ལྟ་བ་དེ་ད་ལྟ་རང་ཐོག་ཏུ་ངོ་ཤེས་པའོ། ། |
| ངོ་རེ་གནོངས |
ངོ་གནོང་དང་དོན་གཅིག |
| ངོ་རྒོལ |
མངོན་སུམ་འཛེམས་མེད་ཀྱི་འཐབ་འཛིང༌གི་དོན་ཏེ། (དཔེར་ན།) གཉའ་གནོན་བཤུ་གཞོག་ལ་ངོ་རྒོལ་བྱེད་ཅེས་པ་ལྟ་བུ། |
| ངོ་རྒྱུག |
སྔར་ཁྲལ་པས་རྟ་ཁལ་མི་གསུམ་གྱི་ཁྲལ་རྒྱུག་སྐབས་ཚབ་དང་དོད་མ་ཡིན་པར་དངོས་སུ་རྒྱུག་དགོས་པ། |
| ངོ་རྫུན་བརྗེ་བ |
བདེན་པ་ཁུངས་ཐུབ་རིགས་ལ་བཟོ་བཅོས་ཀྱིས་ལྷད་འཇུག་པའམ་རྫུན་མ་དང་བརྗེ་པོ་རྒྱག་པ། |
| ངོ་ལབ་ཕག་ལབ |
ངོ་ཐུག་གི་གཏམ་དང་རྒྱབ་ལོགས་ཀྱི་གཏམ། |
| ངོ་ལེན |
འགྲུལ་པ་སོགས་སྣེ་ལེན་བྱེད་པ། |
| ངོ་ལོག |
རང་གི་སྔར་གྱི་གྲལ་རིམ་དང་ཚོགས་པ་སོགས་ལ་རྒྱབ་གཏད་པའམ་དགྲ་ཕྱོགས་ལ་མགོ་བཏགས་པའི་དོན་ཏེ། བློ་ལོག་ཀྱང་ཟེར། |
| ངོ་ལོག་པ |
1.བློ་ལོག་རྒྱབ་གཏོད་བྱེད་པ་སྟེ། (དཔེར་ན།) ངོ་ལོག་རྒྱབ་གཏོད། ངོ་ལོག་ཟིང་འཁྲུག་ཅེས་པ་ལྟ་བུ། 2.ངོ་ལོག་བྱེད་པ་པོ། |
| ངོ་ལྐོག |
མདུན་དང་རྒྱབ་དངོས་དང་ལྐོག་སྟེ། (དཔེར་ན།) ངོ་ལྐོག་གི་བྱ་བ། ངོ་ལྐོག་ཅན། གཏམ་ངོ་ལྐོག་མེད་པ་བཤད་དགོས་ལྟ་བུ། |
| ངོ་ལྐོག་གཡོ་ལྷད |
རྒྱབ་མདུན་མི་མཚུངས་པ་དང་གཡོ་སྒྱུའི་བྱ་བ། |
| ངོ་ལྐོག་མཚུངས་པ |
རྒྱབ་མདུན་མཐུན་པ་སྟེ། (དཔེར་ན།) ལས་དོན་ངོ་ལྐོག་མཚུངས་པ་ཞིག་མ་བྱས་ན་མཐར་རྫུན་རྐུབ་བརྡོལ་རྒྱུ་ངེས་ཅན་ཡིན་ལྟ་བུ། |
| ངོ་ལྟ |
1.གཞན་གྱི་ངོ་སྲུང༌། 2.མེ་ལོང༌། |
| ངོ་ལྟོས |
ངོ་འཁོར་ཏེ། གཙོ་བོ་དང་དེའི་འཁོར། |
| ངོ་ལྤགས་འཐུག་པོ |
ངོ་མི་ཚ་བ། |
| ངོ་ཤིག |
གདོང་ལ་སྨེ་བ་ལྟ་བུ་སྲབ་མོས་ཁྱབ་པའི་པགས་ནད་ཀྱི་རིགས་ཤིག |
| ངོ་ཤེས་པ |
1.སུ་ཡིན་དང་གང་ཡིན་ཧ་གོ་བ་སྟེ། (དཔེར་ན།) ངོ་ཤེས་འདྲིས་པ། ངོ་ཤེས་གྲོགས་པོ། མི་ཚེ་རི་ལ་བསྡད། རི་དྭགས་ངོ་མི་ཤེས་ལྟ་བུ། 2.ངོ་ཤེས་པའི་མི། |
| ངོ་སོ |
1.བརྩི་མཐོང༌གི་དོན་ཏེ། (དཔེར་ན།) གཞན་གྱི་ངོ་སོར་ལྟ་བ། སྤྱོད་ངན་ངོ་སོར་ཁྱེར་བ། རའི་རིལ་མ་ལ་ལུག་གིས་ངོ་སོ་གཏོང་བ་ལྟ་བུ། 2.བྱས་རྗེས་ཀྱི་དོན་ཏེ། (དཔེར་ན།) ངོ་སོ་ངོམ་པ། སྨན་འདི་རྩ་ཆེན་མིན་ཡང་ནད་ཐོག་ཏུ་ཟུག་པར་བརྟེན་ངོ་སོ་ཐོན་པོ་བྱུང་སོང༌ལྟ་བུ། |
| ངོ་སོ་བསྟོད |
(ཡུལ་སྐད།) བསྔགས་བརྗོད་བྱེད་པ་སྟེ། (དཔེར་ན།) མི་དེ་འདྲ་ནི་ངོ་སོ་བསྟོད་འོས་པ་ཞིག་རེད་ལྟ་བུ། |
| ངོ་སྐལ |
ངོ་མའི་སྐལ་བ་སྟེ། (དཔེར་ན།) ངོ་སྐལ་ཐོབ་ཐང་གང་ཡོད་དུས་ཐོག་ཏུ་སྤྲོད་དགོས་ལྟ་བུ། |
| ངོ་སྐྱེངས |
ངོ་ཚ་དང་འདྲ། (དཔེར་ན།) ངོ་སྐྱེངས་ནས་མགོ་བོ་སྨད་ལྟ་བུ། |
| ངོ་སྐྱེད |
བུ་ལོན་གྱི་ངོ་བོ་དང་སྐྱེད་ཀ་སྟེ། (དཔེར་ན།) བུ་ལོན་སྤྲོད་དུས་སུ་སླེབས་ནས་ངོ་སྐྱེད་ཚང་མ་སྤྲད་ལྟ་བུ། |
| ངོ་སྤྲོད |
བརྡ་སྤྲོད་པའམ། ཕན་ཚུན་ངོ་ཤེས་པར་བྱེད་པ་སྟེ། (དཔེར་ན།) བར་སྐབས་ཀྱི་གནས་ཚུལ་བྱུང་ལུགས་ངོ་སྤྲོད་གསལ་པོར་བྱེད། གསར་དུ་ཡོང་མཁན་དེ་གཉིས་མི་ཚོར་ངོ་སྤྲོད་ཞུས་ལྟ་བུ། |
| ངོ་སྲུང |
གཞན་གྱི་སེམས་སྲུང་བ་སྟེ། (དཔེར་ན།) རང་ཚོད་མི་འཛིན་པར་ངོ་སྲུང་ཟེར་དབང་ལ་ཆ་འཇོག་བྱེད་པ། གཞན་གྱི་ངོ་སྲུང་ཐལ་དྲགས་པ། ལྐོག་རྔན་སྟེར་སྦྱིན་བྱེད་མཁན་གྱི་ངོ་སྲུང་གཞན་དབང་དུ་གྱུར་ལྟ་བུ། |
| ངོག་གོ |
(བརྡ་རྙིང་།) ནོན་ནོ། ། |
| ངོག་ན |
(བརྡ་རྙིང་།) སོང་ན། |
| ངོགས |
1.ཆུ་བོ་དང་མཚོའི་འགྲམ་གྱི་མིང་སྟེ། (དཔེར་ན།) ཆུ་ངོགས། འགྲམ་ངོགས། མཚོ་ངོགས་ཞེས་པ་ལྟ་བུ། 2.ཆུ་བོ་དང་མཚོ་ལ་བརྒལ་བའི་རབ་ཁའི་མིང་སྟེ། (དཔེར་ན།) འཇུག་ངོགས། གྲུ་ངོགས་ཞེས་པ་ལྟ་བུ། |
| ངོགས་ཐོབ |
གྲངས་གནས་ཤིག |
| ངོམ |
(བྱེད་འབྲེལ་ལས་ཚིག) རང་གི་ཡོན་ཏན་དང་ཁྱད་ཆོས་སོགས་གཞན་ལ་བསྟན་པ་དང་ཤེས་སུ་བཅུག་པའི་དོན་ཏེ། (དཔེར་ན།) བྱིས་པས་གོས་རྒྱན་ངོམ། གཡུལ་ངོར་དཔའ་རྩལ་ངོམ། རང་གི་ཡོན་ཏན་གཞན་ལ་མ་ངོམ་ཞེས་པ་ལྟ་བུ། |
| ངོམ་ཁྱེར |
ངོམ་ཡུས་ཀྱི་ཁྱེར་སོ་སྟེ། (དཔེར་ན།) ཕན་འདོགས་ཕྲན་བུ་ལས་མེད་ཀྱང་བྱས་ཡུས་ཀྱི་ངོམ་ཁྱེར་ཚ་བ་ལ་ལྟ་བུ། |
| ངོམ་ངོམ |
ངོམ་དང་དོན་འདྲ། |
| ངོམ་ཆུ |
འབབ་ཆུ་ཞིག་སྟེ། འདིའི་ཆུ་འགོ་གདང་ལའི་རི་རྒྱུད་ནས་བྱུང་ཞིང་ཁམས་ནང་ཆེན་ནས་རི་བོ་ཆེ་རྫོང་བརྒྱུད་དེ་ཆབ་མདོར་ཟླ་ཆུའི་ནང་དུ་འབབ། |
| ངོམ་པ |
(བྱེད་འབྲེལ་ལས་ཚིག) ངོམ་སོ་བྱས་པའི་ད་ལྟ་བའི་བྱ་མིང་། སྐུལ་ཚིག་ལ་ངོམས་འབྲི། |
| ངོམ་འཕྱར |
གཞན་གྱི་མདུན་དུ་ངོམ་སོ་འཕྱར་བ། |
| ངོམ་སོ |
རང་གི་ལེགས་ཆ་སོགས་ཆེད་དུ་གཞན་ལ་ཤེས་སུ་འཇུག་པའི་བྱ་སྤྱོད་ཀྱི་མིང་སྟེ། (དཔེར་ན།) རྒྱུ་ནོར་ངོམ་སོ་བྱས། ཡོན་ཏན་ངོམ་སོ་བྱེད་པ་ལས་སྦས་ན་དགའ་ལྟ་བུ། |
| ངོམས |
1.(བྱེད་མེད་ལས་ཚིག) ཚིམ་པའི་དོན་ཏེ། (དཔེར་ན།) ལྟོགས་པ་ཟས་ཀྱིས་ངོམས། སྐོམ་པ་ཆུས་ངོམས། རྒྱ་མཚོ་ཆུ་ཡིས་མི་ངོམས་ཤིང་། མཁས་པ་ཡོན་ཏན་གྱིས་མི་ངོམས་ཞེས་པ་ལྟ་བུ། 2.ངོམ་པའི་སྐུལ་ཚིག |
| ངོམས་པ་མེད་པའི་སྡུག་བསྔལ |
འདོད་ཡོན་གྱིས་ངོམས་མི་ཤེས་པའི་སྡུག་བསྔལ་ཏེ་སྡུག་བསྔལ་དྲུག་གི་ཡ་གྱལ་ཞིག |
| ངོར་རྫོང་གཉིས |
དཔལ་ལྡན་ས་སྐྱ་བའི་གསང་སྔགས་ཀྱི་བསྟན་པ་འཛིན་མཁན་ངོར་ཆེན་ཀུན་དགའ་བཟང་པོ་དང༌། རྫོང་པ་ཀུན་དགའ་རྣམ་རྒྱལ་གཉིས། |
| ངོར་ལུགས |
ས་སྐྱའི་གྲུབ་མཐའ་འཛིན་མཁན། ངོར་ཆེན་ཀུན་དགའ་བཟང་པོ། སེམས་དཔའ་དཀོན་མཆོག་རྒྱལ་མཚན། དཀོན་མཆོག་ལྷུན་གྲུབ་སོགས་ནས་བརྒྱུད་པའི་ལུགས། |
| ངོར་སྣང་བཙན་མོང |
སྟག་རི་གཉན་གཟིགས་སྐབས་ཀྱི་བློན་པོ་ཞིག ཁོང་གིས་བྲེ་ཕུལ་སྲང་བཅོས་ནས་འབྲུ་མར་ཚད་ཀྱིས་བཅལ། དགའ་གཉིས་ཚོང་བྱས་མཐུན་གཉིས་ལ་ལུང་བསྡེབས། དེ་གོང་བོད་ན་ཚོང་དང་བྲེ་སྲང་མེད། དེ་ཕྱིར་མཛངས་མི་བདུན་གྱི་ནང་གསེས་སུ་གྲགས། |
| ངོས |
1.དངོས་རྫས་ཀྱི་ཕྱིའི་མིང་སྟེ། (དཔེར་ན།) ས་ངོས། ཆུ་ངོས། རྩིག་ངོས། ཤོག་ངོས། ངོས་མཉམ་པ་ཞེས་པ་ལྟ་བུ། 2.ཕྱོགས་ལ་འཇུག་པ་ནི། (དཔེར་ན།) ཤར་ངོས། ལྷོ་ངོས། ཁང་བའི་ཤར་ངོས་ཞེས་པ་ལྟ་བུ། 3.གཞན་གྱིས་བར་མ་ཆོད་པའི་དོན་ཏེ། (དཔེར་ན།) སྐད་ཆ་ངོས་སུ་ཐོས། གླང་ཆེན་ངོས་སུ་མཐོང་། ལག་པས་ངོས་སུ་རེག་ལྟ་བུ། འདི་ལ་དངོས་སུ་འབྲི་བ་ཤུགས་ཆེ། |
| ངོས་ཆོད |
ངོ་ཤེས་པའི་དོན་ཏེ། (དཔེར་ན།) རག་གསེར་གང་ཡིན་ངོས་ཆོད། མཚན་མོར་མི་ཞིག་ཐུག་ཀྱང་ངོས་མི་ཆོད་ཅེས་པ་ལྟ་བུ། |
| ངོས་ཐུག |
གདོང་དང་གདོང་ཕྲད་པ་སྟེ། (དཔེར་ན།) ལན་འཕྲིན་གཏོང་རེས་ཙམ་མིན་པར་ཕན་ཚུན་ངོས་ཐུག་གི་ཐོག་ནས་མོལ་བསྡུར་བྱས་པ། དོ་བདག་ཕན་ཚུན་ངོས་ཐུག་སར་རྒྱུ་དངོས་ཚང་མ་ཞིབ་བཤེར་བྱས་པ། གྱོད་ཡ་ཕན་ཚུན་ངོས་ཐུག་གི་ཐོག་ནས་བདེན་རྫུན་ཞིབ་བཤེར་བྱས་ལྟ་བུ། |
| ངོས་བཟུང |
འདི་དང་འདིའོ་ཞེས་དམིགས་བཀར་གྱི་གཏན་ལ་ཕབ་པ་སྟེ། (དཔེར་ན།) དཔེ་ཆ་འདི་སུའི་ཡིན་ངོས་བཟུང་། ས་རྟགས་ལ་བལྟས་ནས་འགྲོ་ལམ་ངོས་བཟུང་ལྟ་བུ། |
| ངོས་བཤེར |
གདོང་བཤེར་གྱི་དོན་ཏེ། (དཔེར་ན།) ཁྲིམས་སར་ངོས་བཤེར་བརྒྱབ་ནས་རྒྱལ་ཁ་ཐོབ་ཅེས་པ་ལྟ་བུ། |
| ངོས་མཇལ |
ཕན་ཚུན་དངོས་སུ་ཐུག་པའི་དོན་ཏེ། (དཔེར་ན།) ངོས་མཇལ་ཞུས་ནས་བཀའ་མོལ་གནང་ལྟ་བུ། |
| ངོས་ཟིན |
1.ངོ་ཤེས་པ། 2.གནད་དོན་རྟོགས་པ། |
| ངོས་འཕྲད |
དངོས་སུ་འཕྲད་པའི་དོན་ཏེ། (དཔེར་ན།) ཕན་ཚུན་ངོས་འཕྲད་བྱུང༌ལྟ་བུ། |
| ངོས་འཛིན |
བྱ་དངོས་ཁྱད་པར་འབྱེད་པའི་ཐབས་དང་བྱ་སྤྱོད་སོགས་ཀྱི་མིང་སྟེ། (དཔེར་ན།) སྨན་ངོས་འཛིན་བཤད་པའི་དཔེ་ཆ། སྨན་ངོས་འཛིན་ལ་མཁས་པའི་མི། གནའ་རྫས་ངོས་འཛིན་བྱེད་མཁན་གྱི་ཁྱད་མཁས་ཞེས་པ་ལྟ་བུ། |
| ངོས་རོལ |
ཕྱི་རོལ་ལམ་ཕྱི་ངོས་ཀྱི་དོན་ཏེ། (དཔེར་ན།) རྒྱ་མཚོའི་ངོས་རོལ། གཙང་པོའི་ངོས་རོལ། རིའི་ངོས་རོལ་ཏུ་ར་ལུག་མང་པོ་འདུག་ལྟ་བུ། |
| ངོས་ལམ |
ངོས་སྦྱོར་དང་ལམ་ཡིག་ཅེས་པའི་བསྡུས་བྲིས་ཏེ། སྔར་ཁྲལ་འུ་ལག་སྐུལ་བྱེད་ཀྱི་ལག་འཁྱེར། |
| ངོས་ལེན |
རང་གི་སྐྱོན་དང་ཉེས་པ་སོགས་གསལ་བར་བཤད་པའམ་གསལ་བར་ཁས་བླངས་པའི་བྱ་སྤྱོད་ཀྱི་མིང་སྟེ། (དཔེར་ན།) ནོངས་ངོས་ལེན་བྱས། རང་སྐྱོན་ངོས་ལེན་བྱས་ལྟ་བུ། |
| ངོས་སྤྲོད་པ |
1.སྔར་ངོ་མི་ཤེས་པ་ངོ་སྤྲོད་བྱེད་པ། 2.གནས་ལུགས་མི་ཤེས་པ་ངོ་སྤྲོད་པ། |
| ངོས་སྦྱོར |
ངོ་སྤྲོད་ཀྱི་ཡི་གེ་ཐམ་འབྱར། |
| ཅ |
1.བོད་ཡིག་གསལ་བྱེད་ལྔ་པ་འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་རྐན་ལྕེར་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་མེད། 1.མིང་གཞིའི་ཕོ་ཡིག་ཅིག 2.མིང་མཐའ་ལ་འཇུག་ཚེ་སྐབས་འགར་གསལ་བྱེད་ཆ་དང་འདྲ་བ་སྟེ། (དཔེར་ན།) བྲག་ཅ། ལག་ཅ། མཚོན་ཅ། རྒྱན་ཅ་ལྟ་བུ། |
| ཅ་ག |
(ཡུལ་སྐད།) བདག་སྤྲོད་དམ་གཅེས་སྤྲས་ཏེ། (དཔེར་ན།) གཟུགས་པོ་ལ་ཅ་ག་བྱེད་པ། ལྡེ་མིག་ལ་ཅ་ག་བྱེད། དངོས་པོ་རྩ་ཆེན་པོར་ཅ་ག་བྱེད་ལྟ་བུ། |
| ཅ་ག་དག་པོ |
(ཡུལ་སྐད།) གཅེས་སྤྲས་ཆེན་པོའམ་གཅེས་སྤྲས་གཟབ་པོའི་དོན་ཏེ། (དཔེར་ན།) ཡོ་བྱད་ལ་ཅ་ག་དག་པོ་མ་བྱས་ན་འཕྲོ་བརླག་ཕྱིན་ཡོང༌ལྟ་བུ། |
| ཅ་གེ |
ཅག་གེ་དང་འདྲ། |
| ཅ་ཅོ |
1.(རྒྱན་ཚིག) ཅ་ལེ་ཅོ་ལེའི་བསྡུས་ཚིག 2.རྣ་བར་མི་སྙན་པའི་སྒྲ་སྟེ། (དཔེར་ན།) འདི་གར་ཅ་ཅོ་ཉུང༌། ངན་ཤགས་ཁ་རྩོད་རྒྱག་པའི་ཅ་ཅོ་ཆེ་བ། ཉེ་སྐོར་ཞིག་ནས་གློ་བུར་དུ་མི་མང་གིས་ཅ་ཅོ་སྒྲོག་ལྟ་བུ། 3.ཚིག་རྩུབ་མོའི་དོན་ཏེ། (དཔེར་ན།) དགྲ་ཟླས་སྙིང་ཚིམ་གྱི་ཅ་ཅོ་བསྒྲགས་ལྟ་བུ། |
| ཅ་ཅོ་བྱེད |
(མངོན་བརྗོད།) ཆང༌། |
| ཅ་ཅོ་བྱེད་པོ |
1.ཀུ་ཅོའི་སྒྲ་སྒྲོག་མཁན། 2. (མངོན་བརྗོད།) ཆང༌། |
| ཅ་ཅོ་མི་མངའ་བ |
སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་ནང་གསེས་ཤིག་སངས་རྒྱས་ཀྱིས་གསུངས་པའི་ཆོས་རྣམས་གདུལ་བྱ་རྣམས་ཀྱིས་ནམ་ཡང་ངེས་པ་རྙེད་ཐུབ་པ། |
| ཅ་ཅོ་ལབ་གླེང |
ཕར་ཚུར་སྐད་ཆ་མང་པོས་རྩོད་པ་སྟེ། (དཔེར་ན།) མི་མང་པོ་འཚོགས་ནས་ཅ་ཅོ་ལབ་གླེང་བྱེད་པ། ཅ་ཅོ་ལབ་གླེང་མང་སྟབས་བསམ་འཆར་གཅིག་མཐུན་བྱུང་མ་སོང༌ལྟ་བུ། |
| ཅ་ཅོ་སྒྲོག |
1.སྐད་ཆའི་སྒྲ་གསལ་པོ་མིན་པར་སྒྲོག་པ། 2.(མངོན་བརྗོད།) ཕུག་རོན། |
| ཅ་དགུ |
བཅུ་ཆ་དགུའམ་བརྒྱ་ཆ་དགུ་བཅུའི་དོན་ཏེ། (དཔེར་ན།) དེ་རིང་ཡོང་དགོས་མཁན་གྲས་ནས་མི་གྲངས་ཅ་དགུ་སླེབས་འདུག་ལྟ་བུ། |
| ཅ་ནེ |
ཤིང་གི་ཕོར་བའི་མིང་། ཚིག་བསྡུས་ན་ཅན་ཞེས་འབྲི་ཆོག་སྟེ། (དཔེར་ན།) སྟག་ཅན། ཆང་ཅན། དངུལ་ཅན་ཞེས་པ་ལྟ་བུ། |
| ཅ་ནོར |
ནོར་རྫས། |
| ཅ་པ |
ཀ་ཁའི་རིམ་པ་ལྟར་དཀར་ཆག་བསྒྲིགས་པའི་ལྔ་པ། |
| ཅ་བོ |
1.ནོར་རྫས་ལོངས་སྤྱོད་ཀྱི་དོན་ཏེ། (དཔེར་ན།) ཅ་འབྱིད་ལྟ་བུ། (བརྡ་རྙིང་།) གཅིག་ལ་ལྟོས་ནས་ཅིག་ཤོས་སྤོང་བའམ་འདོར་བའི་དོན་ཏེ། (དཔེར་ན།) མདོ་སྔགས་ཕན་ཚུན་ཅ་འབྱིད་མིན་ལྟ་བུ། |
| ཅ་མ་ཟིང |
(ཡུལ་སྐད།) མགོ་རྙོག་ཡིད་སུན་པ་སྟེ། (དཔེར་ན།) དོན་མེད་རྣ་ལྕོག་སུན་པོ་ཡང་ཡང་བྱེད་པ་འདི་འདྲ་ཅ་མ་ཟིང༌ལྟ་བུ། |
| ཅ་ཟིང་པོ |
(ཡུལ་སྐད།) མགོ་རྙོག་པོ་སྟེ། (དཔེར་ན།) ཅ་ཟིང་དགུ་ཟིང༌། བྱ་དཀའ་བྱེད་གཏད་ཆེ་བའི་ལས་ཀ་འདི་ཅ་ཟིང་པོ་ཞིག་འདུག་ལྟ་བུ། |
| ཅ་འཕྱི |
ཅ་འབྱིད་དང་འདྲ། |
| ཅ་འབྱིད |
དོར་བའམ་སྤངས་པའི་བྱ་སྤྱོད་ཀྱི་མིང་སྟེ། (དཔེར་ན།) ཕན་ཚུན་ཅ་འབྱིད་མ་བྱེད་ལྟ་བུ། |
| ཅ་ར་ཁུང |
དཔུང་འཛུམ་གཡས་ནས་གཡོན་བར་ཐིག་གིས་སྦྲེལ་བའི་དཀྱིལ་དུ་ཀོང་གཤོང་ཞིག་འབྱུང་བ་དེའོ། ། |
| ཅ་ར་ར |
(རྒྱན་ཚིག) མཐོ་དམའ་མི་མཉམ་པའི་སྒྲ་གྲགས་པའི་རྣམ་པ་སྟེ། (དཔེར་ན།) སྐྱ་ཀ་ཅ་ར་ར་གྲགས་ལྟ་བུ། |
| ཅ་རིལ |
(ཡུལ་སྐད།) (ཅ)འདིའི་མིང་། མདོ་ཁམས་ཀྱི་ཡུལ་གྲུ་འགར་ཅ་དང་ཇ་གཉིས་ཀྱི་སྒྲ་གདངས་གཅིག་ཏུ་འབོད་པས་ཁྱད་པར་འབྱེད་བྱེད་ཀྱི་ཚིག |
| ཅ་རེ |
1.དུས་རྒྱུན་དུའམ་ནར་མའི་དོན་ཏེ། (དཔེར་ན།) དུས་རེ་འགའ་ཙམ་མིན་པར་རྣམ་པ་ཀུན་ཏུ་ཅ་རེར་འབད་དགོས། བསམ་འཆར་ཅ་རེར་བཤད་རེས་བྱེད་པ། དོགས་ཟོན་ཅ་རེར་བྱེད་པ་ལྟ་བུ། 2.ཁྲ་ལམ་མེར་ཤར་བ་སྟེ། (དཔེར་ན།) རྟོགས་པའི་འཆར་སྒོ་ཅ་རེར་ཤར་ལྟ་བུ། |
| ཅ་རེ་ཉ་རེ |
ཉུང་ཙམ་མམ་ཐ་རེ་ཐོ་རེའི་དོན་ཏེ། (དཔེར་ན།) ནོར་འཁྲུལ་ཅ་རེ་ཉ་རེ་ཕོག་ལྟ་བུ། |
| ཅ་ལག |
རྒྱུན་གྱི་འཚོ་བའི་ནང་དུ་བཀོལ་བའི་ཡོ་བྱད་ཀྱི་སྤྱི་མིང་སྟེ། (དཔེར་ན།) ཤིང་བཟོའི་ཅ་ལག ཞིང་པའི་ཅ་ལག་ཅེས་པ་ལྟ་བུ། |
| ཅ་ལེ་ཅོལ་ལེ |
(རྒྱན་ཚིག) དབྱིབས་མི་མཉམ་པའམ་གྲལ་འགྲིག་པོ་མིན་པའི་དོན་ཏེ། (དཔེར་ན།) རི་བོ་ཅ་ལེ་ཅོལ་ལེ་མང་། བལ་ཁལ་ཅ་ལེ་ཅོལ་ལེ་མང་བོ་བཀལ། ཁངས་ཅ་ལེ་ཅོལ་ལེ་བབས་ལྟ་བུ། |
| ཅ་ལེ་ཅོལ་ལེ |
(རྒྱན་ཚིག) དབྱིབས་མི་མཉམ་པའམ་གྲལ་འགྲིག་པོ་མིན་པའི་དོན་ཏེ། (དཔེར་ན།) རི་བོ་ཅ་ལེ་ཅོལ་ལེ་མང་། བལ་ཁལ་ཅ་ལེ་ཅོལ་ལེ་མང་པོ་བཀལ། ཁངས་ཅ་ལེ་ཅོལ་ལེ་བབས་ལྟ་བུ། འདི་ལ་ཅལ་ལེ་ཅོལ་ལེ་འབྲི་བའང་ཡོད། |
| ཅ་ལེ་བ |
(རྒྱན་ཚིག) དོན་མེད་གང་བྱུང་བཤད་ཚུལ་ཏེ། (དཔེར་ན།) སྙིང་པོ་མེད་པའི་གཏམ་ཅ་ལེ་བ་མང་པོ་ཞིག་བཤད་ཀྱིན་འདུག ཆང་གིས་བཟི་ནས་གཏམ་ཅ་ལེ་བ་མང་པོ་བཤད་ལྟ་བུ། |
| ཅ་སྡེ |
བོད་ཡིག་གསལ་བྱེད་ཀྱི་སྡེ་པ་གཉིས་པ་སྟེ་ཅ་ཆ་ཇ་ཉ། |
| ཅག |
(གྲངས་ཚིག) མང་ཚིག་ལ་འཇུག་པ་ནི། (དཔེར་ན།) ང་ཅག བདག་ཅག ཁྱོད་ཅག ཁྱེད་ཅག ཁོ་བོ་ཅག་ཅེས་པ་ལྟ་བུ། |
| ཅག་ཀྲུམ |
ཆག་ཀྲུམ་གྱི་འབྲི་ཚུལ་གཞན། |
| ཅག་ག |
1.དག་གཙང་གི་མིང་ལ་འཇུག་པ་ནི། (དཔེར་ན།) ཅག་ག་དག་པོ། ཁང་བའི་ནང་ལ་ཅག་ག་བྱས། ལུས་ལ་ཅག་ག་བྱས་ལྟ་བུ། 2.གཟབ་གཟབ་བྱས་པའི་མིང་སྟེ། (དཔེར་ན།) ཚུགས་ཀ་མེད་ཀྱང་ཅག་ག་བྱས་ལྟ་བུ། |
| ཅག་གེ |
སྒྲ་སྐད་ཞི་ནས་དབེན་པར་གྱུར་པའི་དོན་ཏེ། (དཔེར་ན།) སློབ་མ་རྣམས་ཀྱིས་དལ་ཅག་གེ་སློབ་ཁྲིད་ལ་ཉན་ལྟ་བུ། |
| ཅག་ཅག |
ཟས་བལྡད་པའི་སྒྲ་མཚོན་པའི་ཚིག་གྲོགས་ཏེ། (དཔེར་ན།) ཟས་ཅག་ཅག་ཟོས་ལྟ་བུ། |
| ཅག་ཅག་པོ |
ངེས་ངེས་པོའམ་བརྟན་བརྟན་པོའི་དོན་ཏེ། (དཔེར་ན།) དད་པ་ཅག་ཅག་པོ། བསམ་པ་ཅག་ཅག་པོ། འགྱུར་ལྡོག་མེད་པའི་སེམས་ཤུགས་ཅག་ཅག་པོ། ལས་ཀ་གང་བརྩམས་འགྱུར་ལྡོག་མེད་པ་ཅག་ཅག་པོ་ཞིག་དགོས་ལྟ་བུ། |
| ཅག་ཐོན |
གཅེས་སྤྲས་ཐོན་པོའི་དོན་ཏེ། (དཔེར་ན།) ཕྱི་ནང་གི་དངོས་རིགས་བོར་སྟོར་མེད་པའི་ཅག་ཐོན་བྱེད་ཅེས་པ་ལྟ་བུ། |
| ཅག་དཀར |
རང་བྱུང་ཁམས་ཀྱི་ནང་དུ་གྲུབ་པའི་རྡོ་ཤེལ་ལམ་ཆུ་ཤེལ་གྱི་མིང་གཞན། དེ་ལ་ཅག་རྡོ་ཡང་ཟེར། |
| ཅག་ཟོན |
གཅེས་སྤྲས་བག་ཟོན་གྱི་དོན་ཏེ། (དཔེར་ན།) མེ་རྐུན་སོགས་ཀྱི་གནོད་སྐྱོན་མི་ཡོང་བའི་ཅག་ཟོན་བྱེད་པ་ཞེས་པ་ལྟ་བུ། |
| ཅང |
1.བོན་པོའི་རོལ་ཆ་གཤང༌། 2.ཅིའང་གི་བསྡུས་ཚིག་སྟེ། (དཔེར་ན།) སྡུག་བསྔལ་ཅང་མེད་པ། སྒྲ་སྐད་ཅང་མི་གྲག་པ། ཡུལ་སྲོལ་ལམ་ལུགས་ཀྱི་ཆ་རྒྱུས་ཅང་མེད། ཡང་ཡང་དྲིས་ཀྱང་ཅང་མི་སྨྲ་བར་ཁ་རོག་སྡོད་པ། ཁ་ནས་ཅང་མི་སྨྲ་ཡང༌། དོན་དུ་དགའ་བའི་རྣམ་འགྱུར་སྟོན་གྱིན་འདུག་ལྟ་བུ། |
| ཅང་ངལ་གཙང་པོ |
འབབ་ཆུ་ཞིག་སྟེ། བོད་ཀྱི་ཤན་རྩ་རྫོང་གི་དབུས་རྒྱུད་དུ་ཡོད། དེའི་ཆུ་འགོ་རྫོང་འདིའི་ཤར་རྒྱུད་ན་ཡོད་ཅིང་ནུབ་ངོས་སུ་བརྒྱུགས་ཏེ་གཡི་སྦུག་ཚྭ་ཁའི་ནང་དུ་འབབ། |
| ཅང་ངེ་ཅོག་གེ |
(བརྡ་རྙིང་།) རྒྱང་ཐག་རིང་ཙམ་བྱས་ནས་སྡོད་པ། |
| ཅང་ཅང |
(ཡུལ་སྐད།) བྲོ་བ་མེད་པ་དང༌། འཁྲུག་པོ་མེད་པའི་དོན་ཏེ། (དཔེར་ན།) ལྟོ་ཆས་ཅང་ཅང་ཞིག་ལས་མི་འདུག གྲོགས་པོ་རྣམས་ཕྱིན་ནས་ང་ཚོ་ཅང་ཅང་ཞིག་ཏུ་གྱུར་སོང༌ལྟ་བུ། |
| ཅང་ཅང་ཁྲུག་ཁྲུག |
བཅང་བཅང་ཁྲུག་ཁྲུག་དང་འདྲ། |
| ཅང་ཅོང |
རོལ་མོའི་བྱེ་བྲག་གཤང་དང་དྲིལ་བུ་ཆེན་པོ་གཉིས། |
| ཅང་ཏེའུ |
ལྷའི་ཕྱག་མཚན་ཌ་མ་རུའི་བྱེ་བྲག་དཔངས་མཐོ་ལ་ངོས་གཉིས་ཀྱི་པགས་པའི་བར་སྐུད་པས་ཕན་ཚུན་སྦྲེལ་བ་ཞིག |
| ཅང་ཤེས |
1.རྟ་བོ་ཅང་ཤེས་དང་བོང་བུ་ཅང་ཤེས་ཏེ། (དཔེར་ན།) རྟ་བོང་གི་རིགས་ལ་ཅང་ཤེས་ཀྱི་རིགས་ཟེར་བ་ལྟ་བུ།2.ཅི་ཡང་ཤེས་པ་ཞེས་པའི་ཚིག་བསྡུས་པ་སྟེ། (དཔེར་ན།) ཅང་ཤེས་པ། ཅང་མི་ཤེས་པ་ཞེས་པ་ལྟ་བུ། |
| ཅང་སྲིད |
1.ཅི་ཡང་སྲིད། 2.ཨེ་སྲིད་ཅེས་པའི་དོན་ཏེ། (དཔེར་ན།) སྔར་གྱི་གྲོགས་པོ་དགྲར་འཛིན་པ་ཅང་སྲིད་དམ་ལྟ་བུ། |
| ཅངས་ཀྱིས་འཇུས་པ |
(བརྡ་རྙིང་།) དམ་པོར་འཇུས་པ་སྟེ། (དཔེར་ན།) དཔྱང་ཐག་ལ་ཅངས་ཀྱིས་འཇུས་པས་བདེ་བར་ཐར་བྱུང༌ལྟ་བུ། |
| ཅན |
1.(ལས་ཚིག་རྗེས་མཐུན་པ།) ཡོད་པའམ་ལྡན་པའི་དོན་ཏེ། (དཔེར་ན།) མི་དཔའ་རྩལ་ཅན། བཟོ་པ་ལག་རྩལ་ཅན། མཛོ་རྭ་ཅན་ཞེས་པ་ལྟ་བུ། 2.ཚབ་ཚིག་ལ་འཇུག་པ་ནི། ཤེས་ཡོན་ཅན། ཡོན་ཏན་ཅན་ཞེས་པ་ལྟ་བུ། 3.ཅ་ནེ་ཞེས་པའི་ཚིག་བསྡུས་པ། |
| ཅན་ཅེ |
(བརྡ་རྙིང་།) ཕོར་པ། |
| ཅན་ནེ |
ཅ་ནེ་ཡི་འབྲི་ཚུལ་གཞན། |
| ཅབ |
དངོས་རྫས་ཕན་ཚུན་རྡེབ་པའི་སྒྲ་སྟེ། (དཔེར་ན།) ཐལ་མོ་ཅབ་ཅབ་ཏུ་བརྡབས་ལྟ་བུ། |
| ཅབ་ཅབ |
1.ཟས་བཟའ་བའི་སྒྲ་སྟེ། (དཔེར་ན།) རོ་བཅུད་ཅབ་ཅབ་མྱོང་ལྟ་བུ། 2.ལག་པ་བརྡབས་པའི་སྒྲ་སྟེ། (དཔེར་ན།) ལག་པས་ཅབ་ཅབ་ཀྱི་སྒྲ་བསྒྲགས་ཏེ་གོ་བརྡ་སྤྲད་ཅེས་པ་ལྟ་བུ། |
| ཅབ་ཅོབ |
(རྒྱན་ཚིག) སྐད་སྣ་ཚོགས་འདྲེས་པའི་སྒྲ་སྟེ། (དཔེར་ན།) བྱ་བྱིའུ་མང་བོ་ཅབ་ཅོབ་གྲགས་ལྟ་བུ། |
| ཅམ |
1.(བསྣན་ཚིག) དལ་བུ་དང་ལྷོད་པོའི་དོན་ཏེ། (དཔེར་ན།) ཚབ་ཚུབ་མེད་པར་བྱ་བ་ཅམ་གྱིས་བྱེད། ལས་མཇུག་བསྡུ་རྒྱུ་གང་ཡོད་ཅམ་གྱིས་ཟིན་པ། ཕར་འགྲོ་ཚུར་འགྲོའི་གཡེང་བ་སྤངས་ནས་གནས་གཅིག་ཏུ་ཅམ་སྡོད་བྱེད་ལྟ་བུ། 2.(ཡུལ་སྐད།) རྦད་དེའམ་རྩ་བ་ནས་ཞེས་པའི་དོན་ཏེ། (དཔེར་ན།) སྔར་གྱི་ལུགས་སྲོལ་ངན་པ་རྣམས་ཅམ་བཞག་བྱེད་པ། ལས་ཀ་འདི་ཅམ་གྱིས་འཇོག་དགོས་ལྟ་བུ། |
| ཅམ་ཅམ |
འཆམ་འཆམ་གྱི་དོན་ཏེ། (དཔེར་ན།) ཕར་ཚུར་ཅམ་ཅམ་དུ་ཕྱིན་ན་གཟུགས་པོར་ཕན་ཐོགས་ཡོང༌ལྟ་བུ། |
| ཅམ་པོ |
ཅམ་དང་དོན་གཅིག |
| ཅམ་མེ་བ |
1.(རྒྱན་ཚིག) དལ་པོའམ་བྲེལ་བ་མེད་པ་སྟེ། (དཔེར་ན།) མགོ་རྙོག་གི་ལས་ཀ་ཚང་མ་ཅམ་མེ་བ་ལ་བསྒྲུབས་ཟིན་པ་ཡིན་ལྟ་བུ།2.ལིང་སྟེའམ་རྦད་དེ་ཞེས་པའི་དོན་ཏེ། (དཔེར་ན།) ཡོང་འབབ་གང་ཡོད་ཅི་ཡོད་ཅམ་མེ་བར་བསྡུས་ཟིན། རང་ས་རང་གནས་སུ་ཅམ་མེ་བར་ཞོག་ལྟ་བུ། |
| ཅམ་ཙེ |
ཆམ་ཚེ་དང་འདྲ། |
| ཅར་མར |
(བསྣན་ཚིག) རྒྱུན་མཐུད་པའམ་མུ་མཐུད་པའི་དོན་ཏེ། (དཔེར་ན།) གཏམ་ཅར་མར་བཤད་ཅེས་པ་ལྟ་བུ། |
| ཅར་རེ |
(རྒྱན་ཚིག) མིག་ཕྱེ་ནས་མ་བཙུམས་པར་ལྟ་བའི་རྣམ་པ་སྟེ། (དཔེར་ན།) མིག་ཅར་རེ་བལྟས་ལྟ་བུ། |
| ཅར་རྒྱག་ཉར་རྒྱག |
(ཡུལ་སྐད།) གཅིག་རྗེས་གཉིས་མཐུད་ཀྱི་དོན་ཏེ། (དཔེར་ན།) ཉེས་པ་ཅར་རྒྱག་ཉར་རྒྱག་བྱུང༌ལྟ་བུ། |
| ཅལ |
དངོས་རྫས་སྙི་མོའི་རིགས་སར་ལྷུང་བའི་སྒྲ་སྟེ། (དཔེར་ན།) རི་བོང་ཅལ་འདྲོགས་ཀྱི་དཔེ། ཅལ་སྒྲ་གྲགས་ལྟ་བུ། |
| ཅལ་གཏམ |
ཁུངས་མེད་པའི་གཏམ། |
| ཅལ་ཅོལ |
(ཡུལ་སྐད།) ཅལ་ལེ་ཅོལ་ལེའི་བསྡུས་ཚིག་ |
| ཅལ་འདྲོགས |
ཤིང་སོགས་ཆུར་ལྷུང་བའི་ཅལ་སྒྲ་ལ་འདྲོགས་ནས་བྲོས་པ་སྟེ། (དཔེར་ན།) རི་བོང་ཅལ་འདྲོགས་ལྟ་བུ། |
| ཅལ་སྒྲ |
ཆུ་ནང་དུ་ཤིང་སོགས་ལྷུང་ན་ཅལ་ཟེར་བའི་སྒྲ། |
| ཅལ་སྒྲོག |
ཅལ་ཟེར་བའི་སྒྲ་སྒྲོག་པ་སྟེ། (དཔེར་ན།) གཏམ་ཁུངས་མེད་གཞན་ལ་བཤད་དེ་དཀྲོག་ཅེས་པ་ལྟ་བུ། |
| ཅས་ཅུས |
(རྒྱན་ཚིག) འཁྱོག་པོའམ་ཀྱོག་ཀྱོག་ཅེས་པའི་དོན་ཏེ། (དཔེར་ན།) བློ་ཅས་ཅུས་བྱེད་པ། སྨྱུག་མ་ཅས་ཅུས་ཀྱིས་མདའ་མི་ཡོང༌ཞེས་པ་ལྟ་བུ། |
| ཅི |
སྤྱི་སྒྲའི་ཕྲད་ཅིག 1>དྲི་བའི་དོན་ལ་འཇུག་པ་ནི། (དཔེར་ན།) ཁོས་ཅི་བཤད—ཁོས་ཅི་ཞིག་བཤད། སྨན་འདིའི་མིང་ལ་ཅི་ཟེར། ཁྱོད་ཀྱིས་བྱ་བ་ཅི་བྱས། ཅི་ཞིག་བྱས་ལྟ་བུ། 2>སྤྱི་སྒྲ་ཙམ་ལ་འཇུག་པ་ནི། (དཔེར་ན།) ཁོ་ལ་ནད་ཅི་ཡང་མེད། ཁྲིམས་འགལ་གྱི་བྱ་བ་ཅི་ཡང་མ་བྱས། ཁོ་ཚོ་ཅི་བྱ་གཏོལ་མེད་དུ་གྱུར། ཅི་ལའང་མ་འཛེམས་པར་ཆུར་མཆོངས་ནས་མི་སྲོག་བསྐྱབས། ཅི་བཤད་འདི་བཤད། ཅི་བསམ་འདི་བསམ། ཅི་བཤད་དོན་ལ་གནས། ཅི་བསམ་དམངས་ཀྱི་དོན། ཅི་ཡོད། ཅི་སྙམ། ཅི་མཆིས་ཞེས་པ་སོགས་ལྟ་བུ། |
| ཅི་ཀ |
(བརྡ་རྙིང་།) ཅི་ག་དང་འདྲ། |
| ཅི་ཁུག་རིན་འཇལ |
གང་ཁུག་གི་རིན་འབབ་སྤྲོད་འཇལ་བྱས་པ་སྟེ། (དཔེར་ན།) སྤུས་ཉོས་ཀྱི་དངོས་པོར་ཡུལ་ཐང་ཅི་ཁུག་རིན་འཇལ་དྲང་འབྲེལ་བྱས་ལྟ་བུ། |
| ཅི་ག |
(བརྡ་རྙིང་།) དེ་སྐད་ཅེས་པའི་དོན་ཏེ། (དཔེར་ན།) ཅི་ག་ཅི་ཡིན་ནམ་ཞེས་པ་ལྟ་བུ། |
| ཅི་གདའ |
གང་འདུག་གམ་ག་རེ་ཡོད་ཅེས་པའི་དོན། |
| ཅི་གར |
(བརྡ་རྙིང་།) ཇི་ལྟར་རམ་གང་ལྟར། |
| ཅི་གསུང་ཉན་པ |
བཀའ་གནང་ཚད་ཚུལ་བཞིན་ཉན་པ་སྟེ། (དཔེར་ན།) སློབ་ཕྲུག་ཚོས་དགེ་རྒན་གྱིས་ཅི་གསུང་ཉན་པ་ཞེས་པ་ལྟ་བུ། |
| ཅི་གསུང་དང་ལེན |
བཀའ་གང་གནང་བ་རྣམས་ཡི་རང་གིས་ཁས་ལེན་བྱེད་པ་སྟེ། (དཔེར་ན།) དབུ་ཁྲིད་ཀྱི་ལས་བཀོད་ཅི་གསུང་དང་ལེན་བྱེད་པ། བགྲེས་པོས་ཅི་གསུང་དང་དུ་ལེན་ལྟ་བུ། |
| ཅི་གསུང་བཀའ་སྒྲུབ |
ཇི་ལྟར་གསུངས་པ་དེ་ལྟར་སྒྲུབ་པ་སྟེ། (དཔེར་ན།) རིམ་པ་གོང་མས་ཅི་གསུང་བཀའ་སྒྲུབ་ཞུ་ལྟ་བུ། |
| ཅི་གོ |
གང་འདྲའམ་ཅི་འདྲ་ཞེས་པའི་དོན་ཏེ། (དཔེར་ན།) དགོས་དུས་མེད་ལེ་ཅི་གོ་རེད་ཅེས་པ་ལྟ་བུ། |
| ཅི་ཅོག |
ཚང་མའི་དོན་ཏེ། (དཔེར་ན།) དངོས་པོ་ཅི་ཅོག་ཅེས་པ་ལྟ་བུ། |
| ཅི་ཆ |
ཆ་མི་འཚལ་བའམ་ངེས་བརྟན་མེད་པའི་དོན་ཏེ། (དཔེར་ན།) སྨྱོན་པའི་ཁ་ལ་ཅི་ཆ་ཡོད། རེ་འབྲས་འགྲུབ་མིན་ཅི་ཆ། ཡོང་དང་མི་ཡོང་ཅི་ཆ་ཞེས་པ་ལྟ་བུ། |
| ཅི་ཆབ |
(བརྡ་རྙིང་།) མཐར་ཕྱིན་པ། |
| ཅི་ཆིབ |
(བརྡ་རྙིང་།) ཅི་ཆབ་དང་འདྲ། |
| ཅི་ཆོག |
གང་འདྲ་ཆོག་ཅེས་པའི་དོན་ཏེ། (དཔེར་ན།) བྱ་བ་ཅི་ཆོག་དང་མི་ཆོག་གསལ་པོ་ཤེས་དགོས་ལྟ་བུ། |
| ཅི་ཐོད་ཐོད |
གང་བྱུང་བྱུང༌གི་དོན་ཏེ། (དཔེར་ན།) གཏམ་ཅི་ཐོད་ཐོད་དུ་བཤད་ན་མི་མཛེས་ཞེས་པ་ལྟ་བུ། |
| ཅི་དགའ |
གང་མོས། |
| ཅི་དགུ |
གང་ཡོད་དམ་ཐམས་ཅད་ཀྱི་དོན་ཏེ། (དཔེར་ན།) དངོས་པོ་ཅི་དགུ་ཚང་མ། ནུས་ཤུགས་ཅི་དགུ། བྱ་སྤྱོད་ཅི་དགུ། བྱ་འོས་ཅི་དགུ་ཞེས་པ་ལྟ་བུ། |
| ཅི་དྲག |
1.གང་དྲག་གམ་གང་བཟང༌ཞེས་པའི་དོན་ཏེ། (དཔེར་ན།) དེ་འདྲའི་གྲང་ངར་ཆེ་བས་ཅི་དྲག དབུགས་འཆད་ལ་ཁད་དུ་གྱུར་འདུག་པས་ཅི་དྲག་ལྟ་བུ། 2.ཡག་ཤོས་སམ་བཟང་ཤོས་ཀྱི་དོན་ཏེ། (དཔེར་ན།) འབད་བརྩོན་གང་དྲག་ཅི་དྲག་བྱས་ལྟ་བུ། |
| ཅི་ནར |
(བརྡ་རྙིང་།) ཅིས་ཀྱང་ངམ་ངེས་པར་དུ། |
| ཅི་ནས་ཀྱང |
ངེས་པར་རམ་གང་ནས་ཀྱང༌ཞེས་པའི་དོན་ཏེ། (དཔེར་ན།) ཁྱོད་ཅི་ནས་ཀྱང་ཡོང་དགོས། སང་ཉིན་ཅི་ནས་ཀྱང་ལེགས་སྒྲུབ་ཐུབ་ཐབས་བྱེད་དགོས་ལྟ་བུ། |
| ཅི་ཕོད |
ཅི་ལ་ནུས། |
| ཅི་ཕྱིར |
རྒྱུ་མཚན་ནམ་དགོས་པ་སྟོན་པ་སྟེ། (དཔེར་ན།) བཟོ་པས་ཅི་ཕྱིར་གཏེར་ཁ་བརྐོས། འབྱོར་ཕྱུག་གི་་དཔལ་ཡོན་བསྐྲུན་ཆེད་ཡིན་ལྟ་བུ། |
| ཅི་བགྱི་བ |
(བརྡ་རྙིང་།) བྲན་གཡོག |
| ཅི་བགྱི་བཀའ་ཉན |
ཁ་ལ་ཉན་པའི་དོན་ཏེ། (དཔེར་ན།) བཏང་འགྲོ་བཞག་སྡོད་ཅི་བགྱི་བཀའ་ཉན་བྱེད་ཅེས་པ་ལྟ་བུ། |
| ཅི་བརྟོལ |
1.ངོ་ཚ་ཁྲེལ་མེད། 2.ཧམ་པ་ཚ་པོ། 3.རྨོངས་རྨོངས་ཚོད་ཚོད། |
| ཅི་བྱ་གཏོལ་མེད |
བྱ་ཐབས་བྲལ་བའི་དོན་ཏེ། (དཔེར་ན།) ལས་བྲེལ་སྣེ་འདོམས་ཀྱིས་ཅི་བྱ་གཏོལ་མེད་ལ་ཐུག་པ། ཐེ་ཚོམ་གྱི་དྲ་བར་ཚུད་དེ་ཅི་བྱ་གཏོལ་མེད་དུ་བསྡད་ཡོད། བྱ་དཀའ་བྱེད་གཏད་ཆེ་བས་ཅི་བྱ་གཏོལ་བྲལ་དུ་གྱར་ལྟ་བུ། |
| ཅི་མ་ཡིན |
1.རང་གར་གྱི་དོན་ཏེ། (དཔེར་ན།) ད་ཅི་མ་ཡིན་ལ་སྡོད་དགོས་མེད་ཅེས་པ་ལྟ་བུ། 2.(ཡུལ་སྐད།) སྣ་ཚོགས་སམ་གང་འདོད་ཀྱི་བྱ་སྤྱོད་དེ། (དཔེར་ན།) ཚོང་ཅི་མ་ཡིན་ཞིག་མ་རྒྱག ལས་དོན་དེ་ཅི་མ་ཡིན་དུ་མ་འཇོག་ཅེས་པ་ལྟ་བུ། |
| ཅི་མ་རུང |
དེ་འདྲ་བྱུང་ན་དགའ་བ་ལ་སྙམ་པའི་སྨོན་ཚིག་སྟེ། (དཔེར་ན།) མི་ཐམས་ཅད་ལ་བདེ་སྐྱིད་ཕུན་སུམ་ཚོགས་པ་ཞིག་བྱུང་ན་ཅི་མ་རུང༌། རེ་བ་མཐའ་དག་ལག་ལེན་དུ་འཁྱོལ་ན་ཅི་མ་རུང༌། བདག་བྱང་ཆུབ་ཐོབ་ན་ཅི་མ་རུང༌ལྟ་བུ། |
| ཅི་མཆིས་པ |
ཐམས་ཅད་དམ་གང་ཡོད་པ། |
| ཅི་མི་ཆོག |
དེ་འདྲ་བྱུང་ན་ཆོག་ཨང་སྙམ་པའི་སྨོན་ཚིག་སྟེ། (དཔེར་ན།) ཐན་པ་བྱུང་བས་ཆར་བ་ཆེན་པོ་ཞིག་བབས་ན་ཅི་མི་ཆོག་ཅེས་པ་ལྟ་བུ། |
| ཅི་མི་འདྲ |
ཅི་ཞིག་མི་འདྲའམ་འདྲ་བའི་དོན་ཏེ། (དཔེར་ན།) ཁོང་རྒྱལ་པོ་ཞིག་་དང་ཅི་མི་འདྲ་ཞེས་པ་ལྟ་བུ། |
| ཅི་མི་ལེགས |
ཅིའི་ཕྱིར་མི་ལེགས་སམ་ལེགས་པའི་དོན་ཏེ། (དཔེར་ན།) དཔལ་འབྱོར་རྒྱས་ན་ཅི་མི་ལེགས་ཞེས་པ་ལྟ་བུ། |
| ཅི་མི་སྙམ |
ཅི་ཡང་མི་བསམ་པའི་དོན་ཏེ། (དཔེར་ན།) དབུལ་པོའི་སྡུག་བསྔལ་ཅི་མི་སྙམ་དུ་མི་འཇོག་པར་བསལ་བར་བྱ་ཞེས་པ་ལྟ་བུ། |
| ཅི་མེད་ཅང་མེད |
ཅི་ཡང་མེད་པའམ་གང་ཡང་མེད་པའི་དོན་ཏེ། (དཔེར་ན།) དོན་དག་ཅི་མེད་ཅང་མེད་ཀྱི་སྐད་ཆ་བཤད་མི་དགོས་ལྟ་བུ། |
| ཅི་ཙམ |
ག་ཚོད་དམ་ཇི་ཙམ་ཞེས་པའི་དོན་ཏེ། (དཔེར་ན།) འདི་ནས་ལམ་ཐག་ཅི་ཙམ་སོང་ན་རྒྱ་མཚོའི་འགྲམ་དུ་སླེབས་ཡོང༌། ཁྱོད་ཀྱིས་ཅི་ཙམ་ཟ་ཐུབ་པ་དེ་ཙམ་དུ་ཟོས་ན་འགྲིག་ཅེས་པ་ལྟ་བུ། |
| ཅི་ཙུག |
ཅི་འདྲའམ་གང་འདྲ་སྟེ། (དཔེར་ན།) བདག་ཅག་རྣམས་ཅི་ཙུག་བྱེད་ཅེས་པ་ལྟ་བུ། |
| ཅི་ཚུག |
ཅི་ཙུག་དང་འདྲ། |
| ཅི་ཚེ |
(རྒྱ་སྐད།) འབྲུའི་བྱེ་བྲག་ཙི་ཙི་ཟེར་བ། |
| ཅི་ཞིག |
གང་ཞིག་དང༌། གང་འདྲ་ཞིག་ཅེས་པའི་དོན་ཏེ། (དཔེར་ན།) མི་ཅི་ཞིག རྒྱུ་མཚན་ཅི་ཞིག དགོས་པ་ཅི་ཞིག་ཡོད། དོན་སྙིང་ཅི་ཞིག་ཡིན། ལས་ཀ་ཅི་ཞིག་བྱ་ལྟ་བུ། |
| ཅི་ཞིག་ལྟར |
1.ཇི་ལྟར་རམ་གང་ལྟར། 2.(བརྡ་རྙིང་།) བསྒྲུབ་དཀའ་བ་འབད་རྩོལ་མེད་པར་འགྲུབ་པ། |
| ཅི་འདོད་གང་འདོད |
གང་འདོད་འདོད་ཀྱི་དོན་ཏེ། (དཔེར་ན།) སྐྱེད་ཚལ་ནང་དུ་དགའ་དགའ་སྤྲོ་སྤྲོ་ཅི་འདོད་གང་འདོད་བྱེད་ཅེས་པ་ལྟ་བུ། |
| ཅི་འདོད་འདོད |
འདོད་པར་གང་ཡོད། |
| ཅི་འདྲ |
གང་དང་མཚུངས་པའམ། གང་ཞིག་དང་འདྲ་བའི་དོན་ཏེ། (དཔེར་ན།) སྨན་འདི་ཅི་འདྲ་བྱས་ཏེ་འཐུང་དགོས། དོན་ཅི་འདྲ། གཏམ་ཅི་འདྲ། ཐབས་ཅི་འདྲ་ཞིག་རེད། ལས་ཅི་འདྲ་བྱས་པ་ལ་འབྲས་བུ་དེ་འདྲ་བ་འཐོབ་པ་རེད་ཅེས་པ་ལྟ་བུ། |
| ཅི་འཕྲོས་མོལ་འཕྲོས |
(ཡུལ་སྐད།) གང་དྲན་བཤད་རེས་བྱེད་པ་སྟེ། (དཔེར་ན།) མཆེད་གྲོགས་མཇལ་ནས་ཕན་ཚུན་ཅི་འཕྲོས་མོལ་འཕྲོས་བཤད་ཅེས་པ་ལྟ་བུ། |
| ཅི་འོས |
ཅི་རིགས་སམ་འཚམ་ཤོས་ཀྱི་དོན་ཏེ༌། (དཔེར་ན།) མི་བསྲུན་བླུན་ལ་ཅི་འོས་སྦྱར། བྱ་བ་ཐག་གཅོད་པར་ཐབས་ཅི་འོས་ཤིག་བཀོལ་དགོས་ལྟ་བུ། |
| ཅི་ཡང |
གང་ཡང༌གི་དོན་ཏེ། (དཔེར་ན།) གོ་ཅི་ཡང་མི་ཆོད་པ། བརྟག་དཔྱད་བྱས་ཀྱང་ཉེས་སྐྱོན་ཅི་ཡང་མེད་པ། ཐམས་ཅད་ཤེས་མཁན་གྱི་མི་མེད་ལ། ཅི་ཡང་མི་ཤེས་མཁན་གྱི་མིའང་མེད་ཅེས་པ་ལྟ་བུ། |
| ཅི་ཡང་མེད་པ |
གང་ཡང་མེད་པའི་དོན་ཏེ། |
| ཅི་ཡང་མེད་པའི་སྐྱེ་མཆེད |
གཟུགས་མེད་སྐྱེ་མཆེད་མུ་བཞིའི་ནང་གསེས། ཆོས་ཐམས་ཅད་དང་དེ་ལ་དམིགས་པའི་རྣམ་པར་ཤེས་པ་ཡང་མཐའ་ཡས་ན། དེར་མ་གཏོགས་པའི་ཆོས་གཞན་ཅི་ཡོད་ཅེས་བརྟགས་ན་ཅི་ཡང་ཡོད་པར་མ་མཐོང་ནས་ཅི་ཡང་མེད་དོ་སྙམ་དུ་སེམས་པའི་སའོ། ། |
| ཅི་ཡང་མེད་པའི་སྐྱེ་མཆེད་ཀྱི་རྣམ་ཐར |
གཟུགས་མེད་རྣམ་ཐར་བཞིའི་ནང་གསེས། རྣམ་ཤེས་ལས་གཞན་དམིགས་པར་བྱ་བའི་གཟུགས་ཅན་དང་གཟུགས་མེད་པའི་ཆོས་ཅུང་ཟད་ཀྱང་ཡོད་པར་མ་མཐོང་ནས་ཅི་ཡང་མེད་དོ་སྙམ་དུ་སྙོམས་པར་ཞུགས་པ་ཅི་ཡང་མེད་པའི་སྐྱེ་མཆེད་རྫོགས་པར་བྱས་ཏེ་གནས་པའོ། ། |
| ཅི་ཡང་མེད་པའི་སྙོམས་འཇུག |
གཟུགས་མེད་སྙོམས་འཇུག་བཞིའི་ཡ་གྱལ། ཅི་ཡང་མེད་པའི་སྐྱེ་མཆེད་ལ་དམིགས་པ་རྩེ་གཅིག་ཏུ་འཇུག་པའི་ཏིང་ངེ་འཛིན་ནོ། ། |
| ཅི་རང་དྲག |
གང་དྲག་ཅེས་ཡི་མུག་པའི་ཚིག་སྟེ། (དཔེར་ན།) མི་དེས་སྤྱོད་ངན་འདི་འདྲ་བྱས་འདུག་པ་ཅི་རང་དྲག རྐྱེན་ངན་བྱུང་བ་ཅི་རང་དྲག་ཅེས་པ་ལྟ་བུ། |
| ཅི་རིགས་པ |
སྣ་ཚོགས་སམ་གང་ཡང་རུང་བ་ཞེས་པའི་དོན་ཏེ། (དཔེར་ན།) ཤེས་ཡོན་ཅི་རིགས་པ། དྲག་ཆས་ཅི་རིགས་པ། སྐད་ཆ་སྙན་པོ་ཅི་རིགས་པར་བཤད་ཅེས་པ་ལྟ་བུ། |
| ཅི་རོབ |
(བརྡ་རྙིང་།) རྒྱུ་མཚན་ནམ་དགོས་པ་གང་གི་ཕྱིར། |
| ཅི་ལ |
མི་འོས་པའི་དོན་ཏེ། (དཔེར་ན།) ལོངས་སྤྱོད་འཛོམས་ཀྱང་ཆུད་ཟོས་ཅི་ལ་བྱེད། འབད་དང་རྩོལ་བས་སྒྲུབ་པའི་ནོར་བུ་ཡིན། ། དཀའ་ཁག་མང་ཡང་དཔའ་ངར་ཅི་ལ་ཞུམ། མཐར་ཐུག་དམིགས་ཡུལ་བདེ་སྐྱིད་འཚོ་བ་ཡིན་ཞེས་པ་ལྟ་བུ། |
| ཅི་ལྟ་བ་བཞིན |
ཇི་འདྲ་བ་དེ་བཞིན་ནམ། དེ་ནང་བཞིན་ཞེས་པའི་དོན་ཏེ། (དཔེར་ན།) ཅི་ལྟ་བ་བཞིན་དུ་སྙན་སེང་ཞུས་ལྟ་བུ། |
| ཅི་ལྟ་བུ |
ཇི་ལྟ་བུའམ་འདྲ་བའི་དོན་ཏེ། (དཔེར་ན།) གནས་ལུགས་ཅི་ལྟ་བུ་ཞིག་རེད་ཅེས་པ་ལྟ་བུ། |
| ཅི་སྒྲ |
སྤྱི་ལ་ཁྱབ་པའི་ཚིག་ཕྲད་ཅི་ནི། ཞིག་སྟེ་སླད་འདྲ་ཕྱིར་བཅས་ཀྱི་སྔོན་དུ་འཇུག་སྟེ། (དཔེར་ན།) ཅི་ཞིག་དགོས་སམ། ཅི་སྟེ་དེ་མ་ཡིན་ན་གང་བྱེད། བྱ་བ་དེ་ཅིའི་སླད་དུ་བྱས་སམ། ཅི་ཕྱིར་གཏམ་དེ་མ་བཤད་པ་ཡིན་ལྟ་བུ། |
| ཅི་སྙམ |
1.གང་བསམས་པའི་དོན་ཏེ། (དཔེར་ན།) ད་ལྟ་ཁྱོད་ཀྱི་སེམས་ལ་ཅི་སྙམ་ངས་ཟུར་ཙམ་ཤེས་ལྟ་བུ།2.གང་ཡིན་ནམ་སྙམ་པའི་དོན་ཏེ། (དཔེར་ན།) རྒྱུ་མཚན་མེད་པར་འཚིག་པ་ཟ་བ་ཅི་སྙམ་པ་ཡིན་ལྟ་བུ། |
| ཅི་སྟེ |
1.གལ་ཏེའམ་གལ་སྲིད་ཅེས་པའི་དོན་ཏེ། (དཔེར་ན།) ཅི་སྟེ་དཀའ་ངལ་ཆེ་ཡང་ཧུར་བརྩོན་བྱེད་དགོས། ཅི་སྟེ་སློབ་སྦྱོང་མ་བྱས་ན་རྗེས་ལུས་ཐེབས་ཡོང༌ལྟ་བུ། 2.ཅིའི་ཕྱིར་ཞེས་པ་དང་འདྲ་སྟེ། (དཔེར་ན།) བཀུར་བར་བྱ་བ་ནི་ཕ་མ་ཡིན་གྱི། བུ་ཅི་སྟེ་ཡིན་ལྟ་བུ། |
| ཅི་སླད |
ཅིའི་སླད་དང་དོན་གཅིག |
| ཅིག |
1. (གྲངས་ཚིག) རྗེས་འཇུག་ག་ད་བ་དང༌། ད་དྲག་གི་མཐར་སྦྱར་རྒྱུའི་ངེས་མེད་ཀྱི་དངོས་པོ་རེ་རེ་བ་སྟོན་བྱེད་ཀྱི་ཚིག་གྲོགས་ཕྲད་གཞན་དབང་ཅན་ཞིག་སྟེ། (དཔེར་ན།) དགེ་ཕྲུག་ཅིག རྒྱལ་ཁབ་ཅིག ཅུང་ཟད་ཅིག་ཅེས་པ་ལྟ་བུ།2.སྐུལ་ཚིག་སྟོན་བྱེད་ཀྱི་ཚིག་གྲོགས་ཤིག་སྟེ། (དཔེར་ན།) ལག་ཏུ་ཞོག་ཅིག མར་སྡོད་ཅིག ཡོ་བྱད་སྐྲུནད་ཅིག ལག་འཁོར་སྐོརད་ཅིག ཇ་སྐོལད་ཅིག་ལྟ་བུ། |
| ཅིག་ཀ |
(བརྡ་རྙིང་།) ཅིག་གམ་ཞིག |
| ཅིག་ཅར |
1.(བསྣན་ཚིག) ལྷན་དུའམ་མཉམ་དུ་ཞེས་པའི་དོན་ཏེ། (དཔེར་ན།) མགྲོན་པོ་རྣམས་ཅིག་ཅར་ཡུལ་དུ་བསླེབས་ལྟ་བུ། 2.སྐད་ཅིག་དང་དོན་འདྲ་སྟེ། (དཔེར་ན།) ཡི་གེ་རིམ་གྱིས་ཤེས་དགོས་པ་ལས་ཅིག་ཅར་ཤེས་དཀའ་ཞེས་པ་ལྟ་བུ། འདི་ལ་ཅིག་ཆར་འབྲི་བའང་ཡོད། |
| ཅིག་ཤོས |
(ཚབ་ཚིག) ཕྱོགས་ཤིག་གམ་གཞན་ཞིག་གི་དོན་ཏེ། (དཔེར་ན།) ཅིག་ཤོས་དེ་ལས་ལྡོག་པའོ་ཞེས་པ་ལྟ་བུ། |
| ཅིང |
ཅིང་ཞིང་ཤིང་གསུམ་ལས་ཚིག་དང་རྒྱན་ཚིག་གི་མཐར་སྦྱར་ན་སྦྲེལ་ཚིག་གམ་ཚིག་ཕྲད་ཡིན་ཏེ། (དཔེར་ན།) སྤྱང་ཀི་བསད་ཅིང་ཕྱུགས་རྣམས་བསྲུངས། མི་རྣམས་བདེ་ཞིང་ཕྱུགས་ཟོག་འཕེལ། བྱ་བ་བསྒྲུབས་ཤིང་སློབ་སྦྱོང་བྱས། བརྗིད་ཅིང་མཐོ། དཀར་ཞིང་མཛེས། དྭངས་ཤིང་གསལ་ལྟ་བུ། ཅིང་ཤིང་ཞིང་གསུམ་འཇུག་ཚུལ་ནི། ག་ད་བ་དང་ད་དྲག་ཅིང་། །ང་ན་མ་འ་ར་ལ་དང་། །མཐའ་རྟེན་མེད་པའི་མཐའ་རུ་ཞིང་། །ས་མཐར་ཤིང་ཞེས་སྦྱོར་བ་ཡིན་ཞེས་པ་ལྟར་རོ། ། |
| ཅིང་ཅི་ལི |
(རྒྱ་སྐད།) མེ་ཏོག་ཅིག |
| ཅིའང |
གང་ཡང༌ཞེས་པའི་དོན་ཏེ། (དཔེར་ན།) ཅིའང་བསླབས་པས་ཅིའང་ཤེས་ལྟ་བུ། |
| ཅིའི་ཕྱིར |
གང་གི་ཆེད་དམ་གང་གི་དོན་དུ་ཞེས་པ་སྟེ། (དཔེར་ན།) ཅིའི་ཕྱིར་བསྟན། ཅིའི་ཕྱིར་མ་བསྟན། ཅིའི་ཕྱིར་ཞེ་ན། རྒྱུ་མཚན་ཅིའི་ཕྱིར་ཁོང་ཁྲོ་བྱེད། ང་ཅིའི་ཕྱིར་ཡོང་མི་ཆོག་ཅེས་པ་ལྟ་བུ། |
| ཅིའི་སླད |
ཅིའི་ཕྱིར་རམ་གང་གི་ཆེད་དུ་ཞེས་པ་སྟེ། (དཔེར་ན།) ཁྱོད་ཅིའི་སླད་དུ་འོང་བ་ཡིན་ལྟ་བུ། |
| ཅིར་ཅིར |
(རྒྱན་ཚིག) འབུ་སོགས་སྲོག་ཆགས་ཆུང་ངུས་སྒྲོག་པའི་སྒྲའི་ཁྱད་པར་ཞིག་སྟེ། (དཔེར་ན།) སྟོན་དུས་འབུ་སྲིན་རྣམས་ཀྱིས་ཅིར་ཅིར་ཞེས་སྒྲ་སྒྲོག་པ་ལྟ་བུ། |
| ཅིར་འགྱུར་གཏོལ་མེད |
གང་འདྲ་ཞིག་ཏུ་འགྱུར་མི་ཤེས་པ། |
| ཅིལ |
འཇིལ་གྱི་སྐུལ་ཚིག |
| ཅིལ |
འཇིལ་གྱི་སྐུལ་ཚིག་སྟེ། (དཔེར་ན།) མེ་དཔུང་ཅིལ་ཅིག་ལྟ་བུ། |
| ཅིལ་ཅིལ |
(རྒྱན་ཚིག) ཅིལ་ལི་ཅིལ་ལིའི་བསྡུས་ཚིག |
| ཅིལ་ལི་ཅིལ་ལི |
(རྒྱན་ཚིག) ཁང་བྱིའུ་དང༌། ཅོ་གའི་སྐད་འབྱིན་སྟངས་ཤིག་སྟེ། (དཔེར་ན།) ཅིལ་ཅིལ་སྒྲ་ཡིས་རྣ་བའི་ཚེར་མ་བྱེད། ཅིལ་ལི་ཅིལ་ལིའི་སྒྲ་མཚམས་མི་འཆད་པར་གྲག་པ་ཅི་ཞིག་ཡིན་ལྟ་བུ། |
| ཅིས |
(བསྣན་ཚིག) ལས་ཚིག་གི་ཐོག་མར་སྦྱར་ན་ནན་ཏན་བྱེད་པའི་དོན་ཏེ། (དཔེར་ན།) ཅིས་ཀྱང་སློབ་སྦྱོང་བྱེད། ཅིས་ཀྱང་འཇིག་རྟེན་སྒྱུར་བཀོད་བྱེད་ལྟ་བུ། |
| ཅིས་ཀྱང |
1.ཅི་ནས་ཀྱང་ངམ་ངེས་པར་དུ་ཞེས་པའི་དོན་ཏེ། (དཔེར་ན།) ཁྱེད་ཀྱི་ཐུགས་ལ་ཅིས་ཀྱང་འཇོག་དགོས་ལྟ་བུ།2.ཅི་ཡིས་ཀྱང་ངམ་གང་གིས་ཀྱང༌ཞེས་པའི་དོན་ཏེ། (དཔེར་ན།) ཐབས་ཤེས་ཅིས་ཀྱང་གོ་མི་ཆོད་ཅེས་པ་ལྟ་བུ། |
| ཅིས་མི་འདྲ |
ཅི་ཡིས་མི་འདྲ་ཞེས་མི་འདྲ་བའི་རྒྱུ་མཚན་དྲི་བའི་ཚིག་སྟེ། (དཔེར་ན།) གནམ་ལྕགས་ཐོག་དང་ཅིས་མི་འདྲ་ལྟ་བུ། |
| ཅུ |
རྗེས་འཇུག་ཡོད་པའི་གྲངས་ཚིག་གི་མཐའ་ལ་སྦྱར་ན་གྲངས་ཀ་བཅུའི་དོན་ཏེ། (དཔེར་ན།) སུམ་ཅུ། དྲུག་ཅུ། བདུན་ཅུ། བརྒྱད་ཅུ་ཞེས་པ་ལྟ་བུ། |
| ཅུ་གང |
(རྒྱ་སྐད།) སྨྱུག་བཅུད་དེ་རྩི་སྨན་གྱི་རིགས་ཤིག་རོ་མངར་ལ་བསྐ། ཞུ་རྗེས་བསིལ་ལ་སྙོམས། ནུས་པས་གློ་ཚད་དང༌། རྨ་ཚད། ཚད་པ་རུས་ལ་ཞེན་པ། རིམས་ནད་རྨོང་བུ་བཅས་ལ་ཕན། མིང་གི་རྣམ་གྲངས་ལ་སྨྱིག་མ་དང༌། རྩི་འཇམ། བཾ་ཤ་རོ་ཙ་ན་བཅས་སོ། ། |
| ཅུ་ལི |
ཤིང་ཏོག་ཅིག་གི་མིང་། དེའི་སྡོང་པོར་མེ་ཏོག་དྲི་ཞིམ་དང་ཁ་དོག་དཀར་པོའམ་དམར་སྐྱ་སོགས་ཡོད། ཤིང་ཏོག་རོ་སྐྱུར་བ་ཞིག་ཡིན། ཡུལ་སྐད་ལ་ལར་ཅོ་ལེ་དང༌། རྒྱ་སྐད་དུ་མེ་ཙི་ཟེར། |
| ཅུང |
(བསྣན་ཚིག) ལས་ཚིག་དང་རྒྱན་ཚིག་གི་ཐོག་མར་སྦྱར་ན་ཚད་ཆུང་བའི་དོན་ཏེ། (དཔེར་ན།) ཅུང་ཟད་ཆེ། ཅུང་ཆེ། ཅུང་ཟད་དམར། ཅུང་དམར། ཅུང་ཟད་ཀྱང་མི་ཆེ། ཅུང་ཞིག་སྒུགས། འབྲུ་རིགས་ཅུང་ཟད་མང་། དུས་ཚོད་ཀྱིས་མི་ལ་ཅུང་ཟད་ཅིག་ཀྱང་མི་སྒུག ཐུན་མོང་གི་ནོར་རྫས་ཅུང་ཟད་ཀྱང་ཆུད་ཟོས་མ་བྱེད་ལྟ་བུ། |
| ཅུང་པེང |
འབྲུ་རིགས་ཀྱི་ཕྱེ་རྡོག་རླངས་བཙོས་བྱས་པའི་གོ་རེའི་མིང་ཡུལ་སྐད་ལ་ལར་ཅོང་རྡོག་ཟེར། |
| ཅུང་ཞིག |
ཕྲན་བུ་ཞིག་གམ་ཉུང་ཤས་ཤིག་ཅེས་པའི་དོན་ཏེ། (དཔེར་ན།) དེ་རིང་བྲེལ་བ་ཅུང་ཞིག་འདུག ཁེ་ཕན་ཅུང་ཞིག ནོར་འཁྲུལ་ཅུང་ཞིག་ཡོད། འཚོ་ཆས་ངན་ངོན་ཅུང་ཞིག དུས་ཡུན་ཅུང་ཞིག་རིང་དྲགས་ཞེས་པ་ལྟ་བུ། |
| ཅུང་ཟད |
ཚད་ཆུང་ཆུང་ངམ། ཏོག་ཙམ། ཕྲན་བུ་ཞེས་པ་དང་འདྲ་སྟེ། (དཔེར་ན།) ཅུང་ཟད་སྒུགས་དང་མཉམ་དུ་འགྲོ། དགའ་ནས་ཅུང་ཟད་དགོད་པ། སྐད་ཆའི་ཚིག་ནད་མ་ཐེག་པར་ཅུང་ཟད་ཁྲོ་བ། དེ་རིང་གློ་བུར་དུ་ཅུང་ཟད་མི་བདེ་བ་ཞིག་བྱུང༌། མི་འདྲ་བ་ཅུང་ཟད་ཡོད་པ། སེམས་ཅུང་ཟད་གཏད་པ་ཙམ། སྤྱིའི་ནོར་རྫས་ཅུང་ཟད་ཀྱང་ཆུད་ཟོས་སུ་མ་གཏོང༌ལྟ་བུ། |
| ཅུང་ཟད་ཕྲད་པའི་རྩོལ་བ |
ཡི་གེའི་སྐྱེ་གནས་རྣམས་ཐུག་ཕྲད་ལྷོད་པོར་བྱས་ནས་སྒྲ་འདོན་པའི་རྩོལ་བ། |
| ཅུང་ཟད་ཙམ |
ཉུང་ཤས་ཙམ་མམ་ཕྲན་བུ་ཙམ་སྟེ། (དཔེར་ན།) རྐྱེན་ཅུང་ཟད་ཙམ་གྱིས་འགྱུར་ལྡོག་འབྱུང་ངེས་རེད་ལྟ་བུ། |
| ཅུང་ཟད་སྙམ་པའི་ང་རྒྱལ |
རང་ལས་མཆོག་ཏུ་གྱུར་པ་ལ་དམིགས་ནས། འདི་ལས་བདག་ཅུང་ཟད་དམན་ཙམ་མོ་སྙམ་དུ་ཁེངས་པའོ། ། |
| ཅུང་རི་བོ་ཆེ |
སྔར་བོད་ཀྱི་ལྷ་མོ་བའི་ཚོགས་པ་ཐོག་མར་དར་ས་སྟེ། ངམ་རིང་རྫོང་དུ་ཡོད། |
| ཅུང་སེང |
ཅུང་པེང་དང་འདྲ། |
| ཅུར་ནིས |
ཞིབ་བུར་བཏུལ་བའི་སྨན་གྱི་ཕྱེ་མའི་མིང་སྟེ། (དཔེར་ན།) ཏྲེས་སམ་ཅུར་ནིས་ཕྱེ་མའི་མིང་དུ་བཤད་ཅེས་པ་ལྟར་རོ། ། |
| ཅུས་ཙེ |
(རྒྱ་སྐད།) ཤོག་སྒྲིལ་ཐ་མག་འཐེན་བྱེད་དང༌། གང་ཟག་འཐེན་བྱེད་འཇིབ་ཁ། |
| ཅེ་ན |
ཅེ་ན་ཞེ་ན་ཤེ་ན་གསུམ་ནི། ལས་ཚིག་གི་མཐར་སྦྱར་ན་ཟེར་རམ་བཤད་དང་འདྲ་སྟེ། (དཔེར་ན།) དེ་རེད་ཅེ་ན—དེ་རེད་ཟེར་ན་ལྟ་བུ། ཅེ་ན་ཞེ་ན་ཤེ་ན་གསུམ་འཇུག་ཚུལ་ནི། ག་ད་བ་དང་ད་དྲག་ཅེ། ང་ན་མ་འ་ར་ལ་དང་། མཐའ་རྟེན་མེད་པའི་མཐའ་རུ་ཞེ། ས་མཐར་ཤེ་ན་སྦྱོར་བ་ཡིན་ཞེས་པ་ལྟར་རོ། ། |
| ཅེ་རེ |
(རྒྱན་ཚིག) མིག་གདངས་ཏེ་མི་གཡོ་བར་ལྟ་བའི་ཁྱད་པར་ཞིག་སྟེ། (དཔེར་ན།) མིག་ཐད་ཀར་ཅེ་རེ་ལྟ་བ། ཞལ་འཛུམ་པ་དང་བཅས་པའི་ངང་ནས་ཅུང་ཞིག་བདག་ལ་སྤྱན་ཅེ་རེ་གཟིགས་ཀྱིན་འདུག་ལྟ་བུ། |
| ཅེ་རེ་ལོང་བ |
མིག་འབྲས་ཡོད་ཀྱང་གཟུགས་མི་མཐོང་བའི་ལོང་བའི་མིང་། |
| ཅེ་ལེ་བ |
ཐར་ཐོར། |
| ཅེ་སྤྱང |
དབྱིབས་དང་རང་གཤིས་རྣམས་སྤྱང་ཀི་དང་འདྲ་ཞིང་སྤྱང་ཀི་ལས་ཅུང་ཟད་ཆུང་ལ་སྤུ་དམར་སེར་ཅན་གྱི་གཅན་གཟན་ཞིག་སྟེ། འཕར་བ་ཡང་ཟེར། མིང་གི་རྣམ་གྲངས་ལ་ངན་གཡོ་མ་དང༌། བ་ལང་འཚེ། མཚན་མོའི་རི་དྭགས། ཝ་སྐྱེས། རི་དྭགས་ཁྲམ་པ། ས་མྱོས། སླུ་བྱེད་བཅས་སོ། ། |
| ཅེ་སྤྱང་མགོ |
རླུང་ཁྲག་པུས་མོར་བབས་པའི་ནད་དེ། ནད་རྟགས་སུ་ངར་གདོང་ནས་གཉན་གོང་སྦལ་ནག་གི་བར་ཅེ་སྤྱང་གི་མགོ་བོ་ལྟར་སྐྲངས་པ་ཞིག |
| ཅེ་སྤྱང་རྭ |
རྒྱ་གར་དུ་ཅེ་སྤྱང་ཞེས་པའི་གཅན་གཟན་ཞིག་ཡོད་པ་དེ་ཅེ་སྤྱང་ནས་ཅེ་སྤྱང་གཞན་གྱི་བར་མ་ཆོད་པའི་སྐྱེ་བ་ལྔ་པ་ན་རྭ་སྐྱེས་པ་དེ་ནོར་བུ་ཡིན་པར་བཤད། ནུས་པས་ནོར་ཕྱུགས་ཀྱི་ནད་རྣམས་སྲུང༌། |
| ཅེའོ |
ཟེར་རོའམ། བཤད་དོ་ཞེས་པ་དང་འདྲ། ག་ད་བ་དང༌། ད་དྲག་བཅས་ཀྱི་མཐར་སྦྱར་ནས་ཚིག་མཚམས་སྟོན་བྱེད་ཀྱི་ཕྲད་གཞན་དབང་ཅན་ཞིག་ཡིན། (དཔེར་ན།) ཆུ་ཀླུང་ཐམས་ཅད་ཀྱི་འགོ་གངས་རིར་ཐུག་ཅེའོ། །ཞེས་པ་ལྟ་བུ། |
| ཅེར་རེ |
(རྒྱན་ཚིག) ཅེ་རེ་དང་འདྲ། |
| ཅེར་ལྟ |
འབུར་ཚུགས་སུ་ལྟ་བ་སྟེ། (དཔེར་ན།) ཨ་མས་གཅེས་ཕྲུག་གི་གདོང་ལ་མིག་ཅེར་ལྟ་བཞིན་འདུག་ཅེས་པ་ལྟ་བུ། |
| ཅེས |
1.ཅེས་ཞེས་གཉིས་ནི་མིང་ཚིག་ལ་ལའི་མཐར་སྦྱར་ན་མིང་དེ་ལྟར་ཟེར་བའི་དོན་ཏེ། (དཔེར་ན།) 《སྐྱེ་བོ་གསོ་ཐིགས》ཞེས་པའི་གསུང་རྩོམ་དེ་བློ་ལ་བཟུང་། 《ས་སྐྱ་ལེགས་བཤད་》ཅེས་པའི་གསུང་རྩོམ་སློབ་སྦྱོང་བྱས་ལྟ་བུ།2. ཅེས་ཞེས་གཉིས་ལས་ཚིག་གི་མཐར་སྦྱར་ན་མཚམས་སྦྱོར་བའི་ཚིག་ཕྲད་དེ། (དཔེར་ན།) ཡོད་ཅེས་བཤད། ཡིན་ཞེས་ཟེར། བསྒྲུབས་ཞེས་བརྗོད་ལྟ་བུ། ཅེས་ཞེས་གཉིས་པོ་འཇུག་ཚུལ་ནི། ག་ད་བ་དང་ད་དྲག་ཅེས། ང་ན་མ་འ་ར་ལ་དང་། ས་དང་མཐའ་རྟེན་མེད་མཐར་ཞེས་ཞེས་པ་ལྟར་རོ། ། |
| ཅེས་པ |
ག་ད་བ་དང༌། ད་དྲག་བཅས་ཀྱི་མཐར་སྦྱར་ནས་ཚིག་གཞན་འདྲེན་བྱེད་ཀྱི་ཕྲད་གཞན་དབང་ཅན་ཞིག་སྟེ། (དཔེར་ན།) དེང་སང་གི་སྐད་ཆ་སྙན་པོ་འདུག་ཅེས་བརྗོད་པ་གོ་བྱུང༌། ཤེས་རབ་ཅེས་པ་དེ་གང་ནས་འོང་བ་ཡིན་ནམ། ལོ་ཏོག་གམ་ལོ་ཐོག་ཅེས་ཀྱང་བྱ་ལྟ་བུ། |
| ཅེས་བྱ་བ |
ཅེས་ཟེར་བ་ཞེས་པའི་དོན་ཏེ། (དཔེར་ན།) མདོ་སྡེ་ཟ་མ་ཏོག་ཅེས་བྱ་བ། བོད་ཅེས་བྱ་བ་གངས་རིས་བསྐོར་བའི་ལྗོངས་ཞེས་པ་ལྟ་བུ། |
| ཅོ |
(བརྡ་རྙིང་།) མགོ། |
| ཅོ་ཀ |
བྱིའུ་ཅོ་གའང་ཟེར་ཞིང༌། སྤུ་མདོག་སྐྱ་ཞིང་སྲེ་བོ། བྱིའུ་མཆིལ་པ་ལས་ཅུང་ཟད་ཆེ་ཞིང་སྐད་སྙན་སྣ་ཚོགས་འབྱིན་པ། གནམ་ལ་ཐད་ཀར་འཕུར་ནས་ས་ལ་ཐད་ཀར་འབབ་པའི་བྱིའུ་ཞིག |
| ཅོ་ག |
ཅོ་ཀ་དང་འདྲ། |
| ཅོ་ག་ཀླད་སྨན |
སྔོ་སྨན་གྱི་རིགས་འབུ་སུ་ཧང་རོ་ཁ། ཞུ་རྗེས་བསིལ། ནུས་པས་རྨ་འདྲུབ། གློ་ཚད་སེལ། |
| ཅོ་གྲས |
ལོ་གཅིག་ལོན་པའི་རྟེའུའི་མིང་། |
| ཅོ་ཅོ |
གཅེན་པོའམ་ཇོ་ཇོ་ཞེས་པ་སྟེ། ཅོ་ཅོ་འབྲི་བ་ཡོད་པར་བཤད། |
| ཅོ་ཏོ |
(བརྡ་རྙིང་།) མིའི་མགོ་སྤུའམ་སྐྲ་མིང་སྟེ། (དཔེར་ན།) ཅོ་ཏོ་འབལ་ཞིང་ཆོ་ངེ་འདོན་ལྟ་བུ། |
| ཅོ་ཐོ |
ཅོ་ཏོ་དང་འདྲ། |
| ཅོ་དིར |
ཀུ་ཅོའི་སྒྲ་དིར་བའམ་འུར་དིར་རེ་བ། |
| ཅོ་དོ |
(བརྡ་རྙིང་།) རྩེ་མོའམ་སྐྲ། |
| ཅོ་ནེ |
རྫོང་ཞིག་སྟེ། མདོ་སྨད་ལྷོ་རྒྱུད་ཀྱི་ཀླུ་ཆུའི་སྟོད་རྒྱུད་དུ་ཡོད། |
| ཅོ་ནེ་དགོན་ཆེན |
འགྲོ་མགོན་ཆོས་རྒྱལ་འཕགས་པའི་བཀའ་ལྟར་ས་སྐྱ་བའི་བླ་མ་ཞིག་གིས་རབ་བྱུང་ལྔ་པའི་ཤིང་ལུག་ལོར་མདོ་སྨད་ཅོ་ནེ་ཡུལ་དུ་བཏབ་པའི་ས་སྐྱའི་དགོན་ཆེན་ཞིག་ཡིན། རབ་བྱུང་བརྒྱད་པའི་ས་ཡོས་ལོར་ཆོས་རྗེ་རིན་ཆེན་ལྷུན་པོས་དགེ་ལུགས་པའི་དགོན་པར་བསྒྱུར། རབ་བྱུང་བཅུ་གཉིས་པའི་ཤིང་རྟ་ལོར་ཅོ་ནེ་གྲགས་པ་བཤད་སྒྲུབ་ཀྱིས་དེར་མཚན་ཉིད་གྲྭ་ཚང་བཙུགས་ཤིང༌། ས་བྱ་ལོར་རྒྱུད་གྲྭ་བཙུགས། བར་སྐབས་ཤིག་ལ་བཀའ་བསྟན་འགྱུར་གྱི་དཔར་ཤིང་ཆ་ཚང་བ་ཞིག་བཞེངས་ཡོད། |
| ཅོ་ནེའི་བསྟན་འགྱུར་དཀར་ཆག |
བདེ་བར་གཤེགས་པའི་བཀའི་དགོངས་འགྲེལ་བསྟན་བཅོས་འགྱུར་རོ་ཅོག་གི་དཀར་ཆག་ཡིད་བཞིན་ནོར་བུའི་ཕྲེང་བ་ཞེས་པ་རབ་བྱུང་བཅུ་གསུམ་པའི་ཆུ་སྦྲུལ་ལོར་ཀུན་མཁྱེན་འཇིགས་མེད་དབང་པོས་མཛད་པའོ། ། |
| ཅོ་པ |
(ཡུལ་སྐད།) ལོ་གཉིས་ལོན་པའི་རྟེའུ། |
| ཅོ་བྲེགས |
ཟེ་དང་རྔ་མ་བྲེགས་མ་ཐག་པའི་ལོ་གཉིས་ལོན་པའི་རྟེའུ། |
| ཅོ་འདྲི |
1.གནོད་པ་བྱེད་པའམ་བརྙས་སྨོད་བྱེད་པའི་དོན་ཏེ། (དཔེར་ན།) གཞན་ལ་ཅོ་མ་འདྲི་ལྟ་བུ། 2.འགྲན་པའི་དོན་ཏེ། (དཔེར་ན།) མཁྱེན་ཡངས་རྒྱ་མཚོའི་ཀློང་ལ་ཅོ་འདྲི་བ་ཞེས་པ་ལྟ་བུ། |
| ཅོ་འདྲི་བ |
1.འགྲན་ཟླ་བྱེད་པའམ་མཐོ་འཚམས་པ། 2.དམའ་འབེབས་པའམ་གནོད་པ་སྐྱེལ་བ། 3.ཉམས་སད་པ། 4.མཚུངས་གསལ་གྱི་སྒྲ་ཞིག་སྟེ་འདྲ་བ། |
| ཅོ་རེ |
1.འཐུང་བའམ་རྔུབ་པའམ་བླུག་པའི་སྒྲ། 2.ཆང་སྐྱུར་མོ། 3.རོ་སྐྱུར་མོ། |
| ཅོ་ལེ་བ |
(རྒྱན་ཚིག) དཔངས་དམའ་ཞིང་ལྟོ་བ་ཆེ་བའི་དབྱིབས་ཏེ། (དཔེར་ན།) གཏེར་ཁ་འཚོལ་དུ་སོང་ནས། བྲག་རི་ནག་པོ་ཅོ་ལེ་བ་མང་བོ་ཡོད་པའི་ས་ཞིག་ལ་བསླེབས་ལྟ་བུ། |
| ཅོག |
རྫོགས་ཚིག་གི་མཐར་སྦྱར་ནས་ཚང་མ་དང་མཐའ་དག་གི་དོན་སྟོན་པའི་ཚིག་གྲོགས་ཤིག་སྟེ། (དཔེར་ན།) ཡིན་ནོ་ཅོག སྐྱེས་སོ་ཅོག རྒྱུ་ནོར་ཡོད་དོ་ཅོག རྒྱ་དཔེ་བོད་ཡིག་ཏུ་བསྒྱུར་རོ་ཅོག་ཅེས་པ་ལྟ་བུ། |
| ཅོག་ཁེབས |
ཅོག་ཙེའི་ཁེབས། |
| ཅོག་གུར |
མི་གཅིག་སྡོད་སའི་གུར་ཆུང་ངུ། |
| ཅོག་གེ |
ཙོག་ཙོག་ཅེས་པ་དང་འདྲ་སྟེ། (དཔེར་ན།) རི་བོང་ཅོག་གེར་བསྡད་འདུག་ལྟ་བུ། |
| ཅོག་ཅོག |
ཙོག་ཙོག་དང་འདྲ་སྟེ། (དཔེར་ན།) ཁང་པ་ཅོག་ཅོག་སྟེང་དུ་དར་ཆེན་ཞིག་བཙུགས་འདུག་ལྟ་བུ། |
| ཅོག་ཅོག་པ |
ལོ་ཏོག་ལ་གནོད་པའི་སྲིན་བུ་ལུས་ལྗང་ལ་མགོ་སྨུག་པོ་སྤུ་རྭ་ཐུང་ཐུང་ཅན། འབྲས་ཀྱི་ལོ་མ་ཟ་ཞིང་ཐག་རིང་ལ་འཕུར་མི་ཐུབ་པ་ཞིག་ཡིན། ལོ་ཏོག་ལ་གནོད་པའི་སྲིན་བུ་ལུས་ནག་སྨུག་ཅན། ཕོ་རིགས་འཐབ་པ་ལ་དགའ་ཞིང་། གཤོག་པ་བརྡར་ནས་སྒྲ་འབྱིན་པ་ཞིག་ཡིན། རྒྱ་སྐད་དུ་ཞི་ཧྲོས་ཟེར། |
| ཅོག་པ |
ཅོག་གུར་དུ་སྡོད་མཁན། |
| ཅོག་པུ |
1.མི་གཅིག་སྡོད་སའི་རས་གུར་ཆུང་ཆུང༌སྟེ། (དཔེར་ན།) རས་དཀར་གྱི་ཅོག་པུ། 2.ཅོག་པོ་དང་འདྲ། |
| ཅོག་པུ་བ |
1.གུར་ཆུང་ངུའི་ནང་དུ་སྡོད་མཁན། 2.གཞན་ལ་མ་བརྟེན་པར་ཙོག་པོར་སྡོད་པ་པོ། |
| ཅོག་པོ |
ཙོག་པོའམ་ཙོག་པུ་ཞེས་པའི་དོན་ཏེ། (དཔེར་ན།) བྲག་ཅོག་པོ་ཞིག རི་བོང་བཞིན་དུ་ཅོག་པོར་སྡོད། གཅིག་པུ་ཅོག་པོར་སྡོད་ཅེས་པ་ལྟ་བུ། |
| ཅོག་བུ |
རས་གུར་གྲུ་བཞི་མའི་མིང་། ཡུལ་སྐད་ལ་ལར་ཅོག་སྦིས་ཀྱང་ཟེར། |
| ཅོག་ཙེ |
ཐོག་ལ་ཟས་སྣོད་འཇོག་བྱེད་ཀྱི་རྒྱུན་བཀོལ་ཡོ་བྱད་ཅིག་སྟེ། (དཔེར་ན།) ཅོག་ཙེ་གྲུ་བཞི་མ། ཅོག་ཙེ་ཚོན་རིས་མ་ཞེས་པ་ལྟ་བུ། མིང་བསྡུས་ན་ཅོག་ཅེས་འབྲི་ཆོག་སྟེ། (དཔེར་ན།) མདུན་ཅོག ཅོག་རིང་། ཟུར་ཅོག་ཅེས་པ་སོགས་ལྟ་བུ། ཐ་སྙད་འདི་ནི་རྒྱ་སྐད་ཀྱི་ཀྲོ་ཙི་ཟུར་ཉམས་པ་ལས་བྱུང་བ་ཡིན་སྟབས་ཡིག་གཟུགས་འདྲ་མིན་སྣ་ཚོགས་ཡོད། |
| ཅོག་རོ |
བོད་ཀྱི་རུས་རྒྱུད་ཅིག་གི་མིང༌། |
| ཅོག་རོ་ཀླུའི་རྒྱལ་མཚན |
དུས་རབས་བརྒྱད་པར་ཁྲི་སྲོང་ལྡེ་བཙན་གྱི་དུས་སུ་སྐ་ཅོག་ཞང་གསུམ་གྱི་ཡ་གྱལ་ལོ་ཙཱ་བ་ཞིག་ཡིན་ཞིང༌། ཁོང་གིས་དགོངས་པ་ངེས་འགྲེལ་གྱི་རྒྱ་ཆེན་འགྲེལ་བ་བམ་པོ་བཞི་བཅུ་དང༌། ངེས་པའི་དོན་དབུ་མ། ཤེར་ཕྱིན་མདོར་བསྡུས། ཆོས་གཏན་ལ་དབབ་པའི་གལ་སོགས་བསྒྱུར། |
| ཅོག་ལ |
གཏེར་ནས་ཐོན་པའི་མཚལ་རྒོད་དེ། ལས་སྣོན་བྱས་ནས་བྱེ་མ་བྱས་པ་ལ་མཚལ་ཟེར། |
| ཅོག་ལ་བོན |
སྔར་བོད་དུ་དར་བའི་བོན་གྱི་གྲུབ་མཐའ་ཞིག |
| ཅོག་ལ་མ |
མཚལ་རིགས་ཤིག་རྩ་དཀར་གྱི་ནད་དང༌། རུས་པ་ཆག་པ། རེག་དུག་བསེ་མོག་དུག་ནད་བཅས་ལ་ཕན། |
| ཅོང |
ལྕགས་རིགས་ཀྱིས་བཟོས་པའི་རོལ་ཆས་ཁོང་སྟོང་ཞིང་བརྡུངས་ན་སྒྲ་འབྱིན་པ་ཞིག་གི་མིང་། ཐ་སྙད་འདི་ནི་རྒྱ་ཡིག་ཀྲུང་ཞེས་པའི་སྒྲ་འགྱུར་བ་ཡིན་པར་གསུངས། |
| ཅོང་གཡང |
འོག་ཏུ་གཅོང་རོང་ཟབ་མོ་ཡོད་པའི་གཡང་ས། |
| ཅོང་ཞི |
རྡོ་སྨན་གྱི་རིགས་ཤིག་རོ་མངར། ཞུ་རྗེས་བཅུད་ལ་དྲོ། རུས་ཆག་གསོ། མཁལ་ནད་དང་སྐྲངས་པ་སེལ། རོ་ཙ། ཤ་མདངས་རྒྱས། བད་ཀན་སྨུག་པོ་འཇོམས། མིང་གི་རྣམ་གྲངས་ལ་གཅོང་ནད་གཅིག་ཐུབ་དང༌། རྡོ་བཅུད། རྡོའི་ད་བྱིད། རྡོའི་དྭངས་མ། རྡོའི་ཚིལ་བུ། ཚིལ་བུ་དར་ཡ་ཀན། མཚན་མོའི་འོད་ཅན། ཟླ་བའི་བུ། རུས་པའི་གསོས། སྲིད་པའི་ཁམས། སྲིད་པའི་བྱང་སེམས། ལྷ་བུའི་ཁམས་བཅས་སོ། ། |
| ཅོང་ཞི་བསིལ་སྦྱོར |
གཡུ་ཐོག་ཡོན་ཏན་མགོན་པོས་མཛད་པའི་ཕྱི་མ་འཕྲིན་ལས་རྒྱུད་ནང་འཁོད་པའི་ཅོང་ཞི་གཙོ་བོར་བྱས་པའི་སྨན་སྦྱོར་ཞིག་ནུས་པས་དུག་ནད་དང༌། བད་ཀན་སྨུག་པོ། གབ་ཚད། ཚད་པ་རྙིང་པ་སོགས་ལ་ཕན། |
| ཅོང་ཞི་འཕྲུལ་ཐལ |
ཅོང་ཞི་སྲན་མ་ཙམ་བཟོས་ནས་མེ་ཐུབ་ཀྱི་རྫ་མའི་འཕྲུལ་ཀོང་ནང་བླུགས་ཤིང་དུ་བ་མ་ཤོར་བར་ཁ་བཀག་པའི་ནུས་བསྲེགས་ཐལ་བ་ལ་ཟེར་ཏེ། ནུས་པས་བད་ཀན་སྐྱ་སྨུག་དང༌། སྐྲན་སོགས་འཇོམས། |
| ཅོང་ཞི་རིགས་ལྔ |
ཕོ་ཅོང་དང༌། མོ་ཅོང༌། བུ་ཅོང༌། བུ་མོ་ཅོང༌། མ་ནིང་ཅོང་ཞི་བཅས་ལྔ། |
| ཅོང་ཞུ |
(བརྡ་རྙིང་།) ཅོང་ཞིའི་མིང༌། |
| ཅོང་རོང |
གཅོང་རོང་གི་འབྲི་ཚུལ་གཞན། |
| ཅོང་སྐད |
གཅོང་སྐད་དེ་ཉམ་ཐག་པའི་སྐད་ཀྱི་འབྲི་སྲོལ་གཞན། |
| ཅོད་པན |
1.དབུ་རྒྱན་རིགས་ཤིག་སྟེ། (དཔེར་ན།) རྒྱལ་པོའི་ཅོད་པན། བླ་མའི་ཅོད་པན་ལྟ་བུ། མིང་གི་རྣམ་གྲངས་ལ་དཔུང་རྒྱུད་དང༌། དབུ་རྒྱན། རྩེ་ཕྲན། རྩེ་གསུམ་མགོ་ཅན། ཟླ་བ་ཅན་བཅས་སོ། །2.རྣ་བའི་གོང་རྒྱན། 3.ལོངས་སྤྱོད་རྫོགས་པའི་སྐུའི་རིགས་ལྔ་པྲོག་ཞུ་དབང་རྫས་ཅོད་པན་ཞེས་པ་ལྟ་བུ། |
| ཅོད་པན་དར་དཔྱང |
རྣ་བ་གཡས་གཡོན་གྱི་གོང་རྒྱན་གོས་ཆེན་གྱིས་བཟོས་པའི་དར་འཛར། |
| ཅོད་པན་མགྲིན་བཟང་མ |
ལྷ་མོ་ཚེ་རིང་མཆེད་ལྔའི་ཡ་གྱལ་ཞིག |
| ཅོམ་ཆུང་བ |
(བརྡ་རྙིང་།) སྒྲ་སྐད་ཆུང་བ། |
| ཅོལ |
(རྒྱན་ཚིག) དཔངས་དམའ་ཞིང་སྨད་སྦོམ་པའི་དབྱིབས་ཏེ། (དཔེར་ན།) སྣོད་ཞབས་ཅོལ། མི་གསུས་ཅོལ་ཞེས་པ་ལྟ་བུ། |
| ཅོལ་གཏམ |
སྙིང་དོན་མེད་པའམ་ཆོ་མེད་པའི་གཏམ། |
| ཅོལ་ཆུང |
བྱབ་ཆུང་ངམ་ཀླད་ཆུང་དང༌། བློ་ཆུང་གི་དོན་ཏེ། (དཔེར་ན།) མི་ཅོལ་ཆུང་གི་གཏམ་ལ་ངེས་པ་མེད་ཅེས་པ་ལྟ་བུ། |
| ཅོལ་པོ |
1.ཀླད་ཆུང་དང་གཤིས་ཀ་མི་བརྟན་པའི་དོན་ཏེ། (དཔེར་ན།) མི་ཅོལ་པོའི་གཏམ་ནས་སྙིང་པོ་མི་ཐོན་ལྟ་བུ། 2.རྒྱུ་མཚན་ནམ་དགོས་པ་མེད་པའི་དོན་ཏེ། (དཔེར་ན།) སྐད་ཆ་ཅོལ་པོ་བྱས་ནས་ཉི་མ་འཕུལ་ཞེས་པ་ལྟ་བུ། |
| ཅོལ་ལེ |
(རྒྱན་ཚིག) ལིང་ངེ་དང་ཟིང་ངེ་ཞེས་པ་དང་འདྲ་སྟེ། (དཔེར་ན།) སྤང་གཤོངས་འདི་ན་བྲག་རི་ནག་པོ་མང་པོ་ཅོལ་ལེ་འདུག་ལྟ་བུ། |
| ཅོལ་ལེ་བ |
(རྒྱན་ཚིག) ཅོ་ལེ་བ་ཡི་འབྲི་ཚུལ་གཞན། |
| ཅོལ་ལོ |
སྙད་བརྐོ་བའི་གཏམ་སྟེ། (དཔེར་ན།) བླ་མ་གཞན་གྱིས་དྲག་འདུལ་བྱས་པས་གདོན་དེས་ཚུར་ཅོལ་ལོ་དང་བཞད་གད་སུན་འབྱིན་བྱས་ནས་ཕན་པ་མ་བྱུང༌ལྟ་བུ། |
| ཆ |
1.བོད་ཡིག་གསལ་བྱེད་དྲུག་པ། འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་སྒྲ་མེད། 2.མིང་གཞིའི་མ་ནིང་ཡི་གེ་ཞིག 3.བརྗོད་བདེའི་དབང་གིས་དྲངས་པའི་མིང་གི་ཆ་ཤས་ཤིག (དཔེར་ན།) སྐད་ཆ། དགོས་ཆ། རྒྱན་ཆ། དཔེ་ཆ། མཚོན་ཆ། ཡིག་ཆ། རས་ཆ། ལག་ཆ་ལྟ་བུ། 4.ཟུང༌ངམ་གཉིས་ཀྱི་དོན་ཏེ། (དཔེར་ན།) ཆ་སྒྲིག་པ། ཆ་འགྲིག་པ། ཆ་མིན་ཡ་མིན། ལྷམ་ཆ་གཉིས། གདུང་མ་རིང་ཐུང་ཕྲ་སྦོམ་ཆ་མ་ཡིན་པ་ལྟ་བུ། 5.རྒྱུས་མངའི་དོན་ཏེ། (དཔེར་ན།) ཆ་མ་མཆིས། གར་སོང་ཆ་མེད། སང་ཕོད་ཐན་པ་གཏོང་གི་ཡིན་མིན་ད་ལྟ་ཆ་མ་འཚལ་ལྟ་བུ། 6.དུམ་བུའམ་ཚན་ཁག་གི་དོན་ཏེ། (དཔེར་ན།) བརྒྱ་ཆ། སྟོང་ཆ། སྟོད་ཆ། སྨད་ཆ། ཐོབ་ཆ། ཆག་ཆ། འཕར་ཆ། ཟླ་བའི་དཀར་ཆ། བྱི་ལ་ནི་གཅན་གཟན་གྱི་ཆར་གཏོགས་པ་རེད་ཅེས་པ་ལྟ་བུ། 7.ངག་འཕྲིན་དང་ཡིག་བསྐུར་གྱི་དོན་ཏེ། (དཔེར་ན།) ཆ་སྐུར་བ། ཕན་ཚུན་གྱི་བར་དུ་ངག་ཐོག་ནས་ཆ་འབུལ་བ་ལྟ་བུ། 8.གོས་ཀྱི་ཞེང་ཚད་ཀྱི་དོན་ཏེ། (དཔེར་ན།) མི་གཟུགས་སྟོབས་ཆེན་པོ་ལ་གྱོན་པ་ཆ་ཆེན་པོ་དགོས་ལྟ་བུ། |
| ཆ་ཁ |
(ཡུལ་སྐད།) མང་ཚིག་སྟོན་བྱེད་དེ། (དཔེར་ན།) འུ་བུ་ཆ་ཁ་མཉམ་དུ་ནས་ཞིང་ལ་འགྲོ་ལྟ་བུ། འདི་འུ་ཅག་དང་འདྲ། |
| ཆ་ག |
1.མིག་མཐའི་སྐྱི་རིམ་གྱི་རི་མོའི་མིང་སྟེ། (དཔེར་ན།) མིག་ཆ་ག་ཅན། བྱིས་པ་འདིའི་མིག་ལ་ཆ་ག་ཡོད་ལྟ་བུ། 2.ལྭ་བ་དང་ཡོལ་བ་སོགས་ཀྱི་མཐའི་མཐའ་སྐྱོར་རམ་ཁ་མཐིལ་གྱི་མིང་སྟེ། (དཔེར་ན།) ལྭ་བ་སྲམ་ལྤགས་ཀྱི་ཆ་ག་ཅན་ཞེས་པ་ལྟ་བུ།3.ས་མཚམས་ཀྱི་མིང་སྟེ། (དཔེར་ན།) རང་སའི་ཆ་ག་བཏང་ནས་གཞན་སའི་འདབས་ཁ་ཟིན་ལྟ་བུ། |
| ཆ་ག་པ |
ཙིར་སྒྲ་དང་བཅས་ཅུང་ཟད་འཕུར་ཞིང་མཆོངས་འགྲོས་བྱེད་པའི་འབུ་ཞིག |
| ཆ་ག་བ |
ལོ་ཏོག་དང་རྩྭ་ས་ལ་གནོད་པའི་འབུ་ཞིག་གི་མིང་། ཡུལ་སྐད་དུ་འབུ་འ་ཇག་ཀྱང་ཟེར་ཞིང་། རིགས་མང་བོ་ཞིག་ཡོད། |
| ཆ་ག་མ |
ཆ་ག་ཡོད་པའི་གོས། |
| ཆ་གཉིས་དུས |
ཉིན་ཞག་གཅིག |
| ཆ་གཉིས་བསྲེས་པའི་སྤང་བ |
སྤང་ལྟུང་སུམ་ཅུའི་ནང་གསེས། སྟན་ལ་ཆ་བཞིར་བགོས་པའི་ཆ་གཉིས་ལས་ལྷག་པ་བལ་ནག་གིས་བྱས་པའོ། ། |
| ཆ་གཉིས་ལྡན་པའི་དུས |
མཚན་ཕྱེད་ཀྱི་དུས། |
| ཆ་གཏེར |
(མངོན་བརྗོད།) ཟླ་བ། |
| ཆ་གཤེན་ཇུ་ཐིག་ཅན |
བོན་གྱི་ནང་གསེས་ཤིག |
| ཆ་གསུམ |
1.དུམ་བུ་གསུམ་མམ་ཆ་ཤས་གསུམ། 2.ཟུང་དུ་གྱུར་པའི་ཆ་གསུམ། 3.མཆོད་ཡུལ་གོང་མ་སྤྱིར་གཏོར་མ་ཆ་གཅིག་ཕྱོགས་སྐྱོང་བཅུར་གཏོར་མ་ཆ་གཅིག་རིགས་དྲུག་སྤྱི་དང་ཁྱད་པར་གདོན་བགེགས་ལ་གཏོར་མ་ཆ་གཅིག་སྟེ་ཆ་གསུམ། |
| ཆ་གསེས |
བགོ་བཤའ་ཆ་སྙོམས་ཀྱིས་བགོ་བ་སྟེ། (དཔེར་ན།) ལས་འགན་ཆ་གསེས་རྒྱག་པ། བཟའ་འབྲུ་ཆ་གསེས་གཏོང་ལྟ་བུ། |
| ཆ་གེ་ཆག་གེ |
(རྒྱན་ཚིག) ཆག་པོ་མང་བའི་དོན་ཏེ། (དཔེར་ན།) ཤིང་ཆ་གེ་ཆག་གེ་ཞེས་པ་ལྟ་བུ། |
| ཆ་གྲངས |
1.རྩིས་ཀྱི་རྣམ་གྲངས་ཤིག 2.ཟུང་ངམ་གཉིས་ཀྱི་གྲངས་གནས། |
| ཆ་ངག |
ངག་འཕྲིན། |
| ཆ་ཅན |
ཡན་ལག་འཛོམས་པའི་གཞི་སྟེ། (དཔེར་ན།) དབང་པོ་དང་ཡན་ལག་ཆ་དང༌། ལུས་པོ་ཆ་ཅན། འཁོར་ལོ་དང་རྩིབས་སོགས་ཆ་དང༌། ཤིང་རྟ་ཆ་ཅན་ཡིན་ནོ། ། |
| ཆ་ཆ |
ཟུང་ཟུང༌ངམ་གཉིས་གཉིས་ཀྱི་དོན་ཏེ། (དཔེར་ན།) ཅ་ལག་རྣམས་ཆ་ཆ་བསྒྲིགས་ཏེ་ཞོག བྱ་ངང་པ་རྣམས་ཆ་ཆ་བྱས་ཏེ་འཕུར། མི་དེ་ཚོ་ཆ་ཆ་རུ་བསྒྲིགས་ནས་ཡོང༌ལྟ་བུ། |
| ཆ་ཆ་ནས |
(བརྡ་རྙིང་།) ཁྱོན་ཡོངས་ནས། ཆ་ཆད། དཀའ་ཚེགས་ཆེ། |
| ཆ་ཆོ |
ཡོ་བ་དང་ཀྱོག་པོ། |
| ཆ་ཉམས་པ |
(མངོན་བརྗོད།) ཟླ་བའི་ཆ་འགྲིབ་པའི་དུས་ཏེ་མར་ངོ་། |
| ཆ་དཔང |
ཕན་ཚུན་རྩོད་པའི་བར་གྱི་བདེན་དཔང༌། |
| ཆ་དཔྱད |
1.སྨན་པས་གཏར་གཤག་སོགས་བྱེད་པའི་ཡོ་བྱད་ཀྱི་མིང་སྟེ། (དཔེར་ན།) སྨན་བཅོས་ཀྱི་ཆ་དཔྱད་ཅེས་པ་ལྟ་བུ། འདི་ལ་ཆ་སྤྱད་ཀྱང་འབྲི། 2.ཡོ་བྱད་སྤྱིའི་མིང་། འདི་ལ་ཆ་སྤྱད་འབྲི་བ་མང་། |
| ཆ་པ |
ཀ་ཁའི་རིམ་པ་ལྟར་དཀར་ཆག་བསྒྲིགས་པའི་དྲུག་པ། |
| ཆ་པ་ཆོས་ཀྱི་སེང་གེ |
རབ་བྱུང་གཉིས་པའི་ས་ཡོས་ལ་འཁྲུངས། གཙང་ནེའུ་ཐོག་གི་གདན་ས་ལོ་མང་པོའི་བར་དུ་བསྐྱངས། སྙན་གྲགས་ཤིན་ཏུ་ཆེ་ཞིང་བུ་སློབ་ཀྱིས་བོད་ཡུལ་གང་བ་བྱུང༌། བསྡུས་གྲྭའི་རིགས་ལམ་གྱི་སྲོལ་བཏོད་པ་སོགས་ཕྱག་རྗེས་ཧ་ཅང་ཆེ། རབ་བྱུང་གསུམ་པའི་ས་གླང་ལ་འདས། |
| ཆ་ཕྲ་བ |
ཆ་ཤས་ཉུང་ངུའམ་ཞིབ་མོའི་དོན་ཏེ། (དཔེར་ན།) ཆ་ཕྲ་བའི་ཡང་ཆ་ཕྲ་བ་ཞེས་པ་ལྟ་བུ། |
| ཆ་ཕྲ་མོ |
ཆ་ཕྲ་བ་དང་འདྲ། |
| ཆ་ཕྲན |
1.ཉུང་ཤས། 2.དཀྱིལ་འཁོར་གྱི་ཐིག་ཚད་ཅིག |
| ཆ་བ |
ཆས་པའི་ད་ལྟ་བ་དང་མ་འོངས་པའི་འབྲི་སྲོལ་གཞན། |
| ཆ་བགོས |
སོ་སོར་ཆ་གསེས་བཏང་བ་སྟེ། (དཔེར་ན།) མི་ཤུགས་དང༌། རྒྱུ་ཤུགས་གཅིག་ཏུ་བསྡུས་ཏེ་ཆ་བགོས་གཏོང་ལྟ་བུ། |
| ཆ་བཞག |
ཤེས་ཟིན་པའི་དོན་དཔེར་བཀོད་ནས་མི་ཤེས་པའི་དོན་ཤེས་པར་རོགས་རམ་བྱེད་པའི་དོན་ཏེ། (དཔེར་ན།) ཉི་མ་དང་སའི་གོ་ལའི་བོངས་ཚོད་ཆེ་ཆུང་གི་ཚད་ནི། ཆ་བཞག་ན་གླང་ཆེན་དང་གྲོག་མའི་གཟུགས་པོའི་བོངས་ཚོད་བསྡུར་བ་དང་མཚུངས་པ་རེད་ལྟ་བུ། |
| ཆ་བཞག་པ |
1.ཡིད་རྟོན་པ་དང༌། བློས་བཀལ་བ་སྟེ། (དཔེར་ན།) གྲོགས་པོ་ལ་ཆ་བཞག་པ། རྒྱུ་མཚན་དེ་དག་ལ་ཆ་བཞག་པ། ཡི་གེ་ཁོ་ནར་ཆ་བཞག་ནས་དེ་ལྟར་བསམ་ལྟ་བུ། 2.གཞིར་བཟུང་བའི་དོན་ཏེ། (དཔེར་ན།) དཔེ་གསར་ཡང་གསར་ལ་ཆ་བཞག་པ། མི་འབོར་མང་ཉུང་དེ་ག་ཙམ་ལ་ཆ་བཞག་ལྟ་བུ། 3.ངོས་བཟུང་བའི་དོན་ཏེ། (དཔེར་ན།) ནོར་འཁྲུལ་མེད་པ་ལ་ཆ་བཞག་པ། དངོས་གནས་ཡིན་པར་ཆ་བཞག་ལྟ་བུ། |
| ཆ་བསགས་པ |
བྱང་ཤམྦྷ་ལའི་ཕོ་བྲང༌། |
| ཆ་བསྡུ་ཡ་བསྡུ |
ལག་ཏུ་གང་བྱུང་གང་ཐེབས། |
| ཆ་བེ་ཆོབ་བེ |
(རྒྱན་ཚིག) ཞིབ་མོ་མིན་པའམ་སྔ་ཕྱིའི་རིམ་པ་ཉམས་པའི་དོན། |
| ཆ་བྱད |
ཆ་ལུགས་ཀྱི་དོན་ཏེ། (དཔེར་ན།) དམག་མིའི་ཆ་བྱད། བུད་མེད་ཀྱི་ཆ་བྱད། མི་རིགས་སོ་སོའི་ཆ་བྱད་མི་འདྲ་ཞེས་པ་ལྟ་བུ། |
| ཆ་མ |
ཨ་མདོའི་ཡུལ་སྐད་དུ་བུད་ཤིང་གི་མིང་། |
| ཆ་མ་ཆོ |
(རྒྱན་ཚིག) གང་བྱུང་མང་བྱུང༌ཞེས་པའི་དོན་ཏེ། (དཔེར་ན།) ཁྱེད་ཀྱི་གཏམ་དེ་ཆ་མ་ཆོ་ཞིག་རེད་ཅེས་པ་ལྟ་བུ། |
| ཆ་མ་མཆིས |
1.ངེས་པ་མེད་པ། 2.ཟླ་བྲལ། |
| ཆ་མ་ཡིན |
(བརྡ་རྙིང་།) འོས་མ་ཡིན་ནམ་གནས་མ་ཡིན་ཞེས་པའི་དོན་ཏེ། (དཔེར་ན།) ཁྱེད་ཀྱིས་དེ་འདྲ་གསུང་བའི་ཆ་མ་ཡིན་ཞེས་པ་ལྟ་བུ། |
| ཆ་མཉམ |
(མངོན་བརྗོད།) ཟླ་བ་ཉ་གང་བ། |
| ཆ་མཉམ་པའི་ཐེ་ཚོམ |
ཐེ་ཚོམ་གྱི་ནང་གསེས་ཤིག་འདི་ཡིན་འདི་མིན་གྱི་ཆ་ལ་ཤས་ཆེ་ཆུང་མེད་པར་མཉམ་པར་འཇུག་ཕྱིར་དོན་མཐུན་དང་དོན་མི་མཐུན་དུ་འཛིན་པའི་བློ་གང་ཡང་མི་འདྲེན་པའི་ཐེ་ཚོམ། (དཔེར་ན།) སྒྲ་རྟག་གམ་མི་རྟག་ཅི་འདྲ་ཞིག་ཡིན་སྙམ་པ་ལྟ་བུ་སྒྲ་རྟག་འཛིན་དང་མི་རྟག་པར་རྟོགས་པའི་བློ་གང་ཡང་མི་བསྐྱེད་པའོ། ། |
| ཆ་མཉམ་པོ |
གཉིས་ཀའི་ཁྱད་ཆོས་ཅི་རིགས་པ་འདྲ་བའི་དོན་ཏེ། (དཔེར་ན།) རིང་ཐུང་མཐོ་དམའ་མ་ཤོར་བར་ཆ་མཉམ་པོ་བྱུང་འདུག གཏོང་ཡོང་ཆ་མཉམ་པོར་གནས་ལྟ་བུ། |
| ཆ་མཐུན |
ཁག་ཁ་ཤས་ནས་འདྲ་བའི་དོན་ཏེ། (དཔེར་ན།) རྩྭ་གུར་ཀུམ་གྱི་ནུས་པའང་ཁ་ཆེ་གུར་ཀུམ་དང་ཆ་མཐུན་པ་རེད་ལྟ་བུ། |
| ཆ་མཐུན་པ |
ཆ་འགྲིག་པའམ་ཆ་མཚུངས་པའི་དོན་ཏེ། (དཔེར་ན།) ཡོངས་སུ་ཆ་མཐུན་པ་ལྟ་བུ། |
| ཆ་མིན་གོ་ལོག |
ཆ་མིན་ཆ་ལོག་དང་དོན་གཅིག |
| ཆ་མིན་ཆ་ལོག |
ཚུལ་དང་མི་མཐུན་པ་སྟེ། (དཔེར་ན།) སྤྱོད་པ་ཆ་མིན་ཆ་ལོག ཆ་ལུགས་ཆ་མིན་ཆ་ལོག སྐད་ཆ་ཆ་མིན་ཆ་ལོག་ཅེས་པ་ལྟ་བུ། |
| ཆ་མེད |
1.རྒྱུས་མེད་པའི་དོན་ཏེ། (དཔེར་ན།) མི་ཆ་མེད་རྒྱུས་མེད་ལ་བློ་མ་བཅོལ་ལྟ་བུ། 2.ངེས་པ་མེད་པའི་དོན་ཏེ། (དཔེར་ན།) ཁོང་གར་སོང་ཆ་མེད་རེད་ཅེས་པ་ལྟ་བུ། |
| ཆ་མེད་ཀྱི་རྡུལ |
བྱེ་བྲག་སྨྲ་བས་རང་གི་བདག་ཉིད་དུ་གྱུར་པའི་ཕྱོགས་ཆ་མེད་ཀྱི་རྡུལ་ཏེ་ཕྲ་རབ་ཀྱི་རྡུལ། |
| ཆ་ཙམ |
ཆ་ཤས་ཙམ་མམ་ཟུར་ཙམ་གྱི་དོན་ཏེ། (དཔེར་ན།) སེང་གེའི་རྩལ་ལ་རི་བོང་གིས་ཆ་ཙམ་འགྲན་པར་མི་བཟོད་དོ་ལྟ་བུ། |
| ཆ་ཚང |
ཆ་ཤས་རྣམས་ཚང་བའི་དོན་ཏེ། རྗེ་ཙོང་ཁ་པའི་གསུང་འབུམ་ཆ་ཚང་ཞེས་ལྟ་བུ། |
| ཆ་ཚད |
དངོས་གཟུགས་ཀྱི་བོངས་ཚོད་དང་རྒྱ་ཁྱོན་འཇལ་བྱེད་ཀྱི་ཚད་གཞིའི་མིང་སྟེ། (དཔེར་ན།) ཁང་བའི་ཆ་ཚད། ས་ཞིང་གི་ཆ་ཚད་ཅེས་པ་ལྟ་བུ། |
| ཆ་ཚོགས |
གྲངས་གནས་ཤིག |
| ཆ་འགྲིག |
ཉེར་མཁོའི་ཆ་ཤས་རྣམས་ཚང་བའི་སྤྱི་འདུས་ཀྱི་མིང་སྟེ། (དཔེར་ན།) ཆ་འགྲིག་པའི་ཁང་བ། འཕྲུལ་འཁོར་གྱི་ལྷུ་ལག་རྣམས་ཆ་འགྲིག་ལྟ་བུ། |
| ཆ་འཇོག |
རྩིས་འཇོག་པ་དང་ཡིད་རྟོན་པའི་དོན་ཏེ། (དཔེར་ན།) འཐུས་མི་གོ་ཆོད་ཆ་འཇོག་འཕེར་བ་ཞིག་འདེམས་བསྐོ་བྱེད་པ། ཆ་འཇོག་ཡིད་ཆེས། ཆ་འཇོག་བློ་གཏད་ཅེས་པ་ལྟ་བུ། |
| ཆ་འདྲ་བ |
བཟོ་འདྲ་བའམ་ཕྱོགས་མཐུན་པའི་དོན་ཏེ། (དཔེར་ན།) གྱོན་ཆས་ཆ་འདྲ་བ་གྱོན་པ། སྤུན་ཟླ་གཉིས་རྣམ་པ་ཆ་འདྲ་བ་ཞིག་འདུག ཆ་འདྲ་བ་ཙམ་ཞེས་པ་ལྟ་བུ། |
| ཆ་འཕྲིན |
ངག་བསྐུར་དང་ཡིག་འཕྲིན་སོགས་སྨྱན་བྱེད་སྤྱིའི་མིང་སྟེ། (དཔེར་ན།) གྲོགས་པོར་ཆ་འཕྲིན་བསྐུར་བ་ཡིན། ཆ་འཕྲིན་འདི་སྤེལ་དགོས་ལྟ་བུ། |
| ཆ་འབྲེལ |
ཟུང་འབྲེལ་ལམ་མཉམ་གཤིབས་ཀྱི་དོན་ཏེ། (དཔེར་ན།) ཆ་སྒམ་ཆ་འབྲེལ། དངོས་ཟོག་ཆ་འབྲེལ་བྱས་ཏེ་བཙོངས་ལྟ་བུ། |
| ཆ་འཛབས |
གྱོན་པའི་ཞེང་དང་དཀྱུས། |
| ཆ་འཛིན |
1.ཉི་ཟླའི་ཆ་ཤས་གཟས་འཛིན་ཚུལ་ལམ་སྒྲིབ་ཚུལ། 2.(མངོན་བརྗོད།) དཔང་པོ། |
| ཆ་ཡ |
1.ཆ་གཅིག་གི་ཡ། 2.འདྲ་གཉིས་ཀྱི་ཆ་དང༌། ཆ་བྲལ་གྱི་ཡ། |
| ཆ་ཡོད་རྒྱུས་ཡོད |
རྒྱུས་མངའ་ཞིབ་པོ་ཡོད་པའི་དོན་ཏེ། (དཔེར་ན།) ང་གཉིས་ཕན་ཚུན་ཆ་ཡོད་རྒྱུས་ཡོད་ཡིན་ལྟ་བུ། |
| ཆ་ར |
བེ་ཏའི་ཚི་བ་ཡིན་པར་སྨན་གཞུང་དུ་གསུངས་ཤིང་། སྨན་དཔེར་མོན་ཆ་ར་ཡང་ཟེར། |
| ཆ་ར་ཕྲའུ |
ཤིང་ཆ་རའི་ནང་གསེས་ཤིག |
| ཆ་རུ |
ཤིང་བུ་ཐུང་ངུ་རྐེད་ཉག་ཅན་ཞིག་སྟེ། (དཔེར་ན།) སྒོ་ཕྱུགས་འདོགས་ཐག་གི་སྣེ་མོར་བཏགས་པའི་ཆ་རུ། སྦྲ་གུར་ཆོན་ཐག་གི་ཐག་སྣེའི་ཆ་རུ་ལྟ་བུ། |
| ཆ་རུ་ཆབ་སྟོད |
(ཡུལ་སྐད།) སྔར་བོད་གཞུང་གི་རྩེ་དྲུང་གི་གཟན་དང་སྟོད་གོས། |
| ཆ་རེ |
1.ལ་ལའམ་ཁ་ཤས་ཀྱི་དོན་ཏེ། (དཔེར་ན།) དཔེ་ཆ་ཆ་རེ་ང་ལའང་ཡོད་ལྟ་བུ། 2. ཟུང་རེའམ་གཉིས་རེ་ཞེས་པའི་དོན་ཏེ། (དཔེར་ན།) ལྷམ་ཆ་རེ་ཆ་རེ་བྱས་ནས་བསྒྲིགས་འདུག་ལྟ་བུ། |
| ཆ་རྐྱེན |
བྱ་དངོས་རྣམས་འབྱུང་བ་དང་གནས་པ་གོང་དུ་འཕེལ་བ་ལ་ཕན་ཞིང་ཡར་སྐུལ་བྱེད་པའི་རྒྱུའི་མིང་སྟེ། (དཔེར་ན།) རང་བྱུང་གི་ཆ་རྐྱེན། ཆ་རྐྱེན་བཟང་བོ་གསར་སྐྲུན་བྱེད་པ། ས་ཞིང་ལ་ལུད་ཆུའི་ཆ་རྐྱེན་འཛོམས་ཞེས་པ་ལྟ་བུ། |
| ཆ་རྒྱུས |
བྱ་དངོས་ཀྱི་རྟགས་མཚན་ཁྱད་ཆོས་སོགས་ངེས་པའི་ངོས་ཟིན་གྱི་མིང་སྟེ། (དཔེར་ན།) མི་དེ་ང་ལ་ཆ་རྒྱུས་ཡོད། ཟི་ལིང་ནས་ལྷ་སར་འགྲོ་སའི་ལམ་ཁོ་ལ་ཆ་རྒྱུས་ཡོད་ལྟ་བུ། |
| ཆ་རྟོགས |
ཚོད་ཐིག་པའི་དོན་ཏེ། (དཔེར་ན།) མི་སོ་སོའི་སེམས་ལ་བསམ་འཆར་ཇི་ཡོད་ཆ་རྟོགས་དཀའ་ལྟ་བུ། |
| ཆ་རྫོགས |
ཚང་དགོས་པའི་ཆ་ཤས་སམ་ཡན་ལག་ཡོངས་སུ་ཚང་བའི་དོན་ཏེ། (དཔེར་ན།) བཅོ་ལྔའི་ཟླ་བ་ཆ་རྫོགས་པ་ལྟ་བུ། |
| ཆ་ལག |
ཆ་ཤས་ཅན་དང་ཡན་ལག་གི་དོན་ཏེ། (དཔེར་ན།) ཁང་པའི་ནང་དུ་འཛིན་ཆས་ཆ་ལག་ཆ་ཚང་ཡོད། འཕྲུལ་འཁོར་ཆ་ལག་ཆ་ཚང་ཡོད་ལྟ་བུ། |
| ཆ་ལང |
རོལ་མོའམ་སྦུག་ཆལ་ཏེ། (དཔེར་ན།) གནམ་ས་ཆ་ལང་རྡེབ་པ་ལྟ་བུའི་འུར་སྒྲ་སྒྲོག་ལྟ་བུ། |
| ཆ་ལམ |
(བསྣན་ཚིག) ཧ་ལམ་གྱི་བརྡ་རྙིང་། |
| ཆ་ལུགས |
ལུས་པོར་ཆས་གོས་གྱོན་སྟངས་ཏེ། (དཔེར་ན།) རྒྱའི་ཆ་ལུགས། བོད་ཀྱི་ཆ་ལུགས། ཧོར་གྱི་ཆ་ལུགས། དམག་མིའི་ཆ་ལུགས། མི་ཁ་ཤས་ཀྱིས་ཆ་ལུགས་ཡ་མ་ཟུང་སྤྲས་འདུག་ལྟ་བུ། |
| ཆ་ཤས |
1.ཡན་ལག་གི་དོན་ཏེ། (དཔེར་ན།) ལུས་ཀྱི་ཆ་ཤས་ཡན་ལག་ལྔ་ལྟ་བུ། 2.ཅུང་ཟད་དམ། ཕྱོགས་རེ་བའི་དོན་ཏེ། (དཔེར་ན།) ནང་དོན་ཆ་ཤས་ཙམ་རྟོགས་པ། ཁོང་གི་ཡོན་ཏན་གྱི་ཆ་ཤས་ཙམ་ཡང་བདག་ལ་མེད་ཅེས་པ་ལྟ་་བུ། 3.དབུགས་གཅིག་རི་མཁའ་རིའི་ཆར་ཕྱེ་བའི་ཆ་ལ་ཆ་ཤས་བྱས་པ་སོགས་ཆ་ཤས་ལ་མང་ཉུང་དང་གནས་ལ་ངེས་པ་མེད་པས་སྐབས་དང་བསྟུན་ཏེ། 707 67 13 སོགས་མང་ངོ་། ། 4.ཟླ་བ་ལ་ཆ་ཤས་བཅུ་དྲུག་ཡོད་པས་གྲངས་བཅུ་དྲུག་མཚོན། |
| ཆ་ཤས་ཀྱི་ཡན་ལག་ཅེས་བྱ་བའི་རབ་ཏུ་བྱེད་པ |
བསྟན་བཅོས་ཤིག |
| ཆ་ཤས་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ཆ་ཤས་གང་ཡིན་དཔེའི་ཆ་ཤས་ཀྱི་གཟུགས་སུ་བཀོད་ཅིང༌། ཆ་ཤས་ཅན་གཟུགས་སུ་མ་བཀོད་པའི་རྒྱན་ཞིག |
| ཆ་ཤས་ཅན |
ཚོགས་པའམ་རིལ་པོ་སྟེ། (དཔེར་ན།) ལུས་ཆ་ཤས་ཅན། འཕྲུལ་འཁོར་ཆ་ཤས་ཅན་ཞེས་པ་ལྟ་བུ། |
| ཆ་ཤས་ཅན་གྱི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ཆ་ཤས་ཅན་དཔེའི་ཆ་ཤས་ཅན་གྱི་གཟུགས་སུ་བཀོད་ཅིང༌། ཆ་ཤས་རྣམས་གཟུགས་སུ་མ་བཀོད་པའི་རྒྱན་ཞིག |
| ཆ་ཤས་འཇིགས |
(མངོན་བརྗོད།) སེང་གེ། |
| ཆ་ཤས་རིམ་འཛད |
(མངོན་བརྗོད།) ཟླ་བའི་མར་ངོ་། |
| ཆ་ཤས་རིམ་རྫོགས |
(མངོན་བརྗོད།) ཟླ་བའི་ཡར་ངོ་། |
| ཆ་ཤས་ལྔ་པ |
གནས་གཟའ་སྐར་དང༌། ཆུ་ཚོད། ཆུ་སྲང༌། དབུགས་བཅས་བཞིའི་མན་ཆད་ལ་དབུགས་གཅིག་ཆ་དུ་མར་ཕྱེ་བའི་ཆ་ཤས་ཐ་སྙད་ལོགས་སུ་མེད་པས་ཆ་ཤས་ལྔ་པ་ཞེས་གྲགས། དེའི་ཆ་ཤས་ལ་ཆ་ཤས་དྲུག་པ་ཞེས་ཟེར། |
| ཆ་ཤས་སྡེ |
(མངོན་བརྗོད།) ཟླ་བ། |
| ཆ་ཤས་སྦྱངས |
(མངོན་བརྗོད།) གསེར་སྤྱི། |
| ཆ་སྒམ |
(ཡུལ་སྐད།) དངོས་ཆས་འཇུག་སྣོད་མདུན་དུ་སྒོ་འབྱེད་རྒྱུ་ཡོད་པའི་ཤིང་ཆས་ཤིག |
| ཆ་སྒམ་མཆོད་གཤོམ |
འོག་ཏུ་ཅ་ལག་འཇུག་སྣོད་ཆ་སྒམ་དང༌། སྟེང་དུ་མཆོད་པ་བཤམ་ས་ཡོད་པའི་སྒམ་སྟེགས་ཤིག |
| ཆ་སྙོམས |
1.ཆ་མཚུངས་པ། 2.མང་ཉུང་ངམ་མཐོ་དམའ་ཆ་སྙོམས་བྱུང༌བའི་དོན་ཏེ། (དཔེར་ན།) བགོ་བཤའ་ཆ་སྙོམས་སུ་རྒྱག་ཅེས་པ་ལྟ་བུ། |
| ཆ་སྟ |
ཁ་སྤུ་དང་ཚེར་མ་འབལ་བྱེད་ཀྱི་ཡོ་བྱད་ཅིག་གི་མིང་། ཡུལ་སྐད་དུ་འཇབ་ཙེ་ཟེར། |
| ཆ་སྟོན |
ཆ་རྒྱུས་བཤད་པ། |
| ཆ་སྤྱད |
1.ཡོ་བྱད་དམ་མཁོ་སྤྱད། 2.ཆ་དཔྱད་དང་འདྲ། |
| ཆ་སྦྲེལ |
ཟུང་སྦྲེལ་ལམ་གཉིས་གཉིས་མཐུད་པའི་དོན་ཏེ། (དཔེར་ན།) རྨོན་ཕྱུགས་ཤེད་བཟང་ཆ་སྦྲེལ་གྱིས་རྨོན་པ་རྒྱག་ཅེས་པ་ལྟ་བུ། |
| ཆ་སྲོལ |
ལམ་སྲོལ་ལམ་ལུགས་སྲོལ། |
| ཆག |
1.ནས་སྲན་ཧྲལ་བཏགས་ཀྱི་ཆག་སྟེ། (དཔེར་ན།) རྟ་དྲེལ་རྣམས་ལ་གཟན་ཆག་སྟེར་ལྟ་བུ། 2.ལུས་ཚད་འཇལ་བྱེད་སོར་མོ་བཞིའི་ཞེང་ཚད། 3.(རྒྱ་སྐད།) རྩ་བལྟ་སྐབས་སྨན་པའི་ལག་པའི་སྲིན་ལག་གམ་བལྟ་གནས་ཀྱི་བརྡ།4.ཆག་པོ་ཡི་ཚིག་བསྡུས་པ། 5.ཆག་པ་ཡི་ཚིག་བསྡུས་པ། |
| ཆག་ཀྲུམ |
རུག་རུག་ཏུ་བཅག་པའི་དུམ་བུའི་མིང་སྟེ། (དཔེར་ན།) ཤེལ་གྱི་ཆག་ཀྲུམ། རྡོའི་ཆག་ཀྲུམ། དཀར་ཡོལ་ཆག་ཀྲུམ་ཞེས་པ་ལྟ་བུ། |
| ཆག་ཁུག |
རྟ་དྲེལ་ལ་ཆག་སྟེར་སའི་སྣོད། |
| ཆག་གང |
མཐེ་བོང་ཕར་ཕུད་པའི་ལག་པའི་སོར་མོ་བཞི་བརྩེགས་མར་བྱས་པའི་གང་ལ་ཟེར་ཏེ། དེ་དང་སོར་བཞི་གཞལ་བ་གཉིས་དོན་གཅིག |
| ཆག་གཏམ |
འུད་བརྒྱབ་པའམ་དོན་དངོས་དང་མི་མཐུན་པ་དང་ང་རྒྱལ་བའི་སྐད་ཆའི་མིང་། རྒྱགས་གཏམ་ཡང་ཟེར། |
| ཆག་གཞོང |
རྟ་ལ་ཆག་སྟེར་སའི་གཞོང་པ། |
| ཆག་གི་ཆིག་གི |
(རྒྱན་ཚིག) བཟང་ངན་འདྲེས་མའི་ཚུལ་ཏེ། (དཔེར་ན།) དངོས་པོ་ཆག་གི་ཆིག་གི་རྣམས་མཉམ་དུ་བཞག་ཡོད། ཅ་ལག་དེ་ཚོ་ཆག་གི་ཆིག་གི་ཤ་སྟག་རེད་ཅེས་པ་ལྟ་བུ། |
| ཆག་གྲུགས |
ཆག་པ་དང༌། སིལ་བུར་ཞིག་པའི་དུམ་བུ་སྟེ། (དཔེར་ན།) རྫ་གཡམ་ཆག་གྲུགས། དཀར་ཡོལ་ཆག་གྲུགས། ཤེལ་སྒོ་ཆག་གྲུགས་ཞེས་པ་ལྟ་བུ། |
| ཆག་གྲུམ |
དུམ་བུ་དུམ་བུར་ཆག་པ་དང༌། ཅུང་ཟད་གྲུམ་པ་གཉིས་ཀྱི་བསྡུས་ཚིག |
| ཆག་ཆག |
ཐལ་རྡུལ་གནོན་བྱེད་ཀྱི་གད་ཆུ་སྟེ། (དཔེར་ན།) ཐོ་རངས་ནས་ལངས་ཏེ་ཁང་པའི་ཕྱི་ནང་དུ་ཆག་ཆག་དང་གད་བདར་བྱེད་ཅེས་པ་ལྟ་བུ། |
| ཆག་ཆད |
རང་བཞིན་གྱིས་གྲུམ་པ་དང༌། མ་ཚང་བར་གྱུར་བའི་དོན། |
| ཆག་ཆིག |
(རྒྱན་ཚིག) ཆག་གི་ཆིག་གིའི་བསྡུས་ཚིག |
| ཆག་ཆིངས |
ཡན་ལག་གྲུམ་པ་བཅོས་ཐབས་ཤིག་སྟེ། (དཔེར་ན།) རྐང་ལག་ཆག་པར་ཆག་ཆིངས་བྱེད་ཅེས་པ་ལྟ་བུ། |
| ཆག་ཆེན་བཞི |
སྔར་བོད་ཀྱི་ཁྲལ་ཆག་ཆེན་པོ་བཞི་སྟེ། སྟོང་རྙིང་བཀྲུས་ཆག་ཅེས་ཁྲལ་རྐང་རྩ་སྟོང་དང་བུ་ལོན་ཧ་ཅང་རྙིང་པ་བཅས་མནའ་སྐྱེལ་དག་འབུད་ཀྱིས་བཀྲུས་ནས་ཁྲལ་ཆག་བཏང་བ་དང༌། རྒྱ་སྦྱོང་དམག་ཆག་ཅེས་རྒྱ་སྦྱོང་དམག་སྒར་ཨང་གཉིས་པར་དམག་མི་གཅིག་བཏང་ཡོད་པས་ཁྲལ་ཆག་བཏང་བ་དང༌། ཞབས་སྡོད་ངོ་ཆག་ཅེས་བོད་གཞུང་དུ་ཞབས་སྡོད་པ་དྲུང་འཁོར་ལས་ཀར་ཡོད་པས་ཁྲལ་ཆག་བཏང་བ་དང༌། ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐབས་ལྕགས་མོ་ཡོས་ལོར་བོད་ལ་ས་ཞིབ་མཛད་རྗེས་ཁོང་གི་བཀའ་མཆན་ལྟར་ཁྲལ་ཆག་བཏང་བ་བཅས་བཞིའོ། ། |
| ཆག་དཀྲུ |
དངོས་སྤྱད་གས་ཆག་ཏུ་བཏང་བའི་དོན་ཏེ། (དཔེར་ན།) ལག་པས་ཤོར་ནས་སྣོད་སྤྱད་ཀྱི་ཁ་ཞབས་ལྟོ་གསུམ་ཆག་དཀྲུམ་བྱུང་ལྟ་བུ། |
| ཆག་དུམ |
ཆག་པའི་དུམ་བུ། |
| ཆག་པ |
1.(བྱེད་མེད་ལས་ཚིག) 1>དུམ་བུར་ཞིག་པ་དང༌། སིལ་བུར་གྱུར་བའི་དོན་ཏེ། (དཔེར་ན།) དཀར་ཡོལ་ཆག་པ། གདུང་མ་ཆག་སོང༌ལྟ་བུ། 2>རྒྱུན་འཆད་པའི་དོན་ཏེ། (དཔེར་ན།) སློབ་སྦྱོང་མི་ཆག་པ། རྩ་ཆག་ཅེས་པ་ལྟ་བུ། 2. ཆུན་པོའམ་ཕོན་པོའི་དོན་ཏེ། (དཔེར་ན།) མེ་ཏོག་སོས་པ་ཆག་པ་གཅིག སྐུད་པ་ཆག་པ་གཉིས། སྤོས་ཆག་པ་གསུམ་ལྟ་བུ། |
| ཆག་པོ |
(རྒྱན་ཚིག) ཆ་ཤས་ལ་སྐྱོན་ཡོད་པའི་དངོས་རྫས་ཏེ། (དཔེར་ན།) སྒམ་ཆག་པོ་རྣམས་བསྐྱར་བཅོས་བྱས་ལྟ་བུ། ཚིག་བསྡུས་ན་ཆག་ཅེས་འབྲི་ཆོག་སྟེ། (དཔེར་ན།) སྒམ་ཆག་ཅེས་པ་ལྟ་བུ། |
| ཆག་ཕད |
རྟ་དྲེལ་ལ་ཆས་སྟེར་བྱེད་ཀྱི་ཁུག་མའི་མིང། ཡུལ་སྐད་དུ་ཆས་ཁུག་ཟེར། |
| ཆག་བཏབ |
ཆག་ཆག་བཏབ་པ་སྟེ། དགོན་པ་སོགས་ཀྱི་ས་ཆ་བརྟགས་ནས་ས་འདུལ་སོགས་མཛད་པ། |
| ཆག་བཞག |
1.ངེས་པ་ཅན། 2.དཔེར་མཚོན་པ། |
| ཆག་མེད་འབད་སྒྲུབ |
རྒྱུན་མི་འཆད་པར་འབད་བརྩོན་ཆེན་པོས་སྒྲུབ་པ། |
| ཆག་ཙེ |
ཆག་ཚེ་དང་འདྲ། |
| ཆག་ཚང་ཀུ་བ |
ཀ་པེད་ཕོ་རིགས་ཀྱི་མིང་གི་རྣམ་གྲངས་ཤིག |
| ཆག་ཚད |
རིང་ཐུང་གི་ཆ་ཚད་དམ་ཕྱག་ཚད། |
| ཆག་ཚེ |
(བརྡ་རྙིང་།) ཚྭ་དང་སྡོར་མེད་པའི་ཐུག་པ་སླ་པོ། |
| ཆག་ཡང |
འཁྲི་ཆའི་གྲངས་འབོར་ཉུང་དུ་གཏོང་བའི་མིང༌སྟེ། (དཔེར་ན།) སྐྱེད་ཀ་ཆག་ཡང་གཏོང་བ། ཁྲལ་འབབ་ཆག་ཡང་གཏོང་བ། ཉེས་ཆད་ཆག་ཡང་གཏོང་བ་ལྟ་བུ། |
| ཆག་རོ |
སྣོད་སོགས་ཀྱི་ཆག་དུམ་སྟེ། (དཔེར་ན།) ཤིང་སྒམ་ཆག་རོ། གནམ་གྲུ་ཆག་རོ། དཀར་ཡོལ་ཆག་རོ་ལྟ་བུ། |
| ཆག་རྒྱག་པ |
(ཡུལ་སྐད།) ངལ་ལས་བྱས་པས་ལུས་པོ་ལ་ན་ཟུག་གཏོང་བ་སྟེ། (དཔེར་ན།) རྟ་བཞོན་ཏེ་ཐག་རིང་དུ་ཕྱིན་པས་ཆག་བརྒྱབ་ཅེས་པ་ལྟ་བུ། |
| ཆག་ཤིང |
མི་སོགས་ཀྱི་རྐང་ལག་ཆག་པའི་ཚེ་འབྱར་ཆིངས་རྒྱག་པ་ལ་དགོས་པའི་ཤིང་བྱང་ལེབ་མོ། |
| ཆག་སྒོ |
1.གློ་བུར་དུ་ཐུག་པའི་རྐྱེན་ངན་གྱི་མིང་སྟེ། (དཔེར་ན།) སེམས་ཆུང་མ་བྱས་ན་ཆག་སྒོ་འབྱུང་ལྟ་བུ། 2.ཇེ་ཉུང་དུ་སོང་བའི་དོན་ཏེ། (དཔེར་ན།) ཚོང་རྫས་ཀྱི་རིན་གོང་མར་ཆག་ལྟ་བུ། |
| ཆགས |
1.(བྱེད་མེད་ལས་ཚིག) འདོད་པ་སྐྱེ་བ་དང་ཤ་ཞེན་བྱེད་པ་སོགས་ཀྱི་དོན་ཏེ། ] (དཔེར་ན།) རང་དོན་ཙམ་ལ་མ་ཆགས། སྒེར་དོན་ལ་ཞེ་མ་ཆགས། ཡུལ་ལ་ཞེ་ཆགས་ལྟ་བུ། 2.ཆགས་པ་ཡི་ཚིག་བསྡུས་པ། 3.འཆག་ལ་ལྟོས། |
| ཆགས་གཏམ |
འདོད་ཆགས་ཀྱི་གཏམ། |
| ཆགས་གནས་འཇིག་སྟོངས |
སྲིད་པ་དང་པོར་ཆགས། བར་དུ་གནས། མཐའ་མར་འཇིག་ཡང་མཐར་སྟོང་པར་འགྱུར་བ་བཅས་བསྐལ་པ་གཅིག་གི་གནས་སྐབས་བཞིའོ། ། |
| ཆགས་ཆེན་མ |
འདོད་ཆགས་ཤུགས་ཆེ་བའི་བུད་མེད། |
| ཆགས་ཉམས |
1.འཁྲིག་འདོད་ཀྱི་རྣམ་འགྱུར། 2.འཐོབ་འདོད་ཀྱི་རྣམ་འགྱུར། |
| ཆགས་ཐོགས |
ཐོགས་ཐུག་གི་དོན་ཏེ། (དཔེར་ན།) ལམ་བར་དུ་ཆགས་ཐོགས་མང་བ། ཁ་ནས་ཆགས་ཐོགས་མེད་པར་སྨྲ་བ། གནས་ལུགས་ཚང་མ་ཆགས་ཐོགས་མེད་པར་རྟོགས་པ་ལྟ་བུ། |
| ཆགས་དབྱིབས |
ཐོག་མ་ནས་བྱུང་བའི་བབས་སམ་བཟོ་ལྟ་སྟེ། (དཔེར་ན།) ལུང་པ་འདི་ཆགས་དབྱིབས་ཤིན་ཏུ་མཛེས་པོ་འདུག་ལྟ་བུ། |
| ཆགས་དུས |
(མངོན་བརྗོད།) མཚན་མོ། |
| ཆགས་པ |
1. (བྱེད་མེད་ལས་ཚིག) 1>འདོད་པའི་དོན་ཏེ། (དཔེར་ན།) རྒྱུ་ནོར་ལ་ཆགས་པ། འདོད་ཡོན་ལ་ཆགས་པ། རི་བོང་ཚང་ལ་ཆགས་པ་ལྟ་བུ། 2>གནས་པའམ་འཇགས་པའི་དོན་ཏེ། (དཔེར་ན།) གཞིས་ཆགས་པ། ལྷིང་ཆགས་པ། ས་བཞིན་དུ་ཆགས་པ་དང༌། རྡོ་བཞིན་དུ་གནས་པ་ལྟ་བུ། 3>བྱུང་བ་དང༌། གྲུབ་པའི་དོན་ཏེ། (དཔེར་ན།) འབྲེལ་བ་ཆགས་པ། མངལ་ཆགས་པ། བཙའ་ཆགས་པ། འབྲས་བུ་ཆགས་པ། མ་ལག་ཆ་ཚང་ཞིག་ཆགས་པ་ལྟ་བུ། 2. འདོད་ཆགས་ཀྱི་མིང་སྟེ། (དཔེར་ན།) ཆགས་པ་མེད་པ། ཆགས་པའི་ཚིག་ཅེས་པ་ལྟ་བུ། |
| ཆགས་པའི་གདོན་ཅན |
(མངོན་བརྗོད།) ཆགས་མྱོས་སམ་ཆགས་ལྡན། |
| ཆགས་པའི་དུས |
བསྐལ་བ་ཐོག་མར་ཆགས་པའི་དུས། |
| ཆགས་པའི་བསྐལ་པ |
བསྐལ་བ་བཞིའི་ཐོག་མ་འཇིག་རྟེན་སྟོང་པའི་གནས་སྐབས་རྫོགས་པ་ནས་གནས་པའི་བསྐལ་པ་ལ་ཐུག་པའི་བར་གྱི་ཡུན་ཚད་དེ། ཕྱི་སྣོད་ཀྱི་འཇིག་རྟེན་འོག་གཞིའི་རླུང་གི་དཀྱིལ་འཁོར་ཆགས་པ་ནས་བརྩམས་ཏེ། ནང་བཅུད་ཀྱི་འཇིག་རྟེན་དམྱལ་བ་མནར་མེད་དུ་སེམས་ཅན་གཅིག་སྐྱེས་པའི་བར་གྱི་བར་བསྐལ་ཉི་ཤུའི་ཡུན་ལ་ཆགས་པའི་བསྐལ་པ་ཞེས་བྱའོ། ། |
| ཆགས་པའི་རྒྱལ་མཚན |
(མངོན་བརྗོད།) ཕོ་མཚན། |
| ཆགས་པའི་རྩ |
མི་ལུས་ཐོག་མར་ཆགས་པའི་རྩ། |
| ཆགས་ཕབ |
(བརྡ་རྙིང་།) ཕེབས་པའམ་འབྱོར་བ། |
| ཆགས་བྱེད་མ |
(བརྡ་རྙིང་།) ཆགས་ལྡན་མའམ་འདོད་ལྡན་མ། |
| ཆགས་བྲལ |
1.འདོད་པའི་ཆགས་པ་དང་བྲལ་བ། 2.སངས་རྒྱས་སྤྱི། |
| ཆགས་བྲལ་ལྔ |
ཉོན་མོངས་ཕྱོགས་ལ་ཆགས་བྲལ་ལྔ་སྟེ། ཕྱོགས་གཅིག་ལ་ཆགས་བྲལ་བ་དང༌། མཐའ་དག་ལ་ཆགས་བྲལ་བ། རྟོགས་པའི་ཆགས་བྲལ་བ། གནོན་པའི་ཆགས་བྲལ་བ། ལེགས་པར་སྟོན་པའི་ཆགས་བྲལ་བ་བཅས་ལྔའོ། ། |
| ཆགས་ཚུལ |
བྱུང་རིམ་གྱི་གནས་ལུགས་སམ་ངང་ཚུལ་ཏེ། (དཔེར་ན།) འཇིག་རྟེན་གྱི་ཆགས་ཚུལ། གྲོང་རྡལ་གྱི་ཐོག་མའི་ཆགས་ཚུལ། རི་ཀླུང་གི་ཆགས་ཚུལ། གཟུགས་དབྱིབས་ཆགས་ཚུལ། སྡོད་ཁང་ཆགས་ཚུལ་ལྟ་བུ། |
| ཆགས་ཞེན |
འཁྲི་བའམ་ཞེན་པ། |
| ཆགས་འཁྲི |
ཆགས་ཞེན་གྱི་དོན་ཏེ། (དཔེར་ན།) ཡིད་དུ་འོང་བའི་དངོས་པོ་ལ་ཆགས་འཁྲི་སྐྱེས་ལྟ་བུ། |
| ཆགས་འཆག་པ |
སྣམ་བུ་ཆུ་ལ་སྦངས་ནས་ནེམ་ནེམ་གྱིས་འཆག་པ། |
| ཆགས་འཇོམས |
(མངོན་བརྗོད།) སངས་རྒྱས་སྤྱི། |
| ཆགས་འཚོ |
ཆགས་གནས་འཚོ་རྟེན་ཏེ། (དཔེར་ན།) སོ་ནམ་པའི་ཆགས་འཚོ་ས་ཞིང་ལ་བརྟེན་ཞེས་པ་ལྟ་བུ། |
| ཆགས་ཡུལ |
1.སྡོད་སའམ་གནས་ས། 2.ཞེན་ཆགས་སྐྱེ་སའི་ཡུལ། |
| ཆགས་རབས |
སྔར་གྱི་བྱུང་སྟངས་ལོ་རྒྱུས། |
| ཆགས་རྒྱ |
(བརྡ་རྙིང་།) བུ་ལོན་བདའ་བའི་དཔང་རྒྱ། |
| ཆགས་རྒྱག་པ |
1.སྣམ་བུ་ཆུ་ཆགས་བྱེད་པ། 2.ལྟེབ་ཚིགས་རྒྱག་པ། |
| ཆགས་རྟེན |
ཆགས་པའི་རྟེན་གནས་ཀྱི་དོན་ཏེ། (དཔེར་ན།) ཆགས་རྟེན་མེད་པའི་མི་ཧྲེང༌ཞེས་པ་ལྟ་བུ། |
| ཆགས་ལུགས་ཆགས་སྟངས |
བྱུང་ཞིང་གནས་པའི་ཚུལ་ལུགས། |
| ཆགས་ལྡན་མ |
འདོད་ཆགས་ཆེ་བའི་བུད་མེད། |
| ཆགས་སེམས |
འདོད་ཆགས་ཀྱི་བློ། |
| ཆགས་སྐྱེད |
(མངོན་བརྗོད།) ཟླ་བ། |
| ཆགས་སྒོ |
རྐྱེན་ངན་ནམ་སྡུག་བསྔལ་འབྱུང་གཞི་སྟེ། (དཔེར་ན།) གཟབ་གཟབ་མ་བྱས་པས་ཆགས་སྒོ་བསླངས་པ། རྒྱབ་ནས་ཆགས་སྒོས་དེད་པ། ཆགས་སྒོ་བྱུང་སྟེ་རྟ་ཡིས་གཡུགས། གཡུགས་ས་ཡག་པོ་བྱེ་མའི་ནང༌། ཉེས་པ་ཅན་ལ་ཆགས་སྒོ་དང༌། བུག་པ་ཅན་ལ་ལྷན་པ། རྒྱབ་ཆགས་སྒོས་དེད་པ་མི་ཤེས་པར། མདུན་བློ་ཤེད་ཆེ་བ་ཅིའི་ཕྱིར་ཡིན་ཞེས་པ་ལྟ་བུ། |
| ཆགས་སྡང |
འདོད་ཆགས་དང་ཞེ་སྡང་ངམ་དགའ་བ་དང་ཁྲོ་བ་སྟེ། (དཔེར་ན།) སེམས་ལ་ཆགས་སྡང་སྐྱེས་པ། དགྲ་གཉེན་གྱི་ཁྱད་པར་ཕྱེ་ནས་ཆགས་སྡང་མ་ནོར་བ་བྱེད་པ། ཆགས་སྡང་གི་རུས་ཐོན་པ་ལྟ་བུ། |
| ཆགས་སྡང་རྨོངས་གསུམ |
གཉེན་ལ་ཞེན་ཆགས་དང༌། དགྲ་ལ་སྡང་བ། བླང་དོར་གྱི་གནས་ལ་རྨོངས་པ། |
| ཆགས་སྤྱོད |
ཆགས་པ་སྤྱོད་པ་སྟེ་འཁྲིག་པ་སྤྱོད་པ། |
| ཆགས་སྦྱོར |
འཁྲིག་པ་སྤྱོད་པ། |
| ཆགས་སྲེད |
འདོད་ཞེན། ཆགས་སྲེད་ཅན། |
| ཆང |
མྱོས་བྱེད་ཀྱི་བཏུང་བ་སྤྱིའི་མིང༌། (དཔེར་ན།) འབྲས་ཆང༌། ནས་ཆང༌། རྒུན་ཆང༌། སྨན་ཆང༌། ཆང་གི་ཉིང་ཁུ། ཆང་གི་སྦང་མ། ཆང་སྐྱུར་མོ། ཆང་གར་མོ། ཆང་སླ་པོ། ཆང་འདྲེན་པ། ཆང་ལངས་པ། ཆང་རྙིང༌། ཆང་རིན། ཆང་གིས་བཟི་བ། མི་ལ་ནས་མེད་པར་འདྲེ་ལ་ཆང་མི་ཡོང༌། སྐྱོ་སེམས་ངོ་མར་ཆང་གིས་མི་ཕན། ཆང་རང་གིས་བཏུང་ན་མགོ་ན། ཆང་མིས་བཏུང་ན་སྙིང་ན་ཞེས་པ་ལྟ་བུའོ། ། མིང་གི་རྣམ་གྲངས་ལ་འཁྲུལ་བྱེད་དང༌། དགའ་བྱེད། དགའ་མ། ཅ་ཅོ་བྱེད། ཆུ་བདག་སྐྱེས། ཆུ་མ། མཆོག་ལྡན་མ། སྟོབས་བཟང༌། དྲི་མཆོག་དྲི་རབ། འདོད་བྱེད། གནོད་སྦྱིན་ཆང༌། དཔའ་མོ། སྤོས་ངད་ལྡན། མྱོས་འགྱུར། མྱོས་བྱེད། ཡོངས་འབབ། ཡོངས་འཛག་ཡོངས་སུ་ཐོས། རབ་དྭངས། བཤོལ་ལྡན་མཉེས། བཤོལ་མ། ལྷ་མིན་ཉིང་ཁུ། ཧཱ་ལཱ་བཅས་སོ། ། |
| ཆང་ཁང |
ཆང་འཚོང་སའམ་འཐུང་སའི་ཁང་པའི་མིང་། མིང་གི་རྣམ་གྲངས་ལ་ཆང་འཚོང་ཁྱིམ་དང༌། ཆང་འཚོང་ཁང༌། མྱོས་བྱེད་ཁང་བཅས་སོ། ། |
| ཆང་ཁྱུ |
(བརྡ་རྙིང་།) ཚོགས་པའམ་ཚོགས། |
| ཆང་གཉིས་པ |
ཆུ་གཉིས་པ་བརྒྱབ་པའི་ཆང༌། |
| ཆང་གཞས |
བོད་ཁམས་ཀུན་ཏུ་དར་བའི་སྤྲོ་སྐྱིད་དང་གསོལ་སྟོན་བྱེད་པ་དང་གླིང་གར་སྤྲོ་གསེང་གཏོང་སྐབས་ཆང་བཀྱག་ནས་བཀྲ་ཤིས་བདེ་ལེགས་ཞུ་བའི་གླུའི་མིང༌། |
| ཆང་གི་སྦང་མའི་ལུམས |
སྦང་མ་སྐམ་པོ་ཞིབ་མོར་བྱས་ནས་རྨ་ཁར་བཏབ་སྟེ་རྨའི་ཁྲག་ངན་དང་ཆུ་སེར་ཕྱིར་འདྲེན་ཞིང་རྨ་རྒོད་འདུལ་བའི་བཅོས་ཐབས་ཤིག |
| ཆང་ངི་ཆུང་ངི |
(རྒྱན་ཚིག) དངོས་པོ་དང་དོན་དག་ཆུང་ངུའི་རིགས་ཏེ། (དཔེར་ན།) དངོས་སྤྱད་ཆང་ངི་ཆུང་ངི། དོན་དག་ཆང་ངི་ཆུང་ངི། བྱ་སྤྱོད་ཆང་ཆུང༌ལྟ་བུ། |
| ཆང་ཆུང |
(རྒྱན་ཚིག) ཆང་ངི་ཆུང་ངིའི་བསྡུས་ཚིག |
| ཆང་ཆེམས |
(བརྡ་རྙིང་།) ཆང་ཁང༌། |
| ཆང་ཐུབ |
(བརྡ་རྙིང་།) གང་ཟག |
| ཆང་དང་པོ |
ཆུ་དང་པོ་བརྒྱབ་སྟེ་བཙགས་པའི་ཆང༌། |
| ཆང་དད་ཅན |
ཆང་ལ་དགའ་མཁན། |
| ཆང་དོ་ལོག |
རོ་བཅུད་ལྡབ་ལོག་ཡོད་པའི་ཆང་དང་པོ། |
| ཆང་དོད |
ཆང་གི་ཚབ་དངུལ། |
| ཆང་དྲེགས |
ཆང་གིས་མྱོས་པའི་དོན་ཏེ། (དཔེར་ན།) གླང་ཆེན་ཆང་དྲེགས་ཅན་ལྟ་བུ། |
| ཆང་ནད |
ཆང་བཏུང་དྲགས་པའི་ནད་དེ། (དཔེར་ན།) ཆང་ནད་ཆང་གིས་གསོ་ལྟ་བུ། |
| ཆང་པ |
ཆང་ལ་དགའ་མཁན། |
| ཆང་ཕབ |
ཆང་གི་སྦང་མར་བཏབ་ནས་ཆང་བསྙལ་བྱེད་ཀྱི་རྫས་ཏེ། ཆང་རྩི་ཡང་ཟེར། |
| ཆང་ཕབས |
ཆང་རྩི། |
| ཆང་ཕུད |
ཆང་གི་དང་པོའམ་ཐོག་མར་བཅད་པའི་ཕུད། |
| ཆང་བཅུད |
ཆང་རླངས་པར་བསྒྱུར་ནས་གྲུབ་པའི་གཤེར་ཁུ་ཞིག བཟོ་ལས་དང་སྨན་བཅོས་ལ་མཁོ་ཆེ་ལ་འཐུང་མི་རུང་། |
| ཆང་བསྐོལ |
བསྐོལ་ལྡན་ཏེ་ཆང་དང༌། སྔོ་ཕྱུར། རྩམ་པ། བུ་རམ་བཅས་མཉམ་དུ་བསྲེས་ནས་བསྐོལ་བའི་ཐུག་པ་ཞིག |
| ཆང་བུམ |
ཆང་སྣོད། |
| ཆང་བེན |
ཆང་བླུག་སྣོད་ཅིག |
| ཆང་བོགས |
ཆང་མས་གཞུང་ལ་འབུལ་དགོས་པའི་ཁྲལ། |
| ཆང་མ |
ཆང་འཚོང་མཁན་དང༌། ཆང་གི་ལས་ཀ་བྱེད་མཁན། |
| ཆང་མཆོད |
1.ཆང་ཕུད་འཐོར་བ། 2.ཆང་གི་མཆོད་པ། 3.(ཡུལ་སྐད།) ཆང་འཐུང་བའི་ཞེ་ས། |
| ཆང་མའི་འཁྲོལ་འཛིན |
སྔར་ལྷ་སར་སྨོན་ལམ་ཚུགས་དུས་ལྷ་སའི་ཆང་དང་ཨ་རག་འཚོང་མཁན་རྣམས་ཀྱིས་ཚོགས་ཆེན་ཞལ་ངོར་ཆང་རག་བཙོངས་ཆོག་པའི་དགོངས་པ་ཞུས་པའི་འཁྲོལ་འཛིན། |
| ཆང་མལ |
ཆང་ཁང༌། |
| ཆང་ཚིང |
(རྒྱན་ཚིག) རྩི་ཤིང་སོགས་སྟུག་ཅིང་འཛིངས་པ་སྟེ། (དཔེར་ན།) ནགས་ཚལ་ཚང་ཚིང་དཀྲིགས་པ་ཞེས་པ་ལྟ་བུ། |
| ཆང་ཞིམ་ནར་ཕྱིན་པ |
ལོ་མང་ཕྱིན་པའི་ཆང་གར་མ། |
| ཆང་ཟས |
ཆང་དང་མཉམ་དུ་ཟ་བའི་ཤ་ཚལ་སོགས། |
| ཆང་ཟུང |
འཆང་བཟུང་གི་འབྲི་ཚུལ་གཞན། |
| ཆང་འགག |
ཆང་བཙོས་པའི་འབྲུ་སྙིགས་ཏེ་སྦང་མ། |
| ཆང་འཐུང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས་ཏེ། མྱོས་འགྱུར་གྱི་རིགས་འཐུང་བ་སྟེ་མྱོས་འགྱུར་ལ་བརྟེན་པའི་བག་མེད་པས་གཞན་མ་དད་པར་བྱེད་པའོ། ། |
| ཆང་འདན |
(ཡུལ་སྐད།) བསྐོལ་ལྡན། |
| ཆང་ར |
ཆང་ཁང་ངམ་ཆང་འཐུང་སའི་གནས། |
| ཆང་རག |
ཆང་དང་ཨ་རག |
| ཆང་རྐྱན |
ཆང་བླུག་བྱེད་དམ་འདྲེན་བྱེད་ཀྱི་སྣོད་རྐྱན་བུ། |
| ཆང་རྒན |
1.ཡུན་རིང་སོང་བའི་ཆང་རྙིང༌། 2.ཆང་ལ་ཧ་ཅང་བརྐམས་པའི་མི། |
| ཆང་རྒོད |
ཆང་འཚག་ཐེངས་དང་པོ། |
| ཆང་རྒྱུ |
ཆང་གི་རྒྱུ་ཆ་འབྲུ་རིགས། |
| ཆང་རྩི |
ཆང་ཕབས། |
| ཆང་ལན་ཆུ་འཇལ |
བཟང་ལན་ངན་འཇལ་གྱི་དཔེ་ཆང་ལན་ཆུ་འཇལ་བྱེད་པ་ནི་མི་གཤིས་ངན་པའི་རང་རྟགས་རེད་ཅེས་པ་ལྟ་བུ། |
| ཆང་ལྟིར |
ཆང་བླུག་སྣོད་ཁོག་ལྟིར། |
| ཆང་ས |
1.སྨྱན་བྱེད་པའི་སྟོན་མོའི་མིང་།2.གཉེན་སྒྲིག་གི་མིང་གཞན་ཏེ། (དཔེར་ན།) གཉེན་སྒྲིག་བྱས་པ་ལ་ཆང་ས་བརྒྱབ་ཟེར་བ་ལྟ་བུ། |
| ཆང་སིངས |
ཆང་སིང་དང་འདྲ། |
| ཆང་སྐྱེམས |
བཏུང་བྱའི་ཆང༌། |
| ཆང་སྐྱོགས |
ཆང་འཆུ་བྱེད་ཀྱི་སྐྱོགས་སྤྱི། |
| ཆང་སྙིགས |
ཆང་དྭངས་སྙིགས་ཕྱེ་བའི་སྙིགས་མ། |
| ཆང་སྙོལ |
འབྲུ་བཙོས་པར་ཆང་རྩི་བཏབ་སྟེ་དྲོ་སར་བསྙལ་བའི་དོན་ཏེ། (དཔེར་ན།) གྲོ་ནས་འབྲས་སོགས་བཙོས་ནས་ཆང་སྙོལ་བར་བྱེད་ཅེས་པ་ལྟ་བུ། |
| ཆང་སྣོད |
ཆང་བླུག་སྣོད། |
| ཆང་སྤགས |
1.ཆང་གིས་བརྫིས་པའི་ཟན། 2.ཆང་དང་སྦྲགས་ནས་ཟ་བའི་ཁ་ཟས་ཤ་ཚལ་སོགས། |
| ཆངས་པ |
1.ཕྱེ་ལས་བཟོས་པའི་རྡོག་པོའི་དོན་ཏེ། (དཔེར་ན།) བྱེ་མས་ཆངས་པ་མི་ཡོང༌། བྱེ་མའི་ཆངས་པ་བཤིག་པ་ལ། བྱེད་པ་འོ་གཞན་ལྟོས་མི་དགོས་ལྟ་བུ། 2.སྦར་མོའི་དོན་ཏེ། (དཔེར་ན།) རྩམ་པ་ཆངས་པ་གང༌། ལག་སྟོང་ཆངས་སྟོང༌། ཆངས་པ་སྟོང་བ་ཞེས་པ་ལྟ་བུ། |
| ཆངས་བུ |
ལག་པའི་མཛུབ་མོ་ལྔས་བཅངས་པའི་ཟན་རྡོག་གི་མིང་སྟེ། (དཔེར་ན།) རྩམ་པ་ཆངས་བུ་གཅིག་ཅེས་པ་ལྟ་བུ། |
| ཆད |
1.དུས་མཚམས་དང་ས་ཁོངས་ངེས་ཅན་གྱི་དོན་ཏེ། (དཔེར་ན།) སྔོན་ཆད། ཕྱིན་ཆད། འབྲི་ཆུ་ཕན་ཆད། རྨ་ཆུ་ཚུན་ཆད། ཞི་ཨན་ཡན་ཆད། ལན་ཀྲིག་མན་ཆད་ཅེས་པ་ལྟ་བུ། 2.མི་གཉིས་བར་དང་ཚོགས་པའི་བར་དུ་གཏན་ཁེལ་བྱས་ཤིང་ཕྱོགས་གཉིས་ཀས་བརྩི་དགོས་པའི་དོན་ཚན་གྱི་མིང་སྟེ། (དཔེར་ན།) ཆད་ཡིག་བྲིས། ཉི་ཆད་བགོས། ས་ཆད་བཤད་ལྟ་བུ། 3.(བྱེད་མེད་ལས་ཚིག) འདས་པ་སྟེ། (དཔེར་ན།) མ་བཅད་རང་ཆད། ཐག་པ་ཆད་ན་མཐུད་ཆོག་ལྟ་བུ།4.དུམ་བུ་མང་བོར་གྱེས་པའི་དོན་ཏེ། (དཔེར་ན།) ཆུ་བོ་བཞིན་དུ་རྒྱུན་མ་ཆད། དབུས་གཙང་ནས་ཆད་པའི་བོད་སྡེ། ལུག་ཁྱུ་དུམ་བུ་གཉིས་སུ་ཆད། འཆད་ཁུངས་ཞེས་པ་ལྟ་བུ།5.བོར་བའམ་དོར་བའི་དོན་ཏེ། (དཔེར་ན།) དཔེ་ཆ་འདིའི་ནང་ནས་ཚིག་གཅིག་ཆད་སོང་། ཚིག་ཆད་ལྷག་མེད་པ་ཞེས་པ་ལྟ་བུ།6.མེད་པར་གྱུར་པའམ་ཉམས་པར་གྱུར་པའི་དོན་ཏེ། (དཔེར་ན།) རེ་བ་མ་ཆད་ཅེས་པ་ལྟ་བུ། |
| ཆད་ཀ |
ཆད་དང་དོན་གཅིག |
| ཆད་ཁོངས |
མ་ལྡང་བའམ་ཆད་པའི་གྲས་ཏེ། (དཔེར་ན།) ཐོབ་སྐལ་ཆད་ཁོངས་ལ་མི་སུ་ཡོད། སྒོ་ཁྲལ་ཆད་ཁོངས་ཀྱི་ཚོང་ཟོག ཐོབ་སྐལ་མ་ལྡང་བ་རྣམས་ཆད་ཁོངས་སུ་ཐོ་བཀག་ཅེས་པ་ལྟ་བུ། |
| ཆད་གསབ |
མ་ཚང་བ་རྣམས་ཀྱི་ཁ་སྐོང༌སྟེ། (དཔེར་ན།) གྲངས་འབོར་མ་ལོངས་པའི་ཆད་གསབ་བྱེད་ཅེས་པ་ལྟ་བུ། |
| ཆད་གསོ |
ཆད་པའི་ཁ་སྐོང༌། |
| ཆད་གསོར |
མིའམ་དུད་འགྲོ་གཅིག་ངལ་དུབ་ཀྱིས་ཐང་ཆད་ན་དེའི་ཚབ་ཏུ་གཞན་ཞིག་ཡོང་ནས་བྱ་བ་མུ་མཐུད་དུ་སྒྲུབ་པ་སྟེ། (དཔེར་ན།) ད་རེས་ཀྱི་དོ་པོ་ལྗིད་པོ་ཡིན་སྟབས་ཁལ་མ་ཆད་གསོར་གྲ་སྒྲིག་བྱེད་དགོས་ལྟ་བུ། |
| ཆད་ཅིང་འཇུག་པའི་ཡིད་བྱེད |
སེམས་གནས་སྐབས་ཀྱི་ཡིད་བྱེད་བཞིའི་ནང་གསེས་ཤིག་སེམས་གནས་གསུམ་པ་ནས་བདུན་པའི་བར་འཇུག་པའི་ཡིད་བྱེད་སེམས་ཡེངས་པ་སླར་ཡང་དམིགས་པ་དེ་ཉིད་ལ་འཇོག་པའི་སྐབས་སུ་ཆད་ཅིང་འཇུག་པའི་ཡིད་ལ་བྱེད་པའོ། ། |
| ཆད་ཉམས |
1.ཟད་པ་དང་ཉམས་གུད། 2.(བརྡ་རྙིང་།) གནམ་ལྕགས་ཐོག |
| ཆད་ཐོ |
བུ་ལོན་སོགས་ཆད་པའི་གྲངས་ཀ་བྲིས་པའི་ཡི་གེའི་མིང་། |
| ཆད་དོན |
ཁ་ཆད་ཀྱི་དོན་ཏེ། (དཔེར་ན།) སྔར་བཞག་ཆད་དོན་ལྟར་བྱེད་དགོས། དོ་བདག་ཕན་ཚུན་གཉིས་ཀས་ཆད་དོན་ལག་ལེན་བྱེད་དགོས་ལྟ་བུ། |
| ཆད་པ |
1.(བྱེད་མེད་ལས་ཚིག) དུམ་བུར་སོང་བའི་དོན་དུ་གོ་བའི་འཆད་པའི་འདས་པ། 2.ཁྲིམས་དང་འགལ་བའི་ཉེས་ཆད་དེ། (དཔེར་ན།) ཁྲལ་གཡོལ་བར་ཆད་པ་གཏོང་བ། རང་གི་བྱས་ཉེས་ངོས་ལེན་བྱས་པས་ཆད་པ་བཀྲོལ་བ། ཆད་པ་དྲག་གཅོད་བྱེད་པ། ཆད་པ་ཕབ་པ། བྱེད་འཛོལ་ཆེ་ཆུང་ལ་བབ་བལྟས་ཏེ་ཆད་པ་གཅོད་ལྟ་བུ། |
| ཆད་པ་ཆད་ལན |
ཁྲལ་དང་བུ་ལོན་སོགས་ཞ་ཆག་བྱུང་བའི་ཆད་ལན་སྒྲུབ་འཇལ། |
| ཆད་པ་མེད་པར་འཇུག་པའི་ཡིད་བྱེད |
སེམས་གནས་སྐབས་ཀྱི་ཡིད་བྱེད་བཞིའི་ནང་གསེས་ཤིག་སེམས་གནས་བརྒྱད་པའི་སྐབས་སུ་ཆད་པ་མེད་པར་འཇུག་པའི་ཡིད་ལ་བྱེད་པའོ། ། |
| ཆད་པའི་ཁྲིམས |
ནག་ཅན་ལ་ཉེས་འགེལ་གྱི་སྲོལ་ལུགས། |
| ཆད་པའི་གནས |
1.ཁྲིམས་ས། 2.ཉེས་ཅན། |
| ཆད་པའི་མྱང་འདས |
འཁོར་བའི་སྡུག་བསྔལ་མེད་ཙམ་ལས་གཞན་དོན་ཕུན་ཚོགས་མི་འགྲུབ་པའི་མྱང་འདས། |
| ཆད་པའི་ཤིང |
(མངོན་བརྗོད།) ཤིང་སྟག་པ། |
| ཆད་པར་སྨྲ་བ |
སྔར་རྒྱ་གར་དུ་དར་བའི་མུ་སྟེགས་རྒྱང་འཕེན་པ་སྟེ། ཚེ་འདི་ལ་ལེགས་ཙམ་གྱིས་ཆོག་པར་སྨྲ་ཞིང་སྐྱེ་བ་སྔ་ཕྱི་ཡོད་པར་འདོད་ཀྱང་ལས་འབྲས་ཡོད་པར་མི་འདོད་པ་དང༌། སྐྱེ་བ་སྔ་ཕྱི་དང་ལས་འབྲས་གཏན་ནས་མི་འདོད་པ་བཅས་གཉིས་ཡོད། |
| ཆད་པོ |
(རྒྱན་ཚིག) གྱོན་ཆས་སོགས་ཧྲུལ་བོར་གྱུར་པའི་དོན་ཏེ། (དཔེར་ན།) ལྭ་བ་ཆད་པོ། ཞྭ་ཆད་པོ། རས་ཆད་པོ་ཞེས་པ་ལྟ་བུ། |
| ཆད་མཐའ |
ཐམས་ཅད་མེད་པར་སྨྲ་བའི་མཐའ། |
| ཆད་མཐུད |
1.བར་ཆད་པ་སླར་མཐུད་པ། 2.གསབ་ཆ། |
| ཆད་མདོ |
ཁ་ཆད་དམ་ཁས་བླངས་པའི་ཐ་ཚིག་སྟེ། (དཔེར་ན།) སྔར་གྱི་ཆད་མདོ་དང་མི་འགལ་བར་ལས་དོན་སྒྲུབ་ལྟ་བུ། |
| ཆད་མོལ་ཡི་གེ |
ཁ་ཆད་བྱས་པའི་ཡི་གེ་སྟེ། (དཔེར་ན།) གྲོས་མོལ་བྱས་ནས་ཆད་མོལ་གྱི་ཡི་གེ་འཇོག་པ་ལྟ་བུ། |
| ཆད་འགེལ |
ཉེས་པ་འགེལ་བའམ་ཉེས་ཆད་གཏོང་བ་སྟེ། (དཔེར་ན།) ཉེས་ཅན་ལ་ཆད་འགེལ་བྱེད་པ། སྐབས་འཕྲལ་ཆད་འགེལ་བྱས་པ་ཙམ་རེད་ཅེས་པ་ལྟ་བུ། |
| ཆད་འགྱངས་ལེ་འཁོན |
ཆད་ལུས་ཕར་འགྱངས་ཀྱི་འཁོན་ཐོགས་སམ་ཀ་ཀོར། |
| ཆད་འབུལ |
1.ཉེས་ཆད་འཇལ་བ། 2.སྤྲོད་རྒྱུར་བསྡད་པའི་འབྲུ་དངུལ་སོགས་སྤྲོད་པ། |
| ཆད་འཛིན |
བུ་ལོན་སོགས་ཀྱི་གྲངས་འབོར་མ་ཚང་བར་ཆད་པའི་འཛིན། |
| ཆད་ཡིག |
ཁ་ཆད་བྱས་པའི་ཡི་གེ། |
| ཆད་ལས |
ཁྲིམས་ཀྱི་ཉེས་ཆད་དེ། (དཔེར་ན།) ཉེས་ཅན་ལ་ཆད་འགེལ་གྱི་བྱ་བ། ཁྲིམས་དང་འགལ་བས་ཆད་ལས་ཕོག་ལྟ་བུ། |
| ཆད་ལས་ཀྱི་བསླབ་པ |
ལྟུང་བ་ཕྱིར་བཅོས་ཀྱི་གྲས། དགེ་སློང་ལ་ཕམ་པ་བྱུང་ཡང་འཆབ་པ་མེད་ན་ཕྱིར་བཅོས་བྱེད་རུང་ཞིང༌། བྱེད་ཚུལ་ནི་ཆད་པ་ལས་ཀྱི་བསླབ་པ་སྦྱིན་ཏེ་ཇི་སྲིད་འཚོ་བའི་བར་དུ་དམན་པའི་སྤྱོད་པ་ལྔ་དང་དུ་ལེན་ཅིང་ཁྱད་པར་གྱི་སྤྱོད་པ་ལྔ་སྤོང་བའི་སྒོ་ནས་ཕྱིར་བཅོས་བྱེད་པའི་བསླབ་པའོ། ། |
| ཆད་ལས་ར་བ |
ཁྲིམས་གཏོང་གནས། |
| ཆད་ལུས |
མ་ཚང་བའམ་ལུས་པ། |
| ཆད་ལྟ |
ལས་འབྲས་དང༌། སྐྱེ་བ་སྔ་ཕྱི་སོགས་མེད་པར་སྨྲ་བའི་ལྟ་བ། |
| ཆད་ལྷག |
1.གྲངས་འབོར་མ་ཚང་བ་དང་ལྷག་མ། 2.ལོ་རྩིས་ནང་དུ་གཟའ་གཅིག་ཉིན་སྔ་ཕྱི་གཉིས་ཀར་བྱུང་ན་གཟའ་འོག་གི་ཆུ་ཚོད་གང་མང་བའི་ཚེས་གྲངས་དེ་ཆད་པ་དང༌། ཉིན་སྔ་ཕྱིའི་གཟའ་མཆོངས་ན་གཟའ་འོག་གི་ཆུ་ཚོད་གང་ཉུང་བའི་ཚེས་གྲངས་དེ་ལྷག་པ་ཡིན་པར་འཇོག་རྒྱུ། |
| ཆད་སོ |
ཁ་ཆད་ཀྱི་དོན་ཏེ། (དཔེར་ན།) ཉིན་གསུམ་སོང་མཚམས་ཡོང་རྒྱུའི་ཆད་སོ་བཞག་པ། ཆད་སོ་བདོག་ལྟ་བུ། |
| ཆད་སྨྲ |
ཆད་པར་སྨྲ་བའི་བསྡུས་ཚིག |
| ཆན |
བཙོས་པའི་བཟའ་འབྲུ་ཁུ་བ་དང་བཅས་པ་སྟེ། (དཔེར་ན།) འབྲས་ཆན། སྲན་ཆན། ནས་ཆན། གྲོ་ཆན་ཞེས་པ་ལྟ་བུ། |
| ཆན་གྲི |
གོས་འདྲ་བྱེད་ཀྱི་ཡོ་བྱད་དེ། ཡུལ་སྐད་དུ་ཁེ་གྲི་ཟེར། |
| ཆན་ཐུག |
གྲོ་ནས་འབྲས་སོགས་རིལ་མོ་བཙོས་པའི་ཐུག་པ། |
| ཆན་པ |
1.རྨའི་རྩ་རྒྱུས་གཅོད་བྱེད་ཀྱི་ཡོ་བྱད་ཅིག 2.(བརྡ་རྙིང་།) ཁྱེ་བོའམ་གྲི་གུག |
| ཆན་ལུང |
(རྒྱ་སྐད།) མན་ཇུའི་རྒྱལ་རབས་ཨང་བཞི་པའི་ཁྲི་ལོའི་མིང་། |
| ཆབ |
1.ཆུའི་ཞེ་ས་སྟེ། (དཔེར་ན།) སྤྱན་ཆབ། ཞལ་ཆབ། ཆབ་ཚན། ཆབ་བྲན་པ་ལྟ་བུ། 2.གཅིན་པའི་ཞེ་ས་སྟེ། (དཔེར་ན།) དྲི་ཆབ། ཆབ་གདན། ཆབ་གསིལ་བ་ལྟ་བུ། 2. མིང་འགའི་སྔོན་ལ་སྦྱར་ནས་ཞེ་ཚིག་སྒྲུབ་བྱེད་ཀྱི་ཚིག་གྲོགས་ཤིག་སྟེ། (དཔེར་ན།) ཆབ་སྲིད། ཆབ་འོག ཆབ་འབངས། ཆབ་ཞོ་ལྟ་བུ། |
| ཆབ་ཁང |
1.ཆུ་སྐོལ་སའི་ཁང་བ། 2.ཁྲུས་ཁང༌། 3.(ཡུལ་སྐད།) གསང་གཅོད། |
| ཆབ་ཁུང |
1.ཆུ་ལམ། 2.ཆུ་འགྲོ་སའི་ཁུང་བུ། |
| ཆབ་གཏོར |
ཆུ་སྦྱིན་གཏོར་མ། |
| ཆབ་གདན |
ཆབ་རིལ་དང་ཆབ་བླུག་གི་ཐུམ་མམ་གདན་གྱི་མིང་། |
| ཆབ་གཟན |
སྔར་བོད་ཀྱི་རྩེ་དྲུང་གི་གཟན་གོས་ཆེན་གྱི་མཐའ་ལྕགས་ཅན་ཞིག |
| ཆབ་གསང |
གཅིན་གྱི་མིང་གཞན། གཅིན་པའི་ཞེ་ས། |
| ཆབ་ཆ |
ས་ཆ་ཞིག་སྟེ། མཚོ་སྔོན་ཁྲི་ཤོར་རྒྱལ་མོའི་ལྷོ་ཕྱོགས་དང་ཟི་ལིང་གྲོང་ཁྱེར་གྱི་ནུབ་ཕྱོགས་ན་ཡོད། |
| ཆབ་ཆེན |
སྐྱག་པའི་ཞེ་ས། |
| ཆབ་ཆོབ |
(རྒྱན་ཚིག) ཆབ་བེ་ཆོབ་བེའི་བསྡུས་ཚིག |
| ཆབ་ཏོག |
1.གཅིན་པའི་སྣོད་ཀྱི་མིང་།2.དབང་དང་མངའ་ཐང་སོགས་ཀྱི་མིང་སྟེ། (དཔེར་ན།) དབང་འོག་ཏུ་བསྡུས་པ་ལ་ཆབ་འོག་ཏུ་བསྡུས་ཟེར་བ་ལྟ་བུ། |
| ཆབ་དྲེལ |
སྔར་༸གོང་ས་ཏཱ་ལའི་བླ་མའི་གསོལ་ཐབ་ཀྱི་ཆུ་ལེན་བྱེད་དྲེའུ། |
| ཆབ་བཞེས་པ |
1.ཆུ་བཏུངས་པ། 2.ཆུ་བླངས་པ། 3.ཆུར་ཞུགས་པ། |
| ཆབ་བུམ་རིལ་བ |
ཆུ་བུམ་གྱི་བྱེ་བྲག་སྤྱི་བླུགས། |
| ཆབ་བེ་ཆོབ་བེ |
(རྒྱན་ཚིག) རགས་ཞིབ་དང་བཟང་ངན་མ་ཕྱེ་བར་རིགས་མི་མཐུན་པ་སྣ་ཚོགས་མཉམ་དུ་འདྲེས་པའམ་བསྲེས་པའི་ཚུལ་ཏེ། (དཔེར་ན།) ཅ་ལག་བཟང་ངན་ཆབ་བེ་ཆོབ་བེ་འདྲེས་པ་རྣམས་ལ་དབྱེ་འབྱེད་བྱེད་པ། གཡག་རྩིད་དང་ཁུ་ལུ་མང་པོ་ཆབ་བེ་ཆོབ་བེ་བྱས་ནས་ཕྱོགས་གཅིག་ཏུ་སྤུངས་པ། རྒྱུ་ཆ་བཟང་ངན་སྣ་ཚོགས་ཆབ་བེ་ཆོབ་བེ་བྱས་ནས་བཏང་བ། ཇ་ཆང་ཨ་རག་ཆབ་བེ་ཆོབ་བེ་མང་པོ་བཏུངས་པས་ན་བྱུང༌། སྒོ་ཕྱུགས་རྭ་ཅན་རྭ་མེད་ཆབ་བེ་ཆོབ་བེ་བྱས་ནས་མཉམ་དུ་བཏགས་པ་ལྟ་བུ། |
| ཆབ་བླུག |
དགེ་སློང་གི་ཁ་བཤལ་ཆུ་སྣོད་རིལ་བ་ཆུང་ངུ་ཞིག |
| ཆབ་མ |
ཁམས་མོ་དང་ཧོར་མོའི་སྐེད་རགས་དངུལ་ལམ་ཏུང་ཚག་དཀྲོལ་མ་དང་འགྲོན་བུའི་རྒྱན་ཅན་ཁབ་ཤུབས་སོགས་ཀྱི་གློ་འདོགས་ཡོད་པ་ཞིག |
| ཆབ་མདོ |
བོད་མདོ་ཁམས་ཀྱི་ས་ཁུལ་ཞིག་གི་མིང་། ཁུལ་འདིར་འབྲི་ཆུ་དང༌། ཟླ་ཆུ། རྒྱལ་མོ་རྔུལ་ཆུ་བཅས་ཆུ་བོ་ཆེན་པོ་གསུམ་བྱང་ནས་ལྷོར་འབབ་ཅིང༌། ས་ཁུལ་དེའི་ཁོངས་སུ་ཆབ་མདོ་དང༌། གོ་འཇོ། སྟེང་ཆེན། མཛོ་སྒང༌། དཔལ་འབར། བྲག་གཡབ། འཇོ་མདའ། དཔལ་ཤོད། རྫ་ཡུལ། སྤོ་མེས། ལྷོ་རོང༌། རི་བོ་ཆེ། སྨར་ཁམས་བཅས་རྫོང་ཁག་བཅུ་གསུམ་ཡོད། ས་ཁུལ་གྱི་སྤྱི་ཁྱབ་ལས་ཁུངས་དེ་ཆབ་མདོར་ཡོད། |
| ཆབ་མདོ་བྱམས་པ་གླིང |
རྗེ་ཙོང་ཁ་པའི་སློབ་མ་སྨད་བྱང་སེམས་ཤེས་རབ་བཟང་པོས་རབ་བྱུང་བདུན་པའི་མེ་སྦྲུལ་ལོར་བཏབ་སྟེ་འཕགས་པ་ལྷ་སྐུ་ཕྲེང་རིམ་པས་སྐྱོང་བའི་དགོན་པ་ཞིག |
| ཆབ་ཞབས |
ཞབས་ཕྱིའམ། མི་སེར། |
| ཆབ་ཞུགས |
དགོན་སྡེ་ཁག་གི་དབྱར་གནས་གྲོལ་རྗེས་ཀྱི་དགའ་སྟོན། |
| ཆབ་འགོ |
སྐེ་རགས་ལེབ་མོ་སོགས་ཀྱི་སྣེ་འཛིན། |
| ཆབ་འདྲེན་གཞོན་ནུ |
སྔོ་སྨན་སྲན་མའི་རིགས་ཏེ། རོ་མངར་ལ་ཁ། ཞུ་རྗེས་སྙོམས། དེའི་མེ་ཏོག་གསར་དུ་བཞད་མ་ཐག་པས་དམུ་ཆུ་ལ་ཕན། ཆུ་འགག་འབྱིན། |
| ཆབ་འབངས |
རྒྱལ་པོའི་མངའ་འོག་གི་གི་སྡེ་འབངས་མི་སེར། |
| ཆབ་འཚལ་བ |
(བརྡ་རྙིང་།) ཆུད་ཟོས་སུ་སོང་བའམ། བརླག་པ། ཆབ་མི་འཚལ་བ། |
| ཆབ་འོག |
མངའ་ཁོངས་ཀྱི་དོན་ཏེ། (དཔེར་ན།) ཆབ་འོག་གི་རྒྱལ་ཕྲན། རང་གི་ཆབ་འོག་ཏུ་སྡུད་པ། ཆབ་འོག་ཏུ་གཏོགས་པ་ལྟ་བུ། |
| ཆབ་འོག་པ |
མངའ་འོག་ཏུ་སྡོད་པ་པོ། |
| ཆབ་ཡིག |
སྤྲིང་ཡིག་གམ། རིམ་པ་གོང་མས་གནང་བའི་ཡི་གེ་སྟེ། (དཔེར་ན།) ཆབ་ཡིག་བཀླགས་ཤིང་དོན་རྣམས་ཁོང་དུ་ཆུད་ཅེས་པ་ལྟ་བུ། |
| ཆབ་རིལ |
ཁ་བཤལ་བྱེད་ཀྱི་ཆུ་སྣོད་རིལ་བའི་རིགས་ཤིག |
| ཆབ་རིལ་བ |
ཚོགས་སུ་བུམ་པ་ཁྱེར་ནས་དགེ་འདུན་རྣམས་ལ་རུང་ཆུ་འགྲེམས་མཁན། |
| ཆབ་རོམ |
དར་རམ་འཁྱག་པ་སྟེ། (དཔེར་ན།) ཆུ་བོ་ཆབ་རོམ་གྱིས་བསྡམས་ལྟ་བུ། |
| ཆབ་རྐྱན |
ཆུ་སྣོད། |
| ཆབ་རྟགས |
ནད་བརྟག་དཔྱད་བྱེད་སྐབས་སྨན་པར་སྟོན་རྒྱུའི་གཅིན་པ། |
| ཆབ་རྩེ |
ཀོ་ཐག་གམ་སྐེ་རགས་ལེབ་མོ་སོགས་ཀྱི་ཆབ་ལྕེ། སྒྲོག་བུ་ཡི་མིང་གཞན། |
| ཆབ་ལོང |
ཆབ་རྩེའི་ཨ་ལོང༌སྟེ། (དཔེར་ན།) སྐེད་རྒྱན་དངུལ་གྱི་ཆབ་ལོང༌ཞེས་པ་ལྟ་བུ། |
| ཆབ་ལྕེ |
ཐག་པའི་འགུགས་ལེན་གྱི་ཆབ་ཙེ། |
| ཆབ་ཤུབས |
ཆབ་བུམ་བླུག་སའི་སྣོད། |
| ཆབ་ཤོག |
1.སྲིད་གཞུང་གིས་བཏང་བའི་ཡི་གེའི་རིགས་ཀྱི་སྤྱི་མིང་། 2.གཞན་ལ་སྤྲིངས་པའི་འཕྲིན་ཡིག་གི་རིགས་གཅེས་བཏུས་ཀྱི་དཔེ་ཆའི་མིང་། |
| ཆབ་སྐྱ |
དར་བའི་རིགས་ཀྱི་མིང་གཞན། |
| ཆབ་སྒོ |
1.ཁང་བའི་སྒོ་སྟེ། (དཔེར་ན།) ཉིན་མཚན་མེད་པར་ཆབ་སྒོ་སྡོམ་སྲོལ་ག་ལ་ཡོད་ལྟ་བུ། 2.ཁྲིམས་སྒོ། |
| ཆབ་སྒོ་བ |
སྒོ་སྲུང་མཁན། |
| ཆབ་སྟན |
ཕྲུ་གུའི་གཅིན་གདན། |
| ཆབ་སྟོད |
སྔར་བོད་ཀྱི་རྩེ་དྲུང་གི་སྟོད་གོས་ཤིག |
| ཆབ་སྩལ |
(བརྡ་རྙིང་།) གནོད་པ་བསྐྱལ་བ། |
| ཆབ་སྲིད |
སྲིད་གཞུང་དང་སྲིད་ཁག་སྟེ། སྤྱི་ཚོགས་ཚོགས་པ། མི་སོ་སོ་བ་བཅས་ཀྱིས་རྒྱལ་ཁབ་ཀྱི་ནང་སྲིད་དང་རྒྱལ་ཁབ་བར་གྱི་ལས་དོན་སྒྲུབ་པའི་བྱ་སྤྱོད་ཡིན་ཞིང་། བྱ་སྤྱོད་དེའི་རིགས་ཀྱིས་གྲལ་རིམ་བར་གྱི་འབྲེལ་བ་མཚོན་གྱིན་ཡོད། ཆབ་སྲིད་ནི་དཔལ་འབྱོར་གཅིག་བསྡུས་ཀྱི་མཚོན་བྱེད་ཅིག་ཡིན་ཞིང་། གྲལ་རིམ་གང་གི་ཆབ་སྲིད་ཡིན་ནའང་གྲལ་རིམ་དེ་ཉིད་ཀྱི་ཁེ་ཕན་བསྲུང་བ་དང་དཔལ་འབྱོར་ལ་དབང་སྒྱུར་བའི་གོ་གནས་ལེན་པ་དམིགས་ཡུལ་དུ་བྱེད་པ་ཤ་སྟག་ཡིན། |
| ཆབས་ཅིག |
(བསྣན་ཚིག) དུས་ལྷན་ཅིག་གམ་དུས་མཉམ་གྱི་དོན་ཏེ། (དཔེར་ན།) གློག་འཁྱུགས་པ་དང་ཆབས་ཅིག་ཏུ་འོད་འཚེར་བ། འབད་བརྩོན་ཆབས་ཅིག་ཏུ་བྱས་པ། རྟ་མཆོག་སྐྱོད་པའི་ཤུགས་དང་ཆབས་ཅིག་ཏུ་མཚོན་འཕངས་པ། མགྲིན་པའི་གླུ་དང་ཆབས་ཅིག་རྒྱུད་མང་བཏང་ལྟ་བུ། |
| ཆམ |
1.གཞན་གྱི་རྒྱུ་ནོར་འཕྲོག་པའི་བྱ་སྤྱོད་ནག་ཉེས་ཅན་གྱི་མིང་སྟེ། (དཔེར་ན།) རྐུ་འཕྲོག་བྱེད་པ་ལ་ཆམ་བྱེད་པ་ཟེར་བ་ལྟ་བུ། 2.ཆམ་པ་ཞེས་པའི་ཚིག་བསྡུས་པ།3.ཅམ་དང་མཚུངས་པ་སྟེ། དལ་བུ་དང༌། གཏན་གྱི་དོན། (དཔེར་ན།) གཞན་གྱིས་མི་མངོན་པར་ཆམ་གྱིས་སོང་བ། ཆོས་ཐམས་ཅད་ཆམ་དུ་མི་སྐྱེ་བ་ལྟ་བུ། |
| ཆམ་ཆད |
(བརྡ་རྙིང་།) མཉམ་ཉིད། |
| ཆམ་དུ |
གཏན་དུའི་བརྡ་རྙིང་། |
| ཆམ་པ |
ལུས་དྲོ་གྲང་མ་སྙོམས་པ་དང༌། མི་གཙང་བའི་རྡུལ་སྣ་སྒོར་ཤོར་བ། དྲི་མ་ངན་པ་མནམ་པ་སོགས་ཀྱིས་སྣ་བུག་གཡས་གཡོན་གྱི་རོ་རྐྱང་གི་རྩ་གཉིས་ཆམ་ལ་ཕབ་ནས་བྱེད་ལས་ཉམས་པར་གྱུར་ཏེ་རིམ་བཞིན་ལུས་ལ་ཁྱབ་པའི་ནད་ཅིག་སྟེ། (དཔེར་ན།) གྲེ་ཆམ། གློ་ཆམ། སྣ་ཆམ། གྱོན་པ་སྲབ་དྲགས་པས་ཆམ་པ་ཕོག་འདུག གློ་བུར་དུ་ཆམ་པ་ན་ནས་གློ་རྒྱག་ཅེས་པ་ལྟ་བུ། |
| ཆམ་ཕབ |
ཆམ་ལ་ཕབ་པ་གཡུང་ལ་ཕབ་པའམ་གཏན་དུ་ཕམ་པར་བཏང་བ་སྟེ། (དཔེར་ན།) དགྲ་བོ་ཆམ་ལ་ཕབ་པ་ལྟ་བུ། |
| ཆམ་བཞག |
ཅམ་བཞག་སྟེ་རྦད་དེ་བཞག་པའི་དོན། (དཔེར་ན།) ཕན་ཐོགས་མེད་པའི་ལས་ཀ་ཆམ་བཞག་བྱས་ལྟ་བུ། |
| ཆམ་མེ |
(རྒྱན་ཚིག) འོད་འཕྲོ་བའི་རྣམ་པ་སྟེ། (དཔེར་ན།) ཟླ་འོད་དཀར་ཆམ་མེ་ཤར་ལྟ་བུ། |
| ཆམ་མེ་བ |
(རྒྱན་ཚིག) 1>ཅི་ཡང་མི་དམིགས་པའི་སྟོང་སང་སང་གི་སྣང་བ་འཆར་ཚུལ་སྟོན་པའི་ཚིག་ཅིག་སྟེ། (དཔེར་ན།) སྡོད་མཁན་མེད་པས་ཁང་བ་ཆམ་མེ་བར་ལུས་པ། རེ་དོན་ཅི་ཡང་མ་འགྲུབ་པས་བསམ་ཚུལ་ཆམ་མེ་བར་གྱུར་ལྟ་བུ། 2>ལྷམ་མེ་བ་སྟེ་འོད་འཕྲོ་བའི་རྣམ་པ་ཞིག། (དཔེར་ན།) ཉི་འོད་ཆམ་མེར་ཤར་བ་ལྟ་བུ། |
| ཆམ་ཚེ |
ཞ་ཐུལ་ལམ་ཟླ་གམ་སྟེ། སེར་མོ་བ་ཕྱིར་བསྐྱོད་དང་ནང་སྡོད་གཉིས་ཀའི་གྱོན་ཆས་དང་། སྐྱ་བོ་ནང་སྡོད་སྐབས་ཀྱི་གྱོན་ཆས་ཤིག |
| ཆམ་འགྲམས |
ཤ་ཆང་དང་ཉིན་གཉིད་ཉལ་བ་སོགས་ཀྱིས་ཆམ་པའི་ནད་གཞི་འཁྲུགས་པར་གྱུར་པའི་དོན། |
| ཆམ་རིམས |
ཁ་རླངས་སོགས་བརྒྱུད་དེ་གཅིག་ནས་གཅིག་ཏུ་འགོ་བའི་ཆམ་པའི་རིགས་ཤིག |
| ཆམ་རྒན |
ཟས་སྤྱོད་མི་མཐུན་པར་བསྟེན་པ་སོགས་ཀྱིས་ཆམ་པའི་ནད་གཞི་འཁྲུགས་ཏེ་ནད་གཞུག་མ་ཆོད་ནས་རྒྱུན་རིང་དུ་ལུས་ལ་ཞེན་པའི་ཆམ་པའི་ནད་རྙིང་པ་ཞིག |
| ཆམས |
བཏང་སྙོམས་ཀྱི་དོན་ཏེ། (དཔེར་ན།) མཐུན་པ་རྣམས་ལག་ལེན་དུ་བཏབ་ནས་མི་མཐུན་པ་རྣམས་ཆམས་བཞག་ཅེས་པ་ལྟ་བུ། |
| ཆའི་རྒྱན |
དོན་རྒྱན་གྱི་ནང་གསེས་ཤིག་དངོས་པོའི་རང་བཞིན་མི་འོས་པའི་རྣམ་པ་ངེས་པར་གསལ་བ་དེ། གཡོ་ཟོལ་གྱིས་སྒྲིབ་ཅིང་མི་མངོན་པར་བྱེད་པའི་རྒྱན་ཞིག་ནང་གསེས་རྣམ་གྲངས་བཞི་ནི། འོས་པའི་ཆ། མི་འོས་པའི་ཆ། སྨད་པའི་ཆ་ལས་བསྟོད་པ། བསྟོད་པའི་ཆ་ལས་སྨད་པ་རྣམས་སོ། ། |
| ཆར་ཁེབས |
ཆར་བ་འགོག་བྱེད་ཀྱི་གདུགས་སོགས། |
| ཆར་གདུགས |
ཆར་བ་འགོག་བྱེད་ཀྱི་གདུགས། |
| ཆར་གཡེང |
(བརྡ་རྙིང་།) འདོད་ལ་བརྐམས་པའམ་ཆགས་པ། |
| ཆར་གཡོགས |
ཆར་བ་འགོག་བྱེད་ཀྱི་ཁེབས། |
| ཆར་གསེ་བ |
(བརྡ་རྙིང་།) ཆ་ཤས་སམ་དུམ་བུར་གཤགས་པ། |
| ཆར་གོས |
ཆར་ཁེབས་ཤིག |
| ཆར་གྱི་ཟེགས་མ |
ཆར་ཟིམ། |
| ཆར་ཅན |
(མངོན་བརྗོད།) དབྱར་གྱི་དུས། |
| ཆར་ཆུ |
1.ཆར་བ་དང་ཆུ། 2.ཆར་བའི་དོན་ཏེ། (དཔེར་ན།) ཆར་ཆུ་སྙོམ་པོ། ཆར་ཆུ་དཀོན་པོ། ཆར་ཆུ་དུས་བབ་ལྟ་བུ། 3.ཆར་བའི་ཆུ། |
| ཆར་ཐིགས |
ཆར་བའི་ཐིགས་པ། |
| ཆར་དགའ |
(མངོན་བརྗོད།) ཁུག་རྟ། |
| ཆར་དུ་བསྙིལ |
དངོས་རྫས་མང་བོ་ཆར་འབབ་པ་ལྟར་ཐོར་བའམ་གཏོར་བའི་དོན་ཏེ། (དཔེར་ན།) བསུ་བའི་མེ་ཏོག་ཆར་དུ་བསྙིལ། བསྟོད་བསྔགས་ཀྱི་མེ་ཏོག་ཆར་དུ་སྙིལ་མཁན། ཆར་དུ་སྙིལ་ཅིག་ལྟ་བུ། |
| ཆར་དུ་བསྙིལ་བ |
ཆར་ལྟར་དུ་ཕབ་པ་སྟེ། (དཔེར་ན།) དགོས་འདོད་ཆར་དུ་བསྙིལ་བ་ལྟ་བུ། |
| ཆར་དུས |
དབྱར་དུས། |
| ཆར་དྲག |
རླུང་དང་བསྡེབས་ནས་འབབ་པའི་དྲག་ཆར་གྱི་མིང་། མིང་གི་རྣམ་གྲངས་ལ་རྒྱུན་འབབ་དང༌། ཡོངས་ལྷུང༌། དྲག་ཆར་བཅས་སོ། ། |
| ཆར་ཕིབས |
ཆར་སྐྱོབ་ཀྱི་གོས། |
| ཆར་ཕྲན |
ཆར་ཆུང་ངུའམ་ཉུང་ཉུང༌། |
| ཆར་བ |
ཆུ་རླངས་གྲང་མོ་ཆགས་ཤིང་ཟིལ་བུར་གྱུར་ཏེ་གནམ་ནས་མར་འབབ་པའི་ཐིགས་པ་སྟེ། (དཔེར་ན།) ཞོད་ཆར། སྦྲང་ཆར། དྲག་ཆར། ཟིམ་ཆར། ཆར་བ་བབ་ཚད། ཆར་བས་གོས་བངས་པ། མིང་གི་རྣམ་གྲངས་ལ་མཁའ་ལས་བབ་དང༌། གྲུ་ཆར། དགུང་ཆར། རྒྱུན་བབ། ཆུའི་ས་བོན། སྤྲིན་གྱི་མེ་ཏོག་སྤྲིན་བཅུད། སྦྲང་ཆར། རླུང་གི་འབྲས་བུ། ལོ་ཏོག་གཉེན་བཅས་སོ། ། |
| ཆར་བ་ཆུ་གྲོགས |
ཆར་བ་ཆུའི་གྲོགས་པོའམ། ཆུ་ཡར་འཕེལ་བའི་མཐུན་རྐྱེན་དུ་འགྱུར་བ་སྟེ་གཅིག་གྲོགས་གཅིག་ཕན་གྱི་དཔེ། (དཔེར་ན།) ཞིང་འབྲོག་ཕན་ཚུན་བརྗེ་ཚོང་བྱས་ན་ཆར་བ་ཆུ་གྲོགས་བཞིན་དུ་ཕན་ཐོགས་ཡོང༌ཞེས་པ་ལྟ་བུ། |
| ཆར་མུན |
མཚན་མོ་ཆར་སྤྲིན་འཐིབས་པའི་མུན་པ་ནག་པོ། |
| ཆར་མེད |
ཐན་པ། |
| ཆར་ཞོད |
ཆར་རྒྱུན་ཆེན་པོའི་དོན་ཏེ། (དཔེར་ན།) ཆར་ཞོད་ཆེན་པོ། ཆར་ཞོད་དཀོན་པོ། ཆར་ཞོད་སྙོམས་པོ་ལྟ་བུ། |
| ཆར་ཟིམ |
ཆར་ཐིགས་ཆུང་ལ་དལ་གྱིས་འབབ་པའི་ཆར་བའི་མིང་། |
| ཆར་ཟིམ་པོ |
ཆར་ཟིམ་བུ་དང་འདྲ། |
| ཆར་ཟིམ་བུ |
འཇམ་ཆར་ཟིམ་པོའམ་ཆར་སིམ་ཡང་ཟེར། (དཔེར་ན།) ཆར་ཟིམ་བུ་སི་ལི་ལིར་བབ་ནས་གྱོན་གོས་བངས་པ། ཆར་ཟིམ་རླུང་འཇམ་ཞེས་པ་ལྟ་བུ། |
| ཆར་ཟིམ་ཟིམ |
ཆར་བ་འབབ་སྟངས་ཤིག་སྟེ། (དཔེར་ན།) ཆར་ཟིམ་ཟིམ་ཞིག་བབས་ནས་ལོ་ཏོག་ཚང་མ་སྣུམ་ཐིང་ཐིང་བྱས་འདུག་ལྟ་བུ། |
| ཆར་ཟིལ |
ཆར་བབ་པའི་ཟིལ་བ་སྟེ། མིང་གི་རྣམ་གྲངས་ལ་རྒྱུན་གྱི་མྱུ་གུ་དང༌། ཆར་གྱི་ཟེགས་མ། ཆར་རྡུལ། ཆུ་རྡུལ། ཆུ་ཡི་ཟེགས་མ། ཆུ་ཡི་ཟེར་བཅས་སོ། ། |
| ཆར་འབབ |
དུས་གཟེར་ཉེར་བཞིའི་ནང་གི་དུས་གཟེར་ཞིག་ལུགས་གསར་ཀྱི་ཟླ་བ་གཉིས་པའི་ཚེས་བཅོ་བརྒྱད་དམ་བཅུ་དགུ་ཉི་ཤུ་རིགས་ལ་འབྱུང་། |
| ཆར་འབབ་དུས |
(མངོན་བརྗོད།) དབྱར། |
| ཆར་འབེབས |
1.ཆར་བ་འབབ་པར་བྱེད་པ། 2.(མངོན་བརྗོད།) བརྒྱ་བྱིན། |
| ཆར་ཡིབ |
ཆར་བས་མི་སྦང་བར་བྱས་ནས་གཡོལ་བའི་དོན་ཏེ། (དཔེར་ན།) རྒན་མོ་ཞིག་གི་ཁྱིམ་དུ་གནས་ཚང་གཡར་ཏེ་ཆར་ཡིབ་བྱས་ལྟ་བུ། |
| ཆར་རྒྱུན |
ཆེ་ཆུང་བར་མ་ཅི་རིགས་སུ་འབབ་པའི་ཆར་གྱི་རྒྱུན་ཏེ། (དཔེར་ན།) དབྱར་དུས་ཆར་རྒྱུན་དུས་སུ་བབས་པ་ལྟ་བུ། |
| ཆར་རྒྱུན་ཟིམ་བུ |
འཇམ་ཆར་ཏེ། (དཔེར་ན།) འབྲུག་སྒྲ་དལ་གྱིས་སྒྲོག་པ་དང་བཅས་ཆར་རྒྱུན་ཟིམ་བུར་བབས་སོང༌ལྟ་བུ། |
| ཆར་རྡུང |
ལུས་ལ་ཆར་བ་ཕོག་པ་སྟེ། (དཔེར་ན།) དེ་རིང་ལམ་བར་ལ་ཆར་རྡུང་འཁེལ་བྱུང༌ལྟ་བུ། |
| ཆར་རྡུལ |
ཆར་ཟིལ། |
| ཆར་རྡོ |
བོན་གྱི་ལུགས་སྲོལ་ཆར་འབེབས་ལ་དགོས་པའི་རྫས་དུད་འགྲོ་བསད་པའི་རྡོ་ཞིག |
| ཆར་རླུང |
ཆར་བ་དང་ལྷགས་རླུང༌སྟེ། (དཔེར་ན།) ཆར་རླུང་དྲག་འཚུབ་ལྟ་བུ། |
| ཆར་ལྡན |
(མངོན་བརྗོད།) 1>སྤྲིན། 2>དབྱར་དུས། |
| ཆར་ལྷགས |
ཆར་བ་དང་ལྷགས་པའི་བསྡུས་མིང་སྟེ། (དཔེར་ན།) མདང་དགོང་ཆར་ལྷགས་ཀྱི་འུར་སྒྲ་ཆེ་བས་གཉིད་ཁུག་མ་བྱུང༌། ཆར་ལྷགས་བཀག་ཅེས་པ་ལྟ་བུ། |
| ཆར་སིམ་བུ |
ཆར་ཟིམ་བུ་དང་འདྲ། |
| ཆར་སྐྱིབས |
ཆར་བ་ལས་གཡོལ་སའི་གནས། |
| ཆར་སྐྱེས |
(མངོན་བརྗོད།) སྦལ་བ། |
| ཆར་སྐྱོབ |
གདུགས་སམ་ཁང་བའི་ཐོག |
| ཆར་སྟོབས |
ཆར་བ་ཆེ་ཆུང་གི་ཚད། |
| ཆར་སྡོད་བྱིའུ |
ཁུག་རྟའམ་འདག་བྱིའུ་སྟེ། (དཔེར་ན།) ཆར་སྡོད་བྱིའུ་སྐོམ་ན་ཡང༌། ས་ལ་འབབ་པའི་ཆུ་མི་འཐུང༌ལྟ་བུ། |
| ཆར་སྣེ་རླུང་ཁྲིད |
བྱ་སྤྱོད་ངན་པའམ་རྐྱེན་ངན་གྱི་སྣེ་འཁྲིད་བྱེད་པའི་དཔེ། |
| ཆར་སྤྲིན |
ཆར་བ་འབབ་རྒྱུ་ཡོད་པའི་སྤྲིན་ཏེ། (དཔེར་ན།) ཆར་སྤྲིན་ནག་པོ་འཁྲིགས་ཞེས་པ་ལྟ་བུ། |
| ཆར་སྦུད |
ཆར་རླུང་འདྲེས་པ། |
| ཆར་སླེའུ |
ཆར་སྐྱོབ་སླེའུའམ་ཕྱར་བ། |
| ཆལ |
དྲི་མ་འཁྲུད་བྱེད་ཀྱི་འདག་རྫས་ཀྱི་མིང་སྟེ། (དཔེར་ན།) འདག་ཆལ། ཁྲུས་ཆལ་ཞེས་པ་ལྟ་བུ། |
| ཆལ་ཆལ |
(རྒྱན་ཚིག) སྒྲའི་ཁྱད་པར་ཞིག་སྟེ། (དཔེར་ན།) མདང་དགོང་མཚན་ལ་ཆར་བ་ཆལ་ཆལ་གྱི་སྒྲ་དང་བཅས་ཏེ་བབས་ལྟ་བུ། |
| ཆལ་ཆིལ |
(རྒྱན་ཚིག) རྦ་རླབས་ཡར་ལངས་ཤིང་མར་འབབ་པའི་རྣམ་པ་སྟེ། (དཔེར་ན།) རྦ་རླབས་ཆལ་ཆིལ་གཡོ་ལྟ་བུ། |
| ཆལ་ཆོལ |
(རྒྱན་ཚིག) ཆལ་ལེ་ཆོལ་ལེའི་བསྡུས་ཚིག |
| ཆལ་བརྡབ |
ཆུའི་རྦ་རླབས་ཆལ་ཆིལ་བརྡབ་པའི་དོན་ཏེ། (དཔེར་ན།) ཆུ་རླུང་འཐབ་པས་རྦ་རླབས་ཆལ་བརྡབ་བྱེད་ཅེས་པ་ལྟ་བུ། |
| ཆལ་མ |
སྙོམས་པོ་དང༌། ཐང་མའི་དོན་ཏེ། (དཔེར་ན།) ཐང་ཆེན་སྟེང་དུ་ཁ་བ་ཆལ་མར་ཁྱབ་འདུག ས་ལུད་ཆལ་མར་རྒྱག་པ། མེ་ཏོག་ཆལ་མར་བཀྲམ་ཞེས་པ་ལྟ་བུ། |
| ཆལ་ལི་ཆིལ་ལི |
(རྒྱན་ཚིག) 1>ཆུའི་རྦ་རླབས་ཆེས་ཆེར་གཡོ་སྟངས་ཏེ། (དཔེར་ན།) རྒྱ་མཚོའི་རླབས་ཕྲེང་ཆལ་ལི་ཆིལ་ལིར་ལངས་པ། རྦ་རླབས་ཆལ་ལི་ཆིལ་ལི་འཕྱུར་ལྟ་བུ། 2>ཆར་ཞོད་ཆེན་པོ་འབབ་ཚུལ་ཏེ། (དཔེར་ན།) ཆར་བ་ཆལ་ལི་ཆིལ་ལིར་བབ་ཅེས་པ་ལྟ་བུ། |
| ཆལ་ལེ་ཆོལ་ལེ |
(རྒྱན་ཚིག) 1>ཡང་དག་མིན་པའི་རྣམ་པ་སྟེ། (དཔེར་ན།) གཏམ་ཆལ་ལེ་ཆོལ་ལེ་ལ་སྙིང་པོ་མེད། ལས་དོན་ཆལ་ཆོལ་མིན་པར་དངོས་གཙང་བྱེད་ཅེས་པ་ལྟ་བུ། 2>བཟང་ངན་སྣ་ཚོགས་འདྲེས་པའི་རྣམ་པ་སྟེ། (དཔེར་ན།) བསམ་ཚུལ་ཆལ་ལེ་ཆོལ་ལེ་ཞེས་པ་ལྟ་བུ། 3>རིག་ཤེས་མི་བརྟན་པའི་དོན་ཏེ། (དཔེར་ན།) ཁོ་ནི་སྨྱོན་པ་བཞིན་དུ་ཅི་དྲན་འདི་དྲན་མེད་པའི་སེམས་ཆལ་ལེ་ཆོལ་ལེ་ཞིག་རེད་ཅེས་པ་ལྟ་བུ། |
| ཆལ་སྒྲ |
ཆུ་རླབས་འཕྱུར་སྐད་ལྟ་བུ་སྒྲའི་ཁྱད་པར་ཞིག་སྟེ། (དཔེར་ན།) ཆུ་བྲག་འཐབ་སར་རྦ་རླབས་ཀྱི་ཆལ་སྒྲ་རྒྱུན་མི་འཆད་པར་སྒྲོག་ལྟ་བུ། |
| ཆས |
1.(བྱེད་མེད་ལས་ཚིག) ལམ་ལ་འགྲོ་བའི་དོན་ཏེ། (དཔེར་ན།) ལམ་ལ་ཆས། ཚོང་ལ་ཆས། ལྷ་ས་ནས་ཆས་ཏེ་པེ་ཅིན་ལ་སོང་ལྟ་བུ། མ་འོངས་པ་དང་ད་ལྟ་བར་ཆ་འབྲི་སྲོལ་ཡོད། 2. ཕྱུགས་ཟོག་གསོ་བྱེད་ཀྱི་འབྲུ་རིགས་སོགས་ཀྱི་མིང་སྟེ། (དཔེར་ན།) རྩྭ་ཆས། གཟན་ཆས། རྟ་ཆས་ཞེས་པ་ལྟ་བུ། |
| ཆས་ཀ |
གོས་རྒྱན་ཆ་ལུགས་ཀྱི་དོན་ཏེ། (དཔེར་ན།) ཕོ་ཆས། བུ་མོའི་ཆས་སུ་ཞུགས་པ། བོད་ཆས། མོ་ཆས། དམག་ཆས། གྲྭ་ཆས། མི་རིགས་སོ་སོའི་ཆས་ཀ་མི་འདྲ། བུད་མེད་སྐྱེས་པའི་ཆས་སུ་འཇུག་པ་ལྟ་བུ། |
| ཆས་ཁོག |
(ཡུལ་སྐད།) བ་ཕྱུགས་སོགས་ལ་ལྟོ་སྟེར་སྣོད། |
| ཆས་གཡོག་མཁན |
གཞན་ལ་གཟབ་མཆོར་སྤྲས་རོགས་བྱེད་མཁན་ནམ། མཛེས་ཆོས་བྱེད་རོགས་ཀྱི་མི། |
| ཆས་གུར |
ཞབས་བྲོ་སོགས་འཁྲབ་དུས་ཆས་གྱོན་སའི་གུར། |
| ཆས་གོས |
ཆ་ལུགས་ཀྱི་གོས། |
| ཆས་པ |
(བྱེད་མེད་ལས་ཚིག) འགྲོ་བའམ་སོང་བའི་དོན་ཏེ། (དཔེར་ན།) ཡུལ་གཞན་དུ་ཆས་པ། ན་ནས་འཆི་ཁར་ཆས། ཚོང་ལ་ཆས་ལྟ་བུ། |
| ཆས་བླུག |
ཁ་བཤལ་བ་དང་ལག་པ་འཁྲུ་བའི་ཆུ་སྣོད་སྤྱི་བླུག་གི་རིགས་གཅིག་གི་མིང་། |
| ཆས་ཞུགས |
ཆ་ལུགས་སྤྲས་པའི་དོན་ཏེ། (དཔེར་ན།) ཟློས་གར་གྱི་ཆས་ཞུགས་པ་རྣམས་སྡིངས་ཆའི་སྟེང་དུ་ཡོང་བ་ལྟ་བུ། |
| ཆས་སུ་ཞུགས་པ |
ཕྱི་འཇུག་གི་ནང་གསེས་ཤིག་སློབ་མ་ལ་བྱིན་གྱིས་བརླབས་པའི་གོས་དམར་པོ་སོགས་སྨད་གཡོགས་གསོལ། སྟོད་གཡོགས་དགབ། གཙུག་ཏོར་བསྐོན་པའོ། ། |
| ཆི |
(ཡུལ་སྐད།) ཅིའམ་ག་རེ་ཞེས་པའི་ཡུལ་སྐད་དེ། (དཔེར་ན།) ཅི་ཡིན་ལ་ཆི་ཡིན། ཅི་བྱེད་ལ་ཆི་བྱེད། ཅི་ཟེར་ལ་ཆི་ཟེར་ཞེས་པ་ལྟ་བུ། |
| ཆི་གུ |
ཅི་ཡིན་མ་ཤེས་ཞེས་པའི་ཡུལ་སྐད་དེ། (དཔེར་ན།) ཁོ་སྨན་པ་བཟང་བོ་ཞིག་ཡིན་མིན་ཆི་གུ། ཁྱོད་ལས་བྱེད་པ་ཡིན་མིན་ཆི་གུ་ལྟ་བུ།(ཨ་མདོའི་ཁ་སྐད་དང་གནའ་དུས་ཀྱི་བོད་ཡིག་ལ་དར་ཁྱབ་ཆེ) |
| ཆི་གེ |
(སོག་སྐད།) རྟ་རྒོད་མའི་འོ་མ། |
| ཆི་བི་ཁ |
1.ཤིང་འབྲས་ཤིག 2.མ་ནུ་རྟ་སྐམ་སྟེ། རོ་མངར། ཞུ་རྗེས་སྙོམས། ནུས་པས་བད་ཀན་སྨུག་སེར་དང༌། རེག་དུག་སོགས་ལ་ཕན། |
| ཆི་ལི་ལི |
(རྒྱན་ཚིག) 1>ཆུ་ཁོལ་བ་ལྟ་བུའི་སྒྲ་སྟེ། (དཔེར་ན།) ཆུ་ཕྲན་འབབ་པའི་སྐད་སྒྲ་ཆི་ལི་ལི་ཞེས་པ་ལྟ་བུ། 2>དྲི་ངད་འཐུ་ལུ་ལུ་བྱེད་པའི་དོན་ཏེ། (དཔེར་ན།) སྤོས་དྲི་ཆི་ལི་ལི། རུལ་དྲི་ཆི་ལི་ལི་ཞེས་པ་ལྟ་བུ། འདི་ལ་ཀྱི་ལི་ལི་ཞེས་བྲིས་ཀྱང་ཆོག |
| ཆིག |
གཅིག་ཅེས་པའི་ཡིག་གཟུགས་འགྱུར་བ་སྟེ། (དཔེར་ན།) ཁྲི་གཅིག་ལ་ཆིག་ཁྲི། འབུམ་གཅིག་ལ་ཆིག་འབུམ། ཆིག་འབུམ། ཆིག་ཁྲི། ཆིག་སྟོང་། ཆིག་བརྒྱ་ཞེས་པ་ལྟ་བུ། |
| ཆིག་ཆོད |
གཅད་བྱ་མང་པོ་གཅོད་བྱེད་གཅིག་གིས་ཆོད་པ་སྟེ། (དཔེར་ན།) བཅུ་གོ་ཆིག་ཆོད། བསམ་ཚུལ་མང་བས་བརྒྱ་ཁ་ཆིག་ཆོད་མི་ཐུབ་པ། ལོ་ཏོག་ལུང་པ་གང་ལ་ཟོར་བ་གཅིག་གིས་ཆིག་ཆོད་བྱེད་ཐུབ་བམ་ལྟ་བུ། |
| ཆིག་ཐུབ |
གཅིག་པུས་ཕན་ཐོགས་པ་དང༌། རང་རྐྱ་འཕེར་བའི་དོན་ཏེ། (དཔེར་ན།) སྨན་དཀར་པོ་ཆིག་ཐུབ། སྲོག་ཤིང་ཆིག་ཐུབ། ཁེར་རྐྱང་གིས་ཆིག་ཐུབ་མི་ཡོང༌ལྟ་བུ། |
| ཆིག་བརྒྱུད |
མི་རེ་ཁོ་ནར་རིམ་པར་བརྒྱུད་པའི་དོན་ཏེ། (དཔེར་ན།) གདམས་ངག་ཆིག་བརྒྱུད་ཅེས་པ་ལྟ་བུ། |
| ཆིག་ཚུགས |
རང་ཚུགས་འཛིན་ཐུབ་པའི་དོན་ཏེ། (དཔེར་ན།) ཆིག་ཚུགས་ཐུབ་པའི་སྙིང་སྟོབས་ཡོད་ཅེས་པ་ལྟ་བུ། |
| ཆིག་འདྲིལ |
གཅིག་ཏུ་སྡུམ་པ་སྟེ། (དཔེར་ན།) བསམ་ཚུལ་ཆིག་འདྲིལ། ཆུ་རྒྱུན་མང་པོ་རྒྱ་མཚོར་ཆིག་འདྲིལ། མི་རྣམས་བསམ་པ་ཆིག་འདྲིལ་ཡོང་བའི་ཐབས་གལ་ཆེ་ཞེས་པ་ལྟ་བུ། |
| ཆིག་རྐྱ་བ |
གཅིག་པུའི་རང་ཚུགས་ཏེ། (དཔེར་ན།) ལས་འགན་ཆིག་རྐྱ་བར་སྒྲུབ་པ། འཚོ་བ་ཆིག་རྐྱ་བར་སྐྱེལ་ཐུབ་ཅེས་པ་ལྟ་བུ། |
| ཆིག་རྐྱང |
གཅིག་པུའམ་གཅིག་རྐྱང༌གི་དོན་ཏེ། (དཔེར་ན།) རང་ཉིད་ཆིག་རྐྱང་འགྲོ་བ། ལས་རིགས་ཆིག་རྐྱང༌། ཁྱིམ་ཚང་ནང་ལ་ཆིག་རྐྱང་དུ་སྡོད་པ་ཞེས་པ་ལྟ་བུ། |
| ཆིག་རྒྱུ་ཉིས་སྤུན |
ཐགས་ཀྱི་རྒྱུ་གཅིག་ལ་སྤུན་གཉིས་རེ་ཡོད་པ། |
| ཆིག་ལབ |
གྲོས་རོགས་གཞན་མེད་པར་རང་གཅིག་པུར་གཏམ་སྨྲ་བ་སྟེ། (དཔེར་ན།) རང་ལ་རང་གིས་སྐུལ་ལྕག་གཏོང་བའི་ཆིག་ལབ་བྱེད། སྨྱོན་པའི་ཆིག་ལབ་ཅེས་པ་ལྟ་བུ། |
| ཆིག་ཤད |
ཡི་གེའི་ཤད། "།"འདི་ལྟ་བུའི་མིང་སྟེ། ཚིག་ལྷུག་གི་མིང་མཚམས་དང༌། ཚིག་མཚམས། ཚིགས་བཅད་ཀྱི་རྐང་མཐར་རྗེས་འཇུག་ག་ཡིག་ཡོད་སར་འབྲི་རྒྱུའི་ཆིག་ཤད། |
| ཆིག་སྐྱ་བ |
ཆིག་རྐྱ་བ་དང་འདྲ། |
| ཆིག་སྐྱེས |
གཅིག་པུར་སྐྱེས་པའི་རྩྭ་ཤིང༌། |
| ཆིག་སྐྱེས་དབང་ལག |
སྔོ་ཞིག |
| ཆིག་སྒྲིལ |
1.ཤོག་བུ་སོགས་ཁེར་རྐྱང་རེ་ཧྲིལ་པོར་སྒྲིལ་བ། 2.ཁག་མང་ཕྱོགས་གཅིག་ཏུ་སྡུད་པ་སྟེ། (དཔེར་ན།) སྟོབས་ཤུགས་ཆིག་སྒྲིལ། བསམ་འཆར་ཆིག་སྒྲིལ་ཞེས་པ་ལྟ་བུ། |
| ཆིང་སང |
ཕྱིང་སང་དང་འདྲ། |
| ཆིངས |
1.འཆིང་བའི་སྐུལ་ཚིག 2.ཁ་དན་གྱི་ཡི་གེ་སྟེ། (དཔེར་ན།) ཞི་ཆིངས། ཚོང་ཆིངས། ཆིངས་བཞག་རྒྱལ་ཁབ། ཆིངས་འགྲིག་ལྟ་བུ། 3.ས་བཅད་དམ་དོན་གྱི་འགག་མདོ་དྲིལ་བའི་སྡོམ་ཚིག་སྟེ། (དཔེར་ན།) སྤྱི་ཆིངས། དམག་དོན་གྱི་ཆིངས་ལྟ་བུ།4.དཀྲི་བྱེད་དམ་སྡོམ་བྱེད་ཀྱི་མིང་སྟེ། (དཔེར་ན།) རྨས་མའི་རྨ་ཁ་དཀྲི་བྱེད་ལ་རྨས་ཆིངས་དང་། མགུལ་བ་དཀྲི་བྱེད་ལ་མགུལ་ཆིངས། མགོ་ལ་ཆིངས་བརྒྱབ་ཟེར་བ་ལྟ་བུ། |
| ཆིངས་མ |
མདོང་མོ་སོགས་ཀྱི་ཕྱི་རོལ་གྱི་སྐེད་པ་དང་མགོ་མཇུག་ནས་དམ་པོར་སྡོམ་བྱེད་ལྕགས་ཤན་སོགས་ཏེ། (དཔེར་ན།) ཟོམ་ཆིངས། སྨྱུག་ཆིངས། མདོང་མོའི་སྐེད་ཆིངས། སམ་ཊའི་སྐེད་ཆིངས། དུང་རྒྱ་གླིང་གི་སྐེད་ཆིངས་ལྟ་བུ། |
| ཆིངས་ཡིག |
1.རྒྱལ་ཁབ་དང་རྒྱལ་ཁབ་ཀྱི་བར་དུ་ཆབ་སྲིད་དང་དཔལ་འབྱོར་རིག་གནས་སོགས་ཀྱི་འབྲེལ་བའི་ཐད་འོས་འགན་དང་དབང་ཆ་སོགས་གཏན་ལ་ཕབ་ཅིང་ཕྱོགས་གཉིས་ཀས་བརྩི་དགོས་པའི་ཡིག་ཆའི་མིང་། 2.རྩོམ་གཞུང་གི་སྤྱི་སྡོམ་གྱི་མིང་སྟེ། (དཔེར་ན།) ལག་ལེན་མན་ངག་གི་ཆིངས་འགྲེལ་བ། འབྲུ་འགྲེལ་གྱི་ཆིངས་ཞེས་པ་ལྟ་བུ།3.བཅིང་གི་སྐུལ་ཚིག |
| ཆིངས་ལྔ |
གཞུང་ཆེན་ཀློག་སྐབས་ཀྱི་ཆིངས་ལྔ་སྟེ། ཁོག་དབུབ་སྟོང་ཐུན་གྱི་ཆིངས་དང༌། ས་བཅད་རྣམ་འབྱེད་ཀྱི་ཆིངས། འབྲེལ་པ་འབྲུ་འགྲེལ་གྱི་ཆིངས། བསྡུས་དོན་གྱི་ཆིངས། ལག་ལེན་མན་ངག་གི་ཆིངས། |
| ཆིན་ཝང |
(རྒྱ་སྐད།) གོ་མིང་ཞིག |
| ཆིབ་ཆིབ |
(རྒྱན་ཚིག) དཀར་པོའི་རྣམ་པ་མཚོན་ཚུལ་ཞིག་སྟེ། (དཔེར་ན།) མེ་ཏོག་དཀར་པོས་སྐྱ་ཆིབ་ཆིབ་ཏུ་གང་འདུག་ལྟ་བུ། |
| ཆིབ་པ |
(བརྡ་རྙིང་།) ཁྱབ་པ། |
| ཆིབས |
བཅིབ་ཀྱི་སྐུལ་ཚིག |
| ཆིབས་ཁ |
རྟ་ཁའི་ཞེ་ས་སྟེ། (དཔེར་ན།) མི་བགྲེས་སོང་གི་ཆིབས་ཁ་ཁྲིད་ཅེས་པ་ལྟ་བུ། |
| ཆིབས་ཁ་ཐུབ་པ |
ཁྱེའུ་རྟ་ཁ་ལོ་སྒྱུར་ཐུབ་ཚོད་དུ་སླེབས་པ། |
| ཆིབས་ཆག་འུ་ལག |
སྔར་༸གོང་ས་ཏཱ་ལའི་བླ་མའི་རྟ་དྲེལ་སོགས་ལ་སྟེར་རྒྱུའི་སྲན་ཆག་སྐྱེལ་འདྲེན་བྱེད་པའི་འུ་ལག་ཅིག |
| ཆིབས་ཆས |
སྒ་དང་སྲབ་རྨེད་སོགས་རྟ་ཆས། |
| ཆིབས་ཆེན |
མི་ཆེན་གྱི་བཞོན་རྟའི་ཞེ་ས། |
| ཆིབས་ཏོག |
བླ་མའི་རྟ་མགོར་རྒྱག་རྒྱུའི་ཏོག |
| ཆིབས་དཔོན |
རྟ་དྲེལ་གྱི་ལས་ཀ་བྱེད་མཁན་གཙོ་བོ། |
| ཆིབས་དར་བ |
སྔར་༸གོང་ས་ཏཱ་ལའི་བླ་མ་ཆིབས་བསྒྱུར་སྐབས་རྟ་ཐོག་ཏུ་དར་ཆ་འཁུར་མཁན། |
| ཆིབས་པ |
བཞོན་པའི་ཞེ་ས་སྟེ། (དཔེར་ན།) ཆིབས་པ་བཅིབས་པ། ཆིབས་པའི་ཐོག་ནས་བཤོལ་བ། ཆིབས་པ་འཆག་ས་ལྟ་བུ། |
| ཆིབས་བཀྱག |
(ཡུལ་སྐད།) རྟ་ཞོན་ས་དང་འབབ་སའི་སྟེགས་བུ། |
| ཆིབས་བསུ |
1.བཞོན་པ་བཏང་ནས་བསུ་བ། 2.རྟ་བཞོན་ནས་བསུ་བར་འགྲོ་བ། |
| ཆིབས་བསྐྱོད |
འགྲོ་འོང་བྱེད་པའི་ཞེ་ས་སྟེ། (དཔེར་ན།) གཟིགས་སྐོར་དུ་ཆིབས་བསྐྱོད་གནང་ལྟ་བུ། |
| ཆིབས་བསྒྱུར |
རྐང་ཐང་ངམ་རྟ་ཐོག་ནས་འགྲོ་བའི་ཞེ་ཚིག་སྟེ (དཔེར་ན།) ད་ནངས་ནས་ཆིབས་བསྒྱུར་གནང་སོང༌། ད་ཆིབས་བསྒྱུར་གནང་རོགས་ལྟ་བུ། |
| ཆིབས་བྱམས |
ཕེབས་བྱམས། |
| ཆིབས་ཞབས |
ཆིབས་བསྒྱུར་སྐབས་ཀྱི་ཞབས་ཕྱི་བ་སྟེ། (དཔེར་ན།) ཆིབས་བསྒྱུར་སྐབས་ཆིབས་ཞབས་སུ་བཅར་བ་ཡིན་ལྟ་བུ། |
| ཆིབས་འདྲ |
(ཡུལ་སྐད།) ཆིབས་གསོར། |
| ཆིབས་ར |
རྟ་རའི་ཞེ་ས། |
| ཆིབས་རགས |
རྟ་བཞོན་གྱི་ཕྲེང་སྟར། |
| ཆིབས་རེས |
སྔར་དགའ་ལྡན་དགོན་པའི་མཐོ་རིམ་སྐུ་དྲག་རྣམས་ལ་མི་སེར་གྱིས་རྟ་ཁྲལ་རེ་མོས་ཀྱིས་གཏོང་བ། |
| ཆིབས་རོལ |
བཞོན་པའི་ཉེ་འགྲམ། |
| ཆིབས་རྟ |
བཞོན་རྟ། |
| ཆིབས་ལྕག |
རྟ་ལྕག་གི་ཞེ་ས། |
| ཆིབས་སྐྱེལ |
རྟ་བཞོན་གྱི་སྐྱེལ་མ། |
| ཆིབས་སྒ |
རྟ་སྒའམ་བཞོན་སྒ་སྟེ། (དཔེར་ན།) ཕེབས་རྡོག་མ་ཐོན་གོང་ནས་ཆིབས་སྒ་སྒྲོན་ལྟ་བུ། |
| ཆིབས་སྟེགས |
རྟ་ཞོན་སའི་སྟེགས་བུ། |
| ཆིབས་སྦྱངས་པ |
1.རྟ་ཞོན་སྟངས་སྦྱངས་པ། 2.རྟ་ལ་འགྲོས་སློབ་པ། |
| ཆིབས་སྦྱོང |
སྔར་༸གོང་ས་ཏཱ་ལའི་བླ་མའི་ཆིབས་བསྒྱུར་དངོས་གཞིའི་སྔ་ཉིན་ཚོད་ལྟ་གྲ་སྒྲིག་གི་ཆིབས་སྦྱོང་བྱེད་པ། |
| ཆིར |
གཅིར་གྱི་སྐུལ་ཚིག |
| ཆིར་གྱིས་ཆིར |
ཆིར་གྱིས་བཅིར་དང་འདྲ། |
| ཆིར་གྱིས་བཅིར |
(བརྡ་རྙིང་།) 1>བར་དུ་མནན་ཏེ་བཙིར་བ། 2>གཅུས་རིལ་བསྐོར་ཏེ་བཙིར་བ། |
| ཆིར་ཆིར |
(རྒྱན་ཚིག) མདོག་དང་རི་མོ་ཁྲ་ཤིག་ཤིག |
| ཆིལ |
འཇིལ་གྱི་སྐུལ་ཚིག་ལ་ཆིལ་འབྲི་བའང་ཡོད། |
| ཆིལ་ཆིལ |
(རྒྱན་ཚིག) 1>ཆུ་འཁོལ་སྟངས་ཀྱི་རྣམ་པ་ཞིག། 2>ཆུའི་རྦ་རླབས་གཡོ་བའི་སྒྲ་རྦ་རླབས་ཆིལ་ཆིལ་གཡོ་ལྟ་བུ། 3>ཆར་ཆེན་འབབ་པའི་སྒྲའི་རྣམ་འགྱུར་ཞིག |
| ཆིལ་མན |
(རྒྱ་སྐད།) བསྙལ་ནས་ལངས་པའི་གྲོ་ཟན། |
| ཆིལ་མན་མོག་མོག |
(རྒྱ་སྐད།) གྲོ་ཟན་རླངས་བཙོས་ཀྱི་མོག་མོག་སོབ་སོབ། |
| ཆུ |
1.དྲི་རོ་ཁ་ཏོག་མེད་པའི་བརླན་གཤེེར་གྱི་མིང་སྟེ། (དཔེར་ན།) ཆུ་ཁོལ། ཆུ་འཁྱག་ཅེས་པ་ལྟ་བུ། མིང་གི་རྣམ་གྲངས་ལ་སྒོ་ཀུན་འགྲོ་དང༌། ངན་སེལ། ཉལ་འགྲོ། བཏུང་བྱ། ཐུར་འགྲོ། དག་བྱེད། འབྲུ་ཕན་བཅས་སོ། ། 2.དཀྱུས་སམ་སྲིད་ཀྱི་དོན་ཏེ། (དཔེར་ན།) ཆུ་ཞེང༌ཞེས་པ་ལྟ་བུ། |
| ཆུ་ཀླུང |
འབབ་ཆུའམ། ཆུ་རྒྱུན་གྱི་དོན་ཏེ། (དཔེར་ན།) ཆུ་ཀླུང་ཆུང་ཆུང༌། ཆུ་ཀླུང་ཆེན་པོ། ཆུ་ཀླུང་དྲག་པོ་ཐུར་དུ་འབབ་པ་གྱེན་དུ་ལྡོག་པའི་མཐུ་མེད་ཅེས་པ་ལྟ་བུ། |
| ཆུ་ཀླུང་མཚོ |
(མངོན་བརྗོད།) མཐོ་རིས་ཀྱི་རྒྱ་མཚོ། |
| ཆུ་ཀླུང་འགྲམ་རྒྱུད |
ཆུ་ཆེན་གྱི་མཐའ་འགྲམ། |
| ཆུ་ཀླུང་འོད་སྲུངས |
སྟོན་པ་ཤཱཀྱ་ཐུབ་པའི་ཉེ་འཁོར་གནས་བརྟན་འོད་སྲུངས་ཆེ་ཆུང་གསུམ་ནང་གི་འབྲིང་བ་དེ་སྔར་མུ་སྟེགས་པའི་གྲུབ་མཐའ་ནས་ཕྱིས་སངས་རྒྱས་ཤཱཀྱ་ཐུབ་པའི་ཞབས་ལ་གཏུགས་ཏེ་ཉན་ཐོས་སུ་གྱུར་པ་ཞིག་གི་མཚན། |
| ཆུ་ཀླུང་རབ་མེད |
1.རབ་རྒྱག་མི་ཐུབ་པའི་ཆུ་བོ་ཆེན་པོ། 2.ཐལ་ཚན་གྱི་ཆུ་བོ་རབ་མེད་དེ། ཉེ་འཁོར་བའི་དམྱལ་གནས་ཤིག |
| ཆུ་ཀླུང་སྐལ་ལྡན་ཤིང་རྟའི་རྒྱུན |
འདི་ཆུ་བོ་གངྒ་ཡི་རྒྱུན་ཡིན་ཞིང་ལོ་རྒྱུས་ལ་རྒྱལ་པོ་སྐལ་ལྡན་ཤིང་རྟས་ཁྱབ་འཇུག་ལ་མཆོད་པ་འབུལ་བའི་ཆེད་དུ་རལ་པའི་ནང་ནས་ཆུ་བོ་གངྒ་ཕབ་པ་ཡིན་ཟེར་བའི་ཤོད་སྲོལ་ལྟར་མིང་བཏགས་པ། |
| ཆུ་ཀློང |
ཆུའི་ནང་ངམ་ཆུའི་དཀྱིལ། |
| ཆུ་ཁ |
1.གཙང་པོའི་འགྲམ་མམ་ས་ཆུ་འབྲེལ་མཚམས་ཏེ། (དཔེར་ན།) ཆུ་ཁའི་གྲམ་ཐང༌། ཆུ་ཁའི་རྡོ་ཧྲུག་ཅེས་པ་ལྟ་བུ། 2.ཆུའི་སྟེང༌གི་དོན་ཏེ། (དཔེར་ན།) གཙང་པོའི་ཆུ་ཁ། མཚེའུ་ཡི་ཆུ་ཁ་ནས་གྲུ་ཤན་གཏོང་ལྟ་བུ། 3.ཆུའི་ཕ་རོལ་ཏུ་འགྲོ་སའི་འབབ་ཚུགས་ཏེ། (དཔེར་ན།) རྒྱ་མཚོའི་ཆུ་ཁ། གཙང་པོའི་ཆུ་ཁ། 4.གཅི་ལམ་གྱི་ཁ་སྟེ། གཅིན་གཏོང་སྐབས་ཆུ་ཁ་ཚ་བ་ཞེས་པ་ལྟ་བུ། |
| ཆུ་ཁ་ལེབ |
(ཡུལ་སྐད།) རྫ་སྣོད་ལ་འཇམ་ཤ་འདོན་བྱེད་ཤ་བའི་ཀོ་བ་དུམ་བུའི་མིང༌། |
| ཆུ་ཁ་སྙི་བ |
མཁལ་མ་དང་ལྒང་པའི་དྲོད་ཉམས་པ་ལས་བྱུང་བའི་གཅིན་པ་ཡང་ཡང་འཛག་པའི་གཅིན་སྙིའི་ནད། |
| ཆུ་ཁམས |
འབྱུང་རྩིས་ནང་གི་ས་ཆུ་མེ་ཤིང་ལྕགས་ཁམས་ལྔའི་ཡ་གྱལ་ཞིག |
| ཆུ་ཁུག |
རྒྱུག་ཆུའི་ཟུར་ཁུག་སྟེ། (དཔེར་ན།) རྟ་རྒོད་ཆུ་ཁུག་ཏུ་བཙུད་དེ་བཟུང་ལྟ་བུ། |
| ཆུ་ཁུང |
ཆུ་འགྲོ་སའི་ཁུང་བུ། |
| ཆུ་ཁུར |
(མངོན་བརྗོད།) སྤྲིན་པ། |
| ཆུ་ཁེབས |
སྒེ་ཁུང་གི་སྟེང་ནས་བཏང་བའི་ཆར་ཁེབས། |
| ཆུ་ཁོལ |
བསྐོལ་ཟིན་པའི་ཆུ་ཁོལ་མ། |
| ཆུ་གང |
(བརྡ་རྙིང་།) 1>སྙིང་སྟོབས། 2>ལེགས་པ། |
| ཆུ་གཅོད་པ |
1.ཆུ་རྒྱུན་འགོག་པ། 2.ཆུ་འཐུང་དུ་མི་འཇུག་པའི་དོན་ཏེ། (དཔེར་ན།) ཕྱུགས་ལ་དཀར་རྩི་གཏོང་དུས་ཉིན་ཤས་རིང་ཆུ་གཅོད་དགོས་ལྟ་བུ། |
| ཆུ་གཉིས་བར |
ཆུ་གཉིས་ཀྱི་བར་སྟོང༌། |
| ཆུ་གཉེར |
1.ཆུ་རིས་སམ་ཆུའི་གཉེར་མའི་མིང་། མིང་གི་རྣམ་གྲངས་ལ་ཁྲེམ་གཉེར་དང༌། ཆིལ་སྒྲོག་མཚར་གཡོ། རླབས་ཀྱི་རི་མོ་བཅས་སོ། །2.ཆུའི་དོ་དམ་པ། |
| ཆུ་གཏིག་པ |
ཐིགས་པ་འབབ་ཏུ་འཇུག་པའི་དོན་ཏེ། (དཔེར་ན།) མེ་ཏོག་ནང་དུ་ཆུ་གཏིག་ཅེས་པ་ལྟ་བུ། |
| ཆུ་གཏེར |
(མངོན་བརྗོད།) རྒྱ་མཚོ་ཆེན་པོ། |
| ཆུ་གཏེར་བཞི |
རི་རབ་ཀྱི་ཕྱོགས་བཞིའི་རྒྱ་མཚོ་བཞིའོ། ། |
| ཆུ་གཏེར་མུ་ཁྱུད |
ཕྱིའི་ལྕགས་རི། |
| ཆུ་གཏེར་ཟུར |
མཚོའི་ཁུག |
| ཆུ་གཏེར་ལམ |
(མངོན་བརྗོད།) གྲུ་གཟིངས། |
| ཆུ་གཏེར་སྐེ་རགས་ཅན |
(མངོན་བརྗོད།) ས་གཞི། |
| ཆུ་གཏོར |
ཆུ་སྦྱིན་གཏོར་མ་སྟེ་ཟངས་སོགས་ཀྱི་སྣོད་དུ་འོ་ཆུ་དང་ཟན་རིལ་ལམ་ནས་ཡོས་སོགས་བླུགས་ནས་མཆོད་པ་དང་བསྔོ་བ་བྱེད་པའི་ཆོ་ག་ཞིག |
| ཆུ་གདན |
བྱིས་པ་ཆུང་ངུའི་དྲི་ཆུའི་གདན། |
| ཆུ་གཞུང |
འབབ་ཆུའི་གཞུང༌། |
| ཆུ་གཟར |
ཤིང་ལས་བཟོས་པའི་ཆུ་འཆུ་བྱེད་ཀྱི་སྐྱོགས། |
| ཆུ་གར |
ས་མིང་ཞིག་སྟེ། མདོ་ཁམས་བཙན་ལྷ་རྫོང་གི་བྱང་རྒྱུད་ན་ཡོད། |
| ཆུ་གཤམ |
ཆུ་འདབས་སམ་ཆུ་མཇུག |
| ཆུ་གཤོང |
ཆུ་ཡོད་པའི་ས་གཤོང་བུ། |
| ཆུ་གསུམ |
རྫོང་ཞིག་བོད་དབུས་ཀྱི་ལྷོ་རྒྱུད་དང་ཡར་ཀླུངས་གཙང་པོའི་ལྷོ་ངོས་སུ་ཡོད། |
| ཆུ་གྲམ་མཉམ་འཇགས |
རྩོད་གླེང་སོགས་ཕན་ཚུན་གཉིས་ཀས་གླེང་རྒྱུ་མེད་པ་བྱས་པའི་དཔེ། (དཔེར་ན།) རྩོད་གཞི་རྣམས་ཆུ་གྲམ་མཉམ་འཇགས་སུ་བཞག་ནས་ཐག་ཆོད་པ་ལྟ་བུ། |
| ཆུ་གྲི |
1.གྲི་རྣོན་པོའི་དོན་ཏེ། (དཔེར་ན།) ཆུ་གྲིས་སྐྲ་བཞར་བ་ལྟ་བུ། 2.ཀྱོག་ཅིང་ཐུང་བའི་གྲི། |
| ཆུ་གྲོག |
1.ཆུ་འགྲམ་གྱི་གྲོག་རོང་གཡང་ས། 2.(བརྡ་རྙིང་།) 1>ཆུའི་ལྦུ་བ། 2>ཆུ་གྲང་མོ། 3.ཆུ་གྲང་མོའི་ནང་རྩམ་པ་ཞད་ཙམ་བཏབ་ནས་དཀྲུགས་པའི་མཁྲིས་པ་ཚ་བའི་ནད་ལ་ཕན་པའི་སྐོམ་གྱི་བྱེ་བྲག་ཅིག |
| ཆུ་གྲོགས་མེ |
འབྱུང་རྩིས་ལས་བྱུང་བའི་མ་བུ་དགྲ་གྲོགས་ཀྱི་ནང་གསེས་ཤིག |
| ཆུ་གྲོང་ལ |
བོད་ཀྱི་འབྲི་རུ་རྫོང་གི་བྱང་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་4878 ཡོད། |
| ཆུ་གླག |
ཆུ་ལ་གནས་པའི་བྱ་གླག |
| ཆུ་གླང |
1.མཚོ་གླང༌། 2.ལོ་འཁོར་དྲུག་ཅུའི་ནང་ཚན་ཞིག |
| ཆུ་གླིང |
མཐའ་བཞི་ཆུས་བསྐོར་བའི་ས་ཆ། |
| ཆུ་གླེ |
ཆུའི་དཀྱིལ་ནས་ཐོན་པའི་ས་ཆ་འབུར་སྒང་ངམ་གླིང་ཕྲན། |
| ཆུ་གློ |
ནོར་ཕྱུགས་ཀྱི་གློ་བར་ཆུ་སོང་བས་གློ་ལངས་པའི་དོན་ཏེ། (དཔེར་ན།) ཆུ་གློའི་ནད་ནི་དུ་བ་བདུགས་ན་དྲག་ཐུབ་ལྟ་བུ། |
| ཆུ་ངན |
1.ལུས་ལ་གནོད་པའི་ཆུ། 2.ཆུ་ལོག 3.ཕོ་མོ་འཁྲིག་པ་སྤྱོད་སྐབས་མཚན་མའི་བར་ནས་འཛག་པའི་འབྱར་རྩི་ཅན་གྱི་ཆུ། ནུས་པས་མེ་དབལ་དང༌། མེས་ཚིག་པའི་རྨ་ལ་བྱུག་ན་ཟུག་རྔུ་འཇོམས། |
| ཆུ་ངན་ལམ་ཞུགས |
སྔར་སྲོལ་ངན་པའི་རྗེས་སུ་འབྲངས་པའི་དཔེ། (དཔེར་ན།) ལམ་ལུགས་ངན་པ་རྣམས་ཆུ་ངན་ལམ་ཞུགས་སུ་འཇོག་མི་རུང༌ལྟ་བུ། |
| ཆུ་ངན་ལམ་ཤོར |
ཆུ་ངན་ལམ་ཞུགས་དང་དོན་གཅིག |
| ཆུ་ངོགས |
ཆུ་འགྲམ་མམ་ཆུ་ཁའི་མིང། མིང་གི་རྣམ་གྲངས་ལ་ཆུ་ཁ་དང༌། ཆུ་འགྲམ། འཇུག་ངོགས། ཕ་རོལ་ཚུ་རོལ་ངོགས་བཅས་སོ། ། |
| ཆུ་ངོས |
1.ཆུའི་སྟེང་ངམ་ཁ་སྟེ། (དཔེར་ན།) ཆུ་ངོས་གནས་ཚད་མཐོ་རུ་ཕྱིན་འདུག་ལྟ་བུ། 2.ཆུའི་ཕྱོགས། |
| ཆུ་ཅན |
(མངོན་བརྗོད།) ཆུ་སྐྱར། |
| ཆུ་ཅུ་གང |
རྡོ་དང་ཆུ་ལས་བྱུང་བའི་སྨན་ཞིག |
| ཆུ་ཆག |
1.རྟ་དྲེལ་ལ་སྟེར་རྒྱུའི་ཆུ་ལྡུར་དང་སྲན་ཆག་སོགས་ཀྱི་དོན་ཏེ། (དཔེར་ན།) རྟ་ལ་ཆུ་ཆག་བྱིན་ནས་ཤེད་སྟོབས་སྤེལ་དགོས་ལྟ་བུ། 2.ཆུ་གྲང་མོའི་ནང་དུ་མར་བསྐྱར་རྫི་བྱེད་པའི་དོན་ཏེ། (དཔེར་ན།) མར་ཆུ་ཆག་བྱེད་པ་ལྟ་བུ། |
| ཆུ་ཆུ |
ལུས་པོ་འཁྱགས་ནས་འདར་སྐབས་སྐད་འདོན་སྟངས་ཤིག་སྟེ། (དཔེར་ན།) དེ་རིང་གྲང་ངར་ཆེ་བས་མི་ཚང་མས་ཨ་ཆུ་ཆུ་ཞེས་སྐད་ཤོར་སོང༌ལྟ་བུ། |
| ཆུ་ཆུན |
(བརྡ་རྙིང་།) ཆུ་ལེན་པའི་བྲན། |
| ཆུ་ཆེན |
1.ཆུ་ཆེན་པོ། 2.ཆུ་ཀླུང་ངམ་གཙང་པོ། 3.ཆུ་བོ་ཞིག་སྟེ། རྒྱལ་རོང་རྒྱལ་མོ་རྔུལ་ཆུའི་ཆུ་སྐེད་ལ་ཆུ་ཆེན་ཆུ་ཟེར། 4.རྫོང་ཞིག་སྟེ། མདོ་ཁམས་རྔ་པ་ས་ཆའི་ལྷོ་ནུབ་ཕྱོགས་དང་ཆུ་ཆེན་ཆུའི་ནུབ་འགྲམ་ན་ཡོད། |
| ཆུ་ཆོད་པ |
1.ཆུ་འབབ་མཚམས་ཆོད་པ། 2.ཆུ་ཆེན་བརྒལ་ཏེ་ཕ་རོལ་ཏུ་བགྲོད་པ། |
| ཆུ་ཉལ |
(མངོན་བརྗོད།) ཁྲོན་པ། |
| ཆུ་ཉིན་སྲིབ |
ཆུ་གཞུང་ཕར་ཚུར་གྱི་རི་ལྡེབས། |
| ཆུ་ཉུང |
(མངོན་བརྗོད།) ཁུག་རྟ། |
| ཆུ་ཏིག་སྔོན་པོ |
རེས་འགའ་བྱང་ཕྱོགས་ནས་འཆར་བའི་གཟའ་ཞིག་སྒྲ་གཅན་གྱི་སྤྲུལ་པར་གྲགས། |
| ཆུ་ཏྲེམ |
རྐང་ལག་གི་ཆུ་རྒྱུས་རྣམས་གྱོང་པོར་གྱུར་ཏེ། ལུས་འདར་ཞིང་རེངས་འཁུམས་སུ་འགྱུར་བའི་གྲུམ་བུའི་ནད་རིགས་ཤིག |
| ཆུ་ཐག |
1.(ཡུལ་སྐད།) ཤིང་རྟའི་གཉའ་སྦྲེལ་བྱེད་ཐག་པ། 2.ཐོང་པ་དང་གཉའ་ཤིང་སྦྲེལ་བྱེད་ཐག་པ། |
| ཆུ་ཐག་བཅད་པ |
(ཡུལ་སྐད།) 1>ཆུའི་རླན་སྐམ་དུ་བཅུག་པ། 2>ཆུའི་འབབ་རྒྱུན་བཀག་པ། |
| ཆུ་ཐིགས |
ཆུའི་རྡུལ་ལམ་ཐིགས་པའི་དོན་ཏེ། (དཔེར་ན།) ཆུ་ཐིགས་བསགས་ནས་རྒྱ་མཚོ་ཆགས་པ། སྨན་ཆུ་ཆུ་ཐིགས་འགའ་ཞིག་ཞལ་དུ་གསོལ་ཞེས་པ་ལྟ་བུ། |
| ཆུ་ཐོན་ཟམ་པ |
བྱས་རྗེས་དྲིན་གཟོ་མི་བྱེད་པའི་དཔེ་སྟེ། (དཔེར་ན།) བཀའ་དྲིན་རྗེས་སུ་དྲན་པ་ལས་ཆུ་ཐོན་ཟམ་པ་བྱས་པ་མིན་ལྟ་བུ། |
| ཆུ་ཐོན་ཟམ་བོར |
ཆུ་ཐོན་ཟམ་པ་དང་དོན་གཅིག |
| ཆུ་ཐོར |
ཆུ་གོང་ངམ་ཆུ་སེར་གྱི་ཐོར་པ། |
| ཆུ་དགྲ་ས |
འབྱུང་རྩིས་ལས་བྱུང་བའི་མ་བུ་དགྲ་གྲོགས་རྩི་ཚུལ་གྱི་ནང་གསེས་ཤིག |
| ཆུ་དང་ཅོད་པན་གྱི་དབང |
བྱ་རྒྱུད་ཀྱི་འཇུག་སྒོ་ཆོས་སྐུའི་ནུས་པ་རྒྱུད་ལ་འཇོག་བྱེད་ཀྱི་བུམ་པ་ལྔའི་དབང་དང༌། གཟུགས་སྐུའི་ནུས་པ་འཇོག་བྱེད་རིགས་གང་ཡིན་གྱི་དམ་ཚིག་ཕྱག་རྒྱའི་ཅོད་པན་གྱི་དབང་ངོ་། ། |
| ཆུ་དང་མེ་ཕྲད |
མཐུན་ཐབས་མེད་པའི་དཔེ། |
| ཆུ་དངོ |
(བརྡ་རྙིང་།) ཆུ་ངོགས་སམ་ཆུ་འགྲམ། |
| ཆུ་དཔྱད |
1.ནད་པའི་ཆུ་ལ་བརྟག་དཔྱད་བྱས་ནས་ནད་ངོས་འཛིན་པ། 2.ཆུ་འགག་རྡེའུའི་ནད་ཕྱིར་འབྱིན་ཐབས་ཀྱི་དཔྱད། |
| ཆུ་དཔྱད་ཟླ་བའི་མེ་ལོང |
རབ་བྱུང་བདུན་པའི་ནང་ཟུར་མཁར་མཉམ་ཉིད་རྡོ་རྗེས་མཛད་པའི་དྲི་ཆུ་བརྟག་ཐབས་ཀྱི་སྐོར་བཤད་པའི་སྨན་གྱི་བསྟན་བཅོས་ཤིག |
| ཆུ་དབང་ལྔ |
དཀྱིལ་འཁོར་གྱི་ཕྱིའི་འཇུག་སྒོའི་བུམ་པ་དང༌། དཀྱིལ་འཁོར་གཉིས་པར་ལྷ་ཐམས་ཅད་ཀྱི་བུམ་པ་དང༌། གསུམ་པར་ཉན་རང་གི་བུམ་པ་དང༌། བཞི་པར་བྱང་སེམས་ཀྱི་བུམ་པ་དང༌། ལྔ་པར་སངས་རྒྱས་ཀྱི་བུམ་པ་རྣམ་རྒྱལ་ཏེ་ཆུ་དབང་ལྔའོ། ། |
| ཆུ་དབར་སྤྲུལ་སྐུའི་ཕོ་བྲང |
སྟོད་ཕྱོགས་བྲིན་ཞེས་པའི་ས་ཁུལ་གྱི་གནས་ཆེན་ཞིག་སྟེ་མི་ལ་རས་པའི་སྒྲུབ་གནས་ཡིན། |
| ཆུ་དབུས་པ |
དགྲ་བཅོམ་པ་ཉི་མ་གུང་པ། |
| ཆུ་དམར |
འབྲི་ཆུའི་ཆུ་འགོ་བྱང་མ་མཚོ་སྔོན་གྱི་ནུབ་རྒྱུད་དུ་ཡོད། |
| ཆུ་དམར་ལེབ |
མདོ་ཁམས་ཀྱི་ཡུལ་ཞིག་སྟེ། མཚོ་སྔོན་གྱི་སྟོད་རྒྱུད་དང་བ་ཡབ་ཧ་རིའི་འདབས་རྒྱུད་དུ་ཡོད། |
| ཆུ་དར |
1.ཆུ་འགྲམ་དུ་བཙུགས་པའི་དར་ལྕོག 2.ཆུ་བལ་ཡུན་རིང་འཛིངས་ནས་མཁྲེགས་པོར་གྱུར་པའི་དར་ལྟ་བུ། 3.ཆུ་བལ་ལས་བཟོས་པའི་དར། |
| ཆུ་དོང |
ཆུ་ཡོད་པའི་ས་དོང༌། |
| ཆུ་དྭངས |
ནོར་བུ་ཀེ་ཏ་ཀ། |
| ཆུ་དྭངས་མ |
འདམ་རྙོག་མེད་པའི་ཆུའི་དོན་ཏེ། (དཔེར་ན།) ཆུ་དྭངས་མའི་ནང་ན་གྲམ་པ་གསལ་ལྟ་བུ། |
| ཆུ་དྲི་ཞིམ |
ལུས་སོགས་ལ་བྱུག་རྒྱུའི་ཆུ་དྲི་མ་ཞིམ་པོ་ཞིག |
| ཆུ་དྲེག |
ཆུ་ནང་གི་རྡོ་སོགས་ལ་ཆགས་པའི་དྲེག་པ་འཇམ་པོ། |
| ཆུ་ནད |
1.ཆུ་གསོག་པའི་ནད། 2.ལུས་ཀྱི་དྲི་ཆུ་འགག་པའི་ནད། |
| ཆུ་པ |
ཆུ་རྐྱལ་མཁན་གྱི་མི། |
| ཆུ་པད |
ཆུའི་སྲིན་བུ་པད་པ། |
| ཆུ་ཕུགས |
ཆུའི་འབྱུང་ཁུངས་སམ་ཐོག་མ་ཡོང་སའི་ཁུངས། |
| ཆུ་ཕུད |
1.ཆུའི་ཕུད། 2.(ཡུལ་སྐད།) ལོ་གསར་ཚེས་གཅིག་གི་ཐོ་རེངས་སྐབས་ཆུ་ཟོམ་ནང་ཆུ་ཕུད་འཇོག་སྲོལ། |
| ཆུ་ཕོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག |
| ཆུ་ཕྱགས |
གོས་སོགས་ལ་ཆུ་སིབ་སིབ་ཅིག་གཏོར་ནས་གཙང་བདར་བྱེད་པའི་དོན་ཏེ། (དཔེར་ན།) ཆུ་ཕྱགས་རྒྱག་པ་ལྟ་བུ། |
| ཆུ་ཕྱར |
(བརྡ་རྙིང་།) ཝ་ཁའི་ཆུ། |
| ཆུ་ཕྲན |
ཆུ་ཆུང་ངུའི་དོན་ཏེ། (དཔེར་ན།) ཆུ་ཕྲན་རྟག་ཏུ་ཀུ་ཅོ་ཆེ། རྒྱ་མཚོ་ཅ་ཅོ་ག་ལ་སྒྲོག་ལྟ་བུ། |
| ཆུ་བ |
1.ལུས་ཀྱི་ལྷུ་ཚིགས་ཐམས་ཅད་ཀྱི་རྒྱབ་ན་གནས་ཤིང་ཚིགས་ཕན་ཚུན་འཛིན་པར་བྱེད་པའི་རྒྱུས་པའི་རིགས་ལེབ་མོ་སྲ་བ་ཞིག་དེ་དག་རགས་པའི་དབང་དུ་དབྱེ་ན་གཙོ་ཆེ་བ་བཅུ་དྲུག་མཆིས་སོ། །2.ཡལ་གའི་རྩ་བའི་དོན་ཏེ། (དཔེར་ན།) མེ་ཏོག་གི་ཆུ་བ། རྩྭའི་ཆུ་བ་ལྟ་བུ། |
| ཆུ་བ་བཅུ་དྲུག |
སྒྱིད་ཆུ་གཉིས་དང༌། རྟིང་ཆུ་གཉིས། གྲུ་མོའི་ཆུ་བ་གཉིས། མཁྲིག་ཆུ་གཉིས། སྒལ་ཚིགས་ཕན་ཚུན་ཆུ་བ་གཉིས། སྒལ་པའི་ནང་ལོགས་ཆུ་བ་གཉིས། འཇིང་ཆུ་གཉིས། ནང་ལོང་ཐད་ཀྱི་ཆུ་བ་སྦལ་མགོ་གཉིས་བཅས་སོ། ། |
| ཆུ་བཅུད |
ལན་ཚྭ། |
| ཆུ་བདག |
(མངོན་བརྗོད།) 1>རྒྱ་མཚོ། 2>ནུབ་ཕྱོགས། |
| ཆུ་བདག་སྐྱེས |
(མངོན་བརྗོད།) ཆང༌། |
| ཆུ་བདེ་ཉ་སྐྱིད |
གནས་ཡུལ་བདེ་ན་དེར་གནས་མཁན་ཡང་སྐྱིད་པའི་དཔེ། |
| ཆུ་བན |
ཆུ་འཁུར་སྣོད་ཅིག་སྟེ། མིང་གི་རྣམ་གྲངས་ལ་ཆུ་སྣོད་དང༌། ཆུ་བུམ། ཆུ་རྫ། ཆུ་ཟོམ། ནོར་བུ་ཅན། སྣོད་པོ་ཆེ་བཅས་སོ། ། |
| ཆུ་བཞི་སྒང་དྲུག |
འབྲི་ཆུ། རྨ་ཆུ། རྒྱལ་མོ་རྔུལ་ཆུ། ཟླ་ཆུ་སྟེ་ཆུ་བཞི་དང༌། ཟལ་མོ་སྒང༌། ཚ་བ་སྒང༌། སྨར་ཁམས་སྒང༌། སྤོ་འབོར་སྒང༌། དམར་རྫ་སྒང༌། མི་ཉག་རབ་སྒང་སྟེ་སྒང་དྲུག |
| ཆུ་བཟང་དགོན་པ |
1.མཚོ་སྔོན་གྱི་དགེ་ལུགས་པའི་དགོན་ཆེན་ཞིག 2.ལྷ་སའི་ཉེ་འགྲམ་སྟོད་ལུང་བདེ་ཆེན་རྫོང་ཁོངས་ཆུ་བཟང་དགོན་པ། |
| ཆུ་བཟང་པོ |
མིའི་ལུས་པོར་འཕྲོད་པའི་ཆུ་སྟེ། (དཔེར་ན།) ཁུ་བྱུག་གིས་སྐད་སྒྲོག་མཚམས་ནས་ཆུ་བཟང་དུ་འགྲོ་ལྟ་བུ། |
| ཆུ་བརྒལ་བ |
1.ཆུ་ལ་འབོགས་ཏེ་སོང་བ། 2.ཆུར་ཞུགས་ཏེ་ལུས་བཀྲུས་པ། |
| ཆུ་བརྒྱ་ཟམ་འདུས |
ཁག་མང་ཡང་སྡུད་ཡུལ་གཅིག་ཡིན་པའི་དཔེ། |
| ཆུ་བལ |
ཆུ་ནང་ནས་སྐྱེས་པའི་བལ་ལྟ་བུ་མདོག་ལྗང་གུ་ཅན་གྱི་སྔོ་རིགས་ཀྱི་མིང་། |
| ཆུ་བཤལ |
ཆུས་དྲི་མ་བཀྲུས་པའི་དོན་ཏེ། (དཔེར་ན།) ཤེལ་དམ་ཆུ་བཤལ་བཏང་བ། དཀར་ཡོལ་ཆུ་བཤལ་གཏོང་བ། ཨ་ཅོར་ཆུ་བཤལ་བྱེད་ཅེས་པ་ལྟ་བུ། |
| ཆུ་བསགས་པ |
1.རྫིང་སོགས་སུ་ཆུ་བསྐྱིལ་བ། 2.ཁོག་ཆུ་བསགས་པའི་ནད། |
| ཆུ་བསངས |
ཆུ་བོའི་ཁར་གཏོང་བའི་བསངས། |
| ཆུ་བསིང |
ཆུ་སིང་དང་འདྲ། |
| ཆུ་བསྙལ |
(ཡུལ་སྐད།) ཆུ་འཁོར་གྱི་འོག་གདན་གདུང་མ། |
| ཆུ་བུ་ཤིང |
འབྱུང་རྩིས་ལས་བྱུང་བའི་མ་བུ་དགྲ་གྲོགས་ཀྱི་ཡ་གྱལ་ཞིག |
| ཆུ་བུག |
ཆུ་འགྲོ་སའི་ཨི་ཁུང༌། |
| ཆུ་བུམ |
ཆུ་སྣོད་བུམ་པ། |
| ཆུ་བུར |
1.ཆུའི་ལྦུ་བའི་དོན་ཏེ། (དཔེར་ན།) ལུས་ནི་ཆུ་ཡི་ཆུ་བུར་ལྟར་ཞེས་པ་ལྟ་བུ། 2.ལུས་ལ་ཐོན་པའི་ཆུ་གོང་ངམ་ཆུ་གང༌། |
| ཆུ་བུར་ཅན |
གྲང་དམྱལ་བརྒྱད་ཀྱི་དང་པོ། |
| ཆུ་བུར་མིག |
མིག་ཆུ་བུར་གྱི་གཟུགས་སུ་བཀོད་པ། |
| ཆུ་བུར་རྡོལ |
གྲང་དམྱལ་བརྒྱད་ཀྱི་གཉིས་པ། |
| ཆུ་བེད |
ཆུའི་གནོད་པ་སེལ་ཞིང་ཕན་པ་བེད་སྤྱོད་པའི་བྱ་བའི་མིང་སྟེ། དེའི་ཁོངས་སུ་ཆུ་བཤངས་པ་དང་། ཆུ་ལོག་འགོག་པ། ཞིང་ལ་ཆུ་འདྲེན་པ། ཆུ་ལ་བརྟེན་ནས་སྐྱེལ་འདྲེན་བྱེད་པ། ཆུ་ཤུགས་ལ་བརྟེན་ནས་གློག་འདོན་པ་སོགས་འདུས། |
| ཆུ་བེན |
ཆུ་བན་དང་འདྲ། |
| ཆུ་བོ |
1.ཆུ་ཆེན་པོའི་དོན་ཏེ། (དཔེར་ན།) ཆུ་བོ་ཆེན་པོ། ཆུ་ཕྲན་འདུས་ནས་ཆུ་བོ་ཆགས། ཆུ་བོའི་སྟོད་རྒྱུད། ཆུའི་བར་རྒྱུད། མཐོན་པོའི་རྩེ་རུ་ཆུ་བོ་མི་ཆགས་པས། དམའ་ས་བཟུང་སྟེ་གུས་པའི་བརྟུལ་ཞུགས་ཟུང༌ལྟ་བུ། 2.(མངོན་བརྗོད།) རྒྱ་གར་དུ། གངྒཱ་དང༌། པཀྵུ། སི་ཏཱ། སིནྡྷུ་སྟེ་ཆུ་བོ་ཆེན་པོ་བཞི་ཡོད་པས་གྲངས་བཞི་མཚོན། |
| ཆུ་བོ་བ |
(ཡུལ་སྐད།) ཆུ་ཟག་པའམ་ལྷུང་བ། |
| ཆུ་བོ་བཞི |
1.རྒྱ་གར་གྱི་ཆུ་བོ་གངྒཱ་དང༌། པཀྵུ། སི་ཏཱ། སིནྡྷུ་སྟེ་བཞི། 2.མ་རིག་པའི་ཆུ་བོ་དང༌། ལྟ་བའི་ཆུ་བོ། སྲིད་པའི་ཆུ་བོ། སྲེད་པའི་ཆུ་བོ་སྟེ་བཞིའོ། །3.སྐྱེ་བ་དང༌། རྒ་བ། ན་བ། འཆི་བ་སྟེ་བཞི། |
| ཆུ་བོ་རབ་མེད |
1.རྐང་པས་བརྒལ་མི་ཐུབ་པའི་ཆུ་བོ། 2.(མངོན་བརྗོད།) 1>ཡི་དྭགས། 2>ཚ་དམྱལ་གྱི་འཁོར་ཞིག |
| ཆུ་བོ་རི |
བོད་ཀྱི་རི་ཆེན་བཞིའི་ཡ་གྱལ་ཏེ། གོང་དཀར་རྫོང་ཁོངས་སུ་ཡོད་པའི་གནས་རི་གྲགས་ཅན་ཞིག་ཡིན། རི་ལྡེབས་སུ་ཆུ་མིག་བརྒྱ་རྩ་བརྒྱད་སོགས་ཁྱད་ཆོས་མང་པོ་ཡོད་པར་གྲགས་ཤིང༌། སྔར་གྲུབ་ཆེན་ཐང་སྟོང་རྒྱལ་པོས་རི་གཤམ་གྱི་གཙང་ཆུར་ལྕགས་ཀྱི་ཟམ་པ་བཙུགས་པས་ལྕགས་ཟམ་ཆུ་བོ་རིར་མིང་ཆགས། དགོན་པ་བཏབ་པ་ལ་ལྕགས་ཟམ་དགོན་པ་ཞེས་གྲགས་སོ། ། |
| ཆུ་བོའི་ཀླུང |
ཆུ་འབབ་སའི་གཞུང༌། |
| ཆུ་བོའི་གཞུང་རྒྱས |
(མངོན་བརྗོད།) དབྱར་ཁ། |
| ཆུ་བྱ |
1.ཆུ་ལ་གནས་པའི་བྱ་སྟེ། མིང་གི་རྣམ་གྲངས་ལ་ཆུར་སྒྲོག་དང༌། ཆུའི་འདབ་ཆགས། ཆུར་འཇུག་བཅས་སོ། །2.ལོ་རྒན་དྲུག་ཅུའི་ཡ་གྱལ་ཞིག |
| ཆུ་བྱ་མཐིང་རིལ |
ཆུ་བྱའི་བྱེ་བྲག་ཅིག |
| ཆུ་བྱི |
ལོ་རྒན་དྲུག་ཅུའི་ཡ་གྱལ་ཞིག |
| ཆུ་བྱིའུ |
ཆུ་ལ་འཁོར་བའི་བྱིའུ། |
| ཆུ་བྲུན |
གཅིན་དང་བཤང་བ། |
| ཆུ་བྲུབ་པ |
(བརྡ་རྙིང་།) 1>ཆུ་རང་བཞིན་དུ་རྒྱས་པ། 2>ཆུ་ཁོལ་བ། |
| ཆུ་བྲུབས་པ |
ཆུ་བྲུབ་པ་དང་འདྲ། |
| ཆུ་བྲོག |
ཆུ་གྲང་མོ་ལ་ཕྱེ་བཏབ་པའི་སྐྱོ་མ། |
| ཆུ་མ |
1.ཆུ་འདྲེན་ས་ཡོད་པའི་ཞིང་གའི་དོན་ཏེ། (དཔེར་ན།) གཤོང་གསུམ་ཆུ་མ་ཞིང་གི་ས། ཞིང་ལ་འབྲས་དྲུག་སྨིན་པའི་ས་ཞེས་པ་ལྟ་བུ། 2.ཆུ་ལེན་མཁན། 3.(མངོན་བརྗོད།) 1>མོ་མཚན། 2>ཆང༌། |
| ཆུ་མ་ཎི |
ཆུ་རྒྱུག་རྒྱུག་དང༌། མ་ཎི་འདྲེན་འདྲེན་ཏེ་སྐད་ཆ་ཐགས་ཐོགས་མེད་པར་བཤད་ཚུལ་གྱི་དཔེ། |
| ཆུ་མ་རྩི |
ལོ་མང་སྐྱེ་བའི་རྩྭ་ལྡུམ་ཞིག་མཐོ་ཚད་ལ་ལིས་སྨིས་15—30བར་ཡོད། གཞུང་རྟ་དམར་བོ་ཞན་ཞིང་བསེགས་ནས་གྱེན་ལ་སྐྱེ་བའམ་དྲང་བོར་སྐྱེ་བ་ཡང་ཡོད། ལོ་མ་རལ་གྲིའི་དབྱིབས་ཅན་ཆ་མཉམ་དུ་སྐྱེས་ཡོད། མེ་ཏོག་ཆུན་པོ་སྙེ་མའི་དབྱིབས་ཅན། མེ་ཏོག་གི་འདབ་མ་དཀར་བོ་ཡིན། རྩ་བ་དང་གཞུང་རྟ་སྨན་དུ་བྱེད་ཆོག |
| ཆུ་མ་ལྕགས |
རྩིས་ཀྱི་མ་བུ་དགྲ་གྲོགས་ཀྱི་ཡ་གྱལ་ཞིག |
| ཆུ་མཁྲིས |
(མངོན་བརྗོད།) རྒོད་མ་ཁའམ་རྟ་གདོང་གི་མེ། |
| ཆུ་མཁྲེགས |
(མངོན་བརྗོད།) སེར་བ། |
| ཆུ་མགོ |
ཆུའི་འབྱུང་ཁུངས་ཀྱི་མིང་སྟེ། (དཔེར་ན།) རྨ་ཆུ་དང་འབྲི་ཆུའི་ཆུ་མགོ་གངས་ལ་ཐུག་ཅེས་པ་ལྟ་བུ། |
| ཆུ་མགོ་གྱེན་ལ་ལོག་པ |
ཡོང་མི་སྲིད་པའི་དཔེ། |
| ཆུ་མང་ལྡན་པ |
(མངོན་བརྗོད།) རྒྱ་མཚོ། |
| ཆུ་མཐོངས |
(མངོན་བརྗོད།) ནམ་མཁའ། |
| ཆུ་མདའ |
1.ཆུ་འདུས་པའི་མདོ། 2.ཆུ་གཏོར་བྱེད་སྦུ་གུ། |
| ཆུ་མདོ |
1.ཆུ་རྣམས་འདུ་སའི་ལུང་པའི་མདོ། 2.དཔལ་ལྡན་གསོ་བ་རིག་པའི་རྒྱུད་བཞིའི་ཡ་གྱལ་ཕྱི་མ་འཕྲིན་ལས་རྒྱུད་ཀྱི་ལེའུ་གཉིས་པ་ནད་པའི་དྲི་ཆུའི་སྒོ་ནས་ནད་བརྟག་ཐབས་ཀྱི་གཞུང་ལུགས་ཤིག་ནང་གསེས་སུ་དབྱེ་ན་སྔོན་འགྲོ་ནས་གདོན་ཆུ་བརྟག་པའི་བར་ས་བཅད་བརྒྱད་མཆིས། 3.ས་མིང་ཞིག་སྟེ་སྤོ་བོ་ཆུ་མདོའང་ཟེར། བོད་ཀྱི་སྤོ་མེས་རྫོང་ཁོངས་སྤོ་སྟོད་གཙང་པོའི་འགྲམ་དུ་ཡོད། |
| ཆུ་མདོ་ལ |
བོད་ཀྱི་ལྷོ་རྫོང་དང་སྤོ་མེས་ཆུ་མདོའི་བར་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6056 ཡོད། |
| ཆུ་མཚེ |
སྔོ་ཞིག |
| ཆུ་མཛོད |
1.ཕྱི་ཡི་རྒྱ་མཚོ་ཆེན་པོ། 2.མིས་བཟོས་ཆུ་རྫིང་ཆེན་པོ། |
| ཆུ་མིག |
1.ས་ནས་རྡོལ་བའི་ཆུ་སྟེ། (དཔེར་ན།) འགོ་ཆུ་མིག་རང་ཉིད་མ་སྐམ་ན། ས་ཡིས་མནན་པས་ག་ལ་ཐུབ་ལྟ་བུ། 2.བོད་རྣམ་གླིང་རྫོང་གི་ས་ཆ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| ཆུ་མིག་ལྐུགས་པ |
གནམ་མི་མཐོང་བའི་ཆུ་མིག |
| ཆུ་མེད་སྐྱེས |
(མངོན་བརྗོད།) གཟེ་མ་ར་མགོ། |
| ཆུ་མོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག |
| ཆུ་ཚགས |
ཆུ་ནང་གི་འབུ་སྲིན་སོགས་འདོན་བྱེད་ཀྱི་རས་ཆའི་ཚགས་མ། དགེ་སློང་གི་ཡོ་བྱད་ཅིག |
| ཆུ་ཚགས་གྲུ་གསུམ |
འདུལ་བའི་སྐབས་ཀྱི་ཆུ་ཚགས་དབྱིབས་ཟུར་གསུམ་ཞིག |
| ཆུ་ཚད |
1.ཆུ་གཡོ་འགུལ་མེད་པར་གནས་པའི་ངོས་ཀྱི་མིང་།2.ཚད་ཀྱི་མིང་སྟེ། (དཔེར་ན།) རིག་གནས་ཀྱི་ཆུ་ཚད། ཡོན་ཏན་གྱི་ཆུ་ཚད་ཅེས་པ་ལྟ་བུ། |
| ཆུ་ཚན |
1.རང་བཞིན་གྱིས་བྱུང་བའི་ཚ་ཆུ། 2.ཆུ་དྲོན་མོ། |
| ཆུ་ཚན་ཁ |
རང་བཞིན་གྱིས་བྱུང་བའི་ཆུ་ཚ་པོ་ཡོད་པའི་ལུང་པ། |
| ཆུ་ཚན་རིགས་ལྔ |
རྡོ་སོལ་དང་ཅོང་ཞི་འདྲེས་ཆུ་དང༌། རྡོ་སོལ་དང་མུ་ཟི་འདྲེས་ཆུ། རྡོ་སོལ་དང་བྲག་ཞུན་འདྲེས་ཆུ། རྡོ་སོལ་དང་ཅོང་ཞི་མུ་ཟི་བྲག་ཞུན་གསུམ་འདྲེས་ཆུ། རྡོ་སོལ་དང་ཅོང་ཞི་མུ་ཟི་བྲག་ཞུན་ལྡོང་རོས་བཞི་འདྲེས་ཆུ་བཅས་ལྔའོ། ། |
| ཆུ་ཚན་རིང་བསྲེལ |
ཆུ་ཚན་སོགས་ཀྱི་ནང་ཆུ་ལས་བྱུང་བའི་དབང་རིལ་འོད་ཟེར་འཕྲོ་བ་ཞིག་ནུས་པས་གདོན་ནད་ཐམས་ཅད་སེལ། |
| ཆུ་ཚན་ལུམས |
རང་བྱུང་ཆུ་ཚན་ནང་ཞུགས་ནས་དྲེག་གྲུམ་ཆུ་སེར་སོགས་ཡན་ལག་ཞ་འཁུམ་རྣམས་འདུལ་བར་བྱེད་པའི་ཐབས་ཤིག |
| ཆུ་ཚེ་རིང |
ཚེ་རིང་རྣམ་དྲུག་གི་ཡ་གྱལ་ཞིག |
| ཆུ་ཚོད |
1.དེང་སྐབས་དུས་ཚོད་འཇལ་བྱེད་ཀྱི་ཚད་གཞི་ཞིག་སྟེ། ཉིན་མཚན་གཅིག་གི་དུས་ཚོད་ཆ་ཉི་ཤུ་རྩ་བཞིར་བགོས་པའི་ཆ་རེའི་མིང༌། 2.དེང་སྐབས་དུས་ཚོད་བརྟག་བྱེད་འཕྲུལ་བཟོས་ཀྱི་འཁོར་ལོའི་མིང་སྟེ། (དཔེར་ན།) ཆུ་ཚོད་སྒྲིག་པ་ལྟ་བུ། 3.སྔར་རྒྱ་གར་དུ་དུས་ཚོད་འཇལ་བྱེད་ཀྱི་ཚད་གཞི་ཞིག་སྟེ། ཉིན་མཚན་གཅིག་གི་དུས་ཡུན་ཆ་དྲུག་ཅུར་བགོས་པའི་ཆ་རེའི་མིང་ཡིན་པ་དེའི་ཡུན་ཚད་དེང་སྐབས་ཀྱི་ཆུ་ཚོད་སྐར་མ་ཉི་ཤུ་རྩ་བཞི་དང་མཚུངས། |
| ཆུ་ཚོད་བུམ་པ |
སྔར་དུས་ཚོད་འཛིན་བྱེད་བུ་ག་ཡོད་པའི་ཆུ་སྣོད་ཅིག |
| ཆུ་ཞིང |
རྒྱུན་དུ་ཆུ་བསྐྱིལ་བའི་འབྲས་ཞིང༌། |
| ཆུ་ཞེང |
ཆུ་ནི་དཔངས་དང༌། ཞེང་ནི་ཁ་ཞེང་ངམ་ཁ་རྒྱའི་དོན་ཏེ། (དཔེར་ན།) ཆུ་ཞེང་མཉམ་པ་ལྟ་བུ། |
| ཆུ་ཞེང་གབ་པ |
འཕྲེད་གཞུང་མཉམ་པའི་དོན་ཏེ། (དཔེར་ན།) སྐུ་གཟུགས་ཆུ་ཞེང་གབ་པ། གྱོན་གོས་ཆུ་ཞེང་གབ་པ། འཛིན་ཆས་བཟོ་དབྱིབས་ཆུ་ཞེང་གབ་པ་ཞེས་པ་ལྟ་བུ། |
| ཆུ་ཟངས |
ཆུ་བླུག་སྣོད་ཟངས་ཆེན། |
| ཆུ་ཟིལ |
ཆུའི་ཟིལ་པའམ་ཐིགས་པ་སྟེ་རྩྭ་རྩེར་ཆགས་པའི་ཆུ་ཐིགས་ཀྱི་མིང་། མིང་གི་རྣམ་གྲངས་ལ་ཆུ་ཐིགས་དང༌། ཆུ་འཐོར། ཉར་མ། དབའ་རླབས་སྐྱེས་བཅས་སོ། ། |
| ཆུ་ཟུར |
ཆུའི་མཐའ་འགྲམ། |
| ཆུ་ཟོམ |
ཆུ་བླུག་སྣོད་ཀྱི་ཟོ་བ། |
| ཆུ་ཟླ |
1.ཆུ་ནང་གི་ཟླ་གཟུགས། 2.སྣང་ལ་རང་བཞིན་གྱིས་སྟོང་པའི་དཔེ། |
| ཆུ་འཁོར |
1.ཆུས་སྐོར་བའི་རང་འཐག 2.ཆུས་སྐོར་བའི་མ་ཎིའི་འཁོར་ལོ། 3.ཆུ་བོའི་ཀློང་འཁོར། མིང་གི་རྣམ་གྲངས་ལ་འཁོར་ཆུ་དང༌། འཁྱིལ་པ། ཆུའི་འཁོར་ལོ། ཟེགས་མའི་སྡེ་བཅས་སོ། ། |
| ཆུ་འཁྲུག |
(མངོན་བརྗོད།) ཆུའི་རྦ་རླབས། |
| ཆུ་འགགས་པ |
1.ཆུ་འགྲོ་ཡུལ་ལ་ཐོགས་པ། 2.གཅིན་འགགས་པ། |
| ཆུ་འགོ |
1.ཆུ་འབྱུང་སའི་མགོའམ། ཐོག་མའི་དོན་ཏེ། (དཔེར་ན།) ཆུ་འགོ་རྙོག་ན་ཆུ་གཞུག་རྙོག་ལྟ་བུ། 2.ཆུ་མིག |
| ཆུ་འགོ་གངས་ཐུག |
རྩ་བ་ཐུག་ས་ཆེ་ཤོས་སམ་མཐོ་ཤོས་ཀྱི་དཔེ། (དཔེར་ན།) སྔ་ཕྱིའི་གནས་ཚུལ་ཚང་མ་ཆུ་འགོ་གངས་ཐུག་གི་རྒྱུ་རྐྱེན་ཞུས་པ། ཆུ་འགོ་གངས་ཐུག་ཆོས་འགོ་སངས་རྒྱས་ལྟ་བུ། |
| ཆུ་འགྲམ |
ཆུའི་གཞོགས་སམ་ཉེ་འགྲམ། |
| ཆུ་འགྲོ |
ཆུ་འབབ་སའི་རྐའམ་ཡུར་བུ། |
| ཆུ་འཆིང |
(བརྡ་རྙིང་།) ཐོག་ཕིབས་སམ་རྒྱ་ཕུབ། |
| ཆུ་འཐག |
ཆུ་འཁོར་རམ་ཆུ་སྐོར། |
| ཆུ་འཐུང་ཕོད |
(མངོན་བརྗོད།) ཉི་འོད། |
| ཆུ་འཐོར |
(མངོན་བརྗོད།) ཆུའི་ཟེགས་མ། |
| ཆུ་འདལ་བ |
1.ཆུ་མཆེད་པའམ་ཁ་གྲམ་པ། 2.(བརྡ་རྙིང་།) ཆུ་དལ་པོའམ་ལྷོད་པོ། |
| ཆུ་འདུར |
དུད་འགྲོ་ཡི་འཐུང་ཆུ་ལ་བཏབ་ནས་སྟེར་རྒྱུའི་རྗེན་ཐལ། |
| ཆུ་འདྲེན་སྦུ་གུ |
ཆུ་འཁྲིད་སྤྱད་ལྕགས་སྦུག་སོགས། |
| ཆུ་འཕྱོ |
1.ཆུ་རྒྱས་པའམ་ལུད་པ། 2.ཆུའི་རྦ་རླབས་འཕྱུར་བ། |
| ཆུ་འབུར་འབུར |
ཆུ་ལོང་ལོང་དུ་འཕྱུར་ཚུལ་ཞིག་སྟེ། (དཔེར་ན།) ཆུ་མིག་ནས་ཆུ་འབུར་འབུར་དུ་རྡོལ་ལྟ་བུ། |
| ཆུ་འབེབས |
1.སྤྲིན་པ། 2.ཆུ་འབབ་པར་བྱེད་པ། |
| ཆུ་འབོག |
(བརྡ་རྙིང་།) ཆུ་བརྒལ་བ། |
| ཆུ་འབྱུང |
གྲངས་གནས་ཤིག |
| ཆུ་འབྲུག |
ལོ་རྒན་དྲུག་ཅུའི་གྲས་ཤིག |
| ཆུ་འཛིན |
(མངོན་བརྗོད།) 1>སྤྲིན། 2>བྷ་ག་སྟེ་མོ་མཚན། |
| ཆུ་འཛིན་སྐྱེས |
(མངོན་བརྗོད།) ཐོག་གམ་གནམ་ལྕགས། |
| ཆུ་འོ་གཅིག་འདྲེས |
ཆུ་དང་འོ་མ་རོ་གཅིག་ཏུ་གྱུར་པ་ཕན་ཚུན་དབྱེ་རྒྱུ་མེད་པའི་དཔེ། |
| ཆུ་འོབས |
ཆུས་གང་བའི་ས་ཤུར་ཏེ། (དཔེར་ན།) མཁར་སྲུང་ཆུ་འོབས་ལྟ་བུ། |
| ཆུ་ཡན་ལག་བརྒྱད་ལྡན |
བསིལ་བ་དང༌། ཞིམ་པ། ཡང་བ། འཇམ་པ། དྭངས་པ། དྲི་མ་མེད་པ། ལྟོ་ལ་མི་གནོད་པ། མགྲིན་པ་ལ་མི་གནོད་པ་བཅས་ཡོན་ཏན་སྣ་བརྒྱད་དང་ལྡན་པའི་ཆུ་བཟང༌། |
| ཆུ་ཡི་ཀ་བ |
(མངོན་བརྗོད།) ཁྲོན་པ། |
| ཆུ་ཡི་ཆོམ་རྐུན |
(མངོན་བརྗོད།) ཉི་མ། |
| ཆུ་ཡི་ཐུབ་པ |
(མངོན་བརྗོད།) ནོར་ལྷ་ཛམྦྷ་ལ། |
| ཆུ་ཡི་དབང་པོ |
(མངོན་བརྗོད།) ཛམྦྷ་ལ། |
| ཆུ་ཡི་བཞོན་པ |
(མངོན་བརྗོད།) སྤྲིན། |
| ཆུ་ཡི་ཚེར་མ |
(མངོན་བརྗོད།) པད་མའི་རྩ་བ། |
| ཆུ་ཡི་འཕྲུལ་འཁོར |
ཆུ་ཡི་རྦ་འོག་ཏུ་ལུས་བཟེད་པའམ་ཆུ་བསིལ་སྣོད་དུ་བླུགས་ཏེ་དུགས་རྒྱག་པ་སོགས་ཀྱིས་མཁྲིས་ནད་སེལ་བའི་དཔྱད་ཀྱི་ནང་ཚན་ཞིག |
| ཆུ་ཡི་འཛུམ་དཀར |
(མངོན་བརྗོད།) ཆུའི་ལྦུ་བ། |
| ཆུ་ཡི་རྒྱན |
(མངོན་བརྗོད།) མེ་ཏོག་པད་པ། |
| ཆུ་ཡི་ཤིང་རྟ |
(མངོན་བརྗོད།) གྲུ། |
| ཆུ་ཡི་སྐྱེ་གནས |
(མངོན་བརྗོད།) མེ། |
| ཆུ་ཡི་སྒྲེ་ལོག |
(མངོན་བརྗོད།) ཆུའི་རྦ་རླབས། |
| ཆུ་ཡི་སྙིང་པོ |
(མངོན་བརྗོད།) 1>ཚྭ། 2>པདྨ་ཅན་གྱི་མཚོ། |
| ཆུ་ཡི་སྣང་བ |
(མངོན་བརྗོད།) སྲིན་བུ་པད་པ། |
| ཆུ་ཡི་སྤྲེའུ |
(མངོན་བརྗོད།) སྲམ། |
| ཆུ་ཡུར |
ཆུ་འགྲོ་སའི་ཡུར་བ། |
| ཆུ་ར |
1.ཆུ་སྐྱོར་བྱེད་ཀྱི་ར་བ། 2.ཆུ་ར་མ་དང་དོན་གཅིག་ |
| ཆུ་ར་མ |
ལྕགས་ཟངས་རྫ་སོགས་ལས་བཟོས་པའི་ཆུ་གསོག་སྣོད། |
| ཆུ་རགས |
ཆུ་འགོག་བྱེད་ཀྱི་རགས་སམ་རྩིག་པ། |
| ཆུ་རགས་འུ་ལག |
སྔར་ཆུ་རགས་རྒྱག་མཁན་གྱི་འུལ་མི་གཏོང་དགོས་པའི་ཁྲལ་ཞིག |
| ཆུ་རང་འཁོལ |
མ་བསྐུལ་དང་ལེན་གྱི་དཔེ། (དཔེར་ན།) ཆུ་རང་འཁོལ་ལྟར་རང་འགུལ་གྱིས་ཞབས་འདེགས་ཞུ་བ་ལྟ་བུ། |
| ཆུ་རབ |
གཙང་པོ་འཕྲེད་ལ་བརྒལ་ནས་འགྲོ་སའི་རབ་ལམ། |
| ཆུ་རས |
ཆུ་ལ་ཞུགས་སྐབས་གྱོན་རྒྱུའི་སྨད་གཡོགས། |
| ཆུ་རིགས་བདུན |
བཏུང་བའི་ཆུ་ལ་རིགས་མི་འདྲ་བ་བདུན་ཏེ། ཆར་ཆུ་དང༌། གངས་ཆུ། ཆུ་ཀླུང་གི་ཆུ། ཆུ་མིག་གི་ཆུ། ཁྲོན་པའི་ཆུ། བ་ཚྭ་ཅན་གྱི་ཆུ། ཤིང་གི་རྩ་བ་ལས་འབབ་པའི་ཆུ་བཅས་སོ། ། |
| ཆུ་རིས |
ཆུའི་གཉེར་མ། |
| ཆུ་རིས་མ |
1.གོས་ཆེན་ཆུ་རིས་ཅན། 2.ཁ་བཏགས་ཟུབ་ཤེ་ཆུ་རིས་མ། |
| ཆུ་རུག་པ |
ཆུ་ནང་ནས་སྐྱེས་པའི་རྩྭ་ལྡུམ་རིགས་ཤིག |
| ཆུ་རུག་སྦལ་ལག |
སྔོ་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་འབམ་གྲུམ་གྱི་ནད་ཆུ་རྒྱུས་ལ་ཞུགས་པ་དང༌། དྲི་ཆུ་འགགས་པ་ལ་ཕན། |
| ཆུ་རུད |
ཤྭ་འོད་དམ་ཆུ་ལོག |
| ཆུ་རྐ |
ཆུ་འགྲོ་སའི་ཡུར་བ་སྟེ། (དཔེར་ན།) ཞིང་གའི་བར་མཚམས་སུ་ཆུ་རྐ་བཟོས་པ། རི་ལ་ཆུ་རྐ་བཏོད་པ་ལྟ་བུ། |
| ཆུ་རྐེད |
ཆུ་རྒྱུད་སྟོད་སྨད་གཉིས་ཀྱི་རྐེད་པ། |
| ཆུ་རྐྱང |
རྫ་མའི་ནང་གི་ཆང་བཅུད་བསིངས་ཟིན་པའི་ཤུལ་ཁུ་ཆུ་རྐྱང༌། |
| ཆུ་རྐྱལ |
1.ཆུའི་ནང་དུ་རྐང་ལག་གཡབ་པ་སོགས་ཀྱིས་འགྲོ་བ་སྟེ། (དཔེར་ན།) ཆུ་རྐྱལ་བརྒྱབ་སྟེ་ཆུའི་ཕ་རོལ་ཏུ་ཕྱིན་པ་ལྟ་བུ།2.ཆུ་བླུག་སྣོད་རྐྱལ་པ། 3.ཆུ་རྐྱལ་མཁན་གྱི་མཁོ་སྤྱད་རྐྱལ་པ། |
| ཆུ་རྒུན་འབྲུམ |
འབྲས་བུའི་ནང་ནས་ཆུ་མངར་འབྱུང་བའི་ཤིང་ཏོག་རྒུན་འབྲུམ། |
| ཆུ་རྒོད |
འཁྲུགས་པའི་ཆུའམ་ཆུ་རྦ་རླབས་ཅན། |
| ཆུ་རྒྱན |
མེ་ཏོག་པད་མ། |
| ཆུ་རྒྱབ་པ |
སྔར་ཞིང་ཆུ་འདྲེན་སྐབས་ཆུ་བགོ་འགྲེམས་བྱེད་མཁན་རྒྱབ་རྫི། |
| ཆུ་རྒྱུད |
ཆུ་འགྲམ་མམ་ཆུ་རྒྱུན་འབབ་སའི་ལུང་རྒྱུད་དེ། (དཔེར་ན།) འབྲི་ཆུའི་ཆུ་རྒྱུད་ཀྱི་གྲོང་སྡེ་ཞེས་པ་ལྟ་བུ། |
| ཆུ་རྒྱུན |
རྒྱུན་མི་འཆད་པར་འབབ་པའི་ཆུ། |
| ཆུ་རྒྱུན་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ལོངས་སྐུའི་རྒྱུད་ཀྱི་བགྲོད་པ་གཅིག་པའི་ལམ་དང་ལྡན་པའི་སེམས་བསྐྱེད་ནི་ཤེས་པ་དང་ཤེས་བྱ་མཉམ་པ་ཉིད་དུ་རྟོགས་པས་སྙིང་རྗེ་དང་ཤེས་རབ་ཀྱིས་རང་གི་ངང་གིས་འཇུག་ཅིང་རྒྱུན་མི་འཆད་པར་གཞན་གྱི་དོན་གྱི་བྱ་བ་ཐ་མི་དད་པ་རིས་སུ་མ་ཆད་པར་འཇུག་པས་ཆུ་པོའི་རྒྱུན་ལྟ་བུའོ། ། |
| ཆུ་རྒྱུས |
མི་ཕྱུགས་ཀྱི་ལུས་ལ་ཡོད་པའི་རྩ་སྟེ། མིང་གི་རྣམ་གྲངས་ལ་རྒྱུས་པ་དང༌། ཆུ་བ། པགས་པའི་ཀ་བ། རུས་པའི་གཟེབ། ཤ་ཁྲག་སྒྲུབ། ཤ་ཁྲག་འཛིན་བཅས་སོ། ། |
| ཆུ་རྔམས |
ཆུའི་དཔངས་སམ་གཏིང་ཚད། |
| ཆུ་རྔམས་པ |
(མངོན་བརྗོད།) ཆུའི་རྦ་རླབས། |
| ཆུ་རྙོག |
དྭངས་གཙང་མིན་པའི་ཆུའི་མིང་སྟེ། མིང་གི་རྣམ་གྲངས་ལ་འཇིམ་པ་དང༌། རྙོག་པ་ཅན། འདམ་ཁུ། འདམ་རྫབ། འབྱིང་བྱེད། མི་དྭངས་བཅས་སོ། ། |
| ཆུ་རྟགས |
ནད་པའི་དྲི་ཆུའི་མདོག་དང༌། ལྦུ་བ། སྤྲིས་མ། ཀུ་ཡ། རླངས་པ། དྲི་མ། བྲོ་བ་སོགས་ཀྱི་རྟགས་ལ་བརྟགས་ནས་ནད་གང་ཡིན་ངོས་འཛིན་བྱེད་པའི་ཐབས་ཤེས་ཤིག |
| ཆུ་རྡུལ |
1.ལྕགས་རྡུལ་བདུན་གྱི་ཚད། 2.(མངོན་བརྗོད།) ཆར་ཟིལ། |
| ཆུ་རྡེའུ |
ཆུའི་ནང་གི་རྡོ་ཆུང་ཆུང༌། |
| ཆུ་རྡོ |
གྲམ་རྡོ། |
| ཆུ་རྡོ་ལུང་ལྕགས་ཟམ |
མདོ་ཁམས་འཇོལ་རྫོང་ཁོངས་ཟླ་ཆུའི་ཐོག་ལ་བཙུགས་པའི་ལྕགས་ཟམ་ཞིག |
| ཆུ་རྣག |
ཆུ་སེར་དང་རྣག |
| ཆུ་རྩ |
1.ཐང་སྨན་གྱི་རིགས་ཏེ། རོ་ཁ་ལ་བསྐ། ཞུ་རྗེས་བསིལ། ནུས་པས་རྨ་འདྲུབ་པ་དང༌། གཉན་ནད་ཐུར་དུ་སྦྱོང་བར་བྱེད། མིང་གི་རྣམ་གྲངས་ལ་རྒྱལ་པོ་བེར་སེར་ཅན་དང༌། ཆུ་ཆུང་བ། དཔལ་ཆེན་པ། བྱ་སླག་ཅན། ལ་རྒོད། ལ་ཆུ། གསེར་སྡོང་བཅས་སོ། 2.ཆུའི་རྩ་བའམ། ཉེ་འགྲམ། 3.ལུས་ཀྱི་རྩ་དཀར་རམ་དབང་རྩའི་མིང་གི་རྣམ་གྲངས་ཤིག |
| ཆུ་རྩམ |
འབྲུ་ཆུར་བཀྲུས་ཏེ་བཏགས་པའི་རྩམ་པ། |
| ཆུ་རྩལ |
ཆུ་ལ་རྐྱལ་རྒྱག་པའི་ནུས་རྩལ། |
| ཆུ་རྩི་དཀར་པོ |
སྔོ་ཞིག |
| ཆུ་རྩི་དམར་པོ |
སྔོ་ཞིག |
| ཆུ་རྩེད |
ཆུ་ནང་གི་རྩེད་མོ། |
| ཆུ་རྩྭ |
1.ལོ་མང་སྐྱེ་བའི་རྩྭ་ལྡུམ་ཞིག་སྟེ་ལོ་མ་འཇོང་དབྱིབས་ཅན་ཆེ་བ་ས་ལ་བཏིངས་ནས་སྐྱེས་ཡོད་། རྩ་བ་ལྕུམ་རྩ་དང་མཚུངས་ཤིང་སྨན་དུ་བྱེད་ཆོག2.ཆུ་ནང་དུ་སྐྱེས་པའི་རྩྭ་རིགས། |
| ཆུ་རྫ |
རྫའི་ཆུ་སྣོད། |
| ཆུ་རླངས |
ཆུ་དྲོས་པའི་རླངས་པ། |
| ཆུ་རླབས |
ཆུའི་རྦ་རླབས། མིང་གི་རྣམ་གྲངས་ལ་ཆུའི་རྦ་རླབས་དང༌། གཉེར་མ། མཚར་གཡོ། རླབས་བཅས་སོ། ། |
| ཆུ་ལ་གནས |
(མངོན་བརྗོད།) ནོར་ལྷ་ཛམྦྷ་ལ། |
| ཆུ་ལ་གར་རྩེ |
(མངོན་བརྗོད།) མྱ་ངན་མེད་ཀྱི་ཤིང༌། |
| ཆུ་ལག |
ཆུ་བོ་ནས་ཁ་གྱེས་པའི་ཆུ་ཕྲན། |
| ཆུ་ལམ |
1.གཅིན་ལམ། 2.ཆུ་འགྲོ་སའི་ལམ་ཏེ། (དཔེར་ན།) གྲོང་ཁྱེར་ནང་གི་ས་འོག་ཆུ་ལམ་བཤངས་ཟིན་ཞེས་པ་ལྟ་བུ། |
| ཆུ་ལས་འབར |
(མངོན་བརྗོད།) ནམ་མཁའི་ཐོག་གམ་གནམ་ལྕགས། |
| ཆུ་ལས་སྐྱེས |
(མངོན་བརྗོད།) ཟླ་བ། |
| ཆུ་ལུད |
ཆུ་དང་ལུད། |
| ཆུ་ལུམས |
རང་བྱུང་གི་ཆུ་ཚན་ནམ་བདུད་རྩི་ལྔའི་སྨན་གྱི་ལུམས་ལྟ་བུའི་ནང་ཞུགས་ནས། ཡན་ལག་ཞ་རེངས་སོགས་ལ་ཕན་པར་བྱེད་པའི་ཐབས་ཤིག |
| ཆུ་ལོ |
1.ཆུ་རྩའི་ལོ་མ། ཐ་མག་གི་ཚབ་ཏུ་གཏོང་སྲོལ་ཡོད། 2.ཆུ་རྩའི་ལོ་མ་སྟེ། རོ་སྐྱུར། ནུས་པས་རྨ་གསོ་བ་དང༌། ཚོད་མས་བད་ཀན་སེལ་ཞིང་དང་ག་འབྱེད་པར་བྱེད། |
| ཆུ་ལོག |
ཤྭ་འོད་དམ་གློ་བུར་དུ་རྒྱས་པའི་ཆུ་ཆེན་པོའི་དོན་ཏེ། (དཔེར་ན།) ཆུ་ལོག་གང་སར་བརྒྱུགས་ནས་གྲོང་སྡེ་བསྣུབས་ལྟ་བུ། |
| ཆུ་ལོན |
1.ཆུ་རགས། 2.ཟམ་པ། |
| ཆུ་ལོའི་རིགས |
སྔོ་ཞིག |
| ཆུ་ལྒང |
ཤ་ལྤགས་བར་དུ་བྱུང་བའི་ཆུ་བུར་གྱི་མིང་སྟེ། (དཔེར་ན།) ཆུ་ཁོལ་མས་ལག་པ་ཚིག་སྟེ་ཆུ་ལྒང་བྱུང་ལྟ་བུ། |
| ཆུ་ལྕག |
སྔོ་ཞིག |
| ཆུ་ལྡན |
(མངོན་བརྗོད།) ནུབ་ཀྱི་རི། |
| ཆུ་ལྡུམ་ཨོག་དཀར |
སྟོང་རི་ཟིལ་པ་སྟེ། རོ་ཁ། ཞུ་རྗེས་བསིལ། ནུས་པས་རིམས་ཚད་དང༌། དུག་ཚད། མཁྲིས་ཚད་བཅས་སེལ། |
| ཆུ་ལྡུར |
ཆུ་འདུར་དང་འདྲ། |
| ཆུ་ལྷ |
1.སངས་རྒྱས་ཤིག་གི་མཚན། 2.ནུབ་ཀྱི་ཕྱོགས་སྐྱོང༌། མིང་གི་རྣམ་གྲངས་ལ་མཆོག་སྦྱིན་དང༌། ལྕེ་བརྒྱ་པ། ཆུ་སྐྱེས་དབང་པོ། ཆུ་བདག་མཆོག་སེམས། ཐགས་པ་ཅན། ནུབ་ཀྱི་ཕྱོགས་སྐྱོང༌། ལྷ་མིན་ལྷ་བཅས་སོ། ། |
| ཆུ་ལྷ་མོ |
སྐར་མ་མོན་གྲུ། |
| ཆུ་ལྷམ |
ཆུས་མི་གནོད་པའི་ལྷམ། |
| ཆུ་ལྷའི་ཕྱོགས |
ནུབ་ཕྱོགས། |
| ཆུ་ལྷའི་བུ |
(མངོན་བརྗོད།) སྐར་མ་རི་བྱི། |
| ཆུ་ལྷོག |
འབྱུང་བཞིའི་སྒོ་ནས་ལྷོག་རིགས་ལ་བཞིར་དབྱེ་བའི་ནང་ཚན་མེས་ཚིག་པ་ལྟར་གྱི་ཐོར་པ་དུ་མ་འབྱུང་བ་ཞིག |
| ཆུ་ཤིང |
འབྲས་བུ་ཐེངས་གཅིག་སྐྱེས་རྗེས་སྐམ་པའི་ཤིང་ཞིག མིང་གི་རྣམ་གྲངས་ལ་གླང་པོའི་ལྕུག་མ་དང༌། རྒྱུད་རྣམས་འཛིན། འཆི་འབྲས་ཅན། ནད་ཀྱི་འབྲས་ཅན། མཛོད་ལུས། ཤིང་འཛིན་བཅས་སོ། ། |
| ཆུ་ཤིང་འོམ་བུ |
ཤིང་རིགས་ཤིག |
| ཆུ་ཤུ |
(ཡུལ་སྐད།) ལུས་ལ་ཐོན་པའི་ཆུ་གང་ངམ་ཆུ་བུར། |
| ཆུ་ཤུགས |
ཆུ་རྒྱུན་འབབ་པའི་ཤུགས་ཏེ། (དཔེར་ན།) ཆུ་ཤུགས་གློག་འདོན། ཆུ་ཤུགས་ཐོན་ཁུངས་ཞེས་པ་ལྟ་བུ། |
| ཆུ་ཤུར |
རྫོང་ཞིག་སྟེ། ལྷ་ས་གྲོང་ཁྱེར་གྱི་ལྷོ་ནུབ་ངོས་སྐྱིད་ཆུ་དང་ཡར་ཀླུངས་གཙང་པོ་གཉིས་འཛོམས་ས་དེར་ཡོད། |
| ཆུ་ཤུལ |
ཆུ་བབས་པའི་ཤུལ། |
| ཆུ་ཤེལ |
རྡོ་ལས་བྱུང་བའི་དྭངས་ཤེལ། མིང་གི་རྣམ་གྲངས་ལ་ནོར་བུ་དཀར་པོ་དང༌། འབུས་ནས་འཛག་མན་ཤེལ། མིག་ལ་ཕན། ཟླ་བའི་ནོར་བུ། བསིལ་བའི་ཆར་ལྡན་བཅས་སོ། ། |
| ཆུ་ཤེལ་དབང་པོ |
(མངོན་བརྗོད།) ཟླ་བ། |
| ཆུ་ཤོ |
སྔོ་སྨན་གྱི་རིགས་ཤིག་རོ་སྐྱུར། ཞུ་རྗེས་བསིལ། ནུས་པས་རྨ་ཚད་དང༌། མེས་ཚིག་པའི་རྨའི་ཚ་དབལ་སོགས་འཇོམས། |
| ཆུ་ཤྭ |
ཤྭ་འོད་དེ་གློ་བུར་རྡོལ་བའི་ཆུ་དྲག་པོ། |
| ཆུ་སིང |
ཆུ་བླུགས་ནས་འཚག་པ་སྟེ། (དཔེར་ན།) འབྲས་ཆུ་སིང་རྒྱག་པ། བྱེ་མ་ཆུ་སིང་རྒྱག་པ། ཆུ་སིང་བྱས་ནས་ལྷད་འདོན་པ་ལྟ་བུ། |
| ཆུ་སུབ་གཏོང་བ |
(ཡུལ་སྐད།) མི་སོགས་ཆུའི་ནང་དབུགས་སུབ་གཏོང་བ། |
| ཆུ་སེར |
ཚིགས་མིག་དང་ཤ་པགས་བར་སོགས་སུ་གནས་པའི་ཁྲག་གི་སྙིགས་མ་དང༌། མཁྲིས་པའི་དྭངས་མ་ལས་བྱུང་བའི་མདོག་དམར་སེར་ཆུ་ལྟར་སླ་ལ་འབྱར་བག་གི་རྩི་དང་ལྡན་པ་དེ་ལ་ཟེར་ཏེ། དེ་འཕེལ་ཟད་དུ་གྱུར་ན་ཆུ་སེར་གྱི་ནད་དུ་འགྱུར་བ་ཡིན། |
| ཆུ་སེར་གདོང་རྩ |
ལོང་ཚིགས་ནས་ངར་གདོང་ངོས་སུ་ཚོན་དོ་གཞལ་བའི་སར་ཡོད་པའི་གཏར་རྩ་ཞིག དེ་གཏར་ན་ཆུ་སེར་གྱི་ནད་དང༌། པགས་ནད་ཟ་ཕྲུག་རྨ་རྒན་སོགས་ལ་ཕན། |
| ཆུ་སེར་གཤའ་རིང |
ལག་ངར་རྒྱབ་ཕྱོགས་ནས་ཟུར་དུ་གྱེས་པའི་ཡལ་ག་གཉིས་པའི་གཏར་རྩ་ཞིག དེ་གཏར་ན་ཆུ་སེར་གྱི་ནད་དང༌། པགས་ནད་ཟ་ཕྲུག་གི་རིགས། མཆུ་ནད་སོགས་ལ་ཕན། |
| ཆུ་སེར་དཀར་པོ |
བད་རླུང་གྲང་བ་ཤས་ཆེ་བའི་ཆུ་སེར་གྱི་ནད་ཅིག ནད་རྟགས་སུ་ལུས་གཡའ་ཞིང་ཚིགས་མཚམས་བྱེ་བ་དང༌། པགས་པའི་སྟེང་ཤུ་ཐོར་ལྟ་བུ་རྨ་འབྱུང་བ་ཞིག |
| ཆུ་སེར་ནག་པོ |
ཆུ་སེར་དཀར་ནག་གི་ནད་གཉིས་ལས་ཁྲག་མཁྲིས་ཤས་ཆེ་བའི་ནད་ཅིག་ནད་རྟགས་སུ་པགས་མདོག་ནག་ལ་ཟ་ཕྲུག་ལང་བ་དང༌། སྐྲ་དང་སྨར་སྨིན་བྱི་བ། ཚབས་ཆེ་བ་མཛེ་ནད་དུ་འགྱུར་བའང་གསུངས། |
| ཆུ་སེར་སྐྱ་རྦབ |
སྐྱ་རྦབ་རིགས་ལྔའི་ནང་ཚན་ཆུ་སེར་ཤས་ཆེ་བའི་སྐྱ་རྦབ་ནད་རྟགས་སུ་ལུས་གཡོ་ཞིང་པགས་པར་ཟ་ཕྲུག་ལང་བ་ཞིག |
| ཆུ་སོ |
1.ཕོ་མོའི་གཅིན་ལམ་གྱི་རྩེ་མོ། 2.ལྟེ་བའི་འོག་ཙམ་གྱི་ཉེ་འཁོར། |
| ཆུ་སོགས་ཀྱི་སྡེ་ཚན་བཅུ |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་ལྔ་པ་ཆུ་དང་སོགས་ཀྱི་སྡེ་ཚན་ལ། སྲོག་ཆགས་ལྡན་པའི་ཆུར་ལོངས་སྤྱོད་པའི་ལྟུང་བྱེད་དང༌། ཉལ་པོ་བྱེད་པའི་ཁྱིམ་དུ་གནས་པའི་ལྟུང་བྱེད་དང༌། ཉལ་པོ་བྱེད་པའི་ཁྱིམ་དུ་འགྲེང་བའི་ལྟུང་བྱེད་དང༌། གཅེར་བུ་པ་ལ་ཟས་སྦྱིན་པའི་ལྟུང་བྱེད་དང༌། དམག་ལ་ལྟ་བའི་ལྟུང་བྱེད་དང༌། དམག་གི་ནང་དུ་གནས་པའི་ལྟུང་བྱེད་དང༌། དམག་གི་རུ་བཀོད་བྱེད་པའི་ལྟུང་བྱེད་དང༌། བརྡེག་པའི་ལྟུང་བྱེད་དང༌། བརྡེག་པར་གཟས་པའི་ལྟུང་བྱེད་དང༌། གནས་ངན་ལེན་འཆབ་པའི་ལྟུང་བྱེད་དེ་བཅུའོ། ། |
| ཆུ་སྐར་བདུན |
མོན་གྲེ་དང༌། ཁྲུམས་སྨད། ནམ་གྲུ། སྣྲུབས། ཆུ་སྟོད། ལག་སྐག་རྣམས་སོ། ། |
| ཆུ་སྐོར |
ཆུས་སྐོར་བའི་རང་འཐག |
| ཆུ་སྐྱར |
ཉ་ཟ་མཁན་ཆུ་བྱའི་རིགས་ཤིག མིང་གི་རྣམ་གྲངས་ལ་རྐང་གཅིག་པ་དང༌། ཆུ་ཅན། ཉ་འབིགས་བྱེད། མཛའ་མོ་བཅས་སོ། ། |
| ཆུ་སྐྱུར |
1.ཕོ་བའི་ནང་གི་ཆུ་སྐྱུར་མོ་སྟེ། (དཔེར་ན།) ཆུ་སྐྱུར་སྐྱུག་པ་ཞེས་པ་ལྟ་བུ།2.སྐྱུར་མོའི་རོ་ལྡན་པའི་ཆུ། |
| ཆུ་སྐྱེགས |
ཁ་ནས་ཆུ་སྐྱུར་མོ་སྒྲེགས་པ་བཅས་ཐོན་པ། |
| ཆུ་སྐྱེས |
(མངོན་བརྗོད།) 1>མེ་ཏོག་པདྨ། 2>གཟའ་པ་སངས། 3>གཟའ་ལྷག་པ། 4>ལྷ་ཡི་དྲང་སྲོང༌། 5>མོན་ལུག་གླ་སྒང༌། 6>ཟླ་བ། |
| ཆུ་སྐྱེས་ཅན |
(མངོན་བརྗོད།) གློག |
| ཆུ་སྐྱེས་དབང་པོ |
(མངོན་བརྗོད།) 1>པདྨའི་བདག་པོ། 2>ཆུ་ལྷ། |
| ཆུ་སྐྱེས་དབང་ལག |
སྔོ་ཞིག |
| ཆུ་སྐྱེས་མངལ |
(མངོན་བརྗོད།) ཚངས་པ། |
| ཆུ་སྐྱེས་རྟ་རྨིག |
སྔོ་སྨན་ཞིག་སྟེ། རྩ་བ་ཕྲ་ཞིང་ཁ་ཚ་བ། མགོ་དང་སོ་ན་བ་སོགས་ལ་ཕན། |
| ཆུ་སྐྱེས་སྔོན་པོ |
(མངོན་བརྗོད།) མེ་ཏོག་ཨུཏྤལ་མཐིང་ག། |
| ཆུ་སྐྱེས་སྲོག་ཆགས |
ཆུ་ལ་གནས་པའི་སྲོག་ཆགས། |
| ཆུ་སྐྱོན |
ཆུའི་གནོད་པའི་དོན་ཏེ། (དཔེར་ན།) ཆུ་སྐྱོན་བྱུང་ཡུལ། ཆུ་སྐྱོན་འགོག་པའི་ལུག་ཚང༌ཞེས་པ་ལྟ་བུ། |
| ཆུ་སྐྱོབ |
(མངོན་བརྗོད།) 1>ཞྭ་མོ། 2>ས་གཞི། 3>རི། |
| ཆུ་སྐྱོར |
ཁང་ཐོག་གི་ཉ་རྒྱབ། |
| ཆུ་སྐྲན |
ཁ་ཟས་ཀྱི་དྭངས་མ་མ་ཞུ་བ་རྩ་མིག་ཏུ་བྱེར་ཏེ་དོན་སྣོད་ཀྱི་ལོགས་སུ་ཆུ་སེར་གྱི་ཐུམ་བུ་ཆགས་ནས་མཐར་རྣག་སྐྲན་དང་རྣག་ཐུམ་དུ་འགྱུར་བ་ཞིག |
| ཆུ་སྒོ |
1.གཅིན་པ་གཏོང་སའི་བུ་ག། 2.ཆུ་རྒྱུན་གཏོང་གཅོད་བྱེད་སའི་སྒོ། |
| ཆུ་སྒྲོགས |
(མངོན་བརྗོད།) ནམ་མཁའ། |
| ཆུ་སྔོན |
1.མགོ་ལོག་རྨ་སྟོད་ཡུལ་གྱི་རོང་ཞིག 2.རྨ་ཆུའི་ཡན་ལག་ཅིག་སྟེ། ཨ་མྱེས་རྨ་ཆེན་ནས་རྩི་གོར་ཐང་བརྒྱུད་རྨ་ཆུར་འབབ། |
| ཆུ་སྙིགས |
བེད་སྤྱོད་བྱས་ཚར་བའི་ཆུ་རྙོག་སྟེ། (དཔེར་ན།) ཆུ་སྙིགས་རྫབ་དོང་དུ་བཤོས་ལྟ་བུ། |
| ཆུ་སྙིང |
ཆུའི་སྙིང་པོ་ལན་ཚྭ། |
| ཆུ་སྟག |
ལོ་རྒན་དྲུག་ཅུའི་ནང་ཚན་ཞིག |
| ཆུ་སྟོད |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་བྲེ་དང་ཆུ་ལྷ་ལྡན་ནོ། ། |
| ཆུ་སྟོད་ཉ་བ |
ཧོར་ཟླ་དྲུག་པའི་ཚེས་བཅོ་ལྔ་ལ་སྐར་མ་ཆུ་སྟོད་ཁེལ་བ། |
| ཆུ་སྟོད་ཟླ་བ |
1.ཧོར་ཟླ་ལྔ་པའི་བཅུ་དྲུག་ནས་དྲུག་པའི་བཅོ་ལྔའི་བར་ཆུ་སྟོད་ཅན་གྱི་ཟླ་བ་ཟེར། 2.(མངོན་བརྗོད།) ཧོར་ཟླ་དྲུག་པ། |
| ཆུ་སྟོད་སྐྱེས |
གཟའ་བཀྲ་ཤིས་ཏེ་རེས་གཟའ་མིག་དམར། |
| ཆུ་སྡོར |
ཐུག་པ་ལ་འདེབས་རྫས་ཤ་མར་ཕྱུར་བ་སོགས། |
| ཆུ་སྣ་གར་ཁྲིད |
རང་ཚུགས་མི་ཐུབ་པའམ། ཁ་ཕྱོགས་སྒྱུར་སླ་བའི་དཔེ། |
| ཆུ་སྣེ |
ཆུ་འབབ་པའི་སྣེ་མོ། |
| ཆུ་སྣོད |
ཆུ་བླུག་སའི་སྣོད་སྤྱད། |
| ཆུ་སྤེལ |
(མངོན་བརྗོད།) རྒྱ་མཚོ། |
| ཆུ་སྤྲིན |
སྤྲིན་པ་ནག་པོ། |
| ཆུ་སྦུབས |
ཆུ་འགྲོ་སའི་སྦུབས། |
| ཆུ་སྦུར |
སྲོག་ཆགས་སྨན་གྱི་རིགས་ཏེ། རོ་མངར་ལ་ཚ། ཞུ་རྗེས་དྲོད། ནུས་པས་རྩའི་ནད་རིགས་དང༌། དྲི་ཆུ་འགགས་པ་སོགས་ལ་ཕན། |
| ཆུ་སྦྱིན |
1.ཆུ་སྟེར་བའམ་སྤྲོད་པ། 2.ཆུ་གཏོར་གྱི་ནང་གསེས་ཤིག |
| ཆུ་སྦྱིན་མ |
(མངོན་བརྗོད།) ཆུ་བོ་གངྒཱ། |
| ཆུ་སྦྲུལ |
1.ལོ་རྒན་དྲུག་ཅུའི་ཡ་གྱལ་ཞིག 2.ཆུའི་ནང་དུ་གནས་ཐུབ་པའི་སྦྲུལ་རིགས་ཤིག |
| ཆུ་སྨད |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་སྣ་ཚོགས་ལྷ་ལྡན་དང༌། ཕུལ། ཨུཏྟ་ར་ཥ་ཌྷ་བཅས་སོ། ། |
| ཆུ་སྨན |
འབྱུང་བ་ཆུའི་རང་བཞིན་ཤས་ཆེ་བའི་སྨན་ཏེ། ཡོན་ཏན་ནི་སླ་བ་དང༌། བསིལ་བ། ལྕི་བ། སྣུམ་པ། འཇམ་པ། མཉེན་པ་བཅས་དང་ལྡན་ཞིང་རོའི་ལས་ཤས་ཆེར་བྱེད་པ། ནུས་པས་ཁོག་པ་སོགས་བརླན་ཞིང་གཤེར་བ་དང༌། ལུས་འཇམ་པ། ཕྱོགས་གཅིག་ཏུ་བསྡུ་བ་སོགས་བྱེད་ཅིང༌། གཙོ་བོ་མཁྲིས་པའི་ནད་སེལ་བར་བྱེད་པ་ཡིན་ནོ། ། |
| ཆུ་སྨྱོན |
སྤང་དང་ས་ཕུག་སོགས་ནས་གློ་བུར་དུ་བརྡོལ་ཏེ་འོང་བའི་ཆུ་ཆེན་པོའི་མིང་སྟེ། (དཔེར་ན།) ཆུ་སྨྱོན་གང་སར་ཁྱབ་ནས་རྩ་ཐང་བརླགས་ལྟ་བུ། |
| ཆུ་སྲང |
ཆུ་ཚོད་ཆ་དྲུག་ཅུར་ཕྱེ་བའི་ཆ་རེ་ལ་ཆུ་སྲང༌། ཆུ་སྲང་རེར་དབུགས་དྲུག |
| ཆུ་སྲམ |
སྲོག་ཆགས་སྲམ་གྱི་བྱེ་བྲག་ཅིག |
| ཆུ་སྲི |
གཅིན་པ་ཉུང་ངུ་ཙམ་ལས་མི་འབབ་པར་གྱུར་པའི་དོན། |
| ཆུ་སྲིན |
རྒྱ་མཚོའི་ནང་གི་སྲོག་ཆགས་མངལ་ལས་སྐྱེས་ཤིང་ནུ་མ་ནུ་བ་ཞིག ལུས་ཤིན་ཏུ་ཆེ་ཞིང་དབྱིབས་ཉ་དང་མཚུངས། གློ་བ་ལ་བརྟེན་ནས་དབུགས་འབྱིན་རྔུབ་བྱེད་པ་ཡིན། དེའི་ཤ་ཁ་ཟས་བྱེད་ཆོག་ལ། ཚིལ་གྱིས་ཞག་བཞུ་ཆོག རྒྱ་སྐད་དུ་ཅིན་ཟིར། |
| ཆུ་སྲིན་ཁྱིམ |
ཁྱིམ་བཅུ་བ། ཁྱིམ་ཞག་ཉི་བར་སྐར་གནས་ཉི་ཤུ་དང་ཆུ་ཚོད་བཅོ་ལྔ་ཤར་སྐབས་ཉི་མ་ཆུ་སྲིན་ཁྱིམ་ལ་གནས། འདིའི་དོན་ཁྱིམ་བཅུ་གཉིས་ཀྱི་ཐད་ན་གསལ། |
| ཆུ་སྲིན་ཁྱིམ་ཅན |
ཉི་མ་ཆུ་སྲིན་ཁྱིམ་དུ་སླེབས་དུས་ཏེ་ཧོར་ཟླ་བཅུ་གཉིས་པ། |
| ཆུ་སྲིན་གཤེད |
(མངོན་བརྗོད།) དུང་སྤྱི། |
| ཆུ་སྲིན་གྱི་ཟླ་བ |
སྣྲོན་ཟླ་བ་ལ་རྡོ་རྗེ་མཁའ་འགྲོའི་རྒྱུད་སོགས་ལས་ཆུ་སྲིན་གྱི་ཟླ་བ་ཟེར། |
| ཆུ་སྲིན་བདག |
(མངོན་བརྗོད།) རྒྱ་མཚོ། |
| ཆུ་སྲིན་མགོ |
གཙུག་ལག་ཁང་གི་རྒྱ་ཕིབས་ཟུར་རྒྱན། |
| ཆུ་སྲིན་འབྱུང་གནས |
(མངོན་བརྗོད།) རྒྱ་མཚོ། |
| ཆུ་སྲིན་རྒྱལ་མཚན |
(མངོན་བརྗོད།) 1>ཆུ་གཏེར་ཏེ་རྒྱ་མཚོ། 2>འདོད་པའི་ལྷ། |
| ཆུ་སྲིན་རྒྱལ་མཚན་ཅན |
(མངོན་བརྗོད།) 1> རྒྱ་མཚོ། 2>བདུད་དགའ་རབ་དབང་ཕྱུག་གི་མིང༌། |
| ཆུ་སྲིན་སྡེར་མོ |
སྲོག་ཆགས་སྨན་གྱི་ནང་ཚན་ཞིག་ན་གི་ཡང་ཟེར་ཞིང་། ཉ་ཁྲབ་ཅན་གྱི་ཕྱི་སྐོགས་སེན་མོ་ལྟ་བུ་དེའི་མིང་། ནུས་པས་རུས་པ་ལ་ཞུགས་པའི་ཚ་བ་སེལ། |
| ཆུ་སྲིབ |
ཉི་མ་མི་ཕོག་པའི་སྲིབ་རིའི་ཕྱོགས། |
| ཆུ་སྲེལ |
(མངོན་བརྗོད།) རྒྱ་མཚོ། |
| ཆུ་སྲོལ |
ཆུ་འགྲམ་གྱི་དོན་ཏེ། དེའི་ནུབ་མོ་ཆུ་སྲོལ་ཞིག་ཏུ་ཐང་བྲང་བཏབ་ནས་བཞུགས་ཞེས་པ་ལྟ་བུ། |
| ཆུ་སླང |
ཆུ་བླུག་སྣོད། |
| ཆུ་སླེ |
ཆུ་གླིང༌། |
| ཆུ་སླེའུ |
ཆུ་ཐུབ་པའི་ཕྱར་བ། |
| ཆུག |
(བྱེད་འབྲེལ་ལས་ཚིག) ནང་དུ་ཞུགས་པའི་དོན་དུ་གོ་བའི་བཅུག་པའི་སྐུལ་ཚིག ཆུགས་ཀྱི་འབྲི་སྲོལ་གཞན། |
| ཆུགས |
1.བཅུག་པའི་སྐུལ་ཚིག་སྟེ། (དཔེར་ན།) ཕྱུགས་ར་བར་ཆུགས་ཤིག་ལྟ་བུ། 2.སྣོད་ཀྱི་ནང་ལ་བཞག་པ་སྟེ། (དཔེར་ན།) དངོས་པོ་རུམ་དུ་ཆུགས་ལྟ་བུ། 3.ནང་དུ་ཚུད་པར་བྱས་པའི་དོན་ཏེ། (དཔེར་ན།) བྱིས་པ་སློབ་གྲྭ་ལ་ཆུགས་ཤིག་ལྟ་བུ།ལས་ཚིག་ད་ལྟ་བའི་མཐར་དེ་ཉིད་ཀྱི་རྣམ་དབྱེ་དང་བཅས་སྦྱར་ན་གཞན་ལ་བསྐུལ་བ་དང་ཁ་ལོ་བསྒྱུར་བ་འགན་བསྐུར་བ་སོགས་ཀྱི་དོན་སྟོན་པ་སྟེ། བྱེད་འབྲེལ་ལས་ཚིག་དང་སྦྱར་བ། (དཔེར་ན།) དགེ་རྒན་གྱིས་སློབ་མ་རྣམས་ལ་རྩིས་རིག་སློབ་ཏུ་བཅུག སློབ་ཏུ་འཇུག་མཁན། སློབ་ཏུ་འཇུག་དགོས། སློབ་ཏུ་ཆུགས་ཤིག ལས་བྱེད་པས་ཞིང་པ་རྣམས་ལ་ལུད་གསོག་ཏུ་བཅུག འཐབ་མོ་བ་ཚོར་རྩལ་སྦྱང་བྱེད་དུ་འཇུག་མཁན། བྱིས་པ་ལ་ཆང་འཐུང་དུ་འཇུག་མི་རུང་། ཆང་འཐུང་དུ་མ་བཅུག རྟ་ལ་རྩྭ་ཟ་རུ་ཆུགས་ལྟ་བུ། དེ་བཞིན་དུ། བསྒྲུབ་ཏུ་བཅུག བརྐོ་རུ་འཇུག འཚོ་རུ་ཆུགས། ཞེས་པ་སོགས་བྱེད་འབྲེལ་ལས་ཚིག་མ་འོངས་པ་དང་ད་ལྟ་བ་ཀུན་ལ་ཕལ་ཆེར་སྦྱོར་ཆོག་པ་ཡིན། འདིར་སེམས་ལ་ངེས་དགོས་པ་ནི། ཡུལ་སྐད་ལ་ལར་བསྒྲུབ་ཏུ་བཅུག་ལ་བསྒྲུབ་བཅུག་གམ། བསྒྲུབ་གིན་བཅུག། གསོག་ཏུ་བཅུག་ལ་གསོག་གིན་བཅུག་སོགས་འབྲི་བ་ཡོད་ཀྱང་། དགེ་རྒན་གྱིས་སློབ་མ་རྣམས་ལ་རྩིས་རིག་སློབ་ཏུ་བཅུག་ཅེས་པའི་ཚིག་འདི་རིགས་ཀྱི་ལས་སུ་བྱ་བའི་རྣམ་དབྱེ་ལ་དོན་བསྡུས་ནས། སློབ་མ་རྣམས་ལ་རྩིས་རིག་སློབ་ཏུ་འཇུག ཞིང་པ་ཞིང་འདེབས་སུ་འཇུག དམག་མི་རྩལ་སྦྱང་བྱེད་དུ་ཆུགས་ཞེས་བྲིས་ན། བོད་སྐད་ཀྱི་བརྡ་སྤྲོད་དང་མི་མཐུན་པས་དོན་གོ་རྒྱུ་མེད་པ་དང་། ཡང་ན་ཕྱིན་ཅི་ལོག་ཏུའང་གོ་སྲིད་པ་ཡིན། བྱེད་མེད་ལས་ཚིག་དང་སྦྱར་བ། (དཔེར་ན།) ཕ་མས་བྱིས་པ་ཚོ་སློབ་གྲྭར་འགྲོ་རུ་འཇུག་དགོས། དམག་དཔོན་གྱིས་དམག་མི་རྣམས་རྒྱུག་ཏུ་བཅུག འགོ་ཁྲིད་པས་ང་གནད་དོན་ཞིག་རྩད་གཅོད་བྱེད་དུ་འགྲོ་རུ་བཅུག བྱིས་པ་ཆུ་ལ་རྐྱལ་དུ་བཅུག སྒོ་ཕྱེ་ནས་ནང་ལ་བསེར་བུ་འོང་དུ་བཅུག སྒེའུ་ཁུང་ཕྱེ་ནས་ནང་གི་དུ་བ་ཕྱི་ལ་འགྲོ་རུ་འཇུག་དགོས། སྐྱེ་རུ་བཅུག འབར་དུ་འཇུག སྤྱང་ཀི་འཆི་རུ་ཆུགས། ཕྱུགས་འཕེལ་དུ་བཅུག་ལྟ་བུ། འདིར་ངེས་དགོས་པ་ནི། སྤྱང་ཀི་འཆི་རུ་ཆུགས། བསེར་བུ་འོང་དུ་བཅུག བུད་ཤིང་འབར་དུ་བཅུག་ཅེས་པ་ལྟ་བུའི་ཚིག་འདི་རིགས་ལ་རྣམ་དབྱེ་སྦྱར་ནས། སྤྱང་ཀི་ལ་འཆི་རུ་ཆུགས། བསེར་བུ་ལ་འོང་དུ་བཅུག་ཅེས་བྲིས་ན་བོད་སྐད་ཀྱི་བརྡ་སྤྲོད་དང་མི་མཐུན་པས། དོན་གོ་རྒྱུ་མེད་པའམ་ཡང་ན་ཕྱིན་ཅི་ལོག་ཏུ་འགྲོ་སྲིད་པ་རེད། |
| ཆུང |
(རྒྱན་ཚིག) 1>ཆེ་བའི་ལྡོག་ཟླ། བོངས་ཚོད་དང་རྒྱ་ཁྱོན་སོགས་ལྟོས་ས་ལྟོས་འཇོག་གི་སྒོ་ནས་ཉུང་ངུ་ཙམ་ལས་ཟིན་མེད་པའི་དོན་ཏེ། (དཔེར་ན།) ཁང་ཆུང་། ཞིང་ཆུང་། ཆུ་བོ་ཆུང་ཆུང་། དཀར་ཡོལ་ཆུང་བ་ཞེས་པ་ལྟ་བུ། 2>ན་ཚོད་གཞོན་པའི་དོན་ཏེ། (དཔེར་ན།) ནུ་བོ་ནི་ཕུ་བོ་ལས་ཆུང་། ཆུང་ངུའི་དུས། ཕུ་བོ་ལས་ནུ་བོ་ཆུང་། བྱིས་པ་ཆུང་བ། བུ་ཆུང་བ་ཞེས་པ་ལྟ་བུ། 3.དམན་པའམ་ཞན་པའི་དོན་ཏེ། སེམས་ཆུང་། ཉམ་ཆུང་། བློ་ཆུང་། ཀླད་ཆུང་ཞེས་པ་ལྟ་བུ། |
| ཆུང་གཉེན |
བུ་དང་བུ་མོར་ལོ་ན་ཆུང་དུས་ནས་ཕ་མས་བསྒྲིགས་པའི་གཉེན་གྱི་དན་ཁ་བཞག་པ་སྟེ། (དཔེར་ན།) བུ་ཕྲུག་ཕོ་མོ་ཆུང་གཉེན་སྒྲིག་པ་ནི་ལེགས་པོ་མི་འདུག་ལྟ་བུ། |
| ཆུང་གྲས |
ཆུང་ཆུང་གི་རིགས་སམ་ནང་ཚན་གྱི་དོན་ཏེ། (དཔེར་ན།) མི་སྣ་ཆུང་གྲས། ཕྲུ་གུ་ཆུང་གྲས། ཕོགས་ཐོབ་ཆུང་གྲས་ཞེས་པ་ལྟ་བུ། |
| ཆུང་གྲོགས |
ཆུང་དུས་ནས་འགྲོགས་པའི་གྲོགས་པོ། |
| ཆུང་གྲོགས་མ |
གཞོན་ནུའི་རྩེ་གྲོགས་བུད་མེད། |
| ཆུང་ངུ |
ཤིན་ཏུ་ཆུང་ཆུང༌གི་དོན་ཏེ། (དཔེར་ན།) སྐད་ཆུང་ངུ། སྐྱོན་ཆ་ཆུང་ངུ། སྙིང་སྟོབས་ཆུང་ངུ། ཁོ་དང་ང་ཆུང་ངུ་ནས་མཛའ་བརྩེ་ཆགས་ལྟ་བུ། |
| ཆུང་ངེ |
ཆུང་ངུའི་ཕྱོགས་ཏེ། (དཔེར་ན།) དཀའ་ངལ་ཆུང་ངེའི་ངང་ནས་ལས་ཀ་མང་པོ་ཚར་ལྟ་བུ། |
| ཆུང་ཆུང |
(རྒྱན་ཚིག) ཤིན་ཏུ་ཆུང་བའི་དོན་ཏེ། (དཔེར་ན།) བུ་ཕྲུག་ཆུང་ཆུང༌། ལས་དོན་ཆུང་ཆུང༌། |
| ཆུང་ཆེས་པ |
ཧ་ཅང་ཆུང་དྲགས་པའི་དོན་ཏེ། (དཔེར་ན།) ཁང་པ་ཧ་ཅང་ཆུང་ཆེས་པ། ན་ཚོད་ཆུང་ཆེས་པ། སྟོབས་ཤུགས་ཆུང་ཆེས་པ་ལྟ་བུ། |
| ཆུང་ཐ |
ཆུང་ཤོས་དང༌། ཐ་མའམ་རྗེས་མའི་དོན་ཏེ། (དཔེར་ན།) ཕྲུ་གུ་ཆུང་ཐ་ཡི་མགོ་འདོན་བྱེད་པ། སྤུན་ཟླ་ཆུང་ཐ་ཞེས་པ་ལྟ་བུ། |
| ཆུང་ཐིག |
(བརྡ་རྙིང་།) ཆུང་བའམ་ཆུང་ཤོས། |
| ཆུང་མ |
1.ཁྱོ་ག་ཡོད་པའི་བུད་མེད། 2.ཁྱོ་ག་གཅིག་ལ་སྐྱེ་དམན་རྒན་གཞོན་གཉིས་ཡོད་པའི་གཞོན་པ། |
| ཆུང་ཞེལ |
(བརྡ་རྙིང་།) དམན་པའམ་མ་རབས། |
| ཆུང་འདྲིས |
ལོ་ན་ཆུང་དུས་ནས་ཕན་ཚུལ་འདྲིས་ཏེ་བསྡེབས་པའི་བཟའ་ཚང༌། |
| ཆུང་འཛིན |
ཉི་ཟླའི་ཆ་ཆུང་ངུ་ཞིག་སྒྲ་གཅན་གྱིས་འཛིན་ཚུལ། |
| ཆུང་ཤ |
ར་ལུག་སོགས་ཕྱུགས་རིགས་ཆུང་གྲས་ཀྱི་ཤ། |
| ཆུང་སེ་བ |
ཆུང་ཙམ་གྱི་དོན་ཏེ། (དཔེར་ན།) གཞོན་ནུ་གཟུགས་བོངས་ཆུང་སེ་བ་ཞིག་ཅེས་པ་ལྟ་བུ། |
| ཆུང་སྲི |
བྱིས་པ་ཆུང་ངུ་ནས་འཆི་བར་བྱེད་པའི་གདོན་ནམ་སྲི། |
| ཆུད |
1.(བྱེད་མེད་ལས་ཚིག) 1.>ནང་ལ་ཤོང་བའི་དོན་ཏེ། (དཔེར་ན།) ཚོམས་ཁང་དུ་མི་སྟོང་ཆུད། མགོ་འོག་ལ་ལུས་ཆུད། ཞྭ་ནང་ལ་མགོ་ཆུད་ལྟ་བུ། 2>ནང་དུ་ཞུགས་པའམ་ནང་དུ་འཛུལ་བའི་དོན་ཏེ། (དཔེར་ན།) སློབ་གྲྭ་པའི་གྲལ་དུ་ཆུད། ལས་བྱེད་པའི་གྲལ་དུ་ཆུད། རི་དྭགས་རྒྱ་ལ་ཆུད་ལྟ་བུ། 3>བློ་ལ་ངེས་པའི་དོན་ཏེ། (དཔེར་ན།) ཞིང་འདེབས་པའི་ལག་རྩལ་ཁོང་དུ་ཆུད་ལྟ་བུ། 4>གྲ་སྒྲིག་བྱས་ཟིན་པའི་དོན་ཏེ། (དཔེར་ན།) ཡོ་བྱད་ཚགས་སུ་ཆུད་ལྟ་བུ།2.(བརྡ་རྙིང་།) ཞིང་པ། |
| ཆུད་གཟོན་པ |
འཕྲོ་བརླག་གི་དོན་ཏེ། (དཔེར་ན།) དུས་ཚོད་ཆུད་གཟོན་པ་མི་ལེགས། གཞུང་གི་རྒྱུ་དངོས་རྣམས་ཆུད་མི་གཟོན་པ་བྱེད་དགོས་ལྟ་བུ། |
| ཆུད་གསོན་པ |
འཕྲོ་བརླག་ཏུ་སོང་བའི་དོན་ཏེ། (དཔེར་ན།) གཞའ་ཚན་ཕོག་པས་དངོས་ཟོག་ཆུད་གསོན་པ། སད་སེར་བཙའ་ཐན་བཅས་བྱུང་ནས་ལོ་ཏོག་ཆུད་གསོན་པ་ལྟ་བུ། |
| ཆུད་ཟ་བ |
དོན་མེད་འཕྲོ་བརླག་ཏུ་འགྱུར་བའི་དོན་ཏེ། (དཔེར་ན།) དངོས་པོ་ཆུད་ཟ་བ། རེ་བ་ཆུད་ཟ་བ། ལོང་བར་ཞུ་མར་སྤར་བ་དེ། ཞུ་སྣུམ་ཆུད་དུ་ཟ་བ་ཡིན་ལྟ་བུ། |
| ཆུད་འཛའ |
1.ཆུད་ཟོས་སུ་གཏོང་བའི་དོན།2.འཆོལ་བའམ་གོ་ལོག་པའི་དོན་ཏེ། (དཔེར་ན།) ས་བོན་གྲོ་བཏབ་ན་འབྲས་བུ་གྲོ་བྱུང་བ་ནི་རྒྱུ་འབྲས་ཆུད་མི་འཛའ་བའི་རྟགས་ཡིན་ལྟ་བུ། |
| ཆུད་འཛའ་བ |
ཆུད་གཟོན་པ་དང་དོན་གཅིག |
| ཆུད་འཛའ་བའི་མཚན་མ |
འཆི་ལྟས། |
| ཆུན |
འཇུན་པའི་སྐུལ་ཚིག |
| ཆུན |
གཅུན་གྱི་སྐུལ་ཚིག |
| ཆུན་ཀླག |
ཆུན་ལག་དང་འདྲ། |
| ཆུན་ཐག་སྡོམ་པ |
(ཡུལ་སྐད།) བཙས་མ་བརྔས་ཏེ་ཚར་མར་སྐེད་འཆིང་རྒྱག་པའམ་ཆུན་པོ་སྡོམ་པ། |
| ཆུན་པ |
འཆུན་པའི་འདས་པ། |
| ཆུན་པོ |
ལྷན་ཅིག་ཏུ་བསྡུས་པའི་དངོས་རྫས་ཀྱི་ཕུང་བོའི་མིང་སྟེ། (དཔེར་ན།) མེ་ཏོག་ཆུན་པོ་གཅིག བུད་ཤིང་ཆུན་པོ་གཉིས་ཞེས་པ་ལྟ་བུ། |
| ཆུན་བུ |
ཆུན་པོ་དང་འདྲ། |
| ཆུན་མ |
བཟའ་ཟླ་བུད་མེད་གཉིས་ཡོད་པའི་ནང་ནས་གཞོན་པ། |
| ཆུན་མཛེས་ཅན |
(མངོན་བརྗོད།) གློག་གི་མིང༌། |
| ཆུན་ལག |
གསེར་གྱི་གཙུག་ཕུད་ཅེས་པའི་བྱ་ཞིག |
| ཆུབ |
(བྱེད་མེད་ལས་ཚིག) ཤེས་པའམ་རྟོཊ་པའི་དོན་ཡིན་ཞིང་། རྒྱུན་པར་བྱང་ཆུབ་པ་ཟེར་ཏེ། (དཔེར་ན།) ལག་རྩལ་བྱང་ཆུབ་པ། ཚིག་བྱང་ཆུབ་པར་བློ་ལ་བཟུང་། དོན་བྱང་ཆུབ་པར་སེམས་ལ་བཟུང་ལྟ་བུ། |
| ཆུམ |
བཅུམ་པའི་སྐུལ་ཚིག་སྟེ། ཆུམས་ཀྱི་འབྲི་སྲོལ་གཞན། |
| ཆུམ་པ |
(བྱེད་མེད་ལས་ཚིག) བག་འཁུམས་པའི་དོན་ཏེ། (དཔེར་ན།) འཇིགས་ཆུམ། འདར་ཆུམ་པ་ལྟ་བུ། |
| ཆུམས |
བཅུམ་གྱི་སྐུལ་ཚིག |
| ཆུམས་པ |
(བརྡ་རྙིང་།) 1>འདོད་པ་དང༌། ཆགས་པ། 2>བསྡུས་པ། |
| ཆུའི་གད་མོ |
(མངོན་བརྗོད།) ཆུའི་ལྦུ་བ། |
| ཆུའི་དཀྱིལ་འཁོར |
མངོན་པ་མཛོད་ལས་བཤད་པ་ལྟར་རླུང་གི་དཀྱིལ་འཁོར་གྱི་སྟེང་དུ་ནམ་མཁའ་ལ་སྤྲིན་གསེར་གྱི་སྙིང་པོ་ཅན་ཞེས་བྱ་བ་འཁྲིགས་པ་ལས་ཆར་གྱི་རྒྱུན་ལོ་མང་པོར་བབ་པ་ལས་ཆུའི་དཀྱིལ་འཁོར་ཆགས་ཏེ་རྔམས་སུ་དཔག་ཚད་འབུམ་ཕྲག་བཅུ་གཅིག་དང་སྟོང་ཕྲག་ཉི་ཤུ་ཡོད་པའོ། ། |
| ཆུའི་ཕུང་པོ |
(མངོན་བརྗོད།) རྒྱ་མཚོ། |
| ཆུའི་བུད་ཤིང་ཅན |
(མངོན་བརྗོད།) རྒོད་མ་ཁའི་མེ། |
| ཆུའི་བྱི་བ |
(མངོན་བརྗོད།) སྲམ། |
| ཆུའི་ཞལ་ཏ |
(མངོན་བརྗོད།) ཆུའི་དོ་དམ་པ། |
| ཆུའི་ཟེགས་མ |
(མངོན་བརྗོད།) ཆར་ཟིལ། |
| ཆུའི་འཁྲི་ཤིང |
(མངོན་བརྗོད།) ཆུའི་རྦ་རླབས། |
| ཆུའི་རོ |
(མངོན་བརྗོད།) ཚྭ། |
| ཆུའི་ལང་ཚོ |
(མངོན་བརྗོད།) མེ་ཏོག་པད་མ། |
| ཆུའི་ས་བོན |
(མངོན་བརྗོད།) ཆར་བ། |
| ཆུའི་སྤྲིས་མ |
ནད་པའི་དྲི་ཆུར་བརྟག་སྐབས་གཅིན་པའི་ཁར་ཆགས་པའི་འོ་མའི་ཁ་སྤྲིས་དང་འདྲ་བའི་དངོས་པོ་སྟེ། ཁ་དོག་དང༌། སྲབ་མཐུག་སྣ་ཚོགས་འབྱུང་བ་ཞིག |
| ཆུའི་སྲིན་པོའི་གྲོང་ཁྱེར |
(མངོན་བརྗོད།) རྒྱ་མཚོ། |
| ཆུའི་སྲེ་མོ |
(མངོན་བརྗོད།) སྲམ། |
| ཆུར |
1.བཅུར་གྱི་སྐུལ་ཚིག་སྟེ། (དཔེར་ན།) འཇུར་མིག་ལ་ཆུར་ཅིག་ལྟ་བུ། 2.ཅི་བྱ་གཏོལ་མེད་དུ་བཏང་བའི་དོན་ཏེ། (དཔེར་ན།) དཀའ་བའི་གནས་ལ་གཅུར། དགྲ་དམག་འཕྲང་ལ་བཅུར་ནས་ཐར་ཐབས་མེད་པར་བྱས་ལྟ་བུ། 3.ཆུ་རུ་ཞེས་པའི་རྣམ་དབྱེ་བསྡུས་པ་སྟེ། (དཔེར་ན།) ཆུ་རུ་རྐྱལ་ཞེས་པ་ལ་ཆུར་རྐྱལ་ཞེས་འབྲི་བ་ལྟ་བུ། 3.ཆུར་བ་ཞེས་པའི་ཚིག་བསྡུས་པ་སྟེ། (དཔེར་ན།) མར་ཆུར་ཞེས་པ་ལྟ་བུ། |
| ཆུར་ཆུར |
(ཡུལ་སྐད།) རི་འགར་སྐྱེ་བའི་སྐྱུར་ཟས་སྡོང་ཆུང་ཞིག |
| ཆུར་ཉལ |
(མངོན་བརྗོད།) ཉ། |
| ཆུར་བ |
འོ་མ་དཀྲུགས་ནས་མར་བླངས་རྗེས་ལྷག་པའི་གཤེར་ཁུ་དཀར་བོ་ལ་དར་བ་ཟེར་ཞིང་། དེ་བསྐོལ་ནས་གཤེར་ཁུ་བཙགས་རྗེས་ལྷག་པའི་དངོས་རྫས་དཀར་བོ་རྡོག་པོར་འཆགས་པ་ལ་ཆུར་བ་ཟེར། ཚིག་བསྡུས་ན་ཆུར་ཞེས་འབྲི་ཆོག་སྟེ། (དཔེར་ན།) འོ་ཆུར་མར་ཆུར་ཟེར་བ་ལྟ་བུ། ཆུར་བ་ནི་ཟོས་ན་བཅུད་ཆེ་བར་མ་ཟད། བཟོ་ལས་ཀྱི་སྟེང་དུ་བཀོལ་ས་ཤིན་ཏུ་མང་བའི་རྫས་ཤིག་ཡིན། |
| ཆུར་མི་ལྷུང |
(མངོན་བརྗོད།) ལྗོན་ཤིང༌། |
| ཆུར་འཇུག |
(མངོན་བརྗོད།) ཆུ་བྱ། |
| ཆུར་འདྲེས |
(མངོན་བརྗོད།) མ་ཧེ། |
| ཆུར་འཛུལ |
(མངོན་བརྗོད།) སྲམ། |
| ཆུར་རིང་བ |
དཀྱུས་སུ་རིང་བ། |
| ཆུར་རྩེ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རྒོད་བག་གི་བསམ་པས་ལུས་ཕྱེད་ནུབ་པའི་ཆུ་ལ་རྩེ་བའོ། ། |
| ཆུར་སྒྲོགས |
(མངོན་བརྗོད།) 1>ཆུ་བྱ། 2>ཨུཏྤལ་དཀར་པོ། |
| ཆུར་སྤྱིངས |
(བརྡ་རྙིང་།) ཆུར་ནུབ་པའམ། བྱིངས་པ། |
| ཆུས |
1.འཆུ་བའི་སྐུལ་ཚིག 2.ཐབས་ཚུལ་ཏེ་ཇུས་དང་དོན་གཅིག (དཔེར་ན།) དམག་ཆུས། ཚོང་ཆུས། འཚོ་ཆུས། རང་གཞན་གཉིས་ཕན་གྱི་ཆུས་ཞེས་པ་ལྟ་བུ། 3.(རྒྱ་སྐད།) དབྱེ་མཚམས་ངེས་ཅན་ཞིག་གི་ནང་དུ་ཡོད་པའི་ས་ཁུལ། 4.ཆུ་ཡིས་ཞེས་པའི་བྱེད་སྒྲ་བསྡུས་པ་སྟེ། (དཔེར་ན།) ཆུས་ས་ཞིང་བརླན་ཅེས་པ་ལྟ་བུ། |
| ཆུས་ཁྱེར་རྐྱལ་རློམ |
རང་ཉིད་ཡོངས་སུ་ཕམ་ཡང་མ་ཕམ་སྙམ་པའི་དཔེ། |
| ཆུས་མི་ཉམས |
(མངོན་བརྗོད།) ནམ་མཁའི་ཐོག |
| ཆུས་མི་འཚུབ |
(མངོན་བརྗོད།) ཉ། |
| ཆུས་འཇིག་པའི་རྩེ་མོ |
འཇིག་བསྐལ་གྱི་སྐབས་སུ་བསམ་གཏན་གསུམ་པ་ཡན་ལ་ཆུ་འཇིག་མི་འབྱུང་བས་རྩེ་མོ་ཟེར། |
| ཆེ |
(རྒྱན་ཚིག) ཆུང་བའི་ལྡོག་ཟླ། 1>ལྟོས་ས་ལྟོས་འཇོག་གི་སྒོ་ནས་བོངས་ཚོད་དང་རྒྱ་ཁྱོན་མང་བོ་ཟིན་པའི་དོན་ཏེ། (དཔེར་ན།) ས་ཞིང་ཆེ། གཟུགས་ཆེ། རྒྱ་ཆེ། ཇེ་ཆེ་ཇེ་ཆེ་ལྟ་བུ། 2>གྲངས་ཀ་མང་བ་སྟེ། (དཔེར་ན།) ལོ་ཆེ། ན་ཆེ། ལོ་ན་ཆེ་ལྟ་བུ། 3>གཞན་ལས་ཁྱད་པར་དུ་འཕགས་པ་སྟེ། (དཔེར་ན།) རིག་པ་ཆེ། བློ་ཆེ། ཤེས་རབ་ཆེ། སྟོབས་འབྱོར་ཆེ། ཤེད་ཆེ་ལྟ་བུ། |
| ཆེ་ཀ |
གྲངས་དང་ཚད་སོགས་ཆ་སྙོམས་པོར་བགོས་པའི་ཕྱེད་ལས་འདས་པའི་དོན་ཏེ། (དཔེར་ན།) ཞིང་མུའུ་གཅིག་གི་ཆེ་ཀ་བསློགས་ཚར། ལམ་ཐག་ལེ་བར་བརྒྱའི་ཆེ་ཀ་སོང་ལྟ་བུ། |
| ཆེ་ཁ |
ཆེ་ཁག་དང་འདྲ། |
| ཆེ་ཁག |
ཆེ་གྲས་ཀྱི་དོན་ཏེ། (དཔེར་ན།) གྲོང་ཁྱེར་ཆེ་ཁག ལས་དོན་ཆེ་ཁག་ཅེས་པ་ལྟ་བུ། |
| ཆེ་ཁོག |
འབྲི་གཡག་མཛོ་གླང་སོགས་ཕྱུགས་རིགས་ཆེ་གྲས་ཀྱི་ཤ་ཁོག |
| ཆེ་གཞི |
ཆེ་བཞི་དང་འདྲ། |
| ཆེ་གེ་བ |
ཆེ་གེ་མོ་དང་འདྲ། |
| ཆེ་གེ་མོ |
(ཚབ་ཚིག) མིའི་དངོས་མིང་བསྐུངས་པའི་ཚབ་མིང་སྟེ། (དཔེར་ན།) མི་ཆེ་གེ་མོ། དགེ་རྒན་ཆེ་གེ་མོ། སྨན་པ་ཆེ་གེ་མོ་ཞེས་པ་ལྟ་བུ། |
| ཆེ་གྲས |
ཆེ་བའི་རིགས་ཏེ། (དཔེར་ན།) ཡོན་ཏན་ཆེ་གྲས། ལས་དོན་ཆེ་གྲས། གནད་འགག་ཆེ་གྲས་ཞེས་པ་ལྟ་བུ། |
| ཆེ་ཆུང |
ཆེ་བ་དང་ཆུང་བའི་བསྡུས་ཚིག་སྟེ། (དཔེར་ན།) གོ་གནས་ཆེ་ཆུང༌། དབང་ཆ་ཆེ་ཆུང༌། ཁང་བ་ཆེ་ཆུང༌། མྱུར་ཚད་ཆེ་ཆུང༌། བྱས་ཉེས་ཆེ་ཆུང༌། དགོན་པ་སྒྲིག་མེད་ཀྱི་དུང་དེ་ཕུ་ཤུགས་ཆེ་ཆུང་དང༌། ཁྱིམ་ཚང་སྒྲིག་མེད་ཀྱི་འཁྲུག་པ་དེ་ཁ་རྩལ་ཆེ་ཆུང༌རེད་ཅེས་པ་ལྟ་བུ། |
| ཆེ་ཆེ |
ཆེ་རིགས་སམ་ཆེ་གྲས་ཏེ། (དཔེར་ན།) དཀའ་ཚེགས་ཆེ་ཆེ་འདྲ་ཡང་སེལ་ཐུབ། ལས་འགན་ཆེ་ཆེ་ཆུང་ཆུང་གང་ཡང་འཁུར་དགོས་ལྟ་བུ། |
| ཆེ་ཆེས་པ |
ཆེ་དྲགས་པའི་དོན་ཏེ། (དཔེར་ན།) བསྟོད་ར་གཏོང་ཤུགས་ཆེ་ཆེས་པ། འུད་ཤོབ་ཆེ་ཆེས་པ་ལྟ་བུ། |
| ཆེ་ཉམས |
འགྱིང་ཉམས་ཏེ་ང་རྒྱལ་གྱི་སྟངས་ཀའི་དོན། (དཔེར་ན།) ཡར་རྒྱས་ཡོང་ཕྱིར་ཆེ་ཉམས་སྤངས་ཏེ་གནས་ལྟ་བུ། |
| ཆེ་ཐག |
ཆེ་བའམ་ཆེ་ཤོས་ཏེ། (དཔེར་ན།) ཁོང་བུ་སྤུན་རྣམས་ཀྱི་ཆེ་ཐག་དེ་ཡིན་ལྟ་བུ། |
| ཆེ་ཐབས |
ང་རྒྱལ་ལམ་ཆེ་ཉམས། |
| ཆེ་དགུ |
ཆེ་གྲས་ཡོད་ཚད་དང༌། མཐོ་བ་ཡོད་ཚད་ཀྱི་དོན་ཏེ། (དཔེར་ན།) མི་ཆེ་དགུ། ལྷ་ཆེ་དགུ། དཔོན་རིགས་ཆེ་དགུ། སྐྱེ་བོ་ཆེ་དགུ་ཞེས་པ་ལྟ་བུ། |
| ཆེ་ཕྲ |
ཆེ་བ་དང་ཆུང་བའི་བསྡུས་ཚིག་སྟེ། (དཔེར་ན།) ལས་དོན་ཆེ་ཕྲ་ཚང་མ་ཐག་གཅོད་དགོས་ལྟ་བུ། |
| ཆེ་བཙན |
མི་ཆེན་དབང་བཙན་ཏེ། (དཔེར་ན།) ཆེ་བཙན་ལྟག་ཁུར་གྱིས་གཞན་ལ་བརྙས་བཅོས་བྱེད་པ། ཆེ་བཙན་ཕྲག་ཁུར་མ་བྱེད་ཅེས་པ་ལྟ་བུ། |
| ཆེ་བཞག་ཆུང་བཤོལ |
འཆར་ཅན་གྱི་ལས་དོན་ཚང་མ་བཞག་ནས་ལས་དོན་འཕར་མ་ཞིག་གལ་ཆེར་འཛིན་པའི་དོན་ཏེ། ཆེ་བཞག་ཆུང་བསྐྱུར་ཡང་ཟེར། (དཔེར་ན།) དམིགས་བསལ་གྱི་བྱ་བ་འདི་ཐོན་པས་ལས་དོན་གཞན་རྣམས་ཆེ་བཞག་ཆུང་བཤོལ་གྱིས་མཐའ་གཅིག་ཏུ་སྒྲུབ་དགོས། སང་ཉིན་ལས་དོན་ཆེ་བཞག་ཆུང་བསྐྱུར་གྱིས་ཚོགས་འདུར་བསྐྱོད་དགོས་ལྟ་བུ། |
| ཆེ་བཞག་ཆུང་བསྐྱུར |
ཆེ་བཞག་ཆུང་བཤོལ་དང་དོན་གཅིག |
| ཆེ་བཞི |
1.བདེན་རྫུན་འབྱེད་པའི་དཔང་པོའི་མིང༌སྟེ། (དཔེར་ན།) ཆེ་བཞི་མེད་ནའང་བདེན་རྫུན་དཀར་ནག་གི་ཐག་ཆོད་ཐུབ་ཅེས་པ་ལྟ་བུ།2.ཨ་མེས་ཡང་མེས་དང་ཕ་མ་བཅས་ལའང་ཟེར་སྲོལ་ཡོད། |
| ཆེ་བའི་ང་རྒྱལ |
བདག་ནི་ཕ་རོལ་པོ་དང་ཀུན་ནས་མཚུངས་ཤིང་འདྲ་ནའང་སྣ་འགའ་ཞིག་གིས་བདག་ཆེའོ་སྙམ་དུ་སེམས་པ། |
| ཆེ་བའི་ཡོན་ཏན་བདུན |
རིགས་བཟང་བ་དང༌། གཟུགས་བཟང་བ། གཉེན་འཁོར་གཡོག་འཛོམས་པ། འབྱོར་བ་ཆེ་བ། དབང་ཐང་ཆེ་བ། ཤེས་རབ་ཆེ་བ། ལུས་སྟོབས་དང་ལྡན་པ་བཅས་བདུན་ནོ། ། |
| ཆེ་བརྐོས |
པར་ཤིང་རྐོ་སྐབས་ཡི་གེའི་བར་གྱི་ས་སྟོང་ཆེ་བ་རྐོ་བྱེད། |
| ཆེ་བརྗོད |
ཆེ་བ་བརྗོད་པའམ། བསྔགས་བརྗོད་ཀྱི་དོན་ཏེ། (དཔེར་ན།) ཁོང་གི་ཡོན་ཏན་ལ་ཆེ་བརྗོད་བྱེད་པ། བྱས་རྗེས་མེད་མཁན་ལ་ཆེ་བརྗོད་མི་བྱེད་ཅེས་པ་ལྟ་བུ། |
| ཆེ་བསྟོད |
ཆེ་བརྗོད་དམ་བསྔགས་བརྗོད། |
| ཆེ་མ་ཆུང |
ཆེ་ཚད་ཆུང་ཚད་གཉིས་ཀ་དང་མི་མཐུན་པ། |
| ཆེ་མཆོག |
ཆེ་བའི་མཆོག་ཏུ་གྱུར་པ། |
| ཆེ་མོ་བ |
(ཡུལ་སྐད།) ཤིང་བཟོ་བ་དང་རྡོ་བཟོ་བ་སོགས་ཀྱི་ལས་ཀའི་སློབ་དཔོན་ནམ་དགེ་རྒན་ཏེ། (དཔེར་ན།) ཤིང་བཟོ་ཆེ་མོ་བ་ཞེས་པ་ལྟ་བུ། |
| ཆེ་ཚུགས |
ང་རྒྱལ་ཁེངས་དྲེགས་ཀྱི་ཕྱིའི་རྣམ་པ་སྟེ། (དཔེར་ན།) ཆེ་ཚུགས་མི་འཛིན། ལས་བྱེད་པས་ཆེ་ཚུགས་མི་འཛིན་པར་ཞིང་པ་དང་སྐྱིད་སྡུག་མཉམ་པ་བྱེད་དགོས་ལྟ་བུ། |
| ཆེ་ཞི |
ཆུང་མའི་འབོད་མིང་། |
| ཆེ་ཞེ |
རང་ལས་ལོ་ཆེ་བའི་བུད་མེད་ཀྱི་འབོད་མིང་། |
| ཆེ་འགྱིང |
ཁེངས་དྲེགས་ཆེ་བའི་རྣམ་འགྱུར་ཏེ། (དཔེར་ན།) ཆེ་འགྱིང་གི་ཉམས་སྟོན་པ་ལྟ་བུ། |
| ཆེ་འགྲོ་ཆུང་འགྲོ |
1.གང་ཐུབ་ཅི་ནུས་ཀྱི་དོན་ཏེ། (དཔེར་ན།) ཅ་ལག་རྣམས་སྒམ་ནང་ཆེ་འགྲོ་ཆུང་འགྲོ་བསྡུ་གསོག་བྱེད་པ། དཔེ་ཆ་པོད་གཅིག་པོ་དེ་རིང་ཀློག་ཐུབ་མིན་མ་ངེས་ཀྱང་ཆེ་འགྲོ་ཆུང་འགྲོ་བྱས་ནས་འདོན་ཡོང༌ལྟ་བུ། 2.ཐུབ་ཚོད་ཀྱིས་དབང་ཡོད་བྱེད་པའི་དོན་ཏེ། (དཔེར་ན།) མི་འདི་ཉམ་ཆུང་བའི་ཐོག་ལ་ཆེ་འགྲོ་ཆུང་འགྲོ་བྱེད་ས་རེད་ཅེས་པ་ལྟ་བུ། |
| ཆེ་འདོད |
1.གོ་གནས་ཆེ་འདོད་བྱེད་པ། 2.ཆེ་ཉམས་བྱེད་འདོད་པ་སྟེ། (དཔེར་ན།) ཀུན་དང་མི་མཐུན་པའི་རང་མཐོང་ཆེ་འདོད་བྱེད་པ་ལྟ་བུ། |
| ཆེ་འདོན |
1.ཆེ་འདོན་བསྔགས་བརྗོད། 2.ཁྲི་འདོན་གྱི་དོན་ཏེ། (དཔེར་ན།) རྒྱལ་པོའི་ཆེ་འདོན་ཞེས་པ་ལྟ་བུ། |
| ཆེ་འཛིན |
རང་ཆེན་པོར་འཛིན་པ། |
| ཆེ་རིམ |
རགས་པའམ་གཙོ་ཆེ་བའི་དོན་ཏེ། (དཔེར་ན།) ཉེས་སྐྱོན་ཆེ་རིམ་ནས་བཀག་ན་འགོག་སླ། ཡོན་ཏན་ཆུང་རིམ་ནས་བསླབས་ན་ལོབས་སྐྱེན་ལྟ་བུ། |
| ཆེ་རྒྱུད |
རྒྱལ་རིགས་སོགས་ལས་ཆད་པའི་མི་རྒྱུད། |
| ཆེ་ལོང |
རགས་པའི་དོན་ཏེ། (དཔེར་ན།) གོ་བ་ཆེ་ལོང་ཙམ་ལས་ལེན་མི་ཐུབ་པ། གསུང་རྩོམ་ནང་ནས་ཆེ་ལོང་ཙམ་བསྡུས་ལྟ་བུ། |
| ཆེ་ཤ |
ཕྱུགས་རིགས་ཆེ་བའི་ཤ། |
| ཆེ་ཤུལ་ཆུང་ཁྲིད |
ཆེ་བའི་ཞོར་ལ་ཆུང་བ་ཁྲིད་པའི་དོན་ཏེ། (དཔེར་ན།) ཆེ་ཤུལ་ཆུང་ཁྲིད་ཀྱིས་བགོ་བཤའ་རྒྱག་དགོས་ལྟ་བུ། |
| ཆེ་ཤེལ |
དངོས་རིགས་ཀྱི་སྣང་གཟུགས་ཆེ་རུ་གཏོང་ཐུབ་པའི་ཤེལ། |
| ཆེ་ཤོས |
རང་གི་སྡེར་གཏོགས་ཀྱི་ནང་ནས་དེ་ལས་ཆེ་བ་མེད་པའི་དོན་ཏེ། (དཔེར་ན།) རྟ་ཆེ་ཤོས། གཡག་ཆེ་ཤོས། ལུག་ཆེ་ཤོས་ཞེས་པ་ལྟ་བུ། |
| ཆེ་ས |
1.མཐོ་བའི་ཕྱོགས་སམ་གོ་ས་མཐོ་བ། 2.ཆེ་བའི་གྲས། |
| ཆེ་སེ་བ |
ཆེ་ཙམ་གྱི་དོན་ཏེ། (དཔེར་ན།) མི་འདི་གཟུགས་པོ་ཆེ་སེ་བ་ཞིག་འདུག་ལྟ་བུ། |
| ཆེད |
1.དམིགས་ཡུལ་དང་དགོས་ཆེད་ཀྱི་དོན་ལ་འཇུག་པ་ནི། (དཔེར་ན།) ཕ་ཡུལ་འཛུགས་སྐྲུན་གྱི་ཆེད་དུ་འབད་པ་བྱེད་པ། ནད་སོས་ཆེད་དུ་སྨན་བསྟེན་ལྟ་བུ།2.ལས་དོན་གཅིག་གི་སྟེང་ལ་དམིགས་པའམ་ལས་དོན་ཚན་པ་གཅིག་ལ་གཏད་པའི་དོན་ཏེ། (དཔེར་ན།) ཆེད་ལས། ཆེད་གཉེར། ཆེད་དམིགས་ཞེས་པ་ལྟ་བུ། |
| ཆེད་ཀ |
(བརྡ་རྙིང་།) དགོས་པའམ་དོ་གལ། |
| ཆེད་ཀྱི་དོན |
1.ཆེད་མངགས་ཀྱི་ལས་དོན། 2.རྣམ་དབྱེ་བཞི་པ། |
| ཆེད་གཏད |
དམིགས་བཀར་གྱི་དོན་ཏེ། (དཔེར་ན།) ཆེད་གཏད་དུ་ཁ་ལན་གཏོང་བ། ཆེད་གཏད་ཀྱིས་འཕྲལ་དུ་ཐག་གཅོད་བྱས་པ། ཆེད་གཏད་ལས་འགན་གཟབ་ནན་གྱིས་བྱེད་དགོས་ལྟ་བུ། |
| ཆེད་གཏོང |
དམིགས་བཀར་གྱིས་གཏོང་བ། |
| ཆེད་ཅི་ཆེ |
(བརྡ་རྙིང་།) དགོས་པ་ཅི་ཡོད། |
| ཆེད་དམིགས |
ཆེད་མངགས་དམིགས་སུ་བཀར་བ། |
| ཆེད་དུ་བརྗོད་པའི་ཚོམས |
སངས་རྒྱས་ཀྱིས་ཐོར་བུར་གསུངས་པ་རྣམས་དགྲ་བཅོམ་པ་ཆོས་སྐྱོབ་ཀྱིས་ཕྱོགས་གཅིག་ཏུ་བསྡུས་པ་ལ་བམ་པོ་བཞི་དང་མི་རྟག་པའི་ཚོམས་ནས་བྲམ་ཟེའི་ཚོམས་ཀྱི་བར་དུ་ལེའུ་སུམ་ཅུ་རྩ་གསུམ་ཡོད་པ་ཞིག |
| ཆེད་དུ་བརྗོད་པའི་སྡེ |
གསུང་རབ་ཡན་ལག་བཅུ་གཉིས་ཀྱི་ནང་གསེས། གང་ཟག་འགའ་ཞིག་གི་ཕྱིར་གསུང་བ་མིན་པར། སངས་རྒྱས་ཀྱི་བསྟན་པ་ཡུན་རིང་དུ་བཞག་པའི་ཕྱིར་གཞན་གྱིས་མ་བསྐུལ་བར་ཐུགས་དགྱེས་པའི་ཚུལ་གྱིས་ཆེད་དུ་གསུངས་པའོ། ། |
| ཆེད་དུ་བྱ་བ |
1.ཐུན་མོང་མ་ཡིན་པའི་དམིགས་ཡུལ་ཅན་གྱི་བསྒྲུབ་བྱའི་དོན་ཏེ། (དཔེར་ན།) དུས་གཅིག་ལ་ལས་ཆེད་དུ་བྱ་བ་མང་པོ་བྱེད་མི་རུང༌ལྟ་བུ། 2.རྣམ་དབྱེ་བཞི་པ་དགོས་ཆེད། |
| ཆེད་དོན |
རྐང་བཙུགས་ནས་བརྗོད་པའི་དོན་ཏེ། སྔར་གཞུང་ཡིག་གོང་ནས་འོག་ལ་བཏང་བའི་བཀའ་ཤོག་སོགས་ཀྱི་འགོར་འགོད་པའི་ཚིག་ཅིག་སྟེ། (དཔེར་ན།) ས་གནས་ལས་བྱེད་ཐུན་མོང་ལ། ཆེད་དོན་ལྟ་བུ། |
| ཆེད་བཙུགས |
ལས་དོན་རེ་རེ་བའི་ཆེད་དམིགས་བཀར་གྱིས་བཙུགས་པ་སྟེ། (དཔེར་ན།) སོ་པ་ཆེད་བཙུགས། ཆེད་བཙུགས་ལས་ཁུངས་ལྟ་བུ། |
| ཆེད་བཟོས |
ཆེད་མངགས་གསར་སྐྲུན་བྱས་པ། |
| ཆེད་བརྗོད |
ཆེད་དུ་དམིགས་ནས་བཤད་པའམ་དམིགས་སུ་བཀར་ནས་བཤད་པ། |
| ཆེད་མངགས |
1.ཆེད་དུ་གཏོང་བ་སྟེ། (དཔེར་ན།) ལས་ཀ་འདིའི་སྐོར་ལ་ཆེད་མངགས་ཀྱི་མི་ཡོད་ཅེས་པ་ལྟ་བུ། 2.དམིགས་སུ་བཀར་བའི་དོན་ཏེ། (དཔེར་ན།) ཆེད་མངགས་གདན་ཞུས་སྐུ་ཚབ་ཅེས་པ་ལྟ་བུ། |
| ཆེད་ཞིབ་མཐའ་གསལ |
ཆེད་གཉེར་གྱིས་ཞིབ་དཔྱོད་མཐའ་གསལ། |
| ཆེད་ཞུ |
ཆེད་དུ་སྨྲ་བའི་དོན་ཏེ། (དཔེར་ན།) ཚོགས་འདུ་ལྷན་རྒྱས་ཀྱི་སྙན་ལམ་དུ། ཆེད་ཞུ་ལྟ་བུ། |
| ཆེད་འགའ |
རེས་འགའ། |
| ཆེད་འབུལ |
ཆེད་དུ་འབུལ་བ་སྟེ་གཏོང་ཡིག་གི་འགོར་འགོད་པའི་ཚིག་ཅིག (དཔེར་ན།) འཐུས་མི་ལྷན་འཛོམས་ཀྱི་དྲུང་དུ། ཆེད་འབུལ་ལྟ་བུ། |
| ཆེད་སོ |
ཆེད་གཏད་དམ་ཆེད་དུ་ཞེས་པའི་དོན་ཏེ། (དཔེར་ན།) གང་མཁོའི་ཡོ་བྱད་ཆེད་སོར་བཟོས་ལྟ་བུ། |
| ཆེན |
(རྒྱན་ཚིག) རིགས་མཐུན་གཞན་ལས་བོངས་ཚོད་ཆེ་བའི་དོན་ཏེ། (དཔེར་ན།) ལམ་ཆེན། ཆུ་ཆེན། སྡོང་ཆེན་ལྟ་བུ། |
| ཆེན་ཆུང |
ཁྱིམ་བདག་ཆེན་མ་དང་ཆུང་མ། |
| ཆེན་ཆུན |
མནའ་མ་སྔ་མ་དང་ཕྱི་མ། |
| ཆེན་ཐགས |
(བརྡ་རྙིང་།) ཕྱུགས་ནད། |
| ཆེན་པོ |
(རྒྱན་ཚིག) ཆུང་ངུའི་ལྡོག་ཕྱོགས། སྤྱིར་བཏང་ངམ་འཆར་ཅན་གྱི་ཚད་ལས་འདས་པའི་དོན་ཏེ། (དཔེར་ན།) མངའ་ཐང་ཆེན་པོ། ཡོན་ཏན་ཆེན་པོ། ཡུལ་གྲུ་རྒྱ་ཆེན་པོ། གལ་ཆེན་པོ། ཆེན་པོའི་ཆེན་པོ། ཆེན་པོའི་འབྲིང༌། ཆེན་པོའི་ཡང་ཆེན་པོ་ལྟ་བུ། |
| ཆེན་པོ་བདུན |
དམིགས་པ་ཆེན་པོ་དང༌། སྒྲུབ་པ་ཆེན་པོ། ཡེ་ཤེས་ཆེན་པོ། བརྩོན་འགྲུས་རྩོམ་པ་ཆེན་པོ། ཐབས་ལ་མཁས་པ་ཆེན་པོ། ཡང་དག་སྒྲུབ་པ་ཆེན་པོ། ཕྲིན་ལས་ཆེན་པོ་སྟེ་འདི་རྣམས་དང་ལྡན་ན་ཐེག་པ་ཆེན་པོའོ། ། |
| ཆེན་པོ་ལྔ |
ནམ་མཁའི་ཁྱད་ཆོས་ལྔ་སྟེ་གཟུགས་མེད་དང༌། ཐོགས་པ་མེད་པ། རྟག་པ། མི་འགྱུར་བ། མི་འཕོ་བ་བཅས་ལྔའོ། ། |
| ཆེན་པོ་སྟོང་པ་ཉིད |
སྟོང་ཉིད་བཅུ་དྲུག་གི་ནང་གསེས་ཤིག་ཕྱོགས་བཅུའི་འཇིག་རྟེན་གསུམ་དང་བཅུད་ཀྱི་འཇིག་རྟེན་རྒྱུད་ལྔར་སྐྱེས་པ་མང་ཞིང་རྒྱ་ཆེ་བ་དེ་དག་ནི་སྟོང་པ་ཉིད་དོ། ། |
| ཆེན་པོ་ཧོར |
སོག་ཡུལ་གྱི་སྤྱི་མིང༌། |
| ཆེན་མ |
ཁྱོ་ག་གཅིག་ལ་སྐྱེ་དམན་གཉིས་ཡོད་པའི་སྔོན་མ། |
| ཆེན་མོ |
ཆེན་པོ་དང་དོན་འདྲ་ཞིང་གཙོ་བོར་ཆེད་དུ་བཏགས་པའི་མིང་མཐར་སྦྱོར་ཏེ། (དཔེར་ན།) གསོ་རིགས་སློབ་གྲྭ་ཆེན་མོ། མི་རིགས་སློབ་གྲྭ་ཆེན་མོ། རྣམ་ཐར་ཆེན་མོ། རྟོགས་བརྗོད་ཆེན་མོ་ཞེས་པ་ལྟ་བུ། |
| ཆེམ |
(རྒྱན་ཚིག) 1>ལྷང་ལྷང་གྲགས་པ་སྟེ། (དཔེར་ན།) སློབ་ཕྲུག་མང་བོས་འུར་ཆེམ་ཆེམ་དཔེ་ཆ་བཏོན། དགའ་བསུ་བྱེད་པའི་རོལ་མོ་འུར་ཆེམ་ཆེམ་དཀྲོལ་ལྟ་བུ། 2>འོད་ལམ་ལམ་འཕྲོ་བའི་དོན་ཏེ། (དཔེར་ན།) གློག་སྒྲོན་འོད་ཆེམ་ཆེམ་བྱེད་ལྟ་བུ། |
| ཆེམ་ཆུ |
མདོ་སྨད་རྨ་ཆེན་ས་ཁུལ་གྱི་འབབ་ཆུ་ཞིག་སྟེ། རྨ་ཆུའི་ཆུ་ལག་ཆེན་པོ་ཞིག་ཡིན། |
| ཆེམ་ཆེམ |
(རྒྱན་ཚིག) 1>འོད་འཚེར་ཚུལ་ཞིག་སྟེ། (དཔེར་ན།) སྐར་མའི་འོད་ཆེམ་ཆེམ་ལྟ་བུ། 2>གཡོ་འགུལ་བྱེད་སྟངས་ཤིག་སྟེ། (དཔེར་ན།) ས་ཆེམ་ཆེམ་དུ་གཡོ་བ་ལྟ་བུ། 3>སྒྲ་གྲག་སྟངས་ཤིག་སྟེ། (དཔེར་ན།) རོལ་མོའི་སྒྲ་ཆེམ་ཆེམ་དུ་དཀྲོལ་བ་ལྟ་བུ། |
| ཆེམ་མེ་བ |
(རྒྱན་ཚིག) འོད་དང་སྒྲ་འབྱིན་ཚུལ་ཏེ། (དཔེར་ན།) སྒྲ་འུར་ཆེམ་མེ་བ། འོད་དམར་ཆེམ་མེ་བ་ལྟ་བུ། |
| ཆེམས |
སོ་སོར་ཁ་གྱེས་སྐབས་སུ་མངགས་བཅོལ་བྱས་པའི་གཏམ་སྟེ། (དཔེར་ན།) ཆེམས་བཞག་པ། ཁ་ཆེམས་ལྟ་བུ། |
| ཆེམས་ཆེམས |
(རྒྱན་ཚིག) ཆེམ་ཆེམ་དང་འདྲ། |
| ཆེམས་སེ་ཆེམ |
(རྒྱན་ཚིག) སྒྲ་ཆེམ་མེར་སྒྲོག་ཉམས་ཀྱི་རྗོད་ཚུལ་ཏེ། (དཔེར་ན།) རོལ་མོ་མང་པོའི་སྒྲ་སྐད་ཆེམས་སེ་ཆེམ་ལྟ་བུ། |
| ཆེར་འཇིག |
(མངོན་བརྗོད།) འཇིག་པའི་བསྐལ་པ། |
| ཆེས |
(བསྣན་ཚིག) ཧ་ཅང་དང་དོན་འདྲ་སྟེ། (དཔེར་ན།) ཆེས་བཟང་བ། ཆེས་མྱུར་བ། ཆེས་རྙིང་བ་ཞེས་པ་ལྟ་བུ། |
| ཆོ |
(ཡུལ་སྐད།) སྙིང་པོའམ་དགོས་པའི་དོན་ཏེ། (དཔེར་ན།) ལས་ཀ་དེར་ཆོ་མི་འདུག གཏམ་ཆོ་ཡོད་པ་ལ་ཉོན། ཆོ་མེད་པའི་བྱ་བ་མ་བྱེད། ཁོ་ཚོའི་བཟོ་ཆོ་གང་ལ་བརྟགས་ཀྱང་ཐ་ཆད་ངན་སྡུག་ཁོ་ན་འདུག་ཅེས་པ་ལྟ་བུ། |
| ཆོ་ག |
1.རིམ་པ་ལྟར་བྱེད་པའི་མཛད་སྒོའི་མིང་སྟེ། (དཔེར་ན།) བྱ་དགའ་གནང་བའི་ཆོ་ག། གཉེན་སྒྲིག་བྱེད་པའི་ཆོ་ག་ཞེས་པ་ལྟ་བུ།2.བྱ་དངོས་ཀྱི་ཆོས་ཉིད་རིགས་སྤྱི་འགྲོས་སུ་བསྒྲིགས་པའི་ཚིག་གི་མིང་སྟེ། (དཔེར་ན།) སྨན་བླའི་ཆོ་ག སྔགས་ཀྱི་ཆོ་ག རྩིས་ཀྱི་ཆོ་ག་ལྟ་བུ། (དཔེར་ན།) དགུ་མཐའི་ཆོ་ག དགུ་ཉིས་གཉིས་དགུ་བཅྭོ་བརྒྱད་ཡིན། སྒྲ་རིག་པའི་ཆོ་ག ས་སུ་ག་བ་ད་དྲག་ཏུ་ཞེས་པ་ལྟ་བུ། |
| ཆོ་ག་གསུམ་བསྐྱེད |
ལྷ་བསྐྱེད་པའི་ཚུལ་ཞིག་སྟེ། པད་ཉི་ལ་སོགས་པའི་གདན་གྱི་སྟེང་དུ་ལྷའི་ས་བོན་ལས་བྱུང་བའི་ཕྱག་མཚན་ས་བོན་གྱིས་མཚན་པ་ཡོངས་སུ་གྱུར་པ་ལས་ལྷའི་སྐུ་རྫོགས་པར་བསྐྱེད་པ། |
| ཆོ་ངེ |
སྨྲེ་སྔགས་ཏེ་སྡུག་སྐད་དང་འོ་དོད་འབོད་བཞིན་དུ་ངུ་བའི་དོན། (དཔེར་ན།) མྱ་ངན་མ་བཟོད་པར་ཆོ་ངེ་འབོད་པ། སེམས་སྡུག་ཆེན་པོས་ཆོ་ངེ་འདེབས་པ། ཆོ་ངེ་བཏོན་ནས་སྐད་འགགས་པ། སྔ་དུས་སྲང་ལམ་ཞིག་ན་དྭ་ཕྲུག་མང་པོས་ཆོ་ངེ་འདོན་བཞིན་དུ་ཕྱོགས་མཚམས་ཀུན་ཏུ་རྒྱུ་ལྟ་བུ། |
| ཆོ་ངེ་འོ་དོད |
ངུ་བའམ་མྱ་ངན་གྱི་འབོད་སྐད་དེ། (དཔེར་ན།) སེམས་སྡུག་ཡི་མུག་གིས་ཆོ་ངེ་འོ་དོད་འབོད་ཅེས་པ་ལྟ་བུ། |
| ཆོ་ཆད |
(བརྡ་རྙིང་།) མ་འགྲིག་པ། |
| ཆོ་བབ |
(ཡུལ་སྐད།) བཟོ་ལྟའམ་གནས་ཚུལ་གྱི་དོན་ཏེ། (དཔེར་ན།) སྟོབས་ཤུགས་ཆེ་ཆུང་གི་ཆོ་བབ། ཤེས་ཡོན་གྱི་ཆོ་བབ་ལ་བལྟས་ཏེ་ལས་འགན་དཀྲི་ལུགས་བྱེད་དགོས་ལྟ་བུ། |
| ཆོ་བལྟས |
(ཡུལ་སྐད།) བབ་ལ་བལྟས་པའི་དོན་ཏེ། (དཔེར་ན།) གནས་ཚུལ་ལ་ཆོ་བལྟས་ནས་ལས་ཀ་བྱེད་དགོས་ལྟ་བུ། |
| ཆོ་འཕྲུལ |
རྫུ་འཕྲུལ་ཏེ་ལུས་སེམས་ཀྱི་ཤིན་སྦྱངས་ལ་བརྟེན་ནས་སྐྱེས་པའི་སྤྲུལ་པའི་ནུས་ཤུགས། (དཔེར་ན།) རྒྱལ་བའི་ཆོ་འཕྲུལ། ལྷ་འདྲེའི་ཆོ་འཕྲུལ། ཆོ་འཕྲུལ་ཡིན་ནམ་དངོས་ཡིན་སྙམ་ལྟ་བུ། |
| ཆོ་འཕྲུལ་གསུམ |
སངས་རྒྱས་ཀྱིས་གདུལ་བྱར་འཕྲིན་ལས་མཛད་པ་བསྟན་པའི་སྐུ་གསུང་ཐུགས་ཀྱི་ཆོ་འཕྲུལ་ཏེ། སྐུ་རྫུ་འཕྲུལ་གྱི་ཆོ་འཕྲུལ་དང༌། གསུང་ཀུན་ཏུ་བརྗོད་པའི་ཆོ་འཕྲུལ། ཐུགས་རྗེས་སུ་བསྟན་པའི་ཆོ་འཕྲུལ་ཏེ་གསུམ། |
| ཆོ་འཕྲུལ་གསུམ་ལྡན |
སངས་རྒྱས་ཀྱི་མཚན། |
| ཆོ་འཕྲུལ་གྱི་བཅོ་ལྔ |
ཧོར་ཟླ་དང་པོའི་ཚེས་བཅོ་ལྔ། |
| ཆོ་འཕྲུལ་ཆེན་པོ་བསྟན་པ |
མདོ་སྡེ་དཀོན་མཆོག་བརྩེགས་པའི་གླེགས་བམ་ཅ་པའི་ནང་ཡོད་པའི་འཕགས་པ་ཆོ་འཕྲུལ་ཆེན་པོ་བསྟན་པའི་ལེའུ་བམ་པོ་གསུམ་པ། ཤློ་ཀ་དགུ་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་སོགས་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། |
| ཆོ་འཕྲུལ་ཆེན་པོའི་དུས་ཆེན |
ཁྱད་པར་ཅན་གྱི་དུས་ཆེན་བཞིའི་ནང་གསེས། ཧོར་ཟླ་དང་པོ། མཆུ་ཟླའམ་རྟ་ཟླའི་ཡར་ཚེས་གཅིག་ནས་བཅོ་ལྔའི་བར་ནི། བདུད་དང་མུ་སྟེགས་ཅན་ལ་སོགས་པ་ཆོ་འཕྲུལ་སྣ་ཚོགས་ཀྱི་སྒོ་ནས་ཚར་བཅད་པས་ཆོ་འཕྲུལ་ཆེན་པོའི་དུས་ཞེས་བྱའོ། ། |
| ཆོ་འཕྲུལ་བཞི |
རྣལ་འབྱོར་རྒྱུད་ཀྱི་སྒོམ་པ་བཞི་ཏིང་ངེ་འཛིན་གྱི་ཆོ་འཕྲུལ་དང༌། བྱིན་གྱིས་བརླབས་པའི་ཆོ་འཕྲུལ། དབང་བསྐུར་བའི་ཆོ་འཕྲུལ། མཆོད་པའི་ཆོ་འཕྲུལ་ཏེ་བཞིའོ། ། |
| ཆོ་འཕྲུལ་མཆོད་པ |
རྗེ་ཙོང་ཁ་པས་རབ་བྱུང་བདུན་པའི་ས་གླང་ལོའི་ཆོ་འཕྲུལ་ཟླ་བ་སྟེ་ཟླ་བ་དང་པོར་ལྷ་སའི་གཙུག་ལག་ཁང་དུ་བཙུགས་པའི་སྨོན་ལམ་ཆེན་མོའི་མཆོད་པ། |
| ཆོ་འཕྲུལ་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག་སྟོན་པ་ཐུབ་པའི་དབང་པོ་མཉན་ཡོད་ཛེ་ཏཱའི་ཚལ་དུ་ཆོ་འཕྲུལ་བསྟན་པའི་ཚེ་བཞེངས་པའི་མཆོད་རྟེན་གྲུ་བཞི་བང་རིམ་བཞི་པ་ཕྱོགས་རེར་གློ་འབུར་དང་བཅས་པའམ་ཟླུམ་པོ་བང་རིམ་བཞི་པ་པད་འདབ་ཅན་ནོ། ། |
| ཆོ་འཕྲུལ་ཟླ་བ |
བོད་ལུགས་ཀྱི་ཟླ་བ་དང་པོ་སྤྱི་ལོའི་སྔོན་གྱི་ལོ་གྲངས་ལྔ་བརྒྱ་བཅུ་གཅིག་ལོར་སངས་རྒྱས་ཤཱཀྱ་ཐུབ་པས་ཆོ་འཕྲུལ་སྣ་ཚོགས་བསྟན་ནས་མུ་སྟེགས་པ་རྣམས་བཏུལ་བའི་ཟླ་བའོ། ། |
| ཆོ་འབྲང |
ཨ་མའི་ཁྱིམ་རྒྱུད་ནི་ཆོ་འབྲང་ཡིན། |
| ཆོ་རིགས |
ཕའི་ཁྱིམ་རྒྱུད་ནི་ཆོ་རིགས་ཡིན། |
| ཆོ་རིས |
ཕ་མའི་རྒྱུད་ལ་འབྲེལ་བ་ཡོད་པའི་ཉེ་དུའི་མིང་། རིགས་དང་རུས་དང་ཆོ་འབྲང་དང་ཞེས་པའི་ཐད་ཀྱི་འབྲེལ་བར་ཕའི་རྒྱུད་དང་མི་རབས་བདུན་ཡན་ཆད་འབྲེལ་བ་མེད་པའི་ཕོ་མོ་གཉེན་སྒྲིག་བྱས་པ་ལས་སྐྱེས་པའི་ཕྲུ་གུ་ནི་ཆོ་རིགས་བཟང་བ་དང་། མའི་རྒྱུད་དང་མི་རབས་བདུན་ཡན་ཆད་འབྲེལ་བ་མེད་པ་ནི་ཆོ་འབྲང་བཟང་བ་ཡིན་ཞེས་བཤད་ཡོད། |
| ཆོ་རོལ |
(བརྡ་རྙིང་།) ངེས་མེད་དམ་གོ་ལྡོག |
| ཆོ་ལེ་བ |
(རྒྱན་ཚིག) སྒྲ་དང་དབྱིབས་གཟུགས་ཁ་ཏོག་སོགས་གསལ་བོ་དང་མཛེས་པོ་མེད་པའི་མངོན་ཚུལ་ཞིག་སྟེ། (དཔེར་ན།) རི་མགོ་ཚང་མར་ཁ་བ་སྐྱ་ཆོ་ལེ་བ་ཞིག་བབ་འདུག མི་དེའི་སྐྲ་ལོ་སྐྱ་ཆོ་ལེ་བ་ཞིག་འདུག་ལྟ་བུ། |
| ཆོ་ལོ |
1.ཤོ་རྒྱན་བཞག་ནས་རྒྱལ་ཕམ་རྩེ་བའི་རྩེད་མོ་ཞིག་སྟེ། (དཔེར་ན།) མི་མང་པོ་འདུས་ནས་ཆོ་ལོ་འགྱེད་པ། ཐོབ་ཤོར་འབྱེད་པའི་ཆེད་དུ་ཆོ་ལོ་འགྱེད་པ། ཆོ་ལོས་རྩེ་བ་ལྟ་བུ། 2.སྔར་གོང་རིམ་དང་སྲིད་གཞུང་ནས་སྤྲད་པའི་གོ་ཐོབ་ཅིག་སྟེ། (དཔེར་ན།) ཆོ་ལོ་འཇའ་ས་ལྟ་བུ། 3.སྔོ་ཆོ་ལོ་མ་ཐ་མག་གི་ཚབ་ཏུ་གཏོང་རྒྱུ་དང་ཚོས་གཞི་སེར་པོ་བཟོ་བྱེད་ཅིག་ཡིན། |
| ཆོ་ལོ་པ |
ཤོ་རྩེད་མཁན་གྱི་མིང་། མིང་གི་རྣམ་གྲངས་ལ་རྒྱན་པོ་མཁན་དང༌། རྒྱན་པོ་བ། ཆོ་ལོ་མཁན། ཆོ་ལོ་རྩེ་མཁན། ཤོ་འབྱེད་པ། ཤོ་རྩེད་པ་བཅས་སོ། ། |
| ཆོ་ལོ་རིས |
པ་ཏྲའི་རི་མོའི་མིང་། |
| ཆོ་ལོའི་ས་བོན |
(མངོན་བརྗོད།) འགྲོན་བུ། |
| ཆོག |
1.(ལས་ཚིག་རྗེས་མཐུན་པ) 1>རུང་བ་དང་འོས་པའམ་འཐད་པའི་དོན་ཏེ། (དཔེར་ན།) ཞོར་ལས་བྱེད་ཆོག ཚོང་ལོག་རྒྱག་མི་ཆོག ཚིག་བློ་ལ་ཟིན་པ་ཙམ་གྱི་མི་ཆོག་པར་དོན་ཤེས་དགོས། ལུག་སུམ་བརྒྱ་འཚོ་བ་ལ་ཕྱུགས་རྫི་གཅིག་གིས་ཆོག་ལྟ་བུ། 2>ཚིམ་པའི་དོན་ཏེ། (དཔེར་ན།) ད་ཡོད་གྲུབ་འབྲས་འདི་ཙམ་ཞིག་གིས་ཆོག་པར་མ་འཛིན་པར་མུ་མཐུད་ཧུར་བརྩོན་སྐྱེད་ཅེས་པ་ལྟ་བུ།2.ཤེལ་སོགས་དུམ་བུར་བཏང་བའི་དོན་དུ་གོ་བའི་བཅག་གི་སྐུལ་ཚིག |
| ཆོག་ཆོག |
རུང་རུང་ངམ་འགྲིག་འགྲིག་ཅེས་པའི་དོན་ཏེ། (དཔེར་ན།) གྲ་སྒྲིག་ཚར་ནས་འགྲོ་ཆོག་ཆོག་ཡིན། ཁ་ལག་ཟ་ཆོག་ཆོག་ཡོད་ལྟ་བུ། |
| ཆོག་མཆན |
འོག་རིམ་ནས་རེ་འདུན་ཞུས་པ་གོང་རིམ་ནས་ཁས་བླངས་པའི་བརྡ་ཡིག་མདོར་བསྡུས་ཀྱི་མིང་། |
| ཆོག་འཐུས |
ལས་དོན་གང་རུང་བྱ་རུང་བའི་དོན། |
| ཆོག་རོགས |
ཆོ་ག་བྱེད་པའི་རོགས་པའམ་གྲོགས། |
| ཆོག་ཤེས |
འདོད་པ་ཆུང་བའམ་འདོད་པ་གང་སླ་བའི་དོན་ཏེ། (དཔེར་ན།) འདོད་པ་ཆུང་ལ་ཆོག་ཤེས་པ། ཆོག་ཤེས་མེད་པ། ཆོག་མི་ཤེས་པའི་བརྩོན་འགྲུས་ལྟ་བུ། |
| ཆོགས |
ས་ལ་མནན་པའམ་བསྐྱོད་པའི་དོན་དུ་གོ་བའི་བཅག་པའི་སྐུལ་ཚིག |
| ཆོགས |
ཡིད་ལ་བཟུང་བའི་དོན་དུ་གོ་བའི་བཅགས་པའི་སྐུལ་ཚིག་སྟེ། (དཔེར་ན།) ཡིག་འབྲུ་གསར་བ་འདི་དག་ཡིད་ལ་ཆོགས་ཤིག་ལྟ་བུ། |
| ཆོངས |
1.བཅངས་པའི་སྐུལ་ཚིག་སྟེ། (དཔེར་ན།) ལག་ལ་མེ་མདའ་ཆོངས་ཤིག་ལྟ་བུ། 1.1སེམས་ལ་བརྗེད་མེད་དུ་བཟུང་བའི་དོན་ཏེ། (དཔེར་ན།) སྤྱི་བའི་བདེ་དོན་ཡིད་ལ་ཆོངས་ཤིག་ལྟ་བུ། |
| ཆོད |
1.བཅད་པའི་སྐུལ་ཚིག 2.ཁང་པའི་ནང་གི་མཚམས་གཅོད་བྱེད་ཀྱི་རྩིག་པ་སོགས་ཀྱི་མིང་སྟེ། (དཔེར་ན།) ཁང་བར་ཆོད་བརྒྱབ་ལྟ་བུ། 3.ཕྱོད་དམ་ནུས་པའི་དོན་ཏེ། (དཔེར་ན།) ས་ཆོད་ཆེ་བ། ལས་ཆོད་ཆུང་བ་ལྟ་བུ།4.(བྱེད་མེད་ལས་ཚིག) བར་མཚམས་ཆོད་པའི་དོན་ཏེ། (དཔེར་ན།) ལུང་པ་ཕན་ཚུན་རི་ཀླུང་གིས་བར་དུ་ཆོད་པ། ལེ་དབར་ཁྲི་ཕྲག་གིས་ཆོད་པ། འབྲེལ་ཐག་རྦད་དེ་ཆོད་པ་ལྟ་བུ།5.(བྱེད་འབྲེལ་ལས་ཚིག) ལས་དེ་བྱེད་པའི་ནུས་པ་ཡོད་པའི་དོན་ཏེ། (དཔེར་ན།) གྲི་རྡུགས་ཀྱིས་ཤིང་མི་ཆོད། བྱ་འཚའ་ལུས་གནམ་ཕང་མི་ཆོད། གོ་ཆོད་སོང་ལྟ་བུ། |
| ཆོད་ཁྲ |
ཁ་མཆུ་འདུམས་ཡིག |
| ཆོད་གན |
ཆོད་ཡིག་གན་རྒྱ། |
| ཆོད་དན |
ཁ་མཆུ་འགྲིག་པའི་ཁ་ཆད་ཡིག་ཆ། |
| ཆོད་དོན |
རྩོད་གཞི་འདུམ་འགྲིག་གི་དོན་གནད། |
| ཆོད་མ |
ཞིང་ལ་ཆུ་གཏོང་ཆེད་ཁག་ཆུང་ངུ་བྱས་པའི་ཁག་རེའི་མིང་། |
| ཆོད་འདོམས |
ཐག་ཆོད་པའི་འཇུག་འདོམས། |
| ཆོད་ཡིག |
རྩོད་གཞི་འདུམ་འགྲིག་སོགས་གྲོས་མཐུནབྱུང་བའི་རྩ་འཛིན་ཡི་གེ་སྟེ། (དཔེར་ན།) དམག་མཚམས་འཇོག་རྒྱུའི་ཆོད་ཡིག་ལྟ་བུ། |
| ཆོད་ཡིག་འབའ་ཅན |
ཁ་དན་གྱི་གན་རྒྱ་འབའ་ཅན་ནམ། འབའ་བཞག་པའི་ཆོད་ཡིག |
| ཆོན |
1.གོས་ཀྱི་སྒབ་གཤམ་མམ་མཐའི་དོན་ཏེ། (དཔེར་ན།) ཕྱི་ཆོན། ནང་ཆོན་ལྟ་བུ། 2.གུར་གྱི་ཟུར་རམ་མཐའ། |
| ཆོན་ཆུང |
(ཡུལ་སྐད།) སྦྲ་འབུབས་བྱེད་ཆོན་ཐག་ཐུང་བ། |
| ཆོན་ཆེན |
(ཡུལ་སྐད།) སྦྲ་འབུབས་བྱེད་ཀྱི་ཆོན་ཐག་རིང་བ། |
| ཆོན་ཐག |
སྦྲ་གུར་འབུབས་བྱེད་ཀྱི་ཕྱི་ཡི་ཐག་པ། |
| ཆོན་ཕུར |
(ཡུལ་སྐད།) ཆོན་ཐག་གི་སྣེའི་ཕུར་པ། |
| ཆོན་འབྲིང |
(ཡུལ་སྐད།) སྦྲ་འབུབས་བྱེད་ཀྱི་ཆོན་ཐག་རིང་ཚད་བར་མ། |
| ཆོབ་ཆོབ |
(རྒྱན་ཚིག) ཟས་ཟ་བ་དང་སྣོད་དུ་ཆུ་སོགས་བླུག་པའི་སྒྲ་ལྟ་བུ། (དཔེར་ན།) ཤིང་འབྲས་བཏོགས་ནས་ཆོབ་ཆོབ་སྒྲ་དང་བཅས་ཟ་ལྟ་བུ། |
| ཆོབས |
སྦས་སྐུང་གི་དོན་དུ་གོ་བའི་བཅབ་ཀྱི་སྐུལ་ཚིག |
| ཆོམ |
1.འཇོམས་པའི་སྐུལ་ཚིག 2. (རྒྱན་ཚིག) འུར་སྒྲའི་ཁྱད་པར་ཞིག་སྟེ། (དཔེར་ན།) གཡུལ་ས་ནས་མེ་སྒྱོགས་ཀྱི་ཆོམ་སྒྲ་གྲག་ལྟ་བུ།3.འདུལ་ཐུབ་པའམ་བཅོམ་པར་ནུས་པའི་དོན་ཏེ། (དཔེར་ན།) ཐོ་བ་ཆུང་ངུས་ངར་ལྕགས་ཆེན་པོ་ཆོམ་མི་ནུས། དགྲ་ལ་སྟོབས་ཆེ་བས་ངེད་ཅག་གིས་མི་ཆོམ་ལྟ་བུ། |
| ཆོམ་པོ |
ཇག་པ་དང་རྐུན་མ། |
| ཆོམ་པོ་བ |
ཇག་པ། |
| ཆོམ་རྐུན |
ཆོམ་པོ་དང་རྐུན་མའི་བསྡུས་ཚིག |
| ཆོམ་སྒྲ |
འུར་སྒྲ། |
| ཆོམས |
བཅོམ་པའི་སྐུལ་ཚིག་སྟེ། དགྲ་རྫོང་ཆོམས་ཤིག་ལྟ་བུ། འདི་ལ་ཆོམ་ཞེས་ཀྱང་འབྲི། |
| ཆོར |
གཅུར་ནས་གཙབ་རལ་དུ་བཏང་བའི་དོན་དུ་གོ་བའི་བཅར་གྱི་སྐུལ་ཚིག་སྟེ། (དཔེར་ན།) སྲིན་བུ་ཆོར་ཅིག་ལྟ་བུ། |
| ཆོལ |
1.དངོས་རྫས་སོགས་གཞན་ལ་བདག་བྱེད་དུ་འཇུག་པའི་དོན་དུ་གོ་བཅོལ་བའི་སྐུལ་ཚིག འདི་ལ་འཆོལ་ཞེས་འབྲི་བ་དར་ཆེ། 2. ཆོ་ལོའི་བསྡུས་མིང༌། (དཔེར་ན།) རུས་ཆོལ། དུང་ཆོལ། ཤིང་ཆོལ་ཞེས་པ་ལྟ་བུ། |
| ཆོལ་ཁ |
འབྱུང་ཁུངས་སམ་དར་སའི་གནས་ཏེ། (དཔེར་ན།) དབུས་གཙང་ཆོས་ཀྱི་ཆོལ་ཁ། མདོ་སྟོད་མིའི་ཆོལ་ཁ། མདོ་སྨད་རྟའི་ཆོལ་ཁ་ཞེས་པ་ལྟ་བུ། ཆོལ་ཁ་ཞེས་པ་སོག་སྐད་ཡིན་པར་བཤད་པ་ཤུགས་ཆེ། |
| ཆོལ་ཁ་གསུམ |
དབུས་གཙང་ཆོས་ཀྱི་ཆོལ་ཁ། མདོ་སྟོད་མིའི་ཆོལ་ཁ། མདོ་སྨད་རྟའི་ཆོལ་ཁ་སྟེ་གསུམ། |
| ཆོལ་པ |
ལྷ་ཁྲོ་བོ་སྨེ་བརྩེགས། |
| ཆོལ་ཟངས |
(བརྡ་རྙིང་།) 1>མཆིལ་སྣོད། 2>གཅིན་སྣོད། 3>རྐང་ལག་འཁྲུ་སྣོད། |
| ཆོལ་ལེ་བ |
ཐོ་རེ་བའམ་ཉུང་ཙམ་གྱི་དོན་ཏེ། (དཔེར་ན།) ཤིང་ནགས་ཆོལ་ལེ་བ་ཞིག་འདུག ཁ་སྤུ་ཆོལ་ལེ་བ་ཞིག་སྐྱེས་ལྟ་བུ། |
| ཆོས |
1. བཅོས་བསྒྱུར་གྱི་དོན་དུ་གོ་བའི་འཆོས་པའི་སྐུལ་ཚིག 2. ཆོས་ཞེས་པ་ནི་རང་གི་ངོ་བོ་འཛིན་པའི་དོན་ཡིན་ཞིང། དོན་བཅུ་ལ་འཇུག་སྟེ། (དཔེར་ན།) འདུས་བྱས་དང་འདུས་མ་བྱས་ཀྱི་ཆོས་ཞེས་པ་ལྟ་བུ་ཤེས་བྱ་ལ་འཇུག་པ་དང༌། ལམ་བདེན་གྱི་ཆོས་ཞེས་པ་ལྟ་བུ་ལམ་དང༌། འགོག་བདེན་གྱི་ཆོས་ཞེས་པ་ལྟ་བུ་མྱང་འདས་དང༌། ཆོས་ཀྱི་སྐྱེ་མཆེད་ཅེས་པ་ལྟ་བུ་ཡིད་ཀྱི་ཡུལ་དང༌། བཙུན་མོའི་འཁོར་དང་གཞོན་ནུ་རྣམས་དང་ལྷན་ཅིག་ཏུ་ཆོས་སྤྱོད་ཅེས་པ་ལྟ་བུ་བསོད་ནམས་དང༌། བྱིས་པ་ནི་མཐོང་བའི་ཆོས་ལ་གཅེས་པར་འཛིན་པ་ཞེས་པ་ལྟ་བུ་ཚེ་དང༌། ཆོས་འདུལ་བ་ཞེས་པ་ལྟ་བུ་གསུང་རབ་དང༌། ལུས་འདི་རྒ་བའི་ཆོས་ཡིན་ནོ་ཞེས་པ་ལྟ་བུ་འབྱུང་འགྱུར་དང༌། དགེ་སྦྱོང་གི་ཆོས་བཞི་ཞེས་པ་ལྟ་བུ་ངེས་པ་དང༌། ལྷ་ཆོས་དང་མི་ཆོས་ཞེས་པ་ལྟ་བུ་ལུགས་ལ་འཇུག་པ་བཅས་བཅུ་ཡོད་པར་རྣམ་བཤད་རིག་པ་ལས་གསུངས་ཤིང༌། ད་ལྟ་ཡོངས་གྲགས་སུ་ལུགས་དང་གསུང་རབ་དང༌། ཤེས་བྱ་བཅས་གསུམ་ལ་འཇུག་པ་གཙོ་ཆེ་བའོ། །3.གཏན་ཚིགས་རིག་པའི་ནང་དུ་རྩོད་པ་བྱེད་མཁན་གཉིས་ཀྱིས་གང་རྩོད་པའི་གཞི་དེ་ལའང་ཆོས་ཟེར་ཏེ། (དཔེར་ན།) བསྒྲུབ་བྱའི་ཆོས། ཆོས་ཅན། རྟགས་ཆོས་དོན་གསུམ་ཞེས་པ་ལྟ་བུ།4.དངོས་པོ་རང་རང་གི་རྟགས་དང་ནུས་པ་སོགས་ཀྱི་མིང་སྟེ། (དཔེར་ན།) ཁྱད་ཆོས་ཞེས་པ་ལྟ་བུ། |
| ཆོས་ཀྱི་ཁམས |
ཁམས་བཅོ་བརྒྱད་ཀྱི་གྲས་ཏེ། ཚོར་བ་འདུ་ཤེས་འདུ་བྱེད་ཀྱི་ཕུང་པོ་གསུམ་དང༌། རྣམ་པར་རིག་བྱེད་མིན་པའི་གཟུགས་དང༌། འདུས་མ་བྱས་ཐམས་ཅད་དོ། ། |
| ཆོས་ཀྱི་གཏན་ཁྲིམས་ལྔ |
ཇི་སྲིད་འཚོའི་བར་རྟག་ཏུ་སྲུང་དགོས་པའི་ཆོས་ཀྱི་བསླབ་ཁྲིམས་ལྔ་སྲོག་གཅོད་པ། མ་བྱིན་པར་ལེན་པ། ལོག་པར་གཡེམ་པ། རྫུན་སྨྲ་བ། ཆང་འཐུང་བ་སྟེ་ཉེས་སྤྱོད་ལྔ་སྤོང་བའི་ཚུལ་ཁྲིམས་ལྔ། |
| ཆོས་ཀྱི་གཟུངས |
གཟུངས་ཀྱི་སྒོ་བཞིའི་ཡ་གྱལ་ཞིག་མཁན་པོ་དང་སློབ་དཔོན་ལ་སོགས་པ་ལས་དམ་པའི་ཆོས་མཉན་ནས། ཇི་སྐད་བཤད་ཅིང་ཐོས་པའི་ཚིག་ཐམས་ཅད་ནམ་དུ་ཡང་མི་བརྗེད་པར་འཛིན་པ། |
| ཆོས་ཀྱི་གྲོང་རྡལ |
(མངོན་བརྗོད།) དགོན་པ། |
| ཆོས་ཀྱི་ངོ་བོ |
ཆོས་ཀྱི་རང་བཞིན། |
| ཆོས་ཀྱི་ཆོད་པན |
དབུ་རྒྱན་རིགས་ལྔ། |
| ཆོས་ཀྱི་ཆོལ་ཁ |
མངའ་རིས་གུང་ཐང་ནས་སོག་ལ་སྐྱ་བོ་ཡན་ཆད་ནི་དབུས་གཙང་ཆོས་ཀྱི་ཆོལ་ཁ། |
| ཆོས་ཀྱི་ཆོས་ཉིད |
ཆོས་ཐམས་ཅད་ཀྱི་རང་བཞིན་ནམ་དེ་ཁོ་ན་ཉིད། |
| ཆོས་ཀྱི་ཉི་མ |
པཎ་ཆེན་ཨེར་ཏེ་ནི་སྐུ་ཕྲེང་དགུ་པ་འདི་རབ་བྱུང་བཅོ་ལྔ་བའི་ཆུ་ལུག་ལོར་དྭགས་པོ་རུ་སྐུ་བལྟམས། (1883-1937) ས་བྱི་ལོར་གསེར་བུམ་དཀྲུགས་ཏེ་ཡང་སྲིད་ངོས་འཛིན་གནང་ཞིང༌། ཆུ་འབྲུག་ལོར་གདན་སའི་ཁྲི་ཐོག་ཏུ་གདན་འདྲེན་ཞུས། རབ་བྱུང་བཅོ་ལྔ་བའི་ཤིང་འབྲུག་ལོར་དབྱིན་ཇིའི་བཙན་འཛུལ་དམག་ལྷ་སར་འབྱོར་བའི་ཕྱི་ལོ་ཤིང་སྦྲུལ་ལ་རྒྱ་གར་དུ་བྱོན། མེ་རྟ་ལོར་གཙང་དུ་འཁོར། ཆུ་ཕག་ལོར་བྱང་ཐང་བརྒྱུད་པེ་ཅིན་དང༌། དེ་ནས་བྱང་ཤར་དང༌། ནང་སོག་ནན་ཅིན། ཧང་ཀྲོའུ། མཚོ་སྔོན་སོགས་ས་གནས་ཁག་མང་དུ་ཕེབས་ཏེ་བཀའ་ཆོས་གནང༌། རབ་བྱུང་བཅུ་དྲུག་པའི་མེ་གླང་ལོར་ཁམས་སྐྱེ་དགུ་མདོར་སྐུ་གཤེགས། |
| ཆོས་ཀྱི་དཔལ་མོ |
(མངོན་བརྗོད།) སྒྲོལ་མ། |
| ཆོས་ཀྱི་དབང་ཕྱུག |
(མངོན་བརྗོད།) སངས་རྒྱས་སྤྱི། |
| ཆོས་ཀྱི་དབྱིངས་ཀྱི་ཡེ་ཤེས |
ཡེ་ཤེས་ལྔའི་ཡ་གྱལ་ཞིག་གཟུགས་ཀྱི་ཕུང་པོ་ལ་སོགས་པ་ཕུང་པོ་ལྔའི་རང་བཞིན་སྟོང་པ་ཉིད་གང་ཡིན་པ་དེ་ནི་ཆོས་ཀྱི་དབྱིངས་རྣམ་པར་དག་པའོ། ། |
| ཆོས་ཀྱི་དབྱིངས་ཀྱི་རང་བཞིན་དབྱེར་མེད་པ་བསྟན་པའི་ལེའུ |
འཕགས་པ་དཀོན་མཆོག་བརྩེགས་པའི་མདོའི་གླེགས་བམ་ཁ་པའི་ནང་བཞུགས་པའི་བམ་པོ་གཉིས་པ་ཅན། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པའོ། ། |
| ཆོས་ཀྱི་ཕུང་པོ |
ཉོན་མོངས་འདུལ་བྱེད་ཀྱི་གཉེན་པོར་གསུངས་པའི་ཆོས་ཀྱི་རྣམ་གྲངས་དུ་མ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལྟ་བུའོ། ། |
| ཆོས་ཀྱི་ཕྱག་རྒྱ |
གསུང་ཆོས་ཀྱི་ཕྱག་རྒྱའི་རྣལ་འབྱོར་རོ། ། |
| ཆོས་ཀྱི་བདག |
ཆོས་བདེན་པར་གྲུབ་པ། |
| ཆོས་ཀྱི་བདག་མེད |
བདག་མེད་གཉིས་ཀྱི་ཡ་གྱལ་ཏེ། གཟུང་འཛིན་གྱིས་བསྡུས་པའི་ཆོས་ཐམས་ཅད་རང་བཞིན་གྱིས་མ་གྲུབ་པའོ། ། |
| ཆོས་ཀྱི་བདག་འཛིན |
བདག་འཛིན་གཉིས་ཀྱི་ཡ་གྱལ་ཏེ། ཐོག་མ་མེད་པ་ནས་གོམས་པའི་ལྷན་སྐྱེས་ཀྱི་མ་རིག་པའི་དབང་གིས་སྣང་བའི་གཟུགས་ལ་སོགས་པ་ཕྱི་ནང་གི་ཆོས་ཐམས་ཅད་རང་རང་གི་མཚན་ཉིད་དུ་བདེན་པར་ཞེན་པའོ། ། |
| ཆོས་ཀྱི་བདག་འཛིན་ཕྲ་མོ |
ཕུང་པོ་སོགས་བདེན་པར་འཛིན་པའི་བློ་ལྷན་སྐྱེས། |
| ཆོས་ཀྱི་བཟོད་པ |
ཆོས་ལ་ངེས་སེམས་ཀྱི་བཟོད་པ། |
| ཆོས་ཀྱི་མངའ་བདག |
ཆོས་ལ་མངའ་བརྙེས་པའི་གང་ཟག |
| ཆོས་ཀྱི་མཆོག |
འཇིག་རྟེན་གྱི་ཆོས་ཀྱི་མཆོག་སྦྱོར་ལམ་གྱི་ཐ་མའམ་མཐོང་ལམ་ཐོབ་ལ་ཉེ་བའི་ལམ་གྱི་མངོན་རྟོགས་ཤིག |
| ཆོས་ཀྱི་ཚོང་རྡལ |
(མངོན་བརྗོད།) ཆོས་གྲྭའམ་དགོན་པ། |
| ཆོས་ཀྱི་འཁོར་ལོ |
ཆོས་འཁོར་དང་དོན་གཅིག |
| ཆོས་ཀྱི་འཁོར་ལོ་བསྐོར་བ |
སངས་རྒྱས་ཀྱིས་ཆོས་གསུངས་པ། |
| ཆོས་ཀྱི་འཁོར་ལོ་རིམ་པ་གསུམ |
བཅོམ་ལྡན་འདས་ཀྱིས་ཆོས་ཀྱི་འཁོར་ལོ་གསུམ་བསྐོར་བའི་བཀའ་དང་པོ་བདེན་བཞིའི་ཆོས་འཁོར་དང༌། བཀའ་བར་པ་མཚན་ཉིད་མེད་པའི་ཆོས་འཁོར། བཀའ་ཐ་མ་ལེགས་པ་རྣམ་པར་ཕྱེ་བའི་ཆོས་འཁོར་བཅས་སོ། ། |
| ཆོས་ཀྱི་འཁོར་ལོའི་མདོ |
བཀའ་དང་པོ་བདེན་བཞིའི་ཆོས་འཁོར་ཏེ། བོད་ཡིག་ཏུ་བསྒྱུར་བ་དེའི་འགྱུར་བྱང་མེད། |
| ཆོས་ཀྱི་འདུན་ས |
(མངོན་བརྗོད།) དགོན་པ། |
| ཆོས་ཀྱི་འབེལ་གཏམ |
ཆོས་ཀྱི་བགྲོ་གླེང༌། |
| ཆོས་ཀྱི་འོད་ཟེར |
རབ་བྱུང་ལྔ་པ་ཧོར་རྒྱལ་པོ་ཨོལ་རྗེའི་དུས་སུ་སྔར་ས་པཎ་ཁུ་དབོན་གྱིས་བཟོས་པའི་སོག་ཡིག་ལ་ཡི་གེ་མཇུག་མ་ཅན་མང་པོ་བསྣན་ནས་ཆོས་སྒྱུར་ཐུབ་པ་མཛད་མཁན་ས་སྐྱའི་བླ་མ་ཞིག |
| ཆོས་ཀྱི་ཡོན་ཏན |
1.འགོག་ལམ་གྱི་ཕན་ཡོན་ནམ། ཁྱད་ཆོས། 2.སངས་རྒྱས་ཤིག་གི་མཚན། |
| ཆོས་ཀྱི་རང་བཞིན |
ཆོས་ཀྱི་གནས་ལུགས། |
| ཆོས་ཀྱི་རྐང་པ་བཞི |
བསྟན་པའི་གནས་ཚད་ཀྱི་དབང་དུ་བྱས་ན། རྫོགས་ལྡན་དང༌། གསུམ་ལྡན། གཉིས་ལྡན། རྩོད་ལྡན་བཞི་ལ་ཆོས་ཀྱི་རྐང་པ་བཞི་ཞེས་གྲགས། |
| ཆོས་ཀྱི་རྒྱ་མོ |
འཕགས་པ་ཆོས་ཀྱི་རྒྱ་མོ་བམ་པོ་གཉིས་ཀྱི་བདག་ཉིད་ཅན་སངས་རྒྱས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའི་སེམས་ཀྱི་གནས་བཤད་པ་ལེའུ་བཅུ་པ་ནི་རྒྱ་ཡིག་ནས་བསྒྱུར་ཏེ། མདོ་སྡེ་གླེགས་བམ་ཟ་པའི་ནང་དུ་ཡོད། |
| ཆོས་ཀྱི་རྒྱལ་ཚབ |
དེ་བཞིན་གཤེགས་པའི་ཚབ་བྱས་ནས་ཆོས་ཀྱི་འཁོར་ལོ་སྐོར་མཁན། |
| ཆོས་ཀྱི་རྗེས་འབྲངས |
དགེ་འདུན་ཉི་ཤུའི་ནང་གསེས། རྒྱུན་དུ་ཞུགས་པའི་འབྲས་བུ་ལ་ཞུགས་པ་གང་ཞིག་དབང་པོ་རྣོན་པོ་གཞན་གྱིས་བསྟན་པ་ལ་མི་ལྟོས་པར་བདག་ཉིད་ཀྱི་རྣམ་དཔྱོད་ཀྱིས་བདེན་པའི་ཆོས་ཀྱི་རྗེས་སུ་འབྲངས་ནས་བདེན་པ་མངོན་པར་རྟོགས་པར་བྱེད་པའོ། ། |
| ཆོས་ཀྱི་རྣམ་གྲངས |
ཆོས་ཀྱི་གྲངས་འདྲེན་ཏེ། (དཔེར་ན།) འགྲེས་རྐང་བརྒྱ་རྩ་བརྒྱད་ལྟ་བུ། |
| ཆོས་ཀྱི་རྩ་འཁོར |
(མངོན་བརྗོད།) སྙིང༌། |
| ཆོས་ཀྱི་སྐྱེ་མཆེད |
ཕྱིའི་སྐྱེ་མཆེད་དྲུག་གི་ནང་གསེས་ཤིག་སྟེ། ཆོས་ཀྱི་ཁམས་སོ། ། |
| ཆོས་ཀྱི་སྐྱེ་མཆེད་པའི་གཟུགས |
ཡིད་ཀྱི་སྐྱེ་མཆེད་ཀྱི་ཡུལ་དུ་གྱུར་པའི་གཟུགས་ཏེ། རྡུལ་ཕྲ་རབ་དང་རྨི་ལམ་གྱི་གཟུགས་ལྟ་བུའོ། ། |
| ཆོས་ཀྱི་སྐྱེ་མཆེད་པའི་གཟུགས་ལྔ |
བསྡུས་པ་ལས་གྱུར་པའི་གཟུགས་དང༌། མངོན་པར་སྐབས་ཡོད་པའི་གཟུགས་དང༌། ཡང་དག་པར་བླངས་པ་ལས་བྱུང་བའི་གཟུགས་དང༌། ཀུན་བཏགས་པའི་གཟུགས་དང༌། དབང་འབྱོར་བའི་གཟུགས་ཏེ་ལྔའོ། ། |
| ཆོས་ཀྱི་སྒོ་མོ་བརྒྱད་ཁྲི་བཞི་སྟོང |
སངས་རྒྱས་ཀྱིས་གསུངས་པའི་ཆོས་ཡོད་དོ་ཅོག་ཉོན་མོངས་པ་བརྒྱད་ཁྲི་བཞི་སྟོང་འདུལ་བའི་གཉེན་པོར་གསུངས་པ། བཀའ་སྡེ་སྣོད་གསུམ་རེ་རེ་ནས་ཉི་ཁྲི་ཆིག་སྟོང་རེ་དང་སྡེ་སྣོད་བཞི་པ་ཉི་ཁྲི་ཆིག་སྟོང་བཅས་བརྩིས་པས་བསྡོམས་ན་བརྒྱད་ཁྲི་བཞི་སྟོང་ངོ་། ། |
| ཆོས་ཀྱི་སྙིང་པོ |
1.གསུང་རབ་ཀྱི་དོན་གནད་སྙིང་པོ། 2.སྟོང་ཉིད་དང་བྱང་ཆུབ་ཀྱི་སེམས། |
| ཆོས་ཀྱི་སྟོབས |
1.ཆོས་ཀྱི་མཐུ་སྟོབས། 2.སངས་རྒྱས་ཤིག་གི་མཚན། |
| ཆོས་ཀྱི་སྡེ |
སྡེ་བཞིའི་ནང་གསེས་ཤིག་མངོན་མཐོ་ངེས་ལེགས་ཀྱི་རྒྱུ། |
| ཆོས་ཀྱི་སྡོམ་བཞི |
ལྟ་བ་བཀར་བཏགས་ཀྱི་ཕྱག་རྒྱ་བཞི་སྟེ། འདུས་བྱས་ཐམས་ཅད་མི་རྟག་པ། ཟག་བཅས་ཐམས་ཅད་སྡུག་བསྔལ་བ། ཆོས་ཐམས་ཅད་སྟོང་ཞིང་བདག་མེད་པ། མྱ་ངན་ལས་འདས་པ་ཞི་བ་སྟེ་བཞིའོ། ། |
| ཆོས་ཀྱི་སྣོད |
གདམས་ངག་སྟོན་པར་འོས་པའི་སློབ་མ། |
| ཆོས་ཀྱི་སྤྱན |
སྤྱན་ལྔའི་ནང་གསེས་ཤིག་སྟེ། རྟེན་འབྲེལ་རྟོགས་པའི་ཡེ་ཤེས། |
| ཆོས་ཀྱི་སྤྲིན་གྱི་ས |
བྱང་ཆུབ་སེམས་དཔའི་ས་བཅུའི་ཐ་མ། ས་འདིར་གནས་པའི་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་དང་གཟུངས་ཀྱི་སྒོ་སྤྲིན་ལྟ་བུས་སངས་རྒྱས་རྣམས་ལས་ཐོབ་པའི་ཆོས་ནམ་མཁའ་ལྟ་བུ་ཚད་མེད་པ་ལ་ཁྱབ་པས་ས་བཅུ་པ་ཆོས་ཀྱི་སྤྲིན་ཞེས་བྱའོ། ། |
| ཆོས་ཀྱི་སྦྱིན་པ |
དམ་པའི་ཆོས་དང་འཇིག་རྟེན་གྱི་སྙན་ངག་དང་བཟོ་དང་མཐུ་རྩལ་རྣམས་ཀྱིས་གཞན་ལ་ཕན་འདོགས་པ་སྦྱིན་པ་བཞིའི་ཡ་གྱལ་ཞིག |
| ཆོས་ཀློང་རྙོག་འགལ |
དགོངས་འགལ་ལམ་ཚིག་པ་ཟ་བ། |
| ཆོས་ཁང |
ཆོས་པོད་འཇོག་སའི་ཁང་བ། |
| ཆོས་ཁམས |
ཆོས་ཀྱི་ཁམས་ཀྱི་བསྡུས་མིང༌། |
| ཆོས་ཁམས་བཅུ་དྲུག |
མངོན་པ་ཀུན་བཏུས་ཀྱི་ལུགས་སུ། ཆོས་ཀྱི་ཁམས་ལ་དབྱེ་ན་ཆོས་ཀྱི་སྐྱེ་མཆེད་པའི་གཟུགས་ལྔ་དང༌། ཚོར་བ་འདུ་ཤེས་འདུ་བྱེད་ཀྱི་ཕུང་པོ་གསུམ་དང༌། འདུས་མ་བྱས་བརྒྱད་དེ་བཅུ་དྲུག་གོ། ། |
| ཆོས་ཁམས་བདུན |
མངོན་པ་མཛོད་ལྟར་ན། ཚོར་བ་འདུ་ཤེས་འདུ་བྱེད་བཅས་ཀྱི་ཕུང་པོ་གསུམ་དང༌། རྣམ་པར་རིག་བྱེད་མིན་པའི་གཟུགས་དང༌། འདུས་མ་བྱས་གསུམ་བཅས་བདུན་ནོ། ། |
| ཆོས་ཁྲི |
1.གླེགས་བམ་འཇོག་སའི་ཁྲི། 2.ཆོས་འཆད་སའི་ཁྲི། |
| ཆོས་ཁྲིམས |
སོ་བྱང་སྔགས་གསུམ་གྱི་བསླབ་ཁྲིམས་དང་དགོན་པའི་བཅའ་ཁྲིམས། |
| ཆོས་ཁྲིམས་པ |
དགེ་བསྐོས་ཏེ། གྲྭ་པ་ཚོགས་འཚོག་སྐབས་སྒྲིག་ཁྲིམས་གནོན་མཁན། |
| ཆོས་གཅོད |
(མངོན་བརྗོད།) རིགས་དམན་པ། |
| ཆོས་གཏོང་བ |
ཆོས་བློས་གཏོང་བའམ། སྤོང་བ། |
| ཆོས་གཞིས |
སྔར་དགོན་པ་གྲྭ་ཚང་ཁག་གིས་བདག་ཏུ་འཛིན་པའི་གཞིས་ཀ། |
| ཆོས་གཞིས་མི་རྩ |
སྔར་དགོན་པ་ཁག་གི་གཞིས་ཀས་བདག་ཏུ་བཟུང་བའི་མི་སེར། |
| ཆོས་གཡང |
དམ་པའི་ཆོས་ཀྱི་ཕྱྭ་གཡང༌། |
| ཆོས་གོས |
རབ་བྱུང་གི་བླ་གོས། |
| ཆོས་གོས་ཀྱི་རྒྱུ་བདུན |
རབ་ཏུ་བྱུང་བས་བཅང་བའི་ཆོས་གོས་ཀྱི་རྒྱུར་རུང་བ་ནི་བདུན་ཏེ་བལ་ལས་བྱས་པ། རྩྭ་ཤ་ན་ལས་བྱས་པ། ཉི་འོག་པའི་གོས། རས་གོས། རྩྭ་ཟར་མ་ལས་བྱས་པ། རྩྭ་ཀོ་ཏམ་པ་ལས་བྱས་པ་དང༌། རྩྭ་དུ་གུ་ལས་བྱས་པ་རྣམས་སོ། ། |
| ཆོས་གོས་གསུམ་པ |
གོས་མང་པོ་ལ་ཆགས་པའི་གཉེན་པོར་སྣམ་སྦྱར་དང༌། བླ་གོས། མཐང་གོས་གསུམ་གྱིས་འཚོ་བར་བྱེད་ཅིང་དེ་ལས་ལྷག་པའི་གོས་མི་འཆང་བ་དམ་བཅས་པའི་གང་ཟག |
| ཆོས་གོས་བྱིན་རླབས |
བསྙེན་པར་རྫོགས་པས་ཆོས་གོས་ལ་འཆང་བའི་ལྟུང་བ་མི་འབྱུང་བའི་ཕྱིར་བྱིན་གྱིས་བརླབ་པར་བྱ་བ་བྱིན་བརླབ་བྱ་བའི་ཡུལ་དེ་ཉིད་བསླབ་པ་རྒན་ན་ཕྱག་བྱ། མིན་ན་གཉིས་ཀ་འདུད་པ་དང་བཅས་པས་སྣམ་སྦྱར་སོགས་ཕྱི་ནང་མ་ལོག་པར་བཞི་བལྟབ་བྱས་པའི་སྣེ་མོ་གཅིག་ཡུལ་གྱི་ཕྲག་པ་གཡོན་པར་བཀལ། སྣེ་མོ་གཅིག་གཉིས་ཀའི་ལག་པ་གཡོན་པའི་སྟེང་དུ་བཞག་པ་གཡས་པས་མནན་ཏེ་བྱིན་རླབས་ཀྱི་སྔགས་ཚིག་ལན་གསུམ་བརྗོད་ཅིང༌། ཐབས་ལེགས་བྱ་བའོ། ། |
| ཆོས་གོས་ཚད་ལས་ལྷག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྟོན་པའི་ཆོས་གོས་ཀྱི་ཚད་དེ། སྲིད་དུ་སྟོན་པ་རང་གི་ཁྲུ་ལྔ་ཞེས་མི་ཕལ་པའི་ཁྲུ་བཅོ་ལྔ་དང༌། ཞེང་དུ་སྟོན་པའི་ཁྲུ་གསུམ་ཕལ་པའི་ཁྲུ་དགུ་ལས་ལྷག་པ་འཆང་བའོ། ། |
| ཆོས་གོས་འཁྲུར་འཇུག་གི་སྤང་བ |
སྤང་ལྟུང་སུམ་ཅུའི་ནང་གསེས། རང་གི་ཉེ་དུ་མ་ཡིན་པའི་དགེ་སློང་མ་ལ་གོས་རྙིང་པ་འཁྲུར་འཇུག་པའོ། ། |
| ཆོས་གོས་རྣམ་གསུམ |
སྣམ་སྦྱར་དང༌། བླ་གོས། མཐང་གོས་བཅས་གསུམ། |
| ཆོས་གྲགས |
འཛམ་གླིང་མཛེས་པའི་རྒྱན་དྲུག་གི་ཡ་གྱལ་ཏེ། ཚད་མ་རིགས་པའི་རྒྱན་གྱི་སློབ་དཔོན་དཔལ་ཆོས་ཀྱི་གྲགས་པ་ནི། དུས་རབས་དྲུག་པར་རྒྱ་གར་གྱི་ལྷོ་ཕྱོགས་ཡུལ་ཀཱཉྩི་ན་ག་ར་ཞེས་པའི་ཕྱོགས་སུ་བྲམ་ཟེའི་རིགས་སུ་སྐུ་འཁྲུངས། སློབ་དཔོན་ཕྱོགས་གླང་གི་སློབ་མ་དབང་ཕྱུག་སྡེ་ལས་ཚད་མ་ཀུན་བཏུས་ཚར་གསུམ་གསན་ཏེ། ཚད་མའི་དགོངས་པ་འགྲེལ་བའི་བསྟན་བཅོས་ཚད་མ་རྣམ་འགྲེལ་དང༌། རྣམ་ངེས། རིགས་ཐིགས་སོགས་ཚད་མ་སྡེ་བདུན་བརྩམས་ནས་སློབ་དཔོན་ཕྱོགས་གླང་གི་དགོངས་པ་ཇི་ལྟ་བར་བཀྲལ་བས་ཚད་མའི་གཞུང་འགྲེལ་བའི་སློབ་དཔོན་དུ་གྱུར་པའོ། ། |
| ཆོས་གྲོགས |
ཆོས་མཉམ་དུ་ཞུ་རོགས། |
| ཆོས་གྲྭ |
1.ཆོས་འཆད་ཉན་བྱེད་སའི་ར་བའམ་སྡེ། 2.དགོན་སྡེ། |
| ཆོས་ཅན |
1.རྟགས་ཆོས་གཉིས་དང་ལྡན་པའི་གཞི་སྟེ། (དཔེར་ན།) བྱས་རྟགས་ཀྱིས་སྒྲ་མི་རྟག་པར་བསྒྲུབ་པ་ན། སྒྲ་ནི་ཆོས་ཅན་ཡིན་ཞིང༌། སྒྲ་ལ་རྟགས་བྱས་པ་དང་ཆོས་མི་རྟག་པ་གཉིས་དང་ལྡན་པ་ལྟ་བུའོ། །2.ལུགས་སྲོལ་ཅན། 3.དངོས་པོ་ཐམས་ཅད། |
| ཆོས་ཅན་གྱི་ངོ་བོ་མ་གྲུབ་པ |
དོན་ལ་མ་གྲུབ་པའི་རྟགས་དྲུག་གི་ནང་གསེས། ཆོས་ཅན་གྱི་ངོ་བོ་མི་སྲིད་ནས་མ་གྲུབ་པ་སྟེ། (དཔེར་ན།) དོན་དམ་པའི་སྒྲ་ཆོས་ཅན། རྟག་མ་བྱས་པའི་ཕྱིར། ཞེས་པ་ལྟ་བུ་བསྒྲུབ་གཞི་ཤེས་བྱ་ལ་མི་སྲིད་པ་སྟེ་གཞི་མ་གྲུབ་པའོ། ། |
| ཆོས་ཅན་གྱི་ཕྱོགས་གཅིག་རྟགས་ལ་མ་གྲུབ་པ |
དོན་ལ་མ་གྲུབ་པའི་རྟགས་དྲུག་གི་ནང་གསེས། ཆོས་ཅན་གྱི་ཕྱོགས་གཅིག་རྟགས་ལ་མི་སྲིད་ནས་མ་གྲུབ་པ་སྟེ། (དཔེར་ན།) སྒྲ་ཆོས་ཅན། མི་རྟག་རྩོལ་བྱུང་ཡིན་པའི་ཕྱིར། ཞེས་པ་ལྟ་བུ་རྩོལ་བྱུང་སྒྲའི་ཕྱོགས་གཅིག་ཆུ་སྒྲ་ལ་མ་གྲུབ་པའོ། ། |
| ཆོས་ཅན་དུ་མ་བརྩེགས་པའི་ཐལ་འགྱུར |
རྩོད་གཞིའམ་ཆོས་ཅན་དུ་མ་བརྩེགས་ཤིང༌། གསལ་བ་དང་རྟགས་རེ་རེ་ལས་མེད་པ། (དཔེར་ན།) རྣམ་མཁྱེན་ཆོས་ཅན། སྒྲ་ཆོས་ཅན། འདུས་བྱས་ཆོས་ཅན། དངོས་པོ་ཡིན་པར་ཐལ། དོན་བྱེད་ནུས་པ་ཡིན་པའི་ཕྱིར་ཞེས་པ་ལྟ་བུའོ། ། |
| ཆོས་ཅན་བརྗོད་པའི་སྒྲ |
རྗོད་བྱེད་ཀྱི་སྒྲ་གང་ཞིག་སྨྲ་བ་པོ་དང་ཉན་པ་པོའི་འདོད་པས་དམིགས་པའི་དོན་དེ་ཉིད་ཁྱད་གཞིར་སྟོན་པའི་སྒྲ། (དཔེར་ན།) སྒྲ་དངོས་པོ་ཡིན་ཞེས་པ་ལྟ་བུ། སྒྲ་དེ་དངོས་པོའི་ཁྱད་གཞིར་སྟོན་པ་དང༌། ཤེས་བྱ་དང༌། མི་རྟག་པ་ལ་སོགས་ཁྱད་པར་གཞན་མི་སྤོང་བའོ། ། |
| ཆོས་ཅན་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་དངོས་པོ་གང་ཡང་རུང་བའི་ཁྱད་གཞི་ཆོས་ཅན་དེ། འགོག་བྱེད་ཁྱད་ཆོས་ཀྱི་རྣམ་པ་ཟུར་ཙམ་ཞིག་ལས་གཞན་མ་མཐོང་བའི་ཚུལ་བརྗོད་པའི་སྒོ་ནས་འགོག་པའི་རྒྱན་ཞིག |
| ཆོས་ཅན་རིང |
(མངོན་བརྗོད།) བོང་བུ། |
| ཆོས་ཅན་ལ་ཐེ་ཚོམ་ཟ་མ་གྲུབ་པ |
བློ་ངོར་མ་གྲུབ་པའི་རྟགས་གསུམ་གྱི་ཡ་གྱལ། ཆོས་ཅན་དེ་ཡོད་མེད་མ་ངེས་པའི་རྐྱེན་གྱིས་མ་གྲུབ་པ་སྟེ། (དཔེར་ན།) ཤ་ཟ་བསྐལ་དོན་དུ་སོང་བའི་ངོར། མདུན་གྱི་ཤ་ཟའི་བུམ་པ་ཆོས་ཅན། མི་རྟག་བྱས་པའི་ཕྱིར། ཞེས་པ་ལྟ་བུའོ། ། |
| ཆོས་ཆས |
1.ཆོས་ཀྱི་ཆ་ལུགས། 2.ཆོས་ཀྱི་ཡོ་བྱད། |
| ཆོས་ཉན་པ |
1.ཆོས་གཏམ་རྣ་བར་ཉན་པ། 2.ཆོས་ཉན་མཁན། |
| ཆོས་ཉིད |
1.ཆོས་རྣམས་ཀྱི་རྩ་བའི་གཤིས་ཁམས་སམ་རང་བཞིན་གྱི་དོན་ཏེ། (དཔེར་ན།) ལོ་རྒྱུས་ཀྱི་ཆོས་ཉིད། འབད་རྩོལ་ལ་མ་བརྟེན་པར་རང་འདོད་འབྲས་བུ་ཆོས་ཉིད་ཀྱིས་འཐོབ་མི་ཡོང༌ལྟ་བུ། 2.ཆོས་རྣམས་ཀྱི་རང་བཞིན་མཐར་ཐུག་སྟོང་བ་ཉིད། |
| ཆོས་ཉིད་ཀྱི་རིགས་པ |
རིགས་པ་བཞིའི་ཡ་གྱལ་ཞིག་སྟེ། (དཔེར་ན།) ཆུ་ཐུར་དུ་འབབ་པ་དང་མེ་གྱེན་དུ་འབར་བ་ལྟ་བུ་འཇིག་རྟེན་ལ་གྲགས་པའི་ཆོས་ཉིད་དོ། ། |
| ཆོས་ཉིད་མངོན་སུམ་གྱི་སྣང་བ |
སྣང་བ་བཞིའི་ནང་གསེས་ཏེ། ཆོས་ཉིད་ཀ་དག་གི་གནས་ལུགས་མངོན་སུམ་དུ་མཐོང་བས་ཡིད་དཔྱོད་བློས་བཏགས་ཀྱི་མཐའ་ལས་འདས་པའི་དེ་བཞིན་གཤེགས་པའི་གསང་བ་བསམ་གྱིས་མི་ཁྱབ་པའི་ཞིང་ཁམས་ཀྱི་སྒོ་ཕྱེ་བའོ། ། |
| ཆོས་ཉིད་ཟད་པའི་སྣང་བ |
ཆོས་ཟད་བློ་འདས་ཀྱི་སྣང་བ་དང་དོན་གཅིག |
| ཆོས་ཐག |
ཆོས་པོ་ཏིའི་སྐེད་ཆིངས་ཏེ་གླེགས་ཐག |
| ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོའི་མདོ |
པཎྜི་ཏ་པྲཛྙཱ་ཝརྨ་དང༌། ལོ་ཙཱ་བ་ཡེ་ཤེས་སྡེས་བསྒྱུར་ཅིང་ཞུས་པ། |
| ཆོས་ཐམས་ཅད་ཀྱི་རང་བཞིན་མཉམ་ཉིད་རྣམ་པར་སྤྲོས་པ་ཏིང་ངེ་འཛིན་གྱི་རྒྱལ་པོའི་མདོ |
མདོ་བམ་པོ་བཅོ་ལྔ་དང་ལེའུ་སོ་དགུ་པ། པཎྜི་ཏ་ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། |
| ཆོས་ཐམས་ཅད་མངོན་པར་བྱང་ཆུབ་པ་ལ་མི་འཇིགས་པ |
རྟོགས་པ་ཕུན་ཚོགས་ལ་མི་འཇིགས་པ་དང་དོན་གཅིག |
| ཆོས་ཐམས་ཅད་འབྱུང་བ་མེད་པར་བསྟན་པའི་མདོ |
མདོ་བམ་པོ་གསུམ་པ། ལོ་ཙཱ་བ་བནྡེ་རིན་ཆེན་འཚོས་བསྒྱུར། |
| ཆོས་ཐམས་ཅད་སྟོང་པ་ཉིད |
ཕྱི་ནང་གི་ཆོས་རྣམས་ཀྱི་སྤྱིའི་མཚན་ཉིད་མི་རྟག་པ་དང༌། སྡུག་བསྔལ་བ། སྟོང་པ། བདག་མེད་པ་ཞེས་པ་དེ་ལ་དོན་དམ་པར་ཆོས་ཐམས་ཅད་ངོ་བོ་ཉིད་མེད་པ་སྟེ་སྟོང་ཉིད་བཅུ་དྲུག་གི་ཡ་གྱལ་ཞིག |
| ཆོས་ཐུན |
ཆོས་ཉན་བཤད་སོགས་བྱེད་པའི་ཡུན་ཚད། |
| ཆོས་ཐེབས |
སྦྱིན་བདག་གིས་ཆོས་ཀྱི་དོན་དུ་བཞག་པའི་མ་དངུལ་ལམ་དངོས་པོ་སྟེ། (དཔེར་ན།) ཆོས་ཐེབས་སློང་བར་སོང་ལྟ་བུ། |
| ཆོས་ཐེབས་སློང་ཡིག |
སྦྱིན་བདག་ཁག་གི་ས་ནས་ཆོས་ཀྱི་ཐེབས་རྩ་སློང་མོ་ཞུ་བའི་ཡི་གེ། |
| ཆོས་ཐོག |
1.ཆོས་གྲྭ་འཚོག་དུས། 2.རྒྱུད་ཀྱི་འཆད་ཉན་གྱི་ཆེད་དུ་ཕྱོགས་ཕན་ཚུན་གྱི་ཆོས་གྲྭར་འདེགས་པའི་དུས་ཚོད་ངེས་ཅན་ཞིག |
| ཆོས་དཀར་པོ |
དགེ་བའི་བྱ་བ། |
| ཆོས་དཀོན་ཅོག |
ཆོས་དཀོན་མཆོག་དང་འདྲ། |
| ཆོས་དཀོན་མཆོག |
ལུང་དང་རྟོགས་པའི་བདག་ཉིད་ཅན་ཏེ། བཤད་པའི་ཆོས་དང༌། སྒྲུབ་པའི་ཆོས་དང༌། འབྲས་བུའི་ཆོས་བཅས་སོ། ། |
| ཆོས་དང་ཆོས་ཅན་གཏན་ལ་དབབ་པ |
རྒྱ་གར་གྱི་སློབ་དཔོན་ཛེ་ཏཱ་རིས་བརྩམས་པའི་ཚད་མའི་གཞུང་ཞིག |
| ཆོས་དང་ཆོས་ཉིད་རྣམ་འབྱེད |
འཕགས་པ་བྱམས་པས་གསུངས་པའི་སེམས་ཙམ་པའི་ལྟ་བ་དང་ཚུལ་མཐུན་པའི་གཞུང་ཞིག་སྟེ། བྱམས་ཆོས་སྡེ་ལྔའི་ཡ་གྱལ་ཞིག |
| ཆོས་དད |
ཆོས་ལ་དགའ་བའམ་འདུད་པ་སྟེ། (དཔེར་ན།) ཆོས་དད་རང་མོས་ལྟ་བུ། |
| ཆོས་དཔེ |
དཔེའི་རྒྱན་གྱི་ནང་གསེས་ཤིག་དཔེ་དང་དོན་གཉིས་ཀྱི་ཁྱད་ཆོས་འདྲ་བ་ཤུགས་བསྟན་ཙམ་མིན་པར་མཚུངས་གསལ་གྱི་སྒྲའི་རྗེས་ལ་དངོས་སུ་གསལ་བར་སྟོན་པའི་རྒྱན་ཞིག |
| ཆོས་དབྱིངས |
1.སྟོང་པ་ཉིད། 2.གཟུགས་ཀྱི་ཕུང་པོ་ལ་སོགས་པ་ཕུང་པོ་ལྔའི་རང་བཞིན་སྟོང་པ་ཉིད་གང་ཡིན་པ། |
| ཆོས་དབྱིངས་ཀྱི་ཡེ་ཤེས |
ཡེ་ཤེས་ལྔའི་ཡ་གྱལ་ཞིག་སྟེ། སྟོང་ཉིད་རྟོགས་པའི་ཡེ་ཤེས། |
| ཆོས་དབྱིངས་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག་སྟེ། ཀློང་སྡེའི་དགོངས་པ་རྩལ་དུ་བཏོན་ནས་རྫོགས་ཆེན་གཞི་ལམ་འབྲས་གསུམ་གྱི་རྣམ་གཞག་སྟོན་པ་རྩ་འགྲེལ་གཉིས་ལྡན་གྱི་གཞུང་ལེའུ་བཅུ་གསུམ་གྱི་བདག་ཉིད་ཅན་འདི་དུས་རབས་བཅུ་བཞི་བར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པ། |
| ཆོས་དབྱིངས་ཡེ་ཤེས |
ཆོས་ཀྱི་དབྱིངས་ཀྱི་ཡེ་ཤེས་ཀྱི་བསྡུས་ཚིག |
| ཆོས་དབྱིངས་སུ་བསྡུས་པ |
གཟུགས་སྐུ་ཆོས་དབྱིངས་སུ་ཐིམ་པའམ་མྱ་ངན་ལས་འདས་པ་སྟེ་ཤི་བ། |
| ཆོས་དུང |
ཆོས་ཀྱི་དུང་སྟེ་རྫས་ཀྱི་དུང་དང༌། ཆོས་སྒྲའི་དུང་གཉིས་ཡོད། |
| ཆོས་དྲན་པ་ཉེ་བར་བཞག་པ |
དྲན་པ་ཉེར་བཞག་བཞིའི་ཡ་གྱལ་ཞིག་ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་དག་ལ་སྟོང་པ་དང་བདག་མེད་པར་རྟོགས་ཤིང་བསྒོམ་པ། |
| ཆོས་དྲིན |
ཆོས་གནང་བའི་བཀའ་དྲིན། |
| ཆོས་དྲེད |
ཆོས་ཤེས་ཀྱང་ཉམས་ལེན་མེད་པར་སེམས་གྱོང་དུ་སོང་བ་སྟེ། ཆོས་ཀྱིས་རྒྱུད་མ་ཐུལ་བ། |
| ཆོས་ན་མར |
(བརྡ་རྙིང་།) 1>ཆོས་དཔེའི་ནང་ན། 2>ཆོས་རྒྱུན་དུ་བྱེད་པ། |
| ཆོས་ནག་པོ |
སྡིག་པའམ་མི་དགེ་བའི་བྱ་བ། |
| ཆོས་ནོར |
1.ཆོས་དང་རྒྱུ་ནོར། 2.འཕགས་པའི་ནོར། |
| ཆོས་པ |
ཆོས་བྱེད་མཁན་སེར་སྐྱ་ཕོ་མོ་སྟེ། (དཔེར་ན།) ཆོས་པའི་གཟུགས་བརྙན་ཞེས་པ་ལྟ་བུ། |
| ཆོས་ཕུང |
ཆོས་ཀྱི་ཕུང་པོ་སྟེ་ཆགས་སོགས་ཉོན་མོངས་པ་བརྒྱད་ཁྲི་བཞི་སྟོང་རེ་རེའི་གཉེན་པོ་སངས་རྒྱས་ཤཱཀྱ་ཐུབ་པས་གསུངས་པ་རྣམས་ལྷན་ཅིག་ཏུ་སྤུངས་པའི་ཕུང་པོ། མངོན་པ་གོང་མ་ལྟར་ན་ཚིག་ལེའུར་བྱས་པ་སྟོང་ཕྲག་རེར་ཆོས་ཕུང་རེ་བརྩི་བ་དང༌། མངོན་པ་འོག་མ་ལྟར་ན་དབང་པོའི་གླང་པོ་ཆེ་རབ་བརྟན་གྱིས་ཐེག་ཙམ་གྱི་སྣག་ཚས་ཆོས་ཀྱི་ཕུང་པོ་གཅིག་འབྲི་བར་ནུས་པའི་ཚད་ཀྱི་ཆོས་དེ་ཕུང་པོ་རེར་བརྩིས་པའོ། ། |
| ཆོས་ཕུན་སུམ་ཚོགས་པ |
ཕུན་ཚོགས་ལྔའི་ནང་གསེས། ཉོན་མོངས་པ་བརྒྱད་ཁྲི་བཞི་སྟོང་གི་གཉེན་པོར་གསུངས་པའི་སངས་རྒྱས་ཀྱི་ཆོས་ཕུང་བརྒྱད་ཁྲི་བཞི་སྟོང༌། |
| ཆོས་ཕྱོགས |
དམ་པའི་ཆོས་ཀྱི་ངོས་སམ་སྐོར། |
| ཆོས་བཅས་མ |
(མངོན་བརྗོད།) བག་མའམ་ཁྱིམ་བདག་མོ། |
| ཆོས་བཅུ་པའི་མདོ |
འཕགས་པ་ཆོས་བཅུ་པའི་ལེའུ་བམ་པོ་གཉིས་པ། ཤློ་ཀ་ལྔ་བཅུ་རྩ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་སོགས་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། |
| ཆོས་བདག |
1.ཆོས་འཛིན་སྤེལ་བྱེད་མཁན། 2.ཆོས་སྲུང་བ་པོ། |
| ཆོས་བདག་མེད་པ |
བདག་མེད་གཉིས་ཀྱི་ཡ་གྱལ་ཏེ། ཆོས་ཐམས་ཅད་བདེན་པར་མ་གྲུབ་པ་ལྟ་བུ། |
| ཆོས་བཞི་པའི་མདོ |
འཕགས་པ་ཆོས་བཞི་བསྟན་པ་ཞེས་བྱ་བའི་མདོ། ཤློ་ཀ་བཅུ་གསུམ་པ་པཎྜི་ཏ་སུ་རེནྡྲ་བོ་དྷི་དང༌། བནྡེ་ཡེ་ཤེས་སྡེས་བསྒྱུར་ཅིང་ཞུས་པའོ། ། |
| ཆོས་བཞིན |
ཆོས་དང་མཐུན་པ་སྟེ། (དཔེར་ན།) སྡིག་ལྟུང་ཐམས་ཅད་ཆོས་བཞིན་དུ་ཕྱིར་བཅོས་པ། ཆོས་བཞིན་མ་ཡིན་པ་ཞེས་པ་ལྟ་བུ། |
| ཆོས་བཟང་ལྷའི་འདུན་ས |
བརྒྱ་བྱིན་གྱི་གནས་ཤིག |
| ཆོས་བཟོད |
ཆོས་ལ་རྟོགས་པའི་བཟོད་པ་ཆོས་མཆོག་གི་མཇུག་ཏུ་འདོད་པའི་ཁམས་ཀྱིས་བསྡུས་པའི་ཆོས་ལ་བདེན་བཞི་ཇི་ལྟ་བར་མཐོང་བས་མཐོང་སྤང་གི་གཉེན་པོ་བར་ཆད་མེད་ལམ་མོ། ། |
| ཆོས་བརྒྱད |
འཇིག་རྟེན་ཆོས་བརྒྱད་ཀྱི་བསྡུས་ཚིག |
| ཆོས་བརྒྱད་རོ་སྙོམས |
འདོད་དང་མི་འདོད་བཞི་ཚན་གཉིས་ཀྱི་ཆོས་མགོ་སྙོམས་པ་རྙེད་དང་མི་རྙེད་དང༌། བདེ་དང་མི་བདེ། སྙན་དང་མི་སྙན། བསྟོད་དང་སྨད་རྣམས་ཁྱད་པར་མི་འཛིན་པ། |
| ཆོས་བརྒྱུད |
དབང་ལུང་ཁྲིད་གསུམ་གྱི་བརྒྱུད་པ། |
| ཆོས་བརྗོད་ཀྱི་སྒྲ |
རྗོད་བྱེད་ཀྱི་སྒྲ་གང་ཞིག་སྨྲ་བ་པོ་དང་ཉན་པ་པོའི་འདོད་པས་དམིགས་པའི་དོན་དེ་ཉིད་ཁྱད་ཆོས་སུ་སྟོན་པའི་སྒྲ། (དཔེར་ན།) སྒྲའི་མི་རྟག་པ་ཞེས་པ་ལྟ་བུ། ཀ་བུམ་སོགས་ཀྱི་མི་རྟག་པ་ལས་ཁྱད་པར་དུ་འབྱེད་པས། ཁྱད་པར་གཞན་སྤོང་གི་སྒྲའོ། ། |
| ཆོས་བསྒྱུར་བ |
1.ཆོས་རྣམས་སྐད་ཡིག་མི་འདྲ་བ་གཅིག་ནས་གཅིག་ཏུ་བསྒྱུར་བ། 2.ཆོས་ལུགས་གཅིག་བཞག་ནས་གཞན་ཞིག་གི་ཁོངས་སུ་འཛུལ་བ། |
| ཆོས་བློན |
ཆོས་དད་བྱེད་མཁན་བློན་པོ། |
| ཆོས་མ |
1.ཆོས་བྱེད་མཁན་བུད་མེད། 2.བཙུན་མ། |
| ཆོས་མགོ་ཐོན་པ |
1.ཆོས་ཀྱི་བྱ་བ་མཐར་ཕྱིན་པ། 2.མི་ཚེ་གཅིག་རིང་རབ་བྱུང་གི་སྡོམ་པ་མ་ཤོར་བ། |
| ཆོས་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག་སྟེ། ལས་བྱེད་པ་པོ་རྣམས་ཀྱིས་བསླབ་པ་ལ་བརྩོན་པ་རྟོགས་པའི་ཆོས་དང༌། ལས་ཀྱི་ཆོ་ག་དངོས་སུ་ཡོད་པས་ལུང་གི་ཆོས་ཀྱི་དོན་ཚང་བའོ། ། |
| ཆོས་མངོན་པ |
ཟག་པ་མེད་པའི་ཤེས་རབ་རྗེས་འབྲངས་དང་བཅས་པ་དང༌། དེ་མངོན་དུ་བྱ་བའི་ཐོས་བསམ་གྱི་ཤེས་རབ་ལ་སོགས་དང༌། དེ་དག་སྟོན་པའི་གཞུང་ལྷག་པ་ཤེས་རབ་ཀྱི་བསླབ་པ་གཙོ་བོར་སྟོན་པའི་བཀའ་དང་དགོངས་འགྲེལ་རྣམས་སོ། ། |
| ཆོས་མངོན་པ་ཀུན་ལས་བཏུས་པ |
འཕགས་པ་ཐོགས་མེད་ཀྱིས་མཛད་པའི་ཐེག་པ་ཐུན་མོང་གི་སྡོམ་བམ་པོ་ལྔ་བ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང༌། ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་ཅིང་ཞུས་པའོ། ། |
| ཆོས་མངོན་པ་བ |
ཆོས་མངོན་པ་ཉམས་སུ་ལེན་མཁན། |
| ཆོས་མངོན་པ་མཛོད |
ཆོས་མངོན་པའི་མཛོད་ཀྱི་ཚིག་ལེའུར་བྱས་པ། སློབ་དཔོན་དབྱིག་གཉེན་གྱིས་མཛད་པའི་ཐེག་དམན་གྱི་མངོན་པའི་གཞུང་གི་རྩ་བ་གནས་བརྒྱད་ཀྱི་རང་བཞིན་ཅན། |
| ཆོས་མངོན་པའི་མཛོད་ཀྱི་བཤད་པ |
སློབ་དཔོན་དབྱིག་གཉེན་གྱིས་མཛད་པའི་རང་འགྲེལ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་དཔལ་བརྩེགས་རཀྵི་ཏས་བསྒྱུར་ཅིང་ཞུས་པའོ། ། |
| ཆོས་མངོན་པའི་སྡེ་སྣོད |
ལྷག་པ་ཤེས་རབ་ཀྱི་བསླབ་པ་གཙོ་བོར་སྟོན་པའི་ཆོས། སྡེ་སྣོད་གསུམ་གྱི་ཡ་གྱལ་ཞིག |
| ཆོས་མངོན་པར་རྟོགས་པ |
ཚོགས་ལམ་གྱི་མིང༌། |
| ཆོས་མངོན་རྟོགས |
གསུང་རབ་ཡན་ལག་བཅུ་གཉིས་ལ་དམིགས་ནས་སྒྲ་སྤྱིའི་རྗེས་སུ་འབྲངས་ཏེ་ཉན་ཐོས་ཀྱི་དོན་མངོན་རྟོགས་ཐོས་བསམ་གྱིས་གཙོ་བོར་གཏན་ལ་འབེབས་པའོ། ། |
| ཆོས་མཆོག |
སྦྱོར་ལམ་ངེས་འབྱེད་ཆ་བཞིའི་ནང་གསེས། སོ་སོ་རང་རིག་པའི་ཡེ་ཤེས་ཀྱིས་བདེན་པ་རྣམས་ལ་དམིགས་ཏེ་སྒོམ་པ་ན་དེ་མ་ཐག་པའི་རྗེས་སུ་མཐོང་ལམ་སྐྱེས་པས་འཛིན་པ་རང་བཞིན་མེད་པར་རྟོགས་པའི་གསལ་སྣང་འབྲིང་པོ་ཐོབ་པའི་ཏིང་འཛིན་ཤེས་རབ་མཚུངས་ལྡན་དང་བཅས་པ་འཇིག་རྟེན་པའི་ཆོས་ཀྱི་ནང་ནས་མཆོག་ཏུ་གྱུར་པའོ། ། |
| ཆོས་མཆོག་གི་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། མཐོང་ལམ་སྐྱེད་པའི་ནུས་ལྡན་གྱི་ཏིང་ངེ་འཛིན་མཐའ་ཡས་པས་སེམས་ཀུན་ཏུ་གནས་པ་ཐོབ་པའི་རྩེ་མོ་གང་ཞིག་སྦྱོར་ལམ་ཆོས་མཆོག་གིས་བསྡུས་པའོ། ། |
| ཆོས་མཆོག་པ |
ཉན་ཐོས་གོས་དམར་བའི་སྡེ་པའི་ཁོངས་གཏོགས་ཤིག |
| ཆོས་མཉམ་པ་ཉིད |
འཁོར་འདས་རོ་མཉམ། |
| ཆོས་མཐུན་དཔེ་ལྟར་སྣང་ལྔ |
སྒྲུབ་བྱེད་ཀྱི་ཆོས་མ་གྲུབ་པ་དང༌། བསྒྲུབ་བྱའི་ཆོས་མ་གྲུབ་པ་དང༌། བསྒྲུབ་བྱ་སྒྲུབ་བྱེད་གཉིས་ཀ་མ་གྲུབ་པ་དང༌། དཔེ་མ་སྦྱར་བ་དང༌། དཔེ་ཕྱིན་ཅི་ལོག་ཏུ་སྦྱར་བ་སྟེ་ཚུལ་ལྔ་འདོད་པའི་ལུགས་སུ་ལྔའོ། ། |
| ཆོས་མཐུན་པ |
1.ཁྱད་ཆོས་འདྲ་བ། 2.གྲུབ་མཐའ་མཚུངས་པ། 3.ཆོས་ཚུལ་བཞིན་སྒྲུབ་པའི་གང་ཟག |
| ཆོས་མཐུན་པའི་དཔེ |
1.དཔེ་དོན་གཉིས་ཀ་ལ་ཡོད་པའི་ཁ་དོག་དང༌། དབྱིབས་སོགས་ཕན་ཚུན་ཁྱད་ཆོས་མཚུངས་པར་སྟོན་པའི་དཔེ། 2.མཐུན་དཔེ་ཡང་དག་དང་དོན་གཅིག |
| ཆོས་མཐུན་པའི་དཔེ་ལྟར་སྣང |
རྟགས་ནི་སྒྲུབ་བྱེད་ཡིན་ལ་བསྒྲུབ་བྱ་ནི་ཆོས་ཅན་ཡིན་པས་མཐུན་དཔེ་དེ་གཉིས་དང་མི་ལྡན་པ། |
| ཆོས་མཐུན་སྦྱོར་གྱི་ངག |
སྒྲུབ་ངག་ཡན་ལག་གཉིས་ལྡན་གྱི་ཡ་གྱལ། རྗེས་ཁྱབ་དང་ཕྱོགས་ཆོས་བརྗོད་པ་མཐུན་པ་ཅན་གྱི་ངག་གང་བྱས་ན་མི་རྟག་པས་ཁྱབ། དཔེར་ན་བུམ་པ་བཞིན་ཞེས་པ་ལྟ་བུའོ། ། |
| ཆོས་མཚམས |
ཆོས་རའམ། ཆོས་ཐོག་སྔ་ཕྱིའི་བར། |
| ཆོས་མཛད |
1.ཆོས་བྱེད་པ། 2.གྲྭ་པས་ཚོགས་ཡོངས་ལ་གཏོང་སྒོ་བཏང་ནས་ལེན་པའི་མིང་ཞིག་སྟེ། (དཔེར་ན།) དབོན་ཆོས་མཛད། གྲྭ་ཚང་ཆོས་མཛད། ཁང་ཚན་ཆོས་མཛད་ཅེས་པ་ལྟ་བུ། |
| ཆོས་མི་མཐུན་པའི་དཔེ་ལྟར་སྣང |
ཆོས་མི་མཐུན་པའི་དཔེ་དེ་རྟགས་དང་བསྒྲུབ་བྱ་གཉིས་ལྡོག་པ་མེད་པས་ལྟར་སྣང་ཞེས་བྱའོ། ། |
| ཆོས་མི་མཐུན་པའི་དཔེ་ལྟར་སྣང་ལྔ |
བསྒྲུབ་བྱ་ལྡོག་པ་མེད་པ་དང༌། སྒྲུབ་བྱེད་ལྡོག་པ་མེད་པ་དང༌། བསྒྲུབ་བྱ་སྒྲུབ་བྱེད་གཉིས་ཀ་ལྡོག་པ་མེད་པ་དང༌། ལྡོག་པ་མ་བསྟན་པ་དང༌། ལྡོག་པ་ཕྱིན་ཅི་ལོག་ཏུ་སྦྱར་བ་སྟེ་ལྔའོ། ། |
| ཆོས་མི་མཐུན་པའི་སྦྱོར་ངག་སྒྲུབ་ངག |
ཡན་ལག་གཉིས་ཀྱི་ནང་གསེས། ལྡོག་ཁྱབ་དང་ཕྱོགས་ཆོས་བརྗོད་པ་མི་མཐུན་པ་ཅན་གྱི་ངག་གང་རྟག་ན་མ་བྱས་པས་ཁྱབ། (དཔེར་ན།) ནམ་མཁའ་བཞིན། སྒྲ་ནི་བྱས་སོ་ཞེས་པ་ལྟ་བུའོ། ། |
| ཆོས་ཚན |
ཆོས་ཀྱི་དཔེ་ཆ་ཚན་པའམ། སྡེ་ཚན། |
| ཆོས་ཚིགས |
ཆོས་དར་སའི་ཡུལ་གྱི་ལྟེ་བ། |
| ཆོས་ཟད་བློ་འདས་ཀྱི་སྣང་བ |
སྣང་བ་བཞིའི་ནང་གསེས། སྣང་བ་ཐམས་ཅད་ཐིག་ལེ་ཆེན་པོ་གཅིག་གི་དཀྱིལ་འཁོར་དུ་དག་ནས་བློས་བཏགས་པའི་ཆོས་སོ་ཅོག་ཐམས་ཅད་ཆོས་ཉིད་ཀྱི་ཀློང་དུ་ཟད་ཅིང་ཆོས་ཉིད་དུ་འཛིན་པ་ཙམ་ཡང་མེད་པས་ཟད་པའི་མཐར་ཕྱིན་པ་ཆོས་སྐུའི་སྣང་བ་མཐོང་བའོ། ། |
| ཆོས་ཟོག |
རྙེད་བཀུར་གྱི་དོན་དུ་འཚོང་བའི་ཆོས། |
| ཆོས་འཁོར |
1.ཆོས་ཀྱི་འཁོར་ལོ་སྙིང་གའི་རྩ་འཁོར། 2.སངས་རྒྱས་ཀྱིས་གསུངས་པའི་ཆོས་གང་ཞིག་མྱ་ངན་ལས་འདས་པའི་རྒྱུ་འབྲས་ངོ་བོ་ཉིད་གསུམ་གང་རུང་བརྗོད་བྱའི་གཙོ་བོར་གྱུར་པའི་ངག་གི་རྣམ་པར་སྣང་བའི་རྣམ་རིག་དེ་ནི་འཁོར་ལོ་རིན་པོ་ཆེ་ལྟ་བུ་མི་མཐུན་ཕྱོགས་འཇོམས་ནུས་པ་དང༌། ལམ་རྣམས་སུ་འདོར་ཞིང་འཇུག་པ་དང༌། མྱུར་དུ་འགྲོ་བ་དང༌། འཕགས་ལམ་གྱི་རྩིབས་ཀྱི་ཡན་ལག་བརྒྱད་དང་ལྡན་པ་སོགས་ཀྱི་ཆོས་མཚུངས་པས་ཆོས་ཀྱི་འཁོར་ལོ་ཞེས་བྱའོ། ། |
| ཆོས་འཁོར་གསུམ |
1.ལྷ་ས་དང༌། བསམ་ཡས། ཁྲ་འབྲུག་གསུམ། 2.ཆོས་འཁོར་རིམ་པ་གསུམ་མོ། ། |
| ཆོས་འཁོར་བསྐོར་བའི་དུས་ཆེན |
ཁྱད་པར་ཅན་གྱི་དུས་ཆེན་བཞིའི་ནང་གསེས་ཏེ། ཧོར་ཟླ་དྲུག་པ། ཆུ་སྟོད་ཟླ་བའི་ཡར་ངོའི་ཚེས་བཞིའི་ཉིན་སྟོན་པ་ཐུབ་པའི་དབང་པོས་ཡུལ་ཝཱ་རཱ་ཎ་སཱིར། འཁོར་ལྔ་སྡེ་བཟང་པོར་ཆོས་བདེན་བཞིའི་ཆོས་འཁོར་ཐོག་མར་བསྐོར་བའི་དུས་སོ། ། |
| ཆོས་འཁོར་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག་སྟོན་པ་ཐུབ་པའི་དབང་པོས་ཝཱ་རཱ་ཎ་སཱིར་ཆོས་འཁོར་བསྐོར་བའི་ཚེ་གནས་དེར་བཞེངས་པའི་གྲུ་བཞི་བང་རིམ་བཞི་གློ་འབུར་དང་བཅས་པ་སྒོ་རབ་བརྒྱ་རྩ་བརྒྱད། འབྲིང་ང་དྲུག་ཐ་མ་བཅུ་དྲུག་པའི་བདག་ཉིད་ཅན་གྱི་མཆོད་རྟེན། |
| ཆོས་འཁོར་རིམ་པ་གསུམ |
སངས་རྒྱས་ཤཱཀྱ་ཐུབ་པས་དམ་ཆོས་གསུང་བའི་དུས་སྐབས་སྔ་བར་ཕྱི་གསུམ་དང་པོ་བདེན་པ་བཞིའི་ཆོས་འཁོར་དང༌། བར་པ་མཚན་ཉིད་མེད་པའི་ཆོས་འཁོར། མཐའ་མ་ལེགས་པར་རྣམ་པར་ཕྱེ་བའི་ཆོས་འཁོར་བཅས་གསུམ་མོ། ། |
| ཆོས་འཁོར་རྒྱལ་དགོན་པ |
༸གོང་ས་ཏཱ་ལའི་བླ་མ་དགེ་འདུན་རྒྱ་མཚོས་རབ་བྱུང་དགུ་པའི་ས་སྦྲུལ་ལོར་བཏབ་པའི་དགོན་ཆུང་ཞིག་ཡིན། གནས་འདིར་མཚོ་ཞིག་ཡོད་པ་དེ་དཔལ་ལྡན་ལྷ་མོའི་བླ་མཚོར་གྲགས་ཤིང་ཚང་མས་ལྟས་བརྟག་སྲོལ་ཡོད་པ་ཞིག་ཡིན། |
| ཆོས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་དངོས་པོའི་ཁྱད་ཆོས་གང་རུང་ཞིག་འགོག་བྱེད་དེ་དང་འགལ་བའི་སྐྱོན་བརྗོད་ཀྱི་སྒྲུབ་བྱེད་བཀོད་དེ་འགོག་པར་བྱེད་པའི་རྒྱན་ཞིག |
| ཆོས་འཆད་པ |
1.ཆོས་ཤོད་པ། 2.ཆོས་ཀྱི་ཚིག་དོན་བཤད་མཁན། |
| ཆོས་འདུལ་བ |
ལྷག་པ་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པའི་གཞུང་སྟེ་འདུལ་བ་ལུང་སྡེ་བཞི་ལྟ་བུའོ། ། |
| ཆོས་འདོན་འཁྲོལ་འཛིན |
སྔར་སྨོན་ལམ་ཚུགས་དུས་ཕྱིར་ཞབས་བརྟན་དུ་འགྲོ་མཁན་གྲྭ་པ་རྣམས་ཀྱིས་ལྷ་སའི་མི་དམངས་ཀྱི་ཁྱིམ་དུ་ཆོས་འདོན་རིམ་གྲོ་སྒྲུབ་པར་འགྲོ་སྐྱོད་ཆོག་འཐུས་ཚོགས་ཆེན་ཞལ་ངོར་དགོངས་ཞུས་འཁྲོལ་འཛིན། |
| ཆོས་འབངས |
1.ཆོས་དད་ཡོད་པའི་མི་སེར། 2.དགོན་སྡེ་ཁག་གི་མི་སེར། 3.བཀའ་དྲིན་གསུམ་ལྡན་གྱི་བླ་མའི་སློབ་མ། |
| ཆོས་འབྱུང |
1.ཆོས་ཀྱི་འབྱུང་བ་བརྗོད་པའི་བསྟན་བཅོས་སམ་དེབ་ཐེར། 2.དབྱིབས་གྲུ་གསུམ། 3.སངས་རྒྱས་ཤིག་གི་མཚན། 4.(མངོན་བརྗོད།) མོ་མཚན། |
| ཆོས་འབྱུང |
ཆོས་ལུགས་ཀྱི་ལོ་རྒྱུས་བཤད་པའི་དཔེ་ཆའི་མིང་། |
| ཆོས་འབྱུང་ངོ་མཚར་རྒྱ་མཚོ |
སྟག་ལུང་བཀའ་བརྒྱུད་པའི་ལོ་རྒྱུས་རྒྱས་པ་འདི་རབ་བྱུང་བཅུ་གཅིག་པའི་ས་བྱི་ལོར་བརྩམས་ཤིང༌། ཁ་སྐོང་དང་བཅས་ཁྱོན་བསྡོམས་ལྡེབས་ལྔ་བརྒྱ་ཅན་གྱི་པར་ཤིང་སྟག་ལུང་དགོན་དུ་ཡོད། དེ་རྩོམ་པ་པོ་སྟག་ལུང་པ་ངག་དབང་དམ་ཆོས་བཟང་པོ་ཞེས་བྱུང་ཡང་ཐུའུ་ཀྭན་ཆོས་འབྱུང་དུ་ཞབས་དྲུང་ངག་དབང་རྣམ་རྒྱལ་ཞེས་བྲིས་འདུག་པས་དཔྱད་པར་འཚལ། |
| ཆོས་འབྱུང་པདྨ |
1.མོ་མཚན། 2.ཆོས་འབྱུང་ནང་གི་པད་གདན། |
| ཆོས་འབྱུང་མཁས་པའི་དགའ་སྟོན |
རབ་བྱུང་དགུ་པའི་ཤིང་བྱི་ལོར། དཔའ་བོ་གཙུག་ལག་ཕྲེང་བས་བརྩམས་པའི་བོད་ཀྱི་ཆོས་འབྱུང་ཞིག |
| ཆོས་འབྱོར |
1.ཆོས་དང་འབྱོར་པའི་བསྡུས་ཚིག 2.ཆོས་ཀྱིས་ཕྱུག་པ། |
| ཆོས་འབྲེལ |
ཆོས་འཆད་ཉན་གྱི་འབྲེལ་བའི་དོན་ཏེ། (དཔེར་ན།) ཆོས་འབྲེལ་ཐོབ་པའི་བླ་མ་ལྟ་བུ། |
| ཆོས་འཚོང་བ |
རྙེད་བཀུར་སོགས་ཀྱི་དོན་དུ་ཆོས་འཆད་པ། |
| ཆོས་ཡང་དག་པར་སྡུད་པའི་མདོ |
འཕགས་པ་ཆོས་ཐམས་ཅད་ཡང་དག་པར་སྡུད་པ་ཞེས་བྱ་བའི་མདོ་བམ་པོ་བདུན་དང་ལེའུ་བཅུ་གཉིས་པ། རྒྱ་གར་གྱི་མཁན་པོ་མཉྫུ་ཤྲཱི་གརྦྷ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པའོ། ། |
| ཆོས་ར |
ཆོས་འཆད་ཉན་བྱེད་སའི་གནས་ཏེ་ཆོས་གྲྭའང་ཟེར། |
| ཆོས་ར་འགྲིམ་པ |
ཆོས་ཀྱི་ར་བའི་ནང་དུ་འགྲོ་བ། |
| ཆོས་རབ་རྣམ་འབྱེད་ཡང་དག་བྱང་ཆུབ་ཀྱི་ཡན་ལག |
ཆོས་རྣམ་འབྱེད་ཡང་དག་བྱང་ཆུབ་ཀྱི་ཡན་ལག་དང་དོན་གཅིག |
| ཆོས་རྒྱལ |
1.སངས་རྒྱས་ཀྱི་ཆོས་ལ་དད་པ་བྱེད་པའི་རྒྱལ་པོ་རྣམས། 2.ལས་ཀྱི་གཤིན་རྗེ། 3.སངས་རྒྱས་སྤྱི། |
| ཆོས་རྒྱལ་ནོར་བཟང |
མདོ་སྡེ་དང་རྒྱ་གར་གྱི་བསྟན་བཅོས་དཔག་བསམ་འཁྲི་ཤིང༌། བོད་ཀྱི་བསྟན་བཅོས་སྐྱེས་རབས་བརྒྱ་པ་སོགས་ཀྱི་ནང་གསལ་སངས་རྒྱས་ཤཱཀྱ་ཐུབ་པའི་འཁྲུངས་རབས་རྣམ་ཐར་གཞིར་བཞག་སྟེ་བར་ལམ་སྡིངས་ཆེན་ཚེ་རིང་དབང་འདུས་ཀྱིས་ཕྱོགས་སྒྲིག་གིས་རྒྱས་སུ་བཏང་བ་དེང་སང་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག |
| ཆོས་རྒྱལ་མེས་དབོན་རྣམ་གསུམ |
སྲོང་བཙན་སྒམ་པོ། ཁྲི་སྲོང་ལྡེ་བཙན། མངའ་བདག་ཁྲི་རལ་གསུམ། |
| ཆོས་རྒྱལ་མྱ་ངན་མེད |
སྤྱི་ལོའི་སྔོན་གྱི་དུས་རབས་གསུམ་པ་ཙམ་ལ་ཁྲིར་བཞུགས་གནང་ནས་གཡུལ་འགྱེད་རྒྱ་ཆེར་བཏང་སྟེ་རྒྱ་གར་གྱི་ས་ཆ་ཕལ་ཆེ་བ་ཞིག་ལ་དབང་སྒྱུར་བྱས་མཐར་དམག་འཐབ་ལ་ཡིད་སྐྱོ་བས་སངས་རྒྱས་སྐྱབས་སུ་བསྟེན་ནས་ཡུལ་གྲུ་ཁག་ལ་སྟོན་པའི་བསྟན་པ་དར་སྤེལ་མཛད་དོ། ། |
| ཆོས་རྒྱལ་ཟླ་བ་བཟང་པོ |
དུས་འཁོར་རྩ་རྒྱུད་ཞུ་བ་པོ། |
| ཆོས་རྒྱལ་འཕགས་པ |
འགྲོ་མགོན་ཆོས་རྒྱལ་འཕགས་པ་བློ་གྲོས་རྒྱལ་མཚན་གྱི་བསྡུས་མིང༌། |
| ཆོས་རྒྱུགས |
དཔེ་ཆའི་ཚིག་རྣམས་ངག་ཐོག་ནས་བསྐྱར་ཏེ་རྒྱུགས་སྤྲོད་པ། |
| ཆོས་རྒྱུན་བླ་རབས |
ཆོས་ཀྱི་བརྒྱུད་པ་གཅིག་པའི་བླ་མ་རིམ་བྱོན་ནམ་རིམ་བྱུང༌། |
| ཆོས་རྗེ |
1.ཆོས་ཀྱི་རྗེ་བོ། 2.སྐུ་རྟེན་པའམ་ལྷའི་ཁོག་རྟེན། |
| ཆོས་རྗེས་སུ་དྲན་པ |
རྗེས་སུ་དྲན་པ་དྲུག་གི་ནང་གསེས། ལུང་རྟོགས་ཀྱིས་བསྡུས་པའི་དམ་པའི་ཆོས་ཀྱི་ཡོན་ཏན་རྗེས་སུ་དྲན་པའོ། ། |
| ཆོས་རྗེས་སུ་དྲན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས་ཏེ། མཐར་གྱིས་པའི་སྦྱོར་བ་གང་ཞིག་ལུང་རྟོགས་ཀྱི་ཡོན་ཏན་དོན་དམ་པར་མ་དམིགས་ཤིང་ཀུན་རྫོབ་ཏུ་ཆོས་ལ་ལམ་གྱི་འདུ་ཤེས་རིམ་ལྡན་དུ་དྲན་པའོ། ། |
| ཆོས་རྣམ་འབྱེད་ཡང་དག་བྱང་ཆུབ་ཀྱི་ཡན་ལག |
བྱང་ཆུབ་ཡན་ལག་བདུན་གྱི་ཡ་གྱལ་ཞིག་ཆོས་རྣམས་ཀྱི་མཚན་ཉིད་རྟོགས་པར་བྱེད་པ་རང་བཞིན་གྱི་ཡན་ལག་སྟེ་བདེན་དོན་མཐོང་བའི་ཡེ་ཤེས་ཀྱི་རང་བཞིན་ནོ། ། |
| ཆོས་རྩ |
ཆོས་གཞིས་མི་རྩ་ཞེས་པའི་བསྡུས་མིང༌། |
| ཆོས་རྩོད |
རང་གཞན་གྱི་རྨོངས་པ་སེལ་ཞིང༌། བློ་གྲོས་ཀྱི་ན་འཕར་བ་དང༌། རང་རང་གི་ལྟ་གྲུབ་ཀྱི་གནད་གསང་རྣམས་དཔྱིས་ཕྱིན་པར་རྟོགས་ཤིང༌། སྒྲོ་སྐུར་གྱི་སྐྱོན་མི་འཇུག་པ་དང༌། བསྟན་པ་འཕེལ་བའི་ཆེད་དུ་བརྒལ་བརྟག་རིགས་པས་རྩོད་པ་བྱེད་པའམ་དགག་གཞག་སྤང་གསུམ་བྱེད་པ། |
| ཆོས་རྫོང |
ས་མིང་ཞིག་སྟེ། བོད་ཀྱི་སྤོ་མེས་རྫོང་ཁོངས་ཀྱི་སྡེ་ཞིག |
| ཆོས་ལ་ངེས་ཤེས་ཀྱི་བཟོད་པ |
སྟོང་པ་ཉིད་དང༌། བདག་མེད་པའམ། སྐྱེ་བ་དང་འགག་པ་མེད་པའི་དོན་ཟབ་མོ་དག་བསྟན་ན་སེམས་མི་དངངས་ཤིང་དེ་ལ་དད་པ་དང་དགའ་བ་སྐྱེས་པའི་བཟོད་པའོ། ། |
| ཆོས་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་མཐའ་དབུས་མེད་པའི་ཆོས་ཀྱི་སྒོ་སྣང་བ་ཀུན་ཏུ་སྟོན་པའོ། ། |
| ཆོས་ལ་དབང་ཟ |
རབ་བྱུང་མིན་པས་འདུལ་བ་ཀློག་པ་སོགས་ཆོས་མ་ཐོབ་པར་ལོངས་སྤྱད་པ། |
| ཆོས་ལ་དམིགས་པའི་བྱམས་པ |
མི་རྟག་པ་རྟོགས་པའི་ཤེས་རབ་ཀྱིས་ཟིན་པའི་བྱམས་པ། |
| ཆོས་ལ་དམིགས་པའི་སྙིང་རྗེ |
མི་རྟག་པ་རྟོགས་པའི་ཤེས་རབ་ཀྱིས་ཟིན་པའི་སྙིང་རྗེ། |
| ཆོས་ལ་བསྙོན་པ |
བསྙོན་དོར་གྱི་རྒྱན་གྱི་ནང་གསེས་ཤིག་དངོས་པོ་འགའ་ཞིག་གི་ཁྱད་ཆོས་དངོས་ལ་བསྙོན་ནས་དེ་མིན་གྱི་ཁྱད་ཆོས་གཞན་ཞིག་སྟོན་པའི་རྒྱན། |
| ཆོས་ལ་རྟོགས་པའི་བཟོད་པ |
ཆོས་བཟོད་དང་དོན་གཅིག |
| ཆོས་ལ་རྟོན་པ |
རྟོན་པ་བཞིའི་ཡ་གྱལ་ཞིག་ཀུན་ནས་ཉོན་མོངས་པའི་ཆོས་རྒྱུ་དང་འབྲས་བུའི་ཚུལ་ཕྱིན་ཅི་མ་ལོག་ཅིང་མ་འདྲེས་པར་བསྟན་པ་དང༌། ཆོས་རྣམས་ཀྱི་གནས་ལུགས་དེ་ཁོ་ན་ཉིད་ཡང་དག་པར་བསྟན་པའི་ཆོས་ལ་ཡིད་རྟོན་པའོ། ། |
| ཆོས་ལགས |
(ཡུལ་སྐད།) བཙུན་མའི་ཞེ་ས། |
| ཆོས་ལས་བྱུང་བ |
བྱང་ཆུབ་སེམས་དཔའ། |
| ཆོས་ལུགས |
མི་རྣམས་ཀྱི་འཚོ་བའི་ཁྲོད་སེམས་ཀྱི་དགོས་མཁོ་སྐོང་བྱེད་ཀྱི་རིག་པའི་གཞུང་ལུགས་དང་དེའི་བསྟན་དོན་དང་ཆོ་ག་སོགས་ལ་ཆོས་ལུགས་ཟེར་ཞིང་། དེ་ལ་མཚན་ཉིད་རིག་པས་གཏན་པ་ཕབ་པའི་གྲུབ་མཐའི་རྣམ་གཞག་བརྟན་པོ་ཡོད་མེད་ཅི་རིགས་ཡོད་ཅིང་། ཕལ་ཆེ་བས་འཚེ་བ་སྤོང་དགོས་པ་དང་། ཞི་བདེ་དང་མཉམ་གནས། དྲང་བདེན་བཅས་གཙིགས་སུ་བཟུང་སྟེ་ཆོས་སམ་བསྟན་པ་སྤེལ་བཞིན་ཡོད། |
| ཆོས་ལུགས་ཚོགས་པ |
ཆོས་བྱེད་མཁན་མཉམ་བསྡུས་ཀྱི་འདུས་ཚོགས། |
| ཆོས་ལོག་པ |
ཡང་མི་དག་པའི་ལྟ་བ་འཛིན་མཁན། |
| ཆོས་ལྔ |
མིང་དང༌། མཚན་མ་དང༌། རྣམ་རྟོག་དང༌། དེ་བཞིན་ཉིད་དང༌། མི་རྟོག་ཡེ་ཤེས་སོ། ། |
| ཆོས་ལྡན |
ཆོས་དང་མཐུན་པའི་ལུགས་སྲོལ་ཡོད་པའམ་ཡ་རབས་ཀྱི་དོན་ཏེ། (དཔེར་ན།) ཆོས་ལྡན་ཞིང་ཁམས། ཆོས་ལྡན་གྱི་མི་ཞེས་པ་ལྟ་བུ། |
| ཆོས་ལྡན་རྒྱ་སེ |
བོད་རིགས་རི་མོ་བ་ཆོས་ལྡན་ཟེར་མཁན་གྱིས་རི་མོ་བྲིས་ཤིང༌། རྒྱ་ནག་ཡུལ་ནས་བཏགས་པའི་གོས་ཆེན་གྱི་བྱེ་བྲག་ཅིག |
| ཆོས་ཤེས |
འདོད་ཁམས་ཀྱིས་བསྡུས་པའི་ཆོས་ལ་བདེན་བཞི་ཇི་ལྟ་མཐོང་བས་མཐོང་སྤང་སྤངས་ཏེ། བྲལ་འབྲས་ཉམས་སུ་མྱོང་བ་རྣམ་གྲོལ་ལམ་མོ། ། |
| ཆོས་སེམས |
ཆོས་ཕྱོགས་ལ་འདུན་པའི་སེམས། |
| ཆོས་སོ་ཅོག |
ཆོས་ཡོད་ཚད་ཀྱི་དོན་ཏེ། (དཔེར་ན།) ཆོས་སོ་ཅོག་གི་ངོ་བོ་ནི་སྟོང་པ་ཉིད་ཡིན་ནོ་ལྟ་བུ། |
| ཆོས་སོ་སོ་ཡང་དག་པར་རིག་པ |
ཆོས་རྣམས་རང་རང་སོ་སོའི་མཚན་ཉིད་རབ་ཏུ་ཤེས་པ་སྟེ་བྱང་ཆུབ་སེམས་དཔའི་སོ་སོ་ཡང་དག་པར་རིག་པ་བཞིའི་ཡ་གྱལ་ཞིག |
| ཆོས་སོ་སོ་རང་གིས་རིག་པ |
ཆོས་སོ་སོའི་ཆོས་ཉིད་མ་འདྲེས་པར་གཟིགས་པ། |
| ཆོས་སྐད |
ཕལ་སྐད་མ་ཡིན་པའི་ཆོས་པོད་ནང་གི་ཐ་སྙད་རྣམས། |
| ཆོས་སྐུ |
1.ཤེར་ཕྱིན་དངོས་པོ་བརྒྱད་ཀྱི་ནང་གསེས། སྦྱོར་བ་བསྒོམས་པའི་འབྲས་བུ་མཐར་ཐུག་ཆོས་ཀྱི་སྐུ་ཟག་མེད་ཀྱི་ཡོན་ཏན་དུ་མ་དང་ལྡན་པ་སྐུ་བཞིའི་དབྱེ་བཞིར་གྱུར་པ་སངས་རྒྱས་ཀྱི་སྐུའོ། །2.སྐུ་གཉིས་ཀྱི་ཡ་གྱལ་ཏེ། རང་དོན་དུ་སྤང་རྟོགས་མཐར་ཕྱིན་པའི་འབྲས་བུ་མངོན་དུ་བྱས་པའོ། ། |
| ཆོས་སྐུའི་ཆོས་བཞི |
ཤེར་ཕྱིན་དོན་བདུན་ཅུའི་ནང་ཚན། ཆོས་ཀྱི་སྐུ་མཚོན་བྱེད་ཀྱི་ཆོས་བཞི་ངོ་བོ་ཉིད་སྐུ་དང༌། ཡེ་ཤེས་ཆོས་སྐུ། ལོངས་སྤྱོད་རྫོགས་སྐུ་དང༌། སྤྲུལ་པའི་སྐུ་བཅས་བཞིའོ། ། |
| ཆོས་སྐོར |
རྐྱེན་ངན་སེལ་ཆེད་དུ་ཆོས་ཀྱི་པོ་ཏི་ཁུར་ནས་དགོན་མཐའ་དང་གྲོང་མཐའ་ལ་སྐོར་བ་བྱེད་པ། |
| ཆོས་སྐྱོང |
བསྟན་པའི་ཆོས་ཚུལ་བཞིན་སྐྱོང་བར་མཛད་པའི་དམ་ཚིག་ལ་གནས་པའི་སྲུང་མ། |
| ཆོས་སྐྱོང་ཁང |
སྲུང་མའི་མགོན་ཁང༌། |
| ཆོས་སྐྱོང་བཟང་པོ |
བོད་ཀྱི་ལོ་ཙཱ་བ་གྲགས་ཅན་ཞིག་རབ་བྱུང་བདུན་པའི་ཤིང་བྱི་ལ་འཁྲུངས། (1444-1527) རབ་བྱུང་དགུ་པའི་ཤིང་ཁྱི་ལ་དག་ཡིག་ཟ་མ་ཏོག་ཐེངས་དང་པོ་བརྩམས། རབ་བྱུང་དེའི་མེ་ཁྱི་ལ་དག་ཡིག་ཟ་མ་ཏོག་ཞུས་དག་མཛད། རབ་བྱུང་དེའི་མེ་ཕག་ལ་གཤེགས། |
| ཆོས་སྐྱོབ |
སྔར་རྒྱ་གར་གྱི་བྱེ་བྲག་སྨྲ་བའི་སློབ་དཔོན་ཞིག |
| ཆོས་སྒོ |
ཆོས་ལ་འཇུག་པའི་ལམ། |
| ཆོས་སྒྲ |
ཆོས་འཆད་རྩོད་དམ་ཀློག་པའི་སྒྲ། |
| ཆོས་སྟེགས |
གླེགས་བམ་འཇོག་སའི་ཁྲི་སྟེགས། |
| ཆོས་སྟོན |
1.ཆོས་ཀྱི་དུས་སྟོན་ནམ། དགའ་སྟོན། 2.བསོད་སྙོམས། |
| ཆོས་སྟོན་པ |
1.ཆོས་ཀྱི་ལམ་སྟོན་མཁན། 2.ཆོས་འཆད་པ། |
| ཆོས་སྟོན་ཚུལ་ཉེར་དྲུག |
ཉེས་བྱས་ཀྱི་སྡེ་ཚན་བདུན་པ་ཆོས་སྟོན་ཚུལ་གྱི་སྡེ་ལ། ཉན་པོ་མི་ན་བཞིན་དུ་འདུག་པ་ལ་རང་ཉིད་འགྲེངས་ཏེ་ཆོས་འཆད་པ་དང༌། དེ་བཞིན་དུ་ཉལ་བ་དང༌། ཁྲི་སྟན་ཆེ་མཐོར་འདུག་པ་དང༌། མདུན་དུ་འགྲོ་བ་ལ་རྒྱབ་ནས་ཆོས་འཆད་པ་དང༌། ལམ་གྱི་དབུས་ནས་འགྲོ་བ་ལ་ལམ་པོའི་འགྲམ་ནས་ཆོས་འཆད་པ་དང༌། མི་ན་བར་མགོ་གཡོགས་པ་དང༌། གོས་བརྫེས་པ་དང༌། བླ་གོས་ཕྲག་པར་གཟར་བ་དང༌། ལག་པ་གཉའ་གོང་དུ་བསྣོལ་བ་དང༌། ལྟག་པར་བསྣོལ་བ་དང༌། སྐྲ་སྤྱི་བོར་བསྡུས་ཏེ་དོ་ཀེར་ཅན་དང༌། ཞྭ་གྱོན་པ་དང༌། ཅོད་པན་བཏགས་པ་དང༌། མེ་ཏོག་གི་ཕྲེང་བ་བཅིངས་པ་དང༌། ལ་ཐོད་དཀྲིས་པ་དང༌། གླང་ཆེན་ལ་ཞོན་པ་དང༌། རྟ་ལ་ཞོན་པ་དང༌། ཁྱོགས་ཀྱི་སྟེང་ན་འདུག་པ་དང༌། ཤིང་རྟའི་སྟེང་ན་འདུག་པ་དང༌། མཆིལ་ལྷམ་གྱོན་པ་དང༌། འཁར་བ་ཐོགས་པ་དང༌། གདུགས་ཐོགས་པ་དང༌། མཚོན་ཆ་ཐོགས་པ་དང༌། རལ་གྲི་ཐོགས་པ་དང༌། མདའ་གཞུ་ཐོགས་པ་དང༌། གོ་ཆ་གྱོན་པ་བཅས་ལ་ཆོས་བཤད་པ་སྟེ་ཉེར་དྲུག་གོ། ། |
| ཆོས་སྟོན་སོགས་ཀྱི་སྡེ་ཚན |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་དགུ་པ་ལ། གྲོང་དུ་རྒྱུ་བའི་ལྟུང་བྱེད་དང༌། རྒྱལ་པོའི་ཕོ་བྲང་དུ་འདུག་པའི་ལྟུང་བྱེད་དང༌། ཁྱད་དུ་གསོད་པའི་ལྟུང་བྱེད་དང༌། ཁབ་རལ་བྱེད་པའི་ལྟུང་བྱེད་དང༌། ཁྲི་རྐང་འཆོས་པའི་ལྟུང་བྱེད་དང༌། ཤིང་བལ་བགོས་པའི་ལྟུང་བྱེད་དང༌། གདིང་བ་ཚད་ལྷག་བྱེད་པའི་ལྟུང་བྱེད་དང༌། གཡན་དགབ་ཚད་ལས་ལྷག་པའི་ལྟུང་བྱེད་དང༌། རས་ཆེན་ཚད་ལས་ལྷག་པའི་ལྟུང་བྱེད་དང༌། ཆོས་གོས་ཚད་ལས་ལྷག་པའི་ལྟུང་བྱེད་དེ་བཅུའོ། ། |
| ཆོས་སྡེ |
དགོན་སྡེའམ་དེའི་ལྷ་འབངས། |
| ཆོས་སྤུན |
ཆོས་བརྒྱུད་གཅིག་པའི་གྲོགས། |
| ཆོས་སྤྱོད |
1.ཆོས་ཀྱི་བྱ་སྤྱོད། 2.བསྟོད་ཚོགས་སོགས་ཆོས་ཀྱི་འདོན་ཆ། |
| ཆོས་སྤྱོད་པ |
1.ཆོས་བྱེད་པ། 2.ཆོས་ཀྱི་བྱ་བ་བྱེད་མཁན། |
| ཆོས་སྤྱོད་བཅུ |
གསུང་རབ་ཀྱི་ཡི་གེ་འབྲི་བ་དང༌། མཆོད་པ་འབུལ་བ། སྦྱིན་པ་གཏོང་བ། ཆོས་ཉན་པ། འཛིན་པ། ཀློག་པ། འཆད་པ། ཁ་ཏོན་དུ་བྱ་བ། ཆོས་ཀྱི་དོན་སེམས་པ། ཆོས་ཀྱི་དོན་སྒོམ་པ་བཅས་བཅུའོ། ། |
| ཆོས་སྦས་པ |
1.ཆོས་ཀྱི་ནང་དོན་གསང་ནས་མ་བསྟན་པ། 2.ཐེག་དམན་གྱི་ནང་གསེས་ཤིག |
| ཆོས་སྦུབས |
(མངོན་བརྗོད།) དམངས་རིགས། |
| ཆོས་སྦྱིན |
ཆོས་ཀྱི་སྦྱིན་པའམ་ཆོས་སྟེར་བ། |
| ཆོས་སྦྱིན་ཚང་འཛོམས |
དགེ་འདུན་དང་སྦྱིན་བདག་མཉམ་དུ་འཛོམས་པ། |
| ཆོས་སྨན |
རྙིང་མའི་སྨན་བསྒྲུབས་སམ། བདུད་རྩི་རིལ་བུ། |
| ཆོས་སྨྱོ་ཐེབས་པ |
ཆོས་ཀྱི་གོ་དོན་འཁྲུགས་ཏེ་སྨྱོ་བ། |
| ཆོས་སྲིད |
ཆོས་དང་སྲིད། |
| ཆོས་སྲུང |
བསྟན་སྲུང༌། |
| ཆོས་སྲུང་བའི་སྡེ |
གཞི་ཐམས་ཅད་ཡོད་པར་སྨྲ་བ་བདུན་གྱི་ཡ་གྱལ་ཞིག |
| ཇ |
1.བོད་ཡིག་གསལ་བྱེད་བདུན་པ། འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་རྐན་ལྕེ་གཉིས་ཕྲད་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་མོ་ཡིག་ཅིག 3.འཐུང་རྒྱུར་རུང་བའི་ཤིང་ལོ་ཞིག་དང༌། དེ་ཉིད་ཆུས་སྦངས་པའམ་ཆུ་ལ་བསྐོལ་ནས་བྱུང་བའི་ཁུ་བ་སྟེ། (དཔེར་ན།) རྒྱ་ཇ། མར་ཇ། འཐུང་ཇ། རྒྱུན་ཇ། ཇ་གར་པོ། ཇ་དཀྲུག་པ། ཇ་འཐོག་པ། ཇ་བླུག་པ་ལྟ་བུ། |
| ཇ་ཀོ |
ཇ་འཐུམ་བྱེད་ཀྱི་ཀོ་བ། |
| ཇ་ཁ |
1.ཁ་དོག་དམར་སྨུག 2.ཇའི་ཁ་དོག3.ཇ་བྲོ་བའམ་ཇ་མང་དྲགས་པའི་དོན་ཏེ། (དཔེར་ན།) ཇ་ཁ་རུ་བཅུག་ན་རླུང་ལ་གནོད་ཅེས་པ་ལྟ་བུ། |
| ཇ་ཁ་ཡ |
(ཡུལ་སྐད།) བག་ཆུང་བརྒྱད་དམ་བག་ཆེན་གཉིས་ཏེ། ཇ་འཁོར་དྲུག་གི་ཕྱེད་ཀ། |
| ཇ་ཁང |
1.ཇའི་མཛོད་ཁང༌། 2.ཇ་འཚོང་ཁང༌། 3.ཇ་སྐོལ་སའི་ཐབ་ཚང༌། |
| ཇ་ཁབ |
ཇ་ཀོ་བའི་ནང་དུ་བཏུམ་དུས་འཚེམ་བྱེད་ཀྱི་ཁབ། |
| ཇ་ཁུ |
ཇ་གདུས་པའི་ཁུ་བ། |
| ཇ་ཁུ་དམར |
ཁུ་མདོག་དམར་ལ་རོ་བཅུད་ཞན་པའི་དཀྱུས་ཇ་རྒྱུག་པ་མང་བ་ཞིག |
| ཇ་ཁུ་མདོག |
དམར་པོ་སྨུག་ཤས་ཕྲན་བུ་ཡོད་པའི་ཚོན་མདོག |
| ཇ་ཁུག |
ཇ་བླུག་སྣོད། |
| ཇ་ཁྲ |
ཇ་འདྲེན་བྱེད་ཀྱི་སྣོད་ཅིག |
| ཇ་གསུར |
ཇ་མེ་ལ་བསྲེགས་པའི་གསུར་དུད། |
| ཇ་ཆང་མཚར་གླུ |
ཇ་འདྲེན་ཆང་འདྲེན་བྱེད་སྐབས་ཀྱི་སྐྱིད་གླུ་སྟེ། (དཔེར་ན།) སྐྱིད་ན་ཇ་ཆང་མཚར་གླུ་ལེན་ཞེས་པ་ལྟ་བུ། |
| ཇ་ཏོར |
(བརྡ་རྙིང་།) རས་གུར། |
| ཇ་ཐང |
ཇ་དྭངས་དང་དོན་གཅིག |
| ཇ་ཐང་པགས་ལོག |
དབུས་ཀྱི་ཁྱོ་གའི་ཞྭ་མོ་ཞིག |
| ཇ་ཐང་མདོག |
ཇ་ཁུ་ལྟ་བུའི་ཁ་དོག |
| ཇ་ཐུག |
ཇ་དང་ཐུག་པའི་བསྡུས་ཚིག |
| ཇ་ཐུད་མར་གསུམ |
འཐུང་ཇ། ཕྱུར་ཐུད། འབྲི་མར་གསུམ། |
| ཇ་ཐུན་གཅིག |
ཇ་སྐོལ་ཐེངས་གཅིག་གི་དུས་ཚོད། |
| ཇ་ཐེབས |
དགོན་པ་ཁག་གི་དགེ་འདུན་པར་ཕུལ་བའི་མང་ཇའི་ཐེབས་རྩའམ་མ་རྩ། |
| ཇ་དཀར |
ཇ་འཐུང་སྣོད་ཀྱི་དཀར་ཡོལ། |
| ཇ་དཀྱུས་མ |
དཀྱུས་ཇའམ་ཇ་ཞན་པ། |
| ཇ་དཀྲུག |
1.ཁོག་ལྟིར་གྱི་ནང་དུ་ཇ་སྲུབ་བྱེད་ཀྱི་ཤིང་ཐུར་འདབ་མ་ཅན། 2.མདོང་མོའི་ནང་དུ་ཇ་མར་ཚ་གསུམ་བླུགས་ནས་བསྲུབ་པ། |
| ཇ་དཀྲུགས་མ |
ཇ་བསྲུབས་མ། |
| ཇ་དཀྲོགས་མ |
ཇ་བསྲུབས་མ། |
| ཇ་དཔོན |
དགེ་འདུན་ལ་ཇ་འདྲེན་སྐབས་ལག་བདེ་བ་རྣམས་ལ་ལྟ་རྟོག་བྱེད་མཁན། |
| ཇ་དམ |
ཇ་སྣོད་ཤེལ་དམ། |
| ཇ་དེམ |
ཇ་ལྡུག་བྱེད་ཀྱི་སྣོད་ཁ་དོག་ལ་ལྟོ་བ་ཆེ་བའི་རིགས་ཤིག |
| ཇ་དོ |
ཁལ་མར་འགེལ་རྒྱུའི་ཇ་སྒམ། |
| ཇ་དོས |
ཁྲལ་འུལ་བསྐུལ་ནས་སྐྱེལ་རྒྱུའི་ཇ་དོ་པོ། |
| ཇ་དྭངས |
མར་དང་འོ་མ་སོགས་མེད་པའི་ཇ་དྭངས། |
| ཇ་ནག |
1.མ་བསྲུབས་པའི་ཇ་དྭངས། 2.ཇའི་རིགས་ཤིག |
| ཇ་ནད |
ཇ་བཏུངས་ནས་བྱུང་བའི་ནད། |
| ཇ་པ་ཏི |
ཇ་མངར་མོ་བཟོ་བྱེད་ཀྱི་ཇ་རིགས་ཤིག་སྟེ། པ་ཏི་ནི་རྒྱ་གར་གྱི་སྐད་ཡིན། |
| ཇ་པྲ |
བོད་རིགས་ཀྱི་ཇ་ལྡུག་བྱེད་ཀྱི་སྣོད་ཟོ་བ་ཆུང་ཆུང་མཆུ་དང་ཡུ་བ་ཡོད་པ་ཁ་བསེགས་པ་ཞིག་ཡིན་ཞིང་། ཕལ་ཆེ་བ་ཤིང་གིས་བཟོས་པ་ཡིན་ལ་ཟངས་ལྕགས་སོགས་ཀྱིས་བཟོས་པའང་ཡོད། |
| ཇ་ཕུད |
བཏུང་ཇ་བཟོས་པའི་ཕུད། |
| ཇ་ཕོགས |
ཇ་དངོས་སྤྲོད་པའི་ཕོགས། |
| ཇ་བག |
ཇ་འདབ་རློན་པ་གྲུ་བཞིར་བཅོས་པའི་རྡོག་པོ། |
| ཇ་བག་ཆུང |
ཇ་བག་ཆེན་གཅིག་གི་བཞི་ཟུར། |
| ཇ་བག་ཆེན |
1.ཇ་བག་ཁག་ཆེ་བ། 2.ཇ་འབྲུ་གཉིས། |
| ཇ་བདག |
ཇ་བཟོ་ཚོང་སྒེར་བདག་བྱེད་མཁན། |
| ཇ་བཞི་ཁྲིག |
ཇ་བཞི་ཐིག་དང་དོན་གཅིག |
| ཇ་བཞི་ཐིག |
ཇ་འབྲུ་དང་བག་གཅིག་ལ་བག་ཆུང་བཞི་ཡོད་པས་བག་ཆུང་གཅིག་ལ་བཞི་ཐིག་གཅིག་ཟེར། |
| ཇ་བརྔོས |
ཡུན་རིང་གདུས་ནས་ཁུ་བ་རང་སིམ་དུ་གྱུར་པའི་ཇ་སྐམ་པོ། |
| ཇ་བསྲུབས་མ |
བོད་ཇ་ཡང་ཟེར། ཇ་ཁུ་དང་ཚྭ་མར་སོགས་མཉམ་དུ་དཀྲོགས་པའི་འཐུང་ཇ་ཞིག |
| ཇ་མ |
འཐུང་ཇ་བཟོ་མཁན། མིང་གི་རྣམ་གྲངས་ལ་ཐབ་ཀ་བ་དང༌། ཕྱག་ཚང༌། མ་བྱན། ཟས་བྱེད་པ། ཟས་སྦྱོར། ཟས་མ། གྱོས་མཁན། ལག་བདེ་བ་བཅས་སོ། ། |
| ཇ་མངར་མོ |
འོ་མ་དང་ཀ་ར་བཏབ་པའི་འཐུང་ཇ། |
| ཇ་མཆོད |
ཇའི་ཕུད་འཐོར་བའམ་མཆོད་པ། |
| ཇ་མདོག |
ཇའི་ཁ་དོག |
| ཇ་མདོང |
བོད་རིགས་ཀྱི་ཇ་སྲུབ་བྱེད་ཀྱི་ཟོ་བ་དབྱིབས་ཕྲ་བ་དེའི་མིང་། འདི་ལ་ཇ་ལྡོང་འབྲི་བའང་ཡོད། |
| ཇ་མན |
(ཡུལ་སྐད།) ལྷོ་བྲག་སོགས་ནས་ཐོན་པའི་ཇ་སྤུས་ཞན་ཞིག |
| ཇ་མའོ་ཅན |
(རྒྱ་སྐད།) ཇ་ཤིང་གི་ལོ་མའི་མཆེ་བ་བཏོགས་ནས་བཟོས་པའི་ཇ་སྤུས་ལེགས། |
| ཇ་མར |
ཇ་དང་མར། |
| ཇ་ཚགས |
ཇ་ཁུ་ཚགས་བྱེད་ཀྱི་ཡོ་བྱད་ཅིག |
| ཇ་ཚྭ་ལས་ཁུངས |
སྔར་ཇ་དང༌། ཚྭ། པགས་རིགས་སོགས་ཀྱི་ཁྲལ་བསྡུ་ལེན་བྱེད་པའི་ལས་ཁུངས་ཤིག |
| ཇ་ཞིང |
ཇ་སྐྱེ་བའི་ཞིང༌། |
| ཇ་ཟེད |
(ཡུལ་སྐད།) ཇ་ཡིག་གི་མིང་། |
| ཇ་འཁོར་དྲུག |
བག་ཆུང་བཅུ་དྲུག་གམ་བག་ཆེན་བཞི་ཡོད་པའི་སྨྱུག་མའི་ནང་གི་ཇ་རིང༌། ཇ་འཁོར་དྲུག་དྲུག |
| ཇ་འདན |
སྣོད་ཀྱི་ནང་དུ་མར་བཞུས་པའི་ཁར་རྩམ་པ་དང༌། ཚྭ་ཅུང་ཟད་བཏབ་ལ། དེ་སྟེང་ཇ་བླུགས་ཏེ་ཡུད་ཙམ་འཁོལ་བཅུག་པའི་བཏུང་བྱ་ཞིག |
| ཇ་འདྲེན |
ཚོགས་པ་ལྟ་བུར་ཇ་གཏོང་བའམ་བླུག་པ་སྟེ། (དཔེར་ན།) ཇ་འདྲེན་ཆང་འདྲེན། གསོལ་ཇ་འདྲེན་པ་ལྟ་བུ། |
| ཇ་འབྲུ |
ཇ་ཤིང་གི་འབྲས་བུ། |
| ཇ་འབྲུ་གཉིས |
ཇ་ལོ་གཉིས་པ་མན་ལས་བཟོས་པའི་ཇ། |
| ཇ་འབྲུ་དང |
ཇ་ལོ་དང་པོ་ལས་བཟོས་པའི་ཇ། |
| ཇ་ཡུན་ཙམ |
ཇའམ་བཟའ་བཏུང་ཐེངས་གཅིག་སྤྱོད་པའི་ཡུན་ཚད་ཀྱི་དོན་ཏེ། (དཔེར་ན།) ཇ་ཡུན་ཙམ་དུ་གླེང་མོལ་བྱས་ལྟ་བུ། |
| ཇ་ར |
མདོ་ཁམས་ཀྱི་ཡུལ་གྲུ་འགར་ཅ་དང་ཇ་གཉིས་ཀྱི་སྒྲ་གདངས་གཅིག་ཏུ་འབོད་པས་ཁྱད་པར་འབྱེད་བྱེད་ཀྱི་བརྡ། |
| ཇ་རིལ |
1.ཐོད་པ། 2.ཇ་རྡོག་རིལ་མོ། |
| ཇ་རོ |
ཁུ་བ་བཏོན་ཟིན་པའི་ཇ་ལོ། |
| ཇ་རྒོད |
1.བུལ་ཏོག་མ་བཏབ་པར་བསྐོལ་བའི་ཇ་གར་པོ། 2.ཇ་ཐང་མ་བསྲུབས་པའི་ཇ། |
| ཇ་རྒྱབ |
དོ་པོའི་ལྗིད་ཚད་ལོངས་པའི་ཇ་སྒམ་གཉིས། |
| ཇ་རྒྱུགས |
བཏུང་བ་ཇའི་སྐལ་བ་སྟེ། (དཔེར་ན།) ཚོགས་ལ་དངོས་སུ་ཡོང་མི་ཐུབ་མཁན་རྣམས་ལ་ཇ་རྒྱུགས་སྐྱེལ་བ་ལྟ་བུ། |
| ཇ་ལག་གཉིས |
ཇ་མ་དང་ཇ་འདྲེན་མཁན་གྱི་བསྡུས་མིང༌། |
| ཇ་ལན་ཆུ་འཇལ |
བཟང་བྱས་ངན་ལན་འཇལ་བའི་དཔེ། |
| ཇ་ལུང |
1.ཇ་སྒམ་འགེལ་བྱེད་ཀྱི་འབྲེང་ཐག 2.ཇ་སྒམ་གྱི་གློའི་བུག་ལུང༌། |
| ཇ་ལྟིར |
ཇ་བླུག་སྣོད། |
| ཇ་ལྡུར |
རྩམ་པའི་ཐོག་ཇ་བླུག་པའི་སྐྱོ་མ། |
| ཇ་ཤིང |
ཇ་འབྱུང་སའི་ཤིང་རོ་མངར་ལ་ཁ། ཞུ་རྗེས་བསིལ། ནུས་པས་བསེ་མོག་དང༌། ཚ་བ་སོགས་ལ་ཕན། |
| ཇ་སིག |
(བརྡ་རྙིང་།) ཇ་སྦག |
| ཇ་སིལ་མ |
ཇ་སིལ་བུའམ་ཞིབ་མོ། |
| ཇ་སུན་རེ |
ཇ་ཕོར་གང་ཙམ་རེའམ་ཉུང་ཟད་རེ། |
| ཇ་སོབ |
ལྷོ་མོན་སོགས་ནས་ཐོན་པའི་ཇ་སོབ་སོབ་སྤུས་ཞན་ཞིག |
| ཇ་སྐྱེམས |
ཇའི་བཏུང་བ། |
| ཇ་སྒམ |
ཀོ་བས་བཏུམས་པའི་ཇ་དོ་གྲུ་བཞི་མའི་དོན་ཏེ། (དཔེར་ན།) ཇ་སྒམ་དྲུག་བཙོང་ཟིན་ལྟ་བུ། |
| ཇ་སྙིགས |
ཇ་ཁུ་བཏོན་པའི་སྙིགས་མ། |
| ཇ་སྡོར |
ཇ་ལ་གདབ་བྱའི་མར། |
| ཇ་སྤྱན་ཤེལ |
(རྒྱ་སྐད།) ཇ་འབྲུ་དང་པོའི་འོག་མ། |
| ཇ་སྦག |
ཇ་བག་དང་འདྲ། |
| ཇ་སྦང་བ |
ཆུ་འཁོལ་ནང་ཇ་སྦང་བ། |
| ཇ་སྦྱོར་གཅིག |
ཇ་ཐེངས་གཅིག་བསྐོལ་ཏེ་འཐུང་བའི་ཡུན། |
| ཇ་ཧོང |
(རྒྱ་སྐད།) བཙོད་མདོག་གམ་དམར་སེར། |
| ཇ་ཧྲིལ |
ཇ་རྡོག་རྡོག་གམ་ཇ་གོང་བུ། |
| ཇག |
1.འཕྲོག་བཅོམ་བྱེད་པའི་ཉེས་སྤྱོད་ཀྱི་མིང་སྟེ། (དཔེར་ན།) ཇག་བྱེད་མཁན་ཁྲིམས་ལ་སྦྱར་ལྟ་བུ། 2.ཇག་པ་ཞེས་པའི་ཚིག་བསྡུས་པ། |
| ཇག་དཔོན |
ཇག་པའི་འགོ་པ། |
| ཇག་པ |
རྒྱུ་ནོར་འཕྲོག་བཅོམ་བྱེད་མཁན་གྱི་དོན་ཏེ། (དཔེར་ན།) ཇག་པས་རྟ་ཁྱུ་བཅད་ནས་དེད་འདུག་ལྟ་བུ། མིང་གི་རྣམ་གྲངས་ལ་ཆོམ་པོ་དང་ཨར་པའོ། ། |
| ཇག་རྐུན |
རྒྱུ་ནོར་འཕྲོག་མཁན་གྱི་ཇག་པ་དང་རྐུ་མཁན་གྱི་རྐུན་པོ། |
| ཇག་རྒྱག་པ |
རྒྱུ་ནོར་འཕྲོག་བཅོམ་བྱེད་པ། |
| ཇག་ཤོག |
ཇག་པའི་སྡེ་ཤོག |
| ཇང་ཡུས |
(རྒྱ་སྐད།) ཟས་ཀྱི་བྲོ་བ་འདོན་བྱེད་ཁུ་བ་ཞིག |
| ཇབ་ཇོབ |
(རྒྱན་ཚིག) ཇབ་བེ་ཇོབ་བེའི་བསྡུས་ཚིག |
| ཇབ་བེ་ཇོབ་བེ |
(རྒྱན་ཚིག) འབྲུ་རྩམ་སོགས་ངན་ལྷད་འདྲེས་པའི་སྤུས་ཞན་གྱི་དོན་ཏེ། (དཔེར་ན།) དངོས་པོ་ཇབ་བེ་ཇོབ་བེ་རིན་ཐང་ཆུང༌ལྟ་བུ། |
| ཇི |
(ཚབ་ཚིག) སྤྱི་སྒྲ་ཞིག། གཙོ་བོར་མཚུངས་གསལ་གྱི་སྒྲ་ལྟར་བཞིན་སོགས་ཀྱི་ཐོག་མར་སྦྱོར་དགོས་ཏེ། (དཔེར་ན།) ཇི་མ་ཇི་བཞིན། ཇི་ལྟར་ཇི་སྲིད། ཇི་སྙེད་སོགས་ལྟ་བུ། |
| ཇི་ག |
1.ག་འདྲ་ཞེས་པའི་དོན་ཏེ། (དཔེར་ན།) ཐབས་ཇི་ག་བྱེད། འབོར་གྲངས་ཇི་ག་ཡིན་ལྟ་བུ། 2.ནམ་ཡང་ངམ་དུས་གཏན་དུ་ཞེས་པའི་དོན་ཏེ། (དཔེར་ན།) བཀའ་དྲིན་ཇི་གར་མི་བརྗེད་པ། སྤྱོད་ངན་ཇི་གར་བྱེད་མི་རུང༌ལྟ་བུ། |
| ཇི་དགུ |
ཡོད་ཚད་ཐམས་ཅད་དམ་གང་ན་ཅི་ཡོད་ཅེས་པའི་དོན་ཏེ། (དཔེར་ན།) དཀའ་ཚེགས་ཇི་དགུ། དོགས་གནས་ཇི་དགུ། རྒྱུ་ནོར་ཇི་དགུ་ཞེས་པ་ལྟ་བུ། |
| ཇི་ནུས |
ཅི་ནུས་སམ་གང་ནུས་ཞེས་པའི་དོན་ཏེ། (དཔེར་ན།) བརྩོན་འགྲུས་ཇི་ནུས་བརྩམས་ནས་ལས་འགན་བསྒྲུབ། དྲན་གསོ་ཇི་ནུས་གཏོང་ལྟ་བུ། |
| ཇི་བཞིན |
ཇི་ལྟ་བ་བཞིན་ཞེས་པ་སྟེ། (དཔེར་ན།) བསམ་དོན་ཇི་བཞིན་གྲུབ་པ། གནས་ལུགས་ཇི་བཞིན་དུ་མཐོང་བ། གང་བཤད་ཇི་བཞིན་མ་ཡིན་པ། དགེ་རྒན་གྱིས་གསུངས་པ་ཇི་བཞིན་ཤེས་སོང༌ལྟ་བུ། |
| ཇི་མ་ཇི་བཞིན |
ཅི་འདྲ་ཡོད་པ་དེ་བཞིན་ནམ་ཇི་ལྟ་བ་བཞིན་ཞེས་པའི་དོན་ཏེ། (དཔེར་ན།) དཔེ་ཆའི་དོན་ཇི་མ་ཇི་བཞིན་བཤད་ཅེས་པ་ལྟ་བུ། |
| ཇི་མི་སྙམ་པ |
གང་ཡང་མི་སེམས་པའི་དོན་ཏེ། (དཔེར་ན།) དོན་ཆེ་ཆུང་གང་ཡིན་ཡང་ཇི་མི་སྙམ་པར་འཇོག་མི་རིགས། སྤྱིའི་དོན་དུ་རང་ལ་ཁེ་གྱོང་གང་འདྲ་ཡོང་མིན་ཇི་མི་སྙམ་ལྟ་བུ། |
| ཇི་ཙམ |
ག་ཚོད་དམ། ཚད་གང་ཙམ་ཞེས་པའི་དོན་ཏེ། (དཔེར་ན།) དུས་ཡུན་ཇི་ཙམ་དུ་སློབ་སྦྱོང་བྱས་པ་ཡིན། གནས་ལུགས་ཇི་ཙམ་ཁོང་དུ་ཆུད་ན་དེ་ཙམ་དུ་ཡིད་ཆེས་ཆེ་བ་ཡོང༌། ལམ་ཐག་ཇི་ཙམ་ཐུང་ཡང་མ་ཕྱིན་ན་འབྱོར་མི་སྲིད། སྤུས་དག་གཞིར་བཞག་ཐོག་ལས་ཀའི་མྱུར་ཚད་ཇི་ཙམ་མགྱོགས་པ་དེ་ཙམ་དུ་ལེགས་ཞེས་པ་ལྟ་བུ། |
| ཇི་ཙུག |
ཇི་ལྟར་རམ་གང་འདྲ་ཞེས་པའི་དོན་ཏེ། (དཔེར་ན།) ཇི་ཙུག་བྱས་ན་ཀུན་ལ་ཕན་པ་འོང་ལྟ་བུ། |
| ཇི་ཞིག |
ཅི་འདྲ་ཞིག་གམ་ཇི་ལྟ་བུ་ཞིག་གི་དོན་ཏེ། (དཔེར་ན།) ཧུར་བརྩོན་མེད་པར་རང་དགར་སྡོད་པ་ཇི་ཞིག་ཡིན། འབྲས་བུ་མེད་པའི་ངལ་བས་ཇི་ཞིག་བྱ་ཞེས་པ་ལྟ་བུ། |
| ཇི་འགབ |
གང་དགའམ་གང་ལེགས་ཞེས་པའི་དོན་ཏེ། (དཔེར་ན།) བྱེད་སྟངས་ཇི་འགབ་ལྟ་དགོས། སྐད་ཆ་བཤད་ཚུལ་ཇི་འགབ་བསམ་བློ་ཐོངས༌། གང་འགབ་ཇི་འགབ་བལྟས་ན་ཤེས། ལས་དོན་བྱེད་སྟངས་ཇི་འགབ་གྲོས་བསྡུར་བྱས་ལྟ་བུ། |
| ཇི་འདྲ་བ |
གང་འདྲ་བའམ་ཅི་འདྲ་བ་ཞེས་པའི་དོན་ཏེ། (དཔེར་ན།) མི་ཇི་འདྲ་བ། སྲིད་ཇུས་ཇི་འདྲ་བ། ཇི་འདྲ་བ་ཡི་སོན་བཏབ་པ། དེ་འདྲ་བ་ཡི་འབྲས་བུ་བྱུང༌ཞེས་པ་ལྟ་བུ། |
| ཇི་འོས |
གང་དང་མཐུན་པའམ་གང་འཚམས་ཞེས་པའི་དོན་ཏེ། (དཔེར་ན།) བྱ་གཞག་ཇི་འོས་ལག་བསྟར་བྱེད་པ། བཀའ་སློབ་ཇི་འོས་གནང་བ། བླང་དོར་ཇི་འོས་བསམ་གཞིག་བྱེད་ཅེས་པ་ལྟ་བུ། |
| ཇི་ཡང་རུང |
གང་ཡང་འགྲིག་པ་ཞེས་པའི་དོན་ཏེ། (དཔེར་ན།) ལས་རིགས་ཇི་ཡང་རུང༌། སྔ་ཕྱི་ཇི་ཡང་རུང༌། ངག་ལན་དང་ཡིག་ལན་ཇི་ཡང་རུང༌། ང་རང་འགྲོ་དགོས་པའི་བྱ་ཡུལ་ཇི་ཡང་རུང༌ལྟ་བུ། |
| ཇི་ཡོད |
གང་ཡོད་དམ་ཡོད་ཚད་ཀྱི་དོན་ཏེ། (དཔེར་ན།) དབང་ཆ་ཇི་ཡོད། རྒྱུ་དངོས་ཇི་ཡོད། མ་རྩ་ཇི་ཡོད། སློབ་སྦྱོང་བྱེད་དུས་ནུས་ཤུགས་ཇི་ཡོད་བཏོན་ནས་སློབ་སྦྱོང་བྱེད་དགོས་ཞེས་པ་ལྟ་བུ། |
| ཇི་རིགས་པ |
ཅི་རིགས་པ་དང་འདྲ། |
| ཇི་རོབ |
(བརྡ་རྙིང་།) ཅི་ཕྱིར། |
| ཇི་ལྟ་ཇི་ལྟ་བུ |
ཇི་ལྟ་ཇི་ལྟར་དང་འདྲ། |
| ཇི་ལྟ་ཇི་ལྟར |
ཇི་འདྲ་ཇི་འདྲའམ་གང་འདྲ་གང་འདྲ་ཞེས་པའི་དོན་ཏེ། (དཔེར་ན།) ཚོགས་འདུའི་སར་གྲོས་སྡུར་ཇི་ལྟ་ཇི་ལྟར་བྱས་པ་དེ་ལྟ་དེ་ལྟར་ལག་ལེན་བསྟར་དགོས་ཞེས་པ་ལྟ་བུ། |
| ཇི་ལྟ་བ |
1.ཆོས་ཉིད་དམ་གནས་ལུགས་བཅོས་མ་མིན་པའི་དོན་ཏེ། (དཔེར་ན།) ཆོས་ཇི་ལྟ་བ། རང་བཞིན་ཇི་ལྟ་བ་ཞེས་པ་ལྟ་བུ། 2.ཇི་འདྲ་བའམ་གང་འདྲ་བ་ཞེས་པའི་དོན་ཏེ། (དཔེར་ན།) ཁྱེད་ཀྱིས་གསུངས་པ་ཇི་ལྟ་བ་བཞིན་ཁོ་བོས་བསྒྲུབས་ཡོད། གོང་དུ་བཤད་པ་ཇི་ལྟ་བ་ད་ལྟ་ཡང་བརྗོད་པས་བློ་ལ་ངེས་དགོས་ཞེས་པ་ལྟ་བུ། |
| ཇི་ལྟ་བ་བཞིན |
ཚུལ་བཞིན་ནམ་གང་ཡིན་པ་དེ་བཞིན་ཞེས་པའི་དོན་ཏེ། (དཔེར་ན།) དོན་གྱི་གནས་ལུགས་ཇི་ལྟ་བ་བཞིན་དུ་རྟོགས་པ། དོན་ཇི་ལྟ་བ་བཞིན་མ་ཡིན་པ་ལྟ་བུ། |
| ཇི་ལྟ་བུ |
གང་འདྲ་བ་ཞེས་པའི་དོན་ཏེ། (དཔེར་ན།) དཀའ་ངལ་ཇི་ལྟ་བུ་ཞིག་བྱུང་ཡང་འཇིགས་མི་དགོས། གནས་ཚུལ་ཇི་ལྟ་བུ་ཞིག་འབྱུང་མི་ཤེས་ལྟ་བུ། |
| ཇི་ལྟར |
1.གང་འདྲ་ཞེས་པའི་དོན་ཏེ། (དཔེར་ན།) ཇི་ལྟར་བསྒོས་ཀྱང་རྣར་གཟོན་པ། ལོ་ཡུན་ཇི་ལྟར་ཐོགས་ཀྱང་ངས་ཁྱེད་རང་ཕེབས་སྒུག་ཞུ་རྐྱང་ཡིན། ལས་སྟངས་ཇི་ལྟར་དགའ་བ་དེ་ལྟར་བྱེད་དུ་ཆུག་ཅིག མི་སོ་སོའི་འཇོན་ཐང་ལ་གཞིགས་པའི་ལས་འགན་ཇི་ལྟར་འོས་པ་དེ་སྤྲོད་དགོས་ལྟ་བུ། 2.ནང་བཞིན་ཞེས་པའི་དོན་ཏེ། (དཔེར་ན།) པད་མའི་མཛེས་པ་ཇི་ལྟར་ཟླ་བའང་མཛེས། གནས་ལུགས་ཡོང་རྐྱེན་ཇི་ལྟར་གོང་དུ་བཤད་པ་དེ་ག་ཡིན། དགེ་རྒན་གྱིས་ཇི་ལྟར་བསྒོ་བའི་མན་ངག་བཞིན་དུ་སློབ་མས་དེ་ལྟར་བྱེད་དགོས་ལྟ་བུ། |
| ཇི་ལྟར་དྲང |
གོ་བ་ག་འདྲ་བྱས་ནས་ལེན་དགོས་ཞེས་པའི་དོན་ཏེ། (དཔེར་ན།) ཚིག་ལ་བརྟེན་ནས་དོན་དག་ཇི་ལྟར་དྲང༌། མདོའི་དྲང་དོན་གྱི་དགོངས་པ་ཇི་ལྟར་དྲང༌ཞེས་པ་ལྟ་བུ། |
| ཇི་ལྟར་འཇུག |
1.ག་འདྲ་བྱས་ནས་བྱེད་ཅེས་པའི་དོན་ཏེ། (དཔེར་ན།) ལག་ལེན་ལ་ཇི་ལྟར་འཇུག ལམ་ལ་ཇི་ལྟར་འཇུག་ཅེས་པ་ལྟ་བུ། 2.བོད་ཀྱི་བརྡ་སྤྲོད་བསྟན་བཅོས་རྟགས་འཇུག་ནང་། སྔོན་རྗེས་སོ་སོའི་འཇུག་ཡུལ་མིང་གཞིའི་ཡི་གེ་རྣམས་ལ་ཚུལ་ཇི་ལྟ་བུའི་སྒོ་ནས་འཇུག་པ་ལ། ཇི་ལྟར་འཇུག་ཅེས་ཟེར། |
| ཇི་ལྟར་ཡང |
གང་ལྟར་ཡང་ངམ་ཇི་འདྲ་ཡིན་ཡང༌ཞེས་པའི་དོན་ཏེ། (དཔེར་ན།) ལྟོ་ཆས་ཞིམ་དང་མི་ཞིམ་ཇི་ལྟར་ཡང་འཕྲོད་པ་དེ་ཟ་དགོས་ལྟ་བུ། |
| ཇི་སྐད |
1.ཇི་ལྟར་སྨྲས་པའི་ངག་དང་གང་བྲིས་པའི་ཡི་གེའི་དོན་ཏེ། (དཔེར་ན།) འགོ་ཁྲིད་པས་ཇི་སྐད་བསྒོ་བའི་ཚིག་བཞིན་བྱེད་པ། ད་ལྟ་སྐབས་བབ་ཀྱི་ཚིག་དོན་རྣམས་ལེའུ་སྔ་མ་ནས་ཇི་སྐད་བསྟན་པ་ལྟར་གོ་བ་ལེན་དགོས། སྔར་གྱི་ལོ་རྒྱུས་ཇི་སྐད་ཐོས་པ་ལྟར་ཡི་གེར་འབྲི་ཞེས་པ་ལྟ་བུ། 2.ལུང་ཁུངས་ཇི་འདྲ་ཞིག་ནས་དྲངས་པའི་ཚིག་དོན་གཤམ་གསལ་ལྟར་ཞེས་པའི་དོན་ཏེ། (དཔེར་ན།) བོད་ཀྱི་བརྡ་སྤྲོད་པའི་བསྟན་བཅོས་སུམ་ཅུ་པ་ལས་ཇི་སྐད་དུ། ཡི་གེ་ཨཱ་ལི་ཀཱ་ལི་གཉིས། ཨཱ་ལི་གསལ་བྱེད་ཨི་སོགས་བཞི། ཀཱ་ལི་སུམ་ཅུ་ཐམ་པའོ། །ཞེས་གསུངས་སོ་ལྟ་བུ། |
| ཇི་སྒྲ |
ཇི་དང་དོན་གཅིག |
| ཇི་སྙམ་པ |
གང་སེམས་པའམ་གང་དྲན་པའི་དོན་ཏེ། (དཔེར་ན།) རང་གིས་ཇི་སྙམ་པའི་དོན་གྲུབ་ཅེས་པ་ལྟ་བུ། |
| ཇི་སྙེད |
གང་ཡོད་དམ་ཐམས་ཅད་ཀྱི་དོན་ཏེ། (དཔེར་ན།) ནུས་ཤུགས་ཇི་སྙེད་པ། གོ་སྐབས་ཇི་སྙེད་པ་ལྟ་བུ། |
| ཇི་སྙེད་དེ་སྙེད |
གྲངས་མང་ཉུང་ཇི་ཙམ་ཡོད་པའི་འབོར་དེ་ཙམ་གྱི་དོན་ཏེ། (དཔེར་ན།) ནུས་ཤུགས་ཇི་སྙེད་ཡོད་པ་དེ་སྙེད་འདོན་པ། རང་གིས་ཇི་སྙེད་འཇོན་པ་དེ་སྙེད་ཀྱི་ལས་འགན་ལེན་པ། དཀའ་ལས་ཇི་སྙེད་བརྒྱབ་པ་དེ་སྙེད་ཀྱི་གྲུབ་འབྲས་འབྱུང་བ། མི་གྲངས་ཇི་སྙེད་པ་དེ་སྙེད་ཀྱི་སྐལ་བ་བགོས་པ་ལྟ་བུ། |
| ཇི་སྙེད་ཡོད་པ |
གྲངས་མང་ཉུང་ཇི་ཙམ་ཡོད་པའི་དོན་ཏེ། (དཔེར་ན།) གོ་སྐབས་ཇི་སྙེད་ཡོད་པ། བསམ་ཚུལ་ཇི་སྙེད་ཡོད་པ། མི་གྲངས་ཇི་སྙེད་ཡོད་པ་རྣམ་ལ་དབྱེ་འབྱེད་བསྡོམས་རྩིས་ཤིག་རྒྱག་ཅེས་པ་ལྟ་བུ། |
| ཇི་སྙེད་ཡོད་པ་ཉིད |
ཀུན་རྫོབ་ཀྱིས་བསྡུས་པའི་ཆོས་ཐམས་ཅད། |
| ཇི་སྟེ |
གལ་སྲིད་དམ་གལ་ཏེ་ཞེས་པའི་དོན་དང་འདྲ་། (དཔེར་ན།) ཁྱོད་རང་ངོ་མ་འདི་གར་ཇི་སྟེ་ཡོང་མ་ཐུབ་ཚེ་ངོ་ཚབ་གོ་ཆོད་པའི་མི་གཅིག་འཕྲལ་དུ་གཏོང་དགོས། སྒྲ་ཇི་སྟེ་མ་ལོབས་ཀྱང་སྙན་སུམ་ཤེས་དགོས་ལྟ་བུ། |
| ཇི་སྲིད |
དུས་ཇི་ཙམ་བར་གྱི་ཚད་དེ། (དཔེར་ན།) ཇི་སྲིད་བསྐལ་བ་མ་སྟོངས་བར། བྱས་རྗེས་ཇི་སྲིད་བར་དུ་གནས། ཇི་སྲིད་དམིགས་ཡུལ་མ་གྲུབ་བར་དུ་བར་མཚམས་གཏན་ནས་མི་འཇོག ཇི་སྲིད་འཚོ་བའི་བར་དུ་མི་དམངས་ལ་ཞབས་འདེགས་ཞུ། བྱས་རྗེས་ཇི་སྲིད་ནམ་གནས་ཞེས་པ་ལྟ་བུ། |
| ཇི་སྲིད་དེ་སྲིད |
གང་ནས་དེ་བར་རམ་གང་དང་གང་གི་བར་ཞེས་པའི་དོན་ཏེ། (དཔེར་ན།) ཇི་སྲིད་ནད་མ་དྲག་བར་དེ་སྲིད་སྨན་བཅོས་བྱེད་དགོས། ས་ཆ་འདིར་ཇི་སྲིད་གནས་འདོད་ཡོད་པ་དེ་སྲིད་དུ་བསྡད་ཆོག་ཅེས་པ་ལྟ་བུ། |
| ཇི་སྲིད་འཚོ་བའི་བར |
སྐྱེས་ནས་མ་ཤི་བའི་བར་གྱི་དུས་སྐབས་ཀྱི་དོན་ཏེ། (དཔེར་ན།) ཇི་སྲིད་འཚོ་བའི་བར་དུ་མི་བརྗེད་ཅེས་པ་ལྟ་བུ། |
| ཇིང་གིར་རྒྱལ་པོ |
(སོག་སྐད།) ཧོར་གྱི་རྒྱལ་པོ་ཆེན་པོ་འདི་རབ་བྱུང་གསུམ་པའི་ཆུ་རྟ་ལོར་འཁྲུངས། (1162-1227) མཚན་ལ་ཐེམ་ཅིང་ཞེས་བཏགས། མེ་སྟག་ལོར་མོང་གོལ་ཧན་ཆེན་གྱི་ཁྲིར་བྱོན་ཏེ་སོག་སྐད་དུ་ཇིང་ཞེས་པ་ཡོན་ཏན་དང༌། གིར་ཞེས་པ་མང་པོ། ཧན་ཞེས་པ་རྒྱལ་པོ་ཡིན་པས་མཚན་དུ་ཇིང་གིར་རྒྱལ་པོ་ཞེས་གསོལ། མོང་གོལ་གྱི་དམག་དང༌། ཆབ་སྲིད། ཞལ་ལྕེ་ལ་སོགས་པའི་ཁྲིམས་བཅས། སོག་པོའི་ཡི་གེ་ཡང་དེ་སྐབས་གསར་དུ་བཏོད། སོག་པོའི་ནང་ཁུལ་གཅིག་གྱུར་བྱུང་རྗེས་རབ་བྱུང་བཞི་པའི་མེ་ཕག་ལོར་སྔར་མི་ཉག་སི་འུ་རྒྱལ་པོའི་མངའ་ཁོངས་དེང་སང་ཉིང་ཞ་ཟེར་བའི་ས་ཆ་འདི་བླངས་ཏེ་ཕྱིས་སུ་སེ་ཆེན་རྒྱལ་པོའི་སྐབས་རྒྱ་ནག་མངའ་ཁོངས་ཆེན་པོ་གཅིག་གྱུར་ཡོང་བའི་རྨང་གཞི་ཚུགས་ཐུབ་པ་བྱུང༌། ལོ་དེར་འདས། |
| ཇིས་ན |
(བརྡ་རྙིང་།) ཅིས་ན། |
| ཇུ་ཏིག |
ཇུ་ཐིག་དང་འདྲ། |
| ཇུ་ཐིག |
བོན་པོའི་ཆོས་ལུགས་ཀྱི་མོ་འདེབས་བྱེད་ཐི་གུ་དཀར་ནག་མང་བོ་བསྲེས་ཡོད་པ་ཞིག |
| ཇུ་བོ |
རྒྱ་མའི་རྒྱ་རྡོའི་མིང་ཇུ་རིལ་ཡང་ཟེར། |
| ཇུན་གར |
(སོག་སྐད།) སོག་པོ་ཨོ་རོད་ཀྱི་སྡེ་ཚོ་བཞིའི་ཡ་གྱལ་ཞིག |
| ཇུན་གར་དུས་ཟིང |
རབ་བྱུང་བཅུ་གཉིས་པའི་མེ་བྱ་ལོར་ཇུན་གར་ཚེ་དབང་རབ་བརྟན་གྱིས་རང་སྡེ་དམག་དཔུང་ཁྲིད་དེ་ལྷ་སར་གུ་ཤྲཱི་བསྟན་འཛིན་ཆོས་རྒྱལ་གྱི་ཡང་ཚ་ལྷ་བཟང་ཧན་བསད་པ་དང༌། པད་དཀར་འཛིན་པ་ཡེ་ཤེས་རྒྱ་མཚོ་གནས་དབྱུང་བཏང་བ་དེ་ལ་བོད་ཀྱི་ལོ་རྒྱུས་ནང་ཇུན་གར་དུས་ཟིང་ཟེར། |
| ཇུན་ཝང |
(རྒྱ་སྐད།) སྔར་གྱི་གོ་ས་ཞིག་གི་མིང༌། |
| ཇུས |
1.ཐབས་ཤེས་སམ་ཐབས་ལམ་གྱི་དོན་ཏེ། (དཔེར་ན།) སྲིད་ཇུས། འགྲོ་ཇུས། ཤི་ཇུས། དགྲའི་ཇུས་ལ་ཚུད་པ། ཐབས་ཇུས་མཁས་པོ། ལས་དོན་གང་བྱེད་ཀྱང་ཇུས་ལེགས་པ་ཞིག་གདིང་དགོས། ངེད་རྒྱལ་ཁབ་ཇུས་ལ་མ་ཕན་ན། སྐད་འབྲུག་ལྟར་གྲགས་ཀྱང་སྟོང་སྒྲ་ཡིན་ཞེས་པ་ལྟ་བུ། 2.གསེར་སྐུད་ལེབ་སྦྱར་གྱི་རི་མོ་སྣ་ཚོགས་ཡོད་པའི་གོས་ཆེན་ཞིག |
| ཇུས་གཏོགས |
བཀག་འགོག་བྱེད་པའམ་བསམ་འཆར་འདོན་པའི་དོན་ཏེ། (དཔེར་ན།) ཁྲུང་ཁྲུང་བྱང་དུ་འཕུར་བ་ལ། ཕག་པས་ཇུས་གཏོགས་བྱེད་དོན་མེད་ཅེས་པ་ལྟ་བུ། |
| ཇུས་གཏོང་བ |
ཐབས་གཏོང་བ་སྟེ། (དཔེར་ན།) གནས་ལུགས་ཇི་བཞིན་མ་རྟོགས་པར་གང་བྱུང་གིས་ཇུས་གཏོང་བ། ལས་གྲྭ་གསར་འཛུགས་ཀྱི་ཇུས་གཏོང་བ། མང་ཚོགས་ཀྱི་ལས་དོན་ལ་མང་ཚོགས་ཀྱི་ཇུས་གཏོང་དགོས་ལྟ་བུ། |
| ཇུས་གཞི |
ཐབས་ཇུས་ཀྱི་གཞིའམ་རྩ་བའི་དོན་ཏེ། (དཔེར་ན།) ལས་འགོ་མ་བཙུགས་གོང་ནས་ཇུས་གཞི་འདིང་དགོས་ལྟ་བུ། |
| ཇུས་ངན་ལམ་ལྷོངས |
གཡོ་ཐབས་བསམ་པ་ལྟར་གྲུབ་པའི་དོན་ཏེ། (དཔེར་ན།) དམངས་ཀྱི་ཆབ་སྲིད་གོ་རྟོགས་ཆུ་ཚད་མཐོ་རུ་ཕྱིན་པས་མི་ངན་པའི་ཇུས་ངན་ལམ་ལྷོངས་ཀྱི་གོ་སྐབས་མ་རྙེད་ཅེས་པ་ལྟ་བུ། |
| ཇུས་ཉེས |
1.ཐབས་སམ་གོ་སྒྲིག་ཡག་པོ་མ་བྱུང་བའམ་ནོར་འཁྲུལ་བྱུང་བའི་དོན་ཏེ། (དཔེར་ན།) བརྟག་དཔྱད་ལེགས་པར་མ་བྱས་པས་ཇུས་ཉེས་བྱུང༌ལྟ་བུ། 2.རྐྱེན་ཆགས་བྱུང་བའི་དོན། |
| ཇུས་དཔོན |
ཐབས་ཀྱི་གྲོས་འགོ་འདོན་མཁན། |
| ཇུས་བཏིང་བ |
ཐབས་ཇུས་ཀྱི་གཞི་བཏིང་བའི་དོན་ཏེ། (དཔེར་ན།) རྒྱལ་དམངས་དཔལ་འབྱོར་འཛུགས་སྐྲུན་བྱེད་པའི་ཇུས་བཏིང་བ་ལྟ་བུ། |
| ཇུས་བདེ |
གྲོས་སམ་བྱེད་སྟངས་འདུམ་བདེ་བ། |
| ཇུས་བསྐུལ་བ |
ཐབས་ཇུས་བཏང་བ། |
| ཇུས་བསླབས་པ |
ཐབ་ཇུས་ཀྱི་རིག་པ་བསླབས་པ། |
| ཇུས་མེད་ཇུས་གཏོགས |
ལས་དོན་ནམ། གྲོས་ཁོངས་སུ་ཐེ་དབང་མེད་པར་རང་མཚམས་ཐེ་གཏོགས་བྱེད་པའི་དོན་ཏེ། (དཔེར་ན།) རྒྱལ་ཁབ་གཞན་གྱི་ནང་སྲིད་ལ་ཇུས་མེད་ཇུས་གཏོགས་བྱས་ཞེས་པ་ལྟ་བུ། |
| ཇུས་ཚོད |
ཇུས་ཀྱི་ཚོད་འཛིན་པ་སྟེ། (དཔེར་ན།) ཕོ་རྒོད་པོས་ཇུས་ཚོད་མ་ཟིན་ན། ལུས་འདོམ་གང་དགྲ་ལ་སྐྱེལ་ངེས་ཡིན་ལྟ་བུ། |
| ཇུས་འཁྲི |
ཐེ་གཏོགས་ཀྱི་དོན་ཏེ། (དཔེར་ན།) སྤྱི་དོན་ཚང་མར་ཇུས་འཁྲི་བྱེད་ཅེས་པ་ལྟ་བུ། |
| ཇུས་འགྲོ |
ཐབས་ལམ་དུ་འགྲོ་བའི་དོན་ཏེ། (དཔེར་ན།) ལྐོག་གཡོ་ངན་ཇུས་ལ་ཇུས་འགྲོ་ག་ལ་ཡོང༌ལྟ་བུ། |
| ཇུས་འཚོལ་བ |
ཐབས་ཤེས་དོན་དུ་གཉེར་བའི་དོན་ཏེ། (དཔེར་ན།) མང་ཚོགས་ཀྱི་ས་ནས་ཇུས་འཚོལ་དགོས་ལྟ་བུ། |
| ཇུས་ལེགས |
ཐབས་ཤེས་མཁས་ཤིང་བཟང་བའི་དོན་ཏེ། (དཔེར་ན།) ཇུས་ལེགས་པོ་ཡོད་ན་གྲུབ་འབྲས་ལེགས་པོ་འཐོན་རྒྱུ་ཡོད་ཅེས་པ་ལྟ་བུ། |
| ཇེ |
(བསྣན་ཚིག) རྒྱན་ཚིག་གི་ཐོག་མར་སྦྱར་ན་ཚད་སྔ་མ་ལས་ཕྱི་མ་ཆེ་བའམ་ཆུང་བ་སོགས་སྟོན་པ་སྟེ། (དཔེར་ན།) ཇེ་ཆེ་ཇེ་ཆུང་། ཇེ་བཟང་ཇེ་ངན་། ཇེ་ཆེ་ཇེ་ཆེ་རེད། ཇེ་བཟང་ཇེ་བཟང་རེད། ཇེ་དམར་ཇེ་དམར་རེད་ཅེས་པ་ལྟ་བུ། |
| ཇེ་བཀབ་ཇེ་གསལ |
ཇི་ཙམ་བསྒྲིབས་ཀྱང་མི་འགྲིབ་པར་ད་དུང་དེ་ཙམ་གྱིས་གསལ་དུ་འགྲོ་བ། |
| ཇེ་ཞིག |
རེ་ཞིག་གམ་གནས་སྐབས་ཏེ་གོ་རིམ་སྟོན་པའི་སྒྲ། (དཔེར་ན།) ཇེ་ཞིག་མནོ་བསམ་བཏང་ནས་སྐད་ཆ་ཤོད། དེ་རིང་ཇེ་ཞིག་འདི་ཙམ་ཞུས། དོན་གཞན་དག་ཇེ་ཞིག་བཞག་ཅེས་པ་ལྟ་བུ། |
| ཇེང |
(བརྡ་རྙིང་།) དབྱངས་ཀྱི་དོན་ཏེ། (དཔེར་ན།) པི་ཝང་གི་ཇེང༌ཞེས་པ་ལྟ་བུ། |
| ཇེམ་ཙེ |
(རྒྱ་སྐད།) རས་སོགས་འདྲ་བྱེད་ཀྱི་ལག་ཆ་ཞིག |
| ཇོ |
ཕུ་བོ་སྟེ་ཨ་ཇོའི་མིང་། (དཔེར་ན།) ཇོ་ཇོ་ཞེས་པ་ལྟ་བུ། |
| ཇོ་ཁང |
ཇོ་བོ་ཤཱཀྱ་མུ་ནེའི་སྐུ་བརྙན་བཞུགས་པའི་ལྷ་ཁང༌། |
| ཇོ་ཇོ |
1.གཅེན་པོའི་དོན་ཏེ། (དཔེར་ན།) རང་བྱས་རང་གིས་དངོས་སུ་མྱོང་བ་ལས། ཇོ་ཇོ་སངས་རྒྱས་ཡིན་རུང་ཕན་མི་ཐོགས་ཞེས་པ་ལྟ་བུ། མིང་གི་རྣམ་གྲངས་ལ་ངེས་འཛིན་དང༌། སྔོན་སྐྱེས། གཅེན་པོ། ཐུ་བོ། ཐོག་མ་སྐྱེས། ཕུ་བོ་བཅས་སོ། །2.སྐྱེས་པ་སྤྱི་ལ་འབོད་པའི་གུས་མིང༌། |
| ཇོ་ནང་དགོན |
ཇོ་ནང་པའི་དགོན་པ་ཞིག གཞིས་ཀ་རྩེའི་ནུབ་ཕྱོགས་ཕུན་ཚོགས་གླིང་གི་ཕུ་ན་ཡོད། |
| ཇོ་ནང་བ |
དུས་རབས་བཅུ་གཅིག་པར་ཡུ་མོ་མི་བསྐྱོད་རྡོ་རྗེས་གཞན་སྟོང་གི་སྲོལ་བཏོད། ཀུན་སྤངས་ཐུགས་རྗེ་བརྩོན་འགྲུས་ཀྱིས་ཇོ་མོ་ནང་དུ་དགོན་པ་བཏབ། ཕྱིས་དོལ་པོ་བ་ཤེས་རབ་རྒྱལ་མཚན་དང༌། ཏཱ་ར་ན་ཐ་སོགས་ལས་བརྒྱུད་པའི་ཆོས་ལུགས་ལ་ཇོ་ནང་བ་ཞེས་གྲགས། |
| ཇོ་བོ |
1.གཅེན་པོའམ་ཕུ་བོ། 2.མི་དང་ལྷའི་གཙོ་བོ། 3.དེ་བཞིན་གཤེགས་པ་ལོངས་སྤྱོད་རྫོགས་པའི་སྐུའི་ཆས་སྤྲས་པའི་གཟུགས་བརྙན། |
| ཇོ་བོ་མཆེད་གཉིས |
ལྷ་ལྡན་གཙུག་ལག་ཁང་དང་ར་མོ་ཆེའི་ནང་དུ་ཡོད་པའི་ཇོ་བོ་ཤཱཀྱ་མུ་ནེ་དང༌། ཇོ་བོ་མི་བསྐྱོད་རྡོ་རྗེ་རྣམ་གཉིས། |
| ཇོ་བོ་མི་བསྐྱོད་རྡོ་རྗེ |
སངས་རྒྱས་ཤཱཀྱ་ཐུབ་པ་དགུང་ལོ་བརྒྱད་ཕེབས་ཀྱི་སྐུ་ཚད་དང་མཐུན་པའི་ལྷ་སྐུ་ཞིག་ཆོས་རྒྱལ་སྲོང་བཙན་སྒམ་པོའི་སྐུ་དུས་བལ་བཟའ་ཁྲི་བཙུན་གྱིས་རྟེན་སྐལ་ལ་བོད་དུ་གདན་དྲངས་པའི་སྐུ་ངོ་མཚར་ཅན་ཞིག |
| ཇོ་བོ་རིན་པོ |
མནའ་སྐྱེལ་བའི་ཚིག་ཅིག་སྟེ་ཇོ་བོ་རིན་པོ་ཆེའི་ཟུར་ཆག་པའོ། ། |
| ཇོ་བོ་རིན་པོ་ཆེ |
ཐུབ་དབང་ལོངས་སྐུའི་ཆ་བྱད་ཅན་གྱི་སྐུ། |
| ཇོ་བོ་རྗེ |
ཨ་ཏི་ཤའི་ཞེ་མིང༌། |
| ཇོ་བོ་ཤཱཀྱ་མུ་ནེ |
སངས་རྒྱས་ཤཱཀྱ་ཐུབ་པ་དགུང་གྲངས་བཅུ་གཉིས་ལ་ཕེབས་པའི་སྐུ་ཚད་དང་མཐུན་པའི་ལྷ་སྐུ་ཞིག་ཆོས་རྒྱལ་སྲོང་བཙན་སྒམ་པོའི་སྐུ་དུས་རྒྱ་བཟའ་ཀོང་ཇོས་རྟེན་སྐལ་ལ་བོད་དུ་གདན་དྲངས་ཏེ་ད་ལྟ་ལྷ་ས་གཙུག་ལག་ཁང་དུ་བཞུགས་པའི་སྐུ་ངོ་མཚར་ཅན་ཞིག |
| ཇོ་བོའི་དབུ་སྐྲ |
ལྷ་ས་གཙུག་ལག་ཁང་གི་ཁྱམས་རའི་སྒོ་འཕྱོར་མདུན་དུ་ཡོད་པའི་ལྗོན་ཤིང་རྒྱ་ལྕང་གི་སྡོང་པོ་ཆེན་པོ་ཞིག་བོད་མི་དམངས་ཀྱིས་རྒྱ་བཟའ་ཀོང་ཇོར་དྲན་གསོ་བྱེད་ཆེད་ཀོང་ཇོས་དངོས་སུ་བཙུགས་པ་རེད་ཟེར་བའི་རྒྱ་ལྕང་འདིར་གཅེས་སྐྱོང་ཧ་ཅང་ཆེན་པོ་བྱེད་པར་མ་ཟད་རྒྱ་ལྕང་འདི་ཉིད་ཀོང་ཇོས་བོད་དུ་གདན་དྲངས་པའི་ཤཱཀྱ་མུ་ནེའི་དབུ་སྐྲ་སར་ལྷུང་ནས་སྐྱེས་པ་རེད་ཅེས་ཟེར་སྲོལ་ཡང་ཡོད། |
| ཇོ་མོ |
1.བཙུན་མ། 2.བཙུན་མོ། 3.གསང་ཡུམ། 4.རྗེ་རིགས་མ། 5.ས་མིང་ཞིག་བོད་ཉིང་ཁྲི་ཡུལ་གྱི་ཉང་ཆུའི་ལྷོ་འགྲམ་དུ་ཡོད། |
| ཇོ་མོ་གངས་ཅན་རི |
ཇོ་མོ་ཚེ་རིང་མའི་གནས་གངས་རྒྱལ་མོ་མཐོན་མཐིང་སྟེ་ཇོ་མོ་གླང་མའི་མིང་གཞན། |
| ཇོ་མོ་གངས་དཀར |
ཇོ་མོ་ཚེ་རིང་མའི་གནས་རི་སྟེ་ཇོ་མོ་གླང་མའི་མིང་གཞན། |
| ཇོ་མོ་གླང་མ་རི |
ཧི་མ་ལ་ཡའི་རི་རྒྱུད་ཀྱི་རི་རྩེ་གཙོ་བོ་ཞིག་ཡིན་ཞིང༌། བོད་དང་བལ་པོ་གཉིས་ཀྱི་ས་མཚམས་སུ་ཡོད། དེའི་མཐོ་ཚད་རྒྱ་མཚོའི་ངོས་ལས་སྨི་8848.13 ཡོད་པས་འཛམ་གླིང་ཐོག་གི་རི་མཐོ་ཤོས་དེ་རེད། གངས་མཐོན་མཐིང་རྒྱལ་མོ་ཞེས་ཀྱང་ཟེར་བ་ཚེ་རིང་མཆེད་ལྔའི་གནས་རིར་གྲགས། |
| ཇོ་མོ་གློ་སྡུམ |
སྔོ་སྨན་གྱི་རིགས་ཤིག་ལོ་མ་རོ་མངར། འབྲས་བུ་རོ་ཚ། ཞུ་རྗེས་སྙོམས། གློ་ནད་དང་རུས་ཚད་སེལ། |
| ཇོ་མོ་ནང |
ཇོ་ནང་བའི་གདན་ས་ཡོད་པའི་ལུང་པའི་མིང༌། གཞིས་རྩེའི་ཁུལ་གྱི་ལྷ་རྩེ་རྫོང་ཁོངས་སུ་ཡོད། |
| ཇོ་མོ་ལྷ་རི |
རི་བོ་ཞིག་བོད་ཀྱི་གྲོ་མོ་རྫོང་ཁོངས་ཕག་རིའི་ཤར་རྒྱུད་དུ་ཡོད། |
| ཇོ་རྔོག་འབྲོམ་གསུམ |
ཇོ་བོ་རྗེ་དང༌། རྔོག་ལེགས་པའི་ཤེས་རབ། འབྲོམ་རྒྱལ་བའི་འབྱུང་གནས་ཏེ་གསུམ། |
| ཇོ་རྩི |
ཤིང་རྩི། |
| ཇོ་རྩི་གསེར་ཤོག |
རྩི་དང་གསེར་ཤོག |
| ཇོ་ལགས |
1.ཕུ་བོའམ། ཨ་ཇོ་ལགས། 2.ཁྱིམ་པ་ཕོ་ལ་འབོད་པའི་གུས་མིང༌སྟེ། (དཔེར་ན།) ཤ་ཁྱི་རྐང་པ་ཚ་རོགས་དང༌། ཇོ་ལགས་སྐུ་ཐང་མཉེལ་རོགས་རེད་ཅེས་པ་ལྟ་བུ། |
| ཇོ་ཤཱཀ་རྣམ་གཉིས |
ལྷ་ལྡན་གཙུག་ལག་ཁང་དང་ར་མོ་ཆེའི་ནང་དུ་ཡོད་པའི་ཇོ་བོ་ཤཱཀྱ་མུ་ནེ་དང༌། ཇོ་བོ་མི་བསྐྱོད་རྡོ་རྗེ། |
| ཇོ་ཤཱཀ་རྣམ་གསུམ |
ལྷ་ལྡན་གཙུག་ལག་ཁང་དང་ར་མོ་ཆེའི་ནང་དུ་བཞུགས་པའི་ཇོ་བོ་ཤཱཀྱ་མུ་ནེ་དང༌། ཇོ་བོ་མི་བསྐྱོད་རྡོ་རྗེ། འཕགས་པ་ཐུགས་རྗེ་ཆེན་པོ་སྟེ་གསུམ། བཤད་སྲོལ་གཞན་ཞིག་ལ་འཕགས་པ་ཐུགས་རྗེ་ཆེན་པོའི་ཚབ་ཏུ་རྩེ་ཕོ་བྲང་ན་བཞུགས་པའི་ལོ་ཀི་ཤྭ་ར་ཞེས་པ་དེ་ཡིན་ཟེར། |
| ཉ |
1.བོད་ཡིག་གསལ་བྱེད་བརྒྱད་པ་འདིའི་ང་རོ་འདོན་ཚུལ་ལ་སྐྱེ་གནས་རྐན་སྣ་དང་བཅས་པ་དང༌། བྱེད་པ་ལྕེ་དབུས། ནང་གི་རྩོལ་བ་རྐན་ལྕེ་གཉིས་ཕྲད་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་ཤིན་ཏུ་མོའི་ཡི་གེ་ཞིག 3.ཆུ་ནང་ན་གནས་པའི་སྲོག་ཆགས་སྒལ་ཚིགས་ཅན་གྱི་རིགས། ལུས་དབྱིབས་ཕལ་ཆེར་འཇོང་ལ་ལེབ། ལུས་ན་ཉ་སག་དང་ཉ་གཤོག་ཡོད། འགྲམ་ལྕིབས་ཀྱིས་དབུགས་གཏོང་ལེན་བྱེད། ཁྲག་གྲང་མོ་ཡིན་ཞིང་རིགས་ཤིན་ཏུ་མང་བོ་ཡོད། ཉ་མོ་ཡང་ཟེར། མིང་གི་རྣམ་གྲངས་ལ་འགྲོ་ལྡན་དང༌། རྒྱབ་རིང༌། སྒོང་སྐྱེས། ཆུར་ཉལ། ཆུས་མི་འཚུབ། རྣམ་འཕོ། སྣ་ཚོགས་རྒྱུ། མིག་མི་འཛུམ། གསེར་མིག་ཅན་བཅས་སོ། །4.ཉི་ཟླ་གཉིས་ཁ་གཏད་དུ་འཆར་བས་ཟླ་བ་འཕེལ་ཁ་གང་བའི་དུས་ཏེ་ཚེས་བཅོ་ལྔ། |
| ཉ་ཀྱུ |
ཉ་འཛིན་བྱེད་ཀྱི་ལྕགས་ཀྱུའི་མིང་། |
| ཉ་ཁྱིམ |
ཁྱིམ་བཅུ་གཉིས་པ། ཁྱིམ་ཞག་ཉི་བར་སྐར་ཉེར་བཞི་དང་ཆུ་ཚོད་ཞེ་ལྔ་ཤར་ཚེ་ཉི་མ་ཉ་ཁྱིམ་ལ་སླེབས། |
| ཉ་ཁྱུ |
ཉ་མང་པོ་འདུས་པའི་ཁྱུ། |
| ཉ་ཁྲ |
ཆུ་སྐྱར་ཞིག |
| ཉ་ཁྲབ |
ཉའི་པགས་པར་ཁྲབ་ཀྱི་བྱང་བུ་ནང་བཞིན་ཡོད་པ་དེའི་མིང༌། |
| ཉ་ཁྲབ་ཅན |
(མངོན་བརྗོད།) འདེགས་བྱེད་ཉ་ག། |
| ཉ་ཁྲི |
གྲི་གུམ་བཙན་པོའི་བུ་གསུམ་པའི་མིང༌། |
| ཉ་ཁྲིག་ཤིང |
བཟའ་ཆས་དང་སྨན་དུ་འགྲོ་བའི་ཤིང༌། |
| ཉ་ག |
1.ལྕི་ཡང་འཇལ་བྱེད་ཀྱི་རྒྱ་མ་དང་སྲང་ཆ་སོགས་ཀྱི་སྤྱི་མིང་སྟེ། རྒྱུན་དུ་ཉག་ཅེས་འབྲི། (དཔེར་ན།) དཔེར་ན་མར་ཉག་གཅིག འབྲུ་ཉག་བརྒྱ། ཉག་ཤིང་ཞེས་པ་ལྟ་བུ། 2.ཉག་ག་ཡི་འབྲི་ཚུལ་གཞན། |
| ཉ་གང |
1.ཚེས་པ་བཅོ་ལྔ། 2.ཚེས་པ་བཅོ་ལྔའི་ཟླ་བའི་དཀྱིལ་འཁོར། |
| ཉ་གང་ཟླ་བ |
ཚེས་བཅོ་ལྔའི་ཟླ་བ། |
| ཉ་གཞིབ་གཞིབ |
ཉ་གྲལ་དུ་གཤིབས་པ་ལྟ་བུ་ཞེས་པའི་དོན་ཏེ། (དཔེར་ན།) སྒྲུབ་ཁང་དེར་འོག་ཏུ་ཐོག་རིམ་གསུམ་དང༌། སྟེང་དུ་ཐོག་རིམ་གཅིག་ཡོད་པ་ལ་གདུང་བཟང་པོ་ཉ་གཞིབ་གཞིབ་ཏུ་བཏང༌ཞེས་པ་ལྟ་བུ། |
| ཉ་གཟེབ |
ཉ་བླུག་སྣོད་ཀྱི་གཟེབ་བུ། |
| ཉ་གཤོག |
ཉའི་གཤོག་པ། |
| ཉ་གེ་ཉོག་གེ |
ཉག་ཉོག་ལ་ལྟོས། |
| ཉ་གྲ |
ཉ་རུས་ཚེར་མ་ལྟ་བུ་སྟེ། ཉ་ཚེར་ཡང་ཟེར། |
| ཉ་ངོག |
(བརྡ་རྙིང་།) ཉེ་འདབས། |
| ཉ་ཉུང་མཉམ་བསྲེ |
བཟང་ངན་དབྱེ་འབྱེད་མི་བྱེད་པའི་དཔེ་སྟེ། (དཔེར་ན།) བཟང་ངན་དབྱེ་ཞིབ་མ་བྱས་པར་ཉ་ཉུང་མཉམ་བསྲེ་བྱེད་མི་རུང༌ལྟ་བུ། |
| ཉ་དུག་པ |
སྔོ་ཞིག |
| ཉ་དོལ |
ཉ་འཛིན་བྱེད་ཀྱི་སྐུད་པའི་དྲ་རྒྱ་སྟེ། ཉ་རྒྱ་ཡང་ཟེར། |
| ཉ་དོལ་བ |
ཉ་རྒྱ་འགྲེམ་པ་པོ། |
| ཉ་དྲི |
ཉ་ཤའི་དྲི་མ། |
| ཉ་དྲུག་འཛོམས |
ཟླ་བ་ཉ་གང་བ་དང་སྐར་མ་སྨིན་དྲུག་འཛོམ་པའི་དུས་ཏེ་ཧོར་ཟླ་བཅུ་པའི་ཚེས་པ་བཅོ་ལྔ། |
| ཉ་ནད |
ནོར་ཕྱུགས་ལ་ཐོག་མར་ཉ་ནད་ཕོག་སྐབས་འཁུན་སྒྲ་སྒྲོག་པ་དང༌། མཇུག་མ་འདར་བ། མིག་མི་འཛུམ་པ། ནང་དུ་རྒྱུ་མ་སྐམ་པ་སོགས་ཀྱི་སྒོ་ནས་འཆི་བའི་ཕྱུགས་ཀྱི་འགོས་ནད་ཆེ་གྲས་ཤིག |
| ཉ་ནས་གདའ |
(བརྡ་རྙིང་།) ཉམས་རྒུད་དུ་སོང་བ། |
| ཉ་པ |
ཉ་འཛིན་མཁན། མིང་གི་རྣམ་གྲངས་ལ་རྐྱལ་ཆེན་པ་དང༌། ཆུར་འཇུག་ཉ་འཆིང་པ། ཉ་ཡིས་འཚོ་བ། དོལ་ཐོགས། དྲ་བ་འཛིན་བཅས་སོ། ། |
| ཉ་ཕག་སྒོང་གསུམ |
ཉ་ཤ་དང༌། ཕག་ཤ། སྒོ་ང་བཅས་ཀྱི་བསྡུས་མིང༌། |
| ཉ་ཕྱིས |
1.རིན་པོ་ཆེའི་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་ཀླད་སྐྱོན་གསོ། རྩ་དཀར་གྱི་ནད་སེལ། དུག་ནད་འཇོམས། 2.ཁོག་པའི་ནང་དུ་མུ་ཏིག་ཆགས་ཐུབ་པའི་ཆུ་སྐྱེས་སྲོག་ཆགས་ཤིག |
| ཉ་ཕྱིས་དུང |
ཉ་ཕྱིས་དུང་གི་དབྱིབས་ཅན། |
| ཉ་ཕྱིས་སིལ་མ |
ཉ་ཕྱིས་ཀྱི་དུམ་བུའམ་ཕྱེ་མ། |
| ཉ་ཕྱིས་སྣོད་ཁེབས |
ཉ་ཕྱིས་ལས་བཟོས་པའི་ཁེབས་སམ་གཡོགས། |
| ཉ་ཕྲུག |
ཉའི་ཕྲུ་གུ། |
| ཉ་བ |
(བྱེད་མེད་ལས་ཚིག) གང་བའི་དོན་ཏེ། (དཔེར་ན།) ཐ་སྐར་གྱིས་ཉ་བ། སྨིན་དྲུག་གིས་ཉ་བ་ཞེས་པ་ལྟ་བུ། |
| ཉ་བཤང་ཆུ |
འབབ་ཆུ་ཞིག་བོད་ཀྱི་མཚོ་སྣ་རྫོང་གི་ནུབ་རྒྱུད་དུ་ཡོད། ཆུ་འགོ་དམར་ཙག་ལ་ནས་བྱུང་ཞིང་དེའི་སྟོད་རྒྱུད་ལ་མདོ་མཁར་གཞུང་ཆུ་དང༌། སྨད་རྒྱུད་ལ་ཉ་བཤང་ཆུ་ཞེས་ཟེར། རྟ་དབང་ཆུ་དང་འདྲེས་རྗེས་ལྷོ་ངོས་འབྲུག་ཡུལ་དུ་འབབ། |
| ཉ་བཤོར |
ཉ་འཛིན་པ་དང༌། གསོད་པ། |
| ཉ་བསད་ཁྱི་སྟེར |
གཅིག་བཅོམ་ནས་གཅིག་གསོ་བའམ། བཟང་པོ་བཅོམ་ནས་ངན་པ་གསོ་བའི་དཔེ། |
| ཉ་བེ་ཉོབ་བེ |
(རྒྱན་ཚིག) ཉབ་ཉོབ་ལ་ལྟོས། |
| ཉ་མ |
བརྡ་རྙིང་དུ་བུད་མེད་དམ་སློབ་མ་མོའི་སྤྱི་མིང་། |
| ཉ་མཁྲིས |
སྲོག་ཆགས་ཀྱི་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མིག་འགྲིབ་སེལ། མེས་ཚིག་པའི་རྨ་གསོ། |
| ཉ་མགོ་གྲུ་ཁ |
བོད་ཀྱི་སྣེ་གདོང་རྫོང་ཁོངས་ཡར་ཀླུངས་གཙང་པོའི་ཐོག་གི་གྲུ་ཁ་ཞིག |
| ཉ་མཆིལ |
ཉ་འཛིན་བྱེད་ཀྱི་ལྕགས་ཀྱུ། |
| ཉ་མཆོང |
ཆུའི་སྟེང་ནས་ཉ་གྱེན་དུ་འཕར་བའམ་མཆོང་བ། |
| ཉ་མིག |
གཟོང་གི་བྱེ་བྲག་ཅིག |
| ཉ་མིག་མ |
སྐྱིན་ཁེབས་ཀྱི་བྱེ་བྲག་ཅིག |
| ཉ་མིད་ཆེ |
(མངོན་བརྗོད།) ཆུ་སྲིན་ཆེན་པོ། |
| ཉ་མོ |
ཉ་སྤྱིའི་མིང༌སྟེ། (དཔེར་ན།) རྒྱ་མཚོ་སྐམ་ནུས་ན་ཉ་མོ་འཆི་མི་ནུས་པ་མེད། མཚོ་གཏིང་ཐག་རིང་ན་ཉ་མོ་མང༌ཞེས་པ་ལྟ་བུ། |
| ཉ་ཚང |
1.ཉ་ལྕིབས་འདྲ་བའི་ཆུ་རྩྭ་ཞིག 2.ཉ་མང་པོ་འདུ་བའི་གནས། |
| ཉ་ཚེས |
ཚེས་བཅོ་ལྔ། |
| ཉ་ཟན |
1.ཉ་པ། 2.ཆུ་བྱ་ཉ་ཟན། |
| ཉ་འཁྱུག |
ཆུ་ནང་དུ་ཉ་འཁྱུགས་ཏེ་འགྲོ་བ། |
| ཉ་འཆིང |
(མངོན་བརྗོད།) ཉ་པ། |
| ཉ་འདྲིད་ཁ་ཟས |
ཉ་མགོ་སྐོར་བྱེད་པའི་ཟས་རིགས། |
| ཉ་འཕྱོ |
ཆུའི་ནང་ནས་ཉ་གྱེན་དུ་འཕྱོ་བའམ་མཆོང་བ། |
| ཉ་འབིགས |
(མངོན་བརྗོད།) ཉ་འཛིན་བྱེད་ཀྱི་ལྕགས་ཀྱུ། |
| ཉ་འབིགས་བྱེད |
(མངོན་བརྗོད།) ཆུ་སྐྱར། |
| ཉ་འཛིན |
1.ཉ་འཛིན་པ། 2.ཉ་འཛིན་གྱི་རྒྱའམ་རྙི། 3.(མངོན་བརྗོད།) སྲམ། |
| ཉ་འཛིན་ལྕགས་ཀྱུ |
ཉ་འཛིན་ཡོ་བྱད་ཅིག མིང་གི་རྣམ་གྲངས་ལ་ལྕགས་ཀྱུ་དང༌། ཉ་འབིགས། ཉ་འཛིན་བཅས་སོ། ། |
| ཉ་ཡི་ཏོག |
(མངོན་བརྗོད།) འདོད་ལྷ། |
| ཉ་ཡིས་འཚོ་བ |
(མངོན་བརྗོད།) ཉ་པ། |
| ཉ་ར |
1.བདག་གཉེར་དང༌། ཉར་ཚགས་ཀྱི་དོན་ཏེ། (དཔེར་ན།) ས་ཞིང་ཉ་ར་བྱས། འདི་རྣམས་ཉ་ར་བྱེད་རོགས་ལྟ་བུ། 2.དག་གཙང་གི་མིང༌སྟེ། (དཔེར་ན།) ཁང་པ་ཉ་ར་བྱེད་ཅེས་པ་ལྟ་བུ། 3.ཉ་གསོ་སའི་ཆུ་རྫིང༌། 4.(བརྡ་རྙིང་།) དོགས་ཟོན། |
| ཉ་རིད |
ལྗོན་ཤིང་ཞིག |
| ཉ་རུས |
1.ཉའི་རུས་པ། 2.(ཡུལ་སྐད།) ལྷམ་གྱི་རྟིང་པའི་འཇའ་གཉིས་པའི་ཕར་ཕྱིན། |
| ཉ་རེ་ཉོ་རེ |
1.(རྒྱན་ཚིག) ཞག་ཞིག་གམ་དབྱིབས་ཀྱི་རྣམ་པ་གསལ་པོ་མེད་པའི་རྣམ་པ་ཞིག་སྟེ། (དཔེར་ན།) རྡོག་ལ་མི་འདྲིལ་བའི་ཁུར་པོ་ཉ་རེ་ཉོ་རེ་དེ་འཁྱེར་མི་བདེ་ལྟ་བུ།2.ཧུར་བརྩོན་མེད་པའི་ལས་ཀ་བྱེད་སྟངས་ཏེ། (དཔེར་ན།) ཚར་དུས་མེད་པའི་ལས་ཀ་ཉ་རེ་ཉོ་རེ་མ་བྱེད་ཅེས་པ་ལྟ་བུ། |
| ཉ་རྒྱ |
ཉ་འཛིན་བྱེད། མིང་གི་རྣམ་གྲངས་ལ་དྲ་བ་དང༌། དོལ། ཚོགས་ཀྱི་སྲད་བུ་བཅས་སོ། ། |
| ཉ་རྒྱབ |
ཁང་ཐོག་གི་པུ་ཤུ། |
| ཉ་རྒྱས |
ཟླ་བ་ཉ་གང་བའམ་ཟླ་བའི་ཆ་ཤས་རྫོགས་པ། |
| ཉ་རྔ |
1.ཉའི་རྔ་མའི་དོན་ཏེ། (དཔེར་ན།) ཉའི་རྔ་མ་ལྟར་འཛིན་དཀའ་ཞེས་པ་ལྟ་བུ། 2.(ཡུལ་སྐད།) མེ་མདའི་མཇུག་ཤིང༌། |
| ཉ་ལས |
ཉ་འཛིན་གྱི་ལས་ཀ། |
| ཉ་ལྕིབས |
1.ཉའི་རིགས་ཁྱད་པར་བ་ཞིག་མུ་ཏིག་གི་འབྱུང་ཁུངས་ཡིན། ཉ་ཕྱིས་ཀྱང་ཟེར། མིང་གི་རྣམ་གྲངས་ལ་གྲོལ་བ་ཅན་སྐྱེད་བྱེད་དང༌། ཉ་སྐྱོགས། མུ་ཏིག་སྐྱེ་གནས། མུ་ཏིག་འབྱུང་གནས། མུ་ཏིག་མ་བཅས་སོ། །2.ཆུ་ནང་གི་སྔོ་རལ་པ་ལྟ་བུ་ཞིག་སྟེ་ཆུ་བལ་ཡང་ཟེར། |
| ཉ་ལྟོ་པ |
1.ཉ་འཛིན་མཁན། 2.སྔར་རྒྱ་གར་གྱི་གྲུབ་ཆེན་ལཱུ་ཨི་པ། |
| ཉ་ལྡིང |
ཉ་ཆུར་འཕྱོ་བ། |
| ཉ་ལྷག |
ཚེས་བཅོ་ལྔ་ལྷག་པ། |
| ཉ་ཤ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་ཕོ་བའི་དྲོད་ཉམས་པ་དང༌། དང་ག་འགགས་པ། མཁལ་མའི་གྲང་བ། ཁུ་བ་ཉམས་པ་སོགས་ལ་ཕན། |
| ཉ་ཤི |
ཚེས་བཅོ་ལྔ་དང༌། གནམ་གང༌། |
| ཉ་སག |
ཉའི་ལུས་ཀྱི་རེའུ་མིག་ལྟ་བུའི་རི་མོའམ་སེན་མོའི་དབྱིབས་ཅན་གྱི་དངོས་རྫས་དེའི་མིང་། |
| ཉ་སོག |
1.ཉའི་སྒལ་རྒྱབ་ཏུ་སྐྱེས་པའི་གཤོག་པ་ལྟ་བུ། 2.ཉ་ཕྱིས་ལས་བཟོས་པའི་བུད་མེད་ཀྱི་རྒྱན་ཆ་སྒོར་སྒོར་ཞིག 3.མཚོ་འགྲམ་དང་བྱེ་འདམ་དུ་གནས་པའི་སྲོག་ཆགས་སྐོགས་ཤུན་ཅན་ཞིག |
| ཉ་སྐར་བཅུ་གཉིས |
སྐར་མ་མགོ་དང༌། རྒྱལ། མཆུ། དབོ། ནག་པ། ས་ག།སྣྲོན། ཆུ་སྟོད། གྲོ་བཞིན། ཁྲུམས་སྟོད། ཐ་སྐར། སྨིན་དྲུག་རྣམས། ཉ་སྐར་གྱི་དབང་དུ་བྱས་པའི་ཟླ་བ་བཅུ་གཉིས་པོ་གཙོ་བོར་མར་ངོ་སྔོན་འགྲོ་ཅན་ཡིན། |
| ཉ་སྐྱོགས |
1.ཁོག་པའི་ནང་དུ་མུ་ཏིག་ཆགས་ཐུབ་པའི་ཆུ་སྐྱེས་འབུ་རིགས་ཤིག 2.ཆུ་བལ། |
| ཉ་སྐྱོབ |
མུ་ཏིག་འབྱུང་གནས་ཉ་ལྕིབས། |
| ཉ་སྒོང |
1.ཉ་རིགས་ཀྱི་སྒོ་ང། 2.ཉ་དང་སྒོ་ངའི་བསྡུས་མིང༌། |
| ཉ་སྟོང |
ཉ་གང་ཚེས་བཅོ་ལྔ་དང་གནམ་སྟོང་ཚེས་སུམ་ཅུ་གཉིས་ཀྱི་བསྡུས་མིང༌། |
| ཉ་སྟོང་བརྒྱད་གསུམ |
ཚེས་བཅོ་ལྔ་དང༌། སུམ་ཅུ། བརྒྱད་དེ་དུས་བཟང་གསུམ། |
| ཉ་སྟོན |
ཚེས་བཅོ་ལྔ་ལ་བཤམས་པའི་སྟོན་མོ། |
| ཉ་སྣབས |
ཆུ་བལ། |
| ཉ་སྤུ་ཅན |
མགོ་ཉ་དང་སོ་སྲམ་ཡིན་པའི་ཆུར་གནས་སྲོག་ཆགས་བྱེ་བྲག་པ་ཞིག |
| ཉ་སྲམ |
ཉ་དང་སྲམ། |
| ཉག |
1.ཀོང་ཀོང་ངམ་གཤོང་ཅན་ཏེ། (དཔེར་ན།) སྣ་ཉག ལ་ཉག་ཅེས་པ་ལྟ་བུ།2.མཐའ་གཅིག་ཏུ་ངེས་པའི་ཚིག་སྟེ། (དཔེར་ན།) མཐོང་བ་ཉག་གཅིག་བདེན་གྱི་གཞན་ནི་རྫུན་ནོ་ལྟ་བུ། 3.ཉ་གའི་བསྡུས་ཚིག (དཔེར་ན།) ལྕི་ཡང་གང་ཡོད་ཉག་ཏུ་འདྲེན། བཟང་ངན་གང་ཡིན་འབྲས་བུར་ལྟོས་ལྟ་བུ།4.ཉག་མ་ཡི་མིང་བསྡུས་པ། (དཔེར་ན།) སྤུ་ཉག་ལྟ་བུ།5.ཉག་པ་ཡི་ཚིག་བསྡུས་པ། (དཔེར་ན།) གདོང་ཉག་སྣ་ཉག་ལྟ་བུ།6.ཉག་ག་ཡི་ཚིག་བསྡུས་པ། (དཔེར་ན།) རི་ཉག་བརྒྱུད་ནས་སོང་ལྟ་བུ། |
| ཉག་ཁྱད |
ཉ་ག་ཆེ་ཆུང་གི་བར་ཁྱད་རྩི་ཚུལ་ཏེ། (དཔེར་ན།) བཅུ་བདུན་སྤོར་དོ་ཁལ་གྱི་བརྒྱད་ཆ་བདུན། བཅུ་གསུམ་སྤོར་གང་གསུམ་ཆ་སུམ་ཆ་གཉིས་ལྟ་བུ། |
| ཉག་ཁྲམ |
ཉག་གྲངས་རི་མོ། |
| ཉག་ག |
ལོགས་གཉིས་མཐོ་བའི་བར་གྱི་མིང་སྟེ། (དཔེར་ན།) རིའི་ཉག་ག་དང་། ལ་ཉག་ག་ཞེས་པ་ལྟ་བུ། ཚིག་བསྡུས་ན་ཉག་ཅེས་འབྲི་ཆོག་སྟེ། (དཔེར་ན།) རི་ཉག། ལམ་ཉག་ཅེས་པ་ལྟ་བུ། |
| ཉག་གཅིག |
རྐྱང་བའམ་གཅིག་པུ་མ་གཏོགས་མེད་པའི་དོན་ཏེ། (དཔེར་ན།) བདེན་དོན་ཉག་གཅིག གངས་རི་ཆེན་པོ་ཇོ་མོ་གླང་མ་ནི་འཛམ་གླིང་གི་རི་མཐོ་ཤོས་ཉག་གཅིག་རེད་ཅེས་པ་ལྟ་བུ། |
| ཉག་གེ་ཉོག་གེ |
(རྒྱན་ཚིག) མི་གྲུང་བ་དང་ཉོག་པོའི་རྣམ་པ་སྟེ། (དཔེར་ན།) ཆུ་ཉག་གེ་ཉོག་གེ་དྭངས་སུ་འཇུག་པ། གཏམ་ཉག་གེ་ཉོག་གེ་རྣ་བ་ལ་གཟན་ལྟ་བུ། |
| ཉག་ཆུ |
འབྲི་ཆུའི་ཆུ་ལག་ཅིག་སྟེ། ཆུ་འགོ་བ་ཡན་ཧ་རིའི་ལྷོ་ངོས་ནས་བྱུང་སྟེ་ཤར་ལྷོའི་ཁྲི་འདུ་དང༌། སེར་ཤུལ། དཀར་མཛེས། ཉག་ཆུ་ཁ་སོགས་བརྒྱུད་དེ་མཐར་འབྲི་ཆུར་འབབ། |
| ཉག་ཆུ་ཁ |
མདོ་ཁམས་ཀྱི་ས་ཁུལ་ཞིག་གི་མིང་། |
| ཉག་ཉག |
(རྒྱན་ཚིག) རྐེད་པ་གཤོང་གཤོང་ངམ་ཀོང་ཀོང༌གི་དོན་ཏེ། (དཔེར་ན།) ལ་ཉག་ཉག སྣ་ཉག་ཉག་ཅེས་པ་ལྟ་བུ། |
| ཉག་ཉིག |
(རྒྱན་ཚིག) དངོས་རྫས་ཀྱི་ནང་དུ་སྙིགས་མ་མང་བའི་དོན་ཏེ། (དཔེར་ན།) ཆུ་ཉག་ཉིག ཕུབ་མ་ཉག་ཉིག་ཅེས་པ་ལྟ་བུ། ཁ་སྐད་དུ་ཉ་གེ་ཉིག་གེ་ཟེར་ཏེ། ཆུ་ཉ་གེ་ཉིག་གེ་ཞེས་པ་ལྟ་བུ། |
| ཉག་ཉོག |
(རྒྱན་ཚིག) 1>དངོས་རྫས་སྣ་མང་བོ་འདྲེས་པའི་དོན་ཏེ། (དཔེར་ན།) འདམ་རྫབ་ཉག་ཉོག ཟས་ཉག་ཉོག་ཅེས་པ་ལྟ་བུ། 2>རིམ་པ་འཆོལ་བའི་དོན་ཏེ། (དཔེར་ན།) སྐད་ཆ་ཉག་ཉོག ཚིག་ཉག་ཉོག་ཅེས་པ་ལྟ་བུ། ཁ་སྐད་དུ་ཉ་གེ་ཉོག་གེ་ཟེར་ཏེ། (དཔེར་ན།) ཟས་ཉ་གེ་ཉོག་གེ་མ་བཅའ། ཚིག་ཉ་གེ་ཉོག་གེ་མ་བཤད་ལྟ་བུ། |
| ཉག་ཐག |
ལྕགས་ཐག་ཨ་ལོང་ཅན་གྱི་མིང་། |
| ཉག་ནོན |
(བརྡ་རྙིང་།) སོ་ལྟ་ཉུལ་མི། |
| ཉག་པ |
(རྒྱན་ཚིག) ལོགས་གཉིས་མཐོ་ཞིང་དཀྱིལ་དམའ་བའམ་ཕྲ་བའི་དོན་ཏེ། (དཔེར་ན།) སྣ་ཉག་པ། རྐེད་པ་ཉག་པ་ཞེས་པ་ལྟ་བུ། ཚིག་བསྡུས་ན་ཉག་ཅེས་འབྲི་ཆོག་སྟེ། (དཔེར་ན།) སྣ་ཉག རྐེད་ཉག སྒལ་ཉག་ཅེས་པ་ལྟ་བུ། |
| ཉག་པོ |
འཕྲེད་ཀྱི་ཀོང་མོའམ། ཤུར་ཤུར་གྱི་དོན་ཏེ། (དཔེར་ན།) རྐེད་པ་ཉག་པོ། སྣ་ཉག འགྲོ་ལམ་ཉག་པོ་གང་ཡོད་ལ་ས་སྣོན་བརྒྱབ་ནས་སྒང་གཤོང་ཆ་མཉམ་བཟོས་ལྟ་བུ། |
| ཉག་ཕྲ་ཐ་ཞན |
དབུལ་ཕོངས་མཐར་ཐུག་གམ་ཉམ་ཐག་པའི་དོན་ཏེ། (དཔེར་ན།) ཟས་གོས་ཀྱིས་དབུལ་བའི་ཉག་ཕྲ་ཐ་ཞན་གྱི་མི་ལ་སྐྱོབ་གསོ་གནང་དགོས་ལྟ་བུ། |
| ཉག་ཕྲ་བ |
1.རྐང་ཕྲ་པོའི་དོན་ཏེ། (དཔེར་ན།) ཐག་པ་ཉག་ཕྲ་བ། ཤིང་ཉག་ཕྲ་བ་ལྟ་བུ། 2.ཞན་པའམ་ཉམ་ཐག་པའི་དོན་ཏེ། (དཔེར་ན།) མི་ཆ་ཉག་ཕྲ་བ། འཚོ་བ་ཉག་ཕྲ་བ་ཞེས་པ་ལྟ་བུ། |
| ཉག་ཕྲན |
གཞུ་ལ་འགུག་རྒྱུའི་མདའ་མྱག་ཕྲན་ཡང་ཟེར། (དཔེར་ན།) གཏམ་དང་ཉག་ཕྲན་དྲང་ན་དགའ། ཉག་ཕྲན་འཕངས་པ་ལྟར་བརྒྱུགས་ཞེས་པ་ལྟ་བུ། |
| ཉག་མ |
སྐུད་པའམ་སྐུད་པ་དང་དབྱིབས་འདྲ་བའི་དངོས་རྫས་རེ་རེ་བའི་མིང་སྟེ། (དཔེར་ན།) སྐུད་པ་ཉག་མ་གཅིག རྩྭ་ཉག་མ་གཅིག སྤུ་ཉག་མ་གཅིག་ཅེས་པ་ལྟ་བུ། མིང་མཐའ་བསྡུས་ན་ཉག་ཅེས་འབྲི་ཆོག་སྟེ། (དཔེར་ན།) སྤུ་ཉག་ཙམ། རྩྭ་ཉག་གཅིག སྐུད་ཉག་ཁ་ཤས། ཉག་ཕྲ་ས་ཞེས་པ་ལྟ་བུ། |
| ཉག་མཐིལ |
སྲང་ཆ་དང་རྒྱ་མའི་དངོས་རྫས་འཇོག་སའི་མིང་། |
| ཉག་མདའ |
འདེགས་བྱེད་ཉ་གའི་མདའ། |
| ཉག་མོ |
(བརྡ་རྙིང་།) 1>ཨ་ཕྱིའམ་ཕ་མའི་ཨ་མ། 2>ནག་མོའམ་བུད་མེད། |
| ཉག་ཞྭ |
ཁམས་ཉག་རོང་པའི་ཞྭ་མོ། |
| ཉག་རོང |
བོད་ཁམས་ཕྱོགས་ཀྱི་ཡུལ་སྡེ་ཞིག་གི་མིང་། ཉག་ཆུའི་ཆུ་རྒྱུད་དུ་ཡོད། |
| ཉག་རྐེད |
ཉག་རོང་ལུང་པའི་བར་ཆ། ཉག་སྟོད་སྨད་རྐེད་གསུམ། |
| ཉག་རྐྱང |
ཁོ་ན། |
| ཉག་རྡོ |
སྲང་རྡོ་དང་རྒྱ་རྡོའི་མིང་། |
| ཉག་ལ་བཀག་པ |
གནད་ལ་བཀར་བའི་དོན་ཏེ། (དཔེར་ན།) ཉེས་ཅན་རྣམས་ཁྲིམས་ཁང་དུ་ཉག་ལ་བཀག་ནས་ཞུ་བ་བླངས་ལྟ་བུ། |
| ཉག་ཤིང |
རྒྱ་མ་དང་སྲང་གི་ཚད་བཀོད་ཡོད་པའི་དབྱུ་གུའི་མིང་སྟེ། (དཔེར་ན།) ཡུལ་སྐད་དུ་རྒྱ་ཤིང་དང་སྲང་མདའ་ཟེར། |
| ཉག་ཤུར |
ཉག་སའི་ཤུར་ཁ་ཤིང་ལ་ཉག་ཤུར་ཅིག་བཏོད་པ། རྩིག་པ་ལ་ཉག་ཤུར་བཟོས་ལྟ་བུ། |
| ཉག་སྲང |
ལྕི་ཡང་འདེགས་སྤྱད་ཉ་གའམ་སྲང༌། |
| ཉང |
ས་མིང་ཞིག་དང་བོད་ཀྱི་རུས་ཤིག འདི་ལ་མྱང་ཡང་འབྲི། |
| ཉང་ཁྲི |
རྫོང་ཞིག ཉིང་ཁྲིའང་ཟེར། ལྷ་ས་གྲོང་ཁྱེར་གྱི་ཤར་ངོས་ཉང་ཆུའི་སྨད་རྒྱུད་ན་ཡོད། |
| ཉང་གནོན་པ |
སོ་པའམ་མྱུལ་མ་བྱེད་མཁན། |
| ཉང་གནོན་རྟོག་ཞིབ |
མངོན་ཆུང་སྒོ་ནས་ཞིབ་འཇུག་བྱེད་པ་དགྲ་ཕྱོགས་ཀྱི་གནས་ཚུལ་ལ་ཉང་གནོན་རྟོག་ཞིབ་མཐར་ཕྱིན་བྱས་ནས་ཕར་རྒོལ་གྱི་འཆར་གཞི་བཏིང་ལྟ་བུ། |
| ཉང་ངེ་ཉུང་ངེ |
(རྒྱན་ཚིག) ཆང་ངེ་ཆུང་ངེ་དང་མཚུངས་ཏེ་ཅུང་ཟད་ཙམ་གྱི་དོན། (དཔེར་ན།) རྩྭ་ཉང་ངེ་ཉུང་ངེ་རྟ་དྲེལ་གྱིས་ཟ་རིན་མེད་ཅེས་པ་ལྟ་བུ། |
| ཉང་ཆུ |
དབུས་ཀྱི་དྭགས་ཀོང་ས་ཁུལ་གྱི་ཆུ་བོ་ཞིག་སྟེ། སྔར་བོད་ཀྱི་ཉང་ཞེས་པའི་རིགས་རུས་ཤིག་གི་ཚོ་པ་སྡོད་ཡུལ་གྱི་ས་ཆའི་མིང་ལ་བརྟེན་ནས་བཏགས་པར་བཤད། |
| ཉང་ཉུང |
(རྒྱན་ཚིག) ཉང་ངེ་ཉུང་ངེའི་བསྡུས་ཚིག |
| ཉང་དགའ་ཆུ |
ཉང་ཆུ་དང་དོན་གཅིག |
| ཉང་པོ |
1.ཡར་ཀླུངས་ཀྱི་ས་ཆ་ཞིག 2.ཀོང་པོ་དང་སྤོ་ཡུལ་ས་འབྲེལ་གྱི་ཡུལ་སྤྱིའི་མིང༌། |
| ཉང་ཞིབ |
མངོན་ཆུང་བརྟག་ཞིབ། |
| ཉང་རལ་པ་ཅན་ཉི་མ་འོད་ཟེར |
རབ་བྱུང་གཉིས་པའི་ཤིང་འབྲུག་ལ་འཁྲུངས་པའི་རྙིང་མའི་གཏེར་སྟོན་བརྒྱ་རྩའི་ནང་དུ་གུ་རུ་ཆོས་དབང་དང་འདི་རྣམ་གཉིས་ལ་གཏེར་སྟོན་གོང་འོག་གཉིས་ཞེས་གྲངས་སྙན་ཤིན་ཏུ་ཆེ། རབ་བྱུང་གསུམ་པའི་ཆུ་བྱི་ལོར་འདས། |
| ཉད་ཉོད |
1.བྱ་རྨྱང༌། 2.ཡིབ་ནས་བལྟ་ཚུལ་ཏེ། (དཔེར་ན།) གཞན་གྱིས་མ་མཐོང་བར་ཉད་ཉོད་ཀྱི་སྒོ་ནས་སོ་ལྟ་བྱེད་ཅེས་པ་ལྟ་བུ། |
| ཉན |
(བྱེད་འབྲེལ་ལས་ཚིག) མཉན་པའི་ད་ལྟ་བ། སྒྲ་ལ་ཕར་རྣ་བ་གཏད་པའི་དོན་ཏེ། (དཔེར་ན།) གླུ་དབྱངས་ལ་ཉན་གྱིན་འདུག ཉན་པ་པོ་ཞེས་པ་ལྟ་བུ། |
| ཉན་ཁ་ཡང་བ |
མིས་གང་བཤད་ཀྱི་རྗེས་སུ་འཇུག་པ། |
| ཉན་ཐོས |
ཐེག་པ་གསུམ་གྱི་ནང་ཚན་ཉན་ཐོས་ཀྱི་ཐེག་པ་ལ་ཞུགས་པའི་གང་ཟག་ཐེག་ཆེན་གྱི་སྡེ་སྣོད་རང་གིས་གཙོ་བོར་ཉམས་སུ་མི་ལེན་པ་དང༌། སངས་རྒྱས་སོགས་ལས་ཉན་ཞིང་ཐོས་པར་བྱེད་པས་ན་ཉན་ཐོས་དང༌། ཐོས་ནས་གཞན་ལ་སྒྲོག་པར་བྱེད་པས་ན་ཐོས་སྒྲོག་ཀྱང་ཟེར། མིང་གི་རྣམ་གྲངས་ལ་བརྟུལ་ཞུགས་དབང་པོ་དང༌། ཐུབ་དབང་གསུང་སྐྱེས། ཐེག་ཆུང་སྐྱེས་བུ། ཐོས་སྒྲོག་པ། སྦྱངས་པའི་ཡོན་ཏན་ལ་གནས་པ་བཅས་སོ། ། |
| ཉན་ཐོས་ཀྱི་ཐེག་པ |
འཇུག་སྒོ་སོ་ཐར་རིགས་བདུན་གང་རུང་གི་ཚུལ་ཁྲིམས་བླངས་ནས་མ་ཉམས་པར་བསྲུང་ལ། ལྟ་བ་ཕུང་ལྔས་བསྡུས་པའི་ཆོས་ཐམས་ཅད་གང་ཟག་གི་བདག་གིས་སྟོང་པར་ཤེས་ཀྱང་ཆོས་བདག་ཕྲ་བ་ཆ་མེད་གཉིས་བདེན་པར་འདོད་ཅིང༌། སྒོམ་པ་ཞི་གནས་བཞག་ཐབས་དགུ་དང༌། ལྷག་མཐོང་བདེན་བཞི་བཅུ་དྲུག་བསྒོམ་ཞིང༌། སྤྱོད་པ་སྦྱང་ཡོན་བཅུ་གཉིས་སོགས་ལ་གནས། འབྲས་བུ་རྒྱུན་ཞུགས་ཕྱིར་འོང་ཕྱིར་མི་འོང་དགྲ་བཅོམ་པ་སྟེ་བཞི་པོ་རེ་རེ་ལ་ཞུགས་གནས་གཉིས་རེ་བྱས་པས་བརྒྱད་ཐོབ་པར་འདོད་པ། |
| ཉན་ཐོས་ཀྱི་བྱང་ཆུབ |
ཉན་ཐོས་དགྲ་བཅོམ་པའི་རྒྱུད་ཀྱི་འགོག་ལམ་གང་རུང༌། |
| ཉན་ཐོས་ཀྱི་རིགས |
རིགས་གསུམ་གྱི་ཡ་གྱལ་ཞིག་ཐེག་དམན་ཉན་ཐོས་ཀྱི་ཆོས་ལ་མོས་པའི་གྲས། |
| ཉན་ཐོས་ཀྱི་རིགས་ཅན |
རིགས་ཅན་གསུམ་གྱི་ནང་གསེས། ཉན་ཐོས་ཀྱི་རིགས་སད་པའི་གང་ཟག |
| ཉན་ཐོས་ཀྱི་རྣལ་འབྱོར་མངོན་སུམ |
བདེན་བཞི་རྣམ་པ་བཅུ་དྲུག་མངོན་སུམ་དུ་རྟོགས་པའི་ཉན་ཐོས་མཐོང་སྒོམ་གྱི་མཉམ་བཞག་ཡེ་ཤེས་དང་དགྲ་བཅོམ་པའི་མཁྱེན་པ་རྣམས་སོ། ། |
| ཉན་ཐོས་ཀྱི་ལམ |
དགེ་བའི་བཤེས་གཉེན་བསྟེན་ཏེ། བདེན་བཞི་རྣམ་པ་བཅུ་དྲུག་ཉན་ཞིང་ཤེས་པའི་སྒོ་ནས་གང་ཟག་གི་བདག་མེད་རྟོགས་པ་དང་ཉོན་སྒྲིབ་སྤོང་བའི་ལམ། |
| ཉན་ཐོས་ཀྱི་ལམ་ཤེས་པའི་ལམ་ཤེས |
དམིགས་པ་བདེན་བཞི་གང་རུང་ལ་དམིགས་ནས་རྣམ་པ་མི་རྟག་པ་སོགས་གང་རུང་མངོན་སུམ་དུ་རྟོགས་པའི་ཐེག་ཆེན་འཕགས་པའི་མངོན་རྟོགས་སོ། ། |
| ཉན་ཐོས་ཀྱི་ས |
དམན་པ་ས་བརྒྱད་ཀྱི་ཐ་མ། |
| ཉན་ཐོས་ཀྱི་སོ་ཐར |
རང་ཉིད་ཞི་བ་དོན་དུ་གཉེར་བའི་བློས་འཇིགས་སྐྱོབ་དང་ལེགས་སྨོན་ཙམ་མ་ཡིན་པར་འཁོར་བ་མཐའ་དག་ལས་ངེས་པར་འབྱུང་བའི་བསམ་པས་ཀུན་ནས་བསླངས་པའི་ཚུལ་ཁྲིམས། |
| ཉན་ཐོས་ཀྱི་སྡེ་སྣོད |
ཐེག་དམན་གྱི་ས་ལམ་གྱི་རྣམ་གཞག་དང༌། བླང་དོར་སྟོན་པའི་གསུང་རབ། |
| ཉན་ཐོས་ཉེ་འཁོར་བཅུ |
སྟོན་པ་ཤཱཀྱ་ཐུབ་པའི་ཉན་ཐོས་ཉེ་འཁོར་བཅུ་ཤཱ་རིའི་བུ་དང༌། མོའུ་འགལ་གྱི་བུ་དང༌། འོད་སྲུང་ཆེན་པོ་དང༌། ཀུན་དགའ་བོ་དང༌། སྒྲ་གཅན་འཛིན་དང༌། ཀ་ཏྱའི་བུ་དང༌། མ་འགག་པ་དང༌། གང་པོ་དང༌། རབ་འབྱོར་དང༌། ཉེ་བ་འཁོར་རྣམས་སོ། ། |
| ཉན་ཐོས་ཐེག་པ |
ཉན་ཐོས་ཀྱི་ཐེག་པ་དང་དོན་གཅིག |
| ཉན་ཐོས་ཐེག་པའི་མཆོད་རྟེན |
ཐེག་དམན་ལུགས་ཀྱི་མཆོད་རྟེན་འདིའི་བཟོ་དབྱིབས་སྣམ་སྦྱར་ལྟེབ་ཚིགས་བཞི་བརྒྱབ་ཀྱི་སྟེང་དུ་ལྷུང་བཟེད་ཁ་སྦུབས་ཏེ་སྟེང་དུ་འཁར་གསིལ་བསླངས་པ་ལྟ་བུ་ཞིག་ཡོད། |
| ཉན་ཐོས་དགྲ་བཅོམ་པ |
ཉོན་མོངས་པའི་སྒྲིབ་པ་ཡོངས་སུ་སྤངས་པའི་དགྲ་བཅོམ་པའོ། ། |
| ཉན་ཐོས་མི་སློབ་པ |
ཉན་ཐོས་ཀྱི་སྤངས་རྟོགས་མཐར་ཕྱིན་པའི་དགྲ་བཅོམ་པའོ། ། |
| ཉན་ཐོས་འཕགས་པ |
ཉན་ཐོས་མཐོང་ལམ་པ་དང༌། སྒོམ་ལམ་པ། མི་སློབ་ལམ་པ་བཅས་གསུམ། |
| ཉན་ཐོས་རྩ་བའི་སྡེ་བཞི |
སྔར་རྒྱ་གར་དུ་བྱུང་བའི་ཉན་ཐོས་ཀྱི་རྩ་བའི་སྡེ་པ་བཞི་ཐམས་ཅད་ཡོད་པར་སྨྲ་བའི་སྡེ་དང༌། ཕལ་ཆེན་པའི་སྡེ། གནས་བརྟན་པའི་སྡེ། མང་པོས་བཀུར་བའི་སྡེ་རྣམས་སོ། ། |
| ཉན་ཐོས་སྡེ་པ་གཉིས |
ཉན་ཐོས་ཀྱི་ཐེག་པ་འཛིན་པའི་སྡེ་པ་གཉིས་ཏེ་བྱེ་བྲག་སྨྲ་བ་དང་མདོ་སྡེ་པ། |
| ཉན་ཐོས་སྡེ་པ་བཅོ་བརྒྱད |
ཉན་ཐོས་ཀྱི་རྩ་བའི་སྡེ་པ་བཞི་ལས་གྱེས་པ་ཡན་ལག་བཅོ་བརྒྱད་དེ། ཡོད་སྨྲ་སྡེ་པ་བདུན་དང༌། ཕལ་ཆེན་སྡེ་པ་ལྔ། གནས་བརྟན་སྡེ་པ་གསུམ། མང་བཀུར་སྡེ་པ་གསུམ་བཅས་བཅོ་བརྒྱད་དོ། ། |
| ཉན་ཐོས་སྡེ་བཞི |
ཉན་ཐོས་རྩ་བའི་སྡེ་བཞི་དང་དོན་གཅིག |
| ཉན་ཐོས་སློབ་པ |
ཉན་ཐོས་ཚོགས་སྦྱོར་མཐོང་སྒོམ་ལམ་པ། |
| ཉན་པ |
1.(བྱེད་འབྲེལ་ལས་ཚིག) 1>ཐོས་པར་བྱེད་པའམ་རྣ་བས་སྒྲ་ལེན་པ་སྟེ། (དཔེར་ན།) བློ་ལ་མི་འབབ་པའི་སྐད་ཆ་ཉན་འདོད་མེད། སྙིང་གཏམ་བཤད་པ་ཉན་པར་རྣ་བ་ལེགས་པར་བླགས་ལྟ་བུ། 2>དང་དུ་ལེན་པའམ་ཁས་ལེན་པའི་དོན་ཏེ། (དཔེར་ན།) མི་ཉན་པ་ལ་ཁ་ཏ་མ་བྱེད་ཅེས་པ་ལྟ་བུ། 2. རུང་བའམ་འགྲིག་པའི་དོན་ཏེ། (དཔེར་ན།) ཟ་ཉན་པ། འཐུང་ཉན་པ། བརྒྱ་ཁ་གཅིག་གཅོད་བྱེད་མི་ཉན་ཞེས་པ་ལྟ་བུ། |
| ཉན་པ་རྒྱག་པ |
(ཡུལ་སྐད།) ལྐོག་ཉན་ནམ་ཕག་ཉན་བྱེད་པ་སྟེ། (དཔེར་ན།) སྒོ་རྒྱབ་ཏུ་གབ་ནས་གཞན་གྱིས་ཅི་བཤད་ལ་ཉན་པ་རྒྱག་གིན་འདུག་ཅེས་པ་ལྟ་བུ། |
| ཉན་པོ |
གཏམ་ཉན་པ་པོ། |
| ཉན་བཤད |
འཆད་ཉན། |
| ཉན་བྱེད་དབང་པོ |
རྣ་བ། |
| ཉན་འཇོག |
གཏམ་རྣ་བས་ཉན། དོན་སེམས་ལ་འཇོག་པ། |
| ཉན་ཡིག |
ཁ་མཆུའི་རིགས་ལ་བར་དཔང་གིས་འདུམ་འགྲིག་མ་བྱས་གོང་དོ་བདག་གཉིས་ཕྱོགས་ནས་བར་དཔང་གི་སར་བཞག་པའི་ཁས་ལེན་གན་རྒྱ། |
| ཉན་རང |
ཉན་ཐོས་དང་རང་རྒྱལ་གྱི་བསྡུས་མིང༌། |
| ཉན་རང་གང་ཟག་ཟུང་བཞི |
ཐེག་པ་ཆུང་ངུའི་ལམ་དུ་ཞུགས་ནས་འབྲས་བུ་རིམ་གྱིས་ཐོབ་པའི་གང་ཟག་ཟུང་བཞི་ཡ་བརྒྱད་དེ། རྒྱུན་ཞུགས་ཞུགས་འབྲས་གཉིས། ཕྱིར་འོང་ཞུགས་འབྲས་གཉིས། ཕྱིར་མི་འོང་ཞུགས་འབྲས་གཉིས། དགྲ་བཅོམ་ཞུགས་འབྲས་གཉིས་བཅས་ཟུང་བཞི། |
| ཉན་རང་གི་ཐེག་པ |
ཉན་ཐོས་དང་རང་རྒྱལ་གྱི་ལམ། |
| ཉན་རྣ |
1.ལྐོག་ནས་ཉན་པའམ་ཕག་ནས་ཉན་པ། 2.(མངོན་བརྗོད།) བང་ཆེན། |
| ཉན་རྣ་པ |
གཞན་གྱི་གསང་ཚིག་ལ་ལྐོག་ཉན་བྱེད་མཁན། |
| ཉན་རྣ་བ |
ཕག་ཉན་ནམ་ལྐོག་ཉན་བྱེད་མཁན། |
| ཉན་རྣ་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཕན་ཚུན་མི་མཐུན་པའི་བསམ་པས་གཞན་དག་གླེང་མོ་བྱེད་པ་ལ་ལྐོག་ཏུ་ཉན་པ། |
| ཉན་རྣ་སྦི་གསང |
(ཡུལ་སྐད།) ལྐོག་གཏམ་ལ་ཟུར་ཉན་དང༌། བྱ་སྤྱོད་ལ་སྤྱང་གྲུང༌། ཕྱིའི་གནས་ཚུལ་ཉན་རྣ་སྦི་གསང་བྱེད་པ། |
| ཉན་ཤེས་མཁན |
གོ་ཤེས་ཉན་ཤེས་ཅན་ཏེ་ཚིག་དོན་ལེགས་པར་རྟོགས་ཐུབ་མཁན། |
| ཉན་སྙིང་འདོད་པོ |
ཉན་འདོད་པ་སྟེ། (དཔེར་ན།) དེ་རིང་གླུ་སྒྲ་ཉན་སྙིང་འདོད་པོ་ཞིག་ཐོས་བྱུང༌ལྟ་བུ། |
| ཉབ་ཉབ |
(རྒྱན་ཚིག) ཅ་ལག་ལེན་པར་ལག་པ་རྐྱོང་ཚུལ་ཞིག (དཔེར་ན།) ལག་པ་ཉབ་ཉབ་བྱས་ནས་བཟའ་བཏུང་ལེན་ལྟ་བུ། |
| ཉབ་ཉོབ |
(རྒྱན་ཚིག) སྙི་ཞིང་འབོལ་བའི་དོན་ཏེ། (དཔེར་ན།) སྔས་འབོག་ཉབ་ཉོབ། ས་ཉབ་ཉོབ་ཅེས་པ་ལྟ་བུ། འདི་ནི་ཁ་སྐད་དུ་ཉ་བེ་ཉོབ་བེ་ཞེས་པ་དང་དོན་གཅིག་སྟེ། (དཔེར་ན།) ས་ཉ་བེ་ཉོབ་བེ། གདན་ཉ་བེ་ཉོབ་བེ་ཞེས་པ་ལྟ་བུ། |
| ཉབ་པ |
(ཡུལ་སྐད།) 1>ལག་པ་བརྐྱངས་ནས་འཛིན་པའམ་ལེན་ཐབས་བྱེད་པའི་དོན་ཏེ། (དཔེར་ན།) ཁང་པ་མུན་ནག་གི་ནང་དུ་ཀ་བ་ཉབ་པ་ལྟར། ལག་པས་ཤིང་ཏོག་ཡོད་སར་བསྙབས་ཀྱང་ཉབ་ཐུབ་ཀྱི་མི་འདུག་ཅེས་པ་ལྟ་བུ། 2>བསྡུ་བའམ་རུབ་རུབ་བཟོ་བའི་དོན་ཏེ། (དཔེར་ན།) ས་ལ་འཐོར་ནས་ལག་པས་ཉབ་པ། |
| ཉབ་བེ་ཉོབ་བེ |
(རྒྱན་ཚིག) ཁམས་ཉོག་པའི་རྣམ་འགྱུར་ཏེ། (དཔེར་ན།) ལུས་སེམས་ཉབ་བེ་ཉོབ་བེས་ལས་ཀར་ཤུགས་མི་ཐོན་ཞེས་པ་ལྟ་བུ། |
| ཉམ |
སྟོབས་དང་ནུས་པའི་མིང་སྟེ། (དཔེར་ན།) ཉམ་ཆུང་བ། ཉམ་ཐག་པ་ཞེས་པ་ལྟ་བུ། |
| ཉམ་ང་བ |
1.གནས་ཚུལ་ཞན་པའམ་སྡུག་བསྔལ་བའི་དོན་ཏེ། (དཔེར་ན།) འཚོ་བ་ཉམ་ང་བའི་གནས་སུ་གྱར་ལྟ་བུ། 2.བག་ཚ་བའམ་འཇིགས་པའི་དོན་ཏེ། (དཔེར་ན།) དཀའ་ཚེགས་ཆེ་བ་ཅི་འདྲ་ཞིག་ཐུག་ཀྱང་ཉམ་ང་སྤུ་ཙམ་མེད་ཅེས་པ་ལྟ་བུ། |
| ཉམ་ང་བ་ཆུང་བ |
ཁམས་སྙོམས་པའམ་གཟུགས་པོ་བདེ་ཐང༌། |
| ཉམ་ང་བ་ཉུང་བ |
ཉམ་ང་བ་ཆུང་བ་དང་དོན་གཅིག |
| ཉམ་ང་མེད་པ |
འཇིགས་པ་མེད་པ། |
| ཉམ་ཆུང |
འཁོས་དམན་པའམ་སྟོབས་དམན་པའི་དོན་ཏེ། (དཔེར་ན།) གསར་ཐོན་སྟོབས་ཤུགས་ཉམ་ཆུང་ལྟ་བུར་མངོན་ཡང་ཡར་རྒྱས་སུ་འགྲོ་བའི་ནུས་པ་ཆེ། ཕྲུ་གུའི་ངུ་ས་ཕ་མ་དང༌། ཉམ་ཆུང་གི་ཞུ་ས་དཔོན་པོ་ཡིན་ལྟ་བུ། |
| ཉམ་ཆུང་དབང་པོ |
(མངོན་བརྗོད།) སྦྲང་མ། |
| ཉམ་ཉེས |
1.བྱུས་ཉེས་སམ་ཕམ་གྱོང༌གི་དོན་ཏེ། (དཔེར་ན།) བཙན་འཛུལ་པར་མཐར་ཉམ་ཉེས་ཡོང་རྒྱུ་ཉག་གཅིག་ཡིན། གཞན་ལ་ཉམ་ཉེས་བཏང་སྟེ་རང་གི་ཁེ་ཕན་སྒྲུབ་ལྟ་བུ།2.སྟོབས་ཤུགས་ཉམས་པ་དང༌། གྱོང་གུད་བྱུང་བའི་དོན་ཏེ། (དཔེར་ན།) ཡུན་རིང་ན་ནས་ལུས་པོར་ཉམ་ཉེས་བྱུང་ལྟ་བུ། |
| ཉམ་ཐག |
ལུས་ཞན་པ་སྟེ། (དཔེར་ན།) ནད་པ་ཉམ་ཐག རྒན་པོ་ཉམ་ཐག་ཅེས་པ་ལྟ་བུ། |
| ཉམ་དམན་པ |
འཁོས་ཀ་ཞན་པའམ་ཉམ་ཆུང་བ། |
| ཉམ་དམའ་བ |
ཉམ་དམན་པ་དང་འདྲ། |
| ཉམ་དམས་པ |
1.སྟོབས་སམ་ནུས་པ་ཉམས་པའི་དོན་ཏེ། (དཔེར་ན།) ཁང་པ་ཡུན་རིང་རྙིང་ནས་ཉམ་དམས་སུ་སོང་ལྟ་བུ། 2.སྤོབས་པ་བཅག་པ་དང་བསྣད་པའི་དོན་ཏེ། (དཔེར་ན།) འཐབ་འཛིང་དྲག་པོ་བྱས་པའི་མཐར་དགྲ་བོ་ཉམ་དམས་སུ་བཏང་ལྟ་བུ། |
| ཉམ་ཚད |
(བརྡ་རྙིང་།) ཡ་མཚན་པོ། |
| ཉམས |
1.མྱོང་ཆ་དང་ཚོར་བའི་དོན་ཏེ། (དཔེར་ན།) སྔར་བྱུང་སྡུག་ཉམས། ད་ལྟའི་སྤྲོ་ཉམས། འཁྱག་ཉམས་ལྟ་བུ། 2.བློའི་འགྱུར་བ་ཕྱི་རོལ་ཏུ་མཚོན་པའི་ལུས་ངག་གི་རྣམ་འགྱུར་རམ། ཚུགས་ཀ་སྟེ། (དཔེར་ན།) སྒེག་ཉམས། ཆེ་ཉམས། དཔོན་ཉམས། རྒས་ཉམས། གཞོན་ཉམས་དོད་པོ། ཚིག་རྒྱན་གྱི་ཉམས་དང་ལྡན་པའི་ཕྱག་བྲིས། མན་ངག་གི་ཉམས་དང་ལྡན་པའི་བསླབ་བྱ། ཡོན་ཏན་མེད་བཞིན་དུ་ཡོད་ཉམས་བྱེད་པ་གཡོ་དང༌། སྐྱོན་ཆ་ཡོད་བཞིན་དུ་མེད་ཉམས་བྱེད་པ་སྒྱུ་ཞེས་པ་ལྟ་བུ། 3.ཆ་རྒྱུས་ཀྱི་དོན་ཏེ། (དཔེར་ན།) ཁྱི་ཉམས་སྤྲང་པོས་ལོན་ནས་རྒྱུག་པ་སྐེད་གཟེར། ཆུ་ཉམས་མཉན་པས་ལོན་ནས་ཀོ་བ་འཕྲེད་གཅོད། བྱ་བ་ཉམས་ཀྱིས་མི་ལྕོགས་ན། གཞན་གྱིས་རྦད་ཀྱང་བྱར་མི་རུང༌ཞེས་པ་ལྟ་བུ། 4.སེམས་སམ་ཡིད་ཀྱི་དོན་ཏེ། (དཔེར་ན།) ཡུལ་ཡིད་དུ་འོང་ཞིང་ཉམས་སུ་དགའ་བ་ཞིག་འདུག་ལྟ་བུ། |
| ཉམས་ཁྲིད |
རང་གིས་ཉམས་སུ་མྱོང་བ་རྣམས་གཞན་ལ་ཁྲིད་འདེབས་པའི་དོན་ཏེ། (དཔེར་ན།) དགེ་རྒན་གྱིས་སློབ་ཕྲུག་ལ་ཤེས་ཡོན་གྱི་ཉམས་ཁྲིད་བྱེད་ཅེས་པ་ལྟ་བུ། |
| ཉམས་གཞིགས |
བརྟག་དཔྱད། |
| ཉམས་གསོ |
ཉམས་པ་སླར་གསོ་བ། |
| ཉམས་གསོ་ལྷུ་སྒྲིག |
ཉམས་གུད་བསྐྱར་བཟོ་དང༌། ཆ་ལག་སྒྲིག་པ་སྟེ། (དཔེར་ན།) ཡོ་བྱད་རྙིང་པ་སྐྱོན་ཅན་རྣམས་ཉམས་གསོ་ལྷུ་སྒྲིག་བྱས་ཏེ་མཁོ་ཡོད་ཀྱི་དངོས་པོར་བསྒྱུར་ཅེས་པ་ལྟ་བུ། |
| ཉམས་གསོ་སྐྱོན་བསང |
ཉམས་པ་གསོ་ཞིང་སྐྱོན་སེལ་བ་སྟེ། (དཔེར་ན།) སྡོད་ཁང་གོག་པོ་ཚང་མར་ཉམས་གསོ་སྐྱོན་བསང་གིས་སྲ་བརྟན་ཕུགས་འཕེར་བཟོ་བ་ཞེས་པ་ལྟ་བུ། |
| ཉམས་གུད |
ཉམས་རྒུད་དང་འདྲ། |
| ཉམས་གོང་འཕེལ་གྱི་སྣང་བ |
སྣང་བ་བཞིའི་ནང་གསེས། ལྷག་མཐོང་གི་རིག་པ་རྡོ་རྗེ་ལུ་གུ་རྒྱུད་ལ་བལྟས་པས་འོད་ཀྱི་ཐིག་ལེ་སྐུ་རུ་སྨིན་དུ་ཉེ་བ་ཉམས་སྣང་གོང་དུ་འཕེལ་བས་འཁྲུལ་བའི་སྣང་བ་ནུབ་ཅིང་བར་དོའི་ཡེ་ཤེས་མངོན་དུ་བྱེད་པའོ། ། |
| ཉམས་གྲིབ |
དམ་ཚིག་ཉམས་པའི་བཙོག་གྲིབ། |
| ཉམས་གླུ |
མགུར་གླུའམ་སེམས་ལ་འཆར་ཚུལ་གྱི་གླུ། |
| ཉམས་ཆག |
སྔར་གྱི་རྒྱུན་ཉམས་པ། |
| ཉམས་ཆེན་པོ |
སྒྲོབ་ཉམས་ཆེན་པོ། |
| ཉམས་ཆོད་པོ |
ལེགས་ཉེས་ལྟ་མཁས་པོའི་དོན་ཏེ། (དཔེར་ན།) ཅ་ལག་བཟང་ངན་ལྟ་བར་ཉམས་ཆོད་པོ་ཞིག་བྱེད་ཅེས་པ་ལྟ་བུ། |
| ཉམས་ཉེས |
ཉམ་ཉེས་དང་འདྲ། |
| ཉམས་དགའ་བ |
སེམས་སྐྱིད་པའམ་ཡིད་སྤྲོ་བའི་དོན་ཏེ། (དཔེར་ན།) ལས་དོན་ཚང་མ་གྲ་འགྲིག་འཐུས་ཚང་གྲུབ་པས་བློ་སེམས་ཉམས་དགའ་བ་ཞིག་བྱུང༌། ཉམས་མི་དགའ་བཞིན་དུ་ཕྱིར་ལོག་ཅེས་པ་ལྟ་བུ། |
| ཉམས་དང་བ |
བློ་རིག་གསལ་བའི་དོན་ཏེ། (དཔེར་ན།) ཉམས་དང་བའི་དུས་སུ་བསམ་བློ་ཞིག་བཏང༌ལྟ་བུ། |
| ཉམས་དཔྱོད |
ཚོད་ལྟ་བྱེད་པའི་དོན་ཏེ། (དཔེར་ན།) ལས་དོན་བྱེད་ལུགས་ལ་ཉམས་དཔྱོད་ཞིབ་མོར་བྱེད་ཅེས་པ་ལྟ་བུ། |
| ཉམས་དོད་པོ |
བརྗིད་ཉམས་གསལ་བའམ་ཆེ་འགྱིང་གི་རྣམ་འགྱུར་ཚང་བའི་དོན་ཏེ། (དཔེར་ན།) མི་འདིའི་གཟུགས་བྱད་བག་དྲོ་བས་ཉམས་དོད་པོ་མཐོང་གི་འདུག ཁོ་ལ་འཇོན་སྟངས་ཆེར་མེད་ཀྱང་ཉམས་དོད་པོ་བྱེད་པ་ནི་དགོད་བྲོ་ལྟ་བུ། |
| ཉམས་དྲོད |
བློ་གདེང་ངམ་ཉམས་རྒྱུས་ཀྱི་དོན་ཏེ། (དཔེར་ན།) ལས་ཀ་བྱེད་པའི་སྐབས་སུ་ཉམས་དྲོད་ཆེན་པོ་ཞིག་ཡོད་དགོས། སེང་གེ་ལ་རི་དྭགས་གཞན་རྣམས་གསོད་པའི་ཉམས་དྲོད་ཆེན་པོ་ཡོད་ཅེས་པ་ལྟ་བུ། |
| ཉམས་དྲོད་འཛིན་པ |
ཚོད་ལྟ་བའི་དོན་ཏེ། (དཔེར་ན།) ཁོ་ལ་ཕུགས་ཀྱི་ཞེ་འདོད་ཅི་འདུག་ཉམས་དྲོད་འཛིན་དགོས་ཞེས་པ་ལྟ་བུ། |
| ཉམས་པ |
1.(བྱེད་མེད་ལས་ཚིག) འཇིག་པ་དང༌། རྒུད་པའི་དོན་ཏེ། (དཔེར་ན།) ནུས་སྟོབས་ཉམས་པ། ཕོ་བའི་མེ་དྲོད་ཉམས་པ། བྱ་བ་ཉམས་པ། ཚུལ་ཁྲིམས་ཉམས་པ། གོས་ཆེན་རྒས་ཀྱང་རི་མོ་མི་ཡལ། དཔའ་བོ་ཤི་ཡང་སྙན་གྲགས་མི་ཉམས་ཞེས་པ་ལྟ་བུ། 2.གས་ཆག་ཞིག་རལ་དུ་གྱུར་པའི་ཆ་ཤས་ཀྱི་དོན་ཏེ། (དཔེར་ན།) ཉམས་པ་སོར་ཆུད་དང༌། མི་ཉམས་གོང་འཕེལ། ཉམས་པ་སོས་པ་ལྟ་བུ། |
| ཉམས་པ་གསུམ |
དགེ་ཚུལ་གྱི་བསླབ་བྱ་བླངས་འདས་སོ་གསུམ་གྱི་ནང་གསེས་ཏེ། ཁྱིམ་པའི་རྟགས་སྤོང་བ། རབ་བྱུང་གི་རྟགས་ལེན་པ། མཁན་པོར་གུས་པར་བྱ་བ་ཁས་བླངས་པ་སྟེ་དེ་གསུམ་ལས་ཉམས་པ། |
| ཉམས་པའི་མ་ནིང |
འབྲས་བུ་ཕྱུང་བའི་སྐྱེས་པ། |
| ཉམས་བཅོས |
རྫིག་མདོག་གི་ཉམས་ཏེ། (དཔེར་ན།) མི་ཉམས་བཅོས་ཅན་ལ་ཞེད་མཁན་བསམ་མེད་ཀྱི་བྱིས་པ་ལས་མེད་ཅེས་པ་ལྟ་བུ། |
| ཉམས་བདེ་བ |
ཁམས་བདེ་བའི་དོན། |
| ཉམས་བརྒྱད |
གར་གྱི་ཉམས་སམ་སྙན་ངག་གི་ཉམས་ཏེ། སྒེག་པའི་ཉམས། དྲག་ཤུལ་གྱི་ཉམས། དཔའ་བོའི་ཉམས། སྙིང་རྗེའི་ཉམས། མི་སྡུག་པའི་ཉམས། བཞད་གད་ཀྱི་ཉམས། རྨད་བྱུང་གི་ཉམས། འཇིགས་རུང་གི་ཉམས་བཅས་བརྒྱད་ཡིན། |
| ཉམས་བརྗིད |
གཟི་བྱིན་གྱི་དོན་ཏེ། (དཔེར་ན།) དཔའ་ངར་ཉམས་བརྗིད་ཅེས་པ་ལྟ་བུ། |
| ཉམས་བརྟས་པ |
1.ཉམས་སྟོབས་རྒྱས་པ། 2.ཤེད་མོ་རྒྱས་པའི་དོན་ཏེ། (དཔེར་ན།) དབྱར་དུས་རྟ་དྲེལ་གྱི་ཤ་ཉམས་བརྟས་ཡོང༌ལྟ་བུ། |
| ཉམས་བྱེད་ཀྱི་རྒྱུ |
རྒྱུའི་རྒྱན་གྱི་ནང་གསེས་ཤིག་འབྲས་བུ་ཡིད་དུ་མི་འོང་བ་སྒྲུབ་པའི་ཉམས་བྱེད་ཀྱི་རྒྱུའི་བྱེད་ལས་སྟོན་པའི་རྒྱན་ཞིག |
| ཉམས་བྱེད་པ |
ཆེ་འགྱིང་བྱེད་པའི་དོན་ཏེ། (དཔེར་ན།) གཞན་གྱིས་རྩི་བཀུར་ཡོང་ཆེད་ཆེ་ཉམས་བྱེད་མི་རུང༌ལྟ་བུ། |
| ཉམས་མགུར |
ཉམས་རྟོགས་ཅི་བྱུང་གླུ་དབྱངས་སུ་ལེན་པའི་མགུར། |
| ཉམས་མཚར་བ |
ངོ་མཚར་བའམ་ཁྱད་མཚར་བའི་དོན་ཏེ། (དཔེར་ན།) ཉམས་མཚར་བའི་ལྟད་མོ་རྣམས་ལ་བལྟས་ལྟ་བུ། |
| ཉམས་མེད་པ |
1.ཆེ་འགྱིང་གི་སྒྲོབ་མེད་པ། 2.སྐྱོན་མེད་པའམ་ཆག་འཇིག་སོང་མེད་པ། |
| ཉམས་མྱོང |
གོམས་བྱང་གི་རྒྱུས་སམ་ཤེས་རྟོགས་ཀྱི་དོན་ཏེ། (དཔེར་ན།) ཉམས་མྱོང་ཕྱོགས་བསྡོམས། ལས་ཀ་ཡུལ་ཇི་ཙམ་རིང་བ་བྱས་པ་དེ་ཙམ་དུ་ཉམས་མྱོང་ཆེ། རང་ལ་ཉམས་མྱོང་ཕྲན་ཡོད་ཙམ་གྱིས་ང་རྒྱལ་བྱེད་ཅེས་པ་ལྟ་བུ། |
| ཉམས་མྱོང་མངོན་རྟོགས |
མངོན་སུམ་མྱོང་གྲུབ་ཏུ་བྱུང་བའི་ཤེས་ཚོར། (དཔེར་ན།) དེའི་ཁྱད་དུ་འཕགས་ཚུལ་ཉམས་མྱོང་མངོན་རྟོགས་གསལ་པོར་བྱུང་ཡོད་ཅེས་པ་ལྟ་བུ། |
| ཉམས་ཚོད |
སྐབས་བབས་ཀྱི་རང་བཞིན་ནམ་ཁྱད་ཆོས་ཀྱི་དོན་ཏེ། (དཔེར་ན།) མངོན་ཆུང་ཐབས་མཁས་ཀྱི་སྒོ་ནས་གནས་ཚུལ་གྱི་ཉམས་ཚོད་ལེན་པ། གཞན་གྱི་ཡོན་ཏན་ཆེ་ཆུང་ཉམས་ཚོད་ལེན་པ། སོན་བཟང་བཏབ་སྟེ་སྐྱེ་མིན་གྱི་ཉམས་ཚོད་ལྟ་བ་ཞེས་པ་ལྟ་བུ། |
| ཉམས་ཞན |
སྟོབས་དམན་པའི་དོན་ཏེ། (དཔེར་ན།) ཤ་ཉམས་ཞན་པའི་རྟ་དྲེལ་ཐག་རིང་དུ་འགྲོ་མི་ཐུབ་ཅེས་པ་ལྟ་བུ། |
| ཉམས་ཞིབ |
བརྟག་དཔྱད་ཞིབ་འཇུག་གི་དོན་ཏེ། (དཔེར་ན།) ངོ་ཕེབས་ཀྱིས་ཉམས་ཞིབ་གནང་བ། ཉམས་ཞིབ་གསལ་པོར་བྱེད་པ། རིམ་གྱིས་ཉམས་ཞིབ་བྱེད་ཅེས་པ་ལྟ་བུ། |
| ཉམས་འགྱིང |
ཆེ་ཉམས་ཀྱི་རྣམ་འགྱུར་ཏེ། (དཔེར་ན།) ཉམས་འགྱིང་བྱེད་པ་དེ་མིའི་སྣང་བར་འགྲོ་དཀའ་ཞེས་པ་ལྟ་བུ། |
| ཉམས་འགྱུར |
ཉམས་འགྱུར་གཉིས་སུ་ཕྱེ་བའི་བློའི་འཆར་སྒོ་ལ་འགྱུར་བ་ཞེས་དང༌། འགྱུར་བ་དེ་ལུས་ངག་གི་ཐོག་ནས་ཕྱིར་མངོན་པ་ལ་ཉམས་ཞེས་ཟེར། |
| ཉམས་འཆལ་ངན་སྤྱོད |
སྒྲིག་ལམ་སོགས་ཉམས་ཤིང་འཆལ་བའི་ངན་སྤྱོད། |
| ཉམས་འབྲུ་བ |
ཉམས་ཚོད་ལེན་པའི་དོན་ཏེ། (དཔེར་ན།) རང་བཞིན་འཕྲོས་མོལ་གྱི་ཞོར་ལ་གཞན་གྱི་བསམ་ཚུལ་ཉམས་འབྲུ་དགོས་ལྟ་བུ། |
| ཉམས་འུར |
གཞན་རྐྱེན་ལ་ལྟོས་ནས་བྱེད་འདོད་བྱུང་བའི་དོན་ཏེ། (དཔེར་ན།) གཞན་གྱིས་གད་མོ་དགོད་པར་མཐོང་དུས་རང་ཡང་ཉམས་འུར་ནས་གད་མོ་དབང་མེད་དུ་ཤོར་ཞེས་པ་ལྟ་བུ། |
| ཉམས་འོག་ཚུད་པ |
ཁོང་དུ་ཆུད་པའམ་སེམས་ཀྱིས་རྟོགས་པའི་དོན་ཏེ། (དཔེར་ན།) གསར་བྱུང་གནས་ཚུལ་མཐའ་དག་ཉམས་འོག་ཚུད་ཅེས་པ་ལྟ་བུ། |
| ཉམས་ཡིག་བརྒྱ་རྩ |
རབ་བྱུང་བརྒྱད་པའི་ནང་གོང་སྨན་དཀོན་ཅོག་ཕན་དར་གྱིས་མཛད་པའི་མན་ངག་ཉམས་མྱོང་གི་སྐོར་རྣམས་ཕྱོགས་གཅིག་ཏུ་བཀོད་པའི་སྨན་གྱི་བསྟན་བཅོས་ཤིག |
| ཉམས་ཡོད་པ |
ཆེ་བའི་རྣམ་འགྱུར་ཡོད་པ། |
| ཉམས་རྒུད |
སྟོབས་ཤུགས་དང་འཁོས་ཀ་ཉམས་པའམ་ཞན་དུ་ཕྱིན་པའི་དོན་ཏེ། (དཔེར་ན།) རྒད་པོ་རྣམས་ཀྱི་ལུས་སྟོབས་ཉམས་རྒུད་དུ་འགྲོ་རྒྱུ་ཆོས་ཉིད་རེད། དམག་འཁྲུག་དེ་བཙན་རྒྱལ་ཉམས་རྒུད་དུ་གཏོང་བའི་དམག་འཁྲུག་ཡིན་ལྟ་བུ། |
| ཉམས་རྒྱུས |
ཉམས་མྱོང་ངམ་ཆ་རྒྱུས། |
| ཉམས་རྟོགས |
1.དོན་ལ་གོམས་པའི་ཡོན་ཏན་གྱི་དོན་ཏེ། (དཔེར་ན།) ཐོས་བསམ་དང་ལག་ལེན་མ་ནོར་བ་བྱས་ན་ཉམས་རྟོགས་ཀྱི་གྲུབ་འབྲས་གོང་འཕེལ་ཡོང༌ལྟ་བུ། 2.ཉམས་ལེན་དང་རྟོགས་པའི་བསྡུས་མིང༌། |
| ཉམས་རྩལ |
དངོས་སུ་སྦྱངས་པ་ལས་བྱུང་བའི་ནུས་རྩལ་གྱི་མིང་། |
| ཉམས་ལེན |
དངོས་སུ་ལག་བསྟར་བྱས་པའི་དོན་ཏེ། (དཔེར་ན།) ཉམས་ལེན་མཐར་འཁྱོལ། ཁ་ནས་འདྲ་ཆགས་པོ་བཤད་མཁན་དེ་དངོས་སུ་ཉམས་ལེན་བྱེད་མཁན་ཡིན་པའི་ངེས་པ་མེད་ཅེས་པ་ལྟ་བུ། |
| ཉམས་ལེན་གྱི་འགག |
ལག་ལེན་བྱེད་སྟངས་ཀྱི་གནད་དམ་ཐབས་ཀྱི་གཙོ་བོ། |
| ཉམས་ལེན་པ |
དོན་རང་རྒྱུད་ལ་སྦྱོར་མཁན་ནམ། དངོས་སུ་ལག་ལེན་བསྟར་མཁན། |
| ཉམས་ལེན་བྱིན་རླབས་ཀྱི་བརྒྱུད་པ |
བྱང་ཆུབ་ལམ་རིམ་གྱི་བརྒྱུད་པ་གསུམ་གྱི་ཡ་གྱལ། རྗེ་བཙུན་འཇམ་དབྱངས་ནས་རྒྱལ་སྲས་ཞི་བ་ལྷ་ལ་སོགས་པར་བརྒྱུད་པའི་རླབས་ཆེན་སྤྱོད་རྒྱུད། |
| ཉམས་ལེན་ཞུ་སྒོ |
ལག་ལེན་བྱེད་སྒོ། |
| ཉམས་ལྡན |
ཆེ་བའི་རྣམ་འགྱུར་དང་ལྡན་པ། |
| ཉམས་ལྡན་གྱི་རྒྱན |
དོན་རྒྱན་གྱི་ནང་གསེས་ཤིག་ནང་བསམ་པའི་འགྱུར་བ་ལ་བརྟེན་ནས་ཕྱི་རོལ་ལུས་ཀྱི་རྣམ་འགྱུར་སྒེག་པ་ལ་སོགས་པའི་ཉམས་དང་ལྡན་པ་སྟོན་པའི་རྒྱན་ཞིག་ནང་གསེས་རྣམ་གྲངས་བརྒྱད་ནི། སྒེག་པའི་ཉམས། དྲག་ཤུལ་གྱི་ཉམས། དཔའ་བའི་ཉམས། སྙིང་རྗེའི་ཉམས། མི་སྡུག་པའི་ཉམས། བཞད་གད་ཀྱི་ཉམས། རྨད་བྱུང་གི་ཉམས། འཇིགས་རུང་གི་ཉམས་བཅས་སོ། ། |
| ཉམས་ཤར་བ |
རང་རྒྱུད་དུ་ཤར་བའི་དོན་ཏེ། (དཔེར་ན།) ལུས་སེམས་ཤིན་ཏུ་བདེ་བའི་ཉམས་ཤར་བ་ལྟ་བུ། |
| ཉམས་སད |
ཚོད་ལྟ་བའི་དོན་ཏེ། (དཔེར་ན།) ལས་ཀ་འགྲུབ་མི་འགྲུབ་ཉམས་སད་བྱེད་པ། མི་ཞིག་ལ་འཕྲལ་ཕུགས་བསམ་འཆར་གང་ཡོད་ཉམས་སད་བྱས་ན་ཞེ་ཕུགས་རྟོགས་ཡོང༌ཞེས་པ་ལྟ་བུ། |
| ཉམས་སུ་བླང |
དངོས་སུ་ལག་ལེན་བྱེད་པའི་དོན་ཏེ། (དཔེར་ན།) ཉམས་སུ་བླང་བྱའི་ལག་རྩལ། སློབ་མས་སྨན་ཁབ་རྒྱག་ཚུལ་ཉམས་སུ་བླངས། ཉམས་སུ་ལེན་མཁན། ཉམས་སུ་ལོངས་ཤིག་ལྟ་བུ། |
| ཉམས་སུ་མྱོང་བ |
རང་གིས་དངོས་སུ་མྱོང་བའི་དོན་ཏེ། (དཔེར་ན།) ཟས་ཀྱི་རོ་ཞིམ་པོ་ལྕེ་ཡིས་ཉམས་སུ་མྱོང་ལྟ་བུ། |
| ཉམས་སུ་འབབ་པ |
སེམས་ལ་འགྲོ་བའམ་ཡིད་ལ་འབབ་པའི་དོན་ཏེ། (དཔེར་ན།) དགོས་དོན་རྙེད་ན་ཉམས་སུ་འབབ་པོ་ཡོང༌ཞེས་པ་ལྟ་བུ། |
| ཉམས་སུ་ལེན་པ |
ལག་ལེན་བྱེད་པའི་དོན་ཏེ། (དཔེར་ན།) ལས་དོན་རང་གིས་ཉམས་སུ་བླངས་ན་གཞན་ལ་སྐུལ་ལྕག་ཐེབས་ཡོང༌ཞེས་པ་ལྟ་བུ། |
| ཉམས་སྒྲོབ |
སྤམ་བཟོའམ་རྫིག་ཉམས། |
| ཉམས་སྟབས |
རྣམ་འགྱུར། |
| ཉམས་སྟོང་གསལ |
རིག་པ་སྟོང་གསལ་ལམ་ཉམས་སྣང་སྟོང་གསལ། |
| ཉམས་སྟོབས |
1.ལུས་སྟོབས། 2.ཆེ་ཉམས་ཁེངས་སྟོབས། |
| ཉམས་སྣང |
སེམས་ནང་འཆར་ཚུལ་ཏེ། (དཔེར་ན།) རང་སེམས་འཁྲུལ་ནས་ཉམས་སྣང་བཟང་ངན་ཅི་ཡང་འཆར་ཡོང༌ཞེས་པ་ལྟ་བུ། |
| ཉམས་སྣང་བན་བུན |
མཐོང་སྣང་ཟ་རི་ཟི་རིའི་དོན་ཏེ། (དཔེར་ན།) རྨི་ལམ་དུ་ཉམས་སྣང་བན་བུན་ཤར་ལྟ་བུ། |
| ཉམས་སྨད་པ |
1.ཉམས་སྨོད་པ་དང་འདྲ། 2.ཉམས་གུད་དུ་སོང་བ། |
| ཉམས་སྨོད་པ |
ཆེ་བའི་རྣམ་འགྱུར་དམའ་བར་བྱེད་པའི་དོན་ཏེ། དཔེར་ན།) དྲག་པོའི་སྟོབས་ཤུགས་ལ་བརྟེན་ནས་དགྲ་བོའི་ཉམས་སྨོད་ཅེས་པ་ལྟ་བུ། |
| ཉའི་ཟེ་བ |
ཉའི་དཔུང་སྟེང་ཤའི་ཟེ་བ། |
| ཉར |
(བྱེད་འབྲེལ་ལས་ཚིག) ཉར་ཚགས་བྱེད་པའི་དོན། |
| ཉར་ཉེར |
གྲངས་གནས་ཤིག |
| ཉར་ཉོར |
(རྒྱན་ཚིག) སྙི་ཞིང་མཉེན་པའི་དོན་ཏེ། (དཔེར་ན།) ཤ་ཉར་ཉོར། གདན་ཉར་ཉོར་ཞེས་པ་ལྟ་བུ། ཡུལ་སྐད་དུ་ཉ་རེ་ཉོར་རེ་ཟེར་ཏེ། (དཔེར་ན།) གདན་ཉ་རེ་ཉོར་རེ་ཞེས་པ་ལྟ་བུ། |
| ཉར་མ |
ཆུའི་ཟེགས་མའི་བརྡ་རྙིང་། |
| ཉར་ཚགས |
དོ་དམ་དང་གཅེས་སྲུང་གི་བྱ་སྤྱོད་ཀྱི་མིང་སྟེ། (དཔེར་ན།) འབྲུ་རིགས་ཉར་ཚགས་བྱེད་དགོས་ལྟ་བུ། |
| ཉར་འཛིན |
ཉར་ཆོག་པའི་ཡིག་འཛིན། |
| ཉལ |
(བྱེད་མེད་ལས་ཚིག) མ་འོངས་པ་དང་ད་ལྟ་བ་དང་འདས་པ། མི་ཕྱུགས་ཀྱི་ལུས་ས་ངོས་ལ་ཕབ་ནས་ངལ་གསོ་བའི་དོན་ཏེ། (དཔེར་ན།) བུ་ཆུང་ཉལ་ནས་གཉིད་ལོག། སྒོ་ཁར་ཁྱི་ཉལ་འདུག་ལྟ་བུ། |
| ཉལ་ཁང |
ཉལ་སའི་ཤག |
| ཉལ་ཁྲི |
ཉལ་སའི་གདན་ཁྲི། |
| ཉལ་གཅིན་གཏོང་བ |
གཉིད་ཁུག་ནས་ཉལ་སར་གཅིན་པ་ཤོར་བ། |
| ཉལ་གཞུག |
(ཡུལ་སྐད།) ཉལ་སྐབས་རྐང་པ་འཇོག་ཡུལ། |
| ཉལ་གཟན |
ཉལ་ཆས་ཤིག |
| ཉལ་གུར |
1.ཉལ་སའི་རས་གུར། 2.སྦྲང་བུ་སོགས་སྲུང་བའི་གུར། |
| ཉལ་གོས |
ཉལ་ཆས་མལ་གཟན་སོགས། |
| ཉལ་གྱིས་འགྲོ |
(བརྡ་རྙིང་།) ཡལ་ནས་འགྲོ། |
| ཉལ་ཆས |
ཉལ་སྐབས་ཀྱི་གྱོན་ཆས། |
| ཉལ་ཉལ་ཤིག་ཤིག |
(རྒྱན་ཚིག) བྱེ་མའི་ཕུང་པོ་ཉིལ་བ་ལྟ་བུའི་རྣམ་འགྱུར་གྱི་དོན་ཏེ། (དཔེར་ན།) བྱེ་མའི་ཕུང་པོའི་སྟེང་དུ་འཛེགས་ན་ཉལ་ཉལ་ཤིག་ཤིག་བྱེད་ཡོང༌ལྟ་བུ། |
| ཉལ་ཉིལ |
(རྒྱན་ཚིག) སྙིགས་མའི་རིགས་ཀྱི་རྣམ་པ་སྟེ། (དཔེར་ན།) རྡོ་ཆག་ཉལ་ཉིལ་ཞེས་པ་ལྟ་བུ། ཁ་སྐད་དུ་ཉ་ལེ་ཉིལ་ལེ་ཟེར། |
| ཉལ་ཐ |
ཉལ་ནས་འཐེན་རྒྱུའི་ཐ་མ་ནག་པོ། |
| ཉལ་དུད |
ཉལ་ཐ་དང་དོན་གཅིག |
| ཉལ་པོ |
1.འཁྲིག་པ་སྤྱོད་མཁན་དང་གཉིད་མཁན་གྱི་མིང་། 2.གཉིད་པའི་དོན་ཏེ། (དཔེར་ན།) དགུན་ཉལ། དགུན་ཉལ་སྲོག་ཆགས་ཞེས་པ་ལྟ་བུ། 3.རྩི་ཤིང་གི་སྡོང་བུའམ་སོག་མ་ས་ངོས་སུ་འགྱེལ་བ་སྟེ། (དཔེར་ན།) སྡོང་བུ་ས་ལ་ཉལ། ལོ་ཏོག་ཉལ་བསླངས་ལྟ་བུ། |
| ཉལ་པོ་བྱེད་པའི་ཁྱིམ་དུ་གནས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྱིམ་པ་ཕོ་མོ་ཉལ་པོ་བྱེད་སར་འདུག་སྟེ་དེ་ལ་བར་དུ་གཅོད་པར་བྱེད་པ། |
| ཉལ་པོ་བྱེད་པའི་ཁྱིམ་དུ་འགྲེང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྱིམ་པ་ཉལ་པོ་བྱེད་པའི་ཁྱིམ་དུ་འགྲེང་བའི་སྤྱོད་ལམ་གྱིས་བསྡད་པ། |
| ཉལ་བའི་བདེ་བ |
གཉིད་ཉལ་བ་ལས་བྱུང་བའི་བདེ་བ། |
| ཉལ་བའི་རྣལ་འབྱོར |
ནམ་གྱི་ཆ་སྟོད་སྨད་ལ་མི་ཉལ་ཞིང་ཆ་བར་པ་ལ་སེང་གེའི་ཉལ་སྟངས་ཀྱིས་ཉལ་བ་དང༌། ཡང་གསང་སྔགས་རྡོ་རྗེ་ཐེག་པའི་སྐབས་སུ་འོད་གསལ་སྟོང་པའི་ངང་ནས་ཉལ་བ། |
| ཉལ་བྱེད |
(མངོན་བརྗོད།) སྦྲུལ། |
| ཉལ་བྱེད་མ |
(མངོན་བརྗོད།) མཚན་མོ། |
| ཉལ་མལ |
ཉལ་སའི་མལ་གྱི་བསྡུས་ཚིག |
| ཉལ་འགྲོ |
(མངོན་བརྗོད།) འབབ་ཆུ། |
| ཉལ་འགྲོའི་གཏེར |
(མངོན་བརྗོད།) རྒྱ་མཚོ། |
| ཉལ་ལེ་ཉིལ་ལེ |
(རྒྱན་ཚིག) གྲུང་པོ་མེད་པའི་བཟོ་དབྱིབས་ཏེ། (དཔེར་ན།) ལོ་ཏོག་སེར་བས་བརྡུངས་ནས་ཉལ་ལེ་ཉིལ་ལེ་ཆགས་ལྟ་བུ། |
| ཉལ་ལྡན་མེ་རི |
(མངོན་བརྗོད།) རྒོད་མ་ཁའི་མེ། |
| ཉལ་ས |
ཉལ་གནས་སམ་ཉལ་ཡུལ་ཏེ། (དཔེར་ན།) ཉལ་ས་བྱུང་ན་རྐྱོང་ས་དྲན་ལྟ་བུ། |
| ཉལ་སྟན |
ཉལ་སའི་གདན། |
| ཉི |
1.གྲངས་ཀ་གཉིས་ཀྱི་ཚབ་ཏུ་འཇུག་པའི་དམིགས་བསལ་ཚིག་ཅིག་སྟེ། (དཔེར་ན།) སྒྲོལ་མ་ཉི་ཤུ་རྩ་གཅིག ཤེས་རབ་ཀྱི་ཕ་རོལ་ཏུ་ཕྱིན་པ་ཉི་ཁྲི་ལྔ་སྟོང༌ཞེས་པ་ལྟ་བུ།2.ཉི་མ་ཞེས་པའི་མིང་མཐའ་བསྡུས་པ། |
| ཉི་ཀུང་ཆུ |
ཀློ་ཡུལ་ས་ཁུལ་གྱི་འབབ་ཆུ་ཞིག |
| ཉི་ཁྱིམ |
ཉི་མའི་རྒྱུག་ལམ་ཁྱིམ་བཅུ་གཉིས་ཀྱི་མིང༌། མིང་གི་རྣམ་གྲངས་ལ་ཉི་མའི་ཁྱིམ་དང༌། ཉི་མའི་གུར་ཁང༌། ཉི་མའི་ལྡིང་ཁང༌། ཉི་མའི་རྣ་ཆ། ཉེ་བའི་ཉི་མའི་ཁོར་ཡུག་འོད་ལྔས་ཡོངས་སྐོར་བཅས་སོ། ། |
| ཉི་ཁྲི |
1.གྲངས་ཀ་ཁྲི་གཉིས་ཀྱི་མིང༌། 2.ཤླཽ་ཀ་ཁྲི་གཉིས་ཡོད་པའི་ཤེར་ཕྱིན་པོ་ཏི། |
| ཉི་གདན |
ཉི་མ་གདན་གྱི་རྣམ་པར་བྱས་པ། |
| ཉི་གདུགས |
ཉི་ཚད་སྐྱོབ་བྱེད་ཀྱི་གདུགས་ཀྱི་མིང་སྟེ། (དཔེར་ན།) ཉི་གདུགས་ཀྱི་རྩིབས་མ་ཞེས་པ་ལྟ་བུ། |
| ཉི་གཞོན |
ཞོགས་པའི་ཉི་མ། |
| ཉི་གཞོན་མཚམས་སྤྲིན |
སྔ་དྲོ་ཉི་མ་གསར་འཆར་གྱི་མདངས་ཕོག་པའི་སྤྲིན་པ་དམར་སེར། |
| ཉི་གཟེར |
(བརྡ་རྙིང་།) ཉི་ཟེར། |
| ཉི་གསར |
ཞོགས་པའི་ཉི་མ། |
| ཉི་གསར་ཐུན་མཚམས |
སྔ་དྲོ་ཉི་མ་འཆར་སྐབས་ཀྱི་དུས་ཚོད། |
| ཉི་གུར |
ཉི་མའི་མཐའི་འོད་སྒོར་ཏེ། (དཔེར་ན།) ནམ་མཁར་ཉི་གུར་ཕུབ་ཅེས་པ་ལྟ་བུ། |
| ཉི་གྲིབ |
1.ཉི་མ་བསྒྲིབས་པའི་གྲིབ་ནག 2.ཉི་མ་དང་གྲིབ་ནག |
| ཉི་གྲིབ་མཚམས་ཀྱི་མི |
ལངས་ཕྱོགས་མི་གསལ་བའི་མི་མགོ་བདེ་པོ། |
| ཉི་ཆ |
ཉིན་མོའི་ཆ་ཤས། |
| ཉི་ཆད |
ཉིན་གྲངས་ཀྱི་ཁ་ཆད་དེ། (དཔེར་ན།) ཉི་ཆད་བརྒལ་བ། ཉི་ཆད་བྱེད་པ། ཉི་ཆད་བསྲིངས་ལྟ་བུ། |
| ཉི་དཀྱིལ |
ཉི་མའི་དཀྱིལ་འཁོར་གྱི་བསྡུས་ཚིག |
| ཉི་དག |
ཉི་མ་སྐར་གནས་དེའི་སྟེང་དུ་སླེབས་པ་ནས་བརྩམས་ཏེ་ཉིན་དེའི་ཚེས་ལོངས་རྫོགས་པར་སྤྱོད་པའི་གྲངས་ཡིན། |
| ཉི་དགའ |
1.ཉི་མ་ལ་སེམས་དགའ་བ། 2.སྔོ་སྨན་ལྕམ་པའི་མེ་ཏོག་ལ་བཞེད་པ་ཞིག་དང༌། ལོ་མ་ལ་བཞེད་པ་ཞིག་གཉིས་མཆིས། |
| ཉི་དྲོད |
ཉི་འོད་ཀྱི་དྲོད། |
| ཉི་དྲོས |
དུས་ཚོད་བཅུ་གཉིས་ཀྱི་ཡ་གྱལ་ཞིག་སྟེ་སྦྲུལ་གྱི་དུས་ཚོད། |
| ཉི་དྷྲུ |
ཉི་མའི་དྷྲུ་བའི་བསྡུས་ཚིག |
| ཉི་ནུབ |
དུས་ཚོད་བཅུ་གཉིས་ཀྱི་ཡ་གྱལ་ཞིག་སྟེ་བྱའི་དུས་ཚོད། |
| ཉི་ནུབ་ལམ་ཟད |
ཉི་མའི་སྣང་བ་ནུབ་པ་དང་འགྲོ་སའི་ལམ་འགགས་པ་སྐྱབས་བཅོལ་ཡུལ་མ་རྙེད་པའི་དཔེ། |
| ཉི་ཕྱེད |
དུས་ཚོད་བཅུ་གཉིས་ཀྱི་ཡ་གྱལ་ཞིག་སྟེ་རྟའི་དུས་ཚོད། |
| ཉི་བར |
གང་བརྩི་བའི་ཚེས་ཞག་དེ་རྫོགས་མཚམས་སུ་ཉི་མ་ལུག་ཁྱིམ་ལས་ལོངས་སྤྱོད་ཅི་ཙམ་འདས་ཟིན་པའི་ཡུལ་གྱི་ཆུ་ཚོད་རྗེས་འབྲང་བཅས་གྲུབ་ཀྱང་རྐང་ལོངས་སྣོན་འཕྲི་མ་བྱས་པས་ཉིན་ཞག་དེའི་སྐར་གནས་དངོས་སུ་འགྱུར་མི་འགྱུར་ལ་ངེས་པ་མེད་པས་ན་བར་པ་སྟེ་ཕུང་གསུམ་པ་ཞེས་པའི་དོན། གཟའ་ལྔ་སྐབས་ཀྱི་དྲག་རྐང་ཞི་དལ་ཡང་དེ་ཉིད་ཡིན། |
| ཉི་བརྙན |
ཆུ་ནང་དུ་འཆར་བའི་ཉི་མའི་གཟུགས་བརྙན། |
| ཉི་བསྲོས |
ཉི་མ་ལྡེས་པའམ་ཉི་འོད་ཀྱི་འོག་ཏུ་བཞག་པ། |
| ཉི་བུལ |
སྒྲ་གཅན་ཉི་འཛིན་བརྟག་དཔྱད་བྱེད་སྐབས་ཉི་སྐར་ལ་ཕྲི་སྣོན་བྱེད་ཚུལ། |
| ཉི་བུལ་བསྲེ |
ཉི་དག་དང་སྒྲ་གཅན་རྩ་བ་གཉིས་ཀྱི་ལོངས་སྤྱོད་བསྲེ་བ། |
| ཉི་མ |
1.ནམ་མཁར་འཆར་བའི་བརྟན་སྐར་ཉི་མའི་མིང་སྟེ། (དཔེར་ན།) ཀུན་གྱི་ཉི་མ་དང༌། ཀུན་གྱི་ཟླ་བ། ཉི་མ་ལ་ལ་རྒས་སོང༌། ཉི་མ་ཤར་ཕྱོགས་ནས་འཆར་བ་དང༌། ནུབ་ཕྱོགས་སུ་ནུབ་པ་ཆོས་ཉིད་ཡིན་ཞེས་པ་ལྟ་བུ། མིང་གི་རྣམ་གྲངས་ལ་ཀུ་མུད་དགྲ་དང༌། ཁྱབ་བྱེད། ཁྲི་ཅན། མཁའ་འགྲོ། མཁའ་ནོར། མཁའ་ལམ་པ། འགྲོ་བའི་སྒྲོན་མེ། རྒྱས་བྱེད། རྒྱུ་བའི་བརྟུལ་ཞུགས། སྒྲོལ་བྱེད། ངེས་སྲེག་བཅུ་གཉིས་བདག་པོ། ཆར་འབེབས། ཆུ་ཡི་ཆོམ་རྐུན། མཆོག་འདོད། མཆོད་ལྡན། མཆོད་འོས། འཇིག་རྟེན་དབང་པོ། འཇིག་རྟེན་མིག་འཇོམས་བྱེད། ཉིན་བྱེད། ཉིན་མོའི་འདྲེན་པ། ཉིན་མོའི་ནོར། ཉིན་མོའི་དབང་ཕྱུག་ཉིན་མོའི་དབྱིག་ཉིན་མོའི་འབྱུང་གནས། ཉིན་མོར་བྱེད། གཏུམ་པོའི་འོད། རྟ་ལྗང་ཅན། རྟ་བདུན་དབང་པོ། རྟ་བདུན་པ། བསྟེན་བྱ། འཐུང་བྱེད། དུས་ཀྱི་བདག་པོ། དུས་ཀྱི་བྱེད་པ། དུས་བྱེད། དུས་ལ་དགའ། གདུང་བྱེད། འདམ་སྐྱེས་མཚན། བདུད་ལས་རྒྱལ། བདུན་གྱི་བདུན་པ། ནད་མེད། ནམ་མཁའི་ཏོག་ནམ་མཁའི་ཐིག་ལེ། ནམ་མཁའི་ནོར་བུ། ནམ་མཁའི་མིག་ནོར་གྱི་མཛོད། རྣམ་སྒྱུར་འགྲོ་ལུས། རྣམ་བཅད། རྣམ་གནས། རྣམ་པར་སྣང་བྱེད། རྣམ་གསལ་བྱེད། སྣ་ཚོགས་འོད། སྣ་ཚོགས་ཤིང་རྟ། སྣང་བའི་བདག་པོ། སྣང་བའི་མུ་ཁྱུད། སྣང་བའི་མཛོད། སྣང་བྱེད། པདྨའི་གྲོགས། པད་མའི་གཉེན། པདྨའི་རྩ་ལག་པདྨའི་ལག་ཕྱོགས་ཀྱི་མུ་ཁྱུད། ཕྱོགས་བདག་ཕྱོགས་སྣང་བྱེད། འཕྲོག་བྱེད། བླ་མེད་འོད་འབྱིན། དབྱིག་གི་ཁུ་བ། མི་སྦྱིན་སྐྱེས་པ། མིག་གཟུགས། མུན་འཇོམས། མུན་པའི་དགྲ། མུན་སེལ། མེ་ཟླུམ། ཚ་ལྡན། ཚ་ཟེར་ཅན། ཚངས་པའི་རྟ། འཛིན་བྱེད། གཟའི་བདག་པོ། གཟའ་བཤེས། འོད་ཀྱི་རྒྱུན། འོད་ཀྱི་སྒྲ་ཅན། འོད་ཀྱི་ནོར་ཅན། འོད་འགྱེད། འོད་འགྲོ། འོད་འགྲོ་རྒྱས་བྱེད། འོད་ཅན། འོད་སྟོང་ཅན། འོད་སྟོང་འཕྲོ་བ། འོད་བདག་འོད་ལྡན། འོད་འདྲེན། འོད་ནོར་ཅན། འོད་ཕུང་པོ། འོད་ཕྲེང་ཅན། འོད་བྱེད། འོད་འབྱིན། འོད་གཙང༌། འོད་གཟུགས། རིག་བྱེད་འབྱུང༌། ལས་སྣ་ཚོགས། ལུས་སྐྱོབ། ལོང་བའི་ཁ་ལོ་བ། ལོའི་ཤིང་རྟ། ཤིང་རྟ་མཐོ། བཤེས་གཉེན། སྲིད་པའི་སྒྲོན་མེ། སྲིད་པའི་མིག་སོགས་སོ། །2.ཉིན་ཞག་གཅིག་གི་དོན་ཏེ། (དཔེར་ན།) ཉི་མ་གསུམ། ཁོ་ཕྱིན་ནས་ཉི་མ་ཁ་ཤས་ཕྱིན་སོང༌ལྟ་བུ། 3.ཉི་མའི་འོད་ཟེར་གྱི་དོན་ཏེ། (དཔེར་ན།) ཁང་པའི་ནང་ལ་ཉི་མ་ཤར་ལྟ་བུ། 4.(མངོན་བརྗོད།) 1>ཆུ་ལུག་ལོ། 2>ཉི་མ་ལ་ཁྱིམ་གྱི་བདག་པོ་དབང་པོ་དང༌། བྱེད་པོ། ལམ་པ། ཆར་འབེབས། བསྟོད་བྱེད། སྔོན་མིན། སྔོན་འཕགས། མི་གཟུགས། ཁྱབ་འཇུག་འོད་ཅན། ཆུ་བདག་གཤིན་རྗེ་བཅས་བཅུ་གཉིས་ཡོད་པས་གྲངས་བཅུ་གཉིས་མཚོན། |
| ཉི་མ་ཁ་ཆུ |
དྭངས་གསལ་འོད་དུ་འཚེར་བའི་རྡོ་རིགས་ཤིག |
| ཉི་མ་གང་འཁྱོལ |
ཉི་མ་འཕུལ་ཐབས་བྱེད་གང་ཐུབ་ཀྱི་དོན་ཏེ། (དཔེར་ན།) ལས་རྗེས་འདི་ཡིན་སྟོན་རྒྱུ་མེད་པར་ཉི་མ་གང་འཁྱོལ་མ་བྱེད་ཅེས་པ་ལྟ་བུ། |
| ཉི་མ་གང་ཤར |
1.གཟའ་ཚེས་ངེས་པ་ཅན་ནམ་ཤར། 2.ཉི་འོད་གང་དུ་ཕོག་པའི་ས་ཕྱོགས། |
| ཉི་མ་གུང་པ |
ཀུན་དགའ་བོ་ལས་བསྙེན་པར་རྫོགས་པའི་རྒྱ་གར་གྱི་ཉན་ཐོས་དགྲ་བཅོམ་པ་སྟོན་པའི་གཏད་རབས་བདུན་གྱི་ནང་ཚན་ཞིག |
| ཉི་མ་ངན་པ |
གཟའ་སྐར་མི་ལེགས་པའི་དུས་ཚེས། |
| ཉི་མ་ཆ་འཛིན |
ཉི་མའི་དཀྱིལ་འཁོར་གྱི་ཆ་ཤས་ཤིག་བསྒྲིབས་པའི་ཉི་འཛིན། |
| ཉི་མ་དགེ་བ |
གཟའ་སྐར་ལེགས་པའི་དུས་ཚེས། |
| ཉི་མ་དམར་ཐག་ཆོད་པ |
ཉི་མ་ནུབ་རིར་བཞུད་ཚར་བའི་དོན་ཏེ། (དཔེར་ན།) ཉི་མ་མ་ནུབ་བར་ལྐོག་ཅིག་ཏུ་ངུ་ཞིང་བསྡད། ཉི་མ་དམར་ཐག་ཆོད་པ་དང་ཡུལ་དུ་ཕྱིན་ཞེས་པ་ལྟ་བུ། |
| ཉི་མ་ནུབ་ནས་ཆོས་སྟོན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་མའི་སྟོན་པ་ཡིན་ཡང་འཇིགས་པ་ཡོད་པའི་སར་ཉི་མ་ནུབ་ནས་ཆོས་སྟོན་པ། |
| ཉི་མ་ཕྱི་དྲོ |
ཉིན་མོའི་ཕྱི་དྲོའི་ཆ། |
| ཉི་མ་ཕྱེ |
(བརྡ་རྙིང་།) ཉིན་གུང༌། |
| ཉི་མ་ཕྱེད |
1.ཉིན་གུང༌། 2.ཉི་ཤར་ནས་ཉིན་གུང་བར་དང༌། ཉིན་གུང་ནས་ཉི་ནུབ་བར་གྱི་དུས་ཡུན། |
| ཉི་མ་ཕྱེད་ཡོལ |
ཉིན་གུང་འདས་པའི་དོན་ཏེ། (དཔེར་ན།) ཉི་མ་ཕྱེད་ཡོལ་ཙམ་གྱི་དུས་ཚོད་ཅེས་པ་ལྟ་བུ། |
| ཉི་མ་བཅུ་གཉིས |
ལྷ་སུམ་ཅུ་རྩ་གསུམ་གྱི་ནང་གསེས་ཉི་མའི་ལྷ་བཅུ་གཉིས་ཏེ། དབང་པོ་དང༌། བྱེད་པོ་དང༌། ལམ་པ་དང༌། ཆར་འབེབས་དང༌། བསྟོད་བྱེད་དང༌། སྔོན་མིན་དང༌། སྔོན་འཕགས་དང༌། མི་གཟུགས་དང༌། ཁྱབ་འཇུག་དང༌། འོད་ཅན་དང༌། ཆུ་བདག་དང༌། གཤིན་རྗེ་སྟེ་བཅུ་གཉིས་སོ། ། |
| ཉི་མ་བཞུད་པ |
ཉི་མ་ཡོལ་བའམ། ནུབ་པའི་དོན་ཏེ། (དཔེར་ན།) ཉི་མ་བཞུད་ལ་ཁད་ཅེས་པ་ལྟ་བུ། |
| ཉི་མ་བཟང་པོ |
གཟའ་སྐར་ལེགས་པ། |
| ཉི་མ་བར་བ |
ཉི་མའི་དྷྲུ་བ་ལ་རྟག་ལོངས་བྱིན་ཟིན་པའི་མིང༌། |
| ཉི་མ་བྱང་བགྲོད |
དབྱར་ཉི་ལྡོག་ནས་བཟུང་ཉི་མའི་རྒྱུག་ལམ་བྱང་ཕྱོགས་དང་ཇེ་ཉེར་འགྲོ་བ། |
| ཉི་མ་མ་བཞུད་བར |
ཉི་མ་ཤར་ནས་ཉི་མ་ནུབ་པའི་བར། |
| ཉི་མ་མེ་གྲོགས |
ཕན་པའི་མཐུན་འགྱུར་དུ་འགྲོ་བའི་དཔེ། |
| ཉི་མ་མེ་ཏོག |
ཉི་ཕྱོགས་སུ་ཁ་གཏད་ནས་འཁོར་བའི་མེ་ཏོག |
| ཉི་མ་ཟླ་བ་ཡང་དག་འགྲོགས |
ཚེས་གནམ་གང༌། |
| ཉི་མ་འཕུལ་བ |
ལས་དོན་མེད་པར་ཉི་མ་གང་འཁྱོལ་བྱེད་པའི་དོན་ཏེ། (དཔེར་ན།) རྩེད་མོར་གཡེངས་ཏེ་ཉི་མ་འཕུལ་བ་རེད་ཅེས་པ་ལྟ་བུ། |
| ཉི་མ་འབུད་པ |
ཉི་མ་སྐྱེལ་བ་སྟེ། (དཔེར་ན།) ལས་ཀ་མ་བྱས་པར་ཉི་མ་འབུད་པ་དེ་ཕངས་པ་ལ་ཞེས་པ་ལྟ་བུ། |
| ཉི་མ་འོད་ཟེར |
གུ་རུ་མཚན་བརྒྱད་ཀྱི་ཡ་གྱལ་ཞིག |
| ཉི་མ་རིལ་འཛིན |
ཉི་མའི་དཀྱིལ་འཁོར་ཆ་ཚང་བ་བསྒྲིབས་པའི་ཉི་འཛིན། |
| ཉི་མ་རྒས་པ |
ཉི་མ་ནུབ་རིའི་རྒྱབ་ཏུ་བཞུད་པ། |
| ཉི་མ་རྗེས་མ |
ཉིན་ཕྱི་མ། |
| ཉི་མ་རྟག་པ་རེ་བཞིན |
ཉི་མ་ནམ་ཤར་གྱི་དུས་ཀྱི་དོན་ཏེ། (དཔེར་ན།) ཉི་མ་རྟག་པ་རེ་བཞིན་ཤར་ནས་ཤར། ཉི་མ་རྟག་པ་རེ་བཞིན་ནུབ་ཏུ་ནུབ། མི་ཚེ་ལོ་བརྒྱ་ཡུད་ཙམ་རྫོགས་འགྲོ་བས། ཚང་མས་མི་ཚེ་འདི་ཉིད་གཅེས་སྤྲས་གྱིས་ཞེས་པ་ལྟ་བུ། |
| ཉི་མ་རྟིང་མ |
ཉིན་ཕྱི་མ། |
| ཉི་མ་ལོག་པ |
1.ཉི་མ་ལྷོ་བགྲོད་ནས་བྱང་དུ་ལོག་པ། 2.ཉི་མ་བྱང་བགྲོད་ནས་ལྷོ་རུ་ལོག་པ། |
| ཉི་མ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་དགུ་པའི་རྒྱུད་ཀྱི་སྟོབས་ཀྱི་ཕར་ཕྱིན་དང་ལྡན་པའི་སེམས་བསྐྱེད་ནི་གདུལ་བྱའི་རྒྱུད་ཀྱི་དགེ་བའི་ལོ་ཏོག་ཡོངས་སུ་སྨིན་པར་བྱེད་པས་ན་ཉི་མ་ལྟ་བུའོ། ། |
| ཉི་མ་ལྡེ |
ཉི་མ་ལ་བསྡད་ནས་ལུས་བསྲོ་བ། |
| ཉི་མ་ལྡོག་པ |
ཉི་མ་རིང་པོ་ཐུང་བ་དང༌། ཐུང་ངུ་རིང་པོར་ཕར་ཚུར་ལོག་པ། |
| ཉི་མ་ལྷོ་བགྲོད |
དགུན་ཉི་ལྡོག་ནས་བཟུང་ཉི་མའི་རྒྱུག་ལམ་ལྷོ་ཕྱོགས་དང་ཇེ་ཉེར་འགྲོ་བ། |
| ཉི་མ་སྐྱེལ་བ |
ཉི་མ་འཕུལ་ཐབས་བྱེད་པའི་དོན་ཏེ། (དཔེར་ན།) དོན་མེད་ཀྱི་སྐད་ཆ་ཤ་སྟག་བཤད་ནས་ཉི་མ་སྐྱེལ་མི་རུང་ཞེས་པ་ལྟ་བུ། |
| ཉི་མ་སྔ་དྲོ |
ཉིན་མོའི་སྔ་དྲོའི་ཆ། |
| ཉི་མ་སྤྲིན་བྲལ |
སེམས་ཀྱི་འཁོན་འཛིན་ཞི་བའི་དཔེ། (དཔེར་ན།) ད་རེས་འདུམ་འགྲིག་བྱས་པ་ནས་བཟུང་ཕྱིན་ཆད་ཕན་ཚུན་གཉིས་ཀས་འཁོན་མེད་ཉི་མ་སྤྲིན་བྲལ་མཛད་དགོས་ཞེས་པ་ལྟ་བུ། |
| ཉི་མ་སྦྱངས་པའི་རྡོ |
(མངོན་བརྗོད།) ཤེལ། |
| ཉི་མ་སྲོ་བ |
ཉི་དྲོད་བསྟེན་པའམ་ཉི་མ་ལྡེ་བ། |
| ཉི་མ་ཧྲིལ་འཛིན |
ཉི་མ་རིལ་འཛིན་དང་འདྲ། |
| ཉི་མདངས |
ཉི་འོད་ཀྱི་མདངས་ཏེ། (དཔེར་ན།) གློག་འོད་ཉི་མདངས་ལྟར་གསལ་པོ་འདུག་ཅེས་པ་ལྟ་བུ། |
| ཉི་མའི་ཁ་ལོ |
(མངོན་བརྗོད།) སྐྱ་རེངས། |
| ཉི་མའི་ཁོར་ཡུག |
ཉི་མའི་ཉེ་འགྲམ་གྱི་མཐའ་སྐོར། |
| ཉི་མའི་ཁྱིམ་རྒྱུད |
དགུ་ཚིགས་ཀྱི་ཁོངས་སུ་མ་ལག་ཧ་ཅང་ཆུང་བ་ཞིག་དང་། ཉི་མ་ལྟེ་བ་བྱས་པ་ཞིག་ཡིན། དེའི་ཁོངས་སུ་ཉི་མ་དང་། ལྷག་པ། པ་སངས། སའི་གོ་ལ། ཟླ་བ། མིག་དམར། རྒྱུ་སྐར་ཆུང་བ། ཕུར་བུ། སྤེན་པ། སྐར་མ་དུ་བ། སྐར་མ་གནམ་རྒྱལ། སྐར་མ་མཚོ་རྒྱལ། སྐར་མ་གཤིན་རྒྱལ་སོགས་རྒྱུ་སྐར་ཆེན་པོ་སྣ་ཚོགས་དང་། རྒྱུ་སྐར་ཆུང་བ་གྲངས་ལས་འདས་པ་ཞིག སྐར་མ་དུ་བ། སྐར་མདའ་སོགས་འདུས་ཡོད་པ་རེད། |
| ཉི་མའི་གཉེན |
1.སངས་རྒྱས་ཤཀྱཱ་ཐུབ་པའི་རིགས་རུས་སམ་སྐུ་རྒྱུད། 2.(མངོན་བརྗོད།) སངས་རྒྱས་ཤཱཀྱ་ཐུབ་པ། |
| ཉི་མའི་གཉེན་གྱུར |
(མངོན་བརྗོད།) སངས་རྒྱས་ཤཱཀྱ་ཐུབ་པ། |
| ཉི་མའི་གུང |
ཉིན་ཕྱེད། |
| ཉི་མའི་གུར་ཁང |
1.ཉི་མའི་ཉེ་སྐོར་གྱི་འཇའ་གུར། 2.(མངོན་བརྗོད།) ཉི་ཁྱིམ། |
| ཉི་མའི་ཆ་ཚད |
ཉི་མའི་རྒྱ་ཁྱོན་གྱི་ཚད། |
| ཉི་མའི་ཉིན་ཞག་དག་མཚམས |
མདའ་མཁའ་མཚོ་ཡིད་རི་མཚམས་6714405 ཀྱི་ཉིན་ཞག་རིང་ལ་ཁྱིམ་བཅུ་གཉིས་ལ་མིག་ཀླུ་མེ་སྐྱོན་18382 འཁོར་རོ། འཁོར་ཐེངས་རེ་ལ་ཁྱིམ་ལོ་གཅིག་ཅེས་ཟེར། |
| ཉི་མའི་དཀྱིལ་འཁོར |
ཉི་མ། |
| ཉི་མའི་དྷྲུ་བ |
འདས་པའི་ཚེས་ཟླ་རྫོགས་མཚམས་སུ་ཉི་མའི་ཟླ་ལོངས་ཕྱོགས་གཅིག་ཏུ་བསྡོམས་པ་ལ་ཉི་མའི་ངེས་པའམ་ཉི་མའི་དྷྲུ་ཝ་ཟེར། |
| ཉི་མའི་བུ |
(མངོན་བརྗོད།) 1>གཟའ་སྤེན་པ། 2>གཤིན་རྗེ་ཆོས་རྒྱལ། |
| ཉི་མའི་མདའ |
(མངོན་བརྗོད།) འདོད་ལྷ། |
| ཉི་མའི་ཞག་གསུམ་དཀྱིལ་འཁོར |
ཉི་མ་ཁྱིམ་བཅུ་གཉིས་བགྲོད་པའི་ཁྱིམ་ལོ་གཅིག་ལ་ཁྱིམ་ཞག་སུམ་བརྒྱ་དྲུག་ཅུ་ཐམ་པ། ཚེས་ཞག་སུམ་བརྒྱ་བདུན་ཅུ་དོན་གཅིག་དང་འདོད་ཆའི་གཅིག་ཉིན་ཞག་སུམ་བརྒྱ་དྲུག་ཅུ་རེ་ལྔ་དང་ཆུ་ཚོད་བཅུ་དྲུག་ཆུ་སྲང་བཅུ་བཞི་དབུགས་གཅིག་འདོད་ཆའི་བཅུ་གཉིས་རི་མཁའ་རིའི་ཆ་བརྒྱ་དང་ཉེར་གཅིག་སྐྱོན་བཏོན་ལོ་འཕོའི་ཐད་ལའང་ལྟོས། |
| ཉི་མའི་འོད་ཀོར |
ཉི་མའི་ཕྱི་རོལ་ཏུ་འཆར་བའི་འཇའ་སྒོར། |
| ཉི་མའི་འོད་ཟེར་གྱི་ཁ་དོག |
ཡན་ལག་གི་ཁ་དོག་བརྒྱད་ཀྱི་ནང་གསེས་ཤིག |
| ཉི་མའི་ཡུལ་ལོངས |
ཁྱིམ་ཞག་ཆུ་ཚོད་4 ཆུ་སྲང་30) ཉིན་ཞག་ཆུ་ཚོད་4 ཆུ་སྲང་26 དབུགས་0 ཆ་ཤས་93156/ 149209) ཚེས་ཞག་ཆུ་ཚོད་4 ཆུ་སྲང་21 དབུགས་5 ཆ་ཤས་43/67) ཁྱིམ་ཟླ་སྐར་2 ཆུ་ཚོད་15) ཉིན་ཟླ་སྐར་2 ཆུ་ཚོད་13 ཆུ་སྲང་3 དབུགས་0 ཆ་ཤས་48/67 ཆ་ཤས་དྲུག་པ་2022/2227) ཚེས་ཟླ་སྐར་2 ཆུ་ཚོད་10 ཆུ་སྲང་58 དབུགས་1 ཆ་ཤས་17/67) |
| ཉི་མའི་རིགས |
སངས་རྒྱས་ཤཱཀྱ་ཐུབ་པའི་རིགས་རུས་སམ་སྐུ་རྒྱུད། |
| ཉི་མའི་རིགས་འཁྲུངས |
(མངོན་བརྗོད།) སངས་རྒྱས་ཤཱཀྱ་ཐུབ་པ། |
| ཉི་མའི་རིགས་སྐྱེས |
(མངོན་བརྗོད།) གཟའ་ཕུར་བུ། |
| ཉི་མའི་རུས |
(མངོན་བརྗོད།) སངས་རྒྱས་ཤཱཀྱ་ཐུབ་པ། |
| ཉི་མའི་རྒྱུད |
1.སངས་རྒྱས་ཤཀྱཱ་ཐུབ་པའི་རིགས་རུས་སམ་སྐུ་རྒྱུད། 2.(མངོན་བརྗོད།) སངས་རྒྱས་ཤཱཀྱ་ཐུབ་པ། |
| ཉི་མའི་རྟ་བདུན |
ངེས་བརྗོད་དང༌། ཐིག་ལེ་ཅན། མདོག་ལྔ་པ། ཡིད་མགྱོགས། རི་བོ་འཇོམས། རླུང༌། ཤིན་ཏུ་རྒྱལ་མཚན། |
| ཉི་མའི་རྟག་ལོངས |
ཉི་མའི་ཡུལ་ལོངས་དང་དོན་གཅིག |
| ཉི་མའི་རྩ |
ལུས་ཀྱི་རྩའི་བྱེ་བྲག་ཅིག |
| ཉི་མའི་རླུང |
ལྟེ་འོག་གི་རོ་རྐྱང་གི་རྩ་རྒྱུད་དེ། རླུང་སྣ་བུག་གཡས་པ་ནས་ནུས་པ་ཟད་རིམ་གྱིས་རྒྱུ་བས་དུག་གི་རླུང་ཞེས་བྱ་ལ། ཐབས་ཀྱི་རང་བཞིན་གསུང་རྡོ་རྗེའི་ངོ་བོ་ཞག་རེ་བཞིན་རླུང་རྒྱུ་བའི་གྲངས་ནི་ཆིག་ཁྲི་བཞི་བརྒྱ་དྲུག་ཅུ་རྩ་གཉིས་ཕྱེད་དང་བཅས་རྒྱུ་བ། |
| ཉི་མའི་ལྡིང་ཁང |
ཉི་མའི་ལྷ་ཁང་སྟེ་ལྷ་ཉི་མའི་གནས་ཡུལ། |
| ཉི་མའི་སྐྱེས་ཁྱིམ |
ནབས་སོའི་བཞི་ཆ་གསུམ་མམ་ཆུ་ཚོད་ཞེ་ལྔའི་ཐོག་ཏུ་ཉི་མ་སྐྱེས་པས་ན་སྐྱེས་སྐར་རམ་སྐྱེས་ཁྱིམ་ཟེར། |
| ཉི་མས་བཞད་པ |
(མངོན་བརྗོད།) པད་མ། |
| ཉི་མྱུར |
ཉི་མ་བཞུད་ལ་ཉེ་བ། |
| ཉི་ཚེ་བ |
1.ཉིན་གང་གི་ཚེ་ལས་མེད་པའི་འབུ་སྲིན། 2.ཕྱོགས་རེ་བའམ། ཐོར་བུའམ། ཕྲན་ཚེགས་བཅས་ཀྱི་དོན་ཏེ། (དཔེར་ན།) བདེ་བ་ཉི་ཚེ་བ། དུད་འགྲོ་ཉི་ཚེ་བ་ལྟ་བུ། |
| ཉི་ཚེ་བའི་ཐེག་པ |
ཐེག་པ་ཆུང་ངུའི་མིང་གི་རྣམ་གྲངས་ཤིག |
| ཉི་ཚེ་བའི་དམྱལ་བ |
དམྱལ་ཁམས་བཅོ་བརྒྱད་ཀྱི་ཡ་གྱལ་ཞིག་སྒོ་དང་ཀ་བ། ཐབ་དང་ཐག་པ་སོགས་རྟག་ཏུ་བཀོལ་ཞིང་སྤྱོད་པའི་ཡུལ་དུ་གྱུར་པ་ཞིག |
| ཉི་ཚེའི་སངས་རྒྱས |
(མངོན་བརྗོད།) རང་སངས་རྒྱས། |
| ཉི་ཚོད |
ཉི་མའི་དུས་ཚོད་དེ། (དཔེར་ན།) ཆུ་ཚོད་མེད་སྐབས་ཉི་ཚོད་ལ་བལྟས་ན་དུས་ཚོད་སྔ་ཕྱི་ཤེས་ཐུབ་ཅེས་པ་ལྟ་བུ། |
| ཉི་ཟེར |
ཉི་མའི་འོད་ཟེར། |
| ཉི་ཟེར་གྱི་དུག |
ཉི་འོད་ཕོག་དྲགས་ནས་བྱུང་བའི་དུག |
| ཉི་ཟེར་གྱི་རྡུལ |
ཉི་འོད་ལས་མཐོང་ཐུབ་པའི་རྡུལ་ཕྲན་ཏེ་གླང་རྡུལ་བདུན་གྱི་ཚད། |
| ཉི་ཟླ |
ཉི་མ་དང་ཟླ་བ། |
| ཉི་ཟླ་ཟུང་འབྲེལ |
མཐོན་པོ་གཉིས་མཉམ་སྦྲེལ་གྱི་དཔེ། (དཔེར་ན།) བླ་དཔོན་ཉི་ཟླ་ཟུང་འབྲེལ་ཞེས་པ་ལྟ་བུ། |
| ཉི་ཟླ་འཁྱིམས་པ |
ཉི་ཟླ་འཇའ་གུར་གྱིས་བསྐོར་བ། |
| ཉི་ཟླ་སྐར་གསུམ |
ཉི་མ་དང༌། ཟླ་བ། སྐར་མ་སྟེ་གསུམ། |
| ཉི་འཁོར |
ཉིན་གཅིག་ལ་ཕར་ཚུར་འཁོར་བའམ་སླེབས་པ། |
| ཉི་འཁྱིམས |
ཉི་མའི་མཐའི་འོད་ཀོར། |
| ཉི་འཆར |
ཉི་མ་ཤར་རིའི་རྩེ་ནས་ཐོན་མཚམས། |
| ཉི་འདེ |
(བརྡ་རྙིང་།) ཉི་མ་ལྡེ་བ། ཉི་མའི་ཚ་ཟེར་ལ་ལུས་སྲོ་བ། |
| ཉི་འཛིན |
ཟླ་བའི་གཟུགས་ཟླུམ་པོ་དེས་སའི་གོ་ལར་སྐོར་བ་བརྒྱབ་ནས་ཉི་མ་དང་སའི་གོ་ལའི་བར་ཐད་དྲང་ལ་སླེབས་སྐབས། ས་ཐོག་ལ་ཤར་བའི་ཉི་འོད་བསྒྲིབས་པའི་སྣང་ཚུལ་ལ་ཉི་འཛིན་ཟེར། |
| ཉི་འོག |
1.ཉི་མས་ཁྱབ་པའི་འོག་སྟེ་སྣོད་ཀྱི་འཇིག་རྟེན། 2.(བརྡ་རྙིང་།) མཐའ་འཁོབ། |
| ཉི་འོད |
ཉི་མའི་འོད་མདངས་ཀྱི་མིང་སྟེ། (དཔེར་ན།) ཉི་འོད་མོག་པོ་འཕྲོས་ལྟ་བུ། མིང་གི་རྣམ་གྲངས་ལ་ཀུན་སྣང་འབར་བ་དང༌། ཆུ་འཐུང་ཕོད། གདུང་བྱེད། ནམ་མཁའ་འཇལ། སྣང་བ། ཚ་ཟེར། མཚན་མོ་འཇོམས། འོད་ཀྱི་ཆར། འོད་ཆགས་བཅས་སོ། ། |
| ཉི་ཡོལ |
1.ཉི་འོད་སྒྲིབ་བྱེད་ཀྱི་ཡོལ་བ། 2.ཉི་གདུགས། |
| ཉི་རེད་རྨ |
རྨ་ཁ་ཉི་མར་བསྲོས་ནས་འགྲམས་པའི་རྨ་ཞིག |
| ཉི་རྐང |
ཉི་མ་སྐར་མའི་གནས་སུ་འགྲོ་བའི་བགྲོད་པ་ལ་ལྟོས་ནས་འཇོག་ལ། དེ་ཡང་རྐང་པ་དྲུག་ཁྱིམ་ལོ་རེ་ལ་ལན་གཉིས་འགྲོ་བས་རྐང་པ་བཅུ་གཉིས་སུ་འགྱུར་ལ། སྤྱད་ཟིན་པ་དང་མ་སྤྱད་པའི་ཚད་དང་རྐང་སྡོམ་ནི་རེའུ་མིག་ལྟར་རོ། ། |
| ཉི་རྒས |
ཉི་མ་བཞུད་ཁའི་དུས། |
| ཉི་རྒས་ཐུན་མཚམས |
ཉི་མ་ནུབ་ཁའི་དུས་ཚོད། |
| ཉི་རྡུལ |
ཉི་ཟེར་གྱི་རྡུལ་གྱི་བསྡུས་ཚིག |
| ཉི་ལོག |
དབྱར་དགུན་ཉི་མ་ལྡོག་པ། |
| ཉི་ལྡོག |
དབྱར་དགུན་ཉི་མ་ལྡོག་པའམ་ལོག་པའི་དོན་ཏེ། (དཔེར་ན།) དགུན་ཉི་ལྡོག དབྱར་ཉི་ལྡོག་ཅེས་པ་ལྟ་བུ། |
| ཉི་ཤར |
1.ཉི་མ་ཤར་བའི་དོན་ཏེ། (དཔེར་ན།) ཉི་ཤར་སྦར་མོས་མི་ཁེབས་ལྟ་བུ། 2.དུས་ཚོད་བཅུ་གཉིས་ཀྱི་ཡ་གྱལ་ཞིག་འབྲུག་གི་དུས་ཚོད། |
| ཉི་ཤུ |
ཉི་ནི་གཉིས་ཀྱི་མིང་གཞི་དང༌། ཤུ་ནི་བཅུའི་སྐད་དོད་ལས་བྱུང་ཞིང༌། དུས་རབས་བཅུ་གཅིག་པར་ལོ་ཙཱ་བ་རིན་ཆེན་བཟང་པོ་སོགས་ཀྱིས་སྐད་གསར་བཅད་གནང་སྐབས་ཉི་ཤུ་ལ་གཉིས་བཅུ་དང་སུམ་ཅུ་ལ་གསུམ་བཅུ་སོགས་སོ་སོར་གཏན་ལ་ཕབ་ཀྱང་དེའི་འབྲི་རྒྱུན་མ་དར་བར་དེང་དུས་ཉི་ཤུ་འདི་ཁོ་ནའི་འབྲི་སྲོལ་ཆགས་འདུག |
| ཉི་ཤུ་པའི་ཚིག་ལེའུར་བྱས་པ |
ཕྱི་རོལ་གྱི་དོན་འགོག་པ་ཉི་ཤུ་པའི་ཚིག་ལེའུར་བྱས་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་སོགས་དང༌། ལོ་ཙཱ་བ་ཡེ་ཤེས་སྡེས་བསྒྱུར་པ། |
| ཉི་ཤུ་པའི་འགྲེལ་པ |
རབ་ཏུ་བྱེད་པ་ཉི་ཤུ་པའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་སོགས་དང༌། ལོ་ཙཱ་བ་ཡེ་ཤེས་སྡེ་སོགས་ཀྱིས་བསྒྱུར་ཞུས་བྱས་པ། |
| ཉི་ཤུ་མ་ལོན་པར་བསྙེན་པར་རྫོགས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བསྒྲུབ་བྱ་མངལ་བཤོལ་དང་བཅས་པ་བརྩིས་ཀྱང་ལོ་ཉི་ཤུ་མ་ལོན་པར་ཤེས་བཞིན་དུ་བསྙེན་པར་རྫོགས་པ། |
| ཉི་སྐར |
ཚེས་ལ་འཆར་བའི་རྒྱུ་སྐར། |
| ཉི་སྐྱེས |
(མངོན་བརྗོད།) གཟའ་སྤེན་པའི་མིང༌། |
| ཉི་སྒྲོལ་བྱེད |
(མངོན་བརྗོད།) ཤིང་སྤྲེལ་ལོ། |
| ཉི་སྟོན |
(མངོན་བརྗོད།) ཕྱོགས། |
| ཉི་སྲེག |
ཉི་མ་ལྡེས་དྲགས་པས་ཚིག་པའི་དོན་ཏེ། (དཔེར་ན།) ལུས་ལྤགས་ལ་ཉི་སྲེག་ཐེབས་ལྟ་བུ། |
| ཉིགས |
1.སྙིགས་མའི་དོན་ཏེ། (དཔེར་ན།) སྣོད་ཀྱི་མཐིལ་དུ་ཉིགས་ཆགས་པ། ས་འོག་ཆུ་འགྲོའི་ནང་དུ་ཉིགས་འཁར་བ་རྣམས་བསངས་སོང༌ལྟ་བུ། 2.(བརྡ་རྙིང་།) གོས། |
| ཉིང |
སྙིང་བོའི་མིང་། |
| ཉིང་ཁུ |
1.ཟས་ཀྱི་སྙིང་བོའམ་བཅུད་ཀྱི་མིང་སྟེ། (དཔེར་ན།) སིལ་ཏོག་གི་ཉིང་ཁུ། ཆང་གི་ཉིང་ཁུ་ཞེས་པ་ལྟ་བུ། 2.བརྗོད་དོན་གྱི་སྙིང་བོའི་མིང་སྟེ། (དཔེར་ན།) གསོ་རིག་གི་ཉིང་ཁུ་ཞེས་པ་ལྟ་བུ། 3.ཡང་བསྐྱར་གྱི་དོན་ཏེ། (དཔེར་ན།) ཚ་བོ་དང་ཉིང་ཚ། ཡན་ལག་དང་ཉིང་ལག སློབ་མ་དང་ཉིང་སློབ་ཅེས་པ་ལྟ་བུ། |
| ཉིང་ཁྲི |
བོད་ཀྱི་ལྷོ་ཁའི་གྲོང་ཁྱེར་ཞིག་གམ་ས་ཆ་ཞིག་གི་མིང་། ཉང་ཁྲིའི་འབྲི་སྲོལ་གཞན་ཞིག |
| ཉིང་གཡོག |
གཡོག་པོའི་གཡོག་པོ། |
| ཉིང་གྲུལ |
(བརྡ་རྙིང་།) རིགས་ངན། |
| ཉིང་ཏོར |
(བརྡ་རྙིང་།) ངེས་པར་རམ་མཐའ་གཅིག |
| ཉིང་དགོས |
དགོས་པའི་ནང་གི་དགོས་པ་གཙོ་བོ་སྟེ། (དཔེར་ན།) སློབ་སྦྱོང་བྱེད་པའི་ཉིང་དགོས། སྨན་བསྟེན་པའི་ཉིང་དགོས་ཞེས་པ་ལྟ་བུ། |
| ཉིང་བྲན |
བྲན་གཡོག་གི་བྲན་གཡོག་གམ། བྲན་གཡོག་ཐ་མ། |
| ཉིང་མཚམས |
འབྲེལ་བའི་མཚམས་སམ་ཚིགས། |
| ཉིང་མཚམས་སྦྱར་བ |
མའི་མངལ་དུ་བུ་ཆགས་པའི་དོན་ཏེ། (དཔེར་ན།) མའི་མངལ་དུ་ཉིང་མཚམས་སྦྱར་བ་ཞེས་པ་ལྟ་བུ། |
| ཉིང་མཚམས་སྦྱོར་བ |
ཡང་ཡང་སྐྱེ་སྲིད་དུ་མཚམས་སྦྱོར་བ་སྟེ་རྣམ་ཤེས་མངལ་དུ་འཇུག་པ། |
| ཉིང་མཚམས་སྦྱོར་བའི་རྣམ་པར་ཤེས་པ |
མངལ་དུ་འཇུག་པའི་རྣམ་ཤེས། |
| ཉིང་ཚ |
ཡང་ཚ་སྟེ། རང་གི་ཚ་བོ་ཚ་མོའི་ཕྲུ་གུ། |
| ཉིང་འཁྲུལ |
འཁྲུལ་བའི་ནང་གི་འཁྲུལ་བ་སྟེ། (དཔེར་ན།) ཉིང་འཁྲུལ་འོག་འགྱུའི་ཐ་ཤལ་གྱི་ཚིག་མིན་ན་ད་དུང་ཁྱེད་ཀྱིས་དགོངས་དང༌ལྟ་བུ། |
| ཉིང་ལག |
ལུས་ཀྱི་ཆ་ཤས་ཏེ། མགོ་རྐང་ལག་ལ་ཡན་ལག་དང་། ཡན་ལག་གི་ཆ་ཤས་ལ་ཉིང་ལག་ཟེར། |
| ཉིང་ལག་སོར་མོ་ལྔ |
མཐེ་བོང་དང༌། མཛུབ་མོ། གུང་མོ། སྲིན་ལག་མཐེའུ་ཆུང་བཅས། |
| ཉིང་ཤ |
1.རང་གི་ཤ། 2.ཉེ་དུའི་ཤ། 3.བསད་པའི་ཉིན་མོའི་ཤ། |
| ཉིང་སྤྲུལ |
སྤྲུལ་པའི་ཡང་སྤྲུལ། |
| ཉིང་སློབ |
སློབ་མའི་སློབ་མ། |
| ཉིད |
1.ངོ་བོའམ་གཤིས་ཀའི་མིང་སྟེ། (དཔེར་ན།) ཆོས་ཉིད། དེ་ཉིད་ཅེས་པ་ལྟ་བུ། 2.དངོས་ཀྱི་མིང་སྟེ། (དཔེར་ན།) བདག་ཉིད་། རང་ཉིད། ཁོ་རང་ཉིད་ཅེས་པ་ལྟ་བུ། 3.མི་ལ་ཞེ་ས་བྱེད་པ་སྟེ། (དཔེར་ན།) སྐུ་ཉིད། ཁྱེད་ཉིད་ཅེས་པ་ལྟ་བུ། 4.(བསྣན་ཚིག) ཙམ་དང་ཁོ་ནའི་དོན་ཏེ། (དཔེར་ན།) དང་པོ་ཉིད་ནས། སྔ་མོ་ཉིད་ནས་ཡར་ལངས། སྨན་འཐུང་ཙམ་ཉིད་ནས་རྔུལ་ཆུ་ཐོན། སྐད་ཅིག་ཉིད་ལ་ཞེས་པ་ལྟ་བུ། |
| ཉིད་ཅག |
ཁྱེད་ཅག་ཅེས་པའི་དོན་ཏེ། (དཔེར་ན།) ཉིད་ཅག་བདེ་བར་ཡོད་པ་ཐོས་པས་ཕྲན་དགའ་པོ་བྱུང༌ལྟ་བུ། |
| ཉིད་རང |
ཁྱེད་རང༌། |
| ཉིན |
ཉི་མ་གཅིག་གི་དུས་ཡུན་གྱི་མིང་སྟེ། (དཔེར་ན།) ཉིན་གཅིག སྔ་ཉིན། ཕྱི་ཉིན་ཞེས་པ་ལྟ་བུ། |
| ཉིན་ཁ་དཀར་ངོ་དཀར |
ཉིན་མོའི་དུས་ཀྱི་དོན་ཏེ། (དཔེར་ན།) མིག་ཤུགས་ཞན་པས་མཚན་མོར་ལྟ་ཅི། ཉིན་ཁ་དཀར་ངོ་དཀར་ལའང་ཡག་པོ་མཐོང་གི་མི་འདུག་ཅེས་པ་ལྟ་བུ། |
| ཉིན་གང |
ནམ་ལངས་ནས་ས་མ་རུབ་བར་གྱི་དོན་ཏེ། (དཔེར་ན།) ཉིན་གང་འཁྱམས་ནས་འགྲོ་ལྟ་བུ། |
| ཉིན་གཅིག་གི་སྡོམ་པ |
ཉིན་ཞག་གཅིག་གི་སྡོམ་པ་དང་དོན་གཅིག |
| ཉིན་གཅིག་ཐོག་ཐག |
ནམ་ལངས་ནས་ས་མ་རུབ་བར། |
| ཉིན་གཅིག་ནང་བཞིན |
ཉི་མ་གཅིག་ནང་ལྟར་གྱི་དོན་ཏེ། (དཔེར་ན།) ལོ་མང་རིང་དུ་ལས་ཀ་ཉིན་གཅིག་ནང་བཞིན་ཧུར་བརྩོན་བྱེད་ཀྱི་ཡོད་ཅེས་པ་ལྟ་བུ། |
| ཉིན་གཅིག་པའི་རིམས |
རིམས་ཚད་ཤ་ལ་བབས་པ་ནད་རྟགས་སུ་རྔུལ་མང་ཞིང༌། དྲོད་ཆེ་བ། ལུས་སེམས་ལྕི་བ། ཚ་བའི་ནད་ཟུག་ཉིན་རེ་ལན་རེ་ལྡང་བ་ཞིག |
| ཉིན་གཅིག་ལོ་སྐྱེལ་གྱི་སྣང་བ |
ཉིན་གཅིག་ལ་ལོ་གཅིག་ཙམ་འགོར་བའི་སྣང་བ་ཤར་བ། |
| ཉིན་གཉིས་པ |
1.ཉིན་གཉིས་རེར་ཐེངས་རེ་ན་བའི་འདར་ནད་བྱེ་བྲག་པ་ཞིག 2.ཉིན་གྲངས་བརྩི་བའི་གཉིས་པ། |
| ཉིན་གསར་ཟླ་འགྱུར |
ཉིན་རེ་ཟླ་རེར་གནས་ཚུལ་གསར་དུ་འགྱུར་བ་སྟེ། (དཔེར་ན།) འཛུགས་སྐྲུན་ཉིན་གསར་ཟླ་འགྱུར་འཕེལ་བཞིན་ཡོད་ཅེས་པ་ལྟ་བུ། |
| ཉིན་གསུམ་པའི་རིམས |
རིམས་ཚད་ཚིལ་ལ་བབས་པ་ནད་རྟགས་སུ་གཉིད་ཆེ་ལ་ལུས་པོ་ལྕི་བ་དང༌། མགོ། ཕྲག་པ། རྐེད་པ་སོགས་མི་བདེ་བ། ཉིན་རེ་ཅུང་བདེ་ལ་ཉིན་གཉིས་བསྟུད་ནས་ན་བ་ཞིག |
| ཉིན་གུང |
ཉིན་མོའི་དཀྱིལ་ལམ་ཉིན་ཕྱེད་ཀྱི་དུས། |
| ཉིན་གླ |
ཉིན་གཅིག་ལས་ཀ་བྱས་པའི་གླ། |
| ཉིན་ཆད |
1.ཉིན་གྲངས་མང་ཉུང་གི་ཁ་ཆད། 2.ཉིན་རེའི་ཆད་འབབ། |
| ཉིན་ཆས |
ཉིན་ལྟར་གྱི་དགོས་ཆས། |
| ཉིན་ཐུང་སྐབས |
ཉི་མ་ཐུང་བའི་དུས་ཏེ་དགུན་ཁ། |
| ཉིན་ཐོ |
ཉིན་རེ་བཞིན་ལས་ཀ་འདི་བྱས་འཁོད་པའི་བརྗེད་ཐོ་སྟེ། (དཔེར་ན།) འགྲོ་སོང་གི་ཉིན་ཐོ། ཉིན་ཐོ་འགོད་དེབ་ཅེས་པ་ལྟ་བུ། |
| ཉིན་དཀར |
ཉིན་མོའི་དོན་ཏེ། (དཔེར་ན།) ཉིན་དཀར་ལྷ་དང་མཚན་མོ་འདྲེ་བྱེད་མི་རུང་ཞེས་པ་ལྟ་བུ། |
| ཉིན་དགུང |
ཉིན་གུང་དང་འདྲ། |
| ཉིན་དེ་ཉིད |
ཉི་མ་དེ་རང་ངམ་དེའི་ཉིན་མོ། |
| ཉིན་པ |
ཉིན་མོ་དང་འདྲ། |
| ཉིན་ཕྱེ་མཚན་ཟུམ |
མཚན་མོར་ཁ་ཟུམ་པའི་མེ་ཏོག་གི་རིགས། |
| ཉིན་ཕྱེད |
1.ཉིན་གུང༌། 2.ཉི་མ་ཕྱེད་ཀ། |
| ཉིན་ཕྱེད་ཡོལ |
དུས་ཚོད་བཅུ་གཉིས་ཀྱི་ཡ་གྱལ་ཞིག་སྟེ་ལུག་གི་དུས་ཚོད། |
| ཉིན་ཕྱོགས |
ཉི་འོད་ཤས་ཆེར་ཕོག་པའི་ས་ཕྱོགས་ཏེ། (དཔེར་ན།) ཉིན་ཕྱོགས་རི་ལྡེབས་ཞེས་པ་ལྟ་བུ། |
| ཉིན་བཞི་པའི་རིམས |
རིམས་ཚད་རུས་པ་ལ་བབས་པ་ནད་རྟགས་སུ་རྐེད་པ་དང༌། རྐང་རུས། ཚིགས་གཞི་རྣམས་ན་བ། ཀླད་པར་བབས་ན་ཁ་ཡོ་ཞིང་མིག་སླེ་བ་སོགས་ཞག་གཉིས་བདེ་ཞིང་ཞག་གཉིས་ན་རེས་བྱེད་པ་ཞིག |
| ཉིན་བཞིན |
ཉི་མ་རྟག་པ་རེ་བཞིན་ཞེས་པའི་དོན་ཏེ། (དཔེར་ན།) ནད་པའི་ན་ཚ་ཉིན་བཞིན་ཚབས་ཆེར་འགྲོ་ལྟ་བུ། |
| ཉིན་བསྟུད |
ཉིན་ནས་ཉིན་སྦྲེལ་བ་སྟེ། (དཔེར་ན།) ཉིན་བསྟུད་ནས་ལས་དོན་ལ་འབད་ཅེས་པ་ལྟ་བུ། |
| ཉིན་བྱེད |
(མངོན་བརྗོད།) ཉི་མ། |
| ཉིན་མཁོའི་ཡོ་བྱད |
ཉིན་ལྟར་དགོས་པའི་དངོས་ཆས། |
| ཉིན་མཐར་བྱེད |
(མངོན་བརྗོད།) མུན་པ། |
| ཉིན་མཚན |
ཉིན་མོ་དང་མཚན་མོའི་བསྡུས་མིང༌། (དཔེར་ན།) ཉིན་མཚན་མེད་པར་བྱ་བ་སྒྲུབ་པ། འབངས་རྣམས་བདེ་ཕྱིར་དུ་རྣམ་དཔྱོད་ཀྱིས་ཉིན་མཚན་འདའ་བར་བྱེད་དོ་ཞེས་པ་ལྟ་བུ། |
| ཉིན་མཚན་ཁོར་ཡུག |
ཉིན་མོ་དང་མཚན་མོའི་ཁྱད་པར་མེད་པ། |
| ཉིན་མཚན་གཅིག |
ཉིན་མོ་དང་མཚན་མོ་ཆ་གཅིག་གམ། ཆུ་ཚོད་ཉི་ཤུ་རྩ་བཞི། |
| ཉིན་མཚན་ཐུན་དྲུག |
ཉིན་མོའི་ཐུན་གསུམ་དང་མཚན་མོའི་ཐུན་གསུམ་སྟེ་དྲུག་དེ་ནི་སྔ་དྲོ་དང༌། ཉི་གུང༌། ཕྱི་དྲོ། སྲོད། ནམ་གུང༌། ཐོ་རངས་བཅས་ཡིན། |
| ཉིན་མཚན་དུས་དྲུག |
ཉིན་མཚན་ཐུན་དྲུག་དང་དོན་གཅིག |
| ཉིན་མཚན་ཕྱད་པ |
ཉིན་མཚན་བར་མ་ཆད་པ། |
| ཉིན་མཚན་མགོ་སྦྲེལ |
ཉིན་མོ་དང་མཚན་མོ་སྦྲེལ་མཐུད། |
| ཉིན་མཚན་མཉམ་པ |
ཉིན་མཚན་གྱི་ཚད་རིང་ཐུང་འདྲ་བའི་དོན་ཏེ། (དཔེར་ན།) དཔྱིད་ཉིན་མཚན་མཉམ་པ། སྟོན་ཉིན་མཚན་མཉམ་པ་ཞེས་པ་ལྟ་བུ། |
| ཉིན་མཚན་མཉམ་པ |
1.དུས་གཟེར་ཉེར་བཞིའི་ནང་གི་དཔྱིད་མཉམ་དང་སྟོན་མཉམ་ཞེས་པའི་དུས་གཟེར་གཉིས་ཀྱི་སྤྱི་མིང་། 2.ཉི་མའི་འོད་སྒྲིབ་འགོག་མེད་པར་འཆར་ཐུབ་པའི་ངོས་ཀྱི་མིང་སྟེ། (དཔེར་ན།) ཉིན་ཕྱོགས། ཉིན་རི། ཉིན་ངོས ཉིན་རྩྭ། ཉིན་ཁ་ཞེས་པ་ལྟ་བུ། |
| ཉིན་མཚན་ལན་དྲུག |
ཉིན་མཚན་ཐུན་དྲུག་དང་དོན་གཅིག |
| ཉིན་མཚན་ལྟོས་མེད |
ཉིན་མཚན་བར་མ་ཆད་པ། |
| ཉིན་མི་གསལ |
(མངོན་བརྗོད།) སྲིན་བུ་མེ་ཁྱེར། |
| ཉིན་མེད་མཚན་མེད |
ཉིན་མཚན་ལྟོས་མེད། |
| ཉིན་མོ |
ནམ་ལངས་ཏེ་ལག་རིས་མངོན་པ་ནས་ཉི་ནུབ་ལག་རིས་མི་མངོན་པར་གྱུར་པའི་བར། མིང་གི་རྣམ་གྲངས་ལ་གདུགས་དང༌། བདུད་འཇོམས། མདངས་གསར། གནས་འཇུག་སྣང་བ་ལྡན། པདྨ་བཞད། མུན་བསལ། རྩེན་དུས། གསལ་སྣང་བཅས་སོ། ། |
| ཉིན་མོ་བདེ་ལེགས |
ཁ་བཏགས་ནང་མཛོད་ཀྱི་བྱེ་བྲག་ཅིག་ཁ་བཏགས་ནང་མཛོད་ལས་རྟགས་བརྒྱད་མ། སྲིད་ཞི་བདེ་སྐྱིད། ཉིན་མོ་བདེ་ལེགས། ཚེ་ལྷ་མ་བཅས་རིགས་མི་འདྲ་བ་བཞི་ཡོད་པའི་གསུམ་པར་ཚིགས་བཅད་ཤོ་ལོ་ཀ་བཀོད་པ་འདི་ལྟ་ཉིན་མོ་བདེ་ལེགས་མཚན་བདེ་ལེགས། ཉི་མའི་གུང་ཡང་བདེ་ལེགས་ཤིང༌། ཉིན་མཚན་ཀུ་ཏུ་བདེན་ལེགས་པ། དཀོན་མཆོག་གསུམ་གྱི་བདེ་ལེགས་ཤོག་ཅེས་གསལ་ཡོད། |
| ཉིན་མོ་འཇིགས |
(མངོན་བརྗོད།) འུག་པ། |
| ཉིན་མོ་ཡིབ |
(མངོན་བརྗོད།) སྲིན་བྱ། |
| ཉིན་མོའི་ཐོག་མ |
(མངོན་བརྗོད།) ཐོ་རེངས་དང་ནམ་ལངས། |
| ཉིན་མོའི་དབང་ཕྱུག |
(མངོན་བརྗོད།) ཉི་མ། |
| ཉིན་མོའི་བདག་པོ |
(མངོན་བརྗོད།) ཉི་མ། |
| ཉིན་མོའི་མཐའ |
(མངོན་བརྗོད།) དགོང་མོ། |
| ཉིན་མོའི་འདྲེན་པ |
(མངོན་བརྗོད།) ཉི་མ། |
| ཉིན་མོའི་འབྱུང་གནས |
(མངོན་བརྗོད།) ཉི་མ། |
| ཉིན་མོའི་རྩེ་མོ |
(མངོན་བརྗོད།) ཤར་གྱི་རི། |
| ཉིན་མོའི་སྒོ |
(མངོན་བརྗོད།) ཐོ་རངས། |
| ཉིན་མོའི་སྒོ་ང |
(མངོན་བརྗོད།) མུན་པ། |
| ཉིན་མོར་དགའ་བྲལ |
(མངོན་བརྗོད།) སྲིན་བྱ། |
| ཉིན་མོར་བྱེད་པ |
(མངོན་བརྗོད།) ཉི་མ། |
| ཉིན་ཚད |
ཉིན་མོའི་ཡུན་ཚད། |
| ཉིན་ཚུགས |
རྟ་པའི་ཉིན་ལམ་གཅིག་གི་བབ་ཚུགས། |
| ཉིན་ཞག |
1.ཉི་མས་སའི་གླིང་ལ་བྱ་བ་བྱེད་ཚུལ་གྱིས་འཇོག་པས་དེ་རིང་ནམ་ལངས་ཏེ་ལག་རིས་མཐོང་བ་ནས་སང་ཉིན་ནམ་ལངས་ཏེ་ལག་རིས་མཐོང་བ་དེའི་བར་དབུགས་ཁུག་པ་ཉི་ཁྲི་ཆིག་སྟོང་དྲུག་བརྒྱ་སྟེ་ཆུ་ཚོད་དྲུག་ཅུ་ཐམ་པའམ་དེང་སྐབས་ཀྱི་ཆུ་ཚོད་ཉེར་བཞི་ཡོད། 2.(མངོན་བརྗོད།) ཟླ་བའི་ཕྱོགས་རེར་ཉིན་ཞག་བཅོ་ལྔ་རེ་ཡོད་པས་གྲངས་བཅོ་ལྔ་མཚོན། |
| ཉིན་ཞག་གཅིག་གི་སྡོམ་པ |
1.བསྙེན་གནས་ཡན་ལག་བརྒྱད་པ། 2.ཐེག་ཆེན་གསོ་སྦྱོང༌། |
| ཉིན་ཞག་གཟའ་ལྔ |
གཟའ་ལྔས་ཉིན་ཞག་ལ་སྤྱོད་ཚུལ། |
| ཉིན་ཞག་དཀྱིལ་འཁོར |
ཁྱིམ་ལོ་གཅིག་གི་དུས་ཡུན་ཏེ། ཉིན་ཞག་སུམ་བརྒྱ་དྲུག་ཅུ་རེ་ལྔ་དང༌། ཆུ་ཚོད་བཅུ་དྲུག་ཆུ་སྲང་བཅུ་བཞི་བཅས་ཡོད། |
| ཉིན་ཞག་དུས་གཉིས |
ཉིན་གྱི་དུས་དང་མཚན་གྱི་དུས་གཉིས། |
| ཉིན་ཞག་དུས་གསུམ |
ཉིན་མོའི་དུས་གསུམ་ནི་སྔ་དྲོ་དང༌། ཉིན་གུང༌། ཕྱི་དྲོ་བཅས། མཚན་མོའི་དུས་གསུམ་ནི་ནམ་སྲོད། ནམ་གུང༌། ནམ་སྨད་བཅས། |
| ཉིན་ཞག་ཕྲུགས་གཅིག |
ཉིན་མཚན་ཆ་གཅིག |
| ཉིན་ཞག་ཚོགས་པ |
ཉིན་ཞག་སུམ་ཅུ་ལ་ཟླ་བ་གཅིག་ཏུ་བྱས་པའི་ཟླ་བའི་མིང༌། |
| ཉིན་ཞག་རྟག་ལོངས |
ཉིན་ཞག་རེའི་ཡུན་ཚད་ཆུ་ཚོད་དྲུག་ཅུ། |
| ཉིན་ཟླ |
ཉིན་ཞག་སུམ་ཅུ་ཐམ་པའི་དུས་ཡུན། |
| ཉིན་འཁལ་ཉིན་འཐག |
ཉིན་རེ་བཀལ་བའི་སྣལ་མ་རྣམས་ཉིན་རེར་འཐག་པ་ཉིན་རེར་བརྩམས་པའི་བྱ་བ་རྣམས་ཉིན་རེར་ཚར་བ་བྱེད་དགོས་པའི་དཔེ། |
| ཉིན་འཁོར |
སྔ་དྲོ་ཕྱོགས་གཞན་ལ་ཕྱིན་ནས་དགོང་དྲོ་རང་གནས་སུ་འཁོར་བའི་དོན་ཏེ། (དཔེར་ན།) ས་ཐག་ལེ་དབར་ལྔ་བཅུའི་བར་རྐང་ཐང་གིས་ཉིན་འཁོར་གཏོང་ཐུབ་ལྟ་བུ། |
| ཉིན་འཁྱོངས |
ཉིན་གང་ཐུབ་པའི་དོན་ཏེ། (དཔེར་ན།) ལས་དོན་ཉིན་འཁྱོངས་བྱས་ཞེས་པ་ལྟ་བུ། |
| ཉིན་འགྱངས་ཞག་འཕུལ |
ལས་ཀ་ཧུར་བརྩོན་མེད་པའི་ཉིན་ཞག་སྐྱེལ་སྟངས་ཏེ། (དཔེར་ན།) གཞོན་དུས་སློབ་སྦྱོང་ལ་དོ་སྣང་མ་བྱས་པར་ཉིན་འགྱངས་ཞག་འཕུལ་ཁོ་ནར་བཏང་ན་རྒས་ནས་འགྱོད་ཀྱང་ཕན་མི་ཐོགས་ཞེས་པ་ལྟ་བུ། |
| ཉིན་འཕུལ |
ཉི་མ་འཛད་ཐབས་སམ་སྐྱེལ་ཐབས། |
| ཉིན་ཡོལ |
ཉིན་མོའི་དུས་ཡོལ་བ། |
| ཉིན་རང་པོ |
ཉིན་གང་པོ་སྟེ་ཉིན་མོའི་དུས་སྒང་ཚང༌། |
| ཉིན་རངས་པ |
ཉི་མ་གང་པོའམ་རིལ་པོ། |
| ཉིན་རི |
ཉི་འོད་ཕོག་སའི་རི་རྒྱུད། |
| ཉིན་རིང་སྐབས |
ཉི་མ་རིང་བའི་དུས་ཏེ་དབྱར་ཁ། |
| ཉིན་རེ་ཞག་རེ་ཙམ |
ཉིན་ཞག་རེ་རེ་ཙམ་དུས་ཡུན་ཐུང་ཙམ། |
| ཉིན་རྐུན |
ཉིན་པར་རྐུ་བྱེད་པའི་རྐུན་པོ། |
| ཉིན་རྗེས་མ |
ཉིན་ཕྱི་མ། |
| ཉིན་ལམ |
ཉིན་གཅིག་ལ་འགྲོ་དགོས་པའི་ལམ་ཚད་ཀྱི་མིང་སྟེ། (དཔེར་ན།) རྟ་བོའི་ཉིན་ལམ་ཞེས་པ་ལྟ་བུ། |
| ཉིན་ལས |
1.ཉིན་གང་གི་ལས་ཀ། 2.ཉིན་མོའི་ལས་ཀ། |
| ཉིན་ལུང |
ཉིན་ཕྱོགས་ཀྱི་ལུང་པ། |
| ཉིན་ལོ |
རང་གི་རྩིས་གཞིའི་ཉིན་ཞག་སུམ་ཅུ་ལ་ཉིན་ཟླ། དེ་བཅུ་གཉིས་ལ་ལོར་བྱས་པའི་ཉིན་ལོ། |
| ཉིན་ལྟར |
ཉི་མ་རེ་རེ་བཞིན་ཞེས་པའི་དོན་ཏེ། (དཔེར་ན།) ཉིན་ལྟར་ལས་ཀ་བྱེད་ཀྱི་ཡོད་ཅེས་པ་ལྟ་བུ། |
| ཉིན་ཤ |
སྲོག་ཆགས་བསད་པའི་ཉིན་མོ་དེའི་ཤ། |
| ཉིན་ཤད་མཚན་ཤད |
ཉིན་མཚན་བར་མེད་དུ་འགྲོ་བའི་དོན་ཏེ། (དཔེར་ན།) ཉིན་ཤད་མཚན་ཤད་དུ་སོང་ན་མགྱོགས་པོ་སླེབས་ཞེས་པ་ལྟ་བུ། |
| ཉིན་སྐར |
1.ཉིན་མོར་མཐོང་བའི་སྐར་མ། 2.དཀོན་པའི་དཔེ། (དཔེར་ན།) སྐྱོན་གཏན་ནས་མེད་པའི་མི་ནི་ཉིན་སྐར་ལྟར་དཀོན་ཞེས་པ་ལྟ་བུ། 3.ཉིན་མོ་དགྲ་སོགས་ཡོང་མི་ཡོང་སོ་ལྟ་མཁན། 4.(མངོན་བརྗོད།) རྩངས་པ། |
| ཉིན་སྦྲེལ |
ཉིན་མང་པོ་མཐུད་པ། |
| ཉིན་སྲིབ |
གདགས་སྲིབ་བམ་ཉིན་རི་དང་གྲིབ་རི། |
| ཉིན་སྲིབས |
ཉིན་སྲིབ་དང་འདྲ། |
| ཉིལ |
(བྱེད་མེད་ལས་ཚིག) ཞིག་རལ་དུ་སོང་བའི་ཆ་ཤས་མང་བོ་མར་ལྷུང་བའམ་འགྲིལ་བའི་དོན་ཏེ། (དཔེར་ན།) བྲག་རི་ཉིལ། རྩིག་པ་ཉིལ། རི་ཉིལ་ལྟ་བུ། |
| ཉིལ་ཉིལ |
(རྒྱན་ཚིག) འཇིག་པ་དང་ལྷོད་པ་སོགས་འགྱུར་ལྡོག་གི་རྣམ་པ་ཞིག་སྟེ། (དཔེར་ན།) སྐྲ་ཚོགས་ཉིལ་ཉིལ་དུ་གློད་འདུག མིག་ཆུ་ཉིལ་ཉིལ་དུ་གཏོང་ལྟ་བུ། |
| ཉིལ་བ |
(བྱེད་མེད་ལས་ཚིག) ཞིག་པའི་དོན་ཏེ། (དཔེར་ན།) ལྕགས་རི་ཉིལ་སོང༌། བྲག་རི་ཉིལ་བ། མཆི་མ་ཉིལ་བ་ལྟ་བུ། |
| ཉིལ་ལི་ལི |
(རྒྱན་ཚིག) ཐུར་ལ་འགྲིལ་བའམ་འཕྱང་བའི་ཚུལ་ཏེ། (དཔེར་ན།) རི་ནས་ས་རྡོ་མང་པོ་ཉིལ་ལི་ལིར་འགྲིལ་བ། རྒྱན་ཆ་མང་པོ་ཉིལ་ལི་ལིར་བཏགས་པ་ལྟ་བུ། |
| ཉིལ་ལེ་བ |
(རྒྱན་ཚིག) སིལ་བུར་ཟགས་པའམ་འཕྱང་ཚུལ་དང༌། འབབས་ཚུལ་ཏེ། (དཔེར་ན།) བྱེ་ཕུང་ཉིལ་ལེ་བར་ཞིག་པ། སྐྲ་ཉིལ་ལེ་བར་འཕྱང་བ། མིག་ཆུ་སྲན་རྡོག་ཙམ་ཉིལ་ལེ་བར་གཏོང་ལྟ་བུ། |
| ཉིས |
གྲངས་ཁ་ཤས་དང་ལས་ཚིག་ད་ལྟ་བ་ཁ་ཤས་ཀྱི་མགོར་སྦྱར་ན་གཉིས་སམ་ཟུང་གི་དོན་ཏེ། (དཔེར་ན།) ལྡབ་ཉིས་འགྱུར། རིམ་པ་ཉིས་རྩེག ལྭ་བ་ཉིས་རྩེག ཉིས་འབུམ། ཉིས་ཁྲི། ཉིས་སྟོང་། ཉིས་བརྒྱ་ཞེས་པ་ལྟ་བུ། |
| ཉིས་ཐོག |
ཁང་པ་ཐོག་བརྩེགས་གཉིས་པ། |
| ཉིས་ན |
(བརྡ་རྙིང་།) རྣམ་པ་གཉིས་སུ་ན། |
| ཉིས་བརྩེགས |
གཅིག་སྟེང་གཅིག་བརྩེགས་པའི་དོན་ཏེ། (དཔེར་ན།) ཁང་ཐོག་ཉིས་བརྩེགས་ཞེས་པ་ལྟ་བུ། |
| ཉིས་ཞོན |
རྟ་གཅིག་ལ་མི་གཉིས་ཞོན་པ། |
| ཉིས་ཟློས |
ལན་གཉིས་བསྐྱར་བའི་དོན་ཏེ། (དཔེར་ན།) སྐད་ཆ་ཉིས་ཟློས་བཤད་པ་ལྟ་བུ། |
| ཉིས་འགྱུར |
གཅིག་གཉིས་སུ་འཕར་བ། |
| ཉིས་འབྲེལ་ཤོག་ལྷེ |
ལྷེབ་གཉིས་གཅིག་ཏུ་འབྲེལ་བའི་ཐོ་ཤོག |
| ཉིས་རི |
(བརྡ་རྙིང་།) ལྡབ་གཅིག |
| ཉིས་རིམ |
རིམ་པ་གཉིས་ཡོད་པའི་དོན་ཏེ། (དཔེར་ན།) ཐོག་ཉིས་རིམ་ཡོད་པའི་ཁང་སྟེང་དུ་འཛེགས་ནས་སོང་ལྟ་བུ། |
| ཉིས་རྒྱུ་ཆིག་སྤུན |
རྒྱུ་ལ་རྐང་གཉིས་དང་སྤུན་ལ་རྐང་གཅིག་ཡོད་པའི་སྣམ་རས། |
| ཉིས་ལས |
1.ལས་ཀ་བྱེད་ཐེངས་གཅིག་གིས་འགྲིག་པར་བྱེད་ཐེངས་གཉིས་བྱས་པ། 2.ལས་ཀ་བྱེད་ཐེངས་དང་པོས་མ་འགྲིག་པར་བསྐྱར་དུ་བྱེད་དགོས་བྱུང་བ། |
| ཉིས་ལེན |
གཉན་པོའི་རྩ་གནད་སྟེང་ཉེས་སྐྱོན་མི་འབྱུང་བའི་ཕྱིར་ཁྲག་གཏར་ཐབས་ཤིག་ཐོག་མར་རྩ་སྟེང་གཙག་བུས་གཤགས་ཤིང་རྩ་དངོས་ཤིང་བུར་བཏེག་སྟེ་སླར་གཙག་བུ་བརྡེག་དགོས་པ་ཞིག |
| ཉིས་ལོག |
ལྡབ་འགྱུར། |
| ཉིས་ལྡབ |
གཅིག་གཉིས་སུ་འཕར་བ། |
| ཉིས་ཤད |
ཚིགས་བཅད་ཀྱི་རྐང་མཚམས་དང༌། ཚིག་ལྷུག་གི་སྡེ་ཚན་རྫོགས་མཚམས་སམ། སླར་བསྡུའི་ཕྲད་གར་ཡོད་ཀྱི་མཐར་བྲི་རྒྱུའི་ཤད་ཉིས་གཤིབས། |
| ཉིས་སྐལ |
སྐལ་བ་ཉིས་བརྩེགས། |
| ཉིས་སྐུལ |
ཁྲལ་གཅིག་ལས་རྒྱུག་མི་དགོས་པར་ཐེངས་གཉིས་སྐུལ་བ། |
| ཉིས་སྐྲ |
སྐྲ་ལྕང་ལོ་ཉིས་གཤིབས། |
| ཉིས་སྒྲིམ |
རྐང་གཉིས་བསྒྲིམས་པའི་སྐུད་པ། |
| ཉིས་སྣའི་འདོན |
སྔར་བོད་ཀྱི་ཁྲལ་རྐང་གཉིས་ལ་འདོན་གཅིག་རེ་བརྩིས་པའི་འདོན། |
| ཉིས་སྦྲགས |
གཉིས་མཉམ་དུ་གཤིབས་པའམ་བསྡེབས་པའི་དོན་ཏེ། (དཔེར་ན།) འགྲེལ་པ་ཉིས་སྦྲགས་ཞེས་པ་ལྟ་བུ། |
| ཉིས་སྦྲེལ |
གཉིས་གཅིག་ཏུ་བསྡེབས་པ་དང༌། མཉམ་དུ་སྦྲེལ་བའི་དོན་ཏེ། (དཔེར་ན།) ལྕགས་ལམ་ཉིས་སྦྲེལ་ཞེས་པ་ལྟ་བུ། |
| ཉུག |
(བྱེད་འབྲེལ་ལས་ཚིག) 1>རེག་པའི་དོན་ཏེ། (དཔེར་ན།) ལག་པས་ཉུག་ལྟ་བུ། 2>བྱུགས་པའི་དོན་ཏེ། (དཔེར་ན།) སྣུམ་ཉུག་པ་ཞེས་པ་ལྟ་བུ། |
| ཉུག་ཉུག |
མྱུག་མྱུག་དང་འདྲ། |
| ཉུག་བྱེད |
(མངོན་བརྗོད།) འདབ་ཆགས། |
| ཉུག་རུམ་པ |
རླིག་འབྲས་བཏོན་པའི་མི། མིང་གི་རྣམ་གྲངས་ལ་ཁྱིམ་ཁོལ་དང༌། འཁྲིག་མི་ནུས། བུད་མེད་དགའ་བྲལ། དབང་པོ་ཉམས། འབྲས་བུ་དབྱུང༌། འོག་མེད། རལ་གུ་ཅན། སྲུང་མ་བཅས་སོ། ། |
| ཉུག་རུམ་བཟོ་བ |
སྔར་གོང་མའི་བཙུན་མོའི་འཁོར་གྱི་མིའི་རླིག་འབྲས་འདོན་པ། |
| ཉུགས |
ཉུག་པའི་སྐུལ་ཚིག |
| ཉུགས་པ |
ཉུག་པའི་འདས་པ། |
| ཉུང |
(རྒྱན་ཚིག) མང་བའི་ལྡོག་ཟླ་སྟེ། (དཔེར་ན།) མི་རིགས་གྲངས་ཉུང་། ཚིག་ཉུང་ལ་དོན་འདུས་པ། མི་ཉུང་ངུ་། མི་ཉུང་ཤས། ལུག་ཉུང་ཉུང་ཞེས་པ་ལྟ་བུ། |
| ཉུང་ངུ |
མང་པོ་མིན་པ་སྟེ། (དཔེར་ན།) ཆང་ཉུང་ངུ་ཞིག་བཏུངས་ནས་ར་བཟི་བ། མི་ཉུང་ངུ་ཞིག་གིས་ལས་ཀ་མང་པོ་བྱས་འདུག་ཅེས་པ་ལྟ་བུ། |
| ཉུང་ཉུང |
ཅུང་ཟད་ཅེས་པའི་དོན་ཏེ། (དཔེར་ན།) སྨན་ཐུན་ཉུང་ཉུང་ཞིག་གིས་ནད་ཆེན་པོ་འཇོམས་ཐུབ་ཅེས་པ་ལྟ་བུ། |
| ཉུང་བ |
མང་པོ་མིན་པའི་དོན་ཏེ། (དཔེར་ན།) སྐྱོན་གང་ཉུང་བ་དང་ཡོན་ཏན་གང་མང་བ་ཡོང་ཐབས་ལ་འབད་བརྩོན་བྱེད་དགོས་ཞེས་པ་ལྟ་བུ། |
| ཉུང་མ |
ལོ་གཉིས་སྐྱེ་བའི་ཚོད་མའི་རིགས་ཤིག་ཡིན་ཞིང་། མེ་ཏོག་དཀར་བོ་ཅན། ལོ་མ་ཆེ་ལ་རྩ་བ་ཟླུམ་པོ་ལེབ་མོ་ཅན། མིས་ཟོས་ཆོག་ལ་ཕྱུགས་གསོ་བྱེད་ཀྱི་ཆས་བཟང་བོ་ཞིག་ཡིན། ཡུལ་སྐད་དུ་ཡུང་མ་ཟེར། |
| ཉུང་མཐའ |
ཉུང་ཤོས་ཀྱི་དོན་ཏེ། (དཔེར་ན།) འདིར་ཡོད་ཚོགས་ཁང་རེ་རེའི་ནང་དུ་ཉུང་མཐར་ཡང་མི་བརྒྱ་ཕྲག་རེ་ཤོང་ཐུབ་ཅེས་པ་ལྟ་བུ། |
| ཉུང་ཙམ |
ཕྲན་བུ་ཙམ་གྱི་དོན་ཏེ། (དཔེར་ན།) ལས་ཀ་ཉུང་ཙམ་ལས་མ་བྱས་ལྟ་བུ། |
| ཉུང་ཟད |
ཅུང་ཙམ་གྱི་དོན་ཏེ། (དཔེར་ན།) སྒེར་སེམས་ཉུང་ཟད་ཁྱེར་བ་ཙམ་གྱིས་སྤྱིའི་ལས་དོན་ལ་འཐུས་ཤོར་ཆེན་པོ་བྱས་ཡོང༌། ཟས་ནི་ཆུ་དང་ཤིང་ཏོག་ཉུང་ཟད་རེ་ལ་བརྟེན་ཞེས་པ་ལྟ་བུ། |
| ཉུང་ཤས |
ཅུང་ཟད་དེ། (དཔེར་ན།) ཞིང་ས་གཤིན་པོ་ལ་ས་ལུད་ཉུང་ཤས་ཤིག་བཏབ་ཀྱང་འབྲས་བུ་མང་པོ་ཐོན་ཡོང༌ལྟ་བུ། |
| ཉུང་སྐྱོན |
ཉུང་དྲགས་པའི་སྐྱོན། |
| ཉུངས |
1.ཉུངས་དཀར་དང་ཉུངས་ནག་ཅེས་པའི་སྣུམ་ནག་གི་རྒྱུ་བྱེད་པའི་ལོ་ཏོག་དང་དེའི་ས་བོན་གྱི་སྤྱི་མིང་། འདི་ལ་ཡུངས་དཀར་དང་ཡུངས་ནག་ཀྱང་ཟེར། 2.ཉུངས་མ་སྟེ་ཉུང་མ་ཡི་འབྲི་ཚུལ་གཞན། |
| ཉུངས་ཀར |
སྣུམ་འབྱུང་བའི་འབྲུ་ཞིག |
| ཉུངས་གཤེར |
ཉུངས་མ་རློན་པ། |
| ཉུངས་པ |
ཉུང་དྲགས་པའམ་ཧ་ཅང་ཉུང་བའི་དོན་ཏེ། (དཔེར་ན།) ལོ་ཐོག་ཐར་ཐོར་ལས་མ་སྐྱེས་པ་དེ་ས་བོན་ཉུངས་པ་རེད་ཅེས་པ་ལྟ་བུ། |
| ཉུངས་མ |
ཉུང་མ་དང་འདྲ། |
| ཉུངས་མ་ཕོ་ཤ |
ཉུངས་མ་བཙོས་མ། |
| ཉུངས་མར |
ཡུངས་ཀར་བཙིར་བའི་སྣུམ་མར། |
| ཉུལ |
(བྱེད་མེད་ལས་ཚིག) དམིགས་ཡུལ་ངེས་ཅན་ཞིག་མེད་པར་འགྲོ་བའི་དོན་ཏེ། (དཔེར་ན།) མགྲོན་པོ་རྒྱ་སྲང་ལ་ཉུལ། རྔོན་པ་ནགས་སུ་ཉུལ། འབྲོག་པ་རྩྭ་ཐང་དུ་ཉུལ་ལྟ་བུ། |
| ཉུལ་ཉུལ |
1.ཡུལ་ངེས་མེད་དུ་འཁྱམ་འཁྱམ་དུ་འགྲོ་བ། 2.ལག་པས་ཡང་ཡང་འཚོལ་ཞིང་ཉུལ་བ། |
| ཉུལ་པོ |
1.འཁྱམས་ནས་འགྲོ་མཁན་ནམ་འཁྱམས་པོ། 2.འཚོལ་མཁན་ནམ་སོ་པའི་དོན་ཏེ། (དཔེར་ན།) གསང་བའི་ཉུལ་པོ་ཞེས་པ་ལྟ་བུ། |
| ཉུལ་བ |
1.(བྱེད་མེད་ལས་ཚིག) ཡུལ་ངེས་མེད་དུ་འཁྱམ་པ་དང་རྒྱུ་བའི་དོན་ཏེ། (དཔེར་ན།) ཕྱོགས་ངེས་མེད་དུ་ཉུལ་ནས་འཚོ་ཐབས་འཚོལ་བ། བྱིས་པ་རྣམས་དོན་མེད་པར་གང་སར་ཉུལ་མི་རུང་ཞེས་པ་ལྟ་བུ། 2.(བརྡ་རྙིང་།) བུལ་བའམ་འགོར་བ། |
| ཉུལ་བྱེད |
(མངོན་བརྗོད།) འདབ་ཆགས། |
| ཉུལ་མ |
མྱུལ་མ་ཡི་འབྲི་ཚུལ་གཞན། |
| ཉེ |
(རྒྱན་ཚིག) བར་ཐག་མི་རིང་བ་དང་དུས་ཡུན་མི་རིང་བའི་དོན་ཏེ། (དཔེར་ན།) ཉེ་འཁོར། ཐག་ཉེ་རིང་། རི་དང་ཉེ་བ། ཉེ་སྔོན་ལོ་གསར་ལ་ཉེ་བ་ཞེས་པ་ལྟ་བུ། |
| ཉེ་གཉེན |
གཉེན་ཚན་ནམ་གཉེན་བཤེས། |
| ཉེ་གཏམ་པ |
(བརྡ་རྙིང་།) བཟའ་ཚང་སྒྲིག་པ་པོ། |
| ཉེ་གནས |
1.སློབ་མའམ་སློབ་ཕྲུག། 2.དྲུང་ན་སྡོད་མཁན་ནམ་གཡོག་པོ། |
| ཉེ་གཡོག |
འཁྲིས་སྡོད་གཡོག་པོ་སྟེ། (དཔེར་ན།) ཉེ་གཡོག་བྱེད་པའི་མི་ཞེས་པ་ལྟ་བུ། |
| ཉེ་གྲོགས |
བློ་ཉེ་བའི་གྲོགས་པོ་སྟེ། (དཔེར་ན།) རང་གི་ཉེ་གྲོགས་ལ་སྙིང་གཏམ་བཤད་ཅེས་པ་ལྟ་བུ། |
| ཉེ་གློ |
གཞོགས། |
| ཉེ་ཆར |
དེང་གི་དུས་ཏེ། (དཔེར་ན།) མི་དེ་དག་ཉེ་ཆར་འདི་གར་འབྱོར་པ་རེད་ཅེས་པ་ལྟ་བུ། |
| ཉེ་ཉོན |
ཉེ་བའི་ཉོན་མོངས་པའི་བསྡུས་ཚིག |
| ཉེ་ཉོན་ཉི་ཤུ |
ཉེ་བའི་ཉོན་མོངས་པ་ཉི་ཤུའི་བསྡུས་མིང༌། |
| ཉེ་ཐག |
གཉེན་ཉེ་འབྲེལ། |
| ཉེ་དགའ |
1.དགའ་ཉེ་བློ་དཀར། 2.ཀླུའི་རྒྱལ་པོ་ཞིག |
| ཉེ་དགའ་ཕྱོགས་ལྷུང |
རང་ཕྱོགས་ལ་དགའ་ཞིང༌། གཞན་ཕྱོགས་ལ་འཁང་བའི་ཆགས་སྡང༌གི་དོན་ཏེ། (དཔེར་ན།) གཟུ་བོར་མི་གནས་པར་ཉེ་དགའ་ཕྱོགས་ལྷུང་གི་ལས་ཀ་བྱེད་མཁན་གྱི་ཁ་ལ་ཉན་རྒྱུ་མེད་ཅེས་པ་ལྟ་བུ། |
| ཉེ་དགའ་བོ |
སངས་རྒྱས་ཤཱཀྱ་ཐུབ་པའི་ཉན་ཐོས་དྲུག་སྡེའི་ཡ་གྱལ་ཞིག |
| ཉེ་དབང |
(མངོན་བརྗོད།) ཁྱབ་འཇུག |
| ཉེ་དབང་སོ་གཉིས |
ལྷའི་དབང་པོ་བརྒྱ་བྱིན་གྱི་འཁོར་དུ་གཏོགས་པའི་ལྷ་རྣམས་ཏེ་ལྷ་སུམ་ཅུ་རྩ་གསུམ་ལས་ལྷ་དབང་མ་གཏོགས་པ་རྣམས། |
| ཉེ་དུ |
རིགས་རུས་ཀྱིས་འབྲེལ་བའི་གཉེན་བཤེས་ཏེ་ཕ་མ་གང་རུང་གི་རྒྱུད་མི་རབས་བདུན་ཚུན་ཆད་ལ་ཟེར། (དཔེར་ན།) ཉེ་དུ་དགྲར་ལངས། ཕྱུག་པོར་གཉེན་དང་ཉེ་དུ་མང༌ཞེས་པ་ལྟ་བུ། |
| ཉེ་དུ་རྩ་ལག |
གཉེན་ཉེ་ཡོད་ཚད། |
| ཉེ་དུས |
དུས་ཚོད་མི་རིང་བའི་སྔ་རོལ། |
| ཉེ་དྲུང |
མདུན་ནམ་འཁྲིས་ཀྱི་དོན་ཏེ། (དཔེར་ན།) ཕྲུ་གུ་མའི་ཉེ་དྲུང་དུ་བསྡད་ཅེས་པ་ལྟ་བུ། |
| ཉེ་པོ |
1.ཐག་རིང་མིན་པའི་དོན་ཏེ། (དཔེར་ན།) གྲོགས་པོ་བཞུགས་ས་ཐག་ཉེ་པོར་ཡོད་ཅེས་པ་ལྟ་བུ། 2.བློ་ཉེ་བའི་དོན་ཏེ། (དཔེར་ན།) ཁོང་དང་ང་རང་སྔར་ནས་དགའ་པོ་ཉེ་པོ་ཡིན་ཞེས་པ་ལྟ་བུ། |
| ཉེ་བ |
1.ཉེ་དུ་གཉེན་གྲོགས། 2.ཐག་མི་རིང་བའི་དོན་ཏེ། (དཔེར་ན།) ཤི་ལ་ཉེ་བ་ཞེས་པ་ལྟ་བུ། 3.མཐུན་པའམ་འདྲ་བའི་དོན་ཏེ། (དཔེར་ན།) བློ་ཉེ་བ་ཞེས་པ་ལྟ་བུ། 4.འདིའི་མཐར་ར་སྦྱར་ན་ཚིག་གི་རྒྱན་དུ་འགྲོ་བའི་རབ་ཏུ་དང་ཤིན་ཏུ་སོགས་ཧ་ཅང་གི་དོན་དང་འདྲ་སྟེ། (དཔེར་ན།) ཉེ་བར་ལྟ་བ། ཉེ་བར་བརྟག་པ། ཉེ་བར་བསྟན་པ། ཉེ་བར་བསྟེན་པ། ཉེ་བར་མཛེས་པ་ཞེས་པ་ལྟ་བུ། |
| ཉེ་བ་གཉེན་ཚན |
སྤུན་ཉེ། |
| ཉེ་བ་འཁོར |
ཉན་ཐོས་ཉེ་འཁོར་བཅུའི་ནང་གསེས། འདུལ་བ་འཛིན་པའི་མཆོག་ཏུ་གྱུར་པའོ། ། |
| ཉེ་བཟུང་མ |
(མངོན་བརྗོད།) བག་མའམ་ཁྱིམ་བདག་མོ། |
| ཉེ་བའི་ཀ་བའི་གྲོང |
སྔར་རྒྱ་གར་གྱི་གནས་སུམ་ཅུ་རྩ་གཉིས་ཀྱི་ཡ་གྱལ་ཞིག |
| ཉེ་བའི་གཞི་ཤེས |
ཤེར་ཕྱིན་དོན་བདུན་ཅུའི་ནང་གསེས། གཞི་ཤེས་གང་ཞིག་སྙིང་རྗེ་ཆེན་པོ་དང༌། སྟོང་ཉིད་མངོན་སུམ་དུ་རྟོགས་པའི་ཤེས་རབ་གང་རུང་གིས་ཟིན་པའི་མཁྱེན་པ་འབྲས་བུའི་ཤེར་ཕྱིན་བསྐྱེད་པའི་ཐབས་ལ་མཁས་པས་རིང་བ་མིན་པའོ། ། |
| ཉེ་བའི་ཉོན་མོངས་པ |
སེར་སྣ་ལ་སོགས་པ་སེམས་ཀུན་ནས་ཉོན་མོངས་པར་བྱེད་པ་རྩ་བའི་ཉོན་མོངས་པ་དང་ཉེ་བའི་ཉོན་མོངས་ཅན་གྱི་སེམས་བྱུང༌། |
| ཉེ་བའི་ཉོན་མོངས་པ་ཉི་ཤུ |
སེམས་བྱུང་ང་གཅིག་གི་ནང་ཚན། ཁྲོ་བ་དང༌། འཁོན་འཛིན་དང༌། འཆབ་པ་དང༌། འཚིག་པ། ཕྲག་དོག་སེར་སྣ། སྒྱུར། གཡོ། རྒྱགས་པ། རྣམ་པར་འཚེ་བ། ངོ་ཚ་མེད་པ། ཁྲེལ་མེད་པ། རྨུགས་པ་དང༌། རྒོད་པ་དང༌། མ་དད་པ། ལེ་ལོ། བག་མེད་པ། བརྗེད་ངས་པ། རྣམ་གཡེང༌། ཤེས་བཞིན་མ་ཡིན་པ་བཅས་ཉི་ཤུ། |
| ཉེ་བའི་དཔུང་པ |
(མངོན་བརྗོད།) གྲུ་མོ། |
| ཉེ་བའི་མ་མ |
(མངོན་བརྗོད།) མ་མའམ་བུ་རྫི། |
| ཉེ་བའི་མཚམས་མེད་ལྔ |
མཚམས་མེད་དང་ཆ་འདྲ་བའི་ལས་ཏེ། དགྲ་བཅོམ་མ་ལ་འདོད་ལོག་སྤྱོད་པ། བྱང་སེམས་ངེས་གནས་གསོད་པ། སློབ་པའི་དགེ་འདུན་གསོད་པ། དགེ་འདུན་གྱི་འདུ་སྒོ་འཕྲོག་པ། མཆོད་རྟེན་བཤིག་པ་སྟེ་ལྔ། |
| ཉེ་བའི་ཚལ |
ཉེ་འགྲམ་གྱི་སྐྱེད་ཚལ། |
| ཉེ་བའི་འཆི་ལྟས |
མགྱོགས་པོར་ཤི་བའི་རྟགས་མཚན། |
| ཉེ་བའི་འཇིག་ལྟས |
དུས་མི་རིང་བ་ཉེ་བར་འཆི་བའི་ལྟས་ཏེ། མིག་ལ་སོགས་པའི་དབང་པོ་ལྔ་འཕྲལ་དུ་འགག་པ་དང༌། ལུས་ཀྱི་རྣམ་པ་འགྱུར་བ། གྱེན་དུ་དབུགས་བརྩེག་པ་དང༌། ལུས་ཀྱི་དྲོད་ཡལ་བ་ལྟ་བུ། |
| ཉེ་བའི་རིན་ཆེན་བདུན |
ཁང་བཟང་རིན་པོ་ཆེ་དང༌། མལ་ཆ་རིན་པོ་ཆེ། ལྷམ་རིན་པོ་ཆེ། རལ་གྲི་རིན་པོ་ཆེ། གོས་རིན་པོ་ཆེ། པགས་པ་རིན་པོ་ཆེ། ཚལ་རིན་པོ་ཆེ་སྟེ་བདུན། |
| ཉེ་བའི་རྐྱེན |
མགྱོགས་པའི་མཐུན་གྲོགས། |
| ཉེ་བའི་རྒྱུ |
མགྱོགས་པོར་ཡོང་བའི་ས་བོན་ནམ་རྩ་བ། |
| ཉེ་བའི་ལྔ་སྡེ |
སངས་རྒྱས་ཤཱཀྱ་ཐུབ་པའི་ཉན་ཐོས་ལྔ་སྟེ། གྲགས་པ་དང༌། དྲི་མེད། གང་བོ། བ་ལང་བདག ལག་བཟང༌བཅས་སོ། ། |
| ཉེ་བའི་ལྡེ་མིག |
(མངོན་བརྗོད།) སུག་སྨེལ། |
| ཉེ་བའི་སྲས་ཆེན |
སངས་རྒྱས་ཤཱཀྱ་ཐུབ་པའི་ཐུགས་ཀྱི་སྲས། བྱང་ཆུབ་སེམས་དཔའི་འཁོར་གྱི་གཙོ་བོའོ། |
| ཉེ་བའི་སྲས་ཆེན་བརྒྱད |
འཇམ་དབྱངས་དང༌། ཕྱག་ན་རྡོ་རྗེ། སྤྱན་རས་གཟིགས། ས་ཡི་སྙིང་པོ། སྒྲིབ་པ་རྣམ་སེལ། ནམ་མཁའི་སྙིང་པོ། བྱམས་པ། ཀུན་ཏུ་བཟང་པོ་སྟེ་བརྒྱད། |
| ཉེ་བར |
(བསྣན་ཚིག) དངོས་གནས་དྲང་གནས་ཀྱི་དོན་ཏེ། (དཔེར་ན།) ཉེ་བར་མཁོ་བ། ཉེ་བར་གནས་པ་ཞེས་པ་ལྟ་བུ། |
| ཉེ་བར་གནས་པ |
1.ཉེ་འཁོར་དུ་སྡོད་པ། 2.དངོས་སུ་ཡོད་པའམ་མངོན་སུམ་དུ་གནས་པ། |
| ཉེ་བར་བྱེད་པ |
དགའ་བར་བྱེད་པའི་དོན་ཏེ། (དཔེར་ན།) ཕན་ཚུན་བསམ་པ་ཉེ་བར་བྱེད་ཅེས་པ་ལྟ་བུ། |
| ཉེ་བར་མཁོ་བ |
འཕྲལ་དུ་མཁོ་བའམ་ཤིན་ཏུ་མཁོ་བའི་དོན་ཏེ། (དཔེར་ན།) ཡི་གེ་འབྲི་བ་ལ་ཉེ་བར་མཁོ་བའི་སྣག་སྨྱུག་སོགས་ཚང་མ་གྲ་སྒྲིག་བྱས་ཡོད་ཅེས་པ་ལྟ་བུ། |
| ཉེ་བར་མཚན་པ |
ལེགས་པར་བརྒྱན་པའམ་སྤྲས་པའི་དོན་ཏེ། (དཔེར་ན།) ཟླ་བའི་དཀྱིལ་འཁོར་ལ་རི་བོང་གཟུགས་བརྙན་གྱིས་ཉེ་བར་མཚན་པ། ཚོགས་འདུ་འཚོག་ཡུལ་ཐང་ཆེན་གྱི་མཐའ་སྐོར་དུ་ཚོན་ཁྲ་ཅན་གྱི་དར་ཆ་མང་པོས་ཉེ་བར་མཚན་པ་ཞེས་པ་ལྟ་བུ། |
| ཉེ་བར་མཚོན་པ |
དཔེ་ལ་སྦྱོར་བའམ། དཔེར་ལེན་པའི་དོན་ཏེ། (དཔེར་ན།) སྟོང་གསལ་ནམ་མཁའི་མཚན་ཉིད་ཀྱིས་ཆོས་རྣམས་ཀྱི་ཆོས་ཉིད་ཉེ་བར་མཚོན་པ། འཇའ་ཚོན་དང་མེ་ཏོག་གི་དཔེས་མཛེས་སྡུག་གི་རྣམ་འགྱུར་ཉེ་བར་མཚོན་པ་ཞེས་པ་ལྟ་བུ། |
| ཉེ་བར་མྱུར་བ |
ཧ་ཅང་མགྱོགས་པ། |
| ཉེ་བར་ཞི་བ |
1.ལེགས་པར་ཞི་བའམ་བདེ་བ། 2.སྡོམ་བརྩོན། 3.མེ། 4.བཟོད་པ། |
| ཉེ་བར་ཞི་བའི་དགེ་བ |
ཉོན་མོངས་པ་སྤོང་བ་དང༌། འགོག་པའི་སྙོམས་འཇུག་དང༌། ལྷག་བཅས་ལྷག་མེད་ཀྱི་མྱང་འདས་དང༌། མི་གནས་པའི་མྱ་ངན་ལས་འདས་པ་རྣམས་སོ། ། |
| ཉེ་བར་ཞི་བའི་ལུང་མ་བསྟན |
གཟུགས་གཟུགས་མེད་ལ་སྤྱོད་པའི་ཉོན་མོངས་པ་རྣམས་ཏེ་ཞི་གནས་དང་ལྡན་པའི་ཕྱིར་འབྲས་བུ་མི་འབྱིན་པ། |
| ཉེ་བར་འཇོག་པ |
1.གུས་འདུད་བྱེད་པ། 2.ཐག་ཉེ་བར་འཇོག་པ། 3.སེམས་གནས་དགུའི་བཞི་པ་སེམས་རང་བཞིན་གྱིས་རྒྱ་ཆེ་བ་ལས་ཡང་ཡང་བསྡུས་ཏེ་ཕྲ་བར་བྱས་ནས་འཇོག་པ། |
| ཉེ་བར་འཕར་འགྲོ |
(མངོན་བརྗོད།) སྒྲ་གཅན། |
| ཉེ་བར་ལེན་པ |
ཉེར་ལེན་དང་དོན་གཅིག |
| ཉེ་བར་ལེན་པ་བཞི |
ཉེར་ལེན་བཞི་དང་དོན་གཅིག |
| ཉེ་བར་ལེན་པའི་ཕུང་པོ |
ཉེར་ལེན་གྱི་ཕུང་པོ་དང་དོན་གཅིག |
| ཉེ་བར་ལེན་པའི་ཕུང་པོ་ལྔ |
ཉེར་ལེན་གྱི་ཕུང་པོ་ལྔ་དང་དོན་གཅིག |
| ཉེ་བར་ལེན་པའི་ཕུང་པོ་ལྔའི་སྡུག་བསྔལ |
སྡུག་བསྔལ་བརྒྱད་ཀྱི་ནང་གསེས། ཉེར་ལེན་གྱི་ཕུང་པོ་ལ་བརྟེན་ནས་སྐྱེ་བ་ཕྱི་མ་ཕན་ཆད་ཀྱི་སྡུག་བསྔལ་རྣམས་འདྲེན་པ་དང༌། ད་ལྟ་ན་རྒ་སོགས་ཀྱི་རྟེན་དུ་གྱུར་པ་དང༌། སྡུག་བསྔལ་གསུམ་གྱི་སྣོད་དང་རང་བཞིན་དུ་གྱུར་པའོ། ། |
| ཉེ་བར་སྒྲུབ་པ |
ལག་ཏུ་ལེན་པ་སྟེ། (དཔེར་ན།) ཁ་བཤད་ཙམ་མ་ཡིན་པར་ལག་ཐོག་ནས་ཉེ་བར་སྒྲུབ་ཅེས་པ་ལྟ་བུ། |
| ཉེ་བར་སྤྱོད་པ |
ལོངས་སུ་སྤྱོད་པའི་དོན་ཏེ། (དཔེར་ན།) མི་ཚང་མས་རྒྱུན་དུ་ཟས་གོས་ལ་ཉེ་བར་སྤྱོད་དགོས་ལྟ་བུ། |
| ཉེ་བརྒྱུད་རིང་བརྒྱུད |
1.འབྲེལ་ཐག་ཉེ་རིང་གང་རུང་བརྒྱུད་པའི་དོན་ཏེ། (དཔེར་ན།) བསམ་དོན་འགྲུབ་ཆེད་དུ་ཉེ་བརྒྱུད་རིང་བརྒྱུད་ཀྱིས་ཐབས་ཤེས་བྱེད་དགོས་ལྟ་བུ། 2.ཕ་རྒྱུད་མ་རྒྱུད་ཀྱི་བརྒྱུད་པ་རིང་ཐུང༌། 3.ཆོས་ཀྱི་དབང་ལུང་མན་ངག་གི་བརྒྱུད་པ་རིང་ཐུང༌། |
| ཉེ་མགོན |
བརྩེ་སེམས་ཀྱིས་རོགས་རམ་བྱེད་པའི་དོན་ཏེ། (དཔེར་ན།) ཕྲུ་གུ་རྣམས་ལ་བསམ་བློ་དང་འཚོ་བ་སོགས་གང་ཅིའི་ཉེ་མགོན་བྱེད་ཅེས་པ་ལྟ་བུ། |
| ཉེ་མཐོང |
ཉེ་འབྲེལ་གྱི་བརྩི་མཐོང༌། |
| ཉེ་ཚན |
གཉེན་ཉེ་དུ། |
| ཉེ་ཚིག |
1.ཚིག་ཕྲད་ནང་གི་ཉེ་བར་བསྟན་པའི་ཚིག་སྟེ། (དཔེར་ན།) འདི་ཞེས་པ་ལྟ་བུ། འདི་ཞེས་ཉེ་ཚིག་སྨྲས་པ་ལྟ་བུ།2.གཅེས་པའི་ཚིག |
| ཉེ་ཞོ |
སྐྱོན་ཆའམ་བར་ཆད་ཀྱི་དོན་ཏེ། (དཔེར་ན།) ལམ་ཐག་རིང་པོར་བསྐྱོད་དེ་ཉེ་ཞོ་མེད་པར་སླེབས་པ། ཉེ་ཞོ་མེད་པར་ཅི་བདེར་གནས་ཞེས་པ་ལྟ་བུ། |
| ཉེ་ཞོས་དབེན |
1.ཉེས་སྐྱོན་མེད་པ། 2.(མངོན་བརྗོད།) སྐྱེ་བོ་ནད་མེད་གཅོང་མེད། |
| ཉེ་ཟུངས |
(བརྡ་རྙིང་།) འཁྲིག་པ། |
| ཉེ་འཁོན |
ཉེ་རིང་འགའ་ཞིག་ལ་གཉེན་ཉེ་བ་ལྟ་བ་དང་། འགའ་ཞིག་ལ་དགྲ་གཤེད་འཁོན་འཛིན་བྱེད་པའི་ཆགས་སྡང༌གི་བྱ་སྤྱོད། |
| ཉེ་འཁོར |
1.ཐག་ཉེ་བའི་ས་རྒྱུད་དེ། (དཔེར་ན།) གྲོང་ཁྱེར་གྱི་ཉེ་འཁོར་དུ་བཟོ་གྲྭ་མང་པོ་འདུག་ལྟ་བུ། 2.གཉེན་ཉེ་དང་འཁོར་གཡོག |
| ཉེ་འཁོར་བའི་དམྱལ་གནས |
དམྱལ་ཁམས་བཅོ་བརྒྱད་ཀྱི་ནང་གསེས་ཤིག་སྟེ་ཚ་དམྱལ་གྱི་ཕྱོགས་ཞི་རྣམས་སུ་ཡོད་པའི་དམྱལ་གནས་རྣམས་སོ། ། |
| ཉེ་འཁོར་ལྷག་པ་བཅུ་དྲུག |
དམྱལ་བ་མནར་མེད་ཀྱི་ཕྱོགས་བཞི་སོ་སོ་ན། མེ་མ་མུར་གྱི་འོབས། རོ་མྱགས་ཀྱི་འདམ། སྤུ་གྲིའི་ཐང༌། རལ་གྲིའི་ཚལ་བཅས་བཞི་བཞི་ཡོད་པས་བཅུ་དྲུག་གོ། ། |
| ཉེ་འགྲམ |
གཞོགས་སམ་འཁྲིས། |
| ཉེ་འདབས |
ཐག་ཉེ་བའི་ས་རྒྱུད་དེ། (དཔེར་ན།) གྲོང་གི་ཉེ་འདབས་སུ་ཤིང་སྣ་ཡོད་ཅེས་པ་ལྟ་བུ། |
| ཉེ་འབྱེད |
ཕྲ་མའམ་དབྱེན་བྱེད་པའི་དོན་ཏེ། (དཔེར་ན།) མཐུན་པོའི་བར་ལ་ཉེ་འབྱེད་བྱེད་ཅེས་པ་ལྟ་བུ། |
| ཉེ་འབྲེལ |
སྤུན་ནམ། གཉེན་ཉེ་རིགས། |
| ཉེ་འབྲེལ་འབྲལ་འདུམ་གྱི་ཞལ་ལྕེ |
ཞལ་ལྕེ་བཅུ་དྲུག་གི་ཡ་གྱལ་ཞིག་བཟའ་ཚང་ཡ་བྲལ་སོང་རིགས་ལ་འབྲལ་རྐྱེན་གྱི་རྩ་བ་ཞིབ་ཏུ་བཅད་དེ་འགལ་བ་སུས་བྱས་ལ་ཉེས་ཆད་འགེལ་ལུགས་ཀྱི་ཁྲིམས། |
| ཉེ་རིགས |
ཉེ་དུ་གཉེན་འབྲེལ་གྱི་ཕྱོགས་སམ་གྲས། |
| ཉེ་རིང |
1.ཡུལ་དུས་རིང་ཐུང༌། 2.བློ་ཕྱོགས་རིས་ཅན། 3.ཆགས་སྡང༌། |
| ཉེ་རིང་མེད་པ |
ཕན་ཚུན་སུ་ལའང་མི་ཕྱོགས་པའི་དོན་ཏེ། (དཔེར་ན།) གཏམ་བཤད་ན་ཉེ་རིང་མེད་པ་དགོས། ཟས་བགོས་ན་ཆེ་ཆུང་མེད་པ་དགོས། ཀུན་ལ་ཉེ་རིང་མེད་པར་སྐྱོང༌ཞེས་པ་ལྟ་བུ། |
| ཉེ་རུ་གཙང་པོ |
འབབ་ཆུ་ཞིག་བོད་ཀྱི་ཁང་དམར་རྫོང་དང་རྒྱལ་རྩེ་རྫོང་གི་ཁུལ་དུ་ཡོད། ཆུ་འགོ་ཧི་མ་ལ་ཡའི་རི་རྒྱུད་ཀྱི་བྱང་ངོས་ནས་བྱུང་ཞིང་མྱང་ཆུའི་ཡན་ལག་ཅིག་ཡིན། |
| ཉེ་རེ་རེ |
(རྒྱན་ཚིག) བཟོད་སྲན་ཆུང་བའམ་རང་ཚུགས་མི་ཐུབ་པའི་རྣམ་པ་སྟེ། (དཔེར་ན།) བྱིས་པའི་ལུས་ཉེ་རེ་རེ་བྱེད། ནད་པ་ཉམ་ཐག་ཉེ་རེ་རེ་བྱེད་ལྟ་བུ། |
| ཉེ་རེག |
(བརྡ་རྙིང་།) 1>ཁྲུས་ཀྱི་ཁྱད་པར། 2>འཁྲིག་པ། |
| ཉེ་རྒྱལ |
འཕགས་པ་ཤཱ་རིའི་བུ། |
| ཉེ་རྒྱུད |
1.གཉེན་ཉེ་བའི་རིགས་རྒྱུད་དེ། (དཔེར་ན།) ཕ་མེས་ཀྱི་ཉེ་རྒྱུད་དུ་བུ་དང་བུ་མོ་མང་པོ་བྱུང་ཡོད་ཅེས་པ་ལྟ་བུ། 2.ཐག་ཉེའི་ས་ཆ་སྟེ། (དཔེར་ན།) གྲོང་ཁྱེར་ཉེ་རྒྱུད་དུ་རྩྭ་ཐང་རྒྱ་ཆེན་པོ་ཡོད་ཅེས་པ་ལྟ་བུ། |
| ཉེ་ལམ |
1.ཉེ་ཆར་རམ་་ཡུན་རིང་མ་ལོན་པའི་དུས་སྐབས་ཏེ། (དཔེར་ན།) གྲོང་གསེབ་ཁུལ་དུ་ཉེ་ལམ་ལོ་ཏོག་ལ་སོས་སྐྱེད་ཡག་པོ་བྱུང་འདུག་ཅེས་པ་ལྟ་བུ། 2.མྱུར་པོར་སླེབས་པའི་འགྲོ་ལམ་གྱི་དོན་ཏེ། (དཔེར་ན།) ལམ་གཞུང་ལ་མ་ཕྱིན་པར་ཉེ་ལམ་ནས་ཕྱིན་ན་མགྱོགས་པོ་སླེབས་ཡོང༌ཞེས་པ་ལྟ་བུ། |
| ཉེ་ལོགས |
འགྲམ་མམ་འཁྲིས་ཀྱི་དོན་ཏེ། (དཔེར་ན།) རིའི་ཉེ་ལོགས་སུ་ཁང་པ་བརྒྱབ་ཅེས་པ་ལྟ་བུ། |
| ཉེ་ཤིང |
ཐང་སྨན་གྱི་རིགས་ཤིག་རོ་མངར་ལ་ཁ་བསྐ། ཞུ་རྗེས་དྲོད། ནུས་པས་ལུས་སྟོབས་གསོ། ཆུ་སེར་སྐེམ། ཚེ་བསྲིང༌། མེ་དྲོད་སྐྱེད། མིང་གི་རྣམ་གྲངས་ལ་ཉེ་ཤིང་ཚེར་མ་ཅན་དང༌། ཉེ་སུག་པ། ཉེའུ། དག་བྱེད། ནེལ་མ་ལྕགས་ཀྱུ། རྩ་བ་བརྒྱ་པ། རྩ་བ་ཆེན་པོ་བཅས་སོ། ། |
| ཉེ་ས |
ཐག་ཉེ་བའི་ས་ཆ། |
| ཉེ་སྐོར |
ཉེ་འཁྲིས་ཀྱི་དོན་ཏེ། (དཔེར་ན།) སྐྱེད་ཚལ་གྱི་ཉེ་སྐོར་དུ་ཆུ་ཡུར་བཟོས་ཞེས་པ་ལྟ་བུ། |
| ཉེ་སྐྱོར་ཕྱོགས་ལྷུང |
དགའ་འདྲིས་ཆེ་བའི་ཕྱོགས་བཟུང་བའི་དོན་ཏེ། (དཔེར་ན།) མི་དྲང་པོའི་ལས་ཀར་ཉེ་སྐྱོར་ཕྱོགས་ལྷུང་གི་སྐྱོན་ཆ་ཡོང་གི་མ་རེད་ཅེས་པ་ལྟ་བུ། |
| ཉེ་སྒྲིག |
གཉེན་སྡེབ་བྱེད་པ། |
| ཉེ་སྔོན |
རིང་མིན་གྱི་སྔོན་ནམ་དུས་ཡུན་ཉེ་ཙམ་གྱི་སྔ་རོལ། |
| ཉེ་སྙིང |
གཟུངས་སྔགས་ཀྱི་བྱེ་བྲག་ཅིག། |
| ཉེ་སྡེ |
ཉེ་བའི་དྲུག་སྡེ་སྟེ། སངས་རྒྱས་ཤཱཀྱ་ཐུབ་པའི་འཁོར་དྲུག་སྡེ་དང་འདྲ་བའི་ཉན་ཐོས་ཀྱི་སྡེ་ཞིག |
| ཉེ་སྤུན |
སྤུན་ཟླ་ཉེ་རིགས། |
| ཉེ་སྦས |
ཉེར་སྦས་དང་འདྲ། |
| ཉེ་སྲས |
1.ཉེ་བའི་སྲས་ཆེན་གྱི་བསྡུས་ཚིག 2.(མངོན་བརྗོད།) ཉེ་སྲས་འཇམ་དབྱངས་སོགས་བརྒྱད་ཡོད་པས་གྲངས་བརྒྱད་མཚོན། |
| ཉེ་སྲས་བརྒྱད |
ཉེ་བའི་སྲས་ཆེན་བརྒྱད་ཀྱི་བསྡུས་ཚིག |
| ཉེག |
སྲང་ཆའི་མིང་། |
| ཉེང |
ཆགས་པའི་ཉམས་འགྱུར་རམ་ཉམས་ཤིག་སྟེ། (དཔེར་ན།) ཕོ་བྲང་གི་སྒོར་ཉེང་བྱས་ནས། སྤྲུལ་བའི་ལྷ་ཕྲུག་བྱོན་ལགས་སམ་ཟེར་བ་ལྟ་བུ། |
| ཉེད |
(བྱེད་འབྲེལ་ལས་ཚིག) མཉེས་ཀྱི་ད་ལྟ་བ། ཀོ་བ་སོགས་དངོས་རྫས་གྱོང་བོ་མཉེན་མོ་འོང་ཆེད་ཕུར་ཕུར་བྱེད་པའི་དོན་ཏེ། (དཔེར་ན།) ཀོ་བ་ཉེད་མཁན། པགས་པ་ཉེད་ཀྱིན་འདུག་ལྟ་བུ། འདི་ལ་མཉེད་འབྲི་བའང་ཡོད། |
| ཉེད་ཉེད |
འཕུར་འཕུར་གཏོང་བའི་དོན་ཏེ། (དཔེར་ན།) གཟུགས་པོའི་ཟ་ཕྲུག་ཡོད་སར་ཉེད་ཉེད་བྱེད་ཅེས་པ་ལྟ་བུ། |
| ཉེད་པ |
(བྱེད་འབྲེལ་ལས་ཚིག) འཇམ་པོར་འཕུར་བའི་དོན་ཏེ། (དཔེར་ན།) རུས་ཚིགས་ན་སར་ལག་པས་དལ་གྱིས་ཉེད་ཅེས་པ་ལྟ་བུ། |
| ཉེན |
1.(བྱེད་མེད་ལས་ཚིག) སྡུག་བསྔལ་གྱི་གནས་སུ་བཅར་བའི་དོན་ཏེ། (དཔེར་ན།) གྲང་བས་ཉེན་པ། བཀྲེས་པས་ཉེན་པས་ཁ་ཟས་ཟ་བ་འདྲ་ཞེས་པ་ལྟ་བུ། 2.ཉེན་ཁ་ཡི་ཚིག་བསྡུས་པ། |
| ཉེན་ཀ |
1.རྡིབ་ཉེན་ཆེ་སར་བཙུགས་པའི་ཀ་བ། 2.ཉེན་ཁ་དང་འདྲ། |
| ཉེན་ཀོར |
ཉེ་འཁྲིས་ཀྱི་དོན་ཏེ། (དཔེར་ན།) ཁང་པའི་ཉེན་ཀོར་ལྟ་བུ། |
| ཉེན་ཁ |
གནོད་སྐྱོན་འབྱུང་བའི་གཞི་སྟེ། (དཔེར་ན།) ཁེ་དང་ཉེན་ཁ། ཉེན་ཁ་དགེ་འགྱུར། ཉེན་ཁ་ཚབས་ཆེན། ཉེན་ཁའི་སང་ལྟས། ཉེན་ཁར་མ་འཛེམས་པ། ཐབ་སྒོའི་མདུན་དུ་མེ་ཤིང་སྤུངས་ན་མེ་སྐྱོན་འཆོར་བའི་ཉེན་ཁ་ཆེན་པོ་འདུག ཁེ་ཆེ་བ་ལས་ཉེན་ཁ་ཆུང་བ་དགའ་ཞེས་པ་ལྟ་བུ། |
| ཉེན་དོགས |
ཉེན་ཁ་ཡོང་བའི་དོགས་པ། |
| ཉེན་དོགས་དམ་བསྒྲགས |
ཉེན་དོགས་སྲུང་སྡོམ་གྱི་དོ་དམ། |
| ཉེན་བུ་ཤེད |
(བརྡ་རྙིང་།) སྙེམས་བྱེད་པ། |
| ཉེན་ཟོན་སྐོར་གཡེང |
ཉེས་སྐྱོན་ཡོང་དོགས་ཀྱིས་ལྟ་སྐྱོར་ཞིབ་འཇུག |
| ཉེན་འགག |
ཉེན་ཁ་ཆེ་སའི་འགག་མདོ། |
| ཉེན་འགོག |
སྐྱོན་ཉེན་མ་བྱུང་གོང་ནས་འགོག་པ། |
| ཉེན་རྟོག་པ |
1.སོ་པ་ཕ་རོལ་གྱི་ཉེན་ཁ་ཡོད་མེད་ལྟ་མཁན།2.སྤྱི་དམངས་ཀྱི་བདེ་འཇགས་ཆེད་སྲུང་མཁན། |
| ཉེན་སྣར་སྐྱོད་པ |
ཉེན་ཁ་ཡོད་པའི་གདོང་དུ་འགྲོ་བ། |
| ཉེའུ |
1.ཉ་ཆུང༌། 2.(བརྡ་རྙིང་།) མི་ཉེས་ཅན། |
| ཉེའུ་གྱི |
(བརྡ་རྙིང་།) བཅུད་ཚོར། |
| ཉེའུ་ཆུང |
ཉ་ཆུང་ངུ། |
| ཉེའུ་འདོན་པ |
1.(བརྡ་རྙིང་།) མི་ཉེས་ཅན་གློད་པ། 2.ཆུར་གནས་ཀྱི་སྲོག་ཆགས་སྲོག་བླུ་གཏོང་བ། |
| ཉེར |
1.གྲངས་ཉི་ཤུའི་མཚོན་བྱེད་དེ། (དཔེར་ན།) ཉེར་གཅིག ཉེར་གཉིས ཉེར་དགུ་ལྟ་བུ། 2.ཉེ་བར་ཞེས་པའི་ཚིག་བསྡུས་པ་སྟེ། (དཔེར་ན།) ཉེ་བར་མཁོ་བ་ལ། ཉེར་མཁོ་དང་། ཉེ་བར་སྤྱད་བྱ་ལ། ཉེར་སྤྱད་ཅེས་པ་ལྟ་བུ། |
| ཉེར་གནས |
(མངོན་བརྗོད།) མོ་མཚན། |
| ཉེར་ཉེར |
(རྒྱན་ཚིག) གཉེར་གཉེར་ཏེ་ཁྲོ་ཉམས་མངོན་སྐབས་སོགས་ཀྱི་ཉམས་འགྱུར་ཞིག། (དཔེར་ན།) སྟག་གིས་ཁ་ཉེར་ཉེར་བྱས་ནས་ངར་སྒྲ་འབྱིན་ལྟ་བུ། |
| ཉེར་ཐོབ |
ཐིམ་རིམ་འཆར་སྐབས་སུ་སྲོད་ཀྱི་སྨག་རུམ་འཐུག་པོས་ཁྱབ་པ་ལྟ་བུ་ལས་གཞན་གང་ཡང་མི་འཆར་བའི་ཡིད་ཤེས་ཕྲ་མོ། |
| ཉེར་བསྡོགས |
1.སྟ་གོན་ནམ་གྲ་སྒྲིག་གི་དོན་ཏེ། (དཔེར་ན།) བྱ་བའི་དངོས་གཞི་འཇུག་པའི་གྲ་སྒྲིག་གི་དོན་ཏེ། ལམ་དུ་འགྲོ་བའི་ཉེར་བསྡོགས་རྩོམ་དགོས་ལྟ་བུ།2.བསམ་གཏན་དང་གཟུགས་མེད་ཀྱི་དངོས་གཞིའི་ཏིང་ངེ་འཛིན་མ་ཐོབ་གོང་གི་ས་རང་རང་གི་དངོས་གཞིའི་ཏིང་ངེ་འཛིན་འཐོབ་བྱེད་ཀྱི་ཐབས་སམ་སྟ་གོན་དུ་གྱུར་པའི་ཏིང་ངེ་འཛིན་ཏེ། དབྱེ་ན་བསམ་གཟུགས་བརྒྱད་ཀྱི་ཉེར་བསྡོགས་བརྒྱད་ཡོད། |
| ཉེར་བསྡོགས་མི་ལྕོགས་མེད |
བསམ་གཏན་དང་པོའི་ཉེར་བསྡོགས་ཀྱི་མིང་བསམ་གཏན་གྱི་དངོས་གཞིའི་ཏིང་ངེ་འཛིན་མ་ཐོབ་ཀྱང༌། བསམ་གཏན་དང་པོའི་ཉེར་བསྡོགས་ལ་བརྟེན་ནས་འདོད་ཉོན་སྤོང་བ་ལྕོགས་པའམ་འདོད་ཉོན་སྤང་ཐུབ་པས་ན་ཉེར་བསྡོགས་མི་ལྕོགས་མེད་ཅེས་བརྗོད། |
| ཉེར་མཁོ |
ཉེ་བར་མཁོ་བའི་བསྡུས་ཚིག |
| ཉེར་ཞི |
ཉེ་བར་ཞི་བའི་བསྡུས་ཚིག |
| ཉེར་འབྲས |
ཉེར་ལེན་གྱི་རྒྱུའི་འབྲས་བུ། |
| ཉེར་འཚེ |
1.གནོད་པའི་དོན་ཏེ། (དཔེར་ན།) གནམ་གྱི་ཉེར་འཚེ། ཕྱི་ནང་གི་ཉེར་འཚེས་མི་གཡོ་བ་ལྟ་བུ། 2.(མངོན་བརྗོད།) ཟླ་བ་གཟས་བཟུང་བ། |
| ཉེར་འཛིན |
(མངོན་བརྗོད།) བྱ་མཆུ། |
| ཉེར་ལེན |
ཉེ་བར་ལེན་པའི་རྒྱུའི་མིང་སྟེ། (དཔེར་ན།) གྲོ་ནས་ལྟ་བུར་མཚོན་ན་ས་བོན་ནི་དེ་དག་གི་ཉེར་ལེན་གྱི་རྒྱུ་ཡིན་ཞིང་། ས་ཆུ་ལུད་དྲོད་སོགས་གི་ལྷན་གཅིག་བྱེད་རྐྱེན་གྱི་རྒྱུ་ཡིན་གྱི་ཉེར་ལེན་གྱི་རྒྱུ་མིན་པ་ལྟ་བུ་རེད། |
| ཉེར་ལེན་གཉིས |
ཉེར་ལེན་གྱི་རྒྱུ་ལ་དབྱེ་ན། དངོས་ཀྱི་ཉེར་ལེན་དང༌། བརྒྱུད་པའི་ཉེར་ལེན་གཉིས་སོ། ། |
| ཉེར་ལེན་གྱི་ཕུང་པོ |
ལས་ཉོན་སྔ་མའི་ཉེར་ལེན་ལས་སྐྱེས་པ་དང༌། ལས་ཉོན་ཕྱི་མའི་ཉེར་ལེན་དུ་འགྲོ་བའི་ཟག་བཅས་ཀྱི་ཕུང་པོ། |
| ཉེར་ལེན་གྱི་ཕུང་པོ་ལྔ |
གཟུགས་ཀྱི་ཕུང་པོ་དང༌། ཚོར་བའི་ཕུང་པོ། འདུ་ཤེས་ཀྱི་ཕུང་པོ། འདུ་བྱེད་ཀྱི་ཕུང་པོ། རྣམ་ཤེས་ཀྱི་ཕུང་པོ་སྟེ་ལྔའོ། ། |
| ཉེར་ལེན་གྱི་རྒྱུ |
རྒྱུའི་བྱེ་བྲག་ཅིག་ས་བོན་ལས་མྱུ་གུ་སྐྱེ་བ་ལྟ་བུ། རང་འབྲས་རང་གི་རྫས་རྒྱུན་དུ་གཙོ་བོར་སྐྱེད་བྱེད་དོ། ། |
| ཉེར་ལེན་བཞི |
འདོད་པ་ཉེ་བར་ལེན་པ་དང༌། ལྟ་བ་ཉེ་བར་ལེན་པ། ཚུལ་ཁྲིམས་བརྟུལ་ཞུགས་ཉེ་བར་ལེན་པ། བདག་ཏུ་སྨྲ་བ་ཉེ་བར་ལེན་པ་བཅས་བཞི། |
| ཉེར་སྒྱུར |
(མངོན་བརྗོད།) ཟླ་བ་གཟས་བཟུང་བ། |
| ཉེར་སྤྱད |
འཕྲལ་དུ་དགོས་པའི་མཁོ་སྤྱད། |
| ཉེར་སྤྱོད |
1.ཉེ་བར་ལོངས་སུ་སྤྱད་བྱའི་འདོད་ཡིན་དངོས་རྫས། 2.(མངོན་བརྗོད།) མེ་ཏོག་སོགས་མཆོད་པའི་ཉེར་སྤྱོད་ལྔ་བགྲང་བའི་ལུགས་སྲོལ་ཡོད་པས་གྲངས་ལྔ་མཚོན། |
| ཉེར་སྤྱོད་ལྔ |
མཆོད་པའི་དངོས་པོ་མེ་ཏོག་དང༌། བདུག་སྤོས། མར་མེ། དྲི་ཆབ། ཞལ་ཟས་བཅས་ལྔའོ། ། |
| ཉེར་སྦས |
གཏད་རབས་བདུན་གྱི་བཞི་པ་ཉན་ཐོས་དགྲ་བཅོམ་པ་ཞིག |
| ཉེལ་བ |
(བརྡ་རྙིང་།) ངལ་བ། |
| ཉེས |
1.(རྒྱན་ཚིག) མི་ལེགས་པའི་དོན་ཏེ། (དཔེར་ན།) རྨོངས་པའི་གཏམ་ལ་ཉེས་པ་མང་ཞེས་པ་ལྟ་བུ། 2.(བྱེད་འབྲེལ་ལས་ཚིག) གནོད་པ་སོགས་བྱེད་པ་སྟེ། (དཔེར་ན།) ངས་ཁྱོད་ལ་མི་ལེགས་པ་ཅི་ཡང་མ་བྱས་ཞེས་པ་ལ། ངས་ཁྱོད་ལ་ཅི་ཡང་མ་ཉེས་ལྟ་བུ། 3.ཉེས་པ་སྟེ། ཁྲིམས་དང་འགལ་བའི་བྱ་སྤྱོད་ཀྱི་མིང་། (དཔེར་ན།) ཉེས་ཆད། ཉེས་སྤྱོད། མི་ཉེས་ཅན། ཉེས་པ་ཅན། ནག་ཉེས། མི་བསད་པའི་ཉེས་ཅན་ཁྲིམས་ལ་སྦྱར་ལྟ་བུ། |
| ཉེས་ཁག |
ལེ་ཁག་ཡོད་པའི་ཉེན་སྐྱོན་གྱི་དོན་ཏེ། (དཔེར་ན།) མི་འདི་ལ་ཉེས་ཁག་ཅི་ཡང་མེད་ཅེས་པ་ལྟ་བུ། |
| ཉེས་ཁྲིམས |
ཉེས་ཅན་ལ་གཅོད་པའི་ཁྲིམས་ཏེ། (དཔེར་ན།) ལག་དམར་ལ་ཉེས་ཁྲིམས་བཏང་ལྟ་བུ། |
| ཉེས་གསུམ་འཇོམས་པ |
(མངོན་བརྗོད།) 1>དགྲ་བཅོམ་པ། 2>སངས་རྒྱས། |
| ཉེས་ཅན |
སྐྱོན་ཅན་ནམ་ནག་ཅན་གྱི་དོན་ཏེ། (དཔེར་ན།) ཉེས་ཅན་གཏེ་པོ། ཉེས་ཅན་ལག་ཟིན་ཞེས་པ་ལྟ་བུ། |
| ཉེས་ཆ |
ཉེས་པའི་གྲས། |
| ཉེས་ཆད |
ཉེས་པའི་ཆད་པ་སྟེ། (དཔེར་ན།) ཉེས་ཆད་རྩ་ཡང་དུ་གཏོང་བ། ཉེས་ཆད་གཅོད་པ། ཉེས་ཆད་བཀལ་བ། ཉེས་ཆད་འཇལ་བ། ཉེས་ཆད་དྲག་པོ། ཉེས་ཆད་དངུལ་འབབ། ཉེས་ཆད་དུས་ཐིམ་ལྟ་བུ། |
| ཉེས་དངུལ |
ཁྲིམས་ཆད་ཉེས་དངུལ། |
| ཉེས་དམིགས |
ཕན་ཡོན་དང་ཡོན་ཏན་གྱི་ལྡོག་ཕྱོགས་ཏེ། (དཔེར་ན།) སྡིག་པའི་ཉེས་དམིགས་ཕན་ཡོན་དུ་ལྟ་བ་དང༌། དགེ་བའི་ཕན་ཡོན་ཉེས་དམིགས་སུ་ལྟ་བའི་བསམ་མནོ་ཕྱིན་ཅི་ལོག་པ་མ་གཏོང༌ལྟ་བུ། |
| ཉེས་དམིགས་དཔེ་ལྔ |
འདོད་ཡོན་གྱི་ཉེས་དམིགས་ཀྱི་དཔེ་ལྔ་སྟེ་རལ་གྲི་དང༌། མདུང་ཐུང༌། སྤུ་གྲིའི་ཁའི་སྦྲང་རྩི། སྦྲུལ་གདུག་མེ་མུར་ལྟ་བུ། |
| ཉེས་དུས |
ཉེས་ཆད་བཏང་བའི་དུས་ཀྱི་ཡུན་ཚད་ཏེ། (དཔེར་ན།) ཉེས་དུས་ཕྱི་འགྱངས། ཉེས་དུས་གཙང་ནས་བཙོན་ནས་གློད་ཅེས་པ་ལྟ་བུ། |
| ཉེས་པ |
1.(བྱེད་མེད་ལས་ཚིག) ནོར་བའམ་འཛོལ་བའི་དོན་ཏེ། (དཔེར་ན།) ལས་ཀ་དེར་འཆར་གཞི་ཡང་དག་པ་ཞིག་མ་བཏིང་བས་ཉེས་སོང༌། དོགས་གནས་གང་ཤར་བ་རྣམས་དྲིས་པས་ཅི་ཉེས་ལྟ་བུ། 2.སྤྱོད་ངན་བྱས་པའི་འབྲས་བུའམ་བྱེས་རྗེས་ངན་པའི་དོན་ཏེ། (དཔེར་ན།) ཉེས་པ་ངོས་ལེན། ཉེས་པ་བརྗོད་པ། ཉེས་པ་གཏོང་བ། ཉེས་པ་ཕོག་པ། རང་གི་ཉེས་པ་རང་གིས་བཅོས། ལུས་ངག་གི་ཉེས་པ། སོ་སོའི་ཉེས་པར་གཞིགས་ནས་ཁྲིམས་ཆད་གཏོང་ལྟ་བུ། མིང་གི་རྣམ་གྲངས་ལ་སྐྱོན་ཅན་དང༌། ཁྲིམས་གཅོད་ཡུལ། ངེས་གཟུང༌། མཐོང་བ་མེད། སྡོམ་འཆིང༌། ནོངས་པ་བཅས་སོ། །3.སྐྱོན་དང༌། མི་ལེགས་པའི་ཆ་སྟེ། (དཔེར་ན།) ལོ་ཉེས། ཆུ་ཉེས། ངོ་གདོང་ཉེས་པ་ལྟ་བུ། 4.(མངོན་བརྗོད།) མིའི་ལུས་པོར་མི་སྡུག་པ་དང༌། སྐྲ་བྱི་བ། དཔྲལ་བ་ཆུང་བ་སོགས་ཉེས་པའམ་སྐྱོན་བཅོ་བརྒྱད་ཡོད་པས་གྲངས་བཅོ་བརྒྱད་མཚོན། |
| ཉེས་པ་གསུམ |
1.རྣམ་པར་མ་གྱུར་པའི་སྐབས་ལུས་གསོ་བསྐྱེད་ཀྱི་བྱ་བ་བྱེད་ཅིང༌། རྣམ་པར་གྱུར་ན་ལུས་ལ་གནོད་ཅིང་སུན་འབྱིན་པའི་ཟུག་རྔུའི་ཉེས་པ་གཏོང་བའི་རྒྱུ་བྱེད་པ་རླུང་མཁྲིས་བད་ཀན་གསུམ་ལ་ཟེར། 2.རྒྱུད་ལ་ཡོད་པའི་འདོད་ཆགས་ཞེ་སྡང་གཏི་མུག་གི་ཉེས་པ་དུག་གི་རྩ་བ་གསུམ། |
| ཉེས་པ་བབ་ལྕི |
ཉེས་པ་དྲག་པོ། |
| ཉེས་པ་བཤགས་པ |
རང་ནོངས་འགྱོད་སྡོམ་བྱས་པ། |
| ཉེས་པ་རྔམས་པོ་ཆེ |
1.སྡིག་སྤྱོད་ཚབས་ཆེན་པོ། 2.ཁྲིམས་ཆད་འཇིགས་སྐྲག་ཆེན་པོ། |
| ཉེས་པ་ཤེས |
1.སྐྱོན་ངོས་ཟིན་པ། 2.(མངོན་བརྗོད།) མཁས་པ། |
| ཉེས་པ་སྙོམས་པ |
བདེ་བར་གནས་པ། |
| ཉེས་པ་སྦོམ་པོ |
ཉེས་སྐྱོན་ཆེན་པོ། |
| ཉེས་པ་སླད་འདོམས |
སླད་དེ་ལྟར་མི་ཡོང་བའི་ཆེད་དུ་ཉེས་ཆད་ནན་པོ་གཏོང་བ། |
| ཉེས་པའི་སྡེ་ལྔ |
ལྟུང་བ་ཉེས་བྱས་ཀྱི་སྡེ་ཚན་ལྔ་དགེ་སློང་གི་ཁྲིམས་ལས་འགལ་བའི་ཉེས་ལྟུང་ཕམ་པ་དང༌། ལྷག་མ། སྤང་ལྟུང༌། ལྟུང་བྱེད། ཉེས་བྱས་བཅས་ཀྱི་སྡེ་ཚན་ལྔ། |
| ཉེས་བཤད |
སྐད་ཆ་སྐྱོན་ཅན་གྱི་དོནཏེ། (དཔེར་ན།) ལེགས་བཤད་དང་ཉེས་བཤད་འབྱེད་དགོས་ལྟ་བུ། |
| ཉེས་བྱས |
ལྟུང་བ་སྡེ་ལྔའི་ཡ་གྱལ་ཞིག་ཉེས་བྱས་ལས་ཀྱི་རྣམ་སྨིན་མངོན་སུམ་མཐོང༌ལྟ་བུ། |
| ཉེས་བྱས་ཀྱི་སྡེ |
དགེ་སློང་གི་སྤང་བྱ་ལྟུང་བ་སྡེ་ལྔའི་ནང་གསེས། ཉེས་པ་ཕྲ་མོའི་རྣག་བཞིན་ཡིན་པས་ཉེས་བྱས་ཞེས་བྱ་གྲངས་ནི་བརྒྱ་དང་བཅུ་གཉིས་ཞེས་མདོའི་སྡོམ་གྱིས་བསྡུས་པ། |
| ཉེས་བྱས་བརྒྱ་དང་བཅུ་གཉིས |
ལྟུང་བ་སྡེ་ལྔའི་ནང་གསེས། ཉེས་བྱས་ཀྱི་སྡེ་ཚན་ལ། གོས་བགོ་བའི་ཚུལ་བཅུ་དང༌། འགྲོ་བའི་ཚུལ་ཉི་ཤུ། འདུག་པའི་ཚུལ་དགུ། ཟས་ལེན་ཚུལ་བརྒྱད། ཁ་ཟས་སྤྱོད་ཚུལ་ཉེར་གཅིག་ལྷུང་བཟེད་སྤྱོད་ཚུལ་བཅུ་བཞི། ཆོས་སྟོན་ཚུལ་ཉེར་དྲུག་སྒྲུབ་པའི་ཚུལ་གསུམ། རྒྱུ་བ་གཅིག་སྟེ་སྡེ་ཚན་དགུ་དང་བྱེ་བྲག་བརྒྱ་དང་བཅུ་གཉིས་ཡོད། |
| ཉེས་མེད |
སྐྱོན་མེད་པའི་དོན་ཏེ། (དཔེར་ན།) བདེན་པ་བདེན་ཐོག་ཏུ་འཁྱོལ་ཞིང༌། ཉེས་མེད་གཙང་སར་ཐོན་ཞེས་པ་ལྟ་བུ། |
| ཉེས་ཚབས་ཆེ་ཆུང |
ནག་ཉེས་ཆེ་ཆུང༌། |
| ཉེས་འགེལ |
ཁྲིམས་ཀྱི་ཉེས་ཆད་འགེལ་བ་སྟེ། (དཔེར་ན།) ནག་མེད་ཉེས་འགེལ་ཞེས་པ་ལྟ་བུ། |
| ཉེས་འགོག་ལེགས་སྤེལ |
ཉེས་པ་ཐམས་ཅད་འགོག་པ་དང༌། ལེགས་པ་ཐམས་ཅད་སྤེལ་བ། |
| ཉེས་ར་དངོས་འཕྲོད |
ཁྲིམས་འགལ་བྱས་པ་གསལ་པོར་ར་འཕྲོད་པ། |
| ཉེས་ར་འཕྲོད་དངོས |
ཁྲིམས་འགལ་བྱས་པའི་ཁུངས་སྐྱེལ་དངོས་རིགས། |
| ཉེས་རྡུང |
རྡུང་རྡེག་གི་དོན་ཏེ། (དཔེར་ན།) ཕྲུ་གུ་འཚུབ་པོ་ལ་ཡང་ཉེས་རྡུང་མ་གཏོང༌ལྟ་བུ། |
| ཉེས་རྩད་ཆོད་པ |
ཉེས་ཅན་གར་ཡོད་ཀྱི་ཁུངས་རྩད་རྙེད་པ། |
| ཉེས་ལས |
སྡིག་པ་མི་དགེ་བའི་ལས། |
| ཉེས་ལྟུང |
སྡོམ་པ་ཉམས་པའི་ཉེས་པ། |
| ཉེས་ལྟུང་བཤགས་སྡོམ |
སྔར་བསགས་པའི་ཉེས་ལྟུང་རྣམས་བཤགས་པ་དང༌། ཕྱིན་ཆད་དེ་ལྟར་མི་བྱེད་པའི་སྡོམ་སེམས། |
| ཉེས་སྐྱོན |
ཉེས་པ་དང་སྐྱོན་ཆ་སྟེ། (དཔེར་ན།) ཉེས་སྐྱོན་ཁ་འཕངས། ཉེས་སྐྱོན་འགེབས་སྐྱོབ། ཉེས་སྐྱོན་ཚབས་ཆེན་ཞེས་པ་ལྟ་བུ། |
| ཉེས་སྤྱད |
དམ་པ་རྣམས་ཀྱིས་སྨད་ཅིང་འབྲས་བུ་ཡིད་དུ་མི་འོང་བ་སྐྱེད་པའི་མི་དགེ་བའི་ལས་སམ་བྱ་བའི་མིང་། (དཔེར་ན།) ཉེས་སྤྱད་ཤེས་ནས་སླར་ཡང་སྤྱོད་ན་སྨྱོན་པ་ཡིན་ལྟ་བུ། |
| ཉེས་སྤྱོད |
བྱ་བ་ངན་པ། |
| ཉེས་སྤྱོད་ར་སྤྲོད |
སྤྱོད་ངན་གདོང་གཏུགས་ནས་བགྲང་བ། |
| ཉེས་སྤྱོད་སྡོམ་པའི་ཚུལ་ཁྲིམས |
མི་དགེ་བ་བཅུ་པོ་ཐམས་ཅད་དུག་བཞིན་དུ་སྤོང་བའི་སོ་ཐར་རིས་བདུན་གྱི་ཁྲིམས་ཏེ། དགེ་སློང་ཕ་མ་དང༌། དགེ་ཚུལ་ཕ་མ། དགེ་བསྙེན་ཕ་མ། དགེ་སློབ་མ་བཅས་ཀྱི་བསླབ་གཞི་འདི་ནི་ཚུལ་ཁྲིམས་གསུམ་གྱི་ཡ་གྱལ་ཞིག |
| ཉོ |
(བྱེད་འབྲེལ་ལས་ཚིག) ཉོས་པའི་མ་འོངས་པ་དང་ད་ལྟ་བ། དོང་ཙེ་བྱིན་ནས་དངོས་རྫས་ལ་བརྗེས་པའི་དོན་ཏེ། (དཔེར་ན།) རས་ཉོ་དགོས། ཇ་ཉོ་བཞིན་ཡོད། རྟ་ཉོ་མཁན་ཞེས་པ་ལྟ་བུ། |
| ཉོ་ཆ |
ཉོ་རྒྱུའི་དངོས་ཟོག་གི་དོན་ཏེ། (དཔེར་ན།) ཉོ་ཆ་རྒྱག་པ། ཉོ་ཆ་དཀོན་པོ། ཉོ་ཆ་འབེལ་པོ། དེ་རིང་ང་ཁྲོམ་དུ་ཕྱིན་ནས་ཉོ་ཆ་བརྒྱབ་པ་ཡིན་ལྟ་བུ། |
| ཉོ་ཆས |
ཉོ་རྒྱུའི་དངོས་ཟོག |
| ཉོ་ཐོ |
ཚོང་ཟོག་ཉོ་རྒྱུའི་བརྗེད་ཐོ། |
| ཉོ་བ |
(བྱེད་འབྲེལ་ལས་ཚིག) ཉོས་པའི་ད་ལྟ་བའི་བྱ་མིང་། |
| ཉོ་ཚོང |
དངོས་རྫས་བརྗེ་རེས་བྱེད་པའི་བྱ་བ་སྟེ། (དཔེར་ན།) ཉོ་ཚོང་གི་ལས་རིགས། ཉོ་ཚོང་གི་ལས་ཁུངས། ཉོ་ཚོང་མཐུན་ཚོགས་ཞེས་པ་ལྟ་བུ། |
| ཉོ་ཚོང་དྲང་གཞག |
ལུགས་མཐུན་གྱི་ཉོ་ཚོང༌། |
| ཉོ་ཚོང་བར་མི |
ཉོ་ཚོང་བྱེད་སྐབས་ཀྱི་དཔང་མི། |
| ཉོ་ཚོང་བྱེད་པའི་སྤང་བ |
སྤང་ལྟུང་སུམ་ཅུའི་ནང་གསེས། རིན་པོ་ཆེ་མ་ཡིན་པའི་དངོས་པོ་འབྲུ་སོགས་གཞན་ཁེ་སྤོགས་བྱེད་པའོ། ། |
| ཉོ་ཚོང་འགོ་སྙོམས |
ཉོ་ཚོང་མགོ་ཐུག |
| ཉོ་རོགས |
མཁོ་དངོས་ཉོ་སྒྲུབ་བྱེད་གྲོགས། |
| ཉོ་སྒྲུབ |
ཉོ་བའམ་ཉོ་ཐབས་བྱེད་པ། |
| ཉོག |
1.(རྒྱན་ཚིག) 1>འཁྲུག་པ་དང་མི་གསལ་བའི་དོན་ཏེ། (དཔེར་ན།) ཁམས་ཉོག ཚིག་ཉོག ཆུ་ཉོག་པ། ཤེས་པ་ཉོག་པ མགོ་ཉོག་པ་ཞེས་པ་ལྟ་བུ། 2>ལོ་ཚད་དང་ཆེ་ཆུང་སོགས་ཆ་སྙོམས་པོ་མིན་པའི་དོན་ཏེ། (དཔེར་ན།) བཟའ་ཉོག བཟའ་ཚང་ཉག་ཉོག་ཅེས་པ་ལྟ་བུ། 2.(བྱེད་མེད་ལས་ཚིག) གོ་རིམ་འཆོལ་བའི་དོན་ཏེ། (དཔེར་ན།) གོ་རིམ་ཉོག་སོང་། སྒྲིག་ལམ་ཉོག་སོང་ལྟ་བུ། 3.ཆུ་ཁོལ་དུ་འབྲུ་རིགས་ཀྱི་ཕྱེ་བཏབ་རྗེས་དཀྲུགས་ནས་བཅོས་པའི་ཟས་ཤིག་གི་མིང་སྟེ། (དཔེར་ན།) སྲན་ཉོག མར་ཉོག འོ་ཉོག་ཅེས་པ་ལྟ་བུ། |
| ཉོག་པོ |
(ཡུལ་སྐད།) མི་དྭངས་པ་དང༌། རིག་པ་མི་གསལ་བའི་དོན་ཏེ། (དཔེར་ན།) ཆུ་ཉོག་པོ་འདུག དེ་རིང་ངའི་རིག་པ་ཉོག་པོ་འདུག་ལྟ་བུ། |
| ཉོག་བྱིང |
བློ་རིག་ཉོབ་པོའི་དོན་ཏེ། (དཔེར་ན།) མདང་དགོང་གཉིད་མ་ཁུག་པས་དེ་རིང་ཤེས་པ་ཉོག་བྱིང་ཞིག་འདུག་ཅེས་ལྟ་བུ། |
| ཉོག་རྫོབ |
འདྲེས་འཁྲུགས་ཀྱི་རྙོག་རྫོབ་སྟེ། (དཔེར་ན།) དཀའ་ངལ་ཉོག་རྫོབ་ཆེ་བའི་ལས་དོན་ཞེས་པ་ལྟ་བུ། |
| ཉོག་སེ་བ |
གྲུང་པོ་མེད་པའམ་དྭངས་པོ་མེད་པའི་དོན་ཏེ། (དཔེར་ན།) གཏམ་ཉོག་སེ་བ་བཤད་ན་གོ་དཀའ། ཆུ་ཉོག་སེ་བ་དེ་འཐུང་མི་ཉན་ཞེས་པ་ལྟ་བུ། |
| ཉོད་པ |
ཟས་ཀྱི་བརྡ་རྙིང་། |
| ཉོད་རོད |
(བརྡ་རྙིང་།) ལྟོ་གོས། |
| ཉོན |
ཉན་པའི་སྐུལ་ཚིག་སྟེ། (དཔེར་ན།) གླུ་ལ་ཉོན་དང་། ཀུན་ཁྱབ་རླུང་འཕྲིན་ལ་ཉོན་ཅིག་ལྟ་བུ། |
| ཉོན་མོངས |
ལུས་སེམས་གདུང་བའི་དཀའ་ལས་སམ་ངལ་དུབ་དང༌། མི་དགེ་བའི་ལས་བསྐུལ་བས་རང་རྒྱུད་རབ་ཏུ་མ་ཞི་བར་བྱེད་པའི་སེམས་བྱུང༌། |
| ཉོན་མོངས་ཀྱི་བག་ཆགས |
ཉོན་མོངས་ཀྱི་ས་བོན། |
| ཉོན་མོངས་ཀྱི་རྒྱུ་དྲུག |
ཉོན་མོངས་སྐྱེ་བའི་རྒྱུ་དྲུག་རྟེན་དང་དམིགས་པ། འདུ་འཛི། བཤད་པ། གོམས་པ། ཡིད་ལ་བྱེད་པ། |
| ཉོན་མོངས་གཉིས |
ཀུན་བཏགས་ཀྱི་ཉོན་མོངས་དང༌། ལྷན་སྐྱེས་ཀྱི་ཉོན་མོངས་གཉིས་སོ། ། |
| ཉོན་མོངས་ཅན |
1.སྡུག་བསྔལ་ཅན། 2.ཉོན་མོངས་པའི་སེམས་དང་ལྡན་པའམ་གཏི་མུག་ཅན། |
| ཉོན་མོངས་ཅན་གྱི་ཐེ་ཚོམ |
སོ་སྐྱེའི་རྒྱུད་ཀྱིས་བསྡུས་པའི་ཐེ་ཚོམ་གྱི་ཤེས་པའོ། ། |
| ཉོན་མོངས་ཅན་གྱི་རེག་པ་གསུམ |
མ་རིག་པའི་རེག་པ་དང༌། གནོད་སེམས་ཀྱི་རེག་པ། རྗེས་སུ་ཆགས་པའི་རེག་པ། |
| ཉོན་མོངས་ཆུང་ངུའི་ས་མང |
ས་མང་ལྔའི་ནང་ཚན་ཞིག་སྟེ་མཚུངས་ལྡན་གྲོགས་ཀྱི་སྒོ་ནས་ཆུང༌། སྤང་བྱའི་སྒོ་ནས་ཆུང༌། རྟེན་རྣམ་ཤེས་ཀྱིས་ཆུང་ངུར་བཞག་པ་བཅས། |
| ཉོན་མོངས་ཆུང་ངུའི་ས་མང་བཅུ |
ས་མང་ལྔའི་ནང་ཚན་ཞིག་སྟེ་ཁྲོ་བ་དང༌། འཁོན་འཛིན། གཡོ། སྒྱུ། ཕྲག་དོག་འཚིག་འཆབ་པ། སེར་སྣ། རྒྱགས་པ། རྣམ་པར་འཚེ་བ་བཅས་བཅུའོ། ། |
| ཉོན་མོངས་ཆེན་པོའི་ས་མང་དྲུག |
མ་དད་པ་དང༌། ལེ་ལོ། རྨོངས་པ། རྨུགས་པ། རྒོད་པ། བག་མེད་བཅས་དྲུག་གོ། ། |
| ཉོན་མོངས་ཐུལ |
(མངོན་བརྗོད།) དྲང་སྲོང༌། |
| ཉོན་མོངས་པ |
(བྱེད་མེད་ལས་ཚིག) ལུས་སེམས་མ་ཞི་བའམ་གདུང་བར་བྱེད་པ་དང༌། ངལ་དུབ་ཏུ་གཏོང་བའི་དོན་ཏེ། (དཔེར་ན།) ཚ་གདུག་ཆེ་བས་ལུས་པོ་ཉོན་མོངས་པ། མ་མཇལ་ཡུན་རིང་སོང་བའི་བར་དེར་སྐུ་ཁམས་ཉོན་མོངས་པར་མ་གྱུར་ཏམ་ཞེས་པ་ལྟ་བུ། |
| ཉོན་མོངས་པ་གསུམ |
ཉོན་མོངས་པའི་ཀུན་ནས་ཉོན་མོངས་པ་དང༌། ལས་ཀྱི་ཀུན་ནས་ཉོན་མོངས་པ། སྐྱེ་བའི་ཀུན་ནས་ཉོན་མོངས་པ་བཅས་གསུམ་མོ། ། |
| ཉོན་མོངས་པ་ཅན་གྱི་ཡིད |
རྣམ་ཤེས་བརྒྱད་ཀྱི་ཡ་གྱལ་ཞིག |
| ཉོན་མོངས་པ་ཅན་གྱི་སེམས |
རྩ་ཉོན་དང་ཉེ་ཉོན་སོགས་ཀྱི་སེམས་བྱུང༌། |
| ཉོན་མོངས་པ་ཅན་མ་ཡིན་པའི་ཡིད |
དགེ་བའི་ས་མང་སོགས་ཀྱི་སེམས་བྱུང༌། |
| ཉོན་མོངས་པ་དང་བྲལ་བའི་དགེ་སློང |
དགེ་སློང་དགྲ་བཅོམ་པའོ། ། |
| ཉོན་མོངས་པ་དྲུག |
རྩ་ཉོན་དྲུག་དང་དོན་གཅིག |
| ཉོན་མོངས་པའི་ཀུན་ནས་ཉོན་མོངས་པ |
རྟེན་འབྲེལ་བཅུ་གཉིས་ལས་མ་རིག་པ་དང་སྲེད་པ་དང་ལེན་པ་རྣམས་སོ། ། |
| ཉོན་མོངས་པའི་དྲི་མ་དྲུག |
ཉོན་མོངས་ལ་བརྟེན་ནས་བྱུང་བའི་དྲི་མ་རགས་པ་དྲུག་སྒྱུ་དང༌། གཡོ་དང༌། རྒྱགས་པ་དང༌། འཚིག་པ་དང༌། འཁོན་འཛིན་དང༌། རྣམ་འཚེ་རྣམས་སོ། ། |
| ཉོན་མོངས་པའི་བག་ཆགས |
ཉོན་མོངས་པའི་གོམས་ཤུགས། |
| ཉོན་མོངས་པའི་བག་ལ་ཉལ |
ཉོན་མོངས་པ་ཕྲ་བ། |
| ཉོན་མོངས་པའི་བདུད |
བདུད་བཞིའི་ནང་གསེས་ཤིག་འདོད་ཆགས་དང་ཞེ་སྡང་ལ་སོགས་པ་ཤས་ཆེ་བའི་དབང་གིས་དགེ་བའི་བར་ཆད་བྱེད་པ། |
| ཉོན་མོངས་པའི་བདུད་ཕྲ་མོ |
དགྲ་བཅོམ་པའི་རྒྱུད་ཀྱི་ཉོན་མོངས་པའི་བག་ཆགས་ལྟ་བུ། |
| ཉོན་མོངས་པའི་བདུད་རགས་པ |
རྩ་ཉོན་དང་ཉེ་ཉོན། |
| ཉོན་མོངས་པའི་བྱེད་ལས་བཅུ |
རྩ་བ་བརྟན་པར་བྱེད་པ་དང༌། རྒྱུན་གནས་པར་བྱེད་པ། ཞིང་དུ་སྒྲུབ་པར་བྱེད་པ། རྒྱུ་མཐུན་པར་སྒྲུབ་པར་བྱེད་པ། ལས་ཀྱི་སྲིད་པ་མངོན་པར་སྒྲུབ་པར་བྱེད་པ། རང་གི་ཚོགས་ཡོངས་སུ་འཛིན་པར་བྱེད་པ། དམིགས་པ་ལ་ཀུན་ཏུ་རྨོངས་པར་བྱེད་པ། རྣམ་པར་ཤེས་པའི་རྒྱུན་འཁྲིད་པར་བྱེད་པ། དགེ་བའི་ཕྱོགས་ལས་གཡོ་བར་བྱེད་པ། ཁམས་ལས་མི་འདའ་བའི་ཚུལ་གྱིས་འཆིང་བའི་དོན་དུ་ཁྱབ་པར་བྱེད་པ་རྣམས་སོ། ། |
| ཉོན་མོངས་པའི་ལམ་གསུམ |
ཉོན་མོངས་པའི་ལམ་དང༌། ལས་ཀྱི་ལམ་དང༌། སྐྱེ་བའི་ཀུན་ནས་ཉོན་མོངས་པའི་ལམ་རྣམས་སོ། ། |
| ཉོན་མོངས་པའི་ལྟ་བ་ལྔ |
ལྟ་བ་ལྔ་དང་དོན་གཅིག |
| ཉོན་མོངས་པའི་ས་པ |
རྩ་ཉོན་དྲུག |
| ཉོན་མོངས་པའི་ས་མང |
ས་མང་ལྔའི་ནང་ཚན་ཞིག་རྟག་ཏུ་ཉོན་མོངས་ཅན་གྱི་སེམས་ཐམས་ཅད་ཀྱི་འཁོར་དུ་འབྱུང་ལ་སེམས་གཞན་གྱི་འཁོར་དུ་མི་འབྱུང་བ་ཞིག |
| ཉོན་མོངས་པའི་ས་མང་དྲུག |
རྩ་ཉོན་དྲུག་དང་མཚུངས། |
| ཉོན་མོངས་པའི་སྒྲིབ་པ |
ཉོན་སྒྲིབ་དང་དོན་གཅིག |
| ཉོན་མོངས་བཅོམ་པའི་དགེ་སློང |
དགེ་སློང་དགྲ་བཅོམ་པ། |
| ཉོན་མོངས་མེད་པ |
1.ཉན་ཐོས། 2.ཆགས་སོགས་དང་བྲལ་བ། |
| ཉོན་མོངས་མེད་པའི་ཏིང་འཛིན |
དམིགས་པ་གཞན་རྒྱུད་ལ་དམིགས་ནས་རྣམ་པ་ཉོན་མོངས་མི་སྐྱེ་བར་རྗེས་སུ་སྲུང་བར་བྱེད་པའི་ཏིང་ངེ་འཛིན་དང་ཤེས་རབ་ཟག་མེད་ཡེ་ཤེས་ཀྱི་སྡེ་ཚན་ཉེར་གཅིག་གི་ནང་གསེས་ཤིག |
| ཉོན་མོངས་མེད་པའི་ཡན་ལག་གསུམ |
བྱང་ཆུབ་ཡན་ལག་བདུན་གྱི་ནང་ནས། ཤིན་སྦྱངས་ནི་ཉོན་མོངས་མེད་པའི་གཞི་དང༌། ཏིང་ངེ་འཛིན་ནི་ཉོན་མོངས་མེད་པའི་གནས་དང༌། བཏང་སྙོམས་ནི་ཉོན་མོངས་མེད་པའི་ངོ་བོ་ཉིད་དེ་གསུམ། |
| ཉོན་མོངས་རྣམ་སྦྱོང་གི་དམིགས་པ |
ཞི་གནས་ཀྱི་དམིགས་པ་བཞིའི་ཡ་གྱལ་ཞིག་ཉོན་མོངས་ཀྱི་ས་བོན་ཉམས་སྨད་པར་བྱེད་པ་ཙམ་གྱི་དམིགས་པ་ནི། ས་འོག་མའི་རགས་པ་དང་གོང་མའི་ཞི་བར་ལྟ་བའི་ཞི་རགས་ཀྱི་རྣམ་པ་དང༌། ས་བོན་རྩད་ནས་སྤོང་བའི་དམིགས་པ་ནི། བདེན་པ་བཞིའི་ཁྱད་ཆོས་མི་རྟག་པ་ལ་སོགས་པ་བཅུ་དྲུག་གོ། ། |
| ཉོན་མོངས་ལྔ |
ཀུན་སྦྱོར་དང༌། ཕྲ་རྒྱས། འཆིང་བ། ཉེ་ཉོན། ཀུན་དཀྲིས། |
| ཉོན་མོངས་སྐྱེ་བའི་རྒྱུ་གསུམ |
ཉོན་མོངས་པའི་བག་ལ་ཉལ་མ་སྤངས་པ་དང་ཉོན་མོངས་སྐྱེ་བའི་ཡུལ་ཉེ་བར་གནས་པ་དང༌། ཚུལ་བཞིན་མ་ཡིན་པར་ཡིད་ལ་བྱེད་པ། |
| ཉོན་མོངས་སྙིགས་མ |
སྙིགས་མ་ལྔའི་ནང་གསེས་ཤིག་ཆགས་སྡང་མེད་པའི་བཟང་པོའི་ཡོན་ཏན་རྣམས་ཟད་དེ་འདོད་ཆགས་དང་ཞེ་སྡང་དང་ཕྲག་དོག་དང་སེར་སྣ་ལ་སོགས་པ་ལྷག་པར་ཆེ་བའི་ངན་པའི་ཐ་མར་གྱུར་པ། |
| ཉོན་ཡིད |
རྣམ་ཤེས་ཚོགས་བརྒྱད་ཀྱི་ནང་གསེས། འཕགས་ལམ་མ་ཐོབ་ཀྱི་བར་དུ་ཀུན་གཞིའི་རྣམ་ཤེས་ལ་དམིགས་ནས་རྟག་ཏུ་ངར་འཛིན་པའི་བདག་ཉིད་ཅན་ཡིད་ཀྱི་སའི་ཉོན་མོངས་པས་བསྒྲིབས་ལ་ལུང་དུ་མ་བསྟན་པའི་གཙོ་སེམས། |
| ཉོན་སྒྲིབ |
ཉོན་མོངས་པའི་སྒྲིབ་པ་སྟེ་ཐར་པ་ཐོབ་པ་ལ་གེགས་སུ་གྱུར་པའི་སེར་སྣ་ལ་སོགས་པའི་རྣམ་པར་རྟོག་པ་རྣམས། |
| ཉོབ |
(བྱེད་མེད་ལས་ཚིག) ལུས་སེམས་ཀྱི་ནུས་པའམ་ལུས་སེམས་ལས་སུ་མི་རུང་བའི་དོན་ཏེ། (དཔེར་ན།) ལུས་ཉོབ་པ། སེམས་ཉོབ་པ་ཞེས་པ་ལྟ་བུ། |
| ཉོབ་ཉོབ |
(རྒྱན་ཚིག) རིག་པའམ་ཁམས་དྭངས་པོ་མེད་པ། (དཔེར་ན།) མི་ཉོབ་ཉོབ་ཀྱིས་ལས་ཀ་སྤུས་དག་བྱེད་མི་ཤེས་ཞེས་པ་ལྟ་བུ། |
| ཉོབ་ཏོ |
གྲུང་པོ་མེད་པའམ་ལས་ཀ་ལ་མི་བརྩོན་པའི་མི། |
| ཉོབ་ཐིབས་སེ་བ |
(རྒྱན་ཚིག) ཁམས་ཉོག་ཚུལ་ཞིག་སྟེ། (དཔེར་ན།) ཉི་ཚད་ཀྱིས་ཁམས་ཉོབ་ཐིབས་སེ་བ་བྱས་བྱུང༌ལྟ་བུ། |
| ཉོབ་འཐིབ |
རིག་པ་བྱིང་ཉོག་གི་དོན་ཏེ། (དཔེར་ན།) ཆང་བཏུངས་པས་རིག་པ་ཉོབ་འཐིབ་པ་བྱས་བྱུང༌ལྟ་བུ། |
| ཉོར |
ཉར་བའི་སྐུལ་ཚིག |
| ཉོར་བ |
(ཡུལ་སྐད།) ཞིག་པའི་དོན་ཏེ། (དཔེར་ན།) ལྕགས་རིའི་རྩིག་པ་ཉོར་བ་ཉམས་གསོ་བྱས། བྱེ་ཕུང་གི་སྟེང་དུ་འཛེགས་ན་བྱེ་ཕུང་ཉོར་བ་ལས་འོས་མེད་ཅེས་པ་ལྟ་བུ། |
| ཉོར་འགྲོས |
(རྒྱན་ཚིག) འཁྱར་འཁྱོར་གྱི་འགྲོ་སྟངས་ཤིག |
| ཉོལ |
ཉལ་བའི་སྐུལ་ཚིག་སྟེ། (དཔེར་ན།) ཁྱོད་ཉོལ་ཅིག་ལྟ་བུ། |
| ཉོས |
ཉོ་བའི་འདས་པ་དང་སྐུལ་ཚིག་སྟ། (དཔེར་ན།) རས་ཉོས་ནས་ལྭ་བཟོས། ཉོས་པའི་ཅ་ལག ཇ་ཉོས་ཤིག་ལྟ་བུ། |
| ཉོས་པ |
ཉོ་བའི་འདས་པའི་བྱ་མིང་། |
| ཉྭ |
1.མིའི་རྐང་པའི་རྗེ་ངར། 2.ཕྱུགས་རིགས་ཀྱི་རྐང་ལག་གི་པུས་མོ་མན་ནས་རྨིག་པའི་བར་གྱི་ལྷུ་ལག (དཔེར་ན།) ཉྭ་ཕྲ་ཡང་རྡོག་ཁྲེས་ལྗིད་པོ་འཁུར། རྟ་ནག་པོ་གྭ་བ་ཉྭ་བཞི་དཀར་ཞེས་པ་ལྟ་བུ། |
| ཉྭ་ཁུག |
རྐང་པའི་སྒྱིད་ཁུག |
| ཉྭ་ཁུག་འབྲེག་པ |
སྔར་གྱི་ཁྲིམས་གཅོད་གཏོང་ལུགས་ངན་པ་ཞིག |
| ཉྭ་གདོང |
རྐང་པའི་ངར་གདོང༌། |
| ཉྭ་གཞུག |
ལག་པའི་ཉྭ་ཤ་དང༌། རྐང་པའི་ཉྭ་ཤའི་གཞུག |
| ཉྭ་དཀྲིས |
རྐང་པའི་ཉྭ་དཀྲི་བྱེད་ཀྱི་རས་སོགས། |
| ཉྭ་བཞི |
རྐང་ལག་གི་ཉྭ་རིལ་བཞི། |
| ཉྭ་མདུན |
རྐང་ཉྭའི་མདུན་ངར་གདོང་ཕྱོགས། |
| ཉྭ་འཆུས་པ |
རྐང་པའི་ཉྭ་འགྱུར་བ། |
| ཉྭ་འདོན་པ |
སྔར་ཁྲིམས་གཅོད་གཏོང་སྟངས་ངན་པ་ཞིག |
| ཉྭ་འདྲིལ་གཏོང་བ |
སྔར་གྱི་ཁྲིམས་གཅོད་གཏོང་སྟངས་ངན་པ་ཞིག |
| ཉྭ་རིལ |
རྐང་ལག་གི་ཉྭའི་ཤ་རིལ། |
| ཉྭ་རྒྱབ |
རྐང་པའི་ཉྭ་རིལ་གྱི་རྒྱབ། |
| ཉྭ་རྒྱུས |
རྐང་པའི་ཉྭ་རིལ་གྱི་རྒྱུས་པ། |
| ཉྭ་ལོག |
གཉན་ནད་ཉྭ་ལ་བབས་ཏེ་ཉྭ་ཤ་ངར་གདོང་དུ་ལོག་པར་གྱུར་པའི་ནད་ཅིག |
| ཉྭ་ཤ |
རྐང་ལག་གི་ཉྭ་རིལ་ཤ་རྒྱུས། |
| ཉྭ་སུལ |
རྐང་པའི་ཉྭ་ཤ། |
| ཉྭ་སྟི |
རྐང་པའི་ལོང་བུ། |
| ཉྭ་སྦྲིད་པ |
རྐང་པའི་ཉྭ་རིལ་སྦྲིད་པའི་དོན་ཏེ། (དཔེར་ན།) ཉྭ་སྦྲིད་ནས་གོམ་པ་སྤོ་མི་ཐུབ་ཅེས་པ་ལྟ་བུ། |
| ཊ་སྡེ |
ལེགས་སྦྱར་སྐད་ཀྱི་གསལ་བྱེད་ཀྱི་སྡེ་པ་གསུམ་པ་ཊ་ཋ་ཌ་ཌྷ་ཎ། |
| ཊམ་ཁབ |
(ཡུལ་སྐད།) སྔར་བོད་ཀྱི་ཊམ་གཅིག་རི་བའི་ཁབ། |
| ཊམ་རྡོ |
(ཡུལ་སྐད།) སྔར་བོད་ཀྱི་དངུལ་གྱི་རྩིས་གཞི་ཞིག་སྟེ་ཊམ་རྡོ་རེ་ལ་དངུལ་སྲང་ལྔ་བཅུ་ཡིན། |
| ཊམ་ལྟིར |
(ཡུལ་སྐད།) སྔར་བོད་ཀྱི་ཊམ་གཅིག་རི་བའི་ཆང་བླུག་སྣོད་ཁོག་ལྟིར། |
| ཊཱིཀ |
ཊཱིཀྐ་དང་འདྲ། |
| ཊཱིཀ་ཆེན |
འགྲེལ་ཆེན་གྱི་དོན་ཏེ། (དཔེར་ན།) གཞུང་དོན་གསལ་བར་བྱེད་པའི་ཊཱིཀ་ཆེན། ཚད་མའི་ཊཱིཀ་ཆེན་ཞེས་པ་ལྟ་བུ། |
| ཊཱིཀ་ཆེན་དེ་ཉིད་སྣང་བ |
མཁས་གྲུབ་རྗེས་རབ་བྱུང་བདུན་པའི་ཤིང་སྟག་ལོར་བརྩམས་པའི་འགྲེལ་ཆེན་དྲི་མེད་འོད་ཀྱི་རྒྱ་ཆེར་འགྲེལ། |
| ཊཱིཀ་ཆེན་རིགས་པའི་རྒྱ་མཚོ |
མཁས་གྲུབ་རྗེས་མཛད་པའི་ཚད་མ་རྣམ་འགྲེལ་གྱི་འགྲེལ་པ། |
| ཊཱིཀྐ |
(ལེགས་སྦྱར།) དཔེ་གཞུང་རྩ་བ་གང་ཡིན་གྱི་འགྲེལ་བཤད་དམ། འགྲེལ་པ། |
| ཊིའུ་གུང་གི་རྩིས |
(རྒྱ་སྐད།) སྤོར་ཐང་གི་རྩིས། |
| ཌ་མ་རུ |
(ལེགས་སྦྱར།) གསང་སྔགས་པའི་རོལ་ཆ་ཞིག་སྟེ་གཡས་གཡོན་གཉིས་ཕྱོགས་བསྐྲོགས་ནས་བརྡུངས་ཆོག་པའི་ལག་རྔ་ཆུང་ངུ་ཞིག |
| ཌ་རུ |
ཌ་མ་རུའི་བསྡུས་ཚིག |
| ཌ་རུ་མགོ |
མི་ངན་མགོ་གཉིས་མ། |
| ཌ་རུ་སྐྲོག་པ |
1.ཌ་མ་རུ་རྡུང་བའམ། འཁྲོལ་བ། 2.ཕྲ་མ་བྱེད་པའམ། དབྱེན་སྦྱོར་བྱེད་པའི་དཔེ། |
| ཌཱ་ཀི |
(ལེགས་སྦྱར།) མཁའ་འགྲོ། |
| ཌོམྦྷི་པ |
(ལེགས་སྦྱར།) སྔར་རྒྱ་གར་གྱི་གྲུབ་ཆེན་ཞིག |
| ཏ |
1.བོད་ཡིག་གསལ་བྱེད་དགུ་པ། འདིའི་ང་རོ་འདོན་ཚུལ་ལ་སྐྱེ་གནས་སོ་དང༌། བྱེད་པ་ལྕེ་རྩེ། ནང་གི་རྩོལ་བ་སོ་དང་ལྕེ་རྩེ་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་མེད། 2.མིང་གཞིའི་ཕོ་ཡིག་ཅིག |
| ཏ་ཀུ |
ལག་རྟེན་འཁར་བའི་མིང་གཞན། |
| ཏ་ཐཱ་ག་ཏ |
(ལེགས་སྦྱར།) དེ་བཞིན་གཤེགས་པ། |
| ཏ་དབེན |
ཏཱ་དབེན་དང་འདྲ། |
| ཏ་བག |
(ཡུལ་སྐད།) ཤིང་གི་སྡེར་མའི་མིང་སྟེ། ཡུལ་སྐད་དུ་ཐ་བག་ཀྱང་ཟེར། |
| ཏ་ཙ |
1.འུ་སུའི་མིང་གི་རྣམ་གྲངས་ཤིག 2.གསེར་རྡོའི་མིང་གི་རྣམ་གྲངས་ཤིག |
| ཏ་ཟིག |
སྔ་དུས་ཀྱི་རྒྱལ་ཁབ་ཅིག་གི་མིང༌། ཕྱིས་སུ་པོ་ཟི་དང༌། དེང་དུས་དབྱི་ལང་ཟེར། |
| ཏ་ར་ཙེ |
(རྒྱ་སྐད།) འདེགས་བྱེད་རྒྱ་མ་ཆུང་ངུ་། |
| ཏ་ལ |
རྩེ་མོ་བཅད་ན་སླར་མི་སྐྱེ་བའི་ཤིང་གི་བྱེ་བྲག་ཅིག (དཔེར་ན།) ཏ་ལའི་ཤིང་འབྲས་སྟོང་ཕྲག་ལོན། སྐམ་ཡང་རླན་དང་ཕྲད་ན་སྐྱེ་ཞེས་པ་ལྟ་བུ། |
| ཏ་ལ |
ཤིང་ཏ་ལ་སྟེ། རྒྱུན་པར་སྔོ་བའི་ཤིང་སྡོང་ཞིག་ཡིན་ཞིང་ལོ་མའི་རྩ་རྒྱུས་ཀྱིས་ཐག་པ་སྒྲིལ་ཞིང་སྤུ་ལེན་བཟོ་ཆོག་ཅིང་། ལོ་མས་བསིལ་ཡབ་དང་སྡོང་ཤིང་གིས་ཅ་ལག་བཟོ་ཆོག |
| ཏ་ལ་ལ |
(བརྡ་རྙིང་།) སྒྲོན་མེའམ། མར་མེ། |
| ཏ་ལའི་རྐང་པ |
(མངོན་བརྗོད།) མིའི་མིང་གི་རྣམ་གྲངས་ཤིག |
| ཏ་ལའི་རྒྱལ་པོ |
ཤིང་བེ་ཏ་སྟེ། དེའི་འབྲས་བུར་ཁུ་བ་མང་བས་བཏུང་དུ་རུང་ཞིང༌། འབྲས་བུ་བཟའ་རུང་ལ་སྣུམ་ཡང་འཚིར་ཐུབ་པ། འབྲས་བུའི་པགས་པའི་ཚི་སྣ་ནི་དྲ་བ་བཟོ་བྱེད་ཅིག་ཡིན། |
| ཏ་ལའི་ལོ་མའི་ཡི་གེ |
སྔར་རྒྱ་གར་སོགས་སུ་ཤིང་ཏ་ལའི་ལོ་མ་ནི་དཔེ་ཆ་འབྲི་གཞིར་སྤྱོད་པས། དེར་བྲིས་པའི་དཔེ་ཆ་རྣམས་སོ། ། |
| ཏ་ལེ |
(རྒྱན་ཚིག) 1>མཛེས་པའི་དོན་ཏེ། ཏ་ལེར་གྱུར་པ། 2>ཝ་ལེ་དང་གསལ་ལེ་ཞེས་པ་དང་འདྲ། (དཔེར་ན།) ཡིད་ལ་ཏ་ལེར་ཤར། རི་ཆེན་པོ་ཏ་ལེར་ཕུག་ཅེས་པ་ལྟ་བུ། |
| ཏ་སྒུར |
མདོ་ཁམས་ཀྱི་ཡུལ་གྲུ་འགའ་ཞིག་ལ་ཏ་དང་ད་གཉིས་ཀྱི་སྒྲ་གདངས་གཅིག་ཏུ་འབོད་པས་ཁྱད་པར་འབྱེད་བྱེད་ཀྱི་ཚིག |
| ཏ་སྟེའུ |
(ཡུལ་སྐད།) ཏ་འདིའི་མིང་། |
| ཏ་སྡེ |
1.གསལ་བྱེད་ཀྱི་སྡེ་པ་གསུམ་པ་སྟེ་ཏ་ཐ་ད་ན། 2.ལེགས་སྦྱར་སྐད་ཀྱི་གསལ་བྱེད་ཀྱི་སྡེ་པ་བཞི་པ་ཏ་ཐ་ད་དྷ་ན། |
| ཏ་ཧུང |
(རྒྱ་སྐད།) གོས་ཆེན་དམར་པོ་ཞིག |
| ཏག |
(ཡུལ་སྐད།) ཕྱི་ཐོ་སྟེ་སྣམ་བུ་སོགས་འཐག་བྱེད་ལག་ཆ་ཞིག |
| ཏག་གི་ཏིག་གི |
(རྒྱན་ཚིག) ཁལ་དོ་ཆུང་ཆུང་གི་རྣམ་པ་སྟེ། (དཔེར་ན།) དོ་པོ་ཏག་གི་ཏིག་གི་བརྩེགས་ཏེ་འགེལ་ལྟ་བུ། |
| ཏག་གེ་ཏོག་གེ |
(རྒྱན་ཚིག) ཏག་གི་ཏིག་གི་དང་འདྲ། |
| ཏག་ཏག |
1.(བསྣན་ཚིག) 1>རྐྱང་བའམ་ཁོ་ནའི་དོན་ཏེ། (དཔེར་ན།) བོད་ཡིག་ཏག་ཏག་སྦྱང་། ཤ་ཏག་ཏག་ཟ་ལྟ་བུ། 2>ཡོ་གཟུར་མེད་པའི་དོན་ཏེ། (དཔེར་ན།) དཀྱིལ་ཏག་ཏག་ལ་ཁེལ། དམིགས་ཐོག་ཏག་ཏག་ལ་མེ་བཙའ་བཞག་ལྟ་བུ། 2.སྒོ་བརྡུངས་པའི་སྒྲ་ལྟ་བུའི་སྒྲ་སྐད་རིགས་ཤིག་སྟེ། (དཔེར་ན།) སྒོ་བརྡུངས་པའི་སྒྲ་ཏག་ཏག་གྲགས་ལྟ་བུ། |
| ཏག་ཏག་ཏིག་ཏིག |
(རྒྱན་ཚིག) ཁ་ཐུག་ཁེལ་བའམ་ཆད་ལྷག་མེད་པའི་དོན་ཏེ། (དཔེར་ན།) ངས་ཏག་ཏག་ཏིག་ཏིག་བྱས་ཆོག་ཅེས་པ་ལྟ་བུ། |
| ཏག་ཏིག |
(རྒྱན་ཚིག) ཏག་གི་ཏིག་གིའི་བསྡུས་ཚིག |
| ཏང་ཀུ |
ཏང་ཀུན་གྱི་འབྲི་ཚུལ་གཞན། |
| ཏང་ཀུན |
ལྕ་རྒོད་ཟེར་བའི་རྩྭ་སྨན་ཞིག་གི་མིང་། ཏང་ཀུན་ནག་པོ་ཟེར་བའི་རྩྭ་སྨན་ཞིག རྒྱ་སྐད་དུ་ཧྲིན་མ་ཟེར་བ་དེ་ལ་ངོས་འཛིན་པ་ཡོད། |
| ཏང་ཏོང |
(རྒྱན་ཚིག) ཏོང་ཏོང་གི་སྒྲ་སྒྲོག་སྟངས། |
| ཏང་བ་ལ |
བོད་མདོ་ཁམས་སྡེ་རོང་ཡུལ་གྱི་ལ་ཞིག |
| ཏང་ཡོན |
(རྒྱ་སྐད།) གུང་ཁྲན་ཏང་སོགས་ཚོགས་སྲིད་དོན་ཚོགས་ཁག་ལ་ཞུགས་པའི་མི་དང་། ཁྱད་པར་དུ་རྒྱ་ནག་གིས་གུང་ཁྲན་ཚོགས་པར་ཞུགས་པའི་མི་ལ་ཟེར། |
| ཏན་ཅན |
1.ཡིད་ཆེས་བྱེད་ཆོག་པའི་དོན་ཏེ། (དཔེར་ན།) མི་ཏན་ཅན། སློབ་སྦྱོང་ཏན་ཅན་ཞེས་པ་ལྟ་བུ། 2.འཛུར་བ་མེད་པའམ་གཙིགས་པ་སྟེ། (དཔེར་ན།) སྐད་ཆ་ཏན་ཏན་ཞིག་བཤད། དུས་ཚོད་ཏན་ཏན་ཞིག་གཏན་ཁེལ་བྱས་ལྟ་བུ། |
| ཏན་ཏན |
(རྒྱན་ཚིག) བློ་བརྟན་པའམ་བློ་གཏད་ཆོག་པའི་དོན་ཏེ། (དཔེར་ན།) ཏན་ཏན་ཏིག་ཏིག་བྱས་ནས་མི་དམངས་ལ་ཞབས་འདེགས་ཞུ་དགོས། ཏན་ཏན་བྱས་ནས་མདའ་འཕངས། ཏན་ཏན་བྱས་ནས་ལས་ཀ་ལས་ལྟ་བུ། |
| ཏན་ཏན་ཏིག་ཏིག |
(རྒྱན་ཚིག) བརྟན་བརྟན་ཏིག་ཏིག་དང་འདྲ། |
| ཏན་ཏིག |
(རྒྱན་ཚིག) ཏན་ཏན་ཏིག་ཏིག་གི་བསྡུས་ཚིག |
| ཏབ |
(རྒྱན་ཚིག) 1>ཡུན་ཐུང་ཐུང་གི་དོན་ཏེ། (དཔེར་ན།) ཏབ་ཅིག་ལ་སྒུགས་དང་ལྟ་བུ། 2>གློ་བུར་ཏེ། (དཔེར་ན།) ཏབ་ཏབ་པོར་ཡར་ལངས་ལྟ་བུ། |
| ཏབ་ཏོབ |
(བརྡ་རྙིང་།) ཙབ་ཙུབ། |
| ཏམ |
བོད་ཀྱི་ཡི་གེ་གཏན་ལ་ཕབ་པའི་སྐད་གསར་བཅད་མ་བྱས་གོང་མིང་མཐར་ད་དྲག་ཡོད་པའི་ན་ར་ལའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག (དཔེར་ན།) ཡར་བྱོན་ཏམ། མར་བྱོན། ཁབ་ཐར་ཏམ། སྐུད་པ་ཐར། ཕར་བསྐྱལ་ཏམ། ཚུར་བསྐྱལ་ལྟ་བུ། |
| ཏམ་བུ་ལ |
མེ་ལྷར་བསྟབ་བྱའི་གཏོར་མའོ། ། |
| ཏམྦུ་ར |
(ལེགས་སྦྱར།) རྒྱུད་མངས། |
| ཏའི་སི་ཏུ |
(རྒྱ་སྐད།) སྔར་ས་ཆ་དང་མི་དམངས་ལ་བདག་སྐྱོང་བྱེད་པའི་དཔོན་རིགས་ཆེ་གྲས་ཀྱི་གོ་གནས་ཤིག་ཡིན་ཞིང༌། རྒྱ་ནག་ཏུ་ཕེབས་པའི་བོད་ཀྱི་བླ་ཆེན་སོགས་ལ་མངའ་གསོལ་བའི་མཚན་གྱི་ཆེ་བ་ཞིག |
| ཏའི་སི་ཏུ་བྱང་ཆུབ་རྒྱལ་མཚན |
ཕག་གྲུ་སྡེ་སྲིད་ཁྲི་ཐོག་དང་པོ་འདི་རབ་བྱུང་ལྔ་པའི་ཆུ་སྟག་ལོར་འཁྲུངས། སྤྱི་ལོ་1351 ལོར་ཆོས་གྲྭ་ཆེན་པོ་རྩེད་ཐང་རྒྱ་ཆེར་བཏབ། རབ་བྱུང་དྲུག་པའི་ཤིང་རྟ་ལོར་ཁྲི་དཔོན་མཛད་དེ་ས་སྐྱར་དམག་དྲངས་ནས་དཔོན་ཆེན་དབང་བརྩོན་བཟུང༌། ཧོར་རྒྱལ་པོའི་དྲུང་དུ་མི་རྟེན་འབུལ་དང་བཅས་པ་བཏང་བར་བརྟེན། མི་རབས་ལ་ཕན་པའི་འཇའ་ས་དང་བཀའ་ལུང་བཟང་པོ་བྱུང་ནས་ཏའི་སི་ཏུའི་གོ་གནས་འཛིན་པ་དང༌། སྣེ་གདོང་རྩེར་ཕག་གྲུ་སྡེ་སྲིད་ཀྱི་བསྟན་ཇུས་བཙུགས་ཤིང༌། དེ་རྗེས་སྔར་བོད་ཆོས་རྒྱལ་གོང་མའི་ཁྲིམས་ལུགས་རྣམས་བདེན་རྫུན་ཐང་མར་བརྡལ་ནས་ཁྲིམས་གསར་ཞལ་ལྕེ་བཅོ་ལྔར་གཏན་ལ་ཕབ། སྔར་གྱི་གཞིས་ཀ་རྫོང་དུ་བསྒྱུར་ནས་རྫོང་དཔོན་གཏོང་སྲོལ་གསར་དུ་བཙུགས། |
| ཏར |
གློག་འཕྲིན་གྱི་དོན་ཏེ། འདི་ནི་རྒྱ་གར་གྱི་སྐད་ཡིན། (དཔེར་ན།) ཏར་ལན། ཏར་ཡིག་ལྟ་བུ། |
| ཏར་ཁང |
གློག་འཕྲིན་དང་གློག་སྐད། འཕྲིན་ཡིག་སོགས་སྡུད་གཏོང་གི་བྱ་བ་བྱེད་སའི་ལས་ཁུངས་ཀྱི་མིང་། |
| ཏལ |
1.ས་སྲིན་གྱི་མིང་། ཡུལ་སྐད་དུ་ས་འབུ་ནག་རིང་ཟེར། 2.(བསྣན་ཚིག) ཡུན་ཐུང་ངུའི་དོན་ཏེ། (དཔེར་ན།) ཏལ་ཙམ་སྒུགས། ཏལ་ཙམ་བསྡད་ནས་འགྲོ་ལྟ་བུ། 3.(བརྡ་རྙིང་།) སྒྲོན་མེ། |
| ཏལ་གདུང |
སྐྱ་གཉིས་ཀྱི་བར་ལ་ཀ་བ་མི་དགོས་པར་ཏལ་མར་ཡོད་པའི་གདུང་མ་སྟེ། (དཔེར་ན།) ལྕགས་ཀྱི་ཏལ་གདུང༌ལྟ་བུ། |
| ཏལ་བ |
རྨ་རུལ་དང་རྣག་རུལ་སོགས་བསྲེག་དགོས་པའི་རྨ་རིགས་སྲེག་བྱེད་སྨན་དཔྱད་ཀྱི་ཡོ་བྱད་ཅིག ཟངས་ཀྱིས་བཟོས་པ་ལ་ཟངས་ཀྱི་ཏལ་བ་དང་། དངུལ་གྱིས་བཟོས་པ་ལ་དངུལ་གྱི་ཏལ་བ་ཟེར། |
| ཏལ་མ |
ཏལ་རྒྱུགས་སམ་ཤར་རྒྱུག་སྟེ། (དཔེར་ན།) ལམ་བར་དུ་ཀར་ཀོར་མེད་པར་ཏལ་མར་ཕྱིན། ཁང་པའི་ནང་དུ་གདུང་མ་ཏལ་མར་བཏང༌ལྟ་བུ། |
| ཏལ་ཙམ |
(ཡུལ་སྐད།) ཅུང་ཟད་ཙམ་གྱི་དོན་ཏེ། (དཔེར་ན།) ས་བོན་ཏལ་ཙམ་ཞིག་བཏབ་པས་འབྲས་བུ་མང་པོ་ཐོན་འདུག་ཅེས་པ་ལྟ་བུ། |
| ཏལ་རྒྱུགས |
ཤར་རྒྱག་གམ་ཏལ་མ་སྟེ། (དཔེར་ན།) ལྕགས་ཟམ་གྱི་སྟེང་དུ་ཏལ་རྒྱུགས་ཀྱིས་ཕྱིན། པང་ལེབ་མཐུག་པོར་བུ་ག་ཏལ་རྒྱུགས་སུ་ཕུག་ཅེས་པ་ལྟ་བུ། |
| ཏལ་སྦྱིན |
(བརྡ་རྙིང་།) སྒྲོན་མེ། |
| ཏཱ་དབེན་ཏི་ཤྲི |
ཧོར་རྒྱལ་པོའི་དབུ་བླ། དེའི་གདན་རབས་རིམ་བྱོན་གྱི་ལོ་ཚིགས་ནི། རབ་བྱུང་བཞི་པའི་ལྕགས་སྤྲེལ་ལོ་ནས་རབ་བྱུང་ལྔ་པའི་མེ་བྱིའི་བར་འགྲོ་མགོན་ཆོས་རྒྱལ་འཕགས་པ། དེ་ནས་ས་ཡོས་བར་འཕགས་པའི་གཅུང་རིན་ཆེན་རྒྱལ་མཚན། དེ་ནས་མེ་ཁྱིའི་བར་འཕགས་པའི་ཚ་བོ་དྷརྨ་པ་ལ། དེ་ནས་ཤིང་རྟའི་བར་འཕགས་པའི་སློབ་མ་ཡེ་ཤེས་རིན་ཆེན། དེ་ནས་ཆུ་ཡོས་བར་འཕགས་པའི་མཆོད་དཔོན་གྲགས་པ་འོད་ཟེར། དེ་ནས་ཤིང་སྦྲུལ་བར་ཤར་པ་རིན་ཆེན་རྒྱལ་མཚན། དེ་ནས་ཤིང་སྟག་བར་སངས་རྒྱས་དཔལ། དེ་ནས་ཤིང་གླང་ལོའི་བར་ཀུན་དགའ་བློ་གྲོས། དེ་ནས་ས་སྦྲུལ་བར་ཀུན་དགའ་ལེགས་འབྱུང༌། དེ་ནས་ཆུ་བྱའི་བར་རིན་ཆེན་བཀྲ་ཤིས། དེ་ནས་ས་ཁྱིའི་བར་ལོ་ཉེར་ལྔ་ཀུན་དགའ་རྒྱལ་མཚན། དེ་ནས་ཆུ་སྟག་བར་བླ་ཆེན་བསོད་ནམས་བློ་གྲོས། དེ་ནས་ནམ་མཁའ་དཔལ་བཟང་གི་བར་དུ་རིམ་བཞིན་བྱོན་ནོ། ། |
| ཏཱ་དབེན་བློ་གྲོས་རྒྱལ་མཚན |
ས་སྐྱའི་ཆོས་རྒྱལ་བདུན་པ་འདི་བཟང་པོ་དཔལ་བའི་སྲས་ཡིན་ཞིང༌། ཁྲི་ཐོག་ལ་ལོ་གསུམ་བཞུགས་མཚམས་སུ་ས་སྐྱ་བའི་སྲིད་དབང་ཉམས་ཏེ་ཕག་གྲུ་པ་ཏའི་སི་ཏུ་བྱང་ཆུབ་རྒྱལ་མཚན་གྱིས་བོད་དབུས་གཙང་ཕལ་ཆེ་བ་དབང་དུ་བསྒྱུར། |
| ཏཱ་བླ་མ |
(རྒྱ་སྐད།) བོད་ཀྱི་དཔོན་རིགས་སེར་མོ་བའི་གོ་མིང་ཞིག |
| ཏཱ་མིང |
(རྒྱ་སྐད།) རབ་བྱུང་ལྔ་པའི་ས་སྤྲེལ་ནས་རབ་བྱུང་བཅུ་གཅིག་པའི་ཤིང་སྤྲེལ་བར་གྱི་རྒྱ་ནག་་རྒྱལ་རབས་ཀྱི་མིང༌། |
| ཏཱ་ཡང |
(རྒྱ་སྐད།) དངུལ་སྒོར་མོ་ལྗིད་ཚད་ཞོ་བདུན་སྐར་གཉིས་ཡོད་པ་དང་རི་མོ་ཡོན་ཧྲི་ཁའེ་ཡི་མགོ་ཅན་ཞིག |
| ཏཱ་ར |
(ལེགས་སྦྱར།) སྒྲོལ་མ། |
| ཏཱ་ར་ན་ཐ |
(ལེགས་སྦྱར།) སྒྲོལ་བའི་མགོན་པོ་སྟེ། ཇོ་ནང་པའི་སློབ་དཔོན་ཞིག་ཡིན་ཞིང་། འདི་པ་རབ་བྱུང་བཅུ་པའི་ཤིང་ཕག་ལོར་འཁྲུངས། མཚན་དངོས་ཀུན་དགའ་སྙིང་པོ་ཡིན། རྒྱ་གར་ཆོས་འབྱུང་དང་ཇོ་ནང་པའི་ལུགས་ཀྱི་བསྟན་བཅོས་དུ་མ་བརྩམས། རིན་སྤུངས་སྡེ་པ་ཀརྨ་བསྟན་སྐྱོང་དབང་པོ་སྦྱིན་བདག་བསྟེན་ནས་ཇོ་ནང་དགོན་པའི་ཉེ་འདབས་སུ་རྟག་བརྟན་ཕུན་ཚོགས་གླིང་ཕྱག་བཏབ། རྒྱལ་དབང་བཞི་པས་མེ་ཏྲི་བྱ་བའི་མཚན་གསོལ། སོག་པོ་ཁལ་ཁའི་ཡུལ་ཁ་བོང་དུ་ལོ་གྲངས་ཉི་ཤུའི་རིང་ལ་བསྟན་པ་སྤེལ་ཞིང་དགོན་པ་དུ་མ་བཏབ། ཇོ་ནང་པའི་ལུགས་ཉམས་གསོ་མཛད། སོག་ཡུལ་དུ་རྗེ་བཙུན་དམ་པ་ཞེས་སུ་གྲགས། རབ་བྱུང་བཅུ་གཅིག་པའི་ཤིང་ཁྱི་ལོར་འདས། དེའི་ཡང་སྲིད་མོང་གོལ་རྒྱལ་པོ་ཐུ་ཤེ་ཐུ་ཧན་གྱི་སྲས་སུ་འཁྲུངས། རྒྱལ་དབང་ལྔ་པའི་སྐབས་རྟག་བརྟན་ཕུན་ཚོགས་གླིང་དགེ་ལུགས་པར་བསྒྱུར་ནས་དགའ་ལྡན་ཕུན་ཚོགས་གླིང་ཞེས་བཏགས། |
| ཏཱ་ལ |
ཏ་ལ་དང་འདྲ། |
| ཏཱ་ལའི |
(སོག་སྐད།) རྒྱ་མཚོ། |
| ཏཱ་ལའི་བླ་མ |
དོན་དུ་རྒྱ་མཚོ་བླ་མ་ཞེས་བྱ་ཞིང༌། ཏཱ་ལའི་ཞེས་པ་ནི་སོག་སྐད་ཡིན་པ་དེ་བོད་སྐད་དུ་རྒྱ་མཚོའི་དོན་དུ་འཇུག མཚོ་སྔོན་གྱི་སོག་པོ་ཨལ་ཐན་རྒྱལ་པོས་རྒྱལ་དབང་་བསོད་ནམས་རྒྱ་མཚོར་ཆེ་བསྟོད་ཀྱི་མཚན་གསོལ་བ་ཞིག་ཡིན་ཞིང༌། རྗེས་སུ་རྒྱལ་བ་དགེ་འདུན་གྲུབ་དང༌། དགེ་འདུན་རྒྱ་མཚོ་སོ་སོར་ཡང་ཏཱ་ལའི་བླ་མའི་སྐུ་ཕྲེང་དང་པོ་དང༌། གཉིས་པའི་མཚན་དེ་གསོལ་ཞིང༌། ༸རྒྱལ་དབང་སྐུ་ཕྲེང་ལྔ་པས་དགའ་ལྡན་ཕོ་བྲང་གི་སྲིད་དབང་བཙུགས་པ་ནས་ཏཱ་ལའི་བླ་མ་ནི་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་དུ་གྱུར་ཞིང་། ད་ལྟའི་བར་ཏཱ་ལའི་བླ་མ་སྐུ་ཕྲེང་་བཅུ་བཞི་བྱུང་ཡོད། |
| ཏཱུང་ཀུས |
(རྒྱ་སྐད།) ཏཱུང་ནི་ཤར་དང་ཀུས་ནི་རྒྱལ་བློན་སོགས་ལ་ཞེ་སའི་ཆེ་འབོད། |
| ཏི་ཀ |
སྟི་ག་དང་འདྲ། |
| ཏི་ཏི |
བྱིའུ་ཏི་ཏི་མ་སྟེ། ཕུག་རོན་ལས་ཆུང་ཞིང་མཆིལ་བ་ལས་ཆེ་བ། མདོག་སྐྱ་བོ་མཆུ་དང་རྐང་བ་རིང་བ་ཞིག་ཡིན། |
| ཏི་ཏི་རི |
(ལེགས་སྦྱར།) བྱེའུ་ཞིག་སྟེ་བོད་ཀྱི་སྨན་གཞུང་དུ་བྱ་འདིའི་ཁྲག་དང༌། ཤ། སྒོ་ང་བཅས་ཀྱིས་སྐད་འགགས་པར་ཕན་ཟེར། |
| ཏི་ཏོ |
སྲོག་ཆགས་ཏེ་ལོ་དང་འདྲ། |
| ཏི་ཏྲིག |
(ལེགས་སྦྱར།) ཏི་ཏི་རི་དང་དོན་གཅིག |
| ཏི་པི་ཅག |
ཏིམ་པི་ཅ་དང་འདྲ། |
| ཏི་ཕུ |
(ལེགས་སྦྱར།) ཕུག་རོན། |
| ཏི་ཕུ་པ |
སྔར་རྒྱ་གར་གྱི་གྲུབ་ཆེན་ཞིག |
| ཏི་མི |
(ལེགས་སྦྱར།) ཉ་ཡི་རྒྱལ་པོ། |
| ཏི་མུ་ས |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རྒྱུ་གཟེར་འཇོམས། དམར་བཤལ་དང་ཚ་འཁྲུ་གཅོད། རྨ་འདྲུབ། ཤིག་སྲུང༌། |
| ཏི་ཙ |
ལྕགས་མགར་གྱི་མགར་སྟེགས་ཏེ་ཡུལ་སྐད་ལ་ལར་ཙི་ཏ་ཟེར། |
| ཏི་ཚ |
སྔོ་ཆོག་ཀྱང་ཟེར་བའི་ལྕགས་རིགས་མདོག་དངུལ་དང་འདྲ་ཞིང་དེ་ལས་སྔོ་བ་ཞིག་འདི་འཕྲུལ་ཀོང་བྱས་ནས་བསྲེགས་པའི་དུད་པས་མིག་ནད་ལ་ཕན། |
| ཏི་ལ |
(ལེགས་སྦྱར།) འབྲུ་རིགས་ཏིལ། |
| ཏི་ལོ |
(ལེགས་སྦྱར།) 1>འབྲུ་རིགས་ཤིག 2>ཏེ་ལོ་དང་འདྲ། |
| ཏི་ཤྲི |
(རྒྱ་སྐད།) རྒྱལ་པོའི་དབུ་བླ་སེར་མོ་བའི་གོ་ས་ཞིག་གི་མིང༌། སྔར་ཏཱ་དབེན་རྒྱལ་ཐོག་རིམ་བྱོན་ཁྲིར་ཕེབས་སྐབས་བོད་ཀྱི་བླ་མ་སློབ་དཔོན་དུ་བསྟེན་ཅིང༌། བླ་མ་དེར་ཏི་ཤྲིའི་ཆོ་ལོ་སྩལ་སྲོལ་ཡོད། |
| ཏི་ཤྲི་ཀུན་དགའ་བློ་གྲོས |
རབ་བྱུང་ལྔ་པའི་ས་ཕག་ལོར་ས་སྐྱ་བདག་ཉིད་ཆེན་པོའི་སྲས་སུ་འཁྲུངས། ཧོར་གྱི་རྒྱལ་སར་བྱོན་ནས་བུ་ཡན་རྒྱལ་པོ་དང༌། གི་གན་རྒྱལ་པོ། ཡེ་སུན་ཐེ་མུར་བཅས་གསུམ་གྱི་ཏི་ཤྲི་མཛད། དེ་ཡན་ཆད་ཀྱིས་གདན་ས་ཐུན་མོང་དུ་དབང་བསྒྱུར། འདི་པས་གདན་ས་དེ་སྐུ་མཆེད་སོ་སོར་བགོས་ཏེ་གནང་བས་བཞི་ཐོག་བླ་བྲང་དང༌། ལྷ་ཁང་བླ་བྲང༌། རིན་ཆེན་སྒང་བླ་བྲང༌། དུས་མཆོད་བླ་བྲང་བཅས་བཞིར་གྱེས། ཤིང་གླང་ལོར་འདས། |
| ཏི་ཤྲི་རིན་ཆེན་རྒྱལ་མཚན |
འགྲོ་མགོན་ཆོས་རྒྱལ་གྱི་གཅུང་པོ་རིན་ཆེན་རྒྱལ་མཚན། འཕགས་པ་རབ་བྱུང་ལྔ་པའི་མེ་བྱ་ལོར་རྒྱལ་ས་ནས་བོད་ལ་ལོག་པའི་ཤུལ་དུ་རྒྱལ་པོའི་དབུ་བླ་ཏི་ཤྲི་ལོ་གསུམ་མཛད། ས་ཡོས་ལ་འདས། |
| ཏི་ས |
ཏི་སེ་དང་འདྲ། |
| ཏི་སེ |
(ལེགས་སྦྱར།) གངས་རི། ཏི་སེ་གངས་རི། |
| ཏིག |
1.སྙིང་བོ་བསྡུས་པ་སྟེ། (དཔེར་ན།) མན་ངག་གི་ཡང་ཏིག གཞུང་ལུགས་ཀྱི་སྙིང་ཏིག སྨན་གྱི་ཟིན་ཏིག་ཅེས་པ་ལྟ་བུ། 2.གཡོ་ཟོལ་མེད་པའམ་ངེས་པ་ཅན་ཏེ། (དཔེར་ན།) ཏན་ཏན་ཏིག་ཏིག་གི་སྒོ་ནས་སློབ་སྦྱོང་བྱེད། སྨན་བསྡེབས་ན་ཚོད་ཏིག་པོ་བྱེད་དགོས་ལྟ་བུ། |
| ཏིག་གུ |
(ཡུལ་སྐད།) ཆང་སྣོད། |
| ཏིག་ཏ |
རྩྭ་ལྡུམ་མཁན་པའི་རིགས་རོ་ཧ་ཅང་ཁ་བ་ཞིག་ཡིན་ལ་མཁྲིས་པའི་སྨན་ཁྱད་པར་བ་ཞིག་ཡིན། སྨན་གཞུང་དུ་རྒྱ་ཏིག་བོད་ཏིག་བལ་ཏིག་ལ། ཏིག་ཏ་གསུམ་ཞེས་བརྗོད་པར་སྣང་ཞེས་བྲིས་ཡོད། |
| ཏིག་ཏ་གསུམ |
རྒྱ་ཏིག་དང༌། བལ་ཏིག་སུམ་ཅུ་ཏིག་གམ་ལྕགས་ཏིག་གསུམ། |
| ཏིག་ཏིག |
1.ཐིགས་པ་རྒྱག་ཚུལ་གྱི་སྒྲ་ཙམ། 2.ངེས་ངེས་ཀྱི་དོན་ཏེ། (དཔེར་ན།) སྐད་ཆ་དེ་དག་ཏིག་ཏིག་ཡིན་ནམ་ཞེས་པ་ལྟ་བུ། |
| ཏིག་པོ |
1.ངེས་པོའམ་དོན་དྲིལ་པོ་སྟེ། (དཔེར་ན།) ཁོས་སྐད་ཆ་ཏིག་པོ་ཞིག་བཤད་སོང༌ལྟ་བུ། 2.འཁོས་འབྱོར་ཡག་ཙམ་ཡོད་པའི་དོན་ཏེ། (དཔེར་ན།) དུད་ཚང་འདི་གཞན་ལ་རེ་མ་དགོས་པའི་ཏིག་པོ་ཞིག་རེད་ཅེས་པ་ལྟ་བུ། |
| ཏིག་ཙམ |
(ཡུལ་སྐད།) ཅུང་ཟད་ཙམ་གྱི་དོན་ཏེ། དཔེར་ན།) བཟའ་བཅའ་ལ་སྤོད་སྨན་ཏིག་ཙམ་བཏབ། ཁྱོད་རང་ཏིག་ཙམ་སྒུགས་དང་ང་མགྱོགས་པོ་སླེབ་ཡོང༌ལྟ་བུ། |
| ཏིག་ཚ |
ཏི་ཚ་ཡི་འབྲི་ཚུལ་གཞན། |
| ཏིག་ཧྲུག |
(ཡུལ་སྐད།) ཤ་སྟི་ག་ཧྲུག་ཧྲུག |
| ཏིང |
1.ཡོན་ཆབ་འབུལ་སྣོད་ལི་དང་དངུལ་སོགས་ཀྱིས་བཟོས་པ་ཞིག (དཔེར་ན།) ཏིང་གཙང་མའི་ནང་དུ་ཆུ་བླུགས་ལྟ་བུ། 2.སྒྲ་གྲགས་ཚུལ་རིགས་ཤིག་སྟེ། (དཔེར་ན།) རོལ་ཆ་ཏིང་སྒྲ་སྒྲོག་པ་ཐོས་བྱུང༌། ཅོང་གི་སྒྲ་ལྟ་བུ་སྟེ། ཏིང་སྒྲ་གྲགས་ལྟ་བུ། |
| ཏིང་ཀོར་མ |
ཏིང་ལ་པར་བརྒྱབ་པའི་བུ་རམ་དང་ཤེལ་ཀ་ར། |
| ཏིང་ཁྲོལ |
ཐོ་བས་ལྕགས་བརྡུངས་པ་ལྟ་བུའི་སྒྲ། |
| ཏིང་ངེ་འཛིན |
ཡང་དག་པར་འཛིན་པ་སྟེ་བརྟག་པའི་དངོས་པོའམ་དམིགས་པ་ལ་སེམས་རྩེ་གཅིག་སྦྲེང་ཆགས་སུ་འཛིན་པའི་སེམས་བྱུང་ངོ་། ། |
| ཏིང་ངེ་འཛིན་གསུམ |
1.མ་ཧ་ཡོ་གའི་བསྐྱེད་རིམ་རྣམས་ཏིང་ངེ་འཛིན་གསུམ་གྱིས་ཁོག་དབུབ་པ་དེ་བཞིན་ཉིད་ཀྱི་ཏིང་ངེ་འཛིན། ཀུན་ཏུ་སྣང་བའི་ཏིང་ངེ་འཛིན། རྒྱུའི་ཏིང་ངེ་འཛིན་ནོ། །2.རྣལ་འབྱོར་རྒྱུད་ཡན་ཆོད་ཀྱི་བསྐྱེད་རིམ་སྤྱིའི་རྣལ་འབྱོར་གསུམ་དང་པོ་སྦྱོར་བའི་ཏིང་ངེ་འཛིན་དང༌། ལས་རྒྱལ་མཆོག་གི་ཏིང་ངེ་འཛིན། དཀྱིལ་འཁོར་རྒྱལ་མཆོག་གི་ཏིང་ངེ་འཛིན་ཏེ་གསུམ། |
| ཏིང་ངེ་འཛིན་གྱི་ཁྱད་པར |
སེམས་ཤིན་ཏུ་གསལ་བའི་གསལ་ཆའི་ངར་དང་ལྡན་པ་དང༌། སེམས་རྩེ་གཅིག་ཏུ་གནས་པའི་མི་རྟོག་པའི་གནས་ཆ་དང་ལྡན་པ། |
| ཏིང་ངེ་འཛིན་གྱི་གེགས་ཉེས་པ་ལྔ |
ལེ་ལོ་དང༌། བརྗེད་ངེས། བྱིང་རྒོད། འདུ་མི་བྱེད། འདུ་བྱེད་པ། |
| ཏིང་ངེ་འཛིན་གྱི་ཆོ་འཕྲུལ |
རྣལ་འབྱོར་རྒྱུད་ཀྱི་སྒོམ་པ་ཆོ་འཕྲུལ་བཞིའི་ཡ་གྱལ་ཞིག་དབུས་སུ་རྣམ་པར་སྣང་མཛད། ཤར་དུ་མི་བསྐྱོད་པ། ལྷོར་རིན་ཆེན་འབྱུང་ལྡན། ནུབ་ཏུ་སྣང་བ་མཐའ་ཡས། བྱང་དུ་དོན་ཡོད་གྲུབ་པ་རྣམས་རང་རང་གི་རིགས་ཀྱི་སེམས་དཔའ་བཞི་བཞིས་བསྐོར་བར་བསྒོམ་པའོ། ། |
| ཏིང་ངེ་འཛིན་གྱི་དཀྱིལ་འཁོར |
དངོས་སྣང་ཐམས་ཅད་མི་དམིགས་པའི་དབྱིངས་སུ་བསྡུས་ཏེ་རིག་པ་མ་བཅོས་པའི་ངང་ནས་རྩེ་གཅིག་ཏུ་མཉམ་པར་འཇོག་པ། |
| ཏིང་ངེ་འཛིན་གྱི་དབང་པོ |
བྱང་ཕྱོགས་སོ་བདུན་གྱི་དབང་པོ་ལྔའི་ཡ་གྱལ་ཞིག་སེམས་གཟུགས་དང་སྒྲ་ལ་སོགས་པའི་ཡུལ་ལ་གཡེང་ཞིང་འཕྲོ་བ་མེད་པའི་ཆ། |
| ཏིང་ངེ་འཛིན་གྱི་བསླབ་པ |
ལྷག་པ་ཏིང་ངེ་འཛིན་གྱི་བསླབ་པ་དང་དོན་གཅིག |
| ཏིང་ངེ་འཛིན་གྱི་མི་མཐུན་པའི་ཕྱོགས་རྣམ་པར་གཞག་པ |
བསྟན་བཅོས་ཤིག་ཐང་ཤུན་ཀྲོའང་གིས་རྒྱ་ཡིག་ཏུ་བསྒྱུར་ནས། རྗེས་སུ་རྒྱའི་དགེ་སློང་ཧཱ་ཤང་ཟབ་མོ་སོགས་ཀྱིས་རྒྱ་ཡིག་ལས་བོད་ཡིག་ཏུ་བསྒྱུར། |
| ཏིང་ངེ་འཛིན་གྱི་ཚོགས |
ཞི་གནས་སྒྲུབ་པར་དགོས་ངེས་ཀྱི་དགེ་རྩ། |
| ཏིང་ངེ་འཛིན་གྱི་འཁོར་ལོ |
འཕགས་པ་ཏིང་ངེ་འཛིན་གྱི་འཁོར་ལོ་ཞེས་བྱ་བའི་མདོ། ཤཱི་ལ་དྷརྨ་དང་རྣམ་པར་མི་རྟོག་པས་རྒྱ་ལས་བསྒྱུར། |
| ཏིང་ངེ་འཛིན་གྱི་སྟོབས |
བྱང་ཕྱོགས་སོ་བདུན་གྱི་སྟོབས་ལྔའི་ཡ་གྱལ་ཞིག་རྟག་ཏུ་རྣམ་པར་གཡེང་བ་མེད་པའི་ཏིང་ངེ་འཛིན། |
| ཏིང་ངེ་འཛིན་གྱི་སྟོབས་དྲུག |
ཞི་གནས་སྒྲུབ་པར་བྱེད་པའི་སྟོབས་དྲུག་ཐོས་པ་དང༌། བསམ་པ། དྲན་པ། ཤེས་བཞིན། བརྩོན་འགྲུས། ཡོངས་སུ་འདྲེས་པ་བཅས་ཀྱི་སྟོབས་དྲུག |
| ཏིང་ངེ་འཛིན་གྱིས་བྱིན་གྱིས་བརླབས་པའི་བཀའ |
ཐུགས་ཏིང་ངེ་འཛིན་གྱིས་བྱིན་གྱིས་བརླབས་པའི་བཀའ་དང་དོན་གཅིག |
| ཏིང་ངེ་འཛིན་ཉམས་པ་མི་མངའ་བ |
དུས་ཐམས་ཅད་དུ་ཏིང་ངེ་འཛིན་དུ་ཞུགས་ནས་མི་ཉམས་པར་འཇོག་པ། མ་འདྲེས་པ་བཅོ་བརྒྱད་ཀྱི་ནང་གསེས་ཤིག |
| ཏིང་ངེ་འཛིན་བྱང་ཆུབ་ཡན་ལག་བྱང |
ཆུབ་ཡན་ལག་བདུན་གྱི་ཡ་གྱལ་ཞིག་མཉམ་པར་བཞག་སྟོབས་ཀྱིས་ཡང་དག་པའི་ཤེས་རབ་བསྐྱེད་དེ་ཉོན་མོངས་རྣམས་སྤོང་བར་བྱེད་པ་ཞིག |
| ཏིང་ངེ་འཛིན་ལྷའི་གཟེར |
སྲོག་སྡོམ་གཟེར་བཞིའི་ཡ་གྱལ་ཞིག་སྣང་སྲིད་ལྷའི་འཁོར་ལོར་བསྒོམ་པ་དེ་མར་འཁོར་བའི་སྐྱེ་གནས་བཞིའི་ལུས་ཀྱི་བག་ཆགས་སྦྱང་ཞིང་དག་པར་བྱེད། ཡར་སངས་རྒྱས་ཀྱི་ཚེ་སྐུ་གང་འདུལ་དུ་སྣང་བའི་འབྲས་བུ་གཞི་ལ་རྫོགས། བར་ལམ་དུས་སུ་རྩའི་དྲྭ་ཐམས་ཅད་ལྷ་རུ་སྦྱངས་པས། རྡོ་རྗེའི་ལུས་ལ་གནད་དུ་བསྣུན་པའི་རྫོགས་རིམ་གྱི་སྨིན་བྱེད་དུ་འགྲོ་བ། |
| ཏིང་ཆེན་དགོན་པ |
དགོན་པ་ཞིག་མདོ་ཁམས་སྡེ་དགེ་རྫོང་དུ་ཡོད། |
| ཏིང་ཏིང |
1.ཏིང་ཏིང་ཞེས་པའི་སྒྲའི་མིང༌། 2.རྟ་དྲེལ་སོགས་ཀྱི་སྐེ་རྒྱན། |
| ཏིང་ཏིང་ཅག |
ཏིང་ཤགས་དང་དོན་གཅིག |
| ཏིང་ཏིང་མ |
སྤུ་མདོག་ཁྲ་ལ་མཆུ་རིང་བ། ཤིང་སྡོང་ཟ་བའི་སྲིན་བུ་ཟོས་ནས་འཚོ་བའི་ཕན་བྱ་ཞིག བྱ་ཤིང་རྟ་མོ་དང་ཡུལ་སྐད་དུ་བྱིའུ་ཤིང་རྐོན་ཡང་ཟེར། |
| ཏིང་ཏིང་ཤགས |
ཏིང་ཤགས་དང་འདྲ། |
| ཏིང་དཀར་ལ |
ལ་ཞིག་སྤུ་ཧྲེང་རྫོང་གི་ལྷོ་རྒྱུད་དུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་5230 ཡོད། |
| ཏིང་པར་མ |
ཏིང་ལ་པར་བརྒྱབ་པའི་བུ་རམ་དང་ཤེལ་ཀ་ར། |
| ཏིང་ཕོར |
ཆུ་མཆོད་འབུལ་བྱེད་ཀྱི་ལྕགས་རིགས་ཀྱི་ཕོར་བ་ཆུང་ངུའི་མིང་། ཚིག་བསྡུས་ན་ཏིང་ཞེས་འབྲི་སྟེ། (དཔེར་ན།) ཟངས་ཏིང་། ལི་ཏིང་། དངུལ་ཏིང་ཞེས་པ་ལྟ་བུ། |
| ཏིང་བཟོ་མགོ་སྐོན |
(ཡུལ་སྐད།) མིང་གཞན་ཕོར་ཐེར་མགོ་སྐོན་ཡང་ཟེར་ཏེ་ཟངས་བཟོ་བའི་ལག་ཆ་ཞིག |
| ཏིང་འཛིན |
ཡུལ་ངེས་ལྔའི་ནང་གསེས། བདེན་པ་དང་སྐྱོན་ཡོན་དང་ཞི་རགས་སོགས་རང་སྤྱིའི་མཚན་ཉིད་བརྟག་བྱའི་དངོས་པོ་ལ་དམིགས་ནས་རྩེ་གཅིག་པའི་ཤེས་པ་རྣམ་གཡེང་གི་གཉེན་པོ་ཤེས་རབ་བསྐྱེད་པའི་བྱེད་ལས་ཅན་ནོ། ། |
| ཏིང་འཛིན་རབ་རྟོག |
རབ་རྟོག་གི་རྒྱན་གྱི་ནང་གསེས་ཤིག་སེམས་མེད་ཀྱི་དངོས་པོས་སེམས་ལྡན་གྱི་བྱ་བ་བྱེད་བསམ་མེད་བཞིན་དུ་ཡོད་པར་སྒྲོ་བཏགས་ཏེ་རབ་རྟོག་གསལ་བྱེད་ཀྱི་བཞིན་སྒྲ་སྦྱར་བའི་སྒོ་ནས་བརྗོད་པའི་རྒྱན་ཞིག |
| ཏིང་འཛིན་སེམས་དཔའ |
སེམས་དཔའ་སུམ་བརྩེགས་ཀྱི་ནང་གསེས་ཤིག་ཡེ་ཤེས་སེམས་དཔའི་ཐུགས་ཀར་ས་བོན་ནམ་ཕྱག་མཚན་བསྒོམ་པའོ། ། |
| ཏིང་རྗིང |
བྱི་བའི་རིགས་ཤིག་གི་མིང་། ཡུལ་སྐད་དུ་བྱི་ལོང་ཟེར། |
| ཏིང་ལོ |
ཟན་གྱི་ཀོང་བུ་ཆུང་ངུར་མར་སྣུམ་གང་རུང་གིས་གཏམས་པའི་མར་མེ་ཆུང་ཆུང༌། |
| ཏིང་ཤགས |
ཟངས་དང་ལིས་བཟོས་པའི་རོལ་ཆ་ཆུང་ངུ་དབྱིབས་ཀོར་མོ་ཕན་ཚུན་བརྡབས་པ་ལས་སྒྲ་གྲག་པ་ཞིག |
| ཏིངས |
འདིང་གི་སྐུལ་ཚིག་ལ་ཏིངས་འབྲི་བའང་ཡོད། |
| ཏིན་དུ་ཀ |
(ལེགས་སྦྱར།) རྒྱ་གར་ཕྱོགས་སུ་ཡོད་པའི་སྟར་ཁ་ནག་པོ། |
| ཏིམ་པི |
(ལེགས་སྦྱར།) ཀོ་ལྷམ་རྟ་སྒྲོ་སོགས་ཀྱི་མཐའ་འགྲིལ་དང༌། མཐོངས་རྒྱན། སྲུབ་ཟན་སོགས་ལ་གཏོང་རྒྱུའི་པགས་པ་ཚོས་སྔོན་ཅན། |
| ཏིམ་པི་ཅ |
ཁ་ཆེའི་ཡུལ་སོགས་ནས་ཐོན་པའི་རྟ་མཆོག་གི་མིང་སྟེ་ཡུལ་སྐད་ལ་ཏི་པི་ཅག་ཟེར། |
| ཏིལ |
སྔོ་སྨན་འབྲས་བུའི་རིགས་ཏེ་དཀར་ནག་གཉིས་མཆིས། རོ་མངར། ཞུ་རྗེས་དྲོད། ནུས་པས་རླུང་འཇོམས། ལུས་སྟོབས་འཕེལ་བར་བྱེད། ཆུ་སེར་ལའང་ཕན། |
| ཏིལ་དཀར |
ཏིལ་འབྲུ་དཀར་པོ། |
| ཏིལ་ནག |
ཏིལ་འབྲུ་ནག་པོ། |
| ཏིལ་བཅས |
(བརྡ་རྙིང་།) འཆི་བའི་བརྡ། |
| ཏིལ་མར |
ཏིལ་ལས་བྱུང་བའི་སྣུམ་ཏེ། (དཔེར་ན།) བྱེ་མ་བཙིར་བ་ལས་ཏིལ་མར་མི་འབྱུང༌ལྟ་བུ། |
| ཏིལ་མར་ཅན |
(མངོན་བརྗོད།) ཙན་དན་དམར་པོ། |
| ཏིལ་མར་ར་བ |
(མངོན་བརྗོད།) ཁྲིམས་རའམ་བཙོན་ཁང༌། |
| ཏིལ་འབྲུ |
1.ཏིལ་དཀར་ནག་གི་འབྲུ།2.ཆུང་བའི་དཔེ། ཏིལ་འབྲུ་ཙམ་གྱི་དོན། (དཔེར་ན།) གྲུབ་འབྲས་ཏིལ་འབྲུ་ཙམ་མི་ཡོང༌། ཕན་ཐོགས་ཏིལ་འབྲུ་ཙམ་ཡང་མ་བྱུང༌ཞེས་པ་ལྟ་བུ། |
| ཏིལ་འཚིར |
ཏིལ་སྣུམ་འདོན་པ་སྟེ། (དཔེར་ན།) འཚིར་སྤྱད་ཀྱི་འཁོར་ལོས་ཏིལ་འཚིར་བར་བྱེད་ཅེས་པ་ལྟ་བུ། |
| ཏིལ་རྗང |
ཏིལ་བླུག་སའི་བང་བ། |
| ཏིལ་རྡུང |
ཏིལ་བརྡུངས་ནས་སྣུམ་འདོན་པའི་ཏིལ་རྡུང་མཁན། |
| ཏིལ་སྐྱེས |
(མངོན་བརྗོད།) ཏིལ་ལས་བྱུང་བའི་སྣུམ། |
| ཏིལ་སྣུམ |
ཏིལ་ལས་བྱུང་བའི་སྣུམ། |
| ཏིལ་སྦྱང |
ཏིང་རྗང་དང་དོན་གཅིག |
| ཏུ |
ལ་དོན་ལ་འཇུག་སྟེ་ལ་ལ་ལྟོས། |
| ཏུ་ཙ |
ཏི་ཙ་དང་དོན་གཅིག |
| ཏུ་རུ་ཀ |
1.སྤོས་ཀྱི་བྱེ་བྲག་ཅིག 2.སྔར་ཁ་ཆེའི་ཡུལ་གྱི་གར་ལོག་རིགས། |
| ཏུ་རུ་ཁ |
1.ད་ལྟ་ཐུར་ཆི་ཟེར་བའི་རྒྱལ་ཁབ་བམ་རྒྱལ་ཁབ་དེའི་མི་རིགས་ཀྱི་མིང་། 2.སྤོས་དཀར་ལའང་ཏུ་རུ་ཁ་ཟེར། |
| ཏུ་རེ |
(བརྡ་རྙིང་།) 1>ཏུར་ཏེ་མྱུར་བའམ་ལྷང་ངེ་བ། 2>དུས་རྒྱུན་པ། 3>འབད་བརྩོན། |
| ཏུག |
རྡོ་གཏུན་ས་ལ་བརྡུངས་པའི་སྒྲ་ལྟ་བུ་སྟེ། (དཔེར་ན།) བྱིས་པ་ཏུག་ཏུག་བརྒྱུགས། རྦབ་རྡོ་ཏུག་ཏུག་འགྲིལ། ཏུག་ཆོམ་གྱི་སྒྲ་གྲགས་ལྟ་བུ། |
| ཏུག་ཆུམ |
ཆེ་ཞིང་ལྗིད་པའི་སྒྲ་སྟེ། རྡོ་སོགས་ས་ལ་ལྷུང་བ་དང༌། ཐག་རིང་གི་རྟའི་རྨིག་སྒྲ་ལྟ་བུ། (དཔེར་ན།) རྦབ་རྡོ་ཏུག་འགྲིལ་ཆུམ་འགྲིལ་ཞེས་པ་ལྟ་བུ། |
| ཏུག་ཏུག |
(རྒྱན་ཚིག) སྒྲ་མི་གསལ་ཞིང་དམའ་བའི་རྣམ་འགྱུར་ཏེ། (དཔེར་ན།) བྱིས་པ་ཏུག་ཏུག་བརྒྱུགས་ཞེས་པ་ལྟ་བུ། |
| ཏུག་རིང |
སྒྲ་མི་གསལ་ཞིང་ཅུང་རིང་ཙམ་སྒྲོག་པའི་སྒྲ་ཞིག |
| ཏུག་རིད |
1.རྫ་རྔ་སོགས་ཀྱི་ཐག་རིང་གི་སྒྲ། 2.རྟ་དང་བོང་བུ་སོགས་འགྲོ་བའི་སྒྲ། |
| ཏུང་ཀྭས |
ཏཱུང་ཀུས་དང་འདྲ། |
| ཏུང་ཚག |
(རྒྱ་སྐད།) ཏུང་ལས་བཟོས་པའི་ཡོ་བྱད་བརྐོས་ཚག་ཅན། |
| ཏུར་ཏུར |
1.(རྒྱན་ཚིག) 1>གསལ་པོའི་དོན་ཏེ། (དཔེར་ན།) རིག་པ་ཏུར་ཏུར་པོ་དེ་དྲན་སྐྱེན་པོ་ཞིག་ཡོང༌ལྟ་བུ། 2>སྐབས་རེ་གསལ་ལ་སྐབས་རེ་མི་གསལ་བའི་ཚུལ་ཏེ། (དཔེར་ན།) སེམས་ལ་འཆར་མི་འཆར་གྱི་ཉམས་ཏུར་ཏུར་ཞིག་འདུག་ལྟ་བུ། 3>ལས་ཀ་སོགས་རྫོགས་ལ་ཁད་པའི་དོན་ཏེ། (དཔེར་ན།) ལས་མཇུག་ཧ་ལམ་ཏུར་ཏུར་ཞིག་ལ་སླེབས་འདུག་ཅེས་པ་ལྟ་བུ། |
| ཏུར་ཏུར་པོ |
ཏུར་ཏུར་དང་དོན་གཅིག |
| ཏུར་རེ |
(རྒྱན་ཚིག) བརྟན་ཆགས་པའམ་གསལ་བོའི་དོན་ཏེ། (དཔེར་ན།) དྲན་འདུན་ཏུར་རེ་བ། ཡིད་ལ་ཏུར་རེ་ཤར་ལྟ་བུ། |
| ཏུལ་པ |
(བརྡ་རྙིང་།) གད་མོ་དགོད་པ། |
| ཏུལ་པའི་འབྲས་བུ |
(མངོན་བརྗོད།) སོ་མ་རཱ་ཛཱ། |
| ཏེ |
མིང་མཐའ་ན་ར་ལ་ས་དང་ད་དྲག་ཅན་གྱི་རྗེས་སུ་སྦྱོར་བའི་ལྷག་བཅས་ཀྱི་སྒྲའི་ཕྲད་ཅིག (དཔེར་ན།) དེའང་སེམས་ཅན་ཡིན་ཏེ་ཉ་ཡིན་པའི་ཕྱིར། བཀའ་འགྱུར་ཏེ་སངས་རྒྱས་ཀྱི་གསུང་རབ་རྒྱ་གར་སྐད་ནས་སྐད་རིགས་གཞན་དུ་བསྒྱུར་ནས་འགྱུར་བ་རྣམས་སོ། ཐག་རིང་དུ་བསྐྱལ་ཏེ་བཞག རས་ཆ་དྲས་ཏེ་གྱོན་པ་འཚེམ་ཞེས་པ་ལྟ་བུ། |
| ཏེ་ཏེ |
རྔ་ཆུང༌ཞིག་སྟེ། (དཔེར་ན།) སེམས་དགའ་ནས་ཏེ་ཏེ་རྡུང་བཞིན་འཁྲབ་ཅེས་པ་ལྟ་བུ། |
| ཏེ་པ |
(ཡུལ་སྐད།) འཇུར་མིག་གི་བུ་ག་མང་པོ་ཡོད་པའི་ལྕགས་ལེབ་མགར་བས་ལྕགས་སྐུད་ཕྲ་བོ་དང་ལྕགས་གཟེར་བཟོ་བྱེད་ལག་ཆ་ཞིག |
| ཏེ་པོར |
(བརྡ་རྙིང་།) 1>ཤིན་ཏུའམ་རབ་ཏུ། 2>ལེགས་པ། 3>སྲ་བ། 4>དམ་པ། 5>དྲག་པ། 6>ཚབས་ཆེ་བ། |
| ཏེ་པོར་གཏལ་བ |
(བརྡ་རྙིང་།) ཉེས་རྡུང་ཧ་ཅང་ཆེན་པོ་བཏབ་པ། |
| ཏེ་བོར |
ཤིན་ཏུ། རབ་ཏུ། དམ་པ། དྲག་པ། སྲ་བ། ཚབས་ཆེ་བ་རྣམས་ལ་འཇུག་པར་དག་ཡིག་ལ་ལར་བཤད་དེ། ཏེ་པོར་ཞེས་འབྲི་བའང་ཡོད། |
| ཏེ་ལོ |
སྲེ་མོང་ལས་ཆེ་ཙམ་གྱི་སྲོག་ཆགས་དྲི་ངན་ཅན། |
| ཏེ་ལོའི་ཤ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་གདོན་ནད་འཇོམས། ཆུ་སེར་སྐེམ་པ་སོགས་ལ་ཕན། |
| ཏེ་སེ |
1.དབུས་གཙང་མངའ་རིས་ས་ཆའི་གངས་རི་ཞིག་གི་མིང་། 2.གངས་ཏེ་སེའི་རི་རྒྱུད་ཀྱི་མིང་། |
| ཏེབ་བེ |
(བརྡ་རྙིང་།) སྣོད་སྡེར་མ་འདྲ་བ་ཞིག |
| ཏེབ་ཙག |
(ཡུལ་སྐད།) ཤིང་གཞོག་བྱེད་ཀྱི་ལག་ཆ་ཞིག |
| ཏེབ་ཙེ |
(རྒྱ་སྐད།) ཐེབས་ཙེ་ཡང་ཟེར་ཏེ་ལྟོ་སྣོད་ཅིག |
| ཏེའུ་ལེ་བ |
(ལེགས་སྦྱར།) ད་བྱིད། |
| ཏེའུ་ལོ |
རྟེའུ་ལོ་ཡི་འབྲི་ཚུལ་གཞན། |
| ཏེའུ་ཤིང |
ཁྲི་ཆུང་ངུ་ཞིག |
| ཏེལ་པ |
གསེར་དངུལ་ཟངས་ལྕགས་སོགས་ལས་བཅོས་པའི་ནད་དམིགས་སྲེག་བྱེད་ཀྱི་ཡོ་བྱད་ཅིག |
| ཏེལ་བ |
ཏལ་བ་ཡི་འབྲི་ཚུལ་གཞན། |
| ཏཻ་ལོ་པ |
དུས་རབས་བཅུ་པའི་སྐབས་སུ་བྱུང་བའི་ན་རོ་པའི་བླ་མ། ཁོང་གི་ཐོག་མའི་མཚན་ལ་ཤེས་རབ་བཟང་པོ་ཟེར། གསང་སྔགས་ཉམས་སུ་བླངས་ཏེ་གྲུབ་པ་བརྙེས། སྣུམ་འཚག་མཛད་པ་གནང་མྱོང་བས་མཚན་ལ་ཏཻ་ལོ་པ་ཐོགས། |
| ཏོ |
སླར་བསྡུའམ་རྫོགས་ཚིག་གོ་ལ་ལྟོས། |
| ཏོ་རེ་ལོང་བཙན |
ལྡེ་སྤྲིན་བཙན་དང་ཉི་བཙུན་མང་མ་རྗེ་གཉིས་ཀྱི་སྲས། སྔར་བོད་རྒྱལ་ཉེར་བཞི་པ་སྟེ་བཙན་ལྔའི་ཡ་གྱལ་ཞིག་འདི་མན་ནས་འབངས་དང་གཉེན་བསྲེས་སོ། ། |
| ཏོག |
1.དབལ་ལམ། རྩེ་མོའི་དོན་ཏེ། (དཔེར་ན།) དར་ཤིང་གི་ཏོག ཞྭ་མོའི་ཏོག་ཅེས་པ་ལྟ་བུ། 2.གོ་གནས་མཚོན་བྱེད་ཀྱི་ཞྭ་མོའི་རྒྱན་ཆ་ཞིག་སྟེ། (དཔེར་ན།) རིམ་པ་གསུམ་པའི་ཏོག་གནས་ཞེས་པ་ལྟ་བུ། 3.ཉིང་ཁུའམ་སྙིང་པོ། |
| ཏོག་ཏོག |
(རྒྱན་ཚིག) སྒྲའི་བྱེ་བྲག་ཅིག་སྟེ། (དཔེར་ན།) རྐན་སྒྲ་ཏོག་ཏོག་གྲགས་ལྟ་བུ། |
| ཏོག་བཙུགས་ཁྱེམ་བཙུགས |
ལས་ཀ་གོ་རིམ་ལྟར་མི་བྱེད་པར་ཅིག་ཅར་དུ་བྱེད་པའི་དཔེ། |
| ཏོག་ཙམ |
ཕྲན་བུའམ། ཡུད་ཙམ་གྱི་དོན་ཏེ། (དཔེར་ན།) ད་དུང་ཏོག་ཙམ་སྒུགས་དང་ཁོ་རང་སླེབས་ཡོང༌། ཁ་སྣོན་ཏོག་ཙམ་བརྒྱབ་ན་ཚད་ལོང་ཡོང༌ལྟ་བུ། |
| ཏོག་ཙེ |
ས་རྐོ་བྱེད་འཇོར་ཏེ། མིང་གི་རྣམ་གྲངས་ལ་རྐོ་བྱེད་དང་འཇོར་རོ། ། |
| ཏོག་ཞྭ |
སྔར་གོ་གནས་མཚོན་བྱེད་ཏོག་ཡོད་པའི་ཞྭ་མོ། |
| ཏོག་རྩི |
གཏར་ཁབ་ཀྱི་རིགས་ཤིག |
| ཏོག་རྩེ |
ཏོག་ཙེ་དང་འདྲ། |
| ཏོག་སྟེ་བླངས་པ |
(བརྡ་རྙིང་།) 1>གློ་བུར་དུ་ཁྱེར་བ། 2>ཆ་ཚང་ལིངས་ཏེ་བླངས་པ། |
| ཏོང |
རྔ་བོ་ཆེའི་སྒྲ་ལྟ་བུའི་སྒྲའི་བྱེ་བྲག |
| ཏོང་ཁུན |
ཏཱུང་ཀུས་དང་འདྲ། |
| ཏོང་ཏོང |
1.(རྒྱན་ཚིག) ཆེ་ཞིང་གསལ་བའི་སྒྲ་གྲག་ཚུལ་ཞིག2.བོང་བུ་སོགས་ཀྱི་སྐེ་ལ་འདོགས་རྒྱུ་ལྕགས་ལས་བཟོས་པའི་ཏོང་ཏོང༌། |
| ཏོབ་ཏོབ |
རྟབ་རྟོབ་དང་དོན་གཅིག |
| ཏོབ་ཏོབ་སྨྲ་བ |
བབ་ཅོལ་སྨྲ་བའི་དོན་ཏེ། (དཔེར་ན།) རྟོག་དཔྱོད་མེད་པར་སྐད་ཆ་ཏོབ་ཏོབ་སྨྲ་ཞེས་པ་ལྟ་བུ། |
| ཏོར་པང |
བུ་ག་ཆེ་རུ་གཏོང་བྱེད་ཀྱི་ལག་ཆ་ཞིག |
| ཏོལ |
(བསྣན་ཚིག) གློ་བུར་དང་ཡུན་ཐུང་བ་སོགས་ལ་འཇུག་པར་བཤད། |
| ཏོལ་ཤེས |
ཐོགས་མེད་དུ་ཤེས་པ། |
| ཏྭོན་མུན |
(རྒྱ་སྐད།) ཅིག་ཅར་བ་སྟེ། སྔར་རྒྱ་ནག་ཏུ་དུ་དར་བའི་ནང་པའི་གྲུབ་མཐའ་ཞིག |
| ཏྲ |
སྤྲ་ཡི་འབྲི་ཚུལ་གཞན། |
| ཏྲི་ཤུ་ལ |
(ལེགས་སྦྱར།) རྩེ་གསུམ་ཡོད་པའི་མཚོན་ཆ་ཞིག |
| ཏྲི་ཨེ་སང |
བོན་ལུགས་ཀྱི་ཐ་སྙད་ཅིག་སྟེ་ནང་པའི་ཡུམ་ཆེན་མོའམ་ཤེར་ཕྱིན་དང་འདྲ། |
| ཏྲེ་ཏྲེ་ཧོ |
(ལེགས་སྦྱར།) རིམས་སྨྱོན་པ་སྟེ་ནག་པོ་སུམ་སྒྲིལ་གྱི་མིང་གཞན་ཞིག |
| ཏྲེ་བོ |
བོད་མདོ་ཁམས་་ཁུལ་བྲག་འགོ་ཡུལ་གྱི་ས་ཆ་ཞིག |
| ཏྲེ་མ |
(ལེགས་སྦྱར།) 1>སྦྲང་རྒོད་མདུང་གསུམ་པ། 2>སྲེ་མོང༌། |
| ཏྲེ་མ་བུ་ག |
(ལེགས་སྦྱར།) སྦྲང་ཆུང༌། |
| ཏྲེ་ལ་ཏ་ཀ |
(ལེགས་སྦྱར།) སྦྲང་མ་ཆེན་པོ། |
| ཏྲེ་ལྷམ |
1.ཏྲེ་བོ་ཁམས་པ་སོགས་ཀྱི་གྱོན་ལྷམ། 2.(ཡུལ་སྐད།) ཏྲེས་སམ་མམ། སྨན་ཕྱེ། |
| ཏྲེ་ཧོར |
1.ཏྲེ་བོ་དང་མཚུངས། 2.ཁམས་བྱང་རྒྱུད་རོང་པ་ཚ་ནས་རྟའུ་བར་གྱི་ཡུལ་སྤྱིའི་མིང༌། |
| ཏྲེམ |
ཞང་ཞུང་སྐད་ཀྱི་གྲུམ་བུའི་སྐད་དོད་ཅིག་ནང་གསེས་སུ་དབྱེ་ན་རྩ་ཏྲེམ་དང༌། རུས་ཏྲེམ། ཤ་ཏྲེམ། ཆུ་ཏྲེམ། ཏྲེམ་དཀར། ཏྲེམ་ནག་བཅས་རིགས་དྲུག་མཆིས་སོ། ། |
| ཏྲེམ་དཀར |
གྲང་བ་ཤས་ཆེ་བའི་གྲུམ་བུའི་མིང་། |
| ཏྲེམ་ནག |
ཁྲག་མཁྲིས་ཚ་བ་ཤས་ཆེ་བའི་གྲུམ་ནད་ཅིག |
| ཏྲེས་སམ |
སྨན་སྦྱོར་གྱི་ཕྱེ་མ་ཞིབ་ཏུ་བཏགས་པའི་མིང༌། |
| ཏྲོན |
(བརྡ་རྙིང་།) བརྩོན་འགྲུས། |
| ཐ |
1.བོད་ཡིག་གསལ་བྱེད་བཅུ་པ། འདིའི་ང་རོ་འདོན་ཚུལ་ལ་སྐྱེ་གནས་སོ་དང༌། བྱེད་པ་ལྕེ་རྩེ། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་སྒྲ་མེད། 2.མིང་གཞིའི་མ་ནིང་གི་ཡི་གེ་ཞིག 3.རིམ་པ་བརྩིས་པའི་མཇུག་མཐའ་འམ་དམན་པའི་དོན་ཏེ། (དཔེར་ན།) རབ་འབྲིང་ཐ་གསུམ། དཔྱིད་ཟླ་ཐ་ཆུང(དཔྱིད་ཟླ་གསུམ་པ)མི་ཐ་ཤལ་བ་ཞེས་པ་ལྟ་བུ། |
| ཐ་ཁུག |
དུ་རྫས་ཐ་མ་ཁ་བླུག་སྣོད། |
| ཐ་ག་པ |
སྔོན་དུས་གཙོ་བོར་ཐགས་འཐག་པའི་ལག་ཤེས་བཟོ་ལས་ལ་བརྟེན་ནས་འཚོ་བའི་མི། |
| ཐ་གཅུང |
རྗེས་སྐྱེས་སྤུན་ཆུང༌། |
| ཐ་གི |
(བརྡ་རྙིང་།) 1>ཞི་བ། 2>ཅུང་ཟད། 3>སྙིང་པོ། 4>རྒྱང་ཙམ་དང༌། མཐའ་ཙམ་གྱི་བར། |
| ཐ་གུ |
ཐག་པ་ཕྲ་མོའི་མིང་། |
| ཐ་གུའི་ལྟོ་ཅན |
(མངོན་བརྗོད།) ཁྱབ་འཇུག |
| ཐ་གེ |
(རྒྱན་ཚིག) ཅུང་ཟད་ཙམ་གྱི་དོན་ཏེ། (དཔེར་ན།) སྨན་ཐ་གེ་རེ་འཐུང་ལྟ་བུ། |
| ཐ་གྲུ |
རྒྱ་ཁྱོན་གྱི་དོན་ཏེ། (དཔེར་ན།) ཐ་གྲུ་ཡངས་པའི་སྤང་ལྗོངས་ཞེས་པ་ལྟ་བུ། |
| ཐ་ངེ་ཐུང་ངེ |
(རྒྱན་ཚིག) ཐང་ཐུང་ལ་ལྟོས། |
| ཐ་ཆ |
ཐ་ཆད་དང་འདྲ། |
| ཐ་ཆད |
1.མ་རབས་དང༌། མ་དུལ་བའི་དོན་ཏེ། (དཔེར་ན།) སྤྱོད་ངན་ཐ་ཆད། བུ་ཐ་ཆད་ཅེས་པ་ལྟ་བུ། 2.དམན་པའམ་སྡུག་ཤོས་ཀྱི་དོན་ཏེ། (དཔེར་ན།) འཚོ་བ་ཐ་ཆད། གྱོན་གོས་ཐ་ཅད་ཅེས་པ་ལྟ་བུ། |
| ཐ་ཆུང |
1.ཐ་མའི་དོན་ཏེ། (དཔེར་ན།) དཔྱིད་ཟླ་ཐ་ཆུང༌། སྤུན་དགུའི་ཐ་ཆུང་གཉིས་ཞེས་པ་ལྟ་བུ། 2.(མངོན་བརྗོད།) 1>ནུ་བོ། 2>མཛུབ་ཆུང་མ། |
| ཐ་ཐོར |
(རྒྱན་ཚིག) ཐར་ཐོར་གྱི་འབྲི་ཚུལ་གཞན། |
| ཐ་དད་པ |
སོ་སོ་བའི་ཆོས་ཏེ། རྟོག་ངོའམ་ཡིད་ངོར་གཉིས་སུ་སྣང་བ། (དཔེར་ན།) ཀ་བ་དང༌། བུམ་པ་གཉིས་ལྟ་བུའོ། །རང་བཞིན་ཐ་དད་པ། རིགས་ཐ་དད་པ། ལུགས་ཐ་དད་པ། ཆུ་དང་རླངས་པ་ངོ་བོ་གཅིག་ལ་རྣམ་པ་ཐ་དད་པ། བྱ་བྱེད་ཐ་དད་པ་ཞེས་པ་ལྟ་བུ། |
| ཐ་དད་པ་བཞི |
ཐ་དད་པ་ལ་དབྱེ་ན། རང་ལྡོག་ཐ་དད་པ་དང༌། ངོ་བོ་ཐ་དད་པ། རིགས་ཐ་དད་པ། རྫས་ཐ་དད་པ་སྟེ་བཞིའོ། ། |
| ཐ་དད་པའི་འདུ་ཤེས |
ངོ་བོའམ་ལྡོག་པ་སོ་སོ་བའི་འདུ་ཤེས། |
| ཐ་དད་པའི་འདུ་ཤེས་མི་མངའ་བ |
འཁོར་འདས་ཀྱི་ཆོས་རྣམས་ལ་བདེན་དངོས་ཀྱི་བླང་དོར་གྱི་དྲི་མ་མི་མངའ་བ། མ་འདྲེས་པའི་ཆོས་བཅོ་བརྒྱད་ཀྱི་ཡ་གྱལ་ཞིག |
| ཐ་དད་ཚིག་འདྲའི་སྦྱར་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གཉིས་ཀྱི་སྦྱར་ཆོས་རྣམས་ཕན་ཚུན་མཚུངས་པར་སྦྱོར་བྱེད་ཀྱི་ཚིག་འདྲ་ལ་གཅོད་མཚམས་མི་འདྲ་བའི་དབང་གིས་དོན་ཐ་དད་སྟོན་པའི་རྒྱན་ཞིག |
| ཐ་དམ་ཚིག |
ཐ་ཚིག་གམ། དམ་ཚིག་སྟེ། (དཔེར་ན།) ཁ་ཆད་ཚིག་དན་ནམ། ཁས་བླངས་དམ་བཅའ་ཞེས་པ་ལྟ་བུ། |
| ཐ་ན |
མ་མཐར་གྱི་དོན་ཏེ། (དཔེར་ན།) ཕན་པའི་རོགས་རམ་བྱ་རྒྱུ་ཕར་བཞག་ཐ་ན་ལེགས་སོ་ཞེས་པའི་ཚིག་ཙམ་ཡང་བཤད་མི་འདུག མི་ལྟ་ཅི། ཐ་ན་སྲོག་ཆགས་གྲོག་སྦུར་ཙམ་ཡང་མི་འདུག ཐ་ན་བཞད་གད་ཙམ་གྱི་ཆེད་དུའང་གཞན་ལ་གནོད་པ་མི་བྱེད་ཅེས་པ་ལྟ་བུ། |
| ཐ་ནའི་མུ་ཏིག |
(མངོན་བརྗོད།) རྡོ་མ་ན་ཧུ། |
| ཐ་ནེ་ཐུན་ནེ |
(རྒྱན་ཚིག) ཐན་ཐུན་ལ་ལྟོས། |
| ཐ་བ |
1.ཞེ་སྡང་དང༌། ཁོང་ཁྲོ། 2.ཉོན་མོངས་པ། 3.རེངས་པ་དང༌། སྲ་བའམ་མཁྲེགས་པའི་དོན་ཏེ། (དཔེར་ན།) ས་ཞིང་ཐ་བར་ལུས་ལྟ་བུ། 4. རྩུབ་མོ། |
| ཐ་བ་ངན་པ |
སྡུག་བསྔལ་དང་ལོག་ལྟ་དང་ཉོན་མོངས་པའི་དོན་ཏེ། (དཔེར་ན།) སྡིག་པ་མི་དགེ་བའི་ཐ་བ་ངན་པ་གཏོང་ལྟ་བུ། |
| ཐ་བ་སྐྱ་ཆགས |
ལོ་མང་རེངས་པའི་ས་ཞིང་གི་ཁ་དོག་སྟེ། (དཔེར་ན།) ལོ་གསུམ་བསྟུད་ནས་ཐན་པ་བཏང་བར་བརྟེན་ས་ཞིང་ཚང་མ་ཐ་བ་སྐྱ་ཆགས་སུ་གྱུར་ཞེས་པ་ལྟ་བུ། |
| ཐ་བ་སྤངས་པ |
1.ཁོང་ཁྲོ་སྤངས་པ། 2.སངས་རྒྱས་ཤིག་གི་མཚན། |
| ཐ་བེ་ཐུ་བེ |
ཚིག་དོན་དང་སྒྲིག་ལམ་སོགས་འཆོལ་བའམ་ཉོག་པར་གྱུར་པའི་བརྡ་རྙིང་། |
| ཐ་མ |
1.མཇུག་མ་དང༌། རྗེས་མའི་དོན་ཏེ། (དཔེར་ན།) འཕྲད་པའི་ཐ་མ་ནི་འབྲལ། ཐ་མར་དགེ་བ། ཟས་ཀྱི་ཐ་མ་ཟ། གཉེན་གྱི་ཐ་མས་བསྐོར། སྐྱེ་བའི་ཐ་མ་འཆི་བ་ཡིན་ཞེས་པ་ལྟ་བུ།2.དམན་པ་དང༌། ཆུང་བ་དང༌། ཞན་པ་སྟེ། (དཔེར་ན།) རིམ་པ་རབ་འབྲིང་ཐ་གསུམ་ཞེས་པ་ལྟ་བུ། |
| ཐ་མ་ཁ |
ཁ་ལ་འཐེན་རྒྱུའི་དུ་བ་སྟེ། (དཔེར་ན།) ཐ་མ་ཁ་འཐེན་པ། ཐ་མ་ཁ་གཅོད་པ་ཞེས་པ་ལྟ་བུ། |
| ཐ་མག |
ཐ་མ་ཁའི་བསྡུས་ཚིག |
| ཐ་མའི་ཆ་མཐུན་གྱི་ཀུན་སྦྱོར་ལྔ |
ཐ་མའི་ཆ་མཐུན་ལྔ་དང་དོན་གཅིག |
| ཐ་མའི་ཆ་མཐུན་ལྔ |
ཁམས་ཐ་མའི་ཆ་མཐུན་ནམ་འདོད་ཁམས་ཀྱི་ཀུན་སྦྱོར་ལྔ་ཀུན་སྦྱོར་གསུམ་དང༌། འདོད་འདུན་དང༌། གནོད་སེམས་བཅས་ལྔའོ། ། |
| ཐ་མལ་གྱི་ཞེན་པ |
དངོས་པོ་ལ་ཆགས་འཛིན་གྱི་བློ། |
| ཐ་མལ་པ |
དཀྱུས་མ་དང༌། ཕལ་པ། རང་བཞིན་པའི་དོན་ཏེ། (དཔེར་ན།) མི་ཐ་མལ་པ། བྱ་བ་ཐ་མལ་པ། བསམ་བློ་ཐ་མལ་པ། རས་ཆ་འདི་སྤུས་ཐ་མལ་པའི་གྲས་རེད། དེང་སྐབས་གཟུགས་ཁམས་བདེ་ཉེན་གཉིས་བྲལ་ཐ་མལ་པའི་ངང་དུ་གནས་ལགས་ཞེས་པ་ལྟ་བུ། |
| ཐ་མལ་བ |
ཐ་མལ་པ་དང་འདྲ། |
| ཐ་མལ་བའི་ཕྱོགས |
འབྲིང་བའམ། དཀྱུས་མའི་རིགས། |
| ཐ་མལ་སྣང་བ |
འཇིག་རྟེན་པའི་སྣང་བ། |
| ཐ་མི་དད་པ |
ཐ་དད་མ་ཡིན་པ་སྟེ། (དཔེར་ན།) ཆུ་དང་རླངས་པ་མི་འདྲ་ནའང་ངོ་བོ་ཐ་མི་དད་པ་ཡིན་ལྟ་བུ། |
| ཐ་མེ་ཐོམ་མེ |
(རྒྱན་ཚིག) ཐམ་ཐོམ་ལ་ལྟོས། |
| ཐ་ཚིག |
1.མནའ་ཚིག་དང༌། དམ་ཚིག དམ་བཅས་པའི་ཚིག (དཔེར་ན།) སྔོན་གྱི་ཐ་ཚིག་གཉན་པོ། ཐ་ཚིག་བོར་ཞེས་པ་ལྟ་བུ། 2.ཚིག་གི་རྩ་དོན་ནམ། ཚིག་གི་དོན་གལ་ཆེ་བ། 3.ཐ་སྙད་ཀྱི་ཚིག་དང༌། ཐ་སྙད་བཏགས་པའི་ཐ་མའི་ཚིག་གམ། ངེས་པའི་ཚིག |
| ཐ་ཚིག་ཡི་གེ |
མ་གོ་མ་ཐོས་ཟེར་ས་མེད་པའི་བརྡ་ཡིག་གམ་བཀའ་བརྡ། |
| ཐ་ཞན |
ཉམ་ཆུང་ངམ་ཉམ་ཐག་གི་དོན་ཏེ། (དཔེར་ན།) འཚོ་བ་ཐ་ཞན། བྱེད་སྟངས་ཐ་ཞན། གོམས་གཤིས་ཐ་ཞན་ཞེས་པ་ལྟ་བུ། |
| ཐ་ཞིང |
1.ལོ་ཏོག་སྐྱེ་ཐོན་ཞན་པའི་ས་ཞིང༌། 2.དབྱར་བསྙལ་བསླང་བྱེད་དགོས་པའི་ས་ཞིང་ཐ་མ། |
| ཐ་ར་ར |
(རྒྱན་ཚིག) 1>འཐོར་བའམ་ཟག་པའི་རྣམ་པ་ཞིག་སྟེ། (དཔེར་ན།) ཆུ་ཐིགས་ཟེགས་མ་ཐ་ར་ར་ཞེས་པ་ལྟ་བུ། 2>འགྲོ་བའམ་རྒྱུ་བའི་རྣམ་པ་ཞིག་སྟེ། (དཔེར་ན།) རྟ་པ་མང་པོ་ཐ་ར་ར་རྒྱུག་འདུར་གྱིས་འགྲོ་བཞིན་ཡོད་ཅེས་པ་ལྟ་བུ། |
| ཐ་རམ |
1.ངན་པའི་དོན་ཏེ། (དཔེར་ན།) གཞན་གྱི་མིག་ལྟོས་ཤས་རྐྱེན་དུ་འགྱུར་བའི་ཐ་རམ་གྱི་སྤྱོད་པ་བྱེད་དུ་མི་འཇུག་ཅེས་པ་ལྟ་བུ། 2.ཞིང་རྒོད་ཐ་བ་དང་ལམ་ཁར་སྐྱེས་པའི་རམ་བུའི་རིགས་ཤིག་རོ་མངར་ལ་བསྐ་བ། ཞུ་རྗེས་བསིལ། ནུས་པས་འཁྲུ་བ་གཅོད། འབྲུམ་ནག་དང༌། མེས་ཚིག་པའི་རྨ་གསོ། གློ་ལུ་བ་འཇགས་པར་བྱེད། 3.རྩྭ་རམ་པ། |
| ཐ་རམས |
(བརྡ་རྙིང་།) གཏམས་པ། |
| ཐ་རེ་ཐོ་རེ |
(རྒྱན་ཚིག) ཚགས་མི་དམ་པའམ། ཉུང་ངུ་ཐོ་རེ་བའི་རྣམ་པ་སྟེ། (དཔེར་ན།) ཐ་རེ་ཐོ་རེའི་ལོ་འབྲས། ཤིང་ཐར་ཐོར་སྐྱེས་པ། ཅ་ལག་ཐ་རེ་ཐོ་རེ་འཇོག་པ། མེ་ཏོག་ཐར་ཐོར་ཞིག་ལས་མེད་པ། མི་ཐ་རེ་ཐོ་རེ་ལུས་ལྟ་བུ། |
| ཐ་རོ་མཚོ |
བོད་དབུས་འབྲོང་བ་རྫོང་གི་བྱང་རྒྱུད་དུ་ཡོད། |
| ཐ་རྒོད |
1.ས་རྒོད་མ་དུལ་བའི་དོན་ཏེ། (དཔེར་ན།) ས་ཞིང་ཐ་རྒོད་ཅེས་པ་ལྟ་བུ། 2.མི་སྲུན་པ་དང༌། མ་རབས་ཀྱི་དོན་ཏེ། (དཔེར་ན།) སེམས་རྒྱུད་ཐ་རྒོད། སྤྱོད་པ་ཐ་རྒོད་ཅེས་པ་ལྟ་བུ། 3.ངན་པ་དང༌། ངན་ངོན་གྱི་དོན་ཏེ། (དཔེར་ན།) གནས་མལ་ཐ་རྒོད། ལྟོ་གོས་ཐ་རྒོད་ཅེས་པ་ལྟ་བུ། |
| ཐ་ལི་མཐའ་བཞི |
རྟ་དྲེལ་ཐལ་མདོག་ལོ་བཞི་ལོན་པ། |
| ཐ་ལེ་ཟུག |
(སོག་སྐད།) དབྱར་ཁ་ཁལ་ཁ་ཟུག་ཕྱུ་པའི་སྟོད་དུ་གྱོན་རྒྱུའི་སྟོད་ཁེབས་ཀྱི་མིང༌། |
| ཐ་ཤལ་བ |
(རྒྱན་ཚིག) དམན་པའམ། ཞན་པ་དང༌། ངན་པའི་དོན་ཏེ། (དཔེར་ན།) ཐ་ཤལ་བའི་ཚུལ་དུ་བཞུགས་པ། མི་ཐ་ཤལ་བ་མ་ཡིན། སྤྱོད་པ་ཐ་ཤལ་བ་ཞེས་པ་ལྟ་བུ། |
| ཐ་སོན |
ས་ཐ་མའི་སོན། |
| ཐ་སྐར |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་རྟ་ལྡན་དང༌། དབྱུ་གུ། གསལ་བའི་བུ་མོ་བཅས་སོ། ། |
| ཐ་སྐར་གྱི་བུ་གཉིས |
ཉེ་དབང་སོ་གཉིས་ཀྱི་ནང་གསེས། ཐ་སྐར་གྱི་བུ་གཉིས་ཏེ། ཐ་སྐར་གྱི་ལྷ་དང༌། གཞོན་ནུའི་ལྷ་སྟེ་གཉིས། |
| ཐ་སྐར་གྱིས་ཉ |
སྐར་མ་ཐ་སྐར་དང་ཚེས་བཅོ་ལྔའི་ཟླ་བ་མཉམ་འཛོམས་བྱུང་བ། |
| ཐ་སྐར་ཟླ་བ |
1.ཧོར་ཟླ་དགུ་པ། 2.འདུལ་བ་ལས་ཟླ་བ་བརྒྱད་པའི་ཚེས་བཅུ་དྲུག་ནས་དགུ་པའི་ཚེས་བཅོ་ལྔའི་བར་ལ་ཐ་སྐར་ཟླ་བ་ཟེར། |
| ཐ་སྐར་སྐྱེས |
(མངོན་བརྗོད།) ལྷའི་སྨན་པ། |
| ཐ་སྐོར |
ཉེ་འདབས་ཀྱི་ཁོ་ར་ཁོར་ཡུག་གི་མིང་། |
| ཐ་སྙད |
1.ཚིག་སྦྱོར་འགྲུབ་བྱེད་ཀྱི་སྐད་ཆའི་སྡེ་ཚན་ཆུང་ཤོས་ཀྱི་མིང་། (དཔེར་ན།) མི། རྟ། མཛོ། ཆུ། མེ་ཞེས་པ་སོགས་ནི་ཐ་སྙད་ཡིན་ཞིང་། མེ་ཏོག་སེར་ཆེན་ཞེས་པ་སོགས་ཀྱང་ཐ་སྙད་ཡིན། 2.ཚིག་གམ་སྐད་ཆའི་མིང་སྟེ། (དཔེར་ན།) འཇིག་རྟེན་ཐ་སྙད་ལ་གྲགས་པ་ཞེས་པ་ལྟ་བུ། |
| ཐ་སྙད་ཀྱི་གཙུག་ལག |
བཟོ་གསོ་སྒྲ་སོགས་རིག་གནས་ཀྱི་གཞུང༌། |
| ཐ་སྙད་ཀྱི་གཞི |
མིང་དང་གྲགས་པའི་བརྡའི་གཞི། |
| ཐ་སྙད་ཀྱི་བརྡ |
མིང་དང་གྲགས་པའི་བརྡ། |
| ཐ་སྙད་གཅིག་པ |
མིང་གཅིག་པ། |
| ཐ་སྙད་གསུམ |
མི་ཡིན་པ་དང༌། ཤེས་པ་རང་བཞིན་དུ་གནས་པ། འདོད་ཁམས་པའི་ས་པ་ཡིན་པ་སྟེ་གསུམ། |
| ཐ་སྙད་གྲུབ་པ |
བུ་སྟོན་རིན་ཆེན་གྲུབ་ཀྱི་བཞེད་པ་ལྟར་ན་དབུ་མ་རིགས་ཚོགས་དྲུག་གི་དྲུག་པ། |
| ཐ་སྙད་དུས |
གཞི་གང་ལ་མིང་དེ་ཆགས་པའམ་འཇུག་པའི་དུས་ཏེ། ཀུན་གྱི་མཐུན་སྣང་དུ་གྲུབ་ནས་འབོད་པའི་དུས། |
| ཐ་སྙད་པ |
1.སྐད་ཡིག་ལ་མཁས་པའི་མི། 2.དཔེ་ཆའི་ཚིག་གི་ངོ་གདོང་གི་ཤེས་ཡོན་ཙམ་ལས་ལག་ལེན་གྱི་ཤེས་ཡོན་མེད་པའི་མི། 3.འཇིག་རྟེན་ལ་སྲིད་ཚད། 4.སོ་སོའི་སྐྱེ་བོ། 5.མིང༌། |
| ཐ་སྙད་བཏགས་པ |
མིང་དུ་བཏགས་པ། |
| ཐ་སྙད་བཤད་པ |
མིང་ངམ། བརྡ་ཆད་བརྗོད་པ། |
| ཐ་སྙད་བྱེད་པ |
མིང་བརྡ་གསར་དུ་འདོགས་པ། |
| ཐ་སྙད་མཁན་པོ |
1.བཤད་ཡམ་ཙམ་ལ་ཞེན་པའི་མི། 2.ཐོག་མར་མིང་འདོགས་མཁན། |
| ཐ་སྙད་ཙམ |
མིང་ཙམ། |
| ཐ་སྙད་ལྔ་ལྡན་གྱི་མི |
འདུལ་བར་བཤད་པའི་མི་ཐ་སྙད་ལྔ་ལྡན་ནི་མི་ཡིན་པ་དང༌། སྨྲ་ཤེས་པ། དོན་གོ་བ། ཤེས་པ་རང་བཞིན་དུ་གནས་པ། མ་ནིང་སོགས་མིན་པ་བཅས་སྔ་ཚང་བ་ཞིག |
| ཐ་སྙད་སྒྲུབ་ཀྱི་རྟགས |
ཐ་སྙད་འབའ་ཞིག་སྒྲུབ་ཀྱི་རྟགས་ཡང་དག་རྟགས་ཆོས་ལ་མཚན་མཚོན་གྱི་འབྲེལ་བ་གྲུབ་པའི་གཏན་ཚིགས། དཔེར་ན། སྒྲ་ཆོས་ཅན། མི་རྟག་སྐད་ཅིག་མ་ཡིན་པའི་ཕྱིར། ཞེས་པ་ལྟ་བུ་མཚན་ཉིད་རྟགས་སུ་བཀོད་ནས་བསྒྲུབ་བྱ་སྒྲུབ་པའོ། ། |
| ཐ་སྙད་སྟོན་བྱེད |
1.ལུས་ཀྱི་ལག་པ། 2.ཡི་གེ། 3.མིང་ཚིག |
| ཐ་སྙད་སྤྱོད་ཡུལ |
མིང་དང་གྲགས་པའི་རྗེས་སུ་མཐུན་པའི་ཡུལ། |
| ཐ་སྤག |
(ཡུལ་སྐད།) རག་ཟངས་ཤིང་སོགས་ཀྱིས་བཟོས་པའི་སྡེར་མ་ཞབས་ར་ཅན་ཏེ། (དཔེར་ན།) ལུང་པ་སྤར་མོ་གང་ལ་དཔོན་པོ་ཐ་སྤག་གང༌ཞེས་པ་ལྟ་བུ། |
| ཐ་སྤྲིན |
སྔོ་ཞིག |
| ཐག |
1.བར་ཐག་གི་ཚད་ཀྱི་མིང་སྟེ། (དཔེར་ན།) ལམ་ཐག་རིང་བ་ས་ཐག་ཉེ་བ་ཞེས་པ་ལྟ་བུ། ཐག་པ་ལ་ལྟོས།2.(བྱེད་མེད་ལས་ཚིག) གཙོ་བོར་གཤེར་ཁུའི་རིགས་ཇེ་ཉུང་དུ་སོང་བའམ་ཟད་པ་དང་མེད་པར་གྱུར་པའི་དོན་ཏེ། (དཔེར་ན།) ཆུ་གདུས་ནས་ཐག སྨན་ཁུ་སུམ་ཉིས་ཐག་ན་འཐུང་ཆོག་ལྟ་བུ། འདི་ལ་འཐག་འབྲི་བའང་ཡོད།3.གཡོ་ཟོལ་མེད་པའམ་དངོས་གནས་ཀྱི་དོན་ཏེ། (དཔེར་ན།) སྙིང་ཐག་པ་ནས་དགའ་བ། ཞེ་ཐག་པ་ནས་དམ་བཅས་ཞེས་པ་ལྟ་བུ། |
| ཐག་ཁྲ་སྦྲུལ་མཐོང |
འདྲ་བ་ཙམ་རྒྱུ་མཚན་དུ་བྱས་ནས་དངོས་དོན་ལ་ལྟ་སྟངས་ནོར་བའི་དཔེ། |
| ཐག་གཅོད |
1.གཏན་ཁེལ་བྱེད་པའི་དོན་ཏེ། (དཔེར་ན།) སང་ཉིན་འགྲོ་རྒྱུར་ཐག་གཅོད་དགོས། སེམས་ཐག་གཅོད་པ། ཐག་གཅོད་པར་བསམ་བློ་མང་པོ་གཏོང་དགོས་ལྟ་བུ།2.བར་མཚམས་ཀྱི་འབྲེལ་བ་དོར་བའི་དོན་ཏེ། (དཔེར་ན།) དགྲ་དང་གྲོགས་ཀྱི་བར་མཚམས་གཅོད་དགོས་ལྟ་བུ། |
| ཐག་གདང |
ཐག་རྒྱང་བཏང་བའི་འགེལ་གདང༌། |
| ཐག་གི་ཐུག་གི |
(རྒྱན་ཚིག) ལག་པ་སོགས་ཀྱིས་རེག་ཙམ་ཐུག་ཙམ་བྱེད་སྟངས་ཏེ། (དཔེར་ན།) ནད་པ་ལ་ཐག་གི་ཐུག་གི་མ་མང༌། རྒས་འཁོགས་ལ་ཕྲུ་གུས་ཐག་གི་ཐུག་གིས་སུན་པོ་མ་བཟོ། གཅིག་གིས་གཅིག་ལ་ཐག་ཐུག་མེད་ཅེས་པ་ལྟ་བུ། |
| ཐག་གུ |
ཐག་པ་ཕྲ་མོའམ། ཐུང་ངུ། |
| ཐག་གྲུ |
ཐ་གྲུ་དང་འདྲ། |
| ཐག་ཆིག་ཐོག་ཏུ་ཆོད་པ |
ཀ་དག་ཁྲེགས་ཆོད་ཀྱི་སྒོམ་རིམ་ཉམས་སུ་ལེན་ཚུལ་ཞིག་ཡུལ་གྱིས་མ་བསྒྱུར། འཛིན་པས་མ་བསླད། སྤང་གཉེན་མ་ཞུགས་པའི་རིག་པ་དེ་ཉིད་ཇི་ལྟར་འདུག་ཀྱང་ཆོས་སྐུ་རང་བྱུང་གི་ཡེ་ཤེས་ལས་མ་འདས་པའོ། ། |
| ཐག་ཆོད་པ |
1.ངེས་པའམ་གཏན་ཁེལ་བའི་དོན་ཏེ། (དཔེར་ན།) ཐག་གཅད་རྒྱུར་ལྷག་པའི་ལས་དོན་རྣམས་ཐག་ཆོད་སོང་། འགྲོ་རྒྱུར་ཐག་ཆོད་པ། མེད་པར་ཐག་ཆོད་པ། མིན་པར་ཐག་ཆོད་པ་ལྟ་བུ།2.གཏན་ཁེལ་ཐུབ་པའམ་ནུས་པའི་དོན་ཏེ། (དཔེར་ན།) སེམས་ཐག་བཅད་ཀྱང་མི་ཆོད། དོན་དག་དེ་ངས་ཐག་ཆོད་པ་མི་འདུག་ལྟ་བུ། |
| ཐག་ཆོད་ལྷིང་པོ |
དོན་རྩ་ཐག་ཆོད་ལུགས་བརྟན་པོའི་དོན་ཏེ། (དཔེར་ན།) ཕྱོགས་གཉིས་ཀྱི་རྩོད་གླེང་འཁྲུན་གཅོད་སྐོར་ལ་འཚབ་འཚུབ་མ་ཡིན་པར་ཐག་ཆོད་ལྷིང་པོ་བྱས་འདུག་ཅེས་པ་ལྟ་བུ། |
| ཐག་ཉེ་བ |
དུས་སམ། བར་ཁྱོན་རྒྱང་ཐག་སོགས་ཉེ་བའི་དོན། མིང་གི་རྣམ་གྲངས་ལ་གློ་དང༌། ཉེ་འཁོར། ཉེ་ལོགས། ཐོ་འཁོར། དྲུང་བཅས་སོ། ། |
| ཐག་ཐག |
1.(ཡུལ་སྐད།) ཆུ་འཁོར་གྱི་སྟེང་དུ་བཏགས་པའི་ལྡིང་རྐྱལ་ནང་གི་ཡོས་རྣམས་བཀག་གཏོང་བྱེད་པའི་ཤིང་ཞིག 2.(རྒྱན་ཚིག) སྒྲའི་ཁྱད་པར་ཞིག་སྟེ། (དཔེར་ན།) སྒོ་ཐག་ཐག་བརྡུང་ལྟ་བུ། |
| ཐག་ཐིག |
ཐག་པ་དང་ཐི་གུའི་བསྡུས་མིང་། ཐག་པ་རིང་ཐུང་ཕྲ་སྦོམ་གྱི་སྤྱི་མིང༌། |
| ཐག་ཐུག |
(རྒྱན་ཚིག) ཐག་གི་ཐུག་གིའི་བསྡུས་ཚིག |
| ཐག་དཔྱོང |
ཐག་པ་ཐུར་དུ་གློད་པའི་དོན་ཏེ། (དཔེར་ན།) བྲག་རི་གཟར་པོའི་སྟེང་ནས་ཐག་དཔྱོང་གཏོང་བ་ལྟ་བུ། |
| ཐག་པ |
1.(བྱེད་མེད་ལས་ཚིག) གཤེར་ཁུའི་རིགས་ཇེ་ཉུང་དུ་སོང་བའི་དོན་དུ་གོ་བའི་འཐག་པའི་འདས་པ། 2.སྡོམ་བྱེད་ཞགས་པའི་དོན་ཏེ། (དཔེར་ན།) བལ་ཐག ལྕགས་ཐག རྩིད་ཐག རས་ཐག འདོགས་ཁྱི་ཐག་པས་བཏགས་པ། རྩྭ་སར་རྟ་ཁལ་རྣམས་ཐག་པས་བརྟོད། གྲུ་གཟིངས་ཐག་པས་འཐེན་ལྟ་བུ། མིང་གི་རྣམ་གྲངས་ལ་སྒྲིལ་མ་དང༌། འཆིང་ཐག ཐིག་གུ། ཞགས་པ་བཅས་སོ། ། |
| ཐག་པ་ཆད་པ |
ཐག་པ་དུམ་བུར་ཆད་པ། |
| ཐག་པ་བཞི་བསླས |
རྐྱ་བཞི་ལེབ་མོར་བསླས་པའི་ཐག་པ། |
| ཐག་པ་འཐེན་པ |
1.ལག་པས་ཐག་པ་བརྒྱངས་ཏེ་འཐེན་པ། 2.(ཡུལ་སྐད།) ཕོ་མོའི་བར་ལ་ཚུལ་མིན་གྱི་འབྲེལ་བ་སྦྱོར་བ། |
| ཐག་བཅུག་པ |
(བརྡ་རྙིང་།) ཚར་བཅད་པ། |
| ཐག་བསྟུངས་པ |
1.ཐག་པ་ཐུང་ངུར་བཏང་བ། 2.དུས་དང་ལམ་ཐག་ཉེ་རུ་བཏང་བ། |
| ཐག་བསྡོགས |
བརྐྱངས་པའི་ཐག་པ་ཚུར་དྲིལ་བའི་དོན། |
| ཐག་མཆོང |
ཐག་པའི་སྟེང་ནས་མཆོང་རྒྱག་པའི་རྩེད་མོ། |
| ཐག་མདུང |
ཐག་པ་བཏགས་པའི་མདུང༌། |
| ཐག་འཁྱུད་མེ་ཏོག |
འཁྲི་ཤིང་གི་གྲས་ཀྱི་མེ་ཏོག་ཅིག |
| ཐག་འགྱངས་པོ |
བར་ཐག་རིང་པོའི་དོན་ཏེ། (དཔེར་ན།) གྲོང་ཁྱེར་ནས་གྲོང་ཁྱེར་གྱི་བར་དུ་ཐག་འགྱངས་པོ་རེད་ཅེས་པ་ལྟ་བུ། |
| ཐག་རན |
རྩི་ཤིང་དང་ཤིང་ཤུན་གྱི་ནང་གི་ཉག་མ་སྤུ་འདྲ་བ་དེའི་མིང་། |
| ཐག་རིང་ཐུང |
ཐག་ཉེ་འགྱངས་ཀྱི་ཚད་དེ། (དཔེར་ན།) པེ་ཅིན་ནས་ལྷ་སའི་བར་དུ་ཐག་རིང་ཐུང་ག་འདྲ་འདུག་ལྟ་བུ། |
| ཐག་རིང་དཔུང་འཇུག |
ཐག་རིང་དུ་དཔུང་དམག་གཏོང་འཇུག |
| ཐག་རིང་པོ |
བར་ཐག་རིང་པོ་སྟེ། (དཔེར་ན།) ཐག་རིང་གི་གཉེན་ལས་ཐག་ཉེའི་ཁྱིམ་མཚེས་དགའ། སྡོད་གནས་ཐག་རིང་པོར་བྱེད་པ། ལམ་རྒྱང་ཐག་རིང་པོས་བཅད་ཅེས་པ་ལྟ་བུ། |
| ཐག་རིང་མོ |
ཐག་རིང་པོ་དང་འདྲ། |
| ཐག་རིང་འགྲོན་པོ |
ལམ་ཐག་རིང་པོ་ནས་འོང་བའི་འགྲུལ་པ། |
| ཐག་རྒྱ |
གང་བྱུང་འགྲོ་འོང་མི་ཆོག་པར་བར་མཚམས་གཅོད་བྱེད་ཀྱི་ཐག་རྒྱ་སྟེ། (དཔེར་ན།) ལྟད་མོ་སྟོན་ཡུལ་གྱི་མཐའ་སྐོར་དུ་ཐག་རྒྱ་བཏང་བ། བཀག་སྡོམ་ཐག་རྒྱ་ཞེས་པ་ལྟ་བུ། |
| ཐག་རྒྱང |
འདོམ་པ་བཞིའི་རིང་ཚད་ཡོད་པའི་བར་ཐག་སྟེ། (དཔེར་ན།) ཐག་རྒྱང་གཅིག་གི་རྒྱང་འབེན་ལ། མིག་གིས་བལྟས་ཏེ་མདའ་མོ་བསྣུན་ལྟ་བུ། |
| ཐག་ལུང |
གདང་ཐག་གི་སྣེ་འགུགས། |
| ཐག་ལྕིབས |
(ཡུལ་སྐད།) ཐག་པ་སོགས་མཁྲེགས་པོའི་རིགས་འཚེམ་དུས་དགོས་པའི་ལྕིབས་མོ་ཆེ་བའི་མིང༌། |
| ཐག་སྐས |
ཐག་པ་ལ་དཔྱང་བའམ་འཁྱུད་དེ་འགྲོ་སའི་སྐས་ཀ། |
| ཐག་སྣེ |
ཐག་པའི་སྣེ་མོ། |
| ཐག་སྲིང་བའི་གཉེན་པོ |
གཉེན་པོ་བཞིའི་ཡ་གྱལ་ཞིག རྣམ་གྲོལ་གྱི་ལམ་དང་པོ་སྡུག་བསྔལ་ལ་ཆོས་ཤེས་མ་གཏོགས་པ་དེ་ཡན་ཆད་ཀྱི་ཁྱད་པར་གྱི་ལམ་སྟེ་ཐོབ་པ་ཐག་སྲིང་བའོ། ། |
| ཐགས |
1.འཁེལ་འཐག་བྱས་པའི་དངོས་རྫས་ཀྱི་མིང་སྟེ། (དཔེར་ན།) རས་ཐགས་མགོ་གཅིག། སྣམ་བུ་ཐགས་མགོ་གཉིས། ཕྲུག་ཐགས་མགོ་གསུམ་ལྟ་བུ། 2.འཁེལ་ཐག་གི་ལས་ཀའི་བྱ་རིམ་མམ་བྱ་རིལ་བོའི་མིང་སྟེ། (དཔེར་ན།) ཐགས་སུ་བསྐྲུན་པའི་གོས། ཐགས་འཐག་པའི་སྐབས་ཞེས་པ་ལྟ་བུ། 3.གྲལ་ལམ་སྟར་ཕྲེང་གི་དོན་ཏེ། (དཔེར་ན།) ཚེམས་ཀྱི་ཐགས་བཟང་ལྟ་བུ། |
| ཐགས་ཀྱི་སྤུན |
འཕྲེད་སྐུད་ཀྱི་མིང་། ཐགས་སྤུན་ཡང་ཟེར། |
| ཐགས་ཁྲི |
ཐགས་འཐག་བྱེད་ཀྱི་ཡོ་བྱད་ཀྱི་མིང་། ཡུལ་སྐད་དུ་ཐགས་ཆ་ཟེར། |
| ཐགས་གྲུ་བུ |
ཐགས་སྐུད་དཀྲིས་པའི་རྡོག་པོའི་མིང་། གྲུ་གུ་ཡང་ཟེར། |
| ཐགས་ཐོགས |
འགལ་རྐྱེན་ནམ། བར་ཆད་ཀྱི་དོན་ཏེ། (དཔེར་ན།) འགྲོ་ལམ་དུ་ཐགས་ཐོགས་བྱུང་བ། ལས་འགོ་བརྩམས་ནས་ཐགས་ཐོགས་མེད་པར་ལེགས་འགྲུབ་བྱུང་ཞེས་པ་ལྟ་བུ། |
| ཐགས་དྲུབས་མ |
རི་མོ་བཏགས་ཡོད་པའི་དར་གོས་སོགས། |
| ཐགས་བབས |
ཐགས་དངོས་ཅུང་ཟད་རྙིང་བའི་དོན་ཏེ། (དཔེར་ན།) རས་ཐགས་བབས། ལྭ་བ་ཐགས་བབས་ཞེས་པ་ལྟ་བུ། |
| ཐགས་བཟང |
ཚགས་དམ་པའམ་གྲལ་མཉམ་པའི་པའི་དོན་ཏེ། (དཔེར་ན།) རས་ཐགས་བཟང་བ། ཚེམས་དཀར་ཐགས་བཟང་བ། ཚེམས་དཀར་ཐགས་བཟང་བ་ཞེས་པ་ལྟ་བུ། |
| ཐགས་བཟང་རིས |
ལྷ་མིན་དབང་པོ། |
| ཐགས་བྲན་པ |
ཐགས་ཀྱི་རྒྱུ་སྐུད་བྲན་འཐེན་བྱེད་པ་རས་དང་སྣམ་རིགས་འཐག་པའི་སྔོན་ལ་སྣལ་མ་ཐགས་བྲན་དགོས། |
| ཐགས་མ |
འཐག་མཁན་བུད་མེད། |
| ཐགས་མཁན |
1.ཐགས་ལས་བྱེད་མཁན། མིང་གི་རྣམ་གྲངས་ལ་ཐ་ག་པ་དང་ཐགས་མའོ། །2.(མངོན་བརྗོད།) འབུ་སྡོམ། |
| ཐགས་མཁན་འབུ |
སྲོག་ཆགས་སྡོམ། |
| ཐགས་འཁྲུགས་པ |
ཐགས་ཀྱི་རྒྱུ་སྤུན་འཛིངས་པ། |
| ཐགས་འཐག་ཏུ་འཇུག་པའི་སྤང་བ |
སྤང་ལྟུང་སུམ་ཅུའི་ནང་གསེས། ཁྱིམ་པ་ཉེ་དུ་མ་ཡིན་པ་ལ་གླ་རྔན་མ་བྱིན་པར་ཐགས་འཐག་ཏུ་བཅུག་པའོ། ། |
| ཐགས་འཐག་པ |
རས་སྣམ་སོགས་འཐག་པ་སྟེ། (དཔེར་ན།) མིའི་ལག་རྩལ་གྱིས་ཐགས་འཐག་པ། འཕྲུལ་འཁོར་གྱིས་ཐགས་འཐག་པ་ཞེས་པ་ལྟ་བུ། |
| ཐགས་ར |
ཐགས་འཐག་སའི་ར་བ། |
| ཐགས་རན |
1.བཏགས་པའི་ཐགས་ཀྱི་རི་མོ་སྟེ། (དཔེར་ན།) སྣམ་བུ་ལ་ཐགས་རན་ཞིབ་པོ་བྱུང་ན་མཁྲེགས་པོ་ཡོང༌། ཐགས་རན་བཟང་ལྟ་བུ། 2.(བརྡ་རྙིང་།) གོས་བཏགས་པ། |
| ཐགས་རྐང |
འཁེལ་འཐག་གི་བར་གསེང་ཧྲལ་ཞིབ་སྟེ། (དཔེར་ན།) སྣམ་བུ་འདིའི་ཐགས་རྐང་ཧྲལ་ཧྲལ་ཞིག་ལས་མེད་ཅེས་པ་ལྟ་བུ། |
| ཐགས་རྒྱུད |
ཐགས་སྐུད་ཀྱི་གཞུང་སྐུད། |
| ཐགས་སྐུད |
ཐགས་འཐག་བྱེད་ཀྱི་སྐུད་པ་སྟེ་སྣལ་མ་ཡང་ཟེར། |
| ཐགས་སྟེགས |
སྣམ་བུ་སོགས་འཐག་བྱེད་ཀྱི་སྒྲོམ་སྟེགས། |
| ཐགས་སྣལ་མ |
ཐགས་ཀྱི་སྐུད་པ། |
| ཐང |
1.བདེ་ཞིང་སྙོམ་པའི་ས་གཞིའམ་ས་ངོས་ཀྱི་མིང་སྟེ། (དཔེར་ན།) རྩྭ་ཐང་། བྱང་ཐང་། བྱེ་མའི་ཐང་། ཐང་གི་རྡོ་བླངས་རུམ་གྱི་བྲོ་ལྷུང་ལྟ་བུ། 2.(རྒྱ་སྐད།) ཤ་སོགས་བཙོས་པའི་ཁུ་བའི་མིང་སྟེ། (དཔེར་ན།) རུས་ཐང༌། ནོར་བུ་བདུན་ཐང༌། མ་ནུ་བཞི་ཐང༌ཞེས་པ་ལྟ་བུ། 3.རིན་གོང༌གི་དོན་ཏེ། (དཔེར་ན།) ཡུལ་ཐང༌། དངུལ་གྱི་འཛའ་ཐང་ཞེས་པ་ལྟ་བུ།4.དུས་ཡུན་ཐུང་ངུ་ཞིག་གི་དོན་ཏེ། (དཔེར་ན།) སྐད་ཅིག་ཐང་ཅིག་ལྟ་བུ། 5.ཚད་གཞིའི་དོན་ཏེ། (དཔེར་ན།) མངའ་ཐང༌། དབང་ཐང༌། ཐོབ་ཐང༌ལྟ་བུ། 6.(བྱེད་མེད་ལས་ཚིག) གནམ་ངོ་དྭངས་པའི་དོན་ཏེ། (དཔེར་ན།) ཆར་པ་ཆད་ནས་གནམ་ཐང་སོང༌ལྟ་བུ། 7.ཁ་ཚོན་ཆོད་དཀའ་བའི་དོན་ཏེ། (དཔེར་ན།) ཁོའི་གཏམ་འདི་བདེན་ན་ཐང༌ལྟ་བུ།8.ཐང་ག་ཡི་མིང་བསྡུས་པ་སྟེ། (དཔེར་ན།) གྱང་ཐང་ཞེས་པ་ལྟ་བུ། |
| ཐང་ཀ |
ཐང་ག་ཡི་འབྲི་ཚུལ་གཞན། |
| ཐང་ཁུག |
སྤགས་གཡོ་བྱེད་དུ་སྤྱོད་པའི་མ་བཙེམ་པའི་སྐྱི་ཀོའི་སྣོད་ཅིག |
| ཐང་ཁྲག |
ཐང་ཤིང་གི་ཐོག་ན་ཡོད་པའི་གཤེར་ཁུ་འབྱར་བག་ཅན་དྭངས་མོ་ཞིག་ཡིན་ཞིང་ཡུལ་སྐད་དུ་ཐང་ཆུ་ཟེར། |
| ཐང་ཁྲམ |
(བརྡ་རྙིང་།) ལག་འཛིན་ཁྱིམ་ཡིག |
| ཐང་ཁྲོམ |
ཐང་ཕྲོམ་གྱི་འབྲི་ཚུལ་ལ་གཞན། |
| ཐང་ག |
རས་དང་ཤོག་གུའི་ངོས་ལ་བྲིས་པའི་ལྷ་སྐུ་དང་། ལྷ་སྐུ་བྲིས་པའི་རས་དང་ཤོག་བུའི་མིང་། རྟགས་མཐའ་བསྡུས་ན་ཐང་ཞེས་འབྲི་ཆོག་སྟེ། (དཔེར་ན།) ཐང་སྐུ། བཤམས་ཐང་ཞེས་པ་ལྟ་བུ། |
| ཐང་གཅིག |
ཐང་ཅིག་དང་འདྲ། |
| ཐང་གཅོད |
ཐང་ཤ་གཅོད་པའི་བསྡུས་ཚིག |
| ཐང་གཞལ |
རིན་ཐང་འཇལ་བའི་དོན་ཏེ། (དཔེར་ན།) ཅ་ལག་འདིའི་རིན་ཐང་གཞལ་དཀའ་ལྟ་བུ། |
| ཐང་གཞི |
རིན་ཐང་གི་ཚད་གཞི། |
| ཐང་གཡེར |
ས་ཆ་ཐང་སྟོང་ཁ་ཡངས་པའམ། ཐང་ཁ་རྒྱ་ཆེ་བ། |
| ཐང་གཤོངས |
ས་ཐང་ཡངས་པོ། |
| ཐང་གི་སྦྱོར་བ |
ནད་གང་ཡང་ཐོག་མར་སྨིན་སྡུད་འབྱེད་པ་ལ་ནུས་པ་རྣོ་མྱུར་ལྡན་པ་རོའི་ལས་བྱེད་པ་ཤས་ཆེ་བ་ཐང་གི་སྡེ་སྨན་གང་ཆོལ་ཙམ་བརྡུངས་ནས་ཆུར་སྐོལ་བའི་ཁུ་བ་ཁོང་དུ་བསྟེན་དགོས་པ་ཞིག |
| ཐང་ངི་ཐུང་ངི |
(རྒྱན་ཚིག) རིང་མིན་ཐུང་ངུ་སྣ་ཚོགས་ཀྱི་རྣམ་པ་སྟེ། (དཔེར་ན།) གླུ་ཐང་ཐུང་ཞིག་ཐོང༌། དུས་ཡུན་ཐང་ཐུང་ཞིག་ཏུ་ལས་ཀ་བྱས་ནས་ཕྱིན་སོང༌། བུད་ཤིང་ཐང་ཐུང་བསྒྲུགས་ཏེ་ལོག་པ། སྐུད་པ་ཐང་ངི་ཐུང་ངི་མང་པོ་ཡོད་ཅེས་པལྟ་བུ། |
| ཐང་ཅིག |
སྐད་ཅིག་མ་དྲུག་ཅུའི་ཚད་ཡིན་པར་མངོན་པ་ལས་གསུངས་སོ། ། |
| ཐང་ཆད |
ངལ་བའི་དོན་ཏེ། (དཔེར་ན།) ལ་མོ་བརྒལ་ནས་ལུས་ཐང་ཆད་ལྟ་བུ། |
| ཐང་ཆད་དེ་བ |
དཀའ་ལས་ཁག་ཙམ་བྱུང་བའི་དོན་ཏེ། (དཔེར་ན།) དཀའ་ལས་བྱུང་ནས་ཐང་ཆད་དེ་བར་གྱུར་ལྟ་བུ། |
| ཐང་ཆད་པ |
ཤུགས་ཉམས་པའི་དོན་ཏེ། (དཔེར་ན།) ལུས་ཐང་ཆད་པ། ཡི་ཐང་ཆད་པ་ལྟ་བུ། མིང་གི་རྣམ་གྲངས་ལ་ངལ་བ་དང༌། ཆད་པ། ཉོན་མོངས། དུབ་པ་བཅས་སོ། ། |
| ཐང་ཆུ |
1.ཤུག་པ་དང་གསོམ་ཤིང་སོགས་ལས་བབ་པའི་ཚི། 2.གུ་གུལ་དཀར་ནག |
| ཐང་ཆུ་ཤིང |
(མངོན་བརྗོད།) ཐང་ཤིང༌། |
| ཐང་ཆེན |
ཐང་ཡངས་པོ། |
| ཐང་ཆོད་པ |
འཁུམས་པ་བསངས་ཏེ་སངས་པའི་དོན་ཏེ། (དཔེར་ན།) སྣམ་རིགས་བཀྲུས་ནས་སྐམ་ས་ལ་ཐང་ཆོད་པར་བརྒྱངས་ལྟ་བུ། |
| ཐང་ཇུ |
(རྒྱ་སྐད།) སྲོང་བཙན་གྱི་བཙུན་མོ་རྒྱ་བཟའ་ཀོང་ཇོའི་ཡབ། |
| ཐང་ཐང |
1.དམ་དམ་མམ་གྲིམ་པོའི་དོན་ཏེ། (དཔེར་ན།) སྣམ་བུ་རློན་པ་དེ་ཐང་ཐང་བྱས་ནས་འཐེན་དགོས་ལྟ་བུ། 2.ཉེ་སྐྱོན་མེད་པའི་དོན་ཏེ། (དཔེར་ན།) གཟུགས་པོ་ཐང་ཐང་ཡོད་སྐབས་སྣང་བ་སྐྱིད་པོ་ཡོང༌ལྟ་བུ། |
| ཐང་ཐུང |
(རྒྱན་ཚིག) ཚད་ངེས་ཅན་མེད་པའི་ཐུང་ངུའམ་ཐུང་ངུ་མང་བོའི་དོན་ཏེ། ཁ་སྐད་དུ་ཐ་ངེ་ཐུང་ངེ་ཟེར་བ་དང་དོན་གཅིག (དཔེར་ན།) ཐག་པ་ཐ་ངེ་ཐུང་ངེ། སྐུད་པ་ཐ་ངེ་ཐུང་ངེ་ཞེས་པ་ལྟ་བུ། |
| ཐང་དཀར |
མདོ་དབུས་མཐོ་སྒང་གི་བྱ་རྒོད་ཀྱི་རིགས་ཤིག སྒྲོ་ཕལ་ཆེ་བ་དཀར་བོའམ་སྐྱ་བོ་ཡིན། |
| ཐང་དཀར་རྒོད་པོ |
བྱ་རྒོད་དེ། (དཔེར་ན།) ཐང་དཀར་རྒོད་པོ་གཤོག་རྩལ་འཛོམས་པ་ཁྱོད། ཕ་ཐང་དཀར་རྒོད་པོ་ལ། བུ་ཁྭ་ཏ་སྐྱག་ཟན་སྐྱེས་ཞེས་པ་ལྟ་བུ། |
| ཐང་དབྱེ |
གྲོང་ལས་ཐག་རིང་གི་ས་ཐང༌། |
| ཐང་དམར |
ཐང་ཤིང་གི་བྱེ་བྲག་ཅིག |
| ཐང་ནག |
1.བྱ་རྒོད་ཐང་ནག 2.ཐང་ཤིང་གི་བྱེ་བྲག་ཅིག |
| ཐང་པོ |
(རྒྱན་ཚིག) ལུས་ལ་ནད་མེད་པའམ་སྟོབས་རྒྱས་པའི་དོན་ཏེ། (དཔེར་ན།) ལུས་ཁམས་ཐང་པོ་ཞེས་པ་ལྟ་བུ། མིང་མཐའ་བསྡུས་ན་ཐང་ཞེས་འབྲི་ཆོག་སྟེ། (དཔེར་ན།) ལུས་ཁམས་ཐང་ཐང་ཞེས་པ་ལྟ་བུ། |
| ཐང་པོ་ཆེ |
1.མིང་གཞན་སོལ་ནག་ཐང་པོ་ཆེ་ཟེར་ཏེ། འཕྱོངས་རྒྱས་རྫོང་གི་ས་ཆ་ཡིན་ལ། སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག 2.ཐང་ཆེན་པོ། |
| ཐང་ཕུ |
ས་མིང་ཞིག་བོད་ཀྱི་འཇོ་མདའ་རྫོང་གི་ཤར་རྒྱུད་དུ་ཡོད། |
| ཐང་ཕྲོམ |
རྩྭ་སྨན་བཟི་ཁ་ཧ་ཅང་ཆེ་བ་ཞིག རིགས་གཉིས་ཡོད་པའི་གཅིག་ལ་ཐང་ཕྲོམ་དཀར་བོ་དང་གཅིག་ལ་ཐང་ཕྲོམ་ནག་པོ་ཟེར། |
| ཐང་ཕྲོམ་ཁྲ་བོ |
སྔོ་སྨན་གྱི་རིགས་ཤིག་རོ་ཁ་ལ་བསྐ་ཞིང་ཚ་བ། ཞུ་རྗེས་བསིལ། ནུས་པས་ལོང་སྲིན་འཇོམས། གག་ལྷོག་ལ་ཕན། དུག་ཤས་ཆེ། |
| ཐང་ཕྲོམ་དཀར་པོ |
སྔོ་སྨན་གྱི་རིགས་ཤིག་རོ་བསྐ་ལ་ཁ་ཞིང་ཚ། ཞུ་རྗེས་བསིལ། ནུས་པས་གག་ལྷོག་འཇོམས། གླང་ཐབས་གསོད། རོ་ཙ་བར་བྱེད། དུག་ཤས་ཆེ། |
| ཐང་ཕྲོམ་ནག་པོ |
སྔོ་སྨན་གྱི་རིགས་ཤིག་རོ་ཁ་ལ་བསྐ་ཞིང་ཚ། ཞུ་རྗེས་བསིལ། ནུས་པས་སྲིན་ནད་དང་ལྷོག་པ་ལ་ཕན། དུག་ཤས་ཆེ། |
| ཐང་མ |
1.བརྡལ་ནས་ཉི་མར་སྐེམ་པའི་དངོས་རྫས་ཀྱི་མིང་སྟེ། (དཔེར་ན།) རིལ་མ་ཐང་མར་བརྡལ་ལྟ་བུ། 2.ཕྱེར་བཏག་བྱའི་འབྲུ་རིགས་ཀྱི་མིང་སྟེ། (དཔེར་ན།) ཐང་མ་ཉ་ར་བྱས་ལྟ་བུ། |
| ཐང་མྱུལ |
ཅི་དགར་རྒྱུ་བའི་དོན་ཏེ། (དཔེར་ན།) ཕྱུགས་རིགས་རྩྭ་ཁ་བཟང་སར་ཐང་མྱུལ་བག་ཡངས་སུ་ཅི་བདེར་གཏོང་བ་ལྟ་བུ། |
| ཐང་ཙམ |
ཡུད་ཙམ་གྱི་དོན་ཏེ། (དཔེར་ན།) ཐང་ཙམ་ནས་ཁྱེད་རང་འདི་གར་ཕེབས་རོགས་གནང༌ཞེས་པ་ལྟ་བུ། |
| ཐང་ཚི |
ཐང་ཆུའི་ཚི། |
| ཐང་ཚྭ |
ཐང་ཤིང་གི་རྩ་བའམ་སྡོང་དུམ་རུལ་བ་ལས་ཆགས་པའི་ཤིང་ལས་བྱུང་བའི་ལན་ཚྭའི་རིགས་ཤིག་རོ་ལན་ཚ་ལ་ཚ་བ། ཞུ་རྗེས་དྲོད། ནུས་པས་འབྲས་ནད་འདུལ། |
| ཐང་ཞིང |
ཐང་ལ་ཡོད་པའི་ཞིང་ག། |
| ཐང་ཞུ |
སྔར་བོད་ཀྱི་བླ་ཆས་ནང་གསེས་དབྱར་ཞྭ་ཞིག |
| ཐང་ཟན་ཙང |
(རྒྱ་སྐད།) ཐང་རྒྱལ་རབས་སྐབས་ཧོ་ནན་ཡན་ཧྲི་ཞན་དུ་ཆུ་ཁྱི་ལོར་འཁྲུངས། ཆུང་ངུ་ནས་རབ་ཏུ་བྱུང་ཞིང་མཚན་ལ་ཤྱན་ཙང་ཞེས་གསོལ། དགུང་ལོ་ཉེར་དགུ་པ་ནས་ནུབ་ཕྱོགས་ཀྱི་ཡུལ་གྲུ་དུ་མ་བརྒྱུད་དེ་ཁ་ཆེ་དང་རྒྱ་གར་མཐའ་དབུས་ཀྱི་ས་གནས་མང་པོར་ཕེབས། པཎྜི་ཏ་དུ་མ་དང་མཇལ། གཙོ་བོར་ཤྲཱི་ན་ལེན་དྲའི་མཁན་ཆེན་འདུལ་བ་བཟང་པོ་ལས་བྱམས་ཆོས་སྡེ་ལྔའི་སྐོར་དང༌། ཚད་མ། མངོན་པ་མཛོད་སོགས་ཞིབ་ཏུ་གསན་ནས་བྱང་ཆུབ་པར་མཛད་དེ་དམ་བཅའ་བཞག་ཅིང༌། བསྟན་བཅོས་ཀྱང་བརྩམས་པས་མཁས་པ་ཀུན་གྱི་ཐུགས་འཕྲོག་པར་གྱུར། འཕགས་ཡུལ་དུ་མ་ཧ་ཡ་ན་དེ་ཝར་འབོད། རྒྱལ་པོ་ཚུལ་ཁྲིམས་ཉི་མ་སོགས་ས་སྐྱོང་མང་པོའི་མཆོད་གནས་སུ་གྱུར། རྒྱ་གར་དུ་ལོ་བཅུ་བཞི་དང༌། ཕར་ཚུར་ལམ་བར་དུ་ལོ་གསུམ་བཅས་ལོ་བཅུ་བདུན་འགོར་བ་དང༌། ཤིང་སྦྲུལ་ལོར་ཁྲང་ཨན་དུ་ཕྱིར་ཕེབས། ཐང་གི་ཅན་ཀུའན་རྒྱལ་པོས་བསྙེན་བཀུར་རྒྱ་ཆེན་བགྱིས་ཤིང༌། ཆེད་དུ་དགོན་པ་དང་སྒྱུར་གྲྭ་གསར་བཙུགས་ཀྱིས་ཤེར་ཕྱིན་སྟོང་ཕྲག་བརྒྱ་པ་དང་བྱམས་ཆོས་ཀྱིས་གཙོས་པའི་བཀའ་བསྟན་རྒྱ་དཔེ་གླེགས་བམ་དྲུག་བརྒྱ་དང་ང་བདུན་གསར་དུ་བསྒྱུར། འགྱུར་རྙིང་མང་པོ་ལ་འགྱུར་བཅོས་དང༌། མདོ་སྡེ་འགའི་ཊིཀ། བསྟན་བཅོས་མང་པོ་གསར་རྩོམ་བཅས་མཛད་དེ་སེམས་ཙམ་པའི་ལུགས་དར་རྒྱས་ཤིན་ཏུ་ཆེ་བ་བྱུང་སྟེ་རྒྱ་སྐད་དུ་ཐང་ཟན་ཙང་སྟེ་སྡེ་སྣོད་གསུམ་འཛིན་གྱི་སློབ་དཔོན་དུ་གྲགས། ལོ་བཞི་བཅུ་ཙམ་གྱི་རིང་འགྲོ་དོན་མཐའ་ཡས་པ་མཛད་ནས་ཤིང་བྱི་ལོར་འདས། |
| ཐང་འགའ |
རེ་འགའམ། ལན་འགའི་དོན་ཏེ། ཐེངས་འགའི་འབྲི་སྲོལ་གཞན་ཞིག |
| ཐང་འགོ |
1.ཐང་གའི་འགོ། 2.ཀླུང་ཐང་གི་སྟོད་ཕྱོགས། |
| ཐང་ཡིག |
ས་འོག་ནས་བཏོན་པའི་གནའ་བོའི་དཔེ་ཆའི་རིགས་ཀྱི་མིང་། |
| ཐང་ཡིག་སྡེ་ལྔ |
ལོ་པཎ་བཀའ་ཐང་དང༌། བཙུན་མོ་བཀའ་ཐང༌། རྒྱལ་པོ་བཀའ་ཐང༌། བློན་པོ་བཀའ་ཐང༌། ལྷ་འདྲེ་བཀའ་ཐང་བཅས་ལྔའོ། ། |
| ཐང་རྐྱལ |
ཐང་ཁུག་དང་དོན་གཅིག |
| ཐང་ལ |
(བརྡ་རྙིང་།) བཀྲམ་པ། |
| ཐང་ལྷ |
བྱང་གཉན་ཆེན་ཐང་ལྷ་སྟེ་གཞི་བདག་ཅིག |
| ཐང་ལྷོད |
གྲིམ་ལྷོད་དང་དམ་ལྷོད་ཀྱི་དོན་ཏེ། (དཔེར་ན།) ལས་ཀ་བྱེད་སྐབས་ཐང་ལྷོད་རན་པོ་ཞིག་དགོས། ཐག་པས་ཐང་ལྷོད་སྙོམས་པོར་བསྡམས་པ། ཟོག་ཁ་ཐང་ལྷོད་ཅེས་པ་ལྟ་བུ། |
| ཐང་ཤ |
ལུས་ཀྱི་ཤེད་ཤུགས་ཀྱི་མིང་སྟེ། (དཔེར་ན།) ལུས་ཐང་ཤ་ཆད་ལྟ་བུ། |
| ཐང་ཤ་གཅོད་པ |
ཀོ་བ་སོགས་རླན་སྐམ་དུ་བཅུག་སྟེ་འཐེན་ཞིང་འཁུམ་རྒྱུ་མེད་པར་བཟོ་བ་སྟེ། (དཔེར་ན།) ཀོ་བ་བརྒྱངས་ཏེ་ཁམ་ཁུམ་གྱི་ཐང་ཤ་གཅོད་དགོས་ལྟ་བུ། |
| ཐང་ཤ་དོད་པོ |
གཟུགས་ཁམས་ཐང་པོའི་དོན་ཏེ། (དཔེར་ན།) མི་འདི་ཐང་ཤ་དོད་པོ་ཞིག་འདུག་ལྟ་བུ། |
| ཐང་ཤད |
གྲྭ་པས་ཕྱག་འཚལ་བའི་དོད་དམ་ཚབ་སྟེ། (དཔེར་ན།) ཐང་ཤད་ལན་གསུམ་བྱས་ནས་དགོངས་གསོལ་ཞུ་ལྟ་བུ། |
| ཐང་ཤིང |
གསོམ་ཤིང་དང་སྒྲོན་ཤིང་གཉིས་ཀའི་སྤྱི་མིང་། ཚིག་བསྡུས་ན་ཐང་ཞེས་འབྲི་ཆོག་སྟེ། (དཔེར་ན།) ཐང་ཤིང་གི་ལོ་མ་ལ་ཐང་ལོ་ཟེར་བ་ལྟ་བུ། |
| ཐང་ཤིང་ནག་པོ |
ཤིང་གི་བྱེ་བྲག་ཅིག |
| ཐང་ཤིང་མདའ་འཛིན |
(མངོན་བརྗོད།) ཤུག་པ། |
| ཐང་ཤིང་སྣུམ |
ཐང་ཤིང་ལས་བྱུང་བའི་སྣུམ་ཚི། |
| ཐང་སྐུ |
རས་གཞི་ལ་བྲེས་པའི་སྐུ། |
| ཐང་སྒྲོན |
ཐང་ཤིང་གི་སྒྲོན་མེ། |
| ཐང་སྟེང་གྲུ་ཁ |
མདོ་ཁམས་རྒྱལ་ཐང་ཁོངས་འབྲི་ཆུའི་འགྲམ་དུ་ཡོད་པའི་གྲུ་ཁ་ཞིག |
| ཐང་སྟོང |
སྡོད་ཁྱིམ་དང་གྲོང་ཚོ་མེད་པའི་ས་ཐང་སྟོང་པ། (དཔེར་ན།) ཐང་སྟོང་སྐྱ་མོ་ཞེས་པ་ལྟ་བུ། |
| ཐང་སྟོང་བུ་སློབ |
ཐང་སྟོང་རྒྱལ་པོའི་སློབ་མ། |
| ཐང་སྟོང་རྒྱལ་པོ |
མཚན་དངོས་ཀམ་ཀམ་པ་བརྩོན་འགྲུས་བཟང་པོ་ཡིན་ཞིང༌། རབ་བྱུང་དྲུག་པའི་ཤིང་གླང་ལོར་གཙང་སྟོད་ཀྱི་ཆབ་འོག་ངམ་རིང་རྫོང་གི་འོལ་ཀ་ལྷ་རྩེར་འཁྲུངས་ཤིང༌། རྗེ་ཙོང་ཁ་པ་དང་དུས་མཉམ། གྲུབ་ཐོབ་ཀྱི་སྙན་པ་ཕྱོགས་ཀུན་ཏུ་ཁྱབ། ཤངས་པའི་ཆོས་བརྒྱུད་འཛིན། རྒྱ་གར་ནག་དང་བོད་དབུས་གཙང་ཁམས་སོགས་ཡུལ་གྲུ་མང་པོར་ཕེབས་ནས་འགྲོ་དོན་མཛད། བོད་ཡུལ་སྟོད་སྨད་དུ་ལྷ་ཁང་དང་ལྕགས་ཟམ་གྲུ་ཤན་བཅས་མང་དུ་བཙུགས། ལྷ་ལྡན་གྱི་ལྕགས་པོ་རིར་ལྷ་ཁང་བཞེངས་ཤིང་སྨན་རྒྱལ་རི་ཞེས་མཚན་གསོལ། བོད་ཀྱི་ཆོས་རྒྱལ་སོགས་ཀྱི་རྣམ་ཐར་ཟློས་གར་གྱི་ལམ་ནས་སྟོན་པ་དེང་སང་ཨ་ཅེ་ལྷ་མོ་ཞེས་གྲགས་པའི་འཁྲབ་གཞུང་བརྩམས། གསོ་བ་རིག་པའི་སྐོར་ལ་ཁོང་ནད་ཀུན་འཇོམས་རིལ་བུ་དཀར་པོ་དང༌། གཉན་རིམས་འཇོམས་བྱེད་རིལ་བུ་དམར་པོ་སོགས་མན་ངག་མང་པོ་མཛད། དགུང་ལོ་བརྒྱ་དང་ཉེར་ལྔ་པ་རབ་བྱུང་དགུ་པའི་ས་མོ་སྦྲུལ་ལ་གཅུང་རི་བོ་ཆེར་གཤེགས། |
| ཐང་སྡེར |
ས་ཐང་ཡངས་པོ། |
| ཐང་སྦྱོར་སྡེ་ཚན |
ཐང་གི་སྦྱོར་བ་དང་དོན་གཅིག |
| ཐང་སྨན |
1.གདུས་ཏེ་ཁུ་བ་འཐུང་རྒྱུའི་སྨན་རིགས། 2.རྫ་རི་གཡའ་གངས་སོགས་རི་རྩེ་མཐོ་སར་སྐྱེས་པ་མ་ཡིན་པ་ཐང་ལ་ཤས་ཆེར་སྐྱེས་པའི་སྨན། རྩ་བ་རྒྱས་ཤིང་ལོ་སྡོང་སོགས་ལོ་རེར་ཤིང་ལྟར་སྐྱེ་ཡང་དགུན་དུས་རྩ་བ་མ་གཏོགས་སྔོ་ལྟར་རྒས་ནས་ལོ་རེ་བཞིན་བརྗེ་བ་མ་ནུ་དང༌། ལྕུམ་ལྟ་བུའི་རིགས་རྩ་བ་ཤིང༌། སྡོང་པོ་ལྡུམ། ལོ་མ་སྔོའི་རང་བཞིན་ཅན་ལ་ཟེར་ཏེ། དེ་ལའང་བཏུ་བའི་ཚེ་རྩ་བ་དང༌། ལོ་མ། མེ་ཏོག་འབྲས་བུ་སྟེ་བཞི་པོ་སོ་སོར་དགོས་རིགས་དང༌། རྩ་ལོ་མེ་འབྲས་བཞི་ག་དགོས་པ། ལོ་སྡོང་མེ་འབྲས་བཞིའམ་སྡོང་པོ་དོར་བའི་གསུམ་བཏུ་དགོས་པའི་རིགས་བཅས་མཆིས་སོ། ། |
| ཐང་སྨུག |
1.བྱ་རྒོད་ཐང་སྨུག 2.ཐང་ཤིང་གི་བྱེ་བྲག་ཅིག |
| ཐད |
1.སོ་སོར་བྱས་པའི་ཕྱོགས་གཅིག་གི་དོན་ཏེ། (དཔེར་ན།) ང་རང་གི་ཐད། ཞིང་ལས་ཀྱི་ཐད་དུ། ཕྱུགས་ལས་ཀྱི་ཐད་དུ་ཞེས་པ་ལྟ་བུ།2.ཁ་གཏད་ཀྱི་དོན་ཏེ། (དཔེར་ན།) ཐད་ཀ། ཐད་སོ། སྒོའི་ཐད་ཀ། ཐད་དྲངས་ལྟ་བུ། (བསྣན་ཚིག) གཞན་གྱིས་བར་མ་ཆོད་པའི་དོན་ཏེ། (དཔེར་ན།) ཐད་ཀར་བཤད། ཐད་ཀར་བྲིས་ལྟ་བུ། |
| ཐད་ཀ |
1.མདུན་ཕྱོགས་སམ་ཁ་གཏད་ཀྱི་དོན་ཏེ༌། (དཔེར་ན།) དྲང་ཐད། སྒོའི་ཐད་ཀ། ཁང་པའི་ཐད་ཀ་ནས་འུར་སྒྲ་བྱུང་ཞེས་པ་ལྟ་བུ།2.ལོགས་སམ། མཐའ་སྐོར་གྱི་དོན་ཏེ། (དཔེར་ན།) སྟེང་འོག་དང་ཐད་ཀ། ཐད་ཀའི་འཇིག་རྟེན་གྱི་ཁམས་ཞེས་པ་ལྟ་བུ། 3. མ་འཁྱོག་དྲང་མོའི་དོན་ཏེ། (དཔེར་ན།) ཤར་ནས་ནུབ་ཕྱོགས་སུ་ཐད་ཀར་འགྲོ་བ། དཀར་ཡོལ་ཤུགས་ཀྱིས་བསྐོར་ནས་འཁོར་ཡང་ཆུ་རྣམས་ཐད་ཀར་མི་འབོ་བ། བསམ་འཆར་ཐད་ཀར་སྨྲས་ན་གོ་སླ་ལྟ་བུ། |
| ཐད་ཀའི་རི་བོ |
1.མཐའ་སྐོར་གྱི་རི། 2.མདུན་ཕྱོགས་ཀྱི་རི། |
| ཐད་གཏོགས |
དངོས་སུ་གཏོགས་པ། |
| ཐད་དཔྱངས |
དྲང་ཐད་དུ་བཏགས་པའི་དཔྱངས་ཐག |
| ཐད་དྲང |
ཁ་ཐུག་དང་དྲང་པོའི་དོན་ཏེ། (དཔེར་ན།) རང་གི་མདུན་ཕྱོགས་ཐད་དྲང་བར་སྣང་གི་དབྱིངས་སུ་གནམ་གྲུ་མང་པོ་ལྡིང་སྐོར་རྒྱག་གི་འདུག་ཅེས་པ་ལྟ་བུ། |
| ཐད་མཚམས |
སྐབས་སུ་བབ་པའི་མཚམས་ཏེ། (དཔེར་ན།) ལས་ཁུར་རང་ཐོག་བབས་པའི་ཐད་མཚམས་སུ་ཤུགས་རྒྱག་དགོས་ལྟ་བུ། |
| ཐད་ཚོར |
མིག་གིས་དངོས་སུ་མཐོང་བ་དང༌། ཡིད་ཀྱིས་དངོས་སུ་དྲན་པའི་ཐད་ཀའི་ཚོར་བ། |
| ཐད་སོ |
ཐད་ཀའི་དོན་ཏེ། (དཔེར་ན།) དྲང་གཏམ་ཐད་སོར་བཤད་ན་གོ་བདེ་ལྟ་བུ། |
| ཐད་སྒྱུར |
དོན་ཐོབ་ལ་མ་བརྩིས་པར་སྐད་དོད་ལྟར་ཐད་ཀར་སྒྱུར་བ། |
| ཐན |
1.ངན་པའི་མིང་། (དཔེར་ན།) ཐན་བྱ། ཐན་ལྟས། ཐན་སྐད་ཅེས་པ་ལྟ་བུ། 2.ཐན་པ་ཞེས་པའི་ཚིག་བསྡུས་པ། |
| ཐན་ཀོར |
1.ཉེ་འཁོར་རམ། ཉེ་ལོགས་ཀྱི་དོན་ཏེ། (དཔེར་ན།) ཁང་པའི་ཐན་ཀོར་ལ་ཆུ་ཡུར་དང༌། རྩྭ་ཤིང་ཚལ་ཞིང་ཡོད་ལྟ་བུ། 2.མཐའ་སྐོར། |
| ཐན་ཐུན |
(རྒྱན་ཚིག) དངོས་རྫས་བཏུམས་པའི་རྡོག་པོ་ཆུང་ངུ་ཚད་མི་འདྲ་བ་མང་བོའི་དོན་ཏེ། (དཔེར་ན།) ཁ་སྐད་དུ་ཐ་ནེ་ཐུན་ནེ་ཟེར་བ་དང་དོན་གཅིགདཔེར་ན། སྨན་ཐ་ནེ་ཐུན་ནེ་མང་བོ་ཞེས་པ་ལྟ་བུ། |
| ཐན་པ |
1.ཆར་ཆུ་དུས་མ་བབས་པར་ས་སྐམ་ཆུ་སྐམ་གྱི་གནོད་པ་བྱུང་བའི་ནམ་ཟླའི་དོན་ཏེ། (དཔེར་ན།) ཡུན་རིང་པོའི་བར་ཐན་པ་ཆེན་པོས་ལོ་ཏོག་དང་རྩྭའི་ཚོགས་ཀྱང་ཤིན་ཏུ་ཉམས་པར་གྱུར། ཐན་པ་སྔོན་འགོག ཐན་པ་བཏང་བ། ལུང་པ་འདིར་ཆུ་རྒྱུན་ཐོན་ཁུངས་མང་བས་ཐན་པ་ཇི་ཙམ་བཏང་ཡང་སྟོན་ཐོག་ལ་གནོད་སྐྱོན་བྱེད་ཐུབ་ཀྱི་མ་རེད་ཅེས་པ་ལྟ་བུ། མིང་གི་རྣམ་གྲངས་ལ་ཆར་འགོག་དང༌། ཆར་མེད། ཆར་མེད་སྟེང་འབར། གནམ་གྱི་སྐྱོན། གནམ་གྱི་འཇིགས་པ། གནམ་གྱི་ཉེར་འཚེ། གནམ་དམག་མུ་གེ་སྐྱེད། ཚ་བས་ཉེན། ཞོད་ཀྱི་གེགས་བཅས་སོ། ། 2.བཀྲ་མི་ཤིས་པའི་སྔོན་ལྟས། |
| ཐན་བྱ |
སྲིན་བྱ་སྟེ་འུ་གུ་ཆུང་དང༌། འུག་པ། |
| ཐན་བྱུང |
1.ལོ་ཏོག་ལ་ཐན་པ་བྱུང་བ། 2.ངན་པའི་གཏམ་ཐོས་པ། |
| ཐན་བྱུར |
ཆགས་སྒོ་དང་བཀྲ་མི་ཤིས་པ། |
| ཐན་འགྱེད་པ |
བཀྲ་མི་ཤིས་པའི་གཏམ་མམ། འཕྲིན་ངན་བསྐུར་བའི་དོན་ཏེ། (དཔེར་ན།) ཀུན་ནས་ཀུན་ཏུ་མི་སྙན་པའི་ཐན་འགྱེད་པ་ཞེས་པ་ལྟ་བུ། |
| ཐན་འདྲེ |
1.ལྟས་ངན་གཏོང་བའི་འདྲེ། 2.ལོ་ཏོག་ལ་གནོད་བྱེད་ཆར་པ་འབབ་མི་འཇུག་པའི་འདྲེ། |
| ཐན་ལྟས |
ངན་ལྟས་ཏེ། (དཔེར་ན།) ཐན་ལྟས་འཚུབ་པོ་ལྟ་བུ། |
| ཐན་སྐད |
ལྟས་ངན་སྒྲོག་པའི་སྐད། |
| ཐན་སྐོར |
ཐན་ཀོར་དང་འདྲ། |
| ཐན་སྐྱོན |
ཐན་པ་བཏང་བའི་གནོད་པ་སྟེ། (དཔེར་ན།) ཐན་སྐྱོན་བསལ་ནས་ལོ་ལེགས་ཡོང་བ་བྱེད་དགོས་ལྟ་བུ། |
| ཐན་སྤྲིན |
ཐན་ལྟས་ཀྱི་སྤྲིན་པ། |
| ཐབ་ཀ |
མེ་བཏང་ནས་ཟས་གཡོ་བ་དང་དྲོད་ལ་སྤྱོད་པ། ལྕགས་བཞུ་བ་སོགས་བྱེད་པའི་ཉེར་སྤྱད་དབྱིབས་དང་རིགས་ཤིན་ཏུ་མང་བ་རྣམས་ཀྱི་སྤྱི་མིང་། (དཔེར་ན།) ལྕགས་སྦྱང་ཐབ་ཀ ལྕགས་ཀྱི་ཐབ་ཀ་ཞེས་པ་ལྟ་བུ། མིང་མཐའ་བསྡུས་ན་ཐབ་ཅེས་འབྲི་ཆོག་སྟེ། (དཔེར་ན།) མེ་ཐབ། མགར་ཐབ། ཚ་ཐབ། ལྕགས་ཐབ་ཅེས་པ་སོགས་ལྟ་བུ། |
| ཐབ་ཀ་བ |
ཐབ་ཏུ་མེ་གཏོང་མཁན་ནམ། ཟས་གཡོ་མཁན། མིང་གི་རྣམ་གྲངས་ལ་ཕྱག་ཚང་བ་དང༌། མ་བྱན། འཚོད་བྱེད་པ། ཟན་མ། ཟས་གཉེར། ཟས་བྱེད། གཡོས་དཔོན། གཡོས་མ། ལག་བདེ། ལག་བདེའི་དཔོན་པོ་བཅས་སོ། ། |
| ཐབ་ཀྱི་ས་ཚིག |
ཐབ་དཀྱིལ་གྱི་ས་སྟེ་ས་སྨན་ཞིག |
| ཐབ་ཁ |
ཐབ་ཀ་དང་འདྲ། |
| ཐབ་ཁང |
ལྟོ་བཟོ་སའི་གཡོས་ཁང༌། |
| ཐབ་ཁུང |
ཐབ་སྟེང་གི་མེ་འགྲོའི་ཨི་ཁུང༌གི་མིང་། (དཔེར་ན།) མུན་ནག་ནང་ནས་རིག་རྒྱུ་དང༌། ཐབ་ཁུང་ནང་ནས་སྐྱེ་རྒྱུ་མེད་ཅེས་པ་ལྟ་བུ། |
| ཐབ་ཁྲོ |
ཐབ་ཆས་ཟངས་ལྕགས་ཀྱི་ཁྲོ་རིགས། |
| ཐབ་གཉེར |
མ་ཆེན་ནམ་ཇ་མ། |
| ཐབ་གདན་ཆ |
ཐབ་ཚང་ནང་གི་ཐབ་ཆས་དང་གདན་ཆ། |
| ཐབ་གཞོབ |
བསྲེག་རྫས་མིན་པ་མེ་ནང་ཤོར་བའི་ཐབ་གཞོབ། |
| ཐབ་གཡོག |
ཐབ་ཁང་ནང་གི་ལག་གཡོག |
| ཐབ་གསུར |
ཐབ་ཀའི་ནང་ཟས་རིགས་བསྲེགས་པའི་དུད་པ། |
| ཐབ་གུར |
མེ་གཏོང་སའི་རས་གུར་རམ། སྦྲ་གུར། |
| ཐབ་ཅས |
ཐབ་ཀྱི་ཡོ་བྱད། |
| ཐབ་ཆས |
ཟས་གཡོ་བསྐོལ་བྱེད་པའི་ཡོ་བྱད་སྤྱིའི་མིང་། |
| ཐབ་ཆུང་མེ་ཚ |
ཉམ་ཆུང་ལྟར་སྣང་ཡང༌། ནུས་ཤུགས་ཆེ་བའི་དཔེ། |
| ཐབ་ཆེས་ཕྲས |
(བརྡ་རྙིང་།) དམག་འཐབ་ཆེན་པོ། |
| ཐབ་ཐིབ |
1.(རྒྱན་ཚིག) ཐབ་བི་ཐིབ་བིའི་བསྡུས་ཚིག 2.གྲངས་གནས་ཤིག |
| ཐབ་ཕྱིས |
ཅོག་ཙེ་སོགས་ཕྱིས་བདར་གཏོང་བྱེད་ཀྱི་རས་སྣམ་སོགས། |
| ཐབ་བསངས་ཐབ་ཁྲུས |
ཐབ་ཀྱི་བཙོག་པ་སེལ་ཐབས་སུ་བསངས་གཏོང་བ་དང་ཁྲུས་བྱེད་པ། |
| ཐབ་བསུ |
ཐག་ཉེ་རིང་གང་འོས་སར་ཐབ་བརྒྱབ་སྟེ་ཇ་སོགས་འདྲེན་པའི་ཕེབས་བསུ། |
| ཐབ་བི་ཐིབ་བི |
(རྒྱན་ཚིག) 1>སྤྲིན་འཐིབས་པ་དང༌། གངས་ཆེན་པོ་འཐུལ་བའི་ཚུལ།་ཏེ (དཔེར་ན།) གནམ་ཐབ་བི་ཐིབ་བིའི་དཀྱིལ་ནས་ཁ་བ་ཐབ་བི་ཐིབ་བིར་བབས་ཞེས་པ་ལྟ་བུ། 2>རིག་པ་མི་གསལ་བའི་ཚུལ་ཏེ། (དཔེར་ན།) ཤེས་པ་ཉོབ་སྟེ་ཐབ་བི་ཐིབ་བིར་གྱུར་པ། ནད་པ་དེའི་རིག་པ་ཐབ་བི་ཐིབ་བི་ཡིན་ཞེས་པ་ལྟ་བུ། |
| ཐབ་མགོ |
མེ་ཤིང་འབུད་ས་ཐབ་སྒོའི་ཕྱོགས། |
| ཐབ་མིག |
ཟས་སྣོད་འཛུགས་སའི་ཐབ་ཀྱི་ཁུང་བུ། (དཔེར་ན།) ཐབ་མིག་གསུམ་ཡོད་པའི་ལྕགས་ཐབ་ཅེས་པ་ལྟ་བུ། |
| ཐབ་ཚགས |
གོ་ཐལ་འབབ་སའི་ཚགས། |
| ཐབ་ཚང |
གཡོས་ཁང་ངམ། མེ་ཁང༌། མིང་གི་རྣམ་གྲངས་ལ་ཚང་བང་དང༌། ཚང་མང༌། གཡོས་ཁང༌། བསྲོ་ཁང་བཅས་སོ། ། |
| ཐབ་ཚུགས |
ཁྱིམ་འཛིན་གྱི་འཚོ་ཐབས་སམ། འཚོ་རྟེན་གྱི་དོན་ཏེ། (དཔེར་ན།) ཐབ་ཚུགས་བརྟན་པོར་བཟུང་ནས་འཚོ་བ་སྐྱེལ་ལྟ་བུ། |
| ཐབ་འགྲམ |
ཐབ་ཀྱི་གཡས་གཡོན་སོགས་ཉེ་འགྲམ། |
| ཐབ་འཛིན་པ |
ཁྱིམ་ཚང་བཙུགས་ཏེ་འཚོ་སྐྱོང་བྱེད་པ། |
| ཐབ་རྡོ |
ཐབ་བཟོ་རྒྱུའི་རྡོ། |
| ཐབ་རྡོ་སུམ་ཚོམ |
སྒྱེད་པུ་སུམ་ཚུགས། |
| ཐབ་ལ |
ལ་ཞིག་བོད་ཀྱི་སྐྱིད་རོང་རྫོང་གི་ནུབ་རྒྱུད་དུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་4610 ཡོད། |
| ཐབ་ལྷ |
ཐབ་ལ་གནས་པའི་ལྷ། |
| ཐབ་ཤོར |
1.ཁྱིམ་ཤོར་བའམ། ཁྱིམ་སྟོངས་པ། 2.ཤ་སོགས་དམར་རིགས་ཐབ་ནང་ཤོར་བ། |
| ཐབ་སྐམ |
ཐབ་ནས་མེ་འཛིན་བྱེད་ཀྱི་སྐམ་པ། |
| ཐབ་སྐྱེལ |
བླ་དཔོན་ཕྱོགས་ཐོན་དང༌། མནའ་མ་མག་པ་ཐོན་སྐབས་ཁྱིམ་ནས་བར་ཐག་ལེ་དབར་ཁ་ཤས་ཀྱི་སར་བཟའ་བཏུང་བཤམས་ནས་སྐྱེལ་མ་བྱེད་པ། |
| ཐབ་སྒོ |
མེ་ཤིང་འབུད་སའི་སྒོ། |
| ཐབ་སྒྱེད |
ཐབ་རྡོ། |
| ཐབ་སྒྲོམ |
1.ཐབ་ཆས་འཇུག་སའི་སྒམ། 2.མེ་གཏོང་སའི་ཐབ། |
| ཐབ་སྣོད |
ཐབ་ཏུ་འཛུགས་རྒྱུའི་སྣོད། |
| ཐབས |
ཚུལ་དང༌། ཆོ་གའམ་ལུགས་སམ། སྲོལ་སོགས་ཀྱི་དོན་ཏེ། (དཔེར་ན།) འཚོ་ཐབས། སྒྲུབ་ཐབས། ལས་ཀ་བྱེད་ཐབས། གཞན་དུ་འགྲོ་ཐབས་མེད། རྩིས་ཀྱི་སྣོན་འཕྲི་སྒྱུར་བགོད་དེ་ཐབས་བཞི། སྟག་བཞོན་ནས་གཞོལ་ཐབས་མེད་པ། མིའི་རྒྱུ་ནོར་ཐབས་ཀྱིས་ལེན་པ། མགྲོན་ཐབས་སུ་སྤྱན་དྲངས། ཐབས་ལ་མཁས་པའི་སྤྱོད་པ་ལ། གཡོ་སྒྱུར་ཐུབ་པས་མ་གསུངས་སོ། ། |
| ཐབས་ཀྱི་ཐེག་པ |
བསྙེན་སྒྲུབ་ལས་སྦྱོར་སོགས་ཐབས་རྒྱ་ཆེ་ཞིང་མང་བ་དང༌། ཐབས་ལ་མ་རྨོངས་པ་དང༌། ཐབས་ལ་དཀའ་བ་མེད་པ་སོགས་ཕར་ཕྱིན་ཐེག་པ་ལས་ཁྱད་པར་འཕགས་པས་ཐབས་ཀྱི་ཐེག་པ་ཞེས་བྱའོ། ། |
| ཐབས་ཀྱི་དཀྱིལ་འཁོར |
ལམ་གཟུགས་བརྙན་ཐབས་ཀྱི་དཀྱིལ་འཁོར་ཏེ། རྡུལ་ཚོན་དང༌། རས་བྲིས་དང༌། ཚོམ་བུའི་དཀྱིལ་འཁོར་རྣམས་བརྡ་ལ་བརྟེན་དགོས་པས་བརྡའི་དཀྱིལ་ཞེས་ཀྱང་བྱའོ། ། |
| ཐབས་ཀྱི་ཕ་རོལ་ཏུ་ཕྱིན་པ |
ཕ་རོལ་ཏུ་ཕྱིན་པ་བཅུའི་ནང་གསེས་ཤིག་དགེ་བའི་རྩ་བ་མང་ཉུང་ཅི་བསགས་པ་ཅུང་ཟད་ཡན་ཆད་ཀྱང་སེམས་ཅན་ཐམས་ཅད་དང་ཐུན་མོང་དུ་བྱས་ཤིང་བླ་ན་མེད་པའི་བྱང་ཆུབ་ཆེན་པོར་བསྔོས་པས་དེའི་འབྲས་བུ་དཔག་ཏུ་མེད་པ་ཟད་མི་ཤེས་པར་འགྱུར་བའོ། ། |
| ཐབས་ཀྱི་ཕྱོགས |
1.ལས་དོན་སྒྲུབ་སླ་བའི་བྱེད་ཕྱོགས། 2.ཟླ་བ་ཡར་ངོའི་ཕྱོགས། |
| ཐབས་ཀྱི་རྩ |
ལུས་རྩའི་བྱེ་བྲག་ཅིག |
| ཐབས་ཀྱི་སྒོ |
བྱ་བའི་ཐབས་ཤེས་ཀྱི་ཕྱོགས། |
| ཐབས་ཀྱིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་མི་འདོད་པའི་བྱ་བའི་དངོས་པོ་ཞིག་འགོག་བྱེད་འགྲུབ་དཀའི་དོན་ཞིག་སྒྲུབ་པར་སྐུལ་བའི་ཐབས་ཤེས་ཀྱིས་འགོག་པར་བྱེད་པའི་རྒྱན་ཞིག |
| ཐབས་ཅིག |
ལྷན་ཅིག་གི་དོན་ཏེ། (དཔེར་ན།) སློབ་མ་རྣམས་ཀྱིས་དགེ་རྒན་དང་ཐབས་ཅིག་ཏུ་ངལ་རྩོལ་བྱས་ལྟ་བུ། འདི་ལ་ཐབས་གཅིག་ཅེས་ཀྱང་འབྲི། |
| ཐབས་ཆག |
བྱ་ཐབས་ཟད་པའི་དོན་ཏེ། (དཔེར་ན།) དགྲ་བོ་འཕྲུལ་ཐབས་ཆག་ནས་མགོ་བོ་སྒུར་བ། ཡོད་ན་དེས་ཆོག་མེད་ན་ཐབས་ཆག་ཅེས་པ་ལྟ་བུ། ཐེབས་ཆག་དང་འདྲ། |
| ཐབས་ཇུས |
ལས་དོན་སྒྲུབ་བྱེད་ཀྱི་ཚུལ་ལུགས་ཏེ། (དཔེར་ན།) ཐབས་ཇུས་ཟབ་མོ། གང་དགའ་ཅི་ལེགས་ཀྱི་ཐབས་ཇུས་སྔོན་བཏིང་ཟིན་ལྟ་བུ། |
| ཐབས་བཙན་པོ |
1.ལས་ཀ་བྱེད་སྟངས་ཏན་ཏིག་གི་དོན་ཏེ། (དཔེར་ན།) ངེས་པར་དུ་ཐབས་བཙན་པོ་ཞིག་ཡོད་དགོས་ལྟ་བུ།2.དྲག་པོའི་ལས་ཐབས་ཏེ། (དཔེར་ན།) ཐབས་བཙན་པོས་དྲག་གནོན་བཏང་ལྟ་བུ། |
| ཐབས་བརྒྱ་ཇུས་སྟོང |
ཐབས་ཇུས་མང་པོའི་དོན་ཏེ། (དཔེར་ན།) ཁོ་རང་མི་གཅིག་ལས་ལུས་མེད་ཀྱང་ཐབས་བརྒྱ་ཇུས་སྟོང་གི་སྒོ་ནས་ལས་དོན་འགྲུབ་པའི་ཁུར་བླངས་ལྟ་བུ། |
| ཐབས་བྱུས |
ཐབས་ཇུས་དང་འདྲ། |
| ཐབས་བྲལ |
ལས་དོན་སྒྲུབ་བྱེད་ཀྱི་ཐབས་མེད་པའི་དོན་ཏེ། (དཔེར་ན།) ལས་དོན་སྒྲུབ་པའི་ཐབས་བྲལ་བ་རང་མ་རེད་ཅེས་པ་ལྟ་བུ། |
| ཐབས་བློ་ཞེ་བསྐྱེད |
ཐབས་དང་བློ་གྲོས་གཏིང་ནས་བསྐྱེད་པའི་དོན་ཏེ། (དཔེར་ན།) ཐོག་མཐའ་བར་གསུམ་དུ་ཐབས་བློ་ཞེ་བསྐྱེད་བྱས་ལྟ་བུ། |
| ཐབས་མཁས |
ལས་དོན་བྱེད་ཚུལ་ལ་མི་རྨོངས་པའི་དོན་ཏེ། (དཔེར་ན།) ལས་དོན་བྱེད་ཐབས་མཁས་པོ་ཡོད་པ། ཐབས་མཁས་ཇུས་མང་ལྟ་བུ། |
| ཐབས་མཁས་ཀྱི་ཕར་ཕྱིན |
ནང་གི་སངས་རྒྱས་ཀྱི་ཆོས་འགྲུབ་པར་བྱ་བའི་ཚུལ་དང༌། ཕྱིའི་སེམས་ཅན་སྨིན་པར་བྱ་བའི་ཚུལ་ལ་མཁས་པའི་ཆོས་རབ་ཏུ་རྣམ་པར་འབྱེད་པའོ། ། |
| ཐབས་མཁས་པའི་མདོ |
འཕགས་པ་ཐབས་མཁས་ཞེས་བྱ་བའི་མདོ་བམ་པོ་གཉིས་ལྡན། |
| ཐབས་མཁས་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། ཐབས་ལ་མཁས་པའི་ཡུལ་རྣམས་མངོན་དུ་བྱེད་པ་ལ་དུས་དང་དུས་མིན་ཤེས་པའི་སྦྱོར་བའོ། ། |
| ཐབས་མཁས་སྦྱོར་བ་བཅུ |
དག་པ་ས་གསུམ་ན་གནས་པའི་བྱང་ཆུབ་སེམས་དཔའ་རྣམས་ལ་ཡོད་པའི་ཡེ་ཤེས་བཅུ་བདུད་བཞི་ལས་རྒྱལ་བ་དང༌། དོན་དམ་པར་མི་གནས་ཤིང་ཐ་སྙད་དུ་གནས་པ། གཞན་དོན་སྔོན་གྱི་སྨོན་ལམ་གྱི་ཤུགས་ཀྱིས་འཕེན་པར་བྱེད་པ། ཐུན་མོང་མ་ཡིན་པ། ཆོས་ཐམས་ཅད་ལ་བདེན་པར་རང་བཞིན་མེད་པ། བདེན་པར་མི་དམིགས་པ། མཚན་མ་མེད་པ། སྨོན་པ་མེད་པ། ཕྱིན་ཅི་ལོག་བཞི་ལས་གྲོལ་བའི་རྟགས། ཚད་མེད་པ་བཅས་ཀྱི་ཐབས་མཁས་སྦྱོར་བ་རྣམས་སོ། ། |
| ཐབས་མེད |
བྱེད་སྟངས་ཟད་པའི་དོན་ཏེ། (དཔེར་ན།) དངོས་ཡོད་གནས་ཚུལ་ལ་གཞིགས་ནས་གང་འཚམ་གྱི་སྤོར་གཅོག་མི་བྱེད་ཐབས་མེད་པ། རྒྱུན་མི་འཆད་པར་སློབ་སྦྱོང་མི་བྱེད་ཐབས་མེད་དང༌། རང་གི་སྐྱོན་ཆ་རིམ་གྱིས་མི་སེལ་ཐབས་མེད་རེད་ཅེས་པ་ལྟ་བུ། |
| ཐབས་ཚུལ |
ལས་དོན་སྒྲུབ་བྱེད་ཀྱི་ལུགས་ཏེ། (དཔེར་ན།) ཁོ་པས་སྤྱོད་པའི་ཐབས་ཚུལ་དེ། ཁོ་པ་རང་ཉིད་མྱོང་དུ་འཇུག་ཅེས་ལྟ་བུ། |
| ཐབས་ཟད |
བྱ་ཐབས་རྫོགས་ནས་མེད་པའི་དོན་ཏེ། (དཔེར་ན།) བརྩོན་འགྲུས་མི་བྱེད་མཁན་ལ་རིག་རྩལ་སློབ་པའི་ཐབས་ཟད་ཅེས་པ་ལྟ་བུ། |
| ཐབས་ཟབ་མོ |
ཐབས་ལེགས་པོ། |
| ཐབས་ཟླ |
ཆུང་མ། |
| ཐབས་འཕྲུལ |
ཐབས་ཇུས་མང་པོའི་འཕྲུལ་ཐབས་ཏེ། (དཔེར་ན།) ཐབས་འཕྲུལ་སྣ་ཚོགས་ཀྱིས་གཞན་མགོ་མ་སྐོར་ལྟ་བུ། |
| ཐབས་འཚོལ |
1.བྱུས་འདིང་བ་སྟེ། (དཔེར་ན།) དམངས་ཀྱི་འཚོ་བ་ཡར་རྒྱས་སུ་གཏོང་བའི་ཐབས་འཚོལ་བ། 2.དོན་དུ་གཉེར་བའི་དོན་ཏེ། (དཔེར་ན།) ཚོང་པས་ཁེ་བཟང་ཡོང་ཐབས་འཚོལ་ལྟ་བུ། |
| ཐབས་རྡུགས |
ཐབས་ཟད་པའམ། ཐབས་མེད་པའི་དོན་ཏེ། (དཔེར་ན།) ལམ་ཁའི་གད་པ་ཆད་ནས་འགྲོ་ཐབས་རྡུགས་པ། འཚོ་ཐབས་རྡུགས་པ། མཁས་པ་ཇི་ལྟར་ཐབས་རྡུགས་ཀྱང༌། བླུན་པོ་འཇུག་པའི་ལམ་མི་འགྲོ་ཞེས་པ་ལྟ་བུ། |
| ཐབས་ལམ |
1.ཇུས་སམ། འཇུག་སྒོའི་དོན་ཏེ། (དཔེར་ན།) ལུགས་མཐུན་གྱི་ཐབས་ལམ་ཞེས་པ་ལྟ་བུ། 2.གསང་སྔགས་ཀྱི་ལམ། |
| ཐབས་ཤེས |
1.བྱེད་སྟངས་སམ་ཇུས་ཀྱི་དོན་ཏེ། (དཔེར་ན།) ཐབས་ཤེས་འཇམ་པོ། ཐབས་ཤེས་མཁས་པ་ལྟ་བུ། 2.ཐབས་སེམས་བསྐྱེད་སོགས་དང་བདག་མེད་རྟོགས་པའི་ཤེས་རབ། 3.(མངོན་བརྗོད།) ཐབས་དང་ཤེས་རབ་གཉིས་སུ་ངེས་པས་གྲངས་གཉིས་མཚོན། |
| ཐབས་ཤེས་གཉིས |
ཐབས་སྣང་བའི་ཆ་དང༌། ཤེས་རབ་སྟོང་པའི་ཆ་གཉིས་སོ། ། |
| ཐབས་ཤེས་ཐུགས་འདུན |
(ཡུལ་སྐད།) མནའ་མའི་ཞེ་ས། |
| ཐབས་ཤེས་ཟུང་འབྲེལ |
1.ཐབས་དང༌། ཤེས་རབ་གཉིས་ཕན་ཚུན་སྦྲགས་པ། 2 .ཐབས་བྱང་ཆུབ་ཀྱི་སེམས་དང་ཤེས་རབ་སྟོང་པ་ཉིད་གཉིས་ཡ་མ་བྲལ་བ། |
| ཐབས་སྡུག་པ |
བསམ་གནག་ཁྲེལ་མེད་ཀྱི་དོན་ཏེ། (དཔེར་ན།) དེ་འདྲའི་ཐབས་སྡུག་པ་ལ་ཨང༌། གཡོ་སྒྱུ་ལང་ཤོར་མི་ངན་ཐབས་སྡུག་ཅེས་པ་ལྟ་བུ། |
| ཐམ་ཀ |
1.དམ་ཕྲུག་ཤོག་ངོས་དང་ཡིག་ཐོག་སོགས་ལ་དཔར་རྒྱུའི་རྟགས་ཐེལ། (དཔེར་ན།) ཐམ་ཀ་དམར་པོ་ཞེས་པ་ལྟ་བུ།2.དམ་ཕྲུག་ཕབ་ཡོད་པའི་ཡི་གེ་ལ་ཐམ་ཀ་ཟེར་བར་བཤད། |
| ཐམ་ག |
ཐམ་གའི་འབྲི་སྲོལ་གཞན། |
| ཐམ་གའི་ཁ་ཡིག |
དམ་ཕྲུག་གི་ཁ་རིས་ཡི་གེ། |
| ཐམ་ཐམ |
1.(རྒྱན་ཚིག) ཨམ་གཙིགས་བསྡམས་པའི་རྣམ་འགྱུར་ཏེ། (དཔེར་ན།) སོ་ཐམ་ཐམ་བྱས་ནས་དཀའ་ཚེགས་བཟོད་ཐབས་བྱེད་པ། གྲང་བ་མ་བཟོད་པར་སོ་ཐམ་ཐམ་བྱེད་པ། ཚིག་པ་ཟོས་ཏེ་སོ་ཐམ་ཐམ་བྱེད་ཅེས་པ་ལྟ་བུ། 2.སོ་ཐམ་ཐམ་པའི་བསྡུས་ཚིག |
| ཐམ་ཐོམ |
(རྒྱན་ཚིག) ཐམ་མེ་ཐོམ་མེའི་བསྡུས་ཚིག |
| ཐམ་ཐོམ |
ཁ་སྐད་དུ་ཐ་མེ་ཐོམ་མེ་ཟེར་བ་དང་དོན་འདྲ་། སྐབས་འགར་རིག་པ་འཐོམས་ཤིང་སྐབས་འགར་གསལ་བའི་དོན། (དཔེར་ན།) གཉིད་ཐམ་ཐོམ་ཙམ་ལོག་གཉིད་ཐ་མེ་ཐོམ་མེ་མགོ་ཐམ་ཐོམ་ཞིག་བྱུང་ཀླད་པ་ཐ་མེ་ཐོམ་མེ་ཞེས་པ་ལྟ་བུ། |
| ཐམ་པ |
བཅུ་འགྱུར་གྱི་གྲངས་ཀའི་མཐའ་རྟེན་ཏེ། (དཔེར་ན།) བཅུ་ཐམ་པ། བརྒྱ་ཐམ་པ། བརྒྱ་ཐམ་པའི་ཁ་ཁེབས་ཀྱང༌། སྟོང་ཐམ་པའི་མིག་མི་ཁེབས་ཞེས་པ་ལྟ་བུ། |
| ཐམ་ཕྲན |
(བརྡ་རྙིང་།) ལྕགས་གཟེར། |
| ཐམ་མཚལ |
ཐམ་ག་ལ་བྱུག་རྒྱུའི་མཚལ། |
| ཐམ་མེ་ཐོམ་མེ |
(རྒྱན་ཚིག) ལུས་སེམས་བཟི་འཁྱོམ་དུ་གྱུར་པའི་ཚུལ་ཏེ། (དཔེར་ན།) ཆང་གིས་བཟི་ནས་ཐམ་མེ་ཐོམ་མེར་གྱུར་པ། མི་ཐམ་མེ་ཐོམ་མེ་ཞེས་པ་ལྟ་བུ། |
| ཐམ་འབྱར་མ |
གཞུང་དམ་ཕབ་པའི་ཡི་གེ་སྟེ། (དཔེར་ན།) བཀའ་ཡིག་ཐམ་འབྱར་མ། འཛིན་ཤོག་ཐམ་འབྱར་མ་ཞེས་པ་ལྟ་བུ། |
| ཐམ་ཡུ |
ཐམ་གའི་ཡུ་བ། |
| ཐམ་ལག |
མན་ངག |
| ཐམས |
བཙོན་དང་དོང་གི་བརྡ་རྙིང་སྟེ། (དཔེར་ན།) ཐམས་སུ་བཅུག་ལྟ་བུ། |
| ཐམས་ཅད |
ཚང་མའམ་ཡོད་ཚད་ཀྱི་དོན་ཏེ། (དཔེར་ན།) མི་གྲངས་ཐམས་ཅད་ཚང་འདུག རྣམ་པ་ཐམས་ཅད་དུ་འགལ་བ་མེད་པ། བསམ་འཆར་ཐམས་ཅད་གཅིག་ཏུ་བསྡུས་པ། གནས་ལུགས་ཐམས་ཅད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་ལྟ་བུ། མིང་གི་རྣམ་གྲངས་ལ་ཀུན་དང༌། ཆ་ཚང༌། སྣ་ཚོགས། མ་ལུས། ཚང་བ། ཟད་པ། ཡོད་ཚད། ལུས་མེད། ལྷག་མེད་བཅས་སོ། ། |
| ཐམས་ཅད་ཀྱི་ཐ་མ |
1.མང་པོའི་ནང་གི་ཞན་ཤོས་ཏེ། (དཔེར་ན།) ཅ་ལག་ངན་ཧྲུལ་འདི་དངོས་པོ་ཐམས་ཅད་ཀྱི་ཐ་མ་རེད་ཅེས་པ་ལྟ་བུ། 2.གྲངས་དུ་མ་ཡོད་པའི་རྗེས་མ་སྟེ། (དཔེར་ན།) ཡོང་མཁན་མི་ཐམས་ཅད་ཀྱི་ཐ་མ་ཁོ་རང་རེད་ཅེས་ལྟ་བུ། |
| ཐམས་ཅད་ཀྱི་ཐམས་ཅད |
གཅིག་ཀྱང་མ་ལུས་པ་སྟེ། (དཔེར་ན།) འཇིག་རྟེན་ཐམས་ཅད་ཀྱི་ཐམས་ཅད་ཀྱི་མི་རྟག་པ་ཡིན་ཞེས་པ་ལྟ་བུ། |
| ཐམས་ཅད་ཀྱི་དང་པོ |
ཚང་མའི་ནང་གི་ཐོག་མའི་དོན་ཏེ། (དཔེར་ན།) བཀྲ་ཤིས་རྟགས་བརྒྱད་ཐམས་ཅད་ཀྱི་དང་པོ་རིན་པོ་ཆེའི་གདུགས། རྒྱལ་སྲིད་སྣ་བདུན་ཐམས་ཅད་ཀྱི་དང་པོ་འཁོར་ལོ་རིན་པོ་ཆེ། གཟའ་ཐམས་ཅད་ཀྱི་དང་པོ་གཟའ་ཉི་མ་ཞེས་པ་ལྟ་བུ། |
| ཐམས་ཅད་ཀྱི་མཐའ་མ |
ཚང་མའི་ནང་གི་རྗེས་མའམ་ངན་ཤོས་ཀྱི་དོན་ཏེ། (དཔེར་ན།) ཁོ་རང་གཅེན་གཅུང་ཐམས་ཅད་ཀྱི་མཐའ་མ་ཆུང་ཐ་རེད་ཅེས་པ་ལྟ་བུ། |
| ཐམས་ཅད་གཟིགས་པ |
(མངོན་བརྗོད།) སངས་རྒྱས། |
| ཐམས་ཅད་དུ་འགྲོ་བའི་ལམ་མཁྱེན་པའི་སྟོབས |
ལམ་འགའ་ཞིག་རྒྱལ་བ་ཉིད་དུ་འགྲོ་བ་དང༌། ལམ་འགའ་ཞིག་རང་རྒྱལ་གྱི་བྱང་ཆུབ་དང༌། ཉན་ཐོས་ཀྱི་བྱང་ཆུབ་ཏུ་འགྲོ་བ་དང༌། ལམ་འགའ་ཞིག་ངན་འགྲོ་དང་བདེ་འགྲོ་སོགས་སུ་འགྲོ་བའི་ལམ་ཡང་དག་པ་དང་ལོག་པར་ངེས་པའི་ལམ་རྣམས་ཇི་ལྟ་བ་བཞིན་དུ་མཁྱེན་པ་སྟེ་སྟོབས་བཅུའི་ནང་ཚན་ཞིག |
| ཐམས་ཅད་མཁྱེན་པ |
ས་བཅུ་རིམ་གྱིས་འདས་ཏེ་སངས་རྒྱས་ཀྱི་སར་ཡེ་ཤེས་བཞི་དང་སྐུ་གསུམ་ལྷུན་གྱིས་གྲུབ་པ་སངས་རྒྱས་ཀྱི་མཚན་གྱི་རྣམ་གྲངས་ཤིག |
| ཐམས་ཅད་མཁྱེན་པ་གྲུབ་པའི་ཚིག་ལེའུར་བྱས་པ |
རྒྱ་གར་གྱི་སློབ་དཔོན་དགེ་སྲུང་གིས་བརྩམས་པའི་ཚད་མའི་གཞུང་ཞིག |
| ཐམས་ཅད་མཁྱེན་པ་ཉིད |
ཆོས་ཐམས་ཅད་ཇི་བཞིན་གཟིགས་པའོ། ། |
| ཐམས་ཅད་འདུལ |
(མངོན་བརྗོད།) 1>མེ་ཕག་ལོ། 2>སངས་རྒྱས། |
| ཐམས་ཅད་རྟོགས |
(མངོན་བརྗོད།) >སངས་རྒྱས། |
| ཐམས་ཅད་རྣམ་པར་འབྱེད་པ |
གྲངས་གནས་ཤིག |
| ཐམས་ཅད་སྐྱོབ |
སངས་རྒྱས་དཔའ་བོ་བདུན་གྱི་ཡ་གྱལ་ཞིག |
| ཐམས་ཅད་སྒྲོལ |
(མངོན་བརྗོད།) སངས་རྒྱས་སྤྱི། |
| ཐམས་ཅད་སྟོང་པ |
སྟོང་པ་བཞིའི་ཡ་གྱལ་ཞིག |
| ཐམས་སུ་བཅུག་པ |
1.དོང་དུ་བཅུག་པ། 2.བཙོན་རར་བཅུག་པ། |
| ཐའི་ཇི |
(སོག་སྐད།) སྔར་སོག་པོའི་གོ་སའི་མིང་ཞིག |
| ཐའི་ཤང་ལོའུ་ཀྱུན |
(རྒྱ་སྐད།) རབ་མཆོག་དང་གཙོ་བོའི་བདག་པོ། |
| ཐའུ |
ཐོའུ་ཡི་འབྲི་ཚུལ་གཞན། |
| ཐར |
(བྱེད་མེད་ལས་ཚིག) གྲོལ་བའམ་ཤོར་བའི་དོན་ཏེ། (དཔེར་ན།) ཐར་ཐབས་མེད་པའི་བྲག་འགག བྲག་འགག་ཅིག་ནས་ཐར། ཉེན་ཁ་ལས་ཐར། སྟག་ཁ་ནས་ཐར། ནད་ལས་ཐར་ལྟ་བུ། |
| ཐར་གཟོང |
དངུལ་བཟོ་བའི་ལག་ཆ་ཞིག |
| ཐར་གྱིས་ཞག་པ |
(བརྡ་རྙིང་།) ངོས་འཇམ་ཞིང་འཇུར་མདུད་མེད་པ། |
| ཐར་ཆགས |
རིམ་པ། |
| ཐར་ཐར |
(རྒྱན་ཚིག) 1>སྒྲའི་ཁྱད་པར་ཞིག་སྟེ། (དཔེར་ན།) སྣོད་ཀྱི་ནང་ནས་སྲན་མ་ཐར་ཐར་དུ་སར་འཐོར་བ་ལྟ་བུ། 2>སྤུས་ཀའམ། རྐང་ཞན་པའི་དོན་ཏེ། (དཔེར་ན།) སྣམ་བུ་འདི་ཐར་ཐར་ཞིག་ལས་མི་འདུག་ཅེས་པ་ལྟ་བུ། |
| ཐར་ཐོ |
ཐོ་བ་ཁ་དབྱིབས་གྲུ་བཞི་ཅན། |
| ཐར་ཐོར |
(རྒྱན་ཚིག) རྩི་ཤིང་སོགས་སྟུག་པོ་མིན་པ་སྟེ། (དཔེར་ན།) ཤིང་སྡོང་ཐར་ཐོར། མགོ་ན་སྐྲ་ཐར་ཐོར་ཞིག་ལས་མེད་ལྟ་བུ། ཁ་སྐད་དུ་ཐ་རེ་ཐོར་རེ་ཞེས་པ་དང་དོན་གཅིག |
| ཐར་ནུ |
ཐང་སྨན་གྱི་རིགས་ཤིག་རོ་ཚ་ལ་མངར། ཞུ་རྗེས་བསིལ། ནུས་པས་གཉན་ནད་སོགས་ཚ་གྲང་གཉིས་ཀའི་ནད་རྣམས་ཐུར་དུ་སྦྱོང་བར་བྱེད། མིང་གི་རྣམ་གྲངས་ལ་ཁུ་བ་ལྡན་དང༌། ཆར་འབབ། ཉེ་བའི་རི་མོ་ཅན། ཐ་དད་ཕྲེང་ལྡན། བདེ་བྱེད་མ། བུའི་ཕྲེང་ལྡན། བྱི་བའི་ལོ་མ་བཅས་སོ། ། |
| ཐར་པ |
བཅིངས་པ་ལས་གྲོལ་བ་སྟེ། འཁོར་བར་འཆིང་བྱེད་ལས་དང་ཉོན་མོངས་གཉིས་ཡོངས་སུ་སྤངས་པའི་ཆ། མིང་གི་རྣམ་གྲངས་ལ་གྲོལ་བ་དང༌། ངེས་ལེགས། འཆི་མེད། དོན་དམ། རྡུལ་བྲལ། རྡུལ་མེད། རྣམ་གྲོལ། སྤངས་པ། བྱང་གྲོལ། བྱང་ཆུབ་པ། མྱ་ངན་འདས། མྱང་འདས། ཞི་བ། ཡང་སྲིད་མེད་བཅས་སོ། ། |
| ཐར་པ་ཆ་མཐུན |
ཉོན་སྒྲིབ་སྤངས་པའི་འགོག་བདེན་ཐོབ་པ་དང་རྗེས་སུ་མཐུན་པའི་གནས་སྐབས་ཀྱི་ལམ་སྟེ་ཚོགས་ལམ། |
| ཐར་པ་དང་མཐུན་པའི་རྗེས་སུ་མཐུན་པ |
ཐར་པ་ཆ་མཐུན་དང་དོན་གཅིག |
| ཐར་པའི་ཆ |
ཉོན་སྒྲིབ་སྤངས་པའི་འགོག་བདེན། |
| ཐར་པའི་རྒྱུའི་ཆོས་ལྔ |
ཚོགས་ལམ་གྱི་ཡན་ལག་ལྔ་དང་དོན་གཅིག |
| ཐར་པའི་སྡེ |
སྡེ་བཞིའི་ཡ་གྱལ་ཞིག་ཆོས་མཐུན་གྱི་བྱ་བ་སྒྲུབ་པའོ། ། |
| ཐར་མ |
གྲོལ་ཟིན་པའི་དོན་ཏེ། (དཔེར་ན།) ནད་ཐར་མ། ལྷ་འབྲུམ་ཐར་མ་ཞེས་པ་ལྟ་བུ། |
| ཐར་མདོ |
འཕགས་པ་ཐར་པ་ཆེན་པོ་ཕྱོགས་སུ་རྒྱས་པ་འགྱོད་ཚངས་ཀྱིས་སྡིག་སྦྱངས་ཏེ་སངས་རྒྱས་སུ་གྲུབ་པ་རྣམ་པར་བཀོད་པ་ཞེས་བྱ་བའི་མདོ་བམ་པོ་གཉིས་དང་ཤོ་ལོ་ཀ་བརྒྱད་ཅུ་གཉིས་པ། རྒྱ་ནག་གི་འགྱུར། |
| ཐར་ཞག |
(བརྡ་རྙིང་།) ངོས་འཇམ་པ། |
| ཐར་ལམ |
འཁོར་བ་ལས་ཐར་པའི་ལམ་སྟེ། ངེས་འབྱུང་གི་བསམ་པས་ཟིན་པའི་ལམ། |
| ཐར་ལམ་གསལ་བྱེད |
ཚད་མ་རྣམ་འགྲེལ་གྱི་ཚིག་ལེའུར་བྱས་པའི་རྣམ་བཤད་ཐར་ལམ་ཕྱིན་ཅི་མ་ལོག་པར་གསལ་བར་བྱེད་པ་ཞེས་པའི་བསྡུས་མིང༌། རྒྱལ་ཚབ་དར་མ་རིན་ཆེན་གྱིས་མཛད་པའི་ཚད་མ་རྣམ་འགྲེལ་གྱི་འགྲེལ་བ། |
| ཐར་ལམ་ལྔ |
ཚོགས་ལམ་དང༌། སྦྱོར་ལམ། མཐོང་ལམ། སྒོམ་ལམ། མི་སློབ་ལམ་བཅས་ལྔ། |
| ཐར་ས |
ཡུལ་གཅིག་ནས་ཡུལ་གཞན་དུ་ཐར་བའི་ལམ། (དཔེར་ན།) ཟམ་པ་ཆད་ནས་གཙང་པོའི་ཕར་ཕྱོགས་ལ་ཐར་ས་མི་འདུག་ཅེས་པ་ལྟ་བུ། |
| ཐརྐ |
(ལེགས་སྦྱར།) ཐ་སྐར། |
| ཐལ |
(བྱེད་མེད་ལས་ཚིག) ཕར་སོང་བའི་དོན་ཏེ། (དཔེར་ན།) སློབ་མ་སློབ་གྲྭར་ཐལ། ལུག་ཁྱུ་ས་འདི་ནས་ཕར་ཐལ། ཁང་བའི་ནང་ལ་ཐལ། གཞན་དུ་ཐལ་ཞེས་པ་ལྟ་བུ། |
| ཐལ་ཀ |
འབྲུ་སྨན་གྱི་རིགས་ཤིག་གི་མིང་། མིང་ཡོངས་རྫོགས་ལ་ཐལ་ཀ་རྡོ་རྗེ་ཟེར་ཞིང་། རྒྱ་སྐད་དུ་ཅོས་མིང་ཙི་ཟེར་བ་དེ་ལ་ངོས་འཛིན་པའང་ཡོད། |
| ཐལ་ཀ་རྡོ་རྗེ |
ཤིང་སྨན་གྱི་རིགས་ཤིག་རོ་ཁ། ཞུ་རྗེས་སྙོམས། ནུས་པས་པགས་ནད་སེལ། ཆུ་སེར་སྐེམ། སྲིན་ནད་གསོད། |
| ཐལ་ཀར |
1.སྔོ་དཀར་གྱི་དོན་ཏེ། (དཔེར་ན།) གླང་ཆེན་ཐལ་ཀར་མཆེ་བ་དྲུག་ལྡན་ཞེས་པ་ལྟ་བུ། 2.(མངོན་བརྗོད།) གླང་ཆེན། |
| ཐལ་གོང |
ཕྲག་ཚིགས་ནས་མཇིང་ཚིགས་བར་གྱི་ཆ་ཤས་དེའི་མིང༌། |
| ཐལ་གོང་རྒྱས་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྨན་ལ་སོགས་པ་བྱིན་པས་ཐལ་གོང་རྒྱས་པ། |
| ཐལ་ངག |
འདོད་པ་རྟགས་སུ་བཀོད་དེ་མི་འདོད་པའི་ཐལ་བ་འཕེན་པའི་ངག (དཔེར་ན།) སྒྲ་རྟག་པར་འདོད་པའི་ངོར། སྒྲ་ཆོས་ཅན། མ་བྱས་པར་ཐལ། རྟག་པའི་ཕྱིར། ཞེས་པ་ལྟ་བུའོ། ། |
| ཐལ་ཆ |
ཚད་ལས་བརྒལ་བའི་སྐྱོན་ཆའི་དོན་ཏེ། (དཔེར་ན།) གཏམ་ཐལ་ཆ་ཆེན་པོ་མ་བཤད། ཕན་ཚུན་འཁྲུག་ཟིང་སློང་བའི་ཐལ་ཆ་མ་བཟོ། འཁྲུག་པ་ཤོར་ནས་ཐལ་ཆ་ཆེན་པོ་བཏང་སོང༌ལྟ་བུ། |
| ཐལ་ཆུ |
ཐལ་བའི་ཁུ་བ། |
| ཐལ་ཆེན |
མི་རོ་བསྲེགས་པའི་ཐལ་བ། |
| ཐལ་ཉོར |
རྩིག་ཁུག་ཏུ་སྤུངས་པའི་ཐལ་བ། |
| ཐལ་ཏྲེས |
བཻ་སྔོན་དུ་ལུག་རུ་སེར་པོ་དང༌། ཤེལ་ཕྲེང་དུ་ལུག་རུ་སྨུག་པོ་ལ་ངོས་འཛིན་མཛད། གཞན་དུ་ཨུཏྤལ་ལའང་འཇུག མིང་གི་རྣམ་གྲངས་ལ་ཀླུ་ཡི་ལྕེ་དང༌། སྔོ་སངས་འཁྲི་ཤིང༌། སྔོ་སངས་མཐའ་ཡས། མཐའ་ཡས་རྩ། བ་གླང་སྲུང༌། མེ་ཏོག་ཕྲ་མོ། ས་འཚོ་བུ་མོ་བཅས་སོ། ། |
| ཐལ་ཐལ |
གྲངས་གནས་ཤིག |
| ཐལ་དྲགས་པ |
མཚམས་ཚོད་མ་ཟིན་པ་དང༌། ཚད་ལས་འདས་པའི་དོན་ཏེ། (དཔེར་ན།) བཟའ་བཏུང་ལོངས་སྤྱོད་ཐལ་དྲགས་པ། བཤད་ཚོད་མེད་པའི་སྐད་ཆ་ལབ་གླེང་ཐལ་དྲགས་སོང་ལྟ་བུ། |
| ཐལ་དྲེག |
ཐལ་རྡུལ་རིང་དུ་ཆགས་པའི་དྲེག་པ། |
| ཐལ་ཕྱགས |
ཐལ་བ་འཕྱག་བྱེད་ཀྱི་ཡོ་བྱད་ཀྱི་མིང་། |
| ཐལ་བ |
1.(བྱེད་མེད་ལས་ཚིག) 1>ཚད་ལས་བརྒལ་བའི་བྱ་སྤྱོད་རྣམ་འགྱུར་སྟོན་པའི་དོན་ཏེ། (དཔེར་ན།) ཁ་ཐལ། གཏམ་དེ་ཐལ་དྲགས་སོང༌། ཕྱི་ཐལ་ནང་འཁུམས་མེད་པ། ཚིག་དེ་རང་དབང་མེད་པར་ཐལ་སོང་ལྟ་བུ། 2>སོང་བ་དང་ཕྱིན་པའི་དོན་ཏེ། (དཔེར་ན།) གར་ཐལ་གཏོལ་མེད། ཡར་ཐལ་མར་ཐལ། ཡལ་ཐལ་བ། རིམ་གྱིས་ཇེ་ཉུང་དུ་ཐལ། ལོ་ལྔ་བཅུ་ཐལ་ལྟ་བུ། 3>ཤར་མར་འགྲོ་བའི་དོན་ཏེ། (དཔེར་ན།) བྲག་ལ་ཕར་ཐལ་ཚུར་ཐལ་དུ་འགྲོ་བ། མར་གྱི་ཟངས་ཐལ་དུ་འགྲོ་བ། ཡར་གྱི་ཟངས་ཐལ་དུ་འགྲོ་བ་ལྟ་བུ། 2.དངོས་རྫས་མེར་བསྲེགས་པའི་ཚིག་རོའི་མིང་། (དཔེར་ན།) ཤིང་གི་ཐལ་བ། གོ་ཐལ། ཐལ་སྤུངས་ཞེས་པ་ལྟ་བུ། |
| ཐལ་བ་ཆིལ་ཆིལ |
(རྒྱན་ཚིག) ཐལ་རྡུལ་ལང་ཚུལ་ཞིག་སྟེ། (དཔེར་ན།) གད་ཆུ་མ་གཏོར་ན་གད་བདར་བྱེད་དུས་ཐལ་བ་ཆིལ་ཆིལ་ལང་ཡོང༌ཞེས་པ་ལྟ་བུ། |
| ཐལ་བ་དཀར་པོ |
(ཡུལ་སྐད།) སྣ་ཐ་ལ་བསྲེ་རྒྱུའི་ཤིང་ཐལ། |
| ཐལ་བ་པ |
ཕྱི་རོལ་པའི་གྲུབ་མཐའ་བ་ཞིག |
| ཐལ་བ་བུན་བུན |
(རྒྱན་ཚིག) ཐལ་བ་ལོང་ལོང༌གི་དོན་ཏེ། (དཔེར་ན།) རླངས་འཁོར་ཕྱིན་ཤུལ་དུ་ཐལ་བ་བུན་བུན་དུ་ལང་ཡོང་ཞེས་པ་ལྟ་བུ། |
| ཐལ་བ་འཕེན་པ |
ཕ་རོལ་པོའི་རྒྱུད་ཀྱི་ལོག་རྟོག་སུན་འབྱིན་པ་དང༌། ལོག་སྨྲ་ཚར་གཅོད་པའི་ཕྱིར་དུ། རྟགས་ཁྱབ་ཚད་མའམ་ཁས་བླངས་ཀྱིས་གྲུབ་པ་བཀོད་ནས་མི་འདོད་པ་སྒྲུབ་པ། དཔེར་ན། སྒྲ་རྟག་པར་འདོད་པའི་ཕྱི་རོལ་པ་སུན་འབྱིན་པའི་ཕྱིར་དུ། སྒྲ་ཆོས་ཅན། མ་བྱས་པར་ཐལ། རྟག་པའི་ཕྱིར། ཞེས་པ་ལྟ་བུ་འདོད་པ་རྟགས་སུ་བཀོད་ནས་མི་འདོད་པར་ཐལ་བ་འཕེན་པའོ། ། |
| ཐལ་བ་རླུང་བསྐུར |
རྩ་མེད་དུ་འགྲོ་རུ་འཇུག་པའི་དཔེ། (དཔེར་ན།) དགྲ་བོའི་མི་རྟ་ཚང་མ་ཐལ་བ་རླུང་བསྐུར་བཞིན་དུ་རྩ་མེད་དུ་སོང་འདུག་ཅེས་པ་ལྟ་བུ། |
| ཐལ་བ་སྐྱ་ཆགས |
ཐལ་རྡུལ་དཀར་པོ་ཆགས་ཚུལ་ཏེ། (དཔེར་ན།) བསྒྲིགས་བཀོད་ཀྱི་ཡོ་བྱད་རྣམས་ལ་རྡུལ་ཕྱིས་མ་བརྒྱབ་པས་ཐལ་བ་སྐྱ་ཆགས་སུ་ཁེབས་ཞེས་པ་ལྟ་བུ། |
| ཐལ་བའི་སྙིང་པོ |
(མངོན་བརྗོད།) ཨ་ག་རུ། |
| ཐལ་བར་བརླག་པ |
རྡུལ་ཕྲན་ཙམ་དུ་གཏོར་བའི་དོན་ཏེ། (དཔེར་ན།) དགྲ་དམག་ཐལ་བར་བརླག་པ། བྲག་རི་ཐལ་བར་བརླག་ཅེས་པ་ལྟ་བུ། |
| ཐལ་བར་འགྱུར་བ |
ཉེས་པའམ། སྐྱོན་གྱི་ཕྱོགས་སུ་ལྷུང་བའི་དོན་ཏེ། (དཔེར་ན།) དེ་ལྟར་ཨུ་ཚུགས་བྱས་ན་སྐྱོན་དུ་ཐལ་བར་འགྱུར་ཞེས་པ་ལྟ་བུ། |
| ཐལ་བྱུང |
ཐོགས་མེད་དུ་བྱུང་བའི་དོན་ཏེ། (དཔེར་ན།) སྙུང་བུ་རྣོན་པོས་པང་ལེབ་ཐལ་བྱུང་དུ་ཕུག་ནས་བུག་པ་བཏོན། ཉི་འོད་ཁང་པའི་ནང་དུ་ཐལ་བྱུང་དུ་ཕོག་ཅེས་པ་ལྟ་བུ། |
| ཐལ་བྱུང་འགྲོ་བ |
1.ཐོགས་མེད་དུ་འགྲོ་བའི་དོན་ཏེ། (དཔེར་ན།) དཔའ་བོ་སྙིང་སྟོབས་ཅན་གྱིས་དགྲ་ལ་འཇིགས་སྣང་མེད་པར་གཡུལ་སར་ཐལ་བྱུང་དུ་སོང་ལྟ་བུ། 2.(མངོན་བརྗོད།) དཔའ་བོ། |
| ཐལ་མ |
ཐད་ཀའི་དོན་ཏེ། (དཔེར་ན།) མེ་མདའི་ཤུགས་ཀྱིས་རྩིག་པ་ཐལ་མར་ཕུག་འདུག་ཅེས་པ་ལྟ་བུ། |
| ཐལ་མདོག |
ཐལ་བའི་མདོག |
| ཐལ་མོ |
ལག་པའི་སོར་མོ་ཐེར་ཐེར་དུ་གཤིབས་ཏེ་བསྒྲེངས་པའི་བཟོ་དབྱིབས་ཀྱི་མིང་། (དཔེར་ན།) ཐལ་མོ་གན་རྐྱལ་དུ་བསྟན་པ། ཐལ་མོ་རྡེབ་པ། ཐལ་མོ་སྣུན་པ། ཐལ་མོ་བསྣོལ་བ། ཐལ་མོ་སྦྱར་བ། ཐལ་མོ་བརྡབས་སྒྲ་དྲག་ཆར་བཏང་བ་ལྟར་སྒྲོག་ཅེས་པ་ལྟ་བུ། |
| ཐལ་མོའི་ཕྱག་རྒྱ |
ཐལ་མོ་སྦྱར་བའི་ཕྱག་རྒྱ་སྟེ་གུས་པའི་ཉམས། |
| ཐལ་ཚང |
ཐལ་རྡུལ་དོར་སའི་ས་ཁུང་ངམ་ཚང༌། |
| ཐལ་ཚན |
ཐལ་བ་ཚ་པོ། |
| ཐལ་ཚྭ |
ཤིང་སྣ་དང་ལྡུམ་སོགས་མེར་བསྲེགས་པའི་ཐལ་བ་ལས་བཟོས་པའི་ཚྭ་རིགས་ཏེ། རོ་ལན་ཚ་ལ་ཚ་བ། ཞུ་རྗེས་དྲོད། ནུས་པས་གྲང་བ་སེལ། ཕོ་བ་སྦོས་པ་འཇོམས། |
| ཐལ་ཞག |
བར་སྣང་དུ་འཁོར་བའི་ཐལ་རྡུལ་གྱི་མདངས་ཞག |
| ཐལ་ཟིང་འགལ་འཛོལ |
ཧ་ཅང་དཔའ་ཐལ་ཆེ་དྲགས་པའི་འགལ་འཁྲུལ་གྱི་དོན་ཏེ། (དཔེར་ན།) ཐལ་ཟིང་འགལ་འཛོལ་དུ་མ་སོང་བའི་བབ་ལྷིང་བརྟན་པོ་ཞིག་དགོས་ལྟ་བུ། |
| ཐལ་འཁུམས |
ཚད་ལས་བརྒལ་བ་དང་ཚད་མ་ཟིན་པའི་དོན་ཏེ། (དཔེར་ན།) གཞུང་སྒེར་གྱི་འགྲོ་སོང་གང་བཏང་ཚང་མར་ཐལ་འཁུམས་ཀྱི་ཧང་ཟོམ་མེད་པ། རྒྱུ་མཚན་ཁུངས་ཐུབ་གཞིར་བཟུང་གིས་ཐལ་འཁུམས་མེད་པར་རྩོད་གླེང་བྱེད་ཅེས་པ་ལྟ་བུ། |
| ཐལ་འགྱུར |
ཕྱོགས་སྔ་སུན་འབྱིན་པར་མི་འདོད་པའི་ཐལ་བ་འཕེན་པའམ། རྒོལ་ཕྱི་རྒོལ་གཉིས་ལ་མཐུན་སྣང་གྲུབ་ངེས་ཀྱི་ཚུལ་གསུམ་འགོད་པའི་ངག (དཔེར་ན།) སྒྲ་རྟག་པར་འདོད་པའི་གང་ཟག་གི་ངོར། སྒྲ་ཆོས་ཅན། མ་བྱས་པར་ཐལ། རྟག་པའི་ཕྱིར། ཞེས་པ་ལྟ་བུ་སུན་འབྱིན་པ་དང༌། ཡང་ན། སྒྲ་ཆོས་ཅན། མི་རྟག་པ་ཡིན་པར་ཐལ། བྱས་པའི་ཕྱིར། ཞེས་པ་ལྟ་བུ་ཚུལ་གསུམ་ཚང་བའི་ངག་གོ། ། |
| ཐལ་འགྱུར་གྱི་ཆོས་གསུམ |
སྒྲུབ་པའི་ཐལ་འགྱུར་གྱི་ཆོས་གསུམ་རྟགས་ཕྱི་རྒོལ་གྱི་བདེན་ཞེན་གྱིས་ཁས་ལེན་པ། ལྡོག་ཁྱབ་ཚད་མས་གྲུབ་པ། དམ་བཅའ་ལ་ཚད་མས་བསལ་བ་ཞུགས་པ་བཅས་སོ། ། |
| ཐལ་འགྱུར་གྱི་ལན |
ཕྱི་རྒོལ་གྱིས་ཚུར་ཐལ་བ་འཕངས་པ་ལ་རྒོལ་བས་སྐྱོན་སྤོང་གི་ལན་འདེབས་པ་ཐལ་འགྱུར་ཡང་དག་ལ་ལན་གྱིས་བཟློག་མི་ནུས་ཀྱང༌། ཐལ་འགྱུར་ལྟར་སྣང་ལ་འགལ་མ་ངེས་མ་གྲུབ་སོགས་ཀྱི་སྐྱོན་དང་ལྡན་པས་དེར་དངོས་ལན་བརྗོད་པའོ། ། |
| ཐལ་འགྱུར་བ |
1.ཐལ་བའི་སྐྱོན་དུ་འགྱུར་བ། 2.ཐལ་འགྱུར་ཙམ་གྱིས་ཕྱིར་རྒོལ་གྱི་རྒྱུད་ལ་བསྒྲུབ་བྱ་རྟོགས་པའི་རྗེས་དཔག་སྐྱེ་བར་འདོད་པས་ན་ཐལ་འགྱུར་བ་ཞེས་བརྗོད་པ་སློབ་དཔོན་སངས་རྒྱས་བསྐྱངས་དང་ཟླ་བ་གྲགས་པའི་རྗེས་སུ་འབྲངས་ནས་ཆོས་ཐམས་ཅད་དོན་དམ་པར་རང་བཞིན་གྱིས་མ་གྲུབ་པར་གཏན་ལ་ཕབ་ཅིང་ཐ་སྙད་འཇིག་རྟེན་གྲགས་པ་དང་མཐུན་པར་སྟོང་དང་རྟེན་འབྱུང་འགལ་མེད་ཟུང་འཇུག་གི་གྲུབ་མཐའ་སྨྲ་བའི་དབུ་མ་པ་ཞིག |
| ཐལ་འགྱུར་ཡང་དག |
ལན་གྱིས་བཟློག་མི་ནུས་པའི་ཐལ་བ་འཕེན་པའི་ངག་ཐལ་འགྱུར་འགོད་ཡུལ་གྱི་བློ་ངོར་རྟགས་དང་ཁྱབ་པ་གྲུབ་ཅིང༌། དམ་བཅའ་ལ་ཚད་མས་བསལ་བ་འབབ་པའི་རྟགས་སྟོན་པའི་ཐལ་ངག་རྣམ་དག་གོ། ། |
| ཐལ་འགྱུར་ཡང་དག་གཉིས |
སྒྲུབ་བྱེད་འཕེན་པའི་ཐལ་འགྱུར་དང༌། སྒྲུབ་བྱེད་མི་འཕེན་པའི་ཐལ་འགྱུར་ཏེ་གཉིས་སོ། ། |
| ཐལ་འགྱུར་ལྟར་སྣང |
ལན་གྱིས་བཟློག་པར་ནུས་པའི་ངག་སྟེ་རྟགས་མ་གྲུབ་པའམ། མ་ཁྱབ་པ། ཁྱབ་པ་འགལ་བ། འདོད་བཅས་ཀྱི་ལན་འདེབས་ནུས་པའོ། ། |
| ཐལ་འགྱུར་ལྟར་སྣང་བཞི |
རྟགས་མ་གྲུབ་པ་དང༌། ཁྱབ་པ་འགལ་བ་དང༌། ཁྱབ་པ་མ་ངེས་པ་དང༌། འདོད་ལན་ཐེབས་པ་སྟེ་བཞིའོ། ། |
| ཐལ་འཚུབ |
ཐལ་བའི་འཚུབ་ལོང༌གི་མིང་ཐལ་འཚུབ་མང་པོ་ལང་བ། ཐལ་འཚུབ་འཕྱུར་བ་ཞེས་པ་ལྟ་བུ། |
| ཐལ་ཡས |
གྲངས་གནས་ཤིག |
| ཐལ་རང |
དབུ་མ་ཐལ་འགྱུར་བ་དང༌། རང་རྒྱུད་པའི་བསྡུས་མིང༌། |
| ཐལ་རྒྱུགས |
1.ཐོགས་མེད་དུ་འགྲོ་བའི་དོན་ཏེ། (དཔེར་ན།) ཉ་མོ་ཆུའི་ནང་དུ་ཐོགས་ཐུག་མེད་པར་ཐལ་རྒྱུགས་སུ་འགྲོ་བ་ཞེས་པ་ལྟ་བུ།2.མ་བརྟགས་པའི་འགྲོ་སྟངས་ཏེ། (དཔེར་ན།) འགྲོ་ལམ་བདེ་མིན་ལ་མ་བལྟས་པར་རང་གར་ཐལ་རྒྱུགས་སུ་འགྲོ་ཞེས་པ་ལྟ་བུ། |
| ཐལ་རྡུལ |
ཐལ་བ་ཞིབ་ཞིབ། |
| ཐལ་རླུང |
ཐལ་བ་དང་འདྲེས་པའི་ལྷགས་པ། |
| ཐལ་ལན |
ཐལ་འགྱུར་གྱི་ལན་གྱི་བསྡུས་ཚིག |
| ཐལ་ལན་རྣམ་ཐར་སྒོ་བཞི |
ཕྱི་རྒོལ་གྱིས་ཐལ་བ་འཕངས་པ་ལ་ཐལ་འགྱུར་ལྟར་སྣང་གི་རིགས་བཞི་ཡོད་པ་དེར་ལན་འདེབས་ཚུལ་རྣམ་པ་བཞི་རྟགས་མ་གྲུབ་པ་དང༌། ཁྱབ་པ་འགལ་བ་དང༌། ཁྱབ་པ་མ་ངེས་པ་དང༌། འདོད་ལན་ཐེབས་པ་བཅས་སོ། ། |
| ཐལ་ལུས |
ཕར་ཐལ་ཚུར་ལུས་ཀྱིས་འཁྱར་བ་སྟེ། (དཔེར་ན།) གཞན་འཁྱར་ཐལ་ལུས་མེད་པ། ཐལ་ལུས་ཧེ་བག་མེད་པ་ཞེས་པ་ལྟ་བུ། |
| ཐལ་ལེ |
(རྒྱན་ཚིག) ཡ་ཡོ་འཁྱ་འཁྱོག་མེད་པ་སྟེ། (དཔེར་ན།) ལམ་ཆེན་དྲང་ཐལ་ལེ་བཏོད་འདུག་ལྟ་བུ། གཡོ་འགུལ་མྱུར་བ་ ས་རྡུལ་སྐྱ་ཐལ་ལེ་འཚུབ་ལྟ་བུ། |
| ཐལ་ལེ་བ |
1.སྒྲིབ་མེད་དམ་ཐོགས་མེད་ཅེས་པའི་དོན་ཏེ། (དཔེར་ན།) རི་རྩེར་རྩྭ་ཤིང་མེད་པར་ཐལ་ལེ་བར་འདུག མདུན་དང་རྒྱབ་མེད་པར་ཕྱོགས་ཐམས་ཅད་དུ་ཐལ་ལེར་བར་གཟིགས་ལྟ་བུ། 2.ཡ་ཡོ་འཁྱག་འཁྱོག་མེད་པའི་དོན་ཏེ། (དཔེར་ན།) ལམ་ཆེན་པོ་དེ་ཐལ་ལེ་བར་བཏོད་འདུག་ཅེས་པ་ལྟ་བུ། 3.ཁ་དོག་སྐྱ་ཤས་ཆེ་བ་མངོན་ཚུལ་ཞིག་སྟེ། (དཔེར་ན།) ས་སྐྱ་ཐལ་ལེ་བ་ཞེས་པ་ལྟ་བུ། |
| ཐལ་ལྕག |
ལག་པའི་ཐལ་མོས་བརྒྱབ་པའི་ལྕག་སྟེ། (དཔེར་ན།) ཐལ་ལྕག་གཞུས་པ་ཞེས་པ་ལྟ་བུ། |
| ཐལ་ཤོག |
བོད་ཀྱི་སྙེ་མོ་རྫོང་ནས་ཐོན་པའི་ཤོག་བུ་དམན་གྲས་ཐལ་མདོག་ཅན་ཞིག |
| ཐལ་སྐད |
ཆོས་ཀྱི་རྩོད་པ་བྱེད་པའི་ཐོག་མར་རྗེ་བཙུན་འཇམ་པའི་དབྱངས་ཀྱི་ས་བོན་དྷཱིཿ ཡིག་སྐད་མཐོན་པོར་སྒྲོག་པའི་སྐད། དྷཱིཿ |
| ཐལ་སྐྱོན |
ཚད་ལས་བརྒལ་བའི་སྐྱོན་ཏེ། (དཔེར་ན།) ཕར་སྤྲོད་ཚུར་ལེན་གྱི་བྱེད་སྒོ་ཚང་མ་ཐལ་སྐྱོན་མེད་ཅེས་པ་ལྟ་བུ། |
| ཐལ་སྤབས |
ཡུན་རིང་དུ་ཆགས་པའི་ཐལ་རྡུལ། |
| ཐལ་སྦྱར |
ཐལ་མོའི་ནང་ངོས་ཕན་ཚུན་སྦྱར་བའི་དོན་ཏེ། (དཔེར་ན།) ལག་པ་ཐལ་སྦྱར་གྱི་གུས་འདུད་ཞུ་ཞེས་པ་ལྟ་བུ། |
| ཐལ་སྨན |
བད་ཀན་རང་རྒྱུད་ཅན་གྱིས་བསྐྱེད་པའི་གྲང་བའི་ནད་གཙོ་ཆེར་སེལ་བའི་ཕྱིར་ལན་ཚྭ་དང་ཅོང་ཞི་ལྟ་བུ་མེ་ལ་ནུས་ལྡན་བསྲེགས་པའི་ཐལ་བ། |
| ཐི་གུ |
ཐག་པ་ཕྲ་མོའི་དོན་ཏེ། (དཔེར་ན།) ལག་ཟུང་ཕྱིན་ཅི་ལོག་ཏུ་ཐི་གུས་བཅིངས་འདུག་ཅེས་པ་ལྟ་བུ། |
| ཐི་གུ་ཁྲ་ཆུང |
སྦོམ་པོ་མིན་པའི་ཐག་པ་ཁྲ་བོ་སྟེ། (དཔེར་ན།) སྔར་དུག་སྦྲུལ་ཁྲ་བོས་སྲོག་བཅད་པས་ད་ཐི་གུ་ཁྲ་ཆུང་ལ་ཡིད་མི་ཆེས་ཞེས་པ་ལྟ་བུ། |
| ཐི་གུ་སྣེ་ཤོར |
ལས་དོན་འཐུས་ཤོར་གྱི་དཔེ། (དཔེར་ན།) ལས་དོན་ཚང་མ་ཐི་གུ་སྣེ་ཤོར་མེད་ཅེས་པ་ལྟ་བུ། |
| ཐི་བ |
1.ཕུག་རོན། 2.འདག་བྱིའུ། |
| ཐི་བའི་མདོག |
མདོག་སྔོ་སྐྱ། |
| ཐི་ར |
ཁྲོམ་མམ་མི་མང་འདུ་ས། |
| ཐི་ཤོ་ལེགས |
དེ་ཤོ་ལེགས་དང་ཀླུ་སྨན་མེར་མོ་གཉིས་ཀྱི་སྲས། སྔར་བོད་རྒྱལ་བཅུ་གཉིས་པ་སྟེ་སའི་ལེགས་དྲུག་གི་ཡ་གྱལ་ཞིག |
| ཐིག |
ཚད་འཛིན་ས་སྐུད་པ་ལྟ་བུར་བྲིས་པའི་རི་མོ་སྟེ། (དཔེར་ན།) ཚངས་ཐིག ཟུར་ཐིག རྩ་ཐིག ཟླུམ་ཐིག ཀྱོག་ཐིག ནག་ཐིག མཚལ་ཐིག་ཅེས་པ་ལྟ་བུ། |
| ཐིག་ཀོར |
སྒོར་མོའི་དབྱིབས་ཅན་གྱི་རི་མོ། |
| ཐིག་གདབ་པ |
ཐིག་སྐུད་ཀྱིས་ཐིག་རྒྱག་པ་སྟེ། (དཔེར་ན།) པང་ལེབ་འདྲ་བའི་སྔོན་དུ་གདུང་མ་ལ་ཐིག་གདབ་ཅེས་པ་ལྟ་བུ། |
| ཐིག་གུ |
ཐ་གུ་ཡི་འབྲི་སྲོལ་གཞན། |
| ཐིག་ནག |
ཚ་དམྱལ་བརྒྱད་ཀྱི་ནང་གསེས་ཤིག་ལྕགས་བསྲེགས་ཀྱི་ས་གཞིའི་སྟེང་དུ་གཤིན་རྗེའི་ལས་མཁན་རྣམས་ཀྱིས་དམྱལ་བའི་སེམས་ཅན་དེའི་ལུས་ལ་ཐིག་ནག་པོ་བཞི་བརྒྱད་སོགས་བཏབ་པའི་སྟེང་དུ་ལྕགས་ཀྱི་སོག་ལེ་མེ་འབར་བས་དྲ་བར་བྱེད་ཅིང་དེ་ལྟར་ཡང་ཡང་དུ་གཤོག་ཅིང་གཅོད་པས་སྡུག་བསྔལ་བའོ། ། |
| ཐིག་པ |
1.(བྱེད་མེད་ལས་ཚིག) ཚད་ཤེས་པའམ་ཚད་འཛིན་ཐུབ་པ། (དཔེར་ན།) ཚོད་ཐིག་པ་ཞེས་པ་ལྟ་བུ།2.མོ་དང༌། ལུང་བསྟན་སོགས་དོན་ཐོག་ཏུ་ཁེལ་བའི་དོན་ཏེ། (དཔེར་ན།) ལུང་བསྟན་ཐིག་པ་འདུག སྤྱིར་བཏང་དུ་གནམ་གཤིས་སྔོན་བརྡ་བཏང་བ་རྣམས་ཐིག་པ་ཡོད་ཅེས་པ་ལྟ་བུ། |
| ཐིག་པོ |
དོན་ཐོག་ཏུ་ཁེལ་བའི་ཐིག་པ་དང་འདྲ། |
| ཐིག་ཕོར |
ཤིང་བཟོ་བའི་ཐིག་སྐུད་ཀྱི་སྣོད་སྣག་བུམ། |
| ཐིག་མ |
བཀལ་བཏགས་རིགས་ལ་ཡོད་པའི་ཐིག་ལེའི་རི་མོ་སྟེ། (དཔེར་ན།) བཏགས་མ་དཀར་པོ་ཐིག་མ་ཅན་ཞེས་པ་ལྟ་བུ། |
| ཐིག་ཚད |
ཆ་ཚད་ཀྱི་དོན་ཏེ། (དཔེར་ན།) ཐིག་ཚད་ལེན་པ། ཐིག་ཚད་རོབ་ལེན་ཞེས་པ་ལྟ་བུ། |
| ཐིག་ཚོན |
1.ཐིག་རྒྱག་བྱེད་ཀྱི་རྡུལ་ཚོན། 2.ཐིག་དང་ཚོན་གྱི་དོན་ཏེ། (དཔེར་ན།) རི་མོའི་ཐིག་ཚོན་ལེགས་ཞེས་པ་ལྟ་བུ། |
| ཐིག་རལ |
རྔོན་པ་སོགས་འཁྲབ་དུས་གྱོན་རྒྱུ་རྐེད་པ་ནས་ཐུར་དུ་དཔྱོང་པའི་ཐི་གུ་ཁྲ་བོའི་དྲ་བ། |
| ཐིག་རིས |
1.བཏགས་མ་སོགས་ཀྱི་ཐིག་ལེའི་རི་མོ། 2.ཐིག་བརྒྱབ་པའི་རི་མོ། |
| ཐིག་རིས་ཀྱི་རྩིས |
རི་མོ་ལ་བརྟེན་ནས་རྒྱག་པའི་རྩིས། |
| ཐིག་རྐྱལ |
ཐིག་རྒྱག་བྱེད་ཀྱི་ཐིག་ས་བླུག་སྣོད། |
| ཐིག་རྩ |
ཁང་པ་དང་ཡོ་བྱད་ལྷ་སྐུ་སོགས་བཟོ་སྐྲུན་བྱེད་པར་ཐིག་གདབ་ཚུལ་བཤད་པའི་དཔེ་ཆའི་མིང༌། |
| ཐིག་རྩམ |
ཐིག་རྒྱག་བྱེད་ཀྱི་ཕྱེ། |
| ཐིག་ལེ |
1.ཀླད་ཀོར། 2.གྲངས་གནས་འཛིན་བྱེད་ཀྱི་ཐིག་ལེ། མིང་གི་རྣམ་གྲངས་ལ་སྟོང་པ་དང་ནམ་མཁའོ། །3.ཉིང་ཁུའི་དོན་ཏེ། (དཔེར་ན།) སྙིང་གི་ཐིག་ལེ་ཞེས་པ་ལྟ་བུ། 4.གསང་སྔགས་ལས་གསལ་བའི་རྩ་ཐིག་རླུང་གསུམ་གྱི་ཟླས་ཕྱེ་བའི་ཐིག་ལེ་སྟེ་བདེ་བ་ཆེན་པོའི་སྙིང་པོའམ་ས་བོན་དུ་གྱུར་པ། རྩ་རྣམས་ཀྱི་གནས་སུ་དྭངས་སྙིགས་སྣ་ཚོགས་ཀྱི་རྣམ་པར་གནས་པའོ། །མིང་གི་རྣམ་གྲངས་ལ་ཀུནྡ་དང༌། ཁམས་དཀར་པོ། ཁུ་བ། དྭངས་མ། ས་བོན་བཅས་སོ། ། |
| ཐིག་ལེ་ཅན |
1.ཉི་མའི་རྟ་བདུན་གྱི་ཡ་གྱལ་ཞིག 2.(མངོན་བརྗོད།) གླང་པོ་ཆེ། |
| ཐིག་ལེ་དྲུག་པ |
(མངོན་བརྗོད།) ཁྱབ་འཇུག |
| ཐིག་ལེ་འཛགས་པ |
ཁུ་བ་རང་བཞིན་དུ་ཤོར་བ། |
| ཐིག་ལེ་ལྔ་ཚོམ |
དཀྱིལ་དུ་ཐིག་ལེ་གཅིག་དང་དེའི་ཕྱོགས་བཞིར་ཐིག་ལེ་རེ་ཡོད་པ། |
| ཐིག་ལེ་སྟོང་པའི་སྒྲོན་མ |
སྒྲོན་མ་བཞིའི་ནང་གསེས། དབྱིངས་རིག་འཆར་བའི་རྣམ་པ་རྩོལ་བྱེད་ཀྱི་རྟེན་ནོ། ། |
| ཐིག་ལེའི་ལུས |
(མངོན་བརྗོད།) 1>གཟིག 2>སྦྲུལ། |
| ཐིག་ལེའི་སྣ |
(མངོན་བརྗོད།) སྦྲུལ། |
| ཐིག་ཤིང |
ཐིག་འདེབས་བྱེད་ཀྱི་ཐིག་ཤིང༌། |
| ཐིག་ཤུབས |
(ཡུལ་སྐད།) རྒྱ་ལུ་ཆས་ཀྱི་ཕོར་ཤུབས། |
| ཐིག་ས |
ཐིག་ཁུག་ནང་གི་ས། |
| ཐིག་སྐུད |
ཐིག་རྒྱག་བྱེད་ཀྱི་སྐུད་པ། |
| ཐིག་སྒྱེ |
ཐིག་ས་བླུག་སྣོད་ཀྱི་ཁུག་ཆུང༌། |
| ཐིག་སྒྲོམ |
ཡི་གེའི་ཐིག་རྩ་སྟེ། (དཔེར་ན།) ཡི་གེའི་ཐིག་སྒྲོམ་ཞེས་པ་ལྟ་བུ། |
| ཐིག་སྣག |
ཤིང་བཟོ་བའི་ཐིག་སྐུད་དང་སྣག་བུམ། |
| ཐིག་སྤྱད |
ཐིག་རྒྱག་བྱེད་ཀྱི་ཡོ་ཆས། |
| ཐིགས |
1.(བྱེད་མེད་ལས་ཚིག) ཆུ་སོགས་ཀྱི་རྡོག་པོ་མར་ལྷུང་བ་སྟེ། (དཔེར་ན།) ཐིགས་ཆུ་ཐིགས། རྔུལ་ཆུ་ས་ལ་ཐིགས་ལྟ་བུ། འདི་ལ་ཐིག་འབྲི་བ་ཡང་ཡོད། 2.ཐིགས་པ་ཡི་ཚིག་བསྡུས་པ། |
| ཐིགས་པ |
ཅུང་ཟད་ཅུང་ཟད་ཟགས་ནས་འབབ་པའི་རླན་གྱི་རིགས་ཏེ། (དཔེར་ན།) སྣུམ་ཐིགས། ཆུ་ཐིགས། ཆར་ཐིགས། སྡོང་ཐིགས་སམ་མཆོད་ཐིགས་རྒྱག་པ། ཕྱི་ཆར་པའི་ཆར་ཐག་ཆོད་ཀྱང༌། ནང་ཐིགས་པའི་ཐིགས་ཐག་ཆོད་མི་ཡོང༌། ཐིགས་པ་རྒྱག་པ། ཐིགས་པ་བསགས་པའི་རྒྱ་མཚོ། ཕྲ་རབ་སྤུངས་པའི་རི་བོ། ཁ་བཤད་ཆུ་ཡི་ལྦུ་བ། ལག་ལེན་གསེར་གྱི་ཐིགས་པ་ཞེས་པ་ལྟ་བུ། |
| ཐིགས་བཟེད |
ཐིགས་པ་བཟེད་སའི་སྣོད་སྤྱད། |
| ཐིགས་ཚགས |
ཁང་ཐོག་ནས་ཐིགས་པ་རྒྱག་སར་བྱ་རྒྱུའི་བཅོས་ཚགས་ཏེ། (དཔེར་ན།) ཆར་དུས་མ་ཤར་གོང་ནས་ཨོ་ཁ་ཐིགས་ཚགས་ནན་ཏན་བྱེད་དགོས་ཞེས་པ་ལྟ་བུ། |
| ཐིགས་རལ་འཕྲུལ་འཕྲུལ |
(ཡུལ་སྐད།) གོས་སོགས་རལ་ཆེ་བའི་རྣམ་པ་སྟེ། (དཔེར་ན།) གོས་ཀྱང་ཐིགས་རལ་འཕྲུལ་འཕྲུལ་ཞིག་ཅེས་པ་ལྟ་བུ། |
| ཐིགས་ས |
ཆུའི་ཐིགས་པ་འགོག་བྱེད་ཀྱི་ས། |
| ཐིང |
འདིང་བའི་སྐུལ་ཚིག |
| ཐིང་ཐིང |
(རྒྱན་ཚིག) དངོས་པོའི་ངོ་བོ་དང༌། བྱ་སྤྱོད་སོགས་ཀྱི་རྣམ་པ་སྟོན་བྱེད་ཚིག་གྲོགས་ཤིག (དཔེར་ན།) མཚན་མོ་ནག་ཐིང་ཐིང་དུ་མི་ལོང་རྟ་ལོང་ལ་བཞོན་ཏེ་གཡང་སར་ཁ་གཏད་ནས་རྒྱུག་པ། རི་ཁྲོད་འཇམ་ཐིང་ཐིང་ཞིག་ལ་གཅིག་པུར་གནས་པ། དགུན་དུས་ཁང་པ་དྲོ་ཐིང་ཐིང་གི་ནང་དུ་ངལ་གསོ་བ། ཟ་ཉེས་འཐུང་ཉེས་ཀྱིས་རྐྱེན་པས་གྲོད་པ་ན་ཐིང་ཐིང་བྱས་བྱུང༌། རྩྭ་ཐང་སྔོ་ཐིང་ཐིང༌། ནམ་མཁའ་སྔོ་ཐིང་ཐིང༌ཞེས་པ་ལྟ་བུ། |
| ཐིང་ཡུག |
གྲངས་གནས་ཤིག |
| ཐིང་རིལ |
ཆུ་བྱ་མདོག་དཀར་ཞིང༌། རྐང་པ་དམར་ལ། སྐད་སྙན་པ་ཞིག |
| ཐིང་ལི |
(རྒྱ་སྐད།) སྔོ་སྨན་ཞིག་ནུས་པས་ཚད་པ་འཇགས་པ་དང༌། དྲི་ཆུ་འབྱིན་པ། ལུད་པ་སེལ་བ་སོགས་ལ་ཕན། |
| ཐིངས |
(བྱེད་མེད་ལས་ཚིག) 1>རྣ་ལ་གསལ་བར་འབྱོར་བ་སྟེ། (དཔེར་ན།) སྐད་ཆ་རྣ་ལ་ཐིངས། སྐད་ཆ་ཐིངས་དགོས་ལྟ་བུ། 2>སླེབ་པའམ་འཕྲོད་པ་སྟེ། (དཔེར་ན།) དུས་མ་འཛུར་བར་པེ་ཅིན་ལ་ཐིངས་དགོས། ཡི་གེ་དང་དངོས་རྫས་བསྐུར་བ་ལག་ལ་ཐིངས་ལྟ་བུ། |
| ཐིངས་པ |
ཐིང་བའི་འདས་པ། |
| ཐིབ |
(རྒྱན་ཚིག) གྲིབ་མ་དང་མུན་པ་སྟུག་པོའི་དོན་ཏེ། (དཔེར་ན།) མུན་པ་ནག་ཐིབ་ཐིབ་བྱེད། ཆར་སྤྲིན་ནག་ཐིབ་བེ་དཀྲིགས་ལྟ་བུ། འདི་ལ་ཐིབས་འབྲི་བའང་ཡོད། |
| ཐིབ་པ |
མུན་པའི་དོན་ཏེ། (དཔེར་ན།) སྨག་རུམ་ཐིབ་པའི་ཁྲོད་དུ་མགོ་བོ་འཐོམ་ཉེན་ཡོད་ཅེས་པ་ལྟ་བུ། |
| ཐིབ་བུ |
མུན་པའི་དོན་ཏེ། (དཔེར་ན།) མཚན་མོ་ཐིབ་བུ་ཞེས་པ་ལྟ་བུ། |
| ཐིབས་པོ |
གྲིབ་མ་སྟུག་པོ་སྟེ། (དཔེར་ན།) ཤིང་ནགས་ཐིབས་པོའི་ནང་དུ་འཛུལ་ནས་འགྲོ་ལམ་ནོར་ཞེས་པ་ལྟ་བུ། |
| ཐིབས་སེ |
(རྒྱན་ཚིག) སྤྲིན་དང༌། མུན་པ། ཁ་ཆར་སོགས་འཁྲིགས་ཚུལ་ལམ། འབབས་སྟངས་ཤིག་སྟེ། (དཔེར་ན།) སྤྲིན་པ་ཐིབས་སེ་འཁོར། མུན་ནག་ཐིབས་སེ་འཐིབས། ཁ་ཆར་ཐིབས་སེ་བབས་ཞེས་པ་ལྟ་བུ། |
| ཐིམ |
འཐིམ་གྱི་འབྲི་ཚུལ་གཞན། |
| ཐིམ་པ |
(བྱེད་མེད་ལས་ཚིག) ནུབ་པའི་དོན་ཏེ། (དཔེར་ན།) ཆུ་བྱེ་མའི་ནང་དུ་ཐིམ་ཞེས་པ་ལྟ་བུ། |
| ཐིམ་པའི་རྩ |
ལུས་རྩའི་བྱེ་བྲག་ཅིག |
| ཐིམ་བུ |
1.ཆང་གི་རྫ་མའི་གཤམ་གྱི་ཨི་ཁུང༌སྟེ། (དཔེར་ན།) མགོ་རྫ་མའི་ནང་དུ་བཅུག་ཐིམ་བུ་ལ་ཆས་བཀག་པ་མི་ཚང་མས་ཧ་གོ་བའི་སྐད་ཆ་དེ་ཁྱོད་ཀྱིས་ད་དུང་མ་ཤེས་པ་གང་རེད་ཅེས་གཤེ་བའི་གཏམ། 2.(ཡུལ་སྐད།) ལོ་ཏོག་བརྔས་ཟིན་པའི་ཤུལ་གྱི་སྙེ་མ། |
| ཐིམ་འཚང |
ཆང་གི་རྫ་མའི་ཐིམ་བུ་འགོག་བྱེད་ཀྱི་ཤོག་བུའམ་སོ་མ་ར་ཙ། |
| ཐིམ་རིམ |
འཆི་བའི་རྟགས་ཀྱི་སྣང་བ་འབྱུང་བ་ཐིམ་རིམ་དང༌། སྣང་མཆེད་ཐོབ་གསུམ་གྱི་སྣང་བ་འཆར་བའོ། ། |
| ཐིའུ |
གསར་དུ་ཁ་འབུས་པའི་མེ་ཏོག་གི་ཐིའུ། |
| ཐིར་བཏང་བ |
(ཡུལ་སྐད།) ཆུ་ཚོད་སོགས་ཀྱི་ཏིང་ཏིང་གི་སྒྲ་བསྒྲགས་པ། |
| ཐིར་བརྡའི་ཆུ་ཚོད |
ཐིར་བརྡ་སྒྲོག་རྒྱུ་ཡོད་པའི་ཆུ་ཚོད། |
| ཐུ |
(རྒྱན་ཚིག) 1>ངན་པའི་དོན་ཏེ། (དཔེར་ན།) སྨན་བསྟེན་ན་ནད་པ་ཇེ་ཐུ་རུ་མི་འགྲོ། མི་ངན་མྱུལ་མ་ཁྱི་ལས་ཐུ། ཆང་འཐུངས་ན་ཕོ་ནད་ཇེ་ཐུ་ཡིན་ལྟ་བུ། 2>མཆིལ་མ་བཏབ་པའི་སྒྲ་སྟེ། (དཔེར་ན།) མཆིལ་མ་ཐུ་ཐུ་བཏབ་ལྟ་བུ། 3.ཐུ་བ་ཞེས་པའི་ཚིག་བསྡུས་པ། |
| ཐུ་གཤམ |
གོས་ཀྱི་ཐུ་བའི་སྒབ་གཤམ། |
| ཐུ་པི་ལི |
(སོག་སྐད།) ཧོར་སོག་ལུགས་ཀྱི་དམག་ཞྭའི་བྱེ་བྲག་ཅིག |
| ཐུ་པོ |
ངན་པའི་དོན་ཏེ། (དཔེར་ན།) ཁྱི་ཐུ་པོ། མི་ཐུ་པོ། ཁྲིམས་ཐུ་པོ་ཞེས་པ་ལྟ་བུ། |
| ཐུ་བ |
1.གོས་ཀྱི་ཐུ་བ་སྟེ། (དཔེར་ན།) ཤིང་ཏོག་ཐུ་བའི་ནང་དུ་བླུགས་པ། ཐུ་བ་ནང་མ། ཐུ་བ་ཆེ་བ་ལྟ་བུ། 2.ལྷག་པའམ། ངན་པའི་དོན་ཏེ། (དཔེར་ན།) ནང་དགྲ་དེ་རྣམས་ཕྱི་དགྲ་ལས་ཀྱང་ཐུ་བ་འདུག་ཅེས་པ་ལྟ་བུ། |
| ཐུ་བོ |
1.གཙོ་བོའི་དོན་ཏེ། (དཔེར་ན།) སྲས་ཀྱི་ཐུ་བོ་ཞེས་པ་ལྟ་བུ། 2.ཕུ་བོ་དང་རྒན་པའི་དོན་ཏེ། (དཔེར་ན།) སྐུ་མཆེད་ལྔའི་ཐུ་བོ་ཞེས་པ་ལྟ་བུ། |
| ཐུ་མི |
སྔར་སམྦྷོ་ཊ་འཁྲུངས་སའི་བོད་ཐོན་ཡུལ་གྱི་རུས་ཤིག |
| ཐུ་མི |
བོད་ཀྱི་རུས་ཤིག |
| ཐུ་མི་སམ་བྷོ་ཊ |
སྲོང་བཙན་སྒམ་པོའི་སྐབས་ཀྱི་བློན་པོ་ཞིག ན་གཞོན་དུས་སུ་རྒྱལ་པོའི་བཀའ་བཞིན་རྒྱ་གར་དུ་བྱོན་ནས་སྒྲ་རིག་པ་དང་ཆོས་སྦྱངས། བོད་དུ་ལོག་རྗེས་སཾསྐྲྀཏའི་སྒྲ་གདངས་དང་བོད་སྐད་ཀྱི་སྒྲ་གདངས་ལ་བརྟག་དཔྱད་བྱས་ཏེ་བོད་ཡིག་གསར་བཏོད་དང་བརྡ་སྤྲོད་པའི་གཞུང་བརྩམས། སངས་རྒྱས་ཀྱི་ཆོས་ཐོག་མར་བསྒྱུར་བ་སོགས་ཕྱག་རྗེས་ཤིན་ཏུ་ཆེ་བས་འཕྲུལ་བློན་མཛངས་མི་བདུན་གྱི་བཞི་པར་བསྔགས་སོ། །དེ་ཡང་ཐུ་མི་ཞེས་པ་ནི་རུས་མིང་དང༌། སམ་བྷོ་ཊ་ནི་བོད་མཁས་པ་ཞེས་རྒྱ་གར་པས་བརྩི་བཀུར་བྱས་པའི་མཚན་ཞིག་ཡིན་ནོ། ། |
| ཐུ་མེད |
1.(སོག་སྐད།) སོག་པོ་ཨོ་རོད་ཚོ་བཞིའི་ཡ་གྱལ་ཞིག 2.(ཡུལ་སྐད།) ཐབས་མེད་དམ་ཀ་མེད་ཀྱི་དོན་ཏེ། (དཔེར་ན།) མི་བཤད་ཐུ་མེད། ཁས་མི་ལེན་ཐུ་མེད་ཅེས་པ་ལྟ་བུ། |
| ཐུ་མོ |
1.དྲག་པོ་དང་གཏུམ་པོའི་དོན་ཏེ། (དཔེར་ན།) ནད་ཐུ་མོ། ཁྱི་ཐུ་མོ། ཁྲིམས་ཐུ་མོ། བཀའ་ཁྲ་གཏན་ཚིགས་ཐུ་མོ་ཆེ་ཞེས་པ་ལྟ་བུ། 2.བུད་མེད་གཙོ་མོའམ་རྒན་རབས། |
| ཐུ་རུ |
1.ཤིང་བུའི་ཐུར་མ། 2.རྒྱ་མ་ཆུང་ཆུང༌། 3.ཐོ་རུ་ཡི་འབྲི་ཚུལ་གཞན། |
| ཐུ་རེ |
རྒྱུན་ནམ། བར་མ་ཆད་པའི་དོན་ཏེ། (དཔེར་ན།) མིག་གིས་ཐུ་རེར་ལྟ་བ། དྲན་པ་ཐུ་རེ་བརྟན་ཞེས་པ་ལྟ་བུ། |
| ཐུ་ལ |
(ཡུལ་སྐད།) ཕྱུ་པའི་ཐུ་བའི་མིང་སྟེ། (དཔེར་ན།) བང་མེད་ཀྱང་ཐུ་ལ་གཟེངས་གཟེངས་བྱས་ཞེས་པ་ལྟ་བུ། |
| ཐུ་ལུ |
མཆིལ་མའི་དོན་ཏེ། (དཔེར་ན།) མཆིལ་མའི་ཐུ་ལུ་འདེབས་ཞེས་པ་ལྟ་བུ། |
| ཐུ་ལུ་ལུ |
(རྒྱན་ཚིག) 1>རླངས་པ་སོགས་འཕྱུར་བའི་ཚུགས་ཀ་སྟེ། (དཔེར་ན།) དམའ་རྒྱ་མཚོའི་རླངས་པ་ཐུ་ལུ་ལུ། ཆུ་ཁོལ་མ་རླངས་པ་ཐུ་ལུ་ལུ་ཞེས་པ་ལྟ་བུ། 2>ཁ་བའི་འདབ་མ་སོགས་མར་འབབ་པའི་རྣམ་པ་སྟེ། (དཔེར་ན།) ཁ་བ་ཐུ་ལུ་ལུ་བབས་སྟོན་ཁའི་ཤིང་ལོ་ཐུ་ལུ་ལུ་ཐོར་ལྟ་བུ། |
| ཐུ་ལུད |
ཁའི་མཆིལ་མའི་དོན་ཏེ། (དཔེར་ན།) ཁྲོས་ཏེ་ཐུ་ལུད་འདེབས་པ། ཐུ་ལུད་ལྟར་དོར་བ་ཞེས་པ་ལྟ་བུ། |
| ཐུ་ལུམ |
1.ཐོ་བའི་མིང་སྟེ། (དཔེར་ན།) ལྕགས་ཀྱི་ཐུ་ལུམ། ཤིང་གི་ཐུ་ལུམ་ཞེས་པ་ལྟ་བུ། 2.གོང་བུ། |
| ཐུ་ལེ་ནང་མ |
(ཡུལ་སྐད།) བོད་ཆས་ཀྱི་ཐུ་བ་ནང་མ། |
| ཐུ་ལེ་སྒང་མ |
(ཡུལ་སྐད།) བོད་ཆས་ཀྱི་ཐུ་བ་སྟེང་མ། |
| ཐུག |
1.(བྱེད་མེད་ལས་ཚིག) 1>ཕན་ཚུན་འཕྲད་པའི་དོན་ཏེ། (དཔེར་ན།) མ་བུ་ངོ་ཐུག་ལམ་དུ་གྲོགས་པོ་བཟང་བོར་ཐུག་ལྟ་བུ། 2>སླེབས་པའི་དོན་ཏེ། (དཔེར་ན།) ལྷ་ས་ནས་པེ་ཅིན་ལ་ཐུག་པའི་བར་དུ། མཐར་ཐུག་པ་ཞེས་པ་ལྟ་བུ། 2.(བྱེད་འབྲེལ་ལས་ཚིག) རེག་པའི་དོན་ཏེ། (དཔེར་ན།) ལག་པས་ཐུག ལག་པ་མི་གཙང་བས་ཟས་ལ་མ་ཐུག་ལྟ་བུ། 3.ཕྱུགས་རྒྱུད་སྤེལ་ཆེད་དུ་ཕྱ་མ་བྱས་པའི་ནོར་ལུག་ཕོ་ཕྱུགས་ཀྱི་མིང་། (དཔེར་ན།) གཡག་ཐུག་ལུག་ཐུག་ཅེས་པ་ལྟ་བུ། 4.ཐུག་པ་ཞེས་པའི་ཚིག་བསྡུས་པ། |
| ཐུག་ཁོག |
ཐུག་པ་སྐོལ་སྣོད་རྫ་མ། |
| ཐུག་གཟར |
ཐུག་པ་བླུག་བྱེད་གཟར་བུ། |
| ཐུག་ཆོམ |
ཐུག་ཆོམ་ཞེས་པའི་སྒྲའི་ཁྱད་པར་ཞིག |
| ཐུག་ཐལ |
ཐུག་པའི་ཁ་ཐལ། |
| ཐུག་ཐུབ |
(བརྡ་རྙིང་།) བཙན་ཐབས། |
| ཐུག་དར |
ཐོག་ཁའི་ཐུག་དང་དར་ལྕོག |
| ཐུག་ནག |
ཁང་རྒྱན་ཐུག་ནག་པོ། |
| ཐུག་པ་མན་ཆིལ |
(རྒྱ་སྐད།) ཐུག་པའི་བྱེ་བྲག་ལྷེབ་གཏུབས་ཤིག |
| ཐུག་ཕུད |
ཐུག་པའི་ཕུད་མཆོད། |
| ཐུག་མཆོད |
ཐུག་པ་འཐུང་སྐབས་ཀྱི་མཆོད་པ། |
| ཐུག་མཚམས |
ཕན་ཚུན་ཕྲད་པའི་མཚམས་ཀྱི་མིང་། (དཔེར་ན།) དྲང་ཐིག་གཉིས་ཀྱི་ཐུག་མཚམས། ཐག་སྣེ་ཐུག་མཚམས་ཞེས་པ་ལྟ་བུ། |
| ཐུག་མེད |
1.གཅིག་གིས་གཅིག་ལ་ཐུག་པ་མེད་པ། 2.མཐར་ཐུག་པ་མེད་པ། 3.གྲངས་གནས་ཤིག |
| ཐུག་འཕྲད |
ཐུག་པ་དང༌འཕྲད་པའི་བསྡུས་ཚིག (དཔེར་ན།) དགྲ་བོའི་དམག་སྡེ་དང་ཐུག་འཕྲད་བྱུང་བ། མ་བུ་ཕན་ཚུན་ཐུག་འཕྲད་བྱུང་མཚམས་དགའ་ནས་མིག་ཆུ་ཤོར་ལྟ་བུ། |
| ཐུག་འབྲས |
སྲོག་ཆགས་སྨན་གྱི་ནང་ཚན་ར་ཐུག་དང༌། ལུག་ཐུག་སོགས་ཀྱི་རླིག་འབྲས་ཏེ། རོ་མངར། ཞུ་རྗེས་དྲོད། ནུས་པས་ཁུ་བ་ཟད་པ་དང༌། རོ་ཙ་ཉམས་པ་སོགས་ལ་ཕན། |
| ཐུག་ཡས |
1.མཐར་ཐུག་པ་མེད་པ། 2.གྲངས་གནས་ཤིག |
| ཐུག་རྒྱུགས |
ཐུག་པའི་སྐལ་བ་གཏོང་རྒྱུགས། |
| ཐུག་རྔ |
ལྷ་ཁང་གི་ཐོག་ཁའི་ཐུག་བཟོ་བྱེད་ཀྱི་རྔ་རྩིད། |
| ཐུག་རྩམ |
ཐུག་པའི་ཁ་ཐལ། |
| ཐུག་ལྗང |
ལྷ་ཁང་གི་ཐོག་ཁའི་ཐུག་ནག་སྐུད་པ་ལྗང་གུ་ཅན། |
| ཐུག་སྒྲ |
1.དངོས་པོ་གཉིས་ཕན་ཚུན་འཕྲད་ནས་གྲག་པའི་སྒྲ། 2.སྒྲའི་ཁྱད་པར་ཞིག 3.ཐུག་པ་འཐུང་བའི་ཧུབ་སྒྲ། |
| ཐུག་སྡོར |
ཐུག་པའི་རྫས་ཏེ་ཤ་རུས་སོགས་ལྟ་བུ། |
| ཐུགས |
1.བློ་དང༌། ཡིད་དང༌། སེམས་ཀྱི་ཞེ་ས། (དཔེར་ན།) ཐུགས་དགྱེས་པ། ཐུགས་སྐྱོ་བ་ལྟ་བུ། 2.མིང་གི་སྔོན་དུ་སྦྱར་བའི་ཞེ་སའི་ཚིག་གྲོགས་ཤིག (དཔེར་ན།) ཐུགས་དོགས། ཐུགས་སེམས་ལྟ་བུ།3.བདུག་པའི་སྐུལ་ཚིག (དཔེར་ན།) སྤོས་ཐུགས་ཤིག་ལྟ་བུ། |
| ཐུགས་ཀ |
སྙིང་གའི་ཞེ་ས། |
| ཐུགས་ཀྱི་ཐིག་ལེ |
ཡེ་ཤེས་ཀྱི་སྙིང་པོ། |
| ཐུགས་ཀྱི་སྲས |
ཐུགས་སྲས་དང་དོན་གཅིག |
| ཐུགས་ཀྱིས་བྱིན་གྱིས་བརླབས་པའི་བཀའ་གསུམ |
ཐུགས་ཏིང་ངེ་འཛིན་གྱིས་བྱིན་གྱིས་བརླབས་པ་དང༌། ཐུགས་ཐུགས་རྗེས་བྱིན་གྱིས་བརླབས་པ་དང༌། ཐུགས་བདེན་པས་བྱིན་གྱིས་བརླབས་པ་སྟེ་གསུམ། |
| ཐུགས་ཁབ་གསང |
བྲང་གཞུང་དཀར་ནག་མཚམས་ནས་གྱེན་དུ་ཚོན་གང་བཅལ། དེ་ནས་གཡས་གཡོན་གཉིས་སུ་ཚོན་རེ་དང་ཕུན་རེ་བཅལ། དེའི་སྟེང་ཚོན་གང་བཅལ་བའི་སར་ཡོད་པའི་གློ་བུ་ཐུགས་ཁབ་ཀྱི་སྟོང་པའི་གསང་ས་ཞིག |
| ཐུགས་ཁུར |
1.དོ་ཁུར་དང༌དོ་སྣང༌གི་གོན་ཏེ། (དཔེར་ན།) ཐུགས་ཁུར་གཟབ་བཞེས་གནང་ལྟ་བུ།2.ལས་འགན་དང༌འགན་ཁུར་གྱི་དོན་ཏེ། (དཔེར་ན།) རང་འཁྲིའི་འོས་འགན་ཚང་མར་ཐུགས་ཁུར་ཆེ་བཞེས་གནང་གིན་འདུག་ཅེས་པ་ལྟ་བུ། |
| ཐུགས་ཁུར་གཙོར་བཞེས |
ལས་འགན་རྐང་ལེན་གྱི་དོན་ཏེ། (དཔེར་ན།) ལས་དོན་འདིའི་སྐོར་ལ་ཁོང་རང་གིས་ཐུགས་ཁུར་གཙོར་བཞེས་གནང་ཞེས་པ་ལྟ་བུ། |
| ཐུགས་ཁུར་སྣོམ་པ |
1.དོ་ཁུར་བྱེད་པ། 2.འགན་ལེན་པ། |
| ཐུགས་ཁྲལ |
སེམས་ངལ་གྱི་དོན་ཏེ། (དཔེར་ན།) ཐུགས་ཁྲལ་ཚད་མེད་གནང་ལྟ་བུ། |
| ཐུགས་གཉེར |
འདུན་པའམ་དོན་གཉེར་གྱི་དོན་ཏེ། (དཔེར་ན།) སྐུ་ཡོན་ཐུགས་གཉེར་མཛད་ཅེས་པ་ལྟ་བུ། |
| ཐུགས་གཞོལ་བ |
བློ་ཁ་ཕྱོགས་པའམ་སེམས་གཏད་པའི་དོན་ཏེ། (དཔེར་ན།) ཉེ་སྐོར་གྱི་གནས་ལུགས་ལ་ཐུགས་གཞོལ་ཞེས་པ་ལྟ་བུ། |
| ཐུགས་གཡེང |
1.སེམས་གཞན་དུ་གཡེང་བའི་དོན་ཏེ། (དཔེར་ན།) ཐུགས་གཡེང་མེད་པར་སྒྲིམ་པོ་མཛོད་ཅེས་པ་ལྟ་བུ། 2.སེམས་ལས་སམ་སེམས་ཁྲལ་གྱི་དོན་ཏེ། (དཔེར་ན།) ལས་དོན་རྣམས་ལ་ཐུགས་གཡེང་གནང་མི་དགོས་ལྟ་བུ། |
| ཐུགས་གསལ་མེ་ལོང |
ལྷའི་ཐུགས་ཀའི་མེ་ལོང༌། |
| ཐུགས་གསོ་བ |
སེམས་གསོ་བ། (དཔེར་ན།) གཏམ་སྙན་གསོལ་ཏེ་ཐུགས་གསོ་བ། ཐུགས་གསོ་བར་ཕྱིན་པ་ཞེས་པ་ལྟ་བུ། |
| ཐུགས་གསོའི་མཇལ་དར |
སེམས་སྡུག་སེལ་ཐབས་སུ་གཏོང་བའི་ཁ་བཏགས། |
| ཐུགས་ངལ་བ |
1.ཡི་ཐང་ཆད་པའི་དོན་ཏེ། (དཔེར་ན།) ཕམ་ཉེས་བྱུང་ཡང་ཐུགས་ངལ་མ་གནང༌ལྟ་བུ། 2.མྱ་ངན་བྱུང་བའི་དོན་ཏེ། (དཔེར་ན།) མཛའ་གྲོགས་གཤེགས་པས་ཐུགས་ངལ་མཛད་ཅེས་པ་ལྟ་བུ། |
| ཐུགས་ཅ་ཟིང་པོ |
སུན་པོའི་དོན་ཏེ། (དཔེར་ན།) ཁྱེད་རང་ལ་ཐུགས་ཅ་ཟིང་པོ་ཞུས་སོང༌། དེ་འདྲ་ཐུགས་ཅ་ཟིང་པོ་མ་གནང༌ཞེས་པ་ལྟ་བུ། |
| ཐུགས་ཆུད |
བློར་ངེས་པའམ་ཁོང་དུ་ཚུད་པའི་དོན་ཏེ། (དཔེར་ན།) ཕྱག་དཔེ་འདིའི་ནང་དོན་མཐའ་དག་ཁོང་གི་ཐུགས་ཆུད་ཟིན་ཞེས་པ་ལྟ་བུ། |
| ཐུགས་ཆེས་པ |
ཡིད་ཆེས་པའི་དོན་ཏེ། (དཔེར་ན།) ངས་ལས་འགན་བསྒྲུབ་ཐུབ་པ་དེར་ཁོང་ཐུགས་ཆེས་པ་གནང་སྟེ་མཉེས་པོ་བྱུང་སོང༌ལྟ་བུ། |
| ཐུགས་ཆོད་པོ |
སེམས་ཐག་ཆོད་པོའི་དོན་ཏེ། (དཔེར་ན།) རང་གི་སྐུ་སྲོག་ཀྱང་ཕངས་མེད་གཏོང་ནུས་པའི་ཐུགས་ཆོད་པོ་ཧ་ལས་པ་ཞིག་རེད་ཅེས་པ་ལྟ་བུ། |
| ཐུགས་ཏིང་ངེ་འཛིན་གྱི་ཆོ་འཕྲུལ |
སངས་རྒྱས་ཀྱི་ཆོ་འཕྲུལ་གསུམ་གྱི་ནང་གསེས། ཐུགས་རྗེས་སུ་བསྟན་པའི་ཆོ་འཕྲུལ། |
| ཐུགས་ཏིང་ངེ་འཛིན་གྱིས་བྱིན་གྱིས་བརླབས་པའི་བཀའ |
སངས་རྒྱས་ཀྱིས་བྱིན་གྱིས་བརླབས་པའི་བཀའི་ནང་གསེས་ཤིག་ལྷ་དང༌། ཀླུ་དང༌། གནོད་སྦྱིན་སོགས་ཀྱིས་རང་རང་གི་སྔགས་སྨྲས་པ་སངས་རྒྱས་ཀྱིས་བྱིན་གྱིས་བརླབས་པ་ལྟ་བུའོ། ། |
| ཐུགས་ཏིང་ངེ་འཛིན་གྱིས་བྱིན་གྱིས་བརླབས་པའི་མདོ |
ཤེས་རབ་སྙིང་པོ་ལྟ་བུའོ། ། |
| ཐུགས་ཐག་ཆོད་པ |
1.གཏན་ཁེལ་བའི་དོན་ཏེ། (དཔེར་ན།) མཚོན་ཆ་ཁྱེར་ནས་འཐབ་འཛིང་བྱ་རྒྱུར་ཐུགས་ཐག་ཆོད་ཅེས་པ་ལྟ་བུ། 2.རེ་བ་ཆད་པའི་དོན་ཏེ། (དཔེར་ན།) བློ་ཁ་མ་ཁུག་ཀྱང་ཐུགས་ཐག་ཆོད་མི་འདུག་ཅེས་པ་ལྟ་བུ། |
| ཐུགས་ཐུགས་རྗེས་བྱིན་གྱིས་བརླབས་པའི་བཀའ |
ཐུགས་ཏིང་ངེ་འཛིན་གྱིས་བྱིན་གྱིས་བརླབས་པའི་བཀའ་དང་དོན་གཅིག |
| ཐུགས་ཐུབ་ཏུ་སྤྱད་པ |
རང་དབང་དུ་ལོངས་སྤྱད་པ། |
| ཐུགས་དཀར་མེ་མཉམ |
དོམ་མཁྲིས་ཀྱི་མིང་གི་རྣམ་གྲངས་ཤིག |
| ཐུགས་དཀྱེལ |
བློ་ཁོག་དང༌། སྙིང་སྟོབས། |
| ཐུགས་དགོངས |
བསམ་པ་དང་འདུན་པའི་ཞེ་ས། |
| ཐུགས་དམ |
1.དམ་བཅའི་དོན་ཏེ། (དཔེར་ན།) ཇི་ལྟར་ཐུགས་དམ་ཞལ་བཞེས་ལྟར་གནང་ལྟ་བུ། 2.ཉམས་བཞེས། 3.མོ་ལུང་གི་དོན་ཏེ། (དཔེར་ན།) ཐུགས་དམ་བརྟག་པ་ཞེས་པ་ལྟ་བུ། 4.ཡི་དམ། |
| ཐུགས་དམ་གོང་འཕེལ |
ཐུགས་རྒྱུད་ཀྱི་ཉམས་རྟོགས་གོང་དུ་འཕེལ་བ། |
| ཐུགས་དམ་ཚིག་གི་ཕྱག་རྒྱ |
ཐུགས་དམ་ཚིག་གི་ཕྱག་རྒྱའི་རྣལ་འབྱོར་གྱི་བསྡུས་ཚིག |
| ཐུགས་དམ་ཚིག་གི་ཕྱག་རྒྱའི་རྣལ་འབྱོར |
ཉོན་ཡིད་ཀྱི་གློ་བུར་གྱི་འཁྲུལ་བ་བསལ་ནས་རང་བཞིན་མཉམ་པ་ཉིད་ཀྱི་ཡེ་ཤེས་མངོན་དུ་བྱ་བ་རྣལ་འབྱོར་རྒྱུད་ཀྱི་ཕྱག་རྒྱ་བཞིའི་ཡ་གྱལ་ཞིག |
| ཐུགས་དམ་སྐོང་བ |
བཀའ་སྡོད་དམ་ཅན་རྣམས་ཀྱི་ཐུགས་རེ་རྫོགས་པར་བྱེད་པ། |
| ཐུགས་བག |
(བརྡ་རྙིང་།) ཞུས་པ་གནང་བ། |
| ཐུགས་བག་ཕེབས་པ |
བློའི་ཚུགས་ཀ་བདེ་ཞིང་ལྷོད་པ། |
| ཐུགས་བཅད་པ |
སེམས་དཀྲུགས་པའི་དོན་ཏེ། (དཔེར་ན།) བབ་ཅོལ་གྱི་སྙད་སྙོད་མང་པོས་ཁོང་གི་ཐུགས་བཅད་པ་མ་ལེགས་ཞེས་པ་ལྟ་བུ། |
| ཐུགས་བདེ་པོ |
1.ཡིད་ཚིམ་པའམ་སིམ་པོའི་དོན་ཏེ། (དཔེར་ན།) བཞེད་དོན་ཐམས་ཅད་ལྷུན་གྱིས་གྲུབ་པས་ཐུགས་བདེ་པོ་བྱུང་སོང༌ལྟ་བུ། 2.བློ་སེམས་བག་ཕེབས། |
| ཐུགས་བདེན |
རང་སྐྱོན་ངོས་ལེན་པའི་དོན་ཏེ། (དཔེར་ན།) ང་རང་གིས་ཉེས་སོང་བས་དགོངས་དག་ཐུགས་བདེན་ཞུ་ཞེས་པ་ལྟ་བུ། |
| ཐུགས་བདེན་པས་བྱིན་གྱིས་བརླབས་པའི་བཀའ |
སངས་རྒྱས་ཀྱིས་བྱིན་གྱིས་བརླབས་པའི་བཀའི་ནང་གསེས་ཤིག་སངས་རྒྱས་ཀྱི་བྱིན་རླབས་ཀྱི་མཐུས་རི་དང༌། ཤིང་དང༌། ནམ་མཁའ་དང༌། འོད་ཟེར་དང༌། རོལ་མོ་སོགས་ལས་ཆོས་ཀྱི་སྒྲ་འབྱུང་བ་ལྟ་བུའོ། ། |
| ཐུགས་བཞེད |
བསམ་བློའམ་དགོངས་ཕྱོགས་ཏེ། (དཔེར་ན།) ལས་དོན་མཐའ་དག་ཐུགས་བཞེད་ལྟར་གྲུབ་སོང༌ལྟ་བུ། |
| ཐུགས་བརྟག |
མོ་ཕྱྭའི་ཞེ་ས་སྟེ། (དཔེར་ན།) ལེགས་ཉེས་ཅི་འོང་ཐུགས་བརྟག་ཞུས་ལྟ་བུ། |
| ཐུགས་བརྩེ་བ |
སྙིང་རྗེ་བ། |
| ཐུགས་བསམ |
བསམ་བློ། |
| ཐུགས་བསྐྱེད |
1.གཞན་ཕན་གྱི་སེམས་བསྐྱེད་དེ་བྱང་ཆུབ་མཆོག་ཏུ་སེམས་བསྐྱེད་པ། 2.གཞི་རྒྱ་ཆེ་བའི་བྱ་བ་བསྒྲུབ་འདོད་དང༌། སྒྲུབ་ཕོད་པའི་སྙིང་སྟོབས་བསྐྱེད་པ། |
| ཐུགས་བསྙེལ |
བརྗེད་པ། |
| ཐུགས་བྲེལ |
བྲེལ་བ་ཚ་པོའི་དོན་ཏེ། (དཔེར་ན།) ཐུགས་བྲེལ་མ་གནང་ཡུད་ཙམ་བཞུགས། ཐུགས་བྲེལ་མ་མཛད་ཅེས་པ་ལྟ་བུ། |
| ཐུགས་མ་གཡེལ་བ |
1.སེམས་ལྷོད་ཡངས་མེད་པ། 2.མི་བརྗེད་པ། |
| ཐུགས་མ་རངས་པ |
སེམས་ལ་མ་བབ་པའམ། མི་མོས་པ། |
| ཐུགས་མཁྱེན |
མངོན་ཤེས་ཀྱི་ཞེ་ས། |
| ཐུགས་མཉེས |
སེམས་དགའ་བ། |
| ཐུགས་མཐུན་ཞལ་འཆམ |
སེམས་མཐུན་ཞིང་ཁ་འཆམ་པའི་དོན་ཏེ། (དཔེར་ན།) ཕན་ཚུན་ཐུགས་མཐུན་ཞལ་འཆམ་བྱུང༌ལྟ་བུ། |
| ཐུགས་མད |
ཐུགས་བདེན་ཞེས་རང་གི་ཉེས་སྐྱོན་ངོས་ལེན་པའི་དོན། (དཔེར་ན།) རང་ཉིད་ཀྱིས་འགྲིག་མི་འདུག་པས་ཁྱེད་རང་ཐུགས་མད་ལགས་ཞེས་པ་ལྟ་བུ། |
| ཐུགས་མཚེར་བ |
ཐུགས་ཞུམ་པ། |
| ཐུགས་མུག་པ |
སེམས་སྐྱོ་བ་དང༌ཡི་མུག་པའི་དོན་ཏེ། (དཔེར་ན།) བཞེད་དོན་ཇི་བཞིན་མ་འགྲུབ་ཀྱང་ཐུགས་མུག་གནང་མི་དགོས་ལྟ་བུ། |
| ཐུགས་ཚ་པོ |
བཀའ་བཀྱོན་དྲག་པོ་གནང་ཤག་ཤག་གི་ཐུགས་གཉན་པོ། |
| ཐུགས་ཚ་བ |
ངོ་ཚ་བ། |
| ཐུགས་འཁྲུགས |
ཚིག་པ་ཟ་བ་དང་སེམས་མི་བདེ་བར་གྱུར་པའི་དོན་ཏེ། (དཔེར་ན།) རྐྱེན་ཕྲ་མོ་རེས་ཀྱང་ཐུགས་འཁྲུགས་ཞེས་པ་ལྟ་བུ། |
| ཐུགས་འདུན |
1.རེ་བ་དང་འདོད་པ། 2.མོས་པ། |
| ཐུགས་འཕྲེང |
སེམས་སྐྱོ་ཞིང་ཡང་ཡང་དྲན་པ། |
| ཐུགས་འཕྲོག |
ཐུགས་དགྱེས་པའི་དོན་ཏེ། (དཔེར་ན།) ཡུལ་ལྗོངས་ཀྱི་བཀོད་པ་མཛེས་པས་ཐུགས་འཕྲོག་ཅེས་པ་ལྟ་བུ། |
| ཐུགས་འཛེམས་གནང་བ |
འཚེར་སྣང་བྱས་པའི་དོན་ཏེ། (དཔེར་ན།) ཟས་ཟ་འདོད་ཀྱང་ཐུགས་འཛེམས་གནང་ནས་མ་བཟས་པ། ཐུགས་འཛེམས་མ་གནང༌ལྟ་བུ། |
| ཐུགས་ཡིད་གཅིག་འདྲེས |
བསམ་བློ་མཐུན་པའི་དོན་ཏེ། (དཔེར་ན།) ཆུ་དང་འོ་མ་བཞིན་དུ་ཕན་ཚུན་ཐུགས་ཡིད་གཅིག་འདྲེས་ཀྱི་ངང་ནས་བཀའ་མོལ་ཞིབ་ལྷིང་མཛད་ཅེས་པ་ལྟ་བུ། |
| ཐུགས་ཡིད་ཆེས་པ |
བློ་ཁེལ་བའི་དོན་ཏེ། (དཔེར་ན།) དྲང་བདེན་གྱི་མི་ལ་ཐུགས་ཡིད་ཆེས་ཞེས་པ་ལྟ་བུ། |
| ཐུགས་རབ་གཞུངས་པ |
བློ་མཆོག་ཏུ་གསལ་བའམ་མཁས་པ། |
| ཐུགས་རིག |
ཤེས་རབ་ཀྱི་དོན་ཏེ། (དཔེར་ན།) ཁོང་ཐུགས་རིག་ཡག་པོ་འདུག་ཅེས་པ་ལྟ་བུ། |
| ཐུགས་རྒྱལ |
ང་རྒྱལ་དང་ཁོང་ཁྲོའི་དོན་ཏེ། དཔེར་ན།) ཐུགས་རྒྱལ་འཁྲུངས། དོན་མེད་ཐུགས་རྒྱལ་བཞེངས་ཞེས་པ་ལྟ་བུ། |
| ཐུགས་རྒྱུད |
1.སེམས་ཀྱི་རྒྱུན། 2.སེམས་ཀྱི་གཤིས་ཀའམ་རང་བཞིན་གྱི་དོན་ཏེ། (དཔེར་ན།) ཐུགས་རྒྱུད་སྒམ་པོ་ཞེས་པ་ལྟ་བུ། |
| ཐུགས་རྗེ |
སྙིང་རྗེའི་དོན་ཏེ། (དཔེར་ན།) ཐུགས་རྗེ་ཅན། ཐུགས་རྗེ་ཆུ་བོ་དང་འདྲ་བ། བཀའ་ཉེས་ཐུགས་རྗེ་གང་ཆེ་ཞེས་པ་ལྟ་བུ། |
| ཐུགས་རྗེ་ཆེ |
1.སྙིང་རྗེ་ཆེ། 2.བཀའ་དྲིན་ཆེ་ཞེས་པའི་དོན་ཏེ། (དཔེར་ན།) སེམས་ཀྱི་གཏིང་ནས་ཐུགས་རྗེ་ཆེ་ཞུ་བ། བརྩེ་བས་རྟག་ཏུ་བསྐྱངས་པ་ཐུགས་རྗེ་ཆེ་ཞེས་པ་ལྟ་བུ། |
| ཐུགས་རྗེ་ཆེན་པོ |
1.མཐའ་ཡས་པའི་སེམས་ཅན་ཐམས་ཅད་ལ་ཕན་བདེ་སྒྲུབ་པའི་དགོངས་པས་གདུལ་བྱའི་ཁམས་ལ་དུས་རྟག་ཏུ་གཟིགས་ཤིང་སྡུག་བསྔལ་སོགས་ལས་སྐྱོབ་པར་མཛད་པ་ཟག་མེད་ཡེ་ཤེས་སྡེ་ཚན་ཉེར་གཅིག་གི་ནང་གསེས་ཤིག 2.སྤྱན་རས་གཟིགས་ཐུགས་རྗེ་ཆེན་པོའི་བསྡུས་ཚིག |
| ཐུགས་རྗེ་ཆེན་པོ་བཅུ་གཅིག་ཞལ |
སྤྱན་རས་གཟིགས་བཅུ་གཅིག་ཞལ། |
| ཐུགས་རྗེའི་བདག་ཉིད |
སྙིང་རྗེའི་རང་གཟུགས། |
| ཐུགས་རྗེས་གཟིགས |
སྙིང་རྗེས་དགོངས་པར་མཛོད་ཅེས་པའི་དོན་ཏེ། (དཔེར་ན།) ད་རེས་ལན་གཅིག་ཞལ་བཞེས་ཐུགས་རྗེས་གཟིགས་རོགས་གནང༌ཞེས་པ་ལྟ་བུ། |
| ཐུགས་རྗེས་བཟུང་བ |
དྲིན་གྱིས་བསྐྱངས་པ། |
| ཐུགས་རྗེས་བྱིན་གྱིས་བརླབས་པའི་བཀའ |
ཐུགས་ཀྱིས་བྱིན་གྱིས་བརླབས་པའི་བཀའ་གསུམ་གྱི་ཡ་གྱལ་ཞིག |
| ཐུགས་རྗེས་ཟིན་པ |
སྙིང་རྗེས་ཡོངས་སུ་བཟུང་བའི་དོན་ཏེ། (དཔེར་ན།) དུས་རྟག་ཏུ་ཐུགས་རྗེས་ཟིན་ཞེས་པ་ལྟ་བུ། |
| ཐུགས་རྗེས་སུ་བསྟན་པའི་ཆོ་འཕྲུལ |
ཉོན་མོངས་འདུལ་བའི་གཉེན་པོ་སྟོན་པ། ཆོ་འཕྲུལ་གསུམ་གྱི་ཡ་གྱལ་ཞིག |
| ཐུགས་རྡོ་རྗེ |
སངས་རྒྱས་ཀྱི་ཐུགས། |
| ཐུགས་རྣམ་པར་དག་པ |
སེམས་གཙང་མའམ། སེམས་བཟང་པོ། |
| ཐུགས་ལ་ཕོག་པ |
སེམས་ལ་གནོད་པའི་དོན་ཏེ། (དཔེར་ན།) དགོན་པའི་ཁྱི་ལ་བཞུས་ན་བླ་མའི་ཐུགས་ལ་ཕོག་ཡོང༌ལྟ་བུ། |
| ཐུགས་ལ་མངའ་བ |
སེམས་ལ་ངེས་པའམ། སེམས་ལ་ཡོད་པའི་དོན་ཏེ། (དཔེར་ན།) གནས་ལུགས་ཚང་མ་ཐུགས་ལ་མངའ་ཞེས་པ་ལྟ་བུ། |
| ཐུགས་ལ་འདོགས་པ |
སེམས་ལ་འཇོག་པ་སྟེ། (དཔེར་ན།) མ་བསྙེལ་བར་ཐུགས་ལ་འདོགས་པར་ཞུ་ལྟ་བུ། |
| ཐུགས་ལ་འབབ་པ |
ཡིད་ལ་འཐད་པའམ་འགྲོ་བའི་དོན་ཏེ། (དཔེར་ན།) མི་ཚང་མའི་ཐུགས་ལ་འབབ་པའི་ལས་དོན་ཞེས་པ་ལྟ་བུ། |
| ཐུགས་ལས |
1.འཕྲིན་ལས། 2.སེམས་ཁུར་རམ། སེམས་ཁྲལ་གྱི་དོན་ཏེ། (དཔེར་ན།) ལས་དོན་འགྲུབ་སོང་བས་ཐུགས་ལས་གནང་མི་དགོས་ལྟ་བུ། |
| ཐུགས་ལོན་པ |
བློ་ཚོད་ལོན་པའི་དོན་ཏེ། (དཔེར་ན།) འགྲོགས་ཡུན་རིང་བས་ཁོང་གི་ཐུགས་ལོན་ཞེས་པ་ལྟ་བུ། |
| ཐུགས་ལྔ |
སངས་རྒྱས་ཀྱི་འབྲས་ཆོས་ཉེར་ལྔའི་ནང་གསེས་ཤིག་རྙིང་མའི་གཞུང་དུ་བཤད་པའི་མི་རྟོག་ཆེན་པོའི་ཐུགས་དང༌། མཉམ་པ་ཆེན་པོའི་ཐུགས། འགྲོ་བ་སྒྲོལ་བའི་ཐུགས། མི་ཕྱེད་རྡོ་རྗེའི་ཐུགས། མངོན་བྱང་གི་ཐུགས་ཏེ་ལྔའོ། ། |
| ཐུགས་ལྗགས་སྤྱན་གསུམ |
སྐྱེས་ཆེན་དམ་པ་ཁ་ཤས་ཀྱི་སྐུ་གདུང་བཞུ་བ་ན། སྙིང་དང་ལྕེ་མིག་གསུམ་མ་ཚིག་པར་ལུས་པ་ཐུགས་གསུང་སྐུ་མཚོན་བྱེད་ཀྱི་གདུང་རྟེན། |
| ཐུགས་ལྷན་ནེ |
ཐུགས་དྭངས་གསལ་གྱི་རྣམ་པ་སྟེ། (དཔེར་ན།) བྲེལ་ཟིང་གི་འགལ་རྐྱེན་མེད་པས་ཐུགས་ལྷན་ནེར་གནས་ཞེས་པ་ལྟ་བུ། |
| ཐུགས་སུ་བྱོན་པ |
སེམས་ལ་སོང་བ། |
| ཐུགས་སུ་ཚུད་པ |
ཐུགས་ལ་མངའ་བའམ་མཁྱེན་པའི་དོན་ཏེ། (དཔེར་ན།) ལེགས་ཉེས་ཀྱི་དབྱེ་བ་ཀུན་ཐུགས་སུ་ཚུད་ཅེས་པ་ལྟ་བུ། |
| ཐུགས་སུ་འཐད་པ |
སེམས་ལ་འོས་ཤིང་འབབ་པའི་དོན་ཏེ། (དཔེར་ན།) ཁོང་གི་རྣམ་འགྱུར་ལ་བལྟས་ན་སྐད་ཆ་དེ་ཐུགས་སུ་འཐད་པ་འདྲ་པོ་འདུག་ཅེས་པ་ལྟ་བུ། |
| ཐུགས་སུན་ཞུས་པ |
སུན་པོ་བཟོས་པའི་དོན་ཏེ། (དཔེར་ན།) དེ་རིང་ཁྱེད་ལ་ཐུགས་སུན་ཞུས་པས་དགོངས་འགལ་མེད་པ་ཞུ་ཞེས་པ་ལྟ་བུ། |
| ཐུགས་སེམས་བཟང་པོ |
སེམས་པ་ཡག་པོའི་དོན་ཏེ། (དཔེར་ན།) མི་འདི་ཐུགས་སེམས་བཟང་པོ་ཡིན་པའི་སྐད་གྲགས་འདུག་ཅེས་པ་ལྟ་བུ། |
| ཐུགས་སྣང་གཤིན་པ |
ཕན་ཚུན་སེམས་མཐུན་པའི་དོན་ཏེ། (དཔེར་ན།) ཞེ་འཁོན་མེད་པའི་ཐུགས་སྣང་གཤིན་པ་ཡོད་ཅེས་པ་ལྟ་བུ། |
| ཐུགས་སྣང་མེད་པ |
སེམས་ལ་དོ་སྣང་མ་ཤར་བ་སྟེ། (དཔེར་ན།) བྱ་སྤྱོད་བཟང་ངན་ལ་ཐུགས་སྣང་མེད་པ་མ་གནང༌ཞེས་པ་ལྟ་བུ། |
| ཐུགས་སྣང་སྐྱོ་བ |
ཡིད་སྣང་སྐྱོ་བའི་ཞེ་ས། (དཔེར་ན།) ཐུགས་སྣང་སྐྱོ་བས་སྤྱན་ཆབ་བསིལ་ཞེས་པ་ལྟ་བུ། |
| ཐུགས་སྤྲོ |
1.དགའ་སྟོན་ནམ། གསོལ་ཚིགས། 2.སེམས་སྐྱིད་པོའམ། སེམས་དགའ་བའི་དོན་ཏེ། (དཔེར་ན།) བཞེད་དོན་གཙང་མར་མ་གྲུབ་གོང་དུ་ཁོང་ཐུགས་སྤྲོ་བག་ཕེབས་ག་ལ་ཡོང༌ཞེས་པ་ལྟ་བུ། |
| ཐུགས་སྨོན |
1.སྨོན་ལམ་གྱི་དོན་ཏེ། (དཔེར་ན།) སྐུ་གཟུགས་བདེ་ཐང་ཡོང་བའི་ཐུགས་སྨོན་འདེབས་ཞེས་པ་ལྟ་བུ། 2.འདུན་པ་དང་མོས་པ། |
| ཐུགས་སྲས |
ཐུགས་ཉེ་བའི་སློབ་མའི་དོན་ཏེ། (དཔེར་ན།) སངས་རྒྱས་ཀྱི་ཐུགས་སྲས། ཐུགས་སྲས་དམ་པ། ཐུགས་སྲས་བུ་ཆེན་ཞེས་པ་ལྟ་བུ། |
| ཐུང |
(རྒྱན་ཚིག) རིང་བོའི་ལྡོག་ཟླ། (དཔེར་ན།) ཀ་ཐུང་། གཟུགས་ཐུང་། ཐག་པ་ཐུང་ཐུང་། སྐུད་པ་ཐུང་བ། དུས་ཚོད་ཐུང་ངུ་། སྐད་ཅིག་མ་ཞེས་པ་ལྟ་བུ། |
| ཐུང་ངུ |
(རྒྱན་ཚིག) ཐུང་བའི་དོན་ཏེ། (དཔེར་ན།) དུས་ཚོད་ཐུང་ངུ་ཞིག ལམ་ཐག་ཐུང་ངུ། ལུས་པོ་ཐུང་ངུ། འགྲོ་ལམ་ཐུང་ངུ་ཞེས་པ་ལྟ་བུ། |
| ཐུང་ངུ་མ |
ལུས་རྩའི་བྱེ་བྲག་ཅིག |
| ཐུང་ཐུང |
(རྒྱན་ཚིག) རིང་པོ་མ་ཡིན་པའི་དོན་ཏེ། (དཔེར་ན།) མི་དེ་སྤྲོ་ཐུང་ཐུང་རེད། བསམ་བློ་ཐུང་ཐུང་མ་གཏོང༌ལྟ་བུ། |
| ཐུང་བ |
རིང་པོ་མིན་པའི་དོན་ཏེ། (དཔེར་ན།) ཡུན་ཐུང་བ། སྐུད་པ་ཐུང་བ། གཏིང་ཐུང་བ། མིག་རྒྱང་ཐུང་བ་ལྟ་བུ། |
| ཐུང་མིན |
རིང་པོའི་དོན་ཏེ། (དཔེར་ན།) དུས་ཡུན་ཐུང་མིན་ཞིག་འགོར་ཚོད་ཀྱི་ལས་ཀ་དེ་དུས་ཚོད་རིང་མིན་ཞིག་ལ་ཚར་ཞེས་པ་ལྟ་བུ། |
| ཐུང་རྒྱུག |
བར་ཐག་ཐུང་ངུར་རྒྱུག་པའི་ཁྲལ། |
| ཐུང་སི |
(རྒྱ་སྐད།) སྐད་གཉིས་པའམ། སྐད་སྒྱུར་བ། |
| ཐུང་སྐྱེལ |
1.ས་ཚིགས་ནས་ས་ཚིགས་སམ། ས་ཐག་ཐུང་ས་ནས་ཐུང་སར་སྐྱེལ་དགོས་པའི་ཁྲལ་འུལ། 2.སྐྱེལ་མ་ཐུང་ངུ་། |
| ཐུངས |
བཏུང་བའི་སྐུལ་ཚིག་སྟེ། (དཔེར་ན།) ཇ་ཐུངས་དང་ལྟ་བུ། |
| ཐུད |
1.འདུད་པའི་སྐུལ་ཚིག 2.མར་ཆུར་མཉམ་དུ་བརྫིས་པའི་ཟས་ཤིག |
| ཐུད་གདར་མ |
མར་ཆུར་བསྲེས་པའི་ཐུད་གྲུ་བཞི་མ། |
| ཐུད་ཐུད |
གྲངས་གནས་ཤིག |
| ཐུད་ཕོར |
ཐུད་བླུག་པའི་སྣོད་ཁ་གཅོད་རང་འགྲིགས། |
| ཐུད་ཚོ་པོ |
མར་ཆུར་མངར་ཆ་མང་པོ་འཛོམས་པའི་ཐུད་ཞིམ་པོ་སྟེ། (དཔེར་ན།) ཐུད་ཚོ་པོ་མར་གྱི་བཀའ་དྲིན་ཞེས་པ་ལྟ་བུ། |
| ཐུད་སྒྲོམ |
ཐུད་བཟོ་སའི་པར་སྒྲོམ། |
| ཐུད་སྦྲུ་བ |
ཐུད་རྗི་བའམ་གཡོ་བ། |
| ཐུན |
1.ཐེངས་གཅིག་ལ་ཟ་བའམ་འཐུང་བའི་ཚད་དེ། (དཔེར་ན།) ཇ་ཐུན་གཅིག ཟས་ཐུན་གཅིག སྨན་ཐུན་གཅིག་ཅེས་པ་ལྟ་བུ།2.དུས་ཡུན་གཅིག་ལ་ཆ་ཁ་ཤས་བགོས་པའི་ཆ་གཅིག་གི་མིང་། (དཔེར་ན།) ནམ་གྱི་ཐུན་གཅིག ཐུན་དང་པོ། སློབ་ཁྲིད་ཐུན་གཉིས། གཉིད་ཐུན་གཅིག་ཅེས་པ་ལྟ་བུ། |
| ཐུན་གཏོང་བ |
མཚམས་ཐུན་བཞག་ནས་ལང་བ། |
| ཐུན་གཏོར |
1.ཡུངས་ཀར་གྱི་ཐུན་འདེབས་པ། 2.མཚམས་ཐུན་གྱི་མཐར་འབུལ་གཏོར། |
| ཐུན་གསུམ་པ |
(མངོན་བརྗོད།) མཚན་མོ། |
| ཐུན་ཐི |
(སོག་སྐད།) གོས་ཆེན་ཚོན་ཁྲ་ཞིག |
| ཐུན་ཐུན |
ཚོ་ཚོའམ། སྡེ་ཚན་སྡེ་ཚན། |
| ཐུན་དངོས་གཞི |
མཚམས་ཐུན་དངོས་གཞིའམ། ལྟེ་བ། |
| ཐུན་དོང |
ཐུན་གྱིས་འབྲབ་སའི་འབྲུབ་ཁུང་ངམ། ས་དོང༌། |
| ཐུན་དྲུག་རྣལ་འབྱོར |
ཐུན་བཞིའི་སྟེང་དུ་མཚན་གྱི་ཆ་སྟོད་དང་ཆ་སྨད་གཉིས་བསྣན་པས་དུས་དྲུག་ཏུ་བསྒོམ་པའི་བསྐྱེད་རྫོགས་ཀྱི་ཉམས་ལེན། |
| ཐུན་པ |
1.ནམ་ཚོད་འཛིན་མཁན། 2.མཚན་མོ་ཁ་ཏོན་གྱི་དགེ་སྦྱོར་སྐྱོང་མཁན། 3.མཚམས་ཐུན་འཛིན་མཁན། |
| ཐུན་ཕྱེད |
1.སྨན་གྱི་ཐུན་ཕྱེད། 2.ཉིན་མཚན་གྱི་ཐུན་ཕྱེད། |
| ཐུན་བཅད |
ཆོས་མཚམས་སྡོད་སྐབས་སྨྲ་བ་དང་མི་གཞན་དང་ཐུག་འཕྲད་སྤོང་བ། |
| ཐུན་བཞིའི་རྣལ་འབྱོར |
ཐོ་རངས། སྔ་དྲོ། ཉིན་གུང༌། སྲོད་རྣམས་སུ་བསྒོམ་པའི་བསྐྱེད་རྫོགས་ཀྱི་ཉམས་ལེན། |
| ཐུན་བཟུང་བ |
1.མཚམས་བསྙེན་པ་སོགས་ཀྱི་སྐབས་སུ་ངག་ཐུན་བཟུང་བ། 2.ཉིན་མཚན་དུས་དྲུག་སོགས་ཡུན་ཚད་ངེས་ཅན་ཞིག་གི་ནང་དུ་བསྒོམ་བཟླས་བྱེད་པ། |
| ཐུན་བར |
ཉིན་མཚན་གྱི་ཐུན་སོ་སོའི་བར་མཚམས། |
| ཐུན་བྲབ |
ཐུན་བྲབས་དང་འདྲ། |
| ཐུན་བྲབས |
ཡུངས་ཀར་གྱི་ཐུན་གྱིས་བྲབས་པའམ། གཏོར་བ། |
| ཐུན་མ |
མཚན་མོ། |
| ཐུན་མཚམས |
1.དུས་མཚམས་ཀྱི་དོན་ཏེ། (དཔེར་ན།) ཉི་མ་འཆར་ནུབ་ཀྱི་ཐུན་མཚམས་ལྟ་བུ། 2.ཐུན་སོ་སོའི་བར་མཚམས། 3.(མངོན་བརྗོད།) 1>དགོང་མོ། 2>ལྷ་དབང་ཕྱུག་ཆེན་པོ། |
| ཐུན་མཚམས་སྟོབས |
(མངོན་བརྗོད།) སྲིན་པོ། |
| ཐུན་མིན་གྱི་དབང་ཕྱུག་གི་ཡོན་ཏན་བརྒྱད |
དེ་བཞིན་གཤེགས་པའི་ཐུན་མོང་མ་ཡིན་པའི་དབང་ཕྱུག་བརྒྱད་དེ། སྐུ་ཡི་དབང་ཕྱུག་དང༌། གསུང་གི་དབང་ཕྱུག་ཐུགས་ཀྱི་དབང་ཕྱུག་རྫུ་འཕྲུལ་གྱི་དབང་ཕྱུག་ཀུན་འགྲོའི་དབང་ཕྱུག་གནས་ཀྱི་དབང་ཕྱུག་ཅི་འདོད་ཀྱི་དབང་ཕྱུག་ཕྲིན་ལས་ཀྱི་དབང་ཕྱུག་རྣམས་སོ། ། |
| ཐུན་མིན་ལོངས་སྐུའི་མཎྜལ |
བཀོད་པ་ཆེན་པོ་ལྔའི་ཞིང་ཁམས་ན་ཞིང་དང་གཞལ་མེད་ཁང་གི་བཀོད་པ་བསམ་གྱིས་མི་ཁྱབ་པ་དང༌། འདོད་ཡོན་གྱི་ལྷ་མོ་གྲངས་མེད་པས་བརྒྱན་པ་བློས་སྤྲུལ་ནས་བླ་མ་ལོངས་སྐུའི་ལྷ་ཚོགས་ལ་འབུལ་བའི་མཎྜལ། |
| ཐུན་མོང |
1.སྒེར་གྱི་ལྡོག་ཟླ་སྟེ། (དཔེར་ན།) ཐུན་མོང་ལ་དབང་བའི་ལམ་ལུགས་ཐུན་མོང་གི་དཔལ་འབྱོར་ངེད་གཉིས་ཀྱི་ཐུན་མོང་གི་བྱ་བ་རྒྱལ་ཁབ་ཐུན་མོང་གི་རྒྱ་མཚོ་ཞེས་པ་ལྟ་བུ། 2.ཁྱད་པར་བའི་ལྡོག་ཟླ་སྟེ། (དཔེར་ན།) སྨྲ་ཤེས་དོན་གོ་བ་ནི་མི་ཀུན་གྱི་ཐུན་མོང་གི་ཁྱད་ཆོས་རེད་ཅེས་པ་ལྟ་བུ། |
| ཐུན་མོང་གན་རྒྱ |
མི་ཀུན་གྱིས་རྩི་འཇོག་དགོས་པའི་དཔང་རྒྱའི་ཡི་གེ། |
| ཐུན་མོང་གི་ཐེག་པ |
ཐེག་པ་ཆེ་ཆུང་ཐུན་མོང་དུ་བགྲོད་པའི་ལམ། |
| ཐུན་མོང་གི་ཐེག་པ་གསུམ |
གསང་སྔགས་རྙིང་མའི་ལུགས་ཀྱི་ཉན་ཐོས་རང་རྒྱལ་བྱང་སེམས་གསུམ། |
| ཐུན་མོང་གི་ལས |
ཚེ་བསོད་རྒྱས་པ་སོགས་འཇིག་རྟེན་ལ་ཕན་གདགས་པའི་ལས། |
| ཐུན་མོང་ཆོས |
(མངོན་བརྗོད།) འཁོར་བ། |
| ཐུན་མོང་དངོས་གྲུབ |
རྫས་སྔགས་ཀྱི་སྦྱོར་བ་ལ་བརྟེན་ནས་ཕྱི་པ་དང་ནང་པ་ཐུན་མོང་དུ་ཐོབ་པའི་འབྲས་བུ། |
| ཐུན་མོང་དངོས་གྲུབ་བརྒྱད |
རིལ་བུ་དང༌། མིག་སྨན་དང༌། ས་འོག་དང༌། རལ་གྲི་དང༌། ནམ་མཁར་འཕུར་བ་དང༌། མི་སྣང་དང༌། འཆི་བ་མེད་པ་དང༌། ནད་འཇོམས་ཏེ་བརྒྱད། |
| ཐུན་མོང་བའི་མ་ངེས་པ |
མ་ངེས་པའི་གཏན་ཚིགས་གཉིས་ཀྱི་ཡ་གྱལ། མཐུན་ཕྱོགས་དང་མི་མཐུན་ཕྱོགས་གཉིས་ཀར་འཇུག་པ། (དཔེར་ན།) སྒྲ་མི་རྟག་པ་ལ་གཞལ་བྱ་བཀོད་པ་ལྟ་བུ། མཐུན་དཔེ་བུམ་པ་སོགས་ལ་འཇུག་ཅིང༌། མི་མཐུན་དཔེ་ནམ་མཁའ་སོགས་ལའང་འཇུག་པས་ཐུན་མོང་བ་ཡིན་ཞིང་ཁྱབ་པ་ལ་ཐེ་ཚོམ་བསྐྱེད་པས་མ་ངེས་པའོ། ། |
| ཐུན་མོང་བའི་མ་ངེས་པའི་རྟགས་དྲུག |
དངོས་ཀྱི་མ་ངེས་པའི་རྟགས་བཞི་དང༌། ལྷག་ལྡན་གྱི་མ་ངེས་པའི་རྟགས་གཉིས་ཏེ་དྲུག་གོ། ། |
| ཐུན་མོང་བའི་སྲུང་འཁོར |
གསང་སྔགས་རྒྱུད་སྡེ་བཞི་ཐུན་མོང་དུ་བསྒོམ་རྒྱུའི་སྲུང་འཁོར། |
| ཐུན་མོང་བུད་མེད |
(མངོན་བརྗོད།) སྨད་འཚོང་མ། |
| ཐུན་མོང་མ་ཡིན་པ |
སྤྱིར་བཏང་མ་ཡིན་པ། |
| ཐུན་མོང་མ་ཡིན་པའི་ཆོས |
གསང་སྔགས་རྡོ་རྗེ་ཐེག་པའི་ཆོས་ལྟ་བུ་སྐལ་བཟང་དབང་རྣོན་གྱི་སྤྱོད་ཡུལ་ལས་སྐལ་དམན་དབང་རྟུལ་དང་ཐུན་མོང་དུ་མ་གྱུར་པའི་ཆོས། |
| ཐུན་མོང་མ་ཡིན་པའི་དྲན་པ་ཉེ་བར་གཞག་པ |
དེ་བཞིན་གཤེགས་པའི་དྲན་པ་ཉེ་བར་བཞག་པ་རྣམས་སོ། ། |
| ཐུན་མོང་མ་ཡིན་པའི་སྲུང་འཁོར |
གསང་སྔགས་བླ་ན་མེད་པའི་རྒྱུད་ཁོ་ནས་བསྒོམ་རྒྱུའི་སྲུང་འཁོར། |
| ཐུན་མོང་མཉམ་སྒྲུབ |
ལས་དོན་རང་གཞན་མཉམ་པོར་སྒྲུབ་པའི་དོན་ཏེ། (དཔེར་ན།) ལས་དོན་འགངས་ཆེའི་རིགས་ཐུན་མོང་མཉམ་སྒྲུབ་བྱེད་དགོས་ལྟ་བུ། |
| ཐུན་མོང་མིན་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་མཛེས་ཆོས་ཀྱི་ཡོན་ཏན་ཧ་ཅང་མཚར་དྲགས་པས། མཚུངས་ཆོས་ལ་འགྲན་ཟླར་འོས་པའི་དཔེ་གཞན་མ་རྙེད་པར་རང་གི་འདྲ་དཔེར་རང་ཉིད་སྟོན་པའི་རྒྱན་ཞིག |
| ཐུན་མོང་མིན་པའི་མ་ངེས་པ |
མ་ངེས་པའི་རྟགས་གཉིས་ཀྱི་ཡ་གྱལ། གང་ལ་རྟགས་སུ་སོང་བའི་རྒོལ་བས་མཐུན་ཕྱོགས་དང་མི་མཐུན་ཕྱོགས་གང་རུང་ལ་རྟགས་ཡོད་པར་མ་མཐོང་བ་སྒྲ་མི་རྟག་པ་ལ་མཉན་བྱ་བཀོད་པ་ལྟ་བུ། མཐུན་ཕྱོགས་བུམ་པ་དང༌། མི་མཐུན་ཕྱོགས་ནམ་མཁའ་ལ་མཉན་བྱ་ཡོད་པར་མ་མཐོང་བས་མ་ངེས་པའོ། ། |
| ཐུན་མོང་མིན་པའི་མ་ངེས་པའི་རྟགས་བཞི |
མཐུན་ཕྱོགས་མི་མཐུན་ཕྱོགས་གཉིས་ཀ་ལ་རྟགས་མེད་ནས་མ་མཐོང་བ་དང༌། གཉིས་ཀ་ལ་ཡོད་ཀྱང་མ་མཐོང་བ་དང༌། མཐུན་ཕྱོགས་ལ་ཡོད་ཀྱང་མ་མཐོང་བ་དང༌། མི་མཐུན་ཕྱོགས་ལ་ཡོད་ཀྱང་མ་མཐོང་བ་དཔེར་བརྗོད་རིམ་བཞིན། སྒྲ་ཆོས་ཅན་མི་རྟག་མཉན་བྱ་ཡིན་པའི་ཕྱིར། ཞེས་པ་བུམ་པ་དང་ནམ་མཁའ་ལ་མཉན་བྱ་མེད་པ་ལྟ་བུ་དང༌། སྐྱེས་བུ་འདི་ཆོས་ཅན། ལྷ་ལས་ཚེ་འཕོས་ཏེ། མིག་དང་ལྡན་པའི་ཕྱིར། ཞེས་པ་ལྷ་ལས་འཕོས་མ་འཕོས་གཉིས་ཀར་མ་མཐོང་བ་ལྟ་བུ་དང༌། རིག་བྱེད་ཀྱི་སྒྲ་རྟག་པར་འདོད་པའི་ངོར། སྒྲ་ཆོས་ཅན། མི་རྟག་བྱས་པའི་ཕྱིར། དཔེ་རིག་བྱེད་ཀྱི་སྒྲ་བཞིན། ཞེས་པ་ལྟ་བུ་དང༌། ནམ་མཁའ་ཆོས་ཅན། རྟག་མ་བྱས་པའི་ཕྱིར། རིག་བྱེད་ཀྱི་སྒྲ་བཞིན་ཞེས་བཀོད་པ་ལྟ་བུའོ། ། |
| ཐུན་མོང་རིག་པ |
ནང་རིག་པ་ཕུད་པའི་ཕྱི་ནང་ཐུན་མོང་གི་བསླབ་བྱ། |
| ཐུན་མོང་རེ་སྨོན |
སྤྱིའི་རེ་འདུན། |
| ཐུན་མོང་ལས་དོན |
སྤྱིའི་ལས་དོན། |
| ཐུན་མོང་ས |
1.སྤྱི་ལ་དབང་བའི་ས་ཆ། 2.(མངོན་བརྗོད།) རྒྱལ་པོའི་སྐྱེད་ཚལ། |
| ཐུན་མོང་སྤྲུལ་སྐུའི་མཎྜལ |
ཞིང་ཁམས་གྲངས་མེད་བསམ་གྱིས་མི་ཁྱབ་པའི་ལྷ་མིའི་ཡོ་བྱད་དམ་པ་མཐའ་དག་བློས་བླངས་པ་དང༌། རང་གི་ཁ་རྗེ་དབང་ཐང་དགེ་རྩ་དང་བཅས་པ་གཅེས་དགུའི་དངོས་པོ་ཐམས་ཅད་བླ་མ་སྤྲུལ་སྐུའི་ལྷ་ཚོགས་ལ་འབུལ་བའི་མཎྜལ། |
| ཐུན་ཚོད |
དུས་ཀྱི་ཆ་སྟེ། (དཔེར་ན།) ཉིན་ཐུན་གསུམ། མཚན་ཐུན་གསུམ་ལྟ་བུ། |
| ཐུན་ཚོད་ཀྱི་སྨན |
ཐུན་ཚོད་དུ་རུང་བའི་སྨན་དང་དོན་གཅིག |
| ཐུན་ཚོད་དུ་རུང་བའི་སྨན |
འདུལ་བ་ལས་བཤད་པའི་སྨན་བཞིའི་གྲས། སྔ་དྲོ་ནས་མཚན་མོའི་ཐུན་ཚོད་ཚུན་ཆད་དུ་བྱིན་གྱིས་བརླབས་ཤིང༌། སྐོམ་པའི་ནད་སེལ་བ་ལ་གཙོ་བོར་གནང་བའི་སྨན། བཅས་ལྡན་དགེ་སློང་གིས་ཐུན་ཚོད་ཀྱི་མཐའི་བར་བྱིན་གྱིས་བརླབས་ནས་ལོངས་སྤྱོད་དུ་རུང་བ་བཏུང་བའི་རྒྱུ་བརྒྱད་དམ། ཐུན་ཚོད་དུ་རུང་བའི་སྨན་གསུམ་དང༌། གཞན་ཡང་བཅོས་པའི་ཚྭ། འབྲུའི་ཚྭ། ཞོའི་ཁ་ཆུ། རྩབ་མོའམ་ཙང་ཤུར་གྲགས་པ་རྣམས་ཏེ་མཚན་ཉིད་ལྔ་ལྡན་གྱི་བཏུང་བའོ། ། |
| ཐུན་ཟོར |
ཡུངས་ཀར་གྱི་ཐུན་གཏོར་མ་ལ་གཟེར་བའི་གཏོར་ཟོར། |
| ཐུན་འབྲུ |
(ཡུལ་སྐད།) ལོ་ཏོག་བརྔས་ཟིན་པའི་ཤུལ་གྱི་སྙེ་མ། |
| ཐུན་རྭ |
ཐུན་རྫས་བླུགས་པའི་རྭ་ཅོའི་སྣོད། |
| ཐུན་སྦྱོར |
མཚན་མོ། |
| ཐུབ |
1.(ལས་ཚིག་རྗེས་མཐུན་པ)ལས་ཚིག་མ་འོངས་པ་དང་ད་ལྟ་བའི་མཐར་སྦྱར་ན་ལས་དེ་ཉིད་འགྲུབ་པའི་གདེང་ཚོད་ཡོད་པའི་དོན་ཏེ། (དཔེར་ན།) ང་ཚོས་ལས་འགན་ལེགས་པར་འགྲུབ་ཐུབ། དཔེ་ཆ་འདི་དུས་ནམ་ཞིག་པར་སྐྲུན་བྱེད་ཐུབ། ལྕི་འདེགས་རྩལ་སྦྱང་པས་ལྕགས་གཏུན་རྒྱ་མ་སུམ་བརྒྱ་ལྷག་ཡར་འགྱོག་ཐུབ། རྒྱ་མ་བཞི་བརྒྱ་ལྷག་ཡར་འགྱོག་ཐུབ་པའི་རྩལ་སྦྱང་པ་ཞེས་པ་ལྟ་བུ། 2.(བྱེད་འབྱེལ་ལས་ཚིག) མིང་རྐྱང་གི་མཐར་སྦྱར་ན་དེ་ལས་རྒྱལ་བའམ་བཟོད་བསྲན་ཡོད་པའི་དོན་ཏེ། (དཔེར་ན།) གླང་བོ་ཆེ་ཡིས་སྟག་ཀྱང་ཐུབ། བུ་དཔའ་བོས་ནགས་རྫོངས་སྟག་ཀྱང་ཐུབ། སྣོད་འདིས་ཚེ་ཐུབ། དཀའ་སྡུག་ཐུབ་པའི་མི། མི་དཀའ་ཐུབ་ཅན། ས་མཐོ་སའི་མིས་གྲང་ངར་ཐུབ་ལྟ་བུ། |
| ཐུབ་ཆེན |
ཐུབ་པ་ཆེན་པོའི་བསྡུས་ཚིག |
| ཐུབ་ཆོད |
(བརྡ་རྙིང་།) མི་འོས་པའི་བྱ་བ། |
| ཐུབ་ཆོད་ཅན |
(མངོན་བརྗོད།) གདོལ་པའི་རིགས། |
| ཐུབ་དཀའ |
1.གཞན་གྱིས་ཕམ་པར་བྱེད་དཀའ་བ། 2.སློབ་དཔོན་རྟ་དབྱངས་ཀྱི་མཚན་གྱི་རྣམ་གྲངས། |
| ཐུབ་དབང |
ཐུབ་པའི་དབང་པོའི་བསྡུས་ཚིག |
| ཐུབ་དབང་གསུང་སྐྱེས |
སྟོན་པའི་ཉན་ཐོས། |
| ཐུབ་དབང་རྡོ་རྗེ་འཆང |
རྒྱུད་ཀྱི་སྟོན་པ། |
| ཐུབ་པ |
1. (བྱེད་མེད་ལས་ཚིག) གླགས་རྙེད་པའི་དོན་ཏེ། (དཔེར་ན།) ངན་དགུ་ཐུབ་པ། ཉོན་མོངས་ཐུབ་པ། རས་རྐྱང་ཐུབ་པ། ཆུ་ཐུབ་པ། མེ་ཐུབ་པ། དུག་གིས་མི་ཐུབ་པ་ཞེས་པ་ལྟ་བུ།2.སྒོ་གསུམ་མི་དགེ་བ་དང་ཉོན་མོངས་པ་ལས་ཡང་དག་པར་བསྡམས་པ། 3.(མངོན་བརྗོད།) 1> དགྲ་བཅོམ་པ། 2> རྣམ་གཟིགས་དང༌། གཙུག་ཏོར་ཅན། ཐམས་ཅད་སྐྱོབ། འཁོར་བ་འཇིག་གསེར་ཐུབ། འོད་སྲུང༌། ཤཱཀྱ་ཐུབ་པ་སྟེ་ཐུབ་པ་ལ་བདུན་ཡོད་པས་གྲངས་བདུན་མཚོན། |
| ཐུབ་པ་གནས་བཅུས་བསྐོར་བ |
དགྲ་བཅོམ་པ་བཅུ་དྲུག་གིས་བསྐོར་བའི་སངས་རྒྱས་ཤཱཀྱ་ཐུབ་པའི་སྐུ་བརྙན། |
| ཐུབ་པ་ཆེན་པོ |
(མངོན་བརྗོད།) སངས་རྒྱས། |
| ཐུབ་པ་དམ་ཚིག་གསུམ་བཀོད |
བྱ་རྒྱུད་ཀྱི་དེ་བཞིན་གཤེགས་པའི་གཙོ་བོ། |
| ཐུབ་པའི་དབང་པོ |
(མངོན་བརྗོད།) སངས་རྒྱས་སྤྱི། |
| ཐུབ་པའི་བུ |
(མངོན་བརྗོད།) ཆར་སྡོད་བྱེའུ། |
| ཐུབ་པའི་ཞལ་སྐྱིན |
ཐུབ་དབང་སངས་རྒྱས་ཀྱི་སྐུ་ཚབ་བམ། ཤཱཀྱ་ཐུབ་པའི་འདྲ་སྐུའི་ཆེ་བརྗོད། |
| ཐུབ་བསྟན |
ཐུབ་དབང་གི་བསྟན་པ། |
| ཐུབ་བསྟན་རྒྱ་མཚོ |
༸གོང་ས་རྒྱལ་དབང་སྐུ་ཕྲེང་བཅུ་གསུམ་པའི་མཚན། ཁོང་ནི་རབ་བྱུང་བཅོ་ལྔ་པའི་མེ་བྱི་ལོར་དྭགས་པོ་གླང་མདུན་དུ་འཁྲུངས། ས་ཡོས་ལོར་རྩེ་ཕོ་བྲང་གི་གསེར་ཁྲིར་གདན་འདྲེན་ཞུས། ཤིང་ལུག་ལོར་བོད་ཀྱི་རྒྱལ་སྲིད་ཆོས་སྲིད་བཞེས། ལྕགས་བྱི་ལོར་མཚན་ཞབས་སོག་པོ་རྡོ་རྗེ་ཟེར་བ་ཨུ་རུ་སུ་རྙིང་པར་སྐུ་ཚབ་ཏུ་བཏང༌། ཤིང་འབྲུག་ལོར་དབྱིན་ཇིས་ལྷ་སར་བཙན་འཛུལ་བྱས་རྐྱེན་སོག་ཡུལ་བརྒྱུད་ནས་ས་སྤྲེལ་ལོར་པེ་ཅིན་དུ་ཕེབས་ཏེ་གོང་མ་ཀྭང་ཞུ་ལ་མཇལ་འཕྲད་ཞུས། ས་བྱ་ལོར་པེ་ཅིན་ནས་བོད་དུ་ཆིབས་བསྒྱུར་གནང་བའི་ཕྱི་ལོ་ལྕགས་ཁྱི་ལ་རྒྱ་གར་དུ་བྱོན་ཏེ་ཆུ་བྱི་ལོར་བོད་དུ་འཁོར། ཆུ་བྱ་ལོར་སྐུ་གཤེགས། |
| ཐུབ་ཙམ |
ནུས་ཙམ་མམ་གླགས་རྙེད་ཙམ་གྱི་དོན་ཏེ། (དཔེར་ན།) བེད་སྤྱོད་ཐུབ་ཙམ་གྱི་ཡོ་བྱད་སྤུས་ཞན་ཞེས་པ་ལྟ་བུ། |
| ཐུབ་ཚོད |
ཉམ་ཐག་ལ་བརྙས་སྨོད་བྱེད་པའི་བྱ་སྤྱོད་ཀྱི་མིང་། (དཔེར་ན།) གཞན་ལ་ཐུབ་ཚོད་མ་བྱེད་ལྟ་བུ། འདི་ལ་ཐུབ་ཆོད་ཅེས་འབྲི་བའང་ཡོད། |
| ཐུམ |
1.དངོས་རྫས་ཀྱི་ཕྱི་གཡོགས་ཀྱི་མིང་། (དཔེར་ན།) དཔེ་ཐུམ། རས་ཐུམ། ཀོ་ཐུམ། ཤོག་ཐུམ་ཞེས་པ་ལྟ་བུ། 2.ཐུམ་གྱིས་བཏུམས་པའི་དངོས་རྫས་ཀྱི་མིང་། (དཔེར་ན།) ཀ་ར་ཤོག་ཐུམ་གཅིག། བྱང་ཚྭ་ཐུམ་པོ་གཅིག་ཅེས་པ་ལྟ་བུ། |
| ཐུམ་ཀློག |
གཞུང་གོ་རིམ་མེད་པར་འུར་འདོན་བྱེད་པའི་མིང༌། |
| ཐུམ་ཁྲེས |
རས་སོགས་ཀྱི་ནང་དུ་བསྒྲིལ་བའི་ཐུམ་པོ། |
| ཐུམ་གསུམ་པ |
(མངོན་བརྗོད།) སུག་སྨེལ། |
| ཐུམ་ཏི |
ཐུམ་པོ་དང་དོན་གཅིག |
| ཐུམ་ཐུམ |
ཁུད་དུ་དྲིལ་བའི་རྡོག་པོ་ཆུང་གྲས་ཏེ། (དཔེར་ན།) འབྲུ་ཐུམ་ཐུམ། དངུལ་ཐུམ་ཐུམ་ཞེས་པ་ལྟ་བུ། |
| ཐུམ་པ |
ཁྱུག་ཙམ་གྱི་དོན་ཏེ། (དཔེར་ན།) གཉིད་ཐུམ་པ་ཙམ་ཞིག་ཁུག་ཅེས་པལྟ་བུ། |
| ཐུམ་པོ |
ཁུད་དུ་དྲིལ་བའི་རྡོག་པོ་ཆུང་གྲས་ཏེ། (དཔེར་ན།) ཐུམ་པོ་རྒྱག་པ་ཞེས་པ་ལྟ་བུ། |
| ཐུམ་བུ |
1.ཁུད་དུ་དྲིལ་བའི་རྡོག་པོ་ཆུང་གྲས་ཏེ། (དཔེར་ན།) ཤོག་ཐུམ། རས་ཐུམ། དངུལ་ཐུམ་ཞེས་པ་ལྟ་བུ། 2.གཟར་བུ། |
| ཐུམ་འཕྲས |
(བརྡ་རྙིང་།) གཉིད་ཐུམ་ཙམ་མམ། གཉིད་སྲབ་མོ། |
| ཐུམ་རིལ་གྱིས་སོང |
(བརྡ་རྙིང་།) དབྱེར་མེད་དུ་འདྲེས་པ། |
| ཐུམ་རྒྱ |
ཐུམ་བུའི་སྐེ་ལ་བཏབ་པའི་ཐེལ་ཚེ། |
| ཐུམས |
བཏུམས་ཀྱི་སྐུལ་ཚིག (དཔེར་ན།) ཤོག་གུས་ཀ་ར་ཐུམས་ཤིག་ལྟ་བུ། |
| ཐུའུ་ཀྭན |
1.(རྒྱ་སྐད།) ཨ་མདོ་དགོན་ལུང་དགོན་གྱི་དགེ་ལུགས་པའི་སྤྲུལ་པའི་སྐུ་གྲགས་ཅན་ཞིག 2.(སོག་སྐད།) ཏཱ་ཡོན་ཧོར་རྒྱལ་རབས་ཀྱི་རྒྱལ་པོ་ཞིག |
| ཐུའུ་ཀྭན་གྲུབ་མཐའ |
གྲུབ་མཐའ་ཐམས་ཅད་ཀྱི་ཁུངས་དང་འདོད་ཚུལ་སྟོན་པ་ལེགས་བཤད་ཤེལ་གྱི་མེ་ལོང་ཞེས་བྱ་བ་ཐུའུ་ཀྭན་སྐུ་ཕྲེང་གསུམ་པ་བློ་བཟང་ཆོས་ཀྱི་ཉི་མས་རབ་བྱུང་བཅུ་གསུམ་པའི་ལྕགས་བྱ་ལོར་བརྩམས། འདིའི་བརྗོད་བྱ་ནི་སྤྱིར་རྒྱ་གར། མ་ཧ་ཙི་ན། བོད། སོག་པོ། ལི་ཡུལ། ཤམ་བྷ་ལ་རྣམས་སུ་གྲུབ་མཐའ་མི་འདྲ་བ་ཇི་ཙམ་བྱུང་དང་དེ་དག་སོ་སོའི་འདོད་ཚུལ་རྣམས་དང༌། ལྷག་པར་བོད་དུ་སངས་རྒྱས་ཀྱི་བསྟན་པ་སྔ་དར་དང་ཕྱི་དར་གཉིས་ཀྱི་ནང་དུ་རྙིང་མ་བ་དང༌། བཀའ་གདམས་པ། བཀའ་བརྒྱུད་པ། ཞི་བྱེད་པ། ས་སྐྱ་པ། ཇོ་ནང་པ། གྲུབ་མཐའ་ཉི་ཚེ་བ་འགའ་ཞིག་བཅས་དང༌། ཡང་སྒོས་དགེ་ལུགས་པའི་གྲུབ་མཐའ་རྒྱས་པར་སྟོན་པའི་གཞུང་ཞིག |
| ཐུའུ་ཀྭན་བློ་བཟང་ཆོས་ཀྱི་ཉི་མ |
ཨ་མདོ་དགོན་ལུང་དགོན་གྱི་དགེ་ལུགས་པའི་སྤྲུལ་པའི་སྐུ་གྲགས་ཅན་ཞིག་ཡིན། རབ་བྱུང་བཅུ་གཉིས་པའི་མེ་སྦྲུལ་ལོར་འཁྲུངས། རབ་བྱུང་བཅུ་གསུམ་པའི་ལྕགས་བྱ་ལོར་གྲུབ་མཐའ་ཤེལ་གྱི་མེ་ལོང་བརྩམས། |
| ཐུའུ་བཀྭན |
ཐུའུ་ཀྭན་དང་འདྲ། |
| ཐུའུ་སི |
(རྒྱ་སྐད།) ཡོན་མིང་ཆིང་རྒྱལ་རབས་གསུམ་གྱི་རིང་ལ་ནུབ་བྱང་དང་ལྷོ་ནུབ་ས་ཁུལ་དུ་བཙུགས་པའི་གྲངས་ཉུང་མི་རིགས་ཀྱི་འགོ་པས་མི་རབས་ནས་མི་རབས་བར་དུ་རྒྱུད་འཛིན་བྱས་པའི་དཔོན་གནས། |
| ཐུར |
གྱེན་གྱི་ལྡོག་ཟླ། (དཔེར་ན།) ལ་ཐུར། རིའི་སྟེང་ནས་ཐུར་དུ་འགྲོ་བ། རྡོ་གཅལ་ནས་ཐུར་དུ་བབས་སོང༌། སྙེ་མ་སྨིན་དུས་སྙེ་མགོ་ཐུར་དུ་དུད་པ། འབབ་ཆུ་བྲག་ནས་ཐུར་དུ་ལྷུང་ལྟ་བུ། |
| ཐུར་ཁྱབ་ཕྱིན་ཅི་ལོག |
རྟགས་གསལ་ཁྱབ་པ་སྒོ་བརྒྱད་ལས་ཁྱབ་པ་ཕྱིན་ཅི་ལོག་པ་བཞིའི་ནང་གསེས། གསལ་བ་དེ་ཡིན་ན་རྟགས་དེ་མ་ཡིན་པས་ཁྱབ་པ། དཔེར་ན། རྟག་པ་ཡིན་ན་བྱས་པ་མ་ཡིན་པས་ཁྱབ་པ་ལྟ་བུའོ། ། |
| ཐུར་ཁྱབ་རྣལ་མ |
རྟགས་གསལ་ཁྱབ་པ་སྒོ་བརྒྱད་ལས་རྣལ་མ་བཞིའི་ནང་གསེས། གསལ་བ་དེ་ཡིན་ན་རྟགས་དེ་ཡིན་པས་ཁྱབ་པ། དཔེར་ན། མི་རྟག་པ་ཡིན་ན་བྱས་པ་ཡིན་པས་ཁྱབ་པ་ལྟ་བུའོ། ། |
| ཐུར་གཟར་འབབ་པ |
དཀན་གཟར་པོ་ནས་ཐུར་དུ་འགྲོ་བའི་དོན་ཏེ། (དཔེར་ན།) ལ་མཐོན་པོ་ནས་ཐུར་གཟར་འབབ་དུས་རྐང་འདྲེད་མི་འཆོར་བའི་གོམ་ཚུགས་བརྟན་པོ་ཞིག་དགོས་ལྟ་བུ། |
| ཐུར་གྲིབ |
ཐུར་མ་ཚིགས་བདུན་ཅན་བཙུགས་ཏེ་ཉི་མའི་གྲིབ་ཚད་བརྟག་པ་དང༌། ཉི་ལྡོག་དང་ཉིན་ཚད་བརྟག་ཐབས། |
| ཐུར་དཔྱད |
སྙིང་ཆུ་དང༌། མིག་ནད་བར་འགྲིབ་ལྟ་བུ་ལ་ལུས་ཕྱི་ནས་ཐུར་མ་བརྒྱབ་པས་ནང་གི་ནད་སེལ་བར་མངོན་སུམ་མམ་རྗེས་དཔག་གིས་དཔྱད་ནས་རྟོགས་པའི་དཔྱད་སྡེ་ཞིག |
| ཐུར་བགྲོད |
(མངོན་བརྗོད།) ཆུ། |
| ཐུར་བརྗོད་མ |
(མངོན་བརྗོད།) བྱ་རི་སྐེགས། |
| ཐུར་བུ |
ཐོ་རུ་ཡི་འབྲི་ཚུལ་གཞན། |
| ཐུར་མ |
1.ཟས་ལེན་བྱེད་ཀྱི་དབྱུ་གུ་ཕྲ་མོའི་མིང་། (དཔེར་ན།) སྨྱུག་མའི་ཐུར་མ། བ་སོའི་ཐུར་མ་ཞེས་པ་ལྟ་བུ། 2.བོད་ཀྱི་སྨན་གཞུང་དུ་གཙག་ཁབ་ཀྱི་མིང་ལ་ཐུར་མ་ཟེར། ཚིག་བསྡུས་ན་ཐུར་ཞེས་འབྲི་ཆོག་སྟེ། (དཔེར་ན།) ཟངས་ཐུར་གསེར་ཐུར་ཞེས་པ་ལྟ་བུ། |
| ཐུར་མ་པ |
བསྐལ་པ་ཐ་མར་ཐུར་མས་ཟས་བཙལ་ཏེ་ཟ་བའི་མུ་གེའི་དུས་ཤིག་གི་མི། |
| ཐུར་མ་བརྒྱ་པ |
(མངོན་བརྗོད།) གདུགས། |
| ཐུར་མགོ |
ཐུར་མའི་མགོ། |
| ཐུར་མདའ |
ཐུར་སྲང་གི་མདའ། |
| ཐུར་མའི་རང་གྲིབ་བདུན |
ཆ་བདུན་ཐུར་མའི་རང་གྲིབ་བདུན། |
| ཐུར་ཞོ |
རྒྱ་ཐུར་ལ་འཇལ་བའི་ཞོ་ཚད། |
| ཐུར་འགྲིལ |
རྦབ་ཏུ་ཤོར་བའམ། ཐུར་དུ་འགྲིལ་བའི་དོན་ཏེ། (དཔེར་ན།) རི་འགོ་ནས་རྦབ་རྡོ་ཐུར་འགྲིལ་དུ་གཏོང་ལྟ་བུ། |
| ཐུར་འགྲོ |
1.(མངོན་བརྗོད།) ཆུ།2.ཐུར་དུ་འགྲོ་བ། |
| ཐུར་འགྲོའི་སྨན |
ལུས་ཀྱི་ལྟེ་འོག་མན་གྱི་ནད་རྣམས་ཐུར་ཕྱོགས་སུ་གཞོལ་ཞིང་འགྲོ་བའི་ས་ཆུའི་རང་བཞིན་ཤས་ཆེར་ལས་བྱུང་བ་ཨ་རུ་མཆུ་རིང་གི་མཆུ་ལྟ་བུ་ནང་གི་ཉེས་པ་རྣམས་བཀྲུ་ཞིང་བཤལ་བར་བྱེད་པའི་སྨན། |
| ཐུར་འཕྱང |
ཐུར་ཕྱོགས་སུ་འཕྱང་བ། |
| ཐུར་འབབ |
1.ཐུར་དུ་འགྲོ་བ། 2.(མངོན་བརྗོད།) ཆུ། |
| ཐུར་རེ |
(བརྡ་རྙིང་།) ལམ་སང་ངམ། འཕྲལ་མ། |
| ཐུར་རྡོ |
རྒྱ་ཐུར་གྱི་འདེགས་རྡོ། |
| ཐུར་ལམ |
1.ཐུར་དུ་འགྲོ་སའི་ལམ། 2.མངོན བཤང་ལམ། |
| ཐུར་ལྷུང |
(བརྡ་རྙིང་།) ཆུ། |
| ཐུར་ཤིང |
1.ཤིང་བུའི་ཐུར་མ། 2.ཐུར་སྲང་གི་ཤིང༌། |
| ཐུར་སེལ་གསང |
རྒྱབ་ཀྱི་སྒལ་ཚིགས་ཉི་ཤུ་པ་ཐུར་སེལ་རླུང་དང་འབྲེལ་བའི་མེ་བཙའི་གསང་མིག དེར་མེ་བཙའ་བཞག་ན་ཕྱེན་གཏོང་མི་ཐུབ་པའམ་འགག་པའི་ནད་ལ་ཕན། |
| ཐུར་སེལ་རླུང |
ལུས་ཀྱི་རྩ་བའི་རླུང་ལྔའི་ཡ་གྱལ་གཞང་དཀར་ནག་ལ་གནས་པ་ཞིག་བྱེད་ལས་སྐྱེས་པའི་ཁུ་བ་དང༌། བུད་མེད་ཀྱི་ཟླ་མཚན། བཤང་བ་དང་གཅིན་པ། མངལ་དུ་ཕྲུ་གུ་འབྱིན་སྡོམ་བཅས་བྱེད་པ་ཞིག |
| ཐུར་སྲང |
གསེར་སོགས་ལྕི་ཡང་འདེགས་བྱེད་ཀྱི་ཐུར་སྲང༌། |
| ཐུལ |
1.བཏུལ་བའི་སྐུལ་ཚིག (དཔེར་ན།) དགྲ་ཐུལ་ཅིག་ལྟ་བུ། 2.(རྒྱན་ཚིག) སྣས་དྲི་གསལ་བར་བསྣམས་པའི་དོན་ཏེ། (དཔེར་ན།) རྡོ་སྣུམ་བཟོ་གྲྭར་རྡོ་སྣུམ་གྱི་དྲི་མ་ཐུལ་ལྟ་བུ། |
| ཐུལ་ཆེ |
སྦོམ་པ་དང༌། རགས་པ་དང༌། རྒྱ་ཆེ་བའི་དོན་ཏེ། (དཔེར་ན།) གཟུགས་པོ་ཐུལ་ཆེ་བ། ས་ཐུལ་ཆེ་བ་ལྟ་བུ། |
| ཐུལ་བ |
1.(བྱེད་མེད་ལས་ཚིག) ལས་སུ་རུང་བར་འགྱུར་བའམ། འཇམ་པོར་འགྱུར་བའི་དོན་ཏེ། (དཔེར་ན།) གྱོང་པོ་ཐུལ་བ། མི་བསྲུན་པ་ཐུལ་བར་ཐག་ཆོད། རྟ་རྒོད་བཏུལ་ན་ཐུལ་བར་ཐེ་ཚོམ་མེད་ཅེས་པ་ལྟ་བུ། 2.(མངོན་བརྗོད།) དྲང་སྲོང༌། 3.ཕུ་རུང་མེད་པའི་ལྭ་བའམ་ཉལ་གོས་ཀྱི་མིང་ ། (དཔེར་ན།) པགས་པའི་ཐུལ་བ་ཞེས་པ་ལྟ་བུ། ཚིག་བསྡུས་ཐུལ་ཞེས་འབྲི་ཆོག་སྟེ། (དཔེར་ན།) པགས་ཐུལ། ཉལ་ཐུལ་ཞེས་པ་ལྟ་བུ། |
| ཐུལ་ལེ |
(རྒྱན་ཚིག) འཕྱུར་རེའམ། ལོང་ངེའི་དོན་ཏེ། (དཔེར་ན།) དུ་བ་ཐུལ་ལེ་བ། རླངས་པ་ཐུལ་ལེ་བ། དྲི་བཟང་ཐུལ་ལེ་བ་ལྟ་བུ། |
| ཐུས |
སྡུད་པ་དང་སྒྲུག་པའི་དོན་དུ་གོ་བའི་འཐུ་བའི་སྐུལ་ཚིག |
| ཐེ |
(བྱེད་མེད་ལས་ཚིག) ཁོངས་སུ་གཏོགས་པའམ་འདུས་པའི་དོན་ཏེ། (དཔེར་ན།) ང་མ་ཐེ་བར་མི་ལྔ་ཡོད། ཝ་ཡང་གཅན་གཟན་ལ་ཐེ་ལྟ་བུ། |
| ཐེ་ཁོངས |
གྲངས་སུ་གཏོགས་པའི་གྲས། |
| ཐེ་ཁྱིམ |
(རྒྱ་སྐད།) ས་བདག་ཅིག |
| ཐེ་གཏོགས |
ཐེ་ཇུས་དང་དོན་གཅིག |
| ཐེ་གི |
ཐ་གི་དང་འདྲ། |
| ཐེ་གི་ཟད |
(བརྡ་རྙིང་།) རྒྱང་ཙམ། |
| ཐེ་གེ |
1.ར་ལུག་སོགས་སྲོག་ཆགས་ཀྱི་རྗེ་ངར་དང་རྐང་མགོ་འབྲེལ་མཚམས་ཀྱི་རུས་པ་རྡོག་པོ་བྱིས་པས་རྩེ་སྤྱད་བྱེད་པ་དེའི་མིང་། 2.ཅུང་ཟད་ཀྱི་དོན་ལའང་འཇུག་སྟེ། (དཔེར་ན།) ཟས་ཐེ་གེ་ཞིག་ཟོ་ལྟ་བུ། |
| ཐེ་ཇུས |
ཇུས་གཏོགས་ཀྱི་དོན་ཏེ། (དཔེར་ན།) རྒྱལ་ཁབ་གཞན་དག་གི་ནང་སྲིད་ལས་དོན་ལ་ཐེ་ཇུས་བྱེད་པ། ཕོ་རོག་ཚང་ལ་འུག་པས་ཐེ་ཇུས་མི་དགོས་ལྟ་བུ། |
| ཐེ་བ |
(བྱེད་མེད་ལས་ཚིག) ཚུད་པ་དང༌། གཏོགས་པའི་དོན་ཏེ། (དཔེར་ན།) ལྐོག་གཡོ་ངན་པའི་བསམ་སྦྱོར་དེའི་ནང་ལ་ཁ་ཐེ་ལག་ཐེ་བྱས་མེད། རང་དང་འབྲེལ་བ་མེད་པའི་ལས་དོན་ནང་དུ་ཐེ་ནས་རྙོག་གྲ་བྱུང་ལྟ་བུ། |
| ཐེ་བཙུགས |
དམ་བཅའ་བའི་དོན་ཏེ། (དཔེར་ན།) ལས་དོན་འདི་བྱེད་ཅེས་ཐེ་བཙུགས་པ་དེ་ཁོ་ན་བཞིན་དུ་གྲུབ་ཅེས་པ་ལྟ་བུ། |
| ཐེ་བོ |
རྫོང་ཞིག་ ཀླུ་ཆུའི་སྟོད་རྒྱུད་དུ་ཡོད། |
| ཐེ་བྱུས |
ཐེ་ཇུས་དང་འདྲ། |
| ཐེ་བྲང |
ཡི་དྭགས་ཀྱི་རིགས་ཤིག |
| ཐེ་མཁན |
ཇུས་མེད་ཇུས་གཏོགས་བྱེད་མཁན། |
| ཐེ་མི་ཐེ |
གཏོགས་མི་གཏོགས་ཞེས་པའི་དོན་ཏེ། (དཔེར་ན།) ལས་དོན་འདི་ལ་ཐེ་མི་ཐེ་སྣ་ཚོགས་ཡོད་ཅེས་པ་ལྟ་བུ། |
| ཐེ་མི་ཚོམ |
ཐེ་ཚོམ་མེད་པ། |
| ཐེ་ཙོམ |
(བརྡ་རྙིང་།) ཡིད་གཉིས་སམ། སོམ་ཉི་བློ་རྩེ་གཉིས། |
| ཐེ་ཚོགས |
ཇུས་གཏོགས་ཀྱི་དོན་ཏེ། (དཔེར་ན།) དོན་མེད་ཐེ་ཚོགས་བྱེད་མི་རུང༌ལྟ་བུ། |
| ཐེ་ཚོམ |
བློ་རིག་བདུན་གྱི་ནང་གསེས། རང་ཡུལ་ལ་བློ་རྩེ་གཉིས་སུ་འཇུག་པའི་ཉོན་མོངས་ཅན་གྱི་ཤེས་པ། དཔེར་ན། སྒྲ་རྟག་གམ་མི་རྟག་སྙམ་པ་དང༌། དུ་ལྡན་གྱི་ལ་ལ་མེ་ཡོད་དམ་མེད་སྙམ་པ་ལྟ་བུ་སྟེ་རྩ་ཉོན་དྲུག་གི་ཡ་གྱལ་ཞིག་ཀྱང་ཡིན་ནོ། ཐེ་ཚོམ་སྤུ་ཙམ་མེད་པ། འཐུས་མིན་གྱི་ཐེ་ཚོམ་སྐྱེ་བ། དགོངས་སྐོར་ཞུས་ནས་ཐེ་ཚོམ་གཅོད་པ། ཐེ་ཚོམ་འདྲི་བ། ཐེ་ཚོམ་བསལ་བ། ལས་དོན་ཆེན་པོ་འདི་འགྲུབ་ཨེ་ཡོང་སྙམ་པའི་ཐེ་ཚོམ་བྱེད་པ། ཐེ་ཚོམ་མངོན་དུ་རྒྱུ་བ། ཐེ་ཚོམ་བག་ལ་ཉལ་བ། དོན་འགྱུར་བའི་ཐེ་ཚོམ། དོན་མི་འགྱུར་བའི་ཐེ་ཚོམ། མིང་གི་རྣམ་གྲངས་ལ་ནེམ་ནུར་དང༌། འཕྱང་མོ་ཉུག་མ་ངེས། ཡིད་གཉིས། སོམ་ཉི་བཅས་སོ། ། |
| ཐེ་ཚོམ་གྱི་གྱོད་གཞི |
དོགས་གནད་བསལ་རྒྱུར་བསྡད་པའི་ཁ་མཆུའི་རིགས། |
| ཐེ་ཚོམ་གྱི་དཔེ |
དཔེའི་རྒྱན་གྱི་ནང་གསེས་ཤིག་ཕན་ཚུན་མཚུངས་ཆོས་ཧ་ཅང་འདྲ་ཆེས་པས་དཔེ་དོན་སོ་སོར་ངོས་མ་ཟིན་པར་སེམས་ཐེ་ཚོམ་དུ་གྱུར་ཚུལ་སྟོན་པའི་རྒྱན་ཞིག |
| ཐེ་ཚོམ་གྱིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་དབྱེ་བ་མི་ཕྱེད་པའི་ཐེ་ཚོམ་གྱི་དོན་གཉིས། འགོག་བྱེད་དངོས་ཡོད་ཀྱི་རྒྱུ་མཚན་ཡང་དག་གི་སྒོ་ནས་སོ་སོར་ངེས་པ་རྙེད་ནས་ཅིག་ཤོས་འགོག་པའི་རྒྱན་ཞིག |
| ཐེ་ཚོམ་དྲ་བ |
ཐེ་ཚོམ་དྲ་བའི་གཟུགས་སུ་བཀོད་པ། |
| ཐེ་ཚོམ་ཕུལ་བྱུང |
ཕུལ་བྱུང་གི་རྒྱན་གྱི་ནང་གསེས་ཤིག་འཇིག་རྟེན་གྲགས་ཚོད་ལ་འབྱུང་མི་སྲིད་པའི་ཐེ་ཚོམ་གྱི་གཞི་ཕུལ་བྱུང་སྟོན་པའི་རྒྱན་ཞིག |
| ཐེ་ཚོམ་ཟ་བ |
བློ་མཐའ་གཉིས་སུ་དོགས་པའི་དོན་ཏེ། (དཔེར་ན།) བདེན་ནམ་མི་བདེན་སྙམ་དུ་ཐེ་ཚོམ་ཟ་ལྟ་བུ། |
| ཐེ་ཚོམ་ལ་འཇུག་པའི་ན |
ས་བོན་འདི་བཏབ་ན་སྐྱེའམ་མི་སྐྱེ་ཞེས་པའི་ན་ཡིག་ལྟ་བུ། |
| ཐེ་ཚོམ་ལ་འཇུག་པའི་སྒྲ |
དོན་གྱི་ཁྱད་པར་ལ་བརྟག་ཅིང་དྲི་བ་ལ་འཇུག་པའི་ཕྲད་གཞན་དབང་ཅན་གམ་སོགས་བཅུ་གཅིག (དཔེར་ན།) ཁྱེད་ལ་སྨྱུ་གུ་ཡོད་དམ་ཞེས་པ་ལྟ་བུ། |
| ཐེ་ཚོམ་ལོག་གེ་བ |
ཡིད་གཉིས་བྱེད་བཞིན་པ་སྟེ། (དཔེར་ན།) འགྲོ་དང་མི་འགྲོའི་སྐོར་ད་དུང་ཐེ་ཚོམ་ལོག་གེ་བར་བསྡད་ཡོད་ཅེས་པ་ལྟ་བུ། |
| ཐེ་རེག |
(བརྡ་རྙིང་།) བྱུས་ཁོངས་སུ་ཐེ་ཚུད། |
| ཐེ་སེ |
(རྒྱ་སྐད།) ས་བདག་ཅིག་གི་མིང༌། |
| ཐེག |
1.བཏེག་གི་ད་ལྟ་བ། (དཔེར་ན།) ལམ་ལ་ཐེག་གིན་འདུག ལམ་ལ་ཐེག་མཁན་ལྟ་བུ། 2.བཏེགས་ཀྱི་སྐུལ་ཚིག་གི་འབྲི་ཚུལ་གཞན། 3.ནུས་པའམ་བཟོད་སྲན་གྱི་དོན་ཏེ། (དཔེར་ན།) ནད་ལྕི་བས་མི་ཐེག ཁུར་བོ་ཆེ་བས་མི་ཐེག་ལྟ་བུ། |
| ཐེག་ཆུང |
ཐེག་པ་ཆུང་བ་ཉན་རང་གི་ཐེག་པ |
| ཐེག་ཆུང་སྐྱེས་བུ |
ཉན་ཐོས་པ་དང་རང་རྒྱལ་བ། |
| ཐེག་ཆེན |
ཐེག་པ་ཆེན་པོའི་བསྡུས་མིང༌། |
| ཐེག་ཆེན་གཉིས |
ཕ་རོལ་ཏུ་ཕྱིན་པའི་ཐེག་པ་དང༌། གསང་སྔགས་རྡོ་རྗེ་ཐེག་པ་གཉིས། |
| ཐེག་ཆེན་གདམས་ངག |
ཤེར་ཕྱིན་དོན་བདུན་ཅུའི་ནང་གསེས། བླ་མེད་རྫོགས་བྱང་དུ་སེམས་བསྐྱེད་པའི་གང་ཟག་གིས་དོན་དུ་གཉེར་བྱའི་ལམ་དང་འབྲས་བུའི་ཆོས་རྣམས་འཐོབ་པར་བྱེད་པའི་ཐབས་མ་ནོར་བར་སྟོན་པའི་རྗོད་བྱེད། |
| ཐེག་ཆེན་གསོ་སྦྱོང |
རྟེན་ཁྱིམ་པ་དང་རབ་བྱུང་གང་རུང་གིས་ཡུལ་སོ་ཐར་སྡོམ་ལྡན་ནམ་རྟེན་གྱི་དྲུང་ནས། ཀུན་སློང་བྱང་ཆུབ་སེམས་ཀྱིས་ཆོ་ག་སྔར་བྱོན་པའི་སངས་རྒྱས་བྱང་སེམས་ཀྱི་རྣམ་ཐར་གྱི་རྗེས་སུ་བསླབ་པའི་ཁས་ལེན་ལན་གསུམ་བྱས་ཏེ་དགེ་བ་གསོ་ཞིང༌། སྡིག་པ་སྦྱོང་བར་བྱེད་པའོ། ། |
| ཐེག་ཆེན་གསོ་སྦྱོང་གི་སྡོམ་པ |
བསམ་པ་བྱང་ཆུབ་སེམས་བསྐྱེད་ཀྱི་རྩིས་ཟིན་པའི་སྦྱོར་བ་བསྙེན་གནས་ཡན་ལག་བརྒྱད་པ་བསྲུང་ཞིང་ཤ་བཟའ་བ་སྤངས་པའོ། ། |
| ཐེག་ཆེན་གྱི་ངེས་འབྱེད་ཆ་མཐུན |
ཐབས་ཀྱིས་ཁྱད་པར་དུ་བྱས་པའི་སེམས་དཔའི་དོན་མངོན་རྟོགས་ཏེ། ཐར་པ་ཆ་མཐུན་རྫོགས་རྗེས་སུ་བྱུང་བའི་མངོན་རྟོགས་ཀྱི་རིགས་སུ་གནས་ཤིང་བདེན་པ་མངོན་རྟོགས་དང་རྗེས་སུ་མཐུན་པའི་ཐེག་ཆེན་འཇིག་རྟེན་པའི་ལམ་དེའོ། ། |
| ཐེག་ཆེན་གྱི་ཐར་པ་ཆ་མཐུན |
ཤེར་ཕྱིན་དོན་བདུན་ཅུའི་ནང་གསེས། རྣམ་མཁྱེན་རང་རྒྱུད་ལ་སྒྲུབ་པར་མཁས་པའི་སེམས་དཔའི་རྒྱུད་ཀྱི་ཆོས་མངོན་རྟོགས་སོ། ། |
| ཐེག་ཆེན་གྱི་བཀའ་བསྡུ |
སངས་རྒྱས་མྱ་ངན་ལས་འདས་པའི་བདུན་གཅིག་སོང་རྗེས་རྒྱལ་པོའི་ཁབ་ཀྱི་ལྷོ་ཕྱོགས་བི་མ་སམྦྷ་བའི་རི་ལ་རྒྱལ་སྲས་འབུམ་ཕྲག་བཅུ་འདུས་ཏེ་འཇམ་དཔལ་གྱིས་མངོན་པ་དང༌། བྱམས་པས་འདུལ་བ། ཕྱག་ན་རྡོ་རྗེས་མདོ་སྡེ་བཅས་བསྡུས་པར་གྲགས་སོ། ། |
| ཐེག་ཆེན་གྱི་བསམ་གཏན་བཞི |
བྱིས་པ་ཉེར་སྤྱོད་ཀྱི་བསམ་གཏན་དང༌། དོན་རབ་འབྱེད་པའི་བསམ་གཏན་དང༌། དེ་བཞིན་ཉིད་དམིགས་བསམ་གཏན་དང༌། དེ་བཞིན་གཤེགས་པའི་དགེ་བ་བསམ་གཏན་བཅས་བཞིའོ། ། |
| ཐེག་ཆེན་གྱི་རིགས |
1.སེམས་བདེན་གྲུབ་ཀྱིས་སྟོང་པ། 2.འཚང་རྒྱ་རུང་གི་ནུས་པ། |
| ཐེག་ཆེན་གྱི་རིགས་ཅན |
རིགས་ཅན་གསུམ་གྱི་ཡ་གྱལ་ཞིག་གནས་ལུགས་ཟབ་མོའི་དོན་ལ་མི་སྐྲག་ཅིང༌། སྙིང་རྗེ་ཆེན་པོས་གཞན་དོན་ལྷུར་ལེན་པར་སྤྲོ་བའི་རིགས་ཅན། |
| ཐེག་ཆེན་གྱི་རྣལ་འབྱོར་མངོན་སུམ |
བྱང་ཕྱོགས་ཀྱི་ཆོས་སོ་བདུན་མངོན་དུ་བརྙེས་ཤིང་བདག་མེད་གཉིས་མངོན་སུམ་དུ་རྟོགས་པའི་བྱང་སེམས་མཐོང་སྒོམ་གྱི་མཉམ་བཞག་ཡེ་ཤེས་དང་སངས་རྒྱས་ཀྱི་རྣམ་མཁྱེན་རྣམས་སོ། ། |
| ཐེག་ཆེན་གྱི་ལམ |
ཐེག་ཆེན་གྱི་བྱང་ཆུབ་ཏུ་བགྲོད་པར་བྱེད་པའམ། དེར་བགྲོད་ཟིན་པ་གང་རུང་གིས་བསྡུས་པའི་ཐེག་ཆེན་གྱི་མཁྱེན་པ་དེའོ། ། |
| ཐེག་ཆེན་གྱི་ལམ་ལྔ |
བྱང་ཆུབ་སེམས་དཔའི་ལམ་ལྔ་ཐེག་ཆེན་གྱི་ཚོགས་ལམ་དང༌། སྦྱོར་ལམ། མཐོང་ལམ། སྒོམ་ལམ། མི་སློབ་ལམ། |
| ཐེག་ཆེན་གྱི་སེམས་བསྐྱེད་བཞི |
མོས་པས་སྤྱོད་པ་དང༌། ལྷག་བསམ་དག་པ། རྣམ་པར་སྨིན་པ། སྒྲིབ་པ་སྤངས་པའི་སེམས་བསྐྱེད་བཅས་བཞིའོ། ། |
| ཐེག་ཆེན་ངེས་འབྱེད་ཆ་མཐུན |
ཤེར་ཕྱིན་དོན་བདུན་ཅུའི་ནང་གསེས། སེམས་ཅན་ལ་དམིགས་པའི་རྣམ་པ་ཁྱད་པར་བ་དང་ལྡན་ཞིང༌། སྒོམ་བྱུང་གཙོ་བོར་གྱུར་པའི་མོས་སྤྱོད་ཀྱི་ཡེ་ཤེས་སོ། ། |
| ཐེག་ཆེན་ཆོས་རྗེ་ཀུན་བཀྲས་པ |
ས་སྐྱའི་བླ་མ་ཆོས་རྗེ་ཀུན་དགའ་བཀྲ་ཤིས་རྒྱལ་མཚན་འདི་ཉིད་རབ་བྱུང་དྲུག་པའི་ས་མོ་གླང་ལ་འཁྲུངས། རང་ལོ་རེ་བཞི་པ་རབ་བྱུང་བདུན་པའི་ཆུ་མོ་སྦྲུལ་ལ་གོང་མའི་མདུན་དུ་བྱོན་ནས་ལོ་གཉིས་བཞུགས། ཏཱ་མིང་རྒྱལ་པོས་ཐེག་ཆེན་ཆོས་ཀྱི་རྒྱལ་པོར་མཚན་གསོལ། ཤིང་སྦྲུལ་ལོ་ལ་འདས། |
| ཐེག་ཆེན་ཐར་པ་ཆ་མཐུན |
ཤེར་ཕྱིན་དོན་བདུན་ཅུའི་ནང་གསེས། བླ་མེད་བྱང་ཆུབ་ཏུ་བགྲོད་པའི་ལམ་གང་ཞིག་རྣམ་བྱང་དབང་པོའི་ངོ་བོར་མ་གྱུར་པའི་གནས་སྐབས་ཀྱི་ལམ་མོ། ། |
| ཐེག་ཆེན་པ |
ཐེག་ཆེན་སེམས་བསྐྱེད་རྒྱུད་ལྡན་གྱི་གང་ཟག |
| ཐེག་ཆེན་པ་གཉིས |
ཐེག་ཆེན་དུ་རིགས་ངེས་མ་ངེས་གཉིས་དང༌། ཡང་ན་རྒྱུ་ཕ་རོལ་ཏུ་ཕྱིན་པ་དང༌། འབྲས་བུ་རྡོ་རྗེ་ཐེག་པ་བ་གཉིས་སོ། ། |
| ཐེག་ཆེན་པའི་ལམ་གཉིས |
བསམ་པ་སེམས་བསྐྱེད་དང༌། སྤྱོད་པ་ཕྱིན་དྲུག |
| ཐེག་ཆེན་མཐོང་ལམ |
ཤེར་ཕྱིན་དོན་བདུན་ཅུའི་ནང་གསེས། ཟག་མེད་སྒོམ་ལམ་མ་སྐྱེས་གོང་གི་བདག་མེད་གཉིས་རྟོགས་པའི་འཇིག་རྟེན་ལས་འདས་པའི་ཡེ་ཤེས། |
| ཐེག་ཆེན་ཚོགས་ལམ |
བསྐལ་པ་གྲངས་མེད་གསུམ་དུ་ཚོགས་གཉིས་མཐའ་ཡས་པ་བསགས་ནས་རྣམ་མཁྱེན་རང་རྒྱུད་ལ་བསྒྲུབ་པ་ལ་མཁས་པའི་སེམས་དཔའི་རྒྱུད་ཀྱི་ཆོས་མངོན་རྟོགས། |
| ཐེག་ཆེན་སེམས་བསྐྱེད |
ཤེར་ཕྱིན་དོན་བདུན་ཅུའི་ནང་གསེས། དམིགས་པ་སེམས་ཅན་ཐམས་ཅད་ལ་དམིགས་ནས་རྣམ་པ་སྡུག་བསྔལ་རྒྱུ་འབྲས་གཉིས་དང་བྲལ་ནས་བདེ་བ་རྒྱུ་འབྲས་གཉིས་དང་ལྡན་པ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱའོ་སྙམ་པའི་སྙིང་རྗེས་གཞན་དོན་ལ་དམིགས་པའི་ཟུར་དང༌། ཤེས་རབ་ཀྱིས་རྫོགས་བྱང་ལ་དམིགས་པའི་ཟུར་ཏེ་ཟུར་གཉིས་སམ་དོན་གཉིས་ལྡན་པའི་སེམས་བསྐྱེད་དོ། ། |
| ཐེག་ཆེན་སྐྱེས་བུ |
བྱང་ཆུབ་སེམས་དཔའ། |
| ཐེག་ཆེན་སྒོམ་ལམ |
ཐེག་ཆེན་གྱི་རྗེས་ལ་མངོན་རྟོགས། |
| ཐེག་ཆེན་སྒྲུབ་པ |
ཐེག་ཆེན་སེམས་བསྐྱེད་ལ་བརྟེན་ནས་བླ་མེད་བྱང་ཆུབ་ཀྱི་ཆེད་དུ་དོན་གཉིས་སྒྲུབ་པའི་བྱ་བ། |
| ཐེག་ཆེན་སྒྲུབ་པའི་ཆེད་དུ་བྱ་བ |
བྱང་སེམས་གང་གི་ཆེད་དུ་སྒྲུབ་པར་འཇུག་པའི་འཐོབ་བྱ་མཐར་ཐུག་པ་སངས་རྒྱས་ཀྱི་ཐུགས་རྒྱུད་ཀྱི་སེམས་ཆེན་པོ་བྱང་ཆུབ་ཀྱི་སེམས་དང༌། སྤོང་བ་ཆེན་པོ་མི་གནས་པའི་མྱང་འདས། རྟོགས་པ་ཆེན་པོ་སྟོང་ཉིད་མངོན་སུམ་དུ་རྟོགས་པའི་མཁྱེན་པ་ལྟ་བུ་རྣམས་སོ། ། |
| ཐེག་ཆེན་སྦྱོར་ལམ |
རང་རྒྱུ་ཐེག་ཆེན་ཚོགས་ལམ་གྱི་རྗེས་སུ་སྐྱེས་པའི་ཐེག་ཆེན་གྱི་དོན་མངོན་རྟོགས། |
| ཐེག་དམན |
ཐེག་པ་དམན་པ་སྟེ་ཉན་རང་གི་ཐེག་པ། |
| ཐེག་དམན་དགྲ་བཅོམ་པ་གཉིས |
ཉན་ཐོས་ཀྱི་མི་སློབ་པ་དང༌། རང་སངས་རྒྱས་ཀྱི་མི་སློབ་པ། |
| ཐེག་དམན་པ |
ཉན་རང་གི་གང་ཟག |
| ཐེག་དམན་ས་བརྒྱད |
དཀར་པོ་རྣམ་པར་མཐོང་བའི་ས་དང༌། རིགས་ཀྱི་ས། བརྒྱད་པའི་ས། མཐོང་བའི་ས། བསྲབས་པའི་ས། འདོད་ཆགས་དང་བྲལ་བའི་ས། བྱས་པ་བསྲུང་བའི་ས། བྱས་པ་རྟོགས་པའི་ས་སྟེ་བརྒྱད། |
| ཐེག་དམན་སྡེ་པ་བཅོ་བརྒྱད |
ཉན་ཐོས་སྡེ་པ་བཅོ་བརྒྱད་དང་དོན་གཅིག |
| ཐེག་པ་གཅིག་པ |
མཐར་ཐུག་ངེས་དོན་སྙིང་པོའི་ཐེག་པ་སྟེ་འབྲས་བུའི་ཐེག་པའོ། ། |
| ཐེག་པ་གཉིས |
1.ཐེག་ཆེན་དང༌། ཐེག་ཆུང༌། 2.རྒྱུ་མཚན་ཉིད་ཀྱི་ཐེག་པ་དང༌། འབྲས་བུ་སྔགས་ཀྱི་ཐེག་པ། |
| ཐེག་པ་གསུམ |
ཉན་ཐོས་ཀྱི་ཐེག་པ། རང་རྒྱལ་གྱི་ཐེག་པ། བྱང་སེམས་ཀྱི་ཐེག་པ་སྟེ་གསུམ། |
| ཐེག་པ་ཆུང་ངུ |
ཉན་རང་གི་ལམ། |
| ཐེག་པ་ཆུང་ངུ་པ་གཉིས |
ཉན་ཐོས་ཀྱི་ཐེག་པ་བ་དང༌། རང་རྒྱལ་གྱི་ཐེག་པ་བ། |
| ཐེག་པ་ཆེན་པོ |
བྱང་ཆུབ་སེམས་དཔའི་ཐེག་པ་ཐེག་དམན་ཉན་རང་ལས་ཆེན་པོ་བདུན་གྱིས་འཕགས་པས་ཐེག་པ་ཆེན་པོ་ཞེས་བྱའོ། ། |
| ཐེག་པ་ཆེན་པོ་རྒྱུད་བླ་མའི་བསྟན་བཅོས |
བྱམས་ཆོས་སྡེ་ལྔའི་ནང་གསེས། ཐེག་པ་ཆེན་པོའི་རྒྱུད་ཕྱི་མ་དེ་བཞིན་གཤེགས་པའི་སྙིང་པོ་སྟོན་པར་བྱེད་པའི་མདོ་ཟབ་མོ་རྣམས་ཀྱི་དགོངས་པ་འགྲེལ་བའི་བསྟན་བཅོས། པཎྜི་ཏ་སཛྫ་ན་དང༌། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་པའོ། ། |
| ཐེག་པ་རིམ་པ་དགུ |
ཉན་ཐོས་རང་རྒྱལ་བྱང་སེམས་ཏེ་མཚན་ཉིད་སྡེ་གསུམ་མམ་ཕྱི་ཀུན་འབྱུང་འདྲེན་པའི་ཐེག་པ་གསུམ། ཀྲི་ཡ་ཨུ་པ་ཡོ་ག་སྟེ་ཕྱི་རྒྱུད་སྡེ་གསུམ་མམ་གསང་བ་དབང་བསྒྱུར་ཐབས་ཀྱི་ཐེག་པ་གསུམ་སྟེ་རྙིང་མའི་ཐེག་པ་རིམ་པ་དགུའོ། ། |
| ཐེག་པ་རིམ་འཛེག |
གོ་རིམ་མ་འཚོལ་བར་འགྲོ་བ། སློབ་གྲྭ་ཆུང་འབྲིང་ཆེ་གསུམ་ལ་ཐེག་པ་རིམ་འཛེག་གིས་འགྲོ་བ། |
| ཐེག་པའི་དབང་པོ |
(མངོན་བརྗོད།) རྟ་དང་དྲེའུ། |
| ཐེག་མཆོག་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག་གསང་ཆེན་ངེས་པའི་རྒྱུད་བཅུ་བདུན་རྩ་བར་བཞག་སྟེ་མན་ངག་བརྒྱ་དང་བཅུ་དགུའི་དོན་འགྲེལ་རྒྱ་ཆེར་བཤད་པ་སྐབས་ཉི་ཤུ་རྩ་ལྔ་པའི་བདག་ཉིད་ཅན་གྱི་གཞུང༌། དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། ། |
| ཐེག་ཚད |
འཁྱོག་ཚད། |
| ཐེགས |
1.ལམ་དུ་སོང་བའི་དོན་དུ་གོ་བའི་བཏེག་པའི་སྐུལ་ཚིག (དཔེར་ན།) ལམ་ལ་ཐེགས་ཤིག་ལྟ་བུ། 2.བཏེགས་ཀྱི་འབྲི་ཚུལ་གཞན། |
| ཐེང་གེ་རི་ནོའུར |
(རྒྱ་སྐད།) གནམ་མཚོ། |
| ཐེང་པོ |
གློ་ནད་ཐེང་པོ་ལ་ལྟོས། |
| ཐེང་བོ |
འཐེང་བོ་ཡི་འབྲི་ཚུལ་གཞན་ཏེ། འཐེང་ལ་ལྟོས། |
| ཐེངས |
1.ལན་གྲངས་ཀྱི་མིངས་སྟེ། (དཔེར་ན།) ཚོགས་ཆེན་ཐེངས་དང་པོ། ད་ཐེངས། ཐེངས་རྗེས་མ། ཐེངས་གསུམ་ཞེས་པ་སོགས་ལྟ་བུ། 2.ཐིངས་ཀྱི་འབྲི་ཚུལ་གཞན། |
| ཐེངས་པ |
(བྱེད་མེད་ལས་ཚིག) ཐེང་བའི་འདས་པ། གྲངས་ཚད་སླེབས་པ་དང་། རྫོགས་པའམ་ཚང་བའི་དོན་ཏེ། (དཔེར་ན།) མི་འབོར་ཐེངས་པ། དུས་སྒོ་ཐེངས་པ། བསྙེན་ཆེན་ཐེངས་པ་ཞེས་པ་ལྟ་བུ། འདི་ལ་ཐིངས་ཞེས་ཀྱང་འབྲི། |
| ཐེངས་མང |
ལན་མང་པོའི་དོན་ཏེ། (དཔེར་ན།) ནོར་འཁྲུལ་ཐེངས་མང་བྱུང་བ། ཐེངས་མང་མཐོང་ལྟ་བུ། |
| ཐེངས་འགའ |
ལན་ཁ་ཤས་ཀྱི་དོན་ཏེ། (དཔེར་ན།) ཐེངས་འགའ་ཙམ་མ་ཡིན་པ་ཞེས་པ་ལྟ་བུ། |
| ཐེད |
1.གཅན་གཟན་གྱིས་བསད་པའི་སྲོག་ཆགས་ཀྱི་རོ་ལྷག་མ། (དཔེར་ན།) རི་དྭགས་ཐེད་རོ། བུ་ལོན་ལྷག་མ་དགྲ་བོའི་ཐེད་ཅེས་པ་ལྟ་བུ།2.(བྱེད་མེད་ལས་ཚིག) ལྭ་བ་སོགས་རལ་བའི་དོན་ཏེ། (དཔེར་ན།) སྒྱེ་ཐེད་ནས་ལྷན་པ་བསླན་ལྟ་བུ། 3.(རྒྱན་ཚིག) རལ་བའི་རྣམ་པ་སྟེ། (དཔེར་ན།) སྒྱེ་ཐེད་པོ། ཤོག་བུ་ཐེད་པོ། རས་ཐེད་ཅེས་པ་ལྟ་བུ། 4.(བསྣན་ཚིག) མཁོ་བ་མེད་པའམ་གཅེས་སྤྲས་མི་བྱེད་པའི་དོན་ཏེ། (དཔེར་ན།) ཐེད་ལ་བོར། ཐེད་ལ་འཕངས་ལྟ་བུ། 5.ཡུལ་སྐད་ལ་ལར་གཅན་གཟན་གྱིས་བསད་པའི་སྲོག་ཆགས་ཀྱི་ཤི་རོ་ལ་ཐེད་ཟེར་བའང་ཡོད། 6.དེད་ཀྱི་སྐུལ་ཚིག (དཔེར་ན།) ལུག་ཐེད་ཅིག ཁལ་མ་ཐེད་ཅིག་ལྟ་བུ། |
| ཐེད་པོ |
(ཡུལ་སྐད།) རྙིང་པ་དང་རལ་པོའི་དོན་ཏེ། (དཔེར་ན།) གྱོན་པ་ཐེད་པོ་ཞེས་པ་ལྟ་བུ། |
| ཐེད་བོར |
1.ཡལ་བར་བོར་བའམ། མཐོང་ཆུང༌། 2.ལྷག་རོ་གཡུགས་པ། |
| ཐེད་ལ་བསྐྱུར་བ |
ཡལ་བར་དོར་བ། |
| ཐེན |
(བྱེད་མེད་ལས་ཚིག) བརྩེ་དུང་ཆེ་བའམ་ཆགས་ཞེན་ཆེ་བའི་དོན་ཏེ། (དཔེར་ན།) མིང་སྲིང་ཕན་ཚུལ་ཐེན་གཉེན་ལ་ཐེན། དགྲ་ལ་སྡང་ཞིང་གཉེན་ལ་ཐེན་ལྟ་བུ། |
| ཐེན་ཀའོ |
(རྒྱ་སྐད།) ཨ་རག་གི་བུམ་རྫའི་ཁར་འཇོག་རྒྱུའི་ཟངས་ཀྱི་སྣོད་ཅིག |
| ཐེན་ཀྲུའུ |
(རྒྱ་སྐད།) བོད་མདོ་ཁམས་ཤར་རྒྱུད་ཀྱི་བོད་རིགས་འདུས་སྡོད་རྫོང་ཞིག |
| ཐེན་ཅེར |
ཐེན་ཆེར་དང་འདྲ། |
| ཐེན་ཆེར |
(བརྡ་རྙིང་།) གཏན་དུའམ། རྒྱུན་པར་རམ། རྟག་ཏུ། |
| ཐེན་པ |
(བརྡ་རྙིང་།) ཞེན་པ་དང༌། ཆགས་པའི་དོན་ཏེ། (དཔེར་ན།) ཁྱིམ་ལ་ཐེན་ཞིང་འདུག་ཅེས་པ་ལྟ་བུ། |
| ཐེབ |
1.ཐེབས་དང་འདྲ། 3.མཐེབ་ཀྱི་འབྲི་ཚུལ་གཞན། |
| ཐེབ་པ |
ཐེབས་པའི་ད་ལྟ་བ་དང་མ་འོངས་པའི་འབྲི་ཚུལ་གཞན་ཞིག |
| ཐེབ་ཙེ |
སྡེར་མ་ཆུང་ངུའི་མིང་། (དཔེར་ན།) ཟངས་ཀྱི་ཐེབ་ཙེ་ཞེས་པ་ལྟ་བུ། |
| ཐེབ་རྩེ |
(རྒྱ་སྐད།) སྣོད་ཆས་ཆུང་གྲས་ཤིག |
| ཐེབས |
ཕུགས་ཀྱི་དམིགས་རྟེན། (དཔེར་ན།) མཆོད་ཐེབས། གཏོང་ཐེབས་ཞེས་པ་ལྟ་བུ། |
| ཐེབས |
1.(བྱེད་མེད་ལས་ཚིག) ཕོག་པའམ་འགོས་པ་ (དཔེར་ན།) ལུས་ལ་ནད་ཀྱིས་མ་ཐེབས། དྲི་བ་ལ་ལན་ཐེབས་སོང་། ལན་བཏབ་ཀྱང་མ་ཐེབས་ལྟ་བུ། 2.ཡོ་བྱད་བརྟན་པོ་བྱེད་སྤྱད་ཀྱི་མིང་། (དཔེར་ན།) ཅོག་ཙེ་ལ་ཐེབས་འཇོག་ཅེས་པ་ལྟ་བུ། 3.དུས་ཡུན་ཐུང་ཐུང་གི་མིང་། (དཔེར་ན།) ཐེབས་ཅིག་ལ་བྱ་རྒྱུ་མ་བརྙེད་ཅེས་པ་ལྟ་བུ། |
| ཐེབས་ཆག |
བེད་སྤྱོད་རྒྱུར་གོ་ཚོད་ཙམ་ཞིག་ཏུ་གྱུར་པའི་ངན་ངོན་དང༌། ཡག་པོ་མ་ཡིན་པའི་དོན་ཏེ། (དཔེར་ན།) ལྟོ་གོས་ཐེབས་ཆག་ཙམ་ལས་མེད། ཐབས་ཆས་ཐེབས་ཆག་ཙམ་ཞིག་གྲ་བསྒྲིགས་པ། མི་དེ་ཐེབས་ཆག་ཐེབས་ཆག་རེད། སྡོད་ཁང་ཐེབས་ཆག་ཅིག་ལས་མེད་ཅེས་པ་ལྟ་བུ། |
| ཐེབས་ཆི |
(ཡུལ་སྐད།) གོས་ཀྱི་ཨམ་ཕྲག་སོགས་སུམ་བྱེད་ཀྱི་སྒྲོག་བུ། |
| ཐེབས་ཇ |
ཞིང་ལ་སོན་བཏབ་ཟིན་མཚམས་སུ་འཚོགས་པའི་དགའ་སྟོན། |
| ཐེབས་པ |
(བྱེད་མེད་ལས་ཚིག) ཕོག་པའི་དོན་ཏེ། (དཔེར་ན།) ཞིང་ལ་ས་བོན་ཐེབས་བཞག ནད་ཀྱིས་ཐེབས་པ། དུས་ཚོད་གང་འཚམས་ཤིག་ལ་ངའི་ལག་པར་ཐེབས་ཡོང༌ཞེས་པ་ལྟ་བུ། |
| ཐེབས་པད |
བྱ་སྒྲོ་སོགས་ལས་བཟོས་པའི་རྐང་རྩེད་ཀྱི་རྩེད་ཆས་ཤིག |
| ཐེབས་བཅག |
ལག་ཐོགས་པོ་བཟོས་པ་སྟེ། (དཔེར་ན།) བློ་མི་འདྲ་བ་བཀལ་ནས། ཐེབས་ཆུ་འདྲ་བ་བཅག་བྱུང༌ལྟ་བུ། |
| ཐེབས་རེ |
1.ཐེངས་རེའམ། སྐབས་རེ། 2.ཅུང་ཟད་ཀྱི་དོན་ལ་འཇུག (དཔེར་ན།) ཇ་ཐེབས་རེ་སྤྲོད་ཅེས་པ་ལྟ་བུ། |
| ཐེབས་རྩ |
མཆོད་རྒྱུན་གཏོང་ཐེབས་ཀྱི་མ་རྩ། |
| ཐེབས་རྩའི་མ་རྐང |
གཏོང་རྩའམ། ཚོང་རྩའི་མ་འབོར། |
| ཐེབས་རྩིས་ལ་ཕྱིན་པ |
ཚོང་པ་ཧ་ལོག་ནས་དངོས་རྫས་ཡོད་ཚད་བུན་བདག་ལ་བུ་ལོན་གྱི་དོད་དུ་བརྩིས་ཏེ་སྤྲད་པའི་དོན། |
| ཐེབས་ལུང |
གྱོན་པ་སོགས་སུམ་བྱེད་ཀྱི་སྲོག་ལུང༌། |
| ཐེབས་སྦྱར |
ཐེབས་རྩ་བཞག་པ། |
| ཐེབས་སྦྱར་ལས་ཁུངས |
སྔར་དགའ་ལྡན་ཕོ་བྲང་སྲིད་གཞུང་གི་མཆོད་རྒྱུན་གྱི་མ་ཐེབས་འཇོག་སའི་ལས་ཁུངས་ཤིག |
| ཐེམ |
1.ཐེམས་ཀྱི་འབྲི་ཚུལ་གཞན། 2.ཐེམ་པ་ཡི་ཚིག་བསྡུས་པ། |
| ཐེམ་ཁ |
སྒོའི་ཐེམ་པའི་སྟེང༌། |
| ཐེམ་ཁུང |
སྒོའི་ཐེམ་པའི་འོག་གི་ཁུང་བུ། |
| ཐེམ་ཐོ |
སྡོད་ཁང་གི་སྒོ་གྲངས་ཡི་གེ། |
| ཐེམ་དུད |
ཁྱིམ་དུད་དང༌། ཁྱིམ་ཚང༌གི་མིང་སྟེ། (དཔེར་ན།) རྒྱ་ཁྱབ་ཏུ་དྲིལ་བསྒྲགས་བྱས་ནས་ཐེམ་དུད་ཚང་མར་གསལ་པོར་ཤེས་སུ་འཇུག་དགོས་ལྟ་བུ། |
| ཐེམ་དེབ |
མི་ཚང་ཐེམ་པ་གང་ཡོད་ཀྱི་ཐོ་བཀོད་པའི་དེབ་ཡིག |
| ཐེམ་པ |
དབྱིབས་འབུར་དུ་ཐོན་པའི་སྟེགས་བུ་ལྟ་བུའི་མིང་། (དཔེར་ན།) སའི་ཐེམ་པ། བྲག་གི་ཐེམ་པ། བྲག་ཐེམ་ཞེས་པ་ལྟ་བུ། |
| ཐེམ་པའི་སྒང་གི་བྱིའུ |
ངེས་མེད་ཀྱི་དཔེ། (དཔེར་ན།) ནད་པ་གསོན་དང་མི་གསོན་ཐེམ་པའི་སྒང་གི་བྱིའུ་ལྟར་གནས་ཡོད་ཅེས་པ་ལྟ་བུ། |
| ཐེམ་པའི་སྒང་གི་རིལ་མ |
ངེས་མེད་ཀྱི་དཔེ། (དཔེར་ན།) འགྲུལ་པ་འགྲོ་དང་མི་འགྲོ་ཐེམ་པའི་སྒང་གི་རིལ་མ་ལྟར་ད་ལྟ་ཏན་ཏན་མི་འདུག་ཅེས་པ་ལྟ་བུ། |
| ཐེམ་བུ |
1.སྐས་ཀྱི་གདང་བུ། 2.ཆང་གི་རྫ་མའི་གཤམ་གྱི་ཨི་ཁུང་གི་དོན་དུ་གོ་བའི་ཐིམ་བུའི་འབྲི་སྲོལ་གཞན་ཞིག |
| ཐེམ་བུ་ཁ |
གྲེ་བར་སྨན་འདེབས་བྱེད་ཀྱི་ཡོ་བྱད་སྨན་ཐུར་ཞིག |
| ཐེམ་བྱང |
སྒོའི་ཡ་ཐེམ་གྱི་མིང་བྱང་ཡི་གེ། |
| ཐེམ་འབེན |
(ཡུལ་སྐད།) ཤིང་ལ་ཐོག་མར་རྒྱག་བྱེད་ཀྱི་འབུར་ལེན། |
| ཐེམ་ཡིག |
ཁྱིམ་གྲངས་ཀྱི་ཐོ་ཡིག་གི་མིང་། |
| ཐེམ་རིམ |
སྐས་ཀྱི་གདང་བུའི་རིམ་པ། |
| ཐེམ་རྨང |
སྒོའི་ཐེམ་པའི་རྩ་བ། |
| ཐེམ་རྩ |
སྒོའི་ཐེམ་པའི་རྨང་གཞི། |
| ཐེམ་རྫོང |
མདོ་སྨད་མཚོ་སྔོན་ཡུལ་གྱི་རྫོང་ཞིག་མཚོ་སྔོན་པོའི་ནུབ་འགྲམ་དུ་ཡོད། |
| ཐེམ་སྐས |
1.འཛེག་སྐས་ཏེ། (དཔེར་ན།) ཁང་པའི་ཐེམ་སྐས། ལྷ་གནས་བགྲོད་པའི་ཐེམ་སྐས་ཞེས་པ་ལྟ་བུ། མིང་གི་རྣམ་གྲངས་ལ་སྟེང་འགྲོ་ཅན་དང་འཛེག་སྐས་སོ། །2.སྒོའི་ཐེམ་པའི་ཕྱི་ནང་དུ་བཙུགས་པའི་སྐས་འཛེག་ཐུང་ཐུང༌། |
| ཐེམ་སྐས་ཐེམ་པ |
འཛེག་སྐས་ཀྱི་བང་རིམ། |
| ཐེམ་སྤང |
1.རང་གི་སྡོད་ཁང་གི་སྒོའི་ཕྱིར་གྱར་དུ་མི་འཇུག་པའི་མན་ངག་སོགས། 2 བོད་ཀྱི་ལྷོ་ཁ་ས་ཁུལ་ཁོངས་མཚོ་སྣ་རྫོང་གི་ས་ཆ་མོན་ཡུལ་སྦྲང་ནང་ཚོ་དྲུག་གི་ནང་ཚན་ཞིག་ཡུལ་དེའི་ནགས་ཁྲོད་ཅིག་མཁའ་འགྲོ་མ་འགྲོ་བ་བཟང་མོའི་འཁྲུངས་ས་ཡིན་སྐད། |
| ཐེམས |
(བྱེད་མེད་ལས་ཚིག) ཐོབ་པ་སྟེ། (དཔེར་ན།) ཤིང་ཏོག་དགུ་མི་གསུམ་ལ་བགོས་ན་མི་རེ་ལ་གསུམ་རེ་ཐེམས། སྐལ་ཐེམས། ད་ལོ་མི་རེ་ལ་འབྲུ་ཅི་ཙམ་ཐེམས་ལྟ་བུ། |
| ཐེམས་པ |
འཐེམ་པའི་འདས་པ། |
| ཐེའུ |
1.དམ་ཕྲུག 2.མེ་ཏོག་ཁ་མ་འབུས་པ། 3.ཐོ་བ་ཆུང་ཆུང༌གི་དོན་ཏེ། རྡོ་ཐེའུ། |
| ཐེའུ་ཆུ |
(རྒྱ་སྐད།) གནའ་རབས་ཀྱི་ས་མིང་ཞིག་དེང་སྐབས་ཀན་སུའུ་ཞིང་ཆེན་གྱི་ལིན་ཐན་རྫོང༌། |
| ཐེའུ་ཆུང |
མིའི་ལག་པའི་མཛུབ་ཆུང་གི་མིང་། |
| ཐེའུ་རང |
མཁའ་ལ་རྒྱུ་བའི་འབྱུང་པོའམ། ཡི་དྭགས་ཀྱི་རིགས་ཤིག |
| ཐེའུ་རང་ལག་པ |
དབང་པོ་ལག་པ་མཆོག་དམན་རིགས་གཉིས་ཀྱི་ནང་ཚན་དམན་པ་ཞིག |
| ཐེར |
1.ཕྱུགས་ཀྱི་ལྟོ་ངོས་ཀྱི་སྤུ་མེད་པའམ་སྤུ་ཉུང་ས་དེའི་མིང་། (དཔེར་ན།) ཐེར་ཁུག པགས་པའི་ཐེར་བསབས་ལྟ་བུ། 2.སྤུ་མེད་པའམ་སྒྲིབ་གཡོགས་མེད་པའི་རྗེན་པའི་མིང་། (དཔེར་ན།) སྐྱི་ཐེར་ཞེས་པ་ལྟ་བུ། |
| ཐེར་གཟན |
ཐེར་མས་བཟོས་པའི་གྲྭ་ཆས་ཀྱི་ནང་ཚན་ཞིག |
| ཐེར་གེ |
(སོག་སྐད།) ཤིང་རྟ་འཁོར་ལོ། |
| ཐེར་ཐག |
ཐེར་གེའི་ཐག་པའམ། ཁལ་དོ་སྡོམ་བྱེད་ཀྱི་ཐག་པ། |
| ཐེར་ཐེར |
(རྒྱན་ཚིག) སྣོད་ཁ་ཡངས་པའི་དོན་ཏེ། (དཔེར་ན།) ཁ་ཐེར་ཐེར་བྱས་ནས་གད་མོ་དགོད། ཇ་དམ་ཁ་ཐེར་ཐེར། ཀོང་ཀོང་མིན་པའི་ཚལ་སླང་ཐེར་ཐེར་ལྟ་བུ། |
| ཐེར་པོ |
1.སླ་ང་སོགས་སྣོད་སྤྱད་ཁ་ཡངས་པ། 2.རང་བྱུས་བཞག་ནས་གཞན་བྱུས་ལ་ཐེ་གཏོགས་བྱེད་མི། 3.སྒྲིབ་བྱེད་མེད་པའི་རྗེན་གཅེར་ཏེ། (དཔེར་ན།) སྐྲ་མེད་སྤྱི་ཐེར། རྩྭ་ཤིང་མེད་པའི་ས་ཐེར་ཞེས་པ་ལྟ་བུ། |
| ཐེར་ཕྲུག་འཇམ་གོས |
བོད་རང་ནས་ཐོན་པའི་སྣམ་གོས་འཇམ་ལེགས། |
| ཐེར་བག |
(ཡུལ་སྐད།) བཟའ་ཆས་སྒྲིག་སའི་སྡེར་མ་ཞབས་ར་ཅན་ཞིག |
| ཐེར་བོ |
ཡོས་སོགས་རྔོད་བྱེད་ཀྱི་སླ་ངའི་མིང་། |
| ཐེར་མ |
བལ་ལས་བཏགས་པའི་གོས་རྒྱུ་སྲབ་མོ་ཞིག (དཔེར་ན།) རྩེད་ཐེར། གཙང་ཐེར། སྙེ་ཐེར། རོང་ཐེར་ཞེས་པ་ལྟ་བུ། |
| ཐེར་ཟུག |
འགྱུར་བ་མེད་པའི་དོན་ཏེ། (དཔེར་ན།) འཇིག་རྟེན་ཁམས་ན་འགྱུར་མེད་ཐེར་ཟུག་གི་དངོས་པོ་མེད་ཅེས་པ་ལྟ་བུ། |
| ཐེར་ཟུག་ཐེར་ཟུག |
རྟག་པ་རྟག་པའམ། བརྟན་པ་བརྟན་པའི་དོན་ཏེ། (དཔེར་ན།) འདུས་མ་བྱས་ཀྱི་ཆོས་རྣམས་ཐེར་ཟུག་ཐེར་ཟུག་ཏུ་གནས་སོ། ། |
| ཐེར་ཟུག་པ |
བརྟན་པའམ། རྟག་པ། |
| ཐེར་འདོན |
ཁེར་རྐྱང་ཟུར་འདོན་གྱི་དོན་ཏེ། (དཔེར་ན།) ཉེས་ཅན་གྱི་སྐྱོན་ཐེར་འདོན་བྱེད་པ། ཐེར་འདོན་དག་འབུད། བྱས་ཉེས་ཐེར་འདོན་དག་འབུད་བྱེད་ཅེས་པ་ལྟ་བུ། |
| ཐེར་འབུམ |
དུང་ཕྱུར་བཅུ་ནི་ཐེར་འབུམ་གཅིག་ཡིན། |
| ཐེར་འབུམ་ཆེན་པོ |
ཐེར་འབུམ་བཅུ་ཐམ་པ། |
| ཐེར་རྫུན |
ཐེར་མ་རྫུན་མའམ། ཐེར་འདྲ། |
| ཐེར་སྐུད |
བལ་གྱི་སྐུད་པ་ཕྲ་པོ། |
| ཐེར་སྲབ |
ཐེར་མ་སྲབ་པོ། |
| ཐེལ |
དམ་ཕྲུག ཐེལ་རྒྱག་པ། |
| ཐེལ་ཁ |
ལུས་ཀྱི་གསང་གནས་ཤིག |
| ཐེལ་གཏོང་ལུང་སྒྱུར |
ཐམ་འཛིན་གཏོང་བ་དང༌། བཀའ་ལུང་སྒྱུར་བ། |
| ཐེལ་མ |
(ཡུལ་སྐད) སྦུད་པའི་མིང་། |
| ཐེལ་ཙེ |
དམ་ཕྲུག་གི་དོན་ཏེ། (དཔེར་ན།) ཁ་ལ་ཐེལ་ཙེ་བརྒྱབ་ཅེས་པ་ལྟ་བུ། |
| ཐེལ་ཙེ་ལག་སྐོར |
མི་མང་པོས་ཐུན་མོང་དུ་གན་རྒྱ་འཇོག་སྐབས་ཚང་མས་རང་མིང་བཀོད་དེ་ཕབ་པའི་ཐེའུ། |
| ཐེལ་ཚེ |
ཐེལ་ཙེ་དང་འདྲ། |
| ཐེལ་ཚེ་འགོག་པ |
ཐེལ་ཚེའི་རྒྱ་བཤིག་པ། |
| ཐེལ་ཚེས་མནན་པ |
ཐེལ་ཚེའི་རྒྱས་བཏབ་པ། |
| ཐེལ་རྩེ |
ཐམ་གའི་མིང་། (དཔེར་ན།) ཐེལ་ཚེ་ཡང་ཟེར། |
| ཐེས |
ཐེ་ཡི་འབྲི་ཚུལ་གཞན། |
| ཐེས་མེད་པ |
(བརྡ་རྙིང་།) དགོས་པ་མེད་པ། |
| ཐོ |
1.མི་བརྗེད་པའི་ཆེད་བཀོད་པའི་ཡིག་དེབ། (དཔེར་ན།) མིང་ཐོ། ཟིན་ཐོ། བརྗེད་ཐོ། ཉིན་ཐོ་ཞེས་པ་ལྟ་བུ། 2.རྟགས་བརྡ་མཚོན་བྱེད་དེ། (དཔེར་ན།) རྡོ་ཐོ། མཚམས་ཐོ་ཞེས་པ་ལྟ་བུ། |
| ཐོ་ཀོར |
1.ཉེ་འདབས་སམ་འཁྲིས། 2.ཁོར་ཡུག |
| ཐོ་ཁྲ |
དངོས་རྫས་དང་འགྲོ་སྒོ་ཡོང་སྒོ་ཡི་གེར་བཀོད་པའི་རེའུ་མིག་གི་མིང་། |
| ཐོ་གཞུང |
བྱ་བ་དང་དངོས་པོའི་ཐོ་བསྟར་ཆགས་སུ་བཀོད་པའི་ཡིག་ཆ་སྟེ། (དཔེར་ན།) རྫོང་གི་གཏོང་ཡོང་བྱེད་སྒོ་རྣམས་སྔར་གྱི་ཐོ་གཞུང་གཞིར་བཟུང་ནས་བྱས་ཡོད་ཅེས་པ་ལྟ་བུ། |
| ཐོ་གར་མདའ་དཔོན |
སྔར་མཉྫུའི་རྒྱལ་རབས་ཀྱི་དམག་མིའི་འགོ་བྱེད་ཀྱི་གོ་མིང་མཐོ་བ་ཞིག |
| ཐོ་ཅོ |
1.སྤྱོད་པ་རྩིང་པོ་དང་མ་བརྟགས་མ་དཔྱད་པའི་ཚུལ་མིན་གྱི་སྤྱོད་པ་སྟེ། (དཔེར་ན།) ཐོ་ཅོའི་རྩིང་སྤྱོད་བྱས་ལྟ་བུ། 2.དོན་མེད་བཞད་གད་སློང་བའི་ཅ་ཅོ་སྟེ། (དཔེར་ན།) བག་མེད་ཐོ་ཅོའི་སྤྱོད་པས་མི་ལ་སུན་པོ་མ་བྱེད་ཅིག་ལྟ་བུ། 3.གནས་ལུགས་དང་མི་བསྟུན་པའམ་ཉེན་ཁར་མི་འཛེམ་པ་སྟེ། (དཔེར་ན།) ནད་གཞི་ལ་སྨན་བཅོས་ཐོ་ཅོ་མ་བྱེད་ཅེས་པ་ལྟ་བུ། |
| ཐོ་ཆེན |
མགར་བས་ལྕགས་ཆེ་བ་རྡུང་བྱེད་དང༌། ཆུང་བ་རྡུང་སྐབས་འོག་སྟན་དུའང་རུང་བ་ཞིག |
| ཐོ་ཆོ |
ཐོ་ཅོ་དང་འདྲ། |
| ཐོ་ཐུག་པ |
1.གློ་བུར་གདོང་ཐུག་པ། 2.ཕན་ཚུན་དངོས་ར་འཕྲོད་པ། 3.ཐུག་རེག་པ། |
| ཐོ་ཐོ |
ཐུག་རེག་གི་དོན་ཏེ། (དཔེར་ན།) ཁྱོད་རང་གིས་ཐོ་ཐོ་མ་གཏོང་ཨང༌། མར་འགྱེལ་ཡོང༌ཞེས་པ་ལྟ་བུ། |
| ཐོ་ཐོ་རི་གཉན་བཙན |
ལྷ་ཐོ་ཐོ་རི་གཉན་བཙན། |
| ཐོ་ཐོ་རི་སྙན་ཤལ |
ལྷ་ཐོ་ཐོ་རི་གཉན་བཙན་གྱི་མཚན་གཞན་ཞིག |
| ཐོ་པོ |
1.ས་རྡོ་སོགས་ཀྱིས་མིའི་དབྱིབས་ལྟ་བུར་བརྩིགས་པའི་ཐོ་པོ། 2.ས་མཚམས་སྟོན་བྱེད་ཀྱི་རྡོ་ཕུར། |
| ཐོ་ཕྱི |
ཉེ་འཁོར་དང་ཉེ་ལོགས། |
| ཐོ་ཕྲུག |
(ཡུལ་སྐད།) ཐོ་བ་ཆུང་ཆུང༌། |
| ཐོ་བ |
དངོས་རྫས་རྡུང་བྱེད་ཀྱི་ཡོ་བྱད་ཅིག་གི་མིང་། (དཔེར་ན།) ལྕགས་ཀྱི་ཐོ་བ་ཤིང་གི་ཐོ་བ་ཞེས་པ་ལྟ་བུ། |
| ཐོ་བ་ར་མགོ |
ལྕགས་གཟེར་འདོན་བྱེད་ཀྱི་ཐོ་བ་ཞིག |
| ཐོ་བཙམས་པ |
མཐོ་འཚམ་པ་དང་འདྲ། |
| ཐོ་བཤེར |
ཡི་གེར་བལྟས་ནས་ཚང་མིན་བཤེར་བ་སྟེ། (དཔེར་ན།) གཞུང་དངོས་ཐོ་བཤེར་བྱས། མི་མིང་ཐོ་བཤེར་བྱེད་ཅེས་པ་ལྟ་བུ། |
| ཐོ་མཆོད |
ཐོ་ཡོར་ལྷར་མོས་ནས་དེ་ལ་མཆོད་གཏོར་འབུལ་བའི་ཆོ་ག་ཞིག |
| ཐོ་འགོད |
ཐོ་ཡིག་འདྲི་བ་སྟེ། (དཔེར་ན།) ཞིབ་བཤེར་གྱིས་ཐོ་འགོད་ཅེས་པ་ལྟ་བུ། |
| ཐོ་འགོད་རེའུ་མིག |
མིང་ཐོ་སོགས་འགོད་སའི་རེའུ་མིག་གི་རི་མོ། |
| ཐོ་འཕག |
(ཡུལ་སྐད།) ཐོ་བའི་བྱེ་བྲག་ཅིག |
| ཐོ་འཚམ་པ |
མཐོ་འཚམ་པ་དང་འདྲ། |
| ཐོ་འཚམས་པ |
གནོད་འཚེ་དང་བརྙས་བཅོས་བྱེད་པའི་བརྡ་རྙིང་། |
| ཐོ་ཡིག |
བརྗེད་ཐོའི་ཡི་གེ་སྟེ། (དཔེར་ན།) དོན་གནད་དྲན་གསོའི་ཐོ་ཡིག་འགོད་ཅེས་པ་ལྟ་བུ། |
| ཐོ་ཡོར |
ས་རྡོ་བརྩེགས་པའི་ཐོ་སྟེ། (དཔེར་ན།) ཐོ་ཡོར་ལ་མི་གཟུགས་བཅོས་ལྟ་བུ། |
| ཐོ་ཡོར |
1.གཅན་གཟན་སོགས་དཀྲོགས་ཆེད་དུ་བརྩེངས་པའི་ཐོ་རིགས་ཤིག་གི་མིང་། 2.མི་བརྗེད་པའི་ཆེད་དུ་ལས་དོན་ཡི་གེར་བཀོད་པའི་དེབ་དང་ཤོག་བྱང་གི་མིང་། (དཔེར་ན།) ཐོ་ཡིག བརྗེད་ཐོ། མིང་ཐོ། ཟིན་ཐོ་ཞེས་པ་སོགས་ལྟ་བུ། |
| ཐོ་རངས |
1.ནམ་ལང་ཁའི་དུས་ཀྱི་མིང་། (དཔེར་ན།) ཐོ་རངས་མལ་ལས་ལངས་ལྟ་བུ། 2.ནམ་ལང་ཁའི་ཤར་ཕྱོགས། མཁའ་དབྱིངས་ཀྱི་ཉི་མའི་སྣང་བ་ཆུང་ངུའི་མིང་། |
| ཐོ་རངས་སྐར་ཆེན |
ཐོ་རངས་འཆར་བའི་སྐར་ཆེན་ཏེ་གཟའ་པ་སངས། |
| ཐོ་རི་སྙན་ཤལ |
སྔར་བོད་ཀྱི་ཆོས་རྒྱལ་ལྷ་ཐོ་ཐོ་རི་གཉན་བཙན་གྱི་མཚན་གཞན་ཞིག |
| ཐོ་རིལ |
ཐོ་བ་དབྱིབས་རིལ་རིལ། |
| ཐོ་རུ |
ལོ་གཅིག་ཡན་ནས་ལོ་བཞི་མན་གྱི་རྟའི་མིང་། ཚིག་བསྡུས་ན་ཐོར་ཞེས་འབྲི་ཆོག |
| ཐོ་རེ་བ |
(རྒྱན་ཚིག) ཐར་རེ་ཐོ་རེ་བར་མཚམས་ཆེ་བའི་དོན་ཏེ། (དཔེར་ན།) ཤིང་སྡོང་ཐོ་རེ་བ། རྒྱ་སྲང་ན་མི་ཐོ་རེ་བ་ཙམ་མ་གཏོགས་མེད་ལྟ་བུ། |
| ཐོ་རེ་ལོང་ངེ་བ |
(རྒྱན་ཚིག) ཐར་ཐོར་དང་ཆེར་མི་གསལ་བའི་དོན་ཏེ། (དཔེར་ན།) ལོ་རྒྱུས་ཐོ་རེ་ལོང་ངེ་བ་ཞིག་ལས་བཤད་རྒྱུ་མི་འདུག་ཅེས་པ་ལྟ་བུ། |
| ཐོ་རེངས |
ཐོ་རངས་དང་འདྲ། |
| ཐོ་ལུམ |
ཐུ་ལུམ་དང་འདྲ། |
| ཐོ་ལེ |
(རྒྱན་ཚིག) གློ་བུར་གྱི་དོན་ཏེ། (དཔེར་ན།) འགྱོད་སེམས་ཐོ་ལེར་བྱུང་ལྟ་བུ། |
| ཐོ་ལེ་ཀོར |
ཐོག་ལ་རི་མོ་དང་ཡི་གེ་སྦྱང་བ་བྱེད་ཆོག་པའི་རྡོ་ནག་པོ་ཞིག |
| ཐོ་ལོག |
(རྒྱན་ཚིག) རྟ་དང་དྲེའུ་སོགས་གཟུགས་བོངས་ཐུང་བ་དང་ཆུང་ངུ་སྟེ། (དཔེར་ན།) རྟ་ཐོ་ལོག དྲེའུ་ཐོ་ལོག་ཅེས་པ་ལྟ་བུ། |
| ཐོ་སོ |
(སོག་སྐད།) མར། |
| ཐོ་སྐོར |
ཐོ་ཀོར་དང་འདྲ། |
| ཐོག |
1.གློག་རྫས་རིགས་མི་མཐུན་པ་ཡོད་པའི་སྤྲིན་ཕུང་གཉིས་ཐུག་ནས་གློག་འཁྱུག་པ་ལས་བྱུང་བའི་སྒྲ་ཆེན་པོའི་མིང་སྟེ། (དཔེར་ན།) ཆར་ཤ་འོངས་ནས་ཐོག་བརྒྱབ་ལྟ་བུ། ཡོངས་གྲགས་ལ་འབྲུག་གྲག་ཟེར། མིང་གི་རྣམ་གྲངས་ལ་ལྕེ་སྙིང་མེད་དང༌། ལྕེ་འབབ་པ། ལྕེ་འབར་བ། ཆད་ཉམས། ཆུ་འཛིན་སྐྱེས། ཆུ་ལས་འབར། ཆུས་མི་ཉམས། རྡོ་རྗེའི་ཆར་པ། རྡོ་རྗེའི་ཟེགས་མ། ནམ་མཁའི་ཐོ་བ། གནམ་ལྕགས། སྤྲིན་གྱི་མེ་བོ་ཆེ། སྤྲིན་གྱི་ཟེར་འཕྲོ་བ། སྤྲིན་གྱི་འོད་ཟེར། འཕྲོ་འཇོམས། འབིགས་བྱེད། མེ་ཆར། རི་འཇོམས་བཅས་སོ། །2.འོག་གི་ལྡོག་ཟླའི་མིང་སྟེ། (དཔེར་ན།) ཁང་ཐོག སྟེགས་ཐོག ཐོག་ཁེབས་ཞེས་པ་ལྟ་བུ།3.ཕྱི་ངོས་ཀྱི་མིང་སྟེ། (དཔེར་ན།) རྟའི་བརླ་ཐོག་གི་ཆུ། རྔ་ཐོག་གི་སྲན་མ། རྨ་ཐོག་གི་མེ་བཙའ་ཞེས་པ་ལྟ་བུ།4.དུས་སམ་དེ་མ་ཐག་པའི་དོན་ཏེ། (དཔེར་ན།) བཞོས་ཐོག་གི་འོ་མ་དྲོན་མོ། ཁོལ་མ་ཁོལ་ཐོག ལོ་ལྔ་བཅུའི་ཐོག དབྱར་ཐོག དགུན་ཐོག་ཅེས་པ་ལྟ་བུ། 5.གནས་ཀྱི་དོན་ཏེ། (དཔེར་ན།) སྟོན་མོའི་སྟོན་ཐོག་ལ་སོང་། ཚོགས་འདུའི་ཚོགས་ནས་གཏམ་བཤད་ཅེས་པ་ལྟ་བུ། 6.འབྲས་བུའི་མིང་། (དཔེར་ན།) སྟོན་ཐོག ཤིང་ཐོག་ཅེས་པ་ལྟ་བུ།7.ཐོག་མ་ཡི་ཚིག་བསྡུས་པ། |
| ཐོག་ཁ |
ཁང་པའི་ཐོག་སྟེང༌། (དཔེར་ན།) ཁ་བ་བབས་ན་ཐོག་ཁར་འབབ། འགྲུལ་པ་ཡོང་ན་སྒོ་རྩར་ཡོང༌ལྟ་བུ། |
| ཐོག་ཁང |
1.ཁང་རྩེག་གི་མིང་། 2.སྟེང་ཁང་གི་མིང་། |
| ཐོག་ཁེབས |
1.ཐོག་གཡོགས། 2.གནམ་གདན། |
| ཐོག་གཅིག་མ |
ཁང་པ་ཐོག་བརྩེགས་གཅིག་ལས་མེད་པ། |
| ཐོག་གཡབ |
མདུན་དུ་གྱང་སོགས་མེད་པའི་ཐོག་ཁེབས། |
| ཐོག་གཡོགས |
སྟེང་གཡོགས་སམ། བླ་གབ། |
| ཐོག་གུ |
(བརྡ་རྙིང་།) འབྲས་བུ་དང་ཤིང་ཐོག |
| ཐོག་ཐག |
འགོ་ནས་མཇུག་བར་རམ། བར་མཚམས་མེད་པ་ཐམས་ཅད་ཀྱི་དོན་ཏེ། (དཔེར་ན།) མཚན་ཐོག་ཐག་ཏུ་བསྒུགས་པ། ལམ་གྱི་ཐོག་ཐག་ཚང་མར་བདེ་བགྲོད་བྱུང༌། མཚན་ཐོག་ཐག་ཏུ་ངུ་ཞིང་བསྡད་ཅེས་པ་ལྟ་བུ། |
| ཐོག་ཐོག |
1.(རྒྱན་ཚིག) རྡོ་ལ་ཐོ་བ་བརྒྱབ་པའི་སྐད་ལྟ་བུ་སྒྲའི་ཁྱད་པར་ཞིག 2.(བརྡ་རྙིང་།) དང་པོ། |
| ཐོག་དཔངས |
ཁང་པའི་ནང་ལོགས་མཐོ་ཚད་ཀྱི་དོན་ཏེ། (དཔེར་ན།) ཐོག་དཔངས་མཐོན་པོ། ཐོག་དཔངས་དམའ་པོ་ཞེས་པ་ལྟ་བུ། |
| ཐོག་དྲངས |
གཙོ་བོར་བྱས་པའི་དོན་ཏེ། (དཔེར་ན།) ཁོ་རང་གིས་ཐོག་དྲངས་པའི་མི་ལྔ་བརྒྱ་ཐམ་པ། རྟ་གཅིག་གིས་ཐོག་དྲངས་ནས་རྟ་མང་པོ་བཤར། བཟོ་པས་ཐོག་དྲངས་པའི་ངལ་རྩོལ་མི་དམངས་ཞེས་པ་ལྟ་བུ། |
| ཐོག་དྲུང |
དུས་རིང་བ་དང་ཉེ་བ་སྟེ། (དཔེར་ན།) ཐོག་དྲུང་རིམ་པ་དབྱེར་མ་མཆིས་ཞེས་པ་ལྟ་བུ། |
| ཐོག་པང |
1.ཁང་པའི་ནང་ངོས་སུ་པང་ལེབ་བསྒྲིགས་པའི་ཐོག 2.(ཡུལ་སྐད།) ཚེམ་བུ་འཁོར་ལོའི་སྒང་གི་ལག་གདན་གྱི་ཤིང༌། |
| ཐོག་ཕིབས |
ཁང་པའི་ཐོག་ཁེབས། |
| ཐོག་བརྩེགས |
ཁང་ཐོག་ཁང་བརྩེགས། |
| ཐོག་བརྩེགས་ཁང་ཆེན |
ཐོག་སོ་རིམ་པ་མང་པོ་བརྩེགས་པའི་ཁང་པ་ཆེན་པོ། |
| ཐོག་བརྫི |
1.བརྙས་བཅོས། 2.རྐྱེན་ངན་ལ་མི་རྩི་བར་རང་འདོད་ལྟར་ཐད་རྒྱག་ཏུ་འགྲོ་བ། |
| ཐོག་བུ |
(བརྡ་རྙིང་།) འབྲས་བུ། |
| ཐོག་བོར |
(བརྡ་རྙིང་།) ཐོག་ཉམས་པ། |
| ཐོག་མ |
1.འགོ་མའི་དོན་ཏེ། (དཔེར་ན།) གཏམ་གྱི་ཐོག་མ། ཡི་གེའི་ཐོག་མ་ཞེས་པ་ལྟ་བུ། 2.མིང་མཐའ་བསྡུས་ན་ཐོག་ཅེས་འབྲི་ཆོག (དཔེར་ན།) དང་ཐོག བསྐལ་བ་ཡ་ཐོག་ཅེས་པ་ལྟ་བུ། |
| ཐོག་མ་དང་ཐ་མ་མེད་པ |
དང་པོ་དང་མཐའ་མའི་ངེས་གཟུང་མེད་པ། |
| ཐོག་མ་དང་ཐ་མ་མེད་པ་སྟོང་པ་ཉིད |
སྟོང་ཉིད་བཅུ་དྲུག་གི་ནང་གསེས་ཤིག་འཁོར་བ་ལ་ཐོག་མ་དང་ཐ་མ་ཞེས་བྱ་བ་དང༌། འདས་མ་འོངས་ད་ལྟ་གསུམ་གྱི་དངོས་པོ་མེད་པའོ། ། |
| ཐོག་མ་མེད་པ |
དང་པོ་འདི་ཡིན་བརྗོད་དུ་མེད་པ། |
| ཐོག་མཐའ |
གོང་འོག་གམ། ཐོག་མ་དང་མཐའ་མ། ཐོག་མཐའ་འགྱུར་མེད། |
| ཐོག་མཐའ་བར་གསུམ |
སྔ་ཕྱི་བར་གསུམ་ཏེ། (དཔེར་ན།) ཐོག་མཐའ་བར་གསུམ་དུ་འབད་བརྩོན་ལྷོད་མེད། ཐོག་མཐའ་བར་གསུམ་དུ་དགེ་བ་ཞེས་པ་ལྟ་བུ། |
| ཐོག་མདའ |
ཐོག་སྟེ། (དཔེར་ན།) བར་སྣང་ཁམས་ཀྱི་ཐོག་མདའ་དེ། བབ་ན་གར་བབ་རྩ་བརླག་གཏོང༌ཞེས་པ་ལྟ་བུ། |
| ཐོག་མདེལ |
གནམ་ལྕགས། |
| ཐོག་མའི་ཉིན་ཚད |
ཁྱིམ་དེར་སླེབས་མཚམས་ཀྱི་ཉིན་མོའི་ཡུན་ཚད། |
| ཐོག་མའི་བྱེད་པོ |
(མངོན་བརྗོད།) རྒྱུའམ་ས་བོན། |
| ཐོག་མའི་མ་རིག་པ |
བདག་ཏུ་རྨོངས་པའི་མ་རིག་པ། |
| ཐོག་མའི་མགོན་པོ |
(མངོན་བརྗོད།) 1>དུས་འཁོར། 2>དང་པོའི་སངས་རྒྱས་དང་ཀུན་ཏུ་བཟང་པོ། |
| ཐོག་མའི་མཐའ་མེད་པ |
དང་པོའི་ཡ་མཐའ་ཐུག་པ་མེད་པ། |
| ཐོག་མའི་རི |
(མངོན་བརྗོད།) ཤར་རི། |
| ཐོག་མའི་ལོ་མ |
གསར་དུ་ཁ་འབུས་པའི་ཤིང་ལོ། |
| ཐོག་མའི་སྐར་མ |
1.ལས་ཀའི་འགོ་འཛུགས་ཀྱི་སྐར་མ། 2.རྒྱུ་སྐར་ཉེར་བརྒྱད་ཀྱི་དང་པོའི་སྐར་མ། 3.སྐར་མ་ཞིག |
| ཐོག་མར་སྐྱེས་པ |
(མངོན་བརྗོད།) 1>བྲམ་ཟེ། 2>གཅེན་པོ་གཅེན་མོ་རྒན་ཤོས། |
| ཐོག་མེད |
ཐོག་གཡབ་མེད་པ། |
| ཐོག་མེད་དུས |
ཡེ་ཐོག་མའམ་སྔོན་མཐའ་མེད་པའི་དུས་ཏེ། (དཔེར་ན།) ང་ནི་ཐོག་མེད་དུས་ནས་ཁྱོད་ཀྱི་མགོན་ཞེས་པ་ལྟ་བུ། |
| ཐོག་མེད་ཟློས་གར་འཁྲབ་ར |
ཐང་སྡེར་ལྟ་བུའི་ཟློས་གར་དོ་ར། |
| ཐོག་ཚད་མ |
མཐོ་དམན་ཁང་པ་ཐོག་ཚད་གཅིག་ཙམ་ལོངས་པའི་དོན་ཏེ། (དཔེར་ན།) སྐུ་འདྲ་ཐོག་ཚད་མ། མཆོད་རྟེན་ཐོག་ཚད་མ་ཞེས་པ་ལྟ་བུ། |
| ཐོག་ཟློག |
1.ཐོག་གི་གནོད་པ་སེལ་བ། 2.རྡོ་དཀར་ཁྲ་མིན། |
| ཐོག་འདམ |
ཁང་པའི་ཐོག་ལ་རྒྱག་རྒྱུའི་འདམ་པ། |
| ཐོག་འབུབས་པ |
ཁང་པའི་ཐོག་འགེབས་པ། |
| ཐོག་ཡོལ |
1.ཐོག་ལྡེབས་ཀྱི་ཡོལ་བ། 2.བླ་བྲེ། |
| ཐོག་རས |
ནང་ཐོག་ལ་བཀབ་པའི་རས་ཏེ་གནམ་གདན་ཡང་ཟེར། |
| ཐོག་རིམ |
ཐོག་བརྩེགས་ཏེ་ཁང་པའི་ཐོག་གཅིག་གི་སྟེང་དུ་གཅིག་བརྩེགས་ནས་ཕུབ་པའི་རིམ་པའོ། ། |
| ཐོག་རུས |
ཐོག་གིས་བསད་པའི་སེམས་ཅན་གྱི་རུས་པ། |
| ཐོག་རྒོད |
ཐོག་དྲག་པོ། |
| ཐོག་རྒྱག |
1.གློ་བུར་གྱི་དོན་ཏེ། (དཔེར་ན།) དེ་རིང་གློ་བུར་ཐོག་རྒྱག་ཏུ་ཁོ་སླེབས་བྱུང༌ལྟ་བུ། 2.གནམ་ལྕགས་ལྷུང་བའི་དོན་ཏེ། (དཔེར་ན།) མགོ་བོར་ཐོག་རྒྱག་ཅེས་པ་ལྟ་བུ། |
| ཐོག་རྒྱུག |
1.ཁང་ཐོག་གི་དྲལ་ལྕམ་སོགས་ཤིང་ཆ། 2.ཐོག་བབ་པ་ལྟར་མགྱོགས་པོར་མཆོང་རྒྱུག་གིས་འོང་བའི་ཚུལ། |
| ཐོག་རྗེ་ཐོག་བཙན |
ཁྲི་ཐོག་རྗེ་བཙན་དང་དོན་གཅིག་ཁྲི་སྒྲ་དཔུང་བཙན་དང་སྨན་བཟའ་ཀླུ་སྟེང་གཉིས་ཀྱི་སྲས། སྔར་བོད་རྒྱལ་ཉེར་བདུན་པ་སྟེ་བཙན་ལྔའི་ཡ་གྱལ་ཞིག་འདི་དུས་ལྷ་ཡི་རོལ་མོ་གླིང་བུ་བྱུང༌། འདི་ཡན་ལ་ཆབ་སྲིད་སྒྲུང་ལྡེའུ་བོན་གསུམ་གྱིས་བསྐྱངས་པ་ལས་སངས་རྒྱས་ཀྱི་ཆོས་ལུགས་དར་སྲོལ་མ་བྱུང༌། |
| ཐོག་རྡིབ |
ཁང་པའི་ཐོག་ལྷུང་བ། |
| ཐོག་རྡོ |
ཐོག་བརྒྱབ་ཤུལ་གྱི་རྡོ། |
| ཐོག་ལྕགས |
ནམ་མཁའ་ནས་ཐོག་བབ་པ་ལས་བྱུང་བར་གྲགས་པའི་ས་འོག་ཏུ་བསྐལ་པར་ལུས་ཀྱང་བཙའ་ཞུ་སོགས་མ་བྱུང་བའི་ལྕགས་རིགས་ཁ་དོག་དང་གཟུགས་བརྙན་སྣ་ཚོགས་འབྱུང་བ་ཞིག་ནུས་པས་རྩ་དཀར་གྱི་ནད་ལ་ཕན། |
| ཐོག་ལྕོག |
ཁང་ཐོག་ཏུ་ཡོད་པའི་དབུས་དང་ཟུར་གྱི་ལྕོག་ཆུང༌། |
| ཐོག་ལྡན |
(མངོན་བརྗོད།) འབྲུག་སྒྲ། |
| ཐོག་ཤས |
ཞིང་བདག་གིས་ཞིང་འདེབས་མཁན་གྱི་ལོ་ཏོག་བགོ་བཤའ་བྱེད་པའི་འབབ། |
| ཐོག་ཤོག |
ཁང་པའི་ཐོག་ལ་སྦྱར་བའི་ཤོག་བུ། |
| ཐོག་སེར་རྒོད |
གནམ་ལྕགས་དང༌། སེར་བ་དྲག་པོ། |
| ཐོག་སྒྲ |
1.འབྲུག་སྐད་དྲག་པོ། 2.ཁང་པའི་ཐོག་གི་སྒྲ། |
| ཐོགས |
འདོགས་པའི་སྐུལ་ཚིག |
| ཐོགས |
1.བཏགས་པའི་སྐུལ་ཚིག (དཔེར་ན།) རྟ་ཐོགས་ཤིག་ལྟ་བུ། 2.དོན་ལ་མིང་སྦྱར་བའི་དོན་ཏེ། (དཔེར་ན།) བྱིས་པར་མིང་ཐོགས་ལྟ་བུ། 3.བཏོགས་ཀྱི་སྐུལ་ཚིག་སྟེ། (དཔེར་ན།) སིལ་ཏོག་ཐོགས་ཤིག་ལྟ་བུ། |
| ཐོགས་པ |
1.(བྱེད་འབྲེལ་ལས་ཚིག) འཁྱེར་བ་དང༌འཛིན་པའི་དོན་ཏེ། (དཔེར་ན།) དར་ཆ་མཐོན་པོར་ཐོགས་པ། ལག་ཏུ་མཚོན་ཆ་ཐོགས་ནས་འཐབ་འཛིང་གི་གྲ་སྒྲིག་བྱེད་ཅེས་པ་ལྟ་བུ། 2.(བྱེད་མེད་ལས་ཚིག) 1>ཕྱིར་འགྱང་བ་དང༌འགོར་བའི་དོན་ཏེ། (དཔེར་ན།) གློ་བུར་ན་ནས་ཐོགས་སོང༌། ཡུན་རིང་པོ་རང་ཐོགས་མ་སོང༌ལྟ་བུ། 2>ཐུག་རེག་གིས་མ་ཐར་བའི་དོན་ཏེ། (དཔེར་ན།) ཁོན་ཐོགས། ཁོན་ཁོན་ཐོགས་ཐོགས། ལྷགས་པ་གྱང་ལ་ཐོགས་ནས་ཚུར་རྒྱག་མི་ཐུབ། བྱ་འཕུར་ཤེས་ན་གཤོག་སྣེ་བྲག་ལ་མི་ཐོགས། མི་འགྲོ་ཤེས་ན་རྐང་སྣེ་རྡོ་ལ་མི་ཐོགས། རྐང་པ་རྡོ་ལ་ཐོགས་ནས་འགྱེལ་ཞེས་པ་ལྟ་བུ། 3.ཐོན་པའམ་སྐྱེས་པའི་དོན་ཏེ། (དཔེར་ན།) བྱ་ལ་གཤོག་སྒྲོ་ཐོགས། ཁམ་སྡོང་ལ་འབྲས་བུ་ཐོགས་འདུག་ལྟ་བུ། 3.རྡུགས་པ་སྟེ་གཅིག་གི་གོ་སར་གཅིག་རྡུགས་ནས་གཟུགས་ཅན་གཉིས་པ་མི་འབྱུང་བའོ། ། |
| ཐོགས་པ་གསུམ |
མིག་སོགས་ཁམས་བཅོ་བརྒྱད་ལ་བརྟེན་ནས་ཕྱེ་བའི་སྒྲིབ་པའི་ཐོགས་པ་དང༌། ཡུལ་ལ་ཐོགས་པ། དམིགས་པ་ལ་ཐོགས་པ་སྟེ་གསུམ། ། |
| ཐོགས་པ་མེད་པ |
བར་ཆད་མ་མཆིས་པ་དང༌། རྒྱུན་མི་འཆད་པའི་དོན་ཏེ། (དཔེར་ན།) ལམ་བར་ཐོགས་པ་མེད་པ། ཁ་ནས་རྒྱུ་མཚན་ཐོགས་པ་མེད་པ་ཞིག་བཤད་རྒྱུ་འདུག་ཅེས་པ་ལྟ་བུ། |
| ཐོགས་པའི་རེག་པ |
རེག་པའི་ཚོགས་དྲུག་པོ་ལས་མིག་གི་འདུས་ཏེ་རེག་པ་ལ་སོགས་པ་ཐོགས་བཅས་ཀྱི་དབང་པོ་ལྔ་ལ་བརྟེན་པའོ། ། དཔེར་ན་མིག་གི་འདུས་ཏེ་རེག་པ་ནི། མིག་གི་དབང་པོ་དང་གཟུགས་དང་མིག་གི་རྣམ་ཤེས་གསུམ་འདུས་ཏེ་ཡུལ་ཡོངས་སུ་གཅོད་པ་འབྱུང་བ་ལྟར་རོ། ། |
| ཐོགས་བཅས |
ཐོགས་རེག་དང་བཅས་པའི་དངོས་པོ། |
| ཐོགས་མཐའ |
ཐོགས་བཅས་ཀྱི་མཐའ། |
| ཐོགས་མེད |
འཛམ་གླིང་མཛེས་པའི་རྒྱན་དྲུག་གི་ཡ་གྱལ། རྒྱ་ཆེན་སྤྱོད་པའི་སྲོལ་འབྱེད་ཀྱི་ཤིང་རྟ་སློབ་དཔོན་འཕགས་པ་ཐོགས་མེད་ནི། སྟོན་པ་མྱ་ངན་ལས་འདས་ནས་ལོ་དགུ་བརྒྱ་ལྷག་ལོན་ཅིང༌། དུས་རབས་བཞི་པ་ཙམ་ན། བྲམ་ཟེ་མོ་སུ་པྲ་ཀཱ་ཤ་ཤཱི་ལ་ཞེས་པའི་སྲས་སུ་འཁྲུངས། རི་བོ་བྱ་རྐང་དུ་བྱོན་ནས་རྗེ་བཙུན་བྱམས་པ་བསྒྲུབ་པས་ཞལ་དངོས་སུ་མཇལ། ཐེག་པ་ཆེན་པོའི་མདོའི་སྦས་དོན་མངོན་རྟོགས་ཀྱི་རིམ་པ་སྟོན་པའི་བྱམས་ཆོས་སྡེ་ལྔ་མི་ཡུལ་དུ་དྲངས། དེའི་དགོངས་པ་འགྲེལ་བའི་བསྟན་བཅོས་ས་སྡེ་ལྔ་དང༌། སྡོམ་རྣམ་གཉིས་སོགས་མང་དུ་བརྩམས། དབྱིག་གཉེན་སོགས་རྗེས་སུ་བཟུང་ནས་ཆོས་མངོན་པ་དར་བར་མཛད་དོ། ། |
| ཐོང |
ཞིང་རྨོད་བྱེད་ཀྱི་ཁལ་ཅའི་ཤིང་ཡུ་གཉའ་ཤིང་ལ་སྦྲེལ་བ་དེའི་མིང་ལ་བཤོལ་མདའ་ཟེར། བཤོལ་མདའི་སྣེ་ལ་སྤྲད་ཡོད་པའི་ཤིང་གུག་པོ་གྱེན་འགྲེང་དེའི་མིང་ལ་བཤོལ་ཟེར། བཤོལ་གྱི་མར་སྣེ་ས་ལ་ཟུག་པའི་སྣེ་རྣོན་པོ་དེ་ལ་ཐོང་ཟེར། |
| ཐོང་ཀ |
ཐོང་ག་དང་འདྲ། |
| ཐོང་ཁོར |
(བརྡ་རྙིང་།) གོང་བུའམ། གར་བུ། |
| ཐོང་ག |
1.མི་ཕྱུགས་ཀྱི་དཔུང་བ་གཉིས་ཀྱི་མདུན་བར་གྱི་མིང་། (དཔེར་ན།) སྟག་གི་ཐོང་ག་ནས་མ་འཛིན་ལྟ་བུ། ཚིག་བསྡུས་ན་ཐོང་ཞེས་འབྲི་ཆོག་སྟེ། (དཔེར་ན།) དཔའ་བོ་ཐོང་འཛིན། རྟ་ཐོང་ཞེང་ཅན་ཞེས་པ་ལྟ་བུ། 2.ཡུལ་སྐད་ལ་ལར་ས་བོགས་ཀྱི་མིང་ལ་ཐོང་ག་ཟེར། |
| ཐོང་གཤོལ |
1.ཞིང་ཁ་རྨོ་བའི་ཡོ་བྱད་ཅིག (དཔེར་ན།) ཐོང་གཤོལ་བཟུང་ནས་ས་རྒོད་སློག་ལྟ་བུ། མིང་གི་རྣམ་གྲངས་ལ་རྨོ་བྱེད་དང༌། ས་འཇོམས། གཤོལ་བཅས་སོ། །2.རྒྱུ་སྐར་ཞིག |
| ཐོང་ཐོང |
(རྒྱན་ཚིག) མིའི་ན་ཚོད་དམ། ལང་ཚོ་དར་བབ་ཀྱི་དོན་ཏེ། (དཔེར་ན།) ན་ཚོད་ཐོང་ཐོང་གི་སྐབས་སུ་ལུས་སྟོབས་ཆེ་ཞེས་པ་ལྟ་བུ། |
| ཐོང་པ |
1.ལོ་གསུམ་ལོན་པའི་རེའུ་དང་ལུ་གུ་ཕོ། 2.ཞིང་རྨོ་བྱེད་ཀྱི་གཤོལ། |
| ཐོང་བ |
1.སྲོག་ཆགས་ཀྱི་རིགས་ཕྲུ་གུའི་ཚད་ལས་འདས་ཤིང་དར་མའི་ཚད་ལ་མ་བསླེབས་པ་སྟེ། (དཔེར་ན།) ལུག་ཐོང་བ་ཞེས་པ་ལྟ་བུ། ཚིག་བསྡུས་ན་ཐོང་ཞེས་འབྲི་ཆོག་སྟེ། (དཔེར་ན།) ཐོང་བ་དང་འཚེར་མོ་ལ་ཐོང་འཚེར་ཟེར་བ་ལྟ་བུ།2.(བྱེད་མེད་ལས་ཚིག) གཏོང་བ་དང་དོན་མཐུན་པའམ་ནུས་པའི་དོན་དུ་གོ་བའི་ལས་ཚིག་ཅིག (དཔེར་ན།) གཞན་ལ་སྐད་བཏང་ནས་ཐོས་པ་ལ་སྐད་ཐོང་བ་དང༌། སྐད་བཏང་ནས་མ་ཐོས་པ་ལ་སྐད་མ་ཐོང་བ། ཁྲིམས་བཏང་ནས་ཐོང་བ། བསླབ་བྱ་བཏང་ནས་ཐོང་བ་ཞེས་གྲགས་པ་ལྟ་བུ། |
| ཐོང་བཤོལ |
བཤོལ་གྱི་མར་སྣེ། |
| ཐོང་མཁན |
ཞིང་རྨོད་མཁན། |
| ཐོང་མི་བ |
(བརྡ་རྙིང་།) 1>གསོད་པར་འདོད་པ། 2>གཤེད་མ། |
| ཐོང་མྱི |
(བརྡ་རྙིང་།) དགྲ་ཤ་ལེན་པར་ཡོང་མཁན་གྱི་མི། |
| ཐོང་ཚེར |
ལོ་གསུམ་ལོན་པའི་རེའུ་དང་ལུ་གུ་ཕོ་མོ། |
| ཐོང་འཛིན |
1.ས་ཞིང་རྨོད་མཁན། 2.སྔར་བོད་ཀྱི་ལམ་ཡིག་ཐོག་ཏུ་རྟ་ཁལ་སྐུལ་འདེད་ཆོག་འཐུས་རྫོང་དཔོན་གྱིས་བཀོད་པའི་མཆན་འཛིན། |
| ཐོང་འོག |
ལུས་ཀྱི་ཐོང་ག་སྟེ་བྲང་གི་འོག |
| ཐོང་རྩ |
སྐེ་སྟོང་ཙ་ར་ཁུང་ནས་གྱེན་དུ་ཚོན་གང་གཞལ་བའི་སར་ཡོད་པའི་གཏར་རྩ་ཞིག་དེ་གཏར་ན་སྙིང་ལ་ཚ་བ་ཞུགས་པ་དང༌། གློ་ལུ་བ། དབུགས་གཏོང་མི་བདེ་བ་སོགས་ལ་ཕན། |
| ཐོང་རྩེ |
བྲང་ཁོག་གི་མགོ། |
| ཐོང་ལྕགས |
1.ཐོང་གི་སྣེ་ལ་སྤྲད་ཡོད་པའི་ལྕགས་ཟུར་གསུམ་པ་དེའི་མིང་། 2.འདྲུད་འཐེན་འཕྲུལ་འཁོར་གྱིས་ས་སློག་སྐབས་ས་ནང་ལ་ཟུག་པའི་ལྷུ་ལག་དེའི་མིང་། |
| ཐོང་སོ |
གཤོལ་ལྕགས་སམ། ཐོང་ལྕགས་ཀྱི་རྩེ། |
| ཐོངས |
བཏང་བའི་སྐུལ་ཚིག་སྟེ། (དཔེར་ན།) རྟ་ཐོངས་ཤིག་ལྟ་བུ། |
| ཐོད |
1.མགོ་དཀྲི་བྱེད་ཀྱི་རས་སོགས་ཀྱི་མིང་། (དཔེར་ན།) དེ་སྐབས་བོད་དུ་ལ་ཐོད་འཆིང་སྲོལ་ཆེར་མེད་ཅེས་པ་ལྟ་བུ། 2.ཐོག་གམ་སྟེང༌། 3.བཏོད་ཀྱི་སྐུལ་ཚིག་སྟེ། (དཔེར་ན།) སྲོལ་ཐོད་ཅིག་ལྟ་བུ། 4.ཐོད་པ་སྟེ་གདོང་ངོས་ཀྱི་མིག་འབྲས་ཡན་གྱི་མིང་། (དཔེར་ན།) ཐོད་ཁེབས། ཐོད་པའི་གཉེར་མ་ཞེས་པ་ལྟ་བུ། |
| ཐོད་ཀོར |
1.ཡི་གེའི་ཐོད་ཀྱི་ཀླད་སྐོར། 2.ལྷ་མོ་འཁྲབ་དུས་ཀྱི་ཞྭ་མོ་ཞིག |
| ཐོད་ཁྲག |
མིའི་ཀ་ལིའི་ནང་དུ་བཀང་བའི་ཁྲག |
| ཐོད་ཆིངས |
མགོ་བོར་དཀྲི་བྱ། |
| ཐོད་ཐུག |
1.ཐད་ཀར་ཕྲད་པ། 2.ར་འཕྲོད་པ། 3.མགོ་དང་མགོ་ཐུག་པ། |
| ཐོད་ཐུག |
དངོས་སུ་ཐུག་པའི་དོན། |
| ཐོད་དཀྲིས |
1.མགོ་དཀྲིས་པ། 2.མགོ་དཀྲི་བྱེད་ཀྱི་རས། |
| ཐོད་པ |
1.མགོ་བོའི་ཐོད་དུ་གནས་པའི་རུས་པ་བདེ་སྐྱོང་ངམ་ཐོད་སྐྱོགས་ཟེར་བའི་ཀླད་ཁྱིམ་གྱི་མིང༌། 2.ཕལ་སྐད་དུ་བསོད་ནམས་ལའང་འཇུག (དཔེར་ན།) ཐོད་པ་དཀར་པོ། ཐོད་པ་ངན་པ་ཞེས་པ་ལྟ་བུ། |
| ཐོད་པ་ཅན |
(མངོན་བརྗོད།) བདེ་མཆོག |
| ཐོད་པ་རློན་པ |
མི་མགོ་རློན་པ། |
| ཐོད་པང |
སྟེང་ལ་གཡོག་རྒྱུའི་པང་ལེབ། |
| ཐོད་པས་མ་འཆུན |
དབང་དུ་མ་འདུས་པའི་དོན་ཏེ། (དཔེར་ན།) བུ་དེ་ཐོད་པས་མ་འཆུན་ཞེས་པ་ལྟ་བུ། |
| ཐོད་ཕོར |
ཐོད་པའི་ཕོར་པ། |
| ཐོད་ཕྲེང |
1.མི་མགོའི་ཐོད་པ་ལས་དྲས་པའི་རུས་ཕྲེང༌། 2.མི་མགོ་སྐམ་རློན་གྱི་ཕྲེང་བ། |
| ཐོད་བཅིངས |
དར་རས་སོགས་མགོ་བོར་དཀྲིས་པ། |
| ཐོད་མཆོངས |
སྟེང་དུ་མཆོངས་པའི་དོན་ཏེ། (དཔེར་ན།) བཀག་ཆ་རྣམས་ལ་ཐོད་མཆོངས་རྒྱག་ཅེས་པ་ལྟ་བུ། |
| ཐོད་མོ་ཁོར |
1.དུང་གི་རིགས་ཤིག་ཡིན་པར་བཤད། 2.རྡོ་ཐལ་མཆོག་ཏུ་གྱུར་པའི་རྒྱུ་བྱེད་ཆོག་པའི་རྡོ་རིགས་ཤིག |
| ཐོད་ཚལ |
མགོ་རུས་ཐོད་པའི་དུམ་བུ། |
| ཐོད་འཁུར |
བཀའ་རྩི་སྤྱི་འཁུར་བྱེད་པ་སྟེ། (དཔེར་ན།) བཀའ་དོན་ཐོད་འཁུར་དང་ལེན་གྱིས་ལས་དོན་ཧུར་བརྩོན་བྱེད་ཅེས་པ་ལྟ་བུ། |
| ཐོམ་ཡོར |
འཐོམ་ཡོར་དང་འདྲ། |
| ཐོམས |
(བརྡ་རྙིང་།) སོམས་ཤིག |
| ཐོའུ |
མེ་ཏོག་ཁ་མ་གས་པའི་མགོ་ལྕོག་གི་མིང་། |
| ཐོའུ་ཀྭན |
ཐུའུ་ཀྭན་དང་འདྲ། |
| ཐོར |
(བྱེད་མེད་ལས་ཚིག) འཐོར་བའི་འདས་པ། སོ་སོར་བྲལ་བའི་དོན་ཏེ། (དཔེར་ན།) ཟོ་བ་ཐོར། ལྭ་བའི་སྲུབས་ཐོར། ལུག་ཁྱུ་སྤང་ལྗོངས་སུ་ཐོར་ལྟ་བུ། |
| ཐོར་གོད |
སོག་པོ་ཨོ་རོད་ཚོ་བཞིའི་ཡ་གྱལ་ཞིག |
| ཐོར་ཅོག |
མགོ་སྐྲ་གྱེན་དུ་ཀེར་གྱིས་བཅིངས་པའི་གཙུག་ཏོར་ལྟ་བུ། (དཔེར་ན།) མགོ་མཐོ་བའི་སྟེང་དུ་ཐོར་ཅོག་བཙུགས་ཞེས་པ་ལྟ་བུ། |
| ཐོར་ཆོས |
1.ཞོགས་པ་དུས་ཡུན་ཐུང་ངུ་ཞིག་ལ་འཚོགས་པའི་ཆོས་ར། 2.ཆོས་ཕྲན་བུ། |
| ཐོར་ཏོ |
1.མགོ་སྐྲ་གཙུག་ཏོར་ལྟ་བུར་བཅིངས་པ། 2.(བརྡ་རྙིང་།) རྩེ་མོ། |
| ཐོར་ཐུན |
ཐོ་རེངས་ཀྱི་ཐུན། |
| ཐོར་ནག |
ཐོར་པ་ནག་པོའམ། འབྲུམ་ནག |
| ཐོར་ནད |
1.གཞུང་གི་ས་བཅད་ཆེ་བའི་ཁོངས་སུ་མ་གཏོགས་པའི་ཁ་ཐོར་དུ་གནས་པའི་ནད་སྐད་འགགས་པ་སོགས་ལེའུ་བཅུ་དགུའི་སྤྱི་མིང་ཞིག 2.ཐོར་པ་དང་དོན་གཅིག |
| ཐོར་པ |
པགས་པའི་སྟེང་དུ་འབྲུམ་བུ་ཐོན་པའི་ནད་ཅིག |
| ཐོར་བ |
པགས་ནད་རྨ་རིགས་ཤིག་གི་མིང་། (དཔེར་ན།) ལུས་ལ་ཐོར་བས་ཁྱབ་ལྟ་བུ། ཚིག་བསྡུས་ན་ཐོར་ཞེས་འབྲི་ཆོག་སྟེ། (དཔེར་ན།) ཤུ་ཐོར། འབྲུམ་ཐོར་ཞེས་པ་ལྟ་བུ། |
| ཐོར་བུ |
(རྒྱན་ཚིག) ཁ་འཐོར་རམ། ཕྲན་བུ། དུམ་བུ། ཕྲན་ཚེགས། ཉུང་ངུ་སོགས་ཀྱི་དོན་ཏེ། (དཔེར་ན།) དཔེ་ཆ་ཐོར་བུ་འགའ་ཞིག་འདུག ཉ་མོ་དེའི་རིགས་རྒྱ་མཚོའི་ནང་གང་ས་གང་དུ་ཐོར་བུར་གནས་ཡོད་ཅེས་པ་ལྟ་བུ། |
| ཐོར་བུ་ཐོར་བུ |
(རྒྱན་ཚིག) ཐ་རེ་ཐོ་རེ་ཉུང་ངུ་ཚོ་ཚོ་ཡོད་པའི་དོན་ཏེ། (དཔེར་ན།) ཤིང་བུ་ཐོར་བུ་ཐོར་བུ། རྩོམ་ཡིག་ཐོར་བུ་ཐོར་བུ་ཞེས་པ་ལྟ་བུ། |
| ཐོར་མ |
ཕྲན་ཚེགས་སམ། ཕྲན་བུའི་དོན་ཏེ། (དཔེར་ན།) ཡོ་བྱད་ཐོར་མ། ཅ་ལག་ཐོར་མ་ཞེས་པ་ལྟ་བུ། |
| ཐོར་མོ |
ལོ་གཉིས་ལོན་པའི་མོ་རྟེའུ། |
| ཐོར་ཙམ |
ཉུང་ཙམ་མམ། ཐ་རེ་ཐོ་རེ་ཙམ་གྱི་དོན་ཏེ། (དཔེར་ན།) ད་ནང་ཞོགས་པ་ཁ་བ་ཐོར་ཙམ་བབས་བཞག ལྷགས་པ་བརྒྱབ་ནས་མེ་ཏོག་ཐོར་ཙམ་གཏོར་འདུག་ལྟ་བུ། |
| ཐོར་ཚུགས |
སྐྲ་གྱེན་དུ་བཅིངས་པའི་གཙུག་ཏོར་རམ། ཐོར་ཅོག |
| ཐོར་འབུར |
པགས་ནད་ཀྱི་བྱེ་བྲག་ཅིག |
| ཐོར་ཡན |
འབྲུམ་བུ་དང་མེ་དབལ་ལྟ་བུ་མ་ཡིན་པ་ཐོར་རིམས་ཀྱི་བྱེ་བྲག་ཅིག |
| ཐོར་རེ་བ |
(རྒྱན་ཚིག) ཅུང་ཟད་ཅེས་པའི་དོན་ཏེ། (དཔེར་ན།) བཤད་པས་ཐོར་རེ་བ་གོ། |
| ཐོར་སྣམ |
ཐོར་གོད་ནས་ཐོན་པའི་སྣམ་བུ། |
| ཐོལ |
(བསྣན་ཚིག) གློ་བུར་དུ་ཡར་འབུད་པ་སྟེ། (དཔེར་ན།) ཆུ་ནང་ནས་ཉ་ཞིག་ཐོལ་གྱིས་ཡར་མཆོངས། ཆུ་ནང་ནས་དབུ་བ་ཐོལ་ཐོལ་བྱུང་ལྟ་བུ། |
| ཐོལ་ཐོལ |
(རྒྱན་ཚིག) གློ་བུར་གློ་བུར་རམ། སྐབས་སྐབས་ཀྱི་དོན་ཏེ། (དཔེར་ན།) རྟོགས་པ་ཐོལ་ཐོལ་དུ་སྐྱེས་པ། ཆུ་བུར་ཐོལ་ཐོལ་དུ་བྱུང་བ། ཐོར་པ་ཐོལ་ཐོལ་དུ་སྐྱེས་ཞེས་པ་ལྟ་བུ། |
| ཐོལ་བྱུང |
གློ་བུར་དུ་བྱུང་བའི་དོན་ཏེ། (དཔེར་ན།) ཐོལ་བྱུང་གི་བསམ་པ། ཐོལ་བྱུང་གི་སྤྱོད་པ་ཞེས་པ་ལྟ་བུ། |
| ཐོས |
(བྱེད་འབྲེལ་ལས་ཚིག) རྣ་བས་སྒྲ་ཚོར་བ་སྟེ། (དཔེར་ན།) སྐད་ཆ་སྙན་མོ་ཞིག་ཐོས་ལྟ་བུ། |
| ཐོས་གྲོལ |
1.ཆོས་ཐོས་པ་ཙམ་གྱིས་གྲོལ་བ། 2.རྙིང་མའི་གཏེར་སྟོན་ཀརྨ་གླིང་པས་གཏེར་ནས་དྲངས་པའི་སྒྱུ་འཕྲུལ་ཞི་ཁྲོའི་མིང༌། |
| ཐོས་ཆུང |
ཐོས་རྒྱ་ཆུང་ངུའི་དོན་ཏེ། (དཔེར་ན།) གཞུང་དོན་ཟབ་མོ་ཐོས་ཆུང་གིས་གཏིང་མི་དཔོག་ཅེས་པ་ལྟ་བུ། |
| ཐོས་དབང |
མཁས་པ། |
| ཐོས་ནོར |
ཐོས་པའི་ནོར་གྱི་བསྡུས་ཚིག |
| ཐོས་པ་དགའ |
རྗེ་བཙུན་མི་ལ་རས་པའི་མཚན། |
| ཐོས་པ་བརྟག་པའི་ཚིག་ལེའུར་བྱས་པ |
རྒྱ་གར་གྱི་སློབ་དཔོན་དགེ་སྲུང་གིས་བརྩམས་པའི་ཚད་མའི་གཞུང་ཞིག |
| ཐོས་པ་ལས་བྱུང་བའི་ཤེས་རབ |
ཐོས་བྱུང་གི་ཤེས་རབ་དང་དོན་གཅིག |
| ཐོས་པ་ལས་བྱུང་བའི་ས |
མོས་པས་སྤྱོད་པའི་ས་སྟེ་ཚོགས་ལམ། |
| ཐོས་པའི་གཟུངས |
ཐོས་པ་མི་བརྗེད་པར་འཛིན་པའི་གཟུངས། |
| ཐོས་པའི་ནོར |
འཕགས་ནོར་བདུན་གྱི་ནང་གསེས་ཏེ། གཞུང་ལུགས་རབ་འབྱམས་གསན་བསམ་མཛད་པ་ལོག་རྟོག་གི་གཡུལ་ངོ་བཟློག་པས་དམག་དཔོན་རིན་པོ་ཆེ་དང་ཆོས་མཚུངས་པའོ། |
| ཐོས་པའི་ཕ་རོལ་ཏུ་ཕྱིན་པ |
གཞུང་ལུགས་རབ་འབྱམས་ལ་སྦྱངས་པ་རབ་ཀྱི་རྩེར་སོན་པ། |
| ཐོས་པའི་ཡོན་ཏན |
ཐོས་པ་བྱས་པའི་དགེ་མཚན། |
| ཐོས་པའི་ལམ |
1.རྣ་ཐོས་ཙམ་ལས་མཐོང་ཡུལ་ལས་འདས་པའི་ལམ། 2.ཤི་བ། |
| ཐོས་པའི་ཤེས་རབ |
གསུང་རབ་ཀྱི་ཚིག་མཁན་སློབ་དགེ་བའི་བཤེས་གཉེན་གྱི་ངག་ལས་ཉན་པ་དང༌། བློ་ལ་འཛིན་པ་དང༌། ཁ་ཏོན་དང་གཤར་སྦྱང་བྱེད་པ་ལ་སོགས་པའི་སྒོ་ནས་ཚིག་དང་དོན་ལ་དཔྱོད་པའི་ཤེས་རབ། |
| ཐོས་བསམ |
གཞན་ལས་བསླབ་བྱའི་དོན་ཉན་པ་དང་དེའི་དོན་ཡིད་ལ་བྱེད་པ། ཐོས་བསམ་གྱིས་སྒྲོ་འདོགས་ཆོད་པ། ཐོས་བསམ་གྱི་ནུས་པས་ཐེ་ཚོམ་གྱི་དོགས་གནས་སངས་པ། |
| ཐོས་བསམ་ཕྱོགས་མེད |
གྲུབ་མཐའ་ཀུན་ལ་ཕྱོགས་རིས་མེད་པར་ཉན་པ་དང་དཔྱད་པ། |
| ཐོས་བསམ་སྒོམ་གསུམ |
གཞན་ལས་ཉན་པ་དང་ཐོས་པ་ལས་ཤེས་པར་བྱེད་པ་ནི་ཐོས་པ་དང༌། ཐོས་པའི་དོན་དེ་རང་གིས་ལུང་དང་རིགས་པས་ཚུལ་བཞིན་དུ་བསམས་ཏེ་རང་སྟོབས་ཀྱིས་ངེས་པར་བྱེད་པ་ནི་བསམ་པ་དང༌། དེ་ལྟར་ཐོས་བསམ་གྱིས་ངེས་པར་བྱས་ཏེ་ཐེ་ཚོམ་དང་བྲལ་བ་ན་ཡང་དང་ཡང་དུ་འདྲིས་པར་བྱེད་པ་ནི་སྒོམ་པ་བཅས་གསུམ་མོ། ། |
| ཐོས་བསམ་སྒྲོ་འདོགས་ཆོད་པ |
ཐོས་བསམ་གྱི་ནུས་པས་ཐེ་ཚོམ་གྱི་དོགས་པ་སངས་པ། |
| ཐོས་བྱུང |
དགེ་རྒན་སོགས་ཀྱི་ངག་ནས་ཐོས་པ་ལ་བརྟེན་ནས་ཐོབ་པའི་ཡོན་ཏན་གྱི་མིང་སྟེ་ཐོས་བྱུང་གི་ཤེས་རབ་ཀྱང་ཟེར། |
| ཐོས་བྱུང་གི་རྟོག་པ |
ཐོས་བྱུང་གི་ཤེས་རབ། |
| ཐོས་བྱུང་གི་ཤེས་རབ |
ཤེས་རབ་རྣམ་པ་གསུམ་གྱི་ཡ་གྱལ་ཞིག་གསུང་རབ་ཀྱི་དོན་གང་ཡང་རུང་བ་ལ་སྒྲ་སྤྱི་ཙམ་གྱི་སྒོ་ནས་ངེས་པ་རྙེད་པའི་ཞེན་རིག་དཔེར་ན། བྱས་པ་ལ་སོགས་པའི་རྒྱུ་མཚན་གཏན་ལ་མ་ཕེབས་པར་བུམ་པ་མི་རྟག་པ་རྟོག་པ་ལྟ་བུའོ། ། |
| ཐོས་བྱེད |
(མངོན་བརྗོད།) རྣ་བ། |
| ཐོས་མང |
མཁས་པ། |
| ཐོས་མཆོག |
སྐར་མ་མོན་གྲེ། |
| ཐོས་ཚད |
རྣ་ལམ་དུ་གང་གོ་བ་ཚང་མའི་དོན་ཏེ། (དཔེར་ན།) བསམ་ཚད་ཁ་ནས་མ་བཤད། ཐོས་ཚད་ཡིད་ཆེས་མ་བྱེད་ཅེས་པ་ལྟ་བུ། |
| ཐོས་ཚོད |
རྣ་བར་ཇི་ཙམ་གོ་ཚོད་དེ། (དཔེར་ན།) ངག་ལན་ཐེངས་གཉིས་བཏང་བ་ཡིན་པས་ཐོས་ཚོད་ཡིན་ཞེས་པ་ལྟ་བུ། |
| ཐོས་འཛིན |
(མངོན་བརྗོད།) རྣ་བ། |
| ཐོས་འཛིན་རྒྱན |
(མངོན་བརྗོད།) རྣ་རྒྱན། |
| ཐོས་རྒྱ |
གོ་བའི་ཆེ་ཆུང་གི་ཚད་དེ། (དཔེར་ན།) ཐོས་རྒྱ་ཆུང་བ། ཐོས་རྒྱ་ཆེན་པོ་ལྟ་བུ། |
| ཐོས་ལོ |
ཐོས་སོང་ཟེར་བ་དང་ཐོས་པའི་ཁུལ་ཙམ་གྱི་དོན་ཏེ། (དཔེར་ན།) གོ་ལོ་དང་ཐོས་ལོར་བཞག་ནས་ཉམས་སུ་མ་བླངས་ལྟ་བུ། |
| ཐོས་ལྡན་དབང |
(མངོན་བརྗོད།) ཟླ་བ། |
| ཐོས་ལྡན་དབང་པོ |
མཁས་པ་ཆེན་པོ། |
| ཐོས་ལྡན་པ |
མཁས་པ། |
| ཐོས་ལྡན་སྐྱེས |
(མངོན་བརྗོད།) གཟའ་ལྷག་པ། |
| ཐོས་སོ་ཅོག |
རྣ་བར་ཐོས་ཚད་ཐམས་ཅད། |
| ཐོས་སྒྲོག |
(མངོན་བརྗོད།) 1>ཉན་ཐོས། 2>བྱ་རོག |
| ཐོས་སྣང |
གོ་བའི་ཚུལ་ལུགས་ཏེ། (དཔེར་ན།) ཐག་རིང་ནས་ཐོས་སྣང་བྱུང་བའི་གནས་ཚུལ་ལ་ངེས་གཏན་མེད་ཅེས་པ་ལྟ་བུ། |
| ཐྲིག་ཐྲིག |
(རྒྱན་ཚིག) སྒྲ་གྲག་སྟངས་ཀྱི་ཁྱད་པར་ཞིག་ལྷམ་སྒྲ་ལྟ་བུ། |
| ད |
1.བོད་ཡིག་གསལ་བྱེད་བཅུ་གཅིག་པ་འདིའི་ང་རོ་འདོན་ཚུལ་ལ་སྐྱེ་གནས་སོ་དང༌། བྱེད་པ་ལྕེ་རྩེ། ནང་གི་རྩོལ་བ་སོ་ལྕེ་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་མོ་ཡིག་ཅིག 3.སྔོན་འཇུག་མ་ནིང་གི་ཡི་གེ་ཞིག 4.རྗེས་འཇུག་ཕོ་ཡིག་གི་སྐྱེས་བུ་ཐ་མ་ཞིག 5.ད་དྲག་གམ་སྔ་དུས་རྗེས་འཇུག་མ་ནིང་གི་རྗེས་སུ་འཇུག་པའི་ཡང་འཇུག་ཅིག 6.དུས་འདི་ཉིད་ཀྱི་དོན་ཏེ། (དཔེར་ན།) ད་སྐབས། ད་དུས། ད་ལོ། ད་འགྲོ་དགོས། ད་འགྲིགས་སོང༌། ད་ཧ་གོ་སོང༌། ད་ཞོག་ཅིག ད་དཀའ་ལས་མི་འདུག་ཅེས་པ་ལྟ་བུ། |
| ད་ཀོ |
(བརྡ་རྙིང་།) ད་ནི། |
| ད་ག |
(ཡུལ་སྐད།) འདི་བཞིན་ནམ། འདི་འདྲ་བ་ཞེས་པའི་ཚད་བཟུང་གི་སྒྲ་ཞིག (དཔེར་ན།) དུས་ཡུན་ངེས་ཅན་ཞིག་གི་བར་ད་ག་ད་གའི་ངང་ནས་ཧུར་བརྩོན་བྱས་པ། ལས་ཀ་ད་གས་ཡོང་བ་འདུག ཅ་ལག་ད་གས་འགྲིག་པ་འདུག་ལྟ་བུ། |
| ད་ག་ཙམ |
(ཡུལ་སྐད།) འདི་ཙམ་མམ་འདི་ལྟ་བུའི་དོན་ཏེ། (དཔེར་ན།) ལས་ཀ་ད་ག་ཙམ་བྱས་ནས་མཚམས་ཞོག་ཅིག དངོས་པོ་ད་ག་ཙམ་བྱུང་ན་ཆོག་ཅེས་པ་ལྟ་བུ། |
| ད་ག་སེ |
(ཡུལ་སྐད།) 1>དོན་མེད་གང་བྱུང་ངམ། དངོས་གནས་མིན་པ་མཚོན་པའི་ཚིག་ཅིག་སྟེ། (དཔེར་ན།) སྐད་ཆ་དེ་ད་ག་སེ་བཤད་པ་མ་རེད། དངོས་གནས་ཡིན། འཆར་གཞི་ཞིབ་གསལ་མ་བཏིང་བར་ལས་འགོ་ད་ག་སེ་བཙུགས་ན་མི་འགྲིག་ཅེས་པ་ལྟ་བུ། 2>དེ་འདྲ་ཞིག་ཅེས་པའི་དོན་ཏེ། (དཔེར་ན།) ལས་ཀ་ད་ག་སེ་བྱས་ན་ཆོ་གང་ཡོད། དེ་རིང་ལས་བྲེལ་མེད་པས་ནང་ལ་ད་ག་སེ་བསྡད་ཡོད་ཅེས་པ་ལྟ་བུ། |
| ད་གདོད |
1.རྗེས་སུའམ་ཕྱིས་སུ་ཞེས་པའི་དོན་ཏེ། (དཔེར་ན།) ད་གདོད་གཞི་ནས་ཤེས་བྱུང༌། ད་གདོད་ཤོག་ཨང༌ལྟ་བུ། 2.གཞི་ནས་ཞེས་པ་དང་འདྲ། (དཔེར་ན།) ད་གདོད་དབྱེ་བ་འབྱེད་ཐུབ་ཅེས་པ་ལྟ་བུ། |
| ད་གཟོད |
1.གཞི་ནས་ཞེས་པའི་དོན་ཏེ། (དཔེར་ན།) ཁོ་རང་མཁས་པ་ཡིན་པ་ད་གཟོད་ཤེས་བྱུང༌། ཐེངས་མང་གསུངས་ནས་ད་གཟོད་གོ་བྱུང༌ཞེས་པ་ལྟ་བུ། 2.རྗེས་ནས་དང་ཕྱིས་ནས་ཞེས་པའི་དོན་ཏེ། (དཔེར་ན།) ད་གཟོད་ནས་བཟུང་ཡི་གེ་འབྲི་རྒྱུའི་འགོ་ཚུགས་ཤིག་ཅེས་པ་ལྟ་བུ། |
| ད་གིན |
(ཡུལ་སྐད།) ཉེ་སྔོན་གྱི་དོན་ཏེ། ད་གིན་མི་གཅིག་སླེབས་སོང༌ལྟ་བུ། |
| ད་གིན་ནས |
(ཡུལ་སྐད།) ད་ལྟའི་གོང་ནས་ཞེས་པའི་དོན་ཏེ། (དཔེར་ན།) ངས་ཁྱོད་ལ་ད་གིན་ནས་ལབས་པ་ཡིན་ལྟ་བུ། |
| ད་གོང |
ད་སྔོན་ནམ་སྔར་གྱི་དོན་ཏེ། (དཔེར་ན།) ད་གོང་ཕན་ཆད་སུ་ལའང་མ་སྨྲས་པ་ཡིན། ད་ཁྱོད་ལ་བཤད་པར་བྱའོ་ལྟ་བུ། |
| ད་ཅི |
འདས་མ་ཐག་གམ་ཅུང་ཟད་སོང་བའི་དུས་ཀྱི་དོན་ཏེ། (དཔེར་ན།) མི་དེ་ད་ཅི་འདི་ནས་ཕྱིན་མ་ཐག་པ་ཡིན། ཁོ་ལ་ད་ཅི་ནས་སྐུལ་ལྕག་བཏང་བ་ཡིན་ལྟ་བུ། |
| ད་ཆ |
ད་ལྟའི་ཆ་ཞེས་པ་སྟེ། (དཔེར་ན།) ན་ཚ་ད་ཆ་དྲག་འདུག སྔར་དེ་ལྟར་ཡིན་ཡང་ད་ཆ་དེ་ལྟར་མ་ཡིན་ལྟ་བུ། |
| ད་ཆུ |
1.མཚལ་རིགས་ཀྱི་ནང་ཚན་ཞིག་ནུས་པས་རུས་པ་ཆག་པ་སྦྱོར། ཆུ་སེར་སྐེམ། གཉན་ནད་འཇོམས། 2.དངུལ་ཆུ་ཡི་མིང་གཞན། |
| ད་ཆུ་ཚྭ |
མཚལ་ཚྭའི་མིང་གི་རྣམ་གྲངས་ཤིག |
| ད་ཆོག |
1.(ཡུལ་སྐད།) ད་འགྲིག་དང་འདྲ། 2.བསྙེན་པར་རྫོགས་པའི་ཆོ་གའི་གྲས་ཤིག་སྔོན་ཆོག་གི་རྗེས་སུ་བཅས་པའི་གསོལ་བཞིའི་ལས་འཁོར་དང་བཅས་པ་སྟོན་པ་འདས་ནས་ད་ལྟའི་བར་དུ་བྱེད་པའི་བསྙེན་པར་རྫོགས་པའི་ཆོ་ག། |
| ད་ཏྲིག |
ཤིང་སྨན་གྱི་རིགས་ཏེ་རོ་སྐྱུར། ཞུ་རྗེས་དྲོད། ནུས་པས་འཁྲུ་བ་གཅོད། གློ་གསོ། སྐྱུག་པ་དང་ཡི་ག་འཆུས་པ་སེལ། |
| ད་དགོང |
(ཡུལ་སྐད།) དེ་རིང་དགོང་མོའི་དོན་ཏེ། (དཔེར་ན།) ད་དགོང་སྐར་འོད་ཆེམ་ཆེམ་དུ་འཕྲོ་ལྟ་བུ། |
| ད་དུང |
(བསྣན་ཚིག)1> མུ་མཐུད་པའམ་སྔར་རྒྱུན་ལྟར་གྱི་དོན་ཏེ། (དཔེར་ན།) ང་ཚོས་རྒྱལ་ཁ་ཆེན་པོ་བླངས་ནའང་ད་དུང་མུ་མཐུད་དུ་འབད་བརྩོན་བྱས་ནས་རྒྱལ་ཁ་གསར་བ་ལེན་དགོས་ལྟ་བུ། 2>ལས་དོན་སྔོན་མའི་སྟེང་ཕྱི་མ་བཞག་པའི་དོན་ཏེ། (དཔེར་ན།) དཔེ་ཆར་བལྟས་པར་མ་ཟད་ད་དུང་ཟིན་བྲིས་ཀྱང་བྲིས་ལྟ་བུ། 3>དུས་ཡུན་རིང་བའི་དོན་ཏེ། (དཔེར་ན།) ཚོགས་འདུ་ད་དུང་འཚོགས་ཀྱིན་འདུག བྱིས་པ་སློབ་གྲྭར་སོང་ནས་ད་དུང་ཕྱིར་མ་ཡོང་ལྟ་བུ། |
| ད་དྲག |
རྗེས་འཇུག་ན་ར་ལ་གསུམ་གྱི་རྗེས་སུ་འཇུག་པའི་ཡང་འཇུག་ད་མཐའ་འདི་ཉིད་དུས་རབས་དགུ་པར་བོད་རྒྱལ་ཁྲི་རལ་གྱིས་སྐད་གསར་བཅད་བྱེད་སྐབས་ཟོར་ཡང་བའི་ཆེད་དུ་དོར་ནས་ད་ཆར་བརྡ་རྙིང་མ་གཏོགས་འབྲི་སྲོལ་མེད། |
| ད་ནང |
དེ་རིང་སྔ་དྲོའམ་དེ་རིང་ཞོགས་པ། |
| ད་ནངས |
དེ་རིང་གི་ནངས་སྔ་མོའི་མིང་། ད་ནང་འབྲི་བའང་ཡོད། |
| ད་ནས་བཟུང |
ད་ཕྱིན་ཆད་ཅེས་པའི་དོན་ཏེ། (དཔེར་ན།) སྣ་སུན་ཕོག་པས་ད་ནས་བཟུང་བརྟག་དཔྱད་གཟབ་ནན་བྱེད་དགོས། སྔོན་ཆད་བྱས་པ་མི་ལེགས་ཀྱང་ད་ནས་བཟུང་ལེགས་ལམ་དུ་འགྲོ་བའི་བརྩོན་པ་སྐྱེད་ཅིག་ལྟ་བུ། |
| ད་ནི |
དུས་སྔ་ཕྱིའི་མཚམས་སྦྱོར་སྐབས་དུས་ད་ལྟ་བ་ཆེད་དུ་སྟོན་པའི་ཚིག་ཕྲད་ཅིག (དཔེར་ན།) ད་ནི་ལས་འགན་གྲུབ་སོང༌ལྟ་བུ། |
| ད་ནུའི་བུ |
(མངོན་བརྗོད།) ལྷ་མིན། |
| ད་ཕན |
ད་ལྟ་ཕན་ཆད། |
| ད་ཕྱིན |
ད་ནས་བཟུང་སྟེ་ཕྱིན་ཆད་ཀྱི་དོན་ཏེ། (དཔེར་ན།) ཕན་ཚུན་འབྲེལ་ལམ་གཙང་མར་བཅད་དེ་ད་ཕྱིན་ཐུག་འཕྲད་མི་བྱེད་ཅེས་པ་ལྟ་བུ། |
| ད་ཕྲུག |
དྭ་ཕྲུག་གི་འབྲི་ཚུལ་གཞན། |
| ད་བར |
སྔར་ནས་ད་ལྟའི་བར་གྱི་དོན་ཏེ། (དཔེར་ན།) ཐོག་མ་ཉིད་ནས་ད་བར་ཞེས་པ་ལྟ་བུ། |
| ད་བུར |
(བརྡ་རྙིང་།) སྲེག་གནས་སམ་ཚ་སྲེག་གི་གནས། |
| ད་བེར |
སྒྲིབ་བྱེད་དང་རླུང་འགོག་བྱེད་ཀྱི་གླེགས་བུ་ལེབ་མོ། |
| ད་བྱིད |
སྨན་དུ་འགྲོ་བའི་སྲོག་ཆགས་ཀྱི་རིགས་ཤིག་དེའི་རྣམ་གྲངས་དུ་མ་ཡོད་ཅིང༌། གངས་སྦལ་ནི་སྨན་ནུས་རབ་དང༌། སྐྱིན་གོར་ནི་འབྲིང་ཙམ། རྩངས་པ་ནི་ཐ་མ་ཞིག་ཡིན། མིང་གི་རྣམ་གྲངས་ལ་ཏེའུ་ལེ་བ་དང༌། བདག་སྐྱེས། ས་འཛིན། ས་འཛིན་སྐྱེས་བཅས་སོ། ། |
| ད་བྱིད་དཀར་པོ |
བྱ་རྒོད་སུག་པའི་མིང་གི་རྣམ་གྲངས། |
| ད་མཐའ |
རྗེས་འཇུག་བཅུའི་ནང་གསེས་དང༌། ན་ར་ལ་གསུམ་གྱི་མཐར་ཐོབ་པའི་ད་དྲག་གམ། ཡང་འཇུག་གཉིས་ཀྱི་ཡ་གྱལ་ད་མཐའ། |
| ད་མཚམས |
ད་ལྟའི་དུས་སྐབས། |
| ད་མེ་དུམ་མེ |
(རྒྱན་ཚིག) དམ་དུམ་ལ་ལྟོས། |
| ད་མོད |
འཕྲལ་དུ་ཞེས་པའི་དོན་ཏེ། (དཔེར་ན།) ནད་གཞི་ཛ་དྲག་ཆེ་བས་ད་མོད་སྨན་བཅོས་བྱེད་དགོས་ལྟ་བུ། |
| ད་ཙུག |
(ཡུལ་སྐད།) ད་གང་དང༌། ད་ག་རེ། |
| ད་ཚང་དགོན |
རྗེ་ཙོང་ཁ་པའི་སློབ་མ་ཚ་ཁོ་ངག་དབང་གྲགས་པས་དགོན་པ་བརྒྱ་དང་བརྒྱད་བཏབ་པའི་ཐ་མ་འདི་ཡིན་པས། དགོན་བརྒྱ་རྩ་བརྒྱད་ད་ཚང་སོང་གསུངས་ནས་ད་ཚང་དུ་མིང་ཆགས། མདོ་སྨད་རྒྱལ་རོང་ཕྱོགས་སུ་ཡོད། |
| ད་ཚུར |
ཚུར་དཀར་གྱི་མིང་གི་རྣམ་གྲངས་ཤིག |
| ད་ཚོད |
ད་ལྟ་ཉིད་དམ་ད་ལྟའི་དོན་ཏེ། (དཔེར་ན།) སང་ཉིན་ད་ཚོད་ཙམ་ལ་ཕེབས་ཨང༌ལྟ་བུ། |
| ད་ཞག |
དེང་སང༌གི་དོན་ཏེ། (དཔེར་ན།) ད་ཞག་ཁྱེད་རང་གང་དུ་ཕེབས་པ་ཡིན་ལྟ་བུ། |
| ད་ར |
མར་བཏོན་ཟིན་པའི་འོ་མ་སྐྱུར་མོ། མིང་གི་རྣམ་གྲངས་ལ་ཆུ་སྐྱ་དང་ཆབ་སྐྱའོ། ། |
| ད་ར་ཁ་ཆེ |
(སོག་སྐད།) དབང་ཆེ་བ། |
| ད་རང |
(ཡུལ་སྐད།) 1>དེ་རིང་ཞོགས་པའི་དོན་ཏེ། (དཔེར་ན།) ད་རང་སྔ་པོ་ནས་ཕྱིན་སོང༌ལྟ་བུ། 2>ད་ལྟའི་དུས་ཚོད་ཀྱི་དོན་ཏེ། (དཔེར་ན།) ད་རང་བྱེད་རན་སོང༌ལྟ་བུ། |
| ད་རུང |
ཡང་བསྐྱར་དང༌། ད་ལྟ་ཡང༌ཞེས་པའི་དོན་ཏེ། (དཔེར་ན།) ད་རུང་ཁྲིམས་དང་མི་མཐུན་པའི་བྱ་སྤྱོད་ཁ་ཤས་གནས་ཡོད་ཅེས་པ་ལྟ་བུ། |
| ད་རེ |
ད་ཐེངས་ཀྱི་དོན། |
| ད་རེས |
ཐེངས་འདི་ཉིད་ཀྱི་དོན་ཏེ། (དཔེར་ན།) ད་རེས་རྒྱལ་ཁ་ཐོབ་བྱུང༌། ད་རེས་ལན་ཅིག་འགྲོ་དགོས་ཤར། གོ་སྐབས་བྱུང་བ་ད་རེས་ཙམ་ཞེས་པ་ལྟ་བུ། |
| ད་རྐྱ |
(ཡུལ་སྐད།) "ད"འདིའི་མིང་། |
| ད་རྐྱང |
ཡི་གེ་ད་ཡིག་རྐྱང་པ། |
| ད་རྒན |
སྒལ་ཚིགས་སམ་བརྒྱུངས་པར་ནད་ཞུགས་ནས་རུས་ཚིགས་ཕྱིར་འབུར་བའམ་ནང་དུ་གུག་པར་འགྱུར་བ་ཞིག་དེ་ཡང་ནང་གསེས་སུ་དབྱེ་ན་རླུང་ནད་ད་རྒན་དང༌། མཁལ་ནད་ད་རྒན་གཉིས་སོ། ། |
| ད་རྒན་ནང་གུག |
རླུང་ནད་སྒལ་གཞུང་གི་བརྒྱུངས་པར་ཞུགས་པ་ཞིག་ནད་རྟགས་སུ་སྐེ་བསྟུངས་ཤིང་བྲང་དུ་བསྡུས་ཏེ་རོ་སྟོད་འབུར་བ་སོགས་འབྱུང་བ་ཞིག |
| ད་རྒན་ཕྱི་དགྱེ |
རླུང་ནད་སྒལ་གཞུང་གི་བརྒྱུངས་པར་ཞུགས་པ་ཞིག་ནད་རྟགས་སུ་བྲང་འབུར་ཞིང་གཉའ་བ་བསྟུངས་ལ་ལྟག་པ་དགྱེ་བ་སོགས་འབྱུང་བ་ཞིག |
| ད་ལན |
ཐེངས་འདི་ཉིད་དམ། ཚར་འདི་ཉིད་ཅེས་པའི་དོན་ཏེ། (དཔེར་ན།) ད་ལན་ཁྱེད་ཕེབས་ཐུབ་པ་གནང་རོགས། ད་ལན་ཁོ་བོ་གང་དུའང་མི་འགྲོ་ཞེས་པ་ལྟ་བུ། |
| ད་ལམ |
ཉེ་ཆར་གྱི་དོན་ཏེ། (དཔེར་ན།) ད་ལམ་ལན་ཅིག་ཞལ་འཛོམས་བྱུང༌། ད་ལམ་སློབ་སྦྱོང་གནད་སྨིན་བྱུང༌ལྟ་བུ། |
| ད་ལིས |
ཤིང་ཞིག་མེ་ཏོག་སེར་སྐྱ་དྲི་ཞིམ་པ། ཡུལ་སྐད་དུ་སུ་རུ་དཀར་བོ་འམ་སུར་དཀར་ཟེར་བའི་ཤིང་ཕྲན་ཞིག་ཡིན་ཞིང་། དུང་ཤིང་ཡང་ཟེར། དེའི་མེ་ཏོག་ལའང་སྨན་གཞུང་དུ་ད་ལིས་ཟེར། |
| ད་ལོ |
ལོ་འདིའི་དོན་ཏེ། (དཔེར་ན།) ད་ལོ་རྩྭ་ཆུ་འཛོམས་པོ་འདུག་ལྟ་བུ། |
| ད་ལྟ |
དུས་འདི་ཉིད་ཀྱི་དོན་ཏེ། (དཔེར་ན།) ད་ལྟ་ཕན་ཆད། ད་ལྟ་མན་ཆད། ད་ལྟ་ཡན་ཆད། ད་ལྟ་ཉིད་དུ་བསྲེག་པར་བྱ། ང་ད་ལྟ་འཕྲལ་དུ་སླེབ་ཡོང༌། ཆུ་ཚོད་དྲུག་དང་ཕྱེད་ཀ་ནས་ད་ལྟའི་བར་ཞེས་པ་ལྟ་བུ། |
| ད་ལྟ་ཉིད |
1.སྐད་ཆ་བཤད་པ་པོས་སྐད་ཆ་བཤད་བཞིན་པའི་དུས་ཏེ། (དཔེར་ན།) དུས་ད་ལྟ་ཉིད་ནས་སློབ་སྦྱོང་བྱེད་ལྟ་བུ། 2.དུས་ཐུང་ངུའི་མིང་། (དཔེར་ན།) དུས་ད་ལྟ་ཡོད་ལ་ད་ལྟ་མེད་ཅེས་པ་ལྟ་བུ། |
| ད་ལྟ་བ |
1.དུས་གསུམ་གྱི་ནང་གསེས་དུས་སྐབས་འདི་ཉིད་དེ། དངོས་པོ་གང་ཞིག་ཞིག་པའི་ཆའམ། མ་འོངས་པའི་ཆ་གང་ཡང་མ་ཡིན་པར་སྐྱེ་ལ་མ་འགག་པའི་ཆ་འདི་ཉིད། 2.རྟགས་འཇུག་གི་སྐབས་སུ་བྱ་བྱེད་ཐ་དད་མི་དད་གང་རུང་གི་བྱ་བ་བྱེད་བཞིན་པའི་དོན་ཞིག་ལ་གོ་དགོས་པ་དང༌། བྱ་བྱེད་ཐ་དད་པའི་བྱེད་པོ་གཙོ་ཕལ་དང༌། དེའི་བྱེད་ལས་དང་བཅས་པའང་དུས་ད་ལྟ་བའི་ཁོངས་སུ་བསྡུ་དགོས། |
| ད་ལྟ་རང |
(ཡུལ་སྐད།) ད་ལྟ་ཉིད་དུ། |
| ད་ལྟའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ |
ད་ལྟར་ཁོ་ན་ཕྱོགས་བཅུ་ཐམས་ཅད་ན། ཆོས་ཅི་དང་ཅི་འབྱུང་བ་ཐམས་ཅད་མཁྱེན་པ་སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| ད་ལྟར |
1.དུས་འདི་ཉིད། 2.དུས་ད་ལྟ་ལ། ད་ལྟར་གྱི་དུས། ད་ལྟར་གྱི་རྐྱེན། |
| ད་ལྟར་གྱི་སངས་རྒྱས |
དུས་གསུམ་སངས་རྒྱས་ཀྱི་ནང་གསེས། སངས་རྒྱས་ཤཱཀྱ་ཐུབ་པའོ། ། |
| ད་སྒོས |
ད་ཆ་དང༌། བྱེ་བྲག་གི་དོན་ཏེ། (དཔེར་ན།) སྤྱིར་གོང་ཞུས་ལྟར་དང༌། ད་སྒོས་ཞུ་དོན་གྱི་སྙིང་པོ་གཤམ་གསལ་ཞེས་པ་ལྟ་བུ། |
| ད་སྟེ |
ཕྱིན་ཆད་ཀྱི་དོན་ཏེ། (དཔེར་ན།) ད་སྟེ་རིང་མིན་གཞན་དུ་འགྲོ་དགོས་ལྟ་བུ། |
| དཀག |
(བྱེད་མེད་ལས་ཚིག) བཞུས་པའི་གཤེར་ཁུ་འཁྱགས་ནས་སྲ་འཐས་སུ་གྱུར་པའི་དོན་ཏེ། (དཔེར་ན།) མར་ཁུ་དཀག ཞག་དཀག ཁྲོ་ཆུ་དཀག་ལྟ་བུ། |
| དཀན |
1.གྱེན་གྱི་དོན་ཏེ། (དཔེར་ན།) བྲག་དཀན་གཟར་པོ། རི་བོ་དཀན་གཟར་འཛེག་དུས་དབུགས་ཀྱང་སྔངས་ཞེས་པ་ལྟ་བུ།2.རྐན་དང་འདྲ། |
| དཀན་གཉེར |
ཁའི་ཡ་རྐན་ཀྱོང་འབུར་རི་མོ། |
| དཀའ |
(རྒྱན་ཚིག) སླ་བའི་ལྡོག་ཟླ་སྟེ། (དཔེར་ན།) དཀའ་སྤྱད་འབད་བརྩོན་བྱས་ནས་གཞུང་དོན་ཤེས་དཀའ་བ་རྣམས་ཤེས། ཡི་གེ་འབྲི་དཀའ་བའི་རིགས་བྲིས་ལྟ་བུ། |
| དཀའ་གནད |
དཀའ་སའི་གནད་འགག་སྟེ། (དཔེར་ན།) དཀའ་གནད་ཁག་ལ་འགྲེལ་བཤད་རྒྱག་དགོས་ལྟ་བུ། |
| དཀའ་གནད་རྡོ་རྗེའི་མདུད་བཀྲོལ |
རབ་བྱུང་བཅུ་གཅིག་པའི་ནང་དར་མོ་སྨན་རམས་པ་བློ་བཟང་ཆོས་གྲགས་ཀྱིས་མེས་པོའི་ཞལ་ལུང་གི་ཁ་སྐོང་ཚུལ་དུ་མཛད་པའི་ཕྱི་མ་རྒྱུད་ཀྱི་འགྲེལ་པ་ཞིག |
| དཀའ་ངལ |
ངལ་དུབ་ཀྱི་དོན་ཏེ། (དཔེར་ན།) དཀའ་ངལ་ཁྱད་བསད་ཀྱིས་ལས་ཀ་བྱས། དཀའ་ངལ་འཛེམས་མེད། དཀའ་ངལ་ཐུག་དུས་ཕྱིར་ཤིག་རྒྱག་མི་ཉན་ལྟ་བུ། |
| དཀའ་ཆེན |
བཀྲ་ཤིས་ལྷུན་པོའི་དགེ་བཤེས་དྲག་གྲས་མཚན་ཉིད་ཀྱི་གཞུང་སློབ་གཉེར་ལེགས་པར་ཐོན་པ་སྤྱིའི་མིང༌། |
| དཀའ་ཉེན |
1.དཀའ་ངལ་ལམ་ངལ་དུབ། 2.དཀའ་ངལ་དང་ཉེན་ཁ། |
| དཀའ་ཐུབ |
1.འབད་པའི་དོན་ཏེ། (དཔེར་ན།) ལས་དོན་ལ་དཀའ་ཐུབ་སྤྱད་ཅེས་པ་ལྟ་བུ། 2.སྡུག་བསྔལ་སྣ་ཚོགས་བཟོད་ཐུབ་པའི་དོན་ཏེ། (དཔེར་ན།) དཀའ་ཐུབ་དྲག་པོ། དཀའ་ཐུབ་དང་སྡོམ་པ་འཛིན་པ། དཀའ་ཐུབ་ཀུན་གྱི་ནང་ནས་བཟོད་པ་ཕུལ་དུ་བྱུང་བར་བསྔགས་ལྟ་བུ། |
| དཀའ་ཐུབ་གནས |
(མངོན་བརྗོད།) ཤིང་ནགས་ཁྲོད་ཀྱི་དབེན་གནས། |
| དཀའ་ཐུབ་ཅན |
(མངོན་བརྗོད།) 1>སྤང་སྤོས། 2>ལྷ་ཆེན་དབང་ཕྱུག 3>མཆུ་ཟླ། 4>དབོ་ཟླ 5>བུམ་ཁྱིམ། |
| དཀའ་ཐུབ་ཆེན་པོ |
1.དཀའ་ངལ་ལ་བཟོད་བསྲན་ཆེ་བ། 2.སངས་རྒྱས་ཤིག་གི་མཚན། |
| དཀའ་ཐུབ་དགྲ |
(མངོན་བརྗོད།) འདོད་ལྷ། |
| དཀའ་ཐུབ་ནགས་ཚལ |
ཤིང་ནགས་ཁྲོད་ཀྱི་དབེན་ས་སྟེ། (དཔེར་ན།) རྒན་རྒོན་དཀའ་ཐུབ་ནགས་སུ་འགྲོ་ལྟ་བུ། |
| དཀའ་ཐུབ་ཟླ་བ |
(མངོན་བརྗོད།) མཆུ་ཟླ་བའམ་ཧོར་ཟླ་དང་པོ། |
| དཀའ་ཐུབ་སྤྱོད |
(མངོན་བརྗོད།) དྲང་སྲོང༌། |
| དཀའ་ཐུབ་སྤྱོད་པ |
1.དཀའ་བའི་ལས་བཟོད་པར་བྱེད་པ། 2.(མངོན་བརྗོད།) དྲང་སྲོང༌། |
| དཀའ་དཀའ |
ཁག་པོ་ཁག་པོའི་དོན་ཏེ། (དཔེར་ན།) ལས་ཀ་དཀའ་དཀའ་ལྟར་ཡོད་ཀྱང་འབད་ན་འགྲུབ་ཡོང༌ལྟ་བུ། |
| དཀའ་པོ |
ལས་སླ་པོ་མ་ཡིན་པའམ་ལུས་སེམས་ངལ་དུབ་བྱེད་དགོས་པ་སྟེ། (དཔེར་ན།) དོན་གནད་དཀའ་པོ། བྱ་བ་དཀའ་པོ། ཧ་ཅང་གོ་དཀའ་པོ་ལྟ་བུ། |
| དཀའ་བ |
1.(བྱེད་མེད་ལས་ཚིག) དུབ་པའམ་ངལ་བའི་དོན་ཏེ། (དཔེར་ན།) ལུས་སེམས་གཉིས་ཀ་དཀའ་བ། སྐད་ཅིག་མང་པོར་དཀའ་བས་སྙོམས་པར་འཇུག་པར་འགྱུར་ཞེས་པ་ལྟ་བུ། 2. ཚེགས་ལས་ཀྱི་དོན་ཏེ། (དཔེར་ན།) དཀའ་བ་དང་དུ་ལེན་པ། དཀའ་བ་ཀུན་སྤྱད། ལུས་སེམས་ཀྱི་དཀའ་བ་དང་བསྡོས་ཞེས་པ་ལྟ་བུ། 3. ཁག་པོའི་དོན་ཏེ། (དཔེར་ན།) དཀའ་དོན། དཀའ་གནད་ཅེས་པ་ལྟ་བུ། 4. སླ་པོ་མིན་པའི་དོན་ཏེ། (དཔེར་ན།) འགྲོ་དཀའ་བ། རྙེད་དཀའ་བ། གོ་དཀའ་བ་མེད་པ། ཁོང་དུ་ཆུད་པར་དཀའ་བ། བསྒྲུབ་དཀའ་བ་ཅི་ཡོད་ཅེས་པ་ལྟ་བུ། |
| དཀའ་བཅུ |
བཀའ་པོད་ལྔ་དགོངས་འགྲེལ་དང་བཅས་པར་སློབ་གཉེར་རགས་རིམ་ཙམ་བྱས་ཏེ་ཐོན་པ་གཙང་བཀྲ་ཤིས་ལྷུན་པོའི་དགེ་བཤེས་ཀྱི་བྱེ་བྲག་ཅིག |
| དཀའ་བཞི་པ |
དབུ་ཕར་འདུལ་མཛོད་གཞུང་ཆེན་བཞི་ལ་སྦྱངས་པའི་དགེ་བཤེས། བཀའ་བཞི་པའང་ཟེར། |
| དཀའ་བཟློག་བླ་མ |
(མངོན་བརྗོད།) རི་བོ་གངས་ཅན། |
| དཀའ་བའི་དོན་མཐུན་པ |
བསྡུ་བའི་དངོས་པོ་བཞིའི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་དོན་སྤྱོད་པ |
བསྡུ་བའི་དངོས་པོ་བཞིའི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་བཟོད་པ |
ཕ་རོལ་ཏུ་ཕྱིན་པ་དྲུག་གི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་བརྩོན་འགྲུས |
ཕ་རོལ་ཏུ་ཕྱིན་པ་དྲུག་གི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་བསམ་གཏན |
ཕ་རོལ་ཏུ་ཕྱིན་པ་དྲུག་གི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་ཚུལ་ཁྲིམས |
ཕ་རོལ་ཏུ་ཕྱིན་པ་དྲུག་གི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་ཤེས་རབ |
ཕ་རོལ་ཏུ་ཕྱིན་པ་དྲུག་གི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་སྙན་པར་སྨྲ་བ |
བསྡུ་བའི་དངོས་པོ་བཞིའི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་བའི་སྦྱིན་པ |
བསྡུ་བའི་དངོས་པོ་བཞི་དང་ཕ་རོལ་ཏུ་ཕྱིན་པ་དྲུག་གི་གྲས་ཤིག་སྟེ་མ་དག་པའི་ཞིང་དུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞིག |
| དཀའ་མདོ |
(བརྡ་རྙིང་།) རྐ་མདོ། |
| དཀའ་མོ |
ཁག་པོའི་དོན་ཏེ། (དཔེར་ན།) ལས་དོན་དཀའ་མོ་ཞེས་པ་ལྟ་བུ། |
| དཀའ་ཚད |
དཀའ་སྟངས་སམ། དཀའ་ཚུལ་གྱི་དོན་ཏེ། (དཔེར་ན།) ལས་དོན་དཀའ་ཚད་ཇི་འདྲ་འདུག་ཅེས་པ་ལྟ་བུ། |
| དཀའ་ཚེགས |
ངལ་དུབ་བམ་ཁག་པོའི་དོན་ཏེ། (དཔེར་ན།) དཀའ་ཚེགས་ལ་མ་འཛེམས་པ། དཀའ་ཚེགས་གཅིག་ཐོག་ཉིས་བརྩེགས་ཐུག་པ། ཐབས་ཤེས་སྣ་ཚོགས་ཀྱིས་དཀའ་ཚེགས་བསལ་ཞེས་པ་ལྟ་བུ། |
| དཀའ་ཟློག་མ |
(མངོན་བརྗོད།) དབང་ཕྱུག་གི་བཙུན་མོ། |
| དཀའ་འགག |
དཀའ་ལས་ཁག་སའི་འགག་རྩའི་དོན་ཏེ། (དཔེར་ན།) དཀའ་འགག་རིམ་གྱིས་བསལ་ཞེས་པ་ལྟ་བུ། |
| དཀའ་འགྲེལ |
གཞུང་གི་ཚིག་དོན་རྣམས་མཐར་ཆགས་སུ་མ་བཤད་པར་དཀའ་བའི་གནས་རྣམས་རྩལ་དུ་བཏོན་ནས་བཤད་པའི་གཞུང༌། |
| དཀའ་འགྲེལ་དགོས་འདོད་འབྱུང་བ |
རབ་བྱུང་བདུན་པའི་ནང་བྱང་པ་རྣམ་རྒྱལ་གྲགས་བཟང་གིས་མཛད་པའི་ཕྱི་མ་རྒྱུད་ཀྱི་དཀའ་གནད་རྣམས་གསལ་བར་འགྲེལ་བའི་སྨན་གྱི་བསྟན་བཅོས་ཤིག |
| དཀའ་འགྲེལ་ལེགས་བཤད་གསེར་རྒྱན |
རབ་བྱུང་བཅུ་གཅིག་པའི་ནང་དར་མོ་སྨན་རམས་པ་བློ་བཟང་ཆོས་གྲགས་ཀྱིས་མེས་པོའི་ཞལ་ལུང་གི་ཁ་སྐོང་ཚུལ་དུ་མཛད་པའི་མན་ངག་རྒྱུད་ཀྱི་དཀའ་གནད་རྣམས་གསལ་བར་འགྲེལ་བ་ཞིག |
| དཀའ་རུག |
(བརྡ་རྙིང་།) ལག་གཡོར་ཏེ་ལས་རོགས། |
| དཀའ་ལས |
1.ཁག་པོའི་ལས་ཀ། 2.ངལ་དུབ་ཀྱི་དོན་ཏེ། (དཔེར་ན།) དཀའ་ལས་མ་བརྒྱབ་པར་ལོངས་སུ་སྤྱོད་པ། དཀའ་ལས་ཆེ་ལ་འབྲས་བུ་ཆུང་བ། དཀའ་ལས་ཁག་པོ་ལྟ་བུ། |
| དཀའ་སེ་བ |
དཀའ་དཀའ་ལྟར་རམ། དཀའ་ཙམ་གྱི་དོན་ཏེ། (དཔེར་ན།) ཐོག་མར་དཀའ་སེ་བའི་ལས་ཀ་དེ་གོམས་ན་སླ་སེ་བ་ཡོང༌ལྟ་བུ། |
| དཀའ་སྡུག |
1.བཟོད་དཀའི་སྡུག་བསྔལ་གྱི་དོན་ཏེ། (དཔེར་ན།) དཀའ་སྡུག་མཉམ་སྤྱོད། 2.དཀའ་ངལ་དང་སྡུག་བསྔལ། |
| དཀའ་སྣང |
ཁག་པོའི་སྣང་བ། |
| དཀའ་སྤྱད |
དཀའ་བ་སྤྱད་པ་སྟེ་དཀའ་ངལ་དང་དུ་ལེན་པའི་དོན། (དཔེར་ན།) དཀའ་སྤྱད་ཀྱིས་སློབ་སྦྱོང་བྱེད་པ། དཀའ་སྤྱད་སྡུག་འཁུར། དཀའ་སྤྱད་སྙིང་རུས་ལྟ་བུ། |
| དཀའ་སྦྱོང |
ལུས་དཀའ་ལ་སེམས་སྦྱོང་བའི་དོན་ཏེ། (དཔེར་ན།) དབུལ་ཕོངས་རྣམས་ལ་དཀའ་སྦྱོང་བྱུང་ལུགས་གསལ་པོར་རྟོགས་ལྟ་བུ། |
| དཀར |
(རྒྱན་ཚིག) 1>འོ་མ་དང་ཁ་བའི་མདོག་ལྟ་བུ་སྟེ། (དཔེར་ན།) སྤྲིན་དཀར། གངས་དཀར། བལ་དཀར་ཞེས་པ་ལྟ་བུ། 2>དྲི་མས་མ་གོས་པའམ་བཟང་བའི་དོན་ཏེ། (དཔེར་ན།) བསམ་པ་དཀར་པོ། བྱ་བའི་མཐའ་དཀར་བ་ཞེས་པ་ལྟ་བུ།2.དཀར་ཡོལ་ཞེས་པའི་ཚིག་བསྡུས་པ། |
| དཀར་ཁུང |
1.ཐོག་ཁུང་ངམ། མཐོངས་ཁུང༌། 2.སྒེའུ་ཁུང༌། |
| དཀར་ཁྱུག་ཁྱུག |
(རྒྱན་ཚིག) འོད་དཀར་པོའི་རྒྱུ་སྟངས་ཏེ། (དཔེར་ན།) བར་སྣང་དུ་སྐར་མདའ་ཞིག་དཀར་ཁྱུག་ཁྱུག་རྒྱུག་གིན་འདུག་ཅེས་པ་ལྟ་བུ། |
| དཀར་ཁྲ |
གཞི་དཀར་པོ་ལ་སྔོ་དམར་སོགས་ཀྱི་རི་མོ་སྣ་ཚོགས་ཡོད་པའི་དོན་ཏེ། (དཔེར་ན།) རས་དཀར་ཁྲ། ཤོག་བུ་དཀར་ཁྲ་ཞེས་པ་ལྟ་བུ། |
| དཀར་ཁྲ་མན |
གཟི་ཡི་རིགས་རི་མོ་སྔོ་དཀར་དམར་སོགས་མ་ངེས་པ་འབྱུང་བ་ཞིག་ནུས་པས་གཟའ་ནད་དང་འབྱུང་པོའི་གདོན་སྲུང༌། |
| དཀར་ཁྲ་མེན |
རིན་ཆེན་རིགས་ཀྱི་རྡོ་གནམ་ས་ཁ་སྤྲོད་ཟེར་བ། |
| དཀར་ཁྲི་ནག་སྟོང |
ལུག་ཁྲི་དང་གནག་ཕྱུགས་སྟོང་གི་དོན་ཏེ། (དཔེར་ན།) དཀར་ཁྲི་ནག་སྟོང་ཡོད་པའི་འབྲོག་ཕྱུག་ཅེས་པ་ལྟ་བུ། |
| དཀར་ཁྲོམ་མེ |
(རྒྱན་ཚིག) འོད་དང་ཟིལ་པ་སོགས་དྭངས་པའི་རྣམ་པ་སྟེ། (དཔེར་ན།) ཟླ་འོད་ཕོག་པའི་ཆུ་ཟིལ་དཀར་ཁྲོམ་མེ་ལྟ་བུ། |
| དཀར་གཙང |
མདོག་དཀར་པོ་དྲི་མ་མེད་པའི་དོན་ཏེ། (དཔེར་ན།) ཁ་བཏགས་དཀར་གཙང༌། གྱོན་པ་དཀར་གཙང༌ཞེས་པ་ལྟ་བུ། |
| དཀར་གཡའ |
གཤའ་དཀར་གྱི་རྩི་སྟེ། (དཔེར་ན།) ཟངས་ལ་དཀར་གཡའ་གཏོང་ལྟ་བུ། |
| དཀར་གཡེང |
(བརྡ་རྙིང་།) བཟང་ངན་དབྱེ་འབྱེད། |
| དཀར་གསལ |
དཀར་ཞིང་གསལ་བའི་དོན་ཏེ། (དཔེར་ན།) སྟོན་གྱི་ཟླ་བཀྲག་དཀར་གསལ་ལྟ་བུ། |
| དཀར་གསུམ |
ཞོ་དང༌། འོ་མ། མར་ཏེ་གསུམ། |
| དཀར་གསུམ་མངར་གསུམ |
འོ་ཞོ་མར་གསུམ་སྟེ་དཀར་གསུམ་དང༌། ཤེལ་ཀ་ར་དང༌། བུ་རམ། སྦྲང་རྩི་སྟེ་མངར་གསུམ། |
| དཀར་གསུར |
ཤ་ཁྲག་མ་འདྲེས་པའི་དཀར་ཟས་ཀྱི་གསུར། |
| དཀར་གོང |
ཚིལ་ལྟ་བུའི་རྡོ་དཀར་པོ་ཞིག་སྟེ་འདི་ལ་མིང་གཞན་མཁར་གོང་དང༌། ཐུན་རྡོ་སོགས་སྣ་ཚོགས་ཡོད་ཅིང༌། སྲིན་འདོན། གདོན་བསྐྲད། དུག་ལ་ཕན་ཟེར། |
| དཀར་ཆ |
ཁ་དོག་དཀར་པོའི་ཆ་ཤས་ཀྱི་དོན་ཏེ། (དཔེར་ན།) ཁང་པའི་དཀར་ཆ་ལེགས་པོ་ལྟ་བུ། |
| དཀར་ཆག |
སྡེ་ཚན་སོ་སོའི་མིང་གི་གོ་རིམ་འཁོད་པའི་ཐོ་ཡིག་སྟེ། (དཔེར་ན།) དཀར་ཆག་སྒྲིག་པ། དཔེ་ཆའི་དཀར་ཆག དགོན་པའི་དཀར་ཆག ལྷ་ལྡན་སྤྲུལ་པའི་གཙུག་ལག་ཁང་གི་དཀར་ཆག |
| དཀར་ཆག་མཆིམས་ཕུ་མ |
བོད་རྗེ་སད་ན་ལེགས་མཇིང་ཡོན་ཏེ་ཁྲི་ལྡེ་སྲོང་བཙན་སྐབས་བན་དེ་དཔལ་བརྩེགས་སོགས་ལོ་ཙཱ་བ་འགའ་ཞིག་གིས་བསམ་ཡས་མཆིམས་ཕུར་བཞུགས་པའི་བཀའ་འགྱུར་ལ་དག་ཐེར་མཛད་ནས་བསྒྲིགས་པའི་དཀར་ཆག་གསུམ་པའི་མཚན། |
| དཀར་ཆག་འཕང་ཐང་མ |
བོད་རྗེ་སད་ན་ལེགས་མཇིང་ཡོན་ཏེ་ཁྲི་ལྡེ་སྲོང་བཙན་སྐབས་བན་དེ་དཔལ་བརྩེགས་སོགས་ལོ་ཙཱ་བ་འགའ་ཞིག་གིས་འཕང་ཐང་ཀ་མེད་ཀྱི་གཙུག་ལག་ཁང་དུ་བཞུགས་པའི་བཀའ་འགྱུར་ལ་བམ་གྲངས་སོགས་གཞུང་ཚད་གསར་དུ་བསྒྲིགས་ནས་བཀོད་པའི་དཀར་ཆག་དང་པོའི་མཚན། |
| དཀར་ཆག་རིན་ཆེན་དོ་ཤལ |
བསམ་གཏན་གླིང་གི་ཨ་ཏི་ཡོ་གའི་ཆོས་སྐོར་གྱི་དཀར་ཆག་དུས་རབས་བཅུ་བདུན་པར་རྒྱལ་དབང་ལྔ་པས་མཛད་པ། |
| དཀར་ཆག་ལྡན་དཀར་མ |
བོད་རྗེ་སད་ན་ལེགས་མཇིང་ཡོན་ཏེ་ཁྲི་ལྡེ་སྲོང་བཙན་སྐབས་བན་དེ་དཔལ་བརྩེགས་སོགས་ལོ་ཙཱ་བ་འགའ་ཞིག་གིས་སྟོང་ཐང་ལྡན་དཀར་གྱི་ཕོ་བྲང་དུ་བཞུགས་པའི་བཀའ་འགྱུར་ལ་དག་ཐེར་མཛད་ནས་བཀོད་པའི་དཀར་ཆག་གཉིས་པའི་མཚན། |
| དཀར་ཆག་ཤེལ་དཀར་མེ་ལོང |
དུས་རབས་བཅུ་བདུན་པར་རྒྱལ་དབང་ལྔ་པས་མཛད་པའི་ལྷ་ལྡན་གཙུག་ལག་ཁང་གི་དཀར་ཆག |
| དཀར་ཆབ་ཆབ |
(རྒྱན་ཚིག) དཀར་མདངས་འཕྲོ་ཚུལ་ཞིག་སྟེ། (དཔེར་ན།) གོས་གསར་དཀར་ཆབ་ཆབ་ཅིག་གྱོན་འདུག་ཅེས་པ་ལྟ་བུ། |
| དཀར་ཆལ |
རྡོ་གཅལ། |
| དཀར་ཆུ |
1.ཞོ་འོ་མར་ཕྱུར་གྱི་སྤྱི་མིང༌སྟེ། (དཔེར་ན།) རྩྭ་ཆུ་ལེགས་སར་དཀར་ཆུ་བཟང༌ལྟ་བུ། 2.འབྲི་ཆུའི་ཆུ་འགོ་ལྷོ་མ་སྟེ། མཚོ་སྔོན་གྱི་ལྷོ་ནུབ་རྒྱུད་དུ་ཡོད། |
| དཀར་ཆོས |
གཞན་ལ་ཕན་པའི་བྱ་བའམ། དགེ་བའི་ཆོས་ཏེ། (དཔེར་ན།) བདེ་འབྲས་འཐོབ་བྱེད་ཀྱི་དཀར་ཆོས་བསྒྲུབས་ལྟ་བུ། |
| དཀར་ཉེ |
བློ་དཀར་བའི་ཉེ་བའམ། མཛའ་གྲོགས་ཀྱི་དོན་ཏེ། (དཔེར་ན།) དཀར་ཉེ་ལྟོས་བཅས་ལ་སྟོན་ཆེན་བཏང་ལྟ་བུ། |
| དཀར་ཐིག |
1.ཁང་པའི་ཕྱི་ནང་ལ་ས་དཀར་སོགས་ཀྱིས་དཀར་ཐིག་བཏབ་པའི་བཀྲ་ཤིས་བདེ་ལེགས་མཚོན་བྱེད་ཀྱི་རི་མོ་སྟེ། (དཔེར་ན།) ཁྲོམ་གཞུང་དུ་དཀར་ཐིག་འཐེན་ཞེས་པ་ལྟ་བུ། 2.རི་མོ་དཀར་པོ་སྒོར་སྒོར། |
| དཀར་ཐིགས |
དགེ་སྒྲུབ་ཀྱི་བྱ་བར་འབུལ་བའི་མར་མེའི་ཞལ་འདེབས་ལྟ་བུ། (དཔེར་ན།) ལྷ་ཁང་གི་མཆོད་མེར་དཀར་ཐིགས་བརྒྱབ་ཅེས་པ་ལྟ་བུ། |
| དཀར་དམར |
ཁ་དོག་དཀར་པོ་དང་དམར་པོ། |
| དཀར་དུས |
དབྱར་དུས་དཀར་ཆུ་བཟང་སྐབས་ཀྱི་དོན་ཏེ། (དཔེར་ན།) ཆར་ཆུ་འབེལ་པོ་བྱུང་བས་དཀར་དུས་བཟང༌ལྟ་བུ། |
| དཀར་ནག |
1.ཁ་དོག་དཀར་ནག་གི་དོན་ཏེ། (དཔེར་ན།) དཀར་ནག་འདྲེས་མ། དཀར་ནག་མཚམས་གསལ་ལྟ་བུ། 2.དགེ་སྡིག་གམ་བདེན་རྫུན་གྱི་དོན་ཏེ། (དཔེར་ན།) དཀར་ནག་ཕྱིན་ཅི་སློག་པ། དཀར་ནག་ཤན་འབྱེད། དཀར་ནག་གོ་ལྡོག དཀར་ནག་བདའ་འདེད། ཁ་འོ་མ་ལས་དཀར། ཁོག་ཚེར་མ་ལས་ནག་ཅེས་པ་ལྟ་བུ། |
| དཀར་ནག་ཁྲ་གསུམ |
1.ཚོས་གཞི་དཀར་ནག་ཁྲ་གསུམ། 2.སྔར་བོད་ཀྱི་ཁྲིམས་ཡིག་ནང་ཆད་པ་ལྕི་ཡང་དུ་གཏོང་བའི་རིམ་པ་རབ་འབྲིང་ཐ་གསུམ་མམ། ལྕི་ཡང་བར་གསུམ་སྟེ། (དཔེར་ན།) སྡིག་ཉེས་དཀར་ནག་ཁྲ་གསུམ་ལ་གཞིགས་ནས་ཆད་པ་དཀར་ནག་ཁྲ་གསུམ་གཏོང་ལྟ་བུ། |
| དཀར་ནག་གོ་ལྡོག |
ཡིན་པ་མིན་པར་བཤད་པ་དང་མིན་པ་ཡིན་པར་བཤད་པའི་སྐད་དང་བྱ་སྤྱོད་སོགས་ཀྱི་མིང་། |
| དཀར་ནག་མཚམས |
ནུ་མ་གཡས་ནས་གཡོན་བར་ཐིག་གིས་སྦྲེལ་བའི་བར་རམ་དཀྱིལ་གྱི་གནས་དེའོ། ། |
| དཀར་ནག་རྩིས་ཁྲ |
ར་ལུག་དང་འབྲི་གཡག་གི་རྩིས་ཐོ། |
| དཀར་པོ |
1.(རྒྱན་ཚིག) ནག་པོའི་ལྡོག་ཕྱོགས་ཏེ། (དཔེར་ན།) དཀར་པོ་རྟ་དཀར་པོ། གོས་དཀར་པོ། ས་དཀར་པོ་ལྟ་བུ། 2.ཕྱུགས་ཀྱི་ཧོན་ནད་འགོག་སྨན། 3.སྦྱོར་བ་ཉེར་བདུན་གྱི་ནང་གསེས་ཤིག 4.(མངོན་བརྗོད།) 1>ས་སྦྲུལ་ལོ། 2>གཟའ་པ་སངས། |
| དཀར་པོ་ཆིག་ཐུབ |
1.སྔོ་སྨན་གྱི་རིགས་ཤིག་རོ་མངར་ཞིང་བསྐ། ཞུ་རྗེས་བསིལ། ནུས་པས་སྲིན་ནད་སེལ། དུག་ནད་སྡུད། གག་ལྷོག་དང༌། ཕོ་བའི་གླང་ཐབས་འཇོམས། 2.ཐང་ཁྲོམ་དཀར་པོའི་མིང་གི་རྣམ་གྲངས་ཤིག |
| དཀར་པོ་ཆིག་ཐུབ་དམན་པ |
དུག་སྡུད་གཉན་སྲིན་འཇོམས་ཞེས་པ་གཡའ་བྲག་ལ་སྐྱེ་བ་རྩ་བ་ཉུང་མ་གཞོན་ནུའི་དབྱིབས་ཅན་དེ་ཡིན། |
| དཀར་པོ་དུང་སྐྱོང |
ཀླུ་ཆེན་བརྒྱད་ཀྱི་གྲས་ཤིག |
| དཀར་པོ་ཕྱོགས་བརྒྱད |
ས་ག་ཟླ་བའི་སྨྱུང་གནས་སྲུང་ཚུལ་གྱི་ཁྱད་པར་ཞིག |
| དཀར་པོ་རྣམ་གསུམ |
ས་སྐྱ་གོང་མ་ལྔའི་ནང་ནས། ཀུན་དགའ་སྙིང་པོ་དང༌། བསོད་ནམས་རྩེ་མོ། གྲགས་པ་རྒྱལ་མཚན་གསུམ་སྟེ་དེ་དག་གིས་དགེ་བསྙེན་གྱི་སྡོམ་པ་ལས་རབ་བྱུང་གི་སྡོམ་པ་མ་བཞེས་པར་རས་དཀར་གྱོན་པས་མིང་དེ་ལྟར་གྲགས། |
| དཀར་པོ་རྣམ་པར་མཐོང་བའི་ས |
ཉན་ཐོས་ཀྱི་ཚོགས་ལམ་སྟེ་རྣམ་བྱང་གི་ཆོས་དཀར་པོ་དང་པོར་མཐོང་བའི་ལམ་སྟེ་ཐེག་དམན་ས་བརྒྱད་ཀྱི་ནང་ཚན་ཞིག |
| དཀར་པོ་སྦལ་རྒྱབ |
རྡོ་སྨན་གྱི་རིགས་དབྱིབས་སྦལ་པའི་རྒྱབ་ཀྱི་འབྲུམ་པ་དང་འདྲ་བ་ཞིག་རོ་མངར་ལ་བསྐ། ཞུ་རྗེས་བསིལ། ནུས་པས་རུས་པ་ཆག་པ་སྦྱོར། ཆུ་སེར་འཕུལ་འདྲེན་བྱེད། |
| དཀར་པོའི་ཆོས་བཞི |
སྲོག་གམ་ཐ་ན་བཞད་གད་ཀྱི་ཕྱིར་ཡང་ཤེས་བཞིན་དུ་རྫུན་མི་སྨྲ་བ་དང༌། སེམས་ཅན་ལ་གཡོ་སྒྱུ་མེད་པར་བསམ་པ་དྲང་པོར་གནས་པ། སེམས་ཅན་ཀུན་ལ་སྟོན་པའི་འདུ་ཤེས་སྐྱེད་ཅིང་དོན་གནས་ཀྱི་བསྔགས་པ་བརྗོད་པ། གདུལ་བྱ་རྣམས་ཉི་ཚེ་བའི་ཐེག་པར་མི་འདོར་བར་རྫོགས་པའི་བྱང་ཆུབ་འཛིན་དུ་འཇུག་པ། |
| དཀར་པོའི་ལས་འབྲེལ |
ཆོས་སམ་ལས་དགེ་བ་གསོག་པའི་འབྲེལ་བ། |
| དཀར་ཕིབས |
ཕྱོགས་གཅིག་ལ་མ་གཏོགས་རྩིག་པ་མེད་ལ་ཐོག་ཡོད་པའི་ཁང་པ། |
| དཀར་ཕུད |
འབྲོག་པས་ལྷ་ལ་འབུལ་རྒྱུའི་མར་ཕྱུར་འོ་ཞོ་སོགས་གསར་པ། |
| དཀར་ཕྱོགས |
1.དགེ་བའི་ཕྱོགས། 2.ཡར་ངོའི་ཚེས་གཅིག་ནས་བཅོ་ལྔའི་བར་ཟླ་བའི་དཀར་ཆ་ཡར་འཕེལ་བའི་དུས་ཏེ། (དཔེར་ན།) དཀར་ཕྱོགས་ཀྱི་གྲལ་ཚེས་དགེ་བར་བྲིས་ཞེས་པར་ལྟ་བུ། |
| དཀར་ཕྱོགས་ཀྱི་ལྷ |
ཆོས་ལ་དགའ་བའི་འཇིག་རྟེན་པའི་ལྷ་རྣམས། |
| དཀར་བ |
རབ་ཏུ་དཀར་བའི་གངས་རི་ཞེས་པ་ལྟ་བུ། |
| དཀར་བརྒྱུད་པ |
བཀའ་བརྒྱུད་ཅེས་ཡོངས་སུ་གྲགས་པ་དེ་ལ་ཡི་གེ་འགའ་ཞིག་ན་མར་མི་དང་གླིང་རས་པ་སོགས་ན་བཟའ་དཀར་པོ་ལས་མི་གསོལ་བ་ལ་བསམས་ནས་དཀར་བརྒྱུད་ཅེས་བྲིས་པའང་སྣང༌། |
| དཀར་བརྩེགས |
ཁལ་ཕྱུགས་ཀྱི་སྒ་འོག་ཏུ་རྒྱག་བྱའི་རེ་སྣམ་གྱི་རྒྱབ་ལྡན་ཕྱིང་པའི་ཁེབས་ཤིག |
| དཀར་བཤལ |
བཤལ་རིམས་རྣག་དཀར་པོ་ཅན། |
| དཀར་བསོད |
དབྱར་དུས་བླ་སྤྲུལ་ལམ་གྲྭ་པས་འབྲོག་ཁུལ་དུ་མར་ཕྱུར་སོགས་སློང་མོ་བྱེད་པའི་བསོད་སྙོམས། |
| དཀར་བྱུག་པ |
1.ཁང་པར་ས་དཀར་བྱུག་པ། 2.གཏོར་མ་ལ་མར་ཁུ་བྱུག་པ། |
| དཀར་མདངས |
ཚོས་གཞི་དཀར་པོའི་མདངས་ཏེ། (དཔེར་ན།) མཚན་མོའི་ཟླ་བ་དཀར་མདངས་ཅན་ཞེས་པ་ལྟ་བུ། |
| དཀར་མདོག་ཅན |
(མངོན་བརྗོད།) དངུལ། |
| དཀར་མཛེས |
1.ཁ་མདོག་དཀར་ཞིང་མཛེས་པ། 2.རྫོང་ཞིག་སྔར་ཧོར་ཁོག་ལྔའི་ནང་གསེས་དང་ཉག་ཆུའི་སྟོད་རྒྱུད་དུ་ཡོད། |
| དཀར་མི |
1.མནའ་སྐྱེལ་མཁན། 2.བློ་ཉེ་བའི་མི། |
| དཀར་མིན |
1.དཀར་པོའི་ལྡོག་ཕྱོགས། 2.སྡིག་པའི་དོན་ཏེ། (དཔེར་ན།) རྣམ་པ་ཀུན་ཏུ་དཀར་མིན་ལས་དེ་སྤོངས་ཞེས་པ་ལྟ་བུ། |
| དཀར་མེ |
སྒྲོན་མེའི་མིང་། |
| དཀར་མེ་བསྔོ་ཞུ |
ཕུང་པོ་འདོན་པའི་སྔ་ཉིན་མཆོད་སྤྲིན་དང་བསྔོ་རྟེན་འབུལ་སྲོལ། |
| དཀར་མོ |
མདོག་དཀར་པོ་དང་འདྲ། |
| དཀར་མོ་གོས་གཅིག་མ |
ལྷ་དབང་ཕྱུག་གི་བཙུན་མོ་ཞིག |
| དཀར་མོ་གྲེ་འགག |
ལུག་གི་མིད་པ་འགག་ནས་མྱུར་དུ་འཆི་བའི་འགོས་ནད་ཅིག |
| དཀར་ཞོད |
འོ་མ། |
| དཀར་ཟལ |
དཀར་ཁྲ་སྟེ། (དཔེར་ན།) བ་གླང་དཀར་ཟལ་ཞེས་པ་ལྟ་བུ། |
| དཀར་ཟས |
ཤ་ཁྲག་དང་མ་འདྲེས་པའི་ཟས་ཀྱི་མིང་། |
| དཀར་ཟླ |
1.ཟླ་དཀར། 2.ཧོར་ཟླ་ལྔ་པ། |
| དཀར་འཁྱིལ་ལེ་བ |
(རྒྱན་ཚིག) འོད་དཀར་པོ་འཁྱིལ་ཚུལ་ཏེ། (དཔེར་ན།) ཟླ་བཀྲག་ལྟ་བུའི་འོད་དཀར་འཁྱིལ་ལེ་བ་ལྟ་བུ། |
| དཀར་འགྱེད |
1.ཞོ་འོ་མ་སོགས་ཀྱི་འགྱེད། 2.བམ་རོ་བདུད་རྩིར་ཞུ་བ་ལས་ཡར་དཀོན་མཆོག་སྲི་ཞུའི་མགྲོན་ལ་མཆོད་པ་གཅོད་གཞུང་ལས་གསུངས། |
| དཀར་འཇམ |
1.ཁ་དོག་དཀར་ཞིང་རེག་བྱ་འཇམ་པའི་དོན་ཏེ། (དཔེར་ན།) གྱོན་པ་དཀར་འཇམ་ཞེས་པ་ལྟ་བུ། 2.བདེ་འཇགས་ཀྱི་དོན་ཏེ། (དཔེར་ན།) ཡུལ་ལུང་དཀར་འཇམ་ཡུག་གཅིག་ཏུ་བདེ་བར་གནས་ལྟ་བུ། |
| དཀར་འདོན |
1.ཚྭ་དང་སྒ་སྐྱ་ལ་བརྟེན་ནས་རླུང་ནད་བཅོས་ཐབས་ཤིག 2.ནག་མེད་ཉེས་འགེལ་བྱས་པ་རྣམས་མཐའ་གསལ་བྱུང་སྟེ་དཀར་འདོན་བྱེད་པ། |
| དཀར་འབྱམས |
དཀར་པོས་རྒྱ་ཆེར་ཁྱབ་པའི་དོན་ཏེ། (དཔེར་ན།) ས་གཞི་ཀུན་སྨུག་པས་དཀར་འབྱམས་སུ་ཁྱབ་འདུག་ཅེས་པ་ལྟ་བུ། |
| དཀར་འཛིན |
(མངོན་བརྗོད།) ནུ་མ། |
| དཀར་འཛོམ་ལ |
མདོ་ཁམས་ཀྱི་སྡེ་རོང་རྫོང་གི་ལ་ཞིག |
| དཀར་འོད |
(མངོན་བརྗོད།) སྲིན་བུ་མེ་ཁྱེར། |
| དཀར་ཡོལ |
1.རྫ་འདམ་དཀར་པོས་བཟོས་ནས་སོ་བཏང་བའི་ཕོར་བའི་མིང། 2.དཀར་ཡོལ་དང་རྒྱུ་འདྲ་བའི་སྣོད་སྤྱད་ཀྱི་མིང་སྟེ། (དཔེར་ན།) དཀར་ཡོལ་སྡེར་མ། དཀར་ཡོལ་རྫ་མ་ཞེས་པ་ལྟ་བུ། ཚིག་བསྡུས་ན‘དཀར’ཞེས་འབྲི་ཆོག་དཀར་ཡོལ་སྡེར་མ་ལ་དཀར་སྡེར་ཟེར་བ་ལྟ་བུ། |
| དཀར་ཡོལ་ཡུ་རིང |
སྔར་བོད་ཀྱི་བླ་དཔོན་སོགས་ལ་ཇ་སོགས་འདྲེན་སྣོད་ཀྱི་དཀར་ཡོལ་ཡུ་བ་རིང་པོ་ཞིག |
| དཀར་ཡོལ་རྡོ་རྩི |
དཀར་ཡོལ་ལ་བྱུག་བྱའི་རྩི། |
| དཀར་རག |
ཁང་པ་སོགས་ལ་བྱུག་རྒྱུའི་ས་དཀར། |
| དཀར་རིགས |
མར་ཕྱུར་འོ་ཞོ་སོགས། |
| དཀར་རུ |
1.དཀར་པོ། 2.ལུག་གི་ཁྱུ། |
| དཀར་རྐྱང |
ཚོས་མདོག་གཞན་མ་འདྲེས་པའི་དཀར་པོའི་དོན་ཏེ། (དཔེར་ན།) དཀར་པོ་དཀར་རྐྱང༌ལྟ་བུ། |
| དཀར་རྒྱན |
གཏོར་མའི་མར་རྒྱན། |
| དཀར་རྩི |
1.ཚོན་རྩི་དཀར་པོ། 2.ཁང་པ་སོགས་ལ་རྩི་བྱུག་རྒྱུའི་ས་དཀར་ཏེ། རོ་མངར་བསྐ། ནུས་པས་ཤ་རུས་ལ་ཞེན་པའི་ནད་འགོག་པར་ནུས། 3.གནག་ཕྱུགས་ལ་གློ་ནད་དང་ཧོན་ནད་ཕོག་སྐབས་ནད་ཕོག་ཟིན་པའི་ཕྱུག་ཁ་ཆུང་ཞིག་གི་ཁྲག་དང༌། རི་བོང་གི་ཁྲག་མཉམ་དུ་བསྲེས་ཏེ་ནད་མ་ཕོག་པའི་གནག་ཕྱུགས་རྣམས་ནད་ཡང་བ་དང༌། ཐར་ཐུབ་པའི་ཆེད་དུ་སྟེར་རྒྱུའི་འགོག་སྨན་ཞིག 4.གཏོར་མ་ལ་བྱུག་རྒྱུའི་མར་ཁུ། |
| དཀར་རྩིས |
སྐར་རྩིས་དང་འདྲ། |
| དཀར་རྩིས་པ |
ཐུགས་སྤྲོ་ཆེན་པོ་གཏོང་སྐབས་དཀར་ཡོལ་ཁོ་ན་བདག་པོ་རྒྱག་ཁན། |
| དཀར་ལ་ལྷ་མཚོ |
མདོ་ཁམས་མགོ་ལོག་ཏུ་ཡོད་པའི་མཚོ་ཞིག |
| དཀར་ལམ་མེ |
(རྒྱན་ཚིག) ཁ་དོག་ཤིན་ཏུ་དཀར་བའི་ཚུལ་ཏེ། (དཔེར་ན།) ཟླ་ཟེར་ཕོག་པའི་གངས་རི་དཀར་ལམ་མེར་གསལ་ལྟ་བུ། |
| དཀར་ལས |
1.དགེ་བའི་བྱ་བ། 2.འོ་ཞོ་མར་ཕྱུར་སོགས་ཀྱི་ལས་ཀ། |
| དཀར་ལོང |
མིག་འབྲས་སྐྱ་རིབ་ཀྱིས་བསྒྲིབས་པའི་ལོང་བ། |
| དཀར་ལྡན |
(མངོན་བརྗོད།) 1>ཟླ་བ། 2>ཁྱབ་འཇུག |
| དཀར་ཤ |
1.ནད་ཀྱི་བྱེ་བྲག་ཅིག 2.ཤ་མོང་དཀར་པོ། |
| དཀར་ཤལ་དམར་ཤལ |
སྔར་བོད་ཀྱི་ལྷ་ལྕམ་ཚོའི་གཟབ་རྒྱན་བྱེ་བྲག་ཅིག |
| དཀར་ཤས |
མདོག་དཀར་པོའི་ཆ་ཤས་ཀྱི་དོན་ཏེ། (དཔེར་ན།) དཀར་ཤས་ཆེ་བ། དཀར་ཤས་ཆུང་ཙམ་དང་ལྡན་པ་ལྟ་བུ། |
| དཀར་ཤུབས |
དཀར་ཡོལ་འཇུག་སྣོད། |
| དཀར་ཤེ |
མོ་ཕྱུགས་བོགས་མར་བཏང་བའི་བོགས་འབབ་མར་ཕྱུར། |
| དཀར་སངས |
དཀར་པོ་དཀར་རྐྱང༌གི་དོན་ཏེ། (དཔེར་ན།) ལྷའི་ན་བཟའ་དཀར་སངས། རས་དཀར་སངས་ཞེས་པ་ལྟ་བུ། |
| དཀར་སེམས་ནག་སྒྲིབ |
དགེ་སེམས་སྐྱོན་གྱིས་སྦགས་པ། |
| དཀར་སེར |
(རྒྱན་ཚིག) ཁ་དོག་དཀར་པོར་སེར་པོ་འདྲེས་པ་མིང་གི་རྣམ་གྲངས་ལ་ངང་པ་དང༌། རི་དྭགས་མདོག་སེར་སྐྱ་བཅས་སོ། ། |
| དཀར་སྐྱ |
ཁ་དོག་དཀར་ཙམ་ཞིག |
| དཀར་སྐྱོང |
ཤ་རུས་ཚིལ་ཁྲག་སོགས་དམར་རིགས་མ་འདྲེས་ཤིང༌། མར་ཕྱུར་འོ་ཞོ་འབྲས་རྩམ་སོགས་དཀར་རྩི་དང༌། དཀར་སྡོར་ཁོ་ནར་བརྟེན་པའི་བཟའ་བཏུང་ལོངས་སྤྱོད། |
| དཀར་སྟོན |
ཤ་ཁྲག་མ་འདྲེས་པའི་དཀར་ཟས་ཀྱི་སྟོན་མོ། |
| དཀར་སྡུད་པ |
འབྲོག་ཁུལ་དུ་ཕྱིན་ནས་མར་ཕྱུར་གྱི་ཁྲལ་སྡུད་མཁན། |
| དཀར་སྡེར |
དཀར་ཡོལ་ལམ་གུ་གུ་ཤ་ལས་བཟོས་པའི་སྡེར་མ། |
| དཀར་སྣང |
1.འོད་དཀར་པོའི་སྣང་བ། 2.དགའ་སེམས། |
| དཀར་སྤུའི་ཐོབ་འབྲས |
དཀར་ཆུ་པགས་རིགས་བཅས་ཀྱི་ཡོང་འབབ། |
| དཀར་སྤྱད |
འོ་མ་དང་ཞོ་སོགས་བླུག་སྣོད། |
| དཀར་སྤྲང |
མར་ཕྱུར་སོགས་སློང་མཁན། |
| དཀར་སྤྲོ |
སྟོན་ཆེན་སྐབས་བཤམ་རྒྱུའི་སྣུམ་བསྲེགས་ཁ་ཟས། |
| དཀར་སླེལ |
ལྕང་ལྕུག་ཤུན་ལྤགས་བཤུས་ནས་བཟོས་པའི་སླེས་པོ། |
| དཀར་སློང |
དབྱར་དུས་འབྲོག་པའི་ས་ནས་མར་ཕྱུར་འོ་ཞོ་སོགས་སློང་བ། |
| དཀུ |
1.ལུས་ཀྱི་དཔྱི་མགོ། 2.ལྟེ་བ་ན་དཔྱི་མགོའི་བར་གྱི་ཆ་ཤས། 3.བུད་མེད་ཀྱི་བུ་སྣོད། དཀུ་ན་བཞུགས་པ། 4.ཕོ་བའམ་གསུས་པ། |
| དཀུ་ནད |
1.ལུས་ཀྱི་དཔྱི་མགོའི་ནད་དམ་མཁལ་མའི་ནད། 2.བུད་མེད་ཀྱི་མངལ་ནད། |
| དཀུ་བ |
1.(བྱེད་མེད་ལས་ཚིག) 1>ལང་བའམ། བྲོ་བའི་དོན་ཏེ། (དཔེར་ན།) དྲི་ངན་དཀུ་བ་ཞེས་པ་ལྟ་བུ། 2>འབབ་པའམ། ལྷུང་བའི་དོན་ཏེ། (དཔེར་ན།) མཆི་མ་ལྷུག་ལྷུག་ཏུ་དཀུ་བ་ལྟ་བུ། 3.(བརྡ་རྙིང་།) ལྷག་པ་དང༌། ལུས་པ། 2. དྲི་མ་ངན་པ། |
| དཀུ་བ་རྣམ་པ་ལྔ |
སྒོག་པ་དང༌། བཙོང༌། རྒྱ་སྒོག རི་སྒོག ཤིང་ཀུན་ཏེ་དྲི་ང་བའི་རིགས་ལྔ་པོ་ཞེས་ཆོས་འདུལ་བ་ལས་འབྱུང༌། |
| དཀུ་མ་རྙོངས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ང་རྒྱལ་གྱི་འགྱིང་བག་བཅོམ་པ་ཉིད་ཀྱིས་དཀུ་མ་རྙོངས་པའང༌། སྐེད་པ་ཧ་ཅང་མི་རིང་བ། |
| དཀུ་མཉེ |
(བརྡ་རྙིང་།) 1>མེ། 2>སྟན། |
| དཀུ་མཚམས |
དཔྱི་མགོའམ། སྐེད་པའི་ཐད། |
| དཀུ་ཟླུམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སློབ་མ་ཚུལ་ཁྲིམས་ཕུན་སུམ་ཚོགས་པར་གྱུར་པ་ཉིད་ཀྱིས་དཀུ་ཟླུམ་པ་དཔྱིའི་སྟ་ཟུར་གྱིས་མཚོན་པའི་སྐེད་པ་ཟླུམ་པ། |
| དཀུ་ལྕི |
ལུས་ལ་ཕྲུ་གུ་ཆགས་རྐྱེན་གྱིས་དཔྱི་མགོའི་ཐད་ནས་ཚོར་བའི་ལྕི་ཉམས། |
| དཀུ་ལྟོ |
གསུས་པའམ་ལྟོ་བའི་དོན་ཏེ། (དཔེར་ན།) དཀུ་ལྟོ་ཆེ་ཞིང་ལུས་བོངས་ཐུང༌ལྟ་བུ། |
| དཀུ་སྐབས |
གསུས་པའི་སྐབས་མཚམས་ཏེ་སྟ་ཟུར་གྱི་ཐད། (དཔེར་ན།) དཀུ་སྐབས་སུ་སྐ་རགས་བཅིངས་ལྟ་བུ། |
| དཀུ་སྐབས་ཕྱིན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་འཁོར་བའི་སྐྱོན་གྱིས་མ་སྦགས་པ་ཉིད་ཀྱིས་དཀུ་སྐབས་ཕྱིན་པའམ། སྐེད་སྐབས་འཚམས་པ། |
| དཀུ་སྦོམ |
1.རྐེད་པ་སྦོམ་པོ། 2.དཔྱི་མགོ་ཆེན་པོ། |
| དཀོག་ཉུལ |
(བརྡ་རྙིང་།) སོ་ལྟ་བྱེད་མཁན། |
| དཀོན |
(རྒྱན་ཚིག) ཧ་ཅང་ཉུང་བའི་དོན་ཏེ། (དཔེར་ན།) ཆུ་རྐ་ལས་ནས་ཆུ་དཀོན་སེལ། ཤ་བོ་རི་དྭགས་དཀོན་མོ་ཞིག་རེད། དཀར་པོ་ཆིག་ཐུབ་སྨན་དཀོན་པོ་ཞིག་རེད་ཅེས་པ་ལྟ་བུ། |
| དཀོན་གཉེར |
སྐུ་གསུང་ཐུགས་རྟེན་བདག་གཉེར་བྱེད་མཁན་ཏེ། (དཔེར་ན།) མགོ་རྨོག་གིས་བརྡུངས། ལྷ་དཀོན་གཉེར་གྱིས་བརྡུངས་ལྟ་བུ། |
| དཀོན་ཅོག |
དཀོན་མཆོག་གི་བརྡ་རྙིང་། དེ་ནི་དཀོན་གྱི་བརྡར་ད་དྲག་ཡོད་པས་ཕོ་ཡིས་ཕོ་ཡི་མིང་མཐའ་དྲངས་ཞེས་གསུངས་པ་ལྟར་མིང་མཐའ་མཆོག་ཅེས་པའི་མིང་གཞི་ཆ་ཡིག་དེ་ཅ་ཡིག་ཏུ་བསྒྱུར་ཅིང་སྔོན་འཇུག་མ་ཡིག་དོར་ནས་དེ་ལྟར་དུ་བརྗོད། |
| དཀོན་ཅོག་བརྩེགས་པ |
ཐེག་པ་ཆེན་པོའི་མདོ་ཞིག་སྟེ་འཕགས་པ་དཀོན་ཅོག་བརྩེགས་པ་ལེའུ་བཞི་བཅུ་རྩ་དགུའི་བདག་ཉིད་ཅན་ནི་རྒྱ་གར་དང༌། ལི་ཡུལ། རྒྱ་ལས་བསྒྱུར་བ། |
| དཀོན་ནོར |
དཀོན་པའི་ནོར་རྫས། |
| དཀོན་པ |
ཧ་ཅང་དཀོན་པའི་དངོས་རྫས་ཞེས་པ་ལྟ་བུ། |
| དཀོན་པོ |
རྙེད་དཀའ་བའི་དོན་ཏེ། (དཔེར་ན།) དཀོན་པོ་ཡིན་པའི་རིན་ཆེན་རིན་གོང་ཆེ། ཟོག་ཡུལ་ལ་ཟོག་དཀོན། ཐམས་ཅད་འགྲུབ་པའི་མི་དེ་དཀོན། གོ་སྐབས་ཤིན་ཏུ་དཀོན་ལྟ་བུ། |
| དཀོན་བུ |
སྣོད་ཆུང་ཞིག |
| དཀོན་མཆོག |
1.རིན་པོ་ཆེ་ལྟ་བུ་འཇིག་རྟེན་ན་དཀོན་ཞིང་མཆོག་ཏུ་གྱུར་པ་བསོད་ནམས་མ་བསགས་པ་ལ་སྣང་བ་མིན་པས་འབྱུང་བ་དཀོན་པ་དང༌། རང་བཞིན་གྱིས་རྙོག་པའི་ཆོས་ཅན་མ་ཡིན་པས་དྲི་མ་མེད་པ་དང༌། རང་གཞན་གྱི་དོན་སྒྲུབ་པས་མཐུ་དང་ལྡན་པ་དང༌། འགྲོ་བ་རྣམས་ཀྱི་བསམ་པ་དགེ་བའི་རྒྱུ་ཡིན་པས་འཇིག་རྟེན་གྱི་རྒྱན་དང༌། འཇིག་རྟེན་ལས་མཆོག་ཏུ་གྱུར་པ་དང༌། རྣམ་པར་འགྱུར་བའི་རང་བཞིན་ཅན་མ་ཡིན་པས་འགྱུར་བ་མེད་པ་བཅས་ཀྱི་ཡོན་ཏན་དང་ལྡན་པས་དཀོན་མཆོག་ཅེས་བྱའོ། །2.དཀོན་མཆོག་དཔང་བཙུགས་ཀྱི་བསྡུས་ཚིག |
| དཀོན་མཆོག་ཀུན་འདུས |
དཀོན་མཆོག་གསུམ་པོ་གཅིག་ཏུ་འདུས་པ་རང་གི་རྩ་བའི་བླ་མ། |
| དཀོན་མཆོག་གསུམ |
1.སངས་རྒྱས་དང༌། ཆོས། དགེ་འདུན་ཏེ་གསུམ། 2.མནའ་སྐྱེལ་བའི་ཚིག |
| དཀོན་མཆོག་གི་ཟ་མ་ཏོག |
མདོ་སྡེ་ཞིག་བམ་པོ་བཞི་པ། ལོ་ཙཱ་བ་བནྡེ་རཏྣ་རཀྵི་ཏས་བསྒྱུར་ཅིང་སྐད་གསར་བཅད་ཀྱིས་བཅོས་པ། |
| དཀོན་མཆོག་ཏ་ལ་ལའི་གཟུངས |
འཕགས་པ་དཀོན་མཆོག་ཏ་ལ་ལའི་གཟུངས། པཎྜི་ཏ་སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། |
| དཀོན་མཆོག་དཔང་བཙུགས |
མནའ་སྐྱེལ་བའི་ཚིག |
| དཀོན་མཆོག་ཕོ་བྲང |
རྟེན་གསུམ་གནས་ཡུལ་གཙུག་ལག་ཁང༌། |
| དཀོན་མཆོག་བཞི |
བླ་མ་དང་དཀོན་མཆོག་གསུམ་བཅས་བཞི། |
| དཀོན་མཆོག་བཞི་པ |
བླ་མ། |
| དཀོན་མཆོག་མངོན་རྟོགས |
ལྷག་པའི་ལྷའི་སྒྲུབ་ཐབས་ཤིག |
| དཀོན་མཆོག་འབྱུང་གནས |
སྙིང་རྗེ་དང་སྟོང་ཉིད། |
| དཀོན་མཆོག་སྤྲིན |
ཐུ་མི་སམ་བྷོ་ཊས་བོད་ཀྱི་ཡིག་སྲོལ་བཏོད་ནས་ཐོག་མར་བོད་དུ་བསྒྱུར་པའི་མདོ་སྡེ་ཞིག |
| དཀོན་མོ |
གྲངས་ཉུང་བའི་དོན་ཏེ། (དཔེར་ན།) རྐྱང་ནི་འཛམ་གླིང་གི་རི་དྭགས་དཀོན་མོའི་གྲས་རེད་ལྟ་བུ། |
| དཀོན་མོད |
མང་པོ་དང་དཀོན་པའི་བསྡུས་ཚིག (དཔེར་ན།) བཟའ་བཏུང་དཀོན་མོད་ག་འདྲ་འདུག རྒྱུ་ནོར་དཀོན་མོད་ཅེས་པ་ལྟ་བུ། |
| དཀོར |
1.ནོར་སྤྱིའི་མིང༌། 2.དད་པའི་རྫས་ཏེ། (དཔེར་ན།) དགེ་འདུན་གྱི་དཀོར་ཞེས་པ་ལྟ་བུ། |
| དཀོར་གཉེར |
སྤྱི་སོ་སྟེ། དགེ་འདུན་པའི་སྤྱི་རྫས་དོ་དམ་བྱེད་མཁན། |
| དཀོར་ཆ |
ནོར་རྫས་ཀྱི་སྤྱི་མིང༌། |
| དཀོར་ནོར |
ནོར་རྫས་སྤྱི། |
| དཀོར་པ |
དཀོར་རྫས་བདག་གཉེར་བྱེད་མཁན། |
| དཀོར་བདག |
ནོར་གྱི་བདག་པོ། |
| དཀོར་བླ |
1.དགེ་འདུན་པ་སོགས་ཀྱི་ནོར་རྫས་བདག་པོ་བྱེད་མཁན། 2.ཐོས་བསམ་སྒོམ་སྒྲུབ་སོགས་མི་བྱེད་པར་དཀོར་ཁོ་ནའི་ཆེད་དུ་གྲོང་ཆོག་རྒྱུག་མཁན་གྱི་བླ་མ། |
| དཀོར་མཛོད |
ནོར་གྱི་བང་མཛོད། |
| དཀོར་མི |
དཀོར་ནོར་ལ་ལོངས་སྤྱོད་པའི་མི། |
| དཀོར་ཚིག |
གཞན་གྱིས་དད་ཕུལ་ནོར་རྫས་ལོངས་སྤྱད་དྲགས་པའི་རྣམ་སྨིན་འཁོར་བ། |
| དཀོར་ཟ |
དད་པས་ཕུལ་བའི་ནོར་རྫས་ལོངས་སུ་སྤྱོད་པ། |
| དཀོར་ཟས |
ཤི་གསོན་གྱི་དོན་དུ་ཕུལ་བའི་ཟས། |
| དཀོར་འབྱིན |
(བརྡ་རྙིང་།) ཀུན་ནས་བསླངས་པ། |
| དཀོར་སྐྱེད |
ལྷ་ཁང་གི་དཀོར་གཉེར། |
| དཀོར་སྦྱོང |
དད་པའི་དཀོར་ནོར་ལུགས་དང་མི་མཐུན་པར་ལོངས་སུ་སྤྱད་པའི་སྒྲིབ་པ་སྦྱོང་བར་བྱེད་པ། |
| དཀོར་སྲུང |
1.ནོར་རྫས་སྲུང་མཁན། 2.ནོར་སྐྱོང་སྲུང་མ། |
| དཀོས་ཐག་པ |
(བརྡ་རྙིང་།) ཉམ་ཐག་པ། |
| དཀྱར |
ཡུལ་སྐད་དུ‘འགྱུར་རྟ’ཟེར་བའི་ལྷམ་ཞིག་གི་མིང་། |
| དཀྱིལ |
དབུས་དང་ལྟེ་བའི་དོན་ཏེ། (དཔེར་ན།) ཟླ་དཀྱིལ། ཆུའི་དཀྱིལ། གྲོང་ཁྱེར་གྱི་དཀྱིལ། མཚན་དཀྱིལ། མི་ཚོགས་ཀྱི་དཀྱིལ་དུ་སྐད་གསང་མཐོན་པོ་སྒྲོག་པ། གསོལ་བ་སྙིང་ཁོང་རུས་པའི་དཀྱིལ་ནས་བཏབ་ལྟ་བུ། |
| དཀྱིལ་ཀྱོང |
དབུས་ཀོང་ཀོང༌གི་དོན་ཏེ། (དཔེར་ན།) དཀྱིལ་ཀྱོང་གི་ལམ་ལ་འགྲོ་དཀའ་ལྟ་བུ། |
| དཀྱིལ་ཀྲུང |
སྐྱིལ་ཀྲུང་དང་འདྲ། |
| དཀྱིལ་ཁང |
དཀྱིལ་གྱི་ཁང་པ། |
| དཀྱིལ་གཞུང |
དཀྱིལ་དཀྱིལ་རྐྱང༌། |
| དཀྱིལ་གཤགས |
དབུས་ནས་ཁ་གཤགས་པའི་དོན་ཏེ། (དཔེར་ན།) སྨྱུག་སྡོང་དཀྱིལ་གཤགས་བཏང་བ། དམག་སྒར་དཀྱིལ་གཤགས་བཏང་ནས་ཕྱིན་ཞེས་པ་ལྟ་བུ། |
| དཀྱིལ་གུ |
1.ལྷམ་གྱི་སྔ་རྟིང་དང་ཕྱི་རྟིང་བར་གྱི་རྒྱོང་བྱེད་ཤིང་གྲུ་བཞི། 2.ཤིང་ཆས་བཟོ་སྐབས་ཀྱི་ཤིང་རྩབ་བམ་ཤིང་གཟེར། |
| དཀྱིལ་ཆོག |
ཡི་དམ་ལྷའི་དཀྱིལ་འཁོར་གྱི་ལས་བྱང༌། |
| དཀྱིལ་ཐང |
1.གསང་སྔགས་ཀྱི་ཡི་དམ་ལྷའི་དཀྱིལ་འཁོར་གྱི་ཐང་ག། 2.ཐང་ག་ཆ་ཚང་བ་ཞིག་གི་དཀྱིལ་དུ་ཡོད་པའི་གཙོ་ཐང༌། |
| དཀྱིལ་ཐད |
དབུས་ཀྱི་ཐད་དེ། (དཔེར་ན།) ས་ཆའི་དཀྱིལ་ཐད། ཁྲོམ་གྱི་དཀྱིལ་ཐད་ཅེས་པ་ལྟ་བུ། |
| དཀྱིལ་ཐིག |
1.རི་མོ་སོགས་ཀྱི་ལྟེ་བར་ཁེལ་བའི་ཐིག 2.དཀྱིལ་འཁོར་གྱི་རི་མོ། |
| དཀྱིལ་དཀྲུང |
འདུག་སྟངས་ཤིག་སྟེ། (དཔེར་ན།) དཀྱིལ་དཀྲུང་དུ་བསྡད་ལྟ་བུ། |
| དཀྱིལ་ཕྱོགས |
དབུས་ཕྱོགས་སམ་ལྟེ་བ་ཡོད་ས། |
| དཀྱིལ་མ |
དབུས་མའམ་བར་མའི་དོན་ཏེ། (དཔེར་ན།) ཀ་བ་དཀྱིལ་མ། ཁང་པ་དཀྱིལ་མ་ཞེས་པ་ལྟ་བུ། |
| དཀྱིལ་མཛུབ |
རྐང་ལག་གི་གུང་མོ། |
| དཀྱིལ་ཟངས |
ཐབ་ཀྱི་དཀྱིལ་དུ་འཛུགས་པའི་ཟངས། |
| དཀྱིལ་འཁོར |
1.དབྱིབས་སྒོར་མོ།འི་དོན་ཏེ། (དཔེར་ན།) ཉི་ཟླའི་དཀྱིལ་འཁོར། སའི་དཀྱིལ་འཁོར། དཀྱིལ་འཁོར་ལེགས་པོ་ལྟ་བུ། 2.ཆ་ཤས་ཡོངས་སུ་ཚང་བའི་ཚོགས་པའི་དོན་ཏེ། (དཔེར་ན།) ཞལ་རས་ཀྱི་དཀྱིལ་འཁོར། ནམ་ཕྱེད་རྒྱལ་བའི་དཀྱིལ་འཁོར། སྐུའི་དཀྱིལ་འཁོར། གཡུལ་གྱི་དཀྱིལ་འཁོར། རྩོད་པའི་དཀྱིལ་འཁོར། དགའ་སྟོན་དཀྱིལ་འཁོར་ལྟ་བུ། 3.གཟའ་རྣམས་ཉིན་ཚེས་ཁྱིམ་གསུམ་གྱི་ཞག་དང་ཟླ་བ་དང་ལོའི་རྟག་ལོངས་དང་པོ་ནས་བརྩམས་ཏེ་འཁོར་བའི་ཚེ་རང་རང་གི་ཞག་ཟླ་ལོའི་དྷྲུ་ཝའི་ལོངས་སྤྱོད་ནམ་དག་པར་འགྱུར་བ་སྟོན་བྱེད་ཀྱི་འཁོར་ལོ། 4.སྔགས་ཀྱི་དེ་ཉིད་བཅུའི་གྲས་ཤིག་གཙོ་བོ་ལ་འཁོར་གྱི་རོལ་པས་མཛེས་པར་བསྐོར་བ་གཙོ་བོ་རང་བྱུང་གི་ཡེ་ཤེས་ལ་ལམ་འབྲས་བུ་དང་བཅས་པའི་འཁོར་གྱིས་བསྐོར་བའི་ཡི་དམ་ལྷའི་ཕོ་བྲང་གི་བཀོད་པ་ཡིན་ཞིང༌། དེ་ལ་ཞིང་ཁམས་ཀྱང་ཟེར། (དཔེར་ན།) ཡི་དམ་གྱི་དཀྱིལ་འཁོར། དཀྱིལ་འཁོར་གྲུ་བཞི་པ་ལྟ་བུ། |
| དཀྱིལ་འཁོར་ཅན |
(མངོན་བརྗོད།) ཟླ་བ། |
| དཀྱིལ་འཁོར་ཐིག་ཚད |
རྡུལ་ཚོན་དང༌། རས་བྲིས་ཀྱི་གཞལ་ཡས་ཁང་བཞེང་རྒྱུའི་ཆ་ཚད། |
| དཀྱིལ་འཁོར་བདག་པོ |
རྒྱུད་སྡེ་སྤྱི་དང་བྱེ་བྲག་གི་ལྷའི་གཙོ་བོ། |
| དཀྱིལ་འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས |
འཕགས་པ་དཀྱིལ་འཁོར་བརྒྱད་པའི་ཆོས་ཀྱི་རྣམ་གྲངས། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེ་སྡེས་བསྒྱུར་ཅིང་ཞུས་པ། |
| དཀྱིལ་འཁོར་ཡོངས་དག |
གནས་ཡོངས་དག་སྟེ་གསང་སྔགས་ཀྱི་ཐབས་མཁས་ཁྱད་ཆོས་བཞིའི་གྲས་གནས་ཡོངས་སུ་དག་པ། |
| དཀྱིལ་འཁོར་རྒྱལ་མཆོག |
དཀྱིལ་འཁོར་རྒྱལ་མཆོག་གི་ཏིང་ངེ་འཛིན་གྱི་བསྡུས་ཚིག། |
| དཀྱིལ་འཁོར་རྒྱལ་མཆོག་གི་ཏིང་ངེ་འཛིན |
བསྐྱེད་པའི་ཏིང་འཛིན་གསུམ་གྱི་ཡ་གྱལ་ཤིག་གཙོ་བོ་ཡབ་ཡུམ་གྱི་བྱང་སེམས་ལས་སྤྲུལ་པའི་དཀྱིལ་འཁོར་པའི་ལྷ་རྫོགས་ནས་རང་གནས་སུ་བཀོད་པ་ནི་དཀྱིལ་འཁོར་ལ་དགོད་བྱའི་དཀྱིལ་འཁོར་ཡོངས་སུ་རྫོགས་པས་དཀྱིལ་འཁོར་རྒྱ་མཆོག། |
| དཀྱིལ་འཁོར་སྡིངས |
གཞལ་ཡས་ཁང་གི་དཀྱིལ་ཕྱོགས་སམ། ལྟེ་བའི་ཕྱོགས། |
| དཀྱིལ་རྒྱུད |
ལྟེ་བའམ། སྐེད་པའི་རྒྱུད། |
| དཀྱིལ་སྒོ |
སྒོ་དབུས་མ། |
| དཀྱུ |
(བྱེད་འབྲེལ་ལས་ཚིག) དཀྱུས་ཀྱི་མ་འོངས་པ་དང་ད་ལྟ་བ། རྟ་དྲེལ་སོགས་བཞོན་པ་ལམ་ལ་ཁ་ལོ་བསྒྱུར་བའི་དོན་ཏེ། (དཔེར་ན།) ལམ་ལ་དཀྱུ་བྱའི་རྟ། རྟ་ཁ་ལམ་ལ་དཀྱུ་དགོས་ལྟ་བུ། |
| དཀྱུ་པོ |
རྟ་རྒྱུག་པ་པོའམ་རྒྱུག་མཁན། |
| དཀྱུ་བོ |
(བརྡ་རྙིང་།) ཅས་ཅུས་སམ་འཆུས་པོ། |
| དཀྱུ་རྟ |
རྒྱུག་རྟ། |
| དཀྱུ་ས |
རྟ་རྒྱུག་སའི་ལམ་ཏེ། (དཔེར་ན།) མི་འགྲོ་སར་མི་འགྲོ། རྟ་དཀྱུ་སར་རྟ་དཀྱུ་ཞེས་པ་ལྟ་བུ། |
| དཀྱུས |
1.དཀྱུ་བའི་སྐུལ་ཚིག 2.སྲིད་དམ་གཞུང་གི་དོན་ཏེ། (དཔེར་ན།) མིག་དཀྱུས་རིང་། དཀྱུས་ལ་རིང་བའི་ཤིང་ལྟ་བུ།3.རྒྱུ་སྤུན་གྱི་རྒྱུ། 4.དཔེ་ཆའི་གཞུང་དངོས། |
| དཀྱུས་གཅིག |
གཞུང་གཅིག་པའམ་སྟར་གཅིག་པ། |
| དཀྱུས་ཇ |
རྒྱུན་དུ་འཐུང་རྒྱུའི་ཇ་སྤུས་ཀ་ཕལ་པ། |
| དཀྱུས་ཐག |
རིང་ཚད་ཀྱི་དོན་ཏེ། (དཔེར་ན།) ལུང་པ་དཀྱུས་ཐག་རིང་པོ། དཀྱུས་ཐག་རིང་ཐུང་འཚམ་པོ་ལྟ་བུ། |
| དཀྱུས་ཐོག་བཅད་པ |
རྟ་རྒྱུག་རྩལ་གཞན་ལས་ལྷག་པའི་ཁྱད་ཆོས་བཏོན་པ། |
| དཀྱུས་དཀར |
དཀར་ཡོལ་དཀྱུས་མ། |
| དཀྱུས་པ |
དཀྱུ་བའི་འདས་པའི་བྱ་མིང་། |
| དཀྱུས་བཏགས |
ཁ་བཏགས་དཀྱུས་མ། |
| དཀྱུས་བུར |
བུ་རམ་དཀྱུས་མ། |
| དཀྱུས་མ |
ཕལ་པའམ་སྤྱིར་བཏང༌བའི་དོན་ཏེ། (དཔེར་ན།) དཀྱུས་གྲས། དཀྱུས་ཤོག གྲྭ་རྐྱང་དཀྱུས་མ། ངལ་རྩོལ་པ་དཀྱུས་མ། བཟའ་བཅའ་དཀྱུས་མ། དཀྱུས་དམག་ཅེས་པ་ལྟ་བུ། |
| དཀྱུས་མོ |
(བརྡ་རྙིང་།) མགྱོགས་པོའམ་མྱུར་པོ། |
| དཀྱུས་ཚད |
རིང་ཚད་ཀྱི་དོན་ཏེ། (དཔེར་ན།) གདན་གྱི་དཀྱུས་ཚད་ལྟ་བུ། |
| དཀྱུས་ཞེང |
འཕྲེད་གཞུང་གི་དོན་ཏེ༌། (དཔེར་ན།) དཀྱུས་ཞེང་མཉམ་པ་ལྟ་བུ། |
| དཀྱུས་འབོལ |
འབོལ་གདན་སྲབ་པོ། |
| དཀྱུས་ས |
‘དཀྱུ་ས'ཡི་འབྲི་ཚུལ་གཞན། |
| དཀྱེར་བ |
(བརྡ་རྙིང་།) གཏོང་བ་དང༌། སྦྱིན་པ། |
| དཀྱེལ |
རྒྱ་ཁྱོན་གྱི་དོན་ཏེ། (དཔེར་ན།) ཁོང་ཡངས་ཤིང་དཀྱེལ་ཆེ་བ། ཐུགས་དཀྱེལ་ཆེན་པོ། ནམ་མཁའི་དཀྱེལ། རྒྱ་མཚོའི་དཀྱེལ་ལྟ་བུ། |
| དཀྱེལ་པོ་ཆེ |
1.བློ་རྒྱ་ཆེན་པོའམ། བློ་ཁོག་ཡངས་པའི་དོན་ཏེ། (དཔེར་ན།) མི་དཀྱེལ་པོ་ཆེ་ལྟ་བུ། 2.འཇིག་རྟེན་གྱི་ཁམས། |
| དཀྱོག |
(བྱེད་འབྲེལ་ལས་ཚིག) དཀྱོགས་པའི་མ་འོངས་པ་དང་ད་ལྟ་བ། འཁྱོག་ཏུ་འཇུག་པའམ་དྲང་པོར་མ་བཤད་པའི་དོན་ཏེ། (དཔེར་ན།) དཀྱོག་བྱའི་ལམ། སྐད་ཆ་དཀྱོག་བཤད་བྱས་ལྟ་བུ། |
| དཀྱོགས |
1.དཀྱོག་པའི་འདས་པ་དང་སྐུལ་ཚིག (དཔེར་ན།) ཚིག་སྣེ་གཞན་ལ་མ་དཀྱོགས། རྐང་བ་དཀྱོགས་ནས་མ་འགྲོ། སྐེ་དཀྱོགས་ནས་བལྟས། དཀྱོགས་ཤིག་ཅེས་པ་ལྟ་བུ། 2.དབྱིབས་འཁྱོག་པོ་ཅན་གྱི་མིང་ལ་འཇུག་པ་ནི། (དཔེར་ན།) ལམ་དཀྱོགས། ལུང་དཀྱོགས། དཀྱོགས་མཚམས་ཞེས་པ་ལྟ་བུ། |
| དཀྱོར་འབྱིན |
(བརྡ་རྙིང་།) གཡོ་སྒྱུ། |
| དཀྲབ |
(བྱེད་འབྲེལ་ལས་ཚིག) བཀྲབས་ཀྱི་མ་འོངས་པ། འཁྲབ་མས་འབྲུ་རིགས་ནང་གི་སྙིགས་མ་བསལ་བའི་དོན་ཏེ། (དཔེར་ན།) དཀྲབ་བྱའི་འབྲུ་རིགས་ཞེས་པ་ལྟ་བུ། |
| དཀྲི |
(བྱེད་འབྲེལ་ལས་ཚིག)1>དཀྲིས་ཀྱི་མ་འོངས་པ་དང་ད་ལྟ་བ། སྐུད་པ་དང་ཐག་པ་སོགས་གཞན་ལ་བཅིངས་པའི་དོན་ཏེ། (དཔེར་ན།) དཀྲི་བྱའི་སྐུད་པ། སྐུད་པ་བཀལ་ནས་གྲུ་གུ་དཀྲི། ཁ་དཀྲི། སྐེ་དཀྲི། མགོ་དཀྲི་ཞེས་པ་ལྟ་བུ། 2>གཡོག་པའམ་འགེལ་བའི་དོན་ཏེ། (དཔེར་ན།) ཁག་དཀྲི་བ། ཁག་ཕར་དཀྲི་ཚུར་དཀྲི། ནག་དཀྲི་བ། འགན་དཀྲི་བ་ལྟ་བུ། |
| དཀྲི་ག |
(ཡུལ་སྐད།) མིག་ལྤགས་ཀྱི་ཡས་མཐའི་རི་མོ། |
| དཀྲི་འཕང |
སྤུན་དཀྲི་བྱེད་འཁོར་ཆུང༌། |
| དཀྲི་ཤིང |
སྐུད་པ་དཀྲི་སའི་ཤིང༌། |
| དཀྲི་སྐོར |
བལ་འཁེལ་བྱེད་ཀྱི་འཁོར་ལོ། |
| དཀྲིག |
(བྱེད་འབྲེལ་ལས་ཚིག) དཀྲིགས་ཀྱི་མ་འོངས་པ་དང་ད་ལྟ་བ། སྤྲིན་དང་དུ་བ་སོགས་ཀྱིས་བཀང་བའི་དོན་ཏེ། (དཔེར་ན།) དུ་བ་དཀྲིག སྤྲིན་དཀྲིག་བཞིན་པ་ཞེས་པ་ལྟ་བུ། |
| དཀྲིགས |
1.དཀྲིག་པའི་འདས་པ་དང་སྐུལ་ཚིག (དཔེར་ན།) སྤྲིན་གྱིས་ནམ་མཁའ་དཀྲིགས། དུ་བས་ཁང་བ་དཀྲིགས། དུ་བ་དཀྲིགས་ཤིག་ལྟ་བུ།2.གྲངས་གནས་ཤིག |
| དཀྲིགས་ཆེན |
གྲངས་གནས་ཤིག |
| དཀྲིགས་པ |
དཀྲིག་པའི་འདས་པའི་བྱ་མིང་། |
| དཀྲིས |
1.དཀྲི་བའི་འདས་པ་དང་སྐུལ་ཚིག 2.གནག་ཕྱུགས་རྒན་གཞོན་གྱི་རྟགས་མཚན་རྭ་ཅོའི་རིས་འཁོར། 3.ཟོམ་དང་ཇ་མདོང་སོགས་ཀྱི་ཕྱི་ནས་སྡོམ་བྱེད་ཆིངས་ཏེ། (དཔེར་ན།) ལྕགས་དཀྲིས། སྨྱུག་དཀྲིས། ཉྭ་དཀྲིས། སྐེ་དཀྲིས། ཁ་དཀྲིས་ལྟ་བུ། |
| དཀྲིས་དམ |
དཀྲིས་ཤོག་གི་ཐོག་བརྒྱབ་པའི་ཐམ་ཁ། |
| དཀྲིས་པ |
དཀྲི་བའི་འདས་པའི་བྱ་མིང་། |
| དཀྲིས་མ |
ཕྱི་ནས་སྐོར་བ་མང་པོ་དཀྲིས་པའི་དངོས་པོ། |
| དཀྲུག |
(བྱེད་འབྲེལ་ལས་ཚིག) 1>མ་འོངས་པ་དང་ད་ལྟ་བ། གཤེར་ཁུའི་རིགས་དབྱུག་པ་ལྟ་བུས་སྲུབ་པའི་དོན་ཏེ། (དཔེར་ན།) དཀྲུག་བྱའི་འོ་མ། འོ་མ་དཀྲུག་མཁན་ཞེས་པ་ལྟ་བུ། 2>དབྱེན་སྦྱོར་བྱེད་པའི་དོན་ཏེ། (དཔེར་ན།) འབྲེལ་ལམ་དཀྲུག་པ། ཟས་ངན་གཅིག་གིས་ཁོག་པའི་སྟོད་སྨད་དཀྲུག། མི་ངན་གཅིག་གིས་སྡེ་ཡི་ཕུ་མདའ་དཀྲུག། 3.བསྐོར་ནས་བཞོག་པའི་དོན་ཏེ། (དཔེར་ན།) འཁོར་ལོ་བསྐོར་ནས་ཤིང་ཕོར་ལ་དཀྲུག་བརྒྱབ་ཅེས་པ་ལྟ་བུ། |
| དཀྲུག་འཛིང |
ཕན་ཚུན་བསྲེས་ཏེ་འཁྲུགས་པ། |
| དཀྲུག་ཤིང |
1.གཤེར་ཁུ་དཀྲུག་བྱེད་ཀྱི་དབྱུག་པ་སོགས།2.མཐུན་སྒྲིལ་ལ་གཏོར་བརླག་བྱེད་མཁན་གྱི་དོན་ཏེ། (དཔེར་ན།) མི་མང་ནང་གི་དཀྲུག་ཤིང་ཞེས་པ་ལྟ་བུ། |
| དཀྲུག་སྤྱད |
དཀྲུག་བྱེད་ལག་ཆ། |
| དཀྲུགས |
དཀྲུག་པའི་འདས་པ་དང་སྐུལ་ཚིག (དཔེར་ན།) འོ་མ་དཀྲུགས་ནས་མར་བཏོན། འོ་མ་དཀྲུགས་ཤིག་ལྟ་བུ། |
| དཀྲུགས་པ |
དཀྲུག་པའི་འདས་པའི་བྱ་མིང་། |
| དཀྲུགས་ཡིག |
སྔོན་རྗེས་མིང་གསུམ་ཕན་ཚུན་དཀྲུགས་ཏེ་བྲིས་པའི་ཡི་གེ། |
| དཀྲུམ |
(བྱེད་འབྲེལ་ལས་ཚིག) དཀྲུམས་པའི་མ་འོངས་པ་དང་ད་ལྟ་བ། (དཔེར་ན།) བཅག་ནས་ཁྲོལ་བུར་བྱས་པའི་དོན་ཏེ། དཀྲུམ་བྱའི་རྡོ། རྡོ་དཀྲུམ་མཁན་ཞེས་པ་ལྟ་བུ། |
| དཀྲུམ་ཕག |
ཕག་ཤ། |
| དཀྲུམ་མདའ |
མེ་མདའ་ཐུང་ཐུང་གི་མིང་། |
| དཀྲུམས |
དཀྲུམ་པའི་སྐུལ་ཚིག་དང་འདས་ཚིག |
| དཀྲེ |
ཕོ་མཚན་གྱི་མགོ་བོ། (གསོ་བ་རིག་པའི་བརྡ།) |
| དཀྲོག |
(བྱེད་འབྲེལ་ལས་ཚིག) དཀྲོགས་ཀྱི་མ་འོངས་པ་དང་ད་ལྟ་བ། དཀྲུག་པའི་དོན་ཏེ། (དཔེར་ན།) དཀྲོག་བྱའི་ཞོ། ཞོ་དཀྲོག་མཁན་ཞེས་པ་ལྟ་བུ། |
| དཀྲོག་གཏམ |
དོན་དངོས་མིན་པའི་གཏམ། (དཔེར་ན།) དཀྲོག་གཏམ་སྒྲོག་པ། ངན་སེམས་བཅངས་ཏེ་དཀྲོག་གཏམ་བཟོས་པ། དཀྲོག་གཏམ་བཟོས་ནས་དམའ་འབེབས་བྱེད་ཅེས་པ་ལྟ་བུ། |
| དཀྲོག་གོར |
མར་གྱི་དབྱིབས་རིལ་མོ། |
| དཀྲོག་དཀྲོག |
(རྒྱན་ཚིག) མཆོར་སྒེག་གི་མཛེས་ཉམས་དང༌། ཁེངས་ཉམས་ཀྱི་དོན་ཏེ། (དཔེར་ན།) མི་མང་པོའི་དཀྱིལ་དུ་དཀྲོག་དཀྲོག་བྱེད་ཅེས་པ་ལྟ་བུ། |
| དཀྲོག་རྐྱེན |
འཁྲུག་པ་དང་ཟིང་སློང་གི་རྒྱུ་རྐྱེན། |
| དཀྲོགས |
1.དཀྲོག་པའི་འདས་པ་དང་སྐུལ་ཚིག (དཔེར་ན།) ཞོ་དཀྲོགས་ནས་མར་ཐོན། ཞོ་དཀྲོགས་ཤིག་ལྟ་བུ། 2.འདྲོག་ཏུ་བཅུག་པའི་དོན་ཏེ། (དཔེར་ན།) བྱ་འཕུར་ནས་རྟ་དཀྲོགས། གཡོ་ཅན་ཝ་མོ་ལྟ་བུ་ཡིས་རང་དོན་ངན་པ་ཁོང་ལ་བཅུག །གཞན་ལ་སྨིན་མ་ཟིང་ཟིང་བྱས། སྤྱི་དོན་ཡིན་ཞེས་ཐམས་ཅད་དཀྲོགས་ཞེས་པ་ལྟ་བུ། |
| དཀྲོགས་མ |
བསྲུབས་མའི་དོན་ཏེ། (དཔེར་ན།) ཇ་དཀྲོགས་མ་ཞེས་པ་ལྟ་བུ། |
| དཀྲོང་བསྐྱེད |
སྐད་ཅིག་དྲན་རྫོགས་ཏེ་རང་ཉིད་གློ་བུར་དུ་ལྷའི་རྣམ་པར་གསལ་འདེབས་པ། |
| དཀྲོང་སྟེ |
1.གློ་བུར་དུའམ་ཅིག་ཅར་དང༌། སྐད་ཅིག་ཏུ་ཞེས་པའི་དོན་ཏེ། (དཔེར་ན།) ཁོ་དེ་རིང་དཀྲོང་སྟེ་སླེབས་བྱུང༌ལྟ་བུ། 2.སྒུར་སྒུར་གྱི་ལྡོག་ཕྱོགས་ཏེ། (དཔེར་ན།) དཀྲོང་སྟེ་ལངས་པའི་དོན་ཏེ། |
| དཀྲོལ |
(བྱེད་འབྲེལ་ལས་ཚིག) འཁྲོལ་གྱི་མ་འོངས་པ་དང་འདས་པ་རོལ་མོ་ལས་སྒྲ་འབྱིན་པར་བྱས་པའི་དོན་ཏེ། (དཔེར་ན།) དཀྲོལ་བྱའི་རོལ་མོ། གར་མཁན་གྱིས་རོལ་མོ་དཀྲོལ་ནས་གླུ་དབྱངས་བླངས་ལྟ་བུ། |
| དཀྲོལ་ཚགས |
གསེར་དངུལ་ཟངས་ལྕགས་སོགས་ཉེར་སྤྱད་ལ་མཛེས་ཆོས་སུ་བརྒྱབ་པའི་རྐོས་ཚགས། |
| དག |
1.(རྒྱན་ཚིག) ནོར་བ་མེད་པ་དང་སླད་མེད་པ་དྲི་མ་མེད་པ་སོགས་ཀྱི་དོན་ཏེ། (དཔེར་ན།) དག་པ། དག་པོ། དག་མོ། བསླབ་དེབ་ཀྱི་ཡི་གེ་དག་དགོས། སློབ་ཚན་གྱི་རྩོམ་འདོན་ཚེ་སྒྲ་དག་པར་འདོན་དགོས་ལྟ་བུ། 2.གཉིས་ཚིག་ལ་འགྲོ་བའི་རྣམ་དབྱེ་དང་པོའི་མིང་མཐའ་ཞིག (དཔེར་ན།) མི་འདི་དག ལས་ཀ་དེ་དག་ལྟ་བུ། |
| དག་ཅི |
ལོ་གཅིག་སྐྱེ་བའི་རྩྭ་ལྡུམ་ཞིག་ཡིན་ཞིང་ལོ་མ་ལ་དྲི་ཞིམ་བྲོ། རྒྱ་སྐད་དུ་པོ་ཧོ་ཟེར། རྩྭ་ཡོངས་རྫོགས་སྨན་བྱེད་ཆོག |
| དག་ཆ |
1.མིང་དང་ཚིག་གི་འཇུག་ཚུལ་ནོར་དང་མ་ནོར་བའི་ཁྱད་པར་ཅན་གྱི་དོན་ཏེ། (དཔེར་ན།) ཡི་གེ་དག་ཆ་ཅན། ཡི་གེ་དག་ཆ་མི་འདུག་ལྟ་བུ། 2.དྲི་མ་སྦྱང་བའི་ཆ་ཤས། |
| དག་ཏེར |
འཆོལ་བ་རྣམས་གོ་རིམ་སྒྲིག་པ་དང་མི་གཙང་བ་དང་དྲི་མ་རྣམས་བསལ་བ། སྐྱོན་དང་ནོར་བ་རྣམས་ཡོ་བསྲང་བྱེད་པའི་བྱ་སྤྱོད་དང་ལས་འགུལ་གྱི་མིང་། (དཔེར་ན།) ཀུན་སྤྱོད་དག་ཏེར། དཔེ་ཆ་ལ་དག་ཏེར་བྱས་ལྟ་བུ། |
| དག་ཐེར |
ཞུས་དག་གམ་ལེགས་བཅོས་ཀྱི་དོན་ཏེ། (དཔེར་ན།) སྐད་གསར་བཅད་ཀྱིས་དག་ཐེར་བྱེད་པ། ཀུན་སྤྱོད་དག་ཐེར་བྱེད་པ། དཔེ་ཆ་ལ་དག་ཐེར་གཏོང་བ་ལྟ་བུ། |
| དག་དུག |
གོས་ཧྲུལ་བ་དང༌། ངན་པ་དང༌། རྙིང་པ། |
| དག་པ |
1.འདག་པའི་འདས་པ། 2. ལྷད་མེད་པ་དང༌། སྐྱོན་གྱིས་མ་གོས་པའི་དོན་ཏེ། (དཔེར་ན།) བསམ་བློ་དག་པ། སྤྱོད་ལམ་དག་པ། ཡི་གེ་དག་པ། ལས་སྤུས་དག་པ། ཁྲོན་ཆུ་དག་པ། སྨོན་ལམ་དག་པ་ལྟ་བུ། |
| དག་པ་གཉིས་ལྡན |
ཉོན་མོངས་པ་དང་ཤེས་བྱའི་སྒྲིབ་པ་གཉིས་དག་པ་སྟེ་སངས་རྒྱས་ཀྱི་གོ་འཕང༌། |
| དག་པ་བཞི |
དེ་བཞིན་གཤེགས་པའི་རྣམ་པ་ཐམས་ཅད་དག་པ་བཞི་ལུས་དག་པ་དང༌། དམིགས་པ་དག་པ་དང༌། སེམས་དག་པ་དང༌། ཡེ་ཤེས་དག་པ་སྟེ་བཞིའོ། ། |
| དག་པ་ས་གསུམ |
བྱང་ཆུབ་སེམས་དཔའི་ས་བརྒྱད་པ་མི་གཡོ་བ་ནས་ས་བཅུ་པ་ཆོས་ཀྱི་སྤྲིན་བར་གྱི་ས་གསུམ་པོ་དེར་གནས་ཀྱི་བྱང་ཆུབ་སེམས་དཔའ་ལ་ང་རྒྱལ་ཡོངས་སུ་དག་ཅིང་མེད་པས་དག་པ་ས་གསུམ་ཞེས་བྱའོ། ། |
| དག་པའི་ཁམས |
1.(མངོན་བརྗོད།) 1>དངུལ་ཆུ། 2>ཉན་ཐོས། 2.མ་དག་པའི་དྲི་མས་མ་གོས་པའི་ཞིང་ཁམས། |
| དག་པའི་གཞན་དབང |
གཞན་དབང་གི་ནང་གསེས་ཏེ། འཕགས་པའི་རྗེས་ཐོབ་ཀྱི་ཤེས་པ་སྣང་ལ་མ་ཞེན་པ་དང༌། བདེ་བ་ཅན་སོགས་དག་པའི་ཞིང་ཁམས་རྣམས་སོ། ། |
| དག་པའི་མཐའ་ཅན |
(མངོན་བརྗོད།) བཙུན་མོའི་ཕོ་བྲང༌། |
| དག་པའི་རྡོ་དཀར |
ཤེལ་དཀར་པོ། |
| དག་པའི་སྒྱུ་ལུས |
རྫོགས་རིམ་བསྒོམ་ཚུལ་གྱི་གྲས་ཤིག་སྒྱུ་མའི་དཔེ་བཅུ་གཉིས་ཀྱིས་ཉེ་བར་མཚོན་པའི་ཡེ་ཤེས་ཀྱི་སྐུ་རྟེན་དང་བརྟེན་པར་བཅས་པའི་དཀྱིལ་འཁོར་བསྒོམ་པ། |
| དག་པོ |
ཡང་དག་པའམ། གཙང་མའི་དོན་ཏེ། (དཔེར་ན།) ཡི་གེ་དག་པོ། སྒྲ་དག་པོ། བསམ་པ་དག་པོ། གོས་སོགས་ཁྲུས་དག་པོ་ལྟ་བུ། |
| དག་བཅོས |
བཟོ་བཅོས་གཙང་མའི་དོན་ཏེ། (དཔེར་ན།) འཆར་གཞིར་དག་བཅོས་བྱེད། ནོར་འཁྲུལ་ལ་དག་བཅོས་བྱེད་ཅེས་པ་ལྟ་བུ། |
| དག་བཤེར |
ཞུ་དག་དང་ཞིབ་འཇུག་གི་དོན་ཏེ། (དཔེར་ན།) ཡིག་རིགས་རྩོམ་སྒྱུར་གང་བྱས་ཚང་མར་དག་བཤེར་གཟབ་ནན་གཏོང་དགོས་ལྟ་བུ། |
| དག་བྱེད |
(མངོན་བརྗོད།) 1>ཁ་དོག་དཀར་པོ། 2>ཆུ། 3>མེ། 4>གཙང་པོ། 5>རྩྭ་ཀུ་ཤ། 6>རླུང༌། 7>རླུང་ལྷ། 8>ཨ་རུ་ར། |
| དག་བྱེད་ཀྱི་ཟླ་བ |
ཧོར་ཟླ་ལྔ་པའི་མིང༌། |
| དག་མ |
1.རྫ་ལས་བཟོས་པའི་ཀོ་བ་སྙོལ་སྣོད། 2.ལྷད་མ་ཞུགས་པའི་གཙང་མ་སྟེ། (དཔེར་ན།) གསེར་དག་མ་ཞེས་པ་ལྟ་བུ། |
| དག་མ་དིག |
སྨྲ་བརྗོད་བདེ་པོ་རང་མེད་པ། |
| དག་མཆན |
རྩིས་རྒྱག་གཙང་རྗེས་མཆན་འགོད་བྱས་པའི་ཡི་གེ། |
| དག་ཞིང |
སངས་རྒྱས་ཀྱི་ཞིང་ཁམས། |
| དག་ཞུ |
1.འགྲོ་སོང་ཁུངས་སྐྱེལ་ཞུ་བ། 2.བདེན་རྫུན་ཁུངས་སྐྱེལ་ཞུ་བ། |
| དག་འབུད |
བདེན་པ་ཡིན་ལུགས་རྗོད་པའི་དོན་ཏེ། (དཔེར་ན།) རིམ་པ་གོང་མར་དག་འབུད་ཡག་པོ་ཞུ་བ། རང་ལ་བྱས་ཉེས་ཀྱི་གནོང་མེད་པའི་དག་འབུད་བྱེད་ཅེས་པ་ལྟ་བུ། |
| དག་འབུལ |
ཁ་གཏད་ལ་བདེན་པ་སྤྲད་པའི་དོན་ཏེ། (དཔེར་ན།) ངས་ནོར་སོང་ཁྱོད་ཀྱིས་བཤད་པ་དེ་བདེན་པ་རང་ཡིན་ཞེས་དག་འབུལ་བྱས་ལྟ་བུ། |
| དག་ཡིག |
ཡི་གེ་དག་བྱེད་ཀྱི་དཔེ་ཆའི་མིང༌སྟེ། (དཔེར་ན།) ཡི་གེའི་དག་ཆ་མི་ཤེས་པས་དག་ཡིག་སྔོག་ཅེས་པ་ལྟ་བུ། |
| དག་ཡིག་ངག་སྒྲོན |
ངག་གི་སྒྲོན་མའི་མིང་གཞན་ཞིག |
| དག་ཡིག་མཁས་པའི་འབྱུང་གནས |
སྒྲ། ཚད། བཟོ། གསོ། དབུ་མ། ཕར་ཕྱིན། འདུལ་བ། མངོན་པ། གསང་སྔགས་སོགས་ཀྱི་ཆོས་སྐད་རྣམས་སྡེ་ཚན་སོ་སོར་ཕྱེས་ཏེ་བསྒྲིགས་པའི་མིང་གི་རྣམ་གྲངས། དུས་རབས་བཅོ་བརྒྱད་པར་ལྕང་སྐྱ་རོལ་པའི་རྡོ་རྗེས་མཛད་པ། |
| དག་ཡིག་ཟ་མ་ཏོག |
དག་ཡིག་རིན་ཆེན་ཟ་མ་ཏོག་ཅེས་བྱ་བ། བོད་ཀྱི་མིང་བརྡའི་གནས་ལ་རྨོངས་འཁྲུལ་སེལ་བར་བྱེད་པའི་གཞུང༌། དུས་རབས་བཅུ་དྲུག་པར་ཞ་ལུ་ལོ་ཙཱ་བ་ཆོས་སྐྱོང་བཟང་པོས་མཛད་པའི་དག་ཡིག་གི་གཞུང་ཚིགས་སུ་བཅད་པ་ཞིག |
| དག་རྫོགས་སྨིན་གསུམ |
སྔགས་ནང་རྒྱུད་ཀྱི་བསྐྱེད་རིམ་སྤྱིའི་ངོ་བོར་དག་རྫོགས་སྨིན་གསུམ་ཚང་དགོས་པ་འཁོར་བའི་སྐྱེ་འཆི་བར་དོ་གསུམ་དང་སྐྱེ་གནས་བཞི་ལ་སོགས་པའི་རྣམ་པ་དང་མཐུན་པར་བསྒོམས་པས་སྲིད་པ་གསུམ་པོའི་ཞེན་སྣང་ཐམས་ཅད་སྦྱང་ཞིང་དག་པར་གྱུར་པ་དང༌། མྱང་འདས་དང་མཐུན་པར་ཏིང་འཛིན་གསུམ་དང༌། ཞིང་དང༌། ལྷ་སོགས་ཀྱི་རྣམ་པ་བསྒོམས་པས་འབྲས་བུ་སྐུ་གསུམ་གྱི་ཡོན་ཏན་རྣམས་གཞི་ལ་རྫོགས་པ་སྟེ་མངོན་དུ་སད་རུང་གི་ནུས་པ་ཁྱད་པར་ཅན་འབྱུང་བ་དང༌། དེ་ལྟར་དག་རྫོགས་གཉིས་ཀའང་རྡོ་རྗེའི་ལུས་ཀྱི་རྩ་ཐིག་རླུང་གསུམ་གནད་དུ་བསྣུན་ནས་རྫོགས་རིམ་གྱི་དཔེའི་ཡེ་ཤེས་དང་དོན་གྱི་འོད་གསལ་སྐྱེ་བའི་སྨིན་བྱེད་དུ་འགྲོ་བ། |
| དག་ས |
ཤེས་སྒྲིབ་ཕྲ་བ་རྣམས་སྤོང་བར་བྱེད་པའི་བྱང་སེམས་ཀྱི་ས། |
| དག་སེལ |
ཉེས་སྐྱོན་མེད་པར་བཟོ་བ་སྟེ། (དཔེར་ན།) སྐྱོན་མེད་སྐྱོན་འཛུགས་བྱས་པར་དག་སེལ་བྱེད་ཅེས་པ་ལྟ་བུ། |
| དག་སྒྲོག |
བཀླག་བྱ་མདོ་སྔགས་དཔེ་ཆ་པོ་ཏི་ཆེ་ཆུང་དང་མང་ཉུང་གང་ཞིག་ཡིན་རུང་དེ་འགོ་ནས་འཇུག་བར་མ་ཆད་པ་དང་མ་ནོར་བར་ཀློག་པ། |
| དག་སྣང |
སྣང་སྲིད་སྣོད་བཅུད་ཐམས་ཅད་དག་པའི་ཞིང་དུ་སྣང་བ་སྟེ་སྐུ་དང་ཡེ་ཤེས་ཀྱི་རོལ་བར་སྣང་བ། |
| དག་སྦྱངས |
དག་བཤེར་གྱི་དོན་ཏེ། (དཔེར་ན།) ཡེ་གེར་དག་སྦྱངས་བྱེད་ཅེས་པ་ལྟ་བུ། |
| དག་སྦྱོར |
བྱ་བ་བཟང་པོ་ལམ་དུ་འཇུག་ཐབས་ཀྱི་དོན་ཏེ། (དཔེར་ན།) བསམ་སྤྱོད་མ་དག་པ་བྱུང་རིགས་ལ་དག་སྦྱོར་བྱེད་དགོས་ལྟ་བུ། |
| དགག |
བཀག་གི་མ་འོངས་པ། (དཔེར་ན།) དགག་བྱའི་ལམ་ཞེས་པ་ལྟ་བུ། |
| དགག་གཞག་སྤང་གསུམ |
རིགས་ལམ་སྦྱོང་སྐབས་གཞན་ལུགས་དགག་པ་དང༌། རང་ལུགས་གཞག་པ་དང༌། རྩོད་པ་སྤང་བ་སྟེ་གསུམ། |
| དགག་དབྱེ |
འདུལ་བ་གཞི་བཅུ་བདུན་ལས་བསླབ་པ་ཡོངས་སྦྱོང་གི་གཞི་གསུམ་གྱི་ནང་གསེས་ཏེ། ལྟུང་བ་གླེང་དྲན་དང༌། ཆད་ལས། རྙེད་པ་བགོ་བ། མཚམས་ཀྱི་ཕྱི་རོལ་ཏུ་མཚན་མོ་འདའ་བ་སྟེ་དེ་དག་དབྱར་གནས་ཀྱི་སྐབས་དགག་བྱ་ཡིན་ལ། སྐབས་འདིར་དབྱེ་བར་བྱེད་པས་དགག་དབྱེ་ཞེས་བྱ། དེ་ལ་ནང་གསེས་སུ་དུས་ཀྱི་དགག་དབྱེ་དང༌། དུས་མིན་གྱི་དགག་དབྱེ་དང༌། ཚོགས་ཀྱི་དགག་དབྱེ་བཅས་གསུམ་ཡོད་དོ། ། |
| དགག་དབྱེ་བཞག་པ |
འདུལ་བའི་ཕྱག་ལེན་ཞིག་ལྟུང་བ་གླེང་སྐབས་མི་འབྱེད་པའི་གང་ཟག་ལ། དགེ་འདུན་དང་ལྷན་ཅིག་པར་དགག་དབྱེ་བྱེད་དུ་མི་འཇུག་པའོ། ། |
| དགག་དབྱེའི་ཆོ་ག |
དབྱར་ཁས་བླངས་པའི་དགེ་འདུན་རྣམས་ཀྱིས་སྦྱོར་བ་ལ་རིང་སྦྱོར་ཞག་བདུན་ལ་སོགས་པའི་སྔ་རོལ་ནས་སྤྱོད་ཡུལ་གྱི་གྲོང་ལ་གོ་བར་བྱ་ཞིང༌། གཙུག་ལག་ཁང་བརྒྱན། དགེ་སློང་སྡེ་སྣོད་འཛིན་པ་ལ་གསོལ་བ་བཏབ་ནས་ཚེས་བཅུ་བཞིའི་མཚན་ཐོག་ཏུ་ཆོས་བཤད་ཉན་གྱིས་དུས་འདའ་བར་བྱེད། ཉེ་སྦྱོར་བཅོ་ལྔའི་ཉིན་ཕན་ཚུན་བཟོད་གསོལ་སོགས་ཀྱིས་མཐར་བསྐོས་པའི་བྱེད་པ་པོས་གསོལ་བའི་ལས་ཀྱིས་ཐུགས་བསྟུན། དངོས་གཞི་རྩྭ་དུར་བ་བཟུང་ལ་ལྟུང་བའི་དགག་དབྱེ་དང༌། རྫས་ཀྱི་དགག་དབྱེ་བྱ། རྗེས་ཚེས་བཅུ་དྲུག་གི་ཉིན་གནས་ལ་ཞེན་པ་སྤང་ཕྱིར་ལྗོངས་རྒྱུ་བཅས་བྱ་བ་རྣམས་སོ། ། |
| དགག་པ |
1.གཅོད་པ་དང་རྒོལ་བའི་དོན་དུ་གོ་བའི་འགོག་པའི་མ་འོངས་པ། 2.རང་དངོས་སུ་རྟོགས་པའི་བློའམ་རང་བརྗོད་པའི་སྒྲས་རང་གི་དགག་བྱ་དངོས་སུ་བཅད་ནས་རྟོགས་པར་བྱ་བའི་ཆོས། བདག་མེད་ལྟ་བུ། རང་གི་དོན་སྤྱི་འཆར་བ་རང་གི་དགག་བྱའི་དོན་སྤྱི་འཆར་བ་ལ་ལྟོས་པའོ། ། |
| དགག་པ་ཕྱིན་ཅི་ལོག་པ |
དགག་པ་ནོར་བ། |
| དགག་པང |
(ཡུལ་སྐད།) 1>ལྕམ་མགོའི་བར་གྱི་པང་ལེབ་གྲུ་བཞི། 2>ལྷམ་མཐིལ་འཚེམ་སྤྱད། |
| དགག་པའི་དཔེ |
དཔེའི་རྒྱན་གྱི་ནང་གསེས་ཤིག་དགག་བྱ་དཔེ་ལ་སྐྱོན་བརྗོད་ཀྱི་སྒོ་ནས་དོན་དུ་དཔེ་ཅན་ལ་འགྲན་པའི་ནུས་པ་ཡོད་པ་སྟོན་པའི་འགོག་པའི་རྒྱན་ཞིག |
| དགག་བཏང་སུན་ཕྱུང |
དགག་པ་བཏང་ནས་སྐྱོན་བརྗོད་པའམ་སྐྱོན་བཏོན་པ། |
| དགག་བྱ |
བློས་དངོས་སུ་བཅད་ནས་རྟོགས་པར་བྱ་བའི་ཆོས། དོན་དངོས་དང་མི་མཐུན་པའི་དགག་བྱ་རྣམས་འགོག་བྱེད་ཀྱི་རིགས་པ་ཚད་མས་བཀག་པ། |
| དགག་བྱ་གཉིས |
1.རིགས་པ་དང༌། ལམ་གྱི་དགག་བྱ་གཉིས། 2.མ་ཡིན་དགག་དང༌། མེད་དགག་གཉིས། |
| དགག་བྱའི་བདག |
ཆོས་རྣམས་ཀྱི་ངོ་བོ་ཡུལ་ཅན་ཐ་སྙད་ཀྱི་རྟོག་པ་གཞན་ལ་རག་མ་ལས་པ་དེའི་དབང་གིས་བཞག་པ་མིན་པའི་རང་བཞིན་དེ་ཉིད་དགག་བྱའི་བདག་ཅེས་བྱ་བའོ། ། |
| དགག་བྱའི་མཐའ་བཞི |
ཡོད་པའི་མཐའ་དང༌། མེད་པའི་མཐའ། གཉིས་ཀའི་མཐའ། གཉིས་ཀ་མ་ཡིན་པའི་མཐའ། |
| དགག་བྱའི་ཚིག |
དགག་ཚིག་དང་དོན་གཅིག |
| དགག་ཚིག |
1.ལུང་རིགས་དང་འགལ་བའི་གཞན་ལུགས་དགག་པའི་ཚིག 2.མ་མི་མིན་མེད་བཞི་ལ་དགག་ཚིག་གམ་དགག་སྒྲ་ཟེར། |
| དགག་ཡིག |
དགག་པ་རྒྱག་པའི་རྩོམ་ཡིག |
| དགག་རྙི |
སྐེ་ནས་འཛིན་བྱེད་ཀྱི་ཞགས་རྙི། |
| དགག་རྟགས |
དེ་སྒྲུབ་ཀྱི་རྟགས་ཡང་དག་གང་ཞིག་དེ་སྒྲུབ་ཀྱི་དངོས་ཀྱི་བསྒྲུབ་བྱའི་ཆོས་ཡིན་ན་དགག་པ་ཡིན་པ། མ་དམིགས་པའི་རྟགས་ལྟ་བུ། |
| དགག་རྟགས་ཕྱིན་ཅི་ལོག་པ |
གཏན་ཚིགས་ལྟར་སྣང་འགལ་བའི་གཏན་ཚིགས་གཉིས་ཀྱི་ནང་གསེས་ཏེ། འགོག་བྱེད་ཀྱི་རྟགས་དང་དགག་བྱའི་ཆོས་གཉིས་རྒྱབ་འགལ་དུ་གྱུར་པ། དཔེར་ན། མེ་སྟོབས་ཆེན་པོས་ཁྱབ་པའི་གཞིར་ཆོས་ཅན། གྲང་རེག་རྒྱུན་ཆགས་སུ་འབྱུང་བ་ཡོད་དེ། མེ་སྟོབས་ཆེན་པོས་ཁྱབ་པའི་དངོས་པོ་ཡིན་པའི་ཕྱིར། ཞེས་པ་ལྟར་མ་དམིགས་པའི་རྟགས་རྣམས་ཕྱིན་ཅི་ལོག་ཏུ་བཀོད་པ། |
| དགག་རྟགས་ཡང་དག |
དགག་བྱ་འགོག་པ་ལ་ཚུལ་གསུམ་ཚང་བའི་རྟགས་ཏེ་མ་དམིགས་པའི་རྟགས་སོ། ། |
| དགག་ལན |
ཕན་ཚུན་གྱི་འདོད་པ་དགག་པའི་ལན། |
| དགག་ལྡོག་རིགས་གཅིག་པ |
ལྡོག་པ་རིགས་གཅིག་པའི་ནང་གསེས། དགག་པར་གྱུར་པའི་ལྡོག་པ་རིགས་གཅིག་པ་ནི། དགག་བྱ་བཀག་ཙམ་གྱི་ཆ་མེད་དགག་རིགས་གཅིག་པ་གང་ཟག་གི་བདག་མེད་དང༌། ཆོས་ཀྱི་བདག་མེད་ལྟ་བུ་བདག་དགག་པའི་ལྡོག་པ་རིགས་མཚུངས་པའོ། ། |
| དགག་སྒྲ |
དོན་གང་ཡང་རུང་བ་མེད་པའམ། མ་ཡིན་པར་དགག་པའི་ཚིག་ཕྲད་མ་མི་མིན་མེད་བཞི་དེའི་སྦྱོར་ཚུལ་ནི་མ་མི་གཉིས་མིང་གི་སྔོན་དང་མིན་མེད་གཉིས་མཐའ་ལ་འཇུག (དཔེར་ན།) མ་འགྲོ། མི་ལྟ། ང་མིན། ནད་མེད་ཅེས་པ་ལྟ་བུ། |
| དགག་སྒྲའི་སྐུལ་ཚིག |
ལས་ཚིག་ད་ལྟ་བའི་ཐོག་མར་འཇུག་པའི་མ་ཡིག (དཔེར་ན།) བསམ་བློ་མ་གཏོང༌། མིག་གིས་མ་ལྟ། |
| དགག་སྒྲུབ |
མིན་པ་དགག་ཅིང་ཡིན་པ་སྒྲུབ་པ། |
| དགང |
1.བཀང་བའི་མ་འོངས་པ། (དཔེར་ན།) འབྲུས་བང་མཛོད་དགང་བར་བྱ། དགང་བྱའི་སྣོད་ཅེས་པ་ལྟ་བུ།2.འགེངས་པའི་མ་འོངས་པ། |
| དགང་གཟར |
1.སྦྱིན་སྲེག་གི་གཟར་བུ་མགོ་གྲུ་བཞི་མ། 2.དུ་བ་འཐེན་པར་མཁོ་བའི་དབྱུ་གུ་ཁོག་སྟོང་ཞིག |
| དགང་བླུགས |
སྦྱིན་སྲེག་གི་མཛད་སྒོའི་སྐབས་བེད་སྤྱོད་པའི་ཡོ་བྱད་དགང་གཟར་དང་བླུགས་གཟར་གཉིས་ཀྱི་བསྡུས་མིང༌། |
| དགད |
བཀད་པའི་མ་འོངས་པ་སྟེ། (དཔེར་ན།) དགད་བྱའི་བྲག་ཅེས་པ་ལྟ་བུ། |
| དགབ |
བཀབ་ཀྱི་མ་འོངས་པ། (དཔེར་ན།) དགབ་བྱའི་བྱིས་པ་ཞེས་པ་ལྟ་བུ། |
| དགབ་པ |
བཀབ་པའི་མ་འོངས་པ། |
| དགབ་བྱ |
(མངོན་བརྗོད།) གོས། |
| དགའ་ཁུལ |
སེམས་མི་དགའ་ཡང་དགའ་བ་ལྟར་བྱེད་པའི་དོན་ཏེ། (དཔེར་ན།) སེམས་ཀྱི་གཏིང་ནས་མི་དགའ་ཡང་འཕྲལ་སྣང་དགའ་ཁུལ་བྱས་ལྟ་བུ། |
| དགའ་ཁྲས་ཁྲས |
(ཡུལ་སྐད།) དགའ་ནས་ཁ་འཛུམ་པའི་བཟོ་ལྟ་སྟེ། (དཔེར་ན།) ངོ་བསྟོད་ཀྱི་གཏམ་བཤད་དུས་དགའ་ཁྲས་ཁྲས་བྱེད་ཅེས་པ་ལྟ་བུ། |
| དགའ་གུས |
ཡིད་ཀྱི་དགའ་བ་དང༌། ལུས་ཀྱི་གུས་འདུད། |
| དགའ་གྲོགས |
མཛའ་གྲོགས། |
| དགའ་གླུ |
སྐྱིད་ཉམས་ཀྱི་གླུ། |
| དགའ་ངུ |
དགའ་དྲགས་ཏེ་ངུ་བའི་མིང༌། (དཔེར་ན།) ཡུན་རིང་བྲལ་བའི་གཉེན་བཤེས་དང་ཕྲད་པས་དགའ་ངུ་ཤོར་སོང༌ལྟ་བུ། |
| དགའ་ཉེ |
དགའ་པོ་ཉེ་པོའི་བསྡུས་ཚིག |
| དགའ་ཉེ་བློ་དཀར |
མཛའ་བརྩེ་ལྡན་པའི་བློ་ཉེ། |
| དགའ་དགའ་སྐྱིད་སྐྱིད |
དགའ་སྤྲོའི་སྣང་ཚུལ། |
| དགའ་དགའ་སྤྲོ་སྤྲོ |
དགའ་བཞིན་སྤྲོ་བཞིན་ཞེས་པའི་དོན་ཏེ། (དཔེར་ན།) ཚང་མས་དགའ་དགའ་སྤྲོ་སྤྲོའི་ངང་ནས་ལས་དོན་བྱེད་ཅེས་པ་ལྟ་བུ། |
| དགའ་དབྱེ་འཛུམ་འབྲལ |
སྔར་སྤུན་ཟླ་ཁྱིམ་ཚང་བགོ་བའི་སྐབས་ལ་བཤད་པ་ཞིག (དཔེར་ན།) ཕན་ཚུན་དགའ་བཞིན་དུ་དབྱེ། འཛུམ་བཞིན་དུ་འབྲལ་བ་ལྟ་བུ། |
| དགའ་དར |
དགའ་སྟོན་གྱི་ཁ་བཏགས། |
| དགའ་པོ |
མགུ་པོའམ་མོས་པོའི་དོན་ཏེ། (དཔེར་ན།) སེམས་དགའ་པོ་བྱེད་པ། ངལ་རྩོལ་ལ་དགའ་པོ་ཡོད། ཐ་མག་དང་ཆང་ལ་དགའ་པོ་རང་མེད། ཧ་ཅང་དགའ་པོ་འདུག་ཅེས་པ་ལྟ་བུ། |
| དགའ་པོ་ཉེ་པོ |
མཛའ་བཤེས་ཀྱི་དོན་ཏེ། (དཔེར་ན།) དུས་དེ་ཉིད་ནས་བཟུང་ང་གཉིས་དགའ་པོ་ཉེ་པོ་བྱེད་པ་ཡིན་ཞེས་པ་ལྟ་བུ། |
| དགའ་ཕྱོགས |
རང་ཉིད་ལ་དགའ་བའི་ཕྱོགས། |
| དགའ་བ |
1.(བྱེད་མེད་ལས་ཚིག) སེམས་པ་ཕྱོགས་པའམ་དུང་སྣང་ཤོར་བའི་དོན་ཏེ། (དཔེར་ན།) ཞི་བདེར་དགའ་བ། སེམས་ཧ་ཅང་དགའ་ནས་གད་མོ་ཆེན་པོ་དགོད་པ། དཔོན་པོ་ཕལ་ཆེར་ངོ་བསྟོད་ལ་དགའ། བླ་མ་ཕལ་ཆེར་འབུལ་བ་ལ་དགའ། བྱིས་པ་ཕལ་ཆེར་རྩེད་མོ་ལ་དགའ་ལྟ་བུ།2.སེམས་དགའ་བའི་མིང༌། (དཔེར་ན།) མཐོང་བ་ཙམ་གྱིས་ཡིད་ལ་དགའ་བ་སྟེར། སེམས་ལ་སྨྲ་མི་ཤེས་པའི་དགའ་བ་ཐོབ་པ། དགའ་བ་ཉོན་མོངས་ཅན་ནི་ཞེན་པ་དང༌། དགའ་བ་ཉོན་མོངས་ཅན་མ་ཡིན་པ་ནི་དད་པ་ཡིན་ལྟ་བུ། 3.(མངོན་བརྗོད།) ཆུ་འབྲུག་ལོ། (ཡར་ངོའི་དགའ་བ་དང་པོ་ནི་ཚེས་གཅིག་དང་། གཉིས་པ་ཚེས་དྲུག གསུམ་པ་ཚེས་བཅུ་གཅིག་བཅས་ཡིན། མར་ངོའི་དགའ་བ་དང་པོ་ནི་ཚེས་བཅུ་དྲུག་དང་། གཉིས་པ་ཚེས་ཉི་ཤུ་གཅིག གསུམ་པ་ཚེས་ཉི་ཤུ་དྲུག་བཅས་ཡིན།)4.(བརྡ་རྙིང་།) ཡོན། 5.ཚངས་པའི་གནས་པ་བཞིའི་ནང་གསེས། བདེ་བ་དང་ལྡན་པའི་སེམས་ཅན་གང་དག་བདེ་བ་དང་མི་འབྲལ་བར་གྱུར་ན་ཅི་མ་རུང་སྙམ་པ་སེམས་མི་དགའ་བའི་གཉེན་པོའོ། 5.ལེགས་པ་དང་བཟང་བའི་དོན་ཏེ། (དཔེར་ན།) ཐོས་པ་བརྒྱ་ལས་མཐོང་བ་གཅིག་དགའ། དེ་ལས་འདི་དགའ་བ་འདུག སྡར་མ་མགོ་བཏགས་ཞུས་ཏེ་གསོན་པ་ལས། དཔའ་བོ་གཡུལ་དུ་ཞུགས་ནས་ཤི་བ་དགའ་ལྟ་བུ། |
| དགའ་བ་དང་བྲལ་བའི་སྡུག་བསྔལ |
སྙིང་ལ་སྡུག་པའམ། ཡིད་ལ་འཐད་པ་དང་ཁ་གྱེས་པའི་སྡུག་བསྔལ། |
| དགའ་བ་ཕྱིན་ཅི་ལོག་པ |
དགའ་འོས་མེད་པར་དགའ་བ། |
| དགའ་བ་བཞི |
དགའ་བ་དང༌། མཆོག་དགའ། ཁྱད་དགའ། ལྷན་སྐྱེས་ཀྱི་དགའ་བ་སྟེ་བཞི། |
| དགའ་བ་བརྒྱ་པ |
(མངོན་བརྗོད།) ཚངས་པ། |
| དགའ་བ་ཚད་མེད |
ཚད་མེད་བཞིའི་ཡ་གྱལ་ཏེ། དམིགས་པ་སེམས་ཅན་ཚད་མེད་པ་ལ་དམིགས་ནས། རྣམ་པ་སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་བྱའོ་སྙམ་དུ་སེམས་པའོ། ། |
| དགའ་བ་འཁྱིལ་བ |
(མངོན་བརྗོད།) 1>རྒྱལ་པོའི་ཕོ་བྲང༌། 2>གཡུང་དྲུང༌། |
| དགའ་བ་ཡང་དག་བྱང་ཆུབ་ཀྱི་ཡན་ལག |
བྱང་ཆུབ་ཡན་ལག་བདུན་གྱི་ནང་ཚན་ཕན་ཡོན་གྱི་ཡན་ལག་ས་དང་པོ་མཐོང་བའི་དགའ་བ་དེས་ལུས་དང་སེམས་ལ་ཕན་འདོགས་ཤིང་ཚིམ་པར་བྱེད་པ། |
| དགའ་བ་ལ |
དགའ་བར་སྨོན་པ་སྟེ། (དཔེར་ན།) དེ་དང་མཇལ་ན་དགའ་བ་ལ། དེ་འདྲ་གཅིག་བྱུང་ན་དགའ་བ་ལ་ཞེས་པ་ལྟ་བུ། |
| དགའ་བ་སྦྱིན་བྱེད |
མྱ་ངན་མེད་ཀྱི་ཤིང༌། |
| དགའ་བདེ |
1.ལུས་སེམས་ཀྱི་ཚོར་སྣང་བདེ་བ། 2.རྫོང་ཞིག་མགོ་ལོག་གི་དབུས་རྒྱུད་དང་རྨ་ཆུའི་བྱང་འགྲམ་དུ་ཡོད། |
| དགའ་བཞི་འཕྲུལ་གྱི་ལྷ་ཁང |
ལྷ་སའི་གཙུག་ལག་ཁང་གི་མིང་གི་བྱེ་བྲག་ཅིག་གཙུག་ལག་ཁང་ཐོག་མར་བཞེངས་སྐབས་ལྷ་དང༌། ཀླུ། མི། གནོད་སྦྱིན་བཅས་དགའ་བས་མིང་དེ་ལྟར་དུ་བཏགས་པར་གྲགས། |
| དགའ་བཞིན་སྤྲོ་བཞིན |
སེམས་དགའ་སྤྲོའི་ངང་དུ། |
| དགའ་བའི་དབང་པོ |
(མངོན་བརྗོད།) ཁྱབ་འཇུག |
| དགའ་བའི་བཞིན |
སྤྲོ་ཞིང་ཞི་བའི་གདོང༌གི་དོན་ཏེ། (དཔེར་ན།) དགའ་བའི་བཞིན་གྱིས་བྱམས་སེམས་སྟོན་པ་ལྟ་བུ། |
| དགའ་བའི་ཚལ |
1.གླིང་གའམ། སྐྱེད་མོས་ཚལ། 2.གྲོང་ཁྱེར་ལྟ་ན་སྡུག་པའི་བྱང་ཕྱོགས་སུ་རྫིང་བུ་དང་ཤིང་སོགས་ཡིད་དགའ་བའི་ཚལ་དུ་ལྷའི་བུ་དང་བུ་མོ་དག་འདོད་པའི་ཡོན་ཏན་ལ་དགའ་ཞིང་རྩེ་བ། |
| དགའ་བའི་རྒྱན |
སྙན་ངག་གི་ཁྱད་འཕགས་ཀྱི་ཉམས་ལྡན་སྒོ་ནས་ཡིད་འོང་གི་དགའ་བ་སྐྱེད་པར་སྟོན་པའི་རྒྱན་ཞིག |
| དགའ་བའི་རྒྱན་གཉིས |
དགའ་བའི་རྒྱན་གྱི་ནང་གསེས་རྣམ་གྲངས་གཉིས་ནི། དངོས་ཐོབ་ཀྱི་དགའ་བ་དང༌། གཟུགས་བརྙན་གྱི་དགའ་བའོ། ། |
| དགའ་བའི་ས་གཞི |
(མངོན་བརྗོད།) བུད་མེད། |
| དགའ་བས་རྒྱུ |
(མངོན་བརྗོད།) བྱ་རོག |
| དགའ་བསུ |
དགའ་སྤྲོའི་ངང་ནས་ཕེབས་བསུ་ཞུ་བ། |
| དགའ་བོ |
སངས་རྒྱས་ཤཱཀྱ་ཐུབ་པའི་ཉན་ཐོས་དྲུག་སྡེའི་ཡ་གྱལ་ཞིག |
| དགའ་བྱེད |
(མངོན་བརྗོད།) 1>ཆང༌། 2>ཁྱིམ་བྱ་དེ་ཕོ། 3>རྔ་མོང༌། 4>སྲིན་པོ། |
| དགའ་བྱེད་དགྲ་བོ |
(མངོན་བརྗོད།) སྲིན་པོའི་རྒྱལ་པོ། |
| དགའ་བྱེད་མ |
(མངོན་བརྗོད།) 1>བུད་མེད་མཛེས་མ། 2>སྨད་འཚོང་མ། |
| དགའ་བྲོད |
དགའ་སྣང་ཕྱི་རུ་མངོན་པའི་དོན་ཏེ། (དཔེར་ན།) སེམས་སྐྱིད་པོ་བྱུང་བས་དགའ་བྲོད་ཀྱིས་གླུ་གཞས་མང་པོ་བཏང༌ལྟ་བུ། |
| དགའ་མ |
1.ཆུང་མ། 2.(མངོན་བརྗོད།) བུད་མེད་མཆོག |
| དགའ་མགུ |
ཡིད་དགའ་ཞིང་ཚིམ་པ། |
| དགའ་མགུ་ཡི་རང |
དགའ་ཞིང་མགུ་ནས་ཡིད་ཚིམ་པའི་དོན་ཏེ། (དཔེར་ན།) དགའ་མགུ་ཡི་རང་གིས་སྲུང་རྩི་ཞུ་ལྟ་བུ། |
| དགའ་མགུར་སྤྱོད་པ |
1.བདེ་སྐྱིད་ལ་རོལ་བ། 2.འཁྲིག་པ་སྤྱོད་པ། |
| དགའ་མཆོངས |
དགའ་ནས་འཕག་ཚག་རྒྱག་པ། |
| དགའ་མཐུན་པ |
ཕན་ཚུན་དགའ་ཞིང་མཐུན་པའི་མི། |
| དགའ་མདོག་ཤང་མདོག |
(ཡུལ་སྐད།) ངོ་སྲུང་ཟོལ་དགའ་སྟེ། (དཔེར་ན།) ནང་འགལ་ཡོད་བཞིན་དུ་ཕྱིའི་རྣམ་པ་དགའ་མདོག་ཤང་མདོག་བྱས་ན་མཐུན་སྒྲིལ་ངོ་མ་མི་ཡོང༌ལྟ་བུ། |
| དགའ་མའི་བདག་པོ |
(མངོན་བརྗོད།) འདོད་ལྷ། |
| དགའ་མིན་ཞེ་བཞག |
མི་དགའ་བ་སེམས་ལ་བཟུང་ནས་འཁོན་འཛིན་དམ་པོ་བྱེད་པ། |
| དགའ་མོ |
1.སེམས་དགའ་པོ། 2.(ཡུལ་སྐད།) ལེགས་པོ་དང་ཡག་པོའི་དོན་ཏེ། (དཔེར་ན།) ལས་ཀ་འདི་དགའ་མོ་བྱུང་སོང༌ལྟ་བུ། |
| དགའ་ཚད་པ |
དགའ་བའི་ཉམས་ཙམ་གྱི་དོན་ཏེ། (དཔེར་ན།) ཁོ་ཐུག་པ་དང་སེམས་དགའ་ཚད་པ་བྱས་བྱུང༌ལྟ་བུ། |
| དགའ་ཚལ |
སྐྱེད་ཚལ། |
| དགའ་ཚོར |
དགའ་བདེའི་ཉམས་ཏེ། (དཔེར་ན།) འཕྲིན་བཟང་ཐོས་འཕྲལ་དུ་མི་ཚང་མས་དགའ་ཚོར་ཆེན་པོ་བྱེད་པ། གང་གསུངས་པ་མཐའ་དག་ཉན་མཁན་གྱི་བློ་ལ་བབ་པས་དགའ་ཚོར་ཆེན་པོས་ཐལ་མོ་རྒྱུན་མི་འཆད་པར་རྡེབ་ཀྱི་འདུག་ལྟ་བུ། |
| དགའ་ཞེན |
དགའ་བས་ཤ་ཞེན་བྱེད་པའི་དོན་ཏེ། (དཔེར་ན།) མི་རིགས་ལ་དགའ་ཞེན་ཚད་མེད་བྱེད་པ། ངལ་རྩོལ་ལ་དགའ་ཞེན་ཆེན་པོ་བྱེད་ཅེས་པ་ལྟ་བུ། |
| དགའ་འཁྱིལ |
ནོར་བུ་དགའ་འཁྱིལ། |
| དགའ་འཁྱིལ |
རོ་མོ་ཞིག ནོར་བུ་དགའ་འཁྱིལ་ཡང་ཟེར། |
| དགའ་འདྲིས |
དགའ་པོའམ་འདྲིས་ཆེན་པོ། |
| དགའ་འཛོམས |
དགའ་པོའི་ངང་ནས་འཛོམས་པ། |
| དགའ་འུར |
དགའ་ནས་ཉམས་འུར་བའི་དོན་ཏེ། (དཔེར་ན།) ཐང་ཆེན་དུ་ལྟད་མོ་བསྟན་མ་ཐག་ཏུ་མི་ཚང་མ་དགའ་འུར་གྱིས་འདུས་སོང༌ལྟ་བུ། |
| དགའ་ཡ་ལེ |
སེམས་སྤྲོ་བའི་ཉམས་ཏེ། (དཔེར་ན།) བསླབ་བྱ་བཟང་པོ་བྱུང་ནས་སེམས་དགའ་ཡ་ལེ་བར་གྱུར་སོང༌ལྟ་བུ། |
| དགའ་ཡལ་ཡལ |
སེམས་ཀྱི་དགའ་བའི་ངང་ཚུལ་ཞིག་སྟེ། (དཔེར་ན།) གཏམ་སྙན་ཐོས་པས་བློ་སེམས་དགའ་ཡལ་ཡལ་བྱས་བྱུང༌ལྟ་བུ། |
| དགའ་རབ |
1.བཟང་པོའི་ཆར་གཏོགས་པའམ་ཡག་ཙམ་གྱི་དོན་ཏེ། (དཔེར་ན།) མི་འདི་ལ་ལག་རྩལ་དགའ་རབ་འདུག རྨ་དགའ་རབ་སོས་པ། རླུང་གི་ནུས་པ་ཡང་དགའ་རབ་ཡིན་སྙམ་པའི་རང་མཐོང་བྱུང༌ལྟ་བུ། 2.མང་ཙམ་གྱི་ཕྱོགས་ཏེ། (དཔེར་ན།) ཁང་པ་འདིའི་ནང་དུ་དངོས་པོ་དགའ་རབ་ཅིག་འདུག་ལྟ་བུ། |
| དགའ་རབ་དབང་ཕྱུག |
(མངོན་བརྗོད།) གཞན་འཕྲུལ་དབང་བྱེད་ཀྱི་བདག་པོ། |
| དགའ་རོགས |
1.བློ་ཉེའི་གྲོགས། 2.ཁྱོ་ཤུག་གི་དོན་ཏེ། (དཔེར་ན།) དགའ་རོགས་སྒྲིག་པ་ལྟ་བུ། |
| དགའ་ལྡན |
འདོད་ལྷ་རིས་དྲུག་གི་ནང་གསེས། འོག་མ་ལས་ལོངས་སྤྱོད་ཆེ་ཞིང་ཉམས་བདེ་བའི་སྟེང་དུ་ཐེག་ཆེན་ཆོས་ཀྱི་ལོངས་སྤྱོད་ཀྱི་དགའ་བ་དང་ལྡན་པས་དགའ་ལྡན་ཞེས་བྱ། |
| དགའ་ལྡན་ཁྲི་པ |
རྗེ་ཙོང་ཁ་པའི་ཆོས་ཀྱི་རྒྱལ་ཚབ། སེ་འབྲས་དགའ་གསུམ་གྱི་གྲྭ་པའི་ནང་ནས་ལྷ་ལྡན་སྨོན་ལམ་ཆེན་མོའི་སྐབས་དགེ་བཤེས་ཀྱི་གོ་མིང་ཐོབ་རྗེས་རྒྱུད་གྲྭ་སྟོད་སྨད་གང་རུང་ཞིག་ལ་ཞུགས་ནས་དེའི་དགེ་བསྐོས་དང༌། དབུ་མཛད། མཁན་པོ། མཁན་ཟུར་བཅས་རིམ་བཞིན་བྱས་ཤིང༌། དེ་ནས་དགའ་ལྡན་ཤར་རྩེའམ་བྱང་རྩེ་གང་རུང་གི་ཆོས་རྗེ་བྱས་མཚམས་དགའ་ལྡན་ཁྲི་པ་སྔོན་མ་འཕོ་འདས་བྱུང་ན་དེའི་གོ་ས་ཐོབ། |
| དགའ་ལྡན་ཁྲི་རིན་པོ་ཆེ |
དགའ་ལྡན་ཁྲི་པའི་ཞེ་མིང༌། |
| དགའ་ལྡན་གྱི་ལྷ |
འདོད་ལྷ་རིགས་དྲུག་གི་ནང་ཚན་ཞིག |
| དགའ་ལྡན་དགོན་པ |
ལྷ་སའི་ཤར་ཕྱོགས་སྟག་རྩེ་རྫོང་ཁོངས་གཙང་ཆུའི་ལྷོ་རྒྱུད་དབང་བསྐུར་རིའི་ལྡེབས་སུ་ཡོད་པའི་དགེ་ལུགས་དགོན་ཆེན་གྱི་གཙོ་བོ་ཞིག་རབ་བྱུང་བདུན་པའི་ས་གླང་ལོ་སྤྱི་ལོ་ 1409 ལོར་རྗེ་ཙོང་ཁ་པ་བློ་བཟང་གྲགས་པས་ཕྱག་བཏབ་ཅིང༌། རྒྱལ་ཚབ་དར་མ་རིན་ཆེན་ནས་བཟུང་དགའ་ལྡན་ཁྲི་པ་གདན་རབས་རིམ་བྱོན་གྱིས་འཆད་ཉན་བྱེད་ཡུལ་གྱི་གདན་ས་ཞིག |
| དགའ་ལྡན་པ |
རྗེ་ཙོང་ཁ་པས་འབྲོག་རི་བོ་དགའ་ལྡན་རྣམ་རྒྱལ་གླིང་བཏབ་ནས་སྐུ་ཚེའི་སྨད་དུ་དེར་སྟན་ཆགས་པར་བཞུགས་པས་ཁོང་གི་རིང་ལུགས་ཀྱི་རྗེས་སུ་ཞུགས་མཁན་ཚང་མར་དགའ་ལྡན་པ་ཞེས་པའི་མིང་ཐོབ། |
| དགའ་ལྡན་ཕུན་ཚོགས་གླིང |
བོད་གཙང་ཕྱོགས་ཀྱི་ལྷ་རྩེ་རྫོང་གི་དགོན་པ་ཞིག་ཇོ་ནང་ཏཱ་ར་ན་ཐས་བཏབ་པ་ཞིག་ཡིན། མིང་རྙིང་པར་རྟག་བརྟན་ཕུན་ཚོགས་གླིང་ཟེར། རྒྱལ་དབང་སྐུ་ཕྲེང་ལྔ་པས་བསྒྱུར་ཏེ་མིང་འདི་བཏགས། |
| དགའ་ལྡན་ཕོ་བྲང |
རབ་བྱུང་དགུ་པའི་ས་སྟག་ལོར་སྣེ་གདོང་མི་དབང་བཀྲ་ཤིས་གྲགས་པས་འབྲས་སྤུངས་རྡོ་ཁང་སྔོན་མོ་ཏཱ་ལའི་བླ་མ་དགེ་འདུན་རྒྱ་མཚོར་ཕུལ་བའི་མིང་དགའ་ལྡན་ཕོ་བྲང་དུ་བསྒྱུར་བ་ལས་བྱུང་ཞིང་། རབ་བྱུང་བཅུ་གཅིག་པའི་ཆུ་རྟ་ལོ་སྟེ་སྤྱི་ལོ་1642 ལོར་༸རྒྱལ་དབང་སྐུ་ཕྲེང་ལྔ་པས་སྲིད་དབང་བཙུགས་སྐབས་བོད་ཀྱི་སྲིད་གཞུང་གི་མིང་དུ་བཏགས། |
| དགའ་ལྡན་ཕྱག་རྒྱ་ཆེན་པོ |
སེམས་ལ་དམིགས་ནས་ཞི་ལྷག་སྒོམ་པའི་ཏིང་ངེ་འཛིན་ཏེ་དགའ་ལྡན་ལུགས་ཀྱི་སྒོམ་ཐོག་ནས་ལྟ་བ་འཚོལ་བའི་མན་ངག་ཅིག |
| དགའ་ལྡན་བཀའ་བརྒྱུད |
དགེ་ལུགས་ཐུན་མོང་མ་ཡིན་པའི་བཀའ་བབ་ཀྱི་བརྒྱུད་པ། |
| དགའ་ལྡན་བདག |
(མངོན་བརྗོད།) རྒྱལ་བ་བྱམས་མགོན། |
| དགའ་ལྡན་བཞུགས |
(མངོན་བརྗོད།) རྒྱལ་བ་བྱམས་མགོན། |
| དགའ་ལྡན་ཡིད་དགའ་ཆོས་འཛིན |
རྗེ་བཙུན་བྱམས་པ་མགོན་པོའི་ཆོས་གསུང་སའི་གནས། |
| དགའ་ལྡན་རྣམ་པར་རྒྱལ་བའི་གླིང |
དགའ་ལྡན་དགོན་པ། |
| དགའ་ལྡན་ལྔ་མཆོད |
བོད་ཟླ་བཅུ་པའི་ཚེས་ཉི་ཤུ་ལྔ་ཉིན་རྗེ་ཙོང་ཁ་པའི་གཤེགས་མཆོད། |
| དགའ་ལྡན་ལྷ་བརྒྱ |
1.དགའ་ལྡན་གྱི་ལྷའི་མང་ཚིག་ཅིག 2.རྗེ་ཙོང་ཁ་པར་བརྟེན་པའི་བླ་མའི་རྣལ་འབྱོར་ཞིག |
| དགའ་སེམས |
དགའ་བའི་ཡིད་དེ། (དཔེར་ན།) དུས་ཆེན་གྱི་མཛད་སྒོའི་ནང་དུ་དགའ་སེམས་འཁོལ་བའི་ངང་ནས་ཞུགས་ཞེས་པ་ལྟ་བུ། |
| དགའ་སྐྱིད |
སེམས་སྤྲོ་བའི་དོན་ཏེ། (དཔེར་ན།) ལུས་སེམས་བག་ཕེབས་ཀྱི་དགའ་སྐྱིད་ཡག་པོ་ཐོབ་བྱུང༌། དགའ་སྐྱིད་དང་ལྡན་པའི་འཚོ་བ་སྐྱེལ་ཞེས་པ་ལྟ་བུ། |
| དགའ་སྐྱེལ |
སྤྲོ་བ་ཆེན་པོས་ཞུས་པའི་ཕེབས་སྐྱེལ་ཏེ། (དཔེར་ན།) ཚོགས་འདུ་ཆེན་མོ་ཞིག་འཚོགས་ཏེ་དགའ་སྐྱེལ་ཞུས་ལྟ་བུ། |
| དགའ་སྐྱོ་འདྲེས་མ |
དགའ་སྣང་དང་སྐྱོ་སྣང་འདྲེས་པ། |
| དགའ་སྟོན |
ཡིད་དགའ་བའི་སྟོན་མོ་དགའ་སྟོན་རྟེན་འབྲེལ། མིང་གི་རྣམ་གྲངས་ལ་དགྱེས་སྟོན་དང༌། མཆོད་སྟོན། ཉེར་དགའ་ལྷ་གསོལ་བཅས་སོ། ། |
| དགའ་སྡང |
ཡིད་སྤྲོ་བ་དང་ཁྲོ་བའི་དོན་ཏེ། (དཔེར་ན།) བཟང་ངན་གཉིས་ལ་དགའ་སྡང་དབྱེ་བ་གསལ་བའི་རྣམ་འགྱུར་འཛིན་ཞེས་པ་ལྟ་བུ། |
| དགའ་སྣང |
དགའ་བའི་སེམས་ཀྱི་དྲན་སྟངས། |
| དགའ་སྤྱོད |
དགའ་མགུར་སྤྱོད་པའི་སྡུས་ཚིག |
| དགའ་སྤྲོ |
ཡིད་དགའ་བའི་མིང༌། (དཔེར་ན།) ལོ་རྒྱུས་གཏམ་རྒྱུད་སྙན་སྙན་མང་པོ་བཤད་དེ་དགའ་སྤྲོ་སྤེལ་ཞེས་པ་ལྟ་བུ། |
| དགའ་སྤྲོ་དཔག་མེད |
དགའ་སྤྲོ་ཚད་མེད་དང་དོན་གཅིག |
| དགའ་སྤྲོ་ཚད་མེད |
དགའ་སྣང་ཤིན་ཏུ་ཆེན་པོའི་དོན་ཏེ། (དཔེར་ན།) རྒྱལ་ཁ་ཡོངས་སུ་ཐོབ་པས་དགའ་སྤྲོ་ཚད་མེད་སྐྱེས་བྱུང༌ལྟ་བུ། |
| དགའ་སྤྲོ་འཁོལ་བ |
སྤྲོ་སེམས་ཧ་ཅང་རྒྱས་ཚུལ། |
| དགའ་སྦུབས |
སྔར་བོད་ཀྱི་རྩེ་དྲུང་ཚོས་དགུན་དུས་ཀྱི་མཛད་སྒོར་གྱོན་པའི་ཞྭ་མོ་ཞིག |
| དགར |
1.(བྱེད་འབྲེལ་ལས་ཚིག) 1>བཀར་གྱི་མ་འོངས་པ། ལོགས་སུ་འབྱེད་པ་དང་ཟུར་དུ་འབྱིན་པའི་དོན་ཏེ། (དཔེར་ན།) འགོ་ནད་ཅན་གྱི་ནད་པ་ལོགས་སུ་དགར་བ། འཚར་ལོང་ཆེ་བའི་བྱིས་པ་ལོགས་སུ་བཀར་ནས་འོ་ཐག་གཅོད་དགོས་ལྟ་བུ། 2>སྦྲ་དང་རས་གུར་སོགས་ཀ་རའམ་དབྱུག་པས་ཡར་འགྱོགས་པའི་དོན་ཏེ། (དཔེར་ན།) དགར་བྱའི་གུར་གསར། རས་གུར་བཀར། 2.བོད་ཡིག་གི་ཚིག་ཕྲད་ནི་ལ་དགར་བའང་ཟེར། |
| དགར་བའི་སྒྲ |
རྣམ་དབྱེ་ལྔ་པའི་བྱེ་བྲག་ཅིག་ནས་དང་ལས་ནི། རིགས་དང་བྱ་བ་ཡོན་ཏན་རྣམས་ཀྱི་ཁྱད་པར་གྱིས་ཚོགས་ཀྱི་ནང་ནས་འབྱིན་པ་ལྟ་བུར་དགར་བ་ལ་ནས་སྒྲ་དང༌། དགར་གཞི་གཅིག་གམ། གཉིས་སམ། མང་པོའི་ནང་ནས་ལོགས་སུ་དགར་བ་ལ་ལས་སྒྲ་འཇུག་གོ། ། (དཔེར་ན།) རིན་ཆེན་གྱི་ནང་ནས་ཕ་ལམ་མཆོག ལྟོ་ཆས་གཅིག་ལས་གཅིག་ཞིམ་ལྟ་བུ། |
| དགལ |
(བྱེད་འབྲེལ་ལས་ཚིག) 1>འཁེལ་གྱི་མ་འོངས་པ། (དཔེར་ན།) འཕང་དགལ་དགོས དགལ་བྱའི་འཕང་ཞེས་པ་ལྟ་བུ 2>འགེལ་བའི་མ་འོངས་། (དཔེར་ན།) ཁལ་དགལ་དགོས། དགལ་བྱའི་ཁལ་ཞེས་པ་ལྟ་བུ། |
| དགལ་བ |
1.འགེལ་བའི་མ་འོངས་པའི་བྱ་མིང་། 2.འཁེལ་བའི་མ་འོངས་པའི་བྱ་མིང་། |
| དགས |
1.(བྱེད་འབྲེལ་ལས་ཚིག) བཀས་ཀྱི་མ་འོངས་པ། 2.དགའ་བས་ཞེས་པའི་བྱེད་སྒྲ་བསྡུས་པ། (དཔེར་ན།) རབ་ཏུ་དགའ་བས་བྲོ་འཁྲབ་ལ་རབ་དགས་བྲོ་འཁྲབ་ལྟ་བུ། |
| དགུ |
1.མང་པོའི་དོན་ཏེ། (དཔེར་ན།) སྐྱེ་དགུ། འདོད་དགུ། སྐད་ཆ་མི་བཤད་དགུ་བཤད། ལས་ཀ་མི་བྱེད་དགུ་བྱེད། མི་ལས་དགུ་ལས། ཡོད་དགུ་རྩལ་སྤྲུག རྒྱུ་ནོར་ཡོད་དགུ། ངན་དགུ་ཚང་བ། བཟང་དགུ་ཞེས་པ་ལྟ་། 2. གྲངས་ཀ་དགུའི་དོན་ཏེ། (དཔེར་ན།) རྨ་ཆུ་ཁུག་དགུ་ཞེས་པ་ལྟ་བུ། མིང་གི་རྣམ་གྲངས་ལ་གཏེར་དང༌། བུ་ག།རྩ། སྲིན་པོ་བཅས་སོ། ། |
| དགུ་གཏོར |
བོད་ཟླ་བཅུ་གཉིས་པའི་ཉེར་དགུའི་ཉིན་འཕེན་པའི་གཏོར་རྒྱག |
| དགུ་གཞུར |
རྡེའུ་དཀར་ནག་དགུ་རེ་དགུ་རེ་བཞག་ནས་བརྩེ་རྒྱུ་ཞིག |
| དགུ་ཆུ |
མདོ་སྨད་རྨ་ཆེན་རྫོང་གི་འབབ་ཆུ་ཞིག |
| དགུ་ཐུག |
བོད་ཟླ་བཅུ་གཉིས་པའི་ཚེས་ཉེར་དགུའི་དགོང་མོ་སྐོལ་རྒྱུའི་ལོ་མཇུག་རྟེན་འབྲེལ་གྱི་ཐུག་པ། |
| དགུ་ཐུབ |
ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཤ་དུག་དང༌། སྦྱར་དུག་སོགས་དུག་ནད་འཇོམས། |
| དགུ་ཐོག |
ཐོག་བརྩེགས་དགུ་ཡོད་པའི་ཁང་པ། |
| དགུ་ནིང |
འདས་ལོ་གསུམ་པའི་ཕལ་མིང༌། |
| དགུ་པ |
གྲངས་རིམ་ཞིག་སྟེ། (དཔེར་ན།) ཟླ་བ་དགུ་པ་ལྟ་བུ། |
| དགུ་པའི་ཕོགས་ཐོབ |
དགུ་པའི་གླ་ཐོབ་ཀྱང་ཟེར། སྔར་བོད་གཞུང་གི་འདོད་དཔལ་ལས་ཁུངས་ནས་ལོ་ལྟར་ཟླ་བ་དགུ་པའི་ནང་བཟོ་པ་རྣམས་ལ་རྒྱག་པའི་ལོ་རེའི་གླ་ཕོགས། |
| དགུ་ཕྲུགས |
དགུ་ཚན་གྱི་དོན་ཏེ། (དཔེར་ན།) ཕྱག་འཚལ་དགུ་ཕྲུགས། རླུང་དགུ་ཕྲུགས་སུ་བསལ་ཞེས་པ་ལྟ་བུ། |
| དགུ་བཅུ་འགྲོ |
མ་རྩ་འབྲུ་ཁལ་དགུ་ལ་ལོ་གཅིག་སོང་མཚམས་མ་སྐྱེད་བསྡོམས་ནས་འབྲུ་ཁལ་བཅུ་ལེན་པའི་འབྲུ་བུན་གཏོང་སྟངས་ཤིག |
| དགུ་བོག |
དགུ་མདའ་དང་དོན་གཅིག |
| དགུ་མཐའ |
1.ཨང་ཀི 1 ནས 9 བར་གྱི་སྒྱུར་བགོ་སྣོན་ཕྲི་བཞིའི་བརྩི་ཐབས་ཀྱི་རེའུ་མིག་གི་མིང་། 2.བོད་རྩིས་ཀྱི་སྒྱུར་སྡོམ་གྱི་མན་ངག་ཅིག |
| དགུ་མདའ |
མདེལ་གྲངས་དགུ་འགྲོ་བའི་མེ་མདའ། |
| དགུ་ཚིག |
ཚེག་ཁྱིམ་དགུ་ཡོད་པའི་ཚིག་རྐང༌། |
| དགུ་ཚིགས |
གནམ་གྱི་སྐ་རགས་ཏེ། མིང་གི་རྣམ་གྲངས་ལ་ནམ་མཁའི་སྐ་རགས་དང་གནོད་སྦྱིན་ཁ་རླངས་སོ། ། |
| དགུ་ཚིགས་ལོག |
གནམ་གྱི་དགུ་ཚིགས་ལོག་པ་སྟེ་ངན་ལྟས་ལ་ཟེར། |
| དགུ་ཚིགས་སྐྱ་མོ |
གནམ་གྱི་སྐ་རགས། |
| དགུ་ཟླ |
བོད་རྩིས་ཀྱི་སྒྱུར་ཐབས་མན་ངག་ཅིག |
| དགུ་འདྲེན |
དགུན་ཉི་ལྡོག་པའི་རྗེས་སུ་ཉིན་དགུ་དགུར་བརྩིས་ནས་གྲང་ངད་ཆེ་བའི་དུས་ཚིགས་འདྲེན་པའི་སྲོལ་ཏེ། (དཔེར་ན།) དགུ་དང་པོ་འདྲེན་པ། དགུ་གཉིས་པ་འདྲེན་པ་ཞེས་པ་ལྟ་བུ། |
| དགུ་རྒྱུད |
ཕ་མེས་ནས་མི་རབས་མང་པོ་བརྒྱུད་པ། |
| དགུ་རྫས |
བོད་ཟླ་བཅུ་གཉིས་པའི་ཚེས་ཉེར་དགུའི་དགོང་མོ་སྐོལ་བའི་ཐུག་པའི་རྒྱུ་ཆ་སྣ་འཛོམས། |
| དགུ་སྟེ |
(བརྡ་རྙིང་།) ལྷག་སྟེ། |
| དགུག |
བཀུག་པའི་མ་འོངས་པ། (དཔེར་ན།) དགུག་བྱའི་ཤིང་ཞེས་པ་ལྟ་བུ། |
| དགུག་གཞུག |
ཡེ་ཤེས་པ་སྤྱན་དྲངས་ཏེ་དམ་ཚིག་པར་བསྟིམ་པ། |
| དགུག་པ |
འགུགས་པའི་མ་འོངས་པའི་བྱ་མིང་། |
| དགུག་བྱང |
གདོན་འདྲེ་སོགས་དགུག་པའི་ཤིང་བྱང༌། |
| དགུང |
1.དཀྱིལ་གྱི་དོན་ཏེ། (དཔེར་ན།) ཉིན་དགུང༌། མཚན་དགུང༌། ནམ་མཁའི་དགུང༌ལྟ་བུ། 2.གནམ་གྱི་མིང་། (དཔེར་ན།) དགུང་སྔོན་པོ། དགུང་དུ་གཤེགས། གངས་རི་མཐོན་པོ་དགུང་ལ་རེག་ལྟ་བུ། 3.དུས་དང་ལོའི་ཞེ་ས་སྟེ། (དཔེར་ན།) དགུང་ལོ་ཞེས་པ་ལྟ་བུ། |
| དགུང་ཀེག |
ལོའི་བར་ཆད་ཀྱི་ཞེ་ས། |
| དགུང་གདུགས |
ཉིན་གུང་གི་ཉི་མ་ཚ་པོ། |
| དགུང་གྲངས |
ལོ་གྲངས་ཀྱི་ཞེ་ས་སྟེ། (དཔེར་ན།) དགུང་གྲངས་བརྒྱད་ཅུར་ཕེབས་པའི་བགྲེས་སོང༌ཞེས་པ་ལྟ་བུ། |
| དགུང་ཆར |
ཆར་པ། |
| དགུང་ཐུན |
ཉིན་མཚན་སོ་སོར་ཐུན་གསུམ་གསུམ་ཕྱེ་བའི་ཐུན་བར་མའམ་ཐུན་གཉིས་པ། |
| དགུང་དཀྱིལ |
ནམ་མཁའི་དཀྱིལ། |
| དགུང་དབྱིངས |
ནམ་མཁའི་མཐོངས། |
| དགུང་དོ་ནུབ |
དོ་དགོང༌། |
| དགུང་བདུན |
མཚན་མོ་བདུན། |
| དགུང་མཐོངས |
ནམ་མཁའི་མཐོངས། |
| དགུང་ཚིགས |
གུང་ཚིགས་དང་འདྲ། |
| དགུང་ཞག |
ཉིན་ཞག་ཕྲུགས་གཅིག |
| དགུང་ཞག་ཞེ་དགུ |
མི་ཤི་ནས་ཞག་པོ་བཞི་བཅུ་ཞེ་དགུ་སོང་བའི་ཉིན་མོ། |
| དགུང་ཟླ |
1.ནམ་མཁའི་ཟླ་བའི་མིང་། (དཔེར་ན།) དགུང་ཟླའི་འོད་དཀར་ཕྱོགས་བརྒྱར་འཕྲོས་ལྟ་བུ། 2.སྐྱེས་ལོ་གཅིག་པའི་ཞེ་ས། |
| དགུང་ལོ |
ན་ཚོད་ལོ་གྲངས་ཀྱི་ཞེ་ས་སྟེ། (དཔེར་ན།) གཞོན་ཉམས་དོད་ཀྱང་དགུང་ལོ་མཐོན་པོ། བགྲེས་ཚུལ་བཞེས་ཀྱང་དགུང་ལོ་ཕྲ་ཞེས་པ་ལྟ་བུ། |
| དགུང་སེང་བ |
སྙན་སྒྲོན་ནམ་སྙན་གསན་ཞུ་བའི་དོན་ཏེ། (དཔེར་ན།) རིམ་པ་གོང་མར་དགུང་སེང་བ་མ་གཏོགས་ཐག་གཅོད་མི་ཐུབ་ཅེས་པ་ལྟ་བུ། |
| དགུང་སྔོན |
གནམ་སྔོན་པོ་སྟེ། (དཔེར་ན།) དགུང་སྔོན་གཡའ་དག མཐོ་བ་དགུང་སྔོན་ཉི་ཟླ་བཀྲག་ཆེ་ཡང༌། ལས་ངན་སྒྲ་གཅན་གནོད་པས་འཚེ་བ་ཡོད་ཅེས་པ་ལྟ་བུ། |
| དགུང་སྙིང |
ལོ་རྟགས། |
| དགུང་ཨ་སྔོན |
ནམ་མཁའ་སྔོན་པོ། |
| དགུན |
དུས་ཚིགས་བཞིའི་ནང་གི་དུས་ཚིགས་བཞི་པའི་མིང་། |
| དགུན་ཁ |
ནམ་དུས་བཞིའི་དགུན་དུས་ཏེ། མིང་གི་རྣམ་གྲངས་ལ་ཁ་བའི་དུས་དང༌། གྲང་རེག་ཅན། བསིལ་ལྡན་མ་བཅས་སོ། ། |
| དགུན་ཁ་ལ |
ལ་ཞིག་བོད་ཀྱི་རུ་ཐོག་རྫོང་གི་ནུབ་བྱང་ངོས་སུ་ཡོད། |
| དགུན་ཁའི་སྨྱུག་མའི་མེ་ཏོག |
དུས་བཞིའི་མེ་ཏོག་གི་རི་མོ་ཞིག |
| དགུན་གདུང |
དགུན་དུང་དང་འདྲ། |
| དགུན་གོས |
དགུན་ཆས་དང་དོན་གཅིག |
| དགུན་གྲོ |
སྟོན་ཁར་བཏབས་ཤིང་ཕྱི་ལོའི་དབྱར་ཁར་བསྡུ་བའི་གྲོ་ལ་ཟེར། |
| དགུན་ཆས |
དགུན་དུས་ཀྱི་གྱོན་པ། |
| དགུན་ཆུང་མེ་ཏོག |
དགུན་དུས་ཆུ་འགྲམ་དུ་སྐྱེ་བའི་མེ་ཏོག་ཅིག |
| དགུན་ཉལ |
དོམ་དང༌། སྦྲུལ་དང༌། འཕྱི་བ་སོགས་དགུན་དུས་ས་དོང་དང༌། ས་འོག་ཏུ་ཉལ་བ། |
| དགུན་ཉི་ལྡོག |
དུས་གཟེར་ཉེར་བཞིའི་ནང་གི་ཉི་མ་ཡར་ལྡོག་གི་དུས་གཟེར་ཏེ། ལུགས་གསར་ཟླ་བ་བཅུ་གཉིས་པའི་ཉིན་ཉེར་གཅིག་པ་དང་ཉེར་གཉིས་པའམ་ཉེར་གསུམ་པ་གང་རུང་ཡིན་ཞིང་། ལུགས་རྙིང་ཟླ་བ་བཅུ་གཅིག་པའི་ནང་ལ་འབྱུང་། |
| དགུན་ཐའི་དབུགས་ཐོབ |
ཧོར་ཟླ་བཅུ་གཅིག་པའི་དབུགས་ཐོབ་པའི་དུས་ཚིགས་ཤིག |
| དགུན་ཐའི་སྒང་ཚད |
ཧོར་ཟླ་བཅུ་གཅིག་པའི་སྒང་སླེབ་པའི་དུས་ཚིགས་ཤིག |
| དགུན་ཐོག |
དགུན་གྱི་དུས་ཚོད། |
| དགུན་དལ |
དགུན་དུས་སོ་ནམ་པ་ལས་མེད་དལ་སྡོད། |
| དགུན་དུང |
ཚད་གདུང་ཆུ་མེད་པའི་གྲོག་མོ་དང་ས་ཕྱོགས། |
| དགུན་དུས |
ནམ་ཟླ་དུས་བཞིའི་ནང་ནས་གྲང་ངད་ཆེ་བའི་དུས་ཏེ། (དཔེར་ན།) ཡོན་ཏན་དགོས་ན་གཞོན་དུས་སློབ། འོ་མ་དགོས་ན་དགུན་དུས་གསོ། ཚིག་གིས་རྒོལ་བ་ཕམ་སྟེ་དགུན་དུས་ཀྱི་འབྲུག་དང་མཚུངས་པར་སྨྲ་བ་མེད་པར་བསྡད་འདུག་ལྟ་བུ། |
| དགུན་བྲེལ |
དགུན་དུས་ལས་ཀ་མང་པོ་ཡོད་པའི་མིང༌། |
| དགུན་མཆོད |
དགུན་དུས་ཀྱི་མཆོད་འབུལ། |
| དགུན་མཚེར |
འབྲོག་པའི་དགུན་ས། |
| དགུན་ཚིགས |
དགུན་དུས། |
| དགུན་ཚུགས |
དུས་གཟེར་ཉེར་བཞིའི་ནང་གི་དགུན་འགོ་ཚུགས་པའི་དུས་གཟེར་ཏེ། ལུགས་གསར་ཟླ་བ་བཅུ་གཅིག་པའི་ཉིན་བདུན་པ་དང་བརྒྱད་པར་འབྱུང་། |
| དགུན་ཞྭ |
དགུན་དུས་ཀྱི་ཞྭ་མོ། |
| དགུན་ཟུག |
ཧོར་ཟླ་བཅུ་པའི་དབུགས་ལ་དགུན་ཟླ་གསུམ་གྱི་མགོ་ཚུགས་པས་གྲང་ངར་རྒྱས། |
| དགུན་ཟླ |
ཧོར་ཟླ་བཅུ་པ་བཅུ་གཅིག་པ་བཅུ་གཉིས་པའོ། ། |
| དགུན་ཟླ་གསུམ |
དགུན་ཟླ་ར་བ། འབྲིང༌། ཐ་ཆུང་སྟེ་གསུམ། ཧོར་ཟླ་བཅུ་པ། བཅུ་གཅིག་པ། བཅུ་གཉིས་པ་དང༌། ཧོར་ཟླ་བརྒྱད་པ། དགུ་པ། བཅུ་པ་ལ་ངོས་འཛིན་ཚུལ་གཉིས་ཡོད། ། |
| དགུན་ཟླ་ཐ་ཆུང |
ཧོར་ཟླ་བཅུ་གཉིས་པ། |
| དགུན་ཟླ་འབྲིང་པོ |
ཧོར་ཟླ་བཅུ་གཅིག་པ། |
| དགུན་ཟླ་ར་བ |
ཧོར་ཟླ་བཅུ་པ། |
| དགུན་ལམ |
དགུན་དུས་འགྲོ་ཆོག་པའི་ལམ། |
| དགུན་ལྷམ |
དགུན་ཁར་གྱོན་རྒྱུའི་ལྷམ། |
| དགུན་ས |
འབྲོག་པའི་དགུན་མཚེར། |
| དགུན་སྐྱིད |
སྔར་རྩེ་སློབ་གྲྭ་བས་བོད་ཟླ་བཅུ་གཅིག་པའི་ནང་དགུན་ཁའི་སྤྲོ་སྐྱིད་གཏོང་བ་ལ་ཟེར། |
| དགུན་སྟོད |
དགུན་ཟླ་གསུམ་གྱི་སྟོད་ཆ། |
| དགུན་སྨད |
དགུན་ཟླ་གསུམ་གྱི་སྨད་ཆ། |
| དགུན་ཨ་རང་ད་རང |
དགུན་དུས་གྲང་ངར་ཆེ་སྒང༌། |
| དགུན་ཨ་རང་སྒང་རང |
དགུན་ཨ་རང་ད་རང་དང་དོན་གཅིག |
| དགུམ |
བཀུམས་ཀྱི་མ་འོངས་པ། དགུམ་བྱའི་དགྲ་བོ་དགུམ་དགོས་ལྟ་བུ། |
| དགུམ་པ |
འགུམས་པའི་མ་འོངས་པ། |
| དགུར |
1.སྒུར་གྱི་འབྲི་ཚུལ་གཞན། 2.དགུ་རུ་ཞེས་པའི་རུ་ཡིག་བསྡུས་པ་སྟེ། (དཔེར་ན།) གྲངས་ཀ་དགུ་རུ་ལོངས། དགུར་ལོངས་ལྟ་བུ། |
| དགུར་བ |
སྒུར་པོའི་འབྲི་ཚུལ་གཞན་ཏེ། (དཔེར་ན།) མགོ་དགུར་བ། སྒལ་ཚིགས་དགུར་བ། དབྱིབས་དགུར་བ། ལག་དགུར་བ། ལུས་དགུར་ཞེས་པ་ལྟ་བུ། |
| དགུར་མོ |
དགུར་བ་དང་འདྲ། |
| དགེ་གཞོན |
དགེ་ཕྲུག |
| དགེ་གཡོག |
དགེ་སྐོས་ཀྱི་གཡོག་པོ། |
| དགེ་གོམས |
བཟང་གོམས་ཏེ། དགེ་བའི་ལས་ལ་ཡང་ཡང་འདྲིས་པར་བྱས་ནས་ཐོབ་པའི་བག་ཆགས། |
| དགེ་ཆས |
ཤི་བའི་མི་ལ་དམིགས་པའི་དགེ་རྩའི་ཡོ་ཆས། |
| དགེ་ཆུང |
བསམ་གཏན་གསུམ་པའི་གནས་རིས་ཀྱི་འོག་མ་གནས་འདིར་སྐྱེས་པའི་ལྷའི་བསམ་གཏན་བདེ་བ་ལ་དགེ་བ་ཞེས་བྱ་བ་ལ། རང་ས་གོང་མ་གཉིས་ལས་བདེ་བ་ཆུང་བས་དགེ་ཆུང་ཞེས་བྱའོ། ། |
| དགེ་ཆོས |
བསམ་སྦྱོར་བཟང་པོའམ། རྣམ་པར་དཀར་བའི་ལས། |
| དགེ་དགེ |
(ཡུལ་སྐད།) དཀྲོག་དཀྲོག་གི་དོན་ཏེ། (དཔེར་ན།) རང་གིས་མི་ཤེས་པར་གཞན་ལ་དགེ་དགེ་མ་བྱེད་ཅེས་པ་ལྟ་བུ། |
| དགེ་ནས |
སྔར་གྱི་ཁྲིམས་སྲོལ་དུ་མི་བསད་ན་གསོད་མཁན་དེས་འདས་པོའི་ཤུལ་མིར་དགེ་དོད་འབྲུ་སྤྲོད་དགོས་པ་དེར་ཟེར། |
| དགེ་ཕྱོགས |
དཀར་པོ་དགེ་བའི་ཕྱོགས། |
| དགེ་ཕྲུག |
སློབ་ཕྲུག་གི་དོན་ཏེ། (དཔེར་ན།) སློབ་དཔོན་ཐོན་མའི་དགེ་ཕྲུག་ཅེས་པ་ལྟ་བུ། |
| དགེ་བ |
1.སྡིག་པའི་ལྡོག་ཕྱོགས་ལེགས་སྤྱད་དམ། སྤྱོད་པ་བཟང་པོ་རང་འབྲས་ཡིད་འོང་འབྱིན་བྱེད་ཡིན་པའི་ཆ་ནས་རྣམ་སྨིན་ལུང་དུ་བསྟན་པར་བཞག་པའི་ཆོས། (དཔེར་ན།) མི་ཚེ་ཧྲིལ་པོར་དགེ་བ་སྤྱོད་པ། སྡིག་འཆབ་དགེ་སྤྱོམ། སྡིག་པ་སྤངས་ཤིང་དགེ་བ་དང་དུ་ལེན་པ་ལྟ་བུ། 2.སྦྱོར་བ་ཉེར་བདུན་གྱི་ནང་གསེས་ཤིག 3.བྱེད་པ་བཅུ་གཅིག་ནང་གི་འཕོ་བྱེད་ཅིག 4.(མངོན་བརྗོད།) དགེ་བ་བཅུ་ཡོད་པས་གྲངས་བཅུ་མཚོན། 5.ལེགས་པ་དང་བཀྲ་ཤིས་པའི་དོན་ཏེ། (དཔེར་ན།) སྤྱོད་པ་མི་དགེ་བ། ཁ་ལས་དགེ་བ་ལྟ་བུ། |
| དགེ་བ་ཆོས་སྡུད་ཀྱི་ཚུལ་ཁྲིམས |
རང་ཉིད་ཚུལ་ཁྲིམས་ལ་གནས་ཏེ་དམ་པའི་ཆོས་ཉན་ཞིང་སེམས་པ་ནས་ཕ་རོལ་ཏུ་ཕྱིན་པ་ལ་སོགས་པ་བྱང་ཆུབ་ཀྱི་ཆོས་རྣམས་སྒྲུབ་པ་ལ་ཟེར་ཞིང་ཚུལ་ཁྲིམས་རྣམ་གསུམ་གྱི་ནང་གསེས་ཤིག |
| དགེ་བ་བཅུ |
སྲོག་མི་གཅོད་པ། མ་བྱིན་པར་མི་ལེན་པ། ལོག་གཡེམ་སྤོང་བ། བདེན་པར་སྨྲ་བ། ཕྲ་མ་མི་བྱེད་པ། ཚིག་འཇམ་པོར་སྨྲ་བ། ངག་མི་འཆལ་བ། གཞན་གྱི་ནོར་ལ་ཆགས་སྲེད་མི་བྱེད་པ། གཞན་ལ་གནོད་སེམས་མི་སྐྱེད་པ། འཇིག་རྟེན་པའི་ཡང་དག་པའི་ལྟ་བ་སྟེ་བཅུ། |
| དགེ་བ་བཅུ་གཅིག |
དགེ་བའི་སེམས་བྱུང་བཅུ་གཅིག་དང་དོན་གཅིག |
| དགེ་བ་མ་སྐྱེས་པ་བསྐྱེད་པ |
སྔར་རང་རྒྱུད་ལ་མ་སྐྱེས་པའི་དགེ་བའི་ཆོས་བསྐྱེད་པ་ཡང་དག་སྤོང་བ་བཞིའི་ཡ་གྱལ་ཞིག |
| དགེ་བ་སྐྱེས་པ་སྤེལ་བ |
རང་རྒྱུད་ལ་སྐྱེས་ཟིན་པའི་དགེ་བའི་ཆོས་རྣམས་གོང་ནས་གོང་དུ་འཕེལ་བར་བྱེད་པ་ཡང་དག་སྤོང་བ་བཞིའི་ཡ་གྱལ་ཞིག |
| དགེ་བཅུ |
སའི་ཆ་རྐྱེན་བཟང་པོ་བཅུ་སྟེ། (དཔེར་ན།) ཁང་ས་ཞིང་ས་ས་ཡི་དགེ། གམ་འབྲོག་རྒྱང་འབྲོག་རྩྭ་ཡི་དགེ། འཐུང་ཆུ་ཡུར་ཆུ་ཆུ་ཡི་དགེ། ཁང་ཤིང་བུད་ཤིང་ཤིང་གི་དགེ། རྩིག་རྡོ་གཏེར་རྡོ་རྡོ་ཡི་དགེ་ཞེས་པ་ལྟར་རོ། ། |
| དགེ་བའི་ཆོས |
རྣམ་པར་དཀར་བའི་ཆོས་དགེ་བ་བཅུ་ལྟ་བུའོ། ། |
| དགེ་བའི་ཆོས་བྱང་ཆུབ་ཀྱི་ཕྱོགས |
ཐར་པ་ཆ་མཐུན་གྱི་དགེ་བའི་ཆོས། |
| དགེ་བའི་དབང་པོ |
1.རྣམ་དཀར་གྱི་བདག་ཉིད།2.རྟོགས་བརྗོད་དཔག་བསམ་འཁྲི་ཤིང་རྩོམ་མཁན་རྒྱ་གར་གྱི་སྙན་ངག་མཁན་ཞིག |
| དགེ་བའི་ཕུང་པོ |
དགེ་རྩ་མང་དུ་བསགས་པའམ། དགེ་བའི་དངོས་པོ་དུ་མ་འདུས་པ། |
| དགེ་བའི་བཤེས་གཉེན |
དགེ་བའི་ལམ་སྟོན་པའི་སློབ་དཔོན། |
| དགེ་བའི་བསམ་པ |
རྣམ་དཀར་གྱི་ཀུན་སློང༌། |
| དགེ་བའི་འགལ་ཟླ |
མི་དགེ་བ། |
| དགེ་བའི་འབྱུང་གནས |
(མངོན་བརྗོད།) སངས་རྒྱས། |
| དགེ་བའི་ལས |
རྣམ་པར་དཀར་བའི་ལས་སམ་རྣམ་དཀར་གྱི་བྱ་བའམ་ཆོས། |
| དགེ་བའི་ས་མང |
ས་མང་ལྔའི་ནང་ཚན་ཞིག་སྟེ་རྟག་ཏུ་བྱུང་རེས་ཀྱིས་དགེ་སེམས་ཐམས་ཅད་ཀྱི་འཁོར་ཁོ་ནར་འབྱུང་བ། |
| དགེ་བའི་ས་མང་བཅུ |
དད་པ་དང༌། བག་ཡོད། ཤིན་སྦྱངས། བཏང་སྙོམས། ངོ་ཚ་ཤེས་པ། ཁྲེལ་ཡོད་པ། འདོད་ཆགས་མེད་པ། ཞེ་སྡང་མེད་པ། མི་འཚེ་བ། བརྩོན་འགྲུས་བཅས་བཅུའོ། ། |
| དགེ་བའི་སེམས་བྱུང་བཅུ་གཅིག |
དད་པ་དང༌། བག་ཡོད། ཤིན་སྦྱངས། བཏང་སྙོམས། ངོ་ཚ་ཤེས། ཁྲེལ་ཡོད། མ་ཆགས་པ། ཞེ་སྡང་མེད་པ། གཏི་མུག་མེད་པ། རྣམ་པར་མི་འཚེ་བ། བརྩོན་འགྲུས་རྣམས་ཏེ་བཅུ་གཅིག་གོ། ། |
| དགེ་བའི་སྤྱོད་ལམ |
བཟང་པོའི་བྱ་སྤྱོད། |
| དགེ་བར་སློང |
(མངོན་བརྗོད།) དྲང་སྲོང༌། |
| དགེ་བཤད་སྡིག་བཀྲོལ |
ཁེ་ཉེན་གསལ་པོར་བཤད་དེ་བསླབ་བྱ་བྱེད་པ། |
| དགེ་བཤེས |
བླང་དོར་གྱི་གནས་སྟོན་པའི་དགེ་བའི་བཤེས་གཉེན་ཏེ། ཡོན་ཚད་ཀྱི་གོ་མིང་ཞིག་ཡིན། ལྷ་སའི་གདན་ས་གསུམ་གྱི་ལམ་ལུགས་ལ་ཆ་བཞག་ན། ལྷ་རམས་པའི་དགེ་བཤེས་དང༌། ཚོགས་རམས་པའི་དགེ་བཤེས། རྡོ་རམས་པའི་དགེ་བཤེས། གླིང་བསྲེའི་དགེ་བཤེས་བཅས་རིམ་པ་བཞི་ཡོད། |
| དགེ་བཤེས་སྟོན་པ |
ཇོ་བོ་རྗེའི་དངོས་སློབ་འབྲོམ་སྟོན་པ་རྒྱལ་བའི་འབྱུང་གནས་ཀྱི་མིང༌། |
| དགེ་བསྙེན |
སོ་ཐར་རིས་བདུན་གྱི་ནང་གསེས། བསླབ་པ་གཞི་ལྔ་བསྲུང་བར་ཁས་ལེན་པའི་ཁྱིམ་ན་གནས་པའི་སྐྱེས་བུ། |
| དགེ་བསྙེན |
ཆོས་འདུལ་བའི་བསླབ་སྡོམ་རིགས་ཤིག་གི་མིང་སྣ་གཅིག་དགེ་བསྙེན་སོགས་རིགས་སྣ་ཚོགས་ཡོད་ལ། ཁྱིམ་ཐབ་སྐྱོང་ཆོག་མི་ཆོག་ཅི་རིགས་ཡོད། |
| དགེ་བསྙེན་གྱི་བསླབ་པ |
དགེ་བསྙེན་གྱི་སྡོམ་པ་དང་དོན་གཅིག |
| དགེ་བསྙེན་གྱི་སྡོམ་པ |
རང་དགེ་བསྙེན་གྱི་སྡོམ་པར་འགྲུབ་བྱེད་ཀྱི་རྒྱུ་ཕུན་སུམ་ཚོགས་པ་ལ་བརྟེན་ནས་ཐོབ་ཅིང༌། དགེ་བསྙེན་གྱི་སྡོམ་པའི་མི་མཐུན་ཕྱོགས་སུ་གྱུར་པའི་སྤང་བྱ་ཇི་སྲིད་འཚོའི་བར་དུ་སྤོང་བར་ཁས་བླངས་པའི་ངེས་འབྱུང་གི་ཚུལ་ཁྲིམས། |
| དགེ་བསྙེན་དྲུག |
སོ་ཐར་ལུགས་ཀྱི་དགེ་བསྙེན་དྲུག་སྐྱབས་འགྲོའི་དགེ་བསྙེན། སྣ་གཅིག་དགེ་བསྙེན། སྣ་འགའི་དགེ་བསྙེན། ཕལ་ཆེར་དགེ་བསྙེན། ཡོངས་རྫོགས་དགེ་བསྙེན། ཚངས་སྤྱོད་དགེ་བསྙེན་ཏེ་དྲུག |
| དགེ་བསྙེན་མ |
དགེ་བསྙེན་གྱི་སྡོམ་པ་རྒྱུད་ལྡན་གྱི་བུད་མེད། |
| དགེ་བེད |
ལེགས་པ་དང་བེད་སྤྱོད་ཀྱི་བསྡུས་མིང༌དངོས་པོ་ཡོད་ཀྱང་དགེ་བེད་སྤྱོད་མ་ཤེས་ན་ཕན་ཐོགས་མེད་ཅེས་པ་ལྟ་བུ། |
| དགེ་བྱེད |
(མངོན་བརྗོད།) ཆུ་སྟག་ལོ། |
| དགེ་མ |
1.བཙུན་མ། 2.(མངོན་བརྗོད།) རྒན་མོ། 3.སྒྲོལ་མའི་མཚན་ཞིག |
| དགེ་མཚན |
1.བཀྲ་ཤིས་པའི་ལྟས་དང་ལེགས་པའི་རྟགས་མཚན། 2.ཕན་ཡོན་དང༌། ཕན་ཐོགས་པའི་འབྲས་བུའི་དོན་ཏེ། (དཔེར་ན།) སློབ་སྦྱོང་གི་དགེ་མཚན། དགེ་མཚན་མེད་པ། མི་རེ་རེ་ལ་དགེ་མཚན་རེ་འདུག ཕ་ཡུལ་གྱི་དགེ་མཚན་གྱིས་ཐུགས་ཕྲོགས་ཞེས་པ་ལྟ་བུ། |
| དགེ་མར |
འདས་པོའི་དགེ་བ་སྒྲུབ་བྱེད་ཀྱི་མར་ཏེ། སྔར་གྱི་ཁྲིམས་སྲོལ་དུ་མི་བསད་ན་གསོད་མཁན་དེས་འདས་པོའི་ཤུལ་མིར་དགེ་དོད་མར་སྤྲོད་དགོས་པ་དེར་ཟེར། |
| དགེ་ཚུལ |
སོ་ཐར་རིས་བདུན་གྱི་ནང་གསེས། བསླབ་པའི་གཞི་བཅུ་དང༌། ཆར་གཏོགས་བླངས་འདས་ས་གསུམ་བསྲུང་བར་ཁས་ལེན་པའི་རབ་ཏུ་བྱུང་བའི་སྐྱེས་བུ། |
| དགེ་ཚུལ་གྱི་བསླབ་གཞི |
དགེ་ཚུལ་གྱི་བསླབ་བྱའི་རྩ་བ། |
| དགེ་ཚུལ་གྱི་ལྟུང་བ |
ཊདགེ་ཚུལ་གྱི་བཅའ་ཁྲིམས་དང་འགལ་བའི་ཉེས་པའོ། ། |
| དགེ་ཚུལ་གྱི་སྡོམ་པ |
རང་དགེ་ཚུལ་གྱི་སྡོམ་པ་འགྲུབ་པར་བྱེད་པའི་རྒྱུ་ཕུན་ཚོགས་ལ་བརྟེན་ནས་ཐོབ་ཅིང༌། དགེ་ཚུལ་གྱི་སྡོམ་པའི་མི་མཐུན་ཕྱོགས་སུ་གྱུར་པའི་སྤང་བྱ་བཅུ་ཇི་སྲིད་འཚོའི་བར་དུ་སྤོང་བར་ཁས་བླངས་པའི་ངེས་འབྱུང་གི་ཚུལ་ཁྲིམས། |
| དགེ་ཚུལ་གྱི་སློབ་དཔོན |
འདུལ་བ་ལས་བཤད་པའི་སློབ་དཔོན་ལྔའི་ནང་གསེས། བསྒྲུབ་བྱ་ལ་དགེ་ཚུལ་གྱི་སྡོམ་པ་འབོག་པར་བྱེད་པའི་དགེ་སློང༌། |
| དགེ་ཚུལ་བསྙིལ་བ |
སྡིག་ལྟ་ཅན་གྱི་དགེ་ཚུལ་ལ་ལྟུང་བ་གླེང་དྲན་བཞམས་བསྒོ་སོགས་ཟློག་བྱེད་ཀྱི་རྐྱེན་གྱིས་བཟློག་ཀྱང་མཐའ་མི་གཏོང་བ་གནས་ནས་དབྱུང་བའོ། ། |
| དགེ་ཚུལ་བསྙིལ་བ་སྡུད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྡིག་ལྟ་མི་གཏོང་བ་དགེ་འདུན་གྱིས་བསྙིལ་བ་སྟེ་གནས་ནས་ཕབ་པའི་དགེ་ཚུལ་དང་ལྷན་ཅིག་ཏུ་སྤྱོད་ལམ་མཐུན་པའོ། ། |
| དགེ་ཚུལ་མ |
སོ་ཐར་རིས་བདུན་གྱི་ཡ་གྱལ། དགེ་ཚུལ་གྱི་སྡོམ་པ་རྒྱུད་ལྡན་གྱི་བུད་མེད། |
| དགེ་ཚུལ་མ་སྒྲུབ་པའི་ཆོ་ག |
དགེ་བསྙེན་མ་དང་དགེ་ཚུལ་མ་སྒྲུབ་པའི་ཆོ་ག་སྤྱིར་བཏང་ཕ་ཆོག་བཞིན་ལས། ཡུལ་མཁན་མོའི་སྟ་གོན་དུ་གནས་པའི་དགེ་སློང་མ་དེས་དང་པོར་དགེ་བསྙེན་མ་དང་བར་མ་རབ་བྱུང་དུ་བསྒྲུབས་ནས་སློབ་དཔོན་མ་དེས་དགེ་ཚུལ་མར་སྒྲུབ་པར་བྱེད་པའོ། ། |
| དགེ་ཚུལ་སྒྲུབ་པའི་ཆོ་ག |
དགེ་ཚུལ་གྱི་སྡོམ་པ་འབོག་པའི་ཆོ་ག་སྦྱོར་བ་བར་མ་རབ་བྱུང་སྒྲུབ་པའི་ཆོ་ག་སྔོན་དུ་སོང་ནས། དངོས་གཞི་འགལ་རྐྱེན་བཞི་དང་བྲལ། མཐུན་རྐྱེན་ལྔ་དང་ལྡན་པའི་སྒོ་ནས། དཀོན་མཆོག་གསུམ་ལ་སྐྱབས་སུ་འགྲོ་བ་རྩོམ་བྱེད་དུ་བྱས་པས་སྐྱབས་བརྗོད་དང༌། བདག་མིང་འདི་ཞེས་བགྱི་བ་དགེ་ཚུལ་དུ་སྒྲུབ་པ་ཞེས་བདག་བརྗོད་དང༌། བཙུན་པས་བཟུང་དུ་གསོལ་ཞེས་པ་གཞན་བརྗོད་དེ་བརྗོད་པ་གསུམ་གྱི་མཐར་དུས་གོ་བརྗོད་པ་དང༌། བསླབ་པ་བརྗོད་པ་སོགས་སྦྱོར་དངོས་རྗེས་གསུམ་གྱི་རིམ་པ་རྣམས་སོ། ། |
| དགེ་ཚོགས |
དགེ་བའི་ཚོགས་ཏེ་བསོད་ནམས་དང་ཡེ་ཤེས་ཀྱི་ཚོགས། |
| དགེ་འདུན |
ཉོན་མོངས་པ་སྤོང་བ་ལ་ཞུགས་པའི་སློབ་པ་ལམ་གྱི་གང་ཟག་དགེ་སློང་གསུམ་མམ་བཞི་སྡེ་ཡན་ཆད། |
| དགེ་འདུན་ཀུན་རྭ |
དགེ་འདུན་གྱི་ཆོས་རྭ་དང་ཚོགས་ཁང༌། |
| དགེ་འདུན་གསུམ |
སོ་སོའི་སྐྱེ་བོའི་དགེ་འདུན་དང༌། སློབ་པའི་དགེ་འདུན། མི་སློབ་པའི་དགེ་འདུན་བཅས་གསུམ་གསོལ་བཞིས་བསྙེན་པར་རྫོགས་པའི་སོ་སྐྱེའི་གང་ཟག་བཞི་ཡན་ཆད་ལ་སོ་སྐྱེའི་དགེ་འདུན་དང༌། རྒྱུན་དུ་ཞུགས་པ་ནས་དགྲ་བཅོམ་པ་ལ་ཞུགས་པའི་བར་གྱི་གང་ཟག་གཅིག་ལ་སློབ་པའི་དགེ་འདུན། དགྲ་བཅོམ་པ་གཅིག་ལ་མི་སློབ་པའི་དགེ་འདུན་བཅས་ཟེར། |
| དགེ་འདུན་གྱི་དབྱེན་གསུམ |
འཁོར་ལོའི་དབྱེན་དང༌། ལས་ཀྱི་དབྱེན། འཁྲུགས་ལོང་གི་དབྱེན་བཅས་གསུམ། |
| དགེ་འདུན་གྱི་ནང་ཁྲིམས |
བཙུན་པ་ནང་ཕན་ཚུན་སྒྲིགས་སུ་བཅས་པའི་བསླབ་ཁྲིམས། |
| དགེ་འདུན་གྱི་སྡེ |
བཞི་སྡེ་ཡན་ཆད་ཁྲིམས་ལྡན་བཙུན་པའི་ཚོགས་པ། |
| དགེ་འདུན་གྲུབ |
རབ་བྱུང་བདུན་པའི་ལྕགས་ལུག་ལོ་ལ་འཁྲུངས་ཤིང༌། (1391-1447) རྗེ་ཙོང་ཁ་པའི་ཞལ་སློབ་དང་། བཀྲ་ཤིས་ལྷུན་པོའི་དགོན་པ་ཕྱག་འདེབས་མཁན། ༸གོང་ས་ཏཱ་ལའི་བླ་མའི་སྐུ་ཕྲེང་དང་པོ་བཅས་ཡིན་ལ། བོད་ཀྱི་ལོ་རྒྱུས་ཐོག་གི་མཁས་དབང་སྐད་གྲགས་ཆེ་བ་ཞིག་ཡིན། |
| དགེ་འདུན་ཉི་ཤུ |
དགེ་འདུན་དཀོན་མཆོག་མཚོན་བྱེད་དཔེའི་དགེ་འདུན་ཉི་ཤུ་རྒྱུན་ཞུགས་ལྔ་དང༌། ཕྱིར་འོང་གསུམ། ཕྱིར་མི་འོང་བཅུ། དགྲ་བཅོམ་ཞུགས་པ། བསེ་རུ་ལྟ་བུའི་རང་སངས་རྒྱས་བཅས་ཉི་ཤུ་ཐམ་པའོ། ། |
| དགེ་འདུན་ཐ་དད་པ |
ལྟ་སྤྱོད་ཆ་ལུགས་སོགས་སྡེ་རིས་མི་མཐུན་པའི་དགེ་འདུན། |
| དགེ་འདུན་དཀོན་མཆོག |
ཐེག་པ་གསུམ་གྱི་འཕགས་པའི་གང་ཟག་རེ་རེ་བ་དང༌། སོ་སྐྱེའི་བཙུན་པ་ཁྲིམས་ལྡན་བཞི་སྡེ་ཡན་ཆད། |
| དགེ་འདུན་དབུ་སྡེ་གཉིས |
བོད་རྗེ་མངའ་བདག་ཁྲི་རལ་གྱིས་དབུ་སྐྲ་ཚན་པ་གཉིས་སུ་བྱས་པའི་སྣེ་ལ་དར་ཡུག་བཏགས་པར་གཅིག་ལ་རབ་བྱུང་དགེ་འདུན་དང་ཅིག་ཤོས་ལ་གོས་དཀར་ལྕང་ལོ་ཅན་གྱི་དགེ་འདུན་བཞུགས་སུ་བཅུག་ནས་གཙུག་ཏུ་འཁུར་བས་དགེ་འདུན་དབུ་སྡེ་གཉིས་ཞེས་གྲགས། |
| དགེ་འདུན་ཕལ་ཆེན་པའི་སྡེ |
ཉན་ཐོས་ཀྱི་རྩ་བའི་སྡེ་བ་བཞིའི་ནང་གསེས། ཕལ་ཆེན་པ་ཞེས་པ་ནི་གྱེས་པའི་ཚེ་དགེ་འདུན་ཕལ་ཆེ་བ་ཕྱོགས་གཅིག་ཏུ་གནས་པས་དེ་ལྟར་གྲགས་ལ་མདོ་འདོན་པའི་ཚེ་པྲ་ཀྲྀ་ཏའི་སྐད་དུ་འདོན། མཁན་པོ་བྲམ་ཟེའི་རིགས་འོད་སྲུང་ལས་བརྒྱུད། སྣམ་སྦྱར་བདུན་ནས་ཉེར་གསུམ་མན་ཆད་ལ་རྟགས་དཔལ་བེའུ། དགེ་སློང་གི་མིང་ཡེ་ཤེས་དང་སྦས་པའི་མཐའ་ཅན། གྲུབ་མཐའ་བདག་ཕུང་ཐ་དད་པ་དང༌། བདེན་པ་ཅིག་ཆར་མཐོང་བ་དང༌། ཆོས་མཆོག་ལས་ཀྱང་ཉམས་སྲིད་པ་དང༌། དབང་པོས་ཡུལ་མི་འཛིན་པ་སོགས་འདོད་པའོ། ། |
| དགེ་འདུན་བཙུན་པ |
ཁྲིམས་ལྡན་གྱི་དགེ་འདུན་ནམ་དེའི་ཞེ་ས། |
| དགེ་འདུན་བཞི་སྡེ |
ལམ་དུ་ཞུགས་པའམ། གསོལ་བཞིས་བསྙེན་རྫོགས་ཀྱི་སོ་སྐྱེའི་དགེ་སློང་བཞི་ཡོད་པའི་ཚོགས་པའོ། ། |
| དགེ་འདུན་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ། ཚོགས་སུ་ལངས་པ་སྟེ་མཁན་པོ་མ་གཏོགས་པའི་བཞི་ཚང་བ། ཁ་སྐོང་གི་ཆོས་བཅུ་གསུམ་ཚང་བ། མི་མཐུན་པ་གཉིས་དང་བྲལ་བ་མཚན་ཉིད་གསུམ་དང་ལྡན་པའོ། དེ་ལ་སྟོན་པ་མངོན་གྱུར་ཞེས་ཀྱང་གྲགས། |
| དགེ་འདུན་མཐུན་པ |
བཞི་སྡེ་ཡན་ཆད་ཀྱི་བཙུན་པ་ལྟ་སྤྱོད་མཚུངས་པ། |
| དགེ་འདུན་འཁོར་ལོའི་དབྱེན |
དགེ་འདུན་ཕན་ཚུན་འབྱེད་པར་བྱེད་པའི་མཚམས་མེད་ཀྱི་ངོ་བོར་གྱུར་པའི་ཕྲ་མ་དང་དབྱེན་བྱེད་པ་དུས་ནི་སྟོན་པ་ཞལ་བཞུགས་ཤིང་བསྟན་པ་ལ་སྐྱོན་མ་བྱུང་བ་དང༌། མཆོག་ཟུང་གཅིག་བསྐོས་པའི་དུས་དང་མཚམས་གཅིག་ཏུ་བྱས་པའི་ནང་དུ། གང་ཟག་གྲུབ་མཐའ་ཤེས་པའི་གང་ཟག་གིས་ཡུལ་སོ་སོ་སྐྱེ་བོའི་དགེ་འདུན་རྣམས་ལ། ཚུལ་སྟོན་པ་སངས་རྒྱས་ལས་གཞན་ལྷས་བྱིན་ལྟ་བུ་ལ་སྟོན་པ་དང༌། བསླབ་པ་སངས་རྒྱས་ཀྱིས་གསུངས་པ་ལས་གཞན་ལྷས་བྱིན་གྱི་བསླབ་ཚིག་ལྔ་ཁས་ལེན་པའི་ཚུལ་གྱིས་དབྱེན་བྱེད་པའོ། ། |
| དགེ་འདུན་རྒན་པ |
སྡོམ་པ་ལེན་དུས་སྔ་བའི་གྲྭ་པ། |
| དགེ་འདུན་རྒྱ་མཚོ |
རབ་བྱུང་བརྒྱད་པའི་མེ་སྤྲེལ་ལོར་གཙང་རྟ་ནག་སྟེ་དེང་སྐབས་བཞད་མཐོང་སྨོན་རྫོང་ཁོངས་སུ་སྐུ་འཁྲུངས། (1476-1542) ཤིང་སྦྲུལ་ལོར་གདན་ས་བཀྲ་ཤིས་ལྷུན་པོར་ཕེབས། རབ་བྱུང་དགུ་པའི་ས་སྦྲུལ་ལོར་དྭགས་སྟོད་རྒྱལ་གྱི་ལྷ་མོའི་བླ་མཚོའི་ཉེ་འགྲམ་དུ་ཆོས་འཁོར་རྒྱལ་ལེགས་བཤད་སྒྲོག་པའི་དགའ་ཚལ་གྱི་དགོན་པ་ཕྱག་བཏབ། ས་སྟག་ལོར་སྣེ་གདོང་མི་དབང་བཀྲ་ཤིས་གྲགས་པས་འབྲས་སྤུངས་རྡོ་ཁང་སྔོན་མོ་རྗེ་འདི་ལ་ཕུལ་རྗེས་མིང་དགའ་ལྡན་ཕོ་བྲང་དུ་བསྒྱུར། སྔ་ཕྱིར་བཀྲ་ཤིས་ལྷུན་པོ་དང༌། འབྲས་སྤུངས། སེ་ར་སོ་སོའི་མཁན་པོ་མཛད། ཕྱིས་ཏཱ་ལའི་བླ་མའི་སྐུ་ཕྲེང་གཉིས་པར་འདྲེན། རབ་བྱུང་དགུ་པའི་ཆུ་སྟག་ལོར་འདས། |
| དགེ་འདུན་རྗེས་སུ་དྲན་པ |
རྗེས་དྲན་དྲུག་གི་ནང་གསེས། དགེ་འདུན་དཀོན་མཆོག་གི་རིག་པ་དང་གྲོལ་བའི་ཡོན་ཏན་རྣམས་རྗེས་སུ་དྲན་པའོ། ། |
| དགེ་འདུན་རྗེས་སུ་དྲན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་རིག་གྲོལ་གཉིས་ལྡན་གྱི་ཡོན་ཏན་རྣམས་དོན་དམ་པར་མ་དམིགས་ཤིང་ཀུན་རྫོབ་ཏུ་དགེ་འདུན་ལ་གྲོགས་ཀྱི་འདུ་ཤེས་རིམ་ལྡན་དུ་དྲན་པའོ། ། |
| དགེ་འདུན་ལྷག་མ |
སོ་ཐར་གྱི་ལྟུང་བ་སྡེ་ལྔའི་ནང་གསེས་ཤིག་དགེ་སློང་གང་ཞིག་ལ་ལྟུང་བ་འདི་རིགས་བྱུང་ན་གསོ་བ་དགེ་འདུན་ལ་རག་ལས་ཤིང༌། སྡོམ་པའི་ལྷག་མ་ཙམ་ལུས་པས་ན་དེ་ལྟར་བརྗོད་པའོ། ། |
| དགེ་འདུན་ལྷག་མ་བཅུ་གསུམ |
དགེ་སློང་གི་སྤང་བྱ་ལྷག་མའི་སྡེའི་ནང་གསེས་ཀྱི་དབྱེ་བ་སེམས་ཅན་ལ་ཆགས་པའི་ལྷག་མ་ལྔ་དང༌། ཡོ་བྱད་ལ་ཆགས་པའི་ལྷག་མ་གཉིས། གནོད་པའི་ལྷག་མ་གཉིས། བསྒོ་གྱུར་གྱི་ལྷག་མ་བཞི་བཅས་བཅུ་གསུམ། |
| དགེ་འོས་སློབ་གྲྭ |
འབྱུང་འགྱུར་དགེ་རྒན་གྱི་དམིགས་སྒོར་འགྲོ་མཁན་རྣམས་ཀྱི་སློབ་སྦྱོང་བྱེད་ཡུལ་སློབ་གྲྭ། |
| དགེ་རྒན |
རང་ལ་ཡི་གེ་སོགས་སློབ་ཁྲིད་བྱེད་མཁན་གྱི་མི་སྟེ། (དཔེར་ན།) སློབ་གྲྭའི་དགེ་རྒན། སྐད་ཡིག་དགེ་རྒན་ཞེས་པ་ལྟ་བུ། |
| དགེ་རྒན་དམིགས་སྒོ |
འབྱུང་འགྱུར་དགེ་རྒན་གསར་བསྐོའི་འོས་བབ་ཡོད་པའི་མི། |
| དགེ་རྒྱས |
བསམ་གཏན་གསུམ་པའི་གནས་རིས་ཀྱི་གོང་མ་གནས་འདིར་སྐྱེས་པའི་ལྷ་རྣམས་ནི་འཇིག་རྟེན་པའི་བསམ་གཏན་གྱི་བདེ་བ་མ་ལུས་པར་རྫོགས་པའམ་རྒྱས་པས་དགེ་རྒྱས་ཞེས་བྱའོ། ། |
| དགེ་རྩ |
དགེ་བའི་རྩ་བ་རྣམ་པར་དཀར་བའི་ལས་སམ། བདེ་བ་འཕེན་པར་བྱེད་པའི་རྒྱུ་མཆོད་སྦྱིན་བསྙེན་བཀུར་སོགས། |
| དགེ་ལས |
དཀར་བའི་ལས་ཏེ་བདེ་བའི་རྒྱུ་སྒྲུབ་པ། |
| དགེ་ལུགས་པ |
རྗེ་ཙོང་ཁ་པ་བློ་བཟང་གྲགས་པ་ཡབ་སྲས་ཀྱིས་སྲོལ་བཏོད་དར་རྒྱས་མཛད་པའི་མདོ་སྔགས་བཤད་སྒྲུབ་ཟུང་འབྲེལ་གྱི་རིང་ལུགས་འཛིན་མཁན་རྗེས་འབྲང་དང་བཅས་པ། དགེ་ལུགས་པའི་གྲྭ་པ་རྣམས་ཀྱི་ཆོས་གོས་དང་ཞྭ་མོ་ཚང་མ་སེར་པོ་ཡིན་པས་ཞྭ་སེར་པའང་ཟེར། |
| དགེ་ལེགས |
ཕུན་སུམ་ཚོགས་པའམ་བཀྲ་ཤིས། |
| དགེ་ལེགས་ཕུན་སུམ་ཚོགས་པ |
བཀྲ་ཤིས་འདོད་དགུ་འཛོམས་པ། |
| དགེ་ལྟས |
བཟང་པོའི་རྟགས་མཚན། |
| དགེ་ལྡན་པ |
དགེ་ལུགས་པ། |
| དགེ་ལྡན་བཀའ་བརྒྱུད |
རི་བོ་དགེ་ལུགས་པའི་གྲུབ་མཐའ། |
| དགེ་ལྡན་རྩིས་གསར་མ་བུ |
སུམ་པ་ཡེ་ཤེས་དཔལ་འབྱོར་གྱིས་རབ་བྱུང་བཅུ་གསུམ་པའི་མེ་ཡོས་ལོར་ (1747) བརྩམས་པའི་རྩིས་གཞུང༌། |
| དགེ་སེམས |
ལེགས་ལམ་ལ་མོས་པའི་ཡིད་དེ། (དཔེར་ན།) དགེ་སེམས་སྐྱེ་བ་ལྟ་བུ། |
| དགེ་སྐོས |
ཆོས་ཁྲིམས་པ་སྟེ་དགེ་འདུན་གྱི་སྒྲིགས་ཁྲིམས་གནོན་མཁན། |
| དགེ་སྐྱེས |
(མངོན་བརྗོད།) ལྷ། |
| དགེ་སྐྱོན |
1.ཕན་པ་དང་གནོད་པ།2.སྐྱོན་དང་ཡོན་ཏན། |
| དགེ་སྒྲུབ |
1.དཀར་པོའི་ལས་སྒྲུབ་པར་བརྩོན་པ།2.ཆོས་བྱེད་པ། |
| དགེ་སྒྲུབ་སྡིག་སྤོང |
དགེ་བའི་བྱ་བ་སྒྲུབ་ཅིང་མི་དགེ་བའི་བྱ་བ་སྤོང་བ། |
| དགེ་སྟོང |
སྔར་གྱི་ཁྲིམས་སྲོལ་དུ་མི་བསད་ན་གསོད་མཁན་དེས་འདས་པོའི་ཤུལ་མིར་མི་སྟོང་དང་དགེ་དོད་སྤྲོད་དགོས་དེར་ཟེར། |
| དགེ་སྟོང་སྡིག་སྟོང |
དགེ་སྡིག་གཉིས་ཀའི་ངོ་བོ་དོན་དམ་དུ་བདེན་པར་མ་གྲུབ་པས་སྟོང་པའོ། ། |
| དགེ་སྡིག |
དགེ་བ་དང་སྡིག་པ། |
| དགེ་སྤྱོད |
དགེ་བའི་སྤྱོད་པ། |
| དགེ་སྦྱོང |
ཉོན་མོངས་འཇོམས་པ་དང༌། འཁོར་བའི་ངལ་བ་ཞི་བར་བྱེད་པའི་དགེ་ཆོས་སོ་ཐར་གྱི་སྡོམ་ཁྲིམས་ལྷུར་ལེན་གྱིས་སྦྱོང་བར་བྱེད་མཁན་ཐར་འདོད་རབ་བྱུང་དགེ་ཚུལ་སློང་ཕོ་མོ་སྤྱིའི་མིང༌། |
| དགེ་སྦྱོང་གི་ཆོས་བཞི |
གཤེ་ཡང་སླར་མི་གཤེ་བ་དང༌། ཁྲོས་ཀྱང་སླར་མི་ཁྲོ་བ། བརྡེགས་ཀྱང་སླར་མི་རྡེག་པ། མཚང་བྲུས་ཀྱང་སླར་མཚང་མི་འབྲུ་བ་བཅས་བཞི། |
| དགེ་སྦྱོང་གི་དངོས་པོ |
དགེ་སློང་དགེ་ཚུལ་གྱི་སྡོམ་ཁྲིམས། |
| དགེ་སྦྱོང་གི་ཚུལ |
དྲི་མེད་ལམ་ཟག་མེད་ཀྱི་བར་ཆད་མེད་ལམ་མོ། |
| དགེ་སྦྱོང་གི་འབྲས་བུ |
དགེ་སློང་དགེ་ཚུལ་གྱི་འཕྲལ་ཕུགས་ཀྱི་ཕན་བདེ། |
| དགེ་སྦྱོང་གི་འབྲས་བུ་བཞི |
རྒྱུན་དུ་ཞུགས་པའི་འབྲས་བུ་དང༌། ཕྱིར་འོང་བའི་འབྲས་བུ། ཕྱིར་མི་འོང་བའི་འབྲས་བུ། དགྲ་བཅོམ་པའི་འབྲས་བུ་སྟེ་བཞི། |
| དགེ་སྦྱོང་ཆེན་པོ |
(མངོན་བརྗོད།) སངས་རྒྱས། |
| དགེ་སྦྱོང་དུ་ཁས་འཆེ་བ |
དགེ་སློང་དགེ་ཚུལ་མ་ཡིན་བཞིན་དུ་ཡིན་པར་སྒྲོག་པ། |
| དགེ་སྦྱོང་མགོ་རེག |
རབ་ཏུ་བྱུང་ནས་སྐྲ་བཅད་པ། |
| དགེ་སྦྱོང་ཚུལ་གྱི་འབྲས་བུ |
འདུས་བྱས་རྣམ་གྲོལ་ལམ་དང༌། འདུས་མ་བྱས་འགོག་བདེན་ནོ། ། |
| དགེ་སྦྱོང་ལྟར་བཅོས་པ |
དགེ་ཚུལ་སློང་མིན་ཡང་ཡིན་པ་ལྟར་བྱས་པ། |
| དགེ་སྦྱོང་སེ་བོ |
མགོ་སྐྲ་དཀར་ཕྱེད་སྔོ་ཕྱེད་དམ། ཤ་མདོག་ཅན་གྱི་དགེ་སློང་དགེ་ཚུལ། |
| དགེ་སྦྱོར |
དགེ་བའི་སྤྱོད་ལམ། |
| དགེ་སློང |
སོ་ཐར་རིས་བདུན་གྱི་ནང་གསེས། འདུལ་ཁྲིམས་ཉིས་བརྒྱ་ལྔ་བཅུ་རྩ་གསུམ་སྲུང་བར་ཁས་ལེན་ཅིང་དེའི་སྡོམ་པ་ཆོ་ག་བཞིན་ལེན་པའི་གང་ཟག མིང་གི་རྣམ་གྲངས་ལ་ནགས་གནས་དང་ཚངས་སྤྱོད་དོ། ། |
| དགེ་སློང་གསར་བུ |
བསྙེན་པར་རྫོགས་ནས་རིང་པོ་མ་ལོན་པ། |
| དགེ་སློང་གསུམ |
སྒྲས་བརྗོད་ཀྱི་དགེ་སློང་གསུམ་རྟགས་ཙམ་འཛིན་པའི་དགེ་སློང༌། མིང་གི་དགེ་སློང༌། ཡང་དག་པའི་དགེ་སློང་བཅས་སོ། ། |
| དགེ་སློང་གི་ཆོས་ལྔ |
སྡོམ་པ་གསོར་རུང་ཡན་ཆད་ལྡན་པ་དང༌། ལུས་ཐ་མལ་བ། ཤེས་པ་རང་བཞིན་དུ་གནས་པ། གནས་ནས་མ་དབྱུང་བ། དམན་པའི་གང་ཟག་མིན་པ་བཅས་ལྔའོ། ། |
| དགེ་སློང་གི་དགེ་འདུན |
དགེ་སློང་བཞི་སྡེ་ཡན་ཆད་ཀྱི་ཚོགས་པ། |
| དགེ་སློང་གི་དངོས་པོ |
བསྙེན་རྫོགས་ཀྱི་སྡོམ་པ། |
| དགེ་སློང་གི་བསླབ་བྱ |
དགེ་སློང་རྣམས་ལ་ཚུལ་ཁྲིམས་སུ་བཅས་པར་མཛད་པའི་ལྟུང་བ་སྡེ་ལྔ། ནང་གསེས་དབྱེ་བ་ཉིས་བརྒྱ་ལྔ་བཅུ་རྩ་གསུམ་མོ། ། |
| དགེ་སློང་གི་ཚུལ་ཁྲིམས |
དགེ་སློང་གིས་བསྲུང་བར་བྱ་བའི་ཁྲིམས་སོ། ། |
| དགེ་སློང་གི་སྡོམ་པ |
ཇི་སྲིད་འཚོའི་བར་དུ་གཞན་གནོད་གཞི་དང་བཅས་པ་ཐམས་ཅད་སྤོང་བར་ཁས་བླངས་པའི་སོ་ཐར་གྱི་སྡོམ་པ། |
| དགེ་སློང་དགྲ་བཅོམ་པ |
ཉོན་མོངས་སྤངས་པའི་དགེ་སློང༌། |
| དགེ་སློང་དཔལ་ལྡན |
རྒྱ་གར་ན་ལེནྡྲར་ཀླུ་སྒྲུབ་བསྙེན་པར་རྫོགས་ནས་ཐོབ་པའི་མཚན། |
| དགེ་སློང་བདེ་བྱེད |
སྔར་རྒྱ་གར་གྱི་ཉན་ཐོས་སྡེ་པའི་དགེ་སློང་ཞིག་ཡིན་པ་དེས་རིག་པའི་རྒྱན་ཞེས་བྱ་བའི་གཞུང་འབུམ་ཕྲག་བཅུ་གཉིས་པ་ཞིག་བརྩམས་ཏེ་ཐེག་ཆེན་སུན་འབྱིན་བྱས་པ། |
| དགེ་སློང་མ |
སོ་ཐར་རིས་བདུན་གྱི་ནང་གསེས། བསླབ་ཁྲིམས་སུམ་བརྒྱ་དྲུག་ཅུ་རྩ་བཞི་བསྲུང་བར་ཁས་བླངས་པའི་སྡོམ་ལྡན་གྱི་བུད་མེད། |
| དགེ་སློང་མ་བསྙེན་པར་རྫོགས་པའི་ལས |
བཙུན་མ་ལ་དགེ་སློང་མའི་སྡོམ་པ་འབོགས་པའི་བྱ་བ། |
| དགེ་སློང་མ་ལ་ཆོས་སྟོན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་མའི་སྟོན་པར་མ་བསྐོས་བཞིན་དུ་དགེ་སློང་མ་ལ་ཆོས་སྟོན་པའོ། ། |
| དགེ་སློང་མ་སྒྲུབ་པའི་ཆོ་ག |
རྟེན་དགེ་སློབ་མའི་སྡོམ་པ་བླངས་ནས་ལོ་གཉིས་ལོན་པའི་གང་ཟག་ཁྱིམ་སོ་བཟུང་ན་ལོ་བཅུ་གཉིས། མ་བཟུང་ན་ཉི་ཤུ་ལོན་པ་ལ། དགེ་སློང་མའི་དགེ་འདུན་བཅུ་གཉིས་སམ་དྲུག་ཚོགས་ལས་མཁན་མོས་ཆོས་གོས་རྣམ་གསུམ་གྱི་སྟེང་དུ་རྔུལ་གཟན་དང་ཤིང་ང་དཔུང་བཅད་གཉིས་བསྣན་པའི་ཆོས་གོས་ལྔ་དང་བཅས་པའི་རྟགས་སྦྱིན། བར་ཆད་དྲིས་ཏེ་ཚངས་སྤྱོད་ཉེར་གནས་ཀྱི་སྡོམ་པ་སྦྱིན། དེ་ནས་དགེ་འདུན་ཕའི་ཚོགས་བསྣན་ཏེ་གཉིས་ཀའི་དགེ་འདུན་དང་བཅས་པས་གསོལ་བཞིའི་ལས་ཆོག་གིས་བསྙེན་པར་རྫོགས་ཤིང༌། རྗེས་གདམས་ངག་བརྗོད་པ་ལའང་ཕམ་པ་བརྒྱད་དང་ལྕི་ཆོས་བརྒྱད་སོགས་འཕྲི་བསྣན་བྱེད་དགོས་ཀྱང་བོད་ཡུལ་འདིར་དགེ་སློབ་མ་དང་དགེ་སློང་མ་སྒྲུབ་པའི་སྲོལ་ཐོག་མ་ནས་མ་བྱུང་ངོ་། ། |
| དགེ་སློང་མའི་བསླབ་བྱ |
ཕམ་པ་བརྒྱད་དང༌། ལྷག་མ་ཉི་ཤུ། སྤང་ལྟུང་སོ་གསུམ། ལྟུང་བྱེད་བརྒྱ་དང་བརྒྱད་ཅུ། སོར་བཤགས་བཅུ་གཅིག་ཉེས་བྱས་བརྒྱ་དང་བཅུ་གཉིས་བཅས་སུམ་བརྒྱ་དྲུག་ཅུ་རྩ་བཞིའོ། ། |
| དགེ་སློང་རྣམ་པ་ལྔ |
སློང་བའི་དགེ་སློང་དང༌། མིང་གི་དགེ་སློང༌། ཁས་འཆེས་པའི་དགེ་སློང༌། བསྙེན་པར་རྫོགས་པའི་དགེ་སློང༌། ཉོན་མོངས་པ་དང་བྲལ་བའི་དགེ་སློང་བཅས་ལྔའོ། ། |
| དགེ་སློང་རྣལ་འབྱོར་པ |
སྒྲུབ་པ་ཉམས་ལེན་བྱེད་མཁན་གྱི་དགེ་སློང༌། |
| དགེ་སློང་སྒྲུབ་པའི་ཆོ་ག |
གསོལ་བཞིའི་ལས་ཀྱི་ཆོ་ག་ཚང་ལ་མ་ནོར་མ་འཁྲུགས་པ་དང༌། བྱེ་བྲག་སྦྱོར་དངོས་རྗེས་གསུམ་གྱི་བྱ་བ་སྦྱོར་བ་མངོན་གྱུར་དང་པོ་ནས་དགུ་པའི་བར་གྱི་ཆོས་རྣམས་སྔོན་སོང་ནས། དངོས་གཞི་ལས་མངོན་གྱུར་གྱིས་གསོལ་བའི་ལས་བྱས་ཤིང་ཆགས་པའི་སྒོ་ནས་དགེ་འདུན་ལས་བསྙེན་པར་རྫོགས། རྗེས་སུ་སྡོམ་པ་ཐོབ་མཚམས་ཀྱི་དུས་གོ་བརྗོད་པ་དང་གདམས་ངག་བཅུ་གཅིག་གིས་བསླབ་པ་བརྗོད་པ་བཅས་གྲུབ་པའོ། ། |
| དགེ་སློབ |
དགེ་རྒན་དང་སློབ་མ། |
| དགེ་སློབ་མ |
སོ་ཐར་རིས་བདུན་གྱི་ཡ་གྱལ་ཞིག་དགེ་ཚུལ་མ་རྣམས་ཀྱིས་དགེ་སློང་མའི་སྡོམ་པ་མ་ཞུས་གོང་ལོ་གཉིས་སུ་རྩ་བའི་ཆོས་དྲུག་དང༌། རྗེས་མཐུན་གྱི་ཆོས་དྲུག་བཅས་བསྲུང་བའི་སྡོམ་པ་རྒྱུད་ལྡན་གྱི་བུད་མེད། |
| དགེ་སློབ་མ་སྒྲུབ་པའི་ཆོ་ག |
བསྙེན་པར་རྫོགས་པ་ལ་ལོ་གཉིས་སུ་མ་ཚང་བའི་དགེ་ཚུལ་མ་ལ་སྦྱིན་པར་བྱ་བ་ཡིན་ཞིང༌། དེ་ཡང་ཁྱིམ་སོ་མ་བཟུང་ན་ལོ་བཅོ་བརྒྱད་དང་བཟུང་ན་ལོ་བཅུ་ལོན་པ་དེ་ཉིད། ཡུལ་དབུས་སུ་དགེ་སློང་མ་བཅུ་གཉིས་དང༌། མཐའ་འཁོབ་ཏུ་དྲུག་ཚོགས་ཀྱིས་གསོལ་བ་དང་གཉིས་ཀྱི་ལས་ཀྱིས་དགེ་སློབ་མའི་སྡོམ་པ་སྦྱིན། དེའི་རྗེས་སུ་རྩ་བའི་ཆོས་དྲུག་དང་རྗེས་མཐུན་གྱི་ཆོས་དྲུག་གི་བསླབ་བྱ་བརྗོད་པ་རྣམས་སོ། ། |
| དགེ་སློབ་མའི་བསླབ་བྱ |
དགེ་ཚུལ་མའི་སྡོམ་པའི་སྟེང༌། རྩ་བའི་ཆོས་དྲུག་དང༌། རྗེས་མཐུན་གྱི་ཆོས་དྲུག་བསྲུང་བ། |
| དགེ་སློབ་མའི་སྡོམ་པ |
རང་དགེ་སློབ་མའི་སྡོམ་པ་འགྲུབ་པར་བྱེད་པའི་རྒྱུ་ཕུན་ཚོགས་ལ་བརྟེན་ནས་ཐོབ་ཅིང༌། རྩ་བའི་ཆོས་དྲུག་དང་རྗེས་མཐུན་གྱི་ཆོས་དྲུག་གིས་བསྡུས་པའི་སྤང་བྱ་རྣམས་ལོ་གཉིས་ཀྱི་བར་དུ་སྤོང་བར་ཁས་བླངས་པའི་ངེས་འབྱུང་གི་ཚུལ་ཁྲིམས། |
| དགེའོ་དགེའོ |
ཤིས་བརྗོད་ཀྱི་རྗེས་སུ་བྱེད་པའི་སྒྲ་སྟེ་ཡག་གོ་ཡག་གོ་ཞེས་པའི་དོན་ཏེ། (དཔེར་ན།) ལེགས་པའི་བྱ་བ་བྱས་པ་ལ་དགེའོ་དགེའོ་ཞེས་བསྟོད་པར་བྱེད་དོ་ཞེས་པ་ལྟ་བུ། |
| དགེས་པ |
དགྱེས་པ་དང་འདྲ། |
| དགེས་པ་རྡོ་རྗེ |
དགྱེས་པ་རྡོ་རྗེ་དང་འདྲ། |
| དགོ་དགོ |
ཕ་བ་དགོ་དགོ་སྟེ། ཡུལ་སྐད་དུ་སྤྱང་ཀི་ཐལ་ཐུམ་ཡང་ཟེར་བའི་ཤ་མོའི་རིགས་ཤིག |
| དགོ་བ |
རི་དྭགས་ཤིག་སྟེ། (དཔེར་ན།) རི་དྭགས་དགོ་བ་ལ་མཚོན་འཕངས་ཏེ་ཕལ་མོ་ཆེ་ནི་བྱེར་སོང༌ལྟ་བུ། |
| དགོ་རུ |
རི་དྭགས་དགོ་བའི་རྭ་ཅོ། |
| དགོ་སློག |
དགོ་བའི་པགས་པས་བཟོས་པའི་གོས། |
| དགོག |
བཀོག་གི་མ་འོངས་པ། (དཔེར་ན།) དགོག་བྱའི་ཤུན་པ་ཞེས་ལྟ་བུ། |
| དགོག་ཏུ་ཕྱིན་པ |
(བརྡ་རྙིང་།) 1>ལོ་རྒ་བར་གྱུར་པ། 2>ལྐོག་ཏུ་ཕྱིན་པ་དང༌། ཕུག་ཏུ་ཕྱིན་པ། |
| དགོང |
མཚན་མོའི་དུས་ཀྱི་མིང་སྟེ། (དཔེར་ན།) དོ་དགོང་། མདང་དགོང་། དགོང་མོ་ཞེས་པ་ལྟ་བུ། |
| དགོང་ག |
ཉིན་མོར་ཆ་གསུམ་དུ་ཕྱེ་བའི་མཐའ་མ། |
| དགོང་ཆ |
དུས་ཚོད་བཅུ་གཉིས་ཀྱི་ནང་གསེས་ཤིག་སྟེ་སྤྲེལ་གྱི་དུས། |
| དགོང་ཆས |
(ཡུལ་སྐད།) ནུབ་མོ་དང༌། ཕྱི་དྲོའི་ཟ་ཆས། |
| དགོང་ཇ |
དགོང་མོ་དང་དགོང་དྲོར་འཐུང་བའི་ཇ། |
| དགོང་ཉུག |
ཕྱི་དྲོར་རི་དྭགས་གསོད་དུ་འགྲོ་བའི་མིང༌། |
| དགོང་ཐུན |
ཆོས་སྤྱོད་ཀྱི་ཕྱི་དྲོའི་ཐུན། |
| དགོང་དུས |
ཉི་མ་ཕྱི་དྲོའི་དུས། |
| དགོང་དྲོ |
ཉི་མ་ཕྱི་དྲོའི་དུས། |
| དགོང་བ |
(བརྡ་རྙིང་།) སྨད་པ། |
| དགོང་བཅད |
ཉིན་གུང་ཡོལ་མཚམས་ནས་སང་ཉིན་སྔ་དྲོ་བར་ཁ་ཟས་སྤོང་བ། |
| དགོང་མལ |
ཞག་ཏུ་སྡོད་ས་སྟེ། (དཔེར་ན།) ཉི་མ་མ་ནུབ་གོང་ནས་དགོང་མལ་ཕབ་ཅེས་པ་ལྟ་བུ། |
| དགོང་མོ |
ཉིན་མོར་ཆ་གསུམ་དུ་ཕྱེ་བའི་མཐའ་མའམ་བྱ་ཉལ་བའི་དུས། མིང་གི་རྣམ་གྲངས་ལ་ཉིན་མོའི་མཐའ་དང༌། ཐུན་མཚམས། ཕ་སྐྱེས། སྲོད་བཅས་སོ། ། |
| དགོང་ཞག |
དགོང་མོའི་ཞག་མ། |
| དགོང་ཞོགས |
དགོང་དྲོ་དང་ཞོགས་པ། |
| དགོང་ཟན |
ཕྱི་དྲོའམ་དགོང་མོའི་ཟས། |
| དགོང་ཟས |
ཕྱི་དྲོའམ་དགོང་མོར་བཟའ་བྱའི་ཟས། |
| དགོང་འཇམ |
དགོང་མོའི་ཐུག་པ། |
| དགོང་འདེབས |
ཞག་ས་བྱེད་པའི་དོན་ཏེ། (དཔེར་ན།) དོ་ནུབ་ལྷ་སར་དགོང་འདེབས། རྩྭ་ཁ་བཟང་སར་དགོང་བཏབ་ཅེས་པ་ལྟ་བུ། |
| དགོངས |
1.(བྱེད་འབྲེལ་ལས་ཚིག) སེམས་ལ་དྲན་པའི་ཞེ་ས་སྟེ། (དཔེར་ན།) ཐུགས་ལ་དགོངས་ཞེས་པ་ལྟ་བུ། 2.བསམ་པའམ་བསམ་བློ་ཡི་ཞེ་ས་སྟེ། (དཔེར་ན།) དགེ་རྒན་གྱི་དགོངས་པ། སློབ་དཔོན་གྱི་ཐུགས་དགོངས་ཞེས་པ་ལྟ་བུ།3.ནང་དོན་གཙོ་བོའི་དོན་ཏེ། (དཔེར་ན།) དཔེ་ཆའི་དགོངས་དོན་ཞེས་པ་ལྟ་བུ།4.གནང་བའི་དོན་ཏེ། (དཔེར་ན།) ནད་དགོངས་ཞུ་བ། དགོངས་པ་ཁྲོལ་བ། དགོངས་པ་རྩ་ཡང༌། དགོངས་པ་རང་ཞུ། དེ་རིང་ལས་ཁུངས་སུ་ཡོང་མི་དགོས་པའི་དགོངས་པ་ཞུ་ཞེས་པ་ལྟ་བུ། |
| དགོངས་གཏེར |
དགོངས་པར་རང་ཤར་དུ་བྱུང་བའི་གཏེར་ཆོས། |
| དགོངས་གཞི |
བསམ་བློ་གཏོང་སའི་གཞིའམ་བསམ་དོན། |
| དགོངས་གསོལ |
དགོངས་སུ་གསོལ་བའམ་གསན་རོགས་གནང༌ཞེས་པའི་དོན་ཏེ། (དཔེར་ན།) བསམ་འཆར་ཞུ་རྒྱུའི་སྔོན་དུ་ལྷན་རྒྱས་ལ་དགོངས་གསོལ་ཞུ་ཞེས་པ་ལྟ་བུ། |
| དགོངས་དག |
དགོངས་འགལ་མེད་པའི་དོན་ཏེ། (དཔེར་ན།) དགེ་རྒན་ལ་དགོངས་དག་ཞུ་ལྟ་བུ། |
| དགོངས་དག་ཐུགས་བདེན |
ཁྱེད་བདེན་དགོངས་འགལ་མེད་པ་ཞུ་ཞེས་པའི་དོན་ཏེ། (དཔེར་ན།) ལས་ཉེས་འདི་དག་ང་རང་གིས་ལན་འདུག་པས་དགོངས་དག་ཐུགས་བདེན་ལྟ་བུ། |
| དགོངས་དོན་སྙིང་པོ |
བསམ་དོན་གཙོ་བོ། |
| དགོངས་དྭངས |
ཁོང་ཁྲོ་ཞི་བའི་ཞེ་ས། |
| དགོངས་པ་ཁྲེལ་བ |
1.ཡིད་ལོག་པ།2.ཚིག་པ་ཟ་བ། |
| དགོངས་པ་ཅན་གྱི་རྒྱན |
དོན་རྒྱན་གྱི་ནང་གསེས་ཤིག་རྗོད་བྱེད་ཀྱི་ཚིག་སྔ་ཕྱི་འབྲེལ་ཆགས་པ་དང༌། དོན་ལྡན་ཁོ་ན་ཡིན་པ། བསྟོད་སྨད་སོགས་ཀྱི་སྐབས་སུ་བབ་པ། བརྗོད་བྱ་རྣམས་གསལ་བར་སྟོན་ཐུབ་པ་སྟེ་ཁྱད་ཆོས་བཞི་ལྡན་གྱི་སྦྱོར་བ་གང་ཞིག་དགོངས་པ་ཅན་གྱི་རྒྱན་ཞེས་བྱའོ། ། |
| དགོངས་པ་ཅན་བཞི |
སངས་རྒྱས་ཀྱིས་དགོངས་པ་གཞན་ལ་དམིགས་ནས་ཆོས་གསུང་ཚུལ་བཞི་སྟེ་མཉམ་ཉིད་ལ་དགོངས་པ་དང༌། དུས་གཞན་ལ་དགོངས་པ། དོན་གཞན་ལ་དགོངས་པ། གང་ཟག་གི་བསམ་པ་ལ་དགོངས་པ་བཅས་བཞིའོ། ། |
| དགོངས་པ་བརྡའི་གསུང |
གསུང་ལྔའི་ཡ་གྱལ་ཞིག་སྐུའི་བརྡས་འཁོར་གྱི་བློ་ལ་དོན་འཇལ་བར་སྟོན་པ་ནི་ལོངས་སྐུ་དགོངས་པ་བརྡའི་གསུང་ཞེས་སྔགས་རྙིང་མའི་བཞེད་པའོ། ། |
| དགོངས་པ་མི་འགྱུར་བའི་གཟེར |
སྲོག་སྡོམ་གཟེར་བཞིའི་ཡ་གྱལ། ཆོས་ཉིད་དག་མཉམ་སྟོང་པ་ཆེན་པོ་རྟོགས་པའི་ལྟ་བ་དེས་མར་འཁོར་བའི་དུས་སུ་སེམས་ཀྱི་བག་ཆགས་དག་པར་བྱེད། ཡར་སངས་རྒྱས་ཀྱི་ཚེ་ཐུགས་རྣམ་པ་ཐམས་ཅད་མཁྱེན་པའི་གསང་བ་བསམ་གྱིས་མི་ཁྱབ་པའི་འབྲས་བུ་གཞི་ལ་རྫོགས། བར་ལམ་དུས་སུ་བདེ་གསལ་མི་རྟོག་པའི་རྫོགས་རིམ་གྱི་སྨིན་བྱེད་དུ་འགྲོ་བའོ། ། |
| དགོངས་པ་ཟབ་མོ་ངེས་པར་འགྲེལ་པའི་མདོ་རྒྱ་ཆེར་འགྲེལ་པ |
མདོ་འགྲེལ་ཞིག་ཐང་རྒྱལ་རབས་སྐབས་ཡོན་ཚེས་བརྩམས་ཤིང༌། འགོས་ཆོས་འགྲུབ་ཀྱིས་བོད་ཡིག་ཏུ་བསྒྱུར། བར་སྐབས་རྒྱ་ཡིག་ཆ་ལག་མི་ཚང་བར་གྱུར་ཀྱང༌། བོད་ཡིག་པོ་ཏི་ཆ་ཚང་ཡོད་པར་བརྟེན་ཉེ་ཆར་རྒྱ་ལོ་ཙཱ་བ་བྱམས་པ་ཀུན་མཁྱེན་གྱིས་མ་ཚང་བ་རྣམས་བོད་ཡིག་ནས་རྒྱ་ཡིག་ཏུ་བསྒྱུར། |
| དགོངས་པ་འཚོམས་པ |
ཁོང་ཁྲོ་ཟ་བའི་དོན་ཏེ། (དཔེར་ན།) དུས་ཐོག་ཏུ་བཅར་མ་ཐུབ་པས་དགོངས་པ་མ་འཚོམས་ཞེས་པ་ལྟ་བུ། |
| དགོངས་པ་རྫོགས་པ |
ཤི་བའི་ཞེ་ས། |
| དགོངས་པའི་ཀློང |
བློ་རྒྱའམ་བསམ་བློའི་ནང༌། |
| དགོངས་བཅད |
སེམས་ཀྱིས་ཐག་བཅད་པ། |
| དགོངས་བཞེད |
དགོངས་པའི་བཞེད་པ་སྟེ་བློའི་འདོད་པ། |
| དགོངས་མངའ་བ |
ཁྱེད་ཀྱིས་མཁྱེན་གསལ་དེ། |
| དགོངས་མཆོད |
སྐུ་གཤེགས་པའི་དུས་ཚིགས་སུ་ཡི་དམ་གྱི་དཀྱིལ་ཆོག་སྒྲུབ་པ་སོགས་ཀྱི་དགོངས་རྫོགས་མཆོད་པ། |
| དགོངས་མཐུན |
བསམ་པ་མཐུན་པ། |
| དགོངས་ཞུ |
དགོངས་པ་ཞུ་བ་སྟེ་གནང་བ་ཞུ་བའི་མིང༌། |
| དགོངས་ཟབ |
དགོངས་པ་གཏིང་ཟབ་པ། |
| དགོངས་འགལ |
སེམས་འཁྲུགས་པའམ་ཚིག་པ་ཟ་བའི་དོན་ཏེ། (དཔེར་ན།) ད་རེས་བཀའ་བཞིན་དུ་སྒྲུབ་མ་ཐུབ་པར་དགོངས་འགལ་མ་བཞེས་རོགས་གནང༌ཞེས་པ་ལྟ་བུ། |
| དགོངས་འགྲེལ |
རྩོམ་པ་པོའི་དགོངས་དོན་ལ་འགྲེལ་པ་རྒྱག་པའི་མིང༌། |
| དགོངས་འཆར |
བསམ་འཆར། |
| དགོངས་ཡངས |
བསམ་བློ་རྒྱ་ཆེ་བའི་དོན་ཏེ། (དཔེར་ན།) ཉེས་ཅན་རྣམས་ལ་དགོངས་ཡངས་གནང་ལྟ་བུ། |
| དགོངས་རྫོགས |
དགོངས་པ་རྫོགས་པ་སྟེ་ཤི་པའི་ཞེ་ས། |
| དགོངས་རྫོགས་དུས་མཆོད |
གཤེགས་པའི་དུས་ཚིགས་ཀྱི་མཆོད་པ། |
| དགོངས་རྫོགས་རྗེས་དྲན |
གཤེགས་པའི་དྲན་གསོ་ཞུ་བ། |
| དགོངས་སྐོར |
བྱ་བྱེད་གང་བྱེད་དགོས་བཀའ་འདྲི་གྲོས་སྡུར་ཞུ་བ། |
| དགོད |
(བྱེད་འབྲེལ་ལས་ཚིག) 1>བགད་ཀྱི་ད་ལྟ་བ་དང་སྐུལ་ཚིག། སེམས་དགའ་བའི་རྣམ་པ་མངོན་ཞིང་སྤྲོ་བའི་སྐད་འབྱིན་པའི་དོན་ཏེ། (དཔེར་ན།) དགའ་ནས་གད་མོ་དགོད་པ། གད་མོ་དགོད་མཁན། དགོད་ཅིག་ལྟ་བུ། 2>བཀོད་ཀྱི་མ་འོངས་པ་སྟེ། (དཔེར་ན།) ཡི་གེར་དགོད་བྱའི་ལོ་རྒྱུས་ཞེས་པ་ལྟ་བུ། |
| དགོད་གནས |
ཁྲེལ་གད་དགོད་པའི་ཡུལ། |
| དགོད་གཞི |
འཕྱ་གད་དགོད་པའི་གཞི། |
| དགོད་པ་བཞི |
ཐེག་པ་ལ་དགོད་པ་དང༌། བདེ་བ་ལ་དགོད་པ། རིགས་པ་ལ་དགོད་པ། ཆོས་ལ་དགོད་པ། |
| དགོད་བག |
དགོད་པའི་རྣམ་འགྱུར། |
| དགོད་བྲོ |
གད་མོ་དགོད་འདོད་པ། |
| དགོན་གནས |
1.དགེ་འདུན་མང་པོའི་འདུ་གནས།2.གྲོང་ལས་རྒྱང་གྲགས་གཅིག་གིས་ཆོད་པའི་དབེན་གནས། |
| དགོན་གཞི |
1.དབེན་པའི་གནས་ཏེ།2.དགོན་པའི་གྲྭ་ཁང་དང་ནོར་རྫས། |
| དགོན་ཆེན་རབ་དགའ་བ |
དགའ་ལྡན་དགོན་པའི་མིང་གཞན་ཞིག |
| དགོན་དུང |
དགུན་དུང་དང་འདྲ། |
| དགོན་པ |
1.གྲོང་ལས་རྒྱང་གྲགས་གཅིག་གིས་ཆོད་པའི་དབེན་གནས་སམ། དགེ་འདུན་གནས་ས། མིང་གི་རྣམ་གྲངས་ལ་ཀློག་གྲྭའི་གནས་དང༌། མཁས་གནས། ཆོས་ཀྱི་གྲོང་རྡལ། ཆོས་ཀྱི་འདུན་ས། བདུད་རྩིའི་ཁང༌། དབེན་པའི་གནས། ཞི་བའི་གྲོང༌། བསམ་གཏན་ཁང་བཅས་སོ། ། 2.མི་མེད་ས་སྟོང་གི་མིང་། (དཔེར་ན།) དགོན་པའི་ནགས་ཚལ། འབྲོག་དགོན་པའི་རི་དྭགས་ཞེས་པ་ལྟ་བུ། |
| དགོན་པ་བ |
1.དབེན་སར་སྡོད་མཁན།2.བཀའ་གདམས་ཀྱི་བླ་མ་ཞིག |
| དགོན་པའི་འབྲལ་སྤང |
སྤང་ལྟུང་སུམ་ཅུའི་ནང་གསེས། དགེ་སློང་དགོན་པ་བས་ཆོས་གོས་དང་བྲལ་ནས་ཞག་བདུན་ཕན་ཆད་འདས་པའོ། ། |
| དགོན་པའི་རི་དྭགས |
དབེན་སར་གནས་པའི་རི་དྭགས། |
| དགོན་བུ |
དགོན་ཆུང༌། |
| དགོན་ལག |
དགོན་པ་ཆེ་བའི་ཁོངས་གཏོགས་དགོན་ཆུང་རིགས། |
| དགོན་ལུང |
མཚོ་སྔོན་ཤར་རྒྱུད་དུ་རབ་བྱུང་བཅུ་པའི་ཤིང་འབྲུག་ལོར་རྒྱལ་སྲས་དོན་ཡོད་ཆོས་ཀྱི་རྒྱ་མཚོས་བཏབ་པ་དང༌། ཕྱིས་ཐུའུ་བཀྭན་ཧོ་ཐོག་ཐུའི་བསྟི་གནས་དགོན་པ་ཞིག |
| དགོན་ཤུལ |
དགོན་པ་སྟོངས་པའི་ས་ཆ། |
| དགོན་སྡེ |
དགོན་པ། |
| དགོལ |
བཀོལ་ཀྱི་མ་འོངས་པ། (དཔེར་ན།) དགོལ་བྱའི་དོང་ཙེ། ཟུར་དུ་དགོལ་བྱའི་ཚིག་ཅེས་པ་ལྟ་བུ། |
| དགོས |
1.(ལས་ཚིག་རྗེས་མཐུན་པ) 1>ལས་ཚིག་གི་མཐར་སྦྱར་ན་དེ་ལྟར་བྱེད་པར་སྐུལ་མ་གཏོང་བའི་ཚིག་གྲོགས་ཏེ། (དཔེར་ན།) ཐུན་མོང་གི་རྒྱུ་ནོར་ལ་གཅེས་སྤྲས་བྱེད་དགོས། ཞིང་ལ་ཆུ་གཏོང་དགོས། ཟས་ཟ་ཁར་ལག་པ་བཀྲུ་དགོས། དཔེ་ཆ་ཀློག་དགོས་ལྟ་བུ། 2>མིང་རྐྱང་གི་མཐར་སྦྱར་ན་མཁོ་བའི་དོན་ཏེ། (དཔེར་ན།) མྱུ་གུ་ལ་ཆུ་དགོས། ཞིང་པར་ཞིང་ཆས་དགོས་ལྟ་བུ། 2.དོན་སྙིང་ངམ་དམིགས་ཡུལ་གྱི་དོན་ཏེ། (དཔེར་ན།) དམིགས་བསལ་གྱི་དགོས་པ་ཅི་ཞིག་ཡོད། བརྩམ་པར་བྱ་བའི་དགོས་པ་བསྟན་པ། དགོས་སར་ཆད། མི་དགོས་སར་ལྷག སྙིང་པོ་མེད་པའི་གཏམ་འཆལ་བཤད་ན་དགོས་པ་ཆུང༌། རིང་ནས་འབད་རྩོལ་བྱས་ཏེ་དགོས་པ་ཡོངས་སུ་གྲུབ་ཅེས་པ་ལྟ་བུ། |
| དགོས་གལ |
དོན་སྙིང་གི་དོན་ཏེ། (དཔེར་ན།) དམངས་ཀྱི་ཁེ་ཕན་དང་དངོས་སུ་འབྲེལ་བ་ཡོད་པས་དགོས་གལ་ཆེན་པོ་ཡོད། གྲ་སྒྲིག་ལེགས་པར་བྱས་ན་དགོས་གལ་ནམ་བྱུང་དེ་འཕྲལ་དུ་བཏང་ཆོག་ཆོག་ཡོང༌ཞེས་པ་ལྟ་བུ། |
| དགོས་ངེས |
དགོས་པ་ཡོད་ཐག་ཆོད་ཀྱི་དོན་ཏེ། (དཔེར་ན།) འགྲོ་དགོས་ངེས་བྱུང་ན་ང་འཕྲལ་འཕྲལ་ཕྱིན་ཆོག་ཅེས་པ་ལྟ་བུ། |
| དགོས་ཆ |
དགོས་པའི་ཆ་རྐྱེན། |
| དགོས་ཆས |
དགོས་པའི་ཡོ་ཆས། |
| དགོས་ཆེད |
ཕན་གནོད་གང་རུང་དུ་འགྱུར་བའི་དོན། |
| དགོས་ཆེད་ཀྱི་སྒྲ |
དགོས་པ་དང༌། བྱ་བ་གཉིས་སོ་སོར་འབྱེད་ཅིང༌། བྱ་བ་དེས་བྱ་ཡུལ་ཉིད་དམ། བྱ་ཡུལ་དང་འབྲེལ་བའི་ལས་གང་གི་ཆེད་དུ་ཕན་གནོད་བྱེད་པ་ཉེ་བར་སྟོན་པའི་རྐྱེན་གྱི་ཡི་གེ་ལ་དོན་རྣམ་བདུན་ཡིན་ལ། འདི་ལ་རྣམ་དབྱེ་བཞི་པའང་ཟེར། (དཔེར་ན།) ཡོན་ཏན་དུ་སློབ་གཉེར་བྱེད། གནོད་བྱེད་འབུ་སྲིན་གསོད་པར་དུག་སྨན་སྦྱོར། རྨ་ལ་སྨན་བྱུགས། ཞིང་ལ་ཆུ་གཏོང་ཞེས་པ་ལྟ་བུ། |
| དགོས་ཉུང་ཐོན་མང |
ཐོན་འབོར་ཆེ་དྲགས་ནས་བྲིན་མི་ཐུབ་པ། |
| དགོས་དངུལ |
འགྲོ་སོང་གཏོང་བྱེད་ཀྱི་དངུལ་ཏེ། (དཔེར་ན།) རྒྱལ་ཁབ་ནས་དགོས་དངུལ་བཏོན་ཏེ་སྨན་ཁང་གསར་རྒྱག་བྱེད་ཅེས་པ་ལྟ་བུ། |
| དགོས་དབང |
རྒྱུ་མཚན་དམིགས་བསལ་ཅན། |
| དགོས་དབང་བརྙས་བཅོས |
རང་འདོད་ཁོག་བཅུག་གིས་གཞན་ལ་དོན་མེད་ཁྱད་གསོད་བྱེད་པའམ་མཐོང་ཆུང་བྱེད་པ། |
| དགོས་དབང་སྦུག་འདྲེན |
རང་ཉིད་ཀྱི་དགོས་པ་ལ་བསམས་ནས་གནད་འགག་ཟུར་ཙམ་ལས་གསལ་པོ་རང་མི་སྟོན་པ། |
| དགོས་དོན |
དམིགས་ཡུལ་ལམ། བསམ་པའི་དོན་ཏེ། (དཔེར་ན།) འདི་རུ་ཡོང་བའི་དགོས་དོན་གང་ཡིན་ནམ་ཞེས་པ་ལྟ་བུ། |
| དགོས་པ་ཡོངས་སུ་འགྲུབ་པ |
ཁྱབ་པའི་དམིགས་པ་བཞིའི་གྲས་འབྲས་བུའི་སྒོ་ནས་བཞག་པ་ཞི་ལྷག་གིས་དམིགས་པ་ཡིད་ལ་བྱེད་པ་དེ་ཀུན་ཏུ་བསྟེན། གོམས་པར་བྱས། ལན་མང་དུ་བྱས་པའི་མཐུས་རང་རང་གི་གནས་ངན་ལེན་དང་བྲལ་ནས་གནས་འགྱུར་བའོ། ། |
| དགོས་མཁོ |
གང་དགོས་པ་ལ་ཉེ་བར་མཁོ་བའམ་ཕན་པ། |
| དགོས་མང་ཐོན་ཉུང |
ཐོན་འབོར་གྱིས་དགོས་མཁོ་མི་ལྡང་བ། |
| དགོས་མེད་མཛེས་མཚོན |
དགོས་དོན་མེད་པའི་འདྲ་ཆགས་ཀྱི་མཛེས་ཆོས། |
| དགོས་མེད་ལྷག་འཁྱིལ |
ཕན་ཐོགས་མེད་པའི་དངོས་ལྷག |
| དགོས་འདོད |
རེ་བའམ། འདོད་དོན། |
| དགོས་འདོད་ཀུན་འབྱུང |
1.བསམ་པ་ཐམས་ཅད་འགྲུབ་པ།2.ནོར་བུ་མཆོག་གྱུར་ཞིག་གི་མིང༌།3.རབ་བྱུང་བཅུ་པའི་ནང་བྱང་པ་ལྷུན་སྡིངས་བདུད་རྩི་འགྱུར་མེད་ཀྱིས་མཛད་པའི་བྱང་པ་ཡབ་སྲས་ཀྱི་བཞེད་པ་གཙོ་བོར་སྟོན་པའི་མན་ངག་རྒྱུད་ཀྱི་ལྷན་ཐབས་ཚུལ་དུ་བཀོད་པའི་སྨན་གྱི་ལག་ལེན་གྱི་སྐོར་ཞིག |
| དགོས་འབྲེལ |
བསྟན་བཅོས་རྩོམ་པའི་འགོར་དགོས་པ་དང་འབྲེལ་བ་དེའང་སྐབས་བབ་བསྟན་པར་བྱ་བའི་དོན་གང་ཡིན་པ་དེ་ནི་བརྗོད་བྱ་དང༌། དེ་ཉིད་འཛིན་ཅིང་བྱང་ཆུབ་ནས་གཙུག་ལག་གི་དགོངས་དོན་ལ་འཇུག་པའི་ལམ་ཡངས་པོར་འགྱུར་བ་ནི་དགོས་པ་དང༌། དེ་ལྟར་སྤྲོ་བས་འཇུག་ཅིང་མཐར་གྱིས་རྣམ་པ་ཐམས་ཅད་མཁྱེན་པ་མངོན་དུ་བྱེད་པ་ནི་ཉིང་དགོས་ཏེ་དགོས་པའི་ཡང་དགོས་པ་དང༌། ཉིང་དགོས་དགོས་པར་འབྲེལ། དགོས་པ་བརྗོད་བྱར་འབྲེལ་ཞིང༌། བརྗོད་བྱའང་ཡན་ལག་ཕྱི་མ་ཕྱི་མ་སྔ་མ་སྔ་མར་འབྲེལ་བ་ནི་འབྲེལ་བའོ། ། |
| དགོས་རིང་ཆུ |
མདོ་སྨད་་རྨ་ཆེན་རྫོང་གི་འབབ་ཆུ་ཞིག |
| དགྱེ |
1.(བྱེད་མེད་ལས་ཚིག) མི་ལུས་རྒྱབ་ཕྱོགས་སུ་གུག་པའམ་དྲང་པོ་བྱས་པའི་དོན་ཏེ། (དཔེར་ན།) ལུས་ལྟག་ཀར་དགྱེ། མགོ་ཡར་དགྱེ། མགོ་དགྱེ་དགྱེ་བྱས་ཞེས་པ་ལྟ་བུ། 2.བཀྱེས་ཀྱི་མ་འོངས་པ། |
| དགྱེ་དགུ |
འགུལ་སྐྱོད་ཀྱི་ཉམས་འགྱུར་ཏེ། མི་དེར་ཁེ་ཉེན་ག་ཚོད་བཤད་ཀྱང་དགྱེ་དགུ་མི་བྱེད་ཅེས་པ་ལྟ་བུ། ༼དགྱེ་སྒུར༽ |
| དགྱེ་དགྱེ |
(རྒྱན་ཚིག) གྱེན་ནམ་རྒྱབ་ཏུ་དགྱེ་ཚུལ་ཏེ། (དཔེར་ན།) སྤྲང་ཕྲུག་ཐང་རྐྱལ་ཁེངས་ནས་སྦོ་དགྱེ་དགྱེ། མགོ་དགྱེ་དགྱེ་བྱས་ནས་ནམ་མཁར་ལྟ་ཞེས་པ་ལྟ་བུ། |
| དགྱེ་པོ |
གཟུགས་པོ་རྒྱབ་ཕྱོགས་སུ་གཟེངས་བསྟོད་པའི་རྣམ་པ་གཡུལ་སར་དགྱེ་པོར་ལངས་ལྟ་བུ། |
| དགྱེ་བོ |
1.སྟོད་སྒུར་ཅན་གྱི་མི།2. དགྱེ་པོ་དང་འདྲ། |
| དགྱེད |
བཀྱེད་ཀྱི་མ་འོངས་པའི་འབྲི་ཚུལ་གཞན། |
| དགྱེད་དགུར |
རྒྱབ་ཕྱོགས་སུ་དགྱེད་པ་དང༌། མདུན་ཕྱོགས་སུ་དགུར་བ། ༼མདུན་ཕྱོགས་སུ་སྒུར་བ།༽ |
| དགྱེད་དགྱེད |
རྒྱབ་ཏུ་དགྱེ་ཚུལ། |
| དགྱེའོ |
(བརྡ་རྙིང་།) 1>ཐོག་མེད་པའི་ཁང་པ། 2>གྱང་སྐོར། |
| དགྱེལ |
སྒྱེལ་དང་དོན་འདྲ་བར་དག་ཡིག་ལ་ལར་བཤད། |
| དགྱེས |
(བྱེད་མེད་ལས་ཚིག) དགའ་བའི་ཞེ་ས་སྟེ། (དཔེར་ན།) ཐུགས་དགྱེས་དགྱེས་མཛད། དགྱེས་ཉམས་ཆེན་པོ་མཛད། ཐུགས་དགྱེས་པའི་ངང་ནས་འབྲི་ཆུར་བརྐྱལ་ལྟ་བུ། |
| དགྱེས་དགྱེས |
དགའ་དགའ་དང་དོན་འདྲ། (དཔེར་ན།) ལས་འགན་གྲུབ་ནས་ཚང་མ་དགྱེས་དགྱེས་གནང་སོང༌ལྟ་བུ། |
| དགྱེས་པ་རྡོ་རྗེ |
ཀྱེ་རྡོ་རྗེ་སྟེ་བླ་མེད་རྒྱུད་ཀྱི་ཡི་དམ་ཞིག |
| དགྱེས་ཚོར |
དགའ་ཚོར། |
| དགྱེས་ཞལ |
དགའ་བའི་ངོ་གདོང༌། (དཔེར་ན།) མྱུར་བར་དགྱེས་ཞལ་དངོས་མཇལ་ཞུས་ཆོག་ཅེས་པ་ལྟ་བུ། |
| དགྱེས་འཛུམ |
དགའ་འཛུམ། |
| དགྱེས་རྒུར་སྤྱོད་པ |
གང་དགར་སྤྱོད་པའམ་དགའ་བདེ་ཡོད་དོ་ཅོག་ལོངས་སུ་སྤྱོད་པ། |
| དགྱེས་སྐྱེམས |
(བརྡ་རྙིང་།) དགའ་སྟོན་གྱི་ཆང༌། |
| དགྱེས་སྟོན |
ཡིད་དགའ་བའི་སྟོན་མོའི་ཞེ་ས་སྟེ། (དཔེར་ན།) ཉིན་མཚན་ཀུན་ཏུ་དགྱེས་སྟོན་སྤྱོད་པ། ཉིན་ཞག་འགའ་ཞིག་གི་བར་དགྱེས་སྟོན་གྱིས་དུས་འདའ་བར་བྱས་ཞེས་པ་ལྟ་བུ། |
| དགྲ |
1.གནོད་འཚེའི་མིང་། (དཔེར་ན།) གནམ་དགྲ་དང་ཆུ་དགྲ་བཀག་ནས་ལོ་ཡག་བྱུང་ཞེས་པ་ལྟ་བུ། 2.ཁེ་ཕན་གྱི་འགལ་བ་ཡོད་སྟབས་ཕན་ཚུན་མི་མཐུན་པའི་དོན་ཏེ། (དཔེར་ན།) སྡང་བའི་དགྲ་བོ། དགྲ་དང་རང་གི་ཁྱད་པར་འབྱེད་དགོས། དགྲ་ལ་སྡང་ཞིང་གྲོགས་ལ་བྱམས། དགྲ་འདུལ་གཉེན་སྐྱོང་། དགྲར་འཛིན་པ་དགྲ་རུ་ལངས་པ་ཞེས་པ་ལྟ་བུ། |
| དགྲ་ཁང |
1.སོ་པ་སྡོད་ཁང༌།2.དགྲ་བོའི་ཁང་པ། |
| དགྲ་གཉེན |
དགྲ་ཕྱོགས་དང༌། རང་ཕྱོགས་ཀྱི་དོན་ཏེ། (དཔེར་ན།) དགྲ་གཉེན་གོ་ལྡོག དགྲ་གཉེན་གྱི་དབྱེ་འབྱེད་གསལ་པོར་འབྱེད་ཅེས་པ་ལྟ་བུ། |
| དགྲ་གདོན |
དངོས་སུ་གནོད་པའི་དགྲ་དང༌། མི་མངོན་པའི་གདོན་འདྲེ། |
| དགྲ་གཤེད |
དགྲ་ཁ་གཏད། |
| དགྲ་གྲོགས |
1.དགྲ་བོ་དང་མཐུན་གྲོགས།2.འབྱུང་རྩིས་ལས་འབྱུང་བའི་ཁམས་མཐུན་མིན་རྩི་ཚུལ་ཞིག |
| དགྲ་ངན |
དགྲ་བོ་ངན་པ། |
| དགྲ་ཆ |
གོ་ཆའམ་མཚོན་ཆ། |
| དགྲ་ཆས |
དགྲ་འཐབ་བྱེད་ཀྱི་ཡོ་ཆས་སམ་མཚོན་ཆ་སོགས། |
| དགྲ་ཆོས |
དགྲ་བོ་མནན་གཏད་བྱེད་པའི་ཆོ་ག |
| དགྲ་ཐབས |
དགྲ་འདུལ་བའི་ཐབས་ཇུས། |
| དགྲ་དགའ་གཉེན་སྡུག |
དགྲ་བོ་སྤྲོ་ཞིང་རང་ཕྱོགས་སྐྱོ་བ། |
| དགྲ་དམག |
དགྲ་ཕྱོགས་ཀྱི་དམག |
| དགྲ་ནག |
དགྲ་བོའི་དྭངས་མའམ་དགྲ་གཙོ་བོ། |
| དགྲ་ནག་གཤིན་རྗེ་གཤེད |
བླ་མེད་རྒྱུད་ཀྱི་ཡི་དམ་དམར་ནག་འཇིགས་གསུམ་གྱི་ནང་གི་གཤིན་རྗེ་གཤེད་དགྲ་ནག་ཅེས་བྱ་བ། |
| དགྲ་ཕྱོགས |
དགྲ་བོའི་ཕྱོགས་ཁག་དམག་མ་བརྒྱབ་གོང་ནས་རང་ཕྱོགས་ཀྱི་གནས་ཚུལ་གསལ་པོར་ཤེས་དགོས་པར་མ་ཟད། དགྲ་ཕྱོགས་ཀྱི་གནས་ཚུལ་ཡང་གསལ་པོར་ཤེས་དགོས་ལྟ་བུ། |
| དགྲ་ཕྱྭ |
དམག་དཔོན་གྱི་ལག་རྩར་བརྟེན་ནས་ཁོ་རང་དམག་སར་ཕྱིན་ན་རྒྱལ་ཕམ་ཇི་ཡོང་སོགས་བརྟག་དཔྱད་བྱེད་པའི་མོ་ཕྱྭ་ཞིག་ངོ་མཚར་རྩ་བདུན་གྱི་ནང་གསེས་ཤིག |
| དགྲ་བགེགས |
གནོད་འཚེ་གཏོང་མཁན། |
| དགྲ་བཅོམ་གཙུག་ཕུད་ཅན |
བོད་རྒྱལ་གླང་དར་མའི་སྐབས་བསྟན་པ་ཉམས་རྗེས་གྲྭ་པ་ཚོས་ཤམ་ཐབས་གོང་བ་ཅན་གྱོན། སྒྲ་གཞན་བཞར། གཙུག་ཕུད་བཞག་དབྱར་ཟླ་གསུམ་དགོན་པར་དབྱར་གནས་བཅས། སྟོན་དགུན་དཔྱིད་གསུམ་ཁྱིམ་ཐབ་དང་གྲོང་པའི་མཆོད་གནས་བྱེད་པའི་གྲྭ་གཟུགས་རྣམས་ཀྱི་བླ་དྭགས་ཀྱི་མིང༌། |
| དགྲ་བཅོམ་པ |
བདུད་བཞིའི་དགྲ་ཐམས་ཅད་བཏུལ་བའམ། ཐུལ་བར་བྱས་པའོ། ། |
| དགྲ་བཅོམ་པ་གཉིས |
1.སྤང་བྱ་སྤངས་པའི་སྒོ་ནས་དབྱེ་ན། ཤེས་རབ་ཀྱིས་རྣམ་པར་གྲོལ་བ་དང༌། གཉིས་ཀའི་ཆ་ལས་རྣམ་པར་གྲོལ་བ་སྟེ་གཉིས།2.རྟེན་གྱི་སྒོ་ནས་དབྱེ་ན། ཉན་ཐོས་དགྲ་བཅོམ་དང༌། རང་རྒྱལ་དགྲ་བཅོམ་སྟེ་གཉིས་སོ། ། |
| དགྲ་བཅོམ་པ་གསུམ |
ཉན་ཐོས་དགྲ་བཅོམ་དང༌། རང་རྒྱལ་དགྲ་བཅོམ། ཐེག་ཆེན་་དགྲ་བཅོམ་རྣམས་སོ། ། |
| དགྲ་བཅོམ་པ་ཉི་མ་གུང་པ |
དགྲ་བཅོམ་པ་ཞིག་གི་མཚན། |
| དགྲ་བཅོམ་པ་དྲུག |
ཡོངས་སུ་ཉམས་པའི་ཆོས་ཅན་དང༌། འཆི་བར་སེམས་པའི་ཆོས་ཅན། རྗེས་སུ་སྲུང་བའི་ཆོས་ཅན། གནས་པ་ལ་མི་བསྐྱོད་པའི་ཆོས་ཅན། རྟོགས་པའི་འོས་སུ་གྱུར་པའི་ཆོས་ཅན། མི་འཁྲུགས་པའི་ཆོས་ཅན་བཅས་ཉན་ཐོས་ཀྱི་དགྲ་བཅོམ་པ་རིགས་དྲུག |
| དགྲ་བཅོམ་པའི་ཕུང་པོ་མཐའ་མ |
རང་རྒྱུད་པ་མན་ཆད་ཀྱིས་ལྷག་བཅས་མྱང་འདས་རྒྱུད་ལྡན་གྱི་ཕུང་པོ་ལྟ་བུར་འདོད་དོ། ། |
| དགྲ་བཅོམ་པའི་འབྲས་བུ |
དགེ་སྦྱོང་གི་འབྲས་བུ་བཞིའི་ནང་གསེས། ཁམས་གསུམ་གྱི་སྒོམ་སྤང་ཐམས་ཅད་སྤངས་པས་བདུད་བཞིའི་དགྲ་ཐམས་ཅད་ཡོངས་སུ་བཅོམ་པའོ། ། |
| དགྲ་བཅོམ་པའི་སེམས |
ཉོན་སྒྲིབ་ལས་གྲོལ་བའི་སེམས། |
| དགྲ་བཅོམ་བདུན |
སྔར་རྒྱ་གར་དུ་བྱུང་བའི་མངོན་པ་སྡེ་བདུན་སྡུད་མཁན་སློབ་དཔོན་མི་བདུན་ཏེ། ཀཏྱའི་བུ་དང༌། དབྱིག་བཤེས། བྲམ་ཟེ་ལྷ་སྐྱིད། ཤཱ་རིའི་བུ། མོའུ་གལ་གྱི་བུ། གསུས་པོ་ཆེ། གང་པོ་བཅས་བདུན་ནོ། ། |
| དགྲ་བཅོམ་མ |
ཉོན་སྒྲིབ་སྤངས་པའི་བཙུན་མ། |
| དགྲ་བཅོམ་ཞུགས་པ |
ཞུགས་གནས་བརྒྱད་ཀྱི་ནང་གསེས། བསམ་གཏན་དང་པོ་ནས་སྲིད་རྩེའི་བར་གྱི་ཉོན་མོངས་མཐའ་དག་སྤོང་བའི་སྦྱོར་བ་ཅན། དགེ་འདུན་ཉི་ཤུའི་གྲས་ཤིག |
| དགྲ་བཅོམ་འབྲས་གནས |
ཞུགས་གནས་བརྒྱད་ཀྱི་ནང་གསེས། གང་སྲིད་རྩེའི་ཉོན་མོངས་དགུ་པ་མ་ལུས་པར་སྤངས་པའི་ཐེག་དམན་པའོ། ། |
| དགྲ་བོའི་དྭངས་མ |
དགྲའི་གཙོ་བོ། |
| དགྲ་མགོ |
དགྲ་བོ་གཙོ་ཆེ་བའམ་དགྲ་བོའི་མགོ་གཙོའི་དོན་ཏེ། (དཔེར་ན།) དགྲ་མགོ་ཐུལ་བ་ལྟ་བུ། |
| དགྲ་མི་ཤ་བོ |
ཤིན་ཏུ་སྡང་བའི་དཔེ་ལ་སྦྱོར་བའི་དགྲ་ཤ་ཆགས་པའི་མི་སྟེ། (དཔེར་ན།) དགྲ་མི་ཤ་བོ་ཟིན་ཞེས་པ་ལྟ་བུ། |
| དགྲ་ཞུ |
(བརྡ་རྙིང་།) རྨོག |
| དགྲ་ཟུན |
དགྲ་དང་གཉེན། |
| དགྲ་ཟོན |
དགྲ་ཡོངས་བའི་དོགས་ཟོན། |
| དགྲ་ཟླ |
1.དགྲ་ཡའམ་ཁ་གཏད།2.མཚུངས་པ་གསལ་བཤད་ཀྱི་སྒྲ་ཞིག་སྟེ་འདྲ་བ། |
| དགྲ་འདུལ་གཉེན་སྐྱོང |
1.དགྲ་བོ་འདུལ་བ་དང༌། གཉེན་ཉེ་སྐྱོང་བ།2.ཕྱོགས་ལྷུང༌གི་དོན་ལའང་འཇུག་པར་བཤད། |
| དགྲ་འདུལ་དཔུང་འཇུག |
དགྲ་འདུལ་བའི་ཆེད་དུ་དམག་དཔུང་འདྲེན་པ། |
| དགྲ་འདེད |
1.དགྲ་བོ་མཐར་སྐྲོད་པ།2.འབྱུང་རྩིས་ནང་གྲོགས་ལ་བརྟེན་ནས་དགྲ་རྩི་བ་སྟེ། (དཔེར་ན།) ཤིང་དགྲ་ལྕགས། ལྕགས་དགྲ་མེ། མེ་དགྲ་ཆུ། ཆུ་དགྲ་ས། ས་དགྲ་ཤིང༌ཞེས་པ་ལྟ་བུ། |
| དགྲ་ཡ |
དགྲ་ཟླའི་དོན་ཏེ། (དཔེར་ན།) དགྲ་ཡ་ལ་དགྲ་ལན་སྤྲད་པ། ནག་ཕྱོགས་དགྲ་ཡ་ཉུང་ན་དགའ། དཀར་ཕྱོགས་གཉེན་ཉེ་མང་ན་དགའ་ལྟ་བུ། མིང་གི་རྣམ་གྲངས་ལ་དགྲ་བོ་དང༌། འགལ་བྱེད། འགལ་ཟླ། རྒོལ་བ། རྒོལ་བྱེད། མངོན་གནོད། མངོན་པར་འཚེ་བ། སྡང་དགྲ། སྡང་བྱེད། གནོད་བྱེད། ཕ་རོལ་པོ། ཕས་རྒོལ། ཕྱིར་རྒོལ། འཕེན་བྱེད། མི་དགའ་བ། མི་མཐུན་ཕྱོགས། མི་ཕན་པ། མི་མཛའ་བ། ཞེ་འགྲས་བཅས་སོ། ། |
| དགྲ་རྒྱག་པ |
1.དམག་རྒྱག་པའི་དོན་ཏེ། (དཔེར་ན།) ཕ་རོལ་གྱི་སྟོབས་ཤུགས་ཀྱི་ཚོད་མ་ལོན་པར་དགྲ་རྒྱག་པ་ཞེས་པ་ལྟ་བུ།2.འཕྲོག་བཅོམ་བྱེད་པའི་དོན་ཏེ། (དཔེར་ན།) གྲོང་ཁྱེར་ལ་དགྲ་རྒྱག་པ་ལྟ་བུ། |
| དགྲ་རྩ |
མ་བུ་དགྲ་གྲོགས་འབྱུང་བ་བརྩིས་ནས་རྩ་བརྟག་སྐབས་མེ་དགྲ་ཆུ་ལྟ་བུ་དགྲ་དང་འཕྲད་པ་དེ་ལ་དགྲ་རྩ་ཞེས་ཟེར། |
| དགྲ་ལན |
ཚུར་རྒོལ་གྱི་འཐབ་ལན་ཏེ། (དཔེར་ན།) ཐབས་ཤེས་སྣ་ཚོགས་ཀྱི་སྒོ་ནས་དགྲ་ལན་འཇལ་བ། དམག་དཔུང་བཤམས་ནས་དགྲ་ལན་སྤྲད་པ། དྲག་ཤུགས་ཆེན་པོས་དགྲ་ལན་སློག་ཅེས་པ་ལྟ་བུ། |
| དགྲ་ལྷ |
དགྲ་འཐབ་ཀྱི་ལྷ། |
| དགྲ་ཤ |
ཕན་ཚུན་བསད་རྨས་ཀྱི་འཁོན་ལན་ཏེ། (དཔེར་ན།) ཕ་ཡི་དགྲ་ཤ་ལེན་དགོས་ལྟ་བུ། |
| དགྲ་ཤ་པ |
ཕ་བསད་ཀྱི་དགྲ་བོ་ལྟ་བུ། |
| དགྲ་ཤ་བོ |
དགྲ་གཙོ་བོ། |
| དགྲ་སེམས |
དགྲ་རུ་འཛིན་པའི་སེམས། |
| དགྲ་སྙིང་ན་བ |
ཤིན་ཏུ་སྡང་བའི་དགྲ་བོ། |
| དགྲ་སྟ |
སྟ་རེ་འདྲ་བའི་མཚོན་ཆ། |
| དགྲ་སྟའི་དུམ་བུ |
(མངོན་བརྗོད།) ལྷ་དབང་ཕྱུག་ཆེན་པོ། |
| དགྲ་སྲི |
སྔར་དགྲ་བྱུང་བའི་ལོ་ཟླའི་དུས་མཚམས་སུ་སླར་ཡང་དགྲ་འབྱུང་བ་དེར་དགྲ་སྲི་ཟེར། |
| དགྲད |
(བྱེད་འབྲེལ་ལས་ཚིག) 1>རྐང་བ་དགྲད་པ་སྟེ། རྐང་བ་གཉིས་བར་ཚད་ཇེ་ཆེར་བཏང་བའི་དོན། 2>སྡེར་མོ་སོགས་བརྐྱངས་པའི་དོན་ཏེ། (དཔེར་ན།) གཅན་གཟན་གྱི་སྤར་མོ་དགྲད་ལྟ་བུ། 3>བགྲད་ཀྱི་འབྲི་ཚུལ་གཞན། |
| དགྲད་པ |
(བརྡ་རྙིང་།) བགྲད་པ། |
| དགྲམ |
བཀྲམ་པའི་མ་འོངས་པ་སྟེ། (དཔེར་ན།) དངོས་རྫས་དགྲམ་དགོས། དགྲམ་བྱའི་དངོས་རྫས་ཞེས་པ་ལྟ་བུ། |
| དགྲའི་དྭངས་མ |
དགྲ་བོའི་དྭངས་མ་དང་དོན་གཅིག |
| དགྲོང |
བཀྲོངས་ཀྱི་མ་འོངས་པ། |
| དགྲོངས |
དགྲོང་བའི་སྐུལ་ཚིག |
| དགྲོལ |
1.བཀྲོལ་གྱི་མ་འོངས་པ། (དཔེར་ན།) དགྲོལ་བྱའི་སྒྲོག་གུ། དགྲོལ་བྱའི་མདུད་པ་ཞེས་པ་ལྟ་བུ། 2.བཀྲལ་གྱི་མ་འོངས་པ་སྟེ། (དཔེར་ན།) གཞུང་དོན་གོ་དཀའ་བ་རྣམས་དགྲོལ་དགོས། དགྲོལ་བྱའི་དཀའ་གནད་ཅེས་པ་ལྟ་བུ། |
| དགྲོལ་བ |
བཀྲལ་བ་དང་བཀྲོལ་བའི་མ་འོངས་པ། |
| དང |
1.(སྦྲེལ་ཚིག) མིང་དང་ཚིག་སྔ་ཕྱི་སྦྲེལ་བྱེད་ཀྱི་ཚིག་ཕྲད་དེ། (དཔེར་ན།) དགེ་རྒན་དང་སློབ་མ། རྟ་དང་ལུག་ཅེས་པ་ལྟ་བུ། 2.(སྦྱོར་ཚིག) (དཔེར་ན།) སྒྲིག་ལམ་དང་མ་འགལ། རྩ་ཁྲིམས་དང་འགལ་མི་རུང་། དམག་དཔོན་འཁོར་དང་བཅས་པས་མཐའ་མཚམས་བསྲུངས། ང་དང་བཅས་པའི་ཁྱིམ་མི་ཚང་མས་གསར་འགྱུར་ཀློག་པར་ཉན་ལྟ་བུ། 3.(གྲོགས་ཚིག) 1> སྐུལ་ཚིག་གི་མཐར་སྦྱར་ན་རེ་བ་ཞུ་བའི་དོན་ཏེ། (དཔེར་ན།) ང་ལ་དཔེ་ཆ་ཞིག་གཡོར་དང་། གསུང་རོགས་གནོངས་དང་། ཉོན་དང་། ལྟོས་དང་ཞེས་པ་ལྟ་བུ། 2> རྒྱུ་རྐྱེན་ནམ་དུས་སྟོན་པའི་དོན་ཏེ། (དཔེར་ན།) སྨན་འཐུངས་པ་དང་ནད་སོས། ཉི་མ་ཤར་བ་དང་མུན་པ་སངས་ལྟ་བུ། |
| དང་ཀྱོག |
དབུ་ཁྱུད་དེ། བོད་ཡིག་གི་མགོ་༄༅ འདིའི་མིང་། རྗེ་བཙུན་ས་པཎ་གྱིས། དང་ཁྱོག་ནི་གླང་པོ་ཆེའི་སྣ་ལྟ་བུའི་ཨ་ཡིན་ལ། དེ་ཡང་ཡི་གེའི་དང་པོར་འཇུག་པས་དེ་ལྟར་བཏགས་པར་གསུངས། ལ་ལས་སྔགས་ཀྱི་དབུར་ཨོཾ་ཡིག་འགོད་སྲོལ་ཡོད་པ་བཞིན་བོད་ཡིག་གི་དབུར་ཡང་ཨོཾ་ཡིག་བཀོད་པ་རིམ་གྱིས་ཡི་གེའི་ཚུལ་ཞིག་པ་དང་ཀྱོག་ཡིན་པར་བཤད་དོ། ། |
| དང་ཁ |
དང་ག་དང་འདྲ། |
| དང་ག |
1.ཟས་ཟ་འདོད་ཀྱི་འདོད་པའི་དོན་ཏེ། (དཔེར་ན།) དང་ག་འགག་སོང༌། ཡུན་རིང་དུ་ན་བས་དང་ག་ལོག་པ། ལྟོའི་དང་ག་ཕྱེ་སོང༌ལྟ་བུ།2.ཕོ་བའམ་ལུས་ཁོག་གི་ཕོ་བ་ཡོད་སའི་དོན་ཏེ། (དཔེར་ན།) ལྟོ་མ་འཕྲོད་པས་དང་ག་ན་བ་ལྟ་བུ། |
| དང་ག་བདེ་བ |
ཟས་ཟ་འདོད་ཆེ་བའམ་ཟས་ལ་རྔམས་པ། མིང་གི་རྣམ་གྲངས་ལ་གྲོད་ཆེ་དང༌། ཆོག་མེད་པ། ལྟོ་ཆེ། ཚིམ་མེད་བཅས་སོ། ། |
| དང་ཐོག |
དང་པོའམ་ཐོག་མའི་དུས་ཏེ། (དཔེར་ན།) ཕྱོགས་གཉིས་ཀྱི་ལྟ་ཚུལ་དང་ཐོག་ཉིད་ནས་གཅིག་མཐུན་བྱུང་ཡོད་ཅེས་པ་ལྟ་བུ། |
| དང་དང་དོད་དོད |
(རྒྱན་ཚིག) ལས་དོན་ལ་གཟབ་པའི་ཧུར་བརྩོན་གྱི་ཚུལ་ཏེ། (དཔེར་ན།) བྱ་བ་དང་དང་དོད་དོད་ཀྱི་སྒོ་ནས་བྱས་ན་འཐུས་ཤོར་ཉུང༌ལྟ་བུ། |
| དང་དུ་ལེན |
བྱ་བ་ཞིག་བྱེད་པའམ་མི་བྱེད་པར་དམ་བཅས་པ་དང་ཁས་ལེན་པའི་དོན་ཏེ། (དཔེར་ན།) རང་དོན་ཡལ་བར་དོར་ནས། གཞན་དོན་དང་དུ་ལེན། གཞུང་དོན་དང་དུ་བླངས་ནས། རང་དོན་ཡལ་བར་དོར་ལྟ་བུ། |
| དང་དུ་ལེན་པ |
1.རང་མོས་ཀྱི་དོན་ཏེ། (དཔེར་ན།) འོས་འགན་བསྒྲུབ་རྒྱུ་དང་དུ་ལེན་པ་ལྟ་བུ། 2.ཁས་ལེན་པའི་དོན་ཏེ། (དཔེར་ན།) ཡང་དག་པའི་འགོ་ཁྲིད་དང་དུ་ལེན་པ། སྡུག་བསྔལ་དང་དུ་ལེན་ཞེས་པ་ལྟ་བུ། |
| དང་དོད |
དགའ་སྣང་གི་དོན་ཏེ། (དཔེར་ན།) བྱ་བ་དེ་བྱེད་པར་ཁོ་ལ་དང་དོད་ཆེན་པོ་འདུག་ཅེས་པ་ལྟ་བུ། |
| དང་པོ |
1.འགོ་མ་དང༌ཐོག་སྔ་མ་བཅས་ཀྱི་དོན་ཏེ། (དཔེར་ན།) ངས་དང་པོ་ནས་གསལ་པོར་བཤད་ཡོད། ཁོས་དང་པོ་ཉིད་ནས་ཁས་བླངས། ཡིན་ནའང་ཕྱིས་སུ་ལག་ལེན་བྱས་མ་སོང༌། དང་པོ་དང་ཐ་མ་ཚང་མར་འགྱུར་བ་མེད་ཅེས་པ་ལྟ་བུ།2.རིམ་པ་ལྟར་གྱི་དང་པོ་སྟེ། (དཔེར་ན།) ཐེངས་དང་པོ།. ལེའུ་དང་པོ། ཨང་དང་པོ་ལྟ་བུ། |
| དང་པོ་གསལ |
(མངོན་བརྗོད།) ནམ་ལངས་པ། |
| དང་པོ་དང་རྐྱང |
ཐོག་མ་ཉིད། |
| དང་པོ་སེམས་བསྐྱེད་པ |
རྒྱལ་སྲས་ཀྱི་ལམ་ལ་བསླབ་པའི་ཐོག་མར་བྱང་ཆུབ་མཆོག་ཏུ་སེམས་བསྐྱེད་པ། |
| དང་པོ་སྦྱོར་བའི་ཏིང་ངེ་འཛིན |
བསྐྱེད་པའི་ཏིང་ངེ་འཛིན་གསུམ་གྱི་ཡ་གྱལ་ཞིག་དཀྱིལ་འཁོར་པའི་ལྷ་སྤྲུལ་བ་པོ་གཙོ་བོ་ཡབ་ཡུམ་གྱི་ཏིང་ངེ་འཛིན་དེ་ལྷག་མ་གཉིས་ཀྱི་ཐོག་མར་བྱུང་བས་དང་པོ་དང༌། ཐབས་ཤེས་གཉིས་མེད་དུ་སྦྱོར་བས་སྦྱོར་བ་ཞེས་བྱ། |
| དང་པོའི་མགོན་པོ |
ལོངས་སྤྱོད་རྫོགས་པའི་སྐུ། |
| དང་པོའི་རྡུལ་ཅན |
(མངོན་བརྗོད།) བག་མའམ་ཁྱིམ་བདག་མོ། |
| དང་པོའི་སངས་རྒྱས |
1.གདོད་མའི་སངས་རྒྱས།2.ཀུན་བཟང་རྡོ་རྗེ་འཆང༌། |
| དང་པོར་འཁྲུངས |
(མངོན་བརྗོད།) ཤིང་ལོ་གསར་དུ་ཁ་འབུས་པ། |
| དང་བ |
1.(བྱེད་མེད་ལས་ཚིག) ཡིད་དགའ་བའམ་དད་མོས་ཀྱི་དོན་ཏེ། (དཔེར་ན།) དང་བས་ཧུར་ལེན། གཞན་གྱི་ཡོན་ཏན་ལ་དང་བ། སྤྱོད་བཟང་ལ་དང་བར་བྱ་ལྟ་བུ།2.དད་མོས་ཀྱི་སེམས་ཏེ། ( དཔེར་ན།) དང་བ་སྟོན་པ། དང་དྲག་པོ། དང་བ་འདྲེན་པ། དང་བ་མི་ཕྱེད་པ། མགྲིན་པའི་ལམ་ནས་ལེགས་པར་སྒྲོག་པ་ཡིས། ཡིད་ལ་དང་བ་མཆོག་སྐྱེད་མཛད་པ་ཁྱོད་ཅེས་པ་ལྟ་བུ།3.རྙོག་པ་མེད་པའམ་ར་རི་མེད་པ། (དཔེར་ན།) དང་བའི་གཟུགས། དང་བའི་སེམས། དང་བར་གྱུར་པའི་དམིགས་པ། མོས་གུས་དང་བའི་ཡིད་ཀྱིས་ཧུར་བརྩོན་བྱེད་ཅེས་པ་ལྟ་བུ། |
| དང་བཅས་པ |
ཆབས་ཅིག་ཏུ་ཡོད་པའི་དོན་ཏེ། (དཔེར་ན།) འཁོར་དང་བཅས་པ་ལྟ་བུ། |
| དང་བའི་དད་པ |
དད་པ་བཞིའི་ནང་གསེས་ཤིག་དད་ཡུལ་གྱི་ཡོན་ཏན་ཤེས་ནས་སྐྱེས་པའི་མོས་པ། |
| དང་བསམ་འདུས་པ |
མནའ་མ་ལེན་པའི་ལུགས་སྲོལ་ཞིག་ངའི་ནོར་དང་ཁྱོད་ཀྱི་ནོར་དབྱེ་བ་མེད་པར་འདུས་ནས་འཚོ་བའི་བཟའ་ཚང༌། |
| དང་བསྟོད |
1.དང་བས་བསྟོད་པ།2.(ཡུལ་སྐད།) དང་དོད་དང་འདྲ་སྟེ། (དཔེར་ན།) མི་འགའ་ཞིག་ཅ་ལག་ལ་དང་བསྟོད་ཆེན་པོ་ཡོད། གྱོན་པ་ལ་དང་བསྟོད་ཚ་པོ་བྱེད་ཀྱི་ཡོད་ཅེས་པ་ལྟ་བུ། |
| དང་བླངས |
དང་དུ་བླངས་པའམ་ཁས་བླངས་པའི་དོན་ཏེ། (དཔེར་ན།) དཀའ་བ་དང་དུ་བླངས་པ། དང་བླངས་ཞུ་ཡིག་ཅེས་པ་ལྟ་བུ། |
| དང་ཚུགས |
(བརྡ་རྙིང་།) དེ་མ་ཐག |
| དང་ཞེན |
དང་དོད་ཀྱི་དོན་ཏེ། (དཔེར་ན།) ལྟོ་གོས་ལ་དང་ཞེན་བྱེད་ཅེས་པ་ལྟ་བུ། |
| དང་རུ |
དང་རུས་དང་འདྲ། |
| དང་རུས |
སྒྲོག་རུས་ཀྱི་དོན་ཏེ། (དཔེར་ན།) འཕུར་འདོད་བྱིའུ་དང་རུས་ཆག བྱ་རྒོད་ཀྱི་དང་རུས་ལས་བཟོས་པའི་གླིང་བུ་ཞེས་པ་ལྟ་བུ། |
| དང་རྭ |
(བརྡ་རྙིང་།) ར་སྐོར་རམ་རྭ་བ། |
| དང་ལ |
1.རྫིང་བུ་མང་སའི་གནས་ཀྱི་མིང་།2.མཚོ་སྔོན་གྱི་ལྷོ་ནུབ་མཐའ་དང་དབུས་གཙང་གི་བྱང་ཤར་མཐའི་ས་མཚམས་ཀྱི་རི་རྒྱུད་ཅིག་གམ་ས་ཆ་ཞིག་གི་མིང་། ཡོངས་གྲགས་ལ་གདང་ལ་ཟེར། |
| དང་ལ་ཆེ |
(བརྡ་རྙིང་།) བཤད་མི་དགོས། |
| དང་ལེན |
དང་དུ་ལེན་པའི་བསྡུས་ཚིག |
| དང་ལྡན་པ |
ཆབས་ཅིག་ཏུ་ཡོད་པ་དང༌། རང་ཆས་སུ་ཡོད་པའི་དོན་ཏེ། (དཔེར་ན།) ཡོན་ཏན་དང་ལྡན་པ་ཞེས་པ་ལྟ་བུ། |
| དང་སེམས |
དགའ་སེམས་སམ་སྤྲོ་སེམས། |
| དངགས |
ངག་གི་མིང་གཞན་ཏེ། (དཔེར་ན།) སྙན་ངག་ལ་སྙན་དངགས་ཟེར་བ་ལྟ་བུ། |
| དངང |
(བྱེད་མེད་ལས་ཚིག) དངངས་ཀྱི་མ་འོངས་པ་དང་ད་ལྟ་བ། སྔངས་དང་དོན་འདྲ། འདས་པ་ལ་དངངས་འབྲི། |
| དངངས |
དངང་གི་འདས་པ། |
| དངངས་པ |
(བྱེད་མེད་ལས་ཚིག) 1>དབུགས་གློ་བུར་དུ་འཚངས་པའི་དོན་ཏེ། (དཔེར་ན།) ཆུར་ཐིམ་ནས་དབུགས་དངངས་སོང༌ལྟ་བུ། 2>སྐྲག་པའི་དོན་ཏེ། (དཔེར་ན།) ས་གཡོ་ཆེན་པོ་བརྒྱབ་དུས་ཡིང་དངངས་སོང་ཞེས་པ་ལྟ་བུ། |
| དངངས་པར་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་ལ་ཐོ་འཚམ་པའི་བསམ་པས་ཡིད་དུ་མི་འོང་བའི་འཇིགས་པ་སྣ་ཚོགས་སྟོན་པའོ། ། |
| དངངས་སྐྲག |
འཇིགས་སྐྲག་གི་དོན་ཏེ། (དཔེར་ན།) དངངས་སྐྲག་སྐྱེས་པ། དངངས་སྐྲག་ཚབ་ཚུབ། དངངས་སྐྲག་མ་སྐུལ་ཞེས་པ་ལྟ་བུ། |
| དངན་པ |
1.སྐྱོ་ནས་དབུགས་རིང་བོ་འབྱིན་པའི་སྒྲའི་མིང་། (དཔེར་ན།) དངན་པ་འཐེན། དངན་པ་ཤོར་ལྟ་བུ། 2.(བརྡ་རྙིང་།) 1>མཐུ། 2>ངན་པ། |
| དངན་འཐེན་པ |
(བརྡ་རྙིང་།) གཡར་ནོར་ཕྱིར་མི་སྤྲོད་པ། |
| དངར |
1.(རྒྱན་ཚིག) གཅིག་འཕྲོར་གཅིག་མཐུད་པའམ་གྲལ་མཉམ་པའི་དོན་ཏེ། རྒྱུན་པར་ཚར་དུ་དངར་བ་ཞེས་འབྲི། (དཔེར་ན།) དམག་དཔུང་ཚར་དུ་དངར། དངོས་རྫས་ཚར་དུ་དངར་བ། གྲུབ་འབྲས་ཚར་དུ་དངར་བ་ཞེས་པ་ལྟ་བུ། 2.མེ་ཏོག་ནང་གི་སྦྲང་རྩིའི་རྒྱུའི་མིང་ལ་འཇུག་པ་ནི། (དཔེར་ན།) ཟིལ་དངར། བུང་བས་ཟིལ་དངར་ལེན་ལྟ་བུ། |
| དངར་ཁ |
གྲལ་སྟར་གྱི་དོན་ཏེ། (དཔེར་ན།) མདུན་གྱི་དངར་ཁ། དངར་ཁ་བྱས་པ་ལྟ་བུ། |
| དངར་རོ |
མེ་ཏོག་ནང་གི་སྦྲང་རྩིའི་རྒྱུའི་རོ་མངར་མོའི་དོན་ཏེ། (དཔེར་ན།) ཟིལ་དངར། བུང་བས་ཟིལ་དངར་ལེན་ཞེས་པ་ལྟ་བུ། |
| དངུད་མོ |
ངུད་མོ་སྟེ་ཤུབ་བུར་ངུ་སྐད་སྒྲོག་པའི་དོན་ཏེ། (དཔེར་ན།) སྡུག་བསྔལ་གྱི་བསམ་པ་བཟོད་དུ་མེད་པར་དངུད་མོའི་སྒྲ་དང་བཅས་འདི་སྐད་ཅེས་ཞུས་སོ། ། |
| དངུལ |
1.རིན་ཆེན་གཉིས་པ་སྟེ། སྤུས་ཀ་མཉེན་ཞིང་མདོག་དཀར་ལ་འོད་འཚེར་བའི་ལྕགས་རིགས་ཤིག་ཡིན་ཞིང་། དྲོད་དང་གློག་རྒྱུ་སླ་བའི་དངོས་རྫས་བཟང་བོ་ཞིག་ཡིན། (དཔེར་ན།) དངུལ་མདོག དངུལ་སྡེར་ལྟ་བུ། མིང་གི་རྣམ་གྲངས་ལ་གདུང་བྱེད་དང༌། མདོག་དཀར། མདོག་ངན། རིན་ཆེན་གཉིས་པ་བཅས་སོ། །2.ཉོ་བྱེད་ཀྱི་རྫས་ཏེ། (དཔེར་ན།) དངུལ་ཁུག དངུལ་སྒམ། འབྲུ་བུན་དངུལ་ལ་ཕབ་ཅེས་པ་ལྟ་བུ། |
| དངུལ་ཀོང |
དངུལ་ལས་བཟོས་པའི་མཆོད་ཀོང༌། |
| དངུལ་ཁ |
1.དངུལ་གྱི་གཏེར་ཁ།2.དངུལ་གྱི་ཁ་ཤན། |
| དངུལ་ཁ་མ |
དངུལ་གྱི་ཁ་ཤན་བྱས་པའི་ཕོར་པ། |
| དངུལ་ཁང |
དོང་ཙེ་གསོག་འཇོག་བྱེད་པའི་བྱ་བ་དང་། དངུལ་བུན་གཏོང་བའི་བྱ་བ་སོགས་བསྒྲུབ་པའི་ལས་ཁུངས་ཀྱི་མིང་། |
| དངུལ་ཁོངས་ཁ་སྒྱུར |
དངུལ་ཕར་སྤྲོད་ཚུར་ལེན་གྱི་བདག་ཁུངས་སྒྱུར་བ། |
| དངུལ་ཁྱད |
དངུལ་གྱི་ཞོ་སྲང་བར་ཁྱད་རྩི་ཚུལ་ཞིག་ཞོ་བརྒྱད་སྐར་མ་ཕྱེད་བརྒྱད་བྱུང་བ་ན། སྲང་གི་བརྒྱད་ཆ་བདུན་དུ་འགྲོ་བ་ཡིན། ཞོ་དྲུག་སྐར་མ་ཕྱེད་བདུན་དྲུག་ཆ་གཅིག་བྱུང་ན། སྲང་གི་གསུམ་ཆ་གཉིས་སུ་འགྲོ། |
| དངུལ་གཉེར |
དངུལ་བདག་བཟུང་གཏོང་ལེན་བྱེད་མཁན། |
| དངུལ་གཏེར |
དངུལ་གྱི་གཏེར་ཁ། |
| དངུལ་གདུང |
དངུལ་གྱིས་གཏུམས་པའི་གདུང་རྟེན། |
| དངུལ་ངན་པོ |
ལྷད་འདྲེས་པའི་དངུལ་སྤུས་ཞན་པོ། |
| དངུལ་ཆད |
དངུལ་གྱི་ཉེས་ཆད། |
| དངུལ་ཆུ |
ལྕགས་རིགས་ཀྱི་རྫས་སུ་གཏོགས་པའི་གཤེར་ཁུ་དངུལ་མདོག་ལྡན་པ་ཞིག་གསེར་དངུལ་ཞ་ཉེ་སོགས་ལ་དབྱེར་མེད་དུ་འདྲེས་ཐུབ་པའི་རྫས་ཤིག་ཡིན་ཞིང་། དེ་བེད་སྤྱད་ནས་ཤེལ་གྱི་མེ་ལོང་དང་དྲོད་ཚད་འཇལ་བའི་དཔྱད་ཆས། ཞི་ཅུན་གསོད་པའི་སྨན་ཁུ་དམར་བོ་སོགས་བཟོ་ཆོག |
| དངུལ་ཆུ་གྲང་འདུལ |
དངུལ་ཆུ་དང༌། གཤའ་དཀར། ཞ་ཉེ། མར་ནག་མར་ཁུ་རྣམས་ལྷན་དུ་ལྕགས་སྣོད་ནང་བསྐོལ་ནས་ཁོལ་བའི་ཚེ་རྡོ་གཞོང་གྲང་མོའི་སྟེང་དུ་བསྣུར་ཞིང་བ་ཆུའམ་སྟར་བུའི་ཆུས་ལན་གསུམ་བཀྲུས་པ་ལ་ཟེར་ཏེ། ནུས་པས་སྦྱར་དུག་དང༌། མཆིན་ནད། བད་ཀན་སྨུག་པོ་སོགས་ལ་ཕན། |
| དངུལ་ཆུ་བཏུལ་མ |
དངུལ་ཆུ་ཚ་འདུལ་དང༌། གྲང་འདུལ་ལྟ་བུ་དུག་འདོན་དང་ལས་སྣོན་ཚར་བའི་མིང༌། |
| དངུལ་ཆུ་ཚ་འདུལ |
མུ་ཟི་སེར་པོ་ལྕགས་སྣོད་དུ་བཞུས་པའི་སྟེང་དངུལ་ཆུ་བླུགས་ནས་ལྕགས་ཐུར་གྱིས་དཀྲུགས་ཤིང་སྔོན་པོར་སོང་བའི་ཚེ་རྡོ་གཞོང་ཚན་མོར་བསྣུར་ནས་དབྱེར་མེད་དུ་འདྲེས་པའི་ཕྱེ་མ་སྔོ་ནག་ལ་ཟེར་ཏེ། ནུས་པས་གག་ལྷོག་དང༌། གཉན་གཟེར། འབྲུམ་ནག་མཛེ་འབྲས་སོགས་ལ་ཕན། |
| དངུལ་ཆུ་རྒོད་པོ |
དངུལ་ཆུ་ལ་དུག་འདོན་དང༌། ལས་སྣོན་སོགས་མ་བྱས་པ་རྣག་བཞིན་རྐྱང་པའི་མིང༌། |
| དངུལ་ཆོས |
མཐིང་ཤོག་གི་ངོས་སུ་དངུལ་བཏུལ་མས་བྲིས་པའི་ཆོས། དངུལ་བྲིས་ཀྱང་ཟེར། |
| དངུལ་ཊམ |
དངུལ་སྒོར་མོའི་བྱེ་བྲག་ཅིག |
| དངུལ་ཏིག |
ཏིག་ཏ་རིགས་བརྒྱད་ཀྱི་ནང་ཚན་མེ་ཏོག་དཀར་པོ་འཆར་བ་ཞིག་རོ་ཁ། ཞུ་རྗེས་བསིལ། ནུས་པས་མཁྲིས་ཚད་དང་སྨན་ནད་སེལ། |
| དངུལ་ཏིང |
དངུལ་ལས་བཟོས་པའི་ཡོན་ཆབ་འབུལ་སྣོད་ཏིང་ཕོར། |
| དངུལ་ཏིབ |
(ཡུལ་སྐད།) དངུལ་ལས་བཟོས་པའི་ཇ་ཆང་གི་སྣོད། |
| དངུལ་ཏེལ |
དངུལ་ལས་བཅོས་པའི་ནད་དམིགས་སྲེག་བྱེད་ཀྱི་ཏེལ་པ་ནུས་པས་འབྲས་ནད་དང༌། རྩ་དཀར་སོགས་ཀྱི་ནད་ལ་ཕན། |
| དངུལ་ཐག |
དངུལ་གྱིས་བཟོས་པའི་ལུང་ཐག |
| དངུལ་ཐལ |
དངུལ་སྦྲང་གཤོག་ལྟར་བརྡུངས་ནས་བསྲེགས་པའི་ཐལ་བ་ལ་ཟེར། རོ་བསྐ། ཞུ་རྗེས་བསིལ། ནུས་པས་ཤ་རོ་དང༌། རྨེན་བུ། འབྲས་ནད་རྣམས་འཇོམས། དམུ་ཆུ་སྐེམ། དངུལ་ཆུའི་ནུས་པ་སྲུང༌། |
| དངུལ་ཐུམ |
རྟེན་འབྲེལ་དང་དགའ་སྟོན་གྱི་སྐྱེས་སུ་སྤྲོད་པའི་དངུལ་རས་དཀར་སོགས་ཀྱིས་གཏུམས་པའི་ཐུམ་བུ། |
| དངུལ་ཐུར |
1.དངུལ་གྱི་ཐུར་མ།2.དངུལ་གྱིས་བཟོས་པའི་ཁྱེམ་བུ། |
| དངུལ་དམ |
1.དངུལ་གྱི་དམ་བེ།2.དངུལ་ལས་བཟོས་པའི་དམ་ག |
| དངུལ་དུང |
དངུལ་གྱིས་བཟོས་པའི་དུང་ཆེན། |
| དངུལ་དུལ་མ |
དངུལ་བཞུས་པའམ། བརྡུངས་པའི་སྦྱངས་མ། |
| དངུལ་ཕག |
དངུལ་ལུགས་མ་ས་ཕག་གི་དབྱིབས་ཅན། |
| དངུལ་ཕོགས |
1.དངུལ་གྱི་ཐོག་ནས་སྤྲད་པའི་ཕོགས།2.སྔར་དགོན་སྡེ་རྣམས་ནས་དངུལ་བུན་བཏང་བའི་སྐྱེད་ཐོག་ནས་གྲྭ་པ་རྣམས་ལ་སྤྲོད་པའི་དངུལ་ཕོགས། |
| དངུལ་ཕོར |
1.དངུལ་ལས་བཟོས་པའི་འཐུང་སྣོད་ཚགས་རིས་མ།2.དངུལ་ཤན་བརྒྱབ་པའི་ཤིང་ཕོར། |
| དངུལ་བཟོ་བ |
དངུལ་སྤྱད་རྡུང་མཁན། |
| དངུལ་བརྗེས |
ས་གནས་ཤིག་གིས་དངུལ་ཁང་ངམ་སྦྲགས་ཁང་དུ་དངུལ་སྤྲད་ནས་ས་གནས་གཞན་ཞིག་གི་དངུལ་ཁང་ནས་ཚུར་ལེན་པའམ། དངུལ་གྱི་འཛའ་ཐང་མི་འདྲ་བའི་ཡུལ་ཕན་ཚུན་གྱི་དངུལ་བརྗེས་པའི་དོན། (དཔེར་ན།) དངུལ་བརྗེས་གཏོང་གླ། དངུལ་བརྗེས་འབྱོར་བྱུང༌ཞེས་པ་ལྟ་བུ། |
| དངུལ་བུན |
དངུལ་གཡར་བའི་བུ་ལོན། |
| དངུལ་བོགས |
དངུལ་རྐྱང་འཇལ་སྤྲོད་བྱེད་པའི་བོགས་མ། |
| དངུལ་བྱེད |
(མངོན་བརྗོད།) དངུལ་ཆུ། |
| དངུལ་བྲན |
དངུལ་བེད་སྤྱོད་མི་ནུས་པར་ལག་པས་དམ་པོར་འཛིན་པའམ། སྲུང་བ་ལྟ་བུའི་བྲན་གཡོག་སེར་སྣ་ཅན་ལ་སྨོད་པའི་ཚིག་ཅེས་པ་ལྟ་བུ། |
| དངུལ་བྲིས |
དངུལ་བཏུལ་མས་བྲིས་པའི་ཆོས་དཔེ། དངུལ་ཆོས་ཀྱང་ཟེར། (དཔེར་ན།) དཔེ་ཆ་དངུལ་བྲིས་མ་ཞེས་པ་ལྟ་བུ། |
| དངུལ་མདུང |
སྨིན་དབྲག་གི་དཀྱིལ་ནས་གཡོན་ངོས་སུ་ཚོན་གང་རེ་གཞལ་བ་དང༌། དེ་ནས་གྱེན་དུ་ཚོན་དོ་གཞལ་བའི་སྐྲ་མཚམས་སུ་ཡོད་པའི་ཁྲག་རྩ་ཞིག་དེ་གཏར་ན་མིག་ནད་དང༌། མིག་གི་རྫི་མ་བྱི་བ་སོགས་ལ་ཕན། |
| དངུལ་མདོང |
དངུལ་ཤན་བརྒྱབ་པའི་སྣོད་སྤྱད་མདོང་མོ། |
| དངུལ་མཛོད |
དངུལ་འཇོག་སའི་མཛོད་ཁང༌། |
| དངུལ་ཚགས |
དངུལ་ཆས་ཀྱི་ཚགས་རིས། |
| དངུལ་ཞུན་མ |
དངུལ་བཞུས་ནས་བྱུང་བའི་ཁུ་བ། |
| དངུལ་ཟིལ |
1.དངུལ་རྡོ་བཞུས་ནས་དངུལ་ལེན་པའི་ཞར་ལ་ཐོན་པའི་རྫས་ཤིག་སྨན་བྱེད་ཆོག།2.ཆུའི་ཟིལ་བ་དྭངས་ཤིང་གསལ་བའི་དཔེ། (དཔེར་ན།) རྩྭ་རྩེའི་དངུལ་ཟིལ་འོད་ལམ་ལམ་ཞེས་པ་ལྟ་བུ། |
| དངུལ་འཁྲོལ |
དངུལ་ལྷག་འཁྲོལ། |
| དངུལ་འགྱེད |
དངུལ་གྱི་སྐུ་འགྱེད་དེ། (དཔེར་ན།) དགེ་འདུན་པ་ཚོར་སྲང་གསུམ་གསུམ་བྱས་ནས་དངུལ་འགྱེད་གཏོང་བ་ལྟ་བུ། |
| དངུལ་འབབ |
གཏོང་ཡོང་གི་དངུལ་འབོར། |
| དངུལ་འབུམ |
1.དངུལ་ལས་བཟོས་པའི་མཆོད་རྟེན།2.དངུལ་ཕྱེ་ལས་བྲིས་པའི་ཤེར་ཕྱིན་འབུམ། |
| དངུལ་འབོར |
དངུལ་བསྡོམས་འབོར་གྱི་གྲངས་ཀ |
| དངུལ་འཛའ |
དངུལ་ཐང་གི་བར་ཁྱད། |
| དངུལ་འཛིན |
དངུལ་འཇོག་ལེན་གྱི་འཛིན་ཡིག |
| དངུལ་འོ་ཁ་མ |
དངུལ་མདོག་གི་བྱེ་བྲག་ཅིག |
| དངུལ་རྐྱང |
1.སྤྲོད་ལེན་བྱ་རྒྱུའི་དངོས་ཟོག་གཞན་མིན་པའི་ལག་དངུལ།2.རྒྱུ་ཆ་གཞན་བསྲེས་མེད་པའི་དངུལ་སྤུས་གཙང༌། |
| དངུལ་རྐྱན |
ཆང་འདྲེན་བྱེད་དངུལ་ལས་བཟོས་པའི་རྐྱན་བུ་ཚག་རིས་མ། |
| དངུལ་རྟ་རྨིག་མ |
རྟའི་རྨིག་པ་འདྲ་བའི་དངུལ་ལུགས་མ། |
| དངུལ་རྡོ |
རྡོ་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་རུས་ཆག་གསོ། ཆུ་སེར་སྐེམ། |
| དངུལ་རྡོ་ཚད |
བོད་དངུལ་སྲང་ལྔ་བཅུ། |
| དངུལ་རྩ |
དངུལ་གྱི་མ་རྩ། |
| དངུལ་ལུགས་མ |
ལུགས་བརྒྱབ་པའི་དངུལ། |
| དངུལ་ལོར |
དངུལ་གྱི་ཚབ་ཏུ་སྤྲོད་ལེན་བྱེད་པའི་ཤོག་དངུལ། |
| དངུལ་ལྟིར |
དངུལ་ལས་བཟོས་པའི་ཁོག་ལྟིར། |
| དངུལ་ལྷད་ཅན |
ལྷད་འདྲེས་པའི་དངུལ། |
| དངུལ་ཤན་མ |
ནང་རྒྱ་ཁ་ཞབས་བཅས་ལ་དངུལ་ཤན་གཡོགས་པའི་ཕོར་པ། |
| དངུལ་ཤོག |
ཤོག་བུ་བཞིན་དུ་བཟོས་པའི་དངུལ། |
| དངུལ་སིལ་མ |
དངུལ་རྩག་རྩིག |
| དངུལ་སྐུ |
དངུལ་ལས་བཞེངས་པའི་སྐུ་འདྲ། |
| དངུལ་སྐུད |
1.དངུལ་གྱིས་བཟོས་པའི་སྐུད་པ།2.སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་གློ་མཆིན་གྱི་ཚད་པ་དང༌། རྩ་ཚད་དུག་ཚད་སོགས་ལ་ཕན། |
| དངུལ་སྐྱེད |
དངུལ་བུན་གྱི་སྐྱེད་ཁའི་དོན་ཏེ། (དཔེར་ན།) དངུལ་སྐྱེད་གྲངས་ཚང་འབུལ་དགོས་ལྟ་བུ། |
| དངུལ་སྒོར |
དངུལ་གྱིས་བཟོས་པའི་སྒོར་མོ་སྟེ། སྔོན་ཆད་དངུལ་གྱིས་བཟོས་པའི་དོང་ཙེ་ཞིག་གི་མིང་། |
| དངུལ་སྤྱད |
དངུལ་གྱི་ཡོ་བྱད། |
| དངུལ་སྦྱངས་མ |
ལྷད་སྐྱོན་མེད་པའི་དངུལ་རྐྱང་ངམ་བཙོ་སྦྱངས་བྱས་པའི་དངུལ། |
| དངུལ་སྨར་རྐྱང |
དངུལ་རྐྱང་པ། |
| དངུལ་སྲང |
དངུལ་འདེགས་ཚད་དམ། གྲངས་ཚད་འཇལ་བྱེད། |
| དངུལ་ཧྲོབ་ཧྲོབ |
ཞིབ་ཞིབ་དང་ཡོ་བྱད་བཟོས་མ་ཚར་བའི་དངུལ། |
| དངོ |
1.ངོགས་སམ་འགྲམ་གྱི་དོན་ཏེ། (དཔེར་ན།) ཆུའི་དངོ་ཞེས་པ་ལྟ་བུ།2.གྲིའི་ཁ་ཡི་དོན་ཏེ། (དཔེར་ན།) གྲི་དངོ་རྣོན་པོ་ཞེས་པ་ལྟ་བུ།3.རྟ་ལྕག་གི་འབྲེང་ཐག རྟ་ལྕག་གི་དངོ་། |
| དངོམ |
རྔམ་གྱི་འབྲི་ཚུལ་གཞན་ཏེ། (དཔེར་ན།) རྔམ་བརྗིད་ཆེ་བ་ལ་དངོམ་བརྗིད་ཆེ་བ་ཟེར་བ་ལྟ་བུ། |
| དངོམ་ཆེན་པོ |
རྩ་ཆེན་ནམ། རིན་ཐང་ཆེན་པོ། |
| དངོས |
1.ལྐོག་གྱུར་མིན་པའི་མངོན་སུམ་གྱི་དོན་ཏེ། (དཔེར་ན།) དངོས་འཐབ་འཇབ་འཛིངས་བྱེད། དངོས་ནས་མདུང་ཕེན་པ་དང་ལྐོག་ནས་མདའ་འཕེན་པ། རྣམ་འགྱུར་དངོས་སུ་སྟོན་པ། མང་ཚོགས་ཀྱི་མདུན་དུ་དངོས་སུ་ཁས་བླངས་ལྟ་བུ།2.བརྒྱུད་པ་མིན་པའི་ཐད་ཀར་དང་རང་ཉིད་ཀྱི་དོན་ཏེ། (དཔེར་ན།) དངོས་བརྒྱུད་གང་གཟབ་ཀྱིས་ཡོང་ཐབས་བྱེད་པ། རྣ་བས་དངོས་ཐོས་དང༌། མིག་གིས་དངོས་མཐོང༌། ཞལ་རས་དངོས་སུ་མཇལ་ཞེས་པ་ལྟ་བུ།3.སྦྱོར་མཇུག་གཉིས་མིན་གྱི་དངོས་གཞིའམ་གཞུང༌སྟེ། (དཔེར་ན།) ཚོགས་འདུ་དངོས་སུ་འཚོགས་པ། ལས་ཁུངས་གསར་པ་དངོས་སུ་བཙུགས་པ། གཞུང་དོན་དངོས། དངོས་ཀྱི་དོན་ལྟ་བུ།4.བཅོས་མའམ་རྫུན་མ་ཡིན་པའི་བདེན་པ་དང་ངོ་མའི་དོན་ཏེ། (དཔེར་ན།) དངོས་དང་སྒྱུ་མ་གང་ཡིན་མི་ཤེས་པ། དངོས་རྫུན་དབྱེ་བ་འབྱེད་དཀའ་བ། བྱ་སྤྱོད་དངོས་ལ་བལྟ་ལྟ་བུ། |
| དངོས་ཀྱི་ཉེར་ལེན |
རང་གི་རྫས་རྒྱུན་དུ་རྫས་སུ་གཙོ་བོར་དངོས་སུ་སྐྱེད་བྱེད་དེ། རང་གིས་ཉེ་བར་ལེན་བྱའི་འབྲས་བུ་དེ་ཉིད་དངོས་སུ་སྐྱེད་པར་བྱེད་པ། (དཔེར་ན།) བུད་ཤིང་གི་སྐད་ཅིག་ཐ་མ་སོལ་བའི་དངོས་ཀྱི་ཉེར་ལེན་ཡིན་པ་ལྟ་བུའོ། ། |
| དངོས་ཀྱི་མ་ངེས་པའི་རྟགས |
ཐུན་མོང་གི་མ་ངེས་པའི་རྟགས་གང་ཞིག་གང་ལ་རྟགས་སུ་སོང་བའི་རྒོལ་བས་རྟགས་མཐུན་ཕྱོགས་དང་མི་མཐུན་ཕྱོགས་གཉིས་ཀ་ལ་ཡོད་ཅིང་ཡོད་པ་ལྟར་བློས་ཀྱང་མཐོང་བའོ། ། |
| དངོས་ཀྱི་མ་ངེས་པའི་རྟགས་བཞི |
ཐུན་མོང་བའི་མ་ངེས་པའི་རྟགས་ལས་དངོས་ཀྱི་མ་ངེས་པའི་རྟགས་བཞི་མཐུན་ཕྱོགས་ལ་ཁྱབ་བྱེད་མི་མཐུན་ཕྱོགས་ལ་རྣམ་གཉིས་སུ་འཇུག་པ་དང༌། མི་མཐུན་ཕྱོགས་ལ་ཁྱབ་བྱེད་མཐུན་ཕྱོགས་ལ་རྣམ་གཉིས་སུ་འཇུག་པ་དང༌། མཐུན་མི་མཐུན་ཕྱོགས་གཉིས་ཀ་ལ་རྣམ་པ་གཉིས་གཉིས་སུ་འཇུག་པ་བཅས་སོ། ། |
| དངོས་གནས |
དོན་དངོས་ཡིན་པའི་དོན་ཏེ། (དཔེར་ན།) སྐད་ཆ་དངོས་གནས། དངོས་གནས་ཁུངས་དག་ཅེས་པ་ལྟ་བུ། |
| དངོས་གནས་དྲང་གནས |
བདེན་པ་བདེན་རྐྱང༌གི་དོན་ཏེ། (དཔེར་ན།) བསམ་འཆར་གང་ཡོད་དངོས་གནས་དྲང་གནས་བཤད་དགོས། ལས་དོན་གང་ཅི་གཡོ་ཟོལ་མེད་པ་དངོས་གནས་དྲང་གནས་བྱས་ན་གྲུབ་འབྲས་བཟང་པོ་ཐོན་ཡོང༌ཞེས་པ་ལྟ་བུ། |
| དངོས་གཙང |
སྤུས་དག་གམ་རྣམ་པར་དག་པའི་དོན་ཏེ། (དཔེར་ན།) བསམ་པ་དངོས་གཙང༌། ཁ་བཏགས་དངོས་གཙང༌། རྒྱན་གོས་དངོས་གཙང༌། གཞན་ཕན་གྱི་ལས་དོན་དངོས་གཙང༌ཞེས་པ་ལྟ་བུ། |
| དངོས་གཞི |
ལས་དོན་ངོ་མ་ཚོགས་འདུ་དངོས་གཞི། (དཔེར་ན།) མཛད་སྒོ་དངོས་གཞི། གཞུང་གི་དངོས་གཞི། བསམ་གཏན་གྱི་དངོས་གཞི། ཏིང་ངེ་འཛིན་གྱི་དངོས་གཞིར་སྙོམས་པར་ཞུགས་པ་ལྟ་བུ། |
| དངོས་གཞིའི་གནས་སྐབས |
སྦྱོར་དངོས་མཇུག་གསུམ་གྱི་ཡ་གྱལ་ཞིག་སྟེ། གྲ་སྒྲིག་འཐུས་ཚང་བྱས་ནས་དངོས་གཞིའི་གནས་སྐབས་སུ་སླེབས་པའི་དོན། |
| དངོས་གསལ |
སྒྲིབ་མེད་མངོན་སུམ་དུ་གྱུར་པའི་དོན་ཏེ། (དཔེར་ན།) བྱས་རྗེས་དངོས་གསལ། གནས་ཚུལ་དངོས་གསལ། མིག་ལམ་ལ་དངོས་གསལ་དོད་པོ་བྱུང་འདུག བྱ་བ་དངོས་གསལ་བསྒྲུབས་འདུག་ཅེས་པ་ལྟ་བུ། |
| དངོས་གྲུབ |
1.སྦྱོར་བ་ཉེར་བདུན་གྱི་ནང་གསེས་ཤིག2.མན་ངག་བསྒྲུབས་ནས་གྲུབ་པའི་དགོས་འདོད་ཀྱི་ལེགས་འབྲས། |
| དངོས་གྲུབ་གཉིས |
མཆོག་གི་དངོས་གྲུབ་དང༌། ཐུན་མོང་གི་དངོས་གྲུབ་གཉིས། |
| དངོས་གྲུབ་བརྒྱད |
རལ་གྲི་དང༌། རིལ་བུ། མིག་སྨན། རྐང་མགྱོགས། བཅུད་ལེན། མཁའ་སྤྱོད། མི་སྣང་བ། ས་འོག་བཅས་ཀྱི་དངོས་གྲུབ་སྟེ་ཐུན་མོང་བའི་དངོས་གྲུབ་བརྒྱད། |
| དངོས་གྲུབ་མཆོད་རྟེན |
མཆོད་རྟེན་གྱི་བྱེ་བྲག་ཅིག |
| དངོས་ངན་པོ |
1.མདོག་དབྱིབས་མི་སྡུག་པ།2.ཤ་རིད་པའམ་སྐམ་པ། |
| དངོས་ཆས |
དངོས་པོའི་ཡོ་བྱད་ཀྱི་མིང་སྟེ། (དཔེར་ན།) དངོས་ཆས་བརླག་སྟོར་བོར་གསུམ་མེད་པར་བསྡད་འདུག་ཅེས་པ་ལྟ་བུ། |
| དངོས་ཉམས་རྨི་ལམ |
མཐོང་ཐོས་དངོས། ཚོར་བའི་ཉམས་སྣང༌། གཉིད་ཀྱི་རྨི་ལམ། |
| དངོས་ཐོ |
ཅ་ལག་ཇི་ཡོད་ཀྱི་ཐོ། |
| དངོས་ཐོབ་ཀྱི་དགའ་བ |
དགའ་བའི་རྒྱན་གྱི་ནང་གསེས་ཤིག་གཟུགས་བརྙན་ཙམ་མིན་པར་དགའ་བ་སྐྱེ་བའི་རྒྱུ་ཁྱད་འཕགས་ཀྱི་གཟུགས་དངོས་སུ་མཐོང་བ་ལས་འབྲས་བུ་དགའ་བ་ཐོབ་པར་སྟོན་པའི་རྒྱན་ཞིག |
| དངོས་དངོས་རྗེན་རྗེན |
གསལ་གསལ་བདེན་བདེན་གྱི་དོན་ཏེ། (དཔེར་ན།) གནས་ལུགས་ཡོང་རྐྱེན་ཚང་མ་དངོས་དངོས་རྗེན་རྗེན་བཤད་ནས་གནད་དོན་གསལ་པོར་རྟོགས་ཞེས་པ་ལྟ་བུ། |
| དངོས་དུག |
ཐོག་མ་ནས་དངོས་པོ་རང་ཉིད་ཀྱི་ངོ་བོ་དུག་ཡིན་པ་བཙན་དུག་དང༌། ཐང་ཕྲོམ་ལྟ་བུའོ། ། |
| དངོས་དོན |
དོན་གནད་ངོ་མ། དངོས་དོན་ངོ་མ། |
| དངོས་པོ |
1.ནོར་རྫས་དང༌། ཅ་ལག་གམ། ཡོ་བྱད་ཀྱི་དོན་ཏེ། (དཔེར་ན།) སེམས་དང་དངོས་པོ་འབྲེལ་མེད་སོ་སོ་མིན། སྒེར་གྱི་དངོས་པོ། ཡིད་དུ་འོང་བའི་དངོས་པོ། རུང་བའི་དངོས་པོ། རུང་ཁང་དངོས་པོ། ཉེར་མཁོའི་དངོས་པོ་ཙག་ཙིག འཚོ་བའི་དངོས་པོ་ཞེས་པ་ལྟ་བུ། མིང་གི་རྣམ་གྲངས་ལ་དབྱིག་དང༌། ཟང་ཟིང༌། དཀོར་བཅས་སོ། །2.དོན་བྱེད་ནུས་པ་སྟེ། རང་འཛིན་ཤེས་པ་དང༌། རང་གི་རྒྱུན་ཕྱི་མ་ལ་སོགས་པའི་རང་འབྲས་སྐྱེད་པའི་དོན་བྱེད་ནུས་པའི་གཟུགས་ཤེས་ལྡན་མིན་འདུ་བྱེད་རྣམས་སོ། །3.(མངོན་བརྗོད།) ཤིང་ཁྱི་ལོ། |
| དངོས་པོ་གཉིས |
རྒྱུ་དང་འབྲས་བུ་གཉིས། |
| དངོས་པོ་གཞན |
རྟགས་འཇུག་སྐབས་བདག་གཞན་གཉིས་སུ་ཕྱེ་བའི་གཞན་ཏེ། ལས་གང་རུང་གི་བསྒྲུབ་བྱའི་ཡུལ་ལམ་ལས་ཀྱི་དངོས་པོ་དང༌། བྱ་བའི་ལས་ཀྱི་དངོས་པོ་ལ་ཟེར། (དཔེར་ན།) ངས་སྟ་རེས་ཤིང་གཅད་པར་བྱ་ཞེས་བརྗོད་པའི་ཚེ། ཤིང་ནི་ཡུལ་ལམ་ལས། གཅད་པར་བྱ་ནི་བྱ་བའི་ལས་ཏེ། དེ་གཉིས་དངོས་པོ་གཞན་ཡིན། |
| དངོས་པོ་གཞན་འགྱུར་སྨྲ་བ |
བཙུན་པ་ཆོས་སྐྱོབ་ཀྱི་ལུགས་ཡིན་ཏེ། དེས་མྱུ་གུ་ལྟ་བུ་མ་འོངས་པ་ནས་ད་ལྟ་བ་དང༌། ད་ལྟ་བ་ནས་འདས་པར་འཇུག་པའི་ཚེ་རྫས་གཞན་དུ་མི་འགྱུར་ཡང་དངོས་པོ་གཞན་དུ་འགྱུར་བར་ཁས་ལེན་པ་དང༌། གསེར་སྣོད་བཅོམ་ནས་རྒྱན་བྱས་ཚེ་ཁ་དོག་མི་འགྱུར་ཡང་དབྱིབས་གཞན་དུ་འགྱུར་བ་དང༌། འོ་མ་ཞོར་གྱུར་ཚེ་རོ་ནུས་འགྱུར་ཡང་ཁ་དོག་གཞན་དུ་མི་འགྱུར་བ་བཞིན་ནོ། ། |
| དངོས་པོ་ཉེ་བར་དགོད་པ |
1.དངོས་པོའི་རང་བཞིན་བརྗོད་པ།2.ཅ་ལག་ཉེ་སར་འཇོག་པ། |
| དངོས་པོ་བདག |
རྟགས་འཇུག་སྐབས་བདག་གཞན་གཉིས་སུ་ཕྱེ་བའི་བདག་ལས་གང་རུང་གི་བྱེད་པ་པོའི་གང་ཟག་དང༌། བྱེད་པའི་ཡོ་བྱད། བྱེད་པའི་ལས་རྩོལ་བཅས་ལ་ཟེར། (དཔེར་ན།) ཁོས་སྨྱུ་གུས་ཡི་གེ་འབྲི་བ་ཞེས་བརྗོད་པའི་ཚེ། ཁོ་ནི་བྱེད་པ་པོ་དང༌། སྨྱུ་གུ་ནི་བྱེད་པ། འབྲི་བ་ནི་བྱེད་ལས་ཏེ། དེ་རྣམས་དངོས་པོ་བདག་ཡིན། |
| དངོས་པོ་མེད་པ |
རང་གི་མཚན་ཉིད་ཀྱིས་མ་གྲུབ་པའམ། དོན་བྱེད་མི་ནུས་པ། |
| དངོས་པོ་མེད་པ་སྟོང་པ་ཉིད |
འདུས་མ་བྱས་ནམ་མཁའ་ལ་སོགས་པ་དང་མྱང་འདས་རྣམས་སྟོང་གཞིར་བྱས་པའི་ཆོས་ཉིད་དེ། སྟོང་ཉིད་བཅོ་བརྒྱད་ཀྱི་ནང་ཚན་ཞིག |
| དངོས་པོ་མེད་པའི་ངོ་བོ་ཉིད་སྟོང་པ་ཉིད |
དངོས་པོ་དང་དངོས་མེད་རང་བཞིན་ནམ་བདེན་པས་སྟོང་པ་སྟེ་སྟོང་ཉིད་བཅུ་དྲུག་གི་ནང་ཚན་ཞིག |
| དངོས་པོ་རང་ལྡོག |
དངོས་པོ་རང་ཡིན་པའི་ཆ། (དཔེར་ན།) བུམ་པ་རང་ཡིན་གྱི་ཆ་བུམ་པའི་རང་ལྡོག་ཡིན་པ་ལྟ་བུ་དངོས་པོའི་ལྡོག་པ་དང༌། དངོས་པོ་དང་གཅིག་བཅས་དོན་གཅིག་མིང་གི་རྣམ་གྲངས་སོ། ། |
| དངོས་པོ་སྟོང་པ་ཉིད |
དངོས་པོ་སྟེ་ཕུང་པོ་ལྔའི་སྟེང་གི་ཆོས་ཉིད། |
| དངོས་པོ་སྟོབས་ཞུགས་ཀྱི་རྟགས |
རྟགས་དེ་ཡོད་ན་བསྒྲུབ་བྱ་དེ་ཡོད་པ་དང༌། རྟགས་དེ་ཡིན་ན་བསྒྲུབ་བྱ་དེ་ཡིན་དགོས་པ་མིང་གིས་བཞག་པ་ཙམ་མིན་པར་རྟགས་དང་བསྒྲུབ་བྱ་གཉིས་ཀྱི་དངོས་པོ་རང་གི་ཆོས་ཉིད་དང་གཤིས་ལ་གྲུབ་པའི་རྟགས་ཀྱི་སྦྱོར་བའོ། ། |
| དངོས་པོ་སྨྲ་བ |
དངོས་པོ་ཡོད་པར་སྨྲ་བ་སྟེ། བདེན་གྲུབ་ཀྱི་དངོས་པོ་ཡོད་པར་ཁས་ལེན་པའི་གྲུབ་མཐའ་སྨྲ་བ། |
| དངོས་པོའི་གནས |
སྒྲའི་གནས་བརྒྱད་ཀྱི་བརྒྱད་པ། དོན་གྱི་དངོས་གཞི་རྟོགས་པར་བྱེད་པ། (དཔེར་ན།) བརྡ་སྤྲོད་པའི་གཞུང་སུམ་ཅུ་པ་ལྟ་བུ། |
| དངོས་པོའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དང་དོན་གཉིས་ཀྱི་ཁྱད་ཆོས་འདྲ་བ་དངོས་སུ་མི་སྟོན་ཞིང༌། དེའི་ངོ་བོ་འདྲ་བ་དངོས་སུ་བསྟན་ནས་མཚུངས་གསལ་གྱི་སྒྲ་ཚིག་གི་མཐའ་མར་འཇོག་པའི་རྒྱན་ཞིག |
| དངོས་པོའི་བསྐལ་དོན |
རང་བཞིན་གྱི་བསྐལ་དོན་ནོ། ། |
| དངོས་པོའི་མཐའ་ལ་དམིགས་པ |
ཁྱབ་པའི་དམིགས་པ་བཞིའི་གྲས་ཤིག་སྟེ་འདི་ཙམ་དུ་ཟད་ཀྱི་འདི་ལས་གཞན་མེད་དོ་ཞེས་པའི་ཇི་སྙེད་པའི་དངོས་པོའི་མཐའ་དང༌། འདི་ཁོ་ན་ལྟར་གནས་ཀྱི་གཞན་དུ་མི་གནས་སོ་ཞེས་པའི་ཇི་ལྟ་བའི་དངོས་པོའི་མཐའ་གཉིས་སོ། དཔེར་ན་བདེན་བཞིར་ཤེས་བྱའི་དངོས་པོ་ཐམས་ཅད་འདུས་ཀྱི། དེ་ཕན་ཆད་དུ་གཞན་མེད་པའོ་ཞེས་དང༌། ཆོས་ཐམས་ཅད་རང་བཞིན་གྱིས་སྟོང་པའོ་དེ་མིན་ཚེ་གཞན་མིན་ནོ་ཞེས་པ་ལྟ་བུའོ། ། |
| དངོས་པོའི་ལོངས་སྤྱོད |
ནོར་རྫས་ཀྱི་ལོངས་སྤྱོད། |
| དངོས་པོའི་ལྡོག་པ |
དངོས་པོ་དང་ཐ་དད་ལས་ལོག་པའི་ཆོས། (དཔེར་ན།) དངོས་པོའི་ལྡོག་པ་ལྟ་བུའོ། ། |
| དངོས་པོའི་སྐུར་མ |
ནོར་རྫས་ཀྱི་སྐྱེས། |
| དངོས་པོའི་སྟེར་ཆ |
བྱ་དགའ་སོགས་ལ་སྟེར་བའི་རྫས། |
| དངོས་པོའི་སྟོབས་ཞུགས་ཀྱི་རྟགས |
རྟགས་ཡང་དག་གསུམ་གྱི་ནང་གསེས། ས་བོན་ལས་མྱུ་གུ་དང༌། མེ་ལས་དུ་བ་འབྱུང་བ་ནི་དངོས་པོ་རང་གི་རང་བཞིན་ནམ་ཆོས་ཉིད་ཡིན་པ་དང༌། བྱས་པ་ཡིན་ན་མི་རྟག་པ་ཡིན་པའང་དངོས་པོ་རང་ཉིད་ཀྱི་རང་བཞིན་ཆོས་ཉིད་ཀྱི་སྟོབས་སུ་ཞུགས་པའི་རྟགས་སོ། ། |
| དངོས་ཕན |
ལག་ཐོག་ཏུ་ཕན་པའམ་གོ་ཆོད་པོ། |
| དངོས་ཕེབས |
ངོ་ཕེབས། |
| དངོས་བཏགས |
1.ངོ་མ་དང་རྫུན་མ། 2.དངོས་མིང་དང་བཏགས་མིང༌། |
| དངོས་བདག |
དངོས་པོའི་བདག་པོ། |
| དངོས་བདེན |
དངོས་གནས་དྲང་བདེན་གྱི་དོན་ཏེ། (དཔེར་ན།) དོན་དེ་ནི་དངོས་བདེན་ཞིག་ལས་བཅོས་མ་ཞིག་མིན་ལྟ་བུ། |
| དངོས་བསྟན |
ངག་ལམ་མམ། ཡིག་ལམ་གང་རུང་གིས་དངོས་སུ་གསལ་པོར་ཟིན་པའི་ཚིག་དོན། |
| དངོས་མ |
བཅོས་མ་མིན་པའམ་སླད་འདྲེས་མེད་པའི་དངོས་པོའི་མིང་། (དཔེར་ན།) བྱུ་རུ་དངོས་མ་དང་བརྫུས་མ་ཞེས་པ་ལྟ་བུ། མིང་མཐའ་བསྡུས་ན་དངོས་ཞེས་འབྲི་ཆོག་སྟེ། (དཔེར་ན།) སྦྲང་ཆང་ཞིམ་མངར་སྦྲང་རྩི་དངོས་དང་འདྲ་ལྟ་བུ། |
| དངོས་མཐོང |
དངོས་གནས་གསལ་མཐོང༌གི་དོན་ཏེ། (དཔེར་ན།) མ་ཤི་དངོས་མཐོང༌ཞེས་པ་ལྟ་བུ། |
| དངོས་མཐོང་གཟུགས་གྲུབ |
མིག་གིས་མངོན་སུམ་མཐོང་ཞིང༌། བལྟ་བྱའི་གཟུགས་ཅན་དུ་ཡང་གྲུབ་པའི་དོན་ཏེ། (དཔེར་ན།) དེའི་ལེགས་ཉེས་རྣམ་པའི་ཁྱད་པར་དངོས་མཐོང་གཟུགས་གྲུབ་ཡིན་ལྟ་བུ། |
| དངོས་མཐོང་བདེན་རྟོགས |
མངོན་སུམ་མཐོང་ནས་བདེན་པར་ཤེས་པའི་དོན་ཏེ། (དཔེར་ན།) གནས་ཚུལ་ཚང་མ་དངོས་མཐོང་བདེན་རྟོགས་ཀྱིས་ཡིད་ཆེས་བརྟན་པོ་ཐོབ་བྱུང༌ཞེས་པ་ལྟ་བུ། |
| དངོས་མིང |
མིང་འདོགས་ཚུལ་གྱི་བྱེ་བྲག་ཅིག་སྟེ། འདྲ་འབྲེལ་གང་རུང་གི་རྒྱུ་མཚན་ལ་མ་བརྟེན་པར་འདོད་རྒྱལ་གྱིས་ཐོག་མར་བརྡ་སྦྱར་བའི་མིང་གང་ཞིག་དོན་དེ་ཐུན་མོང་མ་ཡིན་པར་གོ་བར་བྱེད་ནུས་པ། (དཔེར་ན།) ནོག་དང་ལྐོག་ཤལ་ཅན་ལ་བ་ལང་ཞེས་བརྗོད་པ་ལྟ་བུའོ། ། |
| དངོས་མེད |
དོན་བྱེད་ནུས་སྟོང་སྟེ་དོན་བྱེད་མི་ནུས་པ། (དཔེར་ན།) ནམ་མཁའ་ལྟ་བུ་འདུས་མ་བྱས་པའི་ཆོས་སོ། ། |
| དངོས་མེད་ངོ་བོ་ཉིད་དུ་ཤེས་པའི་མཐར་གྱིས་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། ཆོས་ཐམས་ཅད་དོན་དམ་པར་ངོ་བོ་ཉིད་མེད་པར་རྟོགས་ནས་རིམ་གྱིས་སྒོམ་པའོ། ། |
| དངོས་མྱོང |
དངོས་སུ་ཐོབ་པའི་ཉམས་མྱོང༌། |
| དངོས་ཟོག |
ཅ་ལག་གི་དོན་ཏེ། (དཔེར་ན།) དངོས་ཟོག་སྐྱེལ་འདྲེན། དངོས་ཟོག་མངག་གཏམ། དངོས་ཟོག་འཇུག་འདོན། དངོས་ཟོག་དོམ་ལེན་ཞེས་པ་ལྟ་བུ། |
| དངོས་འགལ |
འགལ་བ་གང་ཞིག་ཕན་ཚུན་དངོས་སུ་མི་མཐུན་པར་གནས་པ། (དཔེར་ན།) རྟག་མི་རྟག་དང༌། སྣང་བ་དང་མུན་པ་ལྟ་བུའོ། ། |
| དངོས་འགལ་གཉིས |
དངོས་འགལ་ལ་ལྡོག་པའི་སྒོ་ནས་དབྱེ་ན། ཕན་ཚུན་རྣམ་བཅད་དང་ཡོངས་གཅོད་ཀྱི་སྒོ་ནས་མི་མཐུན་པར་གནས་པ་ཡོད་དང་མེད། ཡིན་དང་མིན་ལྟ་བུ་ཕན་ཚུན་སྤངས་འགལ་གྱི་དངོས་འགལ་དང༌། དངོས་སུ་གནོད་བྱ་གནོད་བྱེད་དུ་གྱུར་པ་སྣང་མུན་དང༌། ཚ་གྲང་ལྟ་བུ་ལྷན་ཅིག་མི་གནས་འགལ་གྱི་དངོས་འགལ་ཏེ་གཉིས་སོ། ། |
| དངོས་འབྲས |
རྒྱུ་དེས་དངོས་སུ་བསྐྱེད་པའི་འབྲས་བུ་རྒྱུ་དེས་རང་དང་རང་གི་འབྲས་བུའི་བར་དུ་རྒྱུའི་རྒྱུན་གཞན་གྱིས་བར་མ་ཆོད་པར་དངོས་སུ་བསྐྱེད་པར་བྱ་བའི་ཆོས། དཔེར་ན་དངོས་པོ་སྐད་ཅིག་གཉིས་པ་དེ་སྐད་ཅིག་དང་པོའི་དངོས་འབྲས་ཡིན་པ་ལྟ་བུའོ། ། |
| དངོས་འབྲས་མ་དམིགས་པའི་རྟགས |
སྣང་རུང་གི་འབྲེལ་ཟླ་མ་དམིགས་པའི་རྟགས་ཀྱི་ནང་གསེས། དེ་བྱུང་གི་འབྲེལ་བ་ལ་བརྟེན་ནས་སྒྲུབ་བྱེད་དངོས་འབྲས་མེད་པའི་རྟགས་ཀྱིས། གཞི་དེར་དངོས་རྒྱུ་ཡོད་པ་བཀག་པ། (དཔེར་ན།) དུ་བས་དབེན་པའི་རྩིག་སྐོར་ན་ཆོས་ཅན། དུ་བའི་དངོས་རྒྱུ་མེད་དེ། དངོས་འབྲས་དུ་བ་མེད་པའི་ཕྱིར། ཞེས་པ་ལྟ་བུའོ། ། |
| དངོས་འབྲེལ |
དངོས་གནས་ཀྱི་དོན་ཏེ། (དཔེར་ན།) ཁྲིམས་མཐུན་དངོས་འབྲེལ་ཡིན། ཁ་ནས་མི་འགྲོ་ཟེར་ཡང་དངོས་འབྲེལ་བྱས་ན་སེམས་ལ་འགྲོ་འདོད་ཆེན་པོ་འདུག་ཅེས་པ་ལྟ་བུ། |
| དངོས་འབྲེལ་དྲང་འབྲེལ |
དངོས་གནས་དྲང་གནས་ཀྱི་དོན་ཏེ། (དཔེར་ན།) སྐད་ཆ་དངོས་འབྲེལ་དྲང་འབྲེལ་བཤད་ན་མིའི་ཁྱུར་འདྲེས་ཡོང༌ཞེས་པ་ལྟ་བུ། |
| དངོས་འཛིན |
1.མ་རིག་པ།2.དངོས་པོ་མཚན་མར་འཛིན་པའམ་བདེན་པར་འཛིན་པ། |
| དངོས་ཡུལ |
བློ་ལ་དངོས་སུ་སྣང་ནས་རིག་པར་བྱ་བ། (དཔེར་ན།) བུམ་འཛིན་མངོན་སུམ་དང༌། བུམ་འཛིན་རྟོག་པའི་དངོས་ཡུལ་བུམ་པ་ཡིན་པ་ལྟ་བུའོ། ། |
| དངོས་ཡོད |
མངོན་སུམ་དུ་ཡོད་པའི་དོན་ཏེ། (དཔེར་ན།) དངོས་ཡོད་གནས་ཚུལ། ཁ་བཤད་ཙམ་མ་ཡིན་པར་ལག་ཐོག་དངོས་ཡོད་ཀྱི་སྟེང་ནས་བགོ་འགྲེམས་བྱས་པ་ཞེས་པ་ལྟ་བུ། |
| དངོས་ར་གསལ་འཕྲོད |
མངོན་སུམ་ར་འཕྲོད་ཀྱི་དོན་ཏེ། (དཔེར་ན།) གདོང་བཤེར་བྱས་ནས་དངོས་ར་གསལ་འཕྲོད་བྱུང་བ། ལག་ལེན་ཐེངས་གཅིག་བསྟར་ན། དངོས་ར་གསལ་འཕྲོད་ཐོབ་ཡོང༌ཞེས་པ་ལྟ་བུ། |
| དངོས་རིགས |
ཅ་ལག་གི་རིགས། |
| དངོས་རྒྱུ |
སྐྱེད་བྱེད་ཀྱི་རྒྱུའི་ནང་གསེས། རང་འབྲས་དངོས་སུ་སྐྱེད་པར་བྱེད་པ་རང་གི་བསྐྱེད་བྱའི་འབྲས་བུ་དེ་དང་བར་དུ་ཆོས་གཞན་བརྒྱུད་མི་དགོས་པ། (དཔེར་ན།) དུ་བའི་དངོས་རྒྱུ་མེ་ཡིན་པ་ལྟ་བུའོ། ། |
| དངོས་རྗེན |
དངོས་གནས་སྒྲིབ་མེད་ཀྱི་དོན་ཏེ། (དཔེར་ན།) དྲང་བདེན་གྱི་གནས་ལུགས་དངོས་རྗེན་ལ་འཕྱ་སྨོད་བྱེད་དོན་མེད་ཅེས་པ་ལྟ་བུ། |
| དངོས་རྟོགས |
1.དངོས་རྟོགས་རྟག་རྟོགས་གཉིས་ཀྱི་ཟླས་ཕྱེ་བའི་དངོས་པོར་རྟོགས་པའི་ཚད་མ་སྟེ། འདུས་བྱས་རང་མཚན་པ་རྣམས་དངོས་པོ་ལ་དངོས་པོར་ངེས་པའི་ཡང་དག་པའི་ཤེས་པའོ། །2.དངོས་རྟོགས་ཤུགས་རྟོགས་གཉིས་ཀྱི་ཟླས་ཕྱེ་བའི་དངོས་སུ་རྟོགས་པ་ཡུལ་རང་ཉིད་ཀྱི་རྣམ་པ་ཤར་བའི་སྒོ་ནས་རྟོགས་པ། (དཔེར་ན།) བུམ་འཛིན་དབང་མངོན་གྱིས་བུམ་པ་རྟོགས་པ་དང༌། སྒྲ་མི་རྟག་རྟོགས་པའི་རྗེས་དཔག་གིས་སྒྲ་མི་རྟག་པ་རྟོགས་པ་ལྟ་བུ་ཡུལ་རང་མཚན་པའམ་དོན་སྤྱིའི་རྣམ་པ་བློ་ལ་ཤར་ནས་རྟོགས་པའོ། ། |
| དངོས་རྫས |
རང་བྱུང་ཁམས་ལས་བྱུང་བའི་རྒྱུ་རྫས་དང་མིས་ངལ་རྩོལ་བྱས་ནས་ཐོན་པའི་རྒྱུ་རྫས་ཀྱི་སྤྱི་མིང་། (དཔེར་ན།) བོད་ཡུལ་ནི་ས་རྒྱ་ཆེ་ཞིང་དངོས་རྫས་འཛོམས་པའི་ཡུལ་ཞིག་ཡིན་ཞེས་པ་ལྟ་བུ། |
| དངོས་ལམ |
གཞུང་ལམ། |
| དངོས་ལྟར་སྣང་བ |
དངོས་གནས་མིན་པ་ཞིག་དངོས་གནས་ལྟར་དུ་མཐོང་བ། |
| དངོས་ཤུགས |
ངོ་ལྐོག་གམ་ངོ་མ་དང་ཞོར་གྱི་དོན་ཏེ། (དཔེར་ན།) དངོས་ཤུགས་ཀྱི་སྒོ་ནས་བསླབ་བྱ་བྱས་པ་ལྟ་བུ། |
| དངོས་ཤུགས་བརྒྱུད་གསུམ |
ཐད་ཀ་དང༌། ཞར་བྱུང༌གི་དོན་ཏེ། (དཔེར་ན།) གཞན་དག་བརྒྱུད་པ་བཅས་གསུམ། དེ་ལ་དངོས་ཤུགས་བརྒྱུད་གསུམ་གྱི་ཐོག་ནས་ཞབས་འདེགས་ཞུས་ལྟ་བུ། |
| དངོས་སྐྱེས |
དངོས་རིགས་ཀྱི་འབུལ་བའམ། ལག་རྟགས། |
| དངོས་སྟོབས་ཀྱི་རྟགས |
དངོས་པོ་སྟོབས་ཞུགས་ཀྱི་རྟགས་ཀྱི་བསྡུས་མིང༌། |
| དངོས་སྟོབས་ཀྱིས་བསལ་བ |
བསལ་བ་བཞིའི་ནང་གསེས། དམ་བཅའ་དང་དངོས་པོའི་སྟོབས་ཞུགས་ཀྱི་རྟགས་དང་འགལ་བ། དཔེར་ན། སྒྲ་རྟག་པར་འདོད་པ་ལྟ་བུ་དངོས་སྟོབས་རྗེས་དཔག་གིས་གནོད་པའོ། ། |
| དངོས་སྟོབས་རྗེས་དཔག |
རྗེས་དཔག་གསུམ་གྱི་ནང་གསེས། རང་གི་རྟེན་དངོས་པོའི་སྟོབས་ཞུགས་ཀྱི་རྟགས་ཡང་དག་ལ་བརྟེན་ནས་གཞལ་བྱ་ཅུང་ཟད་ལྐོག་གྱུར་ལ་མི་བསླུ་བའི་ཤེས་པ་འབྲས་རང་མ་དམིགས་པའི་རྟགས་ལ་བརྟེན་ནས་རང་གི་གཞལ་བྱ་གསར་དུ་རྟོགས་པའོ། ། |
| དངོས་སྡིག |
(བརྡ་རྙིང་།) རང་གིས་བྱས་པའི་སྡིག་པ། |
| དངོས་སྣ |
ཅ་ལག་སྣ་ཁ། |
| དངོས་སྤྱད |
དངོས་པོའི་ཡོ་བྱད། |
| དངོས་སྦྱོང |
དངོས་སུ་ལག་བསྟར་གྱིས་སྦྱོང་བ་བྱས་པའི་དོན་ཏེ། (དཔེར་ན།) དངོས་སྦྱོང་བྱེད་ས་ཞེས་ལྟ་བུ། |
| དངོས་སློབ |
སློབ་བུ་ངོ་མའམ། ཐད་ཀའི་སློབ་བུ། |
| དཎྜིའི་དགོངས་རྒྱན |
དུས་རབས་བཅུ་བདུན་པར་བོད་མཁས་མི་ཕམ་དགེ་ལེགས་རྣམ་རྒྱལ་གྱིས་མཛད་པའི་སྙན་ངག་མེ་ལོང་གི་འགྲེལ་པ། |
| དད |
1.(བྱེད་མེད་ལས་ཚིག) དགའ་བའམ་སྲེད་པ་ལངས་པའི་དོན་ཏེ། མི་ལ་ལ་ཆང་དད་ཆེ། ཆང་དད་མ་ཆེ། ང་རང་མིག་མང་རྩེ་བར་ཧ་ཅང་དད་ལྟ་བུ། 2.དད་པ་ཞེས་པའི་ཚིག་བསྡུས་པ། |
| དད་གུས |
ཡིད་ཆེས་ཤིང་གུས་པ་བྱེད་པའི་བྱ་སྤྱོད་ཀྱི་མིང་། (དཔེར་ན།) སློབ་མས་དགེ་རྒན་ལ་དད་གུས་བྱེད་ཅིང་དགེ་རྒན་གྱིས་སློབ་མ་ལ་ཤ་ཚ་དགོས་ལྟ་བུ། |
| དད་གུས་སྤྲོ་གསུམ |
སྐུ་ལ་དད། གསུང་ལ་གུས། ཐུགས་ལ་སྤྲོ། |
| དད་ཆེ་བ |
སྲེད་ཞེན་ཆེ་བའི་དོན་ཏེ། (དཔེར་ན།) ཆང་དད་ཆེ་བའི་ཁྱོ་ག་འཆལ་པོ་དང༌། ཁྱོ་དད་ཆེ་བའི་བུད་མེད་འཆལ་མོ་གཉིས། ཁྱིམ་གཅིག་ནང་དུ་འཛོམས་ན་འགྲིགས་པ་མིན། |
| དད་དད་གུས་གུས |
དད་པ་དང་གུས་པ་ཆེན་པོ། |
| དད་དམ་འཕོ་མེད་ཀྱི་འདུན་པ |
འགྱུར་ལྡོག་མེད་པའི་དད་པ་དང་དམ་ཚིག་གི་དོན་ཏེ། (དཔེར་ན།) ས་ལམ་རིང་པོས་བཅད་ཀྱང་དད་དམ་འཕོ་མེད་ཀྱི་འདུན་པ་ཆད་མེད་ལགས་ཞེས་པ་ལྟ་བུ། |
| དད་པ |
1.(བྱེད་མེད་ལས་ཚིག) དང་བས་ཡིད་ཆེས་པའི་དོན་ཏེ། (དཔེར་ན།) གནས་ལུགས་ཇི་བཞིན་དུ་རྟོགས་ནས་རང་ཡིད་དད་སོང༌ལྟ་བུ།2.དགའ་བ་དང་ཆགས་པ་དང་སྲེད་པའི་དོན་ཏེ། (དཔེར་ན།) སྐོམས་དད་པ། དམར་དད་པ། ཆང་དད་ཆེ་ཞེས་པ་ལྟ་བུ། 3.ཡང་དག་པའི་གནས་ལ་དང་བའི་ཡིད་ཆེས་དང་འདུན་པའི་རྟེན་བྱེད་པ་སྟེ་དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག |
| དད་པ་གསུམ |
སྐུ་ལ་དང་བའི་དད་པ། གསུང་ལ་ཡིད་ཆེས་ཀྱི་དད་པ། ཐུགས་ལ་མངོན་འདོད་ཀྱི་དད་པ་བཅས་གསུམ། |
| དད་པ་བཞི |
དང་བའི་དད་པ་དང༌། འདོད་པའི་དད་པ། ཡིད་ཆེས་པའི་དད་པ། ཕྱིར་མི་ལྡོག་པའི་དད་པ་བཅས་བཞི། |
| དད་པ་བྱ་བལ་མ |
ཆུ་བལ་ཏེ་དད་པ་ཆེར་མེད་པའམ་ཁ་ཙམ་གྱི་དད་པ། |
| དད་པའི་དབང་པོ |
བྱང་ཕྱོགས་སོ་བདུན་གྱི་དབང་པོ་ལྔའི་ནང་གསེས་ཤིག་སྟེ་བདེན་བཞི་ལ་མངོན་པར་ཡིད་ཆེས་པ། |
| དད་པའི་ནོར |
འཕགས་ནོར་བདུན་གྱི་ནང་གསེས། ལས་འབྲས་ལ་ཡིད་ཆེས་པའི་དད་པ་ཉིན་མཚན་དགེ་བའི་ལམ་ལ་འདྲེན་པར་བྱེད་པས་འཁོར་ལོ་རིན་པོ་ཆེ་དང་ཆོས་མཚུངས་པའོ། ། |
| དད་པའི་རྗེས་འབྲང |
དགེ་འདུན་ཉི་ཤུའི་ནང་གསེས། རྒྱུན་དུ་ཞུགས་པའི་འབྲས་བུ་ལ་ཞུགས་པ་གང་ཞིག་དབང་པོ་རྟུལ་པོ་ཕ་རོལ་གྱིས་བསྟན་པ་ཁོ་ནའི་རྗེས་སུ་འབྲངས་ནས་བདེན་པ་མངོན་པར་རྟོགས་པར་བྱེད་པ། |
| དད་པའི་ས |
དད་པ་དང༌། བརྩོན་འགྲུས། དྲན་པ། ཏིང་འཛིན། ཤེས་རབ་བཅས་ཡུལ་ལ་གཙོ་བོར་མཁས་པའི་གནས་སྐབས་ཀྱི་ལམ་སྟེ་ཚོགས་ལམ་དང་དོན་གཅིག |
| དད་པའི་སྟོབས |
བྱང་ཕྱོགས་སོ་བདུན་གྱི་སྟོབས་ལྔའི་ནང་གསེས་ཤིག་སྟེ་མཆོག་གསུམ་ལ་མ་དད་པ་ལ་སོགས་པ་མི་མཐུན་ཕྱོགས་ཀྱིས་རྫི་བ་མེད་པའི་དད་པ། |
| དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱའི་མདོ |
འཕགས་པ་དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ་ཞེས་བྱ་བའི་མདོ་བམ་པོ་ལྔ་དང་ཤླཽ་ཀ་བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ལོ་ཙཱ་བ་བན་དེ་ཡེ་ཤེས་སྡེས་བསྒྱུར་པ། |
| དད་མོས |
ཡིད་ཀྱིས་གུས་ཤིང་འདུན་པ། |
| དད་མོས་པ |
ཆོས་ལ་དད་པ་དང་འདུན་པ་ཡོད་མཁན། |
| དད་ཞེན |
དད་པ་དང་ཤ་ཞེན། |
| དད་ཟས |
དད་པས་ཕུལ་བའི་ཟས། |
| དད་འདུན |
ཡིད་ཀྱིས་གུས་ཤིང་མོས་པའི་དོན་ཏེ། (དཔེར་ན།) ཡོན་ཏན་ལ་དད་འདུན་བསྐྱེད་ནས་སློབ་སྦྱོང་བྱེད་ཅེས་པ་ལྟ་བུ། |
| དད་འདུས |
དད་མོས་ཀྱིས་འདུས་པའི་དོན་ཏེ། (དཔེར་ན།) དད་འདུས་ཀྱི་ཉ་མ་རྣམས་ཞེས་པ་ལྟ་བུ། |
| དད་འབུལ་དད་བཞེས |
བློས་བསླངས་ཀྱིས་ཕུལ་བའི་དད་རྫས་འབུལ་བཞེས། |
| དད་རྫས |
དད་པ་ཅན་གྱིས་ཕུལ་བའི་དངོས་རྫས། |
| དད་ལོག་ཅན |
སྔར་གྱི་དད་མོས་དེ་ལོག་ནས་མེད་པར་གྱུར་པའི་མི། |
| དད་སེམས |
དད་མོས་ཀྱི་ཡིད་ཤེས། |
| དན |
མི་འགྱུར་གཏན་དུ་ཁེལ་བའི་གཅིག་མཐུན་གྱི་ངེས་དོན་ཏེ། (དཔེར་ན།) ཁ་དན། གྲོས་དན། ཆོད་དན་ཞེས་པ་ལྟ་བུ། |
| དན་ཁྲ |
དན་ད་རིགས་གསུམ་གྱི་ནང་ནས་ཁྲ་བོའི་མིང་། ནུས་པ་དན་རོག་དང་མཚུངས། |
| དན་གོང |
(རྒྱ་སྐད།) འཇིམ་པས་བྱས་པའི་རིལ་བུ་འཕེན་བྱེད་གཞུ། |
| དན་གྲོགས |
རོགས་བྱེད་མཁན་གྱི་དོན་ཏེ། (དཔེར་ན།) སྟོབས་རྩལ་ཅན་གྱི་དན་གྲོགས་ཞེས་པ་ལྟ་བུ། |
| དན་ཏ |
1.དན་རོག་དང་དོན་གཅིག྄2.དན་ད་ཞེས་པའི་འབྲི་ཚུལ་གཞན། |
| དན་ཏིག |
མཚོ་སྔོན་ཤར་ཕྱོགས་སུ་་ཡོད་པའི་གྲུབ་པའི་གནས་ཆེན་ཞིག་གླང་དར་མས་བསྟན་པ་བསྣུབས་པའི་རྗེས་སུ་བོད་ཀྱི་མཁས་པ་མི་གསུམ་མདོ་སྨད་དུ་བྲོས་ནས་གནས་འདིར་ཡུན་རིང་བཞུགས་པ་དང༌། མཁས་པ་གསུམ་ལས་བླ་ཆེན་དགོངས་པ་རབ་གསལ་བསྙེན་པར་རྫོགས། བླ་ཆེན་གྱིས་དབུས་གཙང་གི་མི་བཅུ་ལ་སོ་ཐར་གྱི་སྡོམ་རྒྱུན་སྤེལ་བ་ལ་བརྟེན་བསྟན་པ་ཕྱི་དར་དུས་སུ་བསྟན་པའི་མེ་རོ་མདོ་ཁམས་སྨད་ནས་གསོས་ཞེས་པའི་གྲགས་པ་དོན་དང་ལྡན་པ་དེ་དན་ཏིག་གི་གནས་འདི་ནས་བྱུང་བ་ཡིན། སི་ཏུའི་བཀའ་འགྱུར་དཀར་ཆག་ཏུ་ལེགས་སྦྱར་ལྟར་དནྟིག་ཅེས་བྲིས་ཡོད། |
| དན་ད |
ལོ་རེར་སྐྱེ་བའམ་ལོ་མང་སྐྱེ་བའི་དཔལ་འབྱོར་ལོ་ཏོག་རིགས་ཤིག་ཡིན་ཞིང་། ས་བོན་ལས་བཙགས་པའི་སྣུམ་ནི་བཟོ་ལས་ཀྱི་ཐོག་ཏུ་འཇམ་པོར་བྱེད་སྤྱད་ཅིག་ཡིན། སྨན་བཅོས་ཐོག་སྐྱུག་བཤལ་བྱེད་པའི་སྨན་བྱེད་ཆོག དེ་ལ་དན་ཁྲ་དང་དན་རོག དན་ད་རུས་སྦལ་མ་སྟེ་རིགས་གསུམ་ཡོད། |
| དན་རོག |
ཤིང་སྨན་གྱི་རིགས་དན་ད་དཀར་ནག་ཁྲ་གསུམ་གྱི་ནང་ཚན་ནག་པོ་རོ་ཚ་ཞིང་ཁ་ལ་མངར་བ། ཞུ་རྗེས་དྲོད། ནུས་པས་མ་ཞུ་བ་སོགས་ལྡན་འདུས་ཀྱི་ནད་རྣམས་ཐུར་དུ་བཤལ་བར་བྱེད། |
| དན་རོགས |
དན་གྲོགས་དང་དོན་གཅིག |
| དན་རྟགས |
འཆུགས་པ་མེད་པའི་རྟགས་མཚན་གྱི་མིང་། (དཔེར་ན།) རིམས་ནད་ཀྱི་དན་རྟགས། ངལ་རྩོལ་བྱེད་ཤེས་པ་ནི་མི་ཡི་དན་རྟགས་ཡིན་ལྟ་བུ། |
| དཔག |
(བྱེད་འབྲེལ་ལས་ཚིག) དཔགས་པའི་མ་འོངས་པ། ཤེས་ཡོད་པའི་རྟགས་དང་རྒྱུ་མཚན་ལ་བརྟེན་ནས་མ་ཤེས་པའི་དོན་ཤེས་པ་དང་གཞལ་བའི་དོན་ཏེ། (དཔེར་ན།) རྒྱ་མཚོ་ཆེན་པོའི་གཏིང་ཡང་དཔག་ཐུབ། གཞུང་ལུགས་ཆེན་པོའི་དོན་ཡང་དཔག་ཐུབ་ལྟ་བུ། |
| དཔག་ཆེན |
ལུས་ཀྱི་ཤེད་སྟོབས་ཆེན་པོའི་དོན་ཏེ། (དཔེར་ན།) ཁོ་དཔག་ཆེན་གྱིས་མདའ་འཕངས་པ་ལྟར་ཤར་མར་ཕྱིན་སོང༌ལྟ་བུ། |
| དཔག་ཏུ་མེད་པ |
གྲངས་བརྗོད་དུ་མེད་པའམ་མཐའ་ཡས་པའི་དོན་ཏེ། (དཔེར་ན།) ནམ་མཁའི་སྐར་ཚོགས་ཀྱི་གྲངས་འབོར་དཔག་ཏུ་མེད་ཅིང་བསམ་གྱིས་མི་ཁྱབ། མཁས་པ་ཡོན་ཏན་དཔག་མེད་ཀྱང༌། གཞན་གྱི་ཡོན་ཏན་ཆུང་ངུའང་ལེན་ཞེས་པ་ལྟ་བུ། |
| དཔག་ཏུ་རུང་བ |
ཚད་འཇལ་ཐུབ་པའི་དོན་ཏེ། (དཔེར་ན།) ཡུལ་ལུང་ཞིག་གི་མི་གྲངས་མང་ཉུང་དཔག་ཏུ་རུང་བ་ཞིག་རེད་ཅེས་པ་ལྟ་བུ། |
| དཔག་པ |
དཔགས་པའི་མ་འོངས་པའི་བྱ་མིང་། |
| དཔག་བསམ |
1.ཚོད་བརྟག་པའམ་གཞལ་བ།2.བློས་དཔག་བྱའམ་བསམ་བྱའི་ཡུལ་གྱི་དོན། |
| དཔག་བསམ་འཁྲི་ཤིང |
སྙན་ངག་གི་ལམ་ལས་དྲངས་པའི་བྱང་ཆུབ་སེམས་དཔའི་རྟོགས་པ་བརྗོད་པ་ཡལ་འདབ་བརྒྱ་རྩ་བརྒྱད་པ་རྒྱལ་པོ་དགེ་བའི་དབང་པོས་མཛད་པ། རྒྱ་གར་གྱི་སྙན་ངག་པ་ལཀཱམཱི་ཀཱ་ར་དང༌། བོད་ཀྱི་ལོ་ཙཱ་བ་ཤོང་སྟོན་རྡོ་རྗེ་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། |
| དཔག་བསམ་ཤིང |
ཡོངས་འདུ་ས་བརྟོལ་ཏེ། འབྲས་བུ་དང་ལོ་མ་ལས་ཟས་གོས་འབྱུང་བའི་ཤིང་ཞིག མིང་གི་རྣམ་གྲངས་ལ་རྔ་ཡབ་ཅན་དང་གསེར་ཤིང་ངོ་། ། |
| དཔག་བྲལ |
དཔག་ཏུ་མེད་པ། |
| དཔག་མེད |
ཚད་ཤེས་མི་ཐུབ་པའམ་ཚད་མང་བའི་དོན་ཏེ། (དཔེར་ན།) ཉི་མ་ལས་འོད་ཟེར་དཔག་མེད་འཕྲོས་ལྟ་བུ། དཔག་ཏུ་མེད་པའི་བསྡུས་ཚིག |
| དཔག་ཚད |
1.མངོན་པའི་ལུགས་ལ་རྒྱང་གྲགས་བརྒྱད་ཀྱི་ཚད་དེ་རྒྱང་གྲགས་རེར་གཞུ་འདོམ་ལྔ་བརྒྱ་ཡོད།2.དུས་འཁོར་ལུགས་ལ་སོར་མོ་ཉེར་བཞི་ལ་ཁྲུ་གང༌། དེ་བཞི་ལ་གཞུ་འདོམ་གང༌། དེ་ཉིས་སྟོང་ལ་རྒྱང་གྲགས་གཅིག་དེ་བཞི་ལ་དཔག་ཚད་གཅིག |
| དཔག་ཡས |
མཐའ་ཡས་པའམ་གཞལ་དུ་མེད་པ། |
| དཔགས |
དཔོག་པའི་འདས་པ་སྟེ། (དཔེར་ན།) སྨན་གཞུང་གི་གཏིང་དཔགས་ན་ནད་ངོས་འཛིན་ལ་ཐོགས་པ་མེད་ལྟ་བུ། |
| དཔགས་པ |
དཔོག་པའི་འདས་པའི་བྱ་མིང་། |
| དཔང |
བྱ་དངོས་ལ་དོགས་པ་གཅོད་བྱེད་ཀྱི་རྟགས་དང་རྟེན་གཞི་ཁྱད་པར་བའི་མིང་། (དཔེར་ན།) ལོ་རྒྱུས་ཀྱི་བདེན་དཔང་བྱས། མི་དཔང་། དངོས་དཔང་། ཟུར་དཔང་ཞེས་པ་ལྟ་བུ། |
| དཔང་པོ |
རྒོལ་བ་གཉིས་ཀྱི་རྩོད་པའི་རྒྱལ་ཕམ་མམ་ལེགས་ཉེས་ཤན་འབྱེད་མཁན། |
| དཔང་བརྒྱད |
སྔར་གྱོད་ཡ་ཕན་ཚུན་གཉིས་ཀྱི་བདེན་དཔང་བཞི་བཞི་སྟེ་བརྒྱད། |
| དཔང་བསྟོད |
བསྟན་པའམ་དཀར་ཕྱོགས་སྐྱོང་བའི་ལྷ་སྲུང་རྣམས་དཔང་བསྟོད་པ་སྟེ་གཟེངས་བསྟོད་བྱེད་པ། |
| དཔང་བྱེད་པ |
བར་དཔང་བྱེད་པའི་དོན་ཏེ། ཕན་ཚུན་བར་འདུམ་གྱི་དཔང་བྱེད་པ། |
| དཔང་བློ་གྲོས་བརྟན་པ |
རབ་བྱུང་ལྔ་བའི་མེ་བྱི་ལོ་ལ་འཁྲུངས་པའི་བོད་ཀྱི་ལོ་ཙཱ་བ་ཞིག་འདིས་ཚད་མ་ཀུན་ལས་བཏུས་པའི་འགྲེལ་པ་རྒྱལ་དབང་བློས་མཛད་པ་དང༌། དུས་འཁོར་གྱི་བཤད་སྦྱར་སྙིང་པོ་སྣང་བ་ལ་སོགས་པ་བསྒྱུར་ཅིང༌། ཚོགས་གསུམ་གསལ་བ་སོགས་བརྩམས། |
| དཔང་འཕེར་བ |
བར་གྱི་ཆེ་བཞིར་འཇོག་འོས་པ་རྟགས་དང་རྒྱུ་མཚན་ཁྱད་པར་བར་འཛིན་རུང་བའམ་འཇོག་འོས་པ། (དཔེར་ན།) དྲང་པོ་ཚད་ལྡན་གྱི་མི་དེ་དཔང་འཕེར་བ་ཞིག་ཡིན་ཞེས་པ་ལྟ་བུ། |
| དཔང་འཛུགས |
དཔང་པོར་འཇོག་པའི་དོན་ཏེ། (དཔེར་ན།) དཀོན་མཆོག་དཔང་འཛུགས་ཀྱིས་བདེན་པ་མཐར་སྐྱེལ་བྱས་ཞེས་པ་ལྟ་བུ། |
| དཔང་ཡིག |
1.བདེན་དཔང་བྱེད་ཐུབ་པའི་ཆིངས་ཡིག་གི་མིང་། 2.ཁུངས་གཏུག་སའམ་མནའ་བོར་བའི་རྟེན་གཞིའི་མིང་། (དཔེར་ན།) རྒན་རབས་རྣམས་དཔང་དུ་བཞག རང་སྲོག་དཔང་དུ་བཞག བདེན་དོན་དཔང་དུ་བཞག་ནས་རྩོད་པ་བྱས་ལྟ་བུ། |
| དཔང་རྒྱ |
(བརྡ་རྙིང་།) ཕན་ཚུན་ཁ་འཆམས་མཐུན་གྲུབ་ཀྱི་ཆོད་དན་གན་ཡིག |
| དཔང་རྟགས |
ཚད་མར་འཛིན་རུང་བའི་རྟགས་མཚན་གྱི་མིང་། (དཔེར་ན།) དཔང་རྟགས་ཁུངས་བཙན་ཡོད་ཅེས་པ་ལྟ་བུ། |
| དཔངས |
འཕང་དང་མཐོ་ཚད་དང་སྲིད་དང་ཁྲུན་གྱི་དོན་ཏེ། (དཔེར་ན།) ཕོ་བྲང་དཔངས་སུ་མཐོ། དར་ཆེན་དཔངས་སུ་རིང༌། སྐུ་གཟུགས་དཔངས་ཆེ་བ། དབུ་དཔངས་རི་ལས་མཐོ། ཉལ་ཁྲི་དཔངས་མཐོ་བ། གདན་བཀྱག་དཔངས་མཐུག་པ། འབོལ་གདན་དཔངས་དམའ་བ་ཞེས་པ་ལྟ་བུ། |
| དཔངས་དཀྱུས |
མཐོ་ཚད་དང་རིང་ཚད་གཉིས་ཀྱི་བསྡུས་མིང༌། |
| དཔངས་བསྟོད |
མཐོ་བར་བསྟོད་པའི་དོན་ཏེ། (དཔེར་ན།) དཔའ་བོའི་སྤྱོད་བཟང་ལ་དཔངས་བསྟོད་ཆེན་པོ་བྱས་པ་ལྟ་བུ། |
| དཔངས་ཞེང |
མཐོ་ཚད་དང་ཞེང་ཚད་གཉིས་ཀྱི་བསྡུས་མིང༌། |
| དཔའ |
འཇིགས་པ་མེད་པའི་སྙིང་སྟོབས་སམ་ངར་ཤུགས་ཀྱི་དོན་ཏེ། (དཔེར་ན།) དགྲ་བོའི་དཔའ་ཞུམ་པར་བྱེད་པ། རྟ་གཅིག་མགྱོགས་ཀྱང་ལ་མི་ཆོད། མི་གཅིག་དཔའ་ཡང་དགྲ་མི་ཐུབ་ཅེས་པ་ལྟ་བུ། |
| དཔའ་ཁ |
རྒྱལ་ཁ། |
| དཔའ་གཏུམ |
དཔའ་ཞིང་དྲག་པ། |
| དཔའ་གོང་བ |
སྙིང་སྟོབས་ཆག་པའམ་ཉམས་པའི་དོན་ཏེ། (དཔེར་ན།) དཀའ་ཚེགས་མཐོང་ཙམ་གྱིས་སྡར་མ་གང་ཡིན་དཔའ་གོང་བ་ལྟ་བུ། |
| དཔའ་ངར |
དཔའ་དང་ངར་གྱི་བསྡུས་ཚིག་སྟེ། (དཔེར་ན།) དཔའ་ངར་སྟོབས་ལྡན། དཔའ་ངར་གྱིས་ཆུ་ལོག་འགོག་ཐབས་བྱེད་པ། དགྲ་བོའི་དཔའ་ངར་ཡོངས་སུ་འཇོམས་པ། དགྲ་དཔུང་ཕམ་འཐོར་མ་བྱུང་བར་དུ་དཔའ་ངར་ཞུམ་མེད་ཀྱིས་འཛིང་རྐྱང་བྱེད་ཅེས་པ་ལྟ་བུ། |
| དཔའ་ངར་བ |
དཔའ་ངར་ཆེས་ཆེར་འབར་བ། |
| དཔའ་ཉམས |
དཔའ་བོའི་ཉམས་ཚུལ་ལམ་བཟོ་དབྱིབས། |
| དཔའ་ཉམས་པ |
སྙིང་སྟོབས་ཞུམ་པ། |
| དཔའ་ཐལ་བ |
དཔའ་ཆེ་དྲགས་པའི་དོན་ཏེ། (དཔེར་ན།) ལས་ཀ་བྱེད་སྟངས་དཔའ་ཐལ་བ། ཁྱེད་རང་གིས་བཤད་པ་དེ་དཔའ་ཐལ་བའི་སྐད་ཆ་ཞིག་རེད། ཧམ་པ་དཔའ་ཐལ་བྱེད་མི་རུང༌ཞེས་པ་ལྟ་བུ། |
| དཔའ་ཐུལ |
དཔའ་བོ། |
| དཔའ་དམ |
གྲི་རིང་གི་མིང་སྟེ། དཔའ་གདམ་ཞེས་འབྲི་བའང་ཡོད། |
| དཔའ་དར |
དཔའ་བོའི་གཟིགས་བཟོས་སམ་བྱ་དགའི་དར་གྱི་མིང་། (དཔེར་ན།) རྐུན་པོར་དཔའ་དར་གཡོགས། སྤྱང་ཀི་ཚེ་ཐར་བཏང༌ཞེས་པ་ལྟ་བུ། |
| དཔའ་དྲེགས |
དཔའ་ཡོད་པའི་ང་རྒྱལ་གྱི་མིང་། (དཔེར་ན།) དཔའ་དྲེགས་བྱས་ན་ཕམ་ཉེས་ཀྱི་ཉེན་ཁ་ཡོད་ཅེས་པ་ལྟ་བུ། |
| དཔའ་བ |
སྙིང་སྟོབས་ཀྱི་འཕེལ་ཆ་ཆེ་ཞིང་བརྟན་པའི་དོན་ཏེ། (དཔེར་ན།) གཡུལ་སར་དཔའ་བ་མེད་ན་ཕམ་རྒྱུ་ལས་མེད་ཅེས་པ་ལྟ་བུ། |
| དཔའ་བ་ཕུན་ཚོགས་ཀྱི་ཟོལ་བསྟོད |
ཟོལ་བསྟོད་ཀྱི་རྒྱན་གྱི་ནང་གསེས་ཤིག་བསྟོད་ཡུལ་དཔའ་བ་ཕུན་ཚོགས་ཅན་ཞིག་ལ་རྣམ་པ་སྐྱོན་བརྗོད་ཀྱི་ཁུལ་བྱས་ནས། དོན་དུ་དཔའ་བ་ཕུན་ཚོགས་ཀྱི་ཡོན་ཏན་ལ་ཤུགས་ཀྱིས་བསྟོད་པའི་རྒྱན་ཞིག |
| དཔའ་བ་བརྟན་པ |
དཔའ་བོ་བརྟན་པ་དང་འདྲ། |
| དཔའ་བཀོང |
སྤ་བཀོང་གི་འབྲི་ཚུལ་གཞན། |
| དཔའ་བཀོང་བ |
ཕ་རོལ་པོའི་སྙིང་སྟོབས་ཞུམ་པར་བྱེད་པའི་དོན་ཏེ། (དཔེར་ན།) མི་དམངས་དམག་གི་སྟོབས་ཤུགས་ཆེན་པོས་དགྲ་བོའི་དཔའ་བཀོང་བ་ཞེས་པ་ལྟ་བུ། |
| དཔའ་བའི་ཉམས |
ཉམས་ལྡན་གྱི་རྒྱན་གྱི་ནང་གསེས་ཤིག་རྒྱུ་མ་བསྒྲུབས་པར་འདོད་དོན་ཆེན་པོ་གྲུབ་པའི་སྟོབས་ཀྱིས་ནང་དུ་སྤྲོ་བ་ཁྱད་འཕགས་ཅན་འཕེལ་བའི་རྣམ་འགྱུར་དཔའ་ཉམས་སྟོན་པའི་རྒྱན་ཞིག |
| དཔའ་བར་འགྲོ་བ |
ཏིང་ངེ་འཛིན་ཞིག་གི་མིང༌། |
| དཔའ་བརྟུལ |
དཔའ་བོའམ་སྙིང་སྟོབས་ཅན། |
| དཔའ་བསེ་མཚན |
(མངོན་བརྗོད།) འཕར་བ། |
| དཔའ་བོ |
སྙིང་སྟོབས་ཅན་གྱི་མིང་། (དཔེར་ན།) གྲགས་མེད་དཔའ་བོ། དཔའ་མེད་ཀྱང་དཔའ་བོའི་ཚུལ་དང༌། ཆོས་མེད་ཀྱང་བླ་མའི་ཚུལ། ཕོ་རྒོད་པོའི་ནང་གི་དཔའ་བོ་དེ། ཡིན་མིན་འགག་ལ་གཏུགས་ན་གསལ་ཞེས་པ་ལྟ་བུ། མིང་གི་རྣམ་གྲངས་ལ་གྱད་མི་དང༌། འཇིགས་མེད། ཉམ་ང་མེད། སྙིང་སྟོབས་ཅན། བསྙེངས་བྲལ། གཏུམ་པའི་དཔུང་པ་ཅན། སྟོབས་ཆེན། བརྟུལ་ཕོད་པ། ཐལ་བྱུང་འགྲོ། རྣམ་གནོན་ཅན། ཕ་རོལ་གནོན། བག་མི་ཚ། མི་འགོང་བ། ཚོམ་པ་མེད། ཞུམ་པ་མི་མངའ་ཞེ་སྡང་ལྡན། གཡུལ་ངོར་བརྟན། གཡུལ་ན་བརྗིད་བཅས་སོ། ། |
| དཔའ་བོ་གཅིག་པ |
འཁོར་དང་ཡུམ་མེད་པའི་ཡི་དམ་སྟེ། འཇིགས་བྱེད་དཔའ་བོ་གཅིག་པ་ལྟ་བུ། |
| དཔའ་བོ་གཙུག་ལག་ཕྲེང་བ |
རབ་བྱུང་བརྒྱད་པའི་ཤིང་བྱི་ལོར་འཁྲུངས། ཞྭ་ནག་པ་སྐུ་ཕྲེང་བརྒྱད་པ་མི་བསྐྱོད་རྡོ་རྗེའི་སློབ་མ་ཡིན། ཁོང་གིས་ལྷོ་བྲག་ལྷ་ལུང་གི་གདན་ས་བསྐྱངས། སྤྱོད་འཇུག་འགྲེལ་ཆེན་དང༌། རྩིས་ཀྱི་བསྟན་བཅོས། ཆོས་འབྱུང་མཁས་པའི་དགའ་སྟོན་སོགས་མང་དུ་བརྩམས། རབ་བྱུང་དགུ་པའི་མེ་སྟག་ལོར་འདས། |
| དཔའ་བོ་ཆིག་ཐུབ |
ནད་ཀུན་འཇོམས་ཐུབ་པའི་སྨན་ཞིག |
| དཔའ་བོ་ཆེན་པོ |
1.སྔོ་སྨན་གྱི་རྩ་བའི་ཁུངས་སུ་གཏོགས་ཤིང་གླང་ཆེན་ཆིག་ཐུབ་ཀྱང་ཟེར་ཏེ། རོ་ཁ་ལ་བསྐ། ཞུ་རྗེས་བསིལ། ནུས་པས་དུག་ནད་དང་ཚད་རིགས་སེལ།2.བོང་ང་ནག་པོའི་མིང་གི་རྣམ་གྲངས་ཤིག |
| དཔའ་བོ་དཀར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་དུག་ཚད་དང༌། ཚད་རིམས་ལ་ཕན། |
| དཔའ་བོ་དགྲ་འདུལ |
ཡ་ང་བག་ཚ་མི་བྱེད་པའི་དཔེ། |
| དཔའ་བོ་བརྟན་པ |
(མངོན་བརྗོད།) གུར་ཀུམ། |
| དཔའ་བོ་མཁའ་འགྲོ |
རིག་པ་འཛིན་པའི་སྐྱེས་བུ་ཕོ་མོ། |
| དཔའ་བོ་རྡོ་རྗེ |
(མངོན་བརྗོད།) བདེ་མཆོག |
| དཔའ་བོ་སེར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རིམས་ཚད་དང༌། དུག་ཚད་ལ་ཕན། |
| དཔའ་བོ་སྟག་གི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་ཤིག་སྔ་དུས་རང་གི་རྒྱལ་ཁབ་ལ་ཕ་རོལ་གྱི་རྒོལ་བ་བྱུང་ན་ཞི་དྲག་ཐབས་ཇུས་གང་མཁས་ཀྱི་སྒོ་ནས་དགྲ་བོ་འདུལ་ལུགས་ཀྱི་ཁྲིམས། |
| དཔའ་བོའི་གད་མོ་བརྒྱད |
ཧ་ཧ་བསྡིགས་པའི་གད་མོ་དང༌། ཧི་ཧི་དགྱེས་པའི་གད་མོ། ཧེ་ཧེ་སྒེག་པའི་གད་མོ། ཧོ་ཧོ་ཟིལ་གྱིས་གནོན་པའི་གད་མོ་བཅས་བརྒྱད། |
| དཔའ་བོའི་དྲིལ་བུ |
དྲིལ་བུའི་བྱེ་བྲག་ཅིག |
| དཔའ་བོའི་རྒྱུད |
(མངོན་བརྗོད།) ཁྱབ་འཇུག |
| དཔའ་བློ་ཁོག་མེད |
སྡར་མའམ་སྙིང་སྟོབས་ཞན་པའི་དོན་ཏེ། (དཔེར་ན།) དཔའ་བློ་ཁོག་མེད་ན་དྲག་ཆས་རྫིག་ཀྱང་ཅི་ཕན་ཞེས་པ་ལྟ་བུ། |
| དཔའ་མཚན་དྲུག |
སྟག་སྟོད་སྟག་སྨད་གཉིས་དང༌། ཟེར་ཆེན་ཟར་ཆུང་གཉིས། གོང་རས་སྟག་སློག་གཉིས་ཏེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་གཞག་རིགས་གཅིག |
| དཔའ་མཛངས |
སྙིང་སྟོབས་ཆེ་ལ་ཐབས་མཁས་པའམ་ཡ་རབས་པའི་དོན་ཏེ། (དཔེར་ན།) དཔའ་མཛངས་རྟུལ་ཕོད་ཀྱི་རྒྱལ་པོ་ཞེས་པ་ལྟ་བུ། |
| དཔའ་མཛངས་དེས་གསུམ |
དཔའ་ཆེ་བ་དང༌། ཐབས་མཁས་པ། ཤེས་རྒྱུད་འཇམ་པ་སྟེ་གསུམ། |
| དཔའ་མོ |
1.བློ་ཁོག་ཆེ་བའི་བུད་མེད།2.འཇིག་རྟེན་ལས་འདས་པའི་ལྷ་མོ། |
| དཔའ་ཚུལ |
དཔའ་བོའི་བཟོ་ལྟའི་མིང་སྟེ། (དཔེར་ན།) སྡུག་ན་མཆི་མ་མི་གཏོང་བ། སྐྱེས་པ་ཕོ་ཡི་དཔའ་ཚུལ་ཡིན་ཞེས་པ་ལྟ་བུ། |
| དཔའ་ཞུམ |
དཔའ་འཁུམས་པའམ་དཔའ་ཆག་པ། |
| དཔའ་ཟླ |
(བརྡ་རྙིང་།) དམག་སྤྱི་གཞོན་པ། |
| དཔའ་ཡ་མེད |
སུས་ཀྱང་འགྲན་མི་ཐུབ་པའི་དཔའ་བོ། |
| དཔའ་ཡང་དག |
དོན་གྱི་དཔའ་བོ་སྟེ་དཔའ་བོ་དངོས་ཀྱི་དོན་ཏེ། (དཔེར་ན།) དཔའ་ཡང་དག་སུ་རེད་དེ་རིང་ལྟ་ཞེས་པ་ལྟ་བུ། |
| དཔའ་རི |
མདོ་ཁམས་སྨི་ལི་ས་ཆར་ཡོད་པའི་རི་བོ་ཞིག |
| དཔའ་རྒོད |
དཔའ་ཆེ་ཞིང་ངར་བ། |
| དཔའ་རྒྱས་པ |
སྙིང་སྟོབས་འཕེལ་བའི་དོན་ཏེ། (དཔེར་ན།) དགྲ་བོའི་གནས་ལུགས་གསལ་པོར་ཤེས་ནས་རང་དམག་གི་དཔའ་རྒྱས་ཞེས་པ་ལྟ་བུ། |
| དཔའ་རྔམ་ཆེ |
སྙིང་སྟོབས་ལྡན་ཞིང་འཇིགས་སུ་རུང་བའི་རྣམ་པ་ལྡན་པ་སྟེ། (དཔེར་ན།) ཕྱི་ཉམས་བལྟས་ཚེ་དཔའ་རྔམ་ཆེ་མདོག་ཁ་ཡང་དོན་ལ་ཝ་ལས་སྡར་ཞེས་པ་ལྟ་བུ། |
| དཔའ་རྩལ |
ཡིད་ཀྱི་དཔའ་དང་ལུས་ཀྱི་རྩལ་གཉིས་ཀྱི་བསྡུས་མིང༌། (དཔེར་ན།) གཡུལ་ངོར་ཡང་ཡང་འཐབ་པའི་མི། དཔའ་རྩལ་སྙིང་སྟོབས་ལྡན་པར་གྱུར་ཞེས་པ་ལྟ་བུ། |
| དཔའ་ལུང |
གྲིའི་ཡུ་བ་ལ་བཏགས་པའི་ལུང་ཐག |
| དཔའ་ཤོད |
ཚ་བ་དཔའ་ཤོད་དེ་བོད་དབུས་ཀྱི་ཤར་རྒྱུད་དང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད་པའི་ས་ཁུལ་ཞིག |
| དཔའ་སྐད |
དཔའ་གཏམ་སྟེ་དཔའ་བོ་ཡིན་ཁུལ་གྱི་གཏམ། (དཔེར་ན།) རང་གིས་མི་འཇོན་བཞིན་དུ་གཞན་ལ་དཔའ་སྐད་བཤད་པས་ཅི་ལ་ཕན། དཔའ་སྐད་གཡུ་འབྲུག་གྲག་གྲག་རེད་ཅེས་པ་ལྟ་བུ། |
| དཔའ་སྐྱེད་ཚ་པོ |
ཕེར་ཤ་ཚ་པོའམ་འཇོན་མདོག་གི་ཚུལ་ཏེ། (དཔེར་ན།) མི་ཤེས་ཤེས་མདོག་གི་དཔའ་སྐྱེད་ཚ་པོ་བྱེད་ཅེས་པ་ལྟ་བུ། |
| དཔའ་སྙིང |
འཇིགས་པ་མེད་པའི་སྙིང་སྟོབས་ཀྱི་དོན་ཏེ། (དཔེར་ན།) ཐང་ཡངས་པོའི་དཀྱིལ་ནས་དཔའ་སྙིང་བསྡུར། དཀའ་ངལ་ལ་འཛེམ་དོགས་མེད་པ་དེ་དཔའ་སྙིང་མངའ་བའི་རང་རྟགས་རེད་ཅེས་པ་ལྟ་བུ། |
| དཔའ་སྙེམས |
དཔའ་སྙིང་ཆེ་བའི་ཁེངས་དྲེགས་སམ་སྤོབས་པའི་དོན་ཏེ། (དཔེར་ན།) རང་ཚུལ་དང་མི་མཐུན་པའི་དཔའ་སྙེམས་བྱེད་པ་ནི་གད་མོ་འཆོར་བའི་རྒྱུ་རེད་ཅེས་པ་ལྟ་བུ། |
| དཔའ་སྟོབས |
ངར་སེམས། |
| དཔའ་སྡེ་གསུམ |
སྲོང་བཙན་སྒམ་པོའི་སྐབས་བོད་ཀྱི་ནུབ་བྱང་ནས་བྱང་ཤར་བར་གྱི་ས་མཚམས་སྲུང་བའི་སྟོད་སྨད་བར་གསུམ་གྱི་དམག་སྡེ། |
| དཔའ་སྲུང |
མདོ་ཁམས་སྨི་ལི་ཡུལ་གྱི་རི་བོ་ཞིག |
| དཔར |
1.(བྱེད་འབྲེལ་ལས་ཚིག) རྗེས་སམ་ཤུལ་བཏོད་པའི་དོན་ཏེ། (དཔེར་ན།) རྐང་རྗེས་ས་ལ་དཔར། འདམ་ལ་ལག་རྗེས་དཔར་ལྟ་བུ། 2.པར་དུ་བསྐྲུན་པ་སྟེ། (དཔེར་ན།) དཔེ་ཆ་དཔར། ཡི་གེ་དཔར། རི་མོ་དཔར་ལྟ་བུ། |
| དཔར་མ |
པར་དུ་བསྐྲུན་པའི་དངོས་རྫས་ཀྱི་མིང་། (དཔེར་ན།) དཔེ་ཆ་དཔར་མ་དང་བྲིས་མ། ཡི་གེ་དཔར་མ་དང་བྲིས་མ། རི་མོ་དཔར་མ་ཞེས་པ་ལྟ་བུ། |
| དཔལ |
1.བཀྲ་ཤིས་སམ་ཕུན་ཚོགས་དང༌། གཡང་ངམ་བཅུད་ཀྱི་དོན་ཏེ། (དཔེར་ན།) གཟི་བྱིན་གྱི་དཔལ། ཚེའི་དཔལ། མཐུ་སྟོབས་ཀྱི་དཔལ་ཞེས་པ་ལྟ་བུ།2.རྒྱུན་སྲོལ་ལ་མདོ་སྡེ་དང༌། ཡི་དམ། གནས་ཆེན་སོགས་ཀྱི་མིང་གི་ཐོག་མ་དང༌། བླ་སྤྲུལ་རྣམས་ཀྱི་མིང་མཐར་སྦྱོར་བའི་ཞེ་ཚིག་ཅིག (དཔེར་ན།) དཔལ་གསང་བ་འདུས་པའི་རྒྱུད། དཔལ་རྡོ་རྗེ་འཇིགས་བྱེད། དཔལ་བསམ་ཡས། འཇམ་མགོན་བློ་བཟང་གྲགས་པ་དཔལ་བཟང་པོ་ཞེས་པ་ལྟ་བུ། |
| དཔལ་ཀུན་ཏུ་བཟང་པོའི་གོ་འཕང |
སངས་རྒྱས་ཀྱི་གོ་འཕང་སྟེ། སྔགས་རྙིང་མའི་རིང་ལུགས་ལ་རྒྱུན་མཐའི་བར་ཆད་མེད་ལམ་ལ་བརྟེན་ནས་འདོད་ཆགས་ཆེན་པོའི་ལམ་གྱིས་འབྲས་བུའི་དབང་བསྐུར་བས་སྣང་གསུམ་འཕོ་བའི་བག་ཆགས་ཕྲ་བ་སྦྱངས་ཏེ་མི་སློབ་པའི་ཟུང་འཇུག་འབྲས་བུའི་ཆོས་ཉེར་ལྔ་པོ་དབྱེར་མེད་ལྷུན་གྲུབ་ཀྱི་ངོ་བོ་སྐུ་བཞི་ཡེ་ཤེས་ལྔའི་བདག་ཉིད་ཅན་ནོ། ། |
| དཔལ་ཁང |
དཔལ་སྒང་ཡང་ཟེར་ཞིང༌། སྔར་བོད་ཀྱི་རིགས་རུས་ཤིག་དང་དེའི་ཁྱིམ་མིང༌། དེང་སྐབས་ཀྱི་བཞད་མཐོང་སྨོན་རྫོང་ཁོངས་སུ་ཡོད། |
| དཔལ་ཁང་ཆོས་མཛད |
གཙང་གི་བཞད་ཤར་ཕྱོགས་དཔལ་ཁང་ཞེས་པའི་ཁྱིམ་དུ་འཁྲུངས། མཚན་དངོས་ངག་དབང་ཆོས་ཀྱི་རྒྱ་མཚོ་དབྱངས་ཅན་སྙེམས་པའི་སྡེར་འབོད་པ་དག་ཡིག་ངག་སྒྲོན་རྩོམ་པ་པོ་ཀརྨ་པ་མི་བསྐྱོད་རྡོ་རྗེ་དང་དུས་མཉམ་དུ་བྱུང་བ་ཞིག |
| དཔལ་ཁྱིམ |
(མངོན་བརྗོད།) ཨུཏྤལ་དམར་པོ། |
| དཔལ་གཏེར |
(མངོན་བརྗོད།) རྣམ་སྲས། |
| དཔལ་གདོང |
(མངོན་བརྗོད།) ཆུ་བྱ་ལོ། |
| དཔལ་གཡང |
དགེ་ཞིང་ལེགས་པའི་སྙིང་པོའམ་བཅུད། |
| དཔལ་གོས |
(མངོན་བརྗོད།) 1>པད་མ། 2>ཐང་ཆུ། |
| དཔལ་གྱི་ཀུན་དགའ་ར་བ |
(མངོན་བརྗོད།) བཟའ་ཤིང་གི་ར་བ་སྟེ་སྐྱེད་ཚལ། |
| དཔལ་གྱི་དུམ་བུ |
ཙན་དན་དཀར་པོའི་མིང་གི་རྣམ་གྲངས་ཤིག |
| དཔལ་གྱི་བདག |
(མངོན་བརྗོད།) ཁྱབ་འཇུག |
| དཔལ་གྱི་བུ |
(མངོན་བརྗོད།) རྟ་སྤྱི། |
| དཔལ་གྱི་མིང་ཅན |
(མངོན་བརྗོད།) ལི་ཤི། |
| དཔལ་གྱི་མེ་ཏོག |
(མངོན་བརྗོད།) བྱུ་རུ། |
| དཔལ་གྱི་འདབ་མ་ཅན |
(མངོན་བརྗོད།) པད་མ། |
| དཔལ་གྱི་ལག་པ |
(མངོན་བརྗོད།) 1>ལྷ་ཁྱབ་འཇུག 2>ཨུཏྤལ་དམར་པོ། |
| དཔལ་གྱི་ལྷ་མོ |
ལྷ་མོའི་བྱེ་བྲག་ཅིག |
| དཔལ་གྱི་སྙིང་པོ |
(མངོན་བརྗོད།) རལ་གྲི། |
| དཔལ་ངག་གི་དབང་པོ |
ཕག་གྲུ་སྡེ་སྲིད་ཁྲི་རབས་དགུ་པ། |
| དཔལ་ཆུ་བོ་རི |
ཆུ་བོ་རི་ལ་ལྟོས། |
| དཔལ་དགའ |
(མངོན་བརྗོད།) ཨུཏྤལ། |
| དཔལ་དི |
ས་མིང་ཞིག་བོད་ཀྱི་སྣ་དཀར་རྩེ་རྫོང་གི་བྱང་རྒྱུད་དུ་ཡོད་པའི་ཡར་འབྲོག་དཔལ་དི། |
| དཔལ་དུས་ཀྱི་འཁོར་ལོ |
བླ་ན་མེད་པའི་རྒྱུད་སྡེ་ཞིག་དུས་ཞེས་པ་མི་འགྱུར་བའི་བདེ་བ་དང༌། འཁོར་ཞེས་པ་རྣམ་ཀུན་མཆོག་ལྡན་གྱི་སྟོང་ཉིད་ཡིན་ལ། བདེ་སྟོང་གཉིས་སུ་མེད་པའི་དོན་གྱིས་དཔལ་ཞེས་བྱའོ། དེ་ལྟ་བུའི་དུས་ཀྱི་འཁོར་ལོ་དེ་ཉིད་ཕྱི་འཇིག་རྟེན་གྱི་ཁམས། ནང་རྡོ་རྗེའི་ལུས། གཞན་དཀྱིལ་འཁོར་གྱི་འཁོར་ལོའི་ཆོས་སུ་འཆར་བའོ། །མིང་གི་རྣམ་གྲངས་ལ་ཁམས་གསུམ་འཁོར་ལོས་སྒྱུར་བ་དང༌། མཆོག་གཉིས་སུ་མེད། ཐབས་ཤེས་བདག་ཉིད། ཐོག་མ་ཐ་མ་མེད། ཐོག་མའི་མགོན་པོ། དང་པོའི་སངས་རྒྱས། རྡོ་རྗེ་སེམས། སྡོམ་ལ་འདུས་པ། རྣམ་པ་ཀུན་མཆོག་ལྡན། རྣལ་འབྱོར། འཕོ་མེད། བྱང་ཆུབ་སེམས། རིགས་ཀུན་ཁྱབ་བདག་རིགས་མེད་པ། ཤེས་དང་ཤེས་བྱའི་བདག་ཉིད། ཨེ་ཝཾ་ཟུང་འཇུག་བཅས་སོ། ། |
| དཔལ་བཟང་པོ |
བོད་ཀྱིས་བླ་སྤྲུལ་དང༌། སློབ་དཔོན་སོགས་ཀྱི་མིང་མཇུག་ཏུ་སྦྱོར་བའི་ཆེ་བརྗོད་ཀྱི་ཚིག་ཅིག (དཔེར་ན།) འཇམ་མགོན་བློ་བཟང་གྲགས་པ་དཔལ་བཟང་པོ་ཞེས་པ་ལྟ་བུ། |
| དཔལ་བེའུ |
བཀྲ་ཤིས་པ་མཚོན་པའི་རྟགས་མཚན་རི་མོ་་་་་་་་་་་་་་འདིའི་མིང་། |
| དཔལ་མགོན |
1.གཟི་བརྗིད་ལྡན་པའི་སྐྱབས་སམ་དཔལ་གྱུར་པའི་སྐྱབས།2.ཆོས་སྐྱོང་མགོན་པོའི་མིང༌།3.ཁ་འཛིན་སྡོང་གྲོགས་ཀྱི་དོན་ཏེ། (དཔེར་ན།) མ་རིགས་ལྔའི་མཁའ་འགྲོ་མཐུ་སྟོབས་ཅན། དཔའ་འདན་མ་ཁྱོད་ལ་དཔལ་མགོན་མཛོད་ཅེས་པ་ལྟ་བུ།4.རྫོང་ཞིག་གི་མིང་། བོད་ཀྱི་གནམ་མཚོའི་བྱང་ངོས་དང་ནུབ་ངོས་ལ་ཡོད། སྔར་གྱི་མིང་རྙིང་ལ་གནམ་རུ་རྫོང་ཟེར། |
| དཔལ་མགྲིན |
(མངོན་བརྗོད།) དབང་ཕྱུག་ཆེན་པོ། |
| དཔལ་མཛེས |
གཟི་བརྗིད་ལྡན་ལ་མཚར་བ། |
| དཔལ་མར་མེ་མཛད་ཡེ་ཤེས |
ཇོ་བོ་རྗེ་ཨ་ཏི་ཤའི་མཚན་གྱི་རྣམ་གྲངས་ཤིག |
| དཔལ་མིན |
(མངོན་བརྗོད།) ཡི་དྭགས། |
| དཔལ་མོ |
1.བུད་མེད་མཆོག2.སྔར་རྒྱ་གར་དུ་བྱུང་བའི་གྲུབ་ཐོབ་བཙུན་མ་ཞིག3.ཁྱབ་འཇུག་གི་ཆུང་མ།2.སྤྱོད་པ་བཟང་ཞིང་ལང་ཚོ་དར་བབས་ཀྱི་བུ་མོའི་མིང་། |
| དཔལ་མོ་འོད་ཅན |
ཇོ་བོ་ཨ་ཏི་ཤའི་མ་ཡུམ་སྟེ་སྔར་བྷཾ་ག་ལའི་རྒྱལ་པོའི་བཙུན་མོ། |
| དཔལ་འབར |
1.གཟི་བརྗིད་འབར་བའམ་ཕུན་སུམ་ཚོགས་པ།2.རས་སྣུམ་སྦྱར་བའི་རྩྭའི་སྒྲོན་མེའམ་ཤིང་གི་སྒྲོན་མེ།3.རྫོང་ཞིག་གི་མིང་། བོད་དབུས་ཀྱི་ཤར་བྱང་ངོས་དང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། |
| དཔལ་འབྱོར |
1.ཕུན་སུམ་ཚོགས་པའི་འབྱོར་བ།2.དཔལ་འབྱོར་རིག་པའི་ཐོག་ལ་སྤྱི་ཚོགས་ཀྱི་དངོས་པོའི་ཐོན་སྐྱེད་དང༌། སླར་ཡང་ཐོན་སྐྱེད་བྱེད་པའི་བྱ་བར་ཟེར།3.རྒྱལ་ཁབ་བམ་མི་རེ་རེའི་རྒྱུ་ནོར་གྱི་མིང་། (དཔེར་ན།) དཔལ་འབྱོར་ལོངས་སྤྱོད་འཛོམས་ལྟ་བུ། 4.རྒྱལ་ཁབ་ཅིག་གི་རྒྱལ་འབངས་དཔལ་འབྱོར་གྱི་མིང་ངམ་བཟོ་ལས་དང་ཞིང་ལས། ཚོང་ལས། ནོར་སྲིད། དངུལ་ལོར་སོགས་རྒྱལ་འབངས་དཔལ་འབྱོར་གྱི་ཁག་ཅིག་གི་མིང་། |
| དཔལ་འཛོམས་པ |
དགེ་ཞིང་ལེགས་པ་རྣམས་ཚང་བའི་དོན་ཏེ། (དཔེར་ན།) སྟོབས་འབྱོར་མངའ་ཐང་གི་དཔལ་འཛོམས་པའི་རྒྱལ་ཁབ་ཆེན་པོ་ཞེས་པ་ལྟ་བུ། |
| དཔལ་ཡིད་ལ |
ལ་ཞིག བོད་གོ་འཇོ་རྫོང་གི་དབུས་རྒྱུད་ན་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་4642 ཡོད། |
| དཔལ་ཡུལ |
བོད་ཁམས་ཕྱོགས་ཀྱི་ས་ཁུལ་ཞིག་གི་མིང་། འབྲི་ཆུའི་ཤར་འགྲམ་ན་ཡོད། |
| དཔལ་ཡོན |
1.དགེ་ཞིང་ལེགས་པའི་ཡོན་ཏན།2.བཀྲ་ཤིས་སམ་ཕུན་ཚོགས་ཀྱི་དོན་ཏེ། (དཔེར་ན།) དཔྱིད་ཀྱི་དཔལ་ཡོན་ཕྱོགས་ཀུན་ནས་ཤར་ཞེས་པ་ལྟ་བུ། |
| དཔལ་ལྡན |
1.དགེ་མཚན་ནམ་ཡོན་ཏན་མང་པོ་ཡོད་པའམ། གཟི་བརྗིད་དང་ལྡན་པའི་དོན་ཏེ། (དཔེར་ན།) དཔལ་ལྡན་བླ་མ་དམ་པ་རྣམས་ཞེས་པ་ལྟ་བུ།2.མདོ་སྡེ་སོགས་ཀྱི་མིང་གི་ཐོག་མ་དང་བླ་སྤྲུལ་རྣམས་ཀྱི་མིང་གི་མཐར་སྦྱོར་བའི་ཞེ་ཚིག་གི་དོན་དུ་གོ་བའི་དཔལ་དང་འདྲ། |
| དཔལ་ལྡན་ཁྲག་འཐུང |
(མངོན་བརྗོད།) ཀྱེ་རྡོ་རྗེ། |
| དཔལ་ལྡན་མ |
ལྷ་མོ་སྤྱིའི་མིང༌། |
| དཔལ་ལྡན་ཚངས་པ་སྡེ་བཞི |
འདོད་ཡོན་ལྔ་ལ་ལོངས་སྤྱོད་པའི་དོན་ཏེ། ནོར་ཕྱུག་པ། ལུང་རྟོགས་ཀྱི་ཆོས་འཕེལ་བ། འདི་ཕྱིར་བདེ་ཞིང་ཐར་པ་ཐོབ་པའོ། ། |
| དཔལ་ལྡན་ཡེ་ཤེས |
༸ཀུན་གཟིགས་པཎ་ཆེན་ཨེར་ཏི་ནི་སྐུ་ཕྲེང་དྲུག་པ་འདི་ཉིད་རབ་བྱུང་བཅུ་གཉིས་པའི་ས་རྟ་ལོར་འཁྲུངས། རབ་བྱུང་བཅུ་གསུམ་པའི་ས་ཕག་ལོར་གོང་མ་ཆན་ལུང་གི་བཀའ་ལྟར་པེ་ཅིན་དུ་ཕེབས། ལོ་དེ་ཉིད་ལ་རྒྱ་ནག་གོང་མས་གཡང་ཊིའི་འཇའ་ས་དང༌། གཡང་ཊིའི་ཐམ་ག་སོགས་གཟིགས་བཟོས་ཆེན་པོ་གནང༌། རབ་བྱུང་བཅུ་གསུམ་པའི་ལྕགས་བྱི་ལོར་པེ་ཅིན་ཧོང་སི་ཞེས་པའི་དགོན་པར་འདས། སྐུ་ཕུང་གཙང་བཀྲ་ཤིས་ལྷུན་པོའི་གདན་སར་གསེར་སྡོང་གསར་བཟོས་ནང་དུ་བཅུག |
| དཔལ་ལྡན་རྒྱུ་སྐར |
(མངོན་བརྗོད།) དཔལ་དུས་ཀྱི་འཁོར་ལོའི་དཀྱིལ་འཁོར། |
| དཔལ་ལྡན་རྡོ་རྗེ་འཛིན་པ |
གསང་སྔགས་ཀྱི་སློབ་དཔོན་ཏེ། འཁོར་བའི་ཆོས་རྒྱབ་ཏུ་དོར་བ། འདོད་པ་ཆུང་ཞིང་ཆོག་ཤེས་པ། ལག་ལེན་ལ་མཁས་ཤིང་ཉམས་མྱོང་ཡོད་པ། རྒྱུད་ཀྱི་ཚིག་དོན་ལ་མཁས་ཤིང་སྒྲུབ་ལ་བརྩོན་པ། ལྟ་བའི་དོན་ལ་མཁས་ཤིང་ནུས་པ་རྫོགས་པ། སྙིང་རྗེ་ཆེ་ཞིང་གཏོང་ལ་དགའ་བ་སྟེ་མཚན་ཉིད་དྲུག་ལྡན་གྱི་བླ་མ། |
| དཔལ་ལྡན་ལྷ་མོ |
དབྱངས་ཅན་ལྷ་མོ་དྲག་ཏུ་ཁྲོས་པའི་ཆོས་སྐྱོང་ཞིག |
| དཔལ་ལྡན་ས་སྐྱོང |
སྲིད་དོན་གྱི་གོ་འཕང་མཐོ་བའི་མི་སྣ་ལ་ཆེ་བསྟོད་ཀྱི་ཚིག་ཅིག |
| དཔལ་ལྡན་ཨ་ཏི་ཤ |
ཨ་ཏི་ཤའི་ཆེ་མིང༌། |
| དཔལ་ལྷ |
དཔལ་ལྡན་ལྷ་མོའི་བསྡུས་ཚིག |
| དཔལ་ལྷའི་རི་རབ |
སྔར་ལྷ་སར་ཧོར་ཟླ་བཅུ་པའི་ཚེས་བཅོ་ལྔ་ཉིན་དཔལ་ལྷ་དང༌། གྲིབ་རྫོང་བཙན་གཉིས་ཞལ་འཛོམས་པའི་དུས་སྟོན། |
| དཔལ་སྐྱིད |
ས་མིང་ཞིག མདོ་ཁམས་མཛོད་དགེ་ཡུལ་གྱི་ཤར་རྒྱུད་ན་ཡོད། |
| དཔལ་སྒང |
དཔལ་ཁང་ལ་ལྟོས། |
| དཔལ་སྟུག་པོ |
1.གཟི་བརྗིད་ཆེན་པོ།2.རྒྱན་གྱི་བཀོད་པ་དཔལ་སྟུག་པོ་དང་ལྡན་པའི་ཕོ་བྲང་ཞིག3.སངས་རྒྱས་སྤྱིའི་མཚན། |
| དཔལ་སྤུངས་དགོན་པ |
སྡེ་དགེ་དཔལ་སྤུངས་དགོན་པ་ཐུབ་བསྟན་ཆོས་འཁོར་གླིང་ཞེས་པ། རབ་བྱུང་བཅུ་གཉིས་པའི་མེ་ལུག་ལོར་སི་ཏུ་ཆོས་འབྱུང་གིས་ཕྱག་བཏབ། མདོ་སྔགས་བཤད་སྒྲུབ་ཀྱི་ཆོས་གྲྭ་བཙུགས་ཏེ་བཀའ་བརྒྱུད་ཀྱི་གྲྭ་སའི་ལྟེ་བར་གྱུར། |
| དཔལ་སྤྲུལ་འཇིགས་མེད་ཆོས་ཀྱི་དབང་པོ |
རབ་བྱུང་བཅུ་བཞི་པའི་ས་འབྲུག་ལོར་བྱང་རྫ་ཆུ་ཁར་སྐུ་འཁྲུངས། དཔལ་དགེ་བསམ་གཏན་ཕུན་ཚོགས་ཀྱི་ཡང་སྤྲུལ་དུ་ངོས་འཛིན་བྱས་ནས་མཚན་འཇིགས་མེད་ཆོས་ཀྱི་དབང་པོར་བཏགས། ཁོང་གི་སྐུ་ཚེ་ཧྲིལ་པོར་བྱ་བྲལ་གྱི་མཛད་པ་བསྐྱངས། ཁྲིད་ཡིག་ཀུན་བཟང་བླ་མའི་ཞལ་ལུང་སོགས་ཉམས་ལེན་དང་ཞལ་གདམས་ཀྱི་སྐོར་དང༌། བྱམས་ཆོས་ཀྱི་འགྲེལ་བ་སོགས་གཞུང་བཤད་ཀྱི་སྐོར། གཏམ་པད་མའི་ཚལ་གྱི་ཟློས་གར་སོགས་གཏམ་ཚོགས་སྐོར་བཅས་པོད་གྲངས་བདུན་ཙམ་ཡོད་ལ། རབ་བྱུང་བཅོ་ལྔ་པའི་མེ་ཕག་ལོར་འདས། |
| དཔུང |
1.གྲལ་དུ་བསྒྲིགས་པའི་མི་ཚོགས་ཀྱི་མིང་། (དཔེར་ན།) མི་མང་དཔུང་བསྒྲིགས་ཞེས་པ་ལྟ་བུ། 2.དམག་གི་མིང་། (དཔེར་ན།) དམག་དཔུང་། དཔུང་ཆེན། དགྲ་དཔུང་བཅོམ། དཔུང་བུ་ཆུང་། དཔུང་འཇུག་ཅེས་པ་ལྟ་བུ།3.ནགས་ཚལ་སོགས་ལ་མེ་འབར་བའི་མེ་ལྕེ་ཆེན་པོའི་མིང་། (དཔེར་ན།) མེ་དཔུང་ནགས་ལ་མཆེད་ཅེས་པ་ལྟ་བུ། |
| དཔུང་གཉེན |
1.རང་ལ་རོགས་བྱེད་མཁན་གྱི་མིང་། (དཔེར་ན།) སྐྱབས་དང་མགོན་དང་དཔུང་གཉེན་ཞེས་པ་ལྟ་བུ། 2.གཡུལ་ངོར་འཐབ་འཛིང་བྱེད་པའི་དམག་དཔུང་ལ་དཔུང་རོགས་སུ་འོངས་པའི་དམག་དཔུང་གི་མིང་། ཕྱི་དཔུང་ཡང་ཟེར། |
| དཔུང་གདང་ཤིག་ཤིག |
དཔུང་གཤིབས་ནས་འགྲོ་ཚུལ་ཞིག་སྟེ། (དཔེར་ན།) ཁོང་གཉིས་དཔུང་གདང་ཤིག་ཤིག་བྱས་ནས་ཕྱིན་སོང༌ལྟ་བུ། |
| དཔུང་གནོན་པ |
དཔུང་སྟོབས་ཀྱིས་ཕ་རོལ་གནོན་པའི་དོན་ཏེ། (དཔེར་ན།) མེ་སྒྱོགས་དྲག་ཏུ་འཕངས་ནས་དགྲ་དཔུང་གནོན་པ་ལྟ་བུ། |
| དཔུང་གཤིབ |
དཔུང་པ་མཉམ་གཤིབ་དཔུང་གཤིབ་ཀྱི་ངང་ནས་མདུན་ནས་མདུན་དུ་སྐྱོད་པ་སྟེ། (དཔེར་ན།) དཔུང་གཤིབ་མཉམ་འགྲོའི་སྒོ་ནས་དར་རྒྱས་སུ་འཕེལ་བཞིན་ཡོད་ཅེས་པ་ལྟ་བུ། |
| དཔུང་གཤོང |
ཕྲག་མཚམས་ཀྱི་ཀོང་བུ། |
| དཔུང་གསིག |
དཔུང་པ་གསིག་གསིག་བྱེད་པའི་དོན་ཏེ། (དཔེར་ན།) ཁུར་ཆེན་འཁྱེར་དུས་དཔུང་གསིག་ཡང་ཡང་བརྒྱབ་ན་ངལ་དུབ་ཆུང༌ཞེས་པ་ལྟ་བུ། |
| དཔུང་གི་ཁྱུ་མཆོག |
(མངོན་བརྗོད།) དམག་དཔོན། |
| དཔུང་གི་དཀྱིལ་འཁོར |
(མངོན་བརྗོད།) དམག་སྡེ། |
| དཔུང་གི་སྦྲོན་ཐོ |
དཔུང་སྡེ་སྐོང་བའི་བརྡ་ཐོ། |
| དཔུང་གྲོགས |
1.གཞོགས་འདེགས་དམག་སྡེ།2.རྒྱབ་སྣོན་དམག་སྡེ།3.དཔུང་འདེགས་ལས་རོགས། |
| དཔུང་ངར་མ |
དམག་དཔུང་དྲག་ཤུགས་ཆེ་བ། |
| དཔུང་ངོམ |
དཔུང་ཤུགས་ཡོད་ཉམས་བྱེད་པའི་དོན་ཏེ། (དཔེར་ན།) ས་ཕྱོགས་གང་སར་དཔུང་ངོམ་བཙན་འཛུལ་གྱི་སྡིག་སྤྱོད་བྱེད་ཅེས་པ་ལྟ་བུ། |
| དཔུང་དམག |
དམག་སྡེའམ་དམག་དཔུང༌། |
| དཔུང་པ |
ལུས་ཀྱི་གྲུ་མོ་ནས་སོག་པའི་བར་གྱི་མིང་། (དཔེར་ན།) མགོ་ལས་དཔུང་པ་མཐོ། ལག་ཟད་དཔུང་པར་ཐུག དཔུང་པ་ངོམ་པ་ཞེས་པ་ལྟ་བུ། |
| དཔུང་པ་རྡར་བ |
འགྲན་སྡུར་བྱེད་པའི་དོན་ཏེ། (དཔེར་ན།) ཁོ་གཉིས་རྒྱལ་ཁ་སུས་ཐོབ་ཀྱི་ཆེད་དུ་དེང་སང་དཔུང་པ་རྡར་བའི་སྒང་རེད་ཅེས་པ་ལྟ་བུ། |
| དཔུང་པ་སྐྱེས |
(མངོན་བརྗོད།) རྒྱལ་པོ། |
| དཔུང་པའི་མགོ་ཟླུམ་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྙན་པར་སྨྲ་བ་དང་ལེགས་པར་སྨྲ་བའི་རྗེས་སུ་མཐུན་པར་བྱས་པས་དཔུང་མགོ་ཤིན་ཏུ་ཟླུམ་པ། |
| དཔུང་པའི་འདབ |
(མངོན་བརྗོད།) ལག་པ། |
| དཔུང་པོ |
(བརྡ་རྙིང་།) ཕུང་པོ། |
| དཔུང་བ |
མིའི་ལག་པའི་གྲུ་མོ་ནས་སོག་པའི་བར་གྱི་ལྷུ་ཚིགས་དང་དུད་འགྲོ་སུག་བཞིའི་ཡན་ལག་སྟོད་མའི་ལྷུ་ཚིགས་བར་མའི་མིང་། ཚིག་བསྡུས་ན་དཔུང་ཞེས་འབྲི་ཆོག་སྟེ། (དཔེར་ན།) དཔུང་རུས་དང་། དཔུང་ཚིགས་ཟེར་བ་ལྟ་བུ། |
| དཔུང་བཅད་རས |
1.ཕུ་དུང་མེད་པའི་སྟོད་ཐུང༌།2.དགེ་སློང་མའི་ནུ་སྒྲིབ་ཀྱི་རས། |
| དཔུང་བཅུག་དབང་སྡུད |
དཔུང་དམག་བཏང་ནས་དགྲ་བོ་དབང་དུ་སྡུད་པ། |
| དཔུང་བུ་ཆུང |
(མངོན་བརྗོད།) རྐང་དམག |
| དཔུང་མགོ |
ལུས་ཀྱི་ཕྲག་པའམ་ཕྲག་གོང༌། |
| དཔུང་མདུན་མ |
སྔོན་དུ་འགྲོ་མཁན་དཔུང་ཚོགས། |
| དཔུང་ཚིགས |
དཔུང་ལག་གཉིས་ཀྱི་རུས་མཚམས། |
| དཔུང་ཚིགས་ཕྱི |
སོག་པ་གཉིས་ཀྱི་ཕྱོགས། |
| དཔུང་ཚོགས |
1.དམག་མི་མང་པོའི་ཚོགས་པའམ་རོགས་ཟླ་མང་པོའི་ཚོགས་པ།2.དམག་རིགས། |
| དཔུང་ཚོགས་ཡན་ལག་བཞི |
འཁོར་སྒྱུར་རྒྱལ་པོའི་དཔུང་སྡེ་རིགས་བཞི་རྟའི་དམག་དང༌། དམག་བཅས་བཞིའོ། ། |
| དཔུང་འཇའ |
རླུང་ནད་རིགས་ཤིག་རླུང་ནད་ཕྲག་པའི་རྩ་དཀར་ལ་ཞུགས་ནས་དེར་གནས་པའི་རྩ་འཁུམས་ཤིང་བྱ་བ་ཉམས་པ་ཞིག |
| དཔུང་འཇུག |
དམག་ཚོགས་བཏང་བའི་དོན་ཏེ། (དཔེར་ན།) ཐག་རིང་དུ་དྲག་པོ་དཔུང་འཇུག་བྱས་ཞེས་པ་ལྟ་བུ། |
| དཔུང་འཇུག་དམ་བཅའ |
དགྲ་ཐོག་དམག་དཔུང་གཏོང་རྒྱུར་གྲོས་དན་བཅའ་བ། |
| དཔུང་འདེགས་པ |
1.དཔུང་ཚོགས་འགྲོ་བའི་དོན་ཏེ། (དཔེར་ན།) གཡུལ་ས་དང་ཉེ་བར་དཔུང་འདེགས་པ་ཞེས་པ་ལྟ་བུ།2.ལས་རོགས་བྱེད་པ། |
| དཔུང་འཛུམ |
ཕྲག་དཔུང་མདུན་གཡས་གཡོན་གྱི་ཀོང་མོ། |
| དཔུང་ཡ |
འགྲན་ཡའམ་ཁ་གཏད་ཀྱི་དོན་ཏེ། (དཔེར་ན།) དཔའ་བོའི་དཔུང་ཡ་ཞེས་པ་ལྟ་བུ། |
| དཔུང་རུས |
ཕྲག་པའི་རུས་པ། |
| དཔུང་རོགས |
གྲོགས་བྱེད་མཁན་ནམ་རོགས་པའི་དོན་ཏེ། (དཔེར་ན།) ཕོ་རྒོད་ཀྱང་རྒྱབ་ཏུ་དཔུང་རོགས་དགོས་ལྟ་བུ། |
| དཔུང་རྐང |
ཕྲག་ཚིགས་ནས་གྲུ་ཚིགས་བར་གྱི་རུས་པ་དེ་ལ་དཔུང་པ་ཟེར་ཞིང༌། དེའི་སྦུབས་སུ་རྐང་མར་འབྱུང་བས་དཔུང་རྐང་ཟེར། |
| དཔུང་རྒྱན |
ལུས་ཀྱི་དཔུང་པ་མཛེས་བྱེད་ཀྱི་རྒྱན་ཆ། |
| དཔུང་རྟགས |
ཕྲག་པ་གཡས་གཡོན་གྱི་ངོས་སུ་འདོགས་པའི་མཚན་མ། |
| དཔུང་རྡུལ |
དཔུང་ཚོགས་སྐྱོད་སྐབས་ལངས་པའི་ཐལ་འཚུབ། |
| དཔུང་རྩ |
དཔུང་པའི་ལུག་གཞུག་ནས་ཐུར་དུ་སོར་གསུམ་གཞལ་བའི་སར་ཡོད་པའི་གཏར་རྩ་ཞིག་དེ་གཏར་ན་གློ་ཚད་དང༌། ཁྲག་ཚད་སོགས་ལ་ཕན། |
| དཔུང་ཤུགས |
1.དམག་དཔུང་གི་སྟོབས་ཤུགས།2.ལག་པའི་ནུས་ཤུགས་ཀྱི་དོན་ཏེ། (དཔེར་ན།) ཁྲེས་ཁུར་ཆེན་པོ་ཕྲག་སྟེང་དུ་སངས་ཀྱིས་འགྱོགས་པའི་དཔུང་ཤུགས་སྐྱེད་པ་ལྟ་བུ། |
| དཔུང་ཤེད |
1.དམག་སྡེའི་སྟོབས་ཤུགས།2.ལག་པའི་ནུས་ཤུགས་ཀྱི་དོན་ཏེ། (དཔེར་ན།) གྱད་རྡོ་ཆེན་པོ་དཔུང་ཤེད་ཀྱིས་འདེགས་པ། ཤིང་སྦོམ་པོ་དཔུང་ཤེད་ཀྱིས་གཅོག་པ་ལྟ་བུ། |
| དཔུང་སུག |
སྙད་རྐོ་བའམ་སྙད་འཚོལ་བའི་དོན་ཏེ། (དཔེར་ན།) གཞན་ལ་དོན་མེད་དཔུང་སུག་བཏང་སྟེ་སྙད་རྐོ་མ་བྱེད་ཅེས་པ་ལྟ་བུ། |
| དཔུང་སྒར |
དཔུང་དམག་སྡོད་གནས། |
| དཔུང་སྒྲིལ |
མི་མང་ཕྱོགས་གཅིག་སྡེབ་པའི་དོན་ཏེ། (དཔེར་ན།) མི་ངན་དཔུང་སྒྲིལ་གྱིས་གཏོར་བརླག་བྱེད་མཁན་ལ་ཁྲིམས་གཅོད་གཏོང་དགོས་ལྟ་བུ། |
| དཔུང་སྟོབས |
དཔུང་དམག་གི་སྟོབས་ཤུགས་ཀྱི་དོན་ཏེ། (དཔེར་ན།) དཔུང་སྟོབས་དར་ཞིང་དྲག་པ། རང་ཉིད་ཀྱི་དཔུང་སྟོབས་ལས་བྱུང་བ་མ་ཡིན་ཞེས་པ་ལྟ་བུ། |
| དཔུང་སྡེ |
1.དམག་སྡེ།2.མི་མང་པོའི་ཚོགས་པ། |
| དཔུང་སྡེབ |
མི་མང་དཔུང་ཤུགས་གཅིག་ཏུ་སྒྲིལ་བའི་དོན་ཏེ། (དཔེར་ན།) དམག་ཚོགས་དཔུང་སྡེབ་ཅེས་པ་ལྟ་བུ། |
| དཔུང་སྣོན |
དམག་དཔུང་གི་སྣོན་མའམ། ཁ་སྣོན། |
| དཔུང་སྦྲེལ |
དཔུང་པ་མཉམ་གཤིབ་ཀྱི་དོན་ཏེ། (དཔེར་ན།) ཚང་མས་ལག་གདང་དཔུང་སྦྲེལ་གྱི་སྒོ་ནས་ལས་ཀ་འབད་བརྩོན་ཆེན་པོ་བྱེད་ཅེས་པ་ལྟ་བུ། |
| དཔུང་ཧྲག་པ |
གོ་ཐང་གི་དམག་སྡེའི་དོན་ཏེ། (དཔེར་ན།) དགྲ་བོ་ཟིལ་གྱིས་གནོན་པའི་དཔུང་ཧྲག་པ་ཞིག་གཏོང་དགོས་ལྟ་བུ། |
| དཔུར |
(བརྡ་རྙིང་།) སྤུར་དང་འདྲ། |
| དཔེ |
1.ཚད་དབྱིབས་སོགས་མཚོན་བྱེད་ཀྱི་རི་མོ་དང་གཟུགས་དབྱིབས་སོགས་ཀྱི་མིང་། (དཔེར་ན།) དཔེ་རིས། དཔེ་མཚོན། དཔེ་ཟླ་ཞེས་པ་ལྟ་བུ། 2.མཚོན་བྱེད་ཀྱི་མིང་། (དཔེར་ན།) གཞན་དཔེ་རང་སྦྱོར། རང་དཔེ་གཞན་སྟོན། དཔེ་མེད་པ་ཞེས་པ་ལྟ་བུ། |
| དཔེ་ཁང |
དཔེ་ཆའི་ཁང་པའམ་དཔེ་དེབ་སྣ་ཚོགས་ཡོད་པའི་ཁང་པ། |
| དཔེ་ཁུག |
དཔེ་ཆའམ་དེབ་བླུག་སྣོད་ཀྱི་ཁུག་མ། |
| དཔེ་ཁྲི |
དཔེ་ཆ་འཇོག་སའི་ཁྲི་སྟེགས། |
| དཔེ་ཁྲིད |
གཞན་ལ་དཔེ་ཆའི་ཚིག་དོན་བརྡ་སྤྲོད་པའི་དོན་ཏེ། (དཔེར་ན།) དགེ་རྒན་གྱིས་སློབ་ཕྲུག་ལ་དཔེ་ཁྲིད་བྱེད་བཞིན་འདུག་ལྟ་བུ། |
| དཔེ་གཉིས |
གཏན་ཚིགས་རིག་པའི་རྟགས་སྦྱོར་ལ་ཆོས་མཐུན་པའི་དཔེ་དང༌། ཆོས་མི་མཐུན་པའི་དཔེ་གཉིས་ཡོད། |
| དཔེ་གཞི |
ལེགས་ཉེས་ཀྱི་མིག་དཔེ་བལྟ་སའི་གཞི། (དཔེར་ན།) སྤྱོད་བཟང་གི་དཔེ་གཞི་ལ་བལྟས་ནས་དེའི་རྗེས་སུ་སློབ་སྦྱོང་བྱེད་པ། གཟུགས་རིས་སྦྱོང་རྒྱུའི་དཔེ་གཞི་བྲིས་ལྟ་བུ། |
| དཔེ་གསར |
བཟོ་དབྱིབས་སྔར་མེད་གསར་པའི་དོན་ཏེ། (དཔེར་ན།) ཐོང་གཤོལ་དཔེ་གསར། མཚོན་ཆ་དཔེ་གསར་ཞེས་པ་ལྟ་བུ། |
| དཔེ་གསར་ཡང་གསར |
གསར་པའི་ནང་གི་གསར་པའི་དོན་ཏེ། (དཔེར་ན།) མི་དང་མིའི་བར་གྱི་འབྲེལ་ལམ་དཔེ་གསར་ཡང་གསར་ཞིག་ཆགས་ཡོད། དཔེ་གསར་ཡང་གསར་གྱི་འཕྲུལ་འཁོར་ཞེས་པ་ལྟ་བུ། |
| དཔེ་གོག |
དཔེ་ཆར་སྨོད་པའི་ཚིག (དཔེར་ན།) ཁྱོད་ཀྱི་དཔེ་གོག་དེ་ཕྱིར་ཐོན། ངའི་རྟེན་མཆོད་རྣམས་ལ་བཙོག་པ་ཤོར་འོང༌ལྟ་བུ། |
| དཔེ་ངན་པ |
དོན་དང་འགལ་བའམ་མི་འོས་པའི་དཔེ། |
| དཔེ་ཆ |
བརྩམས་པའི་གཞུང་རྣམས་ཡི་གེར་བཀོད་པའི་དེབ་དང་པོ་ཏི་སོགས་ཀྱི་མིང་། (དཔེར་ན།) བརྡ་སྤྲོད་ཀྱི་དཔེ་ཆ་ཞེས་པ་ལྟ་བུ། ཚིག་བསྡུས་ན་དཔེ་ཞེས་འབྲི་ཆོག་སྟེ། (དཔེར་ན།) དཔེ་ཆའི་མཛོད་ཁང་ལ་དཔེ་མཛོད་ཁང་ཟེར་བ་ལྟ་བུ། |
| དཔེ་ཆ་ཁྲུ་ཚད་མ |
དཔེ་ཆ་ཤོག་བུའི་དཀྱུས་ལ་ཁྲུ་གང་ཡོད་པ། |
| དཔེ་ཆ་པར་མ |
པར་བརྒྱབ་པའི་དཔེ་ཆ། |
| དཔེ་ཆ་བ |
གཞུང་ལུགས་ལ་ཐོས་བསམ་བྱེད་མཁན། |
| དཔེ་ཆ་མདའ་ཚད་མ |
དཔེ་ཆ་ཤོག་བུའི་དཀྱུས་ལ་མདའ་གང་ཡོད་པ། |
| དཔེ་ཆོས |
བྱང་ཆུབ་ལམ་གྱི་སྒྲོན་མའི་ནང་དོན་རྣམས་འཇིག་རྟེན་གྱི་ཁ་དཔེ་ལས་དྲས་པའི་དཔེ་ཆོས་ཏེ་དགེ་བཤེས་པོ་ཏོ་བའི་གསུང་སྒྲོས་རྣམས་སོ། ། |
| དཔེ་ཆོས་རིན་ཆེན་སྤུངས་པ |
བཀའ་གདམས་དགེ་བཤེས་པོ་ཏོ་བས་མཛད་པའི་དཔེ་ཆོས་ཀྱི་འགྲེལ་པ་བྲག་དཀར་བས་བརྩམས་པ། |
| དཔེ་ཉེར་འཇལ |
དཔེ་ཉེར་འཇལ་བའི་ཚད་མ་དང་དོན་གཅིག |
| དཔེ་ཉེར་འཇལ་བའི་ཚད་མ |
འདྲ་བའམ་དཔེ་རྟོགས་ཟིན་གྱི་རྒྱུ་མཚན་ཡང་དག་ལ་བརྟེན་ནས་རང་ལ་ལྐོག་གྱུར་གྱི་དོན་དེ་དཔེ་དེ་དང་འདྲ་བར་རྟོགས་པའི་རྗེས་དཔག (དཔེར་ན།) མྱུ་གུ་བདེན་པར་མེད་པ་མེ་ལོང་ནང་གི་གཟུགས་བརྙན་དང་འདྲའོ་སྙམ་པ་དང༌། བ་མིན་བ་ལང་དང་འདྲའོ་སྙམ་པ་ལྟ་བུའོ། ། |
| དཔེ་ཉོག |
ཆ་མི་ཚང་བ་སོགས་མཁོ་ཕན་མེད་པའི་དཔེ་ཆ། |
| དཔེ་ཐིག |
དཔེ་ཆ་འབྲི་དུས་མི་འཁྱོག་པའི་ཆེད་དུ་བཏབ་པའི་ཐིག |
| དཔེ་ཐོ |
དཔེ་ཆའི་དཀར་ཆག |
| དཔེ་དབྱིབས |
དཔེ་ལེན་སའམ་བལྟ་སའི་བཟོ་དབྱིབས། |
| དཔེ་དར་བ |
སྲོལ་གསར་མཆེད་པའི་དོན་ཏེ། (དཔེར་ན།) མི་ཚང་མ་ངལ་རྩོལ་ལ་དགའ་བའི་དཔེ་དར་བ་ལྟ་བུ། |
| དཔེ་དེབ |
དཔེ་ཆ་མགོ་བཙེམས་མའི་སྤྱི་མིང་། (དཔེར་ན།) དཔེ་དེབ་དཔར་སྐྲུན་བྱས་ལྟ་བུ། |
| དཔེ་ཕྱིན་ཅི་ལོག་ཏུ་སྦྱར་བ |
ཚུལ་ལྔ་འདོད་པའི་ལུགས་ཏེ། ཆོས་མཐུན་པའི་དཔེ་ལྟར་སྣང་ལྔའི་ནང་གསེས། གཏན་ཚིགས་རིག་པའི་སྦྱོར་བའི་འགོད་ཚུལ་སྦྱར་སྐབས་སྔོན་ལ་རྟགས་དང་རྗེས་སུ་བསྒྲུབ་བྱ་བརྗོད་དགོས་པ། དཔེར་ན་གང་བྱས་པ་ཐམས་ཅད་མི་རྟག་པ་ཉིད་ཡིན་ཏེ་ཞེས་བརྗོད་པར་བྱ་བ་ལས་མི་རྟག་པ་ཐམས་ཅད་བྱས་པ་ཡིན་ཞེས་བརྗོད་པའོ། ། |
| དཔེ་བཟང |
དཔེ་མཚོན་བྱེད་བཟང་པོ། |
| དཔེ་བཟོས་པ |
1.དཔེ་གསར་པ་བཅོས་པའམ་བཏོད་པའི་དོན།2.(ཡུལ་སྐད།) རྐྱེན་ངན་ཆགས་སྒོ་བྱུང་སྐབས་བཤད་རྒྱུའི་འགྱོད་ཚིག་ཅིག (དཔེར་ན།) ལྷོད་ཡངས་བྱས་པའི་རྐྱེན་གྱིས་ལས་དོན་གྲ་མ་འགྲིག་དཔེ་བཟོས་སོང༌ལྟ་བུ། |
| དཔེ་བརྗོད |
ཡང་དག་པའི་ཚད་ཐིག་བྱེད་ཆོག་པའི་ཚིག་སྦྱོར་སོགས་ཀྱི་མིང་། (དཔེར་ན།) སྙན་ངག་གི་དཔེ་བརྗོད། བརྡ་སྤྲོད་ཀྱི་དཔེ་བརྗོད་ཅེས་པ་ལྟ་བུ། |
| དཔེ་བཤད |
ཁ་དཔེའམ་གཏམ་དཔེ་སོགས་ཀྱི་བཤད་པ་སྟེ། (དཔེར་ན།) ཁོ་ལ་གོ་རྟོགས་ཡོང་ཆེད་སྔར་གྱི་ལོ་རྒྱུས་དཔེ་བཤད། ལུང་དྲངས། ལུང་ཐག་སྐེ་ལ་བརྒྱུས་པ་ཡིན། སྐད་ཆ་དོན་ལ་མ་ཁེལ་ན་དཔེ་བཤད་ལུང་འདྲེན་མང་ཡང་ཕན་མེད་ཡིན་ཞེས་པ་ལྟ་བུ། |
| དཔེ་བྱད |
གདོང་དང་ལུས་ཕུང་གི་དབྱིབས་དང་རྣམ་པའི་མིང་། |
| དཔེ་བྱད་བཟང་པོ |
སྐྱེས་བུ་ཆེན་པོ་མཚོན་པར་བྱེད་པའི་མཚན་གྱི་ཁྱད་པར་རམ་ཆ་ཤས་རྣམས་རྫོགས་པར་བྱེད་པ་མེ་ཏོག་གི་ཆ་ཤས་ཟེའུ་འབྲུ་ཡིན་པ་ལྟར་མཚན་གྱི་མེ་ཏོག་ལ་དཔེ་བྱད་ཀྱི་ཟེའུ་འབྲུས་མཛེས་པ་ཞེས་པའོ། ། |
| དཔེ་བྱད་བརྒྱད་ཅུ |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུ་སེན་མོའི་གསུམ་དང༌། སོར་མོའི་གསུམ་དང༌། རྩའི་གཉིས་དང༌། ཞབས་ཀྱི་གསུམ་དང༌། གཤེགས་སྟངས་བདུན་དང༌། དབུའི་གསུམ་དང༌། དབུ་སྐྲའི་དྲུག་དང༌། སྤྱན་གྱི་ལྔ་དང༌། སྨིན་མའི་བཞི་དང༌། སྙན་གྱི་གཉིས་དང༌། ཤངས་ཀྱི་གཉིས་དང༌། ཞལ་གྱི་གཉིས་དང༌། ལྗགས་ཀྱི་གསུམ་དང༌། ཚེམས་ཀྱི་ལྔ་དང༌། གསུང་གི་གཉིས་དང༌། ཕྱག་གི་གཉིས་དང༌། ཕྱག་གི་རི་མོའི་གསུམ་དང༌། སྐུ་སྤྱིའི་ཡོན་ཏན་བཅུ་དང༌། སྐུ་ལ་སྐྱོན་མེད་པའི་ཡོན་ཏན་བཞི་དང༌། སྐུ་སྨད་ཀྱི་བཞི་དང༌། ལྟོ་བའི་གཉིས་དང༌། ཀུན་སྤྱོད་སྤྱིའི་ཡོན་ཏན་གསུམ་བཅས་བརྒྱད་ཅུའོ། ། |
| དཔེ་མ་སྦྱར་བ |
ཚུལ་ལྔ་འདོད་པའི་ལུགས་ཏེ། ཆོས་མཐུན་པའི་དཔེ་ལྟར་སྣང་ལྔའི་ནང་གསེས། དོན་དེ་ལ་དཔེ་སྦྱོར་བ་གཏན་མེད་པས་བུམ་པ་ལ་སོགས་པ་ལ་སྒྲུབ་བྱེད་དང་བསྒྲུབ་བྱའི་ཆོས་གཉིས་འབའ་ཞིག་ཁོ་ན་སྟོན་པ་སྟེ། (དཔེར་ན།) བུམ་པ་ལ་བྱས་པ་ཉིད་དང་མི་རྟག་པ་ཉིད་བརྗོད་པ་ལྟ་བུའོ། ། |
| དཔེ་མཁྱུད |
1.མན་ངག་ཤེས་ཀྱང་སེར་སྣས་གསང་སྟེ་མི་སྟོན་པ།2.(བརྡ་རྙིང་།) སྣོད་ཆས། |
| དཔེ་མཇུག |
དཔེ་ཆའི་གཤམ་མམ་སྨད་ཆ། |
| དཔེ་མཚམས་པ |
མཚམས་ལ་བསྡད་དེ་དཔེ་ཚིག་བློ་ལ་འཛིན་མཁན་དང༌། དོན་ལ་རྟོག་དཔྱོད་བྱེད་མཁན། |
| དཔེ་མཛོད |
དཔེ་ཆ་འཇོག་སའམ་དཔེ་དེབ་སྣ་ཚོགས་ཡོད་པའི་ཁང་པ། |
| དཔེ་མཛོད་ཁང |
དཔེ་ཆ་སྣ་འཛོམས་འཇོག་སའམ་བལྟ་སའི་ཁང་པ། |
| དཔེ་མི་མཐུན་པ |
དཔེ་དོན་འགལ་བའམ་མི་མཚུངས་པའི་དོན་ཏེ། (དཔེར་ན།) དཔེ་མི་མཐུན་པ་ཞིག་བཞག་ནས་སྐད་ཆ་བཤད་ན་གོ་བརྡ་འཕྲོད་མི་ཐུབ་ཅེས་པ་ལྟ་བུ། |
| དཔེ་མེད |
1.མཚུངས་པ་མེད་པའི་དོན་ཏེ། (དཔེར་ན།) མི་དེ་དཔའ་བོ་དཔེ་མེད་ཅིག་རེད་ལྟ་བུ།2.(མངོན་བརྗོད།) སངས་རྒྱས། |
| དཔེ་ཙམ |
དོན་དངོས་མིན་པའི་དོན་ཏེ། (དཔེར་ན།) ཉི་མའམ་ཟླ་བ་ལྟ་བུའོ་ཞེས་པ་ནི་དཔེ་ཙམ་ལས་དངོས་མ་ཡིན་ལྟ་བུ། |
| དཔེ་ཟླ |
དཔེ་ཅན་གང་ཞིག་གི་དཔེའམ་དཔེ་ཟླ་སྟེ། (དཔེར་ན།) དགྲ་དང་ཕྲད་ན་དཔའ་ངར་དཔེ་ཟླ་མེད་ཅེས་པ་ལྟ་བུ། |
| དཔེ་འགྲེ |
དཔེ་སྤྱི་མཚུངས་སུ་རིགས་འགྲེ་བྱེད་པའི་དོན་ཏེ། (དཔེར་ན།) སློབ་སྦྱོང་བྱེད་ཐབས་དཔེ་འགྲེ་བྱས་ཆོག་ཅེས་པ་ལྟ་བུ། |
| དཔེ་འདྲ |
འདྲ་དཔེའམ་འདྲ་མཚུངས་ཀྱི་དོན་ཏེ། (དཔེར་ན།) འབྲོག་པས་བལ་འབྲེག་སྟངས་ཀྱི་དཔེ་འདྲའི་ཟློས་གར་ཞིག་འཁྲབ་ཅེས་པ་ལྟ་བུ། |
| དཔེ་འཚོང་བ |
དཔེ་ཆ་འཚོང་མཁན། |
| དཔེ་འཛིན་པ |
དཔེ་ཆ་བློ་འཛིན་བྱེད་མཁན། |
| དཔེ་ཡང་དག |
བསྒྲུབ་བྱ་ངེས་པའི་སྔོན་དུ་ཁྱབ་པ་ངེས་པའི་གཞིར་གྱུར་པ་བྱས་རྟགས་ཀྱིས་སྒྲ་མི་རྟག་པར་བསྒྲུབ་པའི་དཔེ་བུམ་པ་བཀོད་པ་ལྟ་བུའོ། ། |
| དཔེ་ཡང་དག་གཉིས |
མཐུན་དཔེ་ཡང་དག་དང༌། མི་མཐུན་དཔེ་ཡང་དག་སྟེ་གཉིས་སོ། ། |
| དཔེ་ཡིག |
ཡིག་གཟུགས་སྦྱོང་དཔེ་སྟེ་ཡིག་དཔེ་ཡང་ཟེར། |
| དཔེ་རས |
དཔེ་ཆ་སྒྲིལ་བྱེད་ཀྱི་རས། |
| དཔེ་རིས |
དཔེ་བལྟ་སའི་རི་མོ་ཇུས་འགོད་ཀྱི་དཔེ་རིས་ལྟ་བུ། |
| དཔེ་རིས་རེའུ་མིག |
དཔེ་བལྟ་སའི་རི་མོ་དང༌། ཨང་གྲངས་བཀོད་པའི་རེའུ་མིག |
| དཔེ་རུལ |
དགོས་མེད་ཀྱི་དཔེ་ཆ། |
| དཔེ་རྒྱུགས |
དཔེ་ཆ་ཤེས་མ་ཤེས་དག་བཤེར་གཏོང་བའི་རྒྱུགས་སྤྲོད་དེ། (དཔེར་ན།) དཔེ་རྒྱུགས་ལེན་པ། དཔེ་རྒྱུགས་སྤྲོད་ཅེས་པ་ལྟ་བུ། |
| དཔེ་ལས་དཔེ་ཅན་ལྷག་པའི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་ཅན་ཁྱད་ཆོས་ལྷག་པའི་སྒོ་ནས་མཚུངས་པ་དངོས་སུ་ལྡོག་ཅིང༌། ཤུགས་ལ་དཔེ་དོན་འདྲ་བར་སྟོན་པའི་རྒྱན་ཞིག |
| དཔེ་ལུང་ཆུ |
ཁམས་སྟོད་སྐྱེ་རྒུ་ས་ཆའི་འབབ་ཆུ་ཞིག |
| དཔེ་ལྟར་སྣང |
དཔེ་སྐྱོན་ཅན་ཏེ། བསྒྲུབ་བྱ་ངེས་པའི་སྔོན་དུ་ཁྱབ་པ་ངེས་པའི་གཞིར་བཟུང་ཡང་ངེས་པར་མི་ནུས་སོ། ། |
| དཔེ་ཤུབས |
དཔེ་ཆའི་ཤུབས་སམ་སྣོད། |
| དཔེ་སྐྱོན་ཅན |
དཔེར་མི་འོས་པའམ་དཔེ་དེ་རང་ལ་སྐྱོན་ཡོད་པས་དཔེར་འཛིན་མི་འོས་པ། |
| དཔེ་སྐྱོན་ཅན་མ་ཡིན་པ |
དཔེར་འོས་པའམ་དཔེ་དོན་ལ་སྦྱོར་འོས་པ། |
| དཔེ་སྐྲུན |
1.དཔེ་ཆ་གསར་དུ་པར་འདེབས་པ།2.མིག་ལྟོས་ཀྱི་དཔེ་བཟང་འཇོག་པའི་དོན་ཏེ། (དཔེར་ན།) སྔོན་ཆད་བྱུང་མ་མྱོང་བའི་བྱས་རྗེས་བཟང་པོའི་དཔེ་སྐྲུན་བྱེད་པ་ལྟ་བུ། |
| དཔེ་སྒྲོམ |
དཔེ་ཆ་འཇོག་སའི་ཤིང་སྒྲོམ། |
| དཔེ་སྟོན |
གཞན་ལ་མིག་དཔེ་སྟོན་པའི་དོན་ཏེ། (དཔེར་ན།) མང་ཚོགས་ཀྱི་ནང་དུ་ལས་ཀ་བྱེད་སྟངས་ཀྱི་རྣམ་གཞག་དཔེ་སྟོན་བྱེད་ཅེས་པ་ལྟ་བུ། |
| དཔེ་སྟོན་པ |
མདོ་སྡེ་པའི་མིང་སྟེ། ཆོས་ཐམས་ཅད་དཔེའི་སྒོ་ནས་སྟོན་པའི་གྲུབ་མཐའ་སྨྲ་བ་ཞིག |
| དཔེ་སྟོན་སྡེ་པ |
1.ཉན་ཐོས་སྡེ་པ་བཅོ་བརྒྱད་ཀྱི་ཡ་གྱལ་གོས་དམར་བའི་ནང་གསེས་ཤིག2.མདོ་ལུང་དཔེའི་སྒོ་ནས་སྟོན་མཁན་གྱི་སྡེ་ཞིག་དཔེ་སྟོན་པ་དང་དོན་གཅིག |
| དཔེ་སྲིད་པས |
(ཡུལ་སྐད།) ཡོད་དོགས་མེད་ཅེས་སྟོན་པའི་ཚིག (དཔེར་ན།) ཁྱེད་རང་ལག་ཤེས་མཁས་པོ་ཞེ་དྲག་ཡོད་པ་རེད་ཟེར་གྱི་འདུག་ལགས་དཔེ་སྲིད་པས། དཔེ་སྲིད་པས། ང་འདྲ་པོ་བརྒྱ་སྟོང་མང་པོ་ཡོད་པ་རེད་ཅེས་པ་ལྟ་བུ། |
| དཔེ་སྲོལ |
མིག་དཔེའི་དོན་ཏེ། (དཔེར་ན།) བྱས་རྗེས་བཟང་པོའི་དཔེ་སྲོལ་འཇོག་པ། ལས་སྟངས་ཆ་ཚང་དཔེ་སྲོལ་བསྟན་པའི་སྒོ་ནས་སློབ་ཁྲིད་བྱེད་ཅེས་པ་ལྟ་བུ། |
| དཔེན་པ |
(བརྡ་རྙིང་།) 1>མཁོ་བ། 2>ཕངས་ཤིང་ཡིད་དུ་འོང་བ། 3>གུས་པ། |
| དཔེའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་ཕལ་པ་དཔེ་ཅན་གྱི་ཁྱད་གཞི་དང༌། གཙོ་བོ་དཔེའི་ཁྱད་གཞི་གཉིས་ལ་ཡོད་པའི་ཁྱད་ཆོས་མཐུན་པར་སྟོན་པའི་རྒྱན་ཞིག |
| དཔེའི་འོད་གསལ |
རྫོགས་རིམ་གྱི་ཆོས་ཤིག་རླུང་སེམས་སྙིང་གར་བསྡུས་སྟོབས་ཀྱིས་གཉིད་འཁྲུལ་ལ་བརྟེན་པའི་སྒྲིབ་གཉིས་མངོན་གྱུར་དང་བྲལ་བའོ། ། |
| དཔེའི་རྒྱན |
དོན་རྒྱན་གྱི་ནང་གསེས་ཤིག་མཚོན་བྱེད་དཔེ་དང༌། མཚོན་བྱ་དོན་གྱི་དཔེ་ཅན་གཉིས་ཕན་ཚུན་འདྲ་བའམ། མཚུངས་པར་སྟོན་པའི་རྒྱན་ཞིག་ནང་གསེས་རྣམ་གྲངས་སུམ་ཅུ་སོ་གཉིས་ནི། ཆོས་དཔེ། དངོས་པོའི་དཔེ། བཟློག་པའི་དཔེ། ཕན་ཚུན་གྱི་དཔེ། ངེས་པའི་དཔེ། ངེས་མེད་ཀྱི་དཔེ། བསྡུས་པའི་དཔེ། ཕུལ་བྱུང་གི་དཔེ། རབ་བཏགས་ཀྱི་དཔེ། རྨད་བྱུང་གི་དཔེ། རྨོངས་པའི་དཔེ། ཐེ་ཚོམ་གྱི་དཔེ། གཏན་ལ་འབེབས་པའི་དཔེ། སྦྱར་བའི་དཔེ། མཉམ་ཉིད་ཀྱི་དཔེ། སྨད་པའི་དཔེ། བསྔགས་པའི་དཔེ། བརྗོད་འདོད་ཀྱི་དཔེ། འགལ་བའི་དཔེ། དགག་པའི་དཔེ། མཛེས་པའམ་ངོ་བསྟོད་ཀྱི་དཔེ། དེ་ཉིད་བརྗོད་པའི་དཔེ། ཐུན་མོང་མིན་པའི་དཔེ། བྱུང་མིན་གྱི་དཔེ། སྲིད་མིན་གྱི་དཔེ། མང་བའི་དཔེ། རྣམ་འགྱུར་གྱི་དཔེ། ཕྲེང་བའི་དཔེ། ངག་དོན་གྱི་དཔེ། ཟླ་བོ་དངོས་པོའི་དཔེ། མཚུངས་སྦྱོར་གྱི་དཔེ། རྒྱུའི་དཔེ་བཅས་སོ། ། |
| དཔེའི་རྡོར་དྲིལ |
དྲང་དོན་གྱི་རྡོར་དྲིལ། |
| དཔེའི་སྒྱུ་མ |
སྒྱུ་ལུས་ཀྱི་ནང་གསེས་ཤིག་རྫས་སོགས་ལ་བརྟེན་ནས་དོན་ལ་མེད་བཞིན་གློ་བུར་དུ་རྟ་གླང་སོགས་འཆར་བའོ། ། |
| དཔེའུ་ཆུང |
དཔེ་ཆ་ཆུང་ཆུང༌། |
| དཔེའུ་རིས |
རེའུ་མིག |
| དཔེར |
དཔེ་རུ་ཞེས་པའི་རུ་བསྡུས་པ་སྟ། (དཔེར་ན།) དཔེར་འོས་བ། དཔེར་མི་འོས་ཞེས་པ་ལྟ་བུ། |
| དཔེར་ན |
དཔེ་བཤད་ནའམ་དཔེ་མཚོན་ན་ཞེས་པའི་དོན་ཏེ། (དཔེར་ན།) དཔེར་ན་རང་ལ་བདེ་སྐྱིད་འདོད་པ་ལྟར་གཞན་ལའང་བདེ་སྐྱིད་དགོས། དགྲ་དམག་ཕམ་ནས་འཐོར་བ་ནི་དཔེར་ན་རི་བོ་ཉིལ་བ་བཞིན། དཔེ་བཀོད་ན་ཞེས་པའི་ཚིག་བསྡུས་པ། |
| དཔེར་བརྗོད |
འདྲ་ཚུལ་དཔེར་སྟོན་པ། |
| དཔེར་བརྗོད་པ |
དོན་དག་གོ་བྱེད་ཀྱི་དཔེ་བསྟན་པའི་དོན་ཏེ། (དཔེར་ན།) དེ་རིང་ངས་བཤད་པའི་སྐད་ཆ་དེ་དཔེར་བརྗོད་པ་ཙམ་དུ་ཟད་པ་ཡིན་ལྟ་བུ། |
| དཔེར་བསྒྲུན་པ |
ཕན་ཚུན་ཁྱད་སྡུར་གྱི་དཔེ་ཟླར་འགྲན་པའི་དོན་ཏེ། (དཔེར་ན།) བློ་གྲོས་ཀྱི་གཏིང་ཟབ་པས་རྒྱ་མཚོའི་དཔེར་བསྒྲུན་པ། རྣམ་རིག་གསལ་བས་ཉི་འོད་ཀྱི་དཔེར་བསྒྲུན་པ་ཞེས་པ་ལྟ་བུ། |
| དཔེར་བྱས་པ |
འདྲ་དཔེ་ལ་བཞག་པའི་དོན་ཏེ། (དཔེར་ན།) རྙིང་པ་དཔེར་བྱས་ནས་གསར་པ་བཟོ་དགོས་ལྟ་བུ། |
| དཔེར་མཚོན་པ |
དཔེར་གསལ་བའམ་དཔེར་གོ་བའི་དོན་ཏེ། (དཔེར་ན།) ཕམ་ཉེས་ཇི་ཙམ་བྱུང་བ་དེ་ཙམ་གྱིས་སྨྱོ་རླབས་ཆེར་འཕྱུར་བ་ནི་དགྲ་བོའི་ཧམ་སྤྱོད་ཁོ་ནས་དཔེར་མཚོན་པ་ཙམ་ལས་ཅི་ཡང་མིན་ལྟ་བུ། |
| དཔེར་མི་སྲིད་པ |
ཡོང་མི་ཤེས་པའི་དོན་ཏེ། (དཔེར་ན།) ཉི་ཟླ་ཐང་ལ་ལྷུང་བ་དཔེར་མི་སྲིད་པ་ལྟ་བུ། |
| དཔེར་ལེན་པ |
འདྲ་དཔེ་ལ་འཇོག་པའམ། མ་དཔེ་ལྟར་བཟོ་བའི་དོན་ཏེ། (དཔེར་ན།) ལྷམ་གོག་བཟོ་དུས་ཞྭ་མོ་དཔེར་ལེན་མི་ཉན་ལྟ་བུ། |
| དཔེར་སྲིད་དམ |
དངོས་སུ་དྲི་བའི་ཟོལ་གྱིས་ལྡོག་པ་ནས་ཡོང་སྲིད་ཀྱི་མ་རེད་ཅེས་སྟོན་པའི་ཚིག (དཔེར་ན།) ཡ་རབས་ཚད་ལྡན་ཞིག་གིས་སྤྱོད་ངན་དེ་འདྲ་བྱེད་པ་དཔེར་སྲིད་དམ། ལམ་ལུགས་ངན་པ་དེ་རིགས་སྤྱི་ཚོགས་གསར་པའི་ཁྲིམས་སྲོལ་ལ་ཡོང་བ་དཔེར་སྲིད་དམ་ཞེས་པ་ལྟ་བུ། |
| དཔོག |
དཔག་གི་ད་ལྟ་བ། (དཔེར་ན།) རྒྱ་མཚོའི་གཏིང་ཚད་དཔོག་བྱེད་ཀྱི་དཔྱད་ཆས། གཞུང་དོན་དཔོག་བྱེད་ཀྱི་རིག་པ། དཔོག་མཁན་ཞེས་པ་ལྟ་བུ། |
| དཔོག་རྩིས |
ཚོད་རྩིས་ཀྱི་དོན་ཏེ། (དཔེར་ན།) ཕྱི་རོལ་གྱི་སྣང་ཚུལ་ལ་གཞིགས་ནས་ནང་གི་དོན་སྙིང་དཔོག་རྩིས་རྒྱག་དགོས་ལྟ་བུ། |
| དཔོགས |
དཔོག་པའི་སྐུལ་ཚིག (དཔེར་ན།) གཞུང་དོན་དཔོགས་ཤིག་ལྟ་བུ། |
| དཔོང་ཁང |
(བརྡ་རྙིང་།) དཔོང་ས་དང་དོན་གཅིག |
| དཔོང་ས |
མི་མང་པོ་འདུས་ནས་རྩེད་མོ་སོགས་བརྩེ་བའི་འདུ་ར་དང་འདུ་ཁང་གི་མིང་། |
| དཔོད |
བཅོལ་བ་དང་བསྐུར་བའི་བརྡ་རྙིང་དུ་བཤད་པ་མཐོང་། (དཔེར་ན།) ཡུལ་སྐད་དུ་སྤྲོད་པ་ལ། དཔོད་པ་དང་སྤྲད་པ་ལ་དཔད་པ་ཟེར་བ་ལྟ་བུ། |
| དཔོད་པ |
(བྱེད་འབྲེལ་ལས་ཚིག) མི་ཞིག་གིས་རིམ་བཞིན་བཤད་ནས་མི་གཞན་ཞིག་ལ་ཡི་གེར་འགོད་འཇུག་པའི་དོན་ཏེ། (དཔེར་ན།) ཁྱེད་རང་གིས་ཡི་གེ་འབྲི་རོགས་གནང༌། ངས་དཔོད་ཡོང༌། ཡི་གེ་དཔོད་པ་ཞེས་པ་ལྟ་བུ། |
| དཔོན |
1.ལས་ཚན་ནམ་མི་སྡེའི་ཚན་པ་རེའི་འགན་བསྐོས་པའི་འགོ་ཁྲིད་ཀྱི་མིང་། (དཔེར་ན།) དམག་དཔོན། ཕྱི་འབྲེལ་དཔོན་ཁག སྡེ་དཔོན། ཚོ་དཔོན་ཞེས་པ་ལྟ་བུ།2.མཚོ་སྔོན་ཁ་སྐད་ལ་སྔགས་པའི་མིང་ལ་དཔོན་ཟེར། 3.དགེ་རྒན་གྱི་བརྡ་རྙིང་། (དཔེར་ན།) སློབ་དཔོན། དཔོན་སློབ(དགེ་རྒན་དང་སློབ་མ)ཅེས་པ་ལྟ་བུ། |
| དཔོན་ཁག |
ས་ཁུལ་ཁག་གི་དཔོན་རིགས། |
| དཔོན་ཁུངས |
མི་རབས་ཀྱི་མི་རྩའི་བདག་པོ། |
| དཔོན་གཡོག |
བྲན་བདག་དང་བྲན་འཁོར། |
| དཔོན་ངན |
དཔོན་རིགས་དང་ལས་བྱེད་ངན་པ། |
| དཔོན་ངན་འབྱོར་ལྡན་གྲལ་རིམ |
བཀས་བཀོད་རྒྱུད་འཛིན་ཕྱེད་ཙམ་དང་མི་སེར་སྤེལ་ཡུལ་ཕྱེད་ཙམ་གྱི་རྒྱལ་ཁབ་ནང་བཙན་རྒྱལ་རིང་ལུགས་དང་ཞིང་བདག་གྲལ་རིམ་གཉིས་དང་ངན་འབྲེལ་བྱས་ཏེ་རྒྱལ་ཁབ་ཀྱི་སྲིད་དབང་བཟུང་ནས། རྒྱལ་ཡོངས་ཀྱི་དཔལ་འབྱོར་སྲོག་རྩ་སྒེར་སྡོམ་བྱེད་མཁན་ཕྱིར་རྟེན་ཚོང་པའི་རང་བཞིན་ལྡན་པའི་འབྱོར་ཆེན་གྲལ་རིམ། |
| དཔོན་ཉམས |
མི་ཆེན་གྱི་ཉམས་སམ་རྣམ་འགྱུར། |
| དཔོན་ཉམས་རིང་ལུགས |
དོན་དངོས་དང་ཁ་བྲལ་བ་དང༌། མང་ཚོགས་དང་ཁ་བྲལ་བ། མང་ཚོགས་ཀྱི་ཁེ་ཕན་ལ་སེམས་ཁུར་མི་བྱེད་པ། བཀའ་འབེབས་བཀོད་གཏོང་ཁོ་ན་བྱེད་པ་ལས་ཞིབ་འཇུག་བརྟག་དཔྱད་མི་བྱེད་པ་བཅས་ཀྱི་ལས་ཀ་བྱེད་སྟངས་དང་འགོ་ཁྲིད་བྱེད་སྟངས། |
| དཔོན་ཐག་གཡོག་གཅོད |
དཔོན་ཐག་འབངས་གཅོད་ཀྱང་ཟེར། ཐག་གཅོད་དབང་མེད་བཞིན་དུ་ཐག་གཅོད་པ། |
| དཔོན་དམག |
དམག་དཔོན་དང་དམག་མི། |
| དཔོན་བརྒྱུད |
དཔོན་པོའི་གོ་གནས་འཛིན་པའི་བརྒྱུད་པ། |
| དཔོན་བློན |
1.རྒྱལ་བློན། 2.དཔོན་པོ་དང་བློན་པོ། |
| དཔོན་མོ |
1.དཔོན་པོའི་བུད་མེད།2.བུད་མེད་དཔོན་ས་འཛིན་མཁན། |
| དཔོན་ཚང |
དཔོན་པོའི་ཁྱིམ། |
| དཔོན་འཁོར |
གཙོ་བོ་དང་ཕྱི་འབྲང༌། |
| དཔོན་འགོ |
མི་རྒྱུད་ཀྱི་སྐྱེ་རུས་བདག་པོ། |
| དཔོན་འབངས |
དཔོན་པོ་དང༌། གཡོག་འཁོར། མི་སེར། |
| དཔོན་རབས |
དཔོན་པོ་རིམ་བྱུང་གི་མི་རབས། |
| དཔོན་རིམ |
གོ་སའི་རིམ་པ། |
| དཔོན་རྒྱུད |
རིགས་རུས་ཀྱི་རྒྱུད་གཅིག་པའི་དཔོན་གྲས། |
| དཔོན་སློབ |
1.སློབ་དཔོན་དང་སློབ་མ།2.དགོན་ཆུང་འགའ་རེའི་སློབ་དཔོན་ནམ་མཁན་པོའི་མིང༌། |
| དཔྱ |
1.ཁྲལ་གྱི་མིང་། དཔྱ་ཁྲལ་ཡང་ཟེར། 2.དུམ་བུའམ་ཆ་ཤས། |
| དཔྱ་ཁྲལ |
རྩིས་གཞི་གཏན་ལ་ཕབ་པའི་ཁྲལ་ཏེ། (དཔེར་ན།) ས་ཞིང་གི་དཔྱ་ཁྲལ་ཞེས་པ་ལྟ་བུ། |
| དཔྱ་ཐང |
ཁྲལ་འུལ་འཇལ་དགོས་ཀྱི་ཐོབ་ཆའམ་ཁྲལ་འབབ། |
| དཔྱ་བ |
སྨད་ར་གཏོང་བའམ། གཞན་སྐྱོན་བརྗོད་པའི་དོན་ཏེ། (དཔེར་ན།) སོ་སོ་རང་གིས་མ་བྱུང་བར་གཞན་ལ་དཔྱས་པས་ཅི་ཕན། མིའི་སྐྱོན་ཁོ་ན་དཔྱས་ན་རང་སྐྱོན་ནམ་ཡང་མཐོང་མི་ཡོང༌ལྟ་བུ། |
| དཔྱ་འབབ |
ཁྲལ་འཇལ་ལེན་བྱ་རྒྱུའི་འབོར་གྲངས། |
| དཔྱང |
(བྱེད་འབྲེལ་ལས་ཚིག) དཔྱངས་པའི་མ་འོངས་པ། དངོས་རྫས་ཕུར་བ་སོགས་ལ་བཏགས་ནས་ཐུར་དུ་འཕྱང་དུ་བཅུག་པའི་དོན་ཏེ། (དཔེར་ན།) དཔྱང་བྱའི་སྐེ་རགས་ཞེས་པ་ལྟ་བུ། |
| དཔྱང་ཐག |
1.སྟེང་ནས་ཐུར་དུ་བཏང་བའི་ཐག་པ་སྟེ། (དཔེར་ན།) བྲག་སྟེང་ནས་དཔྱང་ཐག་བཏང་བར་འཇུས་ཏེ་ཡར་འཛེག་པ་ལྟ་བུ།2.རྩེད་ཆས་ཤིག (དཔེར་ན།) ཕྲུ་གུས་རྩེད་རྭའི་ནང་དུ་དཔྱང་ཐག་རྩེད་ཅེས་པ་ལྟ་བུ།3.ཡིད་གཉིས་སམ་ཐེ་ཚོམ་གྱི་དོན་ཏེ། (དཔེར་ན།) དྲང་བདེན་གྱི་ལམ་དུ་འཇུག་པར་ཡིད་གཉིས་དཔྱང་ཐག་འཛིན་དོན་མེད་ཅེས་པ་ལྟ་བུ། |
| དཔྱང་ཐིག |
ཐུར་དུ་གློད་པའི་ཐི་གུའམ་ཐག་ཕྲ། |
| དཔྱང་དཔྱང་ཁྲུལ་ཁྲུལ |
ཐུར་དུ་དཔྱངས་པའི་དངོས་པོ་རླུང་གིས་བསྒུལ་ནས་གཡོ་ཚུལ་ཞིག |
| དཔྱང་དར |
ཐུར་དུ་འཕྱང་བའི་དར་གོས་སམ། དར་དཔྱང༌། |
| དཔྱང་བ |
དཔྱོང་བའི་མ་འོངས་པ། |
| དཔྱང་ཞགས |
ཐུར་དུ་འཕྱང་བའི་ཞགས་ཐག |
| དཔྱང་རྡོ |
ཐག་པར་བཏགས་ཏེ་ཐུར་དུ་གློད་པའི་རྡོ། |
| དཔྱང་ལུང |
ཐུར་དུ་བཏང་བའི་ལུང་ཐག |
| དཔྱངས |
དཔྱང་བའི་འདས་པ། (དཔེར་ན།) ཐག་པ་དཔྱངས་ནས་ལག་པ་འཇུ་ལྟ་བུ། |
| དཔྱད |
1.(བྱེད་འབྲེལ་ལས་ཚིག) དཔྱོད་ཀྱི་མ་འོངས་པ་དང་འདས་པ། 2.སེམས་ཀྱི་དཔྱད་པ་ཞིབ་མོའི་སྒོ་ནས་ལུས་ཀྱི་ཕྱི་ནས་ནད་མངོན་སུམ་འབྱིན་པའམ་འཕྲལ་དུ་ཞི་བར་བྱེད་པའི་ནད་བཅོས་ཐབས་ཤིག ནང་གསེས་སུ་དབྱེ་ན་འཇམ་དཔྱད་དུགས་ལུམས་བྱུག་པ་གསུམ་དང༌། རྩུབ་དཔྱད་གཏར་བསྲེག་དབུག་པ་གསུམ། དྲག་པོ་འདྲལ་གཅོད་འདྲུད་འབྱིན་བཞི་བཅས་སོ། ། |
| དཔྱད་ཀྱི་ས |
རྟ་གླང་སོགས་འདུལ་སའི་ས་ཆ། |
| དཔྱད་ཁྲ |
1.དཔྱད་མཚམས་ཁྲ་མའི་བསྡུས་མིང༌།2.སྔར་དགའ་ལྡན་ཕོ་བྲང་སྲིད་གཞུང་གི་རིམ་གྲོ་སྒྲུབ་སྐབས་དགོས་ཆའི་གྲངས་འབོར་ཐག་བཅད་པའི་ཡི་གེ་སྦུག་དམ་འབྱར་མ། |
| དཔྱད་གཏམ |
དོན་དང་དངོས་པོར་དཔྱད་པའི་གཏམ། |
| དཔྱད་གཞི |
བརྟག་དཔྱད་དམ་ཞིབ་འཇུག་བྱ་ཡུལ་ཏེ། (དཔེར་ན།) དཔྱད་གཞིའི་ཡིག་རིགས་ཞེས་པ་ལྟ་བུ། |
| དཔྱད་གསུམ |
རླུང་ཞི་བར་བྱེད་པའི་དཔྱད་ལ་ཏིལ་མར་ལ་སོགས་བསྐུ་མཉེ་བྱ་བ་དང༌། ཧོར་གྱི་མེ་བཙའ་བརྒྱབ་པ། མཁྲིས་ཞི་བར་བྱེད་པའི་དཔྱད་ལ་རྔུལ་དབྱུང་བ་དང༌། གཏར་ཁ་བྱ་བ། ཆུ་ཡི་འཕྲུལ་འཁོར་བྱ་བ། བད་ཀན་ཞི་བར་བྱེད་པའི་དཔྱད་ལ་དུགས་བརྒྱབ་པ་དང༌། མེ་བཙའ་བཞག་པ་བཅས་གསུམ་མོ། ། |
| དཔྱད་ཐབས |
བཤལ་སྨན་དང༌། སྐྱུག་སྨན། སྣ་སྨན། འཇམ་རྩི། ནི་རུ་ཧ། གཏར་ཁ། མེ་བཙའ། བདུག་ལུམས། ཐུར་མ་སོགས་ལ་བརྟེན་ནས་ནད་པ་གསོ་བའི་ཐབས་ཤེས། |
| དཔྱད་ཐབས་བརྒྱད་ཁྲི་བཞི་སྟོང |
བོན་ལུགས་ཕྲིན་ལས་སྐོར་གྱི་གཞུང་ཞིག |
| དཔྱད་པ |
དཔྱོད་པའི་འདས་པ་དང་མ་འོངས་པ། |
| དཔྱད་པ་གསུམ |
མངོན་སུམ་དང༌། རྗེས་དཔག་གམ་དངོས་སྟོབས་རྗེས་དཔག་ཡིད་ཆེས་རྗེས་དཔག་གམ་གྲགས་པའི་རྗེས་དཔག་སྟེ་རིགས་པ་གསུམ་གྱིས་དཔྱད་པའོ། ། |
| དཔྱད་པ་གསུམ་གྱིས་དག་པའི་ལུང |
སངས་རྒྱས་ཀྱི་བཀའ་ཚད་མ་ལྟ་བུ། གཞལ་བྱའི་གནས་གསུམ་ཆར་བརྗོད་བྱར་སྟོན་ཞིང༌། མངོན་གྱུར་སྟོན་པ་ལ་མངོན་སུམ་གྱིས་གནོད་པ་མེད་པ་དང༌། ལྐོག་གྱུར་སྟོན་པ་ལ་རྗེས་དཔག་གིས་གནོད་པ་མེད་པ་དང༌། ཤིན་ཏུ་ལྐོག་གྱུར་སྟོན་པ་ལ་རང་ཚིག་སྔ་ཕྱི་འགལ་བ་མེད་པ་བཅས་མངོན་རྗེས་རང་ཚིག་གསུམ་གྱིས་མི་གནོད་པའམ་སྐྱོན་དག་པའོ། ། |
| དཔྱད་བཟོད་པ |
བརྟག་དཔྱད་དག་བཤེར་འཕེར་བའི་དོན་ཏེ། (དཔེར་ན།) ལས་དོན་གང་བྱས་ཟོལ་ཟོག་གི་ལྷད་མ་ཞུགས་པའི་དཔྱད་བཟོད་པ་ཞིག་དགོས་ལྟ་བུ། |
| དཔྱད་བརྡར |
རྟོག་དཔྱོད་ཞིབ་ཚགས་ཀྱི་དོན་ཏེ། (དཔེར་ན།) ས་གཞི་ཚང་མར་བློ་བསྡུར་དཔྱད་བརྡར་གྱི་ཐོག་ནས་གཏན་འབེབས་གཟབ་ནན་བྱེད་ཅེས་པ་ལྟ་བུ། |
| དཔྱད་བསྡུར |
བརྟག་ཞིབ་གོ་བསྡུར་གྱི་དོན་ཏེ། (དཔེར་ན།) བསམ་འཆར་གང་བཏོན་དཔྱད་བསྡུར་གྱི་སྒོ་ནས་དོན་གནད་ཐག་གཅོད་བྱེད་པ་ལྟ་བུ། |
| དཔྱད་བྱད |
ནད་འཆོས་བྱེད་ཀྱི་ཡོ་བྱད། |
| དཔྱད་མཚམས |
གྱོད་རྩོད་ཐག་བཅད་པའི་ཁྲ་མ། |
| དཔྱད་མཚམས་ཁྲ་མ |
ཁ་མཆུ་ཐག་བཅད་པའི་ཡི་གེ། |
| དཔྱད་འཇོག་སྤེལ་མ |
དཔྱད་སྒོམ་དང་འཇོག་སྒོམ་རེས་མོས་བྱེད་པ། |
| དཔྱད་འབྲས |
བརྟག་དཔྱད་བྱས་པའི་འབྲས་བུ། |
| དཔྱད་ཡུལ |
དཔྱད་བྱའི་ཡུལ། |
| དཔྱད་ལྔ |
གཏར་ག་དང༌། མེ་བཙའ། དུགས། ལུམས། བྱུག་པ་བཅས་ལྔའོ། ། |
| དཔྱད་ཤེས |
བཅད་ཤེས་སོ། ། |
| དཔྱད་ཤོག |
ཁྲ་མ་མདོར་བསྡུས་སམ་ཉུང་ངུ། |
| དཔྱད་སྒོམ |
སྟོང་ཉིད་སྒོམ་པའི་ཚུལ་ཞིག་བདག་མེད་པའི་དོན་ལ་ཤེས་རབ་ཀྱིས་སོ་སོར་དཔྱད་ནས་སྤྲོས་པ་ཐམས་ཅད་དང་བྲལ་བའི་དབྱིངས་སུ་མཉམ་པར་འཇོག་པའོ། ། |
| དཔྱད་སྡེ |
ལྐོག་གྱུར་གྱི་དོན་རྣམས་ཇི་ལྟར་རིག་པས་དཔྱད་ཅིང་མངོན་གྱུར་གྱི་སྒོ་ནས་གཏན་ལ་ཕབ་ནས་ནད་ཞི་བར་བྱེད་པའི་ཐབས་ཏེ། གཏར་ག་དང༌། མེ་བཙའ། དུགས། ལུམས། བྱུག་པ། ཐུར་མ་བཅས་སྡེ་ཚན་དྲུག་གོ། |
| དཔྱལ |
སྔར་བོད་ཀྱི་རིགས་རུས་ཤིག་དཔྱལ་ལོ་ཙཱ་བ་ཆོས་བཟང་དེ་ལས་འཁྲུངས་པ་ཡིན། |
| དཔྱས་པ |
དཔྱ་བའི་འདས་པ། |
| དཔྱས་བཏགས་པ |
འཕྱ་སྨོད་བྱས་པའམ་སྐྱོན་བཏགས་པའི་དོན་ཏེ། (དཔེར་ན།) མི་ལ་སྐྱོན་བརྗོད་བྱེད་ན་དོན་ལ་ཕན་པ་ཞིག་བཤད་དགོས་པ་ལས་དཔྱས་བཏགས་པ་ཙམ་གྱིས་མི་ཕན་ཞེས་པ་ལྟ་བུ། |
| དཔྱས་མེད |
(བརྡ་རྙིང་།) སྐྱོན་མེད། |
| དཔྱི |
མི་དང་སྲོག་ཆགས་ཀྱི་བརླ་རུས་དང་ཚང་ར་སྦྲེལ་བའི་ལྷུ་རུས་ཀྱི་མིང་། |
| དཔྱི་དཀྲི |
སྒོ་དང་སྒེ་ཁུང་གི་རུ་བཞིའི་ཟུར་སྣེར་ཡོད་པའི་དཔྱི་མིག་ཏུ་རྒྱུ་རྒྱུའི་ཡས་མས་ཀྱི་སྣེའི་ཤིང་ལྕེ། |
| དཔྱི་མགོ |
སྐེད་པའི་འོག་སྟ་ཟུར་གཡས་གཡོན་ཏེ། (དཔེར་ན།) ལག་པ་གཉིས་དཔྱི་མགོར་རྟེན་པ། གོས་ཐུང་མི་འབུད་པའི་གདེང་ཚོད་དཔྱི་མགོར་ཡོད་ཅེས་པ་ལྟ་བུ། |
| དཔྱི་མིག |
1.དཔྱི་རུས་སྟེང་གི་ཚིགས་ཀོང་བུའི་མིང་། 2.དཔྱི་རུས་ཀྱི་སྟེང་ན་བུ་ག་ཞིག་ཡོད་པ་དེའི་མིང་། |
| དཔྱི་ཚིགས |
དཔྱི་མགོའི་རུས་ཚིགས། |
| དཔྱི་ཟུར |
དཔྱི་མགོའི་ཟུར་རམ། དཔྱི་རུས་ཀྱི་ཟུར་སྣེ། |
| དཔྱིད |
1.དཔྱིད་ཀ་ དུས་ཚིགས་བཞིའི་ནང་གི་དང་པོའི་མིང་། 2.དཔལ་དང་ཕུན་ཚོགས་དང་གཡང༌།3.ཁམས་དཀར་དམར། |
| དཔྱིད་ཀ |
1.དུས་བཞིའི་དང་པོ།2.སྙིང་པོ།3.(བརྡ་རྙིང་།) ན་ཚོད་ཡོལ་དང་རྒན་པོ། |
| དཔྱིད་ཀྱི་ཐིག་ལེ |
ས་བོན་ནམ་ཁུ་བ། |
| དཔྱིད་ཀྱི་དཔལ་ཡོན |
དཔྱིད་དུས་ཀྱི་ཕུན་ཚོགས་ཏེ། (དཔེར་ན།) རྒྱལ་དམངས་དཔལ་འབྱོར་དཔྱིད་ཀྱི་དཔལ་ཡོན་ལྟར་ཡར་རྒྱས་འགྲོ་བཞིན་དུ་འདུག་ལྟ་བུ། |
| དཔྱིད་ཀྱི་ཕོ་ཉ |
(མངོན་བརྗོད།) 1>ཁུ་བྱུག 2>ཤིང་ཞིག་གི་མིང༌། |
| དཔྱིད་ཀྱི་རྒྱལ་མོའི་གླུ་དབྱངས |
རྒྱལ་དབང་ལྔ་པས་མཛད་པའི་བོད་ཀྱི་རྒྱལ་རབས་སྟོན་པའི་གཞུང་ཞིག |
| དཔྱིད་ཀྱི་ཤིང |
(མངོན་བརྗོད།) ཨ་མྲའི་ཤིང༌། |
| དཔྱིད་གསར་དུས་ཆེན |
དཔྱིད་ཀའི་ལོ་གསར་དུས་ཆེན་རྒྱ་ལུགས་ཀྱི་ལོ་འགོ། |
| དཔྱིད་ཉིན་མཚན་མཉམ |
དཔྱིད་ཀའི་ཉིན་མོ་དང་མཚན་མོ་དུས་ཡུན་རིང་ཐུང་མཉམ་པ། |
| དཔྱིད་ཐ་མ |
ཧོར་ཟླ་གསུམ་པ། |
| དཔྱིད་ཐིག |
དཔྱིད་ཀྱི་ཐིག་ལེའི་བསྡུས་ཚིག |
| དཔྱིད་དཔལ |
དཔྱིད་ཀྱི་ཡོན་ཏན་ནམ་དགེ་མཚན། |
| དཔྱིད་དུས |
ཧོར་ཟླ་གཉིས་པའི་བཅུ་དྲུག་ནས་དྲུག་པའི་བཅོ་ལྔའི་བར་རོ། །མིང་གི་རྣམ་གྲངས་ལ་སྐྱེད་པའི་དུས་དང༌། དྲི་ཞིམ་ཟླ། དྲོད་ཕེབས། བདེ་བྱེད་དུས། འདོད་པའི་དུས། མེ་ཏོག་ལྡན་དུས། མྱུ་གུའི་དུས་བཅས་སོ། ། |
| དཔྱིད་དུས་ཆགས |
(མངོན་བརྗོད།) ཚྭ། |
| དཔྱིད་དྲོད |
ལོ་རེའི་ཐོག་མར་འབྱུང་བའི་དྲོད། |
| དཔྱིད་བལ |
དཔྱིད་དུས་འབྲེག་པའི་ལུག་བལ། |
| དཔྱིད་བསུ་མེ་ཏོག |
བོད་ཟླ་དང་པོའི་ཟླ་དཀྱིལ་ལམ་གཉིས་པའི་ནང་ཆུ་མིག་གི་འགྲམ་དང་སྤང་དུ་སྐྱེ་བའི་མེ་ཏོག་མདོག་དམར་སྐྱ་ཞིག་ལུང་པ་ལ་ལར་རྫི་བོ་མེ་ཏོག་ཀྱང་ཟེར། |
| དཔྱིད་མཉམ |
དུས་གཟེར་ཉེར་བཞའི་ནང་གི་གཅིག ལུགས་གསར་གྱི་ཟླ་གསུམ་པའི་ཚེས་ཉི་ཤུ་དང་ཉེར་གཅིག་ཉེར་གཉིས་གང་རུང་ལ་འཆར་བ་ཡིན། ཉིན་དེར་ཉིན་མཚན་གྱི་རིང་ཐུང་མཉམ་པས་ན་བོད་སྐད་དུ་དཔྱིད་ཉིན་མཚན་མཉམ་པའམ་དཔྱིད་མཉམ་ཟེར། |
| དཔྱིད་མཚེར |
དཔྱིད་ཀར་འབྲོག་པ་སྡོད་ས། |
| དཔྱིད་ཚུགས |
དུས་གཟེར་ཉེར་བཞིའི་ནང་གི་གཅིག ལུགས་གསར་གྱི་ཟླ་གཉིས་པའི་ཚེས་གསུམ་བཞི་ལྔ་གང་རུང་ལ་འཆར་བ་ཡིན། |
| དཔྱིད་ཟུག |
དཔྱིད་ཀའི་འགོ་ཚུགས་པ་སྟེ་ཧོར་ཟླ་དང་པོའི་དབུགས་ཐོབ་དུས་དཔྱིད་ཀྱི་འགོ་ཚུགས། |
| དཔྱིད་ཟླ |
དཔྱིད་དུས་ཀྱི་ནམ་ཟླ། |
| དཔྱིད་ཟླ་གསུམ |
དཔྱིད་ཟླ་ར་བ་དང༌། འབྲིང་པོ། ཐ་ཆུང་བཅས་གསུམ་ཧོར་ཟླ་དང་པོ། གཉིས་པ། གསུམ་པ་ཞེས་དང༌། ཧོར་ཟླ་བཅུ་གཅིག་པ་དང༌། བཅུ་གཉིས་པ། དང་པོ་གསུམ་ལ་ངོས་འཛིན་ཚུལ་གཉིས་ཡོད། |
| དཔྱིད་ཟླ་ཐ་ཆུང |
ཧོར་ཟླ་གསུམ་པ། |
| དཔྱིད་ཟླ་འབྲིང་པོ |
ཧོར་ཟླ་གཉིས་པ། |
| དཔྱིད་ཟླ་ར་བ |
ཧོར་ཟླ་དང་པོ། |
| དཔྱིད་འཁྱགས |
དཔྱིད་དྲོད་འཁོར་ནས་བསྐྱར་དུ་ཡོང་བའི་གྲང་ངད། |
| དཔྱིད་འགོའི་མེ་ཏོག |
ལུ་གུ་མེ་ཏོག་གམ་གཡར་མོ་ཐང༌། |
| དཔྱིད་འདེབས |
དཔྱིད་དུས་སུ་ས་བོན་འདེབས་པ། |
| དཔྱིད་འབྲིང |
ཧོར་ཟླ་གཉིས་པ། |
| དཔྱིད་རྨོས |
ས་ཁ་འབྱེད་དུས་ཀྱི་རྨོན་པ། |
| དཔྱིད་རླུང |
དཔྱིད་ཀྱི་དྲོད་རླུང༌སྟེ། (དཔེར་ན།) དཔྱིད་རླུང་ལངས་ནས་ས་ཁ་དྲོས་ལྟ་བུ། |
| དཔྱིད་ས |
འབྲོག་པའི་རུ་བ་དཔྱིད་དུས་སྡོད་གནས། |
| དཔྱིའི་འཁོར་མིག |
ལུས་ཀྱི་དཔྱི་མགོའི་རུས་མིག |
| དཔྱིས |
གཏིང་ངམ་མཐིལ་དང་མཐའ་བཅས་ཀྱི་མིང་། (དཔེར་ན།) བརྡ་སྤྲོད་དཔྱིས་ཕྱིན་པར་ཤེས། མི་དམངས་ལ་ཞབས་འདེགས་དཔྱིས་ཕྱིན་པར་བྱེད་ལྟ་བུ། |
| དཔྱིས་ཕྱིན་པ |
གཏིང་ཕྱིན་པའམ་མཐར་ཕྱིན་པ། |
| དཔྱོང |
དཔྱང་གི་ད་ལྟ་བ། (དཔེར་ན།) ཐག་པ་དཔྱོང་མཁན་ཞེས་པ་ལྟ་བུ། |
| དཔྱོངས |
དཔྱང་གི་སྐུལ་ཚིག (དཔེར་ན།) ཐག་པ་དཔྱོངས་ཤིག་ལྟ་བུ། |
| དཔྱོད |
1.དཔྱད་ཀྱི་ད་ལྟ་བ་དང་སྐུལ་ཚིག (དཔེར་ན།) གཞུང་དོན་ལ་དཔྱོད་ཀྱིན་འདུག ཡིན་མིན་དཔྱོད་ཅིག་ལྟ་བུ། 2.དོགས་ཟོན་དང་ལྟ་སྐོར་བྱེད་པའི་བྱ་སྤྱོད་ཀྱི་མིང་། (དཔེར་ན།) དམག་གིས་སོ་བ་དང་ས་དཔྱད་བྱས་ལྟ་བུ། 3.མེ་བཙའ་དང་གཏར་གཤག་སོགས་ཀྱི་སྨན་བཅོས་ཀྱི་མིང་། (དཔེར་ན།) སྨན་དཔྱད་ལ་མཁས་པ། ཟས་སྤྱོད་སྨན་དཔྱད་བཞི་ཡིས་ནད་གཞི་གསོ་ལྟ་བུ། (ཡུལ་སྐད་དུ་ལག་ཐབས་ཟེར)། 4.བློ་རིག་དང་ཤེས་ཡོན་གྱི་མིང་། (དཔེར་ན།) དཔྱོད་ལྡན(རིག་པ་ཅན)རྣམ་དཔྱོད་ཅེས་པ་ལྟ་བུ། |
| དཔྱོད་པ |
གཞན་འགྱུར་བཞིའི་ནང་གསེས། སེམས་པ་དང་ཤེས་རབ་ལ་བརྟེན་ནས་དོན་དེའི་ཁྱད་པར་སོ་སོར་གཞིགས་ནས་འཛིན་པ་ཞིབ་པའི་རྣམ་པ་ཅན་གྱི་ཤེས་པའོ། ། |
| དཔྱོད་པ་བ |
1.དཔང་པོ།2.སྔོན་རྒྱ་གར་དུ་བྱུང་བའི་གྲུབ་མཐའ་ཞིག་ཡིན་ཞིང༌། དེ་ལ་རྒྱལ་དཔོག་པ་ཡང་ཟེར་དེས་མཆོད་སྦྱིན་ཁོ་ནས་ཚངས་པ་ལྟ་བུའི་མཐོ་རིས་ཀྱི་གོ་འཕང་ཐོབ་པ་ཡོད་པར་འདོད་ལ། སྡུག་བསྔལ་ཉེ་བར་ཞི་བའི་ཐར་པ་ནི་མེད་པར་འདོད་དོ། ། |
| དཔྱོད་ལྡན |
1.རྣམ་དཔྱོད་ཅན་ནམ་མཁས་པ།2.(མངོན་བརྗོད།) གཟའ་ཕུར་བུ། |
| དཔྱོས |
དཔྱ་བའི་སྐུལ་ཚིག |
| དཔྲག |
དབྲག་དང༌། བར་མཚམས་སམ་དབར་གྱི་དོན་ཏེ། (དཔེར་ན།) ཁང་པ་གཉིས་ཀྱི་དཔྲག་ལམ་ཞེས་པ་ལྟ་བུ། |
| དཔྲལ་ཀོ |
(ཡུལ་སྐད།) མིག་ཡན་ཆད་དང་སྐྲ་མཚམས་མན་ཆད་ཀྱི་དཔྲལ་བ། |
| དཔྲལ་ཀོ་ཅན |
1.སྤྱི་བརྟོལ་ཅན་ནམ་ཨུ་ཚུགས་ཅན།2.བསོད་ནམས་དང་ལྡན་པ། |
| དཔྲལ་ཀོ་མཐུག་པོ |
1.ཨུ་ཚུགས་ཚ་པོའི་དོན་ཏེ། (དཔེར་ན།) བོད་ཀྱི་བརྡ་སྤྲོད་མི་ཤེས་པར། ཧམ་རྩོད་དཔྲལ་ཀོ་མཐུག་པའི་སྐྱོན་ཞེས་པ་ལྟ་བུ། 2.སྙིང་ཚན་ཆེ་བའམ་སྙིང་སྟོབས་ཆེ་བ། |
| དཔྲལ་ཀོ་སྐམ་པོ |
(ཡུལ་སྐད།) བསོད་ནམས་མེད་པ། |
| དཔྲལ་ཁེབས |
1.རྔོན་པའི་ལྷ་གར་འཁྲབ་དུས་འབག་གིས་དཔྲལ་བར་མི་གནོན་པའི་གདན།2.རྟ་དྲེལ་དང་བོང་བུའི་གདོང་རྒྱན། |
| དཔྲལ་གཡུ |
བུད་མེད་ཀྱི་དཔྲལ་བར་བཏགས་པའི་གཡུ་རྒྱན། |
| དཔྲལ་བ |
1.མིའི་ངོ་གདོང་གི་ཐོད་པའི་སྐྲ་མཚམས་ནས་སྨིན་མའི་བར་གྱི་མིང་། (དཔེར་ན།) དཔྲལ་བའི་གཉེར་མ། དཔྲལ་བའི་དབྱེས་ཆེ་བ་ཞེས་པ་ལྟ་བུ། 2.ཡ་ཐོད་ཀྱི་མིང་། (དཔེར་ན།) དཔྲལ་བའི་མིག་བཞིན་གཅེས་ལྟ་བུ། |
| དཔྲལ་བ་གཏུགས་པ |
ཐོད་པ་གཏུགས་པ། |
| དཔྲལ་བ་དབྱེས་ཆེ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྨྲ་བ་ཐམས་ཅད་འཇོམས་པར་མཛད་པ་ཉིད་ཀྱིས་དཔྲལ་བ་རྒྱས་ཤིང་དབྱེས་ཆེ་བ། |
| དཔྲལ་བ་ལེགས་པར་འབྱེས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ལྟ་བས་བྱས་པ་ཐམས་ཅད་ཀྱིས་གཞན་དུ་མི་འགྱུར་བ་ཉིད་ཀྱིས་དཔྲལ་བ་ལེགས་པར་འབྱེས་པ་སྟེ་སྐྲ་མཚམས་ལེགས་པར་འབྱེས་པ། |
| དཔྲལ་མགོ |
དཔྲལ་བ་དང་མགོ། |
| དཔྲལ་མིག |
ཡེ་ཤེས་ཀྱི་སྤྱན། |
| དཔྲལ་རིས |
དཔྲལ་བར་བྲིས་པའི་ས་དཀར་གྱི་རི་མོ། བྲམ་ཟེའི་སྲོལ་ཏེ། དཔྲལ་བར་ས་དཀར་གྱི་རི་མོ་གསུམ་བྱས་པའོ། ། |
| དཔྲལ་རྒྱན |
དཔྲལ་བར་འདོགས་པའི་རྒྱན་ཆ། |
| དཔྲལ་རྩ |
སྨིན་མཚམས་ནས་ཡར་སོར་བཞི་གཞལ་བའི་གནས་སུ་ཡོད་པའི་གཏར་རྩ་ཞིག་དེ་གཏར་ན་དཔྲལ་བ་ལྕི་ལ་གཟེར་ཞིང་མིག་མི་ཐེག་པར་གྱུར་པའི་ནད་ལ་ཕན། |
| དཔྲལ་རྩ་སྒྲེང་བ |
ཁོང་ཁྲོའི་ཉམས་སམ་འཇིགས་པའི་རྣམ་འགྱུར་ཏེ། (དཔེར་ན།) ཁོ་ཁྲོས་ནས་དཔྲལ་རྩ་སྒྲེང་བ། ཁོ་ཞེད་ནས་དཔྲལ་རྩ་སྒྲེང་བ་ལྟ་བུ། |
| དཔྲལ་སྒོ |
སྨིན་མ་གཉིས་ཀྱི་མཚམས་སུ་ཡོད་པའི་གསང༌མིག (དཔེར་ན།) སྙིང་སྟོབས་དང་སྤོབས་པ་ཅན་ལ་མི་དཔྲལ་སྒོ་ཅན་ཟེར་བ་ལྟ་བུ། |
| དཔྲི |
སྤྲི་ཡི་འབྲི་ཚུལ་གཞན། |
| དཔྲུལ |
1.(བྱེད་འབྲེལ་ལས་ཚིག) དངོས་པོ་རྡོག་པོ་ཆེན་པོ་རྡོག་པོ་ཆུང་ངུར་བྱས་པའི་དོན་ཏེ། (དཔེར་ན།) པོ་ཐོ་དབྱུག་པས་བརྡུངས་ནས་དཔྲུལ། བྱིས་པས་བག་ལེབ་དཔྲུལ་ལྟ་བུ། .2.ཟ་འཕྲུག་ལངས་པ་འཕྲུགས་པའི་བརྡ་རྙིང་། |
| དཔྲེ་བ |
(བརྡ་རྙིང་།) རྫེ་བ། |
| དབ་དིབ |
(རྒྱན་ཚིག) སྒྲ་མི་གསལ་བའམ་ངག་ལྡབ་ལྡིབ་ཀྱི་དོན་ཏེ། (དཔེར་ན།) ཁ་ནས་སྐད་ཆ་དབ་དིབ་ལས་མ་ཐོན་པ་ལྟ་བུ། |
| དབ་དོབ |
(རྒྱན་ཚིག) དབ་བེ་དོབ་བེའི་བསྡུས་ཚིག |
| དབ་བེ་དོབ་བེ |
1.(རྒྱན་ཚིག) བཙུན་གཞོན་བག་མེད་པ་ཆོས་མི་ཀློག་ཅིང༌། སྒྲིགས་ཁྲིམས་མི་སྲུང་བ། འཁྲུག་འཛིང་བྱེད་པར་དགའ་བའི་གྲྭ་པ་དར་མ།2.(ཡུལ་སྐད།) ཤུགས་རྩལ་ལྡན་པའི་ཉམས་འགྱུར་ཏེ། (དཔེར་ན།) བུ་དབ་དོབ་ཅེས་པ་ལྟ་བུ། |
| དབགས |
སྦགས་ཀྱི་འབྲི་ཚུལ་གཞན། |
| དབགས་པ |
1.(ཡུལ་སྐད།) ཉམས་པ་དང༌བཙོག་པའི་དོན་ཏེ། (དཔེར་ན།) ལྟོ་ཆས་ལ་དབགས་པ་ཤོར་ཡོང༌ལྟ་བུ།2.(བརྡ་རྙིང་།) འབགས་པ་སྐྱོན་དང༌། ཚོས། ཚོན། དྲི་མ་སོགས་ཀྱིས་འགོ་བ། |
| དབང |
1.ཐོབ་ཐང་དང༌། ནུས་ཤུགས་ཀྱི་དོན་ཏེ། (དཔེར་ན།) རང་དབང༌། གཞན་དབང༌། མ་རིག་པའི་དབང་གིས་ནོར་འཁྲུལ་བྱུང་བ། སད་སེར་དབང་གིས་ལོ་ཉེས་བྱུང་བ་ལྟ་བུ། 3.གཏོར་བའམ་བླུགས་པའི་དོན་ཏེ། (དཔེར་ན།) སྒྲིབ་པ་གཏོར་ནས་རྒྱུད་དག་པར་འཁྲུད་པ་དང༌། རྒྱུད་དག་པའི་སྣོད་གཙང་མར་ཡེ་ཤེས་ཀྱི་ནུས་པ་བླུགས་པ་ཡིན་ལ། ཆོ་ག་རྣམ་པར་དག་པ་ལ་བརྟེན་ཏེ་ཕུང་ཁམས་སྐྱེ་མཆེད་ལ་འབྲས་བུ་སྐུ་བཞིའི་ས་བོན་ཁྱད་པར་ཅན་གདབ་པའི་སྒོ་ནས་རྒྱུད་ཡོངས་སུ་སྨིན་པར་བྱེད་པའོ། །4.འགན་དབང་གི་ཁོངས་སུ་བཀོད་འདོམས་བྱེད་པའི་སྟོབས་ཤུགས་སམ་ནུས་པའི་མིང་། (དཔེར་ན།) ས་གནས་རང་སྐྱོང་གི་དབང་སྲིད་དབང་ཞེས་པ་ལྟ་བུ། |
| དབང་ཀུན་དགའ་ལེགས་པ |
ཕག་གྲུ་སྡེ་སྲིད་ཁྲི་རབས་བརྒྱད་པ་འདིས་རབ་བྱུང་བརྒྱད་པའི་ས་འབྲུག་ལོ་ནས་མེ་གླང་ལོའི་བར་ལོ་དགུ་སྲིད་བསྐྱངས། རབ་བྱུང་བརྒྱད་པའི་ས་གླང་ལོར་ཆིན་ཧང་རྒྱལ་པོའི་བཀའ་འབྲེལ་དབང་གི་གོ་ས་ཐོབ། ། |
| དབང་ཁྲིད |
དབང་བསྐུར་དང་དཔེ་ཁྲིད། |
| དབང་གཏད་པ |
དབང་ཆ་སྤྲད་པའི་དོན་ཏེ། (དཔེར་ན།) འདྲི་གཅོད་པ་ལ་འདྲི་གཅོད་ལས་དོན་གྱི་དབང་གཏད་ཅེས་པ་ལྟ་བུ། |
| དབང་གི་དངོས་གཞིའི་ཆོ་ག |
དབང་བསྐུར་བའི་སྦྱོར་བའི་ཆོ་གའི་ནང་གསེས་ཤིག་དཀྱིལ་འཁོར་གྱི་ལས་རིམ་དང་སྒྲུབ་མཆོད་དང༌། བདག་འཇུག་གཞན་ལ་དབང་བསྐུར་བ་རྣམས་སོ། ། |
| དབང་གི་མཐའ་རྟེན |
སློབ་མས་དབང་ཐོབ་པར་བཀའ་དྲིན་གཏང་རག་ཡོན་དུ་མཎྜལ་དབུལ་བ་དང༌། དམ་ཚིག་བསྲུང་བར་ཁས་བླང་བ། སྒོ་གསུམ་བྲན་དུ་དབུལ་བ། དགེ་བ་བསྔོ་བ་སོགས་བྱ་བའོ། ། |
| དབང་གི་ལས |
ལྷ་འདྲེ་མི་གསུམ་དབང་དུ་སྡུད་པའི་ལས། |
| དབང་གི་ལྷ |
དཀྱིལ་འཁོར་དུ་དབང་བསྐུར་བའི་ཡི་དམ་གྱི་ལྷ། |
| དབང་གི་ལྷ་མོ |
ལྷ་མོ་རིག་བྱེད་མ། |
| དབང་གི་སྟོབས |
ཡིད་ལ་རེ་བ་ཐམས་ཅད་ཡོངས་སུ་རྫོགས་པར་ཐོབ་པའི་ནུས་པ། |
| དབང་གི་སྦྱིན་སྲེག |
མི་ནོར་ཟས་སོགས་དབང་དུ་འདུ་ཐབས་ཀྱི་སྲེག་ཆོག |
| དབང་གི་སྦྱོར་བ |
རྡུལ་ཚོན་དང་རས་བྲིས་ཀྱི་དཀྱིལ་འཁོར་ལ་བརྟེན་ནས་དབང་བསྐུར་བའི་ཆོ་ག་གསུམ་སྟེ་སའི་ཆོ་ག་དང༌། སྟ་གོན་གྱི་ཆོ་ག་དང༌། དངོས་གཞིའི་ཆོ་གའོ། ། |
| དབང་གིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་གང་ཡང་རུང་བའི་དོན་ཞིག་འགོག་བྱེད་དེའི་དགེ་མཚན་གྱི་གནས་ལུགས་མང་དུ་བཤད་པའི་མཐར་བཙན་ཤུགས་ཀྱིས་འགོག་པའི་རྒྱན་ཞིག |
| དབང་གྱུར |
དབང་དུ་སོང་བའམ་ཤོར་བའི་དོན་ཏེ། (དཔེར་ན།) བཙན་རྒྱལ་ཀྱི་དབང་གྱུར་རྣམས་ལ་རང་འདོད་ལྟར་གྱི་ཁེ་དབང་མེད་པ། དབང་གྱུར་མི་དམངས་ཀྱིས་བཤུ་གཞོག་མྱངས། རང་སེམས་འཁྲུལ་བའི་དབང་གྱུར་ལ་བརྟེན་ནས་སྐྱོན་ཆ་བྱུང་ལྟ་བུ། |
| དབང་གྲགས་པ་འབྱུང་གནས |
ཕག་གྲུ་སྡེ་སྲིད་ཁྲི་རབས་དྲུག་པ་འདིས་རབ་བྱུང་བདུན་པའི་ཆུ་བྱི་ལོ་ནས་ཤིང་བྱི་ལོའི་བར་ལོ་བཅུ་གཉིས་སྲིད་བསྐྱངས། ཏཱ་མིང་ཀྲེང་ཐུང་རྒྱལ་པོས་དབང་གི་འཇའ་ས་གནང༌། |
| དབང་གྲགས་པ་རྒྱལ་མཚན་དཔལ་བཟང་པོ |
ཕག་གྲུ་སྡེ་སྲིད་ཁྲི་རབས་ལྔ་པ་འདི་རབ་བྱུང་དྲུག་པའི་ཤིང་སྟག་ལོར་འཁྲུངས། རབ་བྱུང་བདུན་པའི་ས་གླང་ལོར་རྗེ་ཙོང་ཁ་པའི་གསུང་བཞིན་ལྷ་ལྡན་གཙུག་ལག་ཁང་དུ་སྨོན་ལམ་གྱི་དུས་སྟོན་ཁྱད་པར་ཅན་འཛུགས་རྒྱུའི་མཐུན་རྐྱེན་བསྒྲུབས། རབ་བྱུང་བདུན་པའི་ལྕགས་སྤྲེལ་ལོར་འདས། |
| དབང་གྲལ |
ཆོས་ལུགས་དབང་སྐུར་དུས་ཀྱི་ཚོགས་གྲལ། |
| དབང་ངག་དབང་བཀྲ་ཤིས་གྲགས་པ་རྒྱལ་མཚན |
ཕག་གྲུ་སྡེ་སྲིད་ཁྲི་རབས་བཅུ་པ། |
| དབང་ཆ |
མངའ་ཐང༌ངམ་བདག་དབང་གི་དོན་ཏེ། (དཔེར་ན།) ངལ་རྩོལ་གྱི་དབང་ཆ། འདེམས་བྱེད་དབང་ཆ། གདམ་བྱའི་དབང་ཆ། བུན་སྡུད་དབང་ཆ། དམངས་གཙོའི་དབང་ཆ་སྤྱོད་པ། གཞུང་ཚབ་ཆེན་མོར་དབང་ཆ་བསྐུར་ལྟ་བུ། |
| དབང་ཆེན |
1.དབང་ཤུགས་ཆེ་བའི་དོན་ཏེ། (དཔེར་ན།) ཁྲིམས་མེད་ལུགས་མེད་ཀྱི་དབང་ཆེན་མ་བྱེད་ཅེས་པ་ལྟ་བུ།2.(མངོན་བརྗོད།) འབབ་ཆུ།3.བླ་མེད་རྒྱུད་ཀྱི་ལྷའི་དབང་བསྐུར་རམ་གསང་སྔགས་ཀྱི་དབང་བསྐུར་ཆེན་པོ། |
| དབང་ཆེན་དབང་མེད |
1.དབང་ཆ་ཡོད་མཁན་གྱིས་དབང་ཆ་མེད་མཁན་ལ་ཐུབ་ཚོད་བཏང་བའམ་བརྙས་བཅོས་བྱས་པ།2.དབང་ཆ་ཡོད་པ་དང་མེད་པ། |
| དབང་ཆེན་བཅད་ཀྱི་ཁྲིམས |
སྲོང་བཙན་སྒམ་པོས་བོད་དུ་ལག་བསྟར་བྱས་པའི་ཁྲིམས་ཡིག་ལྔ་པ་བདེན་རྫུན་དབྱེ་འབྱེད་སྐབས་གཉིས་ཀས་ལན་ན་གཉིས་ཀ་ལ་མཉམ་དུ་ཆད་པ་གཅོད་པ། |
| དབང་ཆེན་མཚན |
(མངོན་བརྗོད།) རྒྱ་མཚོ། |
| དབང་ཐང |
1.དབང་ཤུགས་སམ་ནུས་སྟོབས་ཀྱི་དོན་ཏེ། (དཔེར་ན།) དབང་ཐང་རྒྱས་པ། བསོད་ནམས་དབང་ཐང་དར་རྒུད་བྱུང་ཚུལ། དབང་ཐང་ཆེ་བས་འཇིག་རྟེན་ཁ་ལོ་སྒྱུར་ཞེས་པ་ལྟ་བུ། 2.ནག་རྩིས་པས་བརྟག་བྱའི་སྲོག་ལུས་དབང་ཐང་གསུམ་གྱི་ཡ་གྱལ་ཞིག་ཤིང་ཕོ་ཤིང་མོ་མེ་ཕོ་མེ་མོ་སོགས་བཅུའོ། ། |
| དབང་ཐང་མེ་ཏོག |
རུམ་ཐགས་ཀྱི་རི་མོའི་བྱེ་བྲག་ཅིག |
| དབང་ཐུལ |
དབང་པོ་ཐུལ་བ་སྟེ་དབང་པོ་ཞི་ཞིང་དུལ་བ། |
| དབང་དུ་བཏང |
དཔེ་བཞག་པའམ་ཆ་བཞག་པ། |
| དབང་དུ་བསྡུས |
འགན་དབང་སྤྱོད་པའི་ཁོངས་སུ་བཅུག་པ། (དཔེར་ན།) ས་ཁོངས་མང་བོ་དབང་དུ་བསྡུས། དབང་དུ་སྡུད་མཁན། དབང་དུ་བསྡུ་བྱ། དབང་དུ་སྡུས་ཤིག་ལྟ་བུ། |
| དབང་དུ་བྱེད་པ |
1.ཤུགས་ཀྱིས་གནོན་པ་དང༌ཁ་ལོ་སྒྱུར་བའི་དོན་ཏེ། (དཔེར་ན།) དགྲ་བོ་དབང་དུ་བྱེད་པ་ལྟ་བུ། 2.ཆ་འཇོག་པ་དང༌གཞིར་འཇོག་པའི་དོན་ཏེ། (དཔེར་ན།) འཆར་གཞི་དེ་ནི་དམག་འཁྲུག་མེད་པའི་དབང་དུ་བྱས་ནས་བཏིང་བ་ཞིག་རེད་ཅེས་པ་ལྟ་བུ། |
| དབང་དོན |
1.དབང་པོ་ལྔའི་ཡུལ་གཟུགས་སྒྲ་དྲི་རོ་རེག་བྱ་བཅས།2.དབང་པོ་དང་ཡུལ། |
| དབང་པོ |
1.གཙོ་བོའི་དོན་ཏེ། (དཔེར་ན།) ལྷའི་དབང༌པོ། མིའི་དབང༌པོ་ཞེས་པ་ལྟ་བུ། 2.རྣམ་ཤེས་ཀྱི་རྟེན་ས་སྟེ། (དཔེར་ན།) མིག་གི་དབང་པོ་གསལ་བ། སྲོག་དབང༌པོ་ཞེས་པ་ལྟ་བུ། 3.རིག་པ་རྣམ་རིག་གི་དོན་ཏེ། (དཔེར་ན།) སློབ་མ་ཐམས་ཅད་ཀྱི་ནང་ནས་ཁོའི་དབང་པོ་བཀྲ་ཤོས་རེད་ཅེས་པ་ལྟ་བུ། 4.(མངོན་བརྗོད།) 1>ཤར་ཕྱོགས། 2>མིག་དང༌། རྣ་བ། སྣ། ལྕེ། ལུས་ཏེ་དབང་པོ་ལ་ལྔ་ཡོད་པས་གྲངས་ལྔ་མཚོན། |
| དབང་པོ་གཟུགས་ཅན་པ |
རང་འབྲས་དབང་ཤེས་ཀྱི་ཐུན་མོང་མ་ཡིན་པའི་བདག་རྐྱེན་བྱེད་པའི་རིགས་སུ་གནས་པའི་ནང་གི་གཟུགས་ཅན་དྭངས་པའོ། ། |
| དབང་པོ་གཟུགས་ཅན་པ་ལྔ |
མིག་གི་དབང་པོ་དང༌། རྣ་བའི་དབང་པོ། སྣའི་དབང་པོ། ལྕེའི་དབང་པོ། ལུས་ཀྱི་དབང་པོ་བཅས་ལྔའོ། ། |
| དབང་པོ་གསུམ |
མཐོང་ལམ་དང༌། སྒོམ་ལམ། མི་སློབ་པའི་ལམ་ལ་བརྟེན་ནས་རིམ་གྱིས་རྣམ་པར་བཞག་པའི་ཟག་མེད་ཀྱི་དབང་པོ་གསུམ་ཡོངས་སུ་མ་ཤེས་པ་ཡོངས་སུ་ཤེས་པའི་དབང་པོ་དང༌། ཡོངས་སུ་ཤེས་པའི་དབང་པོ་དང༌། ཡོངས་སུ་ཤེས་པ་རྟོགས་པའི་དབང་པོ་བཅས་གསུམ། |
| དབང་པོ་ཉམས་པ |
1.རྒས་འཁོགས་སུ་གྱུར་པ།2.མིག་སོགས་ལ་སྐྱོན་ཞུགས་པ།3.(མངོན་བརྗོད།) སྐྱེས་པ་འབྲས་བུ་ཕྱུང་བ། |
| དབང་པོ་ཉེར་གཉིས |
རྟེན་གྱི་དབང་པོ་བདུན་དང༌། རྟེན་ཅན་གྱི་དབང་པོ་གཉིས་དང༌། ཚོར་བའི་དབང་པོ་ལྔ་དང༌། རྣམ་བྱང་གི་དབང་པོ་ལྔ་དང༌། ཟག་མེད་ཀྱི་དབང་པོ་གསུམ་བཅས་ཉེར་གཉིས་སོ། ། |
| དབང་པོ་དགུ |
འཕགས་པའི་རྒྱུད་ཀྱིས་བསྡུས་པའི་དབང་པོ་དགུ་རྣམ་བྱང་གི་དབང་པོ་ལྔ་དང༌། ཚོར་བདེ། ཡིད་བདེ། བཏང་སྙོམས་བཅས་གསུམ་དང༌། ཡིད་དབང་བཅས་དགུའོ། ། |
| དབང་པོ་དྲུག |
མིག་དང༌། རྣ་བ། སྣ། ལྕེ། ལུས་བཅས་དབང་པོ་གཟུགས་ཅན་པ་ལྔ། ཡིད་དབང་གཟུགས་མེད་པ་གཅིག་སྟེ་དྲུག |
| དབང་པོ་མ་ཚང་བ |
ཡན་ལག་དང་མིག་སོགས་མ་ཚང་བ། |
| དབང་པོ་མཆོག་དམན་མཁྱེན་པའི་སྟོབས |
དད་པའི་དབང་པོ་སོགས་དབང་པོ་ཆེས་རྣོ་བ་མཆོག་དང༌། དབང་པོ་འབྲིང་དང༌། དབང་པོ་རྟུལ་བ་སོགས་མཆོག་མ་ཡིན་པ་ཇི་ལྟ་བ་བཞིན་མཁྱེན་པ་དེ་བཞིན་གཤེགས་པའི་སྟོབས་བཅུའི་ནང་གསེས་ཤིག |
| དབང་པོ་ཟུང་སྦྱོར |
(མངོན་བརྗོད།) འཁྲིག་སྤྱོད། |
| དབང་པོ་རབ་འབྲིང་ཐ་གསུམ |
ཡིད་དབང་སོགས་ཀྱི་སྐལ་བ་མཆོག་དང༌། བར་མ། ཐ་མ་སྟེ་གསུམ། |
| དབང་པོ་རིལ་བུ |
1.རྩི་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་སྙོམས། ནུས་པས་སྦྱར་དུག་དང་གྱུར་དུག་སོགས་དུག་ནད་ཀུན་འཇོམས། བད་ཀན་སྨུག་པོ་དང༌། མཆིན་ནད་སེལ།2.གླང་ཆེན། སྦྲུལ། རྨ་བྱ། གླ་བ་སོགས་ལས་འབྱུང་བའི་རིལ་བུའི་སྨན་ཞིག |
| དབང་པོ་ལག་པ |
ཐང་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་ལུས་སྟོབས་གསོ། ཁུ་བ་སྐྱེད། རོ་ཙ་བར་བྱེད། མིང་གི་རྣམ་གྲངས་ལ་བརྒྱ་བྱིན་དང༌། སྟོབས་སྐྱེད། ཧབ་ཤང་ཚེའུ། ཨིནྡྲ་ཀ་ར། ཨིནྡྲ་པཱ་ཎི། ཨིནྡྲ་ཧསྟ་བཅས་སོ། ། |
| དབང་པོ་ལྔ |
དབང་པོ་གཟུགས་ཅན་པ་ལྔ་དང༌། རྣམ་བྱང་དབང་པོ་ལྔ། ཀུན་ཉོན་གྱི་དབང་པོ་ལྔ་རྣམས་སོ། ། |
| དབང་པོ་ཤོར་བ |
མིག་སོགས་ཉམས་སྐྱོན་དུ་ཤོར་བའི་དོན་ཏེ། (དཔེར་ན།) སྡུག་མྱངས་རྐྱེན་གྱིས་དབང་པོ་ཤོར་བ་ཞེས་པ་ལྟ་བུ། |
| དབང་པོ་སྐྱོན་ཅན |
དབང་པོ་ལྔ་གང་རུང་ལ་སྐྱོན་ཞུགས་པ། |
| དབང་པོའི་དགྲ |
(མངོན་བརྗོད།) ལྷ་མིན། |
| དབང་པོའི་ཕྱོགས |
(མངོན་བརྗོད།) ཤར་གྱི་ཕྱོགས། |
| དབང་པོའི་མངོན་སུམ |
མངོན་སུམ་བཞིའི་ནང་གསེས། རང་གི་བདག་རྐྱེན་དབང་པོ་གཟུགས་ཅན་པ་ལས་བྱུང་ཞིང་རྟོག་བྲལ་མ་འཁྲུལ་བའི་གཞན་རིག་དཔེར་ན་སྒྲ་འཛིན་རྣ་ཤེས་དང༌། བུམ་འཛིན་མིག་ཤེས་ལ་སོགས་པ་ལྟ་བུའོ། ། |
| དབང་པོའི་མཚོན |
(མངོན་བརྗོད།) འཇའ་ཚོན། |
| དབང་པོའི་མེའི་དུ་བ |
(མངོན་བརྗོད།) ཁུག་སྣ། |
| དབང་པོའི་རྡོ་རྗེ |
(མངོན་བརྗོད།) ནམ་མཁའི་ཐོག |
| དབང་པོའི་ཤིང་བལ |
(མངོན་བརྗོད།) འཇའ་འཁྱོག་པོ། |
| དབང་པོའི་སྐྱེ་མཆེད |
(མངོན་བརྗོད།) ལུས། |
| དབང་པོའི་སྒོ |
དབང་པོ་ལྔ་དང་ལུས་ངག་ཡིད་གསུམ་སོགས་ཀྱི་སྒོ། |
| དབང་པོར་འགྲོ |
(མངོན་བརྗོད།) ཁུ་བ། |
| དབང་ཕྱུག |
1.ཕུན་སུམ་ཚོགས་པའི་ལོངས་སྤྱོད་དང་ཡོན་ཏན་ནུས་པ་སོགས་ཀྱི་སྤྱི་མིང་། (དཔེར་ན།) ངག་གི་དབང་ཕྱུག ཡོན་ཏན་གྱི་དབང་ཕྱུག རྒྱུ་ནོར་གྱི་དབང་ཕྱུག་ཅེས་པ་ལྟ་བུ། 2.ལྷ་ཆེན་དབང་ཕྱུག 3.(མངོན་བརྗོད།) 1>མེ་གླང་ལོ། 2>ལྷ་དབང་ཕྱུག་ཆེན་པོའི་མིང་གི་རྣམ་གྲངས་ལ་མ་སྐྱེས་རྐང་གཅིག་དང༌། འཕེལ་བ་དང༌། བསྟོད་པ། དྲག་པོ། བཙོན་འགྲུས་ལྡན། འཕྲོག་བྱེད། བདེ་འབྱུང༌། སྤྱན་གསུམ། གཞན་ལས་རྒྱལ་བ། དབང་ལྡན། ས་གསུམ་པ་བཅས་བཅུ་གཅིག་ཡོད་པས་གྲངས་བཅུ་གཅིག་མཚོན། |
| དབང་ཕྱུག་གོ་ཆ |
སྔར་རྒྱ་གར་གྱི་སྒྲ་རིག་པའི་པཎྜི་ཏ་ཞིག |
| དབང་ཕྱུག་ཆུང་བ |
བྱང་ཤར་ཕྱོགས་སྐྱོང༌། |
| དབང་ཕྱུག་ཆེན་པོ |
ལྷ་ཆེན་དབང་ཕྱུག མིང་གི་རྣམ་གྲངས་ལ་མགྲིན་སྔོན་ཅན་དང༌། བདེ་འབྱུང༌། དྲག་པོ། དཔལ་མགྲིན། ཕྱུགས་བདག་གཙུག་ན་ཟལ་བ་བཅས་སོ། ། |
| དབང་ཕྱུག་པ |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག་ཡིན་པ་དེས་དབང་ཕྱུག་ཀུན་མཁྱེན་དུ་འཛིན་ཅིང༌། སྣོད་བཅུད་ཐམས་ཅད་འདོད་ཁམས་པའི་དབང་ཕྱུག་གིས་བློ་སྔོན་དུ་བཏང་ནས་བྱས་པར་འདོད། |
| དབང་ཕྱུག་བཞེངས་བཞུགས |
གྲུབ་པའི་ཁྱིམ་སླེབས་ཉིན་གྱི་རེས་གཟའ་དང་བྱེད་པའི་ལོ་བདག་ལ་བརྟེན་པའི་ཁྱིམ་གཟའ་གཉིས་མང་ཉུང་ལ་དཔགས་ནས་གནམ་གཤིས་དང༌། ས་གཡོ། བདེ་སྡུག་སོགས་བརྟག་ཐབས། |
| དབང་ཕྱུག་བརྒྱད |
འཇིག་རྟེན་དང་ཐུན་མོང་བའི་ཡོན་ཏན་ནམ་ཐུན་མོང་གི་དངོས་གྲུབ་བརྒྱད་དེ། གཟུགས་ཕྲ་བའི་ཡོན་ཏན་དང༌། གཟུགས་རགས་པའི་ཡོན་ཏན། ཡང་བའི་ཡོན་ཏན། ཁྱབ་པའི་ཡོན་ཏན། ཡང་དག་ཐོབ་པའི་ཡོན་ཏན། རབ་ཏུ་གསལ་བའི་ཡོན་ཏན། བརྟན་པའི་ཡོན་ཏན། འདོད་དགུ་འབྱུང་བའི་ཡོན་ཏན་རྣམས་སོ། ། |
| དབང་ཕྱུག་བུ་གཉིས |
ཚོགས་བདག་དང༌། གདོང་དྲུག |
| དབང་ཕྱོགས |
(མངོན་བརྗོད།) མར་ངོ་། |
| དབང་བ |
(བྱེད་མེད་ལས་ཚིག) བདག་པ་དང༌། མངའ་བ་དང༌། འཐོབ་པའི་དོན་ཏེ། (དཔེར་ན།) མི་དམངས་ཡོངས་ལ་དབང་བའི་ལམ་ལུགས། སྒེར་ལ་དབང་བ། མཚན་སྙན་གཟི་བརྗིད་ཅན་ལ་དབང་བ་ལྟ་བུ། |
| དབང་བཅུ |
སེམས་ཅན་གྱི་དུས་ན་རང་དབང་མེད་པར་གནོད་པ་བཅུ་དང་རྒྱུན་དུ་ལྡན་ལ་བྱང་ཆུབ་སེམས་དཔའ་ནི་དེའི་གཉེན་པོ་དབང་བཅུ་དང་ལྡན་པས་གནོད་པ་བཅུ་མི་འབྱུང་བ་ཚེ་ལ་དབང་བ་དང༌། སེམས་ལ་དབང་བ། ཡོ་བྱད་ལ་དབང་བ། ལས་ལ་དབང་བ། སྐྱེ་བ་ལ་དབང་བ། མོས་པ་ལ་དབང་བ། སྨོན་ལམ་ལ་དབང་བ། རྫུ་འཕྲུལ་ལ་དབང་བ། ཆོས་ལ་དབང་བ། ཡེ་ཤེས་ལ་དབང་བ་བཅས་སོ། ། |
| དབང་བཅུ་གཅིག |
རྣལ་འབྱོར་རྒྱུད་ཀྱི་འཇུག་སྒོ་དབང་བཅུ་གཅིག་སློབ་མའི་དབང་ལྔ་དང་སློབ་དཔོན་གྱི་དབང་དྲུག་རྣམས་སོ། ། |
| དབང་བཙན |
དབང་ཤུགས་ཆེ་བ། |
| དབང་བཞི |
བུམ་དབང་དང༌། གསང་དབང༌། ཤེས་རབ་ཡེ་ཤེས་ཀྱི་དབང༌། ཚིག་དབང་ངམ་དབང་བཞི་པ་བཅས་བཞིའོ། ། |
| དབང་བའི་ལམ་ལུགས |
ཐོན་སྐྱེད་རྒྱུ་ཆས་སུ་ལ་དབང་བའི་ལམ་ལུགས་ཡིན་ཞིང༌། དེ་ནི་ཐོན་སྐྱེད་ཀྱི་འབྲེལ་བའི་རྨང་གཞི་ཡིན། |
| དབང་བསྐུར |
དཔེར་ན་སྔར་རྒྱ་གར་དུ་རྒྱལ་པོར་དབང་བསྐུར་བས་རྒྱལ་པོའི་བྱ་བ་ལ་དབང་བ་བཞིན་གསང་སྔགས་ཀྱི་དཀྱིལ་འཁོར་དུ་དབང་བསྐུར་བས་སྔགས་དང་རྒྱུད་ཉན་པ་དང་བཤད་པ་དང་སྒྲུབ་པ་ལ་དབང་ཞིང༌། ཉེས་པའི་དྲི་མ་འཁྲུད་ཅིང་ལམ་བསྒོམ་པའི་སྐལ་བ་རྒྱུད་ལ་འཇོག་པར་བྱེད་པ། |
| དབང་བསྐུར་བའི་ཆོ་འཕྲུལ |
རྣལ་འབྱོར་རྒྱུད་ཀྱི་སྒོམ་པ་ཆོ་འཕྲུལ་བཞིའི་ཡ་གྱལ་ཞིག་རང་རང་གི་རིགས་ཀྱི་དབང་གང་ཡིན་གྱི་སྐུ་དང་ཡེ་ཤེས་གཟུངས་དང་ཏིང་ངེ་འཛིན་དང་ལྡན་པར་དབང་བསྐུར་བའོ། ། |
| དབང་བསྡུ |
རྩོལ་བ་ལ་བརྟེན་ནས་མངའ་འོག་ཏུ་གཟུད་པའི་དོན་ཏེ། (དཔེར་ན།) ཆུ་བོ་ཆེན་པོ་དང༌། བྲག་རོང་རྣམས་དབང་བསྡུ་བྱས་ནས་རླངས་འཁོར་འགྲོ་ལམ་བཟོས་ལྟ་བུ། |
| དབང་བྱེད་པ |
དབང་སྒྱུར་བ་སྟེ། (དཔེར་ན།) བཙན་རྒྱལ་གྱིས་མི་རིགས་གཞན་ལ་དབང་བྱེད་པའི་རྒྱུན་དེ་ཆད་པ་ཤོག་ཅེས་པ་ལྟ་བུ། |
| དབང་བྱེད་བདག |
(མངོན་བརྗོད།) འདོད་ལྷ། |
| དབང་བློན |
ལས་དོན་དབང་སྒྱུར་གྱི་བློན་པོ། |
| དབང་མ |
སྙིང་ཁའི་རྩ་འཁོར་གྱི་འདབ་མ་ཞིག |
| དབང་མངོན |
དབང་པོའི་མངོན་གསུམ་གྱི་བསྡུས་མིང༌། |
| དབང་མངོན་ཚད་མ |
མངོན་སུམ་ཚད་མའི་ནང་གསེས། རང་གི་ཐུན་མོང་མ་ཡིན་པའི་བདག་རྐྱེན་དབང་པོ་གཟུགས་ཅན་པ་ལས་བྱུང་བའི་རྟོག་བྲལ་མ་འཁྲུལ་བའི་གསར་དུ་མི་བསླུ་བའི་ཤེས་པ། དཔེར་ན་གཟུགས་སྒྲ་དྲི་རོ་རེག་བྱ་བཅས་འཛིན་པའི་དབང་མངོན་སྐད་ཅིག་དང་པོ་ལྟ་བུའོ། ། |
| དབང་མངོན་ལྔ |
དབང་པོའི་མངོན་སུམ་ལ་བདག་རྐྱེན་གྱི་སྒོ་ནས་དབྱེ་ན་ལྔ་མིག་གི་དབང་མངོན་དང༌། རྣ་བའི་དབང་མངོན་དང༌། སྣའི་དབང་མངོན་དང༌། ལྕེའི་དབང་མངོན་དང༌། ལུས་ཀྱི་དབང་མངོན་རྣམས་སོ། ། |
| དབང་མཆོག |
(མངོན་བརྗོད།) ཨུཏྤལ། |
| དབང་མདོག |
མདོག་དམར་པོའི་དོན་ཏེ། (དཔེར་ན།) དར་དབང་མདོག་གི་ལ་ཐོད་ཅན་ཞེས་པ་ལྟ་བུ། |
| དབང་མེད |
རང་ལ་དབང་ཆ་མེད་པའི་དོན་ཏེ། (དཔེར་ན།) སྤྲོ་སེམས་འཁོལ་ནས་མཆི་མ་དབང་མེད་དུ་ཤོར་ལྟ་བུ། |
| དབང་ཚོར |
ལུས་ཚོར་རོ། |
| དབང་ཟ་བ |
ཐོབ་ཐང་མེད་བཞིན་དུ་ཡོད་ཁུལ་གྱིས་བརྙས་སྨོད་དང་བེད་སྤྱོད་བྱེད་པའི་དོན་ཏེ། (དཔེར་ན།) སྤྱི་དོན་ཁ་ཁྱེར་རང་འདོད་སྦུག་བཅུག་གིས་དོན་མེད་དབང་ཟ་བ་ལྟ་བུ། |
| དབང་འདུས |
1.རང་བཞིན་གྱིས་མངའ་འོག་ཏུ་ཚུད་པ།2.དབང་ཕྱུག་ཕུན་སུམ་ཚོགས་པའམ། དབང་ཆ་འཛོམས་པ། |
| དབང་འབྱོར་པའི་གཟུགས |
ཆོས་ཀྱི་སྐྱེ་མཆེད་པའི་གཟུགས་ལྔའི་ནང་གསེས། བསམ་གཏན་ལ་དབང་འབྱོར་བའི་སྟོབས་ཀྱིས་སྣང་བའི་གཟུགས་ཟད་པར་སྔོན་པོ་ལ་སོགས་པ་ལྟ་བུའོ། ། |
| དབང་འཛིན་པ |
བདག་དབང་བྱེད་མཁན། |
| དབང་ཡོད |
1.དབང་ཆ་ཡོད་པ།2.བཙན་ཤེད་ཀྱི་ཐུབ་ཚོད་དེ། (དཔེར་ན།) བུད་མེད་ལ་དབང་ཡོད་བྱེད་པ། གཞན་ལ་དབང་ཡོད་ཀྱི་སྐད་ཆ་མ་བཤད། ཉམ་ཆུང་བར་དབང་ཡོད་ཚད་མེད་བཏང་ཞེས་པ་ལྟ་བུ། |
| དབང་ཡོད་ཤེད་འཁྱེར |
དབང་ཆ་རྒྱབ་རྩར་ཁུར་བའི་བྱ་སྤྱོད་ཀྱི་དོན་ཏེ། (དཔེར་ན།) གཞན་ལ་དབང་ཡོད་ཤེད་འཁྱེར་གྱིས་མནར་གཅོད་ཡང་ཡང་བཏང་ལྟ་བུ། |
| དབང་ཡོན |
དབང་ཞུ་སྐབས་འབུལ་རྒྱུའི་དངོས་པོ། |
| དབང་རིལ |
དབང་པོ་རིལ་བུའི་བསྡུས་མིང༌། |
| དབང་རིལ |
སྦྲུལ་དང་གླང་པོ་ཆེ་སོགས་སྲོག་ཆགས་ཀྱི་ཀླད་པ་ལས་བྱུང་བའི་རྫས་རྡོག་པོ་ཞིག སྨན་མཆོག་ཅིག་ཡིན། |
| དབང་རིས |
རང་བདག་གི་རྒྱུ་དངོས་སོགས་ཀྱི་དོན་ཏེ། (དཔེར་ན།) དབང་རིས་བདག་ཐོབ་སྐོར་གྱི་རྩོད་གླེང་རྒྱུན་མི་འཆད་པ་ཡོད་ཅེས་པ་ལྟ་བུ། |
| དབང་རྟུལ |
བློ་རྣོན་པོ་མིན་པ། |
| དབང་རྟེན་ལྔ |
ནམ་མཁའི་རྟེན། རླུང་གི་རྟེན། མེའི་རྟེན། ཆུའི་རྟེན། སའི་རྟེན་ཏེ་ལྔ། |
| དབང་རྣོན |
དབང་པོ་རྣོན་པོ་སྟེ་རིག་པ་རྣོན་པོ། |
| དབང་ལག |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ལ། དབང་པོ་ལག་པའི་བསྡུས་མིང༌། གཞུང་རྟ་ཆིག་སྐྱེས་དྲེས་མ་འདྲ། མེ་ཏོག་དམར་སྐྱ་ཆུན་པོ་སྙེ་མའི་དབྱིབས་ཅན། རྩ་བ་ལག་པའི་དབྱིབས་དང་འདྲ་ལ་མདོག་དཀར་པོ་ཡིན། |
| དབང་ལུང |
གསང་སྔགས་ཀྱི་དབང་དང༌། ཆོ་ག་སོགས་ཀྱི་བཀླག་ལུང༌། |
| དབང་ལུང་ཁྲིད་གསུམ |
སྨིན་བྱེད་ཀྱི་དབང༌། བརྒྱུད་པའི་ལུང༌། གྲོལ་བྱེད་ཀྱི་ཁྲིད་གསུམ་གྱི་བསྡུས་མིང༌། |
| དབང་ལྡན |
1.དབང་ཆ་ཡོད་པ།2.(མངོན་བརྗོད།) བྱང་ཤར་མཚམས།3.ས་ཁུལ་ཞིག་བོད་ཀྱི་པ་སྣམ་རྫོང་ཁོངས་སུ་ཡོད། |
| དབང་ཤེད |
བཙན་དབང་གི་སྟོབས་ཤུགས་ཀྱི་དོན་ཏེ། (དཔེར་ན།) ཕན་ཚུན་གཅིག་གིས་གཅིག་ལ་དབང་ཤེད་མ་བྱེད་ཅེས་པ་ལྟ་བུ། |
| དབང་ཤེད་བཙན་གཏམ |
གཞན་ལ་བརྙས་བཅོས་ཐུབ་ཚོད་གཏོང་བའི་སྐད་ཆ། (དཔེར་ན།) ཉམ་ཆུང་ལ་དབང་ཤེད་བཙན་གཏམ་མ་བཤད་ཅེས་པ་ལྟ་བུ། |
| དབང་ཤེས |
དབང་པོ་གཟུགས་ཅན་པ་ལ་བརྟེན་པའི་ཤེས་པ། སྒོ་ལྔའི་ཤེས་པ་རྣམས་སོ། ། |
| དབང་ཤེས་ཀྱི་དམིགས་རྐྱེན |
རང་གི་བསྒོས་པའི་བག་ཆགས་ཀྱི་དབང་གིས་རང་འབྲས་དབང་ཤེས་ཡུལ་གྱི་རྣམ་ལྡན་དུ་གཙོ་བོར་སྐྱེད་བྱེད། (དཔེར་ན།) སྔོར་སྣང་དབང་ཤེས་སྔ་མ་ནི་ཤེས་པ་གཞན་གྱིས་བར་ཆོད་དམ་མ་ཆོད་ཀྱང་རུང༌། རང་གི་རིགས་འདྲ་སྔོར་སྣང་དབང་ཤེས་ཕྱི་མའི་དམིགས་རྐྱེན་ཡིན་པ་བཞིན་ནོ། ། |
| དབང་ཤེས་ཀྱི་དེ་མ་ཐག་རྐྱེན |
ཆོས་དེ་གསལ་རིག་གི་ངོ་བོར་གཙོ་བོར་དངོས་སུ་སྐྱེད་བྱེད། (དཔེར་ན།) ཤེས་པ་སྔ་མའི་ནུས་པའི་དབང་གིས་སྔོས་སྣང་དབང་ཤེས་མྱོང་བའི་ངོ་བོར་གཙོ་བོར་དངོས་སུ་སྐྱེད་པའི་ཤེས་རྒྱུད་ཀྱི་སྟེང་གི་ནུས་པ་ལྟ་བུའོ། ། |
| དབང་ཤེས་ཀྱི་བདག་རྐྱེན |
དབང་ཤེས་ཡུལ་འཛིན་དུ་གཙོ་བོར་སྐྱེད་བྱེད་ཀྱི་ས་བོན། (དཔེར་ན།) སྔོར་སྣང་དབང་ཤེས་སྔ་མའི་ནུས་པའི་དབང་གིས་སྔོར་སྣང་དབང་ཤེས་སྔོན་པོ་འཛིན་ནུས་སུ་གཙོ་བོར་སྐྱེད་པའི་ཀུན་གཞིའི་སྟེང་གི་ནུས་པ་ལྟ་བུའོ། ། |
| དབང་ཤེས་ཀྱི་རྐྱེན་གསུམ |
སེམས་ཙམ་པའི་འདོད་ལུགས་ལྟར་ན། དབང་ཤེས་ཀྱི་དམིགས་རྐྱེན་དང༌། དབང་ཤེས་ཀྱི་བདག་རྐྱེན། དབང་ཤེས་ཀྱི་དེ་མ་ཐག་རྐྱེན་བཅས་སོ། ། |
| དབང་ཤེས་ཀྱི་ལོག་ཤེས |
རྟོག་མེད་ལོག་ཤེས་ཀྱི་ནང་གསེས། དབང་ཤེས་སུ་གྱུར་པའི་ལོག་ཤེས། (དཔེར་ན།) དུང་སེར་སྣང་དང༌། གངས་རི་སྔོར་སྣང༌། ཟླ་གཅིག་ཟླ་གཉིས་སུ་སྣང་བའི་དབང་ཤེས་ལྟ་བུའོ། ། |
| དབང་ཤེས་འཁྲུལ་བ |
ཟླ་གཉིས་སྣང་གི་དབང་ཤེས་ལྟ་བུ། |
| དབང་སྐུར |
1.འགན་འཁུར་མཁན་དུ་བསྐོས་པའམ་དཔོན་པོར་བསྐོས་པའི་དོན་ཏེ། (དཔེར་ན།) རྒྱལ་ཁབ་ཀྱི་རྒྱལ་པོ་བྱས་པ་ལ་རྒྱལ་པོར་དབང་བསྐུར་ཟེར་བ་ལྟ་བུ། 2.འབྲས་བུ་སྐུ་གསུམ་དབང་བར་བྱེད་པའི་གསང་སྔགས་ཀྱི་ཆོ་ག་རིགས་ཤིག |
| དབང་སྒ |
(ཡུལ་སྐད།) རྟ་སྒའི་བྱེ་བྲག་ཅིག |
| དབང་སྒྱུར |
1.འགན་དབང་སྤྱོད་པའི་ཁོངས་སུ་བཀོད་འདོམས་བྱེད་པ། (དཔེར་ན།) མངའ་ཁོངས་རྒྱ་ཆེན་པོར་དབང་བསྒྱུར། དབང་བསྒྱུར་བྱའི་མངའ་ཁོངས། དབང་སྒྱུར་མཁན། དབང་སྒྱུར་ཅིག་ལྟ་བུ། 2.ཁ་ལོ་སྒྱུར་བའི་དོན་ཏེ། (དཔེར་ན།) གདུག་རྩུབ་ཅན་གྱི་དབང་སྒྱུར། དྲག་ཤུགས་ཀྱིས་དབང་སྒྱུར། དྲག་ཤུགས་ཀྱིས་དབང་སྒྱུར་བྱེད་པ་ཞེས་པ་ལྟ་བུ། |
| དབང་སྔོན |
གཏེར་ཁ་ནས་ཐོན་པའི་རིན་པོ་ཆེ་སྔོན་པོ་ཞིག་གི་མིང་། |
| དབང་སྡུད |
བཀོད་འདོམས་བྱེད་པའི་བློ་སྟོབས་སམ་སྟོབས་ཤུགས་ཀྱི་མིང་། (དཔེར་ན།) དབང་སྡུད་ཅན། དབང་སྡུད་ཧ་ཅང་ཆེ་ལྟ་བུ། |
| དབད་པ |
(བརྡ་རྙིང་།) འཐོག་པ་དང་འཐེན་པའི་དོན་ཏེ། (དཔེར་ན།) སྡེར་སེན་གྱིས་ལུས་ཤ་དབད་པ། གོས་དབད་པ། སྐྲ་དབད་པ་ཞེས་པ་ལྟ་བུ། |
| དབབ |
1.ཕབ་ཀྱི་མ་འོངས་པ་སྟེ། (དཔེར་ན།) དབབ་བྱའི་བཀའ་ལུང་ཞེས་པ་ལྟ་བུ།2.བབས་ཀྱི་མ་འོངས་པ་སྟེ། (དཔེར་ན།) སྐས་སྟེང་ནས་མར་དབབ་དགོས་ལྟ་བུ། |
| དབའ |
1.(བརྡ་རྙིང་།) རྦ་རླབས།2.(ཡུལ་སྐད།) ལགས་སོ་ཞེས་པའི་དོན་ཏེ། (དཔེར་ན།) ཡིན་དབའ། མ་རེད་དབའ་ཞེས་པ་ལྟ་བུ། 3.ཆུ་བོ་དང་མཚོའི་རྦ་རླབས་ཀྱི་མིང་། (དཔེར་ན།) རྨ་ཆུའི་དབའ་ནང་ལ་རྐྱལ་ལྟ་བུ། |
| དབའ་ཀློང |
རྦ་རླབས་ཀྱི་ཀློང་ངམ་དཀྱིལ། |
| དབའ་རླབས |
(བརྡ་རྙིང་།) རྦ་རླབས། |
| དབའ་ལེ་ལ |
ལ་ཞིག བོད་ཀྱི་རྫ་ཡུལ་རྫོང་གི་བྱང་ངོས་སུ་ཡོད། |
| དབའ་སྒལ |
(བརྡ་རྙིང་།) ཆུའི་རླབས། |
| དབར |
བར་དང་མཚམས་ཀྱི་དོན་ཏེ། (དཔེར་ན།) ལ་གཉིས་དབར། ཆུ་གཉིས་དབར། རྒྱལ་ཁབ་ཕན་ཚུན་དབར་ཞེས་པ་ལྟ་བུ། |
| དབལ |
1.ཏོག་དང༌རྩེ་མོ་དང༌ཟུར་བཅས་ཀྱི་དོན་ཏེ། (དཔེར་ན།) ཁང་པའི་དབལ། རལ་གྲི་རྣོན་པོའི་དབལ། ཕུར་པའི་དབལ། མཆོད་རྟེན་གྱི་དབལ་ཞེས་པ་ལྟ་བུ། 2.ཚ་དྲོད་དང་ཚ་ཤུགས་ཀྱི་དོན་ཏེ། (དཔེར་ན།) མེའི་དབལ། གློག་འབར་བའི་དབལ་ཞེས་པ་ལྟ་བུ། 3.(བརྡ་རྙིང་།) ཤ་ཉམས་རྒྱས་པ། |
| དབལ་ཆོགས་པ |
(བརྡ་རྙིང་།) རྩེ་གཅོག་ཐུབ་པའམ་ངར་རམ་ཤུགས་གཅོག་ཐུབ་པ། |
| དབལ་ཚ་བ |
དྲོད་ཚ་བའི་དོན་ཏེ། (དཔེར་ན།) མེ་ལས་དབལ་ཚ་བ། ཆུ་ལས་རྦ་དྲག་པ་ལྟ་བུ། |
| དབལ་ལྡན |
སྐྲངས་པར་རྣག་སྨིན་ནམ་མ་སྨིན་བརྟག་བྱེད་ཀྱི་ཐུར་སྤྱད་རྩེ་མོ་ཟུར་གསུམ་གྱི་དབྱིབས་ཅན་ཞིག |
| དབལ་ལྡན་ཤ་ཁབ |
ཤ་ལྤགས་རལ་བ་འཚེམ་བྱེད་ཀྱི་ཡོ་བྱད་ཅིག |
| དབས |
(བརྡ་རྙིང་།) གནའ་རབས་བོད་ཀྱི་འཕན་པོ་ཁུལ་དུ་ཡོད་པའི་རུས་རྒྱུད་ཅིག་གི་མིང༌། |
| དབས་ཁྲི་གཟིག་མང་ཉེན |
ཁྲི་ལྡེ་གཙུག་བརྟན་སྐབས་ཀྱི་བློན་ཆེན་ཞིག་གི་མིང༌། སྤྱི་ལོ་705 ལོར་བསྐོ་གཞག་བྱས་ཤིང༌། 721 ལོར་འདས། |
| དབས་ཁྲི་སུམ་རྗེ་རྩན་བཞེར |
ཁྲི་ལྡེ་གཙུག་བརྟན་སྐབས་ཀྱི་བློན་ཆེན་ཞིག་གི་མིང༌། སྤྱི་ལོ་721 ལོར་བསྐོ་གཞག་བྱས་ཤིང༌། 725 ལོར་འདས།. |
| དབས་སྟག་སྒྲ་ཁོང་ལོད |
ཁྲི་ལྡེ་གཙུག་བརྟན་སྐབས་ཀྱི་བློན་ཆེན་ཞིག་གི་མིང༌། སྤྱི་ལོ་727 ལོར་བསྐོ་གཞག་བྱས་ཤིང༌། 728 ལོར་གནས་ནས་ཕབ། |
| དབུ |
1.མགོའམ་འགོའི་ཞེ་ས་སྟེ། (དཔེར་ན།) གྲལ་གྱི་དབུ་ལ་བཞུགས་པ། ཕོ་བྲང་གི་དབུ་རྩེ། ཕྱག་ལས་ཀྱི་དབུ་འཛུགས་པ་ལྟ་བུ། 2.མིང་འགའ་ཞིག་གི་སྔོན་དུ་སྦྱོར་བའི་ཞེ་སའི་བརྡ་ཞིག་སྟེ། (དཔེར་ན།) དབུ་ཞྭ། དབུ་གདུགས་ཞེས་པ་ལྟ་བུ། |
| དབུ་ཁང |
འཕགས་པ་མཆེད་བཞིའི་ཡ་གྱལ་བལ་ཡུལ་གྱི་ལྷ་སྐུ་གྲགས་ཅན་ཞིག |
| དབུ་ཁྱུད |
དབུ་ཅན་དང་དབུ་མེད་ཀྱི་ཡིག་མགོར་འབྲི་རྒྱུའི་དང་ཀྱོག་གམ་བེརྒ། |
| དབུ་ཁྲིད |
འགོ་ཁྲིད། |
| དབུ་གཏུག |
མགོ་དང་མགོ་གཏུག་པའི་ཞེ་ས། |
| དབུ་གཙོ |
འགོ་བྱེད་གཙོ་བོ། |
| དབུ་གཞུག |
1.སྐྲ་གཞུག2.མགོ་མཇུག་གི་དོན་ཏེ། (དཔེར་ན།) དབུ་གཞུག་མེད་པ། དབུ་གཞུག་ཡོད་པ། དབུ་གཞུག་མ་ཚང་བ་ཞེས་པ་ལྟ་བུ། |
| དབུ་གཡོར་འཁྲུག་སློང |
གླང་དར་མ་འདས་རྗེས། བཙུན་མོ་གཉིས་སོ་སོའི་ཕྱོགས་བློན་འབངས་ཐ་དད་ཀྱིས་བཟུང་སྟེ་ཡུམ་བརྟན་གྱིས་དབུ་རུ། འོད་སྲུངས་ཀྱིས་གཡོ་རུ་བཟུང་ནས་དབུ་གཡོར་འཁྲུག་པ་བྱས། དེའི་ཕྱོགས་བོད་ཡུལ་ཕལ་ཆེར་ལ་ཁྱབ་སྟེ་ཡུལ་གྲུ་རེ་རེར་ཡང་ཆེ་སྲིད་ཆུང་སྲིད། མང་ཚན་ཉུང་ཚན། གསེར་པ་གཡུ་པ། ཤ་ཟན་རྩམ་ཟན། ཞེས་སྡེ་གཉིས་གཉིས་སུ་ཆད་དེ་རྩོད། རྒྱལ་བུ་གཉིས་ལོ་ཉེར་གསུམ་ལོན་པའི་ས་གླང་ནས་བཟུང་སྟེ་འབངས་ཀྱི་ཁེང་ལོག་རྣམས་རིམ་པར་བྱུང་ངོ་། ། |
| དབུ་གུར |
གུར་གྱི་ཞེ་ས། |
| དབུ་ཅན |
གཟབ་ཡིག་གམ་ཡིག་དཀར། |
| དབུ་ཆུང |
བཟོ་བོ་དབུ་མཛད་ཆུང་བ། |
| དབུ་ཆེན |
1.བཟོ་བོ་དབུ་མཛད་ཆེ་བ།2.འདོན་པའི་མགོ་སྐུལ་མཁན་གྱི་དབུ་མཛད་རྒན་པའམ་གཙོ་བོ། |
| དབུ་ཆོས |
དགོན་པའི་དབུ་མཛད་དང་ཆོས་ཁྲིམས་འཛིན་མཁན་དགེ་བསྐོས། |
| དབུ་ཐོད |
ཀ་པཱ་ལའི་ཞེ་ས། |
| དབུ་དཔངས |
དབུ་འཕང་དང་འདྲ། |
| དབུ་དམར |
སྐྲ་མེད་པའི་མགོ་དམར་རྗེན། |
| དབུ་དུམ |
དཔེ་ཆའི་དབུ་ཤོག་དུམ་བུའི་དོན་ཏེ། (དཔེར་ན།) དཀོན་བརྩེགས་ཀྱི་དབུ་དུམ་དེ་རྒྱབ་ཏུ་ཁྱེར་ནས་ཕྱིན་ཞེས་པ་ལྟ་བུ། |
| དབུ་པཎ |
དབུ་ཞྭ་པཎ་ཞུ་རྣ་རིང༌། |
| དབུ་ཕྲེང |
ཆུའི་ལྦུ་བའི་ཕྲེང་བ། |
| དབུ་བ |
ཆུའི་ཁར་གཡེང་བའི་ལྦུ་བ་སྟེ། (དཔེར་ན།) ཆུ་རླབས་གཡོས་པས་དབུ་བ་ཐོལ་ཐོལ་དུ་འཕྱུར་བ། དོན་དངོས་དང་མི་མཚུངས་པའི་རེ་སྟོང་དབུ་བ་ལྟར་ཡལ་སོང༌ཞེས་པ་ལྟ་བུ། |
| དབུ་བཞུགས |
གྲལ་མགོའམ་ལས་ཀའི་མགོར་སྡོད་པའི་དོན་ཏེ། (དཔེར་ན།) དབུ་བཞུགས་སྐུ་ཚབ། དབུ་བཞུགས་བློན་ཆེན་ཞེས་པ་ལྟ་བུ། |
| དབུ་བརྙེས་པ |
འགོ་ཚུགས་པའི་དོན་ཏེ། (དཔེར་ན།) རྒྱལ་ཁབ་དབུ་བརྙེས་པ་ལྟ་བུ། |
| དབུ་བསིལ |
1.མགོ་སྐྲ་འཁྲུད་པ།2.སྐྲ་བཞར་བ།3.སྐྲ་བཤིག་པ། སྐྲའི་སྤ་ལོའམ་ལྕང་ལོ་བཤིག་པ། |
| དབུ་བྱིངས |
1.ཨར་ལས་ཀྱི་རྡོ་བཟོ་ཤིང་བཟོ་སོགས་ཀྱི་ལག་རྩལ་དབུ་མཛད་དང༌། ཨར་པོ་བ་དམངས་ཀྱི་བསྡུས་མིང༌།2.དགོན་པའི་དབུ་མཛད་དང་གྲྭ་དམངས་ཀྱི་བསྡུས་མིང༌། |
| དབུ་བླ |
སྔ་དུས་རྒྱལ་པོ་དང་དཔོན་པོ་སོགས་ཀྱི་རྩ་བའི་བླ་མ། |
| དབུ་མ |
1.དཀྱིལ་མ།2.འཇིག་རྟེན་ན་མཐའ་དོར་བའི་དཀྱིལ་ལ་དབུས་ཞེས་པ་དང་འདྲ་བར་ཡོད་མེད་ལ་སོགས་པའི་མཐའ་གཉིས་སྤངས་པས་དབུས་ཉིད་དབུ་མའོ། །3.སྲོག་འཛིན་ལ་སོགས་པའི་རླུང་རྣམས་ཀྱི་རྟེན་བྱེད་པའི་ལུས་ཀྱི་རྩའི་གཙོ་བོ་ཞིག་སྐྱེས་པ་དང་བུད་མེད་གཉིས་ཀའི་གཡས་གཡོན་སོགས་ཀྱི་མཐའ་ལ་མི་གནས་པར་དབུས་སུ་དྲང་པོར་གནས་པས་དབུ་མར་བཞག་ཅིང༌། ཐབས་ཤེས་དབྱེར་མི་ཕྱེད་པ། ཡེ་ཤེས་ཐམས་ཅད་ཀྱི་རྩ་བ་དང༌། ཡེ་ཤེས་ཀྱི་རླུང་རྒྱུ་བའི་གནས། ཁ་དོག་ནི་སྔོ་སྐྱའོ། །4.གཞུང་བཀའ་པོད་ལྔའི་ཡ་གྱལ་ཟབ་མོ་སྟོང་པ་ཉིད་ཀྱི་རྣམ་གཞག་སྟོན་པའི་གཞུང༌། |
| དབུ་མ་གཞན་སྟོང |
ཀུན་མཁྱེན་དོལ་པོ་བ་སོགས་ཀྱི་དགོངས་པ་སྟེ་ཇོ་ནང་བའི་བཞེད་སྲོལ་དུ་ཀུན་རྫོབ་ཀྱིས་བསྡུས་པའི་ཆོས་ཐམས་ཅད་སྟོང་པ་ཉིད་དུ་གཏན་ལ་འབེབས་པའི་ཚུལ་དང༌། མཉམ་བཞག་ཏུ་སྤྲོས་པའི་མཐའ་ཐམས་ཅད་འགོག་པ་ལ་ཁྱད་པར་མེད་ཀྱང༌། རྗེས་ཐོབ་གྲུབ་མཐའ་ཤན་འབྱེད་པའི་སྐབས་ཐ་སྙད་ཀྱི་ཁས་ལེན་ཙམ་དུ་ཆོས་ཉིད་དེ་བཞིན་ཉིད་ཡོད་དོ་ཞེས་པ་དང༌། དོན་དམ་དཔྱོད་བྱེད་ཀྱི་རིགས་པས་དཔྱད་པ་མཐར་ཐུག་པའི་ཚེ་ན་གཟུང་འཛིན་གཉིས་སྟོང་གི་ཡེ་ཤེས་བདེན་པར་གྲུབ་པར་ལྟ་བའོ། ། |
| དབུ་མ་ཐལ་འགྱུར་བ |
ཐལ་འགྱུར་ཙམ་གྱིས་ཕྱི་རྒོལ་གྱི་རྒྱུད་ལ་བསྒྲུབ་བྱ་རྟོགས་པའི་རྗེས་དཔག་སྐྱེ་བར་འདོད་པའི་དབུ་མ་པ་རང་གི་མཚན་ཉིད་ཀྱིས་གྲུབ་པ་ཐ་སྙད་ཙམ་དུ་ཡང་མི་བཞེད་པའི་ངོ་བོ་ཉིད་མེད་པར་སྨྲ་བའོ། ། |
| དབུ་མ་པ |
རྟག་ཆད་ཀྱི་མཐའ་གཉིས་དང་བྲལ་བ་བདེན་གཉིས་ཟུང་དུ་འཇུག་པའི་ལྟ་བ་རྩལ་དུ་འདོན་མཁན་གྲུབ་མཐའ་སྨྲ་བ་བཞིའི་ཡ་གྱལ་ཞིག |
| དབུ་མ་པ་གསུམ |
དབུ་མ་རང་རྒྱུད་པ་ལ་མདོ་སྡེ་སྤྱོད་པ་དང༌། རྣལ་འབྱོར་སྤྱོད་པ་གཉིས་དང༌། དབུ་མ་ཐལ་འགྱུར་བ་བཅས་གསུམ་མོ། ། |
| དབུ་མ་འཇུག་པ |
དབུ་མ་ལ་འཇུག་པ་ཞེས་བྱ་བ་དབུ་མའི་གཞུང་རྩ་བ་ཤེས་རབ་ལ་འཇུག་ཚུལ་ཟབ་པ་དང་རྒྱ་ཆེ་བ་གཉིས་ཀྱི་སྒོ་ནས་འཇུག་པར་བྱ་བའི་ཕྱིར་དུ་རྒྱ་གར་གྱི་སློབ་དཔོན་ཟླ་བ་གྲགས་པས་མཛད་པའི་མདོ་སྡེ་ས་བཅུ་དང་འབྲེལ་བའི་སེམས་བསྐྱེད་བཅུའི་རབ་བྱེད་ཅན་གྱི་རྩ་འགྲེལ་གཉིས་ལྡན་གྱི་གཞུང་ཞིག |
| དབུ་མ་རང་རྒྱུད་པ |
རང་གི་མཚན་ཉིད་ཀྱིས་གྲུབ་པ་ཐ་སྙད་དུ་ཁས་ལེན་པའི་ངོ་བོ་ཉིད་མེད་པར་སྨྲ་བའོ། ། |
| དབུ་མ་རིགས་ཚོགས་དྲུག |
དབུ་མ་རིགས་ཚོགས་ལྔའི་སྟེང་དུ་རིན་ཆེན་ཕྲེང་བ་བསྣན་པས་དྲུག་གོ། ། |
| དབུ་མ་རིགས་ཚོགས་ལྔ |
སྔར་རྒྱ་གར་གྱི་སློབ་དཔོན་ཀླུ་སྒྲུབ་ཀྱིས་མཛད་པའི་དབུ་མ་རྩ་བ་ཤེས་རབ་དང༌། རྩོད་བཟློག་སྟོང་ཉིད་བདུན་ཅུ། རིགས་པ་དྲུག་ཅུ། ཞིབ་མོ་རྣམ་འཐག་བཅས་ལྔའོ། ། |
| དབུ་མ་སྟོང་ཐུན་ཆེན་མོ |
མཐའ་གཉིས་དང་བྲལ་བའི་དབུ་མའི་ལམ་གསལ་བར་སྟོན་པའི་གཞུང༌། དུས་རབས་བཅོ་ལྔ་པར་མཁས་གྲུབ་དགེ་ལེགས་དཔལ་བཟང་གིས་མཛད་པའོ། ། |
| དབུ་མནའ |
མནའི་ཞེ་ས། |
| དབུ་མཚམས |
1.དབུ་སྐྲ་ཡོད་མེད་མཚམས།2.དབུ་སྐྲ་རྐང་སོ་སོའི་བར། |
| དབུ་མཛད |
1.འགོ་ཁྲིད་པའམ་སྣ་དྲངས་པའི་དོན་ཏེ། (དཔེར་ན།) དགེ་རྒན་གྱིས་སློབ་མའི་དབུ་མཛད་པར་བྱ། དབུ་མཛད་བཞིན་ཡོད། དབུ་མཛད་ནས། དབུ་མཛོད་ཅིག་ལྟ་བུ། 2.ཚོགས་འཚོགས་ནས་ཆོས་འདོན་ཚེ་ཐོག་མར་སྐད་ཕྱུང་ནས་འདོན་འགོ་འཁྲིད་མཁན་གྱི་མིང་། (དཔེར་ན།) དགོན་པའི་དབུ་མཛད་ཅེས་པ་ལྟ་བུ། |
| དབུ་མའི་ལམ |
དབུ་མའི་ལྟ་བ་རྟོགས་པའི་ལམ། |
| དབུ་མའི་ལྟ་བ |
ཆོས་ཐམས་ཅད་ཀྱི་གནས་ལུགས་མཐར་ཐུག་རྟོགས་པའི་བློའོ། ། |
| དབུ་མེད |
གཤར་ཡིག་གམ་ཡིག་ནག |
| དབུ་ཚད |
དབུ་མ་དང་ཚད་མའི་བསྡུས་མིང༌། |
| དབུ་ཞུར |
མགོ་དམར་པོ། |
| དབུ་ཞྭ |
ཞྭ་མོ། |
| དབུ་ཟླུམ་ཞབས་རྗེན |
སྔ་དུས་རྒྱ་གར་གྱི་དགེ་སྦྱོང་རྣམས་ཀྱི་ཆ་བྱད། |
| དབུ་འཕང |
དཔལ་དང་གཟི་བརྗིད་སྙན་གྲགས་སོགས་ཀྱི་སྤྱི་མིང་། (དཔེར་ན།) ད་ལྟ་མི་དམངས་ཀྱི་དབུ་འཕང་ཇེ་མཐོར་སོང་ལྟ་བུ། |
| དབུ་ཡ |
ཡ་མའི་ནད། |
| དབུ་ཡིག |
དག་ཡིག་ནང་གི་འགྲེལ་བཤད་བྱེད་དགོས་པའི་ཡི་གེའི་མིང་། |
| དབུ་ཡུ |
(ཡུལ་སྐད།) ཨ་ཡུ་མ་སྟེ། རྭ་མེད་པའི་གནག་ཕྱུགས། |
| དབུ་རུ |
ཊབར་དབུས་གཙང་རུ་བཞིའི་ནང་གསེས། ལྟེ་བ་ལྷ་ས་ར་མོ་ཆེར་བཞག་ནས་ཤར་འོལ་ཁའི་ཤུག་པ་སྤུན་བདུན་དང༌། ལྷོ་རྨ་ལ་ལ་རྒྱུད། ནུབ་གཞུ་སྙེ་མོ། བྱང་བྲགས་ཀྱི་གླང་མ་གུར་ཕུབ་བཅས་སོ་སོའི་བར་དུ་སོང་བའི་ས་ཡུལ་གྱི་མིང་རྙིང༌། |
| དབུ་རུ་ཤོད་ཆེན |
བོད་སྐྱིད་ཤོད་ཀྱི་མིང་རྙིང༌། |
| དབུ་རུ་སྟོད |
སྐྱིད་ཆུའི་སྟོད་རྒྱུད་འབྲི་གུང་སོགས་ཀྱི་ས་ཁུལ། |
| དབུ་རེག |
མགོ་རིལ། |
| དབུ་རྐྱང་རོ་གསུམ |
རྩ་དབུ་མ་དང༌། རྐྱང་མ། རོ་མ་གསུམ་གྱི་བསྡུས་མིང༌། |
| དབུ་རྒྱན |
མགོ་རྒྱན། མིང་གི་རྣམ་གྲངས་ལ་ཅོད་པན་དང༌། པྲོག་ཞུ། སྤྱི་བོའི་རྒྱན། གཙུག་གི་ནོར་བུ། གཙུག་གི་རིན་པོ་ཆེ། གཙུག་རྒྱན། རྩེ་ཕྲན་བཅས་སོ། ། |
| དབུ་རྒྱས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྨོན་ལམ་གྱི་ཚོགས་ཡོངས་སུ་རྫོགས་པ་ཉིད་ཀྱིས་དབུ་ཤིན་ཏུ་རྒྱས་པ་དབུ་གདུགས་ལྟར་ཟླུམ་ལ་རྒྱས་པ། |
| དབུ་རྨོག |
1.སྔོན་དཔའ་བོ་གཡུལ་དུ་ཆས་སྐབས་ལོགས་སུ་གྱོན་རྒྱུའི་ལྕགས་ཞྭ།2.མགོ་འཕང༌གི་དོན་ཏེ། (དཔེར་ན།) རྒྱལ་ཁབ་ཀྱི་དབུ་རྨོག་བཙན་ལྟ་བུ། 3.(བརྡ་རྙིང་།) སྲིད་དབང༌། |
| དབུ་རྩེ |
ཕོ་བྲང་གི་རྩེ་ཐོག་དང་རི་རྩེ་སོགས། |
| དབུ་རྩེའི་བྱ་འདབ |
ཁང་པའི་རྩེ་ཐོག་གི་རྒྱ་ཕིབས། |
| དབུ་ལོ |
སྐྲ། |
| དབུ་ལྕང |
མགོ་སྐྲ་བསླས་མ། |
| དབུ་ལྕོག |
སྔར་བོད་ཀྱི་མི་དྲག་ཚོའི་མགོ་སྐྲའི་སྤ་ལྕོག |
| དབུ་སེམས་གཉིས |
དབུ་མ་པ་དང༌། སེམས་ཙམ་པའི་བསྡུས་མིང༌། |
| དབུ་སྐོར་གཡོ་ཞུས |
གོང་ལ་མགོ་སྐོར་བཏང་བ་དང༌། གཡོ་སྒྱུ་བཤད་པ། |
| དབུ་སྐྲ |
མགོ་སྐྲའི་མིང་། (དཔེར་ན།) སྐུ་ན་མཐོ་བས་དབུ་སྐྲ་སྐྱ་ཕྱེད་སྔོ་ཕྱེད་ཆགས་པ། ན་གཞོན་ཚང་མའི་ནང་ནས་ཁོང་གི་དབུ་སྐྲ་གཤོར་བ་ཞིག་རེད་ཅེས་པ་ལྟ་བུ། |
| དབུ་སྐྲ་དྲི་ཞིམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་བྱང་ཆུབ་ཀྱི་ཡན་ལག་གི་མེ་ཏོག་བཀྲམ་པ་ཉིད་ཀྱིས་དབུ་སྐྲ་དྲི་ཞིམ་པ། |
| དབུ་སྐྲ་བུང་བ་ལྟར་གནག་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཡུལ་གྱི་དགའ་བ་ཟློག་པར་མཛད་པ་ཉིད་ཀྱིས་དབུ་སྐྲ་བུང་བ་ལྟར་མདོག་གནག་པ། |
| དབུ་སྐྲ་མ་འཛིང་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཐུགས་འདོད་ཆགས་ལ་སོགས་པས་མ་འཁྲུགས་པ་ཉིད་ཀྱིས་དབུ་སྐྲ་མ་འཛིང་བ། |
| དབུ་སྐྲ་མི་གཤོར་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་རྟག་ཏུ་ཚིག་མི་ཙུབ་པ་ཉིད་ཀྱིས་དབུ་སྐྲ་མི་གཤོར་བ་སྟེ་དབུ་སྐྲ་མི་རྩུབ་པ། |
| དབུ་སྐྲ་འཇམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་བློ་འཇམ་པོས་ཡོངས་སུ་ཤེས་པ་ཉིད་ཀྱིས་དབུ་སྐྲ་འཇམ་པ། |
| དབུ་སྐྲ་ལི་བ |
(བརྡ་རྙིང་།) 1>མགོ་སྐྲ་བྱི་བ། 2>སྐྲ་འཁྱིལ། |
| དབུ་སྐྲ་སྡུག་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་མཐོང་བ་དང་སྒོམ་པས་སྤང་བར་བྱ་བའི་བག་ལ་ཉལ་སྤངས་པའི་ཕྱིར་དབུ་སྐྲ་སྡུག་པ་སྟེ་ཡིད་དུ་འོང་བ། |
| དབུ་སྐྲའི་དཔེ་བྱད་དྲུག |
དཔེ་བྱད་བཟང་པོ་བརྒྱད་ཅུའི་གྲས་ཤིག་དབུ་སྐྲ་བུང་བ་ལྟར་གནག་པ། དབུ་སྐྲ་སྡུག་པ། དབུ་སྐྲ་འཇམ་པ། དབུ་སྐྲ་མ་འཛིང་བ། དབུ་སྐྲ་མི་གཤོར་བ། དབུ་སྐྲ་དྲི་ཞིམ་པ་བཅས་དྲུག་གོ། ། |
| དབུ་སྙུང |
1 མགོ་ན་བ།2.མནའ་བསྐྱལ་བའམ་ཁ་ཏན་བཞག་པའི་དོན་ཏེ། (དཔེར་ན།) རོགས་རམ་གནང་རྒྱུའི་དབུ་སྙུང་བཞེས་སོང་ལྟ་བུ། |
| དབུ་སྟོན |
འཇིམ་སྐུ་བཞེངས་དུས་དབུའི་བཟོ་ལས་ཚུགས་སྐབས་ཀྱི་དགའ་སྟོན། |
| དབུ་སྤྱི |
དགོན་པའི་དབུ་མཛད་དང་སྤྱི་སོ། |
| དབུག |
ཕུག་གི་མ་འོངས་པ། (དཔེར་ན།) དབུག་བྱའི་ཤིང་། ཤིང་ལ་བུ་ག་དབུག་པར་བྱ་ལྟ་བུ། |
| དབུགས |
1.སྲོག་རྩའི་ནང་གི་རླུང་ཁམས་ཀྱི་དོན་ཏེ། (དཔེར་ན།) ཁ་སྣའི་དབུགས། སྲོག་དབུགས་རྒྱུ་བ། དབུགས་མི་བདེ་བ། དབུགས་འབྱུང་བ། དབུགས་བྲལ་བ། དབུགས་བསྡད་པ། དབུགས་འཚུབས་པ། དབུགས་འཚངས་པ། དབུགས་རྔམ་པ། དབུགས་རྔུབ་པ། རླུང་ཁྲག་སྟོད་དུ་བརྒྱུགས་ནས་དབུགས་བརྫངས་ཞེས་པ་ལྟ་བུ། 2.ཡུན་དུས་ཀྱི་ཚད་འཇལ་བྱེད་ཅིག་སྐྱེས་བུ་ནད་མེད་སྟོབས་དང་ལྡན་པ་ཞིག་གི་དབུགས་འབྱུང་རྔུབ་གཉིས་གཅིག་ཏུ་བརྩིས་ནས་དབུགས་ཁུག་པ་ཉི་ཁྲི་ཆིག་སྟོང་དྲུག་བརྒྱ་ནི་ཉིན་ཞག་གཅིག་གི་ཚད་དང༌། དབུགས་དྲུག་ནི་ཆུ་སྲང་གཅིག་དང༌། ཆུ་སྲང་དྲུག་ཅུ་ནི་ཆུ་ཚོད་གཅིག་བཅས་ལ་ཡུལ་གྱི་ཆུ་ཚོད་ཅེས་པའི་ཐ་སྙད་སྦྱར་བའོ། །3.ཟླ་བ་སོ་སོར་འཐོབ་རྒྱུའི་དབུགས་སྒང་ཞེས་པའི་དབུགས།4.(མངོན་བརྗོད།) ཆུ་སྲང་གཅིག་ལ་དབུགས་དྲུག་ཡོད་པས་གྲངས་དྲུག་མཚོན། |
| དབུགས་ཁང |
ལྷ་འདྲེས་སེམས་ཅན་གྱི་དབུགས་བསྡུས་ཏེ་བཅུག་སའི་ཁང་པ་སྟེ། (དཔེར་ན།) བསམ་ཡས་དབུགས་ཁང་ལྟ་བུའོ། ། |
| དབུགས་གཏོང་ལེན |
དབུགས་ཕྱིར་འབྱིན་པ་དང༌། ནང་དུ་རྔུབ་པ། |
| དབུགས་ངར་བ |
དབུགས་འབྱུང་རྔུབ་དྲག་པོའི་དོན་ཏེ། (དཔེར་ན།) གཞན་དང་ཁ་འཛིང་ཤོར་ནས་དབུགས་ངར་བ་ཞེས་པ་ལྟ་བུ། |
| དབུགས་ངལ་གསོ་བ |
དབུགས་ལྷོད་འཇགས་སུ་གཏོང་བའི་དོན་ཏེ། (དཔེར་ན།) གཞས་གདངས་རིང་པོ་འཐེན་པའི་སྐབས་སུ་དབུགས་ངལ་གསོ་བ་བྱེད་དགོས། དགྲ་ལ་རྡུང་རྡེག་གཏོང་དུས་ཕ་རོལ་པོ་དབུགས་ངལ་གསོ་བའི་གོ་སྐབས་མི་འཐོབ་པ་ཞིག་བྱེད་དགོས་ཞེས་པ་ལྟ་བུ། |
| དབུགས་ཆ |
1.དབུགས་ཕར་གཏོང་ཚུར་རྔུབ་རེ་རེའི་ཡུན་ནམ་ཁུག་པ་གཅིག་གི་ཆ་ཤས།2.ཆུ་ཚོད་སྐར་མའི་དབུགས་ཆ། |
| དབུགས་ཆགས |
(བརྡ་རྙིང་།) སྲོག་ཆགས། |
| དབུགས་ཆེན་འབྱིན་པའི་རྣལ་འབྱོར |
རྣལ་འབྱོར་ལྔའི་ཡ་གྱལ་ཞིག་རྙིང་མའི་གཞུང་ལས་མཐོང་ལམ་དུ་འཇིགས་པ་ལྔ་དང་བྲལ་ཞིང་ཆོས་ཉིད་མངོན་སུམ་མཐོང་བས་འཇིག་རྟེན་གྱི་ཆོས་ཐམས་ཅད་ལས་འདས་པས་དབུགས་ཆེན་འབྱིན་པའི་རྣལ་འབྱོར་ཞེས་བྱའོ། ། |
| དབུགས་ཐག |
1.དབུགས་ཀྱི་བར་ཡུན།2.དབུགས་ཀྱི་ནུས་ཤུགས་འཁྱོངས་ཆེ་ཆུང་གི་ཚད་དེ། (དཔེར་ན།) བྱེའུའི་དབུགས་ཐག་ཐུང་བ། རྟ་དེ་དབུགས་ཐག་རིང་བས་ལེ་དབར་མང་པོར་བང་རྒྱུག་ཐུབ་ཅེས་པ་ལྟ་བུ། |
| དབུགས་ཐེབ་རེ |
(ཡུལ་སྐད།) དབུགས་ཐེངས་རེ་དབུགས་གཏོང་ཐེངས་གཅིག |
| དབུགས་ཐོབ |
1.ཤི་བའམ། བརྒྱལ་བ་ལས་སླར་སོས་པ།2.སྐྱེ་འགྲོ་དབུགས་ཡོད་པ་སྟེ་སེམས་ཅན།3.ཟླ་བ་སོ་སོའི་དབུགས་འགོ་ཐོག་མར་ཚུགས་པ། |
| དབུགས་དབྱུང |
དབུགས་འབྱིན་པ་དང་འདྲ། |
| དབུགས་ཕྱི་ནང་དུ་རྒྱུ་བ་རྗེས་སུ་དྲན་པ |
དབུགས་འབྱུང་རྔུབ་ཀྱི་ལན་གྲངས་བགྲངས་ནས་སྒོམ་པའི་ཚུལ། |
| དབུགས་ཕྱིན་པ |
1.དབུགས་ཆད་དེ་ཤི་བ། 2.སྡུག་བསྔལ་ཞི་བའི་དོན་ཏེ། (དཔེར་ན།) ནད་པ་སྡུག་བསྔལ་ལས་གྲོལ་ཏེ་ངལ་བསོའི་དབུགས་ཕྱིན་པ་ལྟ་བུ། |
| དབུགས་ཕྱུང |
1.དབུགས་ཕྱིར་ཕྱུང་བ།2.སྡུག་བསྔལ་ལས་གྲོལ་བར་བྱས་པ། |
| དབུགས་བགྲང་བ |
དབུགས་འབྱུང་རྔུབ་ཀྱི་ཁུག་པ་གྲངས་སུ་བརྩི་བའི་དོན་ཏེ། (དཔེར་ན།) རྣམ་རྟོག་གི་གཉེན་པོ་དབུགས་བགྲང་བ་ཞེས་པ་ལྟ་བུ། |
| དབུགས་བརྒྱངས་པ |
དབུགས་གྱེན་དུ་འཚངས་པའི་དོན་ཏེ། (དཔེར་ན།) དགྲ་ལ་ཁོང་ཁྲོ་འབར་ནས་དབུགས་བརྒྱངས་པ་ཞེས་པ་ལྟ་བུ། |
| དབུགས་བརྩེགས་པ |
དབུགས་འབྱིན་རྔུབ་བྲེལ་པོར་གྱུར་པའི་དོན་ཏེ། (དཔེར་ན།) འཆི་ནད་ཀྱིས་ཟིན་ཏེ་མལ་དུ་ལྷུངས་ནས་དབུགས་བརྩེགས་པ་ཞེས་པ་ལྟ་བུ། |
| དབུགས་བསྡུ་བ |
དབུགས་ལེན་པ། |
| དབུགས་བྲལ |
(མངོན་བརྗོད།) རོ། |
| དབུགས་མི་བདེ་བ་ཆེན་པོ |
སྐད་འཛེར་ཞིང་མགུལ་པ་སྐམ་ལ་དབུགས་རྒོད་ཅིང་ལུད་པ་མང་དུ་འབྱུང་བའི་དབུགས་མི་བདེ་བའི་ནད་ཅིག |
| དབུགས་མི་བདེ་བའི་ནད |
བད་ཀན་གྱི་དབུགས་ལམ་བཀག་ནས་ལུད་པ་འཕེལ་ཞིང་དབུགས་གཏོང་མི་བདེ་བར་གྱུར་པའི་ཨོལ་ཀྲོང་གི་ནད་ཅིག |
| དབུགས་མེད་པ |
ཤེད་ཤུགས་ཞན་པའི་དོན་ཏེ། (དཔེར་ན།) སྤྲོ་སེམས་ཆེར་མེད་པས་ལས་དོན་བྱེད་པར་དབུགས་མེད་པ་ལྟ་བུར་སྣང་ཞེས་པ་ལྟ་བུ། |
| དབུགས་འཁར་བ |
དབུགས་མགྲིན་པར་ཐོགས་པའི་དོན་ཏེ། (དཔེར་ན།) ལུད་པས་སྐེ་སྦུབས་བཀག་པས་དབུགས་འཁར་བ་ཞེས་པ་ལྟ་བུ། |
| དབུགས་འཁུན་པ |
དབུགས་རྩེག་པའི་དོན་ཏེ། (དཔེར་ན།) ན་ཟུག་དྲག་པོས་དབུགས་འཁུན་པ་ཞེས་པ་ལྟ་བུ། |
| དབུགས་འཐུམས |
དབུགས་གཏོང་མི་ཐུབ་པའི་དོན་ཏེ། (དཔེར་ན།) ཁུར་ཆེན་གྱིས་སྟེང་ནས་ནོན་པས་དབུགས་འཐུམས་ཞེས་པ་ལྟ་བུ། |
| དབུགས་འདྲེན་པ |
1.དབུགས་སམ། རླུང་ནང་དུ་འཇུག་པའི་དོན་ཏེ། (དཔེར་ན།) དབུགས་ཆད་ཀྱི་མིའི་ཁོག་པར་དབུགས་འདྲེན་པ། ལྒང་བུ་ཚོན་ཁྲའི་ནང་དུ་དབུགས་འདྲེན་པ་ཞེས་པ་ལྟ་བུ། 2.དབུགས་ཀྱི་གྲངས་འདྲེན་པའི་དོན་ཏེ། (དཔེར་ན།) སེམས་རྣལ་དུ་གནས་ཕྱིར་དབུགས་འདྲེན་པ་ཞེས་པ་ལྟ་བུ། |
| དབུགས་འབྱིན་པ |
1.སེམས་གསོ་གཏོང་བའི་དོན་ཏེ། (དཔེར་ན།) མྱ་ངན་གྱིས་གཟིར་བ་རྣམས་གཏམ་སྙན་གྱིས་དབུགས་འབྱིན་པ་ལྟ་བུ། 2.དབུགས་ཕར་གཏོང་བ་ལྟ་བུ། |
| དབུགས་འབྱིན་བདག |
(མངོན་བརྗོད།) རླུང་ལྷ། |
| དབུགས་ཡན |
ནམ་ཀུན་དང་མི་འདྲ་བའི་དབུགས་གཏོང་སྟངས་ཤིག་སྟེ། (དཔེར་ན།) ནད་ཟུག་ལངས་ནས་དབུགས་ཡན་གཏོང་ལྟ་བུ། |
| དབུགས་རིང |
ལུས་སེམས་ངལ་དུབ་ཆེས་པའི་དབུགས་འབྱིན་སྟངས་ཤིག་སྟེ། (དཔེར་ན།) ནད་རོ་ལངས་ནས་གཅོང་སྐད་འབྱིན་ཞིང་དབུགས་རིང་གཏོང་ལྟ་བུ། |
| དབུགས་རིང་ནར་ནར |
བློ་ཕམ་པ་སོགས་ཀྱིས་དབུགས་རིང་པོར་གཏོང་ཚུལ་ཞིག (དཔེར་ན།) ཕམ་ཉེས་བྱུང་ནས་དབུགས་རིང་ནར་ནར་དུ་གཏོང་བ་ལྟ་བུ། |
| དབུགས་རྐྱལ |
ལྷ་འདྲེས་དབུགས་བསྡུས་ཏེ་བླུག་སའི་རྐྱལ་པ། |
| དབུགས་རྒོད་པ |
ཧར་སྒྲ་དང་བཅས་ཏེ་གཏོང་བའི་དབུགས་ཏེ། (དཔེར་ན།) ཐག་རིང་ཞབས་འཕེན་གློད་པས་དབུགས་རྒོད་པ་ཞེས་པ་ལྟ་བུ། |
| དབུགས་རྔུབ་གཏོང |
དབུགས་ཚུར་འཐེན་པ་དང་ཕར་འབུད་པའི་དོན་ཏེ། (དཔེར་ན།) དབུགས་རྔུབ་གཏོང་རང་བབས་སུ་བཞག་ཅེས་པ་ལྟ་བུ། |
| དབུགས་རྡེབ་པ |
དབུགས་ཧད་དེ་འགུལ་བའི་དོན་ཏེ། (དཔེར་ན།) ཐག་རིང་དུ་བང་རྩལ་བརྒྱུགས་ཀྱང་དབུགས་མི་རྡེབ་པ་ཞེས་པ་ལྟ་བུ། |
| དབུགས་རླངས |
ཁ་སྣ་ནས་འབྱུང་བའི་རླངས་པའི་དོན་ཏེ། (དཔེར་ན།) དགུན་དུས་ཞོགས་པར་ཁའི་དབུགས་རླངས་མཐོང་ཐུབ་ཅེས་པ་ལྟ་བུ། |
| དབུགས་རླུང |
དབུགས་དང་ངོ་བོ་གཅིག་པའི་རླུང༌། |
| དབུགས་ལྒང |
རླུང་ཡང་པོ་བླུགས་ཏེ་ནམ་མཁའ་མཐོ་སར་གློད་རྒྱུའི་ལྒང་བུ། |
| དབུགས་ལྷད་ཤོར་བ |
དབུགས་སྐྱོན་ཤོར་བའི་དོན་ཏེ། (དཔེར་ན།) ཕར་ཚུར་རྒྱུག་བྲེལ་ཆེས་པས་དབུགས་ལྷད་ཤོར་བ་ལྟ་བུ། |
| དབུགས་ལྷེབ་ལྷེབ |
འཆི་ལ་ཉེ་བའི་དབུགས་འབྱིན་སྟངས།་ཤིག (དཔེར་ན།) བྱ་བྱེའུ་ས་ལ་ལྷུངས་ནས་དབུགས་ལྷེབ་ལྷེབ་བྱེད་ཅེས་པ་ལྟ་བུ། |
| དབུགས་ལྷེམ་མེ |
དབུགས་འཆད་ཁའི་ཉམས་ཤིག (དཔེར་ན།) ལུས་སྟོབས་ཤོར་ནས་དབུགས་ལྷེམ་མེ་བར་བསྡད་འདུག་ཅེས་པ་ལྟ་བུ། |
| དབུགས་ཤོར་བ |
ཐང་ཆད་ཆེ་བས་ཤུགས་ནུས་ཉམས་པའི་དོན་ཏེ། (དཔེར་ན།) ཕམ་ཉེས་བྱུང་བ་ཙམ་གྱིས་དབུགས་ཤོར་བ་ཞེས་པ་ལྟ་བུ། |
| དབུགས་སུབ |
དབུགས་འཐུམས་པ་སྟེ། (དཔེར་ན།) དུ་བས་ཁེངས་པའི་ས་དོང་ནང་དུ་ཕྱིན་པས་དབུགས་སུབ་ཐེབས་པ་ཞེས་པ་ལྟ་བུ། |
| དབུགས་སྐྱེས |
(མངོན་བརྗོད།) ཉིན་ཞག་སུམ་ཅུ་ལ་ཟླ་བ་གཅིག་ཏུ་བྱས་པའི་ཟླ་བའི་མིང༌། |
| དབུགས་སྐྱོ་པོ |
སྙིང་སྟོབས་མེད་པའམ་ལས་ཤུགས་མི་ཐོན་པའི་དོན་ཏེ། (དཔེར་ན།) དཀའ་ངལ་མཐོང་བ་ཙམ་གྱིས་བག་འཁུམ་པའི་དབུགས་སྐྱོ་པོ་དེ་འདྲ་མ་བྱེད་ཅེས་པ་ལྟ་བུ། |
| དབུགས་སྒང |
ཟླ་བའི་འགོ་ཚུགས་པ་དང་དཀྱིལ་ལ་སླེབས་པའི་དུས་ཀྱི་རྟགས་ཏེ། ཕུག་ལུགས་ལ། འཛམ་གླིང་ཆེན་པོའི་ས་དུམ་བུ་བཅུ་གཉིས་ལ་ཁྱིམ་སླེབས་འདྲའང༌། ས་ཚིགས་དབང་གིས་དཔྱིད་ཟླ་སོགས་འགོ་ཚུགས་དུས་མི་འདྲ་ཞིང༌། དུས་བཞི་མི་འགྱུར་བའི་ཆེད་དུ་ཁྱིམ་ཟླ་བཅུ་གཉིས་རེ་རེར་དབུགས་ཐོབ་དང་སྒང་ཚད་རེ་རེ་སྟེ་དུས་ཚིགས་ཉེར་བཞི་ཐོབ་ཚུལ་མི་འདྲ་བ་འབྱུང༌། དེ་ཡང་ལྷོ་གླིང་དབུས་མར་ཉི་མ་ལུག་ཁྱིམ་དུ་སླེབས་དུས་དཔྱིད་མཉམ་ཡིན་པར་ངེས་ཀྱང༌། རང་ཅག་ས་ཚིགས་འདིར་ཁྱིམ་སླེབས་ནས་ཁྱིམ་ཞག་བརྒྱད་འདས་མཚམས་སུ་རང་སྒང་ཤར། ཁྱིམ་སླེབས་སྔོན་དུ་ཁྱིམ་ཞག་བདུན་གྱི་མཚམས་སུ་དབུགས་ཐོབ་འབྱུང་ལ། ཚེས་ཟླའི་དབང་དུ་བྱས་ན་སྒང་ནི་རང་རང་གི་ཚེས་གཅིག་ནས་གནམ་སྟོང་བར་གང་དུ་འཁེལ་བ་ངེས་པ་མེད་ཀྱང༌། ཚེས་གང་རུང་ཞིག་ལ་ངེས་པར་སྒང་ཤར་དགོས། གལ་ཏེ་སྒང་དང་བྲལ་ན་ཟླ་བ་དེ་ཟླ་བཤོལ་དུ་འདོན། |
| དབུགས་སྒོམ་པ |
ཤེད་ཤུགས་སྒྲིམ་པའི་དོན་ཏེ། (དཔེར་ན།) ལུས་རྩལ་སྦྱོང་དུས་དབུགས་བསྒོམས་ཏེ་གྱད་རྡོ་འདེགས་ཞེས་པ་ལྟ་བུ། |
| དབུགས་སྔུར |
སྔུར་བ་སྟེ་གཉིད་ཀྱི་སྐབས་མཚུལ་ཁུང་ནས་གཏོང་བའི་དབུགས་སྒྲ། |
| དབུགས་ཧད་པ |
དབུགས་འབྱུང་རྔུབ་མི་བདེ་བ་སྟེ། (དཔེར་ན།) བརྒྱུགས་དྲགས་པས་དབུགས་ཧད་ནས་རེ་ཞིག་སྐད་ཆ་ཡང་མི་ཐོན་པ་ཞིག་བྱུང༌ཞེས་པ་ལྟ་བུ། |
| དབུང |
དབུས་ཀྱི་བརྡ་རྙིང་། |
| དབུབ |
ཕུབ་ཀྱི་མ་འོངས་པ། (དཔེར་ན།) དབུབ་བྱའི་ཁང་བ་ཞེས་པ་ལྟ་བུ། |
| དབུའི་དཔེ་བྱད་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་དབུ་རྒྱས་པ་དང༌། དཔྲལ་བ་ལེགས་པར་འབྱེས་པ་དང༌། དཔྲལ་བ་དབྱེས་ཆེ་བ་བཅས་གསུམ་མོ། ། |
| དབུར |
(བྱེད་འབྲེལ་ལས་ཚིག) གཙུབ་རྡར་རམ་ཕུར་ཕུར་བྱས་པའི་དོན་ཏེ། (དཔེར་ན།) འབར་ཞུན་དབུར་ནས་མེ་སྦར། འཕྲུལ་འཁོར་ལག་པས་དབུར། ལྭ་སྲུབས་དབུར་ཏེས་དབུར་ལྟ་བུ། |
| དབུར་གཙུག་ཏོར་ལྡན་པའི་མཚན་བཟང |
གཙུག་ལག་ཁང་ལ་སོགས་པ་ལྷག་པར་བྱིན་པས་དབུ་གཙུག་ཏོར་དང་ལྡན་པ། |
| དབུར་ཆག |
བརྡར་ནས་འཇམ་པོ་བཟོ་ཐབས་ཏེ། (དཔེར་ན།) གསར་དུ་བསྐྲུན་པའི་ཡོ་བྱད་ལ་དབུར་ཆག་རྒྱག་པ་ཞེས་པ་ལྟ་བུ། |
| དབུར་ཏི |
ཚེམ་བཟོ་བའི་ལག་ཆ་ཞིག |
| དབུར་ཏེ |
ཚེམ་བུ་པས་བཙེམས་སྲུབས་མནན་ནས་སྙོམ་པོ་བྱེད་པའི་ཡོ་བྱད་ཅིག་གི་མིང་། རྒྱ་སྐད་དུ་ཡུན་ཏིའུ་ཟེར། |
| དབུར་པང |
རས་གཞི་དབུར་གདན་གྱི་པང་ལེབ། |
| དབུར་འདན |
(ཡུལ་སྐད།) འཇིམ་སྐུའི་འཇམ་ཤ་འདོན་བྱེད་ལྷ་བཟོའི་ཡོ་བྱད་ཅིག |
| དབུར་རིས |
དབུར་ཏི་རྒྱབ་ཤུལ་དུ་ཐོན་པའི་ཤུལ་རིས། |
| དབུར་རྡར |
ཚོན་སྣག་སོགས་དབུར་བྱེད་ཀྱི་རྡར་རྡོ། |
| དབུར་རྡེལ |
1.ཚེམ་སྲུབས་སྒང་གཤོང་སྙོམ་བྱེད་མེར་བསྲོས་པའི་ལྕགས་སྒམ་མམ། ལྕགས་ལེབ།2.འཇམ་པོར་དབུར་བྱེད་རྡོ་ཤིང་གང་རུང་གི་རྡེའུ། |
| དབུར་རྡོ |
ཞིབ་པོའམ། འཇམ་པོར་དབུར་བྱེད་ཀྱི་རྡོ། |
| དབུར་ཤིང |
ཤོག་བུ་དང་ཞལ་བ་སོགས་དབུར་བྱེད་ཀྱི་ཤིང༌། |
| དབུར་ཤོག |
འབུར་ཀྱོང་ཁོད་སྙོམས་བྱེད་ཀྱི་ཤོག་བུ། |
| དབུར་སྟོད |
དབུ་རུ་སྟོད་དང་འདྲ། |
| དབུལ |
1.(བྱེད་འབྲེལ་ལས་ཚིག) ཕུལ་བའི་མ་འོངས་པ། (དཔེར་ན།) གོང་ལ་དབུལ་བྱའི་སྙན་ཞུ། མེས་རྒྱལ་གྱི་དོན་དུ་ལུས་སྲོག་དབུལ་བར་བྱ་ལྟ་བུ། 2.(བྱེད་མེད་ལས་ཚིག) རྒྱུ་ནོར་གྱིས་འཕོངས་པའི་དོན་ཏེ། (དཔེར་ན།) བུ་རྒོད་ནོར་གྱིས་དབུལ་ཡང་ཞེ་མི་འཕམ་ཞེས་པ་ལྟ་བུ། |
| དབུལ་པོ |
རྒྱུ་ནོར་མེད་མཁན་ཏེ། (དཔེར་ན།) བཤུ་གཞོག་ལམ་ལུགས་འོག་ངལ་རྩོལ་མི་དམངས་རྣམས་དབུལ་པོ་ལག་སྟོང་དུ་གྱུར་པ་ཞེས་པ་ལྟ་བུ། མིང་གི་རྣམ་གྲངས་ལ་བཀྲེན་པོ་དང༌། ནོར་མེད། ཕོངས་པོ་བཅས་སོ། ། |
| དབུལ་ཕོངས |
1.རྒྱུ་ནོར་མེད་པ།2.རྒྱུ་ནོར་མེད་པའི་མི། |
| དབུལ་ཕྱུག |
དབུལ་པོ་དང་ཕྱུག་པོ། |
| དབུལ་རྐྱང |
འཚོ་རྟེན་གང་ཡང་མེད་པའི་དབུལ་པོ། |
| དབུས |
1.དཀྱིལ་གྱི་མིང་། (དཔེར་ན།) རི་གསུམ་གྱི་དབུས་མ། མཁར་དབུས། མཐའ་དབུས་ཞེས་པ་ལྟ་བུ། 2.མང་བོའི་ཁྲོད་དང་ནང་གི་དོན་ཏེ། (དཔེར་ན།) སྐར་ཚོགས་ཀྱི་དབུས་ན་ཟླ་བ་གསལ། མེ་ཏོག་སྣ་ཚོགས་ཀྱི་དབུས་ན་པད་མ་མཛེས་ལྟ་བུ། 3.བོད་དབུས་ཕྱོགས་ཀྱི་མིང་། (དཔེར་ན།) མདོ་དབུས་གཙང་གསུམ་ཞེས་པ་ལྟ་བུ། |
| དབུས་ཁང |
ཁང་པ་དཀྱིལ་མ། |
| དབུས་གཙང |
བོད་ཀྱི་དབུས་ཕྱོགས་ལྷ་ས་དང་གཙང་གི་མིང་བསྡུས་པ། |
| དབུས་གཙང་ཁམས་གསུམ |
བོད་ཡུལ་དབུས་གཙང་དང༌། ཁམས་ཕྱོགས་ཏེ་གསུམ། |
| དབུས་གཙང་གི་མི་བཅུ |
སྨད་འདུལ་གྱི་བརྒྱུད་པའི་ཁུངས་ཏེ། ཀླུ་མེས་ཚུལ་ཁྲིམས་ཤེས་རབ་དང༌། འབྲིང་ཡེ་ཤེས་ཡོན་ཏན། རག་ཤི་ཚུལ་ཁྲིམས་འབྱུང་གནས། རྦ་ཚུལ་ཁྲིམས་བློ་གྲོས། སུམ་པ་ཡེ་ཤེས་བློ་གྲོས་ཏེ་དབུས་ཀྱི་མི་ལྔ་དང༌། ལོ་སྟོན་རྡོ་རྗེ་དབང་ཕྱུག ཚོང་བཙུན་ཤེས་རབ་སེང་གེ། བོ་དོང་པ་ཨུ་པ་དེ་ཀར་ཏེ་གཙང་གི་མི་གསུམ་དང༌། མངའ་རིས་པ་འོ་བརྒྱད་སྤུན་གཉིས་བཅས་མདོ་སྨད་དུ་ཕེབས་ཏེ་བླ་ཆེན་དགོངས་པ་རབ་གསལ་ལས་བསྙེན་རྫོགས་ཞུས། དེ་ནས་རིམ་བཞིན་འདུལ་བའི་སྡོམ་རྒྱུན་སྤེལ་ཏེ་བསྟན་པའི་མེ་རོ་མདོ་ཁམས་སྨད་ནས་སླར་གསོ་བར་མཛད་མཁན་རྣམས་སོ། ། |
| དབུས་གཙང་ཕོ་ཆས |
དབུས་པ་དང་གཙང་པའི་ཁྱོ་གའི་ལུས་ཆས། |
| དབུས་གཙང་མངའ་རིས་སྐོར་གསུམ |
བོད་ཡུལ་དབུས་ཕྱོགས་དང༌། གཙང་ཕྱོགས། སྟོད་མངའ་རིས་སྐོར་གསུམ་བཅས་ཀྱི་སྤྱི་མིང༌། |
| དབུས་གཙང་མདོ་གསུམ |
དབུས་གཙང་ཁམས་གསུམ་དང་དོན་གཅིག |
| དབུས་གཙང་རུ་བཞི |
བར་དབུས་གཙང་རུ་བཞི་དེའོ། ། |
| དབུས་ཆུ |
ལྷ་སའི་སྐྱིད་ཆུ། |
| དབུས་ནས་འཛག |
(མངོན་བརྗོད།) ཆུ་ཤེལ། |
| དབུས་པ |
དབུས་ཕྱོགས་སུ་གནས་པའི་མི། |
| དབུས་པར |
བོད་དབུས་ཕྱོགས་ཀྱི་དཔེ་ཆ་པར་མ། |
| དབུས་ཕྱོགས |
1.བར་དབུས་གཙང་རུ་བཞིར་ཕྱེ་བའི་དབུས་ཀྱི་ཕྱོགས།2.དཀྱིལ་གྱི་ཕྱོགས། |
| དབུས་ཕྲུག |
དབུས་ཕྱོགས་ནས་ཐོན་པའི་སྣམ་ཕྲུག་སྟེ་སྣམ་བུ་འཐུག་པོ་ཞིག་གི་མིང༌། |
| དབུས་མ |
1.མཐའ་ལ་ལྟོས་པའི་དཀྱིལ་མའི་དོན་ཏེ། (དཔེར་ན།) གྲལ་གྱི་དབུས། རྒྱ་མཚོའི་དབུས། ཡུལ་ཀྱི་དབུས། གྲོང་ཁྱེར་གྱི་དབུས་ཞེས་པ་ལྟ་བུ། 2.མཐའ་གཉིས་སྤངས་པས་དབུས་ཉིད་དབུ་མ། |
| དབུས་མཐའ་རྣམ་འབྱེད |
སེམས་ཙམ་པའི་ལྟ་བ་གཙོ་བོར་སྟོན་པའི་གཞུང་འཕགས་པ་བྱམས་པས་མཛད་པ་བྱམས་ཆོས་སྡེ་ལྔའི་ཡ་གྱལ་ཞིག |
| དབུས་མོ |
དབུས་ཕྱོགས་སུ་གནས་པའི་བུད་མེད། |
| དབུས་འགྱུར |
ནང་ཆོས་རྣམ་དག་གང་དུ་དར་སའི་ཡུལ་ལྗོངས་ཀྱི་ལྟེ་བ་ལྟ་བུ། |
| དབུས་འགྱུར་འཆང |
རྒྱ་གར་གྱི་ཡུལ་དབུས་རྡོ་རྗེ་གདན། |
| དབུས་འབུན་སྤོར་གཅོག |
སྔར་བོད་རྩིས་ཀྱི་བར་ཁྱད་རྩི་སྟངས་ཤིག་ (དཔེར་ན།) གཅིག་སྐྱེད་ཕྱེད་གཉིས་དང༌། གཉིས་སྐྱེད་གསུམ། ལྔ་སྐྱེད་ཕྱེད་བརྒྱད། བརྒྱད་སྐྱེད་བཅུ་གཉིས་སོགས་ཚང་མ་དབུས་འབུན་སྤོར་གཅོག་ལ་ཟེར། |
| དབུས་རིས |
དབུས་པའི་ལག་རྒྱུན་གྱི་རི་མོ། |
| དབུས་རུ |
དབུ་རུ་དང་འདྲ། |
| དབུས་རྭ |
རྡོ་རྗེའི་རྭ་དབུས་མ། |
| དབུས་སྐད |
བོད་ཡུལ་དབུས་ཕྱོགས་ཀྱི་ཕལ་སྐད། |
| དབེན་ཁང |
ཟང་ཟིང་འདུ་འཛི་མེད་པའི་ཁང་པ། |
| དབེན་གནས |
རི་ཁྲོད་ལྟ་བུ་ཁུ་སིམ་པོའི་གནས། |
| དབེན་གསུམ |
དབེན་པ་གསུམ་གྱི་བསྡུས་མིང༌། |
| དབེན་པ |
1.(རྒྱན་ཚིག) འ་འུར་དང་ཟ་ཟི་སོགས་འདུ་འཛི་མེད་པའམ་ཆུང་བའི་དོན་ཏེ། (དཔེར་ན།) གནས་དབེན་པ། ཁང་བ་དབེན་པ་ཞེས་པ་ལྟ་བུ། 2.(བྱེད་མེད་ལས་ཚིག) མེད་པའམ་ཉུང་བའི་དོན་ཏེ། (དཔེར་ན།) ཤིང་གིས་དབེན་པའི་བྲག་ལྗོངས། ཆུས་དབེན་པའི་བྱེ་ཐང་ཞེས་པ་ལྟ་བུ། |
| དབེན་པ་གསུམ |
1 མདོ་སྔགས་ཐུན་མོང་དུ་ལུས་འདུ་འཛིས་དབེན་པ་དང༌། སེམས་མི་དགེ་བའི་རྣམ་རྟོག་གིས་དབེན་པ། སྒོ་གསུམ་ཐ་མལ་གྱི་སྣང་ཞེན་གྱིས་དབེན་པ་སྟེ་གསུམ།2.གསང་སྔགས་རྫོགས་རིམ་གྱི་རྣལ་འབྱོར་ཞིག་འགྲོ་བའི་ཁམས་ཐམས་ཅད་ནི་རླུང་གི་གཞན་དབང་དུ་གྱུར་པ་ཡིན་པས་དེ་དབང་དུ་འདུས་པའི་ཐབས་རྡོ་རྗེའི་བཟླས་པ་ངག་དབེན་དང༌། སེམས་ལ་དམིགས་པ་སེམས་དབེན་དང༌། བདག་བྱིན་གྱིས་བརླབས་པ་སྒྱུ་ལུས་བཅས་སོ། ། |
| དབེན་པའི་གནས |
(མངོན་བརྗོད།) དགོན་པ། |
| དབེན་ཕུག |
དབེན་གནས་སྒྲུབ་ཕུག |
| དབེན་ས |
ཁུ་སིམ་དབེན་པའི་ས་ཕྱོགས། |
| དབེན་ས་པ |
1.དབེན་སར་སྡོད་མཁན།2.གཙང་དབེན་ས་དགོན་གྱི་བླ་མ། |
| དབེན་ས་པ་བློ་བཟང་དོན་གྲུབ |
ཀུན་གཟིགས་པཎ་ཆེན་ཨེར་ཏེ་ནིའི་སྐུ་ཕྲེང་གསུམ་པ། རབ་བྱུང་བརྒྱད་པའི་ཤིང་གླང་ལོར་འཁྲུངས། རབ་བྱུང་དགུ་པའི་མེ་སྟག་ལོར་འདས། |
| དབེན་ས་སྙན་བརྒྱུད |
དབེན་ས་པ་བློ་བཟང་དོན་གྲུབ་ནས་རིམ་བཞིན་སྙན་ནས་སྙན་དུ་བརྒྱུད་པའི་མན་ངག |
| དབོ |
སྦོ་ཡང་ཟེར། རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག་ཡིན། མིང་གི་རྣམ་གྲངས་ལ་ཁྲ་དང༌། ཉི་མའི་ལྷ་ལྡན། ཕྱི་མོ་བཅས་སོ། ། |
| དབོ་ཅན |
ཧོར་ཟླ་གཉིས་པ། |
| དབོ་བ |
འབོ་བའི་མ་འོངས་པ། |
| དབོ་ཟླ |
ཧོར་ཟླ་གཉིས་པ་སྟེ་ཧོར་ཟླ་དང་པོའི་བཅུ་དྲུག་ནས་གཉིས་པའི་བཅོ་ལྔའི་བར་ལ་དབོ་ཟླ་ཟེར། ཟླ་བ་ཉ་རྒྱས་དུས་སུ་དབོ་དང་ཟླ་བ་གཉིས་ཕལ་ཆེར་འགྲོགས་པས་ན་དེ་ལྟར་བརྗོད། |
| དབོ་ཟླ་བ |
ལུགས་རྙིང་གི་ཟླ་བ་གཉིས་པའི་མིང་། |
| དབོ་ཡིས་ཉ་བ |
ཧོར་ཟླ་གཉིས་པའི་ཚེས་བཅོ་ལྔའི་ཟླ་བ་དང་དབོ་སྐར་མཉམ་དུ་སྤྱོད་པ། |
| དབོག |
ཕོགས་ཀྱི་མ་འོངས་པ། (དཔེར་ན།) དབོག་བྱའི་ཁལ། རྒྱབ་ནས་དབོག་བྱའི་ཁུར་བོ་ཞེས་པ་ལྟ་བུ། |
| དབོག་པ |
སྦྱིན་པའི་དོན་དུ་གོ་བའི་འབོགས་པའི་མ་འོངས་པ། |
| དབོན་ཆོས་མཛད |
སྔར་གདན་ས་ཁག་གི་ཚོགས་ཆེན་ཆོས་མཛད། |
| དབོན་པོ |
1.ཕ་རྒྱུད་བུ་སྤུན་གྱི་སྤྱིའི་མིང༌། (དཔེར་ན།) སྣག་གི་དབོན་པོ། ཁུ་དབོན་ཞེས་པ་ལྟ་བུ། 2.སེར་སྐྱ་མི་དྲག་གི་སྤུན་ཆུང་དང༌། ཚ་བོ་བཅས་སྤྱི།3.རྩིས་པ་གྲྭ་གཟུགས་དབོན་པོ་ཞེས་པ་ལྟ་བུ། 4.སྔར་བླ་སྤྲུལ་གྱིས་རང་ལས་གཉེར་བའི་དབང་འཛིན་པའི་ཉེ་གཏོགས་ཞེས་པ་ལྟ་བུ། |
| དབྱར་གཟིགས |
དབྱར་དུས་རི་ཀླུང་སྐྱེད་སར་སྤྲོ་གསེང་དུ་འགྲོ་བ། |
| དབྱར་གསུམ |
1.ཤད་དམ་ལོ་གསུམ་ལོན་པའི་ཕྱུགས་ཀྱི་མིང༌།2.དབྱར་ཟླ་བ་གསུམ། |
| དབྱར་གོས |
1.དབྱར་གྱི་ཆས་གོས།2.དགེ་སློང་གི་ཆར་ཁེབས། |
| དབྱར་གྱི་གོས་རས་ཆེན |
དགེ་སློང་གི་འཚོ་བའི་ཡོ་བྱད་བཅུ་གསུམ་གྱི་ནང་གསེས་ཤིག་དཔངས་སུ་ཁྲུ་གསུམ་སོར་བཅོ་བརྒྱད། དཀྱུས་སུ་ཁྲུ་དགུ་ཡོད་པའི་དབྱར་དུས་གྱོན་རྒྱུའི་རབ་བྱུང་གི་གོས་ཤིག |
| དབྱར་གྱི་དུས |
དབྱར་ཙམ་གྱི་དུས་ཏེ་ཧོར་ཟླ་དྲུག་པའི་བཅུ་དྲུག་ནས་བདུན་པའི་བཅོ་ལྔའི་བར་རོ། ། |
| དབྱར་གྱི་རས་ཆེན |
དབྱར་གྱི་གོས་རས་ཆེན་དང་དོན་གཅིག |
| དབྱར་གྱི་རྒྱལ་མོ |
(མངོན་བརྗོད།) དུས་དབྱར་ཁ། |
| དབྱར་གྱི་རྔ་གསང |
(མངོན་བརྗོད།) འབྲུག་སྐད། |
| དབྱར་ཆུ |
1.དབྱར་ཁའི་ཆུ།2.དབྱར་ཁའི་ཆུ་ལོག་སྟེ། (དཔེར་ན།) དབྱར་ཆུ་རྒྱས་པ་ཞེས་པ་ལྟ་བུ། |
| དབྱར་ཉལ་ཞིང |
ལོ་གཅིག་རིང་ལོ་ཏོག་མ་བཏབ་པར་ས་སྟོང་དུ་འཇོག་པའི་ཞིང་ག |
| དབྱར་ཉལ་ལངས |
ཞིང་ག་འདེབས་འཇོག་རེས་མོས་བྱེད་པའི་སོ་ནམ་གྱི་མིང༌། |
| དབྱར་ཉི་ལྡོག |
དུས་གཟེར་ཉེར་བཞིའི་ནང་གི་དུས་གཟེར་ཞིག་གི་མིང་། ལུགས་གསར་ཟླ་དྲུག་པའི་ཚེས་ཉེར་གཅིག་ཉེར་གཉིས་ཅི་རིགས་ལ་འཆར་ཞིང་། ལུགས་རྙིང་གི་ཟླ་ལྔ་པའི་ནང་ལ་འཆར་བ་ཡིན། |
| དབྱར་ཐ་མ |
ཧོར་ཟླ་དྲུག་པ་སྟེ་དབྱར་ཐ་ཆུང་ཡང་ཟེར། |
| དབྱར་ཐའི་དབུགས་ཐོབ |
དབྱར་ཟླ་ཐ་མའི་འགོ་ཟུག་པ། |
| དབྱར་ཐའི་སྒང་ཚད |
དབྱར་ཟླ་ཐ་མའི་དཀྱིལ་གྱི་ཚད། |
| དབྱར་ཐུང་ངུའི་དུས |
ཧོར་ཟླ་བདུན་པའི་ཚེས་བཅུ་དྲུག |
| དབྱར་པ |
ཤིང་གི་བྱེ་བྲག་སྦྱར་པ། |
| དབྱར་པ་ནག་པོ |
ཤིང་གི་བྱེ་བྲག་སྦྱར་པ་ནག་པོ། |
| དབྱར་ཕྱི་མ |
ཁྲུམས་ཟླའི་ཚེས་གཅིག་སྟེ་སྟོན་ར་བ་ཧོར་ཟླ་བདུན་པའི་ཚེས་བཅུ་དྲུག་ཉིན་དབྱར་ཁས་ལེན་པའོ། ། |
| དབྱར་བ |
སྡོང་བོ་ཆེན་པོ་རིང་ཚད་ལ་སྤྱི་ཁྲུ་བཅུ་ལྷག་ཡོད་ཅིང་། ལོ་མ་གོར་མོ་རྩེ་རྣོ་བ། འབྲས་བུ་གང་བུའི་ནང་ན་ས་བོན་ཕྲ་མོ་སྤུ་ཅན་ཡོད་པའི་ཤིང་སྡོང་ཞིག་ཡིན། ཤིང་སྡོང་དེ་ནི་ཁང་བ་དང་ཡོ་བྱད་བཟོ་བའི་རྒྱུ་ཆ་བཟང་བོ་ཞིག་ཡིན། |
| དབྱར་བསྙལ་བསླངས |
དབྱར་ཉལ་ལངས་དང་དོན་གཅིག |
| དབྱར་བྱིན་རླབས |
དབྱར་གནས་སྐབས་སུ་དབྱར་ཁས་ལེན་པའི་གང་ཟག་གིས་གནང་བ་མ་ཐོབ་པར་མཚམས་ཀྱི་ཕྱི་རོལ་ཏུ་ཞག་གཅིག་གནས་ཀྱང་དབྱར་རལ་བའི་ཉེས་པ་འབྱུང་ལ། འོན་ཀྱང་ཆོས་ལྡན་གྱི་དགོས་པའི་དབང་གིས་ཞག་གཅིག་ནས་བདུན་གྱི་བར་བྱིན་གྱིས་བརླབས་ནས་མཚམས་ལས་འདའ་རུང་ཞིང༌། དེ་ལྟར་བྱིན་གྱིས་བརླབས་པའི་སྔགས་ཚིག་ལན་གསུམ་བརྗོད་པའོ། ། |
| དབྱར་མ |
ལོ་གཅིག་རིང་ས་བོན་མ་བཏབ་པར་བསྙལ་བའི་ཞིང་ཁ། |
| དབྱར་མཆོད |
དབྱར་ཁའི་དུས་མཆོད་ཅིག |
| དབྱར་མཇལ |
དབྱར་ཁའི་མཇལ་ཁ་སྔར་རྩེ་སློབ་གྲྭ་བས་དབྱར་ཁ་ཟླ་བ་ལྔ་པའི་ནང་ཏཱ་ལའི་བླ་མར་དབྱར་མཇལ་ཞུ་སྲོལ་ཡོད། |
| དབྱར་མཚེར |
འབྲོག་པ་དབྱར་དུས་སྡོད་ས། |
| དབྱར་མར |
1.དབྱར་གཞུང་གི་མར།2.སྔར་འབྲོག་ཁུལ་དུ་འབྲུ་རིགས་སོགས་བཙོངས་ཏེ་རིན་འབབ་ཀྱི་མར་དབྱར་ཁ་སྤྲོད་ལེན་བྱེད་པ། |
| དབྱར་མོ་ཁང |
དགེ་སློང་མའི་གཙུག་ལག་ཁང༌། |
| དབྱར་ཚུགས |
དབྱར་ཟུག་དང་དོན་གཅིག |
| དབྱར་ཚུགས |
དུས་གཟེར་ཉེར་བཞིའི་ནང་གི་དུས་གཟེར་ཞིག་ཡིན་ལ་ལུགས་གསར་གྱི་ཟླ་ལྔ་པའི་ཚེས་ལྔ་དྲུག་ཅི་རིགས་ལ་འཆར། |
| དབྱར་ཚུལ་དུ་བཞུགས་པ |
དགེ་སློང་རྣམས་དབྱར་གནས་ཀྱི་དཀྱིལ་འཁོར་མཚམས་སུ་བཞུགས་པ། དགག་དབྱེ་བར་དུའོ། ། |
| དབྱར་ཞོ |
དབྱར་ཁའི་ཞོ། |
| དབྱར་ཞྭ |
དབྱར་ཁ་གྱོན་རྒྱུའི་ཞྭ་མོ། |
| དབྱར་ཞྭ་བསེ་ཐེབས |
རས་བསེ་ལས་བཟོས་པའི་ཞྭ་མོ་ཞིག |
| དབྱར་ཟུག |
དབྱར་གྱི་དབུགས་ཐོབ་པ་སྟེ་ཧོར་ཟླ་བཞི་པའི་དབུགས་ལ་དུས་བཞིའི་ནང་ནས་དབྱར་གྱི་འགོ་ཚུགས་ཤིང༌། ཁུ་བྱུག་གྲག་སྐབས་ཡིན། |
| དབྱར་ཟླ |
ཧོར་ཟླ་བཞི་པ་དང༌། ལྔ་པ། དྲུག་པ་སྟེ་གསུམ། |
| དབྱར་ཟླ་གསུམ |
དབྱར་ཟླ་ར་བ། འབྲིང༌། ཐ་ཆུང་སྟེ་གསུམ། ཧོར་ཟླ་བཞི་པ། ལྔ་པ། དྲུག་པ་དང༌། ཧོར་ཟླ་གཉིས་པ། གསུམ་པ། བཞི་པ་ལ་ངོས་འཛིན་ཚུལ་གཉིས་ཡོད། |
| དབྱར་འདབ |
སྣོད་འཇོག་སའི་སྟེགས་བུའམ་ལྷུང་བཟེད་འཇོག་སའི་འོག་གཞི། |
| དབྱར་འདེབས |
ཚལ་དང་ལོ་ཏོག་གང་རུང་དབྱར་དུས་སུ་འདེབས་པ། |
| དབྱར་འབྲིང་དབུགས་ཐོབ |
དབྱར་ཟླ་འབྲིང་པོའི་འགོ་ཟུག་པ། |
| དབྱར་འབྲིང་སྒང་ཚད |
དབྱར་ཟླ་འབྲིང་པོའི་དཀྱིལ་སྒང་གི་ཚད། |
| དབྱར་རའི་དབུགས་ཐོབ |
དབྱར་ཟླ་ར་བའི་འགོ་ཟུག་པ། |
| དབྱར་རའི་སྒང་ཚད |
དབྱར་ཟླ་ར་བའི་དཀྱིལ་སྒང་གི་ཚད། |
| དབྱར་རིང་པོའི་དུས |
ཧོར་ཟླ་བདུན་པའི་ཚེས་བཅུ་བདུན་ནས་ཧོར་ཟླ་བཅུ་པའི་ཚེས་བཅོ་ལྔའི་བར་ཏེ། ཟླ་བ་གསུམ་ལ་ཞག་གཅིག་གིས་མ་ཚང་བའོ། ། |
| དབྱར་རྔ |
(མངོན་བརྗོད།) འབྲུག་སྒྲ། |
| དབྱར་རྩྭ་དགུན་འབུ |
སྔོ་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་མཁལ་རྐེད་ན་བ་དང༌། ལུས་སྨད་དུ་དྲོད་མི་ཁུག་པ། ཁུ་བ་ཟད་པ། ལུས་སྟོབས་ཉམས་པ་བཅས་ལ་ཕན། |
| དབྱར་ལམ |
1.ལམ་གུ་དོག་པོའམ་ལམ་ངེས་པ་ཅན།2.སྒྲིག་ཁྲིམས་དམ་པོའམ་བག་ཡོད་པའི་སྤྱོད་ལམ། |
| དབྱར་ལྤགས |
1.ཤིང་དབྱར་པ་སྟེ་སྦྱར་པའི་པགས་པ།2.ལུག་སོགས་ཀྱི་དབྱར་ཁའི་པགས་པ། |
| དབྱར་ས |
དབྱར་ཁ་སྡོད་ས། |
| དབྱར་སངས |
དབྱར་དུས་ཀྱི་སྤྲོ་གསེང༌། |
| དབྱར་སྐྱིད |
དབྱར་དུས་ཀྱི་སྐྱིད་པོའི་དགའ་སྟོན་གྱི་དོན་ཏེ། (དཔེར་ན།) མེ་ཏོག་གི་སྐྱེད་ཚལ་དུ་དབྱར་སྐྱིད་བཏང་ལྟ་བུ། |
| དབྱར་སྐྱེས་རྔ |
(མངོན་བརྗོད།) འབྲུག་སྒྲ། |
| དབྱར་སྒར |
དབྱར་ཁ་སྡོད་སའི་སྒར། |
| དབྱར་སྔ་མ |
གྲོ་ཞུན་ཟླ་བའི་ཚེས་གཅིག་སྟེ་དབྱར་ཐ་ཆུང་ཧོར་ཟླ་དྲུག་པའི་ཚེས་བཅུ་དྲུག་ཉེན་དབྱར་ཁས་ལེན་པའོ། ། |
| དབྱར་སྟོན |
1.དབྱར་དུས་འཆར་ཅན་གྱི་སྟོན་མོ།2.དབྱར་ཁ་དང་སྟོན་ཁ། |
| དབྱར་སྦྱོར |
དགེ་སློང་གི་དབྱར་གནས་ཀྱི་སྦྱོར་བ་སྟེ་སྔོན་འགྲོ་གྲ་སྒྲིག |
| དབྱི |
1.ཕྱིས་ཀྱི་མ་འོངས་པ། (དཔེར་ན།) དབྱི་བྱའི་མེ་མདའ་ཞེས་པ་ལྟ་བུ། 2.གཡི་དཀར་ཟེར་བའི་གཅན་གཟན་ཆུང་ངུ་དབྱིབས་བྱི་ལ་དང་འདྲ་ཞིང་བོངས་ཚོད་དེ་ལས་ཆེ་བ། རྣ་རྩེ་ན་སྤུ་ར་ནག་པོ་ཞིག་ཡོད་པ། རྔ་མ་ཐུང་ལ་རྔ་རྩེ་ནག་པོ་ཅན་ཞིག་ཡིན། དེའི་པགས་པ་ནི་པགས་རིགས་རྩ་ཆེན་ཞིག་ཡིན། |
| དབྱི་གུ |
དབྱུ་གུའམ་དབྱུག་པ་ཆུང་ངུ། |
| དབྱི་དཀར |
1.ཤིང་བྱེ་བྲག་པ་ཞིག2.གཅན་གཟན་དབྱིའམ་གཡི་དཀར་པོ། |
| དབྱི་དམར |
1.ཤིང་བྱེ་བྲག་པ་ཞིག2.གཅན་གཟན་དབྱི་དམར་རམ། གཡི་དམར། |
| དབྱི་ནག |
1.ཤིང་བྱེ་བྲག་པ་ཞིག 2.གཅན་གཟན་དབྱིའམ་གཡི་ནག་པོ། |
| དབྱི་བ |
འདག་པར་བྱེད་པའི་དོན་དུ་གོ་བའི་འབྱིད་པའི་མ་འོངས་པ། |
| དབྱི་མོ |
གཅན་གཟན་དབྱི་མོ། |
| དབྱི་མོང |
ཤིང་སྨན་གྱི་རིགས་ཤིག་དཀར་པོ་དང༌། ནག་པོ། ཁྲ་བོ་བཅས་གསུམ་མཆིས། རོ་ཚ་ལ་ཅུང་མངར། ཞུ་རྗེས་དྲོད། ནུས་པས་དྲོད་སྐྱེད། སྐྲན་བཤིག་ཟས་འཇུ་བར་བྱེད། ཆུ་སེར་སོགས་ཀྱི་ནད་ལ་ཕན། མིང་གི་རྣམ་གྲངས་ལ་ཀྲི་ཤིང་དང༌། དཀྲི་མོ། སྐྲ་དཀར་ཅན། སྒྱི་མོང༌། དྲོད་སྐྱེད་བྱེད། མེ་ཤིང༌། ཙ་བྱཱ། ཨ་ཟ་མོ། ཨ་ས་མོ་བཅས་སོ། ། |
| དབྱི་ཚང |
གཡིའི་སྡོད་ས། |
| དབྱི་ལྤགས |
གཅན་གཟན་གཡིའི་པགས་པ། |
| དབྱིག |
1.ནོར་བུའམ་རིན་པོ་ཆེ་སྟེ་གཏེར་ལས་ཐོན་པའི་རིན་པོ་ཆེའི་སྤྱི་མིང༌། (དཔེར་ན།) ཡིད་བཞིན་དབྱིག་ཅེས་པ་ལྟ་བུ། 2.(མངོན་བརྗོད།) ནོར་ལྷའི་མིང་ལ་བརྒྱད་ཡོད་པས་གྲངས་བརྒྱད་མཚོན། |
| དབྱིག་གཉེན |
འཛམ་གླིང་མཛེས་པའི་རྒྱན་དྲུག་གི་ཡ་གྱལ། མངོན་པའི་གཞུང་འགྲེལ་བྱེད་པོ་སློབ་དཔོན་དབྱིག་གཉེན་ནི། དུས་རབས་ལྔ་པ་ཙམ་ན་བྲམ་ཟེ་མོ་སུ་པྲ་ཀཱ་ཤ་ཤཱི་ལ་ཞེས་པའི་སྲས་སུ་འཁྲུངས་ནས་ཐོགས་མེད་ཀྱི་སྐུ་མཆེད་དུ་གྱུར། ཁ་ཆེའི་སློབ་དཔོན་སཾ་གྷ་བྷ་དྲའི་དྲུང་ནས་མངོན་པ་སྡེ་བདུན་སོགས་གསན། ཕྱིས་འཕགས་པ་ཐོགས་མེད་སློབ་དཔོན་དུ་བསྟེན། མངོན་པ་མཛོད་རྩ་འགྲེལ་དང༌། པྲ་ཀཱ་ར་ཎ་སྡེ་བརྒྱད་སོགས་བསྟན་བཅོས་མང་དུ་བརྩམས། ཚད་མ་རང་ལས་མཁས་པ་ཕྱོགས་གླང་དང༌། མངོན་པ་རང་ལས་མཁས་པ་བློ་གྲོས་བརྟན་པ་དང༌། ཤེར་ཕྱིན་རང་ལས་མཁས་པ་རྣམ་གྲོལ་སྡེ་དང༌། འདུལ་བ་རང་ལས་མཁས་པ་ཤཱཀྱ་འོད་བཅས་སློབ་མ་མཁས་པ་མང་དུ་བསྐྱངས་སོ། ། |
| དབྱིག་གི་ཁུ་བ |
ཉི་མ། |
| དབྱིག་གི་གདངས་ཅན |
གསེར་གྱི་སྣོད་ལྟར་སྒྲ་མཐོ་ཞིང་ཟབ་པ། |
| དབྱིག་གི་ཆར་འབེབས |
(མངོན་བརྗོད།) རྣམ་ཐོས་སྲས། |
| དབྱིག་གི་བློ་གྲོས་མ |
(མངོན་བརྗོད།) ས་གཞི། |
| དབྱིག་གི་ལྟེ་བ |
(མངོན་བརྗོད།) 1>ཁྱབ་འཇུག 2>གངས་རི་ཏེ་སེ། |
| དབྱིག་གི་སྙིང |
1.ནོར་བུ་མཆོག་གྱུར་རམ་གོང་ཐང་ཤིན་ཏུ་ཆེ་བའི་རིན་པོ་ཆེའི་རིགས།2.(མངོན་བརྗོད།) ལྷ་ཚངས་པ། |
| དབྱིག་གུ |
དབྱུག་པ་ཕྲ་མོ། |
| དབྱིག་དངོས |
རྒྱུ་ནོར་དངོས་པོ། |
| དབྱིག་དབྱིག |
ཚོན་དང་སྣག་ཚ་སོགས་དབུར་འདུལ་བྱེད་དུས་སུ་འབྱུང་བའི་སྒྲའི་ཁྱད་པར་ཞིག |
| དབྱིག་དུག |
1.རིན་ཆེན་རིགས་ལས་བཟོས་པའི་དུག2.རིན་ཆེན་རིགས་མིའི་ཁོག་པའི་ནང་དུ་ཤོར་ནས་ཕོག་པའི་དུག |
| དབྱིག་པ |
‘དབྱུག་པ ’ཡི་འབྲི་ཚུལ་གཞན། |
| དབྱིག་བཤེས |
བྱེ་བྲག་སྨྲ་བའི་སློབ་དཔོན་ཞིག |
| དབྱིག་བུ |
1.གྲི་དང་མཚོན་ཆ་སོགས་རྡར་བྱེད་རྡོ་ཞིག2.ཁོད་སྙོམས་བྱེད་ཤིང་བུའི་ཡོ་བྱད་ཅིག |
| དབྱིག་མཆོག |
(མངོན་བརྗོད།) གསེར། |
| དབྱིག་མོ |
1.ཚོན་རྩི་ཞིབ་མོ།2.ཞིབ་མོ་དང༌འཇམ་པོའི་དོན་ཏེ། (དཔེར་ན།) གོས་དར་དབྱིག་མོ་ཞེས་པ་ལྟ་བུ། |
| དབྱིག་འཛིན |
1.ས་གཞིའི་མིང་གཞན། 2.རིན་པོ་ཆེ་བྱེ་བྲག་པ་མཆིན་པའི་མདོག་ཅན་ཞིག་གི་མིང་། |
| དབྱིག་རྡར |
རྡར་རྡོའི་བྱེ་བྲག་ཅིག |
| དབྱིག་ལྡན |
(མངོན་བརྗོད།) ལྷ་དབང་ཕྱུག་ཆེན་པོ། |
| དབྱིངས |
1.ཀློང་དང༌ཁམས་སམ་ནང༌གི་དོན་ཏེ། (དཔེར་ན།) མཐོང་རྒྱའི་དབྱིངས། ནམ་མཁའི་དབྱིངས། དགོངས་པའི་དབྱིངས་ཞེས་པ་ལྟ་བུ། 2.རང་བཞིན་ནམ་འབྱུང་གནས་ཀྱི་དོན་ཏེ། (དཔེར་ན།) ཆོས་དབྱིངས། ཆོས་དབྱིངས་སུ་བསྡུས་པ་ལྟ་བུ། 3.འགྱིང་ཉམས་ཀྱི་དོན་ཏེ། (དཔེར་ན།) རང་ཉིད་དབྱིངས་ཆེ་དྲགས་པས་རྗེས་ལུས་ཐེབས་ཞེས་པ་ལྟ་བུ། 4.ཐ་མག་གི་དབྱིངས་ཟེར་བ་སོགས་རྒྱ་སྐད་ཟུར་ཆག་པ་སྟེ་དོན་ནི་ཧ་ཅང་དགའ་པོའམ་ལང་ཤོར་བའི་དོན། |
| དབྱིངས་དཔྱད |
དགོངས་པས་དཔྱད་པ་སྟེ། (དཔེར་ན།) དེ་དོན་འགྲིག་མིན་དབྱིངས་དཔྱད་ཡོད་པ་ཞུ་ཞེས་པ་ལྟ་བུ། |
| དབྱིངས་ས |
སྔར་སྡེ་སྲིད་དམ་ཞབས་པད་ལ་འབོད་པའི་ཞེ་ས། |
| དབྱིབ་མོ |
(བརྡ་རྙིང་།) གྱོ་མོ་སྟེ་རྫ་མ། |
| དབྱིབས |
རིང་ཐུང་མཐོ་དམན་སོགས་དབྱིབས་ཀྱི་གཟུགས་སུ་གྲུབ་པ་སྟེ། (དཔེར་ན།) དབྱིབས་གསར། བྱད་དབྱིབས་ཡིད་དུ་འོང་བ། གཟུགས་དབྱིབས། ཁ་དོག་དང་དབྱིབས་མི་འདྲ་བ། དབྱིབས་ཟླུམ་པོ་ཞེས་པ་ལྟ་བུ། |
| དབྱིབས་ཀྱི་གཟུགས་བརྒྱད |
གྲུ་བཞིའམ་ལྷམ་པ་དང༌། ཟླུམ་པོ། རིང་བ། ཐུང་བ། ཕྱ་ལེ་བ། ཕྱ་ལེ་མ་ཡིན་པ། མཐོ་བ། དམའ་བ་སྟེ་བརྒྱད། |
| དབྱིབས་ཀྱི་ཟིལ་གནོན་བཞི |
ཟིལ་གྱིས་གནོན་པའི་སྐྱེ་མཆེད་བརྒྱད་ཀྱི་ནང་གསེས། ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་ཟིལ་གནོན་ཏེ་སེམས་ཅན་གྱི་གཟུགས་མཛེས་སྡུག་ཐམས་ཅད་ལ་དབང་བསྒྱུར་བ་དང༌། ཆེན་པོ་ཟིལ་གནོན་ཏེ་སྣོད་ཀྱི་གཟུགས་ལ་དབང་བསྒྱུར་བ་དང༌། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་ཟིལ་གནོན་དང༌། ཆེན་པོ་ཟིལ་གནོན་བཅས་བཞིའོ། ། |
| དབྱིབས་ཀྱི་རྣལ་འབྱོར |
མ་དག་པའི་སྒྱུ་ལུས། |
| དབྱིབས་གཟུགས |
མིག་ཤེས་ཀྱིས་གཟུང་བྱ་གང་ཞིག་རིང་ཐུང་ཕྲ་སྦོམ་སོགས་ཀྱི་བཟོ་ལྟ་ཅན་གྱི་གཟུགས། |
| དབྱིབས་ཐོན་པ |
བཟོ་དབྱིབས་གྲུབ་པའམ་དོད་པའི་དོན་ཏེ། (དཔེར་ན།) བྲིས་འབུར་ལག་བཟོའི་དབྱིབས་ཐོན་པ། སྦྱངས་འབྲས་ཡིག་གཟུགས་ཀྱི་དབྱིབས་ཐོན་པ་ཞེས་པ་ལྟ་བུ། |
| དབྱིབས་དང་ཁ་དོག་གི་མུ་བཞི |
ཁ་དོག་དང་དབྱིབས་གཉིས་ལ་ཡིན་མིན་གྱི་མུ་བཞི་ཡོད་དེ། རྩ་བའི་ཁ་དོག་བཞི་ནི་ཁ་དོག་ཡིན་ལ་དབྱིབས་མ་ཡིན་པའི་མུ་དང༌། རིང་པོ་དང་ཐུང་ངུ། ལྷམ་པ་དང་ཟླུམ་པོ་བཞི་ནི་དབྱིབས་ཡིན་ལ་ཁ་དོག་མ་ཡིན་པའི་མུ་དང༌། སྤྲིན་དང་དུ་བ། རྡུལ་དང་ཁུག་སྣ་བཞི་ནི་ཁ་དོག་དང་དབྱིབས་གཉིས་ཀ་ཡིན་པའི་མུ་དང༌། འབྱུང་བ་བཞི་ནི་དབྱིབས་དང་ཁ་དོག་གཉིས་ཀ་མ་ཡིན་པའི་མུ་ཡིན་ནོ། ། |
| དབྱིབས་བཟོ |
1.དངོས་སྤྱད་སོགས་ཀྱི་བཟོ་དབྱིབས་ཏེ། (དཔེར་ན།) རླངས་འཁོར་འདི་དབྱིབས་བཟོ་འབྲིང་ཞིག་རེད་ཅེས་པ་ལྟ་བུ། 2.བྱ་སྤྱོད་ཀྱི་ལེགས་ཉེས་ཏེ། (དཔེར་ན།) ཐབས་ཇུས་འདིང་སྟངས་འདིའི་དབྱིབས་བཟོ་ཁྲིག་ཁྲིག་ཅིག་འདུག་ཅེས་པ་ལྟ་བུ། |
| དབྱིབས་བརྒྱད |
དབྱིབས་ཀྱི་གཟུགས་བརྒྱད་ཀྱི་བསྡུས་ཚིག |
| དབྱིབས་མཚུངས |
བཟོ་དབྱིབས་འདྲ་མཚུངས་ཀྱི་དོན་ཏེ། (དཔེར་ན།) དཔེ་རིས་མ་བུ་གཉིས་པོ་ཁྱད་མེད་དབྱིབས་མཚུངས་སུ་འབྲི་དགོས་ལྟ་བུ། |
| དབྱིབས་འཆོ་བ |
བཟོ་ལྟ་འདོན་པའམ་བཅོས་པའི་དོན་ཏེ། (དཔེར་ན།) དཔེ་གསར་འཕྲུལ་ཆས་ཀྱི་དབྱིབས་འཆོ་བ། སོ་ནམ་ལག་ཆའི་དབྱིབས་འཆོ་བ་ཞེས་པ་ལྟ་བུ། |
| དབྱིབས་ལེ |
(བརྡ་རྙིང་།) ཆུ་བསྲོ་བའི་སྣོད། |
| དབྱིབས་སྔགས་ཆོས་གསུམ |
བསྐྱེད་རིམ་གྱི་རྣལ་འབྱོར་ཞིག་བསྐྱེད་པ་དབྱིབས། བཟླས་པ་སྔགས། འོད་གསལ་འཇུག་ལྡང་ཆོས་ཀྱི་རྣལ་འབྱོར་རོ། ། |
| དབྱིབས་སྡུག་པ |
1.བཟོ་མཛེས་པ།2.(ཡུལ་སྐད།) ཕལ་སྐད་དུ་དབྱིབས་མི་ལེགས་པའི་མིང༌། |
| དབྱིས་པ |
(ཡུལ་སྐད།) 1>ཕྱིས་པའམ་བསུབས་པའི་དོན་ཏེ། (དཔེར་ན།) མེ་མདའ་དབྱིས་པ། རི་མོ་དབྱིས་པ་ལྟ་བུ། 2>བྱུགས་པའམ་ཞལ་ཞལ་བྱས་པའི་དོན་ཏེ། (དཔེར་ན།) རྩིག་ལྡེབས་ལ་ཚོན་རྩི་དབྱིས་པ། འདག་ཞལ་དབྱིས་པ་ལྟ་བུ། |
| དབྱུ་གུ |
1.ཉིན་མཚན་གཅིག་གི་ཡུན་ཚད་ཆུ་ཚོད་དྲུག་ཅུ་ཐམ་པར་ཕྱེ་བའི་ཆུ་ཚོད།2.ཉི་ཚོད་ལྟ་བྱེད་ཀྱི་ཤིང་བུ།3.དབྱུག་པ་ཆུང་ཆུང༌།4.ཐ་སྐར་ཏེ་རྒྱུ་སྐར་ཉེར་བརྒྱད་ཀྱི་ཡ་གྱལ་ཞིག5.(མངོན་བརྗོད།) གདོས་པ། |
| དབྱུ་གུ་བསྒྱུར |
(མངོན་བརྗོད།) རྫ་མཁན། |
| དབྱུ་གུ་ཟླ་བ |
ཧོར་ཟླ་དགུ་པ། |
| དབྱུག་གུ |
‘དབྱུ་གུ’ཡི་འབྲི་ཚུལ་གཞན། |
| དབྱུག་གུ་སྐམ་ཁ |
ཤིང་གི་ལྡེ་མིག |
| དབྱུག་ཏོ |
རྡེག་བྱེད་ཀྱི་དབྱུག་པ་རིགས་ཤིག་གི་མིང་། |
| དབྱུག་ཐོ |
དབྱུག་ཏོ་དང་འདྲ། |
| དབྱུག་དབྱུག |
གཡུག་གཡུག་གི་དོན་ཏེ། (དཔེར་ན།) ཁུ་ཚུར་གཡས་གཡོན་གཉིས་དབྱུག་དབྱུག་བྱེད་པ་ཞེས་པ་ལྟ་བུ། |
| དབྱུག་པ |
1.(བྱེད་འབྲེལ་ལས་ཚིག) དབྱུགས་པའི་མ་འོངས་པ་དང་ད་ལྟ་། དངོས་རྫས་དབྱིབས་ནར་མོའི་རིགས་ཕར་ཚུར་གཡོ་སྒུལ་བྱེད་པའི་དོན་ཏེ། (དཔེར་ན།) དབྱུག་བྱའི་ཐག་པ། ལག་པ་དབྱུག་གིན་འདུག་ལྟ་བུ། གཡུག’གི་འབྲི་ཚུལ་གཞན། 2.བེར་ཀ་སྟེ་ཤིང་སོགས་ཀྱི་རྒྱུག་པ། (དཔེར་ན།) ཁྱི་ངན་པར་དབྱུག་པས་བསྡིགས་པ། ལག་ཏུ་དབྱུག་པ་ཧྲིལ་ཧྲིལ་ཐོགས་པ། ལྟེབ་གྲིས་དབྱུག་པ་གཅོད་ཅེས་པ་ལྟ་བུ།ས |
| དབྱུག་པ་ཅན |
1.དུས་རབས་བདུན་པར་རྒྱ་གར་ལྷོ་ཕྱོགས་བྲམ་ཟེའི་རིགས་སུ་འཁྲུངས་པའི་སློབ་དཔོན་དཎྜི་ཞེས་པ་སྔོན་གྱི་སྙན་ངག་གི་བསྟན་བཅོས་རྣམས་ཀྱི་སྙིང་པོ་བསྡུས་པའི་གཞུང་སྙན་ངག་མེ་ལོང་ཞེས་བྱ་བ་རྩོམ་མཁན་དེའོ། །2.སློབ་དཔོན་རྟ་དབྱངས།3.(མངོན་བརྗོད།) 1>ཉི་མའི་འཁོར། 2>གཤིན་རྗེའི་རྒྱལ་པོ། |
| དབྱུག་པའི་སྣ་ཅན |
(མངོན་བརྗོད།) གླང་པོ་ཆེ། |
| དབྱུག་པས་མཚན |
(མངོན་བརྗོད།) རུ་རྟ། |
| དབྱུག་བཅོས |
དཔྱད་ཀྱི་ནང་ཚན་ནད་དམིགས་སྟེང་དབྱུག་པ་ཆུང་ངུས་རྡེག་པའི་བཅོས་ཐབས་ཤིག་ཕ་དམ་པ་སངས་རྒྱས་ཀྱིས་མཛད་པའི་དབྱུག་བཅོས་དང༌། གྲུབ་ཆེན་ཨོ་རྒྱན་པའི་དབྱུག་བཅོས། དེའུ་དམར་དགེ་བཤེས་ཀྱི་དབྱུག་བཅོས་ལྟ་བུའོ། ། |
| དབྱུག་ཟླ |
དབྱུག་གུ་ཟླ་བ་ཞེས་པ་ཐ་སྐར་ཟླ་བའམ་ཧོར་ཟླ་དགུ་པ་སྟོན་ཟླ་འབྲིང་བའོ། ། |
| དབྱུག་འཛིན |
(མངོན་བརྗོད།) གཤིན་རྗེ། |
| དབྱུག་རྡོ |
གཡུགས་ཏེ་འཕེན་པའི་རྡོ། |
| དབྱུག་སྐོར |
རྒྱག་དབྱུག་གཡུལ་ལས་འདོན་སྐབས་སྙེ་མ་རྡུང་བྱེད་ཅིག |
| དབྱུགས |
དབྱུག་གི་འདས་པ་དང་སྐུལ་ཚིག་སྟེ། (དཔེར་ན།) དབྱུག་པ་དབྱུགས་ནས་ཁྱི་བཀག །ཤང་ལང་དབྱུགས་ནས་དགྲ་ལ་འཐབ། ལག་པ་དབྱུགས་ཤིག་ལྟ་བུ། |
| དབྱུགས་པ |
དབྱུག་པའི་འདས་པ། |
| དབྱུང |
ཕྱུང་གི་མ་འོངས་པ། (དཔེར་ན།) ཤུབས་ནས་དབྱུང་བྱའི་རལ་གྲི། ཤ་གསེང་ནས་ཚེར་མ་དབྱུང་བར་བྱས་ལྟ་བུ། |
| དབྱུལ |
ཉུལ་བའི་བརྡ་རྙིང་། |
| དབྱེ |
(བརྡ་རྙིང་།) ཐང༌། |
| དབྱེ |
‘དབྱེ་བ’ཡི་ཚིག་བསྡུས་པ། |
| དབྱེ་གཞི |
དབྱེ་བ་མང་བོ་དགར་བའི་གཞིའམ་སྤྱི་སྟེ། (དཔེར་ན།) སྐྱེ་དངོས་ནི་སྲོག་ཆགས་དང་རྩི་ཤིང་གཉིས་ཀའི་དབྱེ་གཞི་ཡིན་ལྟ་བུ། |
| དབྱེ་ཐང |
གཡེ་ཐང༌། |
| དབྱེ་ཐང་ག |
གཡེ་ཐང་དང་འདྲ། |
| དབྱེ་བ |
1.(བྱེད་འབྲེལ་ལས་ཚིག) སོ་སོར་དགར་བའི་རིགས་དང་རྣམ་གྲངས་ཀྱི་མིང་། (དཔེར་ན།) རྩི་ཤིང་དང་སྲོག་ཆགས་གཉིས་ཀ་སྐྱེ་དངོས་ཀྱི་དབྱེ་བ་ཡིན། བསིལ་སྨན་དྲོད་སྨན་གཉིས་ཀ་སྨན་གྱི་དབྱེ་བ་ཡིན་ལྟ་བུ། 2.ཁྱད་པར་གྱི་མིང་། (དཔེར་ན།) མི་བཟང་ངན་གྱི་དབྱེ་བ་འབྱེད་དགོས། དགྲ་གཉེན་གྱི་དབྱེ་བ་འབྱེད་དགོས་ལྟ་བུ། ཚིག་བསྡུས་ན‘དབྱེ’ཞེས་འབྲི་ཆོག3.མི་ཁྱིམ་མེད་པའི་ཐང་སྟོང་གི་མིང་། (དཔེར་ན།) དབྱེ་ཐང་། དབྱེ་ཚོང(འབྲོག་དགོན་དུ་བཤམས་པའི་ཚོང)ཞེས་པ་ལྟ་བུ། 4.ས་རྒྱ་ཆེ་བའི་དོན་ཏེ། (དཔེར་ན།) ཐང་སྐྱ་མ་དབྱེ་མ་ཞེས་པ་ལྟ་བུ། འདི་ལ‘དབྱེས’འབྲི་བའང་ཡོད། |
| དབྱེ་བ་གཅོད་པ |
1 ཟུར་དུ་འབྱེད་པའི་དོན་ཏེ། (དཔེར་ན།) ཁོ་ལ་དབྱེ་བ་དེ་འདྲ་གཅོད་དགོས་པའི་དོན་ཅི་ཡིན་ནམ་ཞེས་པ་ལྟ་བུ། 2 སྤུ་རིས་གཅོད་པའམ་ཁྱད་པར་འབྱེད་པའི་དོན་ཏེ། (དཔེར་ན།) བདེན་རྫུན་གྱི་དབྱེ་བ་གཅོད་པ། ཡང་དག་ཡིན་མིན་གྱི་དབྱེ་བ་བཅད་ནས་བླང་དོར་མ་ནོར་བར་འཇུག་པ་ཞེས་པ་ལྟ་བུ། |
| དབྱེ་བ་ཆེ་ལོང |
དབྱེ་བ་རགས་རིམ་གྱི་དོན་ཏེ། (དཔེར་ན།) དངོས་རྫས་སྤུས་ཀ་ཡག་ཉེས་ཀྱི་དབྱེ་བ་ཆེ་ལོང་ཙམ་ཞིག་འབྱེད་པ། མི་གྲངས་མང་ཉུང་གི་དབྱེ་བ་ཆེ་ལོང་ཙམ་བསྟན་པ་ཞེས་པ་ལྟ་བུ། |
| དབྱེ་བ་འདྲེན་པ |
དམ་བཅས་པའི་ཚིག་གི་ནང་གསེས་དོན་ཚན་རྣམས་འདྲེན་པའི་ལྷག་བཅས་ཀྱི་སྒྲ་ཞིག་སྟེ། (དཔེར་ན།) དུས་གསུམ་སྟེ། འདས་མ་འོངས་ད་ལྟའོ་ལྟ་བུ། |
| དབྱེ་བའི་གསང |
ཤ་རུས་རྩ་རྒྱུས་སོགས་ཀྱི་བར་མཚམས་ཀྱི་སྟོང་གསང༌། |
| དབྱེ་བའི་བུ |
གཟའ་སྤེན་པའི་མིང༌། |
| དབྱེ་བསལ |
དབྱེ་བ་ཕྱེ་བའི་དོན་ཏེ། (དཔེར་ན།) བཤད་ཚུལ་རིགས་མི་འདྲ་བ་རྣམས་དབྱེ་བསལ་ཞིབ་མོར་བྱེད་ཅེས་པ་ལྟ་བུ། |
| དབྱེ་བྲལ |
1.དབྱེ་བ་བྱར་མེད་པ།2.དབྱེ་བསལ། |
| དབྱེ་མཚམས |
དབྱེ་བ་ཕྱེ་མཚམས་ཀྱི་དོན་ཏེ། (དཔེར་ན།) གྲལ་རིམ་དབྱེ་མཚམས། དབང་རིས་ཀྱི་དབྱེ་མཚམས་གཅོད་ཅེས་པ་ལྟ་བུ། |
| དབྱེ་ཚོང |
(བརྡ་རྙིང་།) ཚོང་ཁང༌། |
| དབྱེ་ཞིབ |
སོ་སོར་དབྱེ་བ་ཕྱེ་བའི་ཞིབ་འཇུག་གི་དོན་ཏེ། (དཔེར་ན།) དངོས་པོ་བྱེ་བྲག་པར་དབྱེ་ཞིབ་བྱེད་སྟངས་བྱེ་བྲག་པ་ཞིག་བྱེད་དགོས། |
| དབྱེ་འབྱེད |
ཁྱད་པར་ལོགས་སུ་ཕྱེ་བའི་མིང༌སྟེ། (དཔེར་ན།) དབྱེ་འབྱེད་བརྟག་ཞིབ། དབྱེ་འབྱེད་བསྡོམས་རྩིས། ལེགས་ཉེས་དབྱེ་འབྱེད་བྱས་པ། དགྲ་དང་རང་ཕྱོགས་ཀྱི་སོ་མཚམས་ལ་དབྱེ་འབྱེད་གསལ་པོར་ཕྱེ་ཞེས་པ་ལྟ་བུ། |
| དབྱེན |
སོ་སོར་འབྱེད་པའི་ཕྲ་མའི་མིང་སྟེ། (དཔེར་ན།) མཐུན་པར་དབྱེན་སྦྱོར་བྱས་པས། ཆགས་སྒོ་རང་ལ་འཁོར་སོང༌ཞེས་པ་ལྟ་བུ། |
| དབྱེན་ཅོ་བ |
(བརྡ་རྙིང་།) 1>སྡང་བར་བྱེད་པ། 2>ཅོ་འདྲི་བ། |
| དབྱེན་དཀྲུག |
ཕྲ་མའི་དོན་ཏེ། (དཔེར་ན།) མཛའ་མཐུན་འབྲེལ་ལམ་ལ་དབྱེན་དཀྲུག་མ་བྱེད་ཅེས་པ་ལྟ་བུ། |
| དབྱེན་པ |
ཕྲ་མ་མཁན། |
| དབྱེན་བཅོས |
(བརྡ་རྙིང་།) འདོད་པས་སེམས་དབང་མེད་དུ་གཡོས་པ། |
| དབྱེན་བཟླུམས་པ |
འཁྲུགས་པ་སླར་བསྡུམས་པའི་དོན་ཏེ། (དཔེར་ན།) ལབ་གླེང་གི་དབྱེན་བཟླུམས་བྱས་ཞེས་པ་ལྟ་བུ། |
| དབྱེན་བསྡུམས་པ |
ཕན་ཚུན་མི་མཐུན་པ་མཐུན་པར་བྱས་པའི་དོན་ཏེ། (དཔེར་ན།) ཕན་ཚུན་འཁྲུག་རྩོད་འཕྲོ་གཅོད་ཕྱིར་དུ་དབྱེན་བསྡུམས་པ་ལྟ་བུ། |
| དབྱེན་བྱེད་པའི་ལྷག་མ |
དགེ་འདུན་ལྷག་མ་བཅུ་གསུམ་ལས། བསྒོ་བ་ལས་གྱུར་པའི་ལྷག་མ་བཞིའི་ནང་གསེས། མཚམས་ནང་གཅིག་ཏུ་བཅས་ལྡན་དགེ་སློང་གིས་རང་མི་ཐེ་བའི་དགེ་འདུན་དུ་ལོངས་པ་གཉིས་ཆོས་མིན་གྱི་ལྟ་བས་ཕན་ཚུན་དབྱེན་བྱེད་པ་ལ། གཞན་གྱིས་ལན་གསུམ་བཟློག་ཀྱང་མི་ཉན་པའོ། ། |
| དབྱེན་ཟླུམ་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག་རྒྱལ་པོའི་ཁབ་ཏུ་ལྷས་བྱིན་གྱིས་དགེ་འདུན་གྱི་དབྱེན་བྱས་པ་མཆོག་ཟུང་གིས་འདུམས་པའི་ཚེ་བཞེངས་པའི་བང་རིམ་བཞི་པ་གྲུ་བཞི་ཟུར་མཉམ་པར་བཅད་པའི་མཆོད་རྟེན། |
| དབྱེན་འདུམས |
འཁོན་རྩོད་མཐུན་འགྲིགས་བྱུང་བའི་དོན་ཏེ། (དཔེར་ན།) དྲང་ལྡན་གྱི་མཐུན་གྲོས་བྱས་པར་བརྟེན། སྔར་ཡོད་རྩོད་གཞིར་དབྱེན་འདུམས་བྱུང་ཞེས་པ་ལྟ་བུ། |
| དབྱེན་འབྱེད |
ཕྲ་མའམ་དཀྲུག་ཤིང་བྱེད་པའི་དོན་ཏེ། (དཔེར་ན།) དབྱེན་འབྱེད་ཡང་ཡང་བྱས་ནས་ཕན་ཚུན་ཤ་ལེན་གྱི་འཁྲུག་རྩོད་རྒྱག་ཏུ་བཅུག་ལྟ་བུ། |
| དབྱེན་སྡུམ་མཆོད་རྟེན |
དབྱེན་ཟླུམ་མཆོད་རྟེན་དང་དོན་གཅིག |
| དབྱེན་སྤྱོ |
(བརྡ་རྙིང་།) འདོད་པས་ཉེན་པ་དང༌། སེམས་དཀྲུགས་པ། བཟི་བ། ཅོ་འདྲི་བ། སྡང་བར་བྱེད་པ། མཐོ་འཚམ་པ་རྣམས་ལ་འཇུག |
| དབྱེན་སྤྱོད |
ཕྲ་མའི་བྱ་སྤྱོད། |
| དབྱེན་སྤྱོས་པ |
དབྱེན་སྤྱོ་དང་དོན་གཅིག |
| དབྱེན་སྦྱོར |
ཕྲ་མའམ་དཀྲུག་ཤིང༌གི་དོན་ཏེ། (དཔེར་ན།) སྤུན་ཟླའི་བར་ལ་དབྱེན་སྦྱོར་བྱས་ན་མི་བཟང་ལྟ་བུ། |
| དབྱེན་སྦྱོར་དཀྲུག་ཤིང |
ཕན་ཚུན་འཁོན་རྩོད་སློང་བའི་དཀྲུག་ཤིང༌སྟེ། (དཔེར་ན།) ཕྱོགས་གཉིས་ཕན་ཚུན་གྱི་བར་དུ་དབྱེན་སྦྱོར་དཀྲུག་ཤིང་བརྒྱབ་ནས་མི་མཐུན་པ་ཆགས་ཞེས་པ་ལྟ་བུ། |
| དབྱེར |
དབྱེ་རུ་ཞེས་པའི‘རུ’ཡིག་བསྡུས་པ། (དཔེར་ན།) ཆུ་དང་འོ་མ་དབྱེར་མེད་འདྲེས་ལྟ་བུ། |
| དབྱེར་མི་ཕྱེད་པ |
དབྱེ་བ་འབྱེད་མི་ཐུབ་པའི་དོན་ཏེ། (དཔེར་ན།) མི་རིགས་བར་གྱི་མཐུན་སྒྲིལ་ལར་རྒྱ་ཟབ་མོ་དབྱེར་མི་ཕྱེད་པ། ལེགས་ཉེས་དབྱེར་མི་ཕྱེད་པ་བླུན་པོའི་རང་རྟགས་རེད་ཅེས་པ་ལྟ་བུ། |
| དབྱེར་མེད |
སོ་སོར་འབྱེད་དུ་མེད་པ། (དཔེར་ན།) ངོ་བོ་དབྱེར་མེད། ཆུ་ཀུན་རྒྱ་མཚོར་ངོ་བོ་དབྱེར་མེད་འདྲེས། ཆུ་དང་སྣུམ་གཉིས་དབྱེར་མེད་འདྲེས་པར་དཀའ་ལྟ་བུ། |
| དབྱེར་མེད་པ |
ཐ་དད་དབྱེ་བྱར་མེད་པའི་དོན་ཏེ། (དཔེར་ན།) ཆུ་དང་འོ་མ་གཅིག་ཏུ་བསྲེས་པ་ལྟ་བུའི་དབྱེར་མེད་པ་ཞེས་པ་ལྟ་བུ། |
| དབྱེར་མེད་རྡོ་རྗེའི་གསུང |
གསུང་ལྔའི་ཡ་གྱལ་ཞིག་སྒྲ་སྐད་ཐམས་ཅད་གྲག་སྟོང་གཉིས་སུ་མེད་པས་མཐའ་གཉིས་ལས་གྲོལ་བ་ནི་དབྱེར་མེད་རྡོ་རྗེའི་གསུང་ཞེས་སྔགས་རྙིང་མའི་བཞེད་པའོ། ། |
| དབྱེས |
གོ་སྐབས་དང༌། བར་མཚམས་དང༌། ཁྱོན་དང༌། ཞེང་ཁ་བཅས་ཀྱི་དོན་ཏེ། (དཔེར་ན།) དཔྲལ་བའི་དབྱེས་ནི་ཟླ་བ་རྒྱས་པ་བཞིན། རྒྱལ་ཁབ་ཀྱི་ས་ཁོངས་དབྱེས་ཡངས་པ། ས་ཁུལ་དབྱེས་ཆེ་བ་ལྟ་བུ། |
| དབྲ |
བོད་ཀྱི་མི་བུ་རིགས་དྲུག་གི་ཡ་གྱལ་ཞིག |
| དབྲག |
བར་དང༌། མཚམས་དང༌། སྲུབས་བཅས་ཀྱི་དོན་ཏེ། (དཔེར་ན།) ཀ་བའི་དབྲག བྲག་རིའི་དབྲག་ནས་ཆུ་ཐོན་པ་ལྟ་བུ། |
| དབྲག་དབྲག |
བར་བར་ཞེས་པའི་དོན་ཏེ། (དཔེར་ན།) འཕྲོས་མོལ་བྱེད་པའི་དབྲག་དབྲག་ལ་མཚམས་འཇོག་པ། ཁང་པ་ཕན་ཚུན་གྱི་དབྲག་དབྲག་ལ་ཚལ་ཞིང་འདེབས་དགོས་ཞེས་པ་ལྟ་བུ། |
| དབྲད |
‘ཕྲོད’ཀྱི་མ་འོངས་། (དཔེར་ན།) དབྲད་བྱའི་ས་ཞེས་པ་ལྟ་བུ། |
| དབྲབ |
‘ཕྲོབས’ཀྱི་མ་འོངས་པ་ལ་དབྲབ་འབྲི་བ་ཡང་ཡོད། |
| དབྲལ |
‘ཕྲལ’གྱི་མ་འོངས་པ། (དཔེར་ན།) དབྲལ་བར་བྱ། དབྲལ་བྱའི་ཤ་པགས་ཞེས་པ་ལྟ་བུ། |
| དབྲལ་བ |
དབྲོལ་བའི་འདས་པ་དང་མ་འོངས་པ། |
| དབྲི |
‘ཕྲི’ཡི་མ་འོངས་པ། (དཔེར་ན།) དབྲི་བྱའི་གྲངས་ཀ་དབྲི་བར་བྱ་ལྟ་བུ། |
| དབྲི་བ |
འབྲིད་པའི་མ་འོངས་པ། |
| དབྲིལ་དབྲིལ |
(ཡུལ་སྐད།) རིལ་རིལ་གྱི་དོན་ཏེ། (དཔེར་ན།) ཤེལ་ཏོག་དབྲིལ་དབྲིལ། རྡོ་དབྲིལ་དབྲིལ། འུག་པའི་མིག་དབྲིལ་དབྲིལ་ཡིན་ཞེས་པ་ལྟ་བུ། |
| དབྲེ |
སྦྲེ་དང་འདྲ། |
| དབྲེ་གཏམ |
བཙོག་གཏམ། |
| དབྲེ་པོ |
བཙོག་པོའམ་སྐྱུག་བྲོ་པོའི་དོན་ཏེ། (དཔེར་ན།) སྤྱོད་པ་དབྲེ་པོ། གྱོན་ཆས་དབྲེ་པོ་ཞེས་པ་ལྟ་བུ། |
| དབྲེ་བ |
1.མི་གཙང་བ་དང༌། ངན་པའི་དོན་ཏེ། (དཔེར་ན།) མི་འདི་དེ་འདྲའི་དབྲེ་བ་ལ་ངས་བསམ་མ་བྱུང༌ཞེས་པ་ལྟ་བུ། 2.(ཡུལ་སྐད།) གྱེན་དུ་རྫེ་བ། |
| དབྲེ་བཙོག |
བཙོག་པ། |
| དབྲེ་བོ |
(རྒྱན་ཚིག) མི་གཙང་བའམ་བཙོག་པའི་བརྡ་རྙིང་། |
| དབྲེས་ཀྱི་འཚམས |
(ཡུལ་སྐད།) རྒྱ་མཚོའི་རླབས། |
| དབྲེས་པ |
བརྫེས་པའི་བརྡ་བརྙིང་། |
| དབྲོག |
‘ཕྲོགས’ཀྱི་མ་འོངས་པར་དབྲོག་འབྲི་བའང་ཡོད། |
| དབྲོལ |
1.‘ཕྲལ’གྱི་ད་ལྟ་བའི་འབྲི་ཚུལ་གཞན། 2.དབྲོལ་བའི་སྐུལ་ཚིག |
| དབྲོལ་བ |
(བྱེད་འབྲེལ་ལས་ཚིག) རལ་བར་བྱེད་པའི་དོན་ཏེ། (དཔེར་ན།) ཤོག་བུ་དབྲོལ་བ། གྱོན་གོས་དབྲོལ་བ། ཆིངས་ཡིག་དབྲོལ་བ་ལྟ་བུ། |
| དམ |
1.མིང་མཐའ་དའི་རྗེས་སུ་སྦྱོར་བའི་འབྱེད་སྡུད་ཀྱི་ཕྲད་ཅིག (དཔེར་ན།) བདེ་སྐྱིད་དམ། སྡུག་བསྔལ། བྱ་རྒོད་དམ་ཁྲུང་ཁྲུང་ཞེས་པ་ལྟ་བུ། 2. མིང་མཐའ་དའི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག (དཔེར་ན།) ལས་འགན་འདི་བཞིན་ཁྱོད་རང་གིས་ལེན་ཕོད་དམ་མི་ཕོད་ཅེས་པ་ལྟ་བུ། 3.དམ་པོ་ཞེས་པའི་ཚིག་བསྡུས་པ། |
| དམ་ཁ |
ཐེལ་རྩེའི་ཞེ་ས། |
| དམ་ག |
དམ་ཁ་དང་འདྲ། |
| དམ་ཅན |
1.དམ་བཅའ་ངེས་ཅན་ཡོད་མཁན་གྱི་མིང་། དམ་བཅའ་ཅན་ཞེས་པའི་ཚིག་བསྡུས་པ། 2.དམ་བཅའ་ལ་གནས་པའི་འཇིག་རྟེན་གྱི་སྲུང་མ། |
| དམ་ཅན་ཆོས་རྒྱལ |
བསྟན་པ་སྲུང་བའི་དམ་ཚིག་ཅན་གཤིན་རྗེ་ཆོས་རྒྱལ། |
| དམ་ཅན་མགར་བ་ནག་པོ |
དམ་ཅན་ར་ཞོན་ཏེ་འཇིག་རྟེན་པའི་སྲུང་མ་ཞིག |
| དམ་ཅན་རྡོ་རྗེ་ལེགས་པ |
སློབ་དཔོན་པད་མས་བཀའ་བགོས་པའི་འཇིག་རྟེན་པའི་སྲུང་མ་དམ་ཅན་སེང་ཞོན། |
| དམ་ཆོས |
སེམས་རྒྱུད་ཡང་མ་དག་པ་ལས་ལྡོག་པར་བྱེད་པའི་རིག་པའི་གཞུང་ལུགས་དང་དེའི་བསྟན་དོན་ལ་དམ་ཆོས་ཟེར། དམ་པའི་ཆོས་ཀྱི་བསྡུས་ཚིག |
| དམ་ཉམས |
1.དམ་ཚིག་ཉམས་པ།2.དམ་ཚིག་ཉམས་པའི་གང་ཟག |
| དམ་ཐིག |
དམ་ཚིག་གི་ཐིག |
| དམ་དུ |
(བསྣན་ཚིག) ལས་ཚིག་ལ་ལའི་མགོར་སྦྱར་ན་ཚད་དྲག་པའི་དོན་ཏེ། (དཔེར་ན།) ལག་པས་དམ་དུ་བཅངས། སྐེ་རགས་དམ་དུ་བཅིངས་ལྟ་བུ། |
| དམ་དུ་འཛིན |
(མངོན་བརྗོད།) རུས་སྦལ། |
| དམ་དུམ |
(རྒྱན་ཚིག) དངོས་རྫས་བགོས་པའི་ཆ་ཆུང་ངུའི་རིགས་མང་བོ་སྟེ། (དཔེར་ན།) ཤིང་དམ་དུམ། ཐག་པ་དམ་དུམ་ཞེས་པ་ལྟ་བུ། ཁ་སྐད་དུ་ད་མེ་དུམ་མེ་ཟེར་ཏེ། ཤིང་ད་མེ་དུམ་མེ་ཞེས་པ་ལྟ་བུ། |
| དམ་དེམ་པ |
(བརྡ་རྙིང་།) ཁས་བླངས་པ། |
| དམ་དོག |
དོ་དམ་ལྷོད་པོ་དང་ཡངས་པོ་མིན་པའི་དོན་ཏེ། (དཔེར་ན།) སྒྲིག་ཁྲིམས་ཉམས་འཆལ་དུ་མི་འགྲོ་བའི་དམ་དོག་ནན་ཏན་བྱེད་པ། མི་སྤྱོད་ངན་ལ་དམ་དོག་ཆེན་པོ་བྱས་ལྟ་བུ། |
| དམ་དོན |
གཟབ་ནན་གྱི་དོན་ཏེ། (དཔེར་ན།) ཁྱེད་རང་གིས་བཀའ་མངགས་གནང་བ་ཐམས་ཅད་ངས་འཕྲལ་དུ་དམ་དོན་ཞུས་ཆོག དམངས་ཀྱི་ཁེ་ཕན་དང་དངོས་སུ་འབྲེལ་བའི་ལས་དོན་ཡིན་ཕྱིན་དམ་དོན་གྱིས་བྱེད་དགོས་ཞེས་པ་ལྟ་བུ། |
| དམ་དོམ |
(བརྡ་རྙིང་།) དམ་བཅའ། |
| དམ་པ |
1.འཕགས་པ།2.ཡང་དག་པ་དང༌། མཆོག་ཏུ་གྱུར་པའི་དོན་ཏེ། (དཔེར་ན།) དོན་དམ་པ། སྐྱེས་བུ་དམ་པ། བློ་གྲོས་དམ་པ་ཞེས་པ་ལྟ་བུ། 3.ཤི་བའི་མིའི་ཞེ་ས། (དཔེར་ན།) ཕ་དམ་པ། སློབ་དཔོན་དམ་པ། རྒྱལ་པོ་དམ་པ་ཞེས་པ་ལྟ་བུ། 4.དམ་པོ་དང་འདྲ། |
| དམ་པ་ཏོག་དཀར |
སངས་རྒྱས་ཤཱཀྱ་ཐུབ་པ་དགའ་ལྡན་ཡིད་དགའ་ཆོས་འཛིན་ན་བཞུགས་དུས་ཀྱི་མཚན། |
| དམ་པ་དྲུག་ལྡན |
ཕྱིན་དྲུག་སྒྲུབ་པའི་ཚུལ་དམ་པ་དྲུག་དང་ལྡན་པར་ཉམས་སུ་བླངས་པ་རྟེན་དམ་པ་བྱང་ཆུབ་ཀྱི་སེམས་དང་ལྡན་པ་དང༌། དངོས་པོ་དམ་པ་སྦྱིན་སོགས་ཕྱོགས་རེ་མ་ཡིན་པར་གཞི་ཐམས་ཅད་ལ་འཇུག་པ། ཆེད་དུ་བྱ་བ་དམ་པ་སེམས་ཅན་ཐམས་ཅད་ཀྱི་དོན་དུ་སྤྱོད་པ། ཐབས་དམ་པ་འཁོར་གསུམ་རྣམ་པར་མི་རྟོག་པའི་ཤེས་རབ་ཀྱིས་ཟིན་པ། ཡོངས་བསྔོ་དམ་པ་བླ་མེད་བྱང་ཆུབ་ཏུ་བསྔོ་བ། རྣམ་དག་དམ་པ་སྒྲིབ་གཉིས་ཀྱི་དངོས་གཉེན་དུ་སྤྱོད་པ་རྣམས་སོ། ། |
| དམ་པ་རིགས་བརྒྱ |
རྒྱལ་བའི་ཕུང་པོ་ལྔ་བདེ་གཤེགས་དང༌། ཁམས་བཞི་ཡུམ། སྐྱེ་མཆེད་དྲུག་སེམས་དཔའ། ཡུལ་ལྔ་རྡོ་རྗེ་མ་སྟེ་ཉི་ཤུ་པོ་རིགས་ལྔ་ལྔར་ཕྱེ་བའི་གསང་འདུས་ཀྱི་ལྷ་བརྒྱ། |
| དམ་པ་སྐུ་གཉིས |
གཟུགས་སྐུ་དམ་པ་དང༌། ཆོས་སྐུ་དམ་པ་གཉིས། |
| དམ་པའི་གཟུགས་བརྙན |
1.རྒྱལ་བའི་སྐུ་བརྙན།2.བཟང་པོ་ཡིན་པའི་བཟོ་ཙམ་སྟེ། (དཔེར་ན།) དམ་པའི་གཟུགས་བརྙན་སྟོན་པ་ཙམ་ལས་དོན་དུ་མི་ཐ་ཤལ་བ་ཞིག་རེད་ཅེས་པ་ལྟ་བུ། |
| དམ་པའི་ཆོས |
གང་ལ་དམིགས་ན་ལུས་ཅན་རྣམས་ཀྱི་སྒྲིབ་པ་ཟད་པའི་ཐབས་སུ་གྱུར་པ་ལུང་དང་རྟོགས་པའི་བདག་ཉིད་ཅན་གྱི་ཆོས་སོ། ། |
| དམ་པའི་ཆོས་དྲན་པ་ཉེ་བར་གཞག་པ |
མདོ་སྡེ་དྲན་པ་ཉེ་བར་བཞག་པ་ཤླཽ་ཀ་སྟོང་ཕྲག་སུམ་ཅུ་རྩ་དྲུག་བམ་པོ་བཞི་བཅུ་རྩ་དགུའི་བདག་ཉིད་ཅན་བ་ཚབ་ལོ་ཙཱ་བས་བསྒྱུར་པའོ། ། |
| དམ་པའི་ཆོས་པད་མ་དཀར་པོའི་མདོ |
བམ་པོ་བཅུ་གསུམ་དང་ལེའུ་ཉེར་བདུན་པ། པཎྜིཏ་སུ་རེནྡྲ་བོ་དྷི་དང་ལོ་ཙཱ་བ་བནྡེ་སྣ་ནམ་ཡེ་ཤེས་སྡེས་བསྒྱུར་ཅིང་ཞུས་པ། |
| དམ་པའི་རིགས་ཅན་དྲ་མ་ལྔ |
སྟོན་པ་མྱ་ངན་ལས་འདས་ནས་ལོ་ཉི་ཤུ་རྩ་བརྒྱད་འདས་པ་ན་རི་མ་ལ་ཡ་གནམ་ལྕགས་ཡོད་པའི་རྩེར་གསང་བདག་ཕྱག་ན་རྡོ་རྗེས་གསང་བའི་རྒྱུད་མཐའ་དག་གསུངས་པའི་གདུལ་བྱ་དམ་པའི་རིགས་ཅན་དྲ་མ་ལྔ་ལྷ་གྲགས་པ་མཆོག་སྐྱོང་དང༌། ཀླུ་རྒྱལ་འཇོག་པོ། གནོད་སྦྱིན་སྐར་མདའ་གདོང༌། སྲིན་པོ་བློ་གྲོས་ཐབས་ལྡན། མི་ལི་ཙྪ་བཱི་དྲི་མ་མེད་པར་གྲགས་པ་བཅས་སོ། ། |
| དམ་པོ |
(རྒྱན་ཚིག) ལྷོད་ཡངས་མིན་པའི་དོན་ཏེ། (དཔེར་ན།) སྒྲིག་ལམ་དམ་པོ། ལག་པ་དམ་པོ། གྲལ་སྟར་ཚགས་དམ་པོར་སྒྲིགས་ཤིག་ཅེས་པ་ལྟ་བུ། |
| དམ་ཕྲུག |
སྒོ་སོགས་རང་དགར་འབྱེད་མི་ཆོག་པའི་རྟགས་ཀྱི་མིང་། (དཔེར་ན།) མཛོད་སྒོར་དམ་ཕྲུག་བརྒྱབ། འབྲུ་མཛོད་ཀྱི་སྒོ་དམ་ཕྲུག་བྱས། འཕྲིན་ཡིག་དམ་ཕྲུག་ཅན་ཞེས་པ་ལྟ་བུ། |
| དམ་བཅའ |
1.ཁས་ལེན་པའི་དོན་ཏེ། ཐ་ཚིག་དང་ལྡན་པའི་དམ་བཅའ།2.ཁས་བླངས་པའི་བསྒྲུབ་བྱའི་དོན་ཏེ། (དཔེར་ན།) སྒྲ་ཆོས་ཅན། མི་རྟག་ཞེས་པ་ལྟ་བུའོ། ། |
| དམ་བཅའ་བཞག་པ |
1 ཁས་ལེན་བྱས་པའི་དོན་ཏེ། (དཔེར་ན།) རང་སྲོག་བློས་གཏོང་གིས་ས་ཆ་སྲུང་སྐྱོབ་བྱེད་པའི་དམ་བཅའ་བཞག་པ་ལྟ་བུ། 2.རྩོད་གྲྭའི་རིགས་ལམ་གྱི་རང་རང་གི་ཡིག་ཆ་ལ་བརྟེན་ནས་ཕྱོགས་སྔ་བཀོད་པའམ་གྲུབ་མཐའི་བཞེད་པ་ཁས་ལེན་པ། |
| དམ་བཅའ་ལྷག་བཅས་ཀྱི་སྒྲ |
ཚིག་སྔ་མ་དམ་བཅས་པ་དེའི་གསལ་བྱེད་དམ། སྒྲུབ་བྱེད་དུ་ཚིག་ཕྱི་མ་འདྲེན་པའི་ལྷག་བཅས་ཀྱི་སྒྲ་ཞིག་འདིའི་ནང་ལ་དབྱེ་བ་འདྲེན་པ་དང༌། གཏན་ཚིགས་འདྲེན་པ། ངེས་ཚིག་འདྲེན་པ། རྒྱས་བཤད་འདྲེན་པ་སྟེ་བཞི་ཡོད། དང་པོ་ནི། (དཔེར་ན།) འཕགས་པའི་བདེན་པ་བཞི་སྡུག་བསྔལ་བ་དང༌། ཀུན་འབྱུང་བ། འགོག་པ་དང༌། ལམ་གྱི་བདེན་པའོ་ཞེས་པ་ལྟ་བུ། གཉིས་པ་ནི། (དཔེར་ན།) དཀའ་ཚེགས་གང་ཡིན་ཀྱང་སེལ་ཐུབ་ཧུར་བརྩོན་ཆེན་པོ་བྱེད་པའི་ཕྱིར་ལྟ་བུ། གསུམ་པ་ནི། (དཔེར་ན།) སངས་རྒྱས་ཏེ། མ་རིག་པའི་གཉིད་སངས་པ་དང༌། ཤེས་བྱ་ལ་བློ་གྲོས་རྒྱས་པའོ་ལྟ་བུ། བཞི་པ་ནི། (དཔེར་ན།) རྒྱལ་སྲས་ཀྱི་སྤྱོད་པ་ཕ་རོལ་ཏུ་ཕྱིན་པ་དྲུག་གམ་བཅུ་པོ་ཐམས་ཅད་ཡིན་ནོ་ཞེས་པ་ལྟ་བུ། |
| དམ་བཅས་ནས་སྨོད་པ |
1.དམ་བཅའ་ལས་འགལ་བ།2.སེམས་ཐག་བཅད་ནས་འཕྱ་སྨོད་བྱེད་པ། |
| དམ་བཞག་པ |
(བརྡ་རྙིང་།) གཉེར་པ། |
| དམ་བསྒྲགས |
ཁྲིམས་ཀྱིས་འདོམས་པའམ་དོ་དམ་བཙན་པོའི་དོན་ཏེ། (དཔེར་ན།) མཚན་མོ་འགྲོ་བཞུད་ལ་དམ་བསྒྲགས་བྱེད་པ། དམ་བསྒྲགས་ཡུན་བསྲིངས་ཀྱིས་སློབ་གསོ་གཏོང་དགོས་ལྟ་བུ། |
| དམ་བེ |
ཁ་དོག་ལ་ལྟོ་ཆེ་བའི་བུམ་པའམ་ཆང་རག་སོགས་བླུགས་སྣོད་ཀྱི་མིང་། (དཔེར་ན།) སྐོམ་ཆང་དམ་བེ་གང༌ཞེས་པ་ལྟ་བུ། |
| དམ་མི་དུམ་མི |
(རྒྱན་ཚིག) 1>དུམ་བུར་བཅད་པའི་རྣམ་པ་སྟེ། (དཔེར་ན།) ཤིང་དམ་མི་དུམ་མིས་ཀ་བ་མི་ཉན་ལྟ་བུ། 2>ཐོ་རེ་བའི་དོན་ཏེ། (དཔེར་ན།) ཚིགས་བཅད་དམ་མི་དུམ་མི་བརྩམས་པ། སྐད་ཆ་དམ་མི་དུམ་མི་ཞིག་ལས་མ་བཤད། མན་ངག་དམ་དུམ་ཞིག་ཤེས་ཞེས་པ་ལྟ་བུ། |
| དམ་མོ |
དམ་པོ་དང་དོན་འདྲ། (དཔེར་ན།) ཁ་དམ་མོ། ཚགས་དམ་མོ་ཞེས་པ་ལྟ་བུ། |
| དམ་ཚགས |
ཞིབ་ཚགས་སམ། ཏན་ཏིག་གི་དོན་ཏེ། (དཔེར་ན།) དངོས་ཟོག་དེ་དག་དམ་ཚགས་ཀྱིས་ཉར་བ། བདེན་རྫུན་ལ་བརྟག་དཔྱད་དམ་ཚགས་ཀྱིས་འབྱེད་དགོས་ལྟ་བུ། |
| དམ་ཚི |
འབྱར་རྩི་དམ་པོའི་རིགས་ཏེ། (དཔེར་ན།) ཤིང་ལེབ་གཉིས་ཀྱི་སྲུབས་བར་དམ་ཚིས་སྦྱོར་དགོས་ལྟ་བུ། |
| དམ་ཚིག |
1.འདའ་དཀའ་རྡོ་རྗེའི་ཐ་ཚིག་ཅེས་ཇི་ལྟར་བཅས་པ་ལས་མི་འདའ་བར་གཡར་དམ་གཉན་པོར་ཁས་བླངས་པའི་ཐ་ཚིག (དཔེར་ན།) དམ་ཚིག་སྲུང་བ། དམ་ཚིག་ཉམས་པ་ཞེས་པ་ལྟ་བུ། 2.(ཡུལ་སྐད།) འཁོན་འགྲས་ཀྱི་དོན་ཏེ། (དཔེར་ན།) དམ་ཚིག་བསགས་པ། དམ་ཚིག་བཟོས་པ་ཞེས་པ་ལྟ་བུ།3.(ཡུལ་སྐད།) ཤ་ཞེན་དང༌། མཛའ་བའི་འདུ་ཤེས་སྲུང་སེམས་ཀྱི་དོན་ཏེ། (དཔེར་ན།) དམ་ཚིག་མཐུན་པོ། དམ་ཚིག་ཤོར་བ། ཕན་ཚུན་གཅིག་སེམས་གཅིག་འཛིན་གྱི་དམ་ཚིག་མཐུན་པོ་བྱེད་ཅེས་པ་ལྟ་བུ། |
| དམ་ཚིག་གཙང་མ |
1.ཆོས་ཕྱོགས་ཀྱི་ཁས་ལེན་དམ་བཅའ་མ་ཉམས་པ།2.འཇུག་རྟེན་གྱི་མཛའ་བཤེས་བློ་ཉེ་ཕན་ཚུན་དབར་འཁོན་འགྲས་མ་ཞུགས་པ། |
| དམ་ཚིག་གཞལ་ཡས་ཁང |
ཆོ་གས་བསྐྱེད་པའི་གཞལ་ཡས་ཁང༌། |
| དམ་ཚིག་གསུམ་བཀོད |
1.ཐུབ་དབང་ནང་ཚན་ཐུབ་པའི་སྐུ་གསུང་ཐུགས་ཀྱི་དམ་ཚིག་གསུམ་བཀོད་པའི་རྒྱལ་པོ།2.དམ་ཚིག་གསུམ་ལ་གནས་པ་སྟེ་ཁྲི་ལ་མི་ཉལ་བ། ཆང་མི་འཐུང་བ། ཕྱག་རྒྱ་འདྲ་བ་མི་ཟ་བ་བཅས་གསུམ། ཕྱི་མའི་དོན་ནི་ཟས་ལ་ལྷའི་ཕྱག་མཚན་པད་མ་དང་རྡོ་རྗེ་སོགས་ཀྱི་དབྱིབས་བྱས་ཏེ་མི་ཟ་བའི་དོན། |
| དམ་ཚིག་དཀྱིལ་འཁོར |
ཡིད་ཀྱིས་བསྒོམས་ཤིང་གསལ་བཏབ་པའི་བདག་མདུན་གྱི་དཀྱིལ་འཁོར། |
| དམ་ཚིག་པ |
ཡིད་ཀྱིས་བསྒོམས་པའི་བདག་མདུན་གྱི་ལྷ། |
| དམ་ཚིག་ཕྱག་རྒྱ |
རྒྱུད་སྡེ་བཞི་པོ་སོ་སོའི་ཐུན་མོང་མ་ཡིན་པའི་ལག་པའི་ཕྱག་རྒྱ། |
| དམ་ཚིག་རྡོར་དྲིལ |
གསང་སྔགས་ཀྱི་ཡོ་བྱད་ཅིག |
| དམ་ཚིག་སེམས་དཔའ |
བསྐྱེད་རིམ་སེམས་དཔའ་གསུམ་བརྩེགས་ཀྱི་ནང་གསེས་ཤིག་ཡི་དམ་གང་རུང་གི་ཆོ་གས་བསྐྱེད་པ་དེ་ཉིད་དོ། ། |
| དམ་ཟབ |
དམ་པོ་དང༌། ཟབ་ནན་གྱི་དོན་ཏེ། (དཔེར་ན།) ཕན་ཚུན་དབར་ལ་འབྲེལ་བ་དམ་ཟབ་ཡོད་པ་ལྟ་བུ། |
| དམ་འགལ |
ཁས་བླངས་དམ་ཚིག་ལས་འགལ་བའི་དོན་ཏེ། (དཔེར་ན།) ཉེར་འཚེའི་རྐྱེན་ཕྲན་བུ་ཞིག་ཕྲད་འཕྲལ་དམ་འགལ་བྱས་ཡོང་ཞེས་པ་ལྟ་བུ། |
| དམ་འདོགས |
དམ་ཚིག་ཁས་ལེན་དུ་འཇུག་པ། |
| དམ་འབི |
དམ་བེ་དང་འདྲ། |
| དམ་འབྱར |
ཐེལ་ཚེ་བརྒྱབ་ཡོད་པའི་དོན་ཏེ། (དཔེར་ན།) ཕྱག་བྲིས་དམ་འབྱར་མ་ཞེས་པ་ལྟ་བུ། |
| དམ་འབྱར |
དམ་ཕྲུག་དང་དོན་འདྲ། |
| དམ་ཡེ |
དམ་ཚིག་པ་དང་ཡེ་ཤེས་པ་གཉིས་ཀྱི་བསྡུས་མིང༌། |
| དམ་ཡེ་ཐ་དད་པ |
བདག་དམ་ཚིག་པ་དང༌། ལྷ་ཡེ་ཤེས་པ་གཉིས་མཆོག་དམན་རྗེ་ཁོལ་གྱི་ཚུལ་དུ་ལྟ་བའམ། མཆོག་དམན་མཉམ་པ་སྤུན་གྲོགས་ཀྱི་ཚུལ་དུ་ལྟ་བ། |
| དམ་ཡེ་དབྱེར་མེད |
བདག་དམ་ཚིག་པ་བསྐྱེད་པར་ལྷ་ཡེ་ཤེས་པ་བཀུག་བསྟིམ་བྱས་ཏེ་ཆུ་ལ་ཆུ་བཞག་པ་ལྟར་དམ་ཡེ་དབྱེར་མེད་ཀྱི་ངང་ནས་བཟླས་པ་བྱེད་པ་རྣལ་འབྱོར་རྒྱུད་ཡན་ཆོད་ཀྱི་མཚན་བཅས་ཀྱི་བསྐྱེད་རིམ། |
| དམ་རྒྱ |
1.ཐེལ་རྩེ།2.(བརྡ་རྙིང་།) 1>དཔང་རྒྱ། 2>ཁྲིམས་རྒྱ། 3>དམ་ཚིག་གི་ཕྱག་རྒྱ། |
| དམ་རྫས |
1.དམ་ཚིག་གི་རྫས་ཏེ་སྔགས་ཀྱིས་བྱིན་གྱིས་བརླབས་པའི་དངོས་པོ།2.དམ་བཅའ་ཅན་ལ་མཁོ་བའི་ནོར་རྫས། |
| དམ་རྫི |
དོ་དམ་དང་རྫི་གསང་གི་དོན་ཏེ། (དཔེར་ན།) འགྱུར་ལྡོག་ཆེ་བའི་གནས་ཚུལ་རྣམས་ལ་དམ་རྫི་གང་གཟབ་བྱེད་ཅེས་པ་ལྟ་བུ། |
| དམ་རྫིང |
ཆར་ཆུ་འཁྱིལ་བའི་རྫིང་བུ། |
| དམ་ལ་གནས་པ |
དམ་ཚིག་ཁས་བླངས་ཇི་བཞིན་དུ་གནས་པ། |
| དམ་ལ་བཏགས་པ |
འདྲེ་སྲིན་སོགས་མནའ་དམ་ལ་བཀར་ནས་བཏུལ་བ། |
| དམ་ལ་བཞག་པ |
ནང་འཇུག་གི་ནང་གསེས་ཤིག་སློབ་མ་རྣམས་ལྷ་རྣམས་དང་ནང་གི་སྐལ་མཉམ་བྱ་ཕྱིར་དམ་ཚིག་ཚུལ་བཞིན་བསྲུང་བར་ཕན་ཡོན་གྱི་སྒོ་ནས་བཞག་པ་དང༌། མ་བསྲུང་བར་ཉེས་དམིགས་ཀྱི་སྒོ་ནས་བཞག་པ་དང༌། གཉིས་ཀའི་སྒོ་ནས་བཞག་པ་དང༌། བླ་མའི་བཀའ་གཉན་པའི་སྒོ་ནས་བཞག་པ་སྟེ་དམ་བཞག་བཞིས་མནའ་ཆུ་བླུད་དེ་དམ་ལ་བཞག་པ། |
| དམ་ལ་ཞུགས་པ |
དམ་ཚིག་ཁས་ལེན་ལ་འཛུལ་བ། |
| དམ་ལྡན |
བླ་སློབ་བམ་མཆོད་ཡོན་བར་ལ་བསྲུང་བྱའི་དམ་ཚིག་རྣམས་མ་ཉམས་པར་ལྡན་པ། |
| དམ་ལྷོད |
དམ་པོ་དང༌། ལྷོད་པོ། |
| དམ་སེལ |
1.ནང་འཁོན་ཏེ་ཁས་བླངས་ཇི་བཞིན་མི་རྩི་བར་དོར་ནས་བྱུང་བའི་འཁོན་འགྲས་ཀྱི་དོན་ཏེ། (དཔེར་ན།) ལས་རོགས་ཕན་ཚུན་དམ་སེལ་ཞུགས་ཞེས་པ་ལྟ་བུ། 2.དམ་ཚིག་ཉམས་ཆག |
| དམ་སྲི |
དམ་སེལ་འཇུག་མཁན་གདོན་ཞིག |
| དམ་སྲིས་རྒྱུད་དཀྲུགས |
དམ་ཉམས་ཀྱི་འདྲེའམ་འབྱུང་པོས་མི་སེམས་དཀྲུག་པ་མཐུན་པ་མི་མཐུན་པ་བཟོས་པའམ་ལོག་པའི་ལམ་དུ་ཁྲིད་པའི་དཔེ། |
| དམག |
1.གཡུལ་སར་འཐབ་འཛིང་བྱེད་མཁན་དུ་ཆེད་བསྐོས་ཀྱི་མི། (དཔེར་ན།) རྐང་དམག རྟ་དམག རང་དམག དགྲ་དམག དམག་མཁོའི་དངོས་རྫས། དམག་བསྡུས་པ་ཞེས་པ་ལྟ་བུ། 2.དྲག་པོའི་འཐབ་འཛིང་གི་བྱ་བའི་དོན་ཏེ། དམག་བརྒྱབ་ནས་རྒྱལ་ཁ་བླངས་ཞེས་པ་ལྟ་བུ། |
| དམག་ཁང |
དམག་མི་སྡོད་ཁང༌། |
| དམག་ཁྲལ |
དམག་མི་སྡུད་གཏོང་གི་ཁྲལ། |
| དམག་ཁྲིམས |
དམག་མིའི་ཁྲིམས་ལུགས། |
| དམག་གཏོས |
དམག་མིའི་ཁྱོན་འབོར། |
| དམག་གི་དཔུང་ཚོགས་ཡན་ལག་བཞི |
རྐང་ཐང་དང༌། རྟ་པ། ཤིང་རྟ། གླང་ཆེན་བཅས་སོ། ། |
| དམག་གི་ནང་དུ་གནས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགོས་པ་ཁྱད་པར་ཅན་མེད་པར་དམག་གི་ནང་དུ་ཞག་གཅིག་ལས་འདས་པར་གནས་པའོ། ། |
| དམག་གི་འདྲེན་པ |
(མངོན་བརྗོད།) དམག་དཔོན། |
| དམག་གི་རུ་བཀོད་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགོས་པ་ཁྱད་པར་ཅན་མེད་པར་རང་དགར་མཚོན་ལ་རེག་པ་དང༌། དམག་དཔུང་གི་རུ་བཀོད་བྱེད་པའོ། ། |
| དམག་གི་ས་རྟེན |
དགའ་ལྡན་ཕོ་བྲང་སྲིད་གཞུང་སྐབས་དམག་ཁྲལ་རྒྱུག་དགོས་པའི་ས་ཞིང་གི་རྟེན། |
| དམག་གུར |
དམག་མི་སྡོད་སའི་གུར། |
| དམག་གྲལ |
དམག་མིའི་གྲལ་སྟར། |
| དམག་གྲུ |
དམག་དོན་ལ་སྤྱོད་པའི་གྲུ་གཟིངས། |
| དམག་གྲོན |
དམག་དོན་གྱི་ལག་འདོན་འགྲོ་སོང༌། |
| དམག་གླ |
དགའ་ལྡན་ཕོ་བྲང་སྲིད་གཞུང་སྐབས་དམག་བདག་སོ་སོ་ནས་དམག་འགྲོ་ངོ་མར་སྤྲོད་པའི་གླ་ཆ། |
| དམག་གླུ |
དམག་དུས་སུ་དཔའ་གཟེངས་བསྟོད་པའི་གླུ་དབྱངས། |
| དམག་ཆག |
དགའ་ལྡན་ཕོ་བྲང་སྲིད་གཞུང་སྐབས་དམག་མི་བཏང་བ་ལ་བརྟེན་ནས་ཁྲལ་རིགས་བྱིངས་ཆག་ཡང་གཏོང་སྲོལ། |
| དམག་ཆས |
1.དམག་གི་ཡོ་བྱད།2.དམག་མིའི་ཆ་ལུགས། |
| དམག་ཐོབ་པ |
དམག་ལས་རྒྱལ་ཁ་ཐོབ་པའི་དོན་ཏེ། (དཔེར་ན།) བཙན་རྒོལ་གྱི་འཐབ་འཛིང་བྱས་ནས་དམག་ཐོབ་སོང་ཞེས་པ་ལྟ་བུ། |
| དམག་དཀྱུས |
འགོ་དཔོན་མིན་པའི་དམག་མི་ཕལ་པ། |
| དམག་དཔའ |
ལ་ཞིག་ཁམས་་སྨི་ལི་ས་ཆར་ཡོད། |
| དམག་དཔུང |
དམག་མི་མང་པོའི་ཚོགས་ཀྱི་དོན་ཏེ། (དཔེར་ན།) དམག་དཔུང་མཉམ་དུ་འཛོམས་ཞེས་པ་ལྟ་བུ། མིང་གི་རྣམ་གྲངས་ལ་དཔུང་དང༌། དཔུང་གི་དཀྱིལ་འཁོར། དཔུང་གི་ཚོགས། དམག་སྒར། དམག་ཚོགས། ཡན་ལག་བཞི་པ་བཅས་སོ། ། |
| དམག་དཔུང་རིགས་གསུམ |
མཁའ་དམག་དང༌། མཚོ་དམག་རྐང་དམག་བཅས་དམག་མིའི་རྩ་བའི་དབྱེ་བ་གསུམ། |
| དམག་དཔོན |
དམག་གི་འགོ་བྱེད་ཀྱི་མིང་། (དཔེར་ན།) དམག་དཔོན་མང་ན་དམག་ཇུས་ཉེས་ཞེས་པ་ལྟ་བུ། མིང་གི་རྣམ་གྲངས་ལ་དཔུང་སྡེའི་གཙོ་བོ་དང༌། དཔུང་གི་ཁྱུ་མཆོག དཔུང་གི་མགོན་པོ། དམག་གི་འགོ་པ། དམག་གི་འདྲེན་པ། རལ་གྲིའི་རྒྱུན་འཛིན། རལ་གྲིའི་གཉེན་བཅས་སོ། ། |
| དམག་དཔོན་རིན་པོ་ཆེ |
རྒྱལ་སྲིད་སྣ་བདུན་གྱི་ཡ་གྱལ་ཞིག |
| དམག་དར |
དམག་དཔུང་རང་གི་རྟགས་མཚོན་བྱེད་ཀྱི་དར་ཆའི་མིང་། |
| དམག་དུང |
དམག་བརྡ་གཏོང་བྱེད་ཀྱི་དུང་ཞིག་གི་མིང་། |
| དམག་དོད་ལག་འཛིན |
དགའ་ལྡན་ཕོ་བྲང་སྲིད་གཞུང་གི་དམག་སྤྱི་ཁང་ངམ། དམག་སྒར་ཁག་གི་འགོ་བྱེད་ལ་དམག་མི་གཏོང་མི་དགོས་པ་ཞུས་ཏེ་དམག་མིའི་ཚབ་ཏུ་དངུལ་སྤྲད་པར་དངུལ་དེ་བྱུང་ཞེས་བཏང་བའི་ལག་འཛིན་ལ་ཟེར། |
| དམག་དོན |
དམག་དཔུང་ངམ་དམག་འཁྲུག་དང་འབྲེལ་བ་ཡོད་པའི་བྱ་གཞག་གི་དོན་ཏེ། (དཔེར་ན།) དམག་དོན་མནའ་མཐུན་ཞེས་པ་ལྟ་བུ། |
| དམག་ནང་མ |
བློ་གཏད་ཐུབ་པའི་དམག་དཔུང༌། |
| དམག་ཕྱགས |
དམག་ཁྲལ། |
| དམག་བཀུར་ཁྱིམ་སྐྱོང |
དམངས་ཀྱིས་དམག་ལ་བཀུར་བ་དང་དམག་གིས་དམངས་ལ་བརྩེ་བའི་དོན། |
| དམག་བདག |
དམག་མི་གླས་ནས་གཏོང་མཁན་དོ་བདག |
| དམག་བརྡ |
1.དམག་འཐབ་སྐབས་བརྡ་གཏོང་བྱེད་སྤྱིའི་མིང༌།2.དམག་མི་འབོད་པའི་བརྡ། |
| དམག་བསྐུལ |
དམག་འགྲོ་བསྡུ་བསྐུལ། |
| དམག་མི |
འཐབ་འཛིང་པའམ་འཐབ་མོ་པ། |
| དམག་ཚོགས |
དམག་དཔུང་ཁག་མང་ཚོགས་པ། |
| དམག་ཞྭ |
དམག་མིའི་ཞྭ་མོ། |
| དམག་ཟོར |
སྔ་དུས་དམག་བཟློག་གི་མཐུ་གཏོར། |
| དམག་ཟློག་པ |
ཕ་རོལ་གྱི་དམག་ཕྱིར་སྐྲོད་པ། |
| དམག་འཁྲི |
1.དགའ་ལྡན་ཕོ་བྲང་སྲིད་གཞུང་སྐབས་དམག་ཁྲལ་འཇལ་དགོས་མཁན་ཁྲལ་པ།2.དམག་མིར་འགྲོ་དགོས་པའི་འཁྲི་ཆ་སྟེ་འོས་འགན། |
| དམག་འཁྲུག |
མི་རིགས་དང་མི་རིགས་ཀྱི་བར་རམ། རྒྱལ་ཁབ་དང་རྒྱལ་ཁབ་ཀྱི་བར། གྲལ་རིམ་དང་གྲལ་རིམ་གྱི་བར། ཆབ་སྲིད་ཀྱི་ཚོགས་པ་དང་ཆབ་སྲིད་ཀྱི་ཚོགས་པའི་བར་བཅས་སུ་དྲག་པོའི་འཐབ་འཛིང་བྱེད་པའི་དོན་ཏེ། (དཔེར་ན།) དགྲ་འགོག་དམག་འཁྲུག དམག་འཁྲུག་རྒྱག་པ། དམག་འཁྲུག་ཏུ་ཞུགས་པ་ཞེས་པ་ལྟ་བུ། མིང་གི་རྣམ་གྲངས་ལ་འཁྲུག་འཛིང་དང༌། འཐབ་རྩོད། གཡུལ་འགྱེད་བཅས་སོ། ། |
| དམག་འཁྲུག་པ |
དམག་ཕན་ཚུན་འཐབ་པ། |
| དམག་འཁྲུག་སློང་མཁན |
དམག་ཟིང་གི་རྒྱུ་རྐྱེན་སློང་མཁན། |
| དམག་འགུགས་པ |
དམག་མི་སྐོང་བ། |
| དམག་འགྱེད་པ |
དམག་འཐབ་པ། |
| དམག་འདྲེན་པ |
དཔུང་སྡེ་འདྲེན་གཏོང་བྱེད་པ། |
| དམག་འཕྲིན |
དམག་གཏམ་གྱི་ལན་ནམ་ཡིག་འཕྲིན། |
| དམག་རིགས |
དམག་དཔུང་ཡན་ལག་ནང་གསེས་ཕྱེ་བའི་དམག་མིའི་རིགས་ཏེ། (དཔེར་ན།) རྐང་དམག་ནང་གི་མེ་སྒྱོགས་དམག་དང༌། ལས་གྲྭའི་དམག་སོགས་ལྟ་བུ། |
| དམག་རུབ་རྒྱག་པ |
དཔུང་སྡེ་མང་པོས་དུས་གཅིག་ཏུ་ཕྱོགས་གཅིག་ལ་ཁ་གཏད་དེ་དམག་རྒྱག་པ། |
| དམག་རོགས |
དམག་མིའི་རོགས་བྱེད་མཁན་དམག |
| དམག་རྐང |
སྔར་དགའ་ལྡན་ཕོ་བྲང་སྲིད་གཞུང་སྐབས་མི་སེར་ཐེམ་དུད་འགའ་ཞིག་གིས་དམིགས་བཀར་ས་ཞིང་ལ་བརྟེན་དམག་མི་རེ་གཉིས་གང་འགྲུབ་གཏོང་དགོས་པའི་ཁྲལ་རྐང༌། དམག་མི་བྱེད་རིང་ལ་མེ་མདའ་དང་མདེའུ་ཕུད། དེ་མིན་བཟའ་གྱོན་སོགས་སོ་སོས་སྒྲུབ་དགོས་ཤིང༌། མེ་མདའ་དང་མདེའུ་བོར་བརླག་བྱུང་ཚེ་སོ་སོས་སྐྱིན་ཚབ་སྒྲིག་དགོས། |
| དམག་རྐང་འཛུགས་པ |
དགའ་ལྡན་ཕོ་བྲང་སྲིད་གཞུང་སྐབས། མི་སེར་ཁྱིམ་དུད་ཀྱི་མི་ནོར་ས་རྟེན་ལ་གཞིགས་པའི་དམག་ཁྲལ་འགེལ་བ། |
| དམག་རྒྱག་པ |
དམག་མིས་འཐབ་འཛིང་བྱེད་པའི་དོན་ཏེ། མིང་གི་རྣམ་གྲངས་ལ་འཁྲུག་པ་དང༌། འཁྲུག་ལོང༌། རྒོལ་བ། རྡེག་གསོད། འཐབ་པ། འཐབ་རྩོད། འཛིང་པ། གཡུལ་འགྱེད་པ། གཡུལ་གཤོམ་པ་བཅས་སོ། ། |
| དམག་རྟ |
རྟ་དམག་གི་བཞོན་པའི་མིང་། (དཔེར་ན།) དམག་རྟ་རྒས་པོ་མེ་མདར་མི་འདྲོག་ཅེས་པ་ལྟ་བུ། |
| དམག་རྟེན |
དམག་རྐང་ས་རྟེན། |
| དམག་ལ་ལྟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། མཚམས་ཀྱི་ཉེ་འཁོར་ལས་འདས་ཏེ་དམག་ལ་ལྟ་ཞིང་མཐོང་བའོ། ། |
| དམག་ལན་འཇལ་བ |
རྒོལ་ལན་སློག་པའི་དོན་ཏེ། (དཔེར་ན།) བཙན་འཛུལ་པར་དམག་ལན་འཇལ་བ་ལྟ་བུ། |
| དམག་ལན་སློག་པ |
དགྲ་བོའི་བཙན་འཛུལ་དམག་འཁྲུག་ཕྱིར་ཟློག་པ། |
| དམག་ལས |
དམག་དོན་དང་དོན་གཅིག |
| དམག་ལྡོག་པ |
དམག་ཕར་ཚུར་ལོག་པའི་དོན་ཏེ། (དཔེར་ན།) དགྲ་སྡེ་ཚར་བཅད་ནས་དམག་ལྡོག་པ་ལྟ་བུ། |
| དམག་ཤེད་ཅན |
དམག་ཤུགས་ལ་བརྟེན་ནས་སྲིད་དབང་འཛིན་མཁན། |
| དམག་ས |
དམག་རྒྱག་སའི་ས་གནས། མིང་གི་རྣམ་གྲངས་ལ་འཁྲུག་པའི་ས་གཞི་དང༌། འཇིགས་རུང་གནས། འཐབ་མོའི་འདུན་ས། གཡུལ་གྱི་ས་གཞི། གཡུལ་ངོ། གཡུལ་ས་བཅས་སོ། ། |
| དམག་སྒར |
དམག་མི་སྡོད་གནས་གུར་རམ་ཁང་པ། |
| དམག་སྒྲིག་པ |
1.དམག་གི་གྲ་སྒྲིག་བྱེད་པ།2.དམག་མི་སྟར་སྒྲིག་པ། |
| དམག་སྟོབས |
དམག་གི་དཔུང་སྟོབས། |
| དམག་སྣེ་མཁན |
དམག་དཔུང་ལ་འགྲོ་ལམ་སྟོན་མཁན། |
| དམག་སྤོ་བ |
དམག་ས་བརྗེ་བ། |
| དམག་སྤྱི |
དམག་དཔུང་གི་སྤྱིའི་འགོ་ཁྲིད་གཙོ་བོའི་མིང་། |
| དམག་སྤྱི་ཁང |
དམག་གི་འགོ་ཁྲིད་ལས་ཁུངས། |
| དམག་སྦྲོན་པ |
དམག་མི་ཚུར་སྐོང་བའམ། འགུགས་པ། |
| དམག་ཧྲག |
དམག་འཇོན་པོའམ་རྒོད་པོའི་དོན་ཏེ། (དཔེར་ན།) དམག་ཧྲག་རྫ་རི་ཉིལ་ཉིལ་འདྲ་ཞེས་པ་ལྟ་བུ། |
| དམངས |
མི་དམངས་ཏེ། དེ་ལ་རྒྱལ་ཁབ་མི་མཐུན་པ་དང་རྒྱལ་ཁབ་གཅིག་གི་ལོ་རྒྱུས་ཀྱི་དུས་སྐབས་མི་མཐུན་པར་ནང་དོན་མི་འདྲ་བ་ཡོད། མདོར་ན་དབང་འཛིན་པའི་མངའ་འོག་གི་མི་རྣམས་ལ་མི་དམངས་ཟེར། |
| དམངས་ཁྲོད |
མི་བྱིངས་ཀྱི་ནང་ངམ། གསེབ་ཀྱི་དོན་ཏེ། (དཔེར་ན།) དམངས་ཁྲོད་ཀྱི་ཞབས་གཞས། དམངས་ཁྲོད་ཀྱི་རིག་རྩལ་ཞེས་པ་ལྟ་བུ། |
| དམངས་གཙོ |
1.མི་དམངས་ལ་རྒྱལ་ཁབ་བདག་གཉེར་བྱེད་པའི་དབང་ཆ་དང་རང་གི་བསམ་འཆར་བཤད་པའི་དབང་ཆ་ཡོད་པའི་དོན། དམངས་གཙོ་ནི་སྟེང་གི་བཀོད་པ་དང་ཆབ་སྲིད་ཀྱི་ཁོངས་གཏོགས་ཤིག་ཡིན། འཇིག་རྟེན་ན་དམངས་གཙོ་བྱེ་བྲག་པའམ་རང་མཚན་པ་ཞིག་ཡོད་པ་མ་གཏོགས། དམངས་གཙོ་སྤྱི་མཚན་པ་ཞིག་དང་། གྲལ་རིམ་ལས་འདས་པའི་དམངས་གཙོ་ཞིག་མེད། དམངས་གཙོ་ནི་དམངས་ཀྱི་བསམ་འདུན་དང་ཁེ་ཕན་གཙིགས་སུ་འཛིན་པའི་ལམ་ལུགས་ཤིག་ཡིན། གཙོ་ཆེ་བ་སྲིད་དོན་དང་རྒྱལ་ཁབ་ཀྱི་ལམ་ལུགས་སུ་སྤྱོད་པ་ཡིན། 2.མང་ཚོགས་མང་ཆེ་བའི་བསམ་འཆར་ལྟར་དོན་ཐག་གཅོད་པའི་བྱ་བ་བྱེད་སྟངས་ཀྱི་མིང་སྤྱོད་སྟངས་དམངས་གཙོ་ཡིན་པ། དམངས་གཙོ་ཡོད་ལ། གཅིག་སྡུད་ཀྱང་ཡོད་ཅེས་པ་ལྟ་བུ། 3.བོད་ཡིག་གི་གནའ་དཔེའི་ནང་དུ་དམངས་ཞེས་པ་ནི་གནའ་བོའི་རྒྱ་གར་གྱི་རིགས་བཞི་རྒྱལ་རིགས་དང་རྗེ་རིགས། དམངས་རིགས། གདོལ་བའི་རིགས་བཅས་ཀྱི་ནང་ཚན་གསུམ་པའི་མིང་། |
| དམངས་གཙོ་གཅིག་སྡུད་ཀྱི་ལམ་ལུགས |
དམངས་གཙོའི་རྨང་གཞིའི་ཐོག་གི་གཅིག་སྡུད་དང༌། གཅིག་སྡུད་སློབ་སྟོན་འོག་གི་དམངས་གཙོ་གཉིས་ཟུང་དུ་སྦྲེལ་བའི་ལམ་ལུགས་ཤིག་ཡིན། དམངས་གཙོ་གཅིག་སྡུད་ཀྱི་ལམ་ལུགས་ནི་མར་ཁེ་སི་ལེ་ཉིན་རིང་ལུགས་ཀྱི་སྲིད་ཏང་དང༌། སྤྱི་ཚོགས་རིང་ལུགས་ཀྱི་རྒྱལ་ཁབ་ལས་ཁུངས་དང་མི་དམངས་ཚོགས་ཁག་གི་རྩ་འཛུགས་ཀྱི་རྩ་དོན་ཞིག་རེད། |
| དམངས་གཙོའི་བཅོས་བསྒྱུར |
བཀས་བཀོད་རྒྱུད་འཛིན་གྱི་ལམ་ལུགས་མེད་པ་བཟོས་ནས་དམངས་གཙོའི་ལམ་ལུགས་འཛུགས་པའི་སྤྱི་ཚོགས་ཀྱི་བཅོས་བསྒྱུར་ཁག་ལ་ཟེར། དེའི་ནང་དུ་ས་ཞིང་གི་ལམ་ལུགས་བཅོས་བསྒྱུར་དང༌། གཉེན་སྒྲིག་གི་ལམ་ལུགས་བཅོས་བསྒྱུར། ཁེ་ལས་བདག་གཉེར་དོ་དམ་དམངས་གཙོ་ཅན་དུ་འགྱུར་བ་བྱེད་རྒྱུ་སོགས། |
| དམངས་གཞས |
ཡུལ་གཞས། |
| དམངས་ཆང |
ཆང་ཞེར་བའམ་དཀྱུས་ཆང༌། |
| དམངས་དཀྱུས |
འགོ་དཔོན་རིགས་ཕུད་པའི་སྤྱི་བྱིངས་ཀྱི་མི་དཀྱུས་མ་རྣམས། |
| དམངས་དོ་ཧ |
དོ་ཧ་གསུམ་གྱི་ཡ་གྱལ་ཞིག |
| དམངས་ཕལ་པ |
མི་དཀྱུས་མ། |
| དམངས་བྱིངས |
དམངས་སྤྱི་བྱིངས། |
| དམངས་མ |
(ཡུལ་སྐད།) དམངས། |
| དམངས་མོ |
བྲན་མོའམ་གཡོག་མོ། |
| དམངས་འུལ |
ཨར་ལས་ཀྱི་ལག་རྩལ་མི་སྣ་མིན་པའི་ལས་མི་འུ་ལག་པ། |
| དམངས་རིགས |
སྔར་རྒྱ་གར་གྱི་མི་རིགས་བཞིའི་ནང་གསེས་ཤིག་མིང་གི་རྣམ་གྲངས་ལ་ཀུན་གཏུམ་དང༌། རྐང་སྐྱེས། ཆོས་སྦུབས། རྗེས་སྐྱེས། འདྲེས་མ། ཕྱིས་སྐྱེས། བྱིན་པ་སྐྱེས། རིགས་ཀྱི་ཐ་མ་བཅས་སོ། ། |
| དམངས་རིགས་མ |
བུད་མེད་དཀྱུས་མ། |
| དམངས་རྩམ |
རྩམ་པ་ཞེར་བའམ། དཀྱུས་རྩམ་སྟེ་སྔར་མངའ་བདག་གིས་བྲན་གཡོག་ལ་སྟེར་བ་ཞིག |
| དམད |
སྨད་ཀྱི་འབྲི་ཚུལ་གཞན། |
| དམན |
1.(རྒྱན་ཚིག) མཆོག་གི་ལྡོག་ཟླ (དཔེར་ན།) མཆོག་དམན། གུར་ཀུམ་མཆོག་དམན་ཞེས་པ་ལྟ་བུ། 2.སྨན་གཞུང་གི་བརྡ་ཞིག་ལ་ཚད་མ་ལོངས་པའི་དོན་ཏེ། (དཔེར་ན།) མཁྲིས་པ་དམན་ལྷག་ལོག་ན་ནད་གཞི་བསྐྱེད་ལྟ་བུ། 3.སྤུས་ཀ་ངན་པ་རྒྱུ་སྤུས་དམན་པ་ཞེས་པ་ལྟ་བུ། |
| དམན་ཆ་བཟུང |
དམའ་ས་བཟུང་བ་སྟེ་ཁེངས་སྐྱུང་གི་རྣམ་འགྱུར། |
| དམན་ཆུང |
བུ་མོ་གཞོན་གཞོན། |
| དམན་པ་ལ་སྦྱོར་བའི་ལེ་ལོ |
སྲོག་གཅོད་པ་ལ་སོགས་པ་མི་དགེ་བའི་ལས་ལ་བརྩོན་པ། |
| དམན་པའི་སྤྱོད་པ་ལྔ |
འདུལ་བ་ལས་བཤད་པའི་ཆད་ལས་ཀྱི་བསླབ་པ་ལེན་པའི་གང་ཟག་གིས་དམན་པའི་སྤྱོད་པ་ལྔ་དང་དུ་ལེན་དགོས་པ་ནངས་པར་དགེ་སློང་རང་བཞིན་དུ་གནས་པ་རྣམས་ལས་སྔ་བར་ལངས་ཏེ་གཙུག་ལག་ཁང་གི་སྒོ་དབྱེ་བ་སོགས་བྱ་བ་དང༌། ཆོས་སྟོན་པའི་དུས་སུ་བསིལ་ཡབ་བྱེད་པ་སོགས་འོས་པའི་ལས་བྱ་བ་དང༌། དགེ་འདུན་འདུ་བའི་དུས་སུ་གཎྜི་བརྡུང་བ་དང་གདན་བཤམས་པ། བདུག་སྤོས་བཞག་པ་སོགས་བྱ་བ་དང༌། དགོང་ཀའི་དུས་སུ་མཐུན་པའི་ཆུས་དགེ་སློང་རྣམས་ཀྱི་རྐང་པ་བཀྲུ་བ་སོགས་བྱ་བ་དང༌། དུས་དང་རྣམ་པ་ཐམས་ཅད་དུ་དགེ་བའི་ཕྱོགས་ལས་མི་གཡེལ་ཞིང་དགེ་འདུན་གྱི་གྲལ་མཐར་འདུག་པ་སོགས་འབད་པར་བྱ་བ་སྟེ་ལྔའོ། ། |
| དམན་པོ |
ཐ་ཤལ་གྱི་དོན་དུ་གོ་བའི་དམན་པ་དང་འདྲ། |
| དམན་མ |
རྙིང་པའམ་ལྷག་རོའི་དོན་ཏེ། (དཔེར་ན།) མེ་ཏོག་དམན་མ། ཁ་ཟས་དམན་མ་ཞེས་པ་ལྟ་བུ། |
| དམན་མོ |
ཐ་ཤལ་གྱི་དོན་དུ་གོ་བའི་དམན་པ་དང་འདྲ། |
| དམན་འགེངས |
(མངོན་བརྗོད།) རྐང་གདུབ། |
| དམན་ལྷག་ལོག |
དམན་ཞེས་སྟོབས་ཆེན་གྱི་ནད་ལ་སྟོབས་ཆུང་གི་བཅོས་བྱེད་པ་ལྟ་བུ་དང༌། ལྷག་ཅེས་ཚ་བ་བཅོས་ནས་ཚ་བ་ཞི་ཡང་ད་དུང་བསིལ་བཅོས་བྱེད་པ་ལྟ་བུ། ལོག་ཅེས་ནད་ཚ་བ་ལ་གྲང་བའི་བཅོས་བྱེད་པ་ལྟ་བུའོ། ། |
| དམན་ཤར |
བུ་མོ་གཞོན་ནུ་སྟེ། སྨན་ཤར་དང་དོན་འདྲ། |
| དམའ |
(རྒྱན་ཚིག)1>ས་དབྱིབས་མར་བབས་པའི་དོན་ཏེ། (དཔེར་ན།) དམའ་རྒྱ་མཚོའི་གཏིང་། ཐང་དམའ་མོ། ས་དམའ་ས། ཤིན་ཏུ་དམའ་བའི་ས་ཆ། ཞེས་པ་སོགས་ལྟ་བུ། རིན་གོང་ཉུང་བའི་དོན་ཏེ། ཚོང་རྫས་སྤུས་ལེགས་ཤིང་གོང་དམའ་བ་ཞེས་པ་ལྟ་བུ། 2>སྐད་ཆུང་བའི་དོན་ཏེ། (དཔེར་ན།) སྐད་དམའ་མོས་སྐད་ཆ་བཤད་ལྟ་བུ། དཔངས་མི་མཐོ་བ་སྟེ། (དཔེར་ན།) རི་དམའ་མོ། ཁང་བ་ཧ་ཅང་དམའ་བ་ཞིག་ཅེས་པ་ལྟ་བུ། 3>རིམ་པ་དམའ་བ་དམའ་རིམ་སློབ་ཆུང་། ལོ་རིམ་དམའ་མོ་ཞེས་པ་ལྟ་བུ། |
| དམའ་པོ |
དམའ་བ་དང་འདྲ། |
| དམའ་མོ |
དམའ་བ་དང་འདྲ། |
| དམའ་འབེབ |
ངན་བརྗོད་བྱས་པའི་དོན་ཏེ། (དཔེར་ན།) གཞན་ལ་དམའ་འབེབ་མ་བྱེད་ལྟ་བུ། |
| དམའ་འབེབས |
གཞན་གྱི་མཚང་དུ་ཕོག་པའི་ཚིག་ངན་བརྗོད་པ་སོགས་བྱ་སྤྱོད་ཀྱིས་མཐོང་ཆུང་དུ་གཏོང་བ། |
| དམའ་འབེབས་བརྙས་བཅོས |
སྐྱོན་འཛུགས་ཁྱད་གསོད་དེ། (དཔེར་ན།) མི་ལ་དམའ་འབེབས་བརྙས་བཅོས་མ་བྱེད་ཅེས་པ་ལྟ་བུ། |
| དམའ་འབྱིན |
ཁྱད་གསོད་ཀྱི་སྒོ་ནས་དམའ་སར་འབེབས་པའི་དོན་ཏེ། (དཔེར་ན།) ནོར་འཁྲུལ་བྱུང་མཁན་གྱི་མི་ལའང་དམའ་འབྱིན་ཁྱད་གསོད་བྱེད་མི་རུང༌ཞེས་པ་ལྟ་བུ། |
| དམའ་ས |
1.ཡུལ་ལྗོངས་སོགས་ཀྱི་དམའ་ས་སྟེ། (དཔེར་ན།) དམའ་ས་ནས་མཐོ་ཚོད་ཐིག ཕྲ་ས་ནས་སྦོམ་ཚོད་ཐིག་ཅེས་པ་ལྟ་བུ། 2.གོ་གནས་སོགས་ཀྱི་དམའ་ས། |
| དམའ་སེམས |
ཞུམ་པའི་སེམས་སམ། ཁེངས་དྲེགས་མེད་པའི་བློ་སྟེ། (དཔེར་ན།) ཤེས་ཡོན་ཡོད་ན་དེ་བས་ཀྱང་དམའ་སེམས་འཛིན་དགོས་ལྟ་བུ། |
| དམའ་སྐྱོབ |
(མངོན་བརྗོད།) རྒྱལ་པོ། |
| དམར |
(རྒྱན་ཚིག) རྩ་བའི་ཁ་དོག་བཞིའི་ནང་གི་དམར་པོ་སྟེ། (དཔེར་ན།) བྱུ་རུ་ལས་ཀྱང་དམར་། རབ་དམར་མེ་ལྕེ། མེ་ཏོག་དམར་བོ། བྱུ་རུ་ལྟར་དུ་དམར་བའི་མདོག། བ་དམར་མོ་ཞེས་པ་ལྟ་བུ། |
| དམར་ཀོ |
མ་མཉེས་པའི་ཀོ་བ། |
| དམར་ཁེ་བ |
སསྔར་ཤ་འཚོང་བའི་ཆེད་དུ་ལུག་སོགས་བཤས་ནས་ཤ་འཚོང་མཁན། |
| དམར་ཁེ་རྒྱག་པ |
གཡག་ལུག་སོགས་བཤས་ནས་ཤ་ཚོང་རྒྱག་པ། |
| དམར་ཁྲ |
གཞི་དམར་པོར་ཚོས་རིས་སྣ་ཚོགས་ཡོད་པའི་དོན་ཏེ། (དཔེར་ན།) རས་དམར་ཁྲ། ཤོག་བུ་དམར་ཁྲ་ཞེས་པ་ལྟ་བུ། |
| དམར་ཁྲིད |
གནད་དོན་རྗེན་པར་ཁྲིད་པའི་དོན་ཏེ། (དཔེར་ན།) སྨན་བཅོས་ལག་ལེན་དམར་ཁྲིད་བྱེད་ཅེས་པ་ལྟ་བུ། |
| དམར་གཏོར |
འབྲི་མོག་བྱུགས་པའི་གཏོར་མ། |
| དམར་གད་ཚྭ་ཁ |
བོད་ཀྱི་ཤན་རྩ་རྫོང་གི་བྱང་རྒྱུད་དུ་ཡོད་པའི་ཚྭ་ཁ་ཞིག |
| དམར་གཙང་བྲག |
བོད་ཀྱི་མཁས་པ་མི་གསུམ་གྱི་བཞུགས་གནས་དང་། བླ་ཆེན་དགོངས་པ་རབ་གསལ་གྱི་སྐུ་གདུང་བཞུགས་སའི་གནས་ཏེ། མདོ་ཁམས་མཚོ་སྔོན་དུ་ཡོད། |
| དམར་གཟོང |
མེར་བསྲེགས་པའི་ལྕགས་དམར་པོ་གཏུབ་བྱེད་ཀྱི་གཟོང༌། |
| དམར་གསུར |
ལྷ་འདྲེ་ལ་འབུལ་རྒྱུའི་གསུར་དུ་ཤ་ཁྲག་བསྲེགས་པ་ཞིག |
| དམར་གསོད |
སྲོག་གཅོད་པའི་དོན་ཏེ། (དཔེར་ན།) བཙན་འཛུལ་མཁན་གྱིས་ཉེས་མེད་མི་དམངས་རྣམས་ལ་དམར་གསོད་འཛེམ་བག་མེད་པར་གཏོང་ལྟ་བུ། |
| དམར་ངོ |
1.མཚལ་མདོག་དམར་པོ།2.ལྟས་ངན་གྱི་མཚོན་རྟགས་ཏེ། (དཔེར་ན།) རྨི་ལམ་དུ་དམར་ངོ་རྨིས་པར་ཆ་འཇོག་རྒྱུ་ཅི་ཡོད། མོ་ལ་དམར་ངོ་བབ་འདུག་ཅེས་པ་ལྟ་བུ། 3.(ཡུལ་སྐད།) ནོར་ཕྱུགས་ལ་ཤི་རྨས་འབྱུང་ལྟས། |
| དམར་ཆ |
1.མདོག་དམར་པོའི་ཆ་ཤས།2.(མངོན་བརྗོད།) ཟླ་བ་མར་ངོ་། |
| དམར་ཆིལ་ལེ་བ |
(རྒྱན་ཚིག) དམར་པོའི་རྣམ་པ་མཚོན་སྟངས་ཤིག (དཔེར་ན།) ཉི་འོད་ཀྱིས་ཁྱབ་པའི་ས་གཞི་དམར་ཆིལ་ལེ་བ། ཁྲོས་པའི་གདོང་མདོག་དམར་ཆིལ་ལེ་བ་ཞེས་པ་ལྟ་བུ། |
| དམར་ཆེམ་མེ་བ |
(རྒྱན་ཚིག) དམར་མདངས་གསལ་ལྷང་ངེ་བའི་དོན་ཏེ། (དཔེར་ན།) མེ་འོད་དམར་ཆེམ་མེ་བ། སྤྲིན་གསེབ་ནས་གློག་འོད་དམར་ཆེམ་མེ་བར་འཁྱུག་པ། ཉི་མའི་དཀྱིལ་འཁོར་དམར་ཆེམ་མེ་བ་ཞེས་པ་ལྟ་བུ། |
| དམར་ཆེམས་སེ་བ |
(རྒྱན་ཚིག) དམར་མདངས་གསལ་ལྷང་ངེ་བ་སྟེ། (དཔེར་ན།) དར་ཆ་དམར་ཆེམས་སེར་བསྒྲེངས་པ། གློག་ཞུ་དམར་ཆེམས་སེ་བ་ཞེས་པ་ལྟ་བུ། |
| དམར་ཐག་ཆོད་དུས |
ཉི་མ་ནུབ་མཚམས་ཀྱི་དུས་ཏེ། (དཔེར་ན།) ཕྱི་དྲོ་ཉི་མ་དམར་ཐག་ཆོད་དུས་ལས་མཚམས་འཇོག་དགོས་ལྟ་བུ། |
| དམར་ཐབ |
ཐབ་གཞོབ་སྟེ་མེ་ཐབ་ཀྱི་ནང་དུ་ཤ་ཁྲག་པགས་སྤུ་སོགས་ཤོར་བའི་མིང༌། |
| དམར་ཐིག |
1.ཁ་དོག་དམར་པོའི་ཐིག་ཚོམ།2.སྣམ་བུ་དམར་ཐིག |
| དམར་ཐོར |
ཐོར་པ་དམར་པོ། |
| དམར་དད |
ཤ་ཁྲག་ལ་དགའ་བ། |
| དམར་དཔེ |
གསོབ་གཟུགས། |
| དམར་དྲི |
ཤ་ཁྲག་གི་དྲི་མ། |
| དམར་ནག |
དམར་པོ་དང་ནག་པོ་བསྲེས་པའི་མདོག་སྟེ། (དཔེར་ན།) མེ་དཔུང་དམར་ནག མི་ཁྲོམ་ཆེན་པོ་དམར་ནག་ཏུ་འཁྱིལ་བ། ཐལ་རླུང་དམར་ནག་ཅེས་པ་ལྟ་བུ། མིང་གི་རྣམ་གྲངས་ལ་མཆིན་དམར་དང་སྨུག་པོའོ། ། |
| དམར་པོ |
(རྒྱན་ཚིག) མཚལ་མདོག་སྟེ། (དཔེར་ན།) ཞོགས་པར་ལུས་རྩལ་སྦྱངས་ནས་གདོང་དཀར་ལ་དམར་བའི་མདངས་ཆགས་པ། ཁོང་ཁྲོ་ལངས་པས་གདོང་དམར་པོ་སྟོན་པ། ངོ་ཚ་ནས་གདོང་དམར་པོ་ཆགས་པ། མེ་ཏོག་དམར་པོ། རས་དམར་པོ་ཞེས་པ་ལྟ་བུ། མིང་གི་རྣམ་གྲངས་ལ་ཁྲག་མདོག་དང༌། མཚལ་ཀ། ལེ་བརྒན་མདོག་བཅས་སོ། ། |
| དམར་པོ་རི |
ལྷ་སའི་རྩེ་ཕོ་བྲང་ཆགས་སའི་པོ་ཏ་ལའི་མིང་རྙིང༌། ཐོ་ཐོ་རི་གཉན་བཙན་གྱི་སྐབས་སུ་འདིར་ཕོ་བྲང་བཏབ་ཅིང༌། སྲོང་བཙན་སྒམ་པོས་རྒྱལ་ས་འདི་རུ་སྤོས། |
| དམར་ཕྱུར་ཕྱུར |
(རྒྱན་ཚིག) མེ་དང་ཁྲག་རྒྱུན་སོགས་ཕྱིར་ཐོན་ཚུལ་ཞིག (དཔེར་ན།) ཐབ་ཀྱི་ནང་ནས་མེ་ལྕེ་དམར་ཕྱུར་ཕྱུར་དུ་ཐོན་པ། ཁྲག་དམར་ཕྱུར་ཕྱུར་དུ་འཛག་པ་ལྟ་བུ། |
| དམར་ཕྱོགས |
ཚེས་བཅུ་དྲུག་ནས་གནམ་སྟོང་བར། མར་ངོ་དང་ཕྱོགས་ཕྱི་མའང་ཟེར། |
| དམར་ཕྲུག |
སྣམ་བུའི་རིགས་དམར་པོ་ཞིག |
| དམར་བ |
དམར་པོ་དང་འདྲ། |
| དམར་བཙོད |
ཤིང་སྨན་བཙོད་ཀྱི་མིང་གཞན། བོད་སྣམ་ལ་རྒྱག་བྱེད་ཀྱི་ཚོས་ཤིག་ཀྱང་རེད། |
| དམར་བཤལ |
གཉན་རིམས་རྒྱུ་མར་བབས་ཏེ་ཁྲག་འདྲེས་པའི་བེ་སྣབས་དམར་པོ་འཁྲུ་བའི་བཤལ་ནད་ཅིག |
| དམར་མཆན |
ཚོན་དམར་གྱིས་བྲིས་པའི་ཡི་གེ་སྟེ། (དཔེར་ན།) ཚིག་འཆལ་ཡིག་ནོར་ལ་དམར་མཆན་དང་བཅས་ཏེ་ཕུལ་ལྟ་བུ། |
| དམར་མཆོད |
སྔ་དུས་སེམས་ཅན་བསད་པའི་ཤ་ཁྲག་གི་མཆོད་པ། |
| དམར་མདངས |
(རྒྱན་ཚིག) ཁ་དོག་དམར་པོའི་འོད་མདངས་ཏེ། (དཔེར་ན།) ངོ་གདོང་དཀར་ལ་དམར་མདངས་ཆགས་པ། གློག་ཞུ་དྭངས་ལ་དམར་མདངས་འཕྲོས་ལྟ་བུ། |
| དམར་མཚུར |
མཚུར་གྱི་བྱེ་བྲག་ཅིག་ཚོས་མདོག་དམར་པོ་རྒྱག་པར་མཁོ་བ་ཞིག |
| དམར་མོ |
དམར་པོ་དང་འདྲ། |
| དམར་མོག |
དམར་ནག་བསྲེས་པའི་ཁ་དོག |
| དམར་ཙ་རེ་བ |
(རྒྱན་ཚིག) ཁྲག་དྲོན་དང༌། ཚོས་དམར་སོགས་ཀྱི་འབབ་རྒྱུན་འཛག་བཞིན་པ་སྟེ། (དཔེར་ན།) འབྲོང་མགོ་ལ་མེ་མདའི་མདེའུ་ཕོག་ནས་ཁྲག་རྒྱུན་དམར་ཙ་རེ་བར་ཐོན་པ། སྣམ་བུར་རྒྱ་ཚོས་བརྒྱབ་ནས་གཅུས་བཙིར་བྱེད་དུས་ཚོས་ཁུ་དམར་ཙ་རེ་བར་འབབ་བཞིན་འདུག་ཅེས་པ་ལྟ་བུ། |
| དམར་ཙག་ལ |
ལ་ཞིག བོད་ཀྱི་མཚོ་སྨད་རྫོང་གི་ཤར་ལྷོའི་རྒྱུད་དུ་ཡོད། |
| དམར་ཙོག་ལ |
ལ་ཞིག བོད་ཀྱི་རྩ་མདའ་རྫོང་གི་ལྷོ་རྒྱུད་ན་ཡོད། |
| དམར་ཟལ |
(རྒྱན་ཚིག) གཞི་དམར་པོར་མདོག་རིས་སྣ་ཚོགས་ཡོད་པའི་དོན་ཏེ། (དཔེར་ན།) བ་ལང་དམར་ཟལ། འབྲི་གཡག་དམར་ཟལ་ཞེས་པ་ལྟ་བུ། |
| དམར་ཟས |
ཤ་རིགས་ཀྱི་ཟས་སྤྱིའི་མིང༌། |
| དམར་འགྱེད |
ཤ་ཁྲག་གི་འགྱེད། |
| དམར་འཇལ |
སྔར་བོད་དུ་ཕྱུགས་རྭ་ཅན་གྱིས་གཞན་གྱི་ནོར་ཕྱུགས་བརྡུངས་བསད་ཀྱི་ཁྲིམས་འཇལ། |
| དམར་འདོན |
1.ངན་སྤྱོད་རྣམས་འཛེམ་ཟོན་མེད་པར་བྱེད་པ།2.འབྲི་མར་ཙག་བཅད་སྟེང་སྐམ་རྩམ་དང་ལུག་ཤའི་ཁུ་བ་སྦྱར་ཏེ་དམར་ཟས་ཀྱི་སྒོ་ནས་རླུང་ནད་ལུས་ལ་ཞེན་པ་ཕྱིར་འདོན་པའི་ཐབས་ཤིག |
| དམར་འཛིང |
ཕན་ཚུན་ཁྲག་འདོན་རེས་བྱས་ནས་འཛིང་བའི་དོན་ཏེ། (དཔེར་ན།) དམར་འཛིང་མཐའ་འཁྱོལ་བ་བྱེད་པ། དགྲ་བོ་དང་གདོང་གཏུགས་ཀྱིས་དམར་འཛིང་བྱེད་ཅེས་པ་ལྟ་བུ། |
| དམར་ཡག་སྟག |
ཁྲོ་གཏུམ་དཔའ་ངར་ཅན་གྱི་སྟག་སྟེ། (དཔེར་ན།) དཔའ་སྙིང་དམར་ཡག་སྟག་དང་འདྲ་ཞེས་པ་ལྟ་བུ། |
| དམར་རུ |
(ཡུལ་སྐད།) ཁ་དོག་དམར་པོ། |
| དམར་རུ་མགོ་ནག |
རྩྭའི་འབྲུ་ཞིག |
| དམར་རེངས |
སྐྱ་རེངས་ཐ་མ་ནམ་ལངས་ཁའི་སྐྱ་མདའ། |
| དམར་རྒྱངས |
(བརྡ་རྙིང་།) དམར་ཆིལ་ཆིལ་ལམ་དམར་ཐིང་ཐིང༌། |
| དམར་རྗེན |
སྒྲིབ་བྱེད་དང་འགེབ་བྱེད་མེད་པའི་དོན་ལ་འཇུག་སྟེ། (དཔེར་ན།) ལུས་དམར་རྗེན། སྐྱོན་དམར་རྗེན་དུ་མཐོང་ལྟ་བུ། |
| དམར་རྫ་སྒང |
ཨ་མདོ་རྨ་ཆུ་ནས་ལྷོར་ཕྱིན་ཏེ་ཤར་ཟླ་ཆུའི་ཤར་ཕྱོགས་ས་ཁུལ་སྟོད་རྒྱུད། དེང་སྐབས་མགར་ཐར་ཡན་ཆད་ཀྱི་སྤྱི་མིང༌། |
| དམར་ལམ་པ |
(རྒྱན་ཚིག) འོད་དམར་པོ་བཀྲ་ལམ་མེ་བ་སྟེ། (དཔེར་ན།) ནམ་མཁར་འོད་དམར་ལམ་པ་ཞིག་མཐོང་བྱུང༌ཞེས་པ་ལྟ་བུ། |
| དམར་ལམ་མེ་བ |
(རྒྱན་ཚིག) འོད་དམར་པོ་ཁྲ་ལམ་མེ་བ་སྟེ། (དཔེར་ན།) ཉི་འོད་དམར་ལམ་མེ་བ། མེ་ལྕེ་དམར་ལམ་མེ་བ་ཞེས་པ་ལྟ་བུ། |
| དམར་ལམ་ལམ |
(རྒྱན་ཚིག) འོད་དམར་པོ་ཁྲ་ལམ་མེ་བ་སྟེ། (དཔེར་ན།) སྒྲོན་མེ་དམར་ལམ་ལམ་འབར་བ། མེ་མདག་དམར་ལམ་ལམ་པ་ཞེས་པ་ལྟ་བུ། |
| དམར་ལྗང |
(རྒྱན་ཚིག) ཚོན་དམར་པོ་དང་ལྗང་གུ་བསྲེས་པའི་མདོག |
| དམར་ལྷང་ངེ་བ |
(རྒྱན་ཚིག) དམར་མདངས་གསལ་ལྷང་ངེ་བ་སྟེ། (དཔེར་ན།) མཚན་མོ་གྲོང་ཁྱེར་གྱི་མཐའ་དཀྱིལ་བར་གསུམ་དུ་གློག་བཞུ་མང་པོ་དམར་ལྷང་ངེ་བར་འབར་བ་ཞེས་པ་ལྟ་བུ། |
| དམར་ལྷབ་ལྷབ |
(རྒྱན་ཚིག) མེ་ལྕེ་སོགས་ཁ་དོག་དམར་པོའི་རིགས་ཅན་འགུལ་ཚུལ་ཞིག་སྟེ། (དཔེར་ན།) ཐབ་མེ་དམར་ལྷབ་ལྷབ་འབར་བ་ལྟ་བུ། |
| དམར་ཤར་ཤར |
(རྒྱན་ཚིག) ཁ་དོག་གམ་ཚོས་མདོག་དམར་སང་སང༌སྟེ། (དཔེར་ན།) ཆི་བི་ཁ་རྣམས་དམར་ཤར་ཤར། ལི་ཡི་ཁ་དོག་སེར་ཤར་ཤར་ཞེས་པ་ལྟ་བུ། |
| དམར་ཤེད |
ཧམ་འདོད་ཀྱི་དོན་ཏེ། (དཔེར་ན།) སྐད་ཆ་དམར་ཤེད་ཚ་པོ། བཙན་རྒྱལ་རིང་ལུགས་ཀྱི་དམར་ཤེད་བཙན་འཛུལ་ལ་སྣ་རྒྱུག་གནད་འཕྲོད་ཅིག་གཞུ་དགོས་ལྟ་བུ། |
| དམར་སེང |
(རྒྱན་ཚིག) དམར་སྐྱ་ལས་དཀར་ཤས་ཆུང་བའི་མདོག་སྟེ། (དཔེར་ན།) གོས་དར་དམར་སེང༌ཞེས་པ་ལྟ་བུ། |
| དམར་སེར |
(རྒྱན་ཚིག) ལི་ཧང་སྟེ་དམར་པོ་དང་སེར་པོ་བསྲེས་པའི་མདོག (དཔེར་ན།) པད་ཁའི་མེ་ཏོག་དམར་སེར། ཆོས་གོས་དམར་སེར། མཚམས་སྤྲིན་དམར་སེར་ཞེས་པ་ལྟ་བུ། མིང་གི་རྣམ་གྲངས་ལ་གིའུ་ཝང་མདོག་དང༌། ངུར་ཁ། སེར་སྨུག གསེར་མདོག་བཅས་སོ། ། |
| དམར་སེར་ཅན |
(མངོན་བརྗོད།) 1>མེ་སྦྲུལ་ལོ། 2>ཉི་མ། |
| དམར་སེར་ཅན་གྱི་གཞི |
འདུལ་བ་གཞི་བཅུ་བདུན་གྱི་ནང་གསེས། མི་སྤྲོ་བ་ནན་ཏུར་གྱི་ཕྱིར་བཅོས་བྱེད་པའི་གཞི་དམར་སེར་ཅན་སོགས་འཐབ་ཀྲོལ་བྱེད་པའི་དགེ་སློང་ལ་སྡིག་པ་ནན་ཏུར་སོགས་བྱས་ཏེ། ཕྱིས་བཅོས་ལ་བཀོད་པས་ཕྱིར་བཅོས་ཀྱི་གཞི་ལ་དམར་སེར་ཅན་གྱི་མིང་གིས་སྨོས་པའོ། ། |
| དམར་སེར་ཚོན |
(མངོན་བརྗོད།) ལི་ཁྲི། |
| དམར་སྐྱ |
1.(རྒྱན་ཚིག) དམར་པོ་དང་དཀར་པོ་འདྲེས་པའི་ཁ་དོག་ཤོག་བུ་དམར་སྐྱ། གོས་ཆེན་དམར་སྐྱ་ལྟ་བུ། 2.(མངོན་བརྗོད།) བོང་དཀར། |
| དམར་སྟོན |
ཤ་ཟས་ཀྱི་དགའ་སྟོན། |
| དམར་སྡོར |
ཐུག་པར་གདབ་རྒྱུའི་སྡོར་ཤ་ཚིལ་གྱི་རིགས། |
| དམར་སྨུག |
(ཡུལ་སྐད།) ཚོས་དམར་པོ་དང་ནག་པོ་བསྲེས་པའི་མདོག |
| དམར་ཧྲང |
(ཡུལ་སྐད།) གོས་མེད་ལུས་རྗེན། |
| དམར་ཧྲེང |
(ཡུལ་སྐད།) གོས་མེད་ལུས་རྗེན། |
| དམས |
ཉམས་པའི་བརྡ་རྙིང་། |
| དམས་ཉམས |
1.ཉམས་གུད།2.འཕངས་སྨད་པའི་རྣམ་འགྱུར། |
| དམས་བྱེད |
(མངོན་བརྗོད།) སྡིག་པ། |
| དམིག |
1.བུ་ག་ཆུང་ཆུང་གི་མིང་། (དཔེར་ན།) ཁབ་དམིག་ཅེས་པ་ལྟ་བུ། 2.ལུས་སྟེང་གི་མེ་བཙའ་དང་གཙག་ཁབ་གདབ་སའི་གསང་མིག་གི་མིང། (དཔེར་ན།) མེ་དམིག གཟེར་དམིག་ཅེས་པ་ལྟ་བུ། |
| དམིག་ཁུང |
ཨི་ཁུང༌། |
| དམིག་གསང |
1.ལུས་ཀྱི་ཁོང་གསེང༌།2.བུག་པའམ་བུ་ག |
| དམིག་གུ |
བུ་གའི་དོན་དུ་གོ་བའི་དམིག་བུ་དང་འདྲ། |
| དམིག་པ |
འབུ་སྐྱ་ལེབ་ཀྱི་དོན་དུ་གོ་བའི་དམིག་བུ་དང་འདྲ། |
| དམིག་བུ |
1.བུ་ག་དང་ཁུང་བུའི་དོན་ཏེ། (དཔེར་ན།) བྲག་ལ་དམིག་བུ་བཏོན་ཞེས་པ་ལྟ་བུ། 2.འབུ་སྐྱ་ལེབ། |
| དམིགས་ཀྱིས་དབྱེ་བ |
ན་ཡིག་གི་ཚིག་ཕྲད་འཇུག་པའི་ནང་དོན་དབྱེ་བ་འབྱེད་སྟངས་ཤིག། (དཔེར་ན།) མདོར་བསྡུས་ན། རྒྱས་པར་བཤད་ན། ཞེས་པ་ལྟ་བུ་ནི་དམིགས་ཀྱིས་དབྱེ་བ་ཡིན། |
| དམིགས་པ |
1.(བྱེད་འབྲེལ་ལས་ཚིག) ལྟ་བ་དང་བརྟག་པའི་དོན་ཏེ། (དཔེར་ན།) ནད་ལ་དམིགས་ནས་སྨན་བསྟེན། རྩྭ་ཆུ་ལ་དམིགས་ནས་མཚེར་སྤོར། ཤེས་པས་ཡུལ་དམིགས། དམིགས་བྱ་དམིགས་བྱེད་ཅེས་པ་ལྟ་བུ།2.(བྱེད་མེད་ལས་ཚིག) མཐོང་བ་དང༌། འཐོབ་པའི་དོན་ཏེ། (དཔེར་ན།) ལས་དོན་དངོས་སུ་ལག་ལེན་བསྟར་བའི་དགེ་མཚན་དམིགས་པ། འོད་ཟེར་སྟོང་ལྡན་གྱི་མདུན་ལམ་དམིགས་པ། ནང་གི་བསམ་བློའི་དྲན་རྟོག་དམིགས་སུ་མེད་ཀྱང་ཕྱིའི་བྱ་སྤྱོད་ལ་བལྟས་ན་ཤེས་ཐུབ་ཅེས་པ་ལྟ་བུ། 3.བསམ་ཡུལ་དང༌གནད་དམ་མྱོང་བའི་རྣམ་པའི་དོན་ཏེ། (དཔེར་ན།) མིག་གཉིས་དམིགས་པར་གཏོད་པ། སེམས་དམིགས་པ་ལས་གཞན་དུ་མི་གཡེང་བ་ལྟ་བུ།4.ལོགས་དང་ཟུར་གྱི་དོན་ཏེ། (དཔེར་ན།) དོན་གནད་འདིའི་སྐོར་གྲོས་བསྡུར་བྱེད་རྒྱུར་དམིགས་སུ་བསལ་བ། ངལ་བསོའི་གུང་སེང་དམིགས་ཀྱིས་བཀར་བ། ནང་ལོགས་ཀྱི་གནས་ཚུལ་སྦ་གསང་མེད་པར་དམིགས་ཀྱིས་བསྟན་པ་ཞེས་པ་ལྟ་བུ། |
| དམིགས་པ་གནད་ཀྱི་དར་ཡ་ཀན |
སྔོ་ཞིག |
| དམིགས་པ་དག་པ |
དག་པ་བཞིའི་ནང་གསེས། དམིགས་པའི་ཡུལ་གང་འདོད་དུ་བསྒྱུར་བ་ལ་མངའ་དབང་བརྙེས་པའོ། ། |
| དམིགས་པ་བཞི |
ཞི་གནས་ཀྱི་དམིགས་ཡུལ་དུ་གྱུར་པའི་ཆོས་བཞི་ཁྱབ་པའི་དམིགས་པ་དང༌། སྤྱད་པ་རྣམ་སྦྱོང་གི་དམིགས་པ། མཁས་པའི་དམིགས་པ། ཉོན་མོངས་རྣམ་སྦྱོང་གི་དམིགས་པ་བཅས་བཞི། |
| དམིགས་པ་བརྟག་པ |
སློབ་དཔོན་ཕྱོགས་གླང་གིས་མཛད་པའི་ཚད་མ་རིག་པའི་གཞུང་ཞིག |
| དམིགས་པ་བརྟག་པའི་འགྲེལ་པ |
སློབ་དཔོན་ཕྱོགས་གླང་གིས་མཛད་པའི་ཚད་མ་རིག་པའི་གཞུང་ཞིག་གི་འགྲེལ་པ། |
| དམིགས་པ་བརྟག་པའི་འགྲེལ་བཤད |
རྒྱ་གར་གྱི་སློབ་དཔོན་འདུལ་བ་ལྷས་བརྩམས་པའི་ཚད་མ་རིག་པའི་བཤད་པ་ཞིག |
| དམིགས་པ་ཡུལ་གྱི་ཁམས་དྲུག |
ཁམས་བཅོ་བརྒྱད་ཀྱི་ནང་ཚན་ཞིག་གཟུགས། སྒྲ། དྲི། རོ། རེག་བྱ། ཆོས་ཏེ་དྲུག |
| དམིགས་པ་ལ་ཐོགས་པ |
སེམས་སེམས་བྱུང་གིས་ཆོས་གཅིག་ལ་དམིགས་པ་ན་དེ་ལ་ཐོགས་ནས་ཆོས་གཞན་དམིགས་པ་ལ་གེགས་བྱེད་པ་ལྟ་བུའོ། ། |
| དམིགས་པའི་ཁམས |
ཕྱིའི་ཁམས་སོ། |
| དམིགས་པའི་འབྲས་བུ་སྐྱེ་བའི་ས |
སྔགས་རྙིང་མའི་གཞུང་དུ། རྣལ་འབྱོར་བཞི་བའི་སྐབས་སུ་ཐོབ་པའི་ས་བདུན་པ་སྒོམ་ལམ་དུ་སློབ་པའི་ཟུང་འཇུག་གི་དོན་དེ་ལ་དམིགས་ཤིང་གོམས་པས་འབྲས་བུ་མི་སློབ་པའི་ཟུང་འཇུག་གི་སྐུ་འགྲུབ་པས། ས་བདུན་ཨ་དམིགས་པའི་འབྲས་བུ་སྐྱེ་བའི་ས་ཞེས་བྱའོ། ། |
| དམིགས་བཀར |
ངེས་བཟུང་གིས་ལོགས་སུ་བཏོན་པའི་དོན་ཏེ། (དཔེར་ན།) ནང་དོན་བྱེ་བྲག་པ་རྣམས་ཀྱི་ཐད་ལ་དམིགས་བཀར་གྱིས་གསལ་བཤད་བྱས་པ། རྒད་པོ་དང་ནད་པ་རྣམས་ལ་དམིགས་བཀར་གྱིས་གཟིགས་སྐྱོང་གནང་ཞེས་པ་ལྟ་བུ། |
| དམིགས་བསལ |
1.བྱེ་བྲག་ཏུ་དགར་བའི་བྱ་དངོས་ཀྱི་མིང་སྟེ། (དཔེར་ན།) སུ་ལའང་དམིགས་བསལ་མེད་པར་རྩ་ཁྲིམས་བསྲུང་དགོས་ལྟ་བུ། 2.ཕན་བདེ་ཁྱད་པར་བའི་མིང་སྟེ། (དཔེར་ན།) དམིགས་བསལ་གྱི་དབང་ཆ། སྦྲུམ་མ་ཚོར་དམིགས་བསལ་གཏོང་དགོས་ལྟ་བུ། 3.དམིག་གི་འབྲི་ཚུལ་གཞན། |
| དམིགས་བསལ་གོང་ཕུད |
མང་པོའི་ནང་ནས་བཀར་ཏེ་གོང་དུ་བཀུར་བ་སྟེ། (དཔེར་ན།) མིགས་བསལ་གྱི་བྱས་རྗེས་འཇོག་མཁན་རྣམས་ལ་དམིགས་བསལ་གོང་ཕུད་ཀྱིས་བྱ་དགའ་གཟེངས་བསྟོད་གནང་དགོས་ལྟ་བུ། |
| དམིགས་བུ |
ལོང་འཁྲིད་པའམ་ལམ་འཁྲིད་པའི་དོན་ཏེ། (དཔེར་ན།) དམིགས་བུ་མེད་པའི་དམུས་ལོང་ཐག་རིང་འགྲོ་མི་ཐུབ་ཅེས་པ་ལྟ་བུ། |
| དམིགས་མེད |
སྟོང་ཉིད་དེ། |
| དམིགས་འཛུགས |
1.དམིགས་བཀར་གྱིས་མཛུབ་མོ་འཛུགས་པ་སྟེ། (དཔེར་ན།) མི་ངེས་ཅན་ཞིག་ལ་ལས་དོན་ངེས་ཅན་ཞིག་བྱེད་པར་དམིགས་འཛུགས་བྱས་ཞེས་པ་ལྟ་བུ། 2.བུ་ལོན་ལེན་དུས་བཞག་པའི་གཏའ་མ། |
| དམིགས་ཡུལ |
1.བསམ་བློ་གཏོང་སའི་གནས་ཏེ། (དཔེར་ན།) རྒྱང་རིང་གི་དམིགས་ཡུལ། ལས་དོན་གྱི་དམིགས་ཡུལ་ཞེས་པ་ལྟ་བུ། 2.བློས་ཆེད་དུ་དམིགས་པ་གཏད་པའམ་བློ་ཁ་ཕྱོགས་པའི་ཡུལ་ཏེ། (དཔེར་ན།) སྒྲ་མི་རྟག་པའི་དམིགས་ཡུལ་ནི་སྒྲ་དང༌། སྙིང་རྗེའི་དམིགས་ཡུལ་ནི་སེམས་ཅན་རྣམས་ཡིན་པ་ལྟ་བུའོ། ། |
| དམིགས་རྐྱེན |
རྐྱེན་བཞིའི་ནང་གསེས། ཤེས་པ་ཡུལ་གྱི་རྣམ་ལྡན་དུ་སྐྱེད་པ་གཟུགས་སྒྲ་ལ་སོགས་པ་ཕྱི་རོལ་གྱི་ཡུལ་ལ་དམིགས་ནས་སྐྱེ་བའོ། ། |
| དམིགས་རྟེན |
1.རེ་བ་བྱེད་སའམ་རྒྱབ་རྟེན།2.དམིགས་ཡུལ་དང་འདྲ་འཕྲལ་གྱི་དམིགས་རྟེན། (དཔེར་ན།) ཕུགས་ཀྱི་དམིགས་རྟེན། འཚོ་བའི་དམིགས་རྟེན་ཞེས་པ་ལྟ་བུ། |
| དམིགས་རྣམ |
ཡུལ་གཟུགས་སོགས་ལ་དམིགས་ནས་ཡུལ་ཅན་སེམས་ལ་མྱོང་བ་ཤར་བའི་རྣམ་པ། |
| དམིགས་སྒོ |
གང་ལ་ཆེད་དུ་དམིགས་པའི་མཐུན་རྐྱེན་རྟེན་ཏེ། (དཔེར་ན།) སྡོད་ཁང་གསར་རྒྱག་གི་དམིགས་སྒོ་ལ་རྡོ་ཤིང་གསོག་པ། དགེ་རྒན་བྱེད་མཁན་གྱི་དམིགས་སྒོར་དགེ་འོས་སློབ་གྲྭ་བཙུགས་པ། ཤོག་བུ་དེ་དག་དཔེ་དེབ་འདིའི་གྲས་པར་འདེབས་རྒྱུའི་དམིགས་སྒོ་རེད་ཅེས་པ་ལྟ་བུ། |
| དམུ |
1.སྔར་བོད་ཀྱི་རུས་དྲུག་ཏུ་གྲགས་པའི་ཡ་གྱལ་ཞིག་སྟེ་རྨུ་ཡང་སྣང༌།2.གདོན་རིགས་ཤིག2.(བརྡ་རྙིང་།) རྩུབ་པོ་དང༌། མ་རུངས་པ། |
| དམུ་ཆུ |
ནད་བདག་གི་མིང་ནད་ལ་བཏགས་པ་ཞིག་དམུ་ཞེས་ལྷ་སྲིན་སྡེ་བརྒྱད་ཀྱི་ནང་ཚན་གདུག་པ་ཅན་ཞིག་གི་མིང་ཡིན་པས་དེས་བཏང་བར་གྲགས་པའི་ལུས་ལ་ཆུ་བསགས་པའི་ནད་ཅིག |
| དམུ་ཆུ་བྱེར་ཆུ |
ཆུ་རིགས་ཤིག་ཁ་ཟས་མ་ཞུ་བ་དྭངས་མའི་རྒྱུ་ལམ་དུ་ཤོར་ནས་རྩ་ལ་བྱེར་བའི་ཆུ་ནད་ཅིག |
| དམུ་ཆུ་ཟགས་ཆུ |
ཆུ་རིགས་བཅོ་ལྔའི་ནང་ཚན་ཟས་མ་ཞུ་བ་དྭངས་མའི་རྩ་མིག་ཏུ་ཤོར་ཏེ་བེ་སྣབས་ཀྱིས་དྭངས་མའི་རྒྱུ་ལམ་བཀག་ནས་དོན་སྣོད་རང་རང་གི་གནས་སུ་ཆུ་ཟགས་པར་གྱུར་པའི་དོན། |
| དམུ་ཆུ་འཁྱིམས་ཆུ |
ཆུ་རིགས་ཤིག་ཐུར་སེལ་རླུང་གིས་ལོག་པའི་ལས་བྱས་དེ་དྲི་ཆུའི་རྒྱུ་ལམ་བཀག་ནས་དྲི་ཆུ་དྭངས་མའི་རྒྱུ་ལམ་ལ་ཤོར་ནས་རྩ་ཁ་ལོག་པའི་དོན། |
| དམུ་དགེ་དགོན་ཆེན |
མདོ་ཁམས་་ཟུང་ཆུ་ཡུལ་གྱི་དགོན་པ་ཞིག་རྗེ་ཙོང་ཁ་པའི་སློབ་མ་སྔ་ཚལ་བཞིའི་ཡ་གྱལ་ཚ་ཁོ་ངག་དབང་གྲགས་པས་དགོན་བརྒྱ་རྩ་བརྒྱད་བཏབ་པའི་ནང་གསེས་ཀྱི་དགོན་ཆེན་ཞིག་ཡིན། |
| དམུ་བློ |
བསམ་པ་ནག་པོའམ་མ་རུངས་པའི་སེམས། |
| དམུ་འོར |
དམུ་ཆུ་དང༌། འོར་ནད་གཉིས་ཀྱི་བསྡུས་མིང་ཞིག |
| དམུ་རྒོད |
1.གྱོང་པོ་དང༌། གཏུམ་པོ།2.སྤྲོ་ཐུང་བ་སྟེ། ཆུང་ངུའི་རྐྱེན་གྱིས་ཁྲོ་ཆོག་ཆོག |
| དམུ་རྫིང |
ལུས་སྐྲངས་ཤིང་ཆུ་བསགས་ནས་རྫིང་བུའི་ནང་ཆུས་ཁེངས་པ་ལྟར་གྱུར་པའི་ཆུ་ནད་ཅིག |
| དམུན |
(རྒྱན་ཚིག) རིག་པ་གསལ་བོ་མ་ཡིན་པའི་དོན་ཏེ། (དཔེར་ན།) མི་དམུན་པོ་ཞེས་པ་ལྟ་བུ། |
| དམུན་པ |
(བརྡ་རྙིང་།) བླུན་པོ། |
| དམུར |
(བྱེད་འབྲེལ་ལས་ཚིག) ཟས་སོགས་བལྡད་པའི་དོན་ཏེ། (དཔེར་ན།) སོ་མེད་ཀྱང་རྙིལ་གྱིས་དམུར། རྒན་པོས་ཆུར་བ་དམུར་ལྟ་བུ། |
| དམུར་བ |
མུར་བའི་འབྲི་ཚུལ་གཞན་ཞིག |
| དམུལ |
(བྱེད་མེད་ལས་ཚིག) འཛུམ་དམུལ་ཏེ། ཅུང་ཟད་བགད་པའི་དོན། (དཔེར་ན།) ཁ་འཛུམ་དམུལ་དམུལ་ཞེས་པ་ལྟ་བུ། |
| དམུས |
ཡི་ཆད་པའམ་སུན་པའི་དོན་ཏེ། (དཔེར་ན།) སེམས་དམུས་བྱུང་ལྟ་བུ། |
| དམུས་པ |
(བྱེད་མེད་ལས་ཚིག) ཡིད་སྐྱོ་བ་དང༌། མཚེར་བ་དང༌། ཡི་ཆད་པ། |
| དམུས་བྱུང |
(བརྡ་རྙིང་།) སྤྲོ་བ་ཤི་བ་དང༌། ཚི་ཆད་པའམ་ཡི་ཆད་པའམ་སུན་པ། |
| དམུས་ལོང |
ཁོག་ཞར་ཏེ་སྐྱེ་དུས་ནས་མིག་ལོང་བའི་མིང་། (དཔེར་ན།) དམུས་ལོང་གིས་དམུས་ལོང་ཁྲིད་ན་གར་སླེབས་འདིར་སླེབས་མི་ཤེས། མིག་སྟོང་ལྡན་པས་མ་བལྟས་ན། དམུས་ལོང་ཉིད་དང་ཁྱད་པར་ཅི་ཞེས་པ་ལྟ་བུ། |
| དམེ |
1.གཉེན་བཤེས་ཀྱི་ནང་ཁུལ་དུ་གསོད་རེས་བྱེད་པའི་བྱ་སྤྱོད་ཀྱི་མིང་། (དཔེར་ན།) ནང་དམེ་ལྟ་བུ།2.བཙོག་པའི་དོན་ཏེ། (དཔེར་ན།) གཙང་དམེ་ལྟ་བུ། |
| དམེ་གྲིབ |
1.བཙོག་གྲིབ།2.སྔ་དུས་ཀྱི་བཤད་སྲོལ་དུ་རིགས་རུས་གཅིག་པའམ། གཉེན་ཕྱོགས་ནང་ཁུལ་ཕན་ཚུན་གསོད་རེས་བྱས་པ་དང་ཕོ་མོ་བསྡེབས་པའི་གྲིབ། |
| དམེ་ཆུ |
འབབ་ཆུ་ཞིག་བོད་ཀྱི་དཔལ་འབར་རྫོང་ཁོངས་སུ་ཡོད། ཆུ་འགོ་དུང་ལའི་བྱང་ངོས་ནས་བྱུང་ཞིང་རྒྱལ་མོ་རྔུལ་ཆུའི་ཡན་ལག་ཅིག་ཡིན། |
| དམེ་བོ |
1.རང་དང་གཉེན་བཤེས་ཀྱི་འབྲེལ་བ་ཡོད་པའི་མི་གསོད་མཁན། 2.མི་བསད་པའི་ཉེས་ཅན། 3(རྒྱན་ཚིག) མི་གཙང་བའམ་སྐྱུག་བྲོ་བའི་དོན་ཏེ། (དཔེར་ན།) ཁྱི་རོ་རུལ་བ་ལྟར་དམེ་བའི་སྤྱོད་ངན་སྤོངས་ལྟ་བུ། |
| དམེ་མོ |
རུས་གཅིག་པ་གསོད་རེས་བྱེད་མཁན་ནམ་གཉེན་སྡོང་མཁན་བུད་མེད། |
| དམེའ |
(བརྡ་རྙིང་།) དམེ་དང་འདྲ། |
| དམོད |
དམོད་མོ་བྱེད་པའི་དོན་ཏེ། (དཔེར་ན།) དམོད་པ་བོར་ལྟ་བུ། |
| དམོད་ངན |
མཐུ་བྱད་གཏད་ངན་པ། |
| དམོད་པ |
1.(བྱེད་འབྲེལ་ལས་ཚིག) 1>ཁ་ངན་སྒྲོག་པ་དང༌། སྨོད་པའི་དོན་ཏེ། (དཔེར་ན།) དོན་མེད་གཞན་ལ་དམོད་པ། བུད་ཀྱིས་དམོད་པ་ནི་ལྟས་ངན་ཡིན་ལྟ་བུ། 2>སྨོན་ལམ་ངན་པ་འདེབས་པ་དང༌། བདེན་པ་བདར་བའི་དོན་ཏེ། (དཔེར་ན།) བདེན་པར་དམོད་པ་གནོད་པ་ཅི་ཞེས་པ་ལྟ་བུ།2.སྨོན་ལོག་དང༌། ངན་སྔགས་ཀྱི་མིང་།3.སྨོད་ཀྱི་འབྲི་ཚུལ་གཞན། |
| དམོད་པ་བཙུགས་པ |
དམོད་པ་འདོར་བ་དང་དོན་གཅིག |
| དམོད་པ་འདོར་བ |
1.གཞན་ལ་གནོད་པའི་སྨོན་ལམ་ངན་པ་འདེབས་པ།2.བདེན་པ་བདར་བ་སྟེ། (དཔེར་ན།) བདེན་ཚིག་བརྗོད་ནས་ལྷ་རྒྱུད་སྐུལ་ཞེས་པ་ལྟ་བུ། |
| དམོད་བོར་བ |
དམོད་པ་འདོར་བ་དང་དོན་གཅིག |
| དམོད་མོ |
མི་གཞན་གྱི་བྱ་བ་བདེ་བླག་ཏུ་མི་འགྲུབ་པར་སྨོན་པའི་ཚིག་གི་མིང་སྟེ། (དཔེར་ན།) དམོད་ཚིག དམོད་མོ་བྱས་ལྟ་བུ། |
| དམོད་ཚིག |
གཞན་གནོད་ཀྱི་སྨོན་ཚིག |
| དམོད་ཟོར |
གཞན་གནོད་ཀྱི་སྨོན་ཚིག་ངན་པའི་མཐུ། |
| དམོད་སྔགས |
གཞན་ལ་གནོད་པའི་དྲག་སྔགས། |
| དམོན |
རྨོ་ཡི་ད་ལྟ་བ་ལ་དམོན་འབྲི་བའང་ཡོད། |
| དམྱལ |
ལེབ་མོར་གླེབས་པའི་བརྡ་རྙིང་། |
| དམྱལ་ཁམས་བཅོ་བརྒྱད |
ཚ་དམྱལ་བརྒྱད་དང༌། གྲང་དམྱལ་བརྒྱད། ཉི་ཚེ་བ། ཉེ་འཁོར་བ་བཅས་དམྱལ་བའི་གནས་བཅོ་བརྒྱད། |
| དམྱལ་གནས |
དམྱལ་ཁམས་བཅོ་བརྒྱད་ཀྱི་གནས། |
| དམྱལ་བ |
ངན་སོང་གསུམ་གྱི་ནང་ཚན་ཞིག (དཔེར་ན།) དམྱལ་བ་མ་མཐོང་ན། སངས་རྒྱས་ཡིད་མི་ཆེས་ཞེས་པ་ལྟ་བུ། མིང་གི་རྣམ་གྲངས་ལ་ངན་འགྲོའི་མཐིལ་དང༌། བདེ་མེད། འདོད་པའི་འབྲས་བྲལ། སྡུག་བསྔལ་གཏེར་བཅས་སོ། ། |
| དམྱལ་བ་བརྒྱད |
གསེག་མ་དང༌། བྱེ་མ། འདམ་ཆུ། དུ་བ། མེ། མུན་པ་ཆེ། ངུ་འབོད་ཆེ། རྡོ་རྗེའི་མེ་ལྕེ་ཞེས་བྱ་བའི་དམྱལ་བ་སྟེ་བརྒྱད། དམྱལ་བ་བརྒྱད་པོ་ས་དཀྱིལ་གྱི་ཕྱེད་འོག་མ་ནས་རླུང་དཀྱིལ་གྱི་ཕྱེད་འོག་མའི་བར་གནས་པར་གསུངས། |
| དམྱལ་བའི་བུམ་པ |
ཁ་ཆུང་ལ་ལྟོ་བ་དཔག་ཚད་ལྔ་བཅུ་སོགས་ཡོད་པའི་ལྕགས་ཀྱི་བུམ་པ་བ་ཚྭའི་ཆུ་ཁོལ་བས་གང་བ་ཞིག |
| དམྱིག |
(བརྡ་རྙིང་།) མིག |
| དམྱུག་དམྱུག |
1.འཚོལ་ཉུལ་གྱི་དོན་ཏེ། (དཔེར་ན།) ལྕགས་ཀྱི་གཏེར་ཁ་གར་ཡོད་དམྱུག་དམྱུག་བྱེད་ཅེས་པ་ལྟ་བུ། 2.ཕྱིར་འདོན་པའི་དོན་ཏེ། (དཔེར་ན།) ཉ་པ་རྣམས་ཀྱིས་ཆུ་ནང་ནས་ཉ་རིགས་དམྱུག་དམྱུག་བྱེད་བཞིན་འདུག་ལྟ་བུ། |
| དམྱུག་པ |
1.(བྱེད་འབྲེལ་ལས་ཚིག) འཇུག་པའི་དོན་ཏེ། (དཔེར་ན།) བཀྲུ་རྒྱུའི་གོས་ཆུ་ནང་དུ་དམྱུག་པ་ལྟ་བུ། 2.འཚོལ་བའི་དོན་ཏེ། (དཔེར་ན།) གཏེར་ཁ་དམྱུག་པ་ལྟ་བུ། 3.ཕྱིར་འདོན་པའི་དོན་ཏེ། (དཔེར་ན།) ཟངས་གཏེར་དམྱུག་པ། ལྕགས་གཏེར་དམྱུག་པ་ལྟ་བུ།4. (བྱེད་མེད་ལས་ཚིག) དམྱུགས་པ། དམྱུག་པ།། འགྲོ་བ་དང༌། འཁྱམ་པའི་དོན་ཏེ། (དཔེར་ན།) ཕྱི་རོལ་ཏུ་དམྱུག་པ། གྲོང་མཐར་དམྱུག་པ་ལྟ་བུ། |
| དམྱུགས |
(བྱེད་འབྲེལ་ལས་ཚིག) དམྱུག་པའི་འདས་པ་དང་སྐུལ་ཚིག། ཆུའི་གཏིང་ནས་དངོས་རྫས་ཡར་བཏོན་པའི་དོན་ཏེ། (དཔེར་ན།) ཆུ་གཏིང་ནས་ཉ་དམྱུགས། ཉ་དམྱུགས་ཤིག་ལྟ་བུ། |
| དར |
1.དར་ཆ་མི་རིགས་དང་རྒྱལ་ཁབ་སོགས་ཀྱི་མཚོན་རྟགས་ཕྱར་དར་ཏེ། (དཔེར་ན།) དར་ཚོན་སྣ་ལྔ། རྒྱལ་དར། མི་ཚང་མས་དར་འཕྱར་དུང་འབུད་བྱེད་ཅེས་པ་ལྟ་བུ།2.གོས་དར་ཏེ། (དཔེར་ན།) མཇལ་དར། སྐྱེལ་དར། ལག་ཏུ་དར་ཐོགས་པ། བཟང་པོ་རྒུད་ན་དར་ལས་འཇམ། ངན་པ་རྒྱགས་ན་ཤིང་ལས་རྩུབ་ཅེས་པ་ལྟ་བུ། 3.ཆབ་རོམ་གྱི་དོན་ཏེ། (དཔེར་ན།) མཚེའུར་དར་ཆགས་འདུག གཙང་པོར་དར་ཁ་འགྲིགས་པ་ལྟ་བུ།3.(བྱེད་མེད་ལས་ཚིག) འཕེལ་རྒྱས་ཀྱི་དོན་ཏེ། (དཔེར་ན།) ཚེ་བསོད་དར་ཞིང་དཔལ་འབྱོར་རྒྱས། རླུང་རྟ་དར་ཞེས་པ་ལྟ་བུ། |
| དར་ཁྱབ |
འཕེལ་ནས་ཁྱབ་པའི་དོན་ཏེ། (དཔེར་ན།) བཤད་ལུགས་དེ་དག་དེང་སྐབས་དར་ཁྱབ་ཧ་ཅང་ཆེ་ཞེས་པ་ལྟ་བུ། |
| དར་ཁྲ |
དར་གོས་ཁྲ་བོ། |
| དར་གུད |
དར་རྒུད་དང་འདྲ། |
| དར་གུད་བཅུ་གཉིས |
དབུགས་ལེན། མངལ་གནས། ལུས་རྫོགས། བཙས་པ། ཁྲུས་བྱེད། གོས་གྱོན། ལས་བྱེད། དར་བ། གུད་པ། ན་བ། ཤི་བ། དུར་ཞུགས་རྣམས་སོ། ། |
| དར་གོས |
དར་དང་གོས་ཆེན། |
| དར་ཅིག |
ཐང་ཅིག་གམ་དུས་ཡུད་ཙམ་ཞིག་སྟེ། (དཔེར་ན།) དར་ཅིག་བསམ་བློ་བཏང་ནས་དྲན་བྱུང༌། དེ་ནས་དར་ཅིག་ནས་དྲན་པ་སླར་སོས་ཞེས་པ་ལྟ་བུ། |
| དར་ཅོག |
དར་ལྕོག་གི་འབྲི་ཚུལ་གཞན། |
| དར་ཆ |
རྒྱལ་དར། དམག་དར། རུ་དར་སོགས་ཏེ། (དཔེར་ན།) དར་ཆ་སྒྲེང་མཁན། རླུང་གིས་དར་ཆ་ལྷབ་ལྷུབ་སྐྱོད་ཅེས་པ་ལྟ་བུ། |
| དར་ཆུ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག་ཨ་མདོ་མགོ་ལོག་དར་ལག་ས་ཆར་ཡོད། |
| དར་ཐོད |
དར་གྱི་ལ་ཐོད། |
| དར་དཀར |
1.གོས་དར་དཀར་པོ།2.ཁ་བཏགས་དཀར་པོ།3.འཁྱགས་པ་དཀར་པོ། |
| དར་དཔྱངས |
1.དར་གྱི་ཅོད་པན།2.དར་སྐུད་ཀྱིས་བཏགས་པའི་ཐག་པ། |
| དར་དིར |
(རྒྱན་ཚིག) མི་གསལ་ཞིང་སྙན་པའི་སྒྲ་སྟེ་སྦྲང་བུའི་སྐད་ལྟ་བུ། |
| དར་དིར་སྒྲོག |
(མངོན་བརྗོད།) སྦྲང་བུ། |
| དར་པང |
1.དར་གྱི་པང་ཁེབས།2.ལྷའི་མདུན་དུ་གཡོགས་པའི་དར། |
| དར་པོ |
དར་ཁྱབ་ཆེ་བའི་དོན་ཏེ། (དཔེར་ན།) བོད་ལ་དམངས་གཞས་དར་པོ་ཡོད་ཅེས་པ་ལྟ་བུ། |
| དར་པོ་ཆེ |
1.དར་ལྕོག་ཆེན་པོའི་དོན་ཏེ། (དཔེར་ན།) དར་པོ་ཆེ་དགུང་སྔོན་མཐོངས་ལ་འཕྱར་ཞེས་པ་ལྟ་བུ། 2.གྲུ་གཟིངས་ཀྱི་རླུང་གཡོར། |
| དར་ཕུང |
དར་ལྕོག་མང་པོ་མཉམ་དུ་བཙུགས་པ། |
| དར་ཕོད |
1.གྱེན་དུ་བསླངས་པ་དང༌། ཐུར་དུ་དཔྱངས་པའི་དར་གྱི་ཕོན་པོ།2.(ཡུལ་སྐད།) རྔོན་པའི་འབག་གི་རྣ་བ་གཡས་གཡོན་དུ་བཏགས་པའི་ཚར་ཕོད། |
| དར་བ |
1.(བྱེད་མེད་ལས་ཚིག) རྒྱས་པའམ་རྒྱ་ཆེར་འཕེལ་བའི་དོན་ཏེ། (དཔེར་ན།) བསྟན་པ་སྔ་དར། བསྟན་པ་ཕྱི་དར། དཔལ་འབྱོར་ཤིན་ཏུ་དར་བ། མི་རབས་ནས་མི་རབས་བར་དར་རྒྱུར་ཐག་ཆོད། བོད་ཀྱི་ཡིག་སྲོལ་དར་བ་ནས་ད་བར་ལོ་ཆིག་སྟོང་སུམ་བརྒྱ་ལྷག་ཙམ་སོང་ཡོད་ཅེས་པ་ལྟ་བུ། 2. ད་ར་སྟེ། འོ་མའི་ནང་གི་མར་བཏོན་རྗེས་ལྷག་པའི་གཤེར་ཁུའི་མིང་། ཚིག་བསྡུས་ན་དར་ཞེས་འབྲི་ཆོག་སྟེ། (དཔེར་ན།) དར་བས་བརྫིས་པའི་རྩམ་པ་ལ་དར་རྩམ་ཟེར་བ་ལྟ་བུ། |
| དར་བཏགས་པ |
1.ཁ་བཏགས་འདོགས་པ།2.གོས་ཆེན་ཐགས་བཏགས་པ། |
| དར་བབ |
དར་ལ་བབ་པ་སྟེ་ན་ཚོད་དར་མར་སླེབས་པ། |
| དར་བབ་མ |
བུད་མེད་དར་མ། |
| དར་བབས |
1.ལང་ཚོ་དར་ལ་བབས་པ་ཞེས་པའི་ཚིག་བསྡུས་པ་སྟེ། (དཔེར་ན།) མི་དར་བབས་ཞེས་པ་ལྟ་བུ། 2.ཤ་ཤེད་རྒྱས་པའི་དོན་ཏེ། (དཔེར་ན།) ལུས་ཕུང་དར། ལུས་ཕུང་དར་བའི་མི་ཞེས་པ་ལྟ་བུ། |
| དར་བསླས |
དར་སྐུད་བསླས་མའི་རིགས། |
| དར་བུ |
(ཡུལ་སྐད།) རས་སྔོན་སྲབ་མོ། |
| དར་བུབས |
དར་གོས་ཡུག |
| དར་མ |
1.ན་ཚོད་དར་ལ་བབ་པ་སྟེ་འདོད་ཡོན་ལ་སྤྱོད་རུང་བའི་དུས། མིང་གི་རྣམ་གྲངས་ལ་གཞོན་ནུ་དང༌། ལང་ཚོ་ཅན། ཤར་པ་བཅས་སོ།2.ས་མིང་ཞིག་བོད་ཀྱི་མཚོ་སྨད་རྫོང་གི་ལྷོ་རྒྱུད་དུ་ཡོད། |
| དར་མ་གླག |
བྱ་གླག་གི་མིང༌། |
| དར་མ་ཏ་མ |
(ལེགས་སྦྱར།) ཆོས་ཉིད་འཛིན། |
| དར་མ་དབང་ཕྱུག |
འཕན་ཡུལ་མདར་སྐུ་འཁྲུངས་ཤིང༌། རྗེ་སྒམ་པོ་བའི་སློབ་མར་གྱུར་ཏེ་འབའ་རོམ་བཀའ་བརྒྱུད་ཀྱི་སྲོལ་འབྱེད་ཡིན། |
| དར་མདོ |
དར་རྩེ་མདོའི་བསྡུས་མིང༌། |
| དར་མོ་སྨན་རམས་པ་བློ་བཟང་ཆོས་གྲགས |
རབ་བྱུང་བཅུ་གཅིག་པའི་ནང་སྐུ་འཁྲུངས། རྒྱལ་དབང་ལྔ་པ་ངག་དབང་བློ་བཟང་རྒྱ་མཚོའི་བླ་སྨན་པ་མཛད། རྩེ་ཕོ་བྲང་དམར་པོའི་ལྷ་དབང་ལྕོག་གམ་ཤར་ཆེན་ལྕོག་ཏུ་གསོ་རིག་གི་སློབ་གྲྭ་གཉེར་ཏེ་དཔལ་ལྡན་རྒྱུད་བཞིའི་དགོངས་དོན་འཆང་རྩོད་རྩོམ་གསུམ་གནང༌། གསུང་རྩོམ་ཡང་གངས་རིའི་ཁྲོད་ཀྱི་སྨན་གྱི་མན་ངག་རྣམས་གཅིག་ཏུ་བསྡུས་པར་གྲགས་པའི་བཀའ་རྒྱ་མ་དང༌། གཡུ་ཐོག་གསར་རྙིང་གི་རྣམ་ཐར་སོགས་ཤིན་ཏུ་མང༌། |
| དར་ཙམ |
(བསྣན་ཚིག) དུས་ཐུང་ངུའི་དོན་ཏེ། (དཔེར་ན།) དར་ཙམ་སོང་ནས་ངལ་གསོ་བྱས་ལྟ་བུ། |
| དར་ཚགས |
དར་སྐུད་ལས་བཟོས་པའི་ཚགས་མ། |
| དར་ཚུར |
ཚུར་གྱི་རིགས་ཤིག མདོག་དཀར་ལ་རོ་བསྐ་བ། ཀོ་པགས་ལས་སྣོན་བྱེད་པ་དང་། ཤོག་གུ་བཟོ་བ་སོགས་ལ་མཁོ་བའི་རྫས་ཤིག་ཡིན། འདི་ལ་དར་མཚུར་ཞེས་འབྲི་བ་ཡང་ཡོད། ཡུལ་སྐད་དུ་ཚུར་དཀར་ཟེར། |
| དར་ཞོ |
མར་བཏོན་ཟིན་པའི་འོ་མ་བསྙལ་བའི་ཞོ། |
| དར་ཟབ |
སྲིན་བལ་གྱིས་བཏགས་པའི་ཐགས་དངོས་རིགས་ཤིག་གི་མིང་། |
| དར་ཟམ |
མི་ཕྱུགས་སོགས་ཕར་ཚུར་འགྲོ་ཐུབ་པའི་འཁྱག་ཟམ། |
| དར་འཕན |
དར་གོས་ལས་བཟོས་པའི་ཀ་བའི་རྒྱན་ཆ། |
| དར་འཕྲུ |
རྨོག་གི་རྩེ་མོར་བཏགས་པའི་དར་ཚོན། |
| དར་འབུ |
དར་སྐུད་འབྱུང་སའི་འབུ། |
| དར་འབོག |
སྔར་བོད་གཞུང་གི་དཔོན་རིགས་ཆེ་བའི་སྔོན་འགྲོ་མགྲོན་གཉེར་གྱིས་ལག་ཏུ་འཁྱེར་རྒྱུའི་གོས་ཆེན་གྱི་འབོག་ཧྲིལ་རིང་པོ་ཞིག |
| དར་ཡ་ཀན |
1.བདུད་རྩི།2.ཐེང་ཆོག་དམིགས་པ་གནད་ཀྱི་དར་ཡ་ཀན་དང༌། བབ་པ་སྐབས་ཀྱི་དར་ཡ་ཀན་དང་གཉིས་མཆིས་པས་སྔ་མ་ནི་སྔོ་ཁང་ཕུག་པ་དང༌། ཕྱི་མ་ནི་ཚེར་སྔོན་ལ་སོགས་པའི་རིགས་ཉེར་ལྔའི་སྤྱི་མིང༌། |
| དར་ཡུག |
དར་གོས་བུབས་ཚང༌། |
| དར་ཡོལ |
ལོ་ལྔ་བཅུའི་ཡན་དང་དྲུག་ཅུའི་མན། |
| དར་རས |
1.དར་དང་རས།2.དར་ལྕོག་གི་རས། |
| དར་རི་མོ་ཅན |
དར་གོས་རི་མོ་སྣ་ཚོགས་ཡོད་པ། |
| དར་རྒན |
(སོག་སྐད།) དམངས་ཀྱི་གཞུང་ལ་བྱས་རྗེས་བཞག་ནས་ཐོབ་པའི་གོ་ས་ཞིག |
| དར་རྒན་བྱིན |
(སོག་སྐད།) དབང་ཆ་ཆེན་པོ། |
| དར་རྒུད |
དར་བ་དང་རྒུད་པའི་དོན་ཏེ། (དཔེར་ན།) རྒྱལ་ཁབ་ཀྱི་སྟོབས་ཤུགས་དར་རྒུད། ཚོང་ལས་དར་རྒུད་ཅེས་པ་ལྟ་བུ། |
| དར་རྒྱས |
ཡར་རྒྱས་སམ་གོང་འཕེལ་གྱི་དོན་ཏེ། (དཔེར་ན།) འཚོ་བ་དར་རྒྱས་བྱུང་བ། ཉིན་རེ་བཞིན་དར་རྒྱས་གོང་འཕེལ་དུ་འགྲོ་བ། དཔལ་འབྱོར་དར་རྒྱས་ཕུན་སུམ་ཚོགས་པ་ལྟ་བུ། |
| དར་རྒྱས་ལ |
བོད་ཀྱི་གམ་པ་རྫོང་གི་ལྷོ་རྒྱུད་དུ་ཡོད། |
| དར་རྩ |
ལུས་ཀྱི་འཕར་རྩའི་མིང་གཞན། |
| དར་རྩེ་མདོ |
ཁམས་ཀྱི་ས་ཁུལ་ཞིག ཁམས་དཀར་མཛེས་ཁུལ་གྱི་ཤར་ངོས་དང་རྒྱལ་རོང་རྒྱལ་མོའི་རྔུལ་ཆུའི་ནུབ་འགྲམ་ན་ཡོད། |
| དར་ལ |
རས་སྲབ་མོ། |
| དར་ལ་བབ་པའི་དུས |
དུས་བརྒྱད་ཀྱི་ནང་གསེས་ཤིག་སྟེ་ལོ་སུམ་ཅུ་ནས་ལྔ་བཅུའི་མན་ཆད། |
| དར་ལག |
ཨ་མདོ་མགོ་ལོག་གི་ས་ཆ་ཞིག རྨ་ཆུའི་ལྷོ་འགྲམ་དུ་ཡོད། |
| དར་ལམ |
འཁྱག་པའི་སྟེང་ནས་ཕར་ཚུར་འགྲོ་སའི་ལམ་སྟེ། (དཔེར་ན།) དགུན་དུས་དར་ལམ་ཆགས་ནས་ཆུའི་ཕ་རོལ་ཏུ་ཤར་མར་འགྲོ་ཐུབ་ཅེས་པ་ལྟ་བུ། |
| དར་ལའུ |
(བརྡ་རྙིང་།) དར་སྲབ་མོ། |
| དར་ལིང |
སྲིན་བལ་གྱིས་བཏགས་པའི་དར་གོས་སྲབ་མོའི་མིང་། |
| དར་ལྕེ |
དར་ལྕོག་གི་སྣེ་ལ་བཏགས་པའི་རས་སོགས་ཀྱི་གླེགས་བུ་ཆུང་ངུའི་མིང་། |
| དར་ལྕོག |
ཁྱིམ་ཚང་གི་ཐོག་ཀ་དང༌། ལྷ་རྟེན་ཁག་ལ་འཛུགས་རྒྱུའི་ཤིང་རྩེར་དར་རས་ཚོན་སྣའི་བྱང་བུས་བརྒྱན་པའི་དར་ལྕོག་ཡལ་འདབ་ཕྲ་མོའི་མགོ་ལིང་ཅན། |
| དར་ལྕོག་རླུང་བསྐྱོད |
བསམ་བློ་བརྟན་པོ་མེད་པ་དང༌། གཞན་གྱིས་ངན་སྐུལ་བྱེད་པའི་དཔེ། |
| དར་ལྡི |
དར་གྱི་ལྡ་ལྡི་བོད་ལོ་གསར་ཚེས་སྐབས་ཁྱིམ་ཆེན་གྱི་ཐོག་སྐོར་དང༌། རི་རྩེ་རི་དཔུང༌། ཆུ་ཀླུང་གི་འགྲམ་ངོགས་སོགས་ལ་འགྲེམས་རྒྱུའི་དར་ལྕོག་ཚོན་སྣ་ཐག་སྐུད་ལ་སྤེལ་ཏེ་བརྒྱན་པའི་དར་ལྡི། |
| དར་ལྡིང |
དར་ལྡི་དང་འདྲ། |
| དར་ཤ |
རྒྱུ་མའི་ནང་གི་ཤ་སྲབ་པོ། |
| དར་ཤམ |
1.དར་ལས་བཟོས་པའི་ཤམ་བུ།2.དར་གྱི་ཤམ་ཐབས་ཏེ། (དཔེར་ན།) རྒྱ་སྐད་དུ་པ་ཅོ་ཟེར་བའི་ལོ་མང་སྐྱེ་བའི་རྩྭ་ལྡུམ་རིགས་ཤིག་ཡིན། ལོ་མ་ཞེང་ཆེ་ཞིང་། ལོ་མའི་ཡུ་བས་རིམ་རྩེག་བྱས་ནས་ཤིང་སྡོང་བཏུམས་ཡོད། ཤིང་འབྲས་ངང་ལག་དང་འདྲ། དར་གོས་ཀྱི་ཤམ་བུའི་ཚིག་བསྡུས་པ། |
| དར་ཤིང |
1.དར་ལྕོག་འདོགས་སའི་ཤིང༌།2.ཤིང་སྨན་གྱི་རིགས་ཏེ། རོ་ཁ། ནུས་པ་བསིལ། སྡོང་པོས་རུས་ཚད་སེལ་བ་དང༌། ཁཎྜས་མོ་ནད་ལ་ཕན།3.དར་ཆ་དང་དར་ལྕོག་སྒྲེང་བྱེད་ཀྱི་ཡོ་བྱད། 4.སྲིན་བལ་སྐྱུག་མཁན་སྲིན་བུ་གསོ་བྱེད་ཀྱི་ཤིང་སྡོང་གི་མིང་། |
| དར་སང |
དར་གོས་ལས་བཟོས་པའི་སང༌། |
| དར་སོ |
དར་སྲོལ་དང༌། ཁྱབ་ཡུལ་གྱི་དོན་ཏེ། (དཔེར་ན།) དར་སོ་ཐག་རིང་དུ་ཁྱབ་པ། ལུང་པ་དེར་བོད་ཀྱི་ཆ་ལུགས་དང༌། སྐད་ལུགས་ཚང་མ་སྔར་ནས་དར་སོ་ཆེན་པོ་འདུག་ཅེས་པ་ལྟ་བུ། |
| དར་སྐུད |
སྟོང་སྐུད། |
| དར་སྨན |
ས་མཚུར་དཀར་ནག |
| དར་སྲི |
མི་དར་མ་ཤི་བའི་སྲི། |
| དར་སྲིན |
དར་སྐུད་འབྱུང་སའི་སྲིན་བུ། |
| དར་སྲོལ |
ཡུལ་ལ་སྔར་ནས་དར་བའི་ལུགས། |
| དར་ཧན |
(སོག་སྐད།) གོ་ས་ཆེ་གྲས་ཤིག |
| དར་ཧྲུག |
1.དར་གོས་ཚལ་བུ།2.དར་ཆ་ཆུང་ངུ། |
| དལ |
1.(རྒྱན་ཚིག) མགྱོགས་པའམ་བྲེལ་བའི་ལྡོག་ཟླ་སྟེ། (དཔེར་ན།) རྟའི་འགྲོས་ལས་བ་ལང་གི་འགྲོས་ཧ་ཅང་དལ། རྨ་ཆུ་ལས་འབྲི་ཆུ་འབབ་པ་ཧ་ཅང་དལ། མཚན་མོ་སོས་དལ་སྐབས་སློབ་སྦྱོང་བྱས། ཁ་དལ་བ་མེད་པར་དྲིལ་བསྒྲགས་བྱས། གཏམ་དལ་བོར་བཤད། རླུང་དལ་བུར་ལྡང་། དལ་མོར་ལམ་དུ་ཕྱིན་ལྟ་བུ།2.(བརྡ་རྙིང་།) དཀྱིལ་འཁོར། |
| དལ་ཁ |
1.རིམས་ནད་དམ། འགོ་བའི་ནད།2.གནོད་པ། |
| དལ་ཁོམ |
བྲེལ་ཟིང་མེད་པའི་དོན་ཏེ། (དཔེར་ན།) ལས་ཀ་ཤིན་ཏུ་བྲེལ་བ་ཆེན་པོ་ཡོད་པས་དལ་ཁོམ་མེད་ཅེས་པ་ལྟ་བུ། |
| དལ་གྱིས |
འགུལ་སྐྱོད་ཀྱི་ཚད་ཞན་པ་སྟེ། (དཔེར་ན།) དལ་གྱིས་སོང་ལྟ་བུ། |
| དལ་ཅིག |
དུས་ཤིན་ཏུ་ཐུང་ངུའམ། ལན་གྲངས་གཅིག་གི་དོན་ཏེ། (དཔེར་ན།) དལ་ཅིག་ང་སྒུགས་དང༌ཞེས་པ་ལྟ་བུ། |
| དལ་དག |
གཟའ་རྣམས་རང་རང་སྐྱེས་སྐར་ནས་བཟུང་རང་འགྲོས་ཀྱིས་སྐར་ཁྱིམ་ལ་ལོངས་སྤྱོད་པའི་སྟེང་ལ་དལ་བའི་རྐང་ལོངས་ཀྱིས་སྣོན་ཕྲི་བྱས་ཟིན་པ། |
| དལ་དལ |
བྲེལ་བ་མེད་པའི་དོན་ཏེ། (དཔེར་ན།) བྲེལ་བ་མ་གནང་དལ་དལ་མཛོད་ཅེས་པ་ལྟ་བུ། |
| དལ་དལ་ཁོམ་ཁོམ |
(རྒྱན་ཚིག) དལ་དལ་ལྷོད་ལྷོད་དང་དོན་གཅིག |
| དལ་དལ་ལྷོད་ལྷོད |
(རྒྱན་ཚིག) བྲེལ་བ་མེད་པའི་དོན་ཏེ། (དཔེར་ན།) དལ་དལ་ལྷོད་ལྷོད་ཀྱི་ངང་ནས་གྲོས་སྡུར་གནང་ལྟ་བུ། |
| དལ་པོ |
དལ་བུ་དང་འདྲ། |
| དལ་བ |
(རྒྱན་ཚིག) 1>དལ་དང་དོན་འདྲ་སྟེ། (དཔེར་ན།) ལུས་དལ་བ་མེད་པར་དམངས་དོན་བསྒྲུབས། ཧ་ཅང་དལ་བའི་དབྱངས་རྟ་ལ་དྲངས་ནས་གླུ་བླངས་ལྟ་བུ། 2>མིའི་ལུས་རྟེན་གྱི་དལ་བ་བརྒྱད་ཀྱི་སྤྱི་མིང་། |
| དལ་བ་ཕུན་སུམ་ཚོགས་པ |
དལ་བ་བརྒྱད་ཚང་བའི་མི་ལུས་རིན་པོ་ཆེ། |
| དལ་བ་བརྒྱད |
དམྱལ་བ་དང༌། ཡི་དྭགས། དུད་འགྲོ། ཀླ་ཀློ། ལྷ་ཚེ་རིང་པོ། ལོག་ལྟ་ཅན། སངས་རྒྱས་མ་བྱོན་པ། ལྐུགས་པ་བཅས་མི་ཁོམ་པའི་གནས་བརྒྱད་དང་བྲལ་བས་ན་དལ་བ་བརྒྱད་དོ། ། |
| དལ་བ་སྟེར |
(མངོན་བརྗོད།) མཚན་མོ། |
| དལ་བའི་ལྷ་ལྡན་མ |
རྒྱུ་སྐར་སྣར་མ། |
| དལ་བར |
གཟའ་རྣམས་རང་རང་སྐྱེས་སྐར་ནས་བཟུང་སྟེ་རང་འགྲོས་ཀྱིས་སྐར་ཁྱིམ་ལ་ལོངས་སྤྱོད་པའི་སྟེང་ལ་དལ་རྐང་གིས་སྣོན་ཕྲི་མ་བྱས་པའི་བར་བ་སྟེ་ཕུང་གསུམ་པ། དྲག་གསུམ་དལ་བར་དང་ཞི་གཉིས་དལ་བར་གཉིས་ཀྱི་ཐད་ལ་ལྟོས། |
| དལ་བར་འགྲོ |
(མངོན་བརྗོད།) སྤེན་པའི་མིང༌། |
| དལ་བརྒྱད |
དལ་བ་བརྒྱད་ཀྱི་བསྡུས་ཚིག |
| དལ་བུ |
ག་ལེ་དང༌བྲེལ་མེད་པ་རིམ་གྱིས་ཞེས་པ་དོན་འདྲ་སྟེ། (དཔེར་ན།) ལམ་དུ་དལ་བུར་འགྲོ། ནད་གཞི་དལ་བུ་དལ་བུ་བྱས་ནས་དྲག་ཡོང༌། ཤིང་ལོ་སྐམ་པོ་དལ་བུས་ཟགས་པ། གསར་སྐྱེས་ནུས་སྟོབས་དལ་གྱིས་འཚར་ལོངས་བྱུང་བ། གྲོས་སྡུར་དལ་གྱིས་བྱེད། དལ་གྱིས་བྱོན་ཅེས་པ་ལྟ་བུ། |
| དལ་མ |
གར་མཁན་གྱི་མིང་གཞན། |
| དལ་མོ |
དལ་བུ་དང་འདྲ། |
| དལ་འགྲོ |
(མངོན་བརྗོད།) 1>རྒྱུག་ཆུ། 2>ངང་པ་དཀར་པོ། 3>གཟའ་སྤེན་པ། 4>རུས་སྦལ། |
| དལ་འགྲོས |
1.གཟའ་ལྔའི་འགྲོ་ལུགས།2.གོམ་པ་སྤོ་སྟངས་ཤིག3.དལ་འགྲོ་དང་འདྲ། |
| དལ་འགྲོས་ལྷོ |
གཟའ་རྣམས་རིམ་པའི་ཕྱི་རྐང་ཐོག་མའི་ས་ནས་ཁ་ལྷོར་ཕྱོགས་ཏེ་དལ་བ་དང་བསྟུན་བཞིན་རྒྱུ་བའོ། ། |
| དལ་འབབ |
1.ཁད་ཀྱིས་འབབ་པ། (དཔེར་ན།) ཆུ་བོ་དལ་གྱིས་འབབ་པ། ཁ་ཆར་དལ་གྱིས་འབབ་པ།2.(མངོན་བརྗོད།) འབབ་ཆུ། |
| དལ་འབབ་མཛོད |
(མངོན་བརྗོད།) རྒྱ་མཚོ། |
| དལ་འབྱོར |
དལ་བ་བརྒྱད་དང་འབྱོར་པ་བཅུའི་བསྡུས་མིང༌། (དཔེར་ན།) དལ་འབྱོར་རྙེད་དཀའ། དལ་འབྱོར་དོན་ཆེན་ཞེས་པ་ལྟ་བུ། |
| དལ་འཛིན |
(མངོན་བརྗོད།) སུམ་ཅུ་རྩ་གསུམ་གྱི་ལྷ་ཡུལ། |
| དལ་འཛིན་རྒྱལ |
(མངོན་བརྗོད།) སྲིན་པོའི་རྒྱལ་པོ། |
| དལ་ཡམས |
ཡམས་ནད་དང་རིམས་ནད་ལྟ་བུ་གཞན་ལ་འགོ་བའི་ནད་ཅིག |
| དལ་རྐང |
གཟའ་རྣམས་རང་རང་སྐྱེས་སྐར་ལས་བརྩམས་ཏེ་རིམ་དང་རིམ་མིན་རྐང་སྔ་ཕྱིས་ནོར་དང་བུ་ལོན་དུ་སྤྱད་པའི་རྐང་ལོངས། དལ་བ་དག་བྱེད་ཀྱི་གཞི་ཡིན་པས་ན་དེ་ལྟར་གྲགས། |
| དལ་རྒྱུ |
1.ག་ལེར་འགྲོ།2.(མངོན་བརྗོད།) རྒྱུག་ཆུ། |
| དལ་རྟེན |
དལ་བརྒྱད་ཚང་བའི་མི་ལུས། |
| དལ་རླུང |
རླུང་འཇམ་པོ། |
| དལ་ལངས་ནད་གཞི |
མངོན་གསལ་ཆེར་མེད་པར་ལངས་པའི་ནད་གཞི། |
| དལ་ཤིག་ཤིག |
དལ་པོའི་རྣམ་པ་སྟེ། (དཔེར་ན།) ལས་བྲེལ་མེད་པར་དལ་ཤིག་ཤིག་གི་ངང་དུ་བསྡད་འདུག་ཅེས་པ་ལྟ་བུ། |
| དལ་སྟེར་བྱེད |
(མངོན་བརྗོད།) མཚན་མོ། |
| དལ་སྤྱོད |
དལ་བའི་སྤྱོད་ལམ་གྱི་དོན་ཏེ། (དཔེར་ན།) དལ་སྤྱོད་ཀྱིས་ནད་གཞི་གསོ་བ་ལྟ་བུ། |
| དལ་སྦྱིན་མ |
(མངོན་བརྗོད།) མཚན་མོ། |
| དས་འཕུལ |
སྔོན་འཇུག་ད་ཡིག་འཇུག་རུང་བའི་ཡི་གེ། |
| དཱ་ཁུ་རལ |
མོང་གོལ་ཧལ་ཧ་སྟེ་ཁལ་ཁའི་ཡུལ། དེང་གི་མོང་གོལ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ས་ཝུའུ་ལན་པ་ཐུའོ་ཡི་གནའ་མིང༌། |
| དཱ་ན་ཤཱི་ལ |
དུས་རབས་བརྒྱད་པར་ཀསྨིར་འཁྲུངས་ཤིང༌། ཁྲི་སྲོང་ལྡེའུ་བཙན་སྐབས་བོད་ལ་གདན་དྲངས་པའི་དྲིན་ཅན་ལོ་པཎ་གསུམ་གྱི་ཡ་གྱལ། |
| དཱི་པཾ་ཀ་ར་ཤྲཱི་ཛྙཱ་ན |
(ལེགས་སྦྱར།) དཔལ་ལྡན་མར་མེ་མཛད་ཡེ་ཤེས་ཏེ་ཨ་ཏི་ཤའི་རབ་བྱུང་གི་མཚན་དངོས། |
| དཱུར་ཝ |
དཱུར་བ་དང་འདྲ། |
| དི་དི་གུ་གུ |
(ཡུལ་སྐད།) བྱ་ཐི་བའི་རིགས་ཤིག |
| དི་རི་རི |
(རྒྱན་ཚིག) སྒྲ་སྐད་མང་པོ་རྒྱུན་མི་འཆད་པར་གྲག་སྟངས་ཏེ། (དཔེར་ན།) ཁྱིམ་མཚེས་ཀྱི་ནང་ནས་ཕྲུ་གུའི་ངུ་སྒྲ་དི་རི་རི་ཐོས་པ། གྲང་ངར་ཆེ་བའི་ལྷགས་པ་དི་རི་རི་བརྒྱབ་ཡོང༌། ས་ཐག་རིང་པོ་ནས་མེ་སྒྱོགས་ཀྱི་སྒྲ་དི་རི་རི་གོ་བྱུང༌། འབྲུག་སྐད་དི་རི་རི་གྲག་པ། མི་མང་པོའི་འུར་སྒྲ་དི་རི་རི་འཁོར་བ་ཞེས་པ་ལྟ་བུ། |
| དིག་གཏམ |
ཁ་དིག་པའི་སྐད་ཆ། |
| དིག་དིག |
(རྒྱན་ཚིག) རྣོ་མེད་ཆགས་སྟངས་ཤིག་སྟེ། (དཔེར་ན།) གྲི་རྒོད་སོ་ཁ་དིག་དིག་ཅེས་པ་ལྟ་བུ། |
| དིག་པ |
(རྒྱན་ཚིག) ངག་ལ་སྐྱོན་ཡོད་པའི་དབང་གིས་སྐད་ཆ་དག་པོ་བཤད་དཀའ་བའི་དོན་ཏེ། (དཔེར་ན།) ངག་ཧ་ཅང་དིག་པ། ལྕེ་ཧ་ཅང་དིག་པ་ཞེས་པ་ལྟ་བུ། |
| དིག་སྐད |
དིག་པའམ་ཚིག་གསལ་པོ་མེད་པའི་སྐད་ཆ། |
| དིག་སྙན |
(མངོན་བརྗོད།) ཕུག་རོན། |
| དིང |
དེང་གི་འབྲི་ཚུལ་གཞན་ཏེ། (དཔེར་ན།) དེང་སང་ལ་དིང་སང་འབྲི་བ་ལྟ་བུ། |
| དིང་ཁྲི་བཙན་པོ |
མུ་ཁྲི་བཙན་པོ་དང་ས་དིང་དིང་གཉིས་ཀྱི་སྲས་ཡིན་ལ། བོད་རྒྱལ་གདུང་རབས་གསུམ་པ་དང༌། གནམ་གྱི་ཁྲི་བདུན་དུ་གྲགས་པའི་གསུམ་པའང་ཡིན། |
| དིང་དིང |
རྔའི་སྒྲ། |
| དིང་འུར |
ཅ་ཅོའམ་ཀུ་ཅོ། |
| དིང་རི |
རྫོང་ཞིག་བོད་དབུས་ཀྱི་ཀྱི་ནུབ་ཕྱོགས་ངོས་སུ་ཡོད། འདིའི་ལྷོ་རྒྱུད་བལ་པོ་དང་ས་འབྲེལ་ཡིན། |
| དིང་རི་གླང་འཁོར་དགོན |
བོད་ཀྱི་དིང་རི་རྫོང་ལ་ཡོད་པའི་དགོན་པ་ཞིག་ཡིན་ཞིང་། རབ་བྱུང་གཉིས་པའི་མེ་གླང་ལོར་ལྷ་བླ་མ་བྱང་ཆུབ་འོད་ཀྱི་ཚ་བོ་རྩེ་སྡེས་ཞི་བྱེད་པའི་སྲོལ་གཏོད་མཁན་ཕ་དམ་པ་སངས་རྒྱས་ཀྱི་བཞུགས་ཡུལ་དུ་བཏབ། |
| དིང་རུ |
བྱའི་གཤོག་པའི་རུས་པ་ལ་ལྷུ་ཚིགས་གསུམ་ཡོད་པའི་བར་མའི་མིང་། (དཔེར་ན།) རྒོད་ཀྱི་དིང་རུའི་གླིང་བུ་ཞེས་པ་ལྟ་བུ། |
| དིང་སང |
དེང་སང་གི་འབྲི་ཚུལ་གཞན། |
| དིམ་ཆུ་རྒྱག་པ |
མགོ་ཆུའི་ནང་དུ་བཅུག་སྟེ་རྐྱལ་རྒྱག་པ། |
| དིམ་པ |
(ཡུལ་སྐད།) ཐིམ་པའམ་ཟུག་པའི་དོན་ཏེ། (དཔེར་ན།) བྱེ་མའི་ནང་དུ་རྐང་པ་མར་མར་དིམ་པ། ཆུ་ནང་དུ་དིམ་པ་ཞེས་པ་ལྟ་བུ། |
| དིར་དིར |
(རྒྱན་ཚིག) སྒྲ་སྐད་ཀྱི་ཁྱད་པར་ཞིག (དཔེར་ན།) སྦྲང་བུ་རྣམས་ལྡིང་སྐོར་གྱིས་སྒྲ་དིར་དིར་སྒྲོག་ཅེས་པ་ལྟ་བུ། |
| དིར་རེ་བ |
ལབ་གླེང་མང་བའི་ཚུལ་ཏེ། (དཔེར་ན།) ལྐོག་ལབ་དིར་རེ་བ་བྱུང༌ཞེས་པ་ལྟ་བུ། |
| དུ |
1.ག་ཚོད་ཀྱི་དོན་ཏེ། (དཔེར་ན།) མི་དུ་ཡོད་པ། འཛིན་གྲྭ་དེར་སློབ་ཕྲུག་དུ་མཆིས་ཞེས་པ་ལྟ་བུ། 2.སུམ་ཅུ་པ་ལས་འབྱུང་བའི་ལ་དོན་ཞིག3.སོལ་དུ་འཁྱུད་གསུམ་གྱི་དུ་ནི་མ་འོངས་པའི་དོན། |
| དུ་ཀཱུ་ལ |
(ལེགས་སྦྱར།) ཕྱི་གསལ་ནང་གསལ་གྱི་ལྷ་གོས། |
| དུ་ཁུག |
དུད་ཁུག་དང་འདྲ། |
| དུ་ཁུང |
དུད་ཁུང་དང་འདྲ། |
| དུ་ཐལ |
ཐ་མག་འཐེན་ཏེ་ལུས་པའི་ཐལ་བ། |
| དུ་དག་གཅིག |
ག་ཚོད་ཡོད་པ། |
| དུ་དུ |
མང་ཉུང་ག་ཚོད་ཀྱི་དོན་ཏེ། (དཔེར་ན།) ཚོགས་འདུ་འཚོག་མཁན་མི་དུ་དུ་འདུག བམ་པོ་སོ་སོར་ལེའུ་དུ་དུ་ཡོད་ཅེས་པ་ལྟ་བུ། |
| དུ་དྲེག |
དུ་བ་ལས་བྱུང་བའི་དྲེག་པ། |
| དུ་ཕོད་ཅན |
དུ་བ་མཇུག་རིང༌། |
| དུ་ཕྱི |
དུས་ཧ་ཅང་མ་འགྱངས་པའི་སྔོན་ཏེ། (དཔེར་ན།) ཁྱོད་དུ་ཕྱི་གང་ལ་སོང་ལྟ་བུ། |
| དུ་བ |
1.དུད་པའི་དོན་ཏེ། (དཔེར་ན།) ཐབ་ཚང་གི་ཐོག་ཁ་ནས་དུ་བ་འཐུལ་ལེ་བ་འཕྱུར་བ། འཕྱི་ཁུང་ནང་ལ་དུ་བ་བཏང་བ། ཤིང་ནགས་ནང་ནས་དུ་བ་འཐུལ་བ་ལ་བརྟེན་ནས་མེ་ཡོད་པར་ཤེས་པ། ཁང་པའི་ནང་ལ་དུ་བ་འཚུབས་པ། མེ་རང་ཤི་དང༌། དུ་བ་རང་ཡལ་ཞེས་པལྟ་བུ། 2.ཐ་མག་གི་དོན་ཏེ། (དཔེར་ན།) དུ་བ་འཐེན་པ་ཞེས་པ་ལྟ་བུ། |
| དུ་བ་གནམ་གཏོང |
ཁྱིམ་བཟུང་སྟེ་མེ་གཏོང་མཁན་ཡོད་ཚད། |
| དུ་བ་གནམ་གཏོང་གི་ཁྲལ |
ལུང་པར་བསྡད་ནས་མེ་གཏོང་དགོས་མཁན་ཡོད་ཚད་ལ་འཁྲི་བའི་ཁྲལ་རིགས། |
| དུ་བ་མཇུག་རིང |
ཀེཏུ་ཞེས་པ་གཟའ་བཅུའི་ནང་ཚན་ཤར་གྱི་དུ་བ་མཇུག་རིང་དུ་གྲགས། སྐྱེས་ཁྱིམ་ཆུ་སྨད། རྟག་པའི་ལོངས་སྤྱོད་ཉི་མ་དང་མཚུངས་ཀྱང༌། འགྲོས་བཞི་རྩོམ་པའི་རྐང་པའི་ཁྱད་ཀྱིས་འཆར་བ་རིམ་པ་མདུན་དང་རིམ་མིན་ལ་ཉི་མའི་རྒྱབ་ཏུ་མཐོང་བར་འགྱུར་ཞིང༌། ཟླ་བ་བརྒྱ་དང་ལྔ་བཅུས་འགྲོས་བཞི་རྫོགས་པ་ཡིན། དེ་ཡང་འགྲོས་བཞི་གང་ལའང༌། ལོ་གསུམ་ལོངས་སྤྱོད་ཉིན་རེ་བཞིན་ཆུ་སྲང་གཉིས་དང་དབུགས་གསུམ་རེས་ཉི་མ་ལས་མདུན་རྒྱབ་ཏུ་ནོར་དང་བུ་ལོན་ཚུལ་དུ་སྤྱོད། ཕྱོགས་གསུམ་བར་དུ་ཉིན་རེ་བཞིན་ཆུ་ཚོད་གཅིག་དང་ཆུ་སྲང་ང་གཉིས་དབུགས་གསུམ་ཉི་མ་ལས་ཚེས་ལྷག་ནོར་དང་བུ་ལོན་སྤྱོད། ཅེས་པ་ལྟར་རོ། ། མིང་གི་རྣམ་གྲངས་ལ་ཀེཏུ་དང༌། སྐག་ལས་སྐྱེས། སྐྲ་གཉིས་པ། མཇུག་ཕོད་ཅན། ཕོད་ཅན། སྦྲུལ་ཅན། གཙུག་ཕུད་ཅན་བཅས་སོ། ། |
| དུ་བ་རལ་བ |
དུད་པའི་དྲེག་པ་སྟེ། (དཔེར་ན།) དུ་བ་རལ་བ་ཕྱགས་ནས་ཕྱི་རོལ་ཏུ་འདོན་ཞེས་པ་ལྟ་བུ། |
| དུ་བདུག |
1.དུ་བ་བདུག་པ།2.(ཡུལ་སྐད།) དུད་པའམ་དུ་བ། |
| དུ་བདུག་སྦུབས་ཅན |
གྲིབ་རླུང་ན་སྐབས་འདིའི་ནང་དུ་རླུང་ཁ་གནོན་བྱེད་རླུང་བདུག་བཏབ་སྟེ་ཁ་དང་སྣ་ཁུང་ལ་དུ་བ་བདུག་བྱེད་ཀྱི་ཡོ་བྱད་བུམ་གཟུགས་སྦུབས་ཅན་ཞིག |
| དུ་བའི་ཁ་དོག |
ཡན་ལག་གི་ཁ་དོག་བརྒྱད་ཀྱི་ནང་གསེས་ཤིག |
| དུ་བའི་ཏོག |
(མངོན་བརྗོད།) མེ། |
| དུ་བའི་སྐྱེ་གནས |
(མངོན་བརྗོད།) 1>སྤྲིན་པ། 2>མེ། |
| དུ་བས་འཆི |
(མངོན་བརྗོད།) སྡིག་པ་རྭ་ཅན། |
| དུ་མ |
1.གཅིག་མིན་མང་པོའི་དོན་ཏེ། (དཔེར་ན།) མཐུན་རྐྱེན་དུ་མ་ཚོགས་པ། མི་ཚང་དུ་མ། དངོས་རིགས་དུ་མ་གཞི་གཅིག་ཏུ་ཚོགས་པ་ལྟ་བུ། 2. ཆོས་གང་ཞིག་རྟོག་པ་ལ་ཐ་དད་དུ་འཆར་བ། |
| དུ་མཆིས |
1.ཇི་ཙམ་ཡོད་ཅེས་པའི་དོན་ཏེ། (དཔེར་ན།) རང་གི་ནུས་ཤུགས་དུ་མཆིས་བཏོན་ནས་གྲོགས་པོར་ཕན་ཐབས་བྱེད་ཅེས་པ་ལྟ་བུ། 2.གྲངས་ཇི་ཙམ་ཡོད་ཀྱི་དྲི་ཚིག་སྟེ། (དཔེར་ན།) ཁྱིམ་ཚང་དེར་མི་མགོ་དུ་མཆིས་ཞེས་པ་ལྟ་བུ། |
| དུ་མདོག |
དུ་བའི་ཁ་མདོག |
| དུ་ཚག |
དུ་རོ་འདོན་སའི་སྣོད། |
| དུ་ཞག |
མཁའ་དབྱིངས་སུ་འཁྲིགས་པའི་དུ་སྨུགས་ཀྱི་མིང་། (དཔེར་ན།) བཟོ་གྲྭའི་མཁའ་དབྱིངས་སུ་དུ་ཞག་འཁྱིལ་ལྟ་བུ། |
| དུ་ཞིག |
ག་ཚོད་ཡོད་ཅེས་པའི་དོན་ཏེ། (དཔེར་ན།) མི་དུ་ཞིག་ཡོད་ཅེས་པ་ལྟ་བུ། |
| དུ་ཡོད |
1.ཅི་ཡོད།2.གྲངས་ཇི་ཙམ་ཡོད་ཀྱི་དྲི་ཚིག |
| དུ་རུ་ཀ |
1.སྤོས་ཀྱི་བྱེ་བྲག་ཅིག2.ཤུག་པ་ཙན་དན་ཟེར་བའི་ཤུག་སྡོང་ཆེན་པོ་དེ་ཡིན་པར་བཤད་སྲོལ་ཡོད། |
| དུ་རུ་ཁ |
ཤུག་པ་ཙན་དན་ཟེར་བའི་ཤུག་སྡོང་ཆེན་པོ་དེ་ཡིན་པར་བཤད་སྲོལ་ཡོད། |
| དུ་རེ་བ |
(རྒྱན་ཚིག) རྒྱུན་ལྡན་གྱི་དོན་ཏེ། (དཔེར་ན།) དྲན་འདུན་དུ་རེ་བ། མི་དམངས་ཀྱི་ཞབས་འདེགས་ཞུ་འདོད་ཀྱི་དྲན་འདུན་དུ་རེ་བ་ཞེས་པ་ལྟ་བུ། |
| དུ་སྤྲིན |
དུ་བ་ལྟ་བུའི་སྤྲིན་པ་སྟེ། (དཔེར་ན།) ལ་ཁར་དུ་སྤྲིན་འཁྲིགས་པས། བརྒལ་འདོད་འགྲོ་ལམ་མི་གསལ་ཞེས་པ་ལྟ་བུ། |
| དུག |
1.སྨན་གྱི་ལྡོག་ཟླ་སྟེ། (དཔེར་ན།) རང་བཞིན་གྱི་དུག འགྱུར་བའི་དུག སྦྱར་བའི་དུག མཐོང་དུག རེག་དུག ཆང་དུག ཤ་དུག ཟས་དུག དུག་འགོག་པ། དུག་ངན། དུག་ཕོག་པ། དུག་བཏབ་པ། རང་སྐྱོན་བཏང་སྙོམས་བཞག་པ་དུག དུག་ཁ་ལ་བཟས་ན་རང་ཉིད་ཕམ་ཞེས་པ་ལྟ་བུ། མིང་གི་རྣམ་གྲངས་ལ་ཀ་ཀོ་ལ་དང༌། འཇོམས་བྱེད་སྟེར། ནག་པོ་བརྩེགས། བེའུའི་ལྟེ་བ། ཚངས་པའི་བུ། རབ་ཏུ་གསལ་བཅས་སོ། །2.དུག་གི་གཟུགས་སུ་བཀོད་པའི་ཉོན་མོངས་ཏེ། (དཔེར་ན།) དུག་བཅོམ་པ་ཞེས་པ་ལྟ་བུ། |
| དུག་གཅོང་གྲང་སྦྱོར |
རིན་པོ་ཆེ་དང་རྡོ་རིགས་ལས་སྦྱོར་བ་བྱས་པའི་དུག་ལ་ཚ་བ་འབྱུང་མི་སྲིད་ཅིང་གྲང་བར་འགྱུར་བས་དེར་དུག་ནད་གྲང་སྦྱོར་ཞེས་ཟེར། |
| དུག་གཅོང་ཚ་སྦྱོར |
ཤ་དང་རྩི་དང་སྔོ་སོགས་ལས་སྦྱོར་བ་བྱས་པའི་དུག་ལ་གྲང་བ་འབྱུང་མི་སྲིད་ཅིང་ཚ་སྦྱོར་གྱི་དུག་ཏུ་འགྱུར་བས་ན། དེར་དུག་ནད་ཚ་སྦྱོར་ཞེས་ཟེར། |
| དུག་གསུམ |
འདོད་ཆགས་དང༌། ཞེ་སྡང༌། གཏི་མུག་བཅས་ཉོན་མོངས་གསུམ། |
| དུག་གི་མཚོན་ཆ |
(མངོན་བརྗོད།) དུག་སྦྲུལ། |
| དུག་གི་མེ་ཏོག |
ག་དུར་རི་དུག་གི་མེ་ཏོག |
| དུག་ཅན་གནས |
(མངོན་བརྗོད།) རྒྱ་མཚོ། |
| དུག་ཐབས |
ནད་དངོས་དུག་ནད་མ་ཡིན་ཀྱང་ནད་རྟགས་དུག་ནད་ལྟར་ཕོ་མཆིན་མི་བདེ་ཞིང་ཟས་མི་འཇུ་བ་དང༌། ལུས་ཀྱི་ཤ་སྐེམ་ཞིང་པགས་མདོག་ནག་པོར་འགྱུར་བའི་ནད་ཅིག |
| དུག་ཐུབ་པ |
དུག་རིགས་འགོག་ཐུབ་པའམ། དུག་གིས་གནོད་པ་བྱེད་མི་ཐུབ་པ། |
| དུག་དབལ |
དུག་གི་ནུས་པ། |
| དུག་ནག |
དུག་ངན་པ། |
| དུག་པ |
1.གོས་ཧྲུལ།2.(བརྡ་རྙིང་།) ངན་པ། |
| དུག་པོ |
(རྒྱན་ཚིག) ལྭ་བ་ཧྲུལ་བོ་སྟེ། (དཔེར་ན།) ལྭ་བ་དུག་པོ། བེར་བ་དུག་པོ་ཞེས་པ་ལྟ་བུ། ཚིག་བསྡུས་ན་དུག་ཅེས་འབྲི་ཆོག་སྟེ། (དཔེར་ན།) བེམ་དུག ལྭ་དུག་ཅེས་པ་ལྟ་བུ། |
| དུག་མདའ |
དུག་བྱུགས་པའི་མདའི་མདེལ་ལྕགས། |
| དུག་མཚོན |
སྦྱར་བ་ལ་སོགས་པའི་དུག་དང༌། མདའ་རྡོ་ལ་སོགས་པའི་མཚོན་ལས་བྱུང་བའི་ནད་གཉིས་ཀྱི་མིང༌། |
| དུག་མེད་བོང་ང་གསུམ |
བོང་ང་དཀར་པོ་དང༌། བོང་ང་དམར་པོ། བོང་ང་སེར་པོ་གསུམ་གྱི་བསྡུས་མིང་ཞིག |
| དུག་མོ་ཉུང |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་མཁྲིས་པའི་ནད་དང༌། ཚ་འཁྲུ་གཅོད་པ་སོགས་ལ་ཕན། མིང་གི་རྣམ་གྲངས་ལ་བཅད་སྐྱེ་དང༌། སྤུ་ཅན། བེའུ་ཅན། རི་ཡི་ཕྲེང་བ། ཤིང་སྐྱ་བཅས་སོ། ། |
| དུག་ཙེ |
གོས་ཧྲུལ་རྙིང་པ། |
| དུག་ཚལ |
གྱོན་ཆས་སོགས་རྙིང་ཧྲུལ་ཚལ་བུ། |
| དུག་ཟན |
(མངོན་བརྗོད།) རྨ་བྱ། |
| དུག་འཇིལ |
དུག་འཇིག་པར་བྱེད་པའམ་སེལ་བར་བྱེད་པ། |
| དུག་འཇོམས |
1.སྨན།2.དུག་མེད་པར་བཟོ་བ་སྟེ། (དཔེར་ན།) ངན་པས་ངན་པ་འདུལ་བ་དང༌། དུག་གིས་དུག་འཇོམས་པ་ཞེས་པ་ལྟ་བུ། |
| དུག་འཕྲོག |
སྦྲུལ་དུག་སེལ་ཐུབ་པའི་སྔོ་སྨན་ཞིག |
| དུག་འཚོ་བྱེད |
(མངོན་བརྗོད།) ཤང་ཤང་ཏེའུ་ཞེས་པའི་བྱ། |
| དུག་འཛིན |
(མངོན་བརྗོད།) སྦྲུལ་དང་ཀླུ། |
| དུག་རབ་འཇོམས |
(མངོན་བརྗོད།) 1>མེ་ཏོག་པད་མ། 2>རྩྭའི་བྱེ་བྲག་ཅིག |
| དུག་རོ |
དུག་གི་ནད་རོ། |
| དུག་རོ་གཏིང་འདོན |
ན་ཚ་ཡོད་ཚད་ཕྱིར་འདོན་པའམ། བྱ་ངན་ཡོད་ཚད་ཕྱིར་ཐེར་འདོན་བྱེད་པ། |
| དུག་རོ་སློང་བ |
དུག་གི་ནད་རོ་སློང་བ། |
| དུག་རྨ |
བཅོས་དཀའ་བའི་རྨ་རིགས། |
| དུག་རྩྭ |
1.དུག་རིགས་ཀྱི་རྩྭ།2.(མངོན་བརྗོད།) བོང་ནག |
| དུག་རྫས |
དུག་རིགས་ཀྱི་རྫས། |
| དུག་རྭ་ཅན |
(མངོན་བརྗོད།) 1>སྦྲང་མ་དུག་ཅན། 2>སྦྲང་བུ། |
| དུག་རླངས |
1.སྔར་བཤད་སྲོལ་དུག་སྦྲུལ་སོགས་ཀྱི་ཁའི་དབུགས་རླངས།2.སྦྱར་དུག་ལས་བྱུང་བའི་རླངས་པ། |
| དུག་ལས་བརྒལ |
(མངོན་བརྗོད།) བོང་དཀར། |
| དུག་ལྔ |
ཉོན་མོངས་དུག་ལྔ། འདོད་ཆགས། ཞེ་སྡང༌། གཏི་མུག་ང་རྒྱལ། ཕྲག་དོག་སྟེ་ལྔ་ནི་ཐར་བའི་སྲོག་འཕྲོག་པར་བྱེད་ཅིང་རང་རྒྱུད་སྡུག་བསྔལ་བར་བྱེད་པ། |
| དུག་ལྕེ |
དུག་ཡོད་པའི་ལྕེ་སྦྲུལ་ལ་དུག་ལྕེ་དང༌། སྨན་ལྕེ་གཉིས་ཡོད་པར་བཤད་ཅེས་པ་ལྟ་བུ། |
| དུག་ལྦ |
བཅོས་དཀའ་བའི་སྐེ་སོགས་ཀྱི་ཝ་བ། |
| དུག་ཤིང |
དུག་ཡོད་པའི་ཤིང༌། |
| དུག་ཤོག |
དུག་རེ་ལྕག་གིས་བཟོས་པའི་ཤོག་བུ། |
| དུག་ཤོར་བ |
སྣང་མེད་དུ་དུག་བྱུང་བ། |
| དུག་སེལ |
1.སྔོ་སྨན་ཞིག2.དུག་མེད་པར་བཟོ་བ་སྟེ། (དཔེར་ན།) དུག་སེལ་སྨན་རིགས་ཞེས་པ་ལྟ་བུ། 3.སྔར་བོད་དུ་བླ་ཆེན་སོགས་ལ་གསོལ་ཇ་མ་ཞུས་གོང་དུ་སྦྱིན་བདག་གིས་ཅུང་ཟད་འཐུང་བའི་ལུགས་སྲོལ་ཞིག4.(བརྡ་རྙིང་།) དུག་འཇོམས་སྨན་པ། |
| དུག་སེལ་འོད |
(མངོན་བརྗོད།) སྐར་མ་རི་བྱི། |
| དུག་སེལ་སེར་པོ |
སྔོ་ཞིག |
| དུག་སྦྱོར་བ |
1.ཁ་ཟས་སོགས་ལ་དུག་འདེབས་པ།2.དུག་བཟོ་བ། |
| དུག་སྦྲང |
མཆུ་དུག་ཅན་གྱི་སྦྲང་བུ། |
| དུག་སྦྲུལ |
དུག་ཡོད་པའི་སྦྲུལ་གྱི་མིང་སྟེ། (དཔེར་ན།) དུག་སྦྲུལ་པང་དུ་བླངས་ན་རང་ལ་གནོད་ཅེས་པ་ལྟ་བུ། |
| དུག་སྨན |
1.དུག་ནད་སེལ་བྱེད་ཀྱི་སྨན།2.དུག་རིགས་སྦྱར་བའི་སྨན།3.བཙན་དུག |
| དུག་སློག |
(ཡུལ་སྐད།) 1>གྱོན་པའི་མིང་སྟེ། (དཔེར་ན།) གནམ་གཤིས་ལ་བསྟུན་ཏེ་དུག་སློག་གྱོན་དགོས་ལྟ་བུ། 2>པགས་རིགས་ཀྱི་གྱོན་པ། |
| དུག་ཧ་ལ་ཧ་ལ |
བོང་ང་ནག་པོའི་མིང་གི་རྣམ་གྲངས་ཤིག |
| དུགས |
མ་ཞུ་བ་སོགས་ལྡན་འདུས་བད་ཀན་ཤས་ཆེར་གྱི་ནད་སེལ་བའི་རྫས་གང་ཞིག་ནད་དམིགས་སྟེང་སྦྱར་བའི་དོན་ཏེ། དེ་ལ་ཡང་ནང་གསེས་སུ་དབྱེ་ན་རྫ་མ་དང་སོ་ཕག་གསོས་པ་ལྟ་བུ་ཚ་དུགས་དང༌། སྐར་ཆུ་དང་རྨོས་ལྕགས་གྲང་མོ་ལྟ་བུ་གྲང་དུགས་གཉིས་མཆིས་སོ། ། མེ་དུགས། ཆུ་དུགས། བསིལ་དུགས། དྲོད་དུགས། རྡོ་དུགས། སྦངས་དུགས། ཡོས་དུགས་ཞེས་པ་ལྟ་བུ། |
| དུགས་ཁང |
(བརྡ་རྙིང་།) 1>ཁྲུས་ཁང༌། 2>བསྲོ་ཁང༌། |
| དུང |
1.རྒྱ་མཚོའི་ནང་གི་རུས་པ་མེད་པའི་སྲོག་ཆགས་ཕྱི་ཤུན་སྲ་ཞིང་དཀར་ལ་འཁྱིལ་བའི་རི་མོ་ཡོད་པ་ཞིག་ཡིན། ཕྱི་ཤུན་གྱིས་འབུད་པའི་རོལ་མོ་བཟོ་ཆོག་ཅིང་དེ་ལའང་དུང་ཟེར། 2.དབུགས་ཀྱིས་བུས་ནས་བརྡ་གཏོང་བྱེད་ཀྱི་བྱད་དམ་རོལ་མོའི་མིང་སྟེ། (དཔེར་ན།) དམག་དུང་། ཟངས་དུང་། དུང་ཆེན་། རྭ་དུང་ཞེས་པ་ལྟ་བུ། 3.(བྱེད་མེད་ལས་ཚིག) སད་པ་དང་སངས་པའི་དོན་ཏེ། (དཔེར་ན།) གཉིད་དུང་། སྨུགས་པ་དུང་ལྟ་བུ། 4.དུངས་ཀྱི་འབྲི་ཚུལ་གཞན། |
| དུང་ཁང |
མགོ་བོའི་ཀ་ལི། |
| དུང་ཁྲག |
1.ཀླད་ཁྲག2.ཐོད་པའམ། དུང་སྣོད་ཁྲག་གིས་གང་བ། |
| དུང་གཡས་འཁྱིལ |
རི་མོ་གཡས་སུ་འཁྱིལ་བའི་དོན་ཏེ། (དཔེར་ན།) མིང་གི་རྣམ་གྲངས་ལ་བཀྲ་ཤིས་དུང་དང༌། སྐྱེ་བ་ལྔ་པ། རྒྱལ་པོ་འཁྱིལ་བ། ཆུ་སྲིན་དགྲ། དུང་མཆོག་ཤ་ཀ། གཤེད་དུང་བཅས་སོ། ། |
| དུང་གཡོན་འཁྱིལ |
རི་མོ་གཡོན་དུ་འཁྱིལ་བའི་དུང་། |
| དུང་གི་ཐོར་ཅོག |
འཕགས་ཡུལ་གྱི་སྨན་པ་བི་བྱི་དགའ་བྱེད་དང༌། ལྷ་ཐོ་རི་སྙན་བཙན་གྱི་སྲས་མོ་ལྷ་ལྕམ་ཡིད་ཀྱི་རོལ་ཆ་གཉིས་ཀྱི་སྲས་སུ་སྤྱི་ལོའི་དུས་རབས་གསུམ་པར་སྐུ་འཁྲུངས། ཆུང་ངུའི་དུས་ནས་རང་གི་ཡབ་ལས་རེག་པ་རྩའི་མདོ། འཚོ་བ་ཟས་ཀྱི་མདོ། སྦྱོར་བ་སྨན་གྱི་མདོ། གཏར་བསྲེག་དཔྱད་ཀྱི་མདོ། རྨ་ཆས་བཟོ་ཡི་མདོ་བཅས་དང༌། དེ་དག་གི་འགྲེལ་བཤད་ཁོག་འབུབས། ས་བཅད། ལག་ལེན་སོགས་གསན་ཏེ་མཁས་པར་གྱུར། རྒྱལ་པོ་ལྷ་ཐོ་རི་སྙན་བཙན་དང༌། དེའི་སྲས་ཁྲི་སྙན་གཟུངས་བཙན་གཉིས་ཀྱི་བླ་སྨན་པ་མཛད། འདི་ཉིད་ནི་བོད་ཡུལ་གྱི་སྨན་པ་ཀུན་གྱི་ཕྱི་མོ་ཡིན་པ་དང༌། གཡུ་ཐོག་ཡོན་ཏན་མགོན་པོ་ཡང་གདུང་རུས་འདི་ལས་འཕྲོས་པར་གྲགས། དུང་གི་ཐོར་ཅོག་གི་སྲས་བློ་གྲོས་ཆེན་པོ། དེའི་སྲས་བློ་གྲོས་མཚུངས་མེད། དེའི་སྲས་བློ་གྲོས་རབ་གསལ། དེའི་སྲས་བློ་གྲོས་རྒྱལ་མཛོད། དེའི་སྲས་བློ་གྲོས་བཤེས་གཉེན་བཅས་བྱུང་བས་དེ་རྣམས་ཀྱིས་རིམ་བཞིན་བོད་ཀྱི་རྒྱལ་པོ་འབྲོང་གཉན་ལྡེ་རུ་དང༌། སྟག་རི་གཉན་གཟིགས། གནམ་རི་སྲོང་བཙན། སྲོང་བཙན་སྒམ་པོ་རྣམས་ཀྱི་བླ་སྨན་པ་མཛད། འོན་ཀྱང་སྐབས་དེ་དག་ལ་བོད་ལ་ཡི་གེ་མེད་སྟབས་དར་རྒྱས་ཆེར་མ་ཕྱིན་པར་གྲགས། |
| དུང་གི་ལྡེམ་ཤིང་དཀར་པོ |
མཁྲེགས་ཤིང་དཀར་པོའི་རིགས་ཤིག |
| དུང་གི་ཨ་ལོང |
དུང་གི་རྣ་རྒྱན། |
| དུང་ངེ་བ |
(རྒྱན་ཚིག) 1>སེམས་བརྩེ་བའི་རྣམ་པ་ཞིག་སྟེ། (དཔེར་ན།) ཨ་མས་ཡིད་དུང་ངེ་བའི་ངང་ནས་མིག་ཆུ་གཏོང་བཞིན་པར་བུ་ལ་བསླབ་བྱ་བྱས་ལྟ་བུ། 2>སེམས་སྐྱོ་དུང་ངེ་བ་སྟེ། (དཔེར་ན།) ཐག་རིང་གི་གཉེན་ཚན་གྱི་གནས་ཚུལ་མ་གོ་བས་སེམས་དུང་ངེ་བར་དྲན་ཞེས་པ་ལྟ་བུ། |
| དུང་ཅན་མ |
བུད་མེད་རིགས་ཤིག |
| དུང་ཆེན |
འབུད་རྒྱུའི་རོལ་མོའི་བྱེ་བྲག་ཅིག |
| དུང་ཆེན་མེ་ཏོག |
མེ་ཏོག་གི་བྱེ་བྲག་ཅིག |
| དུང་ཆོས |
1.དུང་དཀར་ཆུང་ངུའི་དོན་ཏེ། (དཔེར་ན།) དུང་ཆོས་ཀྱི་ཆུ་ཞལ་སྐྱེམས་སུ་ཕུལ་ལྟ་བུ། 2.སྔགས་ཀྱི་བུམ་སྒྲུབ་ལ་མཁོ་བའི་ཡོ་བྱད་དུང་ཆུང་ངུའི་མིང་། |
| དུང་ཆོས་དང་གཟུང་ཐག་རྡོ་རྗེ |
བུམ་སྒྲུབ་སོགས་ལ་མཁོ་བའི་ཡོ་བྱད་ཅིག |
| དུང་ཐག |
ཁྲོན་ཐག |
| དུང་ཐལ |
སྲོག་ཆགས་སྨན་གྱི་ནང་ཚན་དུང་བསྲེགས་པའི་ཐལ་བ་རོ་ཚ། ཞུ་རྗེས་སྙོམས། ནུས་པས་སྐྲངས་པ་འབིགས། རྣག་སྐེམ། སྐྲན་ནད་བཤིག |
| དུང་དཀར |
དུང་གི་ཕྱི་སྐོགས་དཀར་པོའི་དོན་ཏེ། (དཔེར་ན།) རྒན་མོའི་མགོ་བོ་དུང་ལྟར་དཀར་ཞེས་པ་ལྟ་བུ། |
| དུང་དཀར་གཡས་འཁྱིལ |
བཀྲ་ཤིས་རྟགས་བརྒྱད་ཀྱི་ཡ་གྱལ་ཞིག |
| དུང་དཀར་གཤོག་པ་ཅན |
དགོན་པའི་ཚོགས་དུང་གི་བྱེ་བྲག་ཅིག |
| དུང་དཀར་འཁོར་ལོ |
སྨིན་མཚམས་ཀྱི་རྩའི་འཁོར་ལོ། |
| དུང་དཀར་རག་གཤོག་མ |
འབུད་དུང་རག་གི་གཤོག་ལྡན། |
| དུང་དམར |
1.དུང་མདོག་དམར་པོ།2.ཁྲག་གིས་བཀང་བའི་ཐོད་པ། |
| དུང་དུང |
(རྒྱན་ཚིག) སེམས་བརྩེ་ཞིང་དུང་བའམ། ཕན་ཚུན་འཕྲེང་བའི་རྣམ་འགྱུར་རྩོལ་མེད་རང་ཤུགས་འབྱུང་བའི་དོན་ཏེ། (དཔེར་ན།) ཕ་མེས་རྒྱལ་ཁབ་དུང་དུང་དྲན་པ། ཡིད་དུང་དུང་བའི་ངང་ནས་ཕ་མ་དྲན་ཞེས་པ་ལྟ་བུ། |
| དུང་པ |
དུང་གཏོང་མཁན། |
| དུང་པན |
(རྒྱ་སྐད།) ཁྲུས་སྣོད་ཀྱི་བྱེ་བྲག་ཅིག |
| དུང་ཕྱུར |
གྲངས་གནས་ཤིག་ཁྲི་ཚོ་ཁྲི་ཐམ་པ། |
| དུང་ཕྱུར་ཟུར |
གྲངས་ཀ་དུང་ཕྱུར་གཅིག་གི་ཟུར་གཅིག་གམ་ཆ་གཅིག |
| དུང་ཕྲེང |
དུང་ལས་བཟོས་པའི་ཕྲེང་བ། |
| དུང་བ |
(བྱེད་མེད་ལས་ཚིག) ཞེན་ཆགས་པའམ་ཡིད་འཁྲེང་བའི་དོན་ཏེ། (དཔེར་ན།) གཉེན་བཤེས་ཕན་ཚུན་འབྲལ་མི་ཕོད་པར་སེམས་བརྩེ་ཞིང་དུང་། ཕན་ཚུན་ཕུ་ནུ་ལྟ་བུར་བརྩེ་ཞིང་དུང་ཞེས་པ་ལྟ་བུ། |
| དུང་བརྡ |
དུང་གཏོང་བའི་བརྡ། |
| དུང་མཁན |
1.དུང་དཀར་ལས་རྒྱན་ཆ་བཟོ་མཁན།2.རོལ་ཆ་དུང་སོགས་བཟོ་མཁན།3.དུང་གཏོང་མཁན། |
| དུང་མཆོག |
དུང་དཀར་གཡས་འཁྱིལ། |
| དུང་ཚེར་མ་ཅན |
དུང་གི་ཁ་ཚེར་མའི་རྣམ་པར་ཡོད་པ། |
| དུང་འཁོར |
1.བོད་རིགས་བུད་མེད་ཀྱི་ལག་པར་གྱོན་པའི་དུང་གི་ལག་འཁོར།2.མ་ཎི་དུང་ཕྱུར་ཡོད་པའི་འཁོར་ཆེན། |
| དུང་འཁྱིལ་རི་མོ |
གཡས་གཡོན་དུ་འཁྱིལ་བའི་རི་མོ་དུང་རིས་ལྟ་བུ། |
| དུང་འདྲ |
རྡོ་སྨན་གྱི་རིགས་དབྱིབས་དུང་དཀར་དང་འདྲ་བ་ཞིག་ནུས་པས་རུས་པ་ཆག་པ་སྦྱོར། དངུལ་ཆུ་འཆིང་བར་བྱེད། |
| དུང་འཕྱུར |
དུང་ཕྱུར་དང་འདྲ། |
| དུང་འབུད |
1.ལུས་ཀྱི་རྩའི་བྱེ་བྲག་ཅིག2.དུང་གཏོང་བའི་དོན་ཏེ། (དཔེར་ན།) དར་ཕྱར་དུང་འབུད་ཅེས་པ་ལྟ་བུ། |
| དུང་འབྲས |
རུས་པ་སྦྱོར་བྱེད་ཀྱི་རྡོ་སྨན་ཞིག |
| དུང་ཡལ |
ཤུལ་མེད་པའམ། མི་མངོན་པར་ཡལ་འགྲོ་བ། |
| དུང་རྒྱ་གླིང |
རོལ་ཆ་དུང་དང་རྒྱ་གླིང༌། |
| དུང་རྡོ |
དུང་རྡོ་ལ་འགྱུར་བ་ཞིག |
| དུང་རྣ |
དུང་གི་རྣ་ལོང༌། |
| དུང་རྭ |
ཤ་བའི་རྭ་ཅོའི་མིང་གཞན། |
| དུང་ལ |
བོད་ཀྱི་དཔལ་འབར་རྫོང་དང་སྤོ་བོ་ཆུ་མདོའི་མཚམས་སུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6145 ཡོད། |
| དུང་ལོང |
རྣ་རྒྱན་དུང་གི་ཨ་ལོང༌། |
| དུང་ཤིང |
དྭ་ལིས་སྡོང་པོའི་མིང་གི་རྣམ་གྲངས། |
| དུང་སེམས |
བརྩེ་སེམས་ཀྱི་དོན་ཏེ། (དཔེར་ན།) ཕ་མས་ཕྲུ་གུར་དུང་སེམས་འཆང་བ། དུང་སེམས་མཉམ་སྐྱེ། བཟའ་ཟླ་ཕན་ཚུན་དུང་སེམས་མཉམ་སྐྱེ་རེད་ཅེས་པ་ལྟ་བུ། འདི་ལ་དུངས་སེམས་བྲིས་ཀྱང་ཆོག |
| དུང་སྐྱོང |
ཀླུ་རྒྱལ་གྱི་བྱེ་བྲག་ཅིག |
| དུངས |
(བྱེད་མེད་ལས་ཚིག) བྱམས་པའམ་སྙིང་བརྩེ་བའི་དོན་ཏེ། (དཔེར་ན།) མི་རྒས་ན་ཡུལ་ལ་དུངས། དུངས་སེམས་ཞེས་པ་ལྟ་བུ། |
| དུངས་པ |
དུང་བའི་འདས་པ། |
| དུད |
(བྱེད་མེད་ལས་ཚིག) ཐུར་དུ་གུག་པའི་དོན་ཏེ། (དཔེར་ན།) འབྲས་བུའི་ཁུར་གྱིས་དུད་པ། སིལ་ཏོག་གི་སྡོང་བོ་འབྲས་བུའི་ཁུར་གྱིས་དུད་པ། ལུས་མར་དུད་ནས་ཞིང་བྲེག་ལྟ་བུ། |
| དུད་ཁ |
1.ཚོས་གཞི་ཁམ་ནག2.མི་ཚང༌། |
| དུད་ཁུ |
དུ་བའི་ཁུ་བ། |
| དུད་ཁུག |
ཐ་མག་བླུག་སྣོད་ཁུག་མ། |
| དུད་ཁུང |
དུ་བ་འགྲོ་སའི་ཁུང་བུ། |
| དུད་གཅིག་མ |
ཡུལ་ཞིག་ཏུ་ཁྱིམ་ཚང་གཅིག་ལས་མེད་པ། |
| དུད་གྲངས |
ཁྱིམ་གྲངས། |
| དུད་ཆུང |
སྔར་བོད་ལ་ཁྲལ་རྟེན་ས་ཆ་མེད་པའི་གཡོག་རྒྱུག་དུད་ཚང་ཆུང་ངུ་། |
| དུད་ཆུང་རྟེན་ཡོད |
མི་སེར་དུད་ཚང་ཆུང་ངུ་ཁྲལ་རྟེན་ཡོད་པ། |
| དུད་ཐོ |
ཐེམ་གྲངས་ཀྱི་ཐོ། |
| དུད་དྲེག |
དུད་པའི་རྩི་ཆགས་པའི་དྲེག་པ། |
| དུད་པ་བྱ་བལ་མ |
ཆུ་དལ་འབབ་ཀྱི་ནང་དུ་བལ་ཐག་ལྟར་སྔོ་ནལ་ནལ་ཆུའི་ཁར་གཡེང་བའི་ཆུ་བལ་ཏེ། ནུས་པས་མེས་ཚིག་པའི་རྨའི་ཆུ་སེར་སྐེམ། |
| དུད་པ་སྔོན་འཐུལ |
མེ་ལྕེ་མ་འབར་གོང་དུ་དུད་པ་འཐུལ་བ། |
| དུད་བལ |
དུད་དྲེག་རལ་པ་ལྟ་བུར་ཆགས་པ། |
| དུད་བསུང |
1.དུ་བའི་དྲི་མ།2.དུ་བའི་དྲི་ཞིམ་པོ། |
| དུད་ཚང |
མི་ཚང་ངམ་ཁྱིམ་ཚང༌གི་མིང་། (དཔེར་ན།) དུད་ཚང་ངན་ཧྲུལ། འཚོ་བ་འཛོམ་པོའི་དུད་ཚང༌ཞེས་པ་ལྟ་བུ། |
| དུད་ཚོ |
གྲོང་ཚོ། |
| དུད་འགྲོ |
མགོ་བོ་དུད་དེ་འགྲོ་བའི་རྟ་གླང་སོགས་སེམས་ཅན་སྤྱིའི་མིང༌། (དཔེར་ན།) རིགས་མཐུན་དུད་འགྲོ་ཁྱུ་གཅིག་འདུ། སྤྱོད་མཐུན་མི་རྣམས་ལྷན་ཅིག་འདུ་ཞེས་པ་ལྟ་བུ། |
| དུད་འགྲོ་གསོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གསོད་སེམས་ཀྱིས་དུད་འགྲོའི་རིགས་སུ་གཏོགས་པ་གསོད་དམ་གསོད་དུ་འཇུག་པའོ། ། |
| དུད་འགྲོའི་སྐྱེ་གནས |
དུད་འགྲོའི་གནས་བྱིང་ན་གནས་པ་སོགས། |
| དུད་རྒན |
(ཡུལ་སྐད།) དུད་དྲེག་རྙིང་པ། |
| དུད་རྩི |
དུད་པའི་ཐིགས་པ། |
| དུད་རླངས |
མེ་ཤིང་བསྲེགས་པའི་དུད་པ་དང་བཟའ་བཏུང་འཁོལ་བའི་རླངས་པའི་མིང་། (དཔེར་ན།) དུད་རླངས་དང་སྨུག་པ་མ་རེད་ཅེས་པ་ལྟ་བུ། |
| དུད་སྒོ |
དུ་བ་འགྲོ་སའི་གནམ་ཁུང༌། |
| དུད་སྟོངས |
ཁྱིམ་དུད་འཐོར་ཞིག་སོང་བ། |
| དུན་ལས |
རིན་པོ་ཆེ་སྦུར་ལེན་ཏེ་སྤོས་ཤེལ་གྱི་མིང༌། |
| དུབ |
(རྒྱན་ཚིག) ཐང་ཆད་ནས་ཤེད་ཤུགས་ཉམས་པ་སྟེ། (དཔེར་ན།) ངལ་གསོ་བྱས་ནས་ངལ་དུབ་སངས་ལྟ་བུ། |
| དུབ་པ་ལ་སྦྱོར་བའི་མཐའ |
སྟོན་པས་རྗེས་སུ་གནང་ཞིང་ཁ་ན་མ་ཐོ་བ་མེད་པའི་ཟས་གོས་ལོངས་སུ་མི་སྤྱོད་པར་དོན་མེད་པའི་དཀའ་ཐུབ་བསྟེན་ཏེ་བདག་ཉིད་དུབ་པ་ལ་སྦྱོར་བའི་མཐའ། |
| དུབས་སུ |
(བརྡ་རྙིང་།) དུས་སུ། |
| དུམ |
1.དུམ་པ་ཡི་ཚིག་བསྡུས་པ། 2.དུམ་བུ་ཡི་ཚིག་བསྡུས་པ། |
| དུམ་གཅིག |
དུམ་བུ་གཅིག་སྟེ་ཆ་ཤས། (དཔེར་ན།) ཤིང་ཏོག་དུམ་གཅིག་གསོལ་བ་གནང༌ཞེས་པ་ལྟ་བུ། |
| དུམ་གྲུགས |
དུམ་བུར་སོང་བའི་མིང༌། |
| དུམ་དུམ |
(རྒྱན་ཚིག) ཐུང་ཐུང༌གི་རྣམ་པ་ཞིག་སྟེ། (དཔེར་ན།) ཤིང་དུམ་དུམ་མེ་ལ་འབུད་བདེ། རྡོག་ཁྲེས་དུམ་དུམ་རྒྱབ་ཏུ་འཁུར་བདེ་ཞེས་པ་ལྟ་བུ། |
| དུམ་པ |
1.པོ་ཏི་ཡུམ་དུམ་པ་བཅུ་གཉིས་ལྟ་བུ།2.(བརྡ་རྙིང་།) འདུམ་པའི་བརྡ་རྙིང་། མཐུན་པ་དང༌འགྲིག་པའི་དོན་ཏེ། (དཔེར་ན།) རྒྱ་བོད་མཇལ་དུམ་མཛད་ཅེས་པ་ལྟ་བུ། |
| དུམ་བཅད |
1.དུམ་བུར་བཅད་པའི་དོན་ཏེ། (དཔེར་ན།) ཤིང་དུམ་བཅད་བྱས་ནས་བརྩིགས་ལྟ་བུ། 2.ཚོ་བ་དང་ཚན་པར་བཅད་པའི་དོན་ཏེ། (དཔེར་ན།) མི་སྡེ་དུམ་བཅད་བྱས་ནས་ཚོ་བ་མང་པོ་བཟོས་ལྟ་བུ། |
| དུམ་བུ |
(རྒྱན་ཚིག) རིལ་པོ་ཞིག་པའི་ཆ་ཤས་ཀྱི་དོན་ཏེ། (དཔེར་ན།) དཀར་ཡོལ་དུམ་བུར་བཀས་པ། ཤིང་དུམ་བུར་བཅད་པ། འགྲོ་ལམ་དུམ་བུ་ཁག་བགོས་ཀྱིས་བདག་སྤྲོད་བྱེད་པ། དུམ་བུ་བརྒྱར་གཏུབས་ཞེས་པ་ལྟ་བུ། |
| དུམ་བུ་གསུམ་པ |
1.སྨན་དུར་བྱིད།2.ཚན་པའམ་ལྷུ་དུམ་གསུམ་པ། |
| དུམ་ཞིག |
ཉུང་ཤས་ཤིག |
| དུམ་རེ |
1.ཅུང་ཟད་རེ།2.ཆག་དུམ་རེ།3.ཚན་པ་རེ། |
| དུའུ་ཕུག |
(རྒྱ་སྐད།) བཟའ་བཅའི་རིགས་ཤིག |
| དུར |
མི་ཤི་བའི་བེམ་པོ་བཞག་ཡོད་པའི་ས་ཆ་དང་དེར་སྦས་པའི་བེམ་པོ་དང་རུས་པ་སོགས་ཀྱི་མིང་། |
| དུར་ཁང |
རོ་ཁང་ངམ་སྤུར་ཁང༌། |
| དུར་ཁྲོད |
མིའི་རོ་སྐྱེལ་ས། མིང་གི་རྣམ་གྲངས་ལ་འཇིག་གནས་དང༌། ཕ་མེས་ནགས། མཚུན་གྱི་ཚལ། ཞི་བའི་གནས། རོ་ཉལ། རོ་གནས། གཤིན་གྱི་གནས། སྲེག་གནས་བཅས་སོ། ། |
| དུར་ཁྲོད་ཀྱི་ཆས་བརྒྱད |
མི་མགོའི་དབུ་རྒྱན་དང༌། མི་མགོའི་དོ་ཤལ། གླང་ཆེན་གྱི་པགས་པའི་སྟོད་གཡོགས། ཞིང་ལྤགས་ཀྱི་གཡང་གཞི། སྟག་ལྤགས་ཀྱི་ཤམ་ཐབས། ཞག་གི་ཟོ་རིས། ཁྲག་གི་ཐིག་ལེ། ཐལ་ཆེན་གྱི་ཚོམ་བུ་བཅས་བརྒྱད་དོ། ། |
| དུར་ཁྲོད་ཀྱི་རས |
རོ་ཁེབས། |
| དུར་ཁྲོད་ཆེན་པོ་བརྒྱད |
ཤར་དུ་གཏུམ་དྲག་དང༌། བྱང་དུ་ཚང་ཚིང་འཁྲིགས་པ། ནུབ་ཏུ་རྡོ་རྗེ་འབར་བ། ལྷོར་ཀེང་རུས་ཅན། དབང་ལྡན་དུ་དྲག་ཏུ་རྒོད་པ། མེར་བཀྲ་ཤིས་ཚལ། བདེན་བྲལ་དུ་མུན་པ་དྲག་པོ། རླུང་དུ་ཀི་ལི་ཀི་ལིའི་སྒྲ་སྒྲོག་པ་བཅས་བརྒྱད། |
| དུར་ཁྲོད་པ |
དུར་ཁྲོད་ཀྱི་གནས་སུ་ཕྱིན་ཏེ་ཉམས་ལེན་བྱེད་མཁན། |
| དུར་ཁྲོད་བདག་པོ |
ཀེང་རུས་གཟུགས་ཅན་མི་མིན་ཞིག |
| དུར་ཁྲོད་བརྒྱད |
དུར་ཁྲོད་ཆེན་པོ་བརྒྱད་དང་དོན་གཅིག |
| དུར་ཁྲོད་བསིལ་བའི་ཚལ |
རྒྱ་གར་གྱི་དུར་ཁྲོད་ཅིག |
| དུར་ཁྲོད་མ |
(མངོན་བརྗོད།) དཔལ་ལྡན་ལྷ་མོ། |
| དུར་གནས |
རོ་སྦེད་ས། |
| དུར་གཤེན་མཚོན་ཆ་ཅན |
བོན་པོའི་བྱེ་བྲག་ཅིག |
| དུར་གྱི་མཆད་པ |
རོ་སྦེད་ས། |
| དུར་གླ |
དུར་ཁྲོད་ཀྱི་ས་གླ། |
| དུར་ཐོད |
དུར་ཁྲོད་དུ་ཡོད་པའི་མི་རོའི་ཐོད་པ། |
| དུར་བ |
རྩྭ་རམ་པའི་རིགས་ཤིག་གམ་རྩྭ་འཇག་མའི་རིགས་ཤིག་གི་མིང་། ཡོངས་གྲགས་ལ་རྩྭ་དུར་བ་ཟེར། |
| དུར་བོན |
བོན་པོའི་ནང་གསེས་ཤིག |
| དུར་བྱ |
མི་རོ་ཟ་མཁན་བྱ་ཀང་ཀ་སྟེ། (དཔེར་ན།) དུར་བྱ་རྒྱབ་དཀར་ལྟ་བུ། མིང་གི་རྣམ་གྲངས་ལ་ཀཾ་ཀ་དང་རྒྱབ་དཀར་རོ། ། |
| དུར་བྱང |
རོ་ཕུང་གང་དུ་སྦས་སར་བཙུགས་པའི་མིང་བྱང༌། |
| དུར་བྱིད |
ཐང་སྨན་གྱི་རིགས་ཏེ་རོ་མངར། ཞུ་རྗེས་དྲོད། ནུས་པས་རྨ་རུལ་གསོ། ནད་ཚ་གྲང་གཉིས་ཀ་སྦྱོང༌། མིང་གི་རྣམ་གྲངས་ལ་ཀུན་རྗེས་འབྱུང༌། དུམ་བུ་གསུམ་པ། དོར་བྱེད་མ། མདའ་འཇོམས། རྡུལ་ཅན། ཕུར་མ་གསུམ་པ། ཚངས་གསུམ། ལོ་མ་གསུམ་པ་བཅས་སོ། ། |
| དུར་མཆོད |
རོ་སྐྱེལ་བའི་ཉིན་མོར་འབུལ་བའི་མཆོད་པ། |
| དུར་མཚེད |
རོ་སྦེད་ས་དང༌། མེར་སྲེག་ས། |
| དུར་རྒན |
(ཡུལ་སྐད།) ལས་དང་བྱ་བ་གང་ལའང་རུ་ང་ཉམས་མྱོང་ཆེ་བའི་མིའི་བླ་དྭགས་ཀྱི་མིང༌། |
| དུར་རྒྱགས |
1.དུར་ཁྲོད་དུ་རོ་སྐྱེལ་སྐབས་ཟ་བའི་ལྟོ་ཆས།2.རོ་དང་མཉམ་དུ་གཏོང་བའི་ཟས་གོས་སོགས། |
| དུར་ས |
1.རོ་འཇོག་ས།2.རོ་སྦེད་ས། |
| དུར་སྒམ |
རོ་སྒམ། |
| དུར་སྒོ |
བོན་ཆོས་ལས་བཤད་པའི་གཤིན་པོའི་དུར་སྒོ་འགོག་བྱེད་ཀྱི་ཆོ་ག་ཞིག |
| དུར་སྒྲོམ |
རོ་སྒམ། |
| དུར་སྦྱང |
དུར་སར་བཙུགས་པའི་ཡིག་བྱང་གི་མིང་། |
| དུར་སྲི |
དུར་ཁྲོད་ལ་གནས་པའི་འདྲེ་སྲིན། |
| དུར་སྲུང་བ |
དུར་ཁྲོད་སྲུང་མཁན། |
| དུལ་བ |
(རྒྱན་ཚིག) དམུ་རྒོད་ཀྱི་ལྡོག་ཟླ་སྟེ། རང་བཞིན་གྱིས་འཇམ་པོར་གྱུར་པའི་ཞི་བ་དང༌། གཡུང་བའི་དོན་ཏེ། (དཔེར་ན།) སེམས་རྒྱུད་དུལ་བ། སྤྱོད་ལམ་དུལ་བ། འཛུམ་དཀར་སྔོན་བཏང་གིས་ཞི་ཞིང་དུལ་བའི་ངང་ནས་ཚིག་སྨྲ་བ། གཤིས་ཀ་གྱོང་པོ་བཏུལ་ནས་ཞི་ཞིང་དུལ་བར་གྱུར་ཞེས་པ་ལྟ་བུ། |
| དུལ་མ |
1.ན་ཆུང་མའི་མིང་གཞན།2. ཐབས་ཤེས་ཀྱིས་བཏུལ་ནས་ལས་རུང་དུ་གྱུར་པའི་རིགས་ཏེ། (དཔེར་ན།) རྟ་དུལ་མ། སྨན་དུལ་མ། གསེར་དུལ་མ། རག་དུལ་མ་ཞེས་པ་ལྟ་བུ། |
| དུས |
1.བྱ་དངོས་ཐམས་ཅད་འགྱུར་ལྡོག་གི་ཡུན་ཚད་ཀྱི་མིང་། (དཔེར་ན།) སྔོན་དུས། དེང་དུས། མ་འོངས་པའི་དུས་ཞེས་པ་ལྟ་བུ།2.ལོ་གཅིག་གི་ནམ་ཟླའི་འགྱུར་ལྡོག་ངེས་ཅན་གྱི་མིང་། (དཔེར་ན།) དུས་བཞི། དཔྱིད་དུས་ཞེས་པ་ལྟ་བུ། 3.ཁྱད་ཆོས་ཁྱད་པར་བ་རེ་ཡོད་པའི་སྐབས་ཀྱི་མིང་། (དཔེར་ན།) ཟ་དུས། འཐུང་དུས། འགྲོ་དུས་ཞེས་པ་ལྟ་བུ། 4. (མངོན་བརྗོད།) དཔྱིད་དང་སོས་ཀ། དབྱར། སྟོན། དགུན་སྟོད། དགུན་སྨད་དེ་དུས་མཚམས་ལ་དྲུག་ཡོད་པས་གྲངས་དྲུག་མཚོན།ར5.རྒྱུ་དང་འབྲས་བུ་རྒྱུན་དུ་འབྱུང་བའི་ཡུན་གྱི་གནས་སྐབས་ཏེ། ལྡན་མིན་འདུ་བྱེད་ཀྱི་ནང་གསེས་ཤིག |
| དུས་ཀྱི་ཀུན་སློང |
དགེ་ཚུལ་སློང་སྒྲུབ་སྐབས། བསམ་པའི་མཐུན་རྐྱེན་ལས་དུས་ཀྱི་ཀུན་སློང་ཐོབ་ཤེས་པ་དགོས་པ་སྡོམ་པ་འབོག་པའི་ཆོ་ག་ལས་གསོལ་བ་སོང་ནས་ལས་བརྗོད་པ་གསུམ་གྱི་ཐ་མ་བདག་བརྗོད་དང་བྱ་བ་བརྗོད་པ་རྫོགས་མ་ཐག་ཐོབ་པར་ངོ་ཤེས་པ། |
| དུས་ཀྱི་ཆ་ཚད |
དུས་ཡུན་རིང་ཐུང་འཇལ་བྱེད་ཀྱི་ཚད་གཞི། |
| དུས་ཀྱི་ཆ་ཤས |
1.དུས་ཀྱི་ཡན་ལག2.(མངོན་བརྗོད།) ལོ། |
| དུས་ཀྱི་ཆོ་ག |
དུས་ཚོད་རྩི་ཐབས། |
| དུས་ཀྱི་ཆོས་ཉིད |
(མངོན་བརྗོད།) འཆི་བ། |
| དུས་ཀྱི་ཐ་མ |
1.སྙིགས་མ་ལྔ་བདོ་བའི་དུས།2.འཆི་ཁའི་དུས། |
| དུས་ཀྱི་ཐུང་མཐའ |
སྐད་ཅིག་མ་སྟེ་དུས་མཐའི་སྐད་ཅིག་མ། |
| དུས་ཀྱི་དགག་དབྱེ |
དགག་དབྱེའི་ནང་གསེས། དུས་ངེས་པ་དབྱར་གནས་ཟླ་བ་གསུམ་རྫོགས་པའི་ཚེས་བཅོ་ལྔ་ལ་དགག་དབྱེ་བྱ་བ་དབྱར་སྔ་མ་ཁས་བླངས་ན་དབྱུག་པའི་ཉ་ལ་ཞེས་སྟོན་འབྲིང་ཐ་སྐར་གྱི་ཚེས་བཅོ་ལྔ་དང༌། དབྱར་ཕྱི་མ་ཁས་བླངས་ན་སྨིན་དྲུག་གི་ཉ་ལ་ཞེས་སྟོན་ཐ་ཆུང་གི་ཚེས་བཅོ་ལྔ་ལ་དགག་དབྱེ་བྱ་བ། |
| དུས་ཀྱི་ཕོ་ཉ |
(མངོན་བརྗོད།) 1>འཆི་བདག་གཤིན་རྗེ། 2>ས་རྟའི་ལོ། |
| དུས་ཀྱི་བསྐལ་དོན |
བསྐལ་དོན་གསུམ་གྱི་ནང་གསེས། དུས་ཡུན་རིང་པོས་བར་དུ་ཆོད་པའི་དབང་གིས་རྟོགས་མི་ཐུབ་པ་སྟེ། (དཔེར་ན།) སྐྱེ་བ་སྔ་ཕྱི་ལྟ་བུ། |
| དུས་ཀྱི་བྱེད་པོ |
(མངོན་བརྗོད།) ཉི་མ། |
| དུས་ཀྱི་མཐར་གྱུར་པ |
ཚེ་ལས་འདས་པའམ་ཤི་བ། |
| དུས་ཀྱི་མེ་ཏོག |
(མངོན་བརྗོད།) མཐིང༌། |
| དུས་ཀྱི་ཞགས་པ |
འཆི་བའི་དུས་ཀྱི་དཔེ། (དཔེར་ན།) དུས་ཀྱི་ཞགས་པས་བཅིངས་པ་ཞེས་པ་ལྟ་བུ། |
| དུས་ཀྱི་ཟླ་བ |
ཉིན་ཞག་སུམ་ཅུ་ལ་ཟླ་བ་གཅིག་ཏུ་བྱས་པའི་ཟླ་བའི་མིང༌། |
| དུས་ཀྱི་འཁོར་ལོ |
1.སྔགས་བླ་མེད་རྒྱུད་སྡེ་ཞིག་གཞི་ལམ་འབྲས་བུའི་རྣམ་གཞག་ཐམས་ཅད་ཕྱི་ནང་གཞན་གསུམ་གྱི་དུས་སྦྱོར་དང་འབྲེལ་བས་དུས་ཀྱི་འཁོར་ལོ་ཞེས་བྱའོ། །2.གཉིས་མེད་རྒྱུད་ཀྱི་ཡི་དམ་ཞིག་གི་མཚན། མཚན་གྱི་རྣམ་གྲངས་ལ་ཁམས་གསུམ་འཁོར་ལོས་སྒྱུར་བ་དང༌། གཉིས་སུ་མེད། ཐ་མ་མེད། ཐབས་ཤེས་བདག་ཉིད། ཐོག་མའི་མགོན་པོ། དང་པོའི་སངས་རྒྱས། རྡོ་རྗེ་སེམས་དཔའ། སྡོམ་པ་ལ་འདུས་པ། རྣམ་ཀུན་མཆོག་ལྡན། རྣལ་འབྱོར་རྣམ་པ། འཕོ་མེད། བྱང་ཆུབ་སེམས། ཞི་བ། རིགས་ཀུན་ཁྱབ་བདག་རིགས་མེད་པ། ཤེས་དང་ཤེས་བྱའི་བདག་ཉིད་མཆོག ཨེ་ཝཾ་ཡི་གེ་བཅས་སོ། ། |
| དུས་ཀྱི་འཁོར་ལོའི་ཕྱི་ནང་གཞན་གསུམ |
ཕྱི་དུས་ཀྱི་འཁོར་ལོ་ནི། རི་རབ། གླིང་བཞི། གླིང་ཕྲན་བརྒྱད་སོགས་སྣོད་ཀྱི་འཇིག་རྟེན་ཁམས་ཡིན། ནང་དུས་ཀྱི་འཁོར་ལོ་ནི། འདོད་ཁམས་ལྔ། འདོད་ལྷ་དྲུག་གཟུགས་ཁམས་བཅུ་དྲུག་གཟུགས་མེད་སྐྱེ་མཆེད་མུ་བཞི་སྟེ་ནང་བཅུད་ཀྱི་འཇིག་རྟེན་སྲིད་པ་སུམ་ཅུ་སོ་གཅིག་སོགས་ཡིན། གཞན་དུས་ཀྱི་འཁོར་ལོ་ནི། བསྐྱེད་རིམ་གྱི་རྟེན་དང་བརྟེན་པའི་དཀྱིལ་འཁོར་དང༌། རྫོགས་རིམ་གྱི་རྩ་རླུང་ཐིག་ལེ་སོགས་ཡིན། |
| དུས་ཀྱི་འཇལ་བྱེད་བདུན |
དབུགས་དང༌། དབུགས་ཁུག་པ་དྲུག་ལ་ཆུ་སྲང་གཅིག་ཆུ་སྲང་དྲུག་ཅུ་ལ་ཆུ་ཚོད་གཅིག་ཆུ་ཚོད་དྲུག་ཅུ་ལ་ཉིན་ཞག་གཅིག་ཉིན་ཞག་སུམ་ཅུ་ལ་ཟླ་བ་གཅིག་ཟླ་བ་བཅུ་གཉིས་ལ་ལོ་གཅིག་ལོ་མང་པོ་བསགས་ན་བསྐལ་པ། |
| དུས་ཀྱི་རྒྱལ་པོ |
(མངོན་བརྗོད།) ལོ་འཁོར། |
| དུས་ཀྱི་རྩ |
ལུས་ཀྱི་རྩའི་བྱེ་བྲག་ཅིག |
| དུས་ཀྱི་ཤན |
ཞག་གི་ཤན། |
| དུས་ཀྱི་སྙིགས་མ |
སྙིགས་མ་ལྔའི་ནང་གསེས་ཤིག ནད་མཚོན་མུ་གེའི་བསྐལ་པ་དག་གིས་གདུངས་པ། |
| དུས་ཀྱིས་བསྡུས་པ་གསུམ |
སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་ཚན། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ་དང༌། མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ་དང༌། ད་ལྟའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ་སྟེ་གསུམ། |
| དུས་ཀྱིས་འཆུ་བ |
(བརྡ་རྙིང་།) དབང་གིས་སྡུད་པ། |
| དུས་ཁྲིམས |
ཉ་སྟོང་བརྒྱད་གསུམ་སོགས་ཀྱི་དུས་བསྙེན་གནས་བསྲུང་བ། བསྙེན་གནས་སྡོམ་པ་དང་ལྡན་པ་ལས་དེ་རིང་ཉི་མ་མ་ཤར་གོང་དུ་བླངས་ནས། སང་ཉི་མ་མ་ཤར་བར་ཉིན་ཞག་གི་མཐའ་ཅན་དུ་བསྲུང་བའི་ཁྲིམས། |
| དུས་ཁྲིམས་ཡན་ལག་བརྒྱད |
བསྙེན་གནས་ཀྱི་བསྲུང་བྱ་རྩ་བ་བཞི་ཕྱོགས་མཐུན་དང་བཅས་པ་སྤོང་བ་ཚུལ་ཁྲིམས་བརྟན་པར་བྱེད་པའི་ཡན་ལག་བཞི་དང༌། ཆང་གི་བཏུང་བ་སྤོང་བ་བག་ཡོད་གོང་འཕེལ་བྱེད་པའི་ཡན་ལག་དང༌། མལ་ཆེ་མཐོ་དང་གར་ཕྲེང་ལ་སོགས་པ་དང༌། ཕྱི་དྲོའི་ཁ་ཟས་ཏེ་དེ་གསུམ་སྤོང་བ་བརྟུལ་ཞུགས་དག་པར་བྱེད་པའི་ཡན་ལག་གསུམ་བཅས་བརྒྱད། |
| དུས་ཁྲིམས་ལ་གནས་པ |
བསྙེན་གནས་ཀྱི་སྡོམ་པ་སྲུང་བ། |
| དུས་གང |
ག་དུས་དང༌། ནམ་ཞིག་ཅེས་པའི་དོན་ཏེ། (དཔེར་ན།) དུས་གང་དང་གང་ལ་དགྲ་ཕྱོགས་ཀྱི་ཚུར་རྒོལ་བྱུང་བ་དེ་དང་དེར་ཕར་རྒོལ་བྱས་ཆོག སྐུ་མགྲོན་རྣམས་དུས་གང་རུང་ཞིག་ལ་འདིར་ཕེབས་སམ་ཞེས་པ་ལྟ་བུ། |
| དུས་གཅིག་ལ |
དུས་སྐབས་ལན་གཅིག་ལ་ཞེས་པའི་དོན་ཏེ། (དཔེར་ན།) འདི་སྐད་བདག་གིས་ཐོས་པ་དུས་གཅིག་ལ་ཞེས་པ་ལྟ་བུ། |
| དུས་གཏན |
རྣམ་པ་ཀུན་ཏུ་ཞེས་པའི་དོན་ཏེ། (དཔེར་ན།) དུས་གཏན་དུ་གནས་པ། དུས་གཏན་དུ་མཉམ་ལས་བྱེད་ཅེས་པ་ལྟ་བུ། |
| དུས་གཏུགས |
ཚེ་སྐབས་རང་ལ་སླེབས་རན་པའམ་དུས་ཚོད་ཟད་རན་པ། |
| དུས་གཏོར |
དུས་ཚིགས་ངེས་པ་ཅན་ལ་འབུལ་བའི་མཆོད་གཏོར། |
| དུས་གདབ་པ |
དུས་ཚོད་ངེས་ཅན་བཟོ་བའི་དོན་ཏེ། (དཔེར་ན།) ཆུ་ཚོད་དང་པོར་མཉམ་དུ་འཛོམ་རྒྱུའི་དུས་གདབ་དགོས་ལྟ་བུ། |
| དུས་གདབ་མ |
(མངོན་བརྗོད།) བུད་མེད་འདོད་ལྡན་མ། |
| དུས་གཞན |
དུས་སྐབས་གཞན་ཞིག |
| དུས་གཞན་ལ་དགོངས་པ |
བདེ་བ་ཅན་དུ་སྐྱེ་བར་སྨོན་ལམ་བཏབ་པ་ཙམ་གྱིས་དེར་སྐྱེའོ་ཞེས་པ་ལྟ་བུ། |
| དུས་གཟེར |
1.ཚེས་ཟླ་དག་པའི་རྩིས་འཕྲོའི་ཨང་གྲངས་ལ་བརྟེན་ནས་ལོ་ཧྲིལ་པོའི་དུས་རྟགས་ཇི་འབྱུང་ཚོད་འཛིན་གྱི་རེའུ་མིག2.དབུགས་སྒང་གིས་ལོ་གཅིག་གི་རིང་ལ་ཉི་མ་གར་གནས་སྟོན་པར་བྱེད་ལ། དེའི་རྐྱེན་གྱིས་ས་ལ་དུས་བཞིའི་འགྱུར་བ་ཡང་འཆོལ་མེད་དུ་སྟོན་པས་ན། དུས་བཞི་མི་འགྱུར་གནད་ཀྱི་གཟེར་ཞེས་བྱ། |
| དུས་གསུམ |
1.འདས་པ་དང་ད་ལྟ་བ་མ་འོངས་པ་གསུམ་ལ་དུས་གསུམ་ཟེར། 2.བོད་སྐད་ཀྱི་ལས་ཚིག་གམ་བྱ་ཚིག་གི་དུས་གསུམ་སྟོན་པའི་སྒྲའི་འགྱུར་བ་དང་ཡིག་གཟུགས་ཀྱི་འགྱུར་བ་ལའང་དུས་གསུམ་ཟེར་བའི་སྐབས་ཡོད། |
| དུས་གསུམ་བརྟག་པ |
སློབ་དཔོན་ཕྱོགས་གླང་གིས་མཛད་པའི་ཚད་མ་རིག་པའི་གཞུང་ཞིག |
| དུས་གསུམ་མཁྱེན་པ |
སངས་རྒྱས། |
| དུས་གསུམ་སངས་རྒྱས |
འདས་པའི་སངས་རྒྱས་མར་མེ་མཛད། ད་ལྟའི་སངས་རྒྱས་ཤཱཀྱ་ཐུབ་པ། མ་འོངས་སངས་རྒྱས་བྱམས་པ་མགོན་པོ། |
| དུས་གོ་བརྗོད་པ |
སྡོམ་པ་ཐོབ་མཚམས་ཀྱི་དུས་གོ་བར་བརྗོད་པ་ཞེས་རབ་བྱུང་གི་སྡོམ་པ་འབོག་པའི་རྗེས་ཀྱི་ཆོ་ག་ཞིག་བསྙེན་བཀུར་གྱི་གནས་དང་གནས་མ་ཡིན་པ་ཤེས་པའི་ཆེད་དུ། སྡོམ་པ་ཐོབ་མ་ཐག་པའི་གང་ཟག་ལ། དུས་གོ་བརྗོད་པའི་དགེ་སློང་གིས། སྡོམ་པ་ཐོབ་མ་ཐག་ཏུ་གྲིབ་ཚོད་རིག་པར་བྱས་ནས། ལོ་དང་དུས་ཚིགས་ཟླ་བའི་ངོས་ཀྱི་བྱེ་བྲག་དང༌། ཚེས་གྲངས་དང༌། ཉིན་མཚན་གྱི་ཆ་ཤས་རྣམས། སྐྱེས་བུ་དང་རྐང་པའི་ཐ་སྙད་ཀྱིས། བཀྲ་ཤིས་པའི་གནས་འདི་ཞེས་བྱ་བར། མཁན་པོ་དང་སློབ་དཔོན་མཚན་འདི་ཞེས་བྱ་བའི་དྲུང་དུ་བསྙེན་རྫོགས་ཀྱི་སྡོམ་པ་ཐོབ་པ་ཡིན་ནོ་ཞེས་བརྗོད་པའོ། ། |
| དུས་ངེས་པ |
དུས་ཚེས་གཏན་ཁེལ་བ་སྟེ། (དཔེར་ན།) དུས་ངེས་པ་མེད་པ་ཞེས་པ་ལྟ་བུ། |
| དུས་ངེས་པའི་གསོ་སྦྱོང |
མཐུན་པའི་གསོ་སྦྱོང་གི་ནང་གསེས། གསོ་སྦྱོང་བཅུ་བཞི་པ་དང༌། བཅོ་ལྔ་པ་གཉིས་དུས་ངེས་པའི་གསོ་སྦྱོང་ཞེས་བྱ་ལོ་གཅིག་ལ་ཟླ་བ་བཅུ་གཉིས་ཡོད་ཅིང་ཟླ་བ་རེ་ལ་ཡར་ངོ་དང་མར་ངོའི་གསོ་སྦྱོང་གཉིས་གཉིས་འབྱུང་བས་ཉི་ཤུ་རྩ་བཞི་ཡོད་ལ། དེ་ཡང་ཡར་ངོའི་བཅུ་གཉིས་དང༌། མར་ངོའི་དྲུག་སྟེ་བཅོ་བརྒྱད་ཞག་ཐུབ་བཅོ་ལྔ་པ་དང༌། མར་ངོའི་དྲུག་ཞག་མི་ཐུབ་བཅུ་བཞི་པ་ཡིན། |
| དུས་ཅུང་ཟད |
དུས་ཚོད་ཐུང་ངུའི་དོན་ཏེ། (དཔེར་ན།) ལས་འགོ་བཙུགས་ནས་དུས་ཅུང་ཟད་ཅིག་ལས་མ་སོང༌ཞེས་པ་ལྟ་བུ། |
| དུས་ཆུང |
ཉིན་ཞག་གཅིག་གི་ཡུན་ཚད་ལ་ཆ་མཉམ་ཉེར་བཞི་བགོས་པའི་ཆ་གཅིག་གི་དུས་ཡུན་གྱི་མིང་། |
| དུས་ཆེན |
1.དགེ་སྒྲུབ་ཀྱི་བྱ་བར་ནུས་པ་ཁྱད་པར་བ་ཡོད་པའི་དུས་ཀྱི་མིང་། (དཔེར་ན།) སངས་རྒྱས་སྐུ་འཁྲུངས་པའི་དུས་ཆེན། ཆོས་འཁོར་བསྐོར་བའི་དུས་ཆེན་ཞེས་པ་ལྟ་བུ།2.འདས་པའི་བྱ་བ་དང་སྐྱེ་བོ་སོགས་ལ་རྗེས་དྲན་བྱེད་པའི་དུས་ཚིགས་ལའང་དུས་ཆེན་ཟེར། |
| དུས་ཆེན་གསུམ་འཛོམས |
ས་ག་ཟླ་བ་སྟེ་ཧོར་ཟླ་བཞི་པའི་ཡར་ཚེས་བཅོ་ལྔའི་ཉིན། སྟོན་པ་ཐུབ་པའི་དབང་པོ་ལྷུམས་སུ་ཞུགས་པ་དང༌། མངོན་པར་སངས་རྒྱས་པ་དང༌། སྐུ་མྱ་ངན་ལས་འདའ་བ་སྟེ་སངས་རྒྱས་ཀྱི་མཛད་པ་གསུམ་བསྟན་པའི་དུས་ཆེན། |
| དུས་ཆེན་བཞི |
ནང་པའི་དུས་ཆེན་བཞི་གཉིས་པའི་ཡར་ངོ་ལ་ཆོ་འཕྲུལ་བསྟན་པ། བཞི་པའི་བཅོ་ལྔར་མངོན་པར་སངས་རྒྱས་པ། དྲུག་པའི་དྲུག་ལ་ཆོས་འཁོར་བསྐོར་བ། དགུ་པའི་ཉེར་གཉིས་ལ་ལྷ་ལས་བབས་པ། |
| དུས་ཆོས |
དུས་ཀྱི་ཆོས་ཉིད་ཀྱི་བསྡུས་ཚིག |
| དུས་ཇི་ཙམ |
དུས་ཚོད་གང་ཙམ། |
| དུས་ཇི་སྲིད |
དུས་ཡུན་ག་ཚོད། |
| དུས་ཉེ་བའི་ཆ |
ཉེ་བའི་དུས་སྐབས། |
| དུས་ཐག |
ཡུན་ཚད་དམ་དུས་ཀྱི་རྒྱུན་གྱི་དོན་ཏེ། (དཔེར་ན།) དུས་ཐག་རིང་བ། དུས་ཐག་ཉེ་བ་ལྟ་བུ། |
| དུས་ཐུག་པ |
དུས་ལ་སླེབས་པའི་དོན་ཏེ། (དཔེར་ན།) ཚོགས་འདུ་འཚོག་དུས་ཐུག་པ། གན་རྒྱའི་ནང་གསལ་ཟླ་དུས་ཐུག་སོང་ལྟ་བུ། |
| དུས་ཐོག |
སྔར་བསྒྲིགས་པའི་དུས་སྐབས་ཀྱི་དོན་ཏེ། (དཔེར་ན།) ཁོ་རང་དུས་ཐོག་ལ་སླེབས་སོང༌། ཚོགས་འདུ་འཚོག་སར་དུས་ཐོག་ངེས་ཕེབས་ཡོད་པ་ཞུ་ཞེས་པ་ལྟ་བུ། |
| དུས་དང་དུས་མིན་བསྡུས་པའི་གཞི |
ལྟུང་བ་བཅབས་མ་བཅབས་བྱེ་བྲག་ཏུ་འཆད་པ་དུས་དང་དུས་མིན་བསྡུས་པ་འབྱུང་བའི་གཞི་ཞེས་པ་གཞི་ལྟུང་ལྟུང་མིན་གྱི་རྣམ་དབྱེ་ཤེས་ཤིང་དྲན་ནུས་པའི་དགེ་སློང་ཁོ་ནས། བསམ་པ་གསང་འདོད་ཀྱི་བསམ་རྒྱུན་མ་ཆད་པ། སྦྱོར་བ་ལུས་ངག་གིས་འཆབ་པར་བརྩོན་པ། མཐར་ཐུག་སང་གི་སྐྱ་རེངས་ཤར་བར་བཅབས་པ་སྟེ་ཡན་ལག་བཞི་ཀ་ཚང་ན་བཅབས་པའི་ལྷུང་བ་དངོས་གཞིར་འགྱུར་ཞིང༌། མ་ཚང་ན་མི་འགྱུར་བ་དང༌། ཕམ་པ་འཆབ་བཅས་གསོར་མི་རུང་ཞིང༌། འཆབ་པ་མེད་ན་ལས་ཀྱི་བསླབ་པ་སྦྱིན་པའི་སྒོ་ནས་ཕྱིར་བཅོས་བྱེད་པ་དང༌། ལྷག་ལྷུང་བྱུང་ན་སྤོ་མགུ་སོགས་ཀྱི་ཆད་ལས་བསྒྲུབ་པ་དང༌། སྤང་ལྟུང་གང་ལ་བརྟེན་ནས་ལྟུང་བ་བྱུང་བའི་དངོས་པོ་དེ་ཞག་གཅིག་ཏུ་སྤངས་པ་དང༌། གཞན་རྣམས་ལུས་ངག་ཡིད་ཀྱིས་བཤགས་པ་བྱེད་པ་སོགས་རང་རང་གི་ཆོ་ག་བཞིན་བྱེད་པ། |
| དུས་དང་རྣམ་པ་ཀུན |
ག་དུས་ཡིན་ནའང༌ཞེས་པ་དང་འདྲ་སྟེ། (དཔེར་ན།) ལས་ཀ་བྱེད་སྟངས་ཐད་དུས་དང་རྣམ་པ་ཀུན་ཏུ་འདྲ་མཚུངས་མི་འགྱུར་བ་ཞིག་ཡོང་མི་ཤེས་ཞེས་པ་ལྟ་བུ། |
| དུས་དབྱངས |
དུས་འཁོར་དང་དབྱངས་འཆར། |
| དུས་དུས |
སྐབས་སྐབས་སམ། མཚམས་མཚམས་ཀྱི་དོན་ཏེ། (དཔེར་ན།) ལུང་པ་དེའི་ས་བབ་དམའ་ཙམ་འདུག་པས་དུས་དུས་སུ་ཞིང་ག་རྣམས་ཆུས་གནོན་པའི་གནོད་སྐྱོན་ཡོང་། ལེགས་ཉེས་གང་ཡིན་དུས་དུས་སུ་སོ་སོར་རྟོག་དཔྱོད་དགོས་ལྟ་བུ། |
| དུས་དེ་སྲིད |
དུས་དེའི་ཡུན། |
| དུས་དྲུག |
1.ཉིན་ལན་གསུམ། མཚན་ལན་གསུམ་སྟེ་དྲུག2.དཔྱིད། སོས་ཀ། དབྱར། སྟོན། དགུན། དགུན་སྨད་བཅས་དྲུག |
| དུས་ནམ་ཡང |
ག་དུས་ཡིན་རུང༌ཞེས་པ་དང་འདྲ། (དཔེར་ན།) དུས་ནམ་ཡང་བརྗེད་མི་ཐུབ་ཅེས་པ་ལྟ་བུ། |
| དུས་པོ་ཆེ |
(བརྡ་རྙིང་།) འཛིན་པ་ཆེ་བའམ། སེར་སྣ་ཆེ་བ། |
| དུས་ཕུན་སུམ་ཚོགས་པ |
གདུལ་བྱ་རྣམས་འདུལ་བའི་དུས་ལ་བབ་པ། མི་རྣམས་ཚེ་ལོ་བརྒྱ་ཉི་ཤུ་ཐུབ་པའི་དུས་སམ་རྟག་པ་རྒྱུན་གྱི་འཁོར་ལོ། |
| དུས་ཕྱིར་ནུད་པ |
དུས་འགྱངས་པའི་དོན་ཏེ། (དཔེར་ན།) མཇུག་སྒྲིལ་དུས་ཕྱིར་ནུད་པ་ཞེས་པ་ལྟ་བུ། |
| དུས་ཕྱིས |
1.རྗེས་སོར།2.དེང་སང༌། |
| དུས་བཀག |
གཏན་ཁེལ་བཟོས་པའི་ཚེ་སྐབས་ཀྱི་དོན་ཏེ། (དཔེར་ན།) དུས་བཀག་གོང་ནས་ལས་འགན་འགྲུབ་པ། བུ་ལོན་ཡོད་པ་དང་མེད་པ་དུས་བཀག་བྱེད་ཅེས་པ་ལྟ་བུ། |
| དུས་བཀག་བཙོན་འཇུག |
ཁྲིམས་གཅོད་བྱེད་སྟངས་ཤིག ལོ་ཟླ་གྲངས་བཅད་ཀྱིས་བཙོན་ལ་འཇུག་པ། |
| དུས་བཏབ |
མི་དང་མིའི་བར་དུ་བྱ་བ་ཞིག་བྱེད་པའི་ཆེད་དུ་ལྷན་དུ་འཛོམས་པའི་དུས་ངེས་ཅན་ཞིག་གཏན་ཁེལ་བྱས་པའི་དོན། འདི་ལ་དུས་གདབ་ཅེས་འབྲི་བའང་ཡོད། |
| དུས་བཏབ་པ |
དུས་བཏབ་པའི་བྱ་མིང་། |
| དུས་བདག |
(མངོན་བརྗོད།) ཉི་མ། |
| དུས་བདེ་ཞོད་འཇགས |
ལུང་པ་བདེ་འཇགས་ཡིན་པ། |
| དུས་བདེ་ས་འཇམ |
ཟིང་འཁྲུག་མེད་པའི་དུས་བདེ་ཞོད་འཇགས། |
| དུས་བབ |
1.དུས་སྐབས་ངེས་ཅན་ཞིག་གི་ཆ་རྐྱེན་དང་གནས་ཚུལ་གྱི་མིང་། (དཔེར་ན།) དུས་བབ་བཟང་བོ་ཞེས་པ་ལྟ་བུ། 2(བརྡ་རྙིང་།) འཆི་བ། |
| དུས་བཙོན |
དུས་བཀག་བཙོན་འཇུག་གི་བསྡུས་ཚིག |
| དུས་བཞི |
1.ནམ་ཟླ་དུས་བཞི་དཔྱིད། དབྱར། སྟོན། དགུན།2.འདི་ལ་བསྐལ་བ་རྫོགས་ལྡན། གསུམ་ལྡན། གཉིས་ལྡན། རྩོད་ལྡན་ཏེ་བསྐལ་བའི་དབང་དུ་བྱས་པ་བཞི་དང༌། སངས་རྒྱས་ཀྱི་བསྟན་པའི་དབང་དུ་བྱས་ནས་ཀྱང་རྫོགས་ལྡན་སོགས་བཞི་དང་བསྟན་པའི་གནས་ཚད་ཀྱི་དབང་དུ་བྱས་ནས་དུས་བཞི་བཤད་པ་སོགས་མང༌། |
| དུས་བཞི་ཕྱི་མ |
རིགས་ལྡན་དྲག་པོའི་བསྟན་པ་ལོ་སྟོང་དང་བརྒྱད་བརྒྱར་གནས་པ་དེ་ཆ་མཉམ་བཞིར་བགོས་པའི་ཆ་རེ་རེ་ལ་ལོ་བཞི་བརྒྱ་ལྔ་བཅུ་ཡོད་པ་ལ། རིམ་བཞིན་རྫོགས་ལྡན། གསུམ་ལྡན། གཉིས་ལྡན། རྩོད་ལྡན་ཏེ་དུས་བཞི་ཕྱི་མ་ཟེར། |
| དུས་བཞི་སྔ་མ་དང་ཕྱི་མ |
རིགས་ལྡན་དྲག་པོའི་ཡན་གྱི་ལོ་སུམ་སྟོང་སུམ་བརྒྱ་དང་བཞི་སྤྱི་ལོའི་སྔོན་གྱི་880 ནས་དེ་མན་གྱི་2424 བར དུས་བཞི་སྔ་མ་དང༌། རིགས་ལྡན་དྲག་པོའི་བསྟན་པའི་གནས་ཚད་ལོ་ཆིག་སྟོང་བརྒྱད་བརྒྱ་དུས་བཞི་ཕྱི་མ། གཉིས་ཀ་བསྡོམས་ན་ལོ་ལྔ་སྟོང་བརྒྱ་དང་བཞི་དུས་འཁོར་ལུགས་ཀྱི་བསྟན་པའི་གནས་ཚད་ཡིན། |
| དུས་བཞིའི་མེ་ཏོག |
རུམ་གདན་གྱི་ཐགས་རིས་ཁམ་བུའི་མེ་ཏོག་དང༌། ལྕང་མ། འབྲས་བུ། སྨྱུག་མ་བཅས་བཞི། |
| དུས་བཟང |
དུས་ཚོད་ལེགས་པའི་དོན་ཏེ། (དཔེར་ན།) ཚེས་བཟང་དུས་བཟང༌ཞེས་པ་ལྟ་བུ། |
| དུས་བརྒྱད |
མི་ཚེ་གཅིག་གི་དུས་སྐབས་བརྒྱད་དེ་མངལ་ན་གནས་པའི་དུས་དང༌། བཙས་པའི་དུས། བྱིས་པའི་དུས། གཞོན་ནུའི་དུས། ལང་ཚོའི་དུས། དར་ལ་བབ་པའི་དུས། རྒས་པའི་དུས། འཁོགས་པའི་དུས་བཅས་བརྒྱད། |
| དུས་བསྐལ |
(མངོན་བརྗོད།) འཇིག་པའི་བསྐལ་པ། |
| དུས་བསྣུར་བ |
དུས་སྔ་བསྣུར་བྱེད་པའི་དོན་ཏེ། (དཔེར་ན།) འཆར་གཞི་འགྲུབ་དུས་བསྣུར་བ། རྡོག་ཐོན་བྱེད་དུས་བསྣུར་བ་ཞེས་པ་ལྟ་བུ། |
| དུས་བྱ |
1.དུས་ཐོག་ཏུ་འགྲོ་འོང་གི་བྱ་རིགས་ཁུག་རྟ་དང་ཁུ་བྱུག་ལྟ་བུ།2.དུས་བཏང་པ། |
| དུས་བྱས་པ |
1.ཚེ་ལས་འདས་པའམ། ཤི་བ།2.དུས་ཚོད་བསྒྲིགས་པའམ། ཁ་ཆད་བྱས་པའི་དོན་ཏེ། (དཔེར་ན།) འགྲོ་དུས་བྱེད་པ་ཞེས་པ་ལྟ་བུ། |
| དུས་བྱིན་གྱིས་བརླབས་པ |
འདུལ་བ་ལས་བཤད་པའི་ཆོས་ལྡན་གྱི་དོན་དཔེར་ན་དགེ་འདུན་སྤྱིའི་ལྷ་ཚོན་སོགས་ཀྱི་དོན་འདི་ལྟ་བུའི་ཚེ་སྟོན་པས་གནང་བ་ཡིན་སྙམ་དུ་དུས་དྲན་བྱས་ནས་རེག་པ། |
| དུས་བྱེད |
དུས་ཀྱི་བྱེད་པོའི་བསྡུས་ཚིག |
| དུས་མ་ངེས་པའི་གསོ་སྦྱོང |
མཐུན་པའི་གསོ་སྦྱོང་གི་ནང་གསེས། ཟླ་བ་ཕྱེད་ཕྱེད་ཀྱི་ཚེས་བཅོ་ལྔ་ལྟ་བུའི་དུས་ངེས་གཏན་མེད་པར་གསོ་སྦྱོང་བྱ་བ་དེ་ལའང་བཀྲ་ཤིས་པའི་གསོ་སྦྱོང་དང༌། གནོད་པ་བཟློག་པའི་གསོ་སྦྱོང༌། འཁོན་པ་བསྡུམ་པའི་གསོ་སྦྱོང་སྟེ་གསུམ་ཡོད་དོ། ། |
| དུས་མ་ཡིན་པ |
སྐབས་ལ་མ་བབས་པ་སྟེ་འདུལ་བ་ལས་བཤད་པའི་དུས་མ་ཡིན་པའི་ཟས་དང༌། དུས་མ་ཡིན་པར་ཉལ་བ། དུས་མ་ཡིན་པར་སྨྲ་བ་སོགས་ཀྱི་དོན་འདི་ལྟ་བུ། |
| དུས་མ་ཡིན་པར་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གླིང་འདིའི་ཉི་མ་ཕྱེད་ཡོལ་ནས་སང་གི་སྐྱ་རེངས་མ་ཤར་གྱི་བར་དུ་དུས་རུང་གི་སྨན་ཏེ་ཟས་ཟ་བའོ། ། |
| དུས་མཁྱེན |
(མངོན་བརྗོད།) སྐར་རྩིས་མཁན། |
| དུས་མངོན |
དུས་འཁོར་དང་མངོན་པ་མཛོད་གཉིས། |
| དུས་མཆོད |
དུས་ཚིགས་ངེས་ཅན་གྱི་མཆོད་པ། |
| དུས་མཉམ |
དུས་མཚུངས་པའི་དོན་ཏེ། (དཔེར་ན།) སྐད་ཐོས་པ་དང་ངོ་ཤེས་དུས་མཉམ། དུས་མཉམ་དུ་འབྱོར་ནས་ལྷན་ཅིག་ཏུ་བསྡད་ཅེས་པ་ལྟ་བུ། |
| དུས་མཐའ |
1.དུས་ཡུན་ཐུང་ཤོས།2.བསྐལ་པའི་མཐའ་མ།3.ནད་མུག་མཚོན་འཁྲུག་དར་བའི་དུས། |
| དུས་མཐའི་མེ |
དུས་མེའང་ཟེར། བསྐལ་པ་འཇིག་པར་བྱེད་པའི་མེ་ཉི་མ་བདུན་གྱི་ཚ་རེག |
| དུས་མཐའི་རླུང |
འཇིག་རྟེན་འཇིག་པར་བྱེད་པའི་རླུང༌། |
| དུས་མཐའི་སྐད་ཅིག་མ |
དུས་ཡུན་ཐུང་བའི་མཐར་ཐུག་པ་སྐྱེས་བུ་ནད་མེད་སྟོབས་དང་ལྡན་པས་སེ་གོལ་གཅིག་གཏོག་པའི་ཡུན་ལ་ཆ་དྲུག་ཅུ་རེ་ལྔར་ཕྱེ་བའི་ཆ་གཅིག་ཡིན་ཞེས་མངོན་པའི་གཞུང་ལས་གསལ། |
| དུས་མདའ |
ཡུན་ནམ་དུས་རྒྱུན་ཞེས་པའི་དོན་ཏེ། (དཔེར་ན།) དུས་མདའ་ཐུང་བ། དུས་མདའ་རིང་བ་ཞེས་པ་ལྟ་བུ། |
| དུས་མཚམས |
ཚེ་སྐབས་ཀྱི་མཚམས་སམ་གོ་སྐབས་ཀྱི་དོན་ཏེ། (དཔེར་ན།) ཉིན་མཚན་གྱི་དུས་མཚམས། རྒྱལ་ཕམ་དབྱེ་འབྱེད་ཀྱི་དུས་མཚམས་གལ་ཆེར་སླེབས་པ། ཕར་རྒོལ་བྱེད་པའི་དུས་མཚམས་འཚོལ་དགོས་ཞེས་པ་ལྟ་བུ། |
| དུས་མཚུངས་པ |
དུས་མཉམ་པའི་དོན་ཏེ། (དཔེར་ན།) ལྷགས་པ་ཆེན་པོ་རྒྱག་པ་དང་དུས་མཚུངས་སུ་ཆར་པ་ཆེན་པོའང་འབབ་བཞིན་འདུག་ཅེས་པ་ལྟ་བུ། |
| དུས་མིན་གྱི་དགག་དབྱེ |
དགག་དབྱེའི་ནང་གསེས། དུས་ལ་མ་བབ་པར་དགག་དབྱེ་བྱ་བ་དབྱར་ཟླ་བ་གསུམ་དུ་གནས་པའི་མཐུན་རྐྱེན་མ་ཚང་བའམ། འགལ་རྐྱེན་ཉེ་བར་གནས་པ་ན་ཟླ་བ་གཅིག་གམ་ཕྱེད་དང་གཉིས་འདས་པ་ན་དགག་དབྱེ་བྱར་རུང་བ། |
| དུས་མིན་འཆི་བ |
སྐྱེ་བ་དེའི་ཚེ་ཚད་མ་རྫོགས་པར་ཚེ་འཕོ་བ། |
| དུས་མིན་ཤེས་པ |
སྐབས་ལ་མ་བབ་པ་ཧ་གོ་བ་སྟེ། བྱ་ཕོ་དང་སྐར་མཁན་ལྟ་བུ། |
| དུས་མེ |
1.གཟའ་དགུའི་ཡ་གྱལ། སྒྲ་གཅན་དང་ཕྱོགས་ཁ་གཏད་དུ་གནས་པས་ན་སྒྲ་གཅན་གྱི་མཇུག་མ་ཞེས་པའི་ཐ་སྙད་ཐོབ། མིང་གི་རྣམ་གྲངས་ལ་སྒྲ་གཅན་མཇུག་དང༌། སྣ་ཚོགས་མདོག་ཅན། མིག་སྨན་མདོག་ཅན་བཅས་སོ། །2.དུས་མཐའི་མེ་སྟེ་འཇིག་རྟེན་སྟོང་སྐབས་སུ་ཉི་མ་བདུན་ཤར་ནས་འཇིག་རྟེན་སྲེག་པར་བྱེད་པའི་མེ། |
| དུས་ཚད |
དུས་ཚོད་ཀྱི་ཚད་གཞིའི་དོན་ཏེ། (དཔེར་ན།) དུས་ཚད་བཀག་པ། དུས་ཚད་ལས་འདའ་བ་ཞེས་པ་ལྟ་བུ། |
| དུས་ཚིགས |
གཅིག་ལ་དཔྱིད་དབྱར་སྟོན་དགུན་གྱི་དུས་ཚིགས་བཞི་དང་། དུས་ཚིགས་རེ་ལ་ཟླ་བ་གསུམ་རེ་ཡོད། |
| དུས་ཚིགས་གསུམ |
དགུན་དང༌། དཔྱིད། དབྱར་བཅས་ཡིན་ཞིང་སྟོན་གྱི་ཚ་བ་ཆེ་ཞིང་ཆར་པ་འབབ་པས་དབྱར་ཁར་བརྩི་བ། |
| དུས་ཚིགས་ཅན |
(མངོན་བརྗོད།) བུད་མེད་ཀྱི་ཟླ་མཚན་ཅན། |
| དུས་ཚིགས་ཉེར་བཞི |
དཔྱིད་ཟུག་ཁ་བ་ཆར་ལྡོག་སྲིན་བུ་འགུལ། དཔྱིད་མཉམ། ནམ་མཁའི་མདངས་གསལ། འབྲུ་ཆར། དབྱར་ཟུག་བྲི་བ་གང༌། རྨོན་འདེབས། དབྱར་ཉི་ལྡོག་ཚ་ཆུང༌། ཚ་ཆེན། སྟོན་ཟུག་བསིལ་འགུག་ཟིལ་དཀར། སྟོན་མཉམ། བད་ནག་སད་ལྷུང༌། དགུན་ཟུག་ཁ་བ་ཆུང༌། ཁ་བ་ཆེ། དགུན་ཉི་ལྡོག་གྲང་ངར་ཆུང༌། གྲང་ངར་ཆེ་བཅས་སོ། ། |
| དུས་ཚིགས་དྲུག |
དགུན། དགུན་སྨད། དཔྱིད། སོས་ཀ། དབྱར། སྟོན་ཏེ་དྲུག |
| དུས་ཚིགས་བཅུ་གཉིས |
དགུན་ར་བ། དགུན་འབྲིང༌། དགུན་ཐ་ཆུང༌། དཔྱིད་ར་བ། དཔྱིད་འབྲིང༌། དཔྱིད་ཐ་ཆུང༌། དབྱར་ར་བ། དབྱར་འབྲིང༌། དབྱར་ཐ་ཆུང༌། སྟོན་ར་བ། སྟོན་འབྲིང༌། སྟོན་ཐ་ཆུང་རྣམས་སོ། ། |
| དུས་ཚིགས་བཞི |
དགུན་ཟླ་ར་བ་འབྲིང་ཐ་ཆུང༌། དཔྱིད་ར་འབྲིང་ཐ་ཆུང༌། དབྱར་ར་འབྲིང་ཐ་ཆུང༌། སྟོན་ར་འབྲིང་ཐ་ཆུང་སྟེ་བཞི། |
| དུས་ཚིགས་ལྔ |
དབྱར་ཕྱི་མ་ཁས་ལེན་ཤེས་པའི་ཆེད་དུ་འདུལ་གཞུང་ལས་དུས་ཚིགས་ལྔར་དབྱེ་བ་ཧོར་ཟླ་བཅུ་པའི་ཚེས་བཅུ་དྲུག་ནས་ཧོར་ཟླ་གཉིས་པའི་ཚེས་བཅོ་ལྔའི་བར་ཟླ་བ་ཧྲིལ་པོ་བཞི་ནི་དགུན་གྱི་དུས་དང༌། ཧོར་ཟླ་གཉིས་པའི་ཚེས་བཅུ་དྲུག་ནས་ཧོར་ཟླ་དྲུག་པའི་ཚེས་བཅོ་ལྔའི་བར་ཟླ་བ་ཧྲིལ་པོ་བཞི་ནི་དཔྱིད་ཀྱི་དུས་དང༌། ཧོར་ཟླ་དྲུག་པའི་ཚེས་བཅུ་དྲུག་ནས་བདུན་པའི་བཅོ་ལྔའི་བར་ཟླ་བ་ཧྲིལ་པོ་གཅིག་ནི་དབྱར་ཙམ་གྱི་དུས་དང༌། ཧོར་ཟླ་བདུན་པའི་ཚེས་བཅུ་དྲུག་པ་ཞག་གཅིག་དབྱར་ཐུང་ངུའི་དུས་དང༌། ཧོར་ཟླ་བདུན་པའི་ཚེས་བཅུ་དྲུག་ནས་ཧོར་ཟླ་བཅུ་པའི་ཚེས་བཅོ་ལྔའི་བར་ཟླ་བ་གསུམ་ལ་ཞག་གཅིག་མ་ཚང་བ་ནི་དབྱར་རིང་པོའི་དུས། |
| དུས་ཚོད |
1.ཚེ་སྐབས་ཀྱི་རྒྱུན་རིང་ཐུང་གི་འབོར་ཚད་དང༌། སྔ་ཕྱིའི་མཚམས་ཀྱི་དོན་ཏེ། (དཔེར་ན།) དུས་ཚོད་ཁག་བགོས། དུས་ཚོད་མཆོག དུས་ཚོད་ཉེས་པ། དུས་ཚོད་ཟུར་བཀག ཚོགས་འདུ་འཚོག་རྒྱུའི་དུས་ཚོད་འགྱངས་སོང༌ཞེས་པ་ལྟ་བུ། 2.ཉིན་མཚན་མཉམ་པའི་དབང་དུ་བྱས་ན། ནམ་ལངས་ཡོས་ཀྱི་དུས་ཚོད་ནས་ཉི་ནུབ་བྱ་ཡི་དུས་ཚོད་སོགས་དུས་ཚོད་བཅུ་གཉིས་ཡོད། ད་ལྟའི་དུས་ཚོད་འཁོར་ལོ་དང་བསྟུན་ན། དབུགས་བཅོ་ལྔ་སྐར་མ་གཅིག་སྐར་མ་དྲུག་ཅུ་དུས་ཚོད་གཅིག་དུས་ཚོད་ཉེར་བཞི་ཉིན་ཞག་གཅིག་གི་ཡུན་ཚད་ཡིན། |
| དུས་ཚོད་ཉེར་བཞི |
རྒྱ་རྩིས་ལས། ཐིག་ལེ་བྱི་སྨད་ཉིན་མོའི་མགོ། བསེ་རུ་གླང་སྟོད་མིག་གླང་སྨད། མེ་མིག་བྱི་སྟོད་ཉིན་མོའི་མཐའ། དུས་འོག་ཐུན་ནམ་ཕུན་ཡིན་དེ། ཚེས་ཐོབ་ནོར་ཁེ་ལྷག་ཕུན་དང༌། དུས་ཚོད་གང་ཤར་ད་ལྟ་བ། ཁེ་ཕུན་དེ་སྟེང་འདས་པའི་མཚམས། |
| དུས་ཚོད་བཅུ་གཉིས |
ཉིན་ཞག་ཕྲུགས་གཅིག་དུས་ཚོད་བཅུ་གཉིས་སུ་ཕྱེ་སྟེ་ནམ་ལངས། ཉི་ཤར། ཉི་དྲོས། ཉི་ཕྱེད། ཕྱེད་ཡོལ། ཉི་མྱུར། ཉི་ནུབ། ས་སྲོས། སྲོད་འཁོར། ནམ་ཕྱེད། ཕྱེད་ཡོལ། ཐོ་རངས་ཏེ་བཅུ་གཉིས་སོ། ཉིན་མཚན་མཉམ་པའི་སྐབས་སུ་ནམ་ལངས་ཡོས། ཉི་ཤར་འབྲུག་ཅེས་སོགས་སྦྱོར། དུས་ཚོད་རེ་རེར་ཡང་ཆུ་ཚོད་ལྔ་རེ་ཡོད། |
| དུས་ཚོད་འཁོར་ལོ |
དུས་ཚོད་ངོས་འཛིན་བྱེད་ཀྱི་དཔྱད་ཆས་རིགས་སྣ་ཚོགས་ཀྱི་སྤྱི་མིང་། |
| དུས་ཚོད་འཛིན་བྱ |
(མངོན་བརྗོད།) ཁྱིམ་བྱ། |
| དུས་ཚོད་སྨྲ་བ |
(མངོན་བརྗོད།) ཁྱིམ་བྱ། |
| དུས་ཟིང |
དུས་མི་བདེ་བའམ་འཁྲུགས་པའི་དོན་ཏེ། (དཔེར་ན།) སྤྱི་ཚོགས་ལ་དུས་ཟིང་བྱུང་ན་མི་དམངས་ལ་དཀའ་ངལ་འབྱུང༌ཞེས་པ་ལྟ་བུ། |
| དུས་ཟླ |
དུས་ཚོད་ཀྱི་ཟླ་བ། མིང་གི་རྣམ་གྲངས་ལ་འཇལ་བྱེད་དང༌། ཉིན་ཞག་ཚོགས་པ། དབུགས་སྐྱེས། ལོ་ཡི་ཆ་ཤས། ལོ་ཡི་མཛོད། ལོ་ཡི་ཡན་ལག་བཅས་སོ། ། |
| དུས་འཁོར |
དུས་ཀྱི་འཁོར་ལོའི་བསྡུས་མིང༌། |
| དུས་འཁོར་བསྡུས་རྒྱུད |
མཆོག་གི་དང་པོའི་སངས་རྒྱས་ལས་ཕྱུང་བའི་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོའི་བསྡུས་པའི་རྒྱུད། ལེའུ་ལྔ་པ། ཁ་ཆེའི་པནྡི་ཏ་སོ་མ་ནཱ་ཐ་དང༌། ལོ་ཙཱ་བ་འབྲོ་དགེ་སློང་ཤེས་རབ་གྲགས་ཀྱིས་བསྒྱུར་ཅིང༌། ཕྱིས་ཤོང་སྟོན་རྡོ་རྗེ་རྒྱལ་མཚན་གྱིས་འགྱུར་བཅོས་མཛད་པའོ། ། |
| དུས་འཁོར་རྩ་རྒྱུད |
ཤོ་ལོ་ཀ་སྟོང་ཕྲག་བཅུ་གཉིས་ཡོད་ཀྱང་བོད་དུ་དུམ་བུ་གཅིག་སྟེ་དབང་མདོར་བསྟན་མ་གཏོགས་མ་འགྱུར། |
| དུས་འཁོར་སྤྱི་དོན་དྲི་མེད་འོད་རྒྱན |
མཁས་གྲུབ་ནོར་བཟང་རྒྱ་མཚོས་རབ་བྱུང་བརྒྱད་པའི་ས་ཁྱི་ལོར་བརྩམས། |
| དུས་འཁྲུགས |
དམག་འཁྲུགས་པའི་དུས། |
| དུས་འགའ་རེ |
སྐབས་འགའ་ཞེས་པའི་དོན་ཏེ། (དཔེར་ན།) དུས་འགའ་རེར་ལམ་བར་དུ་ཕན་ཚུན་ཐུག་ཡོང༌ཞེས་པ་ལྟ་བུ། |
| དུས་འགྱངས་པ |
དུས་ཡུན་རིང་དུ་སོང་བའི་དོན་ཏེ། (དཔེར་ན།) དུས་འགྱངས་ཆད་ལུས། དེ་རིང་སྨན་པ་བསྟེན་སར་ཡོང་མཁན་མང་བས་སྨན་བཅོས་བྱེད་དུས་འགྱངས་པ་ཞེས་པ་ལྟ་བུ། |
| དུས་འགྱུར |
དུས་ཚོད་ཀྱི་གནས་ཚུལ་འགྱུར་བའི་དོན་ཏེ། (དཔེར་ན།) ཚོད་དཔག་བྱེད་དཀའ་བའི་དུས་འགྱུར་བྱུང་སོང་ལྟ་བུ། |
| དུས་འགྲིག་པ |
དུས་ཚོད་སྐབས་ཁེལ་བའི་དོན་ཏེ། (དཔེར་ན།) ཁྱེད་རང་ཡོང་བ་དང་ང་ལ་ལས་བྲེལ་མེད་པ་དུས་འགྲིག་པ་ཞེས་པ་ལྟ་བུ། |
| དུས་འདས་པ |
1.དུས་གསུམ་གྱི་ནང་གསེས་ཤིག2.དུས་ཡོལ་བ།3.ཤི་བ། |
| དུས་འཕུལ་བ |
ལས་ཀ་མི་བྱེད་པར་དུས་ཚོད་སྐྱེལ་གང་ཐུབ་བྱེད་པའི་དོན་ཏེ། (དཔེར་ན།) ལེ་ལོས་དུས་མ་འཕུལ་ཞིག ཉིན་འཕུལ་དུས་འཕུལ་གྱིས་མི་ཚེ་བསྐྱལ་ཞེས་པ་ལྟ་བུ། |
| དུས་འཕྱི |
འགྱངས་པ། |
| དུས་འབྲས་བུ་ཡོད་པ |
དུས་ཚོད་འཕྲོ་བརླག་ཏུ་མ་སོང་བ། |
| དུས་འབྲེལ་གསོ་སྦྱོང |
དུས་ངེས་པའི་གསོ་སྦྱོང་དང་དོན་གཅིག |
| དུས་འཛིངས |
དུས་འདོམས་པའི་དོན་ཏེ། (དཔེར་ན།) ལས་ཀ་ཁག་མང་དུས་འཛིངས་བྱུང་བར་བརྟེན་བྲེལ་བ་ཆེ་ཙམ་འདུག་ཅེས་པ་ལྟ་བུ། |
| དུས་འཛིན |
(མངོན་བརྗོད།) གཤིན་རྗེ། |
| དུས་ཡིག་ཅན |
(མངོན་བརྗོད།) མཁས་པ། |
| དུས་ཡུན |
དུས་ཀྱི་རིང་ཚད་ཀྱི་དོན་ཏེ། (དཔེར་ན།) འཛུགས་སྐྲུན་ལས་དོན་དུས་ཡུན་ཐུང་ངུ་ཞིག་གི་ནང་དུ་དར་རྒྱས་ཧ་ཅང་ཆེན་པོ་བྱུང་ཡོད། དུས་ཡུན་རིང་པོར་བར་མཚམས་ཆད་ཅེས་པ་ལྟ་བུ། |
| དུས་ཡོལ་བ |
1.དུས་བཏབ་པ་ལས་ཡོལ་བ།2.དབྱར་དགུན་སོགས་རིམ་གྱིས་ཡོལ་བའི་དོན་ཏེ། (དཔེར་ན།) སྟོང་གཏམ་བཤད་པས་དུས་ཡོལ་བར་བྱེད་ཅེས་པ་ལྟ་བུ། |
| དུས་རབས |
སྤྱི་ལོའི་མགོ་ཚུགས་པའི་ལོ་དེ་ནས་བཟུང་ལོ་བརྒྱ་རེའི་ཡུན་ལ་དུས་རབས་ཟེར། |
| དུས་རུང་གི་སྨན |
འདུལ་བ་ལས་བཤད་པའི་སྨན་བཞིའི་ཡ་གྱལ། སྐྱ་རེངས་ཤར་ནས་ཉིན་གུང་ཚུན་ལ་ལོངས་སྤྱོད་དུ་རུང་ཞིང་བཀྲེས་པའི་ནད་སེལ་བ་ལ་གཙོ་བོར་གནང་བའི་སྨན། བཅས་ལྡན་དགེ་སློང་གིས་སྤྱིར་བཏང་ལ་ཕྱི་དྲོ་ལོངས་སྤྱོད་དུ་མི་རུང་བའི་བཟའ་བ་ལྔ་དང་བཅའ་བ་ལྔ་ལྟ་བུའོ། ། དེ་དག་ནི་སྔ་དྲོའི་དུས་ཁོ་ནར་ལོངས་སྤྱོད་དུ་རུང་བས་དུས་རུང་ཞེས་བྱ། |
| དུས་རེ་ཞིག |
གནས་སྐབས་ཤིག་གི་དོན་ཏེ། (དཔེར་ན།) དུས་རེ་ཞིག་ལ་ཕམ་ཉེས་བྱུང༌ཡང་སྐྱོན་མེད་ཅེས་པ་ལྟ་བུ། |
| དུས་རེས་འགའ |
སྐབས་འགའ་ཞིག་ཅེས་པའི་དོན་ཏེ། (དཔེར་ན།) སེམས་ཤུགས་དུས་རེས་འགར་ཆེ་ལ། དུས་རེས་འགར་ཆུང་བ་ཞེས་པ་ལྟ་བུ། |
| དུས་རྒྱུན |
བྱ་ལས་སོགས་མུ་མཐུད་དུ་བྱེད་པའི་དུས་ཡུན་ཏེ། (དཔེར་ན།) དུས་རྒྱུན་པར་སློབ་སྦྱོང་བྱེད། དུས་རྒྱུན་མ་ཉིད་དུ་ལས་ཀ་ལས། དུས་རྒྱུན་གྱི་ལས་ཀ་ཞེས་པ་ལྟ་བུ། |
| དུས་རྟག་པ |
ནམ་རྒྱུན་གྱི་དོན་ཏེ། (དཔེར་ན།) སྔར་གང་བསླབས་པ་རྣམས་ལ་དུས་རྟག་པར་བསྐྱར་སྦྱོང་བྱེད། དུས་རྟག་པར་ལུས་ཤུགས་ཀྱི་ངལ་རྩོལ་ནང་དུ་ཞུགས་ཞེས་པ་ལྟ་བུ། |
| དུས་རྩེན |
(མངོན་བརྗོད།) འདོད་ལྷ། |
| དུས་རླབས |
གྲངས་གནས་ཤིག |
| དུས་ལ་དགའ |
(མངོན་བརྗོད།) ཉི་མ། |
| དུས་ལ་བབ་པ |
བྱ་དངོས་རྣམས་འབྱུང་བར་འཚལ་པའི་རྐྱེན་རྣམས་ཚང་བའི་དོན་ཏེ། (དཔེར་ན།) ཚོགས་ཤིང་དུས་ལ་བབས་པ་ན། འབྲས་བུ་སྨིན་པ་ཉིད་དུ་འགྱུར་ཞེས་པ་ལྟ་བུ། ཚིག་བསྡུས་ན་དུས་བབ་ཅེས་འབྲི་ཆོག་སྟེ། (དཔེར་ན།) དུས་སུ་བབས་པ་ལ་དུས་བབ་ཅེས་པ་ལྟ་བུ། |
| དུས་ལ་ལ |
དུས་ཁ་ཤས་སམ་སྐབས་འགར། |
| དུས་ལས་འདས་པ |
(མངོན་བརྗོད།) ཤི་བ། |
| དུས་ལོག |
དུས་འགྱུར། |
| དུས་ལོག་པ་ཅན |
དུས་སྐབས་ངན་པ། |
| དུས་ལྔ |
དགུན། དཔྱིད། སོས། དབྱར། སྟོན་ཏེ་ལྔ། |
| དུས་ལྡན |
གནས་བརྟན་བཅུ་དྲུག་གི་ཡ་གྱལ་ཞིག་སྟོན་པའི་བཀོད་པ་ལྟར་ཟངས་གླིང་ན་བཞུགས་པའི་གནས་བརྟན་ཞིག |
| དུས་ལྡན་མ |
(མངོན་བརྗོད།) ཟླ་མཚན་དང་ལྡན་མ། |
| དུས་ཤེས |
(མངོན་བརྗོད།) རྩིས་པའམ། སྐར་རྩིས་མཁན། |
| དུས་སུ་འདྲི་བ |
དུས་སུ་གཏམ་འདྲི་བ། |
| དུས་སུ་འབྱོར་བ |
1.དུས་ཐོག་ཏུ་སླེབས་པ།2.ཉི་མ་ཁྱིམ་བཅུ་གཉིས་སོ་སོར་དུས་སྐབས་སུ་འཁོར་བ། |
| དུས་སྐབས |
1.ཚེ་སྐབས་ཀྱི་དོན་ཏེ། (དཔེར་ན།) དུས་སྐབས་མཉམ་པ། དུས་སྐབས་ཐོག་མ། དུས་སྐབས་མཐའ་མ། དུས་སྐབས་བར་མ། དུས་སྐབས་རྙེད་པ། གཞོན་ནུའི་དུས་སྐབས་ཞེས་པ་ལྟ་བུ། 2.བསྐལ་པ། |
| དུས་སྐབས་མཚམས་མེད |
ལོ་ཟླ་ཞག་སོགས་དུས་སྐབས་བར་མཚམས་མེད་པ། |
| དུས་སྐྱེས་ཤིང་སེར |
(མངོན་བརྗོད།) ཤིང་སྨན་ཞིག |
| དུས་སྒོ |
ཚེ་སྐབས་ཀྱི་མཚམས་ཏེ། (དཔེར་ན།) སྔོན་བཀག་དུས་སྒོ། ལས་ཐོག་གི་དུས་སྒོ་གཙང་སོང་ཞེས་པ་ལྟ་བུ། |
| དུས་སྔ |
(མངོན་བརྗོད།) སྟོན་ཀ |
| དུས་སྙིགས |
དུས་ཀྱི་སྙིགས་མའི་བསྡུས་མིང༌། |
| དུས་སྟོན |
དུས་ཚེས་ངེས་ཅན་གྱི་དགའ་སྟོན་གྱི་དོན་ཏེ། (དཔེར་ན།) ལོ་གསར་གྱི་དུས་སྟོན་ཞེས་པ་ལྟ་བུ། འདུལ་བའི་ཚིག་ཟིན་ལ་ཡོད་པ་ནི། ལུམྦྷིའི་ཚལ་དུ་སྐུ་བལྟམས་པའི་དུས་སྟོན། གཙུག་ཕུད་བཞག་པའི་དུས་སྟོན། བྲེགས་པའི་དུས་སྟོན། མངོན་པར་བྱང་ཆུབ་པའི་དུས་སྟོན་རྣམས་སོ། ། |
| དུས་སྡུད་པ |
རྣམ་དབྱེ་ལྔ་པའི་ནང་གསེས་ཏེ། (དཔེར་ན།) ཆུ་ཚོད་དང་པོ་ནས་ལྔ་པའི་བར་ཞེས་པ་ལྟ་བུ། |
| དུས་སྦྱོར |
1.ཏཏཀཱལ་ཞེས་པ་ཉིན་ཞག་གཅིག་ལ་ཁྱིམ་བཅུ་གཉིས་ཀྱི་དབང་གིས་ལུག་གི་དུས་སྦྱོར་ནས་ཉའི་དུས་སྦྱོར་བར་བཅུ་གཉིས་ཉི་མ་གར་གནས་པའི་ས་ནས་རིམ་པར་ཉིན་ཞག་ཕྲུགས་གཅིག་ལ་ལན་རེ་འཁོར་བས་དུས་སྦྱོར་བཅུ་གཉིས་བརྩིས་ཏེ། ས་དུམ་བུ་བཅུ་གཉིས་པོ་རེ་རེ་བཞིན་ལུག་ཁྱིམ་སོགས་གསར་དུ་འཆར་བ་ནས་ཕལ་ཆེར་ཆུ་ཚོད་ལྔའི་རིང་ལ་ཁྱིམ་དེ་དང་དེའི་དུས་སྦྱོར་ཞེས་བཏགས་པ་ཡིན་ལ། དེ་ཡང་སྔོན་ཆད་ཉིན་མོར་སོར་བདུན་ཅན་གྱི་ཐུར་གྲིབ་སོགས་ལ་བརྟེན་ནས་བརྟགས་པ་དང༌། མཚན་མོར་སྐར་མ་ལ་བརྟེན་ནས་བརྟགས་ཤིང༌། ཁྱིམ་གང་གི་དུས་སྦྱོར་འཆར་སྐབས་ཁྱིམ་དེའི་སྟེང་དུ་གཟའ་དགུ་པོའི་གང་རུང་གནས་མི་གནས་ཞིབ་ཏུ་བརྟགས་ནས་ལེགས་ཉེས་ཀྱི་འབྲས་བུ་འབྱིན་པ་ལ་ཆེས་སྟོབས་དང་ལྡན་པ་ཡིན་པས་དུས་སྦྱོར་ཡོན་ཏན་འབུམ་ལྡན་ཞེས་བསྔགས་པ་ཡིན་ནོ། །2.དུས་ཚོད་ཀྱི་འཕྲོད་སྦྱོར་དང་མཐུན་སྒྲིག་བྱེད་པ། |
| དུས་སྦྱོར་གྱི་རླུང |
ཞག་གཅིག་ལ་རླུང་ཉི་ཁྲི་ཆིག་སྟོང་དྲུག་བརྒྱ་ཕྱི་ནང་དུ་འགྲོ་འོང་བྱེད་པ་འབྱུང་འཇུག་གི་མཚན་ཉིད་ཅན། |
| དུཿཁཾ |
(ལེགས་སྦྱར།) སྡུག་བསྔལ་གྱི་དོན་ཏེ། (དཔེར་ན།) ཡབ་རྗེ་འབངས་བཅས་མྱ་ངན་དུཿཁས་གཟིར། འཁོར་བའི་དུཿཁས་ཡོངས་སུ་སྐྱོ་བ་ཞེས་པ་ལྟ་བུ། |
| དེ |
1.དུས་འདས་པ་སྟོན་ཞིང་མི་དང་གནས་ཕ་རོལ་བོ་སོགས་སྟོན་པའི་ཚབ་མིང་། (དཔེར་ན།) སྔོན་གྱི་དུས་དེ་དང་ད་ལྟའི་དུས་འདི། ཕ་རོལ་གྱི་ས་ཆ་དེ་དང་ཚུ་རོལ་གྱི་ས་ཆ་འདི། མི་དེ་ཚོ། བྱ་བ་དེ་དག།དེ་རྣམས་ཞེས་པ་ལྟ་བུ། 2.མིང་མཐའ་ད་ཡིག་གི་རྗེས་སུ་སྦྱར་རྒྱུའི་ལྷག་བཅས་ཀྱི་སྒྲའི་རྐྱེན་ཞིག |
| དེ་ཀ |
དེ་ག་ཡི་འབྲི་ཚུལ་གཞན། |
| དེ་ཁ |
དེ་ག་ཡི་འབྲི་ཚུལ་གཞན། |
| དེ་ཁུལ |
གཞན་ཕྱོགས་ཀྱི་ས་ཁུལ། |
| དེ་ཁོ་ན |
1.དེ་འབའ་ཞིག་གམ་དེ་ཤ་སྟག་ཅེས་པའི་དོན་ཏེ། (དཔེར་ན།) མདུན་སྐྱོད་དེ་ཁོ་ན་ནི་འོད་སྣང་ལྡན་པའི་ལམ་མོ། རྟག་པར་དེ་ཁོ་ན་བཞིན་དུ་གནས་ཞེས་པ་ལྟ་བུ། 2.བདེན་པའི་དོན་ཏེ། (དཔེར་ན།) དེ་ཁོ་ན་ཉག་གཅིག བདེན་དོན་ནི་དེ་ཁོ་ན་རང་ཡིན་ཞེས་པ་ལྟ་བུ། |
| དེ་ཁོ་ན་ཉིད |
1.གཞན་དང་མ་འདྲེས་པ།2.སྟོང་ཉིད་དེ་གནས་ལུགས་མཐར་ཐུག |
| དེ་ཁོ་ན་ཉིད་ཀྱི་དོན |
སྟོང་པ་ཉིད་ཀྱི་དོན། |
| དེ་ཁོ་ན་ཉིད་ཀྱི་དོན་ལ་ཕྱོགས་གཅིག་པ |
ཆོས་རྣམས་ཀྱི་མིང་དེ་དག་སྟོང་པ་ཉིད་དུ་ཤེས་པའི་ཤེས་རབ་སྐྱེས་པ་བྱང་ཆུབ་སེམས་དཔའི་མོས་པས་སྤྱོད་པའི་ཆ་བཞིའི་ནང་གསེས་ཤིག |
| དེ་ཁོ་ན་ཉིད་ཀྱི་མཆོད་པ |
བདེ་བ་ཆེན་པོའི་ཡེ་ཤེས་ཀྱི་མཆོད་པ། |
| དེ་ཁོ་ན་ཉིད་བཞི |
བྱ་རྒྱུད་ཀྱི་དེ་ཁོ་ན་ཉིད་བཞིའི་བསྡུས་ཚིག |
| དེ་ཁོ་ན་ཉིད་བསྡུས་པའི་དཀའ་འགྲེལ |
རྒྱ་གར་གྱི་སློབ་དཔོན་ཀ་མ་ལ་ཤཱི་ལས་བརྩམས་པའི་ཚད་མའི་གཞུང་ཞིག |
| དེ་ཁོ་ན་ཉིད་བསྡུས་པའི་ཚིག་ལེའུར་བྱས་པ |
རྒྱ་གར་གྱི་སློབ་དཔོན་ཞི་བ་འཚོས་བརྩམས་པའི་ཚད་མའི་གཞུང་ཞིག |
| དེ་ཁོ་ན་དེ་བཞིན་ཉིད |
སྟོང་ཉིད། |
| དེ་ཁོ་ན་ཤེས་པ |
སྟོང་ཉིད་རྟོགས་པའི་ཤེས་པ། |
| དེ་ཁོངས |
དེའི་རིགས་དང༌། དེའི་གྲས་ཀྱི་དོན་ཏེ། (དཔེར་ན།) ཚེ་སྐབས་ཀྱི་སྒྲ་ནི་དུས་ཀྱི་ངོ་བོ་སྟོན་པའི་མིང་རྣམས་ཏེ། དེ་རིང་དང༌། སང་ཉིན། ཞོགས་པ། ཉིན་དགུང་སོགས་ཚང་མ་དེ་ཁོངས་སུ་ཡོད་ཅེས་པ་ལྟ་བུ། |
| དེ་ག |
དེ་ཡིན་པ་ཉིད་དུ་ངོས་གཟུང་བའི་ཚིག་ཅིག (དཔེར་ན།) ཁྱེད་རང་གིས་གསུངས་པ་དེ་དེ་ག་རང་རེད། ཡུལ་ལུང་དེའི་གནས་ཚུལ་དེ་ག་རང་དུ་འདུག བསམ་འཆར་ཞུ་རྒྱུ་དེ་ག་རང་ལས་གཞན་མེད། དེ་རིང་འཁྲིད་རྒྱུའི་དཔེ་ཆ་དེ་ག་ཙམ་གྱིས་འགྲིག བསམ་པ་དེ་གས་རྫོགས་པ། དེ་ག་འདྲ་པོའི་ཚིག་པ་ཟ་དགོས་དོགས་མེད་ཅེས་པ་ལྟ་བུ། |
| དེ་ག་ཟེར |
དེ་འདྲ་ཟེར་ཞེས་པའི་དོན་ཏེ། (དཔེར་ན།) སྔར་བྱུང་གནས་ཚུལ་དེ་ག་ཟེར་གྱི་འདུག་བདེན་པ་ཡིན་མིན་ད་དུང་བརྟག་དཔྱད་བྱེད་དགོས་ལྟ་བུ། |
| དེ་ག་རང |
1.སྔར་གྱི་བྱ་དངོས་སོགས་རང་སོ་ན་གནས་པའི་དོན་ཏེ། (དཔེར་ན།) ས་དེ་ག་རང་ན་བསྡད་འདུག་ལྟ་བུ། 2.བཤད་མཁན་གྱི་ཚིག་ལ་ཉན་མཁན་གྱིས་མཐུན་སྦྱོར་བྱེད་པའི་དོན་ཏེ། (དཔེར་ན།) ཁྱེད་ཀྱིས་གསུངས་པ་དེ་ག་རང་རེད་ལྟ་བུ། |
| དེ་ཅིའི་ཕྱིར་ཞེ་ན |
དེ་གང་ཡིན་ཟེར་ན། |
| དེ་ཉིད |
1.དེ་ཡིན་པ་ཉིད་དུ་ངོས་གཟུང་བའི་ཚིག་ཅིག། (དཔེར་ན།) མི་དེ་དེ་ཉིད། རྟ་དེ་ཉིད། དངོས་པོ་དེ་ཉིད་ཅེས་པ་ལྟ་བུ། 2.(མངོན་བརྗོད།) སྔར་རྒྱ་གར་གྱི་མུ་སྟེགས་གྲངས་ཅན་པ་ཚོས་ཁས་བླངས་པའི་དེ་ཉིད་ཟེར་བའི་གྲས་སུ་མིག་དང༌། རྣ་བ། ལྕེ། སྣ། ལག་པ། རྐང་པ། འཕོངས། པགས་པ། འདོམས། ངག་ཡིད། སྒྲ། རེག་གཟུགས། རོ། དྲི། ནམ་མཁའ། ས། ཆུ། མེ། རླུང༌། གཙོ་བོ། ཆེན་པོ། ང་རྒྱལ། སྐྱེས་བུ་བཅས་ཉེར་ལྔ་ཡོད་པས་གྲངས་ཉེར་ལྔ་མཚོན།3.དམ་པའམ་ཡུལ་གོང་མ་ལ་སྦྱོར་རྒྱུའི་ཞེ་ཚིག (དཔེར་ན།) མཁན་པོ་དེ་ཉིད། བླ་མ་དེ་ཉིད་ཅེས་པ་ལྟ་བུ། 4.དེ་ཁོ་ན་ཉིད་ཀྱི་བསྡུས་ཚིག |
| དེ་ཉིད་ཀྱི་དོན་ཅན་ཚིག་ཕྲད |
སྐབས་སྐབས་སུ་བསྟན་བྱ་ལྷག་མ་གཞན་སྟོན་པས་དོན་གསལ་བར་བྱེད་པའི་རྒྱན་དང༌། སྐབས་སྐབས་སུ་དོན་ཟུར་པ་མི་སྟོན་ཡང་ཚིག་གི་ཁ་སྐོང་ལྟ་བུར་འཇུག་པས་ཚིག་མཛེས་བྱེད་ཀྱི་རྒྱན་ཅི་རིགས་སུ་སྦྱོར་བའི་ཚིག་ཕྲད་ཅིག་ (དཔེར་ན།) ཤིན་ཏུ། ཀུན་ཏུ། རབ་ཏུ། མཆོག་ཏུ། ཁྱད་དུ། རྨད་དུ། ཕུལ་དུ། ཡང་དག་པར། མངོན་པར། རྣམ་པར། ཉེ་བར། ངེས་པར། ཁྱད་པར། རྗེས་སུ་ལ་སོགས་པ་ལྟ་བུ། |
| དེ་ཉིད་ཀྱི་ཕྱིར |
དེའི་ཆེད་དུའམ་དེའི་དོན་དུ་ཞེས་པ་དང་འདྲ། |
| དེ་ཉིད་ཀྱི་མོད |
དེ་མ་ཐག |
| དེ་ཉིད་ཀྱི་ཚེ |
དེའི་སྐབས། |
| དེ་ཉིད་ཀྱི་སྒྲ |
ལས་དང༌། བྱ་བ་སོ་སོར་འབྱེད་ཀྱང༌། མིང་ཚིག་གང་རུང་གི་གཞི་གཅིག་ལ་སྦྱོར་བའི་ཚེ། བྱ་ལས་ངོ་བོ་ཐ་མི་དད་པར་བྱ་བ་གཅིག་ལ་སྦྱར་ནས་གོ་དགོས་པར་བརྟེན། བྱ་ཡུལ་དེ་ཉིད་བྱ་བའི་རང་བཞིན་ཉིད་དུ་འགྲུབ་པར་སྟོན་པའི་རྐྱེན་ནི། སྐབས་འདིའི་ལས་སམ། བྱ་བའི་ཡུལ་དེ་མིང་རྐྱང་ཡིན་ན་རྣམ་དབྱེའི་རྐྱེན་དེ་འགྱུར་བའམ། འགྲུབ་པའི་དོན་དུ་གོ་རྒྱུ་དང༌། ལས་ཚིག་གམ། ཁྱད་ཆོས་ཡིན་ན་རྣམ་འགྱུར་ཞིག་མཚོན་པའི་དོན་དུ་གོ་དགོས་པ། (དཔེར་ན།) མེར་འབར། འོད་དུ་འཚེར། གོང་དུ་འཕེལ། གཉེན་དགྲ་རུ་འཛིན། ཆུ་ཆང་དུ་མོས། ཞེས་པ་ལྟ་བུ་མིང་རྐྱང་དང༌། གནས་ལུགས་ཤེས་པར་བྱེད། རེ་དོན་འགྲུབ་པར་འགྱུར། བསམ་འཆར་བཤད་པར་བྱ། ཞེས་པ་ལྟ་བུ་ལས་ཚིག་ཐག་པ་རིང་དུ་གཏོང༌། གོམ་སྟབས་འཁྱོག་པོར་སྒྱུར། ཕྱུགས་རྣམས་ག་ལེར་ལོག་ཡོང༌། ཞེས་པ་ལྟ་བུའོ། ། |
| དེ་ཉིད་བཅུ |
སྔགས་ཀྱི་དེ་ཉིད་བཅུ་དཀྱིལ་འཁོར་དང༌། སྔགས་དང༌། ཕྱག་རྒྱ་དང༌། བདག་དང༌། གནས་ལ་སོགས་པ་བསྲུང་བ་དང༌། ལྷ་རྣམས་སྤྱན་དྲངས་པའི་ཆོ་ག་དང༌། བཟླས་བརྗོད་དང༌། བསྒོམ་པ་དང༌། ཕྱི་དང་ནང་གི་བདག་ཉིད་ཅན་གྱི་སྦྱིན་སྲེག་དང༌། ཉེ་བར་བསྡུ་བ་དང༌། གཤེགས་སུ་གསོལ་བ་རྣམས་སོ། ། |
| དེ་ཉིད་བརྗོད་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དང༌། དོན་གཉིས་ཕན་ཚུན་ཁྱད་ཆོས་འདྲ་ཆེ་བས་ནོར་ཉེན་ཡོད་མོད། འོན་ཀྱང་མ་འདྲེས་མ་འཁྲུལ་བར་དཔེ་དོན་གྱི་གནས་ལུགས་སོ་སོར་ངེས་པ་སྟོན་པའི་རྒྱན་ཞིག |
| དེ་ཉིད་རིག་པ |
སྟོང་ཉིད་རྟོགས་པའི་དོན་ཏེ། (དཔེར་ན།) དེ་ཉིད་རིག་པའི་རྣལ་འབྱོར་པ། འདོད་ལ་སྤྱོད་ཀྱང་ཞེན་པ་མེད་ཅེས་པ་ལྟ་བུ། |
| དེ་ཉིད་རྟོགས་འབྲིང |
(མངོན་བརྗོད།) རང་སངས་རྒྱས། |
| དེ་དག |
1.མང་པོའམ་དུ་མ་སྟོན་པའི་ཚིག་སྟེ། (དཔེར་ན།) མི་དེ་དག དེ་དག་དང་མཚུངས་པ། དེ་དག་ཐམས་ཅད། དེ་དག་ལས་གཞན་པ། དེ་དག་ལས་བཟློག་པ་ཞེས་པ་ལྟ་བུ། 2.གཉིས་ཚིག |
| དེ་དགོང |
དེ་རིང་དགོང་མོ་ཞེས་པའི་བསྡུས་མིང༌། |
| དེ་དང་དེ |
ངེས་གཟུང་གི་སྒྲ་ཞིག (དཔེར་ན།) ལུང་པ་དེ་དང་དེ་ལ་གནས་ཚུལ་དེ་དང་དེ་བྱུང་ཞེས་པ་ལྟ་བུ། |
| དེ་དང་ཕྲད་པ |
1.མི་དེ་དང་ཐུག་པ།2.རྐྱེན་དེ་དང་ཕྲད་པ། |
| དེ་དང་འཚམས་པ |
དེ་དང་ཕན་ཚུན་མཐུན་ཞིང་རན་པའི་དོན་ཏེ། (དཔེར་ན།) དབང་པོའི་རིམ་པ་དེ་དང་འཚམས་པའི་སློབ་གསོ་ཡང་ཡང་བྱས་ལྟ་བུ། |
| དེ་དུས |
སྐབས་ཐོག་གི་དོན་ཏེ། (དཔེར་ན།) དེ་དུས་ང་ཡང་ཕྱིན་པ་ཡིན་ལྟ་བུ། |
| དེ་དུས་དེ་མིན |
སྔ་ཚིག་ཕྱི་འགལ། |
| དེ་དེ |
དེ་དང་དེའི་བསྡུས་ཚིག |
| དེ་དེ་བཞིན |
དེ་ག་རང་རེད་ཅེས་པའི་དོན་ཏེ། (དཔེར་ན།) དངོས་ཡོད་ཀྱི་གནས་ཚུལ་གང་གསུངས་པ་དེ་དེ་བཞིན་ནོ་ཞེས་པ་ལྟ་བུ། |
| དེ་དོན |
1.གོང་དུ་བཤད་པ་དེའི་དོན་ཞེས་པ་སྟེ། (དཔེར་ན།) དེ་དོན་མ་བརྗེད་པར་གྱིས། དེ་དོན་དགོངས་དབྱིངས་སུ་འཇགས་པ་འཚལ་ཞེས་པ་ལྟ་བུ། 2.དེའི་དོན་དུའི་བསྡུས་ཚིག |
| དེ་ན |
(བསྣན་ཚིག) ངེས་བཟུང་གི་དོན་ཏེ། (དཔེར་ན།) གནས་དེ་ན་སློབ་གྲོགས་མང་བོ་ཡོད། ནགས་དེ་ན་བྱ་དང་རི་དྭགས་མང་ལྟ་བུ། དེ་བས་ན་དང་དོན་འདྲ། |
| དེ་ནས |
(སྦྲེལ་ཚིག) ཚིག་དོན་སྔ་ཕྱི་རིམ་པ་སྟོན་པའི་ཚིག་ཕྲད་དེ། (དཔེར་ན།) ང་མལ་ལས་ལངས་ནས་ཁ་ལག་བཀྲུས་ཤིང་། དེ་ནས་ནང་ཇ་འཐུངས་རྗེས་སློབ་གྲྭར་སོང་བ་ཡིན་ལྟ་བུ། |
| དེ་ནས་ནི |
བྱ་བ་སྔ་ཕྱི་མཚམས་སྦྱོར་གྱི་ཕྲད་དེ། (དཔེར་ན།) མི་གཞན་བཏང་བར་མ་ཟད་དེ་ནས་ནི་ཁོ་རང་ཡང་ཕྱིན་སོང༌ཞེས་པ་ལྟ་བུ། |
| དེ་ནས་བཟུང |
ཡུལ་དུས་ངེས་ཅན་དེ་ནས་བཟུང༌ཞེས་པའི་དོན་ཏེ། (དཔེར་ན།) དུས་དེ་ནས་གཟུང་ལོ་གྲངས་མང་པོའི་བར་ཞེས་པ་ལྟ་བུ། |
| དེ་པ |
(ཚབ་ཚིག) དུས་འདས་པ་དང་གནས་ཕ་རོལ་གྱི་མི་སྟེ། (དཔེར་ན།) མི་དེ་པ་ཚང་། ཁྱིམ་དེ་པའི་རྟ་ཞེས་པ་ལྟ་བུ། |
| དེ་ཕན་ཆད |
ཡུལ་དུས་ངེས་ཅན་དེ་ཕན་ཆད་ཅེས་པའི་དོན་ཏེ། (དཔེར་ན།) ཡུལ་དེ་ཕན་ཆད་ཁོ་ཚོའི་ཡིན། དུས་ཚོད་དེ་ཕན་ཆད་འདས་པའི་དུས་ཡིན་ཞེས་པ་ལྟ་བུ། |
| དེ་ཕོ |
ཕོ་བྱའི་ལུས་ཀྱི་སྒྲོ་མདོག་ཁྲ་ཞིང་མཛེས་པའི་རི་བྱ་རིགས་ཤིག་ཡིན། མཇུག་སྒྲོ་རིང་བོར་ནག་ཐིག་འཕྲེད་ཆོད་མང་བོ་ཡོད། མོ་བྱའི་ལུས་ཀྱི་སྒྲོ་མདོག་ཕོ་བྱ་ལས་སྐྱ་ཞིང་མཇུག་སྒྲོ་ཡང་ཕོ་བྱ་ལས་ཐུང་། |
| དེ་ཕོ་མཚའ་ལུ |
ཁྱིམ་བྱ་ཕོ་སྤུ་མདོག་དམར་པོ། |
| དེ་ཕྱིན་ཆད |
དེ་ནས་རྗེས་སུ་ཞེས་པའི་དོན་ཏེ། (དཔེར་ན།) སྔར་དེ་ལྟར་བྱུང་ཡང་དེ་ཕྱིན་ཆད་ལས་དོན་དེ་ལྟར་བྱུང་མེད་ཅེས་པ་ལྟ་བུ། |
| དེ་ཕྱིར |
(སྦྲེལ་ཚིག) ཚིག་དོན་སྔོན་མ་རྒྱུ་མཚན་བྱས་ནས་ཚིག་དོན་ཕྱི་མར་བདེན་དཔང་བྱེད་པ་སྟེ། (དཔེར་ན།) ཚན་རིག་པ་སྐྱེད་སྲིང་བྱེད་པ་ལ་ཐོག་མར་སློབ་གྲྭ་ཆུང་འབྲིང་ནས་ཡོན་ཏན་གྱི་རྨང་གཞི་འདིང་དགོས། དེའི་ཕྱིར་སློབ་གྲྭ་ཆུང་འབྲིང་གི་སློབ་གསོ་ནི་དམར་ཞིང་མཁས་པའི་ཚན་རིག་པ་སྐྱེད་སྲིང་བྱེད་པའི་རྨང་གཞིའི་སློབ་གསོ་རེད་ཅེས་པ་ལྟ་བུ། |
| དེ་བ |
1.ཤིང་ཞིག རོ་ཁ། ཞུ་རྗེས་བསིལ། ནུས་པས་གློ་བའི་ཚད་པ་དང༌། རིམས་ཚད་སེལ།3.(ལེགས་སྦྱར།) ལྷ། |
| དེ་བཞིན |
1.དེ་ལྟར་ཞེས་པའི་དོན་ཏེ། (དཔེར་ན།) གཤམ་གསལ་དོན་ཚན་རྣམས་ཀྱང་གོང་འཁོད་དེ་བཞིན་དུ་སྦྱར་ཆོག ཁྱེད་ཀྱིས་གསུངས་པ་དེ་བཞིན་ཁོ་བོས་ཇི་བཞིན་པར་རྟོགས་བྱུང༌ཞེས་པ་ལྟ་བུ། 2.དངོས་པོ་སོ་སོའི་ངོ་བོ་ངེས་གཟུང་གི་མཚོན་དཔེའི་དོན་ཏེ། (དཔེར་ན།) ཁང་པ་དེ་བཞིན། ལུག་རྫི་དེ་བཞིན། ལས་ཀ་དེ་བཞིན། སྐད་ཆ་དེ་བཞིན་ཞེས་པ་ལྟ་བུ། |
| དེ་བཞིན་གཤེགས་པ |
སྲིད་ཞི་གཉིས་ཀྱི་མཐའ་ལ་མི་གནས་པའི་དེ་བཞིན་ཉིད་ཀྱི་ལམ་ལ་བརྟེན་ནས་བྱང་ཆུབ་ཆེན་པོར་མངོན་པར་གཤེགས་པ། |
| དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་སེམས་ཅན་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན |
རྒྱ་གར་གྱི་མཁན་པོ་ཛི་ན་མི་ཏྲ་དང༌། སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེ་དང་ཅོག་རོ་ཀླུའི་རྒྱལ་མཚན་གྱིས་བསྒྱུར་པའི་མདོ་སྡེ་ཞིག |
| དེ་བཞིན་གཤེགས་པ་དྲི་མེད་ཟླ་འོད |
སངས་རྒྱས་ཤིག་གི་མཚན། |
| དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ |
ཐེག་པ་ཆེན་པོའི་མདོ་ཤླཽ་ཀ་བརྒྱད་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པའོ། ། |
| དེ་བཞིན་གཤེགས་པ་བཞི |
རྒྱལ་བ་རིན་ཆེན་མང༌། གཟུགས་མཛེས་དམ་པ། སྐུ་འབྱམས་ཀླས། འཇིགས་པ་ཐམས་ཅད་དང་བྲལ་བའོ། ། |
| དེ་བཞིན་གཤེགས་པ་མི་འཁྲུགས་པའི་བཀོད་པ |
དེ་བཞིན་གཤེགས་པའི་བཀོད་པའི་ལེའུ་བམ་པོ་ལྔ་དང་ལེའུ་ལྔ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། |
| དེ་བཞིན་གཤེགས་པ་རིགས་ལྔ |
རྣམ་སྣང་དང༌། མི་བསྐྱོད་པ། འོད་དཔག་མེད། རིན་འབྱུང༌། དོན་གྲུབ་བཅས་ལྔ། |
| དེ་བཞིན་གཤེགས་པ་རྗེས་སུ་དྲན་པ |
སངས་རྒྱས་རྗེས་སུ་དྲན་པ་དང་དོན་གཅིག |
| དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས |
རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པའི་མདོ་སྡེ་གླེགས་བམ་ང་པར་བཞུགས་པ། |
| དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ |
མཚམས་མེད་ལྔའི་ནང་ཚན། |
| དེ་བཞིན་གཤེགས་པའི་གཟུགས་སྐུ |
གདུལ་བྱའི་སྣང་ངོར་སངས་རྒྱས་ཀྱི་སྐུ་བཞིན་ལག་ཅན་གྱི་རྣམ་པར་ཤར་བ། |
| དེ་བཞིན་གཤེགས་པའི་གསང་བ་བསམ་གྱིས་མི་ཁྱབ་པ་བསྟན་པ |
བམ་པོ་བཅུ་དང་ལེའུ་ཉེར་ལྔ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པའོ། ། མདོ་དཀོན་བརྩེགས་ནང་དུ་བཞུགས་པ། |
| དེ་བཞིན་གཤེགས་པའི་ཆོས་སྐུ |
སྐུ་གསུམ་གྱི་ནང་གསེས་སངས་རྒྱས་ཀྱི་ཆོས་སྐུ་སྟེ་སྤང་རྟོགས་མཐར་ཕྱིན་པའི་ཡེ་ཤེས་ཀྱི་སྐུ། |
| དེ་བཞིན་གཤེགས་པའི་ཐེག་པ |
སངས་རྒྱས་ཀྱི་ཐེག་པ་སྟེ་མཐར་ཐུག་གི་ཐེག་པའམ་ཐེག་པ་ཆེན་པོ། ། |
| དེ་བཞིན་གཤེགས་པའི་དགེ་བ་བསམ་གཏན |
ཤེས་བྱ་ཐམས་ཅད་མ་ལུས་པར་ཐུགས་སུ་ཆུད་ཅིང་ཉོན་མོངས་པ་དང་ཤེས་བྱའི་སྒྲིབ་པ་མ་ལུས་པར་སྤངས་པས་ཅི་ལ་ཡང་རྣམ་པར་མི་རྟོག་པར་ལྷུན་གྱིས་གྲུབ་ནས་བདག་དང་གཞན་གྱི་དོན་མ་ལུས་པར་འཛིན་པ། |
| དེ་བཞིན་གཤེགས་པའི་དྲིལ་བུ |
དྲིལ་བུའི་རྣམ་གྲངས་ཤིག |
| དེ་བཞིན་གཤེགས་པའི་བསྟན་པ |
ལུང་དང་རྟོགས་པའི་ཆོས། |
| དེ་བཞིན་གཤེགས་པའི་མཚན་དཔེ |
སངས་རྒྱས་ཀྱི་སྐུ་གཟུགས་མཚན་བཟང་སོ་གཉིས་དང་དཔེ་བྱད་བརྒྱད་ཅུ་ཚང་བ། |
| དེ་བཞིན་གཤེགས་པའི་མི་འཇིག་པ་བཞི |
མི་འཇིག་པ་བཞི་དང་དོན་གཅིག |
| དེ་བཞིན་གཤེགས་པའི་འཁོར་བཞི |
དགེ་ཚུལ་ཕ་མ་དང༌། དགེ་སློང་ཕ་མ་བཅས་བཞིའོ། ། |
| དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པ |
བམ་པོ་གསུམ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་པྲཛྙཱ་ཝརྨ། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པའོ། ། |
| དེ་བཞིན་གཤེགས་པའི་རིགས |
1.རིགས་གསུམ་གྱི་ནང་གསེས་ཐེག་པ་ཆེན་པོའི་རིགས་ཏེ་ས་དང་ཕ་རོལ་ཏུ་ཕྱིན་པ་མཉན་ཞིང་བསྒོམ་པའི་བག་ཆགས་ཡོད་པ།2.སྔགས་ལུགས་ཀྱི་རིགས་གསུམ་གྱི་ནང་གསེས་ཤིག |
| དེ་བཞིན་གཤེགས་པའི་རྣམ་པ་ཐམས་ཅད་མཁྱེན་པ |
ཐམས་ཅད་མཁྱེན་པའི་ཡེ་ཤེས། |
| དེ་བཞིན་གཤེགས་པའི་ས |
སངས་རྒྱས་ཀྱི་ས་སྟེ་ཀུན་ཏུ་འོད་ཀྱི་ས། |
| དེ་བཞིན་གཤེགས་པའི་སྙིང་པོ |
1.འཕགས་པ་དེ་བཞིན་གཤེགས་པའི་སྙིང་པོ་ཞེས་བྱ་བའི་མདོ་བམ་པོ་གཅིག་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པའོ། །2.བདེ་གཤེགས་སྙིང་པོ་སྟེ་རང་བཞིན་གནས་རིགས། |
| དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ |
འཕགས་པ་དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ་ཞེས་བྱ་བ་གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོ་བམ་པོ་བདུན་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། |
| དེ་བཞིན་གཤེགས་པའི་སྟོབས་བཅུ |
སྟོབས་བཅུ་དང་དོན་གཅིག |
| དེ་བཞིན་གཤེགས་པའི་སྲས |
བྱང་ཆུབ་སེམས་དཔའ་སྤྱི། |
| དེ་བཞིན་ཉིད |
སྤྲོས་པ་དང་བྲལ་བའི་ཆོས་ཀྱི་དབྱིངས་སོ། ། |
| དེ་བཞིན་ཉིད་ཀྱི་ངོ་བོ་ཉིད |
སྟོང་ཉིད་ཀྱི་སྟོང་ཉིད། |
| དེ་བཞིན་ཉིད་གསུམ |
མངོན་པ་ཀུན་བཏུས་ལུགས་སུ་དེ་བཞིན་ཉིད་ནི་ཆོས་ཉིད་ལ་ཁྱད་མེད་ཀྱང༌། ཆོས་ཅན་རྟེན་ཐ་དད་པའི་སྒོ་ནས་དགེ་བ་དང༌། མི་དགེ་བ་དང༌། ལུང་མ་བསྟན་གྱི་དེ་བཞིན་ཉིད་གསུམ་མོ། ། |
| དེ་བཞིན་ཉིད་དམིགས་བསམ་གཏན |
ས་དང་པོ་ཡན་ཆོད་ས་བཅུ་པ་མན་ཆད་ཀྱི་བྱང་ཆུབ་སེམས་དཔའ་རྣམས་ཀྱིས་ཆོས་ཀྱི་དབྱིངས་སྟོང་པའི་དོན་ས་རེ་རེ་བཞིན་ཡེ་ཤེས་ཀྱི་ཁྱད་པར་གྱིས་རིམ་པར་བསྒོམ་པ། |
| དེ་བཞིན་ཉིད་དུ་རོ་གཅིག་པ |
ཆོས་དབྱིངས་སུ་རོ་གཅིག་པ། |
| དེ་བཞིན་ཉིད་བདག |
ཆོས་དབྱིངས་སམ། དམ་པའི་བདག |
| དེ་བཞིན་འོངས་པ |
དེ་བཞིན་གཤེགས་པ་དང་དོན་གཅིག |
| དེ་བར |
ཡུལ་དུས་ཀྱི་བར་མཚམས། |
| དེ་བས་ཀྱང |
ད་ཡོད་ལས་ལྷག་པའི་དོན་ཏེ། (དཔེར་ན།) ཐོན་སྐྱེད་དེ་བས་ཀྱང་དར་རྒྱས་ཆེ་བ། ནང་གི་དོན་སྙིང་དེ་བས་ཀྱང་ཆ་ལག་ཚང་བ། གྲོགས་པོ་དེ་བས་ཀྱང་མང་བ། རྒྱུ་མཚན་དེ་བས་ཀྱང་མང་ཞེས་པ་ལྟ་བུ། |
| དེ་བས་ན |
དེ་ཡི་ཕྱིར་རམ། དེས་ན་ཞེས་པའི་དོན་ཏེ། (དཔེར་ན།) འཚོ་བའི་མཐུན་རྐྱེན་སོགས་ཇེ་ལེགས་སུ་ཕྱིན་པ་རེད། དེ་བས་ན་མིའི་ལུས་ཁམས་བདེ་ཐང་དུ་གྱུར་པ་རེད་ཅེས་པ་ལྟ་བུ། |
| དེ་བས་ན |
(སྦྲེལ་ཚིག) རྒྱུ་མཚན་གྱི་དོན་ཏེ། (དཔེར་ན།) སློབ་སྦྱོང་མ་བྱས་ན་རྗེས་སུ་ལུས་ངེས་ཡིན། དེ་བས་ན་ང་ཚོས་སློབ་སྦྱོང་ལེགས་པར་བྱེད་དགོས་ལྟ་བུ། |
| དེ་བྱིངས |
དེ་མིན་སྤྱི་བྱིངས་ཞེས་པའི་དོན་ཏེ། (དཔེར་ན།) དེར་ཡོད་ཞིང་གའི་བརྒྱ་ཆ་ལྔ་ཙམ་ལ་སྔོ་ཚལ་བཏབ་ཅིང༌། དེ་བྱིངས་ཚང་མར་བཟའ་འབྲུ་བཏབ་ཅེས་པ་ལྟ་བུ། |
| དེ་བྱུང་འབྲེལ |
འབྲེལ་བའི་ནང་གསེས། དེ་ལས་དེ་བྱུང་གི་འབྲེལ་བ་རྒྱུ་དང་འབྲས་བུའི་འབྲེལ་བ་གཉིས་ཡོད། (དཔེར་ན།) མེ་དང་དུ་བ་ལྟ་བུ། རྫས་ཐ་དད་པ་ཡིན་ཞིང༌། མེ་ལོག་ན་དུ་བ་ལོག་པར་འགྱུར་བ་རྟེན་འབྱུང་གི་འབྲེལ་བའོ། ། |
| དེ་མ་ཁད |
དེ་མ་ཐག |
| དེ་མ་གཏོགས |
དེ་ལས་གཞན། |
| དེ་མ་ཐག |
(བསྣན་ཚིག) དུས་ཐུང་བའམ་མྱུར་བའི་དོན་ཏེ། (དཔེར་ན།) ནད་དྲག་པོ་བྱུང་ན་དེ་མ་ཐག་སྨན་པ་ལ་སྟོན་དགོས། དགྲ་དམག་འོངས་ན་དེ་མ་ཐག་དགྲ་འགོག་གི་འཐབ་འཛིང་བྱེད་དགོས་ལྟ་བུ། |
| དེ་མ་ཐག་པ |
དེ་མ་ཐག་དང་དོན་གཅིག |
| དེ་མ་ཐག་པའི་རྐྱེན |
རྐྱེན་བཞིའི་ནང་གསེས། སེམས་སེམས་བྱུང་མཚུངས་པ་རྣམས་ཀྱིས་སྔ་མ་གང་ཞིག་འགག་པའི་དེ་མ་ཐག་ཏུ་རང་གི་ཕྱི་ལོགས་ཀྱི་སེམས་སེམས་བྱུང་སྐྱེད་པའོ། ། |
| དེ་མ་ཐག་པའི་ལམ |
མྱུར་ལམ། |
| དེ་མ་འདྲོག |
(བརྡ་རྙིང་།) འཕྲལ་དང༌། དེ་མ་ཐག |
| དེ་མན་ཆད |
མཚམས་ཤིག་གིས་བཅད་པའི་དོན་ཏེ། (དཔེར་ན།) ས་ཆ་དེ་མན་ཆད་རོང་ཁུལ་ཡིན། ལོ་དུས་དེ་མན་ཆད་ད་ལྟའི་དུས་རབས་ཀྱི་ཁོངས་སུ་བརྩི་དགོས་ཞེས་པ་ལྟ་བུ། |
| དེ་མཚུངས |
དེ་བཞིན་དང་འདྲ། |
| དེ་མཚུངས་ཀྱི་དབང་པོ |
རང་འབྲས་དབང་ཤེས་ཀྱི་ཐུན་མོང་མ་ཡིན་པའི་རྟེན་ནམ་བདག་རྐྱེན་དུ་གྱུར་པ་མ་ཡིན་པ། གཉིད་ལོག་པའི་དུས་སྐབས་ཀྱི་མིག་རྣ་སྣ་ལྕེ་ལུས་ཀྱི་དབང་པོ་རྣམས་སོ། ། |
| དེ་མིན |
དེ་མ་ཡིན་པ་ཞེས་པའི་དོན་ཏེ། (དཔེར་ན།) གོང་དུ་ཞུས་པ་རྣམས་ལས་དེ་མིན་བསམ་འཆར་མེད་ཅེས་པ་ལྟ་བུ། |
| དེ་མུ |
དེའི་ངང་དང༌། དེ་ལྟ་ནང་བཞིན་ཞེས་པའི་དོན་ཏེ། (དཔེར་ན།) མི་གསོད་མེ་རྒྱག་གི་རྩིང་སྤྱོད་གང་བྱས་དེ་མུར་གཏན་ནས་བཟོད་སྒོམ་མི་རུང༌། ཚུལ་མིན་གྱི་བསམ་བློ་དེ་མུར་བཞག་ནས་ལེགས་བཅོས་མ་བཏང་ན་རང་ཉིད་ལ་ཕན་པ་གཏན་ནས་མེད་ཅེས་པ་ལྟ་བུ། |
| དེ་མོ |
1.ཁྱིམ་བྱ་མོ།2.ཀོང་ཡུལ་གྱི་ས་ཆ་ཞིག2.(བརྡ་རྙིང་།) དགོས་པ། |
| དེ་མོ་ལ |
བོད་ཀྱི་ཀོང་པོ་དང་སྤོ་ཡུལ་བར་གྱི་ལ་ཞིག |
| དེ་ཙ་ན |
དེའི་ཚེ་ན་ཞེས་པའི་དོན་ཏེ། (དཔེར་ན།) སྐད་ཆ་འདི་དག་སྐབས་དེ་ཙ་ན་སྨྲས་པ་རེད་ཅེས་པ་ལྟ་བུ། |
| དེ་ཙམ |
(ཚབ་ཚིག) གྲངས་ཚད་མང་ཉུང་ངེས་ཅན་ཞིག་གི་དོན་ཏེ། (དཔེར་ན།) མི་དེ་ཙམ་ཞིག ཡོན་ཏན་ཇི་ཙམ་མང་ན་དེ་ཙམ་བཟང་ལྟ་བུ། |
| དེ་ཙམ་དུ་ཟད་པ |
དེ་འདྲ་ཞིག་གི་ངང་ནས་རྫོགས་པའམ། ཚར་བ། ཟད་པའི་དོན་ཏེ། (དཔེར་ན།) ཁོ་རང་གི་མི་ཚེའི་རིང་བྱས་པའི་ལས་ཀའི་གྲུབ་འབྲས་དེ་ཙམ་དུ་ཟད་པ་རེད་ཅེས་པ་ལྟ་བུ། |
| དེ་ཙམ་ལྔ |
གྲངས་ཅན་པས་བཞག་པའི་ཤེས་བྱ་ཉེར་ལྔའི་ནང་ཚན་ཞིག་སྟེ་གཟུགས། སྒྲ། དྲི། རོ། རེག་བྱ་བཅས་ལྔ། |
| དེ་ཙུག |
1.དེ་ལྟར་ཞེས་པ་དང་འདྲ་ཁྱེད་ཀྱིས་དེ་ཙུག་བྱས་སམ་ལྟ་བུ། 2.དེ་གང༌། |
| དེ་ཚོ |
(ཚབ་ཚིག) གྲངས་ཀ་དུ་མའི་དོན་ཏེ། (དཔེར་ན།) མི་དེ་ཚོ། རྟ་དེ་ཚོ། ཁོས་བཤད་པའི་སྐད་ཆ་དེ་ཚོ། ངས་ཉོས་པའི་དཔེ་ཆ་དེ་ཚོ་ཞེས་པ་ལྟ་བུ། |
| དེ་ཝ |
དེ་བ་དང་འདྲ། |
| དེ་ཞག |
(ཡུལ་སྐད།) དེང་སང༌ཞེས་པའི་དོན་ཏེ། (དཔེར་ན།) ཁོ་གང་དུ་ཕྱིན་པ་ཡིན་ནམ་དེ་ཞག་མཐོང་མ་བྱུང༌ལྟ་བུ། |
| དེ་འདྲ་བ |
དེ་དང་མཚུངས་པའི་དོན་ཏེ། (དཔེར་ན།) གྲི་དེ་འདྲ་བ་ཞིག་ཉོས་དང༌། དེ་འདྲ་བ་བྱས་ན་མི་ཆོག་ཅེས་པ་ལྟ་བུ། |
| དེ་འདྲོག |
(བརྡ་རྙིང་།) འཕྲལ་ལམ་དེ་མ་ཐག |
| དེ་འཕྲལ |
(བསྣན་ཚིག) དུས་ཚོད་འགོར་འགྱང་མི་བྱེད་པའི་དོན་ཏེ། (དཔེར་ན།) ནངས་ཇ་འཐུངས་རྗེས་དེ་འཕྲལ་དུ་ལུག་འཚོ་རུ་སོང་ལྟ་བུ། |
| དེ་འཕྲོས |
དེའི་ལྷག་མ་དང༌། དུས་ཚོད་དེའི་རྗེས་ཞེས་པའི་དོན་ཏེ། (དཔེར་ན།) དངུལ་གཞུང་འབུལ་ལག་འབྱོར་བྱུང་ཞིང༌། དེ་འཕྲོས་རྣམས་ཁྱོད་ཚོས་ཉར་ན་འགྲིག་ཅེས་པ་ལྟ་བུ། |
| དེ་འབྲེལ |
དེ་དང་མཚུངས་པ། དེ་དང་དུས་མཉམ་ཞེས་པའི་དོན་ཏེ། (དཔེར་ན།) འཚོ་བ་ཇེ་ལེགས་སུ་སོང་བར་མ་ཟད། དེ་འབྲེལ་རིག་གནས་ཀྱི་ཆུ་ཚད་ཀྱང་མཐོ་རུ་ཕྱིན་ཡོད་ཅེས་པ་ལྟ་བུ། |
| དེ་འོག |
1.དེའི་གཤམ།2.དེའི་རྗེས། |
| དེ་ཡང |
(སྦྲེལ་ཚིག) ལུང་ཁུངས་སོགས་འདྲེན་པའི་ཚིག་གི་ཐོག་མར་འགོད་དེ། (དཔེར་ན།) དེ་ཡང་ཇི་སྐད་དུ། རྗེ་ཙོང་ཁ་བའི་ཞལ་ནས། རིགས་ལམ་རྣམ་པར་འབྱེད་པའི་རྣམ་དཔྱོད་དང་། །གཞུང་ལུགས་གདམས་པར་ཤར་བའི་ཉམས་ལེན་དང་། །ཚིག་སྦྱོར་ཚུལ་མཁས་པའི་ངག་གི་དཔལ། །ས་སྟེང་འདི་ན་རིན་ཆེན་རྣམ་གསུམ་སྣང་ཞེས་པ་ལྟ་བུ། 2.སྔར་གྱི་དོན་བསྡུ་བའི་ཚིག (དཔེར་ན།) ངས་བཤད་པའི་ཚིག་དེ་ཡང་ཁྱོད་ཀྱིས་སེམས་ལ་འཛིན་དགོས་ཞེས་པ་ལྟ་བུ། |
| དེ་ཡན |
མཚམས་ཤིག་གི་དོན་ཏེ། (དཔེར་ན།) དེ་ཡན་ལ་བསྐྱོད་མི་ཆོག་ཅེས་པ་ལྟ་བུ། |
| དེ་ཡིན་ཙ་ན |
(ཡུལ་སྐད།) དེ་འདྲ་ཡིན་པས་ཞེས་པའི་དོན་ཏེ། (དཔེར་ན།) མི་དེ་ནད་པ་ཡིན་ཙ་ན་དགོངས་པ་གནང་དགོས་ཞེས་པ་ལྟ་བུ། |
| དེ་ཡོ |
དེ་ཀུན་ནམ་ཐམས་ཅད། |
| དེ་རག |
(ཡུལ་སྐད།) ཉེ་ཆར་རམ་ཁ་སང༌གི་དོན་ཏེ། (དཔེར་ན།) དེ་རག་ངོས་མཇལ་ཞུ་སྐབས་ཞེས་པ་ལྟ་བུ། |
| དེ་རང |
ངོས་གཟུང་བའི་ཚིག་ཅིག་སྟེ། (དཔེར་ན།) སང་ཡོང་མཁན་མི་དེ་རང་རེད་ཅེས་པ་ལྟ་བུ། |
| དེ་རིང |
ད་ལྟའི་ཉིན་མོའི་དོན་ཏེ། (དཔེར་ན།) དེ་རིང་གི་ལས་ཀ་དེ་རིང་འགྲུབ་པ་བྱ་དགོས། དེ་རིང་ནས་བཟུང་དུས་མཚམས་གསར་པ་ཞིག་ཤར་བྱུང༌ཞེས་པ་ལྟ་བུ། |
| དེ་རིང་ཁ་རྩང |
དེ་རིང་ཁ་སང་དང་དོན་གཅིག |
| དེ་རིང་ཁ་སང |
དེ་རིང་ཡན་ཆད་ཀྱི་ཉིན་ཤས་རིང༌གི་དོན་ཏེ། (དཔེར་ན།) དེ་རིང་ཁ་སང་གནམ་གཤིས་ཚ་གྲང་སྙོམ་པོ་འདུག་ཅེས་པ་ལྟ་བུ། |
| དེ་རིང་ཕན་ཆད |
ད་ལྟའི་སྔོན་ཆད་དང་ཕྱིན་ཆད། |
| དེ་རིང་སང་ཉིན |
1.དེ་རིང་དང་ཕྱི་ཉིན་གཉིས།2.དེ་རིང་མན་ཆད་ཀྱི་ཉིན་ཤས་རིང༌། |
| དེ་རྗེས་ཕྱོགས་ཀྱི་ལྷག་མ |
དགེ་འདུན་ལྷག་མ་བཅུ་གསུམ་ལས། བསྒོ་བ་ལས་གྱུར་པའི་ལྷག་མ་བཞིའི་ནང་གསེས། དགེ་འདུན་གྱི་དབྱེན་བྱེད་པ་དེའི་རྗེས་སུ་ཕྱོགས་པའམ་གྲོགས་བྱེད་པ་ལན་གསུམ་གྱི་བར་དུ་བཟློག་ཀྱང་མི་ཉན་པ། |
| དེ་རྩིས |
དེ་ལ་གཞིགས་པའི་དོན་ཏེ། (དཔེར་ན།) མི་ཚང་མས་ཧུར་བརྩོན་བྱེད་ཀྱི་ཡོད་གཤིས་དེ་རྩིས་ཁྱོད་རང་གིས་ཀྱང་ཧུར་བརྩོན་བྱེད་དགོས་ལྟ་བུ། |
| དེ་ལ་བརྟེན་ནས |
དེ་འདྲ་ཡིན་སྟབས་ཞེས་པའི་དོན་ཏེ། (དཔེར་ན།) རྒྱུ་མཚན་དེ་ལ་བརྟེན་ནས་ཕན་ཚུན་འབྲེལ་ལམ་དམ་ཟབ་བྱུང་ཞེས་པ་ལྟ་བུ། |
| དེ་ལ་སོགས་པ |
གཅིག་གཙོ་བོར་བཏོན་ནས་དེ་བྱིངས་སོགས་སྒྲས་བསྡུས་པ། |
| དེ་ལ་སྩོགས་པ |
(བརྡ་རྙིང་།) དེ་ལ་སོགས་པ། |
| དེ་ལན་དེ་འཇལ |
ཚུར་བྱེད་སྟངས་ལ་དཔགས་ནས་དེ་ལྟར་ལན་སློག་པ། |
| དེ་ལས |
1.འབྱུང་ཁུངས་ངེས་བཟུང་གི་དོན་ཏེ། (དཔེར་ན།) དེ་ལས་ལྡོག་པ། དེ་ལས་བཟློག་པ། རྒྱུ་བརྩོན་འགྲུས་དེ་ལས་བྱུང་བའི་འབྲས་བུ་མཁས་པ་ཡིན་ཞེས་པ་ལྟ་བུ། 2.དགར་ཆོས་ངེས་བཟུང༌གི་དོན་ཏེ། (དཔེར་ན།) དེ་ལས་གཞན་པ་གང་ཡང་མེད་ཅེས་པ་ལྟ་བུ། |
| དེ་ལྟ |
དེ་ལྟ་བུའི་བསྡུས་ཚིག |
| དེ་ལྟ་ན |
(སྦྲེལ་ཚིག) ཚིག་དོན་སྔོན་མ་རྒྱུ་མཚན་དང་དཔེར་བཀོད་ནས་ཚིག་དོན་ཕྱི་མ་ཐག་གཅོད་པའི་དོན་ཏེ། (དཔེར་ན།) སྨན་གུར་ཀུམ་བསྟེན་ནས་མོ་ནད་ཚབས་ཆེན་སོས་པ་དེ་ལྟ་ན། ཁྱོད་ཀྱི་ནད་འདི་ཡང་མོ་ནད་དེ་རིགས་དང་ཁྱད་མེད་པས་གུར་ཀུམ་བསྟེན་ན་ཕན་པ་ཆེ་ཞེས་པ་ལྟ་བུ། |
| དེ་ལྟ་བས་ན |
དེ་འདྲ་ཡིན་གཤིས་ཞེས་པའི་དོན་ཏེ། (དཔེར་ན།) ཐོན་རྫས་ཀྱི་སྤུས་ཀ་དང་འབྲེལ་གནད་ཆེན་པོ་ཡོད་པ་དང༌། དེ་ལྟ་བས་ན་ཚང་མས་དོ་ནན་དམ་གཟབ་བྱེད་དགོས་ཞེས་པ་ལྟ་བུ། |
| དེ་ལྟ་བུ |
དེ་འདྲ་བོ་ཞེས་པའི་དོན་ཏེ། (དཔེར་ན།) མི་དེ་ལྟ་བུ་དཀོན་པོ་རེད། རང་གིས་གཟབ་གཟབ་མ་བྱས་པས་དེ་ལྟ་བུར་གྱུར་པ་རེད་ཅེས་པ་ལྟ་བུ། |
| དེ་ལྟ་བུ་བྱུང་བ |
1.དེ་ལྟར་བྱུང་བ།2.སྔོན་བྱུང་ལོ་རྒྱུས་དང༌། གཏམ་རྒྱུད། རྣམ་ཐར་བཅས། |
| དེ་ལྟ་བུ་བྱུང་བའི་སྡེ |
གསུང་རབ་ཡན་ལག་བཅུ་གཉིས་ཀྱི་བརྒྱད་པ་སྔོན་གྱི་གཏམ་རྒྱུད་ཀྱི་སྦྱོར་བ་དང་ལྡན་པར་སྟོན་པ། (དཔེར་ན།) མདོ་སྡེ་ལས་བརྒྱ་པ་ལྟ་བུ་འདུལ་བའི་སྡེ་སྣོད་དུ་གཏོགས། |
| དེ་ལྟ་མོད་ཀྱི |
དེ་འདྲ་ཡིན་ནའང་ཞེས་པའི་དོན་ཏེ། (དཔེར་ན།) གསར་སྐྱེས་ནུས་ཤུགས་ཆུང་ཙམ་ཞིག་ལས་མེད་པ་ཡིན། དེ་ལྟ་མོད་ཀྱི། མཐར་སྟོབས་རྙིང་ཧྲུལ་དང་འཐབས་ཏེ་རྒྱལ་ཁ་ལེན་རྒྱུ་ངེས་ཅན་རེད་ཅེས་པ་ལྟ་བུ། |
| དེ་ལྟར |
(བསྣན་ཚིག) སྔོན་གྱི་བྱ་དངོས་དང་བཤད་ཟིན་པའི་དོན་རྒྱུ་མཚན་དང་དཔེར་བཀོད་པའི་དོན་ཏེ། (དཔེར་ན།) དགེ་རྒན་གྱིས་ང་ཚོར་སློབ་སྦྱོང་བྱེད་དགོས་ཞེས་ཡང་ཡང་གསུངས་ལ་འགོ་ཁྲིད་པས་ཀྱང་དེ་ལྟར་གསུངས་ཞེས་པ་ལྟ་བུ། |
| དེ་ལྟར་ཡང |
དེ་འདྲ་རེད་ཀྱང༌། དེ་ལྟར་ཡིན་ན་ཡང༌། |
| དེ་ལྟར་ཡིན་མོད་ཀྱི |
དེ་འདྲ་ཡིན་ཡང༌ཞེས་པའི་དོན་ཏེ། (དཔེར་ན།) སྤྱིར་བཏང་དེ་ལྟར་ཡིན་མོད་ཀྱི། དམིགས་བསལ་ལ་ངེས་པ་མེད་དོ་ཞེས་པ་ལྟ་བུ། |
| དེ་ལྟར་ལྟ་བ |
དེ་ལྟར་བསམ་པའམ་རྩི་བ། |
| དེ་ལྟས |
དེ་ལྟ་བུ་ཡིན་པའི་ཕྱིར་ན་ཞེས་པའི་དོན་ཏེ། (དཔེར་ན།) དེ་ལྟས་དགེ་བ་ཉམ་ཆུང་ཉིད་ལ་རྟག་སྡིག་པ་སྟོབས་ཆེན་ཤིན་ཏུ་མི་བཟད་པ། དེ་ནི་རྫོགས་པའི་བྱང་ཆུབ་སེམས་མིན་པ། དགེ་གཞན་གང་གིས་ཟིལ་གྱིས་གནོན་པར་འགྱུར། |
| དེ་ལྡན |
དེ་དང་ལྡན་པའམ་དེ་འདྲ་ཡོད་པའི་དོན། (དཔེར་ན།) ཡོན་ཏན་དེ་ལྡན་གྱི་མི། དཔའ་སྟོབས་དེ་ལྡན་གྱི་མི་རིགས་ཞེས་པ་ལྟ་བུ། |
| དེ་ཤོ་ལེགས |
ཨེ་ཤོ་ལེགས་དང་རྨུ་ལྕམ་བྲ་མ་ན་གཉིས་ཀྱི་སྲས། སྔར་བོད་རྒྱལ་བཅུ་གཅིག་པ་སྟེ་སའི་ལེགས་དྲུག་གི་ཡ་གྱལ་ཞིག |
| དེ་སྐད |
གོང་གསལ་ལམ། སྔོན་དུ་བརྗོད་པའི་གཏམ་དེ་འདྲ་བའི་ཞེས་པའི་དོན་ཏེ། (དཔེར་ན།) ཉེ་སྔོན་བདག་གིས་དེ་སྐད་ཐོས་བྱུང༌། མི་ཚང་མ་ལ་དམིགས་བསལ་མེད་པས་ཁྱེད་རང་གིས་དེ་སྐད་མ་ཟེར། དེ་སྐད་སྨྲ་བ་ཞེས་པ་ལྟ་བུ། |
| དེ་སྐད་ཁས་འཆེ་བ |
ཁས་ལེན་པ། |
| དེ་སྐད་ཅེས་ཟེར |
དེ་འདྲ་བཤད་པ་ཞེས་པའི་དོན་ཏེ། (དཔེར་ན།) རང་དོན་ཁོ་ནར་ལྟ་མཁན་མ་གཏོགས་དེ་སྐད་ཅེས་ཟེར་མི་ཡོང༌ཞེས་པ་ལྟ་བུ། |
| དེ་སྒྲ |
སྦྱར་ཡུལ་གང་ཡང་རུང་བའི་མིང་དངོས་སུ་ཚིག་ཟིན་དུ་ཡོད་མེད་ཇི་ལྟར་རུང༌། དེའི་མ་མཐར་སྦྱོར་བའི་ཐག་རིང་ངོས་འཛིན་བྱེད་ཀྱི་ཚིག་ཕྲད་ཅིག་ཡིན་ཏེ། སུམ་ཅུ་པར། ཐ་སྙད་དབང་དུ་གསུམ་ཡིན་ཏེ། དངོས་པོའི་དབང་དུ་བཞི་རུ་འགྱུར། དུས་ཀྱི་དབང་དུ་གཉིས་ཡིན་ནོ། ། ཞེས་གསུངས་པ་ལྟར་རོ། །1>རྣམ་གྲངས་གཞན་ཞིག་ལ་སྦྱོར་རྒྱུ་ཡོད་པའི་ཐ་སྙད་སྟོན་ཏེ། (དཔེར་ན།) གཞུང་ལམ་དེ་མིའི་འགྲོ་སའང་ཡིན་པ་དང༌། རྟ་དྲེལ་གྱི་འགྲོ་སའང་ཡིན་པ། འཁོར་ལོའི་རིགས་ཀྱི་འགྲོ་སའང་ཡིན་ལྟ་བུ། 2>མིང་མཐའ་ད་ཡིག་གི་རྗེས་སུ་འཇུག་པའི་ལྷག་བཅས་ཀྱི་སྒྲའི་ཐ་སྙད་སྟོན་པའི་ཕྲད་ཅིག (དཔེར་ན།) ཤིང་བཅད་དེ་འབུད་ཅེས་པ་ལྟ་བུ། 3>འདས་པའི་ཐ་སྙད་སྟོན་པ་སྟེ། (དཔེར་ན།) གོང་དུ་བཤད་པ་དེ་ཞེས་པ་ལྟ་བུ། 4> བདེན་པའི་དངོས་པོ་ལ་འཇུག་པ་ནི། (དཔེར་ན།) ཁྱེད་ཀྱིས་གསུངས་པ་དེ་དེ་བཞིན་ནོ་ཞེས་པ་ལྟ་བུ། 5>གསང་བའི་དངོས་པོ་ལ་འཇུག་པ་ནི། (དཔེར་ན།) དེ་འདྲ་མ་ཤོད། དེ་སུ་རེད། དེ་གསོད་དགོས། ཁྱོད་ཀྱིས་དེ་རྣམས་གཞན་ལ་མ་སྟོན་ཞིག་ཅེས་པ་ལྟ་བུ། 6>བདག་གི་བའི་དངོས་པོ་ལ་འཇུག་པ་ནི། (དཔེར་ན།) ངའི་ཕ་ཡུལ་དེ། བདག་གི་ལས་དོན་བྱེད་སྟངས་དེ་ཚོ་ཞེས་པ་ལྟ་བུ། 7> ཕ་རོལ་པོའི་དངོས་པོ་ལ་འཇུག་པ་ནི། (དཔེར་ན།) ཁྱོད་ཀྱི་གྱོན་པ་དེ་དག ཁོའི་སྤྱོད་པ་དེ་གྲས་ཞེས་པ་ལྟ་བུ། 8> དུས་འདས་པ་ལ་འཇུག་པ་ནི། (དཔེར་ན།) ན་ནིང་གི་ལོ་དེ་ཞེས་པ་ལྟ་བུ། 9> དུས་མ་འོངས་པ་ལ་འཇུག་པ་ནི། (དཔེར་ན།) སང་ཕོད་ཀྱི་ལོ་དེ་ཞེས་པ་ལྟ་བུ། |
| དེ་སྔོན |
སྔར་དུས་སམ་དེའི་གོང༌། |
| དེ་སྙེད |
(ཚབ་ཚིག) གྲངས་དང་ཚད་མང་བའམ་ལོངས་པའི་དོན་ཏེ། (དཔེར་ན།) ཤེད་ཤུགས་ཇི་སྙེད་ཅིག་ཡོད་ན་དེ་སྙེད་ཅིག་འབྱིན་དགོས། དམག་མི་ཇི་སྙེད་ཅིག་ཡོད་ན་མེ་མདའ་དེ་སྙེད་ཅིག་ཡོད་དགོས་ལྟ་བུ། |
| དེ་སྟེ |
(བརྡ་རྙིང་།) འོན་ཏེ། |
| དེ་སྲིད |
(ཚབ་ཚིག) ལས་དོན་སོགས་མཐའ་འཁྱོལ་བའི་དོན་ཏེ། (དཔེར་ན།) བདེན་དོན་གྱི་མཐའ་མ་སངས་པ་དེ་སྲིད་དུ་ཧུར་བརྩོན་བྱེད་དགོས། དབུགས་ཀྱི་རྒྱུ་བ་མ་ཆད་པ་དེ་སྲིད་ཀྱི་བར་དུ་སློབ་སྦྱོང་བྱེད་དགོས་ལྟ་བུ། |
| དེང |
ད་ལྟའི་དུས་དང་ཉེ་བའི་དུས་རབས་ཏེ། (དཔེར་ན།) དེང་སྐབས་དེང་དུས་དེང་སང་ལྟ་བུ། |
| དེང་གི་ཆ |
ཉེ་དུས་ཀྱི་ཆ། |
| དེང་དུས |
ད་ལྟའི་དུས་སྐབས། |
| དེང་ནས |
དེ་རིང་ནས་སམ། ད་ནས་ཞེས་པའི་དོན་ཏེ། (དཔེར་ན།) དེང་ནས་བཟུང་སྟེ་རྒྱབ་འགལ་དང་ནར་འགྱང་བྱས་མི་ཆོག་ཅེས་པའི་དོན་ཏེ། |
| དེང་ཕན |
དེང་ཕན་ཆད་དམ་དེ་རིང་ཕན་ཆད་ཀྱི་བསྡུས་ཚིག |
| དེང་ཕན་ཆད |
དུས་ད་ལྟའི་སྔོན་ཆད་དང༌། ཕྱིན་ཆད། |
| དེང་ཕྱིན་ཆད |
མ་འོངས་པའི་དོན་ཏེ། (དཔེར་ན།) དེང་ཕྱིན་ཆད་ལས་ཀ་ཡག་པོ་བྱེད་དགོས་ཞེས་པ་ལྟ་བུ། |
| དེང་རབས |
ད་ལྟའི་དུས་སྐབས་ཏེ། (དཔེར་ན།) རང་རེའི་མི་རིགས་ཀྱི་ལོ་རྒྱུས་ཀྱི་དུས་རིམ་ལྟར་ན་དུས་རབས་བཅུ་དགུ་བའི་ལོ་རབས་བརྒྱད་ཅུ་ནས་བཟུང་དེང་རབས་ཟེར་ཆོག་པར་སྙམ་ཞེས་པ་ལྟ་བུ། |
| དེང་རྩེན |
སྟེང་ཐོག་ན། |
| དེང་སང |
1.དེ་རིང་དང་སང་ཉིན།2.ད་ལྟའི་དུས་སྐབས། |
| དེང་སྐབས |
ད་ལྟའི་དུས་སྐབས། |
| དེངས |
སོང་བའི་དོན་དུ་གོ་བའི་འདོང་བའི་སྐུལ་ཚིག |
| དེངས |
1.(བྱེད་མེད་ལས་ཚིག) འདེང་བའི་འདས་པ། སྤྲིན་དང་དུ་བ་སོགས་སངས་པའམ་ཡལ་བ་སྟེ། (དཔེར་ན།) སྨུགས་པ་དེངས། ས་མུན་དེངས་ལྟ་བུ། མ་འོངས་པ་དང་ད་ལྟ་བར་འདེང་འབྲི། 2.(བྱེད་མེད་སྐུལ་ཚིག) བགྲོད་པའམ་སོང་བའི་བརྡ་རྙིང་། (དཔེར་ན།) རང་རང་སོ་སོའི་གནས་སུ་དེངས་ཤིག་ལྟ་བུ། |
| དེངས་པ |
(བརྡ་རྙིང་།) 1>རྙིང་ཧྲུལ། 2>ཕྱིན་པ། |
| དེད |
འདེད་པའི་སྐུལ་ཚིག་སྟེ། (དཔེར་ན།) སྤྱང་ཀི་དེད་ཅིག་ལྟ་བུ། |
| དེད |
(བྱེད་འབྲེལ་ལས་ཚིག) འདེད་པའི་འདས་པ། སྒོ་ཕྱུགས་སོགས་སྔོན་ལ་འགྲོ་བར་བསྐུལ་བ་སྟེ། (དཔེར་ན།) ལུག་དེད་ནས་སོང་། ཁལ་མ་དེད་ནས་ལམ་ལ་སོང་ལྟ་བུ། |
| དེད་དཔོན |
ཚོང་པའི་འགོ་ཁྲིད་དམ། གྲུ་གཟིངས་ཀྱི་ཁ་ལོ་བ། མིང་གི་རྣམ་གྲངས་ལ་ཞོ་ཤ་རྣམ་བདུན་པའོ། ། |
| དེད་པ |
འདེད་པའི་ད་ལྟ་བའི་བྱ་མིང་། |
| དེད་འདྲེན |
གྲངས་གནས་ཤིག |
| དེད་འདྲེན་ཆེན་པོ |
གྲངས་གནས་ཤིག |
| དེན་པོ |
(བརྡ་རྙིང་།) 1>ཀྱལ་ཀ། 2>ཐེའུ་རང༌། |
| དེབ |
1.མགོ་བཙེམ་བྱས་པའི་དཔེ་ཆའམ་ཤོག་གུ་ལེབ་མོ་མང་པོ་དཔེ་ཆ་ལྟར་མགོ་བཙེམ་བྱས་པའི་སྦྱང་དེབ་སོགས་ཀྱི་སྤྱི་མིང་། (དཔེར་ན།) དཔེ་ཆ་དེབ་དང་པོ། ཐོ་དེབ་ཅེས་པ་ལྟ་བུ། 2.མཚོན་ཆས་བཅད་པའི་རྨ་སྟེང་ལ་བཞག་པའི་རས་དང་ཕྱིང་བ་སོགས་ཀྱི་མིང་། (དཔེར་ན།) ཕྱིང་དེབ། རས་དེབ་ཅེས་པ་ལྟ་བུ། |
| དེབ་གཏེར |
དེབ་ཐེར་དང་འདྲ། |
| དེབ་གསལ |
དེབ་ཏུ་འཁོད་པའི་དོན་ཏེ། (དཔེར་ན།) སྔོན་བྱུང་ལོ་རྒྱུས་དེབ་གསལ་བདེན་མིན་དབྱེ་འབྱེད་བརྟག་དཔྱད་བཟབ་ནན་བྱེད་དགོས་ལྟ་བུ། |
| དེབ་གསལ་སྒྲིགས་ཆུག |
གཞུང་ཁྲའི་ནང་དུ་གསལ་ཞིང་ལམ་ལུགས་དང་ཡང་མཐུན་པ། |
| དེབ་ཐེར |
སྔོན་བྱུང་ལོ་རྒྱུས་བྲིས་པའི་དཔེ་ཆའི་མིང་ 《དེབ་ཐེར་དཀར་བོ》ཞེས་པ་ལྟ་བུ། |
| དེབ་ཐེར་དཀར་པོ |
རབ་བྱུང་བཅུ་དྲུག་པའི་མེ་ཁྱི་ལོར་མདོ་སྨད་ཀྱི་མཁས་པ་ཆེན་པོ་དགེ་འདུན་ཆོས་འཕེལ་གྱིས་བརྩམས་པའི་བོད་རྒྱལ་སྲོང་བཙན་སྒམ་པོ་ནས་བཙན་པོ་མང་སྲོང་མང་བཙན་བར་གྱི་བོད་ཀྱི་རྒྱལ་རབས་ཤིག |
| དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས |
གངས་ཅན་ཡུལ་གྱི་ས་ལ་སྤྱོད་པའི་མཐོ་རིས་རྒྱལ་བློན་གཙོ་བོར་བརྗོད་པའི་དེབ་ཐེར་རྫོགས་ལྡན་གཞོན་ནུའི་དགའ་སྟོན་དཔྱིད་ཀྱི་རྒྱལ་མོའི་གླུ་དབྱངས་ཞེས་བྱ་བ་འདི་རྒྱལ་དབང་ལྔ་པ་ངག་དབང་བློ་བཟང་རྒྱལ་མཚོས་རབ་བྱུང་བཅུ་གཅིག་པའི་ཆུ་ལུག་ལོར་མཛད། བརྗོད་བྱ་ཆོས་སྲིད་གཉིས་ལས་སྲིད་ཕྱོགས་གཙོ་བོ་དང༌། དུས་རབས་སྔ་ཕྱི་གཉིས་ལས་ཕྱི་རབས་གླང་དར་མན་ཆད་གཙོ་བོར་བསྟན་ཅིང༌། ལྷག་པར་དུ་ས་སྐྱ་པ་དང་ཕག་གྲུ་གཉིས་འཕེལ་འགྲིབ་བམ་དར་རྒུད་ཀྱི་ལོ་རྒྱུས་རྒྱས་པར་བཀོད་ཡོད། གསུང་འབུམ་གྱི་ཛ་བམ་དུ་ཤོག་གྲངས་བརྒྱ་དང་བཅུ་གསུམ་ཡོད། |
| དེབ་ཐེར་དམར་པོ |
དེབ་ཐེར་དམར་པོའི་དང་པོ་ཧུ་ལན་དེབ་གཏེར་ཞེས་བྱ་བ། ཚལ་པ་ཀུན་དགའ་རྡོ་རྗེས་རབ་བྱུང་དྲུག་པའི་མེ་ཁྱི་ལོར་བརྩམས། རྒྱ་གར་གྱི་རྒྱལ་རབས་དང་ཤཱཀྱའི་གདུང་རབས་དང༌། རྒྱ་ནག་གྱི་རྒྱལ་རབས། ཧོར་གྱི་རྒྱལ་རབས། བོད་ཀྱི་བཙན་པོ་རིམ་བྱོན་དང་ས་སྐྱ་བས་དབང་བསྒྱུར་བ་ཡན་ཆད། བོད་ཀྱི་ཆོས་འབྱུང་བཅས་སྐབས་བཞི་ཡོད་པ་དང༌། ཁྱད་པར་དུ་རྒྱ་ཡིག་གི་དེབ་ཐེར་མང་དུ་དྲངས་ནས་རྒྱ་བོད་བར་གྱི་འབྲེལ་ལམ་ཞིབ་ཏུ་བཀོད་པ་ཞིག་ཡིན། སྔར་བྲིས་མ་ཐར་ཐོར་ལས་པར་མ་མེད། དེའི་རྩོམ་པ་པོ་ཚལ་པ་སི་ཏུ་དགེ་བའི་བློ་གྲོས་ཡིན་པར་བཤད་ཚུལ་ཡང་ཡོད། པེ་ཅིན་མི་རིགས་དཔེ་སྐྲུན་ཁང་གིས་ལྕགས་པར་དུ་བསྐྲུན་ཡོད། གཞན་ཡང་པཎ་ཆེན་བསོད་ནམས་གྲགས་པས་རབ་བྱུང་དགུ་པའི་ས་ཁྱི་ལོར་སྦྱར་བའི་ཁ་སྐོང་མ་དེབ་ཐེར་དམར་པོ་གསར་མ་ཞེས་བྱ་བ་བྲིས་མ་ཞིག་ཀྱང་ཡོད། |
| དེབ་ཐེར་སྔོན་པོ |
འགོས་ལོ་ཡེ་བཟང་རྩེ་བ་གཞོན་ནུ་དཔལ་གྱིས་རབ་བྱུང་བརྒྱད་པའི་མེ་སྤྲེལ་ནས་ས་ཁྱི་ལོའི་བར་ལ་བརྩམས། དགེ་ལུགས་མ་དར་གོང་གི་གྲུབ་མཐའ་སོ་སོ་དང༌། བརྒྱུད་པའི་ལོ་རྒྱུས། བསྟན་རྩིས་ཀྱི་ལོ་ཚིགས་ཕྲ་ཞིབ་བཅས་པ་ལེའུ་བཅོ་ལྔར་བཀོད་པའི་ལོ་རྒྱུས་ཁུངས་ལྡན་ཞིག་ཡིན། པར་ཤིང་སྔར་ཞྭ་དམར་པའི་ཡངས་པ་ཅན་དགོན་པར་ཡོད་ཀྱང༌། ཕྱིས་སུ་ཀུན་བདེ་གླིང་དུ་སྤོས། |
| དེབ་འཁྱོལ་མ |
དོན་གནད་གང་རུང་དེབ་ཐོག་ཏུ་འཁོད་ཡོད་པ་རྣམས། |
| དེབ་ཡིག |
དེབ་ཏུ་བཅིངས་པའི་ཡི་གེ། |
| དེབ་ཤོག |
དེབ་ཀྱི་ཤོག་ལྷེ། |
| དེབ་སྐྱེལ |
1.གནས་ལུགས་དེབ་ཐོག་ཏུ་འགོད་པ།2.ཡིག་ཟམ་དེབ་སྐྱེལ། |
| དེབ་སྦྱོར |
མ་རྩ་དེབ་ཀྱི་ནང་དུ་བཀོད་པ། |
| དེམ |
ཁ་དོག་ཅིང་ལྟོ་ལྡིར་བའི་སྣོད་ཅིག་སྟེ། (དཔེར་ན།) ཇ་དེམ་ཞེས་པ་ལྟ་བུ། |
| དེམ་ཙི |
དེམ་ཙེ་དང་འདྲ། |
| དེམ་ཙེ |
(རྒྱ་སྐད།) ཆུ་རབ་བརྒལ་ཡུལ་རྐང་སྟེགས། |
| དེའི་དོན་དུ |
དགོས་པ་དེའི་ཕྱིར། |
| དེའི་རྐྱེན་གྱིས |
དོན་དག་འགྱུར་ལྡོག་གང་རུ་འབྱུང་བའི་རྐྱེན་དང་རྒྱུ་མཚན་སྟོན་པ་སྟེ། (དཔེར་ན།) ནད་གཞི་དེའི་རྐྱེན་གྱིས་བར་མཚམས་ཆད་ཅེས་པ་ལྟ་བུ། |
| དེའི་སྐད་ཅིག་མ |
དུས་མཐའི་སྐད་ཅིག་མ་བརྒྱ་ཉི་ཤུ། |
| དེའི་སྐབས |
དོན་དག་བྱ་བ་གང་རུང་གི་སྐབས་ཀྱི་དོན་ཏེ། (དཔེར་ན།) ལས་དོན་སྒྲུབ་བཞིན་པ་དེའི་སྐབས། ཁྱོད་སོང་བ་དེའི་སྐབས་ཞེས་པ་ལྟ་བུ། |
| དེའི་སྐོར |
གནད་དོན་གང་ཡོད་པ་དེའི་སྐོར་ཏེ། (དཔེར་ན།) དེའི་སྐོར་ལ་ང་ཚོས་དོ་སྣང་ཆེན་པོ་བྱེད་དགོས་ཞེས་པ་ལྟ་བུ། |
| དེའི་སྐྱེས་བུའི་བསྡུ་བ |
རྣམ་དབྱེ་གཉིས་པ་ནས་བདུན་པའི་བར་གང་རུང་བསྡུ་བ་སྟེ། (དཔེར་ན།) གྲོང་དུ་འགྲོ་བ་ལ་གྲོང་འགྲོ་ཞེས་རྣམ་དབྱེ་གཉིས་པ་བསྡུས་པ་བཞིན་ནོ། ། |
| དེའི་སྒང་ལ |
1.དུས་ཚོད་དེའི་ཐོག་ལ།2.དེའི་སྐབས་ལ། |
| དེའུ |
1.རི་ཆུང་ཆུང་གི་མིང་། (དཔེར་ན།) དེའུ་མགོ། དེའུ་འབུར་ཞེས་པ་ལྟ་བུ། 2.(རྒྱན་ཚིག) ཆུང་ངུ་དང་ཉུང་ངུའི་དོན། |
| དེའུ་དམར་དགེ་བཤེས་བསྟན་འཛིན་ཕུན་ཚོགས |
རབ་བྱུང་བཅུ་གཉིས་པའི་ནང་སྐུ་འཁྲུངས། དགུང་ལོ་བརྒྱད་ཀྱི་ཐོག་ནས་གསོ་བ་རིག་པ་སོགས་རིག་གནས་ཀུན་ལ་ཐོས་བསམ་དཔྱིས་ཕྱིན་པར་མཛད་དེ་བོད་ཆེན་པོའི་ལྗོངས་འདིར་དེའུ་དམར་པཎ་ཆེན་ཞེས་པའི་མཚན་སྙན་གྱིས་ཁྱབ་པར་གྱུར། མདོ་ཁམས་གོ་འཇོ་རུ་དེའུ་དམར་ཟབ་རྒྱས་ཆོས་གླིང་ཕྱག་བཏབ། གསུང་རྩོམ་ཡང་ནང་རིག་པའི་སྐོར་དང༌། སྒྲ་རིག་པ། བཟོ་རིག་པ། སྐར་རྩིས་སོགས་ཐུན་མིན་དང་ཐུན་མོང་གི་རིག་གནས་སྣ་ཚོགས་དང༌། ཁྱད་པར་དུ་གསོ་བ་རིག་པའི་སྐོར་ལ་བདུད་རྩི་སྨན་གྱི་རྣམ་དབྱེ། ངོ་བོ། ནུས་པ། མིང་བཅས་རྒྱས་པར་བཤད་པ་ཤེལ་གོང་ཕྲེང་དང༌། ལག་ལེན་གཅེས་བསྡུས་སྨན་ཀུན་བཅུད་དུ་བསྒྲུབ་པའི་ལས་ཀྱི་ཆོ་ག་ཀུན་གསལ་སྣང་མཛོད། གསོ་རིག་མངོན་བརྗོད་ཉེར་མཁོའི་དོན་གསལ། མེ་བཙའ་དང་གཏར་གའི་སྐོར་སོགས་དཔེ་ཚན་བརྒྱ་ལ་ཉེ་བར་བརྩམས། སློབ་མ་ཡང་དཔལ་སྤུངས་སི་ཏུ་ཆོས་ཀྱི་འབྱུང་གནས་སོགས་མཁས་བཙུན་ལྡན་པ་མང་པོ་བསྐྱངས་པ་སོགས་མཛད་རྗེས་ཤིན་ཏུ་ཆེ། |
| དེའུ་དམར་ཟབ་རྒྱས་ཆོས་གླིང |
རབ་བྱུང་བཅུ་གཉིས་པའི་ནང་དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མདོ་ཁམས་གོ་འཇོའི་གསེར་ཁ་རུ་ཆག་བཏབ་པའི་དྭགས་པོ་བཀའ་བརྒྱུད་ཀྱི་རིང་ལུགས་འཛིན་མཁན་དགོན་པ་ཞིག |
| དེའུ་མིན་ན |
ཅུང་ཟད་མིན་ན་ཞེས་པའི་དོན་ཏེ། (དཔེར་ན།) མེ་མདའ་ཁ་ཤོར་ནས་དེའུ་མིན་ན་མི་ལ་ཕོག་སོང༌ཞེས་པ་ལྟ་བུ། |
| དེའུ་རེ |
ཅུང་ཟད་ཙམ་རེའམ། ཏོག་ཙམ་རེ་ཞེས་པའི་དོན་ཏེ། (དཔེར་ན།) དེའུ་རེ་མིན་ན་གཡང་སར་ལྷུང་སོང༌ཞེས་པ་ལྟ་བུ། |
| དེར་བས་སོ |
དེ་ཙམ་ལས་མེད་ཅེས་པའི་དོན་ཏེ། (དཔེར་ན།) ཡི་གེར་གང་འཁོད་ཀྱི་ཚིག་དོན་དེར་བས་སོ་ཞེས་པ་ལྟ་བུ། ། |
| དེར་མ་ཟད |
དེ་ཙམ་གྱིས་མི་ཚད་ཅེས་པའི་དོན་ཏེ། (དཔེར་ན།) ཕྱག་དཔེ་འདི་ཁྱེད་ལ་ཡོད་པ་དེར་མ་ཟད་གཞན་ལའང་འདུག་ཅེས་པ་ལྟ་བུ། |
| དེར་ཟད་དོ |
དེ་ཙམ་ལས་མེད་ཅེས་པའི་དོན་ཏེ། (དཔེར་ན།) གྲོག་མས་རི་རབ་གཡོ་འགུལ་གཏོང་རྩིས་ནི་རང་སྟོབས་རང་གིས་ཚོད་མི་ཐིག་པའི་རྟགས་དེར་ཟད་དོ་ཞེས་པ་ལྟ་བུ། |
| དེས |
2.དེ་ལ་བྱེད་སྒྲ་སྦྱར་བ། 1.(རྒྱན་ཚིག) ངང་རྒྱུད་བཟང་བའམ་གྱ་ནོམ་པ་སྟེ། (དཔེར་ན།) མི་དེ་ནི་དེས་ཤིང་དཀྱེལ་ཆེ་བ་ཞིག་རེད་ཅེས་པ་ལྟ་བུ། |
| དེས་ཀོ |
(བརྡ་རྙིང་།) དེས་ནི། |
| དེས་ཆོག |
དེ་གས་ཆོག་པའམ་དེ་ཡིས་རུང་བ། |
| དེས་ན |
དེ་ཡི་ཕྱིར་ནའམ་དེ་ལྟ་བས་ན་ཞེས་པའི་དོན་ཏེ། (དཔེར་ན།) ཁོང་བྱས་རྗེས་ཆེན་པོ་ཡིན་པ་དེས་ན་ཀུན་གྱིས་བསྔགས་བརྗོད་བྱས་པ་རེད་ཅེས་པ་ལྟ་བུ། |
| དེས་པ |
ཞི་ཞིང་དུལ་བའམ། རང་བཞིན་བཟང་པོའི་དོན་ཏེ། (དཔེར་ན།) སེམས་རྒྱུད་དེས་པ། དེས་ཤིང་ཕ་རོལ་ཕྱིན་ལ་རབ་བརྩོན་པ་ཞེས་པ་ལྟ་བུ། |
| དེས་པས་ཞུས་པ |
བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། |
| དེས་མ་ཚད |
དེར་མ་ཟད་དང་དོན་གཅིག |
| དོ |
1.ཟུང་ངམ་གཉིས་ཀྱི་དོན་ཏེ། (དཔེར་ན།) ཇ་དཀར་ཡོལ་དོ་ལས་མ་འཐུང༌། རྒྱ་མ་དོ་ཞེས་པ་ལྟ་བུ། 2.འགྲན་ཟླའི་དོན་ཏེ། (དཔེར་ན།) དགའ་མགུ་ཆེ་བ་ནོར་བུ་རྙེད་པས་དོ་མ་ཡིན། འཛམ་གླིང་ཡོངས་ལ་དོ་མེད་པ་ཞེས་པ་ལྟ་བུ། 3.ད་མཐར་སྦྱར་རྒྱུ་སླར་བསྡུའི་ཕྲད་ཅིག (དཔེར་ན།) ཡོད་དོ། ། མེད་དོ་ཞེས་པ་ལྟ་བུ། 4.མིང་གི་སྔོན་དུ་འཇུག་པའི་ཚིག་གྲོགས་ཤིག (དཔེར་ན།) དོ་ནུབ། དོ་ཚིགས་ཞེས་པ་ལྟ་བུ། 5.དོན་གྱི་ངོ་བོ་གང་ཡང་མི་སྟོན་པའི་ཚིག་གྲོགས་ཤིག (དཔེར་ན།) དོ་སྙོམས་པ་ཞེས་པ་ལྟ་བུ། |
| དོ་ཀེར |
སྤྱི་བོར་བཅིངས་པའི་སྐྲའི་མིང་། ཐོར་ཅོག་ཀྱང་ཟེར། |
| དོ་ཀེར་ཅན |
མགོའི་སྐྲ་གཙུག་ཏོར་ལྟར་བཅིངས་པའི་མི། |
| དོ་ཁག |
དོ་བདག་དང་ཁག་ཐེག་བྱེད་མཁན། |
| དོ་ཁུར |
སེམས་ཁུར་རམ་དོ་སྣང༌གི་དོན་ཏེ། (དཔེར་ན།) སྤྱི་པའི་ཁེ་ཕན་ལ་དོ་ཁུར་ཆེན་པོ་བྱེད་དགོས་ཞེས་པ་ལྟ་བུ། |
| དོ་གལ |
(རྒྱན་ཚིག) མཁོ་བའམ་གནད་ཆེ་བའི་དོན་ཏེ། (དཔེར་ན།) བྱ་བ་དོ་གལ་ཆེ་བ། ལས་དོན་དོ་གལ་ཅན་ཞེས་པ་ལྟ་བུ། |
| དོ་གལ་ནན་ཏན |
གལ་ཆེ་ཟབ་ནན་གྱི་དོན་ཏེ། (དཔེར་ན།) རང་གི་ལྟ་ལུགས་ཇི་ཡིན་དོ་གལ་ནན་ཏན་གྱིས་ཁ་གཏད་པ་རྣམས་ལ་གསལ་བསྒྲགས་བྱེད་ཅེས་པ་ལྟ་བུ། |
| དོ་གསོད |
གསོད་དུ་ཉེ་བའམ། དེའུ་གསོད་དམ། གསོད་ལ་ཁད། |
| དོ་ཆས |
དོ་པོའམ་ཁུར་པོའི་དོན་ཏེ། (དཔེར་ན།) ཁྱེད་རང་གིས་འཁྱེར་རྒྱུའི་ཅ་ལག་རྣམས་དོ་ཆས་ཡག་པོ་བྱེད་དགོས་ལྟ་བུ། |
| དོ་ཆོད |
གོ་ཆོད་པའམ་གོ་འཕེར་བའི་དོན་ཏེ། (དཔེར་ན།) དོ་བདག་ངོ་མ་ཡོང་མ་ཐུབ་ཚེ་ངོ་ཚབ་དོ་ཆོད་ཅིག་བཏང་ནའང་འགྲིག་ཅེས་པ་ལྟ་བུ། |
| དོ་དགོང |
དེ་རིང་གི་མཚན་མོ། |
| དོ་དམ |
1.བདག་གཉེར་དང་ཉར་ཚགས་ཀྱི་མིང་། (དཔེར་ན།) ཅ་ལག་དོ་དམ་བྱས། ཐུན་མོང་གི་རྒྱུ་ནོར་དོ་དམ་བྱས་ལྟ་བུ། 2.ལྟ་རྟོག་གི་མིང་། (དཔེར་ན།) བཙོན་མ་དོ་དམ་བྱེད་དགོས་ལྟ་བུ། |
| དོ་དམ་གཞན་བཅོལ |
གཞན་ལ་མངགས་ནས་དོ་དམ་བྱེད་དུ་བཅུག་པ། |
| དོ་དམ་པ |
1.བདག་སྤྲོད་བྱེད་མཁན།2.གུ་དོག་པོ་ཡིན་པ་དང་ལྷོད་ཡངས་མེད་པ། |
| དོ་དོ་ཏན་ཏན |
གཟབ་གཟབ་ནན་ནན། |
| དོ་ནན |
གཟབ་ནན་གྱི་དོན་ཏེ། (དཔེར་ན།) དོན་གྱི་ངོ་བོ་གང་ཡིན་པར་བརྟག་དཔྱད་དོ་ནན་བྱེད་དགོས་ལྟ་བུ། |
| དོ་ནུབ |
དེ་རིང་གི་མཚན་མོ། |
| དོ་ནོན་པ |
1.དོ་ཡ་གཉིས་ཡང་ལྕི་སྙོམས་པ།2.མགོ་ཐོན་པོ། |
| དོ་པ |
ལག་རོགས་སམ། ལག་དོ། |
| དོ་ཕོག |
གནོད་སྐྱོན་གྱི་དོན་ཏེ། (དཔེར་ན།) གནའ་རྫས་རྣམས་ལ་དོ་ཕོག་བཏང་མི་ཆོག་ཅེས་པ་ལྟ་བུ། |
| དོ་ཕྲུག |
དྭ་ཕྲུག་གི་འབྲི་སྲོལ་གཞན། |
| དོ་བ |
1.(བྱེད་མེད་ལས་ཚིག) ནུས་པའི་དོན་ཏེ། (དཔེར་ན།) ཁྱོད་འགྲོ་ཨེ་དོ། སྙིང་རྗེ་དོ་མི་བཏུབ་པ། ཁོ་དང་ཤུགས་ཚད་ན་མི་དོ་བ་ངས་ཧ་གོ་བྱུང༌ཞེས་པ་ལྟ་བུ། 2.སྔོ་ཞིག |
| དོ་བ་རྫོང |
བར་སྐབས་ལྷོ་བྲག་ལ་བཙུགས་པའི་རྫོང་ཞིག་གི་མིང༌། |
| དོ་བདག |
དོན་གྱི་བདག་པོའི་དོན་ཏེ། (དཔེར་ན།) དོ་བདག་རྣམས་ལ་འདྲི་རྩད་ཞིབ་གསལ་བྱས་ལྟ་བུ། |
| དོ་བདག་དངོས |
དོ་བདག་ངོ་མའི་དོན་ཏེ། (དཔེར་ན།) ལམ་ཟུར་ནས་བསྒྲུགས་པའི་དངོས་པོ་རྣམས་བརླག་མཁན་དོ་བདག་ངོ་མའི་ལག་ཏུ་བསྐྱལ་ཅེས་པ་ལྟ་བུ། |
| དོ་བདག་ལེ་འཁྲི |
དོ་བདག་དང་ལེ་ཐོགས་པའི་མི་ངོ་མ། |
| དོ་བརྩོན |
དོ་འཁུར་ཧུར་བརྩོན་གྱི་དོན་ཏེ། (དཔེར་ན།) ལས་དོན་ལ་དོ་བརྩོན་བྱེད་པ། ཐོག་མཐའ་བར་གསུམ་དུ་སློབ་སྦྱོང་ལ་དོ་བརྩོན་ཆེན་པོ་བྱེད་དགོས་ལྟ་བུ། |
| དོ་བསྡུར |
འགྲན་ཟླའི་དོན་ཏེ། (དཔེར་ན།) ཁ་གཏད་སྟོབས་ལྡན་དང་དོ་བསྡུར་བྱེད་ཕོད་པ་ཞེས་པ་ལྟ་བུ། |
| དོ་བསྡོ་བ |
འགྲན་ཟླ་བྱེད་པའི་དོན་ཏེ། (དཔེར་ན།) སྟོབས་ཤུགས་དོ་བསྡོ་བར་བྱེད་པ། འཁུ་སེམས་ཀྱིས་དོ་བསྡོ་བར་བྱེད་ཅེས་པ་ལྟ་བུ། |
| དོ་བོ |
ཕྱུགས་ཁལ་གྱི་ཕྱེད་ཀྱི་ཚད་ལོངས་པའི་དངོས་རྫས་ཀྱི་མིང་། (དཔེར་ན།) པགས་པ་དོ་བོ་གཅིག བལ་དོ་བོ་གཅིག་ཅེས་པ་ལྟ་བུ། ཡུལ་སྐད་དུ་དོ་ཡ་དང་དོ་ཡས་ཀྱང་ཟེར། |
| དོ་མ |
ཚབ་མ། |
| དོ་མ་གལ |
དོ་སྣང་མེད་པའི་དོན་ཏེ། (དཔེར་ན།) ཞབས་འདེགས་སྐོར་གྱི་ལས་ཀར་དོ་མ་གལ་བྱེད་མི་རུང༌ཞེས་པ་ལྟ་བུ། |
| དོ་མཉམ |
ཆ་མཉམ་མམ་ཡང་ལྕི་སོགས་མཉམ་པའི་དོན་ཏེ། (དཔེར་ན།) རྒྱབ་ཁལ་དོ་མཉམ་བྱུང་ན་རང་དགར་ཁལ་ལོག་མི་ཐེབས་ཞེས་པ་ལྟ་བུ། |
| དོ་མདོ |
(བརྡ་རྙིང་།) མཚན་མོ། |
| དོ་མོ |
(བརྡ་རྙིང་།) དགོས་པ། |
| དོ་མོད |
འཕྲལ་དུ་འམ་དེ་མ་ཐག་གི་བརྡ་རྙིང་། |
| དོ་ཚད |
དོ་བོ་གཅིག་ལོངས་པའི་ཚད། |
| དོ་ཞག |
ཉིན་གཅིག་གཉིས་ཙམ་གྱི་ཉེ་དུས་ཏེ། (དཔེར་ན།) དོ་ཞག་ཁྱེད་རང་མཐོང་མ་བྱུང༌། ལྷག་པར་དོ་ཞག་བྲེལ་བ་ཚ་པོ་ཡོད་ཅེས་པ་ལྟ་བུ། |
| དོ་ཞག་ལོ་དུས |
(ཡུལ་སྐད།) དེང་སང་གི་དུས་སམ་ཉེ་ཆར། |
| དོ་ཟན |
(བརྡ་རྙིང་།) མཆིང་བུ། |
| དོ་ཟླ |
འགྲན་ཟླའི་མིང། (དཔེར་ན།) དཔའ་བོ་དོ་ཟླ་མེད་པ། མཁས་མཛངས་དོ་ཟླ་བྲལ་བ་ཞེས་པ་ལྟ་བུ། ཚིག་བསྡུས་ན་དོ་ཞེས་འབྲི་ཆོག་སྟེ། (དཔེར་ན།) འགྲན་གྱི་དོ་མེད། དཔའ་བོ་དོ་མེད་ཅེས་པ་ལྟ་བུ། |
| དོ་འཚོང |
སྡེབ་ཚོང་བྱེད་པའི་དོན་ཏེ། (དཔེར་ན།) ཚོང་ཟོག་དོ་པོ་བྱས་ནས་འཚོང་བ་ལྟ་བུ། |
| དོ་ཡ |
1.ཁལ་རྒྱབ་ཀྱི་ཡ་གཅིག2.ཁ་གཏད་ཀྱི་དོན་ཏེ། (དཔེར་ན།) ཕན་ཚུན་དོ་ཡ་བྱེད་པ། སྒོ་ངས་བྲག་རྡོའི་དོ་ཡ་མི་ཡོང༌ཞེས་པ་ལྟ་བུ། |
| དོ་ར |
གཡུལ་འགྱེད་སའམ་གར་འཁྲབ་སའི་གནས་ཀྱི་མིང་། |
| དོ་རྒྱག་པ |
དོ་པོ་བཟོ་མཁན་ནམ། དོ་པོ་རྒྱག་མཁན། |
| དོ་རྒྱབ |
དགལ་བྱའི་དོ་པོ་ཚད་ལོངས་པ་གཉིས། |
| དོ་ལ་མདོ |
ས་མིང་ཞིག་བོད་ཀྱི་ཆབ་མདོ་ས་ཁུལ་དུ་ཡོད། |
| དོ་ལི |
འདི་ལ་ཕེབས་བྱམས་ཀྱང་ཟེར་ལ་ཁྱོགས་ཀྱང་ཟེར། |
| དོ་ལོ |
རྣ་རྒྱན་སོག་བྱིལ་གྱི་མཇུག་རྒྱན་རྒྱུ་གཡུ་དང་འདྲ་བའི་རྡོ་སྔོན་ཞིག (དཔེར་ན།) གཡུ་དང་དོ་ལོ་ནོར་ཉེན་ཆེ་ཞེས་པ་ལྟ་བུ། |
| དོ་ལོག |
ལྡབ་འགྱུར་གྱི་དོན་ཏེ། (དཔེར་ན།) འབྲུ་ཚྭ་དོ་ལོག་བྱས་ནས་བརྗེ་སྒྱུར་བྱེད་པ། དོ་ལོག་གི་རོ་བཅུད་དཀྱུས་ཆང་ལས་ལྡབ་གཅིག་གིས་ཆེ་བ་ཡོད་ཅེས་པ་ལྟ་བུ། |
| དོ་ལྕགས |
དོ་བོ་འཆིང་བྱེད་ཀྱི་ལྕགས་ཤན། |
| དོ་ཤལ |
ཕྲེང་བ་ཁུག་པ་ཅན་གྱི་རྒྱན་ཆ་གཡུ་དང་བྱུ་རུ་སྤོས་ཤེལ་སོགས་ཡོད་པ་དེའི་མིང་། མིང་གི་རྣམ་གྲངས་ལ་འཕྱང་ཕྲུལ་དང༌། བྲང་གི་རྒྱན། སེ་མོ་དོ་བཅས་སོ། ། |
| དོ་ཤལ་ཕྱེད་པ |
རྒྱན་ཆའི་ཕྲེང་བ་ཁུག་པ་མེད་པ། མིང་གི་རྣམ་གྲངས་ལ་འཕྱང་ཕྲུལ་དང༌། བྲང་གི་རྒྱན། སེ་མོ་དོ་བཅས་སོ། ། |
| དོ་ཤི |
ཤི་ལ་ཁད་བྱས་པའམ། ཅུང་མིན་ན་ཤི་བའི་དོན་ཏེ། (དཔེར་ན།) ཁོ་བོ་ནི་དོན་འདིའི་ཆེད་དུ་དོ་ཤིར་གྱུར་ཞེས་པ་ལྟ་བུ། |
| དོ་ཤི་དོ་ཆད |
ཤི་ལ་ཉེ་བ་དང༌། ཆད་ལ་ཉེ་བ། |
| དོ་སྐོར |
ལྡབ་འགྱུར་རམ་ལྡབ་གཅིག |
| དོ་སྣང |
སེམས་གཏད་པའི་དོན་ཏེ། (དཔེར་ན།) དོ་སྣང་བྱེད་པའི་དོན་ཚན། འབྲེལ་ཡོད་གནད་དོན་ལ་དོ་སྣང་བྱེད་གལ་ཆེ། དགེ་བ་ཕྲ་མོ་དོ་སྣང་མེད་པར་བཞག་ནས་འཇོག་མི་རུང་ཞེས་པ་ལྟ་བུ། |
| དོ་ཧ |
(ལེགས་སྦྱར།) གླུའམ་མགུར། |
| དོ་ཧ་གསུམ |
སྔར་རྒྱ་གར་གྱི་གྲུབ་ཐོབ་ས་ར་ཧ་པ་དགྱེས་པའི་གླུ་རྒྱལ་པོ་དོ་ཧ་དང༌། བློན་པོ་དོ་ཧ། དམངས་དོ་ཧ་བཅས་གསུམ། གཞན་ཡང་དོ་ཧ་མཛོད་དང༌། རྒྱལ་པོ་དོ་ཧ། བཙུན་མོ་དོ་ཧ་སྟེ་གསུམ་ལས་དང་པོ་ས་ར་ཧའི་གསུང་ཡིན་ལ་ཕྱི་མ་གཉིས་བལ་པོ་ཨ་སས་བྱས་པར་གྲགས་ཞེས་བུ་སྟོན་གསུངས། |
| དོ་ཧ་མཛོད |
(ལེགས་སྦྱར།) གྲུབ་ཐོབ་ཀྱི་ཉམས་གླུ་མང་པོ་ཕྱོགས་གཅིག་ཏུ་བསྡོམས་པའི་བསྟན་བཅོས་ཤིག |
| དོག |
(རྒྱན་ཚིག) ཞེང་དང་རྒྱ་ཁྱོན་ཆུང་བའི་དོན་ཏེ། (དཔེར་ན།) ལམ་ཡངས་དོག ཁང་བ་ཧ་ཅང་དོག་མི་རུང་། སེམས་ཁ་ཧ་ཅང་མ་དོག འགག་སྒོ་ཧ་ཅང་དོག་པ་ཞིག ལམ་ཧ་ཅང་དོག་པའི་ས་ཞེས་པ་ལྟ་བུ། |
| དོག་དཀྲི |
(ཡུལ་སྐད།) སྐུད་པའི་དོག་པ་ལག་པར་དཀྲི་བའི་མིང༌། |
| དོག་པ |
1.མེ་ཏོག་གི་ཟེ་འབྲུའམ་འབྲུའི་སྙེ་མའི་མིང་། (དཔེར་ན།) ཁྲེ་སྙེའི་དོག་པ་ཆགས་པ་ཞེས་པ་ལྟ་བུ། 2.ཕོན་པོའམ་ཆུན་པོའི་མིང་། (དཔེར་ན།) མེ་ཏོག་གི་དོག་པ་མང་བོ། སྐུད་པ་དོག་པ་གཅིག་ཅེས་པ་ལྟ་བུ། 3.ཡངས་པའི་ལྡོག་ཟླ་དོག་པ། |
| དོག་པོ |
གུ་ཡངས་པོའི་ལྡོག་ཕྱོགས་ཏེ། (དཔེར་ན།) ཁང་ཆུང་དོག་པོ། གནམ་ཡངས་པོ་ས་དོག་པོ། མི་དེ་བློ་སྦུབས་དོག་པོ་ཞིག་འདུག དོག་ཅིང་རིང་བའི་ས་ཁུལ་ཞེས་པ་ལྟ་བུ། |
| དོག་པོར་ཁྱབ་པ |
ཡངས་སུ་ཁེངས་པའི་དོན་ཏེ། (དཔེར་ན།) སྤྲིན་ནག་གིས་བར་སྣང་མཐའ་དག་དོག་པོར་ཁྱབ་པ། དཔེ་ཆ་མང་དྲགས་པས་དཔེ་ཁྲི་དོག་པོར་ཁྱབ་འདུག་ཅེས་པ་ལྟ་བུ། |
| དོག་མ |
1.ས་གཞི།2.(བརྡ་རྙིང་།) མདུན། |
| དོག་མོ |
1.ཡངས་མོའི་ལྡོག་ཟླ་སྟེ། (དཔེར་ན།) ལམ་དོག་མོ། འགག་དོག་མོ། སེམས་ཁོང་དོག་མོ་ཞེས་པ་ལྟ་བུ། 2.སྒྲིག་ཁྲིམས་ནན་ཞིབ་ཆེ་བའི་དོན་ཏེ། (དཔེར་ན།) སྒྲིག་ཁྲིམས་དོག་པོ། སྒྲིག་ལམ་དོག་མོ་ཞེས་པ་ལྟ་བུ། 3.སྐད་ཆ་ངག་ནས་ཐོན་དཀའ་བའི་དོན་ཏེ། (དཔེར་ན།) ངག་སྒོ་དོག་པ། ངག་སྒོ་དོག་མོ་ཞེས་པ་ལྟ་བུ། 4.ས་གཞིའི་མིང་གཞན་ཏེ། (དཔེར་ན།) དགུང་ཨ་སྔོན་དང་ས་དོག་མོ་ཞེས་པ་ལྟ་བུ། |
| དོག་ལེ |
(བརྡ་རྙིང་།) ཆུ་བསྲོ་ས་དང་ཟས་གཡོ་སའི་སྣོད། |
| དོག་ས |
གཡང་སའམ་གུ་དོག་ས། |
| དོགས |
1.(བྱེད་མེད་ལས་ཚིག) དཔྱད་པ་བཏང་བའམ་འཛེམ་པའི་དོན་ཏེ། (དཔེར་ན།) ཡི་གེ་མང་དོགས་ནས་དཔེ་བརྗོད་མང་བོ་མ་བཞག འགྲོ་སྒོ་ཆེ་དོགས་ནས་ཁང་བ་ཆེན་པོ་མ་ཕུབ་ལྟ་བུ། 2.དོགས་པ་ཡི་མིང་མཐའ་བསྡུས་པ། |
| དོགས་གཅོད |
ཐེ་ཚོམ་སེལ་ཐབས་ཏེ། (དཔེར་ན།) དགེ་རྒྱན་གྱི་སྐུ་མདུན་ལ་བཅར་ཏེ་དོགས་གཅོད་ཞུས་ལྟ་བུ། |
| དོགས་གཅོད་པ |
ཐེ་ཚོམ་གྱི་དོན་སེལ་བ་པོ། |
| དོགས་གནད |
ཐེ་ཚོམ་གྱི་གནད་འགག |
| དོགས་གནས |
ཐེ་ཚོམ་གྱི་གཞི། |
| དོགས་གཞི |
ཐེ་ཚོམ་གྱི་གཞི། |
| དོགས་ཅན་མི་ཡན |
དོགས་ཟོན་བྱེད་དགོས་པའི་མི། |
| དོགས་ཆོད་པ |
ཡིད་ཀྱི་དོགས་པ་བསལ་བ། |
| དོགས་པ |
1.ཐེ་ཚོམ་བྱེད་པའི་བསམ་པ་དང་བྱ་སྤྱོད་ཀྱི་མིང་། (དཔེར་ན།) དོགས་པ་སེལ། ཡིན་མིན་གྱི་དོགས་པ་བཅད། ཨེ་བདེན་མི་བདེན་དོགས་པ་མེད་ལྟ་བུ། མིང་མཐའ་བསྡུས་ན་དོགས་ཞེས་འབྲི་ཆོག་སྟེ། (དཔེར་ན།) དོགས་གཅོད། དོགས་ཆེ་བ་ཞེས་པ་ལྟ་བུ། 2.དོགས་ཟོན་གྱི་མིང་། (དཔེར་ན།) དགྲ་ལ་དོགས་སྒྲིམས། སྤྱང་ཀིར་དོགས་བྱོས་ལྟ་བུ། |
| དོགས་པ་སྔོན་བསུ |
སྔོན་ནས་དོགས་ཟོན་གྱི་བསམ་བློ་གཏོང་བའི་དོན་ཏེ། (དཔེར་ན།) དཀའ་བའི་གནས་ལ་དོགས་པ་སྔོན་དུ་བསུས་ནས་དགག་སྒྲུབ་བྱེད་ཅེས་པ་ལྟ་བུ། |
| དོགས་མཐའ |
ཐེ་ཚོམ་གྱི་གནས་གཙོ་ཆེ་བའི་དོན་ཏེ། (དཔེར་ན།) གཞུང་དོན་གྱི་དོགས་མཐའ་བཅད་པ་ལྟ་བུ། |
| དོགས་མེད |
1.ཐེ་ཚོམ་མེད་པ།2.ཡོང་སྲིད་པའི་སྐབས་མེད་པའི་དོན་ཏེ། (དཔེར་ན།) མཐོང་དོགས་མེད། བྲོས་དོགས་མེད། མི་གསོད་དོགས་མེད། ཁྱི་འཛིང་ཡང་ཁྱི་ལྤགས་རལ་དོགས་མེད་ཅེས་པ་ལྟ་བུ། |
| དོགས་ཚོམ |
དོགས་པའམ། ཐེ་ཚོམ་ཏེ། (དཔེར་ན།) དོན་མེད་དོགས་ཚོམ་བྱས་ནས་རང་གིས་རང་ལ་རྙོག་གྲ་མ་བཟོ་ཞེས་པ་ལྟ་བུ། |
| དོགས་ཟོན |
ཐེ་ཚོམ་དང་འབྲེལ་བའི་དོ་སྣང༌གི་དོན་ཏེ། (དཔེར་ན།) དོགས་ཟོན་ཆེ་བསྐྱེད། དགྲ་བོར་རྟག་ཏུ་དོགས་ཟོན་བྱས་ན་ངེས་མེད་ཚུར་རྒོལ་བྱུང་ཡང་བྱ་དཀའ་བྱེད་གཏད་མི་ཡོང༌ཞེས་པ་ལྟ་བུ། |
| དོགས་ཟོན་གཡེལ་མེད |
དོགས་ཟོན་ལྷོད་མེད་ཀྱི་དོན་ཏེ། (དཔེར་ན།) མི་ངན་གྱི་འཚེ་བ་ཡོང་མིན་དོགས་ཟོན་གཡེལ་མེད་བྱེད་དགོས་ལྟ་བུ། |
| དོགས་ཟོན་པ |
ལྟ་རྟོག་བྱེད་མཁན། |
| དོགས་འདྲི |
ཐེ་ཚོམ་གྱི་དྲི་བ་སྟེ། (དཔེར་ན།) དགེ་རྒན་ལ་དོགས་འདྲི་ཞུ་ལྟ་བུ། |
| དོགས་འདྲོག |
དོགས་པས་འདྲོག་པ། |
| དོགས་སྐྲག |
དོགས་པ་དང་སྐྲག་སྣང༌། |
| དོགས་སྣང |
ཐེ་ཚོམ་གྱི་སྣང་བའམ་བསམ་པའི་དོན་ཏེ། (དཔེར་ན།) ལས་ཀ་དེ་ག་འདྲ་བྱེད་མིན་ང་ལ་དོགས་སྣང་མ་བྱུང༌ཞེས་པ་ལྟ་བུ། |
| དོགས་སློང |
ཐེ་ཚོམ་ཟ་རུ་འཇུག་པའི་དོན་ཏེ། (དཔེར་ན།) ཚིག་དོན་གང་གི་ཆ་ལ་འགལ་སྐྱོན་ཡོད་མེད་དོགས་སློང་བྱེད་དགོས་ཞེས་པ་ལྟ་བུ། |
| དོང |
1.ས་ངོས་ནས་མར་བརྡིབས་པའི་ཁུང་བུའི་མིང་། (དཔེར་ན།) ས་དོང་། འདམ་དོང་། ཆུ་དོང་ཞེས་པ་ལྟ་བུ། 2.(བྱེད་འབྲེལ་ལས་ཚིག) དེངས་པའི་མ་འོངས་པ་དང་འདས་པ། (དཔེར་ན།) གནས་སུ་དོང་བར་བྱ་གནས་སུ་དོང་ཟིན་ལྟ་བུ། |
| དོང་ཀ |
དོང་ག་དང་འདྲ། |
| དོང་ཁུང |
དོང་གི་ཁུང་བུ། |
| དོང་ག |
དྲོད་ཆེ་སར་སྐྱེ་བའི་ཤིང་སྨན་ཞིག ཡལ་ག་དམར་བོ་ཁོང་སྟོང་ཡིན། སྨན་གཞུང་དུ། དོང་ག་རྒྱུ་མར་ཁྲག་བླུགས་འདྲ་ཞེས་བཤད་ཡོད། |
| དོང་ཆུ |
དོང་བརྐོས་ནས་བཏོན་པའི་ཆུའི་མིང་། ཁྲོན་པ་དང་དོན་གཅིག |
| དོང་དུ་བྲུབས |
(བརྡ་རྙིང་།) དོང་དུ་མནན་པ། |
| དོང་བ |
1.མདའ་ཤུབས་ཀྱི་མིང་གཞན། 2.འདོང་བའི་འདས་པ། |
| དོང་ཙེ |
སྔོན་ཆད་ཀྱི་གསེར་དངུལ་ཀྱི་དོང་ཙེ་དང་ཟངས་ཀྱི་དོང་ཙེ་ལྟ་བུ་དང་། ད་ལྟའི་ཤོག་སྒོར་ལའང་དོང་ཙེ་ཟེར། |
| དོང་ཚང་ཆུ |
འབབ་ཆུ་ཞིག་བོད་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| དོང་རུལ |
ཤ་རུལ་འབུ་རུལ་ས་རུལ་སོགས་ཀྱིས་གང་བའི་བཙོན་ཁང་ངམ། ས་དོང་ཉམ་ང་དྲི་མ་ཅན། |
| དོང་རྐ |
ས་འོག་ཏུ་བརྐོས་པའི་ཆུ་འགྲོ་ས། |
| དོང་རྙི |
རི་དྭགས་འཛིན་བྱེད་ཅིག |
| དོང་སྤྲུག |
རྩ་བ་ནས་འདོན་པ། |
| དོངས |
འདོང་བའི་སྐུལ་ཚིག་གི་འབྲི་ཚུལ་གཞན་ཞིག |
| དོངས་པ |
དོང་པ་དང་འདྲ། |
| དོད |
1.ཚབ་མའི་མིང་། (དཔེར་ན།) བུ་མེད་ན་ཚ་བོས་བུ་དོད་བྱེད། རྩྭ་གུར་ཀུམ་གྱིས་གུར་ཀུམ་གྱི་དོད་བྱས་ཆོག་ལྟ་བུ། 2.མཚོན་བྱེད་དམ་ཚུགས་ཀ་ཙམ་གྱི་མིང་། (དཔེར་ན།) འོན་པའི་རྣ་བ་རྣ་བའི་དོད་ཙམ་ཡིན་ལྟ་བུ། 3.བཏོད་ཀྱི་སྐུལ་ཚིག་གི་འབྲི་ཚུལ་གཞན་ཞིག་ཡིན་པར་བཤད། |
| དོད་ཐུབ |
ཚབ་བྱེད་ཐུབ་པའི་དོན་ཏེ། (དཔེར་ན།) གསེར་གྱི་དོད་ཐུབ་དངུལ། བྱེ་མ་ཀ་རའི་དོད་ཐུབ་བུ་རམ་ཞེས་པ་ལྟ་བུ། |
| དོད་དངུལ |
དངོས་པོའི་ཚབ་དངུལ། |
| དོད་པ |
(བྱེད་མེད་ལས་ཚིག) དབྱིབས་དང་རི་མོ་ཇི་བཞིན་དུ་ཐོན་པའི་དོན་ཏེ། (དཔེར་ན།) ཀ་བར་བརྐོས་པའི་རི་མོ་སྣ་ཚོགས་འབུར་དུ་དོད་པ། སྤྲང་པོ་ཉམ་ཐག་པའི་ཉམས་དོད་པོ་བྱས་ཞེས་པ་ལྟ་བུ། |
| དོད་པོ |
1.ཚབ་ཀྱི་དོན་ཏེ། (དཔེར་ན།) གསོལ་དོད། ན་བཟའི་དོད་པོར་སྒོར་མོ་ལྔ་བཅུ་ཐམ་པ་ཕུལ་ལྟ་བུ། 2.དབྱིབས་སམ་རྣམ་པ་སོགས་གསལ་པོར་མཚོན་པའི་དོན་ཏེ། (དཔེར་ན།) རི་མོ་འབུར་དུ་དོད་པོ་འདུག མི་དེ་ཉམས་དོད་པོ་འདུག གྲུང་ཤ་དོད་པོ་ཞེས་པ་ལྟ་བུ། |
| དོད་བསྐོས་པ |
ཚབ་བསྐོ་གཞག་བྱས་པ། |
| དོད་སྒྲིལ |
དོད་དངུལ་དུ་འབེབས་པ། |
| དོད་སྒྲིལ་སྤོམ་སྤྲོད |
སྤོམ་ཚོད་ཀྱི་དོད་དངུལ་སྤྲོད་པའི་དོན་ཏེ། (དཔེར་ན།) ལོ་འཁོར་གྱི་དགོས་ཆ་ཚང་མ་དོད་སྒྲིལ་སྤོམ་སྤྲོད་བྱེད་ཅེས་པ་ལྟ་བུ། |
| དོན |
1.ལས་ཀའི་མིང་། (དཔེར་ན།) སྤྱི་དོན། སྒེར་དོན། རང་དོན། གཞན་དོན་ཞེས་པ་ལྟ་བུ། 2.གོ་བྱའི་དོན་ཏེ། (དཔེར་ན།) དགོངས་དོན། ཚིག་ཉུང་ཞིང་དོན་དྲིལ་བ། ཚིག་གི་དོན་རྟོགས་དཀའ་བ། ཚིག་ཟུར་ལྷང་ཙམ་བཤད་པས་དོན་གོ་སོང་ལྟ་བུ། 3.དངོས་ཡོད་གནས་ལུགས་ཀྱི་དོན་ཏེ། (དཔེར་ན།) བསམ་པ་དེ་རྣམས་ཚང་མ་དོན་དུ་གནས་པ། ཁ་ནས་དེ་ལྟ་བཤད་ཀྱང༌། དོན་དུ་དེ་འདྲ་མ་རེད། གང་བཤད་པ་རྣམས་དོན་དང་མི་མཐུན་པ་ཞེས་པ་ལྟ་བུ། 4.གཟུང་བྱའི་ཡུལ་ཏེ། (དཔེར་ན།) དོན་ལྐོག་ཏུ་གྱུར་པ། དོན་ཕྲ་མོ་ཞེས་པ་ལྟ་བུ། 5.ནང་ཁྲོལ་གློ་སྙིང་སོགས་ཏེ། (དཔེར་ན།) དོན་ལྔ་སྣོད་དྲུག་ཅེས་པ་ལྟ་བུ། 6.དངོས་པོ་གང་ཡང་རུང་བའི་གྲངས་བཅུ་གནས་ཨང་ཡིག་བདུན་ཡིན་པའི་གཅིག་གནས་སུ་འཇུག་པའི་ཚིག་གྲོགས་ཤིག (དཔེར་ན།) བདུན་ཅུ་དོན་ལྔ། དོན་བརྒྱད་ཅེས་པ་ལྟ་བུ། |
| དོན་ཀུན་གྲུབ་པ |
1.དོན་དག་ཐམས་ཅད་གྲུབ་པ།2.སངས་རྒྱས་ཤཱཀྱ་ཐུབ་པ།3.(མངོན་བརྗོད།) ཡུངས་ཀར། |
| དོན་གཅིག་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་གསལ་བྱེད་གཅིག་གིས་བྱ་བའི་རྣམ་གྲངས་དུ་མའི་སྒོ་ནས་གསལ་བྱ་དོན་གཅིག་གི་གནས་ལུགས་གསལ་བར་བྱེད་པའི་རྒྱན་ཞིག |
| དོན་གཅོད་པ |
1.ལས་དོན་ཐག་གཅོད་པར་བྱེད་པ།2.ལས་དོན་ཐག་གཅོད་བྱེད་མཁན།3.ལས་དོན་སྒྲུབ་མཁན། |
| དོན་གཉིས |
1.དོན་དག་གཉིས།2.རང་དོན་དང་གཞན་དོན་གཉིས། |
| དོན་གཉེར |
བརྩོན་སེམས་ཀྱི་མིང་། (དཔེར་ན།) སློབ་སྦྱོང་ལ་དོན་གཉེར་བྱེད་དགོས། མི་འདི་དོན་གཉེར་ཅན་ཞིག་རེད་ལྟ་བུ། |
| དོན་གནད |
དོན་གཙོ་ཆེ་བ་སྟེ། (དཔེར་ན།) དོན་གནད་གལ་ཆེ་ཞེས་པ་ལྟ་བུ། |
| དོན་གནས |
དོན་ལ་གནས་པའི་བསྡུས་ཚིག |
| དོན་གཞན |
འདི་མ་ཡིན་པའི་དགོས་པའམ་ལས་ཀ་གཅིག་ཤོས་ཀྱི་དོན་ཏེ། (དཔེར་ན།) ཁོང་གིས་གསུངས་པ་དེ་དག་ནི་དོན་གཞན་ལ་དགོངས་པ་ཡིན་པ་ཐག་ཆོད་ཅེས་པ་ལྟ་བུ། |
| དོན་གཞན་གྱིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་དངོས་པོའི་གནས་ཚུལ་ཚད་ལས་བརྒལ་བ་དང༌། ངོ་མཚར་བའམ། ཡ་མཚན་པ་ལྟ་བུའི་དོན་ཞིག་འགོག་བྱེད་དེ་དང་ཆོས་མཚུངས་ཀྱི་དོན་ཞིག་དཔེའི་ཚུལ་དུ་བཀོད་ནས་འགོག་པར་བྱེད་པའི་རྒྱན་ཞིག |
| དོན་གཞན་བཀོད་པའི་རྒྱན |
དོན་རྒྱན་གྱི་ནང་གསེས་ཤིག་བརྗོད་འདོད་ཀྱི་དངོས་པོ་འགའ་ཞིག་དམ་བཅའི་ཚུལ་དུ་སྔོན་ལ་བཀོད་ནས། དེ་དང་རིགས་མཚུངས་པའི་དོན་གཞན་ཞིག་སྒྲུབ་བྱེད་ཀྱི་ཚུལ་དུ་བཀོད་པའི་རྒྱན་ཞིག་ནང་གསེས་རྣམ་གྲངས་བརྒྱད་ནི། ཀུན་ཁྱབ་དོན་གཞན་བཀོད་པ། ཁྱད་པར་ལ་གནས་པའི་དོན་གཞན་བཀོད་པ། སྦྱར་བ་ཅན་གྱི་དོན་གཞན་བཀོད་པ། འགལ་བ་ཅན་གྱི་དོན་གཞན་བཀོད་པ། མི་འོས་པའི་དོན་གཞན་བཀོད་པ། འོས་པའི་དོན་གཞན་བཀོད་པ། འོས་ཤིང་མི་འོས་པའི་དོན་གཞན་བཀོད་པ། མི་འོས་ཤིང་འོས་པའི་དོན་གཞན་བཀོད་པ་བཅས་སོ། ། |
| དོན་གཞན་ལ་དགོངས་པ |
ཆོས་ཐམས་ཅད་ངོ་བོ་ཉིད་མེད་ཅེས་པ་ལྟ་བུ་སྒྲ་ཇི་བཞིན་པ་མ་ཡིན་པ། |
| དོན་གསལ་ཚིག་གསལ |
གོ་རྒྱུའི་དོན་ཡང་རྟོགས་སླ་བ་དང༌། རྗོད་བྱེད་ཀྱི་ཚིག་དང༌། ཡི་གེ་རྣམས་ཀྱང་རྟོགས་སླ་བ། |
| དོན་གོམས་པ་ཅན་གྱི་དབང་མངོན་ཚད་མ |
བུས་ཕའི་གཟུགས་འཛིན་པའི་དབང་མངོན་ཚད་མ་ལྟ་བུ། |
| དོན་གྱི་ཁོག་ཕུབ་པ |
དོན་གྱི་སྔ་ཕྱི་གོ་རིམ་བསྒྲིགས་པ། |
| དོན་གྱི་ཁྱད་པར |
བརྟེན་པ་ལྟ་བུར་སྣང་བའི་ཆོས་ཏེ། དཔེར་ན་བུམ་པའི་བྱས་མི་རྟག་སོགས་དང་མཛེས་མི་མཛེས་སོགས་ལྟ་བུ་གཞིའི་སྟེང་དུ་ཡོད་པའི་ཁྱད་པར་གྱི་ཆོས་རྣམས་སོ། ། |
| དོན་གྱི་གཙོ་བོ |
བསྒྲུབ་བྱའི་སྙིང་པོ། |
| དོན་གྱི་གཞན་སེལ |
དོན་རང་མཚན་གྱི་གཞན་སེལ་གྱི་བསྡུས་ཚིག |
| དོན་གྱི་གཟུངས |
གཟུངས་ཀྱི་སྒོ་བཞིའི་ཡ་གྱལ་ཞིག་མིང་དང་ཚིག་གིས་བརྗོད་པའི་དོན་གང་དང་གང་ཡིན་པའི་དམིགས་པ་མྱུར་དུ་གོ་ཞིང་མིང་བརྗོད་པར་འཛིན་པ། |
| དོན་གྱི་ངོ་བོ |
རྟེན་ལྟ་བུར་སྣང་བའི་ཆོས་ཏེ། དཔེར་ན་བུམ་པ་ལྟ་བུ་བྱས་མི་རྟག་སོགས་ཀྱི་ཁྱད་ཆོས་དུ་མ་ལྡན་པའི་གཞིའོ། ། |
| དོན་གྱི་བདག་པོ |
བདག་པོ་ངོ་མའམ་གཙོ་བོ། |
| དོན་གྱི་མདོ |
གནད་འགག |
| དོན་གྱི་འཇུག་ཚུལ |
སྔོན་རྗེས་མིང་གསུམ་ཚིག་ཕྲད་རྣམ་དབྱེ་དང་བཅས་པ་དོན་གང་དང་གང་ལ་འཇུག་པའི་ཚུལ། |
| དོན་གྱི་འོད་གསལ |
རྫོགས་རིམ་གྱི་ཆོས་ཤིག་གཉིད་འཁྲུལ་ལ་བརྟེན་པའི་མཐོང་སྤང་དང་སྒོམ་སྤང་གཉིས་ཀའི་སྒྲིབ་གཉིས་ཀྱི་ས་བོན་ཡང་ལམ་གྱི་འོད་གསལ་སྟོབས་ལྡན་གྱིས་སྤངས་པས་གཞིའི་འོད་གསལ་གློ་བུར་དྲི་བྲལ་དུ་གྱུར་པ། |
| དོན་གྱི་རྒྱན |
རྒྱ་གར་ལྷོ་ཤར་ཐུན་མོང་དུ་འདོད་པའི་སྙན་ངག་གི་དོན་རྒྱན་སོ་ལྔ། |
| དོན་གྱི་རྡོར་དྲིལ |
ངེས་དོན་གྱི་རྡོར་དྲིལ། |
| དོན་གྱི་སྡེ |
སྡེ་བཞིའི་ཡ་གྱལ་ཞིག་མང་དུ་ཐོས་པ་བཙལ་བ་དང་ནོར་གསོག་སྲུང་བྱེད་པ། |
| དོན་གྱིས་གོ་བ |
ཤུགས་ཀྱིས་རྟོགས་པའི་དོན་ཏེ། (དཔེར་ན།) ཞིབ་གསལ་མ་སྨྲས་ཀྱང༌། དཀའ་གནད་ཕལ་ཆེར་དོན་གྱིས་གོ་བྱུང༌ཞེས་པ་ལྟ་བུ། |
| དོན་གྲུབ |
1.དོན་ཀུན་གྲུབ་དང་དོན་ཡོད་གྲུབ་པའི་བསྡུས་ཚིག 2.(མངོན་བརྗོད།) 1> ཡུངས་དཀར། 2> ས་ལུག་ལོ། |
| དོན་ཉུང་བ་བྱ་བ་ཉུང་བ |
འདོད་པ་ཆུང་བ་དང་ཡོ་བྱད་མང་པོ་མི་འཛིན་པ། |
| དོན་ཉུང་ཚིག་མང |
དོན་དག་ཉུང་ལ་ཚིག་ལོ་མང་བ། |
| དོན་ཐོག |
སྐབས་གང་ཡིན་གྱི་དོན་ངོ་ཐོག་སྟེ། (དཔེར་ན།) ལས་ཀ་གང་དང་གང་བྱེད་ཀྱང་ཁ་ཙམ་ཚིག་ཙམ་མིན་པར་དོན་ཐོག་ཏུ་སྨིན་པ་བྱེད་དགོས། མི་ངན་པའི་ལྐོག་གཡོ་དོན་ཐོག་ཏུ་ཁེལ་འཇུག་མི་རུང་ལྟ་བུ། |
| དོན་དག |
1.ལས་དོན་ནམ་བསྒྲུབ་བྱའི་དོན་ཏེ། (དཔེར་ན།) བསྒྲུབ་བྱའི་དོན་དག་ཇི་ཙམ་བསྒྲུབས་པ་དེ་ཙམ་དུ་འཐོབ་བྱའི་རང་སྐལ་འཐོབ་ཡོང༌། ལུང་པ་དེར་བསྡད་ན་དོན་དག་མང་པོ་བྱ་རྒྱུ་འདུག་ཅེས་པ་ལྟ་བུ། 2.ཚིག་གམ་སྒྲའི་བསྟན་དོན་ཏེ། (དཔེར་ན།) དོན་དག་གང་ཡང་མེད། དོན་དག་ཟབ་མོ། ཁྱེད་ཀྱི་སྐད་ཆ་དེ་ཚོར་དོན་དག་མང་པོ་ཞིག་གོ་རྒྱུ་འདུག་ཅེས་པ་ལྟ་བུ། 3.དགོས་པའམ་ཆེད་དུ་ཞེས་པའི་དོན་ཏེ། གཞན་གྱི་འཚེམ་བུའི་དོན་དག་ལ་རང་གི་ཁབ་མི་གཅོག་ཅེས་པ་ལྟ་བུ། |
| དོན་དཔོག་པ |
དོན་གཞན་ཞིག་ལ་བརྟེན་ནས་ཤེས་པར་བྱེད་པ། |
| དོན་དཔྱོད་པ |
1.དོན་ལ་རྟོག་དཔྱོད་བྱེད་པ།2.དོན་གནད་ལ་རྟོག་དཔྱོད་བྱེད་པ་པོ། |
| དོན་དམ |
1.(མངོན་བརྗོད།) ཐར་པ།2.ཆོས་ཐམས་ཅད་ཀྱི་གནས་ལུགས་སྨྲ་བསམ་བརྗོད་པ་དང་བྲལ་བ་སོ་སོ་རང་རིག་པའི་ཡེ་ཤེས་ཀྱི་སྤྱོད་ཡུལ་དུ་གྱུར་པའི་ཆོས་ཉིད།3.དོན་ངོ་མའི་མིང་། (དཔེར་ན།) དོན་དམ་དུ་སའི་གོ་ལས་ཉི་མར་སྐོར་བ་རྒྱག་གིན་ཡོད་པ་རེད་ལྟ་བུ། |
| དོན་དམ་དཀོར་བདུན |
སྔགས་རྙིང་མའི་གཞུང་ལས་གསལ་བའི་མ་ཧཱ་ཡོ་གའི་ལྟ་བ་དོན་དམ་པའི་བདེན་པ་ཆོས་ཐམས་ཅད་ཀྱི་རང་བཞིན་དེ་བཞིན་གཤེགས་པ་ཐམས་ཅད་གསང་བའི་མཛོད་འབྲས་ཆོས་ལྔ་དང་དབྱིངས་དང་ཡེ་ཤེས་གཉིས་ཏེ་བདུན། |
| དོན་དམ་པ |
1.གནས་ལུགས་དངོས།2.དེ་ཁོ་ན་ཉིད། |
| དོན་དམ་པ་ངོ་བོ་ཉིད་མེད་པ་ཉིད |
ངོ་བོ་ཉིད་མེད་པ་ཉིད་གསུམ་གྱི་ཡ་གྱལ། ཡོངས་སུ་གྲུབ་པའི་ཆོས་རྣམས་ཏེ། སྐུད་པ་ཉག་མ་རེ་རེའི་སྟེང་དུ་ཐག་ཁྲ་དང་སྦྲུལ་གཉིས་ཀ་མེད་པ་ལྟ་བུ་དོན་དམ་པར་རང་གི་མཚན་ཉིད་ཀྱིས་མ་གྲུབ་པའོ། ། |
| དོན་དམ་པ་སྟོང་པ་ཉིད |
སྟོང་པ་ཉིད་བཅུ་དྲུག་གི་ནང་གསེས་ཤིག་མྱ་ངན་ལས་འདས་པ་དངོས་པོ་རང་བཞིན་གྱིས་མ་གྲུབ་པའོ། ། |
| དོན་དམ་པའི་ཀུན་རྫོབ |
ཡང་དག་ཀུན་རྫོབ། |
| དོན་དམ་པའི་ཆོས |
བློ་འདས་སྨྲ་བསམ་བརྗོད་མེད་ཀྱི་ཆོས་རྣམས་སོ། ། |
| དོན་དམ་པའི་ཆོས་ཀྱིས་རྣམ་པར་རྒྱལ་བ |
འཕགས་པ་དོན་དམ་པའི་ཆོས་ཀྱིས་རྣམ་པར་རྒྱལ་བ་ཞེས་བྱ་བའི་མདོ་ཤླཽ་ཀ་ཉིས་བརྒྱ་དང་བརྒྱད་ཅུ་པ། པཎྜི་ཏ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པ། |
| དོན་དམ་པའི་ཆོས་མངོན་པ |
འཕགས་རྒྱུད་ཀྱི་མི་རྟག་སོགས་བཅུ་དྲུག་མངོན་སུམ་དུ་རྟོགས་པའི་ཤེས་རབ་རྗེས་འབྲང་དང་བཅས་པ། |
| དོན་དམ་པའི་དགེ་བ |
དེ་བཞིན་ཉིད་དང་མྱང་འདས། |
| དོན་དམ་པའི་དགེ་སྦྱོང |
དགྲ་བཅོམ་པ། |
| དོན་དམ་པའི་དགེ་སློང |
དགེ་སློང་ལྔའི་ནང་གསེས་ཤིག་རྒྱུན་དུ་ཞུགས་པ་ནས་དགྲ་བཅོམ་པའི་བར་དུ་གང་ཟག་ཟུང་བཞི་ཡ་བརྒྱད་པོ་རྣམས་སོ། |
| དོན་དམ་པའི་བསྔོ་བ |
འཁོར་གསུམ་ཡོངས་སུ་དག་པའི་བསྔོ་བ། |
| དོན་དམ་པའི་བྱང་ཆུབ་ཀྱི་སེམས |
སྟོང་ཉིད་མངོན་སུམ་དུ་རྟོགས་པའི་ཡེ་ཤེས། |
| དོན་དམ་པའི་མཚན་ཉིད་ལྔ |
བརྗོད་དུ་མེད་པ་དང༌། གཉིས་སུ་མེད་པ། རྟོག་གེའི་ཡུལ་མིན་པ། རོ་གཅིག་པ། མཚན་ཉིད་མེད་པ་བཅས་ལྔ། |
| དོན་དམ་པའི་མི་དགེ་བ |
འཁོར་བ། |
| དོན་དམ་པའི་ལུང་མ་བསྟན |
ནམ་མཁའ་དང་བརྟག་མིན་འགོག་པའོ། |
| དོན་དམ་པའི་སྟོང་པ་ཉིད |
ཇོ་ནང་པའི་གསུང་སྒྲོས་སུ། རང་རིག་རང་གསལ་སྤྲོས་པ་ཐམས་ཅད་དང་བྲལ་བའི་ཡོངས་གྲུབ་ནི་ཀུན་རྫོབ་ཏུ་མེད་ལ་དོན་དམ་དུ་ཡོད་པས་བདེན་པར་ཡོད་པའོ། དེ་ནི་ཆོས་ཉིད་དང༌། ཆོས་དབྱིངས་དང༌། དེ་བཞིན་ཉིད་དང༌། དོན་དམ་སྟོང་ཉིད་ཅེས་བྱ། |
| དོན་དམ་པའི་སྲུང་འཁོར |
ཡེ་ཤེས་ཀྱི་སྲུང་བའི་འཁོར་ལོ། |
| དོན་དམ་བདེན་པ |
བདེན་པ་གཉིས་ཀྱི་ཡ་གྱལ་ཞིག་བྱེ་བྲག་སྨྲ་བས་གང་ཞིག་བཅོམ་པའམ་བློས་ཆ་ཤས་སོ་སོར་བསལ་བ་ན་རང་འཛིན་གྱི་བློ་འདོར་དུ་མི་རུང་བའི་ཆོས་ཆ་མེད་གཉིས་དང༌། མདོ་སྡེ་པས་སྒྲ་རྟོག་གིས་བཏགས་པར་མ་ལྟོས་པར་རང་གི་སྡོད་ལུགས་ཀྱི་ངོས་ནས་རིགས་པས་དཔྱད་བཟོད་དུ་གྲུབ་པའི་ཆོས་རང་མཚན་དང༌། སེམས་ཙམ་པས་དོན་དམ་དཔྱོད་བྱེད་ཀྱི་རིག་ཤེས་ཚད་མས་རྙེད་དོན་ཡོངས་གྲུབ་ཀྱི་ཆོས། དབུ་མ་པས་རང་མངོན་སུམ་དུ་རྟོགས་པའི་མངོན་སུམ་ཚད་མས་རང་ཉིད་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་གནས་ལུགས་སྟོང་པ་ཉིད་ལ་འདོད་པ་བཅས་འདོད་ལུགས་མི་འདྲ་བ་བཞི་ཡོད། |
| དོན་དམ་རྣམ་པར་ངེས་པའི་ཆོས་འཁོར |
སངས་རྒྱས་ཀྱིས་གསུངས་པའི་ཆོས་འཁོར་རིམ་པ་གསུམ་པ། |
| དོན་དམ་སེམས་བསྐྱེད |
ཡོངས་འཛིན་དམ་པ་རྫོགས་པའི་སངས་རྒྱས་ལས་ལུང་མནོས་ཤིང༌། རྗེས་སྒྲུབ་དམ་པ་ཚོགས་གཉིས་གྲངས་མེད་གཅིག་ཏུ་བསགས་པ་དང༌། རྟོགས་པ་དམ་པ་ཆོས་ཐམས་ཅད་བདག་མེད་པར་མངོན་སུམ་དུ་རྟོགས་པ་དམ་པ་གསུམ་གྱིས་ཁྱད་པར་དུ་བྱས་པའི་སེམས་དོན་དམ་པའི་ངོ་བོར་སྐྱེས་པ་ཞི་ལྷག་ལས་ཐོབ་པའོ། |
| དོན་དུ |
1.(སྦྲེལ་ཚིག) དམིགས་ཡུལ་དང་དགོས་པ་སྟེ། (དཔེར་ན།) འཚོ་བའི་དོན་དུ་ཕྱུགས་འཚོ། མི་དམངས་ཀྱི་དོན་དུ་དཀའ་བ་སྤྱད་ནས་ལྕགས་ལམ་ལས། སྐོམ་པས་ཆུ་དོན་དུ་གཉེར་བ་ལྟར་སློབ་སྦྱོང་བྱེད་འདོད་ལྟ་བུ། 2.(བསྣན་ཚིག) དོན་ངོ་བོའི་གནས་ཚོད་ཀྱི་དོན་ཏེ། (དཔེར་ན།) འབྲུག་སྐད་གྲགས་པ་ནི་དོན་དུ་འབྱུང་བའི་གློག་ཕན་ཚུན་འཕྲད་པ་བརྟེན་ནས་བྱུང་ཞེས་པ་ལྟ་བུ། |
| དོན་དུ་གཉེར |
འབྲས་བུ་ཞིག་འཐོབ་ཆེད་འབད་པ་བྱས་པ་སྟེ། (དཔེར་ན།) ཡོན་ཏན་དོན་དུ་གཉེར་ལྟ་བུ། |
| དོན་དྲང་ཚིག་བཙན |
ཡོ་འཁྱོག་མིན་པའི་དོན་ཏེ། (དཔེར་ན།) དྲང་ལ་ཁུངས་དང་འབྲེལ་བའི་ཚིག་བཙན་པ་ཞེས་པ་ལྟ་བུ། |
| དོན་པ |
(ཡུལ་སྐད།) བྱུང་བའམ་ཐོན་པའི་དོན་ཏེ། (དཔེར་ན།) གསེར་ཁ་ནས་གསེར་དོན་པ། ཆུ་མིག་ནས་ཆུ་རྒྱུན་དོན་པ་ཞེས་པ་ལྟ་བུ། |
| དོན་པོ |
ནང་དོན་གྱི་སྙིང་བོ། (དཔེར་ན།) གནད་ཀྱི་དོན་པོ་ཞེས་པ་ལྟ་བུ། |
| དོན་ཕན |
1.དོན་ལ་ཕན་འདོགས་པ། 2.(མངོན་བརྗོད།) བྲག་ཞུན། |
| དོན་ཕིགས་པ |
གཏིང་ཕྱིན་པར་རྟོགས་པ། |
| དོན་བཟང་ཚིག་བཟང |
བརྗོད་བྱའི་དོན་བཟང་ལ། རྗོད་བྱེད་ཀྱི་ཚིག་ཀྱང་ལེགས་པ། |
| དོན་བསྐོར་བ |
བསྐོར་བའི་རྒྱན་གྱི་ནང་གསེས་ཤིག་བསྐོར་བྱ་གཅིག་གི་གནས་ལུགས། སྐོར་བྱེད་དོན་གཅིག་མིང་གི་རྣམ་གྲངས་མི་འདྲ་བ་མང་པོས་ཡང་ཡང་སྐྱར་ཟློས་ཀྱི་ཚུལ་དུ་སྟོན་པའི་རྒྱན་ཞིག |
| དོན་བསྡུས |
དོན་གནད་བསྡུས་པ། |
| དོན་བསྡུས་ཚིག་རྒྱས |
གོ་དོན་མདོར་བསྡུས་པ་ལ་ཚིག་དང་ཡི་གེ་རྒྱས་པ། |
| དོན་བྱ |
བྱེད་དགོས་པའི་ལས་དོན་ཏེ། (དཔེར་ན།) དོན་བྱ་གྲུབ་ལྟ་བུ། |
| དོན་བྱེད་ནུས་པ |
ལས་སུ་བཀོལ་རུང་བ། (དཔེར་ན།) ཕྱི་ནང་གི་དངོས་པོ་རྣམས་ཀྱིས་རང་རང་གི་ཡུལ་ལ་དོན་བྱེད་ནུས་པ་ཞེས་པ་ལྟ་བུ། |
| དོན་བྱེད་ནུས་པའི་རྫས་ཡོད |
རྫས་ཡོད་ཀྱི་ནང་གསེས། ཀ་བུམ་ལྟ་བུ་འདུས་བྱས་ཀྱི་ཆོས་རྣམས་དོན་བྱེད་ནུས་པ་ཡིན་པའི་ཆ་ནས་རྫས་སུ་ཡོད་པའོ། ། |
| དོན་བྱེད་པ |
ནུས་པ་འདོན་པ་སྟེ། (དཔེར་ན།) ལུས་རྩལ་འགུལ་སྐྱོད་ཀྱིས་ལུས་སྟོབས་འཕེལ་རྒྱས་འཐོབ་རྒྱུར་ཕན་པའི་དོན་བྱེད་པ། ས་ཆུ་མེ་རླུང་འབྱུང་བ་རྣམས་ཀྱིས་རང་རང་གི་དོན་བྱེད་པ་ཞེས་པ་ལྟ་བུ། |
| དོན་བྱེད་སྣང་ཅན་གྱི་དབང་མངོན་ཚད་མ |
མེས་བཙོ་བསྲེག་གི་དོན་བྱེད་ནུས་པར་འཇལ་བའི་དབང་མངོན་ཚད་མ་ལྟ་བུ། |
| དོན་མ་གྲུབ་པ |
1.དངོས་གནས་མ་ཡིན་པ། 2.ལས་དོན་མ་གྲུབ་པ། |
| དོན་མཁར་མདའ |
འཕྱོངས་རྒྱས་རྫོང་གི་ས་ཆ་ཞིག སྔར་བོད་ཀྱི་རྒྱལ་པོ་འགའི་བང་སོ་དེར་ཡོད། |
| དོན་མངོན་རྟོགས |
སྦྱོར་ལམ། |
| དོན་མཐུན |
(བརྡ་རྙིང་།) 1>ཚོང་པ། 2>མགྲོན་པོ། |
| དོན་མཐུན་པ |
1.དོན་ཕན་ཚུན་གཅིག་པ། 2.བསྡུ་བའི་ནང་གསེས་ཤིག་སྟེ་གཞན་རྣམས་དོན་གང་ལ་སྦྱར་བ་དེ་ལ་རང་ཡང་གནས་ནས་དེ་དང་མཐུན་པར་སློབ་པའོ། ། |
| དོན་མདོར་བསྟན་པ |
དོན་མདོར་བསྡུས་ནས་བསྟན་པ། |
| དོན་མདོར་བསྡུས་པ |
དོན་གནད་བསྡུས་པ། |
| དོན་མི་འགྱུར་གྱི་ཐེ་ཚོམ |
ཐེ་ཚོམ་གྱི་ནང་གསེས། རང་ཡུལ་དོན་མི་མཐུན་དུ་འཛིན་པའི་ལོག་རྟོག་སྐྱེད་པར་བྱེད་པའི་ཐེ་ཚོམ། (དཔེར་ན།) སྒྲ་རྟག་གམ་མི་རྟག་ཕལ་ཆེར་རྟག་ལས་ཆེ་སྙམ་པ་ལྟ་བུ་དེས་སྒྲ་རྟག་འཛིན་གྱི་ལོག་རྟོག་བསྐྱེད་པའོ། ། |
| དོན་མེད |
དོན་འབྲས་མེད་པའམ་དགོས་དོན་མེད་པ། (དཔེར་ན།) དོན་མེད་རྩོད་སློང༌། དོན་མེད་ཤུགས་འབྱིན་ཞེས་པ་ལྟ་བུ། |
| དོན་མེད་ཁ་བརྡར |
སྙིང་པོ་མེད་པའི་སྐད་ཆ་བཤད་པ། (དཔེར་ན།) ལས་ཀར་གཡོལ་ནས་དོན་མེད་ཁ་བརྡར་གློད་དེ་མ་སྡོད་ཅིག་ཅེས་པ་ལྟ་བུ། |
| དོན་མེད་གྲོས་སྣ |
དོན་གནད་མེད་པའི་གླེང་གཞི། (དཔེར་ན།) དོན་དག་རྡོག་རྡོག་བཤད་རྒྱུ་མེད་པའི་དོན་མེད་ཀྱི་གྲོས་སྣ་མང་པོ་མ་འདོན་ཞེས་པ་ལྟ་བུ། |
| དོན་མེད་སྟོང་ཟད |
དགོས་དོན་གང་ཡང་མ་གྲུབ་པར་རང་དགར་ཚེ་དུས་ཡོལ་བ། (དཔེར་ན།) མི་ཚེ་དོན་མེད་སྟོང་ཟད་ལ་བཏང་ན་འགྱོད་པ་སྐྱེ་བ་ལས་འོས་མེད་ཅེས་པ་ལྟ་བུ། |
| དོན་ཚན |
ལས་ཀའམ་དོན་གྱི་སྡེ་ཚན། |
| དོན་ཞགས |
དོན་ཡོད་ཞགས་པའི་བསྡུས་ཚིག་ |
| དོན་ཟབ་ཚིག་གསལ |
གོ་རྒྱུའི་དོན་ཟབ་ལ། རྗོད་བྱེད་ཀྱི་ཚིག་གམ། ཡི་གེ་གསལ་ཞིང་རྟོགས་སླ་བ། |
| དོན་འགལ |
དོན་མི་མཐུན་པ། |
| དོན་འགྱུར |
1.འཆར་ཅན་གྱི་ལས་དོན་དང་གནས་ཚུལ་ལས་གསར་དུ་འགྱུར་བ། 2.སྐད་རིགས་གཅིག་གི་དོན་སྙིང་སྐད་རིགས་གཞན་ཞིག་ཏུ་སྒྱུར་བ། |
| དོན་འགྱུར་གྱི་ཐེ་ཚོམ |
ཐེ་ཚོམ་གྱི་ནང་གསེས། རང་ཡུལ་དོན་མཐུན་དུ་འཛིན་པའི་ཡང་དག་པའི་བློ་སྐྱེད་པར་བྱེད་པའི་ཐེ་ཚོམ། (དཔེར་ན།) སྒྲ་རྟག་གམ་མི་རྟག་ཕལ་ཆེར་མི་རྟག་ལས་ཆེ་སྙམ་པ་ལྟ་བུ་དེས་སྒྲ་མི་རྟག་པར་རྟོགས་པའི་བློ་བསྐྱེད་པའོ། ། |
| དོན་འགྲེལ |
1.དོན་སྙིང་གང་ཡིན་འགྲེལ་བཤད་རྒྱག་པ། 2.ཚིག་གི་འབྲུ་མི་གཉེར་བར་དོན་གྱི་གོ་བ་རྣམས་མཐར་ཆགས་སུ་བཤད་པའི་གཞུང༌། |
| དོན་འཇལ་བ |
དོན་ཤེས་པར་བྱེད་པ། |
| དོན་འདོད་པ |
1.ཁེ་བཟང་སྒྲུབ་མཁན། 2.(མངོན་བརྗོད།) སྤྲང་པོ། |
| དོན་འབའ་ཞིག་སྒྲུབ་ཀྱི་རྟགས་ཡང་དག |
དོན་སྒྲུབ་ཀྱི་རྟགས་དང་དོན་གཅིག |
| དོན་འབྲས |
དོན་གྱི་སྙིང་པོ། |
| དོན་ཡོད |
དོན་དང་ལྡན་པ། |
| དོན་ཡོད་གྲུབ་པ |
རྒྱལ་བ་རིགས་ལྔའི་ནང་ཚན་ཞིག |
| དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ |
བམ་པོ་ཉེར་ལྔ་པ། རིན་ཆེན་གྲུབ་གྱིས་ལེགས་པར་བསྒྱུར་པ། |
| དོན་ཡོད་ཞགས་པ |
1.ཆོས་རྒྱལ་ནོར་བཟང་གི་རྣམ་ཐར་དུ་གསལ་བའི་ནོར་བུ་ཞིག་གི་མིང༌། 2.འཕགས་པ་སྤྱན་རས་གཟིགས་ཀྱི་མཚན་གྱི་རྣམ་གྲངས་ཤིག |
| དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ |
འཕགས་པ་དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའི་གཟུངས། པཎྜིཏ་མཉྫུ་ཤྲཱི་ཝརྨ་དང༌། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་བསྒྱུར་པ། |
| དོན་ཡོད་ཞགས་པའི་སྙིང་པོ |
འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། རྒྱ་གར་གྱི་མཁན་པོ་ཨ་མོ་གྷ་བཛྲ་དང༌། ལོ་ཙཱ་བ་དགེ་སློང་རིན་ཆེན་གྲགས་ཀྱིས་བསྒྱུར་པ། |
| དོན་ཡོད་འབྲས་བུ |
1.བྱས་རྗེས་སྙིང་པོ། 2.(མངོན་བརྗོད།) སྔོ་སྨན་ཞིག |
| དོན་རང་མཚན་གྱི་གཞན་སེལ |
རང་གི་བསལ་བྱ་རིགས་མི་མཐུན་པ་བསལ་བའི་ཆ་ཡིན་ལ། དོན་རང་མཚན་པའང་ཡིན་པ། (དཔེར་ན།) བུམ་པ་མ་ཡིན་པ་ལས་ལོག་པའི་བུམ་པ་ལྟ་བུའོ། ། |
| དོན་རབ་འབྱེད་པའི་བསམ་གཏན |
གཟུགས་ཀྱི་ཕུང་པོ་ལ་དབུ་བ་ལྟ་བུ་དང༌། ཚོར་བ་ལ་ཆུ་བུར་ལྟ་བུ་དང༌། འདུ་ཤེས་ལ་སྨིག་རྒྱུ་ལྟ་བུ་དང༌། འདུ་བྱེད་ལ་ཆུ་ཤིང་ལྟ་བུ་དང༌། རྣམ་པར་ཤེས་པ་ལ་སྒྱུ་མ་ལྟ་བུར་འཛིན་ཞིང་བསྒོམ་པ། |
| དོན་རྒྱན |
རྩ་བའི་གཞུང་མེ་ལོང་མའི་ལེའུ་གཉིས་པ། སྡེ་བཞི་ལ་སོགས་པ་འདོད་བྱའི་དོན་གྱི་སྦྱོར་བ་གཙོ་བོར་སྟོན་པས་དོན་རྒྱན་ཟེར་ཞིང༌། རྒྱ་གར་ཤར་ཕྱོགས་པ་དང༌། ལྷོ་ཕྱོགས་པའི་སྙན་ངག་མཁན་ཐུན་མོང་དུ་འདོད་པའི་རྒྱན་དུ་གྲགས་ལ། ནང་གསེས་ཀྱི་རྣམ་གྲངས་ནི། རང་བཞིན་བརྗོད་དང་དཔེ་དང་ནི། གཟུགས་ཅན་གསལ་བྱེད་བསྐོར་བ་དང༌། འགོག་དང་དོན་གཞན་བཀོད་པ་དང༌། ལྡོག་པ་ཅན་དང་སྲིད་པ་ཅན། བསྡུས་དང་ཕུལ་བྱུང་རབ་བཏགས་དང༌། རྒྱུ་དང་ཕྲ་མོ་ཆ་དང་རིམ། དགའ་དང་ཉམས་ལྡན་གཟི་བརྗིད་ཅན། རྣམ་གྲངས་བརྗོད་དང་ཀུན་ཏུ་ཕན། རྒྱ་ཆེ་བསྙོན་དོར་སྦྱར་བ་དང༌། ཁྱད་པར་མཚུངས་པར་སྦྱར་བ་དང༌། འགལ་དང་སྐབས་མིན་བསྟོད་པ་དང༌། ཟོལ་བསྟོད་ངེས་པར་བསྟན་པ་དང༌། ལྷན་ཅིག་བརྗོད་དང་ཡོངས་བརྗེས་ཤིས། རབ་སྤེལ་དེ་ནས་དགོངས་པ་ཅན། འདི་དག་ཚིག་རྣམས་དག་གི་ནི། རྒྱན་དུ་སྔོན་གྱི་མཁས་པས་བསྟན། ཞེས་གསུངས་པ་ལྟར་སུམ་ཅུ་སོ་ལྔ་ཡོད། |
| དོན་རྒྱས་པ |
དོན་ཞིབ་ཅིང་གསལ་བ། དོན་རྒྱས་ཚིག་རྒྱས། |
| དོན་རྩ |
ཚིག་དོན་གྱི་གཙོ་བོ་སྟེ། (དཔེར་ན།) ཚིག་དོན་རྩ་ཅན་ཞེས་པ་ལྟ་བུ། |
| དོན་རྩ་མེད་པ |
དམིགས་ཡུལ་མེད་པ། (དཔེར་ན།) སྒེར་གྱི་དོན་དུ་གཞན་ལ་རྩོད་པ་འཛུགས་པའི་དོན་རྩ་མེད་པ་ཞེས་པ་ལྟ་བུ། |
| དོན་ལ |
(བསྣན་ཚིག) དངོས་གནས་པ་དང་སྒྲོ་བཏགས་པ་མིན་པ་སྟོན་པ་སྟེ། (དཔེར་ན།) འབྲུག་ནི་དོན་ལ་མེད་པ་ཞིག་རེད། དོན་ལ་མེད་ཀྱང་མི་ལ་ལའི་འཕྲུལ་སྣང་ལ་ཤར་བ་མང་བོ་ཡོད་ལྟ་བུ། |
| དོན་ལ་གནས་པ |
1.དངོས་ཡོད་གནས་ལུགས་དང་མཐུན་པ། 2.ཁ་ཆད་ལྟར་སྒྲུབ་པ། |
| དོན་ལ་མ་གྲུབ་པ |
རྟགས་ཀྱི་ངོ་བོའམ། ཆོས་ཅན་གྱི་ངོ་བོ་དང༌། དེ་གཉིས་ཀྱི་འབྲེལ་བ་སོགས་དོན་ལ་མི་སྲིད་པའམ་གཞི་མ་གྲུབ་པ་མ་གྲུབ་པའི་གཏན་ཚིགས་གསུམ་གྱི་ནང་གསེས་ཤིག |
| དོན་ལ་མ་གྲུབ་པའི་རྟགས་དྲུག |
རྟགས་ཀྱི་ངོ་བོ་མ་གྲུབ་པ་དང༌། ཆོས་ཅན་གྱི་ངོ་བོ་མ་གྲུབ་པ་དང༌། གཞི་རྟགས་ཀྱི་འབྲེལ་བ་མ་གྲུབ་པ་དང༌། རྟགས་ཀྱི་ཕྱོགས་གཅིག་ཆོས་ཅན་ལ་མ་གྲུབ་པ་དང༌། ཆོས་ཅན་གྱི་ཕྱོགས་གཅིག་རྟགས་ལ་མ་གྲུབ་པ། ལྡོག་པ་གཅིག་པས་མ་གྲུབ་པ་བཅས་དོན་ལ་མ་གྲུབ་པའི་རྟགས་ལྟར་སྣང་དྲུག |
| དོན་ལ་རྟོན་པ |
1.དགོངས་དོན་སྙིང་པོར་ཆ་འཇོག་པ། 2.རྟོན་པ་བཞིའི་ཡ་གྱལ་ཞིག་འཇིག་རྟེན་ལས་འདས་པའི་ཆོས་ཀྱི་ཚུལ་བྱང་ཆུབ་ཕྱོགས་ཀྱི་ཆོས་རྣམས་སྟོན་པ་དང༌། ཁྱད་པར་འཁོར་གསུམ་རྣམ་པར་མི་རྟོག་པའི་ལམ་དང་འབྲས་བུ་བཅས་པ། མདོར་ན་རྣམ་པ་ཐམས་ཅད་མཁྱེན་པའི་ཡེ་ཤེས་མངོན་དུ་བྱེད་པའི་ཐབས་ཀྱི་ཚུལ་ཐུན་མོང་མ་ཡིན་པ་རྣམས་ལ་ཡིད་རྟོན་པ། |
| དོན་ལྔ |
དོན་སྙིང་ལྔའི་བསྡུས་ཚིག |
| དོན་ལྔ་སྣོད་དྲུག |
མཐོ་རིམ་སྲོག་ཆགས་ཀྱི་སྙིང་དང་། གློ་བ། མཆིན་པ། མཚེར་བ། མཁལ་མ་ལྔ་ལ་དོན་ལྔ་དང་། ཕོ་བ། རྒྱུ་མ། ལོང་ག བསམ་སེ(ཁམས་དཀར་དམར་གསོག་སྣོད)ལྒང་བ། མཁྲིས་པ་དྲུག་པ་སྣོད་དྲུག་ཟེར། |
| དོན་ལྡན |
དོན་ཡོད་པ་སྟེ། (དཔེར་ན།) མཐོང་བ་དོན་ལྡན། མི་ལུས་དོན་ལྡན་སྒྲུབ་པ་སྙིང་པོར་མཛོད་ཅེས་པ་ལྟ་བུ། |
| དོན་ལྡོག |
ཆོས་རྣམས་ཀྱི་རང་རང་གི་མཚན་ཉིད་དེ། དངོས་པོའི་དོན་ལྡོག་དོན་བྱེད་ནུས་པ་ཡིན་པ་ལྟ་བུའོ། ། |
| དོན་སོ་སོ་ཡང་དག་པར་རིག་པ |
སོ་སོ་ཡང་དག་པར་རིག་པ་བཞིའི་ཡ་གྱལ་ཞིག་ཆོས་ཐམས་ཅད་ཀྱི་རྣམ་པའི་དབྱེ་བ་རབ་ཏུ་ཤེས་པ། |
| དོན་སྒྲུབ་ཀྱི་རྟགས |
དོན་འབའ་ཞིག་སྒྲུབ་ཀྱི་རྟགས་ཡང་དག་རྟགས་ཆོས་ལ་མཚན་མཚོན་གྱི་འབྲེལ་བ་མ་གྲུབ་པའི་གཏན་ཚིགས། (དཔེར་ན།) སྒྲ་ཆོས་ཅན། མི་རྟག་བྱས་པའི་ཕྱིར། ཞེས་པ་ལྟ་བུའོ། ། |
| དོན་སྙིང |
1.དོན་གྱི་རྩ་བའམ་དོན་གྱི་གཙོ་བོ། (དཔེར་ན།) དོན་སྙིང་གཏིང་ཟབ་པོ་ཞེས་པ་ལྟ་བུ།2.ཁོག་པའི་སྙིང༌། 3.ཁོག་པའི་ནང་ཁྲོལ། |
| དོན་སྙིང་ལྔ |
ལུས་ཀྱི་དོན་དྭངས་མའི་རྟེན་དང་གཟུགས་སོགས་ཡུལ་ལྔའི་དོན་བྱེད་པ་པོ་ལྔ། སྙིང་དང༌། གློ་བ། མཆིན་པ། མཆེར་བ། མཁལ་མ་བཅས་སོ། ། |
| དོན་སྟོང |
དོན་གྱིས་སྟོངས་པ་སྟེ་སྙིང་པོ་མེད་པ། (དཔེར་ན།) སྙིང་པོ་མི་ལེན་པར་དོན་སྟོང་གི་བྱ་བས་མི་ཚེ་སྐྱེལ། དོན་སྟོང་ནེ་ཙོའི་ཁ་འདོན་དེ་ཁོ་ནར། བསམ་ཤེས་སྐྱེས་བུ་སུ་ཞིག་ཡིད་རྟོན་བྱེད་ཅེས་པ་ལྟ་བུ། |
| དོན་སྣོད |
ཁོག་པའི་ནང་ཁྲོལ་དོན་ལྔ་དང༌། སྣོད་དྲུག |
| དོན་སྣོད་སྤྱི་གསང |
རྒྱབ་ཀྱི་སྒལ་ཚིགས་བཅོ་ལྔ་པ་དོན་སྣོད་ཐུན་མོང་དང་འབྲེལ་བའི་མེ་བཙའི་གསང་དེར་མེ་བཙའ་བཞག་ན་དོན་སྣོད་དུ་གྲང་བ་ཞུགས་པའི་ནད་ཀུན་དང་ཁྱད་པར་དུ་གྲང་རླུང་ལ་ཕན། |
| དོན་སྤྱི |
གཏན་ཚིགས་རིག་པའི་བརྡ་ཞིག བྱ་དངོས་སྣ་ཚོགས་ཀྱི་ནང་ནས་ངོ་བོ་ཐུན་མོང་བ་བསྡུས་ནས་བློ་ངོར་ཤར་བའི་སྣང་བའི་མིང་སྟེ། (དཔེར་ན།) བ་ལང་གི་དོན་སྤྱི། དངོས་པོའི་དོན་སྤྱི་ཙམ་ཞེས་པ་ལྟ་བུ། ཆོས་མངོན་པར་བཤད་པའི་དོན་སྤྱི་ནི་མངོན་སུམ་དུ་མཐོང་བའི་དངོས་པོ་ཕྱིས་སུ་ཡིད་ལ་ཤར་བའི་སྣང་བ། |
| དོན་སྤྱི་རྟོག་པ |
དོན་སྤྱི་རྐྱང་པ་སྣང་བའི་རྟོག་པ་སྟེ། (དཔེར་ན།) བརྡ་ལ་མ་བྱང་བའི་སྐྱེས་བུའི་རྒྱུད་ཀྱི་བུམ་པའི་དོན་སྤྱི་སྣང་བའི་བློ་ལྟ་བུ། |
| དོན་སྤྱོད་པ |
1.ཕན་དོན་བྱེད་པ། 2.གདམས་པའི་དོན་དེ་ལ་གཞན་བཀོད་པ་སྟེ་བསྡུ་བའི་དངོས་པོ་བཞིའི་ནང་གསེས་ཤིག |
| དོན་སྦྱོར |
ཕྲད་དང་རྣམ་དབྱེ་རྣམས་དོན་གང་དང་གང་ལ་འཇུག་ཚུལ། |
| དོན་སྦྱོར་རྟོག་པ |
རྟོག་པའི་ནང་གསེས། དོན་ལ་མིང་གི་ཐ་སྙད་མ་སྦྱར་བར་འཛིན་པའི་རྟོག་པ། (དཔེར་ན།) སྐྱེས་བུ་རྟ་ཞོན་པ་འདི་སུ་ཞིག་ཡིན་སྙམ་དུ་འཛིན་པའི་རྟོག་པ་དང༌། སྒོམ་བྱུང་གི་རྟོག་པ་ལྟ་བུའོ། |
| དོན་སྨིན |
དོན་ཐོག་ཏུ་ཁེལ་བའམ་སོན་པ་སྟེ། (དཔེར་ན།) རེ་བ་བཅོལ་ཡུལ་མ་ནོར་བས་དོན་སྨིན་ལག་སོན་བྱུང༌ཞེས་པ་ལྟ་བུ། |
| དོན་སྨྲ་བ |
1.དོན་དག་བཤད་པ། (དཔེར་ན།) ཐོག་མར་ཚོགས་འདུ་འཚོག་དགོས་པའི་དོན་སྨྲ་བ་ཞེས་པ་ལྟ་བུ། 2.ཕྱི་དོན་ཡོད་པར་འདོད་པའི་བྱེ་མདོ་གཉིས། |
| དོན་སྨྲ་སྡེ་གཉིས |
དངོས་པོ་ཕྱི་དོན་དུ་གྲུབ་པར་སྨྲ་བའི་སྡེ་པ་གཉིས་ཏེ་བྱེ་བྲག་སྨྲ་བ་དང་མདོ་སྡེ་པ་གཉིས། |
| དོབ་དོབ |
(རྒྱན་ཚིག) མི་གསལ་བའི་སྒྲ་སྟེ། (དཔེར་ན།) སྐད་ཆ་དོབ་དོབ་སྨྲ་བ་ལྟ་བུ། |
| དོམ |
1.གཅན་གཟན་ཞིག (དཔེར་ན།) དོམ་ལྤགས། དོམ་རྩར་སླེབས་དུས་མེ་མདའ་སྦྱར་ཞེས་པ་ལྟ་བུ། མིང་གི་རྣམ་གྲངས་ལ་གཅན་གཟན་གཏུམ་པོ་དང༌། སྡིག་པའི་ལྟོ་ཅན། ཕུག་ཉལ། མིག་སྨན་ལུས་ཅན། རབ་དཀར་སྙིང་བཅས་སོ། །2.(བརྡ་རྙིང་།) བུ་ལོན། |
| དོམ་ཆགས་བུ་ལོན |
གཡར་བུན་ནམ། སྔར་ནས་ཆགས་པའི་བུ་ལོན། |
| དོམ་དོམ |
(ཡུལ་སྐད།) སྔར་གོ་གནས་ཅན་གྱི་དཔོན་པོའི་བཞོན་རྟ་བཞོན་དྲེལ་གྱི་སྐེ་དང་བྲང་ལ་འདོགས་པའི་རྔ་མ་དམར་པོའི་ཚོམ་བུའི་རྒྱན། (དཔེར་ན།) སྙིང་དོམ། ཨོག་དོམ་ཞེས་པ་ལྟ་བུ། |
| དོམ་དོམ་ཉིས་བརྩེགས |
སྔར་དཔོན་རིགས་རིམ་བཞི་ཡན་ཆད་ཀྱི་བཞོན་རྟ་བཞོན་དྲེལ་གྱི་སྐེ་དང་བྲང་ལ་འདོགས་པའི་རྔ་མ་དམར་པོའི་ཚོམ་བུ་སྟེང་འོག་ཉིས་སྦྲགས། |
| དོམ་ནག |
1.གཅན་གཟན་དོམ་ནག་པོ། 2.ཁྱི་དོམ་ནག |
| དོམ་མཁྲིས |
རྩི་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་རྩ་ཁ་སྡོམ། རྨ་རུལ་བ་གསོ། བཤལ་གཅོད། ཤའུ་སྐྱེ་བར་བྱེད། |
| དོམ་ར |
མི་རྒན་ཚོས་མིག་ལ་ཕན་དུ་རེ་ནས་སྤུ་དང་བཅས་པའི་དོམ་ལྤགས་ལས་བཟོས་པའི་དཔྲལ་བ་སྒྲིབ་ཆས། |
| དོམ་ལེན |
བུ་ལོན་ལེན་པ། |
| དོར |
1.འདོར་བའི་སྐུལ་ཚིག 2.ཆ་སྦྲེལ་གྱི་དོན་ཏེ། (དཔེར་ན།) རྨོན་དོར་གཅིག གླང་དོར་གཅིག སྤང་མཐིང་ཚོན་གྱི་དོར་གཉིས་ཡིན། ཡ་གཉིས་དོར་དུ་བསྡེབས་པ་ལྟ་བུ། |
| དོར |
1.(བྱེད་འབྲེལ་ལས་ཚིག) འདོར་བའི་མ་འོངས་པ་དང་འདས་པ་སྐུལ་ཚིག ཁ་ཕྲལ་བའམ་འབྲེལ་བ་བཅད་པའི་དོན་ཏེ། (དཔེར་ན།) གྲོགས་ངན་དོར་ན་བཟང་། གྲོགས་ངན་དོར་ཅིག་ལྟ་བུ། 2.གཤོལ་སོགས་འདྲུད་བྱེད་ཀྱི་ཕྱུགས་ཟུང་ངམ་གཉིས་ཀྱི་མིང་། (དཔེར་ན།) ཁལ་མ་དོར་གཅིག མཛོ་དོར་གཅིག་གིས་ཐོང་གཤོལ་དྲུད་ལྟ་བུ། |
| དོར་གྲངས |
རྨོན་དོར་ལ་བརྟེན་ནས་ས་ཞིང་གི་རྒྱ་ཁྱོན་རྩིས་རྒྱག་ལུགས་ཤིག་སྟེ། (དཔེར་ན།) རང་ཁུལ་གྱི་ས་ཞིང་ཚང་མར་དོར་གྲངས་བརྩི་བ་རེད་ཅེས་པ་ལྟ་བུ། |
| དོར་བ |
1.འདོར་བའི་འདས་པ་དང་མ་འོངས་པ། 2.འཕྲི་རྩིས། |
| དོར་བ་མེད་པ་སྟོང་པ་ཉིད |
སྟོང་པ་ཉིད་བཅུ་དྲུག་གི་ནང་གསེས་ཤིག་ཆོས་ཐམས་ཅད་ཀྱི་ངོ་བོ་དོར་བྱའམ་སྤང་བྱ་དོན་དམ་པར་མ་གྲུབ་པའོ། ། |
| དོར་བྱེད་པ |
(བརྡ་རྙིང་།) གཡོ་བྱེད་པ། |
| དོར་མ |
སྨད་ལ་གྱོན་རྒྱུའི་སྨད་གོས་སྦུ་གུ་ཟུང་ཅན་ཏེ་ཡུལ་སྐད་དུ་རྐང་སྣམ་ཟེར་བའང་ཡོད། ཚིག་བསྡུས་ན་དོར་ཞེས་འབྲི་ཆོག་སྟེ། (དཔེར་ན།) དོར་ཐུང་ཞེས་པ་ལྟ་བུ། |
| དོར་རྟ |
1.འདོམས་ཀྱི་ཁེབས་སམ་གོས་ཐུང་གི་མདུན་གྱི་བཤགས་ཁ། 2.དོར་མ་ཐུང་ངུ་རིགས་ཤིག འདི་ལ་དོར་མང་ཟེར་བའང་ཡོད། |
| དོར་ལྷུག་མ |
དོར་མཇུག་རྐང་པར་མ་བཅིངས་པ། |
| དོར་སྟབས |
གོམ་པ་སྤོ་བའི་སྟངས་སྟབས། |
| དོལ |
1.སྐུད་པའམ་ཐ་གུས་དབྱིབས་དྲ་མིག་ཅན་དུ་སླས་པའི་ཉ་འཛིན་བྱེད་ཀྱི་རྒྱའི་མིང་། ཉ་རྒྱ་ཡང་ཟེར། (དཔེར་ན།) ཉ་མོ་དོལ་དུ་ཚུད་པ་ཞེས་པ་ལྟ་བུ། 2.སྐུད་པའམ་ཐག་པས་སླས་པའི་རྒྱ་རྙིའི་མིང་། 3.བོད་ལྷོ་ཁའི་ས་ཆ་ཞིག་གི་མིང་། 4.བོད་ཀྱི་རུས་མིང་ཞིག5.ཐག་པའམ་ཐག་པ་དང་དབྱིབས་འདྲ་བའི་དངོས་པོ་ཉིས་གུག་བྱས་པའི་ཁུག་པའི་མིང་། (དཔེར་ན།) ཐག་པའི་དོལ་ཁུག རྒྱུ་མའི་དོལ་ཁུག རྨ་ཆུའི་དོལ་ཁུག་ཅེས་པ་ལྟ་བུ། |
| དོལ་གཅོད |
ཐེ་ཚོམ་མེད་པར་ཐག་གཅོད་པའི་དོན་ཏེ། (དཔེར་ན།) ནོར་འཁྲུལ་དང་སྐྱོན་ཆ་རྣམས་ལ་དོལ་གཅོད་བྱེད་པ་ཞེས་པ་ལྟ་བུ། |
| དོལ་ཆོད |
1.སེམས་ཐག་གཙང་བཅད་ཀྱིས་ཚམ་ཚོམ་མེད་པར་གྱུར་པའི་དོན་ཏེ། (དཔེར་ན།) ལས་དོན་དོལ་ཆོད་དུ་བྱས་ནས་མཐར་ཐུག་ལེགས་འགྲུབ་བྱུང་བ་ལྟ་བུ། 2.རྐང་པའི་དྲེག་རྩ་ལྟ་བུའི་གཏར་རྩ་ཆུང་ངུ་རྣམས་ཁྲག་འབྱུང་བའི་ཆེད་དུ་གཙག་བུས་རྦད་བཅད་བྱ་དགོས་པའི་གཏར་ཐབས་ཤིག |
| དོལ་པོ་བ་ཤེས་རབ་རྒྱལ་མཚན |
ཇོ་ནང་པའི་བླ་མ་ཞིག་རབ་བྱུང་ལྔ་པའི་ཆུ་འབྲུག་ལ་འཁྲུངས། (1292-1361) རབ་བྱུང་དྲུག་པའི་ལྕགས་གླང་ལ་འདས། ཁོང་དང་པོ་ས་སྐྱའི་ཆོས་བརྒྱུད་པ་ཡིན་ཀྱང༌། དགུང་ལོ་སོ་གཅིག་པར་ཇོ་ནང་དུ་ཕེབས་ནས་ཀུན་སྤངས་པའི་སློབ་མ་མཁས་བཙུན་ཡོན་ཏན་རྒྱ་མཚོ་ལས་དུས་འཁོར་གྱི་དབང་ཁྲིད་གསན། དེ་ནས་བཟུང་ཇོ་ནང་པའི་ཆོས་བརྒྱུད་དུ་ཞུགས། དགུང་ལོ་སོ་ལྔ་པ་ལ་ཇོ་ནང་གི་གདན་ས་བཟུང་ནས་སྐུ་འབུམ་མཐོང་གྲོལ་ཆེན་མོ་བཞེངས། རབ་བྱུང་དྲུག་པའི་ཤིང་ཁྱི་ལོར་ཐུགས་སྲས་ས་བཟང་མ་ཏི་པཎ་ཆེན་དང༌། ལོ་ཙཱ་བ་བློ་གྲོས་དཔལ་གཉིས་དུས་འཁོར་རྒྱུད་ཀྱི་བོད་འགྱུར་ལ་ཞུ་དག་མཛད་དུ་བཅུག་ཅིང༌། འགྲེལ་ཆེན་དྲི་མེད་འོད་ཀྱི་ཊི་ཀ་དང་དོན་བསྡུ་མཛད། གཞན་ཡང་ཇོ་ནང་པའི་ལུགས་ཀྱི་གཞུང་ངེས་དོན་རྒྱ་མཚོ་དང༌། བཀའ་བསྡུ་བཞི་པ། རྒྱུད་བླའི་ཊི་ཀ། མངོན་རྟོགས་རྒྱན་གྱི་འགྲེལ་པ། བསྟན་པའི་སྤྱི་དོན། དབང་བསྐུར་ཆོ་ག་དང་སྒྲུབ་ཐབས། རྩིས་གཞུང་སོགས་མང་དུ་བརྩམས་ནས་ཇོ་ནང་པའི་གྲུབ་མཐའ་རྒྱ་ཆེར་སྤེལ། |
| དོལ་བུ |
སྲིན་སྐུད་ལས་བཟོས་པའི་རྒྱའམ་རྙི་སྟེ། (དཔེར་ན།) ཉ་མོ་དོལ་བུའི་ནང་དུ་ཚུད་ཅེས་པ་ལྟ་་བུ། |
| དོལ་བུ་བ |
པོ་ཏོ་བའི་དངོས་སློབ་བེའུ་བུམ་སྔོན་པོ་རྩོམ་པ་པོ། |
| དོལ་རྫོང |
དྭོ་རྫོང་ལ་ལྟོས། |
| དོས |
1.ཁལ་ལམ་ཁུར་བོའི་མིང་སྟེ། (དཔེར་ན།) རྩྭ་དོས་བརྒྱབ། ཇ་དོས་གཅིག བལ་དོས་བརྒྱབ་ཅེས་པ་ལྟ་བུ། 2.ཉ་འཛིན་བྱེད་ཀྱི་དྲ་བ་ཞིག་སྟེ། (དཔེར་ན།) ལྟོ་དཀར་ཉ་མོ་དོས་ཅི་འཛིན་ཞེས་པ་ལྟ་བུ། |
| དོས་ཁང |
དོ་པོ་འཇུག་ཁང༌། |
| དོས་ཁལ |
དོས་འགེལ་བའི་ཁལ་མ། |
| དོས་ཆད |
ཁེར་ཆད་དམ་ཁེར་རྐྱང༌སྟེ། (དཔེར་ན།) རི་དོས་ཆད་གསུམ་ཞེས་པ་ལྟ་བུ། |
| དོས་ཆས་རྒྱག་པ |
དངོས་པོ་དོ་པོར་བླུགས་ནས་འཁྱེར་ཆོག་ཆོག་བཟོ་བ། |
| དོས་དྲག |
བྲེལ་བ་ཆེ་བ། |
| དོས་དྲག་པོ |
ཚབས་ཆེན་པོའམ་ཟུག་རྔུ་ཆེན་པོ་སྟེ། (དཔེར་ན།) མི་དེའི་ན་ཚ་དོས་དྲག་པོ་ཞིག་ཏུ་གྱུར་འདུག་ཅེས་པ་ལྟ་བུ། |
| དོས་པ |
དོས་སྐྱེལ་མཁན། |
| དོས་ཕྱར |
དོས་འགེབས་ཕྱར་བ། |
| དོས་ཚད |
ཁལ་མར་འགེལ་རྒྱུའི་ཁུར་དོ་ཆེ་ཆུང་གི་ཚད་གཞི། |
| དོས་འདེད་པ |
དོ་པོ་ལ་ལྟ་རྟོག་བྱེད་མཁན་ནམ་དོས་རྒྱབ་པ། |
| དོས་རྒྱབ་པ |
འབྲུ་དང༌། ཟོག་རིགས་སོགས་ཀྱི་དོས་ཀྱི་རྒྱབ་རྫི་བྱེད་མཁན། |
| དོས་སྐྱེལ |
དོས་སྐྱེལ་འདྲེན། |
| དྭ |
(རྒྱ་སྐད།) སྤར་ཁ་བརྒྱད་ཀྱི་ཡ་གྱལ་ཞིག |
| དྭ་ཕྲུག |
ཆུང་དུས་ནས་ཕ་མ་ཤི་བའི་ཕྲུ་གུ་སྟེ། (དཔེར་ན།) དྭ་ཕྲུག་ཁང༌། དྭ་ཕྲུག་གི་རྒྱགས་ཕྱེ་ཞེས་པ་ལྟ་བུ། |
| དྭ་ཕྲུག་ཁ་སེར |
དྭ་ཕྲུག་ཆུང་ངུ་། |
| དྭ་བ |
1.ཐང་སྨན་གྱི་རིགས་ཤིག་སྟེ། རོ་ཚ། ཞུ་རྗེས་དྲོད། ནུས་པས་འབྲས་ནད་དང༌། ཤ་རོ་འདུལ། སྲིན་གསོད། རུས་མཛེར་འགོག མིང་གི་རྣམ་གྲངས་ལ་འབྲོམ་རྩི་དང༌། གཡར་ཞུ་བ། ཨུ་ལུ་བཅས་སོ། །2.རྒྱ་གྲོ་མ། |
| དྭ་ལིས |
(ལེགས་སྦྱར།) འདབ་མ་ཅན་ཏེ་སྔོ་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་ས་ཆུ་མི་འཕྲོད་པ་དང༌། སྐྱ་རྦབ་ཀྱིས་ལུས་ཁམས་སྐྲངས་པ། གློ་ནད། དབུགས་མི་བདེ་བ། ལུས་སྟོབས་ཉམས་པ་བཅས་ལ་ཕན། |
| དྭ་ལྕགས |
(རྒྱ་སྐད།) སྤར་ཁའི་བྱེ་བྲག་ཅིག |
| དྭགས་ཀོང |
བོད་ལྷོ་ཁ་ཁུལ་གྱི་དྭགས་པོ་ས་ཁུལ་དང་ཉིང་ཁྲི་ཁུལ་གྱི་ཀོང་པོ་ས་ཁུལ་གཉིས་ཀྱི་བསྡུས་མིང༌། |
| དྭགས་པོ |
1.སྔར་སྲོང་བཙན་སྒམ་པོའི་དུས་སུ་དབུས་གཙང་རུ་ལྔར་བགོས་པའི་གཡོ་རུའི་ནང་ཁུལ་ས་ཆ་ཞིག་ཡིན་པ་འདིར་གཙོ་ཆེར་དྭགས་པོ་ཞེས་པའི་རིགས་རུས་ཀྱི་མི་ཚོ་གཞིས་ཆགས་ཡོད་པས་དྭགས་པོ་དང༌། བར་སྐབས་རྒྱ་ཚ་དང༌། གླང༌། ལྷ་རྒྱ་རི། སྐུ་རབ་རྣམ་རྒྱལ། སྐྱེམས་སྡོང་བཅས་རྫོང་ཁག་ལྔར་བསྒྱུར། ད་ལྟ་རྒྱ་ཚ་རྫོང་དང༌། གླང་རྫོང་གཉིས་ཀྱི་ཆགས་ཡུལ་ཡིན། 2.བོད་ཀྱི་རུས་མིང་ཞིག |
| དྭགས་པོ་བཀའ་བརྒྱུད |
མར་པ་ལོ་ཙཱ་བ་དང༌། མི་ལ་རས་པ། དྭགས་པོ་ལྷ་རྗེ་བཅས་མཁན་སློབ་གསུམ་ནས་བརྒྱུད་པའི་བཀའ་བརྒྱུད་ཡིན་ཞིང༌། དྭགས་པོ་ལྷ་རྗེའི་སྐབས་སུ་དར་རྒྱས་ཆེས་ཆེར་བྱུང་བས་དྭགས་པོ་བཀའ་བརྒྱད་ཅེས་སུ་གྲགས། |
| དྭགས་པོ་ལྷ་རྗེ་བསོད་ནམས་རིན་ཆེན |
གཉལ་གྱི་ཡུལ་དུ་རབ་བྱུང་དང་པོའི་ས་ལུག་ལོར་འཁྲུངས། ཆུང་དུས་སྨན་དཔྱད་ཀྱིས་ནད་པ་མང་པོའི་དོན་མཛད་པས་ལྷ་རྗེར་གྲགས། དགུང་ལོ་ཉེར་དྲུག་ལ་ཆོས་སྒོར་ཞུགས་ནས་མདོ་སྔགས་ཀྱི་ཆོས་ལ་སྦྱངས་པས་མཁས་ཤིང་བྱང་ཆུབ། དགུང་ལོ་སོ་གཉིས་པ་ལྕགས་སྟག་ལོར་རྗེ་བཙུན་མི་ལའི་སྙན་པ་གསན་ནས་སྟོད་ཕྱོགས་སུ་བྱོན། གདམས་ངག་གསན་ཏེ་ཉམས་མྱོང་གི་རྩལ་ཐོན། དབུས་སུ་ཕེབས་ཏེ་དྭགས་ལྷ་སྒམ་པོར་དགོན་པ་བཏབ་སྟེ་བཞུགས། བཀའ་གདམས་པའི་ལམ་རིམ་དང༌། མི་ལའི་ཕྱག་རྒྱ་ཆེན་པོའི་གདམས་པ་གཅིག་ཏུ་དྲིལ་ནས་ལམ་རིམ་ཐར་རྒྱན་མཛད། གདུལ་བྱའི་དབང་པོ་རྣོ་རྟུལ་གང་ལ་གང་འཚམས་ཀྱིས་གདམས་པ་གནང༌། སློབ་མ་མཐའ་ཡས་པ་བསྐྱངས་ནས་དྭགས་པོ་བཀའ་བརྒྱུད་ཅེས་པའི་སྲོལ་བཙུགས། དགུང་ལོ་དོན་ལྔ་པ་ཆུ་བྱ་ལོར་འདས། |
| དྭགས་པོའི་གསུང་འཐོར་འབུམ |
དུས་རབས་བཅུ་གཉིས་པའི་ནང་དྭགས་པོ་མཉམ་མེད་ལྷ་རྗེས་མཛད་པའི་གཞུང་འགྲེལ་དང༌། མན་ངག་ལག་ལེན་གྱི་སྐོར་སོགས་ཁ་འཐོར་སྣ་ཚོགས་ཡོད་པའི་སྨན་གྱི་བསྟན་བཅོས་ཤིག |
| དྭགས་ཕོར |
དྭགས་པོ་ནས་ཐོན་པའི་ཕོར་པ། |
| དྭགས་ཡུལ |
དྭགས་པོའི་ཡུལ། |
| དྭགས་ཤོག |
དྭགས་པོའི་ཡུལ་ནས་ཐོན་པའི་ཤོག་བུ་མཐུག་ཅིང་སྤུས་ལེགས་པ་ཞིག |
| དྭགས་སྟོད |
དྭགས་པོའི་ཡུལ་གྱི་སྟོད་ཆ། |
| དྭགས་སྨད |
དྭགས་པོའི་ཡུལ་གྱི་སྨད་ཆ། |
| དྭགས་སླེའུ |
དྭགས་པོའི་ཡུལ་ནས་ཐོན་པའི་ཕྱར་བ། |
| དྭངས |
1.(རྒྱན་ཚིག) ཆུ་སོགས་གཤེར་ཁུའི་ནང་དངོས་རྫས་གཞན་འདྲེས་མེད་པའི་དོན་ཏེ། (དཔེར་ན།) ཆུ་དྭངས་ཤིང་བསིལ་བ་ཞེས་པ་ལྟ་བུ། 2.(བྱེད་མེད་ལས་ཚིག) སྙིགས་མ་དང་མུན་པ་སོགས་མེད་པར་གྱུར་པའི་དོན་ཏེ། (དཔེར་ན།) ཆུ་དྭངས་སམ། ཁམས་ཨེ་དྭངས་ལྟ་བུ། |
| དྭངས་གཙང |
ཉེས་སྐྱོན་དང་བྲལ་བའི་དོན་ཏེ། (དཔེར་ན།) ཟོལ་ཟོག་གཡོ་ལྷད་མེད་པའི་བྱ་སྤྱོད་དྭངས་གཙང་ཞེས་པ་ལྟ་བུ། |
| དྭངས་གསལ |
རྙོག་མའམ་དྲི་མ་མེད་པ་སྟེ། (དཔེར་ན།) སྤྲིན་བྲལ་སྟོན་ཟླའི་ནམ་མཁའ་དྭངས་གསལ་ཆེ་ཞེས་པ་ལྟ་བུ། |
| དྭངས་པ |
1.ཆུ་རབ་ཏུ་དྭངས་པ་སྟེ། (དཔེར་ན།) རབ་ཏུ་དྭངས་པའི་ཆུ་བསིལ་ཞེས་པ་ལྟ་བུ། 2.དངོས་རྫས་གཞན་གྱིས་མ་བསྒྲིབས་པ་སྟེ། (དཔེར་ན།) ཤེལ་དྭངས་མོ། གནམ་ངོ་དྭངས་པ་ཞེས་པ་ལྟ་བུ། 3.ལུས་སེམས་བདེ་བའམ་དགའ་བ་སྟེ། (དཔེར་ན།) ཁམས་དྭངས་པ། ཁམས་དྭངས་མོ་ཞེས་པ་ལྟ་བུ། |
| དྭངས་མ |
1.གཙོ་བོའི་དོན་ཏེ། (དཔེར་ན།) དགྲའི་དྭངས་མ་ཞེས་པ་ལྟ་བུ། 2.ཟུངས་ཀྱི་ཡ་གྱལ། འབྱུང་ལྔའི་ཟས་ཟོས་པའི་བཅུད་དེ། ལུས་ཟུངས་རྒྱས་པར་བྱེད་པའི་རྩ་བ་ལྟ་བུ་ཞིག 3.རོ་བཅུད་ཀྱི་ཁྱད་པར་ཏེ། (དཔེར་ན།) ཤིང་ཏོག་གི་དྭངས་མ་སྐ་བ། ཆང་གི་དྭངས་མ་སླ་བ་ཞེས་པ་ལྟ་བུ། 4.(མངོན་བརྗོད།) ཁུ་བ། 5. གསལ་བ་སྟེ། (དཔེར་ན།) ཆུ་དྭངས་མ། མི་དྭངས་མ། ནམ་མཁའ་དྭངས་མ་ཞེས་པ་ལྟ་བུ། |
| དྭངས་མ་ཟུང་སྦྱོར |
ཕོ་མོའི་ཐིག་ལེ་མཉམ་སྦྱོར། |
| དྭངས་མོ |
ཆུ་དྭངས་མོ་ཞེས་པ་ལྟ་བ། |
| དྭངས་ར་གཡུ་མཚོ |
མཚོ་ཞིག་སྟེ། བོད་ཀྱི་ཤན་རྩ་རྫོང་ཁོངས་སུ་ཡོད། |
| དྭངས་རྩེ |
ཡང་རྩེའི་དོན་ཏེ། (དཔེར་ན།) དཔའ་བོའི་དྭངས་རྩེ། དཔུང་ཁྲོད་ཀྱི་དྭངས་རྩེ་རྣམས་དམག་ལ་བྱོན་ཞེས་པ་ལྟ་བུ། |
| དྭངས་ཤེལ |
ཕྱི་གསལ་ནང་གསལ་རྙོག་མེད་དྲི་བྲལ་གྱི་ཤེལ། |
| དྭངས་ཤེལ་མེ་ལོང |
ཁྲིམས་ཡིག་དྭངས་ཤེལ་མེ་ལོང་གི་བསྡུས་མིང༌། |
| དྭངས་སང |
རྙོག་པ་མེད་པའི་དོན་ཏེ། (དཔེར་ན།) མི་འདི་དྭངས་སང་ཞིག་འདུག རྫ་རི་ལས་འབབ་པའི་ཆུ་དྭངས་སང་ངེ་བ་ཞེས་པ་ལྟ་བུ། |
| དྭངས་སིང་ངེ་བ |
རྙོག་པ་དང་བྲལ་བའི་ཚུལ་ཏེ། (དཔེར་ན།) རིག་པ་དྭངས་སིང་ངེ་བ་ཞེས་པ་ལྟ་བུ། |
| དྭངས་སྙིགས |
ཉིང་ཁུ་དང་རོ་མ་སྟེ། (དཔེར་ན།) ཆུ་རྙོག་མའི་དྭངས་སྙིགས་འབྱེད་པ། གཞུང་དོན་གྱི་དྭངས་སྙིགས་དབྱེ་བ་ཕྱེ་བ་ཞེས་པ་ལྟ་བུ། |
| དྭོ་བ |
(བརྡ་རྙིང་།) 1>སྔོ་ཚལ། 2>ཕ་མ་ཤི་བའི་བུ་ཕྲུག |
| དྭོ་རྫོང |
དྭོ་བ་རྫོང་སྟེ། བོད་ལྷོ་བྲག་རྫོང་གི་མིང་རྙིང་ཡིན། |
| དྲ |
(བྱེད་འབྲེལ་ལས་ཚིག) དྲས་པའི་མ་འོངས་པ། ཁེ་གྲིས་གཅོད་པ་དང་སོག་ལེས་གཅོད་པ་སྟེ། (དཔེར་ན།) དྲ་བྱའི་རས་དྲ་རས་ལྟ་བུ། |
| དྲ་ཁེབས |
དྲ་མིག་ཅན་གྱི་ཁེབས། |
| དྲ་གདན |
ཀོ་བ་སོགས་དྲ་སའི་འོག་གི་པང་ལེབ། |
| དྲ་གྲི |
དྲ་གཅོད་ཀྱི་ཡོ་བྱད་གྲི། |
| དྲ་དྲུབ |
ཇེམ་ཙེས་དྲ་བ་དང༌། ཁབ་དང་འཁོར་ལོས་འཚེམ་པ། |
| དྲ་པང |
(ཡུལ་སྐད།) ཤོག་བུ་དྲ་སའི་པང་ལེབ། |
| དྲ་ཕད |
དངོས་རྫས་འཇོག་བྱེད་ཀྱི་ཁུག་མ་དྲ་མིག་ཅན་གྱི་མིང་སྟེ། རྒྱ་སྐད་དུ་ཝང་ཏུག་ཟེར་བ་དང་མཚུངས། |
| དྲ་ཕྱེད |
1.(ཡུལ་སྐད།) རྩིག་པའི་ལྡེབས་སུ་བྲིས་པའི་ཤམ་བུའི་སྒང་གི་རི་མོ། 2.མཆོད་རྫས་རྒྱན་ཕྲེང་ནར་དཔྱངས་ཁུག་ཕྱེད་ཅན། |
| དྲ་བ |
1.འདྲ་བའི་མ་འོངས་པའི་བྱ་མིང་། 2.མཆོད་རྫས་རྒྱན་ཕྲེང་ནར་དཔྱངས་ཁུག་པ་ཅན། 3.གཅིག་ནས་གཅིག་ལ་མཐུན་པའི་རྒྱ་དང༌རྙི་སྟེ། (དཔེར་ན།) འགྲིམ་འགྲུལ་གྱི་དྲ་བ། རྟོག་པའི་དྲ་བ། ཐེ་ཚོམ་གྱི་དྲ་བ། འོད་ཟེར་གྱི་དྲ་བ། ཉེས་ཅན་སུ་ཡིན་ཚང་མ་ཁྲིམས་ཀྱི་དྲ་བ་ལས་འབྲོས་དཀའ། ཕྱག་དང་ཞབས་དྲ་བས་འབྲེལ་བ། ངང་པའི་རྐང་པ་དྲ་བས་འབྲེལ་བ། |
| དྲ་བ་ཅན |
(མངོན་བརྗོད།) 1>འབུ་སྡོམ། 2>ལྕགས་གོས་དང་གོ་ཆ། 3>ཀུ་བ། |
| དྲ་བ་ཅན་མ |
(མངོན་བརྗོད།) བུད་མེད་གྲུང་པོ། |
| དྲ་བ་དྲ་ཕྱེད |
1.སྒོ་འཕྱོར་དང་མཐོངས་སྒོར་སོགས་ཀྱི་མཛེས་རྒྱན། 2.ལྷ་ཁང་སོགས་ཀྱི་གདུང་ཁེབས་མཆོད་རྫས་ཀྱི་བྱེ་བྲག་ཅིག |
| དྲ་བ་འཛིན་པ |
(མངོན་བརྗོད།) ཉ་པ། |
| དྲ་བའི་རྐང་ལྡན |
(མངོན་བརྗོད།) ངང་པ་སྤྱི། |
| དྲ་མ |
1.མཁས་པ་དང༌། ཡ་རབས། 2.ལེགས་པ་དང༌། གཤའ་མ། ཡང་དག་པའི་དོན་ཏེ། (དཔེར་ན།) གོས་ཆེན་དྲ་མ། ལས་འགན་མཐའ་དག་དྲ་མ་བསྒྲུབས་སོང༌། ཁྱེད་ཀྱིས་བཀའ་མངགས་གནང་བ་རྣམས་ངས་དྲ་མ་ཞིག་ཞུས་ཆོག་ཅེས་པ་ལྟ་བུ། 3.ཁང་བའི་སྐར་ཁུང་གི་སྒོ་དྲ་མིག་ཅན་གྱི་མིང་། |
| དྲ་མ་དྲངས |
(བརྡ་རྙིང་།) དམག་དྲངས་པ། |
| དྲ་མིག |
དྲ་བའི་བར་སྟོང་གི་མིང་། (དཔེར་ན།) ཉ་རྒྱའི་དྲ་མིག། ཤིང་དྲའི་དྲ་མིག་ཅེས་པ་ལྟ་བུ། |
| དྲ་ཚགས |
དྲ་བ་ཅན་གྱི་ཚགས་སྤྱད་དེ། (དཔེར་ན།) འབྲུ་མ་བརྔོས་གོང་ནས་དྲ་ཚགས་སུ་བཙགས་པ་ཞེས་པ་ལྟ་བུ། |
| དྲ་འགོ་རྟེན་མཁན |
(ཡུལ་སྐད།) དྲ་པང་གི་སྣེ་རྟེན་མཁན། |
| དྲ་སྒྱེ |
སྐུད་པའི་དྲ་བས་བཟོས་པའི་སྣོད་སྒྱེ་མོ། |
| དྲ་སྤྱད |
གོས་དང་ཤོག་བུ་སོགས་དྲ་བྱེད་ཀྱི་དངོས་པོ་སྤྱིའི་མིང༌། |
| དྲག |
1.(བྱེད་མེད་ལས་ཚིག) 1>ནད་སོས་པ་སྟེ། (དཔེར་ན།) རྨ་དྲག་ལ་ཁད་ཡོད། ནད་དྲག་སོང་ལྟ་བུ། 2>ཉེན་ཁ་དང་སྐྱོན་མེད་པའི་ཡུལ་སྐད་དེ། (དཔེར་ན།) ལམ་ན་ཉེན་ཁ་ཡོད་ཀྱང་ཁྱོད་སོང་ན་དྲག་སྙམ་ལྟ་བུ། 2.དྲག་པོ་ལ་ལྟོས། |
| དྲག་གཏུམ |
ཤིན་ཏུ་ཁྲོ་བའི་རྣམ་པ། |
| དྲག་གནོན |
རྩུབ་པོའི་སྒོ་ནས་འདུལ་བའི་དོན་ཏེ། (དཔེར་ན།) ཁྲག་དྲི་བྲོ་བའི་དྲག་གནོན་ཞེས་པ་ལྟ་བུ། |
| དྲག་གཟའ་གསུམ |
དྲག་གསུམ་དང་དོན་གཅིག |
| དྲག་གཟའ་བཞི |
ཉི་མ། མིག་དམར། ཕུར་བུ། སྤེན་པ་བཞི། གཡས་ཀྱི་ཡན་ལག་ཏུ་འགྱུར་བས་ན་དྲག་གཟའ་ཞེས་བྱའོ། ། |
| དྲག་གསུམ |
གཟའ་མིག་དམར། ཕུར་བུ། སྤེན་པ་གསུམ། |
| དྲག་གསུམ་དལ་བ |
བརྩི་བྱའི་ཉིན་དེར་དྲག་གཟའ་རྣམས་རང་འགྲོས་ཀྱིས་ལུག་ཁྱིམ་ནས་ཡུལ་གྱི་ཆུ་ཚོད་ཅི་ཙམ་སྤྱད་ཟིན་པ། དལ་དག་ཅུང་ཟད་མ་གྲུབ་པའི་བར་ན་གནས་པས་ན་དེ་ལྟར་གྲགས། |
| དྲག་གསུམ་རྐང་འཛིན |
གོ་དོན་ཉི་བར་དང་འདྲའང༌། མྱུར་རྐང་སྒྲུབ་བྱེད་དམ་འཛིན་བྱེད་ཡིན་པས་དེ་ལྟར་གྲགས། |
| དྲག་ཅན |
ཉེན་ཁ་ཆེ་བ་སྟེ། (དཔེར་ན།) ནད་པ་དྲག་ཅན་ཞེས་པ་ལྟ་བུ། |
| དྲག་ཆར |
ཆར་པ་ཆེན་པོའི་མིང་སྟེ། (དཔེར་ན།) དྲག་ཆར་བབ་ཅིང་རླུང་འཚུབ་ལངས་པ། དྲག་ཆར་གྱི་གནོད་སྐྱོན་བྱུང་བ་ཞེས་པ་ལྟ་བུ། |
| དྲག་ཆས |
དམག་ཆས་གོ་ལག་དང་བཅས་པ་སྟེ། (དཔེར་ན།) མང་ཚོགས་ཚང་མར་དྲག་ཆས་སྤྲས་པ། མི་རྣམས་ཀྱི་བསམ་བློར་གསར་བརྗེའི་རིགས་ལམ་གྱི་དྲག་ཆས་སྤྲས་ཞེས་པ་ལྟ་བུ། |
| དྲག་ཏུ |
(བསྣན་ཚིག) ཚད་ཆེ་བ་དང་རྩུབ་པའི་དོན་ཏེ། (དཔེར་ན།) རྔ་དྲག་ཏུ་བརྡུངས། དམག་དུང་དྲག་ཏུ་བུས། མེ་སྒྱོགས་དྲག་ཏུ་བརྒྱབ་ལྟ་བུ། |
| དྲག་ཏུ་རྒོད་པ |
དུར་ཁྲོད་ཆེན་པོ་བརྒྱད་ཀྱི་ནང་གསེས་ཤིག |
| དྲག་དཔོན |
དམག་དཔོན། |
| དྲག་དལ |
རྩུབ་པོ་དང་ལྷོད་དལ། |
| དྲག་ན |
(མངོན་བརྗོད།) དྲག་ཆར། |
| དྲག་ནད |
ནད་དྲག་པོའི་དོན་ཏེ། (དཔེར་ན།) དྲག་ནད་ན་ནས་འཚོ་མ་ཐུབ་པ་ཞེས་པ་ལྟ་བུ། |
| དྲག་པ |
1.(བྱེད་མེད་ལས་ཚིག) ན་ཚ་སངས་པའི་དོན་ཏེ། (དཔེར་ན།) སྨན་བཅོས་བྱས་ནས་ནད་དྲག་སོང༌ཞེས་པ་ལྟ་བུ། 2.ཤུགས་ཆེ་བའམ་ཚབས་ཆེ་བའི་དོན་ཏེ། (དཔེར་ན།) སྒྲ་དྲག་པ། རྩ་འཕར་ཤུགས་དྲག་པ་ཞེས་པ་ལྟ་བུ། 3.ཡག་པ་དང་ལེགས་པའམ། མཆོག་གམ། བཟང་བ་བཅས་ཀྱི་དོན་ཏེ། (དཔེར་ན།) ལས་བྱེད་དྲག་པ། སྡོད་ཁང་དྲག་པ། ས་བབས་དྲག་པ། མི་དེ་ཚོའི་ནང་ནས་ལས་ཀ་སུ་དྲག་པ་འདུག ཁྱེད་ལ་ཐུགས་རྒྱུས་ཡོད་པས་དྲག་པ་མ་གཏོགས་དབུ་འཐོམ་ཡོང༌། འདིར་བསྡད་པ་ལས་དེར་ཕྱིན་པ་དྲག་ཅེས་པ་ལྟ་བུ། 4.མཐོ་བའི་དོན་ཏེ། (དཔེར་ན།) མི་དྲག་པ་ཞེས་པ་ལྟ་བུ། |
| དྲག་པའི་འཇུག་ཚུལ |
སྔོན་འཇུག་གི་ཕོ་ཡིག་བ་དང༌། རྗེས་འཇུག་གི་ཕོ་ཡིག་ག་ད་བ་ས་བཅས་རང་རང་འཇུག་ཡུལ་གྱི་མིང་གཞི་དག་ལ་སྒྲ་དང་རྩོལ་བ་དྲག་པར་འཇུག་པ། |
| དྲག་པོ |
1.(རྒྱན་ཚིག) ཞི་འཇམ་མ་ཡིན་པའི་བཙན་ཤུགས་ཆེ་བ་སྟེ། (དཔེར་ན།) སྤྱོད་ལམ་དྲག་པོ། ཞི་དྲག་གཉིས་འཕེར་གྱི་ཡོན་ཏན་ཚང་བ། ཁ་རྡུང་དྲག་པོ་བཏང་ནས་སྨ་འབེབས་བྱེད་པ། ལག་གཉིས་དམ་པོར་བཟུང་ནས་ཤུགས་བརྒྱབ་སྟེ་དྲག་ཏུ་འཐེན་པ། གསོལ་བ་དྲག་པོ་འདེབས་པ་ཞེས་པ་ལྟ་བུ།2.(མངོན་བརྗོད།) 1>ལྕགས་སྤྲེ་ལོ། 2>ལྷ་དབང་ཕྱུག་ཆེན་པོའི་མིང་གི་རྣམ་གྲངས་ལ་མ་སྐྱེས་རྐང་གཅིག་དང་དྲག་པོ་སོགས་བཅུ་གཅིག་ཡོད་པས་གྲངས་བཅུ་གཅིག་མཚོན། |
| དྲག་པོ་བཅུ་གཅིག |
ལྷ་སུམ་ཅུ་རྩ་གསུམ་གྱི་ནང་གསེས་དྲག་པོའི་ལྷ་བཅུ་གཅིག་མ་སྐྱེས་དང༌། རྐང་གཅིག་འཕེལ་དང༌། འཇོག་པོ་དང༌། དྲག་པོ་དང༌། བརྩོན་འགྲུས་ལྡན་དང༌། འཕྲོག་བྱེད་དང༌། བདེ་འབྱུང་དང༌། མིག་གསུམ་པ་དང༌། གཞན་ལས་རྒྱལ་དང༌། དབང་ལྡན་དང༌། ས་གསུམ་པ་བཅས་བཅུ་གཅིག |
| དྲག་པོ་མངོན་སྤྱོད |
རྫས་དང༌། སྔགས་ཀྱི་ནུས་པ་ལ་བརྟེན་ནས་དགྲ་བགེགས་ཚར་གཅོད་པའི་ལས། |
| དྲག་པོའི་གཙུག་རྒྱན |
(མངོན་བརྗོད།) 1>སྒྲ་གཅན། 2>ཟླ་བ། |
| དྲག་པོའི་གཟུགས |
(མངོན་བརྗོད།) 1>སྒྲ་གཅན། 2>ཟླ་བ། |
| དྲག་པོའི་ཐོད |
(མངོན་བརྗོད།) ཆུ་བོ་གང་གཱ། |
| དྲག་པོའི་དཔྱད |
པགས་པ་སོགས་འདྲལ་བ་དང༌། རུས་པ་སོགས་གཅོད་པ། ཤ་དང་རུས་པའི་ནང་གི་ཟུག་རྔུ་སོགས་འདྲུད་པ། ཁོང་པའི་ནང་དུ་མདེའུ་ཤོར་བ་སོགས་ཕྱིར་འབྱིན་པ་ལྟ་བུའོ། ། |
| དྲག་པོའི་ཕྱོགས |
(མངོན་བརྗོད།) ཟླ་བ་མར་ངོ་ཚེས་བཅུ་དྲུག་ནས་གནམ་གང་བར། |
| དྲག་པོའི་ལས |
དྲག་པོ་མངོན་སྤྱོད་དགྲ་བགེགས་སྒྲོལ་བའི་ལས་ཏེ། བསྲེག་མནན་འཕེན་གསུམ་གྱི་ལས་སྦྱོར་རོ། ། |
| དྲག་པོའི་སྤྱོད་པ |
1.སྤྱོད་པ་རྩུབ་པོ། 2.དཀའ་ངལ་དང་དུ་བླངས་པ། |
| དྲག་པོའི་སྦྱིན་སྲེག |
གདོན་བགེགས་འཇོམས་བྱེད་ཀྱི་སྲེག་ཆོག |
| དྲག་པོར་སྦྱོང་བ |
1.ཤུགས་ཆེའི་བཤལ་སྨན་གཏོང་བ། 2.དམག་ཐབས་ལ་མཁས་པར་བྱེད་པ། 3.སློབ་སྦྱོང་ཤུགས་དྲག་པོ་བྱེད་པ། |
| དྲག་བཙན |
1.དྲག་ཅིང་བཙན་པ། 2.གཙོ་དྲག་དང་དོན་གཅིག |
| དྲག་བཙན་ལྷག་འཁུར |
ཁ་དྲག་དབང་བཙན་ཁ་འཁྱེར་གྱིས་ཁེངས་དྲེགས་བྱེད་པའི་དོན་ཏེ། (དཔེར་ན།) དྲག་བཙན་ལྟག་འཁུར་གྱིས་གཞན་ལ་བརྙས་བཅོས་བྱེད་པ་ཞེས་པ་ལྟ་བུ། |
| དྲག་བཤལ་སྨན |
ཁོང་པའི་ནང་གི་ནད་རྣམས་ཤུགས་དྲག་པོའི་སྒོ་ནས་ཐུར་དུ་འཁྲུ་བར་བྱེད་པའི་སྨན། |
| དྲག་མོ |
1.བུད་མེད་གཏུམ་མོ། 2.(མངོན་བརྗོད།) 1>ལྷ་མོ་ཨུ་མ། 2>ལྷ་དྲག་མོ། |
| དྲག་ཞན |
བཟང་ངན་གྱི་དོན་ཏེ། (དཔེར་ན།) མི་ཚང་གི་སྐྱིད་སྡུག་དྲག་ཞན། ཡོན་ཏན་དྲག་ཞན། སྤུས་ཀ་དྲག་ཞན། སློབ་སྦྱོང་གི་གྲུབ་འབྲས་དྲག་ཞན་བར་གསུམ་དུ་དབྱེ་བ་ཕྱེ་བ་ཞེས་པ་ལྟ་བུ། |
| དྲག་འཇུན |
ཁྲིམས་དྲག་པོས་བཅུན་ཏེ་བསླབ་བྱ་རྒྱག་པ་སྟེ། (དཔེར་ན།) ཁྲིམས་འགལ་མི་སྲུན་པའི་རིགས་ལ་དྲག་འཇུན་བྱེད་པ་ཞེས་པ་ལྟ་བུ། |
| དྲག་འབབ་ཆུ་རྒྱུན |
ཤུགས་དྲག་འབབ་པའི་ཆུ་ཀླུང༌། |
| དྲག་ཡང་ཀོ་བཙན |
སྒེར་ཆོས་དྲག་བཙན། |
| དྲག་རིགས |
1.སྐུ་དྲག་གི་རིགས། 2.ཡ་རབས་བཟང་པོའི་རིགས། 3.དྲག་ཤུལ་ཅན་གྱི་རིགས། |
| དྲག་རྐང་ཞི་དལ |
དྲག་གཟའ་གསུམ་གྱི་རྐང་འཛིན་དང་ཞི་གཟའ་གཉིས་ཀྱི་དལ་བར་ཏེ། གང་བརྩིའི་ཉིན་གྱི་ཉི་བར་དེ་ཉིད་ཡིན། |
| དྲག་རྩལ |
དྲག་ཅིང་གཏུམ་པའི་ནུས་པ་སྟེ། (དཔེར་ན།) དྲག་རྩལ་སྙིང་སྟོབས་གཞན་གྱིས་འགྲན་ཟླ་མེད་ཅེས་པ་ལྟ་བུ། |
| དྲག་རྩུབ |
ཞི་བ་མིན་པ་སྟེ། (དཔེར་ན།) སྤྱོད་པ་དྲག་རྩུབ། སྐད་ཆ་དྲག་རྩུབ་ཅན་ཞེས་པ་ལྟ་བུ། |
| དྲག་རྩོལ |
ཧུར་བརྩོན་ཆེན་པོ། |
| དྲག་ལས |
དྲག་པོའི་ལས་ཀྱི་བསྡུས་ཚིག |
| དྲག་ལྷགས |
ཤུགས་ཆེན་ལྡང་བའི་རླུང༌། |
| དྲག་ཤུལ |
ལུས་ངག་ཏུ་ཐོན་པའི་ཁྲོ་བའི་རྣམ་འགྱུར་ཏེ། (དཔེར་ན།) དྲག་ཤུལ་གྱི་ཉམས་དང་ལྡན་པ། དྲག་ཤུལ་གྱི་སེམས། སྐད་ཆ་དྲག་ཤུལ་ཅན་བཤད་ན་མིའི་རྣ་བར་འབབ་དཀའ་ཞེས་པ་ལྟ་བུ། |
| དྲག་ཤུལ་ཁྲིམས་འཆལ |
དྲག་སྤྱོད་དཀའ་ཐུབ་ཀྱི་བརྟུལ་ཞུགས། |
| དྲག་ཤུལ་གཟི་བརྗིད |
རྔམས་བརྗིད་དང་ལྡན་པ། |
| དྲག་ཤུལ་གྱི་ཉམས |
ཉམས་ལྡན་གྱི་རྒྱན་གྱི་ནང་གསེས་ཤིག་ཡིད་དུ་མི་འོང་བའི་ཡུལ་དང་ཕྲད་པའི་སྟོབས་ཀྱིས་མང་དུ་ཁྲོ་བ་འཕེལ་བའི་རྣམ་འགྱུར་དྲག་ཉམས་སྟོན་པའི་རྒྱན་ཞིག |
| དྲག་ཤུལ་ཅན |
1.ཁྲོ་བའི་ངང་ཚུལ་ཅན། 2.ངར་སྐད་དང་ལྡན་པ། 3.སྟོབས་རྩལ་ཅན། 4.སྟོན་པ་ཤཱཀྱ་ཐུབ་པ་ཞལ་བཞུགས་སྐབས་ཀྱི་ཁྲིམས་བདག་ཅིག སྟོན་པའི་ཞལ་སློབ་ཏུ་གྱུར་པའོ། ། |
| དྲག་ཤུལ་ཆེ་བ |
1.སྟོབས་རྩལ་ཆེ་བ། 2.ཁྲོ་ཉམས་ཆེ་བ། |
| དྲག་ཤུལ་འོད་འབར |
གཟི་ལྡན་དྲག་ཤུགས་ཧ་ཅང་ཆེ་བ་སྟེ། (དཔེར་ན།) དམག་དཔུང་གི་དྲག་ཤུལ་འོད་འབར་ལྷག་གེར་གསལ་བ་ཞེས་པ་ལྟ་བུ། |
| དྲག་ཤོས |
མཆོག་ཏུ་གྱུར་པ་སྟེ། (དཔེར་ན།) དཔའ་བོ་དྲག་ཤོས། མཚོན་ཆ་དྲག་ཤོས་ཞེས་པ་ལྟ་བུ། |
| དྲག་སྐྱུགས |
སྐྱུགས་སྨན་གྱི་སྦྱོར་སྡེ་རིལ་བུ་དྲིལ་ནས་བཏང་སྟེ་དྲག་པོའི་སྒོ་ནས་ནད་གྱེན་དུ་སྐྱུགས་པར་བྱེད་པའི་ཐབས་ཤིག |
| དྲག་སྐྱེད |
ནད་བབ་ཡང་དུ་འགྲོ་བ་སྟེ། (དཔེར་ན།) ཡུན་རིང་ན་ནས་ད་དུང་དྲག་སྐྱེད་བྱུང་མ་སོང༌། དེང་སང་ནད་གཞི་དྲག་སྐྱེད་ཅུང་ཟད་འདུག་ཅེས་པ་ལྟ་བུ། |
| དྲག་སྒྲུབ |
གསང་སྔགས་ཀྱི་ལས་བཞིའི་ནང་གསེས་དྲག་པོའི་ཆོས་ཤིག |
| དྲག་སྔགས |
དྲག་པོའི་གཟུངས་སྔགས། |
| དྲག་སྡེབས |
མཆོག་གམ་མཐོ་གྲས་མཉམ་སྡོང་བྱེད་པ། |
| དྲག་སྤྱོད |
རྩུབ་པོའི་ལས་ཀ། |
| དྲག་སྦྱང་ཀུན་འཇུག |
ཀར་མྱང་རྩིས་ལས་ཤཱཀྱའི་འདས་ལོ་དེ་དྲག་པོ་སྟེ་བཅུ་གཅིག་གིས་སྦྱངས་པའི་ལྷག་མ་མཚོ་ཡིས་དོར་ལྷག་ལ་མེ་ཤར་ན་ཀུན་འཇུག་ཅེས་ཟེར་ཏེ་ཡུལ་ཀུན་ཁྱབ་པར་སྦྲང་ཆར་འབབ། |
| དྲགས |
(ལས་ཚིག་རྗེས་མཐུན་པ།) ལས་ཚིག་དང་རྒྱན་ཚིག་གི་མཐར་སྦྱར་ན་ཚད་ལས་འདས་པའི་དོན་ཏེ། (དཔེར་ན།) མང་དྲགས་པ། ཆེ་དྲགས་པ། ཚད་ཆེ་དྲགས་པ་དང་ཆུང་དྲགས་པ། ཟ་དྲགས་པ་ཞེས་པ་ལྟ་བུ། |
| དྲགས་པ |
1.(བརྡ་རྙིང་།) སྡོམ་པའི་དོན་ཏེ། (དཔེར་ན།) སྟོན་ཐོག་གི་ཚར་མ་དྲགས་ཏེ་གཡུལ་ཁར་བསྐྱལ་པ། འགྲོ་ཆས་ཀྱི་ཁུར་པོ་དྲོགས་ཤིག་ཅེས་པ་ལྟ་བུ། 2.ཐལ་བའི་དོན་ཏེ། (དཔེར་ན།) གཞས་བཏང་དྲགས་ན་མིད་པ་ཚ་ཡོང༌། གློག་བཞུ་གསལ་དྲགས་ན་མིག་ཀྱང་གདང་མི་ཐུབ་ཅེས་པ་ལྟ་བུ། |
| དྲང |
(རྒྱན་ཚིག) 1>དབྱིབས་ལ་ཡ་ཡོ་འཁྱག་འཁྱོག་མེད་པ་སྟེ། (དཔེར་ན།) ཤིང་སྡོང་དྲང་བོ། གཟུགས་དྲང་མོ། ལམ་དྲང་བོ། ཧ་ཅང་དྲང་བའི་ཤིང་སྡོང་ཞེས་པ་ལྟ་བུ། 2>རྫུན་དང་གཡོ་སྒྱུ་མེད་པ་སྟེ། (དཔེར་ན།) བསམ་པ་དྲང་བོ། མི་དྲང་མོ། སྐད་ཆ་དྲང་མོ། མདའ་ལྟར་དྲང་བའི་སྐད་ཆ་ཞེས་པ་ལྟ་བུ། 3.འདྲེན་ལ་ལྟོས། |
| དྲང་གཏམ |
བདེན་པའི་སྐད་ཆ་སྟེ། (དཔེར་ན།) རྩོད་པ་རྒྱག་རྒྱུ་ཡིན་ནའང་དྲང་གཏམ་བཤད་དགོས་ཞེས་པ་ལྟ་བུ། |
| དྲང་གཞག་ལུགས་མཐུན |
དྲང་པོ་ལུགས་མཐུན་དང་དོན་གཅིག |
| དྲང་ངེས་གཉིས |
དྲང་དོན་དང་ངེས་དོན་གཉིས་ཀྱི་བསྡུས་མིང༌། |
| དྲང་ངེས་ལེགས་བཤད་སྙིང་པོ |
རྗེ་ཙོང་ཁ་པས་མཛད་པའི་མདོ་སྡེ་ལ་དྲང་ངེས་འབྱེད་ཚུལ་གྱི་སྒོ་ནས་ལྟ་བའི་གནད་རྣམས་སྟོན་པའི་གཞུང༌ཞིག། |
| དྲང་ཏིག |
ཐད་ཀ། |
| དྲང་ཐད |
ཀྱོག་མིན་གྱི་ཁ་ཕྱོགས་ཏེ། (དཔེར་ན།) ཤར་ནས་དྲང་ཐད་ཀྱིས་ནུབ་ལ་ཕྱིན་པ་ཞེས་པ་ལྟ་བུ། |
| དྲང་ཐིག |
ཡོ་འཁྱོག་མེད་པར་འདེབས་པའི་ཐིག |
| དྲང་དཔོན |
ཁྲིམས་དཔོན། |
| དྲང་དོན |
དྲང་བའི་དོན་གྱི་བསྡུས་ཚིག་ |
| དྲང་དོན་གྱི་མདོ |
དྲང་བའི་དོན་གྱི་མདོ་སྡེ་དང་དོན་གཅིག་ |
| དྲང་དོན་རྡོར་དྲིལ |
མཚོན་བྱེད་རྟགས་ཀྱི་རྡོར་དྲིལ། |
| དྲང་དོན་ལ་མི་རྟོན |
མི་རྟོན་པ་བཞིའི་ཡ་གྱལ་ཞིག་འཁོར་བ་ལ་སྐྱོ་བ་སྐྱེ་བ་དང༌། ཀུན་རྫོབ་ལ་འཇུག་པ་ལ་སོགས་པ་གདུལ་བྱ་ཡོངས་སུ་མ་སྨིན་པ་རྣམས་གནས་སྐབས་དྲངས་པའི་དོན་དུ་བསྟན་པའི་ཆོས་ལ་ཡིད་རྟོན་པར་མི་བྱ་བའོ། |
| དྲང་པོ |
1.བདེན་པའམ་གཡོ་མེད་དང༌། གཟུ་བོའམ་མི་སླུ་བ་སྟེ། (དཔེར་ན།) སྐད་ཆ་དྲང་པོ་སྨྲ་བ། ལས་ཀ་དྲང་པོ་གྱིས། བསམ་བློ་དྲང་པོ་ཞིག་འཆང་བ། དྲང་ན་ཀ་བ་མདའ་ཡིས་ཆོག་ཅེས་པ་ལྟ་བུ། མིང་གི་རྣམ་གྲངས་ལ་འཁྱོག་མེད་དང༌། སྒྱུ་མེད་པ། གཡོ་མེད། རང་བཞིན་བཟང་པོ། གཤིས་བཟང༌། སྲོང་བ་བཅས་སོ། 2.ཀྱོག་ཀྱོག་མིན་པ་སྟེ། (དཔེར་ན།) འགྲོ་ལམ་དྲང་པོའི་ཐོག་ནས་འགྲོ་དགོས། ཀ་བ་བཟོ་རྒྱུ་ཤིང་དྲང་པོ་དགོས། ཚུལ་མིན་གྱི་བྱ་སྤྱོད་དྲང་པོ་འཆོས། ཤིང་མ་དྲང་བ་མ་རེད། ཐིག་མ་དྲང་བ་རེད་ཅེས་པ་ལྟ་བུ། |
| དྲང་པོ་དྲང་གཞག |
ཉེ་རིང་ཕྱོགས་ལྷུང་སྤངས་པ་སྟེ། (དཔེར་ན།) བར་དཔང་བྱེད་དུས་ཕན་ཚུན་གཉིས་ལ་དྲང་པོ་དྲང་གཞག་བྱེད་དགོས་ཞེས་པ་ལྟ་བུ། |
| དྲང་པོ་ལུགས་མཐུན |
ལུགས་སྲོལ་དང་མཐུན་པའི་སྤྱོད་པ་དྲང་པོ། (དཔེར་ན།) བགོ་བཤའ་རྒྱག་དུས་དྲང་པོ་ལུགས་མཐུན་བྱེད་དགོས་ཞེས་པ་ལྟ་བུ། |
| དྲང་པོར་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་རྟག་ཏུ་སེམས་གྱ་གྱུ་མི་མངའ་བ་ཉིད་ཀྱིས་མི་ཡོ་བར་གཤེགས་པ་སྟེ་དྲང་པོར་གཤེགས་པ། |
| དྲང་བ |
འདྲེན་པའི་མ་འོངས་པ། |
| དྲང་བའི་གནས |
སྒྲའི་གནས་བརྒྱད་ཀྱི་བཞི་པ། གཞན་གཅོད་ཅིང་བྱེ་བྲག་འབྱེད་པར་བྱེད་པ། (དཔེར་ན།) མིའི་མགོ་ཞེས་ཁྱད་གཞི་དང་ཁྱད་ཆོས་སྦྱར་བས་མགོ་དེ་ཁྱི་སོགས་ཀྱི་མགོ་ཡིན་པ་བཅད་ནས། མིའི་མགོ་བྱེ་བྲག་ཏུ་སྟོན་པར་བྱེད་པའོ། ། |
| དྲང་བའི་དོན |
གདུལ་བྱ་ཐུན་མོང་བ་རྣམས་ཁ་དྲང་བའི་ཕྱིར་དུ་འཇིག་རྟེན་སྣང་ཚོད་དུ་གྲགས་པ་གཙོར་བྱས་པ། གང་ཟག་དང་སེམས་ཅན་དང༌། ཕུང་ཁམས་སྐྱེ་མཆེད་ལ་སོགས་པ་དང༌། དེ་དག་གི་སྐྱེ་འགག་འགྲོ་འོང་ལ་སོགས་པ་སྨྲ་བསམ་བརྗོད་པའི་རིམ་པས་གཞལ་ཞིང་སྒྲོ་བཏགས་ནས་བསྟན་པ་དང༌། དེ་རྗོད་བྱེད་ཀྱི་གསུང་རབ་དགོངས་འགྲེལ་དང་བཅས་པའོ། ། |
| དྲང་བའི་དོན་གྱི་མདོ་སྡེ |
མདོ་ཏིང་འཛིན་རྒྱལ་པོ་སོགས་གདུལ་བྱ་རྣམས་ཁ་དྲང་བའི་ཕྱིར་དུ་གསུངས་པའི་མདོ་སྡེ་ཞིག |
| དྲང་མཁན |
1.བར་མི། 2.ཁྲིམས་བདག |
| དྲང་ཚུགས |
གཞན་རྐྱེན་གྱིས་སྒུལ་མི་ཐུབ་པའི་རང་ཚུགས་ཏེ། (དཔེར་ན།) གཡས་འཁྱོག་གཡོན་འཁྱོག་མེད་པར་དྲང་ཚུགས་ཟིན་པོ་བྱེད་པ་ཞེས་པ་ལྟ་བུ། |
| དྲང་འཁྱོག |
(མངོན་བརྗོད།) ནམ་མཁའི་འཇའ། |
| དྲང་འགྲོ |
(མངོན་བརྗོད།) མདའ། |
| དྲང་འབྲེལ |
དངོས་གནས་སམ་དྲང་པོ། |
| དྲང་འབྲེལ་ཁྲིམས་འདོམས |
དྲང་པོའི་ཁྲིམས་ཀྱིས་ཁྱབ་འདོམས་ཏེ། (དཔེར་ན།) ཉེ་རིང་མེད་པའི་དྲང་འབྲེལ་ཁྲིམས་འདོམས་བྱེད་པ་ཞེས་པ་ལྟ་བུ། |
| དྲང་ལམ |
1.འགྲོ་སའི་ལམ་ག་དྲང་པོ། 2.ཡང་དག་པའི་ལམ་ལུགས། |
| དྲང་སྙོམས |
ཁོག་དྲང་ཞིང་ཉེ་རིང་མེད་པ་སྟེ། (དཔེར་ན།) དྲང་སྙོམས་ལུགས་མཐུན་ཞེས་པ་ལྟ་བུ། |
| དྲང་སྲོང |
1.ལུས་ངག་ཡིད་གསུམ་གཡོ་སྒྱུ་མེད་པར་དྲང་པོའི་ཕྱོགས་སུ་སྲོང་བའི་དཀའ་སྤྱོད་པ། མིང་གི་རྣམ་གྲངས་ལ་ཀུན་ཏུ་རྒྱུ་དང༌། དཀའ་ཐུབ་སྤྱོད། ཁྲུས་ཀྱི་བརྟུལ་ཞུགས་ཅན། དགེ་བར་སློང༌། ངག་བསྡམས་པ། ཉོན་མོངས་ཐུལ། བརྟུལ་ཞུགས་ཅན། ཐུལ་བ། བདེན་སྨྲ། སྡོམ་བརྩོན་དབང་པོ། ཕ་རོལ་འདོད། མི་སྨྲ། སྨྲ་བ་བཅད། གཙང་གནས། ཚངས་པའི་སྤྱོད་པ། རིག་བྱེད་ཀློག་བཅས་སོ། །2.གླུ་དབྱངས་ངེས་པ་བདུན་གྱི་ཡ་གྱལ་ཞིག 3.(མངོན་བརྗོད།) འོད་ཟེར་ཅན་དང༌། ཉི་མ། རྒྱུན་ཤེས། འོད་ཡངས། ལྷ་མིན་འཇོམས། མཆོད་སྦྱིན་ཅན། གནས་འཇོག་སྟེ་སྐར་མ་སྨིན་བདུན་ལ་གནས་པའི་དྲང་སྲོང་བདུན་ཡོད་པས་གྲངས་བདུན་མཚོན། |
| དྲང་སྲོང་ཁྲོས་པའི་ཉམས |
ལྷ་ཁྲོ་བོའི་སྐུའི་ཉམས་ཤིག |
| དྲང་སྲོང་གནས |
(མངོན་བརྗོད།) ནགས་ཚལ། |
| དྲང་སྲོང་གཟའ་ལྔ |
མིག་དམར། ལྷག་པ། ཕུར་བུ། པ་སངས། སྤེན་པ་སྟེ་ལྔའོ། ། |
| དྲང་སྲོང་གཟེགས་ཟན |
གཟེགས་ཟན་པ་དང་དོན་གཅིག |
| དྲང་སྲོང་ཆེན་པོ |
སངས་རྒྱས་ཀྱི་མཚན་གྱི་རྣམ་གྲངས། |
| དྲང་སྲོང་ཕུར་བུ |
(མངོན་བརྗོད།) སྐར་མའི་བྱེ་བྲག་ཅིག |
| དྲང་སྲོང་མཛེས་པ |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག འདི་ལ་རྐང་མིག་པའང་ཟེར། |
| དྲང་སྲོང་མེ་ཏོག |
1.སྔོ་སྨན་ཞིག 2.(ཡུལ་སྐད།) རུམ་གྱི་རི་མོའི་བྱེ་བྲག་ཅིག |
| དྲང་སྲོང་འཇིག་རྟེན་མིག |
སྔར་རྒྱ་གར་གྱི་གྲུབ་མཐའ་སྨྲ་བ་པོ་ཞིག་ཡིན་པ་དེ་རྟོག་གེ་ལ་ཤིན་ཏུ་བྱང་བ་ཞིག་བྱུང་དེས་རང་གི་བུ་མོ་ལ་འདོད་པ་སྤྱོད་པའི་ཕྱིར་སྐྱེ་བ་སྔ་ཕྱི་མེད་པར་སྨྲས་ཏེ་དགེ་བ་ལ་ཕན་ཡོན་དང༌། སྡིག་པ་ལ་ཉེས་དམིགས་མེད་པར་སྟོན་པའི་གཞུང་འབུམ་ཕྲག་གཅིག་བརྩམས། དེའི་རྗེས་འབྲང་རྣམས་ལ་མུ་སྟེགས་རྒྱང་འཕེན་པ་བྱ་བའི་ཐ་ཆད་དེ་བྱུང་ངོ་། ། |
| དྲང་སྲོང་འུག་པ |
སྔར་རྒྱ་གར་གྱི་དྲང་སྲོང་ཞིག་གིས་འུག་པ་ལྷར་འཁྲུལ་ནས་ཚིག་དོན་དྲུག་རྙེད་པར་འདོད་མཁན་ཞིག |
| དྲང་སྲོང་རྒྱས་པ |
སྔར་རྒྱ་གར་གྱི་གྲུབ་མཐའ་སྨར་བ་ཞིག་གི་སྟོན་པ། རྒྱལ་བ་དམ་པའི་རྗེས་སུ་འབྲང་མཁན་རྒྱལ་བ་པར་ཡང་གྲགས། |
| དྲང་སྲོང་རྒྱས་པས་ཞུས་པ |
རྒྱ་གར་གྱི་མཁན་པོ་ཛི་ན་མི་ཏྲ་དང༌། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཞུས་བྱས་པ། |
| དྲང་སྲོང་སེར་སྐྱ |
སྔར་རྒྱ་གར་གྱི་དྲང་སྲོང་སེར་སྐྱ་ཞེས་བྱ་བ་རལ་པ་སེར་སྐྱ་ཡོད་པ་མངོན་ཤེས་ལྔ་དང་ལྡན་པ་ཞིག་བྱུང༌། |
| དྲང་སྲོང་སྣོད |
(མངོན་བརྗོད།) ལྷུང་བཟེད། |
| དྲང་སྲོང་སྨྲ་བ |
1.དྲང་པོ་བཤད་མཁན། 2.དྲང་པོ་བཤད་པ། |
| དྲངས |
འདྲེན་པའི་འདས་པ་། (དཔེར་ན།) དམག་དྲངས། ལམ་སྣ་དྲངས་ཞེས་པ་ལྟ་བུ། |
| དྲངས་ཁྲི |
ཕེབས་བྱམས་སམ། འདོ་ལེ། |
| དྲངས་ཆུ |
ཡུར་བའི་ཆུ། |
| དྲངས་པ |
འདྲེན་པའི་འདས་པའི་བྱ་མིང་། |
| དྲད་ཆག |
(ཡུལ་སྐད།) སྲན་མ་ཞིབ་མོ་བཏགས་པའི་རྟ་དྲེལ་གྱི་ཆག |
| དྲད་དྲད |
(ཡུལ་སྐད།) ཕར་ཚུར་ཡང་ཡང་དྲད་པ་སྟེ། (དཔེར་ན།) ས་ལ་ཡང་ཡང་དྲད་དྲད་ཀྱིས་རྐང་ལག་རྨས་པ། རྟ་དྲེལ་གྱིས་རྐང་ལག་དྲད་དྲད་བྱས་ནས་ས་ལ་ཤུར་ཐོན་འདུག་ཅེས་པ་ལྟ་བུ། |
| དྲན |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་འདས་པ། སྔོན་གྱི་ལས་དོན་སླར་སེམས་ལ་ཤར་བ་སྟེ། (དཔེར་ན།) སྔོན་གྱི་སྡུག་དྲན་ན་ད་ལྟའི་བདེ་སྐྱིད་ཤེས་ལྟ་བུ། |
| དྲན་གཏམ་གསར་བསྐྱེད |
སྔ་མའི་ཁ་དན་ལ་མ་གནས་པར་བསྐྱར་ནས་དྲན་པའི་གཏམ་གསར་དུ་སྤེལ་བ། |
| དྲན་གསོ |
སྔར་བྱུང་གནས་ལུགས་ཡིད་ལ་བསྐྱར་དུ་ཤར་བའི་མིང༌། (དཔེར་ན།) དྲན་གསོ་ཁང༌། དྲན་གསོ་བསྐུལ་བ་ཞེས་པ་ལྟ་བུ། |
| དྲན་ཐོ |
མི་བརྗེད་པའི་ཆེད་དུ་བཀོད་པའི་ཡི་གེ། |
| དྲན་དབང |
དྲན་པའི་དབང་པོའི་བསྡུས་ཚིག |
| དྲན་པ |
1. (བྱེད་འབྲེལ་ལས་ཚིག) སེམས་ལ་ཡང་ཡང་འཁོར་ནས་མི་བརྗེད་པ། (དཔེར་ན།) དྲན་པས་མ་ཟིན། སྔོན་མའི་གནས་ཚུལ་དྲན་དུ་འཇུག་པ། སྔར་བྱུང་སྡུག་བསྔལ་རྣམས་ཡིད་ལ་དྲན་པ། ད་ལྟའི་བཀའ་དྲིན་དྲན་པ། འགྲུལ་པས་རང་གི་ཕ་ཡུལ་དྲན་པ། ཕ་མས་རང་གི་བུ་ཕྲུག་རྣམས་དྲན་པ་ཞེས་པ་ལྟ་བུ། 2.ཡུལ་ངེས་ལྔའི་ནང་གསེས། སྔར་འདྲིས་པའི་དངོས་པོ་ལ་དམིགས་ནས་མི་བརྗེད་པའི་ཤེས་པ་བརྗེད་ངེས་ཀྱི་གཉེན་པོ་མི་གཡེང་བའི་བྱེད་ལས་ཅན་ནོ། ། |
| དྲན་པ་གསོ་བ |
དྲན་པ་གསལ་དུ་གཏོང་བ། (དཔེར་ན།) ཕྲུ་གུར་བསླབ་བྱ་བརྒྱབ་ནས་སྔར་བྱུང་དབུལ་ཕོངས་སྡུག་བསྔལ་གྱི་དྲན་པ་གསོ་བ་ཞེས་པ་ལྟ་བུ། |
| དྲན་པ་ཉམས་པ |
སེམས་ལ་དྲན་རྒྱུ་མེད་པར་གྱུར་པ། (དཔེར་ན།) དྲན་པ་ཉམས་པས་གང་བྱས་བཤད་རྒྱུ་མེད་ཅེས་པ་ལྟ་བུ། |
| དྲན་པ་ཉམས་པ་མི་མངའ་བ |
སེམས་ཅན་ཐམས་ཅད་ཀྱི་སྤྱོད་པ་དང༌། བསམ་པ་དང་བག་ལ་ཉལ་བ་དང༌། དབང་པོ་ལ་སོགས་པ་དང༌། གཉེན་པོ་དང༌། མི་མཐུན་པའི་བྱེ་བྲག་གང་ལ་གང་གིས་འདུལ་བ་ལ་སོགས་པ་སྔ་ནས་མཁྱེན་ཅིང་དྲན་པ་ཡེ་ཤེས་ཀྱིས་ཟིན་པས་ཉན་ཐོས་དག་ད་ལྟར་འཕྲལ་ལ་དགོངས་པ་མི་འཚལ་བ། སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| དྲན་པ་ཉེ་བར་བཞག་པ་གསུམ |
དེ་བཞིན་གཤེགས་པའི་དྲན་པ་ཉེ་བར་བཞག་པ་གསུམ་གུས་པས་ཆོས་ཉན་པ་ལའང་ཆགས་པ་མེད་པར་ཐུགས་དྲན་པ་ཉེ་བར་བཞག་པ་དང༌། མ་གུས་པས་མི་ཉན་པ་ལའང་སྡང་བ་མེད་པར་ཐུགས་དྲན་པ་ཉེ་བར་བཞག་པ་དང༌། ཉན་པ་དང༌། མི་ཉན་པ་གཉིས་ཀ་མེད་པར་ཐུགས་དྲན་པ་ཉེ་བར་བཞག་པའོ། ། |
| དྲན་པ་ཉེ་བར་བཞག་པའི་མདོ |
འཕགས་པ་དམ་པའི་ཆོས་དྲན་པ་ཉེ་བར་བཞག་པའི་མདོ་ཤླཽ་ཀ་སྟོང་ཕྲག་སུམ་ཅུ་རྩ་དྲུག་པ། རྒྱ་གར་གྱི་པཎྜི་ཏ་ཨཱ་བྷ་ཡཱ་ཀ་ར་གུབྷ་དང༌། ཤཱཀྱ་རཀྵི་ཏ་དང༌། སུ་བྷཱུ་ཏི་ཙནྟྲ་སོགས་དང༌། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་པའོ། ། |
| དྲན་པ་ཉེར་བཞག |
དྲན་ནི་ཤེས་རབ་ཆོས་ཀྱི་མཚན་ཉིད་ཇི་ལྟ་བ་བཞིན་མ་ནོར་བར་ཤེས་པས་ལྷག་མཐོང་དང་སྦྱར་ཞིང༌། ཉེ་བར་བཞག་པ་ནི་ཇི་ལྟར་ཤེས་རབ་ཀྱིས་དཔྱད་པ་དེ་ཉིད་རྩེ་གཅིག་ཏུ་འཇོག་པས་ཞི་གནས་དང་སྦྱར། |
| དྲན་པ་ཉེར་བཞག་བཞི |
ལྷག་མཐོང་སྒོམ་སྐབས་ཀྱི་དམིགས་རྣམ་བཞི་ལུས་དྲན་པ་ཉེར་བཞག་དང༌། ཚོར་བ་དྲན་པ་ཉེར་བཞག་སེམས་དྲན་པ་ཉེར་བཞག་ཆོས་དྲན་པ་ཉེར་བཞག་བཅས་བྱང་ཕྱོགས་སོ་བདུན་གྱི་ནང་ཚན་ཞིག |
| དྲན་པ་དང་ཤེས་བཞིན |
མི་བརྗེད་པ་དང་བླང་དོར་གྱི་གནས་ངེས་པ། |
| དྲན་པ་དྲུག |
རྗེས་སུ་དྲན་པའི་མཐར་གྱིས་སྦྱོར་བ་དྲུག་ལ་ལྟོས། |
| དྲན་པ་བཅུ |
དྲན་པ་དྲུག་པོའི་ཐོག་ཏུ་རྣལ་འབྱོར་རྗེས་སུ་དྲན་པ་དང༌། སྔོན་གྱི་གནས་རྗེས་སུ་དྲན་པ་དང༌། སྐྱེ་བ་རྗེས་སུ་དྲན་པ་དང༌། འཆི་བ་རྗེས་སུ་དྲན་པ་བཞི་བསྣན་པས་བཅུ། |
| དྲན་པ་བཞི |
ལུས་དང༌། ཚོར་བ། སེམས། ཆོས་ཏེ་བཞི། |
| དྲན་པ་བརྒྱལ |
དྲན་མེད་དུ་བརྒྱལ་བ། |
| དྲན་པ་བརྗེད་པ |
མི་དྲན་པར་གྱུར་པ་སྟེ། (དཔེར་ན།) དངོས་པོ་ཉོ་རྒྱུའི་དྲན་པ་བརྗེད་པ་ཞེས་པ་ལྟ་བུ། |
| དྲན་པ་བརླག་པ |
སེམས་སྟོར་བ་སྟེ། (དཔེར་ན།) གློ་བུར་འཇིགས་སྐྲག་གིས་དྲན་པ་བརླག་པ་ཞེས་པ་ལྟ་བུ། |
| དྲན་པ་བསྒོམ་པ |
སེམས་མི་གཡེང་བར་བྱེད་པ། |
| དྲན་པ་མཐུ་ཆུང་བ |
བརྗེད་ངས་ཆེ་བ། |
| དྲན་པ་མི་གནས་པ |
སེམས་ནང་དུ་མི་གནས་པ་སྟེ། (དཔེར་ན།) སེམས་གཞན་དུ་འཕྲོས་ནས་དྲན་པ་མི་གནས་པ་ཞེས་པ་ལྟ་བུ། |
| དྲན་པ་འཁྲུལ་བ |
སེམས་འཁྲུལ་བ། |
| དྲན་པ་འཇོག་པ |
སེམས་རྩེ་གཅིག་ཏུ་གནས་པ། (དཔེར་ན།) དོན་གནད་གལ་ཆེན་ལ་མནོ་བསམ་གཏོང་དུས་སེམས་གཞན་མ་གཡེངས་པར་དྲན་པ་འཇོག་པ་ཞེས་པ་ལྟ་བུ། |
| དྲན་པ་འཐོར་བ |
དྲན་མེད་དུ་བརྒྱལ་བ། (དཔེར་ན།) ཚ་བའི་ནད་ཀྱིས་ན་སྟེ་དྲན་པ་འཐོར་བ་ཞེས་པ་ལྟ་བུ། |
| དྲན་པ་ཡང་དག་བྱང་ཆུབ་ཀྱི་ཡན་ལག |
བྱང་ཆུབ་ཡན་ལག་བདུན་གྱི་ཡ་གྱལ་ཞིག་དྲན་པའི་སྟོབས་ཀྱིས་ཡན་ལག་གཞན་རྣམས་དམིགས་རྣམ་ལས་མི་གཡེང་བར་བྱེད་པ་གནས་ཀྱི་ཡན་ལག |
| དྲན་པ་རྙེད་པ |
1.དྲན་པ་བསྐྱར་དུ་སོས་པ། (དཔེར་ན།) མགོ་ཡུ་འཁོར་ཏེ་བརྒྱལ་བ་ལས་སླར་ཡང་དྲན་པ་རྙེད་པ་ཞེས་པ་ལྟ་བུ། 2.ཕྲུ་གུ་དྲན་པ་གསར་དུ་ཐོབ་པ། |
| དྲན་པ་རྩེ་གཅིག་པ |
སེམས་རྩེ་གཅིག་པ། |
| དྲན་པ་སོས་པ |
དྲན་སོས་དང་དོན་གཅིག་ |
| དྲན་པའི་ཀ་བ |
(མངོན་བརྗོད།) ཕོ་མཚན། |
| དྲན་པའི་ཁྲོན་པ |
(མངོན་བརྗོད།) མོ་མཚན། |
| དྲན་པའི་དགྲ |
(མངོན་བརྗོད།) 1>སངས་རྒྱས། 2>ལྷ་དབང་ཕྱུག་ཆེན་པོ། |
| དྲན་པའི་དབང་པོ |
1.(མངོན་བརྗོད།) མཁས་པ། 2.བྱང་ཕྱོགས་སོ་བདུན་གྱི་དབང་པོ་ལྔའི་ནང་གསེས་ཤིག་བདེན་བཞིའི་དམིགས་རྣམ་མི་བརྗེད་པའི་དྲན་པ། |
| དྲན་པའི་ཤིང་རྟ |
1.(མངོན་བརྗོད།) འདོད་ཆགས། 2.འདོད་ལྷ། |
| དྲན་པའི་སྙེ་མ |
(མངོན་བརྗོད།) ལྷའི་གླུ་མཁན། |
| དྲན་པའི་སྟོབས |
བྱང་ཕྱོགས་སོ་བདུན་གྱི་སྟོབས་ལྔའི་ནང་གསེས་ཤིག་སྟེ་བརྗེད་ངེས་སོགས་ཀྱིས་མི་རྫི་བའི་དྲན་པ། |
| དྲན་པས་འདུལ་བ་སྦྱིན་པ |
འདུལ་བ་ལས་བཤད་པའི་རྩོད་པ་ཞི་བྱེད་ཀྱི་ཆོས་བདུན་གྱི་ཡ་གྱལ་ཞིག་ལྷུང་བ་གླེངས་ནས་གསལ་པོར་མི་དྲན་པ་ལ་ལྷུང་བ་བྱུང་མ་བྱུང་དྲན་དུ་བཅུག་ནས་མ་བྱུང་བར་ངེས་ན་དག་པ་སྦྱིན། བྱུང་བར་ངེས་ན་ཕྱིར་བཅོས་ཏེ་གདམས་ངག་སྦྱིན་པར་བྱེད་པ། |
| དྲན་པོ |
མི་བརྗེད་པའི་སེམས་ཀྱི་དོན་དུ་གོ་བའི་དྲན་པ་དང་འདྲ། |
| དྲན་བཞིན |
1.སེམས་ལ་ངེས་བཞིན་ནམ། འཇགས་བཞིན། 2.མི་བརྗེད་པའི་སེམས། |
| དྲན་མེད |
སེམས་ཀྱིས་ཚོར་རྒྱུ་མེད་པར་བརྒྱལ་བ་སྟེ། (དཔེར་ན།) ནད་ཚབས་ཆེ་བས་དྲན་མེད་དུ་བོག་པ་ཞེས་པ་ལྟ་བུ། |
| དྲན་ཙ་ན |
སྔོན་གྱི་ལས་དོན་སླར་སེམས་ལ་ཤར་བའི་དུས་ན་ཞེས་པའི་དོན་ཏེ། (དཔེར་ན།) བུ་ཆུང་ཞལ་རས་ཡིད་ལ་དྲན་ཙ་ན་ཞེས་པ་ལྟ་བུ། |
| དྲན་ཚད་ཤོད་པ |
གང་དྲན་བཅོས་མེད་དུ་སྨྲ་བ། |
| དྲན་ཚོར |
ཧ་གོ་བ། |
| དྲན་འཐོར་བསྐྱར་སོས |
བརྒྱལ་ནས་དྲན་པ་ཉམས་པ་སླར་སོས་པ། |
| དྲན་འཕྲུལ |
དྲན་རྒྱུ་རྒོད་པའི་ཐབས་འཕྲུལ། |
| དྲན་འཛིན |
1.ངེས་ཤེས་བརྟན་པའི་ཕྱིར་དུ་བརྡ་སྐུལ་གཏོང་ཐབས་ཤིག 2.དྲན་པའམ་མི་བརྗེད་པར་བྱེད་པ་སྟེ། (དཔེར་ན།) དྲན་འཛིན་དམ་པོ་ཞེས་པ་ལྟ་བུ། |
| དྲན་འཛིན་ཆད་ལས་ཀྱི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་ཤིག་ལུས་ཆད་མི་ཐོབ་པའི་རིགས་ལ་ཕྱིས་འདོམས་དྲན་འཛིན་གྱི་ཆེད་དུ་རྒྱུ་ནོར་གྱི་ཆད་ལས་འགེལ་ལེན་བྱེད་ལུགས་ཀྱི་ཁྲིམས། |
| དྲན་རྒྱ |
མི་དྲན་དགུ་དྲན་གྱི་དོན་ཏེ། (དཔེར་ན།) དྲན་རྒྱ་མང་ན་དོན་མི་གྲུབ་ཅེས་པ་ལྟ་བུ། |
| དྲན་རྒྱུ་མང་པོ |
སེམས་ལ་འཆར་སྒོ་སྣ་མང་བ། |
| དྲན་རྒྱུ་རྒོད་པོ |
1 མི་དྲན་དགུ་དྲན་ཚ་པོ། 2.བསམ་པ་དྲན་འཕྲུལ་སྐྱེན་པོ། |
| དྲན་རྟེན |
སྔར་བྱུང་རྗེས་དྲན་གྱི་ཆེད་དུ་བཞག་པའི་དངོས་པོ་སྟེ། (དཔེར་ན།) འདྲ་པར་ཞིག་དྲན་རྟེན་དུ་འཇོག་པ་ཞེས་པ་ལྟ་བུ། |
| དྲན་རྟོག |
རྣམ་རྟོག་གི་དོན་ཏེ། (དཔེར་ན།) ཕྱི་རོལ་ཡུལ་མཐོང་ནས་དྲན་རྟོག་འཆར་བ་ཞེས་པ་ལྟ་བུ། |
| དྲན་རྡུགས |
དྲན་མི་ཐུབ་པའམ་བརྗེད་པ། |
| དྲན་ཤེས |
1.སེམས་ཀྱི་ངེས་ཤེས་ཏེ། (དཔེར་ན།) མི་སྨྱོན་པའི་དྲན་ཤེས་རྣལ་དུ་མི་གནས་ཞེས་པ་ལྟ་བུ། 2.བློ་སྦྱོང་སྐབས་ཀྱི་དྲན་པ་དང་ཤེས་བཞིན་གྱི་བསྡུས་ཚིག |
| དྲན་ཤེས་ཉམས་པ |
སེམས་ཚོར་ཞན་དུ་སོང་བ། |
| དྲན་ཤེས་བག་ཡོད |
བསམ་མནོ་གཏོང་ཤེས་ཤིང་བག་ཕེབས་པོ་ཡོད་པ། |
| དྲན་སེམས |
དྲན་པ། |
| དྲན་སོས |
1.དྲན་པ་འཐོར་བ་རྣམས་བསྐྱར་དུ་རྙེད་པ། 2.བརྗེད་པའི་དོན་རྗེས་སུ་དྲན་པ། (དཔེར་ན།) བརྗེད་པ་རྣམས་དྲན་སོས་བྱུང་སྟེ་འཕྲལ་དུ་ཐོ་ལ་བཀོད་ཡོད་ཅེས་པ་ལྟ་བུ། |
| དྲན་སྐུལ |
དུས་སུ་དྲན་དུ་འཇུག་པའི་སྐུལ་ལྕག་སྟེ། (དཔེར་ན།) སྲིད་དོན་སློབ་སྦྱོང་གི་དྲན་སྐུལ་འདེབས་པ། འཁར་རྔ་བརྡུངས་ནས་མི་རྣམས་ལ་དྲན་སྐུལ་གཏོང་བ་ཞེས་པ་ལྟ་བུ། |
| དྲན་སྐུལ |
བརྗེད་པའི་དོན་སླར་དྲན་པར་བསྐུལ་བའི་དོན་ཏེ། (དཔེར་ན།) སྔར་གྱི་སྡུག་བསྔལ་དྲན་སྐུལ་བཏང་། ད་ལྟའི་བདེ་སྐྱིད་དངོས་སུ་ཤེས་ལྟ་བུ། |
| དྲན་སྐུལ་ཐ་ཚིག |
སྐུལ་ལྕག་གི་ནན་ཚིག |
| དྲན་སྐྱེན་པ |
དྲན་སྐྱེན་པོ་དང་འདྲ། |
| དྲན་སྐྱེན་པོ |
སེམས་ལ་འཆར་སྟངས་མྱུར་བ། |
| དྲབ |
ཁང་པའི་ལྕམ་ཤིང་ཐོག་འགྲེམས་པའི་དྲབ་ཤིང་དང༌། ཀོ་གྲུའི་མཐིལ་དུ་འགྲེམས་པའི་ཤིང༌། |
| དྲལ |
(བྱེད་མེད་ལས་ཚིག) འདྲལ་བའི་མ་འོངས་པ་དང་འདས་པ། ཕྱི་ཤུན་ལ་བུ་ག་བརྡོལ་བ་སྟེ། (དཔེར་ན།) སྐྲངས་པ་དྲལ་རྒྱུ་རེད། པགས་པ་དྲལ་སོང་ཞེས་པ་ལྟ་བུ། |
| དྲལ་པོ |
མིང་པོའམ་གཅེན་པོ། |
| དྲལ་ཕྱམ |
དྲལ་ལྕམ་དང་འདྲ། |
| དྲལ་བ |
འདྲལ་བའི་འདས་པ་དང་མ་འོངས་པ། |
| དྲལ་བཤགས |
ཤིང་བཤགས་གཏུབས་བྱས་པའི་དྲལ་མ། |
| དྲལ་བོ |
1.(རྒྱན་ཚིག) ཞིག་རལ་དུ་སོང་བའམ་ཧྲུལ་བོར་གྱུར་པ་སྟེ། (དཔེར་ན།) ལྭ་བ་དྲལ་བོ། གྱང་ར་དྲལ་བོ་ཞེས་པ་ལྟ་བུ། 2.མིང་བོའི་མིང་གཞན། |
| དྲལ་མ |
གྲལ་མ། ཁང་པའི་ལྕམ་གྱི་སྟེང་དུ་གྲལ་གཤིབས་འཇོག་པའི་ཤིང༌། |
| དྲལ་ཙེ |
(རྒྱ་སྐད།) རྒྱ་ནག་གོང་མར་ཡར་སྙན་གསན་ཕུལ་བའི་ཞུ་ཤོག |
| དྲལ་ལྕམ |
ཁང་པའི་དྲལ་མ་དང༌། ལྕམ་ཤིང༌། |
| དྲལ་ཧྲིལ |
ཤིང་ཧྲིལ་མོས་བཟོས་པའི་དྲལ་མ། |
| དྲས |
(བྱེད་འབྲེལ་ལས་ཚིག) འདྲ་བའི་འདས་པ་། (དཔེར་ན།) ཤིང་དྲས་ནས་སྒམ་བཟོས། རས་དྲས་ནས་ལྭ་བ་བཟོས་ལྟ་བུ། |
| དྲས་གདན |
ཀོ་བ་སོགས་འབྲེག་གཅོད་བྱེད་སའི་འོག་གདན། |
| དྲས་གཟོང |
གསེར་བཟོ་བས་གསེར་དངུལ་སོགས་ཀྱི་སྐུད་པ་ལ་འབུར་ཧྲིལ་ཆེ་ཆུང་བཟོ་བྱེད་ཡོ་བྱད་ཅིག |
| དྲས་ཐག |
ཐེ་ཚོམ་གྱི་དོན་ཏེ། (དཔེར་ན།) སློབ་གཉེར་བྱེད་སྐབས་དྲས་ཐག་མ་ཆོད་པ་ཡོད་ན་གྲོས་བསྡུར་གྱིས་དྲས་ཐག་གཅོད་དགོས་ཞེས་པ་ལྟ་བུ། |
| དྲས་དྲུབ་པ |
ཚེམ་བུ་བ། |
| དྲས་པ |
འདྲ་བའི་འདས་པ། |
| དྲས་མཐུད |
འདྲ་བ་དང་མཐུད་པའི་བསྡུས་ཚིག |
| དྲས་ཟུས |
སྨན་བཅོས་ཀྱི་ཡོ་བྱད་ཅིག |
| དྲས་རྒྱག་པ |
(ཡུལ་སྐད།) 1.སློབ་ཕྲུག་གི་ཡིག་གཟུགས་ལ་དགེ་རྒན་གྱིས་སྐྱོན་འདོན་པ། 2.གོས་རྒྱུ་སོགས་འདྲ་གཅོད་བྱེད་པ། |
| དྲས་སྤྱད |
གོས་དང་ཤོག་བུ་སོགས་འདྲ་བྱེད་སྤྱིའི་མིང༌། |
| དྲས་སྦྱར་རྒྱག་པ |
གོས་ཆེན་ལྷུ་བསྒྲིགས་ཏེ་ཐང་སྐུ་བཟོ་བ་ལྟ་བུ། |
| དྲི |
1.(བྱེད་འབྲེལ་ལས་ཚིག) དྲིས་པའི་མ་འོངས་པ། རང་གིས་མི་ཤེས་པའམ་གསལ་ཁ་མི་ཤེས་པའི་དོན་རྣམས་གསལ་བཤད་བྱེད་པར་མི་གཞན་ལ་ཞུ་བ་སྟེ། (དཔེར་ན།) སློབ་མས་མི་ཤེས་པའི་དོན་རྣམས་དགེ་རྒན་ལ་དྲི་བར་བྱ། དྲི་དགོས་ལྟ་བུ། 2.སྣ་ཤེས་ཀྱིས་གཟུང་བྱ་སྟེ། (དཔེར་ན།) རྩམ་དྲི། མར་དྲི། སྤོས་དྲི་ཞེས་པ་ལྟ་བུ། |
| དྲི་ཁ་བ |
དྲི་བྲོ་བ། |
| དྲི་གཏུགས |
དྲི་བའི་སྒོ་ནས་ཕུགས་གཏུགས་པ། |
| དྲི་གཙང་ཁང |
གཙུག་ལག་ཁང་གི་ལྷ་ཁང་སྦུག་མ། |
| དྲི་གླུད |
རྗེན་བརྔོས་གང་རུང་གི་ཕྱེ་ཟན་ལ་བཟོས་པའི་གླུད་དམིགས་ཡུལ་སུ་ཡིན་གྱི་ཁ་དྲིས་བསྒོས་པ། |
| དྲི་ང་བ |
དྲི་མི་ཞིམ་པས་སྣ་ལ་གདུང་བ་སྐྱེད་པ་སྟེ། (དཔེར་ན།) དྲི་ང་བ་མེད་པ། མི་གཙང་བའི་དྲི་ང་བ། གཅིན་དྲི་ང་བ་ཞེས་པ་ལྟ་བུ། |
| དྲི་ངད |
དྲི་བསུང་གི་ནུས་པ། (དཔེར་ན།) དྲི་ངད་ངན་པ། དྲི་ངད་ཞིམ་པོ་ཞེས་པ་ལྟ་བུ། |
| དྲི་ངན |
དྲི་མ་ངན་པ་སྟེ། (དཔེར་ན།) དྲི་ངན་ཕྱིར་བཅིལ་ཞེས་པ་ལྟ་བུ། མིང་གི་རྣམ་གྲངས་ལ་དྲི་མ་ཅན་དང༌། དྲི་མས་གོས་པ། དྲི་མས་བསླད་པ། ནོགས་པ་བཅས་སོ། ། |
| དྲི་ངན་ས་འགེབས |
བྱ་བ་ངན་པ་ཐབས་ཀྱིས་འགེབས་པའི་དཔེ། |
| དྲི་ཆབ |
དྲི་བཟང་བཏབ་པའི་ཆུ། |
| དྲི་ཆབ་མ |
མཆོད་པའི་ལྷ་མོ་ཞིག |
| དྲི་ཆུ |
གཅིན་གྱི་མིང། (དཔེར་ན།) དྲི་ཆུ་འགགས་པ། དྲི་ཆུ་འདོར་བ། དྲི་ཆུ་བསྡམས་པ་ཞེས་པ་ལྟ་བུ། |
| དྲི་ཆེན |
སྐྱག་པ། |
| དྲི་ཆེན་རྙང་མ |
སྐྱག་པ་སླ་པོ། |
| དྲི་དཀུ |
དྲི་མ་དཀུ་བའི་བསྡུས་ཚིག |
| དྲི་དྲུག |
ཞིམ་པའི་དྲི་དང༌། དྲི་ང་བ། མཉམ་པའི་དྲི། ལྷན་ཅིག་སྐྱེས་པའི་དྲི། སྦྱར་བྱུང་གི་དྲི། གྱུར་པ་ལས་འབྱུང་བའི་དྲི་སྟེ་དྲུག |
| དྲི་ནོག |
ལུས་དང་གོས་སོགས་ལ་ཆགས་པའི་དྲི་མ་ནག་ནོག (དཔེར་ན།) རྣམ་པར་དག་པའི་སྤྱོད་ལམ་ལ་དྲི་ནོག་ཕོག་པ། མཇལ་དར་དཀར་གཙང་དྲི་ནོག་མེད་པ་ཞེས་པ་ལྟ་བུ། |
| དྲི་བ |
1.འདྲི་བའི་མ་འོངས་པ། 2.དྲི་བྱའི་དོན་སྙིང༌། (དཔེར་ན།) གསར་འགྱུར་འགོད་མཁན་གྱིས་དྲི་བ་བཏོན་པ་ལ་དྲིས་ལན་བཏབ་པ། གྱོད་ཡ་ཕན་ཚུན་ལ་ཁྲིམས་ཁང་ནས་དྲི་བ་འདྲི་བ་ཞེས་པ་ལྟ་བུ། |
| དྲི་བ་དྲིས་ལན |
ཕར་བཏོན་པའི་དྲི་བ་དང་ཚུར་ལན་བཏབ་པའི་དྲིས་ལན། |
| དྲི་བ་རྣ་བ་ལ་གཟོན་པ |
དྲི་བའི་ལན་དངོས་སུ་དྲང་པོར་མི་བཤད་པ། |
| དྲི་བ་ལུང་བསྟན་པ |
དྲི་བ་ལ་ལན་རྒྱག་པ། (དཔེར་ན།) དོན་དང་ལྡན་པའི་དྲི་བ་ལ་ཡང་དག་པར་ལུང་བསྟན་པ་ཞེས་པ་ལྟ་བུ། |
| དྲི་བ་ལོག་པ |
ཡང་དག་པ་མིན་པའི་དྲི་བ། |
| དྲི་བཅས་རྣམ་རྫུན་པ |
སེམས་ཙམ་རྣམ་རྫུན་པའི་ནང་གསེས་ཤིག་སངས་རྒྱས་ཀྱི་ས་ན་གཉིས་སྣང་ཡོད་པར་འདོད་པ་དང༌། རྣམ་ཤེས་རྣམས་མ་རིག་པའི་མཐུས་ཕྱི་རོལ་གྱི་གཟུང་བའི་རྣམ་པར་སྣང་བས། རྣམ་ཤེས་རང་གི་ངོ་བོ་རྣམ་པ་རྫུན་པ་དེས་གོས་པར་སྨྲ་བའོ། ། |
| དྲི་བཞོན |
(མངོན་བརྗོད།) རླུང༌། |
| དྲི་བཟང |
1.དྲི་མ་ཞིམ་པོ། 2.(མངོན་བརྗོད།) གུར་གུམ། |
| དྲི་བཟང་ཁང་པ |
(མངོན་བརྗོད།) པདྨ། |
| དྲི་བཟང་ན་གི |
ཉ་ཁྲབ་ཅན་གྱི་ཕྱིའི་རུས་པ་སེན་སྐོགས་ལྟ་བུ་དེའོ། ། |
| དྲི་བར་སླར་འདྲི |
ཚུར་དྲི་བ་བྱས་དོན་སླར་ཡང་ཕར་འདྲི་བ། |
| དྲི་བརྩུང |
(བརྡ་རྙིང་།) དྲི་བསུང༌། |
| དྲི་བསུང |
སྣའི་ཡུལ་དུ་བསྣམ་བྱའི་དྲི་མ། (དཔེར་ན།) དྲི་བསུང་འཐུལ་བ། མཆོག་རྣམས་གྲགས་པའི་དྲི་བསུང་ཕྱོགས་ཀུན་ཁྱབ་ཅེས་པ་ལྟ་བུ། |
| དྲི་བྲལ |
1.སྐྱོན་དང་ཉེས་པའི་དྲི་མ་བྲལ་བ། 2.(མངོན་བརྗོད།) སངས་རྒྱས། |
| དྲི་མ |
1.དངོས་རྫས་སྦགས་པའི་མི་གཙང་བའི་མིང་། (དཔེར་ན།) དར་དཀར་དྲི་མས་མ་གོས་པ། ཁྲུས་བྱས་ནས་དྲི་མ་དག་ལྟ་བུ། 2.སྐྱོན་གྱི་དོན་ཏེ། (དཔེར་ན།) སེམས་དྲི་མས་མ་གོས། དྲི་མ་མེད་པའི་སེམས་ཞེས་པ་ལྟ་བུ། སྣས་སྤྱོད་ཡུལ་དུ་གྱུར་པའི་དྲི་མའི་མིང་། (དཔེར་ན།) སྤོས་ཀྱི་དྲི་མ་ཞེས་པ་ལྟ་བུ། ཚིག་བསྡུས་ན་དྲི་ཞེས་འབྲི་ཆོག་སྟེ། (དཔེར་ན།) སྤོས་དྲི། དྲི་བཟང་ཞེས་པ་ལྟ་བུ། |
| དྲི་མ་གསུམ |
1.འབྱུང་ལྔའི་ཟས་སྐོམ་ལས་བྱུང་བའི་སྙིགས་མ་ལུས་ལས་ཕྱིར་ཟགས་པའི་དྲི་མ་གསུམ་ཁ་ཟས་སྐ་བའི་སྙིགས་མ་བཤང་བ་དང༌། སླ་བའི་སྙིགས་མ་གཅིན། དྲོད་ཀྱི་སྙིགས་མ་རྔུལ་ནག་བཅས་སོ། །2.འདོད་ཆགས་ཞེ་སྡང་གཏི་མུག་གསུམ། |
| དྲི་མ་ཆགས་པ |
1.དྲེག་པས་གོས་པ། 2.ཉེས་སྐྱོན་གྱིས་སྦགས་པ། |
| དྲི་མ་དཀུ་བ |
དྲི་མི་ཞིམ་པའམ་དྲི་ངན་པ། |
| དྲི་མ་དྲུག |
1.དྲི་ཆེན། དྲི་ཆུ། མིག་སྐྱག རྣ་སྤབས། མཆིལ་མ། སྣབས་བཅས་དྲུག 2.ཆོས་ཉན་སྐབས་སྤང་བར་བྱ་བའི་སྐྱོན་དྲུག་ང་རྒྱལ་དང༌། མ་དད་པ། དོན་གཉེར་མེད་པ། རྣམ་པར་གཡེང་བ། རྨུགས་པ། སེམས་སྐྱོ་བ་བཅས་སོ། ། |
| དྲི་མ་བཀྲུས་པ |
ནག་ནོག་དང་དྲེག་པ་སོགས་ཆུས་དག་པར་བྱས་པ། |
| དྲི་མ་བྲོ་བ |
དྲི་མ་ལྡང་བ། (དཔེར་ན།) ཞིམ་ཟས་ལ་སྤོད་སྨན་བཏབ་པའི་དྲི་མ་བྲོ་བ་ཞེས་པ་ལྟ་བུ། |
| དྲི་མ་མི་མངའ་བ |
དྲི་མ་མེད་པ། |
| དྲི་མ་མེད་ཀྱིས་བྱིན་པས་ཞུས་པ |
རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། མདོ་སྡེ་དཀོན་མཆོག་བརྩེགས་གླེགས་བམ་ཅ་པར་བཞུགས་པ། |
| དྲི་མ་མེད་པ |
1.སྐྱོན་མེད་ཡང་དག་པའི་དོན་ཏེ། (དཔེར་ན།) དྲི་མ་མེད་པའི་སྲོལ་བཟང་པོ་ཞེས་པ་ལྟ་བུ། 2.ནག་ནོག་མེད་པ། 3.སངས་རྒྱས་ཤིག་གི་མཚན། |
| དྲི་མ་མེད་པའི་ས |
བྱང་ཆུབ་སེམས་དཔའི་ས་བཅུའི་གཉིས་པ། ས་འདིར་གནས་པའི་བྱང་ཆུབ་སེམས་དཔའ་རྣམས་ནི་ཚུལ་ཁྲིམས་འཆལ་བ་དང་ཐེག་དམན་ཡིད་ལ་བྱེད་པའི་དྲི་མ་དང་བྲལ་བས་ས་གཉིས་པ་དྲི་མ་མེད་པ་ཞེས་བྱའོ། ། |
| དྲི་མ་མེད་པར་གྲགས་པས་བསྟན་པ |
འཕགས་པ་དྲི་མ་མེད་པར་གྲགས་པས་བསྟན་པ་ཞེས་བྱ་བའི་མདོ་བམ་པོ་དྲུག་དང་ལེའུ་བཅུ་གཉིས་པ། ལོ་ཙཱ་བ་བནྡེ་ཆོས་ཉིད་ཚུལ་ཁྲིམས་ཀྱིས་བསྒྱུར་པའོ། ། |
| དྲི་མ་འཁོར་བ |
1.ནག་ནོག་གིས་གོས་པ། 2.དྲི་ངན་གྱིས་གོས་པ། |
| དྲི་མ་འགགས་པའི་ནད |
ཐུར་སེལ་གྱི་རླུང་འཁྲུགས་ནས་བཤང་བ་འགགས་པར་གྱུར་པའི་ནད། |
| དྲི་མ་རྒྱག་པ |
རུལ་སུངས་ཀྱི་གཡའ་སྐྱོན་ངང་གིས་འཁོར་བའི་དོན་ཏེ། (དཔེར་ན།) ཤ་རྙིང་ལ་དྲི་མ་རྒྱག་པ་ཞེས་པ་ལྟ་བུ། |
| དྲི་མ་རྣམ་གསུམ |
དྲི་མ་གསུམ་དང་དོན་གཅིག |
| དྲི་མ་རྣམ་པར་དག་པ |
དྲི་མེད་གཙང་མར་གྱུར་པ། |
| དྲི་མ་ལྡན |
(མངོན་བརྗོད།) བུད་མེད་ཟླ་མཚན་ལྡན་མ། |
| དྲི་མ་ས་གཡོག |
རང་སྐྱོན་སྦས་བསྐུངས་བྱས་པའི་དཔེ། (དཔེར་ན།) རང་སྐྱོན་ཟོལ་འགེབས་དྲི་མ་ས་གཡོག་མ་བྱེད་ཅེས་པ་ལྟ་བུ། |
| དྲི་མ་སྣོམ་པ |
དྲི་བཅུད་སྣར་ལེན་པ། |
| དྲི་མཆོག |
1.དྲི་བཟང་པོ། 2.(མངོན་བརྗོད།) ཆང༌། |
| དྲི་མཆོག་རབ |
(མངོན་བརྗོད།) ཆང༌། |
| དྲི་མནམ་པ |
1.དྲི་མ་བྲོ་བ། 2.དྲི་མ་ངན་པ། |
| དྲི་མས་ནོགས་པ |
བཙོག་པར་བཟོས་པ། མིང་གི་རྣམ་གྲངས་ལ་དྲི་ལྡན་དང༌། དྲི་མ་ཅན། དྲི་མ་གོས། དྲི་མས་སུན་ཕྱུང༌། ནག་ནོག་ཅན་བཅས་སོ། ། |
| དྲི་མེད |
1.དྲི་མ་མེད་པའི་བསྡུས་ཚིག 2.(མངོན་བརྗོད།) 1>ལྷང་ཚེར། 2>ར་གན། |
| དྲི་མེད་ཀུན་ལྡན |
སྔར་རྒྱལ་བུ་དྲི་མེད་ཀུན་ལྡན་ཟེར་བ་རང་བཞིན་གྱིས་གཏོང་ཕོད་ཆེ་བ་ཞིག་ཡོད་པ་དེས་རྒྱལ་ཁབ་ཀྱི་རྩ་ཆེའི་ནོར་བུ་དགྲ་བོར་བྱིན་པས་ཡབ་རྒྱལ་ཁྲོས་ནས་ཁོང་རྒྱང་འབུད་བཏང་བའི་ལམ་བར་དུ་རང་དང་ལྷན་ཅིག་ཏུ་འགྲོགས་མཁན་གཅེས་པའི་བཙུན་མོ་དང་སྲས་གཉིས་བྲམ་ཟེ་ལ་སྦྱིན་པར་བཏང་བར་མ་ཟད། རང་གི་མིག་འབྲས་ཀྱང་སྦྱིན་པར་བཏང་བར་བརྟེན། དཀོན་མཆོག་གི་བྱིན་མཐུས་མིག་གཉིས་བསྐྱར་དུ་རྙེད་ནས་གསལ་པོར་ལྟ་ཐུབ་པ་བྱུང་བ་དང༌། བྲམ་ཟེ་ནས་བཙུན་མོ་དང༌། སྲས་གཉིས། དགྲ་ཕྱོགས་ནས་ནོར་བུ་རིན་པོ་ཆེ་བཅས་རང་འཇགས་སུ་ཚུར་ཐོབ་པའི་མཐར་ཡབ་རྒྱལ་གྱིས་ཁོང་རང་རྒྱལ་སར་བསྐོས་པའི་སྒྲུང་འདི་སངས་རྒྱས་ཀྱི་སྐྱེས་རབས་སུ་འཕགས་པ་རྒྱལ་བུ་དོན་གྲུབ་ཀྱི་མདོ་ལས་བྱུང་བ་རྣམས་དང་མཐུན་པར་བསྒྲིགས་པའི་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག |
| དྲི་མེད་དཀར་གཙང |
ནག་ནོག་མེད་པའི་དཀར་རྐྱང༌། (དཔེར་ན།) རང་སེམས་ལྷད་མེད་དྲི་མེད་དཀར་གཙང་ཡིན། ཁ་བཏགས་གསར་པ་དྲི་མེད་དཀར་གཙང་རེད། |
| དྲི་མེད་བཤེས་གཉེན |
བི་མ་ལ་མི་ཏྲ སྔར་རྒྱ་གར་གྱི་པཎྜི་ཏ་ཞིག་དུས་རབས་བརྒྱད་པའི་མཇུག་ལ་ཁྲི་སྲོང་ལྡེའུ་བཙན་གྱིས་བོད་དུ་སྤྱན་དྲངས། གསང་སྔགས་རྙིང་མའི་རྫོགས་པ་ཆེན་པོའི་སྙིང་ཐིག་ཆོས་སྐོར་འགའ་ཞིག་སྤེལ་བ་སོགས་ཀྱི་ཕྲིན་ལས་མཛད། |
| དྲི་མེད་རིགས་པ |
གཏན་ཚིགས་དང་མཐུན་པའི་ཡང་དག་པའི་རིགས་པ། |
| དྲི་མེད་རྣམ་རྫུན་པ |
སེམས་ཙམ་རྣམ་རྫུན་པའི་ནང་གསེས་ཤིག་སངས་རྒྱས་ཀྱི་ས་ན་གཉིས་སྣང་མེད་པར་འདོད་པ་དང༌། རྣམ་ཤེས་རྣམས་ལ་དོན་དམ་པར་ཕྱིའི་རྣམ་པས་གོས་པ་མེད་པར་རྣམ་ཤེས་རང་གི་ངོ་བོ་ཤེལ་གོང་དག་པ་ལྟ་བུ་སངས་རྒྱས་ཁོ་ནས་མཁྱེན་པར་སྨྲ་བའོ། ། |
| དྲི་མེད་ཤེལ་གྱི་ས |
བོན་པོའི་ས་བཅུ་པའི་མིང༌། |
| དྲི་ཚིག |
སྐད་ཆ་དྲི་བའི་ཚིག |
| དྲི་ཞིམ |
(མངོན་བརྗོད།) གུར་གུམ། |
| དྲི་ཞིམ་དཀར་པོ |
(མངོན་བརྗོད།) ཙན་དན་དཀར་པོ། |
| དྲི་ཞིམ་པ |
སྣ་ལ་སིམ་པ་སྟེར་བ་སྟེ། ཙན་དན་གྱི་དྲི་ལྟ་བུའོ། །མིང་གི་རྣམ་གྲངས་ལ་ཀུན་མོས་དང༌། ངད་བཟང༌། སྙིང་འབབ་དྲི། དྲི་བཟང༌། འདོད་པའི་དྲི། རྣམ་ཉིད་སྦྱར་སྤོས། སྣ་གཉེན། སྣ་ཚིམ། འབོད་བྱེད། བཞོན་པ་ཅན། རིང་དུ་ཁྱབ། རིང་ནས་འགུགས། ལེགས་པར་འཐུལ། ཤིན་ཏུ་ཡིད་འཕྲོད་བཅས་སོ། ། |
| དྲི་ཞིམ་བཏགས |
(མངོན་བརྗོད།) ཙན་དན་དཀར་པོ། |
| དྲི་ཞིམ་ཟླ |
དཔྱིད་དུས། |
| དྲི་ཞིམ་འཐུལ་བ |
དྲི་མ་ཞིམ་པོ་བྲོ་བ་སྟེ། (དཔེར་ན།) མེ་ཏོག་གི་དྲི་ཞིམ་འཐུལ་བ་ཞེས་པ་ལྟ་བུ། |
| དྲི་ཞིམ་ལུས་དམར |
(མངོན་བརྗོད།) གུར་གུམ། |
| དྲི་ཞིམ་ལྗོན་པ |
(མངོན་བརྗོད།) ཨ་ག་རུ། |
| དྲི་ཞིམ་ལྡན |
(མངོན་བརྗོད།) ཧོར་ཟླ་གསུམ་པ། |
| དྲི་ཞིམ་ལྡན་དུས |
(མངོན་བརྗོད།) དཔྱིད་ཀའི་དུས། |
| དྲི་ཟ |
དྲི་ཙམ་ལ་བརྟེན་ནས་འཚོ་བའི་སེམས་ཅན་གྱི་རིགས་ཤིག |
| དྲི་ཟ་ལྗོན་པ་རྟ་མགོ་ཅན |
དྲི་ཟའི་རྒྱལ་པོ་ཞིག་གི་མིང༌། |
| དྲི་ཟ་སྐྱེས |
(མངོན་བརྗོད།) ལྷའི་གླུ་མཁན། |
| དྲི་ཟའི་གྲོང་ཁྱེར |
1.འཁྲུལ་སྣང་ལ་ཤར་བའི་གྲོང་ཁྱེར། 2.(མངོན་བརྗོད།) བར་སྲིད་ཀྱི་སེམས་ཅན་གྱི་གནས། མིང་གི་རྣམ་གྲངས་ལ་བཟང་པོའི་གྲོང་དང་ཟླ་གྲོང་ངོ་། ། |
| དྲི་ཟའི་གླུ་དབྱངས |
སྙན་པའི་གླུ་དབྱངས་ཀྱི་དཔེ། |
| དྲི་ཟའི་དབང་པོ |
དྲི་ཟའི་རྒྱལ་པོ་ཏམྦུ་ར་སོགས། |
| དྲི་ཟའི་རྒྱལ་པོ |
དྲི་ཟའི་མངའ་བདག |
| དྲི་ཟའི་རྒྱལ་པོ་ལྗོན་པ་རྟ་མགོ་ཅན |
དྲི་ཟ་ལྗོན་པ་རྟ་མགོ་ཅན་དང་དོན་གཅིག |
| དྲི་འཁྱེར |
(མངོན་བརྗོད།) རླུང༌། |
| དྲི་འཐུལ་བ |
དྲི་མ་འཚུབ་པ་སྟེ། (དཔེར་ན།) ཆང་དྲི་འཐུལ་བ། སྤོས་དྲི་འཐུལ་བ་ཞེས་པ་ལྟ་བུ། |
| དྲི་འབབ |
(མངོན་བརྗོད།) སྣ། |
| དྲི་འཛིན |
(མངོན་བརྗོད།) 1>སྣ། 2>ར། |
| དྲི་འཛིན་ཁང |
གཙང་ཁང་ངམ་གན་དྷོ་ལ། |
| དྲི་འཛིན་དབང་མངོན |
དྲི་འཛིན་པའི་དབང་པོའི་མངོན་སུམ་ཏེ། རང་གི་བདག་རྐྱེན་སྣའི་དབང་པོ་ལས་དངོས་སུ་སྐྱེས་པའི་གཞན་རིག་ཤེས་པ་རྟོག་བྲལ་མ་འཁྲུལ་བ། |
| དྲི་འཛིན་ཡིད་མངོན |
དྲི་འཛིན་པའི་ཡིད་ཀྱི་དབང་པོའི་མངོན་སུམ་རང་གི་བདག་རྐྱེན་དྲི་འཛིན་ཡིད་ཀྱི་དབང་པོ་ལས་དངོས་སུ་སྐྱེས་པའི་གཞན་རིག་གི་ཤེས་པ་རྟོག་བྲལ་མ་འཁྲུལ་བ། དྲི་འཛིན་དབང་མངོན་སྐད་ཅིག་ཕྱི་མ་ལྟ་བུ། རང་གི་གཟུང་དོན་གྲོགས་སུ་ཡོད་པའི་དབང་མངོན་གཅིག་གིས་དེ་མ་ཐག་རྐྱེན་བྱས་པ་ལས་བྱུང་བའི་གཞན་རིག་གི་ཤེས་པ་རྟོག་བྲལ་མ་འཁྲུལ་བའོ། ། |
| དྲི་འཛིན་སྐྱེས |
(མངོན་བརྗོད།) ལི་ཁྲི། |
| དྲི་ཡི་གོས་ཅན |
(མངོན་བརྗོད།) གླ་རྩི། |
| དྲི་ཡི་ཐོད |
(མངོན་བརྗོད།) གླ་རྩི། |
| དྲི་རབ |
(མངོན་བརྗོད།) ཆང༌། |
| དྲི་རོ |
དྲི་ནི་སྣས་བསྣམ་བྱ། རོ་ནི་ལྕེས་མྱོང་བྱ། |
| དྲི་རྨེད |
1.གཏམ་འདྲི་བ་སྟེ། (དཔེར་ན།) དྲི་རྨེད་གཟབ་གཟབ་བྱས་ནས་ཐེ་ཚོམ་མེད་པ་གྱིས་ཞེས་པ་ལྟ་བུ།2 འཚམས་འདྲི་བྱེད་པ། |
| དྲི་ལན |
གཏམ་དྲི་བ་དང༌། ལན་འདེབས་པ། |
| དྲི་ལེན |
(མངོན་བརྗོད།) 1>སྣ། 2>རླུང༌། |
| དྲི་ལྔ |
1.ཙན་དན་དང༌། གླ་རྩི། ཛཱ་ཏི། གུར་ཀུམ། ག་པུར་ཏེ་ལྔའོ། །2.དུས་འཁོར་ལས་བཤད་པའི་དྲི་ལྔ་སྟེ་གླ་རྩི་དང༌། ཙན་དན། དྲི་ཆུ། དྲི་ཆེན། ཤ་རུས་བཅས་ཀྱི་དྲི་རྣམས་སོ། ། |
| དྲི་ལྡན |
1.དྲི་བཟང་ངན་གང་རུང་དང་ལྡན་པ། 2.དྲེག་པ་ཅན། |
| དྲི་ལྡན་སྐུ་བསངས |
བོད་ལ་ཙན་དན་དཀར་པོ་དང༌། དམར་པོ། ཤུག་པ་སོགས་བསྲེགས་ནས་ལྷ་གསོལ་དང་མགྲོན་པོ་ཕེབས་བསུ་ཞུ་ཆེད་དྲི་ལྡན་སྐུ་བསངས་ཞེས་པ་གཏོང་སྲོལ་ཡོད། |
| དྲི་སྣོམ |
1.དྲི་མ་སྣོམ་པའི་བསྡུས་ཚིག 2.(མངོན་བརྗོད།) སྟག |
| དྲིང |
དྲིང་མི་འཇོག་པ་ནི་རག་ལས་མི་དགོས་པའི་དོན་ཏེ། (དཔེར་ན།) རིགས་པའི་གཞུང་ལུགས་ལ་གཞན་དྲིང་མི་འཇོག་པའི་མཁས་པ། མཚན་ཉིད་རིག་པ་ལ་གཞན་དྲིང་མི་འཇོག་པའི་ཡོན་ཏན་ཅན་ཞེས་པ་ལྟ་བུ། |
| དྲིང་འཇོག་པ |
གཞན་གྱི་སྟོབས་ལ་ལྟ་བའམ་གཞན་ལ་རག་ལས་པ། |
| དྲིན |
ཕན་བདེ་བསྒྲུབས་པའི་འབྲས་བུའི་མིང་སྔོན་བྱོན་མེས་པོའི་བཀའ་དྲིན་བསམ་བརྗོད་ཀྱི་ཡུལ་ལས་འདས། མི་དྲིན་ཅན། དྲིན་ལན་འཇལ། དྲིན་གཟོ་བྱས། བཀའ་དྲིན་ཆེ་ཞུ། ཁོང་གི་དྲིན་ལ་བརྟེན་ཞེས་པ་ལྟ་བུ། ཕན་ནུས་ཀྱི་མིང་ ཐུད་ཞིམ་པོ་བྱུང་བ་མར་གྱི་དྲིན། ངོ་དམར་མདངས་ཆགས་པ་ཟས་ཀྱི་དྲིན་ཞེས་པ་ལྟ་བུ། ཤ་ཚ་བ་དང་སྙིང་ཉེ་བའི་བྱ་སྤྱོད་སོགས་ཀྱི་མིང་ དྲིན་དུ་ཚོར་བ། དྲིན་གྱིས་བསྐྱངས་པ། བཀའ་དྲིན་གྱི་དཔལ་དུ་ཆེ་ལྟ་བུ། |
| དྲིན་གཟོ་བ |
དྲིན་ལན་གསོབ་པ། |
| དྲིན་ཅན |
སྐུ་དྲིན་ཅན་གྱི་མི། དྲིན་ཅན་དྲིན་དུ་གཟོ་བ། |
| དྲིན་ཅན་ལོ་པཎ་གསུམ |
ཁྲི་སྲོང་ལྡེའུ་བཙན་སྐབས་བོད་ལ་ཆོས་སྒྱུར་མཁན་གྱི་ལོ་པཎ་བཀའ་དྲིན་ཅན་གསུམ་ཛི་ན་མི་ཏྲ་དང༌། དའ་ན་ཤཱི་ལ། བོད་པ་ཞང་ཡེ་ཤེས་སྡེ་སྟེ་གསུམ། |
| དྲིན་ཆུང་བཏང་བ |
ཕན་འདོགས་འོས་པ་ལ་ཕན་མི་འདོགས་པར་ལྷོད་བསྐྱུར་བྱས་པ། ཕ་མ་ངན་པས་ཕྲུ་གུ་དྲིན་ཆུང་བཏང་བ། |
| དྲིན་དྲན་པ |
སྔར་གྱི་བཀའ་དྲིན་རྗེས་སུ་དྲན་པ། |
| དྲིན་བསམ་པ |
དྲིན་ཚོར་ཞིང་དྲན་པ། |
| དྲིན་བྱེད་པ |
བཀའ་དྲིན་གྱིས་སྐྱོང་བ། དྲིན་བྱེད་པ་ལ་ཁ་གཏོང་བ། |
| དྲིན་ཡུས་བཤད་པ |
དྲིན་བྱས་རབས་བགྲངས་པའམ། དྲིན་གྱིས་བསྐྱངས་པ་ཡིན་ཞེས་ཡུས་བཤད་པ། |
| དྲིན་ལག་རྡོ་བརྡུང |
དྲིན་ལན་ལོག་འཇལ་གྱི་གཏམ་དཔེ། ཚུར་བླངས་ཕར་སྤྲོད་མེད་པའི་དྲིན་ལག་རྡོ་བརྡུང་བྱེད། དྲིན་ལ་རྡོ་བརྡུང་བྱེད་པ་ནི་བྱ་སྤྱོད་ངན་པ་ཞིག་ཡིན། |
| དྲིན་ལན |
ཕན་བཏགས་པའི་ལན། བཀའ་དྲིན་ཅན་ལ་དྲིན་ལན་གསབ་པ། |
| དྲིན་ལན་འཇལ་བ |
དྲིན་ལན་སློག་པ། བྱས་པ་དྲིན་དུ་བསམས་ནས་ཕར་དྲིན་ལན་འཇལ་བ། |
| དྲིན་ལན་ལོག་འཇལ |
བཟང་བྱས་ལ་ལོག་པའི་ལན་འཇལ་བ། བཀའ་དྲིན་ལ་བསམ་ཤེས་མེད་པར་དྲིན་ལན་ལོག་འཇལ། |
| དྲིན་ལན་སློག་པ |
དྲིན་ལན་འཇལ་བ་དང་དོན་གཅིག་ |
| དྲིན་ཤེས་པ |
དྲིན་གྱིས་བསྐྱངས་པ་ཧ་གོ་བ། |
| དྲིན་སྐྱོང |
བཀའ་དྲིན་གནང་བ། ཆིབས་སྒྱུར་བཀའ་དྲིན་སྐྱོང་བ་ཞུ། ཉམས་གསོ་བཀའ་དྲིན་བསྐྱང་རྒྱུ། |
| དྲིའི་བག |
དྲི་མའི་གཡའ། གོས་ལ་དྲིའི་བག་གོས་འདུག |
| དྲིའི་ཤིང་རྟ |
(མངོན་བརྗོད།) རླུང་སྤྱི། |
| དྲིའི་སྐྱེ་མཆེད |
ཕྱིའི་སྐྱེ་མཆེད་དྲུག་གི་ནང་གསེས། སྣ་ཤེས་ཀྱིས་གཟུང་བྱ་ཙན་དན་གྱི་དྲི་ལྟ་བུའོ། |
| དྲིའི་སྙིང་པོ |
(མངོན་བརྗོད།) ཙན་དན་སྤྱི། |
| དྲིལ |
(བྱེད་འབྲེལ་ལས་ཚིག་མ་འོངས་པ་དང་འདས་པ་སྐུལ་ཚིག) <ཀ>ཕྱོགས་གཅིག་ཏུ་བསྡུས་པ་ ལུག་ཁྱུ་ལྷས་ལ་དྲིལ་དགོས། ཕྱུགས་ཐོར་ཕྱོགས་གཅིག་ཏུ་དྲིལ་ནས་འཚོས། ལུག་ཁྱུ་ལྷས་ལ་དྲིལ་ཅིག་ལྟ་བུ། |
| དྲིལ་ཁང |
ཅོང་བརྡ་གཏོང་སའི་ཁང་བའི་མིང་། |
| དྲིལ་གདན |
དྲིལ་བུ་འཇོག་སའི་འོག་གདན། |
| དྲིལ་གཡེར |
དྲིལ་བུ་དང་གཡེར་ཁ། |
| དྲིལ་གཡེར་གྱི་དྲ་བ |
བྲོ་པ་གཞས་མའི་སྐེད་པར་དཀྲི་བྱ་གཡེར་ཁའི་དོ་ཤལ། |
| དྲིལ་ཅོང |
རྒྱ དྲིལ་བུ་ཆེན་པོ། |
| དྲིལ་ཆུང |
དྲིལ་བུ་ཆུང་ངུ། |
| དྲིལ་ཆེན |
དྲིལ་བུ་ཆེན་པོ་སྟེ་དྲིལ་ཅོང༌། |
| དྲིལ་ཕྱིས |
1 ལུས་ཀྱི་དྲེག་པ་ཕྱིས་པ། 2 སྤགས་ཕྱིས། 3 རྙིང 1) མེ། 2) སྟན། |
| དྲིལ་བ |
1 འདྲིལ་བའི་འདས་པ་དང་མ་འོངས་པ། 2 རང་འཁོར་གྱིས་གནས་གོང་མར་སྒྲིལ་བ། སུམ་ཅུས་ཟླ་བར་དྲིལ་བ། 30 |
| དྲིལ་བསྒྲགས |
1 ཁྲིམས་སྲོལ་སོགས་ཀུན་ལ་དངོས་སུ་བཤད་པའི་དོན་ཏེ། སྔོན་བྱོན་མེས་པོའི་སྲོལ་ལུགས་རྣམས་དྲིལ་བསྒྲགས་ནས་ཀུན་ལ་ཤེས་སུ་འཇུག དྲིལ་བསྒྲག་བྱའི་སྲིད་ཇུས། སྲིད་ཇུས་རྣམས་དྲིལ་སྒྲོག་མཁན། དྲིལ་སྒྲོགས་ཤིག་ལྟ་བུ། 2ཁྲིམས་སྲོལ་སོགས་ཀུན་ལ་དངོས་སུ་བསྒྲགས་པའི་བྱ་བའི་མིང་ དྲིལ་བསྒྲགས་བྱེད། དྲིལ་བསྒྲགས་བྱ། དྲིལ་བསྒྲགས་བྱོས་ལྟ་བུ། |
| དྲིལ་བུ |
ལྕགས་རིགས་ཀྱིས་བཟོས་པའི་ཅོང་རིགས་དྲིལ་ལྕེ་ཅན་དཀྲོལ་ན་སྒྲ་འབྱིན་པའི་རོལ་ཆས་ཀྱི་རིགས་ཤིག་གི་མིང་། ཚིག་བསྡུས་ན་དྲིལ་ཞེས་འབྲི་ཆོག་ ཟངས་ཀྱི་དྲིལ་བུ་ལ། ཟངས་དྲིལ་ཟེར་བ་ལྟ་བུ། |
| དྲིལ་བུ་གསིལ་བ |
དྲིལ་བུ་དཀྲོལ་བ། |
| དྲིལ་བུ་པ |
སྔར་རྒྱ་གར་གྱི་གྲུབ་ཆེན་ཞིག |
| དྲིལ་བུ་བཏགས་ཆོག་པའི་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་ཚོའི་རྟ་དྲེལ་སོགས་ལ་སྐེ་རྒྱན་བཏགས་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| དྲིལ་བུ་མ |
སྒོ་མ་བཞིའི་ཡ་གྱལ་ཞིག |
| དྲིལ་ལྕེ |
དྲིལ་བུའི་ལྕེ། |
| དྲིལ་སྒྲ |
དྲིལ་བུ་དཀྲོལ་བའི་སྒྲ། དྲིལ་སྒྲ་སིལ་སིལ་དུ་འཁྲོལ་བ། |
| དྲིལ་སྒྲུབ |
བསྒྲུབ་བྱ་མང་པོ་གཅིག་ཏུ་བསྒྲིལ་ཏེ་སྒྲུབ་པ། |
| དྲིལ་སྒྲོག་པ |
ཁྱབ་པར་སྒྲོག་པའམ་ཡོངས་ཁྱབ་ཏུ་སྒྲོག་པ། |
| དྲིལ་སྒྲོག་ས |
(མངོན་བརྗོད།) ཁྲིམས་ཁང༌། |
| དྲིལ་སྟེགས |
དྲིལ་བུ་འཇོག་སའི་སྟེགས་བུ། |
| དྲིས |
འདས་པ་དང་སྐུལ་ཚིག་ དྲིས་ན་ལན་འདེབས་དགོས། དགེ་རྒན་ལ་དྲིས་ནས་ལན་བཏབ། མི་ཤེས་ན་རྒན་ལ་དྲིས། མི་རིག་ན་སྒང་ལ་བུད་ཅེས་པ་ལྟ་བུ། དྲི་མ་ལ་ལྟོས། |
| དྲིས་ཐོ |
གཏམ་དྲིས་པའི་ཐོ་ཡིག |
| དྲིས་པ |
འདྲི་བའི་འདས་པ། |
| དྲིས་ལན |
དྲི་བར་བཏབ་པའི་ལན། |
| དྲིས་ལན་ལྡོན་པ |
དྲིས་ལན་སློག་པ་དང་དོན་གཅིག་ |
| དྲིས་ལན་སློག་པ |
དྲི་ལན་འཇལ་བའམ་སྐད་ཆ་དྲིས་དོན་ལ་ལན་བཏབ་པ། |
| དྲུ་གུ |
1 ཕོ་ལོང་སྐུད་པའི་གོང་བུ། 2 གནའ་རབས་མངའ་རིས་ཀྱི་བྱང་དང་ལི་ཡུལ་གྱི་ལྷོ་བར་ཡོད་པའི་རྒྱལ་ཕྲན་ཞིག་གི་མིང༌། |
| དྲུ་བུ |
སྐུད་པ་དཀྲིས་པའི་རྡོག་པོ་ གྲུ་གུ་དང་དོན་འདྲ། |
| དྲུ་མ |
བྱུ་རུ། |
| དྲུག |
གྲངས་ཀ། ལྔ་ལ་གཅིག་བསྣན་པའི་གྲངས་ཀ་དྲུག.མིང་གི་རྣམ་གྲངས་ལ་འགྲོ་བ་དང༌། རྒྱན། དུས། ཕྱོགས་གླང༌། བྲོ་བ། མཚམས། བཟང་པོ། རོ་བཅས་སོ། |
| དྲུག་གཅིག་བྱིས་པའི་དུས་ཆེན |
ལུགས་གསར་ཟླ་དྲུག་པའི་ཚེས་གཅིག་གི་བྱིས་པའི་དུས་ཆེན་གྱི་མིང་། དྲུག་མདོ་ཡི་ཚིག་བསྡུས་པ། |
| དྲུག་ཅུ་མ |
1 ཕྱོགས་སྐྱོང་བཅོ་ལྔ་དང༌། འཇིགས་བྱེད་ཀྱི་བཀའ་སྡོད་འཆི་བདག་ལས་གཤིན་ལ་གཏོར་མ་ཕུལ་ཏེ་ལས་བཞིའི་འཕྲིན་ལས་བཅོལ་བའི་ཆོ་ག། 2 རྩམ་པ་དྲུག་ཅུ་མ་རྔོད་འཐག་རྒྱག་སྐབས་འབྲུ་ཁལ་དྲུག་ཕར་སྤྲད་ནས་རྩམ་པ་ཁལ་བཅུ་ཚུར་ལེན་པར་ཟེར། |
| དྲུག་ཆ |
དྲུག་ཏུ་བགོས་པའི་ཆ། |
| དྲུག་ཐུལ |
དྲུག་ལྟིར་དང་དོན་གཅིག་ |
| དྲུག་དཀར |
གཡུ་མཆོག་ཏུ་གྱུར་པ་ཞིག་གི་མིང་། |
| དྲུག་དམར |
གཡུའི་བྱེ་བྲག་དམར་མདངས་ཅན་ཞིག |
| དྲུག་ནམ |
རྙིང དྲུག་ཆའམ་དྲུག་ཏུ་བགོས་པའི་ཆ། |
| དྲུག་པ |
ཨང་གྲངས་ཤིག ཟླ་བ་དྲུག་པ། ཐེངས་དྲུག་པ། |
| དྲུག་པ་ཚེས་བཞི |
ཧོར་ཟླ་དྲུག་པའི་ཚེས་བཞི་ཉིན་སྟོན་པས་བདེན་བཞིའི་ཆོས་འཁོར་བསྐོར་བའི་དུས་ཆེན་དེའི་དུས་ལྷ་སའི་མི་སེར་ཉེ་འདབས་ཀྱི་དགོན་པར་མཆོད་པ་འབུལ་བར་འགྲོ་སྲོལ་ཡོད། |
| དྲུག་པ་རྡོ་རྗེ་འཆང་ཆེན |
(མངོན་བརྗོད།) རྡོ་རྗེ་འཆང༌། |
| དྲུག་པའི་ཚིག |
རྣམ་དབྱེ་དྲུག་པ་འབྲེལ་སྒྲ་སྦྱར་བའི་ཚིག |
| དྲུག་བདུན་འགྲོ |
ཡུལ སྔར་དཔྱིད་དུས་འབྲུ་བུན་ཁལ་དྲུག་བཏང་ནས་སྟོན་དུས་འབྲུ་ཁལ་བདུན་ལེན་པའི་སྐྱེད་ཁའི་ལུགས་སྲོལ་ཞིག |
| དྲུག་མདོ |
ཚང་རའི་རུས་པ་དང་དཔྱི་འདྲེས་པའི་འཕོངས་ཀྱི་མིང་ རྟའི་དྲུག་མདོ་ཞེས་པ་ལྟ་བུ། ཚིག་བསྡུས་ན་དྲུག་ཅེས་འབྲི་ཆོག་ རྟ་དྲུག་ཞེང་ཅན་ཞེས་པ་ལྟ་བུ། |
| དྲུག་མེད་པ |
(མངོན་བརྗོད།) དྲུག་མདོ། |
| དྲུག་འགོ |
གྲུ་མོའི་ནང་ཟུར་ནས་མར་སོར་བཞི་གཞལ་མཚམས་སུ་གནས་པའི་མཆིན་པ་དང་འབྲེལ་བའི་གཏར་རྩ་ཞིག་དེ་གཏར་ན་མཆིན་ནད་དང༌། གློ་ཚད་སོགས་ལ་ཕན། |
| དྲུག་ལྟིར |
ཡུལ ཆང་སྲང་དྲུག་བླུག་ཆོག་སའི་ཁོག་ལྟིར། |
| དྲུག་ཤས |
དྲུག་ཆ། |
| དྲུག་སྐྱེས |
གླུ་དབྱངས་ངེས་པ་བདུན་གྱི་ཡ་གྱལ་ཞིག |
| དྲུག་སྒྲ |
བོད་ཡིག་གི་ཀྱི་གྱི་འི་ཡི་ལྔའི་མིང་ རྣམ་དབྱེ་དྲུག་པ་འབྲེལ་སྒྲ་ཞེས་པའི་ཚིག་བསྡུས་པ། |
| དྲུག་སྡེ |
སངས་རྒྱས་ཤཱཀྱ་ཐུབ་པས་བཅས་པ་མཛད་ཡུལ་གྱི་ཉན་ཐོས། དགའ་བོ། ཉེ་དགའ་བོ། འགྲོ་མགྱོགས། ནབས་སོ། འདུན་པ། འཆར་ཀ་སྟེ་དྲུག་སྡེའི་མིང་གི་སྐད་དོད་རིམ་བཞིན། ནནྡཿ ཨུ་པ་ནནྡཿ ཨ་ཤྭ་རཿ ཕུ་ན་དྷ་པུ། ཙྪདན། ཨུ་དཱ་ཡཱིཿ |
| དྲུང |
1 རྩ་བ། སྡུག་བསྔལ་དྲུང་ནས་འབྱིན་པ། 2 ཉེ་བ་དང༌། མདུན་ཞེས་པའི་ཞེ་ས། སྐུ་དྲུང༌། ཞབས་དྲུང༌། ཕོ་བྲང་གི་སྒོ་དྲུང་དུ་སླེབས་པ། |
| དྲུང་གཏོགས |
དྲུང་འཁོར་གྱི་གོ་གནས་ཡོད་པའམ་ཁོངས་སུ་གཏོགས་པ་ཙམ། |
| དྲུང་གནས |
1 ཉེ་འཁོར་བ། 2 སྔར་བོད་ས་གནས་སྲིད་གཞུང་ནང་དྲུང་འཁོར་གྱི་གོ་གནས་ཡོད་པ། |
| དྲུང་ཆེན |
དྲུང་ཡིག་ཆེན་མོའི་བསྡུས་ཚིག་ |
| དྲུང་དཀྱུས |
སྔར་བོད་ས་གནས་སྲིད་གཞུང་གི་ཤོད་དྲུང་དཀྱུས་མ། |
| དྲུང་དྲག |
སྔར་བོད་ས་གནས་སྲིད་གཞུང་གི་ཁོངས་གཏོགས་རྩེ་ཤོད་ཀྱི་དྲུང་རིགས་མཐོ་གྲས། |
| དྲུང་ན་མོ |
ཉེ་འཁོར་བ། དྲུང་ན་མོ་གལ་ཆེའི་སློབ་མ། |
| དྲུང་ན་སྐྱོད་པ |
མདུན་ན་འདོན་ནམ་དྲུང་འཁོར། |
| དྲུང་པ |
1 སྐུ་ཞབས། 2 དགོན་པ་འགའ་ཞིག་གི་དགེ་བཤེས་རིམ་པ་དང་པོའི་མིང༌། 3 སྤུན་ཟླའི་ཞེ་ས། གཉེན་ཉེ་འཁོར་བ། |
| དྲུང་པ་རིན་པོ་ཆེ |
མི་དྲག་ཆེན་པོའི་གདུང་རིགས་ལས་བྱུང་བའི་བཙུན་པའི་ཞེ་མིང་ཞིག |
| དྲུང་པོ |
སྤུན་ཟླའི་དོན་དུ་གོ་བའི་དྲུང་པ་དང་འདྲ། |
| དྲུང་འཁོར |
བཀུར་སྟི་བྱེད་པའི་འཁོར། སྔར་བོད་ས་གནས་སྲིད་གཞུང་གི་ཤོད་དྲུང༌།… |
| དྲུང་འཚོ་བ |
སྨན་པ། |
| དྲུང་ཡིག |
སྲིད་གཞུང་གི་ལས་ཁུངས་དང་བླ་དཔོན་ཆེན་པོའི་མདུན་དུ་ཡི་གེ་འབྲི་མཁན། |
| དྲུང་ཡིག |
1 སྔོན་དུས་དཔོན་རིགས་ལ་ཡི་གེ་འབྲི་མཁན་གྱི་མིང་། 2 ལས་ཁུངས་སམ་འགོ་ཁྲིད་པའི་ཡིག་རིགས་ཀྱི་བྱ་བ་སྒྲུབ་མཁན་གྱི་མིང་། |
| དྲུང་ཡིག་ཆེན་མོ |
1 སྔར་བོད་ས་གནས་སྲིད་གཞུང་སྐབས་ཡིག་ཚང་ལས་ཁུངས་ཀྱི་ལས་འགན་འཁྲི་བའི་རྩེ་དྲུང་མཁན་སྡེའི་གོ་མིང་ཅན། 2 ལས་ཁུངས་ཆེ་ཁག་གི་དྲུང་ཡིག་རྒན་པ། |
| དྲུངས |
རྙིང རྩ་བ། |
| དྲུངས |
རྩ་བའམ་གཞིའི་མིང་ ནད་གཞི་དྲུངས་ནས་འབྱིན། སེམས་ངན་དྲུངས་ནས་དབྱུང་ལྟ་བུ། |
| དྲུངས་ཕྱུང |
རྙིང རྩ་བ་བཏོན་པ། |
| དྲུད |
འདྲུད་པའི་སྐུལ་ཚིག་ |
| དྲུད |
(བྱེད་འབྲེལ་ལས་ཚིག་འདས་པ་དང་སྐུལ་ཚིག)དངོས་རྫས་འཐེན་ནས་འགྲོ་བ་ རྟས་ཤིང་རྟ་དྲུད་ནས་བརྒྱུགས། ཤིང་སྡོང་དྲུད་ཅིག་ལྟ་བུ། |
| དྲུད་དྲུད |
ས་ལ་ཡང་ཡང་དྲུད་པ། ཕར་ཚུར་དྲུད་དྲུད་ཉིད་ཀྱིས་གོས་ཀྱང་རལ། ཁྱི་རོ་ཡང་ཡང་དྲུད་དྲུད་ཀྱིས་ཁྱི་ལྤགས་རལ། |
| དྲུད་དྲུད |
ཀྲུ་ཀྲུ་ཡི་འབྲི་ཚུལ་གཞན། |
| དྲུད་པ |
འདྲུད་པའི་འདས་པ། |
| དྲུབ |
(བྱེད་འབྲེལ་ལས་ཚིག་མ་འོངས་པ)ཚེམས་བུ་བྱས་པའི་དོན་ཏེ། མེ་ཏོག་གཙག་དྲུབ་བྱས་ལྟ་བུ། |
| དྲུབ་པ |
ཐ་དད་པ དྲུབས་པ། དྲུབ་པ། དྲུབས།། འཚེམ་པ། འདྲ་པར་འཚེམ་དྲུབས་པ། གོས་ཆེན་དྲས་ནས་སྣམ་སྦྱར་དྲུབས་པ། |
| དྲུབས |
དྲུབ་པའི་སྐུལ་ཚིག་ |
| དྲུབས |
འདས་པ་དང་སྐུལ་ཚིག་ དར་དཀར་ཐོག་ལ་མེ་ཏོག་དམར་པོ་དྲུབས། དར་སྐུད་ཁ་དོག་སྣ་ལྔས་མེ་ཏོག་དྲུབས་ལྟ་བུ། |
| དྲུབས |
དྲུབ་ལ་ལྟོས། |
| དྲུབས་པ |
དྲུབ་པའི་འདས་པ། |
| དྲུབས་ཤར |
རས་སོགས་བཙེམས་པའི་བར་མཚམས་ཀྱི་མིང་། ཡུལ་སྐད་དུ་སྲུབས་ཟེར། |
| དྲུམ་པ |
གྲུམ་པ་དང་དོན་གཅིག་ |
| དྲུམས |
གྲུམས་དང་དོན་འདྲ། |
| དྲུལ |
(བྱེད་འབྲེལ་ལས་ཚིག་འདས་པ་དང་སྐུལ་ཚིག) རུལ་དུ་བཅུག་པའི་དོན། མ་འོངས་པ་དང་ད་ལྟ་བ་ལ་འདྲུལ་འབྲི། |
| དྲུལ་བ |
རུལ་བ། ཤ་རྙིང་པར་གྱུར་ནས་དྲུལ་སོང༌། |
| དྲུས |
འདྲུ་བའི་སྐུལ་ཚིག་ |
| དྲུས་པ |
འདྲུ་བའི་འདས་པ། |
| དྲུས་པོ |
གཡག་ན་སོ་བཞི་པ། |
| དྲུས་བཞག |
ཡུལ མོ་ཕྱུགས་ལ་སྦྱོར་སྤྲོད་བྱེད་པའི་དུས་ཤར་བ། |
| དྲུས་མ |
1 བཞོན་མ། བ་དྲུས་མ་ལས་འོ་མ་བཞོ། 2 འབྲུ་རིགས་པགས་པ་གད་བདར་བྱས་པ་ཞིག |
| དྲུས་རྒྱག་པ |
ཡུལ ཡོས་སྒྱེ་མོའི་ནང་བླུགས་ནས་རྡོག་བརྫིས་བཏང་སྟེ་ཡོས་ལྤགས་བཤུ་བ། |
| དྲུས་ལོག་རྒྱག་པ |
ཡུལ ཕྱུགས་རིགས་ལ་སྦྱོར་སྤྲོད་བྱེད་པའི་དུས་ཚོད་ཡང་བསྐྱར་འཆར་བ། |
| དྲེ |
གསོན་འདྲེའམ་གཤིན་འདྲེ་ཕོ་མོའི་མིང་ཞིག དྲེལ་གྱི་འབྲི་ཚུལ་གཞན། |
| དྲེ་བོ |
ལག་པའི་གྲུ་ཚིགས་ཀྱི་མིང་གཞན། 1 ཡུལ དྲལ་མ། 2 ཕོ་འདྲེ།… |
| དྲེ་མོ |
མོ་འདྲེ། |
| དྲེག |
ནད་ཅིག་གི་མིང་ ནད་རྟགས་ནི་སྨན་རྒྱུད་དུ་ལོང་བུ་མན་སྐྲངས་ཕྱིས་སུ་ཁྲག་རྒྱས་ཏེ་རུས་ཚིགས་རྣམས་ལ་ཁྱབ་ནས། ལྷག་པར་དུ་རྐང་རུས་རྒྱུས་པ་ན་ཞིང་སྒྱིད་ཁུང་འཐེན་ཞེས་པ་ལྟར་རོ། དྲེག་པ་ཡི་མིང་མཐའ་བསྡུས་པ། |
| དྲེག་གྲུམ |
ལག་པའི་གྲུ་མོ་གཉིས་དང་རྐང་པའི་བོལ་ཚིགས་གཉིས་བཅས་ན་བ་དྲེག་ནད་དང༌། ཡན་ལག་གི་ཚིགས་ཀུན་ན་བ་གྲུམ་བུའི་ནད་དང་གཉིས་སོ། |
| དྲེག་ནད |
རྐང་པའི་མཐེ་བོང་གཉིས་དང༌། ལག་པའི་གྲུ་ཚིགས་གཉིས་བཅས་བཞི་ལ་དྲེག་བཞི་ཟེར་བས་དེའི་གནས་སུ་བབ་པའི་རླུང་ཁྲག་འཁྲུགས་པ་ལས་བྱུང་བའི་ནད་ཀྱི་མིང༌། |
| དྲེག་པ |
ནག་ནོག་གི་སྤབས་ཆགས་པའི་གཡའ་དང་ལྗན་ལྗིན། ལྕེའི་དྲེག་པ། གཟུགས་པོར་དྲེག་པ་མཐུག་པོ་ཆགས་འདུག གཅིན་དྲེག་ལ་བརྟེན་ནས་ནད་གཞི་བརྟག་པ། |
| དྲེག་བལ |
དུ་དྲེག་གི་རལ་པ། |
| དྲེག་འགོས་སྐྱོན་ཤོར |
དྲེག་ནག་གིས་འགོས་པ་དང་སྐྱོན་ཆགས་པ། |
| དྲེགས་ཉམས |
ང་རྒྱལ་ཁེངས་དྲེགས་ཅན་གྱི་ཉམས། |
| དྲེགས་པ |
ང་རྒྱལ་གྱི་མིང་ ང་རྒྱལ་ཁེངས་དྲེགས་སྤངས། ཁེངས་དྲེགས་མ་བྱེད་ཅེས་པ་ལྟ་བུ། |
| དྲེགས་པ་བཅོ་ལྔ |
ཚུལ་ཁྲིམས་ཀྱིས་དྲེགས་པ་དང༌། ཐོས་པས་དྲེགས་པ། སྤོབས་པས་དྲེགས་པ། རྙེད་པས་དྲེགས་པ། བཀུར་སྟིས་དྲེགས་པ། རིག་གནས་མཁས་པས་དྲེགས་པ། དབེན་གནས་ཀྱིས་དྲེགས་པ། སྦྱངས་པའི་ཡོན་ཏན་གྱིས་དྲེགས་པ། ཡོ་བྱད་ཉུང་བས་དྲེགས་པ། གཟུགས་བཟང་བས་དྲེགས་པ། ལོངས་སྤྱོད་ཀྱིས་དྲེགས་པ། དབང་ཆེ་བས་དྲེགས་པ། འཁོར་གཡོག་བཟང་བས་དྲེགས་པ། བསམ་གཏན་མངོན་ཤེས་ཀྱིས་དྲེགས་པ། ལྷ་ཀླུ་སོགས་ཀྱིས་བསྟོད་པས་དྲེགས་པ་བཅས་བཅོ་ལྔའོ། |
| དྲེགས་ཚིག |
ང་རྒྱལ་ཁེངས་དྲེགས་ཅན་གྱི་ཚིག |
| དྲེགས་ལྡན་མ |
(མངོན་བརྗོད།) བུད་མེད་གཞོན་ནུ་མ། |
| དྲེགས་སྙེམས |
ང་རྒྱལ་ཁེངས་སེམས། |
| དྲེད |
(བྱེད་མེད་ལས་ཚིག) འཛེམ་དོགས་མེད་པའི་དོན་ཏེ། ཁྲིམས་ལ་དྲེད་མི་རུང་། དཀའ་སྡུག་ལ་དྲེད་པ་ཞེས་པ་ལྟ་བུ། གཅན་གཟན་དྲེད་མོའི་མིང་བསྡུས་པ། |
| དྲེད་ཏོ |
སྒལ་རལ་ཚ་པོ། |
| དྲེད་པོ |
1 བློ་གྱོང་པོའམ། ལེ་ལོ་ཅན། མི་དེ་ནི་དྲེད་པོ་ཞིག་རེད། བློ་སེམས་དྲེད་དུ་གྱུར་སོང༌། ལས་ཀ་ལ་སྤྲོ་བས་མ་འབད་ན་རྣམ་གཡེང་གིས་བློ་དྲེད་ཉེན་ཆེ་བ་ཡོད། 2 ཆོས་དང་སེམས་རྒྱུད་མ་འདྲེས་པ། |
| དྲེད་པོ |
(རྒྱན་ཚིག) འཛེམ་དོགས་མེད་པའམ་འཇིགས་སྐྲག་མེད་པ་ མི་དྲེད་པོ། བྱིས་པ་དྲེད་པོ་ཞེས་པ་ལྟ་བུ། |
| དྲེད་ཕོ |
གཅན་གཟན་དྲེད་མོང་ཕོ། |
| དྲེད་མ |
གཤིས་རྒྱུད་གྱོང་པོའི་བུད་མེད། |
| དྲེད་མོ |
སྤུ་མདོག་ནག་སྐྱ་སེར་མདངས་ཅན། ལུས་ཆེ་ཞིང་མཇུག་མ་ཐུང་བ། ཡར་ལངས་ནས་འགྲོ་ཤེས་ཤིང་། ཤིང་སྡོང་ལ་འཛེག་ཐུབ། ཟས་སུ་སྲོག་ཆགས་ཀྱི་ཤ་དང་གྲོ་མ་སིལ་ཏོག་སོགས་ཟ་བའི་གཅན་གཟན་གྱི་རིགས་ཤིག་ རིགས་མང་བོ་ཞིག་ཡོད། མིང་མཐའ་བསྡུས་ན་དྲེད་འབྲི་ཆོག་ དྲེད་ལྤགས་ཞེས་པ་ལྟ་བུ། |
| དྲེད་མོང |
གཅན་གཟན་ཞིག དྲེད་མོང་གིས་འཕྱི་བ་འཛིན་སྐབས་གཅིག་ཟིན་དུས་གཅིག་བརྗེད་འགྲོ་བ་རེད། |
| དྲེད་ཟ |
(མངོན་བརྗོད།) སེང་གེ། |
| དྲེད་ལྤགས |
དྲེད་མོང་གི་པགས་པ། བཞའ་རླན་ཡོད་ས་དང༌། གནམ་གཤིས་གྲང་སར་དྲེད་ལྤགས་དྲོད་ཆེན་པོ་ཡོད་པས་ཕན་ཐོགས་པོ་ཡོང༌། |
| དྲེའུ |
རྟ་བོང་གཉིས་རྒྱུད་འདྲེས་པ་ལས་བྱུང་བའི་སྒོ་ཕྱུགས་བཟང་བོ་ཞིག་ རྟ་གསེབ་དང་བོང་མ་བསྡེབས་པའི་རྒྱུད་ལ་བོང་དྲེའུ་དང་། བོང་གསེབ་དང་རྒོད་མ་བསྡེབས་པའི་རྒྱུད་ལ་རྟ་དྲེའུ་ཟེར། འདི་ལ་ཕྲུ་གུ་སྤེལ་བའི་ནུས་པ་མེད། |
| དྲེའུ་ཐོ་ལོག |
མས་རྐན་རིང་ལ་གཟུགས་བོངས་ཆུང་བའི་དྲེལ་ཞིག |
| དྲེའུ་རྔོག |
1 དྲེལ་གྱི་ཟེ། 2 རྔོག་སྟན་གྲུམ་རྩེ། |
| དྲེའུ་རྟ་རྐང་གསུམ |
རྫུ་འཕྲུལ་གྱི་རྐང་པ། རླུང་གི་གཤོག་པ། མྱུར་མགྱོགས་ཀྱི་རྩལ་ལྡན་པའི་དྲེའུ་ཞིག་སྟེ་དཔལ་ལྡན་ལྷ་མོའི་བཞོན་པ། |
| དྲེའུ་ལག |
ཕྱོགས་འགྲོ་སྐབས་དྲེལ་པས་བདག་བཟུང་གི་དྲེལ་ཉི་ཤུ་ཐམ་པའི་ཚོ་གཅིག |
| དྲེལ |
རྒོད་མ་དང་བོང་བུ་ལས་སྐྱེས་པའི་སེམས་ཅན་ཞིག མགྲིན་བཟང་བོང་བུས་རྨིག་ཆུང་དྲེལ་ཡང་སྐྱེད། |
| དྲེལ་གདང |
དྲེལ་འདོགས་སའི་གདང་ཐག |
| དྲེལ་པ |
1 དྲེལ་འདེད་མཁན་དང༌། དྲེལ་བདག་དམ་བྱེད་མཁན། 2 དྲེལ་མང་པོ་འདེད་པའི་འགྲུལ་པ། |
| དྲེལ་པ་ལག་དོ |
དྲེལ་ལ་ཁལ་འགེལ་མཁན། |
| དྲེལ་ར |
དྲེལ་འདོགས་སའི་ར་བ། |
| དྲེལ་རྒྱ་མོ |
དྲེའུ་སྤུ་མདོག་ནག་ལ་ཁ་མིག་གི་མཐའ་དཀར་པོ། |
| དྲེལ་རྗེས་པ |
དྲེལ་གྱི་རྗེས་འགྲོའི་མི། |
| དྲེལ་རྫི |
དྲེལ་འཚོ་མཁན། |
| དྲེལ་ལྕགས |
དྲེལ་གྱི་རྨིག་ལྕགས། |
| དྲེལ་སག |
ཡུལ དྲེལ་གྱི་དཔྱི་འགོའི་པགས་པ་ལས་བཟོས་པའི་རི་མོ་འབུར་དོད་ཡོད་པའི་ཀོ་བ་ཞིག |
| དྲེས་མ |
རྩྭ་དྲེས་མ་ ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། ལོ་མ་རལ་གྲིའི་དབྱིབས་ཅན་མེ་ཏོག་སྔོ་སྨུག་ཡིན། དེ་ལ་དྲེས་མ་ཕོ། དྲེས་མ་མོ། མ་ནིང་དྲེས་མ་བཅས་རིགས་གསུམ་ཡོད། |
| དྲེས་མའི་གེ་སར |
རྩྭ་དྲེས་མའི་མེ་ཏོག་ནུས་པས་སྲིན་གསོད། གླང་ཐབས་འཇོམས། |
| དྲོ |
(རྒྱན་ཚིག) <ཀ>འཁྱག་པའི་ལྡོག་ཟླ་ ཉི་མ་དྲོ། ནམ་ཟླ་ཇེ་དྲོ། ཆུ་དྲོ་འཇམ། ཁང་བ་ཧ་ཅང་དྲོ་བ་སོགས་ལྟ་བུ། <ཁ>སེམས་བག་ཕབ་པའི་དོན་ཏེ། ལོ་ཡག་བྱུང་ན་སེམས་དྲོ་ལྟ་བུ། དུས་ཀྱི་མིང་ སྔ་དྲོ་ཕྱི་དྲོ་ཞེས་པ་ལྟ་བུ། |
| དྲོ་ཁ |
ཡུལ ཕྱོགས་སུ་འགྲོ་དུས་ཀྱི་ལམ་རྒྱགས། དྲོ་ཁས་མ་འདངས་ན་དྲོ་སྣོན་རྒྱག་དགོས། |
| དྲོ་གྲང |
ཚ་གྲང་གི་ཚོད། |
| དྲོ་ཆི་ལེ་བ |
དྲོ་སྐྱིད་བྱུང་ཚུལ་ཞིག འཁྱགས་དུས་མེ་ལ་བསྲོས་པས་དྲོ་ཆི་ལེ་བ་བྱས་བྱུང༌། |
| དྲོ་ཐིང་ཐིང |
མེ་དང་ཉི་མ་སོགས་ཀྱི་ཚ་དྲོད་སྐྱེ་སྟངས་ཤིག འཁྱགས་དུས་ཉི་མར་བསྲོས་པས་དྲོ་ཐིང་ཐིང་བྱས་བྱུང༌། |
| དྲོ་ཐོན་པ |
སྔ་དྲོའི་ཁ་ལག་གམ་ཟ་མ་བཟས་ཚར་བ། |
| དྲོ་དོད |
ལམ་རྒྱགས་ཀྱི་དོད་འབྲུ་དངུལ། |
| དྲོ་པོ |
གྲང་བ་ལས་ལྡོག་པ། སྨན་གྱི་ཡོན་ཏན་དྲོ་པོ། དུག་ལོག་དྲོ་པོ། |
| དྲོ་བ |
1. ཐ་མི་དད་པ དྲོས་པ། དྲོ་བ།། ཚ་བ། ཆུ་གྲང་མོ་མེར་བསྲོས་ཏེ་དྲོས་པ། 2. དྲོ་པོ་དང་འདྲ། |
| དྲོ་བའི་དུས |
1 ཉིན་དགུང་སོགས་ཟས་ཟ་རན་པའི་དུས་ཚོད། 2 (མངོན་བརྗོད།) དཔྱིད་ཀ་དང༌། སོས་ཀ། |
| དྲོ་བའི་ཡི་གེ་བཞི |
ལེགས་སྦྱར་སྐད་ཀྱི་གསལ་བྱེད་ཤ་ཥ་ས་ཧ་བཞི། ཤ་ཥ་ས་ཧཾ་ |
| དྲོ་འཇམ |
1 དྲོ་ཞིང་འཇམ་པ། མལ་ཆས་དྲོ་འཇམ་དུ་ཉལ་བ། 2 ཚ་པོ་རྣམས་ཅུང་ཟད་གྲང་དུ་སོང་བ། ཆུ་དྲོ་འཇམ། |
| དྲོ་འདེབས་པ |
ཚ་ཕོགས་རྒྱག་པ། ཕྱོགས་འགྲོའི་ལམ་བར་དུ་དྲོ་འདེབས་པ། ཚུར་ཡོང་དུས་དྲོ་འདེབས་པའི་ཐེངས་གྲངས་མང་དྲགས་པས་ཡུན་རིང་འགོར་སོང༌། |
| དྲོ་ཡ |
དྲོད་རྟེན་ས། དྲོ་ཡ་དམར་པོའི་མེར་བྱས་པས། ཕམ་ཁ་འདབ་ཡངས་ཤིང་ལ་བྱུང༌། |
| དྲོ་ཡོལ |
ཉིན་དགུང་གི་ཟས་ཟ་བའི་དུས་ལས་ཡོལ་བ། |
| དྲོ་རྐྱལ |
ལམ་ཆས་བླུག་སྣོད་རྐྱལ་བ། དྲོ་རྐྱལ་རང་འགྲིགས། |
| དྲོ་རྟེན |
ལམ་རྒྱགས་ཀྱི་དོད་དངུལ། |
| དྲོ་ལུག |
ཕྱོགས་འགྲུལ་སྐབས་གསད་བྱའི་ལུག |
| དྲོ་ཤ |
ཕྱོགས་འགྲུལ་སྐབས་བཟའ་བྱའི་ཤ། |
| དྲོ་ས |
1 ས་ཆ་དྲོ་པོ། 2 ཚ་དྲོ་འདེབས་ས། |
| དྲོ་སོབ་སོབ |
དྲོ་ཐིང་ཐིང་དང་དོན་གཅིག་ |
| དྲོ་སྐྱིད |
དྲོ་ཞིང་སྐྱིད་པ་ཉི་མའི་འོད་ཟེར་ལས་སྟེར་བའི་ཚོར་སྣང་ལྟ་བུ། |
| དྲོ་སྦྱོར |
སྔ་དྲོ། |
| དྲོག |
གློ་བུར་དུ་བྱུང་བའི་བཟའ་བཏུང་ངམ་ལོངས་སྤྱོད་ཀྱི་དོན་དུ་གོ་པའི་གྲོག་གི་འབྲི་ཚུལ་གཞན་ཞིག་ |
| དྲོག་ཕྱྭ |
གྲོག་ཕྱྭ་དང་འདྲ། |
| དྲོག་སྐད |
གྲོག་སྐད་དང་འདྲ། |
| དྲོགས་པ |
ཁུར་བོ་དང་ཁལ་གྱི་མིང་ཡིན་པར་བཤད་འདུག |
| དྲོངས |
འདྲེན་པའི་སྐུལ་ཚིག་ |
| དྲོངས |
འདྲེན་ལ་ལྟོས། |
| དྲོངས |
སྐུལ་ཚིག་ རྐ་ནང་ལ་ཆུ་དྲོངས་ཤིག་ལྟ་བུ། <ཁ>བྱིན་པའམ་བླུད་པའི་ཞེ་ས་ ཇ་འདྲེན། ཆང་འདྲེ་སྟོན་མོ་དྲངས་ལྟ་བུ། <ག>ཞེན་ཅིང་ཆགས་པའི་དོན་ཏེ། གླུ་སྐད་སྙན་པོས་ཡིད་འདྲེན་པ། བདག་གི་ཡིད་དྲངས། ཡིད་འདྲེན་པའི་གླུ་དབྱངས་ཞེས་པ་ལྟ་བུ། <ང>བཤད་ཚུལ་དང་ལྟ་ཚུལ་འགྲིག་པའི་རྒྱུ་མཚན་ལ་གཞུང་ཁུངས་ཐུབ་ཀྱི་ཚིག་རྟེན་ཁུངས་སུ་བཀོད་པའི་དོན་ཏེ། ལུང་འདྲེན་བྱས། ལུང་དྲངས། ལུང་དྲོངས་ཤིག་ལྟ་བུ། <ཅ>རྔུབ་པའམ་ཕྱོགས་གཅིག་ཏུ་འཐེན་པའི་དོན་ཏེ། རྡོ་ཁབ་ལེན་གྱིས་ལྕགས་འདྲེན་ལྟ་བུ། <ཆ>སྣ་དྲངས་པའི་དོན་ཏེ། མི་ངན་ཁ་མ་འདྲེན། མི་ངན་ཁ་དྲངས་ན། གནོད་པ་རྒྱུན་མི་འཆད་ཅེས་པ་ལྟ་བུ། འདྲེན་པ་ལ་ལྟོས། |
| དྲོད |
1 ལུས་དང་གནམ་གཤིས་དང་མེ་སོགས་ཀྱི་དྲོད་མིང་རྐྱང༌། ཉི་མའི་དྲོད། ལུས་ཀྱི་དྲོད། བསིལ་དྲོད། 2 ཚོད། ཉམས་དྲོད། ཡོན་ཏན་གྱི་དྲོད། དྲོད་མི་ཤེས་པ། 3 སྦྱོར་ལམ་ངེས་འབྱེད་ཆ་བཞིའི་ནང་གསེས། སོ་སོ་རང་རིག་པའི་ཡེ་ཤེས་ཀྱིས་བདེན་བཞིའི་ཆོས་ལ་དམིགས་ནས་བསྒོམས་པས། ནང་འཛིན་པ་ཡིད་ཀྱི་བརྗོད་པ་ཙམ་མ་གཏོགས་གཟུང་བ་ཕྱི་དོན་མེད་པར་རྟོགས་པའི་སྣང་བ་ཐོབ་པའི་ཏིང་ངེ་འཛིན་ཞི་གནས་དང་ཤེས་རབ་ལྷག་མཐོང་མཚུངས་ལྡན་དང་བཅས་པ་དཔེར་ན་ཤིང་གཙུབ་པ་ལས་མེ་འབྱུང་བའི་སྔོན་དུ་དྲོད་འབྱུང་བ་ལྟར་མཐོང་ལམ་གྱི་ཡེ་ཤེས་མེ་ལྟ་བུ་སྐྱེ་བའི་སྔ་ལྟས་སུ་དྲོད་ཐོབ་པའོ། |
| དྲོད་ཀྱི་རྩེ་སྦྱོར |
དྲོད་རྩེ་སྦྱོར་དང་དོན་གཅིག་ |
| དྲོད་ཁང |
དྲོད་ཚད་ཆེ་ཙམ་ཡོད་པའི་ཁང་པ་སྟེ་དགུན་ཁར་སྔོ་ཚལ་ལམ་མེ་ཏོག་སོགས་འདེབས་གསོ་བྱེད་ས་ཞིག |
| དྲོད་ཁུག |
ལུས་སོགས་དྲོས་པ། |
| དྲོད་གཤེར |
ཚ་དྲོད་དང་རླན་གཤེར། དྲོད་གཤེར་སོགས་ཆ་རྐྱེན་དང་ལས་རྩོལ་འཛོམས་ན་ཞིང་ལ་ལོ་ལེགས་ཡོང༌། |
| དྲོད་གཤེར་ལས་སྐྱེས་པ |
འབུ་སྲིན་ལ་སོགས་པ། |
| དྲོད་གསུམ |
ཛ་ཏི་དང༌། སུག་སྨེལ། ཀ་ཀོ་ལ་གསུམ་གྱི་བསྡུས་མིང༌། |
| དྲོད་ཆུང |
1 ཚ་དྲོད་ཆུང་ངུ། 2 གདེང་དྲོད་ཆུང་བའི་མིའི་མིང༌། 3 ཉམས་མྱོང་མེད་པའི་མི། |
| དྲོད་ཆེན |
1 ཚ་དྲོད་ཆེན་པོ། 2 ཉམས་རྒྱུས་ཆེན་པོ། 3 གདེང་དྲོད་ཆེ་བ། |
| དྲོད་ཉུལ |
བློའི་གདེང་ཚད་ལྟ་བ། ཡོན་ཏན་ཆེ་ཆུང་གི་དྲོད་ཉུལ་བ། |
| དྲོད་དུགས |
བྱི་ས་ཤར་བལྟས་ལ་ཆང་བྲན་ནས་བསྲོས་པའི་དུགས་ཀྱིས་བུད་མེད་བུ་བཙས་པའི་རྗེས་ཀྱི་རྒྱུ་ཞབས་དང་མཚང་ར་མཁལ་རྐེད་གཟེར་བ་འཇོམས་པ་ལྟར་གྱི་ནད་འཆོས་ཐབས་ཤིག |
| དྲོད་པ |
ཉམས་ཚོད་ལྟ་མཁན། |
| དྲོད་ཕེབས་དུས |
(མངོན་བརྗོད།) དཔྱིད་དུས། |
| དྲོད་མེད |
1 ཚོད་མེད་དམ། ཆོས་ཤེས་མེད་པ། 2 གདེང་ཚོད་མེད་པ། |
| དྲོད་ཚད |
1 རྟོགས་པའི་ཉམས་ཚད་དམ། གདེང་ཚད། 2 ཚ་བ་ཆེ་ཆུང་གི་ཚད། དྲོད་ཚད་ཆེ་བ། |
| དྲོད་འབེབས |
(མངོན་བརྗོད།) དཔྱིད་ཀ། |
| དྲོད་འོངས་དུས |
སོས་ཀའི་དུས། |
| དྲོད་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། བསྡུས་སྒོམ་རབ་ཏུ་གྱུར་པ་མཚོན་བྱེད་གང་ཞིག་སྦྱོར་ལམ་དྲོད་ཀྱིས་བསྡུས་པའོ། |
| དྲོད་རླངས |
ཚ་དྲོད་ལས་བྱུང་བའི་རླངས་པ། |
| དྲོད་རླུང |
དྲོད་འབེབས་བྱེད་ཀྱི་རླུང༌། དཔྱིད་ཟླ་འབྲིང་པོར་དྲོད་རླུང་ལྡང་བ། |
| དྲོད་ལྷགས |
ནམ་དུས་དྲོད་སྐྱེ་བའི་སྐབས་རྒྱག་པའི་ལྷགས་པ། |
| དྲོད་ཤུགས |
ཚ་དྲོད་ཀྱི་ནུས་ཤུགས། |
| དྲོད་ཤེས་པ |
ཚོད་ལོན་པ། ན་ཚ་འདི་ཕྱིས་སུ་དྲག་ཐུབ་མིན་གྱི་དྲོད་མི་ཤེས། |
| དྲོད་སྐྱེད་བྱེད |
(མངོན་བརྗོད།) པི་པི་ལིང༌། |
| དྲོད་སྨན |
དྲོད་སྟོབས་སྐྱེད་བྱེད་ཀྱི་སྨན་ཞིག |
| དྲོད་སྨན་ནར་མོ |
(མངོན་བརྗོད།) པི་པི་ལིང༌། |
| དྲོད་སྨན་རིལ་མོ |
(མངོན་བརྗོད།) ཕོ་བ་རིས། |
| དྲོད་སླེབས |
གནམ་གཤིས་ཀྱི་དྲོད་གསར་དུ་སྐྱེས་པ། |
| དྲོན |
དྲན་པའི་སྐུལ་ཚིག་སྟེ། (དཔེར་ན།) སྔོན་སྡུག་སེམས་ལ་དྲོན་དང་། ད་ལྟའི་བདེ་སྐྱིད་ཤེས་ཡོང་ལྟ་བུ། |
| དྲོན་པོ |
གྲང་མོ་མིན་པ། (དཔེར་ན།) ཁྲག་དྲོན་པོ། ཆུ་དྲོན་པོ་ཞེས་པ་ལྟ་བུ། |
| དྲོན་མོ |
དྲོན་པོ་དང་འདྲ། |
| དྲོན་ཞོ |
དྲོད་མ་ཡལ་བའི་ཞོ་གསར་པ། |
| དྲོན་འཇམ |
ཚ་གྲང་རན་པ། (དཔེར་ན།) ཆུ་དྲོན་འཇམ། གསོལ་ཇ་དྲོན་འཇམ་ཞེས་པ་ལྟ་བུ། |
| དྲོན་འཇུག |
བརྫུས་ཏེ་འཇུག་པ་དང་ལྷད་འཇུག་པའི་དོན་ཏེ། (དཔེར་ན།) སྐད་ཆ་ལ་ཚིག་དྲོན་བཅུག་སྟེ་དཀྲུག་ཤིང་རྒྱག་པ་ཞེས་པ་ལྟ་བུ། |
| དྲོན་ཤ |
བསད་མ་ཐག་པའི་ཤ |
| དྲོས |
1.(བྱེད་མེད་ལས་ཚིག) ཉི་འོད་དང་མེ་དྲོད་སོགས་ལ་བརྟེན་ནས་ཚ་དྲོད་ངེས་ཅན་ཞིག་བྱུང་བའི་དོན་ཏེ། (དཔེར་ན།) ཉི་མའི་འོད་ཀྱིས་ས་གཞི་དྲོས། ཟས་དྲོན་མོ་ཟོས་ན་ལུས་ཕུང་དྲོས་ལྟ་བུ། 2.ཉིན་གུང་གི་དུས་ཀྱི་མིང་། (དཔེར་ན།) ཉི་དྲོས། དྲོས་ཇ། ཉི་མའི་དྲོས་ཆེན་ཞེས་པ་ལྟ་བུ། 3.དྲ་ལ་ལྟོས། |
| དྲོས་ཆེན |
(ཡུལ་སྐད།) ཉིན་དགུང་མ་ཟིན་གོང༌། |
| དྲོས་པ |
དྲོ་བའི་འདས་པ། |
| དྲྭ་མིག |
ཡི་གེ་པོ་ཏི་འཇུག་སྣོད་ཤིང་སྒྲོམ་གྱི་དྲྭ་མིག |
| དྷ་དུ་ར |
(ལེགས་སྦྱར།) སྣང་བ་དགུ་འགྱུར་ཏེ་ཐང་ཕྲོམ་དཀར་ནག་ཁྲ་གསུམ་གྱི་སྤྱི་མིང་ཞིག |
| དྷརྨ་སིང་ཧ |
(ལེགས་སྦྱར།) ཆོས་ཀྱི་སེང་གེ། |
| དྷརྨཔཱལ |
(ལེགས་སྦྱར།) ཆོས་སྐྱོང་སྟེ་བོད་དུ་ཕེབས་མྱོང་བའི་རྒྱ་གར་གྱི་སློབ་དཔོན་བོད་ཀྱི་པཱལ་རྣམ་གསུམ་གྱི་ཡ་གྱལ་ཞིག |
| དྷརྨཿ |
(ལེགས་སྦྱར།) ཆོས། |
| དྷཱི་ཏི་ཀ |
(ལེགས་སྦྱར།) གཏད་རབས་ལྔ་པ་སྟེ་ཉན་ཐོས་དགྲ་བཅོམ་པ་ཞིག |
| དྷཱུ་ཏི |
(ལེགས་སྦྱར།) ཨ་ཝ་དྷཱུ་ཏི་སྟེ་རྩ་དབུ་མ། |
| དྷཱུ་བཿ |
(ལེགས་སྦྱར།) བརྟན་པ། |
| དྷི་དྷི་ཀ |
དྷཱི་ཏི་ཀ་དང་འདྲ། |
| དྷུ་ཝ་ཀ |
(ལེགས་སྦྱར།) རྩ་བའམ་ངེས་པ། (དཔེར་ན།) ཉི་མའི་དྷུ་ཝ། གཟའ་དྷུ། |
| ན |
1.བོད་ཡིག་གསལ་བྱེད་བཅུ་གཉིས་པ་འདིའི་ང་རོ་འདོན་ཚུལ་ལ་སྐྱེ་གནས་སོ་སྣ་དང་བཅས་པ་དང༌། བྱེད་པ་ལྕེ་རྩེ། ནང་གི་རྩོལ་བ་སོ་ལྕེ་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་ཤིན་ཏུ་མོའི་ཡི་གེ་ཞིག 3.རྗེས་འཇུག་གི་མ་ནིང་ཡི་གེ་ཞིག 4.མིའི་ལོ་གྲངས་ཀྱི་ཚོད་དེ། (དཔེར་ན།) ལོ་ན་མཐོན་པོ། ཕྲུ་གུ་ནར་མ་སོན་པ། 5.ལོ་ལྔ་ལོན་པའི་རྟ་དྲེལ་གྱི་ལོ། 6.ཆུ་རླན་ཆེ་བའམ་ཆུ་འཁྱིལ་མང་པོ་ཡོད་པའི་སྤང་ལྗོངས། (དཔེར་ན།) རྐྱང་ཁ་དཀར་རྨིག་བཞི་ན་ལ་ཟུག 7.ཚིག་ཕྲད་ན་ཡིག 1>དམིགས་ཀྱིས་དབྱེ་བ། (དཔེར་ན།) དངོས་སུ་ན། མདོར་བསྡུས་ན། ཡིན་གྲང་ན་ཞེས་པ་ལྟ་བུ། 2>རྒྱུ་མཚན་སྟོན་པ། (དཔེར་ན།) མེ་ཡོད་ན་དུ་བ་འབྱུང༌། ས་བོན་བཏབ་ན་འབྲས་བུ་སྐྱེ་ཞེས་པ་ལྟ་བུ། 3>རྒྱུ་མཚན་དོན་གྱིས་སྟོན་པ། (དཔེར་ན།) ནད་མེད་ན་སྨན་པ་ཅིའི་ཕྱིར་བསྟེན། ཆང་མ་བཏུངས་ན་ར་བཟི་དོན་མེད། ཆུ་མེད་ན་ཉ་ག་ལ་ཡོང༌ཞེས་པ་ལྟ་བུ། 4>ཚིག་འགལ་བར་སྟོན་པ། (དཔེར་ན།) ཁོ་རང་མཁས་པ་ཡིན་པར་གྲགས་ནའང་བཟང་ངན་གྱི་དབྱེ་བ་འབྱེད་མི་ཤེས་པའི་རྨོངས་པ་ཞིག་རེད་འདུག་ཅེས་པ་ལྟ་བུ། 5>འོས་པར་དཀའ་བ། (དཔེར་ན།) ཁྱི་ལའང་འཇིགས་ན་སེང་གེ་ལ་བཤད་མི་དགོས། མི་རྒན་པས་འཁུར་མི་ཐུབ་ན་ཕྲུ་གུས་ལྟ་ཅི་སྨོས། ནད་པ་དེ་ཕར་ཚུར་འགྲོ་ཐུབ་ན་ཡར་ལང་ཐུབ་པ་སྨོས་ཅི་འཚལ་ཞེས་པ་ལྟ་བུ། 6>ཕྱི་ཚིག་ངེས་པར་བྱེད་པ། (དཔེར་ན།) དུད་འགྲོ་རྣམས་ཤིན་ཏུ་རྨོངས་ན་མིའང་དེ་ལྟར་འདུག འབྲོག་པས་ཞིང་འདེབས་མི་ཤེས་ན་སོ་ནམ་པས་ཞིང་ཁ་འདེབས་མི་ཤེས་པའང་འདུག་ཅེས་པ་ལྟ་བུ། 7>སྨོན་པ། (དཔེར་ན།) ངལ་རྩོལ་མི་དམངས་ཚང་མ་བཅིངས་འགྲོལ་ཐོབ་ན་ཅི་མ་རུང་ཞེས་པ་ལྟ་བུ། 8>ཐེ་ཚོམ་སྟོན་པ། (དཔེར་ན།) ས་བོན་ནི་བཏབ་ཟིན་ན་འདི་ལས་མྱུ་གུ་འབྱུང་ངམ་མི་འབྱུང༌། སྨན་བཏང་ཡོད་ན་ནད་ཨེ་སོས་མི་སོས། གདན་འདྲེན་ཞུས་ཟིན་ན་ཁོ་ཡོང་ངམ་མི་ཡོང༌ཞེས་པ་ལྟ་བུ། 8.ལ་དོན་ཞིག |
| ན་ཀྲ |
(ལེགས་སྦྱར།) ཆུ་སྲིན་ཆེན་པོ། (དཔེར་ན།) རྒྱ་མཚོ་རིན་ཆེན་འབྱུང་གནས་དེ། གདུག་ཅན་ན་ཀྲའི་གྲོང་ཡང་ཡིན་ཞེས་པ་ལྟ་བུ། |
| ན་ཀྲའི་གྲོང་ཁྱེར |
(མངོན་བརྗོད།) རྒྱ་མཚོ། |
| ན་ཁ |
སྤང་ཐང་སྔོན་པོ། |
| ན་ཁ་སྤོ་ཐོ |
སྤང་གཤོངས་དཀྱིལ་གྱི་སྤང་འབུར་འབུར། |
| ན་གཅལ |
ན་སྤང་གི་དུམ་བུ་བསྒྲིགས་པའི་ས་ཆ། |
| ན་གཞོན |
ལོ་ན་གཞོན་པ། |
| ན་གསུམ་སླེབས |
རྟ་དྲེལ་སྐྱེས་ནས་ལོ་བདུན་ལོན་པ། |
| ན་གི |
ལུས་ལ་སེན་མོའི་དབྱིབས་ཅན་གྱི་དངོས་པོ་ཞིག་ཁྱབ་པར་སྐྱེས་ཡོད་པའི་སྲོག་ཆགས་སུག་བཞི་བ་ཞིག་རྒྱ་སྐད་དུ་ཁྲོན་ཧྲན་ཀྱ་ཟེར། དེའི་ལུས་ལ་སྐྱེས་པའི་སེན་མོའི་དབྱིབས་ཅན་གྱི་དངོས་རྫས། དེ་ལའང་ན་གི་ཟེར་ཞིང་སྨན་བྱེད་ཆོག |
| ན་གི་ཆི |
སྔོ་ཞིག |
| ན་གེ་ནོག་གེ |
ནག་ནོག་ལ་ལྟོས། |
| ན་ཆུང་བ |
1.མི་ལོ་ཆུང་བ། 2.རྟ་སོགས་ཁ་ཆུང་བ། |
| ན་ཆུང་མ |
བུད་མེད་ལོ་ཚོད་ཆུང་བ། |
| ན་ཐང |
ན་འདམ་གྱི་ཐང༌། |
| ན་ཐིང་ཐིང |
ན་ཚུལ་ཞིག (དཔེར་ན།) མགོ་བོ་ཉི་མས་དྲོས་ནས་ན་ཐིང་ཐིང་བྱེད་ཀྱིན་འདུག་ཅེས་པ་ལྟ་བུ། |
| ན་དང་པོ |
རྟ་དྲེལ་མདུན་སོ་ཚང་མ་བརྗེས་ཚར་བའི་ལོ་སྟེ་ལོ་ལྔ་ཕྱིན་པ་དེར་ཟེར། |
| ན་དམར་གཞུང |
ན་ཐང་གི་གཞུང༌། |
| ན་ན་ཚ་ཚ |
ན་ཚའི་ལྡབ་ཚིག (དཔེར་ན།) ཉེ་ཆར་ང་ལ་ན་ན་ཚ་ཚ་མང་པོ་བྱུང༌། མི་འགའ་ཞིག་ལ་ལོ་ཆུང་དུས་ནས་ན་ན་ཚ་ཚ་མང་པོ་ཡོད་ཅེས་པ་ལྟ་བུ། |
| ན་ནིང |
ལོ་སྔོན་མའི་མིང་། (དཔེར་ན།) ན་ནིང་ད་ལོ་ཞེས་པ་ལྟ་བུ། |
| ན་བ |
(བྱེད་མེད་ལས་ཚིག) ནད་བྱུང་བའམ་ན་ཟུག་ལངས་པ་སྟེ། (དཔེར་ན།) མགོ་ན་བ། ལྟོ་བ་ན་བ་ཞེས་པ་ལྟ་བུ། |
| ན་བཟའ |
གོས་ཀྱི་ཞེ་ས། (དཔེར་ན།) ན་བཟའ་དམ་པ་ཞེས་པ་ལྟ་བུ། |
| ན་བའི་ཆུ་བོ |
ཆུ་བོ་བཞིའི་ཡ་གྱལ་ཞིག་སྟེ། ན་བའི་སྡུག་བསྔལ་ཆུ་བོའི་གཟུགས་སུ་བཀོད་པ། |
| ན་བའི་སྡུག་བསྔལ |
སྡུག་བསྔལ་བརྒྱད་ཀྱི་ཡ་གྱལ་ཞིག ལུས་ཀྱི་འབྱུང་བའི་ཁམས་རྣམས་ཆ་མི་མཉམ་པར་ཤས་ཆེ་ཆུང་དུ་འཁྲུགས་པས་ཤ་ཞུ་པགས་སྐམ་སོགས་ལུས་ལ་གདུང་བ་བསྐྱེད་ཅིང་སེམས་ལ་མི་བདེ་བ་བསྐྱེད་པས་ཤིན་ཏུ་བཟོད་དཀའ་བའི་སྡུག་བསྔལ། |
| ན་བུན |
ཆུ་རྒྱུད་སོགས་སུ་འཁྲིགས་པའི་དུད་རླངས་འདྲེས་པ་སྨུག་པའི་རིགས་ཤིག (དཔེར་ན།) རིའི་རྐེད་པར་ན་བུན་འཁྲིགས་ཞེས་པ་ལྟ་བུ། |
| ན་བུན་བུ་མོ |
སྲོག་ཆགས་ཀྱི་སྨན་གྱི་ནང་ཚན་ཕྱི་སྐོགས་དུང་དཀར་འདྲ་བའི་ནང་དུ་གནས་ཤིང་དབྱར་དུས་ན་བུན་ལོང་བའི་སྐབས་ལུས་ཕྱིར་མངོན་པ་ཞིག་ནུས་པས་ཀླད་པ་འཛག་པ་གཅོད། རྨ་གསོ། རུས་ཆག་སྦྱོར། |
| ན་མ |
1.རྩྭའི་བྱེ་བྲག་ཅིག 2.མེ་ཤིང་དུ་རུང་བའི་སྤང་ཞིག 3.ཉིན་མོ། |
| ན་མ་པོ་ཐོ |
ན་ཁ་སྤོ་ཐོ་དང་འདྲ། |
| ན་མཉམ |
ལོ་ཚོད་འདྲ་བའི་དོན་ཏེ། (དཔེར་ན།) ཁོང་གཉིས་ཀ་འབྲུག་ལོར་སྐྱེས་པས་ན་མཉམ་རེད་ཅེས་པ་ལྟ་བུ། |
| ན་མཉམ་མ |
1.ན་ཚོད་འདྲ་བའི་བུ་མོ། 2.(མངོན་བརྗོད།) གྲོགས་མོ། |
| ན་མཐོ་ཁ་འཁྱེར |
ལོ་རྒས་ཁག་འདོགས་ཏེ། (དཔེར་ན།) རང་ཉིད་ན་མཐོ་ཁ་འཁྱེར་གྱིས་ལས་འཛེམས་བྱེད་ཅེས་པ་ལྟ་བུ། |
| ན་མེ་རུ་ཀ |
(ལེགས་སྦྱར།) ལྡུམ་བུ་དྲི་མ་ཅན་ཞིག |
| ན་མོ |
1.སྤང་ཐང༌། ན་མོ་ཆེ། 2.(ལེགས་སྦྱར།) འདུད་དོའམ་ཕྱག་འཚལ་ལོ། |
| ན་མོ་བུདྡྷཡ |
(ལེགས་སྦྱར།) སངས་རྒྱས་ལ་ཕྱག་འཚལ་ལོ། |
| ན་ཚ |
ནད་ཀྱིས་ན་བ་དང་ཚ་ཟུག་སྐྱེ་བ། (དཔེར་ན།) ན་ཚ་ཕོག་པ། ན་ཚ་འཆོས་པ། ན་ཚ་དྲག་པ། རྐྱེན་གཅིག་ནས་བྱུང་བའི་ན་ཚ། ཀོ་བ་གཅིག་ནས་དྲས་པའི་རྒྱུན་བུ་ཞེས་པ་ལྟ་བུ། མིང་གི་རྣམ་གྲངས་ལ་ཁམས་མི་བདེ་བ་དང༌། ཉམས་མི་བདེ་བ། ཉེ་བར་གདུང༌། སྙུན། འདུ་བ་འཁྲུགས་པ། ན་བ། ནད། བརྣག་དཀའ། བྲོ་ནད། བྲོ་འཚལ། ཟུག་རྔུ་བཅས་སོ། ། |
| ན་ཚ་ཚབས་ཆེན |
ནད་གཞི་ལོད་པོའམ་ན་ཚ་ཛ་དྲག་པོ། |
| ན་ཚ་རོས་པ |
(ཡུལ་སྐད།) ན་ཚ་རྙིང་པ་ཆགས་པ། (དཔེར་ན།) སྨན་བཅོས་དུས་ཐོག་ཏུ་མ་འཁེལ་བས་ན་ཚ་རོས་པ་རེད་ཅེས་པ་ལྟ་བུ། |
| ན་ཚ་སྡེབ་བསླངས |
ན་ཚའི་འགལ་རྐྱེན་མང་པོ་དུས་གཅིག་ཏུ་བསླངས་པ། |
| ན་ཚུལ |
1.ན་ལུགས་ན་སྟངས་ཀྱི་གནས་ཚུལ། (དཔེར་ན།) ནད་པས་ཨེམ་ཆིར་ན་ཚུལ་བཤད་པ་ཞེས་པ་ལྟ་བུ། 2.མི་ན་ན་ཁུལ། (དཔེར་ན།) མི་ན་ན་ཚུལ་གྱི་ནད་རྫུ་བྱས་པ་ཞེས་པ་ལྟ་བུ། |
| ན་ཚོད |
ལོ་གྲངས་ཇི་ཙམ་ལོན་ཚོད། (དཔེར་ན།) ན་ཚོད་ཡོངས་སུ་ཉམས་པ། ན་ཚོད་ཤིན་ཏུ་ཕྲ་ཡང་གཏམ་ལན་དཔེ་དོན་སྦྱར་ཏེ་གནད་ལ་ཁེལ་བ་ཞིག་བཤད་ཅེས་པ་ལྟ་བུ། |
| ན་ཚོད་གནས |
(མངོན་བརྗོད།) 1>ཁུ་བྱུག 2>བྱ་རོག 3>སྐྱུ་རུ་རའི་ཤིང༌། 4>ན་ཚོད་དར་མ། |
| ན་ཚོད་དར་བ |
ལོ་ཚོད་དར་ལ་བབས་པའམ་ན་ཚོད་ལོངས་པ། |
| ན་ཚོད་དར་མ |
ལང་ཚོད་དར་བའི་མི་སྟེ་ལོ་སུམ་ཅུ་བཞི་བཅུ་ལོན་ཙམ་ཞིག |
| ན་ཚོད་ལོངས་པ |
1.ཚད་བཀག་གི་ལོ་གྲངས་ལོངས་པ། 2.བྱིས་པའི་ལོ་ཚད་ལས་ཡོལ་བ། |
| ན་ཚོད་ལྡན |
(མངོན་བརྗོད།) ཤིང་ཕག་ལོ། |
| ན་ཚོད་སོང་བ |
ལང་ཚོ་རྒས་པའམ་ལོ་རྒས་པ། |
| ན་ཟུག |
ན་བའི་ཟུག་རྔུའི་མྱོང་ཚོར་གྱི་མིང་། (དཔེར་ན།) ན་ཟུག་ལངས་ལྟ་བུ། |
| ན་ཟླ |
ལོ་ཚོད་མཉམ་པའི་དོན་ཏེ། (དཔེར་ན།) ངེད་གཉིས་ན་ཟླ་ཡིན་ལྟ་བུ། |
| ན་འདམ |
ཆུ་དང་བཅས་པའི་སྤང་ཐང་ངམ་ན་གཞུང༌། |
| ན་འདྲེད་སྤང་ཐོགས |
ན་ལ་འདྲེད་པ་དང་སྤང་ལ་ཐོགས་པ་རང་གིས་ཡག་པོ་བྱེད་མ་ཐུབ་པར་ཁག་འདོགས་སྣ་ཚོགས་བྱེད་སྟངས་ཀྱི་དཔེ། |
| ན་ཡམ |
ཚོད་ཚོད་དམ་སྤམ་སྤམ། (དཔེར་ན།) མ་བརྟགས་མ་དཔྱད་པར་ན་ཡམ་མ་བཤད་ཅེས་པ་ལྟ་བུ། |
| ན་ཡོལ |
ལང་ཚོ་རྒས་པའམ་ན་ཚོད་སོང་བ། |
| ན་ར་གཡུ་མཚོ |
བོད་ཀྱི་མཚོ་སྣ་རྫོང་གི་བྱང་རྒྱུད་དུ་ཡོད། |
| ན་ར་ར |
(རྒྱན་ཚིག) ཐག་པ་སོགས་ཐུར་དུ་འཕྱང་ནས་བསྐྱོད་པའི་རྣམ་པ་སྟེ། (དཔེར་ན།) སྐ་རགས་ན་ར་ར། ཐག་པ་ན་ར་ར་མར་འཕྱང་ལྟ་བུ། |
| ན་རཀ |
(ལེགས་སྦྱར།) དམྱལ་བ་སྟེ་ན་རག་ཀྱང་ཟེར། |
| ན་རམ |
ན་གཞུང་དུ་སྐྱེ་བའི་རྩྭ་ལྡུམ་རིགས་ཤིག་གི་མིང་། ལོ་མའི་དབྱིབས་ཐ་རམ་དང་འདྲ་ལ་ཕྱུགས་ཀྱི་གཟན་རྩྭ་བཟང་བོ་ཞིག་ཡིན། |
| ན་རཱི་ཀི་ལ |
(ལེགས་སྦྱར།) ཤིང་བེ་ཏའི་འབྲས་བུ། |
| ན་རིམ |
1.ན་ཚོད་ཀྱི་རིམ་པ། (དཔེར་ན།) རྒན་གཞོན་ན་རིམ་བཞིན་དུ་གྲལ་བསྒྲིགས་པ་ཞེས་པ་ལྟ་བུ། 2.རབས་སམ་རིམ་པ། (དཔེར་ན།) མི་རབས་ན་རིམ། འཛིན་གྲྭ་ན་རིམ་བཞིན་དུ་སློབ་སྦྱོང་བྱེད་པ་ཞེས་པ་ལྟ་བུ། |
| ན་རུ |
‘ན་རོ’ཡི་འབྲི་ཚུལ་གཞན། |
| ན་རེ |
(བྱེད་མེད་ལས་ཚིག) མིའི་མིང་གི་མཐར་སྦྱར་ན་དེའི་རྗེས་ཀྱི་ཚིག་ནི་མི་དེས་བཤད་པའི་སྐད་ཆ་ཡིན་པར་སྟོན་ཏེ། (དཔེར་ན།) ཁོ་ན་རེ། ངས་སློབ་སྦྱོང་ལེགས་པར་བྱེད་ངེས་ཡིན་ཟེར། དགེ་རྒན་ན་རེ། ཁྱོད་སློབ་གྲྭར་ཤོག་ཟེར་ཞེས་པ་ལྟ་བུ། |
| ན་རེ་ནོ་རེ |
ནོར་འཁྲུལ་གྱི་དོན་ཏེ། (དཔེར་ན།) ཚིག་ན་རེ་ནོ་རེས་དོན་མི་གོ་ཞེས་པ་ལྟ་བུ། |
| ན་རེ་བ |
(རྒྱན་ཚིག) རྒྱུན་ཆགས་པའམ་རྒྱུན་ཆད་པ་མེད་པའི་དོན་ཏེ། (དཔེར་ན།) སློབ་སྦྱོང་བྱེད་འདོད་ཀྱི་འདུན་པ་ན་རེ་བ་ཞིག་ཡོད་ལྟ་བུ། |
| ན་རོ |
བོད་ཡིག་གི་དབྱངས་བཞིའི་ནང་གི‘ཨོ’མཚོན་པའི་རྟགས་ོའདིའི་མིང་། |
| ན་རོགས |
དོན་མེད་སྟོན་པའི་ཚིག་ཅིག (དཔེར་ན།) དོན་མེད་འཁྱམས་པ་རྐང་པ་ན་རོགས་རེད་ཅེས་པ་ལྟ་བུ། |
| ན་རཿ |
(ལེགས་སྦྱར།) མི། |
| ན་རྒས་རྫི་རྡིབ |
ལོ་རྒས་ནས་རིག་པ་ཉམས་པར་གྱུར་པ། |
| ན་རྒྱུ་ཆེན་པོ |
1.ན་ཚ་ཚབས་ཆེན། 2.འཁོན་ཆེན་པོའི་དོན་ཏེ། (དཔེར་ན།) འཁོན་འགྲས་ཡོད་མཁན་བར་ན་རྒྱུ་ཆེན་པོ་བྱུངང༌ཞེས་པ་ལྟ་བུ། |
| ན་རྒྱུ་ཚ་རྒྱུ |
1.ལུས་ན་བ་དང་ཚ་བ་སྟེ། (དཔེར་ན།) འཕྲོད་བསྟེན་ཡག་པོ་བྱས་ན་ན་རྒྱུ་ཚ་རྒྱུ་མང་པོ་མི་ཡོང༌ཞེས་པ་ལྟ་བུ། 2.འཁོན་འཛིན་ཞེ་ནད་ཀྱི་དོན་ཏེ། (དཔེར་ན།) སྐད་ཆ་ན་རྒྱུ་ཚ་རྒྱུ་མང་པོ་མ་བཤད་ཅེས་པ་ལྟ་བུ། |
| ན་རྫུ |
ན་མེད་ན་རྫུ་བྱེད་པ་སྟེ། (དཔེར་ན།) ན་མེད་ན་རྫུ་བཏབ་པ་ཞེས་པ་ལྟ་བུ། |
| ན་ལེ་ཤམ |
ཕོ་བ་རིས་ཟེར་བའི་དྲོད་སྨན་ཀྱི་མིང་། |
| ན་ལྷང་ལྷང |
ནད་ཀྱི་ཟུག་ཚོར་ཚུལ་ཏེ། (དཔེར་ན།) གཟུགས་པོ་མི་བདེ་བ་ན་ལྷང་ལྷང་ཞིག་འདུག་ཅེས་པ་ལྟ་བུ། |
| ན་ཤུལ |
ན་བའི་དུས། (དཔེར་ན།) ང་ན་ཤུལ་རིང་ལ་ཁོང་གིས་གང་ཅིར་རོགས་རམ་ཡག་པོ་གནང་བྱུང༌ཞེས་པ་ལྟ་བུ། |
| ན་ཤོ |
སྔོ་ཞིག |
| ན་སོ |
1.ལོ་ཚོད་ཀྱི་མིང་སྟེ། (དཔེར་ན།) ན་སོ་ཆུང་ཡང་ཤེས་རྒྱ་ཆེ་ན་སོ་རྒས་ཀྱང་སྤོབས་པ་རྒྱས་ལྟ་བུ། ཚིག་བསྡུས་ན‘ན’ཞེས་འབྲི་ཆོག་སྟེ། (དཔེར་ན།) ན་ཆུང་ཞེས་པ་ལྟ་བུ། 2.རྟའི་ལོ་ཚད་ཁྱད་པར་བའི་མིང་། (དཔེར་ན།) རྟ་ན་སོ་གཅིག་པ་ཞེས་པ་ལྟ་བུ། |
| ན་སོན |
ན་ཚོད་ལོན་པ། |
| ན་སྨད་པ |
འདུལ་བའི་སྐབས་སུ་ཡན་ལག་གཅིག་མ་ཚང་བའི་ལྟུང་བར་ན་སྨད་པ་ཟེར་བས་ལྟུང་བ་དེ་ལྡན་པའི་མི། |
| ནག |
(རྒྱན་ཚིག) ཕོ་རོག་གི་མདོག་ལྟ་བུའི་ཁ་དོག་གི་མིང་། (དཔེར་ན།) སྤྲིན་ནག ནག་ཁྲ། དར་གོས་ནག་པོ་ཞེས་པ་ལྟ་བུ། |
| ནག་ཁུང |
མུན་ནག |
| ནག་ཁྲ |
ནག་ཤས་ཆེ་བའི་ཁྲ་ཁྲ། |
| ནག་གེ་ནོག་གེ |
རི་མོ་ཚོན་སོགས་ཟུབ་པའི་རྣམ་པ་སྟེ། (དཔེར་ན།) མདོག་རིས་ནག་གེ་ནོག་གེ་མེད་པར་གསལ་པོ་འདུག ཚོན་རིས་རྣམས་ནག་གེ་ནོག་གེར་གྱུར་འདུག་ཅེས་པ་ལྟ་བུ། |
| ནག་གེ་བ |
སྐྱོན་དང༌། དྲི་ནོག་ཆགས་ཚུལ་ཞིག་སྟེ། (དཔེར་ན།) གོས་རྙིང་ནག་གེ་བ། བྱ་སྤྱོད་ནག་གེ་བ་ཞེས་པ་ལྟ་བུ། |
| ནག་ཅན |
ཉེས་པ་ཡོད་མཁན་ཏེ། (དཔེར་ན།) ནག་ཅན་གཏེ་པོ། ནག་ཅན་ལྟེ་བ་ཞེས་པ་ལྟ་བུ། |
| ནག་ཆུ |
1.རྫོང་ཞིག་བོད་ཀྱི་གྲོང་ཁྱེར་ལྷ་སའི་བྱང་ཤར་ངོས་ན་ཡོད། 2.འབབ་ཆུ་ཞིག ཆུ་འགོ་གདང་ལའི་ལྷོ་ངོས་ནས་བྱུང་ཞིང་ཨ་མདོ་རྫོང་ཁུལ་གྱི་ནག་མཚོར་འབབ། དེ་ནས་ནག་ཆུ་རྫོང་བརྒྱུད་དེ་འབྲི་རུ་རྫོང་ཁུལ་དུ་ཤག་ཆུ་དང་འདྲེས་ཤིང༌། དེ་ནས་སོག་རྫོང་ཁུལ་དུ་སོག་ཆུ་དང་འདྲེས་རྗེས་གཞི་ནས་རྒྱལ་མོ་རྔུལ་ཆུ་ཞེས་ཟེར། 3.ས་ཁུལ་ཞིག ས་ཁུལ་འདིའི་ཁོངས་སུ་ནག་ཆུ་དང༌། ཨ་མདོ། སྙན་རོང༌། སྦྲ་ཆེན། སོག་འབྲི་རུ། དཔལ་མགོན། ལྷ་རི། ཤན་རྩ་བཅས་རྫོང་ཁག་དགུ་ཡོད་ཅིང༌། ས་ཁུལ་གྱི་ལས་ཁུངས་ནག་ཆུ་ཁར་ཡོད། |
| ནག་ཆེན |
ཉེས་པ་ཆེན་པོ། |
| ནག་ཆེན་ཁྲག་སྦྱོར་གྱི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་སྔ་དུས་ཁྲིམས་འགལ་ཚབས་ཆེན་བྱས་རིགས་ལ་དབང་པོ་གཅོད་འབྲེག་སོགས་ལུས་སྟེང་གི་ཆད་པ་གཅོད་ལུགས་ཀྱི་ཁྲིམས། |
| ནག་ཉེས |
བྱ་བ་ཉེས་པའི་སྐྱོན། ནག་ཉེས་ཆེན་པོ་ནམ་མཁར་མི་ཤོང་བ། |
| ནག་ཏིང་ངེ |
མུན་པའམ་མདོག་ཤིན་ཏུ་ནག་པོའི་དོན་ཏེ། (དཔེར་ན།) དཀར་གསལ་མེད་པའི་ཁང་པ་ནག་ཏིང་ངེ་བ། ཞལ་ནག་ཏིང་ངེར་གྱུར་ནས་ཕྱིན་སོང༌། རྡོ་སོལ་ལྟར་ནག་ཏིང་ངེ་བའི་བྲག་རྡོ་ཞེས་པ་ལྟ་བུ། |
| ནག་ཐིག |
མདོག་ནག་པོའི་ཐིག་ལེ། |
| ནག་ཐིང་ངེ |
ནག་ཏིང་ངེ་དང་འདྲ། |
| ནག་ཐིང་ཐིང |
ཁ་དོག་ནག་ཚུལ་ཞིག་སྟེ། (དཔེར་ན།) ངོ་དཀར་སིང་སིང༌། སེམས་ནག་ཐིང་ཐིང༌ཞེས་པ་ལྟ་བུ། |
| ནག་ཐིབ་ཐིབ |
མུན་པ་དང་གྲིབ་སོ་འཐིབས་པའི་ཁ་དོག་སྟེ། (དཔེར་ན།) ཉི་མ་ནུབ་ནས་གནམ་ནག་ཐིབ་ཐིབ་ཏུ་གྱུར་སོང༌ཞེས་པ་ལྟ་བུ། |
| ནག་ཐུམ་མེ |
གློ་བུར་མུན་པ་འཐིབས་པ་ལྟ་བུའི་སྣང་བ་འཆར་སྟངས་ཤིག་སྟེ། (དཔེར་ན།) ནད་པ་ནག་ཐུམ་མེར་བརྒྱལ་སོང༌། ལྷགས་པ་ཕོག་ནས་ཞུ་མར་ནག་ཐུམ་མེར་ཤི་སོང༌ཞེས་པ་ལྟ་བུ། |
| ནག་ཐོམ |
1.མུན་པ་རུབ་པའི་དོན་ཏེ། (དཔེར་ན།) ཞུ་མར་གློ་བུར་དུ་ནག་ཐོམ་སྟེ་ཤི་སོང༌ཞེས་པ་ལྟ་བུ། 2.རིག་པ་མི་གསལ་བ། |
| ནག་ཐོམ་ཐོམ |
དཀར་གསལ་མེད་པའི་དོན་ཏེ། (དཔེར་ན།) མུན་ཁང་ནང་དུ་ནག་ཐོམ་ཐོམ་དུ་ལུས་འདུག་ཅེས་པ་ལྟ་བུ། |
| ནག་དྲེག |
ཐབ་སྣོད་སོགས་ཀྱི་མཐིལ་དྲེག |
| ནག་ནོག |
(རྒྱན་ཚིག) མི་གཙང་བའི་དོན་ཏེ། (དཔེར་ན།) ཟས་ནག་ནོག་མ་ཟ། དྲི་མ་ནག་ནོག་བཀྲུས་ལྟ་བུ། ཚུལ་དང་མི་མཐུན་པའི་དོན་ཏེ། སྐད་ཆ་ནག་ནོག་མ་བཤད། བྱ་བ་ནག་ནོག་མ་ལས་ཞེས་པ་ལྟ་བུ།གསལ་བོ་མ་ཡིན་པའི་དོན་ཏེ། ཡི་གེ་ནག་ནོག་མ་འབྲི་ལྟ་བུ།ཁ་སྐད་ལ‘ན་གེ་ནོག་གེ’ཟེར་ཏེ། (དཔེར་ན།) ཟས་ན་གེ་ནོག་གེ་མ་ཟ། སྐད་ཆ་ན་གེ་ནོག་གེ་མ་བཤད། ཡི་གེ་ན་གེ་ནོག་གེ་མ་འབྲི་ཞེས་པ་ལྟ་བུ། |
| ནག་པ |
1.རྒྱུ་སྐར་ཞིག་གི་མིང་ཧོར་ཟླ་གཉིས་པའི་ཚེས་བཅུ་དྲུག་ནས་གསུམ་པའི་ཚེས་བཅོ་ལྔའི་བར་དུ་ནག་ཟླ་ཟེར། ཟླ་བ་ཉ་རྒྱས་དུས་སུ་སྐར་མ་ནག་པ་དང་ཟླ་བ་གཉིས་ཕལ་ཆེར་འགྲོགས་པས་ན་དེ་ལྟར་བརྗོད། 2.ཚོས་གཞི་དཀར་བའི་ལྡོག་ཕྱོགས་ནག་པ། |
| ནག་པ་ཅན |
(མངོན་བརྗོད།) ནག་པ་ཟླ་བ། |
| ནག་པ་ཟལ་བ |
(མངོན་བརྗོད།) དཔྱིད་ཐ་མའམ་ཧོར་ཟླ་གསུམ་པ། |
| ནག་པང |
རྩི་ནག་པོ་བཏང་བའི་ཡི་གེ་འབྲི་གཞིའི་པང་ལེབ། |
| ནག་པའི་ཉ |
ཧོར་ཟླ་གསུམ་པའི་ཚེས་བཅོ་ལྔ་སྐར་མ་ནག་པ་དང་ཟླ་བ་མཉམ་བགྲོད་ཀྱི་དུས། |
| ནག་པོ |
1.བྱ་བ་ངན་པའམ་ཉེས་པའི་དོན་ཏེ། (དཔེར་ན།) དཀར་པོ་ལ་གྱེན་འདེད་དང་ནག་པོ་ལ་ཐུར་འདེད་བྱེད་པ་ཞེས་པ་ལྟ་བུ། 2.ཉན་ཐོས་དགྲ་བཅོམ་པ་ཞིག་སྟེ། བསྟན་པའི་གཏད་རབས་དྲུག་པ། 2.ཁ་དོག་གི་བྱེ་བྲག་ཅིག (དཔེར་ན།) སོལ་བ་ནག་པོ། རས་ནག་པོ། མཚན་མོ་ནག་པོ། སེམས་ནག་པོ། ངོ་ནག་པོ་སྟོན་པ་ཞེས་པ་ལྟ་བུ། 3.ཧ་ཅང་ངམ་ཤིན་ཏུའི་དོན། (དཔེར་ན།) དགྲ་བོ་དགྲ་ནག ལྐུགས་པ་ལྐུགས་ནག དཔེ་ནག་པོ་བསགས་སོང༌། ཧ་ནག་པོ་ལས་སོང༌། ཞེ་ནག་པོ་འགྲས་སོང༌ཞེས་པ་ལྟ་བུ། |
| ནག་པོ་ཆེན་པོ |
ཆོས་སྐྱོང་ཆེན་པོ་མགོན་ནག་གི་རིགས། |
| ནག་པོ་ནག་རྐྱང |
ཚོས་གཞི་གཞན་དག་མ་འདྲེས་པའི་ནག་རྐྱང༌། |
| ནག་པོ་བརྩེགས |
(མངོན་བརྗོད།) དུག |
| ནག་པོ་བསྟན་པ |
འཁོར་བར་འཁྱམས་བྱེད་ཀྱི་རྒྱུ་ཁོ་ན་སྟོན་པའི་གྲུབ་མཐའ་སྨྲ་བ་ཞིག |
| ནག་པོ་འགྲོ་ཤེས |
ཚིག་འབྲུ་དཀྱུས་གཅིག་ཏུ་ཤར་གྱིས་འདོན་ཀློག་ཐུབ་པའི་དོན་ཏེ། (དཔེར་ན།) གོ་དཀའ་བའི་གཞུང་དོན་རྣམས་ནག་པོ་འགྲོ་ཤེས་སུ་བཀོད་པ་ཞེས་པ་ལྟ་བུ། |
| ནག་པོ་ཡོར་འགེལ |
ཧམ་བསྙོན་གྱིས་ཉེས་སྐྱོན་འཛུགས་པ། |
| ནག་པོ་སུམ་སྒྲིལ |
ཕྱི་རོལ་གྱི་དུག་ཅན་སྲིན་བུ་པརྤ་ཏ་དང༌། ལུས་ནང་གི་ཁྲག་སྲིན་གཉིས་འདོམས་ཏེ་གཉན་ཚད་རླུང་གསུམ་མཉམ་དུ་སློང་བའི་ནད་གདུག་པ་ཅན་འཕྲལ་དུ་སྲོག་ལ་རྒོལ་བ་ཞིག |
| ནག་པོ་སྤྱོད་པ |
སྔར་རྒྱ་གར་གྱི་གྲུབ་ཆེན་ཞིག་སྟེ་གྲུབ་ཐོབ་བརྒྱད་ཅུའི་ཡ་གྱལ་ཞིག |
| ནག་པོའི་ཆ |
1.ཟླ་བ་མར་ངོ། 2.བྱ་བ་མི་དགེ་བ། |
| ནག་ཕྱོགས |
1.ལུགས་རྙིང་གི་ཟླ་བ་མར་ངོའི་མིང་། (དཔེར་ན།) ནག་ཕྱོགས་དགའ་བ་དང་པོ(ལུགས་རྙིང་ཚེས་པ་བཅུ་དྲུག)ཞེས་པ་ལྟ་བུ། 2.ཚུལ་མིན་གྱི་སྤྱོད་པ་དང་ཉེས་སྤྱོད་སོགས་ཀྱི་མིང་། (དཔེར་ན།) མི་ནག་ཕྱོགས་པ་ཞེས་པ་ལྟ་བུ། 3.ལས་འབྲས་སམ་དོན་དངོས་གནས་ལུགས་དང་མི་མཐུན་པའི་བྱ་སྤྱོད་ལ་ནག་ལས་ཟེར། |
| ནག་བཙུགས་པ |
ནག་མེད་ནག་བཙུགས་དང་དོན་གཅིག |
| ནག་མཆན |
གཞུང་ཆེན་རྣམས་ཀྱི་ཡིག་འབྲུའི་ཞབས་ལ་སྣག་ཚས་བྲིས་པའི་མཆན་འགྲེལ། |
| ནག་མདངས |
ཁ་དོག་ནག་པོའི་མདངས། |
| ནག་མཚུར |
ཁ་དོག་ནག་པོ་བཟོ་བྱེད་ཀྱི་མཚུར་ཞིག |
| ནག་མེད |
ཉེས་པ་མེད་པའི་དོན་ཏེ། (དཔེར་ན།) ནག་མེད་ཉེས་བཙུགས། མི་ནག་མེད་ལ་ནག་དང༌། རྡོ་ཟུར་མེད་ལ་ཟུར། ནག་མེད་ནག་ཁེལ་ཞེས་པ་ལྟ་བུ། |
| ནག་མེད་ཉེས་འགེལ |
བྱས་ཉེས་མེད་བཞིན་དུ་ཉེས་ཁག་དཀྲི་བའམ་ཉེས་པ་མེད་པར་ཉེས་ཆད་གཏོང་བ། |
| ནག་མེད་ནག་བཙུགས |
ཉེས་པ་མེད་པར་ཉེས་ཁག་བཀལ་བའི་དོན་ཏེ། (དཔེར་ན།) གྱོད་ཡ་ཕན་ཚུན་ནག་མེད་ནག་བཙུགས་ཀྱིས་རྩོད་ཤགས་བརྒྱབ་མི་ཆོག་ཅེས་པ་ལྟ་བུ། |
| ནག་མོ |
1.བུད་མེད་ཀྱི་མིང་ལ་ནག་མོ་ཡང་ཟེར། 2.མདོག་ནག་པོའི་དོན་ཏེ། (དཔེར་ན།) མ་མོ་ནག་མོ། མཛོ་མོ་ནག་མོ་ཞེས་པ་ལྟ་བུ། |
| ནག་ཚང |
(ཡུལ་སྐད།) 1.གནག་ཕྱུགས་ཡོད་པའི་འབྲོག་དུད། 2.རེ་ལྡེས་བཟོས་པའི་སྦྲ་དབྱིབས་གྲུ་བཞི་མ། 3.ས་མིང་ཞིག བོད་ཀྱི་ཤན་རྩ་རྫོང་གི་མིང་རྙིང་ཡིན། |
| ནག་ཚུབ་ཚུབ |
གྲིབ་མའམ་མུན་པ་དང་རླུང་ནག་ཚུབ་ཚུབ་སྟེ། (དཔེར་ན།) ཐལ་རླུང་ཆེན་པོ་ནག་ཚུབ་ཚུབ་ཅིག་ལངས་འདུག་ཅེས་པ་ལྟ་བུ། |
| ནག་ཚུར |
ལན་ཚྭའི་སྨན་གྱི་རིགས་ཤིག་རོ་སྐྱུར། ཞུ་རྗེས་སྙོམས། ནུས་པས་རྨ་རུལ་གསོ། སྐྲན་ནད་བཤིག་སྐྲ་དཀར་ནག་པོར་འགྱུར། སོ་རྙིལ་དང་ཁའི་ནད་སེལ། |
| ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ |
རབ་བྱུང་དང་པོའི་གོང་གི་ལོ་གྲངས་བཅུ་བདུན་པ་ལྕགས་ཕག་ལ་སྐུ་འཁྲུངས་ཤིང་གུ་གེའི་རྒྱལ་པོ་བྱང་ཆུབ་འོད་ཀྱི་བཀའ་བཞིན་རྔོག་ལེགས་པའི་ཤེས་རབ་དང་ལྷན་ཅིག་ཏུ་ཇོ་བོ་རྗེ་གདན་འདྲེན་དུ་འཕགས་ཡུལ་དུ་ཕེབས་པའི་ལོ་ཙཱ་བ་ཞིག |
| ནག་ཚོང |
གསང་ཐབས་ཀྱི་སྒོ་ནས་ཡུལ་ཐང་ལས་རིན་གོང་ཆེ་བའི་ཉོ་ཚོང་བྱེད་པའི་ཚོང༌། |
| ནག་ཟལ |
ནག་ཁྲའི་དོན་ཏེ། (དཔེར་ན།) བ་ཕྱུགས་ནག་ཟལ། མཛོ་མོ་ནག་ཟལ་ཞེས་པ་ལྟ་བུ། |
| ནག་ཟླ |
(མངོན་བརྗོད།) ཧོར་ཟླ་གསུམ་པ། |
| ནག་འགྲོས |
དཔེ་གཞུང་སོགས་ཀྱི་ཚིག་ཧ་ཅང་ཁ་གསལ་བའི་དོན་ཏེ། (དཔེར་ན།) བརྡ་སྤྲོད་ཀྱི་དོན་རྣམས་ནག་འགྲོས་སུ་བཀོད་པ་ཡིན་ལྟ་བུ། |
| ནག་འབྱམས |
1.ཡི་གེ་ནག་ཟུབ་སྟེ། (དཔེར་ན།) སྣག་ཚ་འདལ་ནས་ཡིག་འབྲུ་ནག་འབྱམས་ལ་ཕྱིན་འདུག་ཅེས་པ་ལྟ་བུ། 2.དཀར་ཆའམ་སྣང་བ་ཐམས་ཅད་འགྲིབ་པ་སྟེ། (དཔེར་ན།) ཆར་མུན་འཐིབས་ཏེ་མུན་པ་ནག་འབྱམས་ལ་སོང་བ་ལྟ་བུ། 3.སྲོལ་ངན་རྒྱུན་ཆགས་ཀྱི་དོན་ཏེ། (དཔེར་ན།) སྒྲིག་ལམ་ཉམས་ནས་སྲོལ་ངན་ནག་འབྱམས་སུ་གྱུར་པ་ཞེས་པ་ལྟ་བུ། |
| ནག་ཡོ་རེ་བ |
གྲིབ་ནག་གི་རྣམ་པ་ཞིག་སྟེ། (དཔེར་ན།) མཚན་མོར་ཐག་རིང་གི་ཁང་པ་རྣམས་ནག་ཡོ་རེ་བ་ཞིག་ལས་མཐོང་རྒྱུ་མི་འདུག་ཅེས་པ་ལྟ་བུ། |
| ནག་རོག་གེ་བ |
སོལ་བའི་མདོག་ལྟ་བུ་སྟེ། (དཔེར་ན།) མགལ་དུམ་ནག་རོག་གེ་བ། ཁྲོས་ཏེ་གདོང་ནག་རོག་གེ་བར་བསྡད་འདུག་ཅེས་པ་ལྟ་བུ། |
| ནག་རྩི |
ཁང་པའི་སྒོ་དང་སྒེའུ་ཁུང་གི་མཐའི་ནག་རྩི། |
| ནག་རྩིས |
གནའ་དུས་རྒྱ་ཡིག་ནས་བསྒྱུར་བའི་རྩིས་རིག་གི་དཔེ་ཆ་རིགས་ཤིག་གི་མིང་། |
| ནག་ལས |
ཁྲིམས་དང་འགལ་བའམ་ཚུལ་མིན་གྱི་བྱ་བའི་མིང་། |
| ནག་ལྷག་ལྷག |
དྲི་ནོག་ཆགས་ཚུལ་ཞིག་སྟེ། (དཔེར་ན།) ཤོག་བུ་ནག་ལྷག་ལྷག་ལ་ཡིག་འབྲུ་གསལ་པོ་མི་ཡོང༌ཞེས་པ་ལྟ་བུ། |
| ནག་ལྷད |
ཡང་དག་པ་ལ་སྐྱོན་ལྷད་འདྲེས་པ། |
| ནག་ཤ |
(ཡུལ་སྐད།) དུད་འགྲོ་གནག་ཕྱུགས་ཀྱི་ཤ། |
| ནག་ཤེ |
གནག་ཕྱུགས་རིགས་ཀྱི་ཤེ། |
| ནག་སེང་བ |
ཁ་དོག་ནག་པོའི་ཁྱད་པར་ཞིག་སྟེ། (དཔེར་ན།) སྐྲ་སྤུ་ནག་སེང་བ་ཞེས་པ་ལྟ་བུ། |
| ནག་སེར |
ཁ་དོག་གི་ཁྱད་པར་ཞིག་སྟེ། རས་ནག་སེར་གྱི་ཕྱུ་པ་བྲ་བོའི་མདོག་ལྟ་བུ། |
| ནག་སྲེ |
(ཡུལ་སྐད།) དཀར་རག་དང་སྣག་ཚ་བསྲེས་པའི་མདོག |
| ནག་ཧུ་རེ |
བུག་པ་སྟོང་པའི་མངོན་ཚུལ་ཞིག་སྟེ། (དཔེར་ན།) ཁང་པའི་སྒོ་ནག་ཧུ་རེར་ཕྱེ་འདུག སེང་གེའི་ཁ་ནག་ཧུ་རེར་གདངས་འདུག་ཅེས་པ་ལྟ་བུ། |
| ནག་ཧྲུལ་ལེ་བ |
སྐྱོན་ནམ་དྲི་ནོག་ཆགས་ཚུལ་ཞིག་སྟེ། (དཔེར་ན།) གོས་རྙིང་ནག་ཧྲུལ་ལེ་བ་ཞེས་པ་ལྟ་བུ། |
| ནགས |
སྐྱེ་ཤིང་མང་པོ་ཡོད་ས་སྟེ། (དཔེར་ན།) ནགས་སྟུག་པོ། ནགས་འཐིབས་པོ། ནགས་ཀྱི་ཤིང་མི་དྲང་བ་མིན་པར་ཤིང་མཁན་ཐིག་མ་དྲང་བ་རེད་ཅེས་པ་ལྟ་བུ། |
| ནགས་ཀྱི་དབང |
(མངོན་བརྗོད།) སེང་གེ། |
| ནགས་ཀྱི་ཙན་དན |
(མངོན་བརྗོད།) ཨ་ག་རུ། |
| ནགས་ཀྱི་རི་དྭགས་གསོད |
(མངོན་བརྗོད།) འཕར་བ། |
| ནགས་ཀྱི་ཤྭ་ན |
གཅན་གཟན་སྟག་གཟིག |
| ནགས་ཀྱི་ས་འཛིན |
(མངོན་བརྗོད།) ནགས་རི། |
| ནགས་ཀྱི་ཧི་ར |
(མངོན་བརྗོད།) ཕག་རྒོད། |
| ནགས་ཀླུང |
རང་བཞིན་གྱིས་སྐྱེས་པའི་ནགས་ཚལ་སྟུག་པོའི་མིང་། (དཔེར་ན།) གནའ་དུས་ནས་ཆགས་པའི་ནགས་ཀླུང༌ཞེས་པ་ལྟ་བུ། |
| ནགས་ཁུལ |
ནགས་ཚལ་ཅན་གྱི་ས་ཁུལ། |
| ནགས་ཁྱི |
(མངོན་བརྗོད།) འཕར་བ། |
| ནགས་ཁྲོད |
ནགས་སྟུག་པོའི་ནང་ཁུལ་གྱི་མིང་། |
| ནགས་གསེབ |
ཤིང་གསེབ་བམ་ནགས་ཁྲོད། |
| ནགས་ན་གནས |
1.གནས་བརྟན་བཅུ་དྲུག་ལས་ལོ་མ་བདུན་པའི་རི་ཕུག་ན་བཞུགས་པའི་གནས་བརྟན་ཞིག 2.(མངོན་བརྗོད།) སྤྲེའུ། |
| ནགས་ན་དགའ |
(མངོན་བརྗོད།) 1>ཁུ་བྱུག 2>གླང་པོ་ཆེ། |
| ནགས་ན་སྤྱོད |
(མངོན་བརྗོད།) ཤ་ར་བྷ་སྟེ་སེང་གེ་རྐང་པ་བརྒྱད་པ། |
| ནགས་ཕག་མཚོ |
མདོ་ཁམས་རྒྱལ་ཐང་རྫོང་ཁོངས་སུ་ཡོད་པའི་མཚོ་ཞིག |
| ནགས་བྱ་རོག་པོ |
བྱ་ཁྭ་ཏ། |
| ནགས་མ |
རུས་པ་ཆག་པར་སྦྱོར་བ་ལ་ཕན་པའི་སྔོ་སྨན་ཞིག |
| ནགས་མིའི་ཐང་ཆུ |
གསོམ་ཐང་ཤིང་གི་ཐང་ཆུ་རོ་ཁ་ལ་ཚ། ཞུ་རྗེས་སྙོམས། ནུས་པས་རྣག་འབིགས། ཆུ་སེར་སྐེམ། |
| ནགས་མེ |
ནགས་ཚལ་ལ་མཆེད་པའི་མེ། |
| ནགས་ཚལ |
རང་བྱུང་གི་ཤིང་ནགས་ཀྱི་མིང་། མིང་གི་རྣམ་གྲངས་ལ་དགོན་པ་དང༌། སྟུག་པོའི་ནགས། འཐིབས་པོ། ནགས་ཀླུང༌། ཚང་ཚིང་ཅན། ཚལ་ཤིང་ལྡན་བཅས་སོ། ། |
| ནགས་ཚལ |
རང་བྱུང་དུ་སྐྱེས་པའི་ནགས་ཆེན་པོའི་མིང་། |
| ནགས་ཚལ་རལ་གྲིའི་ལོ་མ་ཅན |
རལ་གྲི་ལོ་མའི་ནགས་ཚལ་དང་དོན་གཅིག |
| ནགས་འདབས |
ཤིང་ནགས་ཀྱི་གཤམ་མམ་ཉེ་འཁོར། |
| ནགས་རི |
ཤིང་ནགས་ཡོད་པའི་རི་བོའི་མིང་། (དཔེར་ན།) ནགས་རི་དང་གངས་རི་སྤང་རི་གསུམ་གྱི་ནང་ནས་གངས་རི་མཐོ་ཞེས་པ་ལྟ་བུ། |
| ནགས་རྫོབ |
ཤིང་ནགས་ཚང་ཚིང༌། |
| ནགས་ལས |
ཤིང་ཆ་དང་ནགས་ཐོན་དངོས་རྫས་འདོན་པའི་ཆེད་དུ་ནགས་ཚལ་འཛུགས་གཉེར་གྱི་ཐོན་སྐྱེད་ལས་དོན། |
| ནགས་སྦྲང |
ཤིང་ནགས་ནང་གི་སྦྲང་མ། |
| ནང |
1.ཕྱི་ནང་གི་ཟླས་ཕྱེ་བའི་ནང༌། (དཔེར་ན།) སེམས་ནང༌། ཁང་པའི་ནང༌། ཆུའི་ནང༌། མི་མང་པོའི་ནང་དུ་འཚང་བ། ཚོགས་ཁང་གི་ཕྱི་ནང་ཚང་མ་མིས་གང་འདུག ནང་སྐོར་ཁ་འཆམས། ཕྱི་སྐོར་གྲོས་མཐུན། ནང་དཔའ་བོའི་དཔའ་གྲལ་མ་བཤིག་ན། ཕྱི་གེ་སར་དམག་ལ་སྐྲག་མི་དགོས་ཞེས་པ་ལྟ་བུ། 2.ཁྱིམ་མམ་སྡོད་སའི་དོན་ཏེ། (དཔེར་ན།) ཁོང་ནང་ལ་བཞུགས་མི་འདུག ཁོང་ནང་ལ་ལོག་ཕྱིན་སོང༌ཞེས་པ་ལྟ་བུ། 3.འཕྲོས་དོན་སེམས་ལའང་འཇུག་སྟེ། (དཔེར་ན།) དཀའ་ཚེགས་ཆེ་ཡང་ནང་དུ་མ་ཞུམ། 4.འཕྲོས་དོན་གསང་བའི་དོན་ལ་འཇུག་སྟེ། (དཔེར་ན།) ནང་ཁུལ་གྱི་ཡིག་ཆ་ཞེས་པ་ལྟ་བུ། |
| ནང་ཀར |
(ཡུལ་སྐད།) སྦྲ་འབུབས་བྱེད་ནང་གི་ཀ་རྒྱུག |
| ནང་ཁུལ |
ནང་ཚགས། |
| ནང་ཁོངས |
ནང་གི་ཁོངས་གཏོགས། |
| ནང་ཁྱིམ |
རང་གི་ཁྱིམ། |
| ནང་ཁྲལ |
སྔར་ཁྲལ་པ་ཚོས་སྒེར་དཔོན་སོ་སོར་འཇལ་དགོས་པའི་ཁྲལ། |
| ནང་ཁྲིམས |
1.ནང་ཁུལ་གྱི་སྒྲིགས་ཁྲིམས། 2.སྒེར་རམ་ཁྱིམ་ཚང་གི་སྒྲིགས་ཁྲིམས། |
| ནང་ཁྲོམ |
རང་ཁྱིམ་གྱི་དངོས་པོ་ཕྱིར་འཚོང་བ། |
| ནང་ཁྲོལ |
སྲོག་ཆགས་ཀྱི་ཁོག་པའི་ནང་གི་སྙིང་དང་གློ་བ་རྒྱུ་མ་སོགས་ཀྱི་སྤྱི་མིང་། ‘ནང་ཆ’ཡང་ཟེར། |
| ནང་གཏམ |
ནང་གི་ཐབས་ཇུས་དོན་སྐོར་གྱི་སྐད་ཆ། |
| ནང་གཏམ་ཕྱིར་སྐྱེལ |
ནང་གི་གསང་གཏམ་གཞན་ལ་བཤད་པ། |
| ནང་གཙང |
1.མི་ཕན་ཚུན་དགའ་མཐུན་བློས་ཁེལ་བ་སྟེ། (དཔེར་ན།) མཆེད་གྲོགས་ཚང་མ་བློ་མཐུན་ནང་གཙང་ཤ་སྟག་ཡིན་ཞེས་པ་ལྟ་བུ། 2.བློ་སྙིང་དཀར་པོའི་དོན་ཏེ། (དཔེར་ན།) ཤེས་རྒྱུད་ལྷད་མེད་ནང་གཙང་ཡིན་ཞེས་པ་ལྟ་བུ། |
| ནང་གཞིས |
1.མངའ་བདག་གི་ནང་ཁྱིམ་དང་གཞིས་ཀ། 2.ཁྱིམ་གྱི་རྒྱུ་ནོར་གྱི་མིང་། |
| ནང་གསལ |
1.ནང་དུ་གསལ་བར་བཀོད་པའི་དོན་ཏེ། (དཔེར་ན།) ཡི་གེའི་ནང་གསལ་ལྟར་བྱེད་དགོས་ཞེས་པ་ལྟ་བུ། 2.ནང་ནས་མཐོང་བའི་དོན་ཏེ། (དཔེར་ན།) ཤེལ་ནི་ཕྱི་གསལ་ནང་གསལ་ཞིག་རེད་ཅེས་པ་ལྟ་བུ། |
| ནང་གསེས |
ནང་ཚན་ནམ་ནང་གི་བྱེ་བྲག |
| ནང་གི་ཁམས་དྲུག |
ཁམས་བཅོ་བརྒྱད་ཀྱི་བྱེ་བྲག་ཅིག་མིག་རྣ། སྣ། ལྕེ། ལུས། ཡིད་བཅས་ཀྱི་དབང་པོའི་ཁམས་རྣམས་སོ། ། |
| ནང་གི་གཟུགས |
སྐྱེས་བུའི་ཤེས་རྒྱུད་ཀྱིས་བསྡུས་པའི་གཟུགས་ཏེ། དབང་པོ་ལྔ་ལྟ་བུ་ནང་གི་གཟུགས་ཅན་དྭངས་པའོ། ། |
| ནང་གི་གཟུགས་ཅན་དང་བ |
ནང་གི་གཟུགས་ཅན་དྭངས་པའི་འབྲི་ཚུལ་གཞན་ཞིག |
| ནང་གི་གཟུགས་ཅན་དྭངས་པ |
དབང་པོ་ལྔའོ། ། |
| ནང་གི་གཡེང་བ |
རྣམ་གཡེང་དྲུག་གི་ནང་ཚན་ཞིག་བྱིང་བ་དང༌། རྒོད་པ་དང༌། རོ་མྱོང་བར་བྱེད་པ་སྐྱོན་དེ་གསུམ་གྱིས་ཏིང་ངེ་འཛིན་མེད་པར་བྱེད་པའོ། ། |
| ནང་གི་གྲུ་འཛིན |
(མངོན་བརྗོད།) གཉེར་པ། |
| ནང་གི་ཐེག་པ་གསུམ |
གསང་སྔགས་རྙིང་མའི་ལུགས་ལ་མ་ཧཱ་ཨ་ནུ་ཨ་ཏི་གསུམ། |
| ནང་གི་དེ་ཉིད་བཅུ |
ཕྱིར་བཟློག་གཉིས། དབང་བཞི་བསྐུར་བ། ཁ་སྦྱོར་དབྱེ་བ། གཏོར་མ། རྡོ་རྗེའི་བཟླས་པ། དྲག་ཤུལ་སྒྲུབ་པ། རབ་གནས། དཀྱིལ་འཁོར་སྒྲུབ་པ། མཆོད་བསྟོད་བྱ་བ། བདག་འཇུག་ལེན་ཞིང་རྗེས་སུ་གནང་བ་ནོད་པ་རྣམས་སོ། ། |
| ནང་གི་བསྟན་བཅོས |
སངས་རྒྱས་པའི་བསྟན་བཅོས། |
| ནང་གི་བེམ་པོ |
ནང་གི་རྡུལ་དུ་གྲུབ་པ་དབང་པོ་གཟུགས་ཅན་པ་རྣམས་སོ། ། |
| ནང་གི་བྱེད་པ |
(མངོན་བརྗོད།) སེམས། |
| ནང་གི་མཚན་མ |
བདེ་སྡུག་བཏང་སྙོམས་ཀྱི་ཁྱད་པར་ལྟ་བུ། |
| ནང་གི་མཚོ |
ནང་གི་རྒྱ་མཚོ་རོལ་བའི་མཚོ་བདུན་ནམ། རི་རབ་ནས་མུ་ཁྱུད་འཛིན་ལ་ཐུག་པའི་རི་དེ་དག་གི་བར་ན་ཡོད་པའི་མཚོ་བདུན་གྱི་ནང་མ་དྲུག |
| ནང་གི་མཚོ་དྲུག |
སྦྲང་རྩི། མར། ཞོ། འོ་མ། ཆུ། ཆང་སྟེ་དྲུག |
| ནང་གི་ཚོར་བ |
ཡིད་ཀྱི་ཚོར་བའམ། སེམས་ཀྱི་ཚོར་བ། ཡིད་ཤེས་སུ་གྱུར་པའི་ཚོར་བའོ། ། |
| ནང་གི་ཡེ་ཤེས་དབྱུག་གུ |
རྩ་དབུ་མ། |
| ནང་གི་རི་དྲུག |
འོད་སྔོན། མནྡར། ནིཥཌ། ནོར་བུའི་འོད། དྲོ་ཎ། བསིལ་རི་རྣམས་སོ། ། |
| ནང་གི་རིག་པ |
ནང་རིག་པ་དང་དོན་གཅིག |
| ནང་གི་རིགས་བཞི |
བོད་ནང་ཁུལ་གྱི་ཐོག་མའི་རིགས་རུས་མཆེད་གཞི་ནི་སེ་སྡེ། རྨུ་སྡེ། ལྡོང་སྡེ། སྟོང་སྡེ་བཞིའོ། །མི་བུ་རིགས་བཞིའང་ཟེར། |
| ནང་གི་རྒྱུ་གཞན་ཅུང་ཟད་སྟོན་པའི་སྲིད་པ་ཅན |
སྲིད་པ་ཅན་གྱི་རྒྱན་གྱི་ནང་གསེས་ཤིག་ཡོངས་གྲགས་ཀྱི་རྒྱུ་བཀག་ནས། ནང་གི་རྒྱུ་གཞན་ཅུང་ཟད་ཙམ་གྱི་འབྲས་བུ་སྟོན་པའི་རྒྱན་ཞིག |
| ནང་གི་རྟེན་འབྲེལ |
ནང་བཅུད་ཀྱི་སེམས་ཅན་རྣམས་རྟེན་འབྲེལ་ཡན་ལག་བཅུ་གཉིས་ཀྱི་ཚུལ་གྱིས་རིམ་བཞིན་འབྱུང་བ་མ་རིག་པ་ལས་འདུ་བྱེད་དང༌། དེ་ལས་རྣམ་ཤེས་སོགས་རྒྱུ་སྔ་མ་ལས་འབྲས་བུ་ཕྱི་མ་འབྱུང་བ་དང༌། རྒྱུ་འགག་པས་འབྲས་བུ་འགག་པའོ། ། |
| ནང་གི་རྩོལ་བ |
ཡི་གེ་ཀློག་སྐབས་ཁ་ནང་གི་སྐྱེ་གནས་དང་བྱེད་པ་རྣམས་ཀྱི་རྩོལ་བ། |
| ནང་གི་ལུས |
བདག་རང་གི་ལུས་ཏེ་ཤ་ཁྲག་རུས་གསུམ་ལས་གྲུབ་པའི་གཟུགས་དང་ནང་གི་དབང་པོ་གཟུགས་ཅན་ལྔ་ལྟ་བུའོ། ། |
| ནང་གི་སྐྱེ་མཆེད |
འབྱུང་བ་ཆེན་པོ་བཞི་དག་རྒྱུར་བྱས་པའི་གཟུགས་ཅན་དང་བ། མིག་གི་དབང་པོ་སོགས་བསྟན་མེད་ཐོགས་བཅས་ཀྱི་གཟུགས་དང༌། ཡིད་སོགས་བསྟན་མེད་ཐོགས་མེད་རྣམས་སོ། ། |
| ནང་གི་སྐྱེ་མཆེད་དྲུག |
སྐྱེ་མཆེད་བཅུ་གཉིས་ཀྱི་ནང་གསེས་ཤིག་མིག་རྣ། སྣ། ལྕེ། ལུས། ཡིད་བཅས་རྟེན་གྱི་ཆ་ནས་ཤེས་པ་སྐྱེ་བའི་སྒོར་གྱུར་པ་དྲུག་གོ |
| ནང་གི་སྡུག་བསྔལ |
1.སེམས་ཀྱི་སྡུག་བསྔལ། 2.རང་ཁྱིམ་དུ་གྲ་མ་འགྲིག་པའི་སྡུག་བསྔལ། |
| ནང་གོས |
1.གྱོན་གོས་ནང་མ། 2.སྔ་དུས་རྒྱ་ནག་གོང་མའི་མཛོད་ནས་ཐོན་པའི་གོས་ཆེན། |
| ནང་གྲས |
1.ལྟོ་དང་གྲོས་ཁ་མཉམ་མཚུངས་ཀྱི་ནང་མིའི་གྲས་ཏེ། (དཔེར་ན།) བློ་མཐུན་ནང་གྲས། གཉེན་ཚན་ནང་གྲས།་ཞེས་པ་ལྟ་བུ། 2.ནང་གི་རིམ་པ། |
| ནང་གྲོས |
ཕྱི་མིས་ཐོས་སུ་མི་རུང་བའི་ནང་དོན་གྱི་གྲོས་ཏེ། (དཔེར་ན།) ཞིབ་ནན་ཆེན་པོའི་སྒོ་ནས་ནང་གྲོས་བྱས་ཏེ་ཇུས་གཞི་འདིང་བ་ཞེས་པ་ལྟ་བུ། |
| ནང་ངོས |
ནང་གི་ཕྱོགས་ཏེ། (དཔེར་ན།) ཁང་པའི་ནང་ངོས་སུ་མཁོ་ཆེའི་ཡོ་བྱད་རྣམས་རིམ་བཞིན་བསྒྲིགས་ཡོད་ཅེས་པ་ལྟ་བུ། |
| ནང་ཆ |
ཁོག་ནང་གི་དོན་སྣོད། |
| ནང་ཆག |
སྔར་ཕྱི་རྒྱར་བཀའ་གཏན་ཚིག་ལ་བསྒྱུར་བཀོད་མེད་པའི་ཐོག་ནས་ཁྲལ་པ་ནང་ཁུལ་ཕན་ཚུན་གྲོས་མོལ་གྱིས་ཁྲལ་ཆག་བཏང་བ། |
| ནང་ཆིངས |
1.དོར་མ་སོགས་འཆིང་བྱེད་ཀྱི་སྐ་རགས། 2.གསང་བའི་ངང་ནས་བཞག་པའི་ཁ་དན་ཡིག་རིགས། |
| ནང་ཆེན |
རྫོང་ཞིག ཡུལ་ཤུལ་གྱི་ལྷོ་རྒྱུད་དང་རྫ་ཆུའི་ལྷོ་འགྲམ་དུ་ཡོད། |
| ནང་ཆོན |
1.གོས་ཀྱི་ནང་གི་མཐའ་འཇགས། 2.སྦྲ་གུར་ནང་གི་ཆོན་ཐག |
| ནང་ཉམས |
མཚེར་སྣང་དང་རྩི་འཇོག་མེད་པ། |
| ནང་ཉེ |
ནང་མའི་གཉེན་གྲོགས། |
| ནང་ཐུ |
ཕྱུ་པའི་ཐུ་བ་ནང་མ། |
| ནང་དཀྲུག་རྐོ་བྱེད |
(ཡུལ་སྐད།) ཤིང་རྡོག་ཁོག་པ་དཀྲུག་བྱེད་ཀྱི་ལག་ཆ་ཕྱོགས་གཅིག་ལ་སོ་ཡོད་པ་ཞིག |
| ནང་དག་པོ |
སེམས་མཐུན་པོའི་དོན་ཏེ། (དཔེར་ན།) ནང་ཁུལ་ཚང་མ་འཐབ་རྩོད་མེད་པའི་ནང་དག་པོ་ཤ་སྟག་ཡིན་ཞེས་པ་ལྟ་བུ། |
| ནང་དགྲ |
རང་ཕྱོགས་ནས་བསམ་སྦྱོར་ལོག་པ་བྱེད་མཁན། |
| ནང་དབུགས |
ཕྱི་དབུགས་ཆད་ནས་སྙིང་གའི་དྲོད་ཐག་མ་ཆད་བར། |
| ནང་དམག |
ཉེ་སྐོར་འགངས་ཆེ་ས་སྲུང་མཁན་གྱི་དམག |
| ནང་དམེ |
རུས་གཅིག་པ་སོགས་ཉེ་དུ་ཕན་ཚུན་གསོད་རེས་བྱེད་པའི་དོན་ཏེ། (དཔེར་ན།) ཕུ་ནུ་ནང་དམེ་བྱེད་པ། རྒྱལ་པོའི་ཚང་གི་ཉེ་དུ་ཕན་ཚུན་ནང་དམེ་དར་ནས་གསོད་རེས་བྱས་ཞེས་པ་ལྟ་བུ། |
| ནང་དུ་ཆུད་པ |
1.ནང་དུ་ཤོང་བའི་དོན་ཏེ། (དཔེར་ན།) ཅ་ལག་མང་དྲགས་པས་ཁང་པ་ཆུང་ངུའི་ནང་དུ་ཆུད་ཐབས་མེད་ཅེས་པ་ལྟ་བུ། 2.ཁོང་དུ་ཆུད་པ་དང་རྟོགས་པའི་དོན་ཏེ། (དཔེར་ན།) དངོས་ཡོད་གནས་ཚུལ་ནང་དུ་ཆུད་པ་ཞེས་པ་ལྟ་བུ། |
| ནང་དུ་ཚུད་པ |
ཁོངས་སུ་གཏོགས་པའི་དོན་ཏེ། (དཔེར་ན།) ལོག་སྤྱོད་པ་རྣམས་མི་དམངས་ཀྱི་ནང་དུ་ཚུད་མེད་ཅེས་པ་ལྟ་བུ། |
| ནང་དུས་ཀྱི་འཁོར་ལོ |
དུས་འཁོར་ཕྱི་ནང་གསང་གསུམ་གྱི་ནང་གསེས་ཤིག་སྟེ་རྩ་རླུང་ཐིག་ལེའུ་ཆགས་ཚུལ། |
| ནང་དོན |
1.དཔེ་ཆ་སོགས་ཀྱི་བརྗོད་བྱའི་དོན་ཏེ། (དཔེར་ན།) ཁོང་གིས་གསུངས་པའི་ནང་དོན་གལ་ཆེན་པོ་འདུག དཔེ་ཆའི་ནང་དོན། ཕྱི་སྒྲོམ་ཆེ་ཡང་ནང་དོན་སྟོང་པ་རེད། སྐད་ཆ་རྫིག་ཀྱང་ནང་དོན་སྟོང་པ་རེད་ཅེས་པ་ལྟ་བུ། 2.རྒྱལ་ཁབ་བམ་ཁྱིམ་ཚང་སོ་སོ་རང་གི་ལས་དོན། 3.གཟུགས་སེམས་གཉིས་སུ་ཕྱེ་བའི་སེམས་ཕྱོགས་ཀྱི་ཆོས། |
| ནང་དོན་བེམ་པོ |
ནང་གི་རྡུལ་དུ་གྲུབ་པ་སྟེ། ནང་གི་གཟུགས་ཅན་དབང་པོ་ལྔ་པོའོ། ། |
| ནང་ནུས་པའི་དབང་ལྔ |
མ་ཧཱ་ཡོ་གའི་འཇུག་སྒོ་རང་དོན་ནུས་པའི་བརྩོན་འགྲུས་ཅན་ལ་ཉན་དབང་དང་སྒོམ་དབང་གཉིས། གཞན་དོན་ནུས་པའི་བརྩོན་འགྲུས་ཅན་ལ་འཆད་དབང་དང་ཕྲིན་དབང་གཉིས། གཉིས་དོན་ནུས་པ་ལ་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་དང་ལྔའོ། ། |
| ནང་ནོམ |
ནང་གི་ནོམ་པ་སྟེ་ཁྱིམ་གྱི་རྒྱུ་དངོས། (དཔེར་ན།) མི་ཚང་དེ་ལ་ནང་ནོམ་མང་པོ་ཡོད་ཅེས་པ་ལྟ་བུ། |
| ནང་ནོར |
ནང་ནོམ་དང་དོན་གཅིག |
| ནང་པ |
སངས་རྒྱས་ཆོས་ལུགས་པས་སངས་རྒྱས་ཆོས་ལུགས་ལ་དད་པ་བྱེད་མཁན་ལ‘ནང་པ’འམ‘ནང་པ་སངས་རྒྱས་པ’དང་། ཆོས་ལུགས་གཞན་ལ་དད་པ་བྱེད་མཁན་ལ‘ཕྱི་པ’འམ‘ཕྱི་རོལ་པ’ཟེར། |
| ནང་པ་སངས་རྒྱས་པ |
སངས་རྒྱས་ཤཱཀྱ་ཐུབ་པའི་ཆོས་ལུགས་འཛིན་པ་པོ། |
| ནང་པའི་གྲུབ་མཐའ |
དཀོན་མཆོག་གསུམ་སྐྱབས་གནས་ཡང་དག་ཏུ་འཛིན་ཞིང༌། ལྟ་བ་བཀར་བཏགས་ཀྱི་ཕྱག་རྒྱ་བཞི་ཁས་ལེན་པའི་གྲུབ་མཐའ་སྨྲ་བ། |
| ནང་པའི་གྲུབ་མཐའ་སྨྲ་བ་གཉིས |
ཉན་ཐོས་སྡེ་པ་དང༌། ཐེག་ཆེན་སྨྲ་བ། |
| ནང་པའི་ཆ་ལུགས |
སངས་རྒྱས་པའི་ཆ་བྱད། |
| ནང་པའི་ཆོས |
སངས་རྒྱས་བསྟན་པའི་ཆོས། |
| ནང་པའི་བསྟན་པ |
སངས་རྒྱས་ཀྱི་བསྟན་པ། |
| ནང་པའི་ལྟ་བ |
ལྟ་བ་བཀར་བཏགས་ཀྱི་ཕྱག་རྒྱ་བཞི། |
| ནང་པའི་སྟོན་པ |
སངས་རྒྱས་པའི་ཆོས་ལུགས་སྲོལ་གཏོད་མཁན་ཤཱཀྱ་ཐུབ་པ། |
| ནང་ཕུག |
སྦུག་གི་ཆ་སྟེ། (དཔེར་ན།) ཁང་པའི་ནང་ཕུག ལུང་པའི་ནང་ཕུག ལས་དོན་གྱི་ནང་ཕུག་ཅེས་པ་ལྟ་བུ། |
| ནང་ཕྱོགས |
1.ཁང་པ་དང༌། ར་བ་སོགས་ཀྱི་ནང་ཁོངས། 2.ནང་ཁུལ། 3.གྲུབ་མཐའ་ཕྱི་ནང་གི་ཟླས་ཕྱེ་བའི་ནང་སྡེ། |
| ནང་ཕྲད |
ནང་ལུགས་སུ་ཕན་ཚུན་ཐུག་ཕྲད་ཀྱི་དོན་ཏེ། (དཔེར་ན།) གྲོགས་པོ་ཕན་ཚུན་ནང་ཕྲད་བྱུང་བ་ཞེས་པ་ལྟ་བུ། |
| ནང་བཅས |
(བརྡ་རྙིང་།) ཞེ་འགྲས་པའམ་ཁོན་ཡོད་པ། |
| ནང་བཞིན |
(བསྣན་ཚིག) གཞིར་བཟུང་བའི་དོན་ཏེ། (དཔེར་ན།) ཁ་ནས་བཤད་པ་ནང་བཞིན་ལག་ལེན་བྱས་ལྟ་བུ། |
| ནང་བཞུགས |
1.ཁྱིམ་མིའི་དོན་ཏེ། (དཔེར་ན།) གཏོང་ཡིག་འབྲི་སྲོལ་དུ་ནང་བཞུགས་ལྷན་རྒྱས་ལྟ་བུ། 2.རང་ཁྱིམ་དུ་བཞུགས་མཁན་ཏེ་བྱེས་ལ་བལྟོས་ནས་བཏགས་པའི་ཁྱིམ་མི། 3.གཟུངས་སུ་བཞུགས་པའི་རྟེན། |
| ནང་བཟན |
སྤྱི་ཚོགས་རྙིང་བར་ཞིང་བདག་འབྱོར་ལྡན་གྲལ་རིམ་གྱི་ཁྱིམ་དུ་ལས་ཀ་ལས་མཁན་གྱི་གླ་པའམ་གཡོག་པོའི་མིང་། |
| ནང་བཟུང་བ |
ཁྱིམ་བཟུང་བའི་དོན་ཏེ། (དཔེར་ན།) ཕོ་མོ་གཉེན་སྒྲིག་བྱས་ནས་ནང་བཟུང་བ་ཞེས་པ་ལྟ་བུ། |
| ནང་བཤུག |
དགའ་ཉེའི་ས་ནས་ཁེ་སང་མ་བླངས་པར་ཕར་ཚུར་རོགས་རམ་བྱེད་པའི་ཅ་ལག་ཉོ་ཚོང༌གི་དོན་ཏེ། (དཔེར་ན།) དངོས་རིགས་འཁྲོལ་འཁྱིལ་ནང་བཤུག་གཏོང་རེས་བྱེད་ཅེས་པ་ལྟ་བུ། |
| ནང་བསྟན |
སངས་རྒྱས་ཀྱི་བསྟན་པ། |
| ནང་བོན |
སངས་རྒྱས་དང་ཆ་འདྲ་བའི་བོན་པོ། |
| ནང་བྱན |
1.བྲན་གཡོག 2.ཁོང་དུ་ཆུད་པའམ་ངེས་པར་ཤེས་པ། |
| ནང་བྱན་ཆུད་པ |
ཁོང་དུ་ཆུད་པའམ་རྟོགས་པའི་དོན་ཏེ། (དཔེར་ན།) ཤེས་བྱ་མཐའ་དག་ནང་བྱན་ཆུད་པ་ཞེས་པ་ལྟ་བུ། |
| ནང་བྱན་ཚུད་པ |
ནང་བྱན་ཆུད་པ་དང་འདྲ། |
| ནང་བློན |
རྒྱལ་པོ་དང་ཐག་ཉེ་བའི་བློན་པོའམ་བློན་པོ་གཙོ་ཆེ་བ། |
| ནང་མ |
1.ནང་ཚགས། 2.ནང་འཁོར། 3.གསང་བའི་དོན་ཏེ། (དཔེར་ན།) ལས་དོན་ནང་མ། གསུང་ནང་མ། ནང་མའི་བཀའ་བྲིས། ནང་མའི་བཀའ་མཆིད་ཅེས་པ་ལྟ་བུ། 4.བོད་ཀྱི་ཟློས་གར་གྱི་ནང་གསེས་ཤིག ཏཱ་ལའི་བླ་མ་སྐུ་ཕྲེང་ལྔ་པའི་སྐབས་སྡེ་སྲིད་སངས་རྒྱས་རྒྱ་མཚོས་རྟག་ཏུ་སྲིད་བློན་གཞན་དག་དང་ལྷན་དུ་ནང་མ་ཁང་དུ་ཐུན་མོང་མ་ཡིན་པའི་གཞས་དང་ཞབས་བྲོའི་གཟིགས་མོ་གཟིགས་པ་ནས་བཟུང་རིམ་གྱིས་དར་སྤེལ་བྱུང་ཞིང་དམངས་ཁྲོད་དུ་ཡོངས་སུ་ཁྱབ་པའི་གཞས་རིགས་ཤིག |
| ནང་མ་ཁང |
ནང་འཁོར་སྡོད་ས། |
| ནང་མ་སྒང |
ནང་མ་ཁང་དང་འདྲ། |
| ནང་མཆོད |
སྔགས་ལུགས་གསང་དབང་དང་འབྲེལ་བའི་མཆོད་པའི་རྫས་རིགས། |
| ནང་མཆོད་ཀ་ལི |
སྔགས་ཀྱི་མཆོད་པའི་སྣོད་སྤྱད་གྲས་ཀ་པཱ་ལི། |
| ནང་མཐུན |
ནང་ཁུལ་བསམ་གྲོས་མཐུན་པའི་དོན་ཏེ། (དཔེར་ན།) ཕན་ཚུན་ནང་མཐུན་བྱུང་བ་དེ་ལས་དོན་འགྲུབ་པའི་ཆ་རྐྱེན་ཞིག་རེད་ཅེས་པ་ལྟ་བུ། |
| ནང་མཛོད |
1.ཁ་བཏགས་ལེགས་གྲས་ཤིག 2.ཁང་པའི་ནང་གི་བང་མཛོད། |
| ནང་མའི་གསུང་མཆིད |
ནང་ལུགས་ཀྱི་ཡི་གེའམ། གཏམ། |
| ནང་མའི་ཞབས་བྲོ |
རྐང་སྟབས་ཀྱི་བྱེ་བྲག |
| ནང་མི |
1.ཁྱིམ་གཅིག་པའི་མི། 2.ཕྱི་མིའི་ལྡོག་པ། |
| ནང་མོ |
བྲན་མོའམ་གཡོག་མོ། |
| ནང་མོལ |
ཕྱིར་མ་གྱར་བར་ནང་ཁུལ་དུ་གྲོས་མོལ་བྱེད་པའི་དོན་ཏེ། (དཔེར་ན།) ནང་མོལ་ཐོན་པ་ཞེས་པ་ལྟ་བུ། |
| ནང་མྱགས་པ |
ནང་ལོགས་རུལ་བའི་དོན་ཏེ། (དཔེར་ན།) ཕྱི་རོལ་མཛེས་ཀྱང་ནང་མྱགས་པ་དེས་ཕན་མི་ཐོགས་ཞེས་པ་ལྟ་བུ། |
| ནང་ཚགས |
ཕན་ཚུན་བློ་ཁེལ་བ་དང་དུང་བ་ཆེ་བའི་དོན་ཏེ། (དཔེར་ན།) ནང་ཚགས་ཀྱི་གཏམ། གྲོགས་པོ་ནང་ཚགས་ཀྱི་བར། བཟའ་བ་ནང་ཚགས་ཞེས་པ་ལྟ་བུ། |
| ནང་ཚང |
(ཡུལ་སྐད།) ཁྱིམ་ཚང༌། |
| ནང་ཚངས |
གོས་ཀྱི་ནང་ཚངས་སམ་བར་ཚངས། |
| ནང་ཚངས་ཅན |
བར་ཚངས་བཅུག་པའི་གོས། (དཔེར་ན།) སྔས་འབོལ་ནང་ཚངས་ཅན། སྲིན་བལ་གྱི་ནང་ཚངས་ཅན་གྱི་གོས་ཞེས་པ་ལྟ་བུ། |
| ནང་ཚན |
ནང་ཚན་དང་ནང་གསེས་ནི། ཁོངས་གཅིག་གམ་རིགས་གཅིག་ཏུ་གཏོགས་པའི་བྱ་དངོས་སོ་སོར་དགར་བའི་ཁག་གི་མིང་། (དཔེར་ན།) བོད་སྐད་ལ་ཡང་ནང་གསེས་ཀྱི་དབྱེ་ན་ཡུལ་སྐད་དུ་མ་ཡོད། མི་རིགས་ནང་གསེས་ཞེས་པ་ལྟ་བུ། |
| ནང་ཚིག |
ཁམ་བུ་སོགས་ཀྱི་ནང་གི་ཚི་གུ། |
| ནང་ཚིལ |
ཁོག་པའི་ནང་གི་ཚི་ལུ། (དཔེར་ན།) དུད་འགྲོ་ཚོན་པོ་ལ་ནང་ཚིལ་མང་པོ་ཡོད་ཅེས་པ་ལྟ་བུ། |
| ནང་ཚིས |
ནང་གི་འཚོ་ཐབས་སམ་ནང་གི་བདེ་ཐབས། |
| ནང་ཚུལ |
1.ནང་དོན་གྱི་གནས་ཚུལ་ཏེ། (དཔེར་ན།) ལས་དོན་འདི་སྐོར་གྱི་ནང་ཚུལ་ཞིབ་གསལ་བཤད་ཅེས་པ་ལྟ་བུ། 2.ནང་མ་ཡིན་ཁུལ་གྱི་དོན་ཏེ། (དཔེར་ན།) ནང་ཚུལ་མཛའ་བའི་ཟོལ་ཚིག་སྨྲ་བར་རྣ་བ་མ་གཏོད་ཅེས་པ་ལྟ་བུ། |
| ནང་ཚོང |
ནང་ཁུལ་དུ་ཚོང་རྒྱག་པ། |
| ནང་ཚོམས |
ཁང་པའི་དབུས་ཀྱི་ཚོམས་ཆེན་ནམ་ཁང་མིག་ཆེ་བ། |
| ནང་ཟིང |
ནང་ཁུལ་གྱི་ཟིང་ཆ་སྟེ། (དཔེར་ན།) ཕན་ཚུན་ཡིད་མི་ཆེས་པར་ནང་ཟིང་རྒྱག་གི་འདུག་ཅེས་པ་ལྟ་བུ། |
| ནང་འཁོར |
བྲན་གཡོག་ལམ་ལུགས་ཀྱི་སྤྱི་ཚོགས་སྐབས་མངའ་བདག་གི་ཁྱིམ་དུ་ཉར་བའི་ནང་མའི་འཁོར་གཡོག |
| ནང་འཁྲུག |
1.རྒྱལ་ཁབ་ཅིག་གི་ནང་ཁུལ་གྱི་དམག་འཁྲུག་གི་མིང་།2.ཚོགས་པ་གཅིག་གམ་སྡེ་བ་གཅིག་སོགས་ཀྱི་ནང་ཁུལ་གྱི་འཁྲུག་སློང་གི་མིང་། |
| ནང་འཁྲུག |
ནང་ཁུལ་གྱི་འཐབ་རྩོད། |
| ནང་འཇམ |
ཕྱུ་པའི་འོག་གི་གྱོན་ཆས་ཤིག (དཔེར་ན།) སྟོད་ཐུང་ནང་འཇམ། གོས་ཐུང་ནང་འཇམ་ཞེས་པ་ལྟ་བུ། |
| ནང་འཇུག |
སློབ་མ་རྣམས་ལྷ་དང་སྐལ་བ་མཉམ་པར་གཞུག་པའི་ཕྱིར་ཡོལ་བ་ནང་འཇུག་བྱ་བ་ཤར་སྒོ་ནས་གཞལ་ཡས་ཁང་གི་ནང་དུ་ཞུགས་ཏེ་ལྷ་རྣམས་ལ་བསྐོར་ནས་ཕྱག་བྱ་བ་དང༌། དམ་ཚིག་བསྲུང་དགོས་པར་དམ་བཞག་བྱེད་པ་དང༌། ཡེ་ཤེས་པ་ཕབ་སྟེ་དམ་ཡེ་དབྱེར་མེད་དུ་བརྟན་པར་བྱེད་པ་དང༌། བདེན་སྟོབས་བརྗོད་དེ་མེ་ཏོག་དོར་བ་དང༌། རིགས་བདག་གི་རྗེས་སུ་འཛིན་པའི་རྟེན་འབྲེལ་དུ་མེ་ཏོག་ཕྲེང་བའི་དབང་བསྐུར་བ་རྣམས་སོ། ། |
| ནང་འཐབ |
ནང་ཚགས་མི་མཐུན་པའི་འཐབ་རྩོད། |
| ནང་འདུམ |
གྱོད་གཞི་ནང་འགྲིག་གི་དོན་ཏེ། (དཔེར་ན།) ཕན་ཚུན་དབར་གྱི་རྩོད་གཞི་ནང་འདུམ་ཡོང་ཐབས་བྱེད་པ་ཞེས་པ་ལྟ་བུ། |
| ནང་འདོམ |
སྣེ་མང་མཉམ་དུ་འཛོམས་པའི་དོན་ཏེ། (དཔེར་ན།) སྔ་ཕྱིའི་གོ་རིམ་མ་བསྒྲིགས་ན་ལས་དོན་བྱེད་རྒྱུ་མང་པོ་ནང་འདོམ་ཡོང༌ཞེས་པ་ལྟ་བུ། |
| ནང་འདྲེན |
ཕྱི་ནས་ནང་དུ་འདྲེན་པ། |
| ནང་འཚངས |
འཚང་ཁ་བརྒྱབ་སྟེ་ནང་དུ་ཞུགས་པའི་དོན་ཏེ། (དཔེར་ན།) མགོ་བདེ་ནང་འཚངས་བྱེད་པ་ཞེས་པ་ལྟ་བུ། |
| ནང་འཛིང |
ནང་ཁུལ་ཁ་འཐབ་ལག་འཐབ་བྱེད་པའི་དོན་ཏེ། (དཔེར་ན།) དབང་ཧབ་ཐོབ་ཀྱི་ཆེད་དུ་ནང་འཛིང་རྒྱག་པ་ཞེས་པ་ལྟ་བུ། |
| ནང་ཡངས་པ |
1.སེམས་གུ་ཡངས་པའི་དོན་ཏེ། (དཔེར་ན།) སེམས་ནད་མེད་པའི་བློ་གུ་ནང་ཡངས་པ་ཞེས་པ་ལྟ་བུ། 2.ནང་ཁོག་རྒྱ་ཆེ་བའི་དོན་ཏེ། (དཔེར་ན།) ཚོགས་ཁང་ནང་ཡངས་པར་མི་གྲངས་མང་པོ་ཤོང༌ཞེས་པ་ལྟ་བུ། |
| ནང་ཡན་པ |
1.ནང་གི་སེམས་རྒྱ་ཡན་ནམ་གུ་ཡངས་བྱེད་མཁན། 2.གསང་དོན་ཕྱིར་གྱར་བ། 3.(བརྡ་རྙིང་།) ཁྱིམ་ནང་དུ་གཡོག་རྒྱུག་མཁན། |
| ནང་ར |
ཁང་པའི་ནང་གི་ར་བ་སྟེ། (དཔེར་ན།) སྒོ་ཟོག་ནང་ར་བཙན་པོའི་ནང་དུ་འཇུག་ཅེས་པ་ལྟ་བུ། |
| ནང་རིག་པ |
བསླབ་པ་གསུམ་དང༌། བསྐྱེད་རྫོགས་ཀྱི་ཉམས་ལེན་སོགས་ནང་པ་སངས་རྒྱས་པའི་ཐུན་མོང་མ་ཡིན་པའི་ལམ་སྟོན་པའི་རིག་པ། |
| ནང་རུལ་པ |
ནང་ནས་གནོད་འཚེ་སྐྱེལ་བ་དང་ངོ་ལོག་བྱེད་མི། |
| ནང་རུལ་བ |
1.ཁོག་པའི་ནང་རུལ་བའི་དོན་ཏེ། (དཔེར་ན།) ཤིང་སྡོང་རྙིང་པའི་ནང་རུལ་བ། སྒོ་ངའི་ནང་རུལ་བ་ཞེས་པ་ལྟ་བུ། 2.ནང་མི་མཐུན་པའི་དོན་ཏེ། (དཔེར་ན།) ནང་མི་ནང་རུལ་བ་ཞེས་པ་ལྟ་བུ། |
| ནང་རོལ |
ཕྱི་རོལ་མིན་པ། |
| ནང་རོལ |
ཕྱི་རོལ་གྱི་ལྡོག་ཟླ། |
| ནང་རྐུན |
ནང་གི་རྐུན་མ་སྟེ། (དཔེར་ན།) དོགས་ཟོན་བྱེད་དཀའ་བ་ནི་ནང་རྐུན་ཡིན་ཞེས་པ་ལྟ་བུ། |
| ནང་རྐྱེན |
ཉེ་བའི་རྐྱེན་ནམ་ནང་ནས་བྱུང་བའི་རྐྱེན། |
| ནང་རྒྱ |
ནང་ལོགས་ཀྱི་རྒྱ་ཁྱོན་གྱི་དོན་ཏེ། (དཔེར་ན།) ཁང་པའི་ནང་རྒྱ་ཧ་ཅང་ཆེ་ཞེས་པ་ལྟ་བུ། |
| ནང་རྒྱུགས |
རྒྱུགས་དངོས་སུ་མ་བླངས་གོང་ལ་ནང་ཁུལ་དུ་རྒྱུགས་ལེན་པ། |
| ནང་རྒྱུད |
རྙིང་མ་བའི་ལུགས་ལས་ནང་བླ་མེད་ཀྱི་རྒྱུད་རྣམས་རྡོ་རྗེ་འཆང་ཆེན་པོས་ཆོས་འབྱུང་ཡངས་པའི་ཞིང་ཁམས་སུ་གསུངས། དེ་དག་ལས་བླ་ན་མེད་པའི་ཐེག་པ་ནི་གདོད་མའི་མགོན་པོ་ཀུན་ཏུ་བཟང་པོ་ལྷུན་གྲུབ་ལོངས་སྤྱོད་རྫོགས་པའི་སྐུར་བཞེངས་ནས་དག་ས་ལ་གནས་པའི་གདུལ་བྱ་རྣམས་ལ་བསྟན་པའོ། ། |
| ནང་རྒྱུད་སྡེ་གསུམ |
རྙིང་མའི་གཞུང་ལུགས་ལ་རྒྱུད་མ་ཧཱ་ཡོ་ག། ལུང་ཨ་ནུ་ཡོ་ག།མན་ངག་ཨ་ཏི་ཡོ་ག་སྟེ་ཡོ་ག་རྣམ་པ་གསུམ་ནི། སེམས་ཉིད་སྐུ་དང་ཡེ་ཤེས་ཀྱི་རྣམ་པར་སྣང་བ་སྣོད་བཅུད་ཐམས་ཅད་ལྷག་པའི་བདེན་གཉིས་དབྱེར་མེད་སྤྱོད་ཡུལ་དང་བྲལ་བར་གཏན་ལ་ཕབ་སྟེ་ཆོས་ཐམས་ཅད་མཉམ་པ་ཉིད་ཆེན་པོར་དབང་བསྒྱུར་བའི་ཐབས་མཁས་པས་དབང་བསྒྱུར་ཐབས་ཀྱི་ཐེག་པ་ཞེས་བྱའོ། ། |
| ནང་རྒྱུས |
ནང་གི་གནས་ཚུལ་ཏེ། (དཔེར་ན།) ནང་རྒྱུས་ལོན་པ་ཞེས་པ་ལྟ་བུ། |
| ནང་རྒྱུས་ཅན |
1.རང་ཕྱོགས་ཀྱི་གནས་ཚུལ་རྒྱུས་མངའ་ཡོད་མཁན། 2.རིག་གནས་གང་རུང་ཞིག་བྱང་ཆུབ་མཁན། |
| ནང་རྗེ |
ཁྱིམ་ནང་གི་གཙོ་བདག |
| ནང་རླུང |
1.ལུས་ཀྱི་རླུང་ཁམས་སྤྱི། 2.སྲོག་རྩར་ཞུགས་པའི་རླུང༌། |
| ནང་ལུགས |
སྤྲོས་པ་དང་འདྲ་ཆགས་པོ་བྱེད་མི་དགོས་པ་ནང་ཁུལ་གྱི་བྱེད་སྟངས་ཏེ། (དཔེར་ན།) བློ་ཉེ་བའི་མི་ལ་ནང་ལུགས་བྱས་ཀྱང་འགྲིག་ཅེས་པ་ལྟ་བུ། |
| ནང་ལུགས་གསུང་མཆིད |
ནང་མའི་གསུང་མཆིད་དང་དོན་གཅིག |
| ནང་ལོགས |
1.རྒྱལ་ཁབ་ཅིག་གི་ཆབ་སྲིད་རིག་གནས་དར་རྒྱས་ཆེ་བའི་གནས་ཀྱི་མིང་སྟེ། (དཔེར་ན།) ནང་ལོགས་ཀྱི་བཟོ་པས་མཐའ་ཁུལ་གྱི་འཛུགས་སྐྲུན་ལ་རྒྱབ་སྐྱོར་བྱས་ལྟ་བུ།2.རྒྱལ་ཁབ་ཅིག་གི་མངའ་ཁོངས་ཀྱི་དབུས་ཁུལ་གྱི་མིང་། |
| ནང་ལོང་རུས་འབུར |
ནང་གི་རྐང་ཚིགས་ཀྱི་རུས་འབུར། |
| ནང་ལྟར |
དངོས་དོན་དང་མཚུངས་པའམ་ཇི་མ་ཇི་བཞིན་གྱི་དོན་ཏེ། (དཔེར་ན།) ངོ་མ་ནང་ལྟར། འཆར་གཞི་ནང་ལྟར་སྒྲུབ་དགོས། ཁོང་གིས་གསུངས་པ་ནང་ལྟར་སྒྲུབས་ཤིག་ཅེས་པ་ལྟ་བུ། |
| ནང་ལྷོག |
དོན་སྣོད་ནང་གི་གནས་སུ་བབས་ནས་ལྷོག་པ་ལྟ་བུའི་ནད་རྟགས་སྟོན་པ་ཞིག |
| ནང་ལྷོང |
ནང་གི་བར་ཆད་དམ་འཚུབ་ཆའི་དོན་ཏེ། (དཔེར་ན།) ནད་དང་བར་ཆད་ཀྱི་ནང་ལྷོང༌ཞེས་པ་ལྟ་བུ། |
| ནང་ཤ |
1.ནང་ཁྲོལ། 2.གོས་སྟན་སོགས་ཀྱི་ནང་ཤ་སྟེ། (དཔེར་ན།) ཞྭ་མོ་ལ་ནང་ཤ་གཏོང་བ་ལྟ་བུ། 3.ནང་སྙིང༌། |
| ནང་ཤངས |
ནང་ཁུལ་དུ་གྲོས་མོལ་བྱས་ནས་ཁ་དན་ཐག་གཅོད་བྱེད་པ། |
| ནང་ཤུན |
ནང་ལོགས་སུ་ཡོད་པའི་པགས་པ་སྲབ་པོའི་རིགས་ཏེ། (དཔེར་ན།) སྒོ་ངའི་ནང་ཤུན། སྟར་ཀའི་ནང་ཤུན་ཞེས་པ་ལྟ་བུ། |
| ནང་ཤེས་བྱེད་ཀྱི་རྒྱུ |
རྒྱུའི་རྒྱན་གྱི་ནང་གསེས་ཤིག་ནང་སེམས་རྒྱུད་ཀྱི་དངོས་པོའི་གནས་ཚུལ་ཤེས་པར་བྱེད་པའི་རྒྱུའི་རྒྱན་ཞིག |
| ནང་སེམས |
སེམས་རྒྱུད་གྱི་དོན་ཏེ། (དཔེར་ན།) ཕྱི་སྤྱོད་རྩུབ་ཀྱང་ནང་སེམས་འཇམ་པོ་ཡོང་ཤས་ཆེ་ཞེས་པ་ལྟ་བུ། |
| ནང་སེལ |
འགལ་ཆའམ་ནང་མ་མཐུན་པའི་སྐྱོན་ཤོར་བ་སྟེ། (དཔེར་ན།) མཛའ་གྲོགས་ཕན་ཚུན་ནང་སེལ་མེད་ཅེས་པ་ལྟ་བུ། |
| ནང་སོ |
ས་སྐྱའི་སྲིད་དབང་སྐབས་ཀྱི་དཔོན་པོའི་གོ་ས་ཞིག་གི་མིང་། (དཔེར་ན།) ནང་སོ། ཕྱི་སོ། སོ་སྲུང་དཔོན་དམག་ལྟ་བུ། |
| ནང་སོག |
སོག་ཡུལ་ས་མཐོ་ཕྱི་ནང་གཉིས་སུ་ཕྱེ་བའི་ནང་མའམ་ལྷོ་མ། |
| ནང་སོག་རང་སྐྱོང་ལྗོངས |
1947 ལོའི་ཟླ་བ་5 པའི་ཚེས་1 ཉིན་དབུ་བརྙེས་ཤིང༌། ལྗོངས་མི་དམངས་སྲིད་གཞུང་ཧུའུ་ཧོ་ཧའོ་ཐེ་གྲོང་ཁྱེར་དུ་ཡོད། གཞིས་ཆགས་ཀྱི་མི་རིགས་སོག་པོ་ཕུད། རྒྱ་དང༌། ཧུའེ་རིགས། མན་ཇུ་རིགས། ཁྲའོ་ཞན་རིགས། ཏ་ཝོར་རིགས། ཨོ་ཝུན་ཁེ་རིགས། ཨོ་ལུན་ཁྲུན་རིགས་སོགས་ཡོད། |
| ནང་སོབ |
ནང་ལོགས་སོབ་སོབ། |
| ནང་སྐོར |
1.ནང་ལོགས་ཀྱི་ཁོངས། 2.ནང་དོན། 3.སྐོར་ལམ་ནང་མ། 4.གཡས་སྐོར། |
| ནང་སྒྲིབ |
ནང་གི་ནད་དང་འབྱུང་ཁམས་ཀྱིས་སྐྱེད་པའི་མིག་ནད་ཅིག |
| ནང་སྙིང |
1.ཤིང་ཏོག་གི་ཚི་གུའི་མིང་།2.སྐྱེ་དངོས་ཀྱི་སྙིང་བོའི་ཁག་གི་མིང་སྟེ། (དཔེར་ན།) ལ་ཕུག་གི་ནང་སྙིང་། སྟར་ཀའི་ནང་སྙིང་ཞེས་པ་ལྟ་བུ། |
| ནང་སྟོང་པ་ཉིད |
སྟོང་པ་ཉིད་བཅུ་དྲུག་གི་ཡ་གྱལ་ཞིག་མིག་ལ་སོགས་པའི་དབང་པོ་དྲུག་དང་དེའི་རྟེན་ལུས་ཀྱི་ཕུང་པོ་ལྔ་དག་ནི་ནང་ཞེས་བྱ་ལ། དེ་དག་ལ་ཆོས་དང་གང་ཟག་ཆེས་རྟག་པ་ཐེར་ཟུག་ཏུ་གནས་པའི་དངོས་པོ་རྡུལ་ཙམ་ཡང་མེད་པ། |
| ནང་སྡོད་ཕྱི་མི |
རྒྱལ་ཁབ་ཀྱི་ནང་དུ་སྡོད་གནས་བཅས་པའི་ཕྱི་རྒྱལ་གྱི་མི། |
| ནང་སྦུག |
ནང་གི་ཕུག |
| ནང་སྦུབས |
སྦུ་གུ་ཅན་གྱི་ཁོག་པ། |
| ནང་སྦྱོང |
སྔོན་འགྲོ་གྲ་སྒྲིག་གམ་སྔོན་བྱེད་པའི་སྦྱོང་བརྡར་གྱི་དོན་ཏེ། (དཔེར་ན།) ལྟད་མོ་དངོས་གཞི་མ་བསྟན་གོང་ནང་སྦྱོང་ནན་ཏན་བྱེད་པ་ཞེས་པ་ལྟ་བུ། |
| ནང་སྲིད |
རྒྱལ་ཁབ་སོ་སོའི་ནང་ཁུལ་གྱི་ཆབ་སྲིད་ལས་དོན། |
| ནང་སྲིན |
རྒྱུ་མའི་ནང་དུ་གནས་པའི་འབུ་སྲིན། |
| ནངས |
(བརྡ་རྙིང་།) ཐོག་མའི་དུས་དང༌། གནའ་བོའི་དུས། |
| ནངས |
ཉི་མ་ཤར་དུས་ཀྱི་མིང་། (དཔེར་ན།) ནངས་དུས། ནངས་སྔ་མོ། ནངས་ནུབ་ཅེས་པ་ལྟ་བུ། |
| ནངས་ནུབ |
ཞོགས་པ་དང་དགོང་མོའི་དོན་ཏེ། (དཔེར་ན།) དགུན་དུས་ནངས་ནུབ་གྲང་ལ་ཉིན་གུང་དྲོ་ཞེས་པ་ལྟ་བུ། |
| ནངས་པ |
སྔ་དྲོའི་དོན་ཏེ། (དཔེར་ན།) ད་ནངས། སང་ཞོགས་ནངས་པ། རིག་པ་ནངས་པར་འཆི་ཡང་བསླབ། ངས་ནངས་པར་གདམས་ངག་བཤད་པས་དེ་ནུབ་ཁྱེད་ལ་ཕན་ཐོགས་པ་ཡོང༌ཞེས་པ་ལྟ་བུ། |
| ནངས་མེ |
ཞོགས་པར་གཏོང་བའི་མེ། |
| ནངས་མོ |
སྔ་དྲོ། |
| ནངས་རེ་དགོང་རེ |
ཞོགས་ལྟར་དགོང་ལྟར་ཞེས་པ་དང་འདྲ་སྟེ། (དཔེར་ན།) ལས་དོན་བཟང་པོ་ཚང་མ་ནངས་རེ་དགོང་རེ་ཙམ་དུ་ཚར་འདོད་ཀྱི་ངང་ཐུང་མ་བྱེད་ཅེས་པ་ལྟ་བུ། |
| ནངས་རེ་ནུབ་རེ |
ནངས་རེ་དགོང་རེ་དང་དོན་གཅིག |
| ནད |
ལུས་དང་སེམས་ལ་གནོད་ཅིང་ཟུག་རྔུ་འབྱུང་བའི་སྡུག་བསྔལ་བ་ཞིག་ནང་གསེས་སུ་དབྱེ་ན་ནད་རིགས་བཞི་བརྒྱ་རྩ་བཞི་དང༌། སྟོང་དང་རྩ་གཉིས་སོགས་འདྲེན་ཚུལ་མཆིས་སོ། ། (དཔེར་ན།) ཆམ་ནད་ཕོག་པ། རིམས་ནད་འགོ་བ། ཁ་ཟས་མ་འཕྲོད་པས་ཕོ་ནད་ལངས། རླུང་ནད་ཀྱིས་གཟེར་རྒྱག་པ། སེམས་ནད་ཀྱིས་མནར་བས་རིག་པ་རྣལ་དུ་མི་ཕབ་ཅེས་པ་ལྟ་བུ། |
| ནད་ཀྱི་བསྐལ་པ |
ཚེ་ལོ་བཅུ་པའི་སྐབས། ནད་རིམས་གོས་ཚད་ཚང་མ་འཕྲལ་དུ་ཤི་བའི་ནད་ཀྱི་བསྐལ་པ་ཟླ་བ་བདུན་དང་ཞག་བདུན་འབྱུང་བ་དེའོ། ། |
| ནད་ཀྱི་འབྲས་ཅན |
(མངོན་བརྗོད།) ཆུ་ཤིང༌། |
| ནད་ཀྱི་ཡན་ལག་བརྒྱད |
ལུས་ནད། བྱིས་ནད། མོ་ནད། གདོན་ནད། མཚོན་ནད། དུག་ནད། རྒས་ནད། རོ་ཙའི་ནད་དེ་བརྒྱད། |
| ནད་ཀྱི་རྐྱེན་རྩི |
ནད་གསོ་བའི་སྨན། |
| ནད་ཀྱི་སྐྱེ་མཆེད |
དུས་དང༌། དབང་པོ། སྤྱོད་ལམ་སོགས་ལ་བརྟེན་ནས་ནད་ཀྱི་རྣམ་པ་མང་དུ་སྐྱེ་ཞིང༌། སྟོབས་འཕེལ་བའམ་རིམ་བཞིན་ལུས་ལ་མཆེད་པར་གྱུར་པའི་དོན། |
| ནད་ཁྱོགས་པ |
1.ན་ཚ་བཟོད་ཐུབ་པའི་དོན་ཏེ། (དཔེར་ན།) ནད་པ་ནད་ཁྱོགས་སར་སྨན་པ་སེམས་མི་ཁྱོགས་ཅེས་པ་ལྟ་བུ། 2.བཟོད་པ་སྒོམ་ཐུབ་པའི་དོན་ཏེ། གཉའ་གནོན་བཤུ་གཞོག་དྲག་པོ་འདི་འདྲའི་ནད་ཁྱོགས་པ་མི་འདུག་ཅེས་པ་ལྟ་བུ། |
| ནད་ཁྲག |
ནད་པའི་གཟུགས་པོའི་ཁྲག་ངན། |
| ནད་ཁྲི |
ནད་པའི་ཉལ་ཁྲི། |
| ནད་གཅོང |
ན་ཚ་རྙིང་པ། |
| ནད་གཉའ |
ནད་ཤུགས་སམ་ནད་སྟོབས། (དཔེར་ན།) སྨན་ཁབ་བརྒྱབ་སྟེ་ནད་གཉའ་བཅག་པ། ནད་གཉའ་ཆག་པ་ཞེས་པ་ལྟ་བུ། |
| ནད་གདོན |
ནད་དང་གནོད་འཚེ་བྱེད་མཁན་གྱི་མི་མ་ཡིན། |
| ནད་གཞི |
ན་ཚ་ཡང་ལྕིའི་གཞི་སྟེ། (དཔེར་ན།) ནད་གཞི་ཡང་པོ། ནད་གཞི་ཐུ་པོ། ནད་པ་སོ་སོའི་ནད་གཞི་ལ་བརྟག་དཔྱད་བྱེད། ནད་གཞི་ལྗིད་ན་སྨན་པ་སུ་བྱུང་འབོད། གྲོད་ཁོག་ལྟོགས་ན་ཟས་ལ་དབྱེ་བ་མེད་ཅེས་པ་ལྟ་བུ། |
| ནད་གཡོག |
ནད་པ་ལ་རོགས་རམ་བྱེད་མཁན་གྱི་མི། |
| ནད་གསེང |
ནད་དྲག་སྐབས་ཀྱི་བར་གསེང༌། |
| ནད་གསོ |
ན་ཚ་བཅོས་ཐབས་བྱེད་པའི་དོན་ཏེ། (དཔེར་ན།) ནད་གསོ་ཁང༌ཞེས་པ་ལྟ་བུ། མིང་གི་རྣམ་གྲངས་ལ་སྨན་བཅོས་དང༌། སྨན་གྱི་བྱ་བ། ཚེའི་རིག་བྱེད། འཚོ་ཐབས། གསོ་དཔྱད་བཅས་སོ། |
| ནད་གསོ་བའི་རིག་པ |
སྨན་དཔྱད་ཀྱི་རིག་གནས། |
| ནད་གྲམ་པ |
ནད་ལུས་ལ་གྲམ་པའམ་བྱེར་བ། |
| ནད་ངོ |
ན་བའི་སྔ་ལྟས་ཏེ། (དཔེར་ན།) གློ་བུར་ནད་ངོ་བྱུང་འཕྲལ་འགོག་ཐབས་བྱེད་པ་ཞེས་པ་ལྟ་བུ། |
| ནད་ཅན |
ལུས་ཀྱི་ཟུངས་བདུན་དང༌། དྲི་མ་གསུམ། རླུང་མཁྲིས་བད་ཀན་བཅས་གང་འཕེལ་བའམ། ཟད་པ། འཁྲུགས་པར་གྱུར་ནས་ནད་དུ་གྱུར་པའི་དོན། |
| ནད་ཅན་ཆུ |
ནད་པའི་གཅིན་པ། |
| ནད་ཅན་མ |
(མངོན་བརྗོད།) སྦྲུམ་མའམ་ཕྲུ་གུ་སྐྱེ་རྒྱུ་ཡོད་པའི་བུད་མེད། |
| ནད་ཅན་རྩ |
སྨན་པའི་དབུགས་ཕྱི་ནང་གི་རྒྱུ་བ་རེར་འཕར་རྩ་ལྔ་ཡན་བརྒལ་བའམ་ལྔ་མན་ཉུང་བར་གྱུར་པ། |
| ནད་ཐར་མ |
ལན་གཅིག་ན་ནས་ཡང་བསྐྱར་མི་ན་བའི་མི་ཕྱུགས་ཏེ། (དཔེར་ན།) ལྷ་འབྲུམ་ཐར་མ། སིབ་བི་ཐར་མ། ཧོན་ནད་ཐར་མ། ཁ་ཚ་མིག་ཚའི་ནད་ཐར་མ་ཞེས་པ་ལྟ་བུ། |
| ནད་ཐེག་པ |
1.ནད་བཟོད་ཐུབ་པ། 2.མི་འདོད་པ་དང་སྡུག་བསྔལ་བཟོད་ནུས་པའི་དོན་ཏེ། (དཔེར་ན།) དཀའ་ལས་ཇི་ཙམ་བྱུང་ཡང་ནད་ཐེག་ཐུབ་ཅེས་པ་ལྟ་བུ། |
| ནད་ཐོ |
སྨན་བཅོས་ལས་ཁུངས་ཀྱིས་ནད་པའི་ན་ཚུལ་དང་སྨན་བཅོས་ཐབས་ཤེས་སོགས་འགོད་སའི་ཐོ། |
| ནད་ཐོག་སྨན་འཁེལ |
འགངས་ཆེ་སར་གནད་ཁེལ་བའི་དཔེ། |
| ནད་དགོངས |
ནད་པར་སྨན་བཅོས་དང་ངལ་གསོའི་གནང་བ། |
| ནད་དྭངས་པ |
ནད་དྲག་པའི་ཞེ་ས། |
| ནད་དྲག་པ |
ནད་སོས་པའམ་ནད་ལས་ཐར་བའི་དོན་ཏེ། (དཔེར་ན།) ནད་དྲག་པའི་རྗེས་ལ་སྨན་པ་བརྗེད། ཆུ་ཕ་རོལ་སླེབས་རྗེས་གྲུ་པ་བརྗེད་ཅེས་པ་ལྟ་བུ། |
| ནད་དྲག་པོ |
བཟོད་དཀའ་བའམ་བཅོས་དཀའ་བའི་ནད་ལྗིད་པོ། |
| ནད་པ |
ན་བའི་མི། མིང་གི་རྣམ་གྲངས་ལ་གདུང་བས་གཟིར་དང༌། ནད་ཀྱིས་བཏབ་པ། ནད་ཅན། བྲོ་ནད་ཅན། བྲོ་འཚལ་བ། མི་བདེ་བ། མི་སྡུག་གྱུར། ཟུག་རྔུ་ཅན་བཅས་སོ། ། |
| ནད་བག |
ན་ཚའི་གཡའ། |
| ནད་བཅོས |
1.ནད་ཀྱི་བཅོས་ཐབས། 2.ན་ཚ་བཅོས་པ། |
| ནད་བཅོས་སྲོག་སྐྱོབ |
ནད་ལ་བཅོས་ཐབས་བྱས་ཏེ་ནད་པའི་ལུས་སྲོག་སྐྱོབ་པ། (དཔེར་ན།) གཞན་སྐྱོན་རྗོད་སྐབས་ནད་བཅོས་སྲོག་སྐྱོབ་ཀྱི་ལྷག་བསམ་འཁྱེར་དགོས་ཞེས་པ་ལྟ་བུ། |
| ནད་བདག |
ནད་གཏོང་མཁན་གདོན་འདྲེ། |
| ནད་བདུན |
རླུང་དང༌། མཁྲིས་པ། བད་ཀན་རྐྱང་པ་རེ་དང༌། དེ་དག་གཉིས་ལྡན་གསུམ། གསུམ་འདུས་གཅིག་བཅས་བདུན་ནོ། ། |
| ནད་བབས |
ནད་གཞི་ལྕི་ཡང་གི་གནས་བབས། |
| ནད་བརྒྱ་སྨན་གཅིག |
1.ནད་མང་འཇོམས་ཐུབ་པའི་སྨན། 2.འགྱུར་བ་མེད་པའི་དཔེ། |
| ནད་བསྟུན་སྨན་བཅོས |
ནད་བབ་ལ་གཞིགས་ནས་སྨན་བཅོས་བྱེད་པ། |
| ནད་བུ |
ནད་གཞི་ཆུང་རིགས་སམ་ན་ཚ་ཆུང་གྲས། |
| ནད་བུ་མེད |
(མངོན་བརྗོད།) སྐྱེ་བོ་ནད་མེད་གཅོང་མེད། |
| ནད་བྲང |
ནད་པའི་སྡོད་ཁང༌། |
| ནད་མ |
སྔོ་སྨན་གྱི་རིགས་ཤིག་ནང་གསེས་སུ་ནད་མ་འབྱར་མ་དང༌། ནད་མ་རྨུན་བུ། ནད་མ་སྒྱིབ་མ་གསུམ་མཆིས། རོ་ཁ་ལ་མངར། ནུས་པས་རུས་ཆག་སྦྱོར། རྨ་འདྲུབ། སྐྲངས་པ་གཞིལ། |
| ནད་མུག་འཁྲུག་རྩོད |
འགོ་བའི་ནད་རིམས་དང༌། མུ་གེ། དམག་འཐབ། རྩོད་པ་བཅས་སོ། ། |
| ནད་མེད |
1.ལུས་ཀྱི་ཟུངས་བདུན་དང༌། དྲི་མ་གསུམ། རླུང་མཁྲིས་བད་ཀན་བཅས་འཕེལ་བའམ། ཟད་པ། འཁྲུགས་པ་བཅས་ཀྱི་ཕྱོགས་སུ་མ་ལྷུང་བ་སྙོམས་པར་གནས་པ་ཞིག མིང་གི་རྣམ་གྲངས་ལ་སྐུ་གཟུགས་བདེ་དང༌། ཁམས་བདེ། གཅོང་མེད། ཉེ་ཞོས་དབེན། ཉེར་འཚེ་མེད། སྙུན་མེད། ནད་བུ་མེད། བྲོ་མི་འཚལ། འབྱུང་བཞི་སྙོམས་བཅས་སོ། །2.(མངོན་བརྗོད།) ཨ་རུ་རའི་ཤིང༌། |
| ནད་མེད་གཅོང་སྐྱེ |
ནད་འདི་ཡིན་དམིགས་བསལ་བརྗོད་རྒྱུ་མེད་ཀྱང་གཟུགས་སྟོབས་ཞན་པོ་ཡིན་པའི་མི། |
| ནད་མེད་ཆུ |
ཁ་དོག་འབྲི་མར་བཞུས་པ་དང་འདྲ་བ། སྣར་དྲི་མ་སྣོམ་ན་སྦྲེ་དྲི་ལྟར་མནམ་པ་སོགས་འབྱུང་བའི་མི་ནད་མེད་ཀྱི་དྲི་ཆུ། |
| ནད་མེད་རྩ |
སྨན་པའི་དབུགས་ཕྱིར་རྒྱུ་བའི་ཚེ་འཕར་རྩ་ལན་གཉིས་དང༌། དབུགས་ནང་དུ་རྔུབ་པའི་ཚེ་ལན་གཉིས། བར་དུ་གཅིག་བཅས་ལྔ་འཕར་བ་ལ་ཟེར། |
| ནད་ཞི་བ |
ནད་དྲག་པ། |
| ནད་ཟུག |
ནད་ཀྱི་ཟུག་གམ་གཟེར་མིག (དཔེར་ན།) བཟའ་བཏུང་མ་འཇུ་བས་ཕོ་བར་ནད་ཟུག་ལངས་བྱུང༌། སྨན་བཏུང་ནས་ནད་ཟུག་ཆག་སོང༌ཞེས་པ་ལྟ་བུ། |
| ནད་འཁྲོལ་གདོན་འཁྲོལ |
ཕྱི་ནང་གི་འགལ་རྐྱེན་ཡོད་ཚད་ཞི་བའི་དཔེ། |
| ནད་འགོག་པ |
རིམས་ནད་མི་ཡོང་བ་བྱེད་པ། |
| ནད་འདོར |
(མངོན་བརྗོད།) ཨ་རུ་རའི་ཤིང༌། |
| ནད་འབུ་ཕྲ་མོ |
ནད་སྐྱེད་བྱེད་འབུ་ཆུང་ཕྲ་རབ། |
| ནད་འབུམ་ནག་པོ |
བོན་གྱི་སྤྱོད་པའི་སྐོར་གྱི་གཞུང་ལུགས་ཤིག |
| ནད་འབྱམས་པ |
ནད་མཆེད་པའམ་ཁྱབ་པ། |
| ནད་ཡམས |
འགོ་བའི་ནད་ཀྱི་མིང་། |
| ནད་རིམས |
གཅིག་ནས་གཅིག་ཏུ་མཆེད་འགྲོ་བའི་འགོ་ནད། (དཔེར་ན།) སྨན་གྱིས་ནད་རིམས་འགོག་པ་ཞེས་པ་ལྟ་བུ། |
| ནད་རོ |
1.ན་ཚ་རྙིང་པའམ་ནད་གཞུག་མ་ཆོད་པའི་རོ་མ། (དཔེར་ན།) སྤྱོད་ལམ་འཚམ་པོ་མ་བྱུང་བའི་རྐྱེན་གྱིས་སླར་ཡང་ནད་རོ་ལངས་པ་ཞེས་པ་ལྟ་བུ། 2.སྔར་ཁོན་གཏིང་ནད་དེ། (དཔེར་ན།) གྱོད་གཞིའི་ནད་རོ་བསྐྱར་དུ་ལངས་པ་ཞེས་པ་ལྟ་བུ། |
| ནད་རྐྱེན |
ནད་ཡོང་བའི་ཕྱི་ནང་གི་རྐྱེན། |
| ནད་རྒས་པ |
ནད་རྙིང་པ། |
| ནད་རྒྱུ |
ནད་ན་བའི་ཕྱི་ནང་གི་རྒྱུ་སྟེ། (དཔེར་ན།) ནད་རྒྱུ་ཤེས་ན་སྔོན་ཚུད་ནས་འགོག་ཐུབ་ཅེས་པ་ལྟ་བུ། |
| ནད་རྙིང |
ཡུན་རིང་སོང་བའི་ན་ཚ་རྙིང་པ། |
| ནད་རྟགས |
ནད་ཀྱི་རྟགས་ལ་བརྟེན་ནས་ནད་ངོས་གཟུང་བའི་ཐབས་ཤིག (དཔེར་ན།) རླུང་ཡིན་པའི་རྟགས་སུ་མགོ་བོ་འཁོར་བ་དང༌། མཁྲིས་པ་ཡིན་པའི་རྟགས་སུ་ཤ་དྲོད་ཚ་བ། བད་ཀན་ཡིན་པའི་རྟགས་སུ་ཟས་མི་འཇུ་བ་ལྟ་བུ། |
| ནད་རྫུ |
མི་ན་ན་ཁུལ་གྱི་དོན་ཏེ། (དཔེར་ན།) ནད་རྫུ་འདེབས་པ་ཞེས་པ་ལྟ་བུ། |
| ནད་ལོག |
ནད་དྲག་པ་སླར་ལངས་པ་སྟེ། (དཔེར་ན།) ཟས་སྤྱོད་བླང་དོར་གཟབ་ནན་མ་བྱས་པས་ནད་ལོག་བརྒྱབ་འདུག་ཅེས་པ་ལྟ་བུ། |
| ནད་ལྕི |
ན་ཚ་ངན་པའམ་ལོད་པོ། |
| ནད་ལྷག |
སྔར་གྱི་ན་ཚ་ལྷག་རོ། |
| ནད་སངས་པ |
ནད་ལས་ཐར་བ་སྟེ། (དཔེར་ན།) ལུས་རྩལ་རྒྱུན་འཁྱོངས་བྱས་པས་གཅོང་ནད་སངས་སོང༌ཞེས་པ་ལྟ་བུ། མིང་གི་རྣམ་གྲངས་ལ་སྙུན་གདངས་པ་དང༌། ནད་ཀྱིས་བཏང༌། ནད་ལས་གྲོལ། ནད་ལས་ཐར། ནད་སོས་པ། རྣམ་འགྱུར་མེད། ཟུག་རྔུ་བྲལ་བཅས་སོ། ། |
| ནད་སེལ་བ |
ནད་གསོ་བར་བྱེད་པ། |
| ནད་སོས་པ |
ནད་ལས་ཐར་བའམ་ནད་དྲག་པ། (དཔེར་ན།) སྨན་བཅོས་དང་ཟས་སྤྱོད་འཕྲོད་བསྟེན་བྱས་པས་ནད་སོས་པ་ཞེས་པ་ལྟ་བུ། |
| ནད་སློང་རྐྱེན་གཉིས |
ཁ་ཟས་མི་འཕྲོད་པ་བསྟེན་པ་ལས་བྱུང་བའི་ནད་སློང་བའི་རྐྱེན་དང༌། སྤྱོད་ལམ་མི་འཕྲོད་པ་བསྟེན་པ་ལས་བྱུང་བའི་ནད་སློང་བའི་རྐྱེན་དང་གཉིས་སོ། ། |
| ནན |
(རྒྱན་ཚིག) ནན་ཏན་གྱི་དོན་དེ། (དཔེར་ན།) སྐད་ཆ་ནན་མོ་ཞིག་བཤད། སློབ་སྦྱོང་གི་རེ་འདུན་ནན་ཆེ་བ་ཡོད། ཁོང་རྣམས་ཀྱིས་ནན་བྱས་པ་མ་ཐེག་པར་དེ་ལྟར་ཁས་བླངས། ཟས་ནན་བྱས་ནས་མ་ཟ། རེ་བ་ནན་མོ་བྱས་ལྟ་བུ། |
| ནན་གྱིས |
(བསྣན་ཚིག) ལས་ཚིག་གི་ཐོག་མར་སྦྱར་ན་བྱ་བ་དེ་བྱེད་པའི་རེ་འདུན་ཧ་ཅང་ཆེ་བའི་དོན་ཏེ། (དཔེར་ན།) ནན་གྱིས་སྦྱང་། རྐང་བ་ན་ཡང་ནན་གྱིས་སོང་། རིག་པ་རྟུལ་ཡང་ནན་གྱིས་སྦྱང་ལྟ་བུ། |
| ནན་ཏན |
1.(རྒྱན་ཚིག) བརྟན་པའམ་འགྱུར་བ་མེད་པའི་དོན་ཏེ། (དཔེར་ན།) ཞིང་པས་ཞིང་ལས་ལ་འབད་པ་ནན་ཏན་བྱ་དགོས་ལྟ་བུ། 2.བརྩོན་པ་དྲག་པོའི་དོན་ཏེ། (དཔེར་ན།) སློབ་སྦྱོང་ལ་ནན་ཏན་བྱེད་པ་གཅེས་སུ་ཟུངས་ལྟ་བུ། |
| ནན་ཏན་གྱིས |
ལས་ཚིག་གི་ཐོག་མར་སྦྱར་ན་བརྩོན་པ་ཆེ་བ་དང་རེ་འདུན་ཆེ་བ་སོགས་ཀྱི་དོན་ཏེ། (དཔེར་ན།) སློབ་སྦྱོང་ནན་ཏན་གྱིས་བྱས། ངལ་རྩོལ་ནན་ཏན་གྱིས་བྱེད་ལྟ་བུ། |
| ནན་ཏན་དུ |
འབད་པ་ཆེན་པོ་བྱེད་པའི་དོན་ཏེ། (དཔེར་ན།) སློབ་སྦྱོང་ནན་ཏན་དུ་བྱེད་ཀྱིན་འདུག་ལྟ་བུ། |
| ནན་ཏར |
(བརྡ་རྙིང་།) 1>ནན་ཏན་ནམ་དོ་ནན། 2>ངེས་པར་དང་ཤིན་ཏུ། |
| ནན་ཏུར |
1.དོ་གལ་དང་ཨུ་ཚུགས། 2.འདུལ་བ་ལས་བཤད་པའི་ལྟུང་བ་ཕྱིར་བཅོས་མི་སྤྲོ་བ་ལ་ཆད་ལས་ཀྱི་བྱ་བ་འོག་ཏུ་གཞུག་ཅིང་བཤུང་བའམ་སྨད་པའི་དོན་ནོ། ། |
| ནན་ཏུར་གྱི་ཕྱིར་བཅོས |
འདུལ་བ་གཞི་བཅུ་བདུན་ལས། ལྟུང་བ་ཕྱིར་བཅོས་ཀྱི་གཞི་བཞིའི་ནང་གསེས། ལྟུང་བ་ཕྱིར་བཅོས་བྱེད་པར་མི་སྤྲོ་བའམ་མི་འདོད་ན་ནན་ཏུར་གྱི་ལས་བྱ་བ་ནང་གསེས་སུ་ནན་ཏུར་བཞི་དང༌། གནས་དབྱུང་བདུན་གཅིག་ཏུ་བྱས་པས་ལྔ་ཡོད་དོ། ། |
| ནན་ཏུར་བཞི |
འདུལ་བ་གཞི་བཅུ་བདུན་ལས། ལྟུང་བ་ཕྱིར་བཅོས་ཀྱི་གཞི་བཞིའི་ནང་གསེས། མི་སྤྲོ་བ་ནན་ཏུར་གྱི་ཕྱིར་བཅོས་བྱ་ཚུལ་ཁག་གཅིག་འཐབ་ཀྲོལ་བྱེད་པ་ལ་བྱ་བ་འདི་ཐོང་ཞིག་མི་གཏོང་ན་གནས་ནས་དབྱུང་ངོ་ཞེས་བསྡིགས་པ་ནན་ཏུར་དང༌། ལྷག་ལྟུང་ཕྱིར་མི་བཅོས་པར་རྒྱུན་དུ་བྱུང་བ་ལ་གང་ཟག་རང་དབང་ཅན་ཡིན་ཀྱང་གཞན་ལ་ཆོས་ཤིག་ཅེས་པ་སྨད་པ་ནན་ཏུར་དང༌། ཁྱིམ་སུན་འབྱིན་པ་གནས་དེ་ནས་ཕྱིར་ཕུད་པ་བསྐྲད་པ་ནན་ཏུར་དང༌། ཁྱིམ་པ་སོགས་ལ་བརྙས་ཐབས་བྱེད་པ་ལ་མཛའ་གཅུགས་ཀྱི་དངོས་པོ་སྤངས་ནས་ཕྱིར་འགྱེད་པ་སྟེ་བཞིའོ། ། |
| ནན་ནན |
དོ་དོ་ཏན་ཏན་བྱེད་ཚུལ་ཏེ། (དཔེར་ན།) ལས་དོན་གང་ཅིར་ཁུར་བསམ་ཆེན་པོས་ལྕག་ལྕག་ནན་ནན་བྱེད་པ་ཞེས་པ་ལྟ་བུ། |
| ནན་ནན་བཅག་བཅག |
བརྟན་བརླིང་དང་གཟབ་ནན། |
| ནན་པ |
རུ་ང་བའམ་ཞིབ་ཚགས་པའི་དོན་ཏེ། (དཔེར་ན།) མི་དོ་ནན་པ་ཞིག་གཏོང་དགོས། གཏམ་ནན་པ་ཞིག་བཤད་སོང༌། མི་ངན་རིགས་ཁྲིམས་ལ་བཅུར་ཏེ་ནན་གྱིས་འཇུན་པ། ཚུལ་མིན་གྱི་བྱ་སྤྱོད་ལ་ནན་གྱིས་གཤེ་བ། ངས་ནན་གྱིས་གཏད་པ་དེ་ཁྱོད་ཀྱིས་མ་སྐྱུར་ཡང༌ཞེས་པ་ལྟ་བུ། |
| ནན་པོ |
ནན་པ་དང་འདྲ། |
| ནན་བརྣན |
ཆེད་དམིགས་ཀྱིས་ངེས་བཟུང་བ་སྟེ། (དཔེར་ན།) མི་མང་པོའི་ནང་ནས་དྲག་ཤོས་གཅིག་ནན་བརྣན་གྱིས་འདེམས་བསྐོ་བྱས་པ་ལྟ་བུ། |
| ནན་འགུགས |
1.ནན་ཏན་གྱིས་ཚུར་འབོད་པ། 2.(བརྡ་རྙིང་།) མཐུས་འཕྲོག་པ། |
| ནན་ལ་གཏད་པ |
1.དོན་གྱི་གནད་ལ་བཀར་བ། 2.ནན་ཏན་གྱིས་མངགས་པ། 3.བཙན་པོས་ཁྲལ་སོགས་བཀལ་བ། |
| ནབ |
(དབྱེ་འབྲེལ་ལས་ཚིག) མནབས་པའི་ད་ལྟ་བ། ཞྭ་གོས་སོགས་གྱོན་པའི་ཞེ་ས་མ་འོངས་པར‘མནབ’དང་། འདས་པ་ལ‘མནབས’། སྐུལ་ཚིག་ལ‘ནོབས’འབྲི། |
| ནབ་སོ |
རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་། འདི་ལ‘ནབས་སོ’འབྲི་བའང་ཡོད། |
| ནབས་སོ |
རྒྱུ་སྐར་ཉི་ཤུ་རྩ་བརྒྱད་ཀྱི་བྱེ་བྲག་ཅིག མིང་གི་རྣམ་གྲངས་ལ་རྒྱལ་སྟོད་དང༌། སྦྱིན་མོའི་ལྷ་མོ། ཤུ་ཀྲ་མ་བཅས་སོ། ། |
| ནབས་སོ་སྐྱེས |
(མངོན་བརྗོད།) ཁྱབ་འཇུག |
| ནམ |
1.གང་གི་དུས་སུ་ཞེས་པ་དང་འདྲ་སྟེ། (དཔེར་ན།) ཆར་པ་ནམ་འབབ་ངེས་མེད། ལས་འགན་ནམ་འགྲུབ་ཡོང༌། སློབ་གྲྭར་ནམ་འགྲོ། སྔོན་ཆད་ནམ་ཡང་ཐོས་མ་མྱོང་ལ་ཕྱིན་ཆད་ཀྱང་ནམ་ཡང་འབྱུང་མི་སྲིད། ངལ་རྩོལ་མི་དམངས་བདེ་སྐྱིད་འཐོབ་ཆེད་ནམ་ཡང་འབད་བརྩོན་ལྷུར་ལེན་བྱེད། གཟའ་ཉི་མ་ནམ་ཤར་ལ་ངལ་གསོ་ཡིན་ཞེས་པ་ལྟ་བུ།2.མཚན་མོའི་དུས་ཏེ། (དཔེར་ན།) ནམ་མི་ལངས་ཀ་མེད་ཉི་མས་དེད་ཅེས་པ་ལྟ་བུ། 3..མིང་མཐའ་ནའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག (དཔེར་ན།) དགའ་སྟོན་ནམ་ཚོགས་འདུ། གཡས་གཡོན་ནམ་སྟོད་སྨད་ཅེས་པ་ལྟ་བུ། 4.མིང་མཐའ་ནའི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག (དཔེར་ན།) ཡིན་ནམ་མིན་ནམ། སྨན་འདིས་ན་ཚ་འདི་རིགས་ལ་ཕན་ནམ་མི་ཕན་ཞེས་པ་ལྟ་བུ། |
| ནམ་ཀ |
(བརྡ་རྙིང་།) ནམ་མཁའ། |
| ནམ་གང |
‘གནམ’ལ་ལྟོས། |
| ནམ་གཞུག |
1.ནམ་དུས་ཀྱི་མཇུག་སྟེ་ཕལ་ཆེར་སྟོན་དུས་ལ་ཟེར། 2.གཏན་གྱི་ཕུགས། |
| ནམ་གཞུག་བསྡུ་ཁ |
སྟོན་དུས་རྫོགས་ལ་ཁད། |
| ནམ་གསལ་བ |
སྐྱ་རེངས་ཐ་མ་ཤར་བ་སྟེ། (དཔེར་ན།) བྱ་སྐད་གསུམ་པ་བརྒྱབ་ནས་ནམ་གསལ་ཡོང༌ཞེས་པ་ལྟ་བུ། |
| ནམ་གུང |
མཚན་མོའི་དུས་ཚོད་ཉེར་བཞི་པའི་དུས། |
| ནམ་གྱི་གུང་ཐུན |
མཚན་ཕྱེད་ཀྱི་ཐུན། |
| ནམ་གྱི་ཆ་སྟོད |
མཚན་མོ་ཆ་གསུམ་དུ་བགོས་པའི་ཆ་དང་པོ། |
| ནམ་གྱི་ཆ་སྨད |
མཚན་མོ་ཆ་གསུམ་དུ་བགོས་པའི་ཆ་གསུམ་པ། |
| ནམ་གྱི་ཐོ་རངས་ཆ |
མཚན་མོའི་ཆ་ཐ་མ། |
| ནམ་གྱི་འཕྱི་དགུ |
ནམ་གྱི་འཕྱི་ཆ། |
| ནམ་གྱི་སྲོད་ཆ |
མཚན་གྱི་ཆ་དང་པོ། |
| ནམ་གྲུ |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་གསོ་བའི་ལྷ་མོ་དང༌། རེ་བ་ཏི། ཤེས་པ་རྒྱས་བྱེད་བཅས་སོ། ། |
| ནམ་ཐང |
(ཡུལ་སྐད།) 1>ནམ་མཁར་སྤྲིན་མི་འཁོར་བ། 2>དབྱར་ཁ་ཆར་མི་འབབ་པའི་ཐན་པ་སྟེ། (དཔེར་ན།) འདི་ལོ་ནམ་ཐང་ནས་ལོ་ཏོག་ལ་སྐྱོན་ཆེན་པོ་ཤོར་སོང༌། |
| ནམ་ཐོ་རེངས |
མཚན་ཐུན་ཐ་མ། |
| ནམ་དགུང |
ནམ་གུང་དང་འདྲ། |
| ནམ་དམུས |
‘ནམ་རྨས’ཀྱི་འབྲི་སྲོལ་གཞན། |
| ནམ་དམུས་པ |
ནམ་རྨུས་པ་དང་འདྲ། |
| ནམ་དུས |
1.ལོ་གཅིག་གི་དུས་བཞིའི་སྤྱི་མིང༌། (དཔེར་ན།) དབྱར་དགུན་གྱི་ནམ་དུས་དྲོ་གྲང་ལ་དཔགས་པའི་གྱོན་པ་གྱོན། དངོས་ཡོད་གནས་ལུགས་ལ་དཔགས་པའི་ལས་དོན་གྱི་འཆར་གཞི་འདིང༌། འབྲུ་སོན་ནམ་དུས་དང་བསྟུན་ནས་འདེབས་དགོས་ཞེས་པ་ལྟ་བུ། 2.དུས་སྐབས་ཀྱི་དོན་ཏེ། (དཔེར་ན།) མེ་ཏོག་བཞད་པའི་ནམ་དུས། ཆུ་རྒྱས་པའི་ནམ་དུས་ཞེས་པ་ལྟ་བུ། |
| ནམ་དུས་བཞི |
དཔྱིད་དབྱར་སྟོན་དགུན་ཏེ་བཞི། |
| ནམ་ནངས་པ |
(བརྡ་རྙིང་།) ནམ་ལངས་པ། |
| ནམ་ཕར་ཚུར་གྱི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་ཤིག་སྔར་རྟ་དྲེལ་མཛོ་གཡག་སོགས་སྒོ་ཟོག་ཕྱུགས་རིགས་གཡར་པོ་སྤྲོད་ལེན་གྱི་ནམ་ཞག་སྔ་ཕྱིའི་བར་དུ་ཤི་གོད་བྱུང་ན་གཡར་མཁན་ལ་ཉེས་ཁག་འཁྲི་མིན་ཞིབ་དཔྱད་ཀྱིས་ཉེས་ཆད་འགེལ་འཐེན་ཇི་འོས་བརྟག་པའི་ཁྲིམས། |
| ནམ་ཕུགས |
དུས་རྗེས་མའམ་མཐར་ཐུག་གི་དོན་ཏེ། (དཔེར་ན།) གསར་བརྗེ་བྱས་ན་ནམ་ཕུགས་རྒྱལ་ཁ་འཐོབ། ནམ་ཕུགས་བདེ། ནམ་ཕུགས་སྐྱིད་ཅེས་པ་ལྟ་བུ། |
| ནམ་ཕྱེད |
དུས་ཚོད་བཅུ་གཉིས་ཀྱི་ཆ་ཤས་ཤིག་སྟེ་བྱི་བའི་དུས་ཚོད། |
| ནམ་ཕྱེད་ཡོལ |
དུས་ཚོད་བཅུ་གཉིས་ཀྱི་ཆ་ཤས་ཤིག་སྟེ་གླང་གི་དུས་ཚོད། |
| ནམ་ཕྱེད་རྒྱལ་བའི་དཀྱིལ་འཁོར |
མཚན་གང་ངམ་མཚན་ཧྲིལ་པོ། |
| ནམ་མཁའ |
1.ཐོགས་རེག་མེད་པའི་བར་སྣང་སྟོང་པའི་མིང་། (དཔེར་ན།) ནམ་མཁའ་དྭངས་པོ། ཆར་སྤྲིན་ནག་པོས་ནམ་མཁའ་ཡོངས་སུ་དཀྲིགས། བྱ་རིགས་འགའ་ཞིག་ནམ་མཁར་ལྡིང་སྐོར་རྒྱག གསེར་ས་འོག་ཏུ་ཡོད་ན་འོད་ནམ་མཁར་ཁྱབ་ཡོང༌། ནམ་མཁའི་བྱ་དཀྲོག་ས་གཞིའི་འབུ་དཀྲོག་ཅེས་པ་ལྟ་བུ། མིང་གི་རྣམ་གྲངས་ལ་ཀུན་ཁྱབ་དང༌། ཀུན་འགེབས། ཀུན་འགྲོ། ཀུན་གསལ། ཁྱབ་འཇུག་གནས། གོ་འབྱེད། དགུང༌། རྒྱུ་སྐར་ལམ། ཆུ་སྒྲོག་ཆུ་མཐོངས། རྟག་སྡོད། མཐའ་བྲལ། མཐའ་མེད། གནམ། སྤྲིན་ལམ། བར་སྣང༌། བར་མེད། བྱ་ལམ། མི་འགྱུར། མི་འདའ། མི་གཡོ། མེ་ཞལ། ལུས་མེད། ལྷ་རྩེན། ལྷ་ཡི་རྫིང་རིང༌། ལྷ་ལམ་བཅས་སོ། །2.(མངོན་བརྗོད།) ནམ་མཁའ་སྟོང་པ་ཡིན་པས་གྲངས་ཀླད་སྐོར་མཚོན། |
| ནམ་མཁའ་གནོན |
(མངོན་བརྗོད།) སེང་གེ། |
| ནམ་མཁའ་གཡའ་དག |
ནམ་མཁའ་སྒྲིབ་བྱེད་དང་བྲལ་བའི་དོན་ཏེ། (དཔེར་ན།) ནམ་མཁའ་གཡའ་དག་ས་གཞི་རྡུལ་དག་ཅེས་པ་ལྟ་བུ། |
| ནམ་མཁའ་དང་མཉམ་པ |
རྒྱ་ཆེ་བའི་དཔེ། |
| ནམ་མཁའ་དྭངས་གསལ |
བར་སྣང་སྤྲིན་པ་དང་དུ་བ་སོགས་ཀྱི་གཡའ་དང་བྲལ་བ། |
| ནམ་མཁའ་ཕྲ་རིང |
(ཡུལ་སྐད།) ཐང་གའི་སྟོད་ཆའི་ནམ་མཁའི་མཐའ་རིམ་གྱིས་མི་གསལ་བར་འཕྲེད་ཤད་བྱས་པའི་མིང༌། |
| ནམ་མཁའ་ཕྲ་སྒྲུག |
(ཡུལ་སྐད།) ཐང་གའི་སྟོད་ཆའི་ནམ་མཁའི་མཐའ་རིམ་གྱིས་མི་གསལ་བར་ཐིག་ལེ་ཆུང་ངུ་བྲིས་པའི་མིང༌། |
| ནམ་མཁའ་མཐའ་ཡས་སྐྱེ་མཆེད |
གཟུགས་མེད་སྐྱེ་མཆེད་མུ་བཞིའི་ནང་གསེས། ཆོས་ཐམས་ཅད་ནམ་མཁའ་ཙམ་དུ་ཟད་ལ་ནམ་མཁའ་ནི་མཐའ་ཡས་སོ་སྙམ་དུ་སེམས་པའི་ས་པའོ། ། |
| ནམ་མཁའ་མཐའ་ཡས་སྐྱེ་མཆེད་ཀྱི་རྣམ་ཐར |
གཟུགས་མེད་རྣམ་ཐར་བཞིའི་ནང་གསེས། མིག་ལ་སོགས་པའི་རྣམ་པར་ཤེས་པ་ལྔ་ནུབ་སྟེ་མི་འབྱུང་བས་དེའི་རྗེས་སུ་འཇུག་པའི་ཡིད་ཀྱི་རྣམ་པར་ཤེས་པ་དང༌། དེ་དང་འགྲོགས་པའི་འདུ་ཤེས་ཀྱང་མི་འབྱུང་དེ་ལྟར་ཕྱིའི་ཡུལ་དང་ཡུལ་ལ་རྒྱུ་བའི་རྣམ་པར་ཤེས་པ་མི་འབྱུང་བས་ན་ཆོས་ཐམས་ཅད་ནམ་མཁའ་ཙམ་དུ་ཟད་ལ། ནམ་མཁའ་ནི་མཐའ་ཡས་སོ་སྙམ་དུ་སྙོམས་པར་ཞུགས་པ་སྟེ་ནམ་མཁའ་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་པའོ། ། |
| ནམ་མཁའ་མཐའ་ཡས་སྙོམས་འཇུག |
གཟུགས་མེད་སྙོམས་འཇུག་བཞིའི་ཡ་གྱལ། ནམ་མཁའ་མཐའ་ཡས་སྐྱེ་མཆེད་ལ་དམིགས་པ་རྩེ་གཅིག་ཏུ་འཇུག་པའི་ཏིང་ངེ་འཛིན་ནོ། ། |
| ནམ་མཁའ་མཛོད |
1.འདོད་ཡོན་ཕུན་སུམ་ཚོགས་པའི་དཔེ། 2.མཆོད་པའི་རྫས་རྣམས་ཟག་མེད་ཏིང་ངེ་འཛིན་གྱིས་བྱིན་གྱིས་བརླབས་ཏེ་མི་ཟད་པའི་གཏེར་དུ་སྤེལ་བའོ། ། |
| ནམ་མཁའ་མཛོད་ཀྱི་ཏིང་ངེ་འཛིན |
ས་དང་པོའི་སྐབས་སུ་ཐོབ་པའི་སྦྱིན་པ་ལ་དབང་ཐོབ་པའི་ཏིང་ངེ་འཛིན། |
| ནམ་མཁའ་འཇལ |
(མངོན་བརྗོད།) ཉི་མའི་འོད་ཟེར། |
| ནམ་མཁའ་ལྡིང |
བྱ་རྒྱལ་མཁའ་ལྡིང་ངམ་ཁྱུང༌། |
| ནམ་མཁའ་སྔོ་སངས |
སྤྲིན་མེད་པའི་ནམ་མཁའི་མདོག |
| ནམ་མཁའི་ཁམས |
ཁམས་དྲུག་གི་ནང་གསེས་སྟོང་པའི་ཆ་སྟེ་ས་བོན་མི་སྒྲིབ་པའི་བྱ་བ་བྱེད་པ། |
| ནམ་མཁའི་ཁྱིམ |
(མངོན་བརྗོད།) མཐོ་རིས། |
| ནམ་མཁའི་གླང་པོ |
(མངོན་བརྗོད།) སྤྲིན་པ། |
| ནམ་མཁའི་གླིང |
(མངོན་བརྗོད།) སྤྲིན་པ། |
| ནམ་མཁའི་ཆུ་བོ |
(མངོན་བརྗོད།) ཆུ་བོ་གང་གཱ། |
| ནམ་མཁའི་ཏོག |
1.(མངོན་བརྗོད།) ཉི་མ། 2.བྱང་སེམས་ཤིག |
| ནམ་མཁའི་ཐིག་ལེ |
(མངོན་བརྗོད།) ཉི་མ། |
| ནམ་མཁའི་ཐོ་བ |
(མངོན་བརྗོད།) ཐོག |
| ནམ་མཁའི་ཐོད་ལྡན་ཟླ་བ |
(མངོན་བརྗོད།) ཧོར་ཟླ་བདུན་པ། |
| ནམ་མཁའི་དབུགས |
(མངོན་བརྗོད།) རླུང་སྤྱི། |
| ནམ་མཁའི་དབྱིངས |
བར་སྣང་གི་དགུང༌། |
| ནམ་མཁའི་ནོར་བུ |
(མངོན་བརྗོད།) ཉི་མ། |
| ནམ་མཁའི་མཐོངས |
ནམ་མཁའི་དབུས་སམ་ངོས་ཏེ། (དཔེར་ན།) འཇའ་ཟུག་ས་ནམ་མཁའི་མཐོངས་རེད་ཅེས་པ་ལྟ་བུ། |
| ནམ་མཁའི་མདངས་གསལ |
ཧོར་ཟླ་གསུམ་པའི་དབུགས་ཐོབ། |
| ནམ་མཁའི་མདོག |
ནམ་མཁའི་ཁ་དོག་གམ་མདོག་སྔོན་པོ། |
| ནམ་མཁའི་མཛོད |
1.བྱང་སེམས་ཤིག་གི་མཚན། 2.ནོར་ཅི་འདོད་འབྱུང་བའི་བང་མཇོད། 3.འཕགས་པ་ནམ་མཁའི་མཛོད་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བརྒྱད་པ། རྒྱ་གར་གྱི་མཁན་པོ་བི་ཛ་ཡ་ཤཱི་ལ་དང༌། ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཏེ་སྐད་གསར་བཅད་ཀྱིས་བཅོས་པའོ། / |
| ནར་འགྱངས |
དུས་ཚོད་ཕྱིར་བཤོལ་བའི་དོན་ཏེ། (དཔེར་ན།) ལས་ཀ་ནར་འགྱངས་སུ་གཏོང་བ། ལས་དོན་འདི་ནར་འགྱངས་ཕྱི་བཤོལ་དུ་མ་སོང་བར་དུས་ཐོག་སོ་སོར་བྱེད་དགོས་ཞེས་པ་ལྟ་བུ། |
| ནར་རིང |
ནར་ནར་རིང་པོའི་དོན་ཏེ། (དཔེར་ན།) ས་རྒྱུད་ནར་རིང༌། ཁང་པ་ནར་རིང༌ཞེས་པ་ལྟ་བུ། |
| ནར་ལུས་ཤོར་བ |
ཕྱི་འགྱངས་སུ་གྱུར་པའི་དོན་ཏེ། (དཔེར་ན།) ལས་ཀ་ཞིག་བྱེད་དགོས་བསམ་པའི་ངང་ནས་ད་བར་ནར་ལུས་ཤོར་བ་ཞེས་པ་ལྟ་བུ། |
| ནལ |
1.པད་རག་འདྲ་བའི་རིན་པོ་ཆེ་ཁ་དོག་ཅུང་ཟད་སྨུག་ཤས་ཆེ་བ་ཞིག 2.རུས་གཅིག་པའི་ཁྱིམ་ཐབ། |
| ནལ |
1.གཏེར་ནས་ཐོན་པའི་རིན་པོ་ཆེའི་རིགས་ཤིག་ཡིན་ཞིང་རྒྱ་སྐད་དུ‘ཧུན་པོ་ཧྲི’ཟེར་བ་དེ་ལ་ངོས་འཛིན་པ་ཡོད། 2.(བྱེད་འབྲེལ་ལས་ཚིག) ཕ་མ་གཅིག་པའི་ཕོ་མོས་འཁྲིག་སྦྱོར་བྱེད་པ་ལ་ནལ་ཟེར། |
| ནལ་ཕྲུག |
ནལ་བུ་དང་འདྲ། |
| ནལ་བཤམས |
ལྐོག་ཏུ་ལོག་གཡེམ་བྱེད་པའི་དོན་ཏེ། (དཔེར་ན།) བཙུན་མོ་དང་མི་གཞན་ནལ་བཤམས་པ་ཞེས་པ་ལྟ་བུ། |
| ནལ་བུ |
1.ཚུལ་མིན་དུ་ཕོ་མོའི་འབྲེལ་བ་བྱས་ནས་བྱུང་བའི་བུ་ཕྲུག 2.རུས་གཅིག་པས་བསྡེབས་པ་ལས་སྐྱེས་པའི་ཕྲུ་གུ། |
| ནལ་མ |
1.རྩྭ་སྨན‘ནད་མ’ཡི་འབྲི་ཚུལ་གཞན། 2.ཤིང་བྲ་མའི་མིང་གཞན།3.མིང་སྲིང་བཟའ་ཚང་བྱས་པའི་བུད་མེད། |
| ནལ་ཟེ |
1.ལུས་ཀྱི་ཟ་འཕྲུག་འདྲད་སྤྱད་ཞིག 2.(བརྡ་རྙིང་།) སྐྱོགས། |
| ནལ་རིན་ཆེན |
རིན་པོ་ཆེ་མདོག་སྨུག་པོ་ཞིག |
| ནལ་ལེ |
(ཡུལ་སྐད།) བྱི་བྱས་པའི་ཕྲུ་གུའམ། ཕ་ངོས་འཛིན་རྒྱུ་མེད་པའི་འཆལ་ཕྲུག |
| ནས |
1.འབྲུ་རིགས་ཤིག མིང་གི་རྣམ་གྲངས་ལ་མཆུ་མ་དང་རྩི་དཀར་རོ། །2.སྔར་གྱི་འཇལ་བྱེད་ཚད་གཞི་ཞིག་གི་མིང༌། 3.ཆོས་གང་ནས་གང་ཞིག་བྱུང་བ་སྟོན་བྱེད་རྣམ་དབྱེ་ལྔ་པ་འབྱུང་ཁུངས་ཀྱི་སྒྲའི་རྐྱེན་ཞིག (དཔེར་ན།) ཞིང་ཁའི་ནང་ནས་ཟ་འབྲུ་ཐོན་པ། ཤར་ཕྱོགས་ནས་ཉི་མ་ཤར་ཞེས་པ་ལྟ་བུ། 4.ཡུལ་དང༌། དུས་དང༌། དངོས་པོ་སོགས་མཚམས་འཛིན་ཅིང་སྡུད་པའི་དོན་སྟོན་བྱེད་རྣམ་དབྱེ་ལྔ་པའི་སྡུད་སྒྲའི་རྐྱེན་ཞིག་སྟེ། (དཔེར་ན།) གནའ་སྔ་མོ་ནས་ད་ལྟའི་བར། ཡ་གླིང་ནས་ལ་ཏིང་མེ་གླིང་གི་བར། བརྒྱ་ནས་སྟོང་བར་ཞེས་པ་ལྟ་བུ། 5. མཚམས་སྦྱོར་བའི་ལྷག་བཅས་སྟོན་པའི་ཕྲད་རང་དབང་ཅན་ཞིག (དཔེར་ན།) ཅོག་ཙེའི་འཁྲིས་སུ་བསྡད་ནས་ཁ་བརྡ་ལྷུག་པོར་བྱེད་པ་ཞེས་པ་ལྟ་བུ། |
| ནས་ཀྱི་འཁྲི་ཤིང |
(མངོན་བརྗོད།) སྲན་མ། |
| ནས་ཆག |
ལེབ་མོར་བརྫོགས་པའི་ནས་འབྲུ། |
| ནས་ཆང |
ནས་ཀྱིས་བཙོས་པའི་ཆང༌། |
| ནས་ཆུ |
(ཡུལ་སྐད།) ནས་རིལ་གྱི་ཐུག་པ། |
| ནས་ནག་གྲ་གཉིས་མ |
(ཡུལ་སྐད།) ཐོན་ཚད་མཐོ་བའི་ནས་ཀྱི་བྱེ་བྲག་ཅིག |
| ནས་ཕུབ |
ནས་ཀྱི་ཤུན་པ་མང་བའི་རྩྭ། |
| ནས་ཕྱེ |
ནས་རྗེན་བཏགས་པའི་ཕྱེ། |
| ནས་བསོད |
ཟ་འབྲུ་ནས་ཀྱི་བསོད་སྙོམས་ཏེ་སྔར་བོད་ཀྱི་གྲྭ་བཙུན་སོགས་ཀྱིས་སྟོན་འབྲས་སྨིན་དུས་ཡུལ་གྲོང་ཁག་ལ་འབྲུ་རིགས་སློང་བའི་མིང༌། |
| ནས་མ |
གཡུལ་བཅག་ནས་སྤུངས་པའི་འབྲུ་རིགས་ཀྱི་ཕུང་བོ་ལ་ནས་མ་ཟེར་ཏེ། (དཔེར་ན།) གཡུལ་ཁར་ནས་མ་རི་ལྟར་སྤུངས་ཞེས་པ་ལྟ་བུ། |
| ནས་ཞིང |
ནས་ཀྱི་ས་བོན་བཏབ་པའི་ཞིང་ཁ། |
| ནས་ཟན |
1.བྲུ་རིགས་ནས་ཀྱི་ཟན་སྤགས། 2.(མངོན་བརྗོད།) བྱེའུ་མཆིལ་པ། |
| ནས་ཡོས |
ནས་བརྔོས་པའི་ཡོས། |
| ནས་རྗེན |
འབྲུ་རིགས་འཇོག་སའི་བང་བ། |
| ནས་རྗེན |
ནས་རྗེན་པར་བཏགས་པའི་ཕྱེ། |
| ནས་རྗེན་ཚ་བ |
(ཡུལ་སྐད།) ནས་རྗེན་པར་བཏགས་པའི་ཕྱེ་ཡི་ཐུག་པ། |
| ནས་རྩམ |
ནས་ཀྱི་རྩམ་པ། |
| ནས་སོ་བ |
ཤུན་པ་དང་ལྡན་པའི་ནས་འབྲུ། |
| ནས་སོག |
ནས་ཀྱི་སོག་མ། |
| ནས་སོན |
ནས་ཀྱི་ས་བོན། |
| ནས་སྒྲ་ལྷག་བཅས |
མཚམས་སྦྱོར་ལྷག་བཅས་ལ་འཇུག་པའི་ནས་སྒྲ། (དཔེར་ན།) མིག་གིས་བལྟས་ནས་མཐོང༌ཞེས་པ་ལྟ་བུ། |
| ནས་སྙེ |
ནས་ཀྱི་སྙེ་མ། |
| ནས་སྦྱང |
(ཡུལ་སྐད།) ནས་བླུག་སའི་བང་བའམ་རྗང༌། |
| ནས་སྲུས |
ནས་མ་སྨིན་ཙམ་གྱི་སྙེ་མ་སྟེ། (དཔེར་ན།) ནས་སྲུས་ཀྱི་ཐུག་པ་ཞེས་པ་ལྟ་བུ། |
| ནཱ་ག |
(ལེགས་སྦྱར།) ཀླུ། |
| ནཱ་ག་གེ་སར |
ཀླུའི་གེ་སར་རམ་གླང་པོའི་གེ་སར་ཏེ། ཤིང་སྨན་མེ་ཏོག་གི་རིགས། རོ་བསྐ། ཞུ་རྗེས་བསིལ། ནུས་པས་གློ་ཚད་དང༌། མཆིན་ཚད། སྙིང་ཚད་སོགས་ལ་ཕན། |
| ནཱ་ག་རའི་ཡི་གེ |
(ལེགས་སྦྱར།) སྔར་རྒྱ་གར་གྱི་ཡི་གེའི་རིགས་ཤིག |
| ནཱ་མ |
(ལེགས་སྦྱར།) ཞེས་བྱ་བའི་སྐད་དོད། |
| ནཱ་རོ་ཆོས་དྲུག |
རྒྱ་གར་གྱི་པན་ཆེན་ན་རོ་ཏ་པ་ནས་བརྒྱུད་པའི་གདམས་པ་འདི་ལ་ཆོས་དྲུག་འདྲེན་ལུགས་གཉིས་ལས་གཅིག་ནི། གཏུམ་མོའི་རྣལ་འབྱོར་དང༌། འོད་གསལ། སྒྱུ་ལུས། བར་དོ། འཕོ་བ། གྲོང་འཇུག་བཅས་དྲུག་ཡང་གཅིག་ནི། གཏུམ་མོ་དང༌། འོད་གསལ། སྒྱུ་ལུས། ཟུང་འཇུག་འཕོ་བ། གྲོང་འཇུག་སྟེ་དྲུག |
| ནཱ་རོ་པ |
དུས་རབས་བཅུ་གཅིག་པའི་སྐབས་སུ་བྱུང་བའི་རྒྱ་གར་གྱི་གྲུབ་ཆེན་ཏཻ་ལོ་པའི་དངོས་སློབ། བོད་ཀྱི་མར་པ་ལོ་ཙཱའི་བླ་མ་ཡིན་ཞིང༌། མར་པ་ལོ་ཙཱ་ལ་བདེ་མཆོག་དང་ནཱ་རོ་ཆོས་དྲུག་སོགས་ཀྱི་གདམས་པ་སྤེལ་གནང་མཛད། |
| ནཱ་རོ་མཁའ་སྤྱོད་མ |
པཎ་ཆེན་ནཱ་རོ་པ་ནས་བརྒྱུད་པའི་མཁའ་སྤྱོད་མ་སྟེ་སྔགས་བླ་མེད་ཀྱི་ཡི་དམ་ཞིག |
| ནཱ་ལེནྡྲ |
སྔར་རྒྱ་གར་མ་ག་དྷ་རྒྱལ་ཁབ་ཀྱི་རྒྱལ་བུ་རྒྱལ་བྱེད་ཀྱི་ཚལ་ན་ཡོད་པའི་དགོན་པ་གྲགས་ཅན་ཞིག་དུས་རབས་ལྔ་པ་ནས་དྲུག་པའི་དུས་འགོའི་བར་དུ་བཏབ། དེར་དགོན་ཆེན་བརྒྱད་ཡོད་པ་དང་དགེ་འདུན་གཞིས་བྱེས་མི་གྲངས་ཆིག་ཁྲི་ཙམ་ཞིག་རྒྱུན་དུ་བཞུགས། དེར་ཐེག་ཆེན་ཐེག་ཆུང་དང༌། རིག་བྱེད། ཚད་མ། སྒྲ་རིག་པ། གསོ་བ་རིག་པ་སོགས་བསླབ་པའི་གནས་ཡིན་པས་རྒྱ་གར་དུ་སངས་རྒྱས་ཆོས་ལུགས་ཀྱི་སློབ་གྲྭ་མཐོ་ཤོས་ཤིག་ཏུ་གྱུར། རང་རྒྱལ་ཐང་རྒྱལ་རབས་ཀྱི་ཤྱན་ཙང་ཐང་ཟན་བླ་མ དང་དབྱི་ཅིང་སོགས་དེར་སློབ་གཉེར་ལོ་མང་མཛད། དུས་རབས་བཅུ་གཉིས་པའི་དུས་མཇུག་ཏུ་བསྣུབས་ཤིང༌། ཉེ་རབས་གཞི་ནས་དེའི་རྗེས་ཤུལ་ཁག་གཅིག་ས་འོག་ནས་བཏོན། |
| ནཱི་ལ་ཐོ་ཋ |
ལན་ཚྭའི་རིགས་ཀྱི་ནང་ཚན་མཚུར་སྔོན་ཏེ། རོ་ལན་ཚ། ནུས་པ་དྲོད། འབྲས་ཀྱི་ནད་དང༌། སྐྲན་ལ་ཕན། མིག་གི་ལིང་ཐོག་ལེན། |
| ནཱིལ |
(ལེགས་སྦྱར།) ནོར་བུའི་རིགས་རྡོ་སྔོན་པོ་ཞིག |
| ནི |
(གྲོགས་ཚིག) 1>དགར་བ་ཚིག་སྔ་ཕྱི་གཉིས་ཀྱི་བར་ལ་སྦྱར་ན་ཚིག་སྔ་མ་ནི་གཙོ་ཚིག་དང་ཕྱི་མ་ནི་རྗོད་ཚིག་ཡིན་པར་སྟོན་ཏེ། (དཔེར་ན།) མདོ་དབུས་ཁམས་གསུམ་ནི་བོད་མི་རིགས་ཀྱི་གནས་ས་ཡིན། རྟ་ནོར་ལུག་གསུམ་ནི་བོད་རིགས་མི་དམངས་ཀྱི་སྒོ་ཕྱུགས་གཙོ་བོ་ཡིན། བ་ལང་ནི་སྒོ་ཕྱུགས་བཟང་བོ་ཞིག་ཡིན་ཞེས་པ་ལྟ་བུ། 2>ངེས་བཟུང་ངམ་བརྣན་པ་ནན་ཏན་བྱེད་པའི་དོན་ལ་འཇུག་པ་ནི། (དཔེར་ན།) སྒྲིག་ཁྲིམས་ནི་ངེས་པར་དུ་བསྲུང་དགོས། སློབ་གྲྭར་ནི་ཞུགས། འགོ་འདྲེན་ནི་བཟང་། ཆ་རྐྱེན་ནི་འཛོམས། བདག་གིས་ནི་ཁྲིམས་འགལ་གཏན་ནས་མི་བྱེད། ཁྱོད་རང་གིས་ནི་སློབ་སྦྱོང་ནན་ཏན་བྱོས་ལྟ་བུ།3>ཚིག་ཕྱི་མ་འདྲེན་པའི་དོན་ལ་འཇུག་པ་ནི། (དཔེར་ན།) ཙན་དན་གཉིས་ནི་ཙན་དན་དཀར་བོ་དང་ཙན་དན་དམར་བོ་གཉིས་ཡིན། རྟ་ནོར་ལུག་གསུམ་གྱི་ཤེད་བཟང་བ་ནི་འཚོ་སྐྱོང་ལེགས་པར་བྱས་པའི་རྐྱེན་གྱིས་ཡིན་ལྟ་བུ། |
| ནི་ཀུ |
གོ་ཡུའམ་མཁལ་མ་གོ་ཡུ་ཞེས་པའི་སྨན་གྱི་སྡོང་བོའི་མིང་། རྒྱ་སྐད་དུ‘པི་ལང’ཟེར། |
| ནི་གུ |
1.བུ་མོ་ཆུང་ངུ་། 2.མཁའ་འགྲོ་མ་ནི་གུ། |
| ནི་གུ |
སྲིང་མོའམ་གཞོན་ནུ་མའི་མིང་གཞན། |
| ནི་གུའི་ཆོས་དྲུག |
སྔགས་ལུགས་ནི་གུ་མཁའ་འགྲོ་ནས་བརྒྱུད་པའི་ཆོས་དྲུག་གཏུམ་མོ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག་འོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱས། བར་དོ་རྒྱལ་བ་ལོངས་སྐུ་རྣམས་སོ། ། |
| ནི་རུ་ཧ |
རྟུག་སྐམ་དང༌། གཞང་སྲིན་ལྟ་བུ་ལྟེ་འོག་མན་གྱི་ནད་ལ་སྨན་བསྐོལ་ནས་ཁུ་བ་གྲོད་པའི་ནང་བླུག་སྟེ་གཤང་ལམ་ནས་མས་བཏང་དགོས་པ་ཞིག ནང་གསེས་སུ་དབྱེ་ན་སྦྱོར་བ་རྣོན་པོ་དང་འཇམ་པོ། བར་མ་བཅས་གསུམ་མཆིས། |
| ནི་ལ |
(ལེགས་སྦྱར།) ནཱིལ་དང་འདྲ། |
| ནི་སྒྲ |
གཞི་ལས་ལོགས་སུ་དགར་བའམ། དམིགས་ཀྱིས་འབྱེད་པ་དང༌། ངེས་གཟུང་ངམ། ནན་གྱིས་བརྣན་པ་དང༌། ཚིག་གི་ཁ་སྐོང་བཅས་ལ་འཇུག་པའི་ཕྲད་རང་དབང་ཅན་ཞིག (དཔེར་ན།) མཐིང་ག་ནི་སྔོ་སངས་ལས་གཞན་ནོ། ། ཁྱོད་ནི་དཔའ་ཞིང་ཁྱོད་ནི་མཛངས། ལས་དོན་མྱུར་དུ་ཚར་བར་ནི། བརྩོན་འགྲུས་ཆེན་པོ་སྐྱེད་དགོས་སོ་ཞེས་པ་ལྟ་བུ། |
| ནིང |
ལོ་སྔོན་མ་སྟེ། (དཔེར་ན།) ན་ནིང(ལོ་སྔོན་མ)གཞེས་ནིང(ལོ་སྔོན་མའི་སྔོན་མ)ཞེས་པ་ལྟ་བུ། |
| ནིམ་པ |
ཤིང་སྨན་གྱི་རིགས་ཤིག་རོ་ཁ། ཞུ་རྗེས་སྙོམས། ནུས་པས་ཚད་པ་དང༌། སྐོམ་དད། ཡི་ག་འཆུས་པ་སོགས་སེལ། པགས་ནད་དང༌། མེ་དབལ་འཇོམས། |
| ནིམ་པ |
རྩྭ་སྨན་རོ་ཤིན་ཏུ་ཁ་བ་ཞིག་རྒྱ་སྐད་དུ‘ཧྲན་ཏིག་ཀིན’ཟེར། |
| ནུ |
(བྱེད་འབྲེལ་ལས་ཚིག) ནུས་པའི་མ་འོངས་པ་དང་ད་ལྟ་བ། ནུ་མ་འཇིབ་པ་སྟེ། (དཔེར་ན།) ལུ་གུས་ནུ་མ་ནུ་དགོས། ལུ་གུས་ནུ་མ་ནུ་བཞིན་འདུག་ལྟ་བུ། |
| ནུ་གདན |
ནུ་མའི་ཏོག་གི་གཞི། |
| ནུ་ཏོག |
ནུ་མའི་རྩེ་མོ། |
| ནུ་ཏོག |
ནུ་མའི་རྩེ་མོའི་ཤ་རྡོག་རིལ་མོའི་མིང་། |
| ནུ་བ |
(བྱེད་འབྲེལ་ལས་ཚིག) ནུས་པའི་མ་འོངས་པ་དང་ད་ལྟ་བའི་བྱ་མིང་། |
| ནུ་བོ |
ཕ་མ་གཅིག་གི་བུ་ཆུང་བ་རྣམས་སྤུན་ཆེ་བའི་ནུ་བོ་ཡིན། ཚིག་བསྡུས་ན‘ནུ’ཞེས་འབྲི་ཆོག་སྟེ། (དཔེར་ན།) ཕུ་བོ་དང་ནུ་བོ་ལ། ཕུ་ནུ་ཟེར་བ་ལྟ་བུ། |
| ནུ་མ |
འོ་སྣོད་དེ། (དཔེར་ན།) ནུ་མ་སྒྲིལ་བ། ནུ་མ་འཐུང་བ། ཕྲུ་གུ་དམར་འབྱར་ལ་ནུ་མ་བསྣུན། རྩྭ་ཆུ་རྒྱས་དུས་མོ་ཕྱུགས་བཞོན་མའི་རིགས་ནས་ནུ་མ་འབབ་པ་ཞེས་པ་ལྟ་བུ། མིང་གི་རྣམ་གྲངས་ལ་དཀར་འཛིན་དང༌། འདོད་པའི་མྱོས་བུམ། བྲང་སྐྱེས། འོ་འཛིན། ལང་ཚོའི་མཚན་མ། ལོགས་སྐྱེས་བཅས་སོ། ། |
| ནུ་མགོ |
ནུ་མའི་རྩེ་མོ། |
| ནུ་མོ |
ཕ་མ་གཅིག་པའི་བུ་མོ་སྤུན་ཆུང་བ་གཅུང་མོ། |
| ནུ་ཚབས |
མོ་ནད་ཁྲག་ཚབས་རིགས་ཤིག་ནུ་མ་སྐྲངས་ཤིང་ཟུག་གཟེར་ཆེར་འབྱུང་བ་ཞིག |
| ནུ་ཞོ |
1.འོ་མའི་མིང་གཞན་ཏེ། (དཔེར་ན།) ནུ་ཞོ་ལྡུད་པ། ཨ་མའི་ནུ་ཞོར་ཕྲུ་གུ་དགའ་ཞེས་པ་ལྟ་བུ། 2.འོ་མ་དང་ཞོ། |
| ནུ་འཐུང |
1.འོ་མ་འཐུང་བ། 2.(མངོན་བརྗོད།) བྱིས་པ། |
| ནུ་འབུར |
ནུ་མའི་རྩེ་ཏོག |
| ནུ་རིན |
སློང་ཆང་གཏོང་ཉིན་བག་མའི་མར་སྤྲོད་པའི་དངུལ། |
| ནུ་རྡོག |
ནུ་མའི་རྩེ་མོ། |
| ནུ་རྫི |
(བརྡ་རྙིང་།) ཆང་དང་བདུད་རྩིའི་ཉིང་ཁུ། |
| ནུ་སོར |
ནུ་མའི་རྩེ་མོ། |
| ནུ་སྐྱེས |
(མངོན་བརྗོད།) འོ་མ། |
| ནུད |
(བྱེད་མེད་ལས་ཚིག) སྔར་གནས་ནས་སྤོར་བའི་དོན་ཏེ། (དཔེར་ན།) སྔོན་ལ་ནུད། གད་པ་ནུད་ཅེས་པ་ལྟ་བུ། |
| ནུད་པ |
(བྱེད་མེད་ལས་ཚིག) རྒྱབ་མདུན་གང་རུང་དུ་འཐེན་པའི་དོན་ཏེ། (དཔེར་ན།) ཚོགས་འདུ་མ་གྲོལ་གོང་དུ་ཕྱིར་ནུད་པས་མི་འགྲིག རྒྱལ་ཁ་མ་ཐོབ་པར་དུ་ཕྱི་ནུད་གོམ་པ་གང་ཡང་མི་རྒྱག་ཅེས་པ་ལྟ་བུ། |
| ནུབ |
1.(བྱེད་མེད་ལས་ཚིག) 1>ཉི་ཟླ་སོགས་རི་བོ་སོགས་ཀྱི་ཕག་ལ་སོང་ནས་མི་མཐོང་བའི་དོན་ཏེ། (དཔེར་ན།) ཉི་མ་འཆར་ནུབ། ཟླ་བ་རི་བོའི་ཕག་ལ་ནུབ་ལྟ་བུ།2>ཆུའི་ནང་ལ་འབྱིང་བའི་དོན་ཏེ། (དཔེར་ན།) དགྲ་གྲུ་རྒྱ་མཚོར་ནུབ། ཆུ་བོ་རྐེད་པ་ནུབ་པ་ཙམ། ཆུ་ཕྲན་པུས་མོ་ནུབ་ཙམ་ཞེས་པ་ལྟ་བུ།3>སྲོལ་ངན་སོགས་ཉམས་པའི་དོན་ཏེ། (དཔེར་ན།) མ་རྩ་རིང་ལུགས་ནུབ། སྲོལ་ངན་ནུབ་ཅེས་པ་ལྟ་བུ། 2.ཉི་མ་ནུབ་པའི་ཕྱོགས་ཀྱི་མིང་སྟེ། (དཔེར་ན།) ཤར་ནུབ། ནུབ་ཕྱོགས་ཞེས་པ་ལྟ་བུ། 3.ཡོ་རུབ་གླིང་དང་བྱང་ཨ་མེ་རི་ཀའི་གླིང་གི་སྤྱི་མིང་དུ་འཇུག (དཔེར་ན།) ནུབ་ཕྱོགས་ཀྱི་གསོ་བ་རིག་པ། ནུབ་ཕྱོགས་པ་ཞེས་པ་ལྟ་བུ།4.‘ནུབ་མོ’ཡི་མིང་བསྡུས་པ། |
| ནུབ་ཀྱི་ཕྱོགས་སྐྱོང |
(མངོན་བརྗོད།) ཆུ་ལྷ། |
| ནུབ་ཀྱི་རི་བོ་ལ་གནས་པའི་སྡེ |
ཕལ་ཆེན་སྡེ་པ་ལྔའི་ཡ་གྱལ་ཞིག |
| ནུབ་གངས་ལ |
བོད་ལྷ་རི་རྫོང་གི་ཤར་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5776 ཡོད། |
| ནུབ་གཅིག་ལྷག་པོར་ཉལ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བསྙེན་པར་མ་རྫོགས་པ་དང་ལྷན་ཅིག་ཏུ་མཚམས་ནང་གཅིག་ཏུ་ནུབ་གཉིས་ལས་ལྷག་པར་ཉལ་བའོ། ། |
| ནུབ་གླིང |
ནུབ་ཕྱོགས་ཀྱི་ཡུལ་ཁམས། |
| ནུབ་ངོས |
ཉི་མ་ནུབ་སར་ཁ་ལྟ་བའི་ཕྱོགས། |
| ནུབ་པ |
(བྱེད་མེད་ལས་ཚིག) 1>ཉི་ཟླ་སོགས་བཞུད་ནས་མི་མངོན་པར་འགྱུར་བ། (དཔེར་ན།) ཉི་མ་ནུབ་སོང༌ཞེས་པ་ལྟ་བུ། 2>ཆུའི་ནང་དུ་འབྱིང་བ། (དཔེར་ན།) གྲུ་གཟིངས་རྒྱ་མཚོའི་གཏིང་དུ་ནུབ་ཅེས་པ་ལྟ་བུ། 3>སྲོལ་རྒྱུན་སོགས་ཉམས་པར་འགྱུར་བ། (དཔེར་ན།) བྱས་རྗེས་ཀྱི་སྙན་གྲགས་ཇི་སྲིད་དུ་མི་ནུབ་པ། ལག་རྩལ་གྱི་རྒྱུན་བཟང་ནུབ་ཏུ་མི་འཇུག་ཅེས་པ་ལྟ་བུ། |
| ནུབ་ཕྱོགས |
ཉི་མ་ནུབ་པའི་ཕྱོགས། |
| ནུབ་ཕྱོགས་པ |
ནུབ་ཕྱོགས་སུ་སྡོད་མཁན་སྤྱི། |
| ནུབ་ཕྱོགས་བདག་པོ |
(མངོན་བརྗོད།) ནུབ་ཀྱི་ཕྱོགས་སྐྱོང་ཆུ་ལྷ། |
| ནུབ་བ་གླང་སྤྱོད |
གླིང་བཞིའི་ཡ་གྱལ་རི་རབ་ཀྱི་ནུབ་ངོས་རྒྱ་མཚོར་ཆགས་པའི་གླིང་ཆེན་ཞིག་བ་ལང་དང་ནོར་བུ་ལ་ལོངས་སྤྱོད་པས་བ་ལང་སྤྱོད་དང༌། དབྱིབས་ཟླུམ་པོ་དང༌། མཐའ་སྐོར་དཔག་ཚད་སྟོང་ཕྲག་ཕྱེད་དང་བརྒྱད་ཡིན་ལ། ཆུ་ཞེང་ངམ་སྲིད་ཞེང་གཉིས་ལ་དཔག་ཚད་སྟོང་ཕྲག་ཕྱེད་དང་གསུམ་ཡོད་དོ། ། |
| ནུབ་བལྟ |
ནུབ་ཏུ་ཁ་གཏད་པའི་དོན་ཏེ། (དཔེར་ན།) ཁང་པ་སྒོ་ནུབ་བལྟ་ཞེས་པ་ལྟ་བུ། |
| ནུབ་བྱང |
1.ནུབ་དང་བྱང༌། 2.ནུབ་བྱང་བར་གྱི་མཚམས། |
| ནུབ་བྱང་ཕྱོགས་སྐྱོང |
(མངོན་བརྗོད།) རླུང་ལྷ། |
| ནུབ་བྱང་བདག་པོ |
(མངོན་བརྗོད།) ནུབ་བྱང་གི་ཕྱོགས་སྐྱོང་རླུང་ལྷ། |
| ནུབ་མ |
ནུབ་ཕྱོགས་སུ་ཡོད་པའི་ཁང་པ་དང་གྲོང་ཁྱེར་སོགས། |
| ནུབ་མོ |
མཚན་མོའི་མིང་། བསྡུས་ན‘ནུབ’ཅེས་འབྲི་ཆོག་སྟེ། (དཔེར་ན།) ནངས་ནུབ། སྔ་ནུབ་ཅེས་པ་ལྟ་བུ། |
| ནུབ་རི་ལ་གནས་པའི་སྡེ |
ཕལ་ཆེན་སྡེ་པ་ལྔའི་ཡ་གྱལ་ཞིག |
| ནུབ་རྒྱུད |
ནུབ་ངོས་སམ་ནུབ་ཕྱོགས། |
| ནུབ་སྐར་བདུན |
ལྷ་མཚམས་དང༌། སྣྲོན། སྣྲུབས། ཆུ་སྟོད། ཆུ་སྨད། གྲོ་བཞིན། བྱི་བཞིན་རྣམས་སོ། ། |
| ནུབ་སྒོ |
ནུབ་ཕྱོགས་སུ་ཡོད་པའི་སྒོ། |
| ནུབ་སྟོད |
ནུབ་ཕྱོགས་སྟོད་སྨད་གཉིས་སུ་ཕྱེ་བའི་སྟོད་ཆ། |
| ནུབ་སྨད |
ནུབ་ཕྱོགས་སྟོད་སྨད་གཉིས་སུ་ཕྱེ་བའི་སྨད་ཆ། |
| ནུར |
1.(བྱེད་མེད་ལས་ཚིག) 1>སྔར་གནས་ནས་གོ་ས་སྤོར་བ་སྟེ། (དཔེར་ན།) ཕྱི་ལ་ནུར། སྔོན་ལ་ནུར་ཁོ་རང་གཞན་དུ་ནུར་ལྟ་བུ།2>གཏན་ཁེལ་གྱི་དུས་ལ་འགྱུར་ལྡོག་བྱས་པ་དུས་ཚོད་སྔ་ནུར་ཕྱི་ནུར་ཞེས་པ་ལྟ་བུ།3>ལྟོ་ངོས་སར་ཕབ་ནས་འགྲོ་བའི་དོན་ཏེ། སྦྲུལ་ནུར་ནས་འགྲོ་ལྟ་བུ། 2.‘ནུར་བོ’ལ་ལྟོས། |
| ནུར་ནུར |
(ཡུལ་སྐད།) ཐུག་པ་སོགས་གར་པོ། |
| ནུར་ནུར་པོ |
མངལ་གྱི་གནས་སྐབས་ལྔའི་དང་པོའམ། མི་ལུས་མངལ་དུ་ཆགས་པའི་བདུན་ཕྲག་དང་པོ་སྟེ་ཕ་མའི་ཁུ་ཁྲག་ཞོ་སླ་པོ་ལྟ་བུར་གྱུར་ལ་སྤྲིས་མ་ཆགས་མེད་པའི་དུས་འདི་ལ་ཡུངས་དཀར་ཙམ་གྱི་དུས་ཀྱང་ཟེར། |
| ནུར་བ |
གར་བའམ་གར་པོ། |
| ནུར་བོ |
(རྒྱན་ཚིག) གཤེར་ཁུའི་ནང་དུ་སྲ་འཐས་ཀྱི་རྫས་མང་བའི་དོན་ཏེ། (དཔེར་ན།) རྩམ་ཐུག་ནུར་བོ། ཚིག་བསྡུས་ན‘ནུར’ཞེས་འབྲི་ཆོག་སྟེ། (དཔེར་ན།) ནུར་ཐུག་ཅེས་པ་ལྟ་བུ། |
| ནུར་བྱིན |
གཟའ་འཛིན་སྐབས་སྒྲ་གཅན་གདོང་མཇུག་གང་རུང་ལ་ཆུ་ཚོད་གཟུགས་མེ་སོགས་ཟླ་བ་བཞི་དང་ཟླ་ཕྱེད་ཀྱི་ལོངས་སྤྱོད་ཀྱིས་ཕྲི་བ་དང༌། གཟའ་དག་པའི་ལོངས་སྤྱོད་ཀྱི་སྟེང་དུ་ནུར་སྟེར་ཚུལ་སོགས། |
| ནུས |
1.(ལས་ཚིག་རྗེས་མཐུན་པ) (དཔེར་ན།) ནུ་མ་མ་ནུས་ན་ནུས་ཤིག་ལྟ་བུ། 2.ལས་ཚིག་ད་ལྟ་བའི་མཐར་སྦྱར་ན་ལས་དེ་བྱེད་ཐུབ་པའི་དོན་ཏེ། (དཔེར་ན།) དགྲ་འགོག་ནུས། དཀའ་ངལ་སེལ་ནུས་ལྟ་བུ། 3.(བྱེད་འབྲེལ་ལས་ཚིག) བཟོད་པའམ་བསྲན་ཐུབ་པའི་དོན་ཏེ། (དཔེར་ན།) ལུས་ཀྱིས་མ་ནུས། སེམས་ཀྱིས་ནུས་སམ་ལྟ་བུ།4.ནུས་པ’ཡི་ཚིག་བསྡུས་པ།5.‘ནུ’ལ་ལྟོས། |
| ནུས་ཅན |
(མངོན་བརྗོད།) འདབ་ཆགས། |
| ནུས་པ |
1.ནུ་བའི་འདས་པ། 2.མཐུ་སྟོབས་དང༌། རྩལ་དང༌། ཕན་པའི་དོན་ཏེ། (དཔེར་ན།) མིའི་ནུས་པ། སྨན་གྱི་ནུས་པ། རྫས་ཀྱི་ནུས་པ། སེམས་ཀྱི་ནུས་པ། ལོ་རྒས་ནས་ནུས་པ་ཤོར་ཞེས་པ་ལྟ་བུ། 3.ཐུབ་པ་དང་ཕོད་པའི་དོན་ཏེ། (དཔེར་ན།) བསམ་ནུས་པ། བཤད་ནུས་པ། བྱེད་ནུས་པ། ད་ལྟའི་གནས་ལུགས་ལ་གཞིགས་ནས་རྗེས་སུ་གང་ཡོང་དཔག་ནུས། རྒྱལ་ཁ་ལེན་ཐུབ་མི་ཐུབ་ཀྱི་གནད་འགག་དེ་འཐབ་འཛིང་བྱེད་ནུས་མི་ནུས་ལ་ཐུག་ཡོད་ཅེས་པ་ལྟ་བུ། |
| ནུས་པ་བརྒྱད |
འབྱུང་བ་ལྔའི་སྟོབས་ལས་བྱུང་བའི་སྨན་ཐམས་ཅད་ཀྱི་ནུས་པ་མི་འདྲ་བ་བརྒྱད་དེ་ལྕི་བ་དང་སྣུམ་པ་གཉིས་ཀྱིས་རླུང་ནད་སེལ་བ་དང༌། བསིལ་བ་དང་རྟུལ་བ་གཉིས་ཀྱིས་མཁྲིས་ནད་སེལ་བ། ཡང་བ་དང་རྩུབ་པ་ཚ་བ་རྣོ་བ་བཅས་བཞི་པོས་བད་ཀན་གྱི་ནད་སེལ་བ་ཡིན། |
| ནུས་པ་སྟོང་ལྡན |
(མངོན་བརྗོད།) རྩྭ་དུར་བ། |
| ནུས་བྱེད |
(མངོན་བརྗོད།) ཁུ་བ། |
| ནུས་མཐུ |
སྟོབས་ཤུགས་ཀྱི་མིང་། (དཔེར་ན།) གཞན་རོགས་སྐྱོར་བར་རང་ལ་ནུས་མཐུ་དགོས་ཞེས་པ་ལྟ་བུ། |
| ནུས་ཟླ |
(མངོན་བརྗོད།) རྒྱལ་ཟླ་བ་སྟེ་ཧོར་ཟླ་བཅུ་གཉིས་པ། |
| ནུས་འགྲོ |
(མངོན་བརྗོད།) འདབ་ཆགས། |
| ནུས་འབྲས |
རྩལ་ཤུགས་ཀྱི་གྲུབ་འབྲས་ཏེ། (དཔེར་ན།) ཆུ་ཡུར་གསར་བསྐྲུན་དེ་རྣམས་ཀྱི་ནུས་འབྲས་ཐོན་པ་ཞེས་པ་ལྟ་བུ། |
| ནུས་རྩལ |
ཡོན་ཏན་ནམ་ལག་རྩལ། |
| ནུས་ལྡན |
1.ཕན་པའམ་སྟོབས་ཤུགས་ཡོད་པའི་དོན་ཏེ། (དཔེར་ན།) བྱེད་ཐབས་ནུས་ལྡན། དཔུང་སྡེ་ནུས་ལྡན་ཞེས་པ་ལྟ་བུ། 2.(མངོན་བརྗོད།) 1>ག་བུར། 2>བང་མཛོད། 3>ཧོར་ཟླ་བཅུ་གཅིག་པ། |
| ནུས་ཤུགས |
སྟོབས་དང་ཤེད་ཤུགས་ཀྱི་དོན་ཏེ། (དཔེར་ན།) ནུས་ཤུགས་གཅིག་སྒྲིལ། ནུས་ཤུགས་གང་ཡོད་འདོན་པ། ནུས་ཤུགས་ཡོད་དགུ་རྩལ་སྤྲུགས་ཞེས་པ་ལྟ་བུ། |
| ནུས་སྟོབས |
དབང་ངམ་ཤུགས་ཀྱི་དོན་ཏེ། (དཔེར་ན།) རང་ལ་ནུས་སྟོབས་མེད་ན་གཞན་གྱིས་བརྩི་འཇོག་མི་བྱེད་ཅེས་པ་ལྟ་བུ། |
| ནེ་གསིང |
‘ནེའུ་གསེང’གི་འབྲི་ཚུལ་གཞན། |
| ནེ་གུ |
(བརྡ་རྙིང་།) ནག་པོ། |
| ནེ་གྲོ་ཏ |
ཉ་གྲོ་རྡ་དང་འདྲ། |
| ནེ་ཐང |
ན་ཐང་ཆུང་ཆུང༌། |
| ནེ་ནེ |
ཨ་ནེ་སྟེ་ཕའི་སྲིང་མོ་ཆེ་ཆུང༌། |
| ནེ་ནེ་མོ |
ཕའི་སྲིང་མོ། |
| ནེ་མོ |
ནེའུ་གསིང་སྟེ་སྤང་ལྗོངས། |
| ནེ་ཙོ |
1.མཆུ་གུག་ཅིང་སྤུ་མདོག་མཛེས་པ་མི་སྐད་སྨྲ་ཤེས་པའི་འདབ་ཆགས་ཤིག མིང་གི་རྣམ་གྲངས་ལ་ཀུན་ཏུ་འགྲོ་དང༌། སྐད་གཉིས་པ། འཁྱོག་པོའི་མཆུ་ཅན། ལྕེ་གཉིས་པ། འཇམ་ལྗང་འདབ་ལྡན། འཐོར་བྱེད། ཡིད་གཞུང༌། ཚིག་འཇམ་བཅས་སོ། །2.སྲིན་རྒྱལ་གྱི་བློན་པོ་ཞིག |
| ནེ་ཙོ་ལྗང་གུ |
བྱ་ནེ་ཙོའི་ཁ་དོག |
| ནེ་ཙོའི་ཁ་འདོན |
ཁ་ཆོས་ཙམ་གྱི་དཔེ། |
| ནེ་རི་བུལ་མཚོ |
བོད་ཀྱི་ནག་ཆུ་རྫོང་གི་ནུབ་རྒྱུད་དུ་ཡོད། |
| ནེ་ལེ |
བྱ་འོལ་བའི་མིང་གཞན། ཡུལ་སྐད་དུ‘འོལ་སེར’ཡང་ཟེར། |
| ནེ་ལེ་ཐོད་ཁྲག |
ནཱི་ལ་ཐོ་ཋའི་འབྲི་ཚུལ་གཞན་ཞིག |
| ནེམ |
1.(རྒྱན་ཚིག) གྱོང་བའི་ལྡོག་ཟླ་སྙི་ཞིང་འབོལ་བ། (དཔེར་ན།) འབོལ་གདན་མནན་ན་ནེམ་ཞིང་བཏགས་ན་འཕར། རས་ནེམ་ནེམ་བྱེད་ལྟ་བུ། 2.བརླན་ཆུང་ངུའི་མིང་། (དཔེར་ན།) ས་ལ་ནེམ་ཡོད། པགས་པ་མཉེས་ན་ནེམ་རྔ་ལེན་དགོས་ཞེས་པ་ལྟ་བུ། |
| ནེམ་ཐང |
(ཡུལ་སྐད།) འབུ་རས་དཀར་དམར་སྤེལ་བའི་གཟན་ལྟ་བུ་ཞིག |
| ནེམ་ནུར |
ཐེ་ཚོམ་མམ་ཡིད་གཉིས། (དཔེར་ན།) གཏམ་འཁྱར་ལ་ནེམ་ནུར་ལོས་བྱེད། དོན་ལྡན་གྱི་གྲོས་ལ་ནེམ་ནུར་མི་བྱེད། ཡང་དག་པའི་ལམ་དུ་འཇུག་པར་ནེམ་ནུར་མི་བྱེད། གསལ་བཤད་ཀྱིས་སྔར་གྱི་ནེམ་ནུར་བསལ་ཡོང༌ཞེས་པ་ལྟ་བུ། |
| ནེམ་ནེམ |
(རྒྱན་ཚིག) འབོལ་འབོལ་ལམ་ཞོམ་ཞོམ་དུ་འགུལ་ཚུལ་ཏེ། (དཔེར་ན།) སྦུད་པ་ལག་པས་ནེམ་ནེམ་དུ་གནོན། ས་གཞི་མནན་ན་ནེམ་ནེམ་བྱེད་པ་དང༌། བཏེག་ན་ཕར་ཕར་བྱེད་པ་ཞེས་པ་ལྟ་བུ། |
| ནེམ་ནེམ་པ |
(རྒྱན་ཚིག) 1>འབོལ་འབོལ་གྱི་རྣམ་པ་སྟེ། (དཔེར་ན།) ཉལ་ཁྲི་ནེམ་ནེམ་པ། སྤང་ཐང་ནེམ་ནེམ་པ་ཞིག་ལ་འཆམ་འཆམ་བྱེད་བཞིན་ཡོད་ཅེས་པ་ལྟ་བུ། 2>ཐེ་ཚོམ་ཟ་བའི་རྣམ་པ་སྟེ། (དཔེར་ན།) སྨན་འདིས་ནད་ལ་ཕན་ནམ་མི་ཕན་སྙམ་དུ་བློ་ནེམ་ནེམ་པ་ཞིག་འདུག་ཅེས་པ་ལྟ་བུ། |
| ནེམ་ནེམ་ལིང་ལིང |
(རྒྱན་ཚིག) འབོལ་བའམ་གཡོ་བའི་ཁྱད་པར་ཏེ། (དཔེར་ན།) ཟམ་པ་ནེམ་ནེམ་ལིང་ལིང་བྱེད་པ་ཞིག་གི་སྟེང་ནས་ག་ལེར་ཕྱིན་པ་ཡིན་ཞེས་པ་ལྟ་བུ། |
| ནེའུ |
བྱིས་པའི་དུས་ཀྱི་ལོ་ཚད་ཀྱི་མིང་། (དཔེར་ན།) བུས་པའི་སྐྲ་ལ་ནེའུ་སྐྲ་དང་། བྱིས་པའི་དུས་ཀྱི་གྲོགས་པོ་ལ་ནེའུ་ལྡངས། བྱིས་པ་ན་མཉམ་ལ་ནེའུ་ཟླ་ཟེར་བ་སོགས་ལྟ་བུ། |
| ནེའུ་ཁ |
ནེའུ་གསིང་གི་ཁ་སྟེ་སྤང་སྟེང༌། |
| ནེའུ་གསིང |
རྩྭ་སྔོན་སྐྱེས་པའི་སྤང་ཐང༌སྟེ། (དཔེར་ན།) ནེའུ་གསིང་ཐ་གྲུ་ཡངས་པ་ལ་གུར་ཁང་རྣམ་པར་བཀྲ་བ་དག་ཕུབ་པ་ཞེས་པ་ལྟ་བུ། |
| ནེའུ་ཐང |
ནེ་ཐང་དང་འདྲ། |
| ནེའུ་ཟླ |
ན་ཚོད་མཉམ་པ། |
| ནེའུ་ལེ |
གཅན་གཟན་ཆུང་ངུ་ཞིག་‘སྲེ་མོང’ཡང་ཟེར། ངག་རྒྱུན་ལ་གྲགས་པའི་སྲོག་ཆགས་རིན་པོ་ཆེ་སྐྱུགས་ཐུབ་པ་ཞིག |
| ནེའུ་ལེ་སེར་པོ |
སྲེ་མོང་སྤུ་སེར། |
| ནེའུ་ལེའི་རི་མོ |
ལག་སོར་གྱི་རྩེ་མོའི་མདུན་ངོས་ཀྱི་དཀྱིལ་དུ་ཆགས་པའི་རི་དང་མཚོའི་རི་མོ། |
| ནེའུ་ལོ་པ |
ན་མཉམ་མམ་ལོ་མཉམ། |
| ནེའུ་ལྗང |
སྤང་ལྗང་གུ། |
| ནེའུ་ལྡངས |
ན་མཉམ་པའམ་སྐྱེས་ལོ་གཅིག་པ། |
| ནེའུ་སིང |
‘ནེའུ་གསིང’གི་འབྲི་ཚུལ་གཞན། |
| ནཻ་པཱ་ལ |
བལ་ཡུལ། |
| ནཻརཉྫན |
(ལེགས་སྦྱར།) རྒྱ་གར་རྡོ་རྗེ་གདན་གྱི་ཉེ་འདབས་སུ་ཡོད་པའི་ཆུ་བོ་ཞིག |
| ནོ |
‘གོ’ལ་ལྟོས། |
| ནོ་ནོ |
ཇོ་ལགས་སམ་ཨ་ཇོ། |
| ནོ་མོན་ཧན |
(སོག་སྐད།) སྔར་སོག་སྐད་ཀྱི་གོ་མིང་ཞིག |
| ནོ་ཡོན |
(སོག་སྐད།) དཔོན་པོ། |
| ནོ་ཡོན་ཧུ་ཐུག་ཐུ |
(སོག་སྐད།) སོག་སྐད་ཀྱི་གོ་མིང་ཞིག |
| ནོག |
1.བ་ལང་གི་སོག་མགོའི་ཤ་འབུར་བོའི་མིང་། 2.རྔ་མོང་གི་རྒྱབ་ཀྱི་ཤ་འབུར་གྱི་མིང་། |
| ནོག་ཁ |
ཇ་མདོག་ལྟ་བུའི་ཁ་དོག |
| ནོག་ཅན |
(མངོན་བརྗོད།) 1>བ་ལང༌། 2>ས་གླང་ལོ། |
| ནོག་འབུར |
ཕྱུགས་ཀྱི་མཇིང་སྟེང་གི་ཤ་འབུར། |
| ནོགས |
1.(བྱེད་མེད་ལས་ཚིག) ཕྱིས་པའི་དོན་ཏེ། (དཔེར་ན།) ཡི་གེ་མ་ནོགས་པར་བྲིས། རི་མོ་ཆུས་བངས་ནས་ནོགས་སོང་ལྟ་བུ། 2.‘ནོགས་མོ’ཡི་ཚིག་བསྡུས་པ། |
| ནོགས་པ |
(བྱེད་མེད་ལས་ཚིག) དྲི་ནག་ཕོག་པ་དང༌། གསར་མདངས་ཉམས་པའི་དོན་ཏེ། (དཔེར་ན།) གོས་གསར་ལ་དྲི་མ་ཕོག་སྟེ་ནོགས་འདུག ཤོག་བུར་སྣུམ་རྩི་འགོས་ནས་ནོགས་པ་ཞེས་པ་ལྟ་བུ། |
| ནོགས་བག |
དྲི་མའི་སྐྱོན་ནམ་གཡའ་སྟེ། (དཔེར་ན།) གོས་སློག་ལ་ནོགས་བག་ཆགས་པ་ཆུ་གཙང་ལ་འཁྲུ་བ་ཞེས་པ་ལྟ་བུ། |
| ནོགས་མོ |
(རྒྱན་ཚིག) སབ་སོབ་མ་ཡིན་པའམ་མང་བའི་དོན་ཏེ། (དཔེར་ན།) ཟས་ནོགས་མོ། མར་ནང་གི་སྙིགས་མ་བླངས་ན་བོངས་ཆུང་ཡང་ནོགས་མོ་ཡིན་ལྟ་བུ། ཚིག་བསྡུས་ན‘ནོགས’ཞེས་འབྲི་ཆོག་སྟེ། (དཔེར་ན།) ཕྱེ་ཁུག་འདིའི་ནང་གི་ཕྱེ་ཧ་ཅང་ནོགས་ལྟ་བུ། |
| ནོང་བ |
(བྱེད་མེད་ལས་ཚིག) འགྱོད་པ་སྐྱེ་བའི་དོན་ཏེ། (དཔེར་ན།) ཕ་མ་བསྙུངས་ནས་བདག་ཡིད་ནོང་བ་ཞེས་པ་ལྟ་བུ། འདིའི་འདས་པར་ནོངས་དང་དུས་གསུམ་གར་ནོངས་ཞེས་འབྲི་བའང་ཡོད། |
| ནོངས |
(བྱེད་མེད་ལས་ཚིག) 1>སེམས་ལ་འགྱོད་པ་སྐྱེས་པའམ་ངོ་ཚ་བའི་དོན་ཏེ། (དཔེར་ན།) ངོ་ནོངས་པ། གཞན་ལ་ངོ་མི་ནོངས། སྔར་བྱས་ཀྱི་ཉེས་པ་ལ་ནོངས་ལྟ་བུ། 2>འཛེམ་པའི་དོན་ཏེ། (དཔེར་ན།) སྲོག་ལ་མི་ནོངས་གསར་བརྗེ་བྱས་ལྟ་བུ། 3>ནོར་འཁྲུལ་ལམ་ཉེས་པའི་མིང་། (དཔེར་ན།) ནོངས་པ་ཅི་ཡང་མ་བྱས། ནོངས་ངོས་ལེན་བྱས། རྐུན་མ་ནོངས་ཅན། ངའི་ཐོག་ན་ནོངས་མེད་ལྟ་བུ། |
| ནོངས་སྤྱོད |
ཉེས་སྤྱོད། |
| ནོད |
(བྱེད་འབྲེལ་ལས་ཚིག) ད་ལྟ་བ། གདམས་ངག་སོགས་དང་དུ་བླངས་པའི་དོན་ཏེ། (དཔེར་ན།) གདམས་ངག་ནོད་པར་བྱེད། གདམས་ངག་ནོད་མཁན་ཞེས་པ་ལྟ་བུ། མ་འོངས་པ་ལ‘མནོད’དང་། འདས་པར‘མནོས’། སྐུལ་ཚིག་ལ‘གནོས’འབྲི། |
| ནོན |
གནོན་པའི་སྐུལ་ཚིག་སྟེ། ཐོག་ངོས་སུ་ལྗིད་ཇེ་ཆེར་བཏང་བའི་དོན་ཏེ། (དཔེར་ན།) རྡོས་ནོན་ཅིག་ཅེས་པ་ལྟ་བུ། |
| ནོན་ཆུང་བ |
1.གནོན་ཤུགས་ཞན་པའི་དོན་ཏེ། (དཔེར་ན།) དམ་བསྒྲག་ནོན་ཆུང་བ། དམག་སྟོབས་ནོན་ཆུང་བ་ཞེས་པ་ལྟ་བུ། 2.གཟི་མདངས་མེད་པའི་དོན་ཏེ། (དཔེར་ན།) སྤྲིན་གསེབ་ཀྱི་ཉི་འོད་ནོན་ཆུང་བ་ཞེས་པ་ལྟ་བུ། |
| ནོན་ཆེ་བ |
གནོན་ཤུགས་ཆེ་བའི་དོན་ཏེ། (དཔེར་ན།) སྒྲིག་ཁྲིམས་ནོན་ཆེ་བ། ཁྱབ་བསྒྲགས་ནོན་ཆེ་བ་ཞེས་པ་ལྟ་བུ། |
| ནོན་པ |
1.(བྱེད་མེད་ལས་ཚིག) 1>སྤ་འཁུམས་པའམ་ཞུམ་པའི་དོན་ཏེ། དགྲ་བོའི་ཟིལ་གྱིས་ནོན་པས་མགོ་བཏགས་བྱས་ཞེས་པ་ལྟ་བུ། 2>ཆགས་པའམ་ཞེན་པའི་དོན་ཏེ། ཤ་ཆང་ལ་ནོན་པ། དཔའ་བོའི་ལོ་རྒྱུས་ལ་ནོན་པ། མིང་གྲགས་དང་རྒྱུ་ནོར་ལོངས་སྤྱོད་ལ་སེམས་ནོན་པ་ཞེས་པ་ལྟ་བུ། 2.ཞོན་རྟ་སོགས། |
| ནོབས |
‘ནབ’ཀྱི་སྐུལ་ཚིག |
| ནོམ |
(བྱེད་འབྲེལ་ལས་ཚིག) ད་ལྟ་བ། རེག་པའི་དོན་ཏེ། (དཔེར་ན།) མུན་ནག་ལག་ནོམ། ལག་པས་ནོམ་གྱིན་འདུག ནོམ་ཉུག་བྱས་ལྟ་བུ། |
| ནོམ་ཆི་ཐུ |
(སོག་སྐད།) སོག་ལུགས་ཀྱི་གོ་སའི་མིང་ཞིག |
| ནོམ་ཆེན |
ཅ་ལག་འགངས་ཆེན་ནམ་རྩ་ཆེན། |
| ནོམ་ཉུག |
(བརྡ་རྙིང་།) ཕྱོགས་གཅིག་རེག་པར་ནོམ་དང༌། ཐམས་ཅད་རེག་པར་ཉུག་ཟེར། |
| ནོམ་ནོམ |
རེག་རེག་དང་ཐུག་ཙམ་ཐུག་ཙམ་གྱི་དོན་ཏེ། (དཔེར་ན།) ཕྲུ་གུ་ཚོ་རྩེད་ཆས་གསར་པར་དགའ་ནས་ཡང་ཡང་ནོམ་ནོམ་བྱེད་པ་ཞེས་པ་ལྟ་བུ། |
| ནོམ་ནོམ་ལག་པ |
ནད་པ་འཆི་ལ་ཉེ་སྐབས་སུ་གོས་ཀྱི་ལོགས་ནས་སྤུ་འཐོག་ཚུལ་དང༌། འཆང་ཙམ་འཆང་ཙམ་བྱེད་པའི་ངང་ཚུལ་ཞིག |
| ནོམ་པ |
1.(བྱེད་འབྲེལ་ལས་ཚིག) རེག་པ་དང༌། འཇུ་བའམ་འཆང་བའི་དོན་ཏེ། (དཔེར་ན།) ཕན་ཚུན་འབྲལ་དུས་ལག་པ་ནས་དམ་པོར་ནོམ་པ། གོས་སྒབ་ནས་མནམས་ཏེ་མི་གཏོང་བ་ཞེས་པ་ལྟ་བུ། 2.ནོར་ལོངས་སྤྱོད་དང་རྙེད་པའི་དོན་ཏེ། (དཔེར་ན།) རྒྱུ་ནོར་དང་ནོམ་པ་འབོར་ཆེན་བསགས་པ། མིའི་ཟོག་ནོམ་པས་ཉོས། རྟེའུ་ཕྲུག་འོ་མས་གསོས་ཞེས་པ་ལྟ་བུ། |
| ནོམ་ཕུད |
རྙེད་ནོར་རམ་དངོས་རྫས་ཀྱི་ཕུད། |
| ནོམ་བུ |
བྱིས་པ་ཆུང་ངུར་ཁ་ཡིས་བསྙོད་དེ་སྟེར་བྱའི་ཟས། |
| ནོམ་འདོད་ལྟོ་འཚོལ |
རྙེད་བཀུར་ལ་ཆགས་ནས་བཟའ་བཏུང་འཚོལ་བའི་དོན་ཏེ། (དཔེར་ན།) ནོམ་འདོད་ལྟོ་འཚོལ་གྱི་འཁྱམ་ཉུལ་བྱེད་པ་ཞེས་པ་ལྟ་བུ། |
| ནོམས |
‘ནོམ’ལ་ལྟོས། |
| ནོའུར |
(སོག་སྐད།) མཚོའི་མིང་སྟེ། (དཔེར་ན།) ཁུ་ཁེ་ནོའུར། ཐེང་གེ་རི་ནོའུར། པར་ཁུལ་ནོའུར་ཞེས་པ་ལྟ་བུ། |
| ནོར |
1.རྒྱུ་དངོས་སམ་རྒྱུ་རྫས་དང༌། དཀོར་ཏེ། (དཔེར་ན།) སྤྱི་ནོར་ལ་གཅེས་སྤྲས་བྱེད་དགོས། རྒྱུན་དུ་འགྲོ་གྲོན་མཁས་གཏོང་མ་བྱས་པས་ནོར་གོད་པ། ཐོན་སྐྱེད་ལ་བརྟེན་ན་གཞི་ནས་སྤྱི་ཚོགས་ཀྱི་ནོར་སྤེལ་ཐུབ་པ་ཞེས་པ་ལྟ་བུ། 2.འབྲི་གཡག་བ་ལང་དང་མཛོ་མཛོ་མོ་སོགས་གནག་ཕྱུགས་རིགས། (དཔེར་ན།) ཡངས་པའི་སྤང་ཐང་ནོར་གྱིས་ཁེངས་ཞེས་པ་ལྟ་བུ། 3.(མངོན་བརྗོད།) ནོར་ལྷ་དང་མཚུངས་པས་གྲངས་བརྒྱད་མཚོན། |
| ནོར་ཁམ་པོ་ཆེ |
ནོར་རྩ་འགངས་ཅན། |
| ནོར་ཁྲལ |
རྒྱུ་ནོར་གྱི་དཔྱ་ཁྲལ་ལམ་ནོར་ཕྱུགས་ཀྱི་དཔྱ་ཁྲལ། |
| ནོར་གཉེར་པ |
ཕྱག་མཛོད་དམ་གཉེར་པ། |
| ནོར་གཞི |
འཁྲུལ་གཞིའི་དོན་ཏེ། (དཔེར་ན།) གསེར་དང་ར་གན་གཉིས་ལ་ནོར་གཞི་ཡོད་ཅེས་པ་ལྟ་བུ། |
| ནོར་གཡང |
ནོར་གྱི་དཔལ་ལམ་ནུས་པའི་དོན་ཏེ། (དཔེར་ན།) ནོར་གཡང་འགུགས་པ་ཞེས་པ་ལྟ་བུ། |
| ནོར་གྱི་དབང་ཕྱུག |
(མངོན་བརྗོད།) ཛམྦྷ་ལ། |
| ནོར་གྱི་བདག |
(མངོན་བརྗོད།) རྣམ་ཐོས་སྲས། |
| ནོར་གྱི་བློ་གྲོས་མ |
(མངོན་བརྗོད།) ས་གཞི། |
| ནོར་ཉན་པ |
1.གོ་ཆོད་པའམ་ཕན་ཐོགས་པའི་དོན་ཏེ། (དཔེར་ན།) མི་ནོར་ཉན་པ། ཅ་ལག་ནོར་མི་ཉན་པ། ལས་དོན་ནོར་ཉན་པ་ཞེས་པ་ལྟ་བུ། 2.ལོངས་སྤྱོད་དུ་རུང་བའི་རྒྱུ་ཅ་ལག |
| ནོར་དང་བུ་ལོན |
སྣོན་འཕྲི་བྱ་བའི་གྲངས་ཏེ། (དཔེར་ན།) ནོར་གྱི་སྟེང་ནས་བུ་ལོན་ཕྲོགས། ནོར་དང་བུ་ལོན་ཁ་དག་འགྱུར་ཞེས་པ་ལྟ་བུ། |
| ནོར་དངོས་པོ |
ནོར་རྫས་སམ་དངོས་ཆས། |
| ནོར་དད |
རྒྱུ་དངོས་ཀྱི་དགའ་ཞེན་ཏེ། ཇི་ཙམ་སྒེར་སེམས་ཆེ་བ་དེ་ལྟར་ནོར་དད་ཆེ་ཞེས་པ་ལྟ་བུ། |
| ནོར་དཔོན |
གནག་ཕྱུགས་སྐྱོང་བའི་འགོ་བྱེད་མཁན། |
| ནོར་དུ་འགྱུར་བ |
བསྲེ་བ། |
| ནོར་དོན |
གཞུང་གི་རྒྱུ་དངོས་འདུ་འགོད་བྱེད་པའི་ལས་དོན། |
| ནོར་ཕྱུགས |
འབྲི་གཡག་དང་མཛོ་མཛོ་མོ་སོགས། |
| ནོར་ཕྱྭ |
ནོར་རྫས་ཀྱི་ཕྱྭ་གཡང་སྟེ་ནོར་ས་ཀྱི་རྫ་བཀྲ་ཤིས་ཤིང་དགེ་བའི་ནུས་པ། |
| ནོར་བ |
(བྱེད་མེད་ལས་ཚིག) འཁྲུལ་བའམ་འཛོལ་བ་དང་འཕྱུགས་པའི་དོན་ཏེ། (དཔེར་ན།) ལམ་ནོར་ལྡོག་ཤེས། གོ་ནོར་ཐོས་ནོར་བྱུང་བ། བླང་དོར་མ་ནོར་བ། རྒྱུས་མངའ་ཆེར་མེད་པས་ནོར་དོགས་ཡོད་ཅེས་པ་ལྟ་བུ། |
| ནོར་བཅོས |
རྩོམ་ནང་གི་ཡི་གེ་མ་དག་པ་རྣམས་དག་ཐེར་བྱེད་པ། |
| ནོར་བདག |
1.ནོར་གྱི་བདག་པོ། 2.གནོད་སྦྱིན་ནམ་ནོར་ལྷ། |
| ནོར་བདུན |
འཕགས་པའི་ནོར་བདུན་གྱི་བསྡུས་ཚིག |
| ནོར་བསྲིས་པ |
རྒྱུ་དངོས་ཟད་ཀྱིས་དོགས་ཏེ་སྤྱོད་མཁས་བྱེད་པ། |
| ནོར་བུ |
1.རྡོ་རིགས་རིན་ཆེན་སྤྱིའི་མིང༌། (དཔེར་ན།) སྙིང་གི་ནོར་བུ། ནོར་བུ་རིན་པོ་ཆེ་རིན་ཐང་མེད་པ། ནོར་བུ་གཞན་དུ་བྲིན་པ་ཙམ། རྒྱ་མཚོའི་གླིང་དུ་ག་ལ་བྲིན་ཞེས་པ་ལྟ་བུ། 2.ཕོ་མཚན་གྱི་ཏོག |
| ནོར་བུ་གླིང་ཁ |
༸གོང་ས་ཏཱ་ལའི་བླ་མ་བདུན་པའི་དུས་དབྱར་ཁ་བཞུགས་གནས་བསྐལ་བཟང་ཕོ་བྲང་བཞེངས་པ་ནས་ཕྱིས་སུ་ཨར་རྒྱག་སོགས་ཀྱིས་ཁང་པ་ཇེ་རྒྱས་སུ་སོང་བའི་སྤྲོ་གླིང༌། |
| ནོར་བུ་ཅན |
(མངོན་བརྗོད།) རིན་ཆེན་འབྱུང་གནས་སམ་རྒྱ་མཚོ་ཆེན་པོ། |
| ནོར་བུ་ཆ་བདུན |
རྒྱལ་པོའི་རྣ་ཆ། བཙུན་མོའི་རྣ་ཆ། བསེ་རུའི་རྭ། བྱུ་རུའི་སྡོང་པོ། གླང་ཆེན་མཆེ་བ། བློན་པོའི་རྣ་ཆ། ནོར་བུ་མིག་གསུམ་སྟེ་བདུན། |
| ནོར་བུ་ཆེན་པོ |
(མངོན་བརྗོད།) བྱུ་རུ། |
| ནོར་བུ་དཀར་པོ |
(མངོན་བརྗོད།) ཆུ་ཤེལ། |
| ནོར་བུ་དགའ་འཁྱིལ |
1.སྔར་བོད་ཀྱི་ལྷ་ལྕམ་གཟབ་སྤྲོས་སྐབས་ལུས་སྨད་རྒྱབ་ངོས་ཀྱི་རྒྱན་ཆ་ཞིག 2.རི་མོ་སྒོར་སྒོར་དུ་འཁྱིལ་བའི་ནོར་བུ་ཞིག |
| ནོར་བུ་དགོས་འདོད་དཔུང་འཇོམས |
སྒྲུང་ལས་བཤད་པའི་ནོར་བུ་རིན་པོ་ཆེ་ཞིག (དཔེར་ན།) དགོས་འདོད་དཔུང་འཇོམས་བློ་ཡིས་མི་ཐོང་ན། ཕ་རོལ་ཅི་འདོད་སྟེར་བ་རྫུན་མར་འདུག་ཅེས་པ་ལྟ་བུ། |
| ནོར་བུ་དབང་སྔོན |
ཨིནྡྲནཱིལ |
| ནོར་བུ་བསམ་འཕེལ |
ནོར་བུའི་བྱེ་བྲག་ཅིག |
| ནོར་བུ་མཁན |
ནོར་བུ་ལེན་པའམ་བརྟག་དཔྱད་སོགས་ལ་མཁས་པའི་མི། |
| ནོར་བུ་མཛེས་བཟང |
(མངོན་བརྗོད།) མཆིང་བུ། |
| ནོར་བུ་མེ་འབར |
ནོར་བུའི་བྱེ་བྲག་ཅིག |
| ནོར་བུ་ཛྷཻ་ཀྵི |
(ལེགས་སྦྱར།) རང་བྱུང་གི་ཛྷཻ་ཀྵི་དང༌། བཅོས་མའི་ཛྷཻ་ཀྵི་གཉིས། |
| ནོར་བུ་འཆིང་བ |
(མངོན་བརྗོད།) མཁྲིག་མ། |
| ནོར་བུ་རིན་པོ་ཆེ |
རྒྱལ་སྲིད་སྣ་བདུན་གྱི་ཡ་གྱལ། ཡུལ་གྱི་ཕོངས་པ་སེལ་ཞིང་དགོས་འདོད་འབྱུང་བའི་ནོར་བུ་ཞིག |
| ནོར་བུ་ལ |
བོད་རྫ་ཡུལ་རྫོང་གི་བྱང་ཤར་ངོས་རྒྱལ་མོ་རྔུལ་ཆུའི་ནུབ་འགྲམ་དུ་ཡོད། |
| ནོར་བུ་ལྗང་ཁུ |
(མངོན་བརྗོད།) མརྒད། |
| ནོར་བུ་སྐར་མདོག |
ནོར་བུའི་བྱེ་བྲག་ཅིག |
| ནོར་བུ་སྤྲོ་བ |
(མངོན་བརྗོད།) སྤོས་དཀར། |
| ནོར་བུའི་ཆུན་པོ |
ནོར་བུ་ཕྱོགས་གཅིག་བསྡེབས་པའི་ཆག་པ་ལྟ་བུ། |
| ནོར་བུའི་ཐག་པ |
ནོར་བུའི་གཟུང་ཐག |
| ནོར་བུའི་ཕྲེང་བ |
ནོར་བུའི་མགུལ་འཕྲེང་དོ་ཤལ་སོགས། |
| ནོར་བུའི་མགྲིན་ཅན |
(མངོན་བརྗོད།) ཁྱིམ་བྱ། |
| ནོར་བུའི་མཆོག |
(མངོན་བརྗོད།) རྡོ་རྗེ་ཕ་ལམ། |
| ནོར་བུའི་འཁྲི་ཤིང |
(མངོན་བརྗོད།) བྱུ་རུ། |
| ནོར་བུའི་སྙིང་པོ |
ནོར་བུའི་མཆོག་གམ་ནོར་བུ་ཡག་ཤོས། |
| ནོར་མགོ་ལ |
གངས་རི་ཡོད་པའི་ལ་ཞིག བོད་ཀྱི་ས་དགའ་རྫོང་གི་ལྷོ་ནུབ་མཚམས་སུ་ཡོད། ལ་རྩེའི་མཐོ་ཚད་རྒྱ་མཚོའི་ངོས་ནས་སྨི་6724 ཡོད། |
| ནོར་མཛོད |
བང་མཛོད། |
| ནོར་མི་ཉན་པ |
1.ཕན་མི་ཐོགས་པ། 2.ནོར་ན་མི་འགྲིག་པའམ་ནོར་མི་རུང་བ། |
| ནོར་མེད |
1.ནོར་རྫས་མེད་པའམ་དབུལ་ཕོངས། 2.འཁྲུལ་སོ་མེད་པ། |
| ནོར་ཚན |
ནོར་རྫས། |
| ནོར་འཁྲུལ |
འཛོལ་བའམ་ཕྱིན་ཅི་ལོག་ཏུ་གྱུར་པའི་དོན་ཏེ། (དཔེར་ན།) ནོར་འཁྲུལ་བྱུང་ན་ཡོ་བསྲང་བྱེད་དགོས་ལྟ་བུ། མིང་གི་རྣམ་གྲངས་ལ་འཁྲུལ་བ་དང༌། ནོར་བ། འཛོལ་བ། ལོག་པའི་བློ་གྲོས། ལོག་ཤེས། ཤིན་ཏུ་འཁོར་བཅས་སོ། ། |
| ནོར་འཇལ་བ |
ཁྲལ་བུན་ཉེས་ཆད་སོགས་སྤྲོད་པ། |
| ནོར་འཛིན |
(མངོན་བརྗོད།) ས་གཞི། |
| ནོར་འཛིན་པ་ཏྲ |
རྒྱབ་ཡོལ་སོགས་ལ་འགོད་པའི་རི་མོའི་བྱེ་བྲག་ཅིག |
| ནོར་ཡ |
འཁྲུལ་ཉེན་ཡོང་སའི་ཡུལ་ཏེ། (དཔེར་ན།) ཕ་རྒོད་པའི་བུ་ལ་ནོར་ཡ་མེད་ཅེས་པ་ལྟ་བུ། |
| ནོར་རྐང་བྲི་བ |
1.རྒྱུ་ནོར་ཉུང་དུ་ཕྱིན་པ། 2.གནག་ཕྱུགས་ཀྱི་འབོར་གྲངས་ཉམས་པ། |
| ནོར་རྒྱས་པ |
ཕྱུག་པའམ་རྒྱུ་ནོར་འཕེལ་བ། |
| ནོར་རྒྱས་བུ |
(མངོན་བརྗོད།) ཀླུའི་ནང་གསེས། |
| ནོར་རྒྱུན་མ |
ནོར་གྱི་དངོས་གྲུབ་སྟེར་བའི་ལྷ་མོ་ཞིག |
| ནོར་རྒྱུན་མའི་སྨོན་ལམ |
རྒྱ་ནག་གི་ཡི་གེ་ནས་བོད་དུ་བསྒྱུར་པའི་རྒྱུད་ཅིག |
| ནོར་རྩིས |
ནོར་ཕྱུགས་ཀྱི་གྲངས་རྩིས། |
| ནོར་རྩེན |
གནོད་སྦྱིན་གྱི་བྱེ་བྲག་ཅིག |
| ནོར་རྫས |
རྒྱུ་ནོར་ལོངས་སྤྱོད་ཀྱི་དོན་ཏེ། (དཔེར་ན།) སྤྱི་པའི་ནོར་རྫས་སྒེར་གྱིས་བདག་གིར་མི་བྱེད་ཅེས་པ་ལྟ་བུ། མིང་གི་རྣམ་གྲངས་ལ་ཀ་ཅ་དང༌། དཀོར། དངོས་ཅས། དངོས་པོ། དོན། ནོར། དབྱིག་འབྱོར་པ། རྫས། ཟང་ཟིང༌། ཡོ་བྱད། ལོངས་སྤྱོད་བཅས་སོ། ། |
| ནོར་ལས་རྒྱལ |
(མངོན་བརྗོད།) མེ། |
| ནོར་ལས་སྐྱེས |
(མངོན་བརྗོད།) མེ་ལྷ། |
| ནོར་ལོངས་སྤྱོད |
རྒྱུ་དངོས། |
| ནོར་ལྡན |
(མངོན་བརྗོད།) 1>ས་གཞི། 2>ཧོར་ཟླ་བརྒྱད་པ། |
| ནོར་ལྡན་བརྩེགས |
(མངོན་བརྗོད།) གྲོག་མཁར། |
| ནོར་ལྡན་མ |
(མངོན་བརྗོད།) བུ་མོ་གཞོན་ནུ་མ། |
| ནོར་ལྷ |
1.ནོར་གྱི་ལྷའི་རིགས། 2.(མངོན་བརྗོད།) ནོར་ལྷ་ལ་ཆུ་ལྷ་དང༌། བརྟན་པ། ཟླ་བ། འཛིན་བྱེད། རླུང༌། མེ། ནམ་ལངས། འོད་བྱེད་བཅས་བརྒྱད་ཡོད་པས་གྲངས་བརྒྱད་མཚོན། |
| ནོར་སོ |
ནོར་འཁྲུལ་ཡོང་སའམ་འཁྲུལ་ཉེན། (དཔེར་ན།) དུ་བ་རླངས་པ་གཉིས་ལ་ནོར་སོ་ཡོད་ཅེས་པ་ལྟ་བུ། |
| ནོར་སྐལ |
ནོར་རྫས་བགོས་པའི་ཐོབ་སྐལ་ཏེ། (དཔེར་ན།) རྩིས་ཀྱི་ནོར་སྐལ་ཞེས་པ་ལྟ་བུ། |
| ནོར་སྐྱོང |
(མངོན་བརྗོད།) གཉེར་པ། |
| ནོར་སྐྱོན |
ནོར་འཁྲུལ་བྱུང་བའི་སྐྱོན། |
| ནོར་སྟོབས |
རྒྱུ་ནོར་རམ་གནག་ཕྱུགས་ཀྱི་ཁྱོན་འབོར་ཏེ། (དཔེར་ན།) རྒྱལ་ཁབ་ཀྱི་ནོར་སྟོབས། སྤྱི་ཚོགས་ཀྱི་ནོར་སྟོབས་ཞེས་པ་ལྟ་བུ། |
| ནོར་སྡོང |
དཔག་བསམ་གྱི་ཤིང༌། |
| ནོར་སྦྱིན |
1.ནོར་རྫས་སྟེར་བ། 2.ནོར་ལྷའི་རིགས། |
| ནོར་སྦྱིན་གཅུང་པོ |
(མངོན་བརྗོད།) སྲིན་པོའི་རྒྱལ་པོ། |
| ནོར་སྦྱིན་མ |
(མངོན་བརྗོད།) 1>བརྒྱ་བྱིན་གྱི་ཆུང་མ། 2>ལྷ་མོ་ནོར་རྒྱུན་མ། |
| ནོར་སྦྱིན་འདྲེན་པ |
(མངོན་བརྗོད།) རྣམ་ཐོས་སྲས། |
| ནོར་སྦྱིན་རྒྱལ |
(མངོན་བརྗོད།) རྣམ་ཐོས་སྲས། |
| ནོར་སྲིད |
ནོར་དོན་ནམ་ནོར་རྫས་སྐོར་གྱི་བྱ་བ། |
| ནོར་སྲུང |
1.རྒྱུ་ནོར་སྲུང་སྐྱོང༌། 2.(མངོན་བརྗོད།) ཁྱིའི་མིང༌། |
| ནོལ |
‘མནོལ’གྱི་འབྲི་ཚུལ་གཞན། |
| ནོལ་ཐབས་བགྱི |
(བརྡ་རྙིང་།) ཕན་ཚུན་དམག་འཐབ་རྒྱག་པ། |
| ནོས |
ནོད་པའི་སྐུལ་ཚིག |
| ནོས |
1.‘མནོས’ཀྱི་འབྲི་ཚུལ་གཞན། 2.‘གནོས’ཀྱི་འབྲི་ཚུལ་གཞན། |
| ནྱ་གྲོ་ཏ |
(ལེགས་སྦྱར།) བོད་སྐད་དུ་རྐང་མང་ཞེས་བྱ་ཞིང༌། དེའི་ས་བོན་ནི་ཡུངས་དཀར་གྱི་བཞི་ཆ་ཙམ་ཡོད་པ་ལ་ལོ་རེ་ལ་ཡལ་ག་རྒྱང་གྲགས་ཙམ་དུ་ཁྱབ་པར་སྐྱེ་བར་བཤད་པས་ཤིན་ཏུ་འཕེལ་སྟོབས་ཆེ་བའི་ཤིང་ཞིག་གི་མིང༌། ས་བོན་ཆུང་སྨིན་ཉ་གྲོ་ཏའི། ཡལ་འདབ་རྒྱས་པས་རྒྱང་གྲགས་ཁེབས། མིང་གི་རྣམ་གྲངས་ལ་ཉ་གྲོ་དྷ་དང༌། པ་ཌ། བྷུ་བད་བཅས་སོ། ། |
| པ |
1.བོད་ཡིག་གསལ་བྱེད་བཅུ་གསུམ་པ། འདིའི་ང་རོ་འདོན་ཚུལ་ལ་སྐྱེ་གནས་མཆུ་དང༌། བྱེད་པ་མཆུ། ནང་གི་རྩོལ་བ་མཆུ་གཉིས་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་མེད། 2.མིང་གཞིའི་ཕོ་ཡིག་ཅིག 3.ཕོ་མཚོན་པར་བྱེད་པའི་བདག་པོའི་སྒྲ་ཞིག་སྟེ། (དཔེར་ན།) རྟ་པ། བོད་པ་ཞེས་པ་ལྟ་བུ། 4.མིང་མཐའ་ཞིག (དཔེར་ན།) ཕྱིན་པ། ཤེས་པ། རྐང་པ། སྐྱོབ་པ། རྒྱག་པ། གནོད་པ། དམ་པ་ཞེས་པ་ལྟ་བུ། 5.གྲངས་ཀྱི་རིམ་པ་སྟོན་བྱེད་ཀྱི་མིང་གི་ཆ་ཤས། (དཔེར་ན།) གསུམ་པ། བཅུ་བདུན་པ། སུམ་ཅུ་པ། ལྔ་བཅུ་པ་ཞེས་པ་ལྟ་བུ། |
| པ་གོར་བཻ་རོ་ཙ་ན་རཀྵི་ཏ |
དུས་རབས་བརྒྱད་པའི་དཀྱིལ་དུ་བྱུང་བའི་བོད་རྒྱལ་ཁྲི་སྲོང་ལྡེ་བཙན་དུས་ཀྱི་ལོ་ཙཱ་བ་གྲགས་ཅན་ཞིག |
| པ་ཅར |
པ་ཆར་དང་འདྲ། |
| པ་ཆར |
(བརྡ་རྙིང་།) གོས་ཀྱི་བྱེ་བྲག་ཅིག |
| པ་ཊ |
(ལེགས་སྦྱར།) འབྲས། |
| པ་ཊ་ཧ |
(ལེགས་སྦྱར།) 1>པགས་སྒྲོག་སྟེ་རྔ་ཞིག 2>སྒྲ་སྙན། |
| པ་ཊུ |
(ལེགས་སྦྱར།) མཁས་པ། |
| པ་ཎཾ |
(ལེགས་སྦྱར།) ཆུ། |
| པ་ཏོ |
རྩྭ་ལྡུམ་ཞིག་གི་མིང་། ལོ་མ་ཐང་ཤིང་གི་ལོ་མ་དང་འདྲ་ལ། མེ་ཏོག་སེར་བོ་བཞད། རྩ་བ་ཕྱི་ཤུན་སྨུག་སྐྱ་དང་ནང་སྙིང་དཀར་བོ་ཟ་ཆོག |
| པ་ཏོ་ལ |
སྔོ་སྨན་གྱི་རིགས་ཤིག་རོ་མངར་ལ་ཚ། ཞུ་རྗེས་སྙོམ། ནུས་པས་སྲིན་ནད་སེལ། ཡི་ག་འབྱེད། |
| པ་ཏྲ |
1.དཔལ་བེའུ་དང་ཆ་འདྲའི་རི་མོའི་རིགས་ཤིག 2.ཉ་སྐྱོགས་ཀྱི་དབྱིབས་མཚུངས་རྒྱ་མཚོ་ལས་བྱུང་བའི་འབུ་ཞིག་གི་མིང༌། |
| པ་ཕ |
སྐྱེད་བྱེད་དམ་ཕ། |
| པ་ཕྲུག |
སྤ་ལྕོག་དང་དོན་འདྲ། |
| པ་བ་རེ་སྐོན |
པ་ཡག་གི་མིང་གཞན་ཞིག |
| པ་བ་སངས |
པ་སངས་དང་དོན་གཅིག |
| པ་བསླས |
(ཡུལ་སྐད།) ལྷམ་ཟོན་པའི་ལྷམ་ཡུ་དང་མཐིལ་སྒྲོག་མཚམས་འཚེམ་སྟངས་ཤིག |
| པ་ཚབ |
དབུས་གཙང་གི་ས་ཆ་ཞིག་གི་མིང་དང་བོད་ཀྱི་རུས་མིང་ཞིག |
| པ་ཝ་སངས |
པ་སངས་དང་དོན་གཅིག |
| པ་ཡག |
སྔོ་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་བསིལ། རྩ་བས་གློ་ནད་སེལ། གློ་རྣག་འདྲེན། ལོ་མས་རྨ་གསོ། འབྲས་བུས་སྙིང་ནད་སེལ། མིང་གི་རྣམ་གྲངས་ལ་སྐྱེ་བ་རྒྱུན་གཅོད་དང༌། ཁོ་ཡག་པ། རྒྱལ་པོ་གཙུག་ན་ནོར་བུ། ཐོག་ནག་མགོ་དགུ། བྱ་རོག་ནོར་བུ། བྱ་རོག་བུ། གཡག་སྙིང༌། གཡའ་ལྡུམ་ལུ་གུ་སྙིང༌། ལུག་སྙིང༌། ཤུ་བ་ཏོག་ལེན་བཅས་སོ། ། |
| པ་ཡག་པ |
རྩྭ་ལྡུམ་ཞིག་ཡིན་ཞིང་འབྲས་བུ་སྨན་བྱེད་ཆོག |
| པ་རམ |
པ་ཏྲ་ལ་ལྟོས། |
| པ་རི་པི་རི |
(ཡུལ་སྐད།) བརྟན་པོ་མེད་པའམ་མགོ་བདེ་དྲན་འཕྲུལ་གྱི་དོན་ཏེ། (དཔེར་ན།) མི་དེ་པ་རི་པི་རི་ཚ་པོ་ཞིག་འདུག་པས་སློབ་གསོ་ནན་པོ་ཞིག་གཏོང་དགོས་ཞེས་པ་ལྟ་བུ། |
| པ་རི་པུ་རུ |
པ་རི་པི་རི་དང་འདྲ། |
| པ་རུ |
1.ཚོས་རྒྱག་སའི་སྣོད་དང༌། རྩམ་ཆང་སོགས་བླུག་སྣོད་རྫ་བན་ཆེ་བ་ཞིག 2.ཕོར་པ་ཞིག་གི་མིང་པ་རམ་ཡང་ཟེར། ཨ་མདོའི་ཡུལ་འགར་བ་རུ་ཟེར། |
| པ་རུ་པ་རུ |
(ཡུལ་སྐད།) མཚམས་མཚམས་སམ་སྐབས་སྐབས་ཀྱི་དོན་ཏེ། (དཔེར་ན།) ཁྱེད་རང་པ་རུ་པ་རུ་ལ་ངའི་ནང་ལ་ཕེབས་ཨ། ངལ་རྩོལ་གྱི་པ་རུ་པ་རུ་ལ་དོན་གནད་གྲོས་སྡུར་བྱས་ཀྱང་ཆོག་ཅེས་པ་ལྟ་བུ། |
| པ་ལཱ་ཤ |
(ལེགས་སྦྱར།) ཀེང་ཤུ་ཀ་སྟེ་རྒྱ་སྐྱེགས་ཤིང༌། |
| པ་ལོ |
སྐྲ་ལྷས་མ་སྟེ། (དཔེར་ན།) གནག་སྣུམ་པ་ལོ་བྲེགས་པ་ཞེས་པ་ལྟ་བུ། |
| པ་ཤི |
པཀྵི་དང་འདྲ། |
| པ་སངས |
རེས་གཟའ་ཞིག སྲོད་དང་ཐོ་རེངས་མཐོང་ཐུབ་པའི་སྐར་ཆེན་ཞིག་སྐྱེས་ཁྱིམ་སྐར་དྲུག་སྟེ་ནབས་སོའི་ཆུ་ཚོད་ཐིག་ཉིན་དཀྱིལ་ཉིས་བརྒྱ་ཉེར་བཞི་དང་བཅུ་ཆ་བདུན། ཚེས་དཀྱིལ་ཉིས་བརྒྱ་ཉེར་བརྒྱད་དང་བཅུ་ཆ་གཉིས་མདའ་འདོད་དྲག་ཆ་བདུན་སྟོང་དགུ་བརྒྱ་གོ་བཞི། མིང་གི་རྣམ་གྲངས་ལ་ཁུ་བ་དཀར་པོ་དང༌། ངན་སྤོང་བུ། ངན་ལས་རྒྱལ། བཅུ་དྲུག་འོད་ལྡན། མཆུ་ལས་སྐྱེས། སྙན་དངགས་མཁན། དབྱངས་བཅུ་པ། ཚིག་བརྒྱའི་དབང༌། ལྷ་མིན་བདག་པོ། ལྷ་མིན་བླ་མ་བཅས་སོ། ། |
| པ་སངས་སློབ་མ |
(མངོན་བརྗོད།) ལྷ་མིན། |
| པ་སྒྲུག |
སྤ་ལྕོག་དང་དོན་འདྲ། པ་ལྕོག་ཀྱང་འབྲི། |
| པ་སྡེ |
1.བོད་ཡིག་གསལ་བྱེད་ཀྱི་སྡེ་པ་བཞི་པ་སྟེ་པ་ཕ་བ་མ། 2.ལེགས་སྦྱར་གསལ་བྱེད་ཀྱི་སྡེ་པ་ལྔ་པ་སྟེ་པ་ཕ་བ་བྷ་མ། |
| པ་སྡེ |
བོད་ཡིག་གསལ་བྱེད་ཀྱི་ཡི་གེ་པ་ཕ་བ་མ་བཞིའི་བསྡུས་མིང་། |
| པ་སྣམ |
རྫོང་ཞིག་སྟེ། བོད་ཀྱི་ལྷོ་རྒྱུད་དང་མྱང་ཆུའི་སྐེད་རྒྱུད་ན་ཡོད། |
| པཀྵི |
(སོག་སྐད།) 1.བོད་ཀྱི་བླ་མ་རྒྱ་ནག་ཏུ་ཕྱིན་ཏེ་ཆོས་བཤད་ནས་ཐོབ་པའི་གོ་མིང་ཞིག་དགེ་རྒན་ནམ་སློབ་དཔོན། 2.བཙུན་པ་དང་བླ་མ། |
| པཀྵུ |
(ལེགས་སྦྱར།) རྟ་མཆོག་ཁ་འབབ་སྟེ་ཡར་ཀླུངས་གཙང་པོ། བོད་ཀྱི་གནས་ཡིག་རྙིང་པའི་ནང་ནས་གསལ་བ་ལྟར་མཚོ་མ་དྲོས་པའི་ནུབ་ཕྱོགས་སུ་བཻཌཱུརྻའི་བྲག་རྟའི་ཁ་འདྲ་བ་ནས་བྱུང་བའི་ཆུ་བོ་པཀྵུ་ཞེས་པས་བཻཌཱུརྻའི་བྱེ་མ་འདྲེན་ཞིང་ཆུ་ཕྲན་ལྔ་བརྒྱ་དང་བཅས་མཚོ་མ་དྲོས་པ་ལ་གཡས་སྐོར་ལན་བདུན་བྱས་ནས་ནུབ་ཀྱི་རྒྱ་མཚོར་འབབ་པ་ཞིག་གོ། |
| པག |
(ཡུལ་སྐད།) འབྲུ་རིགས་བརྔོས་ནས་བཏགས་པའི་ཕྱེ་སྟེ་རྩམ་པའི་མིང་། |
| པག་ཕོར |
རྩམ་པ་འཇོག་སྣོད་ཀྱི་ཕོར་བའི་མིང་། |
| པག་ཤི |
1.(རྒྱ་སྐད།) རྒྱའི་སྒྲུང་བཤད་མཁན། 2.སོག་སྐད་པཀྵིའི་སྒྲའི་ཟུར་ཆག |
| པགས་ཁ |
སྨན་དཔྱད་གསེར་ཁབ་རྒྱག་སའི་གནད་གསང་གི་པགས་པ། |
| པགས་གདན |
པགས་རིགས་ཀྱི་གདན། |
| པགས་གསོབ |
པགས་པ་སྦུབས་བཤུས་ཀྱི་ནང་བརྒྱངས་ཏེ་ཕྱི་དབྱིབས་མ་ཉམས་པར་བཟོས་པའི་འདྲ་གཟུགས། |
| པགས་གོས |
པགས་རིགས་ཀྱིས་བཟོས་པའི་གྱོན་པ། |
| པགས་གྲི |
པགས་པའི་སྐྱི་མོ་འབྲད་བྱེད་དམ་བཞར་བྱེད་ཀྱི་གྲི། |
| པགས་ཆེན |
ལུག་ལྤགས་སྤུ་ཚོགས་ཆེ་ལ་རིང་བ། |
| པགས་ནད |
ལུས་ཀྱི་ཆུ་སེར་སོགས་ནད་དུ་གྱུར་ནས་པགས་ལ་གྲམ་པ་ནད་རྟགས་སུ་པགས་པ་མདོག་འགྱུར་ཞིང༌། ཟ་འཕྲུག་ལངས་པ་དང༌། ཤུ་ཐོར་སོགས་འབྱུང་བ་ཞིག |
| པགས་པ |
ཤུན་པ་དང༌། སྐོགས་པ་དང༌། ཤུབས་བཅས་ཀྱི་དོན་དུ་གོ་བའི་མིང་། འདི་བཞིན་དག་ཡིག་ལུགས་ལྟར་ན་སྔོན་དུ་གཞི་དང་མ་འབྲེལ་བ་དང༌། འབྲེལ་ཡང་བར་དུ་དྲུག་སྒྲ་ཡོད་སར་འཇུག་རྒྱུ། (དཔེར་ན།) པགས་ཞྭ། སྟག་གི་པགས་པ། གཟིག་གི་པགས་པ། ལུས་ཀྱི་པགས་པར་ཟ་ཕྲུག་ལངས་པ། ཤིང་ཏོག་གི་པགས་པ་ཞེས་པ་ལྟ་བུ། མིང་གི་རྣམ་གྲངས་ལ་སྐོགས་པ་དང༌། ཁྲག་འཛིན། རུས་གཟེབ། ཤུན་པ། ཤུན་ལྤགས་བཅས་སོ། ། |
| པགས་པ་གསེར་མདོག་འདྲ་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་གདིང་བ་གྱ་ནོམ་པ་བྱིན་པས་མདོག་གསེར་འདྲ་བ། |
| པགས་པ་ཅན |
(མངོན་བརྗོད།) ཤིང་གྲོ་ག་སྟེ་ཤིང་སྟག་པ། |
| པགས་པ་དབུགས་འབྱིན |
(མངོན་བརྗོད།) སྦུད་པ། |
| པགས་པ་མཉེན |
པགས་པ་ཅན་དང་འདྲ། |
| པགས་པ་རིན་པོ་ཆེ |
ཉེ་བའི་རིན་ཆེན་བདུན་གྱི་གྲས་སྦྲུལ་ལྤགས། |
| པགས་པ་སྲབ་ཅིང་འཇམ་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་ཁང་བཟང་ལ་སོགས་པ་དམ་པ་བྱིན་པས་པགས་པ་སྲབ་ཅིང་འཇམ་པ། |
| པགས་པའི་གོས་ཅན |
(མངོན་བརྗོད།) ལྷ་དབང་ཕྱུག་ཆེན་པོ། |
| པགས་པའི་མགོ་ཤུབས |
དྭགས་ཀོང་གཉིས་ཀྱི་པགས་གོས་མགོ་ནས་མར་གྱོན་བྱ་ཞིག |
| པགས་པའི་མེ་ཏོག |
(མངོན་བརྗོད།) བ་སྤུ། |
| པགས་པའི་མྱུ་གུ |
(མངོན་བརྗོད།) བ་སྤུ། |
| པགས་པའི་འདབ་ཅན |
(མངོན་བརྗོད།) ཕ་ཝང༌། |
| པགས་པའི་འདབ་ཆགས |
པགས་པའི་འདབ་ཅན་དང་དོན་གཅིག |
| པགས་པའི་སྐྱེ་གནས |
(མངོན་བརྗོད།) རི་དྭགས། |
| པགས་བཀྲ |
(མངོན་བརྗོད།) གཅན་གཟན་གཟིག |
| པགས་བཀྲ་ཅན |
(མངོན་བརྗོད།) སྟག |
| པགས་བྱིའུ |
(མངོན་བརྗོད།) ཕ་ཝང༌། |
| པགས་བྱིའུ |
1.ཕ་ཝང་གི་མིང་གཞན། 2.ནགས་གསེབ་ཏུ་ཡོད་པའི་བྱི་བའི་རིགས་འཕུར་ཐུབ་པ་ཞིག ཡུལ་སྐད་དུ་བྱ་མ་བྱིའུ་ཡང་ཟེར། དེའི་བྲུན་ནི་ད་ལྟ་བྲག་ཞུན་གྱི་ཚབ་བྱས་ནས་སྨན་བྱེད། |
| པགས་མ་ཚར |
ལུག་ཆེན་གྱི་པགས་པ་ལས་སྲབ་ཅིང༌། ལུག་ཕྲུག་གི་པགས་པ་ལས་འཐུག་པའི་པགས་པ་སྟེ་སྦོང་ཚར་ཡང་ཟེར། |
| པགས་ཚག |
པགས་རྩག་དང་འདྲ། |
| པགས་ཚར |
1.པགས་པ་དང་ཚ་རུའི་བསྡུས་ཚིག 2.(ཡུལ་སྐད།) པགས་རིགས་ཀྱི་གྱོན་པ་སྤྱིའི་མིང༌། |
| པགས་ཞྭ |
དགུན་ཞྭ་ཞིག |
| པགས་རིགས |
པགས་པ་སྣ་ཚོགས། |
| པགས་རྐྱལ |
པགས་པ་ལས་བཟོས་པའི་རྐྱལ་པ། |
| པགས་རྩག |
པགས་པའི་གྱོན་པ་སྟེ་སློག་པ། |
| པགས་ཤུན |
1.པགས་པའམ་ཤུན་པ། 2.པགས་པ་དང་ཤུན་པ་གཉིས་ཀྱི་བསྡུས་ཚིག |
| པགས་སྲིན |
སྲིན་ནད་པགས་ལ་བབ་པ་ནད་རྟགས་སུ་ལུས་གཡའ་ཞིང་ཚ་ཁྱུག་བྱེད་པ་དང༌། ཐོར་པ་ཆུ་སེར་འཛགས་པ་ཅན་འབྱུང་བ་ཞིག |
| པགས་སློག |
ཞྭ་མོ་པགས་སློག་མདོ་ཁམས་ཀྱི་བོད་རིགས་ཚོས་ནམ་རྒྱུན་གྱོན་པའི་ཞྭ་མོ་ཞིག |
| པང |
མིའི་ལུས་ཀྱི་ལྟེ་བའི་མན་དང་པུས་མོའི་ཚིགས་ཡན་གྱི་མིང་། (དཔེར་ན།) མ་ཡི་པང་གི་བུ་ཕྲུག་ཅེས་པ་ལྟ་བུ། |
| པང་ཁེབས |
གོས་ཀྱི་ཐུ་བའི་དྲི་ལེན་སྣམ་རས་སོགས། |
| པང་ཁེབས |
ལྭ་བའི་སྨད་ཀྱི་མདུན་ཕྱོགས་སྒྲིབ་བྱེད་ཁེབས་མ་ཞིག་གི་མིང་། པང་གདན་ཡང་ཟེར། |
| པང་ཁྲག |
ཕྲུ་གུ་སྐྱེ་སྐབས་མངལ་ནས་བྱུང་བའི་ཁྲག |
| པང་གཅལ |
ཁང་པའི་མཐིལ་དུ་པང་ལེབ་བསྒྲིགས་པའི་གཅལ། |
| པང་གདན |
བུད་མེད་ཀྱི་པང་ཁེབས། |
| པང་ཐག |
པང་གདན་འདོགས་བྱེད་ཀྱི་ཐག་པ། |
| པང་པ |
ལུས་ཀྱི་མདུན་ཕྱོགས་གོས་ཀྱི་ཐུ་བའི་སྒང་སྟེ་བརླ་གཉིས་སྟེང་ཕྱོགས། (དཔེར་ན།) གཅེས་ཕྲུག་ཆུང་ངུ་པང་དུ་གསོ་བ། ཕྲུ་གུ་ཆུང་ངུ་པང་དུ་ལེན་པ། དཔེ་ཆ་པང་པའི་སྟེང་དུ་འཇོག་ཅེས་པ་ལྟ་བུ། |
| པང་བ |
(ཡུལ་སྐད།) ལག་གཉིས་ཀྱིས་པང་དུ་བླང་བའི་དོན་ཏེ། (དཔེར་ན།) ཕྲུ་གུ་པང་དུ་པང་བ། ཁྱེད་ཀྱིས་རྡོ་ཆེན་འདི་ཡར་པང་ཨེ་ཐུབ་ཅེས་པ་ལྟ་བུ། |
| པང་བཀག |
པང་ལེབ་ཀྱིས་བརྒྱབ་པའི་ཁང་པའི་བར་བཅད། |
| པང་ཚད |
ཕྲུ་གུ་སྐྱེ་སྐབས་སུ་འབྱུང་བའི་མའི་ཚད་ནད་ཅིག |
| པང་འགྱོགས |
པང་པར་འདེགས་པའི་དོན་ཏེ། (དཔེར་ན།) གྱད་རྡོ་པང་འགྱོགས་ཀྱི་འགྲན་སྡུར་བྱེད་པ་ཞེས་པ་ལྟ་བུ། |
| པང་ལེབ |
ཤིང་ལེབ་དང་ལྕགས་སོགས་དངོས་རྫས་ལེབ་མོའི་སྤྱི་མིང་། |
| པང་སྒང |
ལུས་ཀྱི་པང་པའི་སྟེང༌། (དཔེར་ན།) བོད་རིགས་བུད་མེད་ཀྱི་པང་སྒང་ལ་པང་གདན་འཆིང་སྲོལ་ཡོད་ཅེས་པ་ལྟ་བུ། |
| པང་སྟེང |
1.ལུས་ཀྱི་པང་པའི་སྒང༌། 2.སྤང་རྟེན་དང་འདྲ། |
| པཎ་གྲུབ |
པཎྜི་ཏ་དང་གྲུབ་ཐོབ། |
| པཎ་ཆེན |
(ལེགས་སྦྱར།) པཎྜི་ཏ་ཆེན་པོ་སྟེ་མཁས་པ་ཆེན་པོ། |
| པཎ་ཆེན་ཤཱཀྱ་ཤྲཱི |
ཁ་ཆེ་པཎ་ཆེན་ཡང་ཟེར་བ་དེ་ནི་རབ་བྱུང་གཉིས་པའི་མེ་ལུག་ལོར་ཀསྨིར་འཁྲུངས་པ་དང་རང་ལོ་ཉེར་གསུམ་ལ་རབ་ཏུ་བྱུང་ནས་རྒྱ་གར་དཀྱིལ་ཁུལ་གྱི་ན་ལེནྡྲའི་མཁན་ཐོག་མཇུག་མ་བྱེད་རིང་ལ་ཁ་ཆེའི་དམག་གིས་དགོན་སྡེ་གཏོར་བས་སློབ་མ་གཙོ་བོ་དང་ལྷན་དུ་བོད་ལ་ཕེབས། མཚུར་ཕུར་བྱམས་པའི་སྐུ་བརྙན་ཆེན་པོ་བཞེངས་ཤིང༌། ས་པཎ་ལ་བསྙེན་རྫོགས་གནང༌། ཆོས་གྲགས་ཀྱི་ཚད་མ་རྣམ་འགྲེལ་སོགས་ཀྱང་སྤེལ། རབ་བྱུང་བཞི་པའི་ཤིང་ཁྱི་ལོར་རང་ཡུལ་ཀསྨིར་ལོག་ནས་རབ་བྱུང་བཞི་པའི་ཤིང་བྱ་ལོར་འདས། |
| པཎ་ཆེན་སྡོམ་རྒྱུན |
ཁ་ཆེའི་པཎ་ཆེན་ཤཱཀྱ་ཤྲི་ནས་བརྒྱུད་པའི་སྡོམ་རྒྱུན། |
| པཎ་ཆེན་ཨེར་ཏེ་ནི |
(སོག་སྐད།) བོད་ཀྱི་དགེ་ལུགས་སྤྲུལ་སྐུ་ཞིག་གི་མཚན་ཏེ། པཎ་ཞེས་པ་ནི་ལེགས་སྦྱར་གྱི་སྐད་ཡིན་ཞིང༌། པཎྜི་ཏའི་བསྡུས་མིང་ཡིན། བོད་སྐད་དུ་མཁས་པའི་དོན་དུ་འཇུག ཨེར་ཏེ་ནི་ཞེས་པ་ནི་སོག་སྐད་ཡིན་ཞིང༌། བོད་སྐད་དུ་རིན་པོ་ཆེའི་དོན་དུ་འཇུག་དེ་ནི་རབ་བྱུང་བཅུ་གཉིས་པའི་ཆུ་སྦྲུལ་ལོར་པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལ་མཉྫུ་གོང་མས་ཆེ་བསྟོད་ཀྱི་མཚན་གསོལ་བ་ཞིག་ཡིན་པས། དེ་ནས་བཟུང་སྐུ་ཕྲེང་རིམ་བྱོན་ལ་པཎ་ཆེན་ཨེར་ཏེ་ནི་ཞེས་འབོད། པཎ་ཆེན་སྐུ་ཕྲེང་དང་པོ་མཁས་གྲུབ་དགེ་ལེགས་དཔལ་བཟང་ནས་ད་བར་སྐུ་ཕྲེང་བཅུ་བྱོན། དེ་དག་གི་གདན་ས་ནི་གཙང་བཀྲ་ཤིས་ལྷུན་པོ་ཡིན། |
| པཎ་ཞྭ |
པཎྜི་ཏའི་ཞྭ་མོ་སྣེ་རིང་ཞིག |
| པཎྜི་ཏ |
སྔོན་ཆད་རིག་གནས་ཆེ་བ་ལྔ་དང་རིག་གནས་ཆུང་བ་ལྔའི་སློབ་སྦྱོང་མཐར་ཕྱིན་པའི་མིང་བཏགས་ཤིག། |
| པཎྜི་ཏ་དྷརྨ་པཱ་ལ |
(ལེགས་སྦྱར།) རྒྱ་གར་ཤར་པ་བ་ཡིན་པ་དེ་དུས་རབས་བཅུ་གཅིག་པ་ཤར་བ་ཙམ་ལ་མངའ་རིས་གུ་གེ་རྒྱལ་པོ་ལྷ་བླ་མ་ཡེ་ཤེས་འོད་ཀྱིས་གདན་དྲངས་ཏེ་མངའ་རིས་སུ་བྱོན། བོད་དུ་འདུལ་བའི་སྡོམ་རྒྱུན་སྤེལ། ཞི་གནས་སྒོམ་ཐབས་ཁྲིད་པ་སོགས། བསྟན་པ་ཕྱི་དར་སྐབས་མངའ་རིས་སུ་སྡོམ་པ་ལེན་པའི་དབུ་བརྙེས་ཏེ་སྟོད་ཁུལ་དུ་འདུལ་བ་བརྒྱུད་སྤེལ་བྱས། |
| པཎྜི་ཏ་ཛི་ན་མི་ཏྲ |
ཛི་ན་མི་ཏྲ་དང་དོན་གཅིག |
| པད་ཀོར |
ལག་པའི་ཕྱག་རྒྱའི་བྱེ་བྲག་ཅིག་སྟེ། (དཔེར་ན།) ལག་པས་པད་ཀོར་བྱེད་པ་ཞེས་པ་ལྟ་བུ། |
| པད་ཁ |
སྣུམ་བཟོ་བྱེད་ཀྱི་རྒྱུ་ཆ་འབྲུ་རིགས་རྡོག་ཆུང་ལ་ཤུན་པ་དམར་པོ་ཡོད་པ་ཞིག |
| པད་ཁ |
1.ཡུག་པོ་ནག་པོའི་མིང་གཞན། 2.ལོག་གར་གྱི་མིང་གཞན། |
| པད་ཁང |
པད་ཁ་དང་དོན་གཅིག |
| པད་ཁུད་མཚོ |
བོད་སྟོད་ཕྱོགས་ཀྱི་གཉའ་ནང་རྫོང་དང་སྐྱིད་རོང་རྫོང་གི་མཚམས་སུ་ཡོད་པའི་མཚོ་ཞིག |
| པད་གདན |
སྐུ་འདྲ་སོགས་ཀྱི་ཞབས་སྟེགས་པད་འདབ་ཀྱི་རི་མོ་ཅན། |
| པད་ཆུང |
པད་ཁ་ཆུང་བ། |
| པད་ཆེན |
པད་ཁ་ཆེ་བ། |
| པད་ཏུང |
(རྒྱ་སྐད།) ལྕགས་རིགས་ཤིག |
| པད་དཀར |
མེ་ཏོག་པད་མ་དཀར་པོ། |
| པད་དཀར་ཞལ་ལུང |
ཕུག་པ་ལྷུན་གྲུབ་རྒྱ་མཚོས་རབ་བྱུང་བརྒྱད་པའི་མེ་ཡོས་ལོར་བརྩམས་པའི་སྐར་རྩིས་ཀྱི་གཞུང་ཞིག |
| པད་པ |
ཁྲག་འཇིབ་མཁན་ཆུའི་སྲིན་བུ་སྐུད་པ་འདྲ་བ་ཞིག མིང་གི་རྣམ་གྲངས་ལ་ཁྲག་འཐུང་དང༌། ཆུ་ཡི་སྣང་བ། ཟ་མ་ཏོག་ཅན། རུས་པའི་ཟོང་བཅས་སོ། ། |
| པད་མ |
1.འདམ་སྐྱེས་མེ་ཏོག་རིགས་ཤིག་སྟེ། (དཔེར་ན།) པད་མའི་གེ་སར། པད་མ་མེ་ཏོག་མཛེས་ཀྱང་ལོ་མ་སྔོན་པོས་རྒྱན་དགོས་ཞེས་པ་ལྟ་བུ། མིང་གི་རྣམ་གྲངས་ལ་གེ་སར་ཅན་དང༌། ཆུ་སྐྱེས། ཆུ་རྒྱན། ཆུའི་ལང་ཚོ། ཉི་མས་བཞད། དྲི་བཟང་ཁང༌། འདབ་བརྒྱ་པ། འདབ་སྟོང༌། འདམ་སྐྱེས། དཔལ་གོས། དཔལ་གྱི་འདབ་མ་ཅན། སྦྲང་རྩི་འཛིན། སྦྲང་རྩིའི་རྒྱལ་མཚན། མཚོ་ལས་སྐྱེས། ཟེའུ་འབྲུ་ཅན་བཅས་སོ། །2.མོ་མཚན། 3.སྔོ་སྨན་ཞིག 4.རྫོང་ཞིག མགོ་ལོག་གི་ལྷོ་རྒྱུད་དང་རྒྱལ་རོང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། |
| པད་མ་གེ་སར |
1.མེ་ཏོག་པད་མའི་འདབ་མའི་དབུས་སུ་ཆགས་པའི་འབྲས་བུ། 2.པད་མའི་སྐྲའམ་ཟེ་བ་ཤིང་སྨན་གྱི་རིགས། རོ་བསྐ་ལ་ཁ། ཞུ་རྗེས་སྙོམས། ནུས་པས་སྙིང་གི་ཚ་བ་སེལ། |
| པད་མ་ཅན |
(མངོན་བརྗོད།) 1>ཁྱབ་འཇུག་གི་ཆུང་མ། 2>སྤྱན་རས་གཟིགས། 3>བུད་མེད། |
| པད་མ་ཅན་གྱི་མཚོ |
པད་མཚོ་དང་དོན་གཅིག |
| པད་མ་ཆེན་པོ |
ཀླུ་ཆེན་བརྒྱད་ཀྱི་ཡ་གྱལ་ཞིག |
| པད་མ་ཆེན་པོ་ལྟར་གས་པ |
དམྱལ་བའི་སེམས་ཅན་གྱི་ལུས་ཁེངས་ནས་ཚན་པ་སོ་གཉིས་སོགས་སུ་གས་པ་སྟེ་གྲང་དམྱལ་བརྒྱད་ཀྱི་བརྒྱད་པ། |
| པད་མ་ཆོས་བརྩེགས |
ལྷ་ཁང་སོགས་ཀྱི་སྒོ་དང་གདུང་མའི་རྒྱན་བརྐོས་རི་མོ། |
| པད་མ་དཀར་པོ |
1.མེ་ཏོག་པད་དཀར། 2.སྔོ་སྨན་མེ་ཏོག་གི་རིགས་ཤིག་རོ་ཁ་ལ་བསྐ། ཞུ་རྗེས་སྙོམས། ནུས་པས་སྙིང་ཚད་སེལ། |
| པད་མ་དམར་པོ |
འདབ་མ་དམར་པོའི་མེ་ཏོག་པད་མ། མིང་གི་རྣམ་གྲངས་ལ་ངུར་པ་སྦྲང་བྱིན་དང༌། ཆུ་སྐྱེས་དམར་པོ། ཨུཏྤལ་དམར་པོ་བཅས་སོ། ། |
| པད་མ་བཀའ་ཐང |
རབ་བྱུང་ལྔ་པའི་ཤིང་བྱ་ལོ་ལ་ཨོ་རྒྱན་གླིང་པས་བསམ་ཡས་དང་ཤེལ་བྲག་ནས་གཏེར་དུ་བཏོན་པའི་གུ་རུ་པད་མ་འབྱུང་གནས་ཀྱི་སྐྱེས་རབས་རྣམ་པར་ཐར་པའོ། ། |
| པད་མ་བཀོད |
དེང་སྐབས་ཀྱི་བོད་སྟོད་ཕྱོགས་མེ་ཏོག་རྫོང་གི་མིང་རྙིང༌། |
| པད་མ་འདབ་བརྒྱ |
འདབ་མ་བརྒྱ་ཡོད་པའི་པད་མ། |
| པད་མ་འདབ་བརྒྱད |
འདབ་མ་བརྒྱད་ཡོད་པའི་པད་མ། |
| པད་མ་འབྱུང་གནས |
མཁན་སློབ་ཆོས་གསུམ་གྱི་ནང་གསེས། སློབ་དཔོན་ཆེན་པོ་པད་མ་འབྱུང་གནས་ནི་ཨོ་རྒྱན་གྱི་ཡུལ་དུ་སྐུ་འཁྲུངས། རྒྱལ་པོ་ཨིནྡྲ་བོ་དྷིས་སྤྱན་དྲངས་ཏེ་པད་མ་འབྱུང་གནས་དང་མཚོ་སྐྱེས་རྡོ་རྗེ་ཞེས་མཚན་གསོལ། ཟ་ཧོར་གྱི་ཡུལ་དུ་བྱོན་ནས་སློབ་དཔོན་པྲ་བྷ་ཧསྟི་ལས་རབ་ཏུ་བྱུང་ནས་མཚན་ཤཱཀྱ་སེང་གེར་གྲགས། རིག་འཛིན་ཆེན་པོ་བརྒྱད་ལས་སྒྲུབ་པ་སྡེ་བརྒྱད། སངས་རྒྱས་གསང་བ་ལས་སྒྱུ་འཕྲུལ། ཤྲི་སེངྷ་ལས་རྫོགས་ཆེན་གཙོ་བོར་གྱུར་པའི་མདོ་རྒྱུད་རྒྱ་མཚོའི་གནས་ལ་གསན་བསམ་གྱི་ཕ་རོལ་ཏུ་ཕྱིན། ཟ་ཧོར་དང་ཨོ་རྒྱན་གྱི་ཡུལ་རྣམས་སུ་གདུལ་བྱ་སྐལ་བཟང་རྣམས་ཆོས་ལ་བཀོད་ཅིང་མཚན་པད་མ་རྒྱལ་པོར་གྲགས། དུས་རབས་བརྒྱད་པའི་དཀྱིལ་ཙམ་ལ་བོད་རྒྱལ་ཁྲི་སྲོང་ལྡེ་བཙན་གྱིས་སྤྱན་དྲངས་ཏེ་བོད་དུ་ཕེབས། དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས། བོད་ཕྲུག་ཤེས་རབ་ཅན་རྣམས་ལ་ལོ་ཙཱ་བསླབས། འཕགས་ཡུལ་ནས་པན་ཆེན་བི་མ་མི་ཏྲ་སོགས་མཁས་གྲུབ་ཀྱི་སྐྱེས་བུ་མང་པོ་གདན་དྲངས། མདོ་སྔགས་ཀྱི་བཀའ་དང་བསྟན་བཅོས་གཙོ་ཆེ་བ་རྣམས་བོད་སྐད་དུ་བསྒྱུར། མངའ་བདག་རྒྱལ་པོ་དང༌། ཡེ་ཤེས་མཚོ་རྒྱལ་སོགས་ལས་ཅན་གྱི་སྐྱེས་བུ་རྣམས་ལ་བཀའ་བརྒྱད་དང་རྡོ་རྗེ་ཕུར་བ་མན་ངག་ལྟ་ཕྲེང་སོགས་གསང་སྔགས་ཀྱི་ཆོས་ཀྱིས་སྨིན་ཅིང་གྲོལ་བར་མཛད། རྒྱུ་མཚན་ཉིད་ཀྱི་ཐེག་པའི་བཤད་གྲྭ་དང༌། འབྲས་བུ་གསང་སྔགས་རྡོ་རྗེ་ཐེག་པའི་སྒོམ་གྲྭ་བཙུགས། རབ་བྱུང་ངུར་སྨྲིག་གི་སྡེ་དང༌། གོས་དཀར་ལྕང་ལོའི་སྡེ་ཞེས་དགེ་འདུན་གྱི་སྡེ་གཉིས་དར་རྒྱས་སུ་བཏང་བ་སོགས་ཕྱག་རྗེས་འགྲན་ཟླ་དང་བྲལ་བར་མཛད། མཐར་ལྷོ་ནུབ་རྔ་ཡབ་གླིང་དུ་བྱོན་ནས་སྲིན་པོའི་རྒྱལ་པོ་རཀྵ་ཐོད་ཕྲེང་རྩལ་ཞེས་སུ་གྲགས་སོ། ། |
| པད་མ་འོད་འབར |
སྔར་རྒྱལ་པོ་ཞིག་གིས་རང་གི་མངའ་འོག་ཚོང་དཔོན་འབྱོར་པ་ཆེ་བ་མིང་ལ་ནོར་བུ་བཟང་པོ་ཞེས་པར་རང་གི་དབང་ཐང་ཤོར་དོགས་ཀྱིས་རྒྱ་མཚོའི་ནང་དུ་ནོར་བུ་ལེན་པར་བཏང་སྟེ་བསད་པའི་རྗེས་སུ་ཚོང་དཔོན་གྱི་བུ་པད་མ་འོད་འབར་སྐྱེས་པ་དེ་ཡང་གསོད་ཐབས་ཐེངས་མང་བྱས་ཀྱང་གསོད་མ་ཐུབ་པའི་མཐར། པད་མ་འོད་འབར་གྱིས་རྒྱལ་པོ་ལ་མགོ་སྐོར་བཏང་ནས་སྲིན་པོའི་ཡུལ་དུ་ཁྲིད་བསད་ཀྱིས་དགྲ་ཤ་བླངས་ཏེ་རྒྱལ་པོའི་གོ་ས་བཟུང་བའི་སྒྲུང་འདི་དང་མཐུན་པར་བསྒྲིགས་པའི་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག |
| པད་མ་རཱ་ག |
(ལེགས་སྦྱར།) པད་མ་དམར་པོ་སྟེ་རིན་པོ་ཆེའི་རིགས་མདོག་དམར་པོ་ཞིག ནུས་པས་ཀླད་སྐྱོན་རྩ་ནད་དང༌། གཟའ་གདོན་སོགས་འཇོམས། མིང་གི་རྣམ་གྲངས་ལ་མདོག་དམར་དང༌། པད་རག་རིན་ཆེན་དམར་པོ་བཅས་སོ། ། |
| པད་མ་རྒྱ་བྱ |
པད་མ་དང་རྒྱ་བྱའི་རི་མོ་ཡོད་པའི་གོས་ཆེན་ཞིག |
| པད་མ་རྒྱལ་པོ |
གུ་རུ་མཚན་བརྒྱད་ཀྱི་ཡ་གྱལ་ཞིག |
| པད་མ་ལྟར་གས་པ |
དམྱལ་བའི་སེམས་ཅན་གྱི་ལུས་ཁེངས་ནས་བརྒྱད་ཚན་དུ་གས་པ་སྟེ་གྲང་དམྱལ་བརྒྱད་ཀྱི་བདུན་པ། |
| པད་མ་སེར་པོ |
སྔོ་ཞིག་དེའི་རྩ་བ་དང་པགས་པ་སྨན་དུ་སྤྱད་ཆོག་ཅིང༌། ནུས་པས་ཁྲག་ཚད་སེལ། |
| པད་མ་སཾ་བྷ |
གུ་རུ་མཚན་བརྒྱད་ཀྱི་ཡ་གྱལ་ཞིག |
| པད་མ་སྤུངས་པའི་མཆོད་རྟེན |
བདེ་གཤེགས་མཆོད་རྟེན་གྱི་མཚན་གྱི་བྱེ་བྲག་ཅིག |
| པད་མ་ཧྭ་གོས |
གྲྭ་པའི་ཟླ་གམ་གོང་རྒྱན་པད་འདབ་ཀྱི་དབྱིབས་ཅན་ཡོད་པ་ཞིག |
| པད་མཚོ |
མེ་ཏོག་པད་མ་ཡོད་པའི་མཚོ། (དཔེར་ན།) ངང་པ་པད་མཚོར་འཇུག་པ་ཞེས་པ་ལྟ་བུ། མིང་གི་རྣམ་གྲངས་ལ་ཆུ་ཡི་སྙིང་པོ་དང༌། པད་མ་ཅན། པད་མ་ལྡན། པད་མའི་འབྱུང་གནས། པད་མའི་རྫིང་བུ། བཞད་ལྡན་མ། ལྷས་བཀང་བཅས་སོ། ། |
| པད་མའི་གཉེན |
(མངོན་བརྗོད།) ཉི་མ། |
| པད་མའི་གྲོགས |
(མངོན་བརྗོད།) ཉི་མ། |
| པད་མའི་དགྲ |
(མངོན་བརྗོད།) ཟླ་བ། |
| པད་མའི་བར་ཤུན |
སྔོ་ཞིག སྨན་དུ་བཏང་ན་ཚད་པ་འཇགས་པ་དང༌། ཁྲག་རྒྱུ་བ། ཟླ་མཚན་སྙོམས་པ་བཅས་ལ་ཕན། |
| པད་མའི་མིག |
(མངོན་བརྗོད།) བུ་ག། |
| པད་མའི་ཟེའུ་འབྲུ |
མེ་ཏོག་པད་མའི་རྩེར་ཆགས་པའི་འབྲས་བུ། མིང་གི་རྣམ་གྲངས་ལ་པད་མའི་ལྟེ་བ་དང་ས་བོན་མཛོད་དོ། ། |
| པད་མའི་རིགས |
རིགས་གསུམ་གྱི་ནང་གསེས་ཤིག |
| པད་མའི་རྩ་ལག |
(མངོན་བརྗོད།) ཉི་མ། |
| པད་མའི་ལག |
(མངོན་བརྗོད།) ཉི་མ། |
| པད་མའི་ལྟེ་བ |
(མངོན་བརྗོད།) ཁྱབ་འཇུག |
| པད་མའི་སྐྱིལ་ཀྲུང |
བྱང་ཆུབ་སེམས་དཔའི་བཞུགས་སྟངས་ཤིག |
| པད་ཚལ |
མེ་ཏོག་པད་མའི་ཚལ། |
| པད་ཞྭ |
སློབ་དཔོན་པད་མར་ཟ་ཧོར་རྒྱལ་པོས་ཕུལ་བའི་དབུ་ཞྭ། |
| པད་འདབ |
1.མེ་ཏོག་པད་མའི་འདབ་མ། 2.(ཡུལ་སྐད།) རྒྱ་ལུ་ཆས་གྱོན་དུས་ཀྱི་རྣ་རྒྱན་ཡ་གཅིག་གི་མིང༌། |
| པད་རྒྱུག |
1.རྫ་སྣོད་ལ་པད་མའི་རི་མོ་འདོན་བྱེད་ཀྱི་ཤིང་ཞིག 2.པད་ཁང་གི་ལོ་འབྲས་བཏོན་ཟིན་པའི་རྐང༌། |
| པད་རྡུལ |
མེ་ཏོག་པད་མའི་ཟེའུ་འབྲུ་ཆགས་པའི་རྡུལ། |
| པད་རྩ |
མེ་ཏོག་པད་མའི་རྩ་བ། |
| པད་སྡོང |
མེ་ཏོག་པད་མའི་སྡོང་པོ། |
| པད་སྣུམ |
པད་ཁ་ལས་བྱུང་བའི་སྣུམ། |
| པད་སྦུབས |
མེ་ཏོག་པད་མའི་ལྟེ་བའམ་འདབ་མ་ཁ་ཟུམ་པའི་ནང་གི་སྦུབས་སྟོང༌། |
| པདྨ |
པད་མའི་འབྲི་ཚུལ་གཞན་ཞིག |
| པདྨ་རཱ་ག |
པད་མ་རཱ་གའི་འབྲི་ཚུལ་གཞན་ཞིག |
| པདྨཱ་ཀ་རཿ |
(ལེགས་སྦྱར།) སློབ་དཔོན་པད་མ་འབྱུང་གནས། |
| པན་པ |
པཎྜཀཿ མ་ནིང༌། |
| པན་ཞ |
(རྒྱ་སྐད།) སྔོ་ཞིག |
| པར |
སྟེང་དུ་ཡི་གེའམ་གཟུགས་བརྙན་བཀོད་ནས་པར་དུ་འདེབས་བྱེད་ཅིག (དཔེར་ན།) དཔེ་ཆའི་པར། ཤིང་པར། ལྕགས་པར། ལུགས་པར། འདྲ་པར་ཞེས་པ་ལྟ་བུ། |
| པར་ཀོང |
ལུགས་ཀོང༌། |
| པར་ཁ་བཏབ་པ |
དཔེ་དོན་རྣམ་པ་དབྱེར་མེད་ལྟ་བུ་འདྲ་ཚུལ་ཏེ། (དཔེར་ན།) སྐད་ཆ་བཤད་སྟངས་དེ་གཉིས་པར་ཁ་བཏབ་པ་ལྟ་བུ་འདྲ་པོ་འདུག་ཅེས་པ་ལྟ་བུ། |
| པར་ཁང |
1.དཔེ་ཆའི་པར་ཤིང་འཇོག་སའམ་འདེབས་ཡུལ། 2.བརྙན་པར་རྒྱག་སའི་ཁང་པ། |
| པར་ཁུལ་ནོའུར |
(སོག་སྐད།) ཞིན་ཅང་ཡུ་གུར་ས་ཆར་ཡོད་པའི་མཚོ་ཞིག |
| པར་གཞི |
ལྕགས་པར་ཤིང་པར་སོགས་ཀྱི་གཞི། |
| པར་གཡོག |
པར་རྒྱག་མཁན་གྱི་རོགས་པ་སྟེ། པར་འདེབས་སྐབས་པར་ཤིང་གི་སྣེ་གཅིག་འཛིན་མཁན་སོགས་ལྟ་བུ། |
| པར་གྱིས་འཕར་བ |
(བརྡ་རྙིང་།) 1>གློ་བུར་དུ་གྱེན་དུ་འཕར་བ། 2>རྒྱང་གིས་འཕར་བ་སྦལ་བའི་འགྲོ་སྟངས་ལྟ་བུ། |
| པར་ཆས |
1.བརྙན་པར་རྒྱག་བྱེད་ཀྱི་འཕྲུལ་ཆས། 2.དཔེ་ཆ་པར་རྒྱག་བྱེད་ཀྱི་འཕྲུལ་ཆས་སམ་ཡོ་བྱད། |
| པར་ཏང |
(བརྡ་རྙིང་།) མཐའ་སྣེ་རྟའི་ཟེ་རྔོག་དང་འདྲ་བའི་གདན་ཏེ་རྔོག་སྟན་གྲུམ་ཟེ་ཡང་ཟེར་བ་འབོལ་གདན་གྱི་སྟེང་དུ་གདིང་བའི་ཁ་གདན་འཕྲེད་ཞོལ་དང༌། ཁ་གང་མ་རིགས་གཉིས། |
| པར་ཐང |
པར་ཏང་དང་འདྲ། |
| པར་ཐང་ཁྲ་བོ |
(བརྡ་རྙིང་།) གདན་གྲུམ་ཟེ། |
| པར་ཐུང |
1.པར་ཤིང་ཐུང་ངུ། 2.དཔེ་ཆ་པར་མ་ལྡེབ་ཐུང༌། |
| པར་དཔོན |
དཔེ་ཆ་པར་རྒྱག་མཁན་གྱི་འགོ་ཁྲིད། |
| པར་པ |
དཔེ་དེབ་ཀྱི་པར་རྒྱག་མཁན། |
| པར་པ་ཏ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རིམས་ཚད་དང༌། དུག་ཚད་སེལ། མིང་གི་རྣམ་གྲངས་ལ་འཁྲི་ཤིང་རལ་པ་ཅན་དང༌། སྔོན་པོ་ཆིག་ཐུབ། མི་རྒན་རལ་པ་ཅན། རིམས་འཇོམས་བཅས་སོ། ། |
| པར་པར |
(རྒྱན་ཚིག) འཕར་ཚུལ་ལམ་འཕག་སྟངས་ཏེ། (དཔེར་ན།) ཁང་བྱིའུ་རྣམས་ཐང་དུ་པར་པར་འཕར་ནས་འགྲོ་ཞེས་པ་ལྟ་བུ། |
| པར་པིར |
པ་རི་པི་རིའི་བསྡུས་ཚིག |
| པར་ཕུད |
དཔེ་ཆ་སོགས་ཀྱི་པར་གཞི་གསར་དུ་བརྐོས་ནས་ཐོག་མར་བཏབ་པའི་དཔེ་ཆ་གསར་པ་དེ་དག་གཟིགས་ཕུད་ཀྱི་ཚུལ་དུ་འབུལ་བའི་མིང༌། |
| པར་བཤུས |
དཔེ་དོན་རྣམ་པ་དབྱེར་མེད་ཀྱི་འདྲ་ཚུལ་ཏེ། (དཔེར་ན།) བཤད་རྒྱུའི་ནང་དོན་གཅིག་ཀྱང་མི་སོ་སོའི་བཤད་སྟངས་པར་བཤུས་བརྒྱབ་པ་ནང་བཞིན་མི་ཡོང༌ཞེས་པ་ལྟ་བུ། |
| པར་བུ |
1.ཟ་མ་ཏོག་ཆུང་ངུའམ་ཕོར་བ་ཆུང་ངུའི་མིང་། 2.བཤམ་རིས་ཀྱི་མར་སྣེར་འཕྲེད་ལ་བརྒྱུས་པའི་དབྱུ་གུའི་སྣེ་གཉིས་ལ་བསྐོན་ཡོད་པའི་མཛེས་རྒྱན་གྱི་མིང་། |
| པར་བྱང |
པར་གྱི་མཇུག་བྱང༌སྟེ། (དཔེར་ན།) པར་བྱང་སྨོན་ཚིག་ཚུལ་དུ་བཀོད་ཅེས་པ་ལྟ་བུ། |
| པར་མ |
པར་བརྒྱབ་ནས་བྱུང་བའི་དཔེ་ཆ་སོགས་ཏེ། (དཔེར་ན།) པེ་ཅིན་པར་མ། ལྷ་སའི་པར་མ། སྡེ་དགེའི་པར་མ་ཞེས་པ་ལྟ་བུ། |
| པར་མ |
1.པར་མ་དང་དོན་གཅིག 2.གནོན་པ་དང་ལྡུག་པའི་ཐབས་ལ་བརྟེན་ནས་དངོས་རྫས་དབྱིབས་སྣ་ཚོགས་པ་བཟོ་བྱེད་ཀྱི་ཡོད་བྱད་རིགས་ཤིག་གི་མིང་། (དཔེར་ན།) ཀྱིག་རྩེའི་པར་བླུག་པར་ཞེས་པ་ལྟ་བུ། 3.དེང་རབས་ཀྱི་འདྲ་པར་གྱི་མིང་། (དཔེར་ན།) པར་བརྒྱབ། པར་བླངས། འདྲ་པར་བརྒྱབ་ཅེས་པ་ལྟ་བུ། |
| པར་ཞུས |
པར་ཡིག་གི་ཞུས་དག |
| པར་འགེབས |
1.འདྲ་དཔེ་འགེབས་པ་སྟེ། (དཔེར་ན།) ཡུལ་ལུང་གཅིག་གི་ཉམས་མྱོང་ཡུལ་ལུང་གཞན་ཞིག་ལ་པར་འགེབས་ཀྱིས་ལག་ལེན་བསྟར་ན་མི་འགྲིག སྒེར་དོན་ལ་གཞུང་དོན་ཡིན་ཁུལ་གྱི་པར་འགེབས་བྱས་ན་ནོར་འཁྲུལ་རེད་ཅེས་པ་ལྟ་བུ། 2ྲཧ་ཅང་འདྲ་བའི་དཔེ། (དཔེར་ན།) ལྟད་མོ་འཁྲབ་དུས་ཁོང་གཉིས་ཀྱི་གཟུགས་བྱད་དང་རྣམ་འགྱུར་གང་ཅི་ནས་ཕན་ཚུན་པར་འགེབས་བྱས་པ་རང་རེད་ཅེས་པ་ལྟ་བུ། |
| པར་འགོ་རྟེན་མཁན |
པར་འདེབས་སྐབས་པར་ཤིང་གི་སྣེ་གཅིག་འཛིན་མཁན། |
| པར་འདེབས་པ |
པར་རྒྱག་པ། |
| པར་འདེབས་ཚོས་རྒྱག |
རས་སོགས་ལ་རི་མོའི་པར་རྒྱག་པ་དང༌། ཚོས་རྒྱག་པ། |
| པར་རིང |
1.པར་ཤིང་རིང་པོ་མདའ་ཚད་མ། 2.དཔེ་ཆ་པར་མ་ལྡེབ་རིང༌། |
| པར་རིས |
1.འདྲ་པར་དང༌། བྲིས་རིས་ཀྱི་བསྡུས་ཚིག 2.པར་གྱི་རི་མོ། |
| པར་རྐོ་བ |
1.པར་རྐོ་མཁན། 2.པར་དུ་རྐོ་བཞིན་པ། |
| པར་རྒྱག་པ |
1.ཤིང་པར་སོགས་ལ་དཔེ་དེབ་པར་རྒྱག་པ། 2.མི་དང༌། དངོས་པོ། ཡུལ་ལྗོངས་སོགས་ཀྱི་འདྲ་པར་རྒྱག་པ། |
| པར་རྩ |
དཔེ་ཆ་སོགས་པར་དུ་བརྐོ་རྒྱུའི་ཐོག་མར་ཤོག་བུར་བྲིས་ཏེ་པར་ཤིང་ལ་སྦྱོར་བའི་པར་གཞིའི་ཡི་གེ། |
| པར་རྩ་སྦྱར་བ |
པར་གཞིའི་ཡི་གེ་པར་ཤིང་ལ་སྦྱར་བ། |
| པར་ཤིང |
པར་བརྐོ་གཞིའམ། པར་གྱི་རི་མོ་བརྐོས་ཡོད་པའི་ཤིང༌། |
| པར་ཤིང་ཁྲེས་པ |
པར་རྐོ་སའི་མཁྲེགས་ཤིང་བྱེ་བྲག་ཅིག |
| པར་ཤོག |
པར་རྒྱག་སའི་ཤོག་བུ། |
| པར་སིག |
གནའ་དུས་རྒྱ་གར་ནུབ་ཕྱོགས་ཀྱི་རྒྱལ་ཁབ་ཅིག་གི་མིང༌། དེབ་ཐེར་དུ་སྟག་གཟིག་གམ་ཏ་ཟིག་དང༌། དེང་སང་དབྱི་ལང་ཟེར་བ་དེ་ཡིན། |
| པར་སིག་པ |
1.(བརྡ་རྙིང་།) མི་ཤ་ལ་ལོངས་སྤྱོད་མཁན་གྱི་རིགས་ཤིག 2.པར་སིག་པ། |
| པར་སྐྲུན |
པར་རྒྱག་པའམ་འདེབས་པ། |
| པར་སྒྲོམ |
1.པར་ཤིང་འཇོག་སའི་སྒྲོམ། 2.བརྙན་པར་སྒྲིག་སའི་སྒྲོམ། |
| པར་སྟེགས |
པར་འདེབས་དུས་པར་ཤིང་འཇོག་སའི་སྟེགས། |
| པར་སྣག |
དཔེ་ཆ་པར་རྒྱག་བྱེད་ཀྱི་སྣག་ཚ། |
| པར་སྤྱི |
སྔར་བོད་དུ་པར་འདེབས་མཁན་སྤྱི་པའི་མིང༌། |
| པརྤ་ཏ |
(ལེགས་སྦྱར།) གཉན་ནད་ཀྱི་རྒྱུ་བྱེད་པའི་དུག་ཅན་སྲིན་བུའི་མིང་བོད་སྐད་དུ་བསྒྱུར་ན་སྲོག་འཕྲོག་བྱེད་ཅེས་པའི་དོན། |
| པས |
1.རྗེས་འཇུག་ག་ད་ན་བ་མ་ས་ཅན་གྱི་རྒྱན་ཚིག་དང་ལས་ཚིག་འདས་པའི་མཐར་སྦྱར་ན་ཚིག་སྔ་ཕྱི་གཉིས་ཀྱི་རྒྱུ་འབྲས་དང་རྒྱུ་མཚན་དང་རྒྱུ་མཚན་ཅན། རིགས་པས་སྒྲུབ་བྱེད་ཀྱི་འབྲེལ་བ་སོགས་སྟོན་ཏེ། (དཔེར་ན།) སློབ་གྲྭ་འཛུགས་རྒྱུར་ཐམས་ཅད་འཐད་པས། མྱུར་དུ་སློབ་གྲྭ་འབྲིང་རིམ་ཞིག་འཛུགས་རྒྱུ་ཐག་བཅད། སྒྲ་འདི་ཧ་ཅང་དྲག་པས་སྣ་བར་རྩུབ། ཆུ་འདི་ཧ་ཅང་འཁྱགས་པས་འཐུངས་ན་ལྟོ་བར་གནོད་ལྟ་བུ། 2.མིང་མཐའ་པ་དང་བདག་སྒྲ་པ་ཡིག་གི་བྱེད་སྒྲ་ཡིས་བསྡུས་པ་སྟེ། (དཔེར་ན།) འབྲོག་པས་ཕྱུགས་འཚོ་ཞེས་པར། འབྲོག་པ་ཡིས་ཕྱུགས་འཚོ། བཟོ་པས་རླངས་འཁོར་བཟོས། ཞིང་པས་ལོ་ཏོག་འདེབས་ལྟ་བུ། |
| པཱ་ཐུར |
(སོག་སྐད།) སྦ་དུར་ཡང་ཟེར། གཡུལ་འགྱེད་པའི་མི་སྣ་དཔའ་རྩལ་ཅན། |
| པཱ་ལ་རྣམ་གསུམ |
སྔར་རྒྱ་གར་གྱི་སློབ་དཔོན་པཎྜི་ཏ་དྷརྨ་པཱ་ལའི་སློབ་མའི་གཙོ་བོ་གསུམ་སཱ་དྷུ་པཱ་ལ་དང༌། གུ་ཎ་པཱ་ལ། པྲཛྙཱ་པཱ་ལ་བཅས་གསུམ་པོ་དེ་དུས་རབས་བཅུ་པ་ནས་བཅུ་གཅིག་པའི་བར་མཚམས་སུ་མངའ་རིས་གུ་གེ་རྒྱལ་པོ་ཡེ་ཤེས་འོད་ཅེས་པས་དྷརྨ་པཱ་ལ་བོད་དུ་གདན་ཞུ་སྐབས་ལྷན་དུ་ཕེབས། དེ་རྣམས་ཀྱིས་བསྟན་པ་བསྐྱར་དུ་དར་བར་མཛད། |
| པཱ་ལགས |
(ཡུལ་སྐད།) སྐྱེད་བྱེད་ཕ། |
| པི་པི |
1.ཆང་སོགས་སྣོད་གཞན་དུ་བླུག་བྱེད་ཀྱི་པི་པི། 2.རྒྱ་གླིང་གི་དབུགས་འགྲོ་སའི་བུ་གར་བསྐོན་རྒྱུ་འདམ་རྩྭའི་རྐང་ལས་བཟོས་པ་ཞིག 3.ཆང་འཚོད་སྐབས་བུམ་རྫའི་ནང་དུ་བཀལ་ནས་ཆང་ཐིགས་བཟེད་དེ་ཕྱིར་འདྲེན་སྣོད་ཅིག |
| པི་པི་ལིང |
(ལེགས་སྦྱར།) གྲོག་སྨན་ཏེ། ཤིང་སྨན་གྱི་རིགས་ཤིག་རོ་ཚ་ལ་མངར། ཞུ་རྗེས་དྲོད། ནུས་པས་ཕོ་བའི་དྲོད་ཉམས་པ་དང༌། བད་རླུང་གི་ནད། དབུགས་མི་བདེ་བ་སོགས་ལ་ཕན། ནད་ཁྲག་དང་ཟུངས་ཁྲག་འབྱེད་ནུས། མིང་གི་རྣམ་གྲངས་ལ་གྲོག་མའི་གཟུགས་ཅན་དང༌། དྲོད་སྐྱེད་བྱེད། དྲོད་སྨན། དྲོད་སྨན་འཇང་མོ། དྲོད་སྨན་ལྗང་མོ། དྲོད་སྨན་ནར་མོ། ནག་པོ་གྲོག་རྐེད། ནག་པོ་ཚནྡྷ། སྣ་རིང༌། སྤོད་ནར། བྱང་ཆུབ་ལྗོན་ཤིང༌། བྱི་རིལ། སྨན་ནག་ཚ་བ་ལ། ཡུལ་དབུས་སྐྱེས། གཡོ་བྱེད། ལུས་འཕགས་སྐྱེས། སྲེག་བྱེད་བཅས་སོ། ། |
| པི་ཝང |
རྒྱུད་ཅན་གྱི་རོལ་མོའི་རིགས་ཤིག་གི་མིང་། རྒྱ་སྐད་དུ་ཕིས་ཕ་ཟེར། ཡུལ་སྐད་དུ་ཧར་ཟེར་ཞིང་། རྒྱ་སྐད་དུ། འེར་ཧུ་ཟེར་བའི་རོལ་མོ་རྒྱུད་ཅན་ལའང་པི་ཝང་ཟེར་བ་ཡོད། |
| པི་ཝང་རྒྱུད་གཅིག་པ |
རྒྱུད་དམ་སྐུད་པ་གཅིག་ལས་མེད་པའི་པི་ཝང༌། |
| པི་ཝང་རྒྱུད་གསུམ |
རྒྱུད་དམ་སྐུད་པ་གསུམ་ཡོད་པའི་པི་ཝང༌། |
| པི་ཝང་རྒྱུད་མང |
རྒྱུད་དམ་སྐུད་པ་མང་པོ་ཡོད་པའི་པི་ཝང༌། |
| པི་རི |
(རྒྱ་སྐད།) པིར་ལེབ་མོ། |
| པི་ལང་ལ |
ལ་ཞིག བོད་ཀྱི་སྤུ་ཧྲེང་རྫོང་གི་ལྷོ་རྒྱུད་དུ་ཡོད་ཅིང༌། མཐོ་ཚད་རྒྱ་མཚོའི་ངོས་ནས་སྨི་5320 ཡོད། |
| པི་ཤཱ་ཙི་ཀཿ |
(ལེགས་སྦྱར།) སྐད་རིགས་ཆེན་པོ་བཞིའི་ནང་གསེས་ཤིག་སྟེ་ཤ་ཟའི་སྐད། |
| པིང་ཀྱུར་མ |
(ཡུལ་སྐད།) བྱ་ནེ་ལེའམ་འོལ་པ། |
| པིང་གཏོང་བ |
(ཡུལ་སྐད།) སྔར་བོད་དུ་འཚོ་བ་སྐྱེལ་སྟངས་རགས་རྒྱབ་པ་དང་གཅིག་པ་ཡིན་ཡང་ཐོབ་ཆ་ཕྱེད་སྐལ་ལས་མི་འཐོབ་པའི་ཚོགས་པ་ཞིག |
| པིའི་ཙི |
(རྒྱ་སྐད།) ཨ་རག་འཐུང་སྣོད་ཆུང་ངུ་། |
| པིར |
སྤུས་བཟོས་པའི་སྨྱུ་གུའི་མིང་། སྤུ་སྨྱུག་ཀྱང་ཟེར། |
| པིར་གྱི་རུས་པ |
ཆུར་གནས་པའི་སེམས་ཅན་དབྱིབས་འཁར་རྔ་ཁ་སྦྱར་བ་ལྟར་མཐའ་འཁོར་བའི་ཁ་སོ་ཅན་ཞིག་དེའི་རུས་པས་བྱིས་པའི་གདོན་ནད་དང༌། ཆུང་སྲི་འཇོམས། |
| པིར་མགོ |
རྐང་པའི་མཐེ་བོང་གི་སྤུ་སྐྱེས་སར་ཡོད་པའི་ཆུ་རྩ་སྦུ་གུ་ཅན་གྱི་ཡན་ལག་ཅིག་དེར་བཅད་བརྡུང་ཤོར་ན་རླུང་འཕྱོ་ཞིང་ལུས་ཀྱི་བྱ་བ་ཉམས་པར་འགྱུར་བ་ཞིག |
| པིར་ཤུབས |
ལྷ་རིས་པའི་པིར་གྱི་སྣོད། |
| པིར་སྟེགས |
ཚོན་སྤྱད་པིར་གྱི་སྟེགས། |
| པིར་སྦུག |
པིར་བླུག་ས་ཞིག |
| པུ |
མིང་མཐར་འཇུག་པ་ནི། (དཔེར་ན།) སྒྱིད་པུ། རང་གཅིག་པུ་ཞེས་པ་ལྟ་བུ། |
| པུ་ཏི |
པོ་ཏི་ཡི་འབྲི་ཚུལ་གཞན། |
| པུ་དེ་གུང་རྒྱལ |
སྔར་བོད་རྒྱལ་དགུ་པ་པུ་དེ་ཀུན་རྒྱལ་ཞེས་པའི་ཟུར་ཆག་སྟོད་ཀྱི་སྟེང་གཉིས་ཀྱི་ཡ་གྱལ་ཞིག་ཁོང་གིས་སྐུ་མཁར་ཕྱིང་དབར་སྟག་རྩེ་བརྩིགས། རྒྱལ་པོ་འདིའི་སྐུ་དུས་སུ་འཕྲུལ་བློན་མཛངས་མི་བདུན་གྱི་དང་པོ་རུ་ལས་སྐྱེས་ཀྱིས་ཆུ་ཡུར་བུར་དྲངས། སྤང་ཞིང་དུ་རྨོས། རྡོ་བཞུས་ནས་དངུལ་ཟངས་ལྕགས་གསུམ་བཏོན། ཆུ་ལ་ཟམ་པ་འཛུགས་པ་སོགས་བྱས། མཚན་གཞན་བྱ་ཁྲི་བཙན་པོ་ཡང་ཟེར། |
| པུ་པུ་ཁུ་ཤུད |
(ཡུལ་སྐད།) བྱ་རིགས་ཤིག་སྟེ་པུ་ཤུད་ཀྱང་ཟེར། བྱ་ཁྲ་བོ་མགོ་ལ་སྒྲོ་ལྕོག་ཡོད་པ་ཞིག མིང་གི་རྣམ་གྲངས་ལ་སྒྲོ་ཡི་གཙུག་ཕུད་ཅན་དང༌། མཆུ་རིང༌། དྲི་ངའི་འདབ་ཆགས་བཅས་སོ། ། |
| པུ་ཙེ |
འབྲུ་རིགས་ཀྱི་ཤུན་པའི་མིང་། པུ་ཚེ་ཞེས་འབྲི་བའང་ཡོད། |
| པུ་རི |
(ལེགས་སྦྱར།) གྲོང་ཁྱེར་གྱི་མིང༌། |
| པུ་ལིངྒ |
(ལེགས་སྦྱར།) 1.གང་ཟག་ཕོ་གོ་བར་བྱེད་པའི་ཚིག་ཕྲད་པ་པོ། (དཔེར་ན།) དབུས་པ། ཕྱུག་པོ། ལྟ་བ་པོ་ཞེས་པ་ལྟ་བུ། 2>ཕོའི་རྟགས། |
| པུ་ལོ་མ་དགྲ |
(མངོན་བརྗོད།) བརྒྱ་བྱིན། |
| པུ་ཤུ |
ཁང་པའི་ཉ་རྒྱབ་བམ་ཆུ་སྐྱོར་ཏེ་རྒྱ་སྐད་དུ་ལན་ཀན་ཟེར། |
| པུ་ཤུད |
བྱིའུ་ཁྲོ་བོ་མགོ་ན་ཟེ་བ་ཡོད་པ་ཞིག་གི་མིང་། ཡུལ་སྐད་དུ་པུ་ཤུད་ལྟག་རིང་ཡང་ཟེར། |
| པུ་ཤེལ |
རྡོ་ཞིག |
| པུ་ཤེལ་ཙེ |
སྔོ་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་སྐྱུག་པ་གཅོད། བད་ཀན་ཚ་བ་སེལ། མིང་གི་རྣམ་གྲངས་ལ་བ་ལ་དང༌། མིརྨུ་ལ། རྩྭ་ག་བུར། ཨུ་རི་ཤ་བཅས་སོ། ། |
| པུ་ས་ལ |
སྨན་འུ་སུའམ་སྔོ་བསོད་ནམས་དཔལ་འཛོམས། |
| པུག་ཏ |
སྒམ་སོགས་ཀྱི་ནང་གི་བར་ཆོད་ཀྱི་མིང་། |
| པུག་རིལ |
(ཡུལ་སྐད།) ཆང་བཙགས་ཟིན་པ་བླུག་སའི་སྣོད་ཅིག |
| པུཎྚ་རི་ཀ |
(ལེགས་སྦྱར།) པད་མ་དཀར་པོ། |
| པུར |
རོའམ་གདུང་གི་ཞེ་ས་སྟེ། (དཔེར་ན།) སྐུ་པུར་ཞེས་པ་ལྟ་བུ། |
| པུར་ཁང |
རོ་ཁང་སྟེ་རོ་འཇོག་སའམ་སྲེག་སའི་ཁང་པ། |
| པུར་གྱིས་འཕུར་བ |
(བརྡ་རྙིང་།) གློ་བུར་དུ་འཕུར་བ། |
| པུར་དར |
(ཡུལ་སྐད།) ཕུང་པོ་ལ་གཡོག་རྒྱུའི་ཁ་བཏགས། |
| པུར་བཞུས་པ |
རོ་བསྲེགས་པ། |
| པུར་རྒྱལ |
བོད་རིགས་ས་ཆའམ་བོད་རིགས་ལ་གནའ་དུས་སུ་པུར་རྒྱལ་ཟེར། སྤུར་ཡང་འབྲི། |
| པུར་སྒམ |
རོ་འཇོག་སའི་སྒམ། |
| པུར་སྒྲོམ |
པུར་སྒམ་དང་དོན་གཅིག |
| པུར་སྒྲོམ |
མི་རོ་འཇོག་བྱེད་ཀྱི་སྒམ་གྱི་མིང་། |
| པུར་སྦྱངས་པ |
པུར་བཞུས་པ་དང་དོན་གཅིག |
| པུཥྐར་མུ་ལ |
(ལེགས་སྦྱར།) རྒྱས་བྱེད་རྩ་བ་ཐང་སྨན་གྱི་རིགས་ཤིག་རོ་ཁ་ལ་ཚ་བ། ཞུ་རྗེས་སྙོམས། ནུས་པས་བད་ཀན་ཚ་བ་འཇོམས། ཁྲག་རླུང་གིས་རྩིབ་ལོགས་གཟེར་བ་ཞི། |
| པུཥྤ་གེ་སར |
སྔོ་ཞིག |
| པུས་ཁེབས |
པུས་མོ་དྲོད་བྱེད་ཀྱི་ཁེབས། |
| པུས་གུག |
(ཡུལ་སྐད།) གཤོལ་མགོའི་ཤིང་གུག |
| པུས་པ་ལ |
པུ་ས་ལ་དང་འདྲ། |
| པུས་བཙུགས་ཐལ་སྦྱར |
པུས་མོ་བཙུགས་ཏེ་ལག་པ་གཉིས་ཀྱི་སོར་བཅུ་སྙིང་གར་སྦྱར་བ། |
| པུས་མོ |
སྒྱིད་ཁུག་གི་མདུན་ཆའམ་རྗེ་ངར་དང་བརླ་རུས་འབྲེལ་བའི་ཚིགས་ཀྱི་མདུན་ཆ། (དཔེར་ན།) ལམ་བར་དུ་ཆུ་བོ་པུས་མོ་ནུབ་ཙམ་བརྒལ་བ། ཁ་བ་པུས་མོ་ནུབ་ཙམ་བབ་ནས་འགྲོ་ལམ་འགགས་པ། ས་ལ་པུས་མོ་བཙུགས་པ་ཞེས་པ་ལྟ་བུ། |
| པུས་མོ་གཅོད་པ |
ཁྲིམས་ཆད་གཅོད་ལུགས་ངན་པ་ཞིག |
| པུས་མོ་བཙུགས་པ |
པུས་མོ་སར་བཙུགས་པའི་དོན་ཏེ། (དཔེར་ན།) དགྲ་བོས་མགོ་བསྒུར་ནས་པུས་མོ་བཙུགས་ཏེ་ཞུ་བ་འཐེན་པ། དགྲ་བོའི་མདུན་དུ་པུས་མོ་བཙུགས་ཏེ་གསོན་པ་ལས་ཡར་ལངས་ཏེ་ཤི་བ་དགའ་ཞེས་པ་ལྟ་བུ། |
| པུས་མོའི་ལྷ་ང |
པུས་མོའི་མགོའི་རུས་པ་གོར་མོའི་མིང་། |
| པུས་ཚིགས |
པུས་མོའི་ཚིགས། |
| པུས་ཚིགས་ཕྱི |
སྨན་བཅོས་བྱེད་དུས་གསེར་ཁབ་རྒྱག་སའི་གནད་གསང་ཞིག |
| པུས་འཁྱུད |
སྒོམ་ཐག |
| པུས་འཛུགས་ཆུ་ལེན |
པུས་མོ་ས་ལ་བཙུགས་ཏེ་ཆུ་ལེན་པའི་ལྷ་གར་འཁྲབ་ཚུལ་ཞིག |
| པུས་ལྕིབས |
པུས་མོའི་གཡོགས་སམ་པུས་ཤུབས། |
| པུས་ལྷང |
པུས་མོའི་མདུན་རུས་སམ་འཕང་ལོ། |
| པུས་ཤུབས |
པུས་མོའི་ཤུབས་སམ་དོར་ཁུག |
| པུསྟིཀཿ |
(ལེགས་སྦྱར།) གླེགས་བམ། |
| པེ་ཅིང |
པེ་ཅིན་གྱི་འབྲི་ཚུལ་གཞན་ཞིག |
| པེ་ཅིན |
(རྒྱ་སྐད།) ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ས། |
| པེ་ར |
ལྕུག་མ་དང་སྨྱུག་མས་བསླས་པའི་སྣོད་ཀྱི་མིང་། ཡུལ་སྐད་དུ་ཁོ་ལ་ཟེར། |
| པེ་ལེན |
གྲ་སྒྲིག་གི་བྱ་བའམ་ལས་སྣོན་བྱས་ནས་གྲུབ་ཟིན་པའི་ཟས་གོས་སོགས་ཀྱི་མིང་། (དཔེར་ན།) ཟས་པེ་ལེན་མཚོན་ཆ་པེ་ལེན་བྱས་ཡོད་ལྟ་བུ། |
| པེ་ཧར་རྒྱལ་པོ |
སློབ་དཔོན་པད་མ་འབྱུང་གནས་ཀྱིས་དམ་ལ་བཏགས་ཤིང་བོད་གཞུང་གིས་བསྟེན་པའི་ལྷ་གཙོ་བོ་ཞིག |
| པེལ་པེལ |
(ཡུལ་སྐད།) བེའུ། |
| པོ |
1.བདག་སྒྲ་སྟེ། (དཔེར་ན།) ཕྱུག་པོ། མེད་པོ། བདག་པོ་ཞེས་པ་ལྟ་བུ། 2.རྟགས་མཐའ་འམ་མིང་མཐའ་སྟེ། (དཔེར་ན།) ཆེན་པོ། དྲག་པོ། གསུམ་པོ། ཡག་པོ་ཞེས་པ་ལྟ་བུ། 3.(ཡུལ་སྐད།) མེས་པོའི་འབོད་མིང་སྟེ། (དཔེར་ན།) པོ་པོ་ཨ་པོ་ཞེས་པ་ལྟ་བུ། 4.བོད་ཀྱི་རུས་ཤིག |
| པོ་ཊ་ལ |
(ལེགས་སྦྱར།) རི་བོ་གྲུ་འཛིན་ཏེ། འཕགས་པ་སྤྱན་རས་གཟིགས་ཀྱི་ཞིང་ཁམས། |
| པོ་ཏ་ལ |
1.རི་བོ་གྲུ་འཛིན་ཏེ། ལེགས་སྦྱར་སྐད་པོ་ཊ་ལའི་ཟུར་ཆག 2. ལྷ་ས་རྩེ་ཕོ་བྲང༌། |
| པོ་ཏ་ལའི་ཕོ་བྲང་དཀར་པོ |
རབ་བྱུང་བཅུ་གཅིག་པའི་ཤིང་བྱ་ལོ་ལ་བཞེངས་འགོ་བཙུགས་ནས་རབ་བྱུང་དེའི་ས་བྱི་ལོ་ལ་གྲུབ། (1694-1648) |
| པོ་ཏ་ལའི་ཕོ་བྲང་དམར་པོ |
རབ་བྱུང་བཅུ་གཉིས་པའི་ལྕགས་རྟ་ལོ་ལ་འགོ་བཙུགས་ཏེ་ཤིང་ཁྱི་ལོ་ལ་མཇུག་བསྒྲིལ། (1690-1694) |
| པོ་ཏི |
དཔེ་ཆའི་གླེགས་བམ། པོ་ཏི་ཆེ་བ་རེ་ལ་ཤོག་གྲངས་ལྔ་བརྒྱ་ཙམ་དང༌། འབྲིང་བ་རེ་ལ་བཞི་བརྒྱ་ཙམ། ཆུང་བ་རེ་ལ་ཉིས་བརྒྱ་ནས་སུམ་བརྒྱ་བར་བཅས་ཡོད། |
| པོ་ཏོ |
པོ་མཐོ་དང་འདྲ། |
| པོ་ཏོ་བ |
རབ་བྱུང་དང་པོའི་ལྕགས་ལུག་ལོར་འཁྲུངས། མཚན་རིན་ཆེན་གསལ། འབྲོམ་སྟོན་གྱི་དངོས་སློབ་སྤྲུལ་པའི་སྐུ་མཆེད་གསུམ་དུ་གྲགས་པའི་ཡ་གྱལ། བླ་མ་འདས་རྗེས་ཡུན་རིང་ལ་གཙོ་བོར་སྒྲུབ་པ་ཉམས་ལེན་མཛད། དགུང་ལོ་ལྔ་བཅུ་ང་གཅིག་ནས་བཟུང་སྟེ་བཀའ་གདམས་གཞུང་དྲུག་གི་འཆད་ཉན་མཛད་དེ་གཞུང་པའི་སྲོལ་བཏོད། པོ་ཏོ་དགོན་པའང་བཏབ་པས་དགེ་བཤེས་པོ་ཏོ་བ་ཞེས་གྲགས། རབ་བྱུང་གཉིས་པའི་ཤིང་བྱ་ལོར་འདས། སློབ་མ་དག་གིས་དེའི་གསུང་སྒྲོས་བསྒྲིགས་ཏེ་འགྲེལ་བ་སྦྱར་བ་ལ་བེའུ་བུམ་སྔོན་པོ་ཞེས་ཟེར། |
| པོ་ཐོ |
ས་རྡོག་གི་མིང་སྟེ། (དཔེར་ན།) ཞིང་ནང་གི་པོ་ཐོ་བརྡུང་ལྟ་བུ། |
| པོ་པོ |
(བརྡ་རྙིང་།) མེས་པོ་ཕའི་ཕ། |
| པོ་པོ་རི་ཇ |
སྔོ་ཞིག |
| པོ་བསྟོད |
ཚིག་མཐར་བདག་སྒྲ་པོ་སྦྱར་བ་མང་པོ་ཆ་བསྒྲིགས་པའི་བསྟོད་ཚིག |
| པོ་མཐོ |
དབྱིབས་འབུར་འབུར་རམ་ཙོག་ཙོག་སྟེ། (དཔེར་ན།) རི་པོ་མཐོ། རི་བྲག་པོ་མཐོ། ན་ཁ་པོ་མཐོ་ཞེས་པ་ལྟ་བུ། |
| པོ་ཟོས་པ |
(བརྡ་རྙིང་།) ཇི་ལྟར་ཐོགས་པའམ། ཇི་ཙམ་འགོར་བ། |
| པོ་སོ་ཆ |
ཤིང་སྨན་གྱི་རིགས་ཤིག་རོ་ཚ་ལ་སྐྱར། ཞུ་རྗེས་དྲོད། ནུས་པས་མ་ཞུ་བ་སོགས་བད་ཀན་གྱི་ནད་གྱེན་དུ་སྐྱུག་པར་བྱེད། མིང་གི་རྣམ་གྲངས་ལ་འཁྱོག་པོའི་སྡེ་དང༌། གོང་བུ་ཅན། ཆང་ཤིང༌། དབུགས་འབྱིན་ཤིང༌། མྱོས་བྱེད། ལག་པའི་ཚང་དུས། གསེར་གྱི་ལག་བཅས་སོ། ། |
| པོ་སོན་འཆའ |
རྒྱ་སྐད་དུ། སུ་མུ་འེར་བའི་ཤིང་དམར་བོ་ཞིག་དང་དེའི་འབྲས་བུའི་མིང་། པོ་སོ་ཆ་དང་འདྲ། |
| པོག |
སྤོས་ཀྱི་བརྡ་རྙིང་། (དཔེར་ན།) སྤོས་ཕོར་ལ་པོག་ཕོར་ཟེར་བ་ལྟ་བུ། |
| པོག་ཕོར |
(བརྡ་རྙིང་།) སྤོས་ཕོར་ཏེ་བདུག་སྤོས་བསྲེག་སྣོད། |
| པོག་རི |
(བརྡ་རྙིང་།) རུས་ཚིགས་ཀྱི་མཚམས། |
| པོག་རེ |
(བརྡ་རྙིང་།) བ་གམ་སྟེ་ཕོ་བྲང་གི་སྡིངས་ཆ། |
| པོད |
པོ་ཏི་ཡི་མིང་བསྡུས་པ། |
| པོད་དམར |
རབ་བྱུང་བརྒྱད་པའི་ནང་གོང་སྨན་དཀོན་མཆོག་བདེ་ལེགས་ཀྱིས་མཛད་པའི་གངས་རིའི་ཁྲོད་ཀྱི་སྨན་གྱི་ལག་ལེན་དང༌། མན་ངག་ཐམས་ཅད་བསྡུས་པའི་སྨན་གྱི་བསྟན་བཅོས་གྲགས་ཆེན་ཞིག |
| པཽ་ཥ |
(ལེགས་སྦྱར།) ཧོར་ཟླ་བཅུ་གཉིས་པ། |
| པྲ |
1.དབྱིབས་དང་རྣམ་པའི་མིང་སྟེ། (དཔེར་ན།) ཁང་བ་པྲ་ལེགས་པ་ཞེས་པ་ལྟ་བུ། 2.མེ་ལོང་དང་སྒྲོན་མེའི་འོད་ལ་བལྟས་ནས་མོ་འདེབས་པའི་ཆོག་ག་ཞིག་གི་མིང་། |
| པྲ་ཀ་ར་ཎ་སྡེ་བརྒྱད |
སློབ་དཔོན་དབྱིག་གཉེན་གྱིས་མཛད་པའི་བྱམས་ཆོས་ཀྱི་སྡེ་ཚན་རབ་ཏུ་བྱེད་པ་བརྒྱད་དེ། མདོ་སྡེ་རྒྱན་དང་འབྱེད་རྣམ་གཉིས་ཏེ་གསུམ་གྱི་འགྲེལ་བ་དང༌། རྣམ་བཤད་རིགས་པ་དང༌། ལས་སྒྲུབ་པའི་རབ་བྱེད། ཕུང་པོ་ལྔའི་རབ་བྱེད། ཉི་ཤུ་པའི་རབ་བྱེད། སུམ་ཅུ་པའི་རབ་བྱེད་དེ་བརྒྱད་དོ། ། |
| པྲ་ཀྲྀ་ཏི |
(ལེགས་སྦྱར།) སྔར་རྒྱ་གར་གྱི་སྐད་རིགས་ཆེན་པོ་བཞིའི་ནང་གསེས་ཡུལ་མི་རང་བཞིན་པའི་སྐད། སྤྱི་ལོའི་སྔོན་གྱི་དུས་རབས་ལྔ་པའམ་དྲུག་པ་ནས་བཟུང་ཚད་མར་འཛིན་པའི་སྐད་རིག་ཤིག་ཏུ་བསྒྱུར། རྗེས་སོར་དེ་གོ་མེད་གྲག་མེད་དུ་གྱུར་ནའང་སྤྱི་ལོའི་དུས་རབས་བཅུ་པའི་བར་དུ་ཡིག་སྐད་དང་ཆོས་སྐད་དུ་བེད་སྤྱོད་མུ་མཐུད་བྱས། སངས་རྒྱས་ཆོས་ལུགས་དར་བ་དང་སྦྲགས་སི་ལི་ལན་ཁ་དང་འབར་མ་སོགས་ཡ་གླིང་ལྷོ་མའི་རྒྱལ་ཁབ་ཀྱི་ནང་པའི་ཆོས་སྐད་དུ་གྱུར་པའོ། ། |
| པྲ་ཆལ |
1.(རྒྱན་ཚིག) ཟིང་ཟིང་ལིང་ལོང་བྱས་པ་སྟེ། (དཔེར་ན།) བྱིས་པ་ཚོས་འཁོན་འཛིན་བྱས་ཏེ་མི་ཐམས་ཅད་པྲ་ཆལ་ལེ་བཏང་ལྟ་བུ། 2.བྱིས་པ་རྒོད་པོ་སྟེ། (དཔེར་ན།) བྱིས་པ་པྲ་ཆལ་ཞེས་པ་ལྟ་བུ། ཡུལ་སྐད་ལ་ལར། པྲ་ཚག་ཟེར་བ་དང་དོན་གཅིག |
| པྲ་དུམ་རྩེ་ལྷ་ཁང |
སྔར་སྲོང་བཙན་སྒམ་པོའི་སྐབས་བཏབ་པའི་སྟོད་ས་ཁུལ་དུ་ཡོད་པའི་ཡང་འདུལ་གཙུག་ལག་ཁང་བཞིའི་ཡ་གྱལ་ཞིག |
| པྲ་ཕབ་པ |
རྫས་དང་སྔགས་ལ་བརྟེན་ནས་ལྐོག་གྱུར་གྱི་བརྡ་སྟོན་པ། |
| པྲ་མཁན |
མེ་ལོང་དང་མཐེ་བོང་སོགས་ལ་བརྟེན་ནས་མོ་འདེབས་མཁན། |
| པྲ་མིག |
པྲ་བརྟག་གི་གཟུགས་བརྙན་སོགས་མཐོང་ཐུབ་པའི་མིག |
| པྲ་མོ |
མེ་ལོང་སོགས་ལ་བརྟེན་ནས་འབྱུང་འགྱུར་གྱི་མཚན་མ་བརྟག་པའི་ཐབས་སམ་ཆོ་ག་ཞིག |
| པྲ་ཚིལ |
སྲོག་ཆགས་དང་རྩི་ཤིང་གཏེར་རྫས་སོགས་ལས་བྱུང་བའི་སྣུམ་གྱི་རིགས་འབྱར་བག་ཅན། ཞུ་སླ་ཞིང་ཆུ་རུ་མི་འཇུ་བའི་རྫས་ཤིག་གི་མིང་། རྒྱ་སྐད་དུ། ལ་ཟེར། (དཔེར་ན།) སྦྲང་རྩི་ལས་བྱུང་བའི་པྲ་ཚིལ་ཞེས་པ་ལྟ་བུ། |
| པྲ་རྟགས |
པྲ་ཕབ་པའི་རྟགས་སམ་མཚན་མ། |
| པྲ་རྩི |
པྲ་རྩིའི་སྡོང་བོའི་འབྲས་བུ་ལས་བྱུང་བའི་སྣུམ་གཙོ་བྱས་ནས་བཟོས་པའི་བྱུག་རྫས་ཤིག་གི་མིང་། རྒྱ་སྐད་དུ། ཐུང་ཡིག་ཟེར། |
| པྲ་རྩི་པོག |
སྤོས་དཀར་གྱི་མིང་གཞན། |
| པྲ་སེ་ན |
པྲ་མོ་འབེབས་སྟངས་ཤིག |
| པྲག་པྲིག |
ཕྲན་བུའི་བརྡ་རྙིང་། |
| པྲཛྙཱ |
(ལེགས་སྦྱར།) ཤེས་རབ། |
| པྲཛྙཱ་པཱ་ལ |
(ལེགས་སྦྱར།) ཤེས་རབ་བསྐྱངས་ཏེ། པཱ་ལ་རྣམ་གསུམ་གྱི་ཡ་གྱལ་ཞིག |
| པྲི་ཡང་ཀུ |
སྔོ་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་བསིལ། ནུས་པས་ཕོ་བའི་ཚད་པ་དང༌། མཆིན་ཚད། གློ་ཚད་བཅས་སེལ། མིང་གི་རྣམ་གྲངས་ལ་ཀུན་འཇོམས་ག་བུར་དང༌། ཀླུ་མོ་གུར་གུམ། མཆིན་ནད་ཙིའུ། འཇིབ་བུ། ཏིང་ལེ་བྱིན། རྟེའུ་རྔོག་པ། དན་ཏིག་དར་སྔོན་འཕྱར་བ། དྲེའུ་རྔོག་བོད་གུར་གུམ། བཙུན་མོ་གུར་གུམ། རྩིའུ་དྲི་ཆེན། གཡུ་རྔོག་གཡུ་ལོ་དར་ཡ་ཀན་བཅས་སོ། ། |
| པྲིག་ཆུམ |
ཐེ་ཚོམ་གྱི་བརྡ་རྙིང་། |
| པྲེ |
ཤིང་གི་ཀ་བ་དང་གདུང་མའི་བར་གྱི་ཤིང་གྲུ་བཞི་མའམ་ཀ་བའི་མགོ་གྲུ་བཞི་མའི་མིང་། འདི་ལ་པྲེ་ཕུལ་ཡང་ཟེར། |
| པྲེ་ཏ་པུ་རིའི་རྒྱལ་ཁམས |
ཡི་དྭགས་ཀྱི་ཡུལ། |
| པྲེང་ངེ |
བྲང་ངེ་ཡི་འབྲི་ཚུལ་གཞན། |
| པྲེང་པྲེང |
བྲང་ངེ་དང་དོན་འདྲ། |
| པྲེཏཱ |
(ལེགས་སྦྱར།) ཡི་དྭགས། |
| པྲོག |
རྩེ་མོའམ་ཏོག་སྟེ། (དཔེར་ན།) ཞྭའི་མདུད་པྲོག ཁྱིམ་བྱའི་ཟེ་པྲོག་ཅེས་པ་ལྟ་བུ། |
| པྲོག་མ |
སྤྲོག་མ་དང་འདྲ། |
| པྲོག་ཞུ |
དབུ་རྒྱན། |
| པྲོག་ཞུ |
མགོ་རྒྱན་རིགས་ཤིག་གི་མིང་། |
| པྲོག་ཟེ |
ཁྱིམ་བྱའི་ཟེ་བའི་མིང་སྟེ། ཟེ་པྲོག་ཀྱང་ཟེར། |
| པླུཏ་ཅན |
(ལེགས་སྦྱར།) ལེགས་སྦྱར་གྱི་ཡི་གེའི་སྒྲ་གདངས་རིང་ཤོས་མཚོན་བྱེད་དུ་སྦྱོར་བའི་རྟགས་ཉ་འདི་ཡོད་པ། |
| ཕ |
1.བོད་ཡིག་གསལ་བྱེད་བཅུ་བཞི་པ། འདིའི་ང་རོ་འདོན་ཚུལ་ལ་སྐྱེ་གནས་མཆུ་དང༌། བྱེད་པ་མཆུ། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་སྒྲ་མེད། 2.མིང་གཞིའི་མ་ནིང་གི་ཡི་གེ་ཞིག 3.སྐྱེད་བྱེད་དེ་ཨ་ཕའི་མིང་། (དཔེར་ན།) ཕའི་མ། ཕའི་སྲིང་མོ། ཕ་བཟང་གི་བུ་མོ་རིགས་བཟང་མ། ཕ་དགའ་བུ་སྐྱིད། མིང་གི་རྣམ་གྲངས་ལ་སྐྱེ་སྲིད་ས་བོན་པ་དང༌། སྐྱོང་བྱེད། ཡབ། གསོ་བ་པོ་བཅས་སོ། །4.ཐབས་ཀྱི་ཕྱོགས། |
| ཕ་ཁག་བུ་དཀྲི |
གཅིག་གིས་གཅིག་ལ་ཁག་དཀྲི་ཚུལ། |
| ཕ་ཁུ |
རང་གི་ཕའི་ཕུ་བོ་དང་ནུ་བོ། |
| ཕ་ཁོལ |
ཕའི་ཁ་ལ་ཉན་པ། |
| ཕ་ག |
ཕ་རིའམ་ཕ་རོལ་གྱི་ཕྱོགས། |
| ཕ་གཉིས་པ |
ཕ་ཚབ་སྟེ་ཕ་ཡར། |
| ཕ་གཏམ་བུ་འཇགས |
1.ཕའི་ཟེར་རྒྱུན་བུ་རྒྱུད་ལ་མཆེད་པའམ་བསྡད་པ། 2.གཞན་གྱི་ཟེར་སྒྲོས་སུ་འབྲང་བའི་དོན་ཏེ། (དཔེར་ན།) སྔར་བྱུང་གཏམ་རྒྱུད་ཤོད་སྲོལ་སྣ་ཚོགས་ལ་ཕ་གཏམ་བུ་འཇགས་སུ་ཆ་འཇོག་བྱས་ན་མི་འགྲིག་ཅེས་པ་ལྟ་བུ། |
| ཕ་གཞིས |
མི་སོ་སོའི་ཕ་མེས་དུས་ནས་བཟུང་བའི་གཞིས་ཀའམ། ས་ཞིང༌། |
| ཕ་གཡར |
ཕ་ཡར་དང་འདྲ། |
| ཕ་གཤིན་བདག |
(མངོན་བརྗོད།) གཤིན་རྗེ། |
| ཕ་གི |
ཐག་རིང་གི་གནས་སྟོན་པར་འཇུག་སྟེ། (དཔེར་ན།) རི་ཕ་གིའི་ཐོག་ལ་ཞིང་བཏབ་ལྟ་བུ། |
| ཕ་གུ |
1.སོ་ཕག་སྟེ་ཁང་ཀླད་ལ་འགེབ་རྒྱུའི་གྱོན་གྱི་མིང་། 2.ཁང་བའི་ཕྱི་ཡི་ར་བའི་མིང་། |
| ཕ་གླང |
འབྲས་བུ་མ་ཕྱུང་བའི་གླང༌། |
| ཕ་ངེ་ཕུང་ངེ |
ཕང་ཕུང་ལ་ལྟོས། |
| ཕ་ཆོས |
བཀའ་གདམས་ཕ་སྟོན་འབྲོམ་རྒྱལ་བའི་འབྱུང་གནས་ཀྱིས་དྲི་བ་ཞུས་ཏེ་ཇོ་བོ་རྗེ་ཨ་ཏི་ཤས་དྲི་ལན་གསུངས་པ་ཟབ་རྒྱས་ལམ་གྱི་གནད་ལས་བརྩམས་པའི་ཞལ་གདམས་མང་པོ་དང༌། ཇོ་བོའི་སྐུ་ཚེ་དེ་ཉིད་ཀྱི་རྣམ་ཐར་རྒྱས་བསྡུས། བཀའ་གདམས་ཐིག་ལེ་བཅུ་དྲུག་གི་བླ་བརྒྱུད་རྣམ་ཐར་བཅས་གཙོ་བོར་སྟོན་པའི་ཆོས་པོ་ཏི་ཞིག |
| ཕ་ཆོས་བུ་ཆོས |
བཀའ་གདམས་པའི་ཕ་ཆོས་དང༌། བུ་ཆོས་ཞེས་པའི་གཞུང་གཉིས་ཀྱི་བསྡུས་མིང༌། |
| ཕ་ཇོ |
(ཡུལ་སྐད།) ལྷོ་བྲག་པའི་ཡུལ་སྐད་ལ་ཕའི་མིང༌། |
| ཕ་དམ་པ |
ཚེ་ལས་འདས་ཟིན་པའི་ཕ། |
| ཕ་ནོར |
ཕའི་རྒྱུ་དངོས། |
| ཕ་ཕྱོགས |
1.ཕ་གིའི་ཕྱོགས་སམ། ཕ་རོལ། 2.ཕའི་ཕྱོགས་ཀྱི་གཉེན་ཚན། |
| ཕ་བ་དགོ་དགོ |
ཤ་མོང་གི་རིགས་ཤིག་རོ་མངར། ཞུ་རྗེས་སྙོམས། ནུས་པས་ཁྲག་གཅོད། རྩ་ཁ་སྡོམ། མེས་ཚིག་པའི་རྨ་དང༌། སྦྲུལ་གྱི་སོ་དུག་ལ་ཕན། མིང་གི་རྣམ་གྲངས་ལ་འདྲེ་ཐལ་ཐུམ་དང༌། འདྲེ་མོ་ཐལ་རྐོམ། འདྲེ་ཤ་སྒོ་ཏི། འདྲེ་ཤ་མང༌། ཕ་བོང་གོལ་གོལ། མ་བསྲེགས་པའི་ཐལ་བ་བཅས་སོ། ། |
| ཕ་བང་ལོང་བུ |
རྡོ་སྨན་ནག་པོ་གྲུ་བཞི་ཤོ་དང་འདྲ་བ་ཞིག་ནུས་པས་ཁྲག་འཁྱིལ་སེལ། ཟུག་གཟེར་འཇོམས། རུས་ཆག་སྦྱོར། ཕ་ཝང་ལོང་བུ་ཞེས་ཀྱང་འབྲི། |
| ཕ་བདུན་པ |
(མངོན་བརྗོད།) གཟའ་ཕུར་བུ། |
| ཕ་བཟང་པོ |
ཕ་གཤིས་རྒྱུད་ཡག་པོའི་དོན་ཏེ། (དཔེར་ན།) ཕ་བཟང་གི་བུ། ཕ་བཟང་གི་བུ་མོ། ཕ་བཟང་པོའི་དངུལ་ཁུག་དེ། བུ་ངན་པས་ཇ་ཁུག་བྱེད་ཅེས་པ་ལྟ་བུ། |
| ཕ་བི |
(བརྡ་རྙིང་།) ཕ་རོལ། |
| ཕ་བུ་གོ་ལྡོག་གི་ཕྱྭ |
འབྱུང་རྩིས་ནང་ཕའི་ལག་རྩར་བརྟེན་ནས་བུ་ཚའམ། བུ་ཚའི་ལག་རྩར་བརྟེན་ནས་ཕ་ལ་གེགས་རྩུབ་ཡོད་མེད་སོགས་བརྟག་པའི་མོ་ཕྱྭ་སྟེ་ངོ་མཚར་རྩ་བདུན་གྱི་ནང་གསེས་ཤིག |
| ཕ་བོང |
རྡོ་གོང་བུ་ཧ་ཅང་ཆེན་པོའི་དོན་ཏེ། (དཔེར་ན།) ཕ་བོང་ཆེན་པོ་དེ་རུས་སྦལ་གྱི་དབྱིབས་དང་འདྲ་ཞེས་པ་ལྟ་བུ། |
| ཕ་བོང་ཁ |
1.རྡོ་ཕ་བོང་གི་སྟེང༌། 2.སྲོང་བཙན་སྒམ་པོས་ལྷ་ལྡན་གཙུག་ལག་ཁང་ཕྱག་མ་བཏབ་གོང་དུ་སྐྱིད་ཆུའི་ཀླུང་ཐང་གི་ནུབ་བྱང་རི་འདབས་སུ་གསར་རྒྱག་བྱས་པའི་སྒྲུབ་གནས་ཤིག |
| ཕ་བོང་གོལ་གོལ |
ཕ་བ་དགོ་དགོའི་མིང་གི་རྣམ་གྲངས་ཤིག |
| ཕ་བླ་བཙོངས་པ |
ཕ་མའི་ཞབས་འདྲེན་ཞུས་པ། |
| ཕ་མ |
1.ཕ་དང་མ་སྟེ། (དཔེར་ན།) ཕ་མ་དང་ལྡན་པ། ཕ་མ་ནོངས་པ། ཕ་མ་གཅིག་པ། ཕ་མ་སྤུན་མཆེད། ཕ་མའི་དོད་པོ། ལུས་སྦྱིན་ཕ་མ་ཞེས་པ་ལྟ་བུ། 2.ཐབས་དང་ཤེས་རབ། 3.ཕོ་མོའི་དོན་ཏེ། (དཔེར་ན།) དགེ་སློང་ཕ་མ་ཞེས་པ་ལྟ་བུ། |
| ཕ་མ་གཉེན་བཤེས |
ཕ་དང་མ་དང་གཉེན་གྲོགས། |
| ཕ་མ་ལ |
མདོ་ཁམས་བདེ་ཆེན་ཡུལ་གྱི་ལ་ཞིག |
| ཕ་མཐའ |
1.ཕ་རོལ་གྱི་མཐའི་དོན་ཏེ། (དཔེར་ན།) གྲོང་ཁྱེར་གྱི་ཕ་མཐར་བཟོ་གྲྭ་མང་པོ་ཡོད་ཅེས་པ་ལྟ་བུ། 2.མུ་ཁྱུད་ཀྱི་དོན་ཏེ། (དཔེར་ན།) ཕ་མཐའ་མི་མངོན་པ། ཕ་མཐའ་བྲལ་བ་ནམ་མཁའ་བཞིན་ཞེས་པ་ལྟ་བུ། |
| ཕ་མཐའ་ཡས |
ཕ་མཐའ་མེད་པའི་དོན་ཏེ། (དཔེར་ན།) ནམ་མཁའི་རྒྱ་ཁྱོན་ཕ་མཐའ་ཡས། ཤེས་བྱའི་གནས་ནི་ཕ་མཐའ་ཡས་ཞེས་པ་ལྟ་བུ། |
| ཕ་མཐའ་སྒྲོལ་བྱེད |
(མངོན་བརྗོད།) གྲུའམ་གྲུ་གཟིངས། |
| ཕ་མིང |
1.ཕ་དང་མིང་པོ། 2.ཕའི་མིང༌། |
| ཕ་མིང |
རང་གི་མའི་ཕུ་བོ་དང་ནུ་བོ། |
| ཕ་མེས |
རང་གི་ཕ་དང་ཕའི་ཕ་སོགས་རྒན་རབས་ཀྱི་དོན་ཏེ། (དཔེར་ན།) ཕ་མེས་ཡང་མེས་ཞེས་པ་ལྟ་བུ། |
| ཕ་མེས་ཀྱི་ཡིག་ཚང |
མི་ཐོག་གོང་མ་གོང་མའི་ལོ་རྒྱུས་ཀྱི་ཡིག་ཆ། |
| ཕ་མེས་ནགས |
(མངོན་བརྗོད།) དུར་ཁྲོད། |
| ཕ་མེས་རྒྱལ་ཁབ |
རང་ཉིད་ཀྱི་མེས་རྒྱལ། |
| ཕ་ཚ་བུ་རྒྱུད |
ཕ་དང་བུ་ཚ་བོ་རྒྱུད་པ་སྟེ། (དཔེར་ན།) མེས་པོ་ཕ་ཚ་བུ་རྒྱུད་དང་བཅས་པ་ཞེས་པ་ལྟ་བུ། |
| ཕ་ཚད |
ཕར་ཙམ་གྱི་དོན་ཏེ། (དཔེར་ན།) རི་འདིའི་ཕ་ཚད་ཅིག་ན་མཚོ་ཆེན་པོ་ཞིག་ཡོད་ཅེས་པ་ལྟ་བུ། |
| ཕ་ཚན |
ཕའི་ཕྱོགས་ཀྱི་གཉེན་ཚན་ཏེ། (དཔེར་ན།) ཕ་ཚན་གཅིག་པ། ཕ་ཚན་ཆེ་བ། ཕ་ཚན་རགས་ལ་མང་བ་ཞེས་པ་ལྟ་བུ། |
| ཕ་ཚབ |
ཕའི་དོད། |
| ཕ་ཚེ |
རྒྱབ་ཁུག་རིགས་ཤིག་གི་མིང་། |
| ཕ་ཚེ་བུ་རབས |
ཕའི་དུས་དང་བུ་རྒྱུད་ཀྱི་དུས། |
| ཕ་ཚོ |
ཕ་རུས་གཅིག་པའི་སྐོར་ཚོ། |
| ཕ་ཝང |
བྱ་མ་བྱིའམ་པགས་བྱེའུ་སོ་དང་གཤོག་པ་གཉིས་ལྡན་གྱི་སེམས་ཅན་ཞིག མིང་གི་རྣམ་གྲངས་ལ་ཁྱིམ་དུ་འགྲོ་དང༌། པགས་པའི་འདབ་ཆགས། པགས་བྱིའུ། བྱ་རོག་དགྲ་བོ། མཚན་དུས་རྒྱུ། གཞན་དུ་ཕྱོགས་བཅས་སོ། ། |
| ཕ་ཝང་བྲུན |
སྲོག་ཆགས་ཀྱི་སྨན་ཞིག |
| ཕ་ཝང་རིལ་མ |
གཏེར་ཁ་ནས་ཐོན་པའི་རྡོ་སྨན་ཞིག་སྟེ་རྒྱ་སྐད་དུ་ཡེ་མིང་ཧྲ་ཟེར། |
| ཕ་ཝང་ལོང་བུ |
ཡུལ་འགར་གསེར་རྡོ་ཟེར་བའི་རྡོ་ནག་པོ་གྲུ་བཞི་ཤོ་དང་འདྲ་བ་ཞིག་སྨན་ལ་འགྲོ་ཞིང་རང་བྱུང་ཟངས་རེད་ཟེར་སྲོལ་ཡང་ཡོད། |
| ཕ་ཝང་སྒོ་ཏི |
ཕ་བ་དགོ་དགོའི་མིང་གི་རྣམ་གྲངས་ཤིག |
| ཕ་ཝོང |
ཕ་བོང་གི་འབྲི་ཚུལ་གཞན། |
| ཕ་ཟད |
1.མཐའ་དང་ཕ་རོལ་གྱི་དོན་ཏེ། (དཔེར་ན།) ཕ་ཟད་གཏུགས་པ། གཙང་པོའི་ཕ་ཟད་དུ་ཕྱིན་པ་ཞེས་པ་ལྟ་བུ། 2.ཕར་ཙམ་གྱི་དོན་ཏེ། དུས་ཚོད་ཕ་ཟད་འགྱངས་སོང༌། ཆུ་སྐྱོགས་འདི་ཕ་ཟད་ཁོལ་ཅིག་ཅེས་པ་ལྟ་བུ། |
| ཕ་འབབ |
ལག་རྟགས། |
| ཕ་ཡག་རྩ་བ |
སྔོ་སྨན་ཞིག་རོ་མངར་ལ་ཁ་བ། ཞུ་རྗེས་བསིལ། ནུས་པས་གློ་ཚད་དང༌། ལུད་པ་དང༌། དུག་སེལ་བ་ལ་ཕན། |
| ཕ་ཡར |
རང་གི་ཕ་ཤི་བ་སོགས་ཀྱི་དབང་གིས་ཨ་མ་སླར་ཡང་གཉེན་བསྒྲིགས་པའི་བཟའ་ཟླ། |
| ཕ་ཡུལ |
ཕ་མེས་རྣམས་ཀྱི་སྡོད་སའམ། རང་རང་སྐྱེ་སའི་ཡུལ་ཏེ། (དཔེར་ན།) ཕ་ཡུལ་གཅིག་པ། ཕ་ཡུལ་བ། ཕ་ཡུལ་དམྱལ་བ་ཡིན་ཡང་སྐྱིད་སྣང་འཆར། མི་རྒས་ན་ཕ་ཡུལ་དྲན། བྱ་རྒྱས་ན་ཤིང་ཡུལ་དྲན། ཕ་ཡུལ་བྲལ་ཡང་ཕ་སྐད་མི་ཤོར་ཞེས་པ་ལྟ་བུ། |
| ཕ་རབས་བུ་རབས |
མི་རབས། |
| ཕ་རི |
1.ཕ་རོལ་གྱི་རི་སྟེ། (དཔེར་ན།) ཕ་རི་མཐོ་ཞིང་ཚུ་རི་དམའ་ཞེས་པ་ལྟ་བུ། 2.ཆུའི་ཕ་རོལ། |
| ཕ་རེས་བུ་རེས |
ཕ་བུ་ལྟོས་ས་ལྟོས་འཇོག་གི་རེས་སྐོར། |
| ཕ་རོལ |
1.ཕར་ཕྱོགས་ཀྱི་དོན་ཏེ། (དཔེར་ན།) ཆུ་བོ་ཆེན་པོའི་ཕ་རོལ་ཏུ་ཕྱིན་པ། ཕ་རོལ་གྱི་ཀླན་ཀ་ཞེས་པ་ལྟ་བུ། 2.སྐྱེ་བ་ཕྱི་མ། 3.ཞི་བ་མྱང་འདས། |
| ཕ་རོལ་གཏོང |
1.ཕར་ངོས་སུ་གཏོང་བ། 2.སྲོག་གཅོད་པ། |
| ཕ་རོལ་གནོན་པ |
1.གཞན་ཟིལ་གྱིས་གནོན་པ། 2.(མངོན་བརྗོད།) དཔའ་བོ། |
| ཕ་རོལ་གཤེགས་པ |
1.ཚེ་ཕ་རོལ་ཏུ་འཕོས་པ། 2.ཕ་མཐར་ཕྱིན་པ། |
| ཕ་རོལ་གྱི་དོན |
1.གཞན་དོན། 2.ཕྱི་དོན། |
| ཕ་རོལ་གྱི་སེམས |
གཞན་སེམས་ཀྱི་དྲན་ཚུལ། |
| ཕ་རོལ་གྱི་སེམས་ཤེས་པ |
ཤེས་པ་བཅུའི་ཡ་གྱལ་ཞིག་གཞན་སེམས་རྟོགས་པར་བྱེད་པའི་ཤེས་པ། |
| ཕ་རོལ་གྱི་སེམས་ཤེས་པའི་མངོན་ཤེས |
གཞན་སེམས་ཀྱི་དྲན་ཚུལ་མངོན་སུམ་དུ་རྟོགས་པ་སྟེ་མངོན་ཤེས་དྲུག་གི་ཡ་གྱལ་ཞིག |
| ཕ་རོལ་གྱི་སྡེ |
གཞན་གྱི་དཔུང་སྡེ། |
| ཕ་རོལ་ཏུ་ཕྱིན་པ |
1.ཕར་ངོས་སུ་སོང་བ། 2.ཕ་མཐར་སོན་པ་སྟེ། (དཔེར་ན།) ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་པ་ལྟ་བུ། |
| ཕ་རོལ་ཏུ་ཕྱིན་པ་དྲུག |
སྦྱིན་པ་དང༌། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ་སྟེ་དྲུག |
| ཕ་རོལ་ཏུ་ཕྱིན་པ་བཅུ |
ཕ་རོལ་ཏུ་ཕྱིན་པ་དྲུག་གི་སྟེང་དུ་ཐབས་དང་སྟོབས། སྨོན་ལམ། ཡེ་ཤེས་ཏེ་བཞི་བསྣན་པས་བཅུ། |
| ཕ་རོལ་ཏུ་ཕྱིན་པའི་ཐེག་པ |
མདོ་ཕྱོགས་ཀྱི་ཆོས། |
| ཕ་རོལ་ཏུ་ཕྱིན་པའི་མཐར་གྱིས་སྦྱོར་བ་དྲུག |
ཤེར་ཕྱིན་དོན་བདུན་ཅུ་ལས་མཐར་གྱིས་སྦྱོར་བའི་ཆོས་བཅུ་གསུམ་གྱི་ནང་ཚན། བྱིན་པའི་མཐར་གྱིས་པ་དང༌། ཚུལ་ཁྲིམས་ཀྱི་མཐར་གྱིས་པ་དང༌། བཟོད་པའི་མཐར་གྱིས་པ་དང༌། བརྩོན་འགྲུས་ཀྱི་མཐར་གྱིས་པ་དང༌། བསམ་གཏན་གྱི་མཐར་གྱིས་པ་དང༌། ཤེས་རབ་ཀྱི་མཐར་གྱིས་པ་སྟེ་དྲུག་གོ། ། |
| ཕ་རོལ་པོ |
རང་དང་རང་གི་སྐད་ཆ་བཤད་ཡུལ་ལས་གཞན་པའི་མི་སྟེ། (དཔེར་ན།) མི་ཕ་རོལ་པོ། སྐྱེས་བུ་ཕ་རོལ་པོ་ཞེས་པ་ལྟ་བུ། |
| ཕ་རོལ་མི་མངོན |
1.མཐའ་མི་མངོན་པའི་དོན་ཏེ། (དཔེར་ན།) རྒྱ་མཚོ་ཆེན་པོའི་ཕ་རོལ་མི་མངོན་ཞེས་པ་ལྟ་བུ། 2.(མངོན་བརྗོད།) རྒྱ་མཚོ། |
| ཕ་རོལ་ཚུ་རོལ |
ཕར་ཕྱོགས་ཚུར་ཕྱོགས་ཀྱི་དོན་ཏེ། (དཔེར་ན།) ཆུ་བོའི་ཕ་རོལ་ཚུ་རོལ་ཐག་རིང་པོ་འདུག་ཅེས་པ་ལྟ་བུ། |
| ཕ་རོལ་འཇིག་རྟེན |
ཚེ་ཕྱི་མའི་གནས། |
| ཕ་རོལ་འདས་པ |
(མངོན་བརྗོད།) འཇིག་རྟེན་ཕ་རོལ་ཏུ་སོང་བའི་ཚེ་དུས་ལས་འདས་པ། |
| ཕ་རོལ་འདོད |
(མངོན་བརྗོད།) དྲང་སྲོང༌། |
| ཕ་རོལ་ལེགས་བགྲོད |
(མངོན་བརྗོད།) ཤིང་རྟ། |
| ཕ་རོལ་ལྔ་པའི་ལམ |
འཆི་བའི་གནས་སྐབས། |
| ཕ་རྒན |
1.ཕ་ལོ་ན་མཐོན་པོ། 2.གྲྭ་པ་ལ་སྨོད་པའི་མིང་ངན། (དཔེར་ན།) ཕ་རྒན་དར་ནག་འཁྱེར་མཁན་ཞེས་པ་ལྟ་བུ། |
| ཕ་རྒྱུད |
རྡོ་རྗེ་ཐེག་པའི་སྣང་ཕྱོགས་སྒྱུ་ལུས་སམ་ཐབས་བསྐྱེད་པའི་རིམ་པ་གཙོ་བོར་སྟོན་པའི་རྒྱུད། |
| ཕ་རྒྱུད་དྲག་པོ་དགུ་འདུས |
བོན་ལུགས་བསྐྱེད་རྫོགས་ཀྱི་འབྲས་བུའི་སྐོར་གྱི་གཞུང་ཞིག |
| ཕ་རྒྱུད་ཕྱོགས་མཐུན |
ཐབས་ཕྱོགས་ཕ་རྒྱུད་ཀྱི་ཡན་ལག |
| ཕ་རྗེས་བུ |
1.ཕ་ཤི་རྗེས་ལས་འཁུར་བྱེད་ནུས་པའི་བུ། 2.མངལ་ཆགས་ནས་ཕ་ཤི་བའི་རྗེས་སུ་བཙས་པའི་བུ། |
| ཕ་རྗེས་བུ་རབས |
མི་རབས་མང་པོ། |
| ཕ་རྗེས་བུས་ཟིན |
ཕའི་ལས་ཁུར་བུས་ཐེག་པའི་དོན་ཏེ། (དཔེར་ན།) ལུས་སྟོབས་ཆེ་བ་ཕ་རྗེས་བུས་ཟིན་བྱུང༌ཞེས་པ་ལྟ་བུ། |
| ཕ་རྗེས་བུས་འཛིན |
ཕ་ཤི་རྗེས་བུས་ཤུལ་འཛིན་ཚུལ་ཏེ། (དཔེར་ན།) རྒན་རབས་ཀྱི་སྤྱོད་བཟང་ལ་ཁ་མིག་ཡར་ལྟ་བྱས་ཏེ་ཕ་རྗེས་བུས་འཛིན་ཐུབ་པ་ཞིག་བྱེད་དགོས་ཞེས་པ་ལྟ་བུ། |
| ཕ་རྟ |
རྟ་གསེབ། |
| ཕ་ལ |
ཛ་ཏིའི་རིགས་ཤིག་གི་མིང་། ཛ་ཏི་ཕ་ལ་ཡང་ཟེར། |
| ཕ་ལམ |
སྲ་མཁྲེགས་ཀྱི་ཚད་ཧ་ཅང་མཐོ་བའི་གཏེར་རྡོའི་རིགས་ཤིག་གི་མིང་། དེས་དངོས་རྫས་སྲ་མོའི་རིགས་ལ་བུ་ག་འབིག་ཐུབ། རྒྱ་སྐད་དུ་ཅིན་ཀང་ཧྲི་ཟེར། |
| ཕ་ལི |
ཕུབ་ཀྱི་མིང་གཞན། |
| ཕ་ལོགས |
ཕ་རོལ་ལམ་ཕ་ངོས། |
| ཕ་ཤིད |
ཕ་ཚེ་འདས་ཀྱི་དགེ་རྩ། |
| ཕ་ཤུལ |
ཕའི་རྗེས་ཤུལ། |
| ཕ་ཤུལ་བུས་འཛིན |
ཕ་ཤི་བའི་རྗེས་ཀྱི་ལས་ཀ་སོགས་བུས་འཛིན་པའི་དོན་ཏེ། (དཔེར་ན།) སྔ་རབས་ཀྱི་སྲོལ་རྒྱུན་བཟང་པོ་རྣམས་པ་ཤུལ་བུས་འཛིན་བྱས་ཏེ་དར་འཕེལ་དུ་གཏོང་བ་ཞེས་པ་ལྟ་བུ། |
| ཕ་ས་མ་ཁུངས |
ཕ་རྩ་མ་རྒྱུད། |
| ཕ་སྐྱེས |
དགོང་མོ། |
| ཕ་སྐྱེས་བུ |
ཕ་བཟང་པོ་ལས་སྐྱེས་པའི་བུ། |
| ཕ་སྤད |
ཕ་བུ། |
| ཕ་སྤུན |
1.ཕ་དང་ཕའི་སྤུན་མཆེད་ཀྱི་བསྡུས་མིང༌། 2.ཕ་ཕྱོགས་ཀྱི་སྤུན་མཆེད་དེ། (དཔེར་ན།) ཕ་སྤུན་དགྲ་ལ་སོང་ཡང་རུས་པ་གསེར་ཞེས་པ་ལྟ་བུ། |
| ཕག |
1.དངོས་རྫས་གཞན་གྱིས་བསྒྲིབས་ནས་མི་མངོན་པའི་གནས་ཀྱི་མིང་། (དཔེར་ན།) རི་བོའི་ཕག་ན་ནགས་ཚལ་ཡོད། རྩིག་པའི་ཕག་ན་ཁང་བ་ཡོད། ཕ་མའི་ཕག་གི་བུ་ཆུང་ཞེས་པ་ལྟ་བུ།2.སྒོ་ཕྱུགས་ཕག |
| ཕག་ཀ |
བུད་མེད་ཀྱི་སྐེ་རགས་ཤིག |
| ཕག་ཀོ |
ཕག་གི་ཀོ་བ། |
| ཕག་ཀྲུམ |
ཕག་ཤ། |
| ཕག་ཁྲག |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་བསྐ་ལ་མངར། ཞུ་རྗེས་སྙོམས། ནུས་པས་དུག་ནད་དང༌། བད་ཀན་སྨུག་པོ་ལུས་ལ་བྱེར་བ་སྡུད། |
| ཕག་གསུག |
ལྐོག་རྔན། |
| ཕག་གི་ཤིང་རྟ་ཅན |
(མངོན་བརྗོད།) སའི་ལྷ་མོ་བསྟན་མ། |
| ཕག་གྲུ |
ཕག་མོ་གྲུ་པའི་བསྡུས་ཚིག |
| ཕག་གྲུ་བཀའ་བརྒྱུད |
ཕག་མོ་གྲུ་པ་རྡོ་རྗེ་རྒྱལ་པོ་ནས་བརྒྱུད་པའི་བཀའ་བརྒྱུད། ནང་གསེས་ཕྱེ་ན། འདྲི་གུང་དང༌། སྟག་ལུང༌། འབྲུག་པ། གཡའ་བཟང༌། ཁྲོ་ཕུ། ཤུག་གསེབ། སྨར་ཚང་རྣམས་སོ་སོར་གྱེས། |
| ཕག་གྲུ་སྡེ་སྲིད |
ཕག་མོ་གྲུ་པའི་ཡུལ་སྡེའི་སྲིད་དབང་འཛིན་མཁན། ཁྲི་རབས་དང་པོ་ཏའི་སི་ཏུ་བྱང་ཆུབ་རྒྱལ་མཚན་གྱིས་རབ་བྱུང་དྲུག་པའི་ཤིང་འབྲུག་ལོ་བར་སྲིད་བསྐྱངས་པ་དང༌། དེ་ནས་གཉིས་པ་འཇམ་དབྱངས་གུ་ཤྲིས་ཤིང་སྦྲུལ་ནས་ལོ་བརྒྱད། གསུམ་པ་གྲགས་པ་བྱང་ཆུབ་ཀྱིས་ཤིང་སྟག་ནས་ལོ་བདུན། བཞི་པ་གུ་ཤྲི་བསོད་ནམས་གྲགས་པས་ལྕགས་བྱ་ནས་ལོ་བཞི། ལྔ་པ་དབང་གྲགས་པ་རྒྱལ་མཚན་གྱིས་ཤིང་གླང་ནས་ལོ་བཞི་བཅུ་ཞེ་དྲུག་དྲུག་པ་དབང་གྲགས་པ་འབྱུང་གནས་ཀྱིས་རབ་བྱུང་བདུན་པའི་ཆུ་བྱི་ནས་ལོ་བཅུ་གཉིས། བདུན་པ་སངས་རྒྱས་རྒྱལ་མཚན་གྱིས་ལོ་བཞི། བརྒྱད་པ་དབང་ཀུན་དགའ་ལེགས་ཀྱིས་རབ་བྱུང་བརྒྱད་པའི་ས་འབྲུག་ནས་ལོ་དགུ། དགུ་པ་དཔལ་ངག་གི་དབང་པོ། བཅུ་པ་དབང་ངག་དབང་བཀྲ་ཤིས་གྲགས་པ་རྒྱལ་མཚན། བཅུ་གཅིག་པ་ཞབས་དྲུང་ངག་དབང་གྲགས་པ་བཅས་ཀྱིས་རིམ་པར་བསྐྱངས། |
| ཕག་ཆར |
ཕག་ཞག་སྐབས་འབབ་པའི་ཆར་པ། ཆར་ཆུ་དེ་དུག་ཏུ་འགྱུར་བས་སྨན་དཔྱད་སོགས་འཛེམ་དགོས་པའི་བཤད་སྲོལ་ཡོད། |
| ཕག་ཉན |
ལྐོག་ནས་ཉན་པའི་དོན་ཏེ། (དཔེར་ན།) གསང་གཏམ་ལ་ཕག་ཉན་རྒྱག་པ་ཞེས་པ་ལྟ་བུ། |
| ཕག་ནོར |
ལྐོག་ཏུ་ཉར་བའི་རྒྱུ་ནོར་ཏེ། (དཔེར་ན།) གཡུ་བྱུར་མང་པོ་ཕག་ནོར་དུ་བཞག་ཅེས་པ་ལྟ་བུ། |
| ཕག་པ |
དུད་འགྲོ་ཕག་སྟེ། (དཔེར་ན།) རི་ཕག ཡུལ་ཕག ཕག་གི་ལྟོ་སྣོད་ཅེས་པ་ལྟ་བུ། མིང་གི་རྣམ་གྲངས་ལ་འཁོར་ལོའི་སྣ་ཅན་དང༌། ངུར་སྒྲ་ཅན། མཆུ་རིང༌། སྤུ་རིང༌། མང་སྐྱེ། ས་འཇོམས་བཅས་སོ། ། |
| ཕག་པ་སྡོམ་གསོས |
གསོད་རྒྱུའི་ཕག་པ་ཤེད་མོ་མགྱོགས་པོ་ལེན་ཆེད་ཕག་ཚང་གི་ནང་ཁོ་ནར་བཅུག་ནས་གསོས་པ། (དཔེར་ན།) ཕག་པ་སྡོམ་གསོས་བྱས་པ་བཟང་ལ་མངོན། རྟ་རྒན་སྒལ་བཅོས་བྱས་པ་ངན་ལ་མངོན་ཞེས་པ་ལྟ་བུ། |
| ཕག་བྲུན |
སྲོག་ཆགས་ཀྱི་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་མཁྲིས་སྐྲན་དང༌། ཟས་མི་འཇུ་བ། མཁྲིས་པ་གྲང་མཁྲིས། གཉན་རིམས་སོགས་ལ་ཕན། |
| ཕག་བྲུན་ནུས་བསྲེགས |
ཕག་པའི་དྲི་ཆེན་མེ་ལ་དུད་པ་མ་ཤོར་བ་བསྲེགས་པའི་ཐལ་བ། |
| ཕག་མགོ |
1.སེམས་ཅན་ཕག་གི་མགོ་བོ། 2.རྡོ་སྨན་གྱི་རིགས་ཕག་གི་མགོ་དབྱིབས་དང་འདྲ་བ་ཞིག་རོ་བསྐ། ཞུ་རྗེས་སྙོམས། ནུས་པས་རུས་པ་སྦྱོར། ཆུ་སེར་སྐམ། |
| ཕག་མཆུ |
ཕག་པའི་མཆུ་ཏོ། |
| ཕག་མདོ |
ཕག་སྤུ་སོགས་ལས་བཟོས་པའི་དྲེག་པ་འཁྲུད་བྱེད། |
| ཕག་མོ |
1.མོ་ཕག 2.རྡོ་རྗེ་ཕག་མོ། |
| ཕག་མོ་གྲུ |
བོད་སྣེ་གདོང་རྫོང་གི་ཁོངས། སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་དུ་གཏོགས་པའི་ཡུལ་ཞིག |
| ཕག་མོ་གྲུ་པ |
1.སྡེ་སྲིད་ཕག་མོ་གྲུ་པ་སྟེ་རབ་བྱུང་དྲུག་པའི་ཤིང་རྟ་ལོར་ཏའི་སི་ཏུ་བྱང་ཆུབ་རྒྱལ་མཚན་གྱིས་བཙུགས་པའི་སྲིད་དབང་དེ་ཡིན་ཞིང༌། རབ་བྱུང་བཅུ་པའི་ས་རྟ་ལོར་ཀརྨ་པ་བསྟན་སྐྱོང་དབང་པོས་བསྣུབས། 2.ཕག་གྲུ་བཀའ་བརྒྱུད་ཀྱི་སྲོལ་གཏོད་མཁན། |
| ཕག་མོ་གྲུ་པ་རྡོ་རྗེ་རྒྱལ་པོ |
མདོ་ཁམས་ལྷོ་རྒྱུད་འབྲི་ལུང་སྣེ་ཤོད་དུ་ལྕགས་སྟག་ལོར་འཁྲུངས། དགུང་ལོ་བཅུ་དགུ་ལ་དབུས་སུ་བྱོན། དྭགས་པོ་ལྷ་རྗེ་བསྟེན། ཕག་གྲུའི་གདན་ས་བཏབ་ནས་གཏན་ཆགས་པར་བཞུགས་པས་ཕག་མོ་གྲུ་པ་ཞེས་པའི་མཚན་ཐོགས། སྒམ་པོ་བ་ནས་བརྒྱུད་པའི་ཆོས་རྒྱུན་རྒྱ་ཆེར་སྤེལ་བས་དྭགས་པོ་བཀའ་བརྒྱུད་ཀྱི་བསྟན་པའི་བདག་པོར་གྱུར། རང་ལོ་རེ་གཅིག་པ་ལྕགས་སྟག་ལོར་འདས། |
| ཕག་ཚང |
ཕག་པའི་སྡོད་སའམ། ར་བའི་མིང་། (དཔེར་ན།) ཕག་པས་བལྟས་ན་ཕག་ཚང་གཞལ་ཡས་ཁང༌ཞེས་པ་ལྟ་བུ། |
| ཕག་ཚིལ |
1.ཕག་པའི་ཚིལ་བུ། 2.སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་དུག་ནད་ལུས་ལ་བྱེར་བ་དང་ཤུ་ཐོར་ཟ་འཕྲུག་སོགས་པགས་ནད་ཀྱི་རིགས། རྐང་ལག་ལ་སེར་ག་གས་པ་བཅས་ལ་ཕན། |
| ཕག་ཚོང |
1.ལྐོག་ཚོང༌། 2.ཕག་པའི་ཉོ་ཚོང༌། |
| ཕག་ཞག |
ཉི་མ་འཁྲིག་ཁྱིམ་དུ་སླེབས་ནས་ཞག་བཅུ་བདུན་འདས་ནས་ཞག་བདུན་གྱི་བར་ལྷོ་ཕྱོགས་ཛམྦུ་བྲྀཀྵའི་ཤིང་ལ་དུར་ཕག་འཛེག་པས་ཆར་བབ་པ་དུག་ཏུ་འགྱུར་བས་སྨན་དཔྱད་ཆུ་ཡི་ལས་ལ་འཛེམ་དགོས་ཟེར། ཉི་བར་ཚད་5/46/30/0 ཤར། |
| ཕག་ཟན |
1.ལྐོག་ཟས། 2.ཕག་པའི་ལྟོ་ཆས། |
| ཕག་ཟེ |
1.ཕག་པའི་གཉའ་སྟེང་གི་སྤུ་རྩིང་པོ། 2.ཕག་སྤུ་ལས་བཟོས་པའི་དྲེག་པ་འཁྲུད་སྤྱད་ཅིག |
| ཕག་ཟེར |
ལྐོག་ལབ་ཀྱི་དོན་ཏེ། (དཔེར་ན།) ཚོགས་འདུའི་ཐོག་བསམ་འཆར་ཐད་ཀར་བཤད་པ་ལས་ཕག་ཟེར་མི་ཆོག་ཅེས་པ་ལྟ་བུ། |
| ཕག་ཟླ |
(མངོན་བརྗོད།) ཧོར་ཟླ་བཅུ་པ། |
| ཕག་ར |
ཕག་པ་འཇུག་སའི་ར་སྐོར་རམ་ཕག་ཚང༌། |
| ཕག་རགས |
མཚོན་ཆ་ལ་ཡིབ་སའི་འོབས་དང་བཙན་རྫོང་གི་མིང་། |
| ཕག་རི |
བོད་རང་སྐྱོང་ལྗོངས་ཀྱི་གྲོ་མོ་རྫོང་ཁོངས་སུ་ཡོད་ཅིང༌། རྒྱ་མཚོའི་ངོས་ལས་མཐོ་ཚད་སྨི་4200 སླེབས་པས་འཛམ་གླིང་གི་གྲོང་ཁྱེར་ས་བབ་མཐོ་ཤོས་ཞེས་པར་གྲགས། |
| ཕག་རིལ |
ཕག་པའི་མི་གཙང་སྐྱག་པ། |
| ཕག་རིལ་ཐལ་བ |
ཕག་བྲུན་བསྲེགས་ཐལ་ཏེ་སྨན་ཞིག |
| ཕག་རྒོད |
1.རི་ན་ཡོད་པའི་ཕག་པ། 2.ལོ་འཁོར་བཅུ་གཉིས་ཀྱི་ནང་གི་བཅུ་གཉིས་པའི་མིང་། |
| ཕག་ལོ |
ལོ་སྐོར་བཅུ་གཉིས་ཀྱི་མཐའ་མའི་མིང༌། |
| ཕག་ལྕེ |
1.ཕག་པའི་ལྕེ་སྟེ་སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་རུས་མཛེར་དང༌། རུས་འབྲས་ལ་ཕན། 2.དཀྲུག་ཤིང་གི་ལྐོག་ལབ་ཀྱི་དོན་ཏེ། (དཔེར་ན།) ཕག་ལྕེ་བྱེད་པའི་གཡོ་སྒྱུའི་མགོ་སྐོར་ལ་མ་ཐེབས་པ་གལ་ཆེ་ཞེས་པ་ལྟ་བུ། |
| ཕག་ལྟ |
ལྐོག་ལྟ་སྟེ། (དཔེར་ན།) གསང་བའི་ཡིག་ཆར་ཕག་ལྟ་བྱེད་པ་ཞེས་པ་ལྟ་བུ། |
| ཕག་ཤ |
ཕག་པའི་ཤ། |
| ཕག་སུག |
ཕག་པའི་རྐང་པ་དང་ལག་པ། |
| ཕག་སྐྱག |
ཕག་བྲུན་དང་འདྲ། |
| ཕང |
སྐུད་པ་འཁེལ་བྱེད་ཀྱི་དབྱུ་གུའི་མིང་། |
| ཕང་ཁེབས |
པང་ཁེབས་སམ་པང་གདན། |
| ཕང་ངི་ཕུང་ངི |
(རྒྱན་ཚིག) 1.ཤིང་འབྲས་ལོ་ཏོག་སོགས་ལེགས་པར་སྨིན་པའི་རྣམ་པ་སྟེ། (དཔེར་ན།) ཁམ་བུ་ཕང་ངི་ཕུང་ངིར་སྨིན་པ་ཞེས་པ་ལྟ་བུ། 2.ལང་ལིང་ངམ། འབར་འབུར་དུ་གཡོ་ཚུལ་ཞིག་སྟེ། (དཔེར་ན།) སྤྲིན་ནག་ཕང་ངི་ཕུང་ངིར་ལྡིང་བ་ཞེས་པ་ལྟ་བུ། |
| ཕང་པ |
པང་པ་དང་འདྲ། |
| ཕང་ཕུང |
(རྒྱན་ཚིག) བོངས་ཆེ་ཞིང་སྤུས་སོབ་པའི་དོན་ཏེ། (དཔེར་ན།) སྤྲིན་དཀར་ཕང་ཕུང་གཡོ་བ། བལ་དཀར་ཕང་ཕུང་སྤུངས་པ་ཞེས་པ་ལྟ་བུ། ཁ་སྐད་དུ་ཕ་ངེ་ཕུང་ངེ་ཟེར་ཏེ། (དཔེར་ན།) ཁུར་བོ་ཕ་ངེ་ཕུང་ངེ་། ཁལ་ཕང་ངེ་ཕུང་ངེ་ཞེས་པ་ལྟ་བུ། |
| ཕང་བ |
རུམ་དང་ཁོང་གི་མིང་། (དཔེར་ན།) སྤྲིན་གྱི་ཕང་བ་ལས་འོངས་ཆར་གྱི་རྒྱུན་ཞེས་པ་ལྟ་བུ། |
| ཕང་མ |
ཤིང་ཕྲན་སྡོང་བོ་སྐྱ་ལ་ཚེར་མ་ཅན། མེ་ཏོག་སྨུག་པོ་ཡིན་ཞིང་འབྲས་བུ་སྨིན་ཚེ་དམར་བོ་སྲན་རྡོག་ཙམ་ཡོད་པ་སྨན་མཆོག་ཅིག་ཡིན། 《ཤེལ་ཕྲེང》དུ་ཕང་མའི་འབྲས་བུས་སྙིང་ཚད་མོ་ནད་སེལ་ཞེས་གསུངས། |
| ཕང་མ་དཀར་པོ |
ཤིང་ཞིག |
| ཕང་མ་ནག་པོ |
ཤིང་ཞིག |
| ཕང་མཁན་པ |
(བརྡ་རྙིང་།) རིགས་ངན་པ། |
| ཕང་འགྲོ |
སྒྲ་སྙན་ཏེ། གཏོང་སྐབས་ཕང་པར་འཁྱེར་དགོས་སྟབས་ཕང་འགྲོ་ཞེས་བཏགས་སོ། ། |
| ཕང་ལོ |
1.སྐུད་པ་འཁེལ་བྱེད་ཀྱི་དབྱུ་གུའི་མར་སྣེ་ལ་བཏགས་པའི་འཁོར་ལོའི་མིང་། 2.ཁོར་ལོའི་མིང་སྟེ། (དཔེར་ན།) ཤིང་རྟའི་ཕང་ལོ་ཞེས་པ་ལྟ་བུ། འདི་ལ་འཕང་ལོ་ཡང་འབྲི། |
| ཕང་ཤིང |
འཕང་ཤིང་དང་འདྲ། |
| ཕངས |
(བྱེད་མེད་ལས་ཚིག) 1>སྙིང་ཉེ་བ་དང་ཤ་ཚ་བའི་དོན་ཏེ། (དཔེར་ན།) ལུས་སྲོག་ཕངས་མེད་དུ་བཏང་ནས་གསར་བརྗེ་བྱས། ཟས་གོས་ཕངས་མེད་དུ་བྱིན་ལྟ་བུ། 2>ཡིད་སྐྱོ་བ་དང་འགྱོད་པ་སྐྱེས་པ་སྟེ། (དཔེར་ན།) སྔོན་གྱི་སྡུག་བསྔལ་དྲན་ན་སེམས་ཕངས་པ་ལ་ཞེས་པ་ལྟ་བུ། |
| ཕངས་པ |
གཅེས་ཤིང་ཡིད་དུ་འོང་བའམ། སྙིང་དུ་སྡུག་པ། གཙིགས་ཆེ་བའི་དོན་ཏེ། (དཔེར་ན།) མི་ངན་དེ་གསོན་བཟུང་བྱེད་མ་ཐུབ་པ་ཕངས་པ་ལ། མདའ་མོ་དོངས་པའི་ནང་དུ་རྒས་པ་ཕངས་ཞེས་པ་ལྟ་བུ། |
| ཕངས་མེད |
1.བརྩི་མཐོང་མེད་པ། 2.སེར་སྣ་མེད་པའི་དོན་ཏེ། (དཔེར་ན།) རང་སྲོག་ཕངས་མེད་ཀྱིས་གཞན་སྲོག་སྐྱོབ་པ་ཞེས་པ་ལྟ་བུ། |
| ཕངས་སེམས |
སེར་སྣའི་སེམས་ཏེ། (དཔེར་ན།) རྒྱུ་ནོར་ཕངས་སེམས་མེད་པར་འཕྲོ་བརླག་གཏོང་བ་ཞེས་པ་ལྟ་བུ། |
| ཕད |
1.རྐྱལ་བའི་མིང་གཞན་ཏེ་ཕད་བུ་ཡང་ཟེར། 2.སྡིག་པ་ར་ཙའི་རྔ་མའི་དུག་ཚེར་གྱི་མིང་གཞན། |
| ཕད་ཁུག |
སྒྱེ་མོ་ཆུང་ངུ་། |
| ཕད་གོག |
སྒྱེ་མོ། |
| ཕད་ཕོད་མི་བྱ་བ |
(བརྡ་རྙིང་།) རྒྱས་སྤྲོས་མི་བྱེད་པ། |
| ཕད་བུ |
ཕད་གོག་ཆུང་ངུ། |
| ཕད་ཚེ |
སྒྱེ་མོ། |
| ཕད་ལ་ཕུག |
(རྒྱ་སྐད།) ལ་ཕུག་གི་རིགས་ཤིག |
| ཕད་སྣོད |
ཕད་གོག་གམ་སྒྱེ་སྣོད། |
| ཕན |
(བྱེད་མེད་ལས་ཚིག) 1>ནུས་པ་དང་འབྲས་བུ་ཡག་པོ་བྱུང་བའི་དོན་ཏེ། (དཔེར་ན།) སྨན་གྱིས་ནད་ལ་ཕན། དུས་ཀྱི་ཆར་བས་ལོ་ཏོག་ལ་ཕན་ཞེས་པ་ལྟ་བུ། 2>འབྲས་བུ་ཡག་པོའི་མིང་སྟེ། (དཔེར་ན།) མི་དམངས་ལ་ཕན་པ་བསྒྲུབ་དགོས་ངལ་རྩོལ་བྱས་ན་ཕན་པ་ཆེ་ཞེས་པ་ལྟ་བུ། |
| ཕན་ཁ |
ཕན་པའི་དོན་ཏེ། (དཔེར་ན།) ཕན་ཁ་མེད་པའི་ལས་མི་བྱེད་ཅེས་པ་ལྟ་བུ། |
| ཕན་གནོད |
ཕན་པ་དང་གནོད་པ། |
| ཕན་གྲོགས |
1.ཕན་ཐབས་ཀྱི་རོགས་རམ། 2.ཕན་འདོགས་པའི་མཛའ་གྲོགས། |
| ཕན་ཆ |
ཕན་ཐོགས་ཀྱི་དོན་ཏེ། (དཔེར་ན།) སྨན་འདིས་ཁོ་བོའི་ནད་ལ་ཕན་ཆ་ཆེན་པོ་བྱུང་སོང༌། ཕན་ཆ་ཡོད་པ་ཞེས་པ་ལྟ་བུ། |
| ཕན་ཆད |
1.དུས་སྔོན་ཆད་དང་ཕྱིན་ཆད་གཉིས་ཀར་གོ་རུང་སྟེ། (དཔེར་ན།) ད་སྔོན་ཕན་ཆད་ཀྱི་བྱས་ཉེས་སྤངས་ནས་དེ་རིང་ཕན་ཆད་དེ་ལྟར་མ་བྱེད་ཅེས་པ་ལྟ་བུ། 2.ཕར་ཕྱོགས་ཚུར་ཕྱོགས་ཀྱི་ཕར་ཕྱོགས་ཏེ། (དཔེར་ན།) རྡོ་རིང་འདི་ཕན་ཆད་ཀྱི་ས་ཆ་ཞེས་པ་ལྟ་བུ། |
| ཕན་ཆུང་དྲིན་ཆུང |
ཕན་ཐོགས་ཆུང་ན་དྲིན་ཆུང་བ། |
| ཕན་ཆོད |
ཕན་ཆད་དང་འདྲ། |
| ཕན་ཐབས |
ཕན་ཐོགས་པའི་ཐབས་ཤེས། |
| ཕན་ཐོགས་པ |
ནུས་པ་ཐོན་པའམ་གོ་ཆོད་པའི་དོན་ཏེ། (དཔེར་ན།) ཁྱེད་ཀྱི་བཀའ་སློབ་ལ་བརྟེན་ནས་ང་ལ་ཕན་ཐོགས་ཆེན་པོ་བྱུང༌། ཐོན་སྐྱེད་གོང་སྤེལ་ལ་ཕན་ཐོགས་པའི་ཉམས་མྱོང་སྤེལ་རེས་བྱེད་པ། ཆུ་ཡུར་དེ་ནས་བར་ཐག་རིང་པོས་ཆོད་པའི་ཞིང་ཁ་རྣམས་ལ་ཕན་མི་ཐོགས་པའང་ཡོང་སྲིད། ཕན་ཐོགས་ནུས་ཤུགས། ཕན་ཐོགས་བྱུང་འབྲས་ཞེས་པ་ལྟ་བུ། |
| ཕན་ཐོགས་པོ |
ཕན་ཐོགས་པ་དང་འདྲ། |
| ཕན་ཐོབ |
དགེ་བའམ་བཀྲ་ཤིས་པ། |
| ཕན་དོན |
ཁེ་ཕན་དང་ནུས་པའི་དོན་ཏེ། (དཔེར་ན།) ཐབས་ཤེས་གནད་དུ་མ་ཁེལ་བས་ཕན་དོན་མ་གྲུབ་ཅེས་པ་ལྟ་བུ། |
| ཕན་ནི་ཕུན་ནི |
1.ཕྱང་ཕྲུལ་གྱི་རྒྱན་རིགས་འཇོལ་བའི་ཚུལ་ཞིག་སྟེ། (དཔེར་ན།) ཕྱང་ཕྲུལ་མཛེས་རྒྱན་དར་ཕོད་ཕན་ཕུན་གཡོ་ཞེས་པ་ལྟ་བུ། 2.རྙིང་ཧྲུལ་ལམ་དམ་དུམ་ཐོར་བུར་གྱུར་ནས་བེད་སྤྱོད་དུ་མི་རུང་བའི་ཚུལ། |
| ཕན་ནུས |
ཕན་ཐོགས་ཀྱི་ནུས་ཤུགས་ཏེ། (དཔེར་ན།) ཆུ་བེད་ལས་གྲྭ་དེ་ནས་ཕན་ནུས་ཐོན་པ་ཞེས་པ་ལྟ་བུ། |
| ཕན་པ |
1.(བྱེད་མེད་ལས་ཚིག) ཕན་ཐོགས་པ་སྟེ། (དཔེར་ན།) སྨན་གྱིས་ནད་ལ་ཕན། སློབ་སྦྱོང་བྱས་པས་རང་ལ་ཕན་པ། དངོས་སུ་མི་ཕན་ཡང་བརྒྱུད་ནས་ཕན་ཡོང༌ཞེས་པ་ལྟ་བུ།2.ཁེ་ཕན་ནམ་ཕན་ཐོགས་ཀྱི་དོན་ཏེ། (དཔེར་ན།) ཕན་པའི་ལྷག་བསམ་ཞེས་པ་ལྟ་བུ། |
| ཕན་པ་ཅན |
(མངོན་བརྗོད།) ཨ་རུ་རའི་ཤིང༌། |
| ཕན་ཕུན |
1.(རྒྱན་ཚིག) ཆུད་འཛའ་བའི་དོན་ཏེ། (དཔེར་ན།) རྒྱུ་ནོར་ཕན་ཕུན་དུ་གྱུར་པ་ཞེས་པ་ལྟ་བུ། 2.མི་མཐུན་པའམ་འཆོལ་བའི་དོན་ཏེ། (དཔེར་ན།) སེམས་སྣང་ཕན་ཕུན་དུ་གྱུར་པ་ཞེས་པ་ལྟ་བུ། |
| ཕན་ཕུན་མེད་པ |
(བརྡ་རྙིང་།) ཆུད་ཟོས་སུ་མི་འགྲོ་བ། |
| ཕན་བདེ |
ཕན་པ་དང་བདེ་བའི་དོན་ཏེ། (དཔེར་ན།) ལས་བྱེད་ཀྱི་ཕན་བདེ། མི་དམངས་ཀྱི་ཕན་བདེ། ཕན་བདེར་ལོངས་སྤྱོད་པའི་གོ་སྐབས་སྦྱིན་པ་ཞེས་པ་ལྟ་བུ། |
| ཕན་བདེའི་ཆར་རྒྱུན་མ་བུ་ལེ་ལག |
རབ་བྱུང་བཅུ་གསུམ་པའི་ནང་འབྲི་གུང་ཚེ་དབང་བརྟན་པའི་སློབ་མ་དབོན་ཚང་ཡེ་ཤེས་བསམ་གཏན་གྱིས་མཛད་པའི་སྨན་གྱི་མན་ངག་གཅེས་རིགས་བསྡུས་པའི་ལེ་ཚན་ཞིག་དང༌། གཅེས་བསྡུས་ཕན་བདེའི་སྙིང་པོའི་ཞལ་ཤེས་སྙིང་གི་ཁུ་བ་ལོགས་སུ་བཀོད་པ་དང་གཉིས་སོ། ། |
| ཕན་བདེའི་སྙིང་པོ |
1.རབ་བྱུང་བཅུ་གཉིས་པའི་ནང་འབྲི་གུང་ཚེ་དབང་བརྟན་པས་མཛད་པའི་ནད་སྨན་སྤྲད་པའི་མན་ངག་སྣ་ཚོགས་གཅིག་ཏུ་བསྡུས་པའི་སྨན་གྱི་བསྟན་བཅོས་ཤིག 2.རབ་བྱུང་བཅུ་གཉིས་པའི་ནང་དཔལ་སྤུངས་སི་ཏུ་ཆོས་ཀྱི་འབྱུང་གནས་ཀྱིས་མཛད་པའི་རྒྱ་བོད་ཀྱི་འབྲུམ་བཅོས་དང༌། གསར་འགྱུར་རྩ་ཡི་བརྟག་ཐབས། རིན་ཆེན་རིལ་ནག་ཆེན་མོའི་སྐོར་སོགས་འཁོད་པའི་སྨན་གྱི་བསྟན་བཅོས་ཤིག |
| ཕན་ཚུན |
ཕར་ཚུར་གྱི་དོན་ཏེ། (དཔེར་ན།) བློ་མཐུན་པ་ཕན་ཚུན་སློབ་སྦྱོང་དང༌། ཕན་ཚུན་རོགས་རམ་གྱི་སྒོ་ནས་ཡར་ཐོན་ཡོང་ཐབས་བྱེད་པ། ཕན་ཚུན་གཅིག་སེམས་གཅིག་གིས་འཛིན་པ། ཕན་ཚུན་བརྩེ་ཞིང་དུང་བ། ཕན་ཚུན་དཀྲུགས་པ། ཕན་ཚུན་དགྲར་འཛིན། ཕན་ཚུན་ལྟ་སྐུལ། ཕན་ཚུན་ཐ་དད་པ། ཕན་ཚུན་ཐེ་གཏོགས་མི་བྱེད་པ། ཕན་ཚུན་མཐུན་པ། ཕན་ཚུན་འདྲ་བ། ཕན་ཚུན་བསྡུར་བ། ཕན་ཚུན་བསླུ་དོགས་ཞེས་པ་ལྟ་བུ། |
| ཕན་ཚུན་གཞོགས་འདེགས |
ཕར་ཚུར་གཅིག་གཞོགས་གཅིག་འདེགས་ཀྱི་རོགས་རམ། |
| ཕན་ཚུན་གྱི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དང༌། དོན་གཉིས་ཀྱི་མཚུངས་ཆོས་ཕར་ཚུར་འཇལ་རེས་བྱེད་པའི་རྒྱན་ཞིག |
| ཕན་ཚུན་ཆེན་པོའི་འཁོར་ལོ |
གཟའ་སྐར་གྱི་འབྲས་བུ་བརྟག་པའི་འཁོར་ལོ་གནམ་གཤིས་བཟང་ངན་ཆར་ཆུ་འབེལ་དཀོན་སོགས་བརྟག་ཐབས་སྐར་དཔྱད་རི་མོའི་འཁོར་ལོ། |
| ཕན་ཚུན་དུ་གྱུར་པ |
1.ཕན་ཚུན་གཅིག་ནས་གཅིག་ཏུ་གྱུར་པ། 2.ཐ་དད་དུ་གྱུར་པ། |
| ཕན་ཚུན་ནང་འགལ |
ནང་དོན་ཕྱོགས་འགལ། |
| ཕན་ཚུན་བཟོད་སྒོམ |
ཕན་ཚུན་བཟོད་པ་སྒོམ་རེས་ཀྱི་དོན་ཏེ། (དཔེར་ན།) ཕུགས་ཀྱི་ཕན་དོན་བསྒྲུབ་ཆེད་དུ་གནས་སྐབས་ཕན་ཚུན་བཟོད་སྒོམ་བྱས་ཀྱང་འགྲིག་ཅེས་པ་ལྟ་བུ། |
| ཕན་ཚུན་བསྣོར་བ |
ཕར་ཚུར་བསྲེ་བའམ། དཀྲུགས་པ། |
| ཕན་ཚུན་མེད་པའི་བྱེད་རྒྱུ |
རྒྱུའི་རྒྱན་གྱི་ནང་གསེས་ཤིག་ཕན་ཚུན་ཡིན་པ་མེད་པའི་རྒྱུ་དངོས་མེད་དེས། སེམས་ལ་འདོད་པའི་འབྲས་བུ་དངོས་པོར་གྱུར་པ་བསྐྱེད་པའི་རྒྱུའི་རྒྱན་ཞིག |
| ཕན་ཚུན་འགེབས་བསྡུར |
ཅ་ལག་སོགས་ཕན་ཚུན་བཟང་ངན་བསྡུར་བ་སྟེ། (དཔེར་ན།) སྤྱི་ཚོགས་གསར་རྙིང་གཉིས་ཀྱི་བདེ་སྡུག་བཟང་ངན་ཁྱད་པར་ཕན་ཚུན་འགེབས་བསྡུར་བྱེད་པ་ཞེས་པ་ལྟ་བུ། |
| ཕན་ཚུན་ཡ་བཟུང |
ཕན་ཚུན་གྱོད་འཛིང་གི་ཁ་གཏད་འཇལ་བའི་དོན་ཏེ། (དཔེར་ན།) དགྲར་འཛིན་དཔུང་སྡེ་ཁག་གཉིས་ཕན་ཚུན་ཡ་བཟུང་བྱས་ནས་ཡུན་རིང་འཐབ་པ་ཞེས་པ་ལྟ་བུ། |
| ཕན་ཚུན་ལྟོས་པ |
གཅིག་ལ་གཅིག་རྟེན་དུ་གྱུར་པ། |
| ཕན་ཚུན་སྤང་འགལ |
འགལ་བའི་བྱེ་བྲག་ཅིག་སྟེ། ཕན་ཚུན་སྤང་བའི་སྒོ་ནས་མི་མཐུན་པར་གནས་པ་སྟེ། (དཔེར་ན།) ཀ་བུམ་གཉིས་དང༌། རྟག་མི་རྟག་གཉིས་ལྟ་བུའོ། ། |
| ཕན་ཚུན་སྤང་འགལ་གྱི་རྟགས་སྦྱོར |
འགལ་ཟླ་དམིགས་པའི་རྟགས་ཡང་དག་གང་ཞིག་ཕན་ཚུན་སྤངས་འགལ་ལ་བརྟེན་ནས་རང་གི་ཁྱབ་འབྲེལ་ངེས་དགོས་པ། མདུན་གྱི་རྭ་ཅན་འདི་ཆོས་ཅན། རྟ་མ་ཡིན་ཏེ། རྭ་ཡོད་པའི་ཕྱིར། ཞེས་དང༌། བུམ་པ་ཆོས་ཅན། རྟག་པ་མ་ཡིན་ཏེ། བྱས་པ་ཡིན་པའི་ཕྱིར། ཞེས་པ་ལྟ་བུ་གཅིག་གི་དོན་དང་ལྡན་ན་ཅིག་ཤོས་ཡིན་པ་བཀག་ཙམ་གྱི་འགལ་ཟླར་གྱུར་པའི་རྟགས་སྦྱོར་རོ། ། |
| ཕན་ཚུན་སྤང་འགལ་གྱི་རྟགས་སྦྱོར་གཉིས |
ཕན་ཚུན་སྤངས་འགལ་ལ་བརྟེན་པའི་སྣང་རུང་གི་འགལ་ཟླ་དམིགས་པའི་རྟགས་ཀྱི་སྦྱོར་བ་འགོད་ཚུལ་ལ་རྣམ་པ་གཉིས་ཏེ། ངེས་པས་ལྟོས་པ་འགོག་པའི་རྟགས་དང༌། ལྟོས་པས་ངེས་པ་འགོག་པའི་རྟགས་སོ། ། |
| ཕན་ཚུན་སྤངས་འགལ་གྱི་ཐལ་འགྱུར |
གཞན་རིགས་འཕེན་པའི་ཐལ་འགྱུར་བཅུ་བཞིའི་ནང་གསེས། ཕན་ཚུན་སྤངས་འགལ་དུ་གྱུར་པའི་འགལ་བའི་ཁྱབ་བྱ་དམིགས་པའི་ཐལ་འགྱུར་གང་ཞིག་བཟློག་ན་ཁྱབ་བྱེད་དང་འགལ་བ་དམིགས་པའི་རང་རྒྱུད་འཕེན་པ་དཔེར་ན། སྒྲ་ཆོས་ཅན། མ་བྱས་པར་ཐལ། རྟག་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། མི་རྟག་བྱས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། ། |
| ཕན་ཚུན་སྤྲོད་པ |
1.ཕར་ཚུར་ལྷུ་བསྒྲིགས་པ། 2.དངོས་རིགས་སྟེར་རེས་བྱས་པ། |
| ཕན་ཚུན་སྦྲེལ་བ |
ཕན་ཚུན་མཐུད་པ། |
| ཕན་ཟས |
ལུས་ལ་ཕན་པའི་ཁ་ཟས། |
| ཕན་འདོགས་པ |
ཕན་གྲོགས་བྱེད་པའི་དོན་ཏེ། (དཔེར་ན།) ཐབས་ཤེས་གང་ཟབ་ཀྱི་སྒོ་ནས་རིག་གནས་ཀྱི་ལས་དོན་ལ་ཕན་འདོགས་པ་ཞེས་པ་ལྟ་བུ། |
| ཕན་འདོགས་པའི་དགེ་བ |
བསྡུ་དངོས་བཞིས་སེམས་ཅན་ལ་ཕན་འདོགས་པ། |
| ཕན་འདྲོང |
ཕན་ཐོགས།་ཀྱི་དོན་ཏེ། (དཔེར་ན།) མི་དམངས་མང་ཚོགས་ལ་ཕན་འདྲོང་ཆེ་ངེས་བྱུང་བ་ཞེས་པ་ལྟ་བུ། |
| ཕན་ཡོན |
ཕན་པའི་ནུས་པའམ་འབྲས་བུའི་མིང་། (དཔེར་ན།) སྨན་གྱི་ཕན་ཡོན། གུར་ཀུམ་གྱི་ཕན་ཡོན། གཞན་ལ་ཕན་བཏགས་པའི་ཕན་ཡོན་ཞེས་པ་ལྟ་བུ། |
| ཕན་ཡོན་གྱི་ཡན་ལག |
1.བསམ་གཏན་བཞིའི་ཡན་ལག་ཅིག་བསམ་གཏན་བཞིའི་རང་སའི་ཚོར་བའོ། །2.དགའ་བ་ཡང་དག་བྱང་ཆུབ་ཀྱི་ཡན་ལག་གོ། |
| ཕན་སེམས |
གཞན་ལ་ཡག་པོ་ཡོང་བ་བྱེད་འདོད་ཀྱི་བསམ་པ། |
| ཕན་སླེབས |
ཕན་ཐོགས་སམ། ཕན་ནུས། |
| ཕབ |
(བྱེད་འབྲེལ་ལས་ཚིག) དབབ་ཀྱི་འདས་པ། བཀའ་ལུང་བསྒྲགས་པའི་དོན་ཏེ། (དཔེར་ན།) སྲིད་གཞུང་གིས་བཀའ་ཕབ་ལྟ་བུ། |
| ཕབ་པ |
འབེབས་པའི་འདས་པ། |
| ཕབ་ཕོབ |
(རྒྱན་ཚིག) ཕབ་བེ་ཕོབ་བེའི་བསྡུས་ཚིག |
| ཕབ་བེ་ཕོབ་བེ |
(རྒྱན་ཚིག) གོས་སོགས་ཕྱི་བོང་ཆེ་བའི་ཚུལ་ཏེ། (དཔེར་ན།) ཆ་ལུགས་ཕབ་བེ་ཕོབ་བེ་སྟབས་མི་བདེ་ཞེས་པ་ལྟ་བུ། |
| ཕབ་ཙེ |
(རྒྱ་སྐད།) གདོང་སོགས་འབྱིད་བྱེད་ཀྱི་རས་ཨ་ཅོར། |
| ཕབ་རྩིས |
རིན་ཐང་གི་ཁྱད་པར་རྩི་ཚུལ། |
| ཕབས |
དངོས་རྫས་སྐྱུར་བྱེད་ཀྱི་རྫས་ཤིག་གི་མིང་། (དཔེར་ན།) ཆང་ཕབས་ཞེས་པ་ལྟ་བུ། འདི་ལ་ཕབས་རྟ་དང་ཕབས་རྩི་ཡང་ཟེར། དག་ཡིག་ལ་ལར་ཕབས་འདི་ཕབ་ཀྱི་འབྲི་ཚུལ་གཞན་ཡིན་པར་བཤད་སྲོལ་ཡོད་མོད། དག་ཡིག་ཁུངས་ཐུབ་མང་བོར་མེད། |
| ཕབས་རྟ |
རྒྱུན་དང༌། རུ་མའམ། ཕབས་རྩི་སྟེ། (དཔེར་ན།) ཆང་གི་ཕབས་རྟ། སྨན་གྱི་ཕབས་རྟ་ཞེས་པ་ལྟ་བུ། |
| ཕབས་རྩི |
ཕབས་རྫས་དང་དོན་གཅིག |
| ཕབས་རྫས |
ཞོ་རྩི་ཆང་རྩི་སོགས། |
| ཕམ |
(བྱེད་མེད་ལས་ཚིག) འཕམ་གྱི་འདས་པ། རྒྱལ་ཁ་བླངས་པའི་ལྡོག་ཟླ། (དཔེར་ན།) གཡུལ་གྱི་རྒྱལ་ཕམ། དགྲ་བོ་ཕམ་ནས་བྲོས་ལྟ་བུ། |
| ཕམ་ཁ |
གྱོང་གུན་གྱི་དོན་ཏེ། (དཔེར་ན།) ཚོང་ལ་ཕམ་ཁ་ཁེལ་བ་ཞེས་པ་ལྟ་བུ། |
| ཕམ་ཉེས |
ཕམ་པའི་དོན་ཏེ། (དཔེར་ན།) ཕམ་ཉེས་གཏོང་མི་ཐུབ་པ་ཞེས་པ་ལྟ་བུ། |
| ཕམ་པ |
1.འཕམ་པའི་འདས་པ། 2.རྒྱལ་ཁ་བླངས་པའི་ལྡོག་ཟླ་སྟེ། (དཔེར་ན།) ཕམ་པ་རྒྱལ་བའི་རྒྱུ་རྐྱེན་ཡིན་ཞེས་པ་ལྟ་བུ། 3.སོ་ཐར་དང་བྱང་སེམས་ཀྱི་སྡོམ་པའི་རྩ་བ་ཉམས་པ། |
| ཕམ་པ་བཞི |
དགེ་སློང་གི་རྩ་བའི་ལྟུང་བ་མི་ཚངས་སྤྱོད་ཀྱི་ཕམ་པ་དང༌། མ་བྱིན་ལེན་གྱི་ཕམ་པ། སྲོག་གཅོད་ཀྱི་ཕམ་པ། མི་ཆོས་བླ་མའི་རྫུན་གྱི་ཕམ་པ་བཅས་བཞི། |
| ཕམ་པ་བརྒྱད |
དགེ་སློང་མའི་སྤང་བྱ། དགེ་སློང་ཕ་དང་ཐུན་མོང་དུ་གྱུར་པའི་ཕམ་པ་བཞིའི་སྟེང་དུ་ཐུན་མིན་གྱི་ཕམ་པ་བཞི་སྐྱེས་པ་ལ་ཆགས་སེམས་ཀྱིས་ལུས་འཁྱུད་ཅིང་རེག་པ་དང༌། སྐྱེས་པ་ལ་ཆགས་སེམས་ཀྱིས་ལུས་གན་རྐྱལ་དུ་བཀན་པ་དང༌། ཟླ་མོར་ཕམ་པ་བྱུང་བ་ཤེས་བཞིན་དུ་འཆབ་པ་དང༌། དགེ་སློང་འགའ་ཞིག་དགེ་འདུན་གྱི་གནས་ནས་ཕྱུང་བ་ལ་སླར་ཡང་འགྱོད་པའི་སེམས་ཀྱིས་བཟོད་པར་གསོལ་བ་དེ་ཉིད་ལུས་ངག་གི་སྒོ་ནས་ཟློག་པར་བྱེད་པའོ། ། |
| ཕམ་པའི་དངོས་གཞི |
རྩ་བ་བཞི་གང་རུང་ལས་ཉམས་པ་ན། གཞི་བསམ་སྦྱོར་བ་མཐར་ཐུག་པའི་ཡན་ལག་བཞི་ཚང་བའོ། ། |
| ཕམ་པའི་སྡེ |
དགེ་སློང་གི་སྤང་བྱ་ལྟུང་བ་སྡེ་ལྔའི་དང་པོ་ནང་གསེས་སུ་ཕམ་པ་བཞི་ཡོད་ཅིང༌། དགེ་སློང་གིས་འདི་བཞི་གང་རུང་ལ་སྤྱད་དེ་སྐད་ཅིག་མ་གཅིག་ལ་བཅབས་ཀྱང་སྡོམ་པ་ལྷག་མ་ཙམ་ཡང་མེད་པར་གཅོད་པར་བྱེད་པས་ན་རྩ་བའི་ལྟུང་བ་དང༌། མི་མཐུན་ཕྱོགས་ཀྱི་གཉེན་པོ་མཐུ་མེད་པར་བཅོམ་པའི་ཕྱིར་ཕམ་པའི་སྡེ་ཞེས་བྱའོ། ། |
| ཕམ་པའི་སྦོམ་པོ |
རྩ་བ་བཞི་གང་རུང་ལས་ཉམས་པ་ན། གཞི་བསམ་སྦྱོར་བ་མཐར་ཐུག་གི་ཡན་ལག་བཞི་པོ་གང་རུང་མ་ཚང་བའོ། ། |
| ཕམ་པོ |
ཡིད་སྐྱོ་པོ་སྟེ། (དཔེར་ན།) དེ་རིང་ཁོང་མ་མཇལ་བས་སེམས་ཕམ་པོ་བྱུང༌ཞེས་པ་ལྟ་བུ། |
| ཕམ་ཕབ |
1.ཟས་སོགས་དངོས་རྫས་སམ་ལག་རྟགས་ཀྱི་དོན་ཏེ། (དཔེར་ན།) ཟས་དཀོར་ཟས་མེད་པའི་རང་ཟས་ལ། བདེ་བ་ལྷ་ཡི་ཕམ་ཕབ་ཡོད་ཅེས་པ་ལྟ་བུ། 2.ཟས་ལྷག |
| ཕམ་ཚབས་ཆེ་བ |
གྱོང་གུན་ཧ་ཅང་ཆེ་བའི་དོན་ཏེ། (དཔེར་ན།) བཙན་འཛུལ་དགྲ་དམག་ལ་ཕམ་ཚབས་ཆེ་བ་ཞིག་ཡོང་ངེས་རེད་ཅེས་པ་ལྟ་བུ། |
| ཕམ་ཚོང |
རིན་གོང་མ་གནས་ལས་ཆུང་བར་འཚོང་བའི་ཚོང༌སྟེ། (དཔེར་ན།) ཕམ་ཚོང་བརྒྱབ་ན་དགོས་པ་མེད་ཅེས་པ་ལྟ་བུ། |
| ཕམ་འཁུར་བ |
གྱོང་འཁྱེར་བའམ་བཟོད་པར་བྱས་པ། |
| ཕམ་འཁྱེར་བ |
ཕམ་འཁུར་བ་དང་དོན་གཅིག |
| ཕམ་འདྲའི་ཉེས་བྱས |
དགེ་ཚུལ་གྱི་ལྟུང་བ་ཐམས་ཅད་ཉེས་བྱས་ཁོ་ནར་འདུ་ཞིང༌། རྩ་བ་བཞི་ནི་སྡོམ་པ་ཉམས་པའི་རྒྱུ་ཡིན་པས་ཕམ་འདྲའི་ཉེས་བྱས་ཞེས་བྱའོ། ། |
| ཕམ་འབབས |
ཕམ་ཕབ་དང་འདྲ། |
| ཕམ་རྒྱལ |
ཕམ་ཁ་དང་རྒྱལ་ཁ་སྟེ། (དཔེར་ན།) ཕམ་རྒྱལ་སུ་ལ་ཡོང་མིན་དབྱེ་བ་འབྱེད་པའི་གནས། ཕམ་རྒྱལ་མྱུར་དུ་འབྱེད་ཡོང༌ཞེས་པ་ལྟ་བུ། |
| ཕམ་སྟེར་བ |
གྱོང་གཏོང་བའི་དོན་ཏེ། ཉོ་ཚོང་དྲང་པོ་བྱེད་པ་ལས། ཕར་ཚུར་ཕམ་སྟེར་བ་མི་ཆོག དགྲ་དམག་ལ་འཛིངས་ནས་ཕམ་སྟེར་བ་ཞེས་པ་ལྟ་བུ། |
| ཕའི་སྡེ |
རབ་བྱུང་ཕོའི་དགེ་འདུན་གྱི་ཚོགས་པ། |
| ཕར |
1.ཚུར་གྱི་ལྡོག་ཟླ་སྟེ། (དཔེར་ན།) ཕར་འགྲོ་ཚུར་འོང་། ཕར་སྟེར་ཚུར་ལེན། ཕར་ལོག་ཚུར་ལོག་ཅེས་པ་ལྟ་བུ། 2.ཕ་རུ་ཞེས་པའི་ཚིག་བསྡུས་པ་སྟེ། (དཔེར་ན།) ཨ་ཕ་ལ་བཤད་ཅེས་པ་ལ་ཨ་ཕར་བཤད་ཟེར་བ་ལྟ་བུ། |
| ཕར་ཀྱོག་ཚུར་ཀྱོག |
འདྲོང་པོའམ་དྲང་པོ་མིན་པའི་དོན་ཏེ། (དཔེར་ན།) འཐབ་ལམ་ཕར་ཀྱོག་ཚུར་ཀྱོག་བསྐོར་ནས་གསར་བརྗེར་རྒྱལ་ཁ་གཞི་ནས་ཐོབ་པ་ཞེས་པ་ལྟ་བུ། |
| ཕར་ཁ |
1.ཕ་རོལ་གྱི་ངོས་ཏེ། (དཔེར་ན།) ཆུའི་ཕར་ཁ། ཕར་ཁ་ལྟ་བ་ཞེས་པ་ལྟ་བུ། 2.(ཡུལ་སྐད།) བུ་རམ་སྤུས་ཀ་ཞན་པ། |
| ཕར་ཁག་ཚུར་དཀྲི |
ཕར་ཚུར་ངན་ཁག་འཇོག་རེས། |
| ཕར་ངོགས |
ཕ་རོལ་གྱི་ངོགས་སམ་འགྲམ་ཏེ། (དཔེར་ན།) རྟ་བཞོན་ནས་ཆུའི་ཕར་ངོགས་སུ་ཕྱིན་པ་ཞེས་པ་ལྟ་བུ། |
| ཕར་ངོས |
ཕ་རོལ་གྱི་ངོས་ཏེ། (དཔེར་ན།) རང་ངོས་དང་ཕར་ངོས་གཉིས་ཀ་མཐོང་དགོས་ཞེས་པ་ལྟ་བུ། |
| ཕར་ཅེར་ཚུར་ཅེར |
(བརྡ་རྙིང་།) མིག་ཕར་ཚུར་བསྒྲིམས་ཏེ་ལྟ་ཚུལ། |
| ཕར་ཆིན |
གོས་ཆེན་དང༌། འགོ་སྣམ་སོགས་ཀྱི་སྟེང་དུ་དར་སྐུད་ཚེམ་དྲུབས་ཀྱིས་བཀོད་པའི་མཛེས་རྒྱན་རི་མོ། |
| ཕར་ཆེར་ཚུར་ཆེར |
ཕར་ཅེར་ཚུར་ཅེར་དང་འདྲ། |
| ཕར་ཕར |
ཇེ་རིང་ཇེ་རིང༌གི་དོན་ཏེ། (དཔེར་ན།) ཡུལ་ཕར་ཕར་བརྒལ་བ། དུས་ཡུན་ཕར་ཕར་འགྱངས་ཞེས་པ་ལྟ་བུ། |
| ཕར་ཕུད |
1.མཐར་བསྐྲད་པའི་དོན་ཏེ། (དཔེར་ན།) བཙན་འཛུལ་མཁན་རྣམས་རང་ས་ནས་ཕར་ཕུད་ཅིག་ཅེས་པ་ལྟ་བུ། 2.ཆས་གོས་སོགས་བརྗེ་འབུད་ཀྱི་དོན་ཏེ། (དཔེར་ན།) དགུན་ཆས་ཕར་ཕུད་ནས་དབྱར་ཆས་ཚུར་གྱོན་ཅིག་ཅེས་པ་ལྟ་བུ། 3.ལོགས་སུ་བཀར་བའི་དོན་ཏེ། (དཔེར་ན།) རྒས་འཁོགས་རྣམས་ཕར་ཕུད། དེ་བྱིངས་ཀྱིས་ངལ་རྩོལ་བྱས་ཞེས་པ་ལྟ་བུ། |
| ཕར་ཕྱིན |
1.ཕ་རོལ་ཏུ་ཕྱིན་པ་ཐེག་ཆེན་གྱི་བསྒྲུབ་པའི་བསླབ་བྱ་གང་ཞིག་ཁྱད་ཆོས་བཞི་ལྡན་གྱི་ཕྱིན་དྲུག་གིས་བསྡུས་པའི་དགེ་བ་མཐའ་དག་སྒྲུབ་པའི་སེམས་པ་མཚུངས་ལྡན་དང་བཅས་པའོ། དེ་ནི་འཇིག་རྟེན་པ་དང་ཉན་རང་གི་དགེ་བ་ཀུན་ལས་ཕུལ་དུ་བྱུང་བས་ཕར་ངོས་སུ་སོང་བའམ། ཕ་མཐར་སོན་པའོ། །2.ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་པའི་གཞུང་གི་མིང༌། |
| ཕར་ཕྱིན་གྱི་མི་མཐུན་ཕྱོགས་དྲུག |
སེར་སྣ་དང༌། ཚུལ་འཆལ། ཞེ་སྡང༌། ལེ་ལོ། རྣམ་གཡེང༌། ཤེས་འཆལ་བཅས་དྲུག་གོ། |
| ཕར་ཕྱིན་ཐེག་པ |
རྒྱུ་མཚན་ཉིད་ཀྱི་ཐེག་པ། |
| ཕར་ཕྱིན་དྲུག |
ཁྱད་ཆོས་བཞི་ལྡན་གྱི་སྦྱིན་པ་དང༌། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ་སྟེ་དྲུག |
| ཕར་ཕྱིན་བཅུ |
ཕ་རོལ་ཏུ་ཕྱིན་པ་བཅུ་སྟེ། ཁམས་གསུམ་གྱི་སྡུག་བསྔལ་རྒྱ་མཚོ་དང་འདྲ་བ་འདས་ནས་ས་བཅུ་རིམ་གྱིས་ཐོབ་པར་བྱེད་པའི་སྦྱིན་པ་དང༌། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ། ཐབས། སྨོན་ལམ། སྟོབས། ཡེ་ཤེས་ཏེ་བཅུ། |
| ཕར་ཕྱིན་སྟོབས |
བདག་ཉིད་ཀྱིས་སངས་རྒྱས་ཀྱི་ཆོས་ཡོངས་སུ་སྨིན་པར་བྱེད་པ་དང༌། སེམས་ཅན་ཡོངས་སུ་སྨིན་པར་བྱེད་པ་དང༌། སེམས་ཅན་ཐམས་ཅད་ལ་ཕན་པའི་སྤྱོད་པ་མི་གཏོང་བ་བཅས་སོ། ། |
| ཕར་ཕྱོགས |
ཕ་རོལ་གྱི་ཕྱོགས། |
| ཕར་ཕྱོགས་ཚུར་ཕྱོགས |
1.ཕ་རོལ་གྱི་ཕྱོགས་དང་ཚུ་རོལ་གྱི་ཕྱོགས། 2.ཕར་ཉེ་ཚུར་ཉེ། |
| ཕར་བཞག |
ལྟ་ཅི་སྨོས་སམ་བཤད་ཅི་དགོས་ཞེས་པའི་དོན་ཏེ། (དཔེར་ན།) ཇ་ཕར་བཞག་ཆུ་ཡང་མི་འདུག ཁོ་ལ་གདུང་སེམས་བྱེད་རྒྱུ་ཕར་བཞག་ད་དུང་གཤེ་གཤེ་གཏོང་གི་འདུག་ཅེས་པ་ལྟ་བུ། |
| ཕར་ཙམ |
ཡུལ་དུས་སོགས་ཀྱི་བར་ཐག་ཐུང་ཙམ་གྱི་དོན་ཏེ། (དཔེར་ན།) གྲོང་ཁྱེར་གྱི་ཕར་ཙམ་དུ་སྨན་ཁང་ཆེན་པོ་ཞིག་ཡོད། དུས་ཚོད་ཕར་ཙམ་སོང་ནས་ཞིང་གར་སོན་འདེབས་རན་ཞེས་པ་ལྟ་བུ། |
| ཕར་ཚད་ཚུར་ཚད |
བར་ཐག་ཉེ་བའི་དོན་ཏེ། (དཔེར་ན།) གྲོང་ཁྱེར་དེ་གཉིས་ཕར་ཚད་ཚུར་ཚད་དུ་ཆགས་ཡོད་ཅེས་པ་ལྟ་བུ། |
| ཕར་ཚུར |
ཕ་རོལ་ཚུ་རོལ་ཏེ། ཕན་ཚུན་ནམ་ཕར་ཕྱོགས་ཚུར་ཕྱོགས། (དཔེར་ན།) ཕར་འགྲོ་བརྒྱ་དང་ཚུར་ཡོང་སྟོང༌། མེ་ཏོག་གི་སྐྱེད་ཚལ་དུ་ཕར་ཚུར་འགྲོ་བ། ཕར་ཚུར་གོང་སྒྲིག་པ། ཕར་ཚུར་བསྙོན་འཛུགས་ལབ་གླེང་མང་བ། གཞུང་ལམ་གུ་ཡངས་སར་རླངས་འཁོར་གཉིས་ཕར་ཚུར་བཟུར་ནས་གཏོང་བ་ཞེས་པ་ལྟ་བུ། |
| ཕར་ཞོག |
(སྦྲེལ་ཚིག) ཚིག་སྔོན་མའི་དོན་ཚིག་ཕྱི་མས་རྟིང་གནོན་བྱས་ནས་བཤད་པ་སྟེ། རྒྱུན་དུ་ཐ་ན་དང་སྦྲེལ་ནས་བཀོལ་བ་མང་། (དཔེར་ན།) མི་དེ་ལྟ་བུས་གཞན་དོན་ཕར་ཞོག་ཐ་ན་རང་དོན་ཀྱང་མི་འཁྱོངས་ཞེས་པ་ལྟ་བུ། |
| ཕར་འགྱང |
དུས་ཚོད་ཕྱིར་བཤོལ་གྱི་དོན་ཏེ། (དཔེར་ན།) དུས་སྒོ་ཕར་འགྱང་གཏོང་བ། ལས་ཀ་ཕར་འགྱང་བཏང་ནས་འཐུས་ཤོར་བྱུང་བ་ཞེས་པ་ལྟ་བུ། |
| ཕར་འགྲེ་ཚུར་འགྲེ |
1.འགྲེ་ལོག་རྒྱག་པའི་དོན་ཏེ། (དཔེར་ན།) སྤང་ཁའི་སྟེང་དུ་རྟ་དང་དྲེའུས་ཕར་འགྲེ་ཚུར་འགྲེ་བྱེད་པ་ཞེས་པ་ལྟ་བུ། 2.ཕན་ཚུན་རིགས་འགྲེ་གཏོང་བ། |
| ཕར་འགྲོ་ཚུར་འགྲོ |
ཕར་འགྲོ་བ་དང་ཚུར་འོང་བའི་དོན་ཏེ། (དཔེར་ན།) རླངས་འཁོར་ཕར་འགྲོ་ཚུར་འགྲོ་རྒྱུན་མི་འཆད་པ་ཞེས་པ་ལྟ་བུ། |
| ཕར་རྒོལ |
ཕར་འཐབ་ཀྱི་དོན་ཏེ། (དཔེར་ན།) རང་སྲུང་ཕར་རྒོལ་གྱིས་དགྲ་དམག་ཐལ་བའི་རྡུལ་དུ་བརླགས་ཞེས་པ་ལྟ་བུ། |
| ཕར་རྒྱུག་ཚུར་རྒྱུག |
ཕར་ཚུར་མགྱོགས་པོར་འགྲོ་ཚུལ་ཏེ། (དཔེར་ན།) བྱ་བ་གནད་ལ་མ་ཁེལ་ན། ཕར་རྒྱུག་ཚུར་རྒྱུག་སྟོང་ངལ་ཡིན་ཞེས་པ་ལྟ་བུ། |
| ཕར་རྒྱུགས |
མགྱོགས་པོ་སོང་ཞིག་ཅེས་པའི་སྐུལ་ཚིག |
| ཕར་ལུང་གཙང་པོ |
བོད་སྤོ་བོ་རྫོང་ཁོངས་ཀྱི་འབབ་ཆུ་ཞིག ཆུ་འགོ་ར་འོག་མཚོ་ཡིན་ཞིང༌། ཡིད་འོང་གཙང་པོ་དང་འདྲེས་ནས་ཡར་ཀླུངས་གཙང་པོའི་ནང་དུ་འབབ། |
| ཕར་ལོག་ཚུར་ལོག |
ཕར་ཚུར་ལོག་རེས་ཀྱི་དོན་ཏེ། (དཔེར་ན།) སྐྱོན་ཕར་ལོག་ཚུར་ལོག་བྱེད་པ། ཁ་ཕར་ལོག་ཚུར་ལོག་བྱས་ནས་ལྟ་བ་ཞེས་པ་ལྟ་བུ། |
| ཕར་ལོགས |
ཕ་རོལ་གྱི་ཕྱོགས་ཏེ། (དཔེར་ན།) གཙང་པོའི་ཕར་ལོགས་ལ་བྱང་ངོས་དང༌། ཚུར་ལོགས་ལ་ལྷོ་ཕྱོགས་གནས་ཞེས་པ་ལྟ་བུ། |
| ཕར་ལྡོག་པ |
ཕྱིར་ལོག་པའི་དོན་ཏེ། (དཔེར་ན།) རང་ཡུལ་དུ་ཕར་ལྡོག་པ། སྐྱོན་ཚུར་བཀལ་ནས་ཕར་ལྡོག་པ། དགྲ་བོ་ཕར་ལྡོག་པ་ཞེས་པ་ལྟ་བུ། |
| ཕར་སོང |
ཕར་རྒྱུགས་ཞེས་སྐུལ་ཚིག |
| ཕར་སྤྲོད |
གཞན་ལ་ཕར་གཏོད་པའི་དོན་ཏེ། (དཔེར་ན།) རིན་འབབ་ཕར་སྤྲོད་པ། གཡར་བའི་དངོས་པོ་ཕར་སྤྲོད་ཅེས་པ་ལྟ་བུ། |
| ཕར་སྤྲོད་ཚུར་ལེན |
དངུལ་དངོས་སོགས་གཞན་ལ་ཕར་གཏོད་པ་དང༌། རང་གིས་ཚུར་ལེན་པ། |
| ཕལ་ཀ |
འཕལ་ཀ་དང་འདྲ། |
| ཕལ་གཏམ |
སྐད་ཆ་སྤྱིར་བཏང་པའམ་དཀྱུས་མ། |
| ཕལ་ཅེར |
(བརྡ་རྙིང་།) ཕལ་ཆེར་དང་འདྲ། |
| ཕལ་ཆེ་བ |
(གྲངས་ཚིག) གྲངས་ཀ་མང་བོའི་ཕྱེད་ཀ་ཡན་ཏེ། (དཔེར་ན།) མི་ཕལ་ཆེ་བ། ལས་བྱེད་ཕལ་ཆེ་བ་ཞེས་པ་ལྟ་བུ། |
| ཕལ་ཆེན |
1.མདོ་སྡེ་ཕལ་པོ་ཆེའི་བསྡུས་མིང༌། 2.ཉན་ཐོས་སྡེ་བཞིའི་གྲས་ཕལ་ཆེན་སྡེ་པ། |
| ཕལ་ཆེན་པའི་སྡེ |
ཉན་ཐོས་ཀྱི་རྩ་བའི་སྡེ་པ་བཞིའི་ནང་གསེས། སྔོན་གྱི་དགེ་འདུན་ཕལ་ཆེ་བ་འདུས་པས་ཕལ་ཆེན་པའི་སྡེ་ཞེས་སུ་གྲགས་ཤིང༌། སྟོན་པ་འོད་སྲུང་ཆེན་པོ་ཡིན་ལ། སྣམ་སྦྱར་སྣམ་ཕྲན་ཉེར་གསུམ་མན་ཆད་བདུན་ཡན་ཆད་བྱེད་པ་དང༌། གྲྭའི་རྟགས་དཔལ་བེའུ་དང་དུང༌། སོར་མདོ་འདོན་པའི་ཚེ། པྲ་ཀྲྀ་ཏི་རང་བཞིན་གྱི་སྐད་དུ་འདོན་པའོ། ། |
| ཕལ་ཆེན་སྡེ་པ་ལྔ |
ཉན་ཐོས་སྡེ་པ་བཅོ་བརྒྱད་ཀྱི་ནང་གསེས་ཤིག་ཤར་ནུབ་རི་ལ་གནས་པ་དང༌། གངས་རིར་གནས་པ། འཇིག་རྟེན་འདས་པར་སྨྲ་བ། བཏགས་པར་སྨྲ་བ་སྟེ་སྡེ་ལྔ། |
| ཕལ་ཆེར |
1.(གྲངས་ཚིག) ཕལ་ཆེ་བ་དང་དོན་འདྲ། (དཔེར་ན།) མི་ཕལ་ཆེར། བཟོ་པ་ཕལ་ཆེར་ཞེས་པ་ལྟ་བུ། 2.(བསྣན་ཚིག) ཐག་ཆོད་པ་ཞིག་མིན་པའི་དོན་ཏེ། (དཔེར་ན།) དེ་རིང་ཆར་ཕལ་ཆེར་འབབ་རྒྱུ་མ་རེད། མི་འདི་ཕལ་ཆེར་སྨན་པ་ཞིག་ཡིན་པ་འདྲ་ལྟ་བུ། |
| ཕལ་ཆེར་སྤྱོད་པའི་དགེ་བསྙེན |
སྲོག་གཅོད་དང༌། མ་བྱིན་ལེན། འདོད་ལོག་དང་གསུམ་སྤོང་བའི་དགེ་བསྙེན་ནོ། ། |
| ཕལ་པ |
དཀྱུས་མའམ་སྤྱིར་བཏང་པའི་དོན་ཏེ། (དཔེར་ན།) མི་ཕལ་པ། རིན་ཆེན་ཕལ་པ། ཤེས་ཡོན་ཕལ་པ་ཞེས་པ་ལྟ་བུ། |
| ཕལ་པོ་ཆེ |
མདོ་སྡེ་སངས་རྒྱས་ཕལ་པོ་ཆེ་ཞེས་པ་བརྡ་རྙིང་དུ་སངས་རྒྱས་རྨ་ག་ཆད་དུ་གྲགས་ཤིང༌། ཡང་སྙན་གྱི་གོང་རྒྱན་དུའང་བསྒྱུར་བ་ཡོད་ལ། མདོ་སྡེ་འདི་ཤོ་ལོ་ཀ་འབུམ་དང༌། ལེའུ་བརྒྱ་ཡོད་པར་གྲགས་པ་རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་ཡེ་ཤེས་སྡེ་སོགས་ཀྱིས་བསྒྱུར་ཅིང་ལོ་ཆེན་བཻ་རོ་ཙ་ནས་དག་པར་ཕབ་པའོ། ། |
| ཕལ་བ |
(རྒྱན་ཚིག) རང་ག་བའམ་དཀྱུས་མའི་དོན་ཏེ། (དཔེར་ན།) ལས་ཀ་ཕལ་བ། མི་ཕལ་བ། ཟས་ཕལ་བ་ཞེས་པ་ལྟ་བུ། |
| ཕལ་མོ་ཆེ |
1.ཕལ་ཆེར་རམ་མང་ཆེ་བའི་དོན་ཏེ། (དཔེར་ན།) མི་ཕལ་མོ་ཆེ། ལས་ཀ་ཕལ་མོ་ཆེ་ཞེས་པ་ལྟ་བུ། 2.མདོ་སྡེ་ཕལ་ཆེན། |
| ཕལ་སྐད |
ཕལ་པའི་སྐད་དེ་ཡོངས་གྲགས་ཀྱི་ཡུལ་ལུང་སོ་སོའི་སྐད། (དཔེར་ན།) ཡིག་སྐད་དང་ཕལ་སྐད་གཉིས་ལ་ཁྱད་པར་ཕྲན་བུ་ཡོད་ཅེས་པ་ལྟ་བུ། |
| ཕལྒུ་ཎ |
(ལེགས་སྦྱར།) ཧོར་ཟླ་གཉིས་པ། |
| ཕས |
1.ཕ་རོལ་གྱི་དོན་ཏེ། (དཔེར་ན།) ཕས་ཀྱི་རྒོལ་བ་ཞེས་པ་ལྟ་བུ། 2.ཕ་ཡིས་ཞེས་པའི་བྱེད་སྒྲ་བསྡུས་པ་སྟེ། (དཔེར་ན།) ཕ་ཡིས་བཤད་ལ་ཕས་བཤད་ཟེར་བ་ལྟ་བུ། |
| ཕས་ཕམ་པ |
ཕམ་པའི་ལྟུང་བ་ཕ་རོལ་རྒྱལ་ནས་རྩ་ལྟུང་འདི་དག་གིས་སྡོམ་པ་ལས་ཉམས་ཤིང་འཇིག་པར་བྱེད་པ་ཞིག |
| ཕས་ཕམ་པ་བཞི |
མི་གསོད་པ་དང༌། མི་ཆོས་བླ་མའི་རྫུན་ཤོད་པ། མི་ཚངས་པར་སྤྱོད་པ། མ་བྱིན་པར་ལེན་པ་སྟེ་བཞི། |
| ཕས་རྒོལ |
ཕྱི་ནས་གནོད་པ་བྱེད་པར་འོངས་པའི་དགྲ་བོའི་མིང་། (དཔེར་ན།) ཕས་རྒོལ་ཕྱིར་ཟློགས་ཤིག་ལྟ་བུ། རིགས་པའི་གཞུང་ལུགས་ཐོག་ནས་དགྲར་འཛིན་མཁན་ཏེ། རྩོད་པས་ཕས་རྒོལ་ཟིལ་གྱིས་གནོན་ལྟ་བུ། འདི་ལ་ཕས་ཀྱི་རྒོལ་བ་ཞེས་བྲིས་ཀྱང་ཆོག |
| ཕི |
ཕྱི་དང་དོན་འདྲ་སྟེ། (དཔེར་ན།) ཕྱི་གླིང་པ་ལ་ཕི་གླིང་པ་ཟེར་བ་ལྟ་བུ། (ཡུལ་སྐད།) |
| ཕི་གླིང་པ |
(ཡུལ་སྐད།) ཕྱི་གླིང་པ་སྟེ་ཕྱི་རྒྱལ་གྱི་མི། |
| ཕི་པ |
(ཡུལ་སྐད།) ཕྱི་པ་སྟེ་ནང་པའི་ལྡོག་ཕྱོགས། |
| ཕི་རོ |
(ཡུལ་སྐད།) ཕྱི་དྲོ། |
| ཕིག་ཕིག |
(ཡུལ་སྐད།) 1>ཤ་ཁུ་སྤྱིན་རེངས་པ་ལྟར་ཆགས་པ། 2>མི་ཚབ་ཚུབ་ཅན་དང༌། བབ་ཅོལ་གྱི་གཏམ་སྨྲ་མཁན་རྣམས་ལ་གདགས་པའི་བླ་དྭགས་ཀྱི་མིང་ཞིག |
| ཕིགས |
ཕུག་གི་འབྲི་ཚུལ་གཞན། |
| ཕིགས་པ |
(བྱེད་མེད་ལས་ཚིག) 1>རྟོགས་པའི་དོན་ཏེ། (དཔེར་ན།) ཡིག་རིགས་ཀྱི་སྙིང་དོན་ཕིགས་པ་ཞེས་པ་ལྟ་བུ། 2>(ཡུལ་སྐད།) བརྟོལ་ཐུབ་པའི་དོན་ཏེ། (དཔེར་ན།) བུ་ག་ཕིགས་པ། རྩིག་པའི་ནང་ངོས་ནས་ཨི་ཁུང་གཅིག་ཕུག་ནས་ཕིགས་པ་ཞེས་པ་ལྟ་བུ། |
| ཕིགས་པར་སྨྲ་བ |
ཟུར་ཕྱིན་པར་བཤད་པའི་དོན་ཏེ། (དཔེར་ན།) རྟོགས་དཀའ་བའི་གནད་དོན་ཕིགས་པར་སྨྲ་བ་ཞེས་པ་ལྟ་བུ། |
| ཕིང |
(རྒྱ་སྐད།) རྒྱུ་སྲན་མ་ལས་གྲུབ་པའི་ཟས་ཀྱི་བྱེ་བྲག་ཅིག། |
| ཕིང་ཆག |
ཕིང་སྐམ་པོ་ཆག་པ། |
| ཕིང་རྩམ |
སྲན་མ་རློན་པར་བཏགས་པའི་ཕྱེ་མ། |
| ཕིང་ཤ |
1.ཕིང་དང་ཤ་བསྲེས་པའི་ཚལ་རིགས་ཤིག 2.(ཡུལ་སྐད།) མཛའ་བའི་དཔེ། (དཔེར་ན།) ཁོང་གཉིས་ཕིང་ཤ་རང་རེད། |
| ཕིན་མགྱོགས |
(ཡུལ་སྐད།) རང་འཐག་གམ་ཆུ་འཁོར་གྱི་ལྕགས་སྟེགས་ཀྱི་སྣེར་བསྒར་བའི་རྡོའི་མིང༌། |
| ཕིབས |
ཁང་བའི་ཀླད་ཁེབས་ཀྱི་མིང་། (དཔེར་ན།) ཁང་བའི་ཐོག་ཕིབས། ཁང་བའི་རྒྱ་ཕིབས། ཕིབས་འོག་ཏུ་བསྡད་ལྟ་བུ། |
| ཕིར |
(ཡུལ་སྐད།) ཕྱིར་རམ་ཕར། |
| ཕིས |
(ཡུལ་སྐད།) ཕྱིར་རམ་ཕར། |
| ཕུ |
1.དབུགས་སམ་ཁ་རླངས་ཀྱི་དོན་ཏེ། (དཔེར་ན།) ཇ་ཚ་པོ་ལ་ཕུ་གྲང་བཏབ་ནས་འཐུང་བ། ཞུན་མར་ཕུས་བསད་པ། མེ་ལ་ཕུ་བརྒྱབ་ནས་འབར་བ། རྐང་འཁོར་ལ་ཕུ་མ་བརྒྱབ་ན་བཞོན་ནས་འགྲོ་སྐྱོད་བྱེད་མི་ཐུབ། སྒྲོན་མེ་ལ་ཕུ་བཏབ་ནས་བསད་པ། ས་བཞུ་སྐྱོན་ཅན་ལ་ཕུ་བཏབ་ཀྱང་ཕུ་བརྟན་པོ་མི་སྡོད། སྨྱུ་གུར་སྣག་ཚ་ཕུས་འདྲེན་པ་ཞེས་པ་ལྟ་བུ། 2.ལུང་པའི་མདའ་ཡིས་ཟླས་ཕྱེ་བའི་ཕུ་སྟེ། (དཔེར་ན།) ལུང་པའི་མདའ་ནས་ཕུའི་བར་དུ་རིམ་བཞིན་འཛེག་པ། ཕུ་ལ་དགོན་པ་བཏབ་པ་ལས། མདའ་ལ་ཁ་མཆུ་མེད་ན་བདེ་ཞེས་པ་ལྟ་བུ། |
| ཕུ་གུ |
བུ་ག། |
| ཕུ་ཆུ |
ལུང་པའི་ཕུ་ནས་འབབ་པའི་ཆུ། (དཔེར་ན།) དབྱར་དུས་ཕུ་ཆུ་རབ་ཏུ་རྒྱས་ཀྱང་ཆུའི་འཇིགས་པ་མི་ཡོང་བ་ཞེས་པ་ལྟ་བུ། |
| ཕུ་ཆུང་བ |
རབ་བྱུང་དང་པོའི་ལྕགས་ལུག་ལོར་འཕན་ཡུལ་དུ་འཁྲུངས། མཚན་གཞོན་ནུ་རྒྱལ་མཚན། འབྲོམ་སྟོན་གྱི་ཐུགས་སྲས། སྤྲུལ་བའི་སྐུ་མཆེད་གསུམ་གྱི་ཡ་གྱལ། བཀའ་གདམས་པའི་ནང་གསེས་ཀྱི་མན་ངག་པའི་སྲོལ་ཕྱེས། དགུང་ལོ་བདུན་ཅུ་དོན་བརྒྱད་ལ་འདས། |
| ཕུ་ཐག |
1.སྦུག་གི་རིང་ཚད་དེ། (དཔེར་ན།) ལུང་པའི་ཕུ་ནས་མདའི་བར་གྱི་རིང་ཐུང༌། ཕུ་ལུང་གསུམ་གྱི་ཕུ་ཐག་རིང་ཐུང་དེ། མདོ་ལུང་གསུམ་གྱི་གཙང་ཆུ་མཐོང་བས་ཤེས་ཞེས་པ་ལྟ་བུ། 2.ཁུངས་སྣེའམ། ནང་ཚུལ་གྱི་དོན་ཏེ། (དཔེར་ན།) གཞུང་དོན་ཕུ་ཐག་བཅད་ནས་ལེགས་པར་རྟོགས་ཐབས་བྱེད་དགོས། སུམ་རྟགས་ཕུ་ཐག་ཆོད་པ་ཞེས་པ་ལྟ་བུ། |
| ཕུ་ཐག་བཅད |
1.ལུང་བ་དང་ཁུང་བུའི་ཕུ་མཐའ་བརྟོལ་བའི་དོན། 2.ཤེས་ཐག་ཆོད་པའི་དོན་ཏེ། (དཔེར་ན།) ཡིན་མིན་ཕུ་ཐག་བཅད། ཕུ་ཐག་གཅོད། ཕུ་ཐག་ཆོད་ཅེས་པ་ལྟ་བུ། |
| ཕུ་ཐུང |
ལྭ་བའི་ཕུ་ཐུང་། ཡུལ་སྐད་དུ་ཕུ་རུང་ཟེར། སྟོད་ལྭ་ཐུང་ངུ་རིགས་ཤིག་གི་མིང་། |
| ཕུ་དཀྲོག་མདའ་དཀྲོག |
ཡས་མས་ཚང་མར་དཀྲུག་པ་སྟེ། (དཔེར་ན།) ག་ས་ག་ལ་ཕུ་དཀྲོག་མདའ་དཀྲོག་བཟོ་བ་དང༌། ག་ས་ག་ནས་ཕམ་ཉེས་བཟེད་པ་ཞེས་པ་ལྟ་བུ། |
| ཕུ་དབྲག |
ལུང་པའི་ཕུ་རི་སྲུབས། ལུང་པ་ཕུ་དབྲག་ས་ཞིང་ཉུང༌། |
| ཕུ་དུང |
ལྭ་བའི་ཕུ་ཐུང་། |
| ཕུ་དུང་རྩེ |
ཕུ་ཐུང་གི་སྣེ། |
| ཕུ་དུད |
གུས་པ་བྱེད་པའི་བྱ་སྤྱོད་ཀྱི་མིང་། |
| ཕུ་ནུ |
1.ཕུ་བོ་དང༌། ནུ་བོའི་བསྡུས་མིང༌། (དཔེར་ན།) ཕུ་ནུ་གཉིས་ཀ་ལྷན་དུ་སོང༌། 2.(ཡུལ་སྐད།) ཨ་མདོའི་ཡུལ་སྐད་དུ་གཉེན་ཉེ་དུ་རྩ་ལག་གི་མིང༌། |
| ཕུ་ནུ་མོ |
བུ་མོ་སྤུན་གཞོན་པ། |
| ཕུ་པ |
ལུང་པའི་ཕུ་ལ་སྡོད་པའི་མི། |
| ཕུ་ཕུ |
ལུང་པའི་སྦུག་གི་སྦུག་སྟེ། (དཔེར་ན།) ལུང་པ་འདིའི་ཕུ་ཕུ་ན་མཚོ་ཞིག་ཡོད་ཅེས་པ་ལྟ་བུ། |
| ཕུ་བོ |
གཅེན་པོ། མིང་གི་རྣམ་གྲངས་ལ་སྔོན་སྐྱེས་དང༌། གཅེན་པོ། ཇོ་ཇོ། ཨ་ཇོ་བཅས་སོ། ། |
| ཕུ་མཐའ |
མཐར་ཐུག་གམ་ཡང་རྩེའི་དོན་ཏེ། (དཔེར་ན།) དབུ་མའི་ཕུ་མཐའ་བཅད་པ་ཞེས་པ་ལྟ་བུ། |
| ཕུ་མདའ |
1.ལུང་པའི་ཕུ་དང་མདའ། (དཔེར་ན།) ཟས་ངན་གཅིག་གིས་ཁོག་པའི་སྟོད་སྨད་དཀྲུག་མི་ངན་གཅིག་གིས་ལུང་པའི་ཕུ་མདའ་དཀྲུག་ཅེས་པ་ལྟ་བུ། 2.རླངས་འཁོར་སོགས་ལ་ཕུ་རྒྱག་བྱེད་ལག་ཆ་ཞིག |
| ཕུ་མདའ་བར་གསུམ |
ལུང་པའི་སྦུག་དང༌། མདའ་འམ་མདོ། བར་ཏེ་གསུམ། |
| ཕུ་མདའ་ལ་ཀླུངས |
ལུང་པའི་སྟོད་སྨད་དང༌། རི་མགོ་ལུང་གཞུང་བཅས་ཀྱི་བསྡུས་མིང༌། |
| ཕུ་མདོ |
ལུང་པའི་ཕུ་མདའ། |
| ཕུ་མདོ་བར་གསུམ |
ཕུ་མདའ་བར་གསུམ་དང་དོན་གཅིག |
| ཕུ་མེད |
བོད་ཀྱི་བུད་མེད་ཀྱི་དབྱར་གོས་ཕུ་དུང་མེད་པ། |
| ཕུ་མོ |
སྤུན་རྒན་པ་ཨ་ཅེ། |
| ཕུ་འབྲོག |
ལུང་པའི་ཕུ་ལ་ཡོད་པའི་འབྲོག་པ། |
| ཕུ་ཡོད |
གྱོན་གོས་ཕུ་དུང་ཡོད་པ། |
| ཕུ་རིང |
ཕུ་དུང་རིང་པོ། |
| ཕུ་རུང |
ཕུ་ཐུང་ལ་ལྟོས། |
| ཕུ་ལྷགས |
ལུང་པའི་ཕུ་ནས་འོངས་པའི་རླུང༌། |
| ཕུ་ཤུ |
(བརྡ་རྙིང་།) སྐ་རགས། |
| ཕུ་སུམ་ཆུ |
ལུང་པ་ཕུ་གསུམ་ནས་ཡོང་བའི་ཆུ། |
| ཕུ་སྟོད |
སྔར་བོད་སྲིད་གཞུང་གི་ཤོད་དྲུང་གིས་གྱོན་པའི་རྒྱ་ལུ་ཆས་ཀྱི་སྟོད་གོས་ཕུ་དུང་ཅན། |
| ཕུག |
1.(བྱེད་འབྲེལ་ལས་ཚིག) འབིགས་ཀྱི་འདས་པ། དངོས་རྫས་ལ་བུ་ག་བརྟོལ་བའི་དོན་ཏེ། (དཔེར་ན།) ཤིང་བཟོས་གཉའ་ཤིང་ལ་བུ་ག་ཕུག་ནས་ཐག་པ་བརྒྱུས་ལྟ་བུ།2.ཕུག་པ་ཞེས་པའི་མིང་མཐའ་བསྡུས་པ། 3.ཕུག་མ་ཡི་མིང་མཐའ་བསྡུས་པ། 4.ཕུག་རོན་གྱི་མིང་མཐའ་བསྡུས་པ། 3.ཕུག་གི་སྐུལ་ཚིག་གི་འབྲི་ཚུལ་གཞན། |
| ཕུག་གཟོང |
(ཡུལ་སྐད།) པར་ཤིང་ཞུ་དག་གཏོང་སྐབས་པར་ཤིང་ལ་གདབ་བྱའི་གཟོང་ཞིག |
| ཕུག་ཉལ |
(མངོན་བརྗོད།) 1>སྦྲུལ། 2>དོམ། 3>འཕྱི་བ། |
| ཕུག་པ |
1.འབིགས་པའི་འདས་པ། 2.ཀེའུ་ཚང༌སྟེ། (དཔེར་ན།) བྲག་ཕུག ས་ཕུག གད་ཕུག དབེན་ཕུག་ཅེས་པ་ལྟ་བུ། |
| ཕུག་པ་ལྷུན་གྲུབ་རྒྱ་མཚོ |
བོད་ཀྱི་རྩིས་རིག་ལ་མཁས་པ་ཞིག རབ་བྱུང་བརྒྱད་པའི་མེ་ཡོས་ལོར་རྩིས་གཞུང་པད་དཀར་ཞལ་ལུང་མཛད། |
| ཕུག་པའི་རྨ |
བློ་བུར་གྲི་མཚོན་ཕོག་པ་སོགས་ཕྱི་རྐྱེན་ལས་བྱུང་བའི་རྨ་རིགས་ཀྱི་ནང་ཚན་ཤ་པགས་ཀྱི་གཏིང་དུ་ཟབ་ཟབ་པོར་ཕུག་པའི་རྨ། |
| ཕུག་མ |
འབྲུ་རིགས་ཀྱི་སྙེ་མའི་རྩྭ་ཤུན་དང་སྲན་མའི་རིགས་ཀྱི་གང་བུའི་ཕྱི་ཤུན་གྱི་མིང་། མིང་བསྡུས་ན་ཕུག་ཅེས་འབྲི་ཆོག་སྟེ། (དཔེར་ན།) གྲོའི་ཕུག་མ་ལ་གྲོ་ཕུག་དང་། སྲན་མའི་ཕུག་མ་ལ་སྲན་ཕུག་ཟེར་བ་ལྟ་བུ། |
| ཕུག་རོན |
བྱ་ཕུག་རོན་ཏེ་འདི་ལ་རི་བྱ་དང་ཡུལ་བྱ་རིགས་གཉིས་དང་ནང་གསེས་སུ་ཡང་རིགས་མང་བོ་ཡོད་ལ་དུས་རྒྱུན་ཁྱུ་བྱས་ནས་འཚོ། མིང་བསྡུས་ན་ཕུག་ཅེས་འབྲི་ཆོག་སྟེ། (དཔེར་ན།) ཕུག་རོན་གྱི་སྒྲོ་ལ་ཕུག་སྒྲོ་ཟེར་བ་ལྟ་བུ། |
| ཕུག་རོན་གསང |
དོན་སྣོད་སོགས་མེད་པའི་ལུས་ཀྱི་སྟོང་ཆ་ཕུག་རོན་ཐར་ཙམ་གྱི་གསང་ཞིག་སྐེ་སྟོང་ཙ་ར་ཁུང་ནས་ནུ་མའི་སྟེང་ཐིག་གཅིག་དང༌། ནུ་མ་ནས་སྒྲོག་རུས་ཕྱི་ཟུར་བར་ཐིག་གཅིག་སྒྲོག་རུས་ནས་སྐེ་སྟོང་བར་ཐིག་གཅིག་བཅས་སྦྲེལ་བའི་བར་གྱི་གྲུ་གསུམ་སྟོང་ཆ་དེའོ། ། |
| ཕུག་རྡུགས་པ |
ཕུག་ལ་ཐུག་ནས་འགྲོ་ས་མེད་པ། |
| ཕུག་ལམ |
ས་སྦུབས་རི་སྦུབས་སོགས་འགྲོ་ལམ། |
| ཕུག་ལུགས |
ཕུག་པ་ལྷུན་གྲུབ་རྒྱ་མཚོའི་རྩིས་ཀྱི་ལུགས། |
| ཕུག་སྐྱ |
1.ཕུག་རོན་སྐྱ་བོ། 2.ཁ་དོག་དཀར་པོ་ཞིག |
| ཕུགས |
1.དུས་གཏན་ནམ་ཡུན་རིང་པོའི་དོན་ཏེ། (དཔེར་ན།) ཕུགས་ཀྱི་ཁེ་ཕན། ཕུགས་ཀྱི་བློ། ཕུགས་བསམ་ཞེས་པ་ལྟ་བུ།2.(བྱེད་འབྲེལ་ལས་ཚིག) ཕུག་པའི་སྐུལ་ཚིག་སྟེ། (དཔེར་ན།) བུ་ག་ཕུགས་ཤིག་ལྟ་བུ།3.ལུང་བ་དང་ཁུང་སོགས་ཀྱི་མདོ་ཁ་ནས་ནང་དུ་བར་ཐག་རིང་བའི་གནས་ཀྱི་མིང་། (དཔེར་ན།) བྲག་ཁུང་གི་ཕུགས། ཁང་བའི་ཕུགས་ཞེས་པ་ལྟ་བུ། 4.ཁུངས་ཀྱི་མིང་། (དཔེར་ན།) རྫུན་ཚིག་གི་ཕུགས་བརྟོལ། ཕུགས་གཏུགས་ས་ཞེས་པ་ལྟ་བུ། 5.(བྱེད་འབྲེལ་ལས་ཚིག) ཕུག་གི་སྐུལ་ཚིག |
| ཕུགས་གཏོར |
རྒྱུན་དུ་འབུལ་བའི་གཏོར་མ། |
| ཕུགས་ཐུབ་པ |
ཡུན་རིང་དུ་བརྟན་ཐུབ་པའི་དོན་ཏེ། (དཔེར་ན།) ལྕགས་ཟམ་ཕུགས་ཐུབ་པ། ལག་རྩལ་ཕུགས་ཐུབ་པ་ཞེས་པ་ལྟ་བུ། |
| ཕུགས་དམིགས |
1.དུས་ཡུན་རིང་པོའི་ཆ་རྐྱེན་ནམ། དམིགས་རྟེན། 2.མཐར་ཐུག་བློ་གཏད་སའི་དམིགས་ཡུལ། |
| ཕུགས་དོན |
ནམ་ཕུགས་ཀྱི་འདུན་མའི་དོན། |
| ཕུགས་ནོར |
ཕུགས་དམིགས་སྙིང་ནོར། |
| ཕུགས་ནོར་བཅུ |
བཀའ་གདམས་པའི་དགེ་བཤེས་རྣམས་ཀྱིས་ཆོས་རྣལ་མ་ཞིག་བསྒྲུབ་པར་ཚེ་འདི་བློས་གཏོང་བའི་གདམས་ངག་ཕུགས་ནོར་ལྟ་བུ་བཅུ་ཐེབས་མེད་རྡོ་རྗེ་སྔོན་དུ་གཏོང༌། ཁྲེལ་མེད་རྡོ་རྗེ་རྗེས་ལ་བཞག་ཡེ་ཤེས་རྡོ་རྗེ་རང་དང་འགྲོགས། བློ་ཕུགས་ཆོས་ལ་གཏད། ཆོས་ཕུགས་སྤྲང་ལ་གཏད། སྤྲང་ཕུགས་ཤི་ལ་གཏད། ཤི་ཕུགས་གྲོག་པོ་སྐམ་པོ་ལ་གཏད། མི་གྲལ་ནས་བུད། ཁྱི་གྲལ་བསྙེགས། ལྷ་གྲལ་ཐོབ་པ་བཅུའོ། ། |
| ཕུགས་བདེ |
ཕུགས་ཀྱི་བདེ་བའི་དོན་ཏེ། (དཔེར་ན།) འདི་སྐྱིད་ཕུགས་བདེ་ཞེས་པ་ལྟ་བུ། |
| ཕུགས་བརྟན་པ |
ནམ་ཕུགས་མི་འགྱུར་བའི་དོན་ཏེ། (དཔེར་ན།) གྲོགས་པོ་ཕུགས་བརྟན་པ། བྱ་བ་ཕུགས་བརྟན་པ་ཞེས་པ་ལྟ་བུ། |
| ཕུགས་བསམ |
ནམ་ཕུགས་གང་ཡོང་གི་བསམ་བློ་སྟེ། (དཔེར་ན།) ལས་ཀ་བཀོད་སྒྲིག་མ་བྱས་གོང་དུ་ཕུགས་བསམ་ཞིབ་ཚགས་ཤིག་གཏོང་དགོས་ཞེས་པ་ལྟ་བུ། |
| ཕུགས་ཟོག |
ཕུགས་དམིགས་ཀྱི་དངོས་ཟོག་གམ་ནོར་ཕྱུགས། |
| ཕུགས་འཁྱོལ |
མཐར་འཁྱོལ་བའི་དོན་ཏེ། (དཔེར་ན།) སློབ་སྦྱོང་ཕུགས་འཁྱོལ་བྱེད་དགོས་ཞེས་པ་ལྟ་བུ། |
| ཕུགས་འདུན |
གཏན་གྱི་དོན། |
| ཕུགས་འཕེར་བ |
དུས་ཡུན་རིང་པོའི་གོ་ཆོད་ཐུབ་པའི་དོན་ཏེ། (དཔེར་ན།) ཡོན་ཏན་ཕུགས་འཕེར་བ། ཉེར་མཁོའི་ཡོ་བྱད་ཕུགས་འཕེར་བ། ལས་ཀ་ཕུགས་འཕེར་བྱེད་མཁན་ལ་བསྟོད་བསྔགས་གཏོང་བ་ཞེས་པ་ལྟ་བུ། |
| ཕུགས་འབྲས |
ལས་ཀ་བྱས་པའི་རྗེས་འབྲས་ཏེ། (དཔེར་ན།) དཀའ་ངལ་ཁྱད་བསད་ཀྱིས་འབད་རྩོལ་ཧུར་ཐག་བྱས་པའི་ཕུགས་འབྲས་ཐོན་སྐྱེད་བཟང་པོ་བྱུང་བ་ཞེས་པ་ལྟ་བུ། |
| ཕུགས་ཡུན |
ཕུགས་ཀྱི་དུས་ཡུན་རིང་བའི་དོན་ཏེ། (དཔེར་ན།) ཕུགས་ཡུན་གྱི་འཆར་གཞི་ཞེས་པ་ལྟ་བུ། |
| ཕུགས་རྒྱགས |
ཕུགས་ཀྱི་འཚོ་ཆས། |
| ཕུགས་རྡིག |
ཡུན་དུ་ཕན་པའི་དངོས་པོ་རྩ་འགང་ཆེ་བ། |
| ཕུགས་རྩ |
དོན་གནད་ཀྱི་འགག་རྩ་སྟེ། (དཔེར་ན།) ནོར་འཁྲུལ་གང་ནས་བྱུང་བའི་ཕུགས་རྩ་རྩད་གཅོད་བྱེད་པ་ཞེས་པ་ལྟ་བུ། |
| ཕུགས་ལོན་པ |
ཕུགས་ཀྱི་དོན་རྟོགས་པའམ་རྩ་བ་རྟོགས་པའི་དོན་ཏེ། (དཔེར་ན།) མི་ཕུགས་མི་ཡིས་ལོན་ལ། ཆུ་ཕུགས་ཉ་ཡིས་ལོན། ལས་ཀའི་ཕུགས་ལོན་པ་ཞེས་པ་ལྟ་བུ། |
| ཕུགས་སོ |
ཁུངས་ལུང༌གི་དོན་ཏེ། (དཔེར་ན།) གཏམ་དེ་ལ་ཕུགས་སོ་ཨེ་འདུག གཏམ་ཕུགས་སོ་མེད་ན་རྫུན་གཏམ་རེད་ཅེས་པ་ལྟ་བུ། |
| ཕུང |
1.(བྱེད་འབྲེལ་ལས་ཚིག) འཕུང་གི་འདས་པ། ཉམས་པའམ་ཉེས་པ་སྟེ། (དཔེར་ན།) རྒྱལ་ཁབ་ཕུང་ལ་སྦྱར་བ། ཐོན་སྐྱེད་ལས་དོན་ཕུང་ལ་འདེབས་ཞེས་པ་ལྟ་བུ།2. ཕུང་བོ་ཡི་མིང་མཐའ་བསྡུས་པ། |
| ཕུང་ཀྲོལ |
ཕུང་བྱེད་དམ་རློག་བྱེད་དེ། (དཔེར་ན།) རང་གཞན་ཕུང་ཀྲོལ་གྱི་ལས་ཞེས་པ་ལྟ་བུ། |
| ཕུང་ཀྲོལ་རྒྱུད་སྐུལ |
ཕུང་གཞིའི་རྐྱེན་སློང་བ། |
| ཕུང་ཁ |
ཉེས་པའི་གཞི། |
| ཕུང་ཁམས་སོ་དྲུག |
ཕུང་པོ་དྲུག་དང༌། ཁམས་དྲུག་དབང་པོ་དྲུག་ཡུལ་དྲུག་ལས་ཀྱི་དབང་པོ་དྲུག་ལས་ཀྱི་དབང་བྱ་བའི་དྲུག་སྟེ་སོ་དྲུག |
| ཕུང་གཞི |
ཕུང་གྱོད་ཀྱི་རྩ་བ། |
| ཕུང་གཡོ་བ |
ཕྲ་མ་འཇུག་པའམ་དཀྲུག་ཤིང་བྱེད་པའི་བྱ་སྤྱོད་ཀྱི་མིང་། |
| ཕུང་གསུམ་པ |
མཐའ་གཉིས་མ་ཡིན་པའི་གཞན་ཞིག་སྟེ། (དཔེར་ན།) ཡང་ན་གསར་བརྗེ་བྱེད་པ་དང༌། ཡང་ན་གསར་བརྗེར་ངོ་ལོག་བྱེད་པ་གཉིས་ལས་འགྲོ་ས་ཕུང་གསུམ་པ་གཞན་ཞིག་མེད་ཅེས་པ་ལྟ་བུ། |
| ཕུང་གྱོད |
ཁྱིམ་སྟོང་མི་སྟོང་བཟོ་བའི་གྱོད་གཞི། |
| ཕུང་གྲོལ |
1.གནོད་པའི་ལས་དང་གྱོང་གུད་དུ་གཏོང་བའི་ལས་ཀྱི་མིང་། 2.རྩོད་གླིང་སློང་བའི་བྱ་སྤྱོད་སོགས་ཀྱི་མིང་། |
| ཕུང་ངེ་བ |
ཕུང་པོར་ཕུང་ཚུལ་ཏེ། (དཔེར་ན།) ཤིང་འབྲས་མང་པོ་ཕུང་ངེ་བར་སྤུངས་འདུག ནགས་ཁྲོད་དུ་ཤིང་ལོ་ཕུང་ངེ་བར་འདུག མེ་ཏོག་གི་རྩེ་མོར་ཆུའི་ཟིལ་པ་ཕུང་ངེ་བར་ཆགས་འདུག་ཅེས་པ་ལྟ་བུ། |
| ཕུང་དཀྲུག |
ཕུང་རྐྱེན་དབྱེན་དཀྲུག |
| ཕུང་པོ |
1.རྡུལ་རྫས་སམ་རྒྱུན་སྔ་ཕྱིའི་ཆ་བསགས་པའི་གོང་བུའི་མིང་སྟེ། (དཔེར་ན།) སའི་ཕུང་པོ། རྡོ་ཕུང༌། ཤིང་ཕུང༌། འབྲུ་རིགས་ཕུང་པོར་སྤུང་བ། བཀའ་དྲིན་གྱི་ཕུང་པོ་བགྲང་བར་མི་ནུས་པ། ཚེར་མའི་ཕུང་པོའི་སྟེང་དུ་འདུག་པ་དང་འདྲ་ཞེས་པ་ལྟ་བུ། 2.རོའི་མིང་སྟེ། (དཔེར་ན།) ཤི་བའི་ཕུང་པོ་མེར་སྲེག་ཅེས་པ་ལྟ་བུ། 3.ཚོགས་པའམ་སྤུངས་པའི་དོན་ཏེ། རིགས་མཐུན་གྱི་ཆོས་དུ་མ་སྤུངས་པའམ། དེ་ཉིད་ཀྱི་ཁྱད་པར་ཐམས་ཅད་འདུས་པས་ན་ཕུང་པོ་ཞེས་བྱའོ།།4.(མངོན་བརྗོད།) ཕུང་པོ་ལ་གཟུགས་དང༌། ཚོར་བ་དང༌། འདུ་ཤེས་དང༌། འདུ་བྱེད་དང༌། རྣམ་ཤེས་ལྔ་ཡོད་པས་གྲངས་ལྔ་མཚོན། |
| ཕུང་པོ་གསུམ་པ |
1.ཕུང་པོ་གསུམ་པའི་མདོ་ལྟུང་བཤགས། 2.སྡིག་པ་བཤགས་པ་དང༌། རྗེས་སུ་ཡི་རང་བ། དགེ་བ་བསྔོ་བའི་ཕུང་པོ་གསུམ་མམ། ཡང་ན། སྡིག་པ་བཤགས་པ་དང༌། རྗེས་སུ་ཡི་རང་བ། ཆོས་འཁོར་བསྐོར་བར་བསྐུལ་བ་བཅས་ཀྱི་ཕུང་པོ་གསུམ་མོ། ། |
| ཕུང་པོ་དྲུག |
གཟུགས་དང༌། ཚོར་བ། འདུ་ཤེས། འདུ་བྱེད། རྣམ་ཤེས། ཡེ་ཤེས་ཏེ་དྲུག |
| ཕུང་པོ་རང་འགྱུར་ཐིག་ལེ་དགུ་སྐོར |
བོན་ལུགས་ཀྱི་ལྟ་བ་སྟོན་པའི་གཞུང་ཞིག |
| ཕུང་པོ་རི་བོ་ཆེ |
བོད་ཀྱི་རི་ཆེན་བཞིའི་ཡ་གྱལ། གཙང་ཁུལ་དུ་ཡོད། |
| ཕུང་པོ་ལྔ |
ཟག་བཅས་ཀྱི་ཕུང་པོ་ལྔ་དང་ཟག་མེད་ཀྱི་ཕུང་པོ་ལྔའོ། ། |
| ཕུང་པོའི་དཔེ |
ཐེག་དམན་གྱི་མདོ་ལས་བདེན་མེད་སྟོན་ཚུལ་ཏེ། གཟུགས་ནི་དབུ་བ་རྡོལ་བ་འདྲ། ཚོར་བ་ཆུ་ཡི་ཆུ་བུར་འདྲ། འདུ་ཤེས་སྨིག་རྒྱུ་ལྟ་བུ་འདུ་བྱེད་རྣམས་ནི་ཆུ་ཤིང་བཞིན། རྣམ་པར་ཤེས་པ་སྒྱུ་མ་ལྟར་ཞེས་སོ། ། |
| ཕུང་པོའི་བདུད |
བདུད་བཞིའི་ནང་གསེས་ཤིག་ལས་དང་ཉོན་མོངས་པས་བསྐྱེད་པའི་ཕུང་པོ་འདི་གྲུབ་ན་རང་དབང་མེད་པར་ན་བ་དང༌། རྒ་བ་དང༌། རྒུད་པ་ལ་སོགས་པའི་རྐྱེན་གྱིས་དགེ་བའི་བར་ཆད་བྱེད་པས་སོ། ། |
| ཕུང་ཕུང་འཕྲོ་བ |
མེ་འོད་སོགས་འཕྲོ་ཚུལ། |
| ཕུང་བ |
(བྱེད་འབྲེལ་ལས་ཚིག) འཕུང་བའི་འདས་པ། |
| ཕུང་བོ |
1.སྲོག་ཆགས་ཀྱི་ལུས་ཀྱི་མིང་། (དཔེར་ན།) གཟུགས་ཀྱི་ཕུང་བོ། མིའི་གཟུགས་ཕུང་བདེ། གླང་ཆེན་ཕུང་བོ་ཆེ་ལྟ་བུ། 2.ཕྱོགས་གཅིག་ཏུ་བསྡུས་པའི་དངོས་རྫས་ཀྱི་མིང་། (དཔེར་ན།) རྩྭའི་ཕུང་བོ་ལ་རྩྭ་ཕུང་དང་། རྡོའི་ཕུང་བོ་ལ་རྡོ་ཕུང་། སྤྲིན་གྱི་ཕུང་བོ་ལ་སྤྲིན་ཕུང་ཞེས་པ་ལྟ་བུ། |
| ཕུང་མིན་ལ |
ལ་ཞིག བོད་ཀྱི་རྫ་ཡུལ་རྫོང་གི་ལྷོ་རྒྱུད་དུ་ཡོད། |
| ཕུང་འདྲེ |
ཕུང་བྱེད་ཀྱི་མི་མ་ཡིན། |
| ཕུང་རྒན |
ཕུང་བྱེད་ཀྱི་མི་ངན། (དཔེར་ན།) ཕུང་རྒན་བསྟན་བཤིག་ཅེས་པ་ལྟ་བུ། |
| ཕུང་སུམ་པ |
ཕྱོགས་གཉིས་སུ་མ་གཏོགས་པའི་ཕྱོགས་གསུམ་པ་སྟེ། (དཔེར་ན།) ཚ་གྲང་གཉིས་སུ་མ་འདུས་པའི་ནད་ཕུང་སུམ་པ་མེད། འགྲོ་ལམ་གཉིས་སུ་མ་འདུས་པའི་འགྲོ་ལམ་ཕུང་སུམ་པ་མེད་ལྟ་བུ། |
| ཕུང་སེལ |
ཆགས་སྒོའམ་གནོད་འཚེའི་དོན་ཏེ། (དཔེར་ན།) སྐྱེ་རྒུའི་ཕུང་སེལ་བྱེད་པ་རྣམས། བསད་ན་རྒྱལ་ཁམས་བདེ་ཞེས་པ་ལྟ་བུ། |
| ཕུང་སྦྱོར |
ཉེས་སྐྱོན་བཟོ་བ། |
| ཕུང་སྲི |
ཆོས་ལུགས་པས་སྲི་རིགས་སྡེ་ཚན་མང་པོར་འདྲེན་པའི་ནང་ཚན་ཕུང་བར་བྱེད་པའི་གདོན་འདྲེ་ཞིག |
| ཕུད |
1.(བྱེད་འབྲེལ་ལས་ཚིག) འདས་པ་དང་སྐུལ་ཚིག ནང་ནས་ཕྱིར་འབྱིན་པའམ་ཕར་བསྐྲད་པའི་དོན་ཏེ། (དཔེར་ན།) ར་ནང་ནས་ལུག་ཕྱི་ལ་ཕུད་ནས་རྩྭ་སར་འཚོ། ཕྱིར་ཕུད་ཅིག མི་ངན་ལས་བྱེད་པའི་གྲལ་ནས་ཕུད་ཅེས་པ་ལྟ་བུ།2.མིའི་སྐྲའི་ཐོར་ཅོག་དང་རལ་བའམ་སྲོག་ཆགས་ཀྱི་མགོའི་སྤུ་རིང་བོའི་མིང་། (དཔེར་ན།) བྱིས་པའི་སྐྲ་ཟུར་ཕུད་བཅིངས། མགོའི་གཙུག་ཕུད། རྨ་བྱའི་གཙུག་ཕུད་ཅེས་པ་ལྟ་བུ། 3.ཐོག་མའི་མིང་སྟེ། (དཔེར་ན།) ཟས་ཕུད། འབྲུ་ཕུད། ཡིག་ཕུད། མགྲོན་པོ་ལ་ཟས་ཕུད་དྲངས་ལྟ་བུ། 4.ཁ་ནས་དབུགས་དྲག་ཏུ་འབྱིན་པའི་སྒྲའི་མིང་། (དཔེར་ན།) ཕུད་སྒྲ་བསྒྲགས། ཕུད་ཕུད་ཅག་ཅག་གི་སྒྲ་གྲགས་ལྟ་བུ། |
| ཕུད་ཀོང |
ཇ་ཆང་སོགས་ཀྱི་ཕུད་འཇོག་སྣོད། |
| ཕུད་གཏོར |
1.ཕུད་འབུལ་བ། 2.གཏོར་མའི་ཕུད། |
| ཕུད་དམ |
ཇ་ཆང་གི་ཕུད་འཇོག་སྣོད། |
| ཕུད་ཕོར |
ཇ་ཆང་སོགས་ཀྱི་ཕུད་འཇོག་སྣོད། |
| ཕུད་བུ |
སྐྲའི་ཐོར་ཚུགས་ཆུང་ངུ་སྟེ། (དཔེར་ན།) གཙུག་ཕུད། ཟུར་ཕུད་ཅེས་པ་ལྟ་བུ། |
| ཕུད་མཆོད |
ཟས་གོས་ལ་སོགས་པའི་ཕུད་ཀྱི་མཆོད་པ། |
| ཕུད་རྒྱག |
དངོས་པོ་ལ་ཕྱོགས་གཅིག་ནས་ཤེད་ཕྱུངས་ཏེ་ཕྱོགས་གཞན་གཅིག་ལ་འདེད་པའི་འགུལ་སྟངས་ཀྱི་མིང་། (དཔེར་ན།) བྱིས་པས་ཕན་ཚུན་ཕུད་རྒྱག་བྱས་ལྟ་བུ། |
| ཕུད་ཤེད |
ཕར་འདེད་པའི་ཤུགས་ཀྱི་མིང་། (དཔེར་ན།) ཕན་ཚུན་ལ་ཕུད་ཤེད་མ་རྒྱག ཤིང་རྟ་ལ་ཕུད་ཤེད་བརྒྱབ་ལྟ་བུ། |
| ཕུད་སྒྲ |
དུག་སྦྲུལ་གྱི་སྐད། |
| ཕུན་བུ |
འཛར། |
| ཕུན་ཚུགས་པ |
(བརྡ་རྙིང་།) གཞི་ཚུགས་པ། |
| ཕུན་ཚོགས |
ཕུན་སུམ་ཚོགས་པ་ཞེས་པའི་ཚིག་བསྡུས་པ། ལེགས་ཤིང་ཆད་ལྷག་མེད་པ་ཉེས་སྐྱོན་མེད་པ་སོགས་ཀྱི་དོན་ཏེ། (དཔེར་ན།) ལོ་ཏོག་ཕུན་སུམ་ཚོགས་པ། ལོངས་སྤྱོད་ཕུན་སུམ་ཚོགས་པ། བྱ་བ་ཕུན་སུམ་ཚོགས་པར་གྲུབ། ད་ལོའི་འཆར་གཞི་ཕུན་སུམ་ཚོགས་པར་གྲུབ་ཅེས་པ་ལྟ་བུ། |
| ཕུན་ཚོགས་གསུམ |
རྒྱུ་དང༌། འབྲས་བུ། ཕན་འདོགས་པ་བཅས་གསུམ་གྱི་ཕུན་སུམ་ཚོགས་པ། |
| ཕུན་ཚོགས་གསུམ་ལྡན |
དགེ་ཚུལ་སློང་བསྒྲུབ་པ་ལ། མཐུན་རྐྱེན་ཕུན་སུམ་ཚོགས་པ་གསུམ་དང་ལྡན་དགོས་པ་གང་ལ་སྡོམ་པ་བླང་བའི་ཡུལ་མཁན་སློབ། གང་གིས་སྡོམ་པ་འབོག་པར་བྱེད་པའི་ཆོ་ག། གང་བསླབ་པར་བྱ་བའི་གནས་ལ་ཚུལ་བཞིན་དུ་བསླབ་པར་འདོད་པའི་བསམ་པ་སྟེ་ཕུན་སུམ་ཚོགས་པ་གསུམ་མོ། ། |
| ཕུན་ཚོགས་གླིང |
དགའ་ལྡན་ཕུན་ཚོགས་གླིང་སྟེ་ས་མིང་ཞིག བོད་ཀྱི་ལྷ་རྩེ་རྫོང་ཁོངས་ཡར་ཀླུངས་གཙང་པོའི་འགྲམ་དུ་ཡོད། |
| ཕུན་ཚོགས་མིན |
(མངོན་བརྗོད།) ཡི་དྭགས། |
| ཕུན་ཚོགས་འཕེལ |
(མངོན་བརྗོད།) ཤིང་ཡོངས་འདུ་ས་བརྟོལ། |
| ཕུན་ཚོགས་རྒྱས་པ |
ལེགས་ཚོགས་ཐམས་ཅད་གོང་དུ་འཕེལ་བ། |
| ཕུན་ཚོགས་ལྔ |
ཆོས་ཕུན་སུམ་ཚོགས་པ་དང༌། དུས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། གནས་ཕུན་སུམ་ཚོགས་པ། འཁོར་ཕུན་སུམ་ཚོགས་པ་སྟེ་ལྔ། |
| ཕུན་ཚོགས་སྡེ་བཞི |
ཆོས་ནོར་འདོད་ཐར་བཅས་འཇིག་རྟེན་དང༌། འཇིག་རྟེན་ལས་འདས་པའི་ཕུན་ཚོགས་སྡེ་བཞི་སྟེ་སངས་རྒྱས་ཀྱི་ཆོས་དར་བ་དང༌། ནོར་ལོངས་སྤྱོད་དང་ལྡན་པ། འདོད་ཡོན་ལྔ་ལ་སྤྱོད་པ། ཆོས་ལ་བརྟེན་ནས་ཐར་པ་མྱ་འདས་ཀྱི་གོ་འཕང་འཐོབ་རྒྱུ་ཡོད་པ་བཅས་སོ། ། |
| ཕུན་རྩེ་མཚོ |
ཚྭ་མཚོ་ཞིག བོད་ཀྱི་ངམ་རིང་རྫོང་གི་བྱང་རྒྱུད་དུ་ཡོད། |
| ཕུན་སུམ་ཚོགས་པ |
ལེགས་ཤིང་ཆ་ཚང་བ། བདེ་སྐྱིད་ཕུན་སུམ་ཚོགས་པ། |
| ཕུབ |
1.འབུབས་པའི་སྐུལ་ཚིག་གི་འབྲི་ཚུལ་གཞན། 2.ལག་ལ་བཟུང་ནས་མཚོན་ཆ་འགོག་བྱེད་ཀྱི་གནའ་བོའི་དམག་ཆས་ཤིག་གི་མིང་།3.བརྒྱངས་པའི་དོན་ཏེ། (དཔེར་ན།) འབྲོག་པས་སྦྲ་གུར་ཕུབ། རྨ་བྱས་སྒྲོ་གུར་ཕུབ་ཅེས་པ་ལྟ་བུ། |
| ཕུབ་ཀྱི་མེ་ལོང |
མཚོན་ཆ་སྐྱོབ་བྱེད་ཕུབ་ཀྱི་མཐིལ་ལམ་དཀྱིལ། |
| ཕུབ་ཁ |
(བརྡ་རྙིང་།) ཕམ་ཁའི་མིང༌། |
| ཕུབ་དམག |
མཚོན་ཆ་འགོག་བྱེད་ཀྱི་ཕུབ་ལག་ཏུ་ཐོགས་པའི་དམག |
| ཕུབ་པ |
(བྱེད་འབྲེལ་ལས་ཚིག) འབུབས་པའི་འདས་པ། |
| ཕུབ་མ |
སྦུན་པ་སྟེ། (དཔེར་ན།) ནས་ཕུབ་གྲོ་ཕུབ་བོང་བུའི་ཟས། ཕུབ་མའི་འོག་གི་ཆུ་དོང༌། སྦུན་ཕུབ་འཕྱར་ལ་སྙིང་པོ་མེད་ཅེས་ལྟ་བུ། |
| ཕུབ་མ་རླུང་འཁྱེར |
གློ་བུར་དུ་བྱུང་བའི་རྐྱེན་ངན་ཚབས་ཆེན་གྱི་དཔེ། |
| ཕུབ་སླེལ |
ལྕུག་མས་བཏགས་པའི་སླེལ་པོ་ཆེན་པོ། |
| ཕུབས |
(བྱེད་འབྲེལ་ལས་ཚིག) འབུབས་ཀྱི་སྐུལ་ཚིག (དཔེར་ན།) ཁང་བ་ཕུབས་ཤིག། གུར་ཕུབས་ཤིག་ལྟ་བུ། |
| ཕུམ་ཕུམ |
རྟའི་ཐོད་པར་མར་འཕྱང་པའི་སྤུ་རིང་བོའི་མིང་། |
| ཕུར |
1.(བྱེད་འབྲེལ་ལས་ཚིག) འཕུར་གྱི་འདས་པ་དང་སྐུལ་ཚིག གནས་གཅིག་ལ་ཡང་ཡང་རེག་པའམ་གཙུབ་རྡར་བྱས་པའི་དོན་ཏེ། (དཔེར་ན།) ལག་པས་མིག་ཕུར་མི་ཉན། ལག་པས་མགོ་ཕུར། ཕུར་ཅིག་ལྟ་བུ།2.ཕུར་པ་ཡི་མིང་མཐའ་བསྡུས་པ། |
| ཕུར་ཁ |
1.ལྭ་བའི་ཕུ་རུང་གི་ཁ། 2.གཞན་ལ་དམོད་མོ་གཏོང་བའི་རིགས་ཤིག |
| ཕུར་གདང |
1.ཕུར་པ་ཡོད་པའི་གདང་ཐག 2.གོས་སོགས་འགེལ་གདང༌། |
| ཕུར་དཀར |
ཕུར་མོང་རིགས་གསུམ་གྱི་ནང་ཚན་མེ་ཏོག་སྔོ་དཀར་འཆར་བ་ཞིག་རོ་ཁ་ལ་ཚ། ཞུ་རྗེས་སྙོམས། ནུས་པས་སྲིན་གསོད། པགས་ནད་ཤུ་ཐོར་སོགས་འཇོམས། |
| ཕུར་ནག |
ཕུར་མོང་རིགས་གསུམ་གྱི་ནང་ཚན་མེ་ཏོག་སྔོ་ནག་འཆར་བ་ཞིག་རོ་ཁ། ཞུ་རྗེས་བསིལ། ནུས་པས་སྲིན་གསོད། གཉན་ནད་འཇོམས། ཤུ་ཐོར་དང་ཤ་བཀར་སོགས་ལ་ཕན། |
| ཕུར་པ |
1.དུད་འགྲོ་འདོགས་བྱེད་སོགས་ས་ལ་གདབ་བྱ་ཞིག (དཔེར་ན།) ལྕགས་ཕུར། ཤིང་ཕུར། གུར་ཕུར། གདང་ཕུར། མཚམས་བཞིར་ཕུར་པ་བརྒྱབ་ནས་རས་གུར་འབུབས་པ། རྩིག་པའི་ལྡེབས་ལ་གོས་འགེལ་སའི་ཕུར་པ་འདེབས་པ་ཞེས་པ་ལྟ་བུ། 2.གདོན་བགེགས་འདུལ་བྱེད་ཀྱི་སྔགས་ཆས་ཤིག |
| ཕུར་པ་སྲི་གནོན |
ཡི་དམ་ཕུར་པ་ལ་བརྟེན་ནས་སྲི་གནོན་པའི་ཆོ་ག་ཞིག |
| ཕུར་བ |
སྣེ་གཅིག་རྣོ་བའི་དབྱུག་པའི་མིང་། (དཔེར་ན།) ཤིང་གི་ཕུར་བ། ལྕགས་ཀྱི་ཕུར་བ་ཞེས་པ་ལྟ་བུ། ཚིག་བསྡུས་ན་ཕུར་ཞེས་འབྲི་ཆོག་སྟེ། (དཔེར་ན།) ཤིང་ཕུར། ལྕགས་ཕུར་ཞེས་པ་ལྟ་བུ། |
| ཕུར་བཅས |
འདུལ་བའི་བརྡ་ཆད་ཅིག་ལྟུང་བ་ཕྱིར་བཅོས་ཀྱི་ནང་གསེས། ལྟུང་བ་གླེངས་པའི་སྐབས་ཕྱེ་ཡང་མཉན་པར་མི་བྱེད་ན་ཕུར་བཅས་བྱ་དགོས་ལ། ཇི་ལྟར་བྱ་ན། ཚེ་དང་ལྡན་པ་ཁྱེད་གཞི་གང་རུང་ལ་བརྟེན་པའི་ལྟུང་བ་འདི་དང་འདི་བཅས་པ་ཡིན་ནོ་ཞེས་ལྟུང་བ་ཁུར་དུ་བཀལ་ནས་ཉེས་པ་བསྟན་ཏེ་བཏང་བར་བྱ་བ་དཔེར་ན་རྟ་དམུ་རྒོད་ཕུར་པ་དང་བཅས་ནས་བཏང་བ་ལ་ཕུར་བཅས་ཞེས་སུ་གྲགས་པ་དང་འདྲ་བར་དགེ་སློང་དེ་ཡང་ལྟུང་བའི་དྲི་མ་དང་བཅས་པ་གྲགས་སུ་གཞུག་པའོ། ། |
| ཕུར་བུ |
1.རེས་བཟའ་ཕུར་བུ། མིང་གི་རྣམ་གྲངས་ལ་སྒྲ་མཁན་དང༌། སྒྲ་མཁས། བཅུ་གཉིས་འོད། ཉི་མའི་རིགས་སྐྱེས། མཐོ་རིས་ཐོབ། ཕ་བདུན་པ། བློ་ལྡན། དབྱངས་བདག་འབར་བ་ལྡན། མི་བཞི་སྐྱེས། ཚིག་བདག་རིག་བྱེད་བདག་ལྷའི་བླ་མ། ལྷའི་སློབ་དཔོན་བཅས་སོ། །2.ཕུར་པ་ཆུང་ངུ། 3.མེ་ལྕེ། 4.(མངོན་བརྗོད།) ས་སྤྲེལ་ལོ། |
| ཕུར་བུ་ལྕོག |
ལྷ་སའི་སེ་རའི་རྒྱབ་ཀྱི་རི་ཁྲོད་ཅིག |
| ཕུར་མ |
1.དྲི་ཞིམ་པོའི་སྨན་སྤོས་ཀྱི་ཕྱེ་མ་ཐུམ་བུ། (དཔེར་ན།) སྤོས་ཕྱེ་ཕུར་མའི་དྲི་ཞིམ་ཁོར་ཡུག་ཁྱབ་ཅེས་པ་ལྟ་བུ། 2.ལྟབ་མ་མང་བོ་བསྒྲིགས་པའི་རས་གོས་སོགས་ཀྱི་མིང་། གཙོ་བོར་སྒོ་དང་སྒེའུ་ཁུང་གི་ཡོལ་བའི་གོང་རྒྱན་བྱེད། |
| ཕུར་མོང |
རྩྭ་མཁན་པའི་རིགས་ཤིག་གི་མིང་། འདི་ལ་ཕུར་མོང་དཀར་ནག་རིགས་གཉིས་ཡོད། |
| ཕུར་ཚུགས |
(རྒྱན་ཚིག) གཡོ་བ་མེད་པ་དང་འགྱུར་བ་མེད་པའམ་ལྡོག་དཀའ་བའི་དོན་ཏེ། (དཔེར་ན།) མིག་གིས་ཕུར་ཚུགས་སུ་ལྟ་བ། མི་ཕུར་ཚུགས་ཅན། བསམ་པ་ཕུར་ཚུགས་ཀྱི་སྒོ་ནས་སློབ་སྦྱོང་བྱས་ལྟ་བུ། |
| ཕུར་འཛུགས |
1.ཤིང་ལྕགས་གང་རུང་གི་ཕུར་པ་འདེབས་པ་སྟེ། (དཔེར་ན།) ཐང་ལ་གནག་ཕྱུགས་འདོགས་སའི་ཕུར་འཛུགས་བྱེད་པ་ཞེས་པ་ལྟ་བུ། 2.ཡུལ་འགར་ཞིང་ག་འདེབས་ལུགས་ཤིག་སྟེ། (དཔེར་ན།) རྨོན་ཕྱུགས་མེད་སའི་ལུང་པར་ལོ་ཏོག་ཕུར་འཛུགས་བྱས་ཏེ་འདེབས་སྲོལ་ཡོད། ཕུར་འཛུགས་བྱས་ན་སོན་འགྲོ་ཆུང༌ཞེས་པ་ལྟ་བུ། |
| ཕུར་ཤད |
དབུ་ཅན་གྱི་ཡི་གེའི་བར་གྱི་གཅོད་མཚམས་དང༌། མཇུག་ཏུ་འབྲི་རྒྱུའི་ཤད་རིས་༑་འདི་ལྟ་བུའི་མིང༌། |
| ཕུར་ཤིང |
ཕུར་པ་བཟོ་བྱེད་ཀྱི་ཤིང༌། |
| ཕུར་སྨུག |
ཕུར་མོང་རིགས་གསུམ་གྱི་ནང་ཚན་མེ་ཏོག་སྨུག་པོ་འཆར་བ་ཞིག་རོ་ཁ་ལ་ཚ། ཞུ་རྗེས་སྙོམས། ནུས་པས་གཞང་སྲིན་དང༌། པགས་སྲིན་སོགས་ལ་ཕན། |
| ཕུལ |
1.(བྱེད་འབྲེལ་ལས་ཚིག) འབུལ་བའི་སྐུལ་ཚིག2.སྔར་བོད་ལུགས་བྲེ་གང་གི་དྲུག་ཆ་གཅིག བྲེ་གང་ལ་ཕུལ་དྲུག་ཡོད། 3.ལག་པའི་སོར་མོ་ཅུང་ཟད་བསྐུམས་པའི་ཁྱོར་བ། (དཔེར་ན།) ས་བོན་ཕུལ་གང༌ཞེས་པ་ལྟ་བུ། 4.མཐའ་དང་ཁྱད་པར་རམ། མཆོག་གམ་རབ་ཀྱི་དོན་ཏེ། (དཔེར་ན།) ཙན་དན་དཀར་པོ་ནི་ཙན་དན་ཀུན་གྱི་ཕུལ་ཞེས་པ་ལྟ་བུ། 5.སྐར་མ་ཆུ་སྨད། |
| ཕུལ |
(བྱེད་འབྲེལ་ལས་ཚིག) འབུལ་བའི་འདས་པ་དང་སྐུལ་ཚིག བྱིན་པ་དང་སྟེར་བ་གཏོང་བ་བཅས་ཀྱི་ཞེ་ས། (དཔེར་ན།) གོང་རིམ་ལ་སྙན་ཞུ་ཕུལ། མི་དམངས་ཀྱི་དོན་དུ་སྙན་ཞུ་ཕུལ་ཅིག་ལྟ་བུ། |
| ཕུལ་གྲངས་ཁལ་བསྒྲིལ |
ནས་འབྲས་སོགས་བྲེ་ཕུལ་མང་པོ་ཁལ་དུ་བསྒྲིལ་ཚུལ། (དཔེར་ན།) ཕུལ་ཞེ་ལྔ་ནི་ཁལ་མེད་བྲེ་བདུན་ཕུལ་གསུམ་ཡིན་ཞེས་པ་ལྟ་བུ། |
| ཕུལ་ཏུ་ཕྱིན་པ |
རིགས་མཐུན་ནང་ནས་ཆེས་བཟང་བ་སྟེ། (དཔེར་ན།) མི་ཕུལ་ཏུ་ཕྱིན་པ། སྨན་ཕུལ་ཏུ་ཕྱིན་པ། ཕྱུགས་རྒྱུད་ཕུལ་ཏུ་ཕྱིན་པ་ཞེས་པ་ལྟ་བུ། འདི་ལ་ཕུལ་དུ་ཕྱིན་པ་ཞེས་འབྲི་བའང་ཡོད། |
| ཕུལ་ཏུ་བྱུང་བ |
ཁྱད་པར་དུ་འཕགས་པའི་དོན་ཏེ། (དཔེར་ན།) བྱས་རྗེས་ཕུལ་ཏུ་བྱུང་བ་ཞེས་པ་ལྟ་བུ། འདི་ལ་ཕུལ་དུ་བྱུང་བ་ཞེས་འབྲི་བའང་ཡོད། |
| ཕུལ་བ |
1.འབུལ་བའི་འདས་པའི་བྱ་མིང་། 2.སྣོན་པའམ་བསྲེ་བ། |
| ཕུལ་བྱུང |
ཕུལ་ཏུ་བྱུང་བ་ཞེས་པའི་ཚིག་བསྡུས་པ་སྟེ། ཕུལ་ཏུ་ཕྱིན་པ་དང་དོན་གཅིག། (དཔེར་ན།) འགོ་འདྲེན་ཕུལ་ཏུ་བྱུང་བ། འགོ་འདྲེན་ཕུལ་བྱུང་ཞེས་པ་ལྟ་བུ། |
| ཕུལ་བྱུང་ཁྱད་འཕགས |
ཕུལ་ཏུ་བྱུང་ཞིང་ཁྱད་དུ་འཕགས་པ། |
| ཕུལ་བྱུང་གི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དང་དཔེ་ཅན་གཉིས་འབྱེད་ཆོས་ཀྱི་ཁྱད་པར་མང་དུ་ཡོད་མོད་ཀྱང་གཅིག་ཁོ་ན་ལས་མེད་པར་འུད་བརྗོད་པའི་སྒོ་ནས་དཔེ་དོན་ཕན་ཚུན་ཧ་ཅང་འདྲ་བར་སྟོན་པའི་རྒྱན་ཞིག |
| ཕུལ་བྱུང་གི་རྒྱན |
དོན་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཡང་རུང་བའི་ཁྱད་ཆོས་ཀྱི་ཡོན་ཏན་མཆོག་ཏུ་གྱུར་པ་བརྗོད་བསམས་པ་དེ་རྗོད་བྱེད་ཀྱི་ཚིག་འཇིག་རྟེན་གྲགས་ཚོད་ཀྱི་མཚམས་ལས་བརྒལ་བའི་འུད་ཆེན་པོའི་སྒོ་ནས་ཕུལ་དུ་བྱུང་བར་བརྗོད་པའི་རྒྱན་ཞིག་ནང་གསེས་རྣམ་གྲངས་བཞི་ནི། ཁྱད་འཕགས་ཕུལ་བྱུང༌། ཐེ་ཚོམ་ཕུལ་བྱུང༌། ངེས་པ་ཕུལ་བྱུང༌། གྲགས་པ་ཕུལ་བྱུང་ངམ། ངོ་མཚར་ཕུལ་བྱུང་བཅས་སོ། ། |
| ཕུལ་ཡིག |
བསྐུར་ཡིག |
| ཕུལ་ལུ་རེ་ཙམ |
(ཡུལ་སྐད།) ཕུལ་གང་ཙམ། |
| ཕེ |
1.ངུ་སྐད་ཀྱི་མིང་། (དཔེར་ན།) བྱིས་པ་ཕེ་མི་འདེབས། ཕེ་མ་བཏབ་ལྟ་བུ། 2.ཁྱི་དང་སྤྱང་ཀི་སོགས་ངུ་ཟུག་བྱེད་པའི་སྒྲའི་མིང་། (དཔེར་ན།) སྤྱང་ཀི་ཕེ་བཏབ་ལྟ་བུ། |
| ཕེ་ཕེ |
(བརྡ་རྙིང་།) ཞིབ་མོ། |
| ཕེ་ཙེའི་རེ་སོ |
སྤུ་བལ་རྩུབ་པོ་ལས་བཏགས་པའི་སྣམ་ཐེར་ཐགས་མའི་ངོས་ཀྱི་རི་མོ་འབུར་དོད། |
| ཕེ་ལྭ |
བོད་ཀྱི་ལྭ་བ་རིང་བོའི་མིང་སྟེ་ཡུལ་སྐད་དུ་ཕེར་ཟེར། |
| ཕེག |
སྒྲའི་བྱེ་བྲག་ཐལ་མོ་རྡེབ་པ་ལྟ་བུའི་སྒྲ་སྟེ། (དཔེར་ན།) སྲན་མ་བརྔོས་ནས་ཕེག་ཕེག་གས་ཞེས་པ་ལྟ་བུ། |
| ཕེག་རྡོབ |
1.ཕན་ཚུན་བརྡབས་པ་ལས་སྒྲ་འབྱིན་པའི་རོལ་ཆའི་སྤྱི་མིང་། 2.བོན་པོའི་ཆོས་ལུགས་ཀྱི་རོལ་ཆ་རིགས་ཤིག་གི་མིང་དུ་བཤད། |
| ཕེད་པ |
(བྱེད་འབྲེལ་ལས་ཚིག) ས་སོགས་བརྐོ་ཐུབ་པའམ། ཤིང་སོགས་གཅོད་ཐུབ་པ་དང་གཏུབ་ཐུབ་པའི་དོན་ཏེ། (དཔེར་ན།) ཞིང་ཐ་བ་ཞིག་རྨོས་པས་སྲ་དྲགས་ནས་མ་ཕེད་པར་བཞག ཤ་སྐམ་པོ་སོས་ཕེད་མི་ཡོང༌། ཤིང་སྐམ་གྲིས་ཕེད་སོང༌ཞེས་པ་ལྟ་བུ། |
| ཕེབ་རྡོབ |
ཕེག་རྡོབ་དང་འདྲ། |
| ཕེབས |
(བྱེད་མེད་ལས་ཚིག) འགྲོ་འོང་སླེབ་གསུམ་གྱི་ཞེ་ས་སྟེ། (དཔེར་ན།) ཁྱེད་ག་ལེར་ཕེབས། ངའི་ཁྱིམ་ལ་ཕེབས། ལྟད་མོར་ཕེབས། པེ་ཅིན་དུ་ཕེབས་ལྟ་བུ། |
| ཕེབས་ཀོ |
ཀོ་གྲུ། |
| ཕེབས་ཁྲི |
ཕེབས་བྱམས། |
| ཕེབས་གདོང |
ཕེབས་པ་དང་མཉམ་དུའམ་ཕེབས་དུས་ཞེས་པའི་དོན་ཏེ། (དཔེར་ན།) ཁོང་ཕེབས་གདོང་ལ་གནས་ཚུལ་གྱི་ཡི་གེ་ཕུལ་ཡོད་ཅེས་པ་ལྟ་བུ། |
| ཕེབས་པར་སྨྲ་བ |
བག་ཕེབས་པར་བྱས་ནས་གཏམ་བཤད་པའི་དོན་ཏེ། (དཔེར་ན།) བསླབ་བྱ་ཕེབས་པར་སྨྲས་ན་མིའི་སེམས་ལ་འབབ་སླ་པོ་ཡོང༌ཞེས་པ་ལྟ་བུ། |
| ཕེབས་བསུ |
ཚུར་ཕེབས་མཁན་བསུ་བ་སྟེ། (དཔེར་ན།) སྐུ་ཚབ་ཚོགས་པར་ཕེབས་བསུ་ཞུ་བ་ཞེས་པ་ལྟ་བུ། |
| ཕེབས་བྱམས |
འགྱོགས་བྱམས་སམ་ཕེབས་ཁྲི་སྟེ་འདོ་ལེ་ཡང་ཟེར། |
| ཕེབས་ཚོགས |
གནས་ཚུལ་ཡིག་འཕྲིན་གྱི་དོན་ཏེ། (དཔེར་ན།) བཀའ་མཆིད་ཕེབས་ཚོགས་ཀྱང་དལ་འགྲོའི་རྒྱུན་བཞིན་ཡོད་པ་མཁྱེན་ཞེས་པ་ལྟ་བུ། |
| ཕེབས་ཟམ |
ཕེབས་སའི་ཟམ་པ། |
| ཕེབས་རོགས |
1.ཕར་ཕེབས་ཚུར་ཕེབས་ཀྱི་ལམ་རོགས། (དཔེར་ན།) ཁྱེད་རང་ལ་ཕེབས་རོགས་བྱུང་ངམ་ཞེས་པ་ལྟ་བུ། 2.ཕར་ཚུར་གང་རུང་དུ་འགྲོ་རོགས་ཡོང་རོགས་ཞེས་པའི་ཞེ་ཚིག་སྟེ། (དཔེར་ན།) མགྱོགས་པོ་ཕར་ཕེབས་རོགས་གནང༌། སང་ཉིན་ཚུར་ཕེབས་རོགས་གནང༌ཞེས་པ་ལྟ་བུ། |
| ཕེབས་རྡོག |
ཕྱོགས་ཕེབས་ཀྱི་གྲབས་ཏེ། (དཔེར་ན།) ཁས་ཉིན་གཞེས་ཉིན་ནས་ཕེབས་རྡོག་ཐོན་སོང༌ཞེས་པ་ལྟ་བུ། |
| ཕེབས་རྫོངས |
ལུང་པ་གཞན་དུ་འགྲོ་མཁན་ལ་སྐྱེས་སུ་འབུལ་རྒྱུའི་དངོས་པོ། |
| ཕེབས་ལམ |
ཕར་ཚུར་ཕེབས་སའི་ལམ་ཁ་སྟེ། (དཔེར་ན།) ཁྱེད་རང་ཚུར་ཕེབས་སྐབས་ཕེབས་ལམ་བདེ་བགྲོད་བྱུང་སོང་ངམ་ཞེས་པ་ལྟ་བུ། |
| ཕེབས་སྐྱེལ |
སྐྱེལ་མའི་ཞེ་ས་སྟེ། (དཔེར་ན།) ཐག་རིང་བར་དུ་ཕེབས་སྐྱེལ་ཞུ་བ་ཞེས་པ་ལྟ་བུ། |
| ཕེབས་སྒུག |
ཚུར་ཡོང་བ་སྒུག་པའི་ཞེ་ས་སྟེ། (དཔེར་ན།) སྤྲོ་སེམས་འཁོལ་བའི་ངང་ནས་མི་དམངས་ཀྱི་དཔའ་བོ་ཕེབས་སྒུག་ཞུ་བ་ཞེས་པ་ལྟ་བུ། |
| ཕེབས་སྒོ |
1.གོང་རིམ་གྱི་བཀའི་དོན། (དཔེར་ན།) ད་རེས་ཀྱི་ཕེབས་སྒོ་ལྟར་གྱི་ལས་དོན་རྣམས་སྒྲུབ་བཞིན་པ་ཡིན་ཞེས་པ་ལྟ་བུ། 2.སྔར་མཛད་སྒོའི་སྐབས་རིམ་པ་གོང་མས་བསྩལ་བའི་ཁ་ཟས་སོགས། |
| ཕེབས་སྒྲིག |
འགྲུལ་པ་མ་འབྱོར་གོང་སྡོད་གནས་གོ་སྒྲིག་བྱེད་པ། |
| ཕེབས་སྟོན |
ཕར་ཚུར་ཕེབས་ཁའི་གསོལ་སྟོན། |
| ཕེའུ |
(རྒྱ་སྐད།) ས་སྦྱོར་རྫ་མ་ལྟར་བྱས་ལ་སོ་མ་བཏང་བའི་ས་ཕག་སྐམ་པོ་དེ་མེ་ལ་བསྲོས་པའི་དུགས་ཀྱིས་རླུང་ཚད་འཐབ་པ་ལ་ཕན། |
| ཕེར |
(བྱེད་མེད་ལས་ཚིག) 1>ཐུབ་པ་དང་ཆོག་པའི་དོན་ཏེ། (དཔེར་ན།) དོ་ཟླ་ཕེར་བ། བུ་མོས་བུ་ཡི་དོ་ཟླ་ཕེར། གླང་བོས་མཛོ་ཡི་དོ་ཟླ་ཕེར་ལྟ་བུ། 2>བཟོད་པ་དང་འོས་པའི་དོན་ཏེ། (དཔེར་ན།) ཞིང་པ་རྒན་པོས་ཞིང་ལས་དགེ་རྒན་ཕེར་ལྟ་བུ། |
| ཕེར་པོ |
འཕེར་པོ་དང་འདྲ། |
| ཕེར་བ |
འཕེར་བ་དང་འདྲ། |
| ཕེར་བོ |
བྱ་བ་བྱེད་པར་མཁས་རྟགས་སྟོན་པ་སྟེ། (དཔེར་ན།) མི་ཕེར་བོ། མི་མང་སར་ཕེར་བོ་མ་བྱེད་ཅེས་པ་ལྟ་བུ། |
| ཕོ |
1.ཕོ་མོའི་ཟླས་ཕྱེ་བའི་སྐྱེ་འགྲོ་ཕོ། (དཔེར་ན།) ཕོ་ཁྱོ་ག། བྱ་ཕོ། རྟ་ཕོ། ཕོ་ཨེ་རེད་མ་རེད་བལྟས་ན་ཤེས་ཞེས་པ་ལྟ་བུ།2.ཕོ་བ་ཡི་མིང་མཐའ་བསྡུས་པ།3.སྐྱེས་རྒྱུན་ཕྱི་མ་སྤེལ་བར་སྲོག་ཆགས་ཕོ་དང་ཆ་མཚུངས་པའི་བྱེད་ལས་འབྱིན་པའི་རྩི་ཤིང་རིགས་ཀྱི་མིང་ལ་འཇུག་པ་ནི། (དཔེར་ན།) མེ་ཏོག་ཕོ། ཟེ་འབྲུ་ཕོ། ཕོ་ལྕང་ཞེས་པ་ལྟ་བུ། 4.ཡི་གེ་ཕོ་མོ་མ་ནིང་གསུམ་དུ་ཕྱེ་བའི་ཕོའི་མིང་ལ་འཇུག་པ་ནི། (དཔེར་ན།) མིང་གཞིའི་ཕོ་ཡིག རྗེས་འཇུག་གི་ཕོ་ཡིག སྔོན་འཇུག་གི་ཕོ་ཡིག་ཅེས་པ་ལྟ་བུ། 5.འདྲ་བ་རྒྱུ་མཚན་དུ་བྱས་ནས་བཏགས་པའི་མིང་། (དཔེར་ན།) ཕོ་གྱོ། མོ་གྱོ། ཕོ་སྒྲོག མོ་སྒྲོག་ཅེས་པ་ལྟ་བུ།6.(བྱེད་འབྲེལ་ལས་ཚིག) དབོ་བའི་འདས་པ། གཤེར་ཁུའི་རིགས་སྣོད་ནས་ཕར་གཡུགས་པ་སྟེ། (དཔེར་ན།) བཀྲུས་ཁུ་ཕོ། དྲི་ཆུ་སྤྱོད་ཁང་དུ་ཕོ་ལྟ་བུ། མ་འོངས་པར་དབོ་དང་ད་ལྟ་བར་འབོ་སྐུལ་ཚིག་ལ་བོ་འབྲི། |
| ཕོ་ཁ |
1.ནང་ཁྲོལ་གྱི་བྱེ་བྲག་ཅིག 2.ཕོ་བའི་སྟེང་ངམ་བྲང་ཁོག |
| ཕོ་ཁེབས |
1.བུད་མེ་ཀྱི་འོག་འཇུག་འོག་ཏུ་གྱོན་རྒྱུའི་ཕོ་བའི་ཐད་ཀྱི་ཁེབས། 2.(རྒྱ་སྐད།) ཤིང་བལ་བར་ཚངས་ཅད་ཀྱི་མལ་ཆས། |
| ཕོ་ཁྱི |
ཁྱི་ཕོ། |
| ཕོ་ཁྱོ་ག |
སྐྱེས་པ་གོ་འཕེར་རམ་འཇོན་པོའི་དོན་ཏེ། (དཔེར་ན།) ཕོ་ཁྱོ་ག་ང་ཞེས་པ་ལྟ་བུ། |
| ཕོ་གཅུ |
གཟེར་གདན་རྒྱག་ས། |
| ཕོ་གཅོད |
ཕ་དམ་པ་སངས་རྒྱས་ཀྱི་སློབ་མ་ཡར་ལུང་པ་སྨ་ར་སེར་པོ་ནས་བརྒྱུད་པའི་གཅོད་ལུགས། |
| ཕོ་གཏམ |
སྐྱེས་པའི་ཁ་ཕོ་ཆེ། (དཔེར་ན།) ཕོ་གཏམ་ངོ་གཏུགས་ནས་བཤད་དགོས། དྲི་མ་ཆུས་བཀྲུས་ནས་དག་དགོས་ཞེས་པ་ལྟ་བུ། |
| ཕོ་གདུང |
ཕོ་བའི་ཐད་ཀྱི་གསང་ཞིག |
| ཕོ་གཞོན |
སྐྱེས་པ་ན་གཞོན། |
| ཕོ་གཟེར |
ཕོ་ནད་བྱེ་བྲག |
| ཕོ་གསར |
1.མི་ཕོ་གཞོན། 2.ཕྱུགས་ཕོ་གཞོན། |
| ཕོ་གིང |
གིང་ཕོ་སྟེ་ལྷའི་གར་མཁན་ཕོ། |
| ཕོ་གུ |
1.ཚག་རིས་བརྒྱབ་པའི་དངུལ་རག་སོགས་ཀྱི་སྒོར་རྒྱན་སྦུབས་ཅན་ཞིག (དཔེར་ན།) རྟ་སྲབ་ཀྱི་སྟེང་དུ་དངུལ་གྱི་ཕོ་གུ་བསྒྲིགས་ཞེས་པ་ལྟ་བུ། 2.སྐེད་རགས་རྒྱན་ཅན་གྱི་མིང། (དཔེར་ན།) སྐེད་འཆིང་ཕོ་གུ་ཅན་ཞིག་འཕྱང་འཕྲུལ་དུ་བཏགས་པ་ཞེས་པ་ལྟ་བུ། |
| ཕོ་གོས་ཀྱི་ལྕགས་ནག |
རྒྱ་ལུ་ཆས་ཀྱི་ནང་གསེས་ཤིག |
| ཕོ་གླང |
ཕོ་བའི་གླང་འཐབ་ཀྱི་མིང་བསྡུས་པ། |
| ཕོ་ངན |
སྐྱེས་པ་བསམ་ཤེས་དམན་པོ་སྟེ། (དཔེར་ན།) མོ་ངན་ཁ་དང༌། ཕོ་ངན་ལག་ཅེས་པ་ལྟ་བུ། |
| ཕོ་ཅོང |
ཅོང་ཞི་རི་ལྔའི་ནང་ཚན་མཁྲེགས་ཤིང་ལྕི་ལ་རྟ་སོ་བཅག་པ་ལྟ་བུ་ཞིག་ནུས་པས་ཁྲག་མཁྲིས་ཀྱི་ནད་དང༌། ཕོ་ནད་འཇོམས། |
| ཕོ་ཆས |
སྐྱེས་པའི་གོས་དང་རྒྱན་ཆ། |
| ཕོ་ཆེ་བ |
(བརྡ་རྙིང།) ཁེངས་པའམ་ལྟ་བ་མཐོ་བ། |
| ཕོ་ཆེན |
རྟ་ཕོ་ཆེན་ཡང་ཟེར། ཕྱ་བྱས་པའི་རྟ་བོའི་མིང་། |
| ཕོ་ཉ |
བང་ཆེན་ཏེ། (དཔེར་ན།) འཕྲིན་ཡིག་སྐྱེལ་བར་ཕོ་ཉ་བཏང་བ། ཕོ་ཉ་བཀྱེ་བ། ཕོ་ཉ་མངགས་ཏེ་གོ་བསྡུར་བྱས་ནས་གྲོས་མཐུན་བྱུང་ཞེས་པ་ལྟ་བུ། མིང་གི་རྣམ་གྲངས་ལ་ཉན་རྣ་དང༌། གཏམ་སྐྱེལ། འཕྲིན་ཁྱེར། བང་ཆེན། བྱ་མ་རྟ་བཅས་སོ། ། |
| ཕོ་ཉ་མོ |
1.གཡོག་མོའམ་ཕོ་མོའི་བར་དུ་འགྲོ་འོང་བྱེད་མཁན་གྱི་བུད་མེད། 2.གྲོགས་མོ། |
| ཕོ་ཐ |
ཕོའི་ཐ་མ་སྟེ་སྡར་མའམ་ཞན་པ། (དཔེར་ན།) ཕོ་ཐ་འཁྱོགས་པ་རྡོ་འཁྱོགས་རེད། རྡོ་གོར་མོ་འཁྱོགས་ན་བཟོ་རྒྱུ་མེད་ཅེས་པ་ལྟ་བུ། |
| ཕོ་ཐང་འབྲུག |
འབྲུག་གི་མིང་། (དཔེར་ན།) ཕོ་ཐང་འབྲུག་གི་སྐད་དང་འདྲ་ཞེས་པ་ལྟ་བུ། |
| ཕོ་ཐེག |
1.ཁེངས་པ། ཕོ་ཐེག་ཆེ་བ། 2.(བརྡ་རྙིང་།) ཁུར་ཁྱེར་བ། |
| ཕོ་དཀར |
སྔར་བོད་ཀྱི་སྐྱེས་པས་བཟའ་བཏུང་བྱེད་སྣོད་ཀྱི་དཀར་ཡོལ། |
| ཕོ་དཔའ་རྟ་མགྱོགས |
ཕོ་དཔའ་རྩལ་ཆེ་ལ་རྟ་རྒྱུག་མགྱོགས། |
| ཕོ་དབང |
ཕོའི་དབང་བོ་ཞེས་པའི་ཚིག་བསྡུས་པ་མི་དང་སྲོག་ཆགས་ཕོའི་སྐྱེས་རྒྱུན་སྤེལ་བྱེད་ཀྱི་དབང་བོའི་མིང་། དེ་ཡང་ཕོ་རྟགས་དང་། རླིག་རིལ། ཁམས་དཀར་གྱི་སྣོད་སོགས་འདུས་པའི་དབང་བོའི་སྤྱི་མིང་ཡིན། |
| ཕོ་དྲེལ |
དྲེལ་ཕོ་མོའི་ཟླས་ཕྱེ་བའི་ཕོ། |
| ཕོ་དྲོད |
ཕོ་བའི་མེ་དྲོད། |
| ཕོ་ནད |
1.ཟས་སྐོམ་མི་འཕྲོད་པ་བསྟེན་པ་དང༌། ཕོ་བའི་མེ་དྲོད་ཉམས་པ་སོགས་ལས་བྱུང་བའི་ནད་དེ། ནང་གསེས་སུ་དབྱེ་ན་ཕོ་ཚད་དང༌། ཕོ་རྒུད་སོགས་རིགས་བཅུ་དྲུག་མཆིས་སོ། ། 2.སྐྱེས་པའི་ནད། |
| ཕོ་ནད་གྲང་བ |
ཟས་མ་ཞུ་བའི་ནད། |
| ཕོ་ནོར |
མཛོ་གཡག་གླང་སོགས་དོས་ཁལ་དབོར་འདྲེན་དང་རྨོས་མཛོ་བྱས་ཆོག་པའི་དུད་འགྲོ་ཕོའི་རིགས། |
| ཕོ་ཕག |
ཕག་པ་ཕོ་མོའི་ཟླས་ཕྱེ་བའི་ཕག་པ་ཕོ། |
| ཕོ་ཕྱག |
སྔ་དུས་སུ་སྐྱེས་པའི་ཕྱག་འབུལ་ཞུ་སྟངས། |
| ཕོ་ཕྱུ |
ཕོའི་གྱོན་ཆས་ཕྱུ་པ། |
| ཕོ་ཕྱུགས |
ཕྱུགས་རིགས་ཕོ་མོའི་ཟླས་ཕྱེ་བའི་ཕོ། |
| ཕོ་བ |
སྲོག་ཆགས་ཀྱི་ཟས་འཇུག་བྱེད་ཀྱི་དབང་བོའི་ཆ་ཤས་གཙོ་བོ་ཞིག་གི་མིང་། ཡར་སྣེ་མིད་ཐག་དང་མར་སྣེ་རྒྱུ་མར་འབྲེལ་ཞིང་དབྱིབས་ཁུག་མ་དང་འདྲ། མིང་བསྡུས་ན་ཕོ་ཞེས་འབྲི་ཆོག་སྟེ། (དཔེར་ན།) ཕོ་བ་དང་ལོང་ག་ལ་ཕོ་ལོང་ཟེར་བ་ལྟ་བུ། |
| ཕོ་བ་ངན་པ |
ལྟོ་བ་སྟོབས་ཞན་ནམ་ནད་ཅན། |
| ཕོ་བ་དུག་ཐབས |
ཟས་སྐོམ་མི་འཕྲོད་པ་བསྟེན་པ་ལས་བྱུང་བའི་ཕོ་ནད་ཅིག་ནད་རྟགས་སུ་ཟས་མི་འཇུ་ཞིང་དང་ག་འགག་པ་དང༌། ཤ་སྐེམ་ལ་ཟས་ཟོས་མ་ཐག་སྐྱུག་པ་ཞིག |
| ཕོ་བ་བཀྲེས་པ |
གྲོད་ཁོག་ལྟོགས་པ། |
| ཕོ་བ་བཟང་པོ |
ལྟོ་བ་སྟོབས་ལྡན་ནམ། ནད་མེད། |
| ཕོ་བ་འཚིང་བ |
ཟས་མ་ཟོས་ཀྱང་ཕོ་བ་གང་བ་ལྟར་གྱུར་པའི་བད་ཀན་གྱི་ནད་རྟགས་ཤིག |
| ཕོ་བ་རི་ལུ |
ཕོ་བ་རིས་དང་འདྲ། |
| ཕོ་བ་རིལ |
དྲོད་སྨན་ཞིག་སྟེ་རྒྱ་སྐད་དུ་ཧུ་ཅོ་ཟེར། འདི་ལ་ཕོ་བ་རིས་ཀྱང་ཟེར། |
| ཕོ་བ་རིལ་བུ |
ཕོ་བ་རིས་དང་འདྲ། |
| ཕོ་བ་རིས |
ཤིང་སྨན་གྱི་རིགས་འབྲས་བུ་ལ་ནོར་ལུག་གི་ཕོ་ཁའི་རི་མོ་ལྟར་དོད་པ་ཞིག་རོ་ཚ། ནུས་པས་དྲོད་སྐྱེད། ཟས་འཇུ། བད་ཀན་དང་གྲང་ནད་གཞིལ། མིང་གི་རྣམ་གྲངས་ལ་དྲོད་སྨན་ཧྲིལ་མོ་དང༌། ན་ལེ་ཤམ། ཕོ་ཚེ། མ་རཱི་ཙེ་སཽ་པཉྫ་ན། ཤི་ཀུ་མ་ནི། ཧ་རེ་ཎུ་ག། ཨ་བ་ཀུ་ཙ། ཨ་བལྐུ་ཛ་རྣམས་སོ། ། |
| ཕོ་བ་སྦོས་པ |
གསུམ་པ་སྦོས་པ། |
| ཕོ་བཀྱག |
ཕོ་དཀར་འཛུགས་ཡུལ་གྱི་སྟེགས། |
| ཕོ་བཙོག |
མི་གྱོང་པོ། |
| ཕོ་བཞི |
ཡ་གཉིས་མ་གཉིས་ཏེ་སོ་བཞི་མ་གཏོགས་བརྗེས་ཚར་བའི་རྟ་དྲེལ། |
| ཕོ་བཟོ |
1.མ་ཡིན་ཡིན་མདོག་གི་རྣམ་འགྱུར་ཏེ། (དཔེར་ན།) ཕོ་བཟོ་འདོན་པའི་དུས་མ་ཡིན། སྙིང་རུས་འདོན་པའི་དུས་ཡིན་ཞེས་པ་ལྟ་བུ། 2.རང་བཟོ་དང་འོལ་ཚོད། |
| ཕོ་བའི་གསང |
རྒྱབ་ཀྱི་སྒལ་ཚིགས་བཅུ་གཉིས་པ་ཕོ་བ་དང་འབྲེལ་བའི་མེ་བཙའི་གསང་ཞིག་དེར་མེ་བཙའ་བཞག་ན་ཕོ་བའི་མེ་དྲོད་ཉམས་པ་དང༌། ཟས་མི་འཇུ་བ། རྟག་ཏུ་ཁོག་པ་བཤལ་བ། ཕོ་བའི་གྲང་སྐྲན་བཅས་ལ་ཕན། |
| ཕོ་བའི་བད་ཀན |
ཕོ་བའི་བེ་སྣབས་ཀྱི་མིང་གི་རྣམ་གྲངས་ཤིག |
| ཕོ་བའི་མེ་དྲོད |
ཕོ་བའི་ནང་དུ་ཟས་སྐོམ་མྱག་བཞུ་སྦྱོང་བ་སོགས་མེ་དང་མཐུན་པའི་དྲོད་ཀྱི་ལས་བྱེད་པ་དེ་ལ་མེ་དྲོད་ཅེས་ཟེར། ངོ་བོ་ནི་ལུས་ཀྱི་རྩ་བའི་མཁྲིས་པ་ལྔའི་ཡ་གྱལ་འཇུ་བྱེད་མཁྲིས་པ་ཡིན་ནོ། ། |
| ཕོ་བའི་རྭ་རྩ |
ལྷེན་སྣེའི་རྩེ་ནས་ཐུར་དུ་ཚོན་དོ་དང༌། དེ་ནས་གཡས་གྱོན་དུ་སོར་གསུམ་རེ་གཞལ་མཚམས་སུ་ཡོད་པའི་གཏར་རྩ་ཞིག་དེ་གཏར་ན་ཕོ་བའི་ཚད་པ་དང༌། ཕོ་བའི་གླན་ཐབས་སོགས་ལ་ཕན། |
| ཕོ་བའི་རླུང་ཚབས |
ཚབས་རིགས་དྲུག་གི་ཚབས་ནད་ཕོ་བར་བྱེར་བའི་ནད་ཅིག་ནད་རྟགས་སུ་ཕོ་བ་སྦོ་ཞིང་ལྡང་དུབ་བྱེད་པ་དང༌། ཁ་ཟས་འཇུ་དཀའ་བ་སོགས་འབྱུང་བ་ཞིག |
| ཕོ་བརྒྱའི་ཤེས་པ |
སྐྱེས་པ་མང་པོའི་སེམས་ཀྱི་ཤེས་རིག་སྟེ། (དཔེར་ན།) ཕོ་བརྒྱའི་ཤེས་པ་བསྡུར་ན་གྲོས་བཟང་ཐོན་ཡོང༌ཞེས་པ་ལྟ་བུ། |
| ཕོ་བོ |
བུ་སྤུན་རྒན་པ་ཨ་ཇོའི་མིང་ཕུ་བོ་དང་མཚུངས། |
| ཕོ་བོང |
བོང་བུ་ཕོ་མོའི་ཟླས་ཕྱེ་བའི་བོང་བུ་ཕོ། |
| ཕོ་བྲང |
1.རྒྱལ་པོ་སྡོད་སའི་ཁང་པའི་མིང་། (དཔེར་ན།) ཕོ་བྲང་རྙིང་པ། སྲོང་བཙན་སྒམ་པོའི་ཕོ་བྲང་ཞེས་པ་ལྟ་བུ། 2.སྐབས་འགར་རྒྱལ་པོའི་ཞེ་ས་ལའང་འཇུག་པར་བཤད། 3.འདུ་ཚོགས་བྱེད་སའི་ཁང་པ། (དཔེར་ན།) རིག་གནས་ཕོ་བྲང༌། དགའ་ལྡན་ཕོ་བྲང༌ཞེས་པ་ལྟ་བུ། 4.མེ་མདའི་ནང་མདེལ་འཇུག་ས། |
| ཕོ་བྲང་ཀ་ལཱ་པ |
ཤམ་བྷ་སའི་ཆོས་རྒྱལ་རིགས་ལྡན་རྣམས་ཀྱི་བཞུགས་གནས་སུ་གྲགས། |
| ཕོ་བྲང་ནང་མ |
སྔར་རྒྱལ་པོའི་ཕོ་བྲང་ཕྱི་ནང་གཉིས་སུ་ཕྱེ་བའི་ནང་མ། |
| ཕོ་བྲང་ཞི་བ་འོད |
དུས་རབས་བཅུ་གཅིག་པའི་སྐབས་བོད་ཀྱི་སྟོད་མངའ་རིས་ཀྱི་རྒྱལ་པོ་རབ་བྱུང་གི་རྟེན་ཅན་ཞིག |
| ཕོ་བྲང་འཁོར |
1.རྒྱལ་པོའི་བཙུན་མོ། 2.རྒྱལ་པོའི་འབངས། 3.རྒྱལ་པོའི་སྡོད་གནས་ཀྱི་ཉེ་སྐོར། |
| ཕོ་བྲང་འཁོར་གྱི་སྐད |
སྔར་རྒྱལ་པོའི་ཕོ་བྲང་གི་ནང་དུ་བཤད་པའི་སྐད། |
| ཕོ་བྲང་ཡངས་རྩེ |
དགོན་པ་ཞིག བོད་ཀྱི་ལྷོ་ཁ་ས་ཁུལ་ཁོངས་ལྷུན་རྩེ་རྫོང་ཁོངས་སུ་ཡོད། |
| ཕོ་མཁྲིས |
སྣོད་མཁྲིས་རྒྱས་ནས་མཁྲིས་ཁུ་ཕོ་བར་ལྷུང་བ་ཞིག་ནད་རྟགས་སུ་འཁྲུ་བའམ་སྐྱུག་པ། |
| ཕོ་མཚན |
སྐྱེས་པ་ཕོ་མཚོན་པའི་རྟགས་སམ་མཚན་མ། མིང་གི་རྣམ་གྲངས་ལ་ཆགས་པའི་རྒྱལ་མཚན་དང༌། དྲན་པའི་ཀ་བ། འདོམས་ཀྱི་མཇུག་མ། འདོམས་ཀྱི་སྦ་བ། ཕོ་ཡི་རྟགས། དབང་པོ། མྱོས་བྱེད་ལྕགས་ཀྱུ། མྱོས་བྱེད་ཤིང༌། མཚན་གཏུན་ཤིང༌། ལིངྒ་བཅས་སོ། ། |
| ཕོ་མཚན་སོས་ཟིན་ནད |
རྡོ་རྗེ་རྟག་ཏུ་འགྲེང་བ་དང༌། སོ་བཏབ་པ་ལྟ་བུ་ཕོ་མཚན་གྱི་པགས་པ་འགས་པའི་ནད་ཅིག |
| ཕོ་མེ |
ཕོ་བའི་མེ་དྲོད་དེ། (དཔེར་ན།) ཕོ་མེ་ཉམས་པས་ལྟོ་ཆས་མ་འཇུ་བར་སྐྱུག་མེར་ལངས་ཞེས་པ་ལྟ་བུ། |
| ཕོ་མོ |
ཕོ་དང་མོ་གཉིས་ཏེ། (དཔེར་ན།) ཕོ་མོ་འདྲ་མཉམ་ཞེས་པ་ལྟ་བུ། |
| ཕོ་མོ་ཁ་སྦྲེལ |
གཉེན་སྒྲིག་པ། |
| ཕོ་ཚད |
1.ཕོ་བའི་དྲོད་དམ་ཟས་ཞུ་བའི་ནུས་པ། 2.ཟས་དུག་གི་བསྐྱེད་པའི་ཕོ་ནད་ཅིག |
| ཕོ་ཚོད |
རང་ཚོད་དམ་གདེང་ཚོད་ཀྱི་དོན་ཏེ། (དཔེར་ན།) དོན་གནད་ཐག་གཅོད་པར་ཕོ་ཚོད་ཆེ་དགོས། རང་སྲོག་འདོར་ནུས་ཀྱི་ཕོ་ཚོད་ཡོད་མེད་ཉེན་ཁ་ཚབས་ཆེན་ཕྲད་པའམ་གདོང་གཏུགས་ཀྱི་འཐབ་སར་ཞུགས་ན་ཤེས་ཡོང༌། མི་ལ་ཕོ་ཚོད་ཡོད་ན་འབྲོང་ལ་མདའ་འཕེན་ཕོད་ཅེས་པ་ལྟ་བུ། |
| ཕོ་ཚོས |
རྒྱ་སྐྱེགས་ཀྱི་མིང་གི་རྣམ་གྲངས་ཤིག |
| ཕོ་ཟོམ |
བོད་ཀྱི་ཁྱོ་གའི་ལྷམ་ཟོན་པ། |
| ཕོ་འབྲིང |
སྐྱེས་པ་ཕོ་འཇོན་ཐང་འབྲིང་གྲས། |
| ཕོ་ཡན |
བཟའ་ཟླ་མེད་པའི་སྐྱེས་པ། |
| ཕོ་ཡིག |
ངག་ཐོག་ནས་ཡི་གེ་རྗོད་སྐབས་སོ་སོའི་སྐྱེ་གནས་ཀྱི་རྩོལ་ཤུགས་ཆེ་ཤོས་སམ། གྲིམས་ཤོས་ཡིན་པའི་ཡི་གེ་རྣམས། 1.སྤྱིར་ན། གསལ་བྱེད་སུམ་ཅུ་ཐམ་པ་ཕོ། དབྱངས་བཞི་མོ།2.མིང་གཞིའི་ཕོ་ཡིག ཀ་ཅ་ཏ་པ་ཙ་ལྔའོ། །3.སྔོན་འཇུག་གི་ཕོ་ཡིག བ།4.རྗེས་འཇུག་གི་ཕོ་ཡིག ག་ད་བ་ས་བཞིའོ། ། |
| ཕོ་རབ |
སྐྱེས་པ་ཕོ་བློ་རྒྱ་ཆེན་པོ་ཡོད་པ་སྟེ། (དཔེར་ན།) ཕོ་རབ་ཅིག་གི་ཁོག་ལ་རྟ་བརྒྱ་རྒྱུག་སའི་ཐང་ཡོད་ཅེས་པ་ལྟ་བུ། |
| ཕོ་རབས་ཆད་པ |
རིགས་རྒྱུད་ཆད་པའམ་བུ་རྒྱུད་ཡོང་རྒྱུ་མེད་པའི་སྐྱེས་པ། |
| ཕོ་རིལ |
སྤོད་རྫས་དང་ཕོ་བ་དྲོད་སྐྱེད་བྱེད་ཀྱི་སྨན་ཞིག (དཔེར་ན།) ཕོ་རིལ་དཀར་པོ། ཕོ་རིལ་ནག་པོ་ཞེས་པ་ལྟ་བུ། |
| ཕོ་རེང |
བཟའ་ཟླ་མེད་པའི་སྐྱེས་པ། |
| ཕོ་རོག |
1.ཁྭ་ཏ་ལས་ཆེ་བའི་བྱ་རོག (དཔེར་ན།) ཕོ་རོག་ཐམས་ཅད་ནག་མཉམ་ཡིན། ཕོ་རོག་ལ་སྐྲ་དཀར་ནམ་སྐྱེ་ཞེས་པ་ལྟ་བུ། 2.སྤུ་མདོག་ནག་པོའི་རྟ་དྲེལ། |
| ཕོ་རོག་མིག |
1.བྱ་ཕོ་རོག་གི་མིག 2.སྔར་བོད་ཀྱི་བླ་ཆེན་ཚོའི་གྱོན་ཆས་རྟ་ཕྱིང༌། 3.སྔོ་སྨན་གྱི་རིགས་བྱ་རོག་ཉུང་མ་རོ་མངར། ནུས་པས་གློ་ཚད་དང༌། འབྲས་ནད་ལ་ཕན། རྨ་གསོ། |
| ཕོ་རྐྱང |
ཁྱིམ་ཐབ་མེད་པའི་ཕོ་ཧྲེང༌། |
| ཕོ་རྒུད |
ཕོ་བའི་མེ་དྲོད་ཉམས་པའི་ནད་དེ། ནད་རྟགས་སུ་སྒྲེག་པ་མང་ཞིང་ཟས་མི་འཇུ་བ་དང༌། ལྦུ་བ་ཅན་སྐྱུག་པ་སོགས་འབྱུང་བ་ཞིག |
| ཕོ་རྒོད་པོ |
སྙིང་སྟོབས་ཆེ་བའི་ཕོའི་མིང་སྟེ། (དཔེར་ན།) ཕོ་རྒོད་ཀྱང་རྒྱབ་ན་དཔུང་ཞིག་དགོས་ཞེས་པ་ལྟ་བུ། |
| ཕོ་རྟགས |
ཕོ་ལུས་ཕྱི་ལ་ཐོན་པའི་ཕོ་དབང་གི་ཆ་ཤས་ཀྱི་མིང་། |
| ཕོ་རྩ |
རླུང་གི་རང་བཞིན་གྱིས་བསྐྱེད་པའི་ནད་མེད་ཀྱི་རྒྱུན་རྩའི་འཕར་ཚུལ་ཞིག་འཕར་རྩའི་རྒྱུད་སྦོམ་ལ་རགས་པར་འཕར་བ་ཞིག |
| ཕོ་རྩ་བོང་རྨེད |
ལྟེ་བའི་གྱེན་དུ་ཚོན་གང་གཞལ་བའི་ས་ནས་འཕྲེད་ལ་གནས་པའི་ཕོ་བ་དང་འབྲེལ་བའི་རྩ་ཞིག |
| ཕོ་རྩལ་སྣ་དགུ |
ལུས་ཀྱི་རྩལ་གསུམ་དང༌། ངག་གི་རྩལ་གསུམ། ཡིད་ཀྱི་རྩལ་གསུམ་བཅས་དགུ། ཡང་ཤོད་སྲོལ་གཞན་ཞིག་ལ་གཏམ་ཡིག་རྩིས་གསུམ་དང༌། མདའ་རྡོ་མཆོང་གསུམ། བང་རྐྱལ་སྦེ་གསུམ་བཅས་དགུ། |
| ཕོ་རླུང |
ཕོ་བར་གྲང་རླུང་ཞུགས་པའི་ནད་དེ། ནད་རྟགས་སུ་ཕོ་བ་སྦོ་ཞིང་སྟོང་སྒྲེག་བྱེད་པ་དང༌། སྟོང་སྐྱུགས་བྱེད་པའམ་འཁྲོག་ཅིང་ལྦུ་བ་ཅན་འཁྲུ་བ་ཞིག |
| ཕོ་ལད |
བསམ་སྤྱོད་སྐྱོན་ལྡན་གྱི་སྐྱེས་པ་ལེ་ལོ་ཅན། |
| ཕོ་ལུག |
ལུག་ཕོ་མོའི་ཟླས་ཕྱེ་བའི་ཕོ། |
| ཕོ་ལུང |
(ཡུལ་སྐད།) སྒྲོག་གུ། |
| ཕོ་ལོ |
ལོ་ཁམས་ཕོ་ལ་ཁེལ་བའི་ལོ། (དཔེར་ན།) མེ་ཕོ་སྟག ས་ཕོ་འབྲུག ཆུ་ཕོ་འབྲུག་ཅེས་པ་ལྟ་བུ། |
| ཕོ་ལོ་དྲུག |
བྱི་བ་དང༌། སྟག་འབྲུག་རྟ། སྤྲེལ། ཁྱི་རྣམས་སོ། ། |
| ཕོ་ལོག |
1.གླང་ཐབས་ཏེ། ཕོ་བའི་མེ་དྲོད་ཀྱིས་ལོག་པའི་ལས་བྱས་ནས་ཕོ་ལོང་རྒྱུ་མའི་སྲིན་བུ་འཁྲུགས་པའི་ནད་ཅིག་ནད་རྟགས་སུ་ཁོག་པ་སྦོ་བ་དང༌། ན་ཟུག་དྲག་པོ་འབྱུང་ཞིང་ལྡང་དུབ་བྱེད་པ་ཞིག 2.ཁམས་ཕྱོགས་སུ་མར་དང་བུ་རམ་རྩམ་པ་མཉམ་དུ་བསྲེས་ཏེ་བརྫིས་པ་གྲོ་རྗེན་གྱི་ནང་དུ་བཏུམས་ནས་བཙོས་པའི་ཟས་ཀྱི་མིང༌། |
| ཕོ་ལོང |
1.རྩལ་སྦྱང་གི་ཡོ་བྱད་གྲུ་གུའི་མིང་། སྔོན་དུས་དར་སྐུད་དཀྲིས་ནས་བཟོས་པ་ལ་དར་གྱི་ཕོ་ལོང་ཟེར། 2.ཕོ་བ་དང་ལོང་གའི་བསྡུས་མིང་། |
| ཕོ་ལྕམ |
ལྕམ་པ་རིགས་གསུམ་གྱི་ནང་ཚན་ལྡུམ་རར་སྐྱེ་བའི་མེ་ཏོག་དཀར་པོ་དང༌། རྒྱ་དམར་སྨུག་ཁ་ཅན་འཆར་བ་ཞིག་རོ་མངར་ལ་བསྐ། ཞུ་རྗེས་སྙོམས། ནུས་པ་མེ་ཏོག་གིས་ས་བོན་འཛག་པ་གཅོད། རྩ་བས་གཅོང་ཆེན་ཟད་བྱེད་དང༌། ཡི་ག་འགག་པ་ལ་ཕན། མིང་གི་རྣམ་གྲངས་ལ་མདོག་ལྡན་དང༌། འཛག་གཅོད། ཧ་ལོ་བཅས་སོ། ། |
| ཕོ་ལྕིབས |
ཕོ་དཀྲིས། |
| ཕོ་ལྷ |
སྐྱེས་པའི་ཕྲག་ལྷ། |
| ཕོ་ལྷ་བ་བསོད་ནམས་སྟོབས་རྒྱལ |
རྒྱལ་རྩེ་རྫོང་གི་མི་ཡིན་ཞིང༌། (1689_1747) ལྷ་བཟང་ཧཱན་གྱིས་བོད་ཀྱི་རྒྱལ་པོ་བྱས་པའི་དུས་སུ་ཁོང་གིས་དམག་དཔོན་མཛད། རབ་བྱུང་བཅུ་གཉིས་པའི་ཆུ་ཡོས་ལོར་ཁོང་ལ་མཉྫུ་གོང་མས་ཐའི་ཇི་ཞེས་པའི་གོ་གནས་གནང་བ་དང༌། བཀའ་བློན་གྱི་ཁུར་བཞེས། རབ་བྱུང་བཅུ་གཉིས་པའི་མེ་ལུག་ལོར་ང་ལུམ་སྦྱར་གསུམ་སོགས་ཀྱིས་ཁང་ཆེན་བསོད་ནམས་རྒྱལ་པོ་བཀྲོངས། གོང་བློན་ཕོ་ལྷ་བས་གཙང་དང་སྟོད་མངའ་རིས་ཀྱི་དམག་མི་དགུ་སྟོང་ཁྲིད་དེ་ལྷ་སར་འབྱོར་ནས་ང་ཕོད་པ་རྡོ་རྗེ་རྒྱལ་པོ་ཕམ་པར་བྱས། ཁོང་ལ་མཉྫུ་གོང་མས་པེ་ཙེས་ཞེས་པའི་གོ་གནས་གཟེངས་བསྟོད་མཛད། རབ་བྱུང་བཅུ་གཉིས་པའི་ས་ལུག་ལོར་ཁོང་ལ་ཡང་ཇུན་ཝང་ཞེས་པའི་གོ་གནས་ཐོབ། |
| ཕོ་ཤ |
1.(ཡུལ་སྐད།) ནང་ཁྲོལ་གཉེ་མ་ལོང་གའི་གཞུག་དང་གཞང་གི་མགོ་གཉིས་བར་གྱི་ཆ་ཤས་ཀྱི་མིང༌། 2.(བརྡ་རྙིང་།) བཙོས་པ། |
| ཕོ་ཤ་མོ་གྱོད |
མི་བསད་པ་དང་བག་མ་འཕྲོགས་པའི་གྱོད་གཞི། |
| ཕོ་ཤའི་ཁུ་བ |
ཤའི་དུམ་བུ་དང་བཅས་པའི་ཐུག་པའི་མིང༌། ཐཱ་ཐ་ཤིས་ཡང་ཟེར། |
| ཕོ་ཤར |
ཕོ་གཞོན་ནམ་སྐྱེས་པ་ལང་ཚོ་དར་བབ། |
| ཕོ་ཤལ |
སྐྱེས་པ་ཐ་ཤལ་གྱི་དོན་ཏེ། (དཔེར་ན།) ཕོ་ཤལ་བཀུར་སྟིས་བརླག་པར་འགྱུར་ཞེས་པ་ལྟ་བུ། |
| ཕོ་ཤེད |
དཔའ་ངོམ་གྱི་དོན་ཏེ། (དཔེར་ན།) མི་ཉམ་ཆུང་ལ་ཕོ་ཤེད་བྱེད་པ་ངོ་རེ་ཚ་ཞེས་པ་ལྟ་བུ། |
| ཕོ་སུལ |
ཕོ་བའི་ནང་ལྡེབས་སུ་ཡོད་པའི་ཟས་སྐོམ་མྱག་བྱེད་ཀྱི་སུལ་ལམ་གཉེར་མ་ལྟ་བུ་ཞིག |
| ཕོ་སྐྱེས |
སྐྱེས་པ་ཕོ། |
| ཕོ་སྐྲན |
ཕོ་བའི་ནང་དུ་ཆགས་པའི་སྐྲན། |
| ཕོ་སྒོ |
སྟོབས་ཤུགས་སམ་འཇོན་ཐང༌གི་དོན་ཏེ། (དཔེར་ན།) ཕོ་སྒོ་ཅན་དེ་ཀུན་ལ་མཁོ་ཞེས་པ་ལྟ་བུ། |
| ཕོ་སྒྲོབ |
ཆེ་ཉམས་སམ་སྤམ་རྫུའི་དོན་ཏེ། (དཔེར་ན།) ཕོ་སྒྲོབ་ཀྱི་རྣམ་འགྱུར་སྟོན་པ་ཞེས་པ་ལྟ་བུ། |
| ཕོ་སྟོད |
རྔོན་པ་འཁྲབ་དུས་གྱོན་རྒྱུའི་སྟོད་གོས། |
| ཕོ་ཧྲེང |
བཟའ་ཟླ་མེད་པའི་སྐྱེས་པ་ཁེར་རྐྱང༌། |
| ཕོག |
1.(བྱེད་མེད་ལས་ཚིག) འཕོག་པའི་འདས་པ། ཐོག་ལ་ཁེལ་བའི་དོན་ཏེ། (དཔེར་ན།) མདའ་འཕངས་ནས་འབེན་ལ་ཕོག རི་རྩེ་ལ་ཉི་འོད་ཕོག ལུས་ལ་ཆར་བ་ཕོག ལྭ་བ་ལ་བརླན་ཕོག་ལྟ་བུ། 2.(བྱེད་འབྲེལ་ལས་ཚིག) སྦྱིན་པའི་དོན་དུ་གོ་བའི་འབོག་པ་དང་འབོགས་པའི་སྐུལ་ཚིག་སྟེ། (དཔེར་ན།) སྨན་གྱི་གདམ་ངག་ཕོགས་ཤིག དགེ་རྒན་གྱིས་སློབ་མ་ལ་སྨན་གྱི་གདམ་ངག་ཕོག་ལྟ་བུ།3.(བྱེད་འབྲེལ་ལས་ཚིག) ཁལ་དང་རྒྱན་ཆ་སོགས་མར་བླངས་པའི་དོན་དུ་གོ་བའི་ཕོགས་ཀྱིའདས་པ། (དཔེར་ན།) ཁལ་ཕོག་ནས་ས་ལ་བཞག ཁུར་བོ་མར་ཕོག་ནས་ངལ་གསོ་བྱས་ལྟ་བུ། |
| ཕོག་གསང |
རྨ་ཁ། |
| ཕོག་གུ |
ཕོ་གུ་དང་འདྲ། |
| ཕོག་ཐུག |
1.གཞན་ལ་མི་དགའ་བ་བསྐྱེད་པའམ་ཁྲོ་བ་བསླངས་པའི་དོན་ཏེ། (དཔེར་ན།) གཞན་ལ་ཕོག་ཐུག་བཏང་ལྟ་བུ། 2.ཚིག་བཤད་པ་དོན་ཐོག་ལ་སོང་བའམ་གཞན་ལ་ཕོག་ཐུག་བྱུང་བའི་དོན་ཏེ། (དཔེར་ན།) སྐྱོན་བརྗོད་བྱས་པ་མཚང་ལ་ཕོག སྡིགས་མོ་བྱས་པ་སེམས་ལ་ཕོག་ལྟ་བུ། 3.ནད་བྱུང་བའི་དོན་ཏེ། (དཔེར་ན།) མི་ལ་ཆམ་རིམས་ཕོག་ན་སྨན་འཐུང་དགོས། ཤ་རུལ་ཟོས་ན་ཤ་དུག་ཕོག་ཉེན་ཆེ་ལྟ་བུ། |
| ཕོག་དུག |
ཕོག་ཐུག་དང་འདྲ། |
| ཕོག་སྙ་ཆེ |
(བརྡ་རྙིང་།) བསྲན་ཆེ་བ། |
| ཕོགས |
1.(བྱེད་འབྲེལ་ལས་ཚིག) ཁལ་དང་ཁུར་བོ་སོགས་མར་བླངས་པའི་དོན་དུ་གོ་བའི་ཕོག་གི་སྐུལ་ཚིག་སྟེ། (དཔེར་ན།) ཁལ་ཕོགས་ཤིག། མེ་མདའ་ཕྲག་ནས་ཕོགས་ཤིག ཁུར་བོ་ལུས་ནས་ཕོགས་ཤིག་ལྟ་བུ། 2.(བྱེད་འབྲེལ་ལས་ཚིག) གདམ་ངག་དང་ཡོན་ཏན་སོགས་གཞན་ལ་ཁྲིད་པའི་དོན་ཏེ། (དཔེར་ན།) སྨན་གྱི་གདམ་ངག་ཕོགས་ཤིག དགེ་རྒན་གྱིས་སློབ་མ་ལ་སྨན་གྱི་གདམ་དག་ཕོགས་ཤིག་ཅེས་པ་ལྟ་བུ། 3.གླ་ཕོགས་ཀྱི་མིང་སྟེ། (དཔེར་ན།) ཆལོ་ཕོགས། ཟླ་ཕོགས། འབྲུ་ཕོགས། དངུལ་ཕོགས་ཞེས་པ་ལྟ་བུ། |
| ཕོགས་ཁང |
འཚོ་ཕོགས་རྒྱག་མཁན་ལས་ཁུངས། |
| ཕོགས་ཆ |
ཕོགས་སམ་གླ་ཆ། |
| ཕོགས་ཐེབས |
སྔར་གྲྭ་པར་ཕོགས་རྒྱག་རྒྱུའི་མ་རྩ་འབྲུ་དངུལ་སོགས། |
| ཕོགས་ཐོབ |
ཕོགས་ཀྱི་ཐོབ་ཆ། |
| ཕོགས་དཔོན |
སྔར་དམག་ཕོགས་དོ་དམ་བྱེད་མཁན་གྱི་འགོ་ཁྲིད། |
| ཕོགས་མདའ་རྩིས་སྲས |
སྔར་བོད་སྲིད་གཞུང་གི་ཕོགས་དཔོན་དང༌། མདའ་དཔོན། རྩིས་དཔོན། སྲས་རྣམ་པ་བཅས་ཀྱི་བསྡུས་མིང༌། |
| ཕོགས་ཟན་པ |
ཕོགས་བླངས་ནས་ལས་ཀ་བྱེད་མཁན། |
| ཕོང་བ |
(བྱེད་མེད་ལས་ཚིག) དབུལ་བའི་དོན་དུ་གོ་བའི་མ་འོངས་པ་སྟེ། འཕོངས་ལ་ཕོང་ཞེས་འབྲི་བའང་ཡོད། |
| ཕོངས |
1.(བྱེད་མེད་ལས་ཚིག) དབུལ་བའི་དོན་དུ་གོ་བའི་འཕོངས་པའི་འདས་པ། 2.(བྱེད་འབྲེལ་ལས་ཚིག) ལྡེམ་ཤུགས་སོགས་ལ་བརྟེན་ནས་མདའ་དང་མདེའུ་སོགས་ཕར་འཕེན་པའི་དོན་ཏེ། (དཔེར་ན།) མདའ་ཕོངས་ཤིག མེ་མདའ་ཕོངས་ཤིག་ཅེས་པ་ལྟ་བུ། |
| ཕོངས་གྲིར་ཤི |
ལྟོགས་གྲིར་ཤི་བ་སྟེ། (དཔེར་ན།) ཨ་མ་ཕོངས་གྲིར་ཤི། སྲིང་མོ་ལྟོ་གོས་སྤྲང་ཕྱིར་འཁྱར་ཞེས་པ་ལྟ་བུ། |
| ཕོངས་ངན |
ཤིན་ཏུ་དབུལ་བ། |
| ཕོངས་རྟགས |
དབུལ་པོའི་རྣམ་པ་སྟེ། (དཔེར་ན།) སྔར་ཡོད་ཕོངས་རྟགས་མཐོང་རྒྱུ་མེད་པར་གྱུར་སོང༌ཞེས་པ་ལྟ་བུ། |
| ཕོད |
(ལས་ཚིག་རྗེས་མཐུན་པ) 1>སྤོབས་པ་ཡོད་པའམ་སྙིང་སྟོབས་ཡོད་པའི་དོན་ཏེ། (དཔེར་ན།) བཤད་ཕོད། བཤད་མི་ཕོད། སྒྲུབ་ཕོད། སྒྲུབ་མི་ཕོད་ལྟ་བུ། 2>བཟོད་པ་དང་ནུས་པའམ་ཐུབ་པའི་དོན་ཏེ། (དཔེར་ན།) ཕ་མ་བུ་ཆུང་དང་འབྲལ་མི་ཕོད། མཛའ་བའི་གྲོགས་དང་འབྲལ་མི་ཕོད་ལྟ་བུ། |
| ཕོད་ཀ |
1.ཞྭ་ཞིག་གི་མིང་། 2.ཞྭའི་མཐའ་ནས་འཕྱངས་པའི་ཚར་ལོའི་མིང་། |
| ཕོད་ཅན |
(མངོན་བརྗོད།) སྐར་མ་དུ་བ་མཇུག་རིང༌། |
| ཕོད་ཆུང |
བློ་ཁོག་ཆུང་བའི་དོན་ཏེ། (དཔེར་ན།) བློ་ཞུམ་ཕོད་ཆུང་བྱས་ན་ལས་དོན་གང་ཡང་འགྲུབ་མི་ཐུབ་ཅེས་པ་ལྟ་བུ། |
| ཕོད་ཆུང་ངེ་བ |
བློ་ནུས་སམ་སྙིང་སྟོབས་ཞན་པའི་ཉམས་ཏེ། (དཔེར་ན།) བྱིས་པ་རྒྱུས་མེད་མི་དང་འཕྲད་དུས་ཕོད་ཆུང་ངེ་བ་ཞིག་ཡོང༌ཞེས་པ་ལྟ་བུ། |
| ཕོད་ཆུངས་སེ་བ |
ཕོད་ཆུང་ངེ་བ་དང་འདྲ། |
| ཕོད་པ |
ཐུབ་པ་དང༌ནུས་པའི་དོན་ཏེ། (དཔེར་ན།) ཕོད་པ་ཅན། ལས་འགན་ཆེན་པོ་འཁུར་ཕོད་པ། ཕ་རོལ་པོའི་རྒོལ་ངན་ལ་ལན་སྤྲོད་ཕོད་པ། མཛའ་གྲོགས་ཕན་ཚུན་འབྲལ་མི་ཕོད་པ་ཞེས་པ་ལྟ་བུ། |
| ཕོད་པོ |
ནུས་པ་ཅན་དང་སྤྱི་བརྟོལ་ཅན་གྱི་གང་ཟག |
| ཕོད་བཙུགས་པ |
དངོས་སུ་ཐོན་ནས་སྙད་འཚོལ་བ་སྟེ། (དཔེར་ན།) ཚུར་ཕོད་བཙུགས་པའི་དགྲ་བོར་ཡ་ལན་སྤྲོད། ཕན་ཚུན་སྤྱིའི་ལས་འགན་ལེགས་སྒྲུབ་ཀྱི་ཆེད་དུ་ཕོད་བཙུགས་པ་ཞེས་པ་ལྟ་བུ། |
| ཕོད་མདོ |
ས་མིང་ཞིག བོད་ཀྱི་ལྷུན་གྲུབ་རྫོང་ཁོངས་སུ་ཡོད། |
| ཕོད་འཛར |
དར་གོས་སྟོང་སྐུད་ལ་སོགས་པ་ལས་བཟོས་པའི་རྒྱན་ཞིག |
| ཕོན |
བོངས་ཚོད་ཀྱི་མིང་གཞན། ཕོན་པོ་ལ་ལྟོས། |
| ཕོན་ཆེ་བ |
འབོར་ཆེ་བའམ་གྲངས་ཀ་མང་པོའི་དོན་ཏེ། (དཔེར་ན།) དངོས་ཟོག་ཕོན་ཆེ་བ་ཞེས་པ་ལྟ་བུ། |
| ཕོན་ཆེན |
བོངས་ཚོད་ཆེ་བ་དང་གྲངས་ཀ་མང་བའི་དོན་ཏེ། (དཔེར་ན།) ཇ་རས་ཕོན་ཆེན་བཙོངས། ཞེང་ཆས་ཕོན་ཆེན་ཉོས་ཞེས་པ་ལྟ་བུ། |
| ཕོན་ཏེ |
(བརྡ་རྙིང་།) ཁེ་ཕན། |
| ཕོན་པོ |
ཆུན་པོའམ་ཆག་པ་དང༌་བམ་པོ་ཚོགས་པ་བཅས་ཀྱི་དོན་ཏེ། (དཔེར་ན།) ཚེར་མའི་ཕོན་པོ། རྩྭ་ཕོན་པོ་གཅིག མེ་ཏོག་ཕོན་པོ། དར་སྐུད་ཀྱི་ཕོན་པོ། ཁ་བཏགས་ཕོན་པོ་གཅིག་ཅེས་པ་ལྟ་བུ། |
| ཕོན་བུ |
དར་གོས་དང་སྟོང་སྐུད་སོགས་ཀྱིས་བཟོས་པའི་འཛར་རྒྱན། |
| ཕོན་འཛར |
རས་སོགས་ཀྱི་སྣེ་མོའི་འཛར། |
| ཕོབས |
(བྱེད་འབྲེལ་ལས་ཚིག) 1>ཕབ་ཀྱི་སྐུལ་ཚིག་སྟེ། (དཔེར་ན།) བཀའ་ཕོབས་ཤིག་ལྟ་བུ། 2>གཏན་ཁེལ་བྱས་པ་དང་ཐག་བཅད་པའི་དོན་ཏེ། (དཔེར་ན།) ཁྲིམས་ལུགས་གཏན་ལ་ཕོབས་ཤིག་ལྟ་བུ། 3>རྣལ་མོ་བྱེད་དུ་བཅུག་པའི་དོན་ཏེ། (དཔེར་ན།) ཁྱོད་ཀྱིས་སློབ་མའི་སེམས་རྣལ་དུ་ཕོབས་ཤིག་ལྟ་བུ། 4>མཐོ་ས་ནས་དམའ་སར་འབབ་ཏུ་བཅུག་པའི་དོན་ཏེ། (དཔེར་ན།) ལུག་རྫིས་རི་འགོ་ནས་མར་ཕོབས་ཤིག་ལྟ་བུ། 5.གནས་སུ་བཅུག་པའི་དོན་ཏེ། (དཔེར་ན།) མཐའ་མཚམས་སུ་དམག་ཕོབས་ཤིག་ལྟ་བུ། 6.དེའི་འགོར་ཆམ་ལ་སྦྱར་ན་སྟོབས་ཤུགས་དང་ཁེངས་དྲེགས་སོགས་ཉམས་པར་བྱས་པའི་དོན་ཏེ། (དཔེར་ན།) དགྲ་ཡ་ཆམ་ལ་ཕོབས་ཤིག་ལྟ་བུ། |
| ཕོམ་པ |
(བརྡ་རྙིང་) བུམ་པ། |
| ཕོར་དཀྲུག་འཁོར་ལོ |
ཕོར་པ་དཀྲུག་བྱེད་ཀྱི་དཀྲུག་འཁོར། |
| ཕོར་དཀྲུག་ལྕགས་ཀྱུ |
ཕོར་མཁན་གྱི་ལག་ཆ་རྩེ་མོ་རྣོ་ལེབ་ལྕགས་ཀྱུ་ལྟར་གུག་པ་ཞིག |
| ཕོར་པ་གཏིང་རིང |
འཐུང་སྣོད་ཕོར་པ་གཏིང་ཟབ་པ། |
| ཕོར་ཕྱིས |
ཕོར་པ་འབྱིད་བྱེད་དམ། ཕྱི་བྱེད་ཀྱི་རས། |
| ཕོར་བ |
ཟས་རིགས་འཇོག་བྱེད་དམ་ཟ་བྱེད་ཀྱི་སྣོད་དཔངས་མཐོ་ལ་ནང་ཟབ་པའི་རིགས་ཀྱི་སྤྱི་མིང་སྟེ། (དཔེར་ན།) ཇ་ཡི་ཕོར་བ། ཐུག་པའི་ཕོར་བ་ཞེས་པ་ལྟ་བུ། ཚིག་བསྡུས་ན་ཕོར་ཞེས་འབྲི་ཆོག་སྟེ། (དཔེར་ན།) ཤིང་ཕོར། རྫ་ཕོར་ཞེས་པ་ལྟ་བུ། |
| ཕོར་བུ |
ལྟོ་སྣོད་ཕོར་པ་ཆུང་ངུ། |
| ཕོར་མར |
ཇ་ཐང་གི་ཁར་འདེབས་རྒྱུའི་མར། |
| ཕོར་འབྱིད |
ཕོར་ཕྱིས་དང་འདྲ། |
| ཕོར་རས |
ཕོར་པ་སྒྲིལ་བྱེད་དམ་ཕྱི་བྱེད་ཀྱི་རས། |
| ཕོར་རུ |
(ཡུལ་སྐད།) ཕོར་པ། |
| ཕོར་རྩི |
ཕོར་པའི་རྩི། |
| ཕོར་རྭ |
རྭ་ལས་བཟོས་པའི་མེ་མདའི་རྫས་འཇལ་སྣོད་ཅིག |
| ཕོར་ཤུབས |
ཕོར་པ་བླུག་སྣོད། |
| ཕོལ |
འབྲུམ་བུ་ཕྲ་མོ་ཡོད་པའི་རྨ་འབྲས་སྒོར་མོ་འཁོར་ལོའི་དབྱིབས་མཚུངས་ཀྱི་མིང༌། |
| ཕོལ་ཏེ |
(བརྡ་རྙིང་།) ཁེ་ཕན། |
| ཕོལ་བ |
(བརྡ་རྙིང་།) རྟོགས་པ་དང་ཤེས་པ། |
| ཕོལ་མིག |
1.པགས་ནད་དབྱིབས་འཁོར་ལོ་ལྟར་སྒོར་ཞིང་མདོག་སྔོ་ནག་གཡའ་ཟ་མི་བཟོད་པ་འབྱུང་བ་དང༌། རིམ་བཞིན་རྨར་འགྱུར་ཞིང་གཞན་ལ་འགོ་བའི་པགས་ནད་གདུག་པ་ཅན་ཞིག 2.(བརྡ་རྙིང་།) འཁོར་ལོ། |
| ཕོལ་འབྲས |
ཕོལ་མིག་གི་རྨ་དང་འབྲས་ནད་གཉིས་མཉམ་དུ་བསྡོངས་པའི་ནད་ཅིག |
| ཕོས |
འབོ་བའི་སྐུལ་ཚིག |
| ཕོས་པ |
འབོ་བའི་འདས་པ། |
| ཕོས་བོར |
བཟའ་ཚང་ཁ་ཕྲལ་བྱེད་སྐབས་བདེན་པ་མོ་ལ་ཆེ་ན་ཕོས་བོར་ཟེར། |
| ཕྱ |
1.ཟུར་ཟ་དང་འཕྱ་སྨོད་བྱེད་པའི་བྱ་སྤྱོད་ཀྱི་མིང་སྟེ། (དཔེར་ན།) གཞན་ལ་འཕྱ་ཕྱ་མ་གཏོང་ལྟ་བུ། 2.ཕྱུགས་ཀྱི་སྐྱེ་རྒྱུན་སྤེལ་བའི་དབང་བོ་ཉམས་པར་བྱེད་པའི་ཐབས་ཤིག་གི་མིང་། (དཔེར་ན།) ལུ་གུ་ཕྱ་བྱས་ལྟ་བུ། |
| ཕྱ་མ་ཕྱོ |
སེམས་རབ་ཏུ་གཡོ་བའི་དོན་ཏེ། (དཔེར་ན།) ཕྱ་མ་ཕྱོའི་གླུ་འདི་བླངས་ཞེས་པ་ལྟ་བུ། |
| ཕྱ་ཚན |
མི་དང༌། རྟ། ཁྱི་གསུམ་པོའི་ཕྲུ་གུ་མངལ་དུ་གནས་སྐབས་ཀྱི་བྲུན། |
| ཕྱ་ཚན་གསུམ |
མི་རྟ་ཁྱི་གསུམ་གྱི་ཕྲུ་གུས་མའི་ནུ་ཞོ་མ་འཐུང་བའི་སྔོན་དུ་བཏང་བའི་བྲུན་ལ་ཟེར་ཏེ། ནུས་པས་སྦྱར་དུག་དང༌། ཤ་དུག་ལ་སོགས་པའི་དུག་ནད་སེལ། |
| ཕྱ་ར |
(ཡུལ་སྐད།) རེ་ལྡེ་སྟེ། (དཔེར་ན།) ཕྱ་རའི་སྟེང་དུ་འབྲུ་ཉི་མར་བསྐམས་ཞེས་པ་ལྟ་བུ། |
| ཕྱ་ར་གྲུ་འདེགས |
ཕྱར་བ་གྲུ་འདེགས་དང་དོན་གཅིག |
| ཕྱ་རུ |
(བརྡ་རྙིང་།) འགེབས་རྒྱུའི་བེར། |
| ཕྱ་ལེ |
(རྒྱན་ཚིག) ངོས་མཉམ་པའི་དོན་ཏེ། (དཔེར་ན།) རྡོ་ཕ་བོང་ཕྱ་ལེ་བ་ཞིག་ཅེས་པ་ལྟ་བུ། |
| ཕྱ་ལེ་བ |
ངོས་མཉམ་པའི་དབྱིབས་ཏེ། མཐོ་དམན་དང་འབར་འབུར་མེད་པ། |
| ཕྱ་ལེ་བ་མ་ཡིན་པ |
ངོས་མི་མཉམ་པའི་དབྱིབས་ཏེ། མཐོ་དམན་སྒང་གཤོང་འབར་འབུར་ཡོད་པའི་དབྱིབས་སོ། ། |
| ཕྱག |
1.ལག་པའི་ཞེ་ས་སྟེ། (དཔེར་ན།) ཕྱག་སོར། ཕྱག་བདེ་པོ། ཕྱག་ཞབས་ཞེས་པ་ལྟ་བུ། 2.མིང་འགའ་ཞིག་གི་སྔོན་དུ་སྦྱོར་བའི་ཞེ་ཚིག་གཅིག་སྟེ། (དཔེར་ན།) ཕྱག་དམ། ཕྱག་རྫས་ཞེས་པ་ལྟ་བུ། 3.ཕྱག་འཚལ་ལུགས་ཀྱི་རྣམ་གྲངས་ཤིག (དཔེར་ན།) འབྱོར་ཕྱག ཐོན་ཕྱག ཕྱག་འོས་སུ་གྱུར་པའི་ཡུལ་ལ་ཕྱག་བྱ་བ་ཞེས་པ་ལྟ་བུ། |
| ཕྱག |
ལག་པའི་ཞེ་ས་སྟེ། (དཔེར་ན།) ཕྱག་འཇུ་གནང་ལྟ་བུ། (བྱེད་འབྲེལ་ལས་ཚིག) ཕྱགས་པའི་མ་འོངས་པ། ཕྱགས་མ་སོགས་ཀྱིས་ས་རྡུལ་གད་བདར་བྱེད་པ་སྟེ། (དཔེར་ན།) ཕྱག་བྱའི་རྡུལ་ཞེས་པ་ལྟ་བུ། |
| ཕྱག་ཀོར |
ལག་པའི་པད་ཀོར་གྱི་ཕྱག་རྒྱ་སྟེ། (དཔེར་ན།) ཕྱག་ཀོར་དང་བཅས་ཏེ་ཞལ་འདོན་གནང་བ་ཞེས་པ་ལྟ་བུ། |
| ཕྱག་ཁང |
ཁ་ཆེའི་ཆོས་ལུགས་པ་སོགས་ཀྱི་ཕྱག་འཚལ་སའི་ཁང་པ། |
| ཕྱག་གཏོང་རེས་གནང་བ |
ངོ་འཕྲད་སྐབས་ལག་འཇུ་རེས་བྱས་པ། |
| ཕྱག་གདན |
ཕྱག་འཚལ་བའི་དུས་སུ་གཏིང་བྱའི་གདན། |
| ཕྱག་གི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་ཕྱག་རིང་ཞིང་རྒྱས་པ་དང༌། ཕྱག་ཤིང་བལ་ལྟར་འཇམ་པའོ། ། |
| ཕྱག་གི་རི་མོའི་དཔེ་བྱད་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་ཕྱག་རིས་མདངས་གསལ་ཡོད་པ་དང༌། ཕྱག་རིས་ཟབ་པ་དང༌། ཕྱག་རིས་རིང་བ་བཅས་གསུམ་མོ། ། |
| ཕྱག་གྱང་འགྱེལ |
གང་རྩིག་འགྱེལ་བ་ལྟ་བུའི་ཕྱག་སྟེ་ལུས་ས་ལ་ཕབ་སྟེ་ཕྱག་འཚལ་བ། |
| ཕྱག་ཆེན་གའུ་མ |
བདེ་བ་དང་སྟོང་པ་གའུ་ཁ་སྦྱོར་བཞིན་དབྱེར་མེད་དུ་བསྒོམས་ནས་འོད་གསལ་མངོན་དུ་བྱེད་པའི་གདམས་པ་ཞིག |
| ཕྱག་ཆེན་རིག་འཛིན |
སྔགས་རྙིང་མའི་ས་ལམ་བགྲོད་ཚུལ་རིག་འཛིན་རྣམ་བཞིའི་ཡ་གྱལ་ཞིག་བསྒོམ་པའི་ལམ་བསྡུས་ཏེ་མཐོང་ལམ་འོད་གསལ་དེ་ལས་ལངས་པའི་སློབ་པའི་ཟུང་འཇུག་ཡེ་ཤེས་སྐུ་ཅན་གྱི་ཕྱག་རྒྱ་ཆེན་པོའི་རིག་འཛིན་ནོ། ། |
| ཕྱག་ཐམ |
ཕྱག་དམ་དང་འདྲ། |
| ཕྱག་དང་ཞབས་སོར་དྲ་བས་འབྲེལ་བའི་མཚན་བཟང |
སངས་རྒྱས་ཀྱི་མཚན་བཟང་པོ་གཉིས་ཀྱི་ནང་གསེས་ཤིག་བསྡུ་པའི་དངོས་པོ་བཞི་བསྟེན་པས་ཕྱག་དང་ཞབས་ཀྱི་སོར་མོ་ངང་པའི་རྒྱལ་པོ་ལྟ་བུར་དྲ་བར་འབྲེལ་བ། |
| ཕྱག་དཔུང |
1.ལག་པའི་དཔུང་པ། 2.ལག་རོགས། |
| ཕྱག་དཔེ |
དཔེ་ཆ། |
| ཕྱག་དབང |
ལག་པ་གཞན་གྱི་མགོར་བཞག་ནས་བྱིན་རླབས་བྱེད་པ། |
| ཕྱག་དམ |
ཐེལ་རྩེ། |
| ཕྱག་དར |
1.གད་སྙིགས། 2.ཁང་ཐོག་ཏུ་འཛུགས་བྱེད་དང༌། གཏོར་རྒྱག་སྐབས་མིས་ལག་ཏུ་ཐོགས་པའི་དར་ཆ། |
| ཕྱག་དར་ཁྲོད |
གད་སྙིགས་ཀྱི་དཀྱིལ་ལམ་དབུས་ཏེ། (དཔེར་ན།) ཕྱག་དར་ཁྲོད་དུ་བསྐྱལ་ཞེས་པ་ལྟ་བུ། |
| ཕྱག་དར་ཁྲོད་ཀྱི་ཆོས་གོས |
གད་སྙིགས་ཁྲོད་ནས་བསྒྲུགས་པའི་ཆོས་གོས། |
| ཕྱག་དར་ཁྲོད་པ |
གད་སྙིགས་ཁྲོད་ཀྱི་གོས་དྲུག་ཚལ་གྱོན་མཁན། |
| ཕྱག་དར་གོས |
གད་སྙིགས་ནང་ནས་བསྒྲུགས་པའི་གོས། |
| ཕྱག་དེབ |
ཐོ་བཀོད་པའི་ཡིག་དེབ། |
| ཕྱག་ན་པད་མ |
(མངོན་བརྗོད།) སྤྱན་རས་གཟིགས། |
| ཕྱག་ན་རྡོ་རྗེ |
སངས་རྒྱས་ཐམས་ཅད་ཀྱི་ཐུགས་ཀྱི་ངོ་བོ་གཅིག་ཏུ་བསྡུས་པ་མཐུ་སྟོབས་ནུས་པའི་བདག་ཉིད་ཅན་ཕྱག་ན་མཚོན་བྱེད་རྡོ་རྗེ་བསྣམས་པའི་ཉེ་བའི་སྲས་ཆེན་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་མཐུ་ཆེན་ཐོབ་དང༌། མཐུ་སྟོབས་བདག་པོ། རྡོ་རྗེ་ཅན། རྡོ་རྗེའི་དབང་ཕྱག་ཕྱག་རྡོར། ལག་ན་རྡོ་རྗེ། གསང་བའི་རྒྱལ། གསང་བའི་བདག་པོ། གསང་བ་འཛིན་བཅས་སོ། ། |
| ཕྱག་པ |
ཆུན་པོའི་དོན་དུ་གོ་བའི་ཆག་པ་དང་འདྲ། |
| ཕྱག་ཕེབས |
ཕྱགས་ཕེབས་དང་དོན་གཅིག |
| ཕྱག་ཕྱི |
1.གཡོག་པོའི་དོན་ཏེ། (དཔེར་ན།) ཕྱག་ཕྱི་ཕོ་མོ་ཞེས་པ་ལྟ་བུ། 2.ལམ་དུ་འགྲོ་མཁན་གྱི་རྗེས་འབྲང་བ་སྟེ། (དཔེར་ན།) ད་ལན་བདག་ཀྱང་ཕྱག་ཕྱི་ལ་འགྲོ་བར་ཞུ་ཞེས་པ་ལྟ་བུ། |
| ཕྱག་ཕྱི་ཞབས་ཏོག |
བཀུར་སྟི་ཞབས་འདེགས། |
| ཕྱག་ཕྲེང |
1.ཕྲེང་བའི་ཞེ་ས། 2.རྫོང་ཞིག དཀར་མཛེས་ཡུལ་གྱི་ལྷོ་ནུབ་ངོས་སུ་ཡོད། |
| ཕྱག་བགྱི་བ |
ཕྱག་འཚལ་བ། |
| ཕྱག་བཅས |
ཕྱག་འཚལ་བ་དང་བཅས། |
| ཕྱག་བདར |
རྡུལ་ཕྱགས་ཤིང་བདར་བ་སྟེ། (དཔེར་ན།) ཁང་པའི་ནང་དུ་ཕྱག་བདར་ཡང་ཡང་བྱེད་དགོས་ཞེས་པ་ལྟ་བུ། |
| ཕྱག་བདེ |
མགྲོན་པོ་ལ་ཟས་སོགས་འདྲེན་མཁན་གྱི་མི། |
| ཕྱག་བདེ་བ |
1.བོད་ཀྱི་དགོན་སྡེ་ཁག་གི་ཚོགས་ཆེན་སོགས་ཀྱི་ནང་དུ་དགེ་འདུན་པར་འཐུང་ཇ་འདྲེན་མཁན་གྱི་གྲྭ་པ། 2.ལག་བཟོ་མཁས་པ། |
| ཕྱག་བཞི་པ |
ཞལ་གཅིག་ཕྱག་བཞི་ཡོད་པའི་ལྷ། (དཔེར་ན།) སྤྱན་རས་གཟིགས་ཕྱག་བཞི་པ་ཞེས་པ་ལྟ་བུ། |
| ཕྱག་བཞེས |
1.ལག་ལེན་གྱི་དོན་ཏེ། བཅའ་ཁྲིམས་ཕྱག་བཞེས་ཇི་བཞིན་བསྟར་བས་བདེ་འཇགས་བྱུང་ཞེས་པ་ལྟ་བུ། 2.ལག་རྒྱུན་ནམ་སྲོལ་རྒྱུན། |
| ཕྱག་བཞེས་པ |
གཞན་གྱི་གུས་འདུད་དང་དུ་ལེན་པའི་དོན་ཏེ། (དཔེར་ན།) སློབ་དཔོན་གྱིས་སློབ་མའི་ཕྱག་བཞེས་པ་ཞེས་པ་ལྟ་བུ། |
| ཕྱག་བཟོས་མ |
མི་གང་ཞིག་གི་ལག་པས་དངོས་སུ་བཟོས་པའི་དངོས་རྫས། |
| ཕྱག་བརྙན |
སྔོན་ཆད་དཔོན་རིགས་སོགས་ཀྱི་རྗེས་སུ་རྒྱུན་དུ་འབྲང་བའམ་ཞབས་འདེགས་བྱེད་པའི་འཁོར་གྱི་མིང་། |
| ཕྱག་བསིལ་བ |
1.ལག་པ་བཀྲུས་པའི་དོན་ཏེ། (དཔེར་ན།) ཞལ་ལག་མ་མཆོད་གོང་ལ་ཕྱག་བསིལ་བ་ཞེས་པ་ལྟ་བུ། 2.ལག་པ་འཁྱགས་པའི་དོན་ཏེ། (དཔེར་ན།) དགུན་ཁ་ཤར་རུང་ལུས་རྩལ་མང་ཙམ་གནང་ན་ཕྱག་བསིལ་མི་ཡོང༌ཞེས་པ་ལྟ་བུ། |
| ཕྱག་བྲིས |
ཡི་གེའི་དོན་ཏེ། (དཔེར་ན།) དགེ་རྒན་གྱི་ཕྱག་བྲིས་འབྱོར་བྱུང༌། བརྩེ་བའི་ཕྱག་བྲིས། ཁོང་གི་ཕྱག་བྲིས་ཡག་པོ་རེད་ཅེས་པ་ལྟ་བུ། |
| ཕྱག་མཆོད |
ལྷ་ལ་འབུལ་བའི་ཕྱག་དང་མཆོད་པ། |
| ཕྱག་མདའ |
1.མེ་མདའི་ཞེས་ས། (དཔེར་ན།) དོན་མེད་ཕྱག་མདའ་བསྐྱོན་མི་ཆོག་ཅེས་པ་ལྟ་བུ།2.མདའ་གཞུའི་མདའ་སྟེ། (དཔེར་ན།) འབེན་མ་བཙུགས་པར་ཕྱག་མདའ་སྐྱོན་དོན་མེད་ཅེས་པ་ལྟ་བུ། |
| ཕྱག་མདུད |
བླ་མས་མདུད་པའི་སྲུང་མདུད་ཀྱི་ཞེ་ས། |
| ཕྱག་མཚན |
1.ལག་ཆ། 2.རྟགས་མཚན་ཏེ། རྡོ་རྗེ་དྲིལ་བུ་ལ་སོགས་པ། |
| ཕྱག་མཛོད |
མཛོད་ཁང་དང་རྒྱུ་རྫས་སོགས་ལ་བདག་གཉེར་བྱེད་མཁན་གྱི་གཉེར་པ་གཙོ་བོ། |
| ཕྱག་མཛོད་ཆས |
སྔར་བོད་ཀྱི་སྡེ་དཔོན་མི་དྲག་ཆེ་ཁག་གི་ཕྱག་མཛོད་པའི་གཟབ་ཆས། |
| ཕྱག་ཚ |
ལག་པས་བཏབ་པའི་སཱཙྪ། |
| ཕྱག་ཚགས |
ཉར་ཚགས་ཀྱི་དོན་ཏེ། (དཔེར་ན།) རྒྱལ་ཁབས་ཀྱི་དངོས་པོ་ཕྱག་ཚགས་ལེགས་པར་གནང་ནས་སྐྱོན་མི་འཆོར་བ་བྱེད་དགོས་ཞེས་པ་ལྟ་བུ། |
| ཕྱག་ཚང |
(བརྡ་རྙིང།) ཐབ་ཚང༌། |
| ཕྱག་ཚད |
ཐིག་ཚད། |
| ཕྱག་ཞབས་དཔལ་བེའུ་སོགས་ཀྱིས་བརྒྱན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་རྣམ་པ་ཐམས་ཅད་དུ་མཛེས་པར་གྱུར་པ་ཉིད་ཀྱིས་ཕྱག་དང་ཞབས་དཔལ་གྱི་བེའུ་དང་བཀྲ་ཤིས་དང༌། གཡུང་དྲུང་འཁྱིལ་བས་བརྒྱན་པ། |
| ཕྱག་ཞབས་འཇམ་ཞིང་གཞོན་ཤ་ཆགས་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྟེ་གོས་གྱ་ནོམ་པ་བྱིན་པས་ཕྱག་དང་ཞབས་འཇམ་ཞིང་གཞོན་ཤ་ཆགས་པ། |
| ཕྱག་འཁར |
འཁར་རྒྱུག་གི་ཞེ་ས། |
| ཕྱག་འཇུག |
ཉེས་རྡུང་གཏོང་བའི་དོན་ཏེ། (དཔེར་ན།) དགེ་རྒན་གྱིས་སློབ་ཕྲུག་རྣམས་ལ་ཕྱག་འཇུག་གནང་མི་ཆོག་ཅེས་པ་ལྟ་བུ། |
| ཕྱག་འདེབས |
བཟོ་སྐྲུན་གྱི་དོན་ཏེ། (དཔེར་ན།) རིག་གནས་ཕོ་བྲང་གཡུ་རྩིའི་རྒྱ་ཕིབས་ཅན་ཞིག་གསར་དུ་ཕྱག་འདེབས་པར་མཛད་ཅེས་པ་ལྟ་བུ། |
| ཕྱག་འབུལ |
ལག་པས་གུས་འདུད་ཞུ་བའི་དོན་ཏེ། (དཔེར་ན།) སྔོན་གཤེགས་དཔའ་བོ་ལ་ཕྱག་འབུལ་ཞུ་བ་ཞེས་པ་ལྟ་བུ། |
| ཕྱག་འབུལ་དཔྲལ་སྐོར |
ཕན་ཚུན་ཕྱག་འབུལ་ཞུས་པ། |
| ཕྱག་འབེབས |
ཉེས་རྡུང༌། |
| ཕྱག་འཚལ་བ |
ལུས་ངག་ཡིད་གསུམ་གྱི་སྒོ་ནས་མཆོག་ཏུ་གུས་འདུད་བྱེད་པའི་དོན་ཏེ། (དཔེར་ན།) སྤྱི་བོས་ཕྱག་འཚལ་བ། ཕྱི་ཕྱག་འཚལ་བ་ཞེས་པ་ལྟ་བུ། |
| ཕྱག་འོས |
1.ཕྱག་བྱར་འོས་པ། 2.(མངོན་བརྗོད།) ཟླ་བ། |
| ཕྱག་རས |
ལག་པ་འབྱིད་བྱེད་རས། |
| ཕྱག་རིང་ཞིང་མཛེས་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་ནོར་བདོག་པ་ལ་སློང་བ་པོའི་སྐྱེ་བོ་ཕྱིར་མ་སྤངས་པས་ཕྱག་རིང་ཞིང་མཛེས་པ། |
| ཕྱག་རིང་ཞིང་རྒྱས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་མཆོག་ཏུ་གནོད་པ་བཟློག་པར་མཛད་པ་ཉིད་ཀྱིས་ཕྱག་རིང་ཞིང་རྒྱས་པ། |
| ཕྱག་རིས |
1.ལག་པས་བྲིས་པའི་རི་མོ། 2.ལག་པའི་རི་མོ། 3.ཕྱག་བྲིས། |
| ཕྱག་རིས་མདངས་ཡོད་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་མདངས་ཡོད་པའི་དགེ་སྦྱོང་ཆེན་པོ་བརྙེས་པ་ཉིད་ཀྱིས་ཕྱག་གི་རི་མོ་གསལ་ལ་མདངས་ཡོད་པ། |
| ཕྱག་རིས་ཟབ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཆོས་ཟབ་མོ་ལ་གནས་པ་ཉིད་ཀྱིས་ཕྱག་གི་རི་མོ་གཏིང་ཟབ་པར་དོད་པ། |
| ཕྱག་རིས་རིང་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཕྱི་རྗེས་སུ་ཡང་དག་པར་ཡོངས་སུ་དག་པའི་ཆོས་སྟོན་པར་མཛད་པ་ཉིད་ཀྱིས་ཕྱག་གི་རི་མོ་མ་ཆད་པར་རིང་དུ་དོད་པ། |
| ཕྱག་རོགས |
ལས་ཀ་བྱེད་རོགས། |
| ཕྱག་རྒྱ |
1.ཕྱག་དམ་སྟེ། (དཔེར་ན།) གཞུང་ཡིག་ལ་ཕྱག་རྒྱ་འདེབས་པ་ཞེས་པ་ལྟ་བུ། 2.ལག་པའི་བརྡ། |
| ཕྱག་རྒྱ་གསུམ |
ཆོས་ཐམས་ཅད་བདག་མེད་པ་དང་། འདུས་བྱས་ཐམས་ཅད་མི་རྟག་པ། ཟག་བཅས་ཀྱི་འདུ་བྱེད་ཐམས་ཅད་སྡུག་བསྔལ་བ། |
| ཕྱག་རྒྱ་ཆེན་པོ |
1.འབྲས་བུ་མཐར་ཐུག་གམ་མཆོག་གི་དངོས་གྲུབ་ཕྱག་རྒྱ་ཆེན་པོ་ཞེས་བྱ་སྟེ། མཆོག་ཏུ་མི་འགྱུར་བའི་བདེ་བ་དང༌། དེ་ལ་རྒྱས་འདེབས་པའི་རྣམ་པ་ཐམས་ཅད་པའི་གཟུགས་སྐད་ཅིག་དང་པོར་ཐོབ་པ་དེ་ལས་བྲི་བ་དང་གང་བ་མེད་པར་ཡེ་ཇི་བཞིན་པའི་ངོ་བོ་ཉིད་ཀྱིས་ནམ་མཁའི་ཇི་སྲིད་པ་དེ་སྲིད་དུ་རྟག་ཏུ་གནས་ཤིང་གཞར་ཡང་དེ་ལས་འདར་མི་སྤྱོད་པ་ཉིད་ཀྱིས་ཕྱག་རྒྱ་ཡིན་ལ། སྤོང་བ་དང་རྟོགས་པ་དང་སེམས་ཏེ་ཆེན་པོ་གསུམ་དང་ལྡན་པས་ན་ཆེན་པོ་སྟེ་ཕྱག་རྒྱ་ཆེན་པོ་ཞེས་བྱའོ། །2.སྐུ་ཕྱག་རྒྱ་ཆེན་པོའི་རྣལ་འབྱོར་ཏེ། ཀུན་གཞིའི་རྣམ་པར་ཤེས་པའི་འཁྲུལ་བ་གློ་བུར་བ་བསལ་ནས་རང་བཞིན་མེ་ལོང་ལྟ་བུའི་ཡེ་ཤེས་མངོན་དུ་བྱ་བ་རྣལ་བྱོར་རྒྱུད་ཀྱི་ཕྱག་རྒྱ་བཞིའི་ཡ་གྱལ་ཞིག |
| ཕྱག་རྒྱ་དྲུག |
བོད་རྒྱལ་ཐོ་ཐོ་རི་གཉན་བཙན་སྐབས་བོད་དུ་འབྱོར་བའི་གླེགས་བམ་སྤང་སྐོང་ཕྱག་རྒྱ་དང༌། མདོ་སྡེ་ཟ་མ་ཏོག་གཞན་ཡང་གསེར་གྱི་མཆོད་རྟེན། གཡུའི་མཆོད་རྟེན། མུ་དྲའི་ཕྱག་རྒྱ། ཙིཏྟམཎིའི་སྐོས་ཕོར་བཅས་ཀྱི་སྤྱིའི་མིང༌། |
| ཕྱག་རྒྱ་བཞི |
རྣལ་འབྱོར་རྒྱུད་ཀྱི་སྒོམ་པའི་ཕྱག་རྒྱའི་རྣལ་འབྱོར་བཞི་ལས་ཀྱི་ཕྱག་རྒྱ། དམ་ཚིག་གི་ཕྱག་རྒྱ། ཆོས་ཀྱི་ཕྱག་རྒྱ། ཕྱག་རྒྱ་ཆེན་པོ་བཅས་སོ། ། |
| ཕྱག་རྒྱ་མ |
བླ་མའི་གསང་ཡུམ་སྔགས་ཀྱི་རྣལ་འབྱོར་པས་བསྟེན་པའི་རིག་མ། |
| ཕྱག་རྒྱའི་ལྷ |
ཐུགས་ཀར་ཕྱག་མཚན་འཁོར་ལོ་རྡོ་རྗེ་སོགས་བསྒོམས་ནས་རིགས་གང་ཡིན་གྱི་ལྷ་དེའི་དམ་ཚིག་གིས་རྒྱས་འདེབས་པ་སྟེ་བྱ་རྒྱུད་ལྷ་དྲུག་གི་ནང་གསེས་ཤིག |
| ཕྱག་རྒྱུན |
མི་གཅིག་ནས་གཅིག་ལ་བརྒྱུད་པའི་བྱ་ཐབས་སོགས་ཀྱི་མིང་སྟེ། (དཔེར་ན།) སྨན་འཕྲུལ་ཐལ་བསྡེབ་པའི་ཕྱག་རྒྱུན་བཟང་བོ་ཞེས་པ་ལྟ་བུ། |
| ཕྱག་རྗེས |
ལག་རྗེས་སམ་བྱས་རྗེས་ཀྱི་ཞེ་ས། |
| ཕྱག་རྟགས |
1.ལག་རྟགས་སམ། ལེགས་སྐྱེས། 2.རང་ལག་གིས་བྲིས་པའི་རྟགས། |
| ཕྱག་རྟེན |
1.མཇལ་རྟེན། 2.འབུལ་རྒྱུའི་དངོས་པོ་སྤྱི། |
| ཕྱག་རྟེན་དམར |
(བརྡ་རྙིང་།) ཕྱག་རྟགས་བཟང་པོ། |
| ཕྱག་རྡོར |
ཕྱག་ན་རྡོ་རྗེའི་བསྡུས་ཚིག |
| ཕྱག་རྡོར་རྟག་ངུ |
སྔོ་སྨན་རྟག་ངུ་རིགས་གསུམ་གྱི་ནང་ཚན་མེ་ཏོག་སྔོ་ནག་འཆར་བ་ཞིག |
| ཕྱག་རྩེ་སྤྲོད |
ཕན་ཚུན་གཅིག་གིས་གཅིག་ལ་ཕྱག་དུས་མཉམ་དུ་འཚལ་བ། |
| ཕྱག་རྫས |
རྒྱུ་ནོར་གྱི་ཞེ་ས་སྟེ། (དཔེར་ན།) ཁོང་ཕྱག་རྫས་ཕྱུག་པོ་རེད་ཅེས་པ་ལྟ་བུ། |
| ཕྱག་ལན |
ཕར་ཕྱག་འཚལ་བ་ལ་ཚུར་ཕྱག་ལན་འཚལ་བ། |
| ཕྱག་ལས |
ལས་ཀ། |
| ཕྱག་ལས་ཁོམ |
(བརྡ་རྙིང་།) ར་བཟི་བ། |
| ཕྱག་ལེན |
1.གཅིག་ནས་གཅིག་ལ་བརྒྱུད་དེ་གོམས་འདྲིས་སུ་གྱུར་པའི་ཆོ་ག་དང་ཐབས་སོགས་ཀྱི་མིང་སྟེ། (དཔེར་ན།) ཡི་གེ་འབྲི་ཚུལ་གྱི་ཕྱག་ལེན་སློབ་དགོས་ལྟ་བུ། 2.ལག་ལེན་གྱི་ཞེ་ས། |
| ཕྱག་ལྕགས |
སྒོ་ལྕགས་ཀྱི་ཞེ་ས། |
| ཕྱག་ལྡེ |
ལྡེ་མིག |
| ཕྱག་ཤན |
གྲི། |
| ཕྱག་ཤིང་བལ་ལྟར་འཇམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ལུས་ལ་སོགས་པ་ཟོ་མདོག་བདེ་བ་འཐོབ་པའི་ཆོས་སྟོན་པར་མཛད་པ་ཉིད་ཀྱིས་ཕྱག་ཤིང་བལ་ལྟར་ཤིན་ཏུ་འཇམ་པ། |
| ཕྱག་སྟོང་སྤྱན་སྟོང |
སྤྱན་རས་གཟིགས་ཕྱགས་སྟོང་སྤྱན་སྟོང༌། |
| ཕྱག་སྣེ |
ལག་སྣེའི་ཞེ་ས་སྟེ་སྐབས་འཕྲལ་འགྲོ་སོང་གཏོང་བྱེད་ཀྱི་དངུལ་སོགས། |
| ཕྱག་སྦལ |
(བརྡ་རྙིང་།) བཙོན་ཁང་ངམ་བཙོན་དོང་། |
| ཕྱག་སྦུག |
རྒྱུ་ནོར་མཛོད་སྦུག་དང་དེའི་གཉེར་ཁ་བྱེད་མཁན་གཉིས་ཀའི་མིང༌། (དཔེར་ན།) གྲྭ་ཚང་ཕྱག་སྦུག་ཅེས་པ་ལྟ་བུ། |
| ཕྱག་སྦྲེལ |
ལག་རོགས། |
| ཕྱག་སྨྱུག |
སྨྱུ་གུ། |
| ཕྱག་སྲོལ |
1.གོམས་འདྲིས་སུ་གྱུར་པའི་ལུགས་སྲོལ་གྱི་མིང་། 2.གུས་པ་བྱེད་ལུགས་ཤིག་གི་མིང་། (དཔེར་ན།) ཕྱག་འཚལ། ཕྱག་སྐོར་ཞེས་པ་ལྟ་བུ། |
| ཕྱགས |
1.(བྱེད་འབྲེལ་ལས་ཚིག) འཕྱག་པའི་འདས་པ་སྟེ། ཁང་བའི་ནང་གི་ས་རྡུལ་ཕྱགས་ནས་གཙང་སྦྲ་བྱས་ལྟ་བུ། 2.ལྷམ་གྱི་ཞེ་ས། (དཔེར་ན།) ཞབས་ཕྱགས་ཞེས་པ་ལྟ་བུ།3.ཕྱགས་མ་ཡི་ཚིག་བསྡུས་པ། |
| ཕྱགས་དག |
(བརྡ་རྙིང་།) ལྷམ། |
| ཕྱགས་དར |
གད་སྙིགས། |
| ཕྱགས་ཕེབས |
1.འོང་བའི་དོན་ཏེ། (དཔེར་ན།) ཁྱེད་ཐུགས་དལ་སྐབས་ང་སར་ཕྱགས་ཕེབས་གནང་རོགས་ཞེས་པ་ལྟ་བུ། 2.སླེབས་པའམ་འབྱོར་བའི་དོན་ཏེ། (དཔེར་ན།) ང་ཚོའི་གྲོང་ཚོར་ཕྱགས་ཕེབས་གནང་བྱུང༌ཞེས་པ་ལྟ་བུ། |
| ཕྱགས་བཏེག་པ |
ཕྱིན་པའི་དོན་ཏེ། (དཔེར་ན།) ས་གནས་གཞན་དུ་ཕྱགས་བཏེག་པ་ཞེས་པ་ལྟ་བུ། |
| ཕྱགས་མ |
གད་སྙིགས་འཕྱག་བྱེད་ལག་ཆ་ཞིག (དཔེར་ན།) འཇག་མའི་ཕྱགས་མ། ཀུ་ཤའི་ཕྱགས་མ། སྤེན་ཕྱགས་ཞེས་པ་ལྟ་བུ། |
| ཕྱགས་ལྷམ |
ལྷམ་གྱི་མིང་། (དཔེར་ན།) ཕྱགས་ལྷམ་གསོལ་བ། ཕྱགས་ལྷམ་བསིལ་བ་ཞེས་པ་ལྟ་བུ། |
| ཕྱགས་སྙིགས |
གད་སྙིགས། |
| ཕྱང |
(རྒྱན་ཚིག) ཐུར་དུ་དཔྱངས་པའི་དབྱིབས་ཏེ། (དཔེར་ན།) རྣ་ཤལ་ཕྱང་ངེ་བ། ལྭ་རིང་ཕྱང་ཕྱང་བ། སྦྲུལ་ཁྲ་ཕྱང་ངེ་འདུག་ལྟ་བུ། |
| ཕྱང་ངེ་བ |
(རྒྱན་ཚིག) འཇོལ་ལེ་བ་རིང་པོར་འཛར་བའི་རྣམ་པ་སྟེ། (དཔེར་ན།) བ་གླང་གི་ལྐོག་ཤལ་ཕྱང་ངེ་བ། ཕྱལ་ཕྱང་ངེ་བ་ཞེས་པ་ལྟ་བུ། |
| ཕྱང་ཆད |
ཐག་བཅད་པའམ་ཐེ་ཚོམ་བཅད་པའི་བརྡ་རྙིང་། |
| ཕྱང་ཕྱང་ཕྲུལ་ཕྲུལ |
(རྒྱན་ཚིག) ཐུར་དུ་དཔྱངས་ནས་ཕྲུལ་ལེར་གནས་པའི་ངང་ཚུལ། |
| ཕྱང་ཕྱང་བ |
(རྒྱན་ཚིག) ཐུར་དུ་ནར་ནར་བའམ་ཐུར་དུ་ཕྲུལ་ཕྲུལ་བ་སྟེ། (དཔེར་ན།) རྒྱལ་སྒོའི་རྒྱན་དུ་ལྒང་བཞུ་ཚོན་ཁྲ་ཁ་དོག་རྣམ་པར་བཀྲ་བ་ཕྱང་ཕྱང་བ་ཞེས་པ་ལྟ་བུ། |
| ཕྱང་ཕྲུལ |
ཐུར་དུ་ཕྱང་ཞིང༌། ཕྲུལ་བའི་རྒྱན། |
| ཕྱང་བ |
འཕྱང་བའི་འབྲི་སྲོལ་གཞན་ཞིག |
| ཕྱང་འཕྲུལ |
བྲང་ཁ་ནས་ཐུར་དུ་དཔྱངས་པའི་ཕྲེང་བ་ལྟ་བའི་རྒྱན་ཆའི་རིགས་ཤིག |
| ཕྱང་ཡར |
1.སྲང་བར་གྱི་གཏམ་འཁྱམ་པོ། 2.(བརྡ་རྙིང་།) འཕྲིན་ལས། |
| ཕྱད་དེ་ཕྱོད་དེ |
(རྒྱན་ཚིག) ཆ་མི་སྙོམ་པ་དང་རིང་ཐུང་མི་སྙོམ་པའི་དོན་ཏེ། (དཔེར་ན།) ལྭ་བ་ཕྱད་དེ་ཕྱོད་དེ་ཞིག་གྱོན་ལྟ་བུ། |
| ཕྱད་པ |
1.(རྒྱན་ཚིག) དུས་རྒྱུན་གྱི་བརྡ་རྙིང་། (དཔེར་ན།) འབད་བརྩོན་ཕྱད་པར་མ་བྱས་ན། འགན་ཁུར་འགྲུབ་ཐུབ་ག་ལ་སྲིད་ཅེས་པ་ལྟ་བུ། 2.ཐལ་བྱུང༌གི་དོན་ཏེ། (དཔེར་ན།) བྱིའུ་ཕྱད་ཀྱིས་འཕུར་བ། ཆུའི་ནང་དུ་ཉ་མོ་ཕྱད་ཀྱིས་འགྲོ་བ། |
| ཕྱད་པར |
(བསྣན་ཚིག) ཁྱབ་གདལ་གྱི་དོན་ཏེ། (དཔེར་ན།) ལོ་ཏོག་ཕྱད་པར་བཏབ། སྟོན་ཐོག་ཕྱད་པར་བྲེག་ལྟ་བུ། |
| ཕྱད་ཕྱོད |
(རྒྱན་ཚིག) ཡིད་ཧད་ཧད་པོར་གྱུར་པའི་དོན་ཏེ། (དཔེར་ན།) ཡིད་ཕྱད་ཕྱོད་ངང་ནས་དར་ཅིག་ལུས་ལྟ་བུ། ཕྱད་དེ་ཕྱོད་དེ་དང་འདྲ། |
| ཕྱད་ལེ |
(རྒྱན་ཚིག) མཚམས་མི་འཆད་པའམ་རྒྱུན་མི་འཆད་པའི་དོན་ཏེ། (དཔེར་ན།) ཕྱད་ལེ་ཕྱད་ལེ་བརྒྱུགས་ལྟ་བུ། |
| ཕྱམ |
ཁང་བའི་ཀླད་བཀབ་པའི་ཤིང་རྒྱུགས་ཀྱི་མིང་། |
| ཕྱམ་ཁ |
ཁང་བའི་ཀླད་བཀབ་པའི་ཤིང་རྒྱུགས་ཕྱིར་ཐོན་པའི་སྣེའི་མིང་། |
| ཕྱམ་གྱི་རྟེན་མ |
ལྕམ་རྩ་གནོན་བྱེད་རྡོ་སོགས། |
| ཕྱམ་ཆད |
ཕྱམ་ཕྱད་དང་འདྲ། |
| ཕྱམ་པོ་ཆེ |
གཙང་པོ། |
| ཕྱམ་ཕྱད |
(བརྡ་རྙིང་།) མཉམ་ཉིད། |
| ཕྱམ་མེ |
(རྒྱན་ཚིག) བདེ་ཞིང་སྙོམ་པའི་དོན་ཏེ། ་(དཔེར་ན།) ས་ཆ་སྨུགས་ཕྱམ་མེ་མཐོང་། ཁོག་བདེ་ཕྱམ་མེ་སོང་། ལམ་ཁ་བདེ་ཕྱམ་མེ་འདུག་ལྟ་བུ། |
| ཕྱམ་མེ་བ |
(རྒྱན་ཚིག) ངོས་མཐོ་དམའ་མེད་པར་མཉམ་པ། (དཔེར་ན།) གྲོང་ཁྱེར་རྙིང་པའི་ཁོར་ཡུག་ཏུ་བསྐོར་བའི་ར་བ་བཙན་པོ་ཕྱམ་མེ་བ་ཞེས་པ་ལྟ་བུ། |
| ཕྱམ་ཙེ |
(བརྡ་རྙིང་།) གོས་ཀྱི་བྱེ་བྲག་ཟླ་གམ། |
| ཕྱམ་རྩེ |
ཕྱམ་ཙེ་དང་འདྲ། |
| ཕྱམ་ཤིང |
ཁང་པའི་ལྕམ་ཤིང༌། |
| ཕྱམ་སྟན |
(བརྡ་རྙིང་།) དམག་སྒྲ། |
| ཕྱམ་སྟེགས |
ལྕམ་ཤིང་འདེགས་བྱེད་ཀྱི་གདུང་མ་དང་རྩིག་པ། |
| ཕྱམ་སྣ |
ཁང་པའི་ལྕམ་ཤིང་གི་སྣེ་མོ། |
| ཕྱར |
(བྱེད་འབྲེལ་ལས་ཚིག) འཕྱར་བའི་མ་འོངས་པ་དང་འདས་པ། འབྲུ་རིགས་སོགས་རླུང་ལ་བསྐྱོད་པའི་དོན་ཏེ། (དཔེར་ན།) ཕྱར་བྱའི་འབྲུ་རིགས། ཕྱར་བྱའི་དར་ཆ་ཕྱར་དགོས། འབྲུ་ཕྱར་ན་ས་རྡུལ་འདག ས་ཕྱར་ན་རྡོ་ལུས་ལྟ་བུ། |
| ཕྱར་ཀ |
འཕྱ་སྨོད་ཀྱི་དོན་ཏེ། (དཔེར་ན།) གཞོགས་ཀྱིས་ཕྱར་ཀ་གཏོང་བ་ཞེས་པ་ལྟ་བུ། |
| ཕྱར་གཡེང |
1.སེམས་དམིགས་པ་གཅིག་ལ་མི་གཏོད་པ་དང་ལུས་གོ་ས་གཅིག་ཏུ་མི་གནས་པའི་བྱ་སྤྱོད་སོགས་ཀྱི་མིང་། (དཔེར་ན།) སློབ་སྦྱོང་བྱེད་སྐབས་སེམས་ཕྱར་གཡེང་མ་བྱེད། ངལ་གསོའི་དུས་སུ་ལུས་ཕྱར་གཡེང་བྱས་ལྟ་བུ། 2.ཕྱར་བ་ཡི་ཚིག་བསྡུས་པ། |
| ཕྱར་པོ་ཆེ |
1.རེ་ལྡེའམ་ཕྱར་བ་ཆེན་པོ། 2.སྦྲ་གུར་ཆེན་པོ། |
| ཕྱར་ཕྱུར |
གྲངས་གནས་ཤིག |
| ཕྱར་བ |
1.འཕྱར་བའི་འདས་པ། 2.སྤུ་རྩིད་ཀོ་རས་སོགས་ལས་བཟོས་ཤིང༌། འབྲུ་འབྲས་སོགས་འགྲེམས་སྟན་དང༌། ཁེབས་གཡོག་བྱེད་པའི་ཡོ་བྱད་ཅིག འབྲུ་རྣམས་ཕྱར་བའི་སྟེང་དུ་བཀྲམ་ནས་ཉི་སྐམ་བྱེད། (དཔེར་ན།) སླེལ་ཕྱར། ཀོ་ཕྱར། རས་ཕྱར། སྨྱུག་ཕྱར། ཆར་པ་འབབ་ཚེ་ཕྱར་བས་འབྲུ་རིགས་འགེབས་པ་ཞེས་པ་ལྟ་བུ། |
| ཕྱར་བ་གྲུ་འདེགས |
སླེའུ་གྲུ་སྣེ་བཞི་ནས་འགྱོགས་པ་ལས་དོན་ལ་ཚང་མས་ཧུར་སྐྱེད་དགོས་པའི་དཔེ། (དཔེར་ན།) མི་ཚང་མས་ཕྱར་བ་གྲུ་འདེགས་ཀྱི་སྒོ་ནས་ཐོན་སྐྱེད་དོ་དམ་བྱེད་བཞིན་པ་ཞེས་པ་ལྟ་བུ། |
| ཕྱར་བ་ནག་པོ |
1.རེ་ལྡེ་ལས་བཟོས་པའི་ཕྱར་བ། 2.ཕྱར་བ་ནག་པོ་ལྟ་བུའི་མདངས། |
| ཕྱལ |
ལྟོ་བའི་ཞེ་ས། |
| ཕྱལ་དཔྱད |
(བརྡ་རྙིང་།) མཉམ་ཉིད། |
| ཕྱལ་ཕྱང་ངེ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཆོས་ཟད་པ་རྣམ་པར་ཟློག་པ་ཉིད་ཀྱིས་ཕྱལ་ཕྱང་ངེ་བ། སྐུའི་ཕྱལ་ཏེ་ལྟོ་བ་མཐོ་དམན་མེད་པས་ཕྱང་ངེ་བ། |
| ཕྱལ་མོ |
སྦྲུལ་མ་སྟེ་མངལ་ཁུར་བའི་བུད་མེད། |
| ཕྱལ་འཇོལ་ལེ་བ |
གསུས་པའམ་གྲོད་པ་ལྷུག་ལྷུག |
| ཕྱི |
1.ནང་གི་ལྡོག་ཟླ་སྟེ། (དཔེར་ན།) ཁང་བའི་ཕྱི་ནང་། ལྭ་བའི་ཕྱི་མ་ཞེས་པ་ལྟ་བུ།2.རྒྱལ་ཁབ་གཞན་པའི་དོན་ཏེ། (དཔེར་ན།) ཕྱི་གླིང་ཕྱི་འབྲེལ་ཞེས་པ་ལྟ་བུ། 3.རྒྱབ་ངོས་སམ་རྒྱབ་ཕྱོགས་ཀྱི་དོན་ཏེ། (དཔེར་ན།) ཕྱི་ལ་མ་བསྐྱུར། ཕྱི་ལ་མ་འཁོར། ཕྱི་མིག་བལྟས། ཕྱི་བཞིན་འབྲངས་ལྟ་བུ། 4.དུས་ཚོད་དང་བྱ་བའི་སྔ་ཕྱིའི་གཞུག་མ་སྟེ། (དཔེར་ན།) དུས་སྔ་ཕྱི། ཕྱི་ཉིན། ཕྱི་ལོ། དཔྱད་པ་སྔོན་ལ་བཏང་ན་མཁས་པ་ཡིན། འགྱོད་པ་ཕྱི་ནས་སྐྱེས་ན་གླེན་པ་ཡིན། ཚིག་སྔ་ཕྱི། བཤད་ཚུལ་སྔ་ཕྱི་ཞེས་པ་ལྟ་བུ།5.ཕྱིས་ཀྱི་སྐུལ་ཚིག་ལ་ཕྱི་འབྲི་བའང་ཡོད། |
| ཕྱི་ཀྱོག |
རྐང་མགོ་ཕྱིར་ཡོན། |
| ཕྱི་ཁག |
གཞན་སྡེའི་ཕྱོགས། |
| ཕྱི་ཁམས |
ཕྱིའི་ཁམས་ཏེ། རྒྱུད་ཀྱིས་མ་བསྡུས་པའི་ཁམས་རྣམས་དམིགས་པ་ཡིན་པས་ན་ཡུལ་དྲུག་ཅེས་ཀྱང་བྱ། |
| ཕྱི་ཁྱམས |
ཕྱི་སྐོར་གྱི་ཁྱམས་ར། |
| ཕྱི་ཁྲལ |
སྔར་བོད་གཞུང་སྐབས་མངའ་བདག་སོ་སོའི་ནང་ཁྲུངས་མ་ཡིན་པར་གཞུང་ལ་འཇལ་དགོས་པའི་ཁྲལ། |
| ཕྱི་གཉུལ་བ་པོ |
སྤྲང་པོའམ་ཕྱི་རོལ་ཏུ་འཁྱམས་པ་པོ། |
| ཕྱི་གཟུགས |
ཕྱི་ཡུལ་ལ་གཏོགས་པའི་གཟུགས་ཏེ། གཞན་རྒྱུད་དང་སེམས་ཅན་མིན་པ་དཔེར་ན་ཡུལ་དྲུག་ལྟ་བུ། |
| ཕྱི་གསལ་ནང་གསལ |
ཕྱི་ནང་ཐམས་ཅད་མཐོང་བའི་དྭངས་གསལ་ཏེ། (དཔེར་ན།) ཁོའི་བསམ་སྦྱོར་གང་འདྲ་ཡིན་མིན་ཕྱི་གསལ་ནང་གསལ་དུ་མཐོང་བ། ཤེལ་དམ་ཕྱི་གསལ་ནང་གསལ་ཞེས་པ་ལྟ་བུ། |
| ཕྱི་གོས |
ཁ་གོས། |
| ཕྱི་གྱེད |
ཕྱི་ནུད་དེ་སྔར་གནས་ལས་ལྟག་རྒྱབ་ཏུ་འཐེན་པ། (དཔེར་ན།) གྲི་ལན་གཉིས་གཡུགས་ཀྱང་ཁོས་ཕྱི་གྱེད་བྱས་པས་མ་ཐེབས་ཞེས་པ་ལྟ་བུ། |
| ཕྱི་གླིང |
ཕྱིའི་རྒྱལ་ཁབ་བམ་གླིང་ཕྲན་གཞན། |
| ཕྱི་གླིང་པ |
རྒྱལ་ཁབ་བམ་གླིང་ཕྲན་གཞན་གྱི་མི། |
| ཕྱི་གློ |
རྟ་སྒའི་རྒྱུ་གློ་སྟེ། (དཔེར་ན།) རྟ་རྒྱུག་སྐབས་སྔ་གློ་དང་ཕྱི་གློ་གཉིས་ཀ་དམ་པོར་བསྡམ་དགོས་ཞེས་པ་ལྟ་བུ། |
| ཕྱི་ངོས |
ཕྱིའི་ལྡེབས་ངོས་སམ། ཕྱི་ལོགས། |
| ཕྱི་ཆོན |
1.གོས་ཀྱི་ཕྱིའི་མཐའ་འཇགས། 2.སྦྲ་གུར་གྱི་ཕྱིའི་ཆོན་ཐག |
| ཕྱི་ཆོས |
སངས་རྒྱས་པ་མ་ཡིན་པའི་གྲུབ་མཐའ་སྨྲ་བའི་ཆོས། |
| ཕྱི་ཉིན |
ཉིན་རྗེས་མ། |
| ཕྱི་ཉུག |
(བརྡ་རྙིང་།) སྤྲང་པོ། |
| ཕྱི་ཐག |
1.འབྱུང་འགྱུར་གྱི་དུས། 2.ཨ་གསར་མེད་པར་འགྲོགས་ཡུན་རིང་བའི་དོན་ཏེ། (དཔེར་ན།) བསྡོངས་པའི་མི་ལ་ཕྱི་ཐག་དགོས། བཞོན་པའི་རྟ་ལ་སྙིང་རྗེ་དགོས། ཕྱི་ཐག་རིང་བ་ཞེས་པ་ལྟ་བུ། |
| ཕྱི་ཐན |
དབྱར་མཇུག་གི་ཐན་པ། |
| ཕྱི་ཐུམ |
འཐུམ་བྱེད་དེ། (དཔེར་ན།) ཇ་ཡི་ཕྱི་ཐུམ་ཀོ་བས་བྱས་ཞེས་པ་ལྟ་བུ། |
| ཕྱི་ཐོ |
(ཡུལ་སྐད།) ས་གདན་སོགས་འཐག་དུས་དགོས་པའི་ཤིང་གི་ཐོ་བ་ཞིག |
| ཕྱི་དགྲ |
ཕྱི་ལོགས་ཀྱི་དགྲ་སྟེ། (དཔེར་ན།) ཕྱི་དགྲར་མཚོན་སྟོན། ནང་མིར་བློ་སྟོན་ཞེས་པ་ལྟ་བུ། |
| ཕྱི་དགྲ་ནང་འཇུག |
ཕྱི་ལོགས་ཀྱི་དགྲ་བོ་ནང་ཁུངས་སུ་ཁྲིད་ཡོང་བ། |
| ཕྱི་དབུགས |
མགྲིན་པར་རྒྱུ་བའི་རླུང༌། |
| ཕྱི་དབུགས་ཆད |
ཕྱི་རོལ་གྱི་རླུང་ཁམས་ཀྱི་དྭངས་མ་ནང་དུ་འདྲེན་མ་ཐུབ་པས་དབུགས་ཀྱི་རྒྱུ་བ་ཆད་དེ་རླུང་སྲོག་འཛིན་སོགས་ཀྱི་ནུས་པ་མེད་པར་གྱུར་ནས་མྱུར་དུ་འཆི་བའི་ལྟས་ཤིག |
| ཕྱི་དར |
རྗེས་སུ་དར་བ། བསྟན་པ་ཕྱི་དར། ལུགས་སྲོལ་ཕྱི་དར། |
| ཕྱི་དལ |
འགོར་བའམ་འགྱངས་པའི་དོན་ཏེ། (དཔེར་ན།) འགྲུལ་པ་ཕྱི་དལ་མེད་པར་འབྱོར་ཡོང༌ཞེས་པ་ལྟ་བུ། |
| ཕྱི་དུག |
ཕྱི་བའི་ལུས་ལ་བྱུང་བའི་འགོ་ནད་ཧ་ཅང་དྲག་པོ་ཞིག་ཡིན། མི་ལ་ནད་དེ་འགོས་ན་མཆེད་པ་མགྱོགས་ཤིང་། མྱུར་དུ་སྲོག་ལ་རྒོལ་བའི་འགོ་ནད་དྲག་པོ་ཞིག་ཡིན། |
| ཕྱི་དུས |
རྗེས་མའི་དུས། |
| ཕྱི་དོན |
1.རྒྱལ་ཁབ་ཀྱི་ཕྱི་འབྲེལ་ལས་དོན། 2.གཟུང་བ་ཡུལ་གྱི་དོན། |
| ཕྱི་དོན་བེམ་པོ |
ཕྱིའི་རྡུལ་དུ་གྲུབ་པ་ཕྱིའི་གཟུགས་དོན་ལྔ་པོའོ། ། |
| ཕྱི་དྲོ |
ཉིན་གུང་གི་རྗེས་ནས་ས་རུབ་པའི་བར་གྱི་དུས་ཡུན་གྱི་མིང་། |
| ཕྱི་དྲོ་གྲོང་དུ་འཇུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་ཁྱིམ་དུ་ཉིན་གུང་ཡོལ་ནས་སང་གི་སྐྱ་རེངས་མ་ཤར་གྱི་བར་དུ་གནས་པ། |
| ཕྱི་ནང |
ཕྱི་ལོགས་དང་ནང་ལོགས་ཏེ། (དཔེར་ན།) གྱོན་པ་ཕྱི་ནང་བསློགས་ནས་གྱོན་པ། ཁང་པའི་ཕྱི་ནང་གཙང་མ་བྱུང་བ། ཕྱི་ནང་ལག་འབྲེལ་ཞེས་པ་ལྟ་བུ། |
| ཕྱི་ནང་གསང་གསུམ |
གསང་བ་དང༌། གསང་བ་མིན་པའི་ལས་དོན་ཚང་མ། |
| ཕྱི་ནང་གི་གྲུབ་མཐའ |
ཕྱི་རོལ་མུ་སྟེགས་པ་དང༌། ནང་པ་སངས་རྒྱས་པའི་རིང་ལུགས། |
| ཕྱི་ནང་གི་ལུས |
བདག་ལས་ནི་ཕྱི་དང༌། རྩི་ཤིང་སེམས་མེད་ལས་ནི་ནང་སེམས་ཅན་གཞན་གྱི་ལུས་སོ། ། |
| ཕྱི་ནང་བར་གསུམ |
གྲོང་ཁྱེར་སོགས་ཀྱི་ཕྱི་ནང་ཚང་མ། |
| ཕྱི་ནང་སྟོང་པ་ཉིད |
སྟོང་ཉིད་བཅུ་དྲུག་གི་ཡ་གྱལ་ཞིག་སྐྱེ་མཆེད་བཅུ་གཉིས་པོ་ནང་དང་ཕྱི་གཉིས་ལ་དངོས་པོ་མེད་པར་བསྟན་ཀྱང༌། ཕྱི་ནང་གཉིས་ཀ་འདུས་པའི་སྤྱི་ལ་ནི་དངོས་པོ་ཞིག་ཡོད་དོ་སྙམ་དུ་སེམས་ན་ཡང་དབང་པོ་དྲུག་དང་ཡུལ་དྲུག་དེ་ལ་དམིགས་ཤིང་བརྟེན་པ་རྣམ་པར་ཤེས་པ་དྲུག་ཙམ་དུ་ཟད་དེ། དེ་དག་ལ་ཡང་དངོས་པོ་མེད་པ། |
| ཕྱི་ནུད |
ཕྱིར་འཐེན་གྱི་དོན་ཏེ། (དཔེར་ན།) དགྲ་ལ་ཕྱི་ནུད་བྱས་ན་དཔའ་བོ་མིན། དམག་སར་ཕྱི་ནུད་མི་བྱེད་པར་འཛིང་ཞེས་པ་ལྟ་བུ། |
| ཕྱི་ནུར |
ཕྱིར་འགྱངས་ཀྱི་དོན་ཏེ། (དཔེར་ན།) ལས་དོན་བསྒྲུབ་དགོས་ཚང་མ་འཕྲལ་འཕྲལ་དུ་བྱེད་དགོས་པ་ལས། ཕྱི་ནུར་དུ་བཤོལ་ནས་བྱས་ན་འཐུས་སྒོ་འཆོར་རྐྱེན་བྱས་ཡོང༌ཞེས་པ་ལྟ་བུ། |
| ཕྱི་ནོར་ནང་རྫས |
ཕྱིའི་གནག་ཕྱུགས་སོགས་དང༌། ནང་གི་ཅ་ལག |
| ཕྱི་པ |
ཕྱི་རོལ་པའི་མིང་། སངས་རྒྱས་ཆོས་ལུགས་པས་རང་ཉིད་ལ་ནང་པ་ཟེར་ཞིང༌། རང་གི་ཆོས་ལུགས་མ་ཡིན་པ་རྣམས་ལ་ཕྱི་རོལ་པའམ་མུ་སྟེགས་པ་ཟེར། |
| ཕྱི་ཕན་པའི་དབང་བཅུ |
མ་ཧཱ་ཡོ་གའི་འཇུག་སྒོའི་དབང་སྙིང་པོ་ལྔ་དང༌། དབུ་རྒྱན་དང༌། བུམ་པ་དང༌། ཅོད་པན་དང༌། ཕྲེང་བ་དང༌། གོ་ཆ་དང༌། རྒྱལ་མཚན་དང༌། གདུགས་དང༌། ཕྱག་རྒྱ་དང༌། བཟའ་བཏུང་གི་དབང་རྣམས་སོ། ། |
| ཕྱི་ཕྱག |
མི་ཕན་ཚུན་མཐར་ཁ་འབྲལ་སྐབས་བརྩེ་དུང་དང་གུས་པ་བྱེད་པའི་བྱ་སྤྱོད་ཀྱི་མིང་། |
| ཕྱི་ཕྱིར |
1.(བསྣན་ཚིག) རྗེས་མ་རྗེས་མའི་དོན་ཏེ། (དཔེར་ན།) རྒྱུག་ཁྱི་བདག་པོའི་ཕྱི་ཕྱིར་དུ་ཕྱིན་པ་ཞེས་པ་ལྟ་བུ། 2.སླར་ཡང༌གི་དོན་ཏེ། (དཔེར་ན།) ལས་དོན་ཐེངས་གཅིག་བྱས་ནས་ཕྱི་ཕྱིར་དུ་བྱེད་མི་དགོས་པ་ཞིག་དགོས་ཞེས་པ་ལྟ་བུ། |
| ཕྱི་བ |
1.(ཡུལ་སྐད།) འབྱིད་པ་དང༌སུབ་པའི་དོན་ཏེ། (དཔེར་ན།) ལུས་ཀྱི་རྨས་ཁྲག་གཙང་མར་ཕྱིས་ནས་ཡང་བསྐྱར་ཡར་ལངས་པ། གདོང་གི་དྲི་ནོག་ཕྱི་བ་ཞེས་པ་ལྟ་བུ། 2.སྲོག་ཆགས་ཕྱི་བ། |
| ཕྱི་བཀན |
གན་རྐྱལ་དང་འདྲ་སྟེ། (དཔེར་ན།) ཉལ་ཁྲིའི་ཐོག་བྱིས་པ་ཕྱི་བཀན་དུ་བསྙལ་བ། སྦེ་ག་རྒྱག་མཁན་གྱིས་རྩེད་ཟླ་ཕྱི་བཀན་དུ་བསྒྱེལ་བ། ལག་པ་གཡོན་པ་ཕྱི་བཀན་གྱི་སྟེང་དུ་མེ་མདའ་འཛིན་པ་ཞེས་པ་ལྟ་བུ། |
| ཕྱི་བདར |
ཐལ་རྡུལ་འཕྱག་ཚུལ་ཏེ། (དཔེར་ན།) ཡོ་བྱད་ལ་ཕྱི་བདར་ཡང་ཡང་བཏང་ན་ཐལ་རྡུལ་གྱིས་མི་ནོག་པའི་ཁྱད་ཡོད། ཁང་པར་ཕྱི་བདར་ཡང་ཡང་བྱེད་དགོས་པ་ལྟར་བསམ་བློ་ལའང་ཕྱི་བདར་ཡང་ཡང་གཏོང་དགོས་ཞེས་པ་ལྟ་བུ། |
| ཕྱི་བཞི |
(བརྡ་རྙིང་།) བར་དཔང་བྱེད་མཁན། |
| ཕྱི་བཞིན |
1.རྣམ་པའམ་བཟོ་ལྟ། 2.རྗེས་སུ་འབྲང་བ་སྟེ། (དཔེར་ན།) ང་ཡང་ཁྱོད་ཉིད་གང་དུ་གཤེགས་པ་ཡི། ནགས་ཁྲོད་དབེན་པ་བསྟེན་ཕྱིར་ཕྱི་བཞིན་འགྲོ། བྱ་གཉིས་འཕུར་ཏེ་སོང་བའི་ཕྱི་བཞིན་དུ་གཟིགས་ཞེས་པ་ལྟ་བུ། |
| ཕྱི་བཞིན་ཕྱི་བཞིན |
སླར་ཡང་ངམ་ཡང་ནས་ཡང༌། |
| ཕྱི་བཤོལ |
ཕྱིར་འགྱངས་པའམ་ཕྱིར་འཐེན་གྱི་དོན་ཏེ། (དཔེར་ན།) དེ་རིང་གི་ལས་དོན་སང་གནངས་ལ་ཕྱི་བཤོལ་མ་བྱེད་ཅེས་པ་ལྟ་བུ། |
| ཕྱི་བི |
(བརྡ་རྙིང་།) ཕྱི་རོལ། |
| ཕྱི་བུན |
རྒྱལ་ཁབ་ཀྱིས་ཕྱི་རྒྱལ་ནས་བླངས་པའི་བུ་ལོན། |
| ཕྱི་བྱད |
ཕྱིའི་ཆ་ལུགས། |
| ཕྱི་བློན |
སྔར་ཕྱི་ལོགས་ཀྱི་ལས་དོན་སྒྲུབ་མཁན་བློན་པོ། |
| ཕྱི་མ |
1.རྗེས་མའི་དོན་ཏེ། (དཔེར་ན།) ལོ་ཕྱི་མ། བཤད་ལུགས་ཕྱི་མ། ལས་དོན་ཕྱི་མ། ཕྱི་མ་ཕན་ཆད། ཕྱི་མ་ཕྱི་མ་ཞེས་པ་ལྟ་བུ། 2.ནང་གི་ཟླ་ཕྱེས་པའི་ཕྱི་མ་སྟེ། སྒོ་ར་ཕྱི་མ། ཁང་པ་ཕྱི་མ། སྐྱེ་བ་ཕྱི་མ། ཕྱི་རྫིག་པ་ལས་ནང་སྣུམ་པ་དགའ། ཕྱི་ཆར་པའི་ཆར་ཐག་ཆོད་ཀྱང༌། ནང་ཐིགས་པའི་ཐིགས་ཐག་མི་ཆོད་ཅེས་པ་ལྟ་བུ། |
| ཕྱི་མ་བྲེད |
(བརྡ་རྙིང་།) ཕྱི་དྲོ། |
| ཕྱི་མ་འཕྲེད |
(བརྡ་རྙིང་།) ཕྱི་དྲོ། |
| ཕྱི་མ་རིག་པ |
ཕྱི་མཐའ་རིག་པ་སྟེ། ཚེ་ཕྱི་མར་རང་གཞན་གང་དུ་འཆི་འཕོ་བ་དང་སྐྱེ་བའི་གནས་མངོན་སུམ་དུ་རྟོགས་པའི་ཤེས་རབ་སྟེ་རིག་པ་གསུམ་གྱི་ཡ་གྱལ་ཞིག |
| ཕྱི་མ་རྒྱུད |
1.དཔལ་ལྡན་རྒྱུད་བཞིའི་ཡ་གྱལ་དུམ་བུ་བཞི་པ་གསོ་བ་རིག་པའི་ལག་ལེན་གྱི་སྐོར་རྣམས་སྟོན་པ་འཕྲིན་ལས་ཀྱི་རྒྱུད་དེ་ལེའུ་ཉི་ཤུ་རྩ་བདུན་ཡོད་པའི་སྨན་གཞུང་ཚད་ལྡན་ཞིག 2.གསང་སྔགས་བྱ་བའི་རྒྱུད་ཀྱི་མིང༌། |
| ཕྱི་མཐའ |
མཐའ་མཇུག |
| ཕྱི་མདའ་རྒྱག་པ |
མདའ་དང་མེ་མདའ་ཕྱི་རྒྱག་བྱེད་པའི་དོན་ཏེ། (དཔེར་ན།) རྗེས་འདེད་ཡོང་མཁན་དགྲ་བོར་ཕྱི་མདའ་རྒྱག་པ་ཞེས་པ་ལྟ་བུ། |
| ཕྱི་མའི་མཐའ |
རྗེས་མའི་མཇུག་གམ། མ་འོངས་པའི་ཟད་མཚམས་ཏེ། (དཔེར་ན།) སྔར་དེ་ལྟར་བྱུང་མེད་ལ་དུས་རབས་ཕྱི་མའི་མཐའ་ལའང་དེ་ལྟར་ཡོང་མི་སྲིད་ཅེས་པ་ལྟ་བུ། |
| ཕྱི་མའི་མཐའ་ལ་བརྟེན་པའི་ལྟ་བ་བཞི |
སངས་རྒྱས་ཀྱིས་ལན་གསུང་ཡུལ་དུ་མ་གྱུར་པའི་ལྟ་ལོག་གི་དྲི་བ་རྣམས་སྡེ་ཚན་བཞིར་དབྱེ་བའི་ནང་གསེས་ཤིག་བདག་དང་འཇིག་རྟེན་མཐའ་དང་ལྡན་མི་ལྡན་གཉིས་ཡིན་གཉིས་མིན་དུ་ལྟ་བའོ། ། |
| ཕྱི་མའི་རི |
(མངོན་བརྗོད།) ནུབ་ཀྱི་རི། |
| ཕྱི་མི |
གཞན་ཕྱོགས་ཀྱི་མི་སྟེ། (དཔེར་ན།) ཕྱི་མི་ནང་ལ་བཏང་མི་ཆོག་ཅེས་པ་ལྟ་བུ། |
| ཕྱི་མིག་ལྟ་བ |
1.མིག་གིས་རྒྱབ་ཏུ་ལྟ་བ། 2.སླད་ཀྱི་དོན་ལ་མནོ་བསམ་གཏོང་བ། 3.དྲན་གསོ་བྱེད་པ། |
| ཕྱི་མོ |
1.མེས་མོའི་བརྡ་རྙིང་། 2.ཁུངས་དང་རྩ་བའི་མིང་། (དཔེར་ན།) གཞུང་ཕྱི་མོ། སྨན་གྱི་གཞུང་ཕྱི་མོ་ཞེས་པ་ལྟ་བུ། 3.དུས་འགྱངས་པའི་དོན་ཏེ། (དཔེར་ན།) ནམ་ཕྱི་མོ་ལོན་དུས། ཕྱི་མོར་སོང་ལྟ་བུ། |
| ཕྱི་མྱུག་མ |
(བརྡ་རྙིང་།) ཕྱོགས་ནས་འོང་བའི་སྤྲང་མོ། |
| ཕྱི་མྱུལ |
ཕྱི་རོལ་ཏུ་ཉུལ་བའམ་འཚོལ་བའི་དོན་ཏེ། (དཔེར་ན།) འཚོ་རྟེན་མེད་པས་ཕྱི་མྱུལ་དུ་འགྲོ་དགོས་བྱུང་བ་ཞེས་པ་ལྟ་བུ། |
| ཕྱི་ཚར |
ཆེན་མ་དང་ཆུན་མ་གཉིས་ལས་ཆུན་མའི་བུ་རྒྱུད། |
| ཕྱི་ཚས |
(བརྡ་རྙིང་།) ཕྱི་ཐུམ། |
| ཕྱི་ཚིག |
གཤམ་དུ་གསལ་བའི་སྐད་ཆ། |
| ཕྱི་ཚིག་ངེས་པར་བྱེད་པའི་རྒྱན |
ཚིག་ཕྱི་མར་ནན་གྱིས་བརྗོད་པའི་ཕྲད་ཅིག་སྟེ་དཔེར་ན་ན་ཡིག་ལྟ་བུ། |
| ཕྱི་ཚིག་འགལ་བ་སྟོན་པའི་རྒྱན |
ཚིག་སྔ་ཕྱི་གཉིས་ཕན་ཚུན་མི་མཐུན་པའི་དོན་གསལ་བྱེད་ཀྱི་ཕྲད་ཅིག་སྟེ། (དཔེར་ན།) མི་འདི་སྔར་བརྩོན་འགྲུས་ཆེར་མེད་ན་ད་ནི་འབད་བརྩོན་ཆེན་པོ་ཞིག་ཏུ་གྱུར་འདུག ཡོན་ཏན་བསླབས་ན་ཤེས་ཀྱི། མ་བསླབས་ན་དེ་ལྟར་མི་ཡོང༌ཞེས་པ་ལྟ་བུ། |
| ཕྱི་ཚིགས |
ཕྱི་དུས། |
| ཕྱི་ཚིལ |
ལུས་ཀྱི་ཕྱི་ཤའི་ཚིལ་བུ། |
| ཕྱི་ཚིས |
མ་འོངས་པའི་འཚོ་ཐབས། |
| ཕྱི་ཚུལ |
ཕྱི་ངོས་དང༌། བཟོ་དབྱིབས་དང༌། སྣང་ཚུལ། |
| ཕྱི་འགག |
ཕྱི་ནང་སྒོ་གཉིས་ཀྱི་བར་འགག |
| ཕྱི་འགྲིབ |
མིག་གི་ཕྱིའི་ལིང་ཏོག |
| ཕྱི་འགྲོས |
ཁ་མདུན་ཕྱོགས་སུ་གཏད་ནས་གོམ་པ་རྒྱབ་ཕྱོགས་སུ་འཐེན་ཏེ་རྒྱག་པའི་འགྲོ་སྟངས་ཏེ། (དཔེར་ན།) ཇི་སྲིད་བླ་མའི་ཞལ་རས་མ་མཐོང་གི་བར་ལ་ཕྱི་བར་ལ་ཕྱི་འགྲོས་ཀྱིས་སོང༌ཞེས་པ་ལྟ་བུ། |
| ཕྱི་འཇམ་ནང་རྩུབ |
ཕྱི་ལ་འཇམ་ཞིང་ནང་ལ་རྩུབ་པ། |
| ཕྱི་འཇུག |
སློབ་མ་དཀྱིལ་འཁོར་དུ་གཞུག་པའི་སྣོད་དུ་རུང་བར་བྱ་བའི་ཕྱིར་ཡོལ་བ་ཕྱི་འཇུག་བྱ་གསོལ་བ་བཏབ་ནས་ཆས་སུ་བཅུག་ཅིང་ལྷར་བསྐྱེད་དེ་ཤར་སྒོར་བཞག་པ་དང༌། ཐུན་མོང་དང་ཐུན་མིན་གྱི་སྡོམ་པ་བཟུང་ཞིང་རིགས་དང་མོས་པ་དྲི་བ་དང༌། ཐམས་ཅད་རྣལ་འབྱོར་གྱི་སེམས་བསྐྱེད་ཅིང་གསང་བ་སྡོམ་པ་རྣམས་བྱ་བའོ། ། |
| ཕྱི་འདྲེད |
རྐང་པ་རྒྱབ་ཏུ་འདྲེད་པའི་དོན་ཏེ། (དཔེར་ན།) འཁྱག་རོམ་སྟེང་ལ་འགྲོ་དུས་གོམ་ཚུགས་བརྟན་པོ་མ་བྱུང་བར་ཕྱི་འདྲེད་ཤོར་སོང༌ཞེས་པ་ལྟ་བུ། |
| ཕྱི་འཕྲེད |
(བརྡ་རྙིང་།) ཕྱི་དྲོ། |
| ཕྱི་འབྱོར་སྔ་ལོག |
ཚུར་རྗེས་སུ་འབྱོར་ནས་ཕར་སྔོན་ལ་ལོག་པ། |
| ཕྱི་འབྲང་བ |
1.རྗེས་སུ་འགྲོ་བ། 2.རྗེས་སུ་འགྲོ་མཁན། |
| ཕྱི་འབྲེད |
ཕྱི་འཕྲེད་དང་འདྲ། |
| ཕྱི་འབྲེལ |
རྒྱལ་ཁབ་ཅིག་གིས་ཕྱི་རྒྱལ་དང་འབྲེལ་བ་བྱེད་པའི་རྒྱུན་ལྡན་བྱེད་སྒོ། |
| ཕྱི་ཡུལ |
1.ཕྱི་གཟུང་བ་ཡུལ། 2.གཞན་ཡུལ་ལམ། ལུང་པ་གཞན། |
| ཕྱི་ར |
ཕྱི་ཡི་ར་བ། |
| ཕྱི་རབས |
མི་རབས་དང་དུས་རབས་རྗེས་མའི་དོན་ཏེ། (དཔེར་ན།) བུ་ཚ་ཕྱི་རབས་པ། གནའ་དུས་ཕྱི་རབས། ཕྱི་རབས་ཀྱི་རྩོམ་རིགས་ཞེས་པ་ལྟ་བུ། |
| ཕྱི་རས |
དྲེག་པ་སོགས་ཕྱི་བྱེད་ཀྱི་རས། |
| ཕྱི་རིག |
1.ཕྱིའི་རིག་པ་སྔར་རྒྱ་གར་གྱི་སངས་རྒྱས་པའི་ཆོས་ལུགས་ལས་གཞན་པའི་རིག་བྱེད་པ་དང༌། གྲངས་ཅན་པ། བྱེ་བྲག་པ། སྤྱོད་པ་བ་ཞེས་རྩ་བའི་སྡེ་བཞིའི་རིག་གནས་ཀྱི་གཞུང༌། 2.ནང་དོན་རིག་པ་ལས་གཞན་པའི་ཐ་སྙད་རིག་པ། |
| ཕྱི་རིམ |
ཁང་པ་སོགས་ཀྱི་ཕྱི་རོལ་གྱི་ར་བ་ཕྱི་མའི་རིམ་པ་སྟེ། (དཔེར་ན།) ལྕགས་རི་ཕྱི་རིམ། འཛིང་ར་ཕྱི་རིམ་ཞེས་པ་ལྟ་བུ། |
| ཕྱི་རུ |
1.རྟ་སྒ་སོགས་ཀྱི་སྔ་རུ་དང་ཕྱི་རུ་གཉིས་ཀྱི་ཕྱི་རུ། 2.ཕྱི་རོལ་ཏུ་ཞེས་པའི་དོན་ཏེ། (དཔེར་ན།) ཁང་པའི་ཕྱི་རུ་ལྗོན་ཤིང་མང་པོ་བཙུགས་ཞེས་པ་ལྟ་བུ། |
| ཕྱི་རོ |
(ཡུལ་སྐད།) ཕྱི་དྲོའི་སྒྲ་ཟུར་ཆག |
| ཕྱི་རོལ |
1.ཁང་བ་དང་གནས་ཀྱི་ཕྱི་ངོས་ཁག་གི་མིང་། (དཔེར་ན།) ཁང་བའི་ཕྱི་རོལ། གྲོང་ཁྱེར་གྱི་ཕྱི་རོལ་ཅེས་པ་ལྟ་བུ། 2.ཁོངས་སུ་མ་འདུས་པའི་ཁག་གི་མིང་། (དཔེར་ན།) ནང་སེམས་ཀྱི་ཕྱི་རོལ། ཕྱི་རོལ་ཡུལ་གྱི་དངོས་པོ་ཞེས་པ་ལྟ་བུ། |
| ཕྱི་རོལ་གྱི་དོན་གྲུབ་པ |
ཕྱི་རོལ་གྱི་དོན་གྲུབ་པ་ཞེས་བྱ་བའི་ཚིག་ལེའུར་བྱས་པ་ཞེས་པའི་བསྡུས་མིང༌། རྒྱ་གར་གྱི་སློབ་དཔོན་དགེ་སྲུང་གིས་བརྩམས་པའི་ཚད་མའི་གཞུང་ཞིག |
| ཕྱི་རོལ་གྱི་ཡུལ |
1.ཕར་ཕྱོགས་ཀྱི་ལུང་པ། 2.གཟུགས་སྒྲ་དྲི་རོ་རེག་བྱའི་རྣམ་པ། |
| ཕྱི་རོལ་གྱི་སྣོད་ཀྱི་འཇིག་རྟེན |
མི་སོགས་གནས་འཆའ་སའི་ཡུལ་ཁམས། |
| ཕྱི་རོལ་ཏུ་གཡེང་བ |
རྣམ་གཡེང་དྲུག་གི་ནང་གསེས། ཡིད་ཀྱི་རྣམ་པར་ཤེས་པ་ཕྱི་འདོད་པའི་ཡོན་ཏན་ལྔ་ལ་གཡེང་བའོ། ། |
| ཕྱི་རོལ་པ |
སངས་རྒྱས་པའི་ཆོས་ལུགས་ལས་གཞན་པའི་གྲུབ་མཐའ་སྨྲ་བ། |
| ཕྱི་རོལ་པའི་གྲུབ་མཐའ |
དཀོན་མཆོག་གསུམ་སྐྱབས་གནས་ཡང་དག་ཏུ་ཁས་མི་ལེན་པར་མ་ཟད་ལྟ་བ་བཀར་བཏགས་ཀྱི་ཕྱག་རྒྱ་བཞི་ཁས་མི་ལེན་པའི་གྲུབ་མཐའ། |
| ཕྱི་རོལ་སོ་སྐྱེ |
དགེ་རྩ་ཀུན་ཏུ་ཆད་པ། |
| ཕྱི་རྐང |
འགྲོས་བཞིའི་ནང་གསེས་དལ་འགྲོས་དང༌། འབྱུང་འགྲོས་གཉིས་སོ། ། |
| ཕྱི་རྐྱེན |
ཕྱིའམ་གཞན་ངོས་བྱུང་བའི་རྐྱེན། |
| ཕྱི་རྒས |
ཕྱི་དྲོ་ཉི་མ་རྒས་ཁ། |
| ཕྱི་རྒོལ |
1.ཕྱི་ནས་ཚུར་རྒོལ་བ་སྟེ། (དཔེར་ན།) དགྲ་ཕྱོགས་ནས་ཕྱི་རྒོལ་ནམ་བྱུང་ཚེ་འཕྲལ་དུ་ཡ་ལན་སྤྲོད་པ་ཞེས་པ་ལྟ་བུ། 2.དགྲ་དང་ཚུར་རྒོལ་བ་པོ། 3.ཕྱོགས་སྔ་སུན་འབྱིན་པར་ཁས་ལེན་པའམ་ཐལ་བ་འཕེན་མཁན་གྱི་གང་ཟག མིང་གི་རྣམ་གྲངས་ལ་ཕྱོགས་ཕྱི་མ་དང་ཡང་དག་བཟུང་ངོ་། ། |
| ཕྱི་རྒོལ་ལ་ལྟོས་ཏེ་མ་གྲུབ་པ |
རྒོལ་བ་ལ་ལྟོས་ཏེ་མ་གྲུབ་པའི་རྟགས་གསུམ་གྱི་ཡ་གྱལ་ཞིག་དཔེར་ན། སྔ་རྒོལ་གཅེར་བུ་པས་ཕྱི་རྒོལ་སངས་རྒྱས་པ་ལ། ཤིང་ཆོས་ཅན། སེམས་ལྡན་ཡིན་ཏེ། ཤུན་པ་བཤུས་ན་འཆི་བའི་ཕྱིར། ཞེས་བཀོད་པ་ལྟ་བུ། སངས་རྒྱས་པས་ཤུན་པ་བཤུས་པས་ཤིང་སྐམ་པར་འདོད་ཀྱི་འཆི་བར་མི་འདོད་པའོ། ། |
| ཕྱི་རྒྱ |
ནང་ཁུལ་མིན་པའམ་གཞན་ཕྱོགས། |
| ཕྱི་རྒྱལ |
རང་རྒྱལ་མ་ཡིན་པའི་ཕྱིའི་རྒྱལ་ཁབ་སྟེ། (དཔེར་ན།) ཕྱི་རྒྱལ་གྱི་སྐད་ཡིག་ཅེས་པ་ལྟ་བུ། |
| ཕྱི་རྒྱལ་ལས་ཁུངས |
སྔར་བོད་གཞུང་དགའ་ལྡན་ཕོ་བྲང་གི་ལས་ཁུངས་ཤིག་ཡིན་ཞིང༌། 1943 ལོར་བཙུགས། ཕྱི་རྒྱལ་དང་འབྲེལ་བ་བྱ་སའི་ལས་ཁུངས་ཤིག་ཡིན། |
| ཕྱི་རྒྱུད |
རྙིང་མ་བའི་ལུགས་ཀྱི་ཕྱི་ཀྲི་ཡའམ་བྱ་རྒྱུད་རྣམས་སྟོན་པ་ཤཱཀྱ་ཐུབ་པ་ཉིད་ཀྱིས་གསུངས། ཨུ་པའམ་སྤྱོད་རྒྱུད་དང༌། ཡོ་གའམ་རྣལ་འབྱོར་རྒྱུད་རྣམས་ནི་རྣམ་པར་སྣང་མཛད་ཀྱིས་གསུངས་སོ། ། |
| ཕྱི་རྒྱུད་ཀྱི་འགྲེལ་པ་བཀླགས་པས་ཀུན་ཤེས |
རབ་བྱུང་བརྒྱད་པའི་ནང་བྱང་པ་བཀྲ་ཤིས་དཔལ་བཟང་གིས་མཛད་པའི་ཕྱི་མ་རྒྱུད་ཀྱི་འགྲེལ་པ་རྒྱས་པ་ཞིག |
| ཕྱི་རྒྱུད་སྡེ་གསུམ |
རྙིང་མའི་གཞུང་ལུགས་ལ་ཀྲི་ཡ་སྟེ་བྱ་བ་དང༌། ཨུ་བྷ་ཡ་སྟེ་གཉིས་ཀ་ཞེས་སྤྱོད་པ་དང༌། ཡོ་ག་སྟེ་རྣལ་འབྱོར་བཅས་ཕྱི་རྒྱུད་སྡེ་གསུམ་ནི་ཁྲུས་དང་གཙང་སྦྲ་ལ་སོགས་པའི་དཀའ་ཐུབ་བྲམ་ཟེའི་རིག་བྱེད་རྣམས་དང་ཚུལ་མཐུན་པར་སྤྱོད་པས་དཀའ་ཐུབ་རིག་བྱེད་ཀྱི་ཐེག་པ་ཞེས་བྱའོ། ། |
| ཕྱི་རྗེས |
1.སླད་མའམ་རྗེས་མའི་ཆ། 2.སོང་བའི་ཤུལ། |
| ཕྱི་རྟིང |
1.དུས་ཕྱིས་སམ་དེང་སང༌། 2.རྐང་པའི་རྟིང་པ་སྟེ། (དཔེར་ན།) རྐང་པའི་སྔ་རྟིང་སར་བཙུགས་ནས་ཕྱི་རྟིང་བཏེག་སྟེ་འགྲོ་བ་ཞེས་པ་ལྟ་བུ། |
| ཕྱི་རྡོ |
1.འཕོངས་ཕྱི་བའི་རྡོ། 2.རྒྱབ་ཏུ་ཕྱིར་འཕངས་པའི་རྡོ། |
| ཕྱི་རྫིག་ནང་སྟོང |
ཕྱི་ནས་བལྟས་ན་རྫིག་མདོག་ཁ་ལ་ནང་སྟོང་པ། |
| ཕྱི་ལག |
ཕ་རོལ་གྱི་མི་ངན་དང་ཕྱི་དགྲ་སྟེ། (དཔེར་ན།) ཕྱི་ལག་ནང་སྦྲེལ། ཕྱི་ལག་ནང་ལག་འབྲེལ་བ་ཞེས་པ་ལྟ་བུ། |
| ཕྱི་ལང་བྱེད |
(བརྡ་རྙིང་།) སྔར་ཉེས་བྱེད་པའི་སྟེང་དུ་ཡང་ཉེས་པ་བྱེད་པ། |
| ཕྱི་ལང་མཐོ་བ |
(བརྡ་རྙིང་།) གཤིས་ངན་པ། |
| ཕྱི་ལན་སྐུར་བ |
རང་ཉིད་གང་ནས་ཡོང་ས་དེར་ཕར་ཕྱིར་ལོག་ཏུ་ལན་སྐུར་བ། |
| ཕྱི་ལེགས་ནང་བཙོག |
ཕྱི་ནང་མི་འདྲ་བའི་ངན་པ། |
| ཕྱི་ལོ |
སང་ཕོད་དམ། ལོ་རྗེས་མ། |
| ཕྱི་ལོག |
ཚུར་ལོག་སྟེ་འོང་བའི་དོན་ཏེ། (དཔེར་ན།) ཁོ་ཕྱི་ལོག་མ་བྱས་བར་དུ་བསྒུགས་པ་ཡིན་ཞེས་པ་ལྟ་བུ། |
| ཕྱི་ལོགས |
ཕྱི་རོལ་གྱི་དོན་ཏེ། (དཔེར་ན།) ཁང་པའི་ཕྱི་ལོགས། རྒྱལ་ཁབ་ཀྱི་ཕྱི་ལོགས་ཞེས་པ་ལྟ་བུ། |
| ཕྱི་ལོང་རུས་འབུར |
རྐང་སྐེའི་ཕྱི་རྒྱབ་ཀྱི་ལོང་བུའི་ཚིགས་རྡོག |
| ཕྱི་ལྕག |
1.ལག་པའི་ཕྱི་ངོས་ཀྱིས་གཞན་ལ་རྡེག་སྟངས་ཏེ། (དཔེར་ན།) འགྲམ་པར་ཕྱི་ལྕག་གཞུ་བ་ཞེས་པ་ལྟ་བུ། 2.ལག་པ་ཕྱིར་གཡུགས་ནས་རྟ་ལྕག་གཞུ་ཚུལ་ཏེ། (དཔེར་ན།) རྟ་ལ་ཕྱི་ལྕག་ཡང་ཡང་བྲབས་ནས་བང་འགྲོས་མགྱོགས་པོ་གཏོང་བ་ཞེས་པ་ལྟ་བུ། |
| ཕྱི་ལྡིར་ནང་སྟོང |
1.ངོས་འབུར་འབུར་ལ་ཁོག་པ་སྟོང་ཤིག་ཤིག 2.ཁ་ཕོ་ཆེ་བ་བཤད་ཀྱང༌། ཡོན་ཏན་གང་ཡང་མེད་པ། |
| ཕྱི་ཤ |
1.གོས་ཀྱི་ཕྱི་ཤ། 2.ལུས་ཀྱི་ཕྱིའི་ཤ། |
| ཕྱི་ཤུན |
ཕྱི་ལོགས་ཀྱི་ཤུན་པགས། |
| ཕྱི་ཤེས་བྱེད་ཀྱི་རྒྱུ |
རྒྱུའི་རྒྱན་གྱི་ནང་གསེས་ཤིག་ཤེས་བྱ་ཕྱི་རོལ་གྱི་དངོས་པོའི་འཕོ་འགྱུར་སོགས་ཀྱི་གནས་ཚུལ་ཤེས་པར་བྱེད་པའི་རྒྱུའི་རྒྱན་ཞིག |
| ཕྱི་ས |
མི་གཙང་བ་དྲི་ཆེན་ནམ་སྐྱག་པ་སྟེ། (དཔེར་ན།) ཕྱི་ས་གཏོང་བ། ཕྱི་སའི་དྲི། ཕྱི་སའི་འདམ་ཞེས་པ་ལྟ་བུ། |
| ཕྱི་ས་ཁང |
སྐྱག་གཅིན་འདོར་སའི་ཁང་པ། |
| ཕྱི་སོ |
ས་མཚམས་ཕྱིའི་གནས་ཚུལ་མེལ་ཚེ་བྱེད་མི། |
| ཕྱི་སོག |
སོག་ཡུལ་ས་མཐོ་ཕྱི་ནང་གཉིས་སུ་ཕྱེ་བའི་ཕྱི་མའམ། ད་ལྟ་མོང་གོལ་མི་དམངས་སྤྱི་མཐུན་རྒྱལ་ཁབ་ཅེས་བྱའོ། ། |
| ཕྱི་སྐོགས |
ཤུབས་དང་པགས་པའི་མིང་། (དཔེར་ན།) ཡི་གེའི་ཕྱི་སྐོགས། ནས་ཀྱི་ཕྱི་སྐོགས། སྟར་འབྲས་ཀྱི་ཕྱི་སྐོགས་ཞེས་པ་ལྟ་བུ། མིང་གི་རྣམ་གྲངས་ལ་ཕུབ་མ་དང༌། སྦུན་པ། ཤུན་པ་བཅས་སོ། ། |
| ཕྱི་སྐོར |
1.མཆོད་རྟེན་སོགས་ལག་པ་གཡོན་དུ་བཞག་སྟེ་བསྐོར་བ། 2.ཕྱི་ནང་བར་གསུམ་དུ་ཕྱེ་བའི་ཕྱིའི་སྐོར་ལམ། |
| ཕྱི་སྒེག་བཞི |
དཀྱིལ་འཁོར་ནང་གི་ཕྱིའི་མཆོད་པའི་ལྷ་མོ་བཞི་སྒེག་པ་མ་དང༌། ཕྲེང་བ་མ། གླུ་མ། གར་མ་བཅས་བཞིའོ། ། |
| ཕྱི་སྒོ |
ཁང་པའི་སྒོ་ཕྱི་མ་སྟེ། (དཔེར་ན།) སྡོད་ཁང་གི་ཕྱི་སྒོ་ཤར་ལྟ་ཞེས་པ་ལྟ་བུ། |
| ཕྱི་སྒྲོབ |
སྤམ་རྫུའི་རྣམ་འགྱུར་ཏེ། (དཔེར་ན།) རྒྱན་གོས་བཟང་པོའི་ཕྱི་སྒྲོབ་མཛེས་པ། ཕྱི་སྒྲོབ་ཆེ་ལ་ནང་སྙིང་སྟོང་པ་ཞེས་པ་ལྟ་བུ། |
| ཕྱི་སྒྲོམ |
ཕྱིའི་ཁོག་གི་དོན་ཏེ། (དཔེར་ན།) ཁང་པའི་ཕྱི་སྒྲོམ། ལས་དོན་འཆར་གཞིའི་ཕྱི་སྒྲོམ་བཏིང་བ་ཞེས་པ་ལྟ་བུ། |
| ཕྱི་སྟོང་པ་ཉིད |
སྟོང་ཉིད་བཅུ་དྲུག་གི་ནང་གསེས་ཤིག་རྣམ་པར་ཤེས་པས་མ་ཟིན་པའི་འབྱུང་བ་ཆེན་པོ་བཞི་དང་དབང་རྟེན་ཁོག་པ་དང་རྣམ་པར་ཤེས་པའི་ཡུལ་སོགས་བེམ་པོའི་རང་བཞིན་ཅན་ནི་ཕྱི་ཞེས་བྱ་བ་དང༌། དེ་དག་བདེན་པར་གྲུབ་པ་མེད་པ་ནི་ཕྱི་སྟོང་པ་ཉིད་དོ། ། |
| ཕྱི་སྣང |
ཕྱི་རོལ་གྱི་མཐོང་སྣང༌སྟེ། (དཔེར་ན།) ལས་དོན་གྱི་ཕྱི་སྣང་མཐོང་བ་ཙམ་གྱིས་ནང་དོན་མི་རྟོགས་ཞེས་པ་ལྟ་བུ། |
| ཕྱི་སྣོད་འཇིག་རྟེན |
འཇིག་རྟེན་ཆགས་གནས་ས་ཡི་གོ་ལ། |
| ཕྱི་སྤྱད |
ཕྱི་བདར་གཏོང་བྱེད་ཀྱི་རྫས་སྤྱི། |
| ཕྱི་སྲོལ |
དེང་སྐབས་སམ་ཕྱི་རབས་ཀྱི་ལུགས་སྲོལ། |
| ཕྱིང་གདན |
ཕྱིང་པའི་སྟན། |
| ཕྱིང་གཟར |
ཕྱིང་པ་ལས་བཟོས་པའི་རྟ་སྒའི་འོག་སྟན། |
| ཕྱིང་གུར |
ཕྱིང་པ་ལས་བཟོས་པའི་གུར། |
| ཕྱིང་གོས |
ཕྱིང་པ་ལས་བཟོས་པའི་གོས། |
| ཕྱིང་ཐོ |
ཕྱིང་པ་རིལ་རིལ་ཏེ། (དཔེར་ན།) བལ་ཕྱིང་ཐོ་ཆགས་ན་སྐུད་པ་འཁེལ་རྒྱུར་ཕན་མི་ཐོགས་ཞེས་པ་ལྟ་བུ། |
| ཕྱིང་དབར་སྟག་རྩེ་རྫོང |
བོད་འཕྱོང་རྒྱས་རྫོང་དུ་ཡོད་པའི་གནའ་དུས་ཀྱི་མཁར་རྫོང་ཞིག |
| ཕྱིང་དྲིལ |
ཕྱིང་པ་བཅགས་ཟིན་པའམ། སྣམ་བུ་ཆགས་བཅགས་ཟིན་པ་མ་སྐམ་གོང་ལ་ཕྱིང་དྲིལ་བྱེད་པ་ཞིག |
| ཕྱིང་པ |
ཐགས་སུ་མ་བྱས་པར་ཆུ་ཆགས་ཀྱིས་བཅགས་པའི་བལ་གོས་ཏེ། (དཔེར་ན།) རྡོ་ཆུང་ཡང་རི་བོ་རྩིག་ཐུབ། བལ་ཕྲ་ཡང་ཕྱིང་པ་བཟོ་ཐུབ་ཅེས་པ་ལྟ་བུ། |
| ཕྱིང་པ་བ |
སྦྱངས་པའི་ཡོན་ཏན་བཅུ་གཉིས་ཀྱི་ནང་གསེས་ཤིག་ཆོས་གོས་གསུམ་དང་གོས་ལྷམ་ཅི་འཆང་བ་ཐམས་ཅད་བལ་ལས་བྱས་པ་ཤ་སྟག་འཆང་བར་དམ་བཅའ་བའོ། ། |
| ཕྱིང་བ |
ཕྱུགས་ཀྱི་བལ་དང་ཁུལ་སོགས་གནོན་འཆག་བྱས་ནས་ཐགས་སྐུད་མེད་པར་བཟོས་པའི་དངོས་རྫས་ཀྱི་མིང་། ཚིག་བསྡུས་ན་ཕྱིང་ཞེས་འབྲི་ཆོག་སྟེ། (དཔེར་ན།) ཕྱིང་གདན། ཕྱིང་ཞྭ། ཕྱིང་འབོབ་ཅེས་པ་ལྟ་བུ། |
| ཕྱིང་ཞྭ |
ཕྱིང་པ་ལས་བཟོས་པའི་ཞྭ་མོ། |
| ཕྱིང་ལྷམ |
ཕྱིང་པས་བཟོས་པའི་ལྷམ། |
| ཕྱིང་སང |
(རྒྱ་སྐད།) བློན་པོ། |
| ཕྱིང་སྟན |
ཕྱིང་པས་བཟོས་པའི་གདན། |
| ཕྱིང་ཧྲུལ་གནམ་འཕྱར |
ངན་མཚང་ཁྲོམ་འདོན་གྱི་དཔེ། |
| ཕྱིད |
1.(བྱེད་མེད་ལས་ཚིག) ལུས་ཀྱི་ཤ་པགས་དང་སྐྱེ་དངོས་འཁངས་ནས་ངོ་བོ་འགྱུར་བ་སྟེ། (དཔེར་ན།) གྲང་རེག་གིས་ལག་པ་ཕྱིད། ཉུང་མ་ཕྱིད་ལྟ་བུ། 2.(བྱེད་མེད་ལས་ཚིག) འབྱིད་པའི་འདས་པ། (དཔེར་ན།) འཚོ་ཐབས་བྱས་པའི་དོན་ཏེ། སྟོང་གཏམ་གྱིས་མི་ཚེ་ཕྱིད་པ་ངོ་རེ་ཚ། སྔོན་ཆད་ཟས་ཀྱིས་ལྟོ་བ་ཕྱིད་ཙམ་ཡིན་ལྟ་བུ། |
| ཕྱིད་པ |
1.ལྡེང་བ་དང་འཕྱོང་བ་སོགས་ཀྱི་དོན་དུ་གོ་བའི་འབྱིད་པའི་འདས་པ། 2.(བརྡ་རྙིང་།) རྒན་པོ། |
| ཕྱིན |
1.(བྱེད་མེད་ལས་ཚིག) སོང་བའམ་སླེབས་པའི་དོན་ཏེ། (དཔེར་ན།) ལམ་ལ་ཕྱིན། པེ་ཅིན་ལ་ཕྱིན་ལྟ་བུ། 2.ཕྱིན་ཆད་ཀྱི་ཚིག་བསྡུས་པ། |
| ཕྱིན་ཀ་ལོག |
(བརྡ་རྙིང་།) ཕྱིན་ཅི་ལོག |
| ཕྱིན་ག་ལོག |
ཕྱིན་ཀ་ལོག་དང་འདྲ། |
| ཕྱིན་ཅི་མ་ལོག་པའི་ཡོངས་གྲུབ |
ཡོངས་གྲུབ་ཀྱི་ནང་གསེས། གཟུང་འཛིན་གཉིས་ཀྱིས་སྟོང་པའི་ཤུལ་ན་གཉིས་མེད་ཀྱི་ཤེས་པ་སྟེ་འཕགས་པའི་སྟོང་ཉིད་མངོན་སུམ་རྟོགས་པའི་ཡེ་ཤེས་སོ། ། |
| ཕྱིན་ཅི་ལོག |
1.བྱ་དངོས་འཕེལ་རྒྱས་ཀྱི་ཆོས་ཉིད་ལས་གོ་ལོག་པའི་བྱ་སྤྱོད་སོགས་ཀྱི་མིང་། (དཔེར་ན།) བསམ་ཚུལ་ཕྱིན་ཅི་ལོག་སྤང་དགོས། བཤད་ཚུལ་ཕྱིན་ཅི་ལོག་དགག་དགོས་ལྟ་བུ། 2.དམིགས་ཡུལ་ལས་གོ་ལོག་པའི་བྱ་སྤྱོད་སོགས་ཀྱི་མིང་། (དཔེར་ན།) ལམ་ཕྱིན་ཅི་ལོག་ལ་མ་འགྲོ། ཁ་ཕྱིན་ཅི་ལོག་ལ་མ་འཁོར་ལྟ་བུ། |
| ཕྱིན་ཅི་ལོག་པ |
ཡང་དག་པ་མ་ཡིན་པའམ་ནོར་བའི་དོན་ཏེ། (དཔེར་ན།) སྤྱོད་པ་ཕྱིན་ཅི་ལོག་པ། ལྟ་བ་ཕྱིན་ཅི་ལོག་པ། འགྲོ་ལམ་ཕྱིན་ཅི་ལོག་པ། གཏམ་ཕྱིན་ཅི་ལོག་པ་ཞེས་པ་ལྟ་བུ། |
| ཕྱིན་ཅི་ལོག་བཞི |
ལོག་ལྟ་བཞི་སྟེ། མི་གཙང་བ་ལ་གཙང་བར་འཛིན་པ་དང༌། བདག་མེད་པ་ལ་བདག་ཏུ་འཛིན་པ། སྡུག་བསྔལ་ལ་བདེ་བར་འཛིན་པ། མི་རྟག་པ་ལ་རྟག་པར་འཛིན་པ་བཅས་བཞིའོ། ། |
| ཕྱིན་ཆད |
དུས་རྗེས་མའི་མིང་། (དཔེར་ན།) དེང་ཕྱིན་ཆད། དེ་རིང་ཉི་མའི་ཕྱིན་ཆད་ཅེས་པ་ལྟ་བུ། ཚིག་བསྡུས་ན་ཕྱིན་ཞེས་འབྲི་ཆོག་སྟེ། (དཔེར་ན།) དེང་ཕྱིན། དེའི་ཕྱིན་ཞེས་པ་ལྟ་བུ། |
| ཕྱིན་དྲུག |
ཕ་རོལ་ཏུ་ཕྱིན་པ་དྲུག་གི་བསྡུས་ཚིག |
| ཕྱིན་དྲུག་གི་ཁྱད་ཆོས་བཞི |
ཕར་ཕྱིན་རང་རང་གི་མི་མཐུན་པའི་ཕྱོགས་དང་བྲལ་བ་དང༌། གྲོགས་འཁོར་གསུམ་མི་རྟོག་པའི་ཤེས་རབ་ཀྱིས་ཟིན་པ། བྱེད་ལས་གཞན་གྱི་འདོད་དོན་རྫོགས་པར་བྱེད་པ། འབྲས་བུ་བྱང་ཆུབ་གསུམ་སྨིན་པར་བྱེད་པ་སྟེ་བཞི། |
| ཕྱིན་དྲུག་གི་ཕན་ཡོན་བཞི |
གཞན་དོན་རྫོགས་བྱང་ལ་དམིགས་པས་དམིགས་པ་རྒྱ་ཆེ་བ་དང༌། ལན་དང་རྣམ་སྨིན་ལ་རེ་བ་སོགས་མེད་པས་ཀུན་སློང་ཟང་ཟིང་མེད་པ། སེམས་ཅན་ཐམས་ཅད་མངོན་མཐོ་དང་ངེས་ལེགས་ལ་འགོད་པས་བྱེད་ལས་དོན་ཆེ་བ། སྟོང་ཉིད་སྙིང་རྗེ་ཟུང་འཇུག་གི་ཐབས་དང་བསྔོ་བས་ཟིན་པས་འབྲས་བུ་ཕུང་པོ་ལྷག་མེད་དུ་མི་ཟད་པ་སྟེ་བཞིའོ། ། |
| ཕྱིན་པ |
འགྲོ་བའི་འདས་པ། |
| ཕྱིའི་ཁམས་དྲུག |
ཁམས་བཅོ་བརྒྱད་ཀྱི་ནང་གསེས་ཤིག་གཟུགས། སྒྲ། དྲི། རོ། རེག་ཆོས་བཅས་ཀྱི་ཁམས་རྣམས་སོ། ། |
| ཕྱིའི་གཟུགས |
སྐྱེས་བུའི་ཤེས་རྒྱུད་ཀྱིས་མ་བསྡུས་པའི་གཟུགས་ཏེ། གཟུགས་སྒྲ་དྲི་རོ་རེག་བྱ་རྣམས་སོ། ། |
| ཕྱིའི་ཐེག་པ་གསུམ |
ཉན་རང་བྱང་གསུམ་གྱི་ཐེག་པའོ། ། |
| ཕྱིའི་དཀར་གསུམ |
འོ་མ་དང༌། ཞོ་དང༌། མར་རོ། ། |
| ཕྱིའི་དུས་འཁོར |
གཟའ་སྐར་སོགས་ཕྱི་སྣོད་ཀྱི་འཇིག་རྟེན་ཏེ་དུས་འཁོར་ཕྱི་ནང་གཞན་གསུམ་གྱི་ཡ་གྱལ་ཞིག |
| ཕྱིའི་དེ་ཉིད་བཅུ |
གསང་སྔགས་སྒྲུབ་པའི་སྦྱོར་བ་བཅུ་སྟེ་གཟུགས་ཅན་དང་གཟུགས་ཅན་མ་ཡིན་པའི་དཀྱིལ་འཁོར་དང༌། དང་པོ་སྦྱོར་བ་སོགས་ཀྱི་ཏིང་ངེ་འཛིན། ལྷ་ལ་རྒྱས་འདེབས་པའི་ཕྱག་རྒྱ། སྟངས་སྟབས་འདུག་སྟངས། ལས་ལ་སྦྱོར་བ། སླར་བསྡུ་བ། བཟླས་བརྗོད། སྦྱིན་སྲེག་མཆོད་པ་བཅས་སོ། ། |
| ཕྱིའི་མཆོད་པ |
ཉེར་སྤྱོད་ལྔའོ། ། |
| ཕྱིའི་མཚན་མ |
སྔོ་སེར་སོགས་ཁ་དོག་དང༌། དབྱིབས་ཀྱི་ཁྱད་པར་ལྟ་བུ། |
| ཕྱིའི་ཚོར་བ |
ལུས་ཀྱི་ཚོར་བ་དང༌། དབང་པོའི་ཚོར་བའོ། ། |
| ཕྱིའི་རིག་པ |
ལུས་ངག་གི་རིག་གནས། |
| ཕྱིའི་རྒྱ་མཚོ |
མུ་ཁྱུད་འཛིན་དང་ཁོར་ཡུག་གི་བར་གྱི་བ་ཚྭ་ཅན་གྱི་ཆུས་གང་བའོ། ། |
| ཕྱིའི་རྒྱུ་གཞན་ཅུང་ཟད་སྟོན་པའི་སྲིད་པ་ཅན |
སྲིད་པ་ཅན་གྱི་རྒྱན་གྱི་ནང་གསེས་ཤིག་ཡོངས་གྲགས་ཀྱི་རྒྱུ་བཀག་ནས། ཕྱིའི་རྒྱུ་གཞན་ཅུང་ཟད་ཙམ་གྱི་འབྲས་བུ་སྟོན་པའི་རྒྱན་ཞིག |
| ཕྱིའི་རྟེན་འབྲེལ |
ཕྱི་སྣོད་ཀྱི་འཇིག་རྟེན་རྣམས་རྒྱུ་རྐྱེན་དུ་མ་འདུས་ཤིང་ཚོགས་པས་རྒྱུ་རྐྱེན་རྟེན་འབྲེལ་ལ་ལྟོས་ནས་འབྱུང་བ་ས་བོན་ལས་མྱུ་གུ། དེ་ལས་འདབ་མ་དང༌། སྡོང་བུ་དང༌། སྦུ་གུ་དང༌། སྙེ་མ་དང༌། འབྲས་བུ་རྣམས་སྔ་མ་ལས་ཕྱི་མ་རིམ་བཞིན་འབྱུང་བའོ། ། |
| ཕྱིའི་རྡོར་དྲིལ |
དྲང་དོན་གྱི་རྡོར་དྲིལ་ཏེ། མཚན་མ་རྫས་ཀྱི་རྡོར་དྲིལ། |
| ཕྱིའི་རྩོལ་བ |
ཡི་གེ་ཀློག་སྐབས་ཁའི་ནང་ནས་སྒྲ་དང་དབུགས་རྣམས་ཕྱི་རོལ་ཏུ་འདོན་པའི་རྩོལ་བ། |
| ཕྱིའི་ལུས |
རྣམ་པར་ཤེས་པས་མ་ཟིན་པ་གཟུགས་སྒྲ་དང་རྩི་ཤིང་ལ་སོགས་པའི་བེམ་གཟུགས་སྣོད་ཀྱི་འཇིག་རྟེན། |
| ཕྱིའི་ལྷོང |
ཕྱིའི་བར་ཆད་ཀྱི་རྟགས་མཚན། |
| ཕྱིའི་སྐྱེ་མཆེད |
འབྱུང་བ་ཆེན་པོ་བཞི་དག་རྒྱུར་བྱས་པའི་བསྟན་ཡོད་ཐོགས་བཅས་ཀྱི་གཟུགས་སྒྲ་དྲི་རོ་རེག་སོགས་བསྟན་མེད་ཐོགས་བཅས་ཀྱི་གཟུགས་རྣམས་སོ། ། |
| ཕྱིའི་སྐྱེ་མཆེད་དྲུག |
སྐྱེ་མཆེད་བཅུ་གཉིས་ཀྱི་ནང་གསེས་ཤིག་གཟུགས། སྒྲ། དྲི། རོ། རེག་ཆོས་བཅས་དམིགས་པའི་ཆ་ནས་ཤེས་པ་སྐྱེ་བའི་སྒོར་གྱུར་པ་དྲུག་གོ། ། |
| ཕྱིའི་སྒྲིབ་པ་ཅན་གྱི་ཡི་དྭགས |
ཆུ་དང་ཤིང་ཐོག་རྒྱང་ནས་མཐོང་ཡང་ཉེ་བར་གཅར་དུས་ཤུལ་ཙམ་མེད་པར་གྱུར་ཏེ་བཀྲེས་སྐོམ་གྱིས་གདུངས་པའི་ཡི་དྭགས་ཤིག |
| ཕྱིར |
1.(སྦྱོར་ཚིག) 1>དམིགས་ཡུལ་ལམ་དགོས་པ་སྟོན་པ་སྟེ། (དཔེར་ན།) ཅིའི་ཕྱིར་འགྲོ། གྲང་ནད་གསོ་ཕྱིར་དྲོད་སྨན་བསྟེན། རྒྱལ་ཁ་འཐོབ་ཕྱིར་མཐུན་སྒྲིལ་བྱས། མི་དམངས་ལ་ཕན་ཕྱིར་བྱ་བ་བསྒྲུབས་ལྟ་བུ། 2>ཐག་གཅོད་པ་དང་རྒྱུ་མཚན་དང་རྒྱུ་རྐྱེན་སོགས་སྟོན་པ་སྟེ། (དཔེར་ན།) ཚད་མའི་རྙེད་དོན་ཡིན་ཕྱིར་འཁྲུལ་བ་མེད། དེའི་ཕྱིར་བདེན་དོན་འཚོལ་བར་རྟོག་དཔྱོད་བྱེད་ལྟ་བུ།2. ཕྱི་རུ་ཞེས་པའི་རུ་ཡིག་བསྡུས་པ་སྟེ། (དཔེར་ན།) ཕར་འགྲོ་ཕྱིར་འོངས། ལམ་ནས་ཕྱིར་ལོག སྒོའི་ཕྱིར་འགྲོ་བ། ནང་སྐྱོན་ཕྱིར་བསྟན་ལྟ་བུ། 3.སླར་ཡང་གི་དོན་ཏེ། (དཔེར་ན།) ནད་པའི་ལུས་ཕུང་ཕྱིར་སོས། ཕྱིར་རང་ཡུལ་དུ་སླེབས། ལམ་རྙིང་ལ་ཕྱིར་མི་འགྲོ་ལྟ་བུ། |
| ཕྱིར་གཤེ་བ |
ཕར་གཤེ་གཤེ་བཏང་བའི་ལན་དུ་ཚུར་གཤེ་གཤེ་གཏོང་བ་སྟེ། (དཔེར་ན།) གཏམ་ངན་གྱིས་ཕྱིར་གཤེ་མི་བྱེད་པར་དྲང་འབྲེལ་གྱི་གསེད་དཀྲོལ་གཏོང་དགོས་ཞེས་པ་ལྟ་བུ། |
| ཕྱིར་ཆོད |
གཞན་ལ་ཆོད་པའི་དོན་ཏེ། (དཔེར་ན།) མ་དངུལ་ལྷག་མ་ཕྱིར་ཆོད་དུ་གཏོང་བ་ཞེས་པ་ལྟ་བུ། |
| ཕྱིར་ཐོན་པ |
1.ཕྱི་ལོགས་སུ་ཕྱིན་པའམ་སོང་བ། 2.ཕྱི་ལ་མངོན་པའམ་གསལ་བ། |
| ཕྱིར་དུ |
ཆེད་དུའམ་དོན་དུ་ཞེས་པའི་དོན་ཏེ། (དཔེར་ན།) ཡོན་ཏན་འཐོབ་ཕྱིར་དུ་སློབ་སྦྱོང་བྱེད། རྒྱུ་ནོར་འཕེལ་ཕྱིར་དུ་ངལ་རྩོལ་བྱ་ལྟ་བུ། |
| ཕྱིར་དོང་བ |
ཕྱི་རོལ་ཏུ་སོང་བ། |
| ཕྱིར་དོན་པ |
(ཡུལ་སྐད།) 1>ཕྱི་ལོགས་སུ་འགྲོ་བའམ་སོང་བ། 2> ཕྱི་ལ་མངོན་པའམ་གསལ་བའི་དོན་ཏེ། (དཔེར་ན།) སེམས་ལ་བསམས་ཚད་ཁ་ནས་ཕྱིར་དོན་པ། ཤིང་བལ་གྱི་ས་བོན་བཏབ་ནས་མྱུ་གུ་རིང་མིན་ཉིད་དུ་ཕྱིར་དོན་པ་ཞེས་པ་ལྟ་བུ། |
| ཕྱིར་ནུད |
1.ཕར་འགྱངས་པའི་དོན་ཏེ། (དཔེར་ན།) ལས་མཇུག་བསྒྲིལ་རྒྱུ་ཕྱིར་ནུད་སོང༌ཞེས་པ་ལྟ་བུ། 2.མདུན་དུ་འགྲོ་བཞིན་པར་ཕྱིར་འཐེན་བརྒྱབ་པའི་དོན་ཏེ། (དཔེར་ན།) དམག་འཐབ་དྲག་པོ་བརྒྱབ་པར་བརྟེན་དགྲ་བོ་བཟོ་ལྟ་ཤོར་ནས་ཕྱིར་ནུད་རྒྱག་དགོས་བྱུང་སོང༌ཞེས་པ་ལྟ་བུ། |
| ཕྱིར་ཕེབས |
1.ཚུར་ལོག་ཡོང་བ། 2.ཕྱི་རུ་སོང་བ། 3.འོག་རིམ་ནས་གོང་རིམ་ལ་ཕུལ་བའི་སྙན་ཞུ་སོགས་ཀྱི་ལན་དུ་གོང་རིམ་ནས་བཏང་བའི་ལན། |
| ཕྱིར་བཅིལ |
ཕྱིར་བཏོན་པའི་དོན་ཏེ། (དཔེར་ན།) སྨན་གྱིས་ནད་གཞི་ཕྱིར་བཅིལ་བ། རྐང་པར་ཟུག་པའི་ཚེར་མ་ཕྱིར་བཅིལ་བ་ཞེས་པ་ལྟ་བུ། |
| ཕྱིར་བཅོས |
ནད་དང༌། ནོར་འཁྲུལ། བསླབ་པ་སོགས་སླར་གསོ་བའི་དོན་ཏེ། (དཔེར་ན།) ལས་དོན་ནོར་འཁྲུལ་བྱུང་རིགས་ལ་བརྟག་དཔྱད་ཞིབ་འཇུག་གིས་ཕྱིར་བཅོས་བྱེད་པ། ན་ཚ་རྙིང་པ་ལ་ཞི་དྲག་སྨན་དཔྱད་ཀྱིས་ཕྱིར་བཅོས་གང་འོས་བྱེད་དགོས། སྐྱོན་ཆ་ཕྱིར་བཅོས་ཡང་ཡང་བྱས་ན་ལེགས་ཞེས་པ་ལྟ་བུ། |
| ཕྱིར་བཅོས་ཀྱི་གཞི |
འདུལ་བ་གཞིའི་ཕྱིར་བཅོས་ཀྱི་གཞི། |
| ཕྱིར་བཅོས་ཀྱི་གཞི་བདུན |
འདུལ་བ་གཞི་བཅུ་བདུན་གྱི་ནང་གསེས། སྡོམ་པ་ཉམས་པ་ཕྱིར་བཅོས་ཀྱི་གཞི་ལ། ལྟུང་བ་ཕྱིར་བཅོས་ཀྱི་གཞི་བཞི། རྩོད་པ་ཕྱིར་བཅོས་ཀྱི་གཞི་གསུམ་སྟེ་བདུན། |
| ཕྱིར་བཞིན |
(བརྡ་རྙིང་།) དུས་རྒྱུན། ཕྱིར་བཞིན་འབྲང་བ། |
| ཕྱིར་བཟློག |
ཕྱིར་བསྐྲད་པའི་དོན་ཏེ། (དཔེར་ན།) གནོད་འཚེ་རྣམས་ཕྱིར་བཟློག་པ་ཞེས་པ་ལྟ་བུ། |
| ཕྱིར་བཤོལ |
1.དུས་ཚོད་ཕར་འགྱང༌གི་དོན་ཏེ། (དཔེར་ན།) ཞིང་གར་སོན་འདེབས་དུས་ཚོད་ཕྱིར་བཤོལ་བྱས་དྲགས་ན་སྟོན་ཐོག་ཡག་པོ་སྐྱེ་རྒྱུའི་རེ་བ་ཆེར་མི་འགྲུབ་ཅེས་པ་ལྟ་བུ། 2.ལས་ཁུར་བཞག་པའི་དོན་ཏེ། (དཔེར་ན།) དཀའ་ཚེགས་བྱུང་བར་ལག་པ་ཕྱིས་ནས་འགན་འཁྲིའི་ལས་ཀ་ཕྱིར་བཤོལ་བྱེད་པ་ཞེས་པ་ལྟ་བུ། |
| ཕྱིར་བསྒྲལ |
ཕ་རོལ་ཏུ་བསྐྲད་པའམ་བཏོན་པ་སྟེ། (དཔེར་ན།) ལུག་ལྤགས་གྱོན་པའི་སྤྱང་ཀི་ལུག་ཁྱུའི་ནང་ནས་ཕྱིར་བསྒྲལ་བ། གྲུ་གཟིངས་བཏང་ནས་འགྲུལ་པ་རྣམས་ཆུ་ཀླུང་ཆེན་པོའི་ཕྱིར་བསྒྲལ་བ་ཞེས་པ་ལྟ་བུ། |
| ཕྱིར་བསྙིལ་བ |
1.ཕྱི་རོལ་ཏུ་བསྐྲད་པའི་དོན་ཏེ། (དཔེར་ན།) མི་ངན་རྣམས་ཕྱིར་བསྙིལ་ནས་གསར་བརྗེའི་དཔུང་སྡེ་དྭངས་གཙང་གཅིག་གྱུར་བཟོ་བ་ཞེས་པ་ལྟ་བུ། 2.མར་བཤིག་པའམ། བསྒྱེལ་བའི་དོན་ཏེ། (དཔེར་ན།) ལྕགས་རི་རྙིང་པ་ཕྱིར་བསྙིལ་ནས་ཁང་པ་གསར་པ་བཟོ་སྐྲུན་བྱེད་པ་ཞེས་པ་ལྟ་བུ། |
| ཕྱིར་བསྣུར |
དུས་ཚོད་ཕྱི་འགྱང་བྱེད་པའི་དོན་ཏེ། དེ་རིང་བྱེད་རྒྱུའི་ལས་ཀ་སང་འགྱངས་གནངས་འགྱངས་ཕྱིར་བསྣུར་བྱས་ན་མི་འགྲིག་ཅེས་པ་ལྟ་བུ། |
| ཕྱིར་མཆེད་པ |
1.སླར་འཕེལ་བ། 2.གསང་བ་ཕྱིར་བསྒྲགས་པའི་དོན་ཏེ། (དཔེར་ན།) གསང་བ་དམ་པོ་བྱེད་དགོས་རིགས་ཕྱིར་མཆེད་མི་རུང༌ཞེས་པ་ལྟ་བུ། |
| ཕྱིར་མི་འོང་བཅུ |
དགེ་འདུན་ཉི་ཤུ་ལས་ཕྱིར་མི་འོང་བཅུ་ཕྱིར་མི་འོང་ཞུགས་པ་དང༌། བར་དོར་འདའ་བ་དང༌། སྐྱེས་ནས་འདའ་བ་གསུམ་དང༌། འཕར་བ་གསུམ་དང༌། མཐོང་ཆོས་ཞི་བ་དང༌། ལུས་མངོན་བྱེད་རྣམས་སོ། ། |
| ཕྱིར་མི་འོང་བའི་འབྲས་བུ |
དགེ་སྦྱོང་གི་འབྲས་བུ་བཞིའི་ནང་གསེས། འདོད་པའི་སྒོམ་སྤང་དགུ་པོ་སྤངས་ཏེ་འདོད་ཁམས་སུ་ཕྱིར་འོང་མི་དགོས་པའོ། ། |
| ཕྱིར་མི་འོང་ཞུགས་པ |
ཞུགས་གནས་བརྒྱད་ཀྱི་ནང་གསེས། ཕྱིར་མི་འོང་བའི་འབྲས་བུ་ལ་ཞུགས་པ་འདོད་པའི་སྒོམ་སྤང་བདུན་པ་ནས་དགུ་པའི་བར་སྤོང་བའི་སྦྱོར་བ་ཅན། དགེ་འདུན་ཉི་ཤུའི་གྲས་ཤིག |
| ཕྱིར་མི་འོང་འབྲས་གནས |
ཞུགས་གནས་བརྒྱད་ཀྱི་ནང་གསེས། ཕྱིར་མི་འོང་བའི་འབྲས་བུ་ལ་གནས་པ་འདོད་པའི་སྒོམ་སྤང་དགུ་པ་སྤངས་པའི་ཐེག་དམན་སློབ་པའོ། ། |
| ཕྱིར་མི་འོང་འབྲས་གནས་ཁྱད་པར་ཅན |
བསམ་གཏན་དང་པོའི་ཉོན་མོངས་ནས་སྲིད་རྩེ་དགུ་པའི་བར་སྤོང་བའི་སྦྱོར་བ་ལ་གནས་པའོ། ། |
| ཕྱིར་མི་འོང་འབྲས་གནས་ཁྱད་པར་ཅན་བཞི |
གཟུགས་སུ་ཉེ་བར་འགྲོ་བ་དང༌། གཟུགས་མེད་དུ་ཉེ་བར་འགྲོ་བ་དང༌། མཐོང་ཆོས་ཞི་བ་དང༌། ལུས་མངོན་བྱེད་དེ་བཞིའོ། ། |
| ཕྱིར་མི་འོང་འབྲས་གནས་ཙམ་པོ་བ |
ཁམས་གོང་མའི་ཉོན་མོངས་སྤོང་བའི་སྦྱོར་བ་ལ་མི་གནས་པའོ། ། |
| ཕྱིར་མི་ལྡོག་པའི་དད་པ |
དད་པ་བཞིའི་ཡ་གྱལ་ཞིག་སྐྱིད་སྡུག་ལེགས་ཉེས་མཐོ་དམན་ཅིར་འགྱུར་རུང་དཀོན་མཆོག་ལ་ཡིད་ཆེས་བྱེད་ཤེས་ཀྱི་དད་པའོ། ། |
| ཕྱིར་མི་ལྡོག་པའི་བརྩོན་འགྲུས |
འགྲོ་བ་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་བསྒྲུབ་པར་བསྐལ་པའི་བར་དུ་བརྩོན་པ་མི་འདོར་བའོ། ། |
| ཕྱིར་མི་ལྡོག་པའི་བྱང་སེམས |
སློབ་པ་ཕྱིར་མི་ལྡོག་པ་དང་དོན་གཅིག |
| ཕྱིར་མི་ལྡོག་པའི་རྟགས |
ཐེག་ཆེན་སྦྱོར་ལམ་དྲོད་ཐོབ་པ་ནས་སྒོམ་ལམ་རྒྱུན་མཐར་གནས་པའི་བྱང་སེམས་རྣམས་དབང་པོ་རབ་འབྲིང་ཐ་གསུམ་དང་མཐུན་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་རྟགས་ཏེ། གཟུགས་ལ་སོགས་པའི་ཆོས་ལས་ལྡོག་པ་དང༌། ཐེ་ཚོམ་ཟད་པ་དང༌། མི་ཁོམ་པ་བརྒྱད་ཟད་པ་དང༌། བདག་གཞན་དགེ་བའི་ཆོས་ལ་སྦྱོར་བ་དང༌། སྒྲིབ་པ་ལྔ་ཟད་པ་དང༌། གཙང་བ་དང༌། ལུས་ལ་སྲིན་བུ་མི་འབྱུང་བ་ལ་སོགས་པའི་རྟགས་སྣ་ཚོགས་ཡོད་པའོ། ། |
| ཕྱིར་མི་ལྡོག་པའི་ས |
མཐོང་ལམ་སོགས་འཕགས་པའི་ས། |
| ཕྱིར་ཞིང |
སླར་ཡང༌གི་དོན་ཏེ། (དཔེར་ན།) སྨན་པ་ཕྱིར་ཞིང་མུ་མཐུད་བསྟེན་ན་ནད་གཞི་སངས་དྲག་ཡོང་ཐུབ་པར་ཡིད་ཆེས་ཡོད། ཕྱིར་ཞིང་དད་པར་གྱུར་ཞེས་པ་ལྟ་བུ། |
| ཕྱིར་ཞིང་ཕྱིར་ཞིང |
ཡང་བསྐྱར་ཡང་བསྐྱར་ཞེས་པའི་དོན་ཏེ། (དཔེར་ན།) ལས་དོན་གང་ལའང་དང་ཐོག་དཀའ་ངལ་ཆེ་ཡང༌། ངང་བསྲིངས་སྙིང་སྟོབས་བསྐྱེད་ན་ཕྱིར་ཞིང་ཕྱིར་ཞིང་སླ་རུ་འགྲོ་བ་ཆོས་ཉིད་ཡིན་ཞེས་པ་ལྟ་བུ། |
| ཕྱིར་ཞིང་བྱུང་བ |
1.སླར་ཡང་སྐྱེས་པ། 2.རྗེས་སུ་འབྲངས་པ། 3.(བརྡ་རྙིང་།) འཕེལ་བ། |
| ཕྱིར་འགྱངས |
ཕར་ཕར་ཡུན་རིང་འགོར་བའི་དོན་ཏེ། (དཔེར་ན།) ཁ་ཚ་དགོས་གཏུགས་ཀྱི་ལས་དོན་ཕྱིར་འགྱངས་སུ་མ་བཞག་པར་དུས་ཐོག་ཏུ་བྱེད་དགོས་ཞེས་པ་ལྟ་བུ། |
| ཕྱིར་འགྱེད |
དམག་སོགས་ཕར་འགྱེད་པའམ་སྤྲོ་བའི་དོན་ཏེ། (དཔེར་ན།) རྩོད་ལན་ཚ་པོ་ཞིག་ཕྱིར་འགྱེད་པ། དྲག་པོའི་དཔུང་སྡེ་ཕྱིར་འགྱེད་ཀྱིས་རྒོལ་ལན་སྤྲོད་པ་ཞེས་པ་ལྟ་བུ། |
| ཕྱིར་འགྲོས |
ཚུར་ལོག་པ་སྟེ། (དཔེར་ན།) དགྲ་ཉེན་ཆེ་ཆུང་གང་ཞིག་ཡོད་ཀྱང་ཕྱིར་འགྲོས་གཏན་ནས་མི་རྒྱག་ཅེས་པ་ལྟ་བུ། |
| ཕྱིར་འཆོས |
ཕྱིར་བཅོས་དང་འདྲ། |
| ཕྱིར་འཐེན |
1.ཕྱི་ལ་བཤོལ་བའི་དོན་ཏེ། (དཔེར་ན།) ལས་དོན་ལ་འཐུས་ཤོར་ཚབས་ཆེན་བྱུང་བའི་ལས་བྱེད་པ་ཕྱིར་འཐེན་བྱས་པ་ཞེས་པ་ལྟ་བུ། 2.དུས་ཚོད་ཕྱིར་འགྱངས་བྱས་པའི་དོན་ཏེ། (དཔེར་ན།) ད་རེས་ཀྱི་ཚོགས་འདུ་འདི་ཟླ་བ་གཅིག་ཕྱིར་འཐེན་བྱེད་པ་ཞེས་པ་ལྟ་བུ། |
| ཕྱིར་འདྲི་བ |
གཏམ་ཚུར་དྲིས་པའི་ལན་དུ་ཕར་འདྲི་བའམ། ཕར་དྲིས་པའི་ལན་དུ་ཚུར་འདྲི་བ་གང་རུང༌། |
| ཕྱིར་འདྲེན་པ |
ཚུར་ཕྱོགས་ནས་ཕར་འདྲེན་པའམ། ཕར་ཕྱོགས་ནས་ཚུར་འདྲེན་པ་སྟེ། (དཔེར་ན།) གྲོང་ཁྱེར་ནས་བཟོ་ལས་ཐོན་ཟོག་གྲོང་གསེབ་ཏུ་ཕྱིར་འདྲེན་པ་དང༌། གྲོང་གསེབ་ནས་ཞིང་ལས་ཐོན་ཟོག་གྲོང་ཁྱེར་གྱི་ནང་དུ་ཕྱིར་འདྲེན་པ་ཞེས་པ་ལྟ་བུ། |
| ཕྱིར་འབུད་པ |
ནང་ནས་ཕྱིར་སྐྲོད་པའི་དོན་ཏེ། (དཔེར་ན།) ཆུ་ཡུར་ནང་ནས་བཙོག་ཆུ་ཕྱིར་འབུད་པ། རྣག་དུག་ཕྱིར་འབུད་བྱས་ན་རྨ་རྙིང་དྲག་ཡོང༌ཞེས་པ་ལྟ་བུ། |
| ཕྱིར་འབྱོར་བ |
1.ཡོང་མཁན་ཚུར་སླེབས་པ་སྟེ། (དཔེར་ན།) རང་རྒྱལ་དུ་ཕྱིར་འབྱོར་བ་ཞེས་པ་ལྟ་བུ། 2.ཅ་ལག་ཚུར་འཕྲོད་པའི་དོན་ཏེ། (དཔེར་ན།) གཞན་ལ་གཡར་བའི་དངོས་པོ་ཕྱིར་འབྱོར་བ་ཞེས་པ་ལྟ་བུ། |
| ཕྱིར་འབྲང་བ |
རྗེས་སུ་འགྲོ་བའི་དོན་ཏེ། (དཔེར་ན།) དམ་པའི་གསུང་ལ་ཉན་ཏེ་སྙིང་ཐག་པ་ནས་ཕྱིར་འབྲང་བ་ཞེས་པ་ལྟ་བུ། |
| ཕྱིར་འཚོང་བ |
གཞན་ལ་འཚོང་བའམ་ཕྱི་ལོགས་སུ་འཚོང་བའི་དོན་ཏེ། (དཔེར་ན།) རྒྱུ་དངོས་འཁྲོལ་འཁྱིལ་ཕྱིར་འཚོང་དང༌། དགོས་མཁོ་ཚུར་སྒྲུབ་ཅེས་པ་ལྟ་བུ། |
| ཕྱིར་འོང་གསུམ |
དགེ་འདུན་ཉི་ཤུའི་ཕྱིར་འོང་གསུམ་ཕྱིར་འོང་ཞུགས་པ་དང༌། ཕྱིར་འོང་འབྲས་གནས་ཙམ་པོ་བ། ཕྱིར་འོང་འབྲས་གནས་ཁྱད་པར་ཅན་ཚེ་གཅིག་བར་ཆད་གཅིག་པ་བཅས་གསུམ་མོ། ། |
| ཕྱིར་འོང་བ |
1.ཕྱིར་ལོག་པ། 2.འདོད་ཉོན་དྲུག་པ་ཟད་པར་གྱུར་པའི་ཉན་ཐོས་ཀྱི་འབྲས་གནས་བཞིའི་ཡ་གྱལ་ཞིག |
| ཕྱིར་འོང་བའི་འབྲས་བུ |
དགེ་སྦྱོང་གི་འབྲས་བུ་བཞིའི་ནང་གསེས། འདོད་པའི་སྒོམ་སྤང་དྲུག་པ་མན་ཆད་སྤངས་ཤིང་འདོད་ཁམས་སུ་ལན་གཅིག་ཕྱིར་འོང་བའོ། ། |
| ཕྱིར་འོང་ཞུགས་པ |
ཞུགས་གནས་བརྒྱད་ཀྱི་ནང་གསེས། ལན་གཅིག་ཕྱིར་འོང་བའི་འབྲས་བུ་ལ་ཞུགས་པ་འདོད་པའི་སྒོམ་སྤང་དྲུག་པ་མ་སྤངས་ཤིང༌། དང་པོ་ནས་དྲུག་པའི་བར་གང་ཡང་རུང་བ་སྤོང་བ་ལ་བརྩོན་པའི་གང་ཟག་དགེ་འདུན་ཉི་ཤུའི་གྲས་ཤིག |
| ཕྱིར་འོང་འབྲས་གནས |
ཞུགས་གནས་བརྒྱད་ཀྱི་ནང་གསེས། ལན་ཅིག་ཕྱིར་འོང་བའི་འབྲས་བུ་ལ་གནས་པ་འདོད་པའི་སྒོམ་སྤང་དྲུག་པ་སྤངས་ཤིང་དགུ་པ་མ་སྤངས་པའི་ཐེག་དམན་ནོ། ། |
| ཕྱིར་འོང་འབྲས་གནས་ཁྱད་པར་ཅན |
དགེ་འདུན་ཉི་ཤུའི་ནང་གསེས། འདོད་པའི་སྒོམ་སྤང་བདུན་ནམ་བརྒྱད་སྤངས་པས་ཕྱིར་མི་འོང་གི་འབྲས་བུ་ཐོབ་པ་ལ་ཉོན་མོངས་གཅིག་གིས་བར་དུ་ཆོད་ལ་མྱང་འདས་འཐོབ་པ་ལ་ཚེ་གཅིག་གིས་བར་དུ་ཆོད་པའོ། ། |
| ཕྱིར་འོང་འབྲས་གནས་ཙམ་པོ་བ |
དགེ་འདུན་ཉི་ཤུའི་ནང་གསེས། ཁམས་གོང་མའི་ཉོན་མོངས་སྤོང་བ་ལ་མི་བརྩོན་པའོ། ། |
| ཕྱིར་ཡང |
སླར་ཡང༌གི་དོན་ཏེ། (དཔེར་ན།) ཕྱིར་ཡང་བསམ་བློ་བཏང་ནས་ཐག་བཅད་པ། ཕྱིར་ཡང་སྔ་མ་བཞིན་ཞེས་པ་ལྟ་བུ། |
| ཕྱིར་རྒོལ |
1.རྒོལ་ལན་གྱི་དོན་ཏེ། (དཔེར་ན།) ཁུངས་མེད་དཀྲོག་གཏམ་ལ་དངོས་ཡོད་གནས་ལུགས་ཀྱིས་ཕྱིར་རྒོལ་བྱེད་པ། ཕྱིར་རྒོལ་གྱི་དྲི་བ་ཞེས་པ་ལྟ་བུ། 2.རྒོལ་ལན་སྤྲོད་མཁན། |
| ཕྱིར་རྟེན་ཚོང་པའི་གྲལ་རིམ |
མི་སེར་སྤེལ་ཡུལ་དང་མི་སེར་སྤེལ་ཡུལ་ཕྱེད་ཙམ་གྱི་རྒྱལ་ཁབ་ནང་དུ་བཙན་རྒྱལ་རིང་ལུགས་དང་ངན་འབྲེལ་བྱས་ཐོག་བཙན་རྒྱལ་རིང་ལུགས་ཀྱི་བཙན་འཛུལ་སྲིད་ཇུས་ལ་ཞབས་འདེགས་ཞུ་མཁན་འབྱོར་ཆེན་གྲལ་རིམ་ལ་ཟེར། |
| ཕྱིར་རྡེག་པ |
ཚུར་རྡུང་རྡེག་བྱས་པའི་ལན་དུ་ཕར་རྡུང་རྡེག་བྱེད་པའི་དོན་ཏེ། (དཔེར་ན།) ཁུ་ཚུར་གྱིས་ཚུར་བརྡེགས་པའི་ལན་དུ་དབྱུག་པས་ཕྱིར་རྡེག་པ་ཞེས་པ་ལྟ་བུ། |
| ཕྱིར་ལེན |
ཚུར་ལེན་པའི་དོན་ཏེ། (དཔེར་ན།) དགྲར་ཤོར་ས་ཆ་ཕྱིར་ལེན་པ། བོར་བརླག་ཏུ་སོང་བའི་དངོས་པོ་ཕྱིར་ལེན་པ་ཞེས་པ་ལྟ་བུ། |
| ཕྱིར་ལོག |
ཕྱི་རུ་འཁོར་བ་སྟེ། (དཔེར་ན།) ཚུར་བྱུང་དངོས་པོ་ཕྱིར་ལོག་ཏུ་སྤྲོད། འགྲོ་ལམ་མ་ཤེས་པར་ཕྱིར་ལོག་བརྒྱབ་ནས་སླེབས་བྱུང༌ཞེས་པ་ལྟ་བུ། |
| ཕྱིར་ལོག་གདོང |
ཚུར་ཡོང་མཁན་བརྒྱུད་དེ་ཞེས་པའི་དོན་ཏེ། (དཔེར་ན།) དགོངས་སྐོར་ཞུས་རིགས་ཕྱིར་ལོག་གདོང་བཀའ་གསལ་ཡོད་པ་མཁྱེན། འདི་གའི་གནས་ཚུལ་ཆེ་ཕྲ་ཚང་མ་ཕྱིར་ལོག་གདོང་སྙན་སེང་ཞུས་ཆོག་ཅེས་པ་ལྟ་བུ། |
| ཕྱིར་ལོག་བཏང་བ |
སླར་རང་གནས་སུ་འགྲོར་བཅུག་པའི་དོན་ཏེ། (དཔེར་ན།) འཛིན་བཟུང་དམག་མི་རྣམས་ཕྱིར་ལོག་བཏང་བ་ཞེས་པ་ལྟ་བུ། |
| ཕྱིར་ལྟ་བ |
1.ཕྱི་ལྟས་སློག་པ། 2.བློ་ཁ་ཕྱིར་ཕྱོགས་པ། |
| ཕྱིར་ལྡོག་པ |
ཚུར་ལོག་ཡོང་བའི་དོན་ཏེ། (དཔེར་ན།) ཕྱོགས་སུ་ཕྱིན་ནས་ཕྱིར་ལྡོག་པ། ཚུར་རྒོལ་དགྲ་བོ་ཕྱིར་ལྡོག་པར་བྱེད་པ། ལྷག་བསམ་དམར་པོའི་རང་མདངས་ནམ་ཡང་ཕྱིར་མི་ལྡོག་པ་ཞེས་པ་ལྟ་བུ། |
| ཕྱིར་ཤིག |
ཕྱིར་འཐེན་གྱི་དོན་ཏེ། (དཔེར་ན།) གཡུལ་ས་ནས་ཕྱིར་ཤིག་གོམ་གང་མ་བརྒྱབ་པར་དགྲ་བོའི་མདུན་ཕྱོགས་སུ་རྒྱུག་མཆོང་བྱེད་པ། དགྲ་དམག་གི་སྟོབས་ཤུགས་ཆག་སྟེ་འཐབ་ས་ནས་ཕྱིར་ཤིག་རྒྱག་གིན་བྲོས་ཞེས་པ་ལྟ་བུ། |
| ཕྱིར་སོས་པ |
ཉམས་པ་སོས་པའམ་སླར་སྐྱེ་བའི་དོན་ཏེ། (དཔེར་ན།) ལོ་མང་སོང་བའི་ཤིང་སྡོང་སྐམ་པོ་ལ་ལོ་འདབ་གསར་པ་ཕྱིར་སོས་པ། དབུགས་ཆད་དེ་ཤི་ནས་ཕྱིར་སོས་པ་ཞེས་པ་ལྟ་བུ། |
| ཕྱིར་སྐུམ་པ |
ཕྱིར་འཐེན་རྒྱག་པའི་དོན་ཏེ། (དཔེར་ན།) བསམ་འཆར་ཕྱིར་བསྐུམས་པ། དགོངས་ཞུ་ཕྱིར་བསྐུམ་ཞེས་པ་ལྟ་བུ། |
| ཕྱིར་སྐྱོད |
ཕྱི་ལོགས་སུ་འགྲོ་བའི་དོན་ཏེ། (དཔེར་ན།) རྟ་བཞོན་ནས་ཕྱིར་སྐྱོད་བྱེད་པ་ཞེས་པ་ལྟ་བུ། |
| ཕྱིར་སློག |
1.རང་གནས་སུ་སླར་གཏོང་བའི་དོན་ཏེ། (དཔེར་ན།) ཁོ་བོས་གྲོགས་པོར་ཡི་གེ་བཏང་བ་མ་འཕྲོད་པར་ཕྱིར་སློག་བྱས་བྱུང༌ཞེས་པ་ལྟ་བུ། 2.གོས་སོགས་ཀྱི་ནང་ངོས་ཕྱིར་སྟོན་པའི་དོན་ཏེ། (དཔེར་ན།) གོས་ཕྱིར་སློག་བྱས་ནས་གྱོན་པ་ཞེས་པ་ལྟ་བུ། |
| ཕྱིལ |
འདམ་གྱིས་ཞལ་ཞལ་བྱས་པའི་བརྡ་རྙིང་། |
| ཕྱིལ་མོ་ཉུག |
(བརྡ་རྙིང་།) ཐུར་དུ་འདྲེད་པ། |
| ཕྱིས |
འདག་པར་བྱེད་པའི་དོན་དུ་གོ་བའི་འབྱིད་པའི་སྐུལ་ཚིག |
| ཕྱིས |
1.(བྱེད་འབྲེལ་ལས་ཚིག) འབྱིད་པའི་འདས་པ་དང་སྐུལ་ཚིག དངོས་རྫས་ཀྱི་ཐོག་གི་དྲི་མ་མི་གཙང་བ་གཙུབ་རྡར་བྱས་ནས་དག་པར་བྱས་པ་སྟེ། (དཔེར་ན།) རྡུལ་ཕྱིས་ནས་དྲི་མ་དག མེ་མདའ་ཕྱིས་ཤིག་ལྟ་བུ། 2.(བྱེད་མེད་ལས་ཚིག) སྲོག་ཆགས་མོའི་མངལ་གྱི་ཕྲུ་གུ་བཙའ་མ་རན་པར་ཐོན་པ་སྟེ། (དཔེར་ན།) ད་ལོ་མ་མོར་ལུ་གུ་ཕྱིས་པ་ཤིན་ཏུ་ཉུང་ཞེས་པ་ལྟ་བུ། ཁ་སྐད་དུ་ད་ལྟ་བར་འཕྱི་དང་འདས་པར་འཕྱིས་ཟེར། |
| ཕྱིས་གནོན |
(བརྡ་རྙིང་།) ཟིལ་གནོན། |
| ཕྱིས་གནོན་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གཙུག་ལག་ཁང་ལ་སྔར་ཞུགས་པའི་དགེ་སློང་ལ་ལུས་ངག་གང་རུང་གིས་གནོད་པ་རྩོམ་པའམ། རང་གི་ལུས་ཀྱིས་གཞན་བརྫིས་ཤིང་གནོན་པའོ། ། |
| ཕྱིས་པ |
འདག་པར་བྱེད་པའི་དོན་དུ་གོ་བའི་འབྱིད་པའི་འདས་པ། |
| ཕྱིས་བུ |
1.སྣོད་སྤྱད། 2.(བརྡ་རྙིང་།) ཕྱི་རོལ། |
| ཕྱིས་མ |
1.ཕྲུ་གུ་ཕྱིས་པའི་མོ་ཕྱུགས། 2.གཞུག་མའམ་རྗེས་མའི་དོན། 3.རྗེས་དུས་ཀྱི་མིང་སྟེ། (དཔེར་ན།) ཕྱིས་སུ། ཕྱིས་འབྱུང་གི་བྱ་བ་ཞེས་པ་ལྟ་བུ། |
| ཕྱིས་འགྱང |
དུས་ཡུན་འགོར་བའི་དོན་ཏེ། (དཔེར་ན།) ཚོགས་འདུ་སྔ་བསྣུར་ཕྱིས་འགྱང་མི་བྱེད་པར་དུས་ཐོག་ཏུ་འཚོགས་པ་ཞེས་པ་ལྟ་བུ། |
| ཕྱིས་འབྱུང |
འབྱུང་འགྱུར་མ་འོངས་པ་སྟེ། (དཔེར་ན།) ད་ལྟའི་སྐབས་བབས་ཀྱི་འཆར་གཞི་འདིང་དུས་ཕྱིས་འབྱུང་གི་གནས་ཚུལ་ལ་བསམ་བློ་གཏོང་དགོས་ཞེས་པ་ལྟ་བུ། |
| ཕྱིས་འབྲང |
རྗེས་སུ་སྙེག་པའམ་འགྲོ་བའི་དོན་ཏེ། (དཔེར་ན།) ལག་རྩལ་གྱི་ཐད་ལ་གཞན་གྱི་ཕྱིས་འབྲང་ཁོ་ན་བྱེད་མི་ཉན་ཞེས་པ་ལྟ་བུ། |
| ཕྱིས་རས |
དྲེག་པ་སོགས་འབྱིད་བྱེད་ཀྱི་རས། |
| ཕྱིས་ལམ |
1.སླད་ཀྱི་འགྲོ་ལམ། ཕྱིས་ལམ་ཁེགས་པ། 2.རྗེས་སུ་ལང་ཤོར་གྱི་མིག་དཔེ་ངན་པ། |
| ཕྱིས་སྐྱེས |
(མངོན་བརྗོད།) ནུ་བོ། |
| ཕྱུ་པ |
བོད་ཀྱི་ལྭ་རིང་རིགས་ཤིག |
| ཕྱུ་པ་སྲམ་ཤན་མ |
ཚར་ཚགས་སོགས་ཀྱི་ཕྱུ་པ་སྲམ་ལྤགས་ཀྱི་མཐའ་ལྕགས་ཅན། |
| ཕྱུ་རུ་རུ |
(རྒྱན་ཚིག) སྤྲིན་དང་དུ་བ་རླངས་པ་སོགས་ཐོན་ཚུལ་ཞིག (དཔེར་ན།) མཐོངས་ཁུང་ནས་དུ་བ་ཕྱུ་རུ་རུ་ཐོན། རླངས་སྒུལ་འཕྲུལ་འཁོར་ནས་མཁོ་མེད་རླངས་པ་ཕྱུ་རུ་རུ་གཏོང་བ་ཞེས་པ་ལྟ་བུ། |
| ཕྱུག |
1.(རྒྱན་ཚིག) རྒྱུ་ནོར་ལོངས་སྤྱོད་འཛོམས་པའི་དོན་ཏེ། (དཔེར་ན།) གྲོང་ཁྱེར་ཕྱུག་པོ། ཐོན་སྐྱེད་རུ་ཁག་ཕྱུག་པོ། ཧ་ཅང་ཕྱུག་ཅེས་པ་ལྟ་བུ། 2.(བྱེད་མེད་ལས་ཚིག) མང་བོ་ཡོད་པའི་དོན་ཏེ། (དཔེར་ན།) ནོར་ལོངས་སྤྱོད་ཀྱིས་ཕྱུག་པ། ཡོན་ཏན་གྱིས་ཕྱུག་པའི་མི་ཞེས་པ་ལྟ་བུ། 3.བོད་ཀྱི་རུས་ཤིག |
| ཕྱུག་དབུལ |
འབྱོར་པ་ཡོད་པ་དང་འབྱོར་པ་མེད་པ་སྟེ། (དཔེར་ན།) ཕྱུག་དབུལ་གྱི་ཁྱད་པར་ཧ་ཅང་ཆེན་པོ་རང་མི་ཡོང༌ཞེས་པ་ལྟ་བུ། |
| ཕྱུག་པོ |
རྒྱུ་ནོར་དང་ལྡན་པའི་མི། (དཔེར་ན།) ཁོ་ཕྱུག་པོ་ཞིག་རེད། ཕྱུག་པོ་གསོག་འདོད་ན་ཟས་མི་ཟ། དབུལ་པོ་འུ་ཐུག་ན་ལས་མི་བྱེད་ཅེས་པ་ལྟ་བུ། མིང་གི་རྣམ་གྲངས་ལ་ནོར་གྱི་དབང་ཕྱུག་པ་དང༌། ནོར་ཅན། ནོར་ལྡན། ནོར་དབང༌། ཕྱུག་ཆེན། འབྱོར་ལྡན། རྫས་ལྡན། ཡང་དག་འབྱོར། ཡོ་བྱད་ཅན། ལྷག་འབྱོར་བཅས་སོ། ། |
| ཕྱུགས |
མིའི་འཚོ་སྐྱོང་ལ་བརྟེན་པའི་དུད་འགྲོ་སྟེ། (དཔེར་ན།) གནག་ཕྱུགས། སྒོ་ཕྱུགས། བདག་གཉེར་འཐུས་ཚང་བྱུང་བས་ཕྱུགས་རིགས་འཕེལ་ཆེན་པོ་བྱུང༌། ལོ་ཕྱུགས་ལེགས་པ་ཞེས་པ་ལྟ་བུ། |
| ཕྱུགས་ཀྱི་རུ་མ |
ཕྱུགས་འཕེལ་བའི་རྩ་བའམ། ས་བོན་ལྟ་བུའི་ཐོག་མའི་ཕྱུགས་ཉུང་ངུ་སྟེ། (དཔེར་ན།) ཕྱུགས་རིགས་སྐྱེ་འཕེལ་ཡོང་བ་ཕྱུགས་ཀྱི་རུ་མ་བཟང་དགོས་ཞེས་པ་ལྟ་བུ། |
| ཕྱུགས་ཀྱིས་ཕྱུག |
(མངོན་བརྗོད།) འབྲོག་པ། |
| ཕྱུགས་གཉེར |
གནག་ཕྱུགས་ལ་དོ་དམ་བྱེད་མཁན། |
| ཕྱུགས་གཙེས |
(མངོན་བརྗོད།) སྤྱང་ཀི། |
| ཕྱུགས་གཡང་མོ |
ལུག |
| ཕྱུགས་གསོ |
ཕྱུགས་རིགས་གསོ་སྐྱོང་བྱེད་པ། |
| ཕྱུགས་ཆུང |
གཉེན་སྒྲིག་མ་བྱས་པའམ་འཇིག་རྟེན་ཆོས་ཀྱིས་མ་གོས་པའི་བུ་མོ། འདི་ལ་ཕྱུགས་ཕྱུང་ཞེས་བྲིས་པའང་ཡོད། |
| ཕྱུགས་དཀར་ནག |
འབྲི་གཡག་དང་ར་ལུག་གི་སྤྱི་མིང༌། |
| ཕྱུགས་དེབ |
ཕྱུགས་རྩིས་འགོད་ཡུལ་གྱི་དེབ། |
| ཕྱུགས་ནད |
འབྲི་གཡག་བ་མཛོ་སོགས་རྨིག་པ་ཁ་དབྲག་ཅན་གྱི་ཕྱུགས་རིགས་ལ་འབྱུང་བའི་ནད་རིགས་ཤིག |
| ཕྱུགས་ནད་འགགས |
ནོར་ལུག་གི་ཁ་སྣ་ནས་ཆུ་འབབ་པ་དང༌། སྐེ་སྐྲངས་ཤིང་དབུགས་འགགས་ཏེ་ཉིན་གཅིག་གཉིས་ཙམ་ནས་འཆི་བའི་ཕྱུགས་ཀྱི་འགོས་ནད་ཅིག |
| ཕྱུགས་ནད་སྨན་པ |
ཕྱུགས་ནད་འགོག་བཅོས་ཀྱི་ཨེམ་ཆི། |
| ཕྱུགས་པ |
ནོར་ཕྱུགས་སྐྱོང་མཁན། |
| ཕྱུགས་ཕྱུང |
(བརྡ་རྙིང་།) གཞོན་ནུ་མ། |
| ཕྱུགས་ཕྱུང་མ་ཉམས་པ |
གཞོན་ནུ་མ་གྲོང་པའི་ཆོས་ཀྱིས་མ་གོས་པ། |
| ཕྱུགས་བཅོས་པ |
1.ཕྱུགས་ནད་བཅོས་མཁན། 2.སྒོ་ཕྱུགས་ཀྱི་ནད་བཅོས་པ། |
| ཕྱུགས་བདག |
1.སྒོ་ཕྱུགས་ཀྱི་བདག་པོ། 2.སྒོ་ཕྱུགས་ཀྱི་ལྷ་དབང་ཕྱུག་ཆེན་པོ། 3.ཀླུའི་རྒྱལ་པོ། |
| ཕྱུགས་ཟོག |
གནག་ཕྱུགས། |
| ཕྱུགས་ཟོག་གི་སྟོད་ནད |
གནག་ཕྱུགས་ཀྱི་གློ་བར་ཕོག་པའི་ནད་ཅིག |
| ཕྱུགས་ཟོག་གི་སྨད་ནད |
གནག་ཕྱུགས་ཀྱི་རྒྱུ་མར་ཕོག་པའི་ནད་ཅིག |
| ཕྱུགས་འཆག་སྒོར་བ |
གཡུལ་ལས་གཏོང་སྐབས་སྟོན་འབྲས་ཚར་མའི་སྟེང་དུ་ཕྱུགས་དེད་དེ་འཆག་པ། བོད་དུ་སྟོན་ཐོག་གཡུལ་ཁར་བསྐམས་ནས་ཕྱུགས་འཆག་སྒོར་བའི་ལུགས་སྲོལ་ཡོད། |
| ཕྱུགས་འཐེན་འཁོར་ལོ |
ཕྱུགས་ཀྱིས་འདྲུད་འཐེན་བྱེད་རྒྱུའི་འཁོར་ལོ། |
| ཕྱུགས་འདུལ་བ |
སྒོ་ཕྱུགས་ལ་རྨོས་ལས་དང༌། ཁལ་འཁྱེར་རྒྱུ་སོགས་སློབ་པའི་དོན་ཏེ། (དཔེར་ན།) འབྲོག་པ་རྣམས་ཕྱུགས་འདུལ་བ་ལ་རབ་ཏུ་མཁས་ཞེས་པ་ལྟ་བུ། |
| ཕྱུགས་འཚོ |
ཕྱུགས་སྐྱོང་བའི་དོན་ཏེ། (དཔེར་ན།) ཕྱུགས་འཚོའི་རྫི་བོ་དམིགས་བཀར་གྱིས་བཙུགས་ཏེ་བཏང་ཡོད་ཅེས་པ་ལྟ་བུ། |
| ཕྱུགས་ར |
ནོར་ཕྱུགས་འདོགས་ཡུལ་གྱི་ར་བ། |
| ཕྱུགས་རྔོ |
ར་ལུག་སོགས་ཕྱུགས་རིགས་ཚང་མ་ན་བའི་པགས་ནད་ཅིག |
| ཕྱུགས་རྩིས |
ཕྱུགས་རིགས་ཀྱི་ངོ་གྲངས་འཕར་ཆག་ཇི་བྱུང་གི་རྩིས། |
| ཕྱུགས་རྩྭ |
ཕྱུགས་ལ་སྟེར་རྒྱུའི་གཟན་རྩྭ། |
| ཕྱུགས་རྫི |
ནོར་ཕྱུགས་འཚོ་མཁན་ཏེ། (དཔེར་ན།) དཔྱིད་ཟོག་ནད་པ་རེད། ཕྱུགས་རྫི་སྨན་པ་རེད། མིང་གི་རྣམ་གྲངས་ལ་ཕྱུགས་སྐྱོང་དང༌། ཕྱུགས་བགྲང་བ། བ་འཇོ། བ་ལང་རྫི། འབྲོག་པ། རྫི་བོ་བཅས་སོ། ། |
| ཕྱུགས་ལས |
འབྲོག་ལས་ཏེ། (དཔེར་ན།) ཕྱུགས་ལས་ཐོན་ཟོག་ཅེས་པ་ལྟ་བུ། |
| ཕྱུགས་ལྡན |
(མངོན་བརྗོད།) འབྲོག་པ། |
| ཕྱུགས་ལྷ |
སྒོ་ཕྱུགས་ཀྱི་ལྷ། |
| ཕྱུགས་ལྷས |
ནོར་ཕྱུགས་འདོགས་ས་དང་ཉལ་སའི་ར་བ་སོགས། |
| ཕྱུགས་ཤིག |
རྟ་ནོར་ར་ལུག་སོགས་ཕྱུགས་རིགས་ཚང་མ་ལ་འབྱུང་བའི་ཤིག་ཅེས་སྲིན་བུ་ཞིག |
| ཕྱུགས་ས |
ཕྱུགས་རིགས་སྐྱོང་ཡུལ་ཏེ། (དཔེར་ན།) རྩྭ་ཆུ་གཉིས་འཛོམས་ཀྱི་ཕྱུགས་ས་ཞེས་པ་ལྟ་བུ། |
| ཕྱུགས་སྐད |
སྒོ་ཕྱུགས་ཀྱི་སྐད། |
| ཕྱུགས་སྐྱོང |
(མངོན་བརྗོད།) འབྲོག་པ། |
| ཕྱུགས་སྒྲོལ |
སྒོ་ཕྱུགས་ཆུ་བོ་ལས་སྒྲོལ་བ། |
| ཕྱུང |
1.(བྱེད་འབྲེལ་ལས་ཚིག) འབྱིན་པའི་འདས་པ། ནང་ནས་ཕྱི་ལ་བཏོན་པ་སྟེ། (དཔེར་ན།) རལ་གྲི་ཤུབས་ནས་ཕྱུང་ལྟ་བུ།2.འབྱིན་པའི་སྐུལ་ཚིག་ལ་ཕྱུང་ཞེས་འབྲི་བའང་ཡོད། |
| ཕྱུངས |
(བྱེད་འབྲེལ་ལས་ཚིག) འབྱིན་པའི་སྐུལ་ཚིག (དཔེར་ན།) རལ་གྲི་ཤུབས་ནས་ཕྱུངས་ཤིག་ལྟ་བུ། |
| ཕྱུབ་ཆེན |
(ཡུལ་སྐད།) བོད་ཆས་ཕྱུ་པ་ཆེན་པོའི་བསྡུས་མིང༌། |
| ཕྱུར་ཁུ |
དར་བ་བསྐོལ་ཏེ་ཕྱུར་བ་བཏོན་ཟིན་པའི་སྔོ་ཁུ། |
| ཕྱུར་ཁུ་སྨུག་རྩི |
ཕྱུར་ཁུ་ཡུན་རིང་བསྐོལ་ནས་ཆགས་པའི་ལྡེ་གུ་མདོག་རྒྱ་སྨུག་ཅིག |
| ཕྱུར་པོ |
(རྒྱན་ཚིག) ཡར་མཐོན་པོར་ལངས་པ་དང༌། གཏམས་པའི་རྣམ་འགྱུར་ཏེ། (དཔེར་ན།) སྣོད་ཕྱུར་པོར་གང་བ། འབྲུ་ཕུང་ཕྱུར་པོ། གྲོ་སོག་ཕྱུར་པོར་སྤུངས་འདུག་ཅེས་པ་ལྟ་བུ། |
| ཕྱུར་ཕྱུར |
འཕྱུར་འཕྱུར་དང་འདྲ། |
| ཕྱུར་བ |
ཆུར་བ་ཡི་འབྲི་ཚུལ་གཞན། |
| ཕྱུར་བ་བར་ཧྲོབ |
(ཡུལ་སྐད།) ཞིབ་ཞིབ་དང་ཧྲོབ་ཧྲོབ་གཉིས་ཀ་མིན་པའི་བར་ཧྲོབ། |
| ཕྱུར་བ་ཧྲོག་པོ |
ཕྱུར་བ་ཞིབ་ཞིབ་མིན་པ། |
| ཕྱུར་བུ |
(རྒྱན་ཚིག) བྱུར་བུ་དང་མཚུངས་ཏེ། སྣོད་ཁེངས་ནས་འབུར་དུ་ཐོན་པའི་ཚུལ། (དཔེར་ན།) དཀར་གཞོང་ནང་དུ་ཤིང་འབྲས་ཕྱུར་བུར་བླུག་པ། རས་ཕད་ནང་དུ་འབྲས་ཕྱུར་བུར་གཏམས་པ། རླངས་འཁོར་ནང་དུ་དངོས་ཟོག་ཕྱུར་བུར་གང་བ་ཞེས་པ་ལྟ་བུ། |
| ཕྱུར་ཞིབ |
ཕྱུར་བ་ཞིབ་ཞིབ། |
| ཕྱུར་རེ་བ |
(རྒྱན་ཚིག) རྡུལ་དང་དུ་བ་སོགས་ལངས་ཚུལ་ཞིག (དཔེར་ན།) ཁྱིམ་བརྡིབས་ནས་ས་ཚུབ་ཕྱུར་རེ་བར་གྱུར་ཞེས་པ་ལྟ་བུ། |
| ཕྱུར་སྐམ |
ཕྱུར་བ་སྐམ་པོ། |
| ཕྱུར་ཧྲོབ |
ཕྱུར་བ་ཧྲོབ་ཧྲོབ། |
| ཕྱེ |
1.འབྲུ་རིགས་ཞིབ་འཐག་བྱས་པའི་ཕྱེ་མའི་མིང་། (དཔེར་ན།) གྲོ་ཕྱེ་ནས་ཕྱེ་ཞེས་པ་ལྟ་བུ། 2.(བྱེད་འབྲེལ་ལས་ཚིག) དབྱེ་བའི་འདས་པ་དང་སྐུལ་ཚིག་སྟེ། (དཔེར་ན།) སྒོ་ཕྱེ་ནས་ནང་ལ་སོང་། སྒོ་ཕྱེ་ཞིག་ལྟ་བུ། |
| ཕྱེ་གཏོར |
1.རྩམ་པ་གཏོར་བ། 2.(ཡུལ་སྐད།) ངོ་བསྟོད་ཀྱི་དོན་ཏེ། (དཔེར་ན།) ཟོལ་བསྟོད་ཀྱི་ཕྱེ་གཏོར་ལ་དགའ་བ་ཞེས་པ་ལྟ་བུ། |
| ཕྱེ་ཆག |
རྩམ་ཆག |
| ཕྱེ་ཐུག |
རྩམ་པ་དང་གྲོ་ཞིབ་སོགས་ཀྱི་ཐུག་པ། |
| ཕྱེ་ཕུར |
མཆོད་རྫས་ཀྱི་བྱེ་བྲག་རས་དང་གོས་ཆེན་སོགས་ཀྱིས་བཟོས་པའི་དྲི་བཟང་ཕྱེ་མ་ཕུར་མའི་སྣོད་ཅིག |
| ཕྱེ་བ |
1.(བྱེད་འབྲེལ་ལས་ཚིག) འབྱེད་པའི་འདས་པ། 2.བགོ་རྩིས། |
| ཕྱེ་བྲུལ |
སྤགས་གོང་བྲུལ་བ། |
| ཕྱེ་མ |
ཞིབ་མོར་བཏགས་པའི་དངོས་རྫས། (དཔེར་ན།) ལྕགས་ཕྱེ། བག་ཕྱེ། སྨན་ཕྱེ། ཤིང་ཕྱེ། འབྲས་ཕྱེ་མར་བཏགས་པ། གསེར་ཕྱེ་མར་བརྡར་བ་ཞེས་པ་ལྟ་བུ། |
| ཕྱེ་མ་དམར་པོ |
(མངོན་བརྗོད།) ལི་ཁྲི། |
| ཕྱེ་མ་ལ |
ལ་ཞིག བོད་ཀྱི་སྤུ་ཧྲེང་རྫོང་གི་ལྷོ་རྒྱུད་དུ་ཡོད་ཅིང་མཐོ་ཚད་རྒྱ་མཚོའི་ངོས་ནས་སྨི་6175 ཡོད། |
| ཕྱེ་མ་ལེབ |
ལྕེབ་འདྲེ་མ་སྲོག་ཆགས་རྐང་པ་དྲུག་དང༌། གཤོག་པ་བཞི་ལྡན་ཞིག |
| ཕྱེ་མར |
1.ཕོར་བ་སོགས་ཀྱི་ནང་དུ་ཕྱེ་རྩམ་སྤུངས་པའི་ཐོག་མར་རྒྱན་བཟོས་པའི་ཟས་ཀྱི་མིང་། 2.རྩམ་པ་དང་མར་བསྲེས་ནས་བརྫིས་པའི་ཟས་ཀྱི་མིང་། 3.ཕྱེ་མ་རུ་ཞེས་པའི་རུ་ཡིག་བསྡུས་པ་སྟེ། (དཔེར་ན།) ཕྱེ་མ་རུ་གྱུར་ཞེས་པར་ཕྱེ་མར་གྱུར་ཞེས་པ་ལྟ་བུ |
| ཕྱེ་འགམས |
1.རྩམ་པ་སོགས་འགམས་ཟིན་པ། 2.འགམ་རྒྱུའི་རྩམ་པ། |
| ཕྱེ་འཐག་པ |
རྩམ་པ་སོགས་འཐག་པའི་དོན་ཏེ། (དཔེར་ན།) འབྲུ་རིགས་བརྔོས་ནས་ཕྱེ་འཐག་པ་ཞེས་པ་ལྟ་བུ། |
| ཕྱེ་འབོ |
(ཡུལ་སྐད།) གྲོ་སོ་ཕྱེ་མར་བླུག་ས་ཤིང་གིས་བཟོས་པའི་འབོ་ལོ་གསར་སོགས་རྟེན་འབྲེལ་སྐབས་བསྒྲིག་རྒྱུའི་ཤིང་འབོ་ཉིས་སྦྲེལ་ཡ་གཅིག་ཏུ་ཕྱེ་མར་དང༌། ཡ་གཅིག་ཏུ་གྲོ་བླུགས་ས་བྱེད་པ་ཞིག |
| ཕྱེ་རྐྱལ |
རྩམ་སྣོད་རྐྱལ་པའམ་ཁུག་མ་སྟེ། (དཔེར་ན།) ཕྱེ་རྐྱལ་བོངས་ལ་བལྟས་ནས་ཟ་ལུགས་དང༌། ལམ་འཕྲང་ཆུ་ལ་བལྟས་ནས་འགྲོ་ལུགས་བྱེད་ཅེས་པ་ལྟ་བུ། |
| ཕྱེ་ལེབ |
སྲིན་བུ་ཕྱེ་མ་ལེབ་ཀྱི་མིང་། དེ་ནི་རྩུ་ལྡུམ་གྱི་གསེབ་ལ་འཕུར་ཏེ་མེ་ཏོག་གྱི་ཟིལ་དངར་བཞིབས་ནས་འཚོ། བབས་ནས་སྡོད་སྐབས་གཤོག་པ་གཉིས་རྒྱབ་ལ་ཁ་སྦྱར་ནས་བརྩེངས་འདུག དེ་ལ་རིགས་ཤིན་ཏུ་མང་། |
| ཕྱེ་ཧྭག |
བུ་རམ་གྱི་ཝུ་བའམ་ཁ་ཤུན་བསྡུས་པ། འདུལ་བ་ལས་བཤད་པའི་ཞག་བདུན་པའི་སྨན་གྱི་བྱེ་བྲག་ཅིག |
| ཕྱེད |
(བརྡ་རྙིང་།) དར་ཡོལ་ལམ་རྒན་པོ། |
| ཕྱེད |
1.ཉིས་ཆ་གཅིག་གི་མིང་སྟེ། (དཔེར་ན།) བཅུ་ཡི་ཕྱེད་ནི་ལྔ་ཡིན། ཉིན་ཕྱེད། ཉི་མ་ཕྱེད་ཀ མི་ཚེ་ཕྱེད་ཚལ་ཞེས་པ་ལྟ་བུ། 2.(བྱེད་མེད་ལས་ཚིག) སོ་སོར་ཕྱེ་བའི་དོན་ཏེ། (དཔེར་ན།) ཆུ་དང་འོ་མ་འདྲེས་ན་ངོ་བོ་དབྱེར་མི་ཕྱེད་ཅེས་པ་ལྟ་བུ། 3.འགྱུར་བའི་དོན་ཏེ། (དཔེར་ན།) ཚན་རིག་ལ་མི་ཕྱེད་པའི་ཡིད་ཆེས་སྐྱེས་ལྟ་བུ། |
| ཕྱེད་ཀ |
དུམ་བུ་གཉིས་སུ་བགོས་པའི་ཡ་གཅིག (དཔེར་ན།) ནམ་ཕྱེད། མཚན་ཕྱེད། ཉིན་ཕྱེད། ཟླ་བ་ཕྱེད་དང་གཉིས། ཟླ་བ་གཉིས་དང་ཕྱེད་ཀ། རྒྱལ་ཁམས་ཕོ་ཕྱེད་མོ་ཕྱེད། ལུང་པ་རྩྭ་ཕྱེད་ཆུ་ཕྱེད། ཐག་རིང་གཏམ་དེ་ཕྱེད་བདེན་ཕྱེད་མི་བདེན་ཞེས་པ་ལྟ་བུ། |
| ཕྱེད་ཀྲུང |
ཕྱེད་སྐྱིལ་དང་དོན་གཅིག |
| ཕྱེད་གཉིས |
གཅིག་དང་ཕྱེད་ཀ། |
| ཕྱེད་གཟུགས |
ལྷའི་ཞལ་རས་གཡས་གཡོན་ཕྱེད་སེར་ལ་ཕྱེད་སྔོ་བ་ལྟ་བུ། |
| ཕྱེད་གཤགས |
དཀྱིལ་ནས་དུམ་བུ་གཉིས་སུ་བཀས་པ་སྟེ། (དཔེར་ན།) སྲན་མ་ཕྱེད་གཤགས་བཏང་བ་ཞེས་པ་ལྟ་བུ། |
| ཕྱེད་གོང་མ |
ཆ་གཉིས་སུ་ཕྱེ་བའི་སྟོད་ཆ། |
| ཕྱེད་གླིང |
ཕྱོགས་གསུམ་རྒྱ་མཚོ་ཡིན་པའི་གླིང་། (དཔེར་ན།) རྒྱ་གར་ཕྱེད་གླིང་ཞེས་པ་ལྟ་བུ། |
| ཕྱེད་གླིང་ཕྲན |
ཕྱོགས་གསུམ་ཆུ་དང་འབྲེལ་ལ་ཕྱོགས་གཅིག་སྐམ་ས་དང་འབྲེལ་བའི་གླིང་ཕྲན། |
| ཕྱེད་ཆ |
ཆ་གཉིས་སུ་བགོས་པའི་དུམ་བུ་གཅིག (དཔེར་ན།) ཁྱོན་འབོར་ཧ་ཅང་ཆེ་དྲགས་པས་ཕྱེད་ཆ་བསྐྱུངས་ཀྱང་འགྲིག་ཅེས་པ་ལྟ་བུ། |
| ཕྱེད་དག་ཆ་ཤས |
གཟའ་ཕྱེད་དག་གི་གྲངས་གནས་འོག་མའི་མིང༌། |
| ཕྱེད་དུ་འཁོར་བའི་རྒྱན |
ཡི་གེའི་སྒྲ་འདྲ་བས་ཚིག་རྐང་བརྩེགས་པའི་ཚིགས་བཅད་ནར་མོའི་དབྱིབས་ཅན་གྱི་ཕྱེད་དུ་འཁོར་བར་བཀོད་པའི་རྒྱན་ཞིག |
| ཕྱེད་པ |
དངོས་གཟུགས་གཅིག་ཆ་མཉམ་དུ་ཆ་གཉིས་སུ་བགོས་པའི་ཆ་གཅིག་སྟེ། (དཔེར་ན།) ཟླ་བ་ཕྱེད་པའི་དབྱིབས་ཞེས་པ་ལྟ་བུ། |
| ཕྱེད་པོ |
ཕྱེད་མ་དང་འདྲ། |
| ཕྱེད་ཕྱེད |
ཕྱེད་ཀ་རེ། སྔ་མ་སྔ་མ་ལས་ཕྱི་མ་ཕྱི་མར་ཕྱེད་ཕྱེད་ཀྱིས་འཕྲི་བ། |
| ཕྱེད་བགོས |
མང་ཉུང་འདྲ་གཉིས་བྱས་ཏེ་བགོས་པ། (དཔེར་ན།) དཔེ་དེབ་བཅོ་བརྒྱད་མི་གཉིས་ལ་ཕྱེད་བགོས་བྱས་པ་ཞེས་པ་ལྟ་བུ། |
| ཕྱེད་བརྒྱད |
1.སྔར་བོད་ཀྱི་དངུལ་རྩི་སྟངས་ལ་སྐར་ཕྱེད་བརྒྱད་གཉིས་ལ་ཊམ་ག་གཅིག་ཟེར།2.བྲེ་སོགས་ཀྱིས་འཇལ་བའི་གྲངས་བདུན་དང་ཕྱེད་ཀ། |
| ཕྱེད་མ |
དངོས་པོ་གང་ཡིན་གྱི་ཕྱེད་ཀ། (དཔེར་ན།) སྨྱུག་སྡོང་ཕྱེད་མར་གཤེག་པ། བཞིའི་ཕྱེད་མ་གཉིས་ཞེས་པ་ལྟ་བུ། |
| ཕྱེད་མ་སྤུ་རུག |
བྱེ་མ་སྤུ་རུག་དང་དོན་གཅིག |
| ཕྱེད་ཙམ |
ཕྱེད་ཀ་ལས་ཅུང་ཟད་ཉུང་བའམ། ཅུང་ཟད་མང་བ་སྟེ་མ་ངེས་པའི་ཚད། (དཔེར་ན།) ལས་དོན་འདི་ད་ལྟ་ཕྱེད་ཙམ་ལས་གྲུབ་མ་སོང༌ཞེས་པ་ལྟ་བུ། |
| ཕྱེད་ཚལ |
ཕྱེད་ཀའི་དུམ་བུ། |
| ཕྱེད་ཚིག |
ཕྱེད་མེས་ཚིག་ཅིང༌། ཕྱེད་མ་ཚིག་པ། |
| ཕྱེད་འཕར་བ |
དགེ་འདུན་ཉི་ཤུའི་ནང་གསེས། འོག་མིན་གྱི་མཐར་ཐུག་པར་འགྲོ་བ་གང་ཚངས་རིས་སུ་སྐྱེས། དེ་ནས་ཤི་འཕོས་ཏེ་བར་པ་རྣམས་བོར་ཏེ་གནས་གཙང་ལྔའི་དང་པོ་གསུམ་གང་རུང་དུ་སྐྱེས། དེ་ནས་ཀྱང་བར་པ་རྣམས་དོར་ཏེ་འོག་མིན་དུ་འདའ་བའི་རིགས་ཅན་ནོ། ། |
| ཕྱེད་འཛིན |
ཉི་ཟླའི་ཕྱེད་ཆ་འཛིན་ཚུལ་ཏེ། སྒྲིབ་ཚུལ། |
| ཕྱེད་འོག་མ |
ཕྱེད་ཀའི་འོག་མ། |
| ཕྱེད་ལུས |
ལས་ཀ་སོགས་ཕྱེད་ཀ་བྱས་ཏེ་མཚམས་འཇོག་པའི་དོན་ཏེ། (དཔེར་ན།) ལས་ཀ་ཕྱེད་ལུས་མ་བྱེད་ཅེས་པ་ལྟ་བུ། |
| ཕྱེད་ལྟིར |
(ཡུལ་སྐད།) ཁ་གང་གསུམ་མམ། སྐར་ཕྱེད་བརྒྱད་རི་བའི་ཆང་འགྲོ་བའི་སྣོད་ཁོག་ལྟིར། |
| ཕྱེད་ལྷག |
1.ཕྱེད་ཀ་ལས་མང་ཙམ་གྱི་དོན་ཏེ། (དཔེར་ན།) སྤྲིན་ནག་གིས་ཟླ་བ་ཕྱེད་ལྷག་ཙམ་བསྒྲིབས་སོང༌། 2.ཕྱེད་ཀ་ལྷག་མར་ལུས་པའི་དོན་ཏེ། (དཔེར་ན།) འགྲོ་རྒྱུའི་ལམ་ཐག་ཕྱེད་ལྷག་པ་ཞེས་པ་ལྟ་བུ། |
| ཕྱེད་ཤས |
(ཡུལ་སྐད།) སྔར་ཞིང་བདག་གིས་སོ་ནམ་པའི་སྟོན་ཐོག་ཕྱེད་ཀ་ལེན་པའི་བོགས་མ་གཏོང་སྲོལ་ཞིག |
| ཕྱེད་སྐུང་ཕྱེད་བཤད |
སྐད་ཆ་རྐྱོང་སྐུམ་བྱས་པའི་དོན་ཏེ། (དཔེར་ན།) སྐད་ཆ་ཕྱེད་སྐུང་ཕྱེད་བཤད་བྱས་པས་ཧ་གོ་དོན་རྟོགས་དཀའ་ཞེས་པ་ལྟ་བུ། |
| ཕྱེད་སྐྱིལ |
སྐྱིལ་ཀྲུང་ཕྱེད་པ་སྟེ། རྐང་པ་ཡ་གཅིག་བསྐུམས་ལ་ཡ་གཅིག་བརྐྱངས་པ། |
| ཕྱེད་སྨིན་པ |
ཕྱེད་ཀ་ཙམ་སྨིན་པའམ་ཚོས་པའི་དོན་ཏེ། (དཔེར་ན།) ཤིང་ཏོག་ཕྱེད་སྨིན་པ་ཞེས་པ་ལྟ་བུ། |
| ཕྱེན |
འོག་རླུང་ངམ་རྟུག་དྲི། (དཔེར་ན།) ཕྱེན་ཤོར་བ། ཕྱེན་ལུང་སྟོང་ལ་བཏང་ན་སྔོ་ལོ་བཞུགས་གྲལ་ལ་འཕྱར་ཡོང༌ཞེས་པ་ལྟ་བུ། |
| ཕྱེན་དྲི |
རྟུག་དྲིའི་དྲི་མ། |
| ཕྱེམ་འཕྲེད |
(བརྡ་རྙིང་།) ཕྱི་དྲོ། |
| ཕྱེམ་རེད |
(བརྡ་རྙིང་།) ཕྱི་དྲོ། |
| ཕྱེས |
དབྱེ་ཡི་འདས་པ་དང་སྐུལ་ཚིག་གི་འབྲི་ཚུལ་གཞན། |
| ཕྱེས་པ |
འབྱེད་པའི་འདས་པའི་འབྲི་ཚུལ་གཞན་ཞིག |
| ཕྱོ་ཕྱོ |
ཁྱི་རྦད་པའི་སྒྲ་སྟེ། (དཔེར་ན།) ཁྱི་ཕྱོ་ཕྱོ་ཟེར་ནས་རྦད་པ་བྱས་ལྟ་བུ། |
| ཕྱོགས |
1.ཉི་མས་བསྟན་པའི་ངོས་ཏེ། (དཔེར་ན།) སྟེང་ཕྱོགས། འོག་ཕྱོགས། ཤར་ཕྱོགས། ནུབ་ཕྱོགས། རང་ཕྱོགས། དགྲ་ཕྱོགས། ཡུལ་ཕྱོགས་ཚང་མར་གཟིགས་ཞིབ་ཏུ་ཕེབས་ཞེས་པ་ལྟ་བུ། མིང་གི་རྣམ་གྲངས་ལ་ཀུན་ཁྱབ་དང༌། ཉི་སྟོན། འཕྲོག་བྱེད། གསལ་གནས་བཅས་སོ། །2.རིས་དང༌སྣ་ག་སྟེ། (དཔེར་ན།) མཐུན་ཕྱོགས། འགལ་ཕྱོགས། ཟླ་བའི་དཀར་ཕྱོགས་དང་ནག་ཕྱོགས། ཁས་ལེན་དམ་བཅའི་ཕྱོགས། རྒྱབ་རྟེན་རིགས་པའི་ཕྱོགས། ཆོས་ཅན་སྣང་ཕྱོགས་དང་ཆོས་ཉིད་སྟོང་ཕྱོགས་ཞེས་པ་ལྟ་བུ། 3.ཟླ་ཕྱེད་ལའང་ཕྱོགས་ཟེར་ཏེ། (དཔེར་ན།) དཀར་ཕྱོགས་དམར་ཕྱོགས་དང༌། ལོ་གསུམ་ཕྱོགས་གསུམ། སྒྲ་གཅན་ཕྱོགས་ལོངས་ཟེར་བ་བཞིན་ནོ། །4.(མངོན་བརྗོད།) ཕྱོགས་བཞི་མཚམས་བཞི་སྟེང་འོག་སྟེ་ཕྱོགས་ལ་བཅུ་ཡོད་པས་གྲངས་བཅུ་མཚོན། |
| ཕྱོགས་ཀ |
གཤོག་ཀ་ཡི་འབྲི་ཚུལ་གཞན། |
| ཕྱོགས་ཀྱི་གནས |
སྒྲའི་གནས་བརྒྱད་ཀྱི་བདུན་པ། སྐྱེས་བུའི་ལྡོག་པ་ཕྱོགས་གཅིག་སྟོན་པ་སྟེ། (དཔེར་ན།) སྐྱེས་བུ་འདི་ནི་སྟོབས་དང་ལྡན་པའོ་ཞེས་དང༌། ཡོན་ཏན་དང་ལྡན་པའོ་ཞེས་པ་ལྟ་བུ། |
| ཕྱོགས་ཀྱི་གོས་ཅན |
(མངོན་བརྗོད།) 1>མུ་སྟེགས་གཅེར་བུ་པའི་མིང༌། 2>དབང་ཕྱུག་ཆེན་པོ། |
| ཕྱོགས་ཀྱི་གླང་པོ |
1.འཛམ་གླིང་མཛེས་པའི་རྒྱན་དྲུག་གི་ཡ་གྱལ། ཚད་མ་རིག་པའི་རྒྱན་གྱི་སློབ་དཔོན་ཕྱོགས་ཀྱི་གླང་པོ་ནི། རྒྱ་གར་ལྷོ་ཕྱོགས་ཀྱི་རྒྱུད་དུ་རྒྱལ་རིགས་ཀྱི་སྲས་སུ་སྐུ་འཁྲུངས། མཁན་པོ་རྒྱལ་བའི་དབང་པོ་ལས་རབ་ཏུ་བྱུང༌། སློབ་དཔོན་དབྱིག་གཉེན་བསྟེན་ནས་ཚད་མ་ལ་ཤིན་ཏུ་མཁས་པར་གྱུར་ཏེ། ཚད་མའི་བསྟན་བཅོས་ཐོར་བུ་རྣམས་བསྡུས་ཏེ་ལུས་ཡོངས་སུ་རྫོགས་པའི་གཞུང་ཚད་མ་ཀུན་བཏུས་རྩ་འགྲེལ་གཉིས་དང༌། དམིགས་པ་བརྟག་པ་རྩ་འགྲེལ། དུས་གསུམ་བརྟག་པ། རིགས་པ་ལ་འཇུག་པ། ཕྱོགས་ཆོས་དགུའི་འཁོར་ལོ་ལ་སོགས་པ་ཚད་མའི་གཞུང་མང་དུ་བརྩམས་ཏེ་ནང་པའི་ཚད་མ་རིག་པའི་སྲོལ་འབྱེད་པའི་སློབ་དཔོན་དུ་གྱུར་པའོ། །2.ཕྱོགས་བརྒྱད་སྲུང་མཁན་གླང་པོ། |
| ཕྱོགས་ཀྱི་བུ་མོ |
བུ་མོ་ཕྱོགས་ཀྱི་གཟུགས་སུ་བཀོད་པའི་སྙན་ངག་གི་རྒྱན། |
| ཕྱོགས་ཀྱི་མཛེས་མ |
ཕྱོགས་ཀྱི་བུ་མོ་དང་དོན་གཅིག |
| ཕྱོགས་ཀྱི་མུ་ཁྱུད |
(མངོན་བརྗོད།) ཉི་མ། |
| ཕྱོགས་ཀྱི་ལུས་ཕྲ་མ |
ཕྱོགས་ཀྱི་བུ་མོ་དང་དོན་གཅིག |
| ཕྱོགས་ག་གེ་མོ |
མིང་མི་གསལ་བའི་ཡུལ་ཞིག |
| ཕྱོགས་གཅིག |
1.ཡ་གཅིག་གམ་ངོས་གཅིག་སྟེ། (དཔེར་ན།) གནས་ཚུལ་བདེན་རྫུན་ཇི་ལྟར་ཡིན་མིན་ཕྱོགས་གཅིག་ནས་བལྟས་པས་ཤེས་དཀའ། ཕྱོགས་གཅིག་ནས་སློབ་སྦྱོང་དང༌། ཕྱོགས་གཅིག་ནས་ཐོན་སྐྱེད་བྱེད་པ། བྱ་བ་སྒྲུབ་པ་ལ་བསམ་པ་ཕྱོགས་གཅིག་ཏུ་མཐུན་པར་བྱ་དགོས་ཞེས་པ་ལྟ་བུ། 2.གནས་གཅིག་གི་དོན་ཏེ། (དཔེར་ན།) ཅ་ལག་དེ་ཚོ་ཕྱོགས་གཅིག་ཏུ་སྤུངས་ནས་བཞག་པ། ཡིག་ཆ་རྣམས་ཕྱོགས་གཅིག་ཏུ་བསྒྲིགས་པ། 3.ཡ་གཅིག་གི་དོན་ཏེ། (དཔེར་ན།) ཚར་གཉིས་བཀོད་པའི་ཕྱོགས་གཅིག སྒྲ་གཅན་རྩ་བ་གནས་གཉིས་བཀོད་པའི་ཕྱོགས་གཅིག་གིས། འཁོར་ལོར་རིམ་ཕྲི་གདོང་སྐར་ཡིན་ཞེས་པ་ལྟ་བུ། |
| ཕྱོགས་གཅིག་གི་མ་ནིང |
ཟླ་བ་ཡར་ངོ་དང་མར་ངོ་ལ་མཚན་མ་འགྱུར་བའི་མ་ནིང༌། |
| ཕྱོགས་གཉིས |
1.རིས་གཉིས། 2.ཡུལ་ཕྱོགས་ཁག་གཉིས། 3.རང་གཞན་གྱི་ཆ་གཉིས། |
| ཕྱོགས་གཏོགས |
རིགས་སམ་ཁོངས་སུ་ཐེ་བ་མཐའ་དག་སྟེ། (དཔེར་ན།) སྙན་ངག་དང་མངོན་བརྗོད་སྡེབ་སྦྱོར་སོགས་ནི་སྒྲ་རིག་པའི་ཕྱོགས་གཏོགས་རེད་ཅེས་པ་ལྟ་བུ། |
| ཕྱོགས་གཙང |
1.བཀྲ་ཤིས་པའི་ཕྱོགས། 2.སྔར་བོད་དུ་མི་ཤི་བའི་ཕུང་པོ་སྐྱེལ་བ་དང་གསུར་ཁོག་གཡུག་སྐབས་ཐོག་མར་ཁ་སྟོན་སའི་ཕྱོགས། |
| ཕྱོགས་གོས |
1.གཅེར་བུ་དང་གོས་མེད། 2.ཕྱོགས་ཐག་རིང་ལ་འགྲོ་སྐབས་གྱོན་རྒྱུའི་གོས། |
| ཕྱོགས་གོས་ཅན |
ཕྱོགས་ཀྱི་གོས་ཅན་དང་དོན་གཅིག |
| ཕྱོགས་གླང |
ཕྱོགས་ཀྱི་གླང་པོའི་བསྡུས་མིང༌། |
| ཕྱོགས་ཅན |
ཉིན་ཞག་སུམ་ཅུ་ལ་ཟླ་བ་གཅིག་ཏུ་བྱས་པའི་ཟླ་བའི་མིང༌། |
| ཕྱོགས་ཆ |
1.ཕྱོགས་ཀྱི་ཆ་ཤས་ཀྱི་དོན་ཏེ། (དཔེར་ན།) དོན་གནད་ཡོངས་རྫོགས་མ་མཐོང་བར་ཕྱོགས་ཆའི་རྟོག་པ་ཙམ་གྱིས་མི་རྟོགས་ཞེས་པ་ལྟ་བུ། 2.རིས་སུ་ཆོད་པའི་ཆ་སྟེ། (དཔེར་ན།) ཕྱོགས་ཆ་ཅན། |
| ཕྱོགས་ཆོས |
རྟགས་གསལ་གྱི་སྦྱོར་བ་འགོད་པའི་ཚུལ་དང་པོ། དེ་སྒྲུབ་ཀྱི་ཤེས་འདོད་ཆོས་ཅན་སྐྱོན་མེད་པའི་སྟེང་དུ་འགོད་ཚུལ་དང་མཐུན་པར་ཡོད་པ་ཉིད་དུ་ཚད་མས་ངེས་པ་དཔེར་ན་མེ་དང་ཆུ་མི་སྣང་ཡང་དུ་བ་དང་ཆུ་སྐྱར་སྣང་བ་ལ་བརྟེན་ནས་ཡུལ་དེ་ན་མེ་དང་ཆུ་ཡོད་པར་རྟོགས་པ་ལྟ་བུ་རྗེས་སུ་དཔག་པ་ལ་ཡོད་པའམ་རྩོད་གཞི་ཆོས་ཅན་གྱི་སྟེང་དུ་རྟགས་གྲུབ་པའོ། ། |
| ཕྱོགས་ཆོས་གཏན་ཚིགས་དགུ |
སློབ་དཔོན་ཕྱོགས་གླང་གིས་མཛད་པའི་ཚད་མ་མདོའི་དངོས་བསྟན་ལྟར། རྟགས་སྦྱོར་འགོད་ཚུལ་གྱི་དཔེ་འཇོག་ལུགས་ཐོག་ནས་རྟགས་ཡང་དག་དང་ལྟར་སྣང་ངེས་བྱེད་ཀྱི་རིགས་པ་ལ་དབྱེ་ན། རྟགས་ཡང་དག་གཉིས་དང༌། འགལ་རྟགས་གཉིས་དང༌། དངོས་ཀྱི་མ་ངེས་པའི་རྟགས་བཞི་དང༌། ཐུན་མིན་གྱི་མ་ངེས་པའི་རྟགས་གཅིག་བཅས་དགུའོ། ། |
| ཕྱོགས་ཆོས་ཅན་གྱི་གཏན་ཚིགས་དགུ |
ཕྱོགས་ཆོས་གཏན་ཚིགས་དགུ་དང་དོན་གཅིག |
| ཕྱོགས་ཆོས་དགུའི་འཁོར་ལོ |
སློབ་དཔོན་ཕྱོགས་ཀྱི་གླང་པོས་མཛད་པའི་གཏན་ཚིགས་ཀྱི་འཁོར་ལོའི་དངོས་བསྟན་ལྟར་ཕྱོགས་ཆོས་གཏན་ཚིགས་དགུ་འཁོར་ལོའི་རེ་མིག་ཏུ་བཀོད་པ་སྟེང་འོག་གཉིས་ལ་ཡང་དག་དང༌། ལོགས་ལ་འགལ་བ་གཉིས་དང་ནི། ཟུར་བཞི་ཐུན་མོང་མ་ངེས་བཞི། དབུས་ན་ཐུན་མིན་མ་ངེས་པའོ། ། |
| ཕྱོགས་ཆོས་འཇལ་བའི་རྟགས་འཛིན་སེམས |
རྟགས་འཛིན་སེམས་གཉིས་ཀྱི་ཡ་གྱལ། རྗེས་དཔག་གི་རྒྱུ་ཕྱོགས་ཆོས་ཀྱི་ཚུལ་འཛིན་པའི་མངོན་སུམ་དང་རྗེས་དཔག་དང་ཡིད་དཔྱོད་གང་རུང་གི་ཤེས་པ། (དཔེར་ན།) བྱས་རྟགས་ཀྱིས་སྒྲ་མི་རྟག་པར་བསྒྲུབ་པ་ལ་ཐོག་མར་སྒྲ་བྱས་པར་འཇལ་བའམ་ངེས་པའི་བློ་སྐྱེ་བ་ལྟ་བུའོ། ། |
| ཕྱོགས་ཐོན |
ཐག་རིང་པོར་འགྲོ་བ། |
| ཕྱོགས་དང་ཕྱོགས་མཚམས |
ཤར་སོགས་ཕྱོགས་བཞི་དང་ཤར་ལྷོ་སོགས་མཚམས་བཞི། (དཔེར་ན།) ཕྱོགས་དང་ཕྱོགས་མཚམས་ཀུན་ཏུ་སྙན་པ་རྒྱ་ཆེན་པོར་གྲགས་པ་ཞེས་པ་ལྟ་བུ། |
| ཕྱོགས་དྲུག |
ཤར་ལྷོ་ནུབ་བྱང་སྟེང་འོག་བཅས། |
| ཕྱོགས་ན་མི་གནས་པ |
ཕྱོགས་རེར་མི་ལྷུང་བར་དྲང་པོར་གནས་པ། |
| ཕྱོགས་པ |
1.(བྱེད་མེད་ལས་ཚིག) 1.ཁ་སྟོན་པ་སྟེ། (དཔེར་ན།) ཤར་ངོས་སུ་ཕྱོགས་པ། གཡས་མདའ་དང༌། གཡོན་གཞུ་ལ་མི་ཕྱོགས་པ། རང་ཡུལ་རྒྱབ་ཀྱིས་ཕྱོགས་པ་ཞེས་པ་ལྟ་བུ།2.བྱ་སྤྱོད་ལ་འཇུག་པ་ནི། (དཔེར་ན།) ལུགས་དང་མི་མཐུན་པའི་ལམ་ལུགས་ནུབ་པར་མངོན་དུ་ཕྱོགས་པ། ཐོན་སྐྱེད་འཛུགས་སྐྲུན་ནང་དུ་རིམ་གྱིས་ཕྱོགས་པ་ཞེས་པ་ལྟ་བུ།3.བློ་སེམས་གཞོལ་བའི་དོན་ཏེ། (དཔེར་ན།) བློ་གཅིག་སེམས་གཅིག་གིས་འཛུགས་སྐྲུན་ལ་ཕྱོགས་པ། དྲང་བདེན་གྱི་ལས་དོན་བསྒྲུབ་རྒྱུར་སྲ་བརྟན་འགྱུར་མེད་ཀྱིས་ཕྱོགས་པ་ཞེས་པ་ལྟ་བུ། 4.རྗེས་སུ་འབྲང་བ་པོའམ་ཕྱོགས་འཛིན་པ་པོ། |
| ཕྱོགས་ཕྱི་མ |
1.རྩོད་པའི་ཕྱི་རྒོལ། 2.(མངོན་བརྗོད།) ཟླ་བ་མར་ངོ་། ། |
| ཕྱོགས་ཕྱོགས |
ཡུལ་ཕྱོགས་ཕན་ཚུན་གྱི་དོན་ཏེ། (དཔེར་ན།) ཕྱོགས་ཕྱོགས་ནས་འགྲུལ་པ་མང་པོ་སླེབས་པ། ཕྱོགས་ཕྱོགས་སུ་རྣམ་པར་འཐོར་བ་ཞེས་པ་ལྟ་བུ། |
| ཕྱོགས་བཅུ |
ཤར། ལྷོ། ནུབ། བྱང་དང་དེ་དག་གི་མཚམས་བཞི་དང༌། སྟེང་འོག་གཉིས་སྟེ་བཅུ། (དཔེར་ན།) ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་པ་གྲངས་མེད་པ། ཕྱོགས་བཅུའི་སེམས་ཅན་ཐམས་ཅད། ཕྱོགས་བཅུའི་རྒྱལ་བའི་ཞིང་ཁམས་ཞེས་པ་ལྟ་བུ། |
| ཕྱོགས་བཞི |
ཤར་ལྷོ་ནུབ་བྱང་གི་ཕྱོགས་བཞི། |
| ཕྱོགས་བཞི་མཚམས་བརྒྱད |
ཕྱོགས་བཞི་དང་ཕྱོགས་མཚམས་བཞི་ལ་ཟེར། |
| ཕྱོགས་བསྡུས |
ཁག་མང་གཅིག་ཏུ་བསྒྲིགས་པ། |
| ཕྱོགས་བསྡེབས་པ |
མང་པོ་གཅིག་ཏུ་བསྡོམས་པའི་དོན་ཏེ། (དཔེར་ན།) སྟོབས་ཤུགས་ཕྱོགས་བསྡེབས་པ་ཞེས་པ་ལྟ་བུ། |
| ཕྱོགས་བསྡོམས |
མང་པོ་མཉམ་བསྡེབས་པ་སྟེ། (དཔེར་ན།) ཐོན་སྐྱེད་ཉམས་མྱོང་ཕྱོགས་བསྡོམས་བྱས་ནས་ཐོན་སྐྱེད་ལས་ཕྱོད་གོང་དུ་སྤེལ་བ་ཞེས་པ་ལྟ་བུ། |
| ཕྱོགས་བསླད་པ |
ལམ་ཕྱོགས་ནོར་བའི་དོན་ཏེ། (དཔེར་ན།) ལས་དོན་བྱེད་ཕྱོགས་བསླད་པས་ཕུགས་དོན་མ་གྲུབ་ཅེས་པ་ལྟ་བུ། |
| ཕྱོགས་བྲལ་དྲང་ཐིག |
ཕྱོགས་རིས་དང་བྲལ་ཞིང་དྲང་པོས་གཞུང་བསྲངས་པ། |
| ཕྱོགས་མཐའ |
1.ས་མཐའ། 2.ཕྱོགས་དང་མཐའ་སྟེ་ཕྱོགས་ཀུན། (དཔེར་ན།) གྲོང་ཁྱེར་ནང་དུ་ཕྱོགས་མཐའ་ནས་ཡོང་བའི་མི་མང་པོ་ཡོད་ཅེས་པ་ལྟ་བུ། |
| ཕྱོགས་མཐུན |
1.རིགས་གཅིག་པ། 2.ཆ་ཤས་ཙམ་འདྲ་བའམ་ཕལ་ཆེར་འདྲ་བའི་དོན་ཏེ། (དཔེར་ན།) ཁྱོད་དང་ང་ཡི་གནས་ཚུལ་ཕྱོགས་མཐུན་ཙམ་ཡང་མེད་ཅེས་པ་ལྟ་བུ། |
| ཕྱོགས་མཐོང |
ཕྱོགས་རེ་བ་ཙམ་ཤེས་པའམ་ཕྱོགས་རིས་ལྟ་སྣང༌གི་དོན་ཏེ། (དཔེར་ན།) ཡོངས་རྫོགས་ཉམས་ལེན་དུ་འཁྱེར་ཤེས་པ་ལྟ་ཞོག་ཕྱོགས་མཐོང་གི་གོ་བ་ཆགས་པའང་དཀོན་པར་གྱུར་ཞེས་པ་ལྟ་བུ། |
| ཕྱོགས་མཚམས |
ཕྱོགས་དང་མཚམས་ཏེ་ཤར་སོགས་ཕྱོགས་དང༌། ཤར་ལྷོ་སོགས་མཚམས་གཉིས་ཀྱི་བསྡུས་མིང༌། (དཔེར་ན།) ཕྱོགས་མཚམས་ཀུན་ནས་བུང་བའི་ཚོགས་རྣམས་འདུས་ཞེས་པ་ལྟ་བུ། |
| ཕྱོགས་མཚུངས |
རིགས་འདྲ། |
| ཕྱོགས་མེད |
ཕྱོགས་རིས་མེད་པ། |
| ཕྱོགས་མེད་མ |
(མངོན་བརྗོད།) བུ་མོ་གཞོན་ནུ་མ། |
| ཕྱོགས་མེད་རྒྱལ་ཁམས |
རྒྱ་ཁྱབ་ཀྱི་ཡུལ་ལུང་གཅིག་ཏུ་མ་ངེས་པ། |
| ཕྱོགས་ཙམ་ཞིག |
ཟུར་ཙམ་ཞིག་ཅེས་པའི་དོན་ཏེ། (དཔེར་ན།) བྱེད་ཐབས་ཕྱོགས་ཙམ་ཞིག་བསྟན་པ་ཞེས་པ་ལྟ་བུ། |
| ཕྱོགས་ཞེན |
རང་ཕྱོགས་ལ་ཞེན་པའམ་ཆགས་པ་སྟེ། (དཔེར་ན།) དགའ་ཉེ་ཕྱོགས་ཞེན། ཕྱོགས་ཞེན་ཅན་ཞེས་པ་ལྟ་བུ། |
| ཕྱོགས་ཞྭ |
སྔར་བོད་ཀྱི་མངའ་བདག་ཕྱོགས་ལ་འགྲོ་དུས་གྱོན་རྒྱུའི་ཞྭ་མོའི་བྱེ་བྲག་ཅིག |
| ཕྱོགས་འཁྱམས |
ཡུལ་གཞན་དུ་མྱུལ་ཞིང་འཁྱམས་པ། |
| ཕྱོགས་འཁྱར |
རང་ཡུལ་དུ་སྡོད་དབང་མ་བྱུང་བར་ས་ཕྱོགས་གཞན་དུ་འགྲོ་དགོས་བྱུང་བ། |
| ཕྱོགས་འགྲིལ |
ཕྱོགས་གཅིག་ཏུ་འགྲིལ་བ། |
| ཕྱོགས་འགྲུལ |
1.ཕྱོགས་ནས་འོངས་པའི་འགྲོན་པོ། 2.ཕྱོགས་ལ་འགྲོ་མཁན། |
| ཕྱོགས་འགྲོ |
(མངོན་བརྗོད།) འོད། |
| ཕྱོགས་འགྲོན |
ཕྱོགས་ཀྱི་འགྲོན་པོ། |
| ཕྱོགས་འཐེན |
ཕྱོགས་རིས་འཐེན་འཁྱེར་གྱི་དོན་ཏེ། (དཔེར་ན།) ཕྱོགས་འཐེན་དགག་སྒྲུབ་ཀྱང་འཐད་ལྡན་ཡིན་མིན་བརྟག་པར་འཚལ་ཞེས་པ་ལྟ་བུ། |
| ཕྱོགས་འདྲ་བ |
ཕལ་ཆེར་འདྲ་བའམ་ཧ་ལམ་འདྲ་བ། |
| ཕྱོགས་འབྲང |
ཕྱོགས་གཅིག་གི་རྗེས་སུ་འགྲོ་བ་པོ། |
| ཕྱོགས་འཛིན་པ |
1.ཕྱོགས་ཞེན་བྱེད་པ། 2.ལུགས་འཛིན་པ། |
| ཕྱོགས་འཛིན་པའི་དབུ་མ་པ |
ཀླུ་སྒྲུབ་ཀྱི་དགོངས་པ་ཐལ་འགྱུར་བ་དང༌། རང་རྒྱུད་པའི་ཕྱོགས་སོ་སོར་འགྲེལ་མཁན། |
| ཕྱོགས་རིས |
1.ཤོག་ཁ། 2.ཕྱོགས་འཛིན་ཆགས་སྡང༌གི་དོན་ཏེ། (དཔེར་ན།) ཕྱོགས་རིས་མེད་པ། ཕྱོགས་རིས་སུ་ལྷུང་བ། དགྲ་དང་གཉེན་བཤེས་མཐའ་གཅིག་ཏུ་ཕྱོགས་རིས་ཆུང་བ་ཞེས་པ་ལྟ་བུ། |
| ཕྱོགས་རིས་པ |
ཆ་ཚང་བ་མིན་པའི་དོན་ཏེ། (དཔེར་ན།) ལྟ་ཚུལ་ཕྱོགས་རིས་པ། བཤད་ཚུལ་ཕྱོགས་རིས་པ། ཞེན་ཁ་ཕྱོགས་རིས་ཞེས་པ་ལྟ་བུ། འདི་ལ་ཕྱོགས་རེ་བ་ཞེས་འབྲི་བའང་ཡོད། |
| ཕྱོགས་རེ་བ |
ཉི་ཚེ་བའམ་ཆ་མི་ཚང་བ། (དཔེར་ན།) ལྟ་ཚུལ་ཕྱོགས་རེ་བ་ཙམ་གྱིས་དོན་གནད་ཐག་གཅོད་ཡང་དག་པ་བྱེད་མི་ཐུབ་ཅེས་པ་ལྟ་བུ། |
| ཕྱོགས་རྟོག |
ཕྱོགས་ཆའི་རྟོག་པ་ཕྱོགས་རེ་ཙམ་མམ། ཆ་ཤས་རེ་ཙམ་རྟོག་དཔྱོད་བྱེད་པའི་བསམ་བློ། |
| ཕྱོགས་རྟོགས |
ཕྱོགས་གཅིག་ཙམ་མམ་ཆ་ཤས་ཙམ་ཤེས་པ། |
| ཕྱོགས་རྩ |
(མངོན་བརྗོད།) ཚེས་གཅིག |
| ཕྱོགས་ལང |
ཕྱོགས་གཅིག་ལ་དཔུང་རོགས་བྱེད་པའི་དོན་ཏེ། (དཔེར་ན།) བདེན་རྫུན་ཡིན་མིན་གྱི་དབྱེ་བ་མ་ཕྱེ་བར་རང་འདོད་ཁོ་ནས་གཞན་གྱི་ཕྱོགས་ལང་བྱེད་མི་རིགས་ཞེས་པ་ལྟ་བུ། |
| ཕྱོགས་ལྟ་འཁོར་ལོ |
ཕྱོགས་རྟོགས་བྱེད་ཀྱི་སྲང་མདའི་འཁོར་ལོ། |
| ཕྱོགས་ལྷུང |
ཕྱོགས་གཅིག་ལ་ཡོ་བ། ཉེ་རིང་ཕྱོགས་ལྷུང་བྱེད་པའི་དོན་ཏེ། (དཔེར་ན།) ཕྱོགས་ལྷུང་མེད་པ། དམངས་རྣམས་ཕྱོགས་ལྷུང་མེད་པར་བསྐྱངས་པས་རྒྱལ་པོའི་གྲགས་པ་འཇིག་རྟེན་གསུམ་དུ་ཁྱབ་ཅེས་པ་ལྟ་བུ། |
| ཕྱོགས་སྐྱོང |
བརྒྱ་བྱིན་སོགས་ཕྱོགས་བཅུ་སྲུང་བའི་ལྷ་བཅུ། |
| ཕྱོགས་སྐྱོང་བཅུ |
དབང་པོ་དང༌། གཤིན་རྗེ། ཆུ་བདག་གནོད་སྦྱིན། མེ་ལྷ། སྲིན་པོ། རླུང་ལྷ། འབྱུང་པོ། ཚངས་པ། སའི་ལྷ་མོ་དང་བཅུ། |
| ཕྱོགས་སྐྱོང་བཅོ་ལྔ |
ཕྱོགས་སྐྱོང་བཅུའི་སྟེང་དུ་ཉེ་དབང༌། ཚོགས་བདག་ཉི་མ། ཟླ་བ། ཐག་བཟང་བཅས་བསྣན་པས་བཅོ་ལྔ། |
| ཕྱོགས་སྐྱོང་བརྒྱད |
ཕྱོགས་བཞི་མཚམས་བརྒྱད་ཀྱི་ལྷ་ཤར་དུ་དབང་པོ། ལྷོ་རུ་གཤིན་རྗེ། ནུབ་ཏུ་ཆུ་བདག་བྱང་དུ་གནོད་སྦྱིན། ཤར་ལྷོར་མེ་ལྷ། ལྷོ་ནུབ་ཏུ་བདེན་བྲལ། ནུབ་བྱང་དུ་རླུང་ལྷ། བྱང་ཤར་དུ་དབང་ལྡན་བཅས་བརྒྱད་ཡོད་ཅིང༌། ཕྱོགས་མཚམས་རང་རང་ལ་མིང་དེ་ལྟར་ཐོགས་པ། |
| ཕྱོགས་སྐྱོད |
ཡུལ་ལུང་གཞན་དུ་འགྲོ་བའི་དོན་ཏེ། (དཔེར་ན།) དངོས་ཡོད་གནས་ལུགས་རྟོགས་ཞིབ་ཀྱི་ཆེད་དུ་ལས་ཁུངས་ནས་ཐོན་ཏེ་ཕྱོགས་སྐྱོད་བྱས་པ་ཞེས་པ་ལྟ་བུ། |
| ཕྱོགས་སྒྲིག |
ཚན་པ་སོ་སོ་བ་རྣམས་ཕྱོགས་གཅིག་ཏུ་སྡེབ་པའི་དོན་ཏེ། (དཔེར་ན།) ཡིག་ཆ་ཕྱོགས་སྒྲིག གཏམ་དཔེ་ཁ་འཐོར་བ་རྣམས་ཁུ་བསྡུས་ཕྱོགས་སྒྲིག་བྱས་པ་ཞེས་པ་ལྟ་བུ། |
| ཕྱོགས་སྒྲིལ |
བྱ་བ་དང་སྤྱོད་ལམ་ཕྱོགས་གཅིག་ཏུ་སྒྲིལ་བ། |
| ཕྱོགས་སྔ |
གཞན་གྱི་ལུགས་སམ་ཕ་རོལ་པོའི་འདོད་པ། |
| ཕྱོགས་སྔ་མ |
(མངོན་བརྗོད།) ཟླ་བ་ཡར་ངོ་། |
| ཕྱོགས་སྟོན |
1.ངོས་སམ་ཁ་ཕྱོགས་སྟོན་པའི་དོན་ཏེ། (དཔེར་ན།) ས་གནས་གང་དུ་འགྲོ་དགོས་ཕྱོགས་སྟོན་བྱེད་པ་ཞེས་པ་ལྟ་བུ། 2.རྒྱུས་ཡོད་བྱེད་པའི་དོན་ཏེ། (དཔེར་ན།) ལས་ཀ་བྱེད་ལུགས་ཕྱོགས་སྟོན་བྱེད་པ་ཞེས་པ་ལྟ་བུ། |
| ཕྱོགས་སྟོན་འཁོར་ལོ |
ཕྱོགས་ལྟ་འཁོར་ལོ་དང་དོན་གཅིག |
| ཕྱོགས་སྤྲང |
ཕྱོགས་སུ་འཁྱམས་ནས་འཚོ་བ་སློང་བའི་དབུལ་པོ། |
| ཕྱོགས་སློན་པ |
ཕྱོགས་སུ་སྡུད་པའི་དོན་ཏེ། (དཔེར་ན།) ཁྱབ་སྤེལ་བྱས་ནས་ཕན་ནུས་ཐོན་པའི་ཉམས་མྱོང་རྣམས་ཕྱོགས་སློན་པ་ཞེས་པ་ལྟ་བུ། |
| ཕྱོད |
མཐུ་དང་ནུས་པ་སོགས་ཀྱི་མིང་། (དཔེར་ན།) མི་བྱང་མས་བྱ་བ་བསྒྲུབས་ན་ལས་ཕྱོད་ཆེ། སོང་ན་ས་ཕྱོད་ཆེ་ལྟ་བུ། |
| ཕྱོར |
(བྱེད་འབྲེལ་ལས་ཚིག) 1>ཕྱར་བའི་སྐུལ་ཚིག་སྟེ། (དཔེར་ན།) འབྲུ་ཕྱོར་ཅིག་ལྟ་བུ། 2>གྱེན་ལ་བཏེགས་པའི་དོན་ཏེ། (དཔེར་ན།) གྲི་རིང་ཕྱར་ནས་དགྲ་ལ་འཐབ། དབྱུག་པ་ཕྱར་ནས་ཁྱི་ལ་བརྡུངས་ལྟ་བུ། |
| ཕྱྭ |
1.ལྟས་ཀྱི་དོན་ཏེ། (དཔེར་ན།) དགྲ་ཕྱྭ། གྲོག་ཕྱྭ། མོ་ཕྱྭ། ཕྱྭ་བཟང་པོ་འདུག་ཅེས་པ་ལྟ་བུ། 2.གཡང༌གི་དོན་ཏེ། (དཔེར་ན།) ཕྱྭ་འགུགས་གཡང་འགུགས་ཞེས་པ་ལྟ་བུ། |
| ཕྱྭ་ཀེན་ཙེ |
བོན་པོའི་མོ་འདེབས་མཁན། |
| ཕྱྭ་ཁུ་ཡེ |
གཡང་འབོད་པའི་ཚིག་ཅིག |
| ཕྱྭ་གཡང |
བདེ་སྐྱིད་དང་ལོངས་སྤྱོད་སོགས་ཀྱི་མིང་། |
| ཕྱྭ་གཤེན་ཇུ་ཐིག་ཅན |
ཕྱྭ་མོ་ལ་བརྟེན་ནས་བཟང་ངན་བརྟག་པའི་བོན་པོའི་ནང་གསེས་ཤིག |
| ཕྱྭ་པ |
མོ་འདེབས་མཁན། |
| ཕྱྭ་མཁན |
1.གཡོས་མཁན། 2.ཨར་ལས་མཁན། 3.བཙུན་མོའི་ཞལ་ཏ། 4.ལྟས་མཁན་ནམ་མོ་མ། |
| ཕྱྭ་འགུགས་པ |
ཕུན་ཚོགས་འཁོར་ཐབས་བྱེད་པ། |
| ཕྱྭ་འདེབས་པོ |
མོ་འདེབས་མཁན། |
| ཕྱྭའི་གཏོ་སྤྱད |
བོན་པོའི་གཏོ་བཅོས་ཀྱི་ཡོ་བྱེད། |
| ཕྲ |
1.(རྒྱན་ཚིག) རགས་པའི་ལྡོག་ཟླ་ཆུང་ཞིབ་ཉུང་བ་སོགས་ཀྱི་དོན་ཏེ། (དཔེར་ན།) སྐུད་པ་འདི་ཧ་ཅང་ཕྲ། རྡུལ་ཕྲ་རབ། ཉག་ཕྲ་བའི་བལ་རིགས། དཔྱད་པ་ཕྲ་ཞིང་ཞིབ་པ་བཏང་། སྲིན་བུ་ཕྲ་ཞིང་ཕྲ་བ་ཞེས་པ་ལྟ་བུ། 2.རྒྱན་གྱི་དོན་ཏེ། (དཔེར་ན།) རིན་ཆེན་གྱི་ཕྲ། གཡུ་ཕྲ། རྡོ་རྗེ་ཕ་ལམ་གྱི་ཕྲ་བཏབ་པ། ཕྲས་སྤྲས་པ། ཕྲ་རྒྱན་བཀོད་པ་ཞེས་པ་ལྟ་བུ། |
| ཕྲ་ཀོང |
ཕྲ་རྒྱག་སའི་བུ་གའི་མིང་། |
| ཕྲ་ཁུང |
ཕྲ་རྒྱན་འདེབས་སའི་ཀོང་ཀོང༌། |
| ཕྲ་བ |
1.ཕྲ་མོ་དང་འདྲ། 2.སྣུམ་པ། |
| ཕྲ་བཟོ་བ |
1.གསེར་བཟོ་བ་ཕྲ་རྒྱན་བཟོ་མཁན། 2.ཕྲ་རྒྱན་བཟོ་ལས་བྱེད་པ། |
| ཕྲ་མ |
མི་མཐུན་པར་བྱེད་པའི་ཚིག་སྟེ། (དཔེར་ན།) ཕྲ་མ་གསོལ་བ། ཕྲ་མའི་ཚིག མཛའ་གྲོགས་དབར་དུ་སུས་ཀྱང་ཕྲ་མ་བྱེད་མི་ཐུབ་ཅེས་པ་ལྟ་བུ། |
| ཕྲ་མ་ཅན |
(མངོན་བརྗོད།) གུར་གུམ། |
| ཕྲ་མ་དབྱེན་སྦྱོར |
དཀྲུག་ཤིང་རྒྱག་པ། |
| ཕྲ་མ་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བསམ་བཞིན་དུ་དགེ་སློང་མཐུན་པ་དག་ཕྲ་མའི་ཚིག་གིས་འབྱེད་པར་བྱེད་པའོ། ། |
| ཕྲ་མེན |
མི་མ་ཡིན་པའི་རིགས་ཤིག (དཔེར་ན།) ཕྲ་མེན་གྱི་རིག་པ་འཛིན་པའི་མི་ལ་ཡིད་ཆེས་བྱེད་མི་རུང༌ཞེས་པ་ལྟ་བུ། |
| ཕྲ་མེན་མ |
འདྲེ་གདོན་གྱི་རིགས་ཤིག་གི་མིང་། |
| ཕྲ་མོ |
ཞིབ་པའམ་ཆུང་ངུ་སྟེ། (དཔེར་ན།) རྡུལ་ཕྲ་མོ། དར་སྐུད་ཕྲ་མོ། ལོ་ན་ཕྲ་མོ། རྣམ་རྟོག་ཕྲ་མོ། རྫུན་ཕྲ་མོ། ཁྲིམས་ལས་འདས་པའི་བྱ་སྤྱོད་ཕྲ་མོ་ཙམ་ཡང་མེད་པ། བྱ་བ་ཕྲ་མོ་ལ་ཡང་ཡུན་རིང་ངལ་བ་ཞེས་པ་ལྟ་བུ། |
| ཕྲ་མོའི་རྒྱན |
དོན་རྒྱན་གྱི་ནང་གསེས་ཤིག་བསམ་བློ་སྔོན་བཏང་གི་སྒོ་ནས་གོ་བྱའི་དོན་བརྡ་ཐབས་ཟུར་གྱིས་ཐོན་པ་དང༌། བསམ་བློ་སྔོན་བཏང་མེད་པར་འཕྲལ་ལ་ལུས་ཀྱི་རྣམ་འགྱུར་གསར་པ་ཞིག་ངང་གིས་གསལ་བའི་སྒོ་ནས་ནང་སེམས་ཀྱི་འཆར་སྒོ་མཚོན་པའི་ཕྲ་ཞིང་རྟོགས་དཀའི་རྒྱན་ཞིག་ནང་གསེས་གཉིས་ནི་ཟུར་གྱི་ཕྲ་མོ་དང༌། རྣམ་པའི་ཕྲ་མོའོ། ། |
| ཕྲ་ཚོམ |
ཕྲ་རྒྱན་གྱི་ཚོམ་བུ། |
| ཕྲ་ཞིབ |
རགས་རིམ་མིན་པའི་དོན་ཏེ། (དཔེར་ན།) ལས་སྟངས་ཕྲ་ཞིབ། མནོ་བསམ་ཕྲ་ཞིབ་གཏོང་བ། གནས་ལུགས་ཕྲ་ཞིབ་ཏུ་རྟོག་པ། དོགས་གནས་ཕྲ་ཞིབ་ཏུ་དཔྱད་པ་ཞེས་པ་ལྟ་བུ། |
| ཕྲ་ཞིབ་འཐུས་འདོམས |
ཕྲ་ཞིང་ཞིབ་པའི་གནད་ཚང་ཞིང་གོ་ཆོད་པའི་དོན་ཏེ། (དཔེར་ན།) བཀའ་རྒྱ་ཕྲ་ཞིབ་འཐུས་འདོམས་གནང་བ་ཞེས་པ་ལྟ་བུ། |
| ཕྲ་རགས |
ཆུང་ངུ་དང་ཆེན་པོ་སྟེ། (དཔེར་ན།) དོན་གནད་ཕྲ་རགས་མེད་པར་རང་ཉིད་ཀྱིས་ཐག་ཆོད་བྱེད་དགོས་ཞེས་པ་ལྟ་བུ། |
| ཕྲ་རབ |
ཕྲ་བ་རབ་ཏུ་ཕྲ་བའམ་ཤིན་ཏུ་ཕྲ་བའི་དོན་ཏེ། (དཔེར་ན།) རྡུལ་ཕྲ་རབ་ཅེས་པ་ལྟ་བུ། |
| ཕྲ་རིང |
བཟོ་དབྱིབས་ཕྲ་ཞིང་རིང་བ། |
| ཕྲ་རྒྱན |
ཕྲ་བརྒྱབ་པའི་རྒྱན་ཆ། |
| ཕྲ་རྒྱས |
ཉོན་མོངས་པ་ཕྲ་བ་ལས་རྒྱས་པར་བྱེད་པ་སྟེ་ངོ་བོ་མཐོང་དཀའ་བས་ན་ཕྲ་བ་དང༌། དམིགས་པ་དང་མཚུངས་ལྡན་གང་རུང་གི་སྒོ་ནས་རྒྱས་པར་འགྱུར་བས་ན་རྒྱས་པའོ། ། |
| ཕྲ་རྒྱས་ཀུན་འགྲོ་བཅུ་གཅིག |
སྡུག་བསྔལ་བདེན་པ་མཐོང་བས་སྤང་བྱ་ལྟ་བ་ལྔ་དང༌། ཐེ་ཚོམ་དང༌། ཀུན་འབྱུང་བདེན་པ་མཐོང་བས་སྤང་བྱ་ལོག་ལྟ་དང༌། ལྟ་བ་མཆོག་འཛིན། ཐེ་ཚོམ་བཅས་གསུམ་དང༌། དེ་དག་དང་མཚུངས་པར་མི་ལྡན་པའི་མ་འདྲེས་པའི་མ་རིག་པ་བཅས་བཅུ་གཅིག་གོ། ། |
| ཕྲ་རྒྱས་ཀྱི་ཐེ་ཚོམ |
ཉོན་མོངས་ཅན་གྱི་ཐེ་ཚོམ། |
| ཕྲ་རྒྱས་དགུ་བཅུ་རྩ་བརྒྱད |
མཐོང་སྤང་བརྒྱད་ཅུ་རྩ་བརྒྱད་དང༌། སྒོམ་སྤང་བཅུ་བཅས་ཁམས་གསུམ་གྱི་སྤང་བྱ་དགུ་བཅུ་གོ་བརྒྱད་མངོན་པ་མཛོད་ལས་གསུངས། |
| ཕྲ་རྒྱས་དྲུག |
རྩ་ཉོན་དྲུག་དང་དོན་གཅིག |
| ཕྲ་རྒྱས་བཅུ |
རྩ་ཉོན་བཅུ་དང་དོན་གཅིག |
| ཕྲ་རྒྱས་བརྒྱ་དང་ཉེར་བརྒྱད |
མཐོང་སྤང་བརྒྱ་དང་བཅུ་གཉིས། སྒོམ་སྤང་བཅུ་དྲུག་བཅས་ཁམས་གསུམ་གྱི་སྤང་བྱ་བརྒྱ་དང་ཉི་ཤུ་རྩ་བརྒྱད་ཡོད་པ་མངོན་པ་ཀུན་བཏུས་ལས་གསུངས། |
| ཕྲ་ལྡེམ་ལྡེམ |
(རྒྱན་ཚིག) ཤིང་གི་ཡལ་ག་གསར་པ་སོགས་ཕྲ་ཞིང་མཉེན་པའི་དངོས་པོའི་འགུལ་སྟེ། (དཔེར་ན།) ལྕང་མའི་ཡལ་ག་ཕྲ་ལྡེམ་ལྡེམ་ཞེས་པ་ལྟ་བུ། |
| ཕྲ་སྦོམ |
ཕྲ་བ་དང་སྦོམ་པ། (དཔེར་ན།) ཤིང་སྡོང་གི་ཕྲ་སྦོམ། ཡན་ལག་ཕྲ་སྦོམ་ཞེས་པ་ལྟ་བུ། |
| ཕྲག |
1.ཚར་རམ་ཚོ་སྟེ། (དཔེར་ན།) བརྒྱ་ཕྲག ཁྲི་ཕྲག བདུན་ཕྲག་གཅིག ལྔ་ཕྲག་ཅེས་པ་ལྟ་བུ། 2.བར་མཚམས་ཀྱི་དོན་ཏེ། (དཔེར་ན།) རྩིག་པའི་ཕྲག མི་གཉིས་ཀྱི་ཕྲག རི་གཉིས་ཀྱི་ཕྲག ཆུ་གཉིས་ཀྱི་ཕྲག སོག་ཕྲག སྨིན་ཕྲག་ཅེས་པ་ལྟ་བུ། |
| ཕྲག་ཁུར |
ཕྲག་པ་ལ་འཁྱེར་རྒྱུའི་ཁུར་པོ་སྟེ། (དཔེར་ན།) ཐག་རིང་བར་དུ་ཕྲག་ཁུར་ལྗིད་པོ་ཁྱེར་བ་ཞེས་པ་ལྟ་བུ། |
| ཕྲག་ཁེབས |
ཕྲག་གདན། |
| ཕྲག་གདང |
ཅ་ལག་སོགས་ཕྲག་ཏུ་འཁུར་བྱེད་ཀྱི་ཤིང༌གི་མིང་། (དཔེར་ན།) ཕྱོགས་ལ་འགྲོ་དུས་ཁྲེས་པོ་ཆེན་པོ་ཕྲག་གདང་ཁུར་བ་ཞེས་པ་ལྟ་བུ། |
| ཕྲག་གཟུགས་མ |
ལུས་ཀྱི་རྩའི་བྱེ་བྲག་ཅིག |
| ཕྲག་གོང |
དཔུང་པའམ་ཕྲག་པའི་སྟེང༌། |
| ཕྲག་དབྱུང |
(བརྡ་རྙིང་།) རིང་འགག |
| ཕྲག་དོག |
ཁོང་ཁྲོའི་ཆར་གཏོགས་པ། རང་རྙེད་བཀུར་སོགས་ལ་ཆགས་ནས་གཞན་གྱི་ཕུན་ཚོགས་ལ་མི་བཟོད་པར་སེམས་ཁོང་ནས་འཁྲུག་པ་ཉེ་ཉོན་ཉི་ཤུའི་ནང་གསེས་ཤིག (དཔེར་ན།) བརྣབ་སེམས་ཕྲག་དོག་བྱ་མི་རུང༌ཞེས་པ་ལྟ་བུ། |
| ཕྲག་དོག་གི་ཁྱི་རྒན་རྒྱ་བོ |
ཕྲག་དོག་ཆེན་པོ་ཡོད་པའི་མི་ལ་སྨོད་པའི་དཔེ། |
| ཕྲག་དོག་མཁྲེགས་བཟུང |
གཞན་གྱི་ཕུན་ཚོགས་ལ་མི་བཟོད་པའི་བློ་ངན་དམ་པོར་བཅངས་པ། |
| ཕྲག་དོག་འཁོན་འཛིན |
གཞན་འབྱོར་སོགས་ལ་མི་བཟོད་པའི་ཞེ་ནད། |
| ཕྲག་པ |
དཔུང་པ་དང༌། ལག་པའི་དཔུང་མགོའི་མིང་། (དཔེར་ན།) གདང་ཤིང་ཕྲག་ཏུ་ཁུར་བ། ཁུར་པོ་ཕྲག་པ་ལ་འགེལ་བ། མིང་གི་རྣམ་གྲངས་ལ་ཁུར་གནས་དང༌། མགོ་འཛིན། དཔུང་མགོ་བཅས་སོ། ། |
| ཕྲག་པ་བཅུམ་པ |
ཕྲག་མགོ་ཀུམ་ཀུམ་གྱིས་རྒྱ་ཆུང་ངུར་བཏང་བ། |
| ཕྲག་མིག |
ཕྲག་རུས་ཀྱི་ཁུང་བུ། |
| ཕྲག་ཚིགས |
ཕྲག་པའི་རུས་ཚིགས་ཏེ། (དཔེར་ན།) ཁང་ཐོག་ནས་ཟགས་ཏེ་ཕྲག་ཚིགས་བུད་པ་ཞེས་པ་ལྟ་བུ། |
| ཕྲག་འགེལ |
ཕྲག་པར་དངོས་པོ་འཁྱེར་བ། |
| ཕྲག་ཡོན |
ཕྲག་པའི་དབྱིབས་ཀྱོག་ཀྱོག |
| ཕྲག་རྡང |
ཕྲག་གདང་དང་འདྲ། |
| ཕྲག་ཤིང |
ཕྲག་ཏུ་ཁུར་འཁུར་བྱེད་ཤིང༌། (དཔེར་ན།) ཕྲག་ཤིང་ལྡེམ་ལྡེམ་བྱེད་ཅེས་པ་ལྟ་བུ། |
| ཕྲད |
2.(བྱེད་མེད་ལས་ཚིག) འཕྲད་པའི་འདས་པ། ལྷན་ཅིག་ཏུ་འཛོམས་པའི་དོན་ཏེ། (དཔེར་ན།) ང་རང་གྲོགས་དང་ཕྲད་ནས་དགའ། མཇལ་ཕྲད་གནང་། མ་བུ་ངོ་ཕྲད་ལྟ་བུ། མ་འོངས་པ་དང་ད་ལྟ་བ་ལ་འཕྲད་དང་ཕྲད་འབྲི་ལུགས་གཉིས་ཡོད། 3.ཚིག་ཕྲད་ཀྱི་མིང་བསྡུས་པ་སྟེ། (དཔེར་ན།) ཕྲད་རང་དབང་ཅན། རྣམ་དབྱེ་དང་ཕྲད་ཅེས་པ་ལྟ་བུ། རྒྱས་པར་ཚིག་ཕྲད་ལ་ལྟོས། |
| ཕྲད་ཀྱི་ཡི་གེ |
ཚིག་ཕྲད། |
| ཕྲད་གཞན་དབང་ཅན |
རྗེས་འཇུག་དང་ཡང་འཇུག་ལ་ལྟོས་དགོས་པའི་ཕྲད་ཀྱང་སྒྲ་ལྟ་བུ། |
| ཕྲད་པ |
འཕྲད་པའི་འདས་པ། |
| ཕྲད་པའི་རྩོལ་བ |
ཡི་གེའི་སྐྱེ་གནས་རྣམས་དངོས་སུ་ཐུག་ནས་སྒྲ་འདོན་པའི་རྩོལ་བ། |
| ཕྲད་ཕྲད |
ཐུག་ཐུག |
| ཕྲད་རང་དབང་ཅན |
རྗེས་འཇུག་ལ་ལྟོས་མི་དགོས་པའི་ཕྲད་ནི་སྒྲ་སོགས་དྲུག |
| ཕྲན |
1.མིང་ཁ་ཤས་ཀྱི་མཐར་སྦྱར་ན་ཆུང་བའི་དོན་ཏེ། (དཔེར་ན།) ཤིང་ཕྲན། ཆུ་ཕྲན། གླིང་ཕྲན། རྡུལ་ཕྲན། ལམ་ཕྲན་ཞེས་པ་སོགས་ལྟ་བུ། 2.རང་གིས་རང་ལ་ཁེངས་སྐྱུངས་བྱེད་པའི་ཚབ་མིང་། (དཔེར་ན།) ཕྲན་ནས་ཞུ་བ་ཞེས་པ་ལྟ་བུ། 3.ཉུང་བའི་དོན་ཏེ། (དཔེར་ན།) ཟས་ཕྲན་ཚེགས། སྨན་ཕྲན་བུ། རྒྱུ་ནོར་ཕྲན་བུ་ཞེས་པ་ལྟ་བུ། |
| ཕྲན་ཆུང |
རང་ལ་སྦྱོར་རྒྱུའི་ཁེངས་སྐྱུངས་བྱེད་ཀྱི་ཚིག་སྟེ། (དཔེར་ན།) ཕྲན་ཆུང་ལ་མཆོག་ཉིད་ནས་སྐྱབས་འཇུག་ཡོད་པ་ཞུ་ཞེས་པ་ལྟ་བུ། |
| ཕྲན་བདག |
བདག་ཆུང་ངུ་། |
| ཕྲན་བུ |
1.ཆུང་ངུ་དང༌། ཉུང་ཤས་སམ་ཅུང་ཟད་ཀྱི་དོན་ཏེ། (དཔེར་ན།) རྡུལ་ཕྲན་བུ། སྐྱེས་ཕྲན་བུ། ཁོའི་ཡོན་ཏན་ཕྲན་བུ་འཕེལ་འདུག ཆ་ཕྲན་བུ། ཆུ་ཕྲན། དཀའ་ཚེགས་ཕྲན་བུ་ཐུག་འཕྲལ་དཔའ་མ་འཁུམས་ཞེས་པ་ལྟ་བུ། 2.ལུས་ཀྱི་གནད་གསང་ཞིག |
| ཕྲན་བུ་ཙམ |
ཉུང་ཟད་དམ་ཅུང་ཟད་ཙམ་ཞེས་པ་དང་འདྲ་སྟེ། (དཔེར་ན།) སྤྱི་རྫས་ཕྲན་བུ་ཙམ་ཡང་འཕྲོ་བརླག་བཏང་ན་མི་འགྲིག ཡི་གེ་ཕྲན་བུ་ཙམ་ལས་མི་ཤེས་ཞེས་པ་ལྟ་བུ། |
| ཕྲན་བུའི་ནད |
ནད་གཞི་ཆེ་བའི་ཁོངས་སུ་མ་འདུས་པའི་ཐོར་བུའི་ནད་ཀྱི་ནང་ཚན་ཏེ། གྲེ་བར་གྲ་མ་ཟུག་པ་སོགས་ནད་ཆུང་ངུའི་མིང༌། |
| ཕྲན་ཙམ |
ཏོག་ཙམ། |
| ཕྲན་ཚེགས |
ཆུང་ངུའམ་ཉུང་ངུ་སྟེ། (དཔེར་ན།) ཅ་ལག་ཕྲན་ཚེགས། ཡིག་རིགས་ཕྲན་ཚེགས། ལས་དོན་ཕྲན་ཚེགས་ཞེས་པ་ལྟ་བུ། |
| ཕྲན་ཚེགས་ཀྱི་ཡོ་བྱད |
ཡོ་བྱད་གསུམ་གྱི་ཚད་དུ་མ་ལོངས་པའི་ཞྭ་ལྷམ་སྐ་རགས་ལྷུང་བཟེད་ཀྱི་སྣོད་སོགས་འཚོ་བའི་ཡོ་བྱད་ཕྲན་ཚེགས་དང༌། མཁོ་ལྷག་ཡོ་བྱད་ཀྱི་རྒྱུར་བསྔོས་ཤིང་ཁྲུ་གང་གི་ཚད་དུ་མ་ལོངས་པ་རྣམས་སོ། ། |
| ཕྲན་ཚེགས་འགྲེལ་པ |
སློབ་དཔོན་ཚུལ་ཁྲིམས་བསྐྱངས་ཀྱིས་མཛད་པའི་འདུལ་བ་ལུང་ཕྲན་ཚེགས་ཀྱི་འགྲེལ་པ། |
| ཕྲའུ |
ཕྲ་མོའི་དོན་ཏེ། (དཔེར་ན།) ཉེས་པ་ཕྲའུ་ཙམ་གྱིས་ཀྱང་མ་གོས་པའི་མི་མཐོང་རྒྱུ་དཀའ་བ། རྟ་འདི་འཇིགས་པ་ཕྲའུ་ཙམ་གྱིས་ཀྱང་འདྲོག་ཆོག་ཆོག་ཅིག་འདུག་ཅེས་པ་ལྟ་བུ། |
| ཕྲལ་བ |
1.(བྱེད་འབྲེལ་ལས་ཚིག) 1>འདོར་བ་དང༌འབྲལ་དུ་འཇུག་པ། ཐ་དད་དུ་བྱེད་པའི་དོན་ཏེ། (དཔེར་ན།) རབ་བྱུང་གི་རྟགས་དང་ཕྲལ་བ། ཟུག་རྔུ་ཕྲལ་བ། དཀྲུག་ཤིང་བརྒྱབ་ནས་མཛའ་བཤེས་ཕྲལ་བ། བཙན་དབང་བྱས་ཏེ་བཟའ་ཚོ་ཁ་ཕྲལ་བ་ཞེས་པ་ལྟ་བུ། 2>རལ་དུ་འཇུག་པའི་དོན་ཏེ། (དཔེར་ན།) གོས་ཕྲལ་ནས་གཡུགས་པ་ཞེས་པ་ལྟ་བུ། |
| ཕྲས |
(བྱེད་མེད་ལས་ཚིག) རྐང་ལག་བརྐྱངས་པའི་དོན་ཏེ། (དཔེར་ན།) རྐང་བ་ཕྲས་ནས་ཉལ་ལྟ་བུ། |
| ཕྲི |
(བྱེད་འབྲེལ་ལས་ཚིག) འབྲིད་ཀྱི་འདས་པ། གྲངས་ཀ་རིལ་བོའི་ནང་ནས་ཁག་གཅིག་བླངས་པ་སྟེ། (དཔེར་ན།) བཅུ་ལས་བདུན་ཕྲི་ན་ལྷག་མ་གསུམ་ཡིན་ལྟ་བུ། |
| ཕྲི་ཐབས |
རྩིས་རྒྱག་སྐབས་གྲངས་ཀ་ཞིག་གི་ནང་ནས་གྲངས་ཀ་ཁག་ཅིག་ལེན་པའི་རྩི་ཐབས་ཤིག་གི་མིང་། |
| ཕྲི་རྟགས |
ཕྲི་བའི་རྩི་ཐབས་ཀྱི་རྟགས-འདིའི་མིང་། |
| ཕྲི་ལི་ལི |
(རྒྱན་ཚིག) ཐུར་དུ་གཞོལ་བའི་འབབ་ཆུའི་རྒྱུག་སྟངས་ཤིག་སྟེ། (དཔེར་ན།) ཡུར་བུའི་ནང་ནས་ཆུ་རྒྱུན་ཕྲི་ལི་ལི་འབབ་པ་ཞེས་པ་ལྟ་བུ། |
| ཕྲིག་པ་ཅིག |
(བརྡ་རྙིང་།) འགུལ་བའམ་གཡོ་བ་ཙམ། |
| ཕྲིན |
ཕར་ཚུར་བསྐུར་བའི་གཏམ་མམ་ཡི་གེ། (དཔེར་ན།) ངག་ཕྲིན་སྐྱེལ་བ། ཡིག་ཕྲིན་བསྐུར་བ། ལན་ཕྲིན་བཏང་བ། ཐག་རིང་ནས་ཁ་ཕྲིན་སྦྲིང་བ། ཆ་ཕྲིན་སྒུག་པ། ཕྲིན་ངན། ཕྲིན་བཟང༌། ཕྲིན་བཞག་པ་ཞེས་པ་ལྟ་བུ། |
| ཕྲིན་བཅོལ |
1.གཏམ་མངགས་པའམ་ལས་དོན་གཉེར་བ། 2.ཆོས་སྐྱོང་ལ་འདོད་དོན་ཞུ་གཉེར་བྱེད་ལུགས། |
| ཕྲིན་བརྡ |
གནས་ལུགས་གོ་བྱེད་ཀྱི་བརྡ། |
| ཕྲིན་འཁྱེར་པོ |
ལན་དང་ཡི་གེ་འཁྱེར་མཁན། |
| ཕྲིན་ཡིག |
གཞན་ལ་ཕར་བསྐུར་བའི་ཡི་གེ་དང༌། གཞན་གྱིས་ཚུར་བཏང་བའི་ཡི་གེ། |
| ཕྲིན་ལན |
འཕྲིན་ཕར་བསྐུར་བ་ལ་ཚུར་བྱུང་བའི་ལན། |
| ཕྲིན་ལས |
མཛད་སྤྱོད་ཀྱི་འཕྲོ་འདུ། (དཔེར་ན།) མཛད་པ་ཕྲིན་ལས་མེ་ལྟར་འབར་བ། དེང་སང་ཕྲིན་ལས་འགྲོ་དོན་ཆེ་བ་ལགས་ཞེས་པ་ལྟ་བུ། |
| ཕྲིན་ལས་ཀྱི་ཕྱག་རྒྱའི་རྣལ་འབྱོར |
སྒོ་ལྔའི་རྣམ་ཤེས་ཀྱི་འཁྲུལ་བ་བསལ་ནས་བྱ་བ་གྲུབ་པའི་ཡེ་ཤེས་མངོན་དུ་བྱ་བ་སྟེ་རྣལ་འབྱོར་རྒྱུད་ཀྱི་ཕྱག་རྒྱ་བཞིའི་རྣལ་འབྱོར་གྱི་ཡ་གྱལ་ཞིག |
| ཕྲིན་ལས་ལྔ |
སངས་རྒྱས་ཀྱི་འབྲས་ཆོས་ཉེར་ལྔའི་ནང་གསེས། ཞི་བ་དང༌། རྒྱས་པ་དང༌། དབང་བ་དང༌། དྲག་པོ་དང༌། ལྷུན་གྱིས་གྲུབ་པ་སྟེ་ལྔ། |
| ཕྲིལ་གྱིས་སོང་བ |
(བརྡ་རྙིང་།) ཧྲིལ་གྱིས་སོང་བ། |
| ཕྲིས |
(བྱེད་འབྲེལ་ལས་ཚིག) 1>ཕྲི་ཡི་སྐུལ་ཚིག 2>བྲི་ཡི་སྐུལ་ཚིག 3>ཕྲི་ཡི་འབྲི་ཚུལ་གཞན། |
| ཕྲིས་པ |
འབྲིད་པའི་འདས་པ། |
| ཕྲུ |
1.ཞིང་ལ་ལོག་རྒྱག་པའི་ལས་ཀའི་མིང་། 2.འཕྲུ་ཡི་འབྲི་ཚུལ་གཞན། 3.(རྒྱན་ཚིག) ཕྱེ་རྩམ་ལ་ཆུ་ཉུང་ངུ་བསྲེས་ནས་བརྫིས་ཏེ་རྡོག་པོར་འདྲིལ་དཀའ་བ་སྟེ། (དཔེར་ན།) རྩམ་པ་ཕྲུ་ཕྲུ་བརྫིས་ལྟ་བུ། 4.ཆུང་ངུའི་མིང་སྟེ། (དཔེར་ན།) དར་ཆ་ཆུང་ངུ་ལ་དར་ཕྲུ་ཟེར་བ་ལྟ་བུ། 5.རྫ་འདམ་སོགས་ཀྱི་ཁོག་མའི་མིང་སྟེ། (དཔེར་ན།) ཁོག་མའི་དྲེག་པ་ལ་ཕྲུ་དྲེག་ཟེར་བ་ལྟ་བུ། |
| ཕྲུ་གུ |
ལོ་ན་ཆུང་བའམ་ཕྲ་བའི་མི་དང་དུད་འགྲོའི་མིང། (དཔེར་ན།) སློབ་གྲྭའི་ཕྲུ་གུ། ལུག་གི་ཕྲུ་གུ། བྱ་ཡི་ཕྲུ་གུ། མི་ཡོང་ན་ཕྲུ་གུའི་དུས་ནས་ཡོང༌། རྟ་ཡོང་ན་རྟེའུའི་དུས་ནས་ཡོང༌། མོ་ཕྱུགས་ཚང་མར་དུས་ཐོག་ནས་ཕྲུ་གུ་འཁོར་འཇུག་པ། ཕྲུ་གུ་ཆགས་ཡོད་པའི་རྟ་ཕྱུགས་རིགས་ལ་བཀོལ་སྤྱོད་སྡུག་པོ་མ་བྱེད་ཅེས་པ་ལྟ་བུ། མིང་གི་རྣམ་གྲངས་ལ་ཁྱེའུ་དང༌། བདག་སྐྱེས། བུ་རྒྱུད། བྱིས་པ། བྲང་སྐྱེས། ལུས་ལས་འཕེལ་བཅས་སོ། ། |
| ཕྲུ་གུ་ཆེ |
(མངོན་བརྗོད།) སྦྲུམ་མ། |
| ཕྲུ་གུ་དམར་འབྱར |
(ཡུལ་སྐད།) སྐྱེས་ནས་ཡུན་རིང་མ་ལོན་པའི་ཕྲུ་གུ། |
| ཕྲུ་གུ་བཙའ་ཐབས |
ཕྲུ་གུ་བདེ་བར་སྐྱེ་བའི་ཐབས་ཤེས། |
| ཕྲུ་གུ་ཤོར་བ |
1.ཕྲུ་གུ་སྐྱེ་མ་རན་གོང་དུ་ཕྱིར་ཐོན་ནས་ཤི་བ། 2.ཕྲུ་གུ་ས་ཆ་གཞན་དུ་རྒྱུགས་ཤོར་བ། |
| ཕྲུ་གུ་སློད་པ |
ཕྲུ་གུ་ངན་ལང་དུ་གཏོང་བའི་དོན་ཏེ། (དཔེར་ན།) བསམ་སྦྱོར་ངན་པས་ཕྲུ་གུ་སློད་པར་མ་བྱེད་ཅེས་པ་ལྟ་བུ། |
| ཕྲུ་དཔོན |
(བརྡ་རྙིང་།) དམག་དཔོན། |
| ཕྲུ་དྲེག |
རྫ་མའི་དྲེག་པའི་མིང་། (དཔེར་ན།) ཕྲུ་དྲེག་གྲི་ཡིས་གཞོག་པ་ཞེས་པ་ལྟ་བུ། |
| ཕྲུ་བ |
རྫ་སྣོད་ཀྱི་མིང། མིང་གི་རྣམ་གྲངས་ལ་ཁོག་མ་དང༌། ཁོལ་མོ། བཙོ་རྫ། ཟན་རྫ། གཡོ་སྣོད་བཅས་སོ། ། |
| ཕྲུ་མ |
1.བུ་སྣོད་དམ་ཤ་མ། 2.དམག་སྒར་གྱི་མིང་། (དཔེར་ན།) རི་ལ་ཕྲུ་མ་བཏབ་པ། གཡུལ་གྱི་བྱ་བ་རྫོགས་ནས་སོ་སོ་རང་རང་གི་ཕྲུ་མ་ལ་ལྡོག་པ་ཞེས་པ་ལྟ་བུ། 3.རྒྱལ་པོའི་ཕོ་བྲང༌། |
| ཕྲུ་མདའ |
རྫ་ཁོག་འཁྲུད་བྱེད་ཀྱི་ཡོ་བྱད་ཅིག |
| ཕྲུ་ཟངས |
རྫ་ཁོག་གམ། ཟངས་ཁོག |
| ཕྲུ་འདེབས་པ |
ཁ་ཕྲུ་འདེབས་པ། |
| ཕྲུ་རྡོག་བཙུགས་པ |
སླ་ང་དང་ཁོག་མ་སོགས་ཐབ་ཏུ་བཙུགས་པ། |
| ཕྲུ་སྣོད |
རྫ་སྣོད། |
| ཕྲུ་སློག་པ |
1.ས་ཞིང་རྨོ་བའི་དོན་ཏེ། (དཔེར་ན།) དཔྱིད་ཀ་ཕྲུ་སློག་སོན་འདེབས་དང༌། སྟོན་ཁ་བཙས་མ་རྔ་བ། ཞིང་པས་ཕྲུ་སློག་ཅིང་འདུག་ཅེས་པ་ལྟ་བུ།2.ས་ཞིང་གསར་དུ་སློག་པ། |
| ཕྲུ་སློག་བཙུགས་པ |
(བརྡ་རྙིང་།) སླ་ང་ཐབ་ཏུ་བཙུགས་པ། |
| ཕྲུག |
1.བལ་གྱིས་བཏགས་པའི་སྣམ་བུའི་མིང་། སྣམ་ཕྲུག་ཀྱང་ཟེར། 2.གཉིས་ཀྱི་མིང་། (དཔེར་ན།) ཉིན་ཞག་ཕྲུག་གཅིག་ཅེས་པ་ལྟ་བུ། འདི་ལ་ཕྲུགས་འབྲི་བའང་ཡོད། 3.ཕྲུག་གུ་ཡི་མིང་མཐའ་བསྡུས་པ། 4.སློབ་མའམ་སློབ་བུ་སྟེ། དགེ་ཕྲུག སློབ་ཕྲུག ཚོང་ཕྲུག་ཅེས་པ་ལྟ་བུ། |
| ཕྲུག་ཐུལ |
བཙུགས་ཕྲུག་ལས་བཟོས་པའི་ཐུལ་པ། |
| ཕྲུག་ཕྲིག |
(བརྡ་རྙིང་།) རྐང་ལག་གིས་ས་འཐོར་བ། |
| ཕྲུག་ཤད |
སྣམ་བུ་བཏགས་ཚར་རྗེས་འཇམ་པོ་བཟོ་བྱེད་དང་སྤུ་སློང་བྱེད་ཀྱི་ཡོ་བྱད་ཅིག |
| ཕྲུག་སྟན |
སྣམ་བུ་སྤུ་ཕྲུག་གི་གདན། |
| ཕྲུགས |
1.(བྱེད་འབྲེལ་ལས་ཚིག) འཕྲུག་པའི་སྐུལ་ཚིག 2.ཆའམ་ཟུང༌གི་དོན་ཏེ། (དཔེར་ན།) ཉིན་ཞག་ཕྲུགས་གཅིག་ཅེས་པ་ལྟ་བུ། 3.སྡེ་ཚན་གྱི་དོན་ཏེ། (དཔེར་ན།) ཕྱག་དགུ་ཕྲུགས། རླུང་དགུ་ཕྲུགས། ལྔ་ཕྲུགས་ཞེས་པ་ལྟ་བུ། |
| ཕྲུགས་པ |
འཕྲུག་པའི་འདས་པའི་འབྲི་ཚུལ་གཞན་ཞིག |
| ཕྲུགས་སྡེབས |
གཉིས་སམ། སྡེ་ཚན། |
| ཕྲུམ |
1.འོ་མར་ཆུར་བ་བཏབ་སྟེ་བསྙལ་བའི་སྐྱོ་མ་སླ་པོ། 2.རུས་པའི་ཨ་ཕྲུམ།3.སྣེ་མོའམ་མཐའ་ཁའི་མིང་། (དཔེར་ན།) བལ་གྱི་ཁ་ཕྲུམ། ལྭ་བའི་ཁ་ཕྲུམ་ཞེས་པ་ལྟ་བུ། |
| ཕྲུམ་ཁུ |
(བརྡ་རྙིང་།) ཆུར་བའི་ཁུ་བ། |
| ཕྲུམ་གསར |
འོ་མ་དང་དར་བ་སྦྱར་ནས་བསྐོལ་བའི་སྙིགས་མ་གསར་པ། |
| ཕྲུམ་ཕྲུམ |
1.ཕྲུམ་རུས། 2.དར་སྐུད་ཀྱིས་བཟོས་པའི་སྣེ་རྒྱན། 3.(རྒྱན་ཚིག) ཆར་ཆུ་སོགས་ཀྱི་རྒྱུན་འབབ་ཚུལ་ཞིག (དཔེར་ན།) ཆུ་ཐིགས་ཕྲུམ་ཕྲུམ་འབབ་པ། མིག་ཆུ་ཕྲུམ་ཕྲུམ་འབབ་པ་ཞེས་པ་ལྟ་བུ། |
| ཕྲུམ་ཚུད |
1.ཞོའི་སྣོད། 2.འོ་མ་དང་དར་བ་བསྐོལ་བའི་སྙིགས་མ། |
| ཕྲུམ་རུས |
རུས་པ་སྙི་མོ་སོག་པའི་ཁ་ཕྲུམ་ལྟ་བུའི་མིང་། |
| ཕྲུལ |
བྲུལ་བའི་དོན་ཏེ། (དཔེར་ན།) སིལ་ཏོག་ས་ལ་ཕྲུལ་ཞེས་པ་ལྟ་བུ། |
| ཕྲུལ་པ |
(བྱེད་མེད་ལས་ཚིག) ཐུར་དུ་འཕྱང་བའི་དོན་ཏེ། (དཔེར་ན།) གཞུང་སྒོའི་རྒྱ་ཕིབས་འོག་ཏུ་སྒམ་བཞུ་ཁྲ་ཆེམ་མེར་ཕྲུལ་འདུག་ཅེས་པ་ལྟ་བུ། |
| ཕྲུལ་ཕྲུལ |
1.(རྒྱན་ཚིག) འཛར་འཛར་དུ་འཕྱང་ཚུལ་ཞིག་སྟེ། (དཔེར་ན།) ལྕང་མའི་ཡལ་ག་གསར་པ་ཕྲུལ་ཕྲུལ་དུ་འཕྱང་བ་ཞེས་པ་ལྟ་བུ། 2.སྔར་བོད་ཀྱི་སྐུ་དྲག་མི་དྲག་ཚོའི་བུད་མེད་གཟབ་སྤྲོས་མདུན་ངོས་ཀྱི་ལུས་རྒྱན་ཞིག |
| ཕྲེང་ཐག |
ཕྲེང་རྒྱུད། |
| ཕྲེང་ཐོགས |
1.ཕྱག་ན་ཕྲེང་བ་ཅན། 2.གནོད་སྦྱིན་ཞིག |
| ཕྲེང་བ |
1.སྦྲེང་བའམ་གོ་རིམ་དུ་བསྒྲིགས་པའི་གྲལ་ཏེ། སྐུ་ཕྲེང༌། ཡིག་ཕྲེང༌། གྲོག་མའི་ཕྲེང་བ། གངས་རིའི་ཕྲེང་བ། ས་འཛིན་གྱི་ཕྲེང་བ། རྦ་རླབས་ཀྱི་ཕྲེང་བ། མེ་ཏོག་ཕྲེང་བ་འདོགས་པ། མུ་ཏིག་ཕྲེང་བ། ཕྲེང་བར་སྒྲིག་པ། ཉིན་ཞག་བདུན་གྱི་ཕྲེང་བ། རྒྱུ་སྐར་ཕྲེང་བ་ཞེས་པ་ལྟ་བུ། 2.རྡོག་པོ་མང་པོ་སྐུད་པ་དང་ཐག་པ་སོགས་ལ་བརྒྱུས་པའམ་གཅིག་རྗེས་གཅིག་བསྒྲིགས་པའི་དངོས་པོ། གྲངས་ཀ་འདྲེན་བྱེད་ཀྱི་ཕྲེང་བ། |
| ཕྲེང་བ་ཅན |
(མངོན་བརྗོད།) ཛཱ་ཏིའི་ཤིང༌། |
| ཕྲེང་བ་རྡོག་ཕུད |
ཕྲེང་རྡོག་རེ་རེ་བཞིན་བཤེར་ཞིང་ཕུད་པའི་དོན་ཏེ། (དཔེར་ན།) སྔར་བྱུང་སྡུག་བསྔལ་ཕྲེང་བ་རྡོག་ཕུད་བྱས་ནས་བགྲངས་པ་ཞེས་པ་ལྟ་བུ། |
| ཕྲེང་བཀོད་པ |
ཕྲེང་བསྒྲིགས་པའི་དོན་ཏེ། (དཔེར་ན།) ཕྲུ་གུ་རྣམས་ཕྲེང་བཀོད་བྱས་ནས་ལུས་རྩལ་སྦྱོང་བ་ཞེས་པ་ལྟ་བུ། |
| ཕྲེང་བའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་གསལ་བྱ་ཕྱི་མ་ཕྱི་མའི་དོན། གསལ་བྱེད་སྔ་མ་སྔ་མས་གསལ་བར་བྱེད་པ་ངག་གི་ཕྲེང་བར་སྤེལ་བའི་རྒྱན་ཞིག |
| ཕྲེང་བའི་གྲངས་འཛིན |
བཅུ་ཚར་ཏེ་གྲངས་གནས་རྩི་བྱེད་དངུལ་ལམ་ཟངས་ལས་བཟོས་པའི་ཕྲེང་ཆུང་ཡོད་པའི་འཛར་ཕོད། |
| ཕྲེང་བའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དོན་སྔ་མ་སྔ་མས་དཔེ་དོན་ཕྱི་མ་ཕྱི་མའི་གནས་ཚུལ་གསལ་བར་བྱེད་པ་ཕྲེང་བ་ལྟ་བུའི་རིམ་པར་སྤེལ་བའི་རྒྱན་ཞིག |
| ཕྲེང་བརྒྱུད |
ལས་དོན་ཁག་མང་དཀྱུས་གཅིག་ཏུ་ཕྲེང་བ་ལྟར་བསྒྲིགས་པ། |
| ཕྲེང་བསྒྲིགས |
སྦྲེང་ཚར་དུ་བསྒྲིགས་པའི་དོན་ཏེ། (དཔེར་ན།) ལམ་ཆེན་གཡས་གཡོན་དུ་སྐྱེ་ཤིང་ཕྲེང་བསྒྲིགས་ཀྱིས་བཙུགས་པ་ཞེས་པ་ལྟ་བུ། |
| ཕྲེང་བསྟར་བ |
གྲལ་བསྒྲིགས་པ། |
| ཕྲེང་རྒྱུད |
ཕྲེང་བའི་གཟུང་ཐག་སྟེ། (དཔེར་ན།) ཕྲེང་རྒྱུད་མཁན། གླ་རྒྱུན་གྱིས་བཟོས་པའི་ཕྲེང་རྒྱུད་མཁྲེགས་པོ་ཡོང༌ཞེས་པ་ལྟ་བུ། |
| ཕྲེང་རྡོག |
གྲངས་ཀ་འདྲེན་བྱེད་ཕྲེང་བའི་རྡོག་པོ། |
| ཕྲེང་ལྡན |
(མངོན་བརྗོད།) བྱ་ཁྱུང༌། |
| ཕྲེང་སོགས་གསུམ |
དགེ་ཚུལ་གྱི་བསླབ་བྱ་བླངས་འདས་སོ་གསུམ་གྱི་ནང་གསེས། རྒྱན་གྱི་རིགས་བྱེད་ཕྲེང་བ་ལ་སོགས་པའི་རྒྱན་དང༌། སྤོས་ཉུག་པ་དང༌། ཁ་དོག་འཆང་བ་སྟེ་གསུམ་མོ། ། |
| ཕྲེང་སྔགས |
ཕྲེང་བ་བྱིན་གྱིས་རློབ་པའི་སྔགས། |
| ཕྲེད |
འཕྲེད་ཀྱི་འབྲི་ཚུལ་གཞན། |
| ཕྲེད་བརྡ་ལ |
ལ་ཞིག བོད་ཀྱི་གཏིང་སྐྱེས་རྫོང་གི་ལྷོ་རྒྱུད་དུ་ཡོད། |
| ཕྲེའུ |
སྐ་རགས། |
| ཕྲེའུ་མ |
(རྒྱན་ཚིག) ཡུལ་སྐད་ཀྱི་ཕྲ་མོའི་དོན་ཏེ། (དཔེར་ན།) སྐེ་རགས་ཕྲ་མོ་ལ་སྐེ་རགས་ཕྲེའུ་མ་ཟེར་བ་ལྟ་བུ། |
| ཕྲོགས |
(བྱེད་འབྲེལ་ལས་ཚིག) འཕྲོག་པའི་འདས་པ་དང་སྐུལ་ཚིག གཞན་གྱིས་མི་སྟེར་བཞིན་དུ་བཙན་གྱིས་ལེན་པ་སྟེ། (དཔེར་ན།) གྲུ་གུ་ཕྲོགས་ནས་རྩེ། ཕྲོགས་ཤིག་ཅེས་པ་ལྟ་བུ། |
| ཕྲོགས་པ |
འཕྲོག་པའི་འདས་པ། |
| ཕྲོད |
(བྱེད་འབྲེལ་ལས་ཚིག) བྲད་པའི་སྐུལ་ཚིག ས་ངོས་སོགས་ཐོག་རིམ་སྲ་མོ་བརྐོ་བའི་དོན་ཏེ། (དཔེར་ན།) ལྕགས་ཁེམ་གྱིས་ས་ཕྲོད་ཅེས་པ་ལྟ་བུ། |
| ཕྲོབས |
(བྱེད་འབྲེལ་ལས་ཚིག) བྲབས་ཀྱི་སྐུལ་ཚིག ལྕག་སོགས་ཡོ་བྱད་མཉེན་མོའམ་ཕྲ་མོས་གཞུས་པའི་དོན་ཏེ། (དཔེར་ན།) རྟ་ལ་ལྕག་གིས་ཕྲོབས་ཞེས་པ་ལྟ་བུ། |
| ཕྲོམ |
(རྒྱན་ཚིག) དངོས་རྫས་མང་བོ་སྤུངས་པའི་རྣམ་པ་སྟེ། (དཔེར་ན།) རྡོ་ནག་ཕྲོམ་མེ་སྤུངས་ཞེས་པ་ལྟ་བུ། |
| ཕྲོམ་ཕྲོམ |
(རྒྱན་ཚིག) ཧྲིལ་ཧྲིལ་དུ་ཆགས་ཚུལ་ལམ། འོད་མདངས་ཐོན་སྟངས་ཤིག་སྟེ། (དཔེར་ན།) སྔ་དྲོ་མེ་ཏོག་གི་སྟེང་དུ་ཟིལ་པ་ཕྲོམ་ཕྲོམ་ཆགས་པ། ཆུ་ཤེལ་ལས་རང་མདངས་ཅན་གྱི་འོད་ཟེར་ཕྲོམ་ཕྲོམ་འཕྲོ་བ་ཞེས་པ་ལྟ་བུ། |
| ཕྲོམ་མདུད |
མདུད་པ་རིགས་ཤིག་གི་མིང་། |
| ཕྲོམ་མེ་བ |
(རྒྱན་ཚིག) ཧྲིལ་ཧྲིལ་དུ་ཆགས་ཚུལ་ལམ། འོད་མདངས་ཐོན་སྟངས་ཤིག་སྟེ། (དཔེར་ན།) པད་མའི་ལོ་མའི་སྟེང་དུ་ཆུའི་ཟིལ་པ་ཕྲོམ་མེར་འཁོར་བ། གློག་བཞུའི་འོད་ཕྲོམ་མེར་འབར་བ་ཞེས་པ་ལྟ་བུ། |
| ཕྲོལ |
(བྱེད་འབྲེལ་ལས་ཚིག) 1>ཕྲལ་བའི་སྐུལ་ཚིག་སྟེ། (དཔེར་ན།) ལུག་བཤས་ན་ཤ་པགས་ཕྲོལ་ཅིག་ལྟ་བུ། 2>བྲལ་གྱི་སྐུལ་ཚིག་ལ། ཕྲོལ་ཞེས་འབྲི་བའང་ཡོད། |
| ཕྲོས |
(བྱེད་འབྲེལ་ལས་ཚིག) བྲོས་པའི་སྐུལ་ཚིག (དཔེར་ན།) ཕྲོས་ཤིག་ལྟ་བུ། འདི་ལ་བྲོས་འབྲི་བའང་ཡོད། |
| བ |
1.བོད་ཡིག་གསལ་བྱེད་བཅོ་ལྔ་པ། འདིའི་ང་རོ་འདོན་ཚུལ་ལ་སྐྱེ་གནས་མཆུ་དང༌། བྱེད་པ་མཆུ། ནང་གི་རྩོལ་བ་མཆུ་གཉིས་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་མོ་ཡིག་ཅིག 3.སྔོན་འཇུག་གི་ཕོ་ཡིག་ཅིག 4.རྗེས་འཇུག་ཕོ་ཡིག་གི་སྐྱེས་བུ་འབྲིང་བ་ཞིག 5.མིང་མཐའ་ཞིག་སྟེ། (དཔེར་ན།) འཆི་བ། དགའ་བ། འདར་བ། རྒྱལ་བ། གཏོང་བ་ཞེས་པ་ལྟ་བུ། 6.བདག་སྒྲ་ཞིག (དཔེར་ན།) ཤིང་བཟོ་བ། ལྷ་ས་བ་ཞེས་པ་ལྟ་བུ། 7. སྒོ་ཕྱུགས་བྱེ་བྲག་པ་ཞིག (དཔེར་ན།) བ་ལས་འོ་མ་བཞོས། བ་ཕྲུག་ཅེས་པ་ལྟ་བུ། མིང་གི་རྣམ་གྲངས་ལ་འཇོ་མ་དང༌། དྲུས་མ། ནུ་རྒྱས་མ། བ་མོ། འབབ་བྱེད་ལུས་ལྡན། ཞོ་སྲུང་བྱེད། བཞོན་མ། འོ་འཕེལ། འོ་མ་འཆིང༌། ཡོངས་འཇོ་མ་བཅས་སོ། ། |
| བ་ཀུ་ལ |
1.ཤིང་ཞིག དེའི་མེ་ཏོག་ནི་མཛེས་མས་འགྲམ་ཆུ་གཏོར་བས་ཁ་འབྱེད་ཟེར་སྲོལ་ཡོད། 2.གནས་བརྟན་བཅུ་དྲུག་ལས་བྱང་སྒྲ་མི་སྙན་ལ་བཞུགས་པའི་གནས་བརྟན་ཞིག |
| བ་གཉིས་པའི་བསྡུ་བ |
བགྲང་གཞི་དང་བགྲང་བྱའི་བར་གྱི་ཚིག་བསྡུ་བ་བགྲང་གཞི་འབྱུང་བ་ལ་བགྲང་བྱ་ལྔ་ཡོད་པ་བསྡུས་པ་ལ་འབྱུང་བ་ལྔ་བརྗོད་པ་ལྟར་རོ། ། |
| བ་གམ |
1.ཁང་ཆེན་བརྗིད་ཉམས་ཅན། 2.ཁང་པ་བརྩེགས་ཐོག་ཅན་གྱི་དོན་ཏེ། (དཔེར་ན།) ཁང་བཟང་བ་གམ་ཟླུམ་པོའི་དབྱིབས་སུ་བསྐྲུན་ཅེས་པ་ལྟ་བུ། |
| བ་གམ་ཅན |
(མངོན་བརྗོད།) རྒྱལ་པོའི་ཕོ་བྲང༌། |
| བ་གྲུས་མ |
བ་དྲུས་མ་དང་འདྲ། |
| བ་གླང |
1.བ་ལང་གི་འབྲི་སོལ་གཞན། 2.གླང་པོ་ཆེ་ཕོའི་མིང་ལ་འཇུག་པར་བཤད། |
| བ་གླང་མིག |
བ་ལང་མིག་དང་དོན་གཅིག |
| བ་གླང་རྐང |
བ་ལང་རྐང་པ་དང་དོན་གཅིག |
| བ་གླང་རྐྱལ་འཇུག |
བ་གླང་ཆུ་རྐྱལ་དུ་འཇུག་སྐབས་རྫི་བོས་རང་སྣང་གང་ཤར་གྱིས་བརྡུངས་ནས་འདེད་པ་ལྟ་བུ་ནི་བཙན་སྐུལ་བྱེད་པའི་དཔེ། |
| བ་གླང་སྤྱོད |
མངོན་པ་མཛོད་ནས་བཤད་གསལ་ལྟར་གླིང་བཞིའི་ནང་གསེས་རི་རབ་ནུབ་ངོས་སུ་ཡོད་པའི་གླིང་ཆེན། |
| བ་ཆུ |
སྲོག་ཆགས་སྨན་གྱི་ནང་ཚན་བ་དམར་ཟལ་གྱི་དྲི་ཆུ་རོ་ལན་ཚ། ཞུ་རྗེས་སྙོམས། ནུས་པས་དམུ་ཆུ་དང༌། ཚད་པ་རྙིང་པ། ཆུ་སེར་གྱི་ནད་སོགས་ལ་ཕན། |
| བ་ཉལ་མཛོ་གྲོད |
ཟ་ཉལ་ཆེ་བའི་མིའི་ངན་མིང༌། (དཔེར་ན།) ངལ་རྩོལ་མི་བྱེད་པར་བ་ཉལ་མཛོ་གྲོད་ཀྱིས་འཚོ་བ་སྐྱེལ་བ་ཞེས་པ་ལྟ་བུ། |
| བ་ཐག |
1.འབུ་སྡོམ་གྱི་ཐག་པ། 2.རྩི་ཤིང་གི་རྩ་བ་ས་འོག་ཏུ་རྒྱུགས་པ་ཕྲ་མོ་དེའོ། ། |
| བ་དཀར |
1.བ་ཕྱུགས་སྤུ་མདོག་དཀར་པོ། 2.(ཡུལ་སྐད།) མདོག་སྐྱ་བའི་ས་འཇམ་པོ་ཞིག |
| བ་དན |
1.མཆོད་རྫས་ཀྱི་བྱེ་བྲག་དར་ཆ་ཞིག 2.ཤིང་གྲུ་སྐྱོད་བྱེད་ཀྱི་དར་པོ་ཆེ། |
| བ་དམ |
སྲན་མའི་བྱེ་བྲག་ཅིག |
| བ་དྲུས་མ |
འོ་མ་བཞོ་རྒྱུ་ཡོད་པའི་བ་མོའི་མིང་། |
| བ་ན་རི་སྐྱེས |
(མངོན་བརྗོད།) ལྡོང་རོས། |
| བ་ནུ |
1.ཕྱུགས་རིགས་བ་ཡི་ནུ་མདེའུ། 2.རྡོ་སྨན་གྱི་རིགས་དབྱིབས་བ་ཡི་ནུ་མདེའུ་དང་འདྲ་བ་ཞིག་རོ་བསྐ། ཞུ་རྗེས་དྲོད། ནུས་པས་ཆུ་བ་དང༌། རྒྱུས་པ་ཆད་པ་དང་ཉམས་པ་གསོ། |
| བ་ནེ་བུན་ནེ |
(རྒྱན་ཚིག) བན་བུན་ལ་ལྟོས། |
| བ་ཕྱུགས |
སྒོ་ཟོག་བ་ལང་སྤྱིའི་མིང་། (དཔེར་ན།) བ་ཕྱུགས་ཆས་ཀྱིས་འཚོ། རླུང་ནད་མར་ཁུས་འཚོ་ཞེས་པ་ལྟ་བུ། |
| བ་ཕྱེད |
ཝ་ཕྱེད་དེ་བོད་ཡིག་སྨད་འདོགས་བཞིའི་གྲས་ཝ་ཟུར། |
| བ་ཕྲུག |
བ་ཕྱུགས་ཀྱི་ཕྲུ་གུ། |
| བ་བྱུང |
བ་ཁ་དོག་དམར་སེར་ལས་བྱུང་བའི་ལྕི་བ། གཅིན། མར། ཞོ། འོ་མ་སྟེ་ལྔ་པོ་སྤྱིའི་མིང༌། |
| བ་བྱུང་རིལ་བུ |
བ་ལས་བྱུང་བའི་རྫས་ལྔ་པོ་གཅིག་ཏུ་བསྲེས་ནས་བཟོས་པའི་རིལ་བུ། |
| བ་བྱུང་ལྔ |
བ་ལས་བྱུང་ཞིང་ས་ལ་མ་ལྷུངས་པའི་བའི་ཆུ་དང༌། ལྕི་བ་དང༌། འོ་མ་དང༌། མར་དང་ཞོ་བཅས་ལྔའོ། ། |
| བ་བླ |
རྡོ་སྨན་གྱི་རིགས་ཤིག་རོ་ཁ་ལ་ཚ། ཞུ་རྗེས་དྲོད། ནུས་པས་རྨེན་བུ་སྐྲངས་ནས་རྨ་རུལ་གྱུར་པ་ལ་ཕན། དངུལ་ཆུའི་དུག་འདོན་ཐུབ། མིང་གི་རྣམ་གྲངས་ལ་གར་གྱི་རྒྱན། སྣ་ཚོགས་མདོག་བ་སྤུ་ལྷུང་བ། བ་ལང་སོ། བྱི་ལའི་མིག་ས་འོག་ཕྲེང་བ་བཅས་སོ། ། |
| བ་མ |
(ཡུལ་སྐད།) ཐད་ཀར་བསྐོར་ཏེ་འབིགས་པའི་ལག་གསོར་འཕྲུལ་མ། |
| བ་མཁལ་སྨུག་པོ |
སྔོ་སྨན་མཆིན་པ་ཞོ་ཤའི་མིང་གི་རྣམ་གྲངས་ཤིག |
| བ་མཛོ |
ཕ་གཡག་དང༌། མ་བ་མོ་ལས་སྐྱེས་པའི་མཛོ། |
| བ་མེན |
1.བ་ལང་དང་རིགས་འདྲ་བའི་རི་དྭགས་ཤིག་གི་མིང་། 2.བ་ལང་དང་ནོར་གཞན་སྡེབ་སྦྱོར་བྱས་པའི་ནོར་གྱི་མིང་། |
| བ་མོ |
1.ཕ་གླང་དང༌། མ་བ་མོ་ལས་སྐྱེས་པའི་མོ་ཟོག (དཔེར་ན།) བ་མོ་དབྱར་བཞོ་དགུན་ནས་གསོ། བ་མོ་མགོ་ཐག་བརྒྱབ་པའི་ཞོགས་ཇ་སྣུམ་བག་ཚིར་ཚིར་ཞེས་པ་ལྟ་བུ། 2.བད་ཀྱི་མིང་སྟེ། (དཔེར་ན།) བོད་ཟླ་བཅུ་པར་བ་མོ་འབབ། སྟོན་ཐོག་བ་མོས་བཅོམ་པ། ཁ་བ་ཆགས་ས་རི་མགོ་དང༌། བ་མོ་ཆགས་ས་ཀླུང་ཐང༌། ལ་ལ་ཁ་བ་མེད་ན་ཀླུང་ལ་བ་མོ་ཡོང་དོན་མེད་ཅེས་པ་ལྟ་བུ། མིང་གི་རྣམ་གྲངས་ལ་མཁའི་ཟིལ་པ་དང༌། རྡུལ་གྱི་ཆུ། ནམ་མཁའི་རླངས་པ་བཅས་སོ། ། |
| བ་ཚྭ |
བུལ་ཏོག་འདྲ་ལ་ཚྭའི་བྲོ་བ་ཅན་ཞིག (དཔེར་ན།) ཞིང་ཁ་བ་ཚྭ་ཅན། བ་ཚྭ་ཅན་གྱི་ཆུ། ཆུ་བ་ཚྭ་ཅན་གྱིས་ལྟོ་ཆུ་མི་ཉན་ཞེས་པ་ལྟ་བུ། |
| བ་ཚྭ་ལྡན |
(མངོན་བརྗོད།) ས་གཞི་ངན་པ། |
| བ་འཇོ་བ |
བ་ལས་འོ་མ་བཞོ་བ། |
| བ་འཇོ་མཁན |
(མངོན་བརྗོད།) འབྲོག་པའི་མིང༌། |
| བ་ཡག་པ |
སྦ་ཡག་གི་མིང་གཞན། |
| བ་ཡན་ཧ་རི |
རི་ཆེན་ཞིག མཚོ་སྔོན་དབུས་ཁུལ་གྱི་ལྷོ་ངོས་སུ་ཡོད། མཐོ་ཚད་རྒྱ་མཚོའི་ངོས་ལས་སྨི་ལྔ་སྟོང་ནས་དྲུག་སྟོང་བར་དུ་ཡོད་ཅིང་རང་རྒྱལ་གྱི་ཆུ་བོ་ཆེན་པོ་འབྲི་ཆུ་དང་རྨ་ཆུ་གཉིས་ཀྱི་ཆུ་མཚམས་འབྱེད་རི་ཡིན། |
| བ་ཡར་མ |
ན་ནིང་བེའུ་སྐྱེས་ཤིང་ད་ལོ་སྐྱེ་རྒྱུ་མེད་པའི་བ། |
| བ་ཡི་ནུ་མ |
(མངོན་བརྗོད།) རྒུན་འབྲུམ། |
| བ་ར |
1.བ་ཕྱུགས་དང་ར། 2.བ་ཕྱུགས་འཇུག་སའི་ར་བ། |
| བ་ར་བོང་གསུམ |
བ་དང་ར། བོང་བུ་གསུམ། |
| བ་རི |
(ཡུལ་སྐད།) སྔ་དུས་གཟིམ་ཆུང་བའི་མཛད་སྒོའི་ཞྭ་མོ་ཞིག |
| བ་རི་ལོ་ཙཱ་བ |
བ་རི་ལོ་ཙཱ་བ་རིན་ཆེན་གྲགས་འདི་རྗེ་བཙུན་མི་ལ་རས་པ་དང་དུས་མཉམ་དུ་མངའ་རིས་སུ་འཁྲུངས། (1040-1111)དོན་ཞགས་དང༌། སྲུང་བ་ལྔ། སྒྲུབ་ཐབས་བརྒྱ་རྩ་ལ་སོགས་པ་བསྒྱུར། ས་ཆེན་ཀུན་དགའ་སྙིང་པོའི་བླ་མ་མཛད། ས་སྐྱ་གོང་མ་དཀོན་ཅོག་རྒྱལ་པོ་གཤེགས་དུས་སྲས་ས་ཆེན་ནར་མ་སོན་པས། བླ་མ་འདིས་གདན་ས་བསྐྱངས། རབ་བྱུང་གཉིས་པའི་ལྕགས་ཡོས་ལོ་ལ་འདས། |
| བ་རུ |
ཤིང་ཏོག་ཅིག་གི་མིང་། བོད་ཀྱི་སྨན་གཞུང་དུ་ཨ་རུ་བ་རུ་སྐྱུ་རུ་གསུམ་ལ་སྨན་གྱི་འབྲས་བུ་གསུམ་ཟེར། |
| བ་རུ་བཞི་སྦྱོར |
རེག་དུག་འཆོས་ཐབས་ཀྱི་སྨན་གྱི་སྦྱོར་སྡེ་རྒྱ་ནག་ནས་དར་བ་ཞིག |
| བ་རུ་ར |
ཤིང་སྨན་གྱི་རིགས་ཤིག་རོ་བསྐ་ལ་ཁ་ཚ། མངར་སྐྱུར། ཞུ་རྗེས་སྙོམས། ནུས་པས་བད་མཁྲིས་དང༌། ཆུ་སེར་ནག་པོ་སྐེམ་པར་བྱེད། མིང་གི་རྣམ་གྲངས་ལ་དཔག་བསམ་ཤིང་དང༌། བ་ལ་ཧ། བད་ཀན་མཐར་བྱེད། འབྱུང་པོའི་གནས། མིག་གི་རྩ་བ། སྨན་གྱི་སྡེ། རྩོད་པའི་ཤིང༌། ཚིམ་བྱེད། ཤླེཥླའི་འབྲས་བུ་བཅས་སོ། ། |
| བ་རེ་བེར་རེ |
(རྒྱན་ཚིག) བེར་ལ་ལྟོས། |
| བ་རེ་བོ་རེ |
(རྒྱན་ཚིག) བྱ་བ་ལ་དོ་བཙོན་མེད་པའི་རྣམ་འགྱུར་ཏེ། (དཔེར་ན།) ལས་དོན་བ་རེ་བོ་རེ་བྱས་ན་འཐུས་སྒོ་འཆོར་བ་ལས་འོས་མེད་ཅེས་པ་ལྟ་བུ། |
| བ་རྒྱ |
འབུ་སྡོམ་གྱི་ཐག་དྲ། (དཔེར་ན།) བ་རྒྱ་ལན་བརྒྱ་ཆད་ཀྱང༌། སྡོམ་གྱིས་ལན་བརྒྱ་འགྲེམས་ཡོང༌ཞེས་པ་ལྟ་བུ། |
| བ་རྒྱ་བྱེད་མཁན |
(མངོན་བརྗོད།) སྡོམ། |
| བ་རྙི |
བའི་ལྕི་བ། |
| བ་རྫི |
བ་ཕྱུགས་འཚོ་བ་པོའི་མིང་། (དཔེར་ན།) བ་རྫི་བ་ཡི་རྗེས་སུ་འབྲང༌ཞེས་པ་ལྟ་བུ། |
| བ་ལ་ཧ |
རྟ་མཆོག་ཅིག སྲིན་མོའི་གླིང་ནས་འགྲོ་བ་འདྲེན་པའི་རྟའི་རྒྱལ་པོ་བ་ལ་ཧ་ཞེས་པ་སྤྱན་རས་གཟིགས་ཀྱི་སྤྲུལ་པ་ཞིག |
| བ་ལང |
1.བ་དང་གླང༌། མིང་གི་རྣམ་གྲངས་ལ་ལྐོག་ཤལ་ཅན་དང༌། ནོག་ཅན། ནོར་ཕྱུགས་བཅས་སོ། །2.གླང་ཆེན། |
| བ་ལང་དབང་ཕྱུག |
(མངོན་བརྗོད།) འབྲོག་པ། |
| བ་ལང་བགྲང |
(མངོན་བརྗོད།) འབྲོག་པ། |
| བ་ལང་བདག |
སྟོན་པ་ཤཱཀྱ་ཐུབ་པའི་དྲུང་དུ་རབ་ཏུ་བྱུང་ནས་ཤཱ་རིའི་བུའི་སློབ་མར་གྱུར་བ་ཞིག |
| བ་ལང་བརྟུལ་ཞུགས |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག་གིས་བསྲུང་བའི་ཆོས་ཁྲིམས། |
| བ་ལང་མགོ |
(མངོན་བརྗོད།) ཙན་དན་དཀར་པོ། |
| བ་ལང་མིག |
(མངོན་བརྗོད།) སྐར་ཁུང༌། |
| བ་ལང་ཟས |
(མངོན་བརྗོད།) སྤང་རྒྱན། |
| བ་ལང་འཚེ |
(མངོན་བརྗོད།) 1>སྤྱང་ཀི། 2>ལྷའི་གླུ་མཁན། |
| བ་ལང་རྐང་པ |
(མངོན་བརྗོད།) 1>ཁྲུམས་ཟླའམ་ཧོར་ཟླ་བརྒྱད་པ། 2>ཉི་ཁྱིམ་བཅུ་གཉིས་ཀྱི་གྲས་བུ་མོའི་ཁྱིམ། |
| བ་ལང་རྨིག་རྗེས |
བ་ལང་གི་རྐང་རྗེས་ཏེ། (དཔེར་ན།) ཐན་པ་ཆེན་པོ་བཏང་བར་བ་ལང་རྨིག་རྗེས་འཁྱིལ་བའི་ཆུས་མི་ཕན་ཞེས་པ་ལྟ་བུ། |
| བ་ལང་ལྕེ |
ཁུར་མོང་ཞེས་པའི་སྔོ་སྨན་ཤིག |
| བ་ལང་ཤིང་རྟ |
བ་ལང་གིས་འཐེན་པའི་ཤིང་རྟ། |
| བ་ལང་སོ |
(མངོན་བརྗོད།) བ་བླ། |
| བ་ལང་སྐྱོང་བ |
1.བ་ལང་གི་རྫི་བོ། 2.བ་ལང་གི་བདག་པོ། |
| བ་ལང་སྣ |
(མངོན་བརྗོད།) སྦྲུལ། |
| བ་ལང་སྤྱོད |
བ་གླང་སྤྱོད་དང་འདྲ། |
| བ་ལི |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ལ། གཞུང་རྟ་ཁྲུ་གང་ཙམ་སྐྱེ་བ། ལོ་མ་ཆེ་ཞིང་བ་སྤུ་དཀར་བོས་ཁྱབ་པ། མེ་ཏོག་དཀར་བོ་ཤིང་བལ་དང་འདྲ་ལ། བསྐམས་ན་ཡང་མདོག་མི་འགྱུར་བ། དྲི་ཞིམ་ཅན་ཞིག་ཡིན། |
| བ་ལུ |
ཤིང་སྨན་གྱི་རིགས་ཤིག་རོ་བསྐ། ཞུ་རྗེས་དྲོད། ནུས་པས་མེ་དྲོད་གསོ། དང་ག་འགག་པ་འབྱེད། མ་ཞུ་བ་དང༌། ཚ་གྲང་འཐབ་པའི་ཕོ་ནད་བཅས་སེལ། |
| བ་ལུ་ནག་པོ |
དྭ་ལིས་རིགས་མེ་ཏོག་དམར་པོ་འཆར་བ། ཡུལ་འགར་སུར་ནག་ཅེས་བརྗོད་པ་ཞིག་ནུས་པས་དྲོད་སྐྱེད། ཆུ་སེར་སྐེམ། |
| བ་ལེ་ཀ |
(ལེགས་སྦྱར།) གཅིག་སྟོབས་ཏེ་ཤིང་སྨན་གྱི་རིགས་ཤིག རོ་ཁ་ལ་ཚ། ཞུ་རྗེས་བསིལ། ནུས་པས་གློ་མཆིན་དང༌། སྣོད་ཀྱི་ཚ་བ་སེལ། མིང་གི་རྣམ་གྲངས་ལ་ག་བུར་དྲི་ལྡན་དང་ནོར་བུའི་ཤིང་ངོ་། ། |
| བ་ལྕི |
བ་ལང་གི་ལྕི་བ། |
| བ་ལྡིང་ཆུ |
འབབ་ཆུ་ཞིག ཆུ་འགོ་མཚོ་སྔོན་མཚོ་བྱང་ཆི་ལེན་རྫོང་ནས་བྱུང་སྟེ་ཀན་སུའུ་ཞིང་ཆེན་དུ་འབབ། |
| བ་ཤ་ཀ |
(ལེགས་སྦྱར།) ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཁྲག་ཚད་སེལ། མིང་གི་རྣམ་གྲངས་ལ་ཁྲག་སྐེམ་དང༌། ཁྲག་འཐུང༌། བ་ཏ་བ་ཤ། བི་ཀ་ཤ་ཡ། མ་ཏ་པ་རྣི་བཅས་སོ། ། |
| བ་ཤུ |
རྨ་འབྲུམ་དུག་ཅན། |
| བ་ཤེ |
སྔར་བོད་དུ་བ་ཕྱུགས་ཤེ་སྟེ་བོགས་མ་ལ་བཏང་ནས་ལེན་པའི་མར་ཕྱུར། |
| བ་ཤེ་གླང་འགེལ |
བ་ལ་འཁྲི་བའི་ཤེ་མར་གླང་ལ་འགེལ་བ་སྟེ་འགན་འགེལ་ཡུལ་ག་ཕྱི་སློག་པའི་དཔེ། |
| བ་སོ |
གླང་ཆེན་མཆེ་བའི་མིང་། |
| བ་སོ་མཁན |
གླང་ཆེན་མཆེ་བར་རྐོས་རྒྱག་མཁན། |
| བ་སྐྱ |
སྣའི་སྒོར་ཆགས་པའི་སྣབས་སྐམ་པོ། (དཔེར་ན།) ཞལ་སྒོ་སྣུམ་བག་ལྡན་ཡང༌། ཤངས་ལ་སྐྱ་ཆགས་འདུག་ཅེས་པ་ལྟ་བུ། |
| བ་སྤུ |
1.ལུས་ཀྱི་པགས་པའི་བུ་ག་ལས་སྐྱེས་པའི་སྤུ་ཕྲ་མོ། (དཔེར་ན།) ལུས་ཀྱི་བ་སྤུ་རྒྱས་པ། འཇིགས་ཤིང་སྐྲག་ནས་བ་སྤུ་གཟིངས་པ། ཁོང་ཁྲོ་བཟས་ནས་བ་སྤུ་ལྡང་བ། ཧ་ཅང་འཁྱགས་ནས་བ་སྤུ་ལངས་པ། མིང་གི་རྣམ་གྲངས་ལ་པགས་པའི་མེ་ཏོག་དང༌། པགས་པའི་མྱུ་གུ། ལུས་སྐྱེས་བཅས་སོ།།2.ཐང་སྨན་གྱི་རིགས་ཤིག་རོ་མངར་ལ་ཚ། ཞུ་རྗེས་དྲོད། ནུས་པས་ཕོ་བ་དང་མཁལ་མའི་དྲོད་ཉམས་པ་དང༌། ལུས་སྟོབས་ཞན་པ། ཚིགས་མིག་ཏུ་ཆུ་སེར་འཕེལ་བ་སོགས་ལ་ཕན། |
| བ་སྤུ་གྱེན་དུ་ཕྱོགས་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་གདམས་ངག་ཡང་དག་པར་བླངས་ནས་འཛིན་སྤེལ་བྱས་པས་སྐུའི་སྤུ་གྱེན་དུ་ཕྱོགས་པ། |
| བ་སྤུ་རེ་རེ་ནས་གཡས་སུ་འཁྱིལ་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་འདུ་འཛི་ལ་སོགས་པ་ཡོངས་སུ་སྤངས་པས་བ་སྤུ་རེ་རེ་ནས་གཡས་ཕྱོགས་སུ་འཁྱིལ་བ། |
| བ་སྤུ་ལྷུང་བ |
(མངོན་བརྗོད།) བ་བླ། |
| བ་སྤུའི་བུ་ག |
ལུས་ཀྱི་བ་སྤུ་སྐྱེ་སའི་ཁུང་བུའི་མིང་། (དཔེར་ན།) བ་སྤུའི་བུ་ག་ཐམས་ཅད་ནས་རྔུལ་ཆུ་ཐོན་ཞེས་པ་ལྟ་བུ། |
| བཀག |
(བྱེད་འབྲེལ་ལས་ཚིག) དགག་པའི་འདས་པ། བཀག་འགོག་བྱས་པའི་དོན་ཏེ། (དཔེར་ན།) སྤྱོད་ངན་བཀག དགྲ་བཀག སྔོན་བཀག ཁ་བཀག རྩྭ་བཀག ཆུ་བཀག་ཅེས་པ་ལྟ་བུ། |
| བཀག་ཆ |
བཀག་འགོག་སྟེ་ལམ་ལ་ཐད་ཀར་མི་གཏོང་བའམ་བྱ་བ་ཐད་ཀར་བྱེད་དུ་མི་འཇུག་པ། (དཔེར་ན།) བཀག་ཆ་ཡོད་ན་བྱ་བ་བྱེད་ཐབས་དཀའ་ཞེས་པ་ལྟ་བུ། |
| བཀག་ཉར |
བཀག་ནས་ཚགས་བྱེད་པ། |
| བཀག་པ |
རྒྱུན་གཅོད་པ་དང་རྒོལ་བ་སོགས་ཀྱི་དོན་དུ་གོ་བའི་འགོག་པའི་འདས་པའི་བྱ་མིང་། |
| བཀག་བསྐྱིལ |
བཀག་ནས་ཉར་བའི་དོན་ཏེ། (དཔེར་ན།) ཟ་འབྲུ་བཀག་བསྐྱིལ། འགྲུལ་པ་བཀག་བསྐྱིལ་ཞེས་པ་ལྟ་བུ། |
| བཀག་འགོག |
བྱེད་དུ་མི་འཇུག་པའམ་འགྲོ་རུ་མི་འཇུག་པའི་དོན་ཏེ། (དཔེར་ན།) འགྲུལ་པ་དོན་མེད་བཀག་འགོག་བྱེད་མི་རུང༌ཞེས་པ་ལྟ་བུ། |
| བཀག་འདོམས |
བཀག་འགོག |
| བཀག་རྒོལ |
བཀག་ནས་འཐབ་པའི་དོན་ཏེ། (དཔེར་ན།) བཙན་འཛུལ་ལ་བཀག་རྒོལ་བྱེད་པ་ཞེས་པ་ལྟ་བུ། འདི་ལ་དུས་རྒྱུན་འགོག་རྒོལ་ཞེས་འབྲི། |
| བཀག་སྡོམ |
གང་བྱུང་བྱས་མི་ཆོག་པའི་དམ་བསྒྲགས་བྱེད་པ་སྟེ། (དཔེར་ན།) བཀག་སྡོམ་བཀའ་རྒྱ། བཀག་སྡོམ་ཐག་རྒྱ། བཀག་སྡོམ་ས་ཁུལ་ཞེས་པ་ལྟ་བུ། |
| བཀང |
(བྱེད་འབྲེལ་ལས་ཚིག) འགེངས་པའི་འདས་པ། སྣོད་ནང་དུ་དངོས་རྫས་ཀྱིས་གང་བར་བྱས་པའི་དོན་ཏེ། (དཔེར་ན།) འབྲུས་བང་མཛོད་བཀང་། ཆུས་ཆུ་མཛོད་བཀང་ཞེས་པ་ལྟ་བུ། |
| བཀང་བ |
འགེངས་པའི་འདས་པའི་བྱ་མིང་། |
| བཀད |
1.(བརྡ་རྙིང།) གྲལ་ལམ་རིམ་པའི་དོན་ཏེ། (དཔེར་ན།) བཀད་གཉིས་པ། དེ་རིང་ཡིག་སྐྱེལ་བཀད་ཁྱོད་ལ་ཁེལ་ཡོད་ཅེས་པ་ལྟ་བུ། 2.ཐགས་ཀྱི་བཀད། (དཔེར་ན།) སྣམ་བུ་འདིའི་བཀད་རིས་མཛེས་པོ་འདུག་ཅེས་པ་ལྟ་བུ། 3. (བྱེད་འབྲེལ་ལས་ཚིག) འགད་པའི་འདས་པ། འགད་གཏོར་བྱས་པའི་དོན་ཏེ། (དཔེར་ན།) འགས་སྨན་གྱིས་བྲག་བཀད། བཀད་སྒྲ། མ་བཀད་རང་གས་ཞེས་པ་ལྟ་བུ། |
| བཀད་དང་པོ |
ཆེས་ཐོག་མའི་མིང་བོད་ཡིག་སློབ་སྐབས་བཀད་དང་པོར་ཀ་ཁ་སློབ་དགོས་ལྟ་བུ། |
| བཀད་ས |
1.ཟས་གཡོས་སྦྱོར་བྱེད་སའི་ཁང་པའམ། ཟས་ཟ་སའི་ཁང་པ། 2.འདུག་གྲལ་དང་འཚོག་ས་སྟེ་འཛོམས་ས། |
| བཀན་གཟོང་ག་མ |
མགར་བའི་ལག་ཆ་ཐོ་བ་ཞིག |
| བཀན་པ |
(བྱེད་འབྲེལ་ལས་ཚིག) 1>གྱེན་ལ་བསླངས་པའི་དོན་ཏེ། (དཔེར་ན།) ལག་པ་གྱེན་དུ་བཀན་ལྟ་བུ། 2>བརྟན་པོར་གཏད་པའི་དོན་ཏེ། (དཔེར་ན།) རྐང་བ་རྩིག་པ་ལ་བཀན་ལྟ་བུ།3>ཁས་མི་ལེན་པའི་དོན་ཏེ། རང་གི་ལས་འགན་བཀན་ནས་མ་སྡོད། |
| བཀན་མོ |
ལྕི་ཚད་ཐེག་ཐུབ་པའམ་སྲ་བའི་དོན་ཏེ། (དཔེར་ན།) རྩིག་པ་བཀན་མོ། མི་བཀན་མོ། རྟ་བཀན་མོ་ཞེས་པ་ལྟ་བུ། |
| བཀན་ཤར |
མགར་བའི་ལག་ཆ་ཐོ་བ་ཞིག |
| བཀབ |
(བྱེད་འབྲེལ་ལས་ཚིག) འགེབས་པའི་འདས་པ། བསྒྲིབས་ནས་མི་མངོན་པར་བྱས་པའི་དོན་ཏེ། (དཔེར་ན།) བྱིས་པའི་ལུས་ལ་ཉལ་ཐུལ་བཀབ་ལྟ་བུ། |
| བཀབ་ཅིང་བཀུར |
(བརྡ་རྙིང་།) སྲུང་སྐྱོང༌། |
| བཀབ་པ |
འགེབས་པའི་འདས་པའི་བྱ་མིང་། |
| བཀབ་ཚད |
ཚ་ནད་ཀྱི་རིགས་ཤིག |
| བཀབ་ཚིག |
བྱ་དངོས་ཤིག་ཐད་ཀར་མ་བཤད་པར་ཤུགས་ལ་གོ་ཐུབ་པར་བཤད་པའི་ཚིག་དང་རྩོམ་སོགས་ཀྱི་མིང་། ཡུལ་སྐད་ལ་ལར་ཁེད་ཟེར་བ་དང་དོན་འདྲ། |
| བཀའ |
1.གསུང་སྟེ་སྐད་ཆའི་ཞེ་ས། (དཔེར་ན།) རིམ་པ་གོང་མའི་བཀའ། ཇི་ལྟར་བཀའ་བསྩལ་བ་ལྟར། བཀའ་བཞིན་སྒྲུབ་པ། རྒྱལ་པོའི་བཀའ། བཀའ་བཞིན་ཉན་པ། རྒྱལ་བའི་བཀའ། ཅི་གསུངས་བཀའ་སྒྲུབ། བཀའ་གནང་བ། བཀའ་བབ་པ། བཀའ་ལས་འགོངས་པ་ཞེས་པ་ལྟ་བུ། 2.མིང་རྐྱང་འགའ་ཞིག་གི་ཐོག་མར་སྦྱར་ཚེ་ཞེ་སའམ་ཆེ་བརྗོད་དུ་འགྲོ་སྟེ། (དཔེར་ན།) བཀའ་ཆོས། བཀའ་བྲིས། བཀའ་མོལ། བཀའ་སློབ་ཅེས་པ་ལྟ་བུ། 3.གནའ་རབས་བོད་ཀྱི་རིགས་རུས་ཤིག 4.བཀའ་དང་བསྟན་བཅོས་གཉིས་སུ་ཕྱེ་བའི་བཀའ་བརྗོད་བྱ་དོན་ལྡན་གྱི་ཆོས་དང་འབྲེལ་ཞིང༌། བྱེད་ལས་ཁམས་གསུམ་གྱི་ཉོན་མོངས་སྤོང་བ། འབྲས་བུ་ཞི་བ་མྱང་འདས་ཀྱི་ཕན་ཡོན་སྟོན་པ། རང་གི་བདག་རྐྱེན་སངས་རྒྱས་ལ་བརྟེན་ནས་བྱུང་བའི་གསུང་རབ། མིང་གི་རྣམ་གྲངས་ལ་བཀའ་ལུང་དང༌། ངེས་བསྟན། རྗེས་གནང༌། ཉེར་བསྟན། ཉེར་བླངས། བསྟན་པ་བཅས་སོ། ། |
| བཀའ་ཁྱབ |
ངག་བཀོད། |
| བཀའ་ཁྲ |
ཁྲིམས་ཐག་བཅད་པའི་དཔྱད་མཚམས་ཁྲ་མ། |
| བཀའ་ཁྲ་གཏན་ཚིགས |
ཕུགས་ཐུབ་ཀྱི་དཔྱད་མཚམས། བཀའ་ཁྲ་གཏན་ཚིགས་ཐུ་མོ་ཆེ། |
| བཀའ་ཁྲིམས |
ཁྲིམས་ཏེ། (དཔེར་ན།) བཀའ་ཁྲིམས་གསར་དུ་བཅས། བཀའ་ཁྲིམས་ཀྱིས་བདའ་འདེད་བྱེད་ཅེས་པ་ལྟ་བུ། |
| བཀའ་ཁྲིམས་ཀྱི་གའུ་ལེ |
བཀའ་ཁྲིམས་ཀྱི་ས་བཅད་གོ་རིམ་བཀོད་དེབ། |
| བཀའ་ཁྲིམས་ཚོད་ལོན |
བཀའ་ཁྲིམས་ཀྱི་ཉམས་ལོན་ནས་མཐོང་ཆུང་བྱེད་པ། |
| བཀའ་གཉན་པོ |
1.སྤྲོ་ཐུང་བའི་དོན་ཏེ། (དཔེར་ན།) ཁོང་བཀའ་གཉན་པོ་ཡིན་པས་ཁོང་ཁྲོ་སྐྱེ་སླ་ཞེས་པ་ལྟ་བུ། 2.བཙན་དྲག་ཆེ་བའི་དོན་ཏེ། (དཔེར་ན།) རྒྱལ་པོ་བཀའ་གཉན་པོ་ཞེས་པ་ལྟ་བུ། 3.འདའ་མི་རུང་བའི་བཀའ་ཚིག་གི་དོན་ཏེ། (དཔེར་ན།) ཕ་མའི་བཀའ་གཉན་པོ། རྒྱལ་བའི་བཀའ་གཉན་པོ་ཞེས་པ་ལྟ་བུ། |
| བཀའ་གཏན |
གཞུང་གིས་གནང་བའི་རྩ་འཛིན་བཀའ་ཤོག་གི་དོན་ཏེ། (དཔེར་ན།) བཀའ་གཏན་ཁུངས་ཐུབ། བཀའ་གཏན་ཡིག་རིགས་ཞེས་པ་ལྟ་བུ། |
| བཀའ་གཏོགས |
1.བཀའ་ལ་སྲུང་རྩི་ཞུ་བ་དང་མཉན་པ། 2.ཆོས་སྐྱོང་སྲུང་མ། |
| བཀའ་གཏོགས་པ |
བཀའ་འོག་ཏུ་གཏོགས་པའི་འབངས་མི། |
| བཀའ་གདམས་གདམས་ངག |
ལྟ་བ་གཙོ་བོར་སྟོན་པ་ཇོ་བོའི་གདམས་ངག་སྤྱན་སྔ་བ་ནས་བརྒྱུད་པའི་བདེན་བཞིའི་ཁྲིད། ཕུ་ཆུང་བ་ནས་བརྒྱུད་པའི་རྟེན་འབྲེལ་གྱི་ཁྲིད། རྣལ་འབྱོར་པ་ནས་བརྒྱུད་པའི་བདེན་གཉིས་ཀྱི་ཁྲིད་བཅས། |
| བཀའ་གདམས་གཞུང་དྲུག |
བཀའ་གདམས་པའི་དགེ་བའི་བཤེས་གཉེན་རྣམས་ཀྱིས་ཉམས་ལེན་མཛད་པའི་གཞུང་གཙོ་བོ་དྲུག་སྐྱེས་རབས་དང་ཆེད་དུ་བརྗོད་པའི་ཚོམས་གཉིས་དད་པའི་གཞུང་དང༌། བྱང་ས་དང་མདོ་སྡེ་རྒྱན་གཉིས་ཏིང་ངེ་འཛིན་གྱི་གཞུང་དང༌། སྤྱོད་འཇུག་དང་བསླབ་བཏུས་གཉིས་སྤྱོད་པའི་གཞུང་རྣམས་སོ། ། |
| བཀའ་གདམས་གསར་མ |
རྗེ་ཙོང་ཁ་པ་ནས་བཟུང་བཀའ་གདམས་པའི་རྣམ་ཐར་དང་མཛད་སྤྱོད་གཞིར་བཞག་ཐོག་དབུ་མའི་ལྟ་བ་དང་གསང་སྔགས་ཀྱི་ཐབས་ལམ་བསྣན་པའི་དགེ་ལུགས་པའི་མིང་གི་རྣམ་གྲངས། |
| བཀའ་གདམས་གླེགས་བམ |
བཀའ་གདམས་ཕ་ཆོས་དང་བུ་ཆོས་ཀྱི་པོ་ཏི། |
| བཀའ་གདམས་པ |
སངས་རྒྱས་ཀྱི་བཀའ་ལས་ཡིག་འབྲུ་གཅིག་ཀྱང་མ་ལུས་པར་ཚང་མ་གདམས་ངག་ཏུ་གོ་བའི་གྲུབ་མཐའ་ཞིག་ཇོ་བོ་རྗེ་ཨ་ཏི་ཤ་ནས་དབུ་བརྙེས། འབྲོམ་སྟོན་པ་རྒྱལ་བའི་འབྱུང་གནས་ཀྱིས་སྲོལ་ཕྱེས། པོ་ཏོ་བ་དང༌། སྤྱན་སྔ་བ། ཕུ་ཆུང་བ་བཅས་སྐུ་མཆེད་གསུམ་གྱིས་དར་ཞིང་རྒྱས་པར་མཛད། གླང་རི་ཐང་པ་དང་ཤ་ར་བ་གཉིས་དང༌། བྱ་ཡུལ་བ་སོགས་ཀྱིས་དེ་བས་ཀྱང་རྒྱས་པར་མཛད། བཀའ་གདམས་པའི་སློབ་བརྒྱུད་ཡོངས་སུ་གྲགས་པ་ལ་གཞུང་པ་དང་གདམས་ངག་པ་གཉིས་སམ། ཡང་ན་མན་ངག་པ་དང་གསུམ་དུ་གྱེས་སོ། ། |
| བཀའ་གདམས་ཕ་ཆོས་བུ་ཆོས |
ཇོ་བོ་ཡབ་སྲས་ཀྱི་གསུང༌། ཆོས་བཀའ་གདམས་གླེགས་བམ་དུ་གྲགས་པའི་མན་ངག་སྟེ་ཕ་འབྲོམ་སྟོན་པ་རྒྱལ་བའི་འབྱུང་གནས་ཀྱིས་ཞུས་པ་ལ་ཕ་ཆོས། བུ་རྔོག་ལོ་ལེགས་པའི་ཤེས་རབ་དང༌། ཁུ་སྟོན་བརྩོན་འགྲུས་གཡུང་དྲུང་གཉིས་ཀྱིས་ཞུས་པ་ལ་བུ་ཆོས་སུ་གྲགས། |
| བཀའ་གདམས་ཕོ་བྲང |
རྭ་སྒྲེང་དང་བཀྲ་ཤིས་ལྷུན་པོའི་གཟིམ་ཆུང་རེའི་མིང༌། |
| བཀའ་གདམས་རྙིང་མ |
འབྲོམ་སྟོན་རྗེ་ནས་རྗེ་ཙོང་ཁ་པའི་བར་གྱི་བཀའ་གདམས་ལྷ་ཆོས་བདུན་ལྡན་གྱི་བརྒྱུད་འཛིན་སྔ་རབས། |
| བཀའ་གདམས་རྩ་གཞུང |
ལྟ་བ་གཙོ་བོར་སྟོན་པ་ཇོ་བོ་རྗེས་མཛད་པའི་བདེན་གཉིས་ལ་འཇུག་པ་དང༌། དབུ་མའི་མན་ངག་སོགས་དང༌། སྤྱོད་པ་གཙོ་བོར་སྟོན་པ་སྤྱོད་བསྡུས་སྒྲོན་མེ་དང༌། སྤྱོད་བསྡུས་སོགས། གཉིས་ཀ་སྟོན་པ་བྱང་ཆུབ་ལམ་སྒྲོན་བཅས། |
| བཀའ་གདམས་ལྷ་ཆོས་བདུན |
ཐུབ་དབང༌། སྤྱན་རས་གཟིགས། སྒྲོལ་མ། མི་གཡོ་བ་སྟེ་ལྷ་བཞི་དང༌། སྡེ་སྣོད་གསུམ་སྟེ་ཆོས་གསུམ་བཅས་བདུན། |
| བཀའ་གདམས་ལྷ་བཞི |
ཐུབ་པ་དང༌། སྤྱན་རས་གཟིགས། མི་གཡོ་བ། སྒྲོལ་མ་བཅས་སོ། ། |
| བཀའ་གནང་མངོན་བསྟོད |
བཀའ་གང་གནང་བ་དེར་ཡིད་ཆེས་བྱེད་པ། |
| བཀའ་གནང་རང |
(ཡུལ་སྐད།) 1.དེ་ག་རང༌ཞེས་པའི་དོན་ཏེ། (དཔེར་ན།) ཁྱེད་ཀྱིས་ཇི་ལྟར་གསུངས་པ་དེ་བཞིན་བཀའ་གནང་རང་རེད་ཅེས་པ་ལྟ་བུ། 2.བཀའ་ཕེབས་རང་དང་དོན་གཅིག |
| བཀའ་གཙང་མ |
1.གསུང་འཁྲུལ་མེད་དམ། གསུང་ངོ་མ། 2.ཚུལ་ཁྲིམས་རྣམ་དག |
| བཀའ་གཙིགས |
1.བཀའ་ཆེམས་ཀྱི་དོན་ཏེ། (དཔེར་ན།) བཀའ་གཙིགས་རྡོ་རིང་ལ་བརྐོས་པ་ཞེས་པ་ལྟ་བུ། 2.མནའ་ཚིག 3.བླ་དཔོན་གྱི་ཡི་གེའི་ཞེ་ས། |
| བཀའ་གཙིགས་གཉིས་པ |
སྔར་ཆོས་རྒྱལ་ཁྲི་སྲོང་ལྡེའུ་བཙན་སྐབས་རྗེ་བློན་ཚང་འཛོམས་སར་སྐྱབས་གསུམ་བདེན་དཔང་དུ་བཞག་སྟེ་སྔར་ཡབ་མེས་གོང་རིམ་གྱི་དུས་སུ་ལས་འབྲས་ལ་ཡིད་ཆེས་བྱས་པའི་སྲོལ་རྒྱུན་བསྐྱང་ཞིང༌། དཀོན་མཆོག་མཆོད་པ་དང༌། ཆོས་སྤྱོད་ཀྱི་རྒྱུན་མི་ཉམས་པ་ལ་འབད་པར་བྱའོ་ཞེས་དམ་བཅས་པའི་མནའ་ཚིག་གཉིས་པ། |
| བཀའ་གཙིགས་དང་པོ |
སྔར་ཆོས་རྒྱལ་ཁྲི་སྲོང་ལྡེའུ་བཙན་སྐབས་རྗེ་བློན་ཚང་འཛོམས་སར་སྐྱབས་གསུམ་བདེན་དཔང་དུ་བཞག་སྟེ་སྔར་ཡབ་མེས་གོང་རིམ་གྱི་དུས་ལྟར་དཀོན་མཆོག་གསུམ་གྱི་ཡོན་ཏན་བརྗོད་ཅིང༌། སྐྱབས་སུ་འཛིན་པ་དང༌། གཙུག་ལག་ཁང་མཆོད་གཞི་དགེ་འདུན་དང་བཅས་པ་སྲུང་སྐྱོབ་ཀྱི་བྱ་བ་དང༌། ཆོས་སྤྱོད་ཀྱི་རྒྱུན་མི་ཉམས་པར་བྱའོ་ཞེས་དམ་བཅས་པའི་མནའ་ཚིག་དང་པོ། |
| བཀའ་གསལ |
ལན་གསལ། (དཔེར་ན།) བྱེད་སྒོའི་སྐོར་སྙན་སེང་ཞུས་པར་བཀའ་གསལ་ཕེབས་ཡོད་པ་ཞེས་པ་ལྟ་བུ། |
| བཀའ་གསུང་ཅི་སྒྲུབ |
བཀའ་གང་ཞིག་གནང་བ་དེ་བཞིན་དུ་སྒྲུབ་པ། |
| བཀའ་གྲོལ |
གནང་བ་ཐོབ་པ། |
| བཀའ་གྲོས |
གྲོས་མོལ་གྱི་དོན་ཏེ། (དཔེར་ན།) ལས་དོན་འདི་བཀའ་གྲོས་གནང་ནས་ཐག་བཅད་པ་རེད་ཅེས་པ་ལྟ་བུ། |
| བཀའ་གླེགས |
1.གསུང་རབ་ཀྱི་པོ་ཏི། 2.འཕྲིན་ཡིག་དང་ཕྱག་བྲིས། (དཔེར་ན།) བཀའ་གླེགས་གནང་རྟེན་བཅས་བསྩལ་བ་བཀའ་དྲིན་ཆེ་ཞེས་པ་ལྟ་བུ། |
| བཀའ་ཆད |
1.ཉེས་ཆད་ཀྱི་དོན་ཏེ། (དཔེར་ན།) མི་ཉེས་ཅན་ལ་བཀའ་ཆད་གནང་བ་ཞེས་པ་ལྟ་བུ། 2.རང་གིས་དམ་བཅའ་དང་འགལ་བར་ཡི་དམ་ལྷས་བཅད་པའི་བཀའ་ཆད། |
| བཀའ་ཆེམས |
ཞལ་གདམས་སམ། ཞལ་ཆེམས། |
| བཀའ་ཆེམས་ཀ་ཁོལ་མ |
རྒྱལ་པོ་སྲོང་བཙན་གྱི་བཀའ་རྩོམ་ཀ་ཁོལ་མའི་མཚན་གཞལ་ཞིག |
| བཀའ་ཆོས |
བླ་མས་སློབ་མར་གནང་བའི་གསུང་ཆོས་ཏེ། (དཔེར་ན།) བཀའ་ཆོས་ཞུ་བ་ཞེས་པ་ལྟ་བུ། |
| བཀའ་ཉན |
1.འཁོར་གཡོག་གི་མིང༌། 2.ངག་ལ་ཉན་པ། 3.ཆོས་སྐྱོང་སྲུང་མ། |
| བཀའ་ཉེས |
ཉེས་ཆད། |
| བཀའ་ཐ་མ་ལེགས་པར་རྣམ་པར་ཕྱེ་བའི་ཆོས་འཁོར |
ཆོས་འཁོར་གསུམ་གྱི་ཐ་མ། སྟོན་པ་ཤཱཀྱ་ཐུབ་པས་ཡུལ་ཡངས་པ་ཅན་སོགས་སུ་འཁོར་ཐེག་པ་ཆེན་པོའི་རིགས་ཅན་ལ་ཆོས་མཚན་ཉིད་གསུམ་གྱི་རྣམ་གཞག་གཙོ་བོར་སྟོན་པའི་མདོ་སྡེ་ལང་ཀར་གཤེགས་པ་ལ་སོགས་པ་རྣམས་སོ། ། |
| བཀའ་ཐང |
ལོ་རྒྱུས་སམ། ཁ་ཆེམས་ཏེ། (དཔེར་ན།) པད་མ་བཀའ་ཐང༌ཞེས་པ་ལྟ་བུ། |
| བཀའ་ཐང་སྡེ་ལྔ |
རབ་བྱུང་ལྔ་པའི་ཤིང་བྱ་ལོར་ཨོ་རྒྱན་གླིང་པས་བསམ་ཡས་དང་ཤེལ་བྲག་ནས་གཏེར་ལས་བཏོན་པའི་སློབ་དཔོན་པད་མ་འབྱུང་གནས་ཀྱིས་གསུངས་པའི་རྒྱལ་པོ་བཀའ་ཐང༌། བཙུན་མོ་བཀའ་ཐང༌། བློན་པོ་བཀའ་ཐང༌། ལོ་པཎ་བཀའ་ཐང༌། ལྷ་འདྲེ་བཀའ་ཐང་སྟེ་ལྔ། |
| བཀའ་ཐམ |
1.ཕྱག་དམ་མམ། དམ་ཕྲུག་སྟེ། (དཔེར་ན།) བཀའ་རྒྱ་བཀའ་ཐམ་འབྱར་མ་ཞེས་པ་ལྟ་བུ། 2.བཀའ་ཤག་གི་ཐམ་ག། |
| བཀའ་དང་པོ་བདེན་བཞིའི་ཆོས་འཁོར |
ཆོས་འཁོར་གསུམ་གྱི་དང་པོ། སྟོན་པ་ཤཱཀྱ་ཐུབ་པས། ཡུལ་ཝཱ་ར་ཎ་སིར། འཁོར་ལྔ་སྡེ་བཟང་པོ་ལ། ཆོས་བདེན་པ་བཞི་བརྗོད་བྱར་བྱས་པའི་ཆོས་ཀྱི་འཁོར་ལོ་བསྐོར་བ། |
| བཀའ་དཔྱད |
ཁྲིམས་ཀྱིས་ཐག་བཅད་པའི་དཔྱད་མཚམས། |
| བཀའ་དབང |
1.བློན་པོ། 2.གསང་སྔགས་ཀྱི་དབང༌སྟེ། (དཔེར་ན།) གསང་འདུས་ཀྱི་བཀའ་དབང་བསྐུར་བ་ཞེས་པ་ལྟ་བུ། |
| བཀའ་དོན |
གང་གསུངས་པའི་སྙིང་པོ། |
| བཀའ་དོན་ཐོད་བཅིངས |
བཀའ་དོན་སྤྱི་བོར་བཅིངས་པ་བཀའ་ལ་སྲུང་རྩི་ཞུས་པ། |
| བཀའ་དྲིན |
དྲིན་ཞེས་པའི་ཞེ་ས་སྟེ། (དཔེར་ན།) སྐྱབས་འཇུག་གནང་བ་བཀའ་དྲིན་ཆེ་བྱུང༌། སྲོག་སྐྱོབ་པའི་བཀའ་དྲིན་རྗེས་དྲན་བྱེད་པ། གསོ་སྐྱོང་གི་བཀའ་དྲིན་འཇལ་བ། བཀའ་དྲིན་གསོབ་ཐབས་གང་ཐུབ་བྱེད་པ་ཞེས་པ་ལྟ་བུ། |
| བཀའ་དྲིན་གསུམ་ལྡན |
མདོའི་སྡོམ་པ་དང་ལུང་ཁྲིད་གནང་བའི་བཀའ་དྲིན་གསུམ་ལྡན་ནམ། སྔགས་ཀྱི་དབང་བསྐུར་དང་རྒྱུད་བཤད་མན་ངག་གནང་བའི་བཀའ་དྲིན་གསུམ་ལྡན་གྱི་བླ་མ། |
| བཀའ་དྲིན་བསམ་ཤེས |
བཀའ་དྲིན་ཤེས་ཤིང་བསམ་པ་སྟེ། (དཔེར་ན།) བཀའ་དྲིན་བསམ་ཤེས་ཀྱིས་ཞབས་ཕྱི་ཧུར་བརྩོན་ཞུས་པ་ཡིན་ཞེས་པ་ལྟ་བུ། |
| བཀའ་དྲིན་སྙིང་བཅངས |
རྟག་ཏུ་དྲིན་ཡིད་ལ་འཇོག་པའི་དོན་ཏེ། (དཔེར་ན།) བཀའ་དྲིན་སྙིང་བཅངས་ཀྱིས་ཞབས་འདེགས་རྣམ་དག་ཞུ་བ་ཞེས་པ་ལྟ་བུ། |
| བཀའ་དྲུང |
སྔར་བོད་ཀྱི་བཀའ་ཤག་གི་དྲུང་ཡིག |
| བཀའ་ནན |
1.དོ་གལ་ཆེན་པོས་འདོམས་པའི་བཀའ། 2.བཀའ་བཀྱོན། |
| བཀའ་ནན་ལྕི་སྩོལ |
བཀའ་ཚ་ནན་གནང་རོགས་གནང༌ཞེས་པའི་དོན་ཏེ། (དཔེར་ན།) ཉེས་འགེལ་གྱི་བཀའ་ནན་ལྕི་སྩོལ་ཡོང་བ་ཞུ། དུས་འགྱངས་ལེ་འཁོན་བྱུང་ན་སྐབས་སྦྱར་བཀོད་པ་ཤོད་ངེས་ཡིན་ཞེས་བཀའ་ནན་ལྕི་སྩོལ་ཡོད་པ་ཞེས་པ་ལྟ་བུ། |
| བཀའ་པོད་ལྔ |
གཞུང་པོ་ཏི་ལྔ་དང་དོན་གཅིག |
| བཀའ་ཕབ |
བྱེད་ལུགས་བྱེད་སྟངས་སྐོར་གོང་ནས་བཀའ་བཀོད་གནང་བའི་དོན་ཏེ། (དཔེར་ན།) ལས་དོན་བྱེད་ཕྱོགས་སྐོར་གོང་རིམ་ནས་བཀའ་ཕབ་པ་ལྟར་གྱིས་ཤིག་ཅེས་པ་ལྟ་བུ། |
| བཀའ་ཕེབས |
བྱེད་ལུགས་བྱེད་སྟངས་སྐོར་གོང་ནས་ཞལ་བཀོད་བྱུང་བའི་དོན་ཏེ། (དཔེར་ན།) གོང་རིམ་གྱི་བཀའ་ཕེབས་པ་ལྟར་ལག་ལེན་བྱེད་པ་ཞེས་པ་ལྟ་བུ། |
| བཀའ་ཕེབས་རང |
དེ་ག་རང་ཁྱེད་ཀྱིས་གསུང་པ་ལྟར་ཡིན་ཤག་གམ། དེ་སྐོར་རང་ཉིད་ཀྱིས་མ་ཤེས་པའི་ཚིག་ཉམས་ཤིག་སྟེ། (དཔེར་ན།) བཀའ་ཕེབས་རང་ངས་ཞིབ་བརྩད་བྱས་ཆོག ཞིབ་ཕྲའི་གནས་ཚུལ་སྐོར་བཀའ་ཕེབས་རང༌ཞེས་པ་ལྟ་བུ། |
| བཀའ་བཀོད |
བཀའ་ཁྱབ་དང་བཀོད་པའི་དོན་ཏེ། (དཔེར་ན།) བཀའ་བཀོད་ཁང༌། བཀའ་བཀོད་སྡིངས་ཆ། བཀའ་བཀོད་པ་ཞེས་པ་ལྟ་བུ། |
| བཀའ་བཀྱོན |
སྡིགས་མོའམ་གཤེ་གཤེའི་དོན་ཏེ། (དཔེར་ན།) ལས་དོན་བྱས་ཉེས་ལ་བཀའ་བཀྱོན་གནང་བ། བཀའ་བཀྱོན་དྲག་པོ་གནང་བ། བཀའ་བཀྱོན་མེད་པ་ཞུ་རྒྱུ་ཞེས་པ་ལྟ་བུ། |
| བཀའ་བཀྱོན |
དྲག་པོའི་སྒོ་ནས་གཞན་གྱི་སྐྱོན་དང་ཉེས་པ་སོགས་སྟོན་པའི་ཚིག་གི་མིང་། (དཔེར་ན།) བཀའ་བཀྱོན་གནང་། གཞན་གྱིས་བཀའ་བཀྱོན་པ་ཞེས་པ་ལྟ་བུ། |
| བཀའ་བཅག |
བཀའ་དོན་མ་བསྒྲུབས་པའི་དོན་ཏེ། (དཔེར་ན།) ལས་འགན་རྒྱང་བསྒྱུར་བཏང་ནས་བཀའ་བཅག་པ། རྒྱལ་པོའི་བཀའ་བཅག་པ། ང་ཡི་བཀའ་བཅག་ཉེས་པ་ཤིན་ཏུ་ཆེ་ཞེས་པ་ལྟ་བུ། |
| བཀའ་བཅོས |
ཡིག་ཆ་སོགས་ཀྱི་ནོར་འཁྲུལ་བསལ་བའམ། ལེགས་བཅོས་བྱས་པའི་ཞེ་ས། (དཔེར་ན།) དགེ་ཕྲུག་གི་ཀ་ཁའི་ཡིག་གཟུགས་ལ་དགེ་རྒན་གྱིས་བཀའ་བཅོས་གནང་བ་ཞེས་པ་ལྟ་བུ། |
| བཀའ་བཏགས |
(བརྡ་རྙིང་།) ཁྲིམས་བསྒྲགས་པ། |
| བཀའ་བབ |
བཀའ་འབྱོར་བའི་དོན་ཏེ། (དཔེར་ན།) བཀའ་བབ་བགོ་སྐལ་ཞབས་འདེགས་ལ་འབད་བརྩོན་བྱེད་ཅེས་པ་ལྟ་བུ། |
| བཀའ་བབ་བཞི |
མར་པའི་སློབ་མ་ཆེན་པོ་བཞི་སྟེ་རྔོག་ཆོས་སྐུ་རྡོ་རྗེ། མཚུར་སྟོན་དབང་གི་རྡོ་རྗེ། མེས་སྟོན་ཆེན་པོ། མི་ལ་རས་པ་སྟེ་བཞི། |
| བཀའ་བམ |
1.བཀའ་ཤོག 2.གསུང་རབ་གླེགས་བམ། |
| བཀའ་བཙན་པོ |
1.བཙན་ཤེས་ཀྱི་སྐད་ཆ། 2.གང་བཤད་དོན་ལ་གནས་པ། |
| བཀའ་བཞི་པ |
གཞུང་ཆེན་པོ་དབུ་ཕར་འདུལ་མཛོད་བཅས་བཞི་སྦྱངས་ཏེ་དམ་བཅའ་བཞག་པའི་དགེ་བཤེས། |
| བཀའ་བཟང་སྤྱི་སྨིན |
ཡིག་ལན་གཏོང་རོགས་ཞེས་པ། |
| བཀའ་བར་པ་མཚན་ཉིད་མེད་པའི་ཆོས་འཁོར |
ཆོས་འཁོར་གསུམ་གྱི་བར་པ། སྟོན་པ་ཤཱཀྱ་ཐུབ་པས། ཡུལ་བྱ་རྒོད་ཕུང་པོའི་རི་བོར། འཁོར་རབ་འབྱོར་དང་བྱམས་པ་སོགས་ལ། བརྗོད་བྱ་ཆོས་སྟོང་པ་ཉིད་གཙོ་བོར་བྱས་པའི་མདོ་ཡུམ་རྒྱས་འབྲིང་བསྡུས་གསུམ་གྱི་ཆོས་ཀྱི་འཁོར་ལོ་བསྐོར་བ། |
| བཀའ་བརྒྱུད་ཆེ་བཞི |
འབའ་རོམ་པ་དར་མ་དབང་ཕྱུག་ལས་འབའ་རོམ་བཀའ་བརྒྱུད། ཕག་གྲུ་རྡོ་རྗེ་རྒྱལ་པོ་ལས་ཕག་གྲུ་བཀའ་བརྒྱུད། དཔལ་ལྡན་དུས་གསུམ་མཁྱེན་པ་ལས་ཀརྨ་བཀའ་བརྒྱུད། དབོན་སྒོམ་ཚུལ་ཁྲིམས་སྙིང་པོའི་སློབ་མ་ཞང་ཚལ་པ་བརྩོན་འགྲུས་གྲགས་པ་ལས་ཚལ་པ་བཀའ་བརྒྱུད་དེ་བཞི། |
| བཀའ་བརྒྱུད་པ |
རྒྱལ་བ་རྡོ་རྗེ་འཆང་གིས་གསུངས་པའི་གསང་སྔགས་ཀྱི་གདམས་པའི་བཀའ་བབས་ཀྱི་ཆོས་བརྒྱུད་འཛིན་མཁན་ཞིག་བོད་དུ་དེའི་རིང་ལུགས་སྲོལ་འབྱེད་གྲུབ་ཆེན་ཁྱུང་པོ་མཁས་གྲུབ་ནས་བརྒྱུད་པ་ལ་ཤངས་པ་བཀའ་བརྒྱུད་དང༌། ལྷོ་བྲག་མར་པ་ནས་བརྒྱུད་པ་ལ་དྭགས་པོ་བཀའ་བརྒྱུད་ཟེར། དྭགས་པོ་ལའང་ནང་གསེས་ཕྱེ་ན་ཀརྨ་དང༌། ཚལ་པ། འབའ་རོམ། ཕག་གྲུ་བཅས་བཞི། ཕག་གྲུ་ལ་ཡང་འབྲི་གུང་དང༌། སྟག་ལུང༌། འབྲུག་པ། གཡའ་བཟང༌། ཁྲོ་ཕུ། ཤུག་གསེབ། ཡེལ་པ། སྨར་ཚང་རྣམས་སོ་སོར་ཕྱེ་ཡོད། |
| བཀའ་བསྒོ |
1.བཀའ་གནང་བའམ། སྒྲོག་པར་བྱེད་པ། 2.གདོན་འདྲེ་འབུད་པའི་བཀའ་བསྒོ། |
| བཀའ་བསྟན |
བཀའ་འགྱུར་དང་བསྟན་འགྱུར་གྱི་བསྡུས་མིང༌། |
| བཀའ་བསྡུ |
རྒྱལ་བ་མྱ་ངན་ལས་འདས་རྗེས་ཉན་ཐོས་ཆོས་བཀའ་རྣམས་ཕྱོགས་གཅིག་ཏུ་བསྡུ་པ། |
| བཀའ་བསྡུ་གཉིས་པ |
སྟོན་པ་མྱ་ངན་ལས་འདས་ནས་ལོ་བརྒྱ་དང་བཅུ་སོང་མཚམས་སུ་གནས་ཡངས་པ་ཅན་ཀུསྨ་པུ་རིའི་གཙུག་ལག་ཁང་དུ་རྒྱལ་པོ་དྷརྨ་ཨ་ཤོ་ཀ་སྟེ་ཆོས་རྒྱལ་མྱ་ངན་མེད་ཀྱིས་ཨོན་སྦྱར་ཏེ་གྲགས་པ་ལ་སོགས་པའི་དགྲ་བཅོམ་པ་བདུན་བརྒྱས་རུང་མིན་གཞི་བཅུ་བསལ་བ་སོགས་ཀྱིས་ཆོས་མིན་སུན་ཕྱུང་ཞིང་སྡེ་སྣོད་གསུམ་ཚར་གཅིག་ལེགས་པར་བཏོན་ཏེ་བསྡུ་བ་མཛད་པ་དེའོ། ། |
| བཀའ་བསྡུ་གསུམ |
སྟོན་པ་མྱ་ངན་ལས་འདས་པའི་རྗེས་སུ་སློབ་མ་རྣམས་ཀྱིས་སྟོན་པའི་བཀའ་བསྡུ་བ་དང་པོ་དང༌། བསྡུ་བ་གཉིས་པ། བསྡུ་བ་གསུམ་པ་རྣམས་བྱས་པ་དེའོ། ། |
| བཀའ་བསྡུ་གསུམ་པ |
སྟོན་པ་གཤེགས་ནས་ལོ་བརྒྱ་ལྷག་ཙམ་ན་གནས་ཁ་ཆེ་མེ་ཏོག་བརྩེགས་པའི་ཀུན་དགའ་ར་བར་རྒྱལ་པོ་ནིཥྐཔས་སྦྱིན་བདག་བྱས་ཏེ་དགྲ་བཅོམ་པ་ལྔ་བརྒྱ་དང༌། སྡེ་སྣོད་འཛིན་པ་བཙུན་པ་ཆེན་པོ་ལྔ་སྟོང་འདུས་ནས་ཉན་ཐོས་ཀྱི་སྡེ་གྱེས་པ་བཅོ་བརྒྱད་པོ་ཐམས་ཅད་བཀར་སྒྲུབ་ཅིང་འདུལ་བའི་ཚོགས་ཡི་གེར་བཀོད། མདོ་སྡེ་དང་མངོན་པ་སྔར་ཡི་གེར་མ་འཁོད་པ་རྣམས་ཀྱང་ཡི་གེར་བཀོད་ནས་བསྡུ་བ་བྱས་སོ་ཞེས་གྲགས་ལ། འདིའི་དུས་དང་ངོས་འཛིན་སོགས་མི་འདྲ་བ་སྣ་ཚོགས་སྣང་ངོ་། ། |
| བཀའ་བསྡུ་དང་པོ |
སྟོན་པ་མྱ་ངན་ལས་འདས་པའི་ཕྱི་ལོ་དེར་གནས་རྒྱལ་པོའི་ཁབ་ཀྱི་ཕུག་ཏུ་རྒྱལ་པོ་མ་སྐྱེས་དགྲས་སྦྱིན་བདག་མཛད་ནས་འོད་སྲུང་ལ་སོགས་པའི་དགྲ་བཅོམ་པ་ལྔ་བརྒྱ་འདུས་ཏེ་ཀུན་དཀའ་བོས་མདོ་སྡེ་དང༌། ཉེ་བ་འཁོར་གྱིས་འདུལ་བ། འོད་སྲུང་ཆེན་པོས་མངོན་པ་བཅས་ཀྱི་སྡེ་སྣོད་རྣམས་བསྡུས་པ་དེའོ། ། |
| བཀའ་བསྡུར |
གྲོས་བསྡུར་གྱི་དོན་ཏེ། (དཔེར་ན།) གནད་དོན་དེ་སྐོར་ཁྱེད་ཚོས་བཀའ་བསྡུར་གནང་རོགས་གནང༌ཞེས་པ་ལྟ་བུ། |
| བཀའ་བསླད་མ |
གསུང་རབ་བརྫུས་མ། |
| བཀའ་བྲིས |
བསྐུར་ཡིག་གི་ཞེ་ས། |
| བཀའ་བློ |
(བརྡ་རྙིང་།) 1>གྲོས་འདོན་གྱི་གཏམ། 2>སྒོ་གསུམ་གྱི་ལས། |
| བཀའ་བློ་བདེ་བ |
(བརྡ་རྙིང་།) གྲོས་འདོན་གྱི་ཚིག་ལ་དགའ་བ། |
| བཀའ་བློ་མི་བདེ་བ |
གྲོས་འདོན་གྱི་ཚིག་ལ་མི་དགའ་བ་དང༌། ཉེས་པ་གླེང་དུ་མི་འཇུག་པ། |
| བཀའ་བློ་མི་བདེ་བའི་ལྷག་མ |
དགེ་འདུན་ལྷག་མ་བཅུ་གསུམ་ལས། བསྒོ་བ་ལས་གྱུར་པའི་ལྷག་མ་གཞིའི་ནང་གསེས་རང་ཉིད་ལ་ལྟུང་བ་བྱུང་བར་གཞན་གྱིས་གླེང་བ་ན་དང་དུ་མི་ལེན་པས་བཀའ་བློ་མི་བདེ་བ་སྟེ་གཞན་གྱིས་བཟློག་ཀྱང་མི་ཉན་པར་བློ་མི་བདེ་བར་བཅོས་པ། |
| བཀའ་བློན |
1.སྔར་བོད་གཞུང་དགའ་ལྡན་ཕོ་བྲང་སྐབས་ཀྱི་འགན་འཁུར་མཁན་གོ་གནས་ཤིག་གི་མིང་། ཞབས་པད་དང༌། ས་དབང་ཡང་ཟེར། 2.རྒྱལ་པོའི་བཀའ་ལ་ཡོ་འགལ་འཆོས་པའི་བློན་པོ། |
| བཀའ་བློན་ཁྲི་པ |
སྔར་བོད་གཞུང་གི་སྲིད་འགན་འཁུར་མཁན་བཀའ་བློན་ནང་གི་རྒན་ཤོས། |
| བཀའ་མ |
སངས་རྒྱས་ཀྱི་གསུང་ཡོད་དོ་ཅོག |
| བཀའ་མགྲོན |
སྔར་བོད་ཀྱི་བཀའ་ཤག་ནང་གི་གོ་གནས་ཀྱི་མིང་ཞིག་ཡིན་ཞིང༌། བཀའ་ཤག་ལ་ཞུ་ཡིག་བརྒྱུད་འབུལ་དང་མར་བཀའ་བསྒྱུར་རྒྱུ་སོགས་ཀྱི་འགན་འཁུར་མཁན། |
| བཀའ་མངགས |
ལས་དོན་སྒྲུབ་རྒྱུ་མངགས་གཏམ་བྱས་པའི་དོན་ཏེ། (དཔེར་ན།) ཚང་མ་ང་ལ་བཀའ་མངགས་གནང་བྱུང༌ཞེས་པ་ལྟ་བུ། |
| བཀའ་མཆན |
ཡིག་ཆར་མཆན་བཀའ་པའི་ཞེ་ས། |
| བཀའ་མཆིད |
ཕྱག་བྲིས་ཏེ། (དཔེར་ན།) མཉེས་གཤིན་པའི་བཀའ་མཆིད་སྤྱི་བོར་ཡང་ཡང་བསྩལ་དུ་གསོལ་ཞེས་པ་ལྟ་བུ། |
| བཀའ་མདའ |
བཀའ་བློན་དང་མདའ་དཔོན་གྱི་བསྡུས་མིང༌། |
| བཀའ་མོལ |
གཏམ་གླེང་ངམ་སྐད་ཆ་སྟེ། (དཔེར་ན།) བཀའ་མོལ་ལྷུག་པོར་གནང་སྟེ་ཐག་བཅད་པ་ཞེས་པ་ལྟ་བུ། |
| བཀའ་ཚ་པོ |
1.བཀའ་ཚ་ནན། 2.གནང་མ་ཐག་པའི་བཀའ་དྲོད་མ་ཡལ་བ། |
| བཀའ་ཚབ |
བཀའ་བློན་གྱི་ལས་ཚབ། |
| བཀའ་ཚལ་དགོན་པ |
སྲོང་བཙན་སྒམ་པོའི་སྐབས་བཏབ་པའི་མལ་གྲོ་གུང་དཀར་ས་ཁུལ་དུ་ཡོད་པ་མཐའ་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག |
| བཀའ་ཚིགས |
བཀའ་གཙིགས་དང་འདྲ། |
| བཀའ་ཚོགས |
གསུང་ཚོགས་ཏེ། འཕྲིན་ཡིག |
| བཀའ་ཞུ་དམ་འབེབས |
སྒེར་དབང་གི་ས་རིགས་སོགས་ལ་རང་འདོད་ཀྱི་གཏན་ཚིགས་ཡི་གེ་གསར་པ་དང༌། སྔར་ཡོད་ཀྱི་རྒྱབ་སྣོན་སོགས་ཞུ་ལེན་བྱེད་པ། |
| བཀའ་འཁོར |
1.བཀའ་ལ་ཉན་པའི་འཁོར་གཡོག 2.འཁོར་ལོའི་གཟུགས་སུ་བཀོད་པའི་བཀའ། |
| བཀའ་འཁྲོལ |
གནང་བ་ཐོབ་པའི་དོན་ཏེ། (དཔེར་ན།) རིམ་པ་གོང་མའི་བཀའ་འཁྲོལ་བ་ཞེས་པ་ལྟ་བུ། |
| བཀའ་འགོ |
སྔར་བོད་ཀྱི་བཀའ་ཤག་ནས་བཏང་བའི་འགོ་མཆན་ཏེ་སྙན་ཞུའི་འགོར་བཀོད་པའི་ཡི་གེ་དམ་འབྱར། |
| བཀའ་འགོ་དམ་དམར |
སྔར་བོད་གཞུང་དགའ་ལྡན་ཕོང་བྲང་སྐབས་༸གོང་ས་ཏཱ་ལའི་བླ་མའམ། སྲིད་སྐྱོང་ནས་བཏང་བའི་འགོ་མཆན་ཏེ་སྙན་ཞུའི་འགོར་བཀོད་པའི་ཡི་གེ་མཚལ་དམ་ཅན། |
| བཀའ་འགྱངས |
དུས་འགྱངས་ཀྱི་དོན་ཏེ། (དཔེར་ན།) བཀའ་འགྱངས་གནང་སྐྱོང་ཡོད་པ་ཞུ་ཞེས་པ་ལྟ་བུ། |
| བཀའ་འགྱུར |
སངས་རྒྱས་ཀྱིས་གསུངས་པའི་བཀའ་སྡེ་སྣོད་གསུམ་དང༌། རྒྱུད་སྡེ་བཞི་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པ་གླེགས་བམ་བརྒྱ་དང་བཞིའམ་བརྒྱད་ཡོད་དོ། ། |
| བཀའ་འགྱུར་རི་ཉག |
མཚོ་སྔོན་ནུབ་ཕྱོགས་ཐེམ་ཆེན་རྫོང་གི་ལ་ཞིག |
| བཀའ་འགྲེལ |
བཀའི་དོན་གསལ་བར་འབྱེད་པ། |
| བཀའ་འགྲོས་ཆེན་མོ་དྲུག |
རྗེའི་སྐུ་འཚོ་ཞིང་ཞོ་ཤ་སླར་དབུལ་བ་དང༌། རྒོད་ཀྱི་གཉའ་མནན་ཞིང་ཡང་ཁེང་གི་རྒྱབ་བརྟེན་པ། ཁེང་རྒོད་དུ་མི་བཏང་ཞིང་མོ་བཙུན་བཀའ་ལ་མི་གདགས་པ། ས་མཚམས་སྲུང་ཞིང་འབངས་ཀྱི་ཚལ་ཞིང་རྟ་དཀྱུས་ཀྱིས་མི་གཅད་པ། དགྲ་འདུལ་ཞིང་འབངས་སྐྱོང་བ། དགེ་བཅུ་སྒྲུབ་ཅིང་མི་དགེ་བ་བཅུ་སྤོང་བ་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་གཞག་གི་རིགས་ཤིག |
| བཀའ་འདུས |
རྒྱལ་བའི་བཀའ་ཐམས་ཅད་ཕྱོགས་གཅིག་ཏུ་འདུས་པ་དཔེར་ན་སྡེ་སྣོད་གསུམ་མམ། ཆོས་འཁོར་གསུམ། ཡང་ན་ཆོས་ཕུང་བརྒྱད་ཁྲི་བཞི་སྟོང་ལྟ་བུ། |
| བཀའ་འདོམས་པ |
1.བཀའ་བཀོད་པ། 2.སངས་རྒྱས་ཀྱི་བཀའ་གཞན་ལ་སྟོན་པའམ། འཆད་པ། |
| བཀའ་འདྲི |
གཏམ་འདྲི་བ་སྟེ། (དཔེར་ན།) བཀའ་འདྲི་དགོངས་སྐོར་ཞུ་བ་ལྟ་བུ། |
| བཀའ་འཕྲིན |
1.འཕྲིན་ཡིག2.ངག་འཕྲིན། |
| བཀའ་འབངས |
བཀའི་མངའ་འོག་ཏུ་གནས་པའི་འབངས་མི། |
| བཀའ་འབུམ |
གསུང་རྩོམ་ཕྱོགས་བསྒྲིགས། |
| བཀའ་འབྲེལ |
བཀའ་དང་འབྲེལ་བའི་ལས་དོན་ཏེ། (དཔེར་ན།) བཀའ་འབྲེལ་བཞིན་ཁྱབ་བསྒྲགས་བྱས་པ་ཞེས་པ་ལྟ་བུ། |
| བཀའ་འཛིན |
འཛིན་ཡིག |
| བཀའ་ཡང་དག་པའི་ཚད་མ |
ཁྲི་སྲོང་ལྡེའུ་བཙན་གྱིས་བརྩམས་པའི་ཚད་མའི་བསྟན་བཅོས་ཤིག |
| བཀའ་ཡིག |
གོང་རིམ་ནས་གནང་བའི་ཡི་གེ། |
| བཀའ་རམས་པ |
བཀའ་རབ་འབྱམས་པ་སྟེ་གསུང་རབ་མཐའ་ཡས་པ་ཤེས་པའི་མཁས་པ། |
| བཀའ་རྒྱ |
1.གསང་བ་དམ་པོའི་དོན། 2.བཀའ་ཡིག་དམ་འབྱར་མ། 3.བཀག་སྡོམ་བཀའ་རྒྱ། |
| བཀའ་རྒྱ་མ |
གསང་དགོས་པའི་བཀའ་རྟགས་བརྒྱབ་ཡོད་པའི་དངོས་པོའི་མིང་། (དཔེར་ན།) གོང་རིམ་ནས་གཏན་ཁེལ་བྱས་པའི་མི་མ་གཏོགས་གཞན་གྱིས་བལྟ་མི་ཆོག་པའི་འཕྲིན་ཡིག་དང་བཀའ་ལུང་དཔེ་ཆ་སོགས་ལྟ་བུ། དཔེར་ན། ཡི་གེ་བཀའ་རྒྱ་མ། གསུང་བཀའ་རྒྱ་མ་ཞེས་པ་སོགས་ལྟ་བུ། |
| བཀའ་རྒྱུད་པ |
བོད་ཀྱི་ཆོས་བརྒྱུད་ཆེན་པོའི་བཞིའི་ཡ་གྱལ་ཏེ། རྗེ་བཙུན་མར་པ་ལོ་ཙ་བ་དང་མི་ལ་རས་པ་སོགས་ནས་བརྒྱུད་པའི་ཆོས་བརྒྱུད་ཀྱི་མིང་། |
| བཀའ་རྟགས |
1.ཐམ་གའམ། དམ་ཕྲུག 2.དམ་ཕྲུག་ཕབ་ཡོད་པའི་བཀའ་ཡིག |
| བཀའ་རྩ་ཕྱོགས་འགལ |
རྒྱལ་ཁབ་ཀྱི་བཀའ་རྩ་ཚིག་དང་རྒྱབ་འགལ། |
| བཀའ་རྩོམ |
རྩོམ་ཡིག། |
| བཀའ་རྩོམ་གཅེས་བསྡུས |
རྩོམ་ཡིག་ནང་ནས་ཡག་ཤོས་རྣམས་ཕྱོགས་བསྡུས་བྱས་པ། |
| བཀའ་རྩོམ་ཕྱག་བསྟར་མ |
རང་བརྩམས་རང་བྲིས་ཀྱི་ཡིག་རིགས། |
| བཀའ་ལན |
1.བརྡ་ལན། 2.ཡིག་ལན། |
| བཀའ་ལུང |
1.གོང་མའི་བཀའ་ཤོག 2.སངས་རྒྱས་ཀྱི་གསུང་གི་ལུང་བསྟན། 3.ལྷའི་མོ་བརྟག |
| བཀའ་ལོག་པ |
གྲྭ་པ་ལོག་པ། |
| བཀའ་ཤག |
སྔར་གྱི་བོད་གཞུང་དགའ་ལྡན་ཕོ་བྲང་སྐབས་ཀྱི་སྲིད་འཛིན་ལས་ཁུངས་མཐོ་ཤོས་ཤིག་ཡིན། ༸གོང་ས་བདུན་པ་ཆེན་པོའི་སྐུ་དུས་སུ་སྐྱ་གསུམ་སེར་གཅིག་ཚུད་པའི་བཀའ་བློན་བཞི་བསྐོས་པ་དང༌། གཞན་ཡང་བཀའ་དྲུང་གཉིས་དང༌། བཀའ་མགྲོན་བཞི། གཟིམ་འགག་བཞི། ཨེ་དྲུང་གཉིས་བཅས་ཡོད་པའི་བཀའ་ཤག་གསར་འཛུགས་བྱས་པ་དེས། ༸གོང་ས་ཏཱ་ལའི་བླ་མའི་བཀའ་བཀོད་གཞིར་བཞག་གིས་ལས་དོན་ཐག་གཅོད་བྱེད་ཀྱི་ཡོད། |
| བཀའ་ཤག་འགག |
བཀའ་དྲུང་གཉིས་དང་བཀའ་མགྲོན་བཞི་འཚོག་སའི་ལས་ཁུངས་ཤིག་ཡིན་ཞིང༌། ལས་འགན་ནི་བཀའ་བསྒྱུར་རྒྱུ་དང་ཡིག་རིགས་གཏོང་ལེན་བྱེད་རྒྱུ་དེ་ཡིན། |
| བཀའ་ཤགས |
(བརྡ་རྙིང་།) གདོང་བཤེར་རྒྱག་པ། |
| བཀའ་ཤོག |
གོང་རིམ་ནས་གནང་བའི་ཡི་གེའི་མིང་། (དཔེར་ན།) བཀའ་ཤོག་ཐམ་ལྡན། དོན་གནད་འདི་བཀའ་ཤོག་ཏུ་གསལ། བཀའ་ཤོག་བཀྲམ་ཞེས་པ་ལྟ་བུ། |
| བཀའ་སྒྱུར |
གོང་རིམ་གྱི་གསུང་བཀོད་གཞན་ལ་སྒྲོག་པ། |
| བཀའ་སྒྲོག་པ |
1.བཀའ་ཁྱབ་བསྒྲགས་གཏོང་བ། 2.རྒྱལ་བའི་གསུང་རབ་ཀློག་པ། |
| བཀའ་སྡོད |
རྒྱལ་བའི་བཀའ་གསུང་ལ་གནས་པའི་ཆོས་སྐྱོང་སོགས། |
| བཀའ་སྩོལ |
བཀའ་གནང་རྒྱུའམ་གསུང་རྒྱུའི་སྐུལ་ཚིག་སྟེ། (དཔེར་ན།) སློབ་དཔོན་ཁྱེད་ཀྱིས་བསླབ་བྱ་བཀའ་སྩོལ་ཅིག་ཅེས་པ་ལྟ་བུ། |
| བཀའ་སྲུང |
ཆོས་སྐྱོང་སྲུང་མ། |
| བཀའ་སློབ |
རིམ་གོང་མའི་གནང་བའི་བསླབ་བྱའི་མིང། (དཔེར་ན།) བཀའ་སློབ་གསལ་པོ་གནང་སོང༌ཞེས་པ་ལྟ་བུ། |
| བཀའི་ཅོད་པན |
བཀའ་ཅོད་པན་གྱི་གཟུགས་སུ་བཀོད་པ་སྟེ། (དཔེར་ན།) བཀའི་ཅོད་པན་སྤྱི་བོར་བཅིངས་ཞེས་པ་ལྟ་བུ། |
| བཀའི་ཕྱག་རྒྱ་དྲུག |
བཀའ་རྟགས་ཀྱི་ཕྱག་རྒྱ་སྒྲོམ་བུ་དང༌། ཁྲོམ་རྟགས་ཀྱི་ཕྱག་རྒྱ་རུ་མཚོན། ཡུལ་རྟགས་ཀྱི་ཕྱག་རྒྱ་སྐུ་མཁར། ཆོས་རྟགས་ཀྱི་ཕྱག་རྒྱ་ལྷ་ཁང༌། དཔའ་རྟགས་ཀྱི་ཕྱག་རྒྱ་སྟག་སློག མཛངས་ཀྱི་ཕྱག་རྒྱ་ཡིག་ཚང་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་གཞག་རིགས་གཅིག |
| བཀའི་ཕྱིང་སང |
(རྒྱ་སྐད།) བློན་པོ། |
| བཀའི་མདུན་བློན |
རྒྱལ་པོའི་མདུན་དུ་འཁོད་པའི་བློན་པོ། |
| བཀའི་རྔ་བོ་ཆེ |
བཀའ་གསལ་བསྒྲགས་བྱེད་པ་དེ་རྔ་བོ་ཆེའི་གཟུགས་སུ་བཀོད་པ། |
| བཀའི་ལུས |
གསུང་རབ་ཀྱི་གཞུང་དངོས་གཞི། |
| བཀའི་སྤྲིང་བློན |
(བརྡ་རྙིང་།) བཀའ་བློན་ཆེན་པོ། |
| བཀར |
(བྱེད་འབྲེལ་ལས་ཚིག) 1>འགེར་གྱི་མ་འོངས་པ་དང་འདས་པ། སོ་སོར་ཕྱེ་བའི་དོན་ཏེ། (དཔེར་ན།) བཀར་བྱའི་ལུག མ་མོ་དང་ལུ་གུ་བཀར་ནས་འཚོས། རྟ་རྔོ་ཅན་རྟ་ཁྱུ་ནས་བཀར་དགོས། མི་ནག་ཅན་མི་ཁྱུ་ནས་བཀར་ལྟ་བུ། 2>བཀྱགས་པའི་དོན་ཏེ། (དཔེར་ན།) བཀར་བྱའི་རས་གུར། རས་གུར་བཀར་ཞེས་པ་ལྟ་བུ། 3>སྒྲོན་མེའི་སྡོང་རས་ལ་མེ་སྒྲོན་པའི་དོན་ཏེ། (དཔེར་ན།) སྣུམ་སྒྲོན་བཀར་ནས་དཔེ་ཆར་བལྟས་ལྟ་བུ།འདིའི་མ་འོངས་པ་དང་ད་ལྟ་བར་དགར་ཞེས་འབྲི་བའང་ཡོད། |
| བཀར་ཁང |
ཕུགས་གསོག་གི་འབྲུ་སོགས་དངོས་རིགས་འཇུག་ཁང༌། |
| བཀར་བ |
འགེར་བའི་འདས་པའི་བྱ་མིང་། |
| བཀར་བཏགས |
1.ཐུགས་ལ་མངའ་བའམ། ངེས་པར་བྱས་པ། 2.དམ་ལ་བཏགས་པ། 3.དུས་དང་རྣམ་པ་ཀུན་ཏུ་ཡང་ཡང་གསུངས་པའི་ཆོས་ཀྱི་སྡོམ་ཚིག |
| བཀར་བཏགས་གསུམ |
བཀར་བཏགས་ཀྱི་ཕྱག་རྒྱ་གསུམ་སྟེ། ཆོས་ཐམས་ཅད་བདག་མེད་པ། འདུས་བྱས་ཐམས་ཅད་མི་རྟག་པ། ཟག་བཅས་ཐམས་ཅད་སྡུག་བསྔལ་བ། |
| བཀར་བཏགས་བཞི |
ལྟ་བ་བཀའ་རྟགས་ཀྱི་ཕྱག་རྒྱ་བཞི་དང་དོན་གཅིག |
| བཀར་མཛོད |
བཀར་འཇུག་རྒྱག་སའི་བང་མཛོད། |
| བཀར་འཇུག |
ལོགས་སུ་བཅུག་ནས་འཇོག་རྒྱུ། |
| བཀར་འཇུག་པ |
དངོས་རིགས་བཀར་འཇུག་རྒྱག་མི། |
| བཀར་འཇོག |
ལོགས་སུ་བཀར་ཏེ་འཇོག་པ། |
| བཀར་ཡོང |
བཀར་ཁང་བདག་གཉེར་མཁན་ལ་བཀར་རྒྱ་བ་དང༌། རྒྱུན་གཏན་གྱི་ཡོང་འབབ་ལེན་མཁན་ལ་ཡོང་བཞེས་པ་ཞེས་པ་གཉིས་ཀྱི་བསྡུས་མིང༌། |
| བཀར་རྒྱ |
བཀར་མཛོད་ཀྱི་ཕྱི་ནང་དམ་རྒྱ་སྟེ། (དཔེར་ན།) བཀར་རྒྱར་འཇུག་པ་ཞེས་པ་ལྟ་བུ། |
| བཀར་རྒྱ་བ |
བཀར་ཁང་བདག་གཉེར་བྱེད་མཁན། |
| བཀར་རྩིས |
བཀར་མཛོད་ཀྱི་ནང་དུ་འདོན་འཇུག་བྱས་པའི་རྩིས་ཐོ། |
| བཀར་སྐྱིན |
བཀར་མཛོད་ནས་བཏོན་ཏེ་བསྐྱར་དུ་འཇུག་པ་རྣམས། |
| བཀལ |
1.(བྱེད་འབྲེལ་ལས་ཚིག) 1>འཁེལ་གྱི་འདས་པ་སྟེ། (དཔེར་ན།) སྐུད་པ་བཀལ་ནས་རས་འཐག་ཅེས་པ་ལྟ་བུ།2>འགེལ་གྱི་འདས་པ་སྟེ། (དཔེར་ན།) ཁལ་བཀལ་ནས་སོང་། གཡག་ལ་བཀལ་བའི་ཁལ་ཞེས་པ་ལྟ་བུ།3>བཅོལ་བའམ་རེ་བ་བྱེད་པའི་དོན་ཏེ། (དཔེར་ན།) བློ་འགེལ་སའི་མི་ལ་བློ་བཀལ་ཞེས་པ་ལྟ་བུ། 4>གོང་རིམ་ནས་འོག་རིམ་ལ་ལས་དོན་ངེས་ཅན་ཞིག་བསྒྲུབ་པའི་ཁག་བབས་པའི་དོན་ཏེ། (དཔེར་ན།) ཁག་བཀལ། ཁག་བཀལ་བའི་ལས་འགན། ཁྲལ་བཀལ་ཞེས་པ་ལྟ་བུ། 5>ཕུར་བ་དང་གདང་སོགས་ཀྱི་སྟེང་ལ་དངོས་རྫས་མར་འཕྱང་དུ་བཅུག་པའི་དོན་ཏེ། (དཔེར་ན།) ལྭ་བ་གདང་ལ་བཀལ། མེ་མདའ་ཕུར་མགོར་བཀལ་ལྟ་བུ། 2.ཤིང་བསྲེགས་པའི་རོ་མ་ནག་པོ་སོལ་གེལ་གྱི་འབྲི་སྲོལ་གཞན། |
| བཀལ་ཐགས |
སྐུད་པ་འཁལ་བ་དང་ཐགས་འཐག་པའི་བསྡུས་མིང༌། |
| བཀལ་བ |
1.འཁེལ་བའི་འདས་པ་དང་མ་འོངས་པའི་བྱ་མིང་། 2.འགེལ་བའི་འདས་པའི་བྱ་མིང་། |
| བཀས |
(བྱེད་འབྲེལ་ལས་ཚིག) འགས་ཀྱི་འདས་པ། གྲི་དང་སྟ་རེས་ཤིང་སོགས་ལ་བརྒྱབ་ནས་སེར་ཁ་བཏང་བའམ་གཤགས་པའི་དོན་ཏེ། (དཔེར་ན།) ཤིང་བཟོས་ཤིང་བཀས། རྡོ་བཟོས་རྡོ་བཀས་ཞེས་པ་ལྟ་བུ། |
| བཀས་པ |
ཐ་དད་པར་འཇུག་པའི་འགས་པའི་འདས་པའི་བྱ་མིང་། |
| བཀས་བཀོད་རྒྱུད་འཛིན |
ཆབ་སྲིད་ཀྱི་ལམ་ལུགས་ཤིག་ཡིན་ཞིང༌། རྒྱལ་པོས་རྒྱལ་རིགས་དང་བྱས་རྗེས་འཇོག་མཁན་རྣམས་ལ་ས་ཞིང་བགོ་བཤའ་བརྒྱབ་སྟེ་ས་ཆ་དེའི་ཐོག་ལ་རྒྱལ་ཕྲན་འཛུགས་སུ་འཇུག་པའི་ལམ་ལུགས། |
| བཀས་བཀོད་རྒྱུད་འཛིན་ཕྱེད་ཙམ |
བཀས་བཀོད་རྒྱུད་འཛིན་གྱི་རྒྱལ་ཁབ་ལ་བཙན་རྒྱལ་རིང་ལུགས་ཀྱི་དཔལ་འབྱོར་གྱི་བཙན་འཛུལ་བྱུང་ནས་ཆགས་པའི་སྤྱི་ཚོགས་ཀྱི་རྣམ་པ་ཞིག་ཡིན་པ་དེར་སྔར་ཡོད་བཀས་བཀོད་རྒྱུད་འཛིན་གྱི་དཔལ་འབྱོར་འཐོར་ཞིག་ཏུ་སོང་ཞིང༌། མ་རྩ་རིང་ལུགས་འཕེལ་རྒྱས་གང་འཚམས་ཤིག་བྱུང་ཡོད་ཀྱང་བཀས་བཀོད་རྒྱུད་འཛིན་གྱི་བཤུ་གཞོག་ལམ་ལུགས་རང་འཇགས་སུ་གནས་ཡོད། |
| བཀས་བཀོད་རྒྱུད་འཛིན་རིང་ལུགས |
སྤྱི་ཚོགས་ཀྱི་ལམ་ལུགས་ཤིག་ཡིན་པ་དེའི་རྨང་གཞི་ནི་ས་ཞིང་རྣམས་ཞིང་བདག་ལ་དབང་བ་དང་ཞིང་བདག་གིས་ཞིང་པར་བཤུ་གཞོག་གཏོང་བ་དེ་ཡིན། |
| བཀས་བཅད་པ |
1.བཀའ་ཁྲིམས་ཀྱིས་ཐག་བཅད་པ། 2.ཡི་གེར་བཀས་བཅད་མཛད་པ། |
| བཀས་བཅད་རྣམ་པ་གསུམ |
སྔར་བོད་རྗེ་མངའ་བདག་ཁྲི་རལ་པ་ཅན་གྱིས་བཀའ་བསྟན་བསྒྱུར་རྒྱུའི་སྐོར་ལ་མཛད་པའི་བཀའ་བཅད་གསུམ་དང་པོ་ཕྱིན་ཆད་བོད་འདིར་གཞི་ཐམས་ཅད་ཡོད་པར་སྨྲ་བ་ལས་གཞན་པའི་སྡེ་པ་མི་འཛུགས་པ་དང༌། དེ་དག་གི་སྡེ་སྣོད་མི་བསྒྱུར་བ། གཉིས་པ་སྔགས་མ་རྒྱུད་རྣམས་མི་བསྒྱུར་བ། གསུམ་པ་བྲེ་སྲང་དང་ཞོ་ཆ་སོགས་འཇལ་ཆས་རྣམས་རྒྱ་གར་མ་ག་དྷའི་ཡུལ་གྱི་ཚད་དང་མཐུན་པར་འཆོས་དགོས་ཞེས་པ་བཅས་བཀའ་གཙིགས་ཀྱིས་བཅད་པ་དེའོ། ། |
| བཀས་བསྐོ་གཞག་གནང་བ |
གོང་ནས་འོག་རིམ་ལ་བཀའ་ཕབ་སྟེ་ལས་ཀྱི་སྣེ་མོར་བསྐོས་པ། |
| བཀུ |
(བྱེད་འབྲེལ་ལས་ཚིག) བཀུས་པའི་མ་འོངས་པ་དང་ད་ལྟ་བ། གདུས་ནས་ཁུ་བ་བླངས་པའི་དོན་ཏེ། (དཔེར་ན།) བཀུ་བྱའི་སྨན། སྨན་བཀུ་དགོས། སྨན་བཀུ་མཁན། སྨན་བཀུ་བཞིན་ཡོད་ཅེས་པ་ལྟ་བུ། |
| བཀུག |
(བྱེད་འབྲེལ་ལས་ཚིག) འགུགས་པའི་འདས་པ། དྲང་པོ་འཁྱོག་ཏུ་བཅུག་པའི་དོན་ཏེ། (དཔེར་ན།) སྨྱུག་མ་བཀུག་ནས་བཞུ་བཟོས། ཤིང་སྐམ་བཀུག་ན་ཆག་འགྲོ། མཛུབ་མོ་བཀུག་ནས་གྲངས་ཀ་བརྩིས། ཉིས་བཀུག་སུམ་བཀུག་ཅེས་པ་ལྟ་བུ། |
| བཀུག་པ |
འགུགས་པའི་འདས་པའི་བྱ་མིང་། |
| བཀུམས |
(བྱེད་འབྲེལ་ལས་ཚིག) འགུམས་པའི་འདས་པ། བསད་པའི་དོན་ཏེ། (དཔེར་ན།) བརྩེ་མེད་གཤེད་མས་ཉམ་ཆུང་སྲོག་རྩ་བཀུམས་ཞེས་པ་ལྟ་བུ། |
| བཀུམས་པ |
འགུམས་པའི་འདས་པའི་བྱ་མིང་། |
| བཀུར |
(བྱེད་འབྲེལ་ལས་ཚིག) བརྩི་འཇོག་བྱས་པའི་དོན་ཏེ། (དཔེར་ན།) བཀུར་སྟི། བརྩི་བཀུར་ཞེས་སོགས་ལྟ་བུ། ལུགས་མེད་དཔོན་པོ་བཀུར་ཡང་དམངས་ལ་གནོད། གཅེས་ཤིང་བཀུར་བའི་སྐྱབས་མགོན་རང་ལ་ཡོད། ཕ་མར་བརྩི་བཀུར་བྱེད་དགོས་ལྟ་བུ། |
| བཀུར་གཟོ |
གུས་བཀུར་བྱེད་ཅིང་དྲིན་གཟོ་བ་སྟེ་དྲིན་ལན་འཇལ་བའི་དོན། (དཔེར་ན།) དྲིན་ཅན་ལ་བཀུར་གཟོ་བྱེད་ཅེས་པ་ལྟ་བུ། |
| བཀུར་བཟོས |
ཆེ་བསྟོད་ཀྱི་དོན་ཏེ། (དཔེར་ན།) ཡོན་ཏན་ཅན་ལ་བཀུར་བཟོས་བྱེད་པ་ཞེས་པ་ལྟ་བུ། |
| བཀུར་ཚིག |
བསྟོད་པའི་ཚིག |
| བཀུར་འོས |
གོང་དུ་འཁུར་འོས་པ་དང༌། གུས་པས་བཀུར་བར་འོས་པའམ་བསྟེན་པར་འོས་པ། |
| བཀུར་སྟི |
བརྩི་བཀུར་རམ། བསྙེན་བཀུར་ཏེ། (དཔེར་ན།) སློབ་དཔོན་ལ་བཀུར་སྟི་བྱེད་པ། རྒན་རྒོན་རྣམས་ལ་བཀུར་སྟི་བྱེད་འོས་ཞེས་པ་ལྟ་བུ། མིང་གི་རྣམ་གྲངས་ལ་བཀུར་བ་དང༌། གུས་བཀུར། བསྙེན་བཀུར། ཞབས་ཏོག་ཞབས་འབྲིང༌། རི་མོར་བྱེད། རིམ་གྲོ་བཅས་སོ། ། |
| བཀུས |
(བྱེད་འབྲེལ་ལས་ཚིག) བཀུ་བའི་འདས་པ་དང་སྐུལ་ཚིག་སྟེ། (དཔེར་ན།) སྨན་བཀུས་ནས་སྨན་ཁུ་དྭངས་སྙིགས་ཕྱེ། ནད་པས་སྨན་བཀུས་ནས་འཐུང་། སྨན་བཀུས་ཤིག་ལྟ་བུ། |
| བཀུས་ཏེ་བོར་བ |
(བརྡ་རྙིང་།) ཁུ་བ་བཏོན་པའི་སྙིགས་མ། |
| བཀུས་པ |
བཀུ་བའི་འདས་པའི་བྱ་མིང་། |
| བཀོག |
(བྱེད་འབྲེལ་ལས་ཚིག) འགོག་པའི་འདས་པ། ཕན་ཚུན་འབྱར་བའི་དངོས་རྫས་སོ་སོར་དགར་བའི་དོན་ཏེ། (དཔེར་ན།) སྡོང་ཤུན་བཀོག ཤོག་བུ་བཀོག་ཅེས་པ་ལྟ་བུ། |
| བཀོག་པ |
འདོན་པ་དང་སྦྱར་ས་ནས་མར་ལེན་པར་གོ་བའི་འགོག་པའི་འདས་པ། |
| བཀོང |
1.(བྱེད་འབྲེལ་ལས་ཚིག) དཔའ་ཞུམ་པར་བྱས་པའི་དོན་ལ་འཇུག་པ་ནི། (དཔེར་ན།) ཐབས་དང་བློ་གྲོས་བཀོལ་ནས་འགྲན་ཟླ་སྤ་བཀོང་ལྟ་བུ། 2.(བྱེད་མེད་ལས་ཚིག) ཁུམས་ཁུམས་པོར་གནས་པའི་དོན་ཏེ། (དཔེར་ན།) བྱི་ལ་བཀོང་ནས་བྱི་བ་བཟུང་། རྐེད་པ་བཀོང་། གཉའ་བཀོང་ལྟ་བུ། ཁ་སྐད་དུ་བགོང་ཟེར། |
| བཀོད |
(བྱེད་འབྲེལ་ལས་ཚིག) འགོད་པའི་འདས་པ། ཡི་གེར་བྲིས་པའམ་རི་མོར་བྲིས་པའི་དོན་ཏེ། (དཔེར་ན།) ལོ་རྒྱུས་རྣམས་ཡི་གེར་བཀོད། མེ་ཏོག་གི་རི་མོ་བཀོད། རྩོམ་ཡིག་གསར་འགྱུར་ལ་བཀོད་ལྟ་བུ། |
| བཀོད་ཁྱབ |
གོང་ནས་འབེབས་པའི་བཀའི་དོན་ཏེ། (དཔེར་ན།) བྱེད་སྒོ་རྣམས་འཐུས་ཚང་ཡོང་བའི་བཀོད་ཁྱབ་ནན་པོ་བྱེད་པ་ཞེས་པ་ལྟ་བུ། |
| བཀོད་གསལ |
ཇི་ལྟར་བཀོད་པ་ལྟར་ཞེས་པའམ་གང་བཤད་པ་ལྟར། |
| བཀོད་པ |
1.འགོད་པའི་འདས་པ། 2.ཐབས་ཤེས་ཀྱི་དོན་ཏེ། (དཔེར་ན།) བཀོད་པ་གཏོང་བ། ཁང་པ་འདིའི་བཀོད་པ་ཧ་ཅང་ལེགས། ལས་ཀ་ལ་བཀོད་པ་གཏོང་བ། བཀོད་པ་རང་གི་སེམས་ན་ཡོད། རྩམ་པ་རྩམ་སྒྱེའི་ནང་ན་ཡོད་ཅེས་པ་ལྟ་བུ། |
| བཀོད་པ་བཤད་པ |
བཀོད་ཐབས་ནན་པོས་བཏུལ་བའི་དོན་ཏེ། (དཔེར་ན།) མི་ངན་ཉེས་ཅན་ལ་ཁྲིམས་ས་ནས་བཀོད་པ་བཤད་དེ་ཕྱིས་ལམ་འདོམས་པ་བཟོས་ཡོད་ཅེས་པ་ལྟ་བུ། |
| བཀོད་པ་མཐའ་ཡས |
བྱང་སེམས་ཤིག་གི་མཚན། |
| བཀོད་པ་མཛེས་པ |
1.སྒྲིག་སྟངས་ལེགས་པ། 2.སངས་རྒྱས་ཤིག་གི་མཚན། |
| བཀོད་པའི་གཙུག་ཏོར |
ལྷ་ཁྲོ་བོ་ཞིག |
| བཀོད་བྱུས |
དབང་སྒྱུར་མཁན་གྱི་བཀོད་པ་དང་བྱུས་ཏེ། (དཔེར་ན།) བཀོད་བྱུས་མཁས་པ་ཞེས་པ་ལྟ་བུ། |
| བཀོད་མ |
གྱེན་དུ་འཕྱུར་བའི་ཆུ་མིག |
| བཀོད་མའི་ཆུ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། དག་པ་ས་གསུམ་ལ་གནས་པའི་སེམས་དཔའི་རྒྱུད་ཀྱི་གཟུངས་སྤོབས་དང་ལྡན་པའི་སེམས་བསྐྱེད་ནི་སྔར་ཐོས་པ་དང་མ་ཐོས་པ་ཐོས་འགྱུར་གྱི་ཆོས་འཛིན་པས་མི་ཟད་པར་སྟོན་པས་ན་བཀོད་མའི་ཆུ་ལྟ་བུའོ། ། |
| བཀོད་འཆུན |
ངག་བཀོད་ཀྱིས་བཅུན་ནས་འཆུན་པ། |
| བཀོད་འདོམས |
1.བཀོད་པ་འདིང་བའམ་བྱུས་སྟོན་པའི་དོན་ཏེ། (དཔེར་ན།) དམག་ལས་ལ་བཀོད་འདོམས་བྱེད་པ། བློ་འདོད་ལྟར་བཀོད་འདོམས་བྱེད་པ། བཀོད་འདོམས་ནོར་བ་ཞེས་པ་ལྟ་བུ།2.བཀོད་པས་འདོམས་པའམ་བཀོད་པ་བཏང་ནས་འཆུན་པའི་དོན་ཏེ། (དཔེར་ན།) འགྲིམ་འགྲུལ་བཀོད་འདོམས། ཁྲིམས་འགལ་ཉེས་ཅན་རྣམས་ལ་བཀོད་འདོམས་བྱས་ཞེས་པ་ལྟ་བུ། |
| བཀོད་འབྲེལ |
གོང་རིམ་གྱི་ངག་བཀོད་དང་འབྲེལ་བ། |
| བཀོད་རྒྱ |
ལས་ཁུངས་སོ་སོས་གཤམ་དུ་བཏང་བའི་ཡི་གེའི་མིང། (དཔེར་ན།) བཀོད་རྒྱ་འདི་བཞིན་ལག་ལེན་བྱེད་དགོས་ཞེས་པ་ལྟ་བུ། |
| བཀོད་ལྡན |
1.ཁྱིམ་བཅུ་གཉིས་ཀྱི་གཞུ་ཡི་ཁྱིམ། 2.ཟླ་བ་བཅུ་གཅིག་པའམ་དགུན་ཟླ་འབྲིང་པོ། |
| བཀོད་སྒྲིག |
བཀོད་པ་བཏང་ནས་གྲ་སྒྲིག་བྱེད་པའི་དོན་ཏེ། (དཔེར་ན།) གཅིག་གྱུར་གྱིས་བཀོད་སྒྲིག་བྱེད་པ་ཞེས་པ་ལྟ་བུ། |
| བཀོན་པ |
(བརྡ་རྙིང་།) འཁོན་དུ་འཛིན་པ། རབ་ཏུ་བཀོན། |
| བཀོལ |
1.(བྱེད་འབྲེལ་ལས་ཚིག) འཁོལ་བའི་འདས་པ། བེད་སྤྱོད་བྱས་པའི་དོན་ཏེ། (དཔེར་ན།) རྟ་བོང་བཀོལ་ནས་ལུད་སྐྱེལ། དོང་ཙེ་བཀོལ། བཀོལ་སྤྱོད་བྱས་ལྟ་བུ།2.ཟུར་དུ་བཀར་བའི་དོན་ལ་འཇུག་སྟེ། (དཔེར་ན།) དཔེ་ཆའི་ནང་གི་ཚིག་གལ་ཆེ་བ་རྣམས་ཟུར་དུ་བཀོལ་ནས་བྲིས་ཞེས་པ་ལྟ་བུ། |
| བཀོལ་བདེ |
བཀོལ་སྤྱོད་གཏོང་སླ་བའི་དོན་ཏེ། (དཔེར་ན།) ལས་ལ་བཀོལ་བདེ་བ་ཞེས་པ་ལྟ་བུ། |
| བཀོལ་སྤྱོད |
བེད་སྤྱོད་བཏང་བའི་དོན་ཏེ། (དཔེར་ན།) བྱོལ་སོང་ལ་བཀོལ་སྤྱོད་གཏོང་བ། བཀོལ་སྤྱོད་དྲག་པོ་བྱེད་པ། མི་ལ་དུད་འགྲོ་ལྟར་བཀོལ་སྤྱོད་མ་བྱེད་ཅེས་པ་ལྟ་བུ། |
| བཀྱག་པ |
(བྱེད་འབྲེལ་ལས་ཚིག) འགྱོག་པའི་མ་འོངས་པ། |
| བཀྱགས |
(བྱེད་འབྲེལ་ལས་ཚིག) འགྱོག་གི་འདས་པ་། (དཔེར་ན།) ཡར་བཀྱགས་ནས་མར་བཞག་ལྟ་བུ། |
| བཀྱགས་པ |
(བྱེད་འབྲེལ་ལས་ཚིག) འགྱོག་པའི་འདས་པ། |
| བཀྱལ |
སྙིང་པོ་མེད་པའམ་ཐ་ཤལ་བའི་སྐད་ཆའི་རིགས་ཏེ། (དཔེར་ན།) བཀྱལ་བའི་ངག་མ་སྨྲ། ངག་བཀྱལ་མ་བཤད་ལྟ་བུ། |
| བཀྱལ་བ |
དོན་མེད་དམ་འབྲེལ་མེད་ཀྱི་ངག (དཔེར་ན།) ངག་བཀྱལ། ཚིག་བཀྱལ་ཞེས་པ་ལྟ་བུ། |
| བཀྱི་བ |
བཀྱིལ་བ་དང་འདྲ། |
| བཀྱིག |
(བྱེད་འབྲེལ་ལས་ཚིག) འཁྱིག་གི་མ་འོངས་པ། ཐག་པས་མི་ཕྱུགས་སོགས་ཀྱི་ཡན་ལག་བསྡམས་པའི་དོན་ཏེ། (དཔེར་ན།) བཀྱིག་བྱའི་ལུག་བཀྱིག་དགོས་ལྟ་བུ། |
| བཀྱིག་ཐག |
སྡོམ་བྱེད་ཀྱི་ཐག་པ། (དཔེར་ན།) བཀྱིག་ཐག་གིས་བསྡམས་ནས་བཞག བཀྱིག་ཐག་གློད་པ་ཞེས་པ་ལྟ་བུ། |
| བཀྱིག་པ |
(བྱེད་འབྲེལ་ལས་ཚིག) འཁྱིག་པའི་མ་འོངས་པ། |
| བཀྱིགས |
(བྱེད་འབྲེལ་ལས་ཚིག) འཁྱིག་གི་འདས་པ། (དཔེར་ན།) ཐག་པས་ལུག་བཀྱིགས་ནས་བལ་བྲེགས་ལྟ་བུ། |
| བཀྱིགས་པ |
འཁྱིག་པའི་འདས་པ། |
| བཀྱིལ་བ |
(བརྡ་རྙིང་།) གདམས་ངག་མི་སྦྱིན་པ། |
| བཀྱིས་པ |
བཀྱིལ་བ་དང་འདྲ། |
| བཀྱེ་བ |
(བྱེད་འབྲེལ་ལས་ཚིག) འགྱེད་པའི་མ་འོངས་པ། |
| བཀྱེ་ལམ |
(བརྡ་རྙིང་།) འཕྲིན་སྐྱེལ་བའི་ལམ། |
| བཀྱེད |
(བྱེད་འབྲེལ་ལས་ཚིག) འགྱེད་ཀྱི་འདས་པ། བར་ཐག་ཇེ་རིང་དུ་བཏང་བའི་དོན་ཏེ། (དཔེར་ན།) ཕྱིར་བཀྱེད། རྒྱང་བཀྱེད་ནས་བལྟས་ལྟ་བུ། |
| བཀྱེད་པ |
(བརྡ་རྙིང་།) རྒྱ་བསྐྱེད། |
| བཀྱེས |
(བྱེད་འབྲེལ་ལས་ཚིག) འགྱེད་ཀྱི་འདས་པ། 1>མངགས་པའི་དོན་ཏེ། (དཔེར་ན།) གཡུལ་ངོར་དམག་བཀྱེས་ནས་དགྲ་ལ་འཐབ་ལྟ་བུ། 2>འོད་སྤྲོ་བའི་དོན་ཏེ། (དཔེར་ན།) ལམ་སྲུང་པས་འོད་བཀྱེས་ནས་བརྡ་བསྟན་ལྟ་བུ། 3>ཚོན་རྩི་བྱུགས་པའི་དོན་ཏེ། (དཔེར་ན།) ཁང་བ་ལ་ཚོན་བཀྱེས་ལྟ་བུ།4>ཕན་ཚུན་འཐབ་པའི་དོན་ཏེ། (དཔེར་ན།) གཡུལ་བཀྱེས། གཡུལ་འགྱེད། གཡག་གིས་རྡུང་ཁ་བཀྱེས་ལྟ་བུ། ཕན་ཚུན་འཐབ་པའི་འདས་པ་ལ་བཀྱེ་དང་སྐུལ་ཚིག་ལ་ཁྱེས་འབྲི་བའང་ཡོད། |
| བཀྱོན |
(བྱེད་འབྲེལ་ལས་ཚིག) སྡིགས་པའི་ཞེ་ས། (དཔེར་ན།) བཤུ་གཞོག་བྱས་ན་མི་དམངས་ཀུན་གྱིས་བཀྱོན། བཀའ་བཀྱོན་ལྟ་བུ། |
| བཀྱོན་འབེབས |
བཀའ་བཀྱོན་གནང་བ། |
| བཀྲ |
(ལས་ཚིག་རྗེས་མཐུན་པ) 1>མཛེས་པའི་དོན་ཏེ། (དཔེར་ན།) མེ་ཏོག་བཀྲ་བའི་སྐྱེད་ཚལ། འཇའ་ཚོན་བཀྲ་བའི་མཁའ་དབྱིངས་ཞེས་པ་ལྟ་བུ། 2>འོད་འཚེར་བའི་དོན་ཏེ། (དཔེར་ན།) འོད་ཟེར་བཀྲ་བའི་གློག་སྒྲོན། སྐར་ཚོགས་བཀྲ་བའི་མཁའ་དབྱིངས་ཞེས་པ་ལྟ་བུ།2.(མངོན་བརྗོད།) རྩངས་པ། |
| བཀྲ་བའི་འོག་པག་ཅན |
(མངོན་བརྗོད།) རྨ་བྱ། |
| བཀྲ་མི་ཤིས་པ |
མི་ལེགས་པའམ་ལྟས་ངན་པ། (དཔེར་ན།) བཀྲ་མི་ཤིས་པའི་འཕྲིན་ངན། བཀྲ་མི་ཤིས་པའི་བར་ཆད་བྱུང་བ་ཞེས་པ་ལྟ་བུ། |
| བཀྲ་ཝལ་ཝལ |
(རྒྱན་ཚིག) གསལ་ལྷང་ལྷང༌ཞེས་པ་དང་འདྲ་སྟེ། (དཔེར་ན།) གཞུང་གི་དོན་རྣམས་བཀྲ་ཝལ་ཝལ་དུ་གོ་བ། འོད་ཟེར་བཀྲ་ཝལ་ཝལ་དུ་འཆར་བ་ཞེས་པ་ལྟ་བུ། |
| བཀྲ་ཝལ་ལེ |
(རྒྱན་ཚིག) གསལ་ལྷང་ངེའི་དོན་ཏེ། (དཔེར་ན།) བླང་དོར་བཀྲ་ཝལ་ལེར་ཤེས་པ་ཞེས་པ་ལྟ་བུ། |
| བཀྲ་རྟགས |
རྣམ་པར་བཀྲ་བའི་རྟགས་མཚན། |
| བཀྲ་ལ་ཤིས་པ |
1.བཀྲ་ཤིས་པ། 2.བཀྲ་ལ་ཤིས་པ་ཞེས་པའི་གཞས་ཚིག་ཅིག |
| བཀྲ་ཤིས |
1.ལེགས་པའམ་ཕུན་སུམ་ཚོགས་པའི་དོན་ཏེ། (དཔེར་ན།) དུས་རྟག་ཏུ་བཀྲ་ཤིས་ཤོག བཀྲ་ཤིས་ཉིས་བརྩེགས། བཀྲ་ཤིས་པའི་སྔ་ལྟས། བཀྲ་ཤིས་པའི་འཕྲིན་བཟང༌། བཀྲ་ཤིས་མངའ་གསོལ་གྱི་མགུར་ཞེས་པ་ལྟ་བུ། 2.(མངོན་བརྗོད།) 1>གདུགས་དང༌། གསེར་ཉ། བུམ་པ། པད་མ། དུང་དཀར། དཔལ་བེའུ། རྒྱལ་མཚན། འཁོར་ལོ་སྟེ་བཀྲ་ཤིས་པའི་རྟགས་ལ་བརྒྱད་ཡོད་པས་གྲངས་བརྒྱད་མཚོན། 2>གཟའ་མིག་དམར། 3.བྱེད་པ་བཅུ་གཅིག་ནང་གི་རྟག་བྱེད་ཅིག |
| བཀྲ་ཤིས་ཁྲ་རིང |
བོད་དུ་རྟེན་འབྲེལ་བྱེད་སྐབས་རས་དར་གོས་གསུམ་གང་རུང་ཚོས་བསྒྲིགས་ཀྱིས་བཟོས་ནས་ཁང་ཐོག་ཏུ་འགྲེམས་པའི་མཛེས་རྒྱན་ཞིག |
| བཀྲ་ཤིས་གསོ་སྦྱོང |
མཐུན་པའི་གསོ་སྦྱོང་ལས་དུས་མ་ངེས་པའི་གསོ་སྦྱོང་གི་གྲས་ཤིག་རབ་གནས་སོགས་བཀྲ་ཤིས་པའི་དུས་དང༌། ཆར་དང་ཐན་པ། རྒྱལ་པོ་ངན་པ་སོགས་བཀྲ་མི་ཤིས་པ་རྣམས་ཤིས་པར་བྱ་བའི་དུས་སུ་བྱེད་པའི་གསོ་སྦྱོང༌། |
| བཀྲ་ཤིས་གླིང |
ས་ཆ་ཞིག མདོ་སྨད་རྔ་བ་ས་ཁུལ་གྱི་ལྷོ་རྒྱུད་དུ་ཡོད། ད་ལྟ་ལི་ཞན་རྫོང་གི་གནས་ཡུལ་ཡིན། |
| བཀྲ་ཤིས་ཐེམ་པ་ཡར་འཛེགས |
གཤམ་ནས་གོང་དུ་རིམ་བཞིན་འགོ་འཛུགས་པ། |
| བཀྲ་ཤིས་དགུ་ཚིགས |
1.མགོ་བོའི་རུས་ཆག་གསོ་བ་དང༌། ཆུ་སེར་སྐེམ་པ། ཀླད་སྐྱོན་སེལ་བ་བཅས་ཀྱི་སྔོ་སྨན་ཞིག 2.རྒྱ་གླིང་གཏོང་སྟངས་ཀྱི་སྒྲ་གདངས་ཤིག |
| བཀྲ་ཤིས་དཔལ |
དགེ་ལེགས་ཀྱི་དཔལ་ཡོན་དང་གཟི་བརྗིད། |
| བཀྲ་ཤིས་དར་རས |
ལེགས་པའི་རྟེན་འབྲེལ་མཚོན་བྱེད་ཀྱི་རྫས་ཤིག |
| བཀྲ་ཤིས་དུང |
(མངོན་བརྗོད།) དུང་གཡས་འཁྱིལ། |
| བཀྲ་ཤིས་པ |
དགེ་བའི་མཚན་མ་ལྡན་པ་སྟེ། (དཔེར་ན།) བཀྲ་ཤིས་པའི་ལས་དོན་ཆེན་པོ། བཀྲ་ཤིས་པར་གྱུར་ཅིག་ཅེས་པ་ལྟ་བུ། |
| བཀྲ་ཤིས་ཕུན་ཚོགས |
དགེ་ལེགས་ཕུན་སུམ་ཚོགས་པ། |
| བཀྲ་ཤིས་བདེ་ལེགས |
སྡུག་དང་མུན་པ་ཡོངས་སུ་སེལ་བའི་དགེ་ལེགས་ཀྱི་འབོད་ཚིག་བོད་མི་རྣམས་ཕན་ཚུན་ལ་འཚམས་འདྲི་བྱེད་སྐབས་རྒྱུན་དུ་སྤྱོད་པའི་ཚིག་ཅིག་ཡིན། |
| བཀྲ་ཤིས་བདེ་ལེགས |
དགེ་ལེགས་ཕུན་སུམ་ཚོགས་པ། |
| བཀྲ་ཤིས་བརྒྱད་པ |
འཕགས་པ་བཀྲ་ཤིས་བརྒྱད་པ་ཞེས་བྱ་བའི་མདོ། ཤོ་ལོ་ཀ་ལྔ་བཅུ་རྩ་གཅིག་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། |
| བཀྲ་ཤིས་མ |
ལྷ་མོ་ཞིག |
| བཀྲ་ཤིས་མཆོག |
བཀྲ་ཤིས་ཚལ་ཏེ་དུར་ཁྲོད་ཆེན་པོ་བརྒྱད་ཀྱི་གྲས་ཤིག |
| བཀྲ་ཤིས་ཚལ |
བཀྲ་ཤིས་མཆོག་དང་དོན་གཅིག |
| བཀྲ་ཤིས་ཚེ་རིང་མ |
ཇོ་མོ་གླང་མ་རིའི་ལྷ་མོ་ཚེ་རིང་མཆེད་ལྔའི་ཡ་གྱལ་ཞིག |
| བཀྲ་ཤིས་ཟླ་བ |
ཚེས་གྲངས་ཆད་ལྷག་མེད་པའི་ཟླ་བ། |
| བཀྲ་ཤིས་འབྱུང་བའི་མཆོད་རྟེན |
བདེ་གཤེགས་མཆོད་རྟེན། |
| བཀྲ་ཤིས་རྟགས་བརྒྱད |
དཔལ་བེའུ་དང༌། པད་མ། གདུགས། དུང༌། འཁོར་ལོ། རྒྱལ་མཚན། བུམ་པ། གསེར་ཉ་སྟེ་བརྒྱད། |
| བཀྲ་ཤིས་རྫས་བརྒྱད |
མེ་ལོང་དང༌། ཞོ། རྩྭ་དུར་བ། ཤིང་ཏོག་བིལ་བ། དུང་གཡས་འཁྱིལ། གྷི་ཝང༌། ལི་ཁྲི། ཡུངས་ཀར་ཏེ་བརྒྱད། |
| བཀྲ་ཤིས་ལུགས་ལེགས |
འཁོན་རྩོད་མེད་པར་བསམ་དོན་འགྲུབ་པ། |
| བཀྲ་ཤིས་ལེགས་སྐྱེས |
རྟེན་འབྲེལ་དགའ་སྟོན་གྱི་དུས་སུ་སྤྲོད་པའི་དངོས་རྫས། |
| བཀྲ་ཤིས་ལྷ་རྒྱལ |
བཀྲ་ཤིས་པའི་བྱ་བ་ཟིན་པའི་མཇུག་ཏུ་བསངས་དུད་དང་འབྲེལ་བའི་རྩམ་ཕྱེ་གཏོར་ཏེ་ལྷ་རྒྱལ་འབོད་པ། |
| བཀྲ་ཤིས་ལྷུན་པོ |
གཙང་ཕྱོགས་ཀྱི་དགེ་ལུགས་དགོན་ཆེན་ཞིག རབ་བྱུང་བརྒྱད་པའི་མེ་ཡོས་ལོར་༸གོང་ས་ཏཱ་ལའི་བླ་མ་སྐུ་ཕྲེང་དང་པོ་དགེ་འདུན་གྲུབ་ཀྱིས་ཕྱག་བཏབ་ཅིང༌། རྗེ་བློ་བཟང་ཆོས་རྒྱན་ནས་བཟུང་པཎ་ཆེན་སྐུ་ཕྲེང་རིམ་བྱོན་གྱི་གདན་ས་ཡིན། |
| བཀྲ་ཤིས་ཤོག |
ཕུན་སུམ་ཚོགས་པར་ཤོག་ཅེས་སྨོན་པའི་ཚིག |
| བཀྲ་ཤིས་སྒོ་མང |
1.མཆོད་རྟེན་བཀྲ་ཤིས་སྒོ་མང༌། 2.འབྲས་སྤུངས་སྒོ་མང་གྲྭ་ཚང༌། 3.བླ་བྲང་བཀྲ་ཤིས་འཁྱིལ་དགོན་པའི་མིང༌། |
| བཀྲ་ཤིས་སྒོར་མོ |
1.རྟེན་འབྲེལ་གྱི་བཞུགས་གྲལ་ཁྱད་པར་བ་ཞིག 2.རྟེན་འབྲེལ་གྱི་རུ་སྒྲིག་ཁྱད་པར་བ་ཞིག 3.བཀྲས་སྒོར་ཏེ་སྔར་དགའ་ལྡན་ཕོ་བྲང་སྲིད་གཞུང་གི་རྟེན་འབྲེལ་མཛད་སྒོའི་སྐབས་དྲུང་རིགས་སེར་སྐྱ་ལ་འགྲེམས་སྤྲོད་བྱེད་པའི་ཁ་ཟས་ཀྱི་མིང་ཞིག |
| བཀྲག |
(རྒྱན་ཚིག) འོད་འཚེར་བའི་དོན་ཏེ། (དཔེར་ན།) ཚོན་མདོག་ཀུན་གྱི་ནང་ནས་དམར་པོར་བཀྲག་མདངས་ཆེ། བཀྲག་མདངས་འཕྲོ། གོས་ཆེན་བཀྲག་མདངས་ཅན། བཞིན་ལ་བཀྲག་མདངས་གསལ་ལྟ་བུ། |
| བཀྲག་མདངས |
མདངས་ཀྱི་འོད། (དཔེར་ན།) བཀྲག་མདངས་འཚེར་བ། ཞལ་གྱི་བཀྲག་མདངས་ཟླ་བའི་འོད་ལྟར་གསལ་ཞེས་པ་ལྟ་བུ། |
| བཀྲག་མེད་པ |
1.འོད་མདངས་མེད་པ། 2.གཟི་མདངས་ཉམས་པ། |
| བཀྲག་རྩི |
ཚོན་གྱི་སྟེང་དུ་འོད་འདོན་བྱེད་ཀྱི་རྩི། |
| བཀྲག་རྩིའི་སྣུམ |
བཀྲག་རྩི་བཟོ་བའི་སྣུམ། |
| བཀྲག་ལྷག་གེ་བ |
འོད་མདངས་རབ་ཏུ་གསལ་བའི་དོན་ཏེ། (དཔེར་ན།) ཉི་ཟླའི་འོད་མདངས་བཀྲག་ལྷག་གེ་བར་གསལ་ཞེས་པ་ལྟ་བུ། |
| བཀྲག་ཤོག |
སྣུམ་ཤོག་གམ། ཤེལ་ཤོག་ཆུས་འཇིག་དཀའ་བའི་ཤོག་བུ། |
| བཀྲབ |
(བྱེད་འབྲེལ་ལས་ཚིག) བཀྲབས་ཀྱི་མ་འོངས་པ་དང་ད་ལྟ་བ། མང་པོའི་ནང་ནས་འདེམ་པའི་བརྡ་རྙིང་ལ་འཇུག་སྟེ། (དཔེར་ན།) བཀྲབ་བྱ། བཀྲབ་མཁན་ཞེས་པ་ལྟ་བུ། |
| བཀྲབས |
(བྱེད་འབྲེལ་ལས་ཚིག) མང་པོའི་ནང་བདམས་པའི་བརྡ་རྙིང་། བཀྲབ་པའི་འདས་པ་དང་སྐུལ་ཚིག (དཔེར་ན།) མང་པོའི་ནང་ནས་བཀྲབས་པ། བཀྲབས་ཤིག་ལྟ་བུ། དཀྲབ་ཀྱི་མ་འོངས་པ་ལ་བཀྲབ་འབྲི་བའང་ཡོད། |
| བཀྲབས་པ |
བཀྲབ་པའི་འདས་པའི་བྱ་མིང་། |
| བཀྲམ |
(བྱེད་འབྲེལ་ལས་ཚིག) འགྲེམ་པའི་འདས་པ། དངོས་རྫས་མང་པོ་བཤམས་པའམ་ཁྱབ་པར་བྱས་པའི་དོན་ཏེ། (དཔེར་ན།) དངོས་རྫས་སྣ་ཚོགས་བཀྲམ། ཀུན་ལ་ཚགས་པར་བཀྲམ། ལུག་ཁྱུ་རི་ལ་བཀྲམ་ལྟ་བུ། |
| བཀྲམ་པ |
འགྲེམས་པའི་འདས་པའི་བྱ་མིང་། |
| བཀྲལ |
(བྱེད་འབྲེལ་ལས་ཚིག) འགྲེལ་གྱི་འདས་པ། མིང་ཚིག་དང་གཞུང་གི་དོན་གོ་སླ་བར་བཤད་པའི་དོན་ཏེ། (དཔེར་ན།) གཞུང་དོན་གོ་དཀའ་བ་བཀྲལ་ནས་གོ་བདེ་བར་བྱས་ལྟ་བུ། |
| བཀྲལ་བ |
(བྱེད་འབྲེལ་ལས་ཚིག) འགྲེལ་བའི་འདས་པའི་བྱ་མིང་། |
| བཀྲས་བཏགས |
གཞི་དང་རི་མོ་ཁ་ཕྲལ་ཏེ་བསྒྲིགས་པའི་གོས་ཆེན་ཞིག |
| བཀྲས་བླ་ནང་སྒང |
སྔར་བཀྲ་ཤིས་ལྷུན་པོའི་པཎ་ཆེན་གྱི་ཞབས་འབྲིང་ཆེ་ཁག་འཚོག་སའི་ལས་ཁུངས། |
| བཀྲས་ལྷུན |
བཀྲ་ཤིས་ལྷུན་པོའི་བསྡུས་མིང༌། |
| བཀྲས་སྒོར |
བཀྲ་ཤིས་སྒོར་མོའི་བསྡུས་ཚིག |
| བཀྲི |
ཁྲིད་ལ་ལྟོས། |
| བཀྲི་དོན |
དྲང་དོན། |
| བཀྲི་བ |
(བྱེད་འབྲེལ་ལས་ཚིག) ཁྲིད་པའི་མ་འོངས་པའི་འབྲི་སྲོལ་གཞན་ཏེ། (དཔེར་ན།) ལམ་བཟང་ལ་བཀྲི་བ་ཞེས་པ་ལྟ་བུ། |
| བཀྲིས |
བཀྲི་བའི་སྐུལ་ཚིག |
| བཀྲིས་པ |
བཀྲི་བའི་འདས་པ། |
| བཀྲུ |
(བྱེད་འབྲེལ་ལས་ཚིག) འཁྲུད་པའི་མ་འོངས་པ། ཆུས་དྲི་མ་འདག་པར་བྱས་པའི་དོན་ཏེ། (དཔེར་ན།) ཁ་ལག་བཀྲུ་དགོས་བཀྲུ་བྱའི་ལྭ་བ་ཞེས་པ་ལྟ་བུ། |
| བཀྲུ་དག |
མནའ་བསྐྱལ་ཏེ་དག་པར་བྱས་པ། |
| བཀྲུ་བ |
འཁྲུད་པའི་མ་འོངས་པ། |
| བཀྲུ་བཤལ |
བཀྲུས་ནས་གཙང་བཤལ་གཏོང་བ། |
| བཀྲུ་མ་སླེན |
རླུང་ནད་ལ་མི་འདའ་བའི་འཇམ་རྩིའི་སྦྱོར་བའི་ནང་ཚན་བད་རླུང་ལྡན་པར་བསྔགས་པའི་བཀྲུ་མ་སླེན་གྱི་སྦྱོར་བ་སྐམ་ན་གནས་པའི་སྲོག་ཆགས་རྣམས་ཀྱི་ཤ་ཁུ་དང༌། རའི་འོ་མ་དང་ཞུན་མར་བཅས་ཀྱི་སྟེང༌། རུ་རྟ་དང༌། དེ་བ་དཱ་རུ། པི་པི་ལིང༌། རྒྱམ་ཚ། ཨ་རུ་ར། པོ་སོ་ཆ་རྣམས་ཀྱི་ཕྱེ་མ་སྦྱར་ཏེ་བཤང་ལམ་ནས་མས་བཏང་བྱ་དགོས་པའི་སྨན་ཞིག |
| བཀྲུ་འཇམ |
རླུང་ནད་ལ་མི་འདའ་བའི་འཇམ་རྩིའི་སྦྱོར་བའི་ནང་ཚན་རླུང་མཁྲིས་ལྡན་པར་བསྔགས་པའི་བཀྲུ་འཇམ་གྱི་སྦྱོར་བ་ཆུར་གནས་ཀྱི་སེམས་ཅན་སྦལ་ལྕོང་སོགས་ཀྱི་ཤ་ཁུ་དང༌། བའི་འོ་མ་དང་མར་ཞུན་བཅས་སྟེང་རུ་རྟ་དང༌། དེ་བ་དཱ་རུ། པི་པི་ལིང༌། རྒྱམ་ཚ། ཨ་རུ་ར། དུར་བྱིད་རྣམས་ཀྱི་ཕྱེ་མ་སྦྱར་ཏེ་བཤང་ལམ་ནས་མས་བཏང་བྱ་དགོས་པའི་སྨན་ཞིག |
| བཀྲུ་སྨན |
དུར་བྱིད་དང་ཐར་ནུ་ལྟ་བུ་ས་ཆུའི་ནུས་པ་ཤས་ཆེར་ལས་བྱུང་བའི་སྨན་མཁྲིས་ནད་སོགས་རྒྱུ་ལོང་གི་ནད་ཐུར་དུ་བཀྲུ་བར་ནུས་པའི་བཤལ་སྨན་སྤྱི་ལ་ཟེར། |
| བཀྲུམས |
(བརྡ་རྙིང་།) ཕྱེ་མར་གསིལ་བ། |
| བཀྲུམས |
དཀྲུམ་གྱི་འདས་པ་དང་སྐུལ་ཚིག |
| བཀྲུས |
(བྱེད་འབྲེལ་ལས་ཚིག) འཁྲུད་པའི་འདས་པ། (དཔེར་ན།) ལུས་དང་ལྭ་བ་བཀྲུས་ནས་གཙང་སྦྲ་བྱས་ལྟ་བུ། |
| བཀྲུས་ཆག |
སྔར་གྱི་ཡུལ་སྲོལ་དུ་མནའ་སྐྱེལ་དག་འབུད་བྱས་ན་ཁྲལ་འབབ་ཆག་པ། |
| བཀྲུས་པ |
འཁྲུད་པའི་འདས་པ། |
| བཀྲེན་པ |
དབུལ་པོའི་བརྡ་རྙིང་། |
| བཀྲེན་པོ |
བཀྲེན་པ་དང་འདྲ། |
| བཀྲེན་རྔམ |
ནོར་རྫས་ལ་འདོད་པ་ཆེ་བ། |
| བཀྲེས |
ལྟོགས་པའི་མིང་གཞན་ཏེ། (དཔེར་ན།) བཀྲེས་སྐོམ་སེལ་ལྟ་བུ། |
| བཀྲེས་པ |
(བྱེད་མེད་ལས་ཚིག) ལྟོགས་པའི་དོན་ཏེ། (དཔེར་ན།) གྲོད་ཁོག་བཀྲེས་པ་ཞེས་པ་ལྟ་བུ། མིང་གི་རྣམ་གྲངས་ལ་ལྟོགས་པ་དང༌། བྲུ་བ་ཚ་བ། ཟ་འདོད་པ། ཟས་འདོད་པ་བཅས་སོ། ། |
| བཀྲེས་རྔབ |
ལྟོགས་རྔམ། |
| བཀྲེས་རྔབ |
ལྟོགས་པའི་མིང་། |
| བཀྲེས་རྔམ་ཅན |
1.ནོར་མེད་དབུལ་པོའམ་སྤྲང་པོ། 2.རྒྱུ་ནོར་ལ་ཧ་ཅང་རྔམ་པའི་མི། (དཔེར་ན།) དཔོན་པོ་བཀྲེས་རྔམ་ཅན་ཞེས་པ་ལྟ་བུ། |
| བཀྲེས་སྐོམ |
ཕོ་བ་ལྟོགས་ཤིང་ཁ་སྐོམ་པའི་དོན་ཏེ། (དཔེར་ན།) བཀྲེས་སྐོམ་གྱི་སྡུག་བསྔལ་མྱངས་ཞེས་པ་ལྟ་བུ། |
| བཀྲེས་སྔབ |
བཀྲེས་རྔབ་དང་འདྲ། |
| བཀྲེས་སྣང |
ལྟོགས་པའི་སྣང་བ། |
| བཀྲོངས |
(བྱེད་འབྲེལ་ལས་ཚིག) འགྲོང་བའི་འདས་པ། བསད་པའི་ཞེ་ས་སྟེ། (དཔེར་ན།) རྒྱལ་པོ་གཡུལ་དུ་བཀྲོངས་ནས་རྒྱལ་ས་ཤོར་ཞེས་པ་ལྟ་བུ། མ་འོངས་པ་ལ་དགྲོང་དང་ད་ལྟ་བར་འགྲོང་སྐུལ་ཚིག་ལ་གྲོངས་འབྲི། |
| བཀྲོངས་པ |
དགྲོང་བའི་འདས་པའི་བྱ་མིང་། |
| བཀྲོབས |
བཀྲབ་པའི་སྐུལ་ཚིག |
| བཀྲོལ |
(བྱེད་འབྲེལ་ལས་ཚིག་འདས་པ) 1>ཆིངས་ཐག་དང་མདུད་པ་སོགས་སོ་སོར་ཕྱེ་བའི་དོན་ཏེ། (དཔེར་ན།) ཐག་པའི་མདུད་པ་བཀྲོལ། ལུས་ཀྱི་ཆིངས་ཐག་བཀྲོལ། ལྭ་བའི་སྒྲོག་གུ་བཀྲོལ་ལྟ་བུ།2>གོང་རིམ་ནས་གནང་བ་ཐོབ་པའམ་ཆོག་མཆན་བཀོད་པའི་དོན་ཏེ། (དཔེར་ན།) དགོངས་པ་བཀྲོལ་ཞེས་པ་ལྟ་བུ།3>འཁྲོལ་གྱི་འདས་པའི་འབྲི་སྲོལ་གཞན། |
| བཀྲོལ་བ |
འགྲོལ་བའི་འདས་པའི་བྱ་མིང་། |
| བཀྲོལ་བཤད |
དོན་གནད་ལ་འགྲེལ་བཤད་གསལ་པོ་བྱས་པ། |
| བཀྲོས་གདམས |
(བརྡ་རྙིང་།) བསླབ་བྱ། |
| བཀྲོས་པ |
(བརྡ་རྙིང་།) འདོམས་པ། |
| བཀྲོས་བཤད |
(བརྡ་རྙིང་།) ཕན་པའི་ཚིག་གིས་གདམས་པ། |
| བཀླག |
(བྱེད་འབྲེལ་ལས་ཚིག) ཀློག་པའི་མ་འོངས་པ། (དཔེར་ན།) བཀླག་བྱའི་དཔེ་ཆ་ཞེས་པ་ལྟ་བུ། |
| བཀླག་པ |
ཀློག་པའི་མ་འོངས་པའི་བྱ་མིང་། |
| བཀླགས |
(བྱེད་འབྲེལ་ལས་ཚིག) ཀློག་པའི་འདས་པ། (དཔེར་ན།) དཔེ་ཆ་བཀླགས་ནས་སློབ་སྦྱོང་བྱས་ལྟ་བུ། |
| བཀླགས་པ |
ཀློག་པའི་འདས་པའི་བྱ་མིང་། |
| བཀླུབ |
(བྱེད་འབྲེལ་ལས་ཚིག) ཀླུབ་པའི་མ་འོངས་པ། (དཔེར་ན།) བཀླུབ་བྱ། གོས་རྒྱན་གྱིས་བཀླུབ་བྱའི་ལུས་པོ་ཞེས་པ་ལྟ་བུ། |
| བཀླུབ་པ |
ཀླུབ་པའི་མ་འོངས་པའི་བྱ་མིང་། |
| བཀླུབས |
(བྱེད་འབྲེལ་ལས་ཚིག) ཀླུབ་པའི་འདས་པ། (དཔེར་ན།) ལུས་ལ་རྒྱན་གྱིས་བཀླུབས་ནས་ཟློས་གར་བརྩེ་ལྟ་བུ། |
| བཀླུབས་པ |
ཀླུབ་པའི་འདས་པའི་བྱ་མིང་། |
| བག |
1.བློ་ཉམས་ཏེ། (དཔེར་ན།) བག་དོག་པོ། བག་ཡངས་ཞེས་པ་ལྟ་བུ། 2.ངོ་ཚའམ་འཛེམས་ཆའི་དོན་ཏེ། (དཔེར་ན།) བག་ཡོད། བག་མེད་ཅེས་པ་ལྟ་བུ། 3.ཅུང་ཟད་ཀྱི་དོན་ཏེ། (དཔེར་ན།) ཟས་བག་ཙམ་བཟས་ཞེས་པ་ལྟ་བུ། 4.ཟན་གྲོ་ཞིབ་ལྟ་བུ། 5.དྲི་མའམ་གཡའ་སྟེ། (དཔེར་ན།) དྲི་བག ནད་བག་ཅེས་པ་ལྟ་བུ།6.འབྲུ་རིགས་བཏགས་པའི་ཕྱེའི་མིང་། (དཔེར་ན།) གོ་རེ་ལ་བག་ལེབ་དང་། ཕྱེའི་ལྡེ་གུ་ལ་བག་སྐྱོ། ཕྱེའི་ཐུག་པ་ལ་བག་ཐུག་ཟེར་བ་སོགས་ལྟ་བུ། 7.མི་མངོན་པའི་ས་སྟེ། (དཔེར་ན།) མི་རྒས་ན་རིག་པ་བག་ལ་ཞ་ལྟ་བུ། |
| བག་ཁག |
སྦག་ཁག་དང་འདྲ། |
| བག་གཡོག |
མནའ་མའམ་མག་པའི་སྐྱོ་གྲོགས། |
| བག་གཡོག་མ |
མནའ་མའི་གཡོག་མོའམ་ཞལ་ལྟ་མ། |
| བག་གསར |
བག་མ་གསར་པ། |
| བག་གི་བུག་གི |
(རྒྱན་ཚིག) 1>གསལ་མི་གསལ་གྱི་སྐད་ཆ་བཤད་ཚུལ་ཏེ། (དཔེར་ན།) བག་གི་བུག་གིའི་གཏམ་དེ་གསལ་པོར་གོ་དཀའ་ཞེས་པ་ལྟ་བུ། 2>ས་ཕུག་སོགས་ཆང་ངི་ཆུང་ངིའི་དོན་ཏེ། (དཔེར་ན།) དེ་སྔ་ས་ཆ་འདི་ལ་ཁང་པ་བག་གི་བུག་གི་མང་པོ་འདུག་ཅེས་པ་ལྟ་བུ། |
| བག་གེ་བོག་གེ |
(རྒྱན་ཚིག) འཁྲིལ་བག་མི་ཆགས་པའི་གོས། (དཔེར་ན།) སྟོད་ཐུང་བག་གེ་བོག་གེ། གུ་ཐུང་བག་གེ་བོག་གེ་ཞེས་པ་ལྟ་བུ། |
| བག་གྲིབ |
མནའ་མ་ལེན་པའི་སྐབས་ལ་འབྱུང་བའི་གྲིབ། |
| བག་གྲོ་བ |
བག་དྲོ་བ་དང་འདྲ། |
| བག་གྲོ་བྱིན་ཆེ་བ |
བག་དྲོ་བྱིན་ཆེ་བ་དང་འདྲ། |
| བག་གླུ |
བག་མ་གཏོང་ལེན་གྱི་སྐབས་སུ་གཏོང་བའི་གླུ། |
| བག་ཅན |
བག་དང་ལྡན་པའམ་ཚུལ་ལྡན། |
| བག་ཆ |
ཆུན་པོ། |
| བག་ཆགས |
1.ནང་སེམས་ཀྱིས་ཕྱི་ཡུལ་བཟང་ངན་བར་མ་སྣ་ཚོགས་ལ་གོམས་པ་སོང་བའི་ནུས་པ་བག་ལ་ཉལ་རྣམ་ཤེས་ཀྱི་སྟེང་ན་འགོས་ཡོད་པའི་ཆ་སྟེ། (དཔེར་ན།) བག་ཆགས་ངན་པ་འཐུག་པོ་ཞིག་བསྡད་འདུག་ཅེས་པ་ལྟ་བུ། 2.བྱ་བ་བཟང་ངན་གྱི་ཤུགས་རྐྱེན་ནམ་ཤན་ཏེ། (དཔེར་ན།) ད་རེས་ཀྱི་འཐབ་འཛིང་ནང་དུ་ཁོང་གིས་བག་ཆགས་བཟང་པོ་བཞག་སོང༌། ལས་ཀར་སླ་བཅོས་བྱས་ན་བག་ཆགས་ངན་པ་བཞག་ཡོང༌ཞེས་པ་ལྟ་བུ། |
| བག་ཆགས་ཀྱི་ལུས |
སྦྱང་གཞི་བར་དོ་ལུས་གསུམ་གྱི་ནང་གསེས་ཤིག་གཉིད་དུ་སོང་ནས་མ་སད་ཀྱི་བར་རྨི་ལམ་བར་དོ་ནི་ཚེ་འདིའི་བག་ཆགས་སྣ་ཚོགས་རྨི་ལམ་དུ་འབྱུང་བས་རྨི་ལམ་བག་ཆགས་ཀྱི་ལུས་སོ། ། |
| བག་ཆགས་ཀྱི་སྒྲིབ་པ |
ཀུན་གཞིའི་བག་ཆགས་སམ་ཤེས་སྒྲིབ་ཕྲ་མོ། |
| བག་ཆགས་གསུམ |
ལུས་ངག་ཡིད་བཅས་ཀྱི་བག་ཆགས་གསུམ། |
| བག་ཆགས་བཞི |
མངོན་བརྗོད་ཀྱི་བག་ཆགས། བདག་ལྟའི་བག་ཆགས། སྲིད་པའི་ཡན་ལག་གི་བག་ཆགས། རིགས་མཐུན་པའི་བག་ཆགས་ཏེ་བཞིའོ། ། |
| བག་ཆགས་ཡང་དག་བཅོམ་པ |
སྒོ་གསུམ་གྱི་གནས་ངན་ལེན་ཉོན་ཤེས་ཀྱི་ས་བོན་ཕྲ་བ་ཙམ་དུ་མ་ཟད་དེ་དག་གི་བག་ཆགས་ཙམ་ཡང་ཡང་དག་པར་བཅོམ་པའམ་གཏན་ནས་མེད་པ་ཟག་མེད་ཡེ་ཤེས་སྡེ་ཚན་ཉེར་གཅིག་གི་ནང་གསེས་ཤིག |
| བག་ཆགས་རང་གྲོལ |
ཀར་གླིང་ཞི་ཁྲོའི་ལེ་ལག་ཅིག |
| བག་ཆལ |
གྲོ་ཟན་ལེབ་མོར་བཟོས་པའི་འཁུར་བ། |
| བག་ཆུང |
སྦག་ཆུང་དང་འདྲ། |
| བག་ཆེན |
ཇ་བག་ཁག་གི་དོན་དུ་གོ་བའི་སྦག་ཆེན་དང་འདྲ། |
| བག་ཉལ |
ལྐོག་ཏུ་གྱུར་པའམ་མི་མངོན་པར་གནས་པའི་དོན་ཏེ། (དཔེར་ན།) བག་ཉལ་གྱི་སྡིག་པ། བག་ལ་ཉལ་གྱི་ཉོན་མོངས་པ་ཞེས་པ་ལྟ་བུ། |
| བག་ཉལ་བདུན |
འདོད་པའི་འདོད་ཆགས་ཀྱི་བག་ཉལ་དང༌། ཁོང་ཁྲོའི་བག་ཉལ་དང༌། སྲིད་པའི་འདོད་ཆགས་ཀྱི་བག་ཉལ་དང༌། ང་རྒྱལ་གྱི་བག་ཉལ་དང༌། མ་རིག་པའི་བག་ཉལ་དང༌། ལྟ་བའི་བག་ཉལ་དང༌། ཐེ་ཚོམ་གྱི་བག་ཉལ་བཅས་བདུན་པོ་འདི་དག་སོ་སོའི་ཕྱོགས་མཐུན་གྱི་གནས་ངན་ལེན་རྣམས་ལ་བག་ལ་ཉལ་ཞེས་བྱའོ། ། |
| བག་ཐུག |
གྲོ་ཟན་རིལ་མོ་བཙོས་པའི་ཐུག་པ། |
| བག་དོག་པོ |
སེམས་གུ་དོག་པོའི་དོན་ཏེ། (དཔེར་ན།) སྤྲོ་ཐུང་བའི་མིའི་སེམས་བག་དོག་པོ་ཞེས་པ་ལྟ་བུ། |
| བག་དྲོ་བ |
བྱིན་ཆགས་པའམ་ཡིད་དུ་འོང་བའི་དོན་ཏེ། (དཔེར་ན།) མི་བག་དྲོ་བ། རྣམ་འགྱུར་བག་དྲོ་བ། གནས་ཁང་བག་དྲོ་བ། ཁ་བག་དྲོ་བ། སྐད་ཆ་བག་དྲོ་བ། གླུ་གཞས་བག་དྲོ་བ་ཞེས་པ་ལྟ་བུ། |
| བག་དྲོ་བྱིན་ཆེ |
གཟི་བརྗིད་ཆེ་ཞིང་བབ་ཆགས་པ་སྟེ། (དཔེར་ན།) ཁང་བཟང་བག་དྲོ་བྱིན་ཆེ་བ་ཞེས་པ་ལྟ་བུ། |
| བག་དྲོན |
བག་ཐུག་དྲོད་ལྡན། |
| བག་ཕབ་པ |
སེམས་ལྷོད་པོར་བྱས་པ་སྟེ། (དཔེར་ན།) མིའི་སེམས་བག་ཕབ་པ་ཞེས་པ་ལྟ་བུ། |
| བག་ཕུག |
བྲག་ཕུག |
| བག་ཕེབས་པ |
བློ་སེམས་ལྷོད་པོའམ་སྐྱིད་པོར་གྱུར་པའི་དོན་ཏེ། (དཔེར་ན།) བློ་བདེ་བག་ཕེབས། མི་དམངས་རྣམས་བག་ཕེབས་ཀྱིས་ཐོན་སྐྱེད་ངལ་རྩོལ་བྱེད་དུ་འཇུག་པ། བག་ཕེབས་པའི་གཏམ་རྣམ་པ་སྣ་ཚོགས་གླེང་བ་ཞེས་པ་ལྟ་བུ། |
| བག་ཕེབས་ལྷིང་འཇགས |
ཉམས་དགའ་ཞིང་ཟང་ཟིང་མེད་པའི་དོན་ཏེ། (དཔེར་ན།) ཕ་ཡུལ་དུ་ཕྱིར་ལོག་སླེབས་དུས་སེམས་ཧ་ཅང་བག་ཕེབས་ལྷིང་འཇགས་ཤིག་བྱུང༌ཞེས་པ་ལྟ་བུ། |
| བག་ཕྱེ |
གྲོ་ཞིབ་ཀྱི་མིང་། (དཔེར་ན།) བག་ཕྱེ་ཡག་པོ་ཡོད་ན་བག་ལེབ་ཞིམ་པོ་ཡོང༌ཞེས་པ་ལྟ་བུ། |
| བག་བུག |
1.(རྒྱན་ཚིག) བག་གི་བུག་གིའི་བསྡུས་ཚིག 2.(བརྡ་རྙིང་།) བྲག་ཕུག |
| བག་བོག |
(རྒྱན་ཚིག) བག་གེ་བོག་གེའི་བསྡུས་ཚིག |
| བག་མ |
མནའ་མ་གསར་པ་སྟེ། (དཔེར་ན།) བག་མ་ཡག་ལ་བག་སྟོན་གཟབ་པ། བག་མ་གཏོང་བ། བག་མ་ལེན་པ། བག་མ་སློང་བ་ཞེས་པ་ལྟ་བུ། མིང་གི་རྣམ་གྲངས་ལ་ཁབ་འཛིན་མ། ཁྱིམ་ཐབ་མ། ཁྱིམ་བདག་མོ། ཁྱིམ་འཛིན་མ། ཁྱིམ་གསར་མ། ཁྱོ་འདམ་མ། ཆུང་མ། ཆོས་བཅས་མ། མཆིས་འབྲང༌། ཉེ་བཟུང་མ། དང་པོའི་རྡུལ་ཅན། བདག་པོའི་བརྟུལ་ཞུགས་མ། མནའ་མ། བག་གསར། རང་དགའ་མ། རིགས་ཀྱི་མ། རིགས་སྐྱོང༌། ལག་པ་འཛིན། ལྷན་ཅིག་སྤྱོད་བཅས་སོ། ། |
| བག་མ་འབོགས་པ |
1.བུ་མོ་མནའ་མར་སྦྱིན་པ། 2.བུ་ལ་མནའ་མ་ལེན་པ། |
| བག་མཚེར་བ |
བློ་ཞུམ་པའི་དོན་ཏེ། (དཔེར་ན།) སྙིང་སྟོབས་ཆུང་བས་དཀའ་ངལ་ལ་བག་མཚེར་བ་ཞེས་པ་ལྟ་བུ། |
| བག་མེད |
1.ཚུལ་མིན་གྱི་དོན་ཏེ། (དཔེར་ན།) སྤྱོད་ཚུལ་བག་མེད། 2.(མངོན་བརྗོད།) ཆུ་མོ་གླང་ལོའི་མིང་། (དཔེར་ན།) རབ་བྱུང་ལྔ་པའི་བག་མེད་ཀྱི་ལོ་ལ་བྲིས་ཞེས་པ་ལྟ་བུ། |
| བག་མེད་པ |
1.ངོ་ནོངས་མི་ཤེས་པའམ། དགེ་སྐྱོན་ལ་ཇི་མི་སྙམ་པའི་སེམས་བྱུང་ཞིག (དཔེར་ན།) ཀུན་སྤྱོད་བག་མེད་པ། བག་མེད་ལྷོད་གཡེང༌། བག་མེད་ལོངས་སྤྱོད། བག་མེད་འུད་ཤོབ། བག་མེད་ཀྱིས་གཟན་རྒྱག་བྱེད་པ་ཞེས་པ་ལྟ་བུ། 2.བག་ཚི་མེད་པ་སྟེ། (དཔེར་ན།) རས་དཀར་བག་མེད་པ་ཞེས་པ་ལྟ་བུ། 3.དྲི་མའམ་གཡའ་མེད་པའི་དོན་ཏེ། (དཔེར་ན།) རུལ་སུངས་ཀྱི་བག་མེད་པ་ཞེས་པ་ལྟ་བུ། |
| བག་ཙམ |
ཅུང་ཟད་ཙམ་མམ་ཆ་ཤས་ཙམ་མམ་ཏོག་ཙམ་གྱི་དོན་ཏེ། (དཔེར་ན།) མར་ལ་སུངས་དྲི་བག་ཙམ་ཁ། ནག་ནོག་བག་ཙམ་ཆགས། ཡོན་ཏན་བག་ཙམ་འདུག་ཅེས་པ་ལྟ་བུ། |
| བག་ཙམ་གྱི་ལྷག་མ |
དགེ་འདུན་ལྷག་མ་བཅུ་གསུམ་ལས། གནོད་པ་ལས་གྱུར་པའི་ལྷག་མ་གཉིས་ཀྱི་ཡ་གྱལ། དགེ་སློང་གཞན་ལ་སྙད་ཀ་བག་ཙམ་ཡོད་པ་ལ་བརྟེན་ནས་ཕམ་པའི་སྐུར་འདེབས་བྱས་པའོ། ། |
| བག་ཚ་བ |
འཇིགས་པ་དང༌། ཞུམ་པ། འཚེར་བའི་དོན་ཏེ། (དཔེར་ན།) མི་རུང་ལས་ངན་སྤྱོད་པར་བག་ཚ་བ། དཀའ་ལས་ཆེ་སར་འགྲོ་རྒྱུར་བག་མི་ཚ་བ་ཞེས་པ་ལྟ་བུ། |
| བག་ཚ་མེད་པ |
1.ཉམ་ང་བ་མེད་པ། 2.(མངོན་བརྗོད།) དཔའ་བོ། |
| བག་ཚ་ཞེད་པ |
(ཡུལ་སྐད།) ངོ་ཚའམ་འཇིགས་སྐྲག་ཆེས་ཆེ་བ། |
| བག་ཚི |
རས་དང་དར་གོས་སོགས་ལ་གཏོང་བའི་བག་འདག |
| བག་ཚོས |
སྣུམ་ནང་འཚོས་པའི་བག་ལེབ་སོགས། |
| བག་ཞ |
བག་ལ་ཞ་བའི་བསྡུས་ཚིག |
| བག་ཞད |
(བརྡ་རྙིང་།) ཕྱོགས་ཙམ། |
| བག་ཞུམ་པ |
བློ་འཁུམས་པ་སྟེ། (དཔེར་ན།) རྒྱུ་མཚན་ཡང་དག་མང་པོ་དྲངས་ནས་ཚར་བཅད་དེ་ཕ་རོལ་པོའི་བློ་བག་ཞུམ་པར་བྱེད་པ། ཕམ་ཉེས་ཕྲན་བུ་བྱུང་ནས་བག་ཞུམ་པའི་མི་དེ་སྡར་མ་རེད་ཅེས་པ་ལྟ་བུ། |
| བག་ཟན |
གྲོ་ཕྱེ་བརྫིས་པའི་ཟན་གྱི་མིང་། (དཔེར་ན།) བག་ཟན་བརྫིས་ཏེ་བག་ལེབ་བཟོས་ཞེས་པ་ལྟ་བུ། |
| བག་ཟོན |
དོགས་ཟོན་གྱི་མིང་། |
| བག་འཁུམས་པ |
སེམས་ཞུམ་པའི་དོན་ཏེ། (དཔེར་ན།) བར་ཆད་བྱུང་བ་ཙམ་གྱིས་བག་འཁུམས་ན་ལས་དོན་ཇི་ལྟར་འགྲུབ། དཀའ་བའི་གནས་ལ་བག་འཁུམས་ན། བྱ་བ་གང་ཡང་འགྲུབ་མ་འགྱུར་ཞེས་པ་ལྟ་བུ། |
| བག་ཡངས |
ཁོམ་ལོང་ངམ་དོགས་ཟོན་མེད་པའི་དོན་ཏེ། (དཔེར་ན།) བག་ཡངས་མ་བྱེད་ངལ་རྩོལ་གྱིས་ལྟ་བུ། |
| བག་ཡོད་ཀྱི་ཡན་ལག |
ཆང་སྤོང་བ་ཆང་འཐུང་ན་ཚུལ་ཁྲིམས་རྫོགས་ཀྱང་བག་མེད་པར་འགྱུར་བས་དེ་སྤོང་བ་བག་དང་ལྡན་པར་འགྱུར་བ། |
| བག་ཡོད་པ |
1.དྲན་པ་བརྟན་པོ་ཡོད་པའི་དོན་ཏེ། དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག་སྟེ་བླང་དོར་གྱི་གནས་ལ་གཟོབ་པ་ལྷུར་ལེན་པ་སྲིད་ཞིའི་ལེགས་ཚོགས་སྒྲུབ་པའི་ལས་ཅན། (དཔེར་ན།) བག་ཡོད་ཚུལ་མཐུན། བག་ཡོད་ཚུལ་གནས་ཞེས་པ་ལྟ་བུ། 2.བག་ཚི་ཡོད་པའི་དོན་ཏེ། (དཔེར་ན།) བག་ཡོད་པའི་རས་དེ་སྤུས་ཀ་ཡག་པོ་མིན་ཞེས་པ་ལྟ་བུ། 3.དྲི་མའམ་གཡའ་ཡོད་པ། |
| བག་རེ་བ |
ཅུང་ཟད་རེའི་དོན་ཏེ། (དཔེར་ན།) དུས་ཚོད་བག་རེ་ཙམ་ཡང་འཕྲོ་བརླག་ཏུ་མ་བཏང་ཞེས་པ་ལྟ་བུ། |
| བག་རོགས |
བག་གཡོག་དང་དོན་གཅིག |
| བག་རྐྱོང |
1.བག་ཡངས་པོའམ་སེམས་གུ་དོག་མིན་པའི་དོན་ཏེ། (དཔེར་ན།) བློ་སེམས་བག་རྐྱོང་བྱེད་པ་ཞེས་པ་ལྟ་བུ། 2.(བརྡ་རྙིང་།) སྐྱེངས་མེད་དམ། འཚེར་མེད་དེ་འཛེམ་པ་མེད་པ། |
| བག་རྩིས |
བག་མ་གཏོང་ལེན་བྱེད་པའི་རྩིས། |
| བག་རྫོངས |
བུ་མོ་བག་མར་འགྲོ་བར་སྤྲོད་པའི་སྐལ་བ། |
| བག་ལ་ཉལ |
མི་མངོན་པར་གནས་པའི་དོན་ཏེ། (དཔེར་ན།) ཞེ་སྡང་བག་ལ་ཉལ། བག་ལ་ཉལ་བའི་ནད། ནད་བག་ལ་ཉལ་ཞེས་པ་ལྟ་བུ། |
| བག་ལ་ཞ་བ |
མི་མངོན་པར་གནས་པའམ། མི་མངོན་པར་གྱུར་པ། |
| བག་ལེབ |
བསྲེགས་ཏེ་བཟོས་པའི་གྲོ་ཟན་ལེབ་མོ། (དཔེར་ན།) ཤ་བག་ལེབ། བུ་རམ་བག་ལེབ། བག་ལེབ་བསྲེགས་མ་ཞེས་པ་ལྟ་བུ། |
| བག་ལོག |
སྐྱོ་ལོག་བག་མ་རང་ཁྱིམ་དུ་ཐེངས་དང་པོ་ལོག་ནས་ཅུང་ཟད་སྡོད་པའི་མིང༌། |
| བག་ལྡན |
སྤྱོད་པ་ཚུལ་མཐུན། |
| བག་སྐར |
བག་མ་གཏོང་ལེན་གྱི་ཆེད་དུ་བརྩི་བའི་ཚེས་གྲངས་དང་གཟའ་སྐར། |
| བག་སྐྱོ |
གྲོ་ཞིབ་ཀྱི་སྐྱོ་འདུར། |
| བག་སྟོན |
བག་མ་བླངས་པའི་དགའ་སྟོན། |
| བག་སྤྱིན |
གྲོ་ཞིབ་ཀྱི་སྐྱོ་མ་ཚི་ཅན། |
| བག་སློག |
གཉེན་ལོག་སྐབས་མནའ་མའི་ཕ་མར་སྤྲོད་རྒྱུའི་ལག་རྟགས། |
| བགག་པ |
(བྱེད་འབྲེལ་ལས་ཚིག) བསྒག་པའི་འབྲི་སྲོལ་གཞན། |
| བགགས |
བསྒགས་ཀྱི་འབྲི་ཚུལ་གཞན། |
| བགད |
(བྱེད་འབྲེལ་ལས་ཚིག) དགོད་པའི་འདས་པ་དང་མ་འོངས། (དཔེར་ན།) གད་མོ་བགད་དེ་འཕྱ་སྨོད་བྱས་ལྟ་བུ། |
| བགམ |
(བྱེད་འབྲེལ་ལས་ཚིག) བགམས་པའི་མ་འོངས་པ། ཉམས་སད་བྱས་པའི་དོན་ཏེ། (དཔེར་ན།) ཚོད་བགམ་དགོས་ཚོད་བགམ་པར་བྱ་ལྟ་བུ། |
| བགམས |
(བྱེད་འབྲེལ་ལས་ཚིག) འགམ་གྱི་འདས་པ། (དཔེར་ན།) ཚོད་བགམས་ནས་བཟང་ངན་ཤེས་ལྟ་བུ། |
| བགས |
རིམ་བཞིན་ནམ་རིམ་གྱིས་ཞེས་པའི་དོན་ཏེ། (དཔེར་ན།) རྒྱུན་ཆགས་བརྩོན་པ་མ་བཏང་བར། བགས་ཀྱིས་བསྒྲུབས་ན་ཅི་ཡང་འགྲུབ། གྲོགས་བཟང་གསེར་གྱི་སྦྲམ་བུ་དང་འདྲ་འགོ་བ་དཀའ་བ། གྲོགས་ངན་སྦུར་མ་དང་འདྲ་བ་དེ་བགས་ཀྱིས་འགོ། ལུས་ཕུང་བགས་ཀྱིས་རྒྱས། ནད་པ་བགས་ཀྱིས་སོས། ཟས་བགས་ཀྱིས་ཟ་ཞེས་པ་ལྟ་བུ། |
| བགས་ཀྱིས་གཞོལ |
(མངོན་བརྗོད།) འབབ་ཆུ། |
| བགེགས |
1.བར་ཆད་བྱེད་པའི་བྱ་སྤྱོད་དང་དངོས་པོའི་མིང་། (དཔེར་ན།) ཐན་པ་ནི་ལོ་ཏོག་གི་བགེགས་ཡིན། ལོ་བགེགས་སེལ་ལྟ་བུ། 2.འདྲེ་གདོན་རིགས་ཤིག |
| བགེགས་ཀྱི་རྒྱལ་པོ |
གནོད་བྱེད་གདོན་འདྲེའི་གཙོ་བོ། |
| བགེགས་གཏོར |
འདྲེ་གདོན་ལ་སྟེར་བའི་གཏོར་མ། |
| བགེགས་དབང་བར་ཆད |
འདྲེ་གདོན་གྱི་རྐྱེན་ལས་བྱུང་བའི་གློ་བུར་གྱི་ཉེར་འཚེའམ། གོད་ཀ། |
| བགེགས་བསྐྲད |
དཀྱིལ་འཁོར་སྒྲུབ་པ་དང་དབང་སྐུར་བ་སོགས་ཀྱི་ཐོག་མར་ལྷའི་ང་རྒྱལ་གྱིས་ཁྲོ་བོའི་ཚོགས་རྣམས་སྤྲོས་ཏེ་གསང་སྔགས་ཀྱི་དཀྱིལ་འཁོར་སྒྲུབ་པ་ལ་བར་དུ་གཅོད་པའི་བགེགས་རྣམས་ལ་གཏོར་མ་བྱིན་ནས་ཕྱིར་བསྐྲད་པའོ། ། |
| བགེགས་མཐར་བྱེད |
ལྷ་ཁྲོ་བོ་ཞིག |
| བགེགས་འཚུབ |
གདོན་འདྲེའི་རྐྱེན་ལས་བྱུང་བའི་བར་ཆད་ཀྱི་འཚུབ་ཆ། |
| བགེགས་རྐྱེན |
མི་མིན་གདོན་འདྲེ་ལས་བྱུང་བའི་བར་ཆད། |
| བགེགས་ལིང |
དགྲ་བགེགས་གཟུགས་ཀྱི་ལིང་ག། (དཔེར་ན།) བགེགས་ལིང་སྲེག་པའི་མངོན་སྤྱོད་ཅེས་པ་ལྟ་བུ། |
| བགེགས་སྐྱོན |
གདོན་འདྲེའི་གནོད་པ་ལས་བྱུང་བའི་སྐྱོན་ཆ། |
| བགོ |
1.(བྱེད་འབྲེལ་ལས་ཚིག) བགོས་པའི་མ་འོངས་པ་དང་ད་ལྟ་བ། གོས་སོགས་གྱོན་དུ་འཇུག་པའམ་གྱོན་པའི་དོན་ཏེ། (དཔེར་ན།) ལུས་ལ་གོས་བགོ། ལུས་ལ་གོ་ཆ་བགོ་མཁན་ཞེས་པ་ལྟ་བུ། འདས་པ་དང་སྐུལ་ཚིག་ལ་བགོས་འབྲི་ གོ་ཆ་བགོས་ནས་དགྲ་ལ་ཆས། གོས་བགོས་ཤིག་ལྟ་བུ།2.(བྱེད་འབྲེལ་ལས་ཚིག) བགོས་པའི་མ་འོངས་པ། བགོ་བཤའ་བྱས་པའི་དོན་ཏེ། (དཔེར་ན།) སྐལ་བ་བགོ་དགོས། བགོ་བཤའི་སྐལ་བ་ཞེས་པ་ལྟ་བུ། |
| བགོ་གཞི |
1.བགོ་བཤའ་བྱ་རྒྱུའི་དངོས་པོ། 2.རྩིས་ཐབས་ཀྱི་བགོ་བྱའི་གྲངས་འབོར། |
| བགོ་གཞི་རགས་པ |
ཐུར་གྲིབ་སྐབས་སུ་ཁྱིམ་སོ་སོའི་བགོ་གཞི་རགས་པ་དེ་ཐུར་མའི་རང་གྲིབ་བདུན་པོ་དང་བཙུགས་པའི་གྲིབ་མ་བསྡོམས་པས་བགོ་བ་ལ་བརྟེན་ནས་ངོ་ཐོག་གི་དུས་ཚོད་བརྟག་པ། |
| བགོ་ཉེས |
བགོ་བཤའ་རྒྱག་སྟངས་ནོར་བའི་དོན་ཏེ། (དཔེར་ན།) དངོས་པོ་བགོ་ཉེས་མ་ཤོར་བ་བྱེད་དགོས་ཞེས་པ་ལྟ་བུ། |
| བགོ་ཐབས |
1.རྒྱུ་དངོས་སོགས་བགོ་བཤའ་རྒྱག་སྟངས། 2.རྩིས་རྒྱག་སྟངས་ཤིག |
| བགོ་བཤའ |
ཁག་སོ་སོར་འབྱེད་པའི་མིང༌། (དཔེར་ན།) ངལ་རྩོལ་བྱས་པའི་གྲུབ་འབྲས་བགོ་བཤའ་རྒྱག་པ། ལས་འགན་བགོ་བཤའ་བྱས་ནས་སྒྲུབ་དགོས་ཞེས་པ་ལྟ་བུ། |
| བགོ་འགྲེམས |
གཞི་གཅིག་ལས་དུམ་བུ་དུམ་བུའམ། ཚན་པ་ཚན་པར་ཕྲལ་ཏེ་ཁུངས་སོ་སོར་སྤྲོད་པའི་དོན་ཏེ། (དཔེར་ན།) ངལ་རྩོལ་ནུས་ཤུགས་བགོ་འགྲེམས་བྱེད་པ། བགོ་འགྲེམས་བྱ་རྒྱུ་མི་འདང་བ་ཞེས་པ་ལྟ་བུ། |
| བགོ་རེ |
(བརྡ་རྙིང་།) ཁང་པ་གྲུ་བཞི། |
| བགོ་རྟགས |
བགོ་རྩིས་ཀྱི་རྟགས། |
| བགོ་རྩིས |
བགོ་བཤའ་རྒྱག་པའི་བརྩི་སྟངས། |
| བགོ་སྐལ |
ཐོབ་སྐལ་ལམ་ཐོབ་ཆའི་མིང་། (དཔེར་ན།) ལས་ཀྱི་བགོ་སྐལ། གཞན་གྱི་བགོ་སྐལ་རང་ལ་མི་ཐོབ་ཅེས་པ་ལྟ་བུ། |
| བགོགས |
བསྒགས་པའི་སྐུལ་ཚིག་གི་འབྲི་ཚུལ་གཞན། |
| བགོད |
(བྱེད་འབྲེལ་ལས་ཚིག) བགོས་པའི་ད་ལྟ་། (དཔེར་ན།) སྐལ་བ་བགོད་ཀྱིན་ཡོད། སྐལ་བ་བགོད་མཁན་ཞེས་པ་ལྟ་བུ། |
| བགོད་པ |
(བརྡ་རྙིང་།) ཟད་པ། |
| བགོམ |
(བྱེད་འབྲེལ་ལས་ཚིག) བགོམས་པའི་མ་འོངས་པ། ཐོག་ནས་ཕར་བརྒལ་བའི་དོན་ཏེ། (དཔེར་ན།) བགོམ་བྱའི་སྒོ་ཐེམ་ཞེས་པ་ལྟ་བུ། |
| བགོམ་པ |
འགོམ་པའི་མ་འོངས་པའི་བྱ་མིང་། |
| བགོམས |
(བྱེད་འབྲེལ་ལས་ཚིག) འགོམ་པའི་སྐུལ་ཚིག |
| བགོམས |
(བྱེད་འབྲེལ་ལས་ཚིག) འགོམ་པའི་འདས་པ། (དཔེར་ན།) ཐོག་ལ་བགོམས་ནས་ཕར་སོང་ལྟ་བུ། |
| བགོམས་པ |
འགོམ་པའི་འདས་པའི་བྱ་མིང་། |
| བགོར |
(བྱེད་འབྲེལ་ལས་ཚིག) འགོར་བའི་མ་འོངས་པ་དང་འདས་པ་སྐུལ་ཚིག དུས་ཆད་ལས་འདའ་རུ་བཅུག་པའི་དོན་ཏེ། (དཔེར་ན།) ལོ་ཏོག་འདེབས་པའི་དུས་ཚོད་བགོར་མི་རུང་། དུས་ཡུན་བགོར་ནས་གོ་སྐབས་ཤོར། དུས་ཡུན་བགོར་ཅིག་ལྟ་བུ། |
| བགོས |
1.(བྱེད་འབྲེལ་ལས་ཚིག) བགོད་པའི་འདས་པ་དང་སྐུལ་ཚིག (དཔེར་ན།) འབྲུ་སྐལ་བགོས་ནས་ཁྱིམ་སོར་སོར་བྱིན། སྐལ་བགོས་ཤིག་ལྟ་བུ། 2.(བྱེད་འབྲེལ་ལས་ཚིག) བགོ་བའི་འདས་པ་དང་སྐུལ་ཚིག (དཔེར་ན།) གོ་ཆ་བགོས་ནས་དགྲ་ལ་ཆས། གོ་བགོས་ཤིག་ཅེས་པ་ལྟ་བུ།3.རྩིས་རིག་གི་སྒྱུར་བགོ་སྣོན་ཕྲི་བཞིའི་ནང་གི་བགོ་བའི་དོན་ཏེ། (དཔེར་ན།) བགོ་བྱ། བགོད་བྱེད། གསུམ་གྱིས་དགུ་བགོས་ན་གསུམ་ཐོབ་ཅེས་པ་ལྟ་བུ། |
| བགོས་པ |
བགོ་བ་དང་བགོད་པའི་འདས་པའི་བྱ་མིང་། |
| བགོས་འགྲེམས |
བགོ་འགྲེམས་དང་དོན་གཅིག |
| བགོས་འབབ |
བགོས་པའི་ཐོབ་འབོར། |
| བགྱང |
བསྒྱང་གི་འབྲི་ཚུལ་གཞན། |
| བགྱངས |
བསྒྱངས་ཀྱི་འབྲི་ཚུལ་གཞན། |
| བགྱངས་པ |
བསྒྱངས་པའི་འབྲི་ཚུལ་གཞན། |
| བགྱི |
(བྱེད་འབྲེལ་ལས་ཚིག) བགྱིས་པའི་མ་འོངས་པ། བྱ་བའི་དོན་ཏེ། (དཔེར་ན།) ཅི་བགྱི(ཅི་བྱེད)ལྟ་བུ། |
| བགྱི་བ |
1.བགྱིད་པའི་མ་འོངས་པ།2.ལས་སམ་བྱ་བའི་དོན་ཏེ། བགྱི་བ་ཆེན་པོ་ཞེས་པ་ལྟ་བུ། 3.(བརྡ་རྙིང་།) ཟེར་བ་ཞེས་པའི་དོན་ཏེ། (དཔེར་ན།) བདག་མིང་འདི་ཞེས་བགྱི་བ་ཞེས་པ་ལྟ་བུ། |
| བགྱིད |
(བྱེད་འབྲེལ་ལས་ཚིག) བགྱིས་པའི་ད་ལྟ་བ། (དཔེར་ན།) ཕྱིན་ཆད་ཀྱང་ཉེས་པ་མི་བགྱིད་དོ་ལྟ་བུ། |
| བགྱིས |
(བྱེད་འབྲེལ་ལས་ཚིག) བགྱིད་པའི་འདས་པ། (དཔེར་ན།) དེ་ལྟར་བགྱིས་པའི་བྱ་བ་བཟང་པོ་རྣམས་ཞེས་པ་ལྟ་བུ། |
| བགྱིས་པ |
བགྱིད་པའི་འདས་པའི་བྱ་མིང་། |
| བགྱེད |
བཀྱེད་ཀྱི་མ་འོངས་པ། |
| བགྱོངས |
བགྱང་བའི་སྐུལ་ཚིག |
| བགྲང |
(བྱེད་འབྲེལ་ལས་ཚིག) བགྲངས་པའི་མ་འོངས་པ་དང་ད་ལྟ་བ། གྲངས་ཀ་བརྩི་བའི་དོན་ཏེ། (དཔེར་ན།) རྩིས་ཕྲེང་བགྲང་བར་བྱ། རྩིས་ཕྲེང་བགྲང་མཁན་ཞེས་པ་ལྟ་བུ། |
| བགྲང་གཞི |
(མངོན་བརྗོད།) ལོ། |
| བགྲང་དུ་མེད་པ |
གྲངས་མང་བས་བགྲང་མི་ནུས་པ། |
| བགྲང་ཕྲེང |
གྲངས་རྩི་བྱེད་ཀྱི་ཕྲེང་བ། |
| བགྲང་ཕྲེང་འཛིན |
(མངོན་བརྗོད།) མེ་ལྷ། |
| བགྲང་བྱ |
(མངོན་བརྗོད།) 1>དུས། 2>ལོ། |
| བགྲང་འཕྲེང |
བགྲང་ཕྲེང་དང་འདྲ། |
| བགྲང་ཡས་པ |
གྲངས་ཀ་རྒྱག་ཚོད་མེད་པ། |
| བགྲངས |
(བྱེད་འབྲེལ་ལས་ཚིག) བགྲང་བའི་འདས་པ། (དཔེར་ན།) རྩིས་ཕྲེང་གཉིས་རེ་གཉིས་རེ་བགྲངས་ཞེས་པ་ལྟ་བུ། |
| བགྲད |
1.(བྱེད་འབྲེལ་ལས་ཚིག) བར་ཐག་ཇེ་ཆེར་བཏང་སྟེ་གདང་བའི་དོན་ཏེ། (དཔེར་ན།) སྡང་མིག་བགྲད། སྐྲག་ནས་མིག་བགྲད། འདོམས་བགྲད་དེ་མ་སྡོད་ལྟ་བུ།2.བརྐྱངས་པའི་དོན་ཏེ། (དཔེར་ན།) གཅན་གཟན་གྱིས་སྤར་མོ་བགྲད་པ། |
| བགྲིལ་བ |
(བྱེད་འབྲེལ་ལས་ཚིག) འགྲིལ་དུ་འཇུག་པའི་དོན་ཏེ། (དཔེར་ན།) རྡོ་ཆེན་པོ་ཞིག་ཐུར་དུ་བགྲིལ་བ། གྱང་ལ་བགྲིལ་བ་ཞེས་པ་ལྟ་བུ། |
| བགྲུ |
(བྱེད་འབྲེལ་ལས་ཚིག) བགྲུས་པའི་མ་འོངས་པ་དང་ད་ལྟ་བ། འབྲུ་སོགས་འབྲུ་རིགས་ཀྱི་ཤུན་པ་ཕུད་པའི་དོན་ཏེ། (དཔེར་ན།) འབྲས་བགྲུ་བ། བགྲུ་བྱའི་འབྲུ། འབྲས་བགྲུ་བྱེད་ཀྱི་འཕྲུལ་འཁོར་ཞེས་པ་ལྟ་བུ། |
| བགྲུང |
(བྱེད་འབྲེལ་ལས་ཚིག) བགྲུངས་པའི་མ་འོངས་པ་དང་ད་ལྟ་བ། ཆུ་སོགས་དྭངས་པར་བྱེད་པའི་དོན། འདས་པ་དང་སྐུལ་ཚིག་ལ་བགྲུངས་འབྲི། |
| བགྲུངས |
བགྲུང་བའི་འདས་པ་དང་སྐུལ་ཚིག |
| བགྲུད |
བགྲུ་ལ་ལྟོས། |
| བགྲུས |
(བྱེད་འབྲེལ་ལས་ཚིག) བགྲུ་བའི་འདས་པ་སྟེ། (དཔེར་ན།) འབྲས་བགྲུས་ནས་སྣོད་དུ་བླུགས་ལྟ་བུ། |
| བགྲུས་པ |
བགྲུ་བའི་འདས་པའི་བྱ་མིང་། |
| བགྲུས་མ |
འབྲས་དང༌། གྲོ། ཡོས་སོགས་པགས་པ་བཤུས་ཟིན་པ། |
| བགྲུས་རྒྱག་པ |
འབྲུ་བརྔོས་པའི་ཡོས་རྣམས་སྣོད་དུ་བླུགས་ཏེ་རྡོག་པས་བརྫིས་ནས་པགས་པ་བཤུ་བ། |
| བགྲེ་བ |
(བརྡ་རྙིང་།) འགྲེ་ལོག་བྱེད་པ། |
| བགྲེས |
1.(བྱེད་མེད་ལས་ཚིག) ན་ཚོད་ཆེར་སོན་པའི་ཞེ་ས། (དཔེར་ན།) དགུང་ལོ་བགྲེས་ལྟ་བུ། 2.(རྒྱན་ཚིག) ན་ཚོད་རྒས་པ་སྟེ། (དཔེར་ན།) དགུང་ལོ་བགྲེས་པ། བུད་མེད་བགྲེས་མོ། ཞིང་པ་བགྲེས་པོ་ཞེས་པ་ལྟ་བུ། |
| བགྲེས་པ |
1.(བྱེད་མེད་ལས་ཚིག) ན་ཚོད་ཆེར་སོན་ནས་རྒ་བའི་ཞེ་ས། (དཔེར་ན།) དགུང་ལོ་བགྲེས་སོང༌། 2. གྲྭ་པ་ལས་ཚན་འཁྱུར་བའི་ཟུར་བཞུགས། 3.ལོ་ཆེ་བའི་དོན་ཏེ། (དཔེར་ན།) དགུང་ལོ་བགྲེས་པའི་ཡབ་ཡུམ། སྲས་མོ་བགྲེས་པ་ཞེས་པ་ལྟ་བུ།4.གཙོ་ཆེ་བའི་དོན་ཏེ། (དཔེར་ན།) བློན་པོ་བགྲེས་གཞོན་རྣམ་གཉིས། ཕྱག་མཛོད་སྐུ་བགྲེས་པ་ཞེས་པ་ལྟ་བུ། |
| བགྲེས་པོ |
རྒན་པོ། |
| བགྲེས་མོ |
རྒན་མོ། |
| བགྲེས་སོང |
རྒས་འཁོགས། |
| བགྲེས་སོན |
ན་ཚོད་མཐོན་པོར་སོན་པ། |
| བགྲོ |
(བྱེད་འབྲེལ་ལས་ཚིག) བགྲོས་པའི་མ་འོངས་པ་དང་ད་ལྟ་བ། གྲོས་བྱེད་པའི་དོན་ཏེ། (དཔེར་ན།) བགྲོ་བྱའི་དོན་བགྲོ་དགོས་ལྟ་བུ། |
| བགྲོ་གླེང |
ཤེས་བྱའི་སྐོར་གྱི་གཏམ་གླེང༌སྟེ། (དཔེར་ན།) མཉམ་འཛོམས་ཀྱིས་བགྲོ་གླེང་བྱེད་པ། སྲིད་ཀྱི་བགྲོ་གླེང༌། ཆོས་ཀྱི་བགྲོ་གླེང་བྱེད་པ་ཞེས་པ་ལྟ་བུ། |
| བགྲོ་འདེབས་པ |
གྲོས་བྱེད་པའི་དོན་ཏེ། (དཔེར་ན།) ལས་དོན་ག་འདྲ་བྱེད་དགོས་བགྲོ་འདེབས་པ་ཞེས་པ་ལྟ་བུ། |
| བགྲོངས |
(བྱེད་འབྲེལ་ལས་ཚིག) བགྲང་བའི་སྐུལ་ཚིག |
| བགྲོངས |
(བྱེད་འབྲེལ་ལས་ཚིག) བགྲངས་པའི་སྐུལ་ཚིག རྩིས་ཕྲེང་བགྲོངས་ཤིག་ལྟ་བུ། (དཔེར་ན།) བཤད་པའི་དོན་ཏེ། ནག་ཉེས་བགྲང་ཞེས་པ་ལྟ་བུ། |
| བགྲོད |
1.(བྱེད་མེད་ལས་ཚིག) 1>འགྲོ་བའི་དོན་ཏེ། (དཔེར་ན།) བགྲོད་ལམ། བགྲོད་པར་དཀའ་བའི་ལམ། བགྲོད་པར་དཀའ་བའི་གནས་ཞེས་པ་ལྟ་བུ། 2>འདོད་པ་སྤྱད་པའི་དོན། 3>འགྲོ་བའི་ཚད་ཀྱི་མིང་། (དཔེར་ན།) རྟ་མཆོག་གི་བགྲོད་པ། རླུང་གི་བགྲོད་པ་ཞེས་པ་ལྟ་བུ། 2.(མངོན་བརྗོད།) ལོ་གཅིག་ལ་ཉི་མ་ལྷོ་བགྲོད་དང༌། བྱང་བགྲོད་གཉིས་ཡོད་པས་གྲངས་གཉིས་མཚོན། |
| བགྲོད་པ་གཅིག་པ |
1.འགྲོ་སའི་ལམ་ག་གཅིག་པ། 2.འགྲོ་བའི་རྐང་སྟབས་སྤོ་སྟངས་འདྲ་བ། |
| བགྲོད་བྱ |
(མངོན་བརྗོད།) 1>བུད་མེད། 2>ལམ་ཀ། |
| བགྲོད་བྱེད |
(མངོན་བརྗོད།) སྐྱེས་པ། |
| བགྲོད་ལམ |
1.འགྲོ་སའི་ལམ། 2.(མངོན་བརྗོད།) མོ་མཚན། |
| བགྲོས |
(བྱེད་འབྲེལ་ལས་ཚིག) བགྲོ་བའི་སྐུལ་ཚིག |
| བགྲོས |
(བྱེད་འབྲེལ་ལས་ཚིག) འདས་པ་དང་སྐུལ་ཚིག (དཔེར་ན།) རྩྭ་སའི་གནད་དོན་བགྲོས་ནས་གྲོས་འཆམས་བྱུང་། བགྲོས་ཤིག་ལྟ་བུ། |
| བགྲོས་ངན |
ལྐོག་གཡོ་ངན་ཇུས། |
| བགྲོས་པ |
(བྱེད་འབྲེལ་ལས་ཚིག) བགྲོ་བའི་འདས་པ། |
| བང |
1.སྲོག་ཆགས་རྒྱུག་པའི་རྩལ་གྱི་མིང་། (དཔེར་ན།) རི་དྭགས་བང་རྩལ་གྱིས་བརྒྱུགས། རྟས་བང་འགྲན་ལྟ་བུ། 2.བང་བ་ཞེས་པའི་ཚིག་བསྡུས་པ། 3.(བྱེད་མེད་ལས་ཚིག) བངས་ཀྱི་མ་འོངས་པ་དང་ད་ལྟ་བ། |
| བང་ཁ |
རྒྱུག་ཤུགས་སམ་རྒྱུག་རྩལ་གྱི་དོན་ཏེ། (དཔེར་ན།) རྟ་དཀྱུ་སར་རྒྱུག་ཤུགས་ཆེ་དྲགས་པས་བང་ཁ་ཐལ་བ། ངག་གི་རྩེད་མོ་རྩེ་ཚོད་མ་ཟིན་པའི་བང་ཁ་ཐལ་བ། རྐང་འཁོར་གཏོང་སྟངས་མགྱོགས་དྲགས་པས་བང་ཁ་ཤོར་ནས་ས་ལ་དབྱུགས། སྟོན་ཁའི་སྤྲིན་པ་བང་ཁ་མགྱོགས། བསེར་མ་བྱུང་ན་འཐོར་ལ་ཤོར་ཞེས་པ་ལྟ་བུ། |
| བང་ཁང |
འབྲུ་སོགས་བླུག་སྣོད་ཀྱི་བང་བའམ། ཁང་པ། |
| བང་ཁོག |
(ཡུལ་སྐད།) བྲང་ཁོག |
| བང་ཁྲག |
ཕྲུ་གུ་སྐྱེ་སྐབས་མངལ་ནས་བྱུང་བའི་ཁྲག |
| བང་ཁྲི |
གྱང་ལོགས་སུ་སྦྱར་བའི་འཇོག་སྟེགས་ཀྱི་མིང་། (དཔེར་ན།) དཔེ་ཆ་བང་ཁྲིའི་སྟེང་ལ་བཞག་ཅེས་པ་ལྟ་བུ། |
| བང་ཆེན |
ཕོ་ཉའམ་གཏམ་སྐྱེལ་མཁན་མིང་། (དཔེར་ན།) བང་ཆེན་འབྱོར་ནས་གཏམ་སྙན་བསྒྲགས་ཞེས་པ་ལྟ་བུ། མིང་གི་རྣམ་གྲངས་ལ་ཉན་རྣ་དང༌། གཏམ་སྐྱེལ། ཕོ་ཉ། འཕྲིན་སྐྱེལ། འཕྲིན་ཁྱེར། བྱ་མ་རྟ་བཅས་སོ། ། |
| བང་ཕུད |
བོད་ཀྱི་གོམས་སྲོལ་ལྟར་འབྲུ་མཛོད་ཀྱི་ནང་ནས་ཐོག་མར་བཏོན་པའི་འབྲུ་ཕུད། |
| བང་ཕྱིན་པ |
ཕོ་ཉའམ་གཏམ་སྐྱེལ་མཁན། |
| བང་བ |
1.(བྱེད་མེད་ལས་ཚིག) རང་བཞིན་གྱིས་བརླན་པའི་དོན་ཏེ། (དཔེར་ན།) བཞའ་ཚན་ཆེ་སར་བཞག་པས་བངས་འདུག རྨི་ལམ་སྐྱོ་པོ་ཞིག་རྨིས་ཏེ་གཉིས་སད་པ་དང་སྔས་མཆི་མས་བངས་འདུག་ཅེས་པ་ལྟ་བུ།2.འབྲུ་སོགས་ནོར་སྤྱད་འཇོག་ཡུལ་གྱི་མིང་། (དཔེར་ན།) འབྲུ་བང༌། རྩམ་བང༌། བང་བ་འབྲུ་ཡིས་གང་ན་བློ་སེམས་བདེ་ཞེས་པ་ལྟ་བུ། |
| བང་བརྒྱུགས་པ |
བང་རྩལ་གྱིས་སོང་བའི་དོན་ཏེ། (དཔེར་ན།) རྟ་བཞོན་ཏེ་བང་བརྒྱུགས་ནས་ཕྱིན་པ་ཞེས་པ་ལྟ་བུ། |
| བང་བུ |
བང་བ་ཆུང་ངུ་། |
| བང་མཆོང་འགྲོས་པ |
བང་འགྲོས་པ་དང་དོན་གཅིག |
| བང་མཛོད |
ནང་ནོམ་ཉར་ཚགས་བྱེད་སའི་ཁང་བའི་མིང་། (དཔེར་ན།) རྒྱལ་ཁབ་ཀྱི་བང་མཛོད། ཚོང་རྫས་ཀྱི་བང་མཛོད་ཅེས་པ་ལྟ་བུ། |
| བང་མཛོད་པ |
མཛོད་པའམ་ཕྱག་མཛོད། |
| བང་མཛོད་འཛིན་པོ |
བང་མཛོད་པ་དང་དོན་གཅིག |
| བང་མཛོད་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། དག་པ་ས་གསུམ་ལ་གནས་པའི་སེམས་དཔའི་རྒྱུད་ཀྱི་ཚོགས་གཉིས་དང་ལྡན་པའི་སེམས་བསྐྱེད་ནི་དགེ་བའི་ཚོགས་མང་པོ་སྡུད་པའི་གནས་ལྟ་བུ་ཡིན་པས་བང་མཛོད་ལྟ་བུའོ། ། |
| བང་མི |
བང་ཆེན་པ་སྟེ་ཕོ་ཉའི་མིང་། (དཔེར་ན།) བང་མི་ཆེད་དུ་ཐོངས་ལ་བརྡ་སྦྱོར་གྱིས་ཞེས་པ་ལྟ་བུ། |
| བང་ཚད |
བུད་མེད་ཀྱིས་ཕྲུ་གུ་བཙས་པའི་རྗེས་སུ་མ་ལ་མངལ་ཚད་དུག་ཐབས་ཀྱི་ནད་གཞི་བསྐྱར་དུ་ལྡང་བ་ཞིག |
| བང་འགྲོས་པ |
1.རྒྱུག་སྟབས་ཀྱིས་འགྲོ་མཁན། 2.མཆོང་འགྲོས་བྱེད་པའི་དོན་ཏེ། (དཔེར་ན།) ཆེས་མགྱོགས་པའི་བང་འགྲོས་ཀྱིས་བསྐྱོད། བང་འགྲོས་པ་སྔངས་སྣང་སྐྱེས་ཞེས་པ་ལྟ་བུ། |
| བང་འདུར་བ |
མགྱོགས་པོར་འདུར་རྒྱུག་བྱེད་པའི་དོན་ཏེ། (དཔེར་ན།) རྟ་བཞོན་ཏེ་བང་འདུར་བ་ཞེས་པ་ལྟ་བུ། |
| བང་རིམ |
ཡར་མར་བརྩེགས་པའི་ཐེམ་རིམ་གྱི་མིང་། (དཔེར་ན།) རྡོ་སྐས་ཀྱི་བང་རིམ། མཆོད་རྟེན་གྱི་བང་རིམ། ལས་དོན་སྔ་ཕྱིའི་བང་རིམ་ལེགས་པར་བསྒྲིགས་པ་ཞེས་པ་ལྟ་བུ། |
| བང་རྩལ |
རྒྱུག་པའི་ནུས་པའམ་རྩལ་གྱི་མིང་། (དཔེར་ན།) བཞོན་པ་བང་རྩལ་ཆེ་བ། མི་བང་རྩལ་ཆེ་བ། ལུས་རྩལ་ཐང་དུ་བང་རྩལ་བསྡུར་བ་ཞེས་པ་ལྟ་བུ། |
| བང་ལྡན |
(མངོན་བརྗོད།) རྟ་སྤྱི། |
| བང་ཤིང |
འབྲོག་པའི་བུད་ཤིང་སོགས་གསོག་འཇོག་བྱེད་སའི་འགྲམ་ཤིང་ལེབ་མོའི་མིང་། འདི་ལ་བམ་ཤིང་འབྲི་བའང་ཡོད། |
| བང་སངས་པ |
1.ཕྲུ་གུ་སྐྱེས་རྗེས་ཀྱི་ཨ་མའི་ནད་དྲག་པ། 2.བང་སངས་གཏོང་བ། |
| བང་སོ |
རོ་ཁང་ངམ་རོ་སྦེད་སའི་མིང་། (དཔེར་ན།) དཔའ་བོའི་བང་སོ་ལ་མེ་ཏོག་ཕུལ་བ་ཞེས་པ་ལྟ་བུ། |
| བང་སྒྲོམ |
འབྲུ་སོགས་འཇོག་སྣོད། |
| བང་སྦྲང |
སྦྲང་རྩི། |
| བངས |
(བྱེད་མེད་ལས་ཚིག) བང་བའི་འདས་པ། དངོས་རྫས་ཅི་རིགས་བརླན་གཤེར་གྱི་ནང་དུ་སྦངས་ནས་དེའི་ནང་གི་ཆུའི་ཆ་ཤས་ཇེ་མང་དུ་སོང་བའི་དོན་ཏེ། (དཔེར་ན།) ཀོ་གྱོང་ཆུ་ལ་སྦངས་ནས་བངས་ལྟ་བུ། |
| བཅག |
1.(བྱེད་འབྲེལ་ལས་ཚིག) བཅགས་པའི་མ་འོངས་པ། རྐང་བས་མནན་པའམ་གོམ་པ་སྤོས་པའི་དོན་ཏེ། (དཔེར་ན།) བཅག་བྱའི་ས། བཅག་བཅག་བྱེད་དགོས་ལྟ་བུ།2.(བྱེད་འབྲེལ་ལས་ཚིག) གཅོག་པའི་འདས་པ། དུམ་བུར་བཏང་བའི་དོན་ཏེ། (དཔེར་ན།) རྡོ་བཅག ཤིང་བཅག་ཅེས་པ་ལྟ་བུ། |
| བཅག་པ |
གཅོག་པའི་འདས་པའི་བྱ་མིང་། |
| བཅག་བཅག |
རྐང་ལག་གིས་མནན་མནན་བྱས་པའི་དོན་ཏེ། (དཔེར་ན།) རྐང་པས་ཞིང་ས་བཅག་བཅག་བྱེད། རྟ་མ་བཞོན་གོང་ནས་སྒ་ལ་བཅག་བཅག་གནང་དང༌ཞེས་པ་ལྟ་བུ། |
| བཅག་བཞུགས |
ལམ་དུ་ངལ་གསོ་བྱས་ཏེ་ཞག་འཕར་བསྡད་པ། |
| བཅག་མ |
འགྲུལ་པ་ལམ་བར་དུ་ཉིན་ཤས་ངལ་གསོར་སྡོད་པའི་ཞག་ལྷག (དཔེར་ན།) ལམ་དུ་ཉིན་གསུམ་བཅག་མར་བསྡད་པ་ཞེས་པ་ལྟ་བུ། |
| བཅག་མལ |
བཅག་མར་སྡོད་ས། |
| བཅག་ཞག |
ཞག་འཕར་ཏེ་ཕྱོགས་འགྲུལ་སྐབས་ལམ་དུ་ངལ་གསོ་བྱས་ནས་བསྡད་པའི་ཞག |
| བཅག་ལྷམ |
ལྷམ་གྱི་མིང༌། |
| བཅགས |
1.(བྱེད་འབྲེལ་ལས་ཚིག) རྐང་པ་ས་སྤོས་པའམ་མནན་པའི་དོན་ཏེ། (དཔེར་ན།) རྐང་པས་ས་བཅགས་ཞེས་པ་ལྟ་བུ། 2.(བྱེད་འབྲེལ་ལས་ཚིག) འཇགས་ཀྱི་འདས་པ། ཡིད་ལ་ངེས་པར་བྱས་པའི་དོན་ཏེ། (དཔེར་ན།) དོན་བཟང་ཡིད་ལ་བཅགས་ནས་ལས་དོན་སྒྲུབ་ཅེས་པ་ལྟ་བུ། |
| བཅགས་པ |
འཆག་པའི་འདས་པའི་བྱ་མིང། |
| བཅང |
(བྱེད་འབྲེལ་ལས་ཚིག) བཅངས་པའི་མ་འོངས་པ། (དཔེར་ན།) ལག་པ་འཇུ་པའི་དོན་ཏེ། ལག་ལ་མེ་མདལ་བཅག་དགོས། སེམས་ལ་བཅང་བྱའི་བསླབ་བྱ་ཞེས་པ་ལྟ་བུ། |
| བཅང་བ |
འཆང་བའི་མ་འོངས་པའི་བྱ་མིང། |
| བཅང་བཅང་ཁྲུག་ཁྲུག |
(རྒྱན་ཚིག) ལག་པ་ནས་འཇུ་སྟངས་ཤིག་སྟེ། (དཔེར་ན།) ཕྱག་ནས་བཟུང་སྟེ་བཅང་བཅང་ཁྲུག་ཁྲུག་མཛད་ཅེས་པ་ལྟ་བུ། |
| བཅངས |
(བྱེད་འབྲེལ་ལས་ཚིག) འཆིང་བའི་འདས་པ། (དཔེར་ན།) ལག་པས་མེ་མདའ་དམ་པོར་བཅངས་ཞེས་པ་ལྟ་བུ། |
| བཅངས་པ |
(བྱེད་འབྲེལ་ལས་ཚིག) འཆང་བའི་འདས་པའི་བྱ་མིང། |
| བཅད |
(བྱེད་འབྲེལ་ལས་ཚིག) གཅོད་པའི་འདས་པ། (དཔེར་ན།) ཤིང་བཟོས་ཤིང་སྡོང་བཅད་ནས་སྒམ་བཟོས། བཅད་པའི་ཤིང་ཞེས་པ་ལྟ་བུ། |
| བཅད་ཁ |
བཅད་མཚམས་ཀྱི་མིང། (དཔེར་ན།) བཅད་ཁ་མེད་པའི་རས་ཡུག་ཆ་ཚང༌ཞེས་པ་ལྟ་བུ། |
| བཅད་ཁྲ |
ཁྲིམས་ཀྱིས་བཅད་པའི་ཡི་གེའི་མིང་། (དཔེར་ན།) ཁྲིམས་ཁང་གིས་བཅད་ཁྲ་ཁྱབ་བསྒྲགས་བྱས་སོང༌ཞེས་པ་ལྟ་བུ། |
| བཅད་གདོང |
རྩིག་པའི་ཟུར་གདོང༌། |
| བཅད་དུམ |
བཅད་གཏུབས་བྱས་པའི་དུམ་བུ། |
| བཅད་པ |
1.གཅོད་པའི་འདས་པ། 2.བགོད་རྩིས། |
| བཅད་པིར |
གཅོད་པིར་དང་འདྲ། |
| བཅད་བཅད་ཁྲིག་ཁྲིག |
བརྟན་པོའམ་ངེས་པ་ཅན་ཏེ། (དཔེར་ན།) འགན་དབང་ཚང་མ་བཅད་བཅད་ཁྲིག་ཁྲིག་བཟོས་ཚར། སོ་སོའི་ལས་འགན་བཅད་བཅད་ཁྲིག་ཁྲིག་གྲུབ་ཟིན། འཆར་གཞི་བཅད་བཅད་ཁྲིག་ཁྲིག་བཟོས་པ་ཞེས་པ་ལྟ་བུ། |
| བཅད་བརྡར |
གཏུབས་ནས་ཞིབ་ཏུ་བཏགས་པའི་དོན་ཏེ། (དཔེར་ན།) སྨན་རིགས་བཅད་བརྡར་བྱས་ནས་སྨན་ཕྱེ་བཟོས་ཞེས་པ་ལྟ་བུ། |
| བཅད་མཚམས |
ཕན་ཚུན་དབྱེ་བ་བཅད་པའི་བར་མཚམས་ཏེ། (དཔེར་ན།) ཁྲིམས་ཀྱི་བཅད་མཚམས། ཤིང་གི་བཅད་མཚམས། ས་ཆའི་བཅད་མཚམས་ཞེས་པ་ལྟ་བུ། |
| བཅད་འཕྲོ |
བཅད་པའི་ལྷག་མ་སྟེ། (དཔེར་ན།) རས་ཆ་བཅད་འཕྲོ། ཤིང་སྡོང་བཅད་འཕྲོ་ཞེས་པ་ལྟ་བུ། |
| བཅད་འབོར |
གྲངས་ཀྱིས་བཅད་པའི་ཁྱོན་འབོར། |
| བཅད་རྒྱ |
མཚམས་ནང་སྒོ་བཅད་ཀྱིས་བསྡད་པ། |
| བཅད་རྒྱག་པ |
1.རི་མོས་བཅད་རྒྱག་པ། 2.ཁང་པའི་ནང་བཅད་རྒྱག་པ། |
| བཅད་རྨ |
མཚོན་གྱིས་བཅད་པའི་རྨ། |
| བཅད་ལྡན |
གོས་ཆེན་གྱི་རིགས་ཤིག (དཔེར་ན།) བཅད་ལྡན་མེ་བརྒྱ་མ། བཅད་ལྡན་མེ་ཆེ་མ་ཞེས་པ་ལྟ་བུ། |
| བཅད་ལྡོག |
བློས་རྟོགས་ཚུལ་གྱི་ཁྱད་པར་ཞིག་ཆོས་གཉིས་པོ་ཕན་ཚུན་གཅིག་ཡིན་པ་རྣམ་པར་བཅད་པས་ཅིག་ཤོས་ཡིན་པར་ངེས་ཐུབ་པ། (དཔེར་ན།) བློ་གཅིག་གིས་ཀ་བ་ལྟ་བུ་དེ་མི་རྟག་པ་ཡིན་པར་ཡོངས་གཅོད་དུ་གྲུབ་ན་རྟག་པ་ཡིན་པ་རྣམ་བཅད་ལ་ཁེགས། རྟག་པ་ཡིན་པ་རྣམ་བཅད་ལ་ཁེགས་ན་མི་རྟག་ཡིན་པ་ཡོངས་གཅོད་དུ་གྲུབ་པ་ལྟ་བུའོ། ། |
| བཅད་ལྷག |
འབྲེག་གཅོད་བྱས་པའི་ལྷག་འཕྲོའི་དོན་ཏེ། (དཔེར་ན།) གོས་ཆེན་བཅད་ལྷག ཤིང་ཏོག་བཅད་ལྷག་ཅེས་པ་ལྟ་བུ། |
| བཅད་ལྷུག |
ཚིགས་བཅད་དང་ཚིག་ལྷུག |
| བཅད་ལྷུག་སྤེལ་གསུམ |
ཚིགས་བཅད་ཚིག་ལྷུག་སོ་སོ་དང་དེ་གཉིས་སྤེལ་བ་སྟེ་གསུམ། |
| བཅད་ལྷུག་སྤེལ་མ |
ཚིགས་བཅད་དང་ཚིག་ལྷུག་གཉིས་ཀ་བསྲེས་པའི་རྩོམ་རིག་གི་མིང་། |
| བཅད་ལྷུག་སྤེལ་མའི་སྙན་ཚིག |
ཚིགས་བཅད་དང་ཚིག་ལྷུག་འདྲེས་མའམ་རིམ་བཞིན་སྤེལ་བའི་སྙན་ངག་གི་ཚིག་རྒྱན། |
| བཅད་ཤུལ་སྐྱེས་པ |
(མངོན་བརྗོད།) སྐྲ་དང་སེན་མོ་སོགས། |
| བཅད་ཤེས |
བློ་རིག་བདུན་གྱི་ནང་གསེས། རྟོགས་ཟིན་རྟོགས་པའི་རིག་པ། རང་འདྲེན་བྱེད་ཀྱི་ཚད་མས་རྟོགས་ཟིན་གྱི་དོན་སླར་ཡང་རྟོགས་པ། དཔེར་ན་བུམ་འཛིན་མངོན་སུམ་སྐད་ཅིག་གཉིས་པ་དང༌། སྒྲ་མི་རྟག་རྟོག་པའི་རྗེས་དཔག་སྐད་ཅིག་གཉིས་པ་ལྟ་བུ། ཚད་མའི་ཤེས་པས་སྒྲོ་འདོགས་བཅད་ཟིན་པ་དེ་སླར་ཡང་ཤེས་པའོ། ། |
| བཅད་སྐྱེ |
(མངོན་བརྗོད།) སེན་མོ། |
| བཅབ |
(བྱེད་འབྲེལ་ལས་ཚིག) འཆབ་ཀྱི་མ་འོངས་པ། ཉེས་པ་སྦ་གསང་བྱས་པའི་དོན་ཏེ། ད་ལྟ་བར་འཆབ་དང་། འདས་པ་ལ་བཅབས། སྐུལ་ཚིག་ལ་ཆོབས་འབྲི། (དཔེར་ན།) ཉེས་པ་བཅབ་པར་མི་བྱ། ཉེས་པ་མི་འཆབ་པོ། །ཉེས་པ་མ་བཅབས་པར་བཤགས་པ་བྱས་ལྟ་བུ། |
| བཅབ་པ |
(བྱེད་འབྲེལ་ལས་ཚིག) འཆབ་པའི་མ་འོངས་པའི་མ་འོངས་པའི་བྱ་མིང། |
| བཅབ་པའི་བསམ་པ |
བྱས་ཉེས་སོགས་གཞན་ལ་གསང་སྟེ་སྦ་བའི་བསམ་པ། |
| བཅབས |
(བྱེད་འབྲེལ་ལས་ཚིག) འཆབ་པའི་འདས་པ། |
| བཅབས་པ |
(བྱེད་འབྲེལ་ལས་ཚིག) འཆབ་པའི་འདས་པའི་བྱ་མིང། |
| བཅམ་པ |
(བྱེད་འབྲེལ་ལས་ཚིག) གྲོས་བྱས་པའི་དོན་དུ་གོ་བའི་གཅོམ་པའི་མ་འོངས་པའི་བྱ་མིང། |
| བཅམས |
(བྱེད་འབྲེལ་ལས་ཚིག) གྲོས་བྱས་པའི་དོན་དུ་གོ་བའི་གཅོམ་གྱི་འདས་པ། |
| བཅམས་པ |
(བྱེད་འབྲེལ་ལས་ཚིག) གཅོམ་པའི་འདས་པ། |
| བཅའ |
1.(བྱེད་འབྲེལ་ལས་ཚིག) འཆའ་བའི་མ་འོངས་པ། སྒྲིག་ཁྲིམས་སོགས་གཏན་ལ་དབབ་པའི་དོན་ཏེ། (དཔེར་ན།) ཁྲིམས་བཅའ་བ། སྒྲིག་ལམ་བཅའ་དགོས་ལྟ་བུ།2.(བྱེད་འབྲེལ་ལས་ཚིག) ལས་སྣོན་བྱེད་པའམ་བཟོ་བཅོས་བྱེད་པའི་དོན་དུ་གོ་བའི་བཅོས་ཀྱི་ད་ལྟ་བ། (དཔེར་ན།) བག་ལེབ་བཅའ་མཁན་ཞེས་པ་ལྟ་བུ།3.རྟེན་སའམ་འདུག་ས་བྱེད་པའི་དོན་ཏེ། (དཔེར་ན།) བྲག་ལ་རྫོང་བཅའ། མཁར་དུ་གནས་འཆའ་མཁན། བྲག་ལ་རྫོང་བཅས་ནས་འཐབ་ལྟ་བུ།4.དམ་བཅའ་བཞག་པའི་དོན་ཏེ། (དཔེར་ན།) ཚེ་གང་ལ་དམངས་དོན་བྱེད་པར་དམ་བཅའ། དམ་བཅས་ལྟ་བུ།5.དབྱིབས་དང་རྣམ་པའི་མིང་། (དཔེར་ན།) བཅའ་དག་བཅའ་འགྲིག་ཅེས་པ་ལྟ་བུ།6.བཅའ་བ་ཡི་ཚིག་བསྡུས་པ། |
| བཅའ་ཀ |
ཡོ་བྱད་ཀྱི་སྤྱི་མིང་། (དཔེར་ན།) རབ་གནས་རྒྱས་པའི་བཅའ་ཀ་སྟ་གོན་ཐམས་ཅད་ཚང་བར་གྱིས་ཞེས་པ་ལྟ་བུ། |
| བཅའ་ཁྲིམས |
ཆོག་དང་མི་ཆོག་གི་བྱ་རིམ་རྣམ་གཞན་སྟོན་པའི་ཁྲིམས་ཏེ། (དཔེར་ན།) བཅའ་ཁྲིམས་ལྟར་ཁྲིམས་གཅོད་བྱེད་པ་ཞེས་པ་ལྟ་བུ། |
| བཅའ་དགུ |
ཅ་དགུ་དང་འདྲ། |
| བཅའ་བ |
1.ཐ་དད་པར་འཇུག་པའི་འཆའ་བའི་མ་འོངས་པ། 2.ཐ་མི་དང་པར་འཇུག་པའི་འཆའ་བའི་མ་འོངས་པ། 3.འདུལ་བ་ལས་བཤད་པ་ཁ་ཟས། |
| བཅའ་བ་བཞིའི་ཁྲིམས |
སྔར་བོད་རྗེ་སྲོང་བཙན་སྒམ་པོས་བཅས་པའི་ཁྲིམས་ཀྱི་ཡན་ལག་བསད་པ་ལ་སྟོང་འདེད་པ། བརྐུས་པ་ལ་བརྒྱད་འཇལ་ངོ་དགུ་འདེད་པ། འདོད་ལོག་སྤྱད་པ་ལ་བྱི་རིན་འདེད་པ། རྫུན་སྨྲས་པ་ལ་མནའ་སྒོག་པ་སྟེ་བཞི། |
| བཅའ་བ་ལྔ |
འདུལ་བ་ལས་གསུངས་པའི་དུས་རུང་གི་སྨན་གྱི་ཆར་གཏོགས་ཤིག་འཇིག་རྟེན་ན་ཁ་ཟས་སུ་གྲངས་པའི་རྩ་བ་དང༌། སྡོང་བུ་དང༌། མེ་ཏོག་དང༌། འབྲས་བུ་དང༌། ལོ་མ་བཅས་ལྔ། |
| བཅའ་བཅུ |
བཅུ་གྲངས་སམ་བཅུ་སྐོར་གྱི་མིང༌། (དཔེར་ན།) དེ་རིང་མི་བཅའ་བཅུ་སྒོར་ཞིག་སླེབས་འདུག་ཅེས་པ་ལྟ་བུ། |
| བཅའ་ཟམ |
འཕྲང་ལམ་ཡོད་སར་བཙུགས་པའི་ཤིང་ཟམ། |
| བཅའ་འགྲིག |
ཆ་ཚང༌གི་དོན་ཏེ། (དཔེར་ན།) རྟ་སྒ་འཁོར་བཅས་བཅས་འགྲིག་ཅིག གོ་ལག་བཅའ་འགྲིག་ཅེས་པ་ལྟ་བུ། |
| བཅའ་འཕྲང |
འཕྲང་ལམ་དོག་པོ། |
| བཅའ་ཡང |
ཡང་དུ་བཏང་བའི་དོན་ཏེ། (དཔེར་ན།) ཁྲལ་རིགས་བཅའ་ཡང༌། ལས་ཁུར་བཅའ་ཡང༌། ཉེས་པ་བཅའ་ཡང༌ཞེས་པ་ལྟ་བུ། |
| བཅའ་ཡིག |
གཏན་ལ་ཕབ་པའི་སྒྲིག་ཁྲིམས་བྲིས་པའི་དཔེ་ཆའི་མིང་། |
| བཅའ་ཡོས |
བཅའ་བྱའི་གྲོ་ནས་སོགས་ཀྱི་ཡོས། |
| བཅའ་ལག |
ཅ་ལག་གི་འབྲི་ཚུལ་གཞན། |
| བཅའ་སྒ |
བཟའ་དང་བཅའ་ཞེས་ཁ་ཟས་ཀྱི་མིང་ཡིན་པས། འདིར་ཀ་ཟས་ལ་འདེབས་རྒྱུའི་སྤོད་ཀྱི་ནང་ཚན་སྒ་སྨུག་རློན་པའི་མིང༌། |
| བཅའ་སྒྲིག |
སྔོན་དུ་གྲབས་གཤོམ་བྱེད་པ། |
| བཅའ་སྡོད |
གཏན་དུ་སྡོད་པའི་དོན་ཏེ། (དཔེར་ན།) བཅའ་སྡོད་དམག་དཔུང༌ཞེས་པ་ལྟ་བུ། |
| བཅའ་སྲུང |
རྒྱུན་སྡོད་ཀྱི་སྒོ་ནས་སྲུང་བ། |
| བཅར |
1.(བྱེད་འབྲེལ་ལས་ཚིག) གམ་དུ་བཏུད་པའི་དོན་དུ་གོ་བའི་གཅར་བའི་འདས་ཚིག (དཔེར་ན།) མདུན་དུ་བཅར་ནས་གུས་འདུད་ཞུས་པ་ལྟ་བུ།2.(བྱེད་འབྲེལ་ལས་ཚིག) གཅར་བའི་འདས་པ། དངོས་རྫས་སོགས་མནན་ནས་རལ་བའི་དོན་ཏེ། (དཔེར་ན།) སྲིན་བུ་སེན་མོས་བཅར་ན་མི་གཙང་ལྟ་བུ། |
| བཅར་ཕོག |
(བརྡ་རྙིང་།) ཐད་ཀར་ངོ་སྤྲོད་པའི་དོན་ཏེ། (དཔེར་ན།) གདམས་ངག་བཅར་ཕོག་གནང་བ་ཞེས་པ་ལྟ་བུ། |
| བཅར་བ |
གཅོར་བའི་འདས་པའི་བྱ་མིང། |
| བཅར་བཅར་པོ |
(རྒྱན་ཚིག) ལེབ་མོའི་དོན་ཏེ། (དཔེར་ན།) ཐང་སྐུ་བཅར་བཅར་པོ། གྱང་སྐུ་བཅར་བཅར་པོ་ཞེས་པ་ལྟ་བུ། |
| བཅར་མིག |
ཞར་བའི་མིག་གམ་མིག་སྐྱོན་ཅན། |
| བཅར་ལེབ |
(རྒྱན་ཚིག) ལེབ་ལེབ་ཀྱི་དོན་ཏེ། (དཔེར་ན།) ཐལ་མོ་བཅར་ལེབ་ཏུ་སྦྱོར་བ། ལྕགས་ཟངས་བཅར་ལེབ་ཏུ་རྡུང་བ། |
| བཅལ |
(བྱེད་འབྲེལ་ལས་ཚིག) འཇལ་གྱི་འདས་པ། (དཔེར་ན།) འབྲུ་རིགས་རྒྱ་མས་བཅལ་ནས་བརྩིས། རིང་ཐུང་ཁྲུ་ལ་བཅལ་ན་ཤེས་ལྟ་བུ། ཡང་དཔེར་ན། སྨན་གཞུང་དུ་རྩ་བརྟག་པ་བཤད་སྐབས། ལྟ་གནས་མཁྲིག་མའི་གཉེར་མ་དང་པོ་ནས། ཚོན་གང་མར་བཅལ་རུས་པ་འབུར་བོའི་ལྡེབས་ཞེས་པ་ལྟ་བུ། |
| བཅལ་བ |
1.(བྱེད་འབྲེལ་ལས་ཚིག) འཇལ་བའི་འདས་པའི་བྱ་མིང་། 2.(བརྡ་རྙིང་།) 1>འབུལ་བ། 2>ཚད་གཞལ་བ། |
| བཅས |
1.(བྱེད་མེད་ལས་ཚིག) ལྡན་པའི་དོན་ཏེ། (དཔེར་ན།) རྟ་བོ་སྒ་ཆ་དང་བཅས་པ་གཡར། བཟའ་ཚང་འཁོར་དང་བཅས་པས་ཀུན་ཁྱབ་རླུང་འཕྲིན་ལ་ཉན་ལྟ་བུ།2.(བྱེད་འབྲེལ་ལས་ཚིག) འཆའ་བའི་འདས་པ། (དཔེར་ན།) གཏན་པ་ཕབ་པའི་དོན་ཏེ། སྒྲིག་ལམ་བཅས་ཞེས་པ་ལྟ་བུ། 3.ཡོད་པའམ་ལྡན་པའི་དོན་ཏེ། (དཔེར་ན།) ལྷག་མ་དང་བཅས་པ། འཁྲུལ་བ་དང་བཅས་པ། འཛུམ་དམུལ་དང་བཅས་པ། 4.རིགས་མཐུན་རྣམས་ཆ་ཚང་བཀོད་ཟིན་མཚམས་སུ་སྡེབ་པའམ་སྡོམ་པའི་ཕྲད་ཅིག (དཔེར་ན།) མི་དང་དངོས་ཆས་བཅས་ཚང་མ་འབྱོར་བྱུང༌། ད་ལྟ་བ་དང༌། མ་འོངས་པ། འདས་པ་བཅས་དུས་གསུམ། ཤར་ལྷོ་ནུབ་བྱང་བཅས་ཕྱོགས་བཞི། 5.ཆབས་ཅིག་གམ་ལྷན་ཅིག་གི་དོན་ཏེ། (དཔེར་ན།) ཨ་མ་བུ་བཅས། གཅིག་དང་བཅས་པའི་ལྔ་བཅུ། མེ་མདའ་མདེའུ་དང་བཅས་པ། ཁྱིམ་བདག་ལྟོས་པར་བཅས་པ་ཕེབས་རྡོག་ཐོན་སོང༌ཞེས་པ་ལྟ་བུ། |
| བཅས་ཁྲིམས |
སྡོམ་ལྡན་གྱིས་བསླབ་བྱའི་འདུལ་ཁྲིམས་ཏེ། སངས་རྒྱས་ཀྱིས་ཉེས་སྤྱོད་རྣམས་སྡོམ་པའི་ཆེད་དུ་བཅས་པའི་ཁྲིམས། |
| བཅས་པའི་ཁ་ན་མ་ཐོ་བ |
སངས་རྒྱས་ཀྱིས་བཅས་པར་མཛད་པའི་དབང་གིས་རབ་བྱུང་རྣམས་ཀྱིས་སྤྱད་མི་རུང་ཞིང༌། ཁྱིམ་པ་རྣམས་ལ་སྡིག་པ་མེད་པར་གྲགས་པ་ཕྱི་དྲོའི་ཁ་ཟས་ལྟ་བུ། |
| བཅས་པའི་ཁྲིམས |
བཅས་ཁྲིམས་དང་འདྲ། |
| བཅས་པའི་བསླབ་གཞི |
སྟོན་པས་བཅས་པར་མཛད་པའི་དབྱར་དགག་གསོ་གསུམ་ལྟ་བུ་བསླབ་པར་བྱ་བའི་གཞི་རྣམས་སོ། ། |
| བཅས་བཅོས |
བཟོ་བཅོས་ཀྱི་དོན་ཏེ། (དཔེར་ན།) སྔོན་བྱས་པའི་ནང་མ་འགྲིག་པ་མང་པོ་ཡོད་སྟབས་བཅས་བཅོས་བྱེད་དགོས་བྱུང་འདུག སྲོལ་རྒྱུན་བཟང་པོ་གང་ཡོད་བཅས་བཅོས་མེད་པར་རང་སོར་བཞག་པ་ཞེས་པ་ལྟ་བུ། |
| བཅས་རང་གི་ཉེས་པ |
བཅས་པའི་ཁ་ན་མ་ཐོ་བ་དང༌། རང་བཞིན་གྱི་ཁ་ན་མ་ཐོ་བ་སྟེ་དང་པོ་ནི་སངས་རྒྱས་ཀྱིས་འདུལ་བའི་ནང་ཆེད་དུ་བརྗོད་ནས་ཁྲིམས་སུ་བཅས་པའི་ཉེས་པ་དཔེར་ན་ཕྱི་དྲོའི་ཁ་ཟས་ལྟ་བུ་དང༌། གཉིས་པ་ནི་སངས་རྒྱས་རང་གིས་མ་བཅས་ཀྱང་གང་དང་འགལ་བ་ཉིད་དུ་རང་བཞིན་གྱིས་ཉེས་པར་གྱུར་པ། དཔེར་ན་སྲོག་གཅོད་དང༌། མ་བྱིན་ལེན། ལོག་གཡེམ། རྫུན་སྨྲ་བཅས་ལྟ་བུ། |
| བཅིང |
(བྱེད་འབྲེལ་ལས་ཚིག) འཆིང་བའི་མ་འོངས་པ། ཐག་པ་སོགས་ཀྱིས་སྡོམ་པའི་དོན་ཏེ། (དཔེར་ན།) སྐ་རགས་བཅིང་དགོས་ལྟ་བུ། |
| བཅིང་བ |
འཆིང་བྱེད་ཞགས་པ་སོགས་ཀྱི་མིང་། (དཔེར་ན།) བཅིང་བ་ལས་གྲོལ། སྡུག་བསྔལ་གྱི་བཅིང་བ་ལས་གྲོལ་ལྟ་བུ། |
| བཅིངས |
1.(བྱེད་འབྲེལ་ལས་ཚིག) འཆིང་བའི་འདས་པ། (དཔེར་ན།) སྐ་རགས་བཅིངས་རྟ་རྒོད་སྒྲོག་གིས་བཅིངས་ལྟ་བུ།2.ཚད་བཟུང་ཡོད་པའི་དོན་ཏེ། (དཔེར་ན།) སྒྲིག་ལམ་གྱིས་བཅིངས་ལྟ་བུ། |
| བཅིངས་པ |
འཆིང་བའི་འདས་པའི་བྱ་མིང་། |
| བཅིངས་པ་བཀྲོལ་བ |
མདུད་པ་དང་སྒྲོག་ཐག་སྡུག་བསྔལ་སོགས་ལས་བཀྲོལ་བ། |
| བཅིངས་བཀྱིགས |
ཐག་པ་སོགས་ཀྱིས་བསྡམས་པའི་དོན་ཏེ། (དཔེར་ན།) བཅིངས་འགྲོལ། བསྡམས་པ་ལས་གྲོལ་ཞིང༌། རང་དབང་དང་འཕེལ་རྒྱས་ཡོང་བ་དམིགས་བཀར་དུ་བསྟན་བྱ་ནི་ལོག་སྤྱོད་དབང་སྒྱུར་མགོ་རྟིང་སློག་པར་ཟེར། བསམ་བློ་བཅིངས་འགྲོལ་གཏོང༌ཞེས་པ་ལྟ་བུ། |
| བཅིངས་བཙིར |
སྔར་མིའི་ལག་སོར་རྒྱུག་དུམ་གྱི་བར་དུ་བསྡམས་བཙིར་བྱས་ནས་ཞུ་བ་ལེན་ཐབས་ཀྱི་ཁྲིམས་གཅོད་དྲག་པོ་ཞིག |
| བཅིངས་ལུམས |
ནད་གང་སེལ་བར་བྱེད་པའི་རྫས་ཀྱི་སྦྱོར་བ་རྣམས་རླན་ཕབས་ཏེ་ན་སར་རས་ཐུམ་བྱས་ནས་བཅིངས་པའི་ལུམས་ལྟ་བུ་ལ་ཟེར་ཏེ། དེ་ལ་ཡང་ཚ་སེལ་གྱི་བཅིངས་ལུམས་བཅུ་གཉིས་བཅས་ཉི་ཤུ་མཆིས། |
| བཅིབ |
(བྱེད་འབྲེལ་ལས་ཚིག) བཅིབས་པའི་མ་འོངས་པ། ཞོན་པ་ལ་བཞོན་པའི་ཞེ་ས་ད་ལྟ་བར་འཆིབ་དང་། འདས་པར་བཅིབས། སྐུལ་ཚིག་ལ་ཆིབས་འབྲི། (དཔེར་ན།) རྟ་ལ་བཅིབས་ལྟ་བུ། |
| བཅིབ་པ |
1.འཆིབ་པའི་མ་འོངས་པའི་བྱ་མིང། 2.ཆིབས་པ་དང་འདྲ། |
| བཅིབ་རེས |
ཆིབས་རེས་དང་འདྲ། |
| བཅིབས |
བཅིབ་ལ་ལྟོས། |
| བཅིབས་པ |
1.འཆིབ་པའི་འདས་པའི་འདས་པའི་བྱ་མིང། 2.ཆིབས་པ་དང་འདྲ། |
| བཅིར |
གཅིར་གྱི་འདས་པ། |
| བཅིར་བ |
འཆིར་བའི་འདས་པ་དང་མ་འོངས་པའི་བྱ་མིང། |
| བཅིལ |
(བྱེད་འབྲེལ་ལས་ཚིག) འཇིལ་གྱི་འདས་པ། (དཔེར་ན།) མེ་དཔུང་བཅིལ་ནས་རྩྭ་ས་བསྲུངས་ལྟ་བུ། |
| བཅིལ་བ |
འཇིལ་བའི་འདས་པའི་བྱ་མིང་། |
| བཅུ |
1.གྲངས་ཀྱི་བཅུ་སྟེ། (དཔེར་ན།) སོར་མོ་བཅུ། ཤོག་ལྷེ་བཅུ། ལོ་བཅུ། དངུལ་སྒོར་མོ་བཅུ་ཐམ་པ་ཞེས་པ་ལྟ་བུ། མིང་གི་རྣམ་གྲངས་ལ་ཁྲོ་བོ་དང༌། དགེ་བ། འཇུག་པ། སྟོབས། ཕྱོགས། འབྱོར་བ། སོར་མོ་བཅས་སོ། །2.(བྱེད་འབྲེལ་ལས་ཚིག) འཆུ་བའི་མ་འོངས་པ། སྐྱོགས་སོགས་ཀྱིས་ཆུ་དང་བྱེ་མ་སོགས་བླངས་ནས་སྣོད་དུ་བླུགས་པའི་དོན་ཏེ། (དཔེར་ན།) བཅུ་བྱའི་ཆུ་ཞེས་པ་ལྟ་བུ། |
| བཅུ་ཁ |
གྲངས་ཀ་བཅུའི་ཡན་ནས་བཅུ་དགུའི་མན་ལ་ངེས་བཟུང་མེད་པའི་དོན་ཏེ། (དཔེར་ན།) རྟ་བཅུ་ཁ། ལུག་བཅུ་ཁ་ཞེས་པ་ལྟ་བུ། |
| བཅུ་ཁྲམ |
1.རྩིས་རྒྱག་བྱེད་ཀྱི་ཡོ་བྱད་ཅིག་གི་མིང་རྒྱ་སྐད་དུ་ཟོན་ཕན་ཟེར། 2.ཀུ་རུ་ཁའམ་ཁྲམ་ཁའི་མིང་། |
| བཅུ་ཁྲལ |
སྔར་འབྲོག་ཁུལ་དུ་ནོར་ཕྱུགས་བཅུ་རེ་ནས་གཅིག་རེ་ཁྲལ་དུ་བསྡུ་བའི་སྲོལ་ཞིག |
| བཅུ་གཅིག |
གྲངས་ཀ་བཅུ་དང་གཅིག མིང་གི་རྣམ་གྲངས་ལ་དྲག་པོ་དང༌། བདེ་བྱེད། བདེ་འབྱུང༌། འཕྲོག་བྱེད། བྱེད་པ། དབང་ཕྱུག་བཅས་སོ། ། |
| བཅུ་གཅིག་ཞལ |
ཞལ་བཅུ་གཅིག་ཡོད་པའི་སྤྱན་རས་གཟིགས། |
| བཅུ་གཉིས |
གྲངས་ཀ་བཅུ་དང་གཉིས། མིང་གི་རྣམ་གྲངས་ལ་སྐྱེ་མཆེད་དང༌། ཁྱིམ། ཉི་མ། རྟེན་འབྲེལ་བཅས་སོ། ། |
| བཅུ་གཉིས་དྲུག་སྣ |
སྔར་ཁྲལ་རྐང་བཅུ་གཉིས་རེའམ་འདོན་དྲུག་རེའི་ས་ནས་གཞུང་ལ་དམག་མི་རེ་གཏོང་དགོས་པ། |
| བཅུ་གཉིས་བདག་པོ |
(མངོན་བརྗོད།) ཉི་མ། |
| བཅུ་གཉིས་མ |
(མངོན་བརྗོད།) བུད་མེད། |
| བཅུ་གཉིས་མིག་ལྡན |
(མངོན་བརྗོད།) གཞོན་ནུ་གདོང་དྲུག |
| བཅུ་གཉིས་འོད |
(མངོན་བརྗོད།) གཟའ་ཕུར་བུ། |
| བཅུ་གཉིས་འོད་འཕྲོ |
(མངོན་བརྗོད།) གཟའ་ཕུར་བུ། |
| བཅུ་གསུམ |
གྲངས་ཀ་བཅུ་དང་གསུམ། མིང་གི་རྣམ་གྲངས་ལ་གདུགས་རིམ་དང༌། འདོད་པ། སྣ་ཚོགས། མྱོས་བྱེད། ལུས་མེད་བཅས་སོ། ། |
| བཅུ་ཆ |
བཅུའི་ཟུར་ཆ་གཅིག་སྟེ། (དཔེར་ན།) ཨར་ལས་བཅུ་ཆ་གསུམ་ཙམ་གྲུབ་ཟིན་ཞེས་པ་ལྟ་བུ། |
| བཅུ་ཆའི་སྦྱིན་སྲེག |
སྔགས་ཀྱི་བསྙེན་པའི་བཟླས་གྲངས་ཁ་སྐོང་བཅུ་ཟུར་སྦྱིན་སྲེག |
| བཅུ་དཔོན |
དམག་མི་བཅུའི་འགོ་བྱེད། |
| བཅུ་དྲུག |
གྲངས་ཀ་བཅུ་དང་དྲུག མིང་གི་རྣམ་གྲངས་ལ་རྒྱལ་པོ་དང༌། ཆ་ཤས། མི་བདག་བཅས་སོ། ། |
| བཅུ་དྲུག་ཆ |
1.ཟླ་བའི་འཕེལ་ཆ་བཅོ་ལྔ་རྫོགས་པའི་ཆ་གཅིག་སྟེ་བཅུ་དྲུག 2.དུམ་བུ་བཅུ་དྲུག་ཏུ་བཏང་བའི་དུམ་བུ་གཅིག 3.(མངོན་བརྗོད།) ཟླ་བ། |
| བཅུ་དྲུག་འོད་ལྡན |
(མངོན་བརྗོད།) གཟའ་པ་སངས། |
| བཅུ་ནིང |
ད་ལོ་ལོ་དང་པོར་བཞག་ནས་གོང་དུ་བརྩིས་པའི་འདས་ལོ་གཉིས་པ་ན་ནིང༌། གསུམ་པ་གཞེས་ནིང༌། བཞི་པ་དགུ་ནིང༌། ལྔ་པ་བཅུ་ནིང་ཡིན། |
| བཅུ་པ |
གྲངས་རིམ་ཨང་བཅུ་པའི་དོན་ཏེ། (དཔེར་ན།) ཟླ་བ་བཅུ་པ། ཐེངས་བཅུ་པ། ལེའུ་བཅུ་པ་ཞེས་པ་ལྟ་བུ། |
| བཅུ་པོ |
བཅུ་ཡོད་པའི་གྲངས་འབོར་ཆ་ཚང༌གི་དོན་ཏེ། (དཔེར་ན།) དོན་ཚན་བཅུ་པོ་ཚང་མ་ལག་ལེན་བསྟར་དགོས་ཞེས་པ་ལྟ་བུ། |
| བཅུ་ཕོགས |
ཞག་བཅུ་རེའི་ཕོགས། |
| བཅུ་ཕྲག |
གྲངས་ཀ་བཅུ་རེ་ཚན་པ་རེ་བྱས་པའི་ཚན་པ་གཅིག་གི་དོན་ཏེ། (དཔེར་ན།) བཅུ་ཕྲག་གཉིས་ཞེས་པ་ལྟ་བུ། |
| བཅུ་བ |
འཆུ་བའི་མ་འོངས་པའི་བྱ་མིང། |
| བཅུ་བཞི |
གྲངས་ཀ་བཅུ་དང་བཞི། མིང་གི་རྣམ་གྲངས་ལ་མ་ནུ་དང༌། ཡིད་ཤེད་བུ། སྲིད་པ་བཅས་སོ། ། |
| བཅུ་བུད |
ན་གྲངས་བཅུ་ཁ་བརྒལ་བའི་རྟ་དྲེལ་ལོ་རྒན། |
| བཅུ་ཟུར |
གྲངས་ཀ་བཅུ་ཐམ་པའི་ཟུར་གཅིག་གམ་ཆ་གཅིག རྒྱ་མ་གང་གི་བཅུ་ཟུར་གཅིག་ལ་སྲང་གང་ཡིན། |
| བཅུ་འགྱུར |
གྲངས་གཅིག་བཅུ་རུ་འགྱུར་བའི་རྩིས། |
| བཅུ་འབོ |
བྲེ་བཅུས་གང་བའི་འབྲུ་འཇལ་བྱེད་ཀྱི་འབོ། |
| བཅུ་འོག |
(མངོན་བརྗོད།) ས་འོག། |
| བཅུ་རྫ |
འབྲུ་བྲེ་བཅུ་འགྲོ་བའི་སྣོད་རྫ་མ། |
| བཅུ་ལྟིར |
(ཡུལ་སྐད།) དངུལ་སྲང་བཅུ་རི་བའི་ཆང་བླུག་སའི་སྣོད་ཁོག་ལྟིར། |
| བཅུ་ཤིང |
གྲངས་ཀ་རྩི་བྱེད་ཀྱི་ཡོ་བྱད་དེ། རྒྱུག་པ་ཕྲ་མོ་གཅིག་ལ་གྲངས་བཅུ་བརྩི། |
| བཅུ་ཤོག |
སྔར་བོད་དམག་གི་སྒྲིག་ལུགས་ཏེ་དམག་མི་བཅུ་རེའི་ཚོ་ཆུང༌། |
| བཅུ་ཤོད |
རྩིས་རྡེལ་ལམ་སོན་ཕན། |
| བཅུ་སྐོར |
1.གྲངས་བཅུ་ལོངས་མ་ལོངས་ཙམ། 2.གཅིག་ལས་བཅུ་འཕེལ་བའི་དོན་ཏེ། (དཔེར་ན།) སྟོན་ཐོག་བཅུ་སྐོར་ཐོན་པ་ཞེས་པ་ལྟ་བུ། |
| བཅུ་སྐྱེད |
སྔར་བོད་དངུལ་སྲང་ལྔ་བཅུ་ལ་ལོ་གཅིག་རིང་ལ་སྐྱེད་སྲང་བཅུ་འཁྲི་བ། |
| བཅུ་སྒོར |
བོད་དངུལ་སྲང་བཅུ་བརྩི་བའི་སྒོར་མོ་ཞིག |
| བཅུག |
1.(བརྡ་རྙིང་།) བསྐོས་པའི་དོན་ལ་གོ། །2.འཇུག་གི་འདས་པ། |
| བཅུག |
(བྱེད་འབྲེལ་ལས་ཚིག) འཇུག་གི་འདས་པ། (དཔེར་ན།) ལུག་ར་བར་བཅུག་ནས་སྒོ་གཏན་ཞེས་པ་ལྟ་བུ། |
| བཅུག་པ |
འཇུག་པའི་འདས་པའི་བྱ་མིང། |
| བཅུད |
1.སྙིང་པོ་དང་ཕན་ནུས་ཀྱི་དོན་ཏེ། (དཔེར་ན།) རྫས་བཅུད། སྙིགས་མ་བཅུད་བྲལ། སའི་བཅུད། སྨན་བཅུད། ལུད་བཅུད་ཤོར་བ་ཞེས་པ་ལྟ་བུ། 2.ཉིང་ཁུའི་རྩི་དང་རོའི་དོན་ཏེ། (དཔེར་ན།) ཤིང་ཏོག་བཅུད་ཅན། ལྟོ་ཆས་ཀྱི་བཅུད་ཅེས་པ་ལྟ་བུ། 3.དཀར་ཡོལ་ལ་བརྟེན་པའི་ཇ་ཆང་དང༌། ས་གཞིའི་འཇིག་རྟེན་ལ་བརྟེན་པའི་སེམས་ཅན་སོགས་ལ་གོ་བའི་བརྟེན་པའི་དོན་ཏེ། (དཔེར་ན།) སྣོད་བཅུད་ཅེས་པ་ལྟ་བུ། |
| བཅུད་ཀྱི་མ |
(མངོན་བརྗོད།) ལྕེ། |
| བཅུད་ཀྱི་འཇིག་རྟེན |
སྣོད་ཀྱི་འཇིག་རྟེན་ལ་བརྟེན་པའི་སེམས་ཅན་ཡོད་དོ་ཅོག |
| བཅུད་གནས |
(མངོན་བརྗོད།) སྐྱུ་རུ་ར། |
| བཅུད་བཞི |
ལུས་ཟུངས་ཀྱི་བཅུད་ཤ་དང༌། རྩིའི་བཅུད་མར། ཤིང་གི་བཅུད་བུ་རམ། འབྲུའི་བཅུད་ཆང་བཅས་བཞི། |
| བཅུད་བརྟུལ་ཞུགས |
(མངོན་བརྗོད།) སྦྲང་མ། |
| བཅུད་བྲལ་བ |
1.བཅུད་ནུས་མེད་པ། 2.ལེགས་སྦྱར་གྱི་གསལ་བྱེད་ཡི་གེ་སྲོག་མེད་པ། |
| བཅུད་མི་ལྡན |
(མངོན་བརྗོད།) ལྷ་མིན། |
| བཅུད་ཚོར |
ཟས་ཀྱི་བཅུད་ཤེས་པ། ལྟོ་ཆས་གང་ཟོས་ཀྱི་བཅུད་ཚོར་བ། |
| བཅུད་འགུགས |
(བརྡ་རྙིང་།) མར་མེ། |
| བཅུད་འཛིན |
(མངོན་བརྗོད།) 1>བུར་ཤིང༌། 2>ཐང་ཤིང༌། 3>བུང་བ། |
| བཅུད་འཛིན་མ |
(མངོན་བརྗོད།) འབབ་ཆུ། |
| བཅུད་རིང |
(མངོན་བརྗོད།) ལྷའི་ཆུ་བོ། |
| བཅུད་རྒྱལ |
དངུལ་ཆུའི་མིང་གི་རྣམ་གྲངས་ཤིག |
| བཅུད་ལེན |
1.མེ་ཏོག་སོགས་རྫས་ལ་བརྟེན་ནས་ཚེ་སྲིང་ལུས་སྟོབས་སྐྱེད་བྱེད་ཀྱི་ཐབས་ཤེས་ཤིག 2.ཨ་རུ་རའི་ཤིང༌། |
| བཅུད་ལེན་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། མེ་ཏོག་གི་བཅུད་ལ་སོགས་པའི་རྫས་དང་སྔགས་ལ་བརྟེན་ནས་ཚེ་བསྲིང་བ་དང༌། ལུས་གཞོན་ཤ་ཆགས་པ་དང༌། ལྕགས་ཁམས་གསེར་དུ་སྒྱུར་བ་སྟེ་ཚེ་དང་ལུས་དང་ལོངས་སྤྱོད་ཀྱི་བཅུད་ལེན་འགྲུབ་པའོ། ། |
| བཅུད་ལེན་བདེ་བའི་དཔག་བསམ |
རབ་བྱུང་བདུན་པའི་ནང་ཟུར་མཁར་མཉམ་ཉིད་རྡོ་རྗེས་མཛད་པའི་རྒས་པ་དང༌། ལུས་ཟུངས་ཉམས་པ་སོགས་གསོ་བའི་ཐབས་སྟོན་པའི་བཅུད་ལེན་སྐོར་གྱི་དཔེ་ཚན་ཞིག |
| བཅུད་ལེན་རྒྱས་བཤད་ཟག་མེད་བདེ་སྟེར |
དུས་རབས་བཅུ་བདུན་པའི་ནང་དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་བཅུད་ལེན་གྱི་སྐོར་གསལ་བར་སྟོན་པའི་ལེ་ཚན་ཞིག |
| བཅུད་ལྔ་པ |
(མངོན་བརྗོད།) སྐྱུ་རུ་རའི་ཤིང༌། |
| བཅུད་ལྡན |
1.ཟས་རོ་ནུས་དང་ལྡན་པ། 2.(མངོན་བརྗོད།) ས་གཞི། |
| བཅུད་སྦྱིན |
(མངོན་བརྗོད།) སྦྲང་མ། |
| བཅུད་སྨིན་པ |
1.འབྲས་བུ་སྨིན་པ། 2.རོ་བཅུད་བཟང་པོར་གྱུར་པ། |
| བཅུན |
(བྱེད་འབྲེལ་ལས་ཚིག) འཇུན་གྱི་འདས་པ། (དཔེར་ན།) རྟ་རྒོད་བཅུན་ནས་ཞོན་ཞེས་པ་ལྟ་བུ། |
| བཅུམ |
(བྱེད་འབྲེལ་ལས་ཚིག) བཅུམས་ཀྱི་མ་འོངས་པ། བརྒྱང་བ་ཡི་ལྡོག་ཟླ་སྟེ། (དཔེར་ན།) གླག་བཅུམ་བཅུམ། རྒོད་བཅུམ་བཅུམ་ཞེས་པ་ལྟ་བུ། |
| བཅུམ་པ |
(བྱེད་འབྲེལ་ལས་ཚིག) འཇུམ་པའི་འདས་པའི་བྱ་མིང། |
| བཅུམས |
(བྱེད་འབྲེལ་ལས་ཚིག) འཇུམས་པའི་འདས་པ། (དཔེར་ན།) ལྷམ་ཆུང་ནས་རྐང་བ་བཅུམས་ལྟ་བུ། ད་ལྟ་བར་འཇུམས་དང་། སྐུལ་ཚིག་ལ་ཆུམས་འབྲི། |
| བཅུམས་བཅུམས |
ཆུང་དུ་བཏང་བའི་བརྣན་ཚིག (དཔེར་ན།) མཐའ་སྐོར་ནས་ཚུར་བཅུམས་བཅུམས་བྱས་པ། འགྲོ་དུས་གླག་མོ་བཅུམས་བཅུམས་རེད་ཅེས་པ་ལྟ་བུ། |
| བཅུར |
(བྱེད་འབྲེལ་ལས་ཚིག) འཇུར་གྱི་འདས་པ། (དཔེར་ན།) འདས་པ་ལྕགས་སྐུད་འཇུར་མིག་ལ་བཅུར་ན་ཇེ་ཕྲ་ཡིན་ལྟ་བུ། |
| བཅུར་བ |
1.གཅུར་བའི་འདས་པ་དང་མ་འོངས་པ། 2.འཇུར་བའི་འདས་པ། |
| བཅུས |
(བྱེད་འབྲེལ་ལས་ཚིག) འཆུ་བའི་འདས་པ། (དཔེར་ན།) ཆུ་བཅུས་ནས་ཁུར་ཞེས་པ་ལྟ་བུ། |
| བཅུས་པ |
1.འཆུ་བའི་འདས་པའི་བྱ་མིང། 2.(བརྡ་རྙིང་།) ཆུ་བཏང་ནས་བརླན་པར་བྱེད་པའི་དོན་ཏེ། (དཔེར་ན།) ལོ་ཏོག་ལ་ཆུ་བཅུས་པ། ལྗོན་ཤིང་ལ་ཆུ་བཅུས་པ་ཞེས་པ་ལྟ་བུ། |
| བཅེམ |
(བྱེད་འབྲེལ་ལས་ཚིག) སྔོ་ཚོད་དང་ཤིང་ཏོག་རིགས་སོས་བལྡད་པའི་བརྡ་རྙིང་། |
| བཅེམས |
(བརྡ་རྙིང་།) བཅེམ་པའི་སྐུལ་ཚིག |
| བཅེམས་པ |
(བརྡ་རྙིང་།) བཅེམ་པའི་འདས་པ། |
| བཅེར་བ |
(བྱེད་འབྲེལ་ལས་ཚིག) སྤུངས་པའི་དོན་ཏེ། (དཔེར་ན།) ཐབ་ཀྱི་ནང་དུ་མེ་ཤིང་བཅེར་བ། བཟའ་འབྲུ་མང་པོ་རི་ལྟར་བཅེར་བ་ཞེས་པ་ལྟ་བུ། |
| བཅོ |
1.(བྱེད་འབྲེལ་ལས་ཚིག) བཅོས་པའི་མ་འོངས་པ། ལས་སྣོན་བྱེད་པའམ་བཟོ་བཅོས་བྱེད་པའི་དོན་ཏེ། (དཔེར་ན།) བཅོ་བྱའི་ཟས་ཞེས་པ་ལྟ་བུ།2.རྟ་བོང་གི་ཕྲུ་གུ་ལོ་གཉིས་པའི་ཟེ་གཞུག་སྒལ་གཞུང་སོགས་ཀྱི་སྤུ་བྲེག་སྲོལ་ཡོད་པ་དེའི་མིང༌། (དཔེར་ན།) དཔྱིད་དུས་བཅོ་པ་རྣམས་ལ་བཅོ་རྒྱག་པ། 3.བཅོ་ལྔ་དང་བཅོ་བརྒྱད་གཉིས་ལ་འཇུག་པའི་བཅུ་མིང༌། (དཔེར་ན།) ལོ་བཅོ་བརྒྱད། ལེ་དབར་བཅོ་ལྔ་ཞེས་པ་ལྟ་བུ། |
| བཅོ་པ |
སྐྱེས་ནས་ལོ་གཉིས་པར་སླེབས་པའི་རྟ་བོང༌། |
| བཅོ་བརྒྱད |
གྲངས་ཀ་བཅུ་དང་བརྒྱད། མིང་གི་རྣམ་གྲངས་ལ་སྐྱོན་དང༌། ཁམས། ཉེས་པ་བཅས་སོ། ། |
| བཅོ་བརྒྱད་ཐོག་མདའ |
ཧོར་ཟླ་དང་པོའི་ཚེས་བཅོ་བརྒྱད་ཉིན་རྫོང་རྒྱབ་ཏུ་ཐོག་མའི་མདའ་རྩལ་འགྲན་པའི་རྩེད་སྣ་ཞིག |
| བཅོ་བརྒྱད་དྲུག་ཅུ |
སྔར་བོད་དུ་སྐྱེས་པ་རང་ལོ་བཅོ་བརྒྱད་ཡན་ནས་དྲུག་ཅུ་མན་ལ་འཁྲི་བའི་དམག་ཁྲལ་གྱི་ལོ་ཚད་འཛིན་ལུགས། |
| བཅོ་ལྔ |
གྲངས་ཀ་བཅུ་དང་ལྔ། མིང་གི་རྣམ་གྲངས་ལ་ཉིན་ཞག་དང༌། ཚེས་སོ། ། |
| བཅོ་ལྔ་མཆོད་པ |
བོད་ཟླ་དང་པོའི་ཚེས་བཅོ་ལྔའི་ཆོ་འཕྲུལ་དུས་ཆེན་ཏེ། རྗེ་ཙོང་ཁ་པས་ཕྱག་སྲོལ་བཏོད་པའི་མཛད་ཆེན་བཞིའི་གྲས་ཤིག |
| བཅོམ |
(བྱེད་འབྲེལ་ལས་ཚིག) འཇོམས་པའི་འདས་པ། གཏོར་བའི་དོན་ཏེ། (དཔེར་ན།) རང་དམག་གིས་དགྲ་བོའི་བཙན་རྫོང་བཅོམ་ལྟ་བུ། |
| བཅོམ་ཆུང |
(བརྡ་རྙིང་།) སྒྲ་སྐད་ཆུང་བ། |
| བཅོམ་པ |
འཇོམས་པའི་འདས་པའི་བྱ་མིང་། |
| བཅོམ་བརླག |
རྒྱ་གར་གྱི་གྲོང་ཁྱེར་ཞིག |
| བཅོམ་ལྡན |
བདུད་བཞི་བཅོམ་ཞིང༌། ལེགས་པའི་ཡོན་ཏན་དྲུག་དང་ལྡན་པ་སྟེ་སངས་རྒྱས། |
| བཅོམ་ལྡན་འདས |
བདུད་བཞི་བཅོམ་ཞིང༌། ལེགས་པའི་ཡོན་ཏན་དྲུག་དང་ལྡན་པ། སྲིད་ཞི་གཉིས་ཀྱི་མཐའ་ལས་འདས་པ་སྟེ་སངས་རྒྱས་ཀྱི་མཚན། |
| བཅོམ་ལྡན་འདས་ཀྱི་ཉན་ཐོས |
སངས་རྒྱས་ཞལ་བཞུགས་སྐབས་ཀྱི་ཉན་ཐོས། |
| བཅོམ་ལྡན་འདས་མ |
རྗེ་བཙུན་འཕགས་མ་སྒྲོལ་མ་ལྟ་བུ། |
| བཅོམ་སྐྱུངས་པ |
(བརྡ་རྙིང་།) འཇིགས་ནས་སྒྲ་ཆུང་བར་སྨྲ་བ། |
| བཅོལ |
(བྱེད་འབྲེལ་ལས་ཚིག) འཆོལ་གྱི་མ་འོངས་པ་དང་འདས་པ། དངོས་རྫས་སོགས་གཞན་ལ་སྤྲད་ནས་གནས་སྐབས་སུ་ཉར་ཚགས་བྱེད་དུ་འཇུག་པའི་དོན་ཏེ། (དཔེར་ན།) བཅོལ་བྱའི་དོང་ཙེ། དོང་ཙེ་མི་དམངས་དངུལ་ཁང་ལ་བཅོལ་ནས་གསོག་འཇོག་བྱས། བྱིས་པ་བུ་བཅོལ་ཁང་ལ་བཅོལ་ན་སེམས་བདེ་ཞེས་པ་ལྟ་བུ། |
| བཅོལ་གདམས |
བཅོལ་བཏམས་དང་དོན་གཅིག |
| བཅོལ་དམ |
གདམས་ངག་སྨྲ་བའམ་གདམས་པའི་དོན་ཏེ། (དཔེར་ན།) བུ་མོ་བག་མར་འགྲོ་ཁར་བྱ་སྤྱོད་བཅོལ་དམ་བཟང་བོ་བྱེད་ཅེས་པ་ལྟ་བུ། |
| བཅོལ་ནོར |
བཅོལ་བའི་ནོར་ལུག (དཔེར་ན།) བཅོལ་ནོར་ཉར་བར་རྩྭ་རིན་ལེན་པ་ཞེས་པ་ལྟ་བུ། |
| བཅོལ་བ |
འཆོལ་བའི་འདས་པ་དང་མ་འོངས་པའི་བྱ་མིང་། |
| བཅོལ་བཏམས |
དོན་གནད་མངགས་པ་དང་བཅོལ་བའི་དོན་ཏེ། (དཔེར་ན།) འཕྲལ་དུ་ཐག་གཅོད་བྱ་རྒྱུར་བཅོལ་བཏམས་བྱས་པ། བྱེད་སྒོ་ཚང་མ་མཆེད་གྲོགས་ལ་བཅོལ་བཏམས་བྱས་ཞེས་པ་ལྟ་བུ། འདི་ལ་བཅོལ་དམ་ཞེས་འབྲི་བ་རྒྱུགས་ཆེ། |
| བཅོལ་མ |
གཞན་གྱིས་བཅོལ་བའི་དངོས་པོའི་མིང། (དཔེར་ན།) འདིར་ཡོད་འཛིན་ཆས་དངོས་ནོར་རྣམས་བཅོལ་མ་ཤ་སྟག་ཡིན་ཞེས་པ་ལྟ་བུ། |
| བཅོས |
(བྱེད་འབྲེལ་ལས་ཚིག) འཆོས་པའི་འདས་པ་དང་མ་འོངས་པ། (དཔེར་ན།) ངས་སྒ་སྟན་བཅོས་ནས་ལས་ཀ་ལས། བསྐྱར་བཅོས། ལྷད་བཅོས། བཅོས་སྒྱུར་ཞེས་པ་ལྟ་བུ། |
| བཅོས་ཀ |
1.བཟོ་ཐབས་སམ་བྱ་ཐབས། 2.སྨན་དང་མེ་བཙའ་རིམ་གྲོ་སྒྲུབ་པ་སོགས་ལ་བརྟེན་ནས་ནད་གཞི་སེལ་ཐབས་བྱེད་པའི་དོན་ཏེ། (དཔེར་ན།) ནད་འདི་ལ་བཅོས་ཀ་ཅི་ཡོད་ཅེས་པ་ལྟ་བུ། |
| བཅོས་ཐབས |
1.གསར་དུ་བཟོ་ཐབས། 2.ནད་སོ་སོ་སེལ་བར་བྱེད་པའི་ཟས་སྤྱོད་སྨན་དཔྱད་བསྟེན་ཚུལ་ཏེ། (དཔེར་ན།) གྲང་ནད་ལ་དྲོད་དང༌། ཚ་ནད་ལ་བསིལ་གཏོང་དགོས་པ་ལྟ་བུ་ཞིག ནད་གཞི་ཧ་ཅང་ངན་པས་བཅོས་ཐབས་མེད་པ་ཞེས་པ་ལྟ་བུ། |
| བཅོས་པ |
འཆོས་པའི་འདས་པ་དང་མ་འོངས་པའི་བྱ་མིང། |
| བཅོས་པ་ལས་བྱུང |
(མངོན་བརྗོད།) ཚོན་སྤང་མ། |
| བཅོས་པའི་ཆང |
ཟན་ཆང་སྐམ་པོ་སྦངས་པའི་ཁུ་བ། |
| བཅོས་པའི་ཆུ |
1.ཡུར་བའི་ཆུ། 2.རྫིང་གི་ཆུ། |
| བཅོས་པའི་ཆོས |
ཆོས་རྫུས་མ། |
| བཅོས་པའི་ནགས |
(མངོན་བརྗོད།) གླིང་གའམ། སྐྱེད་མོས་ཚལ། |
| བཅོས་པའི་མ་ནིང |
ཕོ་རྟགས་ཀྱི་འབྲས་བུ་ཕྱུང་སྟེ་སྐྱེ་འཕེལ་གྱི་ནུས་པ་བཅད་ནས་བསྒྱུར་བའི་ཉུག་རུམ་པ། |
| བཅོས་པའི་ཚྭ |
འདུལ་བ་ལས་བཤད་པའི་བཅས་ལྡན་དགེ་སློང་གིས་བཏུང་དུ་རུང་བའི་རྒུན་ཆང་སོགས་ཀྱི་སིང་པོ། |
| བཅོས་བསྒྱུར |
རྙིང་པའམ་ལུགས་མཐུན་མིན་པ་རྣམས་བཅོས་ནས་གསར་པའམ་ལུགས་མཐུན་ཞིག་ཏུ་བསྒྱུར་བ། |
| བཅོས་བུ |
དངོས་གནས་མ་ཡིན་པའི་དོན་ཏེ། (དཔེར་ན།) བཅོས་བུའི་གཏམ། བཅོས་བུའི་རས་ཞེས་པ་ལྟ་བུ། |
| བཅོས་མ |
1.རང་བྱུང་ཁམས་སུ་གྲུབ་པའི་དངོས་རྫས་ལྟར་མིས་བཟོས་པའི་དངོས་པོ་སྟེ། (དཔེར་ན།) བྲག་རི་བཅོས་མ། མེ་ཏོག་བཅོས་མ་ཞེས་པ་ལྟ་བུ།2.རྫུན་མའི་དོན་ཏེ། (དཔེར་ན།) མི་དམངས་ལ་ཞབས་འདེགས་ཞུ་བའི་བསམ་པ་བཅོས་མ་མ་ཡིན་པ། རྒྱལ་གཅེས་བསམ་པ་བཅོས་མ་མ་ཡིན་པ་ཞེས་པ་ལྟ་བུ། |
| བཅོས་མིན |
1.བདེན་པའམ་དངོས་གནས། 2.དོན་དམ་སྟོང་ཉིད། |
| བཅོས་སྒྱུར |
སྔར་གྱི་རྣམ་པ་རྩ་བ་ནས་བརྗེ་བའི་དོན་ཏེ། (དཔེར་ན།) བསམ་པ་བཅོས་སྒྱུར་བྱས། ས་ཞིང་སྒེར་དབང་ལམ་ལུགས་བཅོས་སྒྱུར་བྱས་ལྟ་བུ། |
| བཅོས་སྒྲིག |
རྙིང་པ་བཅོས་ནས་བསར་པ་ཞིག་ཏུ་སྒྲིག་པ། |
| བཏག |
1.ཐགས་མཁན་གྱི་ཡོ་སྤྱད་ཅིག 2.(བྱེད་འབྲེལ་ལས་ཚིག) འཐག་པའི་མ་འོངས་པ) བལ་དང་གསོ་མ་ཤིང་བལ་སྲིན་བལ་སོགས་ཀྱི་ཐགས་སྐུད་རྒྱུ་བྱས་ནས་རས་དང་དར་གོས་སྣམ་བུ་སོགས་ཐགས་སུ་བསྐྲུན་པའི་དོན་ཏེ། (དཔེར་ན།) བཏག་བྱའི་སྣམ་བུ། རས་བཏག་དགོས་ལྟ་བུ། |
| བཏག་སོ |
འཐག་ཆས་འཐག་ཤའི་སོ། |
| བཏགས |
1.(བྱེད་འབྲེལ་ལས་ཚིག) འདོགས་ཀྱི་འདས་པ། ཐག་པ་སོགས་ཀྱིས་སྦྲེལ་བའི་དོན་ཏེ། (དཔེར་ན།) གདང་ལ་རྟ་བཏགས། ལུས་ལ་རྒྱན་ཆ་བཏགས་ལྟ་བུ། 2.(བྱེད་འབྲེལ་ལས་ཚིག) འཐག་གི་འདས་པ། (དཔེར་ན།) སྣམ་བུ་བཏགས་ནས་ལྭ་བ་བཟོས་ལྟ་བུ།3.(བྱེད་འབྲེལ་ལས་ཚིག) གདག་གི་འདས་པ། (དཔེར་ན།) ཨ་བྲ་ཁ་བཏགས་ནས་རྩྭ་ཐང་བསྲུངས་ལྟ་བུ།4.དོན་ལ་མིང་སྦྱར་བའི་དོན་ཏེ། (དཔེར་ན།) བྱིས་པར་མིང་བཏགས་ལྟ་བུ། 5.ཉེས་སྐྱོན་སོགས་མེད་བཞིན་དུ་ཡོད་པར་བཤད་པའི་དོན་ཏེ། (དཔེར་ན།) བསྙད་བཏགས། བསྙད་མ་འདོགས། སྒྲོ་བཏགས། སྒྲོ་མ་འདོགས་ལྟ་བུ། 6ཕན་པ་བསྒྲུབ་པའི་དོན་ཏེ། (དཔེར་ན།) མི་དམངས་ལ་ཕན་འདོགས་མཁན། ཞིང་པ་ལ་ཕན་མང་པོ་བཏགས་ལྟ་བུ། |
| བཏགས་ཆོས |
བཏགས་པའི་དངོས་པོ། |
| བཏགས་པ |
1.འདོགས། གདགས། འཐག་བཅས་ཀྱི་འདས་པའི་བྱ་མིང་། 2.རྫས་མེད་རྫས་སུ་གྲུབ་པར་སྨྲ་བ། 3.(བརྡ་རྙིང་།) 1>ཁྲིམས་བསྒྲགས་པ། 2>ཕལ་པ། |
| བཏགས་པར་སྨྲ་བའི་སྡེ |
ཉན་ཐོས་སྡེ་པ་བཅོ་བརྒྱད་ཀྱི་ནང་ཚན་ཞིག |
| བཏགས་མ |
1.(ཡུལ་སྐད།) འཐག་ཆས་འཐག་ཤ། 2.ཐགས་གྲུབ་ཀྱི་གོས་དར་སོགས། |
| བཏགས་མིང |
མིང་འདོགས་ཚུལ་གྱི་བྱེ་བྲག་ཅིག འདྲ་འབྲེལ་གང་རུང་གི་རྒྱུ་མཚན་ལ་བརྟེན་ནས་རྗེས་གྲུབ་ཏུ་བརྡ་སྦྱར་ནས་བཏགས་པའི་མིང༌། དཔེར་ན། མི་བླུན་པོ་ལ་བ་ལང་ཞེས་བརྗོད་པ་ལྟ་བུའོ། ། |
| བཏགས་ཡོད |
རང་འཛིན་སྒྲ་དང་རྟོག་པས་བཏགས་པ་ཙམ་དུ་གྲུབ་པའི་ཆོས། དུས་དང༌། གང་ཟག་ལྟ་བུ་ལྡན་མིན་འདུ་བྱེད་དང༌། ཀུན་བཏགས་ཀྱི་ཆོས་རྣམས་སོ། ། |
| བཏགས་ཡོད་ཆོས་གསུམ |
མིང་གི་བཏགས་པ་ཙམ་དུ་ཡོད་པའི་མཚོན་བྱའི་ཆོས་གསུམ་མཚོན་བྱ་ཡིན་པ། རང་གི་མཚན་གཞིའི་སྟེང་དུ་གྲུབ་པ། རང་གི་མཚན་ཉིད་ལས་གཞན་པའི་མཚོན་བྱ་མི་བྱེད་པ་བཅས་གསུམ་མོ། ། |
| བཏང |
(བྱེད་འབྲེལ་ལས་ཚིག) གཏོང་གི་འདས་པ། (དཔེར་ན།) རྩྭ་ཁར་བཏང་བའི་རྟ་བོ། རྟ་ནོར་རྩྭ་སར་བཏང་ནས་འཚོས་ལྟ་བུ། |
| བཏང་ཐོ |
ཡིག་རིགས་དང་དངོས་པོ་སོགས་གཞན་ལ་བརྫངས་ཐོ། |
| བཏང་བ |
གཏོང་བའི་འདས་པའི་བྱ་མིང། |
| བཏང་བཏང་བྱུང་བྱུང |
(ཡུལ་སྐད།) འུད་ཤོབ་ཀྱི་དོན་ཏེ། (དཔེར་ན།) ཁོ་རང་ལ་བྱས་རྗེས་གང་ཡང་མེད་ཀྱང་བཏང་བཏང་བྱུང་བྱུང་མང་པོ་ཞིག་ཤོད་ཀྱིན་འདུག་ཅེས་པ་ལྟ་བུ། |
| བཏང་བཟུང |
1.འདོར་ལེན་ནམ་བླང་དོར། 2.རི་མིང་ཞིག 3.ཀླུ་རྒྱལ་ཞིག་གི་མིང༌། 4.འཁོར་ལོས་སྒྱུར་བའི་རྒྱལ་པོ་ཞིག་གི་མིང༌། |
| བཏང་བྱུང་ཚ་པོ |
(ཡུལ་སྐད།) འུད་ཤོབ་སྨྲ་བའི་དོན་ཏེ། (དཔེར་ན།) བཏང་བྱུང་ཚ་པོས་བཤད་ཚད་ལ་ཡིད་བརྟན་མེད་ཅེས་པ་ལྟ་བུ། |
| བཏང་འགྲོ་བཞག་སྡོད |
གང་དུ་བཏང་ས་ལ་འགྲོ་ཞིང༌། གང་དུ་བཞག་ས་ལ་སྡོད་པའི་ཁ་ལོ་སྒྱུར་བདེ་བའི་དོན་ཏེ། (དཔེར་ན།) བཏང་འགྲོ་བཞག་སྡོད་མི་ཤེས་པ། ལས་དོན་གང་ཞིག་ཡིན་ཀྱང་ཐེག་པ་ཁུར་ལེན་བཏང་འགྲོ་བཞག་སྡོད་འཕེར་བ་ཞིག་བྱེད་ཐུབ། བཏང་འགྲོ་བཞག་སྡོད་གང་འོས་ཀྱི་ལས་ཁུར་དང་ལེན་ཞུ་བ་ཞེས་པ་ལྟ་བུ། |
| བཏང་ཡས |
གྲངས་གནས་ཤིག |
| བཏང་ཤོར |
ཆེད་དུ་གློད་པ་དང༌། རང་བཞིན་གྱིས་ཤོར་བ། (དཔེར་ན།) ནག་ཅན་བཙོན་པ་བཏང་ཤོར་མི་ཡོང་བ་བྱེད་དགོས་ཞེས་པ་ལྟ་བུ། |
| བཏང་སྙོམས |
1.དགྲ་གཉེན་བདེ་སྡུག་ཆགས་སྡང་སོགས་ཀྱི་ཕྱོགས་སུ་མ་ལྷུང་བའི་བར་མ། 2>དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག ལུས་དང་སེམས་ལ་གནོད་པར་བྱེད་པ་མེད་པས་འབྲལ་འདོད་ཀྱང་མེད། ལུས་དང་སེམས་ལ་ལྷག་པར་བདེ་ཞིང་ཕན་པར་བྱེད་པ་ཡང་མེད་པས་འགྲོགས་པའམ་ཕྲད་པར་འདོད་པ་ཡང་མེད་དོ། །3.ཚངས་པའི་གནས་པ་བཞིའི་ནང་གསེས། སེམས་ཅན་རྣམས་ལ་ཉེ་རིང་མེད་པར་སྙོམས་པ་ཆགས་སྡང་གི་གཉེན་པོའོ། ། |
| བཏང་སྙོམས་ཀྱི་དབང་པོ |
རྣམ་པར་མི་རྟོག་པར་སྐྱེ་བ་དང༌། ཕན་གནོད་མེད་པར་སྐྱེ་བའི་བར་མའི་ཚོར་བའོ། ། |
| བཏང་སྙོམས་ཀྱི་སེམས |
1.དོ་སྣང་མེད་པའི་འདུ་ཤེས། 2.ཆགས་སྡང་གཉིས་ཀ་བྲལ་བའི་བློ། |
| བཏང་སྙོམས་ཚད་མེད |
ཚད་མེད་བཞིའི་ཡ་གྱལ། དམིགས་པ་སེམས་ཅན་ཚད་མེད་པ་ལ་དམིགས་ནས་རྣམ་པ་ཉེ་རིང་ཆགས་སྡང་དང་བྲལ་བའི་བཏང་སྙོམས་ངང་ལ་གནས་པར་བྱའོ་སྙམ་དུ་སེམས་པའོ། ། |
| བཏང་སྙོམས་ཡང་དག་བྱང |
བྱང་ཆུབ་ཡན་ལག་བདུན་གྱི་ནང་གསེས་ཤིག སེམས་ཉོན་མོངས་པ་དང་མཐུན་པར་གནས་པའི་མི་མཉམ་པ་དང་རྣལ་དུ་མི་འདུག་པ་དང༌། རྩོལ་བ་དང་བཅས་པའི་ཉོན་མོངས་ཀྱི་གཉེན་པོ་བྱེད་པ་ཞིག |
| བཏང་སྙོམས་སུ་བཞག་པ |
རང་བབས་སུ་བཞག་པའི་དོན་ཏེ། (དཔེར་ན།) དོན་མེད་ཀྱི་གླེང་རྩོད་མང་པོ་བཏང་སྙོམས་སུ་བཞག་ཅེས་པ་ལྟ་བུ། |
| བཏབ |
(བྱེད་འབྲེལ་ལས་ཚིག) འདེབས་པའི་འདས་པ། རྩི་ཤིང་གི་ས་བོན་ཆ་རྐྱེན་འཛོམས་པའི་ས་འོག་ལ་བཅུག་ནས་མྱུ་གུ་སྐྱེས་སུ་འཇུག་པའི་དོན་ཏེ། (དཔེར་ན།) ས་བོན་བཏབ། ས་བོན་གྲོ་བཏབ་ན་གྲོ་སྐྱེ་ལྟ་བུ། |
| བཏབ་པ |
འདེབས་པའི་འདས་པའི་བྱ་མིང། |
| བཏམ་པ |
1.བརྗོད་པའི་དོན་དུ་གོ་བའི་གཏམ་པའི་མ་འོངས་པ། 2.གཞན་དུ་བཅོལ་བའི་དོན་དུ་གོ་བའི་འདམ་པའི་འདས་པ། |
| བཏམས་པ |
བརྗོད་པའི་དོན་དུ་གོ་བའི་གཏམ་པའི་འདས་པ། |
| བཏའ་བ |
(བརྡ་རྙིང་།) སྨྲ་བ། |
| བཏིག |
(བྱེད་འབྲེལ་ལས་ཚིག) གཏིག་གི་མ་འོངས་པ་དང་འདས་པ། (དཔེར་ན།) ཆུ་བཏིག་དགོས། སྨན་ཆུ་བཏིག་ནས་མིག་བཀྲུས་ལྟ་བུ། |
| བཏིག་པ |
གཏིག་པའི་མ་འོངས་པའི་བ་མིང། |
| བཏིགས་པ |
གཏིག་པའི་འདས་པའི་བྱ་མིང། |
| བཏིང་བ |
འདིང་བའི་འདས་པའི་བྱ་མིང། |
| བཏིངས |
(བྱེད་འབྲེལ་ལས་ཚིག) འདིང་བའི་འདས་པ། (དཔེར་ན།) གདན་བཏིངས་ནས་ཐོག་ལ་བསྡད་ལྟ་བུ། |
| བཏུ |
(བྱེད་འབྲེལ་ལས་ཚིག) འཐུ་བའི་མ་འོངས་པ། དངོས་རྫས་ཐོར་བུར་གནས་པ་རྣམས་ཕྱོགས་གཅིག་ཏུ་སྡུད་པའི་དོན་ཏེ། (དཔེར་ན།) སྙེ་མ་བཏུ་བར་བྱ། བཏུ་དགོས་ལྟ་བུ། |
| བཏུ་བ |
སྡུད་པ་དང་སྒྲུག་པའི་དོན་དུ་གོ་བའི་འཐུ་བའི་མ་འོངས་པའི་བྱ་མིང། |
| བཏུང |
(བྱེད་འབྲེལ་ལས་ཚིག) འཐུང་བའི་མ་འོངས་པ། གཤེར་ཁུའི་རིགས་ཁར་རྔུབ་པའི་དོན་ཏེ། (དཔེར་ན།) བཏུང་བྱའི་ཆུ། ཆུ་བཏུང་དགོས་ལྟ་བུ། |
| བཏུང་བ |
1.འཐུང་བའི་མ་འོངས་པ། 2.འཐུང་རྒྱུའི་རིགས་ཀྱི་སྤྱི་མིང༌། (དཔེར་ན།) བཏུང་བ་གྲང་མོ་ཞེས་པ་ལྟ་བུ། |
| བཏུང་བ |
གཤེར་ཁུའི་རིགས་ཀྱི་ཟས་ཀྱི་མིང་། |
| བཏུང་བའི་རྒྱུ་བརྒྱད |
འདུལ་བ་ལས་བཤད་པའི་ཐུན་ཚོད་དུ་རུང་བའི་སྨན་གྱི་གྲས། ཆུ་ཤིང་དང༌། འབྲས་དང༌། ཀུ་ཤུ་གོ་ལ་དང༌། ཨ་ཤྭཏྠ་དང༌། ཨུ་དུམཱ་ར་དང༌། པ་རི་ཤ་ཀ་དང༌། རྒུན་འབྲུ་དང༌། འབྲ་གོ་བཅས་ཀྱི་ཆུ་རྣམས་སོ། ། |
| བཏུང་བྱ |
(མངོན་བརྗོད།) ཆུ། |
| བཏུང་སྣོད |
ཇ་ཆང་སོགས་འཐུང་སའི་སྣོད། |
| བཏུངས |
འཐུངས་ཀྱི་འབྲི་ཚུལ་གཞན། |
| བཏུངས་པ |
1.འཐུང་བའི་འདས་པའི་བྱ་མིང། 2.(བརྡ་རྙིང་།) བསད་པ། |
| བཏུངས་ལྷག |
ཇ་ཆང་སོགས་བེད་སྤྱོད་པའི་འཕྲོ་མ། |
| བཏུད |
(བྱེད་འབྲེལ་ལས་ཚིག) འདུད་པའི་མ་འོངས་པ་དང་འདས་པ། (དཔེར་ན།) མར་སྒུར་བའི་དོན་ཏེ། མགོ་བཏུད་ནས་གུས་པ་བྱས་ལྟ་བུ། |
| བཏུད་པ |
འདུད་པའི་འདས་པའི་བྱ་མིང། |
| བཏུབ |
(བྱེད་འབྲེལ་ལས་ཚིག) བླའམ་རུང་བ་དང་ཐུབ་པའམ་ནུས་པའི་དོན་ཏེ། (དཔེར་ན།) བཏུང་དུ་བཏུབ། བཞོན་དུ་བཏུབ། ལས་དོན་ཆེ་ཆུང་གང་ཡང་བྱེད་བཏུབ་པ། ཇི་ཙམ་སྨྲས་ཀྱང་ཉན་དུ་མི་བཏུབ་པ་ཞེས་པ་ལྟ་བུ། |
| བཏུམ |
(བྱེད་འབྲེལ་ལས་ཚིག) འཐུམ་པའི་མ་འོངས་པ། དངོས་རྫས་ཀྱི་ཕྱི་ལ་ཐུམ་བརྒྱབ་པའི་དོན་ཏེ། (དཔེར་ན།) ཐུམ་གྱིས་དཔེ་ཆ་བཏུམ་དགོས། བཏུམ་བྱའི་དཔེ་ཆ་ཞེས་པ་ལྟ་བུ། |
| བཏུམས |
(བྱེད་འབྲེལ་ལས་ཚིག) འཐུམ་པའི་འདས་པ། (དཔེར་ན།) ཐུམ་གྱིས་དཔེ་ཆ་བཏུམས་ནས་ཉར་ཚགས་བྱས། ཉལ་ཐུལ་གྱིས་མགོ་བོ་བཏུམས་ནས་མ་ཉལ། ཁ་ཐུམ་གྱིས་ཁ་སྣ་བཏུམས་ནས་སྒོར་སོང་ལྟ་བུ། |
| བཏུམས་རྒྱ |
ཕྱི་ནས་འཐུམ་པར་བྱེད་རྒྱུའི་རྒྱ། (དཔེར་ན།) ཡིག་འཕྲིན་ཁག་ལ་ཤོག་བུ་དང༌། རས་ཀྱི་བཏུམས་རྒྱ་བྱས་ནས་ཕྱོགས་སུ་སྐུར་ཞེས་པ་ལྟ་བུ། |
| བཏུལ |
(བྱེད་འབྲེལ་ལས་ཚིག) འདུལ་བའི་འདས་པ། ཕམ་པར་བྱས་པའི་དོན་ཏེ། (དཔེར་ན།) དགྲ་བཏུལ་ནས་རྒྱལ་ཁ་བླངས་ལྟ་བུ། |
| བཏུལ་བ |
འདུལ་བའི་འདས་པའི་བྱ་མིང། |
| བཏུལ་བཅིལ |
འདུལ་སྦྱོང༌གི་དོན་ཏེ། (དཔེར་ན།) ལྷད་རྣམས་བཏུལ་བཅིལ་བྱས་པ་ཞེས་པ་ལྟ་བུ། |
| བཏུལ་མ |
དུལ་མ་དང་འདྲ། |
| བཏུས |
(བྱེད་འབྲེལ་ལས་ཚིག) འཐུ་བའི་འདས་པ། (དཔེར་ན།) བཏུས་པའི་རྩྭ་སྨན། རྩྭ་སྨན་བཏུས་ནས་སྨན་བཅོས་བྱས་ལྟ་བུ། |
| བཏུས |
(བྱེད་འབྲེལ་ལས་ཚིག) བཏུ་ཡི་འདས་པ། (དཔེར་ན།) མེ་ཏོག་བཏུས་ནས་ལྷ་ལ་ཕུལ། ཕྱོགས་ཀུན་ལས་བཏུས་ཏེ་བསྒྲིགས་ཞེས་པ་ལྟ་བུ། |
| བཏུས་པ |
སྡུད་པ་དང་སྒྲུག་པའི་དོན་དུ་གོ་བའི་འཐུ་བའི་འདས་པའི་བྱ་མིང། |
| བཏེག |
1.(བྱེད་མེད་ལས་ཚིག) ཐེག་པའི་མ་འོངས་པ་དང་འདས་པ། ལམ་ལ་རྡོག་ཐོན་པའམ་ཆས་པའི་དོན་ཏེ། (དཔེར་ན།) ལམ་ལ་བཏེག་དགོས། ལྷ་ས་ནས་ལམ་ལ་བཏེག་སྟེ་པེ་ཅིན་ལ་སོང་། པེ་ཅིན་ནས་བཏེག་སྟེ་ཧྲང་ཧེར་བསླེབས་ལྟ་བུ།2.བཏེགས་ཀྱི་འབྲི་ཚུལ་གཞན། |
| བཏེགས |
(བྱེད་འབྲེལ་ལས་ཚིག) འདེགས་ཀྱི་འདས་པ། དངོས་པོ་ཡར་འདེགས་པའི་དོན་ཏེ། (དཔེར་ན།) རྩལ་སྦྱང་པས་ལྕགས་གཏུན་ཡར་བཏེགས་ནས་རྩལ་ཤུགས་སྦྱང་ལྟ་བུ། |
| བཏོག |
(བྱེད་འབྲེལ་ལས་ཚིག) འཐོག་པའི་མ་འོངས་པ། ཤིང་ཏོག་དང་མེ་ཏོག་སོགས་གཅོད་པའི་དོན་ཏེ། (དཔེར་ན།) མེ་ཏོག་དང་བཏོག་པར་བྱ། བཏོག་བྱའི་མེ་ཏོག་ཅེས་པ་ལྟ་བུ། |
| བཏོག་པ |
འཐོག་པའི་མ་འོངས་པའི་བྱ་མིང། |
| བཏོགས |
(བྱེས་འབྲེལ་ལས་ཚིག) འཐོག་པའི་འདས་པ། (དཔེར་ན།) མེས་པོས་སིལ་ཏོག་བཏོགས་ནས་ཚ་བོར་བྱིན་ལྟ་བུ། |
| བཏོགས་པ |
1.འཐོག་པའི་འདས་པའི་བྱ་མིང། 2.(བརྡ་རྙིང་།) ཕྲོགས་པ། |
| བཏོད |
(བྱེད་འབྲེལ་ལས་ཚིག) འདོད་ཀྱི་འདས་པ། ལམ་ལུགས་སོགས་གསར་དུ་བཙུགས་པའི་དོན་ཏེ། (དཔེར་ན།) གསར་བཏོད། སྲོལ་བཏོད། ཡི་གེའི་སྲོལ་བཏོད་ལྟ་བུ། |
| བཏོད་པ |
གསར་བཟོའི་དོན་དུ་གོ་བའི་འདོད་པའི་འདས་པའི་བྱ་མིང། |
| བཏོན |
(བྱེད་འབྲེལ་ལས་ཚིག) འདོན་པའི་འདས་པ། དཔེ་ཆ་བཀླགས་པའི་དོན་ཏེ། (དཔེར་ན།) དཔེ་ཆ་བཏོན། གསར་འགྱུར་བཏོན་ལྟ་བུ། |
| བཏོན་པ |
འདོན་པའི་འདས་པའི་བྱ་མིང། |
| བཏོན་རྒྱ |
འབྲུ་དངུལ་སོགས་འདོན་སྤྲོད་བྱས་འཐུས་ཀྱི་བཀའ་རྒྱ། |
| བཏོལ |
རྟོལ་གྱི་འདས་པ་ལ་བཏོལ་འབྲི་བའང་ཡོད། |
| བད |
1.(བྱེད་མེད་ལས་ཚིག) 1>ཟས་ཀྱིས་འདོད་པ་ཚིམས་པའི་དོན་ཏེ། (དཔེར་ན།) ཕག་ཤ་ཟོས་ནས་བད། མར་ཟོས་ནས་བད་ལྟ་བུ། 2>བཟི་བའི་དོན་ཏེ། (དཔེར་ན།) ཆང་གིས་བད་ལྟ་བུ། 3.བ་མོ་སྟེ་རྩྭ་རྩེར་ཆགས་པའི་ཟིལ་པ་དཀར་པོའི་མིང་། (དཔེར་ན།) དགུན་དུས་བད་ཀྱིས་གཤོངས་ས་དཀར་ཞེས་པ་ལྟ་བུ། |
| བད་ཀ |
ཁང་ཐོག་པུ་ཤུའི་འདབས་སྣེའི་མིང། (དཔེར་ན།) བྱེའུ་མཆིལ་པ་བད་ཀར་སྡོད་ཅེས་པ་ལྟ་བུ། |
| བད་ཀན |
ལུས་ཀྱི་ཆ་ཤས་སུ་གཏོགས་ཤིང༌། རྐྱེན་དང་ཕྲད་ན་རྩ་བའི་ནད་གསུམ་གྱི་ཡ་གྱལ་དུའང་འགྱུར་བ་ཞིག |
| བད་ཀན་གྲེ་ཐོགས |
ཟས་མགྲིན་པར་ཐོགས་པའི་ནད་ཀྱི་བྱེ་བྲག |
| བད་ཀན་དམུ་ཆུ |
བད་ཀན་གྱི་བྱེ་བྲག་ཅིག |
| བད་ཀན་མེ་ཉམས |
བད་ཀན་རིགས་དྲུག་གི་ནང་ཚན། ཕོ་བའི་མེ་དྲོད་ཉམས་ནས་ཟས་མི་འཇུ་ཞིང་མཇུག་ཏུ་དམུ་སྐྲན་དུ་འགྱུར་བ་ཞིག |
| བད་ཀན་ཟད |
བད་ཀན་རང་གི་ལྡང་ཚད་རགས་པའི་དབང་དུ་བྱས་ན་རང་གི་སྙིམ་པ་བཞི་ཡིན་པས་དེ་ལས་ཟད་པར་གྱུར་ན་ནད་དུ་གྱུར་ཏེ་བད་ཀན་ཟད་ཅེས་ཟེར། |
| བད་ཀན་འཇུ་སྐེམ |
བད་ཀན་ནད་རིགས་དྲུག་གི་ནང་ཚན་ཕོ་བའི་བད་སྲིན་འཕེལ་བའི་ནད་དེ། ནད་རྟགས་སུ་ཁ་ཟས་ཟོས་ཀྱང་འགྲངས་མི་ཤེས་པ་དང༌། ཤ་སྐམ་ཞིང་སྟོབས་ཆུང་ལ་གསུས་པ་ཤིན་ཏུ་ཆེ་བ་ཞིག |
| བད་ཀན་འཕེལ |
བད་ཀན་རང་གི་ལྡང་ཚད་རགས་པའི་དབང་དུ་བྱས་ན་རང་གི་སྙིམ་པ་བཞི་ཡིན་པས་དེ་ལས་འཕེལ་བར་གྱུར་ན་ནད་དུ་གྱུར་ཏེ་བད་ཀན་འཕེལ་བ་ཞེས་ཟེར། |
| བད་ཀན་རང་བཞིན་ཅན |
མ་ཡི་མངལ་ནང་ལུས་ཆགས་པའི་སྐབས་སུ་ཁུ་ཁྲག་གཉིས་བད་ཀན་ཤས་ཆེ་བའི་རྒྱུ་དེས་ལུས་ཅན་དེ་ཉིད་ཀྱང་ལུས་བོངས་ཆེ་ཞིང་ཤ་རྒྱས་ལ་ཁ་དོག་དཀར་བ་སོགས་ཀྱི་ཁྱད་ཆོས་ལྡན་པའི་མིའི་མིང༌། |
| བད་ཀན་རིགས་དྲུག |
རིགས་ཀྱི་སྒོ་ནས་དབྱེ་བའི་བད་ཀན་གྱི་ནད་དྲུག་ལྷེན་ན་དང༌། ལྕགས་དྲེག་མེ་ཉམས། མགུལ་འགགས། གྲུམ་བུ་དཀར་པོ། འཇུ་སྐེམ་བཅས་སོ། ། |
| བད་ཀན་ལས་གྱུར་པའི་མོ་ནད |
མོ་ནད་བྱེ་བྲག་པ་ཞིག |
| བད་ཀན་ལྔ |
ལུས་ཀྱི་རྩ་བའི་བད་ཀན་ལྔ་རྟེན་བྱེད་དང༌། མྱག་བྱེད། མྱོང་བྱེད། ཚིམ་བྱེད། འབྱོར་བྱེད་བཅས་སོ། ། |
| བད་ཀན་ལྕགས་དྲེག |
བད་ཀན་ནད་རིགས་དྲུག་གི་ཡ་གྱལ་ཞིག་ཁ་ཟས་མ་ཞུ་བས་རྐྱེན་བྱས་ནས་ཕོ་བའི་ནང་སུལ་དུ་ལྕགས་ཀྱི་དྲེག་པ་ལྟར་ནག་པོ་ཆགས་ནས་ཁ་ཟས་མི་འཇུ་བ་སྐྱུག་པ་སོགས་འབྱུང་བ་ཞིག |
| བད་ཀན་སྨུག་པོ |
ནད་ཀྱི་རང་མདོག་ལ་བལྟོས་ནས་བཏགས་པའི་འདུས་ནད་མཚོན་བྱེད་ཀྱི་མིང་ཞིག་རླུང་གི་རང་མདོག་སྔོ། མཁྲིས་པའི་རང་མདོག་སེར། བད་ཀན་གྱི་རང་མདོག་སྐྱ། ཁྲག་གི་རང་མདོག་དམར། ཆུ་སེར་གྱི་རང་མདོག་སེར་སྨུག་བཅས་ཉེས་གསུམ་ཁྲག་ཆུ་སེར་བཅས་འདུས་པ་ལ་སྨུག་པོ་ཟེར། |
| བད་ཁ |
བད་ཀ་དང་འདྲ། |
| བད་ཁྲག |
བད་ཀན་སྨུག་པོ་ཁྲག་ངན་རྒྱས་པའི་སྐབས་ལ་ཟེར། ནད་རྟགས་སུ་མགོ་དང་ལུས་སྟོད་གཟེར་ཞིང་བྲང་རྒྱབ་ཏུ་ཁྲག་ཐོར་འབྱུང་བ་དང༌། སྐབས་རེ་ཁྲག་བག་ཙམ་འདྲེས་པའི་རྒྱ་བཤལ་ལྟ་བུ་སྐྱུག་པ་ཞིག |
| བད་གཡམ |
ཁང་པའི་བད་ཕུར་གནོན་བྱེད་རྡོ་གཡམ། |
| བད་ཐོར |
བད་ཁྲག་འཕྲུལ་གྱི་ཐོར་བ། |
| བད་ནག |
ཟླ་བ་དགུ་པའི་དབུགས་ཐོབ་ནས་བ་མོ་འབབ་པས་བད་ནག་ཅེས་པའི་དུས་ཚིགས་སུ་སླེབས་པ་ཡིན། |
| བད་པ |
ངོམས་པའམ་ཚིམ་པ་བཅས་ཀྱི་དོན་དུ་གོ་བའི་བྱེད་མེད་དུས་གསུམ་གྱི་བྱ་མིང་། |
| བད་ཕུར |
ཁང་པའི་ཉ་རྒྱབ། |
| བད་བད |
(ཡུལ་སྐད།) གྲི་ཐུར་ཤིང་བུ་སོགས་ཀྱིས་བྲད་རྡར་བྱེད་པའི་མིང༌། (དཔེར་ན།) དྲེག་པ་བད་བད་གཏོང་བ་ཞེས་པ་ལྟ་བུ། |
| བད་མཁྲིས |
བད་ཀན་དང་མཁྲིས་པ་འདོམས་པའི་ནད་དེ། ནད་རྟགས་ཟས་མི་འཇུ་ཞིང་ཁ་ཁ་བ་དང་མགོ་བོ་ལྕི་ལ་མཚོག་མ་མི་ཐེག་པ་ཞིག |
| བད་མཆུ |
1.ཁང་པའི་བད་ཀའི་སྣེ། 2.བད་ཀན་ཤས་ཆེ་བའི་མཆུ་ནད་ཅིག་ནད་རྟགས་སུ་མཆུ་མདོག་སྐྱ་བོར་འགྱུར་ཞིང་སློག་པ་ཆགས་ནས་སྐྲངས་པ་ཞིག 3.མཆུའི་ཟུར། |
| བད་སྲིན |
རྒྱུ་མའི་ནང་དུ་གནས་པའི་སྲིན་བུ་ལེབ་མོར་ཡང་ཟེར་བ་དེའོ། ། |
| བདག |
1.(ཚབ་ཚིག) རང་ཉིད་དམ་ང་ཞེས་པ་དང་འདྲ་སྟེ། (དཔེར་ན།) བདག་གི་ཕ་མ་ལས་ཀྱང་བཀའ་དྲིན་ཆེ། བདག་ཏུ་མ་བཟུང་བ། གཞན་གྱིས་བདག་ཏུ་འཛིན་པ། དོན་གནད་འདི་ང་ལ་རྒྱུས་ཡོད་པས་བདག་དྲག་སྙམ་པ་འདུག་ཅེས་པ་ལྟ་བུ།2.ཉར་ཚགས་བྱེད་པའི་མིང་། (དཔེར་ན།) བདག་གཉེར་བྱས་ཞེས་པར་བདག་བྱས་དང་། བདག་དོ་དམ་བཟང་པོ་བྱས་ལྟ་བུ། |
| བདག་གཅིག་འབྲེལ |
འབྲེལ་བའི་ནང་གསེས། ངོ་བོ་བདག་ཉིད་གཅིག་པའི་འབྲེལ་བ། (དཔེར་ན།) དངོས་པོ་དང་བུམ་པ། བུམ་པ་དང་བུམ་པའི་ལྡོག་པ་ལྟ་བུ། ངོ་བོ་གཅིག་ཏུ་གྲུབ་ཅིང་ལྡོག་པ་ཐ་དད་ཡིན་ལ། དངོས་པོ་དང༌། བུམ་པ་ལོག་ན་བུམ་པ་དང་བུམ་པའི་ལྡོག་པ་ལོག་པར་འགྱུར་བ་ལྟ་བུའོ། ། |
| བདག་གཅེས |
གཅེས་སྤྲས་ཀྱི་དོན་ཏེ། (དཔེར་ན།) རྒྱལ་ཁབ་ཀྱི་རྒྱུ་དངོས་རིགས་ལ་རྣམ་ཀུན་བདག་གཅེས་ལྷོད་མེད་བྱེད་པ་ཞེས་པ་ལྟ་བུ། |
| བདག་གཉེར |
བདག་སྤྲོད་ཀྱི་དོན་ཏེ། (དཔེར་ན།) སྤྱི་རྫས་བདག་གཉེར་ཡག་པོ་བྱེད་ཅེས་ལྟ་བུ། |
| བདག་གཞན |
1.རྟག་འཇུག་སྐབས་ཀྱི་བྱེད་པ་པོ་དང་བྱ་བའི་ཡུལ་ཡིན་ལ། དེ་ཡང་བྱེད་པོ་གཙོ་ཕལ་དང་བྱེད་པའི་ལས་བཅས་དངོས་པོ་བདག་གི་ཁོངས་སུ་འདུ་བ་དང༌། བྱ་ཡུལ་བྱ་ལས་དང་བཅས་པ་དངོས་པོ་གཞན་གྱི་ཁོངས་སུ་འདུ། 2.རང་གཞན་གཉིས། (དཔེར་ན།) བདག་ཕན་གཞན་གནོད་ཀྱི་ལས་ཀ། བདག་གཞན་བརྗེ་བའི་བྱང་ཆུབ་ཀྱི་སེམས་ཞེས་པ་ལྟ་བུ། |
| བདག་གཞན་བརྗེ་བའི་བྱང་ཆུབ་ཀྱི་སེམས |
བདག་གི་བདེ་བ་གཞན་ལ་སྟེར། གཞན་གྱི་སྡུག་བསྔལ་རང་གིས་ལེན་པར་བསྒོམ་པའི་བྱང་ཆུབ་ཀྱི་སེམས་བསྐྱེད་ཚུལ་ཞིག |
| བདག་གཞན་མཉམ་པ |
བདག་དང་གཞན་སེམས་ཅན་ཐམས་ཅད་བདེ་བ་འདོད་ཅིང་སྡུག་བསྔལ་མི་འདོད་པར་མཉམ་པའམ་མཚུངས་པ། |
| བདག་གཞན་མཉམ་པའི་བྱང་ཆུབ་ཀྱི་སེམས |
བྱང་ཆུབ་ཀྱི་སེམས་བསྒོམ་ཚུལ་ཞིག་བདག་གཞན་སེམས་ཅན་ཐམས་ཅད་སྡུག་བསྔལ་འབྲལ་འདོད་དང་བདེ་བ་ལྡན་འདོད་ཡིན་པར་གཅིག་ཏུ་མཚུངས་པས། བདག་ལ་གཅེས་པར་འཛིན་ཅིང་གཞན་ལ་སྡང་བར་འཛིན་པའི་སེམས་སྤངས་ཏེ་མཉམ་པར་འཛིན་པའོ། ། |
| བདག་གཞན་མཉམ་བརྗེ |
བདག་གཞན་མཉམ་པའི་བྱང་ཆུབ་ཀྱི་སེམས་དང་བདག་གཞན་བརྗེ་བའི་བྱང་ཆུབ་ཀྱི་སེམས་ཀྱི་བསྡུས་མིང༌། |
| བདག་གི་གཞི |
སྤྱོད་རྒྱུད་ཀྱི་བཟླས་པ་ཡན་ལག་བཞིའི་ནང་གསེས་ཤིག་བདག་ཉིད་ལྷར་བསྐྱེད་པའོ། ། |
| བདག་གི་དེ་ཁོ་ན་ཉིད |
བྱ་རྒྱུད་ཀྱི་སྒོམ་པ་དེ་ཉིད་བཞིའི་ཡ་གྱལ་ཞིག་ལྟ་བ་ཆོས་ཉིད་དག་པའི་ལྷ་ཞེས་རང་གི་སེམས་ཉིད་སྟོང་གསལ་གྱི་ཡེ་ཤེས་སྤྲོས་པའི་མཐའ་དང་བྲལ་བར་རྟོགས་ན་ཀུན་རྫོབ་ཀྱི་སྣང་ཆ་ཡོངས་སུ་དག་པའི་ལྷའི་རང་བཞིན་དུ་གསལ་བའི་ལྟ་བའི་ངང་དུ་འཇོག་པ་གཟུང་འཛིན་ལ་སོགས་པའི་རྟོག་པ་མེད་པ། མཚན་མའི་གཡོ་བ་མེད་པ། རང་བཞིན་འོད་གསལ་བ། རང་གི་ངོ་བོ་སོ་སོ་རང་གིས་རིག་པ་སྟེ་ཆོས་དྲུག་ལྡན་གྱི་རང་བཞིན་ཅན་དུ་བསྒོམ་པའོ། ། |
| བདག་གི་ཕྱོགས |
1.རང་ཕྱོགས། 2.རང་གི་གྲུབ་མཐའི་ཕྱོགས། |
| བདག་གི་བ |
ང་ལ་ཡོད་པའི་མིག་སྣ་སོགས། |
| བདག་གི་སྨྲ་བ |
རང་གི་གྲུབ་མཐའ། |
| བདག་གིར་བྱས་པ |
རང་གི་ཡིན་པར་བརྩིས་པ། |
| བདག་གིར་འཛིན་པ |
རང་ཉིད་ཀྱི་ཡིན་པར་ངོས་འཛིན་པ། |
| བདག་གིར་ལྟ་བ |
རང་གི་ཡིན་པར་འཛིན་པ། |
| བདག་ངལ་བ |
རང་ཉིད་དོན་མེད་དུ་ངལ་པོར་གྱུར་པའི་དོན་ཏེ། (དཔེར་ན།) བདག་ངལ་བ་ཁོ་ན་ལས་གཞན་ཡོང་རྒྱུ་མེད་ཅེས་པ་ལྟ་བུ། |
| བདག་ཅག |
ང་ཚོ་ཞེས་པ་དང་འདྲ་སྟེ། (དཔེར་ན།) འབངས་ཀྱི་བྱ་བ་བདག་ཅག་གིས་མི་སྒྲུབ་ན་སུ་ཞིག་གིས་སྒྲུབ་ཅེས་པ་ལྟ་བུ། |
| བདག་ཆེན |
1.བདག་ཉིད་ཆེན་པོའི་བསྡུས་ཚིག 2.བདག་ཆེན་རིན་པོ་ཆེའི་བསྡུས་ཚིག |
| བདག་ཆེན་རིན་པོ་ཆེ |
ས་སྐྱའི་གདུང་རྒྱུད་ས་སྐྱ་རང་ཁོངས་ཀྱི་ཆོས་སྲིད་གཉིས་ཀའི་དབང་ཆ་འཛིན་མཁན་གྱི་ཆེ་མིང༌། |
| བདག་ཉིད |
1.རང་ཉིད་དམ་ང་རང༌སྟེ། (དཔེར་ན།) བདག་ཉིད་ལ་གསོན་ཅིག རྒྱལ་པོ་བདག་ཉིད། བདག་ཉིད་ཀྱི་འགལ་བ་ཞེས་པ་ལྟ་བུ། 2.རང་བཞིན་ནམ་ངོ་བོ། 3.བདག་པོའི་དོན་ཏེ། (དཔེར་ན།) མཁྱེན་པའི་བདག་ཉིད། ཐུགས་རྗེའི་བདག་ཉིད། ནུས་པའི་བདག་ཉིད་ཅེས་པ་ལྟ་བུ། མིང་གི་རྣམ་གྲངས་ལ་སྐྱེ་བ་པོ་དང༌། སྐྱེས་བུ་གཙོ། གང་ཟག་རང༌། མཆོད་སྦྱིན་སྦྱོར། ཉེར་སྐྲུན་པ། ཤེད་བདག་ཤེད་བུ། ཤེད་ལས་སྐྱེས་བཅས་སོ། ། |
| བདག་ཉིད་ཀྱི་སོ་སོ་རང་གི་རིག་པ |
རང་བྱུང་གི་ཡེ་ཤེས། |
| བདག་ཉིད་གཅིག་པའི་འབྲེལ་བ |
རྣམ་དབྱེ་དྲུག་པ་འབྲེལ་སྒྲའི་ནང་གསེས། (དཔེར་ན།) གསེར་གྱི་བུམ་པ། རྒྱ་མཚོའི་ཆུ་ཞེས་པ་ལྟ་བུ། |
| བདག་ཉིད་ཆེ |
སྐྱེས་ཆེན་དམ་པའི་མཚན། |
| བདག་ཉིད་ཆེན་པོ |
1.བདག་པོ་ཆེན་པོ། 2.(མངོན་བརྗོད།) སངས་རྒྱས་སྤྱི། |
| བདག་ཉིད་སྒྲོག |
1.རང་གིས་རང་བསྟོད། 2.(མངོན་བརྗོད།) བྱ་རོག |
| བདག་ཏུ་འཛིན་པ |
ཕུང་པོ་ལ་བདག་ཏུ་ཞེན་པ། |
| བདག་ཏུ་རྨོངས་པའི་མ་རིག་པ |
འཁོར་བའི་རྩ་བར་གྱུར་པའི་བདག་འཛིན་ཏེ། བདེན་དོན་མི་ཤེས་ཤིང་ཕུང་པོ་རྣམས་རྟག་པ་དང༌། བདེ་བ་དང༌། བདག་དང༌། རིལ་པོ་དང༌། སེམས་ཅན་དུ་འདུ་ཤེས་པ་སོགས་དངོས་པོའི་རང་བཞིན་དང་མི་མཐུན་པར་ཕྱིན་ཅི་ལོག་ཏུ་འཛིན་པའི་རྨོངས་པའོ། ། |
| བདག་ཐོན་བདག་གཅེས |
ཅ་ལག་སོགས་ལ་གཅེས་སྤྲས་ཡག་པོ་བྱེད་པ། |
| བདག་ཐོབ |
རང་རང་གི་བདག་དབང་དང་ཐོབ་ཆ། |
| བདག་དབང |
རང་གི་དབང་ཆའམ་དབང་ཚད་ཀྱི་དོན་ཏེ། (དཔེར་ན།) བདག་དབང་ལག་ལེན་བྱེད། ས་ཁང་གི་བདག་དབང་ཞེས་པ་ལྟ་བུ། |
| བདག་དམན་པ |
གུས་ཕྲན་ནམ། གུས་ཆུང་ཞེས་པ་ལྟ་བུའི་ཁེངས་སྐྱུང་ངམ། རང་བརྙས་ཀྱིས་ཚིག་སྟེ། (དཔེར་ན།) བདག་དམན་པར་བསམ་པའི་སྒོ་ནས་སྒྱིད་ལུག་མི་རུང་ཞེས་པ་ལྟ་བུ། |
| བདག་དོན |
རང་གི་ཁེ་ཕན། |
| བདག་དོན་བདག་གཅེས |
རང་གི་དོན་དག་ལ་རང་གིས་དོ་སྣང་ངམ་འབད་བརྩོན་བྱེད་པ། |
| བདག་པ |
(བྱེད་མེ་ལས་ཚིག) དབང་བའི་དོན་ཏེ། (དཔེར་ན།) རྒྱལ་ཁབ་ཀྱི་བདག་དབང་མི་དམངས་ལ་བདག་པ། བུ་ཕ་བདག་དང༌། བུ་མོ་མ་བདག་ཅེས་པ་ལྟ་བུ། |
| བདག་པོ |
དབང་བ་པོའམ་གཙོ་བོའི་དོན་ཏེ། (དཔེར་ན།) བདག་པོའི་འདུ་ཤེས། དོན་གྱི་བདག་པོ། ཁང་བདག ཞིང་བདག འབྲོག་བདག མངའ་བདག མི་བདག་བདག་ཏུ་རེ། བདག་པོ་སྒོ་ཁྱིར་འདོན་ཞེས་པ་ལྟ་བུ། |
| བདག་པོ་དང་ཡུལ་གྱི་འབྲེལ་བ |
རྣམ་དབྱེ་དྲུག་པ་འབྲེལ་སྒྲའི་ནང་གསེས། (དཔེར་ན།) སྒེར་གྱི་མ་རྩ། ངའི་ཁང་པ་ཞེས་པ་ལྟ་བུ། |
| བདག་པོ་མེད་པ |
སྲུང་འཛིན་བྱེད་མཁན་མེད་པའི་དོན་ཏེ། (དཔེར་ན།) བདག་པོ་མེད་པའི་ས་ཞིང་ལ་ལོ་ཏོག་ཡག་པོ་སྐྱེ་མི་ཐུབ་ཅེས་པ་ལྟ་བུ། |
| བདག་པོའི་བརྟུལ་ཞུགས་མ |
1.བག་མ། 2.ཁྱིམ་བདག་མོ། |
| བདག་པོའི་རྩ |
ལུས་རྩའི་བྱེ་བྲག་ཅིག |
| བདག་པོའི་ས |
བདག་སྒྲ་དང་དོན་གཅིག |
| བདག་བཟུང |
བདག་པོ་བྱས་ཡོད་པའི་དོན་ཏེ། (དཔེར་ན།) རང་གི་ཅ་ལག་ལ་རང་གིས་བདག་བཟུང་བྱེད་པ། བདག་བཟུང་ཡོད་པའི་བུད་མེད་ཅེས་པ་ལྟ་བུ། |
| བདག་བས་གཞན་གཅེས་ཀྱི་བྱང་ཆུབ་སེམས |
བྱང་ཆུབ་སེམས་སྦྱོང་གི་མན་ངག་ཁྱད་པར་བ་ཞིག རང་ལས་གཞན་གཅེས་པར་བཟུང་ནས་བདེ་སྡུག་གཏོང་ལེན་བྱེད་པའོ། ། |
| བདག་བསྐྱེད |
1.(མངོན་བརྗོད།) ཚངས་པ། 2.བདག་ཉིད་ལྷར་བསྐྱེད་པ་རང་ཉིད་ལྷའི་རྣལ་འབྱོར་གྱི་བཟླས་པ་དང་ཉེར་བསྡུ་བྱ་བ་ལ་སོགས་པ། |
| བདག་བསྟོད་གཞན་སྨོད |
རང་ལ་བསྔགས་ཤིང་གཞན་ལ་འཕྱ་སྨོད། |
| བདག་བྱིན་གྱིས་བརླབ་པའི་རིམ་པ |
བདག་གི་མ་དག་པའི་ཕུང་ཁམས་སྐྱེས་མཆེད་རྣམས་སྦྱང་ནས་རྡོ་རྗེ་གསུམ་གྱི་ངོ་བོར་བྱིན་གྱིས་བརླབ་པའི་ཆོ་ག། |
| བདག་བྱེད |
1.བདག་པོ་སྤྲོད་པའམ་བདག་རྒྱག་པའི་དོན་ཏེ། (དཔེར་ན།) རིན་ཐང་ཅན་གྱི་དངོས་པོར་བདག་བྱེད་ཡོད་པ་སྨོས་ཅི་དགོས་ཞེས་པ་ལྟ་བུ། 2.བདག་སྤྲོད་བྱེད་མཁན། |
| བདག་མ་མཆིས་པ |
གདགས་གཞི་ཕུང་ལྔ་རེ་རེ་ནས་བཙལ་ཀྱང་བདག་ཅེས་པ་རྡུལ་ཙམ་ཡང་མ་མཆིས་པ་སྟེ་མེད་པ། |
| བདག་མེད |
1.བདག་བཟུང་བྱེད་མཁན་མེད་པའི་དོན་ཏེ། (དཔེར་ན།) ནོར་བདག་མེད་བྱང་གི་འབྲོང༌ཡིན་ཞེས་པ་ལྟ་བུ། 2.བདག་མེད་པའི་བསྡུས་ཚིག |
| བདག་མེད་གཉིས |
གང་ཟག་གི་བདག་མེད་དང༌། ཆོས་ཀྱི་བདག་མེད་གཉིས། |
| བདག་མེད་གསུམ |
གང་ཟག་གི་བདག་མེད་དང༌། ཆོས་ཀུན་གཟུང་འཛིན་དང་རྫས་གཞན་གྱིས་སྟོང་པ་དང༌། ཆོས་བདེན་གྲུབ་ཀྱིས་སྟོང་པ། |
| བདག་མེད་པ |
བདག་ཏུ་ལྟ་བའི་མི་མཐུན་པའི་ཕྱོགས་ཀྱི་བདག་མེད་པ། བདེན་བཞིའི་རྣམས་པ་བཅུ་དྲུག་གི་ནང་གསེས་ཤིག |
| བདག་མེད་པ་དྲིས་པའི་མདོ |
འཕགས་པ་བདག་མེད་པ་དྲིས་པ་ཞེས་བྱ་བའི་མདོ། རྒྱ་གར་གྱི་མཁན་པོ་ཀ་མ་ལ་གུབྷ་དང༌། ལོ་ཙཱ་བ་རིན་ཆེན་བཟང་པོའི་འགྱུར། |
| བདག་མེད་ཕྲ་རགས |
གང་ཟག་རང་རྐྱ་ཐུབ་པའི་རྫས་ཡོད་ཀྱིས་མ་གྲུབ་པ་དང༌། གང་ཟག་རང་བཞིན་གྱིས་མ་གྲུབ་པ་གཉིས། |
| བདག་མེད་མ |
ལྷ་མོ་ཞིག་གི་མཚན། |
| བདག་མེད་རྣལ་འབྱོར་མ |
ཀྱེ་རྡོར་གྱི་ཡུམ། |
| བདག་མེད་ལིང་སྐྱུར |
སྲུང་འཛིན་མ་བྱས་པར་རྦད་དེ་དོར་བའི་དོན་ཏེ། (དཔེར་ན།) སྤྱིའི་དངོས་རིགས་བདག་མེད་ལིང་སྐྱུར་བྱེད་མི་རུང༌ཞེས་པ་ལྟ་བུ། |
| བདག་མོ |
1.ཁྱིམ་བདག་མོ། 2.ས་སྐྱ་གོང་མའི་བདག་མོ། 3.བླ་མའི་གསང་ཡུམ། |
| བདག་འཇུག |
གཞན་ལ་དབང་མ་བསྐུར་གོང༌། སློབ་དཔོན་རང་ཉིད་ཡེ་ཤེས་ཀྱི་དཀྱིལ་འཁོར་དུ་འཇུག་ཅིང་ལྷའི་སྐུ་གསུང་ཐུགས་ཡོན་ཏན་ཕྲིན་ལས་དང་དབྱེར་མེད་དུ་ལྟ་བའི་དབང་བླངས་པ་དང༌། སློབ་མ་གཞུག་པར་གནང་བ་ནོད་པ། |
| བདག་འབྲས |
འབྲས་བུ་ལྔའི་ནང་གསེས། རང་རྒྱུས་རང་་དབང་དུ་བསྐྱེད་པར་བྱ་བ་སྟེ། སྡིག་པ་བྱས་པས་ཡུལ་ངན་པར་སྐྱེ་ཞིང༌། དགེ་བ་བྱས་པས་ཡུལ་བཟང་པོར་སྐྱེས་ནས་བདག་པོ་བྱེད་པ་བྱེད་རྒྱུའི་འབྲས་བུ་རྣམས་སོ། ། |
| བདག་འཛིན |
1.ཕུང་པོ་ལྔ་གང་རུང་ལ་བརྟེན་ནས་བདག་ཏུ་འཛིན་པའི་བློའམ་ངའོ་སྙམ་པའི་ངར་འཛིན།2.རྒྱུ་ནོར་སོགས་དབང་བར་འཛིན་པའི་བསམ་བློ་དང་བྱ་སྤྱོད་ཀྱི་མིང་སྟེ། (དཔེར་ན།) ཁྱིམ་གཞི་བདག་འཛིན་བྱས་ལྟ་བུ། |
| བདག་འཛིན་གཉིས |
ལམ་གྱི་དགག་བྱ་གཉིས་ཏེ་ཆོས་དང་གང་ཟག་གི་བདག་འཛིན། |
| བདག་འཛིན་འཇིག་ལྟ |
དམིགས་པ་ང་ལ་དམིགས་ནས་རྣམ་པ་རང་བཞིན་གྱིས་གྲུབ་པར་འཛིན་པ། |
| བདག་རིག་བྱེད་པ |
མངོན་སུམ་དང༌། རྗེས་དཔག་ལྟར་སྣང་དང་བཅས་པའོ། ། |
| བདག་རྐྱེན |
1.བྱས་རྗེས་བཟང་པོ་ལ་གཟེངས་བསྟོད་པའི་དངོས་པོའི་མིང་། (དཔེར་ན།) བྱས་རྗེས་ཅན་ལ་གོང་ནས་བདག་རྐྱེན་གནང་ཞེས་པ་ལྟ་བུ།2.རྐྱེན་བཞིའི་ནང་གསེས། འབྲས་བུ་འབྱུང་བ་ལ་དབང་བྱེད་པ། མིག་ལ་སོགས་པའི་དབང་པོ་ནི་རང་འབྲས་ཤེས་པ་སྐྱེད་པའི་བདག་པོ་བྱེད་པས་བདག་པོའི་རྐྱེན་ཞེས་བྱའོ། ། |
| བདག་རྒྱུད |
རང་གི་ཤེས་རྒྱུད་དམ། རང་གི་ལུས་སེམས། |
| བདག་ལ་མི་འཛེམ་པ |
རང་གི་ཉེས་སྤྱོད་ལ་རང་གིས་འཚེར་སྣང་མི་བྱེད་པའི་དོན་ཏེ། (དཔེར་ན།) འདོད་པས་ངོ་ཚ་བསྒྲིབས་ནས་བདག་ལ་མི་འཛེམ་པའི་སྤྱོད་ངན་གང་བྱུང་བྱེད་མི་འཇུག་ཅེས་པ་ལྟ་བུ། |
| བདག་ལས་གཞན་གཅེས་ཀྱི་བྱང་ཆུབ་སེམས |
བྱང་ཆུབ་གྱི་སེམས་བསྒོམ་ཚུལ་ཞིག རང་ལ་སྡུག་བསྔལ་བྱུང་ཡང་སེམས་ཀྱིས་བཟོད་པར་བྱ་ཡི། གཞན་ལ་སྡུག་བསྔལ་བྱུང་བར་སེམས་ཀྱིས་མི་བཟོད་པར་སྡུག་བསྔལ་ཁུར་ཁྱེར་གྱི་སེམས་བསྐྱེད་པ། |
| བདག་ལྟ་གཉིས |
རིགས་པའི་དགག་བྱ་གཉིས་ཏེ། ཆོས་ཀྱི་བདག་དང༌། གང་ཟག་གི་བདག་གོ། ། |
| བདག་ལྟའི་བག་ཆགས |
བག་ཆགས་བཞིའི་ཡ་གྱལ་ཞིག བདག་གཞན་རིས་སུ་བཅད་ནས་བདག་ཏུ་འཛིན་པའི་ལྟ་བ་སྐྱེད་པ་ལ་དབང་བར་བྱེད་པའི་བག་ཆགས། |
| བདག་ལྡན |
(མངོན་བརྗོད།) ཆུང་མ། |
| བདག་ཤེས་རིག་གི་སྐྱེས་བུ |
གྲངས་ཅན་པས་འདོད་པའི་བདག་སྟེ་ཤེས་བྱ་ཉེར་ལྔའི་ཡ་གྱ་ཞིག |
| བདག་སྐྱིད་གཞན་སྨོན |
བདག་ཉིད་སྐྱིད་པར་མ་ཟད་གཞན་གྱིས་སྨོན་པའི་གནས་སུའང་གྱུར་པ་སྟེ། (དཔེར་ན།) གཟུགས་པོ་བདེ་པོ་ཡིན་ན་བདག་སྐྱིད་གཞན་སྨོན་ཡོང་བ་རེད་ཅེས་པ་ལྟ་བུ། |
| བདག་སྐྱེས |
(མངོན་བརྗོད།) 1>ཆང༌། 2>ད་བྱིད། 3>ཕྲུ་གུ། 4>བྲམ་ཟེ། 5>ཚངས་པ། |
| བདག་སྒྲ |
མིང་གི་མ་མཐར་གང་ཟག་མཚོན་པར་བྱེད་པའི་སྒྲ་སྔར་མེད་པ་ལ་གསར་དུ་པ་པོ་དང༌། བ་བོ། མ་མོ་སྦྱར་བས་རིམ་བཞིན་ཕོ་དང་མོར་གོ་དགོས་པ། (དཔེར་ན།) བོད་པ། རྩོམ་པ་པོ། གླུ་གར་བ། ཇ་མ། གནས་མོ། མོ་མ་ཞེས་པ་ལྟ་བུ། |
| བདག་སྤྲོད |
བདག་པོ་བྱེད་པའི་དོན་ཏེ། (དཔེར་ན།) རང་རང་གི་ཡོ་བྱད་གང་ཡིན་ངོས་བཟུང་ནས་བདག་སྤྲོད་བྱེད་པ་ཞེས་པ་ལྟ་བུ། |
| བདག་སྲོག་གཅོད་པ |
རང་སྲོག་རང་གིས་གཅོད་པ། |
| བདམ |
(བྱེད་འབྲེལ་ལས་ཚིག) བདམས་པའི་མ་འོངས་པ་དང་ད་ལྟ་བ། གསང་བ་དང་ལྐོག་སྦས་ཀྱི་ལས་དོན་གོང་རིམ་ལ་ཞུ་བའམ་གསང་ཡུལ་གྱི་མི་ལ་བཤད་པའི་དོན་ཏེ། (དཔེར་ན།) རྒྱུ་བདག་ལ་རྐུན་མ་བདམ་མཁན། དགྲ་ཡི་གསང་བ་ཤེས་ཆེད་བདམ་གླ་བྱིན་ལྟ་བུ། འདིའི་སྐུལ་ཚིག་དང་འདས་ཚིག་ལ་བདམས་ཞེས་འབྲི། |
| བདམ་པ |
མང་པོའི་ནང་ནས་སྒྲུག་པའི་དོན་དུ་གོ་བའི་འདམ་པའི་མ་འོངས་པའི་བྱ་མིང། |
| བདམ་པོ |
གསང་བ་སོགས་བཤད་མཁན་ཏེ། (དཔེར་ན།) རྐུན་པོ་ཤེས་ཆེད་བདམ་པོ་བཙལ་ལྟ་བུ། |
| བདམ་བྱའི་དབང་ཆ |
1.སྤྱི་དམངས་རྣམས་ཁྲིམས་ལུགས་ལྟར་རྒྱལ་ཁབ་ཀྱི་དབང་འཛིན་ལས་ཁུངས་ཀྱི་འཐུས་མིའམ་ལས་ཀའི་འགན་ཁུར་ངེས་ཅན་ཞིག་ཏུ་འོས་ཞུགས་ཆོག་པའི་དབང་ཆ། 2.རྩ་འཛུགས་སྣ་ཚོགས་ཀྱི་ཁོངས་མི་རྣམས་རང་རང་རྩ་འཛུགས་ཀྱི་འཐུས་མིའམ་འགོ་ཁྲིད་པའི་འོས་སུ་ཞུགས་ཆོག་པའི་དབང་ཆ། |
| བདམས |
1.(བྱེད་འབྲེལ་ལས་ཚིག) འདེམ་པའི་འདས་པ། (དཔེར་ན།) འབྲུ་རིགས་ཀྱི་ས་བོན་བཟང་བོ་བདམས་ནས་ཉར་ཚགས་བྱས་ལྟ་བུ།2.(བྱེད་འབྲེལ་ལས་ཚིག) བདམ་པའི་འདས་པ་དང་སྐུལ་ཚིག (དཔེར་ན།) སྡུག་སྤྱོད་ཀྱི་བྱ་བ་སྤྱི་བདེ་ལས་ཁུངས་ལ་བདམས་ནས་ངོ་ཐང་བཞག་ལྟ་བུ། |
| བདམས་ཉོ |
མང་པོའི་ཁྲོད་ནས་བདམས་ཏེ་ཉོ་བ། |
| བདམས་ཐོན |
འདམ་སྒྲུག་བྱས་ནས་མིང་ཐོན་པ། |
| བདམས་སྙིགས |
བདམས་ཏེ་ཁྱེར་བའི་ལྷག་སྙིགས། |
| བདའ |
(བྱེད་འབྲེལ་ལས་ཚིག) འདེད་པའི་མ་འོངས་པ། ཕར་སྐྲོད་པ་དང་འཛིན་པའི་ཆེད་དུ་རྗེས་བསྙེག་པའི་དོན་ཏེ། (དཔེར་ན།) སྤྱང་ཀི་བདའ་བར་བྱ། ཇག་པ་བདའ་དགོས་ལྟ་བུ། |
| བདའ་བ |
1.འདེད་པའི་མ་འོངས་པའི་བྱ་མིང། 2.རོ་ཞིམ་པའི་དོན་ཏེ། (དཔེར་ན།) ཟས་བདའ་བ་ཁོ་ན་ཟ་བ་དང༌། གོས་བཟང་བ་ཁོ་ན་གྱོན་མཁན་ཀྱིས་དཀའ་སྤྱད་བྱེད་ཐུབ་མི་ཡོང༌ཞེས་པ་ལྟ་བུ། |
| བདའ་འདེད |
1.རྗེས་སྙེག་གི་ཚུལ་དུ་ཡང་ཡང་བཤད་པ་དང་མངགས་པ་སོགས་བྱེད་པའི་དོན་ཏེ། (དཔེར་ན།) འབྲུ་དངུལ་བུ་ལོན་ལེན་རྒྱུ་བདའ་འདེད་བྱེད་པ་ཞེས་པ་ལྟ་བུ། 2.དོན་རྩ་རྩད་གཅོད་བྱེད་པའི་དོན་ཏེ། (དཔེར་ན།) གྱོད་དོན་གྱི་རྩ་བ་འདའ་འདེད་བྱེད་པ། ཁྲིམས་འགལ་གྱི་བྱས་ཉེས་རྣམས་བདའ་མཐིལ་ཕྱིན་བྱེད་དགོས་ཞེས་པ་ལྟ་བུ། |
| བདའ་རྒན |
ཟས་ལ་སྲེད་པ་ཆེ་བའི་དོན། |
| བདར |
1.(བྱེད་འབྲེལ་ལས་ཚིག) དཔང་དུ་བཅོལ་བའི་ཚིག་བརྗོད་པ་སྟེ། (དཔེར་ན།) བདེན་པ་བདར། བདེན་ཚིག་བདར་ལྟ་བུ། 2.(བྱེད་འབྲེལ་ལས་ཚིག) བསྒྲིགས་ནས་བསུ་བའི་དོན་ཏེ། (དཔེར་ན།) གཞོན་ནུ་མང་བོས་མདུན་དུ་བདར། གཞོན་ནུ་མདུན་བདར་རུ་ཁག་ཅེས་པ་ལྟ་བུ། 3.དབུར་ནས་བྱེ་མར་བྱས་པ་སྟེ། (དཔེར་ན།) དབུར་བདར་བྱས། བྱེ་མ་བདར་ལྟ་བུ།4. ཕྱི་བའམ་གཙང་སྦྲ་བྱེད་པའི་དོན་ཏེ། (དཔེར་ན།) ཕྱག་བདར། ཕྱི་བདར་ཞེས་པ་ལྟ་བུ། |
| བདར་ཟད་ཐེབས་པ |
བྲད་བདར་ཆེས་པས་སྲབ་རྡོལ་ཕྱིན་པ། |
| བདར་ཤ |
བརྟག་དཔྱད་ཞིབ་མོའི་མིང་། རྒྱུན་དུ་ལས་ཚིག་གཅོད་དང་འབྲེལ་ནས་བཀོལ། (དཔེར་ན།) བརྡ་སྤྲོད་ཀྱི་གཞུང་ལ་བདར་ཤ་གཅོད་དགོས། བདར་ཤ་བཅད་ནས་ནང་དོན་ཤེས། བདར་ཤ་ཆོད་ཅིག་ལྟ་བུ། |
| བདར་ཤ་ཆོད་པ |
བརྟག་དཔྱད་བྱས་ནས་ཐག་ཆོད་པའི་དོན་ཏེ། (དཔེར་ན།) ཐེ་ཚོམ་ལ་བརྟག་དཔྱད་བྱས་ནས་ཡིན་མིན་གྱི་བདར་ཤ་ཆོད་པ། དོན་འདི་བདར་ཤ་ཆོད་སོང་ངམ་ཞེས་པ་ལྟ་བུ། |
| བདར་སྤོས |
ཕྱེ་མར་བརྡར་བའི་སྤོས་སམ་སྤོས་ཕྱེ། |
| བདལ |
(བྱེད་འབྲེལ་ལས་ཚིག) གདལ་གྱི་མ་འོངས་པ་དང་འདས་པ། (དཔེར་ན།) ཐང་མ་བདལ་དགོས། ཐང་མ་བདལ་ནས་ཉི་མར་བསྐམས་ལྟ་བུ། |
| བདལ་གླ |
སྐྱེལ་འདྲེན་བྱས་པའི་གླ་ཆ། |
| བདས |
(བྱེད་འབྲེལ་ལས་ཚིག) བདའ་བའི་འདས་པ། (དཔེར་ན།) སྤྱང་ཀི་བདས་ནས་ཟིན་ལྟ་བུ། |
| བདས |
(བྱེད་འབྲེལ་ལས་ཚིག) བདའ་བའི་འདས་པ། (དཔེར་ན།) སྤྱང་གི་བདས་ན་བཟུང་ཞེས་པ་ལྟ་བུ། |
| བདུག |
(བྱེད་འབྲེལ་ལས་ཚིག) གདུག་གི་མ་འོངས་པ། (དཔེར་ན།) བདུག་བྱའི་དུ་བ། དུ་བ་བདུག་རྒྱུ་ཡིན་ལྟ་བུ། |
| བདུག་རྫས |
གྲིབ་དང་མི་གཙང་བ་སེལ་བར་བྱེད་པའི་རྫས་ཤིག |
| བདུག་ཤིང |
བདུག་སྤོས་ཤིང་གི་བསྡུས་ཚིག |
| བདུག་སྤོས |
མཆོད་རྫས་ཀྱི་སྤོས། |
| བདུག་སྤོས་མ |
མཆོད་པའི་ལྷ་མོའི་བྱེ་བྲག་ཅིག |
| བདུག་སྤོས་ཤིང |
1.དྲི་ཞིམ་ཞིང་བདུག་ཏུ་རུང་བའི་ཤིང་སྤྱིའི་མིང༌། 2.(མངོན་བརྗོད།) ཤུག་པ། |
| བདུག་སྤྱད |
བདུག་སྤོས་གདུག་བྱེད་ཀྱི་ཡོ་བྱད། |
| བདུགས |
1.(བྱེད་འབྲེལ་ལས་ཚིག) གདུག་པའི་འདས་པ། ཁང་པར་སྤོས་བདུགས་ནས་དག་གཙང་བྱས་ལྟ་བུ། 2.གདུག་པའི་སྐུལ་ཚིག་ལ་བདུགས་ཞེས་འབྲི་བའང་ཡོད། |
| བདུགས་པ |
བདུག་པའི་འདས་པའི་བྱ་མིང། |
| བདུང |
(བྱེད་འབྲེལ་ལས་ཚིག) བདུངས་པའི་མ་འོངས་པ་དང་ད་ལྟ་བ། གཞུ་རྒྱུད་འཐེན་པའི་དོན་ཏེ། (དཔེར་ན།) བདུང་བྱའི་གཞུ། གཞུ་བདུང་མཁན་ཞེས་པ་ལྟ་བུ། |
| བདུངས |
(བྱེད་འབྲེལ་ལས་ཚིག) བདུང་བའི་འདས་པ་དང་སྐུལ་ཚིག (དཔེར་ན།) གཞུ་བདུངས་ནས་མདའ་འཕངས། གཞུ་བདུངས་ཤིག་ལྟ་བུ། |
| བདུངས་པ |
བདུང་བའི་འདས་པའི་བྱ་མིང། |
| བདུད |
1.སེམས་ཅན་ལ་གནོད་འཚེ་དང་དགེ་བ་ལ་བར་ཆད་བྱེད་མཁན། འདོད་ལྷ་རིགས་དྲུག་གི་ནང་གསེས་ཤིག (དཔེར་ན།) བདུད་ཀྱིས་བརླམས་པ། བདུད་སྟོབས་ཐམས་ཅད་ལས་རྣམ་པར་རྒྱལ་བ། བདུད་ཕྱིར་རྒོལ་བ། བདུད་ཀྱིས་མི་བསྐྱོད་པ་ཞེས་པ་ལྟ་བུ། 2.གནོད་པ་བྱེད་མཁན་དང་གསོད་མཁན་གྱི་མིང་། (དཔེར་ན།) བྱི་ལ་བྱི་བའི་བདུད་ཡིན། ཆུ་སྲམ་ཉ་མོའི་བདུད་ཡིན་ལྟ་བུ། 3.(མངོན་བརྗོད།) བདུད་ལ་ལྷའི་བུ་དང༌། ཉོན་མོངས་པ། འཆི་བདག་ཕུང་པོ་བཅས་བཞི་ཡོད་པས་གྲངས་བཞི་མཚོན། |
| བདུད་ཀྱི་གནས |
གཞན་འཕྲུལ་དབང་བྱེད་དེ། འདོད་ལྷ་རིགས་དྲུག་གི་ནང་ཚན་ཞིག |
| བདུད་ཀྱི་དགའ་མ |
(མངོན་བརྗོད།) བདུད་ཀྱི་ཆུང་མ། |
| བདུད་ཀྱི་དགྲ |
(མངོན་བརྗོད།) སངས་རྒྱས་ཀྱི་མཚན་ཞིག |
| བདུད་ཀྱི་བདག |
བདུད་ཀྱི་རྒྱལ་པོ། |
| བདུད་ཀྱི་བདུད |
(མངོན་བརྗོད།) སངས་རྒྱས་ཀྱི་མཚན་བྱེ་བྲག་པ། |
| བདུད་ཀྱི་རིས |
བདུད་ཀྱི་སྡེ། |
| བདུད་དགའ་རབ་དབང་ཕྱུག |
འདོད་ལྷའི་རྒྱལ་པོ། |
| བདུད་དཔུང |
བདུད་ཀྱི་དམག་དཔུང་ངམ་སྡེ། |
| བདུད་ཕྱིར་རྒོལ་བ |
བདུད་ཀྱི་གནོད་པ། |
| བདུད་བཞི |
ཉོན་མོངས་པའི་བདུད་དང༌། ཕུང་པོའི་བདུད། འཆི་བདག་གི་བདུད། ལྷའི་བུ་ཡི་བདུད་དེ་བཞི། |
| བདུད་བྲལ་མ |
ལུས་རྩའི་བྱེ་བྲག་ཅིག |
| བདུད་བློན |
གནོད་པ་བྱེད་མཁན་གྱི་བློན་པོ། |
| བདུད་མོ |
གཞན་ལ་གནོད་སེམས་ཅན་གདོན་འདྲེའི་རིགས་སུ་གཏོགས་པའི་བུད་མེད། |
| བདུད་ཞུགས |
བདུད་ཁོང་དུ་ཞུགས་པའམ་འཛུལ་བ་སྟེ། (དཔེར་ན།) སེམས་ལ་བདུད་ཞུགས་ཏེ་སྨྱོས་པ་ཞེས་པ་ལྟ་བུ། |
| བདུད་འཇོམས |
(མངོན་བརྗོད།) 1>ཉིན་མོ། 2>ཨུ་དུམ་བཱ་ར། |
| བདུད་འཇོམས་ཉིན |
(མངོན་བརྗོད།) ཉིན་མོ། |
| བདུད་འདུལ |
1.(མངོན་བརྗོད།) སངས་རྒྱས་སྤྱི། 2.བདུད་འཇོམས་པའི་དོན། |
| བདུད་འདུལ་གདན |
(མངོན་བརྗོད།) རྩྭ་ཀུ་ཤ། |
| བདུད་རྒྱལ |
བདུད་ཀྱི་རྒྱལ་པོ། |
| བདུད་རྩི |
1.འཆི་མེད་དེ་འཆི་བ་འཇོམས་བྱེད་ཀྱི་རྫས་ཤིག། (དཔེར་ན།) དམ་ཆོས་བདུད་རྩི་སྩལ་གསོལ་ཞེས་པ་ལྟ་བུ། 2.སྨན་གྱི་སྐབས་སུ་བདུད་ཅེས་སྐྱེས་བུའི་ཚེ་སྲོག་ལ་གནོད་པར་བྱེད་པའི་ནད་དང༌། རྩི་ཞེས་སེམས་ཅན་སྤྱི་མཐུན་གྱི་བསོད་ནམས་ལས་བྱུང་བའི་ནད་ཀྱི་ཟུག་རྔུ་འཇོམས་བྱེད་ཀྱི་གཉེན་པོ་སྨན། (དཔེར་ན།) བདུད་རྩི་ལྔ་ལུམ། བདུད་རྩི་རིལ་དཀར། བདུད་རྩི་ད་ལིས་ཞེས་པ་ལྟ་བུ། 3.འཇིག་རྟེན་གཏམ་རྒྱུད་ལ་གྲགས་པའི་བཏུང་བ་མཆོག་ཏུ་གྱུར་པ་ཞིག་གི་མིང་། 4.ཆང་གི་མིང་གཞན། |
| བདུད་རྩི་གངས་ཤམ |
སྔོ་སྨན་གྱི་རིགས་ཏེ། རོ་མངར་ལ་ཁ་བ། ཞུ་རྗེས་བསིལ། ནུས་པས་གློ་ནད་གསོ། ཚད་པ་འཇོམས། མིང་གི་རྣམ་གྲངས་ལ་ཁྲབ་ཅན་འཁོར་ལོ་བརྩེགས་པ་དང༌། གྲངས་བཅུད་འཛིན་པ། བློན་པོ་དར་ཐོད་ཅན། ཤང་ལེན་སྨུག་པོ་བཅས་སོ། ། |
| བདུད་རྩི་གཏེར་མཛོད |
རབ་བྱུང་བདུན་པའི་མཇུག་ཏུ་ཟུར་མཁར་མཉམ་ཉིད་རྡོ་རྗེས་དྭགས་ཀོང་ཕྱོགས་ཀྱི་སྨན་པ་རྣམས་བསྡུས་ཏེ་བཀའ་བགྲོས་ནས་བརྩམས་པའི་སྨན་གྱི་དུག་འདོན་དང༌། ངར་འདོན། རྣོ་འདོན་སོགས་གསལ་བར་འཁོད་པའི་གཞུང་ཞིག |
| བདུད་རྩི་གསེར་ལྡན |
(མངོན་བརྗོད།) ཨ་རུ་རའི་ཤིང༌། |
| བདུད་རྩི་བུམ་ཆེན |
དུས་རབས་བརྒྱད་པའི་ནང་ཨོ་རྒྱན་གྱི་སློབ་དཔོན་ཆེན་པོ་པདྨ་འབྱུང་གནས་ཀྱིས་མཛད་པའི་གཉན་ནད་ཀྱི་བཅོས་ཐབས་ཟབ་མོ་ཞིག་ཁོང་གིས་མ་འོངས་པར་ཕན་པའི་སླད་དུ་གཏེར་དུ་སྦས་པ་ལས་ཕྱིས་སུ་གཏེར་སྟོན་རྡོར་འབུམ་ཆོས་ཀྱི་གྲགས་པས་བྱང་སྤྲ་དུན་རྩེའི་རྟ་མགྲིན་དྲེགས་པ་ཟིལ་གནོན་གྱི་ཐུགས་ཀ་ནས་གཏེར་བཏོན་པའི་སྨན་གྱི་རྒྱུད་གཞུང་ཆེན་པོ་ཞིག |
| བདུད་རྩི་བུམ་བཟང |
1.རབ་བྱུང་བཅུ་གཉིས་པའི་ནང་བཀྲ་འབུམ་པས་མཛད་པའི་ནད་སྨན་སྤྲད་པའི་ཉམས་ཡིག་ཅིག 2.བདུད་རྩི་བུམ་ཆེན་གྱི་མཚན་གཞན། 3.རབ་བྱུང་བཅུ་དྲུག་པའི་ནང་སྨན་རྩིས་འགོ་འཛིན་མཁྱེན་རབ་ནོར་བུས་མཛད་པའི་སྨན་གྱི་སྦྱོར་ཚད་སོགས་གསལ་བའི་བསྡུ་སྦྱོར་སྐོར་ཞིག |
| བདུད་རྩི་ཞག |
འབྲུ་མར་དང་འདྲ་བའི་སེམས་ཅན་ལྔའི་ཞག ཉ་དང༌། ཆུ་སྲིན། རི་བོང༌། དོམ། ཕག་བཅས་ཀྱི་ཚིལ་བཞུས་པའི་ཞག་བསྐོལ་ཞིང་བཙགས་པ་ཞུན་མར་དང་འདྲ་བ། འདུལ་བ་ལས་བཤད་པའི་ཞག་བདུན་པའི་སྨན་གྱི་བྱེ་བྲག་ཅིག |
| བདུད་རྩི་ཟས |
1.སྔར་རྒྱ་གར་གྱི་རྒྱལ་པོ་སེང་གེ་འགྲམ་གྱི་བུ་བཞིའི་གཅིག་སྟེ། སངས་རྒྱས་ཤཱཀྱ་མུ་ནེའི་ཁུ་བོ་ཞིག 2.(མངོན་བརྗོད།) ལྷ། |
| བདུད་རྩི་ཟེགས་པ |
(མངོན་བརྗོད།) ཟླ་བའི་འོད་ཟེར། |
| བདུད་རྩི་འཁྱིལ་པ |
ཁྲོ་རྒྱལ་གྱི་བྱེ་བྲག་ཅིག |
| བདུད་རྩི་འབེབས་སྦྱངས |
བླ་མ་རྡོ་རྗེ་སེམས་དཔའི་སྐུ་ལས་ཡེ་ཤེས་ཀྱི་བདུད་རྩིའི་རྒྱུན་བབས་ཏེ་སྡིག་སྒྲིབ་སྦྱོང་བར་བསྒོམ་པ། |
| བདུད་རྩི་འཛག |
(མངོན་བརྗོད།) ལྕེ། |
| བདུད་རྩི་འོད་ལྡན |
1.སྔོ་སྨན་རྟག་ཏུ་ངུའི་མིང་གཞན། 2.(མངོན་བརྗོད།) ཟླ་བ། |
| བདུད་རྩི་ལོ་མ |
ཁ་སྟོད་སྤང་ལ་སྐྱེས་པའི་འཛིན་པ་མེ་ཏོག་དཀར་ཉམས་ཅན་འཆར་བའི་ལོ་མ་རོ་ཁ། ཞུ་རྗེས་བསིལ། ནུས་པས་རིམས་ཚད་དང༌། གཉན་ཚད་སོགས་ལ་ཕན། |
| བདུད་རྩི་ལྔ |
གསང་སྔགས་ཀྱི་ནང་མཆོད་ཀྱི་རྫས་སུ་འགྲོ་བའི་དྲི་ཆེན་དང༌། དྲི་ཆུ། རཀྟ། མཾ་ས། རྡོ་རྗེའི་ཟིལ་པ་བཅས་སོ། ། |
| བདུད་རྩི་ལྔ་འབབ་པའི་རྩ |
ལུས་རྩའི་བྱེ་བྲག་ཅིག |
| བདུད་རྩི་སྐྱེས |
(མངོན་བརྗོད།) 1>བྱ་ཁྱུང༌། 2>ལྷ་སྤྱི། |
| བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད |
བདུད་རྩི་སྙིང་པོ་དཔེ་དང་དགོས་པ། ཡན་ལག་བརྒྱད་པ་བརྗོད་བྱའི་དོན། གསང་བ་མན་ངག་གི་རྒྱུད་ཅེས་རྗོད་བྱེད་ཀྱི་མཚན་བསྟན་པ་གསོ་བ་རིག་པའི་དཔལ་ལྡན་རྒྱུད་བཞིའི་དཔེ་དང་དགོས་པ་བརྗོད་བྱ་རྗོད་བྱེད་སོགས་ལ་ལྟོས་ནས་བཏགས་པའི་མཚན་ཞིག |
| བདུད་རྩི་སྣ་ལྔ |
བདུད་རྩི་ལྔ་དང་དོན་གཅིག |
| བདུད་རྩི་སྤྲོ |
(མངོན་བརྗོད།) ཟླ་བ། |
| བདུད་རྩིའི་ཁང་པ |
(མངོན་བརྗོད།) དབེན་གནས་དང་རི་ཁྲོད། |
| བདུད་རྩིའི་མཚན |
(མངོན་བརྗོད།) ཟླ་བ། |
| བདུད་རྩིའི་ཟས |
ལུས་འཚོ་བྱེད་དུ་གྱུར་ཅིང་ཁམ་གྱི་ཟས་རགས་པ་མིན་པ་སྟེ་ཟས་ཀྱི་དྭངས་མ། |
| བདུད་རྩིའི་ཟས་ཅན |
(མངོན་བརྗོད།) 1>སྒྲ་གཅན་འཛིན། 2>ལྷ་རྣམས། |
| བདུད་རྩིའི་ཟས་མཆོག |
འཆི་བ་མེད་པའི་བདུད་རྩི། |
| བདུད་རྩིའི་ཟེགས་མ |
1.སྨན་སོགས་ཀྱི་བཅུད་བཟང་པོའི་ཐིགས་པ་ཕྲ་མོ། 2.(མངོན་བརྗོད།) ཟླ་འོད། |
| བདུད་རྩིའི་འབྱུང་གནས |
(མངོན་བརྗོད།) ཟླ་བ། |
| བདུད་རྩིའི་འོད |
(མངོན་བརྗོད།) ཟླ་བ། |
| བདུད་རྩིའི་རིལ་བུ |
སྨན་སྔགས་ཀྱིས་བསྒྲུབས་པའི་དམ་རྫས་ཤིག |
| བདུད་རྩིའི་རྟེན |
(མངོན་བརྗོད།) ཁ། |
| བདུད་རྩིའི་སྙིང་པོ |
1.ཉིང་ཁུ། 2.ཕབས་རྩི། 3.(མངོན་བརྗོད།) ཆང་གི་ཉིང་ཁུ། |
| བདུད་ལ་ལྷར་བསམ |
རང་ལ་གནོད་སྐྱེལ་མཁན་གྲོགས་པོར་བརྩི་བ། |
| བདུད་ལ་སྐྱེངས་སྟེར |
(མངོན་བརྗོད།) བསྟན་མ། |
| བདུད་ལས་རྒྱལ་བ |
(མངོན་བརྗོད།) 1>ཉི་མ། 2>སངས་རྒྱས། |
| བདུད་ལྔ་པ |
(མངོན་བརྗོད།) ལྷའི་བུའི་བདུད་དམ། བདུད་དགའ་རབ་དབང་ཕྱུག |
| བདུད་སྡིག་ཅན |
(མངོན་བརྗོད།) 1>འདོད་ལྷ། 2>བདུད་དགའ་རབ་དབང་ཕྱུག |
| བདུད་སྲིན |
གནོད་བྱེད་མཁན་དང༌། མི་ཤ་ཟ་མཁན་སྲིན་པོ་གཉིས་ཀྱི་བསྡུས་མིང༌། |
| བདུན |
དྲུག་ལ་གཅིག་བསྣན་པའི་གྲངས་ཀ |
| བདུན་གཅིག |
བདུན་ཕྲག་གཅིག་གམ་བདུན་ཚར་གཅིག |
| བདུན་གྱི་བདུན་པ |
གཟའ་སྤེན་པ། |
| བདུན་པ |
1.བླ་གོས། 2.ཨང་བདུན་པ། |
| བདུན་པོ |
གྲངས་བདུན་རེ་ཡོད་པའི་ཚན་པ། |
| བདུན་ཕྲག |
བདུན་ཚར། |
| བདུན་ཕྲག་བདུན |
བདུན་བདུན་བཞི་བཅུ་ཞེ་དགུ། |
| བདུན་བརྒྱད་འགྲོ |
(ཡུལ་སྐད།) སྔར་འབྲུ་ཁལ་བདུན་རེར་ལོ་སྐྱེད་ཁལ་གཅིག་རེ་བསྣན་པས་ཁལ་བདུན་ཁལ་བརྒྱད་དུ་འགྲོ་བའི་བུ་ལོན་གཏོང་སྲོལ་ཞིག |
| བདུན་བསྟོད |
(མངོན་བརྗོད།) རྐང་གདུབ། |
| བདུན་མཐོ་བའི་མཚན་བཟང |
བཟའ་བཏུང་རྒྱ་ཆེན་པོ་བྱིན་པས་ཕྱག་ཞབས་ཀྱི་རྒྱབ་བཞི་དང༌། ཕྲག་གོང་གཉིས་དང༌། ལྟག་པ་སྟེ་བདུན་རྣམས་ཤས་ཁེངས་པ། |
| བདུན་ཚར་གཅིག |
བདུན་ཚན་གྱི་གྲངས་ངེས་བཟུང༌། |
| བདུན་ཚིག |
ཡིག་འབྲུ་བདུན་རེ་རྐང་པར་བཅད་པའི་ཚིག |
| བདུན་ཚིགས |
མི་ཤི་ནས་ཞག་བདུན་རེ་ལ་དགེ་རྩ་རེ་སྒྲུབ་པའི་དུས་ཚིགས་ཏེ་རྒྱ་བཟའ་ཀོང་ཇོ་ཕྱི་མས་སྲོལ་བཏོད་པའི་ལུགས་སྲོལ་ཞིག |
| བདུན་ཚིགས་བཟུང་བ |
མི་ཤི་ནས་བདུན་ཕྲག་བདུན་གྱི་རིང་བདུན་ཕྲག་ནམ་ཤར་ལ་མཆོད་པ་འབུལ་བའི་མིང༌། |
| བདུན་ཟུར |
1.དགྲ་ཟླའམ་ཤིན་ཏུ་མི་མཐུན་པ། 2.བྱི་བ་སོགས་ཀྱི་ལོ་སྐོར་བཅུ་གཉིས་པོ་རང་གི་བདུན་པ་གང་ཡིན་དེ་ནི་བདུན་ཟུར་ཏེ། དཔེར་ན། བྱི་བའི་བདུན་ཟུར་རྟ་དང་རྟའི་བདུན་ཟུར་བྱི་བ་ཡིན་པ་བཞིན། |
| བདུན་རྣམ་དག |
བཤགས་པ་དང༌། ཡི་རང༌། དོན་དམ་སེམས་བསྐྱེད་པ། སྐྱབས་འགྲོ། སྨོན་སེམས་བསྐྱེད་པ། འཇུག་སེམས་བསྐྱེད་པ། བསྔོ་བ་སྟེ་བདུན། |
| བདུན་སྐྱེད |
(ཡུལ་སྐད།) སྔར་དངུལ་སྲང་ལྔ་བཅུ་ཐམ་པ་རེར་ལོ་སྐྱེད་སྲང་བདུན་རེ་ལེན་པའི་བུ་ལོན་གཏོང་སྲོལ་ཞིག |
| བདེ |
(རྒྱན་ཚིག) 1>ནད་ཞི་བའམ་ནད་མེད་པའི་དོན་ཏེ། (དཔེར་ན།) ལུས་བདེ། ཁམས་བདེ། ཕུང་ཁམས་བདེ་བའི་ངང་ནས་ངལ་རྩོལ་བྱས་ལྟ་བུ། 2>དམག་འཁྲུག་དང་གནོད་འཚེ་མེད་པའི་དོན་ཏེ། (དཔེར་ན།) ཡུལ་གྲུ་བདེ། དུས་བདེ་གནས་འཇམ་ཞེས་པ་ལྟ་བུ། 3>སེམས་བག་ཕབ་པའི་དོན་ཏེ། (དཔེར་ན།) ལོ་ཡག་བྱུང་བས་བློ་བདེ། བློ་བདེ་བག་ཕབ་ཅེས་པ་ལྟ་བུ། 4>འོས་ཤིང་འཚམས་པའི་དོན་ཏེ། (དཔེར་ན།) མལ་བདེ། རས་ལྷམ་རྐང་བར་བདེ། རས་ལྭ་ལུས་ལ་བདེ་ལྟ་བུ། 5>མཁས་པའམ་ནུས་མཐུ་ཡོད་པའི་དོན་ཏེ། (དཔེར་ན།) བཟོ་སྐྲུན་བྱེད་པར་ལག་བདེ་བ། སྐད་ཆ་བཤད་ན་ཁ་བདེ་བ་ཞེས་པ་ལྟ་བུ། 6>ངོས་སྙོམ་པོ་ཡིན་པའི་དོན་ཏེ། (དཔེར་ན།) ས་བདེ་ཐང་། བདེ་འགྲོ། ལམ་བདེ་མོ། ས་ཞིང་བདེ་མོ་ཞེས་པ་ལྟ་བུ། 7>གནོད་འཚེ་དང་ནད་ཡམས་སོགས་མེད་པའི་གནས་ཚུལ་ཏེ། (དཔེར་ན།) ཐམས་ཅད་བདེ་མོ་ཡིན། ཐམས་ཅད་འཚམས་ཤིང་བདེ་ཞེས་པ་ལྟ་བུ། |
| བདེ་ཁང |
རྩེག་རིམ་མེད་པའི་ཁང་བའི་མིང་། |
| བདེ་གཟར |
འཁྲུག་ལོང་སོགས་ཡུལ་ཁམས་མི་བདེ་བའི་ཟིང་ཆའི་དོན་ཏེ། (དཔེར་ན།) ཡུལ་ཁམས་གློ་བུར་ལྷགས་པའི་བདེ་གཟར་ལྷིང་འཇགས་སུ་བཏང་ཞེས་པ་ལྟ་བུ། |
| བདེ་གཤེགས |
བདེ་བར་གཤེགས་པའི་བསྡུས་ཚིག |
| བདེ་གཤེགས |
1.བདེ་བར་གཤེགས་པ་ཞེས་པའི་ཚིག་བསྡུས་པ། 2.སངས་རྒྱས་ཀྱི་མིང་གཞན། 3.སྐྱེས་བུ་རླབས་ཆེན་གཤེགས་རྗེས་ཞེ་ས་བྱེད་པ། |
| བདེ་གཤེགས་མཆེད་བརྒྱད |
སྨན་བླ་བདེ་གཤེགས་མཆེད་བརྒྱད་དེ། མཚན་ལེགས་དང༌། རིན་ཆེན། གསེར་བཟང༌། མྱ་ངན་མེད། ཆོས་གྲགས། མངོན་མཁྱེན། སྨན་གྱི་བླ། ཤཱཀྱ་ཐུབ་པ་རྣམས་སོ། ། |
| བདེ་གཤེགས་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག སྟོན་པ་ཤཱཀྱ་ཐུབ་པ་སྐུ་བལྟམས་པའི་ཚེ་གྲོང་ཁྱེར་སེར་སྐྱར་བཞེངས་པ། མཆོད་རྟེན་ཟླུམ་པོ་པདྨའི་འདབ་མ་ཅན་གྱི་བང་རིམ་བཞིའམ་བདུན་བརྩེགས་པ་པད་འདབ་ཀྱིས་སྤྲས་པའི་མཆོད་རྟེན། |
| བདེ་གཤེགས་རྒྱ་བོ་པ |
ཟུར་ཆུང་ཤེས་རབ་གྲགས་ཀྱི་མཚན་གཞན་ཞིག |
| བདེ་གཤེགས་སྙིང་པོ |
སེམས་ཅན་ཐམས་ཅད་ཀྱི་རྒྱུད་ལ་ཡེ་ནས་གནས་པའི་གཞི་རྒྱུད་བདེ་བར་གཤེགས་པའི་སྙིང་པོ་ངོ་བོ་སྟོང་པ་རང་བཞིན་གསལ་བ་ཐུགས་རྗེ་ཀུན་ཁྱབ་ཀྱི་བདག་ཉིད་ཅན། |
| བདེ་གཤེགས་སྙིང་པོའི་ཆོས་དྲུག |
གཟུང་འཛིན་ལ་སོགས་པའི་རྟོག་པ་མེད་པ། རྣམ་པར་མི་རྟོག་པའི་སྣང་བ་མེད་པ། རྡུལ་ཕྲ་རབ་ཀྱི་གཟུགས་མེད་པ། མཚན་མའི་གཡོ་བ་མེད་པ། དེ་རྣམས་ཀྱིས་སྟོང་པའི་མེད་དགག་ལས་འདས་པའི་རང་བཞིན་འོད་གསལ་བ། རང་གི་ངོ་བོ་སོ་སོ་རང་གིས་རིག་པའི་མཚན་ཉིད་ཅན་ནོ། ། |
| བདེ་གཤེགས་སྨན་བླ་བཻཌཱུརཡའི་འོད་ཀྱི་རྒྱལ་པོ |
སངས་རྒྱས་སྨན་གྱི་བླ་སྟེ་བདེ་གཤེགས་མཆེད་བརྒྱད་ཀྱི་ནང་གསེས་ཤིག |
| བདེ་ཅག་འཁྱུག་པོ |
གཟུགས་པོ་ལྗིད་ཉམས་མེད་པའི་ཡང་ཤ་དོད་པོའམ་ལུས་ཟོར་ཡང་པོའི་དོན་ཏེ། (དཔེར་ན།) སྤྲེའུ་བཞིན་དུ་བདེ་ཅག་འཁྱུག་པོ་འདུག་ཅེས་པ་ལྟ་བུ། |
| བདེ་ཆམ་མེ་བ |
1.བདེ་ཉམས་འཆར་ཚུལ་ཞིག་སྟེ། (དཔེར་ན།) ལུས་སེམས་བདེ་ཆམ་མེ་བ་བྱས་བྱུང༌ཞེས་པ་ལྟ་བུ། 2.བདེ་ལྷང་ངེའམ་བདེ་ཤིག་གེའི་དོན་ཏེ། (དཔེར་ན།) སྡུག་བསྔལ་ལས་གྲོལ་ནས་བདེ་ཆམ་མེ་བར་གནས་འདུག་ཅེས་པ་ལྟ་བུ། |
| བདེ་ཆས |
སྟབས་བདེའི་ཆས་གོས། |
| བདེ་ཆེན |
1.ས་མིང་ཞིག སྟག་རྩེ་རྫོང་གི་གནས་ཡུལ་དེ་ཡིན། 2.ཁམས་བདེ་ཆེན་ས་ཁུལ་གྱི་མིང་། ཁུལ་འདིའི་གཞོགས་ཤར་དུ་འབྲི་ཆུ་དང་ནུབ་ཏུ་ཟླ་ཆུ་འབབ། ཁུལ་དེའི་ཁོངས་སུ་འཇོལ་དང་འབའ་ལུང༌། རྒྱལ་ཐང་བཅས་ཡོད་ཅིང༌། 3.ལྷན་ཅིག་སྐྱེས་པའི་ཡེ་ཤེས་ཀྱི་བདེ་བའོ། ། |
| བདེ་ཆེན་གླིང |
ཁམས་འཇོལ་ཡུལ་དུ་ཡོད་པའི་དགེ་ལུགས་པའི་དགོན་པ་ཞིག |
| བདེ་ཆེན་ཕྱག་རྒྱ་ཆེན་པོ |
བཀའ་བརྒྱུད་པའི་ཉམས་ལེན་གྱི་མཐིལ་གྲོལ་ལམ་ཕྱག་རྒྱ་ཆེན་པོ་ཡུལ་རྣམ་པ་ཀུན་ལྡན་གྱི་སྟོང་པ་ཉིད་དང་ཡུལ་ཅན་འགྱུར་མེད་ཀྱི་བདེ་བ་ཆེན་པོ་གཉིས་དབྱེར་མེད་ཟུང་འཇུག་ཏུ་སྦྱོར་བའོ། ། |
| བདེ་ཆེན་ཞིང |
ནུབ་བདེ་བ་ཅན་གྱི་ཞིང་ཁམས་ཏེ་སངས་རྒྱས་འོད་དཔག་མེད་ཀྱི་ཞིང་ཁམས། |
| བདེ་ཆེན་འཁོར་ལོ |
སྤྱི་བོའི་རྩ་འཁོར། |
| བདེ་ཉོ་དྲང་ཚོང |
ཚུར་རིན་གོང་བདེ་པོ་བྱས་ཏེ་ཉོ་བ་དང་ཕར་དྲང་པོ་བྱས་ཏེ་འཚོང་བ། |
| བདེ་ཐང |
གཟུགས་པོ་ནད་མེད་ཀྱི་དོན་ཏེ། (དཔེར་ན།) བདེ་ཐང་སྟོབས་ལྡན། གཟུགས་གཞི་ནད་མེད་བདེ་ཐང་གི་སྐབས་སུ་ལས་ཀ་བྱེད་པར་སྣང་དག་མེད་ཅེས་པ་ལྟ་བུ། |
| བདེ་དགའ |
ལུས་ཁམས་དྭངས་ཤིང་སེམས་སྤྲོ་བ། |
| བདེ་དོག |
བཟང་ངན་ནམ། བདེ་སྡུག་གི་བསྡུས་ཚིག (དཔེར་ན།) ཁོང་ཚོ་དང་མཇལ་འཛོམས་བྱུང་འཕྲལ་སྐུ་ཁམས་ཀྱི་གནས་ཚུལ་བདེ་དོག་གང་ཡོད་འཚམས་འདྲི་ཞུས་པ་ཡིན་ཞེས་པ་ལྟ་བུ། |
| བདེ་པོ |
སྐྱིད་པོ་དང༌། བྱང་གོམས་ཆེ་བ། ལས་སླ་བ་སོགས་ཀྱི་དོན་དུ་གོ་བའི་བདེ་བ་དང་དོན་གཅིག |
| བདེ་བ་ཅན |
འོད་དཔག་མེད་ཀྱི་ཞིང་ཁམས། |
| བདེ་བ་ཅན་གྱི་བཀོད་པ |
ཤོ་ལོ་ཀ་སུམ་ཅུ་པ་པཎྜིཏ་དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པ། |
| བདེ་བ་ཆེན་པོའི་ཏིང་ངེ་འཛིན |
ཟག་མེད་བདེ་སྟོང་གི་ཡེ་ཤེས་སྒོམ་པའི་ཏིང་ངེ་འཛིན། |
| བདེ་བ་ཉམས་སུ་མྱོང་བ |
དགའ་སྐྱིད་ལ་ལོངས་སྤྱོད་པའི་དོན་ཏེ། (དཔེར་ན།) རྟེན་འབྲེལ་དགའ་སྟོན་གྱི་བདེ་བ་ཉམས་སུ་མྱོང་བ། ལྷ་མིའི་བདེ་བ་ཉམས་སུ་མྱོང་བ། རང་དབང་ལ་དགའ་མགུར་ལོངས་སྤྱོད་པའི་བདེ་བ་ཉམས་སུ་མྱོང་ཞེས་པ་ལྟ་བུ། |
| བདེ་བ་བརྙེས་པ |
(མངོན་བརྗོད།) སངས་རྒྱས། |
| བདེ་བགྲོད |
ལམ་དུ་བར་ཆད་མེད་པར་ཐར་བའི་དོན་ཏེ། (དཔེར་ན།) ཐག་རིང་ལམ་བར་ལ་ཆུ་འཕྲང་གསུམ་བདེ་བགྲོད་ཐུབ་ཅེས་པ་ལྟ་བུ། |
| བདེ་བར་གཤེགས་པ |
སངས་རྒྱས་ཏེ། ལམ་བདེ་བ་བྱང་ཆུབ་སེམས་དཔའི་ཐེག་པ་ལ་བརྟེན་ནས་འབྲས་བུ་བདེ་བ་རྫོགས་པའི་སངས་རྒྱས་ཀྱི་སར་གཤེགས་པས་བདེ་གཤེགས་ཞེས་བྱའོ། ། |
| བདེ་བརྗོད |
བཀྲ་ཤིས་པའི་ཚིག |
| བདེ་བྱེད |
(མངོན་བརྗོད།) 1>ཀླུ། 2>གུར་ཀུམ། 3>བརྒྱ་བྱིན་མཚོན་ཆ། 4>ཆུ་སྲིན་གྱི་བྱེ་བྲག་ཅིག 5>ཕོ་རྟགས། 6>དབང་ཕྱུག 7>སྨན་པ། 8>སོས་ཀའི་དུས། 9>ཧོང་ལེན། 10>ཨ་རུ་ར། 11>ལྷ་དབང་ཕྱུག་ཆེན་པོའི་མིང་གི་རྣམ་གྲངས་ལ་མ་སྐྱེས་རྐང་གཅིག་དང༌། འཕེལ་བ། བསྟོད་པ། དྲག་པོ། བརྩོན་འགྲུས་ལྡན། འཕྲོག་བྱེད། བདེ་འབྱུང༌། སྤྱན་གསུམ། གཞན་ལས་རྒྱལ་བ། དབང་ལྡན། ས་གསུམ་བཅས་བཅུ་གཅིག་ཡོད་པས་གྲངས་བཅུ་གཅིག་མཚོན། |
| བདེ་བྱེད་དུས |
(མངོན་བརྗོད།) དཔྱིད་དུས། |
| བདེ་བླག |
ལས་སླ་པོའམ་མྱུར་བའི་དོན་ཏེ། (དཔེར་ན།) ལས་ཀ་གོམས་ན་བདེ་བླག་ཏུ་སྒྲུབ་ཐུབ། ཚུར་ཡོང་སྐབས་ལམ་བར་དུ་དཀའ་ཚེགས་མེད་པར་བདེ་བླག་ཏུ་བགྲོད་པ། བྱ་བའི་འཇུག་ལྡོག་ལ་དཀའ་བ་མེད་པར་བདེ་བླག་ཏུ་སྤྱོད་ཅེས་པ་ལྟ་བུ། |
| བདེ་མཆོག |
བདེ་བ་ཆེན་པོའི་ཡེ་ཤེས་མངོན་དུ་བརྙེས་པར་བྱེད་པའི་ལམ་དང༌། འབྲས་བུའི་རིམ་པ་སྟོན་པའི་བླ་མེད་མ་རྒྱུད་ཀྱི་རྒྱུད་གཞུང་དང༌། དེའི་ཡི་དམ་ཞིག མིང་གི་རྣམ་གྲངས་ལ་མཁའ་འགྲོའི་དབང་དང༌། འཁོར་ལོ་སྡོམ་པ། ཐོད་པ་ཅན། རྡོ་རྗེ་འཁོར་ལོ། དཔའ་བོ་རྡོ་རྗེ། ཟླ་བའི་ཅོད་པན། རི་ཁྲོད་པ་བཅས་སོ། ། |
| བདེ་མཆོག་གི་རྫོགས་རིམ་རིམ་ལྔ |
བདག་བྱིན་རླབས་ཀྱི་རིམ་པ་དང༌། སྣ་ཚོགས་རྡོ་རྗེའི་རིམ་པ། ནོར་བུ་འགེངས་པའི་རིམ་པ། ཛ་ལནྡྷ་རིའི་རིམ་པ། བསམ་མི་ཁྱབ་ཀྱི་རིམ་པ་བཅས་ལྔའོ། ། |
| བདེ་མཆོག་ཕྱག་གཉིས་པ |
གསང་སྔགས་ཀྱི་ཡི་དམ་ཞིག |
| བདེ་མཆོག་རྡོ་རྗེ་སེམས་དཔའ |
བདེ་མཆོག་གི་ལྷ་སྟེ་ཡི་དམ་ཞིག |
| བདེ་མཆོག་ལྷན་སྐྱེས |
བདེ་མཆོག་ཡབ་ཡུམ། |
| བདེ་མཆོག་སྙན་བརྒྱུད |
མི་ལ་རས་པ་ནས་བརྒྱུད་པའི་བདེ་མཆོག་གི་གདམས་ངག་ཟབ་མོ་ཞིག |
| བདེ་མིན |
(མངོན་བརྗོད།) དམྱལ་བ། |
| བདེ་མེད |
(མངོན་བརྗོད།) དམྱལ་བ། |
| བདེ་མོ |
གཟུགས་པོ་ནད་མེད་ཅིང་ཐང་པོའི་དོན་ཏེ། (དཔེར་ན།) ཉེ་ཞོ་མེད་པར་བདེ་མོར་སླེབས་པ། མ་མཇལ་བར་དུ་བདེ་མོར་བཞུགས་ཞེས་པ་ལྟ་བུ། |
| བདེ་ཞིབ་ལས་ཁུངས |
སྔར་དགའ་ལྡན་ཕོ་བྲང་གི་ལས་ཁུངས་ཤིག་སྟེ་མི་སེར་གྱི་འཚོ་བར་ལྟ་རྟོག་བྱེད་མཁན། |
| བདེ་འགྲོ |
ལྷ་མི་གཉིས། |
| བདེ་འགྲོ་གསུམ |
ལྷ་དང༌། མི་དང༌། ལྷ་མ་ཡིན་བཅས་གསུམ། |
| བདེ་འགྲོ་མཐོ་རིས |
ལྷ་མི་གཉིས་པོ། |
| བདེ་འགྲོ་ཚིགས་བཟང |
(མངོན་བརྗོད།) ལྷ། |
| བདེ་འགྲོའི་ལམ |
(མངོན་བརྗོད།) དགེ་བ། |
| བདེ་འཇགས |
དུས་བདེ་ཞོད་འཇགས་སམ། བདེ་སྐྱིད་ལྷིང་ཆགས་པའི་དོན་ཏེ། (དཔེར་ན།) ཟིང་འཁྲུག་མེད་པའི་བདེ་འཇགས་ཀྱི་དུས་བྱུང་བ། བདེ་འཇགས་སྐྱོང་བ། ཟིང་འཁྲུག་རྙོག་དྲའི་རྒྱུན་བཅད་ནས་བདེ་འཇགས་བསྐྲུན་ཅེས་པ་ལྟ་བུ། |
| བདེ་འཐུང |
(མངོན་བརྗོད།) 1>གློག 2>བདུད་རྩི། |
| བདེ་འབྱིན |
(མངོན་བརྗོད།) དགེ་བ། |
| བདེ་འབྱུང |
1.བདེ་བའི་འབྱུང་གནས། 2.(མངོན་བརྗོད།) 1>བཞད་གད། 2>དབང་ཕྱུག་ཆེན་པོ། 3>ལྷ་དབང་ཕྱུག་ཆེན་པོའི་མིང་གི་རྣམ་གྲངས་ཡིན་པས་གྲངས་བཅུ་གཅིག་མཚོན། |
| བདེ་འབྱུང་གཙུག་རྒྱན |
(མངོན་བརྗོད།) ཟླ་བ། |
| བདེ་ཡངས |
1.བདེ་ཞིང་ཡངས་པ། 2.ཁྱམས་ཀྱི་མིང་སྟེ། སྡེ་ཡངས་ཀྱང་ཟེར། |
| བདེ་རྩ |
བདེ་སྐྱིད་ཀྱི་རྩ་བ། |
| བདེ་རྩལ་འཁྱུག་པོ |
ལུས་རྩལ་ཆེ་ལ་མྱུར་བ། |
| བདེ་ལ་བཀོད |
བདེ་བར་གནས་ཐུབ་པ་བྱས་པའི་དོན་ཏེ། (དཔེར་ན།) མི་དམངས་བདེ་ལ་བཀོད་ཡོད་ཅེས་པ་ལྟ་བུ། |
| བདེ་ལེགས |
1.(རྒྱན་ཚིག) སྨོན་པ་ཞུ་བའི་ཚིག (དཔེར་ན།) དོན་བྱ་ཐམས་ཅད་བདེ་ལེགས་སུ་གྱུར་ཅིག ཁྱེད་རང་ལམ་དུ་བདེ་ལེགས་སུ་གྱུར་ཅིག་ལྟ་བུ། 2.བདེ་ཞིང་ལེགས་པ་ཞེས་པའི་ཚིག་བསྡུས་པ། |
| བདེ་ལེགས་ཅན |
(མངོན་བརྗོད།) ཁྱིམ་བྱ། |
| བདེ་ལེགས་སུ་གྱུར་ཅིག |
སྨོན་ཚིག་ཅིག་སྟེ། (དཔེར་ན།) རྒྱ་ཆེའི་ཡུལ་ཁམས་ཐམས་ཅད་བདེ་ལེགས་སུ་གྱུར་ཅིག མི་རྒན་རྣམས་ཚེ་རིང་ནད་མེད་བདེ་ལེགས་སུ་གྱུར་ཅིག་ཅེས་པ་ལྟ་བུ། |
| བདེ་ལྡན |
(མངོན་བརྗོད།) ལྷ་ཡུལ། |
| བདེ་ལྡན་མ་ལུང་བསྟན་པ |
འཕགས་པ་བདེ་ལྡན་མ་ལུང་བསྟན་པའི་མདོ་ཤོ་ལོ་ཀ་བདུན་ཅུ་པ་མདོ་སྡེ་གླེགས་བམ་ཙ་པར་བཞུགས་པ། |
| བདེ་ལྷོད |
གཟུགས་པོ་ཡང་ཞིང༌། སེམས་ལྷོད་ལྷོད། |
| བདེ་སིང་ངེ་བ |
ལུས་བདེ་ཞིང་རིག་པ་གསལ་བའི་དོན་ཏེ། (དཔེར་ན།) སྨན་གྱི་ནུས་པས་ལུས་སེམས་བདེ་སིང་ངེ་བ་བྱས་བྱུང༌ཞེས་པ་ལྟ་བུ། |
| བདེ་སོགས་བདག |
(མངོན་བརྗོད།) བརྒྱ་བྱིན། |
| བདེ་སྐྱིད |
སྡུག་བསྔལ་གྱི་ལྡོག་ཟླ་བདེ་ཞིང་སྐྱིད་པའི་དོན་ཏེ། (དཔེར་ན།) མིའི་རིགས་ལ་བདེ་སྐྱིད་སྐྲུན་པ། བདེ་སྐྱིད་ཀྱི་འཚོ་བ། བདེ་སྐྱིད་ཕུན་སུམ་ཚོགས་པ། བདེ་སྐྱིད་ལྡན། བདེ་སྐྱིད་ཡོང་ཐབས་བྱེད་པ། ལུས་སེམས་བདེ་སྐྱིད་བྱུང་བ། མཐའ་དབུས་ཡུལ་གྲུ་ཀུན་ཏུ་བདེ་སྐྱིད་དར་ཞེས་པ་ལྟ་བུ། |
| བདེ་སྐྱིད་དར་བ |
ཕུན་སུམ་ཚོགས་པའི་གོ་སྐབས་ཤར་བའི་དོན་ཏེ། (དཔེར་ན།) མཐའ་དབུས་ཡུལ་གྲུ་ཀུན་ཏུ་བདེ་སྐྱིད་དར་ཞེས་པ་ལྟ་བུ། |
| བདེ་སྐྱིད་རྒྱལ་པོ |
རྒྱ་སྐད་དུ་ཁང་ཤིས་ཞེས་པ་དོན་འགྱུར་བྱས་ན་བདེ་སྐྱིད་དེ། མན་ཇུའི་གོང་མ་འདི་རབ་བྱུང་བཅུ་གཅིག་པའི་ཆུ་སྟག་ནས་རབ་བྱུང་བཅུ་གཉིས་པའི་ཆུ་སྟག་བར་ལོ་དྲུག་ཅུ་རེ་གཅིག་རིང་ཁྲིར་བཞུགས། |
| བདེ་སྐྱོང |
ཐོད་པའམ་ཀ་ལི། |
| བདེ་སྐྱོང་འཁོར་ལོ |
གསང་གནས་ཀྱི་རྩ་འཁོར། |
| བདེ་སྟོང |
སྔགས་ལུགས་ཀྱི་ཡུལ་ཅན་བདེ་བ་ཆེན་པོ་དང༌། ཡུལ་སྟོང་པ་ཉིད་གཉིས། |
| བདེ་སྟོང་གི་ཡེ་ཤེས |
སྟོང་ཉིད་ཡུལ་དུ་བྱས་པའི་ཐབས་བདེ་བ་ཆེན་པོའི་ཡེ་ཤེས། |
| བདེ་སྟོང་གི་སྐྱིལ་ཀྲུང |
སྐྱིལ་ཀྲུང་འཆའ་ཚུལ་ཞིག |
| བདེ་སྟོང་དབྱེར་མེད |
ཐབས་བདེ་བ་ཆེན་པོ་དང༌། ཤེས་རབ་སྟོང་ཉིད་རོ་གཅིག་ཏུ་གྱུར་པ། |
| བདེ་སྟོང་མཉམ་པ་ཉིད |
བདེ་སྟོང་ཕྱོགས་ཆད་དུ་མ་ལྷུང་བར་ཟུང་འཇུག་མཉམ་པ་ཉིད་ཀྱི་ཆ། |
| བདེ་སྡུག |
བདེ་བ་དང་སྡུག་བསྔལ་གྱི་བསྡུས་མིང༌། (དཔེར་ན།) བདེ་སྡུག་ལ་སེམས་ཁུར་བྱེད་པ། རྒྱལ་པོའི་བདེ་སྡུག་ནི་འཁོར་གྱི་སྐྱེ་བོའི་ལག་ནའང་གནས་ཞེས་པ་ལྟ་བུ། |
| བདེན |
(རྒྱན་ཚིག) རྫུན་པའི་ལྡོག་ཟླ། ཡུལ་གྱི་དོན་དངོས་དང་མཐུན་པའི་དོན། |
| བདེན་ཁ་བྱིན་པ |
བདེན་པ་གཞན་ལ་སྟེར་བའི་དོན་ཏེ། (དཔེར་ན།) ཕམ་ཁ་རང་གིས་ཁུར་ནས་གཞན་ལ་བདེན་ཁ་བྱིན་ཞེས་པ་ལྟ་བུ། |
| བདེན་གཉིས |
ཀུན་རྫོབ་བདེན་པ་དང༌། དོན་དམ་བདེན་པ་གཉིས། |
| བདེན་གཏམ |
དྲང་པོའི་སྐད་ཆ། |
| བདེན་གྲུབ |
བདེན་པར་གྲུབ་པ་སྟེ། བློ་ལ་སྣང་པའི་དབང་གིས་གཞག་པ་མ་ཡིན་པར་ཡུལ་རང་གི་སྡོད་ལུགས་ཀྱི་ངོས་ནས་གྲུབ་པ་དེ་བདེན་པར་གྲུབ་པའི་ཚད་ཡིན། དབུ་མ་ཐལ་འགྱུར་པའི་ལུགས་ལ། རང་གི་མཚན་ཉིད་ཀྱིས་གྲུབ་པ་དང༌། རང་བཞིན་གྱིས་གྲུབ་པ། རང་ངོས་ནས་གྲུབ་པ། ཡང་དག་པར་གྲུབ་པ། དོན་དམ་པར་གྲུབ་པ། དེ་ཁོ་ན་ཉིད་དུ་གྲུབ་པ་སོགས་དོན་གཅིག་མིང་གི་རྣམ་གྲངས་ཡིན། |
| བདེན་ཅན་སྤོབས་ཆེ |
བདེན་པ་ཡོད་པའི་མི་ལ་མི་འཇིགས་པའི་གདེང་ཆེ་ཞེས་པའི་དོན། |
| བདེན་དཔང |
དཔང་པོའམ་བར་དཔང༌། |
| བདེན་དབང |
(མངོན་བརྗོད།) བསྟན་མ། |
| བདེན་དོན |
ཕྱི་རོལ་ཡུལ་གྱི་འཇིག་རྟེན་ཡང་དག་པར་མཚོན་པའི་བསམ་བློ་དང་གཞུང་ལུགས་ཏེ། (དཔེར་ན།) བདེན་དོན་ཁོང་དུ་ཆུད། བདེན་དོན་ནི་མི་དམངས་ཀྱི་ཕྱོགས་ན་ཡོད་ལྟ་བུ། |
| བདེན་པ |
རྫུན་པ་ལས་ལྡོག་པ། (དཔེར་ན།) གཏམ་བདེན་པ། བདེན་ཚིག སྐད་ཆ་བདེན་པར་བཤད་པ་ཞེས་པ་ལྟ་བུ། |
| བདེན་པ་བདར་བ |
བདེན་པའི་ཚིག་བརྗོད་པའི་དོན་ཏེ། (དཔེར་ན།) སླུ་མེད་བདེན་པ་བདར་བས་ཤིང་སྐམ་པོ་ནས་ལོ་མ་སྐྱེས་ཏེ་འབྲས་བུའང་ཆགས་པའི་སྒྲུང༌། དམ་ཅན་རྣམས་ཀྱི་མིང་ནས་བོས། ཡུལ་མིས་སྡུག་བཏང་ཚུལ་བདེན་པ་བདར་ཞེས་པ་ལྟ་བུ། |
| བདེན་པ་བདེན་ཐུབ |
ཧ་ཅང་དྲང་པོའི་དོན་ཏེ། (དཔེར་ན།) གཡོ་ཟོལ་སྤུ་ཙམ་མེད་པར་བདེན་པ་བདེན་ཐུབ་ཀྱིས་བར་དཔང་བྱས་སོང༌ཞེས་པ་ལྟ་བུ། |
| བདེན་པ་བདེན་འཁྱོལ |
བདེན་དོན་བདེན་ཐོག་ཏུ་འཁྱོལ་བའི་དོན་ཏེ། (དཔེར་ན།) ཁོས་གང་བཤད་ཚང་མ་བདེན་པ་བདེན་འཁྱོལ་བྱུང་སོང༌ཞེས་པ་ལྟ་བུ། |
| བདེན་པ་བཞི |
སངས་རྒྱས་ཤཱཀྱ་ཐུབ་པས་ཆོས་འཁོར་ཐོག་མར་བསྐོར་སྐབས་གསུངས་པའི་འཁོར་བའི་རྒྱུ་འབྲས་དང་མྱང་འདས་ཀྱི་རྒྱུ་འབྲས་མ་ལུས་པ་བསྡུས་ནས་བླང་དོར་བྱ་བའི་གཞི་འཕགས་པའི་བདེན་པ་བཞི་སྡུག་བསྔལ་བདེན་པ་དང༌། ཀུན་འབྱུང་བདེན་པ་དང༌། འགོག་པའི་བདེན་པ་དང༌། ལམ་གྱི་བདེན་པ་རྣམས་སོ། །ཆོས་བཞི་པོ་འདི་དག་འཕགས་པའི་གཟིགས་ངོར་དེ་ཁོ་ན་ལྟར་མ་ནོར་བར་ངེས་པས་འཕགས་པའི་བདེན་པ་བཞི་ཞེས་བྱའོ། ། |
| བདེན་པ་བཞིའི་ཆོས་འཁོར |
བཀའ་དང་པོ་བདེན་བཞིའི་ཆོས་འཁོར་རོ། ། |
| བདེན་པ་བཞིའི་མདོ |
མདོ་སྡེ་གླེགས་བམ་ས་པར་བཞུགས་པ། |
| བདེན་པ་མངོན་རྟོགས |
མཐོང་ལམ་བདེན་པ་མངོན་སུམ་དུ་གསར་དུ་རྟོགས་པའི་ལམ་དེའོ། ། |
| བདེན་པ་མཐོང་བ |
སྟོང་ཉིད་མངོན་སུམ་དུ་རྟོགས་པ། |
| བདེན་པ་ར་སྤྲོད |
དངོས་དོན་་ཁུངས་སྐྱེལ་གྱི་དོན་ཏེ། (དཔེར་ན།) མཐོང་ཐོས་ཉམས་མྱོང་དངོས་འབྲེལ་གྱི་བདེན་པ་ར་སྤྲོད་བྱེད་ཅེས་པ་ལྟ་བུ། |
| བདེན་པ་སྨྲ་བ |
1.ཉན་ཐོས་སྡེ་གཉིས།2.ཚིག་བདེན་པར་བཤད་པ། |
| བདེན་པའི་ངག |
1.དྲང་པོའི་གཏམ། 2.(མངོན་བརྗོད།) བྱ་རོག |
| བདེན་པར་མ་གྲུབ |
ཆོས་རྣམས་རང་བཞིན་གྱིས་མ་གྲུབ་པ། |
| བདེན་པར་འཛིན་པ |
1.གཞན་གྱི་གཏམ་སོགས་ལ་ཡིད་ཆེས་ཏེ་དངོས་གནས་ཡིན་པར་སེམས་པ། 2.ཆོས་རྣམས་བདེན་པར་གྲུབ་པའམ་རང་བཞིན་གྱིས་གྲུབ་པར་འཛིན་པ། |
| བདེན་པས་མཐའ་འཁྱོལ |
1.གཡོ་ཟོལ་མེད་པའི་ལས་ཀས་མི་ཚེ་མཐར་ཕྱིན་པ། 2.བདེན་པ་ཡོད་སྟབས་རྒྱལ་ཁ་ཐོབ་པ། |
| བདེན་བཞི |
བདེན་པ་བཞིའི་བསྡུས་ཚིག |
| བདེན་བཞི་རྣམ་པ་བཅུ་དྲུག |
བདེན་པ་བཞི་པོ་རེ་རེ་ལ་རྣམ་པ་བཞི་བཞིར་དབྱེ་བས་བཅུ་དྲུག་སྡུག་བསྔལ་བདེན་པའི་རྣམ་པ་བཞི་དང༌། ཀུན་འབྱུང་བདེན་པའི་རྣམ་པ་བཞི་དང༌། འགོག་པའི་བདེན་པའི་རྣམ་པ་བཞི་དང༌། ལམ་གྱི་བདེན་པའི་རྣམ་པ་བཞི་དང་བཅུ་དྲུག་གོ། ། |
| བདེན་བཤེར |
དྲང་གཏམ་འགྲན་བསྡུར་གྱི་དོན་ཏེ། (དཔེར་ན།) ཁྲིམས་སར་གྱོད་ཡ་ཕན་ཚུན་བདེན་བཤེར་རྒྱག་ཅེས་པ་ལྟ་བུ། |
| བདེན་བྲལ |
(མངོན་བརྗོད།) 1>སྲིན་པོ། 2>ལྷོ་ནུབ་ཀྱི་མཚམས། |
| བདེན་བྲལ་གཙོ་བོ |
(མངོན་བརྗོད།) སྲིན་པོའི་རྒྱལ་པོ། |
| བདེན་བྲལ་བདག་པོ |
(མངོན་བརྗོད།) སྲིན་པོའི་རྒྱལ་པོ། |
| བདེན་མདོག་མེད |
ཡིད་ཆེས་མི་རུང་བའི་གཏམ་སྟེ། (དཔེར་ན།) གསུང་གསུང་ཡིན་འགྲོ་བདེན་མདོག་མེད། ཕོ་རོག་ལྷགས་པས་ཁྱེར་བ་བདེན་མདོག་མེད། ངང་པ་ཆུས་ཁྱེར་བ་བདེན་མདོག་མེད་ཅེས་པ་ལྟ་བུ། |
| བདེན་མེད་གཏམ་ཟད |
རང་ལ་ཁུངས་ལུང་མེད་པས་གཞན་ལ་རྩོད་ཤགས་འདེབས་རྒྱུའི་རེ་བ་ཟད་པ། |
| བདེན་ཚིག |
1.ཡང་དག་པའི་ཚིག་སྟེ། (དཔེར་ན།) སྙིང་ནས་ཞུས་པའི་བདེན་ཚིག་ཅེས་པ་ལྟ་བུ།2.སྔགས་སྐད། |
| བདེན་ཚིག་བདར |
བདེན་ཚིག་གི་དམོད་སྦྱོར་བརྗོད་པ། |
| བདེན་ཞེན |
བདེན་པར་འཛིན་པའི་བློ་ཤུགས་ཆེ་བ། |
| བདེན་ཞེན་དབང་གྱུར |
སོ་སོ་སྐྱེ་བོ། |
| བདེན་འབྲེལ |
དྲང་པོའི་དོན་ཏེ། (དཔེར་ན།) ཟོལ་མེད་བདེན་འབྲེལ་གྱི་ལས་ཀ་བྱེད་ཅེས་པ་ལྟ་བུ། |
| བདེན་འཛིན |
བདེན་པར་འཛིན་པའི་བསྡུས་ཚིག |
| བདེན་འཛིན་ཀུན་བརྟགས |
གྲུབ་མཐའ་སྨྲ་བས་འཕྲལ་དུ་བརྟགས་པའི་བདེན་འཛིན། |
| བདེན་འཛིན་ཕྲ་མོ |
གཟུང་འཛིན་གཉིས་སྣང་གི་ཤེས་པ་ཕྲ་མོའོ། ། |
| བདེན་འཛིན་ལྷན་སྐྱེས |
ཐོག་མ་མེད་པ་ནས་རྗེས་སུ་ཞུགས་པ། གྲུབ་མཐས་བློ་བསྒྱུར་མ་བསྒྱུར་གཉིས་ཀ་ལ་ཡོད་པའི་བདེན་འཛིན། |
| བདེན་ཡུས་བཤད་པ |
བདེན་པ་ཡོད་ཚུལ་གྱི་ཡུས་བདར་བའི་དོན་ཏེ། (དཔེར་ན།) ཕན་འདོགས་སོགས་བྱས་ཚུལ་གྱི་བདེན་ཡུས་བཤད་པ་ལྟ་བུ། |
| བདེན་རྒྱབ |
བདེན་པའི་རྒྱབ་སྐྱོར་གྱི་དོན་ཏེ། (དཔེར་ན།) ཁྲིམས་དཔོན་གྱིས་བདེན་རྒྱབ་བྱས་བྱུང༌ཞེས་པ་ལྟ་བུ། |
| བདེན་རྫུན |
བདེན་པ་དང་རྫུན་པ་སྟེ། (དཔེར་ན།) བདེན་རྫུན་དབྱེ་འབྱེད། ལེགས་ཉེས་བདེན་རྫུན་ཤན་འབྱེད་དགོས་ཞེས་པ་ལྟ་བུ། |
| བདེན་རྫུན་དཀར་ནག |
གཏམ་དང་བྱ་སྤྱོད་ལེགས་ཉེས། |
| བདེན་ཤགས་བདར་བ |
བདེན་པ་ཡོད་པའི་ཡུས་བཤད་པ། |
| བདེན་སྟོང |
ཆོས་ཐམས་ཅད་རང་བཞིན་གྱི་གྲུབ་པས་སྟོང་པ། |
| བདེན་སྟོབས་ཀྱིས་བྱིན་གྱིས་བརླབས་པའི་བཀའ |
ཐུགས་ཀྱིས་བྱིན་བརླབས་བཀའ་གསུམ་གྱི་ནང་གསེས་ཤིག་སྟེ། ནམ་མཁའ་དང་ལྗོན་ཤིང་སོགས་ལས་ཆོས་ཀྱི་སྒྲ་འབྱུང་བ་རྣམས་སོ། ། |
| བདེན་སྨྲ |
(མངོན་བརྗོད།) དྲང་སྲོང༌། |
| བདེར་གནས་རྐྱེན་གྱི་གཞི་ལྔ |
འདུལ་བ་གཞི་བཅུ་བདུན་ལས། བསླབ་པ་བསྲུང་བའི་གཞི་དགུའི་ནང་གསེས་བདེ་བར་གནས་པ་རྐྱེན་གྱི་གཞི་ལ་ལྔ་གོས་ཀྱི་གཞི་གསུམ་དང༌། སྨན་གྱི་གཞི། གནས་མལ་གྱི་གཞི་རྣམས་སོ། ། |
| བདེར་གཤེགས |
བདེ་བར་གཤེགས་པའི་བསྡུས་ཚིག |
| བདེར་བགྲོད |
བར་ཆད་མེད་པར་སླེབས་པའམ་སོང་བའི་དོན་ཏེ། (དཔེར་ན།) ལམ་བར་གེགས་མེད་བདེར་བགྲོད་ཐུབ་པ་བྱུང་སོང༌ཞེས་པ་ལྟ་བུ། |
| བདེར་རློམ |
བདེ་པ་ཡིན་ཁུལ་བྱེད་པའི་དོན་ཏེ། རྟག་ཏུ་ཡིད་བདེར་རློམ་གྱི་ཚུལ་དུ་བསྡད་ཅེས་པ་ལྟ་བུ། |
| བདོ |
(བྱེད་མེད་ལས་ཚིག) དར་བ་དང་རྒྱས་པ་མང་བ་སོགས་ཀྱི་དོན་ཏེ། (དཔེར་ན།) ནམ་སྨད་དུ་རྨི་ལམ་བདོ། ཆུ་རུལ་དུ་སྙིགས་མ་བདོ་ཞེས་པ་ལྟ་བུ། |
| བདོ་འཕྲོ |
རྒྱས་པའི་སྒང༌ཞེས་པའི་དོན་ཏེ། (དཔེར་ན།) བདེ་སྐྱིད་བདོ་འཕྲོ་ལ་སྡུག་བསྔལ་བྱུང་སོང་ཞེས་པ་ལྟ་བུ། |
| བདོག |
1.(བྱེད་མེད་ལས་ཚིག) ཡོད་པའི་དོན་ཏེ། (དཔེར་ན།) རྒྱུ་རྫས་མང་བོ་བདོག་ལྟ་བུ། 2.ནོར་རྫས་ཀྱི་དོན་ཏེ། (དཔེར་ན།) བདོག་པ་གྱ་ནོམ་པ་རྙེད་ལྟ་བུ། |
| བདོད |
བཏོད་ཀྱི་མ་འོངས་པའི་འབྲི་ཚུལ་གཞན། |
| བདོར |
(བྱེད་འབྲེལ་ལས་ཚིག) བདར་བའི་སྐུལ་ཚིག |
| བདོལ |
(བྱེད་འབྲེལ་ལས་ཚིག) བདལ་བའི་སྐུལ་ཚིག |
| བན |
1.བེན་དང་འདྲ། 2.བན་དེའི་བསྡུས་མིང༌།3.ཆུ་འཇོག་བྱེད་ཀྱི་སྣོད་ཁ་དོག་ལ་ལྟོ་བ་ཆེ་བའི་རིགས་ཀྱི་སྤྱི་མིང། (དཔེར་ན།) ཆུ་བན་ཞེས་པ་ལྟ་བུ། |
| བན་གཟན |
གྲྭ་པའི་གཟན། |
| བན་གཟུགས |
བཙུན་པ་དང་བཙུན་མའི་ཆ་བྱད་ཅན། |
| བན་ཆུང |
གྲྭ་པ་ཆུང་ཆུང་ངམ་བཙུན་ཆུང༌སྟེ། (དཔེར་ན།) བན་ཆུང་ཀ་ཁ་དག་པོར་ཀློག་ཐུབ་ཀྱི་འདུག་ཅེས་པ་ལྟ་བུ། |
| བན་ཆེན |
གྲྭ་བཙུན་ཆེན་པོ་སྟེ། (དཔེར་ན།) བན་ཆེན་གྱིས་བསླབ་གསུམ་ཉམས་བཞེས་མཛད་ཅེས་པ་ལྟ་བུ། |
| བན་དེ |
(ལེགས་སྦྱར།) སངས་རྒྱས་ཆོས་ལུགས་ཀྱི་དགེ་འདུན། |
| བན་དེ |
སངས་རྒྱས་ཆོས་ལུགས་པའི་བཙུན་པའི་མིང་། ཚིག་བསྡུས་ན་བན་ཞེས་འབྲི་ཆོག་སྟེ། (དཔེར་ན།) བན་རྒན་ཆོས་ལ་དྲེད་ལྟ་བུ། |
| བན་དེ་ཆེན་པོ |
བཙུན་པ་ཆེན་པོ་སྟེ། བོད་རྒྱལ་ཁྲི་སྲོང་ལྡེ་བཙན་དང་ཁྲི་རལ་པ་ཅན་གྱི་སྐབས་སུ་ཐོབ་ཐང་བློན་ཆེན་གྱི་གོང་དུ་ཡོད་པའི་བཙུན་པ་རྣམས་ལ་ཟེར། |
| བན་དེ་བོན་དེ |
བཙུན་པ་དང་བོན་པོ་གཉིས་ཀྱི་བསྡུས་མིང༌། |
| བན་དེ་མོ |
བན་མོ་དང་དོན་གཅིག |
| བན་དེ་རྒན་པ |
1.གྲྭ་པ་བགྲེས་པ། 2.བཙུན་པ་བསླབ་པ་རྒན་པ། |
| བན་ནི་བུན་ནི |
(རྒྱན་ཚིག) ཐར་ཐོར་དང༌། ཤག་ཤིག་དང༌། ཟར་ཟིར་སོགས་འདི་ཡིན་འདི་མིན་ངེས་བཟུང་མེད་པའི་ཚུལ་ཏེ། (དཔེར་ན།) ཉམས་སྣང་བན་ནི་བུན་ནི། རྨི་ལམ་བན་ནི་བུན་ནི། འཕྲོས་གཏམ་བན་ནི་བུན་ནི་ཞེས་པ་ལྟ་བུ། |
| བན་བཙུན |
གྲྭ་བཙུན་ཏེ་གྲྭ་པ་དང་བཙུན་མའི་བསྡུས་མིང༌། (དཔེར་ན།) བན་བཙུན་རང་ཁ་རང་གསོ་བྱེད་ཅེས་པ་ལྟ་བུ། |
| བན་བུན |
(རྒྱན་ཚིག) 1>ཚད་སྟུག་པོ་མིན་པའི་དོན་ཏེ། (དཔེར་ན།) སྤྲིན་བན་བུན། ནགས་བན་བུན། སྨུགས་པ་བན་བུན་ཞིག་འཐིབས་ལྟ་བུ། 2>སེམས་བརྟན་པོ་མིན་པའི་དོན་ཏེ། (དཔེར་ན།) སེམས་ཀྱི་སྣང་བན་བུན་དུ་གྱུར་ལྟ་བུ། ཁ་སྐད་དུ་བ་ནེ་བུན་ནེ་ཟེར་བ་དང་དོན་གཅིག་སྟེ། (དཔེར་ན།) ཆང་གིས་བ་ནེ་བུན་ནེ་ཞིག་བཟི་ལྟ་བུ། |
| བན་བོན |
བན་དེ་བོན་དེའི་བསྡུས་མིང༌། |
| བན་མོ |
བཙུན་མ། |
| བན་རལ |
བན་གཟུགས་ཁྲིམས་རལ་ལམ་ཁྲིམས་འཆལ། |
| བན་རྒན |
བན་དེ་རྒན་པའི་བསྡུས་མིང༌། |
| བན་རྩ |
དགོན་སྡེ་སོ་སོའི་གྲྭ་པ་འབྱུང་སའི་ཁྱིམ་ཚང༌། |
| བན་ལང |
(བརྡ་རྙིང་།) བ་ལང༌། |
| བན་ལོག |
གྲྭ་པ་ཆོས་མ་ཐོན་པར་སྐྱ་ལ་བབ་པའི་དོན་ཏེ། (དཔེར་ན།) བན་ལོག་ཁྱིམ་དུ་ལོག་སྟེ་གནས་ཞེས་པ་ལྟ་བུ། |
| བན་སྐྱ |
བན་དེ་དང་སྐྱ་བོ། |
| བན་སྡེ |
བཙུན་པའམ་གྲྭ་པའི་སྡེ། |
| བན་སྤྲང |
གྲྭ་པ་དབུལ་པོའི་དོན་ཏེ། (དཔེར་ན།) བན་སྤྲང་ཡུལ་མཐར་འཁྱམས་ཏེ་བསོད་སྙོམས་སློང༌ཞེས་པ་ལྟ་བུ། |
| བནྡེ |
བན་དེའི་འབྲི་སྲོལ་གཞན་ཞིག |
| བབ |
1.ད་ཡོད་ཀྱི་གནས་ཚུལ་ལམ་འགྱུར་བ་སོགས་ཀྱི་མིང་། (དཔེར་ན།) ནད་པའི་བབ་དང་བསྟུན་ནས་སྨན་བསྟེན། དུས་བབ་དང་བསྟུན་ནས་འཆར་གཞི་བཀོད། ཆུ་བོའི་བབ་དང་བསྟུན་ནས་ཆུ་རྐ་ལས། ས་བབ་དང་མཐུན་པའི་ལྕགས་ལམ་ལས་ལྟ་བུ།2.བབས་དང་འདྲ། 3.བོད་ལུགས་ཁང་པའི་སྒོ་ཐོད་མཛེས་རྒྱན་གྱི་བྱེ་བྲག་ཅིག4.(བྱེད་མེད་ལས་ཚིག) བསླེབས་པའམ་འགན་འཁུར་དགོས་བྱུང་བའི་དོན་ཏེ། (དཔེར་ན།) གཞོན་ནུ་དར་ལ་བབ། དུས་ལ་བབ། སྐབས་སུ་བབ། རང་ལ་བབ་པའིལས་འགན། རང་ལ་མ་བབ་པའི་འགན་ཞེས་པ་ལྟ་བུ། |
| བབ་ཁེབས |
བོད་ལུགས་ཁང་པའི་སྒོ་ཐོད་མཛེས་རྒྱན་གྱི་བྱེ་བྲག་ཅིག |
| བབ་གཟིགས |
བབ་བལྟ་དང་དོན་གཅིག |
| བབ་ཅོལ |
(རྒྱན་ཚིག) གཏམ་དང་བྱ་སྤྱོད་རྩིང་བོ་ཡིན་པའི་དོན་ཏེ། (དཔེར་ན།) བརྟག་དཔྱད་མ་བྱས་བབ་ཅོལ་བཤད་མི་རུང་ལྟ་བུ། |
| བབ་ཆོལ |
བབ་ཅོལ་དང་འདྲ། |
| བབ་ཆོལ་ཕྱར་ཡང |
(བརྡ་རྙིང་།) མ་བསམས་པར་ལན་རྒྱག་པ། |
| བབ་དང་མཚུངས་པ |
གོ་བབ་བམ་བྱེད་བབ་དང་མཐུན་པའི་དོན་ཏེ། (དཔེར་ན།) སློབ་མ་སོ་སོའི་བློ་རིག་གི་བབ་དང་མཚུངས་པའི་དཔེ་ཁྲིད་བྱས་ཞེས་པ་ལྟ་བུ། |
| བབ་པ |
འབབ་པའི་འདས་པའི་བྱ་མིང་། |
| བབ་བབ |
མ་བསམས་པར་སྨྲ་བའམ་གང་བྱུང་མང་བྱུང་བཤད་པའི་མིང༌། (དཔེར་ན།) མིའི་ཁ་ནས་གང་ཐོན་གྱི་སྐད་ཆ་བབ་བབ་སྨྲ་བ་ལ་བདེན་འཛིན་མ་བྱེད་ཅེས་པ་ལྟ་བུ། |
| བབ་བརླིང |
བབ་བརྟན་པ་སྟེ། (དཔེར་ན།) ལས་ཀ་བབ་བརླིང་ལྡན་པ། བབ་བརླིང་བརྟན་གསུམ་ལྡན་པ། བབ་བརླིང་ཡིན་མདོག་ཅེས་པ་ལྟ་བུ། |
| བབ་བལྟ |
གནས་ཚུལ་དངོས་ལ་བལྟ་བའི་དོན་ཏེ། (དཔེར་ན།) བབ་བལྟའི་སྒོ་ནས་དོན་གཅོད་ཅེས་པ་ལྟ་བུ། |
| བབ་བསྟུན |
གང་ལ་གང་འཚམས་ཀྱི་དོན་ཏེ། (དཔེར་ན།) བབ་བསྟུན་གྱི་འཐབ་ཇུས་ཞེས་པ་ལྟ་བུ། |
| བབ་བླ |
བ་བླ་ཡི་འབྲི་ཚུལ་གཞན། བབ་ལ་འབྲི་བའང་ཡོད། |
| བབ་མལ |
ཞག་པོར་སྡོད་སའམ་ཚུགས་འབབ་ས་སྟེ། (དཔེར་ན།) ད་ནས་བབ་མལ་ལྔ་ལ་ཚྭ་ཁར་སླེབས་སྙམ་ཞེས་པ་ལྟ་བུ། |
| བབ་འབྲེལ |
བབས་འབྲེལ་དང་འདྲ། |
| བབ་ལ |
བ་བླ་དང་འདྲ། |
| བབ་སྨྱུག་བཞི་ཟུར |
ཁྲིམས་ཆད་གཏོང་དུས་ཆད་འབབ་ཇི་ཙམ་འཁྲིས་པ་དེའི་བཞི་ཟུར་རེ་དྲུང་ཡིག་ལ་སྨྱུག་དོད་དུ་སྤྲོད་དགོས་པར་ཟེར། དེ་ཡང་དོན་དངོས་ནི་ཆད་དངུལ་ཞིག་རེད། |
| བབས |
1.(བྱེད་མེད་ལས་ཚིག) འབབ་ཀྱི་འདས་པ། མཐོ་ས་ནས་དམའ་སར་ལྷུང་བའམ་ཕྱིན་པའི་དོན་ཏེ། (དཔེར་ན།) ཆར་བབས། རི་འགོ་ནས་རི་རྩར་བབས། བྱ་ཐང་ལ་བབས་ལྟ་བུ།2.ཆུ་བཞུར་བའི་དོན་ཏེ། (དཔེར་ན།) རྨ་ཆུ་ཤར་ཕྱོགས་རྒྱ་མཚོར་བབས། འབྲི་ཆུ་འབབ་ཡུལ་ཞེས་པ་ལྟ་བུ། 3.ཇེ་ཆུང་དང་ཇེ་ཉུང་དུ་སོང་བའི་དོན་ཏེ། (དཔེར་ན།) ཚོང་ཟོང་གི་རིན་གོང་བབས། ན་ཟུག་བབས་ལྟ་བུ། 4.ཧ་གོ་བ་དང་ཡིད་ལ་ཤར་བའི་དོན་ཏེ། (དཔེར་ན།) ཚིག་དོན་སེམས་ལ་བབས། བརྗེད་པའི་དོན་དེ་ཡིད་ལ་བབས་ལྟ་བུ། 5.འཐད་པའམ་འདུན་པའི་དོན་ཏེ། (དཔེར་ན།) རྟ་འདི་རྟ་ཉོ་མཁན་གྱི་བློ་ལ་བབས། རྩེ་ཆས་བྱིས་པའི་བློ་ལ་བབས་ལྟ་བུ། 6.གྲུབ་པའམ་བྱུང་བའི་དོན་ཏེ། (དཔེར་ན།) གདོང་ལ་གཉེར་མ་བབས། རྟ་ལ་ཤེའུ་ཐིག་བབས། ས་ལ་རྐང་རྗེས་བབས་ལྟ་བུ། 7.བྱ་བ་སོགས་བསྒྲུབ་རྒྱུའི་འགན་འཁུར་དགོས་བྱུང་བ་སྟེ། (དཔེར་ན།) དཔྱ་ཁྲལ་བབས་ལྟ་བུ། 8.ལག་ཏུ་ཐོབ་པའམ་འབྱོར་བའི་དོན་ཏེ། (དཔེར་ན།) ལག་ལ་སྒོར་མོ་མང་བོ་བབས། ད་ལོ་ངེད་ཚང་ལ་སྒོར་མོ་བབས་པ་བཟང་ལྟ་བུ།9.ཐོབ་ཐང་ངམ་གནས་ཚུལ་གྱི་དོན་ཏེ། (དཔེར་ན།) དུས་བབས། གནས་བབས གོ་བབས། གྲོས་སྡུར་བྱེད་བབས་ལ་གཞིགས་ནས་ཐག་གཅོད་རྒྱུ་ཞེས་པ་ལྟ་བུ།འདི་ལ་ཡོངས་གྲགས་སུ་བབ་ཅེས་འབྲི། |
| བབས་གསེད |
གནས་ལུགས་ཡོང་རྐྱེན་གོ་བརྡ་སྤྲོད་པ་སྟེ། (དཔེར་ན།) རྩོད་གཞི་ཐག་གཅོད་པའི་ཆེད་དུ་ཕན་ཚུན་གཉིས་ཀར་བབས་གསེད་བྱེད་ཅེས་པ་ལྟ་བུ། |
| བབས་ཆགས་པ |
1.མཛེས་པའམ་སྤམ་པའི་དོན་ཏེ། (དཔེར་ན།) ལུས་སྟོབས་བབས་ཆགས་པ་ཞེས་པ་ལྟ་བུ། 2.རན་པའམ་འཚམས་པའི་དོན་ཏེ། (དཔེར་ན།) གཏམ་རྗོད་ལུགས་བབས་ཆགས་པ། རྣམ་འགྱུར་བབས་ཆགས་པ་ཞེས་པ་ལྟ་བུ། |
| བབས་ཐོབ |
འོས་ཐོབ་བམ་འོས་བབ་ཀྱི་དོན་ཏེ། (དཔེར་ན།) ངལ་རྩོལ་གྱི་བབས་ཐོབ་ལ་གཞིགས་ནས་ཐོབ་ཆ་སྤྲད་པ་ཞེས་པ་ལྟ་བུ། |
| བབས་བཀོད་གཅོད་ངེས |
ཚ་དྲག་གི་ངག་བཀོད་ཤོད་སྟངས་ཤིག་སྟེ་ཉེས་ཆད་གཅོད་ཀྱི་ཡིན་ཞེས་པའི་དོན། |
| བབས་བསྟུན |
དངོས་ཡོད་གནས་ཚུལ་དང་མཐུན་པར་བྱས་པའི་དོན་ཏེ། (དཔེར་ན།) དངོས་ཡོད་གནས་ལུགས་ལ་བབས་བསྟུན་གྱིས་འཆར་གཞི་འདིང་བ། ཡོང་སྒོར་བབས་བསྟུན་བྱས་ནས་འགྲོ་སོང་གཏོང་བ་ཞེས་པ་ལྟ་བུ། |
| བབས་ཚོད |
འོས་ཚོད་ཀྱི་དོན་ཏེ། (དཔེར་ན།) སོ་སོའི་ནུས་ཤུགས་ཀྱི་བབས་ཚོད་ལ་གཞིགས་པའི་ལས་ཁུར་སྤྲད་ཅེས་པ་ལྟ་བུ། |
| བབས་འབྲེལ |
གནས་ཚུལ་དངོས་དང་མཐུན་པའམ་འོས་ཐོབ་ཀྱི་འབྲེལ་བ་སྟེ། (དཔེར་ན།) བབས་འབྲེལ་ཆགས་པའི་གཏམ། མི་སོ་སོའི་འཇོན་ཐང་གི་བབས་འབྲེལ་ལ་གཞིགས་ཏེ་ལས་བགོས་རྒྱག་ཅེས་པ་ལྟ་བུ། |
| བབས་ལྷིང |
བརྟན་པོའི་དོན་ཏེ། (དཔེར་ན།) བཙན་འཛུལ་དམག་འཁྲུག་ལ་ཁ་གཏད་འཇལ་རྒྱུའི་གྲ་སྒྲིག་བབས་ལྷིང་ལྡན་པ་ཞིག་དགོས། གོམ་པ་བབས་ལྷིང་བརྟན་གསུམ་གྱིས་མདུན་དུ་སྤོ་བ་ཞེས་པ་ལྟ་བུ། |
| བབས་སྟེགས |
འབབ་སའི་སྟེགས་བུའི་མིང་སྟེ། (དཔེར་ན།) རྟ་ལས་འབབ་དུས་བབས་སྟེགས་ཀྱི་སྟེང་དུ་བབས་པ་ཞེས་པ་ལྟ་བུ། |
| བབས་སྤར |
ལོ་རེ་བཞིན་མི་སོ་སོར་བབས་པའི་སྤར་ཁ་ལ་ཟེར། དེ་ཡང་བརྩི་བྱ་སྐྱེས་པ་ཡིན་ན་སྤར་ཁ་ལི་ཐོག་ནས་གཡས་སུ་བསྐོར་བས་ལོ་གྲངས་གར་བབས་ཀྱི་སྤར་ཁ་དང༌། བུད་མེད་ཁམ་ཐོག་ནས་གཡོན་དུ་བསྐོར་བས་ལོ་གྲངས་གར་བབས་ཀྱི་སྤར་ཁའོ། ། |
| བབས་སྨེ |
སྐྱེས་པ་བུད་མེད་གང་ཡིན་ཡང་གནམ་ལོ་ཕོ་ཡིན་ན་དབུས་མ་ནས་ཤར་ཐོན་བྱང་ཤར་ནས་གཡོན་སྐོར་དུ་བརྩིས་པས་ལོ་གྲངས་གང་བབས་ཀྱི་སྨེ་བ་དང༌། མོ་ལོ་དབུས་ནས་ཤར་ཐོན་གཡས་སྐོར་དུ་བརྩིས་པས་གང་བབས་ཀྱི་སྨེ་བའོ། ། |
| བམ |
1.རོ་དབུགས་དང་བྲལ་བའི་སེམས་ཅན་གྱི་ཕུང་པོ། 2.མིང་མཐའ་བའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག (དཔེར་ན།) རིའི་རྒྱབ་བམ་མདུན་ཕྱོགས། ལྕགས་ཐབ་བམ་རྡོ་ཐབ་ཅེས་པ་ལྟ་བུ། 3.མིང་མཐའ་བའི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག (དཔེར་ན།) རེ་འདོད་བསམ་བཞིན་དུ་འགྲུབ་བམ། མི་འགྲུབ། ཁོང་ཚོའི་དགོངས་པར་འབབ་བམ་མི་འབབ་ཐུགས་བསམ་སྒྲོན་ཞེས་པ་ལྟ་བུ།4.(རྒྱན་ཚིག) རུལ་བའི་དོན་ཏེ། (དཔེར་ན།) ཤ་བམ་པ་ཟ་མི་རུང་ཞེས་པ་ལྟ་བུ། |
| བམ་གྲངས་ཀྱི་རྒྱ |
རྒྱ་རིམ་པ་བདུན་གྱི་གྲས། བམ་པོ་མི་འཁྲུག་པར་བྱེད་པའི་རྟགས་ཏེ་བམ་པོ་དང་པོ་ཞེས་པ་ལྟ་བུ། |
| བམ་ཆེ་བ |
གཏོས་ཆེ་བ། |
| བམ་དྲི |
1.མི་རོའི་དྲི་མ། 2.རུལ་དྲི། (དཔེར་ན།) ཤ་རུལ་ནས་བམ་དྲི་ཁ་ཞེས་པ་ལྟ་བུ། |
| བམ་པོ |
དུམ་བུ་དང༌། ཆུན་པོའམ་ཆག་པ་སྟེ། (དཔེར་ན།) གླེགས་བམ་འདིར་བམ་པོ་བརྒྱད་ཡོད། མེ་ཏོག་བམ་པོར་འཆིང་བ། མེ་ཤིང་བམ་པོར་བསྡམས་ཏེ་རྒྱབ་ཏུ་ཁུར་ཞེས་པ་ལྟ་བུ། |
| བམ་པོ |
ཚིགས་བཅད་ཀྱི་ཚིག་རྐང་བཞིའམ་ཚིག་ལྷུག་གི་ཡི་གེ་ཚེག་བར་སུམ་ཅུ་ལ་ཤོ་ལོ་ཀ་གཅིག་ཟེར་ཞིང་། ཤོ་ལོ་ཀ་སུམ་བརྒྱ་ལ་བམ་པོ་གཅིག་ཟེར། |
| བམ་པོའི་གྲངས་ཀྱི་རྒྱ |
བམ་གྲངས་ཀྱི་རྒྱ་དང་དོན་གཅིག |
| བམ་པོའི་ཚད |
བམ་པོ་ཞེས་པ་ནི་གཞུང་གི་དུམ་བུ་ཡིན་ཞིང༌། དེའི་ཚད་ནི་བམ་པོ་རེར་ཤོ་ལོ་ཀ་སུམ་བརྒྱ་རེའོ། དེའང་ཤོ་ལོ་ཀ་རེར་ཚེག་བར་སུམ་ཅུའམ་སུམ་ཅུ་སོ་གཉིས་རེ་བྱེད་པ་སྣ་ཚོགས་ཡོད། |
| བམ་པོའི་རྒྱ |
རྒྱ་རིམ་པ་བདུན་གྱི་གྲས། ཤོ་ལོ་ཀ་མི་འཁྲུག་པར་བྱེད་པའི་རྟགས་ཏེ༌༈༈།། །། ༈ ལྟ་བུ། |
| བམ་པོར་སྦྲེལ |
(བརྡ་རྙིང་།) མཉམ་པོར་བསྡམས་པ། |
| བམ་རིལ |
མི་རོ་ཆ་ཚང་བ། |
| བམ་རོ |
མི་རོ། |
| བམ་སྐྲངས |
མི་ཤི་བའི་རོ་སྦོས་སྐྲངས། |
| བམ་སྐྲངས |
ཤ་སྐྲངས་པའི་ནད་རིགས་ཤིག་གི་མིང་། |
| བམ་སྒྲུབ |
རོ་ལངས་སྒྲུབ་པ། |
| བཙག |
1.(བྱེད་འབྲེལ་ལས་ཚིག) འཚག་པའི་མ་འོངས་པ། (དཔེར་ན།) ནས་ཕྱེ་ཚགས་ལ་བཙག་དགོས་ལྟ་བུ།2.ས་དམར། 3.གཏེར་ཁ་ནས་ཐོན་པའི་ས་རྡོ་དམར་སྨུག་ཅིག་གི་མིང་། དེ་ནི་ས་རྩི་བྱེད་ཆོག་ཅིང་སྨན་ཞིག་ཀྱང་ཡིན། སྨན་གཞུང་དུ་དེའི་མིང་ལ་བཙག་ཡུག་ཟེར།4.ཚོས་ལའང་འཇུག་སྟེ། (དཔེར་ན།) མཚལ་རང་ལ་བཞག་བཙག་མི་ལ་རེ། བཙག་དང་བསྡེབས་ན་དམར། རམས་དང་བསྟུན་ན་སྔོ་ཞེས་པ་ལྟ་བུ། མིང་གི་རྣམ་གྲངས་ལ་མེ་ལྕེ་བ་དང༌། ཚོན་ཆེན། ལེ་བརྒན་མེ་ཏོག་བཅས་སོ། ། |
| བཙག་གདན |
ཤིང་ལ་ཚོན་གདན་དང་པོ་བཙག་དང་སྤྱིན་བསྲེས་ཏེ་གཏོང་རྒྱུའི་མིང༌། |
| བཙག་པ |
དྭངས་སྙིགས་འབྱེད་པའི་དོན་དུ་གོ་བའི་འཚག་པའི་མ་འོངས་པའི་བྱ་མིང། |
| བཙག་རྡོ |
ཚོན་དམར་པོ་ཡོད་སའི་རྡོ། |
| བཙག་སྦུག |
སྣུམ་སོགས་འཚག་བྱེད་སྦུ་གུ་ཅན་ནམ། པི་པི་ཡོད་པའི་མིང༌། |
| བཙགས |
(བྱེད་འབྲེལ་ལས་ཚིག) འཚག་པའི་འདས་པ། དངོས་རྫས་ཚགས་ལ་དྲངས་ནས་རགས་ཞིབ་བམ་དྭངས་སྙིགས་འབྱེད་པའི་དོན་ཏེ། (དཔེར་ན།) གྲོ་ཕྱེ་ཚགས་ལ་བཙགས། མར་ཁུ་བཙགས་ཐག་ཆོད། ཆུ་རྙོགས་ཆུ་ཚགས་ལ་བཙགས་ལྟ་བུ། |
| བཙགས་མ |
གཙང་མར་བཙགས་ཟིན་པའི་འབྲུ་རིགས། |
| བཙང |
(བྱེད་འབྲེལ་ལས་ཚིག) འཚང་གི་མ་འོངས་པ། དངོས་རྫས་སྣོད་སོགས་ལ་བཅུག་པའི་དོན་ཏེ། (དཔེར་ན།) འབོག་གདན་ནང་ལ་བལ་བཙང་དགོས་ལྟ་བུ། |
| བཙངས |
(བྱེད་འབྲེལ་ལས་ཚིག) འཚང་གི་འདས་པ། (དཔེར་ན།) འདོག་གདན་ནང་ལ་ཤིང་བལ་བཙངས། སྔས་འབོག་ནང་ལ་བལ་བཙངས་ནས་བཀང་ལྟ་བུ། |
| བཙངས་པ |
བར་གསེབ་ཏུ་འཛུད་པའི་དོན་དུ་གོ་བའི་འཚང་བའི་འདས་པའི་བྱ་མིང། |
| བཙད་པོ |
(བརྡ་རྙིང་།) རྗེ་བོ། |
| བཙན |
1.མི་ཡིན་མཐུ་བོ་ཆེའི་རིགས་ཤིག་མིང་།2.ཨུ་ཚུགས་དང་དྲག་པོའི་དོན་ཏེ། (དཔེར་ན།) མི་འགྲིག་བཙན་སྒྲིག མི་ཆོད་བཙན་གཅོད་ཅེས་པ་ལྟ་བུ། 3.གཉོམ་པོའི་ལྡོག་ཟླ་སྟེ། (དཔེར་ན།) མི་བཙན་པོ། ཁྱི་བཙན་པོ་ཞེས་པ་ལྟ་བུ།4.འཛིང་ར་དང་གནས་སོགས་དགྲས་རྒོལ་དཀའ་བའི་དོན་ཏེ། (དཔེར་ན།) མཁར་རྫོང་བཙན་པོ་ཞེས་པ་ལྟ་བུ། ཚིག་བསྡུས་ན་བཙན་ཞེས་འབྲི་ཆོག་སྟེ། (དཔེར་ན།) བཙན་རྫོང་། བཙན་ས་ཞེས་པ་ལྟ་བུ། 5.ནུས་པ་དྲག་པོའི་དོན་ཏེ། (དཔེར་ན།) སྨན་བཙན་པོ་ཞེས་པ་ལྟ་བུ། ཚིག་བསྡུས་ན་བཙན་ཞེས་འབྲི་ཆོག་སྟེ། (དཔེར་ན།) སྨན་འདི་ཧ་ཅང་བཙན་ལྟ་བུ། |
| བཙན་ཁ |
དམར་ལ་ནག་ཤས་ཆེ་བའི་མདོག་གི་མིང་། |
| བཙན་ཁང |
1.ཁང་པ་སྲ་ཞིང་མཁྲེགས་པས་རང་བཞིན་ལ་འཛུལ་དཀའ་བ། 2.མི་མ་ཡིན་བཙན་ཞེས་པ་གནས་སའི་རྟེན་ཁང༌། |
| བཙན་ཁྲིད |
མི་འདོད་བཞིན་ཁྲིད་པའི་དོན་ཏེ། (དཔེར་ན།) གཞན་གྱིས་བཙན་ཁྲིད་བྱས་ནས་གཞན་ཡུལ་དུ་ཕྱིན་པ། ཇག་པར་བཙན་ཁྲིད་ཅེས་པ་ལྟ་བུ། |
| བཙན་གཅོད |
བཙན་ཐབས་ཀྱིས་ཐག་གཅོད་བྱེད་པའི་དོན་ཏེ། (དཔེར་ན།) རྩོད་གནད་བྱུང་རིགས་ལ་བདེན་མིན་གསེད་བཀྲོལ་ཞིབ་ཚགས་བྱེད་དགོས་པ་ལས་བཙན་གཅོད་བྱ་མི་རུང༌ཞེས་པ་ལྟ་བུ། |
| བཙན་གཏམ |
བཙན་ཤེད་ཀྱི་སྐད་ཆ། |
| བཙན་གདོང |
རི་བོ་ཞིག མཚོ་སྔོན་རྐང་ཚ་རྫོང་དུ་ཡོད། |
| བཙན་གནོད |
དབང་ཤེད་ཐུབ་ཚོད་ཀྱི་གནོད་འཚེ། (དཔེར་ན།) ཉེས་མེད་བཙན་གནོད་བྱུང་བའི་མི་ལ་རོགས་རམ་བྱེད་ཅེས་པ་ལྟ་བུ། |
| བཙན་གོས |
ལྷ་བཙན་གྱི་གོས། |
| བཙན་ངག |
ལྡོག་ཏུ་མེད་པའི་སྐད་ཆ་སྟེ། (དཔེར་ན།) གཤམ་འོག་ཏུ་བཙན་ངག་ཕབ་ཅེས་པ་ལྟ་བུ། |
| བཙན་ཐང་སྒོ་བཞི |
ལྷོ་ཁ་རྩེད་ཐང་གི་ཉེ་འདབས་སུ་ཡོད་པའི་ལྷ་ཁང་ཞིག |
| བཙན་ཐབས |
1.དབང་ཤེད་ཀྱི་དོན་ཏེ། (དཔེར་ན།) བཙན་ཐབས་ཀྱིས་འཕྲོག་པ། བཙན་ཐབས་ཆུ་བརྒལ་བྱེད་པ། དགྲ་བོ་ལ་བཙན་ཐབས་ཀྱིས་ཕར་རྒོལ་བྱས་ནས་མཁར་རྫོང་བཟུང་ཞེས་པ་ལྟ་བུ། 2.གློ་བུར་གྱི་དོན་ཏེ། (དཔེར་ན།) མི་མང་པོ་ད་ནངས་བཙན་ཐབས་སུ་སླེབས་སོང་ཞེས་པ་ལྟ་བུ། |
| བཙན་ཐབས |
ཐབས་དྲག་པོའམ་ཐབས་ཁྱད་པར་བའི་མིང་། (དཔེར་ན།) བཙན་ཐབས་ཀྱིས་རྟ་རྒོད་ཁ་ལོ་བཏུལ་ལྟ་བུ། |
| བཙན་ཐོད |
(བརྡ་རྙིང་།) བཙན་ཐབས། |
| བཙན་དབང |
བཙན་ཤུགས་ཀྱི་དབང་ཆ། |
| བཙན་དབང་ཁྲལ་འགེལ |
མི་འདོད་བཞིན་དུ་དཔྱ་ཁྲལ་འགེལ་བ། |
| བཙན་དམག |
ལྷ་དང་འདྲེ་ཞེས་པའི་གཟུགས་མེད་ཀྱི་དམག་དཔུང༌སྟེ། (དཔེར་ན།) བར་སྣང་བཙན་དམག་སྟོང་གིས་བསྐོར་ཅེས་པ་ལྟ་བུ། |
| བཙན་དམར |
མི་མིན་གྱི་འདྲེ་རིགས་ཤིག་སྟེ། མི་དམར་རྟ་དམར་གྱི་བཙན་རིགས། |
| བཙན་དུག |
1.བོང་ང་ནག་པོའི་མིང་གི་རྣམ་གྲངས་ཤིག 2.ནད་ཅིག |
| བཙན་དུག |
རྩྭ་སྨན་བོང་ང་ཡི་མིང་། |
| བཙན་པ |
གཉོམ་པའི་ལྡོག་ཟླ་བཙན་དང་དོན་གཅིག |
| བཙན་པོ |
2.(རྒྱན་ཚིག) མཐུ་སྟོབས་དང་སྟོབས་ཤུགས་དྲག་པོ་ཡོད་པའི་དོན་ཏེ། (དཔེར་ན།) རྒྱལ་ཁབ་བཙན་པོ། བཀའ་ལུང་བཙན་པོ་ཞེས་པ་ལྟ་བུ། ཚིག་བསྡུས་ན་བཙན་ཞེས་འབྲི་ཆོག་སྟེ། (དཔེར་ན།) མི་འདི་ཧ་ཅང་བཙན་ལྟ་བུ། 2.རྒྱལ་བོའི་བརྡ་རྙིང་། |
| བཙན་པོ་དབང་ཡོད |
ཁ་དྲག་ཤུགས་གནོན་གྱི་དོན་ཏེ། (དཔེར་ན།) བྱེད་མི་འདོད་པའི་ལས་བཙན་པོ་དབང་ཡོད་ཀྱིས་བསྐུལ་བ་ཞེས་པ་ལྟ་བུ། |
| བཙན་ཕྱུག་འཛོམས་པ |
དབང་དང་རྒྱུ་ནོར་གཉིས་ཀ་ཚང་བ། |
| བཙན་བཟུང |
གཞན་གྱི་ས་ཁང་མི་ཕྱུགས་སོགས་དབང་ཤེད་ཀྱིས་བཟུང་བ། |
| བཙན་བསྐུལ |
དབང་ཤེད་ཀྱིས་བཀོལ་སྤྱོད་ཀྱི་དོན་ཏེ། (དཔེར་ན།) འུ་ལག་བཙན་བསྐུལ། གྲྭ་འཕྱགས་བཙན་བསྐུལ། བཙན་བསྐུལ་བཀས་བཅད་ཅེས་པ་ལྟ་བུ། |
| བཙན་མདོས |
སྔ་དུས་འཇིག་རྟེན་གྱི་བཙན་ལ་བསྔོ་བའི་ཡས་མདོས། |
| བཙན་མོ |
རྗེ་རིགས་ཀྱི་བུད་མེད། |
| བཙན་ཞྭ |
རྒྱལ་བཙན་སོགས་ཁོག་ཞུགས་སྐབས་གྱོན་རྒྱུའི་ཞྭ་མོ། |
| བཙན་འགག |
ས་བཙན་པོའི་འགག་མདོའི་དོན་ཏེ། (དཔེར་ན།) བཙན་འགག་འདི་ནས་ཅིས་ཀྱང་བརྒལ་ཐུབ་པ་བྱེད་དགོས་ཞེས་པ་ལྟ་བུ། |
| བཙན་འཇིང |
(བརྡ་རྙིང་།) གཏན་གྲོགས། |
| བཙན་འཕྲོག |
དབང་ཤེས་ཀྱིས་འཕྲོག་པ་སྟེ། (དཔེར་ན།) བཙན་རྒྱལ་རིང་ལུགས་ཀྱིས་མི་སེར་སྤེལ་ཡུལ་ནས་རྒྱུ་དངོས་ཐོན་ཁུངས་བཙན་འཕྲོག་བྱེད་པ་ཞེས་པ་ལྟ་བུ། |
| བཙན་འཛུལ |
གཞན་གྱི་ས་ཆར་དབང་ཤེད་ཀྱིས་འཛུལ་བའི་དོན་ཏེ། (དཔེར་ན།) གཞན་གྱི་མངའ་ཁོངས་ལ་བཙན་འཛུལ་བྱས་ཞེས་པ་ལྟ་བུ། |
| བཙན་རྒོད |
མི་མ་ཡིན་གྱི་བྱེ་བྲག་ཅིག |
| བཙན་རྒྱལ་རིང་ལུགས |
དཔལ་འབྱོར་དང་ཆབ་སྲིད་ཀྱི་འཕེལ་སྟོབས་སམ་དབང་ཤུགས་སྤྱད་ནས་མི་རིགས་གཞན་དང་རྒྱལ་ཁབ་གཞན་ཡང་རང་རྒྱལ་གྱི་མངའ་འབངས་དང་བཅས་པར་བཙན་གྱིས་ཁོ་ལོ་བསྒྱུར་བའི་ལུགས་སམ་དེ་ལྟར་གཞུང་སྲིད་འཛིན་པའི་སྲིད་གཞུང་། |
| བཙན་རྫོང |
ནང་དུ་ཐར་དཀའ་བའི་མཁར་བཙན་པོ། |
| བཙན་ལྔ |
སྔར་བོད་རྒྱལ་ཉེར་བཞི་པ་ཏོ་རེ་ལོང་བཙན་དང༌། ཉེར་ལྔ་པ་ཁྲི་བཙན་ནམ། ཉེར་དྲུག་པ་ཁྲི་སྒྲ་དཔུང་བཙན། ཉེར་བདུན་པ་ཐོག་རྗེ་ཐོག་བཙན། ཉེར་བརྒྱད་པ་ཐོ་ཐོ་རི་གཉན་བཙན་ཏེ་རྒྱལ་རབས་ལྔ་པོ་སྤྱིའི་མིང༌། |
| བཙན་ལྷ |
རྫོང་ཞིག རྔ་བ་ས་ཁུལ་གྱི་ལྷོ་ངོས་དང་རྒྱལ་རོང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། |
| བཙན་ལྷའི་ཆུ |
ཆུ་ཆེན་ཆུའི་ཆུ་ལག་ཅིག མདོ་ཁམས་བཙན་ལྷ་ཡུལ་དུ་ཡོད། |
| བཙན་ཤུགས |
ཁ་དྲག་དབང་ཤེད་ཀྱི་དོན་ཏེ། (དཔེར་ན།) བཙན་ཤུགས་ལ་བརྟེན་ནས་བཙན་འཛུལ་བྱས་ཞེས་པ་ལྟ་བུ། |
| བཙན་ཤེད |
བཙན་ཤུགས་ཀྱི་དོན་ཏེ། (དཔེར་ན།) བཙན་ཤེད་ལོག་གཡེམ། གཞན་ལ་བཙན་ཤེད་ཀྱིས་ལས་ཀ་བསྐུལ་བ་ཞེས་པ་ལྟ་བུ། |
| བཙན་ས |
ཉེར་འཚེས་མི་ཚུགས་པའི་སའམ། གནོད་པ་བྱེད་མི་ཐུབ་པའི་ས་ཆ། |
| བཙན་སྙ |
(བརྡ་རྙིང་།) བོད་རྒྱལ་གདུང་རབས་སོ་ལྔ་པ་མང་སྲོང་མང་བཙན་སྐབས་ཀྱི་བློན་ཆེན་ཞིག་ཡིན་ཞིང་མགར་སྟོང་བཙན་གྱི་བུ་ཆེ་བའོ། ། |
| བཙན་ཧམ |
དབང་ཤེད་བསྙོན་ཧམ། |
| བཙབ |
གཙབས་ཀྱི་མ་འོངས་པ་དང་ད་ལྟ་བར་བཙབ་འབྲི་བའང་ཡོད། |
| བཙབས |
གཙབས་ཀྱི་འདས་པ་ལ་བཙབས་འབྲི་བའང་ཡོད། |
| བཙའ |
1.ལྕགས་རིགས་ལ་བཞའ་ཚན་སོགས་ཕོག་ནས་ཆགས་པའི་གཡའ་སེར་ཞིག (དཔེར་ན།) གྲི་མ་བརྡར་བས་བཙའ་བརྒྱབ་འདུག་ཅེས་པ་ལྟ་བུ། 2.རྩྭ་ཤིང་རིགས་ལ་བྱུང་བའི་ནད་སྐྱོན་ཞིག (དཔེར་ན།) ལོ་ཏོག་ལ་བཙའ་བརྒྱབ་ནས་ཐོན་འབོར་ཉུང་དུ་ཕྱིན་པ། འབྲས་ལྡན་ཤིང་ལ་བཙའ་བརྒྱབ་ནས་ཡལ་འདབ་ཚང་མ་སེར་པོར་གྱུར་འདུག་ཅེས་པ་ལྟ་བུ། |
| བཙའ་ཐན |
ལོ་ཏོག་གི་གནོད་སྐྱོན་བཙའ་དང་ཐན་པ། |
| བཙའ་བ |
1.(བྱེད་འབྲེལ་ལས་ཚིག) མ་འོངས་པ། གཅེས་སྲུང༌གི་དོན་ཏེ། (དཔེར་ན།) ཐོས་པ་བ་རྣམས་ཀྱིས་དཔེ་ཆ་མིག་ལྟར་བཙའ་བ་ལྟ་བུ། 2.མིག་གིས་ཧ་རེ་ལྟ་བ་དང་བྱ་ར་བྱེད་པའི་དོན་ཏེ། (དཔེར་ན།) སྤྱན་རས་བཙའ། སྤུས་ཀར་མིག་བཙས་པ། ཉིན་མཚན་ལྟོས་མེད་ས་མཚམས་ཀྱི་གནས་ཚུལ་ལ་མིག་བཙས་པ་ཞེས་པ་ལྟ་བུ། 3.(བྱེད་མེད་ལས་ཚིག) མ་འོངས་པ། སྐྱེ་བའི་དོན་ཏེ། ཟླ་གྲངས་ཚང་ནས་བུ་ཕྲུག་བཙའ་བ་ཞེས་པ་ལྟ་བུ། |
| བཙའ་མ |
ལྕགས་རིགས་སོགས་བཙའ་སྐྱོན་ཅན་ཏེ། (དཔེར་ན།) ལྕགས་བཙའ་མ་ཞེས་པ་ལྟ་བུ། |
| བཙའ་ཟུག |
ཕྲུ་གུ་སྐྱེ་ཟུག་སྟེ། (དཔེར་ན།) ཕྲུ་གུ་སྐྱེ་སྐབས་བཙའ་ཟུག་ཧ་ཅང་ཆེ་ཞེས་པ་ལྟ་བུ། |
| བཙལ |
(བྱེད་འབྲེལ་ལས་ཚིག) མ་འོངས་པ་དང་འདས་པ། བོར་བ་རྙེད་ཐབས་དང་མ་ཐོབ་པ་འཐོབ་ཐབས་བྱེད་པའི་དོན་ཏེ། (དཔེར་ན།) རྟ་བོར་ན་བཙལ་དགོས། རྟ་བཙལ་ནས་རྙེད། བདེན་དོན་བཙལ་ནས་ཤེས་ལྟ་བུ། |
| བཙལ་ཀྱང་མ་རྙེད་པའི་སྡུག་བསྔལ |
འདོད་པའི་དངོས་པོ་བཙལ་ཀྱང་མ་རྙེད་པའི་སྡུག་བསྔལ་ཏེ་སྡུག་བསྔལ་བརྒྱད་ཀྱི་ཡ་གྱལ་ཞིག |
| བཙལ་འཚོལ |
རྩད་གཅོད་དམ་འཚོལ་ཞིབ་ཀྱི་དོན་ཏེ། (དཔེར་ན།) ཕྱུགས་རྫིས་ར་ལུག་གར་སོང་བཙལ་འཚོལ་བྱེད་པ། རང་གི་སྐྱོན་དང་ནོར་འཁྲུལ་འབྱུང་རྩ་གར་ཡོད་བཙལ་འཚོལ་བྱེད་ཅེས་པ་ལྟ་བུ། |
| བཙས |
1.(བྱེད་མེད་ལས་ཚིག) བཙའ་བའི་འདས་པ། (དཔེར་ན།) བྱིས་པ་བཙས་རྗེས་ངལ་གསོ་བྱེད་ལྟ་བུ།2.བཙའ་ཡིས་ཞེས་པའི་ཚིག་བསྡུས་པ་སྟེ། (དཔེར་ན།) ལོ་ཏོག་བཙས་འཁྱེར་བ་འགོག་དགོས་ལྟ་བུ། 3.གླ་བཙའི་མིང་། (དཔེར་ན།) གླ་བཙས། གྲུ་བཙས་ཞེས་པ་ལྟ་བུ། |
| བཙས་ཁྱེར་བ |
ལོ་ཏོག་ལ་བཙའ་ཡིས་གནོད་སྐྱོན་བཏང་བའི་དོན་ཏེ། (དཔེར་ན།) ཞིང་ལ་ས་བོན་འདེབས་སྐོར་བྱས་ནས་བཏབ་ན་ལོ་ཏོག་བཙའ་ཡིས་མི་འཁྱེར་བའི་ཁྱད་ཡོད་ཅེས་པ་ལྟ་བུ། |
| བཙས་ཆེན |
བཙས་མ་དངོས་གཞི་རྔ་བའི་སྐབས་ཏེ། (དཔེར་ན།) བཙས་ཆེན་ལངས་ནས་མི་རྣམས་བྲེལ་ཟིང་གིས་མི་ཁོམ་ཞེས་པ་ལྟ་བུ། |
| བཙས་པ |
(བརྡ་རྙིང་།) སྐྱག་པ། |
| བཙས་པའི་དུས |
དུས་བརྒྱད་ཀྱི་ནང་གསེས་ཤིག་སྟེ་བཙས་ནས་འཁོགས་པའི་བར་སྤྱི་ལའོ། ། |
| བཙས་མ |
སྨིན་ཟིན་བསྡུས་ཆོག་གི་ལོ་ཏོག (དཔེར་ན།) སྟོན་དུས་ལོ་ཏོག་བཙས་མ་བརྔ་རྒྱུ་དགོས་ན་དགུན་དཔྱིད་དབྱར་གསུམ་ཞིང་ལས་མ་གཡེངས་ཧུར་པོ་གྱིས། སྟོན་ཐོག་བཙས་མ་མ་ལང་ཞེས་པ་ལྟ་བུ། |
| བཙས་ཟླ |
ཕྲུ་གུ་སྐྱེས་པའི་ཟླ་བ་སྟེ། (དཔེར་ན།) བཙས་ཟླ་ཡོལ་ཟིན་ཀྱང་ད་དུང་ཕྲུ་གུ་མ་སྐྱེས་ཞེས་པ་ལྟ་བུ། |
| བཙས་འཕྲོག་པ |
(བརྡ་རྙིང་།) གཡའ་ཆགས་པ། |
| བཙས་སྐར |
སྐྱེས་སྐར། |
| བཙས་སྟོན |
1.ཕྲུ་གུ་སྐྱེས་རྗེས་གཤོམ་པའི་སྟོན་མོ། 2.བཙས་མ་བརྔས་ཚར་བའི་རྗེས་ཀྱི་སྤྲོ་སྐྱིད་སྟོན་མོ། |
| བཙིར |
(བྱེད་འབྲེལ་ལས་ཚིག) འཚིར་གྱི་མ་འོངས་པ་དང་འདས་པ། ཕྱོགས་གཉིས་ཀ་ནས་གནོན་ཤུགས་ཀྱིས་མནན་པའི་དོན་ཏེ། (དཔེར་ན།) ལྕགས་གཏུན་འཕྲུལ་འཁོར་གྱིས་བཙིར། ལྕགས་སྐམ་པའི་བར་ལ་བཙིར་ནས་བརྡུངས་ལྟ་བུ། |
| བཙིར་གནོན |
1.པད་ཁ་སོགས་ལས་སྣུམ་འདོན་ཐབས་ཤིག 2.སྔར་ཁྲིམས་ཆད་གཏོང་ལུགས་ངན་པ་ཞིག |
| བཙིར་བ |
འཚིར་བའི་འདས་པ་དང་མ་འོངས་པའི་བྱ་མིང་། |
| བཙུགས |
(བྱེད་འབྲེལ་ལས་ཚིག) འཛུགས་པའི་འདས་པ། འདེབས་སྐྲུན་བྱེད་པའི་དོན་ཏེ། (དཔེར་ན།) ཤིང་སྡོང་བཙུགས། མྱུ་གུ་བཙུགས། འབྲས་ཀྱི་ལྗང་བུ་བཙུགས་ལྟ་བུ། |
| བཙུགས་པ |
འཛུགས་པའི་འདས་པའི་བྱ་མིང་། |
| བཙུགས་པའི་གྲིབ་མ |
ཆ་བདུན་ཐུར་མའམ་སྐྱེས་བུ་རྐང་གཅིག་བཙུགས་པའི་གྲིབ་མ། |
| བཙུགས་ཕྲུག |
དགུན་དུས་ཀྱི་མལ་གཟན་སྤུ་རིང་ཅན། |
| བཙུགས་ཕྲུག་མཛུབ་བཅད |
བཙུགས་ཕྲུག་གི་སྤུ་རིང་ཤོས། |
| བཙུགས་ཤིང |
མིས་བཙུགས་པའི་ཤིང༌། |
| བཙུད |
(བྱེད་འབྲེལ་ལས་ཚིག) འཛུད་པའི་འདས་པ། ནང་ལ་བཅུག་པའམ་ལམ་ལ་འགྲོར་བཅུག་པའི་དོན་ཏེ། (དཔེར་ན།) དགེ་རྒན་གྱིས་སློབ་མ་རྣམས་ཡང་དག་པའི་ལམ་ལ་བཙུད་ལྟ་བུ། |
| བཙུད་པ |
འཛུད་པའི་འདས་པའི་བྱ་མིང། |
| བཙུན |
(རྒྱན་ཚིག) འཆལ་བའི་ལྡོག་ཟླ་སྟེ། (དཔེར་ན།) ངག་བཙུན་པ། ལུས་བཙུན་པ། མོ་བཙུན། དར་མ་བཙུན་སྤྱོད་ཅེས་པ་ལྟ་བུ། |
| བཙུན་གཟུགས |
གྲྭ་པའམ་ཨ་ནེའི་ཆ་ལུགས། |
| བཙུན་ཆུང |
གྲྭ་པ་ཆུང་ངུ། |
| བཙུན་པ |
1.སྒོ་གསུམ་གྱི་ཀུན་སྤྱོད་ཞི་ཞིང་དུལ་བའི་གྲྭ་པ་སྤྱི་དང༌། གྲྭ་པའི་ཞེ་ས། 2.སྒོ་གསུམ་གྱི་ཉེས་སྤྱོད་སྤངས་པ། |
| བཙུན་པ |
རབ་བྱུང་པའི་མིང་གཞན་ཏེ། ཕོ་ལ་བཙུན་པ་ཟེར་ཞིང་། མོ་ལ་བཙུན་མ་ཟེར། |
| བཙུན་པ་ཁྲིམས་མེད |
གྲྭ་པ་སྡོམ་པ་མི་སྲུང་མཁན། |
| བཙུན་པ་བཅོམ་ལྡན་འདས |
སངས་རྒྱས་ཀྱི་མཚན་ཞིག |
| བཙུན་པ་བསླབ་པ་གཞོན་པ |
སྡོམ་པ་རྗེས་ལ་བླངས་པའི་གྲྭ་པ། |
| བཙུན་པ་བསླབ་པ་རྒན་པ |
སྡོམ་པ་སྔོན་ལ་བླངས་པའི་གྲྭ་པ། |
| བཙུན་པ་བུད་མེད |
བཙུན་མའམ་ཨ་ནེ། |
| བཙུན་པ་ར་ཏ |
སྔར་རྒྱ་གར་གྱི་སངས་རྒྱས་ཆོས་ལུགས་མདོ་སྡེ་པའི་སློབ་དཔོན་ཞིག |
| བཙུན་པོ |
1.ཚུལ་ཁྲིམས་ལྡན་པའི་མི། 2.རྗེ་བོ། |
| བཙུན་མ |
ཨ་ནེའམ་རབ་བྱུང་མ། |
| བཙུན་མ་ཕབ་པ |
མོ་བཙུན་བཀའ་ཕབ་པ། |
| བཙུན་མོ |
རྒྱལ་པོའི་ཆེན་མ་དང་ཆུང་མ། མིང་གི་རྣམ་གྲངས་ལ་སྐྱེ་རྒུའི་བདག་མོ་དང༌། རྒྱལ་མོ། རྒྱལ་རིགས་ཆུང་མ། རྒྱལ་རིགས་མ། ཇོ་མོ། རྗེ་མོ། འདྲེན་པ་མོ། ཕོ་བྲང་འཁོར་བ། འཕགས་མ། མི་བདག་མོ། ས་སྤྱོད་མ་བཅས་སོ། ། |
| བཙུན་མོ |
རྒྱལ་བོའི་ཆུང་མའི་སྤྱི་མིང་། |
| བཙུན་མོ་རིན་པོ་ཆེ |
རྒྱལ་སྲིད་སྣ་བདུན་གྱི་གྲས་ཤིག |
| བཙུན་མོ་རེ་རལ |
བྱང་ལུགས་ཀྱི་བྲག་སྤོས་དང་ཟུར་ལུགས་ཀྱིས་བྲག་སྐྱ་ཧ་བོ་ལ་ངོས་འཛིན་མཛད། |
| བཙུན་མོ་རོལ་སྟབས |
ཞབས་གཡས་བསྐུམས་གཡོན་བརྐྱངས་ཀྱི་བཞུགས་ཚུལ། |
| བཙུན་མོའི་སླས |
བཙུན་མོའི་འཁོར། |
| བཙུན་རྒན |
གྲྭ་པ་རྒན་འཁོགས། |
| བཙུམ |
(བྱེད་འབྲེལ་ལས་ཚིག) འཚུམ་པའི་མ་འོངས་པ། ཁ་མིག་སོགས་འབྱེད་པའི་ལྡོག་ཟླ་སྟེ། (དཔེར་ན།) ཁ་བཙུམ་པར་བྱ། བཙུམ་བྱའི་མིག་ཅེས་པ་ལྟ་བུ། |
| བཙུམས |
(བྱེད་འབྲེལ་ལས་ཚིག) འཚུམ་པའི་འདས་པ། (དཔེར་ན།) མིག་བཙུམས་ནས་བྱིའུ་འཛིན་པ་ཞེས་པ་ལྟ་བུ། |
| བཙེམ |
(བྱེད་འབྲེལ་ལས་ཚིག) འཚེམ་པའི་མ་འོངས་པ། ཁབ་དང་སྐུད་པས་གོས་སོགས་བཟོས་པའི་དོན་ཏེ། (དཔེར་ན།) གོས་བཙེམ་དགོས། བཙེམ་བྱའི་གོས་ཞེས་པ་ལྟ་བུ། |
| བཙེམས |
(བྱེད་འབྲེལ་ལས་ཚིག) འཚེམ་པའི་འདས་པ། (དཔེར་ན།) དམག་ལྭ་བཙེམས་ནས་གཡུལ་ངོར་རྒྱབ་རོགས་བྱས་ལྟ་བུ། |
| བཙེས |
གཙེ་ཡི་འདས་པ་ལ་བཙེས་འབྲི་བའང་ཡོད། |
| བཙོ |
1.(ཡུལ་སྐད།) ཕྱུགས་ཀྱི་གྲོད་པའི་ནང་དུ་ཡོད་པའི་ཟས་ཀྱི་སྙིགས་རོ།2.(བྱེད་འབྲེལ་ལས་ཚིག) བཙོས་པའི་མ་འོངས་པ། དངོས་རྫས་ཆུའི་ནང་དུ་བཞག་ནས་མེ་སྦར་ཏེ་ཁོལ་དུ་བཅུག་པའི་དོན་ཏེ། (དཔེར་ན།) ཤ་རློན་བཙོ་དགོས་ལྟ་བུ། |
| བཙོ་ཁང |
ཚོས་རྒྱག་སའི་ཁང་པ། |
| བཙོ་བ |
1.འཚོད་པའི་མ་འོངས་པ། 2.ནད་གཞི་བཅོས་ཐབས་ཤིག |
| བཙོ་བླག |
ཚོས། |
| བཙོ་བླག |
རས་ཀྱི་ཁ་དོག་བསྒྱུར་བའི་བྱ་བའི་མིང་། (དཔེར་ན།) རས་བཙོ་བླག་བྱས། བཙོ་བླག་མཁན་ཞེས་པ་ལྟ་བུ། |
| བཙོ་བླག་མཁན |
ཚོས་རྒྱག་མཁན་ནམ་ཚོས་པ། |
| བཙོ་མ |
1.ལི་ཁྲི་སྐྱེར་ཁ་བསྲེས་པའི་མདོག 2.ཡང་ཡང་བཞུ་བཏུལ་བྱས་ནས་བྱུང་བའི་དངོས་རིགས་ལྷད་མེད་ཀྱི་ཞུན་མའི་མིང། (དཔེར་ན།) གསེར་བཙོ་མ། ཟངས་བཙོ་མ་ཞེས་པ་ལྟ་བུ། |
| བཙོ་རྫ |
ཤ་སོགས་བཙོ་སྣོད་ཀྱི་རྫ་མ། |
| བཙོ་ལག |
(བརྡ་རྙིང་།) ཚོས། |
| བཙོ་ལུམས |
སྨན་བཙོ་བའི་རླངས་ལུམས། |
| བཙོ་སྦྱང |
གསེར་དངུལ་སོགས་འདུལ་ཐབས་ཏེ། (དཔེར་ན།) གསེར་བཙོ་སྦྱང་བྱས་ནས་ལྷད་བཏོན་ཅེས་པ་ལྟ་བུ། |
| བཙོག |
(བྱེད་འབྲེལ་ལས་ཚིག) མ་འོངས་པ། རྡོ་དང་དབྱུག་པ་སོགས་ཀྱིས་རྡུང་རྡེག་བྱས་པའི་བརྡ་རྙིང་ད་ལྟ་བ་ལ་འཚོག་དང་། འདས་པར་བཙོགས། སྐུལ་ཚིག་ལ་ཚོགས་འབྲི། |
| བཙོག་གཏམ |
འདོད་ཆགས་སྐོར་གྱི་སྐད་ཆ། |
| བཙོག་གྲིབ |
དམེ་བཙོག་ལས་བྱུང་བའི་གྲིབ་ཀྱི་རྣམ་གྲངས་ཤིག |
| བཙོག་དམེ |
བཙོག་པའི་དོན་ཏེ། (དཔེར་ན།) གྱོན་གོས་བཙོག་དམེའི་རིགས་ཆུ་ལ་གཙང་མར་འཁྲུ་བ་ལྟ་བུ། |
| བཙོག་པ |
1.རྡེག་པའི་དོན་དུ་གོ་བའི་འཚོག་པའི་མ་འོངས་པ། 2.མི་གཙང་བར་གོ་བའི་མིང་རྐྱང་སྟེ་སྐྱག་པ། (དཔེར་ན།) རང་དབང་མེད་པར་བཙོག་པ་ཤོར་བ། ཁྱིས་བཙོག་པ་བཏང་བ། བཙོག་པ་རང་གི་ཨམ་ཕྲག་ཏུ་ཉར། མི་ལ་དྲི་མ་ཁ་མདོག་བྱེད་ཅེས་པ་ལྟ་བུ། 3.དབྲེ་བ་དང༌། དམེ་བ་སྟེ་མི་གཙང་བའི་དོན། (དཔེར་ན།) གྱོན་པ་བཙོག་པ། ལྟོ་ཆས་བཙོག་པ། ལས་ཀ་བཙོག་པ། སྤྱོད་པ་བཙོག་པ། སྐད་ཆ་བཙོག་པ་ཞེས་པ་ལྟ་བུ། |
| བཙོག་པོ |
1.(ཡུལ་སྐད།) རྒོད་པོ་དང༌། གྱོང་པོའི་དོན་ཏེ། (དཔེར་ན།) ཕོ་བཙོག་པོ་ཞེས་པ་ལྟ་བུ། 2.མི་གཙང་བ། 3.(མངོན་བརྗོད།) རྡོ། |
| བཙོག་འཕྱར |
འབྲུ་རིགས་རླུང་ལ་རགས་ཙམ་འཕྱར་བའི་དོན་ཏེ། (དཔེར་ན།) ནས་བཙོག་འཕྱར་བྱས་ནས་སྙིགས་རྣམས་འདོན་ཞེས་པ་ལྟ་བུ། |
| བཙོག་ལྟ |
བཙོག་སྣང་ངམ་མི་གཙང་བར་འཛིན་པའི་དོན་ཏེ། (དཔེར་ན།) ཞིང་ལུད་གསོག་འདོན་གྱི་ལས་ཀ་བྱེད་དུས་བཙོག་ལྟ་གྲིབ་དོགས་གང་ཡང་མི་བྱེད་ཅེས་པ་ལྟ་བུ། |
| བཙོགས་པ |
རྡེག་པའི་དོན་དུ་གོ་བའི་འཚོག་པའི་འདས་པ། |
| བཙོང |
(བྱེད་འབྲེལ་ལས་ཚིག) འཚོང་བའི་མ་འོངས་པ། ཚོང་རྫས་ཕར་སྤྲད་ནས་དོང་ཙེ་ཚུར་ལེན་པའི་དོན་ཏེ། (དཔེར་ན།) བལ་པགས་རྒྱལ་ཁབ་ལ་བཙོང་དགོས། བཙོང་བྱའི་འབྲུ་རིགས་ཞེས་པ་ལྟ་བུ། |
| བཙོང་ནག |
སྔོ་བཙོང་གི་རིགས་ཤིག |
| བཙོང་བ |
འཚོང་བའི་མ་འོངས་པའི་བྱ་མིང། |
| བཙོང་རྩ་དཀར་པོ |
སྨན་ལ་འཇུག་རྒྱུའི་བཙོང་གི་རྩ་བ། |
| བཙོངས |
(བྱེད་འབྲེལ་ལས་ཚིག) འཚོང་གི་འདས་པ། (དཔེར་ན།) འབྲུ་ལྷག་བཙོངས་ནས་འདྲུད་འཐེན་འཕྲུལ་འཁོར་ཉོས་ལྟ་བུ། |
| བཙོངས་པ |
འཚོང་བའི་འདས་པའི་བྱ་མིང། |
| བཙོད |
1.ཤིང་རྒྱུ་ལས་བྱུང་བའི་ཚོས་དམར་པོ་ཞིག མིང་གི་རྣམ་གྲངས་ལ་བཀྲ་བའི་འདབ་ཅན་དང༌། དཔག་ཚད་འདབ། སྦལ་པའི་ལོ་མ། ལེ་བརྒན་བཅས་སོ། །2.ཤིང་སྨན་གྱི་རིགས་ཤིག རོ་ཁ། ཞུ་རྗེས་སྙོམས། ནུས་པས་གློ་ཚད་དང༌། མཁལ་ཚད། འགྲམས་ཚད་བཅས་ལ་ཕན། |
| བཙོད་མདོག |
ཚོས་གཞི་དམར་སྨུག |
| བཙོན |
ཉེས་ཅན་བཀག་འཇུག་བྱེད་ས་སྟེ། (དཔེར་ན།) བཟང་བཙོན། ཉེས་བཙོན། ཚེ་བཙོན་ཞེས་པ་ལྟ་བུ། |
| བཙོན་ཁང |
བཙོན་པ་འཇུག་ཁང༌། མིང་གི་རྣམ་གྲངས་ལ་ཁྲི་མུན་དང༌། འཁྲུལ་འཁོར་ཁྱིམ། འཆིང་ཁྱིམ། ཏིལ་མར་ར་བ། བཙོན་ར་བཅས་སོ། ། |
| བཙོན་ཆས |
ཉེས་ཅན་བཙོན་ཁང་དུ་སྡོད་རྒྱུན་རིང་གྱོན་རྒྱུའི་གོས། སྔར་བོད་ས་གནས་སྲིད་གཞུང་སྐབས་བཙོན་པས་གྱོན་པའི་གོས་དེ་ཚུར་བཤུས་ནས་བཙོན་ཆས་ཧྲུལ་གྱར་ཞིག་གཡོག་སྲོལ་ཡོད། |
| བཙོན་དུ་བཟུང |
1.བཙོན་དུ་བཅུག་པ། 2.ཨང་ཡིག་ལ་མུ་ཁྱུད་ཀྱི་རེ་ཁས་བསྐོར་བ། |
| བཙོན་དུས |
བཙོན་ལ་འཇུག་པའི་དུས་ཚོད་ཀྱི་དོན་ཏེ། (དཔེར་ན།) བཙོན་དུས་ཚང་ནས་གློད་འགྲོལ་བཏང་ཞེས་པ་ལྟ་བུ། |
| བཙོན་དོང |
ས་འོག་ཏུ་ཡོད་པའི་བཙོན་ཁང༌། |
| བཙོན་པ |
དོ་དམ་བྱེད་ཡུལ་གྱི་མི་སྟེ། (དཔེར་ན།) ཉེས་ཅན་བཙོན་པར་ཁྲིམས་གཅོད་བྱེད་ཅེས་པ་ལྟ་བུ། |
| བཙོན་མ |
ཁྲིམས་ལ་སྦྱར་ནས་བཙོན་དུ་བཅུག་པའི་མི། |
| བཙོན་འགྲོལ |
བཙོན་ནས་གློད་པ། |
| བཙོན་འགྲོལ་ཆེན་པོ |
རྒྱལ་ཁབ་ནས་བཙོན་པ་ཡོངས་རྫོགས་སམ་མང་ཆེ་བ་གུ་ཡངས་སམ། བབ་ཡང་གིས་གློད་པ། |
| བཙོན་འཇུག |
བཙོན་ཁང་དུ་འཇུག་པ་སྟེ། (དཔེར་ན།) ནག་ཅན་འཛིན་བཟུང་གིས་བཙོན་འཇུག་བྱེད་ཅེས་པ་ལྟ་བུ། |
| བཙོན་ར |
བཙོན་པ་སྡོད་ས། |
| བཙོན་རྫི |
བཙོན་པར་དོ་དམ་བྱེད་མི། |
| བཙོན་ལྟོ |
བཙོན་པའི་བཟའ་བཏུང༌། |
| བཙོན་སྲུང་པ |
བཙོན་རྫི་དང་དོན་གཅིག |
| བཙོས |
(བྱེད་འབྲེལ་ལས་ཚིག) བཙོ་བའི་འདས་པ། (དཔེར་ན།) ཤ་བཙོས་ནས་ཚོས་ལྟ་བུ། |
| བཙོས་མ |
བཙོས་ཟིན་པའི་དངོས་པོ་སྟེ། (དཔེར་ན།) ཤ་བཙོས་མ། བཟའ་ཆས་བཙོས་མ་ཞེས་པ་ལྟ་བུ། |
| བཙོས་ཤ་རྗེན་ལོག |
གཏན་ལ་ཕབ་ཟིན་པ་འགྱུར་ལྡོག་མི་བྱེད་པའི་དཔེ། (དཔེར་ན།) ཁ་མཆུའི་གྱོད་གཞི་ཐག་ཆོད་ཟིན་པས་སླད་བཙོས་ཤ་རྗེན་ལོག་གི་གླེང་རྙོག་བཤད་མི་ཆོག་ཅེས་པ་ལྟ་བུ། |
| བཞག |
1.མགོ་མཇུག་བར་མཚམས་མེད་པར་སྒོར་མོ་ལྟ་བུར་འཁྱིལ་བའི་རི་མོ། (དཔེར་ན།) རྒྱུ་མ་བཞག་སྒོར་མོ། ཟློས་གར་བ་ཚོ་བཞག་སྒོར་མོ་ལྟར་རུ་བསྒྲིགས་ལྟ་བུ། 2.བརླ་ཁུག3.(བྱེད་འབྲེལ་ལས་ཚིག) འཇོག་པའི་འདས་པ། (དཔེར་ན།) དཔེ་ཆ་དཔེ་སྟེགས་སྟེང་དུ་བཞག་ནས་དོ་དམ་བྱས་ལྟ་བུ། |
| བཞག་པ |
གནས་སུ་འཇོག་པའམ་སྒྲིག་པའི་དོན་དུ་གོ་བའི་འཇོག་པའི་འདས་པའི་བྱ་མིང། |
| བཞག་བྲ |
མི་ཉག་ཤར་སྟོད་བཞག་བྲ་དཀར་པོ་ཞེས་པ། ཁམས་དར་མདོ་རྫོང་ཁོངས་སུ་ཡོད་པའི་གངས་རི་ཞིག |
| བཞག་འོག |
མཆན་ཁུང༌། |
| བཞག་ཤ |
བཤུལ་ཤའམ། བརླའི་ནང་ལོགས་ཀྱི་ཤའི་མིང༌། |
| བཞག་སྒོར |
རྒྱུ་མ་ཞིག |
| བཞགས |
བརྒྱན་པའི་བརྡ་རྙིང་། |
| བཞགས་པ |
(བརྡ་རྙིང་།) གཞགས་པའམ་གཞབས་པའང་ཟེར། བརྒྱན་པའམ་མཛེས་པའི་དོན། |
| བཞད |
རྒྱ་གར་གྱི་བྱའི་བྱེ་བྲག་ཅིག མིང་གི་རྣམ་གྲངས་ལ་མགྲིན་རིང་དང༌། སྒྲ་འབྱིན། ཆུའི་མིང་ཅན། རྫིང་བུའི་མཚན་མ་བཅས་སོ། ། |
| བཞད |
1.(བྱེད་མེད་ལས་ཚིག) 1>མེ་ཏོག་ཁ་ཕྱེ་བའི་དོན་ཏེ། (དཔེར་ན།) ཀེ་ཚེའི་མེ་ཏོག་བཞད་ལྟ་བུ། 2>བགད་པའི་ཞེ་ས། 2.མི་སྐད་ཀྱི་ལད་མོ་བྱེད་ཤེས་པའི་བྱ་ཞིག་གི་མིང་རྒྱ་སྐད་དུ་པ་ཀོ་ཟེར། |
| བཞད་ཁ་མ |
མེ་ཏོག་ཁ་འབུས་ལ་ཁད་པ། |
| བཞད་གད |
གད་མོའི་མིང་སྟེ། (དཔེར་ན།) བཞད་གད་ཤོར་བ། བཞད་གད་ཆེན་པོ་ཞེས་པ་ལྟ་བུ། མིང་གི་རྣམ་གྲངས་ལ་ཀུ་རེ་དང༌། ཀུན་ནས་རྒོད། ག་ཆད་རྒོད། གད་མོ་འབྱིན། བདེ་འབྱུང༌། བར་མར་བཞག་ཡིད་རྒོད། གཡེར་བག་རོལ་རྩེད་བཅས་སོ། ། |
| བཞད་གད་ཀྱི་ཉམས |
ཉམས་ལྡན་གྱི་རྒྱན་གྱི་ནང་གསེས་ཤིག་སྐྱོན་ལྡན་གྱི་ཡུལ་མཐོང་བའི་རྐྱེན་གྱིས་ནང་དུ་དགོད་བྲོ་འཕེལ་བའི་རྣམ་འགྱུར་བཞད་གད་ཀྱི་ཉམས་སྟོན་པའི་རྒྱན་ཞིག |
| བཞད་གད་ཆི་ལེ |
གད་མོ་དིར་དིར་གྱི་དོན་ཏེ། (དཔེར་ན།) མིག་འཕྲུལ་ལྟད་མོ་མཐོང་བ་དང༌། ཚོགས་མང་བཞད་གད་ཆི་ལེར་སོང༌ཞེས་པ་ལྟ་བུ། |
| བཞད་གད་པ |
གད་མོ་དགོད་མཁན་ནམ་རྩེ་དགོད་སློང་མཁན། |
| བཞད་པ་མོ |
(མངོན་བརྗོད།) ལྷ་མོ་དབྱངས་ཅན་མ། |
| བཞད་མཐོང་སྨོན |
རྫོང་ཞིག གཙང་གཞིས་ཀ་རྩེའི་ནུབ་བྱང་ཕྱོགས་དང་ཡར་ཀླུངས་གཙང་པོའི་བྱང་རྒྱུད་ན་ཡོད། |
| བཞད་མོ |
གད་མོའི་ཞེ་ས་སྟེ་དགའ་བའི་སྒྲ་དང་རྣམ་འགྱུར། (དཔེར་ན།) བཞད་མོ་ཆེས་ཆེར་བཞད་པ་ཞེས་པ་ལྟ་བུ། |
| བཞད་འཕྱ |
འཕྱ་ལད་དང་བཅས་པའི་གད་མོ། (དཔེར་ན།) བླུན་པོས་མཁས་མཁས་བྱས་པ་བཞད་འཕྱའི་རྒྱུ་ཞེས་པ་ལྟ་བུ། |
| བཞད་ལྡན་མ |
(མངོན་བརྗོད།) པདྨ་ཅན་གྱི་མཚོ། |
| བཞབས |
1.(བྱེད་འབྲེལ་ལས་ཚིག) གཞབ་ཀྱི་འདས་པ། (དཔེར་ན།) འོ་ཟོའི་ཁ་ནས་མར་བཞབས་ཏེ་ཆུ་བཅག་བྱས་ལྟ་བུ།2.འཇབ་ཀྱི་སྐུལ་ཚིག་ལ་བཞབས་འབྲི་བའང་ཡོད། |
| བཞབས་པ |
(བརྡ་རྙིང་།) འཇབས་པ། |
| བཞམས |
1.(བརྡ་རྙིང་།) བསྡུས་པའི་དོན་ཏེ། (དཔེར་ན།) འོ་མའི་སྤྲིས་མ་རྣམས་བཞམས་ཏེ་སྣོད་དུ་བཞག་ཅེས་པ་ལྟ་བུ།2.གཞམས་ཀྱི་འབྲི་ཚུལ་གཞན། |
| བཞམས་པ |
བཞམས་པོ་དང་འདྲ། |
| བཞམས་པོ |
འཇམ་པོའི་དོན་ཏེ། (དཔེར་ན།) ཚིག་བཞམས་པོས་སློབ་གསོ་བྱས་ལྟ་བུ། |
| བཞམས་བསྒོ |
1.བསླབ་བྱ་འཇམ་པོར་བྱེད་པ། 2.དྲན་བསྐུལ་ལམ་གཞེན་འདེབས་པ། |
| བཞའ |
གཤེར་བའམ་རློན་པའི་དོན་ཏེ། (དཔེར་ན།) བཞའ་ས། འབྲུ་ལ་བཞའ་འདུག་ཅེས་པ་ལྟ་བུ། |
| བཞའ |
གཞའ་ཡི་འབྲི་ཚུལ་གཞན། |
| བཞའ་ཁུག་པ |
རླན་ཞུགས་པའི་དོན་ཏེ། (དཔེར་ན།) རྨོ་སློག་བརྒྱབ་ནས་བཞའ་ཁུག་པ་ལྟ་བུ། |
| བཞའ་ཚན |
རླན་ངར་གྱི་མིང་། (དཔེར་ན།) བཞའ་ཚན་ཆེན་པོ། བཞའ་ཚན་མེད་སར་བཞག་པ། བཞའ་ཚན་སྔོན་འགོག་ཅེས་པ་ལྟ་བུ། |
| བཞའ་རླན |
རློན་པ། |
| བཞའ་སྤབས |
རླན་ཆུང་ངུའི་མིང། (དཔེར་ན།) བཞའ་སྤབས་ཅན་གྱི་ཤོག་བུ་ལ་ཡི་གེ་འབྲི་དཀའ་ཞེས་པ་ལྟ་བུ། |
| བཞར |
(བྱེད་འབྲེལ་ལས་ཚིག) གཞར་བའི་འདས་པ། (དཔེར་ན།) སྐྲ་བཞར་ནས་གཙང་སྦྲ་བྱས་ལྟ་བུ། |
| བཞར་རྒྱག |
1.པང་ལེབ་ཀྱི་ངོ་འཇམ་དུ་གཏོང་བའི་དོན་ཏེ། (དཔེར་ན།) འབུར་ལེན་གྱིས་ཤིང་ལེབ་ལ་བཞར་རྒྱག་ཅེས་པ་ལྟ་བུ། 2.(ཡུལ་སྐད།) པར་ཤིང་བཟོས་ཚར་བར་གྲིས་འཇམ་དུ་གཏོང་བ། |
| བཞི |
གསུམ་ལ་གཅིག་བསྣན་ན་བཞི། (དཔེར་ན།) ནམ་དུས་བཞི་ཞེས་པ་ལྟ་བུ། མིང་གི་རྣམ་གྲངས་ལ་རྒྱ་མཚོ་དང༌། ཆུ་བོ། ཆུ་གཏེར། བདུད། སྡེ་བ། རིག་བྱེད་བཅས་སོ། ། |
| བཞི |
གྲངས་གནས་ཤིག |
| བཞི་གཤེད |
ལོ་སྐོར་བཅུ་གཉིས་པོའི་རང་རང་གི་ཡས་མས་ཀྱི་བཞི་པ་གང་ཡིན་པ་དེ་ནི་བཞི་གཤེད་ཅེས་བྱ་བ་དེ་ཡང་དཔེར་ན། བྱི་བའི་མས་ཀྱི་བཞི་གཤེད་ཡོས་དང་ཡས་ཀྱི་བཞི་གཤེད་བྱ་ཡིན་པ་བཞིན་ནོ། ། |
| བཞི་གླིང |
བཞི་ལིང་ཡང་ཟེར། ཚོ་བཞིར་བགོས་པའི་གླིང་གཅིག (དཔེར་ན།) ཚགས་ཤ་བཞི་གླིང་གཅིག་ཅེས་པ་ལྟ་བུ། |
| བཞི་ཆ |
དུམ་བུ་བཞི་རུ་བགོས་པའི་ཆ་གཅིག |
| བཞི་ནམ |
(བརྡ་རྙིང་།) བཞི་ཆ་གཅིག |
| བཞི་པ |
རིམ་པ་བཞི་པ་སྟེ། (དཔེར་ན།) ཟླ་བ་བཞི་པ། ཐེངས་བཞི་པ། དམག་སྐོར་བཞི་པ། ལན་བཞི་པ་ཞེས་པ་ལྟ་བུ། |
| བཞི་པ་སྒྲུབ་པ |
འཕགས་པ་བཞི་པ་སྒྲུབ་པ་ཞེས་བྱ་བ་ཐེག་པ་ཆེན་པོའི་མདོ། ཤོ་ལོ་ཀ་ཉིས་བརྒྱ་དྲུག་ཅུ་པ། འགྱུར་བྱང་མེད་པ། |
| བཞི་པའི་གནས་སྐབས |
(མངོན་བརྗོད།) རྒན་པའམ་རྒད་པོ། |
| བཞི་པོ |
བཞི་གའི་དོན་ཏེ། (དཔེར་ན།) ཁོ་ཚོ་མི་བཞི་པོ་ཞེས་པ་ལྟ་བུ། |
| བཞི་བརྒྱ་པ |
དངོས་བསྟན་སྟོང་ཉིད་གཙོ་བོར་སྟོན་པའི་གཞུང༌། སྔར་རྒྱ་གར་གྱི་སློབ་དཔོན་འཕགས་པ་ལྷས་མཛད་པའོ། ། |
| བཞི་མཆོད |
ཧོར་ཟླ་བཅུ་པའི་ཚེས་ཉེར་བཞི་ཉིན་སེ་ར་དགོན་པ་ཕྱག་འདེབས་མཁན་བྱམས་ཆེན་ཆོས་རྗེ་ཞི་བར་གཤེགས་པའི་དུས་མཆོད། |
| བཞི་མཉམ |
(བརྡ་རྙིང་།) བཤང་བ་སྨིན་པའམ་མི་གཙང་བ། |
| བཞི་མདོ |
ལམ་ག་བཞི་འདུས་པའི་མདོ། |
| བཞི་མདོ་བ |
(མངོན་བརྗོད།) བྲམ་ཟེ། |
| བཞི་ཟུར |
དུམ་བུ་བཞི་རུ་བགོས་པའི་ཆ་ཤས། |
| བཞི་ལིང |
བཞི་གླིང་དང་འདྲ། |
| བཞི་ལྔ་འགྲོ |
སྔར་བོད་ཀྱི་སྐྱེད་ཀའི་ཚད་གཞི་ཞིག དཔྱིད་ཀ་འབྲུ་ཁལ་བཞི་བུ་ལོན་བླངས་པའི་ཚབ་སྟོན་ཁ་འབྲུ་ཁལ་ལྔ་སྤྲོད་པ། |
| བཞི་ཤད |
ཡི་གེའི་ཤད། ། འདི་ལྟ་བུའི་མིང་། ཚིགས་བཅད་དང་ཚིག་ལྷུག་གང་རུང་གི་དོན་ཚན་ཆེན་པོ་རྫོགས་མཐའ་དང་ལེའུའི་མཚམས་སུ་བྲི་རྒྱུའི་ཤད་ཅིག |
| བཞི་སྐོར |
ཞིང་སོན་ཁལ་གཅིག་འགྲོ་བར་ཐོན་འབབ་ཁལ་བཞི་ཐོན་པ། |
| བཞི་སྡེ་གྲྭ་ཚང |
སྔར་མངའ་བདག་ཁྲི་རལ་པ་ཅན་གྱི་སྐབས། ལྷ་སར་བཏབ་པའི་དགོན་པ་ཞིག་དགོན་བདག་རྭ་སྒྲེང་ཧོ་ཐོག་ཐུའམ། ཨ་ཆི་ཐུ་ནོ་མོན་ཧན་སྐུ་ཕྲེང་སྔ་ཕྱི་རིམ་པ་གཉིས་ཀྱིས་བོད་ཀྱི་རྒྱལ་ཚབ་བྱས་ཡོད། |
| བཞིན |
1.(བསྣན་ཚིག) 1>མཚུངས་པ་གསལ་བྱེད་ཀྱི་སྒྲ་སྟེ། (དཔེར་ན།) ཐོག་ལྕེ་དམར་པོ་མེ་བཞིན་མཆེད། ཆར་རླུང་འཚུབ་མ་བཞིན་དུ་འཁྲིགས། ཇི་མ་ཇི་བཞིན་ཞེས་པ་ལྟ་བུ། 2>ཚད་གཞིར་འཛིན་པའམ་ཁུངས་སུ་བྱེད་པའི་དོན་ཏེ། (དཔེར་ན།) གོང་རིམ་གྱི་མཛུབ་སྟོན་བཞིན་བསྒྲུབས། དེ་བཞིན་དུ་བྱས། སྔར་བཞིན་སོ་ན་གནས་ཞེས་པ་ལྟ་བུ། 2.(གྲོགས་ཚིག) ལས་ཚིག་ད་ལྟ་བའི་མཐར་སྦྱར་ན་བྱ་བ་དེ་མུ་མཐུད་པའི་དོན་ཏེ། (དཔེར་ན།) དགའ་བཞིན་སྤྲོ་བཞིན་ལམ་ལ་འགྲོ་བཞིན་པ། གློག་བརྙན་ལ་ལྟ་བཞིན་ཡོད། ཟས་ཟ་བཞིན་འདུག་ལྟ་བུ། 3.མིའི་ངོ་གདོང་གི་མིང་། (དཔེར་ན།) བཞིན་རས། ཞལ་བཞིན། བཞིན་མདངས་ཞེས་པ་ལྟ་བུ། |
| བཞིན་ཁྱིམ |
ཞལ་རས་ཀྱི་དཀྱིལ་འཁོར། |
| བཞིན་གནག་པ |
བཞིན་ནག་པ་དང་འདྲ། |
| བཞིན་གྱི་དཀྱིལ་འཁོར |
གདོང༌། |
| བཞིན་གྱི་འཁོར་ལོ |
བཞིན་གྱི་དཀྱིལ་འཁོར་དང་དོན་གཅིག |
| བཞིན་ངན |
1.གདོང་མི་མཛེས་པ། 2.(མངོན་བརྗོད།) སྤྲེའུ། |
| བཞིན་ནག་པ |
1.གདོང་མདོག་ནག་པ། 2.མི་དགའ་བའི་རྣམ་འགྱུར་ངོ་ནག (དཔེར་ན།) ཡབ་ཀྱི་དྲུང་དུ་བཞིན་ནག་སྟེ་འདུག་ཅེས་པ་ལྟ་བུ། |
| བཞིན་བཟང |
བཞིན་རས་ལེགས་པ། |
| བཞིན་བཟང་མ |
བུད་མེད་མཛེས་མ། |
| བཞིན་མདངས |
གདོང་གི་མདངས་ཏེ། (དཔེར་ན།) བཞིན་མདངས་འཛུམ་པའི་དགྲ་ཟླ་ཡིས། རང་ལ་རྟག་ཏུ་གནོད་ཉེན་ཆེ་ཞེས་པ་ལྟ་བུ། |
| བཞིན་འགྱུར |
གདོང་གི་རྣམ་འགྱུར་ལོག་པ། |
| བཞིན་འཛུམ |
ཅུང་ཟད་དགོད་པའི་རྣམ་འགྱུར། |
| བཞིན་རས |
ངོའམ་གདོང༌སྟེ། (དཔེར་ན།) གཟིགས་པ་གཞན་དུ་མི་གཡོ་བར་མི་དེའི་བཞིན་རས་ལ་མངོན་པར་གཏད་ཅེས་པ་ལྟ་བུ། |
| བཞིན་ལག |
གཟུགས་དབྱིབས། |
| བཞིན་ལེགས |
1.གདོང་མཛེས་པ། 2.ཀླུའི་རྒྱལ་པོ་ཞིག |
| བཞིན་ལྡོག་པ |
གདོང་འགྱུར་བ་སྟེ། (དཔེར་ན།) བཞིན་མདངས་དཀར་པོར་ལྡོག་པ། བཞིན་མདངས་ནག་པོར་ལྡོག་པ་ཞེས་པ་ལྟ་བུ། |
| བཞིན་སྒྲ་ཅན་གྱི་རབ་རྟོག |
རབ་རྟོག་གི་རྒྱན་གྱི་ནང་གསེས་ཏིང་འཛིན་རབ་རྟོག |
| བཞིན་སྟབས |
ཞལ་རས་ཀྱི་ཉམས་འགྱུར་རམ། གདོང་གི་རྣམ་པ། |
| བཞིན་སྡུད |
1.སེམས་སྡུག་གི་རྣམ་པ་སྟོན་པ། 2.ཁོང་ཁྲོ་ཟ་བའི་གདོང་གི་རྣམ་འགྱུར། |
| བཞིན་སྣུམ་པ |
ངོ་མདངས་དང་ལྡན་པ། |
| བཞིན་སྣོད |
(མངོན་བརྗོད།) མེ་ལོང༌། |
| བཞིན་སྨད་པ |
ངོ་ཚ་ནས་གདོང་ཐུར་དུ་གུག་པ། |
| བཞིབས |
(བྱེད་འབྲེལ་ལས་ཚིག) འཇིབ་པའི་འདས་པ། (དཔེར་ན།) དུ་བ་ཁས་བཞིབས་ཏེ་སྣ་ནས་དབྱུང་ལྟ་བུ། |
| བཞུ |
(བྱེད་འབྲེལ་ལས་ཚིག) བཞུས་པའི་མ་འོངས་པ། སྲ་འཐས་ཀྱི་རིགས་གཤེར་ཁུར་བསྒྱུར་བའི་དོན་ཏེ། (དཔེར་ན།) ཉི་མའི་དྲོད་ཀྱིས་གངས་རི་བཞུ། བཞུ་བྱའི་མར་ཞེས་པ་ལྟ་བུ། |
| བཞུ་བྱ |
(མངོན་བརྗོད།) ར་གན། |
| བཞུ་མར |
(ཡུལ་སྐད།) ཞུགས་མར་ཏེ་འོད་གསལ་བྱེད་ཀྱི་སྒྲོན་མེ། |
| བཞུ་འདུལ |
མེ་ལ་བཞུས་ནས་འདུལ་བ་སྟེ། (དཔེར་ན།) གསེར་བཞུ་འདུལ་ལན་མང་བྱས་ལྟ་བུ། |
| བཞུགས |
(བྱེད་མེད་ལས་ཚིག) སྡོད་པ་དང་གནས་པ་འཚོ་བ་བཅས་ཀྱི་ཞེ་ས། (དཔེར་ན།) གདན་ལ་བཞུགས། ཞལ་བཞུགས། སྐུ་བཞུགས་ཞེས་པ་ལྟ་བུ། |
| བཞུགས་ཁྲི |
ཤིང་དང་རིན་པོ་ཆེ་ལས་བསྐྲུན་ཅིང་བླ་དཔོན་བཞུགས་སའི་སྟེགས་བུའི་ཁྲི་སྟན་མཐོན་པོ། (དཔེར་ན།) བཞུགས་ཁྲིའི་རྒྱབ་ཡོལ་ཞེས་པ་ལྟ་བུ། |
| བཞུགས་གདན |
སྡོད་སའི་གདན། (དཔེར་ན།) བཞུགས་གདན་སྒྲོན་པ། བཞུགས་གདན་འཇགས་ཞེས་པ་ལྟ་བུ། |
| བཞུགས་གྲལ |
སྡོད་སའི་གྲལ། |
| བཞུགས་གྲོགས |
བཟའ་ཟླའམ་མཉམ་དུ་སྡོད་རོགས་ཕོ་མོ་གང་རུང༌། |
| བཞུགས་གླིང |
གླིང་ག་སྟེ། (དཔེར་ན།) བཞུགས་གླིང་གཏོང་བ་ལྟ་བུ། |
| བཞུགས་བྲང |
བཞུགས་གནས། |
| བཞུགས་མོལ |
མར་བཞུགས་ཏེ་གཏམ་མོལ་བའི་དོན་ཏེ། (དཔེར་ན།) བཞུགས་མོལ་ཚོགས་འདུ་ཞེས་པ་ལྟ་བུ། |
| བཞུགས་སྒར |
1.འགྲུལ་པས་ལམ་དུ་བརྒྱབ་པའི་སྒར། 2.སྔར་དམག་སྤྱི་རྣམས་ཕྱོགས་ལ་འགྲོ་སྐབས་སྡོད་གནས་ཁང་པའམ་གུར་སོགས། |
| བཞུགས་སྒྲོམ |
སྡོད་སའི་ཤིང་སྒྲོམ། |
| བཞུགས་སྟངས |
འདུག་ཚུལ། |
| བཞུད |
(བྱེད་མེད་ལས་ཚིག) བགྲོད་པ་དང་འགྲོ་བའི་དོན་ཏེ། (དཔེར་ན།) གལ་ཏེ་འགྲོ་ན་མྱུར་དུ་བཞུད་ལམ་ལ་བཞུད། ཉི་མ་ནུབ་ལ་བཞུད། བྱ་རྒོད་ནམ་མཁའི་མཐོངས་ནས་བཞུད་ལྟ་བུ། |
| བཞུན |
1.(རྒྱན་ཚིག) ལས་ཀ་ལ་བྱང་ཆ་ཡོད་པ་སྟེ། (དཔེར་ན།) མི་བཞུན་མོ། ལག་བཞུན་མོ་ལྟ་བུ། 2.ཞིབ་ཚགས་ཐོབ་པའམ་ཡིད་དུ་འོངས་པའི་དོན་ཏེ། (དཔེར་ན།) ཤིང་ཆ་བཞུན་མོ། ཅ་ལག་བཞུན་མོ་ཞེས་པ་ལྟ་བུ། |
| བཞུན་ཐུད་དཀར་པོ |
མར་ཆུར་བརྫིས་པའི་ཐུད་དཀར་པོ། |
| བཞུན་བརྡར་བཅད་པ |
མགར་བས་གསེར་སོགས་བཙོ་སྦྱང་བྱེད་ཚུལ་ཏེ། ལས་དོན་ལ་ཞིབ་ཚགས་བྱས་པའི་དཔེ། |
| བཞུར |
1.(བྱེད་མེད་ལས་ཚིག) གཤེར་ཁུའི་རིགས་འབབ་པའམ་འཛག་པ་སྟེ། (དཔེར་ན།) ཆུ་བཞུར། ཁྲག་བཞུར་ལྟ་བུ། 2.(བྱེད་འབྲེལ་ལས་ཚིག) གཞུར་བའི་མ་འོངས་པ་དང་འདས་པ། (དཔེར་ན།) བཞུར་བྱའི་སྨན་ཁུ་སྨན་ཁུ་བཞུར་ནས་འཐུངས་ལྟ་བུ།3.བཞུ་བའི་འདས་པའི་འབྲི་ཚུལ་གཞན་ཞིག འབྲི་ཚུལ་འདི་སི་ཏུའི་སུམ་རྟགས་འགྲེལ་ཆེན་ཁོ་ནར་གསལ། |
| བཞུས |
1.(བྱེད་འབྲེལ་ལས་ཚིག) བཞུ་ཡི་འདས་པ། (དཔེར་ན།) གཏེར་རྡོ་བཞུས་ནས་ཁྲོ་ཆུ་ཁོལ་ལྟ་བུ།2.གཞུ་བའི་གདས་པར་བཞུས་འབྲི་བའང་ཡོད། |
| བཞུས་ཤེལ |
མིས་བཟོས་ཆུ་ཤེལ། |
| བཞེང |
1.(བྱེད་མེད་ལས་ཚིག) བཞེངས་པའི་མ་འོངས་པ་དང་ད་ལྟ་བ། (དཔེར་ན།) ཡར་འགྲེང་བ་བཞེང་གིན་འདུག་ལྟ་བུ།2.(བྱེད་འབྲེལ་ལས་ཚིག) བཞེངས་པའི་མ་འོངས་པ་དང་ད་ལྟ་བ། བཟོ་སྐྲུན་བྱེད་པའི་དོན་ཏེ། (དཔེར་ན།) ཁང་བ་གསར་བ་ཞིག་བཞེང་གིན་འདུག བཞེང་བྱའི་ཁང་བ་ཞེས་པ་ལྟ་བུ། |
| བཞེངས |
1.(བྱེད་འབྲེལ་ལས་ཚིག) 1>བཞེང་བའི་འདས་པ་དང་སྐུལ་ཚིག (དཔེར་ན།) གློག་བརྙན་ཁང་ཆེན་པོ་ཞིག་བཞེངས་ཟིན། བཞེངས་ཤིག་ཅེས་པ་ལྟ་བུ། 2>གླུ་ལེན་པའི་ཞེ་ས་སྟེ། (དཔེར་ན།) ཁོང་གིས་མགུར་བཞེང་གིན་འདུག དབྱངས་སུ་གྱེར་ནས་མགུར་དབྱངས་བཞེངས་ཞེས་པ་ལྟ་བུ།2. (བྱེད་མེད་ལས་ཚིག) བཞེང་བའི་འདས་པ་དང་སྐུལ་ཚིག (དཔེར་ན།) ཡར་བཞེངས་ནས་གཏམ་བཤད། ཡར་བཞེངས་ཤིག་ལྟ་བུ། |
| བཞེངས་བཞུགས |
ལངས་འདུག |
| བཞེངས་སྟབས |
འགྲེངས་ཏེ་སྡོད་ཚུལ་ལམ་ལངས་སྟངས། (དཔེར་ན།) སྤྱན་རས་གཟིགས་བཞེངས་སྟབས་ཀྱིས་བཞུགས་ཞེས་པ་ལྟ་བུ། |
| བཞེད |
1.(བྱེད་འབྲེལ་ལས་ཚིག) ཁས་ལེན་པའམ་འདོད་པའི་དོན་ཏེ། (དཔེར་ན།) བཞེད་དགོངས། བཞེད་དོན། མཁས་པའི་བཞེད་པ་མི་འདྲ་བ་མང་པོ་ཞེས་པ་ལྟ་བུ།2.འདོད་པའི་ཞེ་ས། (དཔེར་ན།) འབྱོན་པར་བཞེད་པ། གཟིགས་བཞེད་པ། རང་བདེ་བཞེད་པ། གཏམ་དོན་བཞེད་པར་མི་མཛད་ཅེས་པ་ལྟ་བུ། 3.དགོངས་པའི་དོན་ཏེ། (དཔེར་ན།) གཞན་གྱི་བཞེད་པ། རང་གི་བཞེད་པ་དང་འགལ་བ། བཞེད་པ་མི་མཐུན་པ་མང་པོ་ཞེས་པ་ལྟ་བུ། |
| བཞེད་གཞི |
དགོངས་གཞི། |
| བཞེད་དགོངས |
རེ་འདོད། |
| བཞེད་དོན |
1.བསམ་བློ་གཏོང་ཡུལ་ཏེ་ཁས་བླངས་པའི་དོན་སྙིང༌། 2.འདོད་དོན་དང་རེ་དོན། (དཔེར་ན།) བཞེད་དོན་ལྷུན་གྱིས་གྲུབ་སོང༌ཞེས་པ་ལྟ་བུ། |
| བཞེད་ཚུལ |
འདོད་ཚུལ་ཏེ། (དཔེར་ན།) མཁས་པ་སོ་སོའི་བཞེད་ཚུལ་མི་མཐུན་ཞེས་པ་ལྟ་བུ། |
| བཞེད་ལུགས |
འདོད་ལུགས་སམ་འདོད་སྟངས། |
| བཞེད་སྲོལ |
བཞེད་ཚུལ་དང་དོན་གཅིག |
| བཞེན |
(བརྡ་རྙིང་།) བསྲེགས་པའི་དོན་ཏེ། (དཔེར་ན།) སྐུ་གདུང་ཞུགས་ལ་བཞེན་ཞེས་པ་ལྟ་བུ། |
| བཞེས |
1.བཟའ་བཏུང་སོགས་ལོངས་སུ་སྤྱད་བྱའི་རྒྱུ་ཆས་རིགས་ཀྱི་མིང་འགའི་སྔོན་དུ་སྦྱར་ནས་ཞེ་ཚིག་བཟོ་བྱེད་ཚིག་གྲོགས་ཤིག (དཔེར་ན།) བཞེས་ཁམ། བཞེས་སྒོང༌། བཞེས་བག བཞེས་ལུམ། བཞེས་ཅན། བཞེས་ཐུར། བཞེས་ཐ་བཞེས་པ་མ་གནང༌། བཞེས་རག་མཉེས་དག་ཅེས་པ་ལྟ་བུ།2.(བྱེད་འབྲེལ་ལས་ཚིག) 1>ཟོས་པ་དང་བཏུངས་པའི་ཞེ་ས། (དཔེར་ན།) གསོལ་ཇ་བཞེས། སིལ་ཏོག་བཞེས་ལྟ་བུ། 2>ཁས་བླངས་པའི་ཞེ་ས་ཞལ་གྱི་བཞེས་ལྟ་བུ། 3>དང་དུ་བླངས་པའམ་བདག་གིར་མཛད་པའི་དོན་ཏེ། (དཔེར་ན།) ཁུར་དུ་བཞེས། བདག་གིར་བཞེས་ལྟ་བུ། 3.(བྱེད་མེད་ལས་ཚིག) བསླེབས་པའི་དོན་ཏེ། (དཔེར་ན།) དགོངས་ལོ་བརྒྱད་ཅུ་བཞེས་ལྟ་བུ། |
| བཞེས་ཁྲུང |
བཏུང་བྱའི་ཆང༌། |
| བཞེས་ཕོར |
རྩམ་ཕོར། |
| བཞེས་ལྡན |
ཆང་གི་ཐུག་པ་བསྐོལ་ལྡན། |
| བཞེས་སྒོ |
ཡོང་སྒོ། |
| བཞེས་སྡོར |
ཐུག་པའི་སྡོར། |
| བཞེས་སྤྲོ |
མར་ཁུ་དང་སྣུམ་ལ་བཙོས་པའི་ཁ་ཟས། |
| བཞོ |
(བྱེད་འབྲེལ་ལས་ཚིག) འཇོ་བའི་མ་འོངས་པ། (དཔེར་ན།) བཞོ་བྱའི་འོ་མ། བ་མོ་བཞོ་བར་བྱ་ལྟ་བུ། |
| བཞོ་ཐག |
འོ་མ་འཇོ་སྐབས་བཞོ་ཟོག་གམ་བཞོན་མའི་ལག་པ་གཉིས་སྡོམ་བྱེད་ཀྱི་ཐག་པ། |
| བཞོ་ཞྭ |
ཆར་པའི་ནང་འོ་མ་འཇོ་སྐབས་གྱོན་རྒྱུའི་ཕྱིང་པ་སོགས་ལས་བཟོས་པའི་ཆར་གོས། |
| བཞོ་ཟོ |
འོ་མ་འཇོ་སྣོད་ཤིང་གི་ཟོ་བ། |
| བཞོ་སྟེགས |
འོ་མ་འཇོ་མཁན་གྱི་སྡོད་སྟེགས། |
| བཞོག་སྤྱད |
བཞོག་རྒྱག་བྱེད་ཀྱི་ཡོ་བྱད། |
| བཞོགས |
(བྱེད་འབྲེལ་ལས་ཚིག) གཞོག་གི་འདས་། (དཔེར་ན།) ཞ་སྨྱུག་བཞོགས་ཏེ་ཡི་གེ་ཡག་པོ་བྲིས་ལྟ་བུ། |
| བཞོན |
དཀར་ཆུའི་དོན་ཏེ། (དཔེར་ན།) ད་ལོ་འབྲོག་ཁུལ་དུ་ཆར་ཆུ་ལེགས་པས་བཞོན་ཡག་པོ་བྱུང་འདུག་ཅེས་པ་ལྟ་བུ།མ་འོངས་པ་དང་འདས་པ་བཞོན་བྱའི་རྟ་བོ་བཞོན་ནས་སོང་ཞེས་པ་ལྟ་བུ། |
| བཞོན་ཁལ |
བཞོན་རྟ་སོགས་དང་འགེལ་ཁལ། |
| བཞོན་པ |
1.ཞོན་པའི་འདས་པ་དང་མ་འོངས་པ། 2.རྟ་དྲེལ་སོགས་བཞོན་བྱ། (དཔེར་ན།) བཞོན་པ་ཞོན་པ། བཞོན་པ་བཟང་པོ་ལ་བརྟེན་ནས་ལམ་དུ་ཞུགས་ཞེས་པ་ལྟ་བུ། མིང་གི་རྣམ་གྲངས་ལ་འགྱོགས་བྱེད་དང༌། རྒྱུ་བྱེད། ལམ་འདེགས་བཅས་སོ། ། |
| བཞོན་པ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས་དག་པ་ས་གསུམ་ལ་གནས་པའི་སེམས་དཔའི་རྒྱུད་ཀྱི་སྙིང་རྗེ་ལྷག་མཐོང་དང་ལྡན་པའི་སེམས་བསྐྱེད་ནི་འཁོར་འདས་ཀྱི་མཐའ་གང་དུ་ཡང་མི་ལྟུང་བས་མི་གནས་པའི་སར་བདེ་བླག་ཏུ་འགྲོ་བས་ན་བཞོན་པ་བཟང་པོ་ལྟ་བུའོ། ། |
| བཞོན་མ |
1.འོ་མ་བཞོ་རྒྱུ་ཡོད་པའི་མཛོ་མོ་དང༌། བ་མོ། ར་ལུག་སོགས། 2.འོ་མ་འཇོ་མཁན་གྱི་བུད་མེད། |
| བཞོན་རྟ |
བཞོན་བྱའི་རྟ། |
| བཞོར |
གཞར་གྱི་སྐུལ་ཚིག་ལ་བཞོར་འབྲི་བའང་ཡོད། |
| བཞོར |
གཞར་གྱི་སྐུལ་ཚིག་ལ་བཞོར་འབྲི་བའང་ཡོད། |
| བཞོལ |
ཕྱི་སྣུར་དང་དུས་བསྒྱངས་པའི་དོན་དུ་གོ་བའི་བཤོལ་གྱི་འདས་པར་བཞོལ་འབྲི་བའང་ཡོད། |
| བཞོས |
འཇོ་ཡི་འདས་པ། |
| བཞོས་ཐོག |
བཞོས་མ་ཐག་གི་དོན་ཏེ། (དཔེར་ན།) བཞོས་ཐོག་འོ་མ་དྲོན་མོ་ཞེས་པ་ལྟ་བུ། |
| བཞོས་པ |
1.འཇོ་བའི་འདས་པ། 2.(བརྡ་རྙིང་།) སེམས་གསོ་བྱས་པའི་དོན་ཏེ། (དཔེར་ན།) སྙིང་བཞོས་པ་ཞེས་པ་ལྟ་བུ། |
| བཟང |
1.(རྒྱན་ཚིག) ཁྱད་པར་དུ་འཕགས་པའི་དོན་ཏེ། (དཔེར་ན།) མི་བཟང་རྟ་བཟང་། མ་བཟང་མོའི་བུ་མོ། བསྐལ་བ་བཟང་བོ། རྟ་བཟང་བོ། བུ་བཟང་པོ་ཞེས་པ་ལྟ་བུ།2.ཕན་པའི་དོན་ཏེ། (དཔེར་ན།) གུར་ཀུམ་མོ་ནད་ལ་བཟང་། རྩལ་སྦྱང་བྱས་ན་ལུས་ཁམས་ལ་བཟང་ལྟ་བུ། 3.ཕུན་སུམ་ཚོགས་པའི་དོན་ཏེ། (དཔེར་ན།) ཇེ་བཟང་ཇེ་ལེགས། ལོངས་སྤྱོད་ཧ་ཅང་བཟང་ལྟ་བུ། 4.རྩུབ་མོ་མ་ཡིན་པའི་དོན་ཏེ། (དཔེར་ན།) བཟང་བཙོན། བཟང་འགོག ཁ་ཡག་ཚིག་བཟང་། དགེ་རྒན་སློབ་མ་ལ་བཟང་ལྟ་བུ། 5.མཐུན་པའི་དོན་ཏེ། (དཔེར་ན།) ངེད་གཉིས་ཧ་ཅང་བཟང་། ཁྱོད་བཟང་ང་བཟང་བྱེད་ལྟ་བུ། 6.སྤུས་ཀ་ལེགས་པའམ་རྣམ་པ་མཛེས་པའི་དོན་ཏེ། (དཔེར་ན།) གོས་བཟང་པོ་དབྱར་གསུམ་ཆར་གྱིས་ཟག མི་བཟང་བོ་དྲུག་ཅུ་ལོ་ཡིས་ཐུབ། ཅ་ལག་བཟང་བོ་ཞེས་པ་ལྟབ་བུ། |
| བཟང་ཁྱི |
ལུས་བོངས་ཆེ་ཞིང་སྐད་སྦོམ་པའི་འདོགས་ཁྱི། |
| བཟང་ཁྲག |
ནད་མེད་སྟོབས་ལྡན་གྱི་མི་ཕྱུགས་ཀྱི་ཟུངས་ཁྲག |
| བཟང་གོམས |
སྤྱོད་བཟང་གི་གོམས་འདྲིས། |
| བཟང་གོས |
1.ཆས་གོས་བཟང་པོ། 2.གོས་ཆེན་སྤུས་དག |
| བཟང་ངན |
བཟང་པོ་དང་ངན་པའི་དོན་ཏེ། དཔེར་ན།) བསམ་པ་བཟང་ངན། རྣམ་འགྱུར་བཟང་ངན། བྱས་རྗེས་བཟང་ངན། སྦྱངས་འབྲས་བཟང་ངན་འབྲིང་གསུམ་དུ་ཁྱད་འབྱེད་བྱེད་པ། དུག་སྦྲུལ་ངོ་མ་ཡིན་པས་ན། ཕྲ་སྦོམ་གང་ཡིན་བཟང་ངན་མེད་ཅེས་པ་ལྟ་བུ། |
| བཟང་ཆུ |
འབབ་ཆུ་ཞིག རྫ་ཡུལ་རྫོང་གི་བྱང་རྒྱུད་ནས་འབབ་ཅིང༌། དངུལ་ཆུ་དང་འདྲེས་རྗེས་རྫ་ཡུལ་ཆུ་ཞེས་ཟེར། |
| བཟང་ཉམས |
1.བཟང་པོའི་ཚུལ་ལམ་བཟང་མདོག་ཁ་པོའི་དོན་ཏེ། (དཔེར་ན།) རང་བཞིན་བཟང་པོ་མེད་ཀྱང་བཟང་ཉམས་སྟོན་ཞེས་པ་ལྟ་བུ། 2 ལེགས་པའི་རྟགས་མཚན། |
| བཟང་དགུ |
བཟང་པོ་ཐམས་ཅད། |
| བཟང་དྲུག |
བཟང་པོ་དྲུག་དང་དོན་གཅིག |
| བཟང་པོ |
1.སྦྱོར་བ་ཉེར་བདུན་གྱི་ནང་གསེས་ཤིག 2.གནས་བརྟན་བཅུ་དྲུག་ལས་ཆུ་བོ་ཡ་མུ་ནའི་གླིང་ན་བཞུགས་པའི་གནས་བརྟན་ཞིག 3.(མངོན་བརྗོད།) 1>དབང་ཕྱུག་ཆེན་པོ། 2>སྨན་བཟང་ལ་ཀ་ཀོ་ལ་དང༌། ཅུ་གང༌། སུག་སྨེལ། ཛཱ་ཏི། ལི་ཤི། གུར་གུམ་བཅས་སྣ་དྲུག་ཡོད་པས་གྲངས་དྲུག་མཚོན། 4.ཡར་ངོའི་བཟང་པོ་དང་པོ་ཚེས་གཉིས། གཉིས་པ་ཚེས་བདུན། གསུམ་པ་ཚེས་བཅུ་གཉིས། མར་ངོའི་བཟང་པོ་དང་པོ་ཚེས་བཅུ་བདུན། གཉིས་པ་ཚེས་ཉེར་གཉིས། གསུམ་པ་ཚེས་ཉེར་བདུན། |
| བཟང་པོ་དྲུག |
ཛཱ་ཏི་སྙིང་གི་བཟང་པོ། ཅུ་གང་གློ་བའི་བཟང་པོ། གུར་གུམ་མཆིན་པའི་བཟང་པོ། ལི་ཤི་སྲོག་རྩའི་བཟང་པོ། སུག་སྨེལ་མཁལ་མའི་བཟང་པོ། ཀ་ཀོ་ལ་མཚེར་པའི་བཟང་པོ་བཅས་དྲུག |
| བཟང་པོ་བཅུ་འཛོམས |
བོད་ཀྱི་ཡུལ་སྲོལ་ལ་ཧོར་ཟླ་བཅུ་གཅིག་པའི་ཚེས་དྲུག་གི་ཉིན་ཕྱེད་ནས་བདུན་གྱི་ཉིན་ཕྱེད་བར་ངན་པ་དགུ་འཛོམས་ཀྱི་ཕྱི་ཉིན་འཆར་བའི་དུས་ཚོད་བཟང་པོ་ཞིག |
| བཟང་པོ་མ |
(ཡུལ་སྐད།) རང་བཞིན་བཟང་པོ་ཅན། |
| བཟང་པོ་སྤྱོད་པའི་སྨོན་ལམ |
འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཞེས་པ་མདོ་ཕལ་པོ་ཆེའི་སྡེར་གཏོགས་པའི་སྨོན་ལམ་ཞིག་གཞོན་ནུ་ནོར་བཟང་ལ་འཕགས་པ་ཀུན་ཏུ་བཟང་པོས་གསུངས་པའི་སྨོན་ལམ་ལྟར། རང་གཞན་གྱི་སྤྱད་དུས་གསུམ་དུ་བསགས་པའི་དགེ་བ་རྣམས་ཀུན་ཏུ་བཟང་པོའི་སྤྱོད་པ་ཕྱིར་བསྔོ་བ་དང་སྨོན་པའི་ཐབས་ཁྱད་པར་ཅན་སྟོན་པའི་མདོ་ཞིག |
| བཟང་པོའི་དཔལ |
(མངོན་བརྗོད།) ཙན་དན། |
| བཟང་པོའི་ཟླ་བ |
ཧོར་ཟླ་གཉིས་པ་ལ་རྡོ་རྗེ་མཁའ་འགྲོའི་རྒྱུད་སོགས་ནས་བཟང་པོའི་ཟླ་བ་ཟེར། |
| བཟང་པོའི་འདུག་སྟངས |
རྒྱལ་བ་བྱམས་པའི་བཞུགས་སྟངས། |
| བཟང་བ |
བཟང་པོ་དང་འདྲ། |
| བཟང་བཙོན |
གུ་ཡངས་ཀྱི་བཙོན་བཅུག་པ་ཕྱི་རོལ་ཏུ་གང་འདོད་འགྲོ་མི་ཆོག་ཀྱང་བཙོན་ཁང་ནང་གུ་དོག་པོ་མེད་པར་བདེ་བར་བསྡད་ཆོག་པ། |
| བཟང་མཁན |
(མངོན་བརྗོད།) གོས་བཟོ་བ། |
| བཟང་མོ |
(མངོན་བརྗོད།) 1>ཁུག་རྟ། 2>སྒྲོལ་མ། |
| བཟང་མོའི་རྣམ་ཐར |
བོད་ཀྱི་ལྷ་མོ་འཁྲབ་སྐབས་མོ་སྐད་ཐོག་ནས་གཏོང་བའི་རྣམ་ཐར། |
| བཟང་ཟླ |
(མངོན་བརྗོད།) ཧོར་ཟླ་བརྒྱད་པ། |
| བཟང་འགྲོ |
བདེ་འགྲོ། |
| བཟང་འབྲེལ |
ཡག་པོའི་འབྲེལ་བ་སྟེ། (དཔེར་ན།) བཟང་འབྲེལ་ཚེ་གཅིག་སངས་རྒྱས་ཞེས་པ་ལྟ་བུ། |
| བཟང་འཛོམས |
ལེགས་པ་མང་པོ་འདུས་པ། |
| བཟང་ཡང་སྟོན་སྙགས |
འཕྲུལ་བློན་མཛངས་མི་བདུན་གྱི་ཡ་གྱལ་ཞིག་གཉགས་ཁྲི་བཟང་ཡང་སྟོན་ཡང་ཟེར། སྲོང་བཙན་སྒམ་པོའི་སྐབས་ཀྱི་བློན་པོ་ཞིག་ཡིན་ཞིང༌། བོད་ཀྱི་ལོ་རྒྱུས་ཐོག་བོད་ཀྱི་མི་རྣམས་དེ་སྔོན་རི་ཁུལ་ལ་བསྡད་ནས་ཁང་པ་སོགས་མེད་པ་ལ་བློན་པོ་འདིས་མི་ཚང་མ་ཀླུང་ལ་བབས་ནས་ཁང་པ་བཟོ་བ་དང་ཞིང་ཁ་འདེབས་ལས་བྱེད་དུ་བཅུག་པ་རེད་ཅེས་ཤོད་སྲོལ་ཡོད། |
| བཟང་ལན |
ཚུར་བཟང་པོ་བྱས་པའི་དྲིན་ལན། (དཔེར་ན།) བཟང་ལན་བཟང་ལྡོན། བཟང་ལན་ངན་འཇལ། བཟང་ལན་གླན་པ་ཞེས་པ་ལྟ་བུ། |
| བཟང་ལས་བྱོལ |
(མངོན་བརྗོད།) སྡིག་པ། |
| བཟང་ལྡན |
འཁོར་ལྔ་སྡེའི་ནང་ཚན་ཞིག |
| བཟང་སྐྱོང |
བྱང་སེམས་ཤིག་གི་མཚན། |
| བཟང་སྤྱོད |
1.སྤྱོད་ཚུལ་བཟང་པོའི་དོན་ཏེ། (དཔེར་ན།) ཡ་རབས་བཟང་སྤྱོད་ལྡན་ལ་བཀུར་བསྟི་བྱེད་ཅེས་པ་ལྟ་བུ། 2.འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་སྟེ་མདོ་སྡེ་ཞིག |
| བཟང་སྤྱོད་འཆི་བླུ |
བཟང་སྤྱོད་སྨོན་ལམ་གྱི་མདོ་ཚར་བརྒྱ་རྩ་དང་མཆོད་པ་བརྒྱ་རྩ་ལ་བརྟེན་ནས་འཆི་བླུའི་ཆོ་ག་ཞིག |
| བཟང་སློབ |
བསླབ་བྱ་ལེགས་པ། |
| བཟངས |
ཁང་བ་མཆོག་ཏུ་གྱུར་པའི་མིང་། (དཔེར་ན།) ཁང་བཟངས་ཞེས་པ་ལྟ་བུ། |
| བཟད |
(རྒྱན་ཚིག) ཞི་བའམ་འཇམ་པ་དང་བཟོད་པའི་དོན་ཏེ། (དཔེར་ན།) དྲག་པོ་ལ་མི་བཟད་པ། མི་བཟད་སྡུག་བསྔལ་མྱངས་ལྟ་བུ། |
| བཟད་པ |
1.དུལ་བ་དང༌། བསྲུན་པའི་དོན་ཏེ། (དཔེར་ན།) ཀུན་སྤྱོད་བཟད་པ། རྣམ་འགྱུར་བཟད་པ། མི་བཟད་པའི་འབྲས་བུ་རྣམ་པར་སྨིན་པ་ཞེས་པ་ལྟ་བུ། 2.(བརྡ་རྙིང་།) ཞི་བ་དང༌། ཐུལ་བའི་དོན་ཏེ། (དཔེར་ན།) གཤིས་རྩུབ་བཟད་པ། གཅན་གཟན་བཟད་པ། སྤྱོད་ངན་ཚང་མ་བཟད་པར་གྱུར་པ། སྡུག་བསྔལ་མི་བཟད་པ་ཞེས་པ་ལྟ་བུ། |
| བཟབ |
གཟབ་ཀྱི་མ་འོངས་པ། |
| བཟབ |
གཟབ་ཀྱི་མ་འོངས་པ། |
| བཟབས |
གཟབ་ཀྱི་འདས་པ། (དཔེར་ན།) ཟས་སྤྱོད་བཟབས་ནས་ནད་ལས་ཐར། དགྲའི་གཡོ་ཐབས་ལ་བཟབས་ནས་རྒྱལ་ཁ་ཐོབ་ལྟ་བུ། |
| བཟའ |
1.བཟའ་བ་བཏུང་བ་མ་ཡིན་པའི་ཟས་ཀྱི་མིང་། (དཔེར་ན།) བཟའ་ཆས། བཟའ་བཏུང་ཞེས་པ་ལྟ་བུ།2.བུད་མེད་ཀྱི་མིང། (དཔེར་ན།) རྒྱ་བཟའ། བལ་བཟའ་ཞེས་པ་ལྟ་བུ།3.ཟ་བའི་མ་འོངས་པ། བཟའ་ཆས་བཟའ་བར་བྱ་ཞེས་པ་ལྟ་བུ། |
| བཟའ་གྲོགས |
ཁྱོ་ཤུག་གམ་བཟའ་མི་གཉིས་ཀ། |
| བཟའ་ཆས |
བཟའ་རྒྱུའི་མཁོ་ཆས་ཀྱི་མིང། (དཔེར་ན།) བཟའ་ཆས་གཙོ་བོ་ཞེས་པ་ལྟ་བུ། |
| བཟའ་དཔོན |
ནང་མི་བཟའ་ཚང་གི་གཙོ་བོའམ་ཁྱིམ་བདག |
| བཟའ་ཕ |
ཁྱིམ་འཛིན་ཁྱོ་གའམ་ནང་གི་ཕ། |
| བཟའ་ཕྲན |
ཁྱོ་ཤུག |
| བཟའ་བ་ལྔ |
འདུལ་བ་ལས་གསུངས་པའི་དུས་རུང་གི་སྨན་གྱི་ཆར་གཏོགས་པ་ཞིག་སྣ་ཚོགས་འབྲས་ཆན་དང༌། ཟན་དང༌། ཤ་དང༌། ཕྱེ་དང༌། སྣུམ་ཁུར་བཅས་ལྔའོ། ། |
| བཟའ་བཅའ |
ཟས་རིགས་སྤྱིའི་མིང། (དཔེར་ན།) བཟའ་བཅའི་བཟོ་ལས། བཟའ་བ་ལྔ་དང་བཅའ་བ་ལྔ་ཞེས་པ་ལྟ་བུ། |
| བཟའ་བཏུང |
བཟའ་བ་དང་བཏུང་བ། (དཔེར་ན།) ཉིན་ལྟར་བཟའ་བཏུང་མང་ཉུང་རན་པོ་བསྟེན་དགོས་ལྟ་བུ། |
| བཟའ་བའི་དམ་ཚིག |
སྔགས་བླ་མེད་ཀྱི་རྒྱུད་ནས་གསུངས་པའི་ཤ་ལྔ་བདུད་རྩི་ལྔ་སོགས་བསྟེན་པའམ་གཙང་དམེའི་རྣམ་རྟོག་སྤངས་པའོ། ། |
| བཟའ་མ |
1.ཟ་ཆས། 2.བཟའ་ཟླ་མོ། |
| བཟའ་མང |
ནང་མི་མང་པོ། |
| བཟའ་མི |
ཁྱོ་ཤུག་གི་མིང་། (དཔེར་ན།) བཟའ་མི་ཁྱོ་ཤུག བཟའ་མི་བྱེ་བྲལ། བཟའ་མི་བྱེད་པ་ཞེས་པ་ལྟ་བུ། མིང་གི་རྣམ་གྲངས་ལ་ཁྱིམ་ཐབས་དང༌། ཁྱོ་ཤུག་བཟའ་ཚོ་བཅས་སོ། ། |
| བཟའ་ཚང |
ཁྱོ་ཤུག་གི་མིང། (དཔེར་ན།) བཟའ་ཚང་ཁ་བྲལ། བཟའ་ཚང་རྒན་རྒོན་ལྟ་བུ། |
| བཟའ་ཚང་ཁྱིམ་ཐབས |
ཁྱོ་ཤུག |
| བཟའ་ཚང་ལམ་ཕྲད |
སྟེར་སློང་སོགས་ཆང་སའི་ཆོ་ག་མ་བྱས་པའི་བཟའ་ཚང༌། (དཔེར་ན།) འདོད་དང་འདོད་མཐུན་གྱིས་བཟའ་ཚང་ལམ་འཕྲད་བྱུང་ཞེས་པ་ལྟ་བུ། |
| བཟའ་ཚོ |
1.ཁྱོ་ཤུག 2.ཁྱིམ་གཅིག་གི་མི་རྣམས། |
| བཟའ་ཚོ |
ཁྱིམ་གཅིག་གི་མི་ཚོགས་ཀྱི་མིང་། |
| བཟའ་ཟླ |
ཁྱིམ་ཐབས་སམ་བཟའ་རོགས་ཏེ། (དཔེར་ན།) བཟའ་ཟླ་མོ་ཞེས་པ་ལྟ་བུ། |
| བཟའ་འབྲུ |
བཟའ་ཆས་ཀྱི་འབྲུ་རིགས། |
| བཟའ་ཤིང |
འབྲས་ལྡན་ཤིང༌། |
| བཟའ་ཤིང |
ཤིང་ཏོག་གི་སྡོང་བོའི་མིང་གཞན། |
| བཟའ་ཤིང་ར་བ |
འབྲས་བུ་ཅན་གྱི་ཤིང་སྣ་བཏབ་པའི་ར་སྐོར། མིང་གི་རྣམ་གྲངས་ལ་ཀུན་དགའ་ར་བ་དང༌། སྐྱོ་སངས་གནས། ངལ་གསོའི་འདུན་ས། འབྲས་ལྡན་ནགས་བཅས་སོ། ། |
| བཟའ་སྣུམ |
ཟ་མ་བཟོ་བྱེད་ཀྱི་སྣུམ། |
| བཟའ་སྣོད |
བཟའ་བཏུང་བྱེད་སའི་སྣོད། |
| བཟར |
འཛར་བའི་འདས་པ། (དཔེར་ན།) ལྭ་བ་རློན་པ་གདང་ལ་བཟར་ནས་སྐེམ་ལྟ་བུ། |
| བཟས |
ཟ་ཡི་འདས་པར་བཟས་འབྲི་བའང་ཡོད། |
| བཟི |
(བྱེད་མེད་ལས་ཚིག) སྨན་སོགས་ཀྱིས་དབང་རྩ་སྦྲིད་ནས་སྣང་བ་ཁྲལ་ཁྲུལ་དུ་གྱུར་པ་སྟེ། (དཔེར་ན།) ཆང་གིས་བཟི། བཟི་སྨན་ཞེས་པ་ལྟ་བུ། |
| བཟི་ཁྱོམ་ཁྱོམ |
རང་ཚོད་མི་ཟིན་པའི་འདར་ཡོམ་ཡོམ། (དཔེར་ན།) མགོ་ཡུ་འཁོར་ཏེ་བཟི་ཁྱོམ་ཁྱོམ་བྱེད་ཅེས་པ་ལྟ་བུ། |
| བཟི་དྭངས་པ |
ཆང་ཨ་རག་གིས་བཟི་བ་ལས་སངས་པ། |
| བཟི་བེར |
ཅུང་ཟད་བཟི་བ་སྟེ། (དཔེར་ན།) ཆང་མང་རབ་བཏུངས་པས་བཟི་བེར་ཙམ་བྱུང༌ལྟ་བུ། |
| བཟི་འཐོམ་འཐོམ |
ལུས་སེམས་ཁམས་དྭངས་པོ་མེད་པའི་ཟ་རི་ཟི་རི་སྟེ། (དཔེར་ན།) མགོ་བོ་བཟི་འཐོམ་འཐོམ་བྱེད་པ། ཁྲག་ཁ་མཐོ་བས་མགོ་བོ་བཟི་འཐོམ་འཐོམ་བྱེད་ཅེས་པ་ལྟ་བུ། |
| བཟི་ཡོམ་ཡོམ |
ལུས་ཀྱི་རང་ཚོ་ཤོར་བའི་འདར་ཚུལ་ཏེ། (དཔེར་ན།) ནད་པ་བཟི་ཡོམ་ཡོམ་དུ་འགྲོ་ཞེས་པ་ལྟ་བུ། |
| བཟུང |
འཛིན་གྱི་འདས་པ། (དཔེར་ན།) སྨྱུ་གུ་བཟུང་ནས་རི་མོ་འབྲི་ལྟ་བུ། |
| བཟུང་དམག |
དམག་རྒྱག་སྐབས་འཛིན་བཟུང་བྱས་པའི་དགྲ་དམག |
| བཟུང་བཀྱིགས |
འཛིན་བཟུང་དང་བསྡམས་བཀྱིགས་ཏེ། (དཔེར་ན།) ཉེས་ཅན་བཟུང་བཀྱིགས་བྱས་ལྟ་བུ། |
| བཟུང་བཀྱིགས་ཁྲིམས་རའི་ཞལ་ལྕེ |
ཞལ་ལྕེ་བཅུ་དྲུག་གི་ནང་ཚན། སྔ་དུས་ཁྲིམས་འགལ་ནག་ཉེས་ཆེ་རིགས་འཛིན་བཟུང་དང༌། བསྡམས་བཀྱིགས། རྡེག་རྡུང་སོགས་གང་འོས་བབས་བལྟས་ཀྱིས་བྱེད་པའི་ཁྲིམས། |
| བཟུང་འཇོམས་བརྐུས་བསད |
ཇག་རྐུན་སོགས་ཀྱིས་ནོར་ཕྲོགས་མི་གསོད་ཀྱི་སྡིག་ཉེས་བྱས་པ། |
| བཟུར |
གཟུར་བའི་འདས་པ། (དཔེར་ན།) བཟུར་ནས་སོང་ཞེས་པ་ལྟ་བུ། |
| བཟེ་རེ |
བཟོད་བསྲན་ཆུང་བའམ། སྡུག་རུས་ཕྲ་མོ་ཡང་བཟོད་མི་ཐུབ་པའི་དོན་ཏེ། (དཔེར་ན།) བཟེ་རེ་ཆེ་བ། བཟེ་རེ་ཆུང་བ། ལུས་པོ་བཟེ་རེ་ཅན། དཀའ་ཚེགས་དངོས་སུ་བྱུང་ན་བཟེ་རེ་ཆེ་ཆུང་ཧ་གོ་ཡོང༌ལྟ་བུ། |
| བཟེག |
འཛེག་གི་མ་འོངས་པ་ལ་བཟེག་འབྲི་བའང་ཡོད། |
| བཟེད |
འཛེད་ཀྱི་མ་འོངས་པ་དང་འདས་པ། (དཔེར་ན།) སྒྱེ་ཁ་བཟེད་པར་བྱ། སྒྱེ་ཁ་བཟེད་ནས་འབྲུ་བླུགས་ལྟ་བུ། |
| བཟེད་ཞལ |
ཞག་སོགས་བླུག་སྣོད། མིང་གི་རྣམ་གྲངས་ལ་ཆོལ་ཟངས་དང༌། མཆིལ་མའི་སྣོད། ལུད་ཕོར་བཅས་སོ། ། |
| བཟོ |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། བཟོ་སྐྲུན་བྱེད་པའི་དོན་ཏེ། (དཔེར་ན།) ལྭ་བ་བཟོ། ཤིང་སྒམ་བཟོ། རྡོ་རིང་བཟོ་ལྟ་བུ། |
| བཟོ་ཁང |
1.ལག་ཤེས་བཟོ་ལས་བྱེད་ས། 2.སྔར་གཞུང་ལས་བྱེད་མཁན་ཚེམ་བུ་བའི་ཚོགས་པ། |
| བཟོ་གནས |
1.བཟོ་ལས་བྱེད་པའི་ར་བ། 2.བཟོ་ལས་ལག་རྩལ། |
| བཟོ་གནས་ཀྱི་རིག་པ |
བཟོ་རིག་པ། |
| བཟོ་གསུམ |
ལུས་བཟོ་དང༌། ངག་བཟོ། ཡིད་བཟོ་བཅས་གསུམ་མོ། ། |
| བཟོ་གྲྭ |
བཟོ་པ་མང་བོས་མཉམ་དུ་ཐོན་སྐྱེད་དང་འཚོ་བ་སོགས་ལ་མཁོ་བའི་དངོས་རྫས་བཟོ་སྐྲུན་བྱེད་སའི་མིང་། (དཔེར་ན།) འཁྲུལ་འཁོར་བཟོ་གྲྭ། འཁེལ་འཐག་བཟོ་གྲྭ། འོ་རྩམ་བཟོ་གྲྭ་ཞེས་པ་ལྟ་བུ། |
| བཟོ་ཆུང |
སྔར་བོད་ཀྱི་ལྷ་བྲིས་པའི་སྐྱིད་སྡུག་ཚོགས་ཆུང་ཞིག |
| བཟོ་ཉེས་དྲས་ཐལ |
ཐལ་ཆེ་བའི་དཔེ། (དཔེར་ན།) ལས་དོན་བཟོ་ཉེས་དྲས་ཐལ་དུ་མ་སོང་བ་བྱེད་དགོས་ལྟ་བུ། |
| བཟོ་ཏ |
བཟོ་ལྟ་དང་འདྲ། |
| བཟོ་ཐོན་པ |
དབྱིབས་ཚུགས་ཡག་པོ་དོད་པ། |
| བཟོ་དཔོན |
1.བཟོ་རིག་ལ་མཁས་པ། 2.ལས་ཀའི་འགོ་བྱེད་མཁན། |
| བཟོ་དབྱིབས |
དབྱིབས་གཟུགས་ཀྱི་རྣམ་པ་སྟེ། (དཔེར་ན།) གྲུ་བཞིའི་བཟོ་དབྱིབས་གྲུབ་པ། བྱ་འབྲུག་གི་བཟོ་དབྱིབས་དོད་པ། རི་མོའི་བཟོ་དབྱིབས་ལྟ་བུ། |
| བཟོ་པ |
གླ་ཆར་བརྟེན་ནས་འཚོ་བ་སྐྱེལ་མཁན་ངལ་རྩོལ་པ། གཙོ་བོ་ལུས་ཀྱི་ངལ་རྩོལ་པར་ཟེར། (དཔེར་ན།) ཤིང་བཟོ། རྡོ་བཟོ། ལྕགས་བཟོ། བཟོ་པ་བུད་མེད། བཟོ་པར་གླ་མེད་སྐུད་པ་འཕར་འདོན་ཞེས་པ་ལྟ་བུ། |
| བཟོ་པོ |
(ཡུལ་སྐད།) གཟན་གྲོན་ཆུང་བའམ་སྐྱོན་མ་ཤོར་བ་བྱེད་པ་སྟེ། (དཔེར་ན།) བེད་སྤྱོད་གཏོང་ཐབས་བཟོ་པོ་བྱེད་དགོས་ལྟ་བུ། |
| བཟོ་བཀོད |
དབྱིབས་གཟུགས་སྒྲིག་སྟངས་ཏེ། (དཔེར་ན།) དངོས་རྫས་བཟོ་བཀོད་ཐོན་པོ། ཁང་ཁྱིམ་བཟོ་བཀོད་ལེགས་པོ་ལྟ་བུ། |
| བཟོ་བཅོས |
སྔར་ཡོད་གསར་དུ་བཅོས་པ་སྟེ། (དཔེར་ན།) ཁང་རྙིང་ལ་བཟོ་བཅོས་རྒྱག་པ། ཡི་གེའི་ཚིག་དོན་ལ་བཟོ་བཅོས་རྒྱག་པ་ལྟ་བུ། |
| བཟོ་བཅོས་རིང་ལུགས |
རྒྱལ་སྤྱིའི་གུང་ཁྲན་རིང་ལུགས་ཀྱི་ལས་འགུལ་ནང་དུ་མར་ཁེ་སིའི་རིང་ལུགས་ཀྱི་ཕྱི་གོས་གྱོན་ཏེ་མར་ཁེ་སིའི་རིང་ལུགས་ལ་ངོ་རྒོལ་བྱེད་པའི་བསམ་པའི་རླབས་རྒྱུན་ཞིག |
| བཟོ་བོ |
བཟོ་པ་དང་འདྲ། |
| བཟོ་བོ་སྤྲུལ་སྐུ |
སྤྲུལ་སྐུ་གསུམ་གྱི་ནང་ཚན་ཞིག་སངས་རྒྱས་བཅོམ་ལྡན་འདས་ཀྱིས་གདུལ་བྱ་འདུལ་བའི་ཆེད་དུ་བཟོ་བོ་རྣམ་པ་སྣ་ཚོགས་སུ་སྤྲུལ་པ་དཔེར་ན་དྲི་ཟ་རབ་དགའ་འདུལ་བའི་ཕྱིར་དྲི་ཟའི་པི་ཝང་གཏོང་བར་སྤྲུལ་པ་ལྟ་བུའོ། ། |
| བཟོ་ཚོགས |
བཟོ་པའི་གྲལ་རིམ་གྱི་མང་ཚོགས་ཀྱི་རང་བཞིན་ལྡན་པའི་རྩ་འཛུགས་ཤིག |
| བཟོ་ཚོད |
དངོས་སུ་བཟོ་རྒྱུ་ཡོང་མི་ཡོང་བའི་ཚོད་ལྟ་བ་སྟེ། (དཔེར་ན།) འཕྲུལ་འཁོར་བཟོ་ཚོད་བལྟས་པ་ལྟ་བུ། |
| བཟོ་ཞིང་མནའ་འབྲེལ |
བཟོ་པའི་གྲལ་རིམ་གྱི་སྲིད་ཏང་གི་འགོ་ཁྲིད་འོག་བཟོ་པའི་གྲལ་རིམ་དང་ངལ་རྩོལ་ཞིང་པའི་གསར་བརྗེའི་མཉམ་འབྲེལ་ལ་ཟེར། |
| བཟོ་འདྲ |
དབྱིབས་གཟུགས་ཕན་ཚུན་འདྲ་བ་སྟེ། (དཔེར་ན།) ཆ་ལུགས་བཟོ་འདྲ་པོ་འདུག་ལྟ་བུ |
| བཟོ་རིག་གི་སྒྱུ་རྩལ་སུམ་ཅུ |
སྒྱུ་རྩལ་དྲུག་ཅུ་རེ་བཞིའི་ནང་གསེས་རིགས་ཤིག་ཡི་གེ། ལག་རྩལ། གྲངས། རྩིས་ཆེན། ཐོར་ཚུགས། གོམ་སྟབས། ལྕགས་ཀྱུས་སྒྱུར་ཐབས། རལ་གྲིའི་ཐབས། ཞགས་པ་གདབ་པ། མདའ་བོ་ཆེ་འཕེན་པ། མདུན་དུ་བསྣུར་བ། ཕྱིར་བསྣུར་བ། བཅད་པ། དྲལ་བ། དབུག་པ། རྒྱང་ནས་འཕོག་པ། སྒྲ་གྲག་པར་འཕོག་པ། གནད་དུ་འཕོག་པ། མི་འཆོར་བར་འཕོག་པ། ཚབས་ཆེ་བར་འཕོག་པ། མཆོངས་པ། གྱད་ཀྱི་འཛིན་སྟངས། བང༌། རྐྱལ། བརྒལ་བ། གླང་པོ་ཆེའི་གཉར་ཞོན་པ། རྟ་ལ་ཞོན་པ། ཤིང་རྟའི་བཟོ་ཐབས། མདའ་གཞུའི་བཟོ་ཐབས། གྱད་སྟོབས་དང་སུམ་ཅུའོ། ། |
| བཟོ་རིག་པ |
བཟོ་དང་འཕོང་རྩལ་ལ་སོགས་པ་མཁས་པར་བྱ་བའི་གནས་སོ། ། |
| བཟོ་རིག་པ |
ལག་ཤེས་བཟོ་ལས་ཀྱི་ལག་རྩལ་གྱི་མན་ངག་བཤད་པའི་དཔེ་ཆའི་མིང་། (དཔེར་ན།) 《བཟོ་རིག་པ་ཏྲ》ཞེས་པ་ལྟ་བུ། |
| བཟོ་རྩལ |
1.མ་བཅོས་རྒྱུ་ཆའམ་ཕྱེད་བཟོས་དངོས་རྫས་རྣམས་གྲུབ་རྫས་སུ་བསྒྱུར་བའི་ལས་ཀ་དང༌། ཐབས་ཤེས། ལག་རྩལ་སོགས་ལ་ཟེར། 2.ལག་ཤེས་ཀྱི་རྩལ། |
| བཟོ་ལས |
བཟོ་རིགས་ཀྱི་ལས་དོན་ཏེ། (དཔེར་ན།) ལྕགས་བཞུའི་བཟོ་ལས། བཟོ་ལས་ཅན་དུ་འགྱུར་ལྟ་བུ། |
| བཟོ་ལྟ |
1.དབྱིབས་གཟུགས་ཀྱི་རྣམ་པའམ་དབྱིབས་ཚུགས་ཏེ། (དཔེར་ན།) ཁང་པའི་བཟོ་ལྟ། དངོས་རྫས་ཀྱི་བཟོ་ལྟ། ཡི་གེའི་བཟོ་ལྟ། རི་མོའི་བཟོ་ལྟ། བཟོ་ལྟ་བཟོ་བ་ལྟ་བུ། 2.རྣམ་འགྱུར་ཏེ། (དཔེར་ན།) དགའ་བའི་བཟོ་ལྟ། ཁྲོས་པའི་བཟོ་ལྟ། ཞེད་པའི་བཟོ་ལྟ། མིའི་བཟོ་ལྟ། བཟོ་ལྟ་ངན་པ་ལྟ་བུ། |
| བཟོ་ལྟ་ཐོན་པ |
དབྱིབས་དོད་པ་སྟེ། (དཔེར་ན།) རི་མོ་བཟོ་ལྟ་ཐོན་པ། འབུར་བརྐོས་ཀྱི་བཟོ་ལྟ་ཐོན་པ། ལས་དོན་འགྲུབ་པའི་བཟོ་ལྟ་ཐོན་པ་ལྟ་བུ། |
| བཟོ་ལྟ་འཆོས་པ |
དབྱིབས་གཟུགས་བཟོ་པ། |
| བཟོ་ལྟ་ཤོར་བ |
ཉམས་ཉེས་པའམ་བཟོ་དབྱིབས་སྐྱོ་པོ་ཆགས་པ་སྟེ། (དཔེར་ན།) རྡུང་རྡེག་གཟེད་ནས་དགྲ་བོ་བཟོ་ལྟ་ཤོར་བ་ལྟ་བུ། |
| བཟོ་ལྟ་སྤྲད་པ |
(ཡུལ་སྐད།) ཧ་ཅང་ཁག་པོའི་གནས་སུ་གྱར་བཅུག་པ་སྟེ། (དཔེར་ན།) གཞན་ལ་བཟོ་ལྟ་སྤྲད་ནས་འགྲོ་སྡོད་མི་ཤེས་པ་བཟོས་པ་ལྟ་བུ། |
| བཟོ་ཤེས |
བཟོ་རིག་པའི་གནས་ཤེས་པ། |
| བཟོ་སྐྲུན |
དངོས་རིགས་གསར་བཟོའི་དོན་ཏེ། (དཔེར་ན།) ཉེར་མཁོའི་ཡོ་བྱད་སྣ་ཚོགས་བཟོ་སྐྲུན་བྱེད་པ་ཞེས་པ་ལྟ་བུ། |
| བཟོ་སྟེགས |
ལྕགས་རྡུང་སའི་འོག་གཞི། |
| བཟོད |
1.(བྱེད་འབྲེལ་ལས་ཚིག) སྡུག་བསྔལ་སོགས་བསྲན་ཐུབ་པ་སྟེ། (དཔེར་ན།) དབུལ་བོས་སྡུག་བསྔལ་མ་བཟོད་པར་ས་ཆ་སོ་སོར་འཁྱམས་ཞེས་པ་ལྟ་བུ། 2.བཟོད་བསྲན་བྱེད་པའི་བསམ་པ་དང་བྱ་སྤྱོད་ཀྱི་མིང་། (དཔེར་ན།) བཟོད་གླགས་མེད། བཟོད་སྒོམ་བྱེད། བཟོད་པ་སྒོམ་དཀའ་ལྟ་བུ། |
| བཟོད་གསོལ |
བཟོད་པར་མཛོད་ཅེས་པའི་ཞུ་འབུལ། (དཔེར་ན།) ཚིག་ཐལ་དགོངས་འགལ་བྱུང་ན་བཟོད་གསོལ་ཞུ་ལྟ་བུ། |
| བཟོད་གསོལ |
གཞན་ལ་མི་འོས་པའི་ལས་བྱས་པར་འགྱོད་བཤགས་བྱེད་པའི་རྣམ་པར་སྟོན་པའི་ཚིག་སོགས་ཀྱི་མིང་། (དཔེར་ན།) བཟོད་གསོལ་བྱས། བཟོད་གསོལ་འབུལ་ཞེས་པ་ལྟ་བུ། |
| བཟོད་གླགས་མེད་པ |
བསྲན་ཐབས་མེད་པ་སྟེ། (དཔེར་ན།) སྡུག་བསྔལ་བཟོད་གླགས་མེད་པ་མྱངས་ལྟ་བུ། |
| བཟོད་དཀའ་རེངས |
(མངོན་བརྗོད།) བརྒྱ་བྱིན། |
| བཟོད་པ |
1.ཕར་ཕྱིན་དྲུག་གི་ནང་ཚན་ཞིག2.སྦྱོར་ལམ་ངེས་འབྱེད་ཆ་བཞིའི་ནང་གསེས། གཟུང་བ་རང་བཞིན་མེད་པར་རྟོགས་པའི་གསལ་སྣང་ཆེན་པོ་ཐོབ་ཅིང་འཛིན་པ་རང་བཞིན་མེད་པར་རྟོགས་པའི་གསལ་སྣང་ཆུང་ངུ་ཐོབ་པས་བདེན་པའི་ཕྱོགས་གཅིག་ལ་ཞུགས་ཤིང་རྗེས་སུ་སོང་བའི་ཏིང་འཛིན་ཤེས་རབ་མཚུངས་ལྡན་དང་བཅས་པ་བདེན་པ་མཐོང་བའི་ལམ་དང་རྗེས་སུ་མཐུན་པར་སྟོང་ཉིད་ལ་མི་སྐྲག་པའི་བཟོད་པ་ཐོབ་པའོ། ། |
| བཟོད་པ་གསུམ |
སྡུག་བསྔལ་དང་ལེན་གྱི་བཟོད་པ་དང༌། གནོད་བྱེད་ལ་ཇི་མི་སྙམ་པའི་བཟོད་པ། ཆོས་ལ་ངེས་ཤེས་ཀྱི་བཟོད་པ་བཅས་གསུམ་མོ། ། |
| བཟོད་པ་སྒོམ་པ |
བསྲན་ཐུབ་ཐབས་བྱེད་པ་སྟེ། (དཔེར་ན།) དེ་ལ་བཟོད་པ་སྒོམ་ཐུབ་ན། བཟོད་སྒོམ་མི་ཐུབ་གཞན་ཅི་ཡོད། དཀའ་ངལ་ཇི་ཙམ་བྱུང་ཡང་བཟོད་སྒོམ་བྱེད་པ། དབུ་ཕོག་ཞབས་ཕོག་གི་ཚིག་ཐལ་ཇི་ཤོར་བཟོད་པ་སྒོམ་དུ་གསོལ་ཞེས་པ་ལྟ་བུ། |
| བཟོད་པའི་གཟུངས |
ཡི་གེ་ཨ་མངོན་དུ་བསྒོམ་ཞིང་དེ་ལ་ཆ་ཤས་སུ་བཤིག་སྟེ། སྟོང་པ་ཉིད་དུ་རྟོགས་ནས་ཡི་གེ་གཞན་ལ་ཡང་དེ་བཞིན་དུ་གྱུར་པས་ན་ཆོས་ཐམས་ཅད་ལ་ཡང་དེ་བཞིན་དུ་གྱུར་པས་ན་ཆོས་ཐམས་ཅད་ལ་ཡང་བསྒྲེས་ཏེ། སྟོང་པ་ཉིད་དུ་རྟོགས་པའི་སྒོ་ནས་དགའ་བ་ནི་བཟོད་པ་ཐོབ་པའི་རྒྱུར་གྱུར་པའོ། ། |
| བཟོད་པའི་ཕར་ཕྱིན |
ཁྱད་ཆོས་བཞི་ལྡན་གྱི་མི་འཁྲུག་པའི་སེམས་དགེ་བ་ས་བོན་དང་བཅས་པ་ཕྱིན་དྲུག་གི་ཡ་གྱལ་ཞིག |
| བཟོད་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་བཟོད་པའི་ཕར་ཕྱིན་རིམ་ལྡན་དུ་སྒོམ་པའོ། ། |
| བཟོད་པའི་མུ་ཁྱུད |
(མངོན་བརྗོད།) བོང་བུ། |
| བཟོད་པའི་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། མཁྱེན་གསུམ་གྱི་རྟོགས་པ་ཅི་རིགས་པ་དང་སེམས་ཅན་གྱི་དོན་མི་གཏོང་བ་ལ་བརྟན་པ་ཐོབ་པའི་རྩེ་མོ་གང་ཞིག་སྦྱོར་ལམ་བཟོད་པས་བསྡུས་པའོ། ། |
| བཟོད་པའི་སྟོབས |
1.བསྲན་ཐུབ་པའི་ནུས་པ། 2.བཟོད་པའི་ཕ་རོལ་སོན་པའི་མཐུ། |
| བཟོད་བསྲན |
དཀའ་སྡུག་འཁུར་ཐུབ་པ་སྟེ། (དཔེར་ན།) དཀའ་ངལ་ལ་བཟོད་བསྲན་ཆེ་བ་ལྟ་བུ། |
| བཟོད་བསྲན་སྒོམ་པ |
སྡུག་བསྔལ་ལམ་དཀའ་ངལ་ཐེག་པའི་ནུས་ཤུགས་སྐྱེད་པ། |
| བཟོད་ཡས |
གྲངས་གནས་ཤིག གྲངས་ཀྱི་གནས་དྲུག་ཅུའི་རྩི་སྟངས་གཞན་ཞིག་ནང་ཡོད་པའི་གྲངས་ཀའི་མིང༌། |
| བཟོད་ལྡན |
(མངོན་བརྗོད།) 1>དྲེའུ། 2>ས་གཞི། |
| བཟོད་ལྡན་མ |
(མངོན་བརྗོད།) 1>མགོ་ཟླ་བའམ་ཧོར་ཟླ་བཅུ་གཅིག་པ། 2>ས་གཞི། |
| བཟོད་སེམས |
བསྲན་ནུས་པའི་བློ། |
| བཟོད་སྒོམ |
བཟོད་པ་སྒོམ་པའི་བསྡུས་ཚིག |
| བཟོད་སྤྲོ |
(བརྡ་རྙིང་།) སྡུག་ཁུར་དང་དུ་ལེན་པ། |
| བཟོའི་བསྟན་བཅོས |
བཟོ་རིག་པའི་དཔེ་ཆ། |
| བཟོས |
(བྱེད་འབྲེལ་ལས་ཚིག) བཟོ་བའི་འདས་པ་དང་སྐུལ་ཚིག (དཔེར་ན།) ལྭ་བ་བཟོས་ནས་གྱོན། མེ་མདའ་བཟོས་ནས་ཕ་རོལ་དགྲ་ལ་འཐབ་ལྟ་བུ། |
| བཟོས་དངུལ |
ལྐོག་ཏུ་བཟོས་པའམ་བརྐུས་པའམ་ཕྲོགས་པའི་དངུལ། |
| བཟོས་ལམ |
བྱས་རྗེས་གཟིགས་བཟོས་ཀྱི་ལམ་སྲོལ། |
| བཟོས་སྒོ |
གཟེངས་བསྟོད་པའི་གཟིགས་བཟོས། (དཔེར་ན།) བྱས་རྗེས་ཅན་ལ་བཟོས་སྒོ་ཐོབ་ལྟ་བུ། |
| བཟླ |
1.(བྱེད་འབྲེལ་ལས་ཚིག) ཟློ་བའི་མ་འོངས་པ། (དཔེར་ན།) གཟུངས་སྔགས་བཟླ་དགོས་ལྟ་བུ། 2.ཕྱི་དང་རྗེས་ཀྱི་མིང་། (དཔེར་ན།) བྱིས་པ་ཕ་མའི་བཟླ་ལ་བརྒྱུགས། ལུ་གུ་མ་མོའི་བཟླ་ལ་བཏང་ལྟ་བུ། 3.ལད་མོའི་དོན་ཏེ། (དཔེར་ན།) སྤྲེའུས་མི་ཡི་ལད་བཟླ་བྱེད་ལྟ་བུ། |
| བཟླས |
(བྱེད་འབྲེལ་ལས་ཚིག) བཟླ་བའི་འདས་པ། (དཔེར་ན།) གཟུངས་སྔགས་བཟླས་ནས་ལྷ་སྒྲུབ་ཅེས་ལྟ་བུ། |
| བཟླས་པ་ཡན་ལག་བཞི |
སྤྱོད་རྒྱུད་ཀྱི་བཟླས་པ་དངོས་ཀྱི་ཡན་ལག་བཞི་བདག་གི་གཞི། གཞན་གྱི་གཞི། སེམས་ལ་གཞོལ་བའི་ཡན་ལག་སྒྲ་ལ་གཞོལ་བའི་ཡན་ལག་གོ། |
| བཟླས་བརྗོད |
སྔགས་བཟླ་བའམ་ངག་ནས་འདོན་པ། |
| བཟླས་བརྗོད་ཀྱི་དེ་ཁོ་ན་ཉིད |
བྱ་རྒྱུད་ཀྱི་སྒོམ་པ་དེ་ཉིད་བཞིའི་ཡ་གྱལ་ཞིག་གཞོལ་བ་གསུམ་གྱི་སྒོ་ནས་སྲོག་རྩོལ་བསྡམས་ཏེ་བཟླས་པ་བྱ་བའོ། ། |
| བཟླུག |
ཟླུག་གི་མ་འོངས་པ། |
| བཟླུགས |
ཟླུག་གི་འདས་པ། |
| བཟླུམ |
(བྱེད་འབྲེལ་ལས་ཚིག) ཟླུམ་གྱི་མ་འོངས་པ། |
| བཟླུམས་པ |
ཟླུམ་པའི་འདས་པ། |
| བཟློག |
ཟློག་པའི་མ་འོངས་པ། (དཔེར་ན།) བཟློག་བྱའི་དགྲ་དམག་ཅེས་པ་ལྟ་བུ། |
| བཟློག་པ་སྐྱེད་བྱེད་ཀྱི་རྒྱུ |
རྒྱུའི་རྒྱན་གྱི་ནང་གསེས་ཤིག་རྒྱུ་དངོས་མེད་ལས་འབྲས་བུ་དངོས་མེད་བསྐྱེད་པ་སྟོན་པའི་རྒྱན་ཞིག |
| བཟློག་པའི་དཔེ |
དཔེའི་རྒྱན་གྱི་ནང་གསེས་ཤིག་མཚོན་བྱ་དོན་གྱིས་མཚོན་བྱེད་དཔེའི་ཁྱད་ཆོས་ཕར་འཇལ་བ་འཇིག་རྟེན་གྲགས་པ་དང་གོ་བཟློག་གི་རྒྱན་ཞིག |
| བཟློགས |
ཟློག་པའི་འདས་པ། (དཔེར་ན།) དགྲ་དམག་བཟློགས་ནས་གཡུལ་ལས་རྒྱལ་ལྟ་བུ། |
| བར |
1.དངོས་རྫས་གཉིས་འབྲེལ་བའི་མཚམས་ཀྱི་མིང་། (དཔེར་ན།) མི་དང་མིའི་བར། རྭ་བར། བར་ཤུན། སོ་བར་ཞེས་པ་ལྟ་བུ། 2.དུས་ཚོད་སྔ་ཕྱིའི་མཚམས་ཀྱི་མིང་། (དཔེར་ན།) ཐོག་མཐའ་བར་གསུམ། སྔ་ཕྱི་བར་གསུམ། བར་སྐབས་ཞེས་པ་ལྟ་བུ། |
| བར་ཁང |
1.ཁང་མིག་གསུམ་གྱི་བར་མ། 2.ཐོག་བརྩེགས་གསུམ་གྱི་བར་ཐོག་ཁང་པ། |
| བར་ཁུག་བཅོ་བརྒྱད |
ཡ་ཐོག་རིང་མོའི་རྗེས་ནས་མ་ཐོག་རིང་མོའི་བར་གྱི་ཁུག་པ་བཅོ་བརྒྱད་དེ་ཚེ་ལོ་བཅུ་པ་ནས་ཡར་བརྒྱད་ཁྲིའི་བར་འཕེལ་བ་དང༌། ཡང་བརྒྱད་ཁྲི་ནས་མར་བཅུ་པའི་བར་བྲི་བ་དེ་གཉིས་པོ་གཅིག་ཏུ་བསྡུས་པ་བར་གྱི་བསྐལ་པ་རེའམ་བར་གྱི་ཁུག་པ་རེ་རེ་བྱས་པའི་ཁུག་པ་བཅོ་བརྒྱད་དོ། ། |
| བར་ཁེ |
ཉོ་འཚོང་ཕྱོགས་གཉིས་ཀྱི་བར་དུ་ཟ་བའི་ཚོང་ཁེ། |
| བར་ཁྱད |
1.ཆེ་ཆུང་མཐོ་དམའ་མང་ཉུང་ལ་སོགས་པའི་བར་གྱི་ཁྱད་པར་ཏེ། (དཔེར་ན།) སྤྱི་ཚོགས་ཀྱི་ལམ་ལུགས་ལ་བཟང་ངན་བར་ཁྱད་ཆེ་ལྟ་བུ། 2.རི་མོ་དང་རི་མོའི་བར་གྱི་ཁྱད་པར་ཏེ། (དཔེར་ན།) ཉིན་ཚེས་ཁྱིམ་ཞག་གི་རྟག་ལོངས་སོ་སོའི་བར་ཁྱད་ཅེས་པ་ལྟ་བུ། |
| བར་ཁྱམས |
ཁང་པའི་ཕྱི་ནང་གི་བར་དུ་ཡོད་པའི་གཡབ་དཀར་གསལ་ཅན། |
| བར་གཅོད |
1.གནོད་བྱེད་ཀྱི་བགེགས་ཏེ། ྄ (དཔེར་ན།) དོན་སྒྲུབ་པར་བར་གཅོད་འབྱུང་ཡང་དཔའ་ངར་བསྐྱེད་དེ་སེལ་ཐབས་བྱེད་དགོས་ལྟ་བུ། 2.བར་མཚམས་གཅོད་པའི་དོན་ཏེ། (དཔེར་ན།) ང་ཚོ་མདུན་ལམ་བཟང་པོར་སྐྱོད་པ་འདི་སྟོབས་ཤུགས་གང་གིས་ཀྱང་བར་གཅོད་བྱེད་མི་ཐུབ་ལྟ་བུ། |
| བར་གདང |
(ཡུལ་སྐད།) ཐགས་ཁྲིའི་རུ་གཉིས་བར་གྱི་སྒྲོག་ཤིང༌། |
| བར་གདོན |
བཙན་དང་རྒྱལ་འགོང་སོགས་མི་མ་ཡིན་གྱི་སྡེ་ཚན་ཞིག |
| བར་གནས |
ཕྱོགས་གང་དུའང་མ་འཛུལ་བར་བར་མཚམས་སུ་ཡོད་པ་སྟེ། (དཔེར་ན།) བར་གནས་ཀྱི་རྒྱལ་ཁབ་ཅེས་པ་ལྟ་བུ། |
| བར་གཟབ |
གཟབ་མཆོར་འབྲིང་པོའི་ཆས་གོས། |
| བར་གཟུ |
བདེན་དཔང་ངམ་བར་འདུམ། |
| བར་གཡུ |
གཡུ་སྤུས་ཀའམ་བཟང་ངན་འབྲིང་པོ། |
| བར་གསེང |
བར་སྟོང༌གི་དོན་ཏེ། (དཔེར་ན།) སྒོའི་བར་གསེང་ནས་བལྟས། སྤྱི་དོན་གྱི་བར་གསེང་དང་བསྟུན་ཟུར་ཁྲིད་བྱེད་པ་ལྟ་བུ། |
| བར་གསེབ |
བར་སྲུབས་སམ་ཁྲོད་དེ། (དཔེར་ན།) ནགས་ཚལ་གྱི་བར་གསེབ་ནས་བལྟས་པས་རི་དྭགས་མཐོང༌ལྟ་བུ། |
| བར་གོས |
བར་གཟབ་ཀྱི་གོས་ཏེ། (དཔེར་ན།) དེ་རིང་གྱོན་ཆས་བར་གོས་ཤིག་གྱོན་ན་ལེགས་ལྟ་བུ། |
| བར་གྱི་སྟེང་གཉིས |
སྔར་བོད་རྒྱལ་སུམ་ཅུ་པ་འབྲོང་གཉན་ལྡེ་རུ་དང༌། སོ་གཅིག་པ་སྟག་རི་གཉན་གཟིགས་གཉིས་ཀྱི་མིང༌། ལུགས་གཞན་ཞིག་ལ་གདུང་རབས་བརྒྱད་པ་གྲི་གུམ་བཙན་པོ་དང༌། དགུ་པ་བྱ་ཁྲི་བཙན་པོ་གཉིས་ལ་བར་གྱི་སྟེང་གཉིས་ཟེར། |
| བར་གྲས |
སྤུས་ཀའམ་ཆེ་ཆུང་སོགས་འབྲིང་གྲས་ཏེ། (དཔེར་ན།) གོས་ཆེན་བར་གྲས། རས་སྣམ་བར་གྲས་ལྟ་བུ། |
| བར་གླིང |
གླིང་ཆེན་གཉིས་གཉིས་ཀྱི་བར་དུ་ཆགས་པའི་གླིང་ཕྲན་རྣམས། |
| བར་ཆད |
1.གནོད་རྐྱེན་ནམ་གེགས་ཏེ། (དཔེར་ན།) སྲོག་གི་བར་ཆད། བདེ་འཇགས་ཀྱི་བར་ཆད། འགྲོ་ལམ་དུ་བར་ཆད་མེད་པར་བདེ་བགྲོད་བྱུང་བ། ལས་དོན་ལ་བར་ཆད་གཏོང་བ་ལྟ་བུ། 2.རྒྱུན་ཆད་དང༌། མཚམས་ཆད་ཀྱི་དོན་ཏེ། (དཔེར་ན།) བཟོ་གྲྭ་ཁག་གི་འཕྲུལ་འཁོར་རྣམས་ཉིན་མཚན་ཀུན་ཏུ་བར་ཆད་མེད་པར་གཏོང་བ་ལྟ་བུ། |
| བར་ཆད |
བྱ་བ་དང་ལས་དོན་བདེ་བླག་ཏུ་འགྲུབ་པར་བཀག་འགོག་བྱེད་པའི་རྐྱེན་ངན་སོགས་ཀྱི་མིང་། (དཔེར་ན།) རྣམ་གཡེང་གིས་སློབ་སྦྱོང་ལ་བར་ཆད་བྱེད། བྱིས་པ་མང་དྲགས་ན་ཕ་མའི་སློབ་སྦྱོང་ལ་བར་ཆད་ཆེ་ལྟ་བུ། |
| བར་ཆད་ཀྱི་ལྷོང |
གནོད་རྐྱེན་ཡོང་བའི་ཕྱིའི་རྟགས་མཚན། |
| བར་ཆད་བཞི |
1.ཏིང་ངེ་འཛིན་གྱི་རྒྱུན་གནས་པ་དང་ཁྱད་པར་དུ་འགྲོ་བ་ལ་བར་ཆད་བཞི་རོ་མྱང་ཅན་དང༌། ང་རྒྱལ་ཤས་ཆེ་བ་དང༌། མ་རིག་པ་ཤས་ཆེ་བ་དང༌། ལྟ་བ་ཤས་ཆེ་བ་བཅས་སོ། །2.སོར་སྡོམ་ཐོབ་པའི་བར་ཆད་དེ། མ་ནིང་དང་མཚམས་མེད་བྱས་པ་སོགས་ལ་སྡོམ་པ་ཕོག་ཀྱང་མི་སྐྱེ་བས་སྐྱེ་བའི་བར་ཆད་དང༌། རྒྱལ་པོ་དང་ཕ་མས་མ་གནང་བ་སོགས་ལ་སྡོམ་པ་སྐྱེས་ཀྱང་རང་དབང་དུ་མ་གྱུར་པས་ཡུན་རིང་གནས་པའི་བར་ཆད་དང༌། བྱ་རོག་སྐྲོད་མི་ནུས་པའམ་ནད་དང་སྡུག་བསྔལ་གྱིས་ཉེན་པ་སོགས་ལ་སྡོམ་པ་གནས་ཀྱང་བསླབ་པ་ལ་སྦྱོར་མི་བཟོད་པས་ཡོན་ཏན་ཁྱད་པར་དུ་འགྲོ་བའི་བར་ཆད་དང༌། སྐྲ་སེར་ཅན་དང་ལག་རྡུམ་ཤན་པ་སོགས་ཁ་དོག་དང་དབྱིབས་རིགས་སོགས་ལ་སྐྱོན་ཆགས་པ་རྣམས་ཀྱིས་བསླབ་པ་ལ་སློབ་ནུས་ཀྱང་བསྟན་པ་ལ་མ་དད་པའི་རྒྱུ་བྱེད་པས་མཛེས་པའི་བར་ཆད་བཅས་བཞིའོ། ། |
| བར་ཆད་མེད་པའི་ཏིང་ངེ་འཛིན |
མིང་དེ་དག་གིས་བརྗོད་པའི་དོན་གྱི་ཆོས་ཐམས་ཅད་སྟོང་པ་ཉིད་དུ་ཤེས་པའི་ཤེས་རབ་སྐྱེས་པ་སྟེ་དེ་མ་ཐག་ཏུ་ས་དང་པོ་གནོན་པ་སྟེ་བྱང་ཆུབ་སེམས་དཔའི་མོས་པས་སྤྱོད་པའི་ཆ་བཞིའི་ཡ་གྱལ་ཞིག |
| བར་ཆད་མེད་པའི་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། རྒྱུན་མཐའི་བར་ཆད་མེད་པའི་ཏིང་ངེ་འཛིན་ཏེ་མཁྱེན་གསུམ་བསྡུས་སྒོམ་རབ་ཏུ་གྱུར་པའི་རང་འབྲས་རྣམ་མཁྱེན་དངོས་སུ་སྐྱེད་པའི་སེམས་དཔའི་རྣལ་འབྱོར་མཐར་ཐུག་གོ། |
| བར་ཆད་མེད་པའི་ལམ |
བར་ཆད་མེད་ལམ་དང་དོན་གཅིག |
| བར་ཆད་མེད་ལམ |
རང་ལམ་གྱི་སྒྲིབ་པ་སྤོང་བྱེད་ཀྱི་དངོས་གཉེན་དུ་གྱུར་ཅིང༌། རང་འབྲས་ཀྱི་ཡེ་ཤེས་ཕྱི་མ་སྐྱེད་པ་ལ་གཞན་གྱིས་བར་དུ་མ་ཆོད་པའི་ལམ། |
| བར་ཆོད |
བར་ཆད་དང་འདྲ། |
| བར་ཆོད་བྱེད་པའི་མི་དགེ་བ |
དགེ་བའི་བར་ཆད་བྱེད་པའི་ཆོས་རྣམས། |
| བར་ཏི་ཀཱ |
(ལེགས་སྦྱར།) རྣམ་འགྲེལ། |
| བར་ཐག |
རྒྱང་ཐག་རིང་ཐུང་གི་ཚད་དེ། (དཔེར་ན།) ལུང་པ་གཉིས་ཀྱི་བར་ཐག་རིང་བ། དུས་སྐབས་དེ་ནས་བར་ཐག་རིང་པོ་མ་སོང་བ་ལྟ་བུ། |
| བར་ཐོ |
(ཡུལ་སྐད།) རྡོ་བཟོ་སོགས་ཀྱི་ཐོ་བ་འབྲིང་བ། |
| བར་ཐོག |
ཁང་པ་ཐོག་བརྩེགས་གསུམ་གྱི་བར་མ། |
| བར་དཔང |
བར་གྱི་བདེན་དཔང༌། |
| བར་དབུས་གཙང་རུ་བཞི |
བོད་ཡུལ་སྟོད་སྨད་བར་གསུམ་དུ་ཕྱེ་བའི་བར་ཕྱོགས་དེ་སྔར་ཆོས་རྒྱལ་སྲོང་བཙན་སྐབས་གཙང་ལ་གཡས་རུ་དང༌། རུ་ལག་དབུས་ལ་དབུ་རུ་དང༌། གཡོ་རུ་སྟེ་རུ་བཞིར་ཕྱེ་བ་དེ་དག་ཕྱིས་སྤྱི་ལོའི་དུས་རབས་བཅུ་བདུན་པར་གཡས་རུ་དང༌། གཡོན་རུ། སྦུས་རུ། གུང་རུ་ཞེས་པའི་མིང་དུ་བསྒྱུར། |
| བར་དུ་གཅོད་པའི་ཆོས་ལུང་སྟོན་པ་ལ་མི་འཇིགས་པ |
མི་འཇིགས་པ་བཞིའི་ཡ་གྱལ་ཞིག འདོད་ཡོན་དང་ཐར་པ་ལ་ཆགས་སོགས་བར་དུ་གཅོད་པ་མངོན་སུམ་དུ་གཟིགས་པས་དེ་ལྟར་སྟོན་པ་ལ་རྒོལ་བའི་གནས་མེད་པའོ། ། |
| བར་དུ་ཆད་ཅིང་འཇུག་པའི་ཡིད་ལ་བྱེད་པ |
ཡིད་བྱེད་བཞིའི་ནང་ཚན། སེམས་གནས་དགུའི་གསུམ་པ་བསྡུས་ཏེ་འཇོག་པར་བྱེད་པ་དང༌། བཞི་པ་ཉེ་བར་འཇོག་པར་བྱེད་པ་དང༌། ལྔ་པ་དུལ་བར་བྱེད་པ། དྲུག་པ་ཞི་བར་བྱེད་པ། བདུན་པ་ཉེ་བར་ཞི་བར་བྱེད་པ་རྣམས་ཀྱི་སྐབས་སུ། བྱིང་རྒོད་ཀྱིས་བར་དུ་བཅད་ནས་ཐུན་རིང་པོ་སྐྱོང་མི་ནུས་པའི་ཏིང་ངེ་འཛིན་ནོ། ། |
| བར་དུ་བསྒྱུར་བོན |
དུས་རབས་བརྒྱད་པའི་སྐབས་བོན་པོ་རྒྱ་བོ་བྱང་ཆུབ་ཀྱིས་སངས་རྒྱས་པའི་ཆོས་ཁ་བསྒྱུར་བྱས་ནས་བོན་ལུགས་དང་བསྲེས་ཏེ་བརྩམས་པའི་བོན་གཞུང་དེ་དག་གི་རྗེས་འབྲང་རྣམས། |
| བར་དོ |
1.ཚེ་སྔ་ཕྱི་གཉིས་ཀྱི་མཚམས་ཀྱི་མིང་ངམ་བར་མཚམས་དེར་གནས་པའི་རྣམ་ཤེས་ཀྱི་རྣམ་པ་ཞིག 2.བར་མ་སྟེ་རྒྱུ་སྤུས་དང་རིམ་པ་སོགས་མཐའ་གཉིས་ཀྱི་དཀྱིལ་ན་ཡོད་པའི་དོན་ཏེ། (དཔེར་ན།) བཟང་ངན་བར་མ་དོ། ཕྱུགས་དབུལ་བར་མ་དོ་ཞེས་པ་ལྟ་བུ། |
| བར་དོ་བ |
སྔ་མའི་ལུས་རྟེན་བོར་ནས་ཕྱི་མའི་ལུས་རྟེན་མ་རྙེད་པའི་བར་གྱི་སེམས་ཅན། |
| བར་དོ་ལོངས་སྐུར་འཁྱེར་བའི་རྣལ་འབྱོར |
བར་དོའི་སྐབས་སུ་གྲོལ་བའི་སྔགས་ལམ་ཞིག |
| བར་དོ་སྒྱུ་མ |
སྒྱུ་ལུས་ཀྱི་ནང་གསེས་ཤིག་ཡིད་ལས་བྱུང་བའི་བར་དོའི་ལུས་དབང་པོ་ཀུན་ཚང་ཐོགས་མེད་དུ་རྒྱུ་བའོ། ། |
| བར་དོའི་འཕྲང་རིང |
སེམས་ཅན་ཤི་རྗེས་རྣམ་ཤེས་འཁྱམས་སའི་ལམ་འཕྲང་རིང་པོ། |
| བར་དོར་འདའ་བ |
གཟུགས་སུ་ཉེ་བར་འགྲོ་བ་གསུམ་གྱི་ནང་གསེས། གཟུགས་ཁམས་ཀྱི་ཚངས་ཆེན་གྱི་བར་དོ་མ་གཏོགས་པ་གཞན་བཅུ་དྲུག་གི་བར་དོ་གང་རུང་དུ་ཉིང་མཚམས་སྦྱོར་བའི་རྟེན་དེ་ཉིད་ལ་མྱ་ངན་ལས་འདས་པ་འཐོབ་པ་དགེ་འདུན་ཉི་ཤུའི་གྲས་ཤིག |
| བར་དོར་འདའ་བ་གསུམ |
བར་དོར་མྱ་ངན་ལས་འདའ་བ་གསུམ་སྟེ་བར་དོར་སྐྱེས་མ་ཐག་ཏུ་འདའ་བ་གྱུར་པ་དང༌། བར་དོའི་ཚེ་དཀྱིལ་དུ་འདའ་བ་གྱུར་པ་མ་ཡིན་པ་དང༌། བར་དོའི་ཚེ་གཞུག་ལ་འདའ་བ་ཡུན་རིང་མོ་བཅས་སོ། ། |
| བར་དོར་ཡོངས་སུ་མྱ་ངན་ལས་འདའ་བ |
བར་དོའི་སྐབས་སུ་མྱ་ངན་ལས་འདའ་ངེས་ཀྱི་ཕྱིར་མི་འོང་བ། |
| བར་པ |
1.འབྲིང་བ་དང་དཀྱིལ་མའི་དོན་དུ་གོ་བའི་བར་མ་དང་འདྲ། 2.ཆ་དཔང་སྟེ་བར་དཔང༌། 3.(མངོན་བརྗོད།) བུད་མེད་དར་མ། |
| བར་བཅུག་རི་མོ |
དཔེ་ཆ་དང་གསར་འགྱུར་སོགས་ཀྱི་སྟེང་དུ་དོན་གསལ་བྱེད་དུ་བར་མཚམས་སུ་བཀོད་པའི་རི་མོ། |
| བར་བཙངས |
གོས་སོགས་ཀྱི་བར་ཚངས་ཏེ། (དཔེར་ན།) སྲིན་བལ་བར་བཙངས་ཅན་གྱི་གོས་ཤིག་དགོས་ལྟ་བུ། |
| བར་བར |
མཚམས་མཚམས་སམ་དུས་ལ་ལ་ཞེས་པའི་དོན་ཏེ (དཔེར་ན།) དགྲ་དང་དྲག་པོའི་འཐབ་འཛིང་བྱེད་པའི་བར་བར་དུ་ཞི་བའི་གྲོས་མོལ་ཡང་བྱེད་ཀྱིན་ཡོད་ལྟ་བུ། |
| བར་བརྒལ |
བྱ་བ་དང་དངོས་པོ་དུས་རིམ་ཞིག་ནས་རིམ་གྱིས་དུས་རིམ་གཞན་ཞིག་ཏུ་འཕེལ་བར་འགྲོ་བ་སྟེ། (དཔེར་ན།) བར་བརྒལ་དུས་སྐབས་ཞེས་པ་ལྟ་བུ། |
| བར་བསྐལ |
བར་གྱི་བསྐལ་པ་བསྐལ་པ་ཆགས་གནས་འཇིག་སྟོང་བཞི་སོ་སོར་རང་རང་གི་མགོ་བརྩམས་པ་ནས་མཇུག་རྫོགས་པའི་བར་གྱི་བསྐལ་པ་ཆུང་ངུ་རྣམས་ཏེ། གནས་པའི་བར་བསྐལ་ཉི་ཤུ་ལྟ་བུའོ། ། |
| བར་བསྐལ་ཉི་ཤུ |
མིའི་ཚེ་ལོ་དཔག་མེད་ནས་ཚེ་ལོ་བཅུའི་བར་བྲི་བ་དེ་བར་གྱི་ཡ་ཐོག་རིང་མོའམ་བསྐལ་པ་དང་པོ་དང༌། དེ་ནས་ཡར་ལོ་བརྒྱད་ཁྲིའི་བར་དུ་འཕེལ་ཞིང་མར་ལོ་བཅུའི་བར་དུ་བྲི་བ་དེ་བར་གྱི་བསྐལ་པ་གཉིས་པ། དེ་ལྟ་བུའི་ཁུག་པ་བཅོ་བརྒྱད་སོང་མཚམས་སླར་ཡང་ཚེ་ལོ་བཅུ་ནས་བརྒྱད་ཁྲིའི་བར་དུ་འཕེལ་བ་ནི་བར་གྱི་མ་ཐོག་རིང་མོའམ་བསྐལ་པ་ཐ་མ་སྟེ་བསྡོམས་པས་བར་གྱི་བསྐལ་པ་ཉི་ཤུའོ། ། |
| བར་བསྐལ་བཞི |
ཆགས་པའི་བསྐལ་པ། གནས་པའི་བསྐལ་པ། འཇིག་པའི་བསྐལ་པ། སྟོང་པའི་བསྐལ་པ། |
| བར་བོར |
(རྒྱན་ཚིག) བ་རེ་བོ་རེའི་བསྡུས་ཚིག |
| བར་བྱེད་པ |
ཚོང་དང་འཁྲུག་རྩོད་འགྲིག་ཐབས་བྱེད་པ་སྟེ། (དཔེར་ན།) འཇམ་མོལ་གྱི་སྒོ་ནས་ཕན་ཚུན་མཐུན་འགྲིག་གི་བར་བྱེད་པ་ལྟ་བུ། |
| བར་བློན |
སྔར་རྒྱལ་པོའི་ཕྱི་བློན་ནང་བློན་མིན་པའི་ལས་བྱེད་བློན་པོ། |
| བར་མ |
1.འབྲིང་བ་དང་དཀྱིལ་མའི་དོན་ཏེ། (དཔེར་ན།) ལེའུ་བར་མ། ལམ་བར་མ་ལྟ་བུ། 2.གླུ་དབྱངས་ངེས་པ་བདུན་གྱི་ནང་གསེས། ཁྲུང་ཁྲུང་སྒྲ་སྒྲོག་པ་ལྟ་བུ། 3.གར་མཁན་མ། 4.(མངོན་བརྗོད།) རྐེད་པ། |
| བར་མ་ཆད་པ |
རྒྱུན་མ་ཆད་པའི་དོན་ཏེ། (དཔེར་ན།) ཉིན་མཚན་ཀུན་ཏུ་གཙང་ཆུ་བར་མ་ཆད་པར་འབབ་ཅེས་པ་ལྟ་བུ། |
| བར་མ་དོ |
སྤྱི་ས་བར་སའམ་འདི་ཡིན་ངེས་བཟུང་མེད་པ་སྟེ། (དཔེར་ན།) མི་ཚང་མས་ཧུར་བརྩོན་ཆེར་བསྐྱེད་ཀྱིས་འཛུགས་སྐྲུན་བྱེད་བཞིན་པར་རང་ཉིད་གཅིག་པུ་ལས་ཁུར་འདི་བྱ་འདི་བྱེད་མེད་པར་བར་མ་དོའི་ངང་དུ་སྡོད་མི་ཉན་ལྟ་བུ། |
| བར་མ་དོར་འཆི་བ |
དུས་མ་ཡིན་པར་འཆི་བ། |
| བར་མ་བཞག་པ |
མཚམས་མ་བཞག་པའི་དོན་ཏེ། (དཔེར་ན།) ཟླ་ཤས་རིང་ལ་ལས་ཀ་བར་མ་བཞག་པར་མུ་མཐུད་དེ་བྱས་ལྟ་བུ། |
| བར་མ་རབ་བྱུང |
དགེ་བསྙེན་ཐོབ་ཅིང༌། དགེ་ཚུལ་དུ་མ་གྱུར་པའི་སྔ་རོལ་ཏུ། དགེ་ཚུལ་གྱི་བརྟུལ་ཞུགས་མྱུར་དུ་ཐོབ་པར་བྱ་བའི་ཕྱིར་དུ་སྦྱོར་བ་བར་མ་རབ་བྱུང་བསྒྲུབ་པ་སྟེ་ཡུལ་ཁྱད་པར་ཅན་ལ་ཞུ་ཞིང་གསོལ་བ་གདབ་པ་དང༌། བརྗེ་བ་རྣམ་གསུམ་བྱ་བའོ། ། |
| བར་མ་རབ་བྱུང་གི་བསླབ་བྱ |
དཀོན་མཆོག་གསུམ་ལ་སྐྱབས་སུ་འགྲོ་བ། མཁན་སློབ་ལ་གུས་པར་བྱེད་པ། ཁྱིམ་པའི་རྟགས་སྤོང་བ། རབ་ཏུ་བྱུང་བའི་རྟགས་ཡང་དག་པར་ལེན་པ་བཞི་ལ་གཙོ་བོར་བསླབ་པའོ། ། |
| བར་མ་རི |
གྲོང་ཁྱེར་ལྷ་སའི་པོ་ཏཱ་ལའི་ནུབ་ཕྱོགས་ཀྱི་རི་ཞིག་རིའི་སྒང་ལ་ཀོན་ཏི་ལྷ་ཁང་ཡོད་པ་དེར་རྒྱ་མིའི་ལྷ་ཁང་ཞེས་ཁ་སྐད་དུ་བཤད། |
| བར་མཚམས |
1.དུས་སྔ་ཕྱིའི་རྒྱུན་མཚམས་ཏེ། (དཔེར་ན།) ལོ་སྔ་མ་དང་ཕྱི་མའི་བར་མཚམས་ཞེས་པ་ལྟ་བུ། 2.ཕན་ཚུན་དབར་གྱི་བར་སྟོང༌སྟེ། (དཔེར་ན།) པང་ལེབ་ཁ་སྦྱར་བའི་བར་མཚམས། གཡུལ་འགྱེད་གཉིས་ཀྱི་བར་མཚམས། ལས་ཀ་མཐའ་མ་འཁྱོལ་བར་བར་མཚམས་མི་འཇོག བར་མཚམས་ས་ཁུལ་ཞེས་པ་ལྟ་བུ། |
| བར་མཚམས་བཅད་པ |
1.རྒྱུན་བཅད་པའི་དོན་ཏེ། (དཔེར་ན།) རིམས་ནད་ཀྱི་བར་མཚམས་བཅད་པ་ལྟ་བུ། 2.ལས་ཀ་འཕྲོ་ལ་བཞག་པ། 3.དབྱེ་བ་ཕྱེས་པའི་དོན་ཏེ། (དཔེར་ན།) ལས་དོན་གསར་རྙིང་བར་མཚམས་བཅད་པ་ལྟ་བུ། |
| བར་མའི་སྡོམ་པ |
གནོད་པའམ་གནོད་པའི་གཞི་དག་ཕྱོགས་རེ་སྤོང་བའམ་ཕྱོགས་རེ་ལ་འཇུག་པ། |
| བར་མི |
མཐུན་སྒྲིག་ཡོང་ཐབས་ཀྱི་བདེན་དཔང་བྱེད་མཁན་ཏེ། (དཔེར་ན།) ཁ་མཆུ་སྡུམ་པའི་བར་མི་བྱེད་པ་ལྟ་བུ། |
| བར་མེད |
1.རྒྱུན་མི་འཆད་པ་སྟེ། (དཔེར་ན།) ཉིན་མཚན་བར་མེད་དུ་སློབ་སྦྱོང་ལ་བརྩོན་ལྟ་བུ། 2.(མངོན་བརྗོད།) ནམ་མཁའ། |
| བར་ཚགས |
བར་མཚམས་ཏེ། (དཔེར་ན།) དཔེ་དེབ་བླུག་སྒམ་ནང་གི་བར་ཚགས་དམ་པོ་བརྒྱབ་སོང༌ལྟ་བུ། |
| བར་ཚངས |
གོས་སོགས་ཀྱི་ཕྱི་ནང་གི་བར་དུ་བཅུག་པའི་ནང་ཚངས་ཏེ། (དཔེར་ན།) དགུན་ཆས་ཀྱི་བར་ཚངས་སྲིན་བལ་གཏོང་བ་ལྟ་བུ། |
| བར་ཚེག |
ཡི་གེའི་བར་གྱི་ཚེག |
| བར་ཚོང |
གྲོང་ཁྱེར་རམ་ཚོང་འདུས་སོགས་ནས་དངོས་ཟོག་ཉོས་ཏེ་ལུང་ཆུང་འགར་སིལ་འཚོང་རྒྱག་མཁན། |
| བར་ཚོང་པ |
1.ཚོང་པ་ཕན་ཚུན་བར་དུ་ཚོང་སྒྲིག་ཐབས་བྱེད་མཁན། 2.ཚོང་ཟོག་རྩག་རྩིག་འཚོང་མཁན། |
| བར་ཞིབ |
(ཡུལ་སྐད།) གསོལ་ཞིབ་དང༌། དམངས་རྩམ་མིན་པའི་རྩམ་པ་སྤུས་ཀ་འབྲིང་བ། |
| བར་ཞུས་ལོ་ཙཱ་བ |
སྔར་ཡི་གེ་སྒྱུར་སྐབས་ཞུས་དག་ལ་རོགས་རམ་བྱེད་མཁན་ལོ་ཙཱ་བ། |
| བར་འགག |
མདོ་སྦུག་གཉིས་ཀྱི་བར་མཚམས་ཀྱི་འགག |
| བར་འགའ |
རེ་འགའམ་ཐེངས་འགའ། གནམ་གཤིས་བར་འགའ་ལ་དྭངས་ཤིང་བར་འགའ་ལ་འཐིབས་པ། |
| བར་འགྲིབ |
མིག་གི་རྒྱ་མོའི་ཤུན་པགས་བར་གྱི་འགྲིབ་རྐྱེན། |
| བར་འདུམ |
ཁ་མཆུ་སོགས་བསྡུམས་ཏེ་འགྲིག་པར་བྱེད་ཐབས་ཏེ། (དཔེར་ན།) ནང་ཁུལ་གྱི་རྩོད་གཞི་ལ་དགེ་སྐྱོན་གསེད་བཀྲོལ་བྱས་ཏེ་བར་འདུམ་བྱེད་པ་ལྟ་བུ། |
| བར་འདུལ |
བར་འདུལ་ཁ་ཆེའི་བརྒྱུད་པ་དང་དོན་གཅིག |
| བར་འདུལ་ཁ་ཆེའི་བརྒྱུད་པ |
ཀླུ་སྒྲུབ་ནས་རིམ་བཞིན་བརྒྱུད་པའི་མཐར། ཕྱིས་སུ་ཁ་ཆེའི་པཎ་ཆེན་ཤཱཀྱ་ཤྲཱི་ལས་ས་སྐྱ་པཎ་ཆེན་སོགས་བསྙེན་པར་རྫོགས་ཤིང་དེ་ལས་ཀྱང་རིམ་པར་དར་བའི་སྡོམ་རྒྱུན། |
| བར་འཚང |
བར་དུ་འཚང་ག་རྒྱག་པ་སྟེ། (དཔེར་ན།) གཞན་གྱི་སྐད་ཆའི་ཁྲོད་དུ་བར་འཚང་རྒྱག་པ། མགོ་སྔས་ལ་ཤིང་བལ་བར་འཚང་རྒྱག་པ་ལྟ་བུ། |
| བར་རྐྱེན |
བར་བར་དུ་འབྱུང་བའི་རྐྱེན་རིགས་ཏེ། (དཔེར་ན།) ལས་གྲྭ་འཛུགས་ཡུན་ལ་བར་རྐྱེན་འགའ་ཤས་བྱུང་མྱོང་ཡང་སྐྱོན་ཆེན་པོ་མ་ཤོར་ལྟ་བུ། |
| བར་ལམ |
བར་སྐབས་སམ་ཉེ་ལམ་ཏེ། (དཔེར་ན།) བར་ལམ་མ་མཇལ་རིང་སྐུ་གཟུགས་བདེ་ཐང་བྱུང་འདུག་ལྟ་བུ། |
| བར་ལམ་འཐེན་འཁྱེར |
བར་སྐབས་ཀྱི་རྩོད་གླེང༌སྟེ། (དཔེར་ན།) བར་ལམ་འཐེན་འཁྱེར་གྱིས་ཡུལ་ཁམས་འཁྲུགས་པ་དེ་ལྷིང་འཇགས་བཟོ་དགོས་ལྟ་བུ། |
| བར་ལྡིང |
ལས་ཀ་བདག་སྤྲོད་མེད་པར་ལུས་པ་སྟེ། (དཔེར་ན།) འཆར་གཞི་ཞིག་བཏིང་ཡོད་ཀྱང་ལག་ལེན་ཇི་ལྟར་བསྟར་རྒྱུའི་ཐད་ད་དུང་བར་ལྡིང་དུ་ལུས་ནས་ཐག་ཆོད་མི་འདུག་ཅེས་པ་ལྟ་བུ། |
| བར་ལྷུ |
འཕྲུལ་འཁོར་དང་ཚིགས་པ་སོགས་ཀྱི་བར་མཚམས་ཏེ། (དཔེར་ན།) གཅུས་གཟེར་བཏབ་ནས་འཕྲུལ་འཁོར་གྱི་བར་ལྷུ་སྒྲིག་པ་ལྟ་བུ། |
| བར་ཤར་བ |
(ཡུལ་སྐད།) རབ་ཏུ་བྱུང་བའི་བསླབ་པ་འབྲིང་གྲས། |
| བར་ཤུན |
ཤ་དང༌། པགས་པའི་བར་གྱི་སྐྱི་མོ། |
| བར་ཤུར |
ཁང་པའི་སྟེང་ཤོད་གང་རུང་གི་ཕར་ཚུར་འགྲོ་ལམ་ཏེ། (དཔེར་ན།) བར་ཤུར་ཧ་ཅང་དོག་པས་འགྲོ་འོང་དཀའ་ལྟ་བུ། |
| བར་སེལ |
ཕན་ཚུན་དབར་གྱི་དབྱེན་དཀྲུག་སྟེ། (དཔེར་ན།) གྲོགས་པོ་ཕན་ཚུན་གྱི་བར་སེལ་ནམ་མཁའ་གཡའ་དག་ལྟར་གཙང་མར་བསལ་བ། མི་རིགས་བར་གྱི་བར་སེལ་མེད་པ་བཟོ་ལྟ་བུ། |
| བར་སྐབས |
1.དུས་སྔ་ཕྱིའི་བར་མཚམས་ཏེ། (དཔེར་ན།) དམག་འཁྲུག་གཉིས་ཀྱི་བར་སྐབས་ལ་ཆིངས་སྒྲིག་དང༌། ངལ་གསོའི་དུས་ཚོད་ཅིག་འཇོག་དགོས་ལྟ་བུ། 2.གནས་སྐབས་ཏེ། (དཔེར་ན།) ལུགས་སྲོལ་དེ་བར་སྐབས་ཤིག་ལ་ནུབ་ནས་དར་མི་འདུག བར་སྐབས་དེར་མཐུན་ལམ་མ་བྱུང་བ་ལྟ་བུ། |
| བར་སྐབས་ཀྱི་ཚིགས་སུ་བཅད་པ |
རྩོམ་ཡིག་ཚིག་ལྷུག་གི་བར་བར་དུ་ངལ་གསོའི་སྙན་ཚིག་སྤེལ་བའི་ཚིགས་བཅད། |
| བར་སྟོང |
བར་གསེང་ངམ་སྟོང་ཆ་སྟེ། (དཔེར་ན།) ཁང་ཆེན་ཕན་ཚུན་གྱི་བར་སྟོང་ས་ཆ་ཞེས་པ་ལྟ་བུ། |
| བར་སྟོན |
(ཡུལ་སྐད།) བོད་ཀྱི་ཡུལ་སྲོལ་ལ་ཨར་ལས་སོགས་ལས་དོན་རྒྱ་ཆེན་བྱེད་སྐབས་ཀྱི་བར་གྱི་སྟོན་མོ། |
| བར་སྡུམ |
ཕྱོགས་གཉིས་ཕན་ཚུན་མ་མཐུན་པ་མཐུན་པར་བྱེད་ཐབས། |
| བར་སྡོམ |
རྩོམ་པའི་སྡེ་ཚན་རེ་རེའི་བར་དུ་སྦྱོར་བའི་སྡོམ་ཚིག་ཚིགས་བཅད། (དཔེར་ན།) གཞུང་དེའི་བར་སྡོམ་ཚིགས་བཅད་གཉིས་པ་ཞེས་པ་ལྟ་བུ། |
| བར་སྣང |
1.ས་ངོས་དང་ཅུང་ཉེ་བའི་མཁའ་དབྱིངས་ཀྱི་མིང་། (དཔེར་ན།) བྱ་བར་སྣང་ན་འཕུར་ལྟ་བུ། 2.མཁའ་དབྱིངས་ཀྱི་མཁའ་དབུགས་ལ་ཉི་འོད་ཕོག་པའི་སྣང་བ་སྐྱ་བསེང་བའི་མིང་། |
| བར་སྣང་ཁང་ཆེན |
དོན་མེད་རེ་དོགས་ཀྱི་སྟོང་བསམ་དངོས་མེད་ཁང་ཆེན་གྱི་གཟུགས་སུ་བཀོད་པ་སྟེ། (དཔེར་ན།) བར་སྣང་ཁང་ཆེན་བསྐྲུན་འདོད་ཀྱི་འཁྲུལ་སྣང༌ཞེས་པ་ལྟ་བུ། |
| བར་སྣང་ཆུ་རླབས |
(མངོན་བརྗོད།) སྨིག་རྒྱུ། |
| བར་སྣང་ལ་གནས་པ |
འདོད་ལྷ་རིགས་དྲུག་ལས། སུམ་ཅུ་རྩ་གསུམ་དང༌། འཐབ་བྲལ་དང༌། དགའ་ལྡན་དང༌། འཕྲུལ་དགའ་དང༌། གཞན་འཕྲུལ་དབང་བྱེད་བཅས་ཀྱི་ལྷ་རྣམས་ནི་རིའི་རྒྱལ་པོ་རི་རབ་ཀྱི་སྟེང་གི་བར་སྣང་ལ་གནས་པའོ། ། |
| བར་སྲང |
གྲོང་ནང་ཁང་པ་ཕན་ཚུན་བར་གྱི་སྲང་ལམ་ཏེ། (དཔེར་ན།) གྲོང་ཁྱེར་དེའི་བར་སྲང་གི་གཡས་གཡོན་དུ་ཤིང་སྡོང་བཙུགས་ལྟ་བུ། |
| བར་སྲིད |
བར་དོ་བ་འཇིག་རྟེན་འདིར་གང་གི་སྔ་མའི་འཆི་སྲིད་དང༌། ཕྱི་མའི་སྐྱེ་སྲིད་ཀྱི་བར་དུ་བྱུང་བའི་སྲིད་པ། |
| བར་སྲུབས |
གསེང་དབར་ཏེ། (དཔེར་ན།) སྒོའི་བར་སྲུབས། པང་ལེབ་ཀྱི་བར་སྲུབས་ཞེས་པ་ལྟ་བུ། |
| བར་ཧྲག་བར་ཧྲག |
(ཡུལ་སྐད།) སྐབས་སྐབས་ཀྱི་དོན་ཏེ། (དཔེར་ན།) བར་ཧྲག་བར་ཧྲག་ལས་ཀ་དང༌། བར་ཧྲག་བར་ཧྲག་སློབ་སྦྱོང་བྱེད་པ་ལྟ་བུ། |
| བརྐམ |
(བྱེད་མེད་ལས་ཚིག) རྐམ་པའི་མ་འོངས་པ། (དཔེར་ན།) བརྐམ་བྱའི་ཟས་ཞེས་པ་ལྟ་བུ། |
| བརྐམ་ཆགས |
1.སྲེད་པ་སྟེ་འདོད་ཞེན། (དཔེར་ན།) མི་བརྐམ་ཆགས་ཅན་ལ་ཆོག་ཤེས་མེད་ལྟ་བུ། 2.སེར་སྣ། |
| བརྐམ་པ |
རྐམ་པའི་མ་འོངས་པ། |
| བརྐམ་སྲེད |
ཞེན་ཆགས། |
| བརྐམས |
རྐམ་པའི་འདས་པ། (དཔེར་ན།) སྒེར་གྱི་ཕན་ཁེ་ཆུང་ངུ་ཙམ་ལ་བརྐམས་ནས་ཐུན་མོང་གི་ཕན་ཁེ་འདོར་མི་རུང་ལྟ་བུ། |
| བརྐུ |
(བྱེད་འབྲེལ་ལས་ཚིག) རྐུ་བའི་མ་འོངས་པ། |
| བརྐུན་པ |
(བརྡ་རྙིང་།) རྐུ་བ། |
| བརྐུས |
(བྱེད་འབྲེལ་ལས་ཚིག) རྐུ་བའི་འདས་པ། (དཔེར་ན།) ནོར་རྫས་བརྐུས་ནས་བྲོས་ལྟ་བུ། |
| བརྐུས་ཁྱེར |
མིས་མ་མཐོང་བར་གཞན་ནོར་ཁྱེར་བ། |
| བརྐུས་ནོར |
གཞན་ནས་བརྐུས་པའི་ཅ་ལག་སྟེ། (དཔེར་ན།) བརྐུས་ནོར་དོང་དུ་སྦས་ཞེས་པ་ལྟ་བུ། |
| བརྐུས་པ་འཇལ་གྱི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་ཤིག་གཞན་ནོར་བརྐུས་ཚབས་ཆེ་ཆུང་ལ་གཞིགས་པའི་རྐུན་འཇལ་གྱི་ཉེས་ཆད་གཅོད་ལུགས་ཀྱི་ཁྲིམས། |
| བརྐོ |
(བྱེད་འབྲེལ་ལས་ཚིག) རྐོ་བའི་མ་འོངས། (དཔེར་ན།) གཏེར་བརྐོ་དགོས། བརྐོ་བྱའི་དོང་ཞེས་པ་ལྟ་བུ། |
| བརྐོས |
(བྱེད་འབྲེལ་ལས་ཚིག) རྐོ་བའི་འདས་པ། (དཔེར་ན།) གཏེར་ཁ་བརྐོས་ནས་རྡོ་སོལ་བཏོན་ལྟ་བུ། |
| བརྐོས་ཆུ |
བརྐོས་པའི་ལྟེང་ཀའམ་ཁྲོན་པའི་ཆུ། |
| བརྐོས་ཕོར |
སཱཙྪ་སོགས་ཀྱི་པར་ཀོང༌། |
| བརྐོས་བྱང |
ཡི་གེ་བརྐོས་པའི་ཤིང་སོགས་ཀྱི་བྱང་བུ། |
| བརྐོས་མ |
རི་མོ་བརྐོས་བརྒྱབ་པའི་དངོས་རིགས་ཏེ། (དཔེར་ན།) རྡོ་བརྐོས་མ། ཤིང་བརྐོས་མ། བ་སོ་བརྐོས་མ་ལྟ་བུ། |
| བརྐོས་ཤུལ |
ས་དང་རྡོ་ཤིང་སོགས་བརྐོས་པའི་ཤུལ། |
| བརྐོས་སྡེར |
ཤིང་བརྐོས་ཏེ་བཟོས་པའི་སྡེར་མ། |
| བརྐྱང |
(བྱེད་འབྲེལ་ལས་ཚིག) རྐྱོང་བའི་མ་འོངས་པ། (དཔེར་ན།) རྐང་བ་བརྐྱང་དགོས་བརྐྱང་བྱའི་ཐག་པ་ཞེས་པ་ལྟ་བུ། |
| བརྐྱང་ནུལ |
(བརྡ་རྙིང་།) ཨར་གའི་ཞལ་བ། |
| བརྐྱང་བསྐུམ |
ཕར་རྐྱོང་བ་དང་ཚུར་སྐུམ་པ། |
| བརྐྱངས |
(བྱེད་འབྲེལ་ལས་ཚིག) རྐྱོང་བའི་འདས་པ། (དཔེར་ན།) ལག་པ་བརྐྱངས་ནས་ཟས་བླངས་ཐག་པ་བརྐྱངས་ནས་ཡར་འཐེན་ལྟ་བུ། |
| བརྐྱངས་ཁྲུ |
རིང་ཐུང་འཇལ་བྱེད་ཀྱི་ཚད་ཅིག་ལག་པའི་གུང་སོར་བརྐྱངས་པའི་རྩེ་ནས་གྲུ་ཚིགས་བར་གྱི་རིང་ཚད། |
| བརྐྱངས་ཉལ |
རྐང་ལག་བརྐྱངས་ནས་ཉལ་བ། |
| བརྐྱངས་ཕྱག |
ལུས་ཐམས་ཅད་ས་ལ་ཕབ་པའི་ཕྱག་སྟེ། (དཔེར་ན།) མོས་གུས་ཆེན་པོས་བརྐྱངས་ཕྱག་འཚལ་ལྟ་བུ། |
| བརྐྱངས་མཁྱིད |
ཁུ་ཚུར་གྱི་མཐེ་བོང་དང་མཐེའུ་ཆུང་བརྐྱངས་ཏེ་འཇལ་བའི་ཚད། |
| བརྐྱངས་འདོམ |
ལག་སོར་བརྐྱངས་ཏེ་འཇལ་བའི་འདོམ་གྱི་ཚད། |
| བརྐྱངས་ཤད |
རྐང་ལག་སོགས་བརྐྱངས་བསྣར། |
| བརྐྱངས་སོར་ལྔ |
ལག་སོར་བཞི་བསྐུམས་པའི་སྟེང་མཐེབ་ཚིགས་མཛུབ་ཚིགས་ལ་སྦྱར་བའི་རིང་ཚད། |
| བརྒད |
བགད་ཀྱི་འབྲི་ཚུལ་གཞན། |
| བརྒལ |
རྒལ་གྱི་མ་འོངས་པ་དང་འདས་པ། (དཔེར་ན།) ཧི་མ་ལ་ཡའི་རི་ལུང་མང་པོ་བརྒལ་ན་རྒྱ་གར་ལ་སླེབས་ཐུབ་ལྟ་བུ། |
| བརྒལ་དཀའ་བ |
1.(མངོན་བརྗོད།) རྒྱ་མཚོ།2.བརྒལ་བར་དཀའ་བ། |
| བརྒལ་བརྟག |
ལུང་དང་རིགས་པའི་སྒྲུབ་བྱེད་ལ་བརྟེན་ནས་གཞན་གྱི་འདོད་པ་རྣམ་པར་བརྟག་པས་བཀག་པའམ་ལུན་འབྱིན་པ་སྟེ། རིགས་པས་བརྒལ་བརྟག་བྱེད་ཅེས་པ་ལྟ་བུ། |
| བརྒལ་འགྲོ |
གྲུའམ་གཟིངས་ཀྱི་མིང༌། |
| བརྒལ་ལན |
ཕ་རོལ་པོས་རང་བཀག་པའམ་སུན་འབྱིན་པ་ལ་ཕར་བཏབ་པའི་ལན་ཏེ། (དཔེར་ན།) རྩོད་པའི་བརྒལ་ལན་བཏབ་ཅེས་པ་ལྟ་བུ། |
| བརྒྱ |
1.གྲངས་ཀ་བཅུ་ཕྲག་བཅུ་སྟེ། (དཔེར་ན།) ཉིས་བརྒྱ། བརྒྱ་ཕྲག་གསུམ། མི་གྲངས་བརྒྱ་རེ་ལས་འཐུས་མི་མི་གཅིག་འདམ་དགོས་ལྟ་བུ། 2.མང་ཚིག་ཅིག་སྟེ། (དཔེར་ན།) ཡར་འགྲོ་བརྒྱ་དང་མར་འགྲོ་སྟོང༌། བརྒྱ་བལྟས་ཀུན་གསལ། བརྒྱ་ཐམ་པའི་ཁ་ཁེབས་ཀྱང༌། སྟོང་ཐམ་པའི་མིག་མི་ཁེབས། བརྒྱ་ཐམ་པའི་གྲལ་འགོར་མ་སླེབས་ཀྱང༌། སྟོང་ཐམ་པའི་གྲལ་གཞུག་ལ་མི་ལུས་ལྟ་བུ། 2. རྫུན་ནམ། ཀུ་རེའི་སྨྲ་གཏམ། |
| བརྒྱ་ཁ་གཅིག་གཅོད |
མི་བརྒྱའི་གྲོས་ཐག་མི་གཅིག་གིས་བཙན་དབང་གིས་གཅོད་པ། (དཔེར་ན།) མི་མང་པོ་དང་འབྲེལ་གནད་ཡོད་པའི་ལས་དོན་རིགས་ལ་སུས་ཀྱང་བརྒྱ་ཁ་གཅིག་གཅོད་བྱས་མི་ཆོག་ལྟ་བུ། |
| བརྒྱ་ཁ་གཅིག་ཆད |
ལས་གཞུག་ཅུང་ཟད་ལུས་པས་སྔར་བྱས་ཆུད་ཟོས་ཀྱི་དཔེ། |
| བརྒྱ་ཁག |
བརྒྱ་ཕྲག་སྟེ། མི་བརྒྱ་རེ་ཡོད་པར་མི་བརྒྱ་ཁག་རེ་ཟེར། (དཔེར་ན།) བརྒྱ་ཁག་སྟོང་ཁག་ཅེས་པ་ལྟ་བུ། |
| བརྒྱ་གོ་གཅིག་ཆོད |
བརྒྱ་ཐམ་པའི་གོ་གཅིག་གིས་ཆོད་པ། |
| བརྒྱ་ཆ |
གྲངས་ཀ་གང་ཞིག་ཆ་བརྒྱ་ཐམ་པར་བསིལ་བའི་ཆ་ཤས། (དཔེར་ན།) བརྒྱ་ཆ་གཅིག བརྒྱ་ཆ་དགུ་བཅུ་གོ་དགུ་ལྟ་བུ། |
| བརྒྱ་ཆ་བསྡུར་བ |
བརྒྱ་ཆའི་ཚད་ཀྱི་སྒོ་ནས་ཁ་གྲངས་གཉིས་ཀྱི་འབྲེལ་བ་མཚོན་ཚུལ་ཞིག་ཡིན་ཞིང་། དཔེར་ན་སློབ་གྲྭའི་འཛིན་གྲྭ་ཞིག་ན་སློབ་གྲྭ་པ་ལྔ་བཅུ་ཡོད་པའི་ནང་གི་མི་ཉི་ཤུ་མོ་ཡིན་ན། འཛིན་གྲྭ་དེའི་ནང་གི་བུ་མོའི་ཁ་གྲངས་ཀྱིས་བརྒྱ་ཆའི་ཟིན་ཚད་ནི40%ཡིན་པ་ལྟ་བུ་རེད། |
| བརྒྱ་ཆའི་ཚད |
ཁ་གྲངས་ཀ་པ་ནི་མ་གྲངས་དང་། ཁ་གྲངས་ཁ་པ་ནི་ཆ་གྲངས་བྱས་ན། ཁ་གྲངས་ཁ་པས་ཟིན་པའི་ཁ་གྲངས་ཀ་པའི་བརྒྱ་ཆའི་གྲངས་ཀ་ནི་བརྒྱ་ཆའི་ཚད་ཡིན། དཔེར་ན52ཡི་ཆ་གྲངས་ནི་བརྒྱ་ཆའི་ཚད་ཀྱིས་མཚོན 1004ཡིན་པ་ལྟ་བུ་རེད། |
| བརྒྱ་ཆའི་རྟགས |
རྟགས%འདི་ལ་ཟེར། |
| བརྒྱ་དཔོན |
1.མི་བརྒྱའི་དཔོན་པོ། 2.ཕྲེང་བའི་མདུད་འཛིན་ནམ། ཐོད་ལྕོག |
| བརྒྱ་ཕྱག |
ཕྱག་བརྒྱ་ཐམ་པ་སྟེ་ཆད་པ་གཅོད་སྟངས་སམ་ཕྱག་འཚལ་སྟངས་ཤིག |
| བརྒྱ་ཕྲག |
བརྒྱ་ཐམ་པ་སྟེ། (དཔེར་ན།) བྱ་བ་མི་འདྲ་བརྒྱ་ཕྲག་རྩོམ། མཐར་ཕྱིན་བྱ་བ་གཅིག་ཀྱང་མེད་ཅེས་པ་ལྟ་བུ། |
| བརྒྱ་བམ |
བརྒྱ་རེ་བསྡོམས་པའམ་བརྒྱ་ཚོ། (དཔེར་ན།) གསེར་ཤོག་བརྒྱ་བམ་གཅིག་ཅེས་པ་ལྟ་བུ། |
| བརྒྱ་བཞི |
མཆོད་མེ། ཞལ་ཟས། ཚ་ཚ། ངར་མིའམ་དྲི་གླུད་དེ་བཞི་པོ་སོ་སོ་ནས་བརྒྱ་རྩ་རེ་ལ་བརྟེན་ནས་བར་ཆད་ཟློག་པའི་ཆོ་ག་ཞིག |
| བརྒྱ་བརྒྱ་སྟོང་སྟོང |
ཤིན་ཏུ་མང་བའི་དཔེ། (དཔེར་ན།) མི་བརྒྱ་བརྒྱ་སྟོང་སྟོང་འདུག་ཅེས་པ་ལྟ་བུ། |
| བརྒྱ་བཤིག་སྟོང་འགུགས |
ཆུང་ཆུང་ཕར་བཏང་ནས་ཆེན་པོ་ཚུར་འགུགས་པ། |
| བརྒྱ་བྱིན |
ལྷའི་དབང་པོ། སྦལ་བ་རྒྱ་མཚོའི་གཏིང་ནས་ངུས་པ། ལྷའི་དབང་པོ་བརྒྱ་བྱིན་གྱིས་མི་གསན། མིང་གི་རྣམ་གྲངས་ལ་ཀོའུ་ཤི་ཀ། སྐབས་གསུམ་དབང༌། གང་པོ་འབོད། གྲགས་པའི་མུ་ཁྱུད། གྲོང་འཇོམས། གྲོལ་བྱེད་འཇོམས། མགོན་པོ་རྡོ་རྗེ་ཅན། རྒན་ལས་ཉན། ཆར་འབེབས། མཆོད་སྦྱིན་བརྒྱ་པ། འཆི་མེད་རྒྱལ་པོ། འཇེར་འཇིགས། སྟོབས་ལྡན་དགྲ་བོ། མཐོ་རིས་རྒྱལ། མཐོ་རིས་འདྲེན་པ། བདེ་སོགས་བདག་གནས་ཀྱི་བདག་པོ། པུ་ལོ་མ་དགྲ། སྤྲིན་ལ་ཞོན། མིག་སྟོང་ཅན། སྨིན་པ་གསོད། གཙང་བྱེད། ཚིག་མདའི་མགོན་པོ། གཞན་བསྙེམས་བཟོད། བཟོད་དཀའི་རེངས། ལེགས་སྐྱོབ། ལེགས་བྲིས་གཙོ། ཤིས་བརྗོད་ཉན། ཧ་རིའི་རྟ་ཅན། ལྷ་དབང༌། ལྷའི་རྔ་ཅན། ལྷ་ཡི་རྒྱལ་པོ། ལྷ་ཡི་བདག་བཅས་སོ། ། |
| བརྒྱ་བྱིན་གཞུ |
(མངོན་བརྗོད།) འཇའ་ཚོན། |
| བརྒྱ་བྱིན་བཤད |
(མངོན་བརྗོད།) འུག་པ། |
| བརྒྱ་བྱིན་རྐང་འཐུང |
(མངོན་བརྗོད།) ཤུག་པ། |
| བརྒྱ་བྱིན་སྐྱེས |
(མངོན་བརྗོད།) བྱ་རོག |
| བརྒྱ་བྱིན་སྤོས |
(མངོན་བརྗོད།) ཨ་རུ་ར། |
| བརྒྱ་བྱིན་སྤྱི་བོ |
(མངོན་བརྗོད།) གྲོག་མཁར། |
| བརྒྱ་མཆོད |
མཆོད་པ་བརྒྱ་ཚར་གཅིག་སྟེ་སྤོས་དང༌། མེ་ཏོག་མཆོད་མེ། དྲི་ཆབ། ཞལ་ཟས་བཅས་སྣ་རེ་ནས་བརྒྱ་ཚར་རེ་མཆོད་པ་འབུལ་བར་ཟེར། |
| བརྒྱ་ཚོ་རྒན་པོ |
སྔར་བོད་རྫོང་དཔོན་འོག་གི་འགོ་བྱེད་མཁན། |
| བརྒྱ་ཟུར |
ཆ་ཤས་བརྒྱ་ཐམ་པར་བསིལ་བའི་ཆ། |
| བརྒྱ་འཕར་ཙམ |
བརྒྱ་ལྷག་ཙམ། |
| བརྒྱ་རྩ |
བརྒྱ་ཚར་ཏེ་གྲངས་བརྒྱ་ཕྱག |
| བརྒྱ་ལ |
རྒྱ་ལའམ་བརྒྱ་ལམ་སྟེ་གལ་སྲིད། |
| བརྒྱ་ལམ |
1.ནམ་ཞིག་གམ་ལན་འགའ། 2.སྲིད་མཐའ་ཙམ་གྱི་དོན་ཏེ། (དཔེར་ན།) ཕམ་པ་བྱུང་བ་བརྒྱ་ལམ་ཡིན། སངས་རྒྱས་བྱུང་བ་བརྒྱ་ལམ་རྙེད་པར་འགྱུར་ལྟ་བུ། |
| བརྒྱ་ལམ |
རྒྱ་ལ་དང་དོན་འདྲ། |
| བརྒྱ་ལོར |
སྔར་གྱི་བོད་དངུལ་སྲང་བརྒྱ་ཐམ་པའི་ཤོག་ལོར། |
| བརྒྱ་ཤི་སྟོང་ལང |
གཅིག་འགྱེལ་གཉིས་ལངས། |
| བརྒྱ་ཤོད |
རྩིས་སྒྲོམ་རྒྱ་སྐད་ལ་ཟོན་ཕན་ཟེར། |
| བརྒྱ་སྐོར |
བརྒྱ་ཐམ་པ་ཟིན་མ་ཟིན་ཙམ། |
| བརྒྱག |
(བྱེད་འབྲེལ་ལས་ཚིག) མ་འོངས་པ། རྒྱུ་ནོར་གྱི་ལྐོག་རྫོང་བྱིན་པའི་དོན་ཏེ། ད་ལྟ་བར་རྒྱག་དང་། འདས་པར་བརྒྱགས། སྐུལ་ཚིག་ལ་རྒྱོགས་འབྲི། |
| བརྒྱགས |
རྒྱགས་དང་འདྲ། |
| བརྒྱགས |
1(བྱེད་མེད་ལས་ཚིག) 1>བཟའ་བཏུང་གིས་ཚིམ་པར་བྱས་པའི་དོན་ཏེ། (དཔེར་ན།) མི་ཟས་ཀྱིས་བརྒྱགས། ཕྱུགས་རྩྭས་བརྒྱགས་ལྟ་བུ། 2>ལུས་ཀྱི་ཤ་ཁ་གང་བའམ་ཚོན་པོ་ཡིན་པའི་དོན་ཏེ། (དཔེར་ན།) ཤ་བརྒྱགས་པ། ལུས་བརྒྱགས་པ་ཞེས་པ་ལྟ་བུ། 2.བཟའ་རྒྱུའི་ཟས་ཀྱི་མིང་། (དཔེར་ན།) བརྒྱགས་ཕྱེ་ཁ་བ་ཉིན་དགུ་མཚན་དགུ་བབས། རྒོད་པོ་བྱ་ལ་བརྒྱགས་ཆད་བྱུང་ལྟ་བུ། ཟས་ཀྱི་མིང་ལ་རྒྱགས་འབྲི་བའང་ཡོད། |
| བརྒྱགས་པ |
རྒྱགས་པའི་འདས་པའི་བྱ་མིང་། |
| བརྒྱགས་ཕྱེ |
རྒྱགས་ཕྱེ་དང་འདྲ། |
| བརྒྱགས་བརྔན |
རྒྱགས་རྔན་དང་འདྲ། |
| བརྒྱང |
རྒྱོང་བའི་མ་འོངས་པ། (དཔེར་ན།) པགས་པ་བརྒྱང་དགོས། བརྒྱང་བྱའི་པགས་པ་ཞེས་པ་ལྟ་བུ། |
| བརྒྱང་ཤིང |
1.ཁྲིམས་ཆས་ཀྱི་རིགས་ཤིག 2.འཁུམས་པ་འཐེན་བྱེད་ཀྱི་བརྒྱང་ཤིང༌། |
| བརྒྱངས |
རྒྱོང་བའི་འདས་པ། (དཔེར་ན།) ཀོ་བ་བརྒྱངས་ནས་མཉེད་ལྟ་བུ། |
| བརྒྱངས |
རྒྱུང་གི་འདས་པ། |
| བརྒྱངས་ཤད |
རྐང་ལག་སོགས་བསྣར་བརྒྱངས་བྱེད་པའི་དོན། |
| བརྒྱངས་སྐམ |
བརྒྱངས་ཏེ་སྐམ་བཅུག་པ། |
| བརྒྱད |
གྲངས་ཀ་བརྒྱད། མིང་གི་རྣམ་གྲངས་ལ་ཀླུ་དང༌། བཀྲ་ཤིས། ཉེ་སྲས། ལྟོ་འགྲོ། གདེངས་ཅན། ནོར་ལྷ། སྦྲུལ། ལྷ་བཅས་སོ། ། |
| བརྒྱད |
བདུན་ལ་གཅིག་བསྣན་པས་བརྒྱད། |
| བརྒྱད་གཏོར |
སྔར་བོད་ཟླ་གསུམ་པའི་ཚེས་བརྒྱད་ཉིན་མགོན་པོ་ཞལ་བཞི་པའི་དུས་ཆེན་ཡིན་ཟེར་ཞིང༌། དེའི་ཉིན་མགོན་པོ་ཞལ་བཞི་པ་གཙོ་བོར་བྱས་པའི་སྲུང་མ་རྣམས་ལ་གཏོར་མ་འབུལ་བའི་ཡུལ་སྲོལ། |
| བརྒྱད་དགུ་འགྲོ |
བུ་ལོན་གྱི་སྐྱེད་ཁའི་གྲས་ཤིག་ངོ་བོ་འབྲུ་ཁལ་བརྒྱད་རེ་ལ་སྐྱེད་འབྲུ་ཁལ་གཅིག་རེ་སྤོད་སྲོལ་ཞིག |
| བརྒྱད་པ་ཐམས་ཅད་ཀྱི་སྙིང་པོ་བསྡུས་པ་ཡིད་བཞིན་ནོར་བུ |
རབ་བྱུང་བདུན་པའི་ནང་བྱང་པ་རྣམ་རྒྱལ་གྲགས་བཟང་གིས་མཛད་པའི་སྨན་གྱི་བསྟན་བཅོས་ལེའུ་བརྒྱ་དང་ཉི་ཤུ་ཡོད་པ་ཞིག |
| བརྒྱད་པའི་ཆུ་སྐར |
བརྒྱད་པའི་དབུགས་ཐོབ་ཉིན་དེ་ནས་ཞག་བདུན་བར་སྐར་མ་རྀ་ཥི་འཆར་ཞིང་ཆུ་ཀུན་བདུད་རྩིར་འགྱུར་བས། ཆུར་ཞུགས་ན་ནད་དང་སྡིག་སྒྲིབ་འདག་ཐུབ་ཟེར། ཁྱིམ་ཞག་ཉི་བར་གྱི་ཚད་1043འ30འ0) |
| བརྒྱད་པའི་ས |
འབྲས་བུ་དང་པོའི་རྒྱུན་ཞུགས་ཞུགས་པའི་ལམ་མམ་མངོན་རྟོགས་ཏེ་མཐོང་ལམ་བཟོད་པ་བརྒྱད་ཐོབ་པའི་ལམ་ཡིན་པ་འདི་ནི་དམན་པའི་ས་བརྒྱད་ཀྱི་ནང་ཚན་ས་གསུམ་པའོ། ། |
| བརྒྱད་བཀག |
གདོང་དུ་རྒོལ་ཞིང་ཚིག་གིས་བསྡིགས་པ་བཀའ་བཀྱོན་པ་སྟེ། (དཔེར་ན།) ཕྱོགས་གཉིས་མི་མཐུན་པས་ཕན་ཚུན་བརྒྱད་བཀག་བྱེད་པ་ལྟ་བུ། |
| བརྒྱད་བཀུག |
སྐུད་པ་བརྒྱད་སྒྲིལ། |
| བརྒྱད་བཞོགས་མ |
ཟུར་བརྒྱད་ཡོད་པའི་རྒྱན་ཆའམ་སྣོད་སོགས། |
| བརྒྱད་བསླས |
སྐུད་པ་རྐང་བརྒྱད་ཀྱིས་བསླས་པའི་ཐག་པ། |
| བརྒྱད་ཟིལ |
རྫོང་ཞིག ཁམས་དཀར་མཛེས་ཁུལ་གྱི་ལྷོ་ངོས་སུ་ཡོད། |
| བརྒྱད་སྐྱེད |
བུ་ལོན་གྱི་སྐྱེད་ཁའི་གྲས་ཤིག ངོ་བོ་དངུལ་སྲང་ལྔ་བཅུ་རེ་ལ་ལོ་རེར་སྐྱེད་སྲང་བརྒྱད་རེ་སྤྲོད་སྲོལ་ཞིག |
| བརྒྱད་སྟོང་དོན་བསྡུས |
སློབ་དཔོན་ཆེན་པོ་ཕྱོགས་ཀྱི་གླང་པོས་ཡུམ་བསྡུས་པའི་དོན་གཙོ་བོ་སོ་གཉིས་སུ་བསྡུས་ནས་མཛད་པའི་བསྟན་བཅོས་ཤིག |
| བརྒྱད་སྟོང་པ |
ཡུམ་བསྡུས་པ་ཤློ་ཀ་སྟོང་བརྒྱད་པ། བམ་པོ་ཉི་ཤུ་རྩ་བཞི་དང༌། ལེའུ་སུམ་ཅུ་རྩ་གཉིས་པ། རྒྱ་གར་གྱི་མཁན་པོ་ཤཱཀྱ་སེ་ན་དང༌། ཛྙཱ་ན་སིདྡྷི་དང༌། ལོ་ཙཱ་བ་བནྡེ་དྷརྨ་ཏཱ་ཤཱི་ལ་ལ་སོགས་པས་བསྒྱུར་བ། |
| བརྒྱད་སྣེའི་དམག |
སྔར་བོད་དུ་ཁྲལ་ཞིང་འདོན་བརྒྱད་དམ་རྐང་བཅུ་དྲུག་རེར་དམག་མི་གཅིག་རེ་འཁྲི་སྲོལ་གྱི་དམག་ཁྲལ། |
| བརྒྱན |
རྒྱན་པའི་མ་འོངས་པ་དང་འདས་པ། (དཔེར་ན།) གར་པའི་ལུས་ལ་གོས་ཀྱིས་བརྒྱན་དགོས། གར་མཁན་གོས་ཀྱིས་བརྒྱན་ན་མཛེས། གར་མཁན་གྱི་ལུས་གོས་ཀྱིས་བརྒྱན་ནས་བྲོ་གར་འཁྲབ་ལྟ་བུ། |
| བརྒྱབ |
(བྱེད་འབྲེལ་ལས་ཚིག) རྒྱག་པའི་མ་འོངས་པ་དང་འདས་པ། (དཔེར་ན།) བརྒྱབ་བྱའི་འབེན། གྲིས་བརྒྱབ་ནས་སྤྱང་ཀི་བསད་ལྟ་བུ། འདས་པ་ལ་བརྒྱབས་འབྲི་བའང་ཡོད། |
| བརྒྱབ་བཅུས |
(ཡུལ་སྐད།) ཆུར་བའི་བྱེ་བྲག་ཅིག |
| བརྒྱབས |
རྒྱག་པའི་བརྒྱབས་ཞེས་འབྲི་བའང་ཡོད། |
| བརྒྱར་གྱེས |
(མངོན་བརྗོད།) ཆུ་བོ་སི་ཏཱ། |
| བརྒྱལ |
1.(བྱེད་མིད་ལས་ཚིག) ཚོར་བྱེད་ཀྱི་དབང་པོ་གློ་བུར་དུ་ཉམས་པའི་དོན་ཏེ། (དཔེར་ན།) ནད་པ་བརྒྱལ་ལས་སངས་བྱིས་ཆུང་ངུས་ནས་བརྒྱལ་ལྟ་བུ། 2.གཉིད་མཐུག་པོ་ལོག་པའི་དོན་ཏེ། (དཔེར་ན།) གཉིད་ནས་བརྒྱལ་སོང་ལྟ་བུ |
| བརྒྱལ་གཟེར |
ཀླད་པའི་ཁྲག་རྩར་གནས་པའི་སྲིན་བུ་འཁྲུགས་པ་ལས་བྱུང་བར་གྲགས་པའི་ནད་ཅིག་ནད་རྟགས་སུ་མགོ་བོ་གཟེར་ཞིང་གློ་བུར་དུ་དྲན་པ་མེད་པར་བརྒྱལ་བ་དང༌། སོ་འཆའ་ཞིང་ལྦུ་སོབ་ཅན་སྐྱུག་པ་ཞིག |
| བརྒྱལ་བྱེད་མདའ |
མདའ་ལྔའི་ནང་གསེས་ཀྱི་འཆི་བྱེད་མདའི་མིང་གཞན་ཞིག |
| བརྒྱལ་སངས |
དྲན་པ་སོར་ཆུད་པའི་དོན་ཏེ། (དཔེར་ན།) གཟུགས་པོར་ཐུག་ཐུག་བཏང་བས་བརྒྱལ་བ་ལས་སངས་པ། ནད་པ་བརྒྱལ་སངས་ཞེས་པ་ལྟ་བུ། |
| བརྒྱུ |
(བྱེད་འབྲེལ་ལས་ཚིག) རྒྱུ་བའི་མ་འོངས་པ། བུ་གར་སྐུད་པ་དང་ཐག་པ་དྲངས་པའི་དོན་ཏེ། (དཔེར་ན།) བརྒྱུ་བྱའི་སྐུད་པ། ཁབ་མིག་ལ་སྐུད་པ་བརྒྱུ་དགོས་ལྟ་བུ། |
| བརྒྱུ་བ |
རྒྱུད་པའི་མ་འོངས་པ། |
| བརྒྱུག |
རྒྱུག་པའི་མ་འོངས་པ། (དཔེར་ན།) བརྒྱུག་དགོས། བརྒྱུག་སའི་ལམ་ཞེས་པ་ལྟ་བུ། |
| བརྒྱུགས |
རྒྱུག་པའི་འདས་པ། (དཔེར་ན།) རྟ་བརྒྱུགས་ནས་རྡུལ་ཡལ། ཤར་སྤྲིན་ནུབ་ལ་བརྒྱུགས་ན་ཆར་འབབ་ལྟ་བུ། |
| བརྒྱུང |
རྒྱུང་གི་མ་འོངས་པ། |
| བརྒྱུངས་པ |
(བརྡ་རྙིང་།) 1>ཡུན་རིང་པོར་ནད་ཀྱིས་མནར་བ། 2>རྒྱུངས་པ། 3>འཁྲུ་བའི་ནད། |
| བརྒྱུད |
1.(བྱེད་འབྲེལ་ལས་ཚིག) གོ་རིམ་དུ་མ་འདས་པའི་དོན་ཏེ། (དཔེར་ན།) ཟས་མི་ལག་བརྒྱུད་ན་ཇེ་ཉུང་ཡིན། གཏམ་མི་ཁ་བརྒྱུད་ན་ཇེ་མང་ཡིན། རྡོ་ལག་བརྒྱུད། ཆུ་ལམ་ཞུགས་ཞེས་པ་ལྟ་བུ། 2.(བྱེད་མེད་ལས་ཚིག) 1>ལམ་ལ་འགྲོ་དུས་གནས་དེ་བརྒལ་བའི་དོན་ཏེ། (དཔེར་ན།) རྫ་ཁྲ་ཡག་བརྒྱུད་དེ་སོང་། འཕྲང་དོག་མོ་བརྒྱུད་དེ་འགྲོ་ལྟ་བུ། 2>བར་ཆོད་པའི་དོན་ཏེ། (དཔེར་ན།) བརྒྱུད་པའི་ཉམས་མྱོང་། ཚོགས་འདུའི་དགོངས་དོན་འཐུས་མིའི་ངག་བརྒྱུད་ནས་ཐོས། འཕྲིན་ཡིག་དེ་མི་ཁ་ཤས་བརྒྱུད་ནས་ང་ལ་འཕྲོད་ལྟ་བུ། |
| བརྒྱུད་ཁུངས |
རྒྱུན་བྱུང་སའི་ཕུགས། |
| བརྒྱུད་ཁྲིད |
གཅིག་ནས་གཅིག་བརྒྱུད་ནས་ཁྲིད་འདེབས་པ། (དཔེར་ན།) སློབ་དཔོན་གྱི་མན་ངང་འགའ་ཞིག་བརྒྱུད་ཁྲིད་ཐོབ་མྱོང༌ལྟ་བུ། |
| བརྒྱུད་ཐོ |
ཆོས་རྒྱུན་ཐོབ་ཡིག |
| བརྒྱུད་ནས་བརྗོད་པའི་རྒྱན |
རྣམ་གྲངས་བརྗོད་པའི་རྒྱན། |
| བརྒྱུད་པ |
ཤུལ་འཛིན་བུ་ཕྲུག་གི་མིང་། |
| བརྒྱུད་པ་གསུམ |
1.མདོ་ཕྱོགས་ཀྱི་ལམ་རིམ་བརྒྱུད་པ་གསུམ་ཟབ་མོ་ལྟ་བའི་བརྒྱུད་པ་དང༌། རྒྱ་ཆེན་སྤྱོད་པའི་བརྒྱུད་པ། ཉམས་ལེན་བྱིན་རླབས་ཀྱི་བརྒྱུད་པ། 2.གསང་སྔགས་རྙིང་མའི་བརྒྱུད་པ་གསུམ་རིང་བརྒྱུད་བཀའ་མ་དང༌། ཉེ་བརྒྱུད་གཏེར་མ། ཟབ་མོ་དག་སྣང་གི་བརྒྱུད་པ། |
| བརྒྱུད་པ་དྲུག |
སྔ་འགྱུར་བཀའ་གཏེར་གྱི་བརྒྱུད་པ་དྲུག་རྒྱལ་བ་དགོངས་པའི་བརྒྱུད་པ་དང༌། རིག་འཛིན་བརྡའི་བརྒྱུད་པ་དང༌། གང་ཟག་སྙན་ཁུང་གི་བརྒྱུད་པ་སྟེ་བཀའ་གཏེར་ཐུན་མོང་གི་བརྒྱུད་པ་གསུམ་དང་བཀའ་བབ་ལུང་བསྟན་གྱི་བརྒྱུད་པ་དང༌། སྨོན་ལམ་དབང་བསྐུར་གྱི་བརྒྱུད་པ་དང༌། མཁའ་འགྲོ་གཏད་རྒྱའི་བརྒྱུད་པ་སྟེ་ལས་འཕྲོ་གཏེར་གྱི་སྒོས་བརྒྱུད་གསུམ་བཅས་སོ། ། |
| བརྒྱུད་པ་རྣམ་ལྔ |
སྔར་རྒྱ་གར་དུ་དར་བའི་ནང་བསྟན་གྱི་བརྒྱུད་པ་འདུལ་བའི་བརྒྱུད་པ་དང༌། གསང་སྔགས་ཀྱི་བརྒྱུད་པ། རྒྱ་ཆེན་སྤྱོད་བརྒྱུད། ཟབ་མོ་ལྟ་བརྒྱུད། སྙིང་པོ་དོན་བརྒྱུད་བཅས་ལྔའོ། ། |
| བརྒྱུད་པའི་ཉེར་ལེན |
རང་གི་རྫས་རྒྱུན་དུ་རྫས་སུ་གཙོ་བོར་བརྒྱུད་ནས་སྐྱེད་བྱེད་དེ། རང་གི་ཉེ་བར་ལེན་བྱེད་འབྲས་བུ་དེ་ཉིད་དངོས་སུ་མི་སྐྱེད་པར་བརྒྱུད་པའི་སྒོ་ནས་རྒྱུ་གཞན་གྱིས་བར་དུ་བཅད་པ། དཔེར་ན། བུད་ཤིང་གི་སྐད་ཅིག་ཐ་མའི་སྔ་ལོགས་སུ་བྱུང་བའི་བུད་ཤིང་དེ་སོལ་བའི་བརྒྱུད་པའི་ཉེར་ལེན་ཡིན་པ་ལྟ་བུའོ། ། |
| བརྒྱུད་པའི་བླ་མ |
ཆོས་རྒྱུན་གཅིག་ནས་གཅིག་ཏུ་རིམ་བཞིན་བརྒྱུད་པའི་བླ་མ། |
| བརྒྱུད་བཤད |
གཞན་ཞིག་བརྒྱུད་ནས་བརྗོད་པ། |
| བརྒྱུད་བསྒྲགས |
བརྒྱུད་ནས་ཁྱབ་བསྒྲགས་བྱེད་པ་སྟེ། (དཔེར་ན།) གོང་རིམ་གྱི་བཀའ་བརྒྱུད་བསྒྲགས་བྱེད་པ་ལྟ་བུ། |
| བརྒྱུད་བྱང |
ཆོས་རྒྱུན་གསན་ཡིག |
| བརྒྱུད་མ |
བར་མ་ཆད་པའི་དོན་ཏེ། (དཔེར་ན།) བྱས་རྗེས་བརྒྱུད་མར་བཞག་པ་ལྟ་བུ། |
| བརྒྱུད་མ |
བར་འབྲེལ་བའམ་མུ་འབྲེལ་བའི་དོན་ཏེ། (དཔེར་ན།) རི་འདི་གཉིས་བརྒྱུད་མ་གཅིག་ཡིན་ལྟ་བུ། |
| བརྒྱུད་འགལ |
འགལ་བ་གང་ཞིག་ཕན་ཚུན་བརྒྱུད་པའི་སྒོ་ནས་མི་མཐུན་པར་གནས་པ། ཀ་བུམ་གཉིས་དང༌། གྲང་རེག་དང་དུ་བ་དྲག་ཏུ་འཕྱུར་བ་ལྟ་བུའོ། ། |
| བརྒྱུད་འགལ་གཉིས |
བརྒྱུད་འགལ་ལ་བཟློག་པའི་སྒོ་ནས་དབྱེ་ན་གཉིས་ཏེ། འགལ་བ་ཕན་ཚུན་བཅད་ལྡོག་ཏུ་གནས་པ་མ་ཡིན་པ། རྟག་དངོས་གཉིས་དང༌། ཀ་བུམ་གཉིས་ལྟ་བུ་ཕན་ཚུན་སྤངས་འགལ་གྱི་བརྒྱུད་འགལ་དང༌། བརྒྱུད་ནས་གནོད་བྱ་དང་གནོད་བྱེད་དུ་གྱུར་པ། དུ་བ་དྲག་ཏུ་འཕྱུར་བ་དང་གྲང་རེག་ལྟ་བུ་ལྷན་ཅིག་མི་གནས་འགལ་གྱི་བརྒྱུད་འགལ་བཅས་སོ། ། |
| བརྒྱུད་འདྲེན |
གཅིག་ནས་གཅིག་ཏུ་རིམ་བརྒྱུད་ཀྱིས་སྐྱེལ་འདྲེན་བྱེད་པ། |
| བརྒྱུད་འབྲས |
རྒྱུ་དེས་བརྒྱུད་པའི་སྒོ་ནས་བསྐྱེད་པའི་འབྲས་བུ་དཔེར་ན། དངོས་པོའི་སྐད་ཅིག་ཐ་མ་དེ་སྐད་ཅིག་དང་པོའི་བརྒྱུད་འབྲས་ཡིན་པ་ལྟ་བུ། རྒྱུ་དེ་དང་འབྲས་བུའི་བར་དུ་རྒྱུའི་རྒྱུན་གཞན་གྱིས་བར་དུ་ཆོད་པའོ། ། |
| བརྒྱུད་འཛིན |
སྔར་རྒྱུན་འཛིན་མཁན། |
| བརྒྱུད་ཡས |
གྲངས་གནས་ཤིག |
| བརྒྱུད་ཡིག |
ཆོས་རྒྱུན་ཐོབ་ཡིག |
| བརྒྱུད་རྒྱུ |
སྐྱེད་བྱེད་ཀྱི་རྒྱུའི་ནང་གསེས། རང་འབྲས་བརྒྱུད་ནས་སྐྱེད་བྱེད་དེ། རང་གི་བསྐྱེད་བྱའི་འབྲས་བུ་དེ་སྐྱེ་བ་ལ་རང་གི་དངོས་སུ་མི་སྐྱེད་པར་བར་དུ་ཆོས་གཞན་ཞིག་བརྒྱུད་ནས་སྐྱེད་པ། མེའི་སྔ་ལོགས་སུ་བྱུང་བའི་རྒྱུ་དེ་དུ་བའི་བརྒྱུད་རྒྱུ་ཡིན་པ་ལྟ་བུའོ། ། |
| བརྒྱུད་སྐུལ |
བརྒྱུད་ནས་སྐུལ་མ་བྱེད་པ་སྟེ། (དཔེར་ན།) ཁོང་ངོ་མ་མ་ཕྲད་ཀྱང་བརྒྱུད་སྐུལ་བྱས་ཡོད་ཅེས་པ་ལྟ་བུ། |
| བརྒྱུད་སྤྲོད |
གཞན་དག་བརྒྱུད་ནས་གཏོད་པ། |
| བརྒྱུས |
རྒྱུད་པའི་འདས་པ། (དཔེར་ན།) མུ་ཏིག་བསྟར་ལ་བརྒྱུས། ཁབ་མིག་ལ་བརྒྱུས་པའི་སྐུད་པ། གཡག་གི་སྣ་ལ་བརྒྱུས་པའི་སྣ་འདིག་ཅེས་པ་ལྟ་བུ། |
| བརྒྱོ |
རྒྱོ་ཡི་མ་འོངས་པ། |
| བརྒྱོས |
རྒྱོ་ཡི་འདས་པ། |
| བརྔ |
(བྱེད་འབྲེལ་ལས་ཚིག) རྔ་བའི་མ་འོངས་པ། རྩི་ཤིང་འབྲེག་པའི་དོན་ཏེ། (དཔེར་ན།) ཞིང་བརྔ་བ། རྩྭ་བརྔ་དགོས་ལྟ་བུ། |
| བརྔ་ཡས |
གྲངས་གནས་ཤིག |
| བརྔད |
བསླུ་བྲིད་བྱེད་པའི་དོན་ལ་འཇུག་པར་དག་ཡིག་ཁ་ཤས་སུ་སྣང་། |
| བརྔད་པ |
(བརྡ་རྙིང་།) བཙལ་བ། |
| བརྔན |
(བྱེད་འབྲེལ་ལས་ཚིག) རྔོན་གྱི་མ་འོངས་པ་དང་འདས་པ། མི་ལ་ལས་བཅོལ་བྱས་པའི་གླ་བྱིན་པའི་དོན་ཏེ། (དཔེར་ན།) ནོར་གྱིས་བརྔན་ཞེས་པ་ལྟ་བུ། |
| བརྔབ |
གཤམ་གྱི་བརྡ་རྙིང་། |
| བརྔབས་པ |
རྔབ་པའི་འདས་པ། |
| བརྔམ |
(བྱེད་འབྲེལ་ལས་ཚིག) རྔམ་པའི་མ་འོངས་པ། འཇིགས་སྐྲག་བསྐྱེད་པའི་དོན་ཏེ། (དཔེར་ན།) དགྲ་ལ་བརྔམ་པ་ཞེས་པ་ལྟ་བུ། |
| བརྔམས |
རྔམ་པའི་འདས་པ། (དཔེར་ན།) དགྲ་ལ་བརྔམས་པའི་ང་རོ་བསྒྲགས་ལྟ་བུ། |
| བརྔས |
བརྔ་ཡི་འདས་པ། (དཔེར་ན།) རྩྭ་བརྔས་ནས་ཕྱུགས་གསོས་ལྟ་བུ། |
| བརྔུབ |
རྔུབ་ཀྱི་མ་འོངས་པ། (དཔེར་ན།) བརྔུབ་བྱའི་དུ་བ། མཁའ་དབུགས་གསར་བ་བརྔུབ་དགོས་ལྟ་བུ། |
| བརྔུབས |
རྔུབ་ཀྱི་འདས་པ། (དཔེར་ན།) དུ་བ་ཁ་ནས་བརྔུབས་ཏེ་སྣ་ནས་ཐོན་ལྟ་བུ། |
| བརྔོ་བ |
རྔོ་བའི་མ་འོངས་པ། |
| བརྔོད |
རྔོད་ཀྱི་མ་འོངས་པ། (དཔེར་ན།) བརྔོད་བྱའི་ཚོད་མ། ཚོད་མ་བརྔོད་དགོས་ལྟ་བུ། |
| བརྔོན |
རྔོན་པའི་མ་འོངས་པ་དང་འདས་པ། (དཔེར་ན།) བརྔོན་བྱའི་རི་དྭགས། རི་དྭགས་བརྔོན་པའི་དུས་ཚིགས། རི་དྭགས་བརྔོན་ནས་ཡོང་སྒོ་སྤེལ་ལྟ་བུ། |
| བརྔོས |
རྔོད་ཀྱི་འདས་པ། (དཔེར་ན།) ནས་བརྔོས་ནས་རྩམ་པ་འཐག བརྔོས་མ་ཞེས་པ་ལྟ་བུ། |
| བརྔོས་པ |
རྔོ་བ་དང་རྔོད་པའི་འདས་པ། |
| བརྔོས་མ |
བརྔོས་པའི་རྫས་ཀྱི་མིང་། (དཔེར་ན།) ནས་བརྔོས་མ་ཕྱེ་བརྔོས་མ་ཞེས་པ་ལྟ་བུ། |
| བརྗིད་ཆགས་པ |
རྫིག་པོའམ་བབ་ཆགས་པ་སྟེ། (དཔེར་ན།) གཟུགས་པོ་བརྗིད་ཆགས་པ། ཕོ་བྲང་བརྗིད་ཆགས་པ། བརྗིད་ཆགས་མཛེས་སྡུག་དང་ལྡན་པའི་ཚོགས་ཁང་ཆེན་པོ་ཞེས་པ་ལྟ་བུ། |
| བརྗིད་ཉམས |
གཟི་བརྗིད་ཀྱི་རྣམ་འགྱུར་ཏེ། (དཔེར་ན།) བརྗིད་ཉམས་དོད་པོ། བཙན་ཤེད་འཇིགས་སྐུལ་ལ་ཞུམ་པ་མེད་པར་བརྗིད་ཉམས་དང་ལྡན་པའི་ངང་ནས་ཡར་ལངས་པ་ཞེས་པ་ལྟ་བུ། |
| བརྗིད་ནོན |
གཟི་བརྗིད་ཀྱིས་ཕ་རོལ་པོ་རང་ཤུགས་སུ་ནོན་པ་སྟེ། (དཔེར་ན།) དགྲ་བོ་རྣམས་རང་དམག་གི་བརྗིད་ནོན་མ་བཟོད་པར་བྲོས་སོང༌ལྟ་བུ། |
| བརྗིད་པ |
(བྱེད་མེད་ལས་ཚིག) རྔམ་པོའམ་མཛེས་པོར་གྱུར་པའི་དོན་ཏེ། (དཔེར་ན།) ཡོན་ཏན་གྱིས་བརྗིད་པ། མཚན་སྙན་གྱིས་བརྗིད་པ། རྣམ་འགྱུར་བརྗིད་པ་ཞེས་པ་ལྟ་བུ། |
| བརྗིད་པོ |
(རྒྱན་ཚིག) མིས་བལྟས་ན་གུས་པ་སྐྱེས་པ་དང་ཧ་ལས་པའི་བཟོ་ལྟ་དང་དབྱིབས་ཏེ། (དཔེར་ན།) སྐུ་བརྗིད་པོ། རི་བརྗིད་པོ་ཞེས་པ་ལྟ་བུ་དང་། ཚིག་བསྡུས་ན་བརྗིད་ཅེས་འབྲི་ཆོག་སྟེ། (དཔེར་ན།) བརྗིད་རྔམ། བརྗིད་ཆགས་པ། གཟི་བརྗིད་ཅན་ཞེས་པ་ལྟ་བུ། |
| བརྗིད་བག |
མཐོང་འདོད་པོ་དང༌། ཡིད་དུ་འོང་བ་སྟེ། (དཔེར་ན།) མི་བབས་བརྗིད་བག་དང་ལྡན་པ། མི་དེ་ལུས་སྟོབས་ཆེ་ལ་བཞིན་མཛེས་ཤིང་བརྗིད་བག་དང་ལྡན་པ་ཞིག་རེད་ཅེས་པ་ལྟ་བུ། |
| བརྗིད་རྔམས |
གཟི་བརྗིད་དང་འཇིགས་རྔམས། |
| བརྗེ |
(བྱེད་འབྲེལ་ལས་ཚིག) རྗེ་བའི་མ་འོངས་པ། ཕྱོགས་གཉིས་ནས་སོ་སོར་ཡོད་པ་རྣམས་ཕ་རོལ་གྱི་ཕྱོགས་ལ་སྤྲད་པ་སྟེ། (དཔེར་ན།) ཚོང་རྫས་ཕན་ཚུན་བརྗེ་རེས་བྱེད། ཉམས་མྱོང་བརྗེ་རེས་བྱེད་ལྟ་བུ། |
| བརྗེ་གནས |
ཚོང་ཁང༌། |
| བརྗེ་པོ |
གསར་རྙིང་སོགས་ཕན་ཚུན་བརྗེ་རྒྱུའི་མིང༌། (དཔེར་ན།) བརྗེ་པོ་སློག་པ་ལྟ་བུ། |
| བརྗེ་པོ་ལག་སྤྲོད |
བརྗེ་རྒྱུའི་དངོས་པོའི་རིན་ཚབ་འཕྲལ་དུ་སྤྲོད་པ། |
| བརྗེ་བ |
རྗེ་བའི་མ་འོངས་པའི་བྱ་མིང། |
| བརྗེ་བ་རྣམ་པ་གསུམ |
བར་མ་རབ་བྱུང་གིས་ཆོས་འདི་པའི་བསམ་པ་བསྐྱེད་པའི་ཕྱིར་དུ། བསམ་པ་དང་རྟགས་དང༌། མིང་བརྗེ་བ་སྟེ་གསུམ་མོ། དེ་ལ་བསམ་པ་བརྗེ་བ་ནི་ཚེ་འདི་འབའ་ཞིག་དོན་གཉེར་གྱི་བསམ་པ་དོར་ནས་དགེ་སྦྱོང་གི་ཆོས་བཞི་དང་ལྡན་པའི་བསམ་པ་ཕུན་ཚོགས་སྐྱེད་པ་དང༌། རྟགས་བརྗེ་བ་ནི་ལུས་ཀྱི་བྱི་བྱད་སྐྲ་དང་ཁ་སྤུ་བྲེགས་ཤིང་ཁྲུས་བྱེད་པ་དང་གོས་ཆོས་གོས་མཐང་གོས་གདིང་བ་སོགས་ཚད་དང་ལྡན་པ། སྣོད་ལྷུང་བཟེད་ཆུ་ཚགས་སོགས་ཚད་ལྡན་ཡོད་པ་དང༌། མིང་བརྗེ་བ་ནི་མཁན་པོའི་མཚན་གྱི་མཐའ་ཅན་ནམ། དཔལ་དང༌། གྲགས་པ་དང་བཟང་པོ་ལ་སོགས་པའི་མཐའ་ཅན་གྱི་མིང་འདོགས་པའོ། ། |
| བརྗེ་ཚོང |
བརྗེ་པོ་རྒྱག་རྒྱུའི་ཚོང༌། (དཔེར་ན།) འབྲུ་དང་མར་གཉིས་ཕན་ཚུན་བརྗེ་ཚོང་བྱེད་པ་ལྟ་བུ། |
| བརྗེ་རེས |
བརྗེ་བའི་རེས་མོས་ཏེ། (དཔེར་ན།) ཉིན་རེར་འགན་ཁུར་བརྗེ་རེས་ཐེངས་གསུམ་བྱེད་པ། སྟོན་དགུན་མཚམས་སུ་གྱོན་པ་བརྗེ་རེས་བྱེད་དགོས། ལས་བྱེད་པ་གསར་རྙིང་བརྗེ་རེས་བྱེད་པ་ལྟ་བུ། |
| བརྗེ་ལེན |
ཕན་ཚུན་བརྗེ་བ་སྟེ། (དཔེར་ན།) སྐྱེ་བ་བརྗེ་ལེན་མ་བྱས་ན། བར་དོ་ཟེར་བ་ག་ནས་མཐོང༌ལྟ་བུ། |
| བརྗེ་སྤྲོད |
ཕན་ཚུན་བརྗེ་བའི་སྤྲོད་ལེན་ཏེ། (དཔེར་ན།) ཚོང་ཟོག་བརྗེ་སྤྲོད། ཇ་རྟ་བརྗེ་སྤྲོད་ཅེས་པ་ལྟ་བུ། |
| བརྗེད |
རྗེད་པའི་མ་འོངས་པ་དང་འདས་པ། (དཔེར་ན།) བརྗེད་བྱ། སྔར་གྱི་སྡུག་བརྗེད་ན་ད་ལྟའི་སྐྱིད་མི་ཤེས་ལྟ་བུ། |
| བརྗེད་གསོ |
དྲན་གསོའམ་དྲན་སྐུལ་ཏེ། (དཔེར་ན།) གནངས་ཉིན་བྱེད་རྒྱུའི་ལས་ཀ་རྣམས་སང་ཉིན་བརྗེད་གསོ་ཞིག་བྱེད་པ། བརྗེད་དོགས་ཡོད་པའི་རྐྱེན་གྱིས་ཡང་ཡང་བརྗེད་གསོ་བྱས་ལྟ་བུ། |
| བརྗེད་ངས |
ཉེ་ཉོན་ཉི་ཤུའི་ནང་གསེས། དགེ་བའི་དམིགས་པ་མི་གསལ་བར་བརྗེད་པ་དྲན་པའི་མི་མཐུན་ཕྱོགས་ཏེ་དྲན་པ་འཆལ་བ་སེམས་གཡེང་བའི་རྟེན་བྱེད་པའོ། ལོ་ན་ཇེ་ཆེར་སོང་ན་བརྗེད་ངས་ཇེ་ཆེར་འགྲོ་ཡོང༌། |
| བརྗེད་ངས་ཅན |
དོན་གང་ཡང་མྱུར་དུ་བརྗེད་འགྲོ་བའི་མི། |
| བརྗེད་ངས་པ |
བརྗེད་ངས་ཅན་དང་དོན་གཅིག |
| བརྗེད་ཐོ |
བྱས་ཟིན་པའི་ལས་དོན་མི་བརྗེད་པའི་ཆེད་དུ་ཡི་གེར་བཀོད་པའི་ཟིན་ཐོ་བརྗེད་བྱང་ཡང་ཟེར། |
| བརྗེད་བྱང |
མི་བརྗེད་པའི་ཕྱིར་བྲིས་པའི་ཐོ་ཡིག |
| བརྗེད་བྱེད |
1.བརྗེད་ངས་ཀྱིས་རིག་པ་འཁྲུལ་བའི་ནད་རིགས་ཤིག 2.དྲན་པ་གཏོར་བྱེད་ཀྱི་གདོན་ཞིག |
| བརྗེད་སྟོར |
བརྗེད་ནས་བརླགས་པའམ་བོར་བ། |
| བརྗེས |
བརྗེ་བའི་འདས་པ། (དཔེར་ན།) བལ་པགས་འབྲུ་རིགས་ལ་བརྗེས་ནས་ཕྱེ་རྩམ་འཐག་ལྟ་བུ། |
| བརྗོད |
རྗོད་ཀྱི་མ་འོངས་པ་དང་འདས་པ། (དཔེར་ན།) རང་སྐྱོན་རང་གིས་བརྗོད། བྱས་རྗེས་ལ་བསྔགས་པ་བརྗོད། སྨན་གྱི་ཕན་ཡོན་བརྗོད་ཅེས་པ་ལྟ་བུ། |
| བརྗོད་ཀྱིས་མི་ལང་བ |
བརྗོད་མི་ལང་བ་དང་དོན་གཅིག |
| བརྗོད་གཏམ |
བཤད་པའི་གཏམ་མམ་ཤོད་རྒྱུའི་སྐད་ཆ། |
| བརྗོད་གཞི |
བཤད་རྒྱུའི་རྩ་བའམ་གླེང་གཞི། |
| བརྗོད་ཉམས |
བརྗོད་པའི་ཉམས་འགྱུར། |
| བརྗོད་དུ་མེད་པ |
1.བཤད་རྒྱུ་མེད་པ་དང༌། ལབ་མི་ཐུབ་པ། 2.བརྗོད་བྱའི་དོན་མེད་པ། 3.གྲངས་གནས་ཤིག |
| བརྗོད་དུ་མེད་པ་ལས་ཀྱང་བརྗོད་དུ་མེད་པ |
གྲངས་གནས་ཤིག |
| བརྗོད་དོན |
བརྗོད་བྱའི་དོན། |
| བརྗོད་པ |
1.རྗོད་པའི་འདས་པ་དང་མ་འོངས་པའི་བྱ་མིང་། 2.མིང་དང༌། ཚིག་བརྗོད་པ་གསུམ་དུ་ཕྱེ་བའི་བརྗོད་པ་ནི་ཚིག་མང་པོ་སྦྲེལ་ནས་གྲུབ་པའི་དོན་ལྡན་གྱི་ངག་གི་ཕྲེང་བ། (དཔེར་ན།) རྩེ་མོ་ཕྲ་ཞིང་རྣོ་ངར་དང་ལྡན་པའི་རལ་གྲི་ཞེས་པ་ལྟ་བུ། 2.བརྗོད་བྱ། |
| བརྗོད་པ་མེད་པ |
སྐད་ཆ་བཤད་རྒྱུ་མེད་པའམ་སྤྲོས་བྲལ། |
| བརྗོད་པ་ཚིག་གི་གསུང |
གསུང་ལྔའི་ཡ་གྱལ་ཞིག་གང་ལ་གང་འདུལ་གྱི་སྒྲ་སྐད་དང་མཐུན་པར་དུས་གཅིག་ཏུ་ཆོས་སྟོན་པ་ནི་སྤྲུལ་སྐུ་བརྗོད་པ་ཚིག་གི་གསུང་ཞེས་སྔགས་རྙིང་མའི་བརྡ་ཆད་དོ། ། |
| བརྗོད་པ་ཡོད་པ |
སྐད་ཆ་བཤད་རྒྱུ་ཡོད་པ། |
| བརྗོད་པའི་ཉེས་པ |
སྨྲས་པའི་སྐྱོན། |
| བརྗོད་པའི་ཚིག |
བཤད་པའི་གཏམ། |
| བརྗོད་པའི་སྤྱོད་ཡུལ |
བཤད་རུང་བའི་གནས། |
| བརྗོད་བཅས |
འདུལ་བའི་བརྡ་ཆད་ཅིག་ལྟུང་བ་ཕྱིར་བཅོས་ཀྱི་ནང་གསེས། ལྟུང་བ་གླེང་ཡང་སྐབས་མི་འབྱེད་ན་བརྗོད་པ་དང་བཅས་པ་བྱེད་དགོས་པ་དེ་ཇི་ལྟར་ཞེ་ན། ཚེ་དང་ལྡན་པ་ཁྱོད་ལ་དགེ་འདུན་གྱིས་བརྗོད་པ་དང་བཅས་པ་ཉིད་བྱས་པ་ཡིན་གྱི། དགེ་འདུན་ལ་མ་ཞུས་པར་ཁྱོད་གནས་གཞན་དུ་མ་འགྲོ་ཞིག་བརྗོད། དེས་མ་ཐུལ་སྐབས་མི་འབྱེད་ན་གདམས་ངག་བཞག་པ་དང༌། གསོ་སྦྱོང་དང་དགག་དབྱེ་བཞག་པ་སོགས་ཀྱི་ནན་ཏུར་བྱ་ལ། དེས་མ་ཐུལ་ན་གནས་དབྱུང་བྱ་བའོ། ། |
| བརྗོད་བདེ་བ |
1.ངག་ཐོག་གམ་ཁ་ནས་བཤད་བདེ་བ། 2.བརྗོད་ཚིག་བདེ་བ། |
| བརྗོད་བདེ་འདྲེན་པ |
མིང་གང་རུང་གི་མཐར་སྦྱར་བའི་རྗེས་འཇུག་དེས་རང་མིང་གི་ཆ་ཤས་སུ་འདྲེན་རྒྱུའི་ཡི་གེ་སྟེ། རང་དང་ཕོ་མོ་མ་ནིང་སོགས་ཀྱི་རྟགས་མི་མཚུངས་ཀྱང་ངག་ཐོག་ནས་བརྗོད་བདེའི་དགོས་པ་གཙོ་བོར་བྱས་ནས་སྐབས་སུ་གང་བབ་ཀྱི་མིང་གཞིའི་ཡི་གེ་སྒྲ་མཐུན་པ་ཞིག་འདྲེན་ཚུལ་ཏེ། (དཔེར་ན།) ཐོག་ཁ། ཐམ་ཀ། འདའ་ཁ་ལྟ་བུ། |
| བརྗོད་བྱ |
བརྡ་ལས་གོ་བར་བྱ་བ་དཔེར་ན། ཀ་བ་དང༌། བུམ་པ་ལྟ་བུ་རང་རང་གི་མིང་བརྗོད་པ་ལ་བརྟེན་ནས་རང་ཡུལ་གོ་བར་བྱ་བའི་ཤེས་བྱའི་ཆོས་ཐམས་ཅད་དོ། ། |
| བརྗོད་བྱའི་ཕྱོགས |
(མངོན་བརྗོད།) མོ་མཚན། |
| བརྗོད་མི་ལང་བ |
བརྗོད་ཀྱིས་མི་ལང་བ་མང་དྲགས་པས་ཇི་ཙམ་བཤད་ཀྱང་རྫོགས་རྒྱུ་མེད་པ་སྟེ། (དཔེར་ན།) རྒྱུ་མཚན་བརྗོད་མི་ལང་བ། བྱས་རྗེས་བརྗོད་ཀྱིས་མི་ལང་བ། ཚིག་གཅིག་དང་གཉིས་ནས་བརྗོད་མི་ལང༌ལྟ་བུ། |
| བརྗོད་ཚུལ |
སྐད་ཆ་བཤད་སྟངས་ཏེ། (དཔེར་ན།) བརྗོད་ཚུལ་རྙིང་ཧྲུལ། ནང་གི་བརྗོད་ཚུལ། བརྗོད་ཚུལ་འདྲ་མིན་སྣ་ཚོགས་ལྟ་བུ། |
| བརྗོད་འདོད་ཀྱི་དཔེ |
དཔེའི་རྒྱན་གྱི་ནང་གསེས་ཤིག་མཚོན་བྱེད་དཔེ་ལ་སྐྱོན་དང་ཡོན་ཏན་གྱི་ཆ་གཉིས་གང་ཡོད་ཀྱང་རུང༌། དོན་དུ་མཚོན་བྱ་དཔེ་ཅན་དང་ཕན་ཚུན་འདྲའོ་ཞེས་ནན་ཏན་གྱི་སྒོ་ནས་བརྗོད་འདོད་ཡོད་པ་སྟོན་པའི་རྒྱན་ཞིག |
| བརྗོད་ཡས |
གྲངས་གནས་ཤིག |
| བརྙ |
རྙ་ཡི་མ་འོངས་པ། |
| བརྙ་སྐྱི |
གཡར་བ་དང་སྐྱི་བ་སྟེ། (དཔེར་ན།) རང་ལ་ཆ་རྐྱེན་ཡོད་བཞིན་དུ་གཞན་ལ་བརྙ་སྐྱི་བྱེད་པ་དོན་མེད་རེད་ཅེས་པ་ལྟ་བུ། |
| བརྙང |
རྙོང་་གི་མ་འོངས་པ། (དཔེར་ན།) བརྙང་བྱའི་ཚིག ཁ་བརྙང་དགོས་ལྟ་བུ། |
| བརྙངས |
རྙོང་གི་འདས་པ། |
| བརྙན |
1.མེ་ལོང་དང་ཆུ་ནང་དུ་ཤར་བའི་འདྲ་བརྙན་ཀྱི་མིང་། (དཔེར་ན།) གཟུགས་བརྙན་ཞེས་པ་ལྟ་བུ། 2.འདྲ་གཟུགས་ཀྱི་མིང་། (དཔེར་ན།) འདྲ་བརྙན། བརྙན་པར། སྐུ་བརྙན་ཞེས་པ་ལྟ་བུ། 3.བྲག་ཅའི་མིང་། (དཔེར་ན།) སྒྲ་བརྙན། སྐད་བརྙན་ཞེས་པ་ལྟ་བུ། 4.རྙོན་གྱི་མ་འོངས་པ་དང་འདས་པ། |
| བརྙན་པ |
རྙན་པའི་འདས་པ་དང་མ་འོངས་པའི་བྱ་མིང། |
| བརྙན་པར |
གཟུགས་བརྙན་གྱི་འདྲ་པར། (དཔེར་ན།) བརྙན་པར་ཁང༌། |
| བརྙན་པོ |
1.ཚབ་མའི་དོན་ཏེ། (དཔེར་ན།) གཟུགས་བརྙན། སྐྲ་བརྙན་ལྟ་བུ། 2.གཡར་པོའི་དོན་ཏེ། (དཔེར་ན།) ཕྱག་བརྙན། བརྙན་པོའི་རྒྱན་ཆ། དངུལ་བརྙན་པོ་གཏོང་བ་ལྟ་བུ། |
| བརྙབ |
རྙོབ་པའི་མ་འོངས་པ། (དཔེར་ན།) བརྙབ་བྱའི་དངོས་རྫས། ལག་པ་བརྙབ་པར་བྱ་ལྟ་བུ། |
| བརྙབས |
རྙོབ་པའི་འདས་པ། (དཔེར་ན།) ལག་པ་བརྙབས་ནས་རྩྭ་བྲེགས་ལྟ་བུ། |
| བརྙས |
1.(བྱེད་འབྲེལ་ལས་ཚིག) འཕྱ་སྨོད་བཏང་བའི་དོན་ཏེ། (དཔེར་ན།) ཉམ་ཐག་ལ་བརྙས་མི་རུང་། གཞན་ལ་བརྙས་སྨོད་མ་བྱེད། བརྙས་བཅོས་བྱེད་མི་རུང་ལྟ་བུ། 2.རྙ་ཡི་འདས་པ། |
| བརྙས་གཏམ |
སྨོད་ཚིག་གམ་ཕ་རོལ་པོར་གཙིགས་མེད་ཀྱི་གཏམ། |
| བརྙས་གཙེར |
ཐུབ་ཚོད་ཀྱིས་རྣ་བ་སུན་པོ་བཟོ་བ། |
| བརྙས་ཆོས |
བརྙས་བཅོས་དང་འདྲ། |
| བརྙས་ཐབས |
ཐུབ་ཚོད་དམ་མཐོང་ཆུང༌། |
| བརྙས་བཅོས |
མཐོང་ཆུང་ངམ་མི་བརྩི་བ། (དཔེར་ན།) བརྙས་བཅོས་གཉའ་གནོན། མི་ལ་བརྙས་བཅོས་བྱས་པས་རང་ཉིད་མཐོ་རུ་མི་འགྲོ་ཞེས་པ་ལྟ་བུ། |
| བརྙས་ཚིག |
ཐུབ་ཚོད་ཀྱི་ཚིག་ངན། |
| བརྙས་འཕྲོག |
ཐུབ་ཚོད་ཀྱིས་རྒྱུ་ནོར་འཕྲོག་བཅོམ། |
| བརྙས་འཚོལ |
ཐུབ་ཚོད་གཏོང་བའི་གོ་སྐབས་འཚོལ་བ། |
| བརྙས་སེམས |
གཞན་དམན་པར་འཛིན་པའི་སེམས། |
| བརྙས་སྟབས |
ཐུབ་ཚོད་དམ་མཐོང་ཆུང༌། |
| བརྙས་སྨོད |
བརྙས་བཅོས་དང་སྨོད་ཚིག (དཔེར་ན།) གཅིག་གིས་གཅིག་ལ་བརྙས་སྨོད་བྱས་པ་ལྟ་བུ། |
| བརྙིངས་པ |
རྙིང་པ་དང་འདྲ། |
| བརྙིད |
རྙིད་ལ་ལྟོས། |
| བརྙིས |
རྙིད་ལ་ལྟོས། |
| བརྙེས |
1.(བྱེད་མེད་ལས་ཚིག) ཐོབ་པའི་དོན་ཏེ། (དཔེར་ན།) མཁས་པའི་གོ་ས་ཐོབ་ཅེས་པར་མཁས་པའི་གོ་འཕང་བརྙེས་ཞེས་པ་ལྟ་བུ། 2.མགོ་ཚུགས་པའི་དོན་ཏེ། (དཔེར་ན།) རྒྱལ་ཁབ་དབུ་བརྙེས་པའི་དུས་ཆེན་ཞེས་པ་ལྟ་བུ། |
| བརྙོག |
བསྙོག་གི་འབྲི་ཚུལ་གཞན། |
| བརྙོགས |
བསྙོགས་ཀྱི་འབྲི་ཚུལ་གཞན། |
| བརྙོངས |
རྙོང་གི་འདས་པ། (དཔེར་ན།) ཁ་བརྙོངས་ནས་གནས་ཚུལ་ཤེས། རྩ་བརྙོངས་ནས་ནད་རིགས་ཤེས་ལྟ་བུ། |
| བརྙོས |
བཟུང་བའི་བརྡ་རྙིང་། |
| བརྟ |
རྟས་ཀྱི་མ་འོངས་པ། (དཔེར་ན།) ལུས་བརྟ་བར་བྱ། བརྟ་བྱའི་ལུས་ཞེས་པ་ལྟ་བུ། |
| བརྟག |
(བྱེད་འབྲེལ་ལས་ཚིག) རྟོག་པའི་མ་འོངས་པ། བསམ་བློ་ཅུང་ཟད་གཏིང་ཟབ་མོ་གཏོང་བའི་དོན་ཏེ། (དཔེར་ན།) བརྟག་བྱའི་ཚན་རིག་གི་དོན་གཞུང་དོན་ལ་བརྟག་དགོས་ལྟ་བུ། |
| བརྟག་གཞི |
རྟོག་དཔྱོད་བྱེད་སའི་གཞི་སྟེ་དཔྱད་གཞི། |
| བརྟག་གཞིག |
རྟོག་དཔྱོད་ཀྱི་དོན་ཏེ། (དཔེར་ན།) བསྲེགས་བཅད་བརྡར་གསུམ་གྱིས་བརྟག་གཞིག་བྱེད་པ་ལྟ་བུ། |
| བརྟག་དཔྱད |
རྟོག་དཔྱོད་དེ་ཡུལ་འཇལ་བའི་དོན་ཏེ། (དཔེར་ན།) གང་ཡང་བརྟག་དཔྱད་མེད་པར་ཧོལ་རྒྱུག་བྱེད་མི་ཉན་ལྟ་བུ། |
| བརྟག་པ |
1.རྟོག་པའི་མ་འོངས་པ། 2.ལེའུའི་དོན་ཏེ། བཀའ་དང་བསྟན་བཅོས་སོགས་ཀྱི་ཚིག་ལེའུར་བྱས་པ། (དཔེར་ན།) ཀྱེ་རྡོར་རྒྱུད་ཀྱི་བརྟག་པ་གཉིས་པ་ཞེས་པ་ལྟ་བུ། |
| བརྟག་པ་མཐར་བཟུང |
བརྟག་བྱ་མ་ངེས་པའི་མཐའ་གཉིས་ལས། མཐའ་གཅིག་ངེས་པར་བཟུང་སྟེ་ཐག་བཅད་པ། |
| བརྟག་པ་ཞུས་པ |
1.བརྟག་དཔྱད་བགྱིས་པ། 2.ལྷ་དང་བླ་མར་མོ་དང་ལུང་བསྟན་ཞུས་པ། |
| བརྟག་ཡས |
གྲངས་གནས་ཤིག |
| བརྟག་ཤོ |
མོ་ཤོ། |
| བརྟགས |
1.རྟོག་པའི་འདས་པ། (དཔེར་ན།) ལེགས་པར་བརྟགས་ན་སྐྱོན་དང་ཡོན་ཏན་ཤེས་ལྟ་བུ།2.(བརྡ་རྙིང་།) གུས་པའམ་སྒྲིན་པ། |
| བརྟགས་མིན་འགོག |
སོ་སོར་བརྟགས་པ་ལ་བརྟེན་ནས་བག་ལ་ཉལ་གྱི་ས་བོན་ཁེགས་པ་མིན་ཡང་སྐྱེད་བྱེད་ཀྱི་རྒྱུ་རྐྱེན་མ་ཚང་བས་འབྲས་བུ་མི་བསྐྱེད་པའོ། ། |
| བརྟགས་འགོག |
སོ་སོར་བརྟགས་པས་འགོག་པ་ཉོན་མོངས་ཡོངས་སུ་སྤངས་པའི་འགོག་པའོ། ། |
| བརྟགས་ཤིང་བརྟགས་པ |
ནན་ཏན་གྱིས་དཔྱད་པ། |
| བརྟད |
1.མགྱོགས་པའམ་གློ་བུར་གྱི་བརྡ་རྙིང་། 2.དམོད་མོའི་ཆོ་ག་ཞིག་གི་མིང་། (དཔེར་ན།) ལྷ་བརྟད་ཀླུ་བརྟད་ཟེར་བ་ལྟ་བུ། |
| བརྟད་སྐྱེན་པ |
(བརྡ་རྙིང་།) རྩོལ་བ། |
| བརྟན |
1.རྟོན་པའི་མ་འོངས་པ་དང་འདས་པ། (དཔེར་ན།) ཡིད་བརྟན་མི་རུང་དགྲ་བོའི་བསླུ་ཚིག་བཞིན་ཞེས་པ་ལྟ་བུ།2.(རྒྱན་ཚིག) གཡོ་བ་མེད་པའམ་འགྱུར་བ་མེད་པའི་དོན་ཏེ། (དཔེར་ན།) མི་དམངས་ཀྱི་སྲིད་དབང་རི་ལྟར་བརྟན། རི་བོ་ལྟར་རབ་ཏུ་བརྟན་པ། ཁང་བ་བརྟན་མོ། བསམ་པ་བརྟན་པོ་ཞེས་པ་ལྟ་བུ། |
| བརྟན་གཡོ |
བརྟན་པ་སྣོད་ཀྱི་འཇིག་རྟེན་དང༌། གཡོ་བ་བཅུད་ཀྱི་སེམས་ཅན། |
| བརྟན་པ |
1.རྟོན་པའི་འདས་པ་དང་མ་འོངས་པ། 2.སྐར་མ་བརྟན་པ། མིང་གི་རྣམ་གྲངས་ལ་རྐང་སྟེང་བུ་དང༌། གན་རྐྱལ་བུ། རྒྱུ་སྐར་ཏོག་སྟོད་ཕུར། སྣང་ལྡན་ཤིང་རྟ། གཟའ་ཡི་རྟེན། ལུགས་བཟང་སྐྱེས། གསེར་ཕུར་བཅས་སོ། །3.(མངོན་བརྗོད།) 1>ཁྱབ་འཇུག 2)>མཁས་པ། 3>ས་གཞིའམ་སྣོད་ཀྱི་འཇིག་རྟེན། 4>ལྷ་དབང་ཕྱུག་ཆེན་པོ། 4.བརྟན་པོ་དང་འདྲ། |
| བརྟན་པ་དྲེགས |
(མངོན་བརྗོད།) རྨ་བྱ། |
| བརྟན་པ་མི་འགྱུར་བའི་རྫས་ཡོད |
རྫས་ཡོད་ཀྱི་ནང་གསེས། ནམ་མཁའ་ལྟ་བུ་འདུས་མ་བྱས་ཀྱི་ཆོས་རྣམས་རྟག་བརྟན་འཕོ་འགྱུར་མེད་པའི་ཆ་ནས་རྫས་སུ་ཡོད་པའོ། ། |
| བརྟན་པ་སྣོད་ཀྱི་འཇིག་རྟེན |
ཕྱི་སྣོད་ཀྱི་གླིང་བཞི་རི་རབ་ལ་སོགས་པ་བེམ་དངོས། |
| བརྟན་པའི་འཁོར་ལོ |
(མངོན་བརྗོད།) འཇམ་དབྱངས། |
| བརྟན་པོ |
འགྱུར་ལྡོག་མེད་པ་དང་སྲ་བའི་དོན་ཏེ། (དཔེར་ན།) སྐད་ཆ་བརྟན་པོ། རྨང་གཞི་བརྟན་པོ་བཙུགས། ལས་ཀ་བརྟན་པོ་བྱས། བསམ་པ་བརྟན་པོ། གཞན་ཕན་གྱི་བྱས་བཟང་མིའི་སེམས་ལ་བརྟན་པོར་གནས། དྲང་བདེན་གྱི་ཕྱོགས་སུ་བརྟན་པོར་གནས་པ། མི་སོ་སོས་རང་གི་ལྟ་སྟངས་བརྟན་པོར་འཛིན་པ། བརྩོན་འགྲུས་བརྟན་པོ་བྱས་ལྟ་བུ། |
| བརྟན་བཞུགས |
ཡུན་རིང་བརྟན་པར་བཞུགས་པ། |
| བརྟན་བརྟན |
1.ནན་ཏན་གྱི་དོན་ཏེ། (དཔེར་ན།) བརྟན་བརྟན་བྱས་ན་ནོར་འཁྲུལ་ཉུང༌། རྩ་བ་བརྟན་བརྟན་ཚུགས་ཟིན་པ། རང་འཁྲིའི་ལས་ཀ་འཐུས་ཤོར་མེད་པར་བརྟན་བརྟན་བྱེད་ཅེས་ལྟ་བུ། 2.འགྱུར་བ་མེད་པ་དང༌། ངེས་པའི་དོན་ཏེ། (དཔེར་ན།) ཁོས་བཤད་པའི་སྐད་ཆ་དེ་བརྟན་བརྟན་ཡིན་འདུག ལས་ཀ་བརྟན་བརྟན་མེད། སང་ཉིན་ལས་འགོ་འཛུགས་རྒྱུ་བརྟན་བརྟན་རེད། སྤྱང་པོས་བསམ་བློ་ལན་སྟོང་བཏང་ན་ཡང༌། འཕྱུགས་པ་ཐེངས་གཅིག་བརྟན་བརྟན་ཡོང་བར་འགྱུར་ལྟ་བུ། |
| བརྟན་བརྟན་ཏིག་ཏིག |
ནན་ནན་ཁྲིག་ཁྲིག་སྟེ། (དཔེར་ན།) ལྷོད་ཡེངས་མེད་པར་བརྟན་བརྟན་ཏིག་ཏིག་བྱེད་དགོས། གྲོས་སྡུར་གང་བྱུང་མིན་པར་བརྟན་བརྟན་ཏིག་ཏིག་བྱས་པ། བསམ་བློ་བརྟན་བརྟན་ཏིག་ཏིག་བཏང་བ་ཡིན་ལྟ་བུ། |
| བརྟན་བརླིང |
ཟབ་ཅིང་གཡོ་བ་མེད་པ་སྟེ། (དཔེར་ན།) ཚ་དྲག་མེད་པར་བརྟན་བརླིང་ངང་དལ་བྱེད་ཅེས་པ་ལྟ་བུ། |
| བརྟན་བཤིག |
(ཡུལ་སྐད།) གད་མོ་སློང་མཁས་པོ། (དཔེར་ན།) ཀུ་རེ་དང་བཞད་གད་སློང་བའི་མི་བརྟན་བཤིག་ཚ་པོ་ཞེས་པ་ལྟ་བུ། |
| བརྟན་བྱེད་མ |
སྲུང་མ་བྱེ་བྲག་ཅིག |
| བརྟན་མ |
སའི་ལྷ་མོ། མིང་གི་རྣམ་གྲངས་ལ་བདུད་ལ་སྐྱེངས་སྟེར་དང༌། བདེན་དཔང༌། ཕག་གི་ཤིང་རྟ་ཅན་བཅས་སོ། ། |
| བརྟན་མ་བཅུ་གཉིས |
བོད་ཁམས་སྐྱོང་བར་ཁས་བླངས་པའི་མོ་རྒྱུད་ཀྱི་ཡུལ་ལྷ་ཟོ་དོར་བཅུ་གཉིས་ཏེ། ཀུན་གྲགས་མ་དང༌། གཡའ་མ་སྐྱོང༌། ཀུན་བཟང་མོ། བགེགས་ཀྱི་གཙོ་སྟེ་བདུད་མོ་བཞི་དང༌། སྤྱན་གཅིག་མ་དང༌། དཔལ་གྱི་ཡུམ། དྲག་མོ་རྒྱལ། ཀླུ་མོ་དཀར་མོ་སྟེ་གནོད་སྦྱིན་མོ་བཞི། བོད་ཁམས་སྐྱོང་དང༌། སྨན་གཅིག་མ། གཡར་མོ་སིལ། གཡུ་སྒྲོན་མ་སྟེ་སྨན་མོ་བཞི་བཅས་ཁྱོན་བསྡོམས་བཅུ་གཉིས་སོ། ། |
| བརྟན་ཡས |
གྲངས་གནས་ཤིག |
| བརྟན་ལྡན |
1.བརྟན་པོ། (དཔེར་ན།) སྔོན་གྱི་ལོ་རྒྱུས་ཁུངས་ལུང་བརྟན་ལྡན་འདུག 2.སངས་རྒྱས་ཤིག་གི་མཚན། |
| བརྟན་ལྷིང |
བརྟན་པོའི་དོན་ཏེ། (དཔེར་ན།) བྲེལ་འཚབ་མི་བྱེད་པའི་བརྟན་ལྷིང་ཆེན་པོ་ཞེས་པ་ལྟ་བུ། |
| བརྟན་སྐར |
བརྟན་པའི་རྒྱུ་སྐར། |
| བརྟབ |
རྟབ་ཀྱི་མ་འོངས་པ། |
| བརྟབས |
རྟབ་ཀྱི་འདས་པ། |
| བརྟབས་བརྟབས་པོ |
བྲེལ་དངངས་ཚབ་ཚུབ་ཀྱི་དོན་ཏེ། (དཔེར་ན།) བརྟབས་བརྟབས་པོ་བྱས་ནས་བྲོས་སོང༌ལྟ་བུ། |
| བརྟས |
རྟས་ཀྱི་འདས་པ། (དཔེར་ན།) ཟས་ཀྱིས་ལུས་བརྟས་ལྟ་བུ། |
| བརྟིབ |
རྟིབ་ཀྱི་མ་འོངས་པ། (དཔེར་ན།) བརྟིབ་བྱའི་ཟངས་དེམ་བརྟིབ་པར་བྱ་ལྟ་བུ། |
| བརྟིབས |
རྟིབ་ཀྱི་འདས་པ། (དཔེར་ན།) ཟངས་དེམ་བརྟིབས་ཟིན་ལྟ་བུ། |
| བརྟུན |
རྟུན་གྱི་མ་འོངས་པ་དང་འདས་པ། |
| བརྟུན་ངས |
(བརྡ་རྙིང་།) 1>རྩོལ་བ་དྲག་པོ། 2>གཟུ་ལུམ་དང་རང་བཟོ། 3>གཞན་ལ་གནོད་པ། 4>འདོད་པ་ཆེ་བ། |
| བརྟུན་ངེས |
གཟུ་ལུམ་དང་རང་བཟོའི་དོན་ཏེ། (དཔེར་ན།) དོན་ལ་མི་དཔྱོད་བརྟུན་ངེས་འཇུག་ཅེས་པ་ལྟ་བུ། |
| བརྟུན་པ |
བརྩོན་འགྲུས་ཀྱི་དོན་ཏེ། (དཔེར་ན།) ཁག་སྣང་མི་བྱེད་པའི་བརྟུན་པ་བརྟན་པོ་འདུག བྱ་བར་བརྟུན་པ་དང་ལྡན་པར་ཞུགས། རྟག་ཏུ་བརྟུན་པ་བསྐྱེད་ཅེས་པ་ལྟ་བུ། |
| བརྟུལ |
1.ཕྱོགས་གཅིག་ཏུ་བསྡུས་པའི་བརྡ་རྙིང་། 2.(རྒྱན་ཚིག) སྙིང་སྟོབས་ཆེ་བའི་དོན་ཏེ། (དཔེར་ན།) དཔའ་ཞིང་བརྟུལ་ཕོད་པ། དཔའ་བརྟུལ་མཁས་ཤིང་མཛངས་ལ་དཔའ་ཞིང་བརྟུལ་བ་ཞེས་པ་ལྟ་བུ། |
| བརྟུལ་ཕོད |
རྟུལ་ཕོད་དང་འདྲ། |
| བརྟུལ་ཕོད་ཅན |
1.སྙིང་སྟོབས་ཅན། 2.(མངོན་བརྗོད།) སྟག |
| བརྟུལ་ཕོད་ཆེ |
སྙིང་སྟོབས་ཆེ་བ། (དཔེར་ན།) ཉམ་ང་མེད་པའི་བརྟུལ་ཕོད་ཆེ་བ་ལྟ་བུ། |
| བརྟུལ་བ |
1. རྟུལ་བའི་འདས་པ་དང་མ་འོངས་པ། 2. འཇམ་པ། |
| བརྟུལ་བ་བརྟན་པ |
སྙིང་སྟོབས་འགྱུར་བ་མེད་པ། (དཔེར་ན།) མེས་རྒྱལ་ལ་ཤ་ཞེན་ཆེ་བའི་དཔའ་བོ་བརྟུལ་བ་བརྟན་པ་ཞེས་པ་ལྟ་བུ། |
| བརྟུལ་བའི་ངང་ཚུལ་ཅན |
1.རྩོལ་བའི་རང་བཞིན་ཅན། 2.འཇམ་པའི་ངང་ཚུལ་ཅན། (དཔེར་ན།) ཁེངས་དྲེགས་མེད་པ་བརྟུལ་བའི་ངང་ཚུལ་ཅན་ཞེས་པ་ལྟ་བུ། |
| བརྟུལ་ཞུགས |
1.བྱ་བ་སྔ་མ་བསྡུས་ནས་ཕྱི་མ་ལ་ཞུགས་པ་སྟེ་ཐ་མལ་རང་ག་བའི་སྤྱོད་པ་བརྟུལ་ནས་ཐུན་མིན་གྱི་སྤྱོད་པའི་གནས་ལ་ཞུགས་པའོ། 2.ཆ་བྱད་དང༌། ཚུལ་དང༌། ལུས་ངག་གི་འཇུག་པ་ངེས་པར་བྱེད་པའི་སྤྱོད་པ། |
| བརྟུལ་ཞུགས་ཀྱི་ཡན་ལག |
གར་ཕྲེང་སོགས་སྤོང་བ་དང༌། མལ་སྟན་ཆེ་མཐོ་སྤོང་བ་དང༌། དུས་མིན་གྱི་ཟས་སྤོང་བ་བཅས་སོ། ། |
| བརྟུལ་ཞུགས་ཅན |
1.བརྟུལ་ཞུགས་ལ་གནས་པ། 2.དྲང་སྲོང༌། |
| བརྟུལ་ཞུགས་དབང |
(མངོན་བརྗོད།) ཉན་ཐོས། |
| བརྟུལ་ཞུགས་དམ་པ |
སྡོམ་ཁྲིམས་བརྟན་པོར་བཟུང་བ། |
| བརྟུལ་ཞུགས་དྲག་པོ |
དཀའ་ཐུབ་ཀྱི་སྤྱོད་པ། |
| བརྟུལ་ཞུགས་མ |
ཁྱིམ་བདག་མོ། |
| བརྟུལ་ཞུགས་མཆོག་འཛིན |
ཁྱི་དང་བ་ལང་གི་བརྟུལ་ཞུགས་སམ། སྐྲ་འབལ་ཞིང་འབྲེག་པ་ལ་སོགས་པ་རྣམས་བྱས་པས་གྲོལ་བར་འགྱུར་རོ་སྙམ་དུ་སེམས་པའོ། ། |
| བརྟེན |
རྟེན་པའི་མ་འོངས་པ་དང་འདས་པ། (དཔེར་ན།) དངོས་མང་སྐྱེ་བ་ཉི་མར་བརྟེན་དགོས། རྒྱུ་ལ་བརྟེན་ནས་འབྲས་བུ་བྱུང་། རྐང་བ་ས་ལ་བརྟེན་ལྟ་བུ། |
| བརྟེན་པ |
1.རྟེན་པའི་འདས་པ་དང་མ་འོངས་པའི་བྱ་མིང། 2.བཅུད་དམ་སེམས་ཅན་སོགས། |
| བརྟེན་པ་གཞིའི་ས |
སྔགས་རྙིང་མའི་གཞུང་དུ། རྣལ་འབྱོར་དང་པོའི་སྐབས་སུ་ཐོབ་པའི་ས་གཉིས་པ་འདིའི་སྐབས་ཀྱི་མངོན་རྟོགས་རྣམས་བརྟེན་པ་སྦྱོར་ལམ་སོགས་བསྐྱེད་པའི་གཞི་ཡིན་པས་བརྟེན་པ་གཞིའི་ས་ཞེས་བྱའོ། ། |
| བརྟེན་པ་རྣམ་ཤེས་ཀྱི་ཁམས་དྲུག |
ཁམས་བཅོ་བརྒྱད་ཀྱི་ནང་གསེས། མིག་གི་རྣམ་ཤེས། རྣ་བའི་རྣམ་ཤེས། སྣའི་རྣམ་ཤེས། ལྕེའི་རྣམ་ཤེས། ལུས་ཀྱི་རྣམ་ཤེས། ཡིད་ཀྱི་རྣམ་ཤེས་ཏེ་དྲུག |
| བརྟེན་པའི་ཁམས |
རྣམ་པར་ཤེས་པའི་ཁམས། |
| བརྟེན་པའི་ཁྱད་པར་འགྲོ་བའི་ས |
སྔགས་རྙིང་མའི་གཞུང་དུ། རྣལ་འབྱོར་གསུམ་པའི་སྐབས་སུ་ཐོབ་པའི་ས་དྲུག་པ་མཐོང་ལམ་དུ་དོན་གྱི་འོད་གསལ་མངོན་སུམ་དུ་མཐོང་བ་དེ་ལ་བརྟེན་པ་ཟག་མེད་ཀྱི་ཡོན་ཏན་བརྒྱ་ཕྲག་བཅུ་གཉིས་སོགས་གོང་ནས་གོང་དུ་ཁྱད་པར་དུ་འགྲོ་བས། ས་དྲུག་པ་ལ་བརྟེན་པའི་ཁྱད་པར་དུ་འགྲོ་བའི་ས་ཞེས་བྱའོ། ། |
| བརྟོད |
རྟོད་པའི་མ་འོངས་པ་དང་འདས་པ། (དཔེར་ན།) བརྟོད་བྱའི་རྟ། རྟ་བརྟོད་ནས་རྩྭ་ཟ་རུ་བཅུག་ལྟ་བུ། |
| བརྟོལ |
1.རྟོལ་གྱི་མ་འོངས་པ་དང་འདས་པ། (དཔེར་ན།) བརྟོལ་བྱའི་བུ་ག ཤིང་ལ་བུ་ག་བརྟོལ་དགོས གསོར་འབིག་གིས་ཤིང་ལ་བུ་ག་བརྟོལ་ལྟ་བུ། 2.གསལ་བར་བསྟན་པའི་དོན་ཏེ། (དཔེར་ན།) མཚང་རྟོལ། རང་མཚང་རང་གིས་རྟོལ་ལྟ་བུ། 3.སླེབ་པའི་དོན་ཏེ། (དཔེར་ན།) ལམ་བགྲོད་པར་དཀའ་བའི་གནས་སུ་རྟོལ་ལྟ་བུ། 4.རྟོལ་བོ་ཞེས་པའི་ཚིག་བསྡུས་པ།5.(བརྡ་རྙིང་།) ཕྱིན་པ། |
| བརྟོལ་བ |
རྟོལ་བའི་འདས་པ་དང་མ་འོངས་པའི་བྱ་མིང། |
| བརྡ |
1.གོ་བྱེད། (དཔེར་ན།) མིག་བརྡ། བརྡ་ཙམ་བཏགས་པ། ལག་བརྡ་ཞེས་པ་ལྟ་བུ། 2.ཡིག་ཐོག་གམ། ངག་ཐོག་ནས་བཏང་བའི་ལན། (དཔེར་ན།) ཕེབས་བརྡ། འཕྲིན་བརྡ། མགྲོན་བརྡ། དངོས་ཤུགས་བརྒྱུད་གསུམ་གྱི་སྒོ་ནས་བརྡ་བཏང་བ་ལྟར་འོག་གྲབས་བྱེད་ཅེས་པ་ལྟ་བུ།3.ཐ་སྙད་དང་ཚིག་གི་མིང་། (དཔེར་ན།) མིང་བརྡ། བརྡ་རྙིང། དོན་ལ་བརྡ་སྦྱར་བ་ཞེས་པ་ལྟ་བུ། |
| བརྡ་གཤོག |
ཕྱོགས་རིས་ཆེ་བ། |
| བརྡ་གསར་པ |
བོད་རྒྱལ་ཁྲི་རལ་སྐབས་བཀས་བཅད་མཛད་པའི་རྗེས་ཀྱི་བོད་བརྡ། |
| བརྡ་ཆད |
1.ཤེས་བྱའི་རིགས་མི་འདྲ་བ་སོ་སོར་ཐུན་མིན་གྱི་སྦྱར་བའི་མིང་བརྡ་སྟེ། (དཔེར་ན།) འདུལ་བའི་བརྡ་ཆད་ཅེས་པ་ལྟ་བུ། 2.སྐད་དོད། |
| བརྡ་ཐོ |
འཕྲིན་གཏོང་བྱེད་ཀྱི་ཡི་གེ་སྟེ། (དཔེར་ན།) དངོས་རིགས་ལེན་པའི་བརྡ་ཐོ་བཏང་ཞེས་པ་ལྟ་བུ། |
| བརྡ་ཐོག་ཐག་གཅོད |
ཚོགས་འདུའི་ཐོག་སྐད་ཆའམ་ལག་རྐྱོང་སོགས་ཀྱི་སྒོ་ནས་དོན་རྩ་གཏན་འབེབས་བྱེད་པ། |
| བརྡ་དག |
1.ཡི་གེའི་བརྡ་ཐོབ་མ་ནོར་བ། 2.སྒྲ་དང་སྙན་ངག་ཕུད་པའི་སུམ་རྟགས་དང༌། དག་ཡིག་ལྟ་བུ། |
| བརྡ་དག |
མིང་ཚིག་དང་ཐ་སྙད་ཀྱི་འགྲེལ་བཤད་མདོར་བསྡུས་ཀྱི་མིང་། |
| བརྡ་དུམ་ཤེས་པ |
རགས་པ་ཙམ་ཤེས་པའི་དོན་ཏེ། (དཔེར་ན།) མིང་ཚིག་བརྡ་དུམ་ཤེས་པ་ཙམ་གྱིས་གནས་ལུགས་ཟབ་མོའི་དཀའ་གནད་ཁོང་དུ་ཆུད་པ་དཀའ་ཞེས་པ་ལྟ་བུ། |
| བརྡ་དུས |
གཞི་གང་ལ་མིང་ཐོག་མར་སྦྱར་བའི་དུས། |
| བརྡ་དོན |
མིང་དང་སྐད་ཀྱི་གོ་དོན། |
| བརྡ་བསལ་བ |
མིང་བརྡ་རྣམ་པར་གཅོད་པ། |
| བརྡ་མི་རྒན་པོ |
མིང་ཐོག་མར་འདོགས་མཁན། |
| བརྡ་ཙམ |
དོན་མེད་པའི་མིང་རྐྱང་ཙམ། |
| བརྡ་འཆལ |
བརྡ་ཁུངས་མ་དག་པ། |
| བརྡ་འདེད |
རྩད་གཅོད་དམ། ཞིབ་འཇུག (དཔེར་ན།) བྱེད་གཏེ་སུ་ཡིན་རྒྱུ་མ་ཕུ་འདེད་ཀྱིས་བརྡ་འདེད་མཐིལ་ཕྱིན་གཏོང་བ། ངན་གྲོས་གཤོམས་མཁན་གང་ཡིན་བརྡ་འདེད་ཞིབ་ནན་བྱེད་པ་ཞེས་པ་ལྟ་བུ། |
| བརྡ་འདེད་པ |
ཁུངས་རྩད་གཅོད་མཁན། |
| བརྡ་འཕྲོད་པ |
གོ་དོན་ཁོག་ཏུ་ཚུད་པ་སྟེ། (དཔེར་ན།) ཕན་ཚུན་འཕྲོས་མོལ་གང་བྱས་བརྡ་འཕྲོད་གོ་ཤེས་བྱུང་སོང༌། བོད་སྐད་ལ་བྱང་ཆུབ་པ་ཞིག་གིས་བོད་རིགས་པ་སྐད་ཆ་གང་བཤད་བརྡ་འཕྲོད་པ་ཡོང༌ཞེས་པ་ལྟ་བུ། |
| བརྡ་ཡིག |
1.བརྡའི་བསྟན་བཅོས། 2.ལན་གཏོང་བའི་ཡི་གེ། 3.ཐུན་མོང་མ་ཡིན་པའི་བརྡའི་ཐོག་ནས་བྲིས་པའི་ཡི་གེ་སྟེ། (དཔེར་ན།) མཁའ་འགྲོའི་བརྡ་ཡིག་ཅེས་པ་ལྟ་བུ། |
| བརྡ་ཡོངས་སུ་གཅོད་པ |
གོ་བྱེད་ཀྱི་མིང་ཚིག་སྒྲུབ་པར་བྱེད་པ། |
| བརྡ་རྙིང་པ |
མངའ་བདག་ཁྲི་རལ་ཡན་ཆད་ཀྱི་བོད་བརྡ། |
| བརྡ་ལན |
ངག་དང་ཡིག་འཕྲིན་གང་རུང་གི་ལན། (དཔེར་ན།) མེས་རྒྱལ་གྱི་འབོད་སྐུལ་གནང་བར་བརྡ་ལན་ཕུལ་བ། ཁོ་ཚོར་བརྡ་ལན་ཐོངས་ཞེས་པ་ལྟ་བུ། |
| བརྡ་ལོག |
བརྡ་གོ་ལོག་ཏུ་སྤྲོད་པའི་དོན་ཏེ། (དཔེར་ན།) སྐད་ཆ་འདི་གོ་ཉེས་བརྡ་ལོག་བྱུང་སོང༌ལྟ་བུ། |
| བརྡ་ཤེས |
1.སྐད་ཡིག་སོགས་ཀྱི་གོ་དོན་ཤེས་པ། 2.གྲངས་གནས་ཤིག |
| བརྡ་སྐད |
1.མིང་བརྡ་དང་སྐད་རིགས། 2.སྐད་དོད། |
| བརྡ་སྒྱུར་བ |
1.སྐད་ཡིག་སྒྱུར་མཁན། 2.རིགས་མི་འདྲ་བའི་སྐད་ཡིག་གཅིག་ནས་གཅིག་ཏུ་འབེབས་པ། |
| བརྡ་སྟོན་པ |
གོ་བརྡ་སྤྲོད་པའི་དོན་ཏེ། (དཔེར་ན།) བྱེད་ལུགས་བྱེད་སྟངས་གང་ཅིའི་བརྡ་སྟོན་པ་ཞེས་པ་ལྟ་བུ། |
| བརྡ་སྤྲོད |
1.མིང་བརྡ་ཐ་སྙད་རྣམས་ཇི་བཞིན་གོ་བར་བྱེད་པའམ། མ་ནོར་བར་སྟོན་པར་བྱེད་པའི་གཞུང༌། དཔེར་ན། སུམ་རྟགས་དག་གསུམ་ལྟ་བུ། 2.གཞན་ལ་དོན་ཞིག་གོ་བར་བྱེད་པ་སྟེ། (དཔེར་ན།) སྐད་འཕྲིན་གྱི་དོན་རྣམས་ངས་ཁོ་ལ་བརྡ་སྤྲོད་དགོས། ངས་ཁོ་ལ་བརྡ་སྤྲད་ཀྱང་ཁོས་ད་དུང་དོན་ལེགས་པར་མ་གོ་བར་འདུག་ལྟ་བུ། |
| བརྡ་སྤྲོད་གཙུག་ལག |
ཡི་གེའི་བརྡ་དག་གི་བསྟན་བཅོས། |
| བརྡ་སྤྲོད་པ |
1.ལུང་སྟོན་པ། 2.གཏམ་བཤད་པ། 3.ལག་པ་སོགས་ཀྱིས་བརྡ་གཏོང་བ། 4.མུ་སྟེགས་ཚངས་པ་བའི་ནང་གསེས་གྲུབ་མཐའ་མཁན་ཞིག |
| བརྡ་སྤྲོད་པའི་རིག་པ |
ཡི་གེའི་བརྡ་དག་སྟོན་པའི་རིག་གནས། |
| བརྡ་སྤྲོད་བསྟན་བཅོས |
ཡི་གེའི་བརྡ་དག་སྟོན་པའི་གཞུང༌། |
| བརྡ་སྤྲོད་ཡི་གེ |
འཕྲིན་ཡིག |
| བརྡ་སྦྱོར |
1.ལས་དོན་ཞིག་གོ་བར་བྱེད་ཆེད་དུ་བཏང་བའི་ཡིག་འཕྲིན་དང་སྐད་འཕྲིན་གྱི་མིང་། (དཔེར་ན།) ཚོགས་ཆེན་འཚོགས་པའི་བརྡ་སྦྱོར་བཏང་ལྟ་བུ། 2.མིང་བཏགས་པའམ་ཐ་སྙད་སྦྱོར་བའི་དོན་ཏེ། (དཔེར་ན།) བྱ་དངོས་གསར་བ་ལ་བརྡ་སྦྱོར་བ། བརྡ་སྦྱར་ཏེ་འགྲེལ་བཤད་བྱས་ལྟ་བུ། |
| བརྡ་སྦྱོར་བ |
1.བརྡ་སྤྲོད་པའམ། ལན་སྤྲོད་པ། 2.ཞུ་གཏུག་བྱེད་པ། ཁྲིམས་ཁང་ལ་བརྡ་སྦྱོར་ཞུས་པ། 3.མིང་བརྡ་གསར་པ་སྦྱོར་བ། |
| བརྡ་སྦྱོར་མཁན་པོ |
བརྡ་སྤྲོད་མཁན་ནམ་མིང་ཐོག་མར་འདོགས་མཁན། |
| བརྡབ |
རྡེབ་པའི་མ་འོངས་པ། (དཔེར་ན།) བརྡབ་བྱའི་ཐལ་མོ་ཞེས་པ་ལྟ་བུ། |
| བརྡབ་གཤོགས |
1.བརྡབ་ཞོགས་དང་འདྲ། 2.བརྡ་གཤོག་དང་འདྲ། |
| བརྡབ་གསིག |
1.འཕྲོག་རྡུང་ངམ་མནར་གཅོད་དེ། (དཔེར་ན།) མི་སེར་ལ་ཁྲལ་བསྐུལ་ནས་བརྡབ་གསིག་མ་གཏོང་ལྟ་བུ།2.དངོས་རྫས་ཡར་བཀྱགས་ནས་མར་བརྡབས་པ་སྟེ། བརྡབས་གསིགས་ཀྱང་འབྲི། |
| བརྡབ་དཀྲུག་རྒྱག་པ |
ཕྲ་མ་འཇུག་པ་སྟེ། (དཔེར་ན།) ཕན་ཚུན་མཐུན་པའི་བར་དུ་བརྡབ་དཀྲུག་རྒྱག་པ་ལྟ་བུ། |
| བརྡབ་བརྡབ་གསིག་གསིག |
ཇི་ཡོད་ཚང་མའི་དོན་ཏེ། (དཔེར་ན།) དངོས་པོ་གང་ཡོད་ཁོ་རང་ལ་བརྡབ་བརྡབ་གསིག་གསིག་བྱས་ནས་སྤྲད་པ་ཡིན་ཞེས་པ་ལྟ་བུ། |
| བརྡབ་བརྡབ་སྤྲུགས་པ |
རྡུལ་སོགས་གསིག་གསིག་བྱས་ནས་མེད་པ་བཟོ་བ་སྟེ། (དཔེར་ན།) གྱོན་ཆས་ལ་ས་རྡུལ་འགོས་པ་བརྡབ་བརྡབ་སྤྲུགས་ཏེ་ལྟེབས་ཚིགས་བརྒྱབ་པ་ཡིན་ལྟ་བུ། |
| བརྡབ་ཞོགས |
ལས་ཀ་གང་ཡིན་རུང་མི་གཅིག་གིས་བྱས་ན་ཚང་མས་བྱེད་པའི་འུར་ལངས་པ། (དཔེར་ན།) མི་རྣམས་བརྡབ་ཞོགས་ལངས་ནས་སློབ་སྦྱོང་བྱེད་པ། སྐད་ཆ་བརྡབ་ཞོགས་བྱས་ནས་བཤད་པ། གྲོས་གཏམ་ལྷོད་དལ་གྱིས་མི་ཤོད་པར་བརྡབ་ཞོགས་ཆེན་པོས་བཤད་པ་ལྟ་བུ། |
| བརྡབ་འཆོས་ཏེ་འགྲོ |
འདྲེད་པའམ་འགྱེལ་གྱིན་འགྲོ་བ། (དཔེར་ན།) ཆང་གིས་ར་བཟི་ནས་ལམ་བར་བརྡབ་འཆོས་ཏེ་འགྲོ་བ་ལྟ་བུ། |
| བརྡབས |
རྡེབ་པའི་འདས་། (དཔེར་ན།) ཐལ་མོ་བརྡབས་ནས་དགའ་བསུ་བྱས། མིག་བརྡབས་ནས་བརྡ་བསྟན། ལྕེ་དམར་རྐན་ལ་བརྡབས་ནས། བསྐལ་བའི་ཆགས་རབས་བཤད་ཅེས་པ་ལྟ་བུ། |
| བརྡབས་ཆག |
བརྡབས་ནས་ཆག་པའམ། སྐྱོན་ཤོར་བ། (དཔེར་ན།) དཀར་ཡོལ་སར་བརྡབས་ཆག་བྱུང༌ལྟ་བུ། |
| བརྡབས་པ |
1.རྡེབ་པའི་འདས་པ། 2.བརྡབ་པའི་འདས་པ། |
| བརྡའ |
བརྡ་དང་འདྲ། |
| བརྡའི་ཐ་སྙད |
བརྡ་སྐད་ཀྱི་མིང༌། |
| བརྡའི་རབ་ཏུ་བྱུང་བ |
རབ་བྱུང་གི་མིང་རྟགས་ཙམ་འཛིན་པ། |
| བརྡར |
(བྱེད་མེད་ལས་ཚིག) རྡོར་བའི་མ་འོངས་པ་དང་འདས་པ། གྲི་སོགས་རྣོ་དབལ་ཡོང་ཆེད་རྡོ་སོགས་ལ་གཙུབ་པ་སྟེ། (དཔེར་ན།) བརྡར་བྱའི་གྲི། གྲི་འདི་བརྡར་དགོས། སྟ་རེ་བརྡར་ནས་རྣོན་པོར་གྱུར་ཅེས་པ་ལྟ་བུ། |
| བརྡར་གཙུབ |
དྲད་དྲུད། |
| བརྡར་བཏགས་པ |
མིང་གི་ཐ་སྙད་སྦྱར་བ། (དཔེར་ན།) མི་རྒོད་པོ་ཞིག་ལ་སེང་གེ་ཞེས་པའི་བརྡར་བཏགས་པ་ལྟ་བུ། |
| བརྡར་བཏགས་པའི་ཆོས་མངོན་པ |
དོན་དམ་པའི་ཆོས་མངོན་པ་དེ་འཐོབ་པར་བྱ་བའི་ཕྱིར་དུ་ཞུགས་པའི་ཐོས་བསམ་སྒོམ་གསུམ་གྱི་ཤེས་རབ་ཟག་བཅས་དང་སྐྱེས་ཐོབ་ཀྱི་ཤེས་རབ་གང་ཡིན་པ་དང༌། དེ་རྣམས་བརྗོད་བྱར་བྱེད་པའི་བསྟན་བཅོས་རྣམས་སོ། ། |
| བརྡར་བཏགས་པའི་ཤེས་པ |
ཐ་སྙད་དཔྱོད་བྱེད་ཀྱི་རིག་པ། |
| བརྡར་ཤ་གཅོད |
དཔྱད་པ་བཏང་བའམ་རྩོད་པ་བྱས་ནས་ཐག་གཅོད་པའི་དོན་ཏེ། (དཔེར་ན།) མཚན་ཉིད་རིག་པའི་དོན་ལ་བརྡར་ཤ་གཅོད་དགོས། བརྡར་ཤ་གཅད་རྒྱུའི་དོན་བརྡར་ཤ་ཆོད་ལྟ་བུ། |
| བརྡར་ཤ་ཆོད་པ |
1.རིག་པས་དཔྱད་མཐར་ཐུག་པ། 2.མཚོན་སོགས་རྣོ་ཐོན་པ། |
| བརྡལ |
(བྱེད་འབྲེལ་ལས་ཚིག) རྡལ་བའི་མ་འོངས་པ་དང་འདས་པ། དངོས་རྫས་འགྲེམ་པའི་དོན་ཏེ། (དཔེར་ན།) ཐང་མ་བརྡལ་དགོས། འབྲུ་རིགས་བརྡལ་ནས་སྐམ་ལྟ་བུ། |
| བརྡལ་གླ |
རྡལ་གླ་དང་འདྲ། |
| བརྡལ་བཤིག |
རྩི་འཇོག་མ་བྱས་པའམ་རས་སུ་བོར་བ་སྟེ། (དཔེར་ན།) མནའ་ཆིངས་བརྡལ་བཤིག་ཏུ་བཏང་ལྟ་བུ། |
| བརྡལ་ལེན |
1.གཞན་གྱི་དངོས་ཟོག་སྐྱེལ་འདྲེན་བྱ་རྒྱུ་བླངས་ནས་གླ་ཆ་ལེན་པ། 2.གླ་ཆ་ལེན་མཁན། |
| བརྡིབ |
རྡིབ་པའི་མ་འོངས་པ། (དཔེར་ན།) གད་ཁུང་བརྡིབ་རྒྱུ་རེད་ལྟ་བུ། |
| བརྡིབས |
རྡིབ་པའི་འདས་པ། (དཔེར་ན།) ས་བརྡིབས་ནས་དོང་བྱུང་། ཁང་རྙིང་བརྡིབས་ནས་ཐིགས་ཆུ་ཟགས་ལྟ་བུ། སྐུལ་ཚིག་ལ་རྡིབས་འབྲི། |
| བརྡུགས |
རྡུགས་ཀྱི་འབྲི་ཚུལ་གཞན། |
| བརྡུང |
རྡུང་བའི་མ་འོངས་པ། (དཔེར་ན།) བརྡུང་བྱའི་རྔ་ཞེས་པ་ལྟ་བུ། |
| བརྡུངས |
རྡུང་བའི་འདས་པ། (དཔེར་ན།) རྔ་སྦུབ་བརྡུངས་ནས་ཁྲོམ་སྐོར་བྱས་ལྟ་བུ། |
| བརྡུངས་བཙོགས |
ཉེས་བརྡུངས་ཏེ། (དཔེར་ན།) བཟུང་དམག་ལ་བརྡུངས་བཙོགས་མི་བྱེད་ཅེས་པ་ལྟ་བུ། |
| བརྡུངས་མ |
བརྡུངས་ནས་ལས་སྣོན་བྱས་པའི་དངོས་རྫས་སྣ་ཚོགས་ཀྱི་སྤྱི་མིང་། (དཔེར་ན།) ཟངས་སྣོད་བརྡུངས་མ་ཞེས་པ་ལྟ་བུ། |
| བརྡུངས་སྦྱར |
བརྡུངས་ཏེ་ལྷུ་བསྒྲིགས་པ། (དཔེར་ན།) ལྕགས་ཤོག་བརྡུངས་སྦྱར་གྱིས་བཟོས་པའི་སྣོད་སྤྱད་ལྟ་བུ། |
| བརྡུལ |
ཞིབ་མོར་བཏུལ་བའི་དོན། མགོ་སྐོར་བཏང་བ་དང་གཡོབ་པའི་དོན་དུ་བཤད་པའང་ཡོད། |
| བརྡུལ་པ |
(བརྡ་རྙིང་།) 1>གཡོབ་པ། 2>བཏུལ་བ། |
| བརྡེག |
རྡེག་གི་མ་འོངས་པ། |
| བརྡེག |
རྡེག་གི་མ་འོངས་པ། |
| བརྡེག་ཆ |
རྡེག་བྱེད་ཀྱི་མཚོན་ཆ་སྤྱིའི་མིང༌། |
| བརྡེག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་ལ་རང་གིས་དངོས་སུ་བརྡེག་པའམ་བརྡེག་ཏུ་བཅུག་པའོ། ། |
| བརྡེག་པར་གཟས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྲོས་པས་དགེ་སློང་ལ་བརྡེག་པར་བརྩམ་པ་སྟེ་བརྡེག་ཚུལ་བྱེད་པ། |
| བརྡེག་འཆོས་པ |
འགྱེལ་བའམ་ལྷུང་བའི་དོན་ཏེ། (དཔེར་ན།) ས་ལ་བརྡེག་འཆོས་པ། གཡང་དུ་བརྡེག་འཆོས་པ་ཞེས་པ་ལྟ་བུ། |
| བརྡེགས |
རྡེག་གི་འདས་པ། |
| བརྡེགས |
རྡེག་གི་འདས་པ། |
| བརྡེགས་ཤུལ |
བརྡུངས་པའི་ཤུལ་ལམ་རྗེས། (དཔེར་ན།) ལུས་པོར་ཉེས་རྡུང་བཏང་བའི་བརྡེགས་ཤུལ་གྱིས་ཁེངས་ལྟ་བུ། |
| བརྡོལ |
རྡོལ་ལ་ལྟོས། |
| བརྡོལ་གཏམ |
ཚུལ་མིན་གྱི་གཏམ་མམ་གང་བྱུང་བཤད་པའི་གཏམ། |
| བརྡོལ་ཆོས |
རྩིང་སྤྱོད་དམ་མ་རབས། |
| བརྡོལ་ཐབས |
ཚིག་ལྡབ་ལྡིབ་བམ་ཉག་ཉོག |
| བརྡོལ་བ |
(བརྡ་རྙིང་།) འབྱུང་པོས་བརླམས་པ། |
| བརྡོལ་བོན |
རྒྱལ་པོ་གཉའ་ཁྲི་བཙན་པོ་ནས་རྒྱལ་རབས་དྲུག་པ་ཁྲི་སྡེ་བཙན་པོའི་དུས་སུ་བོད་དུ་དར་བའི་བོན་གྱི་ཆོས་ལུགས་ཤིག་སྟེ་སྔོན་གྱི་བཤད་སྲོལ་དུ་སྔར་གདུག་འདྲེས་བྱིས་པ་ཞིག་ཡུལ་ཁམས་གཞན་དུ་ཁྲིད་དེ་ནུས་པ་བསླབས་ནས་མངོན་ཤེས་ཐོབ་པ་དང༌། ཕྱིས་ཀྱི་དེབ་ཐེར་ཁག་གི་ནང་དུ་ཆབ་སྲིད་བོན་གྱིས་བསྐྱངས་ཞེས་གསལ་བའི་བོན་པོ་དེ་ནས་བྱུང༌། |
| བརྡོས |
1.རྡོས་ཀྱི་འབྲི་ཚུལ་གཞན། 2.གདོས་ཀྱི་འབྲི་ཚུལ་གཞན། |
| བརྡོས་པ |
རྡོས་པ་དང་འདྲ། |
| བརྣག |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། ཞེ་སྡང་དང་ཡིད་ལ་སེམས་པའི་དོན་ཏེ། (དཔེར་ན།) ཡིད་ལ་བརྣག་པར་བྱ། བརྣག་མཁན་ཞེས་པ་ལྟ་བུ། འདས་པ་ལ‘བརྣགས’དང་སྐུལ་ཚིག་ལ‘རྣོགས’འབྲི། |
| བརྣག་པ |
དྲན་པའི་དོན་དུ་གོ་བའི་རྣོག་པའི་མ་འོངས་པ། |
| བརྣག་མིན་གྱི་གཏམ |
མི་བཟོད་པའི་གཏམ། |
| བརྣགས |
‘རྣོག’གི་འདས་པ། |
| བརྣགས་པ |
དྲན་པའི་དོན་དུ་གོ་བའི་རྣོག་པའི་འདས་པ། |
| བརྣགས་པའི་དོན |
སེམས་ལ་བསམས་པའི་དོན་དག |
| བརྣང |
(བྱེད་འབྲེལ་ལས་ཚིག) རྣོང་གི་མ་འོངས་པ། |
| བརྣངས་པ |
(བྱེད་འབྲེལ་ལས་ཚིག) རྣོང་གི་འདས་པ། མིད་པ་སོགས་འགག་པ་དང་འཚུབ་པ་སྟེ། (དཔེར་ན།) མིག་མཆི་མས་བརྣངས་པ། མིད་པ་མཆིལ་མས་བརྣངས་པ། ཟས་མིད་པར་ཐོགས་ནས་བརྣངས་པ། དུ་བས་བརྣངས་ཏེ་དབུགས་འཚང་ཞེས་པ་ལྟ་བུ། |
| བརྣན |
(བྱེད་འབྲེལ་ལས་ཚིག) རྣོན་གྱི་མ་འོངས་པ་དང་འདས་པ། ནན་ཏན་དང་གལ་ཆེན་པོར་བཟུང་བའི་དོན་ཏེ། (དཔེར་ན།) ཚིག་རྟིང་དོན་གྱིས་བརྣན། ནན་གྱིས་བརྣན་པ་ཞེས་པ་ལྟ་བུ། ད་ལྟ་བ་དང་སྐུལ་ཚིག་ལ‘རྣོན’འབྲི། |
| བརྣན་པའི་སྒྲ |
དོན་གང་རུང་ཞིག་ལ་ནན་ཏན་གྱིས་ངེས་གཟུང་བྱེད་པའི་ནི་སྒྲའི་མིང༌། ཇི་ལྟར་འཇུག་ཅེ་ན། (དཔེར་ན།) འདི་ནི་གསེར་རེད། འདི་ནི་དངུལ་རེད་ལྟ་བུ་གསེར་དངུལ་གྱི་དངོས་པོ་གཉིས་སོ་སོར་ནན་ཏན་གྱིས་ངེས་གཟུང་བྱས་པ་དང༌། ལས་ཁུངས་ཀྱི་སྒྲིགས་ཁྲིམས་ནི་བསྲུངས། བྱེད་སྒོར་འབད་བརྩོན་ནི་བྱས་ལྟ་བུ་བྱ་བ་བྱས་པ་དེ་དག་ནན་བཤད་ཀྱིས་ངེས་གཟུང་བྱས་པ་སོགས་ལྟ་བུའོ། ། |
| བརྣན་ཚིག |
1.དོ་གལ་ནན་ཏན་གྱིས་བརྗོད་པའི་གཏམ། (དཔེར་ན།) རང་སྐྱོན་སྣང་ཆུང་བྱེད་མཁན་མི་ལ་བརྣན་ཚིག་གིས་བསླབ་བྱ་རྒྱག་དགོས་ལྟ་བུ། 2.བརྣན་པའི་སྒྲ། |
| བརྣབ |
‘རྣབ’ཀྱི་མ་འོངས་པ། |
| བརྣབ་སེམས |
གཞན་ནོར་བདག་གིར་བྱེད་འདོད་ཀྱི་བསམ་པའམ་གཞན་རྒྱུ་རང་ལ་འཐོབ་འདོད་ཀྱི་བསམ་པ། (དཔེར་ན།) གཞན་གྱི་ནོར་ལ་བརྣབ་སེམས་སྤང༌། རང་གི་ནོར་ལ་གྲོན་ཆུང་གྱིས་ཞེས་པ་ལྟ་བུ། |
| བརྣབས |
‘རྣབ’ཀྱི་འདས་པ། |
| བརྣུ |
‘རྣུ’ཡི་མ་འོངས་པ། |
| བརྣུ་བ |
(བརྡ་རྙིང་།) འཐེན་པའི་དོན། |
| བརྣུར |
‘རྣུ’ཡི་འདས་པ། |
| བརྣོག་པ |
སྦེད་སྐུང་བྱེད་པའི་དོན་དུ་གོ་བའི་རྣོག་པའི་མ་འོངས་པ། |
| བརྣོགས |
1.རྣོག’གི་འདས་པ།2.(བརྡ་རྙིང་།) བསྡམས་པ། |
| བརྩགས་པ |
(བརྡ་རྙིང་།) 1>སྡིག་པ། 2>བསྡིགས་པ། |
| བརྩད |
རྩོད་པའི་མ་འོངས་པ་དང་འདས་པ། བརྩད་བྱའི་དོན། (དཔེར་ན།) ཡིན་མིན་བརྩད་ན་ཇེ་གསལ་ཡིན་ལྟ་བུ། |
| བརྩད་རྩ |
(མངོན་བརྗོད།) མདའ་ཤུབས་ཀྱི་མིང༌། |
| བརྩམ |
རྩོམ་པའི་མ་འོངས་པ། (དཔེར་ན།) བརྩམ་བྱའི་དཔེ་ཆ་ཞེས་པ་ལྟ་བུ། |
| བརྩམས |
1.རྩོམ་པའི་འདས་པ། (དཔེར་ན།) 《དེབ་ཐེར་དཀར་པོ་》དགེ་འདུན་ཆོས་འཕེལ་གྱིས་བརྩམས་པ་རེད་ལྟ་བུ།2.(བརྡ་རྙིང་།) འདུ་བ། |
| བརྩམས་ཡོན |
ཡིག་རྩོམ་བརྒྱབ་པའི་གླ་ཆ། |
| བརྩལ |
རྩོལ་གྱི་མ་འོངས་པ་དང་འདས་པ། |
| བརྩལ་བ |
1.རྩོལ་བའི་འདས་པ་དང་མ་འོངས་པ། 2.(བརྡ་རྙིང་།) 1>སྐྱུགས་པ། 2>སྤྱད་པ། 3>གཞོལ་བ། |
| བརྩལ་ཚགས |
གསལ་ཚགས། |
| བརྩས |
(བརྡ་རྙིང་།) རྔན་པ། |
| བརྩི |
(བྱེད་འབྲེལ་ལས་ཚིག) རྩི་བའི་མ་འོངས་པ། གྲངས་ཀ་བགྲང་བའི་དོན་ཏེ། (དཔེར་ན།) ཕྱུགས་ཀྱི་ཁ་གྲངས་བརྩི་དགོས། བརྩི་བྱའི་གྲངས་ཀ་ཞེས་པ་ལྟ་བུ། |
| བརྩི་བཀུར |
མཐོང་ཆེན་བྱས་ནས་གོང་དུ་བཀུར་བ། (དཔེར་ན།) སྙིང་ཐག་པ་ནས་བརྩི་བཀུར་ཞུ་བ་ལྟ་བུ། |
| བརྩི་བཞག |
1.ཞིབ་བཤེར་གྱི་དོན་ཏེ། (དཔེར་ན།) ར་ལུག་ངོ་གྲངས་ཚང་དང་མ་ཚང་བརྩི་བཞག་གཏོང་བ་ལྟ་བུ། 2.གཞུང་དང་ཡིག་ཆ་རྣམས་བློ་ཐོག་ནས་འཛིན་གྲྭ་སོ་སོར་གནང་བའམ་བློ་འཛིན་བྱས་ནས་རྒྱུགས་སྤྲོད་པ། |
| བརྩི་མེད |
བརྩི་འཇོག་མི་བྱེད་པའི་དོན་ཏེ། (དཔེར་ན།) མང་ཚོགས་ཀྱི་བསམ་འཆར་ལ་བརྩི་མེད་བྱས་ན་མི་འགྲིག་ལྟ་བུ། |
| བརྩི་འཁུར |
བརྩི་ཞིང་གོང་དུ་བཀུར་བ་སྟེ། (དཔེར་ན།) མི་དམངས་སྲིད་གཞུང་གི་བཀའ་ལ་བརྩི་འཁུར་ཞུ་བ་ལྟ་བུ། |
| བརྩི་འཇོག |
རྩིས་འཇོག་བརྩི་ཞིང་ཆ་འཇོག་པའི་དོན་ཏེ། (དཔེར་ན།) ཕན་ཚུན་ཆོད་ཡིག་གན་དོན་ལ་བརྩི་འཇོག་བྱེད་པ་ལྟ་བུ། |
| བརྩི་ཡས |
གྲངས་གནས་ཤིག |
| བརྩི་སྲུང |
གལ་པོ་ཆེར་འཛིན་ཅིང་དེ་ལས་མི་འདའ་བར་བྱེད་པ། (དཔེར་ན།) བརྩི་སྲུང་ནན་ཏན། མི་དམངས་སྲིད་གཞུང་གི་སྲིད་ཇུས་དང་བཀའ་ཁྲིམས་ལ་བརྩི་སྲུང་བྱེད་པ་ལྟ་བུ། |
| བརྩིག |
རྩིག་པའི་མ་འོངས་པ། (དཔེར་ན།) བརྩིག་བྱའི་རྡོ། རྩིག་པ་བརྩིག་དགོས་ལྟ་བུ། |
| བརྩིགས |
རྩིག་པའི་འདས་པ། (དཔེར་ན།) ཇ་རས་རི་ལྟར་བརྩིགས་ནས་བཙོངས་ལྟ་བུ། |
| བརྩིངས |
རྩེང་གི་འདས་པ་ལ་བརྩིངས་འབྲི་བའང་ཡོད། |
| བརྩིས |
རྩི་བའི་འདས་པ། (དཔེར་ན།) ཕྱུགས་ཀྱི་ཁ་གྲངས་བརྩིས་ན་ཤེས་ལྟ་བུ། |
| བརྩུ |
བསུ་ཡི་བརྡ་རྙིང་། |
| བརྩེ་གདུང |
ཤ་ཚ་བའམ་ཆེས་ཆེར་བརྩེ་བ། (དཔེར་ན།) ཕན་ཚུན་བསམ་པ་གྲུ་ནང་ལྟར་བརྩེ་གདུང་ཆེ་བ། སྤུན་མཆེད་ལ་བརྩེ་གདུང་ཧ་ཅང་ཆེ་བ། མ་བུའི་བརྩེ་གདུང་ཟབ་ཅེས་པ་ལྟ་བུ། |
| བརྩེ་དུང |
བརྩེ་གདུང་དང་འདྲ། |
| བརྩེ་བ |
1.རྩེ་བའི་མ་འོངས་པ། 2.(བྱེད་མེད་ལས་ཚིག) 1.མི་བཟོད་པའི་དོན་ཏེ། (དཔེར་ན།) ཤིང་འབྲས་མ་སྨིན་པ་ཟོས་ན་སོ་བརྩེ་ཡོང༌། ལྕགས་དྲད་དྲད་བྱེད་པའི་སྒྲ་ཐོས་དུས་ཨ་མཆོག་བརྩེ་བ་ལྟ་བུ། རྩམ་རྩིང་གིས་སོ་བརྩེ་བ་ལྟ་བུ། 3.རྗེས་སུ་ཆགས་པའམ་སྙིང་རྗེ་བ། (དཔེར་ན།) ནད་པར་རྗེས་སུ་བརྩེ་བ། ཕྲུ་གུ་ལ་བརྩེ་བ། རྒན་རྒོན་རྣམས་ལ་བརྩེ་བ། དབུལ་ཕོངས་ལ་བརྩེ་བ ལྟ་བུ། 4.སྙིང་རྗེའི་མིང༌། (དཔེར་ན།) བརྩེ་བ་ཆེན་པོས་རྗེས་སུ་བཟུང་བ། བརྩེ་ལྡན་གྱི་སེམས། བྱམས་བརྩེ་ཞེས་པ་ལྟ་བུ། |
| བརྩེ་མོ |
སྙིང་རྗེའི་མིང་དོན་དུ་གོ་བའི་བརྩེ་བ་དང་འདྲ། |
| བརྩེ་སེམས |
རྗེས་སུ་ཆགས་པའམ་སྙིང་རྗེ་བའི་སེམས། |
| བརྩེ་སྐྱོང |
སྙིང་ནས་བརྩེ་ཞིང་དྲིན་གྱིས་སྐྱོང་བ། (དཔེར་ན།) ཕ་མས་ཕྲུ་གུར་བརྩེ་སྐྱོང་བྱེད་པ་ལྟ་བུ། |
| བརྩེག |
རྩེག་པའི་མ་འོངས་པ། (དཔེར་ན།) བརྩེག་བྱའི་ལྭ་བ་ཞེས་པ་ལྟ་བུ། |
| བརྩེགས |
རྩེག་པའི་འདས་པ། (དཔེར་ན།) གདན་དཀར་ཐོག་ཏུ་གདན་དམར་བརྩེགས་ནས་བཏིངས་ལྟ་བུ། |
| བརྩེགས་མ |
1.མིང་གཞི་མགོ་ཅན་རྐ་སྣ་ལྟ་བུ། 2.དངོས་པོ་གང་རུང་གཅིག་གི་སྟེང་དུ་གཅིག་བརྩེགས་པའི་མིང༌། |
| བརྩེགས་འཕུལ |
བརྩེགས་མ་ཡང་ཡིན་ལ་འཕུལ་ཡང་ཡོད་པའི་མིང་གཞི་བསྐ་ལྟ་བུ། |
| བརྩེང |
རྩེང་གི་མ་འོངས་པ། (དཔེར་ན།) བརྩེང་བྱའི་དར་ཤིང་ཞེས་པ་ལྟ་བུ། |
| བརྩེངས |
རྩེང་གི་འདས་པ། (དཔེར་ན།) དར་ཤིང་བརྩེངས་ནས་དར་ཆ་ཕྱར་ལྟ་བུ། |
| བརྩེད་པ |
(བྱེད་མེ་ལས་ཚིག) རྟ་དྲེལ་སོགས་ཀྱི་རྨིག་པ་ཟད་དེ་ཤ་ལ་ཐུག་ཉེར་གྱུར་པ་སོགས་ཀྱིས་རེག་པར་མི་བཟོད་པ་སྟེ། (དཔེར་ན།) རྟ་དྲེལ་ལ་རྨིག་ལྕགས་མ་བརྒྱབ་པར་ཐག་རིང་དུ་ཕྱིན་པས་བརྩེད་དེ་འགྲོ་མི་ཐུབ་ལྟ་བུ། |
| བརྩེས |
རྩེས་ཀྱི་འདས་པར་བརྩེས་འབྲི་བའང་ཡོད། |
| བརྩོག་པ |
(བརྡ་རྙིང་།) བཙོག་པའམ་གཙང་མ་མིན་པ། |
| བརྩོན |
1.(བྱེད་འབྲེལ་ལས་ཚིག) དགའ་བས་འབད་པ་ལྷོད་མེད་བྱེད་པའི་དོན་ཏེ། (དཔེར་ན།) སློབ་གྲྭ་པས་སློབ་སྦྱོང་ལ་བརྩོན་དགོས། ཞིང་པས་སོ་ནམ་ལ་བརྩོན། ལས་བྱེད་པས་བྱ་བ་ལ་བརྩོན་ལྟ་བུ།2.འབད་པའི་མིང༌། (དཔེར་ན།) ལས་ཀར་བརྩོན་པ་མེད་ན་འགྲུབ་མི་འགྱུར་ཞེས་པ་ལྟ་བུ། |
| བརྩོན་པ |
དགའ་བས་འབད་པ་ལྷོད་མེད་བྱེད་འདོད་ཀྱི་བསམ་པའི་མིང་། (དཔེར་ན།) སློབ་སྦྱོང་ལ་བརྩོན་པ་ལྷོད་མེད་གྱིས་ཤིག བརྩོན་པ་ཆེ་བའི་མི་ལ་དཀའ་བ་མེད་ལྟ་བུ། |
| བརྩོན་པ་ལྷོད་པ |
1.བརྩོན་པ་ཆུང་དུ་བཏང་བའི་དོན་ཏེ། (དཔེར་ན།) འོས་པའི་བྱ་བ་ལ་བརྩོན་པ་ལྷོད་ནས་མ་སྡོད་ཅེས་པ་ལྟ་བུ། 2.བརྩོན་པ་དོར་བའི་དོན་ཏེ། (དཔེར་ན།) ཚུལ་མིན་གྱི་ལས་ལ་བརྩོན་པ་ལྷོད་པ་ལེགས་ཞེས་པ་ལྟ་བུ། |
| བརྩོན་འགྲུས |
དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག དགེ་བའི་གནས་ལ་སེམས་མངོན་པར་སྤྲོ་བས་འཇུག་པ་དང༌། དགེ་བའི་ཕྱོགས་ཡོངས་སུ་སྒྲུབ་པར་བྱེད་པ། (དཔེར་ན།) ལས་དོན་མཐར་ཕྱིན་འགྲུབ་པར་བརྩོན་འགྲུས་བརྩམ་དགོས། མི་དམངས་ཀྱི་ཕུགས་ཕན་བསྒྲུབ་པར་བརྩོན་འགྲུས་ཡུན་རིང་ལ་དོས་དྲག་པ་ཞིག་བྱེད་དགོས་ཞེས་པ་ལྟ་བུ། མིང་གི་རྣམ་གྲངས་ལ་དགའ་བ་ཆེ་དང༌། རྟག་འགྲུས། འདོད་དོན་འདུན། སྤྲོ་བ་ཆེ། རྩོམ་པ་ཆེ་བཅས་སོ། ། |
| བརྩོན་འགྲུས་ཀྱི་ཆོས་བཞི |
བརྩོན་འགྲུས་ཀྱི་ཕར་ཕྱིན་གྱི་ཁྱད་ཆོས་བཞི་ལེ་ལོ་སོགས་མི་མཐུན་ཕྱོགས་ཉམས་པ་དང༌། ཆོས་ཀྱི་བདག་མེད་རྟོགས་པའི་རྣམ་པར་མི་རྟོག་པ། འདོད་པ་རྫོགས་པར་བྱེད་པ། རིགས་ཅན་གསུམ་སྨིན་པར་བྱེད་པ་བཅས་སོ། ། |
| བརྩོན་འགྲུས་ཀྱི་ཏིང་ངེ་འཛིན |
བརྩོན་འགྲུས་རྒྱུན་ལྡན་གྱི་རྟག་སྦྱོར་ལ་བརྟེན་ནས་བྱུང་བའི་ཏིང་འཛིན། |
| བརྩོན་འགྲུས་ཀྱི་དབང་པོ |
བྱང་ཕྱོགས་སོ་བདུན་ལས་རྣམ་བྱང་གི་དབང་པོ་ལྔའི་ནང་གསེས་ཤིག་ཉན་པ་དང་སེམས་པ་དང་བསྒོམ་པ་ལ་སོགས་པའི་དགེ་བ་རྒྱུན་མི་གཅོད་པའོ། ། |
| བརྩོན་འགྲུས་ཀྱི་ཕར་ཕྱིན |
ཁྱད་ཆོས་བཞི་ལྡན་གྱི་སྤྲོ་བའི་སེམས་པ་དགེ་བ་ས་བོན་དང་བཅས་ཏེ། ཕྱིན་དྲུག་གི་ཡ་གྱལ་ཞིག |
| བརྩོན་འགྲུས་ཀྱི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་སྦྱོར་བ་གང་ཞིག་བརྩོན་འགྲུས་ཀྱི་ཕར་ཕྱིན་རིམ་ལྡན་དུ་སྒོམ་པའོ། ། |
| བརྩོན་འགྲུས་ཀྱི་རྫུ་འཕྲུལ་གྱི་རྐང་པ |
རྫུ་འཕྲུལ་གྱི་རྐང་པ་བཞིའི་ཡ་གྱལ་ཞིག་སྤོང་བའི་འདུ་བྱེད་དང་ལྡན་པའི་བརྩོན་འགྲུས་སོ། ། |
| བརྩོན་འགྲུས་ཀྱི་སྟོབས |
ལེ་ལོ་སོགས་ཀྱིས་མི་རྫི་བའི་སྟོབས་ཏེ་བྱང་ཕྱོགས་སོ་བདུན་གྱི་སྟོབས་ལྔའི་ཡ་གྱལ་ཞིག |
| བརྩོན་འགྲུས་གོ་ལོག |
ཚུལ་མིན་གྱི་ལས་ཀར་བརྩོན་པ། |
| བརྩོན་འགྲུས་ཉམས་པ་མི་མངའ་བ |
སེམས་ཅན་གཅིག་འབའ་ཞིག་གི་དོན་དུ་ཡང་བསྐལ་པར་བཤོས་མི་གསོལ་བར་ཆོས་སྟོན་པ་མ་འདྲེས་པ་བཅོ་བརྒྱད་ཀྱི་ནང་ཚན་ཞིག |
| བརྩོན་འགྲུས་ཡང་དག་བྱང་ཆུབ་ཀྱི་ཡན་ལག |
བྱང་ཆུབ་ཡན་ལག་བདུན་གྱི་ཡ་གྱལ་ཞིག་ངེས་པར་འབྱུང་བའི་ཡན་ལག་སོ་སོའི་སྐྱེ་བོའི་གནས་ནས་ངེས་པར་འབྱུང་ཞིང་དེ་ལས་རིང་དུ་འདའ་བར་བྱེད་པའི་བརྩོན་འགྲུས། |
| བརྩོན་འགྲུས་ལྔ |
ཡོན་ཏན་འབྱུང་བའི་རྒྱུ་བརྩོན་འགྲུས་ལྔ་གོ་ཆའི་བརྩོན་འགྲུས་དང༌། སྦྱོར་བའི་བརྩོན་འགྲུས། ཞུམ་མེད་ཀྱི་བརྩོན་འགྲུས། མི་ལྡོག་པའི་བརྩོན་འགྲུས། ཆོག་པར་མི་འཛིན་པའི་བརྩོན་འགྲུས་བཅས་སོ། ། |
| བརྩོན་སེམས |
བྱ་བར་འབད་བརྩོན་བྱེད་སེམས། (དཔེར་ན།) སློབ་སྦྱོང་ལ་བརྩོན་སེམས་ཧ་ཅང་ཆེ་ལྟ་བུ། |
| བརྫང |
(བྱེད་འབྲེལ་ལས་ཚིག) བརྫངས་པའི་མ་འོངས་པ། མགྲོན་པོ་སོགས་བསྐྱལ་བའམ་མི་མངགས་པའི་དོན་ཏེ། (དཔེར་ན།) རྒྱལ་ཁབ་ཀྱིས་བརྫང་བྱའི་ཕོ་ཉ་ཞེས་པ་ལྟ་བུ། |
| བརྫངས |
བརྫང་གི་འདས་པ། (དཔེར་ན།) ཕོ་ཉ་བརྫངས་ནས་བྱ་བ་བསྒྲུབས་ལྟ་བུ། |
| བརྫངས་ཐོ |
དངོས་ཟོག་བཏང་བའི་ཐོ། (དཔེར་ན།) དངོས་རིགས་རྣམས་བརྫངས་ཐོ་ནང་གསལ་ལྟར་རྩིས་ལེན་དགོས་རྒྱུ་ལྟ་བུ། |
| བརྫད་པ |
རྫོད་པའི་འདས་པ་དང་མ་འོངས་པ། |
| བརྫབ་པ |
རྫོབ་པའི་མ་འོངས་པ། |
| བརྫབས་པ |
རྫོབ་པའི་འདས་པ། |
| བརྫི |
རྫི་བའི་མ་འོངས་པ། (དཔེར་ན།) བརྫི་བྱའི་ཕྱེ། ཕྱེ་བརྫི་དགོས་ལྟ་བུ། |
| བརྫིས |
རྫི་བའི་འདས་པ། (དཔེར་ན།) ཕྱེ་བརྫིས་ནས་གོ་རེ་བཅོས་ལྟ་བུ། |
| བརྫུ |
རྫུ་བའི་མ་འོངས་པ། (དཔེར་ན།) ཉེན་རྟོག་པ་ཇག་པ་རྩ་མེད་དུ་གཏོང་ཆེད་ཇག་པར་བརྫུ་དགོས་པ་བྱུང་ལྟ་བུ། |
| བརྫུན |
རྫུན་གྱི་འབྲི་ཚུལ་གཞན། |
| བརྫུན་པ |
རྫུན་པ་དང་འདྲ། |
| བརྫུས |
རྫུ་བའི་འདས་པ། (དཔེར་ན།) མཁས་པ་ལྐུགས་པར་བརྫུས་ནས་མོ་ཡིས་ཕོ་ཆས་སྤྲས་ཞེས་པ་ལྟ་བུ། |
| བརྫུས་མ |
ངོ་མ་མ་ཡིན་པ་སྟེ། (དཔེར་ན།) མི་བརྫུས་མ། ཡི་གེ་བརྫུས་མ། དངོས་རྫས་བརྫུས་མ། སྐད་ཆ་བརྫུས་མ་ཞེས་པ་ལྟ་བུ། |
| བརྫུས་སྐྱེས |
རྫུས་སྐྱེས་དང་འདྲ། |
| བརྫེ |
རྫེ་བའི་མ་འོངས་པ། (དཔེར་ན།) བརྫེ་བྱའི་ཕུ་ཐུང་ཡར་བརྫེ་དགོས་ཞེས་པ་ལྟ་བུ། |
| བརྫེས |
རྫེ་བའི་འདས་། (དཔེར་ན།) ་ཕུ་ཐུང་བརྫེས་ནས་ངལ་རྩོལ་བྱེད་ལྟ་བུ། |
| བརླ |
མི་ཕྱུགས་ཀྱི་དཔྱིའི་མན་དང་པུས་མོའི་ཡན་གྱི་ལྷུའི་མིང་། (དཔེར་ན།) བརླ་རྐང་། བརླ་ཤ་ཞེས་པ་ལྟ་བུ། |
| བརླ་བར |
ལུས་ཀྱི་བརླ་གཉིས་ཀྱི་བར་མཚམས། (དཔེར་ན།) མཇུག་མ་བརླ་བར་དུ་འཇུག་པ་ལྟ་བུ། |
| བརླ་བརྙན |
(བརྡ་རྙིང་།) ཁ་སྣོན། |
| བརླ་བསྣོལ་བ |
བརླ་གཅིག་སྟེང་གཅིག་བཞག་པ། |
| བརླ་བྱུང |
(མངོན་བརྗོད།) རྗེའུ་རིགས། |
| བརླ་མཛེས |
བརླ་ཤ་དབྱིབས་མཛེས་པ། |
| བརླ་མེད |
(མངོན་བརྗོད།) 1>ཉི་མའི་ཁ་ལོ་པ། 2>སྐྱ་རེངས་ཤར་བ། |
| བརླ་ཛར |
(ཡུལ་སྐད།) ལུག་གི་བརླ་ཤའི་ཐོག་ཏུ་ཡོད་པའི་བལ་རྩུབ་ཅིང་རིང་པོ། |
| བརླ་རུས |
བརླ་ཡི་རུས་པ། |
| བརླ་རེངས |
རླུང་ནད་ཅིག |
| བརླ་རྐང |
བརླ་ཤའི་རུས་པ། |
| བརླ་ལེགས་ཟླུམ་པོ |
བརླ་ཤ་དབྱིབས་རིལ་རིལ། |
| བརླ་ཤ |
1.རྐང་པའི་བརླ་སྒང་གི་ཤ། 2.པུས་མོའི་ཡན་ཆད་དང་ཚང་རའི་མན་ཆད་ཀྱི་བར། |
| བརླ་སྐྱེས |
(མངོན་བརྗོད།) 1>རྗེའུ་རིགས། 2>རྒོད་མ་ཁའི་མེ། |
| བརླག |
རློག་པའི་མ་འོངས་པ། (དཔེར་ན།) བརླག་བྱ་ཞེས་པ་ལྟ་བུ། |
| བརླག་པ |
(བྱེད་མེད་ལས་ཚིག) འབོར་བའམ་སྟོར་བའི་དོན་ཏེ། (དཔེར་ན།) འཕྲོ་བརླག བོར་བརླག ར་ལུག་བརླགས་རྗེས་ལྷས་རར་ཉམས་གསོ་བྱེད་ཅེས་པ་ལྟ་བུ། |
| བརླག་སྟོར |
1.ཆ་མེད་དུ་གྱར་བ་སྟེ། (དཔེར་ན།) དངོས་པོ་བརླག་སྟོར་དུ་སོང་ལྟ་བུ། 2.རྐུན་མར་ཤོར་བ། (དཔེར་ན།) ཇག་རྐུན་གྱི་ལག་པར་བརླག་སྟོར་མ་ཕྱིན་པ་ལྟ་བུ། |
| བརླགས |
རློག་པའི་འདས་པ། (དཔེར་ན།) འབྲུ་རིགས་བརླགས་པ་ནི་ཉེས་སྤྱོད་ཅིག་རེད་ལྟ་བུ། |
| བརླང |
(རྒྱན་ཚིག) རྩུབ་པོའམ་གཏུམ་པོའི་དོན་ཏེ། (དཔེར་ན།) ཚིག་རྩུབ་ལ་བརླང་ཚིག་དང་། རྩུབ་སྤྱོད་ལ་བརླང་སྤྱོད་ཟེར་བ་ལྟ་བུ། |
| བརླང་པོ |
རྩུབ་པོ་དང་རྩིང་པོའམ་གྱོང་པོའི་དོན་ཏེ། (དཔེར་ན།) སྤྱོད་པ་བརླང་པོ། བསྟིང་ཚིག་བརླང་པོ། གཤིས་རྒྱུད་བརླང་ཆེ་བ་ལྟ་བུ། |
| བརླང་པོའི་སེམས |
(མངོན་བརྗོད།) ཞེ་སྡང་དང་ཁོང་ཁྲོ། |
| བརླང་མོ |
བུད་མེད་གཏུམ་མོ། |
| བརླང་ཚིག |
ཚིག་རྩུབ་པོ། |
| བརླང་སྤྱོད |
རྩུབ་སྤྱོད་དམ་མ་རུངས་པའི་སྤྱོད་པ། |
| བརླངས |
བརླང་གི་འབྲི་ཚུལ་གཞན། |
| བརླན |
(བྱེད་འབྲེལ་ལས་ཚིག) རློན་པའི་མ་འོངས་པ་དང་འདས་པ། ཆུས་རློན་པ་བྱས་པའི་དོན་ཏེ། (དཔེར་ན།) བརླན་བྱའི་ཀོ་བ། ཀོ་གྱོང་ཆུས་བརླན་ནས་མཉེ་ཞེས་པ་ལྟ་བུ། |
| བརླན་པོ |
(བརྡ་རྙིང་།) ཚུབ་ལྟས། |
| བརླབ |
རློབ་པའི་མ་འོངས་པ། (དཔེར་ན།) བྱིན་གྱིས་བརླབ་བྱ་ཞེས་པ་ལྟ་བུ། |
| བརླབ་པ |
རློབ་པའི་མ་འོངས་པའི་བྱ་མིང། |
| བརླབས |
རློབ་པའི་འདས་པ། (དཔེར་ན།) བྱིན་གྱིས་བརླབས་ལྟ་བུ། |
| བརླམ |
(བྱེད་འབྲེལ་ལས་ཚིག) མ་འོངས་པ། ཕྱི་རྐྱེན་གྱིས་བློ་སེམས་ངན་པར་བསྒྱུར་བའམ་དབང་བོ་རྨོངས་པར་བྱས་པའི་དོན་ཏེ། (དཔེར་ན།) བརླམ་བྱའི་ཡིད་ཅེས་པ་ལྟ་བུ། ད་ལྟ་བར་རློམ་དང་འདས་པར་བརླམས། སྐུལ་ཚིག་ལ་རློམས་འབྲི། (དཔེར་ན།) སེམས་རློམ་མཁན། སེམས་བརླམས་ནས་རྨོངས་པར་བྱས་ལྟ་བུ། |
| བརླིང |
རླིང་གི་མ་འོངས་པ། |
| བརླིང་པོ |
1.བརྟན་པོ་དང༌། འགྱུར་བ་མེད་པའི་དོན་ཏེ། (དཔེར་ན།) རང་བཞིན་བརླིང་པོ། གོམ་པ་བརླིང་པོ། རྣམ་འགྱུར་བརླིང་པོ། ཐབས་ཤེས་ཟབ་བརླིང་བརྟན་གསུམ་དང་ལྡན་པ། བསམ་པ་རི་བོ་ལྟར་བརྟན་པོ་དང་བརླིང་པོ་ཞེས་པ་ལྟ་བུ། 2.ཟབ་པའི་དོན་ཏེ། (དཔེར་ན།) མི་བརླིང་པོ། བློ་གྲོས་བརླིང་པོ་ཞེས་པ་ལྟ་བུ། |
| བརླིང་བ |
བརླིང་པོ་དང་འདྲ། |
| བརླིངས |
རླིང་གི་འདས་པ། |
| བརླུག་པ |
(བྱེད་འབྲེལ་ལས་ཚིག) རླུག་པའི་མ་འོངས་པ། |
| བརླུགས་པ |
(བྱེད་འབྲེལ་ལས་ཚིག) རླུག་པའི་འདས་པ། |
| བརློང |
རློང་གི་མ་འོངས་པ། |
| བརློངས |
རློང་གི་འདས་པ། |
| བལ |
སྤུའི་ནང་གསེས་ཤིག (དཔེར་ན།) ལུག་བལ། ཤིང་བལ། སྲིང་བལ། ཡུལ་བལ། བལ་འཇམ་པོ། བལ་རྩུབ་པོ། བལ་འབྲེག་པ། བལ་འབལ་བ། བལ་གསེད་པ་ཞེས་པ་ལྟ་བུ། |
| བལ |
འབལ་གྱི་འདས་པ། (དཔེར་ན།) རྩྭ་ལྡུམ་བལ་ནས་ཆུ་གཏོང་། གཡག་རྩིད་བལ་ནས་ཐག་པ་བསྒྲིལ་ལྟ་བུ། |
| བལ་ཁྲལ |
འབྲོག་དུད་ཁག་ལ་བཀལ་བའི་བལ་གྱི་སྒོ་ཁྲལ། |
| བལ་གུར |
བལ་པོ་ནས་ཐོན་པའི་གུར་གུམ། ནུས་པས་མཆིན་ཚད་སེལ། |
| བལ་གོར |
བལ་པོ་དང་གོར་ཥའི་བསྡུས་མིང༌། |
| བལ་གོས |
བལ་ལས་བཏགས་པའི་གྱོན་པ། |
| བལ་གྲི |
ལུག་དང་རའི་བལ་དང་སྤུ་འབྲེག་བྱེད་ཀྱི་གྲི། |
| བལ་གླང |
ལུས་སྟོབས་ཆེ་ལ་གོམ་སྟབས་མྱུར་བའི་གླང་ཆེན་གྱི་བྱེ་བྲག་ཅིག |
| བལ་ཅན |
(མངོན་བརྗོད།) 1>སྡོམ། 2>ལུག |
| བལ་ཊམ |
བལ་པོའི་དངུལ་ཊམ་ཀ། |
| བལ་ཏིག |
བལ་ཡུལ་དུ་སྐྱེ་བའི་ཏིག་ཏའི་རིགས་ཤིག |
| བལ་ཐག |
1.བལ་གྱིས་བཟོས་པའི་ཐག་པ། 2.བལ་དོ་འཆིང་བྱེད་ཀྱི་བལ་གཅུས། |
| བལ་དོ |
བལ་གྱི་དོ་པོའི་མིང་། (དཔེར་ན།) བལ་དོ་ལྔ་བརྒྱའི་ཐོན་སྐྱེད་བྱུང༌ལྟ་བུ། |
| བལ་དྲིལ |
བལ་ཡུལ་ནས་ཐོན་པའི་དྲིལ་བུ། |
| བལ་ནག་སྟན་གྱི་སྤང་བ |
སྤང་ལྟུང་སུམ་ཅུའི་ནང་གསེས། བལ་ནག་པོ་འབའ་ཞིག་ལས་གྲུབ་པའི་སྟན་བྱེད་པའོ། ། |
| བལ་ནད |
བལ་མོ་ཧེ་ལེ་འབར་མ་ཞེས་མ་གཅིག་དཔལ་ལྡན་ལྷ་མོའི་མཚན་གྱི་རྣམ་གྲངས་ཡིན་པས་དེས་བཏང་བར་གྲགས་པའི་འགོ་བའི་རིམས་ནད་དྲག་པོ་ཞིག་གི་མིང༌། |
| བལ་ནད |
ཕོ་བ་དང་རྒྱུ་མའི་ནད་རིགས་ཤིག་གི་མིང་། |
| བལ་པ་ཛ |
1.རྩྭ་དྲེས་མ། བལ་པ་ཛའི་ཐག་པ། 2.རྩྭ་བྱི་འཛིན། 3.རྩྭའི་བྱེ་བྲག་ཅིག |
| བལ་པོ |
ནཻ་པཱ་ལ་སྤྱི་དང་ནང་གསེས་ཀྱི་མི་རིགས་ཤིག་ལའང༌གོ། |
| བལ་པོ་གུར་ཀུམ |
བལ་ཡུལ་ནས་ཐོན་པའི་གུར་ཀུམ། |
| བལ་པོ་སེའུ |
བལ་ཡུལ་ནས་ཐོན་པའི་སེའུ་འབྲུ། (དཔེར་ན།) བལ་པོའི་སེའུ་མ་ཟོས་ཀྱང༌། ཁ་དོག་ཉིད་ལས་བྲོ་བ་ཤེས་ཞེས་པ་ལྟ་བུ། |
| བལ་པོའི་ཏོང་ཏོང |
(ཡུལ་སྐད།) སྔར་ལྷ་མོ་འཁྲབ་དུས་ཀྱི་ལག་རྔ་ཞིག |
| བལ་བ་ཛ |
བལ་པ་ཛ་དང་འདྲ། |
| བལ་བ་ཛ |
1.རྩྭ་གསེར་སྐུད་ཀྱི་མིང་། 2.རྩྭ་དྲེས་མའི་མིང་། |
| བལ་བ་རྩྭ |
བལ་པ་ཛ་དང་འདྲ། |
| བལ་བཀལ་བ |
བལ་སྐུད་བསྒྲིམས་པ་སྟེ། (དཔེར་ན།) སྔོན་ལ་བལ་བཀལ་དེ་ནས་སྣམ་བུ་བཏགས་ལྟ་བུ། |
| བལ་བུ |
ཤིང་སྨན་གྱི་རིགས་དྭ་ལིས་ལོ་སྡོང་ནུས་པས་མ་ཞུ་བ་དང༌། བད་ཀན་གྲང་ནད་སེལ། |
| བལ་མ |
བལ་ལས་བྱེད་མཁན་གྱི་བུད་མེད། |
| བལ་མོ་བཟའ |
བལ་མོ་བཟའ་ཁྲི་བཙུན་ཏེ། བལ་པོའི་རྒྱལ་པོ་འོད་ཟེར་གོ་ཆའི་སྲས་མོ། བོད་རྒྱལ་སྲོང་བཙན་སྒམ་པོའི་བཙུན་མོ་ཡིན་ལ། ཁོང་གིས་ཤིང་རྟ་ལོར་སངས་རྒྱས་ཤཱཀྱ་ཐུབ་པ་དགུང་ལོ་བརྒྱད་པའི་སྐུ་ཚད་ཇོ་བོ་མི་བསྐྱོད་རྡོ་རྗེ་དང༌། རང་བྱོན་ཙན་དན་གྱི་སྒྲོལ་མ་སོགས་སྐུ་གསུང་ཐུགས་ཀྱི་རྟེན་སོགས་རྫོངས་སྐལ་དུ་དྲངས། ལྷ་སའི་ར་ས་འཕྲུལ་སྣང་གི་གཙུག་ལག་ཁང་བཞེངས། |
| བལ་ཚི |
1.བལ་གྱི་ཞག་ཚི། 2.ལུག་གི་སྤུ་སྣ། |
| བལ་ཚོང |
1.བལ་གྱི་ཉོ་ཚོང་བྱེད་མཁན། 2.བལ་ཉོ་ཚོང༌། |
| བལ་ཟེ |
(ཡུལ་སྐད།) སྣམ་རས་སོགས་བཏགས་ཚར་རྗེས་འཇམ་པོ་བཟོ་བ་དང་སྤུ་སློང་བྱེད་ཀྱི་ཡོ་བྱད་ཅིག |
| བལ་ཟོམ |
(ཡུལ་སྐད།) བལ་ལས་བཟོས་པའི་ཟོམ་ལྷམ། |
| བལ་འཁོར |
(ཡུལ་སྐད།) བལ་གཅུས་ཏེ་བཟོས་པའི་སྒོར་སྒོར། |
| བལ་འཁྲུར་འཇུག་པའི་སྤང་བ |
སྤང་ལྟུང་སུམ་ཅུའི་ནང་གསེས། རང་གི་ཉེ་དུ་མ་ཡིན་པའི་དགེ་སློང་མ་ལ་བལ་འཁྲུད་པ་དང་རྨེལ་བ་དང་འཚོད་དུ་འཇུག་པའོ། ། |
| བལ་འདབ |
བལ་བསེད་པའི་ལིང་ལིང༌། (དཔེར་ན།) དགོས་མེད་ཀྱི་ཚིག་ཉོག་བལ་འདབ་རྡོ་གནོན་དུ་བཞག་ཅེས་པ་ལྟ་བུ། |
| བལ་འབྲེག་གི་ཁྲལ |
སྟོན་ཁ་དང་དཔྱིད་ཀར་ཞིང་བྲན་གྱིས་མངའ་བདག་གི་ལུག་བལ་འབྲེག་པའི་ཁྲལ་ཞིག |
| བལ་ཡིག |
བལ་པོའི་ཡི་གེ། |
| བལ་ཡུལ |
བལ་ཡུལ་རྒྱལ་ཁབ། |
| བལ་ཡུལ་སྐྱེས |
(མངོན་བརྗོད།) ལྡོང་རོས། |
| བལ་ཡེ |
སྣེ་མོར་སྲིན་བལ་དཀྲིས་པའི་ཤིང་བུ་སྨན་བཅོས་ཀྱི་ཡོ་བྱད་ཅིག |
| བལ་རྒྱུ |
བལ་གྱི་རྒྱུ་དག (དཔེར་ན།) བལ་རྒྱུ་བཟང་ན་སྣམ་བུ་ལེགས་ཞེས་པ་ལྟ་བུ། |
| བལ་རྦད་རྦོད |
བལ་ཕྱིང་པ་ལྟར་གྱུར་པའམ། བལ་འཕྱིངས་པའི་ཚུལ། |
| བལ་རྨེལ་བ |
བལ་གསེད་པའམ་འཁལ་བ། |
| བལ་ལས |
ལུག་བལ་འཁལ་འཐག་བྱེད་པའི་ལས་ཀ། |
| བལ་ལི |
བལ་ཡུལ་ནས་ཐོན་པའི་སྐུ་འདྲ་ལི་མ། |
| བལ་ལྡན |
(མངོན་བརྗོད།) ལུག |
| བལ་ལྷོག |
གཉན་རིམས་བལ་ནད་དང༌། ལྷོག་པ་གཉིས་ཀྱི་བསྡུས་མིང༌། |
| བལ་ཤད |
སྨྱུག་མས་བཟོས་པའི་བལ་གསེད་བྱེད། |
| བལ་སྐུད |
བལ་གྱི་སྐུད་པ་སྟེ། (དཔེར་ན།) སྣམ་བུའི་གོས་འཚེམ་བྱེད་བལ་སྐུད་ལེགས་ཤོས་རེད་ཅེས་པ་ལྟ་བུ། |
| བལ་སྒོར |
བལ་གཅུས་ཏེ་བཟོས་པའི་བལ་དོ་སྒོར་མོ། (དཔེར་ན།) ཚྭ་ཡ་བལ་གྱིས་མ་ནོན་ན། བལ་སྒོར་ཆུ་ལ་སྦང་རྒྱུ་ཡིན་ལྟ་བུ། |
| བལ་སྙིགས |
བལ་སྤུའི་ལྷད་རོ་སྟེ། (དཔེར་ན།) བལ་སྙིགས་ཀྱིས་གོས་རྒྱུ་མི་ཉན་ཞེས་པ་ལྟ་བུ། |
| བལ་སྟན |
བལ་གྱིས་བཟོས་པའི་གདན། |
| བལ་སྣ |
བལ་སྤུའི་ཚི་སྣའམ་དཀྱུས། (དཔེར་ན།) བལ་སྣ་རིང་ཐུང་ལ་བརྟེན་ནས་བཟང་ངན་དབྱེ་དགོས་ལྟ་བུ། |
| བལ་སྣམ |
ལུག་བལ་ལས་བཟོས་པའི་སྣམ་བུ། |
| བལ་སྤུ |
1. བལ་དང་སྤུ་སྟེ། (དཔེར་ན།) ལུག་གི་བལ་དང་རྟ་སྤུ་བསྲེ་མི་རུང༌ལྟ་བུ། 2.ཕྱུགས་རིགས་ཀྱི་ལུས་ལ་སྐྱེས་པའི་སྤུའི་སྤྱི་མིང༌། |
| བལ་སྦུབ |
བལ་ཡུལ་ནས་ཐོན་པའི་སྦུབ་ཆལ། |
| བལ་སླེའུ |
བལ་གྱི་ཕྱར་བའམ་སླེའུ། |
| བལྟ |
ལྟ་བའི་མ་འོངས་པ་། (དཔེར་ན།) བལྟ་བྱའི་གློག་བརྙན། གློག་བརྙན་ལ་བལྟ་རྒྱུ་ཡིན་ལྟ་བུ། |
| བལྟ་བའི་མཐའ |
(མངོན་བརྗོད།) འཆི་བའི་མིང༌། |
| བལྟ་བས་ཁོང་ཁྲོ་བ |
མཐོང་བ་ཙམ་གྱིས་ཚིག་པ་ཟ་བ། (དཔེར་ན།) ཆེ་འགྱིང་ཆེན་པོའི་མི་དེ་བལྟ་བས་ཁོང་ཁྲོ་བ་ཞིག་རེད་ཅེས་པ་ལྟ་བུ། |
| བལྟ་བས་ཆོག་མི་ཤེས་པ |
1.བལྟ་བས་ངོམས་པ་མེད་པ། (དཔེར་ན།) སྐུ་བྱད་བལྟ་བས་ཆོག་མི་ཤེས་པ་ལྟ་བུ། 2.གཟུགས་མཛེས་པ། |
| བལྟ་རྩ |
ནད་བལྟ་ཡུལ་གྱི་ལག་པའི་མཁྲིག་མའི་ཡར་ཟུར་རུས་པ་འབུར་པོའི་ངོས་ཀྱི་འཕར་རྩ་དེའོ། ། |
| བལྟ་ཤེད་ཆེན་པོ |
ཇི་ཙམ་བལྟས་ཀྱང་ཞན་དུ་མི་འགྲོ་བ། (དཔེར་ན།) ཚོང་ཁང་ཁག་ལ་ཚོང་ཟོག་བལྟ་ཤེད་ཆེན་པོ་ཚར་དུ་དངར་ནས་ཡོད་ཅེས་པ་ལྟ་བུ། |
| བལྟབ |
ལྟེབ་ཀྱི་མ་འོངས་པ། (དཔེར་ན།) ལྭ་བ་བལྟབ་དགོས། བལྟབ་བྱའི་ལྕགས་ལེབ་ཅེས་པ་ལྟ་བུ། |
| བལྟབས |
ལྡེབ་པའི་འདས་པ། (དཔེར་ན།) ལྭ་བ་བལྟབས་ནས་བཞག བལྟབས་པའི་ཤོག་གུ་ཞེས་པ་ལྟ་བུ། |
| བལྟབས་གཉེར |
བལྟབས་ཚིགས་ཡག་པོ་མ་བརྒྱབ་པའི་རྐྱེན་གྱིས་ཆགས་པའི་གཉེར་མ། |
| བལྟབས་གུག |
བལྟབས་ཚིགས་ཀྱི་རི་མོ། |
| བལྟབས་དྲིལ |
རས་སོགས་ཀྱི་སྒྲིལ་ཁ་སྟེ། (དཔེར་ན།) གོས་ཆེན་བལྟབས་དྲིལ་གཉིས། རས་ཁྲ་བལྟབས་དྲིལ་གསུམ་ལྟ་བུ། |
| བལྟབས་པ |
ལྟེབ་པའི་འདས་པ། |
| བལྟབས་མ |
ལྟེབ་ཆགས་ཀྱི་དོན་ཏེ། (དཔེར་ན།) གསུམ་བལྟབས་མ་ཞེས་པ་ལྟ་བུ། |
| བལྟབས་མཛེས |
སྟོད་ཐུང་དང༌། གོས་ཐུང་སོགས་ལ་མཛེས་ཁྱད་ཀྱི་ཆེད་དུ་བལྟབས་ཏེ་བཟོས་པའི་རི་མོ་འབུར་དོད་དམ། འབུར་རིས། |
| བལྟབས་རིལ |
1.རས་སོགས་ཀྱི་སྒྲིལ་ཁ། 2.(ཡུལ་སྐད།) པར་ཤིང་གི་སྟེང་དུ་སྣག་ཚ་བྱུགས་ནས་ཤོག་བུ་བཞག་སྟེ་སྒྲིལ་བྱེད་ཀྱི་མིང༌། |
| བལྟམ |
1.(བྱེད་མེད་ལས་ཚིག) ལྟམ་པའི་མ་འོངས་པ། 2.ལྟེམས་ཀྱི་མ་འོངས་པ། |
| བལྟམས |
1.ལྟེམས་ཀྱི་འདས་པ། (དཔེར་ན།) བང་མཛོད་འབྲུས་བལྟམས་ནས་བཞག་ལྟ་བུ། 2.ལྟམ་པའི་འདས་པ། (དཔེར་ན།) སྐུ་བལྟམས་ཞེས་པ་ལྟ་བུ། |
| བལྟས |
ལྟ་བའི་འདས་པ། (དཔེར་ན།) སུམ་རྟགས་གཞུང་ལ་བལྟས་ནས་ཡི་གེ་ཇེ་དག་ཏུ་སོང་ལྟ་བུ། |
| བལྟས་ཤིང་བལྟས་པ |
མིག་གིས་ཡང་ཡང་ངམ་རྒྱུན་རིང་བལྟས་པ། |
| བལྟོས་གྲུབ |
ཕན་ཚུན་བལྟོས་ནས་གྲུབ་པ། |
| བལྟོས་ཆོས |
བུ་ཕ་ལ་བལྟོས་ཏེ་བྱུང་བས་ན། བུ་ནི་ཕའི་བལྟོས་ཆོས་སོ། ། |
| བལྟོས་པ |
ལྟོས་པའི་འདས་པ་དང་མ་འོངས་པ། |
| བལྟོས་བཅས |
ལྟོས་བཅས་དང་འདྲ། |
| བལྟོས་མེད |
གང་ལའང་མ་བལྟོས་པ་མཐའ་གཅིག་པའམ་རང་རྐྱ་བ། |
| བལྟོས་འཇོག |
ཕ་རི་ལ་བལྟོས་ནས་ཚུ་རི་དང༌། བུ་ལ་བལྟོས་ནས་ཕ་ཞེས་འཇོག་པ། |
| བལྟོས་ས |
བུ་ཕ་ལ་བལྟོས་ཏེ་བྱུང་བས་ན། ཕ་ནི་བུའི་བལྟོས་སའོ། ། |
| བལྡག |
ལྡག་གི་མ་འོངས་པ། |
| བལྡགས |
ལྡག་པའི་འདས་པ། (དཔེར་ན།) ལྕེས་བལྡགས་ནས་ཟོས་ལྟ་བུ། |
| བལྡད |
ལྡད་པའི་མ་འོངས་པ་དང་འདས་པ། (དཔེར་ན།) བལྡད་བྱའི་ཟས། རྩམ་པ་བལྡད་ནས་ཟ་དགོས། སྐད་ཆ་བསམས་ནས་བཤད་དགོས་ལྟ་བུ། |
| བལྡབ |
ལྡབ་པའི་མ་འོངས་པ། |
| བལྡབས |
ལྡབ་པའི་འདས་པ། |
| བལྡེག་པ |
ལྡེག་པའི་མ་འོངས་པ། |
| བལྡེགས་པ |
ལྡེག་པའི་འདས་པ། |
| བཤག |
1.(བྱེད་འབྲེལ་ལས་ཚིག) བཤགས་པའི་མ་འོངས་པ། ཉེས་པ་དང་སྤྱོད་ངན་སོགས་ངོས་ཟིན་ནས་སྔོན་བྱས་ལ་འགྱོད་བཤག་བྱས་ཤིང་ཕྱིན་ཆད་མི་བྱེད་པར་ཁས་བླངས་པའི་དོན་ཏེ། (དཔེར་ན།) བཤག་བྱའི་ཉེས་པ། འགྱོད་བཤག ཉེས་པ་བཤག་དགོས་ལྟ་བུ།2.ཆུ་སོགས་འཕོ་བའི་དོན་ཏེ། (དཔེར་ན།) ཁྲུས་ཆུ་བཤགས། ཁྲུས་ཆུ་ཤོག་ཅིག་ཅེས་པ་ལྟ་བུ། |
| བཤགས་པ |
1.འཆགས་པ་དང་གཤོག་པའི་འདས་པ། 2.ལྟུང་བ་ཕྱིར་བཅོས་ཀྱི་ནང་གསེས། ཡུལ་རིགས་མཐུན་གྱི་ལྟུང་བས་མ་གོས་པའི་དགེ་སློང་གི་དྲུང་དུ་རང་རྒྱུད་ལ་ལྟུང་བས་གོས་ཤིང་དྲན་པའི་གང་ཟག་གིས་སྙིང་ནས་བཤགས་པར་འདོད་པའི་སེམས་ཀྱིས་ཕྱིར་མ་བཅོས་པའི་ཉེས་བཤགས་དང༌། བཅབས་པའི་ཉེས་བཤགས་དང༌། དངོས་གཞིའི་ཉེས་བཤགས་བཅས་རང་རང་གི་ཆོ་ག་ལྟར་སྔགས་ཚིག་ལན་གསུམ་བརྗོད་པ་དང༌། མཇུག་ཏུ་མཐོང་སྡོམ་ཐབས་ལེགས་བྱ་བ་བཅས་ཀྱི་སྒོ་ནས་ལྟུང་བ་ཕྱིར་བཅོས་བྱེད་པའོ། ། |
| བཤགས་བྱའི་ཉེས་བྱས |
དགེ་ཚུལ་གྱི་བསླབ་བྱ། བླངས་འདས་སོ་གསུམ་ལས། རྩ་བ་བཞི་མ་གཏོགས་པའི་ལྷག་མ་རྣམས་ནི་བཤགས་བྱའི་ཉེས་བྱས་ཞེས་བྱའོ། ། |
| བཤགས་རྟེན |
འགྱོད་བཤགས་བྱེད་པའི་འབུལ་རྟེན། |
| བཤགས་སྡོམ |
སྔར་ནས་བྱུང་བའི་ཉེས་པ་བཤགས་ཤིང་ཕྱིན་ཆད་སྡོམ་སེམས་བྱེད་པ། |
| བཤང |
1.བཤང་བ་སྟེ་སྐྱག་པའི་མིང་། (དཔེར་ན།) གཅིན་སྐྱག་ལ་བཤང་གཅི་ཟེར་བ་ལྟ་བུ། 2.བཤངས་པའི་མ་འོངས་པ། (དཔེར་ན།) ཤུབས་ནས་བཤང་བྱའི་གྲི་རིང་ཞེས་པ་ལྟ་བུ། |
| བཤང་གཅི |
བཤང་བ་དྲི་ཆེན་དང༌། གཅི་བ་དྲི་ཆུ་གཉིས། |
| བཤང་དྲི |
མི་གཙང་རྟུག་དྲིའམ་སྐྱག་པའི་དྲི་མ། |
| བཤང་བ |
1.གཤོང་བའི་མ་འོངས་པ། 2.དྲི་ཆེན་ནམ། སྐྱག་པ་སྟེ། (དཔེར་ན།) བཤང་བ་འབྱིན་པ། བཤང་བ་དོར་བ་ཞེས་པ་ལྟ་བུ། |
| བཤང་བ་ཟ |
(མངོན་བརྗོད།) གྲོང་གི་ཕག་པ། |
| བཤང་བ་སྦེད |
1.བྲུན་སྦེད་པར་བྱེད་པ། 2.(མངོན་བརྗོད།) 1>སྦལ་པ། 2>ཞུམ་བུ། |
| བཤང་འབུ |
1.སྐྱག་འབུ། 2.བཤང་ལམ་ལ་བརྟེན་པའི་སྲིན་བུ། |
| བཤང་འབྲུམ |
བཤང་ལམ་གྱི་ནད་རིགས་ཤིག་རྒྱ་སྐད་དུ་ཀྲི་ཁྲུང་ཟེར། |
| བཤང་ལམ |
བཤང་བ་འདོར་སའི་སྒོའམ་རྐུབ་ཀྱི་ཨི་ཁུང༌། མིང་གི་རྣམ་གྲངས་ལ་རྐུབ་དང༌། ཐུར་ལམ། འོག་སྒོ། འོག་ལམ། བཤང་བའི་སྒོ་བཅས་སོ། ། |
| བཤང་ལེན |
(མངོན་བརྗོད།) བྱི་ལ། |
| བཤང་སེང |
རྩྭ་སྨན་རིགས་ཤིག་གདུས་པའི་ཁན་དའི་མིང་སྨན་གཞུང་དུ་ཤི་རི་ཁན་ད་ཟེར་ཞིང་། རྒྱ་སྐད་དུ་ཨེར་ཁྲ་ཟེར། |
| བཤང་སྒོ |
རྐུབ་ཀྱི་ཁུང་བུ། |
| བཤངས |
བཤང་བའི་འདས་པ། (དཔེར་ན།) གྲི་རིང་བཤངས་ནས་དགྲ་ལ་འཐབ། སྐུད་པ་བཤངས་ནས་གྲུ་གུ་བསྒྲིག་ལྟ་བུ། |
| བཤད |
(བྱེད་འབྲེལ་ལས་ཚིག) འཆད་ཀྱི་མ་འོངས་པ་དང་འདས་པ། རྗོད་བྱེད་ཚིག་གིས་བརྗོད་བྱ་སྟོན་པ་སྐད་ཆ་བཤད། ཁོས་རྒྱ་སྐད་དང་བོད་སྐད་གཉིས་ཀ་བཤད་ཤེས། གཏམ་བཤད་དགོས། བཤད་བྱའི་དོན་གྱི་སྙིང་བོ་ཤོད་ལྟ་བུ། |
| བཤད་གྲྭ |
ཆོས་འཆད་ཉན་བྱེད་ཡུལ་སློབ་གྲྭ། |
| བཤད་ཉེས |
བཤད་པའི་སྐྱོན་ནམ་བཤད་ཚུལ་ལོག་པ། (དཔེར་ན།) དཔེ་ཆའི་ནང་དོན་རང་གིས་ལེགས་པར་མ་གོ་བཞིན་དུ་བརྡ་འགྲེལ་བཟོས་ན་བཤད་ཉེས་ཡོང་རྒྱུ་ཐག་ཆོད་ཅེས་པ་ལྟ་བུ། |
| བཤད་པ |
འགྲེལ་བཤད་ཀྱི་དོན་ཏེ། (དཔེར་ན།) རྟའི་བཤད་པ། སའི་བཤད་པ། གཞུང་གི་བཤད་པ་ཞེས་པ་ལྟ་བུ། |
| བཤད་ཚུལ |
བཤད་སྒྲོས། |
| བཤད་ཡམ |
1.རྩ་དོན་གཡུགས་ནས་འབྲེལ་བ་མེད་པའི་སྐད་ཆ་མང་པོ་བཤད་པ། 2.རྒྱུ་མཚན་མེད་པའི་གཏམ་སྟེ། (དཔེར་ན།) བཤད་ཡམ་དུ་འབྱམས་ཞེས་པ་ལྟ་བུ། |
| བཤད་ཡམས |
གཅིག་ནས་གཅིག་ལ་བརྒྱུད་པའི་བཤད་སྟངས་ཁུངས་མེད་དམ་བདེན་དཔང་བྱེད་མི་ཐུབ་པའི་རིགས་ཀྱི་སྤྱི་མིང་། (དཔེར་ན།) ཡིན་མིན་ཐག་གཅོད་ན་བཤད་ཡམས་ཙམ་མིན་པར་རྒྱུ་མཚན་འཐད་ལྡན་ཞིག་བཤད་དགོས་ལྟ་བུ། |
| བཤད་རབས |
སྐད་ཆ་གང་དང་གང་བཤད་ཀྱི་ལོ་རྒྱུས། |
| བཤད་རྒྱུད |
1.དཔལ་ལྡན་རྒྱུད་བཞིའི་ཡ་གྱལ་དུམ་བུ་གཉིས་པ་ལུས་དང༌། ནད། སྨན་སོགས་ཀྱི་དོན་ཐམས་ཅད་གསལ་བར་བཤད་པའི་སྐུའི་རྒྱུད་དེ་ལེའུ་སུམ་ཅུ་རྩ་གཉིས་ཡོད་པའི་སྨན་གཞུང་ཚད་ལྡན་ཞིག 2.རྡོ་རྗེ་འཆང་གིས་གསུངས་པའི་བླ་མེད་རྩ་རྒྱུད་ཀྱི་འགྲེལ་བཤད། |
| བཤད་རྒྱུད་ཀྱི་འགྲེལ་པ་བདུད་རྩིའི་ཆུ་རྒྱུན |
རབ་བྱུང་བདུན་པའི་ནང་བྱང་པ་རྣམ་རྒྱལ་གྲགས་བཟང་གིས་མཛད་པའི་བཤད་རྒྱུད་ཀྱི་འགྲེལ་པ་ལེགས་བཤད་རྨད་དུ་བྱུང་བ་ཞིག |
| བཤད་རྒྱུད་ཀྱི་འགྲེལ་པ་ལེགས་བཤད་ནོར་བུ |
རབ་བྱུང་བརྒྱད་པའི་ནང་བྱང་པ་བཀྲ་ཤིས་དཔལ་བཟང་གིས་མཛད་པའི་བཤད་རྒྱུད་ཀྱི་འགྲེལ་པ་ཞིག |
| བཤད་རྒྱུན |
ངག་རྒྱུན་ནམ་ཟེར་སྒྲོས། (དཔེར་ན།) གནའ་བོའི་བཤད་རྒྱུན་ལ་བདེན་མིན་སྣ་ཚོགས་ཡོད་པས་ཞིབ་དཔྱད་བྱེད་དགོས་ལྟ་བུ། |
| བཤད་སྒྲུབ |
ཆོས་འཆད་པ་དང་ཉམས་སུ་ལེན་པའི་དོན་ཏེ། (དཔེར་ན།) བཤད་སྒྲུབ་དར་རྒྱས་བྱུང་ལྟ་བུ། |
| བཤད་སྒྲོས |
མི་ཞིག་གིས་བཤད་པའི་སྐད་ཆའི་གནད་ཀྱི་དོན་པོ་ཐོར་བཀོད་པའམ་གཅིག་ནས་གཅིག་ལ་བརྒྱུད་པའི་ཚིག་གི་མིང་། (དཔེར་ན།) བོད་སྨན་གྱི་བཤད་སྒྲོས་ལ་བྱང་ཟུར་གྱི་བཤད་སྒྲོས་མི་འདྲ་བ་གཉིས་ཡོད་ལྟ་བུ། |
| བཤད་སྦྱངས |
གསེད་འགྲོལ་ལམ་འགྲེལ་བཤད། |
| བཤད་སྦྱར |
གོ་དཀའ་བ་དང་དོན་ཟབ་པའི་རྩོམ་པ་སོགས་ལ་བཤད་པ་རྒྱག་པའི་སློབ་ཁྲིད་ཀྱི་ཐབས་ཤིག་གི་མིང་། (དཔེར་ན།) དགེ་རྒན་གྱིས་སུམ་རྟགས་རྩ་བར་བཤད་སྦྱར་གནང་ལྟ་བུ། |
| བཤད་སྲོལ |
བཤད་པའི་ལུགས་སྲོལ། |
| བཤན་ཁང |
སེམས་ཅན་གསོད་སའི་ཁང་པ། |
| བཤན་གྲི |
སེམས་ཅན་གསོད་བྱེད་ཀྱི་མཚོན། |
| བཤན་གྲིབ |
སྔར་གྱི་ཟེར་སྲོལ་ལྟར་སེམས་ཅན་གསོད་པའི་བཙོག་གྲིབ། |
| བཤན་ཆས |
ལྷ་མོ་འཁྲབ་དུས་ཀྱི་བཤན་པའི་ཆས་གོས། |
| བཤན་པ |
1.སྲོག་གཅོད་ཀྱི་ལས་འབའ་ཞིག་བྱེད་མཁན། 2.(ཡུལ་སྐད།) ཀྱོག་མིན་དྲང་བ། (དཔེར་ན།) སྐུ་གཟུགས་བཤན་པ་མདའ་སྨྱུག་འདྲ་ཞེས་པ་ལྟ་བུ། |
| བཤན་པ་ལག་དམར |
1.རང་གིས་ལག་བདར་ཏེ་མི་གསོད་མཁན། 2.རྒྱུན་དུ་སེམས་ཅན་གསོད་མཁན་ལག་རྩལ་པ། |
| བཤན་པོ |
(ཡུལ་སྐད།) 1>ཀྱོག་མིན་དྲང་བ། (དཔེར་ན།) ཐིག་བཤན་པོ་ཞིག་འབྲི་བ། ལམ་བཤན་པོ་ཞེས་པ་ལྟ་བུ། 2>འཕེན་རྩལ་ཡག་པོའི་དོན་ཏེ། (དཔེར་ན།) རྡོ་བཤན་པོ་འཕངས་པ། མདའ་རྩལ་བཤན་པོ་ཞེས་པ་ལྟ་བུ། |
| བཤན་བུ |
བཤན་པའི་བུ་ཕྲུག |
| བཤན་མོ |
(ཡུལ་སྐད།) ཀྱོག་པོ་དང་དགྱེ་སྒུར་མེད་པ། |
| བཤམ |
(བྱེད་འབྲེལ་ལས་ཚིག) བཤམས་པའི་མ་འོངས་པ། དངོས་རྫས་རིགས་གནས་ངེས་ཅན་དུ་ལེགས་པར་བསྒྲིགས་པའི་དོན་ཏེ། (དཔེར་ན།) ཚོང་རྫས་རྣམས་ལེགས་པར་བཤམ་དགོས། བཤམ་བྱའི་ཚོང་རྫས་ཞེས་པ་ལྟ་བུ། |
| བཤམས |
བཤམ་པའི་འདས་པ། (དཔེར་ན།) རིག་རྫས་བཤམས་ནས་ཀུན་ལ་བསྟན་ཞེས་པ་ལྟ་བུ། |
| བཤམས་མ |
བཤམ་པའི་དངོས་པོ། |
| བཤའ |
(བྱེད་འབྲེལ་ལས་ཚིག) བཤས་ཀྱི་མ་འོངས་པ་དང་ད་ལྟ་བ། ཤ་པགས་ཀྱི་ཆེད་དུ་སྒོ་ཕྱུགས་སོགས་གསོད་པའི་དོན་ཏེ། (དཔེར་ན།) བཤའ་ལུག ཕག་བཤའ་ཞེས་པ་ལྟ་བུ། |
| བཤའ་གྲི |
སེམས་ཅན་གསོད་བྱེད་ཀྱི་གྲི། |
| བཤའ་དཀར |
གཤའ་ཚེ་དཀར་པོ་དང་འདྲ། |
| བཤའ་ནག |
བཤའ་ཚེ་ནག་པོའི་བསྡུས་ཚིག |
| བཤའ་ཚེ |
1.ཏི་ཚ། 2.ཞ་ཉེ། (དཔེར་ན།) བཤའ་ཚེའི་སྣོད། 3.གཤའ་ཚེ་ཡི་འབྲི་ཚུལ་གཞན། |
| བཤའ་ཚེ་དཀར་པོ |
ཞ་ཉེ་དཀར་པོ། |
| བཤའ་ཚེ་ནག་པོ |
ཞ་ཉེ་ནག་པོ། |
| བཤའ་རྒྱུ |
གཡག་ལུག་ཕག་པ་སོགས་ཤའི་ཆེད་དུ་གསོད་རྒྱུའི་སེམས་ཅན། |
| བཤའ་རྡོ |
ཞ་ཉེ་དཀར་པོའི་རྡོ། |
| བཤའ་ལུག |
གསད་བྱའི་ལུག |
| བཤར |
གཤར་བའི་མ་འོངས་པ་དང་འདས་པ། (དཔེར་ན།) མི་མང་ལམ་ལ་བཤར་རྒྱུ་རེད། བཤར་ནས་སོང་ལྟ་བུ། |
| བཤར་བ |
1.གཤར་བའི་འདས་པའི་བྱ་མིང། 2.ཚད་འཇལ་བའི་དོན་དུ་གོ་བའི་གཤོར་བའི་འདས་པ་དང་མ་འོངས་པ། |
| བཤར་མ |
གཤོར་འཇལ་ཟིན་པའི་འབྲུ་རིགས། |
| བཤར་སྒོམ |
དམིགས་པ་རེ་རེ་བཞིན་ཡིད་ལ་ཤར་དུ་བཅུག་སྟེ་སྒོམ་པའམ་ཡིད་བཤར་བྱེད་བཞིན་སྒོམ་པ། |
| བཤར་སྦྱང |
ཚིག་དོན་ལ་འདྲིས་ཐབས་ཀྱི་སྦྱོང་བརྡར། |
| བཤལ |
1.(བྱེད་འབྲེལ་ལས་ཚིག) གཤལ་གྱི་འདས་པ། (དཔེར་ན།) ཆུས་བཤལ་ནས་དྲི་མ་དག་ལྟ་བུ།2.འདྲུད་པ་དང་འཐེན་པའི་དོན་ཏེ། (དཔེར་ན།) རྨོས་རོལ་ལ་ཤ་ལས་བཤལ་བ། བྱ་རྒོད་ཀྱིས་རྟ་རོ་ཕར་ཚུར་བཤལ་བ་ཞེས་པ་ལྟ་བུ།3.(བྱེད་མེད་ལས་ཚིག) འབྱང་བའི་དོན་ཏེ། (དཔེར་ན།) གྲོད་པ་བཤལ་བ་ཞེས་པ་ལྟ་བུ། |
| བཤལ་ཐག |
བཤལ་ལ་འདྲུད་བྱེད་ཐག་པ། |
| བཤལ་ནད |
གྲོད་ཁོག་བཤལ་བའི་ནད། |
| བཤལ་འདྲུད |
ས་ལ་བཤལ་བཞིན་དུ་འདྲུད་པའི་ཚུལ་ཏེ། (དཔེར་ན།) འཐེང་བོའི་ལུས་སྨད་བཤལ་འདྲུད་རྒྱག་གིན་རྒྱག་གིན་འགྲོ་ལྟ་བུ། |
| བཤལ་འཕྱེ |
དྲུད་ནས་འགྲོ་བ་འཕྱེ་བོའི་འགྲོས་སམ་འཐེང་བོའི་འགྲོས་ཟེར་བ་ལྟར་ལུས་སྨད་ས་ལ་བཤལ་བཞིན་དུ་འགྲོ་བ། |
| བཤལ་རིམས |
གྲོད་ཁོག་བཤལ་བའི་རིམས་ནད་ཅིག |
| བཤལ་ལ |
(ཡུལ་སྐད།) ས་ཁོད་སྙོམས་བྱེད་པའི་ཞིང་ལས་ཡོ་བྱད་ཅིག |
| བཤལ་སྐོར |
སོན་བཏབ་ཟིན་ནས་ཞིང་ས་ཁོད་སྙོམས་བཟོ་བ། |
| བཤལ་སྐོར་འདྲུད་པ |
བྱིངས་མ་བསྙལ་ནས་བཤལ་སྐོར་རྒྱག་པ། (དཔེར་ན།) ཞིང་ཁར་སོན་བཏབ་ཟིན་ནས་བསྐྱར་དུ་བཤལ་སྐོར་འདྲུད་ཅེས་པ་ལྟ་བུ། |
| བཤལ་སྨན |
གྲོད་ཁོག་བཤལ་བྱེད་ཀྱི་སྨན། |
| བཤས |
བཤའ་བའི་འདས་པ། (དཔེར་ན།) ལུག་བཤས་ནས་པགས་པ་བཤུས། བཤས་ཤ་ཞེས་པ་ལྟ་བུ། |
| བཤས་ཁང |
སེམས་ཅན་གསོད་སའི་ཁང་པ། |
| བཤས་གྲི |
སེམས་ཅན་གསོད་བྱེད་ཀྱི་གྲི། |
| བཤས་པ |
1.བཤའ་བའི་འདས་པ། 2.ཤན་པ་དང་དོན་གཅིག |
| བཤས་ར |
སྐམ་ལུག་ཕག་པ་སོགས་བཤའ་སའི་གནས་ཀྱི་མིང་། |
| བཤས་ལུག |
གསོད་རྒྱུའི་ལུག |
| བཤིག |
1.འཇིག་གི་འདས་པ། 2.འཇིག་གི་མ་འོངས་པར་བཤིག་འབྲི་བའང་ཡོད། |
| བཤིགས |
1.(བྱེད་འབྲེལ་ལས་ཚིག) འོ་མ་བསྲུབས་ནས་མར་བཏོན་པའི་དོན་ཏེ། (དཔེར་ན།) འོ་མ་བཤིགས་ཞེས་པ་ལྟ་བུ། 2.འཇིག་གི་འདས་པ་ལ་བཤིགས་འབྲི་བའང་ཡོད། |
| བཤིབ |
གཤིབ་པའི་མ་འོངས་པ། (དཔེར་ན།) བཤིབ་བྱའི་དངོས་རྫས། བཤིབ་པར་བྱ་ལྟ་བུ། |
| བཤིབས |
གཤིབ་པའི་འདས་པ། (དཔེར་ན།) དཔུང་གདང་བཤིབས་ནས་དགྲ་ལ་འཐབ། བཟང་ངན་བཤིབས་ནས་ཤེས་ལྟ་བུ། |
| བཤུ |
1.བཤུས་པའི་མ་འོངས་པ། (དཔེར་ན།) བཤུ་བྱའི་པགས་པ་བཤུ་དགོས་ཞེས་པ་ལྟ་བུ།2.མ་དཔེ་ལྟར་འབྲི་བ། (དཔེར་ན།) མ་ཡིག་ལ་བརྟེན་ནས་བཤུས་པ། དཔེ་ཆ་བཤུ་བ་ལྟ་བུ། |
| བཤུ་གཞོག |
ཐོན་སྐྱེད་རྒྱུ་ཆ་སྒེར་གྱིས་བདག་ཏུ་བཟུང་བའི་དབང་ཆ་དང་། ཆབ་སྲིད་ཐོག་གི་དབང་ཆ་དམིགས་བསལ་ཅན་ལ་བརྟེན་ནས་གཞན་གྱི་ངལ་རྩོལ་དང་ཐོན་རྫས་སོགས་རིན་དང་གླ་མེད་པར་བེད་སྤྱད་པའི་བྱ་སྤྱོད་ཀྱི་མིང་། |
| བཤུ་གཞོག་གྲལ་རིམ |
གྲལ་རིམ་ཡོད་པའི་སྤྱི་ཚོགས་ནང་དུ་ཐོན་སྐྱེད་རྒྱུ་ཆས་བདག་གིར་བཟུང་སྟེ་གྲལ་རིམ་གཞན་དག་ལ་བཤུ་གཞོག་གཏོང་མཁན་གྲལ་རིམ་དཔེར་ན་བྲན་གཡོག་བདག་པོའི་གྲལ་རིམ་དང༌། ཞིང་བདག་གྲལ་རིམ། འབྱོར་ལྡན་གྲལ་རིམ་ལྟ་བུ། |
| བཤུག་པ |
1.ཤུག་པའི་མ་འོངས་པ། 2.(བརྡ་རྙིང་།) བསླང་བ། སློང་མོ་བཤུག་པ། |
| བཤུགས་པ |
ཤུག་པའི་འདས་པ། |
| བཤུང |
(བྱེད་འབྲེལ་ལས་ཚིག) བཤུངས་ཀྱི་མ་འོངས་པ་དང་ད་ལྟ་བ། ཚིག་གིས་དམའ་འབེབ་དང་སྨད་པའི་དོན་ཏེ། (དཔེར་ན།) དམངས་དོན་བསྒྲུབས་པར་བཤུང་མཁན་སུ་ཞིག་ཡོད་ལྟ་བུ། |
| བཤུངས |
བཤུང་བའི་འདས་པ་དང་སྐུལ་ཚིག (དཔེར་ན།) ཐུན་མོང་གི་རྒྱུ་ནོར་བརླགས་པ་ལ་ཀུན་གྱིས་བཤུངས་ལྟ་བུ། |
| བཤུད |
གཤུད་ཀྱི་འདས་པ་དང་སྐུལ་ཚིག (དཔེར་ན།) ལག་པ་རྡོས་བཤུད་ལྟ་བུ། |
| བཤུབ |
ཤུབ་ཀྱི་མ་འོངས་པ། |
| བཤུབས |
ཤུབ་ཀྱི་འདས་པ། |
| བཤུམ |
ཤུམ་གྱི་མ་འོངས་པ། |
| བཤུམ་པ |
(བྱེད་མེད་ལས་ཚིག) ངུ་བའི་ཞེ་ས། |
| བཤུམས |
ཤུམ་གྱི་འདས་པ། |
| བཤུར |
གཤུར་གྱི་མ་འོངས་པ་དང་འདས་པ། (དཔེར་ན།) བཤུར་བྱའི་ཤིང་སྡོང་། ལ་ཕུག་བཤུར་ནས་ཉི་མར་སྐེམ། ས་བཤུར་ནས་ས་ཞིང་ལས་ལྟ་བུ། |
| བཤུར་མ |
ཤུར་མ་དང་འདྲ། |
| བཤུལ |
1.འགྲོ་སའི་ལམ་གྱི་དོན་ཏེ། (དཔེར་ན།) ལམ་བཤུལ། བཤུལ་ཐག་རིང་པོ། བཤུལ་ཕྱུང་བ། བཤུལ་སེལ་བ། བཤར་གྲངས་མང་བས་བཤུལ་ཆགས་པ། བཤུལ་ལམ་རིང་པོར་ངལ་དུབ་ཆེ་ལྟ་བུ། 2.རྒྱབ་གཞུང་ངམ་སྒལ་པའི་མིང། (དཔེར་ན།) བཤུལ་ཤ། བཤུལ་ཚིལ་ལྟ་བུ། |
| བཤུལ་ཀ |
བཤུལ་དང་འདྲ། |
| བཤུལ་ཁ |
བཤུལ་དང་འདྲ། |
| བཤུལ་ཆག |
སྲོག་ཆགས་རྨིག་པ་ཟླུམ་པོ་ཅན་རྟ་བོང་སོགས་ཀྱི་སྤྱི་མིང་། |
| བཤུལ་བ |
ལུས་ཀྱི་རྒྱབ་ངོས་ཏེ། (དཔེར་ན།) རྒྱབ་ན་བ་ལ་བཤུལ་བ་ན་ཟེར་བ་ལྟ་བུ། |
| བཤུལ་ཚིལ |
སྒལ་གཞུང་གི་ཤའི་ཚིལ་བུ། |
| བཤུལ་རིང |
ལམ་ཐག་རིང་པོའི་དོན་ཏེ། (དཔེར་ན།) མི་རྟག་སྒྱུ་མའི་གྲོང་ཁྱེར་ན། བཤུལ་རིང་མགྲོན་པོ་སྙིང་རླུང་ལངས་ལྟ་བུ། |
| བཤུལ་རྒྱགས |
ལམ་དུ་བེད་སྤྱོད་རྒྱུའི་བཟའ་ཆས། |
| བཤུལ་ལམ |
འགྲོ་སའི་ལམ་ཏེ། (དཔེར་ན།) བཤུལ་ལམ་ཐོག་འགྲུལ་པ་འགྲོ་མཁན་རྒྱུན་མི་འཆད་ཅེས་པ་ལྟ་བུ། |
| བཤུལ་ཤ |
1.རྒྱབ་གཞུང་གི་ཤ། 2.བརླའི་ཤ་སྟེ། (དཔེར་ན།) རྟ་རྒོད་བཤུལ་ཤ་བྱང་བྱང་བརྒྱུགས་ཞེས་པ་ལྟ་བུ། |
| བཤུལ་སེལ |
འཚང་ཁ་བཤང་མཁན་ནམ་ལམ་ཐོག་ལ་ཡོད་པའི་འགོག་རྐྱེན་མེད་པར་བཟོ་མཁན། |
| བཤུས |
1.བཤུ་བའི་འདས་པ། (དཔེར་ན།) སིལ་ཏོག་ཤུན་པ་བཤུས་ནས་ཟོས་ཞེས་པ་ལྟ་བུ། 2.སྔར་གྱི་མ་དཔེ་ལྟར་བྲིས་པའི་དོན་ཏེ། (དཔེར་ན།) པར་བཤུས་ནས་བྲིས། ཚིག་འདི་མ་དཔེ་ལས་ཇི་མ་ཇི་བཞིན་བཤུས་པ་ཡིན་ལྟ་བུ། |
| བཤུས་དེབ |
མ་དཔེ་གཞན་ནས་བཤུས་པའི་དེབ། |
| བཤུས་བཅད་རྨ |
བློ་བུར་མདའ་རྡོ་གྲི་མདུང་རྭ་ཤིང་མཆེ་བ་མེ་སོགས་ཕོག་པ་ལས་བྱུང་བའི་རྨ་རིགས་བརྒྱད་ཀྱི་ནང་ཚན་པགས་པ་བཤུས་པའི་རྨ་དང༌། ཤ་འཕྲེད་ལ་བཅད་པའི་རྨ་སྟེ་གཉིས་སོ། ། |
| བཤུས་བྲིས |
མ་དཔེ་གཞན་ནས་བཤུས་པའི་ཡི་གེའམ་རི་མོ། |
| བཤུས་མ |
མ་དཔེ་ངོ་མ་མིན་པའི་བྲིས་མ། |
| བཤུས་ཡིག |
མ་དཔེ་ནས་བཤུས་པའི་ཡི་གེ། |
| བཤེད |
(བྱེད་འབྲེལ་ལས་ཚིག) མེ་ལ་ལྡེས་ནས་ངར་དུ་བཅུག་པའི་དོན་ཏེ། (དཔེར་ན།) ལྕུག་མ་མེ་ལ་བཤེད་ནས་བཀུག དབྱུག་འཁྱོག་མེར་བཤེད་ནས་བསྲིང་ལྟ་བུ། |
| བཤེར |
(བྱེད་འབྲེལ་ལས་ཚིག) གཤེར་གྱི་འདས་པ། བསམ་བློ་ཞིབ་མོ་བཏང་ཞིང་བརྟག་དཔྱད་ཡང་ཡང་བྱས་པའི་དོན་ཏེ། (དཔེར་ན།) གྱོད་གཞི་ཞིབ་ཏུ་བཤེར་ནས་ཐག་བཅད་ལྟ་བུ། |
| བཤེར་ཁང |
དགའ་ལྡན་ཕོ་བྲང་སྐབས་ཁ་མཆུའི་སྐོར་བདེན་རྫུན་དག་བཤེར་བྱེད་སའི་ལས་ཁུངས་ཤིག |
| བཤེར་ཁྲ |
ཕན་ཚུན་གྱི་རྩོད་གླེང་ཐག་གཅོད་བྱས་ཚར་བའི་དཔྱད་མཚམས་ཡི་གེ། |
| བཤེར་གཟུང |
གང་ས་གང་ལ་བཙལ་ནས་འཛིན་བཟུང་བྱས་པ། |
| བཤེར་དཔང |
ཞལ་ལྕེ་གཅོད་པ་པོའམ་ཁ་མཆུའི་དཔང་པོའམ་བཤེར་ཁང་གི་འགོ་བྱེད། |
| བཤེར་བ |
ཤེར་བའི་འདས་པ་དང་མ་འོངས་པའི་བྱ་མིང། |
| བཤེར་བློན |
བདེན་རྫུན་དག་བཤེར་བྱེད་མཁན་གྱི་ལས་བྱེད་མི་སྣ། |
| བཤེར་ཚག |
སྐད་ཆ་ཞིབ་ཚགས། |
| བཤེར་འཚོལ |
ཞིབ་བཤེར་བྱས་ནས་འཚོལ་བ། |
| བཤེར་རྒྱག |
གྱོད་ཡ་ཕན་ཚུན་ཁ་ཤགས་རྩོད་བཤེར་རྒྱག་པ། |
| བཤེར་ལེན |
1.ཁ་མཆུ་རྒྱག་མིའི་ས་ནས་ཞུ་ཚིག་ལེན་པ། 2.དངུལ་སོགས་གྲངས་ཀ་བཤེར་བ་དང་ལེན་པ། |
| བཤེས |
(རྒྱན་ཚིག) མཐུན་པའམ་ཤ་ཚ་བའི་དོན་ཏེ། (དཔེར་ན།) མཛའ་ཞིང་བཤེས་པ། མཛའ་བཤེས་ཀྱི་འཐབ་གྲོགས། གཉེན་བཤེས་ཞེས་པ་ལྟ་བུ། |
| བཤེས་གཉེན |
1.ཕན་པ་བསྒྲུབས་པའི་གཉེན་ཉེ་དུ་དང་གྲོགས་པོ་སོགས་ཀྱི་སྤྱི་མིང་། 2.དགེ་རྒན་གྱི་ཞེ་ས། |
| བཤེས་གཉེན་གྱི་མཚན་ཉིད་བཅུ |
ཐེག་ཆེན་དགེ་བའི་བཤེས་གཉེན་གྱི་མཚན་ཉིད་བཅུ་སྟེ་ལྷག་པ་ཚུལ་ཁྲིམས་ཀྱི་བསླབ་པས་དུལ་བ་དང༌། ལྷག་པ་ཏིང་ངེ་འཛིན་གྱི་བསླབ་པས་ཞི་བ། ལྷག་པ་ཤེས་རབ་ཀྱི་བསླབ་པས་ཉེ་བར་ཞི་བ། ལུང་གི་ཡོན་ཏན་གྱིས་ཕྱུག་པ། སྟོད་པ་ཉིད་རྟོགས་པ། སློབ་མ་ལས་ཡོན་ཏན་ལྷག་པ། སྨྲ་མཁས་པ། བརྩེ་བ་དང་ལྡན་པ། བརྩོན་འགྲུས་དང་ལྡན་པ། སྐྱོ་ངལ་སྤངས་པ་སྟེ་བཅུ། |
| བཤེས་གཉེན་ངན་པ |
ལམ་ནོར་ལ་འཁྲིད་མཁན་གྱི་སྟོན་པ་ངན་པའམ་གྲོགས་ངན་པའམ་དགེ་རྒན་ངན་པ། |
| བཤེས་གཉེན་ཆེན་པོ |
1.དགེ་བའི་ལམ་སྟོན་མཁན། 2.སངས་རྒྱས་ཤིག་གི་མཚན། |
| བཤེས་གཉེན་དམ་པ |
དགེ་བའི་ལམ་སྟོན་མཁན་བཟང་པོ། |
| བཤེས་གཉེན་ཕུན་སུམ་ཚོགས་པ |
ཡོན་ཏན་ཐམས་ཅད་ཚང་བའི་དགེ་རྒན། |
| བཤེས་གཉེན་བཟང་པོ |
1.གྲོགས་བཟང་པོ། 2.ཆོས་སྟོན་མཁན། 3.སངས་རྒྱས་ཤིག་གི་མཚན། |
| བཤེས་གཉེན་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས་ས་བདུན་པ་བའི་རྒྱུད་ཀྱི་ཐབས་ཀྱི་ཕར་ཕྱིན་དང་ལྡན་པའི་སེམས་བསྐྱེད་ནི་སྙིང་རྗེ་དང་ཐབས་མཁས་པས་འབྱོར་རྒུད་ཀྱི་གནས་སྐབས་ཐམས་ཅད་དུ་སེམས་ཅན་གྱི་དོན་ཡོངས་སུ་མི་གཏོང་བས་ན་དགེ་བའི་བཤེས་གཉེན་ལྟ་བུའོ། ། |
| བཤེས་ངོ |
དགའ་པོ་ཉེ་པོ་ལ་བལྟས་ནས་ལས་ཀ་བྱས་པ་སྟེ། (དཔེར་ན།) སྔར་ཡོད་བཤེས་ངོར་མི་བརྩི་བ། དགའ་གྲོགས་ཀྱི་བཤེས་ངོར་མཐུན་འཇུག་བྱེད་ཅེས་པ་ལྟ་བུ། |
| བཤེས་ངོར་འཕྱས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་གྱི་བྱ་བ་བྱས་པའི་དགེ་སློང་ལ་སྤྱི་རྫས་ལས་རུང་བ་ཚད་ལྡན་གྱི་ཡོ་བྱད་ཅུང་ཟད་བྱིན་པ་ལ་མ་བཟོད་པར་དགེ་འདུན་གྱི་རྫས་གང་ཟག་ལ་བཤེས་ངོར་བྱས་ནས་སྦྱིན་ནོ་ཞེས་འཕྱས་ཤིང་སྐུར་བ་འདེབས་པའོ། ། |
| བཤེས་པའི་སྤྲིང་ཡིག |
བཤེས་སྤྲིངས་དང་དོན་གཅིག |
| བཤེས་སྤྲིངས |
མཛའ་བཤེས་ལ་སྤྲིངས་པའི་ཡི་གེ་མགོན་པོ་ཀླུ་སྒྲུབ་ཀྱིས་མཛའ་བཤེས་རྒྱལ་པོ་བདེ་སྤྱོད་བཟང་པོ་ལ་གནང་བའི་འཕྲིན་ཡིག |
| བཤོ |
(བྱེད་འབྲེལ་ལས་ཚིག) བཤོས་པའི་མ་འོངས་པ་དང་ད་ལྟ་བ། འཁྲིག་སྦྱོར་གྱི་བརྡ་རྙིང་། འདས་པ་དང་སྐུལ་ཚིག་ལ་བཤོས་འབྲི། |
| བཤོགས |
འཆགས་པའི་སྐུལ་ཚིག |
| བཤོར |
1.གཤོར་བའི་མ་འོངས་པ་དང་འདས་པ། (དཔེར་ན།) བཤོར་བྱའི་རི་དྭགས། རི་དྭགས་བཤོར་ནས་ཤ་པགས་བླངས་ལྟ་བུ། 2.མཛེས་རྒྱན་སོགས་སྤྲས་པའི་བྱ་སྤྱོད་ཀྱི་མིང་། (དཔེར་ན།) གཞོན་ནུ་ཚོས་བཤོར་བྱས་ནས་མགྲོན་པོ་བསུས་ལྟ་བུ། |
| བཤོར་པོ |
བཤོར་བྱས་པའི་མི། |
| བཤོལ |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ) 1>ཕྱི་སྣུར་དང་དུས་བསྒྱངས་པའི་དོན་ཏེ། (དཔེར་ན།) ཁོ་རང་གིས་བྱ་བ་ཕྱིར་མ་བཤོལ་བར་བསྒྲུབས། དཔའ་བོ་ཕྱི་ལ་མ་བཤོལ་བར་དགྲ་ལ་འཐབ་ལྟ་བུ། འདས་སྐུལ་ལ་ད་དྲག་ཡོད། འདས་པ་དང་སྐུལ་ཚིག་ལ་བཞོལ་འབྲི་བའང་ཡོད། 2>ཐོག་ནས་མར་འབབ་པ་སྟེ། (དཔེར་ན།) རྟ་ལས་བཤོལ། ཆིབས་བཤོལ་ནས་ཞབས་ཐང་ལ་ཕེབས་ལྟ་བུ། |
| བཤོལ་པོ་ཟླ་ཕྱེད |
ཉི་སྐར་ཉེར་གསུམ་དང་ཆུ་ཚོད་སོ་གཉིས་སམ་སྤྱི་ཟླ་གསུམ་པའི་ཚེས་དགུ་སྐོར་ནས་ཞག་བཅོ་ལྔ་རིང་ལ་བཤོལ་པོ་ཟླ་ཕྱེད་ཅེས་ལྷ་ས་དང་ཡར་ཀླུང་ཁུལ་དུ་བརྩི་སྲོལ་ཡོད། བཤོལ་པོ་ནི་སྦྱར་དཀར་ཡིན་པ་དང་དེ་དུས་དེ་ལ་སྦྱར་ཚིའམ་མྱུ་གུ་ཐོན་པའི་སྒང་ཡིན། |
| བཤོལ་མ |
1.ཆང༌། 2.ཕྱིར་འགྱངས་ཀྱི་དོན་ཏེ། (དཔེར་ན།) བཤོལ་མ་བཏབ་པ། ང་རང་འགྲོ་རྒྱུར་ཐག་བཅད་ཟིན་པ་ཡིན་རུང་ཁྱེད་ཀྱིས་བཤོལ་མ་ཐེངས་མང་བཏབ་དོན་ལྟར་མ་ཐོན་པར་བསྡད་ཡོད་ཅེས་པ་ལྟ་བུ། |
| བཤོལ་ཟླ |
ཟླ་ལྷག |
| བཤོལ་འདེབས |
བྱེད་པར་ཐག་བཅད་པའམ་བྱེད་ཀྱིན་ཡོད་པའི་བྱ་བ་ཕྱི་ནུར་དང་། མི་བསྒྲུབ་པར་གཞན་ལ་སྐུལ་མ་བྱེད་པའི་དོན་ཏེ། (དཔེར་ན།) སློབ་སྦྱོང་ལ་བཤོལ་མ་འདེབས་ལྟ་བུ། |
| བཤོལ་ལྡན |
(མངོན་བརྗོད།) རྩངས་པ། |
| བཤོལ་ལྡན་མཉེས |
(མངོན་བརྗོད།) ཆང༌། |
| བཤོས |
1.བཤའ་བའི་སྐུལ་ཚིག 2.ཟས་ཀྱི་ཞེ་ས། (དཔེར་ན།) ལྷ་བཤོས། བཤོས་བསོད་པ། བཤོས་འདྲེན་བསུ་བ་རྒྱ་ཆེན་པོ་བྱས་ལྟ་བུ།3.(བརྡ་རྙིང་།) འཁྲིག་པ། |
| བཤོས་བུ |
ཟས་ཀྱི་རྡོག་པོ་ཆུང་ངུའི་མིང་། |
| བཤོས་ཞིང |
བཟའ་བྱའི་འབྲུ་སྣ་སྐྱེ་རུང་བའི་ཞིང༌། (དཔེར་ན།) བཤོས་ཞིང་ཡོད་ཚེ་བདག་པོ་མེད། བདག་པོ་སླེབ་ཚེ་འཇག་སྐྱ་འཕྱུར་ལྟ་བུ། |
| བས |
1.རྗེས་འཇུག་ང་འ་ར་ལ་ཅན་གྱི་ལས་ཚིག་འདས་པ་དང་རྒྱན་ཚིག་གི་མཐར་སྦྱར་ན་ཚིག་སྔ་ཕྱིའི་བར་གྱི་རྒྱུ་འབྲས་ཀྱི་འབྲེལ་བ་དང་རྒྱུ་མཚན་དང་རྒྱུ་མཚན་ཅན་གྱི་འབྲེལ་བ། རིགས་པས་སྒྲུབ་བྱེད་ཀྱི་འབྲེལ་བ་སོགས་སྟོན་ཏེ། (དཔེར་ན།) ཤིང་སྡོང་འདི་ཧ་ཅང་རིང་བས། ཀ་བ་བྱེད་ཆོག ད་ལོ་ལུ་གུ་བཙས་སྔ་བས། གསོན་ཚད་ཧ་ཅང་མང་། ཡུལ་འདིར་ཚན་རིག་དར་བས། ནད་རིགས་འགོག་གསོ་བྱས་པ་ཧ་ཅང་བཟང་། རྐང་ཐང་ལ་སོང་ན་ཧ་ཅང་དལ་བས། ལྕགས་རྟར་ཞོན་ནས་འགྲོ། ཞིང་ལ་ཆུ་བཏང་བས། མྱུ་གུ་སྔོ་དབྱིག་དབྱིག་བྱེད་ལྟ་བུ། 2.མིང་མཐའི་བ་ཡིག་ཅན་གྱི་བྱེད་སྒྲ་ཡིས་བསྡུས་པ་སྟེ། (དཔེར་ན།) རི་དྭགས་ཤ་བ་ཡིས་རྩྭ་ཟ་ཞེས་པར་ཤ་བས་རྩྭ་ཟ་ལྟ་བུ། 3.(བྱེད་མེད་ལས་ཚིག) ཟད་པའི་བརྡ་རྙིང་། |
| བས་བལྡགས |
པགས་ནད་ཀྱི་ནང་ཚན་བ་ཡིས་བལྡགས་པ་ལྟར་གྱི་ཤ་མདོག་གཞན་དང་མ་འདྲེས་པ་འབྲུམ་ཆུང་སྐྱ་ཞིབ་འབྱུང་བ་ཞིག |
| བས་མཐའ |
1.ས་མཐའམ་ཡུལ་མཐའ། (དཔེར་ན།) གྲོང་གི་བས་མཐར་གནས་པ། གསར་བཙུགས་ཀྱི་བཟོ་གྲྭ་གྲོང་ཁྱེར་གྱི་བས་མཐར་ཉེ་ཞེས་པ་ལྟ་བུ། 2.དབེན་གནས་ཀྱི་མིང་། (དཔེར་ན།) བས་མཐར་སྒོ་གསུམ་དབེན་པར་གནས་ལྟ་བུ། |
| བས་འཕུལ |
སྔོན་འཇུག་བ་ཡིག་འཇུག་རུང་བའི་ཡི་གེ། |
| བས་ལྡག |
པགས་ནད་རིགས་ཤིག་གི་མིང་། |
| བསག |
1.གསག་གི་འབྲི་ཚུལ་གཞན། 2.གསོག་གི་མ་འོངས་པའི་འབྲི་ཚུལ་གཞན། |
| བསག་པ |
སྒྲུབ་པ་དང་སྐྲུན་པའི་དོན་དུ་གོ་བའི་གསོག་པའི་མ་འོངས་པ། |
| བསགས |
1.གསག་གི་འདས་པ། 2.གསོག་གི་འདས་པའི་འབྲི་ཚུལ་གཞན། |
| བསགས་གཅོད |
(མངོན་བརྗོད།) སྐྲ། |
| བསགས་པ |
སྒྲུབ་པ་དང་སྐྲུན་པའི་དོན་དུ་གོ་བའི་གསོག་པའི་འདས་པ། |
| བསགས་པའི་རྡུལ་ཕྲ་རབ |
རྡུལ་རྫས་བརྒྱད་གཅིག་ཏུ་འདུས་པའི་རྡུལ། |
| བསགས་པའི་ལས |
སྦྱོར་དངོས་རྗེས་གསུམ་ཚང་བའི་སྲོག་བཅད་པའི་ལས་ལྟ་བུའོ། ། |
| བསགས་རྒྱབ |
(མངོན་བརྗོད།) མངའ་ཐང་ངམ་དབང་ཐང༌། |
| བསགས་རྡུལ |
བསགས་པའི་རྡུལ་ཕྲ་རབ་ཀྱི་བསྡུས་ཚིག |
| བསགས་སྦྱང |
ཚོགས་གསོག་པ་དང་སྡིག་པ་སྦྱོང་བ། |
| བསང |
1.མཆོད་པའི་དུད་པ་སྟེ་ནང་གསེས་ལ་རི་བསང་དང་ཀླུང་བསང་སོགས་ཕྱེ་སྲོལ་ཡོད་ཅིང༌། བོད་ཀྱི་གོམས་གཤིས་སུ་བླ་སྤྲུལ་ཆེ་ཁག་ཕེབས་དུས་བསང་བཏང་ནས་བསུ་མ་བྱེད་སྲོལ་ཡང་ཡོད། 2. (བྱེད་འབྲེལ་ལས་ཚིག) བསངས་པའི་མ་འོངས་པ་དང་ད་ལྟ་བ། དངོས་རྫས་ཀྱི་ཐོག་ལ་ཆུ་གཏོར་ནས་དྲི་མ་དག་པར་བྱས་པའི་དོན་ཏེ། (དཔེར་ན།) ཆུ་གཏོར་ནས་ལུས་ཀྱི་དྲི་མ་བསང་བར་བྱ། ཆུ་བསང་མཁན་ཞེས་པ་ལྟ་བུ། |
| བསང་ཁུང |
བོད་ལུགས་བསང་གཏོང་སའི་བསང་ཁུང༌། |
| བསང་གཏོར |
1.ཚ་གདུང་ངམ་གེགས་བསང་གི་ཕྱིར་དུ་གཏོར་རྒྱུའི་ཆུ། 2.བསང་དུད་དང་གཏོར་བཤོས་མཉམ་འབུལ་གྱི་བསྡུས་ཚིག |
| བསང་གསུར |
བསང་དང་གསུར་གྱི་བསྡུས་མིང༌། |
| བསང་ཆུ |
1.བགེགས་སྐྲོད་ཀྱི་བུམ་ཆུ། 2.རྨ་ཆུའི་སྟོད་རྒྱུད་ཀྱི་ཡན་ལག་ཅིག ཆུའི་འགོ་བླ་བྲང་གི་ལྷོ་ནུབ་ནས་བྱུང་སྟེ་མཐར་རྨ་ཆུར་འབབ། |
| བསང་ཆེན |
རྒྱགས་རྔན་ལྷ་བསང་སོགས་མཆོད་གཏོར་འདོན་ཆོག་དང་འབྲེལ་བ། |
| བསང་ཕོར |
བསང་གཏོང་སའི་སྣོད། |
| བསང་བ་ལུ |
བསང་ཤིང་གི་བྱེ་བྲག་ཅིག |
| བསང་བདུག་གཏོང་བ |
གནས་ཁང་ནང་དུ་བསང་དུད་བདུག་པ། |
| བསང་མཆོད |
དྲི་ཞིམ་ཤིང་གི་དུད་པའི་མཆོད་པ། |
| བསང་རྩམ |
བསང་ལ་འདེབས་རྒྱུའི་རྩམ་པ། |
| བསངས |
བསང་གི་འདས་པ། (དཔེར་ན།) མྱུ་གུ་ཆར་གྱིས་བསངས་ནས་ས་རྡུལ་དག་ལྟ་བུ། |
| བསངས་རྫ |
རི་བོ་ཞིག མཚོ་སྔོན་རྐང་ཚ་རུ་ཡོད། |
| བསད |
1.གསོད་པའི་འདས་པ། (དཔེར་ན།) སྤྱང་ཀི་བསད་ནས་ངོ་ཐང་བཞག་ལྟ་བུ། 2.མཚོ་སྔོན་ཡུལ་སྐད་དུ་མེ་གཞིལ་བའི་དོན་ལ་འཇུག་པ་ནི། (དཔེར་ན།) རྩྭ་ས་སྐྱོབ་ཕྱིར་རི་མེ་གསོད་ལྟ་བུ། 3.རྩི་ཤིང་གི་མྱུ་གུ་སྐྱེ་བའི་ནུས་པ་གཅོད་པའི་དོན་ཏེ། (དཔེར་ན།) མྱུ་གུ་བད་ཀྱིས་གསོད་པ་འགོག མྱུ་གུ་བད་ཀྱིས་མ་བསད་པར་སྐྱེས་ལྟ་བུ། |
| བསད་པ་སྟོང་གི་ཞལ་ལྕེ |
ཞལ་ལྕེ་བཅུ་དྲུག་གི་ཡ་གྱལ་ཞིག་གནའ་རབས་ཀྱི་ཁྲིམས་ཡིག་ནང་གསལ་བསམ་བཞིན་མི་བསད་ཀྱི་ཉེས་ཅན་རིགས་ལ་སྟོང་གི་ཆད་པ་འགེལ་ལུགས་ཀྱི་ཁྲིམས་ཤིག |
| བསད་རྨས |
སྲོག་བཅད་པ་དང་རྨ་བཟོས་པ། |
| བསད་ལན |
གཞན་སྲོག་བཅད་པའི་ཤ་ལན་ནམ་སྲོག་ལན། |
| བསད་ཤ |
སྒོ་ཕྱུགས་སོགས་བསད་པའི་ཤ། |
| བསབ |
(བྱེད་འབྲེལ་ལས་ཚིག) གསབ་ཀྱི་མ་འོངས་པ། མ་ཚང་བ་ཚང་བར་བྱས་པའམ་ཁ་སྣོན་བྱས་པའི་དོན་ཏེ། (དཔེར་ན།) ཚིག་མ་ཚང་བ་ཁ་བསབ་དགོས་ལྟ་བུ། |
| བསབས |
གསབ་པའི་འདས་པ། (དཔེར་ན།) སྙན་ཞུའི་མ་ཡིག་ནང་དུ་ཚིག་མང་བོ་བསབས་ནས་ཁ་བསྐངས་ལྟ་བུ། |
| བསམ |
(བྱེད་འབྲེལ་ལས་ཚིག) བསམས་པའི་མ་འོངས་པ། བསམ་བློ་གཏོང་བའི་དོན་ཏེ། (དཔེར་ན།) བསམ་བྱའི་དོན་རྣམས་བསམ་དགོས་ལྟ་བུ། |
| བསམ་གཏན |
སེམས་མ་གཡེངས་ཤིང་ཉོན་མོངས་པའི་དྲི་མ་དང་མ་འདྲེས་པར་རྩེ་གཅིག་ཏུ་གནས་པའོ། དེ་ནི་ངེས་པའམ་གཏན་ལ་དབབ་པ་དེ་ལྟ་བུའི་རྒྱུ་ལས་ཐེག་པ་ཆེ་ཆུང་གི་ཤེས་རབ་ཚད་མ་ཐམས་ཅད་འབྲས་བུར་འབྱུང་བས་ན་བསམ་གཏན་ལ་དབབ་པའི་ཕྱིར་བསམ་གཏན་ཞེས་བྱའོ། མིང་གི་རྣམ་གྲངས་ལ་མཉམ་འཇོག་དང༌། ཏིང་འཛིན། རྣལ་འབྱོར། ཞི་གནས་བཅས་སོ། ། |
| བསམ་གཏན་ཁང |
1.སྒོམ་རྒྱག་སའི་ཁང་པ་ཆུང་ཆུང༌། 2.(མངོན་བརྗོད།) དགོན་པ། |
| བསམ་གཏན་གཉིས་པ |
བསམ་གཏན་བཞིའི་ནང་གསེས། བསམ་གཏན་དང་པོའི་རྟོག་དཔྱོད་གཉིས་སྐྱོན་དུ་རྟོག་ནས་གཉེན་པོ་བསྒོམ་པའི་སྒོ་ནས་ཏིང་ངེ་འཛིན་གྱི་ཁྱད་པར་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་ལ་ཆགས་པ་དང་རྟོག་དཔྱོད་དང་རྒོད་པ་སོགས་སྤོང་བའི་གཉེན་པོའི་ཡན་ལག་རབ་ཏུ་དྭངས་པ་ཞེས་ནང་གི་སེམས་དང་སེམས་བྱུང་འཁྲུག་པ་དང་བྲལ་ཞིང་ས་འོག་མ་ལས་ངེས་པར་བྱུང་བའི་རང་ས་ལ་རབ་ཏུ་དད་པ་དང༌། ཕན་ཡོན་གྱི་ཡན་ལག་དགའ་བདེ་གཉིས་དང༌། གནས་ཀྱི་ཡན་ལག་སེམས་རྩེ་གཅིག་པའི་ཏིང་ངེ་འཛིན་བཅས་ཆ་ཤས་སམ་ཡན་ལག་བཞི་དང་ལྡན་པའོ། ། |
| བསམ་གཏན་གཉིས་པའི་གནས |
བསམ་གཏན་གཉིས་པའི་ལྷ་རྣམས་ཀྱི་གནས་ཏེ། བསམ་གཏན་དང་པོའི་སྟེང་གི་ནམ་མཁའ་ལ་འོད་ཆུང་ནས་དགེ་ཆུང་བར་རོ། ། |
| བསམ་གཏན་གཉིས་པའི་གནས་རིས་གསུམ |
འོད་ཆུང་དང༌། ཚད་མེད་འོད། འོད་གསལ་ཏེ་གསུམ། |
| བསམ་གཏན་གནས་དུས |
(མངོན་བརྗོད།) མཚན་མོ། |
| བསམ་གཏན་གསུམ་པ |
བསམ་གཏན་བཞིའི་ནང་གསེས། བསམ་གཏན་གཉིས་པའི་དགའ་བ་སྐྱོན་དུ་རྟོག་ནས། བདེ་བ་ཅན་བསམ་གཏན་གཉིས་པའི་དགའ་བ་སོགས་སྤོང་བའི་གཉེན་པོའི་ཡན་ལག་འདུ་བྱེད་བཏང་སྙོམས་དང༌། སྒོམ་པ་མི་བརྗེད་པའི་དྲན་པ་དང༌། དྲན་བཞིན་དུ་གནས་པའི་ཤེས་བཞིན་དང༌། ཕན་ཡོན་གྱི་ཡན་ལག་ཤིན་སྦྱངས་ལས་བྱུང་བའི་བདེ་བ་དང༌། གནས་ཀྱི་ཡན་ལག་སེམས་རྩེ་གཅིག་པའི་ཏིང་ངེ་འཛིན་བཅས་ཆ་ཤས་སམ་ཡན་ལག་ལྔ་དང་ལྡན་པའི་བསམ་གཏན་ནོ། ། |
| བསམ་གཏན་གསུམ་པའི་གནས |
བསམ་གཏན་གསུམ་པའི་ལྷ་རྣམས་ཀྱི་གནས་ཏེ། བསམ་གཏན་གཉིས་པའི་སྟེང་གི་ནམ་མཁའ་ལ་དགེ་ཆུང་ནས་སྤྲིན་མེད་འོད་ཀྱི་བར་རོ། ། |
| བསམ་གཏན་གསུམ་པའི་གནས་རིས་གསུམ |
དགེ་ཆུང་དང༌། ཚད་མེད་དགེ། དགེ་རྒྱས་ཏེ་གསུམ། |
| བསམ་གཏན་གྱི་ཆོས་བཞི |
རྣམ་གཡེང་སོགས་མི་མཐུན་ཕྱོགས་ཉམས་པ། ཆོས་ཀྱི་བདག་མེད་རྟོགས་པའི་རྣམ་པར་མི་རྟོགས་པ། འདོད་པ་རྫོགས་པར་བྱེད་པ། རིགས་ཅན་གསུམ་སྨིན་པར་བྱེད་པ་སྟེ་བཞི། |
| བསམ་གཏན་གྱི་དངོས་གཞིའི་སྙོམས་འཇུག |
ཡན་ལག་གི་སྒོ་ནས་རང་གི་འོག་ས་ལ་འདོད་ཆགས་དང་བྲལ་བའི་རིགས་སུ་གནས་པའི་བསམ་གཏན་གྱི་དངོས་གཞིའི་སས་བསྡུས་ཀྱི་དགེ་བའི་རིག་པ་དེའོ། ། |
| བསམ་གཏན་གྱི་དེ་ཁོ་ན་ཉིད |
བྱ་རྒྱུད་ཀྱི་དེ་ཉིད་བཞིའི་ཡ་གྱལ་ཞིག་བསམ་གཏན་ནམ་དེ་ཉིད་གསུམ་བསྒོམ་པའོ། ། |
| བསམ་གཏན་གྱི་ཕར་ཕྱིན |
ཁྱད་ཆོས་བཞི་ལྡན་གྱི་དམིགས་པ་ལ་རྩེ་གཅིག་པའི་སེམས་པ་དགེ་བ་ས་བོན་དང་བཅས་པའོ། ཕ་རོལ་ཏུ་ཕྱིན་པ་དྲུག་གི་ཡ་གྱལ་ཞིག |
| བསམ་གཏན་གྱི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་བསམ་གཏན་གྱི་ཕར་ཕྱིན་རིམ་ལྡན་དུ་སྒོམ་པའོ། ། |
| བསམ་གཏན་གྱི་འབྲས་བུ |
ཉོན་མོངས་མངོན་གྱུར་མགོ་ནོན་པ་དང་རྣམ་པར་གཡེངས་པ་ཞི་བའོ། ། |
| བསམ་གཏན་གྱི་སྐྱོན་བརྒྱད |
འདོད་ཁམས་དང་བསམ་གཏན་གྱི་ས་འོག་མ་རྣམས་ཀྱི་སྐྱོན་བརྒྱད་དེ། འདོད་པ་ན་ཡོད་པའི་སྡུག་བསྔལ་དང༌། ཡིད་མི་བདེ་བ་དང༌། བསམ་གཏན་དང་པོ་ལ་ཡོད་པའི་རྟོག་པ་དང༌། དཔྱོད་པ་དང༌། གཉིས་པ་མན་ཆད་དུ་ཡོད་པའི་ཡིད་བདེའམ་དགའ་བ་དང༌། གསུམ་པ་མན་ཆད་ན་ཡོད་པའི་དབུགས་འབྱུང་བ་དང༌། རྔུབ་པ་དང༌། གསུམ་པའི་བདེ་བ་བཅས་སོ། ། |
| བསམ་གཏན་གྱི་སྙོམས་འཇུག |
བསམ་གཞན་གྱི་སས་བསྡུས་པའི་ཆ་ནས་བཞག་པའི་སེམས་རྩེ་གཅིག་པ། |
| བསམ་གཏན་གྱི་སྡོམ་པ |
གཟུགས་ན་སྤྱོད་པ་རྣམས་ཀྱི་ཚུལ་ཁྲིམས། |
| བསམ་གཏན་ངལ་གསོ |
གཉུག་མ་རང་གནས་ཀྱི་བསམ་གཏན་ཡེ་ཤེས་འོད་གསལ་གྱི་ལམ་དུ་གོམས་པར་བྱེད་པའི་མྱུར་ལམ་ཟབ་མོ་སྟོན་པའི་གཞུང་རྩ་འགྲེལ་གཉིས་ལྡན་ལེའུ་གསུམ་གྱི་བདག་ཉིད་ཅན་འདི་ནི་དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། ། |
| བསམ་གཏན་དང་པོ |
བསམ་གཏན་བཞིའི་ནང་གསེས། འདོད་ཁམས་ཀྱི་འདོད་ཡོན་ལ་སྤྱོད་པ་ནི་སྐྱོན་ཡིན་ལ་བསམ་གཏན་ལ་སོགས་པ་ནི་ཞི་བ་དང་བདེ་བ་ཡིན་པར་རྟོག་ཅིང་དཔྱོད་པའི་སྒོ་ནས་གོང་མའི་ཡོན་ཏན་ཐོབ་སྟེ་མི་མཐུན་པའི་ཕྱོགས་འདོད་ཁམས་ཀྱི་འདོད་པ་ལ་འདུན་པའི་ཆགས་པ་དང༌། གནོད་སེམས་རྣམ་འཚེའི་རྟོག་པ་དང་སྡུག་བསྔལ་ཡིད་མི་བདེ་སོགས་སྤོང་བའི་གཉེན་པོའི་ཡན་ལག་རྟོག་དཔྱོད་གཉིས་དང༌། ཕན་ཡོན་གྱི་ཡན་ལག་དགའ་བདེ་གཉིས་དང༌། གནས་ཀྱི་ཡན་ལག་སེམས་རྩེ་གཅིག་པའི་ཏིང་ངེ་འཛིན་བཅས་ཆ་ཤས་སམ་ཡན་ལག་ལྔ་དང་ལྡན་པའི་བསམ་གཏན་ནོ། ། |
| བསམ་གཏན་དང་པོའི་གནས |
བསམ་གཏན་དང་པོའི་ལྷ་རྣམས་ཀྱི་གནས་ཏེ། གཞན་འཕྲུལ་དབང་བྱེད་ཀྱི་སྟེང་གི་ནམ་མཁའ་དཔག་ཚད་བཞི་ཁྲིའི་གོང་ལ་ཚངས་རིས་ནས་འདོ་ཆུང་བར་རོ། ། |
| བསམ་གཏན་དང་པོའི་གནས་རིས་གསུམ |
ཚངས་རིས་དང༌། ཚངས་པ་མདུན་ན་འདོན། ཚངས་པ་ཆེན་པོ་སྟེ་གསུམ། |
| བསམ་གཏན་དང་པོའི་ཉེར་བསྡོགས |
ཉེར་བསྡོགས་ཀྱིས་བསྡུས་ཤིང༌། རང་གི་ཐོབ་བྱར་གྱུར་པའི་གོང་སའི་དངོས་གཞིའི་སྙོམས་འཇུག་ཐོབ་བྱེད་ཀྱི་ཐབས་སུ་གྱུར་པའི་ཁམས་གོང་གི་སས་བསྡུས་ཀྱི་དགེ་བའི་རིག་པ། |
| བསམ་གཏན་དང་པོའི་ཉེར་བསྡོགས་དྲུག |
སོ་སོ་རིག་པའི་ཡིད་བྱེད་དང༌། མོས་པ་ཡིད་བྱེད། རབ་ཏུ་དབེན་པ་ཡིད་བྱེད། དགའ་བ་སྡུད་པའི་ཡིད་བྱེད། དཔྱོད་པའི་ཡིད་བྱེད། སྦྱོར་བ་མཐའི་ཡིད་བྱེད་རྣམས་སོ། ། |
| བསམ་གཏན་དུས |
(མངོན་བརྗོད།) མཚན་མོ། |
| བསམ་གཏན་པ |
1.ཏིང་ངེ་འཛིན་སྒོམ་མཁན། 2.མུ་སྟེགས་རྒྱང་འཕེན་པའི་གྲུབ་མཐའི་ནང་གསེས་ཤིག |
| བསམ་གཏན་བཞི |
བསམ་གཏན་དང་པོ་དང༌། བསམ་གཏན་གཉིས་པ། བསམ་གཏན་གསུམ་པ། བསམ་གཏན་བཞི་པ་སྟེ་བཞི། |
| བསམ་གཏན་བཞི་པ |
བསམ་གཏན་བཞིའི་ནང་གསེས། བསམ་གཏན་གསུམ་པའི་བདེ་བ་སྐྱོན་དུ་རྟོག་ནས་བཏང་སྙོམས་ཅན་ཏེ། བསམ་གཏན་གསུམ་པའི་བདེ་བ་དང་དབུགས་འབྱུང་རྔུབ་དང་ཏིང་ངེ་འཛིན་མ་རྫོགས་པ་སོགས་སྤོང་བའི་གཉེན་པོའི་ཡན་ལག་པའི་སྐྱོན་བརྒྱད་དང་བྲལ་བའི་དྲན་པ་ཡོངས་སུ་དག་པ་དང༌། འདུ་བྱེད་བཏང་སྙོམས་ཡོངས་སུ་དག་པ་དང༌། ཕན་ཡོན་གྱི་ཡན་ལག་ཚོར་བ་བཏང་སྙོམས་དང༌། གནས་ཀྱི་ཡན་ལག་སེམས་རྩེ་གཅིག་པའི་ཏིང་ངེ་འཛིན་བཅས་ཆ་ཤས་སམ་ཡན་ལག་བཞི་དང་ལྡན་པའི་བསམ་གཏན་ནོ། ། |
| བསམ་གཏན་བཞི་པའི་གནས |
བསམ་གཏན་བཞི་པའི་ལྷ་རྣམས་ཀྱི་གནས་ཏེ། བསམ་གཏན་གསུམ་པའི་སྟེང་གི་ནམ་མཁའ་ལ་སྤྲིན་མེད་འོད་ནས་འོག་མིན་གྱི་བར་རོ། ། |
| བསམ་གཏན་བཞི་པའི་གནས་རིས་བརྒྱད |
སྤྲིན་མེད་དང༌། བསོད་ནམས་སྐྱེས། འབྲས་བུ་ཆེ་བ། མི་ཆེ་བ། མི་གདུང་བ། གྱ་ནོམ་སྣང་བ། ཤིན་ཏུ་མཐོང་བ། འོག་མིན་ཏེ་བརྒྱད་ལས་དང་པོ་གསུམ་སོ་སྐྱེའི་གནས་དང༌། ཕྱི་མ་ལྔ་འཕགས་པ་ཁོ་ནའི་གནས་ཏེ་གནས་གཙང་ལྔ་ཞེས་གྲགས་སོ། ། |
| བསམ་གཏན་བཞིའི་ཡན་ལག་གསུམ |
གཉེན་པོའི་ཡན་ལག་དང༌། ཕན་ཡོན་གྱི་ཡན་ལག་དང༌། གནས་ཀྱི་ཡན་ལག་སྟེ་གསུམ་མོ། ། |
| བསམ་གཏན་མ |
བསམ་གཏན་སྒོམ་པའི་བུད་མེད། |
| བསམ་གཏན་རྣམ་ཐར་ཏིང་འཛིན་སྙོམས་འཇུག་སོགས་མཁྱེན་པའི་སྟོབས |
དེ་བཞིན་གཤེགས་པའི་སྟོབས་བཅུའི་ནང་གསེས། བསམ་གཏན་བཞི་དང༌། རྣམ་པར་ཐར་པ་བརྒྱད་དང༌། དཔའ་བར་འགྲོ་བ་ལ་སོགས་པའི་ཏིང་ངེ་འཛིན་དང༌། མཐར་གྱིས་གནས་པའི་སྙོམས་པར་འཇུག་པ་དགུ་པོ་རྣམས་ཏེ། དེ་དག་ལ་འཇུག་པ་དང་ལྡང་བ་ན་སྐྱོན་དང་ཡོན་ཏན་འབྱུང་འཇུག་གི་ཐབས་ཀུན་མཁྱེན་པ། |
| བསམ་གཏན་ས་དགུ |
བསམ་གཏན་དང་པོའི་ཉེར་བསྡོགས་མི་ལྕོགས་མེད་དང༌། བསམ་གཏན་དང་པོའི་དངོས་གཞི་ཙམ་པོ་བ། དེ་ཁྱད་པར་ཅན། བསམ་གཏན་གཉིས་པའི་ཉེར་བསྡོགས་དང་དངོས་གཞི་གཉིས། བསམ་གཏན་གསུམ་པའི་ཉེར་བསྡོགས་དང་དངོས་གཞི་གཉིས། བསམ་གཏན་བཞི་པའི་ཉེར་བསྡོགས་དང་དངོས་གཞི་གཉིས་རྣམས་སོ། ། |
| བསམ་གཏན་ས་དྲུག |
བསམ་གཏན་དང་པོའི་ཉེར་བསྡོགས་མི་ལྕོགས་མེད་དང༌། བསམ་གཏན་དང་པོའི་དངོས་གཞི་ཙམ་པོ་བ། བསམ་གཏན་དང་པོའི་དངོས་གཞི་ཁྱད་པར་ཅན། བསམ་གཏན་གཉིས་པའི་དངོས་གཞི། བསམ་གཏན་གསུམ་པའི་དངོས་གཞི། བསམ་གཏན་བཞི་པའི་དངོས་གཞིའོ། ། |
| བསམ་གཞིག |
བསམ་བློ་ཞིབ་ཕྲ་གཏོང་བ། (དཔེར་ན།) གནད་དོན་ལ་བསམ་གཞིག་བྱེད་པ། བསམ་གཞིག་ལེགས་པར་བྱེད་ཅེས་པ་ལྟ་བུ། |
| བསམ་གྱིས་མི་ཁྱབ་པ |
རྟོག་གེའི་སྤྱོད་ཡུལ་ལས་འདས་པ་སྟེ། (དཔེར་ན།) རྒྱ་ཆེ་གཏིང་ཟབ་ཀྱི་ཡོན་ཏན་བསམ་གྱིས་མི་ཁྱབ་པ་ལྟ་བུ། |
| བསམ་གྱིས་མི་ཁྱབ་པ་ལས་འདས་པ |
གྲངས་གནས་ཤིག |
| བསམ་གྱིས་མི་ཁྱབ་པའི་དཔལ |
བྱང་སེམས་ཤིག |
| བསམ་གྲུབ |
བསམ་པ་བཞིན་གྲུབ་པ། |
| བསམ་གྲོས་ལེགས་བསྡུར |
ཕན་ཚུན་བསམ་བློར་གང་འཆར་གྱི་གནད་དོན་རྣམས་གྲོས་བསྡུར་ལེགས་པར་བྱེད་པ། |
| བསམ་ངན |
གཞན་ལ་གནོད་པ་བྱེད་འདོད་ཀྱི་ངན་སེམས། (དཔེར་ན།) བསམ་ངན་ཁོག་བཅུག བསམ་ངན་སྙིང་བཅང༌། བསམ་ངན་སྦྱོར་རྩུབ། བསམ་ངན་གཡོ་འཕྲུལ། བསམ་ངན་གྱིས་མ་ཉེས་ཁ་གཡོགས་བྱས་པ། བསམ་ངན་མ་ཎི་འདྲེན་པ་ལས། སེམས་བཟང་གླུ་ཆུང་གཏོང་བ་དགའ་ཞེས་པ་ལྟ་བུ། |
| བསམ་ངན་ཕུང་སྦྱོར |
བསམ་ངན་གྱིས་གཞན་དག་ཕུང་ལ་སྦྱོར་རྩིས་བྱེད་པ། |
| བསམ་ཐག |
བསམ་པའི་གཏིང་རྩའམ། སྙིང་ཐག |
| བསམ་ཐོག་དོན་ཁེལ |
བསམ་དོན་གྲུབ་པ། |
| བསམ་དོན |
སེམས་ནང་དུ་རེ་བ་བྱེད་པའི་དོན་ཏེ། (དཔེར་ན།) བསམ་དོན་འགྲུབ་པ་ཞེས་པ་ལྟ་བུ། |
| བསམ་པ |
1.སེམས་པའི་མ་འོངས་པ། 2.ཕྱི་རོལ་ཡུལ་གྱི་བྱ་དངོས་ཀླད་པའི་ནང་ཚུར་སྣང་བྱུང་བ་སྟེ། (དཔེར་ན།) བསམ་པ་གྲུ་གཅིག བསམ་པ་གྲུ་ནང་དུ་བཞུགས། བསམ་དཀར། བསམ་ངན། བསམ་མེད། བསམ་ཡོད། བསམ་པ་མངོན་ཕྱོགས། བསམ་པ་གཅིག་མཐུན། བསམ་པ་ཆེར་བཟུང༌། བསམ་པ་འཇམ་པོ། བསམ་པ་ཇི་ལྟ་བ་བཞིན། བསམ་པ་ལྟར་མ་གྱུར་པ། བསམ་པ་བརྟན་པ། བསམ་པ་དག་པ། བསམ་པ་དྲག་པོ། བསམ་པ་ནག་པོ། བསམ་པ་མང་པོ། བསམ་པ་ཙམ། བསམ་པ་ཟོལ་མེད། བསམ་པ་བཟང་པོ། བསམ་པ་ཡངས་པ། བསམ་པའི་གྲ་སྒྲིག བསམ་པའི་ངལ་རྩོལ། སྐྱེ་ས་ཧོར་ལ་སྐྱེས་ཀྱང༌། བསམ་པ་གླིང་ལ་དཀར་ལེ་རེད། བསམ་པ་ངན་པ་གཞན་ལ་བྱས་ན། སྦྱོར་བ་རྩུབ་པོ་རང་ལ་འཁོར་ཡོང༌ཞེས་པ་ལྟ་བུ། |
| བསམ་པ་ཕུན་སུམ་ཚོགས་པ |
ཆོས་ནས་ཇི་ལྟར་འབྱུང་བ་བཞིན་དུ་བསྒྲུབ་པའི་བསམ་པས་རབ་ཏུ་བྱུང་བ་ཡིན་གྱི་འཚོ་བའི་བསམ་པས་མ་ཡིན། བྱང་ཆུབ་ཆེན་པོ་དོན་དུ་གཉེར་གྱི་མི་གཉེར་བ་མ་ཡིན་པའོ། ། |
| བསམ་པ་རྒྱ་ཆེ་བ |
1.བློ་རྒྱ་ཆེན་པོ། 2.རྒྱ་ཆེ་བའི་རྒྱན་གྱི་ནང་གསེས་ཤིག་གཞན་གྱིས་སྒྲུབ་པར་དཀའ་བའི་བྱ་བ་རྔམ་ཆེན་གྱི་ཁུར་ལེན་པར་བཟོད་པའི་བསམ་པའི་སྙིང་སྟོབས་རྒྱ་ཆེ་བ་སྟོན་པའི་རྒྱན་ཞིག |
| བསམ་པ་ལོག་པ |
1.བསམ་བློ་རྩེ་གཉིས། 2.ཞེན་པ་ལོག་པ། |
| བསམ་པའི་བཀོད་པ |
1.འཇིག་རྟེན་ལྟ་ཚུལ། 2.བསམ་བློ་འཆར་སྣང༌། |
| བསམ་པའི་འཁྱེར་སོ |
བསམ་བློ་གཏོང་སྟངས་སམ་གཏོང་ཕྱོགས། |
| བསམ་པའི་འགྱུར་བ་བརྒྱད |
དགའ་བ་དང༌། རྒོད་བྲོ། མྱ་ངན། ཁྲོ་བ། སྤྲོ་བ། འཇིགས་པ། སྐྱུག་བྲོ། ངོ་མཚར་བ་བཅས་སོ། ། |
| བསམ་པའི་ལས |
སེམས་པས་བསྐྱེད་པའམ་ཀུན་ནས་བསླངས་པའི་ལུས་ངག་གི་ལས་སོ། ། |
| བསམ་པའི་ཤེས་རབ |
ཐོས་པའི་དོན་ལ་ཚད་མས་ངེས་པ་རྙེད་པའི་ཕྱིར་དུ་རྒྱུ་མཚན་གྱིས་དཔྱོད་ཅིང་སེམས་པར་བྱེད་པའི་ཤེས་རབ་བོ། ། |
| བསམ་པའི་སྟོབས |
ཉོན་མོངས་པ་ཀུན་ཏུ་སྤྱོད་པ་མེད་པའི་བསམ་པ། |
| བསམ་ཕྱོགས |
1.བསམ་བློ་འཁོར་སྟངས་ཏེ། (དཔེར་ན།) གནད་དོན་འདི་ལ་ངེད་གཉིས་བསམ་ཕྱོགས་གཅིག་མཐུན་བྱུང༌ལྟ་བུ། 2.(ཡུལ་སྐད།) ཀོ་ལོང་ངམ་ཚིག་པ་ཟ་བ་སྟེ། (དཔེར་ན།) དོན་མེད་པར་ཁོ་ལ་བསམ་ཕྱོགས་སྐྱེས་སོང༌ལྟ་བུ། |
| བསམ་བཏང་དྲན་སྐྱེས |
སྔར་གྱི་བསམ་གྲོས་ལ་མི་གནས་པར་གསར་སྤྲོས་འགྱུར་ལྡོག་བྱེད་པ། |
| བསམ་བཞིན |
1.སེམས་ལ་དྲན་བཞིན་པ་སྟེ། (དཔེར་ན།) རྟག་པར་ཁྱོད་བསམ་བཞིན་དུ་ཡོད་ཅེས་པ་ལྟ་བུ། 2.ཤེས་བཞིན་དུ་ཁྱད་གསོད་བྱེད་པའི་དོན་ཏེ། (དཔེར་ན།) བསམ་བཞིན་དུ་ནོར་འཁྲུལ་བཟོས་ན་དེའི་ངོ་བོ་ཚབས་ཆེན་རེད། བསམ་བཞིན་དུ་བསད་པ། ཁོས་བསམ་བཞིན་དུ་རྫུན་སྨྲས་པ་ལྟ་བུ། |
| བསམ་བཞིན་སོགས་ཀྱི་སྡེ་ཚན |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་བདུན་པ་ལ། དུད་འགྲོ་གསོད་པའི་ལྟུང་བྱེད་དང༌། འགྱོད་པ་སྐྱེད་པའི་ལྟུང་བྱེད་དང༌། གག་ཚིལ་སྒོག་པའི་ལྟུང་བྱེད་དང༌། ཆུར་རྩེ་བའི་ལྟུང་བྱེད་དང༌། བུད་མེད་དང་གནས་གཅིག་ཏུ་ཉལ་བའི་ལྟུང་བྱེད་དང༌། དངངས་པར་བྱེད་པའི་ལྟུང་བྱེད་དང༌། སྦེད་པའི་ལྟུང་བྱེད་དང༌། མ་བྱིན་པས་ཉེ་བར་འཚོ་བའི་ལྟུང་བྱེད་དང༌། སྐུར་བ་འདེབས་པའི་ལྟུང་བྱེད་དང༌། བུད་མེད་དང་ལྷན་ཅིག་ཏུ་འགྲོ་བའི་ལྟུང་བྱེད་བཅས་བཅུའོ། ། |
| བསམ་བརྗོད |
སེམས་ནང་གང་དྲན་དང༌། ཁ་ནས་གང་བཤད་ཀྱི་དོན་ཏེ། (དཔེར་ན།) བསམ་བརྗོད་མི་མཐུན་པ། བསམ་བརྗོད་གཅིག་མཐུན། བསམ་བརྗོད་ལས་འདས་ལྟ་བུ། |
| བསམ་བསེའུ |
1.མི་ལུས་ཀྱི་བྱང་ཁོག་སྨད་ཀྱི་ཆར་སྒལ་ཚིགས་བཅུ་གསུམ་པའི་འོག་ཙམ་དུ་གནས་པའི་སྣོད་དྲུག་གི་ཡ་གྱལ་ཞིག་དེའི་བྱེད་ལས་ནི་ལུས་ཆགས་པའི་ས་བོན་ཁམས་དཀར་དམར་གཏོང་བ་དང༌། ལུས་ཀྱི་སྟོབས་བཅུད་སྤེལ་བར་བྱེད་པ་ཡིན་ནོ། ། 2.(བརྡ་རྙིང་།) སྐྱེས་པའི་ཁུ་བའི་སྣོད། |
| བསམ་བསེའུའི་གསང |
རྒྱབ་ཀྱི་སྒལ་ཚིགས་བཅུ་གསུམ་པ་བསམ་བསེའུ་དང་འབྲེལ་བའི་མེ་བཙའི་གསང་དམིགས་ཤིག་དེར་མེ་བཙའ་བཞག་ན་ཁུ་ཁྲག་འབྱམས་པ་དང་མངལ་སྐྲན་ཆགས་པ། མངལ་དུ་གྲང་རླུང་རྒྱས་པ། མངལ་ནད་ཀྱིས་སེམས་འཕྱོ་བ་བཅས་ལ་ཕན། |
| བསམ་བྱུང |
ཐོས་དོན་ལ་སེམས་ཤིང་དཔྱད་ནས་ངེས་པ་རྙེད་པའོ། དབྱེ་ན་ཚིག་ལ་སེམས་པ་དང་དོན་ལ་སེམས་པ་གཉིས་སོ། ། |
| བསམ་བྱུང་གི་རྟོག་པ |
བསམ་བྱུང་གི་ཤེས་རབ་བོ། ། |
| བསམ་བྱུང་གི་ཤེས་རབ |
ཐོས་པའི་དོན་ལ་སེམས་ཤིང་དཔྱད་ནས་ཚད་མས་ངེས་པ་རྙེད་པའི་ཞེན་རིག་དཔེར་ན་སྒྲ་མི་རྟག་པར་རྟོགས་པའི་རྗེས་དཔག་ཚད་མ་དང༌། དེའི་རྒྱུན་དུ་གྱུར་པའི་བཅད་ཤེས་ལྟ་བུའོ། ། |
| བསམ་བློ |
1.བསམ་མནོ་ཡང་ཟེར། སེམས་ཀྱི་འཆར་སྒོའི་དོན་ཏེ། (དཔེར་ན།) བསམ་བློ་མ་འཁོར་བ། བསམ་བློ་འཁོར་མི་སྲིད་པ། བསམ་བློ་ནན་གྱིས་གཏོང་དགོས་པ། བསམ་བློ་རྒྱ་ཆེན་པོ། བསམ་བློ་བརླིང་བ། བསམ་བློ་རྩེ་གཉིས། མི་དམངས་ཀྱི་དོན་དུ་བསམ་བློ་གཏོང་བ། བསམ་བློ་བཞི་གསུམ་བཅུ་གཉིས་ཐོངས་ཞེས་པ་ལྟ་བུ། 2.དཔྱད་པ་གཏོང་བའི་འདུ་ཤེས་ཀྱི་མིང་། (དཔེར་ན།) བྱ་བ་ལེགས་འགྲུབ་ཡོང་བར་བསམ་བློ་བཏང་ལྟ་བུ། 3.དབང་བོའི་སྣང་ཚུལ་དང་དོན་སྤྱི་གཞི་བྱས་ནས་ཐོབ་པའི་ལྟ་ཚུལ་གྱི་མིང་། (དཔེར་ན།) བསམ་བློ་ཡང་དག་པ་ནི་སྤྱི་ཚོགས་ཀྱི་ལག་ལེན་ལས་བྱུང་བ་ཞིག་དང་། ལག་ལེན་ནས་ངོས་འཛིན་དང་ངོས་འཛིན་ནས་ལག་ལེན་བརྒྱུད་པ་ཡང་ཡང་བྱས་པ་ལས་བྱུང་བ་ཞིག་ཡིན་དགོས་ལྟ་བུ། |
| བསམ་བློ་མཚུངས་པ |
སེམས་ལ་དྲན་ཚུལ་འདྲ་བ། མིང་གི་རྣམ་གྲངས་ལ་མགྲིན་གཅིག་དབྱངས་གཅིག་དང༌། མགྲིན་པ་མཉམ། འཇུག་པ་གཅིག་མཉམ་བྱེད། མཐའ་གཅིག་པ། ཕྱོགས་མཐུན། མཚུངས་པར་སྤྱོད་བཅས་སོ། ། |
| བསམ་མནོ |
བསམ་བློ་དང་འདྲ། |
| བསམ་མེད |
བསམ་བློ་གཏོང་ཚུལ་སོགས་བྱིས་པའི་བྱ་སྤྱོད་ཅན་ཏེ། (དཔེར་ན།) བྱིས་པ་བསམ་མེད་ཅེས་པ་ལྟ་བུ། |
| བསམ་ཚུལ |
བསམ་བློ་འཁོར་སྟངས་ཏེ། (དཔེར་ན།) བསམ་ཚུལ་རྒྱབ་འགལ། རང་གི་བསམ་ཚུལ་ཞེས་པ་ལྟ་བུ། |
| བསམ་འཆར |
སེམས་ཀྱི་འཆར་སྒོའམ་དྲན་ཚུལ་ཏེ། (དཔེར་ན།) བསམ་འཆར་གོ་བསྡུར། བསམ་འཆར་བཏོན་པ། བསམ་འཆར་མི་མཐུན་པ་ཞེས་པ་ལྟ་བུ། |
| བསམ་འཕེལ |
ཡིད་བཞིན་དུ་འགྱུར་བའམ། རེ་དོན་ཇི་བཞིན་དུ་འགྲུབ་པ། |
| བསམ་འཕེལ་དབང་གི་རྒྱལ་པོ |
བྱ་ཁྱུང་གིས་མཚོ་སྦྲུལ་ཟས་སུ་བྱེད་ཅིང༌། མཐར་རྒས་ཤིང་འཁོགས་ནས་རྒྱ་མཚོར་ལྷུང་སྟེ་ལྟོགས་ཤི་སོང་བའི་སྙིང་རྒྱ་མཚོའི་ནང་དུ་ལོ་མང་པོར་ལུས་པ་དེ་ནི་རྙེད་པར་དཀའ་བའི་ནོར་བུ་བསམ་འཕེལ་དབང་གི་རྒྱལ་པོ་ཞེས་བྱ་བར་གྱུར་ཏོ་ཞེས་གཏམ་རྒྱུད་དུ་གྲགས། |
| བསམ་འཕེལ་མ་མ |
(མངོན་བརྗོད།) རྒྱ་མཚོ། |
| བསམ་འཕེལ་ལྗོན་དབང |
(མངོན་བརྗོད།) དཔག་བསམ་ཤིང༌། |
| བསམ་ཡས |
1.མཐའ་ཡས། 2.ལྷོ་ཁ་གྲྭ་ནང་རྫོང་གི་ས་ཆ་ཞིག |
| བསམ་ཡས་གཙུག་ལག་ཁང |
དུས་རབས་བརྒྱད་པའི་ནང་རྒྱལ་པོ་ཁྲི་སྲོང་ལྡེ་བཙན་དང༌། མཁན་ཆེན་ཞི་བ་འཚོ། སློབ་དཔོན་པད་མ་འབྱུང་གནས་གསུམ་གྱིས་བཞེངས་སུ་བཅུག་པའི་ལྷ་ཁང་ཞིག་ལྷ་ཁང་གི་ཕྱིའི་བཀོད་པར་རི་རབ་གླིང་བཞི་གླིང་ཕྲན་ཉི་ཟླ་དང་བཅས་པའི་མཚོན་བྱེད་ཚང་བའི་རྒྱ་གར་གྱི་ཨོ་ཏནྟ་པུ་རིའི་གཙུག་ལག་ཁང་ལ་དཔེ་བྱས། འོག་ཁང་ལྷ་དང་བཅས་པའི་བཟོ་དབྱིབས་བོད་ལུགས་དང༌། བར་ཐོག་གི་ཁང་པ་ལྷ་དང་བཅས་པའི་བཟོ་དབྱིབས་རྒྱ་ནག་ལུགས། སྟེང་གི་ཁང་པ་ལྷ་དང་བཅས་པའི་བཟོ་དབྱིབས་རྒྱ་གར་ལུགས་ཡིན་པའི་བཟོ་དབྱིབས་ཁྱད་དུ་འཕགས་པ་དང༌། ནང་གི་རི་མོ་ལའང་དམངས་ཁྲོད་ཀྱི་ལྷ་སྒྲུང་ནང་བཤད་པ་ལྟར་གྱི་རི་མོ་བྲིས་ཡོད། ལོ་རྒྱུས་ཐོག་གཙུག་ལག་ཁང་འདིར་མེ་སྐྱོན་ཐེངས་འགའ་བྱུང་ཡང་ཚང་མ་ཉམས་གསོ་བྱས། དུས་རབས་བཅུ་གཅིག་པའི་དུས་སྐེད་དུ་ཁམས་དང་ཨ་མདོར་ཐོར་ནས་བསྡད་པའི་དགེ་འདུན་རྣམས་བོད་དུ་ལོག་སྟེ་གཙུག་ལག་ཁང་འདིར་འདུས་པས་རིམ་བཞིན་རྙིང་མའི་དགོན་པ་གཙོ་ཆེ་བ་ཞིག་ཏུ་གྱུར། |
| བསམ་ཡས་དཀར་ཆག |
རབ་འབྱམས་དམ་པའི་ཞིང་གི་ཡོན་ཏན་ཀུན་ཚང་དཔལ་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རྟེན་དང་བརྟེན་པར་བཅས་པ་ལེགས་གསོའི་སྲི་ཞུ་ཇི་ལྟར་བསྒྲུབས་པའི་ཚུལ་གྱི་ཁྱད་པར་བརྗོད་པའི་དཀར་ཆག་སྐལ་བཟང་དད་པའི་སྒོ་འབྱེད་ངོ་མཚར་རྒྱ་མཚོའི་རེའུ་མིག་ཅེས་བྱ་བ་འདི་སྤྱིར་ཁྲི་སྲོང་ལྡེ་བཙན་སྐབས་སུ་སྦ་གསལ་སྣང་གིས་བརྩམས་པར་གྲགས་པའི་སྦ་བཞེད་དང༌། རབ་བྱུང་དང་པོའི་སྐབས་ཁུ་སྟོན་བརྩོན་འགྲུས་གཡུང་དྲུང་གིས་བརྩམས་པའི་བསམ་ཡས་དཀར་ཆག་ཆེན་མོ་ཞེས་པ་གཉིས་འདུག་ནའང༌། བཀའ་བློན་བཤད་སྒྲ་དབང་ཕྱུག་རྒྱལ་པོས་རབ་བྱུང་བཅུ་གསུམ་པའི་ཤིང་སྟག་ལོར་བརྩམས་པའི་བསམ་ཡས་དཀར་ཆག་འདིར་སྐུ་གསུང་ཐུགས་རྟེན་ལེགས་གསོ་ཞུས་ཚུལ་ཞིབ་ཏུ་བརྗོད་པ་དང་བསྡུར་ན་སྔ་ཕྱིའི་ཁྱད་པར་ཤེས་ཐུབ་པ་དང༌། མཛད་བྱང་དུ་ཞལ་འདེབས་འབུལ་མཁན་སྦྱིན་པའི་བདག་པོའི་མིང་ཐོ་ཡོད་པ་དེ་ལས་སྐབས་དེའི་སྒེར་དྲག་རྣམས་ཀྱི་གནས་ཚུལ་དཔྱད་གཞིའང་ཡིན། |
| བསམ་ཡས་དཀར་ཆག་ཆེན་མོ |
ཁུ་སྟོན་བརྩོན་འགྲུས་གཡུང་དྲུང་གིས་བསྒྲིགས་པའི་བསམ་ཡས་གཙུག་ལག་ཁང་བཞེངས་པའི་ལོ་རྒྱུས་ཀྱི་ཡི་གེ་ཆེན་མོ་ཞིག |
| བསམ་ཡས་དགེ་རྒྱས་གཙུག་ལག་ཁང་གི་དྲིལ་བུ |
ཆོས་རྒྱལ་ཁྲི་སྲོང་ལྡེ་བཙན་སྐབས་བཙུན་མོ་འབྲོ་ས་ཁྲི་རྒྱལ་མོ་བཙན་གྱིས་ཡོན་སྦྱར་ཏེ་མཆོད་པའི་ཡོ་བྱད་དུ་དམིགས་ནས་བསྐྲུན་པའི་ཅོང་ཆེན་པོ་ཞིག |
| བསམ་ཡས་མཆིམས་ཕུ |
བསམ་ཡས་ཀྱི་བྱང་ཤར་མཚམས་སུ་ཡོད་པའི་རི་ཁྲོད་ཅིག |
| བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང |
བསམ་ཡས་གཙུག་ལག་ཁང་གི་མིང་རྒྱས་པ། |
| བསམ་ཡུལ |
བསམ་བློ་གཏོང་ཡུལ་ཏེ། (དཔེར་ན།) གཞི་རྒྱ་ཆེ་བ་བསམ་ཡུལ་ལས་འདས་པ། བསམ་ཡུལ་དུ་མི་ཤོང་ལྟ་བུ། |
| བསམ་ཡོད |
བསམ་ཤེས་ཅན་ཏེ་བསམ་བློ་གཏོང་ཐུབ་མཁན། |
| བསམ་རྫོགས |
བློ་ཁ་རྫོགས་པའི་དོན་ཏེ། (དཔེར་ན།) བསམ་རྫོགས་ཡི་རངས་ཞེས་པ་ལྟ་བུ། |
| བསམ་ཤེས |
བྱ་དངོས་ལ་དཔྱད་པ་གཏོང་བའི་ནུས་པ་སྟེ། (དཔེར་ན།) སློབ་སྦྱོང་བྱས་པའི་མི་ཁོ་ནི་མི་བསམ་ཤེས་ཤིག་རེད་ལྟ་བུ། |
| བསམ་སྦྱོར |
སེམས་ཀྱི་ཀུན་སློང་དང༌། ལུས་ཀྱི་ལག་ལེན་གྱི་དོན་ཏེ། (དཔེར་ན།) བསམ་སྦྱོར་ངན་པ། བསམ་སྦྱོར་བཟང་པོ། མ་རུངས་པའི་བསམ་སྦྱོར། བསམ་སྦྱོར་ཕྱིན་ཅི་ལོག་པར་འཆང་ལྟ་བུ། |
| བསམས |
སེམས་པའི་འདས་པ། (དཔེར་ན།) མི་དམངས་ཀྱི་དོན་བསམས་ནས་རང་དོན་ཡལ་བར་དོར་ལྟ་བུ། |
| བསམས་པ་ལས་བྱུང་བ |
བསམ་བློ་བཏང་ནས་ངེས་ཤེས་རྙེད་པ། |
| བསམས་པ་ལས་བྱུང་བའི་ཤེས་རབ |
ཤེས་རབ་རྣམ་པ་གསུམ་གྱི་ཡ་གྱལ་ཞིག |
| བསམས་བྱུང |
བསམས་པ་ལས་བྱུང་བའི་བསྡུས་ཚིག |
| བསར |
(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། ཡོ་བྱད་སོགས་རིམ་པ་ལྟར་བསྒྲིགས་པའི་དོན། ད་ལྟ་བར་གསར་དང་། སྐུལ་ཚིག་ལ་གསོར་འབྲི། |
| བསར་བ |
འདོན་པ་དང་གྲ་སྒྲིག་བྱེད་པའི་དོན་དུ་གོ་བའི་གསོར་བའི་འདས་པ་དང་མ་འོངས་པ། |
| བསལ |
སེལ་གྱི་མ་འོངས་པ་དང་འདས་པ། (དཔེར་ན།) འབྲུ་ནང་ནས་རྡོ་ཟེགས་བསལ་དགོས། རྡོ་ཟེགས་བསལ་ནས་གཙང་མ་བྱས་ལྟ་བུ། |
| བསལ་བ |
1.སེལ་བའི་འདས་པ་དང་མ་འོངས་པ། 2.བགོ་རྩིས། 3.དམ་བཅའ་ལྟར་སྣང་གང་ཞིག ཁྱོད་ཀྱི་ལྡོག་ཕྱོགས་ཀྱི་དོན་ཚད་མས་གྲུབ་པ་དམ་བཅའ་དང་སྒྲུབ་བྱེད་འགལ་བ་སོགས་ཀྱིས་འདོད་ལན་འདེབས་མི་ནུས་པ། དཔེར་ན། སྒྲ་ཆོས་ཅན་རྟག་པ་ཡིན་ཏེ། བྱས་པའི་ཕྱིར་ཞེས་པ་ལྟ་བུའོ། ། |
| བསལ་བ་བཞི |
མངོན་སུམ་གྱིས་བསལ་བ་དང༌། དངོས་སྟོབས་ཀྱིས་བསལ་བ་དང༌། ཁས་བླངས་ཀྱིས་བསལ་བ་དང༌། གྲགས་པས་བསལ་བ་སྟེ་བཞིའོ། ། |
| བསལ་བ་འབབ་པ |
དམ་བཅའ་ལ་གནོད་པ་སྟེ་ཁས་ལེན་མི་ནུས་པ། |
| བསལ་བྱ་ལོག་སྒྲུབ |
ཤེར་ཕྱིན་དོན་བདུན་ཅུའི་ནང་གསེས། བདེན་གཉིས་འགལ་བར་འཛིན་པའི་ཤེས་པ། |
| བསལ་བྱ་ལོག་སྒྲུབ་རྗོད་བྱེད་ཀྱི་སྒྲ |
བདེན་གཉིས་གང་རུང་རྒྱུ་མཚན་དུ་བྱས་ནས་གཅིག་ཤོས་སུན་འབྱིན་པའི་རྩོད་ངག |
| བསལ་ཚགས |
ཇ་ཁུ་དང་ཆུ་སོགས་ཀྱི་ནང་ཡོད་པའི་གད་སྙིགས་སོགས་དབྱེ་བསལ་གཏོང་སྤྱད་ཀྱི་ཟངས་ཚགས་རས་ཚགས་སོགས། |
| བསལ་ཡས |
གྲངས་གནས་ཤིག |
| བསིག |
སིགས་ཀྱི་མ་འོངས་པ། |
| བསིག་པ |
གསིག་པའི་མ་འོངས་པ། |
| བསིགས |
སིགས་ཀྱི་འདས་པ། |
| བསིགས་པ |
གསིག་པའི་འདས་པ། |
| བསིང |
(བྱེད་འབྲེལ་ལས་ཚིག) མ་འོངས་པ། དངོས་རྫས་ཀྱི་ཐོག་ལ་ཆུ་གཏོར་ནས་བཤལ་བའི་དོན་ཏེ། (དཔེར་ན།) ཆང་གི་སྦང་མ་ཆུ་ཡིས་བསིང་ལྟ་བུ། ད་ལྟ་བར་གསིང་དང་འདས་པར་བསིངས་སྐུལ་ཚིག་ལ་གསིངས་འབྲི། |
| བསིང་ཆང |
ཆང་བཙགས་ཐེངས་མཐའ་མ་སྟེ་ཆང་རོ་བཅུད་ཞན་ཤོས། |
| བསིང་སྐྱུར |
ཆང་བསིངས་བཏུང༌། |
| བསིངས |
བསིང་བའི་སྐུལ་ཚིག |
| བསིངས་ཁུ |
ཆང་ཧ་ཅང་སླ་མོ། |
| བསིངས་པ |
བསིང་བའི་འདས་པ། |
| བསིངས་པོ |
ཆུ་ཡང་ཡང་བཙགས་པའི་ཐ་མའི་ཁུ་བ་སླ་མོ། |
| བསིངས་བཏུང |
(ཡུལ་སྐད།) ཆང་གསུམ་པ་མན་ཆད་ཀྱི་མིང༌། |
| བསིངས་བུ |
བསིངས་པོ་དང་འདྲ། |
| བསིངས་སྙིགས |
ཆང་བསིངས་པའི་སྙིགས་མ། |
| བསིར |
གསིར་གྱི་མ་འོངས་པ་དང་འདས་པ་དང་སྐུལ་ཚིག |
| བསིལ |
1.གསིལ་བའི་མ་འོངས་པ་དང་འདས་པ། (དཔེར་ན།) བསིལ་བྱའི་ཤིང་། ཤིང་བསིལ་ནས་བུད་ཤིང་བྱས་ལྟ་བུ། 2.དྲིལ་བུ་ལྟ་བུའི་རོལ་མོ་དཀྲོལ་བའི་དོན་ཏེ། (དཔེར་ན།) སློབ་ཐུན་ཚོགས་བརྡའི་དྲིལ་བུ་གསིལ། དྲིལ་བརྡ་བསིལ་ནས་སློབ་མ་འཚོགས་ལྟ་བུ། 3.གྲངས་རིལ་བོ་གཅིག་གྲངས་ཆུང་དུ་ཕྱེ་བའི་དོན་ཏེ། (དཔེར་ན།) དུས་ཆུང་ཉེར་བཞི་ཁེ་གྲངས་སུ་བསིལ་ནས་བརྩིས། སྲང་གང་ཕུན་དུ་བསིལ་ན་ཕུན་བརྒྱ་ཡིན་ལྟ་བུ། |
| བསིལ་ཁང |
1.ཚ་དྲོད་ཆུང་བའི་ཁང་པ། 2.ཁང་པ་གྲང་ངད་ཆེ་ས། |
| བསིལ་གདུགས |
ཉི་འོད་ཀྱི་ཚ་ཟེར་སྒྲིབ་བྱེད་ཀྱི་གདུགས། |
| བསིལ་གཡབ |
རླུང་བསིལ་བུ་གཡོ་བྱེད་ཀྱི་ཡོ་བྱད་རྒྱ་སྐད་དུ་ཧྲན་ཙི་ཟེར། |
| བསིལ་གསུམ |
ནུས་པ་བསིལ་བའི་སྨན་ཅུ་གང་དང༌། གུར་ཀུམ། ལི་ཤི་གསུམ་གྱི་བསྡུས་མིང༌། |
| བསིལ་གྲིབ |
ལྗོན་ཤིང་སོགས་ཀྱི་གྲིབ་མ་ཚ་བ་བྱོལ་ས་བྱེད་ཆོག་པའི་རིགས་ཀྱི་སྤྱི་མིང་། |
| བསིལ་ངད |
གྲང་ངད། |
| བསིལ་ཆབ |
ཆུ་གྲང་མོ། |
| བསིལ་ཐང |
1.ས་ཆ་ཁ་ཡངས་པ་བསིལ་པོ་ཡོད་ས། 2.རོ་བཅུད་བསིལ་བའི་བཏུང་བ། |
| བསིལ་དུགས |
རྨོས་ལྕགས་དང༌། ཆུ་རྡོ་གྲང་མོ་ལྟ་བུ་གང་ན་བའི་གནས་སུ་སྦྱར་བའི་སྨན་བཅོས་བྱེད་ཐབས་ཤིག |
| བསིལ་བ |
1.(བྱེད་མེད་ལས་ཚིག)1>འཁྲུད་པའི་དོན་ཏེ། (དཔེར་ན།) ཞལ་བསིལ་བ། ཕྱག་བསིལ། ཞབས་བསིལ་བ་ཞེས་པ་ལྟ་བུ། 2>བཞར་བའི་དོན་ཏེ། (དཔེར་ན།) དབུ་སྐྲ་བསིལ་བ་ལྟ་བུ། 3>གཏོང་བའི་དོན་ཏེ། (དཔེར་ན།) སྤྱན་ཆབ་མང་པོ་བསིལ་བ། དྲི་ཆུ་བསིལ་བ་ལྟ་བུ། 2.གསིལ་བའི་འདས་པ། 3.གསིལ་བའི་མ་འོངས་པའི་འབྲི་ཚུལ་གཞན་ཞིག 4.(ཡུལ་སྐད།) འབུད་པའི་དོན་ཏེ། དབུ་ཞྭ་བསིལ་བ། ཞབས་ཕྱགས་བསིལ་བ་ཞེས་པ་ལྟ་བུ། 5.འཁྱག་པའི་དོན་ཏེ། སྐུ་བསིལ་ཡོང༌། ལྷགས་པ་བསིལ་བ། བསིལ་དྲོད་འཚམ་པོ། སྨན་ནུས་བསིལ་བ། སྨན་གྱི་ཡོན་ཏན་བསིལ་བ། གནམ་གཤིས་བསིལ་བ་ཞེས་པ་ལྟ་བུ། |
| བསིལ་བ་གསུམ |
ཅུ་གང་དང༌། གུར་ཀུམ། སུག་སྨེལ་ཏེ་གསུམ། |
| བསིལ་བ་ཐོབ་པ |
ཐར་པ་ཐོབ་པ། |
| བསིལ་བའི་ཆར་ལྡན |
(མངོན་བརྗོད།) 1>ཆུ་ཤེལ། 2>ཟླ་བ། |
| བསིལ་བའི་ཆུ་སྐྱེས |
(མངོན་བརྗོད།) ལྕགས་རིགས་འཁར་བ། |
| བསིལ་བའི་དངོས་པོ |
1.དངོས་པོ་གྲང་བའི་རང་བཞིན་ཅན། 2.ཐར་པ་མྱང་འདས། |
| བསིལ་བའི་ཚལ |
སྔར་རྒྱ་གར་རྡོ་རྗེ་གདན་གྱི་ཤར་ལྷོའི་ཕྱོགས་སུ་ཡོད་པའི་དུར་ཁྲོད་ཅིག |
| བསིལ་བའི་ཚལ་ཆེན་མོ |
གཟུངས་ཆེན་གྲྭ་ལྔའི་ནང་ཚན་ཞིག |
| བསིལ་བསེར |
(བརྡ་རྙིང་།) རླུང་གྲང་མོ། |
| བསིལ་བསེར |
1.རླུང་བསིལ་མོའི་མིང་། 2.བོད་ཀྱི་གསོ་བ་རིག་པའི་བཤད་ཚུལ་ལྟར་ན་སྨན་གྱི་ནུས་པ་ལ་ཚ་ནད་སེལ་བའི་ནུས་པ་དང་གྲང་ནད་སེལ་བའི་ནུས་པ་གཉིས་ཡོད་པས། ཚ་ནད་སེལ་བའི་ནུས་པ་ལ་བསིལ་བ་ཟེར། |
| བསིལ་བུ |
གྲང་བའི་དོན་དུ་གོ་བའི་བསིལ་བ་དང་འདྲ། |
| བསིལ་བྱེད |
(མངོན་བརྗོད།) 1>ཁ་བ། 2>བ་མོ། 3>ཟླ་བ། 4>སྤྲིན་པ། 5>རླུང༌། 6>ཙན་དན། 7>ལྷའི་ལྗོན་པ། |
| བསིལ་མོ |
གྲང་བའི་དོན་དུ་གོ་བའི་བསིལ་བ་དང་འདྲ། |
| བསིལ་ཟས |
འཁྱག་པ་ཟ་ཆོག་པའི་ཟས་རིགས་ཀྱི་མིང་། |
| བསིལ་ཟེར |
(མངོན་བརྗོད།) ཟླ་བའི་འོད་ཟེར། |
| བསིལ་ཟེར་ཅན |
(མངོན་བརྗོད།) ཟླ་བ། |
| བསིལ་འགུག |
ལོ་གཅིག་གི་དུས་གཟེར་ཉེར་བཞིའི་ཡ་གྱལ་ཞིག་ལུགས་གསར་གྱི་ཟླ་༨་པའི་ཚེས་༢༢་དང་༢༣། ཡང་ན་༢༤་ལ་འཆར། |
| བསིལ་འགུགས |
གནམ་གཤིས་གྲང་དུ་ཕྱིན་པ་ཧོར་ཟླ་བདུན་པའི་སྒང་གི་དུས་ཚིགས། |
| བསིལ་འཛིན |
(མངོན་བརྗོད།) ཆུ་ལྷ། |
| བསིལ་ཡབ |
བསིལ་གཡབ་དང་འདྲ། |
| བསིལ་རི |
1.གངས་རི། 2.ནང་གི་རི་དྲུག་གི་ཡ་གྱལ་ཞིག་དེའི་རྩེ་དང་ལྷུན་པོའི་རྭ་ལྔ་པ་ཐུར་འཕྱང་དང་ཕྲད་པས་དེའི་ནང་རོལ་ཏུ་ཉི་ཟླའི་འོད་མི་འཕོག་དེའི་ཕྱི་རོལ་ན་འཛམ་གླིང་ཆེན་པོའོ། ། |
| བསིལ་རིགས |
གྲང་བ་བསྐྱེད་པའམ་ཚ་བ་སེལ་བའི་སྨན་དཔྱད་ཟས་སྤྱོད་ཀྱི་སྤྱི་མིང་། (དཔེར་ན།) གྲང་ནད་ཅན་གྱིས་བསིལ་རིགས་ལ་འཛེམ་དགོས་ལྟ་བུ། |
| བསིལ་ལྗོངས |
བསིལ་ལྡན་སཱ་ལའི་སྨན་ལྗོངས་ཀྱི་བསྡུས་ཚིག |
| བསིལ་ལྡན |
(མངོན་བརྗོད།) ཟླ་བ། |
| བསིལ་ལྡན་དུས |
(མངོན་བརྗོད།) ཁ་བ་འབབ་པའི་དུས། |
| བསིལ་ལྡན་མ |
(མངོན་བརྗོད།) དགུན་ཁ། |
| བསིལ་ལྡན་སཱ་ལའི་སྨན་ལྗོངས |
བོད་ཡུལ། |
| བསིལ་སྐམ |
སྔོ་སྨན་སོགས་གྲིབ་སྐམ་བྱེད་ཐབས། |
| བསིལ་སྦྱིན་མཁན |
(མངོན་བརྗོད།) ཟླ་བ། |
| བསིལ་སྨན |
ཚ་བ་སེལ་བའི་ནུས་པ་ཡོད་པའི་སྨན་རིགས་ཀྱི་སྤྱི་མིང་། |
| བསུ |
(བྱེད་འབྲེལ་ལས་ཚིག) བསུས་པའི་མ་འོངས་པ་དང་ད་ལྟ་བ། མགྲོན་པོའི་མདུན་དུ་འགྲོ་བ་དང་སྙུན་འདྲི་བ། སྣེ་ལེན་བྱེད་པ་སོགས་དགའ་བའི་རྣམ་པ་སྟོན་པའི་དོན་ཏེ། (དཔེར་ན།) བསུ་བྱའི་མགྲོན་པོ་བསུ་དགོས། མགྲོན་པོ་བསུ་མཁན། མགྲོན་པོ་བསུ་པའི་སྐབས་ཞེས་པ་ལྟ་བུ། |
| བསུ་ཆང |
1.བག་མ་བསུ་བའི་ཆང༌། 2.ཕྱོགས་མགྲོན་ཕེབས་བསུའི་སྐབས་དྲང་རྒྱུའི་ཆང༌། |
| བསུ་བེལ |
གསུ་བེལ་དང་འདྲ། |
| བསུ་སྨན |
བཤང་ལམ་ནས་ཡར་གཏོང་རྒྱུའི་སྦྱོང་སྨན་རིགས་ཤིག |
| བསུག་པ |
(བརྡ་རྙིང་།) 1>བླུག་པ། 2>འཕུར་བ་དང་མཉེ་བ། |
| བསུང |
དྲི་ཞིམ་པོའི་མིང་། (དཔེར་ན།) པད་མའི་དྲི་བསུངས་ཞེས་པ་ལྟ་བུ། |
| བསུངས |
རུལ་དྲིའི་མིང་། |
| བསུན |
སུན་གྱི་འབྲི་ཚུལ་གཞན། |
| བསུན་པ |
སུན་པ་དང་འདྲ། |
| བསུན་པོ |
སུན་པོ་དང་འདྲ། |
| བསུན་མ |
བསུ་མཁན་གྱི་པོ་ཉ་མོ། |
| བསུབ |
སུབ་ཀྱི་མ་འོངས་པའི་འབྲི་ཚུལ་གཞན། |
| བསུབ་པ |
སུབ་པའི་མ་འོངས་པ། |
| བསུབས |
བསུབ་པའི་འདས་པ། (དཔེར་ན།) རི་མོ་བསུབས་ནས་ཡི་གེ་བྲིས་ལྟ་བུ། |
| བསུམ |
(བྱེད་འབྲེལ་ལས་ཚིག) བསུམས་པའི་མ་འོངས་པ། སྣོད་སོགས་ཀྱི་ཁ་གཏན་པ་སྟེ། (དཔེར་ན།) དཔེ་ཆ་ཁ་བསུམ་དགོས། ཕྱེ་ཁུག་ཁ་བསུམ་དགོས་ལྟ་བུ། |
| བསུམས |
བསུམ་པའི་འདས་པ། (དཔེར་ན།) དཔེ་ཆ་ཁ་བསུམས་ནས་བཞག་ལྟ་བུ། |
| བསུས |
བསུ་བའི་འདས་པ། (དཔེར་ན།) སྐུ་མགྲོན་བསུས་ནས་གསོལ་སྟོན་དྲངས་ལྟ་བུ། |
| བསེ |
1.སེ་ཞེས་པའི་འབྲི་ཚུལ་གཞན་ཞིག 2.ཚོན་རྩི་བཏང་བའི་ཀོ་བ་དང་རས་སོགས། (དཔེར་ན།) ཀོ་བསེ། རས་བསེ་ཞེས་པ་ལྟ་བུ། |
| བསེ་ཀོ |
1.ཀོ་བ་རྩི་ཅན། 2.རི་དྭགས་བསེ་རུའི་ཀོ་བ། |
| བསེ་ཁ་སྒོ |
སེང་གེ་རྐང་པ་བརྒྱད་པ། |
| བསེ་ཁྲབ |
1.ཀོ་བསེ་ལས་བཟོས་པའི་ཁྲབ། 2.ལྷ་སྲུང་བྱེ་བྲག་པ་ཞིག |
| བསེ་ཅན |
དྲི་མ་ཅན། |
| བསེ་ཐེབ |
བསེ་ཐེབས་དང་འདྲ། |
| བསེ་ཐེབས |
བསེ་ཐེབ་བམ་སག་ཐེབས་ཀྱང་ཟེར། རས་བསེ་ལས་བཟོས་པའི་ཞྭ་སྔར་བོད་ཀྱི་རྩེ་དྲུང་སོགས་ཀྱིས་གྱོན་པའི་དབྱར་ཞྭ་ཞིག |
| བསེ་དུག |
རེག་དུག |
| བསེ་དོང |
ཀོ་བསེ་ལས་བཟོས་པའི་མདའ་ཤུབས་སམ་མདའ་དོང༌། |
| བསེ་དྲི |
མཆན་འོག་རྨེན་བུའི་རྒྱུད་དུ་གནས་པའི་བསེ་རགས་ཞེས་པའི་སྲིན་བུ་འཕེལ་བ་ལས་བྱུང་བའི་ལྷན་སྐྱེས་ཀྱི་ལུས་ནས་དྲི་མ་ངན་པ་མནམ་པ་ཞིག |
| བསེ་བ |
སེ་བ་ཡི་འབྲི་ཚུལ་གཞན། |
| བསེ་བོ |
དྲི་ངན་ཅན་གྱི་འབུ་ནག་པོ་ཞིག |
| བསེ་མོག |
ཕོ་མོའི་མཚན་མའི་ནད་གཞན་ལ་འགོ་བ་ཞིག་སྟེ་རེག་དུག་ཀྱང་ཟེར། |
| བསེ་འབག |
རས་བསེ་ལས་བཟོས་པའི་གདོང་བརྙན་འབག |
| བསེ་ཡབ |
ཤིང་སྨན་གྱི་རིགས་ཤིག་རོ་སྐྱུར་ལ་མངར། ཞུ་རྗེས་བསིལ། ནུས་པས་བད་ཀན་སྨུག་པོ་དང༌། ཕོ་ཚད་རྙིང་པ་སོགས་ལ་ཕན། མིང་གི་རྣམ་གྲངས་ལ་དྲ་བ་ཐིང་སླད་དང༌། ཙི་ཙ་ནིའོ། |
| བསེ་རག |
ཟས་ནོར་གྱི་བཅུད་ཟ་བའི་འབྱུང་པོ་ཞིག |
| བསེ་རུ |
ཚིག་བསྡུས་ན་བསེ་ཞེས་འབྲི། ནུ་མ་ནུ་བའི་སྲོག་ཆགས་སུག་བཞིའི་རིགས་ཤིག་དབྱིབས་ཕལ་ཆེར་བ་ལང་དང་ཆ་འདྲ་ལ། ལུས་ན་ཧ་ལམ་སྤུ་གཅིག་ཀྱང་མེད་ཅིང་། གཉེར་མ་མང་ལ་སྣ་མགོར་རྭ་སྐྱེས་ཡོད་པ་ཞིག་ཡིན། རྒྱ་གར་ན་ཡོད་པ་ལ་རྭ་གཅིག་མ་གཏོགས་མེད་པ་དང་། ཨ་ཧྥེ་རི་ཀའི་གླིང་ན་ཡོད་པ་ལ་རྭ་གཉིས་ཡོད། རྭའི་མིང་ལ་བསེ་རུའི་རྭ་ཟེར་ཞིང་སྨན་རྩ་ཆེན་ཞིག་ཡིན། |
| བསེ་རུ་ཁྲ་བོ |
སྲོག་ཆགས་ཀྱི་སྨན་རིགས་ཤིག་རོ་ཁ་ལ་ཚ། ཞུ་རྗེས་སྙོམས། ནུས་པས་གློ་བ་སོགས་བྱང་ཁོག་གི་རྣག་ཁྲག་ཆུ་སེར་སྐེམ། དུག་ནད་སྲུང༌། གླང་ཐབས་འཇོམས། |
| བསེ་རུ་དཀར་པོ |
སྲོག་ཆགས་ཀྱི་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་གློ་བ་སོགས་བྱང་ཁོག་གི་རྣག་ཁྲག་ཆུ་སེར་སྐེམ། དུག་ཚད་སེལ། |
| བསེ་རུ་ནག་པོ |
སྲོག་ཆགས་ཀྱི་སྨན་རིགས་ཤིག་རོ་ཚ་ལ་བསྐ། ཞུ་རྗེས་དྲོད། ནུས་པས་གློ་བ་སོགས་བྱང་ཁོག་གི་རྣག་ཁྲག་ཆུ་སེར་རྣམས་སྐེམ་ཞིང༌། ཁྱད་པར་དུ་གློ་བའི་རྣག་ཆུ་སྐེམ། |
| བསེ་རུ་རང་རྒྱལ་གྱི་ལམ |
ཤེར་ཕྱིན་དོན་བདུན་ཅུའི་ནང་གསེས། ལམ་ཤེས་གང་ཞིག་བདག་མེད་ཕྱེད་དང་གཉིས་རྟོགས་པའི་ཉི་ཚེ་བའི་མཁྱེན་པ་རང་རྒྱལ་གྱི་ལམ་ཤེས་པའི་ལམ་ཤེས་སོ། ། |
| བསེ་རུ་ལྟ་བུའི་རང་སངས་རྒྱས |
དགེ་འདུན་ཉི་ཤུའི་ནང་གསེས། རང་རྒྱལ་དགྲ་བཅོམ་གང་ཚེ་རབས་སྔ་མ་ལ་ངེས་འབྱེད་ཆ་མཐུན་མ་བསྐྱེད་པ་ཉན་ཐོས་ཀྱི་ལམ་སྔོན་དུ་མ་བཏང་ཞིང༌། སངས་རྒྱས་འབྱུང་བ་མེད་པར་བདག་ཉིད་ཀྱིས་ལམ་མངོན་དུ་བྱས་པ་རི་དྭགས་བསེ་རུ་ལྟ་བུ་གཅིག་པུར་གནས་པའོ། ། |
| བསེ་རུའི་རྒྱལ་བ |
(མངོན་བརྗོད།) རང་སངས་རྒྱས། |
| བསེ་རུའི་རྭ |
བསེ་རུའི་རྭ་ཅོ། |
| བསེ་ལེ་སྦུར་གོག |
(ཡུལ་སྐད།) དྲི་ངན་ཅན་གྱི་འབུ་ནག་པོ། |
| བསེ་ཤིང |
ལྷོ་མོན་སོགས་ནགས་ཚལ་སྟུག་པོའི་ནང་དུ་སྐྱེས་པའི་ཤིང་སྡོང་ལ་ཐུག་རེག་བྱས་ན་ལུས་ལ་རྨ་འབྱུང་ཞིང་སྐྲང་བའི་དུག་ཡོད་པ་ཞིག |
| བསེ་ཤིང་དུག |
མི་རྒྱུ་བའི་དུག་གི་བྱེ་བྲག་བསེ་ཤིང་ནག་པོ་ལས་འཕོས་པའི་དུག |
| བསེ་སྒམ |
བསེ་ཀོའི་སྒམ། |
| བསེ་སྦུར |
སྲོག་ཆགས་ཀྱི་སྨན་གྱི་རིགས་ཤིག་སྟེ་རོ་ཚ། ཞུ་རྗེས་སྙོམས། ནུས་པས་ཁོང་སྲིན་གསོད། གླང་ཐབས་འཇོམས། འབུ་ནག་པོ་དྲི་ཁ་བོ་བྲོ་བ་ཞིག་སྟེ་ཡུལ་སྐད་ལ་ལར་འབུ་བསེ་བོ་ཡང་ཟེར། |
| བསེགས |
གསེག་པའི་འདས་པ། (དཔེར་ན།) རས་བསེགས་ནས་དྲས་ལྟ་བུ། |
| བསེགས་པ |
དྲང་པོ་མིན་པར་འཕྲེད་འཕྲེད་ཀྱི་དོན། (དཔེར་ན།) ལམ་བསེགས་ནས་འགྲོ། སྨྱུག་ཁ་བསེགས་ནས་བཅད་ཅེས་པ་ལྟ་བུ། |
| བསེང |
སངས་དང་དོན་འདྲ། |
| བསེད |
གསེད་པའི་འདས་པ་དང་སྐུལ་ཚིག (དཔེར་ན།) བལ་བསེད་ནས་སྐུད་པ་བཀལ། ཁྱོད་ཀྱིས་བལ་བསེད་ཅིག་ལྟ་བུ། |
| བསེད་བལ |
བསེད་ཟིན་པའི་བལ། |
| བསེན |
(བརྡ་རྙིང་།) 1>བཤེས་གཉེན། 2>གདོན། |
| བསེན་ཐོར |
ཕྲུ་གུ་བཙས་མ་ཐག་བསེན་མོས་གནོད་པ་བྱས་པར་གྲགས་པའི་ཐོར་ནད་ཅིག |
| བསེན་པ |
(བརྡ་རྙིང་།) སེམས་ལ་གཅགས་ཤིང་མཛའ་བ། |
| བསེན་མོ |
འདྲེ་མོ་སྟེ། རྒྱལ་བསེན། བུད་མེད་ངན་མའི་དཔེ། |
| བསེན་འཐོར་བ |
(བརྡ་རྙིང་།) གཉེན་ཁ་བྲལ་བ། |
| བསེར |
1.(བྱེད་འབྲེལ་ལས་ཚིག) གཅེས་སྤྲས་བྱེད་པའམ་སེར་སྣ་བྱེད་པའི་དོན་ཏེ། (དཔེར་ན།) ནད་པས་རང་གི་ལུས་ལ་བསེར། འབྲུ་རིགས་བསེར་ནས་བཀོལ་ལྟ་བུ། 2.བསེར་བུ་ཞེས་པའི་ཚིག་བསྡུས་པ། |
| བསེར་བ |
(བརྡ་རྙིང་།) སེར་སྣ། |
| བསེར་བུ |
རླུང་ཆུང་ངུའི་མིང་། (དཔེར་ན།) བསེར་བུ་ལྡང་ལྟ་བུ། ཚིག་བསྡུས་ན་བསེར་ཞེས་འབྲི་ཆོག་སྟེ། (དཔེར་ན།) རླུང་བསེར། བསིལ་བསེར་ཞེས་པ་ལྟ་བུ། |
| བསེར་མ |
བསེར་བུ་དང་འདྲ། |
| བསེལ་བ |
(བརྡ་རྙིང་།) ཉེན་ཁ་ཡོད་པའི་ལམ་ལ་སྲུང་སྐྱེལ་བྱས་པ། |
| བསེལ་བྱེད |
(བརྡ་རྙིང་།) ལམ་སྐྱེལ། |
| བསེལ་མ |
སྐྱེལ་མའི་བརྡ་རྙིང་། |
| བསོ |
འབོད་པའི་སྒྲ་ཞིག་ཀྱེ་དང་ཀ་ཡེ་ཀེ་སོགས་དང་འདྲ། ཡུལ་སྐད་ལ་ལར་བཙའ་བའི་དོན་ལ་བསོ་དང་། བཙས་ལ་བསོས་ཟེར་བའི་འབྲི་ཚུལ། |
| བསོ་བ |
ངལ་བ་ལས་སླར་གསོ་བའི་དོན་དུ་གོ་བའི་གསོ་བའི་མ་འོངས་པ། |
| བསོ་སྒྲ |
བསྭོ་སྒྲ་ཡང་ཟེར། ཀི་ཀི་བསོ་བསོའི་སྒྲ། |
| བསོག |
1.གསོག་པའི་མ་འོངས་པ། (དཔེར་ན།) ཐུན་མོང་ལ་རྒྱུ་ནོར་བསོག་དགོས། བསོག་བྱ་ཞེས་པ་ལྟ་བུ། 2.གསག་གི་འབྲི་ཚུལ་གཞན། |
| བསོགས |
གསོག་པའི་འདས་པ། (དཔེར་ན།) ཆུ་མཛོད་དུ་ཆུ་བསོགས་ནས་ཞིང་ལ་དྲངས། ཁབ་བསོགས་ནས་འབིག་བརྡུངས་ལྟ་བུ། |
| བསོང་པོ |
སྲོང་པོ་དང་འདྲ། |
| བསོངས |
བསང་བའི་སྐུལ་ཚིག (དཔེར་ན།) ལུས་ལ་ཆུ་གཙང་གིས་བསོངས་ཤིག་ལྟ་བུ། |
| བསོད |
1.(བྱེད་མེད་ལས་ཚིག) དགའ་བའི་དོན་ཏེ། (དཔེར་ན།) ལུས་སྐྱིད་སེམས་བསོད་ལྟ་བུ། 2.(རྒྱན་ཚིག) བཟང་བའི་དོན་ཏེ། (དཔེར་ན།) བཀྲེས་པའི་མི་ཡིས་ཁ་ཟས་བསོད་པ་ཟ་བ་འདྲ་ལྟ་བུ། |
| བསོད་ཉམས་པ |
1.བསོད་ནམས་ཉམས་པ། 2.གཟུགས་སྟོབས་ཉམས་པ། 3.འདོད་པ་ལ་ལྷག་པར་སྤྱོད་པ། |
| བསོད་ནམས |
1.རྣམ་དཀར་གྱི་ལས། 2.སྟོབས་འབྱོར་ལོངས་སྤྱོད་སོགས་ཀྱི་མིང་། (དཔེར་ན།) བསོད་ནམས་དང་མངའ་ཐང་ཞེས་པ་ལྟ་བུ། བསོད་ནམས་ཉམས་པ། བསོད་ནམས་བསགས་ཞེས་པ་ལྟ་བུ། མིང་གི་རྣམ་གྲངས་ལ་སྐལ་བ་བཟང་དང༌། ཁྱུ་མཆོག་མཁར་རྗེ། དགེ་བའི་ཆོ་ག། དགེ་ལེགས། ཆོས། ཉམས་དགའ་བ། དམ་པ། སྡིག་ཟད། ལེགས་བྱས་བཅས་སོ། །3.ཞི་གཟའ་གཉིས་ཀྱི་མིང་གི་རྣམ་གྲངས། (དཔེར་ན།) ཁྱིམ་བཅུ་གཉིས་ཀུན་ལ་བསོད་ནམས་ཤིན་ཏུ་དགེ་ཞེས་པ་ལྟ་བུ། |
| བསོད་ནམས་ཀྱི་གནས |
བསོད་ནམས་གསོག་སའི་གནས་ཏེ། བླ་མ། ཕ་མ། ནད་པ། བྱང་ཆུབ་སེམས་དཔའ། སྲོག་ལ་ཐུག་པའི་མི་བཅས། |
| བསོད་ནམས་ཀྱི་ཚོགས |
དམིགས་པ་དང་བཅས་པའི་མཆོད་སྦྱིན་སོགས་དཀར་པོ་དགེ་བའི་ལས། |
| བསོད་ནམས་ཀྱི་ཞིང |
ཚོགས་གསོག་པའི་ཞིང་ཕ་མ་དང༌། ནད་པ། བླ་མ། དགེ་འདུན། བྱང་ཆུབ་སེམས་དཔའ་བཅས། |
| བསོད་ནམས་ཀྱི་འབྲས་བུ |
ཚེ་རིང་བ་དང༌། ནད་མེད་པ། ལོངས་སྤྱོད་ཆེ་བ་སོགས། |
| བསོད་ནམས་ཀྱི་ལས |
དགེ་བ་བཅུ། |
| བསོད་ནམས་ཀྱི་སྣོད |
1.བསོད་ནམས་གསོག་པའི་ཡུལ། 2.བསོད་ནམས་ཅན། |
| བསོད་ནམས་ཁང་པ |
(མངོན་བརྗོད།) རྒྱལ་པོའི་ཕོ་བྲང༌། |
| བསོད་ནམས་ཅན |
རྣམ་དཀར་གྱི་ལས་ལྡན་པ། མིང་གི་རྣམ་གྲངས་ལ་སྐལ་བ་ལྡན་པ་དང༌། མཁར་རྗེ་ཅན། ཆོས་ཅན། དཔལ་ཡོན་ལྡན་པ། བཟང་བྱས་པ། ལེགས་ལྡན་པ། བསོད་ནམས་ལྡན་པ་བཅས་སོ། ། |
| བསོད་ནམས་དཔལ་འཛོམས |
(ཡུལ་སྐད།) སྔོ་ཚལ་ཞིག་སྟེ་འུ་སུ། |
| བསོད་ནམས་ཕྱོགས་ཀྱི་གླང་པོ |
པཎ་ཆེན་ཨེར་ཏེ་ནིའི་སྐུ་ཕྲེང་བརྒྱུད་རིམ་དུ་འདྲེན་པའི་གཉིས་པ། རབ་བྱུང་བདུན་པའི་ས་ལུག་ལོར་འཁྲུངས། རབ་བྱུང་བརྒྱད་པའི་ཤིང་བྱི་ལོར་འདས། |
| བསོད་ནམས་བཟང་པོ |
ས་སྐྱ་སློབ་དཔོན་ཏི་ཤྲི་ཀུན་དགའ་བློ་གྲོས་རྒྱལ་མཚན་བཟང་པོའི་སྤུན་རྒན་པ། རབ་བྱུང་ལྔ་པའི་ལྕགས་བྱ་ལོར་བྱང་ངོས་སུ་གུའི་གུང་བྱས། ཧོར་ཡིག་གསར་པའི་གསེར་ཐམ་བཟུང༌། མེ་སྟག་ལོར་ཀོ་ཏན་རྒྱལ་པོའི་སྐབས་རབ་བྱུང་བབ་ནས་སྐྱ་བོ་བྱས། རྒྱལ་པོའི་བུ་མོ་མུན་དྷ་ཀན་བཙུན་མོར་བྱིན། དབུས་གཙང་དང་མངའ་རིས་སྐོར་གསུམ་གྱི་ཁྲིམས་ཀྱི་བྱེད་པོ་དཔོན་ཆེན་དུ་བསྐོས་ནས་བོད་དུ་ལོག་པའི་ལམ་བར་དུ་འདས། |
| བསོད་ནམས་བསུང |
(མངོན་བརྗོད།) ཙམ་པ་ཀ། |
| བསོད་ནམས་མ་ཡིན་པ |
མི་དགེ་བའི་ལས། |
| བསོད་ནམས་མེ་ཏོག |
སེ་བའི་མེ་ཏོག |
| བསོད་ནམས་ཞིང |
ཡོན་གནས་ཕྱག་བྱ་བའི་ཡུལ། |
| བསོད་ནམས་རྒྱ་མཚོ |
༸གོང་ས་ཏཱ་ལའི་བླ་མ་སྐུ་ཕྲེང་གསུམ་པ། རབ་བྱུང་དགུ་པའི་ཆུ་ཡོས་ལོར་དབུས་སྟོད་ལུང་ཁང་གསར་གོང་དུ་འཁྲུངས། ལོ་བཞི་པར་དགེ་འདུན་རྒྱ་མཚོའི་ཡང་སྲིད་ལ་ངོས་བཟུང༌། རབ་བྱུང་དགུ་པའི་ཆུ་བྱི་ལོར་འབྲས་སྤུང་དགོན་པའི་མཁན་པོ་མཛད། རབ་བྱུང་དགུ་པའི་ས་རྟ་ལོར་སེ་རའི་མཁན་པོ་མཛད། རབ་བྱུང་བཅུ་པའི་མེ་གླང་ལོར་མཚོ་སྔོན་དང་མདོ་ཁམས་ཕྱོགས་ལ་ཕེབས། ཕེབས་ལམ་ཞོར་དུ་སྐུ་འབུམ་དགོན་པ་བཏབ། རབ་བྱུང་བཅུ་པའི་ལྕགས་འབྲུག་ལོར་མདོ་ཁམས་སུ་བསྐྱོད་ནས་ལི་ཐང་དགོན་པ་བཏབ། སོག་པོ་ཨལ་ཐན་རྒྱལ་པོས་སོག་ཡུལ་དུ་གདན་དྲངས། དགེ་ལུགས་ཀྱི་ཆོས་དར་སྤེལ་བྱས། ཨལ་ཐན་རྒྱལ་པོས་ཏཱ་ལའི་བླ་མ་སྟེ་རྒྱ་མཚོའི་བླ་མ་ཟེར་བའི་གོ་གནས་ཕུལ། དེ་ནས་བཟུང་སྐུ་ཕྲེང་རིམ་པར་ཏཱ་ལའི་བླ་མ་ཞེས་པའི་མཚན་སྙན་ཐོགས། |
| བསོད་ནམས་རྒྱན |
བདུད་ཀྱི་བུ། |
| བསོད་ནམས་རྟེན་གྱི་ས |
སྔགས་རྙིང་མའི་གཞུང་དུ། རྣལ་འབྱོར་གཉིས་པའི་སྐབས་སུ་ཐོབ་པའི་ས་ལྔ་པ་སྟེ་ཉེ་རྒྱུའི་སྤྱོད་པའི་བསོད་ནམས་ལ་བརྟེན་ནས་ཟག་མེད་ཀྱི་ཡེ་ཤེས་ལ་སྦྱོར་བས་ས་ལྔ་པ་ལ་བསོད་ནམས་རྟེན་གྱི་ས་ཞེས་བྱའོ། ། |
| བསོད་ནམས་རྩེ་མོ |
ས་ཆེན་ཀུན་དགའ་སྙིང་པོའི་སྲས། ས་སྐྱ་གོང་མ་གཉིས་པ། རབ་བྱུང་གཉིས་པའི་ཆུ་ཕོ་ཁྱི་ལ་འཁྲུངས། ཕྱ་པ་ཆོས་སེང་གི་དྲུང་དུ་ལོ་མང་དབུ་ཕར་སྦྱངས་ཤིང༌། ཡབ་ཀྱི་རྗེས་སུ་གདན་ས་བཟུང་ནས་ལམ་འབྲས་ཀྱི་གདམས་པ་སྤེལ། དགུང་ལོ་བཞི་བཅུ་ཞེ་གཅིག་པ་ཆུ་ཕོ་སྟག་ལ་འདས། |
| བསོད་ནམས་ལྡན |
1.བསོད་ནམས་ཅན། 2.(མངོན་བརྗོད།) སྒྲ་གཅན་གྱི་མིང༌། |
| བསོད་ནམས་སུ་བྱ་བའི་དངོས་པོ་གསུམ |
སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང༌། ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ། བསྒོམ་པ་ལས་བྱུང་བའི་བསོད་ནམས་བྱ་བའི་དངོས་པོ་བཅས་སོ། ། |
| བསོད་ནམས་སྐྱེ་བོའི་དབང་ཕྱུག |
(མངོན་བརྗོད།) སྲིན་པོའི་རྒྱལ་པོ། |
| བསོད་ནམས་སྐྱེས |
1.བསམ་གཏན་བཞི་པའི་གནས་རིས་གཉིས་པ་གནས་འདིར་སྐྱེས་པའི་ལྷ་རྣམས་ནི་ཚངས་གནས་བཞི་སོགས་བསོད་ནམས་ཀྱི་མཆོག་ཐོབ་པའི་གནས་ཡིན་པས་བསོད་ནམས་འཕེལ་ལམ་བསོད་ནམས་སྐྱེས་ཞེས་བྱ། 2.གནོད་སྦྱིན། |
| བསོད་པ |
ལེགས་པའམ་བཟང་བ་དང་བདའ་བའི་དོན་ཏེ། (དཔེར་ན།) ཟས་བསོད་པ་ཞེས་པ་ལྟ་བུ། |
| བསོད་པར་གནས་པ |
བདེ་བར་གནས་པ། |
| བསོད་བཏགས |
བསོད་ནམས་ཁ་བཏགས་ཟེར་བའི་ཁ་བཏགས་ཞན་པ་ཞིག |
| བསོད་བདེ |
རྣམ་དཀར་གྱི་ལས་ཏེ། (དཔེར་ན།) བསོད་བདེ་སྐམ་པོ། བསོད་བདེ་ཆེན་པོ། བསོད་བདེ་ཆེ་ཆུང༌ཞེས་པ་ལྟ་བུ། |
| བསོད་ཞན་པོ |
1.བསོད་བདེ་ཆུང་བ། 2.ཟས་བྲོ་བ་སྡུག་པོ། |
| བསོད་ཟད |
བསོད་ནམས་ཟད་པ་སྟེ། (དཔེར་ན།) མི་བསོད་ཟད་ཀྱིས་བསམ་ངན་དྲན་ཞེས་པ་ལྟ་བུ། |
| བསོད་སྙོམས |
1.སྦྱིན་གཏོང་གི་བསོད་ནམས་སྙོམས་པ་སྟེ། (དཔེར་ན།) བསོད་སྙོམས་པ། བསོད་སྙོམས་སྦྱོར་བ། བསོད་སྙོམས་སློང་བ། བསོད་སྙོམས་ལ་རྒྱུ་བ་ལྟ་བུ། 2.སྦྱིན་བྱའི་ཟས་ནོར་ཏེ། (དཔེར་ན།) འདོད་ཆགས་ཞེ་སྡང་བྲལ་བར་བསོད་སྙོམས་སྤྱོད་ཅིང་རྒྱུ་ཞེས་པ་ལྟ་བུ། |
| བསོར |
གསོར་བའི་མ་འོངས་པ་དང་འདས་པ། (དཔེར་ན།) བསོར་བྱའི་ཐོ་བ་བསོར་དགོས། ཟོར་བ་བསོར་ནས་ལོ་ཏོག་བྲེགས་ལྟ་བུ། |
| བསོལ |
(བརྡ་རྙིང་།) འགྲོགས་བདེ་བ། |
| བསོས |
བསོ་ལ་ལྟོས། |
| བསོས་པ |
ངལ་བ་ལས་སླར་གསོ་བའི་དོན་དུ་གོ་བའི་གསོ་བའི་འདས་པ། |
| བསྐ་བ |
1.རོའི་བྱེ་བྲག་ཨ་རུ་རའི་རོ་ལྟ་བུ། 2.སླ་མིན་གར་པོ་སྟེ། (དཔེར་ན།) ཐུག་པ་བསྐ་བ་ལྟ་བུ། |
| བསྐང |
སྐོང་གི་མ་འོངས་པ། (དཔེར་ན།) འདོད་པ་བསྐང་དགོས་ལྟ་བུ། |
| བསྐང་གཏོར |
ལྷ་སྲུང་གསོལ་མཆོད་ཀྱི་རྣམ་གྲངས་བསྐང་གསོའི་གཏོར་མ། |
| བསྐང་གསོ |
ལྷ་དང་སྲུང་མའི་ཐུགས་དགྱེས་པར་བྱེད་ཅིང༌། ཉམས་ཆག་གི་ཉེས་པ་གསོ་བར་བྱེད་པའི་ཆོ་ག། |
| བསྐང་གསོལ |
ལྷ་སྲུང་མཆོད་པའི་ཆོ་ག་ཞིག་གི་མིང་། |
| བསྐང་བཤགས |
ལྷ་སྲུང་གསོལ་བ་དང་འབྲེལ་འགལ་འཁྲུལ་བཤགས་པ་འབུལ་བ། |
| བསྐང་མདོས |
ལྷ་སྲུང་གསོལ་མཆོད་བྱེད་པའི་ཆོ་གའི་བྱེ་བྲག་ཅིག |
| བསྐང་འཕྲིན་བསྟོད་བསྐུལ |
ཆོས་སྐྱོང་སྲུང་མ་རྣམས་ལ་བྱ་དགོས་པའི་བསྐང་གསོ་དང༌། འཕྲིན་བཅོལ། བསྟོད་པ། བསྐུལ་མ་བཅས་སོ། ། |
| བསྐང་རྫས |
བསྐང་གསོའི་སྐབས་དགོས་པའི་རྫས་ཆ། |
| བསྐངས |
སྐོང་གི་འདས་པ། (དཔེར་ན།) རེ་བ་བསྐངས་ནས་ཡིད་ཚིམས་ལྟ་བུ། |
| བསྐམ |
སྐེམ་པའི་མ་འོངས་པ། (དཔེར་ན།) ལྭ་བ་བསྐམ་དགོས། བསྐམ་བྱའི་ལྭ་བ་ཞེས་པ་ལྟ་བུ། |
| བསྐམས |
སྐེམ་པའི་འདས་པ། (དཔེར་ན།) མེ་ཏོག་བསྐམས་ནས་འདབ་མ་ལྷུང་ལྟ་བུ། |
| བསྐམས་པ |
1.སྐེམ་པའི་འདས་པ། 2.རླུང་ནད་ཀྱིས་ལུས་དང་ཡན་ལག་རྣམས་བསྐམས་པ། |
| བསྐལ་ཆུང |
བསྐལ་པ་ཆུང་བ་ཆོས་མངོན་པའི་བཤད་སྲོལ་ལྟར་ན་མིའི་ཚེ་ལོ་བཅུ་པ་ནས་བཟུང་ལོ་བརྒྱ་རེར་ལོ་རེ་འཕེལ་ཏེ་མིའི་ཚེ་ལོ་བརྒྱད་ཁྲི་བཞི་སྟོང་བར་ཡར་འཕེལ་བའི་དུས་ཡུན་ལ་བསྐལ་པ་ཆུང་བ་གཅིག་དང༌། དེ་ནས་ལོ་བརྒྱ་རེར་ལོ་རེ་འགྲིབ་སྟེ་མིའི་ཚེ་ལོ་བཅུ་པའི་བར་མར་འགྲིབ་པའི་དུས་ཡུན་ལ་ཡང་བསྐལ་པ་ཆུང་བ་གཅིག་ཟེར། དེ་ལ་མི་ལོ་ཁྲི་བརྒྱད་བརྒྱ་སོ་དགུ་དང་དགུ་སྟོང་ཐམ་པ་ཡོད། |
| བསྐལ་ཆེན |
བསྐལ་པ་ཆེན་པོ་སྟེ་ཆོས་མངོན་པའི་བཤད་སྲོལ་ལྟར་ན་བསྐལ་པ་ཆུང་བ་བརྒྱད་ཅུ་ཐམ་པ་རེར་བསྐལ་པ་ཆེན་པོ་གཅིག་ཟེར། དེ་ལ་མི་ལོ་དུང་ཕྱུར་དྲུག་དང་བྱེ་བ་བདུན་ས་ཡ་གཅིག་འབུམ་དགུ་ཁྲི་གཉིས་ཡོད། དེ་མིན་མི་ལོ་མི་འཁྲུག་ཕྲག་བདུན་རེ་ཡོད་པའི་བཤད་སྲོལ་ཡང་འདུག |
| བསྐལ་དོན |
དུས་ཡུན་ཧ་ཅང་རིང་བོ་འགོར་བའམ་ཡུལ་ཧ་ཅང་ཐག་རིང་བའི་དབང་གིས་ཤེས་དཀའ་བའི་དོན་གྱི་མིང་། (དཔེར་ན།) ཡེ་གེ་མེད་པའི་སྔོན་གྱི་མིའི་རིགས་ཀྱི་ལོ་རྒྱུས་ང་ཚོར་དུས་ཀྱིས་བསྐལ་དོན་དུ་སོང་བས་ཞིབ་པར་ཤེས་དཀའ། རྒྱུ་སྐར་སྤེན་པའི་ཐོག་གི་གནས་ཚུལ་ཞིབ་མོ་རྣམས་ཡུལ་ཐག་རིང་བས་ད་སྐབས་ད་དུང་ང་ཚོར་བསྐལ་དོན་དུ་སོང་ཞེས་པ་ལྟ་བུ། |
| བསྐལ་དོན་གསུམ |
དུས་ཀྱི་བསྐལ་དོན་ཏེ་དུས་ཡུན་རིང་བའི་དབང་གིས་རྟོགས་དཀའ་བ་དང༌། ཡུལ་གྱི་བསྐལ་དོན་ཏེ་ཡུལ་ཐག་རིང་བའི་དབང་གིས་རྟོགས་དཀའ་བ། རང་བཞིན་ནམ་ངོ་བོའི་བསྐལ་དོན་ཏེ་དངོས་པོ་ཕྲ་བའི་དབང་གིས་རྟོགས་དཀའ་བ་བཅས་གསུམ། |
| བསྐལ་པ |
1.ཡུལ་དུས་ངོ་བོ་གསུམ་གྱིས་རིང་དུ་སོང་བའམ་རྟོགས་དཀའ་བའི་དོན། 2.དུས་སྐབས་ཆེན་པོ་སྟེ་དུས་ཡུན་ཧ་ཅང་རིང་བ་འཇལ་བྱེད་ཀྱི་ཚད་ཅིག (དཔེར་ན།) བསྐལ་པ་ཁྲི་སྟོང་མང་པོ། སྐུ་ཚེ་བསྐལ་བརྒྱར་བརྟན་པ། བསྐལ་པ་ཇི་སྲིད་བར། ཟས་ཞིམ་པོ་ཉི་མ་གཅིག་རེད། ཚིག་ངན་པ་བསྐལ་པ་སྟོང་རེད། སྐྱིད་པའི་བསྐལ་པ་ཤར་བྱུང༌ཞེས་པ་ལྟ་བུ། མིང་གི་རྣམ་གྲངས་ལ་སྤྱད་ཟིན་པ་དང༌། ཡོངས་གྱུར། ལོའི་ཕུང་པོ་བཅས་སོ། ། |
| བསྐལ་པ་གཉིས |
སྒྲོན་བསྐལ་ཏེ་ཆོས་དར་བའི་བསྐལ་པ་དང༌། མུན་བསྐལ་ཏེ་ཆོས་མི་དར་བའི་བསྐལ་པ་གཉིས་སོ། ། |
| བསྐལ་པ་གཉིས་ལྡན |
རྩ་བ་བཞི་ལས་གཉིས་ཙམ་རང་གི་ངང་གིས་སྲུང་ཐུབ་པའི་བསྐལ་པ། |
| བསྐལ་པ་གསུམ་ལྡན |
རྩ་བ་བཞི་ལས་གསུམ་ཙམ་རང་ཆས་སུ་སྲུང་བའི་བསྐལ་པ། |
| བསྐལ་པ་གྲངས་མེད་པ |
སྔར་རྒྱ་གར་གྱི་གྲངས་གནས་ཀྱི་མཐའ་མ་གྲངས་མེད་པ་ཞེས་པ་དེ་གྲངས་ཚད་མཐོ་ཤོས་ཡིན་ཞིང་དེ་ལྟར་གྱི་བསྐལ་པའི་གྲངས་སོ། ། (དཔེར་ན།) བསྐལ་པ་གྲངས་མེད་པ་ཆེན་པོ་གསུམ་ཞེས་པ་ལྟ་བུ། |
| བསྐལ་པ་ངན་པ |
མུན་ནག་གི་བསྐལ་པ་སྟེ་སངས་རྒྱས་མི་འབྱོན་པའི་བསྐལ་པ། |
| བསྐལ་པ་ཆེན་པོ་གྲངས་མེད་པ་གསུམ |
བསྐལ་ཆེན་གྲངས་གནས་དྲུག་ཅུའི་མཐའ་མ་སྟེ་གྲངས་མེད་པ་ཟིན་པ་སྐོར་རེ་བརྩིས་པ་གསུམ། |
| བསྐལ་པ་དང་པོ |
སྣོད་བཅུད་ཀྱི་འཇིག་རྟེན་ཆགས་ནས་རིང་པོ་མ་ལོན་པའི་དུས་སྐབས། |
| བསྐལ་པ་དྲུག |
ཆགས་བསྐལ་དང༌། གནས་བསྐལ། བར་བསྐལ། བསྐལ་ཆེན། འཇིག་བསྐལ། སྟོངས་བསྐལ་ཏེ་དྲུག |
| བསྐལ་པ་བཟང་པོ |
སངས་རྒྱས་སྟོང་རིམ་པར་བྱོན་དང་འབྱོན་པའི་སྒྲོན་མེའི་བསྐལ་པ། |
| བསྐལ་པ་བཟང་པོ་ཞེས་བྱ་བའི་མདོ |
འཕགས་པ་བསྐལ་པ་བཟང་པོ་མདོ་སྡེ་ཞེས་བྱ་བ་སངས་རྒྱས་སྟོང་གི་རིགས་རུས་དང༌། ཡབ་ཡུམ་དང༌། འཁོར་དང༌། སྐུ་ཚེའི་ཚད་དང༌། བསྟན་པའི་གནས་ཚད་དང༌། བྱང་ཆུབ་མཆོག་ཏུ་ཐུགས་བསྐྱེད་ཚུལ་སོགས་རྒྱས་པར་བསྟན་པའི་མདོ་སྡེ་བམ་པོ་ཉེར་དྲུག་པ། རྒྱ་གར་གྱི་མཁན་པོ་བིཏྱའ་ཀ་ར་སིདྷ་དང༌། ལོ་ཙཱ་བ་བནྡེ་དཔལ་དབྱངས་ཀྱིས་བསྒྱུར་ཅིང་ཕྱིས་སྐ་བ་དཔལ་བརྩེགས་ཀྱིས་ཞུས་པ། |
| བསྐལ་པ་བར་མ |
ཆོས་མངོན་པའི་བཤད་སྲོལ་ལྟར་ན་བསྐལ་པ་ཆུང་བ་གཉིས་རེར་བསྐལ་པ་བར་མ་གཅིག་ཟེར། འདི་ལ་མི་ལོ་བྱེ་བ་གཅིག་དང་ས་ཡ་དྲུག་བདུན་འབུམ་དགུ་ཁྲི་བརྒྱད་སྟོང་ཐམ་པ་ཡོད། |
| བསྐལ་པ་བར་མ་གསུམ |
བར་གྱི་ཁུག་པ་བཅོ་བརྒྱད་ཀྱི་བར་དུ་འབྱུང་བའི་བསྐལ་པ་སྟེ་མུ་གེའི་བསྐལ་པ་དང༌། ནད་ཀྱི་བསྐལ་པ། མཚོན་གྱི་བསྐལ་པ་སྟེ་གསུམ། |
| བསྐལ་པ་ཡ་ཐོག |
བསྐལ་པ་རྫོགས་ལྡན་གྱི་དུས་ཞེས་མི་རྣམས་ཚེ་ལོ་ཁྲི་ཐུབ་ཅིང༌། ས་ཞག་དང༌། འབྲས་ས་ལུ་སོགས་མ་རྨོས་པའི་ལོ་ཏོག་ལ་ལོངས་སུ་སྤྱད་ནས་འཚོ་བའི་དུས་སྐབས་བྱུང་བ་དེའོ། ། |
| བསྐལ་པ་རྩོད་ལྡན |
ཚེ་ལོ་བརྒྱ་པའི་དུས་སུ་མི་རྣམས་ཕལ་ཆེར་རྩ་བ་བཞི་ལས་གཅིག་ཙམ་ཡང་མི་སྲུང་ཞིང་ཕན་ཚུན་རྩོད་པ་དང་ལྡན་པའི་བསྐལ་པ་ཡིན་ཞིང་ཚེ་ལོ་བརྒྱ་པའི་དུས་ཀྱང་ཟེར། |
| བསྐལ་པ་རྫོགས་ལྡན |
བསྐལ་པ་དང་པོའི་མི་རང་བཞིན་གྱིས་རྩ་བ་བཞི་རྫོགས་པར་བསྲུང་བའམ་གཞི་དེ་ལ་མི་འཇུག་པའི་བསྐལ་པ། |
| བསྐལ་པ་ཤེས |
(མངོན་བརྗོད།) རྩིས་པ། |
| བསྐལ་པའི་དུས་བཞི |
རྫོགས་ལྡན་དང༌། གསུམ་ལྡན། གཉིས་ལྡན། རྩོད་ལྡན་ཏེ་བཞི། |
| བསྐལ་པའི་མཐའ |
1.ཚད་ངེས་གཟུང་མེད་པ། 2.དུས་ཀྱི་མཐའ་མ་སྟེ་བསྐལ་པ་འཇིག་སྟོངས་ཀྱི་མཐའ། |
| བསྐལ་བ |
(བྱེད་མེད་ལས་ཚིག) དུས་ཡུན་གྱི་བར་ཐག་དང་ཡུལ་གྱི་བར་ཐག་ཧ་ཅང་རིང་བོས་བར་ཆོད་པའི་དོན་ཏེ། (དཔེར་ན།) སྤེན་པའི་ཐོག་ན་རྩི་ཤིང་ཡོད་དམ་མེད། ང་ཚོར་ཡུལ་གྱིས་བསྐལ་ཕྱིར་རྟོགས་པར་དཀའ། བསྐལ་བ་ཡ་ཐོག་དུས་ཀྱི་གནས་ཚུལ་རྣམས་ང་ཚོར་དུས་ཀྱིས་བསྐལ་བས་ཤེས་པར་དཀའ་ཞེས་པ་ལྟ་བུ། |
| བསྐལ་བཟང |
བསྐལ་པ་བཟང་པོའི་བསྡུས་ཚིག |
| བསྐལ་བཟང་བསིལ་གཡབ |
རྒྱལ་བ་བསྐལ་བཟང་གི་སྐུ་དུས་སུ་དར་ཟེར་བའི་ཞྭ་མོ། |
| བསྐལ་བཟང་རྒྱ་མཚོ |
༸གོང་ས་ཏཱ་ལའི་བླ་མ་སྐུ་ཕྲེང་བདུན་པ། མདོ་ཁམས་ལྷོ་རྒྱུད་ལི་ཐང་དུ་རབ་བྱུང་བཅུ་གཉིས་པའི་ས་བྱི་ལོར་འཁྲུངས། རབ་བྱུང་བཅུ་གཉིས་པའི་ལྕགས་བྱི་ལོར་ལྷ་ས་རྩེ་ཕོ་བྲང་གི་གསེར་ཁྲིར་ཕེབས། ས་སྤྲེལ་ནས་ཤིང་སྟག་བར་བོད་དུ་སྡེ་གཟར་བྱུང་རྐྱེན་ཁམས་མགར་ཐར་དུ་ཆིབས་བསྒྱུར་གནང༌། རབ་བྱུང་བཅུ་གསུམ་པའི་ལྕགས་རྟ་ལོར་ཕོ་བྲང་དུ་རྒྱལ་སྲིད་བཞེས། རབ་བྱུང་བཅུ་གསུམ་པའི་མེ་གླང་ལོར་དགོངས་པ་གཞན་དོན་དུ་གཤེགས། |
| བསྐལ་བཟང་སངས་རྒྱས |
བསྐལ་པ་བཟང་པོའི་དུས་འདིར་བྱོན་དང་འབྱོན་པའི་སངས་རྒྱས་ཏེ། རྣམ་འདྲེན་དང་པོ་འཁོར་བ་འཇིག་ནས་རྣམ་འདྲེན་མོས་པའི་བར་གྱི་སངས་རྒྱས་སྟོང་ལ་བསྐལ་བཟང་སངས་རྒྱས་ཞེས་བྱའོ། ། |
| བསྐལ་མེ |
ཕྱི་སྣོད་ཀྱི་འཇིག་རྟེན་ཚང་མ་བསྐལ་པ་མཐར་འཇིག་དུས་ཀྱི་མེ། |
| བསྐལ་ལི |
ལོ་མང་པོར་གོ་ཆོད་པའི་ལི་ཐོ། |
| བསྐལ་ལིའི་རེའུ་མིག |
ཚེས་ཞག་སུམ་བརྒྱ་དོན་གཅིག་གི་ལོངས་སྤྱོད་ཁྱིམ་དྲུག་སྤྱི་ནོར་ལ་བསྣན་བྱའི་མིང༌། |
| བསྐུ |
སྐུས་པའི་མ་འོངས་པ། (དཔེར་ན།) སྣུམ་བསྐུ་དགོས། བསྐུ་བྱའི་སྣུམ་ཞེས་པ་ལྟ་བུ། |
| བསྐུ་མཉེ |
1.ལུས་ལ་བྱུག་པ་བསྐུ་ཞིང་ཕུར་ཕུར་གཏོང་བ། 2.འབྲུ་མར་སོགས་སྣུམ་བསྐུ་བ་སྟེ་འབྱུག་པ་དང༌། མཉེ་བ་སྟེ་འཕུར་བའི་སྒོ་ནས་རླུང་ནད་རེངས་འཁུམ་བཅོས་པའི་ཐབས་ཤིག |
| བསྐུག་པ |
སྐུག་པའི་མ་འོངས་པ། |
| བསྐུགས |
སྐུག་པའི་འདས་པ། |
| བསྐུང |
སྐུང་བའི་མ་འོངས་པ། (དཔེར་ན།) བསྐུང་བྱའི་ནོར་རྫས་ཞེས་པ་ལྟ་བུ། |
| བསྐུངས |
སྐུང་བའི་འདས་པ། (དཔེར་ན།) ལྐོག་ཏུ་བསྐུངས་ནས་དགྲ་ལ་འཐབ། བསྐུངས་པའི་དམག་ཅེས་པ་ལྟ་བུ། |
| བསྐུངས་ཡིག |
བསྡུས་ཡིག་བཀྲིས་ཞེས་པ་དེ་བཀྲ་ཤིས་ཀྱི་བསྐུངས་ཡིག་ཡིན་པ་ལྟ་བུ། |
| བསྐུམ |
སྐུམ་པའི་མ་འོངས་པ། (དཔེར་ན།) ལག་པ་བསྐུམ་དགོས། བསྐུམ་བྱའི་ལག་པ་ཞེསཔ་ལྟ་བུ། |
| བསྐུམས |
སྐུམ་པའི་འདས་པ། (དཔེར་ན།) རྐང་བ་ནད་ཀྱིས་བསྐུམས། ཡན་ལག་བསྐུམས་ནས་ཉལ་ལྟ་བུ། |
| བསྐུམས་ཁྲུ |
རིང་ཐུང་འཇལ་བྱེད་ཀྱི་ཚད་ཅིག་ལག་སོར་བསྐུམས་པའི་ཁུ་ཚུར་གྱི་དཀྱིལ་ཚིགས་ནས་གྲུ་མོའི་བར་གྱི་རིང་ཚད། |
| བསྐུམས་ཕྱག |
ལུས་ཀྱི་མལ་ལྔ་ས་ལ་ཕབ་སྟེ་འཚལ་བའི་ཕྱག |
| བསྐུམས་མཁྱིད |
ཁུ་ཚུར་གྱི་མཐེ་བོང་བརྐྱངས་ཏེ་འཇལ་བའི་ཚད། |
| བསྐུམས་འདོམ |
ལག་སོར་བསྐུམས་ཏེ་འཇལ་བའི་འདོམ་གྱི་ཚད། |
| བསྐུམས་སོར་ལྔ |
ལག་སོར་བཞི་བསྐུམས་པའི་སྟེང་མཐེབ་རྩེ་མཛུབ་ཚིགས་ལ་སྦྱར་བའི་རིང་ཚད། |
| བསྐུར |
1.སྐུར་བའི་མ་འོངས་པ་དང་འདས་པ། (དཔེར་ན།) ཡི་གེ་བསྐུར་དགོས། བསྐུར་བྱའི་ཡི་གེ། ངས་གྲོགས་པོ་ལ་ཡི་གེ་བསྐུར་ཏེ་འབྱོར་ལྟ་བུ།2.ཆུ་དང་རླུང་ལ་ཁུར་དུ་བཅུག་པའི་དོན་ཏེ། (དཔེར་ན།) ས་རྡུལ་རླུང་ལ་སྐུར། ཤིང་སྡོང་ཆུ་ལ་བསྐུར་ཞེས་པ་ལྟ་བུ། |
| བསྐུར་གཤོམ |
བསྐུར་རྒྱུའི་གྲ་སྒྲིག (དཔེར་ན།) གཉེན་ཉེ་དུར་ཁ་ཆེམས་བསྐུར་གཤོམ་གྱིས་ལྟ་བུ། |
| བསྐུར་མ |
བསྐུར་བའི་དངོས་རྫས་ཀྱི་སྤྱི་མིང་། |
| བསྐུར་ཡིག |
བཏང་ཡིག |
| བསྐུལ |
སྐུལ་བའི་མ་འོངས་པ་དང་འདས་པ། (དཔེར་ན།) མང་ཚོགས་བསྐུལ་དགོས། བསྐུལ་བྱའི་མི། མང་ཚོགས་བསྐུལ་ནས་འཛུགས་སྐྲུན་བྱས་ལྟ་བུ། |
| བསྐུལ་བའི་སྤང་བ |
སྤང་ལྟུང་སུམ་ཅུའི་ནང་གསེས། གོས་ཉོ་བའི་རིན་གྱི་རིན་པོ་ཆེ་ཞལ་ཏ་དང་ལན་གསུམ་གྱི་བར་དུ་མཐོང་སར་བསྡད་པ་ལས་ལྷག་པའི་བསྐུལ་མས་གོས་བླངས་པ། |
| བསྐུལ་མ |
སྐུལ་ལྕག་གཏོང་བའམ། བྱེད་དུ་འཇུག་པ་སྟེ། (དཔེར་ན།) དྲན་གསོའི་བསྐུལ་མ་བཏང༌། ཡང་ཡང་བསྐུལ་མ་བྱས་ལྟ་བུ། |
| བསྐུས |
སྐུད་པའི་འདས་པ། (དཔེར་ན།) ཚོན་རྩི་བསྐུས་ནས་མདོག་བསྒྱུར། ཚོས་བསྐུས། མ་བསྐུས་པའི་ཚོན་རྩི་ཞེས་པ་ལྟ་བུ། |
| བསྐོ |
སྐོ་བའི་མ་འོངས་པ། (དཔེར་ན།) བསྐོ་བྱའི་གོ་གནས། དགེ་རྒན་དུ་བསྐོ་དགོས་ཞེས་པ་ལྟ་བུ། |
| བསྐོ་གཞག |
ལས་དོན་གྱི་བྱེད་པོར་བསྐོ་བ་སྟེ། (དཔེར་ན།) ལས་འཛིན་བསྐོ་གཞག་བྱེད་པ་ལྟ་བུ།འདི་ལ་བསྐོ་བཞག་འབྲི་བའང་ཡོད། |
| བསྐོ་བཞག |
གོ་གནས་དང་ལས་འགན་སོགས་གཏན་ཁེལ་བྱེད་པའི་བྱ་བའི་མིང་། (དཔེར་ན།) རུ་གཙོ་བསྐོ་བཞག་བྱས་ལྟ་བུ།འདི་ལ་བསྐོ་གཞག་འབྲི་བའང་ཡོད། |
| བསྐོ་ཡས |
སྔར་རྒྱ་གར་གྱི་གྲངས་གནས་ཤིག་གི་མིང༌། |
| བསྐོང་གཏོང |
ཚུར་བསྐོང་བ་དང༌། ཕར་གཏོང་བའི་དོན་ཏེ། (དཔེར་ན།) དམག་སྡེ་བསྐོང་གཏོང༌། ལས་བྱེད་པ་བསྐོང་གཏོང༌ཞེས་པ་ལྟ་བུ། |
| བསྐོང་བ |
འགུགས་པ་དང་སྡུད་པའི་དོན་དུ་གོ་བའི་སྐོང་བའི་མ་འོངས་པ། |
| བསྐོང་བསྡུ |
གཞན་ལ་ཡོད་པ་རྣམས་ཚུར་བསྐོང་ཞིང་གཅིག་ཏུ་རུག་པ་སྟེ། (དཔེར་ན།) སློབ་གྲྭ་བ་བསྐོང་བསྡུ་བྱེད་པ། འབྲེལ་ཡོད་མི་སྣ་ཚོགས་འདུར་བསྐོང་བསྡུ་བྱེད་པ་ལྟ་བུ། |
| བསྐོང་འགུགས |
ཕར་བཏང་བ་རྣམས་ཚུར་འགུགས་པ་སྟེ། (དཔེར་ན།) སྐུ་ཚབ་བསྐོང་འགུགས་བྱེད་པ། ལུང་པ་སོ་སོར་བཏང་བའི་ལས་མི་རྣམས་བསྐོང་འགུགས་ཀྱིས་ཚོགས་འདུ་འཚོགས་འདུག་ཅེས་པ་ལྟ་བུ། |
| བསྐོངས་པ |
འགུགས་པ་དང་སྡུད་པའི་དོན་དུ་གོ་བའི་སྐོང་བའི་འདས་པ། |
| བསྐོན |
1.སྐོན་པའི་མ་འོངས་པ་དང་འདས་པ། (དཔེར་ན།) བྱིས་པ་ལ་ལྷམ་བསྐོན་དགོས། བསྐོན་བྱའི་ལྷམ། བྱིས་པར་ལྷམ་བསྐོན་ནས་སློབ་གྲྭར་བསྐྱལ་ལྟ་བུ།2.ཞྭ་གོས་སྐོན་པ་དང་མཚུངས་པའི་བྱ་བ་ལ་འཇུག་པ་ནི། (དཔེར་ན།) ཕྱུགས་རྫིས་རྟ་ལ་སྲས་མཐུར་བསྐོན། བེའུའི་སྐེ་ལ་སྐེ་ཐག་བསྐོན། ལག་མགོ་ལ་གདུ་བུ་བསྐོན་ཞེས་པ་སོགས་ལྟ་བུ། |
| བསྐོབ |
སྐོབས་དང་འདྲ། |
| བསྐོར |
1.སྐོར་བའི་མ་འོངས་པ་དང་འདས་པ། (དཔེར་ན།) འཁོར་ལོ་བསྐོར་དགོས། བསྐོར་བྱའི་འཁོར་ལོ། རང་འཐག་བསྐོར་ནས་ཕྱེ་འཐག་ལྟ་བུ། 2.ཁ་ལོ་བསྒྱུར་བའི་དོན་ཏེ། (དཔེར་ན།) བཟོ་པས་འཕྲུལ་འཁོར་བསྐོར། 3.མཐའ་སྐོར་བའི་དོན་ཏེ། (དཔེར་ན།) རང་དམག་གིས་དགྲ་དམག་བསྐོར། གྱང་ར་བསྐོར། ཤིང་ར་བསྐོར། ཟོག་ར་བསྐོར་ལྟ་བུ།4.ཁ་ཕྱོགས་བསྒྱུར་བའི་དོན་ཏེ། (དཔེར་ན།) གྲུ་མགོ་ཤར་ཕྱོགས་སུ་བསྐོར། རྟ་ཁ་ཕྱིར་བསྐོར་ལྟ་བུ།5.བསླུ་བྲིད་དམ་ཐབས་ཀྱིས་བཀྲི་བའི་དོན་ཏེ། (དཔེར་ན།) མི་ངན་པས་གཞོན་ནུ་ཚོ་ཁ་སྐོར་བར་དོགས་ཟོན་བྱེ་དགོས། བར་གནས་པ་རྣམས་དྲང་ཕྱོགས་སུ་ཁ་བསྐོར་དགོས། ཁ་སྐོར་ཅིག་ལྟ་བུ། |
| བསྐོར་བའི་རྒྱན |
དོན་རྒྱན་གྱི་ནང་གསེས་ཤིག་དོན་དང༌། ཚིག་ཚིག་དོན་གཉིས་ཀ་བཅས་དེ་གསུམ་རེ་རེ་བཞིན་ལྡབ་སྐྱོར་གྱི་ཚུལ་དུ་ཡང་ཡང་བསྐྱར་ཏེ་བརྗོད་པའི་རྒྱན་ཞིག |
| བསྐོར་བའི་རྒྱན་གསུམ |
བསྐོར་བའི་རྒྱན་གྱི་ནང་གསེས་ལ། དོན་བསྐོར་བ་དང༌། ཚིག་བསྐོར་བ། ཚིག་དོན་གཉིས་ཀ་བསྐོར་བ་བཅས་གསུམ་ཡོད། |
| བསྐོར་བཤད |
སྐད་ཆ་ཐད་ཀར་མ་བཤད་པར་བསྐོར་ནས་བཤད་པ། |
| བསྐོལ |
སྐོལ་བའི་མ་འོངས་པ་དང་འདས་པ། (དཔེར་ན།) འོ་མ་བསྐོལ་དགོས། བསྐོལ་བྱའི་འོ་མ། འོ་མ་བསྐོལ་ནས་ཁོལ་ལྟ་བུ། |
| བསྐོལ་གྲང |
བསྐོལ་ཏེ་གྲང་དུ་བཅུག་པའི་ཆུ་སོགས། (དཔེར་ན།) ཆུ་བསྐོལ་གྲང༌གིས་སྨན་འདེད་དགོས་ལྟ་བུ། |
| བསྐོལ་མ |
བསྐོལ་ནས་ཁོལ་ཟིན་པའི་གཤེར་བའི་རིགས། (དཔེར་ན།) འོ་མ་བསྐོལ་མ། སྣུམ་ནག་བསྐོལ་མ་ཞེས་པ་ལྟ་བུ། |
| བསྐོལ་འདན |
བསྐོལ་ལྡན་དང་འདྲ། |
| བསྐོལ་ལྡན |
(ཡུལ་སྐད།) དགུན་དུས་སུ་བོད་ཆང་ལ་བུ་རམ་དང༌། སྔོ་ཕྱུར། རྩམ་ཕྱེ་གསུམ་བཏབ་སྟེ་བསྐོལ་བའི་བཏུང་བ་ཞིག |
| བསྐོས |
སྐོ་བའི་འདས་པ། (དཔེར་ན།) དགེ་རྒན་དུ་བསྐོས་ནས་སློབ་ཁྲིད་བྱས། བསྐོས་པའི་འགན་ཁུར་པ་ཞེས་པ་ལྟ་བུ། |
| བསྐྱ་བ |
སྐྱ་བའི་མ་འོངས་པ། |
| བསྐྱང |
སྐྱོང་བའི་མ་འོངས་པ། (དཔེར་ན།) སློབ་ཕྲུག་བསྐྱང་དགོས། བསྐྱང་བྱའི་སློབ་ཕྲུག་ཅེས་པ་ལྟ་བུ། |
| བསྐྱངས |
སྐྱོང་བའི་འདས་པ། (དཔེར་ན།) སློབ་ཕྲུག་བསྐྱངས་ནས་མཁས་པར་གྱུར་ཅེས་པ་ལྟ་བུ། |
| བསྐྱད་དུ་མེད་པ |
(བརྡ་རྙིང་།) དཔག་ཏུ་མེད་པ། |
| བསྐྱད་པ |
(བརྡ་རྙིང་།) འགྲན་པའམ། བསད་པ། |
| བསྐྱབ |
སྐྱོབ་པའི་མ་འོངས་པ། (དཔེར་ན།) ནད་པ་ནད་ཀྱི་སྡུག་བསྔལ་ལས་བསྐྱབ་དགོས། བསྐྱབ་བྱའི་ནད་པ་ཞེས་པ་ལྟ་བུ། |
| བསྐྱབས |
སྐྱོབ་པའི་འདས་པ། (དཔེར་ན།) རང་སྲོག་དོར་ནས་གཞན་སྲོག་བསྐྱབས་ལྟ་བུ། |
| བསྐྱམ |
སྐྱོམ་གྱི་མ་འོངས་པའི་འབྲི་སྟངས་གཞན། |
| བསྐྱམས |
སྐྱོམ་གྱི་འདས་པའི་འབྲི་སྟངས་གཞན། |
| བསྐྱར |
1.སྐྱོར་གྱི་མ་འོངས་པ་དང་འདས་པ། (དཔེར་ན།) དཔེ་ཆ་བློ་ལ་བསྐྱར་དགོས། བསྐྱར་བྱའི་ཚིག་ཚིག་ཡང་ཡང་བསྐྱར་ནས་བློ་ལ་ཟིན་ཞེས་པ་ལྟ་བུ། 2.བསྐྱོར་གྱི་ད་ལྟ་བ་དང་སྐུལ་ཚིག |
| བསྐྱར་གསོ |
ཉམས་གསོའི་དོན་ཏེ། (དཔེར་ན།) རྙིང་ཤུལ་བསྐྱར་གསོ། སྐྱོན་ཤོར་འཕྲུལ་ཆས་བསྐྱར་གསོ་ཞེས་པ་ལྟ་བུ། |
| བསྐྱར་བ |
ཡང་ཡང་ལྡབ་པའི་དོན་དུ་གོ་བའི་སྐྱོར་བའི་འདས་པ་དང་མ་འོངས་པ། |
| བསྐྱར་བཟོ |
སྔར་བཟོས་ཉམས་པ་བསྐྱར་དུ་བཟོ་བ། |
| བསྐྱར་བའི་སྒྲ |
ཕྲད་རང་དབང་ཅན་གྱི་ཡང་སྒྲ། |
| བསྐྱར་བསྒྱུར |
ཡང་བསྐྱར་བསྒྱུར་བའི་དོན་ཏེ། (དཔེར་ན།) རང་མཚམས་བསྐྱར་བསྒྱུར་དགོས་སམ་ཅི་ཞེས་པ་ལྟ་བུ། |
| བསྐྱར་མ |
ལྡབ་པ་དང༌། ཡང་ཡང་བསྐོར་བའི་དོན་ཏེ། (དཔེར་ན།) བསྐྱར་བཤད། ཡང་བསྐྱར། ཤི་ནས་བསྐྱར་དུ་གསོན་པ་ལྟ་བུ། |
| བསྐྱར་ཚིག |
ལབ་སྐྱོར་བྱེད་པའི་གཏམ། |
| བསྐྱར་ཟློས |
སྐད་ཆ་སོགས་ལྡབ་སྐྱོར། |
| བསྐྱར་ལྡབ |
ལྡབ་སྐྱོར་ཏེ། (དཔེར་ན།) བསྐྱར་ལྡབ་ཐེངས་མང་བྱས་ལྟ་བུ། |
| བསྐྱལ |
སྐྱེལ་བའི་མ་འོངས་པ་དང་འདས་པ། (དཔེར་ན།) བྱིས་པ་སློབ་གྲྭར་བསྐྱལ་དགོས། བསྐྱལ་བྱའི་སློབ་གྲྭ་པ། བུ་ཕྲུག་སློབ་གྲྭར་བསྐྱལ་ནས་སློབ་སྦྱོང་བྱས་ལྟ་བུ། |
| བསྐྱལ་ནུལ |
(བརྡ་རྙིང་།) སྔར་རྒྱ་གར་གྱི་ཡུལ་སྲོལ་ལྟར་བཟོས་པའི་བ་བྱུང་ལྔ་ཡི་ཞལ་བ། |
| བསྐྱལ་བ |
སྐྱེལ་བའི་འདས་པ་དང་མ་འོངས་པའི་བྱ་མིང་། |
| བསྐྱས་པ |
སྐྱ་བའི་འདས་པ། |
| བསྐྱི |
སྐྱི་བའི་མ་འོངས་པ། (དཔེར་ན།) དོང་ཙེ་བསྐྱི་དགོས། བསྐྱི་བྱའི་འབྲུ་ཞེས་པ་ལྟ་བུ། |
| བསྐྱིམས་པ |
(བརྡ་རྙིང་།) སྦྱོར་ཁ་བྱས་པ། |
| བསྐྱིལ |
1.སྐྱིལ་བའི་མ་འོངས་པ་དང་འདས་པ། (དཔེར་ན།) ཆུ་མཛོད་དུ་ཆུ་བསྐྱིལ་དགོས། བསྐྱིལ་བྱའི་ཆུ་བོ། ཆུ་བསྐྱིལ་ནས་ཆུ་མཛོད་བཀང་ལྟ་བུ། 2.འདུག་གནས་སོགས་ལ་ཕྱི་ར་བརྒྱབ་པའི་དོན་ཏེ། (དཔེར་ན།) ལུག་ལ་ལུག་ར་བསྐྱིལ། རྟ་ར་བསྐྱིལ་ཞེས་པ་ལྟ་བུ། |
| བསྐྱིལ་ཆུ |
དམའ་སར་འཁྱིལ་དུ་བཅུག་པའི་ཆུའི་མིང་སྟེ། (དཔེར་ན།) བསྐྱིལ་ཆུ་ཞིང་ལ་འདྲེན་ལྟ་བུ། |
| བསྐྱིལ་བ |
སྐྱིལ་བའི་འདས་པ་དང་མ་འོངས་པའི་བྱ་མིང་། |
| བསྐྱིས |
སྐྱི་བའི་འདས་པ། (དཔེར་ན།) འབྲུ་བསྐྱིས་པར་སྐྱིན་པ་འཇལ་ལྟ་བུ། |
| བསྐྱིས་མ |
གཞན་གྱི་ལག་ནས་གཡར་བའམ་བུ་ལོན་དུ་བླངས་པའི་དངོས་རྫས་ཀྱི་མིང་། |
| བསྐྱུག |
སྐྱུག་པའི་མ་འོངས་པ། (དཔེར་ན།) བསྐྱུག་བྱ་ལྟ་བུ། |
| བསྐྱུགས |
སྐྱུག་པའི་འདས་པ། (དཔེར་ན།) མ་ཞུ་བའི་ཟས་ཡར་བསྐྱུགས་ནས་ཕོ་བ་བདེ་ཞེས་པ་ལྟ་བུ། |
| བསྐྱུང |
སྐྱུང་བའི་མ་འོངས་པ། (དཔེར་ན།) ཡོན་ཏན་ཆེ་ཡང་ཁེངས་པ་བསྐྱུང་དགོས་ལྟ་བུ། |
| བསྐྱུངས |
སྐྱུང་བའི་འདས་པ། (དཔེར་ན།) ཁེངས་པ་བསྐྱུངས་ནས་ཡོན་ཏན་སྦྱང་ལྟ་བུ། |
| བསྐྱུད |
སྐྱུད་ཀྱི་མ་འོངས་པ་དང་འདས་པ། |
| བསྐྱུད་པ |
སྐྱུད་པའི་འདས་པ་དང་མ་འོངས་པ། |
| བསྐྱུར |
1.སྐྱུར་བའི་མ་འོངས་པ་དང་འདས་པ། (དཔེར་ན།) དོང་ལ་བསྐྱུར་བྱའི་གད་སྙིགས། གད་སྙིགས་དོང་ལ་བསྐྱུར་ནས་གཙང་སྦྲ་བྱས་ལྟ་བུ། 2.སོ་སོར་བྲལ་བའི་དོན་ཏེ། (དཔེར་ན།) ཕ་ཡུལ་བསྐྱུར་ནས་དམག་ལ་ཞུགས། དཀའ་ངལ་རྒྱབ་ཏུ་བསྐྱུར་ནས་གཡུལ་ངོར་སོང། |
| བསྐྱུར་བ |
སྐྱུར་བའི་འདས་པ་དང་མ་འོངས་པ། |
| བསྐྱུར་མོ |
ཁྱོ་གས་དོར་བའི་བུད་མེད་ཀྱི་ངན་མིང༌། |
| བསྐྱེད |
1.སྐྱེད་པའི་མ་འོངས་པ་དང་འདས་པ། (དཔེར་ན།) བསྐྱེད་བྱའི་དགའ་སྤྲོ། བློ་སྟོབས་བསྐྱེད་ནས་དཔྱད་པ་བཏང་། བརྩོན་པ་བསྐྱེད་ནས་ལས་ཀ་ལས་ལྟ་བུ། 2.ཇེ་རིང་དང་ཇེ་མང་ཇེ་ཆེ་སོགས་སུ་བཏང་བའི་དོན་ཏེ། (དཔེར་ན།) ཞིང་པས་ཞིང་ས་རྒྱ་སྐྱེད་བཞིན་ཡོད། ས་ཞིང་རྒྱ་སྐྱེད་ཅིག་སེམས་རྒྱ་བསྐྱེད་ནས་སློབ་སྦྱོང་བྱས་ལྟ་བུ། |
| བསྐྱེད་པ |
སྐྱེད་པའི་འདས་པ་དང་མ་འོངས་པའི་བྱ་མིང། |
| བསྐྱེད་བྱ |
རང་རྒྱུས་སྐྱེད་པར་བྱ་བའི་འབྲས་བུ། |
| བསྐྱེད་རིམ |
སྐྱེ་གནས་རྣམ་བཞིའི་བག་ཆགས་སྦྱོང་བྱེད་ཐ་མལ་གྱི་སྣང་གྲག་རིག་གསུམ་དེ་ལྷ་སྔགས་ཡེ་ཤེས་ཀྱི་རང་བཞིན་དུ་སྒོམ་པའི་རྣལ་འབྱོར། |
| བསྐྱེད་རིམ་ཕྲ་མོ |
ལྷའི་ཕྱག་མཚན་ལ་དམིགས་པ་རྡོ་རྗེ་ཕྲ་མོའི་ཏིང་འཛིན་སྒོམ་པ། |
| བསྐྱེད་རིམ་རགས་པ |
ལྷའི་ཞལ་ཕྱག་གི་རྣམ་པ་སྒོམ་པ། |
| བསྐྱེད་རྫོགས |
བསྐྱེད་རིམ་དང༌། རྫོགས་རིམ་གྱི་བསྡུས་ཚིག |
| བསྐྱོག |
སྐྱོག་པའི་མ་འོངས་པ། (དཔེར་ན།) ལམ་བསྐྱོག་པར་བྱ། ལམ་བསྐྱོག་དགོས་ལྟ་བུ། |
| བསྐྱོགས |
སྐྱོག་པའི་འདས་པ། (དཔེར་ན།) ལམ་བསྐྱོགས་ནས་སོང་ལྟ་བུ། |
| བསྐྱོད |
སྐྱོད་པའི་མ་འོངས་པ་དང་འདས་པ། (དཔེར་ན།) བསྐྱོད་བྱའི་དར་ཆ། རྒྱལ་དར་རླུང་གིས་བསྐྱོད་ལྟ་བུ། |
| བསྐྱོད་མེད་པ |
1.གཡོ་འགུལ་མེད་པ། 2.གྲངས་གནས་ཤིག |
| བསྐྱོད་ཡས |
གྲངས་གནས་དྲུག་ཅུའི་ལྔ་བཅུ་ང་ལྔ་པ་སྟེ་ཆོས་མངོན་པ་ལས་བྱུང་བའི་གྲངས་གནས་ཆེན་པོ་ཞིག |
| བསྐྱོན |
1.སྐྱོན་པའི་མ་འོངས་པ་དང་འདས་པ། (དཔེར་ན།) རྟ་ལ་བསྐྱོན་བྱའི་མི་རྟ་ལ་བསྐྱོན་དགོས། ངས་ཁོ་རང་རྟ་ལ་བསྐྱོན་ནས་ལམ་ལ་ཆས་ལྟ་བུ། 2.ཐོག་ཏུ་བཞག་པའི་དོན་ཏེ། (དཔེར་ན།) ཟངས་ང་ཐབ་ལ་བསྐྱོན་ལྟ་བུ། 3.གོན་དུ་བཅུག་པའི་དོན་ཏེ། (དཔེར་ན།) རྒྱབ་ལ་ལྭ་བ་བསྐྱོན་ལྟ་བུ། |
| བསྐྱོམ |
སྐྱོམ་པའི་མ་འོངས་པ། (དཔེར་ན།) ཇ་བསྐྱོམ་དགོས། བསྐྱོམ་བྱའི་ཇ་ཆུ་ཞེས་པ་ལྟ་བུ། |
| བསྐྱོམས |
སྐྱོམ་པའིའདས་པ། (དཔེར་ན།) ཆུ་བསྐྱོམས་ནས་རྙོག་པར་བྱས། ཐོར་རླུང་གིས་རྒྱ་མཚོ་བསྐྱོམས་ལྟ་བུ། |
| བསྐྱོར |
(བྱེད་འབྲེལ་ལས་ཚིག) སྐྱོར་གྱི་མ་འོངས་པ་དང་འདས་པ། མི་དང་དངོས་པོ་འགྱེལ་དུ་མི་འཇུག་པའི་དོན་ཏེ། (དཔེར་ན།) རྨས་མ་བསྐྱོར་དགོས། བསྐྱོར་བྱའི་རྒན་པོ། བྱིས་པ་བསྐྱོར་ནས་ལམ་ལ་འགྲོ་ཚུལ་བསླབས་ལྟ་བུ། |
| བསྐྱོར་བ |
རོགས་བྱེད་པ་དང་མི་འཆོར་བར་འཛིན་པའི་དོན་དུ་འཇུག་པའི་སྐྱོར་བའི་འདས་པ་དང་མ་འོངས་པ། |
| བསྐྱོས་པ |
(བརྡ་རྙིང་།) 1>འཁྲུག་ལོང་བྱས་པ། 2>སྐྱོས་པ་དང་འདྲ། |
| བསྐྲད |
སྐྲོད་པའི་མ་འོངས་པ་དང་འདས་པ། (དཔེར་ན།) ཕར་བསྐྲད་བྱའི་དགྲ་བོ། བཙན་རྒྱལ་རིང་ལུགས་ཕར་བསྐྲད་ནས་རྒྱལ་ཁབ་སྒེར་ཚུགས་བྱས་ལྟ་བུ། |
| བསྐྲུ |
སྐྲུ་ཡི་མ་འོངས་པ། |
| བསྐྲུན |
1.སྐྲུན་པའི་མ་འོངས་པ་དང་འདས་པ། (དཔེར་ན།) དཔེ་ཆ་པར་དུ་བསྐྲུན་དགོས། པར་དུ་བསྐྲུན་བྱའི་དཔེ་ཆ། གསུང་རྩོམ་པར་དུ་བསྐྲུན་ནས་བཀྲམ་ལྟ་བུ། 2.བཟོ་སྐྲུན་བྱས་པའི་དོན་ཏེ། (དཔེར་ན།) འཕྲུལ་འཁོར་མང་པོ་གསར་དུ་བསྐྲུན། འཛུགས་སྐྲུན་ཞེས་པ་ལྟ་བུ། |
| བསྐྲུས |
སྐྲུ་ཡི་འདས་པ། |
| བསྐྲོག |
སྐྲོག་གི་མ་འོངས་པ། |
| བསྐྲོགས |
སྐྲོག་གི་འདས་པ། |
| བསྒག |
སྒོག་པའི་མ་འོངས་པ། (དཔེར་ན།) བསྒག་བྱ་ཞེས་པ་ལྟ་བུ། |
| བསྒགས |
སྒོག་པའི་འདས་པ། (དཔེར་ན།) སྡར་མའི་ཐོང་རྩ་བསྒགས་ན་དགྲ་ལ་ཕྱག་འཚལ་ལྟ་བུ། |
| བསྒང |
སྒོང་གི་མ་འོངས་པ། (དཔེར་ན།) བསྒང་བྱའི་ཟན་ཞེས་པ་ལྟ་བུ། |
| བསྒངས |
སྒོང་གི་འདས་པ། (དཔེར་ན།) ལག་པས་ཟན་བསྒངས་ལྟ་བུ། |
| བསྒབ་པ |
སྒབ་པའི་འདས་པ་དང་མ་འོངས་པ། |
| བསྒར |
སྒོར་བའི་མ་འོངས་པ་དང་འདས་པ། (དཔེར་ན།) བསྒར་བྱའི་བུ་རམ། བུར་ཤིང་གདུས་ནས་བུ་རམ་བསྒར་དགོས། བུ་རམ་བསྒམ་ནས་ཟོས་ལྟ་བུ། |
| བསྒུག |
སྒུག་པའི་མ་འོངས་པ། (དཔེར་ན།) བསྒུག་བྱ། གྲོགས་པོ་ལ་བསྒུག་དགོས་ལྟ་བུ། |
| བསྒུགས |
སྒུག་པའི་འདས་པ། (དཔེར་ན།) བསྒུགས་པའི་དུས་ཡུན། བསྒུགས་ནས་ཡུན་རིང་ལོན་ལྟ་བུ། |
| བསྒུར་བ |
སྒུར་བའི་འདས་པ་དང་མ་འོངས་པ། |
| བསྒུལ |
སྒུལ་བའི་མ་འོངས་པ་དང་འདས་པ། (དཔེར་ན།) བསྒུལ་བྱའི་རྡོ། ཤིང་སྡོང་མ་བསྒུལ་ལྟ་བུ། |
| བསྒོ |
1.(བྱེད་འབྲེལ་ལས་ཚིག) སྒོ་བའི་མ་འོངས་པ། འགོ་བར་བྱས་པའི་དོན་ཏེ། (དཔེར་ན།) འགོ་ནད་མི་ལ་མ་བསྒོ། རང་སྐྱོན་གཞན་ལ་མ་བསྒོ་ལྟ་བུ།2.བསླབ་བྱའམ་སྐད་ཆའི་དོན་ཏེ། (དཔེར་ན།) མི་ཚང་མས་ཇི་ལྟར་བསྒོ་བ་བཞིན་ཉན་པ། ལག་ལེན་མ་བསྟར་བར་བསྒོ་བ་བཅག་པ། སློབ་ཕྲུག་ངན་པས་དགེ་རྒན་གྱི་བསྒོ་བ་རྣམ་ལ་གཟན་པ་ཞེས་པ་ལྟ་བུ། |
| བསྒོ་གྱུར་གྱི་ལྷག་མ་བཞི |
དགེ་འདུན་ལྷག་མ་བཅུ་གསུམ་གྱི་ནང་གསེས། དབྱེན་བྱེད་པ་དང༌། དེ་རྗེས་ཕྱོགས་པ་དང༌། ཁྱིམ་སུན་འབྱིན་པ་དང༌། བཀའ་བློ་མི་བདེ་བ་བཞི་ནི། བསྒོ་བ་ལས་གྱུར་པའི་ལྷག་མའོ། ། |
| བསྒོ་བ་བསྒོས་པ |
1.བཤད་བྱའི་སྐད་ཆ་བཤད་པ་སྟེ། (དཔེར་ན།) ལས་དོན་བྱེད་སྒོའི་བསྒོ་བ་བསྒོས་པ་ལྟ་བུ། 2.བསླབ་བྱ་བྱས་པ་སྟེ། (དཔེར་ན།) ཕྲུ་གུར་ཁ་ཏ་བསླབ་བྱའི་བསྒོ་བ་བསྒོས་ལྟ་བུ། |
| བསྒོ་བ་རྣར་གཟོན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་གྱིས་ཕྱིར་བཅོས་ལ་དགོད་པའི་ཆེད་དུ་ལྟུང་བ་གླེང་བ་ན་མ་ཐོས་པ་ལྟར་ལན་གཞན་འདེབས་པ་སོགས་ཐབས་སྣ་ཚོགས་ཀྱིས་བསྒྱུར་བའོ། ། |
| བསྒོ་ཚིག |
བསླབ་བྱའི་ཚིག |
| བསྒོ་ཡས |
གྲངས་གནས་ཤིག |
| བསྒོ་ཡིག |
བཀའ་གཏོང་བའི་ཡི་གེ། |
| བསྒོང |
བསྒང་གི་འབྲི་ཚུལ་གཞན། |
| བསྒོང་བ |
སྒོང་བའི་མ་འོངས་པ། |
| བསྒོངས |
བསྒངས་ཀྱི་འབྲི་ཚུལ་གཞན། |
| བསྒོངས་པ |
སྒོང་བའི་འདས་པ། |
| བསྒོམ་པ |
སྒོམ་པའི་མ་འོངས་པ། |
| བསྒོམ་བྱའི་ལམ་བཅུ་གཅིག |
ཡོངས་སུ་རྟོགས་པའི་ལམ་དང༌། རྩོལ་བ་ལས་བྱུང་བའི་ལམ། ཡོངས་སུ་བྱང་བ་བྱས་པའི་ལམ། མངོན་པར་རྟོགས་པ་ལ་སྦྱོར་བའི་ལམ། མངོན་པར་རྟོགས་པ་དང་མ་འདྲེས་པའི་ལམ། མངོན་པར་རྟོགས་པའི་ལམ། ངེས་འབྱིན་གྱི་གནས་ཀྱི་ལམ། དབང་པོ་ཐ་དད་པའི་ལམ། བསླབ་གསུམ་ཡོངས་སུ་སྦྱོང་བའི་ལམ། ཡོངས་སུ་སྒྲུབ་པར་བྱེད་པའི་ལམ། ལམ་སྡུད་པའི་ལམ་བཅས་བཅུ་གཅིག་གོ། ། |
| བསྒོམས་པ |
སྒོམ་པའི་འདས་པའི་བྱ་མིང། |
| བསྒོམས་བྱུང |
བསྒོམས་བྱུང་གི་ཤེས་རབ་ཀྱི་བསྡུས་ཚིག |
| བསྒོམས་བྱུང་གི་རྟོག་པ |
བསམ་བྱུང་གི་དོན་ལ་ཡང་ཡང་འདྲིས་པར་བྱས་པའི་ཁམས་གོང་མའི་སས་བསྡུས་ཀྱི་ཞེན་རིག དཔེར་ན། རང་ཡུལ་བདག་མེད་ལ་སོགས་པ་མངོན་དུ་མ་གྱུར་པའི་དུས་ཀྱི་རྟོག་པ་ལྟ་བུའོ། ། |
| བསྒོམས་བྱུང་གི་ཤེས་རབ |
བསམ་བྱུང་གི་ངེས་པ་རྙེད་པའི་དོན་དེ་ཡང་ཡང་གོམས་པར་བྱས་པའི་ཤིན་སྦྱངས་ཁྱད་པར་ཅན་གྱིས་ཟིན་པའི་རྟོག་བཅས་རྟོག་མེད་ཀྱི་བློ་རྣམས་སོ། ། |
| བསྒོམས་བྱུང་དགེ་བ |
བསྒོམས་བྱུང་གི་ཤེས་རབ་དང་ཏིང་ངེ་འཛིན་ལྟ་བུའོ། ། |
| བསྒོམས་བྱུང་བསོད་ནམས |
སྦྱིན་པ་དང་ཚུལ་ཁྲིམས་ཏིང་ངེ་འཛིན་བསྒོམས་པ་ལས་བྱུང་བའི་བསོད་ནམས་ཏེ་ལོངས་སྤྱོད། བདེ་བ། སེམས་ཤིན་སྦྱངས་ཀྱི་བདེ་བ་བཅས་ལྟ་བུ། |
| བསྒོམས་བྱུང་ཡེ་ཤེས |
ཐོས་པའི་དོན་དེ་ཉིད་ཡང་ཡང་གོམས་པ་ལས་བྱུང་བའི་མཁྱེན་པའམ་ལམ། |
| བསྒོམས་སྟོབས |
བསྒོམས་པ་ལས་བྱུང་བའི་ཡོན་ཏན་ཁྱད་པར་ཅན། |
| བསྒོས |
བསྒོ་བའི་འདས་པ། (དཔེར་ན།) ལུས་ལ་བསྒོས་པའི་དྲི་ཞིམ་དེ། གཞན་གྱི་དྲི་ཡིན་རང་གི་མིན་ཞེས་པ་ལྟ་བུ། |
| བསྒྱང |
སྒྱང་གི་མ་འོངས་པ། (དཔེར་ན།) བསྒྱང་བྱའི་དུས་ཚོད། དུས་ཚོད་བསྒྱང་དགོས་ལྟ་བུ། |
| བསྒྱངས |
སྒྱང་གི་འདས་པ། (དཔེར་ན།) དུས་བསྒྱངས་ནས་བསྟུད་མར་གྲོས་བསྡུར་བྱས་ལྟ་བུ། |
| བསྒྱིང |
སྒྱིང་གི་མ་འོངས་པ། |
| བསྒྱིངས |
སྒྱིང་གི་འདས་པ། |
| བསྒྱུར |
1.སྒྱུར་གྱི་མ་འོངས་པ་དང་འདས་པ། (དཔེར་ན།) བསྒྱུར་བྱའི་ལམ་ལུགས། སྒེར་དབང་ལམ་ལུགས་བསྒྱུར་དགོས། སྒེར་དབང་ལམ་ལུགས་བསྒྱུར་ནས་ཐུན་མོང་ལ་དབང་བའི་ལམ་ལུགས་བཙུགས། 2.ལོ་ཙ་སྒྱུར་བ་སྟེ། (དཔེར་ན།) རྒྱ་ཡིག་གི་དཔེ་ཆ་བོད་ཡིག་ཏུ་བསྒྱུར། རྒྱ་སྐད་ཀྱི་དོན་བོད་སྐད་དུ་བསྒྱུར་《ཆུ་ངོགས་གཏམ་རྒྱུད་》བོད་ཡིག་ཏུ་བསྒྱུར་ལྟ་བུ། 3.དབང་དུ་བསྡུས་པའི་དོན་ཏེ། དབང་ལ་ལྟོས། 4.རོལ་མོ་སོགས་ལས་སྐད་ཀྱི་འགྱུར་བ་སྣ་ཚོགས་འབྱུང་དུ་བཅུག་པའི་དོན་ཏེ། (དཔེར་ན།) རབ་སྙན་མགྲིན་པའི་གླིང་བུ་སྒྱུར་མཁས་པ་ཞེས་པ་ལྟ་བུ། 5.གྲངས་ཀ་ཞིག་གྲངས་ཀ་གཞན་ཞིག་གི་ལྡབ་ཁ་ཤས་སུ་གསུལ་བའི་དོན་ཏེ། (དཔེར་ན།) དྲུག་གིས་གསུམ་བསྒྱུར་ན་བཅོ་བརྒྱད་ཡིན་ལྟ་བུ། |
| བསྒྱུར་གྲངས |
གྲངས་ཀ་གཉིས་སམ་དུ་མས་ཕན་ཚུན་བསྒྱུར་ནས་ཐོབ་པའི་གྲངས་ཀ་ལ་བསྒྱུར་གྲངས་ཟེར། |
| བསྒྱུར་དེབ |
བསྒྱུར་རྒྱུའམ་བསྒྱུར་ཟིན་པའི་དེབ། |
| བསྒྱུར་བ་ལྡེམ་དགོངས |
གྲགས་པའི་ཡི་གེ་ངན་པ་མ་གྲགས་པའི་དོན་ཟབ་མོ་སྟོན་བྱེད་དུ་བསྒྱུར་བ་སྙིང་པོ་མེད་ལ་སྙིང་པོར་ཤེས་ཞེས་པ་ལྟ་བུའོ། ། |
| བསྒྱུར་བཀོད |
སྲོལ་རྙིང་པ་བསྒྱུར་ནས་དགོས་མཁོ་གསར་པ་དང་མཐུན་ཐབས་བྱེད་པ། |
| བསྒྱུར་བཅོས |
རྙིང་པ་བསྒྱུར་ནས་གནས་ཚུལ་གསར་པ་དང་མཐུན་པ་བྱེད་པ། |
| བསྒྱུར་བའི་གནས |
སྒྲའི་གནས་བརྒྱད་ཀྱི་གསུམ་པ་སྐད་ཀྱི་བྱིངས་མ་བསྒྱུར་བ་ལ་བསྒྱུར་བས་ཐེ་ཚོམ་མཐའ་དག་སེལ་བ་དཔེར་ན། ཀ་ཞེས་པ་ཙམ་གྱིས་ཐེ་ཚོམ་དང་སྒྲོ་འདོགས་མི་ཆོད་ལ། བཀའ་ཞེས་པ་ལྟ་བུ་སྔོན་རྗེས་ཀྱིས་བསྒྱུར་བས། བཀའ་ལུང་ལ་གོ་བ་བཞིན་དེ་ལྟར་ཡི་གེ་བྱིངས་ལ་སྒྲ་སྒྲུབ་བྱས་པས་ཐེ་ཚོམ་ཐམས་ཅད་སེལ་བའོ། ། |
| བསྒྱུར་བོན |
བོད་རྒྱལ་ཁྲི་སྲོང་ལྡེའུ་བཙན་ནས་གླང་དར་མའི་བར་པཎྜི་ཏ་ཤམ་ཐབས་སྔོན་པོ་ཅན་དང༌། རྒྱལ་བའི་བྱང་ཆུབ་ཟེར་བ་དང་གཤེན་སྒུར་ཀླུ་དགའ་སོགས་ཀྱིས་ནང་པའི་ཆོས་ལུགས་ཁག་བོན་དུ་བསྒྱུར་པའི་ལུགས་ལ་ཟེར། བསྒྱུར་བོན་ལ་ཆབ་དཀར་ཟེར་ཏེ་འབྲས་བུའི་བོན་ཞེས་ཀྱང་ཟེར། བོན་ལུགས་ཀྱི་གླེགས་བམ་རྣམས་དུས་འདི་ནས་བྱུང་བ་ཡིན། |
| བསྒྱུར་བྱ |
དྲུག་གིས་གསུམ་བསྒྱུར་བ་ལ་ཆ་བཞག་ན་གྲངས་ཀ་གསུམ་ནི་བསྒྱུར་བྱ་ཡིན། |
| བསྒྱུར་བྱང |
བཀའ་བསྟན་མཇུག་གི་ལོ་ཙཱས་བསྒྱུར་རབས། |
| བསྒྱུར་མིང |
1.རང་མིང་དངོས་མ་ཡིན་པ། 2.སྐད་རིགས་ཕན་ཚུན་གོ་བརྗེས་ཀྱི་མིང༌། |
| བསྒྱུར་ཡས |
གྲངས་གནས་ཤིག |
| བསྒྱུར་ཡིག |
འདྲ་མིན་གྱི་སྐད་དུ་བསྒྱུར་པའི་ཡི་གེ། |
| བསྒྱེལ |
སྒྱེལ་བའི་མ་འོངས་པ་དང་འདས་པ། (དཔེར་ན།) བསྒྱེལ་བྱ། ཁོ་རང་ས་ལ་བསྒྱེལ་ནས་མནན་ལྟ་བུ། |
| བསྒྲག |
(བྱེད་འབྲེལ་ལས་ཚིག) སྒྲོག་གི་མ་འོངས་པ། སྐད་ཆེན་པོ་འབྱིན་པའི་དོན་ཏེ། (དཔེར་ན།) སེང་གེས་ང་རོ་བསྒྲག་པར་བྱ། བསྒྲག་བྱའི་སྒྲ་ཞེས་པ་ལྟ་བུ། |
| བསྒྲག་ཐོ |
ཀུན་ལ་བསྒྲག་པར་བྱ་རྒྱུའི་ཡིག་ཆ། |
| བསྒྲག་ཡིག |
མི་ཚང་མར་བསྒྲག་པར་བྱ་རྒྱུའི་ཡིག་རིགས། |
| བསྒྲགས |
སྒྲོག་གི་འདས་པ། (དཔེར་ན།) སྟག་གིས་ས་ནས་ང་རོ་བསྒྲགས། སྤྲེའུ་ཤིང་གི་རྩེ་ནས་ལྷུང་ལྟ་བུ། |
| བསྒྲགས་གཏམ |
རྒྱལ་ཁབ་དང་། སྲིད་ཁག་དང་། ཚོགས་པ་སོགས་ཀྱིས་དོན་འགངས་ཆེ་བའི་ལྟ་ཚུལ་བཤད་ནས་དྲིལ་བསྒྲགས་དང་འབོད་སྐུལ་བྱེད་པའི་སྤེལ་ཡིག་གི་མིང་ 《གུང་ཁྲན་ཏང་གི་བསྒྲགས་གཏམ》ཞེས་པ་ལྟ་བུ། |
| བསྒྲང |
སྒྲང་གི་མ་འོངས་པ། |
| བསྒྲངས |
སྒྲང་གི་འདས་པ། |
| བསྒྲད |
བགྲད་ཀྱི་འབྲི་ཚུལ་གཞན། |
| བསྒྲལ |
1.སྒྲོལ་བའི་མ་འོངས་པ་དང་འདས་པ། (དཔེར་ན།) སྡུག་བསྔལ་ལས་བསྒྲལ་དགོས། ཆུ་བོ་ལས་བསྒྲལ་བྱའི་མི། ཁོང་གིས་བྱིས་པ་ཞིག་ཆུ་བོ་ལས་བསྒྲལ་ནས་རང་སྲོག་བཏང་ལྟ་བུ། 2.གསོད་ཁྲིམས་བཅད་པའི་དོན། |
| བསྒྲལ་བའི་ཞིང་བཅུ |
གསད་པར་འོས་པའི་དགྲ་བོའི་སྡིག་སྤྱོད་བཅུ་སྟེ་ཞིང་བཅུ་ཚང་བའི་བསྟན་དགྲ་དེར་ལྟོས། |
| བསྒྲལ་ཡས |
གྲངས་གནས་ཤིག |
| བསྒྲལ་ལས |
དྲག་པོ་མངོན་སྤྱོད་ཀྱི་ལས་ལ་བརྟེན་ནས་དགྲ་བོ་གསོད་པར་བྱེད་པའི་བྱ་བ། |
| བསྒྲིག |
སྒྲིག་པའི་མ་འོངས་པ། (དཔེར་ན།) གྲལ་བསྒྲིག་དགོས། བསྒྲིག་བྱའི་དངོས་རྫས་ཞེས་པ་ལྟ་བུ། |
| བསྒྲིགས |
སྒྲིག་གི་འདས་པ། (དཔེར་ན།) བསྒྲིགས་པའི་དཔུང་ཚོགས། དཔུང་བསྒྲིགས་ནས་ལམ་ལ་སོང་། བསྒྲིགས་པའི་པར་གཞི། པར་གཞི་བསྒྲིགས་མ་ཞེས་པ་ལྟ་བུ། |
| བསྒྲིན |
སྒྲིན་གྱི་མ་འོངས་པ་དང་འདས་པ། |
| བསྒྲིབ |
སྒྲིབ་པའི་མ་འོངས་པ། (དཔེར་ན།) བསྒྲིབ་བྱའི་དངོས་རྫས། བསྒྲིབ་དགོས་ལྟ་བུ། |
| བསྒྲིབས |
སྒྲིབ་པའི་འདས་པ། (དཔེར་ན།) སྤྲིན་གྱིས་ཉི་མ་བསྒྲིབས། ཡོལ་བས་བསྒྲིབས་པའི་དངོས་རྫས། རས་ཀྱིས་མིག་བསྒྲིབས་ལྟ་བུ། |
| བསྒྲིབས་ལུང་མ་བསྟན |
ཉོན་མོངས་ཅན་གྱི་ལུང་མ་བསྟན་ཏེ། གཟུགས་ཁམས་དང་གཟུགས་མེད་ཁམས་ཀྱི་ཉོན་མོངས་པ་རྣམས་ནི་འཕགས་ལམ་གྱི་གེགས་སུ་གྱུར་པས་ཟག་མེད་ལ་བསྒྲིབས་པ་དང༌། སྡུག་བསྔལ་གྱི་འབྲས་བུ་མི་བསྐྱེད་པས་མི་དགེ་བ་མིན་པ། དཔེར་ན་ལྷན་སྐྱེས་ཀྱི་བདག་ལྟ་ལྟ་བུའོ། ། |
| བསྒྲིམ |
སྒྲིམ་པའི་མ་འོངས་པ། (དཔེར་ན།) བསྒྲིམ་བྱའི་ཐག་པ། རྩིད་སྐུད་བསྒྲིམ་དགོས་ལྟ་བུ། |
| བསྒྲིམས |
སྒྲིམ་པའི་འདས་པ། (དཔེར་ན།) རྩིད་སྐུད་བསྒྲིམས་ནས་གྲིམས་ལྟ་བུ། |
| བསྒྲིམས་ཏེ་འཇུག་པའི་ཡིད་བྱེད |
ཡིད་བྱེད་བཞིའི་ནང་ཚན། སེམས་གནས་དགུའི་དང་པོ་འཇོག་པར་བྱེད་པ་དང༌། གཉིས་པ་ཡང་དག་པར་འཇོག་པར་བྱེད་པའི་སྐབས་སུ་འབད་པས་བསྒྲིམ་དགོས་པའི་ཏིང་ངེ་འཛིན་ནོ། ། |
| བསྒྲིལ |
1.སྒྲིལ་བའི་མ་འོངས་པ་དང་འདས་པ། (དཔེར་ན།) བསྒྲིལ་བྱའི་རྦབ་རྡོ་བསྒྲིལ་དགོས། བྱིས་པས་ལྒང་བུ་བསྒྲིལ་ནས་བརྩེ་ལྟ་བུ། 2.རིལ་བུ་བྱས་པའི་དོན་ཏེ། (དཔེར་ན།) སྨན་གྱི་རིལ་བུ་བསྒྲིལ་ལྟ་བུ། 3.སྐུད་པ་དང་ཐག་པ་སོགས་གྲིམ་པོ་བྱས་པ་སྟེ། (དཔེར་ན།) བལ་ཐག་སྒྲིལ། གསོ་ཐག་བསྒྲིལ་ནས་ཐོན་སྐྱེད་བྱས་ལྟ་བུ། |
| བསྒྲིལ་ཅིང་འཁོད་པ |
(བརྡ་རྙིང་།) བདེ་བཞིན་གནས་པ། |
| བསྒྲུག |
སྒྲུག་གི་མ་འོངས་པ། |
| བསྒྲུགས |
སྒྲུག་གི་འདས་པ། |
| བསྒྲུང |
སྒྲུང་གི་མ་འོངས་པ། |
| བསྒྲུངས |
སྒྲུང་གི་འདས་པ། |
| བསྒྲུན |
སྒྲུན་གྱི་མ་འོངས་པ་དང་འདས་པ། |
| བསྒྲུན་ཟླ |
འགྲན་ཟླ། |
| བསྒྲུབ |
སྒྲུབ་པའི་མ་འོངས་པ། (དཔེར་ན།) བསྒྲུབ་བྱ། བསྒྲུབ་པར་བྱ་བའི་ལས་དོན། ལས་དོན་བསྒྲུབ་དགོས་ལྟ་བུ། |
| བསྒྲུབ་གཞི |
བསྒྲུབ་བྱའི་གཞི་སྟེ་རྩོད་གཞིའམ་ཆོས་ཅན་ནོ། ། |
| བསྒྲུབ་ཆོས |
བསྒྲུབ་བྱའི་ཆོས་ཀྱི་བསྡུས་མིང༌། |
| བསྒྲུབ་པའི་ཆོས |
ལུང་གི་ཆོས་ཀྱི་དགོངས་དོན་ལྟར་སྒྲུབ་པ་ཉམས་ལེན་བྱས་ནས་རྒྱུད་ལ་ཉམས་རྟོགས་སྐྱེ་བའི་ཆོས། |
| བསྒྲུབ་བྱ |
1.ལས་དོན། 2.རྟགས་ལ་བརྟེན་ནས་བསྒྲུབ་རྒྱུའི་ཆོས་དང་ཆོས་ཅན་ཚོགས་པ་སྒྲ་མི་རྟག་པ་ལྟ་བུའོ། །མིང་གི་རྣམ་གྲངས་ལ། ཆོས་དང་ཆོས་ཅན་གྱི་ཚོགས་དོན་དང་དེ་སྒྲུབ་ཀྱི་ཕྱོགས། དེ་སྒྲུབ་ཀྱི་དམ་བཅའ་རྣམས་སོ། ། |
| བསྒྲུབ་བྱ་དང། ་གཏན་ཚིགས། དཔེར་བརྗོད |
སྒྲ་ཆོས་ཅན། མི་རྟག་བྱས་པའི་ཕྱིར། དཔེར་ན་བུམ་པ་བཞིན། ཞེས་བརྗོད་པའི་ཚེ་རིམ་པ་བཞིན་སྒྲ་མི་རྟག་པ་བསྒྲུབ་བྱ། བྱས་པ་གཏན་ཚིགས། བུམ་པ་མཐུན་དཔེར་བརྗོད་པ་ལྟ་བུ། |
| བསྒྲུབ་བྱ་ཡང་དག |
ཚུལ་གསུམ་ཚང་བའི་རྟགས་ཀྱིས་བསྒྲུབ་ནུས་པའི་ཆོས་དང་ཆོས་ཅན་གྱི་ཚོགས་དོན། |
| བསྒྲུབ་བྱ་ལྟར་སྣང |
རྟགས་སྦྱོར་གྱིས་བསྒྲུབ་བྱ་སྒྲུབ་པར་འདོད་ཀྱང་ཆོས་དང་ཆོས་ཅན་མི་མཐུན་པའམ་མངོན་སུམ་ལ་སོགས་པ་ཚད་མས་བསལ་བའི་ཕྱིར་དེ་སྒྲུབ་ཀྱི་བསྒྲུབ་བྱ་སྒྲུབ་མི་ནུས་པའོ། ། |
| བསྒྲུབ་བྱ་ལྡོག་པ་མེད་པ |
ཆོས་མི་མཐུན་པའི་དཔེ་ལྟར་སྣང་ལྔའི་ནང་གསེས། གཏན་ཚིགས་རིག་པའི་སྦྱོར་བ་འགོད་ཚུལ་གྱི་ཆོས་མི་མཐུན་པའི་དཔེ་དེ་བསྒྲུབ་བྱ་བཟློག་མ་ནུས་པས་མ་ལྡོག་པའི་སྐྱོན་ཏེ། དཔེར་ན། མི་རྟག་པ་རྣམས་ནི། ཐོགས་བཅས་མཐོང་བ་ཡིན་ཏེ། རྡུལ་ཕྲ་རབ་བཞིན་ནོ། ཞེས་དང༌། སྒྲ་རྟག་ཐོགས་པ་མེད་པའི་ཕྱིར། དཔེར་ན། ནམ་མཁའ་དང༌། རྡུལ་ཕྲན་བཞིན་ཞེས་པ་ལྟ་བུ། སྒྲའི་བསྟན་བཅོས་དང་བྱེ་བྲག་པ་གཉིས་ཀས་རྡུལ་ཕྲན་རྟག་པར་འདོད་པས། རྟག་པའི་བསྒྲུབ་བྱ་ལྡོག་མི་ནུས་སོ། ། |
| བསྒྲུབ་བྱ་སྐྱོན་མེད་པ |
རྟགས་ཡང་དག་ལ་བརྟེན་ནས་བསྒྲུབ་པར་ནུས་པའི་དོན་ཞིག་དཔེར་ན་སྒྲ་མི་རྟག་པ་ལྟ་བུ། |
| བསྒྲུབ་བྱ་སྒྲུབ་བྱེད་གཉིས་ཀ་ལྡོག་པ་མེད་པ |
ཆོས་མི་མཐུན་པའི་དཔེ་ལྟར་སྣང་ལྔའི་ནང་གསེས། གཏན་ཚིགས་རིག་པའི་སྦྱོར་བ་འགོད་ཚུལ་གྱི་ཆོས་མི་མཐུན་པའི་དཔེ་དེ་སྒྲུབ་བྱེད་དང་བསྒྲུབ་བྱ་གཉིས་ཀ་བཟློག་མི་ནུས་པས་ལྡོག་པ་མེད་པའི་སྐྱོན་ཏེ། དཔེར་ན། སྒྲའི་བསྟན་བཅོས་ཀྱིས་ཡོད་པའི་བསྟན་བཅོས་ལ་ལྟོས་ནས་སྒྲ་རྟག་ཐོགས་པ་མེད་པའི་ཕྱིར། ཆོས་མི་མཐུན་པའི་དཔེར་ནམ་མཁའ་བཞིན་ཞེས་བརྗོད་ན། ནམ་མཁའ་ནི་རྟག་པ་ཉིད་དང༌། ཐོགས་པ་མེད་པ་ཉིད་ཡིན་པས་བསྒྲུབ་བྱ་སྒྲུབ་བྱེད་གཉིས་ཀ་མི་ལྡོག་པའོ། ། |
| བསྒྲུབ་བྱའི་གཞི |
རྟགས་གསལ་གྱི་སྦྱོར་བ་འགོད་སྐབས། གང་བསྒྲུབ་བྱའི་ཆོས་བསྒྲུབ་པར་བྱ་བའི་གཞིའམ་ཡུལ་ཏེ། སྒྲ་ཆོས་ཅན་ཞེས་པ་ལྟ་བུ་རྩོད་གཞི་ཆོས་ཅན་ནོ། ། |
| བསྒྲུབ་བྱའི་ཆོས |
རྟགས་ཆོས་དོན་གསུམ་གྱི་སྦྱོར་བ་འགོད་སྐབས་ཀྱི་བསྒྲུབ་པར་བྱ་རྒྱུའི་དོན་ནམ་དངོས་པོ་དཔེར་ན། བྱས་རྟགས་ཀྱིས་སྒྲ་མི་རྟག་པར་བསྒྲུབ་པ་ན་མི་རྟག་པ་ལ་བསྒྲུབ་བྱའི་ཆོས་ཞེས་པ་ལྟ་བུའོ། ། |
| བསྒྲུབ་བྱའི་ཆོས་ཀྱི་ཁྱད་པར |
སྒྲུབ་བྱེད་ལ་བརྟེན་ནས་སྒྲ་མི་རྟག་པ་སོགས་བསྒྲུབ་བྱའི་ཆོས་ལ་དངོས་དང༌། ཤུགས་ཀྱི་བསྒྲུབ་བྱའི་ཆོས་ཀྱི་ཁྱད་པར་གཉིས་ལས། དང་པོ་ནི་མི་རྟག་པ་དང༌། གཉིས་པ་ནི་མི་རྟག་པ་མ་ཡིན་པ་ལས་ལོག་པ་ལྟ་བུ། |
| བསྒྲུབ་བྱའི་ཆོས་ཅན |
བསྒྲུབ་བྱའི་གཞིའོ། |
| བསྒྲུབ་བྱའི་ཆོས་ཅན་མ་གྲུབ་པ |
གཏན་ཚིགས་ཀྱིས་བསྒྲུབ་པར་བྱ་རྒྱུའི་དོན་གྱི་ངོ་བོ་གཞི་ལ་མེད་པ་ཞིག་དཔེར་ན་རི་བོང་གི་རྭ་མི་རྟག་པར་སྒྲུབ་པའི་སྐབས་ཀྱི་རི་བོང་གི་རྭ་ལྟ་བུ། |
| བསྒྲུབ་བྱའི་ཆོས་མ་གྲུབ་པ |
སྒྲུབ་བྱེད་ཀྱི་གཏན་ཚིགས་དང་མི་མཐུན་པའི་དོན་ཞིག་དཔེར་ན་སྒྲ་མི་རྟག་པར་སྒྲུབ་པའི་སྐབས་ཀྱི་ཀ་བ་རིང་པོ་ལྟ་བུ། |
| བསྒྲུབ་བྱའི་དོན་མེད་པ |
གཏན་ཚིགས་ཡང་དག་གིས་བསྒྲུབ་པར་བྱ་རྒྱུའི་དོན་གཞི་ལ་མ་གྲུབ་པ་ཞིག་དཔེར་ན་མོ་གཤམ་གྱི་བུ་ལྟ་བུ། |
| བསྒྲུབ་བྱའི་སྐོན |
གཏན་ཚིགས་ལ་བརྟེན་ནས་གང་ཞིག་བསྒྲུབ་པར་བྱ་རྒྱུའི་དོན་འགལ་བ་ཞིག་དཔེར་ན་བྱས་པའི་རྟགས་ཀྱིས་རྟག་པ་སྒྲུབ་པ་ལྟ་བུ། |
| བསྒྲུབ་མཆོད |
དཀྱིལ་འཁོར་བསྒྲུབ་ཅིང་མཆོད་པ་བྱ་བ་བདག་མདུན་བུམ་གསུམ་བསྒྲུབ་པའོ། ། |
| བསྒྲུབས |
སྒྲུབ་པའི་འདས་པ། (དཔེར་ན།) མི་དམངས་ཀྱི་དོན་བསྒྲུབས་ནས་གྲུབ་འབྲས་ཐོབ། བྱ་བ་བསྒྲུབས་པའི་འབྲས་བུ་ཞེས་པ་ལྟ་བུ། |
| བསྒྲེ |
སྒྲེ་བའི་མ་འོངས་པ། (དཔེར་ན།) འདི་གཉིས་བསྒྲེ་བར་བྱ་ལྟ་བུ། |
| བསྒྲེང |
སྒྲེང་བའི་མ་འོངས་པ། (དཔེར་ན།) བསྒྲེང་བྱའི་དར་ཆ། དར་ཆ་ཡར་བསྒྲེང་དགོས་ལྟ་བུ། |
| བསྒྲེངས |
སྒྲེང་བའི་འདས་པ། (དཔེར་ན།) རྒྱལ་མཚན་བསྒྲེངས་ནས་སྔོན་ལ་འགྲོ་ལྟ་བུ། |
| བསྒྲེས |
སྒྲེ་བའི་འདས་པ། (དཔེར་ན།) རང་གིས་ཤེས་པའི་དོན་ལ་བསྒྲེས་ནས་མ་ཤེས་པའི་དོན་ཤེས་ཐུབ་ལྟ་བུ། |
| བསྒྲེས་ཡས |
གྲངས་གནས་ཤིག |
| བསྒྲོ |
(བྱེད་འབྲེལ་ལས་ཚིག) སྒྲོ་བའི་མ་འོངས་པ། བགྲོ་དང་དོན་འདྲ་སྟེ་གྲོས་བྱས་པའི་དོན། འདིའི་ད་ལྟ་བར་སྒྲོ་དང་། འདས་པ་དང་སྐུལ་ཚིག་ལ་བསྒྲོས་འབྲི། |
| བསྒྲོག |
སྒྲོག་གི་མ་འོངས་པ་། (དཔེར་ན།) རྟ་རྒོད་བསྒྲོག་དགོས། བསྒྲོག་བྱའི་རྟ་རྒོད་ཅེས་པ་ལྟ་བུ། |
| བསྒྲོགས |
སྒྲོག་གི་འདས་པ། (དཔེར་ན།) རྟ་རྒོད་བསྒྲོགས་ནས་བཏུལ་ལྟ་བུ། |
| བསྒྲོད |
བསྒྲད་པའི་སྐུལ་ཚིག |
| བསྒྲོན |
སྒྲོན་གྱི་མ་འོངས་པ་དང་འདས་པ། (དཔེར་ན།) བསྒྲོན་བྱའི་དཀར་མེ། དཀར་མེ་བསྒྲོན་ནས་དཔེ་ཆར་བལྟས་ཞེས་པ་ལྟ་བུ། |
| བསྔག |
བསྔགས་ལ་ལྟོས། |
| བསྔགས |
(བྱེད་འབྲེལ་ལས་ཚིག) སྔག་གི་འདས་པ། མི་དང་བྱ་དངོས་ཀྱི་བཟང་ཆ་བཤད་པའི་དོན་ཏེ། (དཔེར་ན།) བཟང་བོ་བསྔགས་ཤིང་ངན་པ་སྨད། བསྔགས་བརྗོད་བྱེད་པ། བསྟོད་བསྔགས་བྱེད་པ་ཞེས་པ་ལྟ་བུ། མ་འོངས་པར་བསྔག་དང་། ད་ལྟ་བར་སྔག སྐུལ་ཚིག་ལ་སྔོགས་འབྲི་སྲོལ་ཡོད། |
| བསྔགས་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་དོན་གྱི་གནས་ལུགས་ཁྱད་འཕགས་སྟོན་ཕྱིར། མཚོན་བྱེད་དཔེ་ལ་བསྟོད་ར་བཏང་བའི་སྒོ་ནས་དཔེ་དོན་ཕན་ཚུན་མཚུངས་པར་སྦྱོར་བའི་རྒྱན་ཞིག |
| བསྔགས་བརྗོད |
བསྟོད་ར་ཆེ་བརྗོད། |
| བསྔགས་འོས་སྐྱོ་འོས |
བསྟོད་ར་དང་སྐྱོ་གདུང་སེམས་ཁྲལ་བྱ་ཡུལ་ཏེ། (དཔེར་ན།) དམག་འཁྲུག་ཚ་པོ་བསྔགས་འོས་སྐྱོ་འོས་ཤིག་བརྒྱབ་སོང༌ལྟ་བུ། |
| བསྔང |
སྔངས་ཀྱི་མ་འོངས་པ། |
| བསྔངས |
སྔངས་ཀྱི་འདས་པ། |
| བསྔལ |
ཉམ་ཐག་པ་དང་ཐང་ཆད་པའི་དོན་ཏེ། དུས་རྒྱུན་སྡུག་བསྔལ་ཞེས་མིང་ཚིག་གཅིག་བྱས་ནས་འབྲི། |
| བསྔས |
(བྱེད་མེད་ལས་ཚིག) རང་གི་ལུས་མི་འགྱེལ་བའི་དོན་དུ་དངོས་པོ་གཞན་ལ་བརྟེན་པའི་དོན་ཏེ། (དཔེར་ན།) ལག་པ་གྱང་ལ་བསྔས། དབྱུག་པ་ལ་བསྔས་ནས་ཡར་ལངས་ལྟ་བུ། |
| བསྔོ |
སྔོ་བའི་མ་འོངས་པ། (དཔེར་ན།) མི་དམངས་ཀྱི་དོན་དུ་ལུས་སྲོག་བསྔོ་རྒྱུ་ཡིན། བསྔོ་བྱའི་ལུས་སྲོག་ཅེས་པ་ལྟ་བུ། |
| བསྔོ་བ |
1.སྔོ་བའི་མ་འོངས་པ། 2.ཡོངས་སུ་བསྒྱུར་བའམ། ཡོངས་སུ་སྤེལ་བ་ལ་འཇུག་པ་འཁོར་བའི་རྒྱུར་གྱུར་བའི་དགེ་རྩ་རྣམས་བྱང་ཆུབ་ཆེན་པོའི་རྒྱུར་བསྒྱུར་བའམ། འཛད་པར་འགྱུར་བའི་དགེ་རྩ་རྣམས་མི་ཟད་པར་སྤེལ་བའི་དོན་ཡིན་ལ། རང་གཞན་གྱི་རྒྱུད་ཀྱི་དུས་གསུམ་དུ་བསགས་པའི་ཟག་བཅས་ཟག་མེད་ཀྱི་དགེ་ཚོགས་མཐའ་དག་བླ་ན་མེད་པའི་བྱང་ཆུག་ཀྱི་རྒྱུར་བསྒྱུར་སྤེལ་བྱེད་པའི་འདུན་པ་མཚུངས་ལྡན་དང་བཅས་པའོ། ། |
| བསྔོ་བ་སྒོམ་ལམ |
ཤེར་ཕྱིན་དོན་བདུན་ཅུའི་ནང་གསེས། ཟག་བཅས་སྒོམ་ལམ་གང་ཞིག་གཞན་དོན་དུ་དགེ་བ་བྱང་ཆུབ་ཀྱི་ཡན་ལག་ཏུ་བྱེད་པའོ། ། |
| བསྔོ་བགྲང |
ངོ་གྲངས་ཚང་མ་ཚང་གྲངས་བཤེར་བའི་ཚུལ་ཏེ། (དཔེར་ན།) མི་གྲངས་བསྔོ་བགྲང་བྱེད་པ། ར་ལུག་ངོ་གྲངས་གང་ཡོད་ཉིན་ལྟར་བསྔོ་བགྲང་བྱས་པ་ལྟ་བུ། |
| བསྔོ་རྟེན |
གཤིན་པོའི་ཆེད་དུ་བསྔོ་སྨོན་ཞུ་རྒྱུའི་འབུལ་རྟེན། |
| བསྔོ་སྨོན |
བསྔོ་བ་དང་སྨོན་ལམ་གྱི་བསྡུས་མིང༌། |
| བསྔོག |
སྔོག་པའི་མ་འོངས་པ། (དཔེར་ན།) བསྔོག་བྱའི་མཚང་། རང་སྐྱོན་བསྔོག་དགོས་ལྟ་བུ། |
| བསྔོགས |
སྔོག་པའི་འདས་པ། (དཔེར་ན།) ཉེས་ཅན་གྱི་མཚང་བསྔོགས་ནས་རྗེན་པར་བཏོན་ལྟ་བུ། |
| བསྔོགས་བཤེར་རྩད་གཅོད |
དངོས་སུ་བསྔོགས་པའི་ཞིབ་བཤེར། |
| བསྔོས |
སྔོ་བའི་འདས་པ། (དཔེར་ན།) མེས་རྒྱལ་གྱི་དོན་དུ་རང་སྲོག་བསྔོས། རང་སྲོག་བསྔོས་ནས་གཞན་སྲོག་བསྐྱབས་ལྟ་བུ། |
| བསྔོས་པ་གཞན་དུ་བསྒྱུར་བའི་སྤང་བ |
སྤང་ལྟུང་སུམ་ཅུའི་ནང་གསེས། ཁྱིམ་པས་དགེ་འདུན་ནམ་དགེ་སློང་གཞན་ལ་བསྔོས་པའི་ཡོ་བྱད་རང་ཉིད་ལ་བསྒྱུར་བ་སྟེ་བདག་ཏུ་བཟུང་བའོ། ། |
| བསྔོས་ཤ |
མི་ཞིག་གི་ཆེད་དུ་དམིགས་ཏེ་བསད་པའི་ནོར་ལུག་སོགས་ཀྱི་ཤ། |
| བསྙག |
(བྱེད་འབྲེལ་ལས་ཚིག) སྙོག་གི་མ་འོངས་པ། དོམ་དང་བུ་ལོན་སོགས་བསླངས་པའི་དོན་ཏེ། (དཔེར་ན།) བསྙག་བྱའི་བུ་ལོན་ཞེས་པ་ལྟ་བུ། |
| བསྙགས |
སྙོག་གི་འདས་པ། (དཔེར་ན།) བུ་ལོན་བསྙགས་ནས་ཡིད་སུན་བཟོས་ལྟ་བུ། |
| བསྙད |
(བྱེད་འབྲེལ་ལས་ཚིག) མ་འོངས་པ་དང་འདས་པ། བཤད་པའི་བརྡ་རྙིང་། ད་ལྟ་བ་ལ་སྙད་དང་། སྐུལ་ཚིག་སྙོད་འབྲི། (དཔེར་ན།) བདག་གིས་འདི་སྐད་ཅེས་བསྙད་དོ། །གཏམ་སྙོད་ཅིག་ཅེས་པ་ལྟ་བུ། |
| བསྙད་གཞི |
1.གླེང་གཞི། 2.ཁག་འདོགས་སའི་རྩ་བ། |
| བསྙད་འཚོལ |
བསྙད་འདོགས་ཐབས་བྱེད་པ་སྟེ། (དཔེར་ན།) སྐབས་བསྟུན་བསྙད་འཚོལ་ཞེས་པ་ལྟ་བུ། |
| བསྙབ |
སྙོབ་པའི་མ་འོངས་པ། (དཔེར་ན།) བསྙབ་བྱའི་དངོས་རྫས། ལག་པ་བསྙབ་དགོས་ལྟ་བུ། |
| བསྙབས |
སྙོབ་པའི་འདས་པ། (དཔེར་ན།) ལག་པ་བསྙབས་ནས་ལུག་བཟུང་ལྟ་བུ། |
| བསྙམ |
སྙོམ་པའི་མ་འོངས་པ། (དཔེར་ན།) བསྙམ་བྱའི་ས་ཞིང་བསྙམ་དགོས་ལྟ་བུ། |
| བསྙམས |
སྙོམ་པའི་འདས་པ། (དཔེར་ན།) གྲོག་མོ་བསྙམས་ནས་ས་ཞིང་བྱས་ལྟ་བུ། |
| བསྙལ |
སྙལ་གྱི་མ་འོངས་པ་དང་འདས་པ། (དཔེར་ན།) བསྙལ་བྱ་བསྙལ་དགོས། བྱིས་པ་བསྙལ་ནས་གཉིད་ལོག་ལྟ་བུ། |
| བསྙལ་ཐབས |
ཁྲག་གཏར་སྐབས་རྩ་མི་འགྱུར་ཞིང་ཁྲག་གཏར་མིག་ཏུ་འབྱུང་བའི་ཆེད་དུ་གཏར་གནས་གོང་འོག་ཏུ་ཐི་གུའི་དཀྲི་ཚུལ་ཞིག |
| བསྙིག |
སྙིག་པའི་མ་འོངས་པ། (དཔེར་ན།) བསྙིག་བྱའི་འབྲུ། འབྲུ་ནང་གི་ས་རྡུལ་བསྙིག་དགོས་ལྟ་བུ། |
| བསྙིགས |
སྙིག་པའི་འདས་པ། (དཔེར་ན།) འབྲུ་བསྙིགས་ནས་ཉ་ར་བྱས་ལྟ་བུ། |
| བསྙིལ |
སྙིལ་གྱི་མ་འོངས་པ་དང་འདས་པ། |
| བསྙུག |
སྙུག་ལ་ལྟོས། |
| བསྙུགས |
སྙུག་ལ་ལྟོས། |
| བསྙུང |
སྙུང་ལ་ལྟོས། |
| བསྙུང་གནས |
ཟས་ཉུང་ངུར་བསྟེན་པའི་སྡོམ་པའམ་ཆོ་ག་ཞིག |
| བསྙུང་བསྙུང |
ཉུང་ཉུང་བཟོ་བའི་དོན་ཏེ། (དཔེར་ན།) གཞི་རྒྱ་ཆེ་དྲགས་པ་རྣམས་བསྙུང་བསྙུང་དུ་ཁུ་བསྡུ་བྱེད་དགོས་ལྟ་བུ། |
| བསྙུངས |
སྙུང་ལ་ལྟོས། |
| བསྙུན |
སྙུན་ལ་ལྟོས། |
| བསྙུན་རྨེད |
འཚམས་འདྲིའི་ཚིག |
| བསྙུར་བ |
(བརྡ་རྙིང་།) བརྩོན་འགྲུས་སམ་རྩོལ་བ་དྲག་པོ་བྱེད་པ། |
| བསྙུལ་བ |
(བརྡ་རྙིང་།) འཁྲུད་པ། |
| བསྙེ |
སྙེས་ཀྱི་མ་འོངས་པ། |
| བསྙེ་བ |
1.སྙེ་བའི་མ་འོངས་པ། 2.(བརྡ་རྙིང་།) འཇིགས་པ། |
| བསྙེག་པ |
སྙེག་པའི་མ་འོངས་པ། |
| བསྙེགས |
སྙེག་པའི་འདས་པ། (དཔེར་ན།) ཕ་ཡུལ་བསྙེགས་ནས་སོང་ལྟ་བུ། |
| བསྙེང |
སྙེང་གི་མ་འོངས་པ། |
| བསྙེངས |
སྙེང་གི་འདས་པ། |
| བསྙེངས་པ |
1.སྙེང་བའི་འདས་པ། 2.འཇིགས་པ་དང༌། བག་ཚ་བ། |
| བསྙེངས་བྲལ |
1.འཇིགས་པ་དང་བྲལ་བ། 2.(མངོན་བརྗོད།) དཔའ་བོ། |
| བསྙེན |
སྙེན་གྱི་མ་འོངས་པ་དང་འདས་པ། |
| བསྙེན་གནས |
ཉིན་ཞག་རེའི་མཐའ་ཅན་དུ་སྲུང་བའི་ཁྱིམ་པའི་སོ་ཐར་སྡོམ་པའི་བྱེ་བྲག་ཅིག བསྙེན་གནས་ལ་གནས་པ། མིང་གི་རྣམ་གྲངས་ལ་བརྟུལ་ཞུགས་དང་གསོ་སྦྱོང་ངོ། ། |
| བསྙེན་གནས་ཀྱི་བསླབ་བྱ |
དུས་ཁྲིམས་ཡན་ལག་བརྒྱད། |
| བསྙེན་གནས་ཀྱི་སྡོམ་པ |
རྩ་བ་བཞི་དང་ཆང་དང༌། གར་ཕྲེང་སོགས། མལ་སྟན་ཆེ་མཐོ། ཕྱི་དྲོའི་ཁ་ཟས་ཏེ་ཡན་ལག་བཞི་བཅས་ཉིན་ཞག་གཅིག་སྤོང་བར་ཁས་བླངས་པའི་སོ་ཐར་གྱི་སྡོམ་པ། |
| བསྙེན་གནས་ཚུལ་ཁྲིམས |
བསྙེན་གནས་ཀྱི་བསླབ་སྡོམ། |
| བསྙེན་གནས་འབོག་ཆོག |
བསྙེན་གནས་ཀྱི་སྡོམ་པ་འབོག་པའི་ཆོ་ག་ཡུལ་སློབ་དཔོན་ནམ་རྟེན་གྱི་དྲུང་དུ་ཀུན་སློང་གུས་པ་དང་བཅས་པས་སྤྱོད་ལམ་སྟན་དམའ་བ་ལ་འདུག་ཅིང་རྒྱན་གསར་པས་མི་རྒྱན་པར། དུས་སྔ་དྲོའི་དུས་སུ་ཉིན་ཞག་ཕྲུགས་གཅིག་གི་དུས་ཁྲིམས་དེ། སློབ་དཔོན་གྱིས་བསྙེན་གནས་ཡན་ལག་བརྒྱད་པ་ཚང་བར་འབོག་པའི་ཆོ་གའི་ཚིག་རྗེས་ཟློས་ལན་གསུམ་དུ་བྱེད་པ། |
| བསྙེན་གནས་ཡན་ལག་བརྒྱད་པ |
སྲོག་གཅོད་དང༌། མ་བྱིན་ལེན། མི་ཚངས་སྤྱོད། རྫུན་སྨྲ། ཆང་འཐུང༌། ཁྲི་སྟན་ཆེ་མཐོ། གླུ་གར་དང་དྲི་རྒྱན། ཕྱི་དྲོའི་ཁ་ཟས་ཏེ་བརྒྱད་སྤོང་བའི་སྡོམ་པ། |
| བསྙེན་ཅིག |
(བརྡ་རྙིང་།) ཤོག་ཅིག |
| བསྙེན་ཆེན |
ཡི་དམ་རྒྱུན་རིང་སྒྲུབ་པའི་ཐབས་ཤིག |
| བསྙེན་པ |
1.སྙེན་པའི་འདས་པ་དང་མ་འོངས་པའི་བྱ་མིང། 2.ཡི་དམ་ལྷ་དང་ཉེ་བར་འགྲོགས་པའི་སྤྱོད་པ་སྟེ། (དཔེར་ན།) བསྙེན་པ་སྐྱེལ་བ། བསྙེན་པ་གཏོང་བ་ཞེས་པ་ལྟ་བུ། |
| བསྙེན་པར་མ་རྫོགས་པ |
དགེ་སློང་གི་སྡོམ་པ་མ་མནོས་པ། |
| བསྙེན་པར་མ་རྫོགས་པ་དང་ལྷན་ཅིག་འདོན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རྒོད་བག་གི་བསམ་པའི་སྒོ་ནས་བསྙེན་པར་མ་རྫོགས་པ་དང་ལྷན་ཅིག་ཏུ་ཆོས་ཀྱི་ཚིག་གདངས་སྣ་ཚོགས་ཀྱིས་འདོན་པ། |
| བསྙེན་པར་རྫོགས་པ |
1.དགེ་སློང་གི་སྡོམ་པ་ནོད་པའམ་དགེ་སློང་བསྒྲུབས་པ། 2.བསྙེན་རྫོགས་ཀྱི་སྡོམ་པ། |
| བསྙེན་པར་རྫོགས་པ་མངོན་དུ་གྱུར་པ་བཅུ |
མངོན་གྱུར་བཅུ་དང་དོན་གཅིག |
| བསྙེན་པར་རྫོགས་པའི་དགེ་སློང |
མཁན་པོ་དང་སློབ་དཔོན་ལས་ཚུལ་ཁྲིམས་ཡང་དག་པར་མནོས་པའི་དགེ་སློང༌། |
| བསྙེན་པར་རྫོགས་པའི་ལས |
བསྙེན་པར་རྫོགས་པའི་ཆོ་གའམ་བྱ་བ། |
| བསྙེན་པར་རྫོགས་འདོད་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག་རྒྱུའི་ཀུན་སློང་ཐོབ་འདོད། དུས་ཀྱི་ཀུན་སློང་ཐོབ་ཤེས། འགལ་རྐྱེན་ངེས་པ་ལྔ་བྲལ་གྱི་བསམ་པ། མཐུན་རྐྱེན་ཕུན་ཚོགས་གསུམ་ལྡན་གྱི་བསམ་པ་དེ་ཐམས་ཅད་ངེས་འབྱུང་གི་བསམ་པས་རྩིས་ཟིན་པ། |
| བསྙེན་བཀུར |
སྲི་ཞུའམ་ཞབས་ཏོག་སྟེ། (དཔེར་ན།) རྒན་རྒོན་ལ་བསྙེན་བཀུར་ཞུ་བ། དགེ་འདུན་ལ་མང་འགྱེད་ཀྱི་བསྙེན་བཀུར་བྱས་པ། བསྙེན་བཀུར་ཕུན་སུམ་ཚོགས་པ་སྟོབ་ཅེས་པ་ལྟ་བུ། |
| བསྙེན་བཀུར་བསྔགས་པའི་ལྷག་མ |
དགེ་འདུན་ལྷག་མ་བཅུ་གསུམ་ལས། སེམས་ཅན་ལ་ཆགས་པའི་ལྷག་མ་ལྔའི་ནང་གསེས། ཆགས་སེམས་ཀྱིས་བུད་མེད་ལ་བསྙེན་བཀུར་ན་ལེགས་སོ་ཞེས་བསྔགས་པ་བརྗོད་པ། |
| བསྙེན་བཀུར་ཞིང་མཆོག |
སྲི་ཞུ་ཞུ་ཡུལ་མཆོག་ཏུ་གྱུར་པ་བླ་མ་དང་ཕ་མ། |
| བསྙེན་བསྲིང |
ཉེ་རིང༌གི་དོན་ཏེ། (དཔེར་ན།) བསྙེན་བསྲིང་བྲལ་བའི་སྙོམས་པའི་ཁྲིམས་ལུགས་ཞེས་པ་ལྟ་བུ། |
| བསྙེན་མཚམས |
ལྷའི་བསྙེན་པ་སྐྱེལ་བའི་ཆེད་དུ་མཚམས་ལ་བསྡད་པ། |
| བསྙེན་རྫོགས |
དགེ་སློང་རྫོགས་པ་ནི་སྤང་རྟོགས་མཐར་ཐུག་པའི་མྱང་འདས་ཡིན་ལ། བསྙེན་པ་ནི་དེ་དག་མྱུར་དུ་བསྒྲུབ་པ་ལ་འཇུག་པས་བསྙེན་པར་རྫོགས་པ་ཞེས་བྱ། |
| བསྙེན་རྫོགས་མཁན་པོ |
དགེ་སློང་གི་སྡོམ་པ་གནང་མཁན། |
| བསྙེན་རྫོགས་སྡོམ་པ |
དགེ་སློང་གི་སྡོམ་པ། |
| བསྙེན་སྒྲུབ |
ཡི་དམ་གྱི་སྔགས་བཟླ་བ་དང་སྒོམ་སྒྲུབ་བྱེད་པ། |
| བསྙེམ |
སྙེམ་པའི་མ་འོངས་པ། (དཔེར་ན།) བསྙེམ་བྱའི་ཡོན་ཏན་ཅི་ཞིག་ཡོད། ཡོན་ཏན་གྱིས་བསྙེམ་མི་རུང་ལྟ་བུ། |
| བསྙེམས |
སྙེམ་པའི་འདས་པ། (དཔེར་ན།) ང་རྒྱལ་གྱིས་བསྙེམས་ནས་གཞན་ལ་མཐོང་ཆུང་བྱེད་མི་རུང་ལྟ་བུ། |
| བསྙེར |
སྙེར་བའི་མ་འོངས་པ་དང་འདས་པ། (དཔེར་ན།) བསྙེར་བྱའི་གཉེར་མ། དཔྲལ་བ་བསྙེར་ནས་སྡུག་མདོག་སྟོན་ཞེས་པ་ལྟ་བུ། |
| བསྙེར་མ |
པགས་པ་སོགས་འཁུམས་ནས་ཆགས་པའི་ཤུར་མོ་སྟེ། གཉེར་མ་ཞེས་འབྲི་བའང་ཡོད། |
| བསྙེལ |
སྙེལ་གྱི་མ་འོངས་པ་དང་འདས་པ། |
| བསྙེལ་གསོ |
མི་བརྗེད་པའི་དྲན་གསོ། (དཔེར་ན།) ཕྱག་ལས་གནང་རྒྱུའི་རིགས་སྔོན་ཚུད་ནས་བསྙེལ་གསོ་བྱུང་ན་ཡག་པོ་ཡོང༌ཞེས་པ་ལྟ་བུ། |
| བསྙེལ་ངས |
བརྗེད་ངས་ཀྱི་དོན་ཏེ། (དཔེར་ན།) ཁོང་ལ་ཞབས་སྐུལ་ཞུས་ན་མ་གཏོགས་བསྙེལ་ངས་ཆེན་པོ་ཡོད་ཅེས་པ་ལྟ་བུ། |
| བསྙེལ་བ་མི་མངའ་བ |
སངས་རྒྱས་ཀྱི་ཐུགས་ཀྱི་ཡོན་ཏན་ཞིག་ཆོས་ཐམས་ཅད་མཁྱེན་པ་ལ་ཐོགས་པ་དང་ཆགས་པ་མེད་པ། མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| བསྙེལ་བ་མི་མངའ་བའི་ཆོས་ཉིད |
གདུལ་བྱའི་དོན་མཛད་པ་ལ་དུས་ལས་ཡོལ་བ་མེད་པ་རྒྱ་མཚོའི་རླབས་ལྟ་བུ་དུས་སུ་འགྱངས་ནས་ཕྱི་བསྙེལ་མི་མངའ་བ་ཟག་མེད་ཡེ་ཤེས་སྡེ་ཚན་ཉེར་གཅིག་གི་ནང་གསེས་ཤིག |
| བསྙེལ་བྱང |
བརྗེད་བྱང༌། |
| བསྙེས |
སྙེས་ཀྱི་འདས་པ། |
| བསྙོག |
སྙོག་པའི་མ་འོངས་པ། (དཔེར་ན།) བསྙོག་བྱའི་ཆུ་ཞེས་པ་ལྟ་བུ། |
| བསྙོགས |
སྙོག་པའི་འདས་པ། (དཔེར་ན།) ཆུ་མགོ་ནས་བསྙོགས་ན་མཇུག་མར་མི་དྭངས། ཆུ་བསྙོགས་ནས་ཉ་འཛིན་ལྟ་བུ། |
| བསྙོད |
སྙོད་ཀྱི་མ་འོངས་པ་དང་འདས་པ། (དཔེར་ན།) བསྙོད་བྱའི་བུ། བུ་ཕྲུག་བསྙོད་དགོས། བུ་ཕྲུག་བསྙོད་ནས་ཆེར་སྐྱེས་ལྟ་བུ། |
| བསྙོན |
སྙོན་མ་འོངས་པ་དང་འདས་པ་། (དཔེར་ན།) བསྙོན་བྱའི་ནོར་འཁྲུལ། མངོན་སུམ་ལ་བསྙོན་ནས་སྒྲོ་འདོགས་མ་བྱེད་ལྟ་བུ། |
| བསྙོན་ཏོལ |
ཧམ་བཤད། |
| བསྙོན་དཀྲི་བཙན་ལེན |
ཁག་བཏགས་ཧམ་བཤད་ཀྱིས་བཙན་འཕྲོག་བྱེད་པ། |
| བསྙོན་དོར་གྱི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་དངོས་པོར་ཧམ་པས་མངོན་སུམ་དུ་བསྙོན་ནས་ཡིན་པ་ལས་མིན་པར་བསྒྱུར་ཏེ་དཔེ་དང་ངོ་བོ་གཅིག་ཏུ་བྱས་པའི་སྒོ་ནས་དོན་དུ་དཔེ་ཅན་ཁྱད་འཕགས་སྟོན་པའི་རྒྱན་ཞིག |
| བསྙོན་དོར་གྱི་རྒྱན |
དོན་རྒྱན་གྱི་ནང་གསེས་ཤིག་དངོས་པོ་འགའ་ཞིག་གི་གནས་ཚུལ་དངོས་དེ་ཡིན་པ་ལ་མ་ཡིན་ཞེས་ཧམ་པས་བསྙོན་ནས་དོན་གཞན་ཅུང་ཟད་ཁས་བླངས་ཏེ་སྟོན་པའི་རྒྱན་ཞིག་ནང་གསེས་རྣམ་གྲངས་གསུམ་ནི། ཆོས་ལ་བསྙོན་པ། ཡུན་ལ་བསྙོན་པ། རང་བཞིན་ལ་བསྙོན་པ། |
| བསྙོན་པས་ཐོབ་པ |
ཧམ་སྤོབས་ཀྱིས་བྱུང་བ་སྟེ། (དཔེར་ན།) མི་ཁྲམ་པའི་ནོར་རྫས་ཚང་མ་བསྙོན་པས་ཐོབ་པ་ཤ་སྟག་ལས། བདེན་པས་ཐོབ་པ་མེད་ཅེས་པ་ལྟ་བུ། |
| བསྙོན་མེད |
རྩོད་པ་མེད་པའམ་ནོར་འཁྲུལ་མེད་པའི་དོན་ཏེ། (དཔེར་ན།) གང་ཅིའི་སྒོ་ནས་བསམ་བློ་བཏང་ཡང་བསྙོན་མེད་རེད་ཅེས་པ་ལྟ་བུ། |
| བསྙོན་འདིང་བ |
མ་བྱས་པར་བྱས་པའམ་མིན་པ་ལ་ཡིན་ཟེར་བའི་ཧམ་བསྙོན་བྱེད་པ་སྟེ། (དཔེར་ན།) རང་ནོངས་རང་གིས་ངོས་ལེན་བྱེད་དགོས་པ་ལས་གཞན་ལ་བསྙོན་འདིང་བ་མི་ཆོག་ཅེས་པ་ལྟ་བུ། |
| བསྙོན་འཛུགས |
ཡོད་ལ་མེད་དང༌། ཡིན་ལ་མིན་པའི་སྐྱོན་འདོགས་པའམ་ཡ་ལ་དཀྲི་བ། |
| བསྙོན་ཧམ |
སྐྱོན་འདོགས་ཀྱི་ཧམ་པ་སྟེ། (དཔེར་ན།) ནམ་རྒྱུན་མི་ལ་བསྙོན་ཧམ་སྣ་ཚོགས་མ་བྱེད་ཅེས་པ་ལྟ་བུ། |
| བསྙོན་ཧམ་མནའ་དག་གི་ཞལ་ལྕེ |
ཞལ་ལྕེ་བཅུ་དྲུག་གི་ཡ་གྱལ་ཞིག་ཡིན་པ་ལ་མིན་དང༌། མིན་པ་ལ་ཡིན་ཞེས་ཧམ་འཛུགས་ཀྱི་བསྙོན་བྱུང་ན་ལྷ་སྲུང་དཔང་དུ་བཙུགས་ནས་མནའ་བཀར་བདེན་རྫུན་འབྱེད་པའི་ཁྲིམས། |
| བསྙོར |
སྙོར་བའི་མ་འོངས་པ་དང་འདས་པ། (དཔེར་ན།) བསྙོར་བྱའི་བྱིས་པ་བསྙོར་དགོས། བུ་ཆུང་བསྙོར་ནས་ལུས་པོ་རྒྱས་ལྟ་བུ། |
| བསྙོལ |
སྙལ་གྱི་འདས་པའི་འབྲི་ཚུལ་གཞན། |
| བསྟང་བ |
1.སྟང་བའི་མ་འོངས་པ། 2.མགོན་ནམ་གྲོགས། 2.སྙིང་པོ་དང༌། དོན་སྙིང༌གི་དོན་ཏེ། (དཔེར་ན།) བསྟང་བས་ཡོངས་སུ་མ་བཟུང་བ་ཞེས་པ་ལྟ་བུ། |
| བསྟངས་པ |
སྟང་བའི་འདས་པ། |
| བསྟད |
1.སྟོད་པའི་འདས་པ། (དཔེར་ན།) རྟ་ལ་སྒ་བསྟད་ནས་ཞོན། གཡག་ལ་སྒ་བསྟད་ནས་ཁལ་བཀལ་ལྟ་བུ། 2.བྱ་དང་གནམ་གྲུ་སོགས་ཇེ་མཐོར་འཕུར་བ་སྟེ། (དཔེར་ན།) བྱ་རྒོད་ཀྱིས་དགུང་སྟོད་ཀྱིན་འདུག གནམ་གྲུ་དགུང་བསྟད་ནས་ཇེ་མཐོར་སོང་ལྟ་བུ། |
| བསྟད་སོ |
དམིགས་ཡུལ། |
| བསྟན |
སྟོན་གྱི་མ་འོངས་པ་དང་འདས་པ། (དཔེར་ན།) བསྟན་བྱའི་ལམ་བསྟན་དགོས་ལྟ་བུ། བཤད་པའམ་བརྗོད་པའི་དོན་ཏེ། (དཔེར་ན།) ཚིག་གི་བསྟན་བྱ། བསྟན་དོན་ཚིག་གིས་དངོས་སུ་བསྟན་ལྟ་བུ། |
| བསྟན་ཆོས |
བསྟན་བཅོས་དང་འདྲ། |
| བསྟན་དཀའ་བ |
(བརྡ་རྙིང་།) ཉམས་པ། |
| བསྟན་དགྲ |
སངས་རྒྱས་ཀྱི་བསྟན་པ་ལ་གནོད་སྐྱེལ་མཁན། |
| བསྟན་པ |
1.སྟོན་པའི་འདས་པ་དང་མ་འོངས་པ། 2.ལུང་དང་རྟོགས་པའི་བདག་ཉིད་ཅན་གྱི་ཆོས་ཏེ། (དཔེར་ན།) སངས་རྒྱས་ཀྱི་བསྟན་པ། བསྟན་པ་ཡོངས་སུ་དར་བ། བསྟན་པ་གསལ་བྱེད། བསྟན་པ་གནས་ཞེས་པ་ལྟ་བུ། |
| བསྟན་པ་གསལ་བྱེད |
སངས་རྒྱས་ཀྱི་བསྟན་པ་རྒྱས་པར་བྱེད་པ། |
| བསྟན་པ་ཕྱི་དར |
འདིའི་དུས་མཚམས་ཀྱི་བརྩི་ཚུལ་ལ་མི་འདྲ་བ་འགའ་ཞིག་ཡོད་དེ། བུ་སྟོན་རིན་ཆེན་གྲུབ་ཀྱི་བཞེད་སྲོལ་ལྟར་ན་རབ་བྱུང་དང་པོའི་གོང་གི་ལོ་ང་གསུམ་པ་ཆུ་བྱ་ལོར་བླ་ཆེན་དགོངས་པ་རབ་གསལ་གྱིས་བསྙེན་རྫོགས་ཀྱི་སྡོམ་པ་བཞེས་ལོ་དེ་ནས་བརྩིས་པ་དང༌། འབྲོམ་སྟོན་པ་རྒྱལ་བའི་འབྱུང་གནས་ཀྱི་བཞེད་སྲོལ་ལྟར་ན་རབ་བྱུང་དང་པོའི་གོང་གི་ལོ་ཞེ་བརྒྱད་པ་ས་སྟག་ལོར་ཀླུ་མེས་ཚུལ་ཁྲིམས་ཤེས་རབ་སོགས་མི་བཅུས་བླ་ཆེན་ལས་སྡོམ་པ་བླངས་པའི་ལོ་ནས་བརྩིས་པ། ཡང་ལོ་ཙཱ་བ་རིན་ཆེན་བཟང་པོའི་གསང་སྔགས་ཀྱི་ཆོས་བོད་དུ་བསྒྱུར་བའི་སྐབས་ནས་བརྩིས་པ་བཅས་ཡོད་ཅིང༌། གཞན་ཡང་ལྷ་བླ་མ་ཡེ་ཤེས་འོད་ཀྱིས་རྒྱ་གར་ནས་པཱ་ལ་རྣམ་གསུམ་སྤྱན་དྲངས་ཏེ་བོད་དུ་འདུལ་བའི་སྡོམ་པ་སྤེལ་བའི་སྐབས་ནས་བསྟན་པ་ཕྱི་དར་གྱི་འགོ་ཚུགས་པར་བརྩིས་པའང་ཡོད། |
| བསྟན་པ་འཇིག་པ |
ལུང་དང་རྟོགས་པའི་བདག་ཉིད་ཅན་གྱི་སངས་རྒྱས་ཀྱི་བསྟན་པ་མེད་པར་འགྱུར་བ། |
| བསྟན་པ་རྒྱུས་བཤིག |
བསྟན་པ་རྒྱུས་ཡོད་ཀྱིས་བཤིག་པ་སྟེ། ཆ་རྒྱུས་ཡོད་མཁན་གྱིས་རང་ཕྱོགས་གཏོར་བཤིག་བྱེད་པའི་དཔེ། (དཔེར་ན།) རང་ཕྱོགས་ཀྱི་ཇུས་གཞིའི་གནས་ཚུལ་བསྟན་པ་རྒྱུས་བཤིག་བྱེད་མི་རུང་ཞེས་པ་ལྟ་བུ། |
| བསྟན་པ་སྔ་དར |
སྔར་གཉའ་ཁྲི་བཙན་པོའི་དུས་སུ་དབུ་བརྙེས་པ་ནས་བཟུང༌། སྲོང་བཙན་སྒམ་པོའི་དུས་སུ་སྲོལ་བཏོད་པ་དང༌། ཁྲི་སྲོང་ལྡེ་བཙན་གྱི་དུས་སུ་འཕེལ་རྒྱས་བཏང༌། ཁྲི་རལ་པ་ཅན་གྱི་དུས་སུ་སྐད་གསར་བཅད་ཀྱིས་གཏན་ལ་ཕབ་པ་སྟེ། གླང་དར་མས་མ་བསྣུབས་བར་གྱི་ནང་པ་སངས་རྒྱས་པའི་བསྟན་པ་ལ་ཟེར། |
| བསྟན་པའི་གནས་ཚད |
མདོ་ལུགས་ལ། སྟོན་པ་མྱ་ངན་ལས་འདས་པ་ནས་བཟུང་སྟེ་སངས་རྒྱས་ཀྱི་བསྟན་པ་ལོ་ལྔ་བརྒྱ་ཕྲག་བཅུ་གནས་ཏེ། ཕུག་ལུགས་ལ་དུས་བཞི་སྔ་མ་དང་ཕྱི་མ་བསྡོམས་པས་ལོ་ལྔ་སྟོང་བརྒྱ་དང་བཞིའོ། ། |
| བསྟན་པའི་གཞི |
1.བརྗོད་བྱའི་དོན། 2.བསྟན་པའི་རྩ་བ་མདོ་ཕྱོགས་ནས་འདུལ་བ་དང༌། སྔགས་ཕྱོགས་ནས་གསང་འདུས། |
| བསྟན་པའི་གཞུང་ཤིང |
ཕར་ཕྱིན། |
| བསྟན་པའི་ཉི་མ |
ཀུན་གཟིགས་པཎ་ཆེན་ཨེར་ཏེ་ནི་སྐུ་ཕྲེང་བདུན་པ། འདི་རབ་བྱུང་བཅུ་གསུམ་པའི་ཆུ་སྟག་ལོར་འཁྲུངས། རབ་བྱུང་བཅུ་བཞི་པའི་ཤིང་འབྲུག་ལོར་ཏཱ་ལའི་བླ་མ་སྐུ་ཕྲེང་བཅུ་གཅིག་པ་དགུང་ན་ཕྲ་ཞིང༌། སྐབས་དེའི་རྒྱལ་ཚབ་ཚེ་སྨོན་གླིང་ཧུ་ཐོག་ཐུ་ལ་བྱས་ཉེས་བྱུང་རྐྱེན་བོད་ཀྱི་རྒྱལ་སྲིད་དང་ཆོས་སྲིད་གཉིས་ཀྱི་ཐུགས་འགན་བཞེས། ཤིང་སྦྲུལ་ལོར་རྒྱ་ནག་གོང་མས་གསེར་གྱི་འཇའ་ས་དང༌། གསེར་ཐམ་གནང༌། མེ་རྟ་ལོར་ཏཱ་ལའི་བླ་མ་མཁས་གྲུབ་རྒྱ་མཚོ་ལ་དགེ་ཚུལ་གྱི་སྡོམ་པ་གནང་ནས་རྒྱལ་ཚབ་ཀྱི་ཐུགས་འགན་བཤོལ་ཏེ་གདན་སར་ཕེབས། རབ་བྱུང་བཅུ་བཞི་པའི་ཤིང་སྟག་ལོར་གཤེགས། |
| བསྟན་པའི་དབང་ཕྱུག |
ཀུན་གཟིགས་པཎ་ཆེན་ཨེར་ཏེ་ནི་སྐུ་ཕྲེང་བརྒྱད་པ། འདི་རབ་བྱུང་བཅུ་བཞི་པའི་ཤིང་ཡོས་ལོར་འཁྲུངས། མེ་འབྲུག་ཆེན་སྐུ་གོང་མའི་ཡང་སྲིད་དུ་ངོས་འཛིན་གྱིས་ཁྲིར་ཕེབས་གཙུག་ལག་ཁང་གི་ཇོ་བོ་རིན་པོ་ཆེའི་མདུན་དུ་གསེར་བུམ་དཀྲུགས་ཏེ་པཎ་ཆེན་སྐུ་གོང་མའི་ཡང་སྲིད་དུ་ངོས་འཛིན་གྱིས་ཁྲིར་ཕེབས་མཛད། རབ་བྱུང་བཅོ་ལྔ་པའི་ཤིང་ཕག་ལོར་བསྙེན་རྫོགས་ཀྱི་སྡོམ་པ་བཞེས། ཆུ་རྟ་ལོར་འདས། |
| བསྟན་པའི་ནང་མཛོད |
(མངོན་བརྗོད།) འདུལ་བ། |
| བསྟན་པའི་མངའ་བདག |
1.སྟོན་པ་ཤཱཀྱ་ཐུབ་པ། 2.བསྟན་འཛིན་གྱི་སྐྱེས་བུ་དམ་པ། |
| བསྟན་པའི་རབས |
སངས་རྒྱས་ཀྱི་བསྟན་པ་བྱུང་བའི་རབས། |
| བསྟན་པའི་ལྕགས་རི |
(མངོན་བརྗོད།) གཏན་ཚིགས་རིག་པ། |
| བསྟན་པའི་སྒྲོན་མེ |
བསྟན་འཛིན་གྱི་སྐྱེས་བུའི་ཆེ་བརྗོད། |
| བསྟན་པའི་སྙིང་པོ |
(མངོན་བརྗོད།) དབུ་མ། |
| བསྟན་བཅོས |
1.སྟོན་པའི་རྗེས་འཇུག་རྣམ་གཡེང་མེད་པའི་ཡིད་ཅན་གྱིས་སངས་རྒྱས་ཀྱི་བཀའི་དོན་བཤད་ཅིང་ཐར་པ་ཐོབ་པའི་ལམ་དང་རྗེས་སུ་མཐུན་པའི་ལེགས་བཤད་འཆོས་སྐྱོབ་ཀྱི་ཡོན་ཏན་གཉིས་ལྡན་ནོ། ། 2.གཞུང་ལུགས་འཆད་རྩོམ་གྱི་དཔེ་ཆའི་མིང། (དཔེར་ན།) རྟོག་གེའི་བསྟན་བཅོས་ཞེས་པ་ལྟ་བུ། |
| བསྟན་བཅོས་ཀྱི་ཆོས་བཞི |
བརྗོད་བྱ་དང༌། དགོས་པ། ཉིང་དགོས། འབྲེལ་བ་བཅས་བཞིའོ། ། |
| བསྟན་བཅོས་ཀྱི་རྩིས་མགོ་ལྔ |
རྩིས་འགོ་ཡན་ལག་ལྔ་དང་དོན་གཅིག |
| བསྟན་བཅོས་ཉེ་སྦྱོར |
བསྟན་བཅོས་གསར་རྩོམ། |
| བསྟན་བཅོས་འགོ་རྩོམ |
བསྟན་བཅོས་གསར་པའི་འགོ་བརྗོད། |
| བསྟན་བཅོས་ཡང་དག་གསུམ |
དོན་དང་ལྡན་པའི་བསྟན་བཅོས། སྡུག་བསྔལ་སྤོང་བའི་བསྟན་བཅོས། སྒྲུབ་པ་ལྷུར་ལེན་པའི་བསྟན་བཅོས་ཏེ་ནང་པའི་བསྟན་བཅོས་སོ། ། |
| བསྟན་བཅོས་ལྟར་སྣང་དྲུག |
དོན་མེད་པའི་བསྟན་བཅོས་དང༌། དོན་ལོག་པའི་བསྟན་བཅོས། ངན་གཡོའི་བསྟན་བཅོས། བརྩེ་བྲལ་གྱི་བསྟན་བཅོས། ཐོས་པ་ལྷུར་ལེན་པའི་བསྟན་བཅོས། རྩོད་པ་ལྷུར་ལེན་པའི་བསྟན་བཅོས་བཅས་དྲུག |
| བསྟན་བཅོས་ལྷན་ཐབས |
བསྟན་བཅོས་ཀྱི་ནང་དོན་མ་ཚང་བ་རྣམས་ལ་བསྣན་པའི་ཁ་སྐོང་ངམ་སྣོན་མ། |
| བསྟན་བཤིག |
1.བསྟན་པ་འཇིག་པར་བྱེད་པ་པོ། 2.བཞད་གད་སློང་བ། འདི་ལ་བརྟན་བཤིག་ཀྱང་འབྲི་སྲོལ་འདུག |
| བསྟན་བཤིག་ཚ་པོ |
གད་མོ་ཤ་སྟག་སློང་མཁན། |
| བསྟན་མ |
བརྟན་མ་དང་དོན་གཅིག ས་གཞིར་གནས་པའི་ལྷ་མོ་ཞིག |
| བསྟན་མ་བཅུ་གཉིས |
བརྟན་མ་བཅུ་གཉིས་དང་དོན་གཅིག |
| བསྟན་མེད |
མཐོང་ཐབས་བྱ་རྒྱུ་མེད་པའམ། མིག་ལམ་དུ་བསྟན་རྒྱུ་མེད་པ། |
| བསྟན་མེད་ཐོགས་བཅས་ཀྱི་གཟུགས |
སྒྲ་དྲི་རོ་རེག་བྱ་བཞི་དང་མིག་གི་དབང་པོ་སོགས་ལྔ་སྟེ་དགུ་པོ་དེ་རྣམས་མིག་ལམ་དུ་བསྟན་དུ་མེད་ལ་ཐོགས་པ་དང་བཅས་པས་ན་དེ་ལྟར་བརྗོད་དོ། ། |
| བསྟན་མེད་ཐོགས་མེད་ཀྱི་གཟུགས |
རྣམ་པར་རིག་བྱེད་མིན་པའི་གཟུགས་ལྟ་བུ། |
| བསྟན་འགྱུར |
བོད་ཡིག་སྲོལ་བཏོད་པ་ནས་བཟུང་ལོ་ཧ་ཅང་མང་བོའི་རིང་ལ་ཨེ་ཤར་གླིང་གི་རྒྱལ་ཁབ་སོ་སོའི་སྨན་དང་རྩིས། སྙན་ངག ། སངས་རྒྱས་ཆོས་ལུགས་སོགས་ཀྱི་རྩོམ་གཞུང་རྣམས་བོད་ཡིག་ཏུ་བསྒྱུར་བའི་དཔེ་ཆ་པོ་ཏི་ཉིས་བརྒྱ་ལྷག་ཡོད་པ་དེའི་མིང་། |
| བསྟན་འགྲོ |
སངས་རྒྱས་ཀྱི་བསྟན་པ་དང་རིགས་དྲུག་གི་འགྲོ་བའམ་སེམས་ཅན། |
| བསྟན་འཛིན |
སངས་རྒྱས་ཀྱི་བསྟན་པ་འཛིན་པའི་སྐྱེས་བུ་དམ་པ། |
| བསྟན་འཛིན་སྐྱེས་བུ |
སངས་རྒྱས་ཀྱི་བསྟན་པ་སྐྱོང་མཁན་སྐྱེས་བུ་རྣམས། |
| བསྟན་ཡོད |
བསྟན་དུ་ཡོད་པ་མཐོང་ཐབས་བྱ་རྒྱུ་ཡོད་པའམ། མིག་ལམ་དུ་བསྟན་རྒྱུ་ཡོད་པ། |
| བསྟན་ཡོད་ཀྱི་གཟུགས |
མིག་གི་ཡུལ་དུ་བསྟན་དུ་ཡོད་པ་དབྱིབས་དང་ཁ་དོག་གིས་བསྡུས་པའི་གཟུགས་རྣམས་སོ། ། |
| བསྟན་ཡོད་ཐོགས་བཅས་ཀྱི་གཟུགས |
གཟུགས་ཀྱི་སྐྱེ་མཆེད་དེ་མིག་ལ་བསྟན་དུ་ཡོད་ལ་ཐོགས་པ་དང་བཅས་པས་ན་དེ་སྐད་བརྗོད་པ་སྟེ་ཀ་བུམ་སོགས་ཀྱི་གཟུགས་ལྟ་བུའོ། ། |
| བསྟན་ཡོད་ཐོགས་མེད་ཀྱི་གཟུགས |
མེ་ལོང་ནང་གི་གཟུགས་བརྙན་ལྟ་བུའོ། ། |
| བསྟན་རབས |
བསྟན་པའི་རབས་དང་དོན་གཅིག |
| བསྟན་རྒྱས་གླིང |
ལྷ་ས་གྲོང་ཁྱེར་ན་ཡོད་པའི་དགོན་རྙིང་ཞིག དགོན་བདག་དེ་མོ་ཧོ་ཐོག་ཐུས་བོད་ཀྱི་སྲིད་སྐྱོང་སྔ་ཕྱིར་གནང་མྱོང་། |
| བསྟན་རྩིས |
ལུང་རྟོགས་ཀྱི་བསྟན་པ་འཛིན་པ་སྐྱེས་ཆེན་དམ་པ་རྣམས་དུས་ནམ་ཚོད་བྱོན་པའི་ལོ་གྲངས་གསལ་བར་སྟོན་པའི་རྩིས་རིག |
| བསྟན་སྲིད |
ཆོས་ལུགས་དང་ཆབ་སྲིད་གཉིས་ཀྱི་བསྡུས་མིང༌། |
| བསྟན་སྲུང |
བསྟན་པ་སྲུང་བའི་ཆོས་སྐྱོང་དང་བསྟན་པ་སྲུང་བ་པོ་ཀུན། |
| བསྟབ |
སྟོབ་པའི་མ་འོངས་པ། (དཔེར་ན།) བསྟབ་བྱའི་ཟས། ཟས་བསྟབ་པར་བྱ་ལྟ་བུ། |
| བསྟབ་བསྟབས |
སྦྱིན་བྱ་བྱིན་པ། |
| བསྟབས |
སྟོབ་པའི་འདས་པ། (དཔེར་ན།) སྟབས་བདེ་གཞན་ལ་བསྟབས་ནས་དཀའ་ངལ་རང་ལ་བཞག རང་གི་འདུག་གནས་གཞན་ལ་བསྟབས་ལྟ་བུ། |
| བསྟར |
1.(བྱེད་འབྲེལ་ལས་ཚིག) ཉམས་སུ་བླངས་པ་དང་ལག་ལེན་ལ་བཏབ་པའི་དོན་ཏེ། (དཔེར་ན།) ལག་ཏུ་བསྟར་བ། ཉམས་སུ་བསྟར་བ་ཞེས་པ་ལྟ་བུ། 2.དག་གཙང་བྱས་པའི་དོན། 3.སྟོར་གྱི་མ་འོངས་པ་དང་འདས་པ། (དཔེར་ན།) རྩིག་ངོས་ལ་གློག་སྒྲོན་བསྟར་དགོས། བཞོན་མ་བསྟར་ནས་འོ་མ་བཞོས་ལྟ་བུ།4.(བརྡ་རྙིང་།) 1>བསྒོམས་པ། 2>ཡོད་པ། |
| བསྟར་བསྒྲིགས |
སྟར་སྒྲིག་དང་དོན་གཅིག |
| བསྟི |
སྟི་ཡི་མ་འོངས་པ། |
| བསྟི་ཁང |
གནས་ཁང་དང་ངལ་གསོ་བའི་ཁང་པ། |
| བསྟི་གནས |
1.རྒྱུན་དུ་གནས་པའི་ཡུལ། 2.རྟེན་གཞི། 3.ངལ་གསོ་བའི་གནས། |
| བསྟི་བསྟང |
ཚིག་གིས་ཞེ་ས་དང་ལུས་ཀྱིས་གུས་པ་བྱས་པའི་མིང་། (དཔེར་ན།) དགེ་རྒན་ལ་བསྟི་བསྟང་བྱས་ལྟ་བུ། |
| བསྟིང |
སྟིང་གི་མ་འོངས་པ། |
| བསྟིང་ཚིག |
རྩུབ་ཚིག་གམ་འཕྱ་སྨོད་ཀྱི་ཚིག |
| བསྟིང་སླད |
ཟུར་གྱིས་དྲི་བ་དང་འཕྱ་སྨོད་བྱེད་པ། |
| བསྟིངས |
སྟིང་གི་འདས་པ། |
| བསྟིམ |
སྟིམ་གྱི་མ་འོངས་པ། (དཔེར་ན།) བསྟིམ་བྱའི་སྨན་ཁུ་ཞེས་པ་ལྟ་བུ། |
| བསྟིམས |
སྟིམ་གྱི་འདས་པ། (དཔེར་ན།) ཤ་ཁུ་ཤ་ལ་བསྟིམས་ལྟ་བུ། |
| བསྟིར |
བར་མཚམས་ཀྱི་བརྡ་རྙིང་། (དཔེར་ན།) བར་མེད་པ་ལ་བསྟིར་མེད་པ་ཟེར་བ་ལྟ་བུ། |
| བསྟིར་མེད |
(བརྡ་རྙིང་།) བར་མཚམས་མེད་པ་དང༌། མནར་མེད་པའམ། ངལ་གསོ་མེད་པ། |
| བསྟིས |
སྟི་ཡི་འདས་པ། |
| བསྟུང |
སྟུང་གི་མ་འོངས་པ། (དཔེར་ན།) བསྟུང་བྱའི་ཐག་པ་ཞེས་པ་ལྟ་བུ། |
| བསྟུངས |
སྟུང་གི་འདས་པ། (དཔེར་ན།) ཐག་པ་བསྟུངས་ཟིན་ལྟ་བུ། |
| བསྟུད |
སྟུད་ཀྱི་མ་འོངས་པ་དང་འདས་པ། (དཔེར་ན།) རྒྱུན་བསྟུད་པར་བྱ། རྒྱལ་ཁ་གཅིག་འཕྲོར་གཅིག་བསྟུད་ནས་བླངས་ལྟ་བུ། |
| བསྟུད་མ |
བརྒྱུད་མའམ་གཅིག་རྗེས་གཅིག་མཐུད་དམ་བར་མ་ཆད་པ་སྟེ། (དཔེར་ན།) བང་ཆེན་བསྟུད་མར་འབྱོར་བ། མཁས་པ་བསྟུད་མར་བསྟེན་པ་ལྟ་བུ། |
| བསྟུན |
སྟུན་གྱི་མ་འོངས་པ་དང་འདས་པ། (དཔེར་ན།) ལོ་ཏོག་འདེབས་པ་དུས་ཚིགས་ལ་བསྟུན་དགོས། གླུ་དབྱངས་ལ་བསྟུན་ནས་རོལ་མོ་དཀྲོལ་ལྟ་བུ། |
| བསྟུན་དྲི |
བློ་བསྟུན་པ་དང་གཏམ་འདྲི་བ། (དཔེར་ན།) མི་ལ་བསྟུན་དྲི་མི་བྱེད་པ། མི་ངན་ལ་བསྟུན་དྲི་མ་བྱེད། བསམ་འཆར་མི་མཐུན་པ་གང་ཡོད་པ་རྣམས་བསྟུན་དྲི་ཡང་ཡང་བྱེད་པ་ལྟ་བུ། |
| བསྟུན་བསྟུན་བྱེད་པ |
སྟུན་གང་ཐུབ་བྱེད་པ་སྟེ་སྤྲེལ་ལད་འཁྲབ་པ། |
| བསྟུན་མཁས |
གྲོགས་དང་མཐུན་པར་བྱེད་མཁས་པ། (དཔེར་ན།) མིའི་བསམ་སྦྱོར་ལ་བསྟུན་མཁས་ཁོ་ན་བྱས་པ་ལྟ་བུ། |
| བསྟེན |
1.སྟེན་གྱི་མ་འོངས་པ་དང་འདས་པ། (དཔེར་ན།) བསྟེན་བྱའི་དགེ་རྒན། དགེ་རྒན་བསྟེན་ནས་ཡོན་ཏན་བསླབས་ལྟ་བུ། 2.བཀོལ་བ་དང་སྤྱོད་པའི་དོན་ཏེ། (དཔེར་ན།) ནད་པས་སྨན་སྟེན་གྱིན་འདུག། སྨན་བསྟེན་ནས་ནད་སོས་ལྟ་བུ། 3.བསམ་ཚུགས་པ་དང་སེམས་གནད་དུ་ཕབ་པ་སྟེ། (དཔེར་ན།) དྲན་ཤེས་བསྟེན་ནས་སྤྱོད་ངན་འགོག་ལྟ་བུ། |
| བསྟེན་བཀུར |
བསྟེན་ཅིང་གུས་འདུད་ཞུ་བ། (དཔེར་ན།) སློབ་དཔོན་བསྟེན་བཀུར་བྱེད་ཅེས་པ་ལྟ་བུ། |
| བསྟོང |
(བྱེད་འབྲེལ་ལས་ཚིག) མ་འོངས་པ། ཕན་འདོགས་པའི་དོན་ཏེ། ད་ལྟ་བར་སྟོང་དང་འདས་པར་བསྟོངས། སྐུལ་ཚིག་ལ་སྟོངས་འབྲི། |
| བསྟོངས |
བསྟོང་ལ་ལྟོས། |
| བསྟོངས་པ |
(བརྡ་རྙིང་།) གྲོགས་བྱས་པའམ་གཞན་དང་མཐུན་པར་རྗེས་སུ་འཇུག་པ། |
| བསྟོད |
1.(བྱེད་འབྲེལ་ལས་ཚིག) ཡོན་ཏན་དང་བཟང་ཆ་བཤད་པ་སྟེ། (དཔེར་ན།) རང་གིས་རང་བསྟོད་མ་བྱེད། བདག་བསྟོད་གཞན་སྨོད་བྱེད་མི་རུང། བསྟོད་གླུ། མེས་རྒྱལ་ལ་བསྟོད་པ་བྱས་ལྟ་བུ།2.ཡོན་ཏན་དང་བཟང་བཤད་པའི་ཚིག་གི་མིང་། (དཔེར་ན།) གཟེངས་བསྟོད། བསྟོད་བསྔགས། བསྟོད་པ། བསྟོད་ར་ཞེས་པ་ལྟ་བུ། |
| བསྟོད་གླུ |
གླུ་གཞས་གཏོང་བའི་སྒོ་ནས་ཆེ་བརྗོད་བྱེད་པ་སྟེ། (དཔེར་ན།) བསྟོད་གླུ་རིང་པོ་ཞེས་པ་ལྟ་བུ། |
| བསྟོད་ཆེན་བཞི |
རྗེ་ཙོང་ཁ་པས་བརྩམས་པའི་བསྟོད་པ་ཆེན་པོ་བཞི་སྟེ། རྟེན་འབྲེལ་བསྟོད་པ་དང༌། བྱམས་བསྟོད་མཉེས་གཤིན་པ། འཇམ་བསྟོད་བསྟོད་སྤྲིན་རྒྱ་མཚོ། རྣམ་རྒྱལ་མའི་བསྟོད་པ་ས་གསུམ་འགྲོ་བའི་རེ་སྐོང་མ་བཅས་བཞིའོ། ། |
| བསྟོད་དབྱངས |
ཡོན་ཏན་བསྔགས་བརྗོད་ཀྱི་མགྲིན་དབྱངས་ཏེ། (དཔེར་ན།) མེས་རྒྱལ་ལ་བསྟོད་དབྱངས་འབུལ་ཞེས་པ་ལྟ་བུ། |
| བསྟོད་པ་ཐམས་ཅད་ལས་ཡང་དག་པར་འདས་པ |
བསྟོད་པ་ཇི་ཙམ་བྱས་ཀྱང་བསྟོད་མི་ཚར་བའམ། བསྟོད་ཀྱིས་མི་ལང་བ། |
| བསྟོད་པའི་ཆ་ལས་སྨད་པ |
ཆའི་རྒྱན་གྱི་ནང་གསེས། གཡོ་ཟོལ་གྱི་ཚིག་གིས་བསྟོད་པའི་ཁུལ་བྱས་ནས་དོན་ལ་སྨད་པའི་ཆའི་རྒྱན་ཞིག |
| བསྟོད་པའི་མཚུངས་སྦྱོར |
མཚུངས་སྦྱོར་གྱི་རྒྱན་གྱི་ནང་གསེས། བརྗོད་འདོད་བསྟོད་ཡུལ་ལ་ཡོན་ཏན་ཁྱད་པར་ཅན་ལྡན་པ་བརྗོད་པའི་སྒོ་ནས་མཚུངས་པར་བསྟོད་པའི་རྒྱན་ཞིག |
| བསྟོད་ཕྱག |
བསྟོད་པ་དང༌། ཕྱག་འཚལ། |
| བསྟོད་བཀུར |
ཆེ་བརྗོད་དེ། (དཔེར་ན།) རང་ལས་ཡོན་ཏན་ཆེ་བར་བསྟོད་བཀུར་བྱེད་པ་ལྟ་བུ། |
| བསྟོད་བསྔགས |
ཆེ་བརྗོད་ཀྱི་བསྟོད་ར་སྟེ། (དཔེར་ན།) ཁྱེད་རང་ཐུགས་རྒྱུད་དྲང་པོ་ཚད་ལྡན་རེད་ཅེས་བསྟོད་བསྔགས་བརྗོད་པ་ལྟ་བུ། |
| བསྟོད་ཚིག |
བསྟོད་པ་བྱེད་པའི་ཚིག་སྟེ། མིང་གི་རྣམ་གྲངས་ལ་བསྔགས་པ་བརྗོད་དང༌། ཆེ་བརྗོད། མཆོད་ཚིག་བསྟོད་པ་སྨྲ། མཐོ་བར་བྱ། གཟེངས་བསྟོད་པ། ལེགས་སྨྲ་བཅས་སོ། ། |
| བསྟོད་ཚོགས |
སངས་རྒྱས་བྱང་སེམས་བླ་མ་སོགས་ཡུལ་གོང་མ་རྣམས་ཀྱི་ཆེ་བའི་ཡོན་ཏན་ཚིགས་སུ་བཅད་པས་བསྟོད་པ་བྱས་པའི་གསུང་སྐོར་རྣམས་ཕྱོགས་གཅིག་ཏུ་བསྒྲིགས་པ་ཞིག |
| བསྟོད་འོས |
བསྟོད་པ་བྱེད་འོས་པ་སྟེ། (དཔེར་ན།) ང་ཚོས་བསྟོད་འོས་པ་ཤ་སྟག་རེད་ཅེས་པ་ལྟ་བུ། མིང་གི་རྣམ་གྲངས་ལ་བསྔགས་འོས་དང༌། མཆོད་འོས། མཆོག་གྱུར། ལྟད་མོར་ཆེ། ཕུལ་བྱུང༌། ཤིན་ཏུ་བཟང་བཅས་སོ། ། |
| བསྟོད་ཡིག |
བསྟོད་ཚིག་གིས་བརྒྱན་པའི་ཡི་གེ། |
| བསྟོད་ར |
བསྟོད་པ་སྟེ། (དཔེར་ན།) མི་བཟང་ལས་བཟང་ལ་བསྟོད་ར་གཏོང་བ། ལེགས་སོ་ཞེས་བསྟོད་ར་ཆེ་བརྗོད་ཞུས་པ་ལྟ་བུ། |
| བསྟོད་རེས |
ཕན་ཚུན་ཕར་བསྟོད་ཚུར་བསྟོད་རེས་མོས་ཏེ། (དཔེར་ན།) ཕན་ཚུན་སྤྱོད་བཟང་ལ་མགུ་ནས་བསྟོད་རེས་བྱེད་པ་ལྟ་བུ། |
| བསྡད |
1.སྡོད་པའི་འདས་པ། (དཔེར་ན།) རྐུབ་སྟེགས་ལ་བསྡད་ནས་གློག་བརྙན་ལ་བལྟས་ལྟ་བུ། 2.གནས་པ་སྟེ། (དཔེར་ན།) ཁང་བ་འདིར་སུ་བསྡད་ཡོད། ཁང་བ་འདིར་སྡོད་ཅིག གྲོང་ཁྱེར་འདིར་སྡོད་པའི་མི་ཞེས་པ་ལྟ་བུ། 3.གོ་གནས་སུ་གནས་པའམ་འགན་འཁུར་བ་སྟེ། (དཔེར་ན།) ཚོགས་གཙོ་ལ་སྡོད་མཁན། སྤྱི་གཉེར་ལ་བསྡད་ལྟ་བུ། |
| བསྡད་གྲོང |
ད་ལྟ་མ་སྟོངས་པར་བསྡད་ཡོད་པའི་གྲོང༌། |
| བསྡད་དུད |
ད་ལྟ་མ་སྟོངས་པར་བསྡད་ཡོད་པའི་མི་ཚང་ཐེམ་དུད། |
| བསྡད་པ |
སྡོད་པའི་འདས་པ་དང་མ་འོངས་པ། |
| བསྡད་ཤུལ |
སྔར་བསྡད་མྱོང་བའི་ཁྱིམ་མམ་ས་ཆ། |
| བསྡམ |
(བྱེད་འབྲེལ་ལས་ཚིག) སྡོམ་པའི་་མ་འོངས་པ། དངོས་པོ་མང་བོ་ལྷན་དུ་བསྡུས་ནས་ཐག་པ་སོགས་ཀྱིས་འཆིང་བ་སྟེ། (དཔེར་ན།) བུད་ཤིང་བཏུས་ནས་ཐག་པས་བསྡམ་དགོས་ལྟ་བུ། |
| བསྡམ་བཀྱིག |
ཡན་ལག་སོགས་ཐག་པས་འཆིང་བ། (དཔེར་ན།) གཡག་ལུག་ཐག་པས་བསྡམ་བཀྱིག་བྱེད་པ་ལྟ་བུ། |
| བསྡམ་བྱ |
སྒོ་གསུམ་གྱི་ཉེས་སྤྱོད་དེ། སྡོམ་གསུམ་རང་རང་གི་སྤང་བྱ་རྣམས་སོ། ། |
| བསྡམ་བྱའི་ཉེས་བྱས |
དགེ་ཚུལ་གྱིས་བསྲུང་བྱ་བླངས་འདས་སོ་གསུམ་ལས་གཞན་པའི་དགེ་སློང་གི་སྤང་བྱ་རྣམས་ཡིད་ཀྱིས་བསྡམ་པར་བྱ་དགོས་པས་བསྡམ་བྱའི་ཉེས་བྱས་ཞེས་བྱ། |
| བསྡམ་ར |
བྱ་བ་གང་བྱུང་བྱས་མི་ཆོག་པའི་དམ་བསྒྲགས། |
| བསྡམ་རྒྱ |
བཀག་སྡོམ་བྱེད་རྒྱུའི་ཁྲིམས་རྒྱ། |
| བསྡམས |
སྡོམ་པའི་འདས་པ། (དཔེར་ན།) བུད་ཤིང་བསྡམས་ནས་ཤིང་རྟར་བརྩིགས་ལྟ་བུ། |
| བསྡམས་ཚོང |
གཞུང་སྒེར་ངེས་ཅན་ཞིག་གིས་མ་གཏོགས་གཞན་གྱིས་ཉོ་ཚོང་མི་ཆོག་ཅེས་དམ་བསྒྲགས་བྱས་པའི་ཚོང་ལས། |
| བསྡར |
སྐྲག་པའི་བརྡ་རྙིང་། |
| བསྡིག |
སྡིག་པའི་མ་འོངས་པ། (དཔེར་ན།) བསྡིག་བྱའི་དགྲ་བོར་བསྡིག་པར་བྱ་ལྟ་བུ། |
| བསྡིགས |
སྡིག་པའི་འདས་པ། (དཔེར་ན།) དུད་འགྲོར་བསྡིགས་ཀྱང་དོན་མི་གོ་ལྟ་བུ། |
| བསྡིགས་ཁུང་སྤྲོད་པ |
(ཡུལ་སྐད།) མིག་གིས་གཟས་པ་སྟེ། (དཔེར་ན།) སོ་ཁུང་ནས་འབེན་ལ་བསྡིགས་ཁུང་སྤྲད་དེ་མེ་མདའ་བརྒྱབ་ལྟ་བུ། |
| བསྡུ |
སྡུད་པའི་མ་འོངས་པ། (དཔེར་ན།) བསྡུ་བྱའི་འབྲུ་ཁྲལ་བསྡུ་དགོས་ལྟ་བུ། |
| བསྡུ་གསོག |
བཀྲམ་པའི་ཡོ་བྱད་ཕྱོགས་གཅིག་ཏུ་རུབ་ཅིང་འཇོག་པ། (དཔེར་ན།) ཕྱོགས་ལ་མ་ཐོན་གོང་དུ་ཁྱིམ་ནང་གི་ཅ་ལག་བསྡུ་གསོག་རྒྱག་དགོས་ལྟ་བུ། |
| བསྡུ་ཆ |
མང་པོ་ནས་ཆ་སྙོམས་སམ་མང་ཉུང་གིས་བསྡུ་བའི་བྱ་བའམ་དངོས་པོ། (དཔེར་ན།) བསྡུ་ཆ་རྒྱག་པ། བསྡུ་ཆ་བསྡུས་ནས་འགྲོ་སོང་བཏང༌ལྟ་བུ། |
| བསྡུ་ཉར |
བསྡུ་བ་དང་ཉར་བའི་བསྡུས་ཚིག (དཔེར་ན།) དངོས་རིགས་ཚང་མ་རང་གནས་སུ་བསྡུ་ཉར་བྱེད་དགོས་ལྟ་བུ། |
| བསྡུ་དེབ |
ཡོང་སྒོ་བསྡུ་ལེན་བྱེད་པའི་དེབ་གཞུང༌། |
| བསྡུ་བ |
སྡུད་པའི་མ་འོངས་པའི་བྱ་མིང། |
| བསྡུ་བའི་གནས |
སྒྲའི་གནས་བརྒྱད་ཀྱི་གཉིས་པ་དོན་དང་ལྡན་པའི་ཚིག་བསྡུས་ནས་ཡི་གེ་ཉུང་ངུར་བྱེད་པ་དཔེར་ན། ཨུཏྤལ་ཡང་ཡིན་སྔོན་པོ་ཡང་ཡིན་པ་ཞེས་པ་བསྡུས་ནས། ཨུཏྤལ་སྔོན་པོ་ཞེས་བརྗོད་པ་ལྟ་བུ། |
| བསྡུ་བའི་དངོས་པོ་བཞི |
སློབ་མ་རྣམས་བསྡུ་བའི་ཐབས་བཞི་ཆོས་དང་ཟང་ཟིང་གི་སྦྱིན་པ་གཏོང་བ་དང༌། གཏམ་སྙན་པར་སྨྲ་བ། དོན་སྤྱོད་པའམ་གདུལ་བྱའི་འདོད་དོན་དང་མཐུན་པར་སྤྱོད་པ། དོན་མཐུན་པའམ་གཏུལ་བྱའི་བྱ་སྤྱོད་ལ་བསྟུན་ནས་བསྒྲུབ་པ་བཅས་སོ། ། |
| བསྡུ་བའི་ཚིགས་སུ་བཅད་པ |
གཞུང་གི་སྐབས་བབ་ཀྱི་དོན་རྣམས་བསྡུས་པའི་ཚུལ་གྱིས་བསྟན་པའི་ཚིགས་སུ་བཅད་པ། |
| བསྡུ་བའི་སྟོབས |
སེམས་ཅན་ཐམས་ཅད་རྗེས་སུ་འཛིན་པར་བྱེད་པའི་སྟོབས། |
| བསྡུ་ཚགས |
ཚུར་བསྡུ་བ་དང་བདག་པོ་སྤྲོད་པའི་དོན་ཏེ། (དཔེར་ན།) སྤྱི་པའི་རྒྱུ་དངོས་ལ་བསྡུ་ཚགས་དམ་དོན་བྱེད་ཅེས་པ་ལྟ་བུ། |
| བསྡུ་རིམ |
བསྐྱེད་རིམ་རྣམས་རིམ་གྱིས་དམིགས་མེད་ཀྱི་དབྱིངས་སུ་སྡུད་པའི་རྗེས་ཆོག་གི་རིམ་པའོ། ། |
| བསྡུ་རུབ |
ཚུར་འགུགས་པའམ་གསོག་པ་སྟེ། (དཔེར་ན།) དམག་མི་བསྡུ་རུབ་བྱས་ལྟ་བུ། |
| བསྡུ་ལེན |
སློབ་གྲྭ་བ་སོགས་ཚུར་འགུགས་པའམ་རྩིས་ལེན་པ་སྟེ། (དཔེར་ན།) སློབ་གྲྭར་ཕྲུ་གུ་བསྡུ་ལེན་བྱེད་དགོས་ལྟ་བུ། |
| བསྡུ་སྐྱོག |
ཉར་ཚགས་དང་དོ་དམ་བྱེད་པའི་མིང་། (དཔེར་ན།) ཅ་ལག་བསྡུ་སྐྱོག་བྱས་ལྟ་བུ། |
| བསྡུ་སྐྱོགས |
(བརྡ་རྙིང་།) དོ་དམ། |
| བསྡུམ |
སྡུམ་གྱི་མ་འོངས་པ། (དཔེར་ན།) རྩྭ་སའི་ཁ་མཆུ་བསྡུམ་པར་བྱ་ལྟ་བུ། |
| བསྡུམས |
སྡུམ་གྱི་འདས་པ། (དཔེར་ན།) རྩྭ་སའི་ཁ་མཆུ་བསྡུམས་ནས་མང་ཚོགས་མཐུན་སྒྲིལ་བྱུང་ལྟ་བུ། |
| བསྡུར |
1.སྡུར་གྱི་མ་འོངས་པ་དང་འདས་པ། (དཔེར་ན།) ལས་ཀྱི་གྲངས་ཀ་མང་ཉུང་བསྡུར་དགོས། ལས་ཀའི་རྒྱུ་སྤུས་བསྡུར་བྱའི་ཚད། མུའུ་རེའི་ཐོན་ཚད་བསྡུར་ལྟ་བུ། 2.གྲོས་མོལ་བྱེད་པ་སྟེ། (དཔེར་ན།) གྲོས་སྡུར་མཁན་ཁ་སྡུར་གྱིན་ཡོད། ཁ་བསྡུར་ནས་གྲོས་མཐུན་བྱུང་ལྟ་བུ། |
| བསྡུས |
1.སྡུད་པའི་འདས་པ། (དཔེར་ན།) ལོ་ཏོག་བསྡུས་ནས་གཞུང་འབྲུ་འབུལ་ལྟ་བུ། 2.རྒྱས་པ་མ་ཡིན་པའི་དོན་ཏེ། (དཔེར་ན།) ཚིག་བསྡུས་པ། ཚིག་བསྡུས་ལ་དོན་གསལ་བ་ཞེས་པ་ལྟ་བུ། |
| བསྡུས་ཀློག |
སྦྱོར་ཀློག་མ་ཡིན་པར་བསྡུས་ཀློག་བརྒྱབ་སྟེ་ཀློག་པ། |
| བསྡུས་ཁུ |
1.གདུས་ཁུ། 2.སྙིང་པོ་དང་བཅུད། |
| བསྡུས་གཞུང |
གཏན་ཚིག་རིག་པ་དང་མཚན་ཉིད་རིགས་ལམ་སློབ་པའི་དཔེ་དེབ། |
| བསྡུས་གཞོམ |
བསྡུས་འཇོམས་དང་དོན་གཅིག |
| བསྡུས་གྲྭ |
གཏན་ཚིགས་རིག་པའི་སྒོ་འབྱེད་པའི་ལྡེ་མིག་ལྟ་བུ་དང་མཚན་ཉིད་རིགས་ལམ་ཐོག་མར་སློབ་པའི་གཞུང་ཞིག་ཆ་བ་ཆོས་སེང་སོགས་ཀྱིས་མདོ་སྡེ་པའི་རིག་པའི་འགྲོས་དང་སྦྱར་ནས་ཚད་མའི་གཞུང་གི་དོན་བསྡུས་པའི་བསྡུས་གྲྭ་ཞེས་པའི་སྲོལ་བཏོད། དེ་ལ་བསྡུས་ཆེན་བཅོ་བརྒྱད་བྱེད་པ་དང༌། ཉེར་གཅིག་བྱེད་ཚུལ་གཉིས་སོགས་སྣ་ཚོགས་ཡོད། |
| བསྡུས་གྲྭ་ཆེ་འབྲིང་ཆུང་གསུམ |
བསྡུས་གྲྭའི་རིགས་ལམ་སྦྱོང་སྐབས། དབང་པོ་རབ་འབྲིང་ཐ་གསུམ་དང་བསྟུན་པར་བསྒྲིགས་པའི་བསྡུས་ཆེན་དང༌། བསྡུས་འབྲིང༌། བསྡུས་ཆུང་སྟེ་གསུམ་མོ། ། |
| བསྡུས་ཆུང |
བསྡུས་གྲྭའི་རིགས་ལམ་ཆུང་བ་ཁ་དོག་དཀར་དམར། ཡིན་ལོག་མིན་ལོག་རྒྱུ་འབྲས་ཆུང་བ། སྤྱི་བྱེ་བྲག་རྫས་ལྡོག་འགལ་འབྲེལ་སོགས་ལས་དང་པོ་བས་ཐོག་མར་སློབ་རྒྱུའི་བསྡུས་ཚན་རྣམས་སོ། ། |
| བསྡུས་ཆེན |
བསྡུས་གྲྭའི་རིགས་ལམ་ཆེ་བ་ཐལ་འགྱུར་ཆེ་བ། གཞན་སེལ། སེལ་འཇུག་སྒྲུབ་འཇུག་རྒྱུ་འབྲས་ཆེ་བ་སོགས་དབང་པོ་རབ་རྣམས་ཀྱིས་སློབ་རྒྱུའི་བསྡུས་ཚན་རྣམས་སོ། ། |
| བསྡུས་དོན |
ཚིག་བསྡུས་ཏེ་བསྟན་པའི་དོན། (དཔེར་ན།) གོང་གསལ་རྣམས་བསྡུས་དོན་སྙིང་པོ་གཤམ་གསལ་ལྟར་ཡིན་ཞེས་པ་ལྟ་བུ། |
| བསྡུས་དོན་གྱི་ཆིངས |
ཆིངས་སྔའི་ཡ་གྱལ་ཞིག གཞུང་དོན་མདོར་བསྡུས་ཏེ་བསྒྲིགས་པའི་ས་བཅད། |
| བསྡུས་པ་ལས་གྱུར་པའི་གཟུགས |
ཆོས་ཀྱི་སྐྱེ་མཆེད་པའི་གཟུགས་ལྔའི་ནང་གསེས་ཤིག རྟོག་པས་ཕྱེ་བའི་ཆུང་མཐའ་རྡུལ་ཕྲ་རབ་ཀྱི་གཟུགས་མིག་ལ་བསྟན་དུ་མེད་པའོ། ། |
| བསྡུས་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ཁྱད་གཞི་ཁྱད་ཆོས་འགའ་ཞིག་དཔེའི་ཁྱད་གཞི་ཁྱད་ཆོས་དང་ངོ་བོ་དབྱེར་མེད་དུ་བཀོད་ཅིང༌། བར་གྱི་འབྲེལ་སྒྲ་བསྡུས་པའི་རྒྱན་ཞིག |
| བསྡུས་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་དོན་དང༌། དཔེ་གཉིས་ཁྱད་ཆོས་གཅིག་ཙམ་མིན་པར་མཚུངས་ཆོས་གཞན་གྱིས་ཀྱང་འདྲ་བར་བསྡུས་པའི་རྒྱན་ཞིག |
| བསྡུས་པའི་སྡོམ |
མང་པོ་ནས་བཏུས་ཏེ་ཕྱོགས་གཅིག་ཏུ་བསྒྲིགས་པའི་སྡོམ། |
| བསྡུས་པའི་སྡོམ་གྱི་ཚིགས་སུ་བཅད་པ |
ཚིག་དོན་མང་པོ་ཕྱོགས་གཅིག་ཏུ་བསྡུས་པའི་སྡོམ་ཚིག་ཚིགས་བཅད་དུ་བསྒྲིགས་པ། |
| བསྡུས་པོ |
རྒྱས་པོ་མ་ཡིན་པ་སྟེ། (དཔེར་ན།) གསོལ་ཚིགས་བསྡུས་པོ། བསྡུས་བྲིས་ཞེས་པ་ལྟ་བུ། |
| བསྡུས་བརྗོད་ཀྱི་རྒྱན |
དོན་རྒྱན་གྱི་ནང་གསེས་ཤིག་བརྗོད་འདོད་དཔེ་ཅན་གྱི་དངོས་པོ་འགའ་ཞིག་ལ་བསམས་པར་བྱས་ནས་དེ་དང་ཆོས་མཚུངས་པའི་དཔེའི་དངོས་པོ་གཞན་དག་ཚིག་ཏུ་བཀོད་པའི་སྒོ་ནས་དཔེ་ཅན་དེ་ཤུགས་ཀྱིས་བསྡུས་པའི་ཚུལ་དུ་བརྗོད་པའི་རྒྱན་ཞིག་ནང་གསེས་རྣམ་གྲངས་བཞི་ནི། སྤྱིའི་བསྡུས་བརྗོད། ཁྱད་གཞི་ཐ་དད་ལ་ཁྱད་ཆོས་མཚུངས་པའི་བསྡུས་བརྗོད། ཁྱད་གཞི་ཐ་དད་ལ་ཁྱད་ཆོས་མཚུངས་དང་མི་མཚུངས་གཉིས་ཀའི་བསྡུས་བརྗོད། སྔོན་མེད་བསྡུས་བརྗོད་རྣམས་སོ། ། |
| བསྡུས་ཚན |
བསྡུས་གཞུང་ནང་གི་ཚན་པ་ལ་ཟེར། དཔེར་ན། ཁ་དོག་དཀར་དམར་ཟེར་བ་བསྡུས་ཚན་གཅིག་ཡིན་ལོག་མིན་ལོག་ཅེས་པ་བསྡུས་ཚན་གཅིག་རྒྱུ་འབྲས་ཆུང་བ་ཞེས་པ་བསྡུས་ཚན་གཅིག་བྱས་པ་ལྟ་བུ། |
| བསྡུས་འགྲེལ |
ཚིག་དོན་མདོར་བསྡུས་ཏེ་བཀྲལ་བའི་འགྲེལ་པ། |
| བསྡུས་འཇོམས |
ཚ་དམྱལ་བརྒྱད་ཀྱི་ནང་གསེས་ཤིག་ལྕགས་ཀྱི་གཏུན་ཆེན་པོ་ཡུལ་ལྗོངས་ཙམ་པ་རེའི་ནང་དུ་དམྱལ་བའི་སེམས་ཅན་གྲངས་མེད་པ་བླུགས་ནས། ལྕགས་བསྲེགས་ཀྱི་ཐོ་བ་རི་རབ་ཙམ་པ་རེ་གཤིན་རྗེའི་ལས་མཁན་རྣམས་ཀྱི་ཀླད་ལ་བསྐོར་ནས་བརྡུངས་པ་དང༌། རི་ཐམས་ཅད་ར་ལུག་ལ་སོགས་པའི་མགོ་བརྙན་ཅན་གྱི་རྭ་རྩེ་མེ་འབར་བས་རྡུང་ཁ་བཀྱེ་བའི་བར་དུ་དམྱལ་བའི་སེམས་ཅན་རྣམས་འཚིར་བའི་སྡུག་བསྔལ་མྱོང་བའོ། ། |
| བསྡུས་འབྲིང |
བསྡུས་གྲྭའི་རིགས་ལམ་འབྲིང་བ་དྲུག་སྒྲ་རྩི་ཚུལ། དགག་གཞི་རྩི་ཚུལ། དྲིས་འཕངས་ཀྱི་རྣམ་གཞག་སོགས་དབང་པོ་འབྲིང་བ་རྣམས་ཀྱིས་སློབ་རྒྱུའི་བསྡུས་ཚན་རྣམས་སོ། ། |
| བསྡུས་ཡིག |
བསྐུངས་ཡིག་ཚེག་ཁྱིམ་གཅིག་ཏུ་མིང་གཉིས་གསུམ་ཙམ་བསྡུས་པའི་ཡི་གེ་དཔེར་ན། སརྒྱས། འཁཽར་སོགས་ལྟ་བུ། |
| བསྡུས་ར |
བསྡུས་གྲྭ་སྟེ་མཚན་ཉིད་རིགས་ལམ་གྱི་ཐོག་མར་སློབ་པའི་གཞུང་ཞིག |
| བསྡུས་ཤིང་མ་བསྡུས་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ཁྱད་གཞི་ཁྱད་ཆོས་འགའ་ཞིག་དཔེའི་ཁྱད་གཞི་ཁྱད་ཆོས་ཀྱི་གཟུགས་སུ་བཀོད་ཅིང༌། བར་གྱི་འབྲེལ་སྒྲ་འགའ་ཞིག་བསྡུས་ལ། འགའ་ཞིག་མ་བསྡུས་པའི་རྒྱན་ཞིག |
| བསྡེབ |
སྡེབ་ཀྱི་མ་འོངས་པ། (དཔེར་ན།) བསྡེབ་བྱའི་སྨན་སྡེབ་ཀྱིན་ཡོད་ལྟ་བུ། |
| བསྡེབས |
སྡེབ་པའི་འདས་པ། (དཔེར་ན།) ཚོན་བསྡེབས་ནས་མདངས་ཐོན། སྨན་བསྡེབས་ནས་ནད་བཅོས་ལྟ་བུ། |
| བསྡེབས་འཛོགས |
(ཡུལ་སྐད།) སྡེབ་འཕུང་ཐེབས་པ། (དཔེར་ན།) ཁང་ཆུང་གཅིག་གི་ནང་དུ་ཅ་ལག་མང་པོ་བསྡེབས་འཛོགས་ཐེབས་འདུག་ཅེས་པ་ལྟ་བུ། |
| བསྡོ |
སྡོ་ཡི་མ་འོངས་པ། |
| བསྡོག |
སྡོག་གི་མ་འོངས་པ། (དཔེར་ན།) ལྭ་བ་བསྡོག་དགོས། བསྡོག་བྱའི་ལྭ་བ་ཞེས་པ་ལྟ་བུ། |
| བསྡོག་ཆས |
བསྡོག་རྒྱུའི་ཡོ་བྱད་དེ། (དཔེར་ན།) དངོས་པོ་བསྡོག་ཆས་བརྒྱབ་ནས་ཕྱོགས་ལ་ཐོན་པ་ཞེས་པ་ལྟ་བུ། |
| བསྡོག་པ |
1.སྡོག་པའི་མ་འོངས་པ། 2.(བརྡ་རྙིང་།) 1>བཤམས་པ། 2>ཀོ་ལྷམ་སོགས་ཀྱི་ལྷན་པ། |
| བསྡོགས |
སྡོག་པའི་འདས་པ། (དཔེར་ན།) ལྭ་བ་བསྡོགས་ནས་སྐེ་རགས་བཅིངས་ལྟ་བུ། |
| བསྡོང |
སྡོང་བའི་མ་འོངས་པ། (དཔེར་ན།) གྲོགས་དང་བསྡོང་དགོས། བསྡོང་བྱའི་གྲོགས་ཞེས་པ་ལྟ་བུ། |
| བསྡོངས |
སྡོང་བའི་འདས་པ། (དཔེར་ན།) གྲོགས་པོ་དང་བསྡོངས་ཏེ་འགྲོ་ལྟ་བུ། |
| བསྡོམ |
སྡོམ་པའི་མ་འོངས་པ། (དཔེར་ན།) གྲངས་ཀ་རྣམས་ལྷན་དུ་བསྡོམ་དགོས། བསྡོམ་བྱའི་གྲངས་ཀ་ཞེས་པ་ལྟ་བུ། |
| བསྡོམས |
སྡོམ་པའི་འདས་པ། (དཔེར་ན།) ང་ཚོའི་སློབ་གྲྭའི་སློབ་གྲྭ་པའི་ཁ་གྲངས་བསྡོམས་ན་ལྔ་བརྒྱ་བདུན་ཅུ་ཡོད་ལྟ་བུ། |
| བསྡོམས་ཚིག |
གཞུག་བསྡོམས་བརྒྱབ་པའི་བརྗོད་ཚིག |
| བསྡོམས་འབོར |
ཁྱོན་བསྡོམས་ཀྱི་མང་ཉུང༌སྟེ། (དཔེར་ན།) གོང་གསལ་རྩིས་གྲངས་ཀྱི་བསྡོམས་འབོར་གཞིར་བཞག་ནས་གཤམ་དུ་ཆ་འགྲེམས་བྱེད་དགོས་ལྟ་བུ། |
| བསྡོམས་རྩིས |
གཅིག་ཏུ་བསྡོམས་པའི་རྩིས། |
| བསྡོས |
1.སྡོ་ཡི་འདས་པ། 2.གདོས་ཀྱི་འབྲི་ཚུལ་གཞན། 3.(བརྡ་རྙིང་།) ཚུར་རྒོལ་བྱས་པ། |
| བསྣངས་པ |
(བརྡ་རྙིང་།) ཡི་ག་གྱེན་དུ་འཕྱུར་བ། |
| བསྣད |
སྣད་ཀྱི་འདས་པ། (དཔེར་ན།) རྐང་བ་རྡོ་ལ་ཐོགས་ནས་བསྣད་ལྟ་བུ། |
| བསྣན |
སྣོན་གྱི་མ་འོངས་པ་དང་འདས་པ། |
| བསྣན་པའི་སྒྲ |
ཡང་སྒྲ་བསྐྱར་བའི་དོན་ལ་འཇུག་པ། (དཔེར་ན།) གཏམ་ཡང་ཡང་བཤད་པ། ཡང་ཁོང་གིས་གསུངས་དོན། ཁོང་གི་གསུང་ཡང་ཡང་ཉན་པ་ཡིན། ཞལ་ཡང་ཡང་མཇལ་བ་ཡིན། བཤེས་གཉེན་གྱི་གདམ་ངག་མ་ཐོབ་ན། ཞལ་ཡང་ཡང་མཇལ་ཡང་སྙིང་པོ་མེད་ཅེས་པ་ལྟ་བུ། |
| བསྣན་ཚིག |
ལས་ཚིག་དང་རྒྱན་ཚིག་གི་འགོར་སྦྱར་ན་ཆེད་དང་ཁོངས་དང་དུས་ཚོད། ཐེངས་གྲངས། དགག་སྒྲ་སོགས་སྟོན་པའི་ཚིག་ཕྲད་ཅིག་‘ཤིན་ཏུ’། ‘རབ་ཏུ’ ། ‘རྣམ་པར’སོགས་ནི་བསྣན་ཚིག་ཡིན། |
| བསྣམ |
‘སྣོམ’གྱི་མ་འོངས་པ། (དཔེར་ན།) བསྣམ་བྱའི་དྲི་ཞིམ་ཞེས་པ་ལྟ་བུ། |
| བསྣམས |
སྣོམ་གྱི་འདས་པ། (དཔེར་ན།) པད་མའི་དྲི་མ་བསྣམས་ན་ཞིམ་ལྟ་བུ། |
| བསྣར |
སྣར་བའི་མ་འོངས་པ་དང་འདས་པ། (དཔེར་ན།) བསྣར་བྱའི་ཐག་པ། བསྣར་བའི་ཐག་པ་ཞེས་པ་ལྟ་བུ། |
| བསྣུད་པ |
སྣུད་པའི་འདས་པ་དང་མ་འོངས་པ། |
| བསྣུན |
1.སྣུན་པའི་མ་འོངས་པ་དང་འདས་པ། (དཔེར་ན།) ནུ་མ་བསྣུན་དགོས། ནུ་མ་བསྣུན་ཟིན་ལྟ་བུ། 2.མཚོན་ཆས་བཙུགས་པའི་དོན་ཏེ། (དཔེར་ན།) མདུང་གིས་སྣུན་མཁན། རལ་གྲིས་སྣུན་ཅིག་ལྟ་བུ། |
| བསྣུབ |
སྣུབ་ཀྱི་མ་འོངས་པ། (དཔེར་ན།) སྲོལ་ངན་བསྣུབ་དགོས་ལྟ་བུ། |
| བསྣུབས |
སྣུབ་ཀྱི་འདས་པ། (དཔེར་ན།) སྲོལ་ངན་བསྣུབས་ནས་སྲོལ་བཟང་བཙུགས་ལྟ་བུ། |
| བསྣུར |
1.སྣུར་བའི་མ་འོངས་པ་དང་འདས་པ། (དཔེར་ན།) དུས་ཚོད་བསྣུར་དགོས། དུས་ཆད་སྔ་བསྣུར་གྱི་སྒོ་ནས་ལས་འགན་གྲུབ་ལྟ་བུ། དངོས་རྫས་ཀྱི་གོ་ས་སྤོར་བ་ཅོག་ཙེ་སྣུར་གྱིན་འདུག སྣུར་མཁན་ཞེས་པ་ལྟ་བུ།2.དངོས་རྫས་སྲ་མོ་ཆུ་དང་མཉམ་དུ་དབུར་རྡར་བྱས་ནས་འདམ་གདུར་ལྟ་བུར་བྱས་པ་སྟེ། (དཔེར་ན།) སྣག་ཚ་སྣུར་ལྟ་བུ། |
| བསྣེམ |
སྣེམ་གྱི་མ་འོངས་པ། |
| བསྣེམས |
སྣེམ་གྱི་འདས་པ། |
| བསྣོ |
སྣོ་བའི་མ་འོངས་པ། (དཔེར་ན།) ཕྱེ་བསྣོ་དགོས། བསྣོ་བྱའི་འཇིམ་པ་ཞེས་པ་ལྟ་བུ། |
| བསྣོག |
སྣོག་གི་མ་འོངས་པ། |
| བསྣོགས |
སྣོག་གི་འདས་པ། |
| བསྣོར་བ |
སྣོར་བའི་འདས་པ་དང་མ་འོངས་པ། |
| བསྣོར་མ |
ཕན་ཚུན་ཡར་མར་འཁྲུགས་པའི་དངོས་རིགས། |
| བསྣོལ |
སྣོལ་བའི་མ་འོངས་པ་དང་འདས་པ། (དཔེར་ན།) བསྣོལ་བྱའི་ཐུ་བ། རི་སྣ་མང་བོ་བསྣོལ་བའི་མཚམས། ལག་ཟུང་བྲང་ཁར་བསྣོལ་ནས་བསྡད་ལྟ་བུ། |
| བསྣོལ་ཁ |
དྲང་ཐིག་སོགས་ཕན་ཚུན་བསྣོལ་བའི་མཚམས། (དཔེར་ན།) ཏལ་མར་བཏང་བའི་གདུང་མཐུད་པ། བསྣོལ་ཁ་མེད་ན་ཕུགས་མི་བརྟན་ལྟ་བུ། |
| བསྣོས |
སྣོ་ཡི་འདས་པ། (དཔེར་ན།) འདམ་བསྣོས་ནས་ཞལ་ཞལ་བྱས་ལྟ་བུ། |
| བསྩགས |
བསགས་ཀྱི་འབྲི་ཚུལ་གཞན། |
| བསྩགས་པ |
(བརྡ་རྙིང་།) བསགས་པ། |
| བསྩངས་པ |
(བརྡ་རྙིང་།) བསངས་པ། |
| བསྩལ |
སྩོལ་བའི་མ་འོངས་པ་དང་འདས་པ། (དཔེར་ན།) བསྩལ་བྱའི་བྱ་དགའ། བཀའ་ལུང་བསྩལ་ཞེས་པ་ལྟ་བུ། |
| བསྭ་སྒྲ |
བསོ་སྒྲ་དང་འདྲ། |
| བསྭོ་བསྭོ་ལྷ་རྒྱལ་ལོ |
བོན་ལུགས་ལྷ་གསོལ་བའི་ཚིག |
| བསྲང |
སྲོང་བའི་མ་འོངས་པ། (དཔེར་ན།) བསྲང་བྱའི་ཤིང་དབྱུག་ཅེས་པ་ལྟ་བུ། |
| བསྲངས |
སྲོང་བའི་འདས་པ། (དཔེར་ན།) འཁྱོག་པོ་བསྲངས་ནས་དྲང་བོར་བྱས་ལྟ་བུ། |
| བསྲད |
སྲད་ཀྱི་མ་འོངས་པ་དང་འདས་པ། (དཔེར་ན།) ཆུ་བསྲད་ལ་ཉེ། ལམ་གྱི་ཆུ་བསྲད་རྗེས་འགྲོ་ལྟ་བུ། |
| བསྲན |
སྲན་གྱི་མ་འོངས་པ་དང་འདས་པ། (དཔེར་ན།) བསྲན་བྱའི་དཀའ་སྡུག དཀའ་སྡུག་བསྲན་ནས་གསར་བརྗེ་བྱས་ལྟ་བུ། |
| བསྲན་གཟུགས |
བཟོད་ཐུབ་པར་བྱ་བ། |
| བསྲབ |
(བྱེད་འབྲེལ་ལས་ཚིག) མ་འོངས་པ། དངོས་རྫས་ལེབ་མོ་བྱས་པའི་དོན་ཏེ། (དཔེར་ན།) བསྲབ་བྱའི་ཤིང་ལེབ་ཅེས་པ་ལྟ་བུ། ད་ལྟ་བར་སྲབ་དང་འདས་པར་བསྲབས། སྐུལ་ཚིག་ལ་སྲོབས་འབྲི། |
| བསྲབས |
བསྲབ་ལ་ལྟོས། |
| བསྲབས་པའི་ས |
ཉན་ཐོས་ཀྱི་ཕྱིར་འོང་བའི་མངོན་རྟོགས་ཏེ། འདོད་ཉོན་དགུའི་ཐ་མ་གསུམ་མ་སྤངས་པའི་ལམ་འདི་ནི་ཐེག་དམན་ས་བརྒྱད་ཀྱི་ནང་ཚན་ཞིག |
| བསྲལ |
1.དག་ཡིག་ལ་ལར་ལས་དོན་དང་ཡོན་ཏན་གྱི་མིང་ཡིན་པར་བཤད། 2.(བརྡ་རྙིང་།) བྱ་བ། |
| བསྲལ་ཅན |
(བརྡ་རྙིང་།) ལས་ཀ་ལ་སྒྲིམ་པོའམ་བརྟན་བརྟན་བྱེད་མཁན། |
| བསྲལ་བ |
(བརྡ་རྙིང་།) རིག་པ་གྲིམས་པའམ་ལས་ཀ་ལ་སྒྲིམ་པ། |
| བསྲི |
སྲི་བའི་མ་འོངས་པ། (དཔེར་ན།) མང་མགྱོགས་བཟང་བསྲི། ཐུན་མོང་གི་རྒྱུ་བསྲི་དགོས། བསྲི་བྱའི་འབྲུ་རིགས། བསྲི་བར་བྱ་ལྟ་བུ། |
| བསྲི་ཚགས |
ཟས་ནོར་གཏོང་མཁས་ཀྱི་བསྲི་ཚགས་ཏེ་གྲོན་ཆུང༌། (དཔེར་ན།) གཞུང་སྒེར་ཚང་མར་བསྲི་ཚགས་ཡོད་པ་དགོས། བསྲི་ཚགས་ནན་ཏན་ལྟ་བུ། |
| བསྲིང |
སྲིང་བའི་མ་འོངས་པ། (དཔེར་ན།) འབད་བརྩོན་ཡུན་བསྲིང་དགོས་ལྟ་བུ། |
| བསྲིངས་པ |
སྲིང་བའི་འདས་པ། |
| བསྲིངས་མིག |
རྒྱང་རིང་དུ་ལྟ་ཤེས་པའི་མིག |
| བསྲིངས་འབྱོར |
བཏང་འབྱོར་གྱི་དོན་ཏེ། (དཔེར་ན།) དེ་ནས་གནས་ཚུལ་བསྲིངས་འབྱོར་གྱི་དོན་རྣམས་བློར་ངེས་ཡོད་ཅེས་པ་ལྟ་བུ། |
| བསྲིབ |
(བྱེད་འབྲེལ་ལས་ཚིག) མ་འོངས་པ།)ལས་ཀ་ལྷག་འཕྲོ་མེད་པར་འགྲུབ་པ་སྟེ། (དཔེར་ན།) ཉིན་གཅིག་གི་ལས་ཀ་ཉིན་ཕྱེད་ལ་བསྲིབ་དགོས། ཁང་བ་འདི་ནམ་ཞིག་བསྲིབ་ཐུང་རྒྱུ་རེད་ལྟ་བུ། |
| བསྲིབས |
སྲིབ་པའི་འདས་པ། (དཔེར་ན།) རང་ལས་བསྲིབས་ནས་གཞན་ལ་རོགས་བྱས་ལྟ་བུ། |
| བསྲིས |
སྲི་པའི་འདས་པ། (དཔེར་ན།) འབྲུ་རིགས་བསྲིས་ནས་སྤྱོད་ལྟ་བུ། |
| བསྲིས་རྨེ |
(བརྡ་རྙིང་།) 1>སེར་སྣ། 2>གྲོན་ཆུང༌། |
| བསྲུང |
སྲུང་གི་མ་འོངས་པ། (དཔེར་ན།) བསྲུང་བྱའི་ལོ་ཏོག་བསྲུང་དགོས་ལྟ་བུ། |
| བསྲུང་བ་མེད་པ་གསུམ |
སྐུ་ལ་བསྲུང་བ་མེད་པ་དང༌། གསུང་ལ་བསྲུང་བ་མེད་པ་དང༌། ཐུགས་ལ་བསྲུང་བ་མེད་པ་དེ་བཞིན་གཤེགས་པའི་སྐུ་གསུང་ཐུགས་ལ་སྐྱོན་གྱི་རྣམ་པ་ཕྲ་མོ་ཙམ་ཡང་མི་མངའ་བས་གཞན་ལ་འཛེམ་པའམ་བསྲུང་བ་ཅི་ཡང་མེད་པའོ། ། |
| བསྲུང་བ་ལྔའི་མཆོད་པའི་ཆོ་ག |
གཟུངས་གྲྭ་ལྔའི་ལྷ་མཆོད་ཚུལ། |
| བསྲུངས |
སྲུང་བའི་འདས་པ། (དཔེར་ན།) ལོ་ཏོག་བསྲུངས་ནས་ངོ་ཐང་བཞག་ལྟ་བུ། |
| བསྲུན |
(རྒྱན་ཚིག) སྒོ་ཕྱུགས་སོགས་འདུལ་སྦྱོང་བྱས་ནས་བཀོལ་བདེ་བའི་དོན་ཏེ། (དཔེར་ན།) རྟ་འདི་ཧ་ཅང་བསྲུན། རྟ་བསྲུན་པོ་ཞེས་པ་ལྟ་བུ། |
| བསྲུན་པོ |
སྲུན་པོ་དང་འདྲ། |
| བསྲུན་མོ |
སྲུན་པོ་དང་འདྲ། |
| བསྲུབ |
སྲུབ་པའི་མ་འོངས་པ། (དཔེར་ན།) བསྲུབ་བྱའི་འོ་མ་བསྲུབ་དགོས་ལྟ་བུ། |
| བསྲུབས |
སྲུབ་པའི་འདས་པ། (དཔེར་ན།) འོ་མ་བསྲུབས་ནས་མར་བླངས་ལྟ་བུ། |
| བསྲུབས་མ |
ཇ་བསྲུབས་མ། |
| བསྲུབས་སྐྱེས |
(མངོན་བརྗོད།) མར། |
| བསྲུལ |
སྲུལ་གྱི་མ་འོངས་པ་དང་འདས་པ། (དཔེར་ན།) བསྲུལ་བྱའི་པགས་པ། པགས་པ་བསྲུལ་ན་མཉེད་སླ་ལྟ་བུ། |
| བསྲུལ་མ |
བསྲུལ་ནས་ལས་སྣོན་བྱས་པའི་པགས་རིགས་ཀྱི་མིང་། (དཔེར་ན།) པགས་པ་བསྲུལ་མ་ཞེས་པ་ལྟ་བུ། |
| བསྲེ |
སྲེ་བའི་མ་འོངས་པ། (དཔེར་ན།) བསྲེ་བྱའི་ལུག་ཁྱུ་གཉིས་བསྲེ་དགོས་ལྟ་བུ། |
| བསྲེ་བོ |
1.ཁྲ་བོ། 2.དམར་སྨྱུག |
| བསྲེ་འཕོ |
དབྱིངས་དང་རིག་པ་བསྲེ་བ་དང་ཆོས་ཉིད་འོད་གསལ་གྱི་ངང་དུ་འཕོ་བ། |
| བསྲེ་འཕོ་དགུ་སྐོར |
རྗེ་རས་ཆུང་བའི་བཞེད་སྲོལ་དུ། འདོད་ཆགས་བདེ་ཆེན་དང་བསྲེ་བ་གཏུམ་མོ། ཞེ་སྡང་བདེན་མེད་དང་བསྲེ་བ་སྒྱུ་ལུས། གཏི་མུག་མི་རྟོག་པ་དང་བསྲེ་བ་འོད་གསལ། གཏུམ་མོ་དང་སྒྱུ་ལུས་བསྲེས་ལ་ཉིན་མོ་བསྒོམ། རྨི་ལམ་དང་འོད་གསལ་བསྲེས་ལ་མཚན་མོ་བསྒོམ། བར་དོ་དང་འཕོ་བ་བསྲེས་ལ་འཆི་ཁར་བསྒོམ། གང་ཟག་བརྩོན་འགྲུས་ཅན་ལ་གཏུམ་མོ། ལེ་ལོ་ཅན་ལ་རྨི་ལམ། ཆེ་ཐུང་འཕོ་བ་དང་བསྲེ་བ་སྟེ་དགུའོ། ། |
| བསྲེག |
སྲེག་པའི་མ་འོངས་པ། (དཔེར་ན།) བསྲེག་བྱའི་གད་སྙིགས། གད་སྙིགས་བསྲེག་དགོས་ལྟ་བུ། |
| བསྲེག་ཁང |
རོ་བསྲེག་སའི་ཁང་པའམ་དུར། |
| བསྲེག་བྱ |
1.འབུད་ཤིང༌། 2.(མངོན་བརྗོད།) གསེར། |
| བསྲེག་བླུགས |
སྦྱིན་སྲེག |
| བསྲེག་རྫས |
ཡམ་ཤིང་དང༌། ཏིལ། རམ་པ། མེ་ཏོག་སོགས་སྦྱིན་བསྲེག་གི་རྫས། |
| བསྲེགས |
སྲེག་གི་འདས་པ། (དཔེར་ན།) དུག་རྩྭ་མེས་བསྲེགས་ནས་ལུད་བྱས་ལྟ་བུ། |
| བསྲེགས་བཅད་བརྡར་གསུམ |
1.བསྲེགས་པ་བཅད་པ་བརྡར་བ་གསུམ། 2.སྦྱོང་བརྡར་ནན་པོ། |
| བསྲེགས་ཚ |
ཟངས་ལྕགས་སོགས་བསྲེགས་ཏེ་གཏོང་བའི་ཚ་ལ། |
| བསྲེལ |
སྲེལ་གྱི་མ་འོངས་པ་དང་འདས་པ་སྟེ། (དཔེར་ན།) བསྲེལ་བྱའི་རྒྱུ་ནོར། ཐུན་མོང་གི་རྒྱུ་ནོར་བསྲེལ་ནས་རྒྱལ་ཁབ་འཛུགས་སྐྲུན་བྱེད་ལྟ་བུ། |
| བསྲེས |
སྲེ་བའི་འདས་པ། (དཔེར་ན།) ངས་ར་ལུག་གཉིས་ཀ་བསྲེས་ནས་འཚོས། ནས་སྲན་གཉིས་བསྲེས་ནས་བཏགས་ལྟ་བུ། |
| བསྲེས་དཀྲུགས |
གོང་འོག་རིམ་པ་བསྣོར་དཀྲུགས། |
| བསྲེས་ལྕགས |
ཟངས་ལྕགས་སོགས་མང་པོ་མཉམ་བསྲེས་སམ་འཁར་བ། |
| བསྲེས་ལྷད |
བཟང་ངན་བསྲེས་པའི་སྐྱོན། |
| བསྲོ |
སྲོང་བའི་མ་འོངས་པ། (དཔེར་ན།) བསྲོ་བྱའི་ལག་པ་ཞེས་པ་ལྟ་བུ། |
| བསྲོ་ཁང |
1.སྲོ་ཁང་ངམ་སྲོ་གང་ངམ་སྲོ་སྒོང་ཡང་ཟེར། དགེ་སློང་རྣམས་ཁྲུས་དང༌། སྐུ་མཉེ་དང༌། དྲིལ་ཕྱིས་དང༌། སྟན་དང༌། མེའི་རེག་བྱ་ལྔ་ལ་བསྟེན་ནས་ལུས་བསྲོས་ཏེ་རྔུལ་ནག་འདོན་པའི་ཚ་རླངས་ཡོད་པའི་ཁང་པ། 2.(མངོན་བརྗོད།) ཐབ་ཚང༌། |
| བསྲོ་ཁང་དུད་སྒོ |
དགེ་འདུན་གྱི་ཁྲུས་ཆས་མེ་གདན་སོགས་འཇོག་སའི་མེ་ཁང་གི་དུ་བ་འགྲོ་སའི་སྒོ། |
| བསྲོ་ཁང་འཁོར་མ |
དགེ་འདུན་གྱི་ཁྲུས་ཁང་མཐའ་འཁོར་ཏེ་ཡོད་པ། |
| བསྲོ་བ |
1.སྲོ་བའི་མ་འོངས་པ། 2.སྨན་བཅོས་ཀྱི་ཐབས་ཤེས་ཤིག |
| བསྲོ་སྤྱད |
དགེ་འདུན་པའི་བསྲོ་ཁང་ནང་གི་སྣོད་ཆས་སོགས། |
| བསྲོས |
སྲོ་བའི་འདས་པ། (དཔེར་ན།) མེ་ལུམས་བཞག་ནས་ས་འཁྱགས་བསྲོས་ལྟ་བུ། |
| བསླ་བ |
སླ་བའི་མ་འོངས་པ། |
| བསླང |
སློང་བའི་མ་འོངས་པ། (དཔེར་ན།) ཐོན་སྐྱེད་ཀྱི་རྦ་རླབས་མཐོན་པོ་བསླང་བར་བྱ། བསླང་བྱའི་རྦ་རླབས་ཞེས་པ་ལྟ་བུ། |
| བསླངས |
སློང་བའི་འདས་པ། (དཔེར་ན།) མང་ཚོགས་ལས་འགུལ་བསླངས་ནས་ཐོན་སྐྱེད་སྤེལ་ལྟ་བུ། |
| བསླད |
1.(བྱེད་འབྲེལ་ལས་ཚིག) སློད་པའི་མ་འོངས་པ་དང་འདས་པ། དངོས་རྫས་བཟང་བོར་དངོས་རྫས་ངན་པ་བསྲེས་པའི་དོན་ཏེ། (དཔེར་ན།) དངུལ་ཞ་ཉེས་བསླད་ན་རིན་ཐང་ཆུང་ལྟ་བུ། ད་ལྟ་བ་དང་སྐུལ་ཚིག་ལ་སློད་འབྲི། 2.འཁྲུལ་བ་འབྱུང་དུ་བཅུག་པའི་དོན་ཏེ། (དཔེར་ན།) སྒྱུ་མས་མིག་བསླད། ཚ་ནད་ཀྱིས་སེམས་བསླད་ལྟ་བུ། |
| བསླན |
1.སློན་པའི་མ་འོངས་པ་དང་འདས་པ། (དཔེར་ན།) བསླན་བྱའི་ལྷན་པ། ལྭ་བ་རས་ཀྱིས་བསླན་ལྟ་བུ། 2.དངོས་པོའི་ཕྱི་ངོས་ལ་དངོས་རྫས་གཞན་སྦྱར་བའི་དོན་ཏེ། (དཔེར་ན།) ལག་པ་འགྲམ་པར་སློན་ཅིག ཁ་ཟ་ལ་དགའ་ན་རྒྱབ་གྲང་ལ་བསླན་ལྟ་བུ། 3.འཁོན་ལན་སོགས་བྱེད་པའི་དོན་ཏེ། (དཔེར་ན།) དགྲ་ལ་ཤ་འཁོན་བསླན། ཤ་འཁོན་སློན་མཁན། ཤ་འཁོན་བསླན་ནས་གཉེན་རྣམས་དགའ་ལྟ་བུ། |
| བསླན་ཏེ་འཇོག་པ |
སེམས་གནས་དགུའི་གསུམ་པ། སེམས་ཕྱི་རོལ་ཏུ་ཡེངས་ན་ཤེས་པར་བྱས་ནས་སླར་ཡང་དམིགས་པ་དེ་ཉིད་ལ་འཇོག་པའོ། ། |
| བསླབ |
སློབ་པའི་མ་འོངས་པ། (དཔེར་ན།) ཡོན་ཏན་བསླབ་པར་བྱ་ལྟ་བུ། |
| བསླབ་གཞི |
1.སྡོམ་གསུམ་བསླབ་གསུམ་སོགས་ཀྱི་རྨང་གཞིའམ་རྩ་བ།2.སློབ་ཁྲིད་བྱ་རྒྱུའི་གཞིའམ་སློབ་དེབ། |
| བསླབ་གཞི་ཁྱད་གསོད་ཀྱི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གསོ་སྦྱོང་གི་དུས་ལྟ་བུ་སོ་ཐར་གྱི་མདོ་འདོན་པའི་ཚེ་བསླབ་གཞི་ཕྲ་མོ་འདི་དག་འདོན་པས་ཅི་བྱ་ཞེས་ཁྱད་གསོད་ཀྱི་ཚིག་སྨྲ་བའོ། ། |
| བསླབ་གཞི་ཡང་བ |
བྱང་སེམས་ཀྱི་བསླབ་གཞིའི་གྲས་ཀྱི་རྩ་ལྟུང་མིན་པའི་ཉེས་བྱས་རྣམས་སོ། ། |
| བསླབ་གསུམ |
བསླབ་པ་གསུམ་གྱི་བསྡུས་ཚིག |
| བསླབ་དོན |
བསླབ་བྱའི་གནད་དོན། |
| བསླབ་པ |
1.སློབ་པའི་མ་འོངས་པ། 2.ཚུལ་ཁྲིམས་ཀྱི་མིང་། (དཔེར་ན།) བསླབ་པ་བཅའ་བ། བསླབ་པ་དྲལ་བ། བསླབ་པ་ཕུལ་བ། བསླབ་པ་ལ་རྒན་གཞོན་དང་མཆོད་རྟེན་ལ་བང་རིམ་ཡོད་ཅེས་པ་ལྟ་བུ། |
| བསླབ་པ་ཀུན་ལས་བཏུས་པ |
བྱང་ཆུབ་སེམས་དཔའི་བསླབ་བྱ་དང་ལམ་འབྲས་སྟོན་པའི་གཞུང་རྒྱལ་སྲས་ཞི་བ་ལྷས་མཛད་པའོ། ། |
| བསླབ་པ་གཏོང་བ |
1.གྲྭ་པ་སོགས་སྡོམ་པ་སྲུང་མ་ཐུབ་པར་ཁྱིམ་པར་བབ་པ། 2.ལས་འབྲས་ལ་ཡིད་ཆེས་ཤོར་ནས་སྡོམ་པ་གཏོང་བ། |
| བསླབ་པ་གཞི་ལྔ |
དགེ་བསྙེན་གྱི་བསྲུང་བྱ་རྩ་བཞི་ཆང་ལྔ་སྤང་བ་སྲོག་གཅོད་པ་དང༌། མ་བྱིན་ལེན་པ། མི་ཆོས་བླ་མའི་རྫུན་སྨྲ་བ། འདོད་པས་ལོག་པར་གཡེམ་པ། ཆང་འཐུང་བ་བཅས་སྤང་བའོ། ། |
| བསླབ་པ་གསུམ |
ཚུལ་ཁྲིམས་ཀྱི་བསླབ་པ་དང༌། ཏིང་ངེ་འཛིན་གྱི་བསླབ་པ། ཤེས་རབ་ཀྱི་བསླབ་པ་སྟེ་གསུམ། |
| བསླབ་པ་ཕྱི་མ་གཉིས |
1.བྱང་སེམས་ཀྱི་སྡོམ་པ་དང༌། གསང་སྔགས་ཀྱི་སྡོམ་པ། 2.ཏིང་ངེ་འཛིན་གྱི་བསླབ་པ་དང་ཤེས་རབ་ཀྱི་བསླབ་པ། |
| བསླབ་པ་བརྗོད་པ |
རབ་བྱུང་སྒྲུབ་པའི་ཆོ་གའི་རྗེས་ཀྱི་བྱ་བ་ཐོབ་པ་མི་ཉམས་པ་བསྲུང་བའི་ཕྱིར་དུ་བསླབ་བྱའི་གཙོ་བོ་མདོར་བསྡུས་ཏེ་བརྗོད་པ་དང༌། དེ་ལ་སློབ་ཚུལ་གྱི་ཐབས་བརྗོད་པ་ཡིན་ལ། དེའང་དགེ་སློང་ལ་མཚོན་ན། དགག་སྒྲུབ་གནང་གསུམ་གྱི་བསླབ་བྱ་རྣམས་གདམས་ངག་བཅུ་གཅིག་ཏུ་བསྡུས་ནས་བརྗོད་པའོ། ། |
| བསླབ་པ་བསྲུང་བའི་གཞི་དགུ |
འདུལ་བ་གཞི་བཅུ་བདུན་གྱི་ནང་གསེས། རབ་བྱུང་གི་སྡོམ་པ་ཐོབ་པ་མི་ཉམས་པར་བསྲུང་བའི་གཞི་ལ། བསླབ་པ་ཡོངས་སྦྱོང་གི་གཞི་གསུམ་དང༌། བདེ་བར་གནས་པ་རྐྱེན་གྱི་གཞི་ལྔ། ཀུན་ལ་ཁྱབ་པ་ལས་ཀྱི་གཞི་གཅིག་སྟེ་དགུའོ། ། |
| བསླབ་པ་འབུལ་བ |
རབ་བྱུང་གིས་བསླབ་པ་ལ་གནས་པའི་མཐུན་རྐྱེན་མ་ཚང་ཞིང་འགལ་རྐྱེན་ཉེ་བར་གནས་པའི་ཚེ། ཕྱིས་སྡོམ་པ་བླངས་ན་སྐྱེ་བ་དང༌། སྡོམ་པ་ལས་ཉམས་པའི་རྩ་ལྟུང་གིས་མི་གོས་པ་དང༌། འཇིག་རྟེན་གྱི་ཁ་ན་མ་ཐོ་བ་སྤང་བ་སྟེ་དགོས་པ་གསུམ་གྱི་ཕྱིར་དུ། སྨྲ་ཤེས་ཤིང་དོན་གོ་བའི་གང་ཟག་ལ། བསླབ་སྡོམ་ཕུལ་ནས་ཁྱིམ་པར་ཁས་ལེན་པའོ། ། |
| བསླབ་པ་ཡོངས་སྦྱོང་གི་གཞི་གསུམ |
འདུལ་བ་ལས་བཤད་པའི་རབ་བྱུང་གི་བསྒྲུབ་པའི་བསླབ་བྱ་གཞི་བཅུ་བདུན་གྱི་ནང་གསེས་ཏེ། གསོ་སྦྱོང་དང༌། དབྱར་གནས། དགག་དབྱེའོ། ། |
| བསླབ་པ་རྒྱུན་གྱི་ས |
སྔགས་རྙིང་མའི་གཞུང་དུ། རྣལ་འབྱོར་གཉིས་པའི་སྐབས་སུ་ཐོབ་པའི་ས་བཞི་པ་སྟེ་ཉིན་མཚན་བར་མེད་པར་སྒྱུ་མ་ལྟ་བུའི་ཚུལ་གྱིས་སྟོང་པ་དང་སྣང་བའི་འོད་གསལ་ཟུང་འཇུག་གི་རྒྱུ་ལ་བསླབ་པས་ས་བཞི་པ་ལ་བསླབ་པ་རྒྱུན་གྱི་ས་ཞེས་བྱའོ། ། |
| བསླབ་པ་ལྔའི་ཕན་ཡོན་གྱི་མདོ |
པཎྜི་ཏ་ཨཱ་ནནྡ་ཤྲཱི་དང༌། ལོ་ཙཱ་བ་ཉི་མ་རྒྱལ་མཚན་གྱིས་བསྒྱུར་པའོ། ། |
| བསླབ་པ་སྤོང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་གཞན་གྱིས་རང་ཉིད་ལ་བསླབ་པ་སློབ་པར་བསྐུལ་བ་ན་ཁྱེད་ཀྱིས་མི་ཤེས་པས། གཞན་ཤེས་པ་ལ་མ་དྲིས་ཀྱི་བར་དུ་མི་སློབ་བོ་ཞེས་པ་ལྟ་བུ་ཁྱད་གསོད་བྱེད་པའོ། ། |
| བསླབ་པའི་གཞི་ཉིས་བརྒྱ་ལྔ་བཅུ་རྩ་གསུམ |
དགེ་སློང་གིས་སྤང་བའི་བསླབ་བྱའི་འདུལ་ཁྲིམས་ཉིས་བརྒྱ་ལྔ་བཅུ་རྩ་གསུམ་ཕམ་པ་བཞི་དང༌། ལྷག་མ་བཅུ་གསུམ། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ། སོར་བཤགས་བཞི། ཉེས་བྱས་བརྒྱ་དང་བཅུ་གཉིས་བཅས་སོ། ། |
| བསླབ་པའི་གཞི་ཕྲན་ཚེགས |
སྤང་ལྟུང་མན་ཆད་ཀྱི་བསླབ་གཞི་ཕྲན་ཚེགས་ཟེར་བའི་གོ་དོན། སྲོག་ལ་ཐུག་ན་གནང་བ་ཡོད་པར་ཟེར། |
| བསླབ་པའི་གཞི་བཅུ |
དགེ་ཚུལ་གྱི་བསླབ་བྱ་རྣམས་བསྡུས་པས་རགས་པ་བཅུར་དྲིལ་བ་རྩ་བ་བཞི་དང༌། ཆང་དང༌། གར་སོགས་ཞེས་གླུ་གར་རོལ་མོ་བཅས་རྩེད་མོའི་རིགས་བྱེད་གསུམ་དང༌། ཕྲེང་སོགས་ཞེས་ཕྲེང་བ་དང་སྤོས་བྱུག་པ་དང་རྒྱན་དང་ཁ་དོག་འཆང་བ་བཅས་རྒྱན་གྱི་རིགས་བྱེད་གསུམ་དང༌། མལ་སྟན་ཆེ་མཐོ་ཞེས་པ་རིན་པོ་ཆེ་སོགས་རྒྱུ་བཟང་པོ་ལ་བྱས་པ་ནི་ཆེན་པོ་དང༌། ཁྲུ་གང་ཡན་དུ་ལོངས་པ་ནི་མཐོན་པོ་དང༌། ཕྱི་དྲོའི་ཁ་ཟས་དང༌། གསེར་དངུལ་ལེན་པ་སྤོང་བ་སྟེ་བཅུའོ། དེ་དག་ལས་རྩ་བ་བཞི་ནི་ཕམ་འདྲའི་ཉེས་བྱས་དང༌། ཆང་འཐུང་བ་སོགས་དྲུག་ནི་བཤགས་བྱའི་ཉེས་བྱས་སོ། ། |
| བསླབ་པའི་གཞི་བརྒྱད |
སྲོག་གཅོད་དང༌། མ་བྱིན་ལེན། ལོག་གཡེམ། རྫུན་སྨྲ། ཆང་འཐུང་བ། གར་ཕྲེང༌། དུས་མ་ཡིན་པའི་ཁ་ཟས། མལ་སྟན་ཆེ་མཐོ་བཅས། |
| བསླབ་པའི་སྟོབས་ལྔ |
དད་པ་དང༌། བརྩོན་འགྲུས། ངོ་ཚ་ཤེས་པ། ཁྲེལ་ཡོད་པ། ཤེས་རབ་ཀྱི་སྟོབས་རྣམས་སོ། ། |
| བསླབ་བྱ |
1.ཤེས་པར་བྱ་བའམ་ལག་ལེན་བྱ་རྒྱུའི་གནས། 2.དྲན་སྐུལ་སློབ་གསོ་དང་ཞལ་ཏའམ། ཁ་ཏ། བསླབ་བྱ་བྱེད་པའི་དོན་ཏེ། (དཔེར་ན།) བསླབ་བྱ་བཟང་པོ། བསླབ་བྱ་བརྒྱ་ལས་སྣ་བསུན་གཅིག་དགའ། 3.སྡོམ་པ། |
| བསླབ་བྱ་གསུམ |
དགག་པའི་བསླབ་བྱ་དང༌། བསྒྲུབ་པའི་བསླབ་བྱ། ཆ་མཐུན་གྱི་བསླབ་བྱ་རྣམས་སོ། ། |
| བསླབ་བྱ་མུ་ཐི་ལིའི་འཁྲི་ཤིང |
རབ་བྱུང་བཅུ་གཅིག་པའི་ཤིང་སྟག་ལོར་རྒྱལ་དབང་ལྔ་པས་བརྩམས་པའི་བསླབ་པར་བྱ་བའི་ལེགས་བཤད་ཅིག |
| བསླབ་ཚིག |
བསླབ་བྱ་བཤད་པའི་ཚིག (དཔེར་ན།) བསླབ་ཚིག་ཟབ་ལ་རྒྱ་ཆེ་བ་མང་པོ་གནང༌ལྟ་བུ། |
| བསླབ་ཚིགས |
དགེ་ཚུལ་དགེ་སློང་སོགས་ཀྱི་བསླབ་པ་སྔ་ཕྱིའི་གོ་རིམ་གྱི་ཚིགས། |
| བསླབ་ཚིགས་གསུམ |
སོར་སྡོམ་གྱི་བསླབ་པའི་ཚིགས་གསུམ་དགེ་བསྙེན་དང༌། དགེ་ཚུལ་དང༌། དགེ་སློང་བཅས་ཚིགས་པ་གསུམ་མོ། ། |
| བསླབ་རིམ་གཞོན་པ |
སོ་ཐར་གྱི་སྡོམ་པའི་བསླབ་རིམ་གཞོན་པ། |
| བསླབ་རྒན |
བསླབ་སྡོམ་ལེན་སྔ་བའི་གྲྭ་པ། |
| བསླབ་ཤེས་ཅན |
ཤེས་རབ་ཅན། |
| བསླབ་སྟོན |
བསླབ་བྱ་འཆད་པ། |
| བསླབ་སྡོམ |
སོ་བྱང་སྔགས་གསུམ་གྱི་བསླབ་བྱ་དང་སྡོམ་པའོ། ། |
| བསླབ་སྦྱིན |
འཆབ་སེམས་མེད་པའི་ཚུལ་འཆལ་གྱི་དགེ་སློང་ལ་གནས་འབེབས་ཀྱི་ཉེས་ཆད་གཏོང་སྟངས་ཤིག |
| བསླབས |
སློབ་པའི་འདས་པ། (དཔེར་ན།) ཡི་གེ་བསླབས་ནས་ཡོན་ཏན་སྦྱང་ལྟ་བུ། |
| བསླས་པ |
སླ་བའི་འདས་པ། |
| བསླས་མ |
ལྷས་མ་སྟེ། (དཔེར་ན།) བལ་སྐུད་བསླས་མའི་སྟོད་གོས་ཞེས་པ་ལྟ་བུ། |
| བསླས་སུམ |
(ཡུལ་སྐད།) ལྷམ་གྱི་ངར་གདོང་ཐད་ཀྱི་ཚེམ་དྲུབ། |
| བསླུ |
སླུ་བའི་མ་འོངས་པ། (དཔེར་ན།) བསླུ་བ་མེད་པ་གྲོགས་ཀྱི་མཆོག་ལྟ་བུ། |
| བསླུ་ཁྲིད |
མགོ་སྐོར་བཏང་ནས་ཁྲིད་ཕྱིན་པ་སྟེ། (དཔེར་ན།) ཕྲུ་གུ་ཞིག་མི་ངན་གྱིས་བསླུ་ཁྲིད་བྱས་ནས་ཕྱིན་སོང༌ལྟ་བུ། |
| བསླུ་ཐབས |
གཞན་མགོ་སྐོར་གྱིས་བསླུ་བའི་ཐབས་ཤེས། |
| བསླུ་བའི་ཆོས་ཅན |
1.རྫུན་པའི་དངོས་པོ། 2.འདུས་བྱས་ཀྱི་ཆོས། |
| བསླུ་བྲིད |
མགོ་སྐོར་གཏོང་བའི་དོན་ཏེ། (དཔེར་ན།) བསླུ་བྲིད་བྱེད་ཐབས། ཟོལ་སྦྱོར་བསླུ་བྲིད་སྙན་པའི་ཚིག་གསེར་བུམ་ལས་བྱུང་དུག་ཆུར་མཚུངས་ལྟ་བུ། |
| བསླུ་མེད |
1.བསླུ་བ་མེད་པ་སྟེ་མ་ནོར་བའམ་ཡང་དག་པ། 2.བློ་བཀལ་ཆོག་པའི་དོན་ཏེ། (དཔེར་ན།) བསླུ་མེད་གྲོགས་ཀྱི་མཆོག་ཅེས་པ་ལྟ་བུ། |
| བསླུ་ཚིག |
མགོ་སྐོར་གཏོང་བའི་སྐད་ཆ། |
| བསླུ་ཟས |
མགོ་སྐོར་གྱི་ལྟོ་ཆས། |
| བསླུ་རྡོ |
ཆགས་ཞེན། |
| བསླུག |
(རྒྱན་ཚིག) ཆེས་ཆེར་དགའ་བའི་རྣམ་པ་སྟེ། (དཔེར་ན།) དགའ་ནས་བསླུག་བསླུག་ལ་སོང་ལྟ་བུ། |
| བསླུགས་པ |
རྩིག་པ་སོགས་བཤིགས་པ། |
| བསླུས |
བསླུ་བའི་འདས་པ། (དཔེར་ན།) གཡོ་ཅན་ཁ་འཇམ་ཚིག་གིས་དྲང་བོ་བསླུས་ཞེས་པ་ལྟ་བུ། |
| བསླེ |
སླེ་ཡི་མ་འོངས་པ། |
| བསླེབ |
སླེབ་པའི་མ་འོངས་པ། (དཔེར་ན།) དུས་ཚོད་བརྒྱད་པར་ཚོགས་འདུར་བསླེབ་དགོས་ལྟ་བུ། |
| བསླེབས |
སླེབས་པའི་འདས་པ། (དཔེར་ན།) པེ་ཅིན་ནས་གནམ་གྲུར་བསྡད་དེ་ལྷ་སར་བསླེབས་སོང་ལྟ་བུ། |
| བསླེས |
སླེ་ཡི་འདས་པ། |
| བསློག |
སློག་པའི་མ་འོངས་པ། (དཔེར་ན།) ཕྱི་ནང་བསློག་དགོས་ལྟ་བུ། |
| བསློགས |
སློག་པའི་འདས་པ། (དཔེར་ན།) སློག་པ་ཕྱི་ནང་བསློགས་ནས་སྤྲུགས་ལྟ་བུ། |
| བི་ཀྲ་མ་ལ་ཤཱི་ལ |
(ལེགས་སྦྱར།) ཚུལ་ཁྲིམས་དྲི་ངད་ལྡན་པའི་དགོན་པ། རྒྱ་གར་ཆུ་བོ་གངྒཱའི་འགྲམ་ན་ཆགས་པའི་དགོན་ཆུང་ཞིག་སྟེ་མཉམ་མེད་ཇོ་བོ་ཨ་ཏི་ཤ་སོགས་པཎྜི་ཏ་མང་པོ་བཞུགས་མྱོང་ས་ཞིག |
| བི་ཆུར་ཚ་པོ |
(ཡུལ་སྐད།) འཕེར་ཤ་ཚ་པོའི་དོན་ཏེ། (དཔེར་ན།) འབྱོན་རྒྱུ་མེད་པའི་བི་ཚུར་ཚ་པོ་ཞེས་པ་ལྟ་བུ། |
| བི་པ་ཤྱཱི |
(ལེགས་སྦྱར།) རྣམ་གཟིགས་སམ་རྣམ་པར་གཟིགས་ཏེ་སངས་རྒྱས་རབས་བདུན་གྱི་དང་པོ། |
| བི་མ་ལ་མི་ཏྲ |
(ལེགས་སྦྱར།) དྲི་མེད་བཤེས་གཉེན་ཏེ་བོད་རྒྱལ་ཁྲི་སྲོང་ལྡེ་བཙན་གྱི་དུས་བོད་དུ་བྱོན་པའི་རྒྱ་གར་གྱི་སློབ་དཔོན་ཞིག |
| བི་ཛ་པུ་ར |
དཔག་བསམ་ཤིང་འབྲས་ཏེ་ཛམ་བྷ་ལ་སེར་པོའི་ཕྱག་མཚན་དུ་བསྣམས་པ། |
| བི་ཤ་ཙེ |
རླུང་ནད་ནང་ཚན་ལག་སོར་གྱི་བྱ་བ་ཉམས་པ་ཞིག |
| བི་ཤུ |
རྩེད་ཆས་མདའི་རྩེ་མོར་སྒར་བྱེད་ཤིང་རིལ་སྦུབས་ཅན་མིག་ཁུང་བཞི་ལྡན་སྒྲ་གསང་པོ་སྒྲོག་པ་ཞིག |
| བི་ཤུདྡྷ་སིཧཾ |
(ལེགས་སྦྱར།) རྣམ་དག་སེང་གེ་བོད་རྒྱལ་ཁྲི་སྲོང་ལྡེ་བཙན་དུས་བོད་དུ་བྱོན་པའི་རྒྱ་གར་གྱི་སློབ་དཔོན་ཞིག |
| བི་ཤྭ་ཀརྨ |
བཻ་ཤྭ་ཀརྨན་ཏེ་ལྷའི་བཟོ་པ་ཞིག |
| བི་ཥ་ནག་པོ |
(ལེགས་སྦྱར།) ཁྱབ་བྱེད་ནག་པོ་བོང་ང་ནག་པོའི་མིང་གི་རྣམ་གྲངས་ཤིག |
| བིག་པན |
ལན་ཚྭའི་སྨན་གྱི་རིགས་ཤིག་རོ་སྐྱུར་ལ་ལན་ཚ་བ། ཞུ་རྗེས་དྲོད། ནུས་པས་འབྲས་དང༌། སྐྲན་བཤིག་མིག་གི་ལིང་ཐོག་འཇོམས། |
| བིག་བན |
ཚུར་སྔོན་གྱི་མིང་། |
| བིམ་པ |
ཤིང་འབྲས་དམར་པོ་ཞིག (དཔེར་ན།) བིམ་པ་ལྟ་བུའི་མཆུ་སྒྲོས་དམར། ཕྲུ་གུ་དེའི་གདོང་མདོག་བིམ་པ་ལྟར་དམར་ཞེས་པ་ལྟ་བུ། |
| བིར་ཐིག |
བོད་མདའི་མེ་སྤར་བྱེད། |
| བིར་ཤུབས |
བོད་མདའི་མེ་སྤར་བྱེད་བིར་ཐིག་གམ། ཨ་མདོའི་ཡུལ་ལ་ལར་བིར་ལྟོ་ཟེར་བའི་མེ་ཐག་འཇུག་སྣོད། |
| བིལ་བ |
ཀ་བེད་ཕོ་མོ་རིགས་གཉིས་ཀྱི་ནང་ནས་ཆུང་བ་མོ་རིགས་ཤིག་རོ་སྐྱུར་ཞིང་བསྐ། ཞུ་རྗེས་སྙོམས། ནུས་པས་ཚ་འཁྲུ་གཅོད། |
| བིལ་འབྲས |
1.ཤིང་ཏོག་བིལ་བའི་འབྲས་བུ། 2.ཤིང་སྨན་ཞིག |
| བིལྦ |
(ལེགས་སྦྱར།) འབྲས་བུ་ཚིག་རུས་ཅན་གྱི་ཤིང་ཐོག་ཀུ་བའམ་ཀ་བེད་དེ། འདིའི་འབྲས་བུའི་ཤུན་སྐོགས་མཐུག་པོ་སྣོད་སྤྱད་དུ་རུང་བ་ཞིག |
| བིལྦ་ཕོ |
(ལེགས་སྦྱར།) ཀུ་བ་ཆེན་པོའི་ཤིང་ངམ་དེའི་ཤིང་ཐོག |
| བིལྦ་མོ |
(ལེགས་སྦྱར།) ཀུ་བ་ཆུང་བའི་ཤིང་ངམ་དེའི་ཤིང་ཐོག |
| བིཥྚི |
(ལེགས་སྦྱར།) སྐར་རྩིས་ཀྱི་བྱེད་པ་བཅུ་གཅིག་ནང་གི་འཕོ་བྱེད་ཅིག |
| བུ |
1.བུ་དང་བུ་མོ་གཉིས་སུ་ཕྱེ་བའི་ཕོའི་མིང༌། (དཔེར་ན།) ཕ་བུ་གཉིས་ཞེས་པ་ལྟ་བུ། 2.མི་ཕོའི་མིང༌། (དཔེར་ན།) བུ་རྒོད་པོ། བུ་དཔའ་བོ་ཞེས་པ་ལྟ་བུ། 3.ཚིག་གྲོགས་ཤིག (དཔེར་ན།) ཁམ་བུ། བོང་བུ། ཕྲན་བུ། ལམ་བུ་ཞེས་པ་ལྟ་བུ། |
| བུ་ག |
1.དམིག་བུ་སྟེ། དབུས་ཕྱོགས་ཀྱི་ཡུལ་སྐད་ལ་ཨི་ཁུང་ཟེར། (དཔེར་ན།) ས་འོག་བུ་ག། ལུས་ལ་བུ་ག་དགུ་ཡོད་ཀྱང༌། ཟ་བའི་དབང་ཆ་ཁ་རེད་ཅེས་པ་ལྟ་བུ། 2.(མངོན་བརྗོད།) ལུས་ཀྱི་བུ་ག་ལ་དགུ་ཡོད་པས་གྲངས་དགུ་མཚོན། |
| བུ་ག་གཉིས་པ |
གཞང་འབྲུམ་ཕྱོགས་གང་ན་ཡོད་མེད་བརྟག་བྱེད་ཀྱི་ཡོ་བྱད་ཅིག |
| བུ་ག་དགུ |
བུ་ག་སྒོ་དགུ་དང་དོན་གཅིག |
| བུ་ག་འཛིན་པ |
(མངོན་བརྗོད།) རླུང་དང་རླུང་ལྷ། |
| བུ་ག་སྒོ་དགུ |
མིའི་ལུས་ལ་ཡུལ་ལྔའི་ཤེས་པ་སོགས་རྒྱུ་བའི་སྒོ་ལྟ་བུའི་བུ་ག་དགུ་མིག་གཉིས་དང༌། རྣ་བ་གཉིས། སྣ་བུག་གཉིས། ཁ། གཤང་ལམ། གཅི་ལམ་བཅས་སོ། ། |
| བུ་གཅེས |
1.གཅེས་པའི་བུ་ཕྲུག 2.བུ་ཕྲུག་ལ་ཤ་ཚ་བྱེད་པ། |
| བུ་གནས་གྲོང་ཁྱེར |
(མངོན་བརྗོད།) མོ་མཚན། |
| བུ་གཡར |
བུའི་དོད་དམ་ཚབ། བུ་ཡར་ཡང་སྣང༌། |
| བུ་གུ |
བུག་པ་ཆུང་བ། |
| བུ་གུར་སྡོད་པ |
(བརྡ་རྙིང་།) གཅིག་པུར་སྡོད་པ། |
| བུ་གྲས |
བུ་བུ་མོ་ཞེས་པའི་བུའི་གྲས། |
| བུ་ཆུ་ལྷ་ཁང |
སྲོང་བཙན་སྒམ་པོའི་སྐབས་བཏབ་པ། ཀོང་པོ་ས་ཁུལ་དུ་ཡོད་པ་ཡང་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག |
| བུ་ཆུང |
བྱིས་པ། |
| བུ་ཆེ་མ |
1.མགྲོན་བུའི་བྱེ་བྲག་ཅིག 2.(མངོན་བརྗོད།) བུད་མེད་སྦྲུམ་མ། |
| བུ་ཆེན |
སློབ་མ་གཙོ་བོའི་དོན་ཏེ། (དཔེར་ན།) ཐུགས་སྲས་བུ་ཆེན་ཞེས་པ་ལྟ་བུ། |
| བུ་ཆོས |
ཇོ་འབྲོམ་གཉིས་ཀའི་སློབ་མར་གྱུར་པ་བུ་རྔོག་ལེགས་པའི་ཤེས་རབ་ཀྱིས་ཞུས་ཏེ་ཇོ་བོ་རྗེ་ཨ་ཏི་ཤས་གསུངས་པ་འབྲོམ་སྟོན་རྒྱལ་བའི་འབྱུང་གནས་ཀྱི་སྐྱེས་རབས་རྣམ་ཐར་མང་པོ་དང༌། མཇུག་ཏུ་ཇོ་བོ་སྐུ་གཤེགས་ནས་འབྲོམ་ལ་བཀའ་གདམས་བསྟན་པ་གཏད་ཚུལ་སྟོན་པའི་ཆོས་པོ་ཏི་ཞིག་སྤྲུལ་པའི་གླེགས་བམ་ཡང་ཟེར། |
| བུ་ཐང |
(ཡུལ་སྐད།) མག་པ། |
| བུ་དགོན |
བོད་ཀྱི་དགོན་སྡེ་ཆེ་གྲས་ཀྱི་དགོན་ལག (དཔེར་ན།) བུ་དགོན་གྱི་བྱེད་སྒོ་རྣམས་མ་དགོན་གྱི་སྲོལ་ལྟར་བྱེད་དགོས་ལྟ་བུ། |
| བུ་དཔེ |
བྲིས་བཤུས་ཟིན་པའི་དཔེ་ཆ་གསར་པ། (དཔེར་ན།) མ་དཔེ་དང་བུ་དཔེ་བསྡུར་ཏེ་ཞུས་དག་བཏང་བ། མ་ཡིག་ལ་བརྟེན་ནས་བུ་དཔེ་བཤུས་ལྟ་བུ། |
| བུ་དེབ |
མ་དེབ་ལ་བརྟེན་ནས་བཤུས་པའི་བུ་དེབ། |
| བུ་དོད |
བུ་ཚབ་སྟེ། (དཔེར་ན།) བུ་དོད་ཅིག་བླངས་པ་རིག་པ་རྣོ་ཞིང་ངང་རྒྱུད་བཟང་ཞེས་པ་ལྟ་བུ། |
| བུ་ནད |
1.ཕྲུ་གུ་སྐྱེས་རྗེས་ཀྱི་མའི་ནད། (དཔེར་ན།) བུ་ནད་དྲུངས་ནས་དྭངས། བུ་ནད་ལོག་པ་ལྟ་བུ། 2.ཕྲུ་གུ་སྐྱེ་བའི་ཟུག (དཔེར་ན།) བུ་ནད་ཀྱིས་གཟེར་ནས་བུ་བཙའ་ལ་ཁད་དུ་འདུག་ལྟ་བུ། |
| བུ་ནོར |
བུ་རྒྱུད་དང་ནོར་ལོངས་སྤྱོད་དེ། (དཔེར་ན།) བུ་ནོར་གཉིས་འཛོམས་ཞེས་པ་ལྟ་བུ། |
| བུ་ཕྲུག |
མིའི་ཕྲུ་གུ་སྟེ། (དཔེར་ན།) ཕ་ཕྱུག་པོའི་བུ་ཕྲུག་སྐྱིད་ལང་རེད་ལྟ་བུ། |
| བུ་བཅོལ་ཁང |
ནུ་ཞོ་ནུ་མཁན་དང༌། སློབ་ལོ་མ་ལོན་པའི་བྱིས་པ་ཉར་གསོ་བྱེད་ས། |
| བུ་མ་ཕྱིན་པའི་མོ་ནད |
བུ་སྐྱེ་མ་ཐུབ་པའི་མོ་ནད། |
| བུ་མོ |
1.བུ་ཕྲུག་མོའི་མིང་། (དཔེར་ན།) བུ་མོས་བུ་གོ་ཆོད། བུ་དང་བུ་མོ་ཞེས་པ་ལྟ་བུ། 2.གཉེན་སྒྲིག་མ་བྱས་པའི་བུ་མོ་གཞོན་ནུ་མའི་མིང་། |
| བུ་མོ་གཙང་མ |
སྐྱེས་པ་མ་ཕྲད་པའི་བུ་མོ། |
| བུ་མོ་གཞོན་ནུ་མ |
ལང་ཚོ་དར་སྒང་གི་ན་ཆུང་མ། མིང་གི་རྣམ་གྲངས་ལ་འཐབ་མོ་ཅན་མ་དང༌། ན་ཆུང་མ། ནོར་ལྡན་མ། ཕྱོགས་མེད་མ། བུ་མོ་གཞོན་མ། མ་འོངས་རྡུལ་ཅན། ལང་ཚོ་དང་པོ་བཅས་སོ། ། |
| བུ་མོ་དགའ་སྟོབས་མ |
བཅོམ་ལྡན་འདས་ལ་འོ་ཐུག་འབུལ་མཁན་བུ་མོ་ཞིག |
| བུ་མོ་དར་མ |
ལང་ཚོ་རྒྱས་པའི་བུ་མོ། |
| བུ་མོ་བརྟན་མ |
1.སྐྱེས་པ་དང་མ་ཕྲད་པའི་བུ་མོ། 2.རང་གི་ཁྱོ་ག་མ་གཏོགས་ཁྱོ་ག་བྱུང་མ་མྱོང་བ། |
| བུ་མོ་འཕང་བཟུང |
འཕང་ལག་ཏུ་བཟུང་བའི་བུ་མོ། གནའ་དུས་སུ་བློ་ཁོག་མེད་པའི་མིའི་མིང་འདོགས་ལ་ཟེར། |
| བུ་མོ་ལེགས་སྐྱེས་མ |
བཅོམ་ལྡན་འདས་ལ་འོ་ཐུག་འབུལ་མཁན་གྱི་བུ་མོ་ཞིག |
| བུ་མོ་སྤུན་རྒན |
ཕའམ་མ་གཅིག་པའི་བུ་མོ་རྒན་པ། |
| བུ་མོའི་ཁྱིམ |
ཉི་མའི་ཁྱིམ་གྱི་དྲུག་པ། ཁྱིམ་ཞག་ཉི་བར་སྐར་བཅུ་གཅིག་དང་ཆུ་ཚོད་བཅོ་ལྔ་ཤར་ཚེ་ཉི་མ་བུ་མོའི་ཁྱིམ་དུ་སྤྱོད། མིང་དོན་ཁྱིམ་བཅུ་གཉིས་ཀྱི་ཐད་ན་གསལ། |
| བུ་མོའི་བདག་པོ |
མག་པའམ་ཁྱོ་བོ། |
| བུ་ཚ |
1.བུ་དང་བུའི་བུ། 2.བུ་དང་ཚ་བོ། |
| བུ་ཚ་ཡང་ཚ་གསུམ་ཚ |
རང་གི་ལུས་ལས་མཆེད་པ་བུ། དེ་ལས་མཆེད་པ་ཚ་བོ། དེ་ལས་མཆེད་པ་ཡང་ཚ། དེ་ལས་ཀྱང་མཆེད་པ་གསུམ་ཚ། |
| བུ་ཚབ |
གཞན་གྱི་བུ་རང་གི་བུར་གསོས་པའི་བུ་དོད། |
| བུ་ཟན་མོ |
(བརྡ་རྙིང་།) 1>མཁའ་འགྲོ་མ། 2>སྲིན་མོ། |
| བུ་འཁྲིད |
སྔར་བུ་མོ་མང་པོ་སྐྱེས་ཚེ་བུ་སྐྱེ་བའི་རྟེན་འབྲེལ་གྱི་ཆེད་དུ་བུ་མོའི་མིང་ལ་བུ་འཁྲིད་ཅེས་མིང་བཏགས་ཡོང༌། |
| བུ་འདེད |
འབྱུང་རྩིས་ནང་མ་ལ་བརྟེན་ནས་བུའི་གནས་ཚུལ་རྩི་བའི་ཐབས་ཤིག |
| བུ་འཛིན་མ |
བུ་ཕྲུག་ཡོད་པའི་བུད་མེད། |
| བུ་ཡུག |
ཁ་བ་དང་རླུང་མཉམ་འཚུབ་ཀྱིས་འབབ་པའི་མིང༌། (དཔེར་ན།) ལ་ཁར་སླེབས་དུས་གློ་བུར་དུ་བུ་ཡུག་འཚུབ་ལྟ་བུ། |
| བུ་རབས |
བུའི་བརྒྱུད་པ། |
| བུ་རབས་ཚ་རྒྱུད |
མི་རབས་འོག་མ། |
| བུ་རམ |
1.བུ་རམ་ཤིང་གི་ཁུ་བ་ལས་བཟོས་པའི་མངར་ཆ། (དཔེར་ན།) ཞིམ་རྒྱུ་བུ་རམ་ཞིམ་ཡང༌། ཟ་རྒྱུན་རྩམ་པ་རིང་བ་ལྟ་བུ། རོ་མངར། ཞུ་རྗེས་དྲོད། ནུས་པས་རླུང་ནད་འཇོམས། དྲོད་སྐྱེད། ལུས་སྟོབས་ཉམས་པ་གསོ། རླུང་ནད་ལ་ཕན་པའི་སྨན་གྱི་ནུས་པ་རྩར་འཁྲིད་པར་བྱེད། |
| བུ་རམ་གོང་བུ |
བཞུས་བསྒར་བྱས་པའི་བུ་རམ། |
| བུ་རམ་ཆང |
མངར་ཆས་བཟོས་པའི་ཆང༌། |
| བུ་རམ་ཏིང་ཀོར་མ |
ཏིང་ལ་པར་བརྒྱབ་པའི་བུ་རམ་དང་ཤེལ་ཀ་ར་མཆོད་ཏིང་གི་དབྱིབས་ཅན། |
| བུ་རམ་དྭངས་མ |
1.བུ་རམ་བཞུས་པའི་ཁུ་བ་རྙོག་མ་མེད་པ། 2.ལྷད་མེད་པའི་བུ་རམ། |
| བུ་རམ་ཕར་ཁ |
བུ་རམ་སྤུས་ཀ་ཞན་པ་ཞིག |
| བུ་རམ་བསྒར་མ |
བུ་རམ་མར་ཁུའི་ནང་དུ་བསྒར་བའི་མངར་ཆ། |
| བུ་རམ་མ་ལོ |
བུ་རམ་ལེགས་པ་ཞིག |
| བུ་རམ་ཤིང |
བུ་རམ་བཟོ་བྱེད་ཀྱི་ཤིང༌། |
| བུ་རམ་ཤིང་པ |
1.སྔར་རྒྱ་གར་གྱི་སངས་རྒྱས་ཤཱཀྱ་ཐུབ་པའི་རིགས་རུས། 2.(མངོན་བརྗོད།) སངས་རྒྱས་ཤཱཀྱ་ཐུབ་པའི་མཚན། |
| བུ་རམ་སྒོང་བ |
བུ་རམ་རྡོག་རྡོག་བཟོ་བ། |
| བུ་རམ་སྨུག་པོ |
བུར་ནག |
| བུ་རོ་ལུས་པ |
1.མངལ་ནས་ཤ་མ་མ་ཐོན་པ། 2.ཕྲུ་གུ་ཤི་བའི་རོ་མངལ་དུ་བསྡད་པ། |
| བུ་རོགས |
བྱིས་པ་བཙའ་སྐབས་བྱིས་པའི་ལྟེ་བ་དང་འབྲེལ་བའི་ཤ་མ། |
| བུ་རྒྱུད |
གདུང་རྒྱུད་གཅིག་པའི་མི་རབས་ཕྱི་མའི་མིང་། (དཔེར་ན།) བོད་མི་རིགས་ཀྱི་བུ་རྒྱུད་ཅེས་པ་ལྟ་བུ། |
| བུ་རྟ |
མི་དང་རྟའི་བསྡུས་མིང༌། (དཔེར་ན།) བུ་རྟ་བཟང་གྲས་བསྡུས་པ། བུ་རྟ་གང་ཧྲག་ཅེས་པ་ལྟ་བུ། |
| བུ་རྩ |
1.མ་བུ་དགྲ་གྲོགས་ཀྱི་འབྱུང་བ་རྩི་སྐབས་ཤིང་བུ་མེ་ལྟ་བུ་བུ་དང་འཕྲད་པ་དེ་ལ་བུ་རྩ་ཞེས་ཟེར། 2.བུད་མེད་ཀྱི་མངལ་དུ་བུ་ཆགས་ནས་ཟླ་བ་ལྔ་ལོན་སྐབས་མཁྲིག་མའི་འཕར་རྩའི་སྒོ་ནས་མངལ་གནས་དེ་བུ་དང་བུ་མོ་གང་ཡིན་བརྟག་ཐབས་ཤིག 3.བུ་ཚ་ཡོང་རྒྱུ་ཡོད་མེད་སོགས་བརྟག་པའི་ཕ་མའི་ལུས་ཀྱི་འཕར་རྩ་ཞིག |
| བུ་རྫི |
ཕྲུ་གུ་སྐྱོང་མཁན། |
| བུ་རྫི་མ |
བུ་ཕྲུག་སྐྱོང་མཁན་བུད་མེད། |
| བུ་ལུགས་པ |
དུས་རབས་བཅུ་གསུམ་པའི་སྐབས་སུ་བྱུང་བའི་ཞ་ལུ་བུ་སྟོན་རིན་ཆེན་གྲུབ་ཀྱི་རྗེས་སུ་འབྲང་མཁན། |
| བུ་ལོན |
འབྲུ་དངུལ་སོགས་གཡར་བར་སྐྱེད་ཁ་སྤྲོད་ལེན་བྱེད་པ་ཞིག (དཔེར་ན།) སྐྱེད་ལྕིའི་བུ་ལོན། སྐྱེད་ཡང་བུ་ལོན། དོམ་ཆགས་བུ་ལོན། ལན་ཆགས་བུ་ལོན། བུ་ལོན་ཟུག་པ། བུ་ལོན་ཆགས་པ། བུ་ལོན་འཇལ་བ། བུ་ལོན་གཏོང་བ། བུ་ལོན་དག་པ། བུ་ལོན་འཕྲོད་པ། བུ་ལོན་གསོབ་པ། བུ་ལོན་ལེན་པ། བུ་ལོན་སེལ་བ་ལྟ་བུ། མིང་གི་རྣམ་གྲངས་ལ་དོམ་དང༌། འབུན་སྐྱེད། གཟུང་བ་བཅས་སོ། |
| བུ་ལོན་ཚ་འདེད |
ཕར་གཡར་བའི་བུ་ལོན་གྱི་དངོས་པོ་ཚུར་འཁྱེར་ཤོག་ཅེས་ཛ་དྲག་གི་སྐུལ་ལྕག་གཏོང་བ། (དཔེར་ན།) ཞིང་བདག་གིས་བུ་ལོན་ཚ་འདེད་བྱེད་སྟངས་དེ་བྱ་རྒོད་ཤ་ལ་འགྲིམ་པ་དང་འདྲ་ཞེས་པ་ལྟ་བུ། |
| བུ་ལོན་འགྱུར |
འཕྲི་རྩིས། |
| བུ་སྐྱེད |
བུ་ལོན་གྱི་སྐྱེད་ཀའི་སྐྱེད་ཀ། |
| བུ་སྟོན་ཆོས་འབྱུང |
བདེ་བར་གཤེགས་པའི་བསྟན་པའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ། ཁྲོ་ཕུ་པ་བུ་སྟོན་རིན་ཆེན་གྲུབ་ཀྱིས་རབ་བྱུང་ལྔ་པའི་ཆུ་ཁྱི་ལོར་བསྒྲིགས། གསུང་འབུམ་ལྷ་སའི་པར་མ་ཤོག་ལྷེ་ཁྱོན་212 ནང་བརྒྱ་དང་ཉེར་གཉིས་ཡན་ཆད་རྒྱ་གར་དང་བལ་ཡུལ་དུ་དམ་པའི་ཆོས་བྱུང་ཚུལ་དང༌། དེ་མན་ཆད་བསིལ་ལྗོངས་སུ་བསྟན་པ་བྱུང་ཚུལ། མཇུག་ཏུ་བཀའ་བསྟན་བོད་དུ་བསྒྱུར་ཏོ་ཅོག་གི་དཀར་ཆག་ཀྱང་བཀོད་ཡོད་པའི་ལོ་རྒྱུས་ཁུངས་མ་ཞིག |
| བུ་སྟོན་རིན་ཆེན་གྲུབ |
རབ་བྱུང་ལྔ་པའི་ལྕགས་སྟག་ལོ་ལ་གཙང་ཤབ་སྨད་དུ་འཁྲུངས། བཀའ་བརྒྱུད་པ་ཁྲོ་ལོའི་ཡང་སློབ། ཞྭ་ལུ་ཆོས་སྡེར་འཆད་ཉན་ཡུན་རིང་མཛད། རྒྱ་གར་ནས་བོད་དུ་འགྱུར་བའི་གླེགས་བམ་མཐའ་དག་ཞིབ་མོར་དཔྱད་དེ་བསྒྲིགས་རིམ་སྔ་ཕྱི་གཏན་འབེབས་མཛད་དེ་བསྟན་འགྱུར་དེ་རྣམས་གཅིག་ཏུ་བསྟན་པའི་རྩ་ལག་ཏུ་གྱུར། མདོ་སྔགས་གཉིས་དང་རིག་གནས་ཆེ་ཆུང་གི་གཞུང་དང་འགྲེལ་བཤད་བརྒྱ་ཕྲག་དུ་མ་བརྩམས་ཏེ་གསུང་འབུམ་པོ་ཏི་ཉི་ཤུ་རྩ་དྲུག་ཡོད། དེའི་བརྒྱུད་འཛིན་རིམ་བྱོན་རྣམས་ལ་ཞྭ་ལུ་བའི་གྲུབ་མཐའམ་བུ་ལུགས་ཞེས་གྲགས། རྗེ་ཙོང་ཁ་པས་དེའི་སློབ་མ་ལས་རྒྱུད་ཀྱི་སྐོར་གསན། རབ་བྱུང་དྲུག་པའི་ཤིང་འབྲུག་ལ་འདས། |
| བུ་སྡུག |
ཡིད་དུ་འོང་བའི་བུ། (དཔེར་ན།) མཐོང་བ་ཙམ་གྱིས་ཡིད་འཕྲོག་པའི་བུ་སྡུག་ཅིག་སྐྱེས་ལྟ་བུ། |
| བུ་སྣོད |
མངལ་སྐྱེས་སྲོག་ཆགས་མོའི་ཕྲུ་གུ་ཆགས་སའི་དབང་བོའི་མིང་། སྨན་གཞུང་དུ་མངལ་ཟེར། |
| བུ་སྣོད་ལུག་པ |
ཕྲུ་གུ་ཆགས་སྣོད་མཚན་མ་ནས་ཕྱིར་ཐོན་པ། |
| བུ་སྤུན |
ཕའམ་མ་གཅིག་པ་ཡིན་པའི་བུ་རྒན་གཞོན། |
| བུ་སྨད |
1.མ་དང་བུ་མོ། 2.(ཡུལ་སྐད།) བུད་མེད། |
| བུ་སྲིང |
ཕ་མ་གཅིག་པའི་མིང་སྲིང༌། (དཔེར་ན།) བུ་སྲིང་གཉིས་པོ་ཡར་ཐོན་གྱི་ལག་རྩལ་ལ་བྱང་ཆུབ་པ་འདུག་ཅེས་པ་ལྟ་བུ། |
| བུ་སློབ |
ཉེ་གནས་སམ་སྒྲུབ་བཙུན་སོགས་སློབ་མ། |
| བུ་ཧ་ཆུ |
འབབ་ཆུ་ཞིག ཆུ་འགོ་མཚོ་སྔོན་ཐེམ་ཆེན་ཡུལ་གྱི་ལྷོ་ནུབ་ཕྱོགས་ནས་བྱུང་སྟེ་མཐར་མཚོ་སྔོན་པོར་འབབ། དེའི་སྟོད་རྒྱུད་ལ་ཤར་དགེ་ཆུ་ཟེར། |
| བུག |
བུ་ག་ཡི་ཚིག་བསྡུས་པ། (དཔེར་ན།) སའི་བུ་ག་ལ་ས་བུག་དང་། སྣའི་བུ་ག་ལ་སྣ་བུག་ཟེར་བ་ལྟ་བུ། |
| བུག་པ |
ཁུང་བུའམ་བུ་ག། (དཔེར་ན།) ཁབ་ཀྱི་བུག་པ། རྩིག་པར་ཡོད་པའི་བུག་པ་བཀག་ནས་ཁེགས་པ། རྫ་ཁོག་གི་མཐིལ་དུ་བུག་པ་རྡོལ་བ། ལྕགས་ལེབ་ལ་འཕྲུལ་འཁོར་གྱིས་བུག་པ་བརྟོལ་བ་ལྟ་བུ། མིང་གི་རྣམ་གྲངས་ལ་ཁུང་བུ་དང༌། ཁོང་སྟོང༌། པད་མའི་མིག་བུ་ག། རླུང་འབྱུང༌། ས་མཐོངས་བཅས་སོ། |
| བུག་པ་དབྱུང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གཙུག་ལག་ཁང་གི་སྟེང་ཐོག་སྙི་བ་ལ་ཁྲི་རྐང་རྣོན་པས་བཙུགས་ཏེ་སྟེང་དུ་ལྗིད་ཕབ་ནས་བུག་པ་ཕུག་པའོ། ། |
| བུག་པ་བྱེད |
(མངོན་བརྗོད།) བྱི་བ། |
| བུག་རྡོལ |
ཨི་ཁུང་རྡོལ་བའམ་བུག་པ་རྡོལ་བ། |
| བུག་སྒོ |
བུག་པའི་སྒོ། (དཔེར་ན།) བུག་སྒོའི་ནང་ནས་ཕྱི་རོལ་མཐོང༌། དགུན་དུས་སུ་བུག་སྒོ་འདག་སྦྱར་བྱེད་ཅེས་པ་ལྟ་བུ། |
| བུགས |
བུབས་དང་དོན་གཅིག |
| བུང་ཐལ |
(ཡུལ་སྐད།) རུལ་དྲི་ལ་དགའ་བའི་སྲིན་བུ་གནོད་པ་ཅན་སྦྲང་ནག |
| བུང་བ |
1.སྦྲང་རྩི་གསོག་མཁན་གྱི་སྲིན་བུ་སྦྲང་མའི་མིང་། འདི་ལ་རིགས་མང་བོ་ཞིག་ཡོད། 2.རྡོ་ནག་པོ་ཞིག་གི་མིང་། (དཔེར་ན།) སྐྲ་བུང་བ་ལྟར་ནག་ལྟ་བུ། |
| བུང་བ་དགའ |
(མངོན་བརྗོད།) ཨུཏྤལ་དམར་པོ། |
| བུང་བ་ནག་པོ |
1.སྦྲང་མ་ནག་པོ། 2.(མངོན་བརྗོད།) རྡོ་སྟང་ཟིལ་གྱི་མདོག |
| བུང་ཚང |
1.སྦྲང་མའི་ཚང༌། 2.གློ་ནད་བྱེ་བྲག་པ་ཞིག་ལུད་པའི་དྲི་ངན་ཁ་ཞིང་མདོག་སྔོ་བ། ནང་ལ་རྣག་ཐིག་མང་བ་ཉ་མིག་ལྟ་བུ་ཡོད་པས་མིང་དེ་ལྟར་བཏགས། |
| བུངས |
བོངས་ཀྱི་འབྲི་ཚུལ་གཞན། |
| བུངས་བསྐྱེད |
རྒྱ་ཁྱོན་ཆེར་བཏང་བ་སྟེ། (དཔེར་ན།) ཆུ་རྫིང་བུངས་བསྐྱེད་གཏོང་བ་ལྟ་བུ། |
| བུངས་ཚན |
རྒྱ་ཁྱོན་གྱི་སྟོབས་ཏེ། (དཔེར་ན།) ཐོན་ཟོག་བུངས་ཚན། ཁང་པའི་བུངས་ཚན་ཞེས་པ་ལྟ་བུ། |
| བུད |
(བྱེད་མེད་ལས་ཚིག) འབུད་པའི་འདས་པ་དང་སྐུལ་ཚིག ཕྱི་ལ་ཐོན་པའི་དོན་ཏེ། (དཔེར་ན།) སྒོ་ལ་བུད། ཕྱིར་བུད་ལྟ་བུ། |
| བུད་ཀྱིས་ཁྱེར་བ |
སད་དང་རླུང་དྲག་པོས་ཁྱེར་བའམ་ལྷགས་པས་བཏབ་པའི་དོན། |
| བུད་གྲོང |
སྡོད་མཁན་གྱིས་སྟོངས་པའི་གྲོང་པ། |
| བུད་དྷ |
(ལེགས་སྦྱར།) སངས་རྒྱས། |
| བུད་མེད |
སྐྱེ་དམན་ནམ་ལུས་ཕྲ་མ། མིང་གི་རྣམ་གྲངས་ལ་སྐྱེ་བ་མོ་དང༌། སྐྱེད་མ། སྒྲ་ཅན་མ། གནས་བྱེད། མི་མོ། མཚམས་ལྡན་མ། འཛིན་མ། ལན་བུ་ཅན་བཅས་སོ། ། |
| བུད་མེད་ཀྱིས་འཚོ |
(མངོན་བརྗོད།) ར་རྫི། |
| བུད་མེད་གཏུམ་པོ |
བུད་མེད་སེམས་མ་དུལ་བ། མིང་གི་རྣམ་གྲངས་ལ་ཁྲོ་བྱེད་མ་དང༌། འཇིགས་བྱེད་མ། གཏུམ་མོ་བཅས་སོ། ། |
| བུད་མེད་ཆོས་ལྡན |
(མངོན་བརྗོད།) བུད་མེད་ཟླ་མཚན་ལྡན་མ། |
| བུད་མེད་དགའ |
(མངོན་བརྗོད།) ཨ་མྲའི་ཤིང༌། |
| བུད་མེད་དགའ་བྲལ |
(མངོན་བརྗོད།) འབྲས་བུ་ཕྱུང་བའི་སྐྱེས་པ། |
| བུད་མེད་དང་གནས་གཅིག་ཏུ་ཉལ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྲིམས་གྲོགས་མེད་པར་མཚམས་ནང་གཅིག་ཏུ་བུད་མེད་དང་ནུབ་གཅིག་ལྷན་དུ་གནས་པའོ། ། |
| བུད་མེད་དང་ལྷན་ཅིག་ཏུ་འགྲོ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་བུད་མེད་དང་ལྷན་ཅིག་ཏུ་ཁྲིམས་གྲོགས་མེད་པར་རྒྱང་གྲགས་ལས་འདས་པའི་ལམ་དུ་འགྲོ་བའོ། ། |
| བུད་མེད་དར་མ |
བུད་མེད་ན་ཚོད་དམ་ལང་ཚོ་གཞོན་མ། མིང་གི་རྣམ་གྲངས་ལ་ཁེངས་ལྡན་མ་དང༌། དར་བབ་མ། དྲེགས་ལྡན་མ། རྡུལ་བཅས་མ། བར་པ་མྱོས་མ། མེ་ཏོག་གསར། རྩེ་དགའ་མ། ལང་ཚོ་མ་བཅས་སོ། ། |
| བུད་མེད་བསྐྱངས |
(མངོན་བརྗོད།) ར་རྫི། |
| བུད་མེད་མགོ་གཙང |
རིགས་དང་ཆོས་དང་རྒྱལ་མཚན་གྱིས་བསྲུངས་ཏེ་ཁྱོ་བོ་དང་མ་ཕྲད་པའི་བུད་མེད། |
| བུད་མེད་མངལ་ལྡན |
བུད་མེད་སྦྲུམ་ཅན། |
| བུད་མེད་མཆོག |
བུད་མེད་མཚར་སྡུག་ཅན། མིང་གི་རྣམ་གྲངས་ལ་རྐེད་མེད་མ། ཁ་དོག་མཆོག་གླང་ཆེན་འགྲོས། དགའ་བྱེད་མ། དགའ་མ། སྒེག་མོ། མཆོག་གི་ལྕུག་མ། མཆོག་ལྡན་མ། འཇིགས་ཅན། འདོད་ལྡན་མ། འདོད་མ། སྡུག་གུ་མ། མིག་ཡངས་མ། མྱོས་གསལ་མ། སྨད་ཆེན་མ། མཚན་ལྡན་མ། མཛེས་མ། ཟླ་ཞལ་མ། ཡན་ལག་མཆོག་ལྡན་མ། ཡིད་འོང་མ། གཡོན་མིག་མ། རབ་སྐྱེས། རབ་མྱོས་མ། རི་དྭགས་མིག་ཅན་མ། ལུས་མཆོག་མ། ལུས་ཕྲ་མ། ལུས་བཟང་མ་བཅས་སོ། ། |
| བུད་མེད་ཟླ་མཚན་ཅན |
ཟླ་མཚན་འབབ་པའི་སྐབས་ཀྱི་བུད་མེད། མིང་གི་རྣམ་གྲངས་ལ་རྐེད་ནད་ཅན་མ་དང༌། ཁྲག་ལྡན་མ། དུས་ལྡན་མ། བུད་མེད་ཆོས་ལྡན་མ། མེ་ཏོག་ལྡན་མ་བཅས་སོ། ། |
| བུད་མེད་འདོད་ལྡན་མ |
བུད་མེད་འདོད་ཆགས་ཆེ་བ། མིང་གི་རྣམ་གྲངས་ལ་འཁྲིག་པའི་དགའ་སྟོན་མ་དང༌། མངོན་འགྲོ་མ། ཆགས་ལྡན་མ། དུས་གདབ་མ། འདོད་འགྲོ་མ། འཕྱོན་མ། དབེན་འགྲོ་མ། མྱོས་པའི་ཕྲེང་ལྡན་མ། གཡེལ་མ། རིགས་མྱུར་མ་བཅས་སོ། ། |
| བུད་མེད་རྡུལ |
(མངོན་བརྗོད།) ཟླ་མཚན། |
| བུད་མེད་ལ་ཆོས་སྟོན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྐྱེས་པ་གཞན་མེད་པའི་སར་བུད་མེད་ལ་ཚིག་ལྔ་དྲུག་ལས་མང་བའི་ཆོས་སྟོན་པའོ། ། |
| བུད་མེད་ཤེས་ལྡན་མ |
བློ་གྲོས་དང་ལྡན་པའི་བུད་མེད། མིང་གི་རྣམ་གྲངས་ལ་མཁས་མ་དང༌། རྣམ་མཁས་མ། བློ་ལྡན་མ། ཤེས་ལྡན་མ་བཅས་སོ། ། |
| བུད་རྙིང |
ཡུན་རིང་སྟོང་བར་ལུས་པའི་ཁང་པ་དང༌། ས་ཞིང་སོགས། |
| བུད་ཤིང |
1.མེར་འབུད་བྱའི་ཤིང༌། མིང་གི་རྣམ་གྲངས་ལ་སྦར་བྱ་དང༌། མེ་ཤིང༌། འཚེད་ཤིང༌། ཡམ་ཤིང༌། ཤིང་སྐམ། བསྲེག་བྱ་བཅས་སོ། །2.སྦྱིན་སྲེག་གི་ཡམ་ཤིང༌། |
| བུད་སྟོངས |
མི་རྒྱུད་བུད་དེ་ཁྱིམ་སྟོངས་པ་སྟེ། (དཔེར་ན།) གཞན་དབང་བཤུ་གཞོག་གིས་མནར་བས་ཁྱིམ་ཚོ་མ་ཟིན་པར་བུད་སྟོངས་སུ་ཕྱིན་ལྟ་བུ། |
| བུད་སྟོངས་ཡུལ་གྱར |
ཁང་ཁྱིམ་འཐོར་ནས་མི་རྣམས་ཡུལ་གཞན་དུ་འཁྱར་བ། (དཔེར་ན།) བུད་སྟོངས་ཡུལ་གྱར་གྱི་མི་རྣམས་ལ་བདེ་སྐྱིད་ཀྱི་འཚོ་བ་ཐོབ་པར་ཤོག་ཅེས་པ་ལྟ་བུ། |
| བུདྡྷ་པཱ་ལ |
(ལེགས་སྦྱར།) སངས་རྒྱས་བསྐྱངས་ཏེ། རྒྱ་གར་གྱི་དབུ་མ་ཐལ་འགྱུར་བའི་གྲུབ་མཐའ་སྨྲ་བའི་སློབ་དཔོན་ཞིག |
| བུདྡྷ་པཱ་ལི་ཏ |
(ལེགས་སྦྱར།) སློབ་དཔོན་སངས་རྒྱས་བསྐྱངས་ཀྱིས་མཛད་པའི་དབུ་མ་རྩ་ཤེས་འགྲེལ་པ་གཞུང་གསུང་བ་པོའི་སྒོ་ནས་མཚན་བཏགས་པ། |
| བུདྡྷ་ཤྲཱིཤནྟི |
(ལེགས་སྦྱར།) བོད་དུ་ཕེབས་མྱོང་བའི་རྒྱ་གར་གྱི་སློབ་དཔོན་ཞིག |
| བུདྡྷཿ |
བུད་དྷ་ཡི་འབྲི་སྲོལ་གཞན་ཞིག |
| བུན |
1.བུ་ལོན་གྱི་བསྡུས་མིང༌། (དཔེར་ན།) དངུལ་བུན། འབྲུ་བུན་ཞེས་པ་ལྟ་བུ། 2.སྨུགས་པའི་མིང་གཞན། (དཔེར་ན།) ན་བུན་ཞེས་པ་ལྟ་བུ། 3.(རྒྱན་ཚིག) ཉུང་ངུ་དང་ཆུང་བའི་དོན་ཏེ། (དཔེར་ན།) ཟས་བུན་རེ་བྱིན་ལྟ་བུ། |
| བུན་དངུལ |
བུ་ལོན་སྤྲོད་ལེན་བྱ་རྒྱུའི་དངུལ་ཏེ། (དཔེར་ན།) བུན་དངུལ་འཇལ་བ་ལྟ་བུ། |
| བུན་བདག |
བུན་སྐྱེད་གཏོང་བ་པོ། |
| བུན་བུན |
(རྒྱན་ཚིག) 1>ལང་ལོང་གི་དོན་ཏེ། (དཔེར་ན།) སྨུགས་པ་བུན་བུན་ཙམ་ལངས། སྤྲིན་བུན་བུན་ཞིག་འཁྲིགས་ལྟ་བུ། 2>སེམས་སྣང་མི་གསལ་བའི་དོན་ཏེ། (དཔེར་ན།) དོན་དེ་སེམས་ན་བུན་བུན་ཙམ་མ་གཏོགས་མེད་ལྟ་བུ། |
| བུན་འདེད |
བུ་ལོན་གྱི་དངོས་པོ་བསྙེགས་ཏེ་ལེན་པ། (དཔེར་ན།) སྤྲོད་དམིགས་ཞན་ལ་བུན་འདེད་མང་བ་ནི་སྡུག་བསྔལ་རེད་ཅེས་པ་ལྟ་བུ། |
| བུན་འབབ་ངོ་སྐྱེད |
བུན་འབོར་མ་སྐྱེད། |
| བུན་འབྲེལ |
བུན་བདག་དང་བུན་ལེན་གྱི་འབྲེལ་བ། (དཔེར་ན།) སྤྲད་ནས་འཕྲོད་རྒྱུ་མེད་པའི་བུན་འབྲེལ་ལྟ་བུ། |
| བུན་འཛིན |
བུ་ལོན་བླངས་པའི་འཛིན། |
| བུན་ཡིག |
བུ་ལོན་ཕར་སྤྲོད་ཚུར་ལེན་གྱི་ཡི་གེ། |
| བུན་རེ |
ཕྲན་བུ་རེ་ཞེས་པའི་དོན་ཏེ། (དཔེར་ན།) བྱས་རྗེས་བུན་རེ། ཉམས་མྱོང་བུན་རེ། མ་དངུལ་བུན་རེ་ལྟ་བུ། |
| བུན་ལེན་པ |
1.འབྲུ་དངུལ་གྱི་བུ་ལོན་ལེན་མཁན། 2.བུ་ལོན་ལེན་པ། |
| བུན་ལོང |
ཟིང་ཟིང་བུན་བུན། |
| བུན་སྐྱེད |
1.བུ་ལོན་དང་སྐྱེད་ཀ། 2.བུ་ལོན་གྱི་སྐྱེད་ཀ་སྟེ། (དཔེར་ན།) ། བུན་སྐྱེད་ལྕི་མོས་དབུལ་ཐོག་དབུལ་བརྩེགས་བྱུང༌ལྟ་བུ། |
| བུབ |
1.(བྱེད་མེད་ལས་ཚིག) སྣོད་ཀྱི་ཁ་འོག་ངོས་སུ་བསྟན་པའི་དོན་ཏེ། (དཔེར་ན།) སྣོད་ཁ་བུབ་ལྟ་བུ། 2.མདུན་ངོས་འོག་ཕྱོགས་སུ་བསྟན་པའི་དོན་ཏེ། (དཔེར་ན།) ཁ་བུབ་ཏུ་ཉལ་ལྟ་བུ། |
| བུབ་ཀ |
བུབ་ཁ་དང་འདྲ། |
| བུབ་ཁ |
ཕམ་ཁའི་དོན་ཏེ། (དཔེར་ན།) ཁེ་དང་རྒྱལ་ཁ་གཞན་ལ་སྦྱིན། གྱོང་དང་བུབ་ཀ་རང་གིས་ལེན་ལྟ་བུ། |
| བུབ་ཐལ |
གྱོང་གུད་ཆེ་དྲགས་པའམ་ཧ་ལོག་པ། |
| བུབས |
ཧྲིལ་བོའི་མིང་། (དཔེར་ན།) ཤ་བུབས་གཅིག་གོ་རེ་བུབས་གཅིག་ཕྲུག་བུབས་གཅིག་རས་བུབས་གཅིག་ཅེས་པ་སོགས་ལྟ་བུ། |
| བུབས་ཚང |
དངོས་པོ་གང་རུང་ཆ་ཚང་བ། (དཔེར་ན།) གོས་ཆེན་བུབས་ཚང་གཅིག ལུག་ཤ་བུབས་ཚང༌ལྟ་བུ། |
| བུབས་རིལ |
སྣམ་རས་སོགས་ཡུག་ཚང་ངམ་ཡུག་ཧྲིལ་ཏེ། (དཔེར་ན།) རས་ཆ་བུབས་རིལ་ཞིག་ཉོས་ལྟ་བུ། |
| བུབས་ལོང |
ཡུག་ཚང༌། གོས་ཆེན་བུབས་ལོང༌། |
| བུམ་ཁེབས |
བུམ་པའི་ཁེབས། |
| བུམ་ཁྱིམ |
ཉི་མའི་ཁྱིམ་བཅུ་གཉིས་ཀྱི་གྲས་ཤིག་སྟེ་ཁྱིམ་བཅུ་གཅིག་པ། ཁྱིམ་ཞག་ཉི་བར་སྐར་གནས་ཉེར་གཉིས་དང་ཆུ་ཚོད་སུམ་ཅུ་འཆར་ཚེ་ཉི་མ་བུམ་པའི་ཁྱིམ་དུ་སྤྱོད། |
| བུམ་གདན |
བུམ་པ་འཇོག་སའི་གཞིའམ་སྟན། |
| བུམ་ཆུ |
1.བུམ་པའི་ནང་གི་ཆུ། 2.འབབ་ཆུ་ཞིག ཆུ་འགོ་གཉའ་ནང་རྫོང་གི་བྱང་རྒྱུད་ལྷ་རྒོད་གངས་རིའི་ལྷོ་ངོས་ནས་བྱུང་ཞིང་དིང་རི་རྫོང་དང་གཏིང་སྐྱེས་རྫོང་བརྒྱུད་ནས་བལ་ཡུལ་དུ་འབབ། |
| བུམ་དབང |
རྒྱུད་སྡེ་ཕྱི་ནང་ཐུན་མོང་དུ་བསྐུར་བའི་སྨིན་བྱེད་ཀྱི་དབང་རྡུལ་ཚོན་དང་རས་བྲིས་ལ་སོགས་པའི་དཀྱིལ་འཁོར་ལ་བརྟེན་ནས་ཆུ་དང་དབུ་རྒྱན་སོགས་སློབ་མའི་ལུས་ལ་བསྐུར་ཞིང་ལུས་ཀྱི་དྲི་མ་སྦྱངས་ནས། ལམ་བསྐྱེད་རིམ་བསྒོམ་པ་ལ་དབང་ཞིང་འབྲས་བུ་སྐུ་རྡོ་རྗེ་སྤྲུལ་བའི་སྐུ་ཐོབ་པའི་སྐལ་བ་རྒྱུད་ལ་འཇོག་བྱེད་ཀྱི་དབང༌། |
| བུམ་དབང་བཅུ་གཅིག |
ཆུ་དང༌། ཅོད་པན། རྡོ་རྗེ། དྲིལ་བུ། མིང་དབང་སྟེ་སློབ་མའི་དབང་ལྔ་དང༌། རྡོ་རྗེ་སློབ་དཔོན་གྱི་དབང་སྔགས་ཀྱི་དབང༌། ལུང་བསྟན་དང་དབུགས་དབྱུང་གཉིས་གཅིག་ཏུ་མཛད་པའི་དབང༌། རྡོ་རྗེའི་བརྟུལ་ཞུགས་ཀྱི་དབང༌། སྤྱོད་པའི་བརྟུལ་ཞུགས་ཀྱི་དབང༌། རྗེས་གནང་བཅས་བཅུ་གཅིག |
| བུམ་དར |
བུམ་པར་གཡོག་བྱའི་ཁ་བཏགས། |
| བུམ་ནང་མར་མེ |
ཡོན་ཏན་ཕྱིར་མི་ངོམས་པའི་དཔེ། |
| བུམ་པ |
1.ཁ་གཡེར་བ་དང་ལྟོ་ལྡིར་བའི་སྣོད་ཅིག (དཔེར་ན།) ཆང་གི་བུམ་པ། མེ་ཏོག་བུམ་པ། སྣག་བུམ་ཞེས་པ་ལྟ་བུ། 2.ཆུ་འཁོར་དང་ལག་མཆིག་གི་འབྲུ་བླུག་ཁུང༌། |
| བུམ་པ་གང་བྱོ |
རང་ལ་ཡོད་པའི་གདམ་ངག་སོགས་གང་ཡོད་བུ་སློབ་ཚང་མར་བསླབས་པའི་དཔེ། |
| བུམ་པ་ཅན |
1.རླུང་སྒོམ་ཐབས་ཤིག 2.(མངོན་བརྗོད།) མེ་ཏོག་པད་མ། |
| བུམ་པ་བཟང་པོ |
1.འདོད་འཇོའི་བུམ་པ་སྟེ་རྒྱལ་སྲིད་སྣ་བདུན་གྱི་ནང་གསེས་ཤིག 2.ཡུལ་སྲོལ་དུ་གཡང་རྫས་བླུགས་ནས་ས་འོག་གཏེར་དུ་སྦས་པའི་བུམ་པ། |
| བུམ་པ་སྟ་གོན |
དབང་གི་སྟ་གོན་གྱི་ཆོ་གའི་ནང་གསེས་ཤིག་བུམ་པའི་རྒྱུ་དང་མཚན་ཉིད་དང་གྲངས་དང་ནང་གི་བཅུད་དང་མགུལ་ཆིངས་དང་ཁ་རྒྱན་ལ་སོགས་པ་ཚུལ་བཞིན་དུ་བྱས་ལ། དེར་དམ་ཚིག་གི་ལྷ་བསྐྱེད་ནས་ཡེ་ཤེས་པ་གཞུག་ཅིང་དབང་བསྐུར་ལ་མཆོད་ཅིང་བསྟོད་དེ་བཟླས་པ་བྱ་བའོ། ། |
| བུམ་པའི་ཁྱིམ |
བུམ་ཁྱིམ་དང་དོན་གཅིག |
| བུམ་པའི་ལྡོག་པ |
བུམ་པ་དེ་བུམ་པ་རང་གི་ཕྱོགས་ཆ་ཡིན་པའི་ཆ་དེ་ཉིད་དེ། ཆ་རང་རང་གི་ཕྱོགས་དེ་ལ་རང་གི་ལྡོག་པ་ཞེས་པའོ། ། |
| བུམ་བརྒྱ་སྐྱེས |
(མངོན་བརྗོད།) གསེར་སྤྱི། |
| བུམ་བསྐྱེད |
བུམ་པ་ལྷར་བསྐྱེད་པ་དང༌། གཟུངས་ཐག་རྡོ་རྗེས་བུམ་ལྷའི་རྒྱུད་བསྐུལ་བ། དུང་ཆོས་ཀྱི་ཆུ་མཆོད་ཡོན་དུ་ཕུལ་བས་ལྷ་རྣམས་བདེ་སྟོང་ཆེན་པོའི་ངོ་བོར་ཞུ་བ་བུམ་ཆུ་དང་དབྱེར་མེད་དུ་གྱུར་པ་སོགས་ཆོ་ག་བཞིན་བུམ་པ་བསྒྲུབ་པའོ། ། |
| བུམ་མཁན |
(མངོན་བརྗོད།) རྫ་མཁན། |
| བུམ་རྫ |
ཆང་འབེབས་སྐབས་སྦང་གླུམ་འཚོད་སྣོད་ཀྱི་རྫ་མ། |
| བུམ་རྫས |
བུམ་ཆུའི་ནང་དུ་འདེབས་རྒྱུའི་རྫས། |
| བུམ་སྐུ |
བདེ་གཤེགས་སྙིང་པོ། |
| བུམ་སྐྱེས |
(མངོན་བརྗོད།) སྐར་མ་རི་བྱི། |
| བུར |
1.བུ་རམ་ཞེས་པའི་ཚིག་བསྡུས་པ། (དཔེར་ན།) བུར་ཆང་ཞེས་པ་ལྟ་བུ།2.བུ་ལའམ་བུ་རུ་ཞེས་པ་རྣམ་དབྱེ་བསྡུས་པ། (དཔེར་ན།) ཨ་ཕས་བུར་སྐད་ཆ་བཤད་ལྟ་བུ། |
| བུར་ཆང |
ནས་དང༌། གཟེ་མ། གྲོ་གསུམ་པོ་མཉམ་དུ་བཙོས་ནས་བསྙལ་བའི་གླུམ་ལ་བུ་རམ་གྱི་ཆུས་བསིངས་པའི་ཆང་། ནུས་པས་རླུང་ནད་སྤྱི་དང་ཁྱད་པར་དུ་གློ་སྙིང་མཁལ་མར་ཞུགས་པའི་རླུང་དང་རུས་པའི་རླུང་ཚབས་རྣམས་སེལ། |
| བུར་ཐུད |
བུ་རམ་མར་ཕྱུར་རྣམས་བརྫིས་པའི་ཐུད། |
| བུར་ལྡང |
བུ་རམ་གྱི་ཐུམ་བུ་ཆེན་པོའི་མིང་། |
| བུར་ཤིང |
བུ་རམ་ཤིང༌། མིང་གི་རྣམ་གྲངས་ལ་བཅུད་འཛིན་དང་རོ་མངར་ཤིང་ངོ། ། |
| བུལ |
1.(རྒྱན་ཚིག) མགྱོགས་པའི་ལྡོག་ཟླ་། (དཔེར་ན།) རྟ་མགྱོགས་བུལ་རན་པར་འགྲོ་ལྟ་བུ། 2.ཇ་ཁུ་འདོན་བྱེད་ཀྱི་བུལ་ཏོག |
| བུལ་ཆུ |
བུལ་ཕྱེ་བཏབ་པའི་ཆུ། |
| བུལ་ཏོག |
1.ཇའི་ཁུ་བ་འདོན་བྱེད་ཅུ་གང་འདྲ་བ་ཞིག 2.ལན་ཚྭའི་རིགས་ཤིག་རོ་མངར་ལ་ལན་ཚ་བ། ཞུ་རྗེས་སྙོམས། ནུས་པས་ཁ་ཟས་འཇུ། གླང་ཐབས་འཇོམས། སྦོས་པ་གཞིལ། རྨ་རུལ་བ་གསོ། |
| བུལ་པོ |
དལ་བ་སོགས་ཀྱི་དོན་དུ་གོ་བའི་བུལ་བ་དང་འདྲ། |
| བུལ་བ |
1.ལུས་ཀྱི་རྩ་འཕར་སྟངས་དལ་བ། 2.དལ་བའམ་འགོར་བ། (དཔེར་ན།) རྟ་ལས་བོང་བུ་བུལ། ལས་ཀའི་ས་ཕྱོད་མགྱོགས་བུལ་རན་པ། གོམ་འགྲོས་བུལ་བ། རྐྱ་པའི་ལྕག་གིས་མ་བསྐུལ་ན། བརྩོན་འགྲུས་རྟ་ཡི་བགྲོད་པ་བུལ་ལྟ་བུ། |
| བུལ་བུལ |
དལ་བུ་དལ་བུ་ཞེས་པའི་དོན་ཏེ། (དཔེར་ན།) འཕྲུལ་འཁོར་བུལ་བུལ་དུ་གཏོང་བ། ལམ་དུ་བུལ་བུལ་བྱས་ནས་ཡོང་ཞེས་པ་ལྟ་བུ། |
| བུལ་མཚོ |
བུལ་ཏོག་ཅན་གྱི་མཚོ། |
| བུལ་འགྲོ |
(མངོན་བརྗོད།) རུས་སྦལ། |
| བུལ་འགྲོས |
དལ་བའི་གོམ་སྟབས་ཏེ། (དཔེར་ན།) བུལ་འགྲོས་མཚམས་མ་བཞག་ན་རུས་སྦལ་ཐག་རིང་དུ་སླེབ་ཡོང༌ལྟ་བུ། |
| བུས |
1.(བྱེད་འབྲེལ་ལས་ཚིག) འབུད་པའི་འདས་པ་དང་སྐུལ་ཚིག དུང་སོགས་ཀྱི་ཁོག་ལ་དབུགས་བཏང་ནས་སྒྲ་འབྱིན་པར་བྱེད་པ། (དཔེར་ན།) དམག་དུང་བུས་ལྟ་བུ།2.བུ་ཡིས་ཞེས་པའི་རྣམ་དབྱེ་བསྡུས་པ། (དཔེར་ན།) བུ་ཡིས་རི་མོ་བྲིས་ཞེས་པར་བུས་རི་མོ་བྲིས་ཞེས་པ་ལྟ་བུ། |
| བུས་པ |
1.གཏོང་བའི་དོན་དུ་གོ་བའི་འབུད་པའི་འདས་པ། 2.བྱིས་པ་ཆུང་ཆུང༌སྟེ། (དཔེར་ན།) བུས་པའི་ལད་མོ་རྒན་པས་བྱེད་ཅེས་པ་ལྟ་བུ། |
| བེ |
རྒྱན་ཚིག་གི་མཐར་སྦྱོར་ཚུལ་གེ་ལ་ལྟོས། |
| བེ་ཁྱི |
(ཡུལ་སྐད།) ནགས་ཆེན་དུ་གནས་པའི་སྲོག་ཆགས་སྲེ་མོང་ལས་ཆུང་ཞིང་ཡང་རྩལ་ཤིན་ཏུ་ཆེ་བ། མཇུག་མའི་སྤུ་རིང་ལ་སྦོམ་པ་མཐོང་འདོད་པ་ཞིག |
| བེ་ཁྲག |
ཤིང་བེ་དོའི་ཚི་བ་རོ་བསྐ་ལ་ཁ། ཞུ་རྗེས་སྙོམས། ནུས་པས་གྲེ་ཐོར་དང་གྲེ་ཚད་འཇོམས། |
| བེ་གེ |
གཞན་ལ་འགོ་བའི་རིམས་ནད་སིབ་བུའི་མིང་གི་རྣམ་གྲངས་ཤིག |
| བེ་ཅི |
(ཡུལ་སྐད།) བྱིས་པ། |
| བེ་ཅོན |
1.རྡེག་བྱེད་ཀྱི་དབྱུག་པ་རིགས་ཤིག་གི་མིང་། གཏུན་ཤིང་ཡང་ཟེར། 2.དབྱུག་པ་དང་དབྱིབས་འདྲ་བའི་གནའ་དུས་ཀྱི་མཚོན་ཆ་ཞིག་གི་མིང་། (དཔེར་ན།) ལྕགས་ཀྱི་བེ་ཅོན་ཞེས་པ་ལྟ་བུ། |
| བེ་ཅོན་འཆང |
(མངོན་བརྗོད།) 1>ཁྱབ་འཇུག 2>གཤིན་རྗེ་རྒྱལ་པོ། |
| བེ་ཆོན |
བེ་ཅོན་དང་འདྲ། |
| བེ་ཏ |
རྟག་པར་སྔོ་བའི་ཤིང་སྡོང་ཧ་ཅང་ཆེན་པོ་ཞིག་ཡིན། ཤིང་ཏོག་ལའང་བེ་ཏ་ཟེར་ཞིང་དེའི་ཁུ་བ་ནི་བཏུང་བ་ཞིམ་པོ་ཞིག་ཡིན། ཤིང་ཏོག་ཟ་རུང་ངལ་སྣུམ་བཙིར་ནའང་ཆོག ། ཤིང་དེའི་ལོ་མས་ཁང་བའི་ཀླད་འགེབ་ཆོག་ལ་ཤིང་གིས་ཡོ་བྱད་ཀྱང་བཟོ་ཆོག |
| བེ་དོ |
ཤིང་བེ་དོའི་མིང་། ཇ་ཤིང་ཡང་ཟེར། |
| བེ་ནོ |
(བརྡ་རྙིང་།) འཛིན་པ། |
| བེ་འབྲས |
ཤིང་བེ་ནག་གི་འབྲས་བུ་མོན་ཆ་ར་རོ་བསྐ། ཞུ་རྗེས་དྲོད། ནུས་པས་འཁྲུ་བ་གཅོད། |
| བེ་ར |
(ཡུལ་སྐད།) ཟ་ཕྲུགས་ལངས་པའི་ཐོར་ནད་ཅིག |
| བེ་རེག |
ཁོང་དུ་ཟས་རིགས་གཞན་བཏུམས་ཡོད་པའི་སྣུམ་གྱི་ཁུར་བ་ཞིག་གི་མིང་། |
| བེ་རྡོ |
དབུས་ཕྱོགས་སུ་བེ་རྡོ་དང༌། ཁམས་དང་ཨ་མདོར་བེ་ལོ་ཟེར་བའི་ཤིང་ཞིག བེ་དོ་བྲིས་པའང་ཡོད། |
| བེ་རྫི |
སྐར་མ་སྣར་མ། |
| བེ་ལེ་ཁ |
མགོ་ཆག་གི་རུས་པ་འདོན་བྱེད་ཡོ་བྱད་ཅིག |
| བེ་ལོ |
(ཡུལ་སྐད།) ཤིང་ཞིག |
| བེ་ལྗང་རེ་རལ |
བེ་ཤིང་གི་ལོགས་སུ་སྐྱེས་པའི་རེ་རལ་གྱི་རིགས་ཤིག་ནུས་པས་ཤ་དུག་དང༌། སྦྱར་དུག་སོགས་དུག་ནད་ཀུན་ལ་ཕན། |
| བེ་ཤ་ཁ |
(ལེགས་སྦྱར།) ཧོར་ཟླ་བཞི་པ། |
| བེ་ཤིང |
སྲ་ཞིང་མཁྲེགས་པའི་ཤིང་ཤིག |
| བེ་སྣབས |
1.སྣ་ནང་གི་གཤེར་ཁུའི་མིང་། 2.དེ་དང་རྣམ་པ་འདྲ་བའི་ལུས་ཀྱི་གཤེར་ཁུའི་མིང་། (དཔེར་ན།) ཕོ་བའི་བེ་སྣབས། རྒྱུ་མའི་བེ་སྣབས་ཞེས་པ་ལྟ་བུ། 3.རྡོ་བེ་སྣབས་ཟེར་བའི་རྡོ་སྨན་ཞིག་གི་མིང་ལ་ཚིག་བསྡུས་ན་བེ་སྣབས་ཟེར། |
| བེག་གེ |
འགོས་ནད་ཀྱི་རིགས་ཤིག ཡུལ་སྐད་དུ་སིབ་བུ་ཟེར། |
| བེང |
1.མགོན་པོ་བེང་ཞེས་ལྷའི་བྱེ་བྲག་ཅིག 2.ལྷའི་ཕྱག་མཚན་བེང་དབྱུག |
| བེང་ཆེན |
ལག་ཆ་དབྱུག་པ་ཆེན་པོ་སྟེ་བཟོ་དབྱིབས་གྲུ་བཞི་དང༌། རྩེ་མོའི་ངོས་བཞི་འབིགས་དང་འདྲ་བ་ལྷའི་ཕྱག་མཚན་ཁྱད་པར་ཅན་ཞིག |
| བེང་དབྱུག |
བེ་ཅོན་ཆེན་པོ། |
| བེད |
1.འོས་པ་དང་ཕན་པ། ཕན་ཁེ་སོགས་ཀྱི་དོན་ཏེ། (དཔེར་ན།) ཆུ་བེད་འཛུགས་སྐྲུན། སྤྱི་རྫས་སྒེར་གྱིས་བེད་སྤྱོད་མི་རུང་། སྐམ་པ་ནི་ཡོ་བྱད་བེད་ཆོད་པ་ཞིག་ཡིན་ལྟ་བུ། |
| བེད་གཅོད |
བེད་སྤྱོད་དང་འདྲ། |
| བེད་ཆོད་པ |
བེད་བཅད་ནས་ཆོད་པ་ཕན་ཐོགས་པ། (དཔེར་ན།) ལག་ཆ་གཅིག་ལེགས་བཅོས་བྱས་ནས་མཁོ་ཆས་མང་པོའི་བེད་ཆོད་སོང༌། ནད་གཞི་དང་མི་འཕྲོད་པའི་སྨན་མང་པོ་བཏང་ཡང་དྲག་སྐྱེད་ཀྱི་བེད་མ་ཆོད་ཅེས་པ་ལྟ་བུ། |
| བེད་སྤྱོད |
ལོངས་སུ་སྤྱོད་པའི་དོན་ཏེ། (དཔེར་ན།) ཟ་འབྲུ་བེད་སྤྱོད་མཁས་པོ་བྱེད་པ། ཉིན་མཁོའི་ཡོ་བྱད་ཀྱི་ཕན་ནུས་མ་རྫོགས་བར་དུ་བེད་སྤྱོད་པ་ལྟ་བུ། |
| བེད་སྤྱོད་འཕེར་བ |
ལོངས་སུ་སྤྱོད་རུང་བ་སྟེ། (དཔེར་ན།) ཤིང་གདུང་ཡིན་ཡང་ལྕགས་གདུང་གཏོང་སར་བེད་སྤྱོད་འཕེར་ལྟ་བུ། |
| བེན |
(རྒྱ་སྐད།) བན་ཡང་ཟེར། ཆང་དང་ཆུ་བླུག་སའི་སྣོད། (དཔེར་ན།) ཆང་བེན། ཆུ་བེན། དུང་བེན། ཆུ་འཆུ་བར་ཕྱིན་ནས་བེན་སྟོང་པར་མི་ལོག་ཅེས་པ་ལྟ་བུ། |
| བེན་ཆང |
བེན་སྣོད་དུ་བླུགས་པའི་ཆང༌། |
| བེན་ཐུལ |
ཟླ་གམ། |
| བེམ |
1.(བྱེད་མེད་ལས་ཚིག) སྦྲིད་པའི་དོན་ཏེ། (དཔེར་ན།) གྲང་ནས་ལུས་བེམ་པ་ཞེས་པ་ལྟ་བུ། 2.བེམ་པོ་ཡི་ཚིག་བསྡུས་པ། |
| བེམ་ཏོལ |
བེལ་རྡོལ་དང་འདྲ། |
| བེམ་ཏོལ |
བེལ་རྡོལ་གྱི་འབྲི་ཚུལ་གཞན། |
| བེམ་པོ |
1.སྲོག་ཆགས་ཤི་བའི་རོའི་མིང་ལ་བེམ་པོ་ཟེར། 2.གནའ་དཔེར་ཤེས་ཚོར་མེད་པའི་དངོས་པོའི་མིང་། (དཔེར་ན།) མེ་ཏོག་མཛེས་ཀྱང་སེམས་མེད་བེམ་པོའི་ཆོས་ཞེས་པ་ལྟ་བུ། 3.མཚན་ཉིད་རིག་པའི་དཔེ་ཆའི་ནང་དུ་དབང་བོ་ལྔའི་ཡུལ་ལ་བེམ་པོ་ཟེར་ཏེ། (དཔེར་ན།) བེམ་རིག(བེམ་པོ་དང་རིག་པ)ཅེས་པ་ལྟ་བུ། 4.ལྭ་བར་ཚངས་ཅན་གྱི་མིང་། (དཔེར་ན།) རྣལ་འབྱོར་བའི་བེམ་པོ་འདི་ཡག་པོ་འདུག(《མི་ལ་རས་པའི་རྣམ་ཐར》དུ་གསལ)ལྟ་བུ།5.བར་ཚངས་ལ་སྲིན་བལ་མཐུག་པོ་བཞག་པའི་མཚོན་ཆ་འགོག་བྱེད་ཀྱི་ལྭ་བ་ཞིག་གི་མིང་། དེ་ལ་གོ་བ་ཡང་ཟེར། ཚིག་བསྡུས་ན་བེམ་ཞེས་འབྲི། |
| བེམ་པོ་ཞལ་གྲིལ |
ཡོན་ཏན་མེད་པར་ཡོད་མདོག་གིས་ཁ་ཤོབ་རྫིག་པོ་ཤོད་མཁན། |
| བེམ་རིག |
ལུས་དང་ཤེས་པ། (དཔེར་ན།) གདམས་ངག་ཉམས་རྟོགས་ཅི་ཡོད་དེ། རང་ཉིད་བེམ་རིག་བྲལ་ཉིན་གསལ་ཞེས་པ་ལྟ་བུ། |
| བེམ་རིག་གཉིས |
གཟུགས་དང་ཤེས་པ་གཉིས། |
| བེམ་རིག་བྲལ་བ |
ལུས་སེམས་བྲལ་བ་སྟེ་ཤི་བ། |
| བེམ་རྩེག |
འབྲུམ་བུ་དཀར་པོའི་མིང་གི་རྣམ་གྲངས་ཤིག |
| བེམ་ལྡེམ |
བེམ་པོའི་སྒྲུང༌། |
| བེམ་ཤེས |
སེམས་ལྡན་དང་སེམས་མེད། (དཔེར་ན།) བེམ་ཤེས་གཅིག་པར་ཐལ་བའི་སྐྱོན་ཞེས་པ་ལྟ་བུ། |
| བེམ་ཧྲུལ |
གོས་རྙིང་རལ་པོ། |
| བེའུ |
འབྲི་དང༌། བ་མཛོའི་ཕྲུ་གུ་སྤྱིའི་མིང༌། (དཔེར་ན།) མངལ་ཆགས་པའི་མ་ཕྱུགས་ལ་བདག་སྤྲོད་ཡག་པོ་མ་བྱས་པས་བེའུ་ཤོར་བ། བེའུ་ཆུང་མ་ཡི་རྗེས་སུ་འབྲང༌ཞེས་པ་ལྟ་བུ། |
| བེའུ་ཁང |
(ཡུལ་སྐད།) འབྲི་དང་བ་ཕྱུགས་ཀྱི་ཕྲུ་གུའི་ལྷས་ཏེ་བེའུ་ཚང་ཡང་ཟེར། |
| བེའུ་གདང |
བེའུ་རྡང་དང་འདྲ། |
| བེའུ་གོག |
(ཡུལ་སྐད།) བེའུ། |
| བེའུ་དྭ |
(ཡུལ་སྐད།) མ་ཕྱུགས་ཤི་བའི་བེའུ། |
| བེའུ་ཕྲུག |
སྤུ་འཇམ་ཅུང་རིང་བོ་ཅན་གྱི་བལ་ཐགས་དངོས་རྫས་རིགས་ཤིག་གི་མིང་། |
| བེའུ་བུམ |
མན་ངག་ཕྲན་བུ་མང་བོ་ཕྱོགས་གཅིག་ཏུ་བསྒྲིགས་པའི་དཔེ་དེབ་ཀྱི་མིང་། (དཔེར་ན།) སྨན་གྱི་བེའུ་བུམ་ཞེས་པ་ལྟ་བུ། |
| བེའུ་བུམ་ཁྲ་བོ |
བཀའ་གདམས་པའི་དགེ་བཤེས་གླང་ཐང་པས་དམིགས་པ་རྣམས་ས་བཅད་བརྒྱད་དུ་མཛད་པའི་བློ་སྦྱོང་ཚིག་བརྒྱད་མ་ལ་ཟེར་བར་གྲགས་ཤིང༌། ཤའོ་སྒང་པའི་བློ་སྦྱོང་ཟེར་བ་དེ་ཡིན་ནམ་སྙམ་ཞེས་ཐུའུ་བཀྭན་ཆོས་ཀྱི་ཉི་མའི་གྲུབ་མཐའ་ལས་བཤད། |
| བེའུ་བུམ་སྔོན་པོ |
བཀའ་གདམས་པའི་བྱང་ཆུབ་ལམ་རིམ་གྱི་སྐོར་དགེ་བཤེས་པོ་ཏོ་བའི་གསུང་སྒྲོས་ལྟར་དོལ་པ་ཤེས་རབ་རྒྱ་མཚོས་བསྒྲིགས་པ་ཞིག |
| བེའུ་རས |
ངོས་གཉིས་ཀར་སྤུ་ཡོད་པའི་རས། |
| བེའུ་རྡང |
བེའུ་རྣམས་བསྟར་བསྒྲིགས་ཏེ་འདོགས་སའི་ཐག་པ། |
| བེའུ་ལྗང་འདྲིད |
བེའུ་ལྗང་སྔོན་གྱིས་འདྲིད་པ་ལྟར་མགོ་སྐོར་རམ། སླུ་འདྲིད་བྱེད་པའི་དཔེ། (དཔེར་ན།) མ་རུངས་ཁོག་བཅངས་ཀྱིས་བེའུ་ལྗང་འདྲིད་ལྟ་བུའི་རོགས་རམ་བྱེད་ཁུལ་ལ་དང་ལེན་བྱེད་རྒྱུ་མེད་ཅེས་པ་ལྟ་བུ། |
| བེའུ་ལྡག |
1.འབྲི་སོགས་ཀྱིས་བེའུ་ལྕེས་ལྡག་པ། 2.(ཡུལ་སྐད།) མིའི་ཁར་སྐྱེ་བའི་རྨ་ཤུའི་རིགས་ཤིག |
| བེར |
1.ཕུ་རུང་མེད་པའི་ལྭ་བ་རིང་བོའི་མིང་། (དཔེར་ན།) བྱིས་པའི་ལུས་ལ་བེར་གྱོན། འཇོལ་བེར། བེར་ཐུལ་ཞེས་པ་ལྟ་བུ། 2.སྦྲིད་པའི་མྱོང་ཚོར་རིགས་ཤིག (དཔེར་ན།) གཡེར་མ་ཟོས་ན་ཁ་བེར། ཁ་བེར་བེར་བྱེད་ལུས་པོ་ཚ་བེར་བེར་བྱེད་ལྟ་བུ། ཁ་སྐད་དུ་བ་རེ་བེར་རེ་ཟེར་ཏེ། (དཔེར་ན།) གཡེར་མ་ཟོས་ནས་ཁ་བ་རེ་བེར་རེ་བྱེད་ལྟ་བུ། |
| བེར་ཀ |
རྟ་ནོར་སྐུལ་བྱེད་ཀྱི་དབྱུག་པ་ཆུང་ངུའི་མིང་། (དཔེར་ན།) རྟ་ལ་བེར་ཀས་བསྐུལ། བེར་ལྕག སྦ་བེར་ཞེས་པ་ལྟ་བུ། |
| བེར་གཤོལ |
མཁྲེགས་ཤིང་བེར་དོས་བཟོས་པའི་གཤོལ། |
| བེར་ཆེན |
ཟླ་གམ་གཟབ་ཆེན། |
| བེར་དོ |
མཁྲེགས་ཤིང་གི་རིགས་ཤིག་སྟེ་བེ་རྡོའམ་བེ་ལོ་ཡང་ཟེར། |
| བེར་ནག |
སྔགས་པའི་ཆས་ཀྱི་གོས་ནག་པོ་ཞིག |
| བེར་མ་ལྕག |
དབྱུག་པ་དང་རྟ་ལྕག་གཉིས་ཀར་གོ་ཆོད་པའི་བེར་རྒྱུག་ལྕག་ཚན་ཅན། |
| བེར་ཟླམ |
ཕྱམ་ཙེའམ་ཟླ་གམ། |
| བེར་འབྲུ |
ཤིང་བེར་དོའི་འབྲས་བུ། |
| བེར་རྒྱུག |
ཤིང་བེར་དོས་བཟོས་པའི་བེར་དབྱུག་འདི་སྔར་ཁྲིམས་ཆས་སུ་སྤྱོད་པ་ཞིག |
| བེར་ལོ |
ཤིང་བེར་དོའི་ལོ་མ། |
| བེར་ལྕག |
བེར་མ་ལྕག་གི་བསྡུས་ཚིག |
| བེར་ཤ |
བེར་དོའི་སྡོང་པོའི་ཁྲོད་དུ་སྐྱེས་པའི་ཤ་མོ། |
| བེར་སོལ |
ཤིང་བེར་དོ་བསྲེགས་པའི་སོལ་བ། |
| བེརྒ |
(ལེགས་སྦྱར།) ཡིག་མགོ ༄༅། འདིའི་མིང། |
| བེལ |
བེའུ་མིང་སྟེ། (དཔེར་ན།) འབྲི་བེལ། བ་བེལ། བེལ་ཕོ་མོ་ཞེས་པ་ལྟ་བུ། |
| བེལ་རྡོལ |
མཐེ་བོང་དང་གུང་མོ་གཉིས་སྦྱར་བའི་ཤུགས་ཀྱིས་གཏོགས་པའི་སྒྲ། |
| བེལ་རྡོལ |
མཛུབ་མོ་ལྡེམ་པའི་མིང་ བེལ་རྡོལ་བརྒྱབ་ལྟ་བུ། |
| བེལ་སྣབས |
1.བད་ཀན་གྱི་སྐྱུགས་པ། 2.མེ་རྡོ་ལེགས་པ་འོད་ཅན་ཞིག 3.རྡོ་སྨན་ཞིག |
| བཻ་ཌཱུརྱ |
འཁྲུལ་མེད་ནི་གཏེར་ནས་ཐོན་པའི་རིན་ཆེན་མདོག་སྔོ་ལ་དྭངས་པ་རིན་ཐང་ཧ་ཅང་ཆེ་བ་ཞིག་ཡིན། |
| བཻ་དཀར་གཡའ་སེལ |
རབ་བྱུང་བཅུ་གཉིས་པའི་ས་འབྲུག་ལོར་སྡེ་སྲིད་སངས་རྒྱས་རྒྱ་མཚོས་མཛད་པའི་རྩིས་ཀྱི་བསྟན་བཅོས་བཻཌཱུརྻ་དཀར་པོའི་དོགས་གནས་ལ་འཕྱོངས་རྒྱས་ལག་ངག་དབང་གིས་དྲི་བ་བརྒྱ་དང་བརྒྱད་ཞུས་པའི་ལན་དུ་བརྩམས་པའི་བསྟན་བཅོས་ཤིག |
| བཻ་རོ་ཙ་ན |
(ལེགས་སྦྱར།) 1>རྣམ་པར་སྣང་མཛད། 2>བོད་རྒྱལ་ཁྲི་སྲོང་ལྡེ་བཙན་སྐབས་སྙེ་མོ་གན་ཇག་བ་གོར་ཟེར་བའི་སྲས་སུ་འཁྲུངས་ཤིང༌། བསམ་ཡས་སུ་བོད་ཀྱི་རབ་བྱུང་ཐོག་མར་སྒྲུབ་དུས་བཙུན་པ་ལེན་ནམ་མི་ལེན་ཚོད་ལྟ་བྱས་པའི་སད་མི་མི་བདུན་གྱི་ཡ་གྱལ་དང༌། ལོ་ཙཱ་བ་རྒན་གསུམ་གྱི་ནང་ཚན་ཞིག་ཀྱང་ཡིན། འདིས་རིག་པ་དྲུག་ཅུ་པ་མདོར་བཤད་དང༌། སྣང་མཐའི་མཚན་བརྗོད་སོགས་བསྒྱུར། |
| བཻཌཱུརྻ |
(ལེགས་སྦྱར།) རིན་པོ་ཆེའི་རིགས་ཤིག་རི་བཻཌཱུརྻ་ལས་བྱུང་བས་བཻཌཱུརྻ་ཞེས་བྱ་རྣམ་འགྲེལ་ལས་རིན་ཆེན་སྔོན་པོ་ཞེས་དང༌། རྣ་རྒྱན་དུ་སེར་པོ་དང༌། ལྗང་ཁུ་དང༌། དཀར་པོའང་ཡོད་གསུངས། མིང་གི་རྣམ་གྲངས་ལ་སྤྲིན་ཆེན་དང༌། གཞོན་སྐྱེས་སོ། ། |
| བཻཌཱུརྻ་དཀར་པོ |
1.རིན་པོ་ཆེ་ཞིག 2.རབ་བྱུང་བཅུ་གཅིག་པའི་ཤིང་གླང་ལོར་སྡེ་སྲིད་སངས་རྒྱས་རྒྱ་མཚོས་བརྩམས་པའི་སྐར་རྩིས་ཀྱི་གཞུང་ཞིག |
| བཻཌཱུརྻ་སེར་པོ |
1.རིན་པོ་ཆེ་ཞིག 2.རབ་བྱུང་བཅུ་གཉིས་པའི་ས་སྟག་ལོར་སྡེ་སྲིད་སངས་རྒྱས་རྒྱ་མཚོས་བརྩམས་པའི་དགེ་ལུགས་པའི་དགོན་པ་དང་བླ་མ་གྲགས་ཅན་སོགས་ཀྱི་ལོ་རྒྱུས་ཆོས་འབྱུང་ཞིག |
| བཻཌཱུརྻ་སྔོན་པོ |
1.རིན་པོ་ཆེ་ཞིག 2.གསོ་བ་རིག་པའི་བསྟན་བཅོས་སྨན་བླའི་དགོངས་རྒྱན་རྒྱུད་བཞིའི་གསལ་བྱེད་བཻཌཱུརྻ་སྔོན་པོ་སྡེ་སྲིད་སངས་རྒྱས་རྒྱ་མཚོས་དུས་རབས་བཅུ་བདུན་པའི་ནང་མཛད་པའི་དཔལ་ལྡན་གསོ་བ་རིག་པའི་རྒྱུད་བཞིའི་འབྲུ་འགྲེལ་ཞིག |
| བཻཌཱུརྻའི་མདོག་ཅན |
(མངོན་བརྗོད།) ཙན་དན་སྦྲུལ་གྱི་སྙིང་པོ། |
| བཻཤྲ་བཎཿ |
(ལེགས་སྦྱར།) རྣམ་ཐོས་སྲས། |
| བོ |
1.མིང་གི་ཆ་ཤས་ཤིག (དཔེར་ན།) ཁ་དོག་སྐྱ་བོ། ཆུ་བོ། རི་བོ་ལྟ་བུ། 2.སུམ་འགྲེལ་འགར་ཕོ་མཚོན་པར་བྱེད་པའི་བདག་སྒྲ་ལ་འཇུག་པར་བཤད། 3.བ་མཐར་སྦྱར་རྒྱུ་སླར་བསྡུའི་ཕྲད་ཅིག |
| བོ་དེ་ཙེ |
(རྒྱ་སྐད།) འཕྲེང་བའི་རྒྱུར་རུང་བ་ཤིང་འབྲས་ཀྱི་ཚི་གུ་ཞིག |
| བོ་དོང |
གཞིས་རྩེ་ས་ཁུལ་གྱི་ས་ཆ་ཞིག་འདིར་བོ་དོང་ཨེའི་དགོན་པ་ཡོད། |
| བོ་དོང་པ |
1.དུས་རབས་བཅོ་ལྔ་པའི་བོད་ཀྱི་མཁས་པ་ཞིག་གི་མིང་། མིང་དངོས་ལ་འཇིགས་མེད་གྲགས་ཟེར་ཞིང་། ཁོས་བརྩམས་པའི་དཔེ་ཆ་དུམ་པ་བརྒྱ་ལྷག་ཡོད་པར་གྲགས། 2.བོ་དོང་ས་ཆའི་མི། 3.བོ་དོང་པའི་གྲུབ་མཐའ་འཛིན་མཁན། |
| བོ་དོང་པཎ་ཆེན |
འདི་ལ་ཕྱོགས་ལས་རྣམ་རྒྱལ་དང༌། འཇིགས་མེད་གྲགས་པ། ཆོས་ཀྱི་རྒྱལ་མཚན་སོགས་མཚན་གྱི་རྣམ་གྲངས་འགའ་ཞིག་ཡོད། རབ་བྱུང་དྲུག་པའི་ཤིང་ཡོས་ལ་འཁྲུངས། རབ་བྱུང་བརྒྱད་པའི་ལྕགས་ལུག་ལ་འདས། བོ་དོང་ཨེའི་བཤད་གྲྭ་ལས་ཐོན་པའི་མཁས་གྲུབ་འདི་མདོ་སྔགས་རིག་གནས་ཐམས་ཅད་ཐུགས་སུ་ཆུད་པའི་གྲགས་པ་ཆེ། ཁྱད་པར་དུ་སྙན་ངག་ལ་མཁས་པའི་ཕུལ་དུ་བྱུང་བར་གྱུར། དེ་ཉིད་འདུས་པ་སོགས་པུ་ཏི་བརྒྱར་ལོངས་པ་ཙམ་བརྩམས། བོད་དུ་བསྟན་བཅོས་བརྩམས་པ་ལ་འདི་མང༌། དཔལ་མོ་ཆོས་སྡིངས་སོགས་དགོན་སྡེ་ཁ་ཤས་བཏབ། དེར་འཆད་ཉན་མཛད་པས་བོ་དོང་བའི་གྲུབ་མཐའ་བྱུང་ནའང་འཕེལ་རྒྱས་ཡུན་ཧ་ཅང་རིང་པོ་མ་བྱུང་བ་འདྲའོ། ། |
| བོ་དོང་ཨེའི་དགོན་པ |
རབ་བྱུང་དང་པོའི་ས་གླང་ལོར་དགེ་བཤེས་མུ་ཏྲ་པ་ཆེན་པོས་བཏབ་པའི་གཙང་ཕྱོགས་ཀྱི་དགོན་པ་ཞིག |
| བོ་དྷི་ས་ཏྭ |
(ལེགས་སྦྱར།) 1>བྱང་ཆུབ་སེམས་དཔའ། 2>མཁན་སློབ་ཆོས་གསུམ་གྱི་མཁན་པོ་ཞི་བ་འཚོ། |
| བོ་བ |
(ཡུལ་སྐད།) རང་བཞིན་གྱིས་ཟག་པའམ་ལྷུང་བའི་དོན་ཏེ། (དཔེར་ན།) དཀར་ཡོལ་བརྟན་བརྟན་མ་བཟུང་ན་ཇ་བོ་ཡོང༌ལྟ་བུ། |
| བོ་རྡོ |
སའི་གོང་བུའམ་རྡོག་པ། |
| བོ་རྡོག |
ལྷམ་མཐིལ་གྱི་མགོ་ཕྱོགས་ཀྱི་རྡོག་པ། |
| བོ་སྒྱེལ |
སྣོད་ནང་གི་ཆུ་སོགས་བོ་དང༌། སྣོད་སོགས་སྒྱེལ་བའམ་འགྲིལ་བ་སྟེ། (དཔེར་ན།) མ་མཐོང་བོ་སྒྱེལ་སྣ་ཚོགས་བྱེད་ཅེས་པ་ལྟ་བུ། |
| བོག |
འབོག་ལ་ལྟོས། |
| བོག་དན |
དགུ་བོག་ཀྱང་ཟེར། མདེལ་གྲངས་དགུ་འགྲོ་བའི་མེ་མདའ། |
| བོག་པ |
1.བརྒྱལ་བའི་དོན་དུ་གོ་བའི་འབོག་པའི་འདས་པ། 2. རླུང་ནད་དང༌། རྩ་དཀར་གྱི་ནད། གཟའ་ནད་སོགས་ཀྱིས་སྨྲ་བརྗོད་མི་ཤེས་པ་བརྒྱལ་བར་གྱུར་པའི་དོན། 3.(བརྡ་རྙིང་།) བརྒྱལ་བ། |
| བོག་རེ |
བང་རིམ་གྱི་བརྡ་རྙིང་། |
| བོག་རྭ |
ཤ་བའི་རྭ་གསར་དུ་བརྗེས་མ་ཐག་པའི་ཁྲག་རྭ། |
| བོགས |
1.ཁེ་བཟང༌གི་དོན་ཏེ། (དཔེར་ན།) ས་བོགས། མི་བོགས་ཞེས་པ་ལྟ་བུ། 2.ཕན་ནུས་ཀྱི་དོན་ཏེ། (དཔེར་ན།) ལོ་ཏོག་གི་ལྗང་པ་རིང་ཙམ་སྐྱེས་མཚམས་ཐོག་མར་བརྒྱབ་པའི་གཏིང་ལུད་ཀྱིས་གཞི་ནས་བོགས་ཐོན་ཡོང༌ལྟ་བུ། |
| བོགས་གཏོང |
ས་ཞིང་དང༌། རྩྭ་ཁ། གནས་ཁང་སོགས་གཞན་ལ་བོགས་མར་གཏོང་བ། |
| བོགས་གཡར |
བོགས་མ་སྤྲད་དེ་གཡར་བ། |
| བོགས་ཆོད |
བློ་སྐྱེད་ཀྱི་ས་ཆོད་པ། |
| བོགས་དངུལ |
བོགས་མ་འཇལ་རྒྱུའི་དངུལ། |
| བོགས་མ |
1.བུ་ལོན་བཏང་བའི་སྐྱེད་ཀའི་མིང་། 2.ཇེ་མང་དང་ཇེ་ཆེར་སོང་བའི་ཁག་གི་མིང་། (དཔེར་ན།) སློབ་སྦྱོང་བྱས་ནས་ཡོན་ཏན་བོགས་ཐོན། བློ་བོགས་ཐོན་པ་བྱུང་ལྟ་བུ། |
| བོགས་ཞིང |
བོགས་མ་གཏོང་ལེན་བྱ་རྒྱུའི་ཞིང་ཁ། |
| བོགས་འདོན་པ |
ཕན་ནུས་ཐོན་པའམ་ཡོང་ཐབས་བྱེད་པ། (དཔེར་ན།) ལས་དོན་གང་དང་གང་གི་ནང་དུ་མི་ཤུགས་ཀྱི་བོགས་འདོན་ཐུབ་པ་གལ་ཆེ་ལྟ་བུ། |
| བོགས་འཕར |
སྔར་གྱི་བོགས་མའི་སྟེང་དུ་གསར་དུ་བསྣན་པའི་བོགས་མ། |
| བོགས་ལེན |
ས་ཞིང་དང༌། རྩྭ་ཁ། གནས་ཁང་སོགས་གཞན་དག་ནས་བོགས་མར་ལེན་པ། |
| བོགས་ལེན་དུད་ཚང |
ས་ཞིང་སོགས་བོགས་མར་ལེན་མཁན་ཁྱིམ་ཚང༌། |
| བོགས་སྐྱེད |
1.བོགས་མ་དང་སྐྱེད་ཀ། 2.གྲུབ་འབྲས་སམ་ཕན་འབྲས། (དཔེར་ན།) སློབ་སྦྱོང་བྱས་ནས་བསམ་བློ་ཡར་ཐོན་ཡོང་བའི་བོགས་སྐྱེད་བྱུང་བ། ད་རེས་ཀྱི་ལས་འགན་སྒྲུབ་པར་དཀའ་ལས་ཆེ་ཙམ་བྱེད་དགོས་བྱུང་ལ། བོགས་སྐྱེད་མི་ཆུང་བ་ཞིག་ཀྱང་ཐོན་ཡོད་ཅེས་པ་ལྟ་བུ། |
| བོང |
1.སྒོ་ཕྱུགས་བོང་བུའི་མིང་བསྡུས་པ། (དཔེར་ན།) རྟ་བོང་། བོང་དྲེལ་ཞེས་པ་ལྟ་བུ།2.རྩྭ་བོང་ངའི་མིང་བསྡུས་པ། 3.བོངས་ཀྱི་འབྲི་ཚུལ་གཞན། 4.རི་བོང་ཞེས་པའི་རི་ཡིག་བསྡུས་པ། (དཔེར་ན།) རི་བོང་འཛིན་པའི་བྱ་ཁྲ་ལ་བོང་ཁྲ་དང་། རི་བོང་འཛིན་པའི་རྒྱ་རྙི་ལ་བོང་རྒྱ་ཟེར་བ་ལྟ་བུ། |
| བོང་གུ |
བོང་བུ་ཆུང་ངུའི་མིང་། |
| བོང་ང |
རྩྭ་ལྡུམ་བོང་ངའི་མིང་། དུག་ཧ་ཅང་ཆེ་བའི་རྩྭ་ལྡུམ་རིགས་ཤིག་ཡིན་ལ། ལས་སྣོན་བྱས་རྗེས་སྨན་བྱེད་ཆོག མིང་བསྡུས་ན་བོང་ཞེས་འབྲི་ཆོག་སྟེ། (དཔེར་ན།) བོང་ང་དམར་བོ་ལ་བོང་དམར་ཟེར་བའི་ལྟ་བུ། |
| བོང་ང་དཀར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་དུག་ཚད་དང༌། རིམས་ཚད། མཁྲིས་ཚད། རྒྱུ་ཚད་བཅས་ལ་ཕན། མིང་གི་རྣམ་གྲངས་ལ་གངས་ཀྱི་ཞུན་ཆུང་དང༌། ཉེ་བའི་དུག་དུག་ལས་བརྒལ། སྤྲེལ་སྨན་བཅད་འབྱོར། བྱེད་ལྡན་སྣང༌། དམར་སྐྱ། སྨན་ཆེན། འཚེ་བྱེད། རྭ་ཅན། ཤིན་ཏུ་དུག་མེད། སོ་སོར་དུག་མེད། སླར་དུག་ཨ་ཛེ་ཤ་བཅས་སོ། ། |
| བོང་ང་དམར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཤ་དུག་དང༌། བཙན་དུག་མཁྲིས་རིམས། འཁྲུགས་ཚད་བཅས་འཇོམས། |
| བོང་ང་ནག་པོ |
སྔོ་སྨན་གྱི་རིགས་ཤིག་རོ་མངར་ལ་ཚ་བ། ཞུ་རྗེས་དྲོད། ནུས་པས་གག་ལྷོག་དང༌། གཉན་རིམས། སྲིན་ནད། ཆུ་སེར། མཛེ་ནད། སྨྱོ་བྱེད། སྟེང་གདོན། སྙིང་རླུང་བཅས་ལ་ཕན། དུག་ཤས་ཆེ། མིང་གི་རྣམ་གྲངས་ལ་ནག་པོ་ཟིལ་ཅན་དང༌། དཔའ་བོ་ཁ་ལ་མེ་ཁྱེར། བཙན་དུག་འཛིན་པ། ར་དུག་གསོད་བྱེད་ནག་པོ། ཧ་ལ་ཧ་ལ། ལྷོག་དུག་ནག་པོ་བཅས་སོ། ། |
| བོང་ང་སེར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཤ་དུག་དང༌། སྦྱར་དུག་བཙན་དུག་སོགས་དུག་ནད་འཇོམས། |
| བོང་ཐོར |
ལོ་གཉིས་པར་སོན་པའི་བོང་བུ། ཅོ་པའང་ཟེར། |
| བོང་དཀར |
བོང་ང་དཀར་པོའི་བསྡུས་མིང༌། |
| བོང་དམར |
བོང་ང་དམར་པོའི་བསྡུས་མིང༌། |
| བོང་ཕྲུག |
བོང་བུའི་རྟེའུ། |
| བོང་བ |
ས་རྡོག་གི་མིང་། (དཔེར་ན།) བོང་བ་གསེར་གཟིགས་ཀྱི་དཔེ་ཞེས་པ་ལྟ་བུ། (འདི་ནི་གཞན་གྱིས་རང་ལ་གུས་པ་བྱས་པ་ལ་ཁེངས་སྐྱུང་བའི་ཚིག་ཡིན) ཁ་སྐད་དུ། པོ་ཐོ་ཟེར། |
| བོང་བ་གསེར་གཟིགས |
བོང་བ་གསེར་དུ་བརྩི་བ་དམན་པའམ་ཐ་ཤལ་བཟང་པོར་བརྩི་པའི་དཔེ་ཁེངས་སྐྱུང་གི་བརྗོད་ཚུལ་ཞིག |
| བོང་བུ |
1.སྒོ་ཕྱུགས་བོང་བུ། (དཔེར་ན།) ཕོ་བོང༌། མོ་བོང༌། བོང་བུའི་རྣ་བར་གསེར་བླུག་པ། བོང་བུ་བཞོན་ནས་བོང་བུ་འཚོལ། བོང་བུ་རང་འོག་ཡོད་ཀྱང་རྨོངས། བོང་བུ་སྔོན་ལ་ས་ཐལ་རྗེས་ལྟ་བུ། མིང་གི་རྣམ་གྲངས་ལ་སྐད་ཆེན་དང༌། གྲོང་དུ་འདྲེན། མགྲིན་བཟང༌། ཆོས་ཅན་རིང༌། རྣ་ཆེན། བྱིན་པ་གཙང༌། བཟོད་པའི་མུ་ཁྱུད། ཤུགས་འགྲོའི་ཕ་བཅས་སོ། །2.(མངོན་བརྗོད།) ལྕགས་མོ་ཡོས་ལོ། |
| བོང་བུ་གྭ་པ |
བོང་བུ་གདོང་གཞུང་དཀར་པོ། |
| བོང་བུ་བ |
བོང་བུ་འདེད་མཁན། |
| བོང་བུ་ལན་ཚ |
སྔོ་སྨན་སྒ་ཚའམ་ལྕེ་ཚ་མེ་ཏོག |
| བོང་བུའི་ཁྲག |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་གྲུམ་བུ་དང༌། རུས་ཚིགས་ཀྱི་ཆུ་སེར་རྒྱས་པ་སོགས་ལ་ཕན། |
| བོང་བུའི་སྤྱོད་པ |
ཟ་ཉལ་འཁྲིག་སྤྱོད་ཙམ་བྱས་ཏེ་སྡོད་པའི་དཔེ། |
| བོང་བྲེས |
བོང་བུར་ལྟོ་སྟེར་སའི་ཁ་བྲེས་སམ་བོང་ར། |
| བོང་མེ |
པོ་ཐོའམ་ལ་མའི་མེ་སྤང་མེ་ཡང་ཟེར། |
| བོང་ཚང |
བོང་བུའི་སྡོད་གནས་སམ་བོང་ར། |
| བོང་ཚིལ |
1.སྲོག་ཆགས་སྨན་གྱི་ནང་ཚན་བོང་བུའི་ཚིལ་བུ་རོ་མངར། ཞུ་རྗེས་སྙོམས། ནུས་པས་པགས་ནད་ཟ་འཕྲུག་དང༌། གླང་ཤུ་སོགས་སེལ། 2.སྔོ་ཞིག |
| བོང་འགྲོས |
བོང་བུའི་གོམ་འགྲོས་ཏེ། (དཔེར་ན།) བོང་འགྲོས་ཀྱི་ཟླ་བ་གཅིག་ཅེས་པ་ལྟ་བུ། |
| བོང་འདན |
འཇིམ་བཟོ་བའི་ལག་ཆ་ཞིག |
| བོང་ཡར |
ལོ་འདིར་ཕྲུ་གུ་མེད་པའི་བོང་བུ་མོ། |
| བོང་རྒྱ |
རི་བོང་འཛིན་བྱེད་ཀྱི་རྒྱ་རྙི། |
| བོང་རྒྱབ |
བོང་བུར་འགེལ་རྒྱུའི་དོ་གཉིས། |
| བོང་རྣ |
1.བོང་བུའི་རྣ་བ། 2.(ཡུལ་སྐད།) གྲོ་སྣུམ་བཙོས་ཀྱི་ཁ་ཟས་ཤིག |
| བོང་རྨེད |
1.བོང་བུའི་རྔ་མའི་འོག་ཏུ་བསྐོན་རྒྱུའི་སྒ་ཆས་ཤིག 2.ལྟེ་བ་ནས་གྱེན་དུ་ཚོན་གང་གཞལ་བའི་སར་ཡོད་པའི་ཕོ་བ་དང་འབྲེལ་བའི་རྩ་ཞིག |
| བོང་སེར |
1.ལྡོང་རོས་ཀྱི་རིགས་ཤིག 2.བོང་ང་སེར་པོའི་བསྡུས་མིང༌། |
| བོང་སྐད |
བོང་བུའི་སྐད། |
| བོང་སྒ |
བོང་བུ་ལ་བསྟད་བྱའི་སྒ། |
| བོངས |
གཟུགས་ཀྱི་གཏོས་ཚད་དེ། (དཔེར་ན།) ལུས་བོངས་ཆེ་ཆུང་སྙོམས་པོ། མི་དེའི་གཟུགས་བོངས་ཆེན་པོ་འདུག་ཅེས་པ་ལྟ་བུ། |
| བོངས་ཚད |
གཟུགས་ཀྱི་གཏོས་ཆེ་ཆུང་གི་ཚད། |
| བོངས་ཚོད |
གཟུགས་སོགས་ཀྱི་གཏོས་ཆེ་ཆུང་གི་ཚོད། |
| བོངས་རྫོགས་པ |
གཟུགས་པོ་ཚད་ལོངས་པ། ལུས་བོངས་རྫོགས་པའི་གཞོན་ནུ། |
| བོད |
བོད་རིགས་འདུས་སྡོད་ཀྱི་ཡུལ་གྲུ། སྟོད་མངའ་རིས་སྐོར་གསུམ་དང༌། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་བཅས་སོ། ། |
| བོད་ཀྱི་ཁོད་དྲུག |
སྔར་བོད་ཡུལ་རུ་ཆེན་ལྟར་འབྱེད་པ་དང༌། ཡུལ་གྱི་དབང་རིས་རྣམ་པ་བཅོ་བརྒྱད་དུ་གཅོད་པ། རྒོད་ཀྱི་སྟོང་སྡེ་དྲུག་ཅུ་རེ་གཅིག་ཏུ་འབྱེད་པ། གཡུང་གི་མི་སྡེ་ཁེང་དང་ཡང་ཁེང་དུ་འབྱེད་པ། ཞང་གསུམ་བློན་བཅས་ཀྱིས་དབུས་ཀྱི་འདུན་ས་འཛིན་པ། དཔའ་སྡེ་གསུམ་གྱིས་མཐའི་སོ་ཁ་སྲུང་བ་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་གཞག་གི་རིགས་ཤིག |
| བོད་ཀྱི་འཇམ་དབྱངས་རྣམ་གསུམ |
བོད་ཀྱི་སྐྱེས་བུ་དམ་པ་རྣམ་གསུམ་སྟེ་ས་སྐྱ་པཎྜི་ཏ་ཀུན་དགའ་རྒྱལ་མཚན་དང༌། ཀུན་མཁྱེན་ཀློང་ཆེན་རབ་འབྱམས་དྲི་མེད་འོད་ཟེར། རྗེ་ཙོང་ཁ་པ་བློ་བཟང་གྲགས་པ་བཅས་གསུམ་མོ། ། |
| བོད་ཀྱི་རི་ཆེན་བཞི |
ལྷ་སར་ཡོད་པའི་ལྕགས་པོ་རི་དང༌། ལྷོ་ཁ་བསམ་ཡས་སུ་ཡོད་པའི་ཧས་པོ་རི། ལྷ་སའི་ལྷོ་ནུབ་མཚམས་སུ་ཡོད་པའི་ཆུ་བོ་རི། གཙང་ཁུལ་དུ་ཡོད་པའི་ཕུང་པོ་རི་བོ་ཆེ་སྟེ་བཞི། |
| བོད་ཀྱི་རིན་པོ་ཆེ |
རྦ་ཁྲི་གཟིགས་ཏེ། མིང་གཞན་སང་ཤི་ཏ་ཟེར་བ་འདི་ཉིད་བོད་རྒྱལ་ཁྲི་སྲོང་ལྡེ་བཙན་སྐབས་མཁན་ཆེན་བོ་དྷི་ས་ཏྭའི་རྗེས་སུ་རབ་ཏུ་བྱུང་བ་དང༌། རྒྱལ་པོས་བོད་ཀྱི་རིན་པོ་ཆེ་ཞེས་མཚན་གྱིས་གཟེངས་སུ་བསྟོད་ཅིང༌། ད་ལྟ་བོད་ཡིག་གི་ཤེར་ཕྱིན་གྱི་མདོ་དེ་ཁོང་གིས་རྒྱ་གར་ནས་གདན་དྲངས་ཏེ་བོད་སྐད་དུ་བསྒྱུར་བ་ཞིག་རེད། |
| བོད་ཁ་བ་ཅན |
གངས་རིས་བསྐོར་བའི་བོད་ཡུལ་གྱི་ལྗོངས། |
| བོད་གངས་ཅན་ལྗོངས |
གངས་རིས་བསྐོར་བའི་བོད་ཡུལ་གྱི་ལྗོངས། |
| བོད་གཞས |
བོད་ལུགས་ཀྱི་གཞས། |
| བོད་གུར་གུར |
1.པྲི་ཡང་ཀུའི་མིང་གི་རྣམ་གྲངས་ཤིག 2.ལྡུམ་རར་སྐྱེ་བའི་གུར་གུམ། |
| བོད་གྲོ |
1.གྲ་མ་རིང་པོ་ཡོད་པའི་གྲོ་དམར་མདངས་ཅན་ཞིག 2.བོད་པའི་གྲོ་ཞིབ། |
| བོད་ཆས |
བོད་ལུགས་ཀྱི་གྱོན་ཆས། |
| བོད་ཆེན་པོ |
མངའ་རིས་སྐོར་གསུམ་དང༌། དབུས་གཙང་རུ་བཞི། མདོ་ཁམས་སྒང་དྲུག་བཅས་ཡོངས་སུ་རྫོགས་པ་དེར་ཟེར། |
| བོད་ཆོལ་ཁ་གསུམ |
ཆོལ་ཁ་གསུམ་ལ་ལྟོས། |
| བོད་ཇ |
ཇ་ཁུ་དང་མར་ཚྭ་སོགས་མཉམ་དུ་བསྲུབས་པའི་ཇ་སྟེ་ཇ་བསྲུབས་མ། |
| བོད་ཐབ |
ས་ལས་བཟོས་པའི་ཐབ། |
| བོད་ཐུག |
བུལ་ཆུར་བརྫིས་པའི་གྲོ་ཟན་གྱི་ཐུག་པའི་བྱེ་བྲག་ཅིག |
| བོད་དངུལ |
སྔར་བོད་ཀྱི་རྒྱུག་དངུལ་ཡིན། སྲང་ལས་ཆེ་བའི་འཇལ་ཚད་སྲང་ལྔ་བཅུ་རེ་ཡོད་པའི་རྡོ་ཚད་རྟ་རྨིག་མ་དང༌། སྲང་ལས་ཆུང་བའི་དངུལ་སིལ་མའི་གྲས་སུ་ཞོ་ཕྱེད་དོ་དང༌། ཞོ་གང༌། ཞོ་ཕྱེད་བཅས་སོ་སོར་ཡོད། དེ་རྗེས་ཟངས་ཀྱི་པད་ཤ་ཞོ་ལྔ་དང༌། ཞོ་གསུམ། ཞོ་གང༌། ཕྱེད་བརྒྱད། སྐར་ལྔ་བཅས་ཀྱི་པར་ཡང་བརྒྱབ་ཡོད། དེའི་རྗེས་ཤོག་བུའི་དངུལ་ལོར་གྱི་ངོས་སུ་སྲང་ལྔ་དང༌། སྲང་བདུན་ཞོ་ལྔ། སྲང་བཅུ། སྲང་ཉེར་ལྔ། སྲང་བརྒྱ་རེ་དང་དེ་མིན་ཟངས་ཊམ་བཅུ་སྒོར་སོགས་འདྲ་མིན་སྣ་ཚོགས་ཀྱང་པར་སྐྲུན་གྱིས་བཀྲམ་པ་རེད། གཞནདངུལ་སྒོར་སྲང་གསུམ་ཞོ་དྲུག་རེ་ཡོད་པ་ཞིག་སི་ཁྲོན་དུ་པར་སྐྲུན་གྱིས་ཁམས་ཁུལ་དུ་དར་རྒྱུན་བྱས་པའི་བོད་དངུལ་རིགས་ཤིག་ཀྱང་ཡོད། |
| བོད་དོར |
རྟ་ཁ་འབྱེད་རྒྱུ་ཡོད་པའི་དོར་མ། |
| བོད་པ་གསལ་བྱེད་ཀྱི་སྒྲ |
རྣམ་དབྱེ་བརྒྱད་པ་སྟེ། (དཔེར་ན།) ཀྱེ ཀྱེ་གྲོགས་པོ་སློབ་སྦྱོང་ཡག་པོ་གྱིས་ལྟ་བུ། |
| བོད་པའི་རྣམ་དབྱེ |
རྣམ་དབྱེ་བརྒྱད་པ་སྟེ། གསལ་བྱེད་ཀྱི་སྒྲ་ནི་ཀྱེ། ཀ་ཡེ། ཝ་ཡེ་རྣམས་སོ། ། |
| བོད་པའི་སྒྲ |
གང་གི་མིང་བརྗོད་པའི་ཚེ་གཙོ་ཆེར་མིང་དེའི་ཐོག་མར་དང༌། ཚིགས་བཅད་ཀྱི་སྐབས་མིང་དེའི་བར་དང༌། མཐའ་མར་ཡང་སྦྱོར་བའི་འབོད་པ་གསལ་བྱེད་ཀྱི་སྒྲ། ཀྱེ། ཀ་ཡེ། ཀྭ་སོགས་འདི་རྣམས་ལ་རྣམ་དབྱེ་བརྒྱད་པའི་མིང་ཐོབ་ཀྱང༌། གོང་གསལ་སྒྲ་སྐད་མཚོན་བྱེད་ཀྱི་མིང་ཙམ་ལས་ལོགས་སུ་རྣམ་དབྱེའི་རྐྱེན་སྟེར་རྒྱུ་མེད་པ་དཔེར་ན། ཀྱེ་གཙོ་འཛིན་ཆེན་པོ། འཐུས་མི་ལྷན་རྒྱས་གསོན་དང་ཀྭ་ཞེས་སོགས་ལྟ་བུ། |
| བོད་ཕག |
བོད་ཡུལ་ནས་ཐོན་པའི་ཕག་པ། དེ་ས་མཐོའི་གནས་བབ་འཕྲོད་པ། ནད་རིམས་འགོག་ཤུགས་ཆེ་བ། གྲང་ངད་བཟོད་ཐུབ་པ། ཕག་ལྟོ་རྩུབ་པོ་ཟ་དགའ་བ་བཅས་ཀྱི་དགེ་མཚན་ཡོད། |
| བོད་བཞུགས་ཨམ་བན |
སྔར་བོད་དུ་སྡོད་པའི་རྒྱ་ནག་གོང་མའི་སྐུ་ཚབ། ཨམ་བན་ཞེས་མན་ཇུའི་སྐད་ཡིན་ཚུལ་འདུག |
| བོད་བརྡ |
1.འབོད་པའི་བརྡ། 2.བོད་ཀྱི་ཡི་གེའི་བརྡ། (དཔེར་ན།) བོད་པས་བོད་བརྡ་མ་ཤེས་པར། ལེགས་སྦྱར་ཤེས་རློམ་བཞད་གད་གནས་ཞེས་པ་ལྟ་བུ། |
| བོད་བསེ |
བོད་དུ་བཟོས་པའི་ཀོ་བསེ། |
| བོད་མཁས་དཔེར་བརྗོད |
སྙན་ངག་མེ་ལོང་གཞུང་གིས་བསྟན་པའི་དཔེར་བརྗོད་ལེགས་པར་བཤད་པ་སྒྲ་དབྱངས་རྒྱ་མཚོའི་འཇུག་ངོགས་ཞེས་པ། དུས་རབས་བཅུ་བདུན་པར་བོད་མཁས་མི་ཕམ་དགེ་ལེགས་རྣམ་རྒྱལ་གྱིས་མཛད་པའོ། ། |
| བོད་མཁས་པ་མི་ཕམ་དགེ་ལེགས་རྣམ་རྒྱལ |
རབ་བྱུང་བཅུ་པའི་ས་རྟ་ལོར་འཁྲུངས། བཀའ་བརྒྱུད་པའི་གྲུབ་མཐའ་འཛིན་མཁན་སྙན་ངག་ལ་མཁས་པའི་གྲགས་པ་ཅན། |
| བོད་མདའ |
བོད་བཟོས་རྫས་མདེལ་མེ་མདའི་ཁ་ནས་བླུག་དགོས་པ་ཞིག |
| བོད་མདའི་མདེལ་ཁུག |
བོད་ཀྱི་མེ་མདའི་མདེའུ་བླུག་སྣོད། |
| བོད་ཚེམ |
ཁབ་རྩེ་ནང་དུ་བཀུག་སྟེ་འཚེམ་སྟངས་ཤིག |
| བོད་ཚེས |
བོད་ཀྱི་ལོ་ཐོའི་རྩི་སྟངས་ལྟར་བརྩི་བའི་ཚེས་གྲངས། |
| བོད་ཟས |
བོད་སྲོལ་ལྟར་མར་ཕྱུར་གྱི་ཁུ་བ་དང༌། མངར་ཆ་བསྲེས་ནས་བརྫིས་པའི་རྩམ་སྤགས་ཀྱི་མར་ཟན་དང༌། བཙོས་ཤ་སྐམ་ཤ་སྡེར་སྒྲིག་ཤ་རྗེན་བཙབས་པ་སོགས་གཙོ་བོར་བྱས་པའི་བཟའ་བཏུང་རྒྱས་པ། |
| བོད་ཟོང |
ཟོང་ནི་ཟོག་གི་དོན་ཡིན་པས་བོད་ནས་ཐོན་པའི་དངོས་ཟོག (དཔེར་ན།) དེང་སང་ཁྲོམ་དུ་བོད་ཟོང་མང་པོ་འཚོང་རྒྱུ་འདུག་ཅེས་པ་ལྟ་བུ། |
| བོད་ཟླ |
བོད་ཀྱི་ལོ་ཐོའི་རྩི་སྟངས་ལྟར་བརྩི་བའི་ཟླ་བ་སྟེ་ཧོར་ཟླ་ཡང་ཟེར། |
| བོད་འབྲོག |
1.བོད་པའི་འབྲོག་པ། 2.(ཡུལ་སྐད།) ཞིང་པ་དང་འབྲོག་པའི་བསྡུས་མིང༌། |
| བོད་ཡིག |
བོད་རིགས་ཀྱི་ཡི་གེ་སྟེ། སྤྱི་ལོའི་དུས་རབས་བདུན་པ་བོད་རྒྱལ་སྲོང་བཙན་སྒམ་པོའི་སྐབས་བོད་ཀྱི་མཁས་པ་ཐུ་མི་སམ་བྷོ་ཊས་རྒྱ་གར་གྱི་ཡི་གེར་དཔེ་བླངས། བོད་ཀྱི་སྐད་ལུགས་གཞིར་བཞག་ནས་གསར་དུ་བཏོད་པའི་ཡིག་སྲོལ་ཞིག རྒྱ་གར་གྱི་གསལ་བྱེད་སུམ་ཅུ་སོ་བཞི་ལས་ལོག་ཡིག་ལྔ་དང༌། འཐུག་ཡིག་ལྔ། མཐར་ཟད་ཟེར་བ་གཅིག་བཅས་བཅུ་གཅིག་དོར། བོད་སྐད་ཀྱི་བརྡ་ལ་ཉེར་མཁོའི་ཅ་ཆ་ཇ་ཞ་ཟ་འ་བཅས་ཡི་གེ་དྲུག་གསར་དུ་བསྣན། ཨ་ཡིག་གསལ་བྱེད་དུ་བསྲེས་ཏེ་གསལ་བྱེད་སུམ་ཅུ་དང༌། རྒྱ་གར་གྱི་དབྱངས་ཡིག་བཅུ་དྲུག་ལས་བོད་ལ་རིང་ཐུང་སོགས་ཀྱི་ཐ་སྙད་མི་དགོས་པས་དབྱངས་བཞིར་གཏན་ལ་ཕབ་ཅིང༌། དེ་ལ་མིང་གཞི་གཙོ་བོར་བྱས་པའི་སྔོན་འཇུག་དང༌། རྗེས་འཇུག་ཡང་འཇུག་བཅས་ཀྱི་དབྱེ་བ་ཕྱེ་བ་དེ་དག་སྔོན་མིང་རྗེས་ཡང་གི་གོ་རིམ་བཞིན་དུ་གཡོན་ནས་གཡས་སུ་འབྲི་བ་དང༌། མིང་གཞི་ལའང༌། གསལ་བྱེད་རྐྱང་པ་དང་མགོ་ཅན། འདོགས་ཅན། མགོ་འདོགས་གཉིས་ལྡན་གྱི་བརྩེགས་ཡིག་བཅས་དང༌། དེ་དག་གི་སྟེང་འོག་ཏུ་དབྱངས་མཚོན་བྱེད་ཀྱི་བརྡ་གང་རུང་ཞིག་སྦྱོར་དགོས་ཡོད་མེད་སྐབས་བསྟུན་བྱ་རྒྱུ། ཡིག་གཟུགས་ལ་དབུ་ཅན་དང་དབུ་མེད་གཉིས་སུ་ཕྱེ་བའི་དབུ་མེད་ལའང་ཀ་ཁ་དང༌། ཟློས་ཧྲལ། ཚུགས་རིང༌། ཚུགས་ཐུང༌། འཁྱུག་མ་ཚུགས། འཁྱུག་སོགས་ཀྱི་ཁྱད་པར་ཡོད་པ་དང༌། ཧོར་ཡིག་གི་ཐོག་ནས་འབྲི་སྲོལ་ཡང་ཡོད། བོད་རིགས་ས་ཁུལ་ཁག་སོ་སོར་རང་རང་གི་ཡུལ་ལུགས་སྐད་གདངས་སོགས་མི་འདྲ་བ་མང་ཙམ་ཡོད་པར་མ་ཟད། ཡི་གེའི་ང་རོ་འདོན་སྟངས་ཀྱང་སྔོན་ཡང་མགོ་འདོགས་རྣམས་ཀྱི་སྒྲ་ཟུར་གསལ་དང་མི་གསལ་སྣ་ཚོགས་ཤིག་ཡོད་ཀྱང༌། ཡི་གེ་འབྲི་སྲོལ་ཚང་མ་གཅིག་མཐུན་ཡིན། སྔར་བོད་ཡིག་འདིའི་ཐོག་ནས་རིག་གཞུང་ཁག་མང་རྩོམ་སྒྱུར་བྱས་ཡོད་པར་མ་ཟད། ད་ལྟའི་ཆར་ཡང་ཆབ་སྲིད་དང༌། དཔལ་འབྱོར། རིག་གཞུང༌། གཞན་ཡང་ཚགས་པར་དང༌། དུས་དེབ་སོགས་འབོར་ཆེན་ཞིག་རྩོམ་སྒྱུར་དང༌། པར་སྐྲུན། ཁྱབ་སྤེལ་བྱས་དང་བྱེད་མུས་སུ་ཡོད། མི་རིགས་གཞན་དང༌། ཕྱི་རྒྱལ་བོད་སྐད་དར་བའི་ས་ཁུལ་དུ་བོད་ཡིག་བེད་སྤྱོད་བྱེད་མཁན་ཡང་ཡོད། |
| བོད་ཡུལ |
གངས་ཅན་ལྗོངས། |
| བོད་རག |
བོད་བཟོས་ཀྱི་ཨ་རག |
| བོད་རིགས |
བོད་ཀྱི་མི་རིགས་ཏེ། ལོ་རྒྱུས་ཀྱི་ཡིག་ཆ་རྙིང་པ་ཕལ་མོ་ཆེ་རྣམས་ལས་འདི་སྐད་ཅེས་གསུངས་ཏེ། ཐོག་མར་མཚོ་ཡོད་པ་རིམ་གྱིས་བྲི་ནས་ནགས་ཚལ་སྟུག་པོ་རྒྱས་པར་མཆེད་པའི་སྐབས་ཤིག་ན་ཡུལ་གྲུ་འཛིན་ནས་ཐུགས་རྗེ་ཆེན་པོའི་བྱིན་གྱིས་བརླབས་པའི་སྤྲེའུ་ཞིག་འོངས་པ་དེ་དང་བྲག་སྲིན་མོ་འདུས་པ་ལས། བོད་མི་བུ་གདུང་དྲུག་བྱུང་སྟེ་དེ་ནས་རིམ་བཞིན་མཆེད་པར་གྲགས། ད་ལྟ་འདིའི་མི་འབོར་གྱི་གྲངས་ས་ཡ་བདུན་ལྷག་ཡོད་པ་རྣམས་མདོ་དབུས་ཁམས་གསུམ་གྱི་ས་ཁུལ་དུ་ཁ་གྲམ་ནས་གནས་ཡོད། དེ་དག་ལས་དབུས་ཕྱོགས་སུ་སྡོད་མཁན་ལ་དབུས་པ་དང༌། གཙང་ཕྱོགས་སུ་སྡོད་མཁན་ལ་གཙང་པ། མངའ་རིས་ཁུལ་དུ་སྡོད་མཁན་ལ་སྟོད་པ། ཤར་ཕྱོགས་སུ་སྡོད་མཁན་ལ། ཨ་མདོ་དང་ཁམས་པ་ཟེར་ཞིང་། མི་རིགས་རང་གི་སྐད་དང་ཡི་གེ་ཆ་ཚང་བ་ཡོད་པའི་ཐོག་ཡུལ་སྲོལ་འཚོ་བའི་གོམས་གཤིས་སོགས་ཁྱད་པར་ཅན་ཡོད་ཅིང༌། སངས་རྒྱས་ཀྱི་ཆོས་ལུགས་ལ་དད་པ་བྱེད་པ་དང༌། སྒྲ་ཚད་བཟོ་གསོ་ནང་དོན་སོགས་བཅུ་ཕྲག་རིག་པའི་རིག་གཞུང་ཟབ་ཅིང་རྒྱས་པ་ཡོད་ཅིང༌། ཤེས་རིག་ལག་རྒྱུན་ཡང་ཕུན་སུམ་ཚོགས་པ་ཞིག་ཡོད། ཐོན་སྐྱེད་ནི་གཙོ་ཆེར་འབྲོག་ལས་དང༌། ཞིང་ལས། ཞོར་དུ་ལག་ཤེས་བཟོ་ལས་སོགས་དར་བ་ཡིན། བོད་འབངས་རྣམས་ལས་ལ་བརྩོན་ཞིང་རྟུལ་ཕོད་ཆེ་བ། ཕྱིའི་བཙན་འཛུལ་ལ་འགོག་རྒོལ་དང༌། རང་ཉིད་ཀྱི་ཕ་ཡུལ་མདོ་དབུས་མཐོ་སྒང་དུ་གཟི་བྱིན་འབར་བའི་ཤེས་རིག་དང་ལོ་རྒྱུས་ཀྱི་རྒྱུན་བསྐྱངས་ཏེ། ཕྱི་ནང་གི་དཀའ་ཁག་སྣ་ཚོགས་ལ་གདོང་གཏད་ནས་འཛམ་གླིང་གི་འགྱུར་ལྡོག་ཆེན་པོའི་ཁྲོད་ཐུན་མོང་མ་ཡིན་པའི་འཚོ་བ་དང་རིག་གནས་ཀྱི་དཔལ་ཡོན་ཞིག་སྐྲུན་བཞིན་ཡོད། |
| བོད་ལུགས |
བོད་ཀྱི་ལུགས་སྲོལ། |
| བོད་ལྕང |
ཤིང་སྨན་ཞིག |
| བོད་ལྗོངས |
1.བོད་ཡུལ། 2.བོད་རང་སྐྱོང་ལྗོངས་ཀྱི་བསྡུས་མིང༌། |
| བོད་ས་གནས |
བོད་ཀྱི་ས་གནས་སམ། ས་ཁུལ། |
| བོད་སྐད |
བོད་ཁ་བ་ཅན་གྱི་མི་རྣམས་ཀྱིས་བརྡ་ལ་ཉེ་བར་བཀོལ་བའི་སྐད་དེ། སྤྱིར་རོང་འབྲོག་གཉིས་ལས་འབྲོག་པའི་སྐད་ནི་འབྲོག་སྡེ་སྟོད་སྨད་བར་གསུམ་ཀུན་ཏུ་ཁྱད་པར་མེད་ཅིང༌། སྒྲ་གདངས་དྲག་ཅིང་གྱོང་ཉམས་ཆེ་ལ་སྔོན་གྱི་སྒྲ་སྦྱོར་གྱི་ཟུར་མ་ཉམས་པར་ཐོན་པ་དང༌། ཞིང་སྡེའི་ཡུལ་ལུང་རྣམས་སུ་སྐད་ཀྱི་ཁྱད་པར་སྣ་ཚོགས་ཡོད་པས་གདངས་འདོན་ཚུལ་སོགས་གཅིག་ཏུ་མ་ངེས། ད་ཆར་ཡོངས་གྲགས་སུ་བོད་ཀྱི་ཡུལ་གྲུ་སྟོད་སྨད་བར་གསུམ་ལ་ལྟོས་ཏེ་ནང་གསེས་རིགས་གསུམ་དུ་ཕྱེ་བ་སྟོད་དབུས་གཙང་གི་སྐད་དང༌། བར་ཁམས་པའི་སྐད། སྨད་ཨ་མདོའི་སྐད་རྣམས་སོ། །བོད་སྐད་ནི་ཧོར་སོག་ལ་སོགས་པ་མི་རིགས་གཞན་པ་ཁག་ཅིག་གིས་བེད་སྤྱོད་གཏོང་བཞིན་ཡོད་པར་མ་ཟད། རྒྱ་གར་དང་། བལ་པོ། འབྲས་ལྗོངས། འབྲུག་པ་བཅས་ཀྱི་རྒྱལ་ཁབ་རྣམས་སུའང་བེད་སྤྱོད་གཏོང་བཞིན་ཡོད། |
| བོད་སྐས |
ཤིང་གདུང་མར་ཉག་ཀ་བཏོན་ནས་བཟོས་པའི་འཛེག་སྐས། |
| བོད་སྒྲ |
འབོད་པའི་སྒྲ་ཀྱེ་དང་ཀྭ་ཡེ་ལྟ་བུ། |
| བོད་སྣེའུ |
བོད་དུ་སྐྱེས་པའི་སྔོ་ལྡུམ་ཞིག |
| བོད་སྨན་མཁས་པ་མི་དགུ |
ཆོས་རྒྱལ་ཁྲི་སྲོང་ལྡེ་བཙན་གྱི་སྐུ་དུས་སུ་བྱུང་བའི་བོད་ཀྱི་སྨན་པ་གྲགས་ཆེན་དགུ་སྟོད་ན་ཆེར་རྗེ་ཞིག་པོ་དང༌། འུག་པ་ཆོས་བཟང༌། བིར་ཆེ་ལེགས་མགོན་གསུམ། བར་ན་གཡུ་ཐོག་མགོན་པོ་དང༌། མི་ཉག་རོང་རྗེ། བྲང་ཏི་རྒྱལ་བཟང་གསུམ། སྨད་ན་གཉའ་པ་ཆོས་བཟང་དང༌། མཐར་བཞི་དར་པོ། སྟོང་པ་གྲགས་རྒྱལ་གསུམ་སྟེ་དགུའོ། ། |
| བོད་སྲན |
བོད་ཀྱི་སྲན་མའམ་སྲན་རིལ། |
| བོདྷིཿ |
(ལེགས་སྦྱར།) བྱང་ཆུབ། |
| བོན |
བོད་ཀྱི་གནའ་བོའི་ཆོས་ལུགས་ཤིག་གི་མིང་། |
| བོན་གཏོ |
བོན་ལུགས་ཀྱི་གཏོ་བཅོས། |
| བོན་གཞུང |
བོན་ལུགས་ཀྱི་དཔེ་ཆ་ཀླུ་འབུམ་སོགས། |
| བོན་གཤེན |
བོན་སྟོན་གཤེན་རབ། |
| བོན་གྱི་ཐེག་པ་རིམ་དགུ |
ཕྱྭ་གཤེན་དང༌། སྣང་གཤེན། འཕྲུལ་གཤེན། སྲིད་གཤེན་ཏེ་རྒྱུའི་ཐེག་པ་བཞི་དང༌། དགེ་བསྙེན་དང༌། དྲང་སྲོང༌། ཨ་དཀར། ཡེ་གཤེན་ཏེ་འབྲས་བུའི་ཐེག་པ་བཞི། ཁྱད་པར་ཆེན་པོའི་ཐེག་པ་གཅིག་སྟེ་དགུའོ། ། |
| བོན་གྱེར |
ཆོས་ལུགས་ཀྱི་རྟ་དབྱངས་བོན་གྱི་འདོན་སྟངས་སུ་སྒྲོག་པ། |
| བོན་པ |
(བརྡ་རྙིང་།) བཟླ་བའམ་འདོན་པ། |
| བོན་པོ |
སྔར་བོད་ཀྱི་ཡུལ་དུ་དར་བའི་ཆོས་ལུགས་ཤིག་ཡིན། འདིའི་སྲོལ་གཏོད་མཁན་སྟོན་པ་གཤེན་རབ་ཀྱི་་ལོ་དུས་ཐད་རེ་ཞིག་དཔྱད་གཞིར་བཞག ཆོས་ལུགས་དེ་དར་ཆེ་བའི་སྐབས་སུ་བརྡོལ་བོན་དང༌། འཁྱར་བོན། བསྒྱུར་བོན་གསུམ་དུ་ཕྱེ་བའི་བོན་དཀར་དང༌། བོན་ནག་གཉིས་ཡོད་ཅིང༌། སྔ་དུས་སུ་ཆོས་སྤྱོད་གཙོ་བོ་ལྷ་འདྲེ་ལ་གསོལ་མཆོད་དང༌། གདོན་སྲི་གནོན་པ་སོགས་ཀྱི་སྒོ་ནས་གཤིན་གསོན་རྣམས་ཀྱི་རྐྱེན་སེལ་ཁོ་ན་སྒྲུབ་པ་དང༌། བོད་རྒྱལ་པུ་དེ་གུང་རྒྱལ་སྐབས་ནས་བཟུང་རྒྱལ་སྲིད་ཀྱི་འདུན་མའི་གྲོས་ཁོངས་ལ་དངོས་སུ་ཚུད་ནས་རྒྱལ་སྲིད་སྐྱོང་རོགས་བྱས། དེ་རྗེས་བོད་ཀྱི་རྒྱལ་པོས་སངས་རྒྱས་ཀྱི་ཆོས་ལུགས་ལ་དད་པ་བྱས་པར་བརྟེན་ཆོས་བོན་གཉིས་ཀྱི་དབར་དུ་འཁོན་འཐབ་དྲག་པོ་བྱུང་བ་དཔེར་ན་ཁྲི་རལ་གྱིས་ཆོས་ལ་བཀུར་སྟི་དང༌། བོན་ལ་གནོན་ཐབས་ཆེན་པོ་བྱས་པས་བོན་བློན་གྱིས་ཁྲི་རལ་བསད་པ་དང༌། གླང་དར་མས་བོན་བློན་གྱི་འདོད་པ་ལྟར་ཆོས་ལུགས་སྣུབ་ཐབས་བྱས་པས་ནང་པའི་རྗེས་འཇུག་པས་དར་མ་བསད་པ་སོགས་བོད་ཀྱི་རྒྱལ་བརྒྱུད་སིལ་བུར་ཐོར་ཏེ་མེད་པར་འགྲོ་བའི་ཉེ་རྐྱེན་ཞིག་ཏུའང་གྱུར། ཕྱིས་སུ་ཆོས་ལུགས་འདིར་ལྟ་སྤྱོད་སྒོམ་གསུམ་སངས་རྒྱས་ཀྱི་ཆོས་ལུགས་དང་འདྲ་བའི་རིག་གཞུང་མང་པོ་ཐོན། དེ་ནས་ཡང་དུ་ཅུང་ཟད་ཉམས་དམས་སུ་སོང་བའོ། ། |
| བོན་པོ་ཇུ་ཐིག་ཅན |
བོན་གྱི་མོ་མ། |
| བོན་པོ་རྔ་ཁུར |
སྔོ་སྨན་གྱི་རིགས་བྲེ་གའི་མིང་གཞན་ཞིག |
| བོན་པོའི་ཐལ་བ |
1.རྟ་བོན་པའི་ཐལ་བ། 2.བྱ་ཝང་གི་སྒྲོའི་ཐལ་བ། |
| བོན་མདོ |
བོན་ཆོས་ཤིག་སྟེ། སྔར་བསྒྱུར་བོན་གྱིས་སངས་རྒྱས་ཆོས་ལུགས་ཀྱི་བསྟན་བཅོས་བསྒྱུར་ནས་བྱུང་བ་རྣམས་སོ། ། |
| བོན་ལུགས |
བོན་པོའི་ཆོས་ལུགས། |
| བོན་ལྷ |
བོན་པོས་བསྟེན་གསོལ་བྱེད་པའི་ལྷ། |
| བོན་སྐུ |
བོན་པོའི་ཆོས་སྐུའི་བརྡ། |
| བོན་སྒྲུང |
བོན་པོ་དང༌། སྒྲུང༌། |
| བོན་སྒྲུང་ལྡེའུ་གསུམ |
སྔར་བོད་རྗེ་པུ་དེ་གུང་རྒྱལ་སྐབས་ཆོས་ལུགས་ཀྱི་བྱ་སྤྱོད་ལ་བརྟེན་ནས་རྒྱལ་སྲིད་སྐྱོང་བྱེད་གསུམ་གྱི་མིང་སྟེ་སྐྱེ་བོ་ཐ་མལ་བ་རྣམས་ལ་ལུང་གི་ཆོས་གོ་སླ་བར་བྱ་བའི་ཕྱིར་གཟུངས་ཀྱི་སྙེ་མ་ལ་སོགས་པའི་སྒྲུང་བསླབས། རིགས་པའི་ཆོས་གོ་བར་བྱ་བའི་ཕྱིར་ལྡེའུ་བསླབས། ཞང་ཞུང་ཡུལ་ནས་བོན་པོ་ཞང་ཞུང་ལྷ་སྡེ་སྤྱན་དྲངས་ནས་བོན་པོ་ཨ་བ་རྣམ་གསས་ཞེས་བྱ་བ་ལ་སློབ་ཏུ་བཅུག་ནད་པ་ལ་མོ་འདེབས་པ་དང༌། ལྷ་གསོལ་བ་དང༌། བོན་བྱེད་པ་དང༌། འདྲེ་བརྡུང་བ་སོགས་གཅིག་གིས་གཅིག་ལ་བསླབས་པས་དར་བར་གྱུར་ཏེ་གདུང་རབས་ཉེར་བདུན་བར་ཆབ་སྲིད་བོན་སྒྲུང་ལྡེའུ་གསུམ་གྱིས་བསྐྱངས་པར་གྲགས་སོ། ། |
| བོབས |
འབབ་པའི་སྐུལ་ཚིག (དཔེར་ན།) སྐས་སྟེང་ནས་མར་བོབས་ཤིག་ལྟ་བུ། |
| བོར |
(བྱེད་འབྲེལ་ལས་ཚིག) འབོར་བའི་མ་འོངས་པ་དང་འདས་པ། དངོས་རྫས་སོགས་བོར་སྟོར་བྱུང་བའི་དོན་ཏེ། (དཔེར་ན།) རྟ་བོར་བའི་སེམས་དང་མ་བོར་སེམས། བོར་བའི་དངོས་པོ་བདག་པོར་སྤྲོད་ལྟ་བུ། |
| བོར་བརླག |
དངོས་ནོར་སྟོར་བརླག |
| བོར་ཚོང |
ཕམ་ཚོང༌། |
| བོར་ཟེགས |
བོར་བརླག |
| བོར་སྟོར |
མ་ཚོར་བར་བརླག་པའམ་འཐོར་བ་སྟེ། (དཔེར་ན།) རང་གིས་གཟབ་གཟབ་མ་བྱས་པས་ལམ་བར་དུ་ཅ་ལག་བོར་སྟོར་ཤོར་སོང་ལྟ་བུ། |
| བོལ |
1.ལག་པའི་ཕྱི་ངོས་དང་རྐང་བའི་ཐོག་ངོས་ཀྱི་མིང་། འདི་ལ་བོལ་གོང་ཡང་ཟེར། (དཔེར་ན།) འཆི་རྩ་བོལ་ལ་བརྟག རྐང་བའི་བོལ་ལེབ། ལག་པའི་བོལ་ཐོག་ཅེས་པ་ལྟ་བུ། ཁ་སྐད་དུ་སྦོལ་ཟེར། 2.འབལ་གྱི་སྐུལ་ཚིག (དཔེར་ན།) ལ་ཕུག་བོལ་ཅིག་ལྟ་བུ། |
| བོལ་གོང |
རྐང་མགོའི་རྒྱབ། (དཔེར་ན།) རྐང་པའི་བོལ་གོང་གི་ཚིགས་བུད་པ་ཞེས་པ་ལྟ་བུ། |
| བོལ་ནུབ |
རྐང་པའི་བོལ་ནུབ་པ་སྟེ། (དཔེར་ན།) ཁ་བ་བོལ་ནུབ་ཙམ་བབས་ཞེས་པ་ལྟ་བུ། |
| བོལ་ཚིགས |
རྐང་རྒྱབ་ཀྱི་རུས་ཚིགས། |
| བོལ་རྩ |
རྐང་པའི་བོལ་གོང་གི་འཕར་རྩ་སྟེ་འཆི་བའི་ཚེ་རྩ་ཐམས་ཅད་ཀྱི་ནང་ནས་འདི་སྔོན་དུ་འཕར་འཕྲོ་ཆད་པར་གསུངས་སོ། ། |
| བོས |
(བྱེད་འབྲེལ་ལས་ཚིག) འབོད་པའི་འདས་པ་དང་སྐུལ་ཚིག། ཚུར་འགུགས་པའི་བརྡ་བཏང་བའི་དོན་ཏེ། (དཔེར་ན།) སྐད་བརྒྱབ་ནས་བྱིས་པ་བོས་ཤིག་ལྟ་བུ། |
| བོས་རྭ |
(ཡུལ་སྐད།) མེ་མདའི་རུ། |
| བྱ |
1.འདབ་ཆགས་སྤྱི། (དཔེར་ན།) ཁྱིམ་བྱ། རྨ་བྱ་ལྟ་བུ། མིང་གི་རྣམ་གྲངས་ལ་མཁའ་འགྲོ་དང༌། མཁའ་བགྲོད། མཁའ་སྤྱོད། མཁའ་ལ་རྒྱུ། མཁར་ཉལ། སྒོང་སྐྱེས། སྒྲོ་ལྡན། གཉིས་སྐྱེས། འདབ་སྐྱོབ། འདབ་ཆགས། འདབ་ལྡན། འདབ་མའི་ཤིང་རྟ་ཅན། ནམ་མཁའི་རྟ། འཕུར་འགྲོ། མེ་ཡི་མགྲིན། ཚང་སྐྱེས། ཡན་ལག་དྲུག་པ། ལུས་མགྱོགས་བཅས་སོ། །2.ལོ་འཁོར་བཅུ་གཉིས་ཀྱི་ཡ་གྱལ་ཞིག3.བྱེད་ཀྱི་མ་འོངས་པ། (དཔེར་ན།) སློབ་སྦྱོང་བྱ། རྩོད་པ་བྱ་ལྟ་བུ། |
| བྱ་ཀ་རུ་ར |
(ལེགས་སྦྱར།) ངང་པ། མིང་གི་རྣམ་གྲངས་ལ་རྒྱང་གྲགས་ཐོས་དང༌། སྒྲ་སྒྲོག་སྒྲ་འབྱིན་ཆེན་པོ་བཅས་སོ། ། |
| བྱ་ཁང |
བྱ་སྡོད་སའི་ཁང་པ། |
| བྱ་ཁྱུ |
བྱ་མང་པོའི་ཚོགས་པ། (དཔེར་ན།) གཟས་ཉི་མ་རིལ་འཛིན་བྱེད་སྐབས་བྱ་ཁྱུས་ཉི་མ་ནུབ་པར་འཁྲུལ་ནས་འཕུར་སྐད་བརྒྱབ་ཅེས་པ་ལྟ་བུ། |
| བྱ་ཁྱུང |
མཁའ་ལྡིང༌། མིང་གི་རྣམ་གྲངས་ལ་སྐར་མིག་བུ་དང༌། སྐྱ་རེངས་ནུ་བོ། མཁའ་འགྲོའི་དབང་ཕྱུག་བཅས་སོ། ། |
| བྱ་ཁྱུང་བྲག |
མཚོ་སྔོན་ཁོངས་གཏོགས་རབ་བྱུང་དྲུག་པའི་ས་གླང་ལོར། ཆོས་རྗེ་དོན་གྲུབ་རིན་ཆེན་གྱིས་བཏབ། རྗེ་ཙོང་ཁ་པ་དགུང་ལོ་བཅུ་དྲུག་གི་བར་བཞུགས་སའི་དགོན་པ་ཞིག |
| བྱ་ཁྱུང་རྡོ |
(མངོན་བརྗོད།) མཐིང་ག་སྟེ་སྔོན་པོ། |
| བྱ་ཁྲ |
བྱ་བྱེའུ་སོགས་གསོད་མཁན་བྱ་ཞིག མིང་གི་རྣམ་གྲངས་ལ་ཁྲ་དང༌། གཤོག་ཅན། ཧོར་པ་བཅས་སོ། ། |
| བྱ་ཁྲལ |
སྔར་ཁྱིམ་བྱ་གསོ་མཁན་དུད་ཚང་ནས་སྒོ་ང་འཇལ་དགོས་པའི་ཁྲལ་རིགས་ཤིག |
| བྱ་ཁྲལ་བྱི་སོ |
གཏམ་རྒྱུད་ལ་བྱིའུ་ཕ་ཝང་ལ་བྱ་ཁྲལ་སྐྱེལ་དགོས་ཟེར་ན་ཁོས་ཁ་ནང་གི་སོ་བསྟན་ནས་ང་ནི་བྱ་མིན་ཞེས་བཤད་ནས་བྱ་ཁྲལ་མི་སྒྲུབ་ཅིང༌། བྱི་བའི་ཁྲལ་སྐྱེལ་དགོས་ཞེས་བཤད་ན་གཤོག་པ་བསྟན་ནས་ང་ནི་བྱ་ཡིན་ཟེར་ནས་བྱི་བའི་ཁྲལ་མི་རྒྱུག་པའི་ཁག་འདོགས་རྒྱུ་མཚན་འདྲེན་པའི་དཔེ། བྱ་ཁྲལ་བྱུང་དུས་བྱི་སོ་བསྟན། བྱི་ཁྲལ་བྱུང་དུས་བྱ་གཤོག་ངོམ། |
| བྱ་ཁྲི |
གྲི་གུམ་བཙན་པོའི་སྲས་འབྲིང་བའི་མིང་སྟེ་སྤོ་བོའི་ས་ཆ་ཡུལ་སྐལ་དུ་ཐོབ་པ་དེའོ། ། |
| བྱ་ཁྲི་བཙན་པོ |
པུ་དེ་གུང་རྒྱལ་གྱི་མཚན་གཞན་ཞིག |
| བྱ་གག |
1.ཁྱིམ་བྱ། 2.མཆུ་ལེབ་ཅིང་རྐང་པ་ཐུང་བ། སྡེར་མོ་སྐྱི་མོས་སྦྲེལ་བའི་ཆུ་བྱའི་རིགས་ཤིག |
| བྱ་གག་རི་པ |
ཉན་ཐོས་སྡེ་པ་བཅོ་བརྒྱད་ཀྱི་ཡ་གྱལ་ཞིག |
| བྱ་གཅན་གཉིས |
བྱ་དང་གཅན་གཟན་གྱི་བསྡུས་མིང༌། |
| བྱ་གཅོད་པ |
རླིག་འབྲས་གཅོད་པ། |
| བྱ་གདང |
ཁྱིམ་བྱ་སྡོད་སའི་གདང་ཤིང༌། (དཔེར་ན།) བྱ་དེ་གདང་ལ་འཛེག་པ་ལྟར་མིག་གྱེན་ལ་ལྟོས་ལྟ་བུ། |
| བྱ་གདང་བུ |
(ཡུལ་སྐད།) ཐགས་ཆས་སྣས་འཁོར་བརྒྱུ་སའི་ཤིང་ཕྲ་མོ། |
| བྱ་གདང་མ |
(ཡུལ་སྐད།) ཐགས་ཆས་བྱ་གདང་བུ་འཇོག་སའི་གཡས་གཡོན་གྱི་རུ་སྟེང་མ། |
| བྱ་གདོན |
བྱ་འདྲེའི་མིང་གཞན་ཞིག |
| བྱ་གཞག |
ལས་ཀ་དང་དེ་བྱེད་སྟངས་ཀྱི་རྣམ་གཞག (དཔེར་ན།) བྱ་གཞག་ཡོད་ཚད་བཀོད་འདོམས་ལྟར་བྱེད་ཅེས་པ་ལྟ་བུ། |
| བྱ་གཞུག |
1.བྱའི་མཇུག་མ། 2.སྐར་མ་བྱི་བཞིན། |
| བྱ་གཟུགས་མོ |
ཟེ་མོ། |
| བྱ་གཟུངས་མོ |
བྱ་གཟུགས་མོ་དང་འདྲ། |
| བྱ་གཡབ |
སྟེང་གཡོགས་ལྟ་བུའི་གུར། |
| བྱ་གཡབ་ནམ་མཁའ་ལྡིང |
གུར་གཡབ་ཆེ་བ། |
| བྱ་གཤོག་བྱི་སོ |
པགས་བྱིའུ་ལྟར་མགོ་བདེ་དྲན་འཕྲུལ་བྱེད་པའི་དཔེ། (དཔེར་ན།) བྱ་ཁྲལ་བྱི་སོ་ལའང་ལྟོས་ལྟ་བུ། |
| བྱ་གཤོར་བ |
བྱ་རྔོན་པ་སྟེ། (དཔེར་ན།) འཚོ་བའི་ཐབས་ལ་བྱ་གཤོར་བའི་བྱ་བར་ཞུགས་ལྟ་བུ། མིང་གི་རྣམ་གྲངས་ལ་བྱ་རྒྱ་བ་དང༌། བྱ་རྙི་བའོ། ། |
| བྱ་གུ་གུ |
ཁུ་བྱུག |
| བྱ་གོང་མོ |
ལྷ་བྱ་གོང་མོའམ། སྤང་བྱ་སྲེག་པ། |
| བྱ་གྲུབ་ཡེ་ཤེས |
མིག་ལ་སོགས་པ་སྒོ་ལྔའི་རྣམ་པར་ཤེས་པ་ཆོས་སྣ་ཚོགས་ལ་ཐ་དད་པར་རྟོག་པའི་དྲི་མ་དག་སྟེ་གནས་གྱུར་པའི་རྣམ་མཁྱེན། |
| བྱ་གླག |
རེའུ་དང་ལུ་གུ་སོགས་འཁྱེར་མཁན་བྱ་ཞིག མིང་གི་རྣམ་གྲངས་ལ་རི་བོང་ཟའོ། ། |
| བྱ་ངན་སྤྱོད་ངན |
བྱ་བ་དང་སྤྱོད་པ་ངན་པ། |
| བྱ་ཉལ་ཁྱི་ཉལ |
བྱ་དང་ཁྱི་ཡང་ཉལ་ཟིན་པ་སྟེ་མཚན་མོ་ཧ་ཅང་ཕྱི་པོའི་དཔེ། |
| བྱ་ཉལ་དུས |
(མངོན་བརྗོད།) མཚན་མོ་སྲོད་གུང་གཉིས་ཀྱི་དུས། |
| བྱ་ཐན |
གཏམ་རྒྱུད་ལས་བཤད་པའི་ལྟས་ངན་གཏོང་མཁན་གྱི་བྱ་ཞིག |
| བྱ་ཐལ |
སྨན་གཞུང་དུ་བཤད་པའི་བྱ་རྒོད་དང་བྱ་གོ་བོའི་རྟུག་པ་མུན་སྲེག་བྱས་པའི་ཐལ་བའི་མིང་། |
| བྱ་ཐི་བ |
(བརྡ་རྙིང་།) ཕུག་རོན། |
| བྱ་དཀའ་བའི་རྒྱན |
ཡི་གེའམ་སྒྲ་འདྲ་བ་ཚིགས་བཅད་དམ། ཚིག་རྐང་གི་ཕྱོགས་ཀུན་ཏུ་འཁོར་བ་དང༌། ཕྱེད་འཁོར། དབྱངས་དང་གསལ་བྱེད་གཅིག་ཏུ་ངེས་པ་སོགས་བྱ་དཀའ་བའི་རྣམ་གྲངས་སྒྲ་ཁོ་ནས་སྟོན་པའི་རྒྱན་རྣམས། |
| བྱ་དཀའ་བྱེད་གཏད |
བྱེད་སྟངས་ཧ་ཅང་དཀའ་བའམ་བྱེད་མི་བདེ་བ། (དཔེར་ན།) ལས་སྟངས་མ་འགྲིགས་ན་ལས་ཀར་བྱ་དཀའ་བྱེད་གཏད་ཡོང་གི་རེད་ཅེས་པ་ལྟ་བུ། |
| བྱ་དཀར |
(ཡུལ་སྐད།) ཤིང་ནགས་སུ་སྡོད་པའི་བྱ་དཀར་མཇུག་སྒྲོ་ནག་པ་ཞིག |
| བྱ་དགའ |
གཟེངས་བསྟོད་དུ་གནང་བའི་དངོས་རྫས་ཀྱི་མིང་། (དཔེར་ན།) ངལ་རྩོལ་དཔེ་ལེགས་ཅན་ལ་བྱ་དགའ་གནང་ལྟ་བུ། |
| བྱ་དགའི་བདག་རྐྱེན |
གཟེངས་བསྟོད་ཀྱི་གཟིགས་བཟོས། |
| བྱ་དགུ་ལ་ཕྱི་ལང་བྱེད་པ |
(བརྡ་རྙིང་།) བྱས་ཚད་སྐྱོན་དུ་བཟུང་བ། |
| བྱ་དེ |
ལྷ་སའི་ཡུལ་སྐད་ལ་ཁྱིམ་བྱའི་མིང་། |
| བྱ་དེ་ཕོ |
ཁྱིམ་བྱ་ཕོ། (དཔེར་ན།) བྱ་དེ་ཕོ་མེད་ཀྱང་ནམ་མཁའ་ལངས། བྱིའུ་འཇོལ་མོ་མེད་ཀྱང་གསུང་སྙན་གོ་ཞེས་པ་ལྟ་བུ། |
| བྱ་དེ་མོ |
ཁྱིམ་བྱ་མོ། |
| བྱ་དོད |
(ཡུལ་སྐད།) བོད་ཀྱི་ལྷ་མོའི་རྔོན་པ་འཁྲབ་དུས་ཐོག་མར་བརྗོད་པའི་བཀྲ་ཤིས་ཀྱི་ཚིག |
| བྱ་དྲང་སྲོང |
བྱ་རྒོད། |
| བྱ་ན |
ཟས་ཀྱི་སྤོད་ཡའམ་ཚོད་མའི་མིང་། |
| བྱ་ན་བ |
ཚོད་མ་བཟོ་མཁན། |
| བྱ་པ |
1.བྱ་རྙི་འཛུགས་མཁན། 2.ཕོ་དབང་ཉམས་པའི་མི། |
| བྱ་ཕོ |
ཕོ་ཡིན་པའི་བྱ། (དཔེར་ན།) ཁལ་གསུམ་ཐེག་ཡོང་བསམས་ནས་བོང་བུའི་ལུས་དང༌། ནམ་ཚོད་ཐིག་ཡོང་བསམས་ནས་བྱ་ཕོའི་ལུས་བླངས་ལྟ་བུ། |
| བྱ་ཕོ་ཙི་ཙི |
ཐང་སྨན་གྱི་རིགས་ཤིག་རོ་མངར་ལ་བསྐ། ཞུ་རྗེས་སྙོམས། ནུས་པས་བུད་མེད་ཀྱི་ཟླ་མཚན་འབྱམས་པ་གཅོད། གློ་རྡོལ་གསོ། |
| བྱ་ཕོ་རྩི |
སྡོང་བུ་དྲང་བོར་སྐྱེས་ཤིང་། མཐོ་ཚད་ལ་ཚུན་བདུན་ནས་ཁྲུ་དོ་བར་ཡོད། མེ་ཏོག་འདབ་མ་ལྔ་ཅན་སྟོད་སྨུག་ལ་སྨད་དཀར་བ་ཞིག་ཡིན། ཡུལ་སྐད་དུ་མེ་ཏོག་སྨྱུག་མ་ཟེར། སྲན་མའི་མེ་ཏོག་ལ་ངོས་འཛིན་པའང་ཡོད། |
| བྱ་ཕོ་རྩེ |
ཀླུང་ཤོད་དུ་སྐྱེ་བའི་རྩི་ཤིང་རིང་ཐུང་སྤེན་ཆུང་ཙམ་ཡོད་པའི་བུད་ཤིང་བྱེད་འོས་པ་ཞིག |
| བྱ་ཕོའི་ཤ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་མཁལ་རྐེད་ཀྱི་དྲོད་ཉམས་པ་དང༌། ཁུ་བ་ཟད་པ་སོགས་ལ་ཕན། |
| བྱ་ཕྲུག |
བྱའི་ཕྲུ་གུ། |
| བྱ་བ |
1.མིའི་དམིགས་ཡུལ་ཡོད་པའི་བྱ་སྤྱོད་ཀུན་གྱི་སྤྱི་མིང་། (དཔེར་ན།) ལུས་ཀྱི་བྱ་བ། སེམས་ཀྱི་བྱ་བ། སྤྱིའི་བྱ་བ། སྒེར་གྱི་བྱ་བ་ཞེས་པ་ལྟ་བུ། 2.རང་འགན་ལས་དོན་གྱི་མིང་། (དཔེར་ན།) ད་སྐབས་བྱ་བ་གང་བྱེད་ཀྱིན་ཡོད། བཟོ་གྲྭ་ན་བྱ་བ་བྱེད་ཀྱིན་ཡོད་ལྟ་བུ། མིང་བསྡུས་ན་བྱ་ཞེས་འབྲི་ཆོག་སྟེ། (དཔེར་ན།) བྱ་གཞག་མང་བོ། བྱ་གཞག་སྣ་མང་། བྱ་ཉུང་དོན་ཉུང་ཟེར་བ་ལྟ་བུ། 3.ཅེས་དང་ཞེས་ཀྱི་མཐར་སྦྱར་ན་མིང་དེ་སྐད་ཟེར་བའི་དོན་ཏེ། (དཔེར་ན།) བོད་ཅེས་བྱ་བ་གངས་རིས་བསྐོར་བའི་ཡུལ། མ་ཕམ་གཡུ་མཚོ་ཞེས་བྱ་ངོ་མཚར་མཚོ་ཞེས་པ་ལྟ་བུ། 4.བྱེད་འབྲེལ་ལས་ཚིག་མ་འོངས་པའི་མཐར་སྦྱར་ན་བྱ་ཡུལ་དེ་དག་གི་མིང་། (དཔེར་ན།) བསླབ་པར་བྱ་བའི་ཡོན་ཏན། བསྒྲུབ་པར་བྱ་བའི་ལས་དོན། བསྒྲུབ་བྱའི་ལས་དོན་ཞེས་པ་ལྟ་བུ། |
| བྱ་བ་གཅིག་པའི་ལྷན་ཅིག་བརྗོད་པ |
ལྷན་ཅིག་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་ཀྱི་དངོས་པོ་གང་ཡང་རུང་བའི་དཔེ་དོན་གྱི་བྱ་བ་འདྲ་བ་དུས་མཉམ་དུ་སྟོན་པའི་རྒྱན་ཞིག |
| བྱ་བ་ཅིག་ཅར་བའི་མཚམས་སྦྱོར་ལྷག་བཅས |
ཚིག་སྔ་ཕྱི་གཉིས་ཀ་བྱ་བ་ཡིན་ཞིང༌། དུས་མཉམ་དུ་འཇུག་པའི་མཚམས་སྦྱོར་ལྷག་བཅས། (དཔེར་ན།) འཕར་ཏེ་འགྲོ། དགའ་སྤྲོ་དང་བཅས་ཏེ་གད་མོ་བགད་ཅེས་པ་ལྟ་བུ། |
| བྱ་བ་ཉམས་པ |
1.ལས་ཀ་འཐུས་ཤོར་བ། 2.རྩོལ་ཤུགས་ཞན་པར་གྱུར་པ། 3.ལས་ཀའི་ནུས་ཤུགས་ཤོར་བ། |
| བྱ་བ་ཐ་དད་པའི་ལྷན་ཅིག་བརྗོད་པ |
ལྷན་ཅིག་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་ཀྱི་དངོས་པོ་གང་ཡང་རུང་བའི་དཔེ་དོན་གྱི་བྱ་བ་མི་འདྲ་བ་དུས་མཉམ་དུ་སྟོན་པའི་རྒྱན་ཞིག |
| བྱ་བ་ཐ་དད་མིན་པའི་སྦྱར་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གཉིས་ཀྱི་ངོ་བོ་ཐ་དད་ཀྱང༌། སྦྱར་ཆོས་བྱ་བའི་ཁྱད་པར་ཐ་དད་མིན་པར་སྟོན་པའི་རྒྱན་ཞིག |
| བྱ་བ་བཏུབ་པ |
ལས་ཀ་སླ་བའམ། རུང་བ། |
| བྱ་བ་བརྗོད་པ་ཐོག་མའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་ཐོག་མར་བཀོད་པའི་བྱ་བའི་གསལ་བྱེད་དེས་ཕྱི་མའི་བྱ་བ་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| བྱ་བ་བརྗོད་པ་བར་གྱི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་བར་དུ་བཀོད་པའི་བྱ་བའི་གསལ་བྱེད་དེས་རང་གི་སྔ་ཕྱིའི་བྱ་བ་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| བྱ་བ་བརྗོད་པ་མཐའ་མའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་མཐའ་མར་བཀོད་པའི་བྱ་བའི་གསལ་བྱེད་དེས། རང་གི་སྔོན་ན་ཡོད་པའི་བྱ་བ་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| བྱ་བ་བྱེད་པའི་རིགས་པ |
ནས་ཀྱི་ས་བོན་གྱིས་ནས་ཉིད་སྐྱེད་ཀྱི། བྲ་སྲན་ལྟ་བུ་གཞན་མི་སྐྱེད་པ། |
| བྱ་བ་བྱེད་སྟངས |
ལས་ཀ་བྱེད་པའི་ཐབས་ལམ་དང༌། གོ་རིམ་སོགས། |
| བྱ་བ་མ་ཚང་བའི་ཁྱད་པར་བརྗོད་པ |
ཁྱད་པར་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཞིག་གི་བྱ་བའི་ཆ་ལག་མ་ཚང་ཡང༌། ཚང་བ་དང་མཉམ་པའི་བྱས་འབྲས་ཁྱད་པར་ཅན་སྟོན་པའི་རྒྱན་ཞིག |
| བྱ་བ་འགལ་མིན་གྱི་སྦྱར་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གཉིས་ཀྱི་སྦྱར་ཆོས་བྱ་བ་འགལ་བ་མིན་པར་གཞི་གཅིག་ཏུ་མཐུན་པར་སྦྱོར་བའི་རྒྱན་ཞིག |
| བྱ་བ་རིམ་གྱིས་པའི་མཚམས་སྦྱོར་ལྷག་བཅས |
ཚིག་སྔ་ཕྱི་གཉིས་ཀ་བྱ་བ་ཡིན་ཞིང༌། དུས་རིམ་གྱིས་འཇུག་པའི་མཚམས་སྦྱོར་ལྷག་བཅས། (དཔེར་ན།) གཏན་ལ་ཕབ་སྟེ་ལག་ལེན་བསྟར་ཞེས་པ་ལྟ་བུ། |
| བྱ་བ་སྤྱོད་ལམ |
བྱ་སྤྱོད་དང་དོན་གཅིག |
| བྱ་བཏང་བ |
1.གསང་བརྡ་བཏང་བ། 2.འཇིག་རྟེན་གྱི་བྱ་བ་བློས་བཏང་བའི་ཆོས་པ། |
| བྱ་བའི་གཉེར |
ལས་འགན། (དཔེར་ན།) མི་སོ་སོར་འཁྲི་བའི་བྱ་བའི་གཉེར་རྣམས་མ་ཁུམས་པར་ལེགས་སྒྲུབ་ཐུབ་དགོས་ལྟ་བུ། |
| བྱ་བའི་ཡུལ |
1.སུམ་ཅུ་པའི་སྐབས་སུ་རྣམ་དབྱེའི་གཉིས་པའི་ལ་དོན་སྦྱར་ཡུལ་དང༌། རྟགས་འཇུག་གི་སྐབས་སུ་བྱ་བ་སྦྱར་ཡུལ་ཏེ་དངོས་པོ་གཞན། (དཔེར་ན།)༼ སུམ་ཅུ་བའི་སྐབས།༽ཞིང་ལ་ཆུ་གཏོང་ལྟ་བུའི་ཞིང་དང་། ༼རྟགས་འཇུག་སྐབས།༽ གསེར་འབྱུག་ཅེས་པའི་སྐབས་ཀྱི་གསེར་ལྟ་བུའོ། །2.ལས་དོན་བྱེད་ས། |
| བྱ་བའི་རང་བཞིན་བརྗོད་པ |
རང་བཞིན་བརྗོད་པའི་རྒྱན་གྱི་ནང་གསེས་ཤིག་དངོས་པོ་གང་རུང་གི་བྱ་སྤྱོད་ཀྱི་གནས་ལུགས་དྲང་པོར་བརྗོད་པའི་རྒྱན་ཞིག |
| བྱ་བའི་རྒྱུད |
རྒྱུད་སྡེ་བཞིའི་ནང་གསེས་ཤིག་ཁྲུས་དང་གཙང་སྦྲ་སོགས་ཕྱིའི་བྱ་བ་གཙོ་བོར་སྟོན་པའི་རྒྱུད། |
| བྱ་བའི་ལམ |
ལུས་ངག་གི་སེམས་པའི་འཇུག་གཞི་ཡིན་པ། |
| བྱ་བརྙངས |
བྱ་རྨྱང་གི་འབྲི་ཚུལ་གཞན། |
| བྱ་བལ |
ལུག་གི་རླིག་རིལ་གྱི་སྟེང་དུ་སྐྱེས་པའི་བལ། (དཔེར་ན།) ལུག་གི་བྱ་བལ་ལས་བཟོས་པའི་སྣམ་བུ་ལེགས་ཤོས་ཞེས་པ་ལྟ་བུ། |
| བྱ་བལ་མ |
1.ཁྲུང་ཁྲུང་གི་སྤུ་འཇམ་ཤོས། (དཔེར་ན།) བྱ་བལ་མའི་ནང་ཚངས་ཅན་གྱི་ཉལ་ཆས་ཞེས་པ་ལྟ་བུ། 2.རྡོ་རྒྱུས་མཆོག་གི་མིང༌། |
| བྱ་བོ |
མཚོ་སྔོན་ཡུལ་སྐད་ལ་ཁྱིམ་བྱའི་མིང་། |
| བྱ་བོ་ཙི |
བྱ་བོ་ཙི་ཙི་ཡང་ཟེར་ཏེ། བྱ་ཕོ་ཙི་ཡི་འབྲི་ཚུལ་གཞན། |
| བྱ་བྱིའུ |
བྱ་རིགས་ཆེ་ཆུང་སྣ་ཚོགས། |
| བྱ་བྱེད |
1.བྱ་བ་དང་སྤྱོད་ལམ། (དཔེར་ན།) བྱ་བྱེད་མང་ན་བྱ་རྐང་ཆག་འགྲོ་འགྲོ་མང་ན་སྡོད་ས་ཤོར་ཞེས་པ་ལྟ་བུ། 2.བྱ་བ་དང་བྱེད་པ་གཉིས་ཀྱི་བསྡུས་མིང༌། |
| བྱ་བྱེད་ཐ་དད་པ |
རྟགས་ཀྱི་འཇུག་པའི་དགོངས་དོན་ལྟར་དངོས་པོ་གང་ཞིག་ལ་ལས་ཀ་གང་ཞིག་བྱེད་པ་པོ་གཞན་གྱིས་དངོས་སུ་སྒྲུབ་པར་སྟོན་པ། (དཔེར་ན།) སྒྲུབ་པ། སྐོར་བ་ཞེས་པ་ལྟ་བུ། |
| བྱ་བྱེད་ཐ་མི་དད་པ |
རྟགས་ཀྱི་འཇུག་པའི་དགོངས་དོན་ལྟར་དངོས་པོ་གང་ཞིག་ལ་ལས་ཀ་གང་ཞིག་བྱེད་པ་པོ་གཞན་དངོས་སུ་ཡོད་པར་མི་སྟོན་པ། (དཔེར་ན།) འགྲོ། སླེབས་ཞེས་པ་ལྟ་བུ། |
| བྱ་བྱེད་པ |
ཕྱུགས་སོགས་ཀྱི་འབྲས་བུ་འབྱིན་པ། |
| བྱ་བྱེད་ལས་གསུམ |
རྟགས་ཀྱི་འཇུག་པའི་དགོངས་དོན་ལྟར་ཤིང་མཁན་གྱིས་སྟ་རེས་ཤིང་གཅོད་པར་མཚོན་ན་གཅད་བྱའི་ཤིང་ནི་ལས་སམ་བྱ་ཡུལ་དང༌། གཅོད་པ་པོ་ནི་བྱེད་པོ་དང་སྟ་རེ་ནི་བྱེད་པ། ཤིང་དེ་གཅོད་པ་ནི་བྱ་བ། |
| བྱ་བྱེད་སྤངས་པ |
1.ལས་ཀ་བསྐྱུར་བའམ་དོར་བ། 2.(མངོན་བརྗོད།) ཟླ་བ་གཟས་བཟུང་བ། |
| བྱ་བྱེའུ |
བྱ་བྱིའུ་དང་འདྲ། |
| བྱ་བྲང |
1.བྱ་རིགས་ཀྱི་བྲང་ཁོག 2.བྱ་བྲང༌། ཁྱུང་སྐེ། ཡུ་མོའི་མགོ་བཅས་སྟོད་ཀྱི་བཟང་གསུམ་འཛོམས་པའི་རྟ། |
| བྱ་བྲའི་དུགས |
ཕུག་རོན་གྱི་བྲུན་མེ་ལ་བསྲོས་ཏེ་མཁལ་རྐེད་སོགས་ན་བའི་གནས་སུ་སྦྱར་དགོས་པའི་བད་ཀན་གྱི་ནད་སེལ་བའི་དཔྱད་ཅིག |
| བྱ་བྲལ |
1.འཇིག་རྟེན་གྱི་བྱ་བ་དང་བྲལ་བ། 2.(མངོན་བརྗོད།) མཚན་མོ། |
| བྱ་བྲལ་བ |
འཇིག་རྟེན་གྱི་ལས་དོན་སྤངས་པའི་རྣལ་འབྱོར་པ། |
| བྱ་བྲུན |
བྱའི་སྐྱག་པ། |
| བྱ་བློ་བྱེད་བློ |
བཟང་ངན་གང་རུང་གི་ལས་ཀ་བྱ་འདོད་བྱེད་འདོད་ཀྱི་བསམ་བློ། (དཔེར་ན།) བྱ་བློ་བྱེད་བློའི་ངང་ནས་ལས་ཀ་ཉིན་འགྱངས་ཞག་འཕུལ་གྱིས་དངོས་སུ་ལག་ལེན་མ་བསྟར་ན་ཕྱིས་སུ་འགྱོད་སེམས་སྐྱེ་རྒྱུ་ལས་མེད་ཅེས་པ་ལྟ་བུ། |
| བྱ་མ་བུ |
ལྷ་གཅིག་རྒྱ་བཟའ་ཀོང་ཇོའི་ལྷ་མོ་འཁྲབ་དུས་རྟེན་འབྲེལ་མཚོན་བྱེད་བྱ་མ་བུ། |
| བྱ་མ་བུམ |
རབ་བྱུང་གི་རུང་ཆུ་བླུག་སྣོད་སོགས་མཆོད་ཆས་ཀྱི་ཆབ་བུམ་ཞིག |
| བྱ་མ་བྱི |
ཕ་ཝང་ངམ་པགས་བྱིའུ། (དཔེར་ན།) སྐབས་བསྟུན་མགོ་བདེ་དྲན་འཕྲུལ་བྱེད་མཁན་དེ་དག་ནི་བྱ་དང་ཙི་ཙི་གཉིས་ཀ་ཡིན་ཁུལ་བྱེད་མཁན་བྱ་མ་བྱི་དང་འདྲ་ཞེས་པ་ལྟ་བུ། |
| བྱ་མ་བྱི་ཁོག་སྟོང |
ཕ་ཝང་ངམ་པགས་བྱིའུ། |
| བྱ་མ་བྱེའུ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་མོ་ནད་སེལ། གདོན་ནད་འཇོམས། |
| བྱ་མ་རྟ |
ཕོ་ཉའམ་བང་ཆེན། ཁམས་གསུམ་བསྐོར་བའི་བྱ་མ་རྟ། |
| བྱ་མཆུ |
བྱ་ཡི་མཆུ་ཏོ། མིང་གི་རྣམ་གྲངས་ལ་གཅོད་བྱེད་དང༌། མཆུ་ཏོ། ཉེར་འཛིན་བཅས་སོ། ། |
| བྱ་མཚའ་ལུ |
ཁྱིམ་བྱ་དམར་པོ། |
| བྱ་མལ |
བྱ་ཚང༌། |
| བྱ་མོ་ལབ |
(བརྡ་རྙིང་།) 1>མཆོད་རྫས། 2>འབུལ་རྫོངས། |
| བྱ་ཚང |
བྱའི་སྡོད་གནས་ཚང༌། མིང་གི་རྣམ་གྲངས་ལ་བྱ་ཁྱིམ་དང་བྱ་མལ་ལོ། |
| བྱ་ཚིག |
1.བྱེད་པ་པོ་ཡོད་པའི་ལས་ཚིག་མ་འོངས་པར་བྱ་ཚིག་དང་། ལས་ཚིག་ད་ལྟ་བར་བྱེད་ཚིག་ཟེར། 2.ལས་ཚིག་ལ་བྱ་ཚིག་ཟེར་བ་ཡང་ཡོད། |
| བྱ་ཚེ |
ཟངས་ང་ཆུང་ངུའམ་དཔངས་དམའ་ལ་ཞབས་བདེ་ཞིང་སྙོམ་པའི་ཟངས་ང་རིགས་ཤིག་གི་མིང་། |
| བྱ་ཚེ་རིང |
ཚེ་རིང་རྣམ་དྲུག་གི་ནང་གསེས་ཤིག་བྱ་ཁྲུང་ཁྲུང༌། |
| བྱ་ཚོགས |
བྱ་མང་པོ། (དཔེར་ན།) ཇག་སྡེ་ནི་བྱ་ཚོགས་དང་འདྲ་བས་གཏོར་ཆོག་ཆོག་རེད་ཅེས་པ་ལྟ་བུ། |
| བྱ་ཝང་ཤ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་ཟས་སྐོམ་མི་འཇུ་ནས་སྐྱུག་པའི་ནད་ལ་ཕན། |
| བྱ་ཞག |
དགུན་ཉི་ལྡོག་ནས་ལོག་ཞག་ཉེར་བཞི་རྫོགས་རྗེས་སུ་ཞག་བཞི་བཅུའི་རིང་ལ་བྱ་ཞག་ཟེར། དེ་ཡང་བྱ་མའི་ཞག་དྲུག་གཤོག་ཟུར་ཞག་དྲུག་དཔུང་ཞག་གསུམ། མཇིང་ཁུང་ཞག་བདུན། ཁ་གདོང་ཞག་གསུམ། གཤོག་རྩེ་ཞག་ལྔ། བྱ་བུ་ཞག་བཅུ་སྟེ་ཞག་བཞི་བཅུའི་རིང་ཁ་ཆར་དང་གྲང་ངར་སོགས་ལ་བརྟེན་ནས་སད་སེར་ཞོད་ཐན་སོགས་ཡོད་མེད་བརྟག་སྲོལ་ཞིག་སྟེ་བྱ་གོ་བོས་སྒོ་ང་གསོས་ནས་རིམ་པས་བྱ་ཕྲུག་ཆགས་པའི་བར་དུ་དཔེ་སྦྱར་ནས་བཤད་སྲོལ་ཡོད་པའོ། ། |
| བྱ་ཞྭ |
ལྷུན་རྩེ་རྫོང་ཁོངས་བྱ་ཡུལ་བའི་བུད་མེད་ཀྱི་ཞྭ་མོ། |
| བྱ་ཟན |
བྱའི་ལྟོ་ཆས། (དཔེར་ན།) བྱ་ལ་བྱ་ཟན་མ་བྱིན་པར་མོ་བྱས་སྒོ་ང་ག་ལ་གཏོང༌ལྟ་བུ། |
| བྱ་ཟིན་ཉ་ཟིན |
བྱ་བ་གཅིག་ལ་ལྷུར་ལེན་མི་བྱེད་པར་བློ་ཡི་བྱེ་བྲག་མང་པོ་འགྱུར་བའི་དཔེ། |
| བྱ་ཟླ |
ཧོར་ཟླ་བརྒྱད་པ། (དཔེར་ན།) ས་ལུག་ལོའི་བྱ་ཟླ་བའི་ཚེས་ལ་ཞེས་པ་ལྟ་བུ། |
| བྱ་འགྲོས |
1.བྱའི་འགྲོ་སྟངས། 2.ལྷ་མོའི་རྔོན་པ་འཁྲབ་དུས་ལྟད་མོ་བ་རྣམས་ལ་ཤིས་ཚིག་ཞུ་སྐབས་ཀྱི་རྐང་འགྲོས་བྱེད་སྟངས་ཤིག |
| བྱ་འཆད་ཁ་བ |
རབ་བྱུང་གཉིས་པའི་ལྕགས་སྦྲུལ་ལོར་བྱ་ཞེས་པའི་ས་ཆར་འཁྲུངས། མཚན་ཡེ་ཤེས་རྡོ་རྗེ། བཀའ་གདམས་པའི་གདམས་ངག་པ་ཞང་ཤ་ར་བའི་སློབ་མ། མལ་གྲོར་བྱོན་ནས་འཆད་ཁ་དགོན་པ་བཏབ། གྲུབ་མཐའི་གཞུང་བརྩམས། དེའི་འགྲེལ་པ་ལྷ་ལུང་གི་དབང་ཕྱུག་གིས་མཛད་པར་ཕྱི་ནང་གི་གྲུབ་མཐའི་འདོད་ཚུལ་རྣམས་བཀོད། ཁྱད་པར་དུ་བཀའ་གདམས་བློ་སྦྱོང་གི་མན་ངག་དོན་བདུན་དུ་ས་བཅད། རྩ་བའི་ཚིག་ཡི་གེར་བཀོད་པས་བློ་སྦྱོང་དོན་བདུན་མར་གྲགས་པ་དེ་འགྲེ་ཕུ་ཚོགས་ཆོས་སུ་མཛད། རབ་བྱུང་གསུམ་པའི་ཤིང་ལུག་ལོར་འདས། |
| བྱ་འདབ |
1.ཁང་པའི་མདའ་ཡབ་བམ། ཐོག་གི་མཐའི་ཆུ་འདབ། 2.སྒལ་ཚིགས་གཡས་གཡོན་ལས་གྱེས་པའི་རུས་པ་དབྱིབས་བྱ་ཡི་འདབ་གཤོག་བརྐྱང་བ་ལྟར་ཡོད་པ་དེའི་མིང༌། |
| བྱ་འདྲེ |
བྱིས་པའི་གདོན་ཆེན་རྣམས་གང་རེད་ཀྱིས་རྣམ་པ་བྱ་རུ་སྤྲུལ་ནས་བྱིས་པའི་ཚེ་སྲོག་ལ་གནོད་པའི་འདྲེ་གདོན་ལའོ། ། |
| བྱ་འཕིར |
(ཡུལ་སྐུད།) 1>བྱ་ནམ་མཁར་འཕུར་བ། 2>ཤོག་བུ་སོགས་ཀྱིས་བཟོས་ཏེ་སྐུད་པ་བཏགས་ནས་ནམ་མཁར་འཕུར་གཏོང་བྱེད་པའི་རྩེད་སྤྱད་ཅིག |
| བྱ་འཕུར་ལེབ |
ཐང་སྨན་གྱི་རིགས་ཀོ་བྱི་ལ། |
| བྱ་འབྲས |
བྱ་ཡི་སྒོ་ང། |
| བྱ་འབྲུག |
1.བྱ་དང་འབྲུག་གི་བསྡུས་མིང༌། 2.གོས་ཆེན་དང༌། རུམ་གདན་སོགས་ལ་འགོད་པའི་རི་མོ་ཞིག |
| བྱ་འཚོལ |
བྱ་བྱེའུས་ཟས་འཚོལ་བ་ལྟར་ཉིན་རེའི་འཚོ་བ་ཉིན་རེར་འཚོལ་བ། (དཔེར་ན།) དགེ་སྦྱོང་གིས་འཚོ་བ་བྱ་འཚོལ་གྱིས་འཚོ་བ་ལྟ་བུ། |
| བྱ་འཚོལ་བྱི་འཚོལ |
བྱ་དང་བྱི་བས་ཟས་འཚོལ་བ་ལྟར་ཏེ། ཟས་གོས་ཡུལ་ངེས་མེད་ནས་འཚོལ་བའི་དཔེ། (དཔེར་ན།) ངས་འཚོ་བ་དཀའ་ཐུབ་དང་བྱ་འཚོལ་བྱི་འཚོལ་བྱེད་པས་ས་ཞིང་གི་དགོས་པ་མེད་ཅེས་པ་ལྟ་བུ། |
| བྱ་ཡུལ |
ལས་ཀ་བྱེད་སའི་གནས་ཡུལ་ལམ་ཁ་གཏད། (དཔེར་ན།) བྱ་ཡུལ་ལ་འདྲ་མིན་སྣ་ཚོགས་ཡོད་ཀྱང་མཐོ་དམན་དང་ལེགས་ཉེས་ཀྱི་དབྱེ་བ་མེད་ཅེས་པ་ལྟ་བུ། |
| བྱ་ཡུལ་བ་ཆེན་པོ |
མཚན་གཞོན་ནུ་འོད་ཅེས་པ་རབ་བྱུང་དང་པོའི་ཤིང་ཡོས་ལོར་སྟོད་ལུང་གི་གོལ་གོ་ལུང་དུ་འཁྲུངས། སྟོད་ལུང་པ་རིན་ཆེན་སྙིང་པོ་དང་སྤྱན་སྔ་བ་ཚུལ་ཁྲིམས་འབར་གྱི་ཉེ་བར་གནས་པ་ལ། བླ་མ་ལ་བཀུར་སྟི་ཤིན་ཏུ་ནན་ཆེར་མཛད། བསྐྱེད་རྫོགས་གཉིས་ཀྱི་གདམ་ངག་ཐོབ། དྭགས་པོའི་ལྷོ་རྒྱུད་ཀྱི་བྱ་ཡུལ་དུ་དགོན་པ་བཏབ་སྟེ་སློབ་མ་མང་དུ་འདུས་ནས་བཀའ་གདམས་གདམ་ངག་པའི་ཆོས་སྤེལ། བཀའ་བརྒྱུད་བླ་མ་དྭགས་པོ་ལྷ་རྗེ་ཡང་དེ་ལས་ཆོས་གསན། རབ་བྱུང་གཉིས་པའི་ས་རྟ་ལོར་འདས། |
| བྱ་ར |
1.ལྟ་རྟོག་གམ་ཉིན་མོའི་སོ་པ། (དཔེར་ན།) ས་མཚམས་ལ་བྱ་ར་བྱེད་པ། དགྲ་ཡའི་གནས་ཚུལ་ལ་བྱ་ར་བྱེད་པ་ལྟ་བུ། 2.རེའུ་མིག་གི་ཁ་བྱང༌། 3.ཕྲེང་བསྟར་གྱི་དོན་ཏེ། (དཔེར་ན།) དབུས་ཀྱི་བྱ་ར་བཟུང༌། མདའ་རོའི་ལྷག་མའི་བྱར་གྲངས་ལྟར་བཟུང་བ་ཞེས་པ་ལྟ་བུ། |
| བྱ་ར་བ |
ལྟ་རྟོག་པའམ་སོ་ལྟ་བྱེད་མཁན། མིང་གི་རྣམ་གྲངས་ལ་མེལ་ཚེ་པ་དང་སོ་པའོ། ། |
| བྱ་རིམ |
བྱ་བ་བྱེད་པའི་སྔ་ཕྱིའི་གོ་རིམ་ཏེ། (དཔེར་ན།) ལས་གྲྭའི་བྱ་རིམ། ལས་འགུལ་གྱི་བྱ་རིམ་ཞེས་པ་ལྟ་བུ། |
| བྱ་རོག |
ཕོ་རོག་སྟེ་བྱ་ནག་པོ་ཞིག (དཔེར་ན།) དགྲ་དང་རང་ཕྱོགས་གཉིས་ནི་བྱ་རོག་དང་འུག་པ་ལྟ་བུ་ཞིག་རེད་ཅེས་པ་ལྟ་བུ། མིང་གི་རྣམ་གྲངས་ལ་ཁྭ་ཏ་དང༌། འཁྲིག་པ་སྦེད། གྲོང་ཁྱེར་སྤྱོད། དགའ་བས་རྒྱུ། བརྒྱ་བྱིན་སྐྱེས། འཆི་མེད་གཏོར་ཟ། གཏོར་མས་རྒྱས། ཐོས་སྒྲོག་བདག་ཉིད་སྒྲོག་བདེན་པའི་ངག་མདོག་གཅིག་པ། རྡོ་རྗེའི་མཆུ་ཅན། ན་ཚོད་གནས། ཚེར་མའི་ཚང་ཅན། གཞན་གསོ། རབ་དགའ། ལན་ཅིག་སྐྱེས་བཅས་སོ། ། |
| བྱ་རོག་གསོས |
(མངོན་བརྗོད།) ཁུ་བྱུག |
| བྱ་རོག་ཆེན་པོ |
ཁྭ་ཏ་ཆེན་པོ། མིང་གི་རྣམ་གྲངས་ལ་ཀ་ཀོ་ལ། མགྲིན་ནག་འཆི་བ་བསླུ་བཅས་སོ། ། |
| བྱ་རོག་ཉུངས་མ |
སྔོ་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་རྨ་གསོ། འབྲས་ནད་འདུལ། མིང་གི་རྣམ་གྲངས་ལ་ཐ་དད་ཕྲེང་དང༌། འདབ་བྱེད་རྩུབ་མོ། ནད་མེད་ལམ་སྐྱེས། བུམ་ངེས། མཛེས་ལྡན་གཉིས། ཡན་ལག་དམར། ཤིན་ཏུ་སྤྱོད་བཅས་སོ། ། |
| བྱ་རོག་དགྲ |
(མངོན་བརྗོད།) འུག་པ། |
| བྱ་རོག་དགྲ་བོ |
(མངོན་བརྗོད།) ཕ་ཝང༌། |
| བྱ་རོག་མཆུ་རིང |
ལུས་ཀྱི་ཤའི་ནང་དུ་རུས་པ་ཟུག་པ་འདོན་བྱེད་ཀྱི་སྐམ་པ་ཁ་གཉིས་ཤིག |
| བྱ་རོག་མཐོ་གང |
མཛུབ་མོའི་ཚིགས་དབུས་མར་མཐེ་བོང་གི་ཚིགས་སྦྱར་བའི་ཚད། |
| བྱ་རོག་མཚལ་མཆུ |
བྱ་སྐྱུང་ཀ། |
| བྱ་རོག་མིག |
1.གློ་བུ་ཐུགས་ཁབ་ཀྱི་གསང་ནས་སྟེང་དུ་ཚོན་གང་གཞལ་བའི་སར་ཡོད་པའི་བྱང་ཁོག་སྟོད་ཀྱི་མདའ་གསང་ཞིག 2.སྔོ་སྨན་བྱ་རོག་ཉུངས་མའི་མིང་གི་རྣམ་གྲངས་ཤིག |
| བྱ་རོག་འཇིགས་བྱེད |
(མངོན་བརྗོད།) འུག་པ། |
| བྱ་རོག་སྐྲོད་ནུས་པ |
ཁྱེའུ་ཕོ་རོག་སྐྲོད་ནུས་པ་སྟེ་ཕྲུ་གུ་ལོ་བརྒྱད་ཙམ་དུ་སོན་པ། |
| བྱ་རྐང |
1.བྱ་ཡི་རྐང་པ། 2.ཡུན་ནན་ཞིང་ཆེན་དུ་ཡོད་པའི་གནས་རི་ཞིག་སྟེ་རི་བོ་བྱ་རྐང་ཡང་ཟེར། 3.ཏི་མུ་ས་རི་སྐྱེས་དང་ཀླུང་སྐྱེས་གཉིས་ཀྱི་ནང་ཚན་རི་སྐྱེས་ཀྱི་མིང་ཞིག |
| བྱ་རྒན་སྒྲོ་ཟད |
བྱ་རྒད་པོའི་སྒྲོ་ལྟར་རིམ་ཟད་དུ་སོང་བ། (དཔེར་ན།) སྤྱི་ནོར་རྣམས་བྱ་རྒན་སྒྲོ་ཟད་དུ་མི་འགྲོ་བའི་བདག་གཅེས་བྱེད་དགོས་ཞེས་པ་ལྟ་བུ། |
| བྱ་རྒོད |
རོ་ཟ་བའི་བྱ་ཆེན་པོ་ཞིག མིང་གི་རྣམ་གྲངས་ལ་མཁའ་ལ་འཁོར་དང༌། ནམ་འཕང་སྤྱོད་བྱེད། རིང་འཕུར། རླུང་སྤྱོད་བཅས་སོ། ། |
| བྱ་རྒོད་ཐང་ནག |
རྒོད་སྤུ་མདོག་ནག་པོ། |
| བྱ་རྒོད་ཐང་སྨུག |
རྒོད་སྤུ་མདོག་ཁམ་ནག |
| བྱ་རྒོད་ཕུང་པོའི་རི |
སངས་རྒྱས་ཤཱཀྱ་ཐུབ་པས་ཤེར་ཕྱིན་གྱི་མདོ་གསུངས་པའི་ས་ཆ་རྒྱ་གར་གྱི་རི་ཞིག |
| བྱ་རྒོད་ཤ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་ཕོ་བའི་མེ་དྲོད་ཉམས་པ་དང༌། ལྦ་བ་སྐྱེས་པ་སོགས་ལ་ཕན། |
| བྱ་རྒོད་སུག་པ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མགོ་རྨ་གསོ། ལྷོག་རྒོད་འདུལ། ཚ་བའི་གཟེར་གཅོག་གཟའ་ནད་སེལ། ལུས་ཟུངས་གསོ། མིང་གི་རྣམ་གྲངས་ལ་རྒྱལ་པོ་ལ་ཐོད་ཅན་དང༌། ད་བྱིད་དཀར་པོ། བྱང་གཡག་བདེ་འབྱིན། མེ་ཏོག་གངས་ལྷ་བཅས་སོ། ། |
| བྱ་རྒོད་སྤོས |
སྔོ་སྨན་གྱི་རིགས་ཤིག་རོ་ཁ་ལ་ཚ། ཞུ་རྗེས་སྙོམས། ནུས་པས་གདོན་ནད་སྐྲོད། དུག་ནད་སེལ། རིམས་ཚད་འཇོམས། མིང་གི་རྣམ་གྲངས་ལ་གླ་རྩིའི་དྲི་ཅན་དང༌། རྒོད་སྤོས་པ། སྔོ་མ་གི་ཏ། སྔོ་ཤིག་གསོད། བདུད་རྩི་ཆིག་ཐུབ། སྲིན་བྱའི་མགོ་ཅན་བཅས་སོ། ། |
| བྱ་རྒྱ |
བྱ་འཛིན་བྱེད་ཀྱི་རྒྱའམ་རྙི། |
| བྱ་རྒྱུ |
1.ལས་ཀ། 2.བྱེད་ཐབས། |
| བྱ་རྒྱུད |
ཕྱིའི་ཀུན་སྤྱོད་ཁྲུས་དང་གཙང་སྦྲ་སོགས་གཙོ་བོར་སྟོན་པའི་སྒོ་ནས་སྔགས་ཀྱི་སྤྱད་པ་སྤྱོད་པའི་ཕྱིར་བྱ་བའི་རྒྱུད་ཅེས་བྱའོ། ། |
| བྱ་རྒྱུད་ཀྱི་ཐེག་པ |
སྔགས་རྙིང་མའི་ཐེག་པ་རིམ་དགུའི་ཡ་གྱལ་ཞིག་འཇུག་སྒོ་ཆུ་དང་ཅོད་པཎ་གྱི་དབང་གིས་སྨིན་པར་བྱས་ནས། ལྟ་བ་ཆོས་ཉིད་དག་པའི་ལྷ་ཞེས་རང་གི་སེམས་ཉིད་སྟོང་གསལ་གྱི་ཡེ་ཤེས་སྤྲོས་པའི་མཐའ་དང་བྲལ་བར་རྟོགས་ནས་ཀུན་རྫོབ་ཀྱི་སྣང་ཆ་ཡོངས་སུ་དག་པའི་ལྷའི་རང་བཞིན་དུ་གསལ་ལ། སྒོམ་པ་དེ་ཁོ་ན་ཉིད་བཞི་བསྒོམ་ཞིང༌། སྤྱོད་པ་ཁྲུས་དང་གཙང་སྦྲ་སོགས་ཕྱིའི་བྱ་བ་ལ་གཙོ་བོར་སྤྱོད་པས། འབྲས་བུ་རིག་གསུམ་རྡོ་རྗེ་འཛིན་པའི་ས་ཐོབ་པར་འདོད་དོ། ། |
| བྱ་རྒྱུད་ཀྱི་དངོས་གྲུབ་གསུམ |
རབ་རིག་འཛིན་དང་མངོན་ཤེས་དང་བསྟན་བཅོས་ཀུན་ཤེས་པ་སོགས་དང༌། འབྲིང་མི་སྣང་བ་དང་བཅུད་ལེན་དང་རྐང་མགྱོགས་སོགས་དང༌། ཐ་མ་གཞན་དབང་དུ་འདུ་བ་དང་བསད་བསྐྲད་སོགས་སམ། རྫས་ལུས་ལོངས་སྤྱོད་གསུམ་སོགས་སོ། ། |
| བྱ་རྒྱུད་ཀྱི་དབང་གསུམ |
མེ་ཏོག་འཕྲེང་བའི་དབང་དང༌། ཆུ་དབང༌། ཅོད་པཎ་གྱི་དབང་བཅས་གསུམ། |
| བྱ་རྒྱུད་ཀྱི་དེ་ཁོ་ཉིད་བཞི |
བདག་གི་དེ་ཁོ་ན་ཉིད་དང༌། ལྷའི་དེ་ཁོ་ན་ཉིད་དང༌། བཟླས་པའི་དེ་ཁོ་ན་ཉིད། བསམ་གཏན་གྱི་དེ་ཁོ་ན་ཉིད་དེ། བྱ་རྒྱུད་ཀྱི་སྦྱོར་བའི་སྤྱོད་པའི་གཙོ་བོ་དངོས་གཞིའི་དེ་ཁོ་ན་ཉིད་བཞིའོ། ། |
| བྱ་རྒྱུད་ཀྱི་བསམ་གཏན་གསུམ |
བསམ་གཏན་གྱི་དེ་ཁོ་ན་ཉིད་ལ་དབྱེ་ན་གསུམ་མེར་གནས་ཀྱི་དེ་ཉིད་དང༌། སྒྲར་གནས་ཀྱི་དེ་ཉིད་དང༌། སྒྲ་མཐའི་དེ་ཉིད་དོ། ། |
| བྱ་རྒྱུད་ཀྱི་ལྷ་དྲུག |
ལྷ་དྲུག་རྣལ་འབྱོར་དང་དོན་གཅིག |
| བྱ་རྒྱུད་རིགས་དྲུག |
བྱ་རྒྱུད་ལ་དབྱེ་ན་རིགས་དྲུག་གམ་སྒོ་དྲུག་དེ་བཞིན་གཤེགས་པའི་རིགས། པདྨའི་རིགས། རྡོ་རྗེའི་རིགས་ཏེ་འཇིག་རྟེན་ལས་འདས་པའི་རིགས་གསུམ་དང༌། ནོར་བུའི་རིགས། ལྔས་རྩེན་གྱི་རིགས། འཇིག་རྟེན་ཕལ་པའི་རིགས་ནི་འཇིག་རྟེན་པ་གསུམ་སྟེ་དྲུག་གོ། ། |
| བྱ་རྒྱུད་སྤྱི་ཡི་དམ་ཚིག་བཅུ་བཞི |
དཀོན་མཆོག་གསུམ་ལ་དད་པ། སྔགས་ལ་དད་པ། ཐེག་ཆེན་ལ་མོས་ཤིང་བླ་མ་དང་མཆེད་གྲོགས་ལ་གུས་པ། འདས་མ་འདས་ཀྱི་ལྷ་གཞན་ལ་མི་སྡང་བ། ཉ་སྟོང་དུས་བཞིའི་མཆོད་པ་མི་གཅོག་པ། ཀླ་ཀློ་དང་མུ་སྟེགས་པའི་གཞུང་གཞན་ལ་མི་མཆོད་པ། གློ་བུར་ལྷགས་པའི་མགྲོན་ལ་ཟས་སྐོམ་སོགས་མཆོད་པ། སེམས་ཅན་ལ་བྱམས་པ་མི་གཏོང་བ། བསོད་ནམས་ཀྱི་ཚོགས་གོང་དུ་སྤེལ་བ། བཟླས་བརྗོད་ལ་བརྩོན་པ། དམ་ཚིག་གཞན་རྣམས་ཀྱང་བསྲུང་བ་སྟེ་བཅུ་བཞིའོ། ། |
| བྱ་རྗེས |
1.བྱའི་རྐང་རྗེས། 2.གཟོང་གི་བྱེ་བྲག་ཅིག 3.(ཡུལ་སྐད།) ལྷམ་ཟོན་པའི་རྟིང་པའི་འཇའ་འོག་མའི་ཕར་ཕྱིན། |
| བྱ་རྙི |
བྱ་འཛིན་བྱེད་ཀྱི་རྒྱ། |
| བྱ་རྙོང |
1.བྱ་འཛིན་བྱེད་ཀྱི་རྙི། 2.རྐང་ལག་རྐྱོང་བར་བྱེད་པ། |
| བྱ་རྡོ་ལམ་འཕྲད |
སྟེས་དབང་དུ་འཕྲད་པའི་དཔེ། |
| བྱ་རྨྱང |
1.རྐྱོང་ཤད་དམ། སྒྱིང་བའམ། གླལ་བ་སྟེ། (དཔེར་ན།) སེང་གེ་ཚང་ནས་ཐོན་ཏེ་བྱ་རྨྱང་བྱེད་པ་ཞེས་པ་ལྟ་བུ། 2.དོན་མེད་དུ་རྐང་ལག་རྣམས་ཤད་དུ་བརྐྱང་དགོས་པའི་རླུང་ནད་ལྡང་བའི་རྣམ་འགྱུར་ཞིག |
| བྱ་རྩོལ |
བྱ་བའི་ལས་ལ་འབད་རྩོལ་བྱེད་པ། (དཔེར་ན།) དོན་མེད་བྱ་རྩོལ་མང་བ་ངལ་བའི་རྒྱུ་ཞེས་པ་ལྟ་བུ། |
| བྱ་རྫི |
བྱ་འཚོ་མཁན། (དཔེར་ན།) བྱ་རྫིས་བྱ་གག་གསོ་སྐྱོང་བྱེད་པ་ནི་ཁོ་པའི་ཆེད་ལས་ཀྱི་ཐོན་སྐྱེད་ཡིན་ཞེས་པ་ལྟ་བུ། |
| བྱ་རྫོགས |
བྱ་བ་བྱས་ཟིན་པའམ་གྲུབ་པའི་དོན་ཏེ། (དཔེར་ན།) སྟོན་བསྡུའི་བྱ་བ་རྫོགས་ལ་ཉེ་ཞེས་པ་ལྟ་བུ། |
| བྱ་རྫོགས་ཀྱི་སྐད་ཅིག་མ |
བྱ་བ་གང་ཡང་རུང་བ་ཞིག་བྱས་ནས་རྫོགས་པའམ་གྲུབ་ཟིན་པ། |
| བྱ་ལག |
(ཡུལ་སྐད།) ཕྲུ་གུ་བྱ་སྤྱོད་རྩིང་པོ། |
| བྱ་ལས |
བྱ་བྱེད་ཐ་དད་ཡིན་པ་གང་ཞིག་བྱ་ཡུལ་དང་འབྲེལ་བའི་བྱ་བ། (དཔེར་ན།) ཆུ་ལ་ཟམ་པ་གཟུགས་པར་བྱ་ཞེས་པ་ལྟ་བུ། |
| བྱ་ལེ |
མོ་མཚན་གྱི་ཆ་ཤས་ཤིག་གི་མིང་། |
| བྱ་ལེ་བྱོ་ལེ |
ལས་ཀ་ཞིབ་ཚགས་མི་བྱེད་པ་སྟེ་ཧ་ལེ་ཧོ་ལེ་དང་མཚུངས། (དཔེར་ན།) ལས་ཀ་གང་ཅི་བྱ་ལེ་བྱོ་ལེ་བྱས་ན་གནད་སྨིན་གྱི་གྲུབ་འབྲས་ཡོང་མི་སྲིད་ཅེས་པ་ལྟ་བུ། |
| བྱ་ལོ |
ལོ་སྐོར་བཅུ་གཉིས་ཀྱི་གྲས་ཤིག |
| བྱ་ལོ་པ |
བྱ་ལོར་སྐྱེས་པའི་མི། |
| བྱ་ལོག |
བྱ་བ་ཕྱིན་ཅི་ལོག་པ་སྟེ། (དཔེར་ན།) གཡོ་སྒྱུ་ཟོལ་ཟོག་གིས་བྱ་ལོག་སྤྱོད་ལོག་བྱས་པའི་གྲུབ་འབྲས་སྙེ་མ་ལོང་བ་དང་མཚུངས་ཞེས་པ་ལྟ་བུ། |
| བྱ་ལྡེམ |
བྱ་སྒྲུང༌། |
| བྱ་ཤ་སེན་བགོས |
ཆ་སྙོམས་སུ་བགོས་པ་སྟེ། (དཔེར་ན།) བྱ་ཤ་སེན་བགོས་ཀྱིས་བུ་ལོན་འཇལ་བ། ཁ་ཟས་ཉུང་ངུ་ལས་མེད་ཀྱང་བྱ་ཤ་སེན་བགོས་ལྟར་བུ་གུ་རྣམས་ལ་སྤྲད་ཅེས་པ་ལྟ་བུ། |
| བྱ་ཤང་ཤང |
སྔར་གྱི་གཏམ་རྒྱུད་དུ་སྨད་བྱ་ལ་སྟོད་མི་ཡིན་པ་གཤོག་པ་ཅན་ཞིག |
| བྱ་ཤང་ཤང་ཏེའུ |
བྱ་ཤང་ཤང་དང་འདྲ། |
| བྱ་ཤོར་བ |
གསང་དགོས་པའི་དོན་དགྲ་བོས་ཤེས་པ། (དཔེར་ན།) གསང་བའི་ཡིག་ཆ་གལ་ཆེ་གཞན་ལ་བྱ་ཤོར་མེད་པ་ཞིག་དགོས་ཞེས་པ་ལྟ་བུ། |
| བྱ་སྐད |
ཁྱིམ་བྱའི་སྐད་དང༌། བྱ་སྤྱིའི་སྐད། (དཔེར་ན།) བྱ་སྐད་དང་པོ། ནམ་ལངས་མཚམས་སུ་བྱ་སྐད་ལྷང་ལྷང་སྒྲོག་པ། དགུན་དུས་ཕྱི་ཙམ་ལ་བྱ་སྐད་འཇགས་ཞེས་པ་ལྟ་བུ། |
| བྱ་སྐད་བྱེའུ་སྒྱུར |
བྱ་དེའི་སྐད་བྱེའུའི་སྐད་དུ་སྒྱུར་བ་སྟེ་སྣང་ཆུང་བྱེད་པའི་དོན། |
| བྱ་སྐས |
གདུང་མའི་ལོགས་གཅིག་ལ་ཉག་ཀ་བཏོན་ནས་བཟོས་པའི་འཛེག་སྐས་ཏེ་ཨ་མདོའི་ཡུལ་ལ་ལར་ཁེར་སྐས་ཟེར། |
| བྱ་སྐོན |
བྱ་འཛིན་བྱེད་ཀྱི་རྒྱ། |
| བྱ་སྐྱག |
བྱ་རིགས་ཀྱི་བྲུན་ནམ་སྐྱག་པ། |
| བྱ་སྐྱིབས |
1.བྲག་སྐྱིབས། 2.ཁང་པའི་མདའ་གཡབ། |
| བྱ་སྐྱིབས |
1.བྱ་བྱིའུ་སྡོད་སའི་བྲག་ཁུང་ཕུག་མེད་ལྟ་བུ། 2.ཁང་བའི་མདའ་ཡབ་ཀྱི་འོག |
| བྱ་སྒབ |
ལུས་ཀྱི་སོག་རུས་མདུན་ཕྱོགས་སུ་ཡོད་པའི་ཤ་ཞིག་གི་མིང༌། |
| བྱ་སྒོང |
བྱ་ཡི་སྒོ་ང་སྟེ (དཔེར་ན།) ཨ་ཡོད་ནང་གི་ད་ཡོད། བྱ་སྒོང་ནང་གི་སེར་རིལ་ཞེས་པ་ལྟ་བུ། |
| བྱ་སྒོང་སེར་ཐིག |
སྒོ་ངའི་ནང་གི་སེར་རིལ། |
| བྱ་སྒོང་སྤྲི་དཀར |
སྒོ་ངའི་ནང་གི་སྤྲི་མ་དཀར་པོ། |
| བྱ་སྒོའི་མི་སེར |
སྔར་སྙེ་མོ་རྫོང་ཁོངས་རྒྱལ་བྱེད་དགོན་པའི་ཉེ་འདབས་སུ་བཙུགས་པའི་ཟློས་གར་ཚོགས་པ་ཞིག |
| བྱ་སྒྲུང |
བྱ་བྱིའི་གཏམ་རྒྱུད་བརྗོད་བྱར་བྱས་པའི་རྩོམ་ཞིག |
| བྱ་སྒྲོ |
བྱའི་མཇུག་སྒྲོ་དང༌། གཤོག་སྒྲོ། |
| བྱ་སྤུ |
བྱ་ཡི་སྤུ། མིང་གི་རྣམ་གྲངས་ལ་ལུས་སྐྱེས་སོ། ། |
| བྱ་སྤུ་གནམ་གཏོར |
ཁ་འཐོར་བའམ་ཞིག་པའི་དཔེ། (དཔེར་ན།) བཙན་འཛུལ་དམག་གི་དགྲ་ངོམ་ཇི་ལྟར་ཆེ་ཡང༌། རྒོལ་ལན་དྲག་པོ་སྤྲད་ཚེ་བྱ་སྤུ་གནམ་གཏོར་ལྟར་འཐོར་ཞིག་ཏུ་འགྱུར་ལྟ་བུ། |
| བྱ་སྤུ་གནམ་འཐོར |
བྱ་སྤུ་གནམ་གཏོར་དང་དོན་གཅིག |
| བྱ་སྤུ་གནོན |
བྱ་སྒྲོ་གཅིག་འོག་གཅིག་གནོན་ལྟར་ལས་དོན་གཅིག་མཇུག་གཅིག་མཐུད་གོ་རིམ་སྟར་བསྒྲིགས་ཀྱིས་བྱེད་དགོས་པའི་དཔེ། (དཔེར་ན།) སྔ་ཐལ་ཕྱི་ལུས་མེད་པར་བྱ་སྤུ་གནོན་ལྟར་ཁྲིགས་ཆགས་བྱུང་སོང༌ལྟ་བུ། |
| བྱ་སྤྱོད |
སྒོ་གསུམ་གྱི་འབད་རྩོལ་ལམ་སྤྱོད་པ། |
| བྱ་སྦོ |
སྐར་མ་གྲོ་བཞིན། |
| བྱག |
ཇག་པའི་མིང་ལ་འཇུག |
| བྱག་མཁན |
1.མདའ་མཁན། (དཔེར་ན།) བྱག་མཁན་སྐྱེན་པོས་བྱ་ཁྲ་ནམ་མཁར་བསད་ཅེས་ལྟ་བུ། 2.ཇག་པ། 3.གར་མཁན། 4.སྔར་ལྷ་སར་པོ་ཏ་ལའི་རྩེ་ནས་ཞོལ་རྡོ་རིང་བར་ཐག་པའི་ཐོག་རྒྱུག་པའི་སྒྱུ་རྩལ་པ་ཞིག |
| བྱང |
1.བྱང་ཕྱོགས། (དཔེར་ན།) མདོ་སྨད་ཁུལ་གྱི་ས་བབ་ཕལ་ཆེར་བྱང་མཐོ་ལ་ལྷོ་ཞོལ་བ་ཞིག་ཡིན་ལྟ་བུ། 2.བོད་ཀྱི་བྱང་ཕྱོགས་སུ་ཡོད་པའི་འབྲོག་ཁུལ།3.(བྱེད་མེད་ལས་ཚིག) 1>འདྲིས་ཆ་ཆེ་བ་བའི་དོན་ཏེ། (དཔེར་ན།) ཚིག་ཁ་ལ་བྱང་། ལག་རྩལ་ལ་བྱང་དགོས། དཔེ་ཆ་བློ་ལ་བྱང་ལྟ་བུ། 2>དངོས་རྫས་ཕྱིས་པའམ་རེག་ནས་འཇམ་པོར་གྱུར་པའི་དོན་ཏེ། (དཔེར་ན།) མེ་མདའ་བཟུང་ནས་ཡུ་བ་བྱང་། ལྕགས་ཁེམ་བཀོལ་ནས་ཡུ་བ་བྱང་ལྟ་བུ། 3>ལས་ཁུངས་དང་ཚོང་ཁང་སོགས་ཀྱི་མིང་ཡིག་ཡོད་པའི་རྟགས་མཚན་ཞིག་མིང་སྟེ། (དཔེར་ན།) སྒོ་བྱང་། ཡིག་བྱང་། གློག་བརྙན་ལ་ལྟ་བའི་ཡིག་བྱང་། སྒོའི་བྱང་བུ། རླངས་འཁོར་གྱི་འཛིན་བྱང་ལྟ་བུ། དཔེ་ཆ་དང་དངོས་རྫས་ཀྱི་བཤད་པ་མདོར་བསྡུས་ཀྱི་མིང་སྟེ། (དཔེར་ན།) དཔེ་ཆའི་མཇུག་བྱང་། འཕྲུལ་འཁོར་གྱི་ཁ་བྱང་ལྟ་བུ། 4>ཟས་བཞུས་ནས་ཕོ་བ་དང་རྒྱུ་མ་སྟོང་བར་གྱུར་བའི་དོན་ཏེ། (དཔེར་ན།) ཁོག་པ་བྱང་། ཆུ་སྐོལ་འཐུངས་ནས་ལྟོ་བ་བྱང་ལྟ་བུ།4.བྱང་ཕྱོགས་ཀྱི་མིང་བསྡུས་པ། 5.བྱང་བ་ཡི་མིང་བསྡུས་པ།6.(བྱེད་མེད་ལས་ཚིག) འབྱང་བའི་འདས་པ། (དཔེར་ན།) འདག་པའི་དོན་ཏེ། ཉེས་པ་བྱང་ལྟ་བུ། |
| བྱང་ཁོག |
1.ལུས་ཀྱི་ཁོག་སྟོད་ཀྱི་ནང་ངམ་མདུན། 2.མགོ་དང་ཡན་ལག་བཞི་བཅས་ཕར་ཕུད་པའི་དེ་བྱིངས་ནང་དུ་དོན་ལྔ་དང༌། སྣོད་དྲུག་གནས་པའི་ཡུལ་དེའོ། ། |
| བྱང་ཁོག་ཡུལ་ཐིག |
མི་ལུས་ཀྱི་བྱང་ཁོག་ནང་གི་དོན་ལྔ་དང༌། སྣོད་དྲུག་བཅས་ཀྱི་གནས་ས་དང༌། ཆེ་ཆུང་འདྲ་དབྱིབས་བཅས་གསལ་བར་རྟོགས་པའི་ཕྱིར་དུ་ལུས་ཀྱི་ཕྱི་ནས་ཐིག་བཏབ་པས་ནང་གི་ཡུལ་རྣམས་འཚོལ་བའི་ཐབས་ཤིག |
| བྱང་ཁོག་རྨ |
མགོ་དང་ཡན་ལག་བཞི་ཕར་ཕུད་པའི་དེ་བྱིངས་ཀྱི་ལུས་ཕྱི་ནང་དུ་མཚོན་སོགས་ཕོག་ནས་ཕྱི་རྐྱེན་བློ་བུར་དུ་བྱུང་བའི་རྨ་ལའོ། ། |
| བྱང་ཁོག་ལུས་ཐིག |
མི་ཕྱུགས་ཀྱི་ལུས་ཀྱི་དོན་ལྔ་སྣོད་དྲུག་གི་གནས་ས་དང་ཤ་གནད་རྩ་གནད་སོགས་མཚོན་པའི་དཔེ་རིས་ཀྱི་མིང་། |
| བྱང་ཁོག་སྟོད་སྨད |
མཆིན་དྲི་ཡན་ཆད་ལ་བྱང་ཁོག་སྟོད་དང༌། མཆིན་དྲི་མན་ཆད་ལ་བྱང་ཁོག་སྨད་ཅེས་ཟེར། |
| བྱང་ཁྱི་རྣ་ལེབ |
བོད་ཀྱི་བྱང་ཧོར་ཕྱོགས་ནས་ཐོན་པའི་ཤ་ཁྱི་ཞིག |
| བྱང་ཁྲ |
སྲོག་ཆགས་སྨན་གྱི་རིགས་འབུ་བྱང་པ་དམར་ཁྲ། |
| བྱང་གཏེར |
རིག་འཛིན་རྒོད་ལྡེམ་གྱིས་གཏེར་ནས་དྲངས་པའི་ལས་བཞིའི་ཆོས་ཚན་རྣམས་སོ། ། |
| བྱང་གནམ་མཚོ |
འདམ་གཞུང་རྫོང་གི་བྱང་ཕྱོགས་ཐག་ཉེར་གནས་པའི་མཚོ། |
| བྱང་གི་ཕྱོགས་སྐྱོང |
(མངོན་བརྗོད།) རྣམ་ཐོས་སྲས། |
| བྱང་གོམས |
ཤེས་རིག་ཡོན་ཏན་ནམ་ལས་ཀ་སོགས་ཁོག་ཏུ་ཆུད་པའི་མྱོང་འདྲིས། (དཔེར་ན།) ལག་རྩལ་བྱང་གོམས་ཐོན་པ་ལྟ་བུ། |
| བྱང་གྲོལ |
རྣམ་བྱང་གི་ཕྱོགས། |
| བྱང་ངི་བྱིང་ངི |
(རྒྱན་ཚིག) ནད་བབ་ལྕི་པོ་མིན་པ་རེས་ཞི་རེས་ལང་གི་སྣང་ཚུལ། (དཔེར་ན།) བྱང་ངི་བྱིང་ངིའི་ནད་དེ་ངོས་འཛིན་དཀའ་ཞེས་པ་ལྟ་བུ། |
| བྱང་ངོས |
བྱང་ཕྱོགས། |
| བྱང་ཆ |
1.བྱང་གོམས་ཀྱི་ཚད། 2.བྱང་ཕྱོགས་ཀྱི་ཆ་ཤས། |
| བྱང་ཆུང |
1.ཁྲབ་ཀྱི་བྱང་བུ་ཆུང་ངུ། 2.ཤིང་སོགས་ཀྱི་བྱང་བུ་ཆུང་ངུ། |
| བྱང་ཆུབ |
1.གོམས་འདྲིས་མཐར་སོན་པ། 2.སྤང་བྱའི་དྲི་མ་མཐའ་དག་བྱང་ཞིང༌། རྟོགས་བྱའི་ཡོན་ཏན་ཐམས་ཅད་ཁོང་དུ་ཆུབ་པ་སྟེ་མི་སློབ་ལམ་ལ་བྱང་ཆུབ་ཅེས་བྱའོ། ། |
| བྱང་ཆུབ་ཀྱི་མཆོད་པ |
མཆོད་པ་བཞིའམ་མཆོད་པ་ཆེན་པོ་བཞིའི་ཡ་གྱལ་ཞིག |
| བྱང་ཆུབ་ཀྱི་ཡན་ལག |
ཆོས་ཐམས་ཅད་སྟོང་པར་ཁོང་དུ་ཆུད་པའི་རྣམ་པར་མི་རྟོག་པའི་ཡེ་ཤེས་ཀྱི་གྲོགས་སུ་གྱུར་པ། |
| བྱང་ཆུབ་ཀྱི་ལམ |
སྤང་རྟོགས་ཀྱི་ཡོན་ཏན་རྣམས་མངོན་དུ་བྱེད་པའི་ལམ། |
| བྱང་ཆུབ་ཀྱི་སེམས |
དམིགས་པ་གཞན་དོན་ལ་དམིགས་ནས་རྣམ་པ་རྫོགས་བྱང་ཐོབ་འདོད་ཀྱི་འདུན་པ་ལས་བྱུང་ཞིང་ཐེག་ཆེན་ལམ་གྱི་གཞུང་ཤིང་དུ་གྱུར་པའི་ཡིད་ཀྱི་རྣམ་རིག་ཁྱད་པར་ཅན། དེ་ལ་དབྱེ་ན་སྨོན་སེམས་དང་འཇུག་སེམས་གཉིས། |
| བྱང་ཆུབ་ཀྱི་སེམས་ཀྱི་རྒྱུ་བཞི |
རྒྱལ་བའམ་དེའི་སྤྲུལ་པས་བསྐུལ་བ་དང༌། བྱང་ཆུབ་སེམས་ཀྱི་ཕན་ཡོན་ཐོས་པ། སེམས་ཅན་མགོན་མེད་པར་མཐོང་ནས་སྙིང་རྗེའི་སེམས་ཉེ་བར་བཞག་པ། སངས་རྒྱས་ཀྱི་ཡོན་ཏན་མཐོང་ནས་དགའ་བས་སེམས་བསྐྱེད་པ་བཅས་བཞིའོ། ། |
| བྱང་ཆུབ་གཞུང་ལམ |
རྗེ་ཙོང་ཁ་པས་མཛད་པའི་བྱང་སའི་ཚུལ་ཁྲིམས་ལེའུའི་འགྲེལ་པའོ། ། |
| བྱང་ཆུབ་གསུམ |
ཉན་ཐོས་ཀྱི་བྱང་ཆུབ་དང༌། རང་རྒྱལ་གྱི་བྱང་ཆུབ། ཐེག་ཆེན་གྱི་བྱང་ཆུབ་བཅས་གསུམ། |
| བྱང་ཆུབ་ཆེན་པོ |
སྲིད་ཞི་གཉིས་ཀྱི་མཐའ་ལས་འདས་པའི་ཐེག་ཆེན་མི་སློབ་ལམ་སྤང་བྱ་སྒྲིབ་གཉིས་བག་ཆགས་དང་བཅས་པ་ཐམས་ཅད་བྱང་ཞིང་རྟོགས་བྱ་མཁྱེན་གཉིས་ཀྱི་ཡེ་ཤེས་ཡོན་ཏན་ཐམས་ཅད་ཁོང་དུ་ཆུབ་པའི་སངས་རྒྱས་ལ་བྱང་ཆུབ་ཆེན་པོ་ཞེས་བྱའོ། ། |
| བྱང་ཆུབ་ཆེན་པོའི་ཕོ་བྲང |
དགྲ་བཅོམ་པ་ཉེར་སྦས་ཀྱིས་བསྟན་པ་བསྐྱང་དུས་ཡུལ་མ་ག་དྷ་ན་སངས་རྒྱས་ཀྱི་ཞལ་དངོས་སུ་མཇལ་བའི་བྲམ་ཟེ་མོ་ཞིག་ཡོད་པ་དེའི་བུ་བྲམ་ཟེ་དགེ་བ་ཞེས་པས་རྡོ་རྗེ་གདན་དུ་ལྷ་ཁང་དང༌། སངས་རྒྱས་དངོས་དང་འདྲ་བའི་སྟོན་པའི་སྐུ་བཞེངས་ཤིང་བྱིན་རླབས་ཀྱི་གཟི་འོད་རབ་ཏུ་འབར་བ་ཞིག་བཞུགས་པ་དེ་ལ་མ་ཧཱ་བོ་དྷི་སྟེ་བྱང་ཆུབ་ཆེན་པོ་ཞེས་གྲགས་སོ། ། |
| བྱང་ཆུབ་པ |
1.གོམས་འདྲིས་མཐར་སོན་པའི་དོན་ཏེ། (དཔེར་ན།) ལག་རྩལ་བྱང་ཆུབ་པ་ཞེས་པ་ལྟ་བུ། 2.སྤངས་རྟོགས་བརྙེས་པ། |
| བྱང་ཆུབ་ཕྱོགས་ཀྱི་ཆོས |
ཉན་ཐོས་དང་རང་སངས་རྒྱས་དང་བླ་ན་མེད་པའི་བྱང་ཆུབ་རྣམ་པ་གསུམ་ཐོབ་པར་བྱེད་པའི་ཐབས་སམ་གྲོགས་སུ་གྱུར་པའི་ཆོས་སོ། ། |
| བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན |
བྱང་ཕྱོགས་སོ་བདུན་དང་དོན་གཅིག |
| བྱང་ཆུབ་མཆོག |
སངས་རྒྱས་ཀྱི་རྣམ་མཁྱེན། |
| བྱང་ཆུབ་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག་སྟོན་པ་ཤཱཀྱ་ཐུབ་པ་རྒྱལ་པོའི་ཁབ་ཏུ་མངོན་པར་བྱང་ཆུབ་པའི་ཚེ་དེར་བཞེངས་པའི་གྲུ་བཞི་བང་རིམ་བཞི་པ་ཅན་གྱི་མཆོད་རྟེན། |
| བྱང་ཆུབ་འོད |
སྤྱི་ལོའི་དུས་རབས་བཅུ་གཅིག་པའི་ཐོག་མར་བོད་རྒྱལ་གླང་དར་མ་ནས་བརྩིས་པའི་རྒྱལ་རྒྱུད་ཀྱི་མི་རབས་བརྒྱད་པ་སྟེ་ཨ་ཏི་ཤ་བོད་དུ་གདན་འདྲེན་ཞུ་མཁན། སྟོད་མངའ་རིས་ཀྱི་ལྷ་བླ་མ་ཞེས་པ་རབ་བྱུང་གི་རྒྱལ་པོ་ཞིག་གི་མིང༌། |
| བྱང་ཆུབ་ཡན་ལག་བདུན |
ཏིང་འཛིན་དང་ཤེས་རབ་མཉམ་པར་འཇུག་པའི་ཆོས་བདུན་དྲན་ཡ་ཡང་དག་བྱང་ཆུབ་ཀྱི་ཡན་ལག་དང༌། ཆོས་རབ་ཏུ་རྣམ་འབྱེད་བྱང་ཆུབ་ཀྱི་ཡན་ལག་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དགའ་བ་ཡང་དག་བྱང་ཆུབ་ཀྱི་ཡན་ལག་ཤིན་སྦྱངས་ཡང་དག་བྱང་ཆུབ་ཀྱི་ཡན་ལག་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་བཅས་བདུན་ནོ། ། |
| བྱང་ཆུབ་ལམ་གྱི་རིམ་པ |
རྗེ་བཙུན་རྩོང་ཁ་པས་མཛད་པའི་བྱང་ཆུབ་ལམ་རིམ་གྱི་གཞུང་ཆེ་འབྲིང་ཆུང་གསུམ། |
| བྱང་ཆུབ་ལམ་གྱི་སྒྲོན་མ |
ཇོ་བོ་ཨ་ཏི་ཤ་བོད་དུ་ཕེབས་ནས་བརྩམས་པའི་སྐྱེས་བུ་གསུམ་གྱི་ལམ་རིམ་གྱི་གཞུང་ཞིག |
| བྱང་ཆུབ་ལམ་རིམ་ཆེན་མོ |
ཕར་ཕྱིན་ཐེག་པའི་ལམ་གྱི་རིམ་པ་མཐའ་དག་སྐྱེས་བུ་གསུམ་གྱི་ལམ་གྱི་རིམ་པར་བསྡུས་ནས་སྟོན་པའི་གསུང་རབ་སྤྱིའི་དགོངས་འགྲེལ། དུས་རབས་བཅུ་བཞི་པའི་མཇུག་རྗེ་ཙོང་ཁ་པ་བློ་བཟང་གྲགས་པས་མཛད་པ། ཉེ་ཆར་རྒྱ་ལོ་ཙཱ་བ་ཆོས་འཕགས་ཀྱིས་རྒྱ་ཡིག་ཏུ་བསྒྱུར། |
| བྱང་ཆུབ་ལམ་སྒྲོན |
བྱང་ཆུབ་ལམ་གྱི་སྒྲོན་མའི་བསྡུས་མིང༌། |
| བྱང་ཆུབ་ལྗོན་ཤིང |
1.ཤིང་ཞིག མིང་གི་རྣམ་གྲངས་ལ་གླང་པོའི་ཟས་དང༌། ཤིང་དབང༌། ཨ་ཤྭཏྠ་བཅས་སོ། །2.ཤིང་སྨན་གྱི་རིགས་པི་པི་ལིང་གི་མིང་གཞན་ཞིག |
| བྱང་ཆུབ་ཤིང |
ཚ་བའི་ས་ཁུལ་དུ་སྐྱེས་ཤིང་རྒྱུན་དུ་སྔོ་བ་དང༌། ཤིང་སྡོང་ནས་ཐོན་པའི་འོ་ཆུ་དེ་སྤྱིན་བཟོ་རུང་བའི་རྩི་ཤིང་ཞིག |
| བྱང་ཆུབ་སེམས་དཔའ |
ཐེག་ཆེན་སློབ་ལམ་པའི་གང་ཟག་བྱང་ཆུབ་ཆེན་པོ་ཐོབ་ཆེད་བསྐལ་པའི་ཡུན་དང༌། འགྲོ་མང་གི་མཐའ། དབུ་དང་ཡན་ལག་གི་སྦྱིན་པ་གཏོང་བ་ལ་སེམས་མི་ཞུམ་པས་བྱང་ཆུབ་སེམས་དཔའ་ཞེས་བྱའོ། ། |
| བྱང་ཆུབ་སེམས་དཔའ་ལས་དང་པོ་བ |
ཐེག་ཆེན་གྱི་ལམ་ལ་ཐོག་མར་ཞུགས་པའི་གང་ཟག |
| བྱང་ཆུབ་སེམས་དཔའ་སེམས་དཔའ་ཆེན་པོ |
ས་ཐོབ་ཀྱི་སེམས་དཔའ། |
| བྱང་ཆུབ་སེམས་དཔའ་སྲིད་པ་ཐ་མ་བ |
ཚེ་དེ་ལ་འཚང་རྒྱ་ངེས་ཀྱི་བྱང་ཆུབ་སེམས་དཔའ། |
| བྱང་ཆུབ་སེམས་དཔའི་མོས་པས་སྤྱོད་པའི་ཆ་མཐུན་བཞི |
སྣང་བ་ཐོབ་པ་དང༌། སྣང་བ་མཆེད་པ་དང༌། དེ་ཁོ་ན་ཉིད་ཀྱི་དོན་ལ་ཕྱོགས་གཅིག་པ་དང༌། བར་ཆད་མེད་པའི་ཏིང་ངེ་འཛིན་བཅས་བཞིའོ། ། |
| བྱང་ཆུབ་སེམས་དཔའི་ཚུལ་ཁྲིམས |
བྱང་ཆུབ་སེམས་དཔའི་སྡོམ་པ་དང་དོན་གཅིག |
| བྱང་ཆུབ་སེམས་དཔའི་ལྟུང་བ་བཤགས་པ |
ཕུང་པོ་གསུམ་པའི་མདོ། |
| བྱང་ཆུབ་སེམས་དཔའི་ས |
ཐེག་པ་ཆེན་པོའི་ས་བཅུ་པོའོ། ། |
| བྱང་ཆུབ་སེམས་དཔའི་ས་བཅུ |
རབ་ཏུ་དགའ་བ་དང༌། དྲི་མ་མེད་པ། འོད་བྱེད་པ། འོད་འཕྲོ་བ། ཤིན་ཏུ་སྦྱང་དཀའ་བ། མངོན་དུ་གྱུར་པ། རིང་དུ་སོང་བ། མི་གཡོ་བ། ལེགས་པའི་བློ་གྲོས། ཆོས་ཀྱི་སྤྲིན་ཏེ་བཅུ། |
| བྱང་ཆུབ་སེམས་དཔའི་སྡོམ་པ |
གཞན་ཕན་དོན་གཉེར་གྱི་བསམ་པས་ཀུན་ནས་བསླངས་ཏེ། གཞན་གནོད་གཞི་དང་བཅས་པ་སྤང་ཞིང༌། གཞན་ཕན་གཞི་དང་བཅས་པ་སྒྲུབ་པའི་ཚུལ་ཁྲིམས་སོ། ། |
| བྱང་ཆུབ་སེམས་དཔའི་སྤྱོད་པ་ལ་འཇུག་པ |
བྱང་ཆུབ་སེམས་ཀྱི་ཕན་ཡོན་དང༌། སྡིག་པ་བཤགས་པ་དང༌། བྱང་སེམས་ཡོངས་བཟུང་ཀུན་རྫོབ་དང་དོན་དམ་པའི་བྱང་ཆུབ་ཀྱི་སེམས་རིན་པོ་ཆེ་མ་སྐྱེས་པ་སྐྱེད་པར་བྱེད་པའི་ལེའུ་གསུམ། བག་ཡོད་དང༌། ཤེས་བཞིན་དང༌། བཟོད་པ་སྟེ་སྐྱེས་པ་མི་ཉམས་པར་བྱེད་པའི་ལེའུ་གསུམ། བརྩོན་འགྲུས་དང༌། བསམ་གཏན་དང༌། ཤེས་རབ་སྟེ་མི་ཉམས་པ་གོང་ནས་གོང་དུ་འཕེལ་བར་བྱེད་པའི་ལེའུ་གསུམ། དེ་ལྟར་སྤེལ་བའི་འབྲས་བུ་གཞན་དོན་ལ་བསྔོ་བ་དང་སྨོན་པའི་ལེའུ་གཅིག་གཞུང་ལེའུ་བཅུའི་བདག་ཉིད་འདི་རྒྱ་གར་གྱི་སློབ་དཔོན་ཞི་བ་ལྷས་མཛད་པའོ། ། |
| བྱང་ཆུབ་སེམས་དཔའི་སྤྱོད་པའི་མདོ |
འཕགས་པ་བྱང་ཆུབ་སེམས་དཔའི་སྤྱོད་པ་བསྟན་པ་ཞེས་བྱ་བའི་མདོ་ཤོ་ལོ་ཀ་བརྒྱ་ཉི་ཤུ་པའོ། ། |
| བྱང་ཆུབ་སེམས་ཞྭ |
དགེ་ལུགས་ཀྱི་རི་ཁྲོད་པ་འགའི་ཞྭ་མོ་ཞིག |
| བྱང་ཆུབ་སེམས་རྩ |
བད་ཀན་རང་བཞིན་གྱིས་བསྐྱོད་པའི་ནད་མེད་ཀྱི་རྒྱུན་རྩའི་འཕར་ཚུལ་ཞིག་འཕར་རྩའི་རྒྱུད་རྒྱུན་རིང་འཇམ་ལ་དལ་བར་འཕར་བ་ཞིག |
| བྱང་ཆུབ་སྙིང་པོ |
1.རྒྱ་གར་རྡོ་རྗེ་གདན། 2.སངས་རྒྱས་ཀྱི་གོ་འཕང༌། |
| བྱང་ཆེན་མཆོད་རྟེན |
བྱང་ཆུབ་མཆོད་རྟེན་དང་དོན་གཅིག |
| བྱང་ཐང |
1.བྱང་ཁུལ་ལ་ཡོད་པའི་གངས་རི་ཏེ་སེ་དང༌། ཁུ་ནུ་རི་རྒྱུད། གདང་ལ་བཅས་ཀྱི་བར་བར་དུ་ཆགས་པའི་རྩྭ་ཆུ་འཛོམས་པའི་འབྲོག་ཐང་ཆེན་པོ་ཞིག་ཡིན། འདིའི་ས་བབ་རྒྱ་མཚོའི་ངོས་ལས་སྨི་ལྔ་སྟོང་ཙམ་ཡོད་པ་དེར་ཚྭ་ཁ་དང༌། མཚོ། མཚེའུ་བཅས་མང་པོ་ཡོད་པའི་ཐོག་གནམ་གཤིས་སྐམ་ཤས་དང་གྲང་ངར་ཧ་ཅང་ཆེན་པོ་ཡོད། 2.རྩྭ་ཐང་ངམ་འབྲོག་ཐང༌། |
| བྱང་དགུ |
འགའ་ཞིག་གིས་ཁབ་འཐེན་འཚེམ་སྤྱད་དང༌། ལ་ལས་གནོད་སྲུང་བྱེད་པའི་ཁྲབ་ཀྱི་བྱང་བུ་བུག་པ་དགུ་ཡོད་ཅིག |
| བྱང་པ |
1.བོད་ཀྱི་གསོ་བ་རིག་པའི་ཕྱོགས་ཁག་མི་འདྲ་བ་གཉིས་ཀྱི་ནང་ཚན་བྱང་པ་རྣམ་རྒྱལ་གྲངས་བཟང་གི་བཞེད་སྲོལ་འཛིན་མཁན། 2.བྱང་གཏེར་གྱི་ཆོས་བརྒྱུད་འཛིན་མཁན། 3.སྲོག་ཆགས་སྨན་གྱི་རིགས་འབུ་བྱང་པ་དམར་ཁྲ་སྟེ་རོ་ཁ་ལ་ཚ། ཞུ་རྗེས་དྲོད། ནུས་པས་རྩ་ནད་ཀྱི་རིགས་དང༌། བརྒྱལ་གཟེར། དྲི་ཆུ་འགགས་པ་སོགས་ལ་ཕན། 4.བྱང་ཕྱོགས་ལ་གནས་པའི་མི། |
| བྱང་པ་རྣམ་རྒྱལ་གྲངས་བཟང |
རབ་བྱུང་བདུན་པའི་ཤིང་ཕག་ལོར་གཙང་ངམ་རིང་གི་རྒྱལ་སྡེ་ཆེན་པོར་སྐུ་འཁྲུངས། དགུང་ལོ་བཅུའི་ཐོག་པཎ་ཆེན་ནགས་ཀྱི་རིན་ཆེན་དང༌། བོ་དོང་ཕྱོགས་ལས་རྣམ་རྒྱལ་སོགས་ཡོངས་འཛིན་མང་པོ་བསྟེན་ནས་མདོ་སྔགས་དང༌། ཁྱད་པར་དུ་གསོ་བ་རིག་པ་ལ་མཁས་པར་སྦྱངས། རྒྱ་ནག་གོང་མ་ཏཱ་མིང་གིས་ཏའི་སི་ཏུའི་གོ་ས་གནང༌། གསུང་རྩོམ་ཡང་ནང་རིག་པའི་སྐོར་དང༌། སྒྲ་རིག་པ། བཟོ་རིག་པ། སྐར་རྩིས་སོགས་དང༌། ཁྱད་པར་དུ་གསོ་བ་རིག་པའི་སྐོར་ལ་ཡན་ལག་བརྒྱད་པ་ཐམས་ཅད་ཀྱི་སྙིང་པོ་བསྡུས་པ་ཡིད་བཞིན་ནོར་བུ་རིན་པོ་ཆེ་བྱ་བའི་བསྟན་བཅོས་ལེའུ་བརྒྱ་དང་ཉི་ཤུ་ཡོད་པ་ཞིག་དང༌། རྩ་རྒྱུད་ཀྱི་འགྲེལ་པ་རྒྱུད་དོན་གསལ་བྱེད་སྒྲོན་མེ། བཤད་རྒྱུད་ཀྱི་འགྲེལ་པ་བདུད་རྩིའི་ཆུ་རྒྱུན། ཕྱི་མ་རྒྱུད་ཀྱི་དཀའ་འགྲེལ་དགོས་འདོད་འབྱུང་བ་སོགས་མང་དུ་མཛད། མི་ཡི་ཉི་མ་མཐོང་བ་དོན་ལྡན་སོགས་སློབ་མ་མང་པོ་བསྐྱངས། དགུང་ལོ་བརྒྱད་ཅུ་རྩ་གཅིག་བར་འགྲོ་བའི་དོན་མཛད། |
| བྱང་ཕྱོགས |
སྔ་དྲོ་ཁ་ཉི་མར་འཁོར་ཚེ་ལག་པ་གཡོན་པའི་ཕྱོགས་ནི་བྱང་ཕྱོགས་ཡིན། མིང་བསྡུས་ན་བྱང་ཞེས་འབྲི་ཆོག་སྟེ། (དཔེར་ན།) ཤར་ལྷོ་ནུབ་བྱང་ཞེས་པ་ལྟ་བུ། |
| བྱང་ཕྱོགས་པ |
བྱང་གི་ཕྱོགས་སུ་གནས་པ་པོ། |
| བྱང་ཕྱོགས་བདག་པོ |
(མངོན་བརྗོད།) རྣམ་ཐོས་སྲས། |
| བྱང་ཕྱོགས་སོ་བདུན |
དྲན་པ་ཉེར་བཞག་བཞི་དང༌། ཡང་དག་སྤོང་བ་བཞི། རྫུ་འཕྲུལ་གྱི་རྐང་པ་བཞི། རྣམ་བྱང་དབང་པོ་ལྔ། རྣམ་བྱང་གི་སྟོབས་ལྔ། བྱང་ཆུབ་ཡན་ལག་བདུན། འཕགས་ལས་ཡན་ལག་བརྒྱད་དེ་སོ་བདུན། |
| བྱང་བ |
1.འབྱང་བའི་འདས་པ། 2.གོམས་པའམ་འདྲིས་པ། ལག་རྩལ་བྱང་གོམས་ཐོན་པའི་མི། 3.སྲིན་བུ་བྱང་བའི་མིང་། དེ་ལ་བྱང་བ་ཁྲ་བོ་དང་བྱང་བ་ནག་པོ་རིགས་གཉིས་ཡོད་ཅིང་། བྱང་བ་ཁྲ་བོ་སྨན་བྱེད་ཆོག ། རྒྱ་སྐད་དུ་པན་མོ་ཟེར། མིང་བསྡུས་ན་བྱང་ཞེས་འབྲི་ཆོག་སྟེ། (དཔེར་ན།) བྱང་བ་ཁྲ་བོ་ལ་བྱང་ཁྲ་ཟེར་བ་ལྟ་བུ། |
| བྱང་བགྲོད |
ཉི་མ་ལ་མཚོན་ན་དགུན་ཉི་ལྡོག་ནས་གཞུ་སོགས་ཁྱིམ་ཟླ་དྲུག་ལ་ཉི་མ་བྱང་བགྲོད་ཟེར་ཏེ། ཉིན་ཇེ་རིང་དང་མཚན་ཇེ་ཐུང་དུ་འགྲོ་བའི་སྐབས་སོ། ། |
| བྱང་བལ |
བྱང་འགྲོག་པའི་ལུག་གི་བལ། |
| བྱང་བལྟས |
ཁ་བྱང་དུ་བལྟས་པ། (དཔེར་ན།) སྒོ་བྱང་བལྟས། དཀར་ཁུང་བྱང་བལྟས་ཞེས་པ་ལྟ་བུ། |
| བྱང་བུ |
ཤིང་དང་རས་ཤོག་སོགས་གྲུ་བཞི་ནར་མོར་དྲས་པའི་ཚལ་བུ། (དཔེར་ན།) ཤིང་བྱང༌། ཤོག་བྱང༌། རས་བྱང༌། བརྗེད་བྱང༌། ཁ་བྱང༌ལྟ་བུ། |
| བྱང་བྱིང |
(རྒྱན་ཚིག) བྱང་ངི་བྱིང་ངིའི་བསྡུས་ཚིག |
| བྱང་མ |
1.བྱང་ལ་ཡོད་པའི་དངོས་པོ། (དཔེར་ན།) ཁང་པ་བྱང་མ། གྲོང་པ་བྱང་མ་ཞེས་པ་ལྟ་བུ། 2.གོམས་བྱང་ཅན། (དཔེར་ན།) ལག་ཤེས་བྱང་མ་ཞེས་པ་ལྟ་བུ། 3.(ཡུལ་སྐད།) རྩྭ་ཆུ་བཀག་པའི་རྟ། (དཔེར་ན།) རྒྱུག་རྟ་བྱང་མ་ཞེས་པ་ལྟ་བུ། |
| བྱང་ཚད |
གོམས་པའམ་བྱང་བའི་ཚད། |
| བྱང་ཚོང |
བལ་དང་ཚྭ་སོགས་བྱང་ཐང་གི་ཐོན་ཟོག་ཉོ་ཚོང་བྱེད་པར་འགྲོ་བའི་ཚོང་ལས། |
| བྱང་ཚྭ་དཀར་པོ |
སྟོད་མངའ་རིས་སོགས་ནས་ཐོན་པའི་རང་བྱུང་གི་ཚྭ་མདོག་དཀར་པོ་ཤེལ་ལྟར་དྭངས་པ་ཞིག |
| བྱང་ཟུར་གཉིས |
བྱང་པ་རྣམ་རྒྱལ་གྲགས་བཟང་དང་ཟུར་མཁར་མཉམ་ཉིད་རྡོ་རྗེ་གཉིས། |
| བྱང་འདྲེན་པ |
1.དགོན་པའི་དབུ་མཛད་དེ་འདོན་པའི་འགོ་སྐུལ་བ་པོ། 2.མགོ་རྩོམ་པའི་དོན་ཏེ། (དཔེར་ན།) ལས་ཀའི་བྱང་འདྲེན་པ། ལས་གྲྭ་གསར་པའི་བྱང་དྲངས་ནས་དུས་ཡུན་ཟླ་བ་གསུམ་སོང་བ་ཞེས་པ་ལྟ་བུ། |
| བྱང་འཕགས |
བྱང་སེམས་འཕགས་པའི་བསྡུས་མིང༌། |
| བྱང་འབྲོག |
བོད་བྱང་ཕྱོགས་ས་ཁུལ་ལ་གནས་པའི་ཧོར་འབྲོག |
| བྱང་འབྲོང |
བྱང་ཐང་ལ་སྡོད་པའི་རི་དྭགས་འབྲོང༌། |
| བྱང་ཡིག |
1.ཁ་བྱང་དུ་བྲིས་པའི་མིང་སོགས། 2.གཤིན་པོའི་མིང་བྱང་ཡི་གེ། |
| བྱང་རིང་སྔོན་རྩ་རི |
རི་བོ་ཞིག དཔལ་མགོན་རྫོང་གི་ནུབ་བྱང་ངོས་སུ་ཡོད། |
| བྱང་རྒྱུག |
(ཡུལ་སྐད།) རྟ་རྒྱུག་ཆེན་པོའི་སྐབས་ཉིན་བཅུ་ཙམ་ལ་རྩྭ་མི་སྟེར་བར་འབྲུ་སོགས་བྱིན་ནས་རྒྱུག་མ་རན་གོང་ལ་རྟ་མགྱོགས་པ་ཁ་ཤས་བརྒྱུགས་ནས་ཚོད་ལྟ་བའི་མིང༌། |
| བྱང་རྒྱུད |
བྱང་གི་ཁུལ་ལམ་བྱང་གི་ཕྱོགས། (དཔེར་ན།) བོད་ཀྱི་བྱང་རྒྱུད་དུ་ཡོད་པའི་མཚོའི་ནང་ནས་གནམ་མཚོ་ཆེ་ཤོས་རེད་ཅེས་པ་ལྟ་བུ། |
| བྱང་ལམ |
བྱང་རྒྱུད་ཀྱི་ལམ་ཁ། (དཔེར་ན།) བོད་ནས་བྱང་ལམ་བརྒྱུད་དེ་མཚོ་སྔོན་དུ་སོང༌ལྟ་བུ། |
| བྱང་ལུགས |
བྱང་པ་རྣམ་རྒྱལ་གྲགས་བཟང་གི་དགོངས་བཞེད་ལྟར་རྒྱུད་ཀྱི་བཤད་སྒྲོས་དང༌། སྨན་གྱི་ངོས་འཛིན་སོགས་སྲོལ་རྒྱུན་མ་ཉམས་པ་འཛིན་མཁན་གྱི་བརྒྱུད་འཛིན་སྤྱི་ལའོ། ། |
| བྱང་ཤམྦྷ་ལ |
འཛམ་གླིང་ཞིང་ཁམས་སྡེ་ལྔའི་ཡ་གྱལ་ཞིག་སྟེ་རིགས་ལྡན་གྱི་ཞིང༌། |
| བྱང་ཤར |
1.བྱང་དང་ཤར། 2.བྱང་ཤར་གཉིས་ཀྱི་མཚམས། |
| བྱང་སེམས |
1.བྱང་ཆུབ་ཀྱི་སེམས། 2.བྱང་ཆུབ་སེམས་དཔའ། མཚན་གྱི་རྣམ་གྲངས་ལ་རྒྱལ་བའི་མྱུ་གུ་དང༌། རྒྱལ་སྲས། འཕགས་མཆོག་བཅས་སོ། ། |
| བྱང་སེམས་ཀྱི་ཐེག་པ |
འཇུག་སྒོ་སྨོན་འཇུག་གཉིས་ཀྱི་སྡོམ་པ་བླངས་ནས། ལྟ་བ་བདག་མེད་གཉིས་རྟོགས་ཤིང༌། སྒོམ་པ་བྱང་ཕྱོགས་སོ་བདུན་བསྒོམ་ལ། སྤྱོད་པ་བསྡུ་དངོས་བཞི་དང་ཕར་ཕྱིན་དྲུག་ལ་བསླབས་ནས་འབྲས་བུ་གནས་སྐབས་ས་བཅུ་དང༌། མཐར་ཐུག་ཀུན་ཏུ་འོད་ཀྱི་ས་ཐོབ་པར་འདོད་པའོ། ། |
| བྱང་སེམས་ཀྱི་ལམ |
ཐེག་ཆེན་གྱི་ཐར་པར་བགྲོད་པའི་གོ་སྐབས་ཕྱེ་ཤུལ་དུ་གྱུར་པའི་བྱང་སེམས་ཀྱི་མངོན་རྟོགས་སམ། བྱང་སེམས་ཀྱི་མཁྱེན་པའོ། ། |
| བྱང་སེམས་དཀར་དམར |
(མངོན་བརྗོད།) སྐྱེས་པའི་ཁམས་དཀར་པོ་དང༌། བུད་མེད་ཀྱི་ཁམས་དམར་པོ་གཉིས། |
| བྱང་སེམས་དཀར་པོ |
(མངོན་བརྗོད།) མི་ཕོའི་ཁུ་བ། |
| བྱང་སེམས་དམར་པོ |
(མངོན་བརྗོད།) མི་མོའི་དྭངས་ཁྲག |
| བྱང་སེམས་འཕགས་པ |
བྱང་ཆུབ་སེམས་དཔའ་འཕགས་པ་སྟེ་ས་དང་པོ་ནས་ས་བཅུ་ས་མན་ཆད་ལ་གནས་པའི་ཐེག་ཆེན་གྱི་གང་ཟག |
| བྱང་སེམས་འབབ་རྩ |
ལུས་རྩ་ཞིག |
| བྱང་སེམས་སོ་སྐྱེའི་ལམ |
མོས་སྤྱོད་ཀྱི་སས་བསྡུས་པའི་བྱང་སེམས་ཀྱི་མཁྱེན་པ། |
| བྱང་སེམས་སོ་སྐྱེས |
བྱང་སེམས་ཀྱི་ཚོགས་ལམ་པ་དང༌། སྦྱོར་ལམ་པ་གཉིས། |
| བྱང་སེམས་སྒོམ་ཚུལ་གཉིས |
ཤེར་ཕྱིན་གྱི་མདོའི་དགོངས་དོན་ལྟར་རྒྱུ་འབྲས་མན་ངག་བདུན་གྱི་སྒོ་ནས་བློ་སྦྱོང་ཚུལ་དང་གཅིག་སྡོང་པོ་བཀོད་པའི་མདོ་སོགས་ཀྱི་དགོངས་དོན་བསླབ་བཏུས་དང་སྤྱོད་འཇུག་ལས་གསུངས་པ་ལྟར་བདག་གཞན་མཉམ་བརྗེའི་སྒོ་ནས་བློ་སྦྱོང་ཚུལ་དང་གཉིས་སོ། ། |
| བྱང་སེམས་སྦྱོར་ལམ་པ |
ཐེག་ཆེན་སྦྱོར་ལམ་པ། |
| བྱང་སྐར་བདུན |
མོན་གྲེ་དང༌། མོན་གྲུ། ཁྲུམས་སྟོད། ཁྲུམས་སྨད། ནམ་གྲུ། ཐ་སྐར། བྲ་ཉེ་རྣམས་སོ། ། |
| བྱང་སྒྲ་མི་སྙན |
རི་རབ་ཀྱི་བྱང་ངོས་རྒྱ་མཚོར་ཆགས་པའི་གླིང་ཆེན་འདིར་གནས་པའི་མི་རྣམས་འཆི་བའི་ཞག་བདུན་གྱི་གོང་དུ་ཁྱོད་འཆིའོ་ཞེས་སྒྲ་མི་སྙན་པ་ནམ་མཁའ་ལས་འབྱུང་བས་ན་སྒྲ་མི་སྙན་དང༌། དབྱིབས་གྲུ་བཞི་དང༌། ཚད་ངོས་བཞི་ཀ་རེ་རེ་ལ་དཔག་ཚད་ཉིས་སྟོང་རེ་ཡོད་པས་མཐའ་བསྐོར་དཔག་ཚད་སྟོང་ཕྲག་བརྒྱད་ཡོད་དོ། ། |
| བྱང་སྟོད |
བྱང་གི་སྟོད་ཆ། |
| བྱང་སྡོམ |
བྱང་ཆུབ་སེམས་དཔའི་སྡོམ་པ། |
| བྱང་སྤྱི |
སྔར་བོད་གཞུང་ནས་ནག་ཆུ་ས་ཁུལ་དུ་བཏང་བའི་བྱང་པའི་སྤྱི་ཁྱབ་སྟེ་ཧོར་སྤྱི། |
| བྱང་སྲེག |
གཤིན་པོའི་མིང་བྱང་བཞུ་སྲེག་སྟེ་དགེ་སྒྲུབ་ཀྱི་ཆོ་ག་ཞིག |
| བྱད |
1.ངོའམ་གདོང༌། (དཔེར་ན།) གདོང་བྱད་ཀྱི་བཀྲག་མདངས་ཞེས་པ་ལྟ་བུ། 2.སྤྱད་པའམ་སྤྱད་ཆོས་ཏེ། (དཔེར་ན།) ཆ་བྱད། ཡོ་བྱད། ཆ་བྱད་ཅེས་པ་ལྟ་བུ། 3.དབྱིབས་ཚུགས་སམ་རྣམ་པ། 4.བྱད་ཀ་དང་དོན་གཅིག |
| བྱད་ཀ |
1.ཆོས་ལུགས་ལ་ལའི་དམོད་མོ་ཟེར་བའི་ཆོ་ག་ཞིག 2.དམོད་མོ་བྱས་པ་ལས་བྱུང་བའི་གནོད་འཚེ་སོགས་ཀྱི་མིང་། |
| བྱད་ཁ |
བྱད་ཀ་དང་འདྲ། |
| བྱད་གཟུགས |
གདོང་དང་གཟུགས་པོ། (དཔེར་ན།) བྱད་གཟུགས་ལྷ་ལས་ལྷག་པ་ཞེས་པ་ལྟ་བུ། |
| བྱད་དབྱིབས |
བཞིན་གྱི་བཟོའམ་རྣམ་པ་སྟེ། (དཔེར་ན།) བྱད་དབྱིབས་མཛེས་པས་ཡིད་ལ་དགའ་བ་སྟེར་ཞེས་པ་ལྟ་བུ། |
| བྱད་ཕུར |
མཐུ་གཏད་ཀྱི་ཕུར་བུ། |
| བྱད་བཙོག |
བཞིན་མི་མཛེས་པ། (དཔེར་ན།) བྱད་བཙོག་མིག་ལ་མི་མཛེས་ལྟ་བུ། |
| བྱད་བཞིན |
གདོང་ངམ་བཞིན་རས། (དཔེར་ན།) དཀར་ལ་དམར་མདངས་རྒྱས་པའི་བྱད་བཞིན་ཞེས་པ་ལྟ་བུ། |
| བྱད་བཟང |
གདོང་པ་མཛེས་པ། |
| བྱད་མ |
དམོད་མོ་བྱེད་མཁན་གྱི་མིང་། བྱད་མ་རྦོད་གཏོང་ཡང་ཟེར་། |
| བྱད་མཁན |
1.གཏད་རྒྱག་མཁན་ནམ་དམོད་པ་བྱེད་པོ། 2.གདོང་གི་མཚན་ལྟས་མཁན། |
| བྱད་ཚུགས |
གདོང་གི་དབྱིབས་ཏེ། (དཔེར་ན།) བྱད་ཚུགས་ལེགས་པོ་ཞེས་པ་ལྟ་བུ། |
| བྱད་ཟློག་སྲི་ཟློག |
ཕ་རོལ་གྱི་མཐུ་གཏད་ལས་བྱུང་བའི་བྱད་ཁའི་བཟློག་པ་དང༌། དུས་སུ་ལྡང་བའི་སྲིའི་བཟློག་པ་གཉིས་སོ། ། |
| བྱད་འགྲོལ |
མཐུ་གཏད་ཀྱི་གནོད་པ་འགྲོལ་བྱེད་དམ་ཞི་བྱེད་ཀྱི་ཆོ་ག་ཞིག |
| བྱད་རིས |
གདོང་རིས་ཏེ། (དཔེར་ན།) མོ་གཤམ་ལ་བུ་མེད་བཞིན་དུ་བུའི་བྱད་རིས་དང་གཤིས་ལུགས་ལེགས་ཉེས་སྨྲ་བ་ནི་མི་འོས་སོ་ཞེས་པ་ལྟ་བུ། |
| བྱད་ལྟས |
1.མཐུ་བྱད་ཀྱི་མཚན་མ། 2.གདོང་གི་མཚན་མ། (དཔེར་ན།) བྱིས་པ་འདིའི་བཞིན་གྱི་བྱད་ལྟས་བཟང༌ཞེས་པ་ལྟ་བུ། |
| བྱད་སྟེམས |
ངན་སྔགས་ཀྱི་མཐུ་གཏད་དམ་དམོད་མོ། |
| བྱད་སྟེམས་གདོན |
བྱད་སྟེམས་ཀྱིས་བཏང་བར་གྲགས་པའི་གདོན་ནད་ཅིག་ནད་རྟགས་སུ་ལག་ཏུ་ཤིང་འཛིན་ཞིང་གཅེར་བུར་རྒྱུག་པ་དང༌། གནས་སྟོང་པ་ལ་འདུག་པ་སོགས་བྱེད་པ་ཞིག |
| བྱན |
1.ཟས་གཡོས་སྦྱོར་བྱེད་མཁན་གྱི་མིང་། (དཔེར་ན།) བྱན་པོ། བྱན་མོ། མ་བྱན་ཞེས་པ་ལྟ་བུ། 2.རིག་གནས་སོགས་ཀྱི་ནང་དོན་སྙིང་བོའི་མིང་། (དཔེར་ན།) བཟོ་རིག་ལ་ནང་བྱན་ཆུད་པ། རིག་གནས་ལ་ནང་བྱན་ཆུད་པ་ཞེས་པ་ལྟ་བུ། |
| བྱན་པོ |
ཁ་ཟས་གཡོས་སྦྱོར་བྱེད་མཁན་གྱི་སྐྱེས་པ། |
| བྱན་མོ |
1.ཁ་ཟས་གཡོས་སྦྱོར་བྱེད་མཁན་གྱི་བུད་མེད། 2.ཆུང་མ། |
| བྱབ |
1.(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ། ཕུར་ཕུར་བྱས་པ་དང་ཕྱགས་པའི་དོན་ཏེ། (དཔེར་ན།) ལུས་ཀྱི་དྲི་མ་བྱབ་དགོས། བྱབ་བཀྲུ་བྱེད་ལྟ་བུ། 2.(ཡུལ་སྐད།) ཆོ་དང༌། བཟོ། སྙིང་པོ། དོན་བཅས་ཀྱི་དོན་ཏེ། (དཔེར་ན།) སྐད་ཆ་བྱབ་མེད། ལས་ཀ་བྱབ་ཆུང༌ཞེས་པ་ལྟ་བུ། |
| བྱབ་པ |
(བྱེད་འབྲེལ་ལས་ཚིག) གཡོབ་པ་དང༌། འདེད་པ། སེལ་བ། ཕྱི་བ་བཅས་ཀྱི་དོན་ཏེ། (དཔེར་ན།) དྲི་མ་བྱབས་པ། ཕྱི་རས་ཀྱིས་ཐལ་རྡུལ་བྱབ་པ། ནད་གདོན་བྱབས་པ་ཞེས་པ་ལྟ་བུ། |
| བྱབ་བྱབ |
ལག་པས་ཉུག་ཉུག་གམ་འཕུར་འཕུར་གྱི་དོན་ཏེ། (དཔེར་ན།) མགོ་བོར་ལག་པས་བྱབ་བྱབ་བྱེད་པ་ཞེས་པ་ལྟ་བུ། |
| བྱབས |
བྱྲབ་པའི་འདས་པ། (དཔེར་ན།) ལུས་ཀྱི་དྲི་མ་བྱབས་ནས་དག སྣུམ་ལག་པས་བྱབས། ཁེམ་གྱིས་ཐང་མ་བྱབས་ལྟ་བུ། |
| བྱབས་ཁྲུས |
གྲིབ་དང་མི་གཙང་བ་དག་བྱེད་ཀྱི་ཆོ་ག་ཞིག |
| བྱམ་པ |
(ཡུལ་སྐད།) པར་རྒྱག་སྐབས་པར་ཤིང་ལ་སྣག་ཚ་འབྱུག་བྱེད། |
| བྱམས |
1.(བྱེད་མེད་ལས་ཚིག) 1>སྡང་བའི་ལྡོག་ཟླ་སྟེ་གཞན་ལ་སྙིང་ཉེ་བའི་དོན། (དཔེར་ན།) གཉེན་ལ་བྱམས་ཤིང་དགྲ་ལ་སྡང་། དགེ་རྒན་སློབ་མ་ལ་བྱམས་དགོས་ལྟ་བུ། 2>གཅེས་སྤྲས་བྱེད་པའི་དོན་ཏེ། (དཔེར་ན།) ཁྱོགས། ཕེབས་བྱམས་འགྱོགས་པ། ལུག་རྫི་བཟང་པོ་ལུག་ལ་བྱམས་ལྟ་བུ། 3>གོས་ལྷམ་སོགས་ལུས་ལ་བདེ་བའམ་མི་གནོད་པའི་དོན་ཏེ། (དཔེར་ན།) ཀོ་སྒ་རྟ་ལ་བྱམས། ཕྱིང་ལྷམ་རྐང་ལ་བྱམས་ལྟ་བུ། 2.བྱམས་པ་སྟེ་གཞན་ཕན་བདེ་ལ་འགོད་འདོད་ཀྱི་སེམས་སོགས་ཀྱི་མིང་། (དཔེར་ན།) མི་དམངས་བྱམས་པས་བསྐྱངས་ལྟ་བུ། |
| བྱམས་ཁང |
བྱམས་པའི་སྐུ་བརྙན་བཞུགས་ཡུལ་ལྷ་ཁང༌། |
| བྱམས་གཡོག |
1.ཁྱོགས་ཁེབས། 2.བྱམས་འདེགས་མཁན། |
| བྱམས་ཆེན |
1.སྙིང་རྗེའི་རྒྱུའི་བྱམས་པའི་སེམས། 2.རྒྱལ་བ་བྱམས་པ་དང༌། བྱང་སེམས་བྱམས་པ། 3.བྱམས་མགོན་གྱི་སྐུ་ཆེན་པོ། |
| བྱམས་ཆེན་ཆོས་རྗེ་ཤཱཀྱ་ཡེ་ཤེས |
ཙོང་ཁ་པའི་སློབ་མ་ཞིག་སྟེ་དགེ་ལུགས་པ་དར་རྒྱས་བྱེད་མཁན་གལ་ཆེན་པོ་ཞིག་ཡིན་ཞིང༌། རབ་བྱུང་དྲུག་པའི་ཆུ་འབྲུག་ལོ་ལ་འཁྲུངས། རབ་བྱུང་བདུན་པའི་ས་གླང་ལོ་ལ་ཏཱ་མིང་གི་རྒྱལ་པོས་གདན་དྲངས་ཀྱང་མ་ཕེབས་པས་རྗེ་བཙུན་ཙོང་ཁ་པའི་ཚབ་བྱས་ནས་པེ་ཅིན་དུ་ཕེབས། རབ་བྱུང་བདུན་པའི་ཤིང་རྟ་ལོར་པེ་ཅིན་དུ་ལན་གཉིས་པ་ཕེབས་ནས་གུ་ཤྲཱི་ཆེན་པོའི་གོ་ས་ཐོབ། རབ་བྱུང་བདུན་པའི་ས་ཕག་ལོ་ལ་སེ་རའི་དགོན་པ་ཕྱག་བཏབ། རབ་བྱུང་བདུན་པའི་ཤིང་སྟག་ལོར་ཏཱ་མིང་རྒྱལ་པོས་བྱམས་ཆེན་ཆོས་རྗེ་ཞེས་པའི་མཚན་གནས་བསྩལ། རབ་བྱུང་བདུན་པའི་ཤིང་ཡོས་ལོར་པེ་ཅིན་ནས་བོད་ལ་ཕྱིར་ཕེབས་སྐབས་ལམ་བར་དུ་འདས། |
| བྱམས་ཆོས་སྡེ་ལྔ |
རྒྱལ་བ་བྱམས་པས་ཐོགས་མེད་ལ་གསུངས་པའི་ཆོས། མངོན་རྟོགས་རྒྱན། མདོ་སྡེ་རྒྱན། རྒྱུད་བླ་མ། ཆོས་དང་ཆོས་ཉིད་རྣམ་འབྱེད། དབུས་མཐའ་རྣམ་འབྱེད་དེ་སྡེ་ཚན་ལྔ། |
| བྱམས་དངོས་མཆོད་རྟེན |
དབྱེན་ཟླུམ་མཆོད་རྟེན་ནོ། ། |
| བྱམས་པ་གདན་འདྲེན |
སྔར་བོད་དུ་ཧོར་ཟླ་དང་པོའི་ཚེས་ཉེར་ལྔ་ཉིན་མ་འོངས་རྣམ་འདྲེན་ལྔ་པའི་བསྟན་པ་འཆར་བའི་རྟེན་འབྲེལ་བསྒྲིག་ཕྱིར་བྱམས་པའི་དངུལ་སྐུ་ལྷ་སའི་བར་སྐོར་དུ་གདན་འདྲེན་པའི་མཛད་སྒོ་ཞིག |
| བྱམས་པ་གོ་ལོག |
1.མི་ངན་དང་དགྲ་བོ་གཅན་གཟན་སོགས་ལ་བྱམས་པོ་བྱས་ན་ཕྱིན་ཅི་ལོག་པ་ཡིན་པས་བྱམས་པ་གོ་ལོག་ཟེར། 2.(ཡུལ་སྐད།) མནའ་མ་དང་མག་པ་གོ་ལོག་པ། |
| བྱམས་པ་གླིང |
བོད་ཀྱི་དགོན་པ་གྲགས་ཅན་འགའ་ཞིག་གི་སྤྱི་མིང༌། (དཔེར་ན།) ལྷོ་ཁ་གྲ་ནང་བྱམས་པ་གླིང༌། ཆབ་མདོ་བྱམས་པ་གླིང༌། ཨ་མདོ་སྐུ་འབུམ་བྱམས་པ་གླིང༌ཞེས་པ་ལྟ་བུ། |
| བྱམས་པ་གླིང་སྐོར |
ཆོ་འཕྲུལ་སྨོན་ལམ་དང་དྲུག་པའི་སྨོན་ལམ་སྐབས་སུ་རྗེ་བཙུན་བྱམས་པའི་སྐུ་གླིང་སྐོར་དུ་གདན་འདྲེན་ཞུ་བ། |
| བྱམས་པ་ཆེན་པོའི་སྟོབས |
སེམས་ཅན་ཐམས་ཅད་སྐྱོབ་པ་ལ་མཆོག་ཏུ་སྦྱོར་བ་མི་གཏོང་བ། |
| བྱམས་པ་ཆོས་འཁོར་མ |
ཆོས་རྒྱལ་སྲོང་བཙན་སྐབས་བལ་བཟས་གདན་དྲངས་པའི་སྐུ་ངོ་མཚར་ཅན་གསུམ་གྱི་ཡ་གྱལ་ཞིག་སྟེ་ལྷ་ལྡན་གཙུག་ལག་ཁང་དུ་བཞུགས་པའི་དངུལ་གྱི་བྱམས་སྐུ་ཕྱག་གཉིས་ཆོས་འཁོར་གྱི་ཕྱག་རྒྱ་ཅན་ཞིག |
| བྱམས་པ་དང་འབྲེལ་བའི་ཆོས་ཉི་ཤུ |
བྱམས་པའི་གསུང་བྱམས་ཆོས་སྡེ་ལྔ་དང༌། ཐོགས་མེད་ཀྱི་གསུང་ས་སྡེ་ལྔ་དང་སྡོམ་རྣམ་གཉིས། དབྱིག་གཉེན་གྱི་གསུང་པྲ་ཀ་ར་ཎ་སྡེ་བརྒྱད་བཅས་ཉི་ཤུའོ། ། |
| བྱམས་པ་དང་ལྡན་པ |
བརྩེ་བའམ་སྙིང་རྗེ། མིང་གི་རྣམ་གྲངས་ལ་བཀའ་དྲིན་ཅན། རྗེས་སུ་འཛིན་པ། མཉེས་གཤིན། ཐུགས་རྗེ་ཆེ་བ། བྱམས་ལྡན། བྱམས་བརྩེ་ཅན། བརྩེ་ལྡན། བརྩེ་བས་སྐྱོང༌། བརྩེ་བས་འཛིན། ཡིད་ལ་གཅགས་བཅས་སོ། ། |
| བྱམས་པ་ཕྱག་བཞི་པ |
འཕགས་པ་ཐོགས་མེད་ཀྱི་ཐུགས་དམ་གྱི་རྟེན་བྱམས་པ། |
| བྱམས་པ་མགོན་པོ |
མ་འོངས་རྣམ་འདྲེན་ལྔ་པ། མཚན་གྱི་རྣམ་གྲངས་ལ་དགའ་ལྡན་བདག་པོ་དང༌། དགའ་ལྡན་བཞུགས། རྒྱལ་ཚལ། བྱམས་ཆེན་མགོན་པོ། བྱམས་པ། མ་ཕམ་པ། མི་ཕམ་མགོན་པོ། ས་བཅུའི་དབང་ཕྱུག་བཅས་སོ། ། |
| བྱམས་པ་ཚད་མེད |
ཚད་མེད་བཞིའི་ཡ་གྱལ། དམིགས་པ་སེམས་ཅན་ཚད་མེད་པ་ལ་དམིགས་ནས་རྣམ་པ་བདེ་བ་རྒྱུ་འབྲས་གཉིས་དང་ལྡན་པ་བྱའོ་སྙོམ་དུ་སེམས་པའོ། ། |
| བྱམས་པ་ལུང་བསྟན་པ |
རྗེ་བཙུན་བྱམས་པས་ནམ་ཞིག་སངས་རྒྱས་ཀྱི་མཛད་པ་སྟོན་པར་རྒྱལ་པ་ཤཱཀྱ་ཐུབ་པས་མ་འོངས་ལུང་བསྟན་པའི་མདོ་ཞིག |
| བྱམས་པའི་ཆོས་ལྔ |
བྱམས་ཆོས་སྡེ་ལྔ་དང་འདྲ། |
| བྱམས་པའི་སེམས |
སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་སེམས། |
| བྱམས་པའི་སྦྱིན་པ |
སྦྱིན་པ་བཞིའི་ནང་གསེས། སེམས་ཅན་གཞན་བདེ་བ་དང༌། དགེ་བ་ལྡན་པར་འདོད་པའི་བྱམས་པ་བསྒོམ་པའོ། ། |
| བྱམས་པའི་སྨོན་ལམ |
རྗེ་བཙུན་བྱམས་མགོན་གྱིས་མཛད་པའི་ཕར་ཕྱིན་དྲུག་དང་འབྲེལ་བའི་སྨོན་ལམ། |
| བྱམས་པོ |
བརྩེ་བ་དང་ལྡན་པ། (དཔེར་ན།) བྱམས་པོ་གནང་བའི་ཞོར་ལ་མགོ་ལ་སྣུམ་བྱུལ་བྱུལ་བཏང་ལྟ་བུ། |
| བྱམས་བཞུགས |
བྱམས་མགོན་སྟེགས་བཞུགས་མའི་བཞུགས་སྟངས། |
| བྱམས་བརྩེ |
ཤ་ཚ་ཞིང་སྙིང་ཉེ་བའི་བསམ་པ་དང་བྱ་སྤྱོད་ཀྱི་མིང་། (དཔེར་ན།) བྱམས་བརྩེ་ལྡན་པའི་དགེ་རྒན། དྲིན་ཅན་ཕ་མ་འདྲའོ་ཞེས་པ་ལྟ་བུ། |
| བྱམས་བརྩེ་མཐར་སོན |
གཞན་ཕན་ལྷག་བསམ་ཕུལ་དུ་ཕྱིན་པ། |
| བྱམས་བརྩེ་ཤ་ཚ |
གཏིང་ནས་བྱམས་ཤིང་སྙིང་བརྩེ་བ། |
| བྱམས་མ |
བོན་པོའི་ཆོས་ལུགས་ཀྱི་ལྷ་ཞིག |
| བྱམས་མགོན |
བྱམས་པ་མགོན་པོ་སྟེ་མ་འོངས་རྣམ་འདྲིན་ལྔ་པ་བྱམས་པའི་མཚན་ཞིག |
| བྱམས་སེམས |
བྱམས་པའི་སེམས་ཀྱི་བསྡུས་ཚིག |
| བྱམས་སྐྱོང |
སྙིང་ཉེ་བས་གཅེས་པར་སྲུང་བའི་མིང༌། (དཔེར་ན།) དགེ་རྒན་གྱིས་དགེ་ཕྲུག་ལ་བྱམས་སྐྱོང་གནང་ལྟ་བུ། |
| བྱམས་སྙིང་རྗེ |
བདེ་བ་དང་ལྡན་འདོད་དང་སྡུག་བསྔལ་དང་འབྲལ་འདོད་ཀྱི་བསམ་པ། |
| བྱམས་སྡང |
བྱམས་པ་དང་སྡང་བའི་བསྡུས་མིང༌། (དཔེར་ན།) དགྲ་གཉེན་གྱི་དབྱེ་མཚམས་ཕྱེ་ནས་བྱམས་སྡང་གི་རྣམ་འགྱུར་གསལ་བར་སྟོན་པ། ཁ་མངར་ལྐུགས་པའི་སེམས་ལ་གསལ། བྱམས་སྡང་བྱིས་པའི་ཡིད་ལ་ཡོད་ཅེས་པ་ལྟ་བུ། |
| བྱམས་སྤྲིན་དགེ་རྒྱས་ལྷ་ཁང |
སྲོང་བཙན་སྒམ་པོས་བཏབ་པའི་ཡང་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག |
| བྱའུ |
སྐར་མ་ནག་པ། |
| བྱའོ་ཅོག |
ལས་ཀ་ཐམས་ཅད། |
| བྱར |
བྱ་རུ་ཞེས་པའི་དོན་ཏེ། (དཔེར་ན།) བྱེད་དུ་རུང་བ་ལ་བྱར་རུང་དང་། བྱེད་དུ་མི་རུང་བ་ལ་བྱར་མི་རུང་ཟེར་བ་ལྟ་བུ། |
| བྱར་པོ་པཎ་ཆེན |
རབ་བྱུང་བརྒྱད་པའི་ནང་ལྷོ་ཕྱོགས་བྱར་ཡུལ་དུ་སྐུ་འཁྲུངས། དགུང་ལོ་ཆུང་ངུའི་དུས་ནས་རིག་གནས་སྤྱི་དང༌། ཁྱད་པར་དུ་ཟུར་ལུགས་ཀྱི་བཞེད་པ་གཞིར་གཟུང་བའི་གསོ་བ་རིག་པ་ལ་མཁས་པར་གྱུར་པས་ཀར་མ་པ་ཆོས་གྲགས་རྒྱ་མཚོས་བྱར་པོ་པཎ་ཆེན་ཞེས་མཚན་གསོལ་ཞིང་གཟེངས་སུ་བསྟོད། སྐུ་ཚེ་ཧྲིལ་པོར་གསོ་བ་རིག་པ་འཆད་རྩོད་རྩོམ་གསུམ་ཁོ་ན་མཛད་དེ་ལྷོ་རྒྱུད་དུ་གསོ་བ་རིག་པའི་བསྟན་པ་སྤེལ། གསུང་རྩོམ་ཡང་རིག་གནས་སྤྱིའི་སྐོར་སྣ་ཚོགས་དང༌། ཁྱད་པར་དུ་གསོ་བ་རིག་པའི་སྐོར་ལ་དཔལ་ལྡན་རྒྱུད་བཞིའི་འགྲེལ་པ། སྨན་གྱི་ཁོག་འབུབས་ལེགས་བཤད་གསེར་གྱི་སྙེ་མ། བྱེ་བ་རིང་སྲེལ་གྱི་དཀར་ཆག་སོགས་མཛད། |
| བྱར་མེད |
བྱ་བ་བྱེད་རྒྱུ་མེད་པའམ་བཅོས་སུ་མེད་པ། |
| བྱར་རུང |
བྱ་བ་བྱེད་རུང་བ། |
| བྱས |
(བྱེད་འབྲེལ་ལས་ཚིག) བྱེད་ཀྱི་འདས་པ། ལས་ཀ་དང་བྱ་བ་སོགས་བསྒྲུབས་པ། (དཔེར་ན།) སློབ་སྦྱོང་བྱས། རྩལ་སྦྱང་བྱས། རྩོད་པ་བྱས་སོགས་ལྟ་བུ། |
| བྱས་ཉེས |
ལས་ཀའི་ཐོག་ཉེས་སྐྱོན་བྱུང་བ་སྟེ་ཕལ་ཆེར་ཁྲིམས་དང་འགལ་བར་ཟེར། (དཔེར་ན།) སྲིད་ཇུས་ལག་ལེན་ལེགས་པར་མ་བྱས་པས་ལས་དོན་ནང་དུ་བྱས་ཉེས་བྱུང༌ལྟ་བུ། |
| བྱས་དེབ |
བྱས་ཟིན་པའི་བྱ་བ་རྣམས་ཐོ་ལ་བཀོད་པའི་ཐོ་དེབ་ཀྱི་མིང་། |
| བྱས་དྲིན |
ཕན་བཏགས་པའི་རྗེས་དྲིན། (དཔེར་ན།) སྔ་རབས་པའི་བྱས་དྲིན་ཆུད་ཟོས་སུ་མི་གཏོང༌ལྟ་བུ། |
| བྱས་པ |
1.བྱེད་པའི་འདས་པ། 2.ལག་རྗེས་ཀྱི་དོན་ཏེ། བྱས་པ་བཟང༌པོ། བྱས་ངན་ཞེས་པ་ལྟ་བུ། 3.དྲིན། |
| བྱས་པ་གཟོ་བ |
ཕན་བཏགས་པ་ལ་ཕན་ལན་འཇལ་བའི་དོན། |
| བྱས་པ་ཅན |
1.ལས་ཀའི་ཐོག་ལས་རྗེས་བཟང་བའི་མི། 2.དྲིན་ཅན་ཏེ་ཚུར་ཕན་ཐོགས་བྱེད་མྱོང་མཁན། (དཔེར་ན།) བྱས་པ་ཅན་ལ་དྲིན་ལན་འཇལ་དགོས་ལྟ་བུ། |
| བྱས་པ་ཆུད་མི་ཟ་བ |
བྱས་རྗེས་འཕྲོ་བརླག་ཏུ་མི་འགྲོ་བའམ་དོན་མེད་དུ་མི་འགྱུར་བ། (དཔེར་ན།) མི་རབས་སྔ་མའི་བྱས་པ་ཆུད་མི་ཟ་བ་བྱེད་དགོས་ལྟ་བུ། |
| བྱས་པ་དྲིན་གཟོ |
དྲིན་ལན་འཇལ་བའི་དོན་ཏེ། (དཔེར་ན།) ཕ་དང་མ་ལ་བྱས་པ་གཟོ་བ། ཡ་རབས་རྣམས་ཀྱིས་བྱས་པ་དྲིན་གཟོ་བྱེད། མ་རབས་རྣམས་ཀྱིས་འཁོན་ལན་ཁོ་ན་སློག་ཅེས་པ་ལྟ་བུ། |
| བྱས་པ་བསྲུང་བའི་ས |
དམན་པའི་ས་བརྒྱད་ཀྱི་རང་སངས་རྒྱས་ཀྱི་སའི་མིང༌། |
| བྱས་པ་རྟོགས་པའི་ས |
རང་ལམ་གྱི་བྱ་བ་རྫོགས་པར་བྱས་པར་རྟོགས་ཟིན་པའི་ས་སྟེ་ཉན་ཐོས་དགྲ་བཅོམ་པའི་མངོན་རྟོགས་འདི་དམན་པ་ས་བརྒྱད་ཀྱི་ནང་གསེས་ཤིག |
| བྱས་པ་ཤེས་པ |
དྲིན་ཅན་ཡིན་པར་ཤེས་པ། (དཔེར་ན།) ཕ་མས་དྲིན་གྱིས་བསྐྱངས་པའི་བྱས་པ་ཤེས་དགོས་པར་མ་ཟད་དྲིན་གཟོ་བ་བྱེད་དགོས་ལྟ་བུ། |
| བྱས་མཐའ |
1.བྱ་བ་བྱས་པའི་འཇུག 2.བྱས་རབས་ཀྱི་ལོ་རྒྱུས། |
| བྱས་འབྲས |
ལས་ཀ་བྱས་པའི་འབྲས་བུ། (དཔེར་ན།) བྱས་འབྲས་རླབས་ཆེན་ལྟ་བུ། |
| བྱས་ཡུས |
ལས་ཀ་བྱས་པའི་དྲིན་ཡུས། (དཔེར་ན།) རང་གིས་ལས་ལ་བྱས་ཡུས་བཤད་ཅེས་པ་ལྟ་བུ། |
| བྱས་རབས |
ལས་ཀ་གང་དང་གང་བྱས་ཀྱི་ལོ་རྒྱུས། (དཔེར་ན།) བྱས་རྗེས་མེད་ཀྱང་བྱས་རབས་བཏང་རབས་མང༌ལྟ་བུ། |
| བྱས་རྗེས |
ལས་ཀ་བྱས་པའི་ལག་རྗེས་སམ་གྲུབ་འབྲས། (དཔེར་ན།) ཉེས་ཅན་ཡིན་རུང་བྱས་རྗེས་ཀྱིས་ཉེས་པ་འདག་རྒྱུ་ཡོད་པ། ལས་དོན་ཐོག་ལ་བྱས་རྗེས་གཟེངས་ཐོན་པོ་བཞག་བྱུང༌ལྟ་བུ། |
| བྱས་རྗེས་ཅན |
ལས་ཀའི་ལག་རྗེས་ཕུལ་བྱུང་ཡོད་མཁན། |
| བྱས་རྗེས་རྟགས་མ |
ལག་རྗེས་མཚོན་བྱེད་ཀྱི་རྟགས། |
| བྱས་ལ་བསགས་པའི་ལས |
ཀུན་སློང་དྲག་པོས་བསམ་བཞིན་དུ་བྱེད་པ། དངོས་གཞིའི་ལས་དེ་རྫོགས་པར་བྱས་པ། བྱས་པ་ལ་འགྱོད་པ་མེད་པ། རྗེས་སུ་ཡི་རང་བ་འཁོར་དང་བཅས་པ། དེ་འཇོམས་བྱེད་ཀྱི་གཉེན་པོ་མེད་པ། འབྲས་བུ་སྨིན་ངེས་ཀྱི་ནུས་པ་ཡོད་པ་བཅས་དྲུག་ཚང་བའི་ལས། |
| བྱས་ལ་མ་བསགས་པའི་ལས |
བསམ་སྦྱོར་འབྲས་བུ་སོགས་མ་ཚང་བས་ལས་བྱས་ཀྱང་འབྲས་བུ་ཇི་ལྟ་བ་བཞིན་སྨིན་པར་མ་ངེས་པ། |
| བྱས་སོ་ཅོག |
བྱ་བ་བྱས་པ་ཐམས་ཅད། (དཔེར་ན།) ཐབས་ཤེས་བྱས་སོ་ཅོག་འཛུགས་སྐྲུན་ཆེད་དུ་དམིགས་ནས་བྱས་ལྟ་བུ། |
| བྱཱཀརྞ |
(ལེགས་སྦྱར།) བརྡ་སྤྲོད་པའམ་ལུང་སྟོན་པ། |
| བྱི |
1.(བྱེད་མེད་ལས་ཚིག) འབྱི་བའི་འདས་པ། སྲོག་ཆགས་ལུས་ཀྱི་སྤུ་ལྷུང་བའི་དོན་ཏེ། (དཔེར་ན།) མི་རྒས་ན་སྐྲ་བྱི། ལུག་གི་བལ་བྱི། བྱའི་སྒྲོ་བྱི་ལྟ་བུ། 2.བྱི་བ་ཞེས་པའི་ཚིག་བསྡུས་པ། 3.བྱི་བོ་ཞེས་པའི་ཚིག་བསྡུས་པ། |
| བྱི་ཀུ |
(བརྡ་རྙིང་།) སྒོག་སྐྱ། |
| བྱི་ཁུང |
ཚེ་ཚེ་འཛུལ་སའི་ཁུང་བུ། |
| བྱི་ཆད |
གནའ་རབས་ཀྱི་ཁྲིམས་ལུགས་ཤིག་སྟེ་ལོག་གཡེམ་བྱས་པའི་ཉེས་ཆད། |
| བྱི་ཏང་ཀ |
ཤིང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་སྲིན་གསོད། མེ་དྲོད་སྐྱེད། |
| བྱི་ཏང་ག |
རྒྱ་སྐད་དུ་ཤིང་ཕྲན་ཞིག་གི་ས་བོན་དམར་སྐྱ་སྲན་མ་ཙམ། ཁོང་སྟོང་ཡིན་པས་བསྒུལ་ན་སང་སྒྲ་གྲགས་པ་ཞིག་གི་མིང་། |
| བྱི་ཐུར |
1.སྲོག་ཆགས་གཟུགས་མོ་ལུས་ལ་ཁབ་ལྟ་བུའི་ཐུར་དང་ལྡན་པ་ཞིག 2.གཟུགས་མོའི་ལུས་ཀྱི་ཐུར་མ། |
| བྱི་དར |
སྲིན་བལ་གྱིས་བཏགས་པའི་དར་རིང་བོ། ཨ་ཕྱི་ཡང་ཟེར། |
| བྱི་དོར |
གད་སྙིགས་འཕྱག་པའམ་གད་བདར་བ་སྟེ། (དཔེར་ན།) བསམ་བློའི་ནང་གི་སྐྱོན་ཆ་རྣམས་ཡང་ནས་ཡང་དུ་བྱི་དོར་བྱས་ནས་གཙང་མ་བཟོ་དགོས་ལྟ་བུ། |
| བྱི་དོར་མེལ་ཚེ |
(མངོན་བརྗོད།) མེ་ལོང༌། |
| བྱི་པོ |
1.གཞན་གྱི་ཆུང་མར་ལོག་གཡེམ་སྤྱོད་པ་པོ།2.སྐྲ་མེད་སྤྱི་ཐེར། 2.རྒྱན་དང་བྲལ་བ་དང༌། གོག་པོའི་དོན་ཏེ། (དཔེར་ན།) ཟློས་གར་བ་བྱི་བོ། མཆོད་རྟེན་བྱི་པོ། གཎྜི་བྱི་པོ་ཞེས་པ་ལྟ་བུ། འདི་ལ་བྱི་བོ་འབྲི་བའང་ཡོད། |
| བྱི་ཕོ |
བྱི་པོ་དང་འདྲ། |
| བྱི་ཕྲུག |
1.གཉེན་སྒྲིག་མ་བྱས་པའི་བུ་ཕྲུག 2.བྱི་བའི་ཕྲུ་གུ། |
| བྱི་བ |
1.(བྱེད་མེད་ལས་ཚིག) སྐྲ་སྤུ་སོགས་རང་བཞིན་གྱིས་བུད་པ། (དཔེར་ན།) དུད་འགྲོའི་སྤུ་བལ་བྱི་བ། རི་མོ་བྱི་བ། མགོ་སྤུ་བྱི་བ་ཞེས་པ་ལྟ་བུ། 2.ཙི་ཙིའམ་ཙི་གུ། མིང་གི་རྣམ་གྲངས་ལ་རྐུན་པོ་དང༌། རྐུན་བུ། རྐོ་བྱེད། ཁུང་ཉལ། པྲི་ཥའི་མིག་བུ་ག་བྱེད། འབིགས་བྱེད་བཅས་སོ། །3.ལོ་འཁོར་བཅུ་གཉིས་ཀྱི་ཡ་གྱལ་ཞིག (དཔེར་ན།) ཆུ་བྱི། བྱི་བའི་ལོ། བྱི་བ་ལོ་པ། བྱི་བ་ལོ་མ་ཞེས་པ་ལྟ་བུ། |
| བྱི་བ་ནག་པོ |
གཡི་འདྲ་བའི་སེམས་ཅན་ཞིག |
| བྱི་བདར |
གད་བདར། |
| བྱི་བཞིན |
རྒྱུ་སྐར་ཉེར་བརྒྱད་ཀྱི་ནང་ཚན་ཞིག མིང་གི་རྣམ་གྲངས་ལ་ངག་ཉན་མ་དང༌། བྱ་ཟེ། ཚིམ་བྱེད་པ་བཅས་སོ། ། |
| བྱི་བཟུང |
ཐང་སྨན་གྱི་རིགས་ཤིག་རོ་ཁ་ལ་ཚ། ཞུ་རྗེས་དྲོད། ནུས་པས་ལྒང་པའི་རྡེའུ་སོགས་རྡོ་སྐྲན་བཤིག་རྩ་ནད་སྦྱོང༌། རིམས་ནད་མ་སྨིན་པ་སྨིན་པར་བྱེད། མིང་གི་རྣམ་གྲངས་ལ་བྱི་འཛིན་པ་དང་དམ་པ་ཡོག་མགོའོ། ། |
| བྱི་བའི་དུག |
དུག་ཅན་གྱི་བྱི་བའི་མཆེ་བས་རྨུགས་པའི་དུག་སྔར་དགུན་དུས་སུ་ཞུགས་པ་གསལ་བར་མྱོང་བ་མེད་ཀྱང་ཕྱིས་དཔྱིད་དུས་སུ་འབྲུག་སྒྲ་གྲགས་པའི་ཚེ་དུག་ལྡང་བ་ན་བྱི་བས་རེག་པ་དྲན་པ་ལས། དུག་གིས་གོས་པ་དྲན་པའོ། ། |
| བྱི་བའི་ཟས་ཅན |
(མངོན་བརྗོད།) བྱི་ལ། |
| བྱི་བྱད |
གད་དར། |
| བྱི་བྱས |
གཞན་གྱི་ཆུང་མར་སྤྱད་པ། |
| བྱི་བྱས་བྱི་རིན་གྱི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས། གནའ་རབས་ཀྱི་ཁྲིམས་སྲོལ་དུ་གཙོ་བོ་སྐྱེས་པས་གཞན་གྱི་ཆུང་མ་ལ་ལོག་གཡེམ་གྱི་བྱི་བྱས་ན་བྱི་རིན་ཞེས་པའི་ཉེས་ཆད་འགེལ་གཅོད་ཀྱི་ཁྲིམས་ཤིག |
| བྱི་བྲུན |
ཙི་ཙིའི་སྐྱག་པ། |
| བྱི་མདའ |
བྱི་བ་གསོད་བྱེད་ཀྱི་མདའ། |
| བྱི་མོ |
ཚུལ་མིན་གྱི་འཁྲིག་པ་སྤྱོད་མཁན་མོ། |
| བྱི་ཚེར |
ལོ་མང་སྐྱེ་བའི་རྩྭ་ལྡུམ་ལོ་མ་གོར་མོ། འབྲས་བུ་སིལ་དམར་གྱི་ཚི་གུའི་དབྱིབས་དང་མཚུངས་པ་ཞིག་ཡིན། སྤྱང་ཚེར་དཀར་བོ་ཟེར་བའི་ལོ་མ་མཐའ་ན་ཚེར་མ་ཡོད་པའི་རྩྭ་ལྡུམ་ཞིག་ལ་ངོས་འཛིན་པའང་ཡོད། |
| བྱི་ཟ |
(མངོན་བརྗོད།) ཞུམ་བུ་སྟེ་བྱི་ལའང་ཟེར། |
| བྱི་ཟན |
(མངོན་བརྗོད།) བྱི་ལའམ་ཞུམ་བུ། |
| བྱི་ཟླ |
ཧོར་ཟླ་བཅུ་གཅིག་པ། |
| བྱི་འཇལ |
གནའ་རབས་ཀྱི་ཁྲིམས་ལུགས་ཤིག་སྟེ་གཞན་གྱི་ཆུང་མར་སྤྱད་པའི་འཇལ། |
| བྱི་འཛིན |
1.བྱི་བ་འཛིན་བྱེད་རྙི། 2.རྩྭ་བྱི་འཛིན། |
| བྱི་རིན |
གནའ་རབས་ཀྱི་ཁྲིམས་ལུགས་གཞན་གྱི་ཁྱོ་དང་ཆུང་མ་ལ་ལོག་གཡེམ་སྤྱད་པའི་ཁྲིམས་འཇལ། |
| བྱི་རིམས |
བྱི་བ་ལ་བརྟེན་ནས་འགོས་པའི་ནད་རིམས། |
| བྱི་རིལ |
བྱེ་རིལ་དང་འདྲ། |
| བྱི་རུ |
རྒྱ་མཚོའི་ནང་གི་སྲོག་ཆགས་ནང་ཁྲོལ་མེད་པའི་རིགས་ཤིག་གི་ལུས་ནས་རྡོ་ཞུན་གྱི་ཞུན་ཁུ་རིགས་ཤིག་ཟག་པ་ལས་གྲུབ་པ་ཡིན་ཞིང་དབྱིབས་སྡོང་བོ་དང་འདྲ། དེའི་ཡལ་གའི་ཁོག་ན་བུ་ག་ཡོད། མདོག་དམར་བོ་མང་ཤོས་ཡིན་ཞིང་། དཀར་བོ་དང་ནག་པོ་ཡང་ཡོད། རྒྱན་ཆ་བྱེད་ཆོག་ལ་སྨན་དུའང་བཀོལ་ཆོག |
| བྱི་རུག |
སྔོ་སྨན་གྱི་རིགས་ཤིག་རོ་བསྐ་ལ་ཁ། ཞུ་རྗེས་སྙོམས། ནུས་པས་རྨ་གསར་གྱི་འབུ་སྲུང་བ་དང༌། ཁྲག་གཅོད། སྲིན་ཕོལ་སེལ། ཚོད་མས་བད་ཀན་ལ་ཕན། མིང་གི་རྣམ་གྲངས་ལ་བྱེ་རེག་པ་དང༌། བྲ་བ་རྒྱུ་ལུག་འབྲི་རྨིང་པ། རུ་སྤོས་པ། ལི་ང་བཅས་སོ། ། |
| བྱི་རུག་ནག་པོ |
བྱི་རུག་རིགས་གསུམ་གྱི་ནང་ཚན་མེ་ཏོག་སྔོ་ནག་འཆར་བ་ཞིག |
| བྱི་རུག་པ |
ལོ་མང་སྐྱེ་བའི་རྩྭ་ལྡུམ་གཞུང་རྟ་དང་ལོ་མ་སིལ་དྲི་ཕྲོ་བ་ཞིག་ཡིན། རྒྱ་སྐད་དུ་པོ་ཧོ་ཟེར། |
| བྱི་རུག་སེར་པོ |
བྱི་རུག་རིགས་གསུམ་གྱི་ནང་ཚན་མེ་ཏོག་སེར་པོ་འཆར་བ་ཞིག |
| བྱི་རུག་སྨུག་པོ |
བྱི་རུག་རིགས་གསུམ་གྱི་ནང་ཚན་མེ་ཏོག་སྨུག་པོ་འཆར་བ་ཞིག |
| བྱི་རྟ |
ཉིན་དགུང་དང་མཚན་དགུང་ཉིན་ཕྱེད་རྟ་དང་མཚན་ཕྱེད་བྱི་བ་ཟེར། |
| བྱི་ལ |
ཞུམ་བུ། མིང་གི་རྣམ་གྲངས་ལ་ཁྲུས་མཁན་དང༌། བྱི་བ་ཟ། བྱི་བའི་ཟས་ཅན། སྦེད་བྱེད། བཤང་ལེན་བཅས་སོ། ། |
| བྱི་ལའི་མིག |
(མངོན་བརྗོད།) བ་བླ། |
| བྱི་ལོང |
ས་འོག་ཏུ་སྡོད་མཁན་གྱི་སྲོག་ཆགས་མིག་ཧ་ཅང་ཆུང་ལ་མདོག་སྔོ་བ་བྱི་བ་ལས་ཅུང་ཆེ་བ་ཞིག |
| བྱི་ལྡེམ |
1.བྱི་བ་འཛིན་བྱེད། 2.བྱི་བའི་སྒྲུང༌། |
| བྱི་ཤང |
རྩྭ་ལྡུམ་ཞིག་གི་མིང་། བྱི་ཤང་དཀར་མོ་ཡང་ཟེར། |
| བྱི་ཤང་དཀར་མོ |
སྔོ་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་སྙོམས། ནུས་པས་ཁོང་དུ་བཏང་ན་གློ་ཚད་སེལ། ཕྱི་ནས་འབྱར་བྱས་ན་ཕྱི་སྐྲན་བཤིག |
| བྱི་ཤོར |
འཆལ་པོ་སྤྱོད་པའི་མིང༌། |
| བྱིང |
(རྒྱན་ཚིག) བྱིང་ཞིང་འཐིབས་པའི་དོན་ཏེ། (དཔེར་ན།) ཀླད་པའི་ངར་སྣང་ཞན་པར་གྱུར་ནས་སེམས་བྱིང་། རིག་པ་བྱིང་འཐིབས་བྱུང་ལྟ་བུ། |
| བྱིང་ཆེ་སེ |
(བརྡ་རྙིང་།) ཁྱབ་ཆེ་ཙམ། |
| བྱིང་ཉོབ |
རིག་པ་མི་གསལ་བའི་དོན་ཏེ། (དཔེར་ན།) མཚན་མོར་གཉིད་མ་བྱུང་བས་ཉིན་མོ་བྱིང་ཉོབ་ཆེན་པོ་བྱུང་ལྟ་བུ། |
| བྱིང་པོ |
རིག་པ་མི་གསལ་བའམ་ཉོབ་པོ། |
| བྱིང་བ |
1.འབྱིང་བའི་འདས་པ། 2.རིག་པ་མི་གསལ་བར་རྨུགས་ཤིང་འཐིབས་པ། 3.མི་མངོན་པ། 4.ངོ་བོ་དགེ་མི་དགེ་ལུང་མ་བསྟན་གང་རུང་ལ་དམིགས་ནས་རྣམ་པ་གསལ་ལེར་མེད་པའི་ཤེས་པ་ཞིག |
| བྱིང་བྱིང་ཐུ་ལུ |
ལོ་ཏོག་སྨིན་སྐབས་ཡོད་པའི་སྲིན་བུ་ཞིག་གི་མིང་། ཡུལ་སྐད་ལ་ལར་ལོ་སྦྲང་ཡང་ཟེར། |
| བྱིང་མ |
བལ་གྱིས་བཏགས་པའི་ཐགས་དངོས་སྤུ་ཆུང་ཅན་ཞིག སྣམ་བུ་བྱིང་མ་ཡང་ཟེར། |
| བྱིང་འཐིབས |
རིག་པ་གྲུང་པོ་མེད་པའི་དོན་ཏེ། (དཔེར་ན།) སེམས་ངལ་ཐག་ཆོད་པས་རིག་པ་བྱིང་འཐིབས་བྱས་བྱུང༌ལྟ་བུ། |
| བྱིང་རྒོད |
སེམས་མི་གསལ་བ་དང་སེམས་མི་གནས་པར་འཕྲོ་བ། |
| བྱིང་རྨུགས |
རིག་པ་གསལ་པོ་མེད་པ། |
| བྱིང་སྤུ་མ |
(ཡུལ་སྐད།) ངོས་གཅིག་འཇམ་པོ་དང་ངོས་གཅིག་ལ་སྤུ་ཡོད་པའི་རས་མཐུག་ཙམ་ཞིག་གི་མིང༌། |
| བྱིངས |
1.མང་ཆེ་བ་དང་ཕལ་ཆེ་བའི་དོན་ཏེ། (དཔེར་ན།) ཁང་བ་བྱིངས་ནས་ལས་ཚར་ལྟ་བུ། 2.འབྱུང་ཁུངས་ཀྱི་མིང་། (དཔེར་ན།) རྒྱ་མཚོ་ལ་དུད་འགྲོའི་བྱིངས་ཟེར་བ་ལྟ་བུ། 3.ཐ་སྙད་ཀྱི་རྩ་བའི་སྒྲ་གདངས་སམ་རྩ་བའི་ཡི་གེ་ལ་ཐ་སྙད་ཀྱི་བྱིངས་སམ་ཡི་གེའི་བྱིངས་ཟེར་ཞིང་། མིང་མཐའ་འམ་རྗེས་འཇུག་གི་ཡི་གེ་ལྟ་བུ་ལ་རྐྱེན་གྱི་ཡི་གེ་ཟེར། |
| བྱིངས་ཆེ |
སྤྱིའམ་ཁྱབ་ཆེ་བ། |
| བྱིངས་ན་གནས་པ |
1.རྒྱ་མཚོར་གནས་པ་སྟེ། (དཔེར་ན།) བྱིངས་ན་གནས་པའི་སྲོག་ཆགས་ཞེས་པ་ལྟ་བུ། 2.ཁ་ཐོར་དུ་གནས་པ། |
| བྱིངས་པ |
འབྱིང་བའི་འདས་པའི་འབྲི་ཚུལ་གཞན་ཞིག |
| བྱིངས་པོ |
རིལ་པོ་དང༌། ཚང་མ། གང་པོ། སྤྱི་བཅས་ཀྱི་དོན་ཏེ། (དཔེར་ན།) ལུས་ཀྱི་གྱོན་གོས་བྱིངས་པོ་ཆར་པས་བངས་སོང༌། རང་གི་ནུས་ཤུགས་བྱིངས་པོ་བཏོན་ནས་མི་དམངས་ལ་ཞབས་འདེགས་ཞུ་བ། མི་འདི་ཚོའི་གྲས་ལ་བགྲེས་སོང་རེ་གཉིས་མ་གཏོགས་དེ་བྱིངས་ཚང་མ་དར་མ་རེད། དམངས་ལ་བློ་བྱིངས་ཀྱིས་བཀལ་བ། དེ་ཉིན་གྱི་ཉི་ཟེར་བྱིངས་དང་མི་འདྲ་བ་གསལ་པོ་འདུག་ཅེས་པ་ལྟ་བུ། |
| བྱིངས་མ་བསྙལ་བ |
(ཡུལ་སྐད།) རྩྭ་ངན་མེད་པར་བཟོ་ཕྱིར་རྨོ་སློག་བརྒྱབ་སྟེ་ཆུ་བཏང་ནས་སེར་མ་ལངས་བར་དུ་རྨོན་པ་མ་བརྒྱབ་པར་བཞག་པ། |
| བྱིངས་འཕྲོས་རྒྱག་པ |
(ཡུལ་སྐད།) དཔྱིད་རྨོན་བརྒྱབ་རྗེས་བཤལ་སྐོར་དྲུད་ནས་ཉིན་ཤས་སོང་མཚམས་བསྐྱར་དུ་རྨོན་པ་རྒྱག་པ། |
| བྱིད |
ཕྱིས་ཀྱི་མ་འོངས་པ་ལ་བྱིད་འབྲི་བའང་ཡོད། |
| བྱིད་པ |
རང་བཞིན་གྱིས་ཟུབ་པའི་དོན་དུ་གོ་བའི་འབྱིད་པའི་འདས་པ། |
| བྱིད་པོ |
བྱ་རིགས་ཤིག་གི་མིང་། (དཔེར་ན།) བྱིད་པོའི་སྐད་ལྟར་ཐུང་ལ་རྩུབ་པ་ཞེས་པ་ལྟ་བུ། |
| བྱིན |
1.གཞན་གྱི་བསམ་པ་དང་སྣང་བ་སོགས་བསྒྱུར་ཐུབ་པའི་ནུས་པའམ་མཐུ།2.སྦྱིན་པའི་འདས་པ། 3.ལོང་ཚིགས་ནས་པུས་མོ་བར་ཉྭ་སྤྱིའི་མིང༌། (དཔེར་ན།) བྱིན་པའི་ཉྭ་ཤ། བྱིན་པའི་ངར་གདོང༌ཞེས་པ་ལྟ་བུ། |
| བྱིན་ཀྱོག |
རྐང་པའི་ཕྱི་ངོས་ལོང་བུའི་ཐད་ནས་ངར་གདོང་ངོས་སུ་ཀྱོག་པའི་གཏར་རྩ་ཞིག་དེ་གཏར་ན་མཁལ་ནད་དང༌། དྲེག་གྲུམ། མངལ་ནད་སོགས་ལ་ཕན། |
| བྱིན་གཞུག |
རྟིང་པའི་དྲེག་པ་ཡོད་མེད་མཚམས་ནས་གྱེན་དུ་མཛུབ་གང་གཞལ་བའི་སར་ཡོད་པའི་གཏར་རྩ་ཞིག་དེ་གཏར་ན་མཁལ་རྐེད་ན་བ་དང༌། གཅིན་པའི་ནང་ཁྲག་འདྲེས་ཤིང་ཚ་བ། ཁུ་བ་འཛག་པ་སོགས་ལ་ཕན། |
| བྱིན་གྱིས་ཕྲ་བ |
རིམ་གྱིས་ཕྲ་བའི་དོན་ཏེ། (དཔེར་ན།) ཤིང་སྡོང་རྩ་བ་ནས་རྩེ་མོའི་བར་བྱིན་གྱིས་ཕྲ་བར་སྐྱེས་ལྟ་བུ། |
| བྱིན་གྱིས་བརླབས་པ |
གཟི་བྱིན་གྱིས་ནུས་ལྡན་དུ་སྒྱུར་བའམ། ནུས་པ་འཇུག་པར་བྱེད་པ་དང༌། ཐོན་པར་བྱེད་པ་སྟེ། (དཔེར་ན།) ཆུ་དེ་ཟག་མེད་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ཞེས་པ་ལྟ་བུ། |
| བྱིན་གྱིས་བརླབས་པའི་ཆོ་འཕྲུལ |
རྣལ་འབྱོར་རྒྱུད་ཀྱི་སྒོམ་པ་ཆོ་འཕྲུལ་བཞིའི་ཡ་གྱལ་ཞིག་བསྒོམ་པའི་ལྷ་དེ་དག་རང་རང་གི་རིགས་ཀྱིས་བྱིན་གྱིས་བརླབས་པའོ། ། |
| བྱིན་གྱིས་བརླབས་པའི་བཀའ |
སངས་རྒྱས་ཀྱི་བཀའ་གསུམ་གྱི་ཡ་གྱལ་ཞིག་སྟོན་པ་དངོས་ཀྱི་ཞལ་ནས་གསུང་བ་མ་ཡིན་པར་ས་བཅུ་པའི་མདོ་ལྟ་བུ་སྐུས་བྱིན་གྱིས་བརླབས་པ་དང༌། མ་སྐྱེས་དགྲའི་འགྱོད་པ་བསལ་བའི་མདོ་ལྟ་བུ་གསུང་གིས་བྱིན་གྱིས་བརླབས་པ་དང༌། ཤེས་རབ་སྙིང་པོ་ལྟ་བུ་ཐུགས་ཀྱིས་བྱིན་གྱིས་བརླབས་པའི་བཀའ་རྣམས་སོ། ། |
| བྱིན་ཅན |
བྱིན་རླབས་ཅན་གྱི་བསྡུས་ཚིག |
| བྱིན་ཆགས་པ |
འདྲ་ཆགས་པའམ་ཉམས་དོད་པ་སྟེ། (དཔེར་ན།) སྐད་ཆ་བཤད་ཚུལ་བྱིན་ཆགས་པ། རྣམ་འགྱུར་བྱིན་ཆགས་པ། ཚོགས་འདུ་འཚོག་ཁང་བག་གྲོ་ལ་བྱིན་ཆགས་པ་ཞེས་པ་ལྟ་བུ། |
| བྱིན་པ་གཙང |
(མངོན་བརྗོད།) བོང་བུ། |
| བྱིན་པ་ཨེ་ན་ཡའི་འདྲ་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སངས་རྒྱས་ཀྱི་གསུང་ལ་གུས་པར་བྱས་ཏེ་བྱིན་པས་བྱིན་པ་རི་དྭགས་ཨེ་ན་ཡའི་ལྟ་བུ། |
| བྱིན་པོ |
བྱིངས་པོ་དང་འདྲ། |
| བྱིན་ཕབ་པ |
ལྷ་སྤྱན་དྲངས་ནས་བྱིན་རླབས་འབེབས་པ། |
| བྱིན་ཕུག |
རྐང་པའི་བྱིན་ཕུག་སྟེ་སྒྱིད་ཁུག |
| བྱིན་བབ་པ |
བྱིན་རླབས་ཐོབ་པ། |
| བྱིན་བརླབས་བཀའ་གསུམ |
སངས་རྒྱས་ཀྱི་སྐུ་དང༌། གསུང༌། ཐུགས་ཀྱིས་བྱིན་གྱིས་བརླབས་ནས་གསུངས་པའི་བཀའ་གསུམ། |
| བྱིན་མཐུ |
བྱིན་རླབས་ཀྱི་སྟོབས་སམ་ནུས་པ། |
| བྱིན་ཟ |
(མངོན་བརྗོད།) 1>མེ། 2>མེ་ལྷ། |
| བྱིན་ཟའི་ཕུང་པོ |
(མངོན་བརྗོད།) མེའི་ཕུང་པོ། |
| བྱིན་ཟའི་ཤིང |
སྦྱིན་སྲེག་གི་ཡམ་ཤིང༌། |
| བྱིན་འཕྲོག |
ཕར་བྱིན་པ་དང༌། ཚུར་ཕྲོགས་པའི་དོན་ཏེ། (དཔེར་ན།) ལུས་སྲོག་དང་རྒྱུ་ནོར་སོགས་རང་འདོད་ལྟར་བྱིན་འཕྲོག་བྱ་མི་རུང་ཞེས་པ་ལྟ་བུ། |
| བྱིན་འཕྲོག་གི་སྤང་བ |
སྤང་ལྟུང་སུམ་ཅུའི་ནང་གསེས། དགེ་སློང་གཞན་ལ་ཡོ་བྱད་བྱིན་པ་སླར་འཕྲོག་པའོ། ། |
| བྱིན་རྟེན |
བྱིན་རླབས་ཀྱི་རྟེན། |
| བྱིན་རླབས |
གཞན་གྱི་བསམ་པ་དང་སྣང་བ་སོགས་བསྒྱུར་ཐུབ་པའི་མཐུ་དང་ནུས་པ་སོགས་ཀྱི་མིང་། (དཔེར་ན།) མི་བྱིན་རླབས་ཅན། བྱིན་རླབས་ཞུགས་ཞེས་པ་ལྟ་བུ། |
| བྱིན་རླབས་བཞི |
བདེན་པའི་བྱིན་རླབས་དང༌། གཏོང་བའི་བྱིན་རླབས་དང༌། ཉེ་བར་ཞི་བའི་བྱིན་རླབས་དང༌། ཤེས་རབ་ཀྱི་བྱིན་རླབས་བཅས་བཞིའོ། ། |
| བྱིན་རླབས་མཆོད་རྟེན |
རྣམ་རྒྱལ་མཆོད་རྟེན་ནོ། ། |
| བྱིན་ལག་རྒྱབ་རྩ |
ལག་སོར་མིང་མེད་ཀྱི་རྒྱབ་ཏུ་ཡོད་པའི་རྩ་ཞིག |
| བྱིན་ལེན |
གང་སྤྲད་པ་དེ་ཉིད་ལེན་པ། |
| བྱིན་ལེན་མ་བྱས་པར་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྨན་བཞི་པོ་གང་རུང་བྱིན་ལེན་མ་བྱས་པར་ཟ་བའོ། ། |
| བྱིན་ལྟོ་བསྐུལ་ལས |
གང་སྟེར་བའི་ལྟོ་ཟ་རྒྱུ་དང༌། གང་བསྐུལ་བའི་ལས་ཀ་བྱེད་རྒྱུ་ཙམ་ལས་འཁུར་སེམས་གང་ཡང་མི་བྱེད་པའི་དཔེ། |
| བྱིན་སྙིང |
རྐང་པའི་བྱིན་སྙིང་ངམ་ཉྭ། |
| བྱིབས |
(བྱེད་འབྲེལ་ལས་ཚིག) བཀབ་པའམ་བཏུམས་པའི་དོན་ཏེ། (དཔེར་ན།) ལྕགས་ཀྱི་སྐམ་པའི་ཡུ་བ་རས་ཀྱིས་བྱིབས། ལག་པ་དར་གྱིས་བྱིབས་ནས་རེག་ལྟ་བུ། ཡུལ་སྐད་ལ་ལར་སྦྱིབས་ཟེར་བ་དང་དོན་གཅིག རྡོ་ཕ་བོང་ཟེགས་མས་སྦྱིབས་ན་བརྟན་ལྟ་བུ། |
| བྱིའུ |
1.བྱ་ཆུང་ངམ་བྱ་ཕྲུག (དཔེར་ན།) ཁང་བྱིའུ། སྔར་བྱ་གནས་སར་དེང་སང་བྱིའུ་མི་གནས། བྱིའུ་ཞན་ཡང་འབུ་ཐུབ། རྡོ་ཆུང་ཡང་རྫ་གཅོག བྱིའུ་ཆུང་གསུང་སྐད་སྙན་ཡང༌། སྐུ་ཤ་རྒྱ་སྲང་དོ་རེད་ཅེས་པ་ལྟ་བུ། 2.ཙི་ཙིའི་ཕྲུ་གུ། |
| བྱིའུ་ཁྱུ |
བྱིའུ་མང་པོའི་དོན་ཏེ། (དཔེར་ན།) ཁྲ་ཧོར་པས་བྱིའུ་ཁྱུ་གང་གཏོར་ཡིན། བྱིའུ་ཁྱུ་མང་ཡང་ཁྲའི་ལྟོ་ཞེས་པ་ལྟ་བུྶ། |
| བྱིའུ་ཁྲ |
བྱིའུ་བཟུང་ནས་ཟ་བའི་བྱ་ཁྲའི་རིགས་ཆུང་ངུ་ཞིག་ཡིན། |
| བྱིའུ་ཕྲུག་ཐང་གྱར |
བདག་སྐྱབས་བྱེད་མཁན་མེད་པའམ་སྐྱབས་མེད་མགོན་མེད་ཅེས་པའི་དཔེ། |
| བྱིའུ་མགོ |
1.འདབ་ཆགས་བྱིའུ་ཆུང་ངུའི་མགོ་བོ། 2.རྡོ་སྨན་གྱི་རིགས་བྱིའུའི་མགོ་དབྱིབས་དང་འདྲ་བ་ཞིག་རོ་བསྐ། ཞུ་རྗེས་སྙོམས། ནུས་པས་རུས་ཆག་སྦྱོར། རྨ་གསོ། |
| བྱིའུ་མཆོང་ལྡིང |
བྱིའུ་ས་ནས་འཕག་ཙམ་འཕུར་ཙམ་བྱེད་སྟངས་ཏེ། (དཔེར་ན།) སེམས་དགའ་སྤྲོ་ཆེ་བས་བྱིའུ་མཆོང་ལྡིང་ལྟར་འགྲོ་ལྟ་བུ། |
| བྱིའུ་ཚང |
བྱིའུ་ཡི་ཚང༌། (དཔེར་ན།) བྱིས་པས་བྱིའུ་ཚང་སྔོག་ཅེས་པ་ལྟ་བུ། |
| བྱིའུ་ཟུལ |
1.ཁྱིམ་བྱ་སོགས་ཀྱིས་ས་རྡུལ་ནང་དུ་ལུས་པོ་ཕུར་ཕུར་བྱེད་པའི་མིང་། (དཔེར་ན།) བྱ་དེས་བྱིའུ་ཟུལ་བྱེད་ལྟ་བུ། 2.(བརྡ་རྙིང་།) ཐིམ་ཉམས་དང༌། འཛུལ་ཉམས། |
| བྱིའུ་འཛུལ |
བུ་གའམ་སྲུབས་ཀ་ཕྲ་མོ་དང༌། ནགས་ཚལ་ཚང་ཚིང་གི་གསེབ་ཏུ་བྱིའུ་ཐོགས་མེད་དུ་འཛུལ་བ་ལྟར་ཤར་འཛུལ་སྐྱོད་བྱེད་པའི་དཔེ། (དཔེར་ན།) བཙན་རྒྱལ་རིང་ལུགས་པས་གང་ས་གང་དུ་བྱིའུ་འཛུལ་དུ་འགྲོ་ཐབས་ཇི་ཙམ་བྱས་པ་དེ་ཙམ་གྱིས་ཞ་བོ་འདམ་ལ་ཚུད་པ་ལྟར་རང་ཉིད་ཐར་མི་ཐུབ་པར་འགྱུར་ཞེས་པ་ལྟ་བུ། |
| བྱིའུ་འུར་བ |
འཕུར་སྐབས་སྒྲ་འབྱིན་པའི་ཆ་ག་པའི་རིགས་ཤིག |
| བྱིའུ་ལ་ཕུག |
སྔོ་སྨན་གྱི་རིགས་ལ་ཕུག་གི་དྲི་རོ་ལྡན་པ་ཞིག་རོ་ཚ། ཞུ་རྗེས་དྲོད། ནུས་པས་ཟས་མ་ཞུ་བ་དང༌། ཤ་དུག་སོགས་དུག་ནད་ལ་ཕན། |
| བྱིའུ་སྐས |
སྐས་རིལ་ཏེ། ཤིང་གདུང་ཧྲིལ་པོར་ཉག་ཀ་བཏོད་པའི་སྐས། |
| བྱིའུ་སྲད་མ |
སྔོ་སྨན་གྱི་ནང་ཚན་ཞིང་སྐྱེས་སྲན་མའི་རིགས་ཤིག་རོ་མངར། ཞུ་རྗེས་བསིལ། ནུས་པས་རྨ་གསོ། ཁྱི་སྨྱོན་གྱི་སོ་དུག་ལ་ཕན། |
| བྱིལ |
འབྱིལ་བའི་སྐུལ་ཚིག |
| བྱིལ |
1.(བྱེད་འབྲེལ་ལས་ཚིག) བྱུག་པ་དང་བསྐུས་པའི་དོན་ཏེ། (དཔེར་ན།) རྩིག་ངོས་ལ་ཨར་འདམ་བྱིལ་ལྟ་བུ། 2.(བྱེད་མེད་ལས་ཚིག) འབྱིལ་བའི་འདས་པ། ཤུད་ནས་མར་ལྷུང་བ་སྟེ། (དཔེར་ན།) མེ་མདའ་ཕྲག་ནས་མི་བྱིལ། འཇམ་པོ་ཕྲག་ལ་ཁུར་ན་ཕྲག་ནས་མར་བྱིལ་ལྟ་བུ། |
| བྱིལ་བ |
འབྱིལ་བའི་འདས་པ། |
| བྱིལ་བྱིལ |
ཕྱོགས་གཅིག་ནས་བྱུལ་བྱུལ་བྱེད་སྟངས། (དཔེར་ན།) སྨ་ར་བྱིལ་བྱིལ་བཏང་བ། མགོ་སྐྲ་བྱིལ་བྱིལ་བྱེད་པ། སྒེ་ཁུང་གི་རུ་ཤིང་ལ་བཀྲག་རྩི་བྱིལ་བྱིལ་གྱིས་འབྱུག་པ་ལྟ་བུ། |
| བྱིལ་མོ |
གཅེར་བུའམ་སྒྲེན་མོ། (དཔེར་ན།) འཁྱགས་ཀྱང་བྱིལ་མོ་དང་ལྟོགས་ཀྱང་ཟས་མེད་དུ་སྡོད་དགོས། གོས་བྱིལ་མོར་མ་ལུས་ཙམ་དང་ཟས་འགྲངས་ལ་མ་འགྲངས་ཙམ་ལྟ་བུ། |
| བྱིས་ཉམས |
ཕྲུ་གུའི་རྣམ་འགྱུར་ཏེ། (དཔེར་ན།) རྒས་འཁོགས་བྱིས་ཉམས་ཅན་ལྟ་བུ། |
| བྱིས་ནད |
ཕྲུ་གུའི་ནད། |
| བྱིས་པ |
1.ལོ་གཅིག་ནས་བརྒྱད་བར་གྱི་ཕྲུ་གུ་ཤེད་མ་བྱེ་བ། (དཔེར་ན།) བྱིས་པ་སྐྱོང་གཉེར། བྱིས་པ་འབྲིད་པ། རྒྱུ་རྐྱེན་ཆུང་ངུར་དངངས་སྐྲག་བྱེད་པ་བྱིས་པ་ཡེར་བ་ལྟ་བུ་མ་བྱེད་ཅེས་པ་ལྟ་བུ། མིང་གི་རྣམ་གྲངས་ལ་ནུ་འཐུང་དང༌། ཕྲུ་གུ། ཞོ་འཐུང་བཅས་སོ། །2.སྐྱེ་འཕགས་མཁས་བླུན་གྱི་ཟླས་ཕྱེ་བའི་སོ་སྐྱེ་ཕལ་པའམ། བླུན་པོ། |
| བྱིས་པ་གསོད |
ཆུ་སྲིན་གྱི་རིགས་ཤིག |
| བྱིས་པ་ཉེར་སྤྱོད་ཀྱི་བསམ་གཏན |
ཐེག་གསུམ་གང་གི་ལམ་ལ་མ་ཞུགས་པའི་བྱིས་པས་འདོད་ཉོན་དང་སྡུག་བསྔལ་རགས་པ་ཙམ་གྱིས་སྐྱོ་ནས་ཏིང་ངེ་འཛིན་བསྒོམས་པའི་འབྲས་བུ་ཁམས་གོང་མའི་ཚོར་བ་དེ་ཉེ་བར་སྤྱོད་པའི་བསམ་གཟུགས་ཀྱི་ཏིང་ངེ་འཛིན། |
| བྱིས་པ་འཇུག་པའི་རྟོག་གེ |
རྒྱ་གར་གྱི་སློབ་དཔོན་དགྲ་ལས་རྒྱལ་བས་བརྩམས་པའི་ཚད་མའི་གཞུང་ཞིག |
| བྱིས་པ་ཤེད་མ་བྱེ་བ |
ཕྲུ་གུ་ལུས་སེམས་ཀྱི་སྟོབས་མ་ལོངས་པ། |
| བྱིས་པའི་དུས |
བཙས་ནས་འགྲོ་བ་དང་རྩེ་མི་ནུས་པར་ནུ་ཞོ་འཐུང་བའི་དུས། |
| བྱིས་པའི་ནུ་མ |
(མངོན་བརྗོད།) ཤིང་སེང་ལྡེང༌། |
| བྱིས་པའི་བརྟུལ་ཞུགས |
1.མིའི་ཕྲུ་གུའི་བྱ་སྤྱོད། 2.སོ་སྐྱེའི་བརྟུལ་ཞུགས་སམ་ཚུལ། |
| བྱིས་པའི་རང་བཞིན |
དོན་ཆེན་སྒྲུབ་མི་ཤེས་མཁན་གྱི་གཤིས་ཀ། (དཔེར་ན།) རྩེད་མོར་དགའ་ཆེ་བ་ནི་བྱིས་པའི་རང་བཞིན་རེད་ཅེས་པ་ལྟ་བུ། |
| བྱིས་པའི་སྐྱེ་བོ |
1. ཕྲུ་གུ་ལོ་ཆུང༌། 2.བླང་དོར་གྱི་བྱ་བ་མི་ཤེས་པའི་མི། |
| བྱིས་བློ་འབྱེད་པ |
བློ་སྒོ་འབྱེད་པ་སྟེ། (དཔེར་ན།) རྗེས་ལུས་ཐེབས་པའི་ཡུལ་དུ་བྱིས་བློ་འབྱེད་པ་ལྟ་བུའི་ཚན་རིག་དྲིལ་བསྒྲགས་ཀྱི་ལས་དོན་དར་སྤེལ་བྱེད་དགོས་ལྟ་བུ། |
| བྱིས་འགྲོས |
ཕྲུ་གུའི་འགྲོ་སྟངས། |
| བྱིས་རྩེད |
བྱིས་པའི་རྩེད་མོ། (དཔེར་ན།) ཕོ་ཐ་མའི་གྲས་ཀྱི་སྤྱོད་པ་ནི། ལོ་ཉི་ཤུ་ལོན་ཡང་བྱིས་རྩེད་བྱེད་ཅེས་པ་ལྟ་བུ། |
| བྱིས་རློན |
1.བྱིས་པ་སྐྱེས་ནས་ཡུན་རིང་མ་སོང་བ། 2.བྱིས་པའི་བཏུང་བ། |
| བྱིས་སྒྲུང |
བྱིས་པའི་སྒྲུང་གཏམ། (དཔེར་ན།) བྱིས་པ་བྱིས་སྒྲུང་མཉན་ལ་དགའ་ཞེས་པ་ལྟ་བུ། |
| བྱུ་བ |
(བརྡ་རྙིང་།) བྱི་བ། |
| བྱུ་རུ |
རིན་པོ་ཆེའི་རིགས་ཏེ། མདོག་དམར་པོ་དང་ནག་པོ། དཀར་པོ་བཅས་གསུམ་མཆིས། རོ་བསྐ། ཞུ་རྗེས་བསིལ། ནུས་པས་ཀླད་སྐྱོན་དང༌། རྩ་ཚད། དུག་ཚད། མཆིན་ཚད་བཅས་ལ་ཕན། རྒྱན་ཆའི་རིགས་ཀྱང་ཡིན། མིང་གི་རྣམ་གྲངས་ལ་ནོར་བུ་ཆེན་པོ་དང༌། ནོར་བུའི་འཁྲི་ཤིང༌། དཔལ་གྱི་མེ་ཏོག་རིན་ཆེན་སྡོང་པོ། ལུས་དམར་འདབ། གསེར་ཅན་འདབ་བཅས་སོ། ། |
| བྱུ་རུ་ལུགས་སུ་བཤད་པ |
(བརྡ་རྙིང་།) དྲང་པོར་སྨྲ་བ། |
| བྱུ་རུའི་མཆུ་ཅན |
(མངོན་བརྗོད།) བྱ་སྐྱུང་ཀ། |
| བྱུག |
(བྱེད་འབྲེལ་ལས་ཚིག) འབྱུག་པའི་མ་འོངས་པ། བསྐུས་ནས་ཕུར་ཕུར་བྱས་པའི་དོན་ཏེ། (དཔེར་ན།) སྐྲ་ལ་སྐྲ་སྣུམ་བྱུག་པར་བྱ། བྱུག་བྱའི་སྐྲ་སྣུམ་ཞེས་པ་ལྟ་བུ། |
| བྱུག་གསེར |
འབྱུག་རྒྱུའི་གསེར། |
| བྱུག་ནོམ |
བྱུག་ཅིང་རེག་པའི་དོན་ཏེ། (དཔེར་ན།) སྨན་གྱི་ལྡེ་གུ་རྨ་ཁར་བྱུག་ནོམ་བྱེད་ཅེས་པ་ལྟ་བུ། |
| བྱུག་པ |
1.འབྱུག་པའི་མ་འོངས་པ། 2.སྣུམ་སོགས་འབྱུག་རྫས། |
| བྱུག་པའི་བཅོས་ཀ |
རྨ་སྐྲང་སོགས་ལ་བྱུག་པ་བྱེད་པའི་བཅོས་ཐབས། |
| བྱུག་པིར |
(ཡུལ་སྐད།) ཚོན་འབྱུག་བྱེད་ཀྱི་པིར་ཆེ་བ། |
| བྱུག་མར |
བྱུག་རྒྱུའི་མར་རམ་སྣུམ། |
| བྱུག་རིས |
གྲལ་ལམ་གོ་རིམ་ཏེ། (དཔེར་ན།) ལས་དོན་སྔ་ཕྱིའི་བྱུག་རིས་ལེགས་པར་བསྒྲིགས་ཞེས་པ་ལྟ་བུ། |
| བྱུག་སྤོས |
བྱུག་པ་རྒྱག་བྱེད་སྤོས་སྨན་གྱི་ལྡེ་གུ། |
| བྱུག་སྨན |
རྨ་དང་སྐྲང་སྦོས་སོགས་ལ་འབྱུག་རྒྱུའི་སྨན། |
| བྱུགས |
1.འབྱུག་པའི་འདས་པ་དང་སྐུལ་ཚིག (དཔེར་ན།) ཤིང་ལ་རྩི་བྱུགས་ནས་ཕྱིས། རྩི་བྱུགས་ཤིག་ལྟ་བུ། 2.རེག་པའི་དོན་ཏེ། (དཔེར་ན།) བྱིས་པའི་མགོ་ལ་ལག་པས་བྱུགས། མགོ་བྱུག་པར་བྱ། མགོ་འབྱུག་མཁན་ཞེས་པ་ལྟ་བུ། |
| བྱུགས་པ |
1.འབྱུག་པའི་འདས་པ། 2.ཡན་ལག་རེངས་འཁུམས་སོགས་སུ་གྱུར་པའི་ལྡན་འདུས་རླུང་ཤས་ཆེ་བ་སེལ་བའི་ཕྱིར་སྣུམ་དང་ལྡེ་གུ་སོགས་ལུས་ཕྱི་ལ་བྱུགས་པ་བྱ་བའི་འཇམ་དཔྱད་ཀྱི་ནང་ཚན་ཞིག |
| བྱུང |
ཚུར་བྱུང་ཟིན་པ་སྟོན་པའི་ཚིག་གྲོགས་ཤིག (དཔེར་ན།) རྒྱལ་ཁ་ལོན་བྱུང༌། གཏམ་སྙན་གོ་བྱུང༌། འགྲུལ་པ་འབྱོར་བྱུང༌། ཡག་བྱུང་ཨ་ཕས་ཇ་ཆང་མེད་པར། ཉེས་བྱུང་ཨ་མས་རྒྱུག་རྡུང༌ལྟ་བུ། |
| བྱུང་ཐོ |
ཚུར་བྱུང་བའི་ཐོ་ཡིག (དཔེར་ན།) འབྲུ་རིགས་བྱུང་ཐོ། ཡིག་རིགས་བྱུང་ཐོ། ལག་དངུལ་བྱུང་ཐོ་ལྟ་བུ། |
| བྱུང་བ |
འདས་པའི་བྱ་བ་དང་ལོ་རྒྱུས་ཀྱི་མིང་། (དཔེར་ན།) སྔོན་གྱི་བྱུང་བ། སྔོན་གྱི་བྱུང་བ་བརྗོད་པ་ཞེས་པ་ལྟ་བུ། |
| བྱུང་བ་འགོག་པ |
འགོག་པའི་རྒྱན་གྱི་ནང་གསེས་ཤིག་ཐེ་ཚོམ་གྱི་གཞིར་གྱུར་པའི་ངོ་མཚར་ཅན་གྱི་དོན་སྔར་བྱུང་ཟིན་པ་ཞིག་དགག་བྱར་བཀོད་ནས་དེ་འགོག་བྱེད་ཀྱི་རྒྱུ་མཚན་སྟོན་པའི་རྒྱན་ཞིག |
| བྱུང་མིན་གྱི་དཔེ |
དཔེའི་རྒྱན་གྱི་ནང་གསེས་ཤིག་འཇིག་རྟེན་ན་སྔར་མ་བྱུང་བའི་དཔེ་ཞིག་གལ་སྲིད་སྟབས་ལེགས་ཀྱིས་བྱུང་ན་དཔེ་ཅན་དང་མཚུངས་པར་སྟོན་པའི་རྒྱན་ཞིག |
| བྱུང་ཚུལ |
ལས་དོན་གྱི་བྱུང་ལུགས་སམ་ཡོང་རྐྱེན་ཏེ། (དཔེར་ན།) ལོ་རྒྱུས་གོ་ཐོས་བྱུང་ཚུལ། ཆུ་སྐྱོན་བྱུང་ཚུལ་ཞེས་པ་ལྟ་བུ། |
| བྱུང་འཛིན |
རང་ལ་འབྱོར་བྱུང་ཟེར་བའི་ཁས་ལེན་ཡི་གེ། (དཔེར་ན།) དངུལ་གྱི་བྱུང་འཛིན། ཡིག་ཆ་བྱུང་འཛིན་ཞེས་པ་ལྟ་བུ། |
| བྱུང་རབས |
སྔོན་བྱུང་གི་ལོ་རྒྱུས་ཏེ། (དཔེར་ན།) གྲལ་རིམ་འཐབ་རྩོད་བྱུང་རབས། རྒྱལ་པོ་བྱུང་རབས་ཞེས་པ་ལྟ་བུ། |
| བྱུང་རྒྱལ |
(རྒྱན་ཚིག) མ་བརྟགས་པ་དང་ཁུངས་མེད་པ། གྲ་སྒྲིག་མེད་པ་སོགས་ཀྱི་དོན་ཏེ། (དཔེར་ན།) ཚིག་བྱུང་རྒྱལ་དུ་མ་བཤད་། ཟས་བྱུང་རྒྱལ་དུ་མ་ཟ། བྱུང་རྒྱལ་དུ་ཁ་ཚོན་མ་གཅོད་ལྟ་བུ། |
| བྱུང་སོང |
1.ནོར་རྫས་ཚུར་བྱུང་ཕར་སོང༌གི་དོན་ཏེ། (དཔེར་ན།) ལོ་རེའི་བྱུང་སོང་མགོ་ཐུག་པ། བྱུང་སོང་ཁ་འཐབ། བྱུང་སོང་ཐོ་བཤེར་ཞེས་པ་ལྟ་བུ། 2.ཐོབ་པའམ་བྱུང་ཟིན་པའི་དོན་ཏེ། (དཔེར་ན།) ལས་ཀ་གྲ་འགྲིག་པོ་བྱུང་སོང༌། མཐུན་སྒྲིལ་ཡག་པོ་བྱུང་སོང༌ལྟ་བུ། |
| བྱུར |
བཀྲ་མི་ཤིས་པའི་རྐྱེན་ངན་ནམ་ཆགས་སྒོ། (དཔེར་ན།) མི་ངན་བྱུར་གྱི་སྣ་འདྲེན་ཡིན་ལྟ་བུ། |
| བྱུར་ཁ |
གོད་ཀ་དང་ཆགས་སྒོ་སོགས་བཀྲ་མི་ཤིས་པའི་འབྱུང་གཞི། (དཔེར་ན།) སྒེར་སེམས་བྱུར་ཁའི་སྣ་འདྲེན་ཡིན། བཤུ་གཞོག་ལམ་ལུགས་ནི་ངལ་རྩོལ་མི་དམངས་དབུལ་ཕོངས་སུ་འགྲོ་བའི་བྱུར་ཁ་རེད་ཅེས་པ་ལྟ་བུ། |
| བྱུར་གནམ་རྡིབ་མ |
ཊབར་ཆད་གློ་བུར་ཐོག་བབས་ཏེ། (དཔེར་ན།) བསམ་བློའི་ཐོག་ནས་སྔོན་ཚུད་གྲ་སྒྲིག་བྱས་ཡོད་ཚེ་བྱུར་གནམ་རྡིབ་མ་ཞིག་བྱུང་ཡང་ཉེན་དོགས་མེད་ཅེས་པ་ལྟ་བུ། |
| བྱུར་གོད |
གྱོད་ཆགས་ཉམས་ཉེས་སོགས་མི་ཤིས་པའི་གོད། |
| བྱུར་ཆགས |
བཀྲ་མི་ཤིས་པ་སྟེ་གྱོད་དང་ཁ་མཆུ་ཤི་ཆད་སོགས་ཆགས་སྒོ། |
| བྱུར་ཆགས་རྐྱེན་ངན |
གློ་བུར་མི་འདོད་པའི་རྐྱེན་ངན། |
| བྱུར་ཆགས་སྣེ་འདོམས |
མི་འདོད་རྐྱེན་ངན་མང་པོ་འཛོམས་པ། (དཔེར་ན།) བྱུར་ཆགས་སྣེ་འདོམས་ཀྱི་གནས་ཚུལ་འོག་ཏུ་འཚོ་བ་འཁྱོལ་དཀའ་ཞེས་པ་ལྟ་བུ། |
| བྱུར་ཉེས |
ཆགས་སྒོའི་དོན་ཏེ། (དཔེར་ན།) བཙན་དབང་གི་བྱུར་ཉེས་འཕྲད་པ་ཞེས་པ་ལྟ་བུ། |
| བྱུར་པོ |
1.ཆགས་སྒོའམ་རྐྱེན་ངན་ཏེ། (དཔེར་ན།) བློ་ཡུལ་དུ་མེད་པའི་བྱུར་པོ་ཆེ་ཞིག་བྱུང་འདུག་ཅེས་པ་ལྟ་བུ། 2.བྱུར་བུ་དང་འདྲ། |
| བྱུར་བུ |
(རྒྱན་ཚིག) དཔངས་མཐོ་བའམ་གང་བའི་རྣམ་པ་སྟེ། (དཔེར་ན།) འབྲུ་མཛོད་འབྲུ་ཡིས་བྱུར་བུར་གཏམས། གཡུལ་ཁར་འབྲུ་སྣ་བྱུར་བུར་སྤུངས་ལྟ་བུ། |
| བྱུར་བྱུར |
སྣོད་ཀྱི་ནང་ནས་ཁ་ལ་ཕྱུར་ཕྱུར་དུ་འབུར་བའི་དོན་ཏེ། (དཔེར་ན།) ཁེབས་མེད་རླངས་འཁོར་འདི་ཚོང་ཟོག་གིས་བྱུར་བྱུར་དུ་གང་འདུག དཀར་ཡོལ་ནང་དུ་རྩམ་པ་བྱུར་བྱུར་གང་བླུག བང་བའི་ནང་འབྲུས་བྱུར་བྱུར་དུ་བཀང་ཡོད་ཅེས་པ་ལྟ་བུ། |
| བྱུར་རྐྱེན |
ཊཁ་མཆུ་སོགས་ཆགས་སྒོའི་རྐྱེན་ངན་ཏེ། (དཔེར་ན།) མི་ལུས་ལ་གནོད་པའི་བྱུར་རྐྱེན། ལས་འགན་གྱི་བྱུར་རྐྱེན་ཞེས་པ་ལྟ་བུ། |
| བྱུར་ལྟས |
ཁ་མཆུ་ཆགས་སྒོ་སོགས་ཀྱི་ལྟས་ངན། |
| བྱུར་ལྦ |
གོད་ཀའམ་བཀྲ་མི་ཤིས་པ་ཡོང་བའི་སྔ་ལྟས་ཀྱི་ལྦ་བ། |
| བྱུར་སྡུད་མ |
ཆགས་སྒོ་སློང་མཁན་མ་སྔར་བུད་མེད་ལ་སྨོད་པའི་ཚིག |
| བྱུལ |
མྱུལ་བའི་དོན་ལ་འཇུག་པར་དག་ཡིག་ལ་ལར་བཤད། |
| བྱུལ་བྱུལ |
1.ཉུལ་ཉུལ་དང་འཁྱམ་འཁྱམ་གྱི་དོན་ཏེ། (དཔེར་ན།) ཡུལ་ལུང་མང་པོར་བྱུལ་བྱུལ་འགྲོ་ལྟ་བུ། 2.(ཡུལ་སྐད།) བྱིལ་བྱིལ་ཏེ། (དཔེར་ན།) སེམས་ཀྱི་གཏིང་ནས་དགའ་བས་སྨ་ར་བྱུལ་བྱུལ་བྱེད་པ། སྐྲ་བྱུལ་བྱུལ་བྱེད་པ། ཞི་མིའི་མགོར་བྱུལ་བྱུལ་གཏོང་ལྟ་བུ། |
| བྱུས |
ཇུས་དང་དོན་གཅིག (དཔེར་ན།) སྲིད་བྱུས་ཐབས་བྱུས་ཞེས་པ་ལྟ་བུ། |
| བྱེ |
(བྱེད་མེད་ལས་ཚིག) འབྱེ་བའི་འདས་པ། འབྱར་བ་ལས་བྲལ་བར་གྱུར་པ་སྟེ། (དཔེར་ན།) ཤ་པགས་བྱེ་བ་འབྱོར། ཤ་རུས་བྱེ་བ་འབྱར་ལྟ་བུ། |
| བྱེ་ཀར |
བྱེ་མ་ཀ་ར། |
| བྱེ་གསེར |
བྱེ་མའི་ནང་ནས་ཐོན་པའི་གསེར་ཏེ། (དཔེར་ན།) གསེར་ཁའི་བྱེ་ས་ནས་བྱེ་གསེར་སྒྲུག་ཅེས་པ་ལྟ་བུ། |
| བྱེ་ཐང |
བྱེ་མའི་ཐང༌། |
| བྱེ་དཀྲུག |
(ཡུལ་སྐད།) ཡོས་དང་བྱེ་མ་དཀྲུག་བྱེད་ཤིང་ཞིག |
| བྱེ་ཕུང |
བྱེ་མའི་ཕུང་པོ་སྟེ། (དཔེར་ན།) རི་མགོའི་བྱེ་ཕུང་ལ་ལ་ཚད་མ་འཆོལ་ཞིག་ཅེས་པ་ལྟ་བུ། |
| བྱེ་བ |
1.འབྱེ་བའི་འདས་པ། 2.ས་ཡ་བཅུའམ་ཁྲི་ཚོ་སྟོང་ཕྲག་གཅིག་གི་གྲངས་གནས། |
| བྱེ་བ་ཅན |
(མངོན་བརྗོད།) སྐྲ། |
| བྱེ་བ་ཐེར་འབུམ |
གྲངས་གནས་ཤིག |
| བྱེ་བ་རིང་བསྲེལ |
རབ་བྱུང་བདུན་པའི་ནང་ཟུར་མཁར་བ་མཉམ་ཉིད་རྡོ་རྗེས་མཛད་པའི་གསོ་བ་རིག་པའི་མན་ངག་ཐམས་ཅད་གཅིག་ཏུ་བསྡུས་པའི་གླེགས་བམ་རིང་བསྲེལ་ཙམ་ལ་མན་ངག་བྱེ་བ་འབྱུང་བར་གསུངས་པའི་སྨན་གྱི་བསྟན་བཅོས་ཚད་མ་ཞིག |
| བྱེ་བའི་ཟུར |
གྲངས་ཀ་བྱེ་བ་གཅིག་གི་ཟུར་གཅིག་གམ། ཆ་གཅིག |
| བྱེ་བྲག |
1.ནང་གསེས་སམ། ཁྱད་པར་གྱི་དོན་ཏེ། (དཔེར་ན།) གཞུང་དོན་སྤྱིར་བཤད་པ་དང༌། བྱེ་བྲག་ཏུ་བཤད་པ་ཞེས་པ་ལྟ་བུ། 2.རང་ལ་ཁྱབ་བྱེད་དུ་འཇུག་པའི་རང་གི་རིགས་ཡོད་པ་ཅན་གྱི་ཆོས། དཔེར་ན། ཁྱབ་བྱ་གསེར་བུམ་དང་རྫ་བུམ་སོགས་ལ་ཁྱབ་བྱེད་རང་གི་རིགས་བུམ་པ་ཡོད་པས་དེ་དག་བུམ་པའི་བྱེ་བྲག་ཡིན་པ་ལྟ་བུའོ། ། |
| བྱེ་བྲག་ཏུ་བཤད་པ་ཆེན་པོ |
བསྟན་བཅོས་ཆེན་པོ་ཞིག་སྟེ་བྱེ་བྲག་བཤད་མཚོའམ། བྱེ་བྲག་བཤད་མཛོད་ཀྱང་ཟེར། བྱེ་བྲག་བཤད་མཛོད་ཆེན་མོ་ལའང་ལྟོས། |
| བྱེ་བྲག་པ |
1.ནང་གསེས་སམ། ཁྱད་པར་བ། 2.ཉན་ཐོས་བྱེ་བྲག་སྨྲ་བ། 3.ཕྱི་རོལ་པའི་སྟོན་པ་དྲང་སྲོང་འུག་པ་དང་དྲང་སྲོང་གཟེགས་ཟན་གཉིས་ཀྱི་གྲུབ་མཐའ་མཁན། |
| བྱེ་བྲག་པའི་ཚིག་དོན་དྲུག |
རྫས་དང༌། ཡོན་ཏན་དང༌། ལས་དང༌། སྤྱི་དང༌། བྱེ་བྲག་དང༌། འདུ་བ་སྟེ་དྲུག་གོ། ། |
| བྱེ་བྲག་བཤད་མཛོད་ཆེན་མོ |
ཆོས་མངོན་པ་བྱེ་བྲག་བཤད་མཛོད་ཆེན་མོ་སྟེ་སངས་རྒྱས་ཤཱཀྱ་ཐུབ་པ་མྱ་ངན་ལས་འདས་པའི་རྗེས་སུ་བྱང་ཕྱོགས་རི་བོ་འབིགས་བྱེད་གར་མཁན་གྱི་གཙུག་ལག་ཁང་དུ་འཕགས་པ་ཉེ་སྦས་སོགས་དགྲ་བཅོམ་པ་ལྔ་བརྒྱས་སྤྱི་མཐུན་དུ་མཛད་པར་གྲགས་པའི་བསྟན་བཅོས་ཆེན་མོ་ཞིག་ཕྱི་དུས་སུ་རྒྱ་བླ་མ་བློ་བཟང་ཆོས་འཕགས་ཀྱིས་རྒྱ་ནག་གི་ཡི་གེ་ནས་བོད་ཡིག་ཏུ་ཡོངས་སུ་བསྒྱུར་པའོ། ། |
| བྱེ་བྲག་རྟོག་བྱེད |
སྔར་བོད་རྒྱལ་ཁྲི་ལྡེ་སྲོང་བཙན་རལ་པ་ཅན་གྱི་སྐབས་སུ་བོད་ཀྱི་ལོ་ཙཱ་བ་སྐ་ཅོག་ཞང་གསུམ་སོགས་ལོ་པཎ་མང་པོས་མདོ་དང་བསྟན་བཅོས་ནང་གི་ཆོས་སྐད་རྒྱ་གར་སྐད་ལས་བོད་སྐད་དུ་བསྒྱུར་བ་རྣམས་ཕྱོགས་གཅིག་ཏུ་བསྡེབས་པའི་ཚིག་མཛོད་སྐད་གཉིས་ཤན་སྦྱར་མ་ཞིག |
| བྱེ་བྲག་སྨྲ་བ |
1.བྱེ་བྲག་བཤད་མཚོའམ་བྱེ་བྲག་བཤད་མཛོད་ཆེན་མོ་ཞེས་བྱ་བའི་གཞུང་གི་རྗེས་སུ་འབྲངས་ཏེ། དུས་གསུམ་རྫས་ཀྱི་བྱེ་བྲག་ཏུ་སྨྲ་བའི་ནང་པའི་གྲུབ་མཐའ་བཞིའི་ཡ་གྱལ་ཞིག 2.བྱེ་བྲག་སྨྲ་བའི་གྲུབ་མཐའ་འཛིན་མཁན། |
| བྱེ་བྲག་སྨྲ་བའི་རྩ་བའི་སྡེ་པ་བཞི |
ཉན་ཐོས་རྩ་བའི་སྡེ་བཞིའོ། ། |
| བྱེ་བྲག་སྨྲ་བའི་སྡེ་པ་བཅོ་བརྒྱད |
ཉན་ཐོས་སྡེ་པ་བཅོ་བརྒྱད་དོ། ། |
| བྱེ་མ |
1.རྡོའི་ཟེགས་མ་ཕྲ་མོའི་མིང་། (དཔེར་ན།) བྱེ་མའི་ཐང་ཞེས་པ་ལྟ་བུ། ཚིག་བསྡུས་ན་བྱེ་ཞེས་འབྲི་ཆོག་སྟེ། (དཔེར་ན།) བྱེ་མའི་ཐང་ལ་བྱེ་ཐང་ཟེར་བ་ལྟ་བུ། 2.བྱེ་མ་དང་རྣམ་པ་འདྲ་བའི་དངོས་རྫས་ཀྱི་མིང་། (དཔེར་ན།) ལྕགས་ཀྱི་བྱེ་མ། ལྕགས་བྱེ་ཞེས་པ་ལྟ་བུ། |
| བྱེ་མ་ཀ་ར |
བུར་ཤིང་ཁུ་བས་བཟོས་པའི་སྦྲང་ཕྱེ་དཀར་པོ་ཞིག |
| བྱེ་མ་ཉུ་གུ |
བྱེ་མ་མྱུ་གུ་དང་འདྲ། |
| བྱེ་མ་དམར |
(མངོན་བརྗོད།) ལི་ཁྲི། |
| བྱེ་མ་མྱུ་གུ |
སྲོག་ཆགས་རྩངས་པའམ་རྨིགས་བུ། |
| བྱེ་མ་རེག་ཆོད |
(བརྡ་རྙིང་།) གྲི་རྡར་བྱེད་རྡོ་ཞིག |
| བྱེ་མའི་རྨིགས་བུ |
སྲོག་ཆགས་རྩངས་པ། |
| བྱེ་མྱུག |
བྱེ་མ་མྱུ་གུའི་བསྡུས་ཚིག |
| བྱེ་ཚན |
བྱེ་མ་ཚ་པོ་སྟེ། (དཔེར་ན།) ཉ་མོ་བྱེ་ཚན་ལ་བསྐྱུར་བ་ཞེས་པ་ལྟ་བུ། |
| བྱེ་འཁྲུད |
(ཡུལ་སྐད།) པགས་རིགས་ཀྱི་སྤུ་བྱེ་མས་འཁྲུད་པ་སྟེ། (དཔེར་ན།) པགས་ཚགས་བྱེ་འཁྲུད་རྒྱག་དགོས་ཞེས་པ་ལྟ་བུ། |
| བྱེ་འདམ |
1.བྱེ་མ་དང་འདམ་རྫབ་གཉིས་ཀྱི་བསྡུས་མིང༌། 2.བྱེ་མ་དང་ཆུ་འདྲེས་པའི་འདམ་བག (དཔེར་ན།) བྱེ་འདམ་དུ་ཚུད་ནས་སྐད་ངན་འདོན་ཞེས་པ་ལྟ་བུ། 3.མཐིལ་ལ་བྱེ་མ་མང་པོ་ཚོགས་པའི་མཚེའུ་དང་རྫིང་བུ་སོགས། |
| བྱེ་འཚུབ |
བྱེ་མ་དང་བཅས་པའི་རླུང་འཚུབ། |
| བྱེ་ར |
བྱེ་མའི་ར་བ། |
| བྱེ་རགས |
བྱེ་མ་ལས་གྲུབ་པའི་ཆུ་སྐྱོར། |
| བྱེ་རི |
བྱེ་མའི་རི་བོ། |
| བྱེ་རིང་བུ་ཡིག |
དྭགས་པོ་འཚོ་བྱེད་ཀརྨ་ཀུན་ཕན་གྱིས་མཛད་པའི་མན་ངག་བྱེ་བ་རིང་བསྲེལ་གྱི་ཁ་སྐོང་སྨན་ཡིག་ཅིག |
| བྱེ་རིལ |
བུར་ཤིང་གི་ཁུ་བ་བསྒར་ཏེ་བཟོས་པའི་མངར་ཆ་རིལ་བུ། |
| བྱེ་རུག |
སྔོ་སྨན་གྱི་རིགས་ཏེ། རོ་ཚ་ལ་བསྐ། ནུས་པ་དྲོད། ཚ་བ་དང་སིབ་ཐོར་མ་སྨིན་པ་དང༌། སྲིན་ཐོར་ཐོན་པ་ལ་ཕན། རྨ་ཡི་འབྲུ་སྲུང༌། |
| བྱེ་རྡིབ |
བྱེ་ཕུང་ཐུར་དུ་ཉིལ་བ། |
| བྱེ་རྡོ |
བྱེ་མ་དང་རྡོ། |
| བྱེ་རྡོ་ལ |
ལ་ཞིག འབྲོང་པ་རྫོང་གི་ལྷོ་རྒྱུད་དུ་ཡོད། |
| བྱེ་རླུང |
བྱེ་ཐལ་འདྲེས་པའི་རླུང༌། |
| བྱེ་ལ |
བྱེ་མ་ཡོད་པའི་ལ་སྟེ། (དཔེར་ན།) གཡུལ་སར་མཆོང་དུས་ར་ཁྱུ་རྫ་རི་འགྲིམ་པ་ལྟ་བུ་ལས། བོང་བུ་བྱེ་ལ་རྒྱག་པ་ལྟ་བུ་མི་བྱེད་ཅེས་པ་ལྟ་བུ། |
| བྱེ་ས |
1.བྱེ་མ་རྐྱང་པ་ཡིན་པའི་ས། 2.བྱེ་མ་མང་པོ་འདྲེས་པའི་ས། |
| བྱེ་སྒང |
བྱེ་མའི་རི་སྒང༌། |
| བྱེ་སྔགས |
སྔར་བོད་ཀྱི་ཆོས་པ་ཚོས་སྔགས་བརྒྱབ་པའི་བྱེ་མ། |
| བྱེ་སྟག |
བྱེ་མར་ཁུང་འཆའ་བའི་སྲོག་ཆགས་རྨིགས་བུ། |
| བྱེ་སྟོངས |
བྱེ་མས་ཁེངས་པའི་ཐང་སྟོང་སྟེ་བྱེ་ཐང༌། (དཔེར་ན།) ཉ་གསོན་བྱེ་སྟོངས་ལ་འགྲེ་བ་ལྟ་བུའི་སྡུག་གཅོད་མྱངས་ལྟ་བུ། |
| བྱེ་སྤུང |
བྱེ་མའི་ཕུང་པོ། |
| བྱེད |
བྱས་པའི་ད་ལྟ་བ། (དཔེར་ན།) སློབ་སྦྱོང་བྱེད་མཁན། བྱ་བ་བྱེད་དགོས་ལྟ་བུ། |
| བྱེད་ཁུལ |
ཡིན་མདོག་གི་དོན་ཏེ། (དཔེར་ན།) རོགས་རམ་བྱེད་ཁུལ། ཧུར་བརྩོན་བྱེད་ཁུལ་ཞེས་པ་ལྟ་བུ། |
| བྱེད་གཏད |
ལས་དོན་བྱེད་དཀའ་བའི་དོན་ཏེ། (དཔེར་ན།) གྱོད་གཞི་རྙོག་འཛིང་ཆེ་བས་ཁྲིམས་དཔོན་ལ་བྱེད་གཏད་ཆེན་པོ་བཟོས་ཡོང༌ལྟ་བུ། |
| བྱེད་གཏེ |
ལས་ཀ་ངན་པ་གང་རུང་བྱེད་མཁན་གྱི་གཙོ་བོ། |
| བྱེད་ཐབས |
ལས་ཀ་བྱེད་པའི་ཐབས་ཚུལ་ཏེ། (དཔེར་ན།) ལས་དོན་བྱེད་ཐབས། སྨན་བཅོས་བྱེད་ཐབས་ཞེས་པ་ལྟ་བུ། |
| བྱེད་པ |
1.བྱེད་པོ་གཞན་དང་དངོས་སུ་འབྲེལ་བའི་བྱེད་ལས་སྟོན་བྱེད་ཅིག (དཔེར་ན།) ཤིང་མཁན་གྱིས་ཤིང་གཅོད་པར་བྱེད་པ། གཅོད་བྱེད་ཀྱི་སྟ་རེ་ཞེས་པ་ལྟ་བུ། 2.འཕྲིན་ལས། 3.(མངོན་བརྗོད།) སྐར་རྩིས་ཀྱི་བྱེད་པ་ལ་བཅུ་གཅིག་ཡོད་པས་གྲངས་བཅུ་གཅིག་མཚོན། 4.ཡི་གེ་སོ་སོར་ཀློག་སྐབས་ང་རོ་འདོན་པའི་བྱེད་པ། |
| བྱེད་པ་དང་བྱ་བ་རིམ་གྱིས་འཇུག་པའི་མཚམས་སྦྱོར་ལྷག་བཅས |
ཚིག་སྔ་མ་བྱེད་པ་དང༌། ཕྱི་མ་བྱ་བར་རིམ་གྱིས་འཇུག་པའི་མཚམས་སྦྱོར་ལྷག་བཅས་ཏེ། (དཔེར་ན།) སྨན་ཟོས་ཏེ་ནད་སོས་ལྟ་བུ། |
| བྱེད་པ་པོ |
ལས་ཀ་གང་རུང་བྱེད་མཁན་གྱི་གང་ཟག་གམ་བེམ་པོ་སྟེ། (དཔེར་ན།) ལམ་དུ་འགྲོ་བ་པོ། སྐད་ཆ་ཤོད་པ་པོ། སྐྱོད་བྱེད་རླུང་གིས་དར་ཆ་སྐྱོད་པར་བྱེད་ཅེས་པ་ལྟ་བུ། |
| བྱེད་པ་པོའི་སྒྲ |
བྱེད་པའི་སྒྲ། |
| བྱེད་པ་བཅུ་གཅིག |
སྐར་རྩིས་ལུགས་ཀྱི་གཟའ་སྐར་བྱེད་པ་བཅུ་གཅིག་སྟེ་གདབ་པ་དང༌། བྱིས་པ། དགེ་བ། ཏིལ་རྡུང༌། ཁྱིམ་སྐྱེས། ཚོང་པ། པིཥིཊ། བཀྲ་ཤིས། བཞི་མདོ། ཀླུ། མི་སྡུག་པ་བཅས་སོ། ། |
| བྱེད་པ་རྒྱུ་མཐུན |
རྒྱུ་མཐུན་གྱི་འབྲས་བུ། |
| བྱེད་པ་རྣམ་བཞི |
སྔོན་འཇུག་ལྔ་དང༌། རྗེས་འཇུག་བཅུ་རང་རང་འཇུག་ཡུལ་མིང་གཞིའི་ཡི་གེ་གང་དང་གང་ལ་འཇུག་པ་དང༌། འཇུག་པ་པོ་སྔོན་རྗེས་གང་དང་གང་གིས་འཇུག་པ། སྔོན་རྗེས་རྣམས་འཇུག་ཚུལ་ཇི་ལྟར་འཇུག་པ། སྔོན་རྗེས་རྣམས་དགོས་པ་ཅི་ཕྱིར་འཇུག་པ་སྟེ་བཞི། |
| བྱེད་པ་ལོ་བདག |
བྱེད་པའི་གནམ་ལོའི་གཟའ། |
| བྱེད་པ་ལོ་འཕོ |
སྐྱོན་འདོན་མ་བྱས་པའི་ལོ་འཕོ། |
| བྱེད་པའི་གནས |
སྒྲའི་གནས་བརྒྱད་ཀྱི་དང་པོ། དངོས་པོ་གང་ཡང་རུང་བ་ཞིག་བསྒྲུབ་པ་ལ། སྒྲ་འདི་ཙམ་ཞིག་ཚོགས་པ་ལས་འགྲུབ་དགོས་པ་དཔེར་ན། ས་དང་ག་དང་ར་རྣམས་འདུས་པ་ལས་སྒྲ་ཞེས་བྱ་བའི་དོན་འབྱུང་བ་ལྟ་བུ། |
| བྱེད་པའི་ཡན་ལག |
(མངོན་བརྗོད།) མོ་མཚན། |
| བྱེད་པའི་རྩིས་འགོ |
མེ་ཁྱིའི་ལོར་རིགས་ལྡན་རྒྱལ་དཀའ་རྒྱལ་སར་ཕེབས་པ་དང་བྱེད་པའི་རྩིས་འགོ་བཟུང༌། |
| བྱེད་པའི་ལོ་འཕོ |
སྐྱོན་བཏོན་ལོ་འཕོ་དང་དང་དོན་གཅིག |
| བྱེད་པའི་སྒྲ |
བྱེད་པ་པོ་དང༌། བྱ་བ་གཉིས་སུ་འབྱེད་ཅིང༌། བྱ་བ་དེའི་བྱེད་པ་པོ་སུ་ཡིན་ཉེ་བར་སྟོན་པའི་རྐྱེན་ཞིག འབྲེལ་སྒྲའི་མཐར་ས་སྦྱར་བ་ལྔ་པོ་དེ་ཡིན་ལ། རྣམ་དབྱེ་གསུམ་པའང་ཟེར་བ་དང༌། ནང་གསེས་རྒྱུ་མཚན་གྱི་དོན་ཡང་སྟོན་ཐུབ་པ། (དཔེར་ན།) བདག་གིས་ཐོས། དཔའ་བོས་དགྲ་བཏུལ། གསེར་གྱིས་རྒྱན་བརྡུངས། སྨན་ཟོས་པས་ནད་དྲག་ཅེས་པ་ལྟ་བུ། |
| བྱེད་པོ |
བྱེད་པ་པོའི་བསྡུས་ཚིག |
| བྱེད་པོ་གཙོ་བོ |
བྱ་བ་གང་རུང་བྱེད་མཁན་གྱི་གཙོ་བོ་གང་ཟག་སྟེ། (དཔེར་ན།) ཤིང་མཁན་གྱིས་སྟ་རེས་ཤིང་བཅད་ཅེས་པ་ལྟ་བུ། |
| བྱེད་པོ་ཕལ་པ |
བྱ་བ་གང་རུང་བྱེད་མཁན་ཕལ་པ་སྟེ་ལག་ཆ་སོགས། (དཔེར་ན།) ཡིག་མཁན་གྱིས་སྨྱུ་གུས་ཡི་གེ་བྲིས་ཞེས་པ་ལྟ་བུ། |
| བྱེད་ཕྱོགས |
ལས་ཀ་བྱེད་ཐབས་སམ། བྱེད་སྟངས། |
| བྱེད་བདེ |
ལས་ཀ་བྱེད་སྟབས་བདེ་བ། |
| བྱེད་བདེ་ཚགས་ཚུད |
ལས་ཀ་བྱེད་བདེ་ཞིང་གྲ་འགྲིག་པ་སྟེ། (དཔེར་ན།) བཟོ་གྲྭ་གསར་འཛུགས་ཀྱི་བྱ་བ་བྱེད་བདེ་ཚགས་ཚུད་ཅིག་བྱུང༌ཞེས་པ་ལྟ་བུ། |
| བྱེད་བཟོ |
བྱེད་ཉམས་ཏེ་བྱེད་པའི་རྣམ་པ། (དཔེར་ན།) བྱེད་བཟོ་དོད་པོ་ཞེས་པ་ལྟ་བུ། |
| བྱེད་མཐུན |
བྱེད་པ་དང་མཐུན་པའི་གྲུབ་རྩིས་ཤིག་གཟའ་འཛིན་སྐབས་སུ་ཤིན་ཏུ་མཁོ་བ་ཞིག་ཡིན། |
| བྱེད་མུས་ཉེས་ཅན |
ཁྲིམས་འགལ་བྱེད་བཞིན་པའི་ཉེས་ཅན་ཏེ། (དཔེར་ན།) མི་གསོད་དང་མེ་རྒྱག་བྱེད་མུས་ཉེས་ཅན་ཞེས་པ་ལྟ་བུ། |
| བྱེད་མེད་ལས་ཚིག |
བྱེད་པ་པོ་གཞན་དངོས་སུ་མེད་པའི་ལས་ཚིག བོད་སྐད་ཀྱི་ལས་ཚིག་གི་ནང་གི་རྐྱལ། རྐྱོལ། འཁྱམ། འཁྱམས། བརྒྱུག ། རྒྱུག ། བརྒྱུགས། རྒྱུགས། མཁས། ཕན་ལྟ་བུ་སོགས་ནི་བྱེད་མེད་ལས་ཚིག་ཡིན་ལ། ལས་ཚིག་དེ་དག་གྲུབ་ཆ་བྱས་ཡོད་པའི་ཚིག་ཀ་ཆ་ཚང་ཞིག་ཡིན་ན། གཙོ་ཚིག་དང་རྗོད་ཚིག་བར་དུ་བྱེད་སྒྲ་མི་འཇུག་པ་ཡིན་ཏེ། དཔེར་ན། ཞིང་པ་སོ་ནམ་ལ་མཁས། ཤིང་དུམ་བུར་གས་ལྟ་བུ། དེའི་ཕྱིར་ལས་ཚིག་དེ་དག་ལ་བྱེད་པ་པོ་གཞན་དངོས་སུ་མེད་པས་ན་བྱེད་མེད་ལས་ཚིག་ཟེར། |
| བྱེད་ཚིག |
བྱེད་པ་པོ་ཡོད་པའི་ལས་ཚིག་ད་ལྟ་བའི་མིང་། |
| བྱེད་ཚུལ |
1.བྱེད་ལུགས་བྱེད་སྟངས། 2.བྱེད་པའི་རྣམ་པ་ཙམ་ཏེ། (དཔེར་ན།) ལས་ཀ་བྱེད་འདོད་མེད་བཞིན་དུ་ལྟ་སྣང་ལ་ཧུར་བརྩོན་གྱིས་བྱེད་ཚུལ་སྟོན་པ་ཞེས་པ་ལྟ་བུ། |
| བྱེད་འབྲེལ་ལས་ཚིག |
བྱེད་པ་པོ་གཞན་དང་དངོས་སུ་འབྲེལ་བའི་ལས་ཚིག བོད་སྐད་ཀྱི་ལས་ཚིག་ནང་གི་བརྐོ། རྐོ། བརྐོས་དང་། གཟུགས། འཛུགས། བཙུགས། ཚུགས། ཤེས། གླེང་། གཟིགས་ལྟ་བུ་སོགས་ནི་བྱེད་འབྲེལ་ལས་ཚིག་ཡིན་ལ། ལས་ཚིག་དེ་དག་གྲུབ་ཆ་བྱས་ཡོད་པའི་ཚིག་ཀ་ཆ་ཚང་ཞིག་ཡིན་ན། ཚིག་ཀ་དེ་རིགས་ཀྱི་གཙོ་ཚིག་དང་རྗོད་ཚིག་གི་བར་དུ་བྱེད་སྒྲ་འཇུག་པས། བྱེད་སྒྲས་བྱ་བ་དང་བྱེད་པ་པོ་གཉིས་ཐ་དད་དུ་ཕྱེ་ཡོད་པ་རེད། དེའི་ཕྱིར་ལས་ཚིག་དེ་རིགས་ལ་བྱེད་འབྲེལ་ལས་ཚིག་ཟེར། འདིར་བཤད་པའི་བྱེད་པ་པོ་ནི་མི་ཞིག་གམ་སེམས་ལྡན་ཞིག་ཡིན་དགོས་པའི་ངེས་པ་མེད་དེ། དར་ཆ་རླུང་གིས་བསྐྱོད་ཅེས་པའི་ཚིག་ལ་མཚོན་ན། རླུང་ནི་བྱེད་པ་པོ་ཡིན་པ་ལྟ་བུའང་ཤེས་དགོས་སོ། ། |
| བྱེད་འཛོལ |
ལས་དོན་བྱེད་ནོར་བ། |
| བྱེད་རྒྱུ |
1.བྱེད་དགོས་པའམ་བྱ་རྒྱུའི་དོན་ཏེ། (དཔེར་ན།) ཁྱོད་ཀྱིས་བྱེད་རྒྱུའི་ལས་དོན་རྣམས་རིམ་གྱིས་ལེགས་པར་བྱེད་དགོས་ལྟ་བུ། 2.ལས་དོན་ནམ་བྱ་བའི་དོན་ཏེ། (དཔེར་ན།) མི་དེ་ལ་བྱེད་རྒྱུ་མང་པོ་འདུག ལུང་པ་འདིར་ཤིང་འཛུགས་ནགས་བཟོའི་ལས་ཀ་བྱེད་རྒྱུ་མང་པོ་ཡོད་ཅེས་པ་ལྟ་བུ།3.རྒྱུ་དྲུག་གི་ནང་གསེས་ཤིག རང་འབྲས་སྐྱེ་བ་ལ་གེགས་མི་བྱེད་ཅིང་ཕན་འདོགས་པའི་དངོས་པོ། འབྲས་བུ་རང་ལས་གཞན་པའི་ཆོས་རྣམས་སོ། ། |
| བྱེད་རྒྱུ་ནུས་མེད |
ཆོས་དེ་སྐྱེ་བ་ལ་ཕན་འདོགས་པར་མི་བྱེད་པའི་ཆོས་གཞན་ཏེ་འདུས་མ་བྱས་ཀྱི་ཆོས་ལྟ་བུའོ། ། |
| བྱེད་རྒྱུ་ནུས་ལྡན |
ཆོས་དེ་སྐྱེ་བ་ལ་ཕན་འདོགས་པའི་འདུས་བྱས་ཏེ། ལུས་ལ་ཟས་ལྟ་བུའོ། ། |
| བྱེད་རྩིས |
1.ལས་ཀ་བྱེད་རྒྱུའི་བསམ་བློ་བྱེད་ལ་ཁད་པའི་དོན་ཏེ། (དཔེར་ན།) དམིགས་ཡུལ་མགྱོགས་མྱུར་སྒྲུབ་ཐུབ་ཆེད་ཐབས་ཚུལ་གང་གཟབ་ལག་ལེན་བྱེད་རྩིས་ཡོད་ཅེས་པ་ལྟ་བུ། 2.དུས་འཁོར་བསྡུས་རྒྱུད་ལས་བསྟན་པའི་མུ་སྟེགས་བྱེད་ཀྱི་ལུགས་དང་བསྟུན་པའི་སྐར་རྩིས་ལ་བྱེད་རྩིས་ཞེས་ཟེར་དོན་རི་མོའི་ལག་ལེན་བྱེད་སླ་བས་ན་དེ་སྐད་དུ་བརྗོད། |
| བྱེད་རྩོལ |
བྱེད་ལས་ཀྱི་རྩོལ་ཤུགས། |
| བྱེད་ལས |
རྒྱུ་རྐྱེན་ཞིག་གིས་དངོས་སུ་བསྐྱེད་པའི་འབྲས་བུའམ་ནུས་པའི་མིང་། (དཔེར་ན།) སྨན་གྱི་བྱེད་ལས། ནད་ཀྱི་བྱེད་ལས་ཞེས་པ་ལྟ་བུ། |
| བྱེད་ལུགས |
ལས་ཀ་བྱེད་ཚུལ་ལམ་བྱེད་སྟངས། |
| བྱེད་ལུགས་བྱེད་སྟངས |
ལས་ཀ་བྱེད་ཚུལ། |
| བྱེད་ལོག |
ལས་དོན་ཡང་དག་མིན་པའི་དོན་ཏེ། (དཔེར་ན།) བྱེད་བཟང་ལ་བསྟོད་བསྔགས་དང༌། བྱེད་ལོག་ལ་ངོ་རྒོལ་བྱེད་ཅེས་པ་ལྟ་བུ། |
| བྱེད་སྒོ |
ལས་དོན་གྱི་དོན་ཏེ། (དཔེར་ན།) གྲ་སྒྲིག་གི་བྱེད་སྒོ་ཆེ་ཕྲ་མཐའ་དག་ལེགས་འགྲུབ་བྱུང་སོང༌། དུས་ཆེན་གྱི་རྟེན་འབྲེལ་བྱེད་སྒོ་གྲོལ་སོང་ལྟ་བུ། |
| བྱེད་སྒོ་རིམ་སེལ |
ལས་ཀ་རིམ་གྱིས་ཚར་བར་བྱེད་པ་སྟེ། (དཔེར་ན།) འདི་གར་ཡང་ཉིན་བཞིན་བྱེད་སྒོ་རིམ་སེལ་གྱིས་བདེ་བར་གནས་ལགས་ཞེས་པ་ལྟ་བུ། |
| བྱེད་སྒོའི་རྩ་ཚིག |
བྱེད་སྟངས་ཀྱི་རྩ་བ་འཛིན་སའི་ཚིག་གམ་བྱེད་སྒོའི་རྩ་འཛིན་ཡི་གེ། |
| བྱེད་སྒྲ |
བོད་ཡིག་གི་ཚིག་སྔ་ཕྱིའི་འབྲེལ་བ་མཚོན་བྱེད་ཀྱི་ཡི་གེ་གིས་ཀྱིས་གྱིས་འིས་ཡིས་ལྔའི་མིང་། |
| བྱེད་སྟངས |
ལས་ཀའམ་བྱ་བ་བྱེད་ལུགས་ཏེ། (དཔེར་ན།) བཤུ་གཞོག་བྱེད་སྟངས། གསར་བརྗེ་བྱེད་སྟངས། གཉའ་གནོན་ལ་ངོ་རྒོལ་བྱེད་སྟངས་ཞེས་པ་ལྟ་བུ། |
| བྱེད་སྤྱོད |
བྱ་བྱེད་སྤྱོད་ལམ་ཏེ། (དཔེར་ན།) བྱིས་པ་དེའི་བྱེད་སྤྱོད་ཡག་པོ་འདུག་ཅེས་པ་ལྟ་བུ། |
| བྱེད་སྲོལ |
ལས་ཀ་བྱེད་སྟངས་ཀྱི་ལུགས་སྲོལ། |
| བྱེའུ |
བྱིའུ་ཡི་འབྲུ་ཚུལ་གཞན། |
| བྱེའུ་ཐར་མ |
1.འཕུར་ནུས་པའི་བྱེའུ་ཕྲུག 2.ཚེ་ཐར་བཏང་བའི་བྱེའུ། |
| བྱེའུ་མགོ |
བྱིའུ་མགོ་དང་འདྲ། |
| བྱེའུ་ལ་ཕུག |
བྱིའུ་ལ་ཕུག་དང་འདྲ། |
| བྱེར |
(བྱེད་མེད་ལས་ཚིག) འདས་པ། 1>བྲོས་པའི་དོན་ཏེ། (དཔེར་ན།) རི་དྭགས་རྣམས་གནས་གཞན་དུ་བྱེར་ལྟ་བུ། 2>འགྲེམ་པའམ་ཁྱབ་པའི་དོན་ཏེ། (དཔེར་ན།) ནད་ཡམས་ཤ་ལ་བྱེར་ལྟ་བུ། ད་ལྟ་བ་དང་མ་འོངས་པར་འབྱེར་འབྲི། |
| བྱེར་འགྲམས |
འཕེལ་ཞིང་མཆེད་པའི་དོན་ཏེ། (དཔེར་ན།) རྨ་ཁ་བྱེར་འགྲམས་སུ་སོང་བ། ཐོར་ནད་བྱེར་འགྲམས་སུ་འགྲོ་བ་ལྟ་བུ། |
| བྱེར་སླེབས |
རྒས་ནས་ཁ་སོ་ཚང་མ་བྱེར་བའི་རྟ་དྲེལ། |
| བྱེལ |
བྱེའུ་དང་འདྲ། |
| བྱེལ་ཚང |
བྱེའུའི་ཚང༌དང་འདྲ་། (དཔེར་ན།) བྱ་ཚང་གཏོར་ན་བྱེལ་ཚང་ཞིག་ཡོང༌ལྟ་བུ། |
| བྱེས |
ཕྱོགས་སམ་ལམ་དང༌། གཞིས་ལས་རིང་དུ་ཆོད་པའི་གནས། (དཔེར་ན།) འགྲུལ་པ་བྱེས་ནས་འོངས་པ། ཁྱིམ་ནས་བྱེས་སུ་བཏེག་པ། གཞིས་བྱེས་ཞལ་འཛོམས་བྱུང་ལྟ་བུ། |
| བྱེས་པ |
རང་ཡུལ་དང་བར་ཐག་རིང་བའི་གནས་སུ་སོང་ནས་བྱ་བ་བྱེད་མཁན་ཏེ། (དཔེར་ན།) གཞིས་པ་གཞིས་ན་བདེ། བྱེས་པ་བྱེས་ན་བདེ། གཞིས་པ་བྱས་ན་གཞིས་གོ་ཆོད། བྱེས་པ་བྱས་ན་བྱེས་གོ་ཆོད་ལྟ་བུ། |
| བྱེས་ཕག |
རི་ལ་གནས་པའི་ཕག་རྒོད། |
| བྱེས་འགྲོ |
ཕྱོགས་གཞན་དུ་འགྲོ་བ་སྟེ། (དཔེར་ན།) གྲོང་ཁྱེར་ནས་གྲོང་གསེབ་ལ་བྱེས་འགྲོ་བྱེད་ཅེས་པ་ལྟ་བུ། |
| བྱེས་འགྲོན |
ཕྱོགས་འགྲུལ། |
| བྱེས་རྒུན་འབྲུ |
རི་ལ་སྐྱེས་པའི་རྒུན་འབྲུམ། |
| བྱེས་ལམ |
ཕྱོགས་གཞན་དུ་འགྲོ་ལམ་ཏེ། (དཔེར་ན།) བྱེས་ལམ་དུ་ཉེ་ཞོ་མེད་པར་འགྲུལ་བཞུད་བདེ་པོ་བྱུང་ལྟ་བུ། |
| བྱོ |
(བྱེད་འབྲེལ་ལས་ཚིག) འབྱོ་བའི་འདས་པ་དང་སྐུལ་ཚིག ཆུ་སོགས་སྟེང་ནས་མར་བླུགས་པའི་དོན་ཏེ། (དཔེར་ན།) སྒྱེ་ནང་གི་འབྲུ་ས་ལ་བྱོ། ཟོ་བའི་ནང་གི་ཆུ་རྫ་མར་བྱོ་ལྟ་བུ། |
| བྱོན |
(བྱེད་མེད་ལས་ཚིག) འདས་པ་དང་སྐུལ་ཚིག འོང་བའི་ཞེ་ཚིག ཕེབས་པ་དང་དོན་འདྲ། མ་འོངས་པ་དང་ད་ལྟ་བ་ལ་འབྱོར་འབྲི། (དཔེར་ན།) དགེ་རྒན་རྣམས་སློབ་གྲྭར་འབྱོན་དགོས། འབྱོན་བཞིན་འདུག་ལྟ་བུ། |
| བྱོན་གཏོར |
འཇིག་རྟེན་ལས་འདས་མ་འདས་ཀྱི་ལྷ་མགྲོན་ཚུར་བྱོན་མ་ཐག་ཏུ་འབུལ་རྒྱུའི་གཏོར་མ། |
| བྱོབས |
བྱབ་པའི་སྐུལ་ཚིག |
| བྱོལ |
(བྱེད་མེད་ལས་ཚིག) འབྱོལ་བའི་མ་འོངས་པ་དང་འདས་པ་སྐུལ་ཚིག རེག་ཏུ་མི་འཇུག་པ་དང་ཕྲད་དུ་མི་འཇུག་པའི་དོན་ཏེ། (དཔེར་ན།) འགོ་ནད་ལ་བྱོལ་དགོས། གླང་ཆེན་སྨྱོན་པར་ཐུག་ཀྱང་ལམ་མི་བྱོལ། ཤཱཀྱ་མུ་ནེར་ཐུག་ཀྱང་ཞྭ་མི་འཕུད། ལམ་བྱོལ་ཅིག་ལྟ་བུ། |
| བྱོལ་མ |
གཞན་ཡུལ་དུ་གཡོལ་མཁན། |
| བྱོལ་འགྲོ |
བྲོས་ནས་འགྲོ་བའམ། བཟུར་ཏེ་འགྲོ་བ། (དཔེར་ན།) ཉེས་ཅན་རྣམས་གནམ་མཐའ་ས་མཐའ་གང་དུ་བྱོལ་འགྲོ་བྱས་ཀྱང་མི་ཐར་ཞེས་པ་ལྟ་བུ། |
| བྱོལ་སོང |
དུད་འགྲོའི་མིང་། (དཔེར་ན།) བྱོལ་སོང་ལྟར་གླེན་པ་ཞེས་པ་ལྟ་བུ། |
| བྱོས |
བྱེད་ཀྱི་སྐུལ་ཚིག (དཔེར་ན།) སློབ་སྦྱོང་བྱོས་ཤིག རྩལ་སྦྱང་བྱོས་ཤིག་ལྟ་བུ། |
| བྲ |
1.མདོ་དབུས་མཐོ་སྒང་ན་ཡོད་པའི་ཙི་གུའི་རིགས་མཇུག་མ་མེད་པ་ཞིག་ཡིན། དེ་ལ་ཨ་བྲ། རྫ་བྲ། བྲག་བྲ་བཅས་རིགས་གསུམ་ཡོད། 2. (བརྡ་རྙིང་།) སེམས་སྟོར་བ། |
| བྲ་ཁུང |
ཨ་བྲ་འཛུལ་སའི་ཁུང་བུ། |
| བྲ་ཉེ |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་གཤིན་རྗེ་དང་སྒེག་མོའོ། ། |
| བྲ་ཉེ་སྐྱེས |
(མངོན་བརྗོད།) གཟའ་སྒྲ་གཅན། |
| བྲ་ཏི་སུམ་རྟགས |
བྲ་ཏི་དགེ་བཤེས་རིན་ཆེན་དོན་གྲུབ་ཀྱིས་དུས་རབས་བཅོ་བརྒྱད་པར་མཛད་པའི་སུམ་ཅུ་པའི་འགྲེལ་པ་ཀུན་བཟང་དགོངས་གསལ་དང༌། རྟགས་འཇུག་དགོངས་འགྲེལ་གསལ་བ་ཞེས་བྱའོ། ། |
| བྲ་ནག |
ཁ་དོག་སེར་ནག་གི་དོན་ཏེ། (དཔེར་ན།) རྟ་བྲ་ནག་ཅེས་པ་ལྟ་བུ། |
| བྲ་ཕྱེ |
བྲ་བོ་བཏགས་པའི་ཕྱེ་མ། |
| བྲ་བ |
(ལས་ཚིག་རྗེས་མཐུན་པ) ཐུབ་པ་དང་བཟོད་པ་སོགས་ཀྱི་དོན་ཏེ། (དཔེར་ན།) ཟ་མི་བྲ་བ། འཐུང་མི་བྲ་བ། གོན་མི་བྲ་ཟེར་བ་ལྟ་བུ། མཚོ་སྔོན་གྱི་ཡུལ་སྐད་ལ། བ་གི་ཟེར་བ་དང་དོན་གཅིག |
| བྲ་བོ |
1.འབྲུ་རིགས་བྲ་བོ་སྟེ། (དཔེར་ན།) རྒྱ་བྲ། བྲ་བོ་ལྟ་བུའི་ཟུར་གསུམ་ཞེས་པ་ལྟ་བུ། འདིའི་ས་བོན་མདོག་ཁམ་ནག་དབྱིབས་ཟུར་གསུམ་ཅན་ཡིན་ལ། གཞུང་རྟ་དམར་ཞིང་ལོ་མ་ཟུར་གསུམ་མེ་ཏོག་གློ་དམར་དྲི་ཞིམ་པ་ཞིག་ཡིན། 2.ཁ་དོག་སྨུག་ནག་གི་མིང་། (དཔེར་ན།) རྟ་བྲ་བོ། དྲེལ་བྲ་བོ། |
| བྲ་བོ་ཁ |
ཤ་གསེབ་ཏུ་མདེའུ་ཡོད་མེད་བསྐྱར་དུ་བརྟག་བྱེད་བྲ་བོའི་དབྱིབས་འདྲའི་ཐུར་སྤྱད་རྩེ་ཟུར་གསུམ་པ་ཞིག |
| བྲ་བོ་སུམ་གཤགས |
ཆ་གསུམ་དུ་བགོ་བའི་དཔེ། (དཔེར་ན།) སྲན་མ་ཉིས་གཤགས་དང་བྲ་བོ་སུམ་གཤགས་ཞེས་པ་ལྟ་བུ། |
| བྲ་མ |
ཤིང་སྨན་གྱི་རིགས་ཏེ། རྩ་བ་རོ་མངར། ཞུ་རྗེས་བསིལ། ནུས་པས་ཤ་ཚད་དང་རྩ་ཚད་སེལ། ནད་བྱེར་བ་བསྡུ། བསགས་པ་སྐྱུག་པར་བྱེད། |
| བྲ་ཚང |
ཨ་བྲའི་སྡོད་གནས། |
| བྲ་ཞིབ |
བྲ་བོ་བཏགས་པའི་ཕྱེ་མ། |
| བྲ་འཁུར |
བྲ་ཕྱེ་ལས་བཟོས་པའི་འཁུར་བ། |
| བྲ་རིལ |
ཨ་བྲའི་རིལ་མའམ་བྲུན། |
| བྲ་རྗེན |
བྲ་བོ་མ་བརྔོས་པར་བཏགས་པའི་ཕྱེ་མ། |
| བྲ་ཤུན |
བྲ་བོའི་པགས་པ། |
| བྲ་སོག |
བྲ་བོའི་སོག་མ། |
| བྲག |
རྡོའི་བྱེ་བྲག་ཅིག (དཔེར་ན།) བྲག་གོང༌། བྲག་རི། བྲག་ལ་སྐད་ཆ་མ་བཤད་ན། ལན་དུ་བྲག་ཆ་འཁོར་དོན་མེད་ཅེས་པ་ལྟ་བུ། |
| བྲག་ཁུག་རྟ |
བྲག་ལ་གནས་པའི་ཆར་སྡོད་བྱིའུ། |
| བྲག་གཏོར་རྡོ་གཤག |
ཕ་བོང་བཤིག་ནས་དུམ་བུར་གསིལ་བ་སྟེ། (དཔེར་ན།) འབར་རྫས་བཅུག་ནས་བྲག་གཏོར་རྡོ་གཤག་གིས་གཞུང་ལམ་བཟོས་ལྟ་བུ། |
| བྲག་གདོང |
བྲག་ཟུར། |
| བྲག་གཟར་པོ |
ངོས་ཐུར་དུ་གཞོལ་ཆེས་པའི་བྲག |
| བྲག་གཟིག |
བྲག་ལ་གནས་པའི་གཟིག |
| བྲག་གཟེངས་པ |
བྲག་རྩེ་གྱེན་ལངས་ཏེ། (དཔེར་ན།) བྲག་གཟེངས་པའི་རྩེ་ལ་ཐར་བ་དཀའ་ལྟ་བུ། |
| བྲག་གཡབ |
1.ཆར་སྐྱོབ་བྲག་སྐྱིབས། 2.རྫོང་ཞིག དབུས་ཀྱི་ཤར་རྒྱུད་དང་ཟླ་ཆུའི་སྟོད་རྒྱུད་དུ་ཡོད། |
| བྲག་གཡབ་དགོན་ཆེན |
རབ་བྱུང་བཅུ་གཅིག་པའི་ལྕགས་བྱ་ལ་རྔུ་སྤེ་གྲགས་པ་རྒྱ་མཚོས་བཏབ་པ་ཞིག |
| བྲག་གསུམ་ཕུ་ཆུ |
འབབ་ཆུ་ཞིག ཀོང་པོ་ཁུལ་དུ་ཡོད། |
| བྲག་གསུམ་མཚོ |
ཀོང་པོ་རྒྱ་མདའ་རྫོང་ཁོངས་བྲག་གསུམ་ཕུ་ཆུའི་སྟོད་རྒྱུད་དུ་ཡོད། |
| བྲག་གསེང |
བྲག་གི་བར་གསེང༌། |
| བྲག་གོང |
བྲག་རྡོའི་ཕ་བོང༌། |
| བྲག་ཅ |
སྒྲ་བརྙན་ཏེ། ཕ་རོལ་གྱི་དངོས་པོ་ལ་སྒྲ་ཕོག་པ་ལས་ཚུར་བྱུང་བའི་སྒྲ་བརྙན་གྱི་མིང་། འདི་ལ་བྲག་ཆ་འབྲི་བའང་ཡོད། |
| བྲག་ཆ |
བྲག་ཅ་དང་འདྲ། |
| བྲག་ཆུ |
1.བྲག་གསེང་ནས་བྱུང་བའི་ཆུ། 2.བྲག་གསུམ་ཕུ་ཆུའི་བསྡུས་མིང༌། |
| བྲག་དཀན |
བགྲོད་དཀའ་བའི་བྲག་ངོས་གཟར་པོ། |
| བྲག་དཀར |
བྲག་རི་དཀར་པོ། |
| བྲག་དམར |
བྲག་རྡོ་ཁ་དོག་དམར་པོ། |
| བྲག་དམར་འོམ་བུ་ཚལ |
བོད་རྒྱལ་ཁྲི་སྲོང་ལྡེའུ་བཙན་གྱི་ཕོ་བྲང་གནས་ཡུལ་འོམ་བུ་ཚལ་དེང་སང་གྲ་ནང་རྫོང་ཁོངས་བསམ་ཡས་སུ་ཡོད། |
| བྲག་དྲེད |
བྲག་ལ་གནས་པའི་དྲེད་མོ། |
| བྲག་ནག་བྱ་སྐྱིབས |
བྲག་ནག་པོའི་ཕུག་པ། |
| བྲག་ནག་ལ |
ལ་ཞིག འབྲོང་པ་རྫོང་གི་ལྷོ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6582 ཡོད། |
| བྲག་ཕུག |
བྲག་ལ་རང་གྲུབ་ཏུ་ཡོད་པའི་ཕུག་པ། |
| བྲག་བརྡབས་ཆུ་བཤལ |
མཁྲེགས་འབོལ་གྱི་དངོས་པོ་བཙོག་པ་རྣམས་བྲག་ལ་བརྡབས་ཤིང་ཆུ་ལ་བཤལ་དགོས་པ་ལྟར་བྱས་ཉེས་དང་ནོར་འཁྲུལ་ལ་སྐྱོན་འདོན་དག་ཐེར་བྱེད་དགོས་པའི་དཔེ། (དཔེར་ན།) སྐྱོན་ཆ་བྱུང་རིགས་ལ་དྲི་ངན་ས་འགེབས་མི་བྱེད་པར་སྐབས་འཕྲལ་བྲག་བརྡབས་ཆུ་བཤལ་གྱིས་མཚང་འདོན་དག་བཅོས་བྱེད་དགོས་ལྟ་བུ། |
| བྲག་བྲ |
བྲ་བའི་རིགས་ཤིག |
| བྲག་མཁན |
བྲག་ལས་སྐྱེས་པའི་མཁན་པ། |
| བྲག་མགོ |
བྲག་རིའི་རྩེ་མོ། |
| བྲག་མཚམས་ཚྭ་ཁ |
ཚྭ་ཁ་ཞིག དགེ་རྒྱས་རྫོང་གི་བྱང་ཤར་རྒྱུད་དུ་ཡོད། |
| བྲག་མཚེ |
མཚེ་ལྡུམ་རིགས་ཀྱི་ནང་ཚན་བྲག་ལ་སྐྱེས་པ་ཞིག |
| བྲག་ཚེ་རིང |
ཚེ་རིང་རྣམ་དྲུག་གི་ཡ་གྱལ་ཞིག |
| བྲག་ཚྭ |
གནའ་བོའི་མཚོའམ་མཚེའུ་བསྐམས་ནས་ཆགས་པའི་ཚྭ་བང་རིམ་དུ་གྱུར་པ་ཞིག |
| བྲག་ཞུན |
ཚ་བའི་ཁུལ་གྱི་བྲག་ལས་བབས་པའི་གཤེར་ཁུའི་རིགས་ཤིག་ཡིན་པར་གྲགས་ལ། དེའི་ནང་ལ་འདྲེས་པའི་གཏེར་དངོས་མི་འདྲ་བའི་དབང་གིས་གསེར་ཞུན། དངུལ་ཞུན། ལྕགས་ཞུན། ཟངས་ཞུན། ཞ་ཞུན་སོགས་རིགས་ལྔ་ཡོད་པར་གྲགས། ཡོངས་གྲགས་སུ་སྨན་དུ་བསྡེབས་པའི་བྲག་ཞུན་ནི་བྱ་མ་བྱེའུའི་བྲུན་ལ་ངོས་འཛིན་པར་སྣང་། |
| བྲག་ཞུན་རིགས་ལྔ |
རྩི་སྨན་གྱི་ནང་ཚན་ཏེ་གསེར་ཞུན་དང༌། དངུལ་ཞུན། ཟངས་ཞུན། ལྕགས་ཞུན། ཞ་ཉེ་ཞུན་བཅས་རིགས་ལྔའོ། ། |
| བྲག་ཟོམ |
བྲག་གི་ཁོང་གསེབ། |
| བྲག་འགག |
བྲག་རི་གཉིས་བར་གྱི་འགག་དོག་པོ། |
| བྲག་འགོ |
ཁམས་ཀྱི་ཡུལ་ཞིག་སྟེ། དཀར་མཛེས་ཡུལ་གྱི་བྱང་ངོས་སུ་ཡོད། |
| བྲག་འཕྲང |
1.བྲག་རིའི་གཡང་ས། 2.རྡོ་བྲག་མང་བའི་ལམ་དོག་པོའམ། བགྲོད་དཀའ་བའི་ལམ། |
| བྲག་ཡོས |
བྲེ་གུ་གསེར་ཐིག་གི་མིང་གི་རྣམ་གྲངས་ཤིག |
| བྲག་རམ |
བྲག་རིར་སྐྱེས་པའི་རྩྭ་རམ་བུ། |
| བྲག་རི |
1.བྲག་ལས་གྲུབ་པའི་རི། མིང་གི་རྣམ་གྲངས་ལ་རྡོ་བརྩིགས་དང་བྲག་གི་རིའོ། །2.བྲག་མང་པོ་སྤུངས་པའི་རི། |
| བྲག་རིམ |
བྲག་བརྩེགས་པའི་བང་རིམ། |
| བྲག་རོང |
བྲག་མང་པོ་ཡོད་པའི་ས་ཆ་གུ་དོག་པ། |
| བྲག་རྡོ |
བྲག་ལས་བྱུང་བའི་རྡོ་སྟེ། (དཔེར་ན།) བྲག་རྡོ་རྩིག་བདེ་ཞེས་པ་ལྟ་བུ། |
| བྲག་རྩངས |
བྲག་ལ་སྡོད་པའི་རྩངས་པ་ཁ་རལ། |
| བྲག་རྩེ |
བྲག་གི་རྩེ་མོ། |
| བྲག་རྫོང |
བྲག་སྡེབ་ཀྱི་མཁར་རྫོང༌། |
| བྲག་ལ |
བྲག་རིའི་ལ། |
| བྲག་ལ་ཡུག |
བྲག་ལོགས་སུ་གཞོགས་ཕྱེད་འདག་པས་བྱས་པའི་ཚང་བཅས་ནས་གནས་པའི་བྱེའུའི་རིགས་ཤིག |
| བྲག་ལ་རི |
རི་བོ་ཞིག བཞད་མཐོང་སྨོན་རྫོང་གི་དབུས་རྒྱུད་དུ་ཡོད། |
| བྲག་ལྕམ |
ཐང་སྨན་གྱི་རིགས་ཏེ། རོ་མངར། ཞུ་རྗེས་བསིལ། ནུས་པས་རྨ་ཚད་འཇོམས། མཛེར་པ་ལ་ཕན། |
| བྲག་ལྷ་ཀླུ་ཕུག |
ལྕགས་པོ་རི་རྒྱུད་དུ་ཡོད་པའི་བྲག་ཕུག་ནང་ཆོས་རྒྱལ་སྲོང་བཙན་སྒམ་པོའི་བཙུན་མོ་རུ་ཡོང་བཟའི་ངག་བཀོད་ལྟར་རྡོ་བཟོ་བ་མཁས་པས་བརྐོས་པར་གྲགས་པའི་ལྷ་སྐུ་འགའ་ཞིག་ཡོད་པའི་ལྷ་ཁང་ཞིག |
| བྲག་ལྷ་ཀླུ་སྒུག |
བྲག་ལྷ་ཀླུ་ཕུག་དང་འདྲ། |
| བྲག་ཤུར |
1.ཁང་པ་བསྟར་བསྒྲིགས་གཡས་གཡོན་གྱི་བར་དུ་དགོས་པའི་འགྲོ་ལམ། 2.ཁང་པ་སྲ་བརྟན་ཡོང་ཆེད་ཀ་བ་མ་བཙུགས་པར་འཕྲེད་གཞུང་ཁག་ལ་རྡོ་རྩིག་བསླངས་པའི་སྟེང་དུ་ལྕམ་གདུང་བཀལ་བ་ལས་བྱུང་བའི་འོག་ཁང༌། 3.རྫ་བྲག་ཕན་ཚུན་གྱི་བར་དུ་ཡོད་པའི་འགྲོ་ལམ་དོག་པོ། |
| བྲག་སེར |
བྲག་གས་པའི་སེར་སྲུབས། |
| བྲག་སྐོར་ལ |
ལ་ཞིག གྲོ་མོ་རྫོང་གི་ནུབ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5105 ཡོད། |
| བྲག་སྐྱ་ཧ་བོ |
ལོ་མང་སྐྱེ་བའི་རྩྭ་ལྡུམ་རྩ་བ་ཁམ་ནག་སྤུ་ཆུང་གིས་ཁྱབ་པ་ལོ་མ་ཉག་ཆེན་ཅན་གཞུང་ལྟ་མེད་པ་ཞིག་ཡིན། དེ་ལ་བཙུན་མོ་རེ་རལ་ཡང་ཟེར། |
| བྲག་སྐྱབས |
ཆར་རླུང་སོགས་སྐྱོབ་བྱེད་ཀྱི་བྲག་སྐྱིབས་སམ་བྲག་གཡབ། |
| བྲག་སྐྱིབས |
བྲག་ཁུང་ཕུག་མི་ཟབ་པ་སྟེ། (དཔེར་ན།) དཀའ་ཐུབ་སྤྱོད་མཁན་བྲག་སྐྱིབས་དབུས་མར་བཞུགས། |
| བྲག་སྒོ་ཀགྞི |
ལྷ་སའི་པོ་ཏ་ལ་དང་ལྕགས་ཕོ་རི་གཉིས་བར་གྱི་ལམ་གཞུང་དུ་བསྐྲུན་པའི་བྲག་སྒོ་སྟེང་དུ་མཆོད་རྟེན་ཡོད་པ་ཞིག་གཏམ་རྒྱུད་དུ་གྱིམ་ཤིང་ཀོང་ཇོས་བཞེངས་པར་བཤད། |
| བྲག་སྒོག |
བྲག་ལ་སྐྱེས་པའི་སྒོག་པ། |
| བྲག་སྣ |
བྲག་གི་ཟུར་གདོང༌སྟེ། (དཔེར་ན།) བྲག་སྣ་དམར་པོ་ཟུར་གསུམ་ཞེས་པ་ལྟ་བུ། |
| བྲག་སྤོ་མཐོ |
བྲག་རིའི་རྩེ་མཐོན་པོ། |
| བྲག་སྤོས |
ལོ་མང་སྐྱེ་བའི་རྩྭ་ལྡུམ་གྱི་རིགས་ཤིག་ཡིན། བྲག་ངོས་སུ་སྐྱེ་ཞིང་ལོ་མ་ལ་དྲི་ཞིམ་བྲོ། |
| བྲག་སྤྱིལ |
བྲག་ལས་གྲུབ་པའི་སྤྱིལ་བུ། |
| བྲག་སྲམ |
བྲག་གསེབ་ཏུ་སྡོད་པའི་སྲམ། |
| བྲག་སྲུབས |
བྲག་གི་བར་གསེབ། |
| བྲང |
1.ལུས་ཀྱི་མདུན་སྟོད་ཀྱི་མིང། (དཔེར་ན།) ལུག་གི་བྲང་ལ་ཚིལ་མང༌ཞེས་པ་ལྟ་བུ། 2.ཁྱིམ་དང༌། སྡོད་གནས་སམ་བསྟི་གནས་ཏེ། (དཔེར་ན།) ཕོ་བྲང༌། བཞུགས་བྲང༌། ལམ་བར་དུ་བྲང་བཏབ་ནས་བསྡད་ཅེས་པ་ལྟ་བུ། |
| བྲང་ཁང |
གནས་ཁང་ངམ་སྡོད་ཁང༌། |
| བྲང་ཁོག |
ལུས་ཀྱི་མདུན་སྟོད་བྲང༌། མིང་གི་རྣམ་གྲངས་ལ་སྟོད་དང༌། ནུ་མའི་རྟེན། བྲང་བཅས་སོ། ། |
| བྲང་གདན |
རླུང་དང་དྲེག་པ་སོགས་འགོག་བྱེད་ཀྱི་བྲང་ཁེབས། |
| བྲང་གཞུང |
བྲང་ཁོག་གི་དཀྱིལ་གཞུང༌། |
| བྲང་གཞུང་དཀར་ནག་མཚམས |
ནུ་མ་གཡས་གཡོན་གཉིས་པོ་ཐིག་གིས་སྦྲེལ་བའི་དཀྱིལ་དེར་སྙིང་དང་འབྲེལ་བའི་མེ་གསང་ཞིག |
| བྲང་གསེང |
ཁོག་སྟོད་ཀྱི་གློ་སྙིང་སོགས་མེད་སའི་སྟོང་ཆ། |
| བྲང་ངེ |
(རྒྱན་ཚིག) ལུས་ཀྱི་མྱོང་ཚོར་སྐྱེས་ཚུལ་ཁྱད་པར་བ་ཞིག (དཔེར་ན།) གཟེར་བྲང་ངེ་ན་ཟུག་ལངས། སྦྲིད་བྲང་ངེ་སོང་། འཁྱག་བྲང་ངེ་ཞེས་པ་ལྟ་བུ། |
| བྲང་ཏི་དཔལ་ལྡན་འཚོ་བྱེད |
རབ་བྱུང་བཞི་པའི་ནང་བྲང་ཏི་འཇམ་དཔལ་བཟང་པོའི་སྲས་སུ་འཁྲུངས། དགུང་ལོ་ཆུང་ངུའི་དུས་ནས་གསོ་རིག་གི་བྱ་བ་མཛད་དེ་རང་གི་གཅེན་རྒྱལ་བ་བཟང་པོ་དང༌། ཕག་སྟོན་ཤཱཀྱ་མགོན་པོ་ཡུན་རིང་དུ་བསྟེན་ནས་དཔལ་ལྡན་རྒྱུད་བཞིའི་འགྲེལ་པ་ཕྱག་ལེན་དང་བཅས་པའི་གཞུང་དོན་རྫོགས་པར་ཞུས་ནས་ཐོས་ལོ་ཙམ་མ་ཡིན་པར་ཐུགས་སུ་ཆུད་པར་གསན་ཅིང༌། སྐུ་ཚེ་ཧྲིལ་པོར་གསོ་བ་རིག་པའི་བསྟན་དོན་ཁོ་ན་གཉེར། འགྲོ་མགོན་ཆོས་རྒྱལ་འཕགས་པའི་བླ་སྨན་པ་མཛད། གསུང་རྩོམ་ཡང་གསོ་བ་རིག་པའི་ཁོག་འབུབས་ཤེས་བྱ་རབ་གསལ། རྩ་རྒྱུད་ཀྱི་འགྲེལ་པ་རྒྱུད་དོན་རབ་གསལ། ཕྱི་རྒྱུད་ཀྱི་འགྲེལ་པ་ཚུལ་གསུམ་སྣང་བ། རྩ་མདོའི་འགྲེལ་པ་ཉི་མའི་འོད་ཟེར། ཆུ་མདོའི་འགྲེལ་པ་ཚིག་དོན་གསལ་བྱེད་ཡིད་བཞིན་ནོར་བུ་སོགས་བསྟན་བཅོས་ཆེ་ཆུང་བཅོ་བརྒྱད་ཙམ་མཛད། |
| བྲང་དཔོན |
ཁང་པའི་བདག་པོ། |
| བྲང་བ་ཅན |
མགོ་བོའི་རྨ་འདྲ་བྱེད་ཀྱི་ཡོ་བྱད་ཅིག |
| བྲང་བདག |
ཁང་པའི་བདག་པོ། |
| བྲང་བྲེང |
1.ངན་ངོན་ནམ་ཐབས་ཆག་གི་དོན་ཏེ། (དཔེར་ན།) སྡོད་ཁང་བྲང་བྲེང༌། ལྟོ་གོས་བྲང་བྲེང༌ཞེས་པ་ལྟ་བུ། 2.ཅུང་ཟད་ཀྱི་དོན་ཏེ། (དཔེར་ན།) གདེང་ཚོད་བྲང་བྲེང་ཙམ་ལས་མེད་ཅེས་པ་ལྟ་བུ། 3.བྲང་ངེ་དང་དོན་འདྲ་སྟེ། (དཔེར་ན།) གཟེར་བྲང་བྲེང་། སྦྲིད་བྲང་བྲེང་ཞེས་པ་ལྟ་བུ། |
| བྲང་མགོ |
བྲང་རུས་ཀྱི་སྟོད། |
| བྲང་མཚེས |
ཁྱིམ་མཚེས་སམ་ཤག་མཚེས། |
| བྲང་ཚ |
བྲང་ཁོག་ཚ་བ་ཕོ་ནད་ཀྱི་གྲས་ཤིག |
| བྲང་ཞེང |
བྲང་གི་ཁ་རྒྱ་སྟེ། (དཔེར་ན།) རྟ་ཡི་བྲང་ཞེང་ཆེ་ན་བཟང༌ལྟ་བུ། |
| བྲང་ཞོལ |
ལུས་ཀྱི་བྲང་སྨད་དམ་བྲང་འདབས་ཀྱང་ཟེར། |
| བྲང་ཟེ |
བྲང་ཁོག་གི་སྣེ་མོ། |
| བྲང་ཟླ |
ཤག་ཚང་ངམ་ཤག་རོགས་ཏེ། (དཔེར་ན།) ཁྱེད་ལ་བྲང་ཟླ་སུ་ཡོད་ཅེས་པ་ལྟ་བུ། |
| བྲང་འགྲོ |
(མངོན་བརྗོད།) སྦྲུལ། |
| བྲང་རུས |
བྲང་ཁར་རྩིབ་རུས་ལ་འབྲེལ་བའི་རུས་པ་ལེབ་མོ་ཚིགས་ཅན་ཞིག་ཡོད་པ་དེའི་མིང་། |
| བྲང་རྒྱན |
བྲང་སྟེང་དུ་འདོགས་པའི་རྒྱན། |
| བྲང་རྒྱབ |
མདུན་གྱི་བྲང་དང༌། རྒྱབ་ལོགས། |
| བྲང་རྡུང |
1.རང་ཞེ་རང་ལ་ཁྲེལ་ནས་འགྱོད་གདུང་དྲག་པོ་སྐྱེས་པའི་རྣམ་འགྱུར། 2.དགྲ་དང་གདོང་ཐུག་སྐབས་ཤིན་ཏུ་ཁྲོས་ནས་འབར་སྟངས། |
| བྲང་ཤ |
ལུས་ཀྱི་བྲང་ཁོག་ལ་ཆགས་པའི་ཤ། |
| བྲང་ས |
སྡོད་སའི་དོན་ཏེ། (དཔེར་ན།) འབྲོག་པའི་བྲང་ས། འགྲུལ་པའི་བྲང་ས་ཞེས་པ་ལྟ་བུ། |
| བྲང་སྐྱེས |
(མངོན་བརྗོད།) 1>རྒོད་མ་ཁ། 2>ནུ་མ། 3>ཕྲུ་གུ། |
| བྲད |
འབྲད་པའི་འདས་པ། (དཔེར་ན།) ས་བྲད་ནས་བདེ་མོ་བྱས་ལྟ་བུ། |
| བྲད་བྲད |
1.གྲི་ཐུར་ཤིང་བུ་སོགས་ཀྱིས་རྡར་རྡར་བྱེད་ཚུལ་ཏེ། (དཔེར་ན།) དྲེག་པ་བྲད་བྲད་བྱེད་པ་ལྟ་བུ། 2.(བརྡ་རྙིང་།) ཧུར་བརྩོན། |
| བྲད་བྲུད |
(བརྡ་རྙིང་།) ཆུང་ཆུང༌། |
| བྲད་བྲེད |
(བརྡ་རྙིང་།) ཆུང་ཆུང༌། |
| བྲད་ཤད |
(ཡུལ་སྐད།) ས་ཞིང་ཁོད་སྙོམ་བྱེད་ཀྱི་ཡོ་བྱད་ཅིག |
| བྲན |
1.གཡོག་གམ་མངའ་བདག་འོག་གི་འབངས་མི་སྟེ། (དཔེར་ན།) ཞིང་བྲན། བྲན་མོ་ཞེས་པ་ལྟ་བུ། 2.ཆུང་བ་དང༌། ཕྲན་བུའི་དོན་ཏེ། (དཔེར་ན།) གླང་བྲན། ཆུ་བྲན། མཚོ་བྲན། རྔ་བྲན། |
| བྲན |
(བྱེད་འབྲེལ་ལས་ཚིག) འབྲན་པའི་མ་འོངས་པ་དང་འདས་པ། དངོས་རྫས་ལ་ཆུ་གཏོར་ནས་རློན་པར་བྱས་པའི་དོན་ཏེ། (དཔེར་ན།) ཕྱིང་བ་ལ་ཆུ་བྲན་ནས་བཀྲུས། མགོ་ལ་ཆུ་བྲན་ནས་བཀྲུས་ལྟ་བུ། |
| བྲན་གཡོག |
གཡོག་འཁོར་ཏེ། ངལ་རྩོལ་བ་བྲན་གཡོག་ཏུ་སྐུལ་ལྟ་བུ། མིང་གི་རྣམ་གྲངས་ལ་བཀའ་ཉན་དང༌། ཁོལ་པོ། བསྒོམ་བྱ་བ། མངག་གཞུག་པ། ཅི་བགྱི། བྲན། འབངས། རྩེ་རྒོད་བྱེད་པའི་གནས་པ། ཞབས་སྐྱེས། ཞབས་ཏོག་པ། ཞབས་འབྲིང་བ། གཞན་གྱིས་བསྐྱངས་པ། གཞན་གསོས། ཡོངས་སུ་སྤྱོད། གཡོག་བཅས་སོ། ། |
| བྲན་པོ |
གཡོག་པོ། |
| བྲན་བཀོལ |
གཡོག་ཏུ་བཀོལ་སྤྱོད་བྱེད་པ་སྟེ། (དཔེར་ན།) ཚེ་གཡོག་ཚོས་མངའ་བདག་གི་བྲན་བཀོལ་བཟོད་ཐབས་བྲལ་ནས་ཡར་ལངས་ཏེ་ངོ་རྒོལ་བྱེད་ཅེས་པ་ལྟ་བུ། |
| བྲན་བདག |
བྲན་གཡོག་སྤྱི་ཚོགས་ནང་ཐོན་སྐྱེད་རྒྱུ་ཆས་དང༌། བྲན་གཡོག་བཅས་དབང་མཁན་ནམ་བདག་པོ། |
| བྲན་བཟའ |
1.བྲན་དང་བཟའ་མི། 2.གཡོག་མོའམ་བྲན་མོ། |
| བྲན་མི |
གཡོག་མི། |
| བྲན་མོ |
གཡོག་མོ། |
| བྲན་འཁོར |
གཡོག་གམ་འབངས་ཏེ། བཙན་རྒྱལ་རིང་ལུགས་ཀྱི་བྲན་འཁོར་རྒྱལ་ཁབ་ཅེས་པ་ལྟ་བུ། |
| བྲན་རབས |
གཡོག་འཁོར་གྱི་མི་རབས་ཏེ། (དཔེར་ན།) སྔར་བྲན་རབས་མང་པོའི་རིང་གཡོག་བྱས་པ་ལྟ་བུ། |
| བྲན་རིགས |
1.གཡོག་འཁོར་གྱི་རིགས་རྒྱུད། 2.གཡོག་པོའི་གྲས། |
| བྲན་སྐུལ |
གཡོག་ཏུ་བེད་སྤྱོད་པ། |
| བྲབ |
འབྲབ་ཀྱི་མ་འོངས་པ། |
| བྲབས |
འབྲབ་པའི་འདས་པ། (དཔེར་ན།) རྟ་ལ་ལྕག་གིས་བྲབས་ནས་བརྒྱུགས་ཞེས་པ་ལྟ་བུ། |
| བྲམ་ཟེ |
1.གནའ་བོའི་རྒྱ་གར་གྱི་རིམ་གྲས་ཤིག་གི་མིང་། སྐུ་དྲག་རིམ་གྲས་ནང་གི་རིམ་པ་གཉིས་པ་ཡིན། 2.རྒྱ་གར་གྱི་ཆོས་ལུགས་རིགས་ཤིག3.བྲམ་ཟེའི་ཆོས་ལུགས་ལ་དད་པ་བྱེད་པའི་མི། |
| བྲམ་ཟེ་མོ |
བྲམ་ཟེ་བུད་མེད། |
| བྲམ་ཟེ་མོ་གསལ་བའི་ཚུལ་ཁྲིམས |
བྲམ་ཟེ་མོ་པྲ་ཀཱ་པ་ཤཱི་ལ་སྔར་རྒྱ་གར་གྱི་སློབ་དཔོན་ཐོགས་མེད་དང་དབྱིག་གཉེན་གཅེན་གཅུང་གི་ཡུམ། |
| བྲམ་ཟེ་ཤམ་ཀ་ར |
ཆོས་རྒྱལ་སྲོང་བཙན་སྐབས་བོད་དུ་ཕེབས་ཏེ་རྒྱུད་སྡེ་རྣམས་སྒྱུར་མཁན་སློབ་དཔོན་ཞིག |
| བྲམ་ཟེའི་རིགས |
སྔར་རྒྱ་གར་གྱི་མི་རིགས་བཞིའི་ནང་གསེས་ཤིག་མི་རབས་རིམ་རྒྱུད་དུ་མཆོད་སྦྱིན་དང༌། རིག་བྱེད་ཀློག་པ། བྲམ་ཟེའི་ཆོས་ལུགས་སྐྱོང་བ་སོགས་བྱེད་ཅིང༌། བྲམ་ཟེའི་ཆོས་དབང་བཟུང་ནས་རིག་གནས་སྒེར་སྡོམ་དང༌། དམིགས་བསལ་དབང་ཆ་སྣ་ཚོགས་ལོངས་སུ་སྤྱོད་པར་བརྟེན་སྤྱི་ཚོགས་སུ་བསམ་པའི་ཐད་ཀྱི་ཁ་ལོ་སྒྱུར་མཁན་ཡིན། |
| བྲམ་ཟེའི་ལས་དྲུག |
ཀློག་པ་དང༌། ཀློག་ཏུ་འཇུག་པ་དང༌། མཆོད་སྦྱིན་དང༌། མཆོད་སྦྱིན་བྱེད་དུ་འཇུག་པ་དང༌། སྦྱིན་པ་དང༌། ལེན་པ་བཅས་དྲུག |
| བྲའུ |
བྲ་བོའི་འབྲི་ཚུལ་གཞན་ཞིག |
| བྲའོ |
བྲ་བོ་ཡི་འབྲི་ཚུལ་གཞན་ནམ་ཡུལ་སྐད། |
| བྲལ |
(བྱེད་མེད་ལས་ཚིག) འབྲལ་བའི་མ་འོངས་པ་དང་འདས་པ་སྐུལ་ཚིག ཁ་བྲལ་བའམ་བཀར་བ་སྟེ། (དཔེར་ན།) མ་བུ་ཁ་མ་བྲལ། ཡུལ་དང་བྲལ། དྲི་མ་དང་བྲལ། སྐྱོན་དང་བྲལ། བྲལ་ཅིག་ལྟ་བུ། |
| བྲལ་བ |
1.ཉོན་མོངས་ཀྱི་འཆིང་ལས་བྲལ་བ།2.འབྲལ་བའི་འདས་པ་མ་འོངས་པའི་བྱ་མིང་། |
| བྲལ་བ་བཞི |
དོགས་པ་དང་བྲལ་བ་དང༌། ངེས་ཤེས་དང་བྲལ་བ། དངོས་པོར་ལྟ་བ་དང་བྲལ་བ། རེ་བ་དང་བྲལ་བ་སྟེ་བཞི། |
| བྲལ་བའི་དགེ་སློང |
རྒྱུན་དུ་ཞུགས་པ་ནས་དགྲ་བཅོམ་པའི་བར་གྱི་གང་ཟག་ཟུང་བཞི་ཡ་བརྒྱད་པོ་རྣམས། |
| བྲལ་བའི་འབྲས་བུ |
བྲལ་འབྲས་དང་དོན་གཅིག |
| བྲལ་བྲུལ |
དངོས་རྫས་དུམ་བུ་མང་བོར་གྱུར་པའི་རྡོག་པོ་ཆུང་ངུ་སྟེ། (དཔེར་ན།) རྡོའི་བྲལ་བྲུལ་ཤིང་གི་བྲལ་བྲུལ་ཞེས་པ་ལྟ་བུ། |
| བྲལ་འབྲས |
འབྲས་བུ་ལྔའི་ནང་གསེས། ཤེས་རབ་ཀྱི་སྟོབས་ཀྱིས་རང་གི་སྤང་བྱ་ཟད་པའི་འབྲས་བུ་འཕགས་པའི་ལམ་བསྒོམས་པས་ཉོན་མོངས་པ་སྤངས་པའི་ཆའོ། ། |
| བྲལ་ཧྲུལ |
དུམ་བུ་དུམ་བུར་གྱུར་པའི་མིང༌། (དཔེར་ན།) གོས་བྲལ་ཧྲུལ། ཟས་བྲལ་ཧྲུལ། ཤིང་ཧྲུག་བྲལ་ཧྲུལ། ཤོག་བུ་བྲལ་ཧྲུལ་ལྟ་བུ། |
| བྲི |
(བྱེད་འབྲེལ་ལས་ཚིག) འབྲི་བའི་མ་འོངས་པ། (དཔེར་ན།) ཡི་གེ་དང་རི་མོ་སོགས་འབྲི་བ་ བྲི་བྱའི་ཡི་གེ་ཞེས་པ་ལྟ་བུ། (བྱེད་མེད་ལས་ཚིག) ཇེ་ཉུང་དང་ཇེ་ཆུང་དུ་སོང་བའི་དོན་ཏེ། (དཔེར་ན།) ལུང་བ་ཕུ་ཐག་ཐུང་བའི་ཆུ་ལོག་བྲི་སླ། འབྲུ་རློན་པ་བསྐམས་ན་བྲི་འགྲོ། ཟླ་བའི་བྲི་གང་ཞེས་པ་ལྟ་བུ། |
| བྲི་གང |
མར་འགྲིབ་པ་དང༌། ཡར་འཕེལ་བ་སྟེ། (དཔེར་ན།) ཉི་མའི་དཀྱིལ་འཁོར་བྲི་བ་ཡང་མེད་ལ་གང་བ་ཡང་མེད། རྒྱ་མཚོར་བྲི་གང་ཅི་ཡང་མེད་ཅེས་པ་ལྟ་བུ། |
| བྲི་བ་གང |
ཧོར་ཟླ་བཞི་པའི་སྒང་ལ་ཆུ་ཕྲན་རྒྱས་པའི་དུས་མཚམས་ཡིན། |
| བྲི་ཤོག |
ཡིག་རིས་བྲི་གཞིའི་ཤོག་བུ། |
| བྲིག་ཆུམ |
(བརྡ་རྙིང་།) ཐེ་ཚོམ། |
| བྲིང |
ཐག་པ་མཁྲེགས་པོར་ལྕགས་གུག་པོ་སོགས་བསྐྱོན་པའི་ཆུ་ཕ་རིར་བགྲོད་བྱེད་ཐག་ཟམ། |
| བྲིད |
འབྲིད་པའི་འདས་པ་དང་སྐུལ་ཚིག (དཔེར་ན།) ཉ་པས་ཟས་ཀྱིས་ཁ་བྲིད་ནས་ཉ་འཛིན། མི་ངན་པས་བྱིས་པ་བསླུ་བྲིད་བྱེད་པར་འཛེམ་དགོས་ལྟ་བུ། |
| བྲིན |
(བྱེད་མེད་ལས་ཚིག) རིན་གོང་བཟང་བའམ་ཉོ་མཁན་མང་བའི་དོན་ཏེ། (དཔེར་ན།) ནོར་བུ་གཞན་དུ་བྲིན་པ་ཙམ། ནོར་བུའི་གླིང་དུ་ག་ལ་བྲིན། གོས་རྒྱུ་སྤུས་བཟང་ན་ཚོང་རར་བྲིན། རྟ་འདི་སྒོར་མོ་ལྔ་བརྒྱར་བྲིན་ཞེས་པ་ལྟ་བུ། |
| བྲིན་དུས |
ཚོང་ཟོག་འཚོང་བདེ་པོའི་དུས། (དཔེར་ན།) རྒྱུ་དངོས་འབོལ་དུས་སྲི་དགོས། ཚོང་ཟོག་བྲིན་དུས་འཚོང་དགོས་ལྟ་བུ། |
| བྲིན་ཚོང |
ཚོང་ཟོག་འགྲོ་རྒྱུག |
| བྲིན་རྒྱུག |
ཚོང་ཟོག་འགྲོ་རྒྱུག་སྟེ། (དཔེར་ན།) ཚོང་ཟོག་བྲིན་རྒྱུག་ཆེ་བ། དབྱར་དུས་པགས་གོས་རིགས་བྲིན་རྒྱུག་མི་བདེ། འབྲོག་ཁྲལ་དུ་གྲོ་ཕྱེ་བྲིན་རྒྱུག་ཆེ། རོང་ཁུལ་དུ་ཤ་མར་བྲིན་རྒྱུག་བདེ་ཞེས་པ་ལྟ་བུ། |
| བྲིན་སྐྱེན་པོ |
ཚོང་ཟོག་མགྱོགས་པོ་འཚོང་ཐུབ་པ། |
| བྲིམ |
(བྱེད་འབྲེལ་ལས་ཚིག) འབྲིམ་པའི་མ་འོངས་པ། བགོས་ནས་རིམ་པ་བཞིན་སྟེར་བའི་དོན་ཏེ། (དཔེར་ན།) མགྲོན་པོ་ལ་ཟས་བྲིམ་པར་བྱ་ལྟ་བུ། |
| བྲིམས |
འབྲིམ་པའི་འདས་པ་དང་སྐུལ་ཚིག། (དཔེར་ན།) ཟས་བྲིམས་ཟིན། ཟས་བྲིམས་ཤིག་ལྟ་བུ། |
| བྲིས |
འབྲི་བའི་འདས་པ། (དཔེར་ན།) ཡི་གེ་བྲིས་ནས་སློབ་སྦྱོང་བྱས། རི་མོ་བྲིས་ནས་ལག་རྩལ་སྦྱང་ལྟ་བུ། |
| བྲིས་ཉེས |
ཡི་གེ་དང་རི་མོ་མ་དག་པར་བྲིས་པ། |
| བྲིས་ཐང |
བྲིས་པའི་སྐུ་ཐང༌། |
| བྲིས་དེབ |
བརྗེད་ཐོ་སོགས་བཀོད་པའི་ཡིག་དེབ། |
| བྲིས་ནོར |
ཡིག་རིས་སོགས་མ་དག་པར་བྲིས་པ་སྟེ། (དཔེར་ན།) ཡིག་རིགས་བཤུས་ནས་བྲིས་ནོར་ཡོད་མེད་བརྟག་དཔྱད་ཞིབ་བསྡུར་བྱེད་དགོས་ལྟ་བུ། |
| བྲིས་བཤུས |
མ་དཔེ་ལ་བརྟེན་ནས་དེ་ཇི་ལྟ་བར་བྲིས་པ་སྟེ། (དཔེར་ན།) ཡིག་རིགས་འདི་ཉིད་ལྷག་ཆད་མེད་པར་འདྲ་གསུམ་བྲིས་བཤུས་བྱས་པ་ཡིན། གཞན་གྱི་རྩོམ་ཡིག་བྲིས་བཤུས་བྱས་ནས་རང་གིས་བརྩམས་པ་ལྟར་བྱས་ཞེས་པ་ལྟ་བུ། |
| བྲིས་བསུབ |
ཡི་གེ་བྲིས་ནོར་བྲད་བསུབ་སྟེ། (དཔེར་ན།) མ་ཟིན་ལ་བཟོ་བཅོས་བྱེད་སྐབས་དོན་མེད་ཚིག་ལྷག་རྣམས་བྲིས་བསུབ་བཏང་ལྟ་བུ། |
| བྲིས་མ |
ལག་པས་བྲིས་པའི་ཡི་གེ་དང་རི་མོ། (དཔེར་ན།) དཔེ་ཆ་བྲིས་མ་ཡིན་པས་ཡི་གེ་མ་དག་པ་ཡོང་སྲིད་ཅེས་པ་ལྟ་བུ། |
| བྲིས་ཞུས |
བྲིས་མར་ཞུས་དག་བཏང་བ་སྟེ། (དཔེར་ན།) བྲིས་ཞུས་གཉིས་ཀ་ལོ་ཙཱ་བ་རང་གིས་མཛད་ཅེས་པ་ལྟ་བུ། |
| བྲིས་འབུར |
རི་མོར་བྲིས་པ་དང་འབུར་པོར་བཅོས་པའི་གཟུགས་ཏེ། (དཔེར་ན།) ལྷ་ཁང་དེར་བྲིས་འབུར་གྱི་སྣང་བརྙན་མང་པོ་འདུག་ཅེས་པ་ལྟ་བུ། |
| བྲིས་རྒྱུན |
ཡི་གེ་དང་རི་མོ་འབྲི་བའི་ལག་རྒྱུན། |
| བྲིས་རྙིང |
ཡི་གེ་དང་རི་མོའི་ལག་རྒྱུན་རྙིང་པ། |
| བྲིས་སྐུ |
རས་དང་ཤོག་བུ་སོགས་ལ་བྲིས་པའི་འདྲ་སྐུ། (དཔེར་ན།) ཐུབ་པའི་བྲིས་སྐུ་ཞེས་པ་ལྟ་བུ། |
| བྲུ |
1.བོད་ཀྱི་དང་པོའི་མི་བུ་གདུང་དྲུག་གི་ཡ་གྱལ། འདྲུ་ཞེས་འབྲི་སྲོལ་ཡང་ཡོད། 2.(བྱེད་འབྲེལ་ལས་ཚིག) འབྲུ་བའི་མ་འོངས་པ། བུ་ག་བརྐོ་བའི་དོན་ཏེ། (དཔེར་ན།) ཁུང་བྲུ་བར་བྱ་ལྟ་བུ། |
| བྲུ་བ |
(བརྡ་རྙིང་།) 1>ལྟོ་བ། 2>ལྟོགས་པ། |
| བྲུ་བ་ཚ་བ |
(བརྡ་རྙིང་།) ལྟོགས་པའམ་བཀྲེས་པ། |
| བྲུ་ཞ |
བྲུ་ཤ་དང་འདྲ། |
| བྲུ་ཤ |
ཤིན་ཅང་ངམ་ལི་ཡུལ་གྱི་ལུང་པ་ཞིག་གི་མིང་རྙིང༌། |
| བྲུག |
1.(བྱེད་མེད་ལས་ཚིག) ཆུ་གློ་བུར་དུ་འཕེལ་བ་སྟེ། (དཔེར་ན།) རྨ་ཆུ་བྲུག་ལྟ་བུ།2.(བརྡ་རྙིང་།) འདྲིལ་བ། |
| བྲུག་ཆུ |
རང་བཞིན་དུ་འཕེལ་བའམ་རྒྱས་པའི་ཆུ། |
| བྲུངས |
ཐུམ་སོ་སོར་བྱས་པའི་བརྡ་རྙིང་། |
| བྲུངས་ཀྱང |
ཀུན་ཀྱང་གི་བརྡ་རྙིང་། |
| བྲུངས་ཁུངས |
འབྱུང་གཞིའམ་ཁུངས་ཀྱི་རྩ་བ། |
| བྲུད་བྲུད |
(བརྡ་རྙིང་།) ཆུང་ཆུང༌། |
| བྲུན |
མི་དང་སྲོག་ཆགས་ཀྱི་གཞང་ལམ་ནས་ཐོན་པའི་སྙིགས་མའི་སྤྱི་མིང་། (དཔེར་ན།) མི་བྲུན། ཕག་བྲུན། བྱ་བྲུན་ཞེས་པ་ལྟ་བུ། |
| བྲུན་རིལ |
རིལ་བུའི་དབྱིབས་ཅན་གྱི་བྲུན། |
| བྲུབ |
1.(བྱེད་འབྲེལ་ལས་ཚིག) མ་འོངས་པ། བཙོན་དུ་བཅུག་པའམ་དོང་དུ་བཅུག་པའི་བརྡ་རྙིང་། ད་ལྟ་བར་འབྲུབ་དང་འདས་སྐུལ་ལ་བྲུབས་འབྲི།2.(བྱེད་མེད་ལས་ཚིག) བྲུག་དང་དོན་འདྲ་སྟེ། (དཔེར་ན།) ཆར་བབས་ནས་ཆུ་བོ་བྲུབ་ལྟ་བུ། |
| བྲུབ་ཁུང |
སྦ་སའམ་གནོན་སའི་ཁུང་བུ། |
| བྲུབས་པ |
འབྲུབ་པའི་འདས་པ། |
| བྲུབས་བཏང་བ |
(བརྡ་རྙིང་།) བསྡུས་པའམ་དོ་དམ་བྱས་པ། |
| བྲུལ |
(བྱེད་མེད་ལས་ཚིག) སིལ་བུར་འཐོར་བའི་དོན་ཏེ། (དཔེར་ན།) ཤིང་གི་ལོ་མ་བསྐམས་ནས་བྲུལ། བག་ལེབ་ས་ལ་བྲུལ་ལྟ་བུ། |
| བྲུལ་གཏོར |
དཀོར་སྒྲིབ་སྦྱོང་བྱེད་ཀྱི་གཏོར་མ་སྟེ་གྲུབ་ཐོབ་དབོན་སྟོན་སྐྱེར་སྒང་པའི་མན་ངག་ཅིག |
| བྲུལ་བ |
དུམ་བུར་ཐོར་བའི་རྡོག་པོའི་མིང་། (དཔེར་ན།) གོ་རེ་བྲུལ་བ། རྩམ་པ་བྲུལ་བ་ཞེས་པ་ལྟ་བུ། |
| བྲུལ་འཐོར |
སིལ་བུར་འཐོར་བ་སྟེ། (དཔེར་ན།) ཤིང་འབྲས་སྨིན་ནས་ས་ལ་བྲུལ་འཐོར་ཕྱིན་པ། འབྲུ་རིགས་བྲུལ་འཐོར་དུ་སོང་མེད་ཅེས་པ་ལྟ་བུ། |
| བྲུས |
1.འབྲུ་བའི་འདས་པ་དང་སྐུལ་ཚིག (དཔེར་ན།) ས་བྲུས་ནས་ཁུང་བརྐོས། བྲུས་ཤིག་ལྟ་བུ། 2.མཚང་དངོས་སུ་བཤད་པའི་དོན་ཏེ། (དཔེར་ན།) ངོ་མཚང་བྲུས། མཚང་འབྲུ་བ། མཚང་མ་བྲུས་ལྟ་བུ། |
| བྲུས་ཆུ |
1.ས་བརྐོས་ཏེ་ཐོན་པའི་ཆུ། 2.(མངོན་བརྗོད།) ཁྲོན་པ། |
| བྲུས་པ |
འབྲུ་བ་དང་འབྲུད་པའི་འདས་པ། |
| བྲེ |
1.བོད་དུ་འབྲུ་རིགས་ཕུལ་དྲུག་ཤོང་བའི་འཇལ་བྱེད་སྣོད་སྤྱད་གྲུ་བཞི་མ་ཞིག (དཔེར་ན།) ལྕི་ཡང་རྒྱ་མར་འདེགས། མང་ཉུང་བྲེ་ལ་འཇལ། 2.སྣུམ་འཇལ་བྱེད་ཀྱི་ཟོ་བ། 3.ཀ་བའི་བྲེ། 4.སྐར་མ་ཆུ་སྟོད། |
| བྲེ་ཁ |
ཤོག་བུའི་ཆེ་ཆུང་གི་ཚད་དེ། རིང་ཚད་སྨི་གཅིག་ལྷག་ཙམ་དང་ཞེང་ཚད་སྨི་གཅིག་མ་ལོན་ཙམ་གྱི་བོད་ཤོག་ལྡེབས་རེར་བྲེ་ཁ་གཅིག་ཟེར། |
| བྲེ་ཁྱད |
བོད་རྩིས་ཀྱི་འབོ་ཆེ་ཆུང་གི་ཁྱད་པར་རྩི་སྟངས་ཤིག (དཔེར་ན།) བྲེ་ནི་བཅོ་བརྒྱད་ཁལ་གྱི་བཅུ་ཆ་དགུ། བཅུ་བདུན་ཕུལ་ནི་ཕྱེད་ལྔ་དྲུག་ཆ་གཅིག་བྱུང་ན་ཁལ་གྱི་དགུ་ཆ་བརྒྱད་ཡིན་ནོ། ། |
| བྲེ་ག |
སྔོ་སྨན་གྱི་རིགས་ཏེ། རོ་ཚ། ཞུ་རྗེས་བསིལ། ནུས་པས་གློ་ཚད་དང༌། མཁལ་ཚད་སེལ། གྲང་བའི་ཆུ་སོ་ཚ་བ་ལ་ཕན། |
| བྲེ་ག་བ |
ལོ་གཅིག་སྐྱེ་བའི་རྩྭ་ལྡུམ་ཞིག་ཡིན། མཐོ་ཚད་ལིས་སྨིས20—60བར་ཡོད་ལ། མེ་ཏོག་གི་སྐོགས་ཤུན་ལྗང་སེར་དང་འདབ་མ་དཀར་བོ་ཡིན། འབྲས་བུ་ཟླུམ་པོ་ལེབ་མོའི་ནང་ན་ས་བོན་དམར་ནག་ལྔ་ནས་བཅུ་བར་ཡོད། |
| བྲེ་གུ་གསེར་ཐིག |
སྔོ་སྨན་གྱི་རིགས་ཏེ། རོ་མངར་ལ་ཁ། ཞུ་རྗེས་བསིལ། ནུས་པས་རྨ་འབྲུབ། རྣག་ཆུ་སྐེམ། ལྷ་བའི་ནང་ཁྲག་རྒྱུ། དབྱིག་དུག་སེལ། |
| བྲེ་ཕུལ |
བོད་དུ་འབྲུ་རྩམ་འབྲས་སོགས་འཇལ་ཚད་བྲེ་དང་ཕུལ་གཉིས་ཏེ། བྲེ་ནི་ཁལ་གྱི་ཉི་ཤུ་ཐམ་པའི་ཆ་གཅིག་དང༌། ཕུལ་ནི་བྲེ་གང་གི་དྲུག་ཆ་གཅིག |
| བྲེ་བ |
(བྱེད་འབྲེལ་ལས་ཚིག) མ་འོངས་པ། འགྲེམས་པ་དང༌། སྤྲས་པ་དང༌། ཕན་ཚུན་སྦྲེལ་བ་བཅས་ཀྱི་དོན་ཏེ། (དཔེར་ན།) གནམ་ལ་འཇའ་ཚོན་བྲེ་བ་ལྟ་བུ། |
| བྲེ་བོ |
1.འཇལ་སྣོད་ཀྱི་བྲེ་ཆེན་པོ་སྟེ། (དཔེར་ན།) བྲེ་བོ་ཆེ་ཞེས་པ་ལྟ་བུ། 2.(ཡུལ་སྐད།) གནག་ཕྱུགས་ཁ་མིག་གི་མཐའི་སྤུ་མདོག་སྐྱ་བོ་ཅན། |
| བྲེ་བོ་ཟས |
སྔར་རྒྱ་གར་གྱི་རྒྱལ་པོ་སེང་གེ་འགྲམ་གྱི་བུ་བཞིའི་གཅིག་སྟེ་ཤཱཀྱ་མུ་ནེའི་ཁུ་བོ་ཞིག |
| བྲེ་མོ |
འབྲེལ་མེད་ལོང་གཏམ་མམ་ངག་འཁྱལ་གྱི་གཏམ། (དཔེར་ན།) བྲེ་མོའི་ལོང་གཏམ་བཤད་ནས་ཉི་མ་སྐྱེལ། ཕན་ཚུན་གཅིག་གིས་གཅིག་ལ་བྲེ་མོའི་གཏམ་བཤད་བྱས་ནས་ཁོང་ཁྲོ་ལངས་ཞེས་པ་ལྟ་བུ། |
| བྲེ་ལོག་སྲང་ལོག |
འཇལ་བྱེད་བྲེ་དང༌། འདེགས་བྱེད་སྲང་དེ་ཡུལ་སྲོལ་སྤྱི་དང་མི་མཐུན་པ། |
| བྲེ་སྲང |
འཇལ་བྱེད་ཀྱི་བྲེ་དང༌། འདེགས་བྱེད་ཀྱི་སྲང༌། |
| བྲེག |
(བྱེད་འབྲེལ་ལས་ཚིག) འབྲེག་པའི་མ་འོངས་པ། གྲི་དང་ཟོར་བས་དངོས་རྫས་ཕྲ་མོ་མང་བོ་མཉམ་དུ་བཅད་པའི་དོན་ཏེ། (དཔེར་ན།) བྲེག་བྱའི་ལོ་ཏོག། རྩྭ་བྲེག་པར་བྱ་ལྟ་བུ། |
| བྲེགས |
འབྲེག་གི་འདས་པ་དང་སྐུལ་ཚིག (དཔེར་ན།) ཞིང་བྲེགས་རྗེས་ལོག་བརྒྱབ། རྩྭ་བྲེགས་ནས་ཕྱུགས་གསོས། ཞིང་བྲེགས་ཤིག་ལྟ་བུ། ཡུལ་སྐད་དུ་སྐུལ་ཚིག་ལ་བྲོགས་ཟེར། |
| བྲེང |
(རྒྱན་ཚིག) ཕྲ་བའམ་ཉུང་བ་སྟེ། (དཔེར་ན།) སྣ་ནང་གི་དབུགས་བྲེང་བྲེང་བ། དུ་བ་སྔོ་བྲེང་ངེ་འཐེན། ས་ཚིག་གཏོར་ན་རྡུལ་བྲེང་བྲེང་ཞེས་པ་ལྟ་བུ། |
| བྲེང་བྲེང་པ |
(བརྡ་རྙིང་།) 1>གཅིག་གིས་གཅིག་གི་རྗེས་སུ་འབྲངས་པའམ་རྒྱུག་པ། 2>ནར་ནར། རྒྱུ་བྲེང་བྲེང་ནར་ཞིང་འཐོར། |
| བྲེད |
(རྒྱན་ཚིག) འཇིགས་སྐྲག་སྐྱེས་པའི་རྣམ་པ་སྟེ། (དཔེར་ན།) སྤྱང་ཀི་མཐོང་ནས་བྲེད་སྐད་ཤོར་ལྟ་བུ། |
| བྲེད་གདངས |
1.སྐྲག་པའི་སྐད་གདངས། 2.ཞེད་དྲགས་ཏེ་ཁ་གདངས་པའི་དོན་ཏེ། (དཔེར་ན།) སྐྲག་སྣང༌། ཡིན་ལུགས་བདེན་དོན་ལ་བྲེད་དངངས་བྱེད་པ་ལྟ་བུ། |
| བྲེད་དངངས་སློང་བ |
སྐྲག་སྣང་སྐྱེ་བར་བྱེད་པ་སྟེ། (དཔེར་ན།) རྟ་ངར་པོ་ཞོན་དུས་བྲེད་དངངས་བསླངས་ན་ཁ་ལོ་སྒྱུར་དཀའ་ཞེས་པ་ལྟ་བུ། |
| བྲེད་ཕོངས |
འཇིགས་སྐྲག་གིས་ཉམ་ཐག་པ་སྟེ། (དཔེར་ན།) བྲེད་ཕོངས་ཀྱིས་ཉམས་ཉེས་གཏོང་མི་ཐུབ་ཅེས་པ་ལྟ་བུ། |
| བྲེད་འཐོམས |
འཇིགས་སྐྲག་སྐྱེས་ནས་མགོ་འཐོམས་པའི་དོན་ཏེ། (དཔེར་ན།) བྱ་དཀའ་བྱུང་བར་བྱེད་ཐབས་ཟད་ནས་བྲེད་འཐོམས་སུ་ལུས་ལྟ་བུ། |
| བྲེད་ཤ་ཐོན་པ |
འཇིགས་པའི་ཤ་ཚུགས་སམ། རྣམ་འགྱུར་ཐོན་པ་སྟེ། (དཔེར་ན།) མེ་སྒྱོགས་ཀྱི་འུར་སྒྲ་ཐོས་ནས་སྡར་མ་རྣམས་བྲེད་ཤ་ཐོན་པའི་མིག་བགྲད་དེ་བྲོས་འཐོར་ཕྱིན་པ་ལྟ་བུ། |
| བྲེད་སྐད |
1.འཇིགས་སྐྲག་སྐྱེས་པའི་སྐད་དེ། (དཔེར་ན།) སྡོད་ཁང་ལ་མེ་སྐྱོན་ཤོར་བ་མཐོང་དུས་བྲེད་སྐད་བརྒྱབ་སྟེ་ཁྱིམ་མཚེས་རོགས་ལ་སྦྲོན་ལྟ་བུ། 2.འཇིགས་སྣང་སྐུལ་བའི་སྐད་དེ། (དཔེར་ན།) ཕྱིར་དེངས་ཤིག་ཅེས་བྲེད་སྐད་འདོན་པ། དགྲ་བོའི་སྙིང་རྩ་ལྐོག་མར་འབྱིན་པའི་བྲེད་སྐད་ཆེས་ཆེར་སྒྲོག་པ་ལྟ་བུ། |
| བྲེའི་ཟླ་བ |
(མངོན་བརྗོད།) ཧོར་ཟླ་དྲུག་པ། |
| བྲེའུ་ཆུང |
འཇལ་བྱེད་བྲེ་ཆུང་བ། |
| བྲེལ |
1.(རྒྱན་ཚིག) དལ་བའི་ལྡོག་ཟླ་སྟེ། (དཔེར་ན།) བཟོ་པ་རྣམས་བཟོ་ལས་ལ་བྲེལ་ཆེ། ཞིང་པ་རྣམས་ཞིང་ལས་ལ་བྲེལ་བ་ཆེ་ཞེས་པ་ལྟ་བུ། 2.(བྱེད་མེད་ལས་ཚིག) (དཔེར་ན།) དགེ་རྒན་སློབ་ཁྲིད་བྱེད་པར་བྲེལ། སློབ་མ་རིག་གནས་སློབ་པར་བྲེལ་ཞེས་པ་ལྟ་བུ། |
| བྲེལ་དབང |
བྲེལ་བའི་སྟབས་ཏེ། (དཔེར་ན།) ཉེ་ལམ་ལས་ཀ་བྲེལ་དབང་གིས་གཅིག་བཟུང་གཉིས་ཤོར་གྱི་སྣང་ཚུལ་ཞིག་ཆགས་བྱུང༌ལྟ་བུ། |
| བྲེལ་ཕོངས |
དབུལ་ཕོངས་ཀྱི་དོན་ཏེ། (དཔེར་ན།) བྲེལ་ཕོངས་ཀྱི་སྡུག་བསྔལ་ལས་ཐོག་མར་གྲོལ་བ། རི་ཁུལ་དེ་བྲེལ་ཕོངས་དང་རྗེས་ལུས་ཐེབས་པའི་རྣམ་པ་ལས་གྲོལ་ཐུབ་ཅེས་པ་ལྟ་བུ། |
| བྲེལ་བ་ཏུར་ཏུར |
རིངས་པའམ་རྟབ་རྟབ་ཀྱི་དོན་ཏེ། (དཔེར་ན།) སྐད་ཆ་བྲེལ་བ་ཏུར་ཏུར་གྱིས་བཤད་པ་གསལ་པོར་གོ་མི་ཐུབ་ཅེས་པ་ལྟ་བུ། |
| བྲེལ་བརྩོན |
བྲེལ་བ་ཆེན་པོའི་སྒོ་ནས་འབད་བརྩོན་བྱེད་པ་སྟེ། (དཔེར་ན།) དབྱར་དུས་མ་ཤར་གོང་ལ་བྲེལ་བརྩོན་གྱིས་ཆུ་ཡུར་ཉམས་གསོ་འཐུས་ལེགས་བྱས་ལྟ་བུ། |
| བྲེལ་ཚབས |
ལས་བྲེལ་གྱི་བབ་སྟེ། (དཔེར་ན།) བསམ་ཚུལ་བྲེལ་ཚབས་ཆེ་བ། བྱེད་སྟངས་བྲེལ་ཚབས་ཆེ་བ་ཞེས་པ་ལྟ་བུ། |
| བྲེལ་ཚུབ |
བྲེལ་འཚུབ་དང་འདྲ། |
| བྲེལ་ཟིང |
བྲེལ་བ་དང་ཟིང་ཆའི་བསྡུས་ཚིག (དཔེར་ན།) ལས་ཀ་བྲེལ་ཟིང་ཆེ་སྐབས་སློབ་སྦྱོང་བྱེད་པའི་ཁོམ་པ་མི་ཡོང༌ཞེས་པ་ལྟ་བུ། |
| བྲེལ་ཟིང་འ་འུར |
བྲེལ་ཟིང་གི་རྣམ་པ་དྲག་པོ་སྟེ། (དཔེར་ན།) ལས་ཀ་གནད་ལ་མ་འཁེལ་ན་བྲེལ་ཟིང་འ་འུར་བྱས་ཀྱང་ལས་ཆོད་ཆེར་མི་ཡོང༌ལྟ་བུ། |
| བྲེལ་འཚུབ |
བྲེལ་ཞིང་ཟིང་ཆ་ཆེ་བའི་རྣམ་པ། |
| བྲེལ་རྟབ |
བྲེལ་ཞིང་འཚབ་པ་སྟེ། (དཔེར་ན།) སློབ་བུ་རྣམས་བྲེལ་རྟབ་ཀྱིས་འབྱོར་ཞེས་པ་ལྟ་བུ། |
| བྲེལ་རྟབ་ཚབ་ཚུབ |
བྲེལ་བ་ཚ་པོ་སྟེ། (དཔེར་ན།) འགྲོ་འོང་བྲེལ་རྟབ་ཚབ་ཚུབ་ཅེས་པ་ལྟ་བུ། |
| བྲེས |
1.བྲེ་བའི་སྐུལ་ཚིག 2.རྟ་དྲེལ་སོགས་ལ་རྩྭ་གཟན་སྟེར་སའི་བྲེས་ཁ་སྟེ། (དཔེར་ན།) རྟ་བྲེས། གླང་བྲེས། རྟ་ཕོ་བྲེས་ལ་ཐོགས་དང༌། གོང་ཐང་མི་ཡིས་བརྒྱབ་ཡོང༌ཞེས་པ་ལྟ་བུ། |
| བྲེས |
1.(བྱེད་འབྲེལ་ལས་ཚིག) བྲེ་བའི་འདས་པ་དང་སྐུལ་ཚིག བླ་བྲེ་སོགས་ཀླད་ལ་བརྒྱངས་པའི་དོན་ཏེ། (དཔེར་ན།) ཀླད་ལ་གོས་ཀྱི་བླ་བྲེ་བྲེས་པའི་འོག་ཅེས་པ་ལྟ་བུ། མ་འོངས་པ་དང་ད་ལྟ་བ་ལ་བྲེ་འབྲི། 2.ཕྱུགས་འཇུག་སའི་ར་བའི་མིང་། (དཔེར་ན།) རྟ་ར་ལ་རྟ་བྲེས་ཟེར་བ་ལྟ་བུ། |
| བྲེས་པ |
བྲེ་བའི་འདས་པ། |
| བྲོ |
1.ལུས་ཀྱི་གར་སྟབས་ཤིག (དཔེར་ན།) ཞབས་བྲོ་རྒྱག་པ། གླུ་ལེན་བྲོ་རྡུང༌། སྒོར་བྲོ་འཁྲབ་པ་ལྟ་བུ། 2.མནའ་ཡི་དོན་ཏེ། (དཔེར་ན།) མིའི་ཁྲོད་དུ་བྲོ་འབོར་བ། ཕྱི་འདོམས་ཀྱི་བྲོ་དམ་པོས་བསྒག་པ་ལྟ་བུ། 3.(བརྡ་རྙིང་།) ནད་ཀྱི་མིང་སྟེ། (དཔེར་ན།) ཁྱེད་སྐུ་བྲོ་འཚལ་ལམ་ཞེས་པ་ལྟ་བུ། 4.(ཡུལ་སྐད།) རྒྱགས་ཆས།5.(བྱེད་མེད་ལས་ཚིག) འདོད་པའི་དོན་ཏེ། (དཔེར་ན།) གཉིད་བྲོ་བ། གཅིན་པ་བྲོ་བ། རྒོད་བྲོ། སྐྱུག་བྲོ་བ། དགོད་པའི་ཁ་ལ་བལྟས་ན་དགོད་བྲོ། ངུ་བའི་ཁ་ལ་བལྟས་ན་ངུ་བྲོ་ཞེས་པ་ལྟ་བུ། 6.ལྡང་བ་དང༌། མྱོང་བའམ་ཚོར་བའི་དོན་ཏེ། (དཔེར་ན།) དྲི་མ་བྲོ་བ། རོ་བྲོ་བ་ཞེས་པ་ལྟ་བུ། 7.དྲི་མ་དང༌། རོའི་དོན་ཏེ། (དཔེར་ན།) ཟས་ཀྱི་བྲོ་བ་ལྟ་བ། ལྟོ་ཆས་བྲོ་བ་ཞིམ་པོ་ཞེས་པ་ལྟ་བུ། 8.(མངོན་བརྗོད།) བྲོ་བ་ལ་མངར་བ་དང༌། སྐྱུར་བ། ཁ་བ། བསྐ་བ། ཚ་བ། ལན་ཚྭ་བ་བཅས་དྲུག་ཡོད་པས་གྲངས་དྲུག་མཚོན། |
| བྲོ་ཁ |
(ཡུལ་སྐད།) རྒྱགས་ཕྱེ། |
| བྲོ་གཞས |
ཞབས་བྲོ་དང་གླུ་གཞས། |
| བྲོ་གཡོག |
ནད་པ་སྙོར་སྐྱོང་བྱེད་མཁན་ནམ་སྨན་བཅོས་བྱེད་མཁན་མིང་། (དཔེར་ན།) སྨན་ཁང་གི་བྲོ་གཡོག་རྣམས་ཀྱིས་ནད་པ་ལ་ཧ་ཅང་གཅེས་ལྟ་བུ། |
| བྲོ་གར |
གླུ་དབྱངས་སོགས་ལེན་བཞིན་འཁྲབ་པའི་བྲོའི་རིགས་ཤིག་གི་མིང་། |
| བྲོ་གླུ |
བྲོ་འཁྲབ་བཞིན་དབྱངས་གྱེར་བའི་གླུ་དབྱངས་ཀྱི་མིང་། |
| བྲོ་ཆས |
(ཡུལ་སྐད།) རྒྱགས་ཆས། |
| བྲོ་དོར་བ |
མནའ་བསྐྱལ་བ་སྟེ་བྲོ་བོར་བའང་ཟེར། (དཔེར་ན།) བྱེད་རེ་སྐན་གྱི་བྲོ་དོར་བ་ལྟ་བུ། |
| བྲོ་ནད |
ནད་ཀྱི་སྤྱི་མིང་། |
| བྲོ་ནད་ཅན |
ནད་པ། |
| བྲོ་པ |
བྲོ་འཁྲབ་མཁན། |
| བྲོ་པ་གཞས་མ |
བྲོ་འཁྲབ་མཁན་དང་གཞས་གཏོང་མཁན། |
| བྲོ་བ་བལྟས |
ཟས་ཞིམ་མི་ཞིམ་ཚོད་བལྟས་པ། |
| བྲོ་བ་རྙེད |
ཟས་ཀྱི་བྲོ་བ་ཧ་གོ་བ། |
| བྲོ་བརྩེས |
བྲོ་འཁྲབས་པ་སྟེ། (དཔེར་ན།) མི་མང་གི་དབུས་སུ་བྲོ་བརྩེས་ནས་ལྟད་མོ་སྟོན་ལྟ་བུ། |
| བྲོ་བོར་བ |
བྲོ་དོར་བ་དང་དོན་གཅིག |
| བྲོ་མ |
བྲོ་གར་འཁྲབ་མཁན་བུད་མེད། |
| བྲོ་མི་འཚལ་བ |
(བརྡ་རྙིང་།) ནད་མེད་པ། |
| བྲོ་འཆམ་པ |
1.བྲོ་འཁྲབ་པ། 2.བྲོ་འཁྲབ་མཁན། |
| བྲོ་འཚལ |
ན་ཚ་བྱུང་བའི་དོན་ཏེ། (དཔེར་ན།) ཡུན་རིང་དུ་བྲོ་འཚལ་བས་ལུས་སྟོབས་ཉམས་ལྟ་བུ། |
| བྲོ་འཚལ་བ |
(བརྡ་རྙིང་།) ནད་ཕོག་པའམ། ན་བ། |
| བྲོ་རྡུང |
བྲོ་འཁྲབ་པའམ་རྩེ་བའི་དོན་ཏེ། (དཔེར་ན།) བྲོ་རྡུང་མཁན་བྲོ་རྡུངས་ཤིག་ལྟ་བུ། |
| བྲོ་རྡུང་བ |
བྲོ་འཁྲབ་པ། |
| བྲོ་ཤོན |
རྔ་དང་བཅས་པའི་གླུ་གཞས་བྲོ་གར་གྱི་མིང༌། |
| བྲོགས |
བྲེག་ལ་ལྟོས། |
| བྲོད |
1.(བྱེད་མེད་ལས་ཚིག) དགའ་བ་དང་སྤྲོ་བ་སོགས་ཀྱི་དོན་ཏེ། (དཔེར་ན།) བློ་བྲོད་པ། དགའ་བ་བྲོད་ལྟ་བུ། 2.འབྲད་པའི་སྐུལ་ཚིག |
| བྲོད་པ |
1. དགའ་བའི་སེམས་ཏེ། (དཔེར་ན།) ལག་རྩལ་སྦྱོང་བའི་བྲོད་པ་སྐྱེད་ཅེས་པ་ལྟ་བུ། 2.བྲོ་བ་དང༌། འདོད་པའི་དོན་ཏེ། (དཔེར་ན།) རྩེད་མོ་རྩེ་བྲོད་པ། དགའ་བྲོད། ངུ་བྲོད་པ། དགོད་བྲོད་པ་ཞེས་པ་ལྟ་བུ། |
| བྲོད་པོ |
སྣང་བ་སྐྱིད་པོའམ་སེམས་དགའ་པོ་སྟེ། (དཔེར་ན།) མི་བྲོད་པོ། གླུ་གཞས་བྲོད་པོ། རྟེན་འབྲེལ་གྱི་དགའ་སྟོན་བྲོད་པོ། གཏམ་བཟང་བྲོད་པོ། གནས་ཚུལ་བྲོད་པོ་ཞིག་ཐོས་བྱུང༌། དེ་རིང་གླིང་གར་བྲོད་པོ་བྱུང༌ཞེས་པ་ལྟ་བུ། |
| བྲོད་རྒྱགས་པ |
སྐྱིད་དྲགས་པ། |
| བྲོན |
བྲན་གྱི་སྐུལ་ཚིག (དཔེར་ན།) མགོ་ལ་ཆུ་བྲོན་ཅིག་ལྟ་བུ། |
| བྲོབས |
1.འབྲབ་པའི་སྐུལ་ཚིག 2.ཕྲོབས་ཀྱི་འབྲི་ཚུལ་གཞན། |
| བྲོའུ |
བྲ་བོའི་འབྲི་སྲོལ་གཞན་ཞིག |
| བྲོའོ |
བྲ་བོའི་འབྲི་སྲོལ་གཞན་ཞིག |
| བྲོས |
(བྱེད་མེད་ལས་ཚིག) འབྲོ་བའི་འདས་པ། གནོད་པ་སོགས་ལ་བྱོལ་ཆེད་ཕར་བརྒྱུགས་པའམ་གནས་གཞན་ལ་སོང་བ་སྟེ། (དཔེར་ན།) དགྲ་དམག་ཕམ་ནས་བྲོས་བྲོས་ཀྱང་ཐར་བ་མེད་པ་ལྟ་བུ། |
| བྲོས་དམག |
བྲོས་པའི་དམག་མི། |
| བྲོས་པ |
འབྲོས་པའི་འདས་པ། |
| བྲོས་བྱོལ |
བྲོས་ཏེ་ཡུལ་གཞན་དུ་སོང་བ་སྟེ། (དཔེར་ན།) བྲོས་བྱོལ་གྱི་དགྲ་དམག་ཚང་མ་རྩ་མེད་དུ་བཏང་ལྟ་བུ། |
| བྲོས་འདེད |
བྲོས་པའི་རྗེས་སྙེག་གམ་ར་མདར་འགྲོ་བའི་དོན་ཏེ། (དཔེར་ན།) དགྲ་བོ་བྲོས་འདེད་གཏོང་བ་ལྟ་བུ། |
| བྲོས་འདོན |
(བརྡ་རྙིང་།) མནའ་སྐྱེལ་བ། |
| བླ |
1.སྟེང་དང༌། གོང༌གི་དོན་ཏེ། (དཔེར་ན།) ས་བླ། བླ་ན་མེད་པ། ལག་གི་བླ། དཀོར་གྱི་བླ། བླ་ནས་བླར་འཕར་བ་ལྟ་བུ། 2.དཀར་རྩིས་ལས་བཤད་པའི་སྲོག་རྟེན། བླ་གནས། 3.རུང་དང༌། ཆོག་པ་དང༌། བཟོད་པ་བཅས་ཀྱི་དོན་ཏེ། (དཔེར་ན།) སྤྱི་ལ་ཕན་ན་སྒེར་ལ་གནོད་ཀྱང་བླ། མི་དམངས་ལ་ཕན་ཐོགས་ཡོད་པའི་ལས་དོན་ཚང་མ་བྱེད་བླ། རང་དབང་མེད་པར་འཚོ་བ་ལས་ཤི་བ་བླའོ། རང་སྲོག་བློས་གཏོང་བ་བླའི། དགྲ་ལ་མགོ་སྒུར་བྱེད་མི་ཐུབ། དབུལ་པོར་གྱུར་ཀྱང་བླའི། གཞན་ནོར་བརྐུ་བར་མི་བྱའོ། ཅུང་ཟད་དཀའ་ཡང་བླ་ཡི། བྱ་བ་མཐར་མ་ཕྱིན་ན་མི་འགྲིག་ཅེས་པ་ལྟ་བུ། |
| བླ་ཁྱད |
(བརྡ་རྙིང་།) དྲེགས་པ། |
| བླ་ཁྱིམ |
དཀར་རྩིས་ལས་བཤད་པའི་མི་ཕྱུགས་ཀྱི་བླ་གནས་ས། |
| བླ་ཁྱེར་ཧོན་ཐོར |
བླ་ཚེ་གཞན་གྱིས་ཁྱེར་ནས་དྲན་པ་ཐོར་བའི་དོན་ཏེ། (དཔེར་ན།) དགྲ་བོ་དཔའ་ཞུམ་སྟེ་བླ་ཁྱེར་ཧོན་ཐོར་གྱིས་ལག་པ་བཀྱག་སྟེ་མགོ་སྒུར་བ་ལྟ་བུ། |
| བླ་གཉན |
(བརྡ་རྙིང་།) 1>སྟོན་པ། 2>ཉེར་འཚེ། |
| བླ་གཉན་ནད |
སྔར་གྱི་རླུང་ནད་ལྟ་བུ་མ་ཞི་བའི་ཁར་ཕྱིས་སུ་སླར་ཡང་མཁྲིས་ནད་ལྟ་བུ་སྣོན་མའི་ནད་དང་བསྡོངས་ནས་སྲོག་ལ་ཉེན་འབྱུང་བའི་དོན་ནོ། ། |
| བླ་གནས |
དཀར་རྩིས་ལས་བཤད་པའི་མི་ཕྱུགས་ཀྱི་བླ་གནས་ས། |
| བླ་གབ |
སྟེང་གཡོགས་སམ། ཐོག་གཡོགས་ཏེ། (དཔེར་ན།) འགྲུལ་པ་རི་ཞོལ་བླ་གབ་མེད་པའི་གནས་སུ་སྡོད་ཅེས་པ་ལྟ་བུ། |
| བླ་གབ་ཅན |
(མངོན་བརྗོད།) ཁང་པ། |
| བླ་གཡུ |
བླ་གནས་སའི་གཡུ། |
| བླ་གཤེད |
1.བླ་འཁྱེར་མཁན་འདྲེ། 2.བླ་དང་གཤེད། |
| བླ་གོར་ཞོ་ཤ |
སྨན་གྱི་བྱེ་བྲག་ཅིག |
| བླ་གོས |
འཚོ་བའི་ཡོ་བྱད་བཅུ་གསུམ་གྱི་ནང་གསེས། ཆོས་གོས་རྣམ་གསུམ་གྱི་ཡ་གྱལ་དགེ་ཚུལ་སློང་གཉིས་ཀས་ཉིན་མོར་བགོ་བའི་སྟོད་གོས་སེར་པོ་ཞིག་སྣམ་ཕྲན་བདུན་དང༌། གླེགས་བུ་ཕྱེད་དང་གསུམ་པ། ཚད་སྣམ་སྦྱར་དང་འདྲ་ལ། དེང་སང་ཡོངས་གྲགས་སུ་ཆོས་གོས་ཞེས་བརྗོད། |
| བླ་གྱར་བ |
བླ་སྲོག་གཞན་དུ་འཐོར་བ། |
| བླ་གྲྭ |
བླ་མ་དང་གྲྭ་པའི་བསྡུས་མིང༌། |
| བླ་ཅོལ |
1.བབ་ཅོལ་ཏེ་བསམ་བློ་མ་བཏང་བའི་དོན། (དཔེར་ན།) བླ་ཅོལ་དུ་གཏམ་སྨྲ་བ། བླ་ཅོལ་དུ་བྱ་བ་བྱེད་པ་ཞེས་པ་ལྟ་བུ། 2.གཉིད་དུས་སུའམ། སེམས་འཁྲུལ་ནས་གང་བྱུང་སྨྲ་བའི་སྐད་ཆ་སྟེ། (དཔེར་ན།) སེམས་འཁྲུལ་ཏེ་བླ་ཅོལ་རྒྱག་གི་འདུག་ཅེས་པ་ལྟ་བུ། |
| བླ་ཆད་པ |
ཞེད་ཐག་ཆོད་ནས་བླ་འཐོར་བ། |
| བླ་ཆས |
1.བླ་མའི་ཆ་ལུགས། 2.བླ་མའི་ཡོ་བྱད། |
| བླ་ཆུང |
བླ་མ་ཆུང་ཁག |
| བླ་ཆེན |
བླ་མ་ཆེ་ཁག |
| བླ་ཆེན་དགོངས་པ་རབ་གསལ |
རབ་བྱུང་དང་པོའི་མེ་ཡོས་ཡན་གྱི་ལོ་བདུན་ཅུ་དོན་ལྔ་ཆུ་བྱི་ལོར་འཕན་ཡུལ་ཞོགས་པར་འཁྲུངས། ཆུང་དུས་ནས་མདོ་ཁམས་དན་ཏིག་ཏུ་བྱོན། རབ་བྱུང་སྒྲུབ་དུས་མཁན་པོ་གཙང་རབ་གསལ་དང༌། སློབ་དཔོན་གཡོ་དགེ་འབྱུང་གཉིས་ཀྱི་མིང་དྲས་ཏེ། དགེ་བ་རབ་གསལ་དུ་བཏགས། ཕྱིས་ཐུགས་རབ་ཆེ་བས་དགོངས་པ་རབ་གསལ་དུ་གྲགས། རང་ལོ་ཉེར་གཉིས་པ་ས་སྟག་ལོ་ལ་སྔར་གྱི་མཁན་སློབ་གསུམ་དང་རྒྱའི་དགེ་སློང་གེ་ཝང་དང་གྱི་བན་གཉིས་ཁ་སྐོང་བྱས་ཏེ་བསྙེན་པར་རྫོགས། བུ་སྟོན་ལུགས་ལྟར་ན་བསྟན་པ་ཕྱི་དར་གྱི་མགོ་དེ་ནས་ཚུགས་པ་ཡིན། ལོ་ཉེར་བདུན་ལ་ཀླུ་མེས་སོགས་དབུས་གཙང་མི་བཅུ་ལ་བསྙེན་རྫོགས་ཀྱི་སྡོམ་པ་ཕོག དེ་རྣམས་དབུས་གཙང་དུ་ལོག འབྲོམ་སྟོན་པའི་ལུགས་ལྟར་ན་བསྟན་པ་ཕྱི་དར་གྱི་མགོ་དེ་ནས་ཚུགས་པར་འདོད། གང་ལྟར་བསྟན་པའི་མེ་རོ་སྨད་ནས་ལངས་ཞེས་པ་ལྟར་འདུལ་བསྟན་རྒྱ་ཆེར་སྤེལ་བས་འདུལ་བ་སྨད་ལུགས་སུ་གྲགས་སོ། ། |
| བླ་ཆེན་མཁན་བརྒྱུད |
བླ་ཆེན་དགོངས་པ་རབ་གསལ་ནས་བྱུང་བའི་སོ་ཐར་སྡོམ་རྒྱུན། |
| བླ་ཐབས |
(བརྡ་རྙིང་།) 1>གློ་བུར་གྱི་དོན་ཏེ། (དཔེར་ན།) བླ་ཐབས་སུ་བྱུང་བ་ཞིག་ལས་ངན་སེམས་ཀྱིས་ཀུན་ནས་བསླངས་ཏེ་བྱུང་བ་ཞིག་མིན་ལྟ་བུ། 2>བཟོད་ཐབས། |
| བླ་དཔོན |
1.བླ་མ་དང་དཔོན་པོ་གཉིས་ཀ་ཡིན་པ་ཞིག 2.དཔོན་པོའི་ཞེ་ས། 3.བླ་མ་དང་དཔོན་པོ་གཉིས་ཀྱི་བསྡུས་མིང༌། |
| བླ་དཔོན་གོང་ས |
1.ཀུན་གྱི་དབུ་བཞུགས་གཙོ་འཛིན་ཆེན་པོ། 2.དཔོན་པོ་མཐོ་ཤོས་ཀྱི་མཚན་བསྟོད་ཞེ་ཚིག |
| བླ་དར |
ཁང་པའི་སྟེང་དུ་མི་སོ་སོའི་སྐྱེས་ལོའི་འབྱུང་ཁམས་ཀྱི་ཚོས་མདོག་ལ་བསྟུན་ནས་བཙུགས་པའི་དར་ཆ། |
| བླ་དྭགས |
1.མིང་རྣམ་གྲངས་པའི་དོན་ཏེ། (དཔེར་ན།) ཚིག་བླ་དྭགས། བྱོལ་སོང་ཞེས་པ་ནི་དུད་འགྲོའི་ཚིག་བླ་དྭགས་ཡིན་ལྟ་བུ། 2.ལ་དྭགས་ཀྱི་འབྲི་ཚུལ་གཞན། |
| བླ་ན་མ་མཆིས་པ |
གོང་ན་མེད་པ། |
| བླ་ན་མེད་པ |
གོང་ན་མེད་པའི་དོན་ཏེ། (དཔེར་ན།) འོས་འགན་བླ་ན་མེད་པ། གཟི་བརྗིད་བླ་ན་མེད་པ། ཁེ་དབང་བླ་ན་མེད་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཅེས་པ་ལྟ་བུ། |
| བླ་ཕྱག |
བླ་བྲང་ཕྱག་མཛོད་ཀྱི་བསྡུས་མིང༌། |
| བླ་བ |
(བརྡ་རྙིང་།) སྨྲ་བ། |
| བླ་བཅོལ |
བླ་ཅོལ་དང་འདྲ། |
| བླ་བརྒྱུད |
བླ་མ་གཅིག་ནས་གཅིག་ཏུ་རིམ་བཞིན་བརྒྱུད་པ། |
| བླ་བརྟོལ |
(བརྡ་རྙིང་།) གཉིད་གཏམ། |
| བླ་བརྡོལ |
(བརྡ་རྙིང་།) མ་བསམས་གང་བབ་བམ་བྱུང་རྒྱལ་དུ་སྨྲ་བའི་གཏམ། |
| བླ་བསྐྱལ་བ |
(བརྡ་རྙིང་།) མི་ཟད་པ། |
| བླ་བོ |
གཏམ་དང༌། བརྗོད་པ་དང༌། རང་བཞིན་གྱི་འཕྲོས་གཏམ་ཏེ། (དཔེར་ན།) ཕན་ཚུན་བག་ཕེབས་སྤྲོ་དགའི་བླ་བོ་བྱས་པ། འོས་ཤིང་འཚམས་པའི་བླ་བོ་ཞེས་པ་ལྟ་བུ། |
| བླ་བྲང |
1.བླ་སྤྲུལ་ཆེ་གྲས་ཀྱི་ཤག་ཚང་ཡིན་ཞིང༌། དགོན་པའི་སྟོབས་འབྱོར་གྱི་རྗེས་སུ་འབྲངས་པའི་བླ་བྲང་ཆེ་ཆུང་སྣ་ཚོགས་ཡོད། 2.ས་ཆ་ཞིག བླ་བྲང་བཀྲ་ཤིས་འཁྱིལ། |
| བླ་བྲང་བཀྲ་ཤིས་འཁྱིལ |
ཀུན་མཁྱེན་འཇམ་དབྱངས་བཞད་པ་སྐུ་ཕྲེང་དང་པོ་ངག་དབང་བརྩོན་འགྲུས་ཀྱིས་རབ་བྱུང་བཅུ་གཉིས་པའི་ས་གླང་ལོ་ཕྱག་བཏབ་པའི་མདོ་སྨད་བསང་ཆུའི་རྒྱུད་ཀྱི་དགོན་ཆེན་ཞིག |
| བླ་བྲེ |
ཀླད་ལ་བརྒྱངས་པའི་ཡོལ་བའི་མིང་། འདི་ལ་བླ་བྲེས་དང་བླ་རེ་འབྲི་བའང་ཡོད། |
| བླ་མ |
1.ལེགས་སྦྱར་གྱི་གུ་རུའི་སྐད་དོད་དེ། ལྕི་བའི་དོན་ལ་འཇུག ཡོན་ཏན་དང་བྱམས་བརྩེ་སོགས་ཀྱིས་ལྕི་བས་བླ་མར་བསྒྱུར།2.སྟེང་མ་སྟེ། (དཔེར་ན།) བླ་མ་ལས་ཀྱང་ཆེས་བླ་མར་གྱུར་ཅིང་ཤིན་ཏུ་བླ་མར་གྱུར་པ་ལྟ་བུ། |
| བླ་མ་གཉིས |
རྩ་བའི་བླ་མ་དང་བརྒྱུད་པའི་བླ་མ། |
| བླ་མ་དཀོན་མཆོག |
1.སྐྱབས་གནས་ཡོངས་རྫོགས་འདུས་པའི་མིང།1.(ཡུལ་སྐད།) ངང་རྒྱུད་རིང་པོའམ་དྲང་པོའི་དོན་ཏེ། (དཔེར་ན།) གཞན་གྱིས་ཞེ་སུན་ཇི་ཙམ་བཏང་ཡང་ཚིག་པ་མི་ཟ་བའི་མི་བླ་མ་དཀོན་མཆོག གཡོ་སྒྱུ་ཟོལ་ཟོག་ནམ་ཡང་མི་བྱེད་པའི་མི་བླ་མ་དཀོན་མཆོག ལས་ཀ་བླ་མ་དཀོན་མཆོག་བྱེད་པ། སྐད་ཆ་བླ་མ་དཀོན་མཆོག་བཤད་པ། ཚོང་བླ་མ་དཀོན་མཆོག་རྒྱག་པ་ཞེས་པ་ལྟ་བུ། |
| བླ་མ་དམ་པ |
1.བླ་མ་ཡང་དག་པའམ་མཆོག་ཏུ་གྱུར་པ། 2.བླ་མ་འདས་པོ། |
| བླ་མ་པ |
རྒྱ་གར་གྱི་ནང་པའི་གྲུབ་མཐའ་སྨྲ་བ་ཞིག་གི་མིང༌། |
| བླ་མ་མ་ཎི |
(ཡུལ་སྐད།) ཕན་པའི་འབུ་ཞིག་ལུས་ཕྲ་ཞིང་རིང་བ། གཤོག་པ་ཆ་གཉིས་ཡོད་པ། མཐོན་པོར་འཕུར་ཐུབ་པ། ཆུ་ཁར་འཚོ་ཞིང་ལྟོ་རྟེན་འབུ་སྲིན་ཡིན། |
| བླ་མ་མ་ཎི་བ |
(ཡུལ་སྐད།) སྔར་བོད་དུ་མ་ཎི་སྐུལ་བ་དང་སྦྲགས་ལས་དཀར་ནག་གི་ཐང་བཤད་རྒྱག་པའི་རྣལ་འབྱོར་ཕོ་མོ། |
| བླ་མ་མཆོད་པ |
ཚོགས་ཞིང་བླ་མ་ལ་དངོས་འབྱོར་ཡིད་སྤྲུལ་གྱི་མཆོད་པ་འབུལ་བའི་ཆོ་ག། |
| བླ་མ་རིན་པོ་ཆེ |
བླ་མར་འབོད་པའི་གུས་མིང༌། |
| བླ་མ་རྒྱུད་པ |
སྔགས་གྲྭ་པའི་བྱེ་བྲག་ཅིག་ལྷ་ལྡན་གྱི་རྒྱུད་གྲྭ་སྟོད་སྨད་ཀྱི་གྲྭ་པ་ལྟ་བུ། |
| བླ་མ་སྐྱེས་ཆེན |
རྟོགས་པ་མཐོན་པོར་སོན་པའི་གང་ཟག |
| བླ་མཁྱེན |
1.བླ་མ་ལ་གསོལ་བ་འདེབས་པའི་ཚིག་ཅིག2.བཙུན་མོའི་འཁོར། 3.རྩིས་མཁན། 4.(ཡུལ་སྐད།) བླ་མའི་དགེ་རྒན། |
| བླ་མཆོད |
1.མཆོད་ཡུལ་གྱི་བླ་མ། 2.བླ་མ་མཆོད་པའི་བསྡུས་མིང༌། |
| བླ་མཐང |
སྟེང་འོག་གཉིས་བསྡུས་པའི་མིང༌། |
| བླ་མཚོ |
བླ་གནས་སའི་མཚོ་སྟེ། (དཔེར་ན།) གསེར་མཚོ་གཡུ་མཚོ་དུང་མཚོ་གསུམ། གླིང་ཆེ་འབྲིང་ཆུང་གི་བླ་མཚོ་རེད་ཅེས་པ་ལྟ་བུ། |
| བླ་མའི་བརྒྱུད་པ |
བླ་རབས་རིམ་བརྒྱུད། |
| བླ་མའི་རྣལ་འབྱོར |
རང་གི་རྩ་བའི་བླ་མ་སངས་རྒྱས་ཀུན་འདུས་ཀྱི་ངོ་བོར་སྒོམ་པའི་ཆོ་ག་ཞིག |
| བླ་མར་བྱ་བ |
བླ་མར་འཛིན་པའི་སྒོ་ནས་བཀུར་སྟི་བྱེད་པ། |
| བླ་མེད |
བླ་ན་མེད་པའི་བསྡུས་ཚིག |
| བླ་མེད་ཀྱི་དབང་བཞི |
བུམ་དབང་དང༌། གསང་དབང༌། ཤེར་དབང༌། ཚིག་དབང་བཅས་བཞིའོ། ། |
| བླ་མེད་ཀྱི་རྒྱུད |
རྣལ་འབྱོར་བླ་ན་མེད་པའི་རྒྱུད་ཀྱི་བསྡུས་མིང༌། |
| བླ་མེད་པ |
བློ་ཁོག་གམ་སྙིང་སྟོབས་མེད་པ། |
| བླ་མེད་མཆོད་རྟེན |
ངོས་བཞི་སོ་སོར་རྡོ་རྗེ་དང༌། ནོར་བུ། པད་མ། སྣ་ཚོགས་རྡོ་རྗེ་བཅས་ཀྱིས་ཚད་མེད་བཞི་མཚོན་པར་བྱེད་པའི་མཆོད་རྟེན་གྲུ་བཞི་ཞིག |
| བླ་མེད་འོད་འབྱིན |
(མངོན་བརྗོད།) ཉི་མ། |
| བླ་ཚེ |
མིའི་བླ་སྲོག་ཚེ་གསུམ་ཞེས་པའི་བསྡུས་མིང༌། |
| བླ་འཁར |
1.བླ་ལུས་ལ་གནས་པའམ། ཆགས་པ། 2.བླ་གནས་སའི་འཁར་རྒྱུག་གམ། ལག་རྟེན། |
| བླ་འཁྱམས་པ |
ལུས་ལ་གནས་པའི་བླ་ཐོན་པའམ་གྱར་བ། |
| བླ་འཁྱར་བ |
བླ་ཚེ་གཞན་དུ་འཐོར་བའམ་གྱར་བ། |
| བླ་འགུགས |
བླ་འཁྱམས་པ་ཚུར་འགུགས་པ། |
| བླ་འགུགས |
བླ་ཟེར་བ་དེ་ལུས་དང་བྲལ་བ་སླར་བཀུག་ནས་ལུས་ལ་གནས་པར་བྱེད་པའི་ཆོ་ག་ཞིག |
| བླ་འཆོལ |
བླ་ཅོལ་དང་འདྲ། |
| བླ་འབོད |
བླ་འཁྱམས་པ་ཚུར་འབོད་པ། |
| བླ་འཚོང |
བླ་བཙོང་ཡང་ཟེར། སོ་སོའི་སྒེར་གྱི་ཁེ་ཕན་དོན་དུ་དགྲ་བོར་ཕན་པའི་བྱ་ངན་བྱས་ཏེ་རྒྱལ་ཁབ་དང་མི་རིགས་ལ་གནོད་འཚེ་ཁེལ་བར་ཟེར། |
| བླ་འོག |
སྟེང་འོག་གི་དོན་ཏེ། (དཔེར་ན།) གནམ་ས་བླ་འོག་བསྒྱུར་བ་ཞེས་པ་ལྟ་བུ། |
| བླ་ཡལ་བ |
བླ་གྱར་བ། |
| བླ་རབས |
བླ་མ་མང་པོ་སྔ་ཕྱི་རིམ་གྱིས་བྱུང་ཚུལ། |
| བླ་རབས་རྣམ་ཐར |
ཆོས་རྒྱུན་བླ་རབས་སམ་དགོན་པའི་མཁན་བརྒྱུད་ཀྱི་མཛད་ཚུལ། |
| བླ་རི |
བླ་གནས་སའི་རི། |
| བླ་རེ |
བླ་བྲེའི་སྒྲ་ཉམས་པ། བླ་བྲེ |
| བླ་རྒན |
བླ་མ་དང་གྲྭ་པ་ལོ་ན་རྒན་པོ། |
| བླ་རྡོ |
བླ་གནས་སའི་རྡོ། |
| བླ་རྡོལ |
གང་དྲན་བཤད་པའི་ཚིག་སྟེ། (དཔེར་ན།) བྱིས་པའི་བླ་རྡོལ་ཞེས་པ་ལྟ་བུ། |
| བླ་རྩ |
ཚེ་རིང་ཐུང་བརྟག་བཏུབ་པའི་རྩ། མཁྲིག་མའི་མར་ཟུར་ཆུ་རྒྱུས་ཀྱི་གསེབ་ན་གནས་པའི་འཕར་རྩ་དེའོ། ། |
| བླ་རྩིས་པ |
རྩིས་པ་མཁས་པའི་ཆེ་མིང༌། |
| བླ་ལྷའི་ལུང་བརྟག |
བླ་མའི་བརྟག་པ་དང་ལྷའི་ལུང་བསྟན་ཞེས་པའི་བསྡུས་མིང༌། |
| བླ་ཤིང |
བླ་གནས་སའི་ཤིང༌། |
| བླ་ཤེས |
བླ་མཁྱེན་དང་དོན་གཅིག |
| བླ་སྐམ་པ |
1.བློ་ཁོག་མེད་པའམ་སྡར་མ། 2.ཞེད་ཐག་ཆོད་པ། |
| བླ་སྐྱེལ་བ |
1.ལུས་ཀྱི་བླ་འདྲེ་ལ་འཁྱེར་འཇུག་པ། 2.བླ་འཚོང་བ་སྟེ་ལར་རྒྱ་དགྲ་ལ་ཤོར་བར་བྱེད་པ། 3.(བརྡ་རྙིང་།) བླ་བསྐྱལ་བ་དང་འདྲ། |
| བླ་སྐྱེས |
1.གྲུ་བཙས། 2.དཔྱ་ཁྲལ། 3.ལག་རྟགས། |
| བླ་སྒྲོ |
བླ་གནས་སའི་བྱ་སྒྲོ་སྟེ། (དཔེར་ན།) སྨུག་པོ་སྒྲོ་གཅིག་ཡོད་པ་འདི་ཚ་བོ་གེ་སར་བླ་སྒྲོ་རེད་ཅེས་པ་ལྟ་བུ། |
| བླ་སྤྱི་ལྷན་རྒྱས |
སེར་འབྲས་དགའ་གསུམ་གྱི་གྲྭ་ཚང་སོ་སོའི་མཁན་པོ་དང༌། ཚོགས་ཆེན་དབུ་མཛད། ཞལ་ངོ། སྤྱི་སོ་སོགས་མཉམ་དུ་འཚོགས་པ་ལ་བླ་སྤྱི་ལྷན་རྒྱས་ཟེར། |
| བླ་སྤྲུལ |
1.སྤྲུལ་པའི་སྐུ། 2.བླ་མ་དང་སྤྲུལ་པའི་སྐུའི་བསྡུས་མིང༌། |
| བླ་སྨན་ཁང |
༸གོང་ས་ཏཱ་ལའི་བླ་མར་སྨན་སྦྱོར་བའི་སྨན་ཁང༌། |
| བླ་སྨན་པ |
༸གོང་ཏཱ་ལའི་བླ་མར་སྨན་དཔྱད་བྱེད་མཁན་གྱི་སྨན་པ། |
| བླ་སྲོག |
སེམས་ཅན་འཚོ་བར་བྱེད་པའི་སྲོག་སྟེ། (དཔེར་ན།) བླ་སྲོག་རྣམ་ཤེས་གསུམ་ཞེས་པ་ལྟ་བུ། |
| བླ་སློབ |
བླ་མ་དང་སློབ་མ། |
| བླག |
1.(བྱེད་འབྲེལ་ལས་ཚིག) བླགས་པའི་མ་འོངས་པ། སེམས་བསྒྲིམས་ཤིང་རྣ་བ་གཏད་ནས་ཉན་པའི་དོན་ཏེ། (དཔེར་ན།) རྒྱུན་དུ་རྣ་བ་བླག་ཅེས་འབྲི། དཔེར་ན། རྣ་བ་བླག་པར་བྱ་ལྟ་བུ། 2.དཀའ་ཚེགས་མེད་པའི་དོན་ཏེ། (དཔེར་ན།) བྱ་བ་བདེ་བླག་ཏུ་གྲུབ་ལྟ་བུ།3.རས་ཀྱི་ཁ་དོག་བསྒྱུར་བའི་མིང་ལ་འཇུག་སྟེ། (དཔེར་ན།) གོས་བཙོ་བླག་བྱས། གོས་བཙོ་བླག་བྱེད་མཁན་ཞེས་པ་ལྟ་བུ། |
| བླགས |
1.བླག་པའི་འདས་པ། (དཔེར་ན།) ལེགས་བཤད་ལ་རྣ་བ་བླགས་ཏེ་ཉན་ལྟ་བུ།2.མཆི་མ་འདོན་པའི་དོན་ཏེ། (དཔེར་ན།) སྔོན་གྱི་སྡུག་བསྔལ་དྲན་ན་མཆི་མ་བླགས་ཞེས་པ་ལྟ་བུ། |
| བླགས་ཆེ |
(བརྡ་རྙིང་།) ཕམ་ཉེས་ཆེན་པོ། |
| བླང |
1.(བྱེད་འབྲེལ་ལས་ཚིག) ལེན་པའི་མ་འོངས་པ། ལག་ཏུ་འཛིན་པའམ་འཁྱེར་བའི་དོན་ཏེ། (དཔེར་ན།) དཔེ་ཆ་ལག་ཏུ་བླང་བར་བྱ། བླང་བྱའི་དཔེ་ཆ་ཞེས་པ་ལྟ་བུ།2.བློ་ལ་ངེས་པར་བྱས་པའམ་ཁོང་དུ་ཆུད་པར་བྱེད་པའི་དོན་ཏེ། (དཔེར་ན།) གདམས་ངག་བླངས། ཉམས་མྱོང་ལེན་དགོས། ཉམས་མྱོང་ལོངས་ཤིག་ལྟ་བུ། ཐོབ་པར་བྱེད་པ་དང་དབང་བར་བྱེད་པའི་དོན་ཏེ། (དཔེར་ན།) རྒྱལ་ཁ་བླང་བར་བྱ། བུ་ལོན་ལེན་པ། དགྲ་རྫོང་བཙན་གྱིས་ལོངས་ལྟ་བུ། 3.ཕྱི་ལ་ཕྱུང་བའམ་ཕྱིར་བཏོན་པའི་དོན་ཏེ། (དཔེར་ན།) གཏེར་ཁ་ནས་གཏེར་རྡོ་བླང་བར་བྱ། ས་འོག་ནས་རྡོ་སྣུམ་བླངས་ལྟ་བུ། 4.དམ་བཅས་པའམ་ཁས་འཆེ་བའི་དོན་ཏེ། (དཔེར་ན།) ཁས་བླང་བར་བྱ། ཁས་ལེན་མཁན། ཁས་མ་བླངས། ཁས་ལོངས་ཤིག་ལྟ་བུ། 5.གླུ་ཚིག་དབྱངས་སུ་གྱེར་བ་སྟེ། (དཔེར་ན།) གླུ་བླངས། གླུ་ལོངས་ཤིག་ལྟ་བུ། |
| བླང་དོར |
བླང་བྱ་དང་དོར་བྱ་ཞེས་པའི་ཚིག་བསྡུས་པ་སྟེ། (དཔེར་ན།) བླང་དོར་གྱི་གནས་ལ་མཁས་པ་ཞེས་པ་ལྟ་བུ། (གང་ཞིག་བྱེད་རུང་བ་དང་གང་ཞིག་བྱེད་མི་རུང་བའི་དོན་ལ་མཁས་པ།) |
| བླང་དོར་ཁྲིགས་ཆགས |
བླང་དོར་གྱི་བྱ་བ་རིམ་པ་དང་ལྡན་པ། |
| བླང་བྱ |
བྱེད་འོས་པའི་ལས་དོན་གྱི་མིང་། (དཔེར་ན།) བླང་བྱ་དང་དོར་བྱ། བླང་བྱའི་ཡོན་ཏན་དང་དོར་བྱའི་སྐྱོན་ཞེས་པ་ལྟ་བུ། |
| བླངས |
ལེན་པའི་འདས་པ། (དཔེར་ན།) མེ་མདའ་བླངས་ནས་དགྲ་ལ་འཐབ་ལྟ་བུ། |
| བླངས་ཀྱང |
(བརྡ་རྙིང་།) སླར་ཡང༌། |
| བླངས་འདས |
དགེ་ཚུལ་གྱི་བསླབ་བྱ་རབ་ཏུ་བྱུང་བས་ཁས་བླངས་པའི་བསླབ་པ་ལས་འདས་པའམ་འགལ་བ་ཞེས་པའི་དོན་ནོ། དེ་ལ་ནང་གསེས་བླངས་འདས་སོ་གསུམ་དང་སོ་བདུན་སོགས་ཡོད་དོ། ། |
| བླངས་འདས་སོ་གསུམ |
དགེ་ཚུལ་གྱི་བསླབ་བྱ་ཆར་གཏོགས་དང་བཅས་པ་རྩ་བ་བཞི་དང༌། གསོད་པ་གསུམ་དང༌། རྫུན་གྱི་ཆར་གཏོགས་བཅུ་གཉིས་དང༌། ཆང༌། གར་སོགས་གསུམ། ཕྲེང་སོགས་གསུམ། མལ་སྟན་ཆེན་པོ་དང༌། མཐོན་པོ་དང༌། ཕྱི་དྲོའི་ཁ་ཟས་དང༌། གསེར་དངུལ་ལེན་པ་དང༌། ཉམས་པ་རྣམ་པ་གསུམ་བཅས་རབ་བྱུང་གི་དུས་སུ་བླངས་པ་ལས་འདས་པའི་སྤང་བྱ་སོ་གསུམ་མོ། ། |
| བླད་པ |
1.(བྱེད་འབྲེལ་ལས་ཚིག) བློད་པའི་མ་འོངས་པ་དང་འདས་པ། ལྡད་པ་དང༌། འཆའ་བ། མུར་བའི་དོན་ཏེ། (དཔེར་ན།) ཤ་སྐམ་པོ་བླད་པ། མངར་ཆ་བྱེ་རིལ་བླད་པ། བ་ཕྱུགས་ཀྱིས་བེའུར་བླད་པ་ལྟ་བུ། 2.རིག་པ་རྟུལ་བའི་བརྡ་རྙིང་། 3.སོ་ཡིས་ལྡད་པའི་བརྡ་རྙིང་། |
| བླན་པ |
(བརྡ་རྙིང་།) 1>ཚུར་འགུགས་པ་དང༌། ནང་དུ་ཕྱོགས་པའི་དོན་ཏེ། (དཔེར་ན།) ཁ་དྲངས་པ། ལོག་པའི་ལམ་ལས་སེམས་བླན། 2>བསྐྱར་བ་དང༌། གདབ་པ། གྲོགས་བྱེད་པ། གློན་པ། དཀྱུ་བ། སྒྱུར་བ་བཅས་ཀྱི་དོན། (དཔེར་ན།) ལན་བླན་པ། ལྷན་པ་བླན་པ། བཟང་ལན་བླན་པ་ཞེས་པ་ལྟ་བུ། བླན་དང་གླན་གདམ་ངར་སྣང༌། |
| བླའི་གྭ |
(བརྡ་རྙིང་།) བློན་པོའི་ཚོགས་ས། |
| བླས |
(བྱེད་འབྲེལ་ལས་ཚིག) དངོས་རྫས་མཉེན་ཞིང་ཕྲ་ལ་རིང་བ་མང་བོ་ཕན་ཚུན་བསྣོལ་ནས་སྦྲེལ་བའི་དོན་ཏེ། (དཔེར་ན།) སེ་བོ་བླས། སྐུད་ལྭ་བླས། རལ་བ་བླས་ལྟ་བུ། |
| བླུ |
(བྱེད་འབྲེལ་ལས་ཚིག) བླུས་པའི་མ་འོངས་པ་དང་ད་ལྟ་བ། (དཔེར་ན།) ཉོས་པའི་ཞེ་ས་ 《དག་ཡིག་གསར་བསྒྲིགས》ཚར་གཉིས་བླུ་དགོས་ལྟ་བུ། |
| བླུ་ཉོ |
རིན་སྤྲད་ནས་གཏའ་མ་སོགས་ཕྱིར་ལེན་པ། |
| བླུ་ཡོན |
ཉོས་པའི་རིན་ཏེ། (དཔེར་ན།) བླུ་ཡོན་ཕུལ་ནས་རྟེན་གསུམ་བླུས་པ་ལྟ་བུ། |
| བླུག |
(བྱེད་འབྲེལ་ལས་ཚིག) བླུགས་པའི་མ་འོངས་པ། སྣོད་ནང་གི་གཤེར་བའི་རིགས་དང་འབྲུ་རིགས་སམ་དེ་དང་མཚུངས་པའི་དངོས་རྫས་སྣོད་གཞན་དུ་བྱོ་བའི་དོན་ཏེ། (དཔེར་ན།) ཁོག་མར་ཆུ་བླུག་པར་བྱ་ལྟ་བུ། |
| བླུག་ཀོང |
1.དངུལ་སོགས་བཞུ་སྣོད་ལུགས་ཀོང༌། 2.པར་ཀོང་ངམ་ལུགས་པར། |
| བླུག་སྐྱོར |
ལུགས་རྒྱག་སྐྱོར་གྱི་དོན་ཏེ། (དཔེར་ན།) ཁྲོ་ཟངས་བཞུས་ནས་བླུག་སྐྱོར་བྱེད་ཅེས་པ་ལྟ་བུ། |
| བླུག་སྣོད |
བཅུད་བླུག་སའི་སྣོད་སྤྱད། |
| བླུགས |
1.བླུག་པའི་འདས་པ་དང་སྐུལ་ཚིག (དཔེར་ན།) འབྲུ་བླུགས་ནས་འབྲུ་མཛོད་བཀང་། ཆུ་བླུགས་ཤིག་ལྟ་བུ། 2.དངོས་རྫས་བཞུས་པའི་གཤེར་ཁུ་པར་དབྱིབས་སྣ་ཚོགས་སུ་བླུགས་ནས་དངོས་རྫས་དབྱིབས་རྣམ་པ་སྣ་ཚོགས་བཟོས་པའི་དོན་ཏེ། (དཔེར་ན།) ཁྲོ་བཞུས་ནས་ཟངས་ང་བླུགས། རྣོ་བཞུས་ནས་འཕྲུལ་འཁོར་གྱི་ལྷུ་ལག་ལྡུག་དགོས་ལྟ་བུ། |
| བླུགས་གཟར |
སྦྱིན་སྲེག་སྐབས་མར་ཁུ་བླུག་བྱེད་ཀྱི་གཟར་བུ། |
| བླུགས་པར |
ལུགས་ཀོང་དང་ལུགས་པར། |
| བླུགས་མ |
བླུགས་ནས་བཟོས་པའི་དངོས་རྫས་ཀྱི་མིང་། (དཔེར་ན།) འདྲ་སྐུ་བླུགས་མ། ཟངས་ང་བླུགས་མ་ཞེས་པ་ལྟ་བུ། |
| བླུགས་ཤོག |
(ཡུལ་སྐད།) ཤོག་བུ་དྲས་རོ་རྣམས་ཞིབ་མོར་བརྡུངས་ཏེ་ལུགས་སུ་བླུགས་པའི་ཤོག་བུ། |
| བླུགས་སྐུ |
ཟངས་སོགས་བཞུས་ཏེ་བླུག་བརྒྱབ་པའི་སྐུ་འདྲ། |
| བླུད |
ལྡུད་ཀྱི་འདས་པ་དང་སྐུལ་ཚིག་སྟེ། (དཔེར་ན།) ལུག་ལ་ཆུ་བླུད་ནས་འཚོས། རྟ་ལ་ཆུ་བླུད་ཅིག་ལྟ་བུ། |
| བླུན |
(རྒྱན་ཚིག) རིག་པ་རྟུལ་བའི་དོན་ཏེ། (དཔེར་ན།) ལོག་སྤྱོད་པ་རྣམས་ཕྱུགས་ལྟར་བླུན། མི་དེ་ལས་བླུན་པ་མེད། བླུན་གཏམ། བླུན་ཚིག་ཅེས་པ་སོགས་ལྟ་བུ། |
| བླུན་གཏམ |
རིག་པ་རྟུལ་པོའི་གཏམ། |
| བླུན་དད |
རྨོངས་པའི་ཡིད་ཆེས། (དཔེར་ན།) ལྷ་འདྲེ་ལ་བླུན་དད་བྱེད་པ། མི་སྒེར་ལ་བླུན་དད་ཀྱིས་གོང་བཀུར་ཞུ་བ་ལྟ་བུ། |
| བླུན་པ |
རྨོངས་པ་སྟེ་མི་ཤེས་པ། (དཔེར་ན།) བློ་རིག་བླུན་པ། དྲན་ཤེས་བླུན་པ་ཞེས་པ་ལྟ་བུ། |
| བླུན་པོ |
ཤེས་རིག་རྨོངས་པའི་མི། (དཔེར་ན།) བླུན་པོའི་ཡོན་ཏན་ཁར་འབྱིན་ཏེ། མཁས་པའི་ཡོན་ཏན་ཁོང་དུ་སྦེད། མིང་གི་རྣམ་གྲངས་ལ་གླེན་པ་དང་རྨོངས་པའོ། ། |
| བླུན་ཚིག |
གནད་འགག་མི་རྟོགས་པའི་རྨོངས་གཏམ་སྟེ། (དཔེར་ན།) སྡོར་མེད་ཟས་ལ་བྲོ་བ་མེད། བླུན་ཚིག་སྙན་ཡང་སྙིང་པོ་མེད་ཅེས་པ་ལྟ་བུ། |
| བླུན་རྟགས |
མི་ཤེས་ཨུ་ཚུགས་ཀྱི་རྟགས་མཚན་ཏེ། (དཔེར་ན།) མི་ཤེས་ཤེས་མདོག་བྱེད་ན་བླུན་རྟགས་ཡིན་ལྟ་བུ། |
| བླུན་རྨོངས |
ཁེ་ཉེན་དང་བླང་དོར་མི་ཤེས་པའི་དོན་ཏེ། (དཔེར་ན།) གོ་ཤེས་མེད་ན་བླུན་རྨོངས་རྟགས། བཟང་ངན་ཤེས་ན་བླུན་རྨོངས་མིན་ལྟ་བུ། |
| བླུན་སྒོམ |
རིག་པ་གྲིམ་ལྷོད་ཀྱི་མན་ངག་མི་ཤེས་པར་ཨུ་ཚུགས་ཀྱིས་སྒོམ་པ། |
| བླུས |
བླུ་བའི་འདས་པ་དང་སྐུལ་ཚིག (དཔེར་ན།) གསུང་རྩོམ་བླུས་ནས་བསླབས། དཔེ་ཆ་འདི་བླུས་ཤིག་ལྟ་བུ། |
| བླུས་མ |
དཔེ་ཆ་ལྟ་བུ་རིན་གྱིས་ཉོས་པའི་དངོས་པོ། |
| བླེས་ལ་བོར |
(བརྡ་རྙིང་།) བདག་པོ་མ་བྱས་པར་བོར་བ། |
| བློ |
1.རང་ཡུལ་སྣང་བའི་རིག་པ། ཀ་བུམ་ལ་སོགས་པ་ཡུལ་གྱི་ཆོས་རྣམས་མཐོང་བའི་ཤེས་པ། དཔེར་ན། མངོན་རྗེས་གཉིས་སོགས་ལྟ་བུའོ། ། (དཔེར་ན།) བློ་ལ་བརྟན་པོར་འཇགས་པ་སྟེ། མང་ཚོགས་ལ་བློ་ལིངས་ཀྱིས་བཀལ་བ། དངོས་ཡོད་གནས་ཚུལ་བློས་འཇལ་བ། མི་དམངས་ཀྱི་ལས་དོན་ལ་གནས་སྐབས་ཕམ་ཉེས་བྱུང་དུས་བློ་བརྟན་པོར་ཚུགས་ཐུབ་དགོས་ལྟ་བུ། 2.ཐབས་ཤེས་སམ་ལས་ཇུས་ལ་འཇུག་སྟེ། (དཔེར་ན།) ལས་དོན་གསར་པ་ཞིག་ལ་ཚང་མས་བློ་བཏོན་པ། མི་ཉམས་མྱོང་ཅན་ལ་བློ་འདྲི་བ་ཞེས་པ་ལྟ་བུ། མིང་གི་རྣམ་གྲངས་ལ་གོ་བ་དང༌། ཉེ་བར་དམིགས། སྤོབས་བྱེད། བློ་གྲོས། རྨོངས་འཇོམས། ཡིད། རབ་མཐོང༌། རིག་པ། ལེགས་རྟོགས། ཤེས་པ། ཤེས་རབ། སེམས་པ། སེམས་བྱེད་བཅས་སོ། ། |
| བློ་ཁ |
1.སེམས་ཀྱི་དོན་ཏེ། (དཔེར་ན།) རྒྱལ་ཁ་ཐོབ་པར་བློ་ཁ་ཚིམ་མི་དགོས། ཕམ་ཉེས་བྱུང་བར་བློ་ཁ་ཕམ་མི་དགོས་ལྟ་བུ། 2.བློ་གྲོས་ཏེ། (དཔེར་ན།) ཕྲུ་གུའི་བློ་ཁ་འབྱེད་དགོས་ལྟ་བུ། 3.སེམས་ཀྱི་ལྟ་ཕྱོགས་ཏེ། (དཔེར་ན།) སྔོན་གཤེགས་དཔའ་བོ་རྣམས་ལ་བློ་ཁ་ཕྱོགས་ནས་སློབ་སྦྱོང་བྱེད་པ་ལྟ་བུ། |
| བློ་ཁ་ནང་འགུགས |
ཕྱིར་ཕྱོགས་ཀྱི་བློ་ཁ་ནང་དུ་སྒྱུར་བའི་དོན་ཏེ། (དཔེར་ན།) བར་གནས་ཀྱི་མི་རྣམས་བློ་ཁ་ནང་འགུགས་ཀྱི་ཐབས་བྱེད་དགོས་ལྟ་བུ། |
| བློ་ཁ་ཚུར་འཁོར |
བློ་སྙིང་གཞན་ལ་གཏོད་པའི་མི་ཞིག་རྗེས་སུ་ཚུར་ཁུག་པ། |
| བློ་ཁ་རྩེ་གཅིག |
གཅིག་ཏུ་བསྒྲིམས་པའི་རིག་པ། |
| བློ་ཁ་རྫོགས་པ |
འདོད་བློ་གང་བ། |
| བློ་ཁོག |
སེམས་རྒྱའི་མིང་སྟེ། (དཔེར་ན།) མི་བློ་ཁོག་ཡངས་པ། བློ་ཁོག་དོག་པ། ཕལ་བའི་བློ་ཁོག་ལ་མི་ཤོང་བའི་རྩིས་རིག་གི་དཀའ་གནད་ཅེས་པ་ལྟ་བུ། |
| བློ་ཁྲིད་པ |
སེམས་སྒྱུར་བའི་དོན་ཏེ། (དཔེར་ན།) ཚིག་འཇམ་པོས་བློ་ཁྲིད་པ། ཐབས་ཤེས་འཇམ་པོའི་སྒོ་ནས་བློ་ཁྲིད་པ་ལྟ་བུ། |
| བློ་གཅིག་སེམས་གཅིག |
བློ་སེམས་རྩེ་གཅིག་སྟེ། (དཔེར་ན།) བློ་གཅིག་སེམས་གཅིག་གི་སྒོ་ནས་མི་དམངས་ལ་ཞབས་འདེགས་ཞུ་ལྟ་བུ། |
| བློ་གཏད་པ |
1.ཡིད་ཆེས་པའམ་བློ་བཀལ་བ་སྟེ། (དཔེར་ན།) གྲོགས་པོ་དེ་ལ་བློ་གཏད་པར་འོས་ལྟ་བུ། 2.སེམས་རྩེ་གཅིག་ཏུ་བཞག་པ་སྟེ། (དཔེར་ན།) རང་གི་ལས་འགན་ལ་བློ་གཏད་པ་ལྟ་བུ། |
| བློ་བརླུག |
(བརྡ་རྙིང་།) གྲོགས་པོ། |
| བློ་བསད་པ |
གཞན་སེམས་ཕམ་པར་བྱས་པ། |
| བློ་བསྒྱུར |
ཡིད་སྔར་ལས་གཞན་དུ་བསྒྱུར་བ། |
| བློ་བསྡུར |
བསམ་འཆར་གོ་བསྡུར་གྱི་དོན་ཏེ། (དཔེར་ན།) ཕན་ཚུན་བློ་བསྡུར་བྱས་ནས་གྲོས་ཐག་གཅོད་ཅེས་པ་ལྟ་བུ། |
| བློ་བསྡོགས |
ཡིད་ལ་བཟུང་བ། |
| བློ་བསྲལ་ཆེ |
(བརྡ་རྙིང་།) ཤེས་རྒྱ་ཆེ་བའམ་བློ་གཤོགས་ཆེ་བ། |
| བློ་བསྲུན་པ |
1.སེམས་དུལ་པོའམ་གཡུང་བའམ་ཞི་བ། 2.(བརྡ་རྙིང་།) སེམས་བདེ་པོ། |
| བློ་བུག |
(བརྡ་རྙིང་།) བུག་པ། |
| བློ་བུར |
གློ་བུར་གྱི་འབྲི་སྲོལ་གཞན་ཞིག |
| བློ་བེམ་གྱིས་སོང |
(བརྡ་རྙིང་།) སེམས་ལྷོད་ཀྱིས་སོང་བ། |
| བློ་བྲིད |
ཐབས་ཀྱིས་བསླུས་ནས་མི་སེམས་ཚུར་བཀུག་པ། |
| བློ་བློང་བ |
(བརྡ་རྙིང་།) 1>སེམས་མི་བདེ་བ། 2>རིག་པ་མི་གསལ་བ། |
| བློ་མ་རྫོགས་པ |
1.བློ་གྲོས་ཀྱི་རྩལ་མ་རྫོགས་པ་སྟེ་བློ་གྲོས་མཐོན་པོར་མ་སླེབས་པ། 2.ཡིད་མ་ཚིམས་པའམ་བློ་ཁ་མ་རྫོགས་པའི་དོན་ཏེ། (དཔེར་ན།) འཇིག་རྟེན་ལབྱས་རྗེས་འཇོག་རྒྱུ་མ་བྱུང་བར་ན་ཚོད་ཡོལ་བས་བློ་མ་རྫོགས་ཞེས་པ་ལྟ་བུ། |
| བློ་མང |
བསམ་བློ་མང་པོ། |
| བློ་མཐུན་པ |
1.ཆབ་སྲིད་ཀྱི་བསམ་ཡུལ་གཅིག་མཐུན་ཡིན་མཁན། 2.སེམས་མཐུན་པའི་དོན་ཏེ། (དཔེར་ན།) གྲོས་གཞི་འདིར་མི་ཚང་མ་བློ་མཐུན་ནས་ཐག་བཅད་པ་རེད། མང་པོ་གཅིག་ཏུ་བློ་མཐུན་ན། ཉམ་ཆུང་གིས་ཀྱང་དོན་ཆེན་འགྲུབ་ཅེས་པ་ལྟ་བུ། |
| བློ་མིག |
སེམས་མིག་གི་གཟུགས་སུ་བཀོད་པ་སྟེ། (དཔེར་ན།) གནས་ལུགས་ཇི་བཞིན་མཐོང་བའི་བློ་མིག་གསལ་བ་ལྟ་བུ། |
| བློ་མིག་ཅན |
བློ་གྲོས་ཀྱི་མིག་དང་ལྡན་པ་ཤེས་རབ་ཅན་ནམ་རྣམ་དཔྱོད་ཅན། |
| བློ་མོས |
ཡིད་ལ་བབ་པའམ་བློ་མཐུན་པའི་དོན་ཏེ། (དཔེར་ན།) བློ་མོས་གཉིས་ཕན་དང་རིན་མཉམ་བརྗེ་ལེན། བློ་མོས་ཡིད་སྤྲོའི་ངང་ནས་ལས་འགན་སྒྲུབ་བཞིན་པར་ཡོད་ཅེས་པ་ལྟ་བུ། |
| བློ་ཚད་མ |
ཚད་ལྡན་གྱི་ཤེས་པ་སྟེ། (དཔེར་ན།) སངས་རྒྱས་ཀྱི་མཁྱེན་པའི་ཡེ་ཤེས་དང༌། སློབ་པ་འཕགས་པའི་རྒྱུད་ཀྱི་བདེན་པ་མངོན་སུམ་དུ་རྟོགས་པའི་བློ་ལྟ་བུའོ། ། |
| བློ་ཟིན |
སེམས་ལ་ངེས་པ་སྟེ། (དཔེར་ན།) དཔེ་ཆ་བློ་ལ་ཟིན་པ་ལྟ་བུ། |
| བློ་ཟློག་པ |
སེམས་ལོག་པར་བྱེད་པའི་དོན་ཏེ། (དཔེར་ན།) གནོད་བློ་བཟློགས་ནས་ཕན་སེམས་ཅན་དུ་སྒྱུར་བ་ལྟ་བུ། |
| བློ་འཁུམས་པ |
སེམས་ཞུམ་པའམ་ཡིད་ཞུམ་པ། |
| བློ་འཁེལ་བ |
བློ་ཐུབ་བམ་ཡིད་ཆེས་པའི་དོན་ཏེ། (དཔེར་ན།) མི་འདི་སྒྱུ་མ་མཁན་འདྲ་ཨེ་ཡིན་བསམས་ནས་བློ་ཁེལ་མ་བྱུང༌ཞེས་པ་ལྟ་བུ། |
| བློ་འགུགས |
གཞན་སེམས་འགུགས་པའི་དོན་ཏེ། (དཔེར་ན།) འཇམ་བཤད་བློ་འགུགས་བྱས་ན་དགྲ་ཡང་ཁུག་ཅེས་པ་ལྟ་བུ། |
| བློ་འགེལ་བ |
གཞན་ལ་ཡིད་གཏོད་པ། |
| བློ་འགྱུ་བ |
སེམས་གཡོ་བའམ་རྣམ་རྟོག་འཕྲོ་བའི་དོན་ཏེ། (དཔེར་ན།) སྤྱི་དོན་སྒྲུབ་སྐབས་སྒེར་དོན་ལ་བློ་མི་འགྱུ་བ་ཞིག་བྱེད་དགོས་ལྟ་བུ། |
| བློ་འགྱུར་བ |
བསམ་བློ་འགྱུར་བའི་དོན་ཏེ། (དཔེར་ན།) དཀའ་ངལ་ཇི་ཙམ་བྱུང་ཡང་བློ་འགྱུར་བ་མེད་ཅེས་པ་ལྟ་བུ། |
| བློ་འགྱོད |
ཞེ་ཁྲེལ་ལམ་སེམས་གནོང༌གི་དོན་ཏེ། (དཔེར་ན།) རང་གི་སྔར་བྱས་ཀྱི་ལས་ལ་བློ་འགྱོད་མེད་ཅེས་པ་ལྟ་བུ། |
| བློ་འཐུམས |
རིག་པ་མི་གསལ་བ། |
| བློ་འདས |
བློ་ཡུལ་ལས་འདས་པའི་དོན་ཏེ། (དཔེར་ན།) འབད་བརྩོན་ཡུན་རིང་བྱས་ནས་བློ་འདས་ཀྱི་གྲུབ་འབྲས་བྱུང་ཞེས་པ་ལྟ་བུ། |
| བློ་འདས་བརྗོད་བྲལ |
བསམ་གྱིས་མི་ཁྱབ་པ་དང་བརྗོད་ཀྱིས་མི་ལང་བ། |
| བློ་འདིང་ཅན |
ལས་ཀར་བསམ་བློ་གནད་ཆེ་གཏོང་ཤེས་པའི་མི། |
| བློ་འདུན |
སེམས་ཀྱི་མོས་པ་སྟེ། (དཔེར་ན།) ལུགས་སྲོལ་རྙིང་པ་ལ་བློ་འདུན་མེད་ཅེས་པ་ལྟ་བུ། |
| བློ་འདོན |
1.གྲོས་འདོན་པ། 2.བློ་ཐོག་གམ་ཡིད་ཐོག་ནས་ཟློ་བ། |
| བློ་འདྲོག་པ |
1.སེམས་ཚུབ་ལངས་པའི་དོན་ཏེ། (དཔེར་ན།) ཉེན་ཁ་དང་ཐུག་སྐབས་བློ་འདྲོག་ཐེབས་ནས་ཅི་བྱ་གཏོལ་མེད་དུ་གྱུར་ལྟ་བུ། 2.དྲན་པ་སྐྱེན་པ་དང༌། བསམ་བློ་འཁོར་མྱུར་བ། |
| བློ་འཚབ་པ |
སེམས་ལ་བྲེལ་འཚབ་ལངས་པའི་དོན་ཏེ། (དཔེར་ན།) བྱེད་རྒྱུའི་ལས་ཀ་གལ་ཆེ་དྲགས་པས་བློ་འཚབ་པ་བདེན་ཞེས་པ་ལྟ་བུ། |
| བློ་འཚུབ་པ |
སེམས་ཟང་ཟིང་དུ་གྱུར་པ། |
| བློ་འཛིན |
ཚིག་དོན་བློར་ལེན་པའི་དོན་ཏེ། (དཔེར་ན།) གསུང་བཤད་ནང་གི་ཚིག་དོན་བློ་འཛིན་བྱེད་པ་ལྟ་བུ། |
| བློ་ཡི་གཏེར |
(མངོན་བརྗོད།) དབྱངས་ཅན་མ། |
| བློ་ཡུལ |
བསམ་བློ་གཏོང་ཡུལ་དང༌། གཟུང་བྱའི་དངོས་པོ་སྟེ། (དཔེར་ན།) གང་ཅིའི་གནས་ལུགས་ཡོང་རྐྱེན་ཞིབ་ཚགས་ཀྱིས་བརྟག་དཔྱད་བྱས་ན་བློ་ཡུལ་ལས་འདས་པའི་དངོས་པོ་གང་ཡང་མེད་ཅེས་པ་ལྟ་བུ། |
| བློ་རིག |
1.ཡུལ་ཅན་གྱི་ཤེས་པ་སྟེ། (དཔེར་ན།) དགྲ་བོ་བྱུང་དུས་བློ་རིག་བསྒྲིམས་ཏེ་གྲུང་གྲུང་བྱས་ནས་འཐབ་འཛིང་རྒྱག་དགོས་ལྟ་བུ། 2.བློ་རིགས་ཀྱི་འབྲི་ཚུལ་གཞན་ཞིག |
| བློ་རིག་བདུན |
མངོན་སུམ་དང༌། རྗེས་དཔག་བཅད་ཤེས། ཡིད་དཔྱོད། སྣང་ལ་མ་ངེས་པ། ཐེ་ཚོམ། ལོག་ཤེས་ཏེ་བདུན་ནོ། ། |
| བློ་རིགས |
ཚད་མའི་རིགས་ལམ་གྱི་ནང་ནས་ཚད་མ་དང་ཚད་མིན་གྱི་བློའི་རྣམ་གཞག་སྟོན་པའི་གཞུང་ཞིག |
| བློ་རིགས་བཞི |
ཡུལ་འཛིན་ཚུལ་གྱི་སྒོ་ནས་ཡུལ་ཅན་བློའི་ཁྱད་པར་མི་འདྲ་བ་རིགས་བཞི་སྣང་ལ་མ་ངེས་པ་དང་ཡིད་དཔྱོད་གཉིས་པོ་མ་རྟོགས་པའི་བློ་དང༌། རྟོག་བཅས་རྟོག་མེད་ཀྱི་ལོག་ཤེས་གཉིས་པོ་ལོག་པར་རྟོག་པའི་བློ་དང༌། བློ་རྩེ་གཉིས་སུ་འཇུག་པ་ཐེ་ཚོམ་གྱི་བློ་དང༌། མངོན་རྗེས་ཀྱི་ཚད་མ་གཉིས་པོ་རྟོགས་པའི་བློ་བཅས་བཞིའོ། ། |
| བློ་རྒོད |
རིག་པ་མྱུར་བ་སྟེ། (དཔེར་ན།) མི་བློ་རྒོད་ཅེས་པ་ལྟ་བུ། |
| བློ་རྒྱ |
བསམ་བློའི་རྒྱ་ཁྱོན་ཏེ། (དཔེར་ན།) བློ་རྒྱ་ཆེ་བ། བློ་རྒྱ་ཆུང་བ། བློ་རྒྱ་འབྱམས་པ་ལྟ་བུ། |
| བློ་རྡོལ་དགོན་པ |
རྙིང་མ་བའི་དགོན་པ་ཞིག ཁམས་རྒྱལ་ཐང་འབའ་ལུང་ཁོངས་སུ་ཡོད། |
| བློ་རྣོ་བ |
རིག་པ་སྤྱང་པོའམ་རིག་པ་རྣོན་པོ། |
| བློ་རྩ |
སེམས་རྩ་སྟེ། (དཔེར་ན།) འཕྲལ་རྐྱེན་གྱིས་འགྱུར་བ་མེད་པའི་བློ་རྩ་བརྟན་པོ་ཞེས་པ་ལྟ་བུ། |
| བློ་རྩལ |
ཤེས་རབ་བམ་སེམས་ཀྱི་ནུས་པ་སྟེ། (དཔེར་ན།) མི་བློ་རྩལ་ཆེ་ཆུང་བསྡུར་ན་ཤེས། བྱ་གཤོག་རྩལ་ཆེ་ཆུང་འཕུར་ན་ཤེས་ལྟ་བུ། |
| བློ་རྩེ |
བློ་སྣའམ་བསམ་བློ་གཏོང་ཕྱོགས་ཏེ། (དཔེར་ན།) ཁབ་རྩེ་གཉིས་ཀྱིས་ཚེམ་བུ་མི་ཡོང༌། བློ་རྩེ་གཉིས་ཀྱིས་དོན་མི་འགྲུབ། བསམ་བློ་བཞི་གསུམ་བཅུ་གཉིས་བཏང༌། བློ་རྩེ་ཉི་ཤུ་རྩ་ལྔ་བཀོད། ཕོ་རབ་གཅིག་གི་བློ་རྩེ་ལས། ཕོ་འབྲིང་གསུམ་གྱི་གྲོས་བསྡུར་དགའ་ལྟ་བུ། |
| བློ་རྩེ་གཅིག་སྒྲིམ |
རིག་པ་རྩེ་གཅིག་ཏུ་སྒྲིམ་པ། |
| བློ་རྩེ་གསར་རྙེད |
བསམ་བློ་གསར་དུ་འཁོར་བ་སྟེ། (དཔེར་ན།) ཐོན་སྐྱེད་ངལ་རྩོལ་ནང་དུ་ཞུགས་པའི་དགེ་མཚན་ལ་བློ་རྩེ་གསར་རྙེད་བྱུང་བ་ལྟ་བུ། |
| བློ་རྩེ་ཐུང་བ |
བློ་སྣ་ཐུང་བ་དང་དོན་གཅིག |
| བློ་ལ་བཏགས་པ |
1.སྙིང་ཉེ་པོ་བྱེད་པ། 2.སེམས་མཐུན་པ། |
| བློ་ལ་བསྡོགས་པ |
བློ་ལ་ཡོད་པ་དང༌། བློ་ལ་བཟུང་བ། བློ་ལ་ངེས་པ། |
| བློ་ལ་ཚུད་པ |
སེམས་ལ་ངེས་པའམ་ཁོང་དུ་ཆུབ་པ་སྟེ། (དཔེར་ན།) དེ་རིང་གི་གསུང་བཤད་དེའི་ནང་དོན་བློ་ལ་ཚུད་པ་ཞིག་བྱུང༌ལྟ་བུ། |
| བློ་ལོག་པ |
1.སྔར་གྱི་བསམ་པ་གཞན་དུ་འགྱུར་བ། 2.ཞེན་པ་ལོག་པ། |
| བློ་ལྡན |
1.བློ་གྲོས་རིག་རྩལ་ཅན་ཏེ། (དཔེར་ན།) བློ་དང་ལྡན་ན་མ་སྨྲས་ཀྱང༌། རྣམ་འགྱུར་ཉིད་ལས་བསམ་པ་གོ། 2.སེམས་ལྡན། 3.(མངོན་བརྗོད།) 1>བློན་པོ། 2>གཟའ་ཕུར་བུ། |
| བློ་ལྡན་མཆོག་སྲེད |
གུ་རུ་མཚན་བརྒྱད་ཀྱི་ཡ་གྱལ་ཞིག |
| བློ་ལྡོག་པ |
ཞེན་པ་ལོག་པ། |
| བློ་ལྷད |
1.སེམས་སྐྱོན་ཏེ་བསམ་ངན། 2.སེམས་གཅོང༌གི་དོན་ཏེ། (དཔེར་ན།) བུ་ཁྱོད་ལ་བློ་ལྷད་ཅིག་འདུག་པ་དེ་ང་ལ་སྦ་མེད་དྲང་པོར་སྨྲ་དགོས་ལྟ་བུ། |
| བློ་ལྷད་དྲན་འཕྲུལ |
ཀུན་སློང་ངན་ལ་མི་དྲན་དགུ་དྲན་ཚ་པོ། |
| བློ་ལྷོད་ཤིག་ཤིག |
སེམས་འཚབ་མེད་པའི་བློ་དལ་དལ་གྱི་དོན་ཏེ། (དཔེར་ན།) ལས་དོན་ཚགས་སུ་ཚུད་ནས་བློ་ལྷོད་ཤིག་ཤིག་ཅིག་བྱུང༌ལྟ་བུ། |
| བློ་ཤས |
སེམས་འགྱོད། |
| བློ་ཤེད |
1.སེམས་ཀྱི་སྟོབས་ཤུགས་ཏེ། (དཔེར་ན།) བློ་ཤེད་མེད་པའི་དམག་དཔོན་དེ། ཝ་མོས་གོ་ཁྲབ་གྱོན་པ་འདྲ། ཨམ་ཕྲག་རྡོ་ཡིས་ཁེངས་པས་ཁྱི་ལ་མི་ཞེད་པའི་བློ་ཤེད་ཅེས་པ་ལྟ་བུ། 2.རང་འདོད་ཀྱི་དོན་ཏེ། (དཔེར་ན།) བསླབ་བྱ་བཟང་པོར་མི་ཉན་པར་བློ་ཤེད་ཁུར་བ་ཞེས་པ་ལྟ་བུ། |
| བློ་སེམས་གཅིག་སྒྲིལ |
བློ་གཅིག་སེམས་གཅིག |
| བློ་སེམས་རྒྱབ་འགལ |
བསམ་བློ་གཏོང་ཕྱོགས་རྒྱབ་སྤྱོད་དམ། མི་མཐུན་པའི་དོན་ཏེ། (དཔེར་ན།) སྒེར་གྱི་ཁེ་ཕན་ཁོ་ན་གཉེར་ན་བློ་སེམས་རྒྱབ་འགལ་ལས་མེད་ཅེས་པ་ལྟ་བུ། |
| བློ་སེམས་རྩེ་གཅིག |
བློ་སྣ་ཉུང་བ། |
| བློ་སྐྱེ་བ |
བསམ་བློ་འཁོར་བའི་དོན་ཏེ། (དཔེར་ན།) རང་སྐྱོན་རང་གིས་འདོན་པའི་བློ་སྐྱེ་བ་ཞེས་པ་ལྟ་བུ། |
| བློ་སྐྱེད |
སྔར་མ་ཤེས་པའི་དོན་གསར་དུ་ཤེས་པའམ་སྔར་ཆ་ཚང་བར་མ་ཤེས་པའི་དོན་ཆ་ཚང་བར་ཤེས་པའི་ཡོན་ཏན་ཏེ། (དཔེར་ན།) ད་ཐེངས་སློབ་སྦྱོང་བྱས་ནས་བློ་སྐྱེད་ཆེན་པོ་བྱུང་ལྟ་བུ། |
| བློ་སྐྱེད་ཐོན་ཤུགས |
ཤེས་རིག་ཡར་ཐོན་གྱི་ནུས་པ། |
| བློ་སྐྱེལ་བ |
གཞན་ལ་ཡིད་གཏོད་པའི་དོན་ཏེ། (དཔེར་ན།) མང་ཚོགས་ལ་བློ་སྐྱེལ་བ་ལྟ་བུ། |
| བློ་སྒོ |
ཡོན་ཏན་ལ་སྦྱང་སྐབས་ཐོག་མའི་ཤེས་བྱ་ཤེས་པའི་ཡོན་ཏན་གྱི་མིང་། (དཔེར་ན།) ཚན་རིག་སྦྱང་བའི་བློ་སྒོ་ཕྱེ་ཞེས་པ་ལྟ་བུ། |
| བློ་སྟོབས |
རིག་པ་དང་ཤེས་རབ་ཀྱི་ནུས་སྟོབས་ཏེ། (དཔེར་ན།) མི་བློ་སྟོབས་ཅན་ཞེས་པ་ལྟ་བུ། |
| བློ་སྣ |
བློའི་འཆར་སྒོའི་དོན་ཏེ། (དཔེར་ན།) འོད་ཟེར་སྟོང་ལྡན་གྱི་མ་འོངས་མདུན་ལམ་ལ་བློ་སྣ་གཏད་པ། བུ་ཚ་མི་རབས་མང་པོའི་དོན་དུ་མིག་རྒྱ་རིང་དུ་བསྲིང་དགོས་པ་ལས་འཕྲལ་སྣང་ཚབ་ཚུབ་ཀྱིས་བློ་སྣ་བསྟུངས་ན་མི་འགྲིག་ཅེས་པ་ལྟ་བུ། |
| བློ་སྣ་ཐུང་བ |
ཁོང་ཁྲོ་སྐྱེ་སླ་བའམ་ཕུགས་བསམ་ཐུང་བའི་དོན་ཏེ། (དཔེར་ན།) ལས་དོན་སྒྲུབ་དུས་བློ་སྣ་ཐུང་བ་མི་རིགས། ཕུགས་དོན་ལ་མི་ལྟ་བའི་བློ་སྣ་ཐུང་བ་ཞེས་པ་ལྟ་བུ། |
| བློ་སྣ་མང་བ |
བསམ་བློའི་འཆར་སྒོ་མང་བའི་དོན་ཏེ། (དཔེར་ན།) བློ་སྣ་མང་བ་ཡོད་ཀྱང་བྱ་བ་སྣ་གཅིག་མི་འགྲུབ་ཅེས་པ་ལྟ་བུ། |
| བློ་སྦུག |
སེམས་གུ། |
| བློ་སྦུག་འཐུམས་པ |
1.སེམས་གུ་དོག་པོའི་དོན་ཏེ། (དཔེར་ན།) ཕམ་ཉེས་ཕྲན་བུ་བྱུང་ཙམ་གྱིས་བློ་སྦུག་འཐུམས་ནས་མ་སྡོད་ཅེས་པ་ལྟ་བུ། 2.རིག་པ་མི་གསལ་བ། |
| བློ་སྦུབས |
སེམས་རྒྱ། |
| བློ་སྦྱོང |
སེམས་ལ་འདྲིས་པར་བྱེད་པ། |
| བློ་སྦྱོང་ཐུན་བརྒྱད་མ |
བཀའ་གདམས་པའི་དགེ་བཤེས་སྟོན་པའི་མན་ངག་སྟེ་ཟས་ལ་བརྟེན་པའི་བློ་སྦྱོང་དང༌། དབུགས་ལ་བརྟེན་པའི་བློ་སྦྱོང༌། ལུས་གངྒཱའི་བྱེ་མ་སྙེད་དུ་སྤྲུལ་པ་ལ་བརྟེན་པའི་བློ་སྦྱོང༌། ཤ་ཁྲག་ལ་བརྟེན་པའི་བློ་སྦྱོང༌། གཏོར་མ་ལ་བརྟེན་པའི་བློ་སྦྱོང༌། འབྱུང་བ་ལ་བརྟེན་པའི་བློ་སྦྱོང༌། ལུས་ཡིད་བཞིན་གྱི་ནོར་བུར་སྤྲུལ་ཏེ་བློ་སྦྱོང་བ། འཆི་བ་མན་ངག་བློ་སྦྱོང་བཅས་དམིགས་ཐུན་བརྒྱད་དུ་དྲིལ་ནས་སྟོན་པའོ། ། |
| བློ་སྦྱོང་དོན་བདུན་མ |
བཀའ་གདམས་པའི་ལུགས་ཀྱི་སྔོན་འགྲོ་རྟེན་གྱི་ཆོས་སེམས་པ་དང༌། དངོས་གཞི་བྱང་ཆུབ་ཀྱི་སེམས་སྦྱོང་བ་དང༌། རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ། ཚེ་གཅིག་གི་ཉམས་ལེན་དྲིལ་ནས་བསྟན་པ། བློ་འབྱོངས་པའི་ཚད། བློ་སྦྱོང་གི་དམ་ཚིག་བློ་སྦྱོང་གི་བསླབ་བྱ་བཅས་བདུན་ནོ། ། |
| བློ་སྦྱོང་ཞེན་པ་བཞི་བྲལ |
བློ་ཆོས་སུ་འགྲོ་བ་དང༌། ཆོས་ལམ་དུ་འགྲོ་བ། ལམ་གྱི་འཁྲུལ་བ་སེལ་བ། འཁྲུལ་བ་ཡེ་ཤེས་སུ་འཆར་བ་བཅས་བཞིའོ། ། |
| བློག |
བླགས་པའི་ད་ལྟ་བ་སྟེ། (དཔེར་ན།) གཏམ་སྙན་ལ་རྣ་བ་བློག་མཁན་ཞེས་པ་ལྟ་བུ། |
| བློགས |
བླགས་པའི་སྐུལ་ཚིག་སྟེ། (དཔེར་ན།) སློབ་ཁྲིད་ལ་རྣ་བ་བློགས་ཤིག་ལྟ་བུ། |
| བློང |
(རྒྱན་ཚིག) ཤེས་པ་མི་གསལ་བའི་བརྡ་རྙིང་། (དཔེར་ན།) བློ་བློང་བློང་བོར་གྱུར་ལྟ་བུ། |
| བློང་བ |
(བརྡ་རྙིང་།) 1>རིག་པ་མི་གསལ་བ། 2>ཡི་མུག་པ། |
| བློད |
བླད་པའི་སྐུལ་ཚིག |
| བློན |
1.གྲོས་ཀྱི་བརྡ་རྙིང་། (དཔེར་ན།) གྲོས་བྱེད་པ་ལ་བློན་འདེབས་ཞེས་པ་ལྟ་བུ། 2.བློན་པོ་ཡི་མིང་བསྡུས་པ། |
| བློན་ཁམས |
བློན་པོས་དབང་སྒྱུར་བའི་ཡུལ་ཁམས། |
| བློན་ཆེན |
སྲིད་འཛིན་གྱི་བློན་པོ་ཆེ་བ། |
| བློན་པོ |
རྒྱལ་པོའི་མདུན་གྲོས་ལ་དབང་ཞིང་བྱ་བ་བྱེད་མཁན་དང༌། མདུན་ན་འདོན། ཕྱི་བློན། ནང་བློན། བཀའ་བློན། སྲིད་བློན། མིང་གི་རྣམ་གྲངས་ལ་བཀའ་དབང་དང༌། ཁྲིམས་ཀྱི་ཁ་ལོ་བ། གྲོས་ཀྱི་སྣོད། གྲོས་པ། སྣ་ཆེན་པོ། ཕྱིང་སང༌། བློ་ལྡན། གཞུང་ལུགས་འཛིན་བཅས་སོ། ། |
| བློན་པོ་རིན་པོ་ཆེ |
རྒྱལ་སྲིད་སྣ་བདུན་གྱི་ཡ་གྱལ་ཞིག |
| བློན་པོ་རེ་རལ |
བྱང་ལུགས་བྲག་སྐྱ་ཧ་བོ་དང་ཟུར་ལུགས་བྲག་སྤོས། |
| བློན་པོ་རྒྱལ་གདོང |
རི་བོ་ཞིག གྲོ་མོ་རྫོང་གི་ནུབ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་7128 ཡོད། |
| བློན་པོའི་གཟའ |
ལོ་བདག་གི་གཟའ་བརྩི་ཚུལ་ལོ་རེ་བཞིན་གཟའ་བདུན་པོའི་གང་རུང་རེ་འཆར་བ་དེའོ། ། |
| བློན་པོའི་དོ་ཧ |
དོ་ཧ་གསུམ་གྱི་ཡ་གྱལ་ཞིག |
| བློན་པོའི་རྣམ་ཐར |
1.ལྷ་མོ་འཁྲབ་དུས་ལོ་རྒྱུས་ནང་གི་བློན་པོ་འཁྲབ་མཁན་གྱིས་གཏོང་བའི་གླུ་དབྱངས། 2.བློན་པོ་མགར་བའི་རྣམ་ཐར། |
| བློན་བཏབ་པ |
(བརྡ་རྙིང་།) 1>ཟུར་ནས་གྲོས་བཏབ་པ། 2>ཆོས་བསྟན་པ། |
| བློན་ཟུར |
བློན་པོ་ཟུར་པ། |
| བློན་རབས |
བློན་པོའི་མི་རབས། |
| བློན་སྟོང་བཙན |
བློན་པོ་མགར་སྟོང་བཙན་ཡུལ་སྲུང་གི་བསྡུས་མིང༌། |
| བློའི་གཞན་སེལ |
རྟོག་པའི་སྣང་ཡུལ་ཏེ། རང་འཛིན་རྟོག་པ་ལ་ཤར་བའི་རྣམ་པ་རང་མ་ཡིན་པ་ལས་ལོག་པར་སྣང་བ། དཔེར་ན། བུམ་འཛིན་རྟོག་པ་ལ་བུམ་པ་མ་ཡིན་པ་ལས་ལོག་པར་སྣང་བ་ལྟ་བུའོ། ། |
| བློའི་བྱེད་པ |
བློའི་ནུས་པ་སྟེ། རང་ཡུལ་ལ་འཇུག་པ་དང༌། རྟོགས་པའི་ནུས་པའོ། ། |
| བློར་བབ |
1.ཧ་གོ་བའི་དོན་ཏེ། (དཔེར་ན།) དོན་རྣམས་བློར་བབ་ཅེས་པ་ལྟ་བུ། 2.ཡིད་འཐད་པའི་དོན་ཏེ། (དཔེར་ན།) ཁོ་ཡིས་བཤད་པ་དེ་ངའི་བློར་བབ་བྱུང༌ལྟ་བུ། |
| བློས |
བློ་ཡིས་ཞེས་པའི་ཡིས་བསྡུས་པ། |
| བློས་བཏང |
ཕངས་མེད་དུ་འདོར་བར་བྱེད་པ། |
| བློས་བསླང |
1.ལྷ་ཁང་རིགས་ཤིག་གི་མིང་། 2.ཁང་བ་ཆེན་པོའི་དཔེ་དབྱིབས་ཀྱི་མིང་། |
| བློས་བསླངས |
བསྒོམ་བྱ་དཔེ་རིས་གྱེན་དུ་བསླངས་ཏེ་འབུར་དོད་དུ་བཟོས་པའི་དཀྱིལ་འཁོར། |
| བློས་བླངས |
བློ་ཡིས་བླངས་པ་སྟེ་ཁས་ལེན་བྱས་པའམ་དམ་བཅས་པ། (དཔེར་ན།) བློས་བླངས་འགྱུར་མེད་ཅེས་པ་ལྟ་བུ། |
| བློས་མ་འཁྱུད་པ |
བློས་མ་བཟོད་པའམ་བློས་མ་འཆུན་པའི་དོན་ཏེ། (དཔེར་ན།) ལས་དོན་ཆེ་བ་རང་གི་བློས་མ་འཁྱུད་པ་རྣམས་གོང་རིམ་ལ་དགོངས་སྐོར་ཞུ་དགོས་ལྟ་བུ། |
| བློས་མ་ལྕིགས་པ |
(བརྡ་རྙིང་།) 1>རིག་སྟོབས་ཀྱིས་རྟོགས་མ་ཐུབ་པ། 2>བློར་མ་ཤོང་བ། |
| བློས་འཆུན་པ |
(བརྡ་རྙིང་།) 1>བསམ་བློས་གི་རྟོགས་ཐུབ་པ། 2>ཁོག་ཏུ་ཤོང་བ། |
| བློས་སད་པ |
ཡིད་ཀྱིས་ཉམས་ཚོད་ལེན་པ་སྟེ། (དཔེར་ན།) ཁོའི་བསམ་བློའི་ལྟ་སྟངས་ཇི་འདུག་བློས་སད་པ་ལྟ་བུ། |
| བྷ་ག |
(ལེགས་སྦྱར།) བུད་མེད་ཀྱི་རྟགས། |
| བྷ་དྲ |
(ལེགས་སྦྱར།) ཧོར་ཟླ་བཞི་པ། |
| བྷ་ར་དྷྭ་ཛ་གསེར་ཅན |
གནས་བརྟན་བཅུ་དྲུག་ལས་ནུབ་བ་ལང་སྤྱོད་ཀྱི་གླིང་ན་བཞུགས་པའི་གནས་བརྟན་ཞིག |
| བྷ་ར་དྷྭ་ཛ་བསོད་སྙོམས་ལེན |
གནས་བརྟན་བཅུ་དྲུག་ལས་ཤར་ལུས་འཕགས་གླིང་ན་བཞུགས་པའི་གནས་བརྟན་ཞིག |
| བྷགྭཱན |
(ལེགས་སྦྱར།) བཅོམ་ལྡན་འདས་ཏེ། བདུད་བཞི་བཅོམ་ཞིང་ལེགས་པའི་ཡོན་ཏན་དྲུག་དང་ལྡན་པ། སྲིད་ཞི་གཉིས་ཀྱི་མཐའ་ལས་འདས་པའི་སངས་རྒྱས་སྤྱིའི་མཚན། |
| བྷན་རྩེ |
(རྒྱ་སྐད།) གཡུ་བྱུར་སོགས་ལས་བྱས་པའི་ཧོར་མོའི་དཔྲལ་ཁེབས་སམ་ཐོད་རྒྱན། |
| བྷུ་ཀཾ |
(ལེགས་སྦྱར།) འཕགས་པ་བྷུ་ཀཾ་ཞེས་པ་བལ་ཡུལ་གྱི་སྐུ་རྟེན་ཞིག |
| བྷོ་ཊ |
(ལེགས་སྦྱར།) བོད། |
| བྷྲ་མ་ར |
(ལེགས་སྦྱར།) བུང་བའི་མིང་ཡིན་ཏེ། སྐད་དོད་ལྟར་ན་འཁོར་སྒྲོག་གམ་འཁོར་འགྲོ་ཞེས་པའོ། ། |
| བྷྲིང་ཀ་ར |
(ལེགས་སྦྱར།) གསེར་གྱི་སྤྱི་བླུགས་ཀྱི་མིང༌། |
| བྷྲིངྒི་རི་དྷི |
(ལེགས་སྦྱར།) ལྷ་ཆེན་བརྒྱད་ཀྱི་ཡ་གྱལ་ཞིག |
| མ |
1.བོད་ཡིག་གསལ་བྱེད་བཅུ་དྲུག་པ། འདིའི་ང་རོ་འདོན་ཚུལ་ལ་སྐྱེ་གནས་མཆུ་སྣ་དང་བཅས་པ་དང༌། བྱེད་པ་མཆུ། ནང་གི་རྩོལ་བ་མཆུ་གཉིས་ཕྲད་པ། ཕྱིའི་རྩོལ་བ་སྲོག་ཆུང་སྒྲ་ལྡན། 2.མིང་གཞིའི་ཤིན་ཏུ་མོའི་ཡི་གེ་ཞིག 3.སྔོན་འཇུག་གི་ཤིན་ཏུ་མོའི་ཡི་གེ་ཞིག 4.རྗེས་འཇུག་གི་མོ་ཙམ་གྱི་ཡི་གེ་ཞིག 5.མིང་མཐའི་ཆ་ཤས་ཤིག (དཔེར་ན།) བྲིས་མ། པར་མ། ལག་བསྟར་མ། འོ་མ། ཉི་མ། བླ་མ། སློབ་མ། གྲུ་བཞི་མ། དར་མ། ཆུ་ཁོལ་མ་ཞེས་པ་ལྟ་བུ། 6.མོ་མཚོན་པའི་བདག་སྒྲ་ཞིག (དཔེར་ན།) བཙུན་མ། ཆུང་མ། མཁའ་འགྲོ་མ། གླུ་མ། ཟློས་གར་མ། 7.སྐྱེད་བྱེད་ཨ་མ། (དཔེར་ན།) ཕ་མ། ངའི་མ། ཁྱོད་ཀྱི་མ་ཞེས་པ་ལྟ་བུ། མིང་གི་རྣམ་གྲངས་ལ་སྐྱེ་བའི་ལམ་སྟེར་མ་དང༌། སྐྱེད་བྱེད་མ། འབྱུང་བྱེད། ཡུམ། རབ་སྐྲུན་བཅས་སོ། 8.(བསྣན་ཚིག) དགག་སྒྲ་ལ་འཇུག་ཚུལ་ནི། 1>བྱེད་འབྲེལ་ལས་ཚིག་ད་ལྟ་བའི་མགོར་སྦྱར་ན་ཕལ་ཆེ་བ་ནི་ལས་དོན་དེ་བྱེད་མི་ཆོག་པར་སྟོན་ཏེ། (དཔེར་ན།) ཆུ་འཁྱགས་མ་འཐུང་། ཤ་རྗེན་མ་བཟའ། ཆང་མ་ལྡུད། ཕར་ལ་མ་འགྲོ་སོགས་ལྟ་བུ། 2>བྱེད་འབྲེལ་ལས་ཚིག་འདས་པའི་མགོར་སྦྱར་ན་ཕལ་ཆེ་བ་ལས་ཀ་དེ་རང་གིས་མ་བྱས་པར་སྟོན་ཏེ། 9.(བྱེད་མེད་ལས་ཚིག) (དཔེར་ན།) གྲོས་བསྡུར་མ་བྱས། རི་མོ་མ་བྲིས། ཆང་མ་བླུད། ཆུད་ཟོས་སུ་མ་བཏང་སོགས་ལྟ་བུ།1>བྱེད་མེད་ལས་ཚིག་འདས་པའི་མགོར་སྦྱར་ན་ཕལ་ཆེ་བ་བྱ་བ་དེ་མ་བྱུང་བ་ཙམ་སྟོན་ཏེ། (དཔེར་ན།) ཕྱུགས་མ་ཤི། ན་ཚ་མ་བྱུང་། ཁ་མཆུ་མ་བྱུང་སོགས་ལྟ་བུ། 2>རྒྱན་ཚིག་ལ་ལའི་མགོར་སྦྱར་ན་རྣམ་པ་དེ་འདྲ་བྱེད་མི་རུང་བའི་དོན་ཏེ། (དཔེར་ན།) མགོ་འཕངས་མ་མཐོ། ང་རྒྱལ་མ་ཆེ། ངང་མ་རིང་སོགས་ལྟ་བུ། 3>མིང་ཁ་ཤས་ཀྱི་མཐར་སྦྱར་ན་དེ་དང་འབྲེལ་བ་ཡོད་པའི་མིའི་དོན་ཏེ། (དཔེར་ན།) ཇ་མ། ཆང་མ་ཞེས་པ་ལྟ་བུ། 4>གཞིའམ་འབྱུང་ཁུངས་ཀྱི་དོན་ལ་འཇུག་པ་ནི། (དཔེར་ན།) མ་དཔེ། མ་ཡིག མ་གཞི། མ་སྡོང་ཞེས་པ་ལྟ་བུ། 5>དམའ་ཕྱོགས་དང་དམའ་སའི་དོན་ལ་འཇུག་སྟེ། (དཔེར་ན།) མ་མཐའ། མ་མཆུ་ཞེས་པ་ལྟ་བུ། |
| མ་ཀ་ར |
(ལེགས་སྦྱར།) ཧོར་ཟླ་བདུན་པ། |
| མ་ཀི |
མ་གི་དང་འདྲ། |
| མ་ཀུ་ར |
(ལེགས་སྦྱར།) མེ་ལོང༌། |
| མ་ཀོ་ལེ |
ཁྲི་སྲོང་ལྡེ་བཙན་སྐབས་བོད་དུ་བྱོན་ཏེ་བོད་རིན་པོ་ཆེ་རྦ་རཏྣ་དང་བསྡེབས་ནས་ཤེར་ཕྱིན་འབུམ་ཐོག་མར་བོད་ཡིག་ཏུ་སྒྱུར་མཁན་རྒྱ་ཧྭ་ཤང་ཞིག |
| མ་ཀླས་པ |
(བརྡ་རྙིང་།) མ་གུས་པའམ་ཁྱད་གསོད། |
| མ་ཁ |
1.ཁའི་མ་མགལ། 2.རྒྱུ་ནོར་དངོས་པོའི་མ་རྩ་སྟེ། (དཔེར་ན།) མགོ་བདེ་དྲན་འཕྲུལ་གྱི་བསམ་སྦྱོར་ལམ་དུ་མ་ལྷོངས་པས་ཚོང་ལས་མ་ཁ་ཤི་བ། མི་དམངས་སྲིད་གཞུང་གིས་མི་དམངས་ཀྱི་འཚོ་ཚིས་མ་ཁ་གསོ་བ་ཞེས་པ་ལྟ་བུ། 3.ཧྲ་ཐེ་ཨ་རབ་ཀྱི་ནུབ་ཕྱོགས་ཀྱི་གྲོང་ཁྱེར་ཞིག་ཡིན། དེ་ནི་དབྱི་ཟི་ལན་ཆོས་ལུགས་ཀྱི་སྲོལ་བཏོད་མཁན་མ་ཧ་མད་འཁྲུངས་ས་ཡིན་པས། དབྱི་ཟི་ལན་ཆོས་ལུགས་ཀྱི་གནས་མཆོག་རེད། |
| མ་ཁའི་ཡུལ |
སྦྲང་རྩིའི་བློ་གྲོས་ཀྱིས་ཁ་ཆེའི་ཆོས་ལུགས་ཐོག་མར་འཛུགས་སའི་ཡུལ་དུ་བཤད། |
| མ་ཁོངས |
1.སྤྱིའམ་བྱིངས་ཀྱི་ཁོངས། 2.ཨ་མའི་ཁོངས་གཏོགས། |
| མ་ཁོམ་པ |
མི་དལ་བའི་དོན་ཏེ། (དཔེར་ན།) ལས་བྲེལ་གྱིས་མ་ཁོམ་པས་འགྲོ་ལོང་མ་བྱུང༌ལྟ་བུ། |
| མ་ག་གཙང་པོ |
རུ་ཐོག་རྫོང་ཁུལ་དུ་ཡོད་པའི་ཆུ་བོ་ཞིག་ཡིན་ཞིང་། ཆུ་འགོ་རུ་ཐོག་རྫོང་གི་ནུབ་རྒྱུད་ནས་བྱུང་ཞིང་བྱང་ངོས་སུ་རྒྱུགས་ཏེ་ངང་ལྷ་རིང་མཚོའི་ནང་དུ་འབབ། |
| མ་གཉིས་པ |
(མངོན་བརྗོད།) མ་མའམ་བུ་རྫི། |
| མ་གཉིས་མ |
(མངོན་བརྗོད།) ཚོགས་བདག |
| མ་གཏོགས |
མ་ཐེ་བའམ་ཕུད་པའི་དོན། (དཔེར་ན།) ང་རང་མ་གཏོགས་མེད། དེར་སོང་ན་མ་གཏོགས་ཐབས་ཤེས་གཞན་མེད། ཁོ་མ་གཏོགས་ཐམས་ཅད་ངལ་རྩོལ་བྱེད་དུ་སོང༌། དེ་མ་གཏོགས་ཅི་ཡང་མཐོང་མ་བྱུང༌ཞེས་པ་ལྟ་བུ། |
| མ་གདན |
1.རྩིག་པའི་རྨང་རྩིག་པའི་མ་གདན་ཏེ། (དཔེར་ན།) གྱང་གི་མ་གདན་ཞེས་པ་ལྟ་བུ། 2.དཔེ་ཆ་དང་རྩོམ་ཡིག་གི་མ་ཕྱིའམ་རྒྱུ་ཆའི་མིང་། (དཔེར་ན།) རྣམ་ཐར་གྱི་མ་གདན་ཞེས་པ་ལྟ་བུ། |
| མ་གནས |
དངོས་པོའི་མ་རྩའི་རིན་གོང༌སྟེ། (དཔེར་ན།) བཟོ་སྐྲུན་མ་གནས་ཞེས་པ་ལྟ་བུ། |
| མ་གཙང་གཙང་པོ |
གཉའ་ནང་རྫོང་གི་འབབ་ཆུ་ཞིག་གཉའ་ནང་ཕུ་ཆུའང་ཟེར། ལྷོ་ངོས་བལ་ཡུལ་དུ་འབབ། |
| མ་གཞན |
(མངོན་བརྗོད།) མ་མ། |
| མ་གཞི |
1.མ་རྐང་ངམ་རྩ་བ་སྟེ། (དཔེར་ན།) མ་གཞི་ནས་ཁོ་ལ་འགན་ཆེན་པོ་འཁྲིས་ཡོད་ཅེས་པ་ལྟ་བུ། 2.འོག་གཞིའི་གདན། |
| མ་གཡར |
མའི་ཚབ། |
| མ་གཡོག |
མ་ཆེན་གྱི་ལས་རོགས། |
| མ་གལ |
ཤིང་སྡོང་དབྱར་བའི་རིགས་ཤིག་དབྱར་བ་ལས་ལོ་མ་ཅུང་ཟད་ཆུང་བ་ཞིག་ཡིན། ཡུལ་སྐད་དུ་དབྱར་བའི་རིགས་རྒོད་སྐྱེས་ལ། དབྱར་བ་དང་ཡུལ་སྐྱེ་ལ། མ་གལ་ཟེར་སའང་ཡོད། |
| མ་གི |
གཤམ་ཕྱོགས་ཏེ། (དཔེར་ན།) མ་གིའི་གྲོང་ཁྱེར། མ་གིའི་གནས་ཚུལ་ལ་རྟོག་ཞིབ་བྱེད་ཅེས་པ་ལྟ་བུ། |
| མ་གུས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་གྱིས་བསྒོས་པའི་ཆོས་ལྡན་གྱི་བྱ་བ་ལ་ཤད་སྦྱང་མེད་པར་མ་གུས་པའི་ཚུལ་གྱིས་འདའ་བའོ། ། |
| མ་གུས་པས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་མི་འདོད་པའི་བྱ་བའི་དངོས་པོ་ཞིག་འགོག་བྱེད་རང་གི་མངོན་འདོད་གང་ཡོད་ཀྱི་བསམ་འཆར་བསྟན་པའི་སྒོ་ནས་མ་གུས་པའི་ཚིག་སྦྱར་ཏེ་འགོག་པའི་རྒྱན་ཞིག |
| མ་གེ་མོག་གེ |
(རྒྱན་ཚིག) མག་མོག་དང་འདྲ། |
| མ་གྲུབ་པ |
མེད་པའམ་མ་བྱུང་བའི་དོན་ཏེ། (དཔེར་ན།) རང་བཞིན་གྱིས་མ་གྲུབ་པ་ཞེས་པ་ལྟ་བུ། |
| མ་གྲུབ་པའི་གཏན་ཚིགས |
གཏན་ཚིགས་ལྟར་སྣང་གསུམ་གྱི་ཡ་གྱལ། ཕྱོགས་ཆོས་མ་གྲུབ་པ་ཤེས་འདོད་ཆོས་ཅན་ལ་རྟགས་འགོད་པ་ལྟར་མ་གྲུབ་པའམ་མེད་པའོ། དཔེར་ན་སྒྲ་ཆོས་ཅན། མི་རྟག་སྟེ་མིག་ཤེས་ཀྱིས་གཟུང་བྱ་ཡིན་པའི་ཕྱིར། ཞེས་པ་ལྟ་བུའོ། ། |
| མ་གྲུབ་པའི་གཏན་ཚིགས་གསུམ |
གཏན་ཚིགས་ལྟར་སྣང་ལས་མ་གྲུབ་པའི་གཏན་ཚིགས་ལ་དབྱེ་ན། དོན་ལ་མ་གྲུབ་པ་དང༌། བློ་ངོར་མ་གྲུབ་པ་དང༌། རྒོལ་བ་ལ་ལྟོས་ཏེ་མ་གྲུབ་པ་སྟེ་གསུམ་མོ། ། |
| མ་གྲུབ་པའི་རྟགས |
མ་གྲུབ་པའི་གཏན་ཚིགས་སོ། ། |
| མ་གྷི་ཏ |
(ལེགས་སྦྱར།) གླ་རྩི་གྷིཧཾ་སོགས་ཀྱི་མིང༌། |
| མ་ངེས་པ |
1.གཅིག་ཏུ་ངེས་གཟུང་མེད་པ་སྟེ། (དཔེར་ན།) འཆི་བར་ངེས་ཀྱང་ནམ་འཆི་མ་ངེས་པ་ལྟ་བུ། 2.མ་གོ་བའམ་མ་རྟོགས་པའི་དོན་ཏེ། (དཔེར་ན།) སྣང་ལ་མ་ངེས་པ་ཞེས་པ་ལྟ་བུ། |
| མ་ངེས་པ་གཉིས |
དགེ་སློང་ཞིག་ཁྲིམས་གྲོགས་མེད་པར་དབེན་པར་སྒྲིབ་བྱེད་ཀྱི་སྐྱབས་ཡོད་པའི་གནས་སུ་བུད་མེད་དང་ལྷན་ཅིག་ཏུ་འདུག་པའི་ཚེ་གནས་དེར་མི་ཚངས་སྤྱོད་བྱར་རུང་མི་རུང་གི་ཁྱད་པར་ལས་དགེ་སློང་དེ་ལ་ཕམ་ལྷག་ལྟུང་བྱེད་གསུམ་གང་བྱུང་མ་ངེས་པའམ་དངོས་པོ་མཐའ་གང་དུ་འགྱུར་མ་ངེས་པའོ། ། |
| མ་ངེས་པའི་གཏན་ཚིགས |
གཏན་ཚིགས་ལྟར་སྣང་གསུམ་གྱི་ནང་གསེས། ཕྱོགས་ཆོས་གྲུབ་ཀྱང་ཁྱབ་པ་ལ་ཐེ་ཚོམ་བསྐྱེད་པའམ་ཁྱབ་པའི་ཚུལ་རྣལ་མ་དང་ཕྱིན་ཅི་ལོག་གང་རུང་དུ་མ་ངེས་པའི་རྟགས། དཔེར་ན། སྒྲ་ཆོས་ཅན། མི་རྟག་སྟེ་གཞལ་བྱ་ཡིན་པའི་ཕྱིར། ཞེས་པ་ལྟ་བུ་གཞལ་བྱ་ནི་རྟག་མི་རྟག་གཉིས་ཀར་ཐུན་མོང་དུ་འཇུག་པས་གཅིག་ཏུ་མ་ངེས་པའོ། ། |
| མ་ངེས་པའི་གཏན་ཚིགས་གཉིས |
གཏན་ཚིགས་ལྟར་སྣང་ལས་མ་ངེས་པའི་གཏན་ཚིགས་ལ་དབྱེ་ན། ཐུན་མོང་བའི་མ་ངེས་པ་དང༌། ཐུན་མོང་མིན་པའི་མ་ངེས་པའོ། ། |
| མ་ངེས་པའི་རྟགས |
མ་ངེས་པའི་གཏན་ཚིགས་དང་དོན་གཅིག |
| མ་ཅིག་ལབ་སྒྲོན |
འདིའི་འཁྲུངས་འདས་ཀྱི་ལོ་གང་ཡིན་ལ་ཤོད་ཚུལ་མི་འདྲ་བ་ཁ་ཤས་ཡོད་ཀྱང་མང་ཆེ་བའི་ལུགས་ལ་རབ་བྱུང་དང་པོའི་ལྕགས་ལུག་ལ་འཁྲུངས། ཕ་དམ་པ་སངས་རྒྱས་བླ་མར་བསྟེན་ཏེ་ཞི་བྱེད་གཅོད་ཀྱི་གདམས་པའི་བདག་པོར་གྱུར། རབ་བྱུང་གཉིས་པའི་ས་བྱ་ལ་གཤེགས། |
| མ་ཆགས་པ |
དགེ་བའི་སེམས་བྱུང་བཅུ་གཅིག་གི་ནང་གསེས། ཉེར་ལེན་གྱི་ཕུང་པོ་དང་ཡོ་བྱད་སོགས་ལ་མ་ཆགས་པ་སྟེ་ཆགས་པས་ཀུན་ནས་བསླངས་པའི་ཉེས་སྤྱོད་ལ་མི་འཇུག་པར་བྱེད་པའོ། ། |
| མ་ཆེན |
ཟས་གཡོས་སྦྱོར་བྱེད་མཁན། |
| མ་ཆེན |
ཁ་ཟས་གཡོས་སྦྱོར་བྱེད་མཁན་ཏེ། (དཔེར་ན།) ཕལ་སྐད་ལ་ཇ་མ་ཟེར་བ་ལྟ་བུ། |
| མ་ཉེས་ཁ་ཡོག |
མ་ཉེས་ཁག་གཡོགས་དང་འདྲ། |
| མ་ཉེས་ཁག་གཡོགས |
བྱས་ཉེས་མེད་བཞིན་དུ་ཡོད་ཚུལ་གྱི་ཁ་འཕང་འགེལ་བ་སྟེ། (དཔེར་ན།) བཙན་རྒོལ་དམག་འཁྲུག་བྱེད་པར་དམག་འཁྲུག་དགའ་བ་ཡིན་ཞེས་པ་དེ་ནི་མ་ཉེས་ཁག་གཡོགས་བྱེད་པ་ཞིག་རང་རེད། རང་སེམས་དཀར་པོར་ལྷད་སྐྱོན་མེད་ན་གནས་སྐབས་མ་ཉེས་ཁག་གཡོགས་བྱུང་ཡང་གནོང་དགོས་མེད་ཅེས་པ་ལྟ་བུ། |
| མ་ཉེས་པ |
1.ཉེས་པ་མེད་པའམ་སྐྱོན་མ་བྱུང་བ། 2.(བརྡ་རྙིང་།) གྲོས་མཐུན་པ། |
| མ་ཎི |
(ལེགས་སྦྱར།) 1>ནོར་བུ། 2>ཨོཾ་མ་ཎྀ་པད་མེ་ཧཱུཾ། ཞེས་པའི་ཡི་གེ་དྲུག |
| མ་ཎི་ཀ |
(ལེགས་སྦྱར།) ནོར་བུའི་རྒྱན་ཆ། |
| མ་ཎི་ཆུ་འཁོར |
ཆུས་སྐོར་བའི་མ་ཎྀ་འཁོར་ལོ། |
| མ་ཎི་ཐང་རྡོག |
(ཡུལ་སྐད།) ཁ་གདན་གྱི་རི་མོ་ཞིག་གི་མིང༌། |
| མ་ཎི་དུང |
མ་ཎི་འདོན་ཐེངས་དུང་ཕྱུར་གཅིག་དཔང་པོར་བཙུགས་པ་སྟེ་བོད་ཀྱི་ཡུལ་སྲོལ་ནང་གི་མནའ་ཚིག་ཅིག |
| མ་ཎི་དུང་འཁོར |
མ་ཎི་གྲངས་དུང་ཕྱུར་གཅིག་ཡོད་པའི་འཁོར་ཆེན། |
| མ་ཎི་བཀའ་འབུམ |
ཆོས་རྒྱལ་སྲོང་བཙན་སྒམ་པོས་བརྩམས་པའི་ཐུགས་རྗེ་ཆེན་པོའི་སྒྲུབ་སྐོར་དང༌། བོད་ཀྱི་ལོ་རྒྱུས་དང་བཀའ་ཆེམས་སོགས་པོད་གཉིས་ཡོད་དོ། ། |
| མ་ཎི་མ |
1.སིལ་སྙན་གྱི་བྱེ་བྲག་ཅིག 2.མ་ཎིའི་རི་མོ་ཡོད་པའི་གོས་ཆེན་ཞིག 3.མ་ཎི་དབྱངས་སུ་འཐེན་མཁན་གྱི་བུད་མེད། |
| མ་ཎི་འཁོར་ལོ |
མ་ཎྀ་ཡིག་དྲུག་མང་པོ་དྲིལ་བའི་འཁོར་ལོ། |
| མ་ཎི་འདྲེན་འདྲེན |
1.ཐགས་ཐོགས་མེད་པའི་དོན་ཏེ། (དཔེར་ན།) ཁ་བདེ་པོའི་མི་དེས་སྐད་ཆ་བཤད་ན་ཆུ་རྒྱུག་རྒྱུག་མ་ཎི་འདྲེན་འདྲེན་རེད་ཅེས་པ་ལྟ་བུ། 2.སྐད་ཆ་བསྐྱར་སྐོར་ཡང་སྐོར་ཁོ་ན་བཤད་པའི་དོན་ཏེ། (དཔེར་ན།) མི་དེ་སྒེར་དོན་ཁོ་ན་མ་ཎི་འདྲེན་འདྲེན་བྱེད་མཁན་ཞིག་རེད་ཅེས་པ་ལྟ་བུ། |
| མ་ཎི་རྡོ་ཕུང |
ཡིག་དྲུག་རྡོ་ལ་བརྐོས་ཏེ་སྤུངས་པའི་ཕུང་པོ། |
| མ་ཎི་རླུང་འཁོར |
རླུང་གིས་སྐོར་བའི་མ་ཎི་འཁོར་ལོ། |
| མ་ཎི་ལག་སྐོར |
མ་ཎི་སོགས་ཀྱི་ཡིག་དྲིལ་བཅུག་སྟེ་ལག་ཏུ་བསྐོར་རྒྱུ་ཞིག |
| མ་ཏད་ཀ |
(ལེགས་སྦྱར།) གདོལ་པའི་རིགས་རི་ཁྲོད་པ། |
| མ་ཏུ་ལུང་ག |
(ལེགས་སྦྱར།) འཇུ་སའི་ལུང༌། |
| མ་ཐག |
(བསྣན་ཚིག) ཚབ་ཚིག་དེ་དང་ལས་ཚིག་འདས་པའི་མཐར་སྦྱར་ན་དུས་ཡུན་ཤིན་ཏུ་ཐུང་བའི་དོན་ཏེ། (དཔེར་ན།) ཉི་མ་ཤར་མ་ཐག་ལམ་ལ་ཆས། དུས་ཚོད་བརྒྱད་པར་བསླེབས་མ་ཐག་སློབ་སྦྱོང་བྱས། གོང་གི་མཛུབ་སྟོན་དེ་མ་ཐག་སློབ་སྦྱོང་བྱས་ལྟ་བུ། |
| མ་ཐན་པ |
(བརྡ་རྙིང་།) མ་ཞུམ་པ། |
| མ་ཐེབས |
མ་རྩར་བཞག་པའི་དངུལ་སོགས། |
| མ་ཐེམ |
སྒོའི་མ་ཐེམ། |
| མ་ཐོགས་པ |
1.ཡུན་མ་འགོར་བའི་དོན་ཏེ། (དཔེར་ན།) ལས་རྒྱུན་རིང་པོ་མ་ཐོགས་པ་ལྟ་བུ། 2.མ་འཁར་བའམ་མ་འཁོན་པའི་དོན་ཏེ། (དཔེར་ན།) རླངས་འཁོར་གཞུང་ལམ་དུ་མ་ཐོགས་པར་འགྲོ་བ་ལྟ་བུ། |
| མ་ཐོགས་རིང་མོ |
བར་གྱི་ཁུག་པ་བཅོ་བརྒྱད་རྗེས་ཚེ་ལོ་བཅུ་པ་ཐ་མ་ནས་བརྩིས་པའི་ཡར་ཚེ་ལོ་དཔག་མེད་བར་གྱི་དུས། |
| མ་དག་གཞན་དབང |
གཞན་དབང་གི་ནང་གསེས། བག་ཆགས་ཀྱི་དབང་གིས་ཁམས་གསུམ་པའི་སེམས་དང་སེམས་བྱུང་གཉིས་མེད་གཉིས་སུ་སྣང་བ་སྟེ་མ་དག་འཁོར་བས་བསྡུས་པའི་སྣོད་བཅུད་རྣམས་སོ། ། |
| མ་དག་པའི་སྒྱུ་ལུས |
རྫོགས་རིམ་རིམ་དྲུག་གི་ནང་གསེས་ཤིག་ཁམས་གསུམ་སྣོད་བཅུད་ཀྱིས་བསྡུས་པའི་ཕྱི་ནང་གི་དངོས་པོ་འདི་ཐམས་ཅད་སྣང་ལ་རང་བཞིན་མེད་པ་སྒྱུ་མ་དང་རྨི་ལམ་སོགས་ཀྱི་དཔེས་གཏན་ལ་འབེབས་ཤིང་བསྒོམ་པར་བྱ་བའོ། ། |
| མ་དག་ཡུས་ཆེ |
མ་བྱས་བྱས་ཚུལ་གྱི་བདེན་ཡུས་བཤད་པ་སྟེ། (དཔེར་ན།) གཞན་གྱི་ངལ་རྩོལ་གྲུབ་འབྲས་རང་གིས་བཙན་བཟུང་བྱས་ནས་མ་དག་ཡུས་ཆེ་ཤོད་པ་ནི་ངོ་ཚ་བའི་གནས་རེད་ཅེས་པ་ལྟ་བུ། |
| མ་དག་རྒྱུན་འབྱམས |
སྲོལ་རྒྱུན་ངན་པ་མུ་མཐུད་ནས་ལུས་པའི་དོན་ཏེ། (དཔེར་ན།) ཡི་གེ་འབྲི་སྲོལ་མ་དག་རྒྱུན་འབྱམས་སུ་ཕྱིན་པ་ལྟ་བུ། |
| མ་དག་ས་བདུན |
བྱང་ཆུབ་སེམས་དཔའི་ས་དང་པོ་རབ་ཏུ་དགའ་བ་ནས་ས་བདུན་པ་རིང་དུ་སོང་བའི་བར་གྱི་ས་བདུན་པོ་དེར་གནས་ཀྱི་བྱང་ཆུབ་སེམས་དཔའ་ལ་ང་རྒྱལ་ཕྲ་བ་མ་དག་པར་ཡོད་པས་མ་དག་ས་བདུན་ཞེས་བྱའོ། ། |
| མ་དགའ་ཞེ་འཛིན |
མ་མགུ་བའི་བསམ་པ་སྙིང་ལ་འཛིན་པ་སྟེ། (དཔེར་ན།) བློ་མཐུན་པས་རང་ལ་སྐྱོན་བརྗོད་བྱས་པར་མ་དགའ་ཞེ་འཛིན་གྱིས་ངན་ལན་སློག་རྩིས་བྱས་མི་ཆོག་ཅེས་པ་ལྟ་བུ། |
| མ་དགོན |
དགོན་ལག་ཆུང་ངུ་འདུ་སའི་དགོན་པ་ཆེ་བ། |
| མ་དངུལ |
འཕེལ་སྐྱེད་ཡོང་སའི་རྩ་བའི་དངུལ་ཏེ། (དཔེར་ན།) འཛུགས་སྐྲུན་གྱི་ཆེད་དུ་མ་དངུལ་གསོག་འཇོག་བྱེད་ཅེས་པ་ལྟ་བུ། |
| མ་དད་པ |
ཉེ་ཉོན་ཉི་ཤུའི་ནང་གསེས། ཡང་དག་པའི་གནས་དང་དགེ་ཆོས་ལ་མི་མོས་པ་གཏི་མུག་གི་ཆར་གཏོགས་པའི་ལེ་ལོའི་རྟེན་བྱེད་པའོ། ། |
| མ་དཔེ |
དཔེ་བྱ་སའི་མ་ཕྱི་སྟེ། (དཔེར་ན།) མ་དཔེ་ལྟར་འབྲི་དགོས་ལྟ་བུ། |
| མ་དམིགས་པའི་འགལ་བའི་གཏན་ཚིགས |
འགལ་བའི་གཏན་ཚིགས་གསུམ་གྱི་ཡ་གྱལ། རྟགས་དང་དགག་ཆོས་གཉིས་ཕྱིན་ཅི་ལོག་པ། དཔེར་ན། བུམ་པས་དག་པའི་ས་ཕྱོགས་ཆོས་ཅན་སྣང་རུང་གི་བུམ་པ་ཡོད་དེ། སྣང་རུང་གི་བུམ་པ་ཚད་མས་མ་དམིགས་པའི་ཕྱིར། ཞེས་པ་ལྟ་བུའོ། ། |
| མ་དམིགས་པའི་རྟགས |
རྟགས་ཡང་དག་གི་ནང་གསེས། དགག་བྱ་འགོག་པ་ལ་ཚུལ་གསུམ་ཚང་བ་དཔེར་ན། མདུན་གྱི་གཞི་འདིར་ཆོས་ཅན། ཤ་ཟ་བསྐལ་དོན་དུ་སོང་བའི་གང་ཟག་གི་རྒྱུད་ལ་ཤ་ཟ་ངེས་པའི་དཔྱད་ཤེས་དོན་མཐུན་མེད་དེ། གང་ཟག་དེའི་རྒྱུད་ལ་ཤ་ཟ་དམིགས་བྱེད་ཀྱི་ཚད་མ་མེད་པའི་ཕྱིར། ཞེས་པ་ལྟ་བུ་འགོག་བྱེད་མི་སྣང་མ་དམིགས་པའི་རྟགས་ཀྱིས་དགག་བྱ་ཤ་ཟ་ཡོད་མེད་ཀྱི་ངེས་ཤེས་དོན་མཐུན་འཇུག་པ་བཀག་པའོ། ། |
| མ་དམིགས་པའི་རྟགས་གཉིས |
མ་དམིགས་པའི་རྟགས་ཡང་དག་ལ་ངོ་བོའི་སྒོ་ནས་དབྱེ་ན་རྣམ་པ་གཉིས་ཏེ། མི་སྣང་མ་དམིགས་པའི་རྟགས་དང༌། སྣང་རུང་མ་དམིགས་པའི་རྟགས་སོ། ། |
| མ་དུ་ལུང་ག |
(ལེགས་སྦྱར།) སྐྱུར་རྩི་ཆེན་པོ། |
| མ་དེབ |
1.གཏན་ཉར་བྱ་རྒྱུའི་དེབ་ངོ་མ། 2.ཚོང་གི་མ་དངུལ་བཀོད་དེབ། 3.སྔ་དུས་དགའ་ལྡན་ཕོ་བྲང་སྲིད་གཞུང་ནས་ས་ཞིང་སོགས་ཀྱི་ཁྲལ་འབབ་སྡུད་དེབ་ཨ་མ།4.(ཡུལ་སྐད།) ཕོར་པ་སོགས་དཀྲུག་བྱེད་ཀྱི་འཁོར་ལོའི་འོག་གདན་གྱི་ཤིང༌། |
| མ་དྲངས |
མ་དུལ་བའམ། མི་བསྲུན་པའི་དོན་ཏེ། (དཔེར་ན།) ཀུན་སྤྱོད་རྩིང་པོ་མ་དྲངས་པ་རྣམས་མི་སོ་སོ་རང་གིས་ལེགས་བཅོས་གཏོང་དགོས་ལྟ་བུ། |
| མ་དྲངས་དྲོལ་བ |
(བརྡ་རྙིང་།) རྩེད་མོས་གཡེངས་ཤིང་བག་མེད་དང་རྒོད་བག་ཅན། |
| མ་དྲུག་གཞོན་ནུ |
(མངོན་བརྗོད།) གདོང་དྲུག |
| མ་དྲུག་པ |
དབང་ཕྱུག་གི་བུ་ཆུང་བ་གདོང་དྲུག་གི་མིང༌། མ་དྲུག་ནི་ཨུ་མཿ དང༌། མེ་ལྷ། གངྒཱ། འདམ་བུའི་ཚལ། སྨིན་དྲུག་ས་ག་སྟེ་དྲུག་ལ་ཟེར། |
| མ་དྲོས་གནས |
(མངོན་བརྗོད།) ངང་པ་སྤྱི། |
| མ་དྲོས་མཚོ |
མཚོ་མ་ཕམ་གྱི་མིང་གཞན། |
| མ་ན་ཧོ |
(རྒྱ་སྐད།) རྟ་ཀླད་དེ། རིན་པོ་ཆེའི་རིགས་ཤིག་ནུས་པས་གཟའ་ནད་དང་དུག་ནད་ལ་ཕན། |
| མ་ནས |
གཞི་ནས་སམ་རྩ་བ་ནས་ཞེས་པའི་དོན་ཏེ། (དཔེར་ན།) ད་རེས་ཙམ་མིན་པར་མ་ནས་མི་འདི་ཡག་པོ་མེད་ཅེས་པ་ལྟ་བུ། |
| མ་ནིང |
ཕོ་མིན་མོ་མིན། མིང་གི་རྣམ་གྲངས་ལ་མཐའ་གཉིས་སྤངས་དང༌། མཚན་གཉིས། མཚན་མེད། གསུམ་པའི་རང་བཞིན་བཅས་སོ། ། |
| མ་ནིང |
འདོམས་ཀྱི་དབང་བོ་ལ་ལྷན་སྐྱེས་ཀྱི་སྐྱོན་ཡོད་པ་དེ་ལ་ཟ་མ་མ་ནིང་། འགྱུར་བ་མ་ནིང་། མཚན་གཉིས་མ་ནིང་། མཚན་མེད་མ་ནིང་སོགས་ཡོད་པར་བཤད། |
| མ་ནིང་ཀོ་ཋ |
དྲེས་མ་རིགས་གསུམ་གྱི་ནང་ཚན་རི་ཐང་མཚམས་སུ་སྐྱེ་བ་ཞིག་རོ་མངར་ལ་ཚ། ཞུ་རྗེས་སྙོམས། ནུས་པས་ཤ་དུག་སོགས་དུག་ནད་འཇོམས། སྨུག་དུག་ཐབས་དང༌། མཁྲིས་ནད་མིག་སེར། གླང་ཐབས་སོགས་ལ་ཕན། |
| མ་ནིང་གི་ཡི་གེ |
བོད་ཡིག་གསལ་བྱེད་སུམ་ཅུའི་ནང་གི་ཁ་ཆ་ཐ་ཕ་ཚ་སོགས་ཡིན་ཞིང་། དེ་རྣམས་ནི་སྒྲ་འབྱིན་སྐབས་སྐད་འབྱིན་པའི་དབང་བོའི་རྩོལ་བ་དྲག་ཞན་བར་མ་ཙམ་ཡིན་པའི་དོན་ནོ། ། |
| མ་ནིང་ཆུ་སྐྱུགས |
སྔོ་སྨན་ཞིག་སྟེ་ཚད་པ་སེལ་བར་ཕན། |
| མ་ནིང་ཡི་གེ |
1.ངག་ཐོག་ནས་རྗོད་སྐབས་སྒྲ་གདངས་སོ་སོའི་སྐྱེ་གནས་ཀྱི་རྩོལ་ཤུགས་ཆེ་ཆུང་རན་པའམ། གྲིམས་ལྷོད་འཚམས་པོ་ཡིན་པའི་ཡི་གེ་རྣམས། 2.མིང་གཞིའི་མ་ནིང་ཡི་གེ་སྟེ། ཁ་ཆ་ཐ་ཕ་ཚ་ལྔ། 3.སྔོན་འཇུག་གི་མ་ནིང་ཡི་གེ་སྟེ། ག་ད་གཉིས། 4.རྗེས་འཇུག་གི་མ་ནིང་ཡི་གེ་སྟེ། ན་ར་ལ་གཉིས། |
| མ་ནིང་རྩ |
བྱང་ཆུབ་སེམས་རྩའི་མིང་གི་རྣམ་གྲངས་ཤིག |
| མ་ནིང་ལྕམ་པ |
ལྕམ་པ་རིགས་ཤིག་རོ་མངར་ལ་བསྐ། ཞུ་རྗེས་དྲོད། ནུས་པས་ཆུ་བསགས་པ་དང༌། སྐོམ་དད་བྱེད་པ་ལ་ཕན། |
| མ་ནུ |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ལ། རྩ་བ་དྲི་ཞིམ་ཅན་སྨན་བྱེད་ཆོག རྒྱ་སྐད་དུ་ཆིན་མུ་ཞང་དང་ཐུ་མུ་ཞང་ཟེར་བའི་རྩྭ་རིགས་གཉིས་ཀར་བོད་སྨན་དུ་མ་སུ་ཟེར། |
| མ་ནུ་ཁྲག་ཅན |
བསེ་ཤིང་དཀར་པོའི་འབྲས་བུ་ནུས་པས་སྲིན་ནད་གསོད། ཕོ་རིམས་སེལ། |
| མ་ནུ་པ་ཏྲ |
(ལེགས་སྦྱར།) ཡིད་འོང་འདབ་མ་ཅན་ཏེ་ཐང་སྨན་གྱི་རིགས་ཤིག་རོ་མངར་ཞིང་ཁ་ལ་ཚ་བ། ཞུ་རྗེས་སྙོམས། ནུས་པས་ཁྲག་རླུང་གི་ནད་དང༌། བད་ཀན་སྨུག་པོ། ལྷོག་པ། བད་མཁྲིས་བཅས་ལ་ཕན། |
| མ་ནུ་བསེ་ཤིང |
ཤིང་སྨན་བསེ་ཤིང་དཀར་པོ། |
| མ་ནུ་སྤོས་དཀར |
སྤོས་དཀར་ཤིང་གི་མིང་གི་རྣམ་གྲངས་ཤིག |
| མ་ནུའི་བུ |
(མངོན་བརྗོད།) མི། |
| མ་ནེ |
ཨོལ་སྐོ་སྟེ་མ་ལེ། |
| མ་ནེ |
མིའི་ཁའི་མ་མཆུའི་འོག་གི་རུས་པ་འབུར་བོའི་མིང་། |
| མ་ནོ་ཧ |
(ལེགས་སྦྱར།) ཚོན་ལྡོང་རོས། |
| མ་པད |
ལྷའི་བཞུགས་ཁྲིའི་པད་གདན། |
| མ་ཕམ |
1.མཚོ་མ་ཕམ་གྱི་མིང་། བོད་མངའ་རིས་གངས་ཏེ་སེའི་འདབས་ཀྱི་མཚོ་སྐད་གྲགས་ཅན་ཞིག་ཡིན་ནོ། ། 2.རྒྱལ་ཁ་ཐོབ་པའི་དོན་ཏེ། (དཔེར་ན།) ཕམ་པ་ལ་དགག་སྒྲ་མ་སྦྱར་བ་གཡུལ་མ་ཕམ་ལྟ་བུ། |
| མ་ཕམ་གཡུ་མཚོ |
མཚོ་ཞིག སྤུ་ཧྲེང་རྫོང་གི་དབུས་རྒྱུད་ན་ཡོད་ཅིང༌། མཐོ་ཚད་རྒྱ་མཚོའི་ངོས་ནས་སྨི་4588 ཡོད། |
| མ་ཕམ་པ |
1.གཞན་ལས་མ་ཕམ་པ། 2.(མངོན་བརྗོད།) རྒྱལ་བ་བྱམས་མགོན། |
| མ་ཕམ་མཚོ |
མ་ཕམ་གཡུ་མཚོའི་བསྡུས་མིང༌། |
| མ་ཕེར |
(བརྡ་རྙིང་།) མ་ནུས་པ། |
| མ་ཕྱི |
1.ཡིག་རིགས་སོགས་ཀྱི་རྩ་བའམ་ཕྱི་མོ་སྟེ། (དཔེར་ན།) དཔེ་ཆ་བཤུས་ཏེ་མ་ཕྱི་ཕྱིར་བསློགས་པ་ལྟ་བུ། 2.མའི་མ། |
| མ་ཕྱི་མ |
ཨ་མ་གཉིས་པའམ་མ་གཡར། |
| མ་ཕྱོགས |
1.ཨ་མའི་ཕྱོགས་ཀྱི་གཉེན། 2.འོག་ཕྱོགས། |
| མ་བགྲོས་རང་མཐུན |
སྔོན་ནས་གྲོས་སྡུར་གང་ཡང་མ་བྱས་པར་བསམ་པ་གཅིག་མཐུན་བྱུང་བ་སྟེ། (དཔེར་ན།) མི་ཚང་མས་བློ་དང་ཐབས་ཤེས་འདོན་པའི་བསམ་པ་དེ་མ་བགྲོས་རང་མཐུན་ཡིན་ཞེས་པ་ལྟ་བུ། |
| མ་བཅོས་པ |
མ་བཟོས་པའམ་རང་གྲུབ། |
| མ་བཏབ་བྲ་བོ |
སྔོ་ཞིག སྨན་དུ་སྤྱད་ན་མགོ་ཡུ་འཁོར་བར་ཕན། |
| མ་བརྟགས་མ་དཔྱད |
རགས་ཞིབ་ཀྱི་གནས་ཚུལ་ལ་ལྟ་རྟོག་དོ་སྣང་མ་བྱས་པ་སྟེ། (དཔེར་ན།) གནས་ཚུལ་ཇི་ཡིན་མ་བརྟགས་མ་དཔྱད་པར་ཧོལ་རྒྱུགས་ཀྱིས་བྱ་ཐབས་གཏན་འབེབས་བྱེད་མི་རུང༌ཞེས་པ་ལྟ་བུ། |
| མ་བསྐུལ་དང་ལེན |
གཞན་གྱིས་མ་བསྐུལ་བར་རང་གིས་མོས་ནས་བྱེད་པ་སྟེ། (དཔེར་ན།) རང་ཉིད་བཅིངས་འགྲོལ་ཐོབ་ཐབས་བྱེད་མཁན་མི་དམངས་ཚོར་མ་བསྐུལ་དང་ལེན་གྱིས་རོགས་རམ་བྱེད་ཅེས་པ་ལྟ་བུ། |
| མ་བསྐུལ་རང་མོས |
གཞན་གྱི་བསྐུལ་ལྕག་ལ་མི་ལྟོས་པར་རང་བཞིན་གྱིས་མོས་པའི་དོན་ཏེ། (དཔེར་ན།) སྤྱི་ཕན་གྱི་བྱ་བ་མ་བསྐུལ་རང་མོས་ཀྱིས་བྱེད་པ་ཞེས་པ་ལྟ་བུ། |
| མ་བསྐོས་པའི་སྡེ་ཚན་བཅུ |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་གསུམ་པ་མ་བསྐོས་པའི་སྡེ་ཚན་ལ། དགེ་སློང་མ་ལ་ཆོས་སྟོན་པའི་ལྟུང་བྱེད་དང༌། ཉི་མ་ནུབ་ནས་ཆོས་སྟོན་པའི་ལྟུང་བྱེད་དང༌། ཟས་ཕྱིར་ཆོས་སྟོན་ཟེར་བའི་ལྟུང་བྱེད་དང༌། གོས་བྱིན་པའི་ལྟུང་བྱེད་དང༌། གོས་བྱེད་པའི་ལྟུང་བྱེད་དང༌། ལམ་དུ་འགྲོ་བའི་ལྟུང་བྱེད་དང༌། གྲུར་འཇུག་པའི་ལྟུང་བྱེད་དང༌། འདུག་པའི་ལྟུང་བྱེད་དང༌། འགྲེང་བའི་ལྟུང་བྱེད་དང༌། ཟས་སྦྱོར་དུ་འཇུག་པའི་ལྟུང་བྱེད་དེ་བཅུའོ། ། |
| མ་བསྒྲིགས་རང་འགྲིགས |
འབད་རྩོལ་མེད་པར་རང་བཞིན་གྱིས་འགྲིགས་པའི་དོན་ཏེ། (དཔེར་ན།) དུས་སྐབས་མ་བསྒྲིགས་རང་འགྲིགས། སྒོ་པང་མ་བསྒྲིགས་རང་འགྲིགས་ཞེས་པ་ལྟ་བུ། |
| མ་བསྒྲིགས་ལྷུན་གྲུབ |
འབད་རྩོལ་མ་བྱས་པར་རང་ཤུགས་ཀྱིས་གྲུབ་པ་སྟེ། (དཔེར་ན།) ངལ་རྩོལ་ལ་མ་ལྟོས་པར་བྱས་འབྲས་ཀྱི་རྟེན་འབྲེལ་མ་བསྒྲིགས་ལྷུན་གྲུབ་ཡོང་མི་སྲིད་ཅེས་པ་ལྟ་བུ། |
| མ་བསྒྲིབས་ལུང་མ་བསྟན |
ངོ་བོ་ཉོན་མོངས་ཅན་མིན་ཞིང་རྣམ་སྨིན་ལུང་དུ་མ་བསྟན་པ། འཇིག་རྟེན་གྱི་ཕྱི་སྣོད་དང༌། རྣམ་སྨིན་གྱི་ཕུང་པོ། སེམས་ཅན་གྱི་དབང་ཤེས། རྟག་པའི་ཆོས་རྣམས་སོ། ། |
| མ་བསྡུས་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ཁྱད་གཞི་ཁྱད་ཆོས་འགའ་ཞིག་དཔེའི་ཁྱད་གཞི་ཁྱད་ཆོས་དང་ངོ་བོ་དབྱེར་མེད་དུ་བཀོད་ཅིང༌། བར་གྱི་འབྲེལ་སྒྲ་མ་བསྡུས་པའི་རྒྱན་ཞིག |
| མ་བུ |
1.མ་དང་ཕྲུ་གུ། 2.ནག་རྩིས་ཀྱི་འབྱུང་བ་མ་བུ། 3.མ་རྩ་དང་སྐྱེད་ཀ། 4.མ་ཡིག་དང་འདྲ་བཤུས་ཏེ། (དཔེར་ན།) འཆར་གཞི་མ་བུ། དཔེ་ཆ་མ་བུ་ཞེས་པ་ལྟ་བུ། |
| མ་བུ་གོ་ལྡོག་གི་ཕྱྭ |
སྔར་བོད་ཀྱི་ཡུལ་སྲོལ་ལྟར་ཨ་མའི་ལག་རྩ་ལ་བརྟེན་ནས་བུ་ཚ་རྣམས་ལ་གེགས་རྩུབ་ཡོད་མེད་སོགས་བརྟག་པའི་མོ་ཕྱྭ་སྟེ་ངོ་མཚར་རྩ་བདུན་གྱི་ནང་གསེས་ཤིག |
| མ་བུ་དགྲ་གྲོགས |
རྒྱ་ནག་ལུགས་ལ་ཤིང་དང༌། མེ། ས། ལྕགས། ཆུ་ཁམས་ཏེ་ལྔ་ཡོད་ཅིང༌། ཁམས་ལྔའི་མ་བུ་དགྲ་གྲོགས་བརྩི་ཚུལ་ནི། ཤིང་མ་ཆུ་དང་ཆུ་མ་ལྕགས། ལྕགས་མ་ས་དང་ས་མ་མེ། མེ་མ་ཤིང་ཡིན་ཤིང་བུ་མེ། མེ་བུ་ས་དང་ས་བུ་ལྕགས། ལྕགས་བུ་ཆུ་དང་ཆུ་བུ་ཤིང༌། ཤིང་དགྲ་ལྕགས་ཡིན་ལྕགས་དགྲ་མེ། མེ་དགྲ་ཆུ་དང་ཆུ་དགྲ་ས། ས་དགྲ་ཤིང་ཡིན་ཤིང་གྲོགས་ས། ས་གྲོགས་ཆུ་དང་ཆུ་གྲོགས་མེ། མེ་གྲོགས་ལྕགས་དང་ལྕགས་གྲོགས་ཤིང༌། ཞེས་པའོ། |
| མ་བུའི་འཕྲོད་བསྟེན |
མ་དང་བུ་གཉིས་ཀའི་ལུས་བདེ་ཐང་ཡོང་བའི་ཐབས་ཤེས། |
| མ་བྱན |
མ་ཆེན་དང་འདྲ། |
| མ་བྱིན་པར་ལེན་པ |
གཞན་གྱི་ནོར་རྐུ་བ་དང་འཕྲོག་པ་དང་གཡོ་ཐབས་ཀྱིས་ལེན་པ། |
| མ་བྱིན་པས་ཉེ་བར་འཚོ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རང་གིས་བྱིན་ཟིན་པའམ་རང་དང་རྫས་མི་གཅིག་པའི་དགེ་སློང་གི་གོས་མ་བྱིན་པར་ལོངས་སྤྱོད་པའོ། ། |
| མ་བྱིན་ལེན |
མ་བྱིན་པར་ལེན་པའི་བསྡུས་ཚིག |
| མ་བྱིན་ལེན་གྱི་ཕམ་པ |
ཕམ་པ་བཞིའི་ནང་གསེས། གཞི་གཞན་གྱི་དངོས་པོ་རིན་ཐང་ཚང་བ། བསམ་པ་རྐུ་བར་འདོད་པའི་སེམས་ཀྱིས། སྦྱོར་བ་རང་གིས་དངོས་སུ་བརྐུས་པའམ་གཞན་ལ་རྐུར་བཅུག་ནས། མཐར་ཐུག་དངོས་པོ་དེ་བདག་པོ་དང་ཕྲལ་ནས་བདག་གིར་བྱས་པའོ། རིན་ཐང་གི་ཚད་མཐའ་གཅིག་ཏུ་མ་ངེས་ཀྱང་ཀརྵ་པ་ཎིའི་བཞི་ཆ་དངུལ་ཞོ་གང་ཙམ་རིན་ཐང་གི་ཚད་དུ་གྲགས་སོ། ། |
| མ་བྱུང་བ |
ཉེས་སྐྱོན་དང༌། ནོར་འཁྲུལ། |
| མ་བྱུང་སྔོན་འགོག |
རྐྱེན་ངན་མ་ཡོང་གོང་ནས་འགོག་ཐབས་བྱེད་པའི་དོན་ཏེ། (དཔེར་ན།) མི་ཕྱུགས་ལ་ནད་རིམས་མ་བྱུང་སྔོན་འགོག་གི་ཐབས་ཤེས་བྱེད་དགོས་ལྟ་བུ། |
| མ་མ |
བྱིས་པ་སྙོད་མཁན་གྱི་བུད་མེད་ཀྱི་མིང་། (དཔེར་ན།) བྱིས་པ་སྐྱེས་ནས་རིང་བོ་མ་ལོན་པར་མ་མ་ལ་གཏད་ནས་སྙོད་སྐྱོང་བྱས་ལྟ་བུ། |
| མ་མ་བཞི |
པང་ན་འཚོ་བའི་མ་མ་དང༌། ནུ་མ་སྣུན་པའི་མ་མ། དྲི་མ་འཕྱི་བའི་མ་མ། རྩེ་ན་གྲོགས་བྱེད་ཀྱི་མ་མ་སྟེ་བཞི། |
| མ་མ་མགོ་ཅག |
སྔོ་ཞིག |
| མ་མ་རྒྱས་རྒྱས |
སྔོ་ཞིག |
| མ་མགལ |
ཁའི་མ་ཁའམ་མ་ལེ་སྟེ། (དཔེར་ན།) སེང་གེའི་ཡ་མགལ་ལ་ཁྱིའི་མ་མགལ་སྦྱོར་བ་ལྟ་བུ། |
| མ་མགུ་མ་རག |
ངན་ཞིང་སྡུག་པའི་དངོས་པོ་བྱུང་ཡང་མ་མགུ་བ་སྟེ། (དཔེར་ན།) བཟང་ཞིང་ལེགས་པའི་དངོས་པོ་བཙལ་ཀྱང་མ་རྙེད་ལྟ་བུ། |
| མ་མཆིས་པ |
(བརྡ་རྙིང་།) མེད་པ། |
| མ་མཆུ |
མ་ལེ་སྟེ། (དཔེར་ན།) མ་མཆུ་སོར་གསུམ་ཁ་ལ་བཅུག་ནས་ན་ཚ་བསྲན་ལྟ་བུ། |
| མ་མཆོག |
གཞུ་ཡི་མ་མཆོག |
| མ་མཐའ |
དམའ་མཐའམ་ཐ་ན་ཞེས་པ་སྟེ། (དཔེར་ན།) བྱེ་མའི་ཐང་ལ་འཐུང་ཇ་མེད་པར་མ་ཟད། མ་མཐའ་སྐོམ་སེལ་གྱི་ཆུ་ཙམ་ཡང་རྙེད་དཀའ་ལྟ་བུ། |
| མ་མད |
(བརྡ་རྙིང་།) མ་དང་བུ་མོ། |
| མ་མེས |
མའི་མ་དང་མའི་སྤུན་གྱི་ཆུང་མའི་འབོད་མིང་། |
| མ་མོ |
1.ཕྱི་མོ། 2.མོ་ལུག 3.མཱཏྲྀཀ་སྟེ། ཆོས་མངོན་པ། 4.ཤ་ཟ་འབྱུང་པོའི་རིགས་ཤིག 5.ལྷ་མོ། |
| མ་མོག |
(ཡུལ་སྐད།) སྲིང་བལ། |
| མ་མོའི་མ |
ལྷ་མོ་ཨུ་མ། |
| མ་མོས་འཕེལ |
(མངོན་བརྗོད།) རླུང་སྤྱི། |
| མ་མྱོས་པས་འདུལ་བ་སྦྱིན་པ |
འདུལ་བ་ལས་བཤད་པའི་རྩོད་པ་ཞི་བྱེད་ཀྱི་ཆོས་བདུན་གྱི་ཡ་གྱལ་ཞིག་སེམས་མ་མྱོས་པའི་གནས་སྐབས་ལྟུང་བ་བྱུང་མ་བྱུང་དྲན་དུ་བཅུག་ནས། མ་བྱུང་བར་ངེས་ན་དག་པ་སྦྱིན། བྱུང་བར་ངེས་ན་ཕྱིར་བཅོས་ནས་གདམས་ངག་སྦྱིན་པར་བྱེད་པའོ། ། |
| མ་ཚང |
1.ཨ་མའི་ཁྱིམ་མམ། ཞང་པོའི་ཁྱིམ། 2.མི་ཚང་མ་ཟུར་གཉིས་སུ་ཕྱེ་བའི་མ་ཚང་སྟེ་ཁྱིམ་ཆེ་བ། |
| མ་ཚང་བ་མེད་པ |
ཆ་ཚང་བའི་དོན་ཏེ། (དཔེར་ན།) མཁོ་ཆས་མ་ཚང་བ་མེད། མཐུན་རྐྱེན་མ་ཚང་བ་མེད་ཅེས་པ་ལྟ་བུ། |
| མ་ཚན |
མ་ཕྱོགས་ཀྱི་གཉེན་ཚན་ནམ་ཉེ་དུ། |
| མ་ཚབ |
སྐྱེད་མ་ཤི་བའི་རྗེས་སུ་བའི་ཨ་མའི་ཚབ་བམ་ཨ་མ་མ་གཡར། |
| མ་ཞང |
མ་དང་ཞང་པོ། |
| མ་ཞུ་སྐྲན |
མ་ཞུ་བའི་རྒྱུ་ལས་བྱུང་བའི་ལུས་ཀྱི་ཕྱི་ནང་གི་ཆ་ཤས་ལ་ཆགས་པའི་དངོས་པོ་སྲ་མཁྲེགས་ལྡན་པའི་མིང་ནང་གསེས་སུ་དབྱེ་ན་སྐྲན་རིགས་བཅུ་གཅིག་མཆིས། |
| མ་ཟད |
མ་རྫོགས་སམ་མི་ཚད་པའི་དོན་ཏེ། (དཔེར་ན།) ཞིང་པ་དབུལ་ཕོངས་ལ་ལར་ས་ཞིང་གཏན་ནས་མེད་པར་མ་ཟད། ཞིང་ལས་ཡོ་བྱད་ཆ་ལག་ཚང་བ་ཞིག་ཀྱང་མེད་ཅེས་པ་ལྟ་བུ། |
| མ་ཟིན |
1.མ་ནུས་བགོས་ལྷག་ཐིག་ཤར་ཚེ་རྐང་སྡོམ་སྟོངས་པས་མ་ཟིན་ཅེས་གྲགས། རྐང་སྔོན་གྱི་ཐད་ལའང་ལྟོས།2.འཛིན་མ་ནུས་པའི་དོན་ཏེ། (དཔེར་ན།) རྐུན་མ་བདའ་འདེད་བྱས་ཀྱང་མ་ཟིན་ཞེས་པ་ལྟ་བུ།3.རྩོམ་ཡིག་གི་ཐོག་མའི་ཟིན་བྲིས་ཏེ། (དཔེར་ན།) རྩོམ་དེའི་མ་ཟིན་ཆ་ཚང་ཡོད་ཅེས་པ་ལྟ་བུ། |
| མ་ཟིན་པའི་སྒྲ |
སྒྲའི་སྐྱེ་མཆེད་ཀྱི་ནང་གསེས། མ་ཟིན་པའི་འབྱུང་བ་ལས་གྱུར་པའི་སྒྲ་སྒྲའི་རྒྱུར་གྱུར་པའི་འབྱུང་བ་དེ་གང་ཟག་གི་དབང་པོས་མ་ཟིན་པའི་སྒྲ། ཆུ་དང་རླུང་གི་སྒྲ་ལྟ་བུའོ། ། |
| མ་འཁྲུལ་བ |
རང་གི་ཡུལ་ཡང་དག་པར་རིག་པ་སྣང་ཡུལ་ལ་མ་འཁྲུལ་བའི་ཤེས་པ། དཔེར་ན་བུམ་འཛིན་དབང་མངོན་དང༌། རྣམ་མཁྱེན་ལྟ་བུའོ། ། |
| མ་འཁྲུལ་བའི་ཤེས་པ |
ཡུལ་གྱི་གནས་ལུགས་རྟོགས་པའི་ཤེས་པ། |
| མ་འགགས་པ |
སངས་རྒྱས་ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་གྲས་ལྷའི་སྤྱན་མཆོག་ཏུ་གྱུར་པ་དེའོ། ། |
| མ་འདེད |
བོད་ལུགས་འབྱུང་རྩིས་ནང་བུ་ལ་བརྟེན་ནས་མ་རྩི་བ། |
| མ་འདྲེས་པའི་ཆོས་བཅོ་བརྒྱད |
སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དེ། སྤྱོད་པས་བསྡུས་པ་དྲུག་དང༌། རྟོགས་པས་བསྡུས་པ་དྲུག་དང༌། མཛད་པས་བསྡུས་པ་གསུམ་དང༌། དུས་ཀྱིས་བསྡུས་པ་གསུམ་སྟེ་བཅོ་བརྒྱད་དོ། ། |
| མ་འདྲེས་པའི་དྲན་པ་ཉེར་བཞག་གསུམ |
དྲན་པ་ཉེ་བར་བཞག་པ་གསུམ་དང་དོན་གཅིག |
| མ་འདྲེས་པའི་མ་རིག་པ |
རྩ་ཉོན་གཞན་དང་མ་འདྲེས་པར་བདེན་དོན་མི་ཤེས་པའི་རང་བཞིན་གྱིས་རྨོངས་པའོ། ། |
| མ་འབྲུ |
མ་རྩའི་འབྲུ་སྟེ་མཆོད་རྒྱུན་དུ་དམིགས་པའི་འབྲུའོ། ། |
| མ་འཚལ |
མ་ཤེས་པའམ་མ་རྟོགས་པ། |
| མ་འོངས་པ |
1.འབྱུང་འགྱུར་གྱི་དུས་ཀྱི་མིང་། (དཔེར་ན།) འདས་པ་དང་མ་འོངས་པ། མ་འོངས་པའི་དུས་སུ་ཞེས་པ་ལྟ་བུ། 2.ལས་ཚིག་མ་འོངས་པའི་མིང་། (དཔེར་ན།) མོ་ནི་བདག་དང་མ་འོངས་ཕྱིར་ཞེས་པ་ལྟ་བུ། |
| མ་འོངས་པའི་དུས |
འབྱུང་འགྱུར་གྱི་དུས་ཚོད། |
| མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ |
མ་འོངས་པའི་དུས་ན་ཆོས་ཅི་དང་ཅི་འབྱུང་ཐམས་ཅད་མ་འཁྲུལ་བར་མཁྱེན་པ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་ནང་གསེས་ཤིག |
| མ་འོངས་མཐོང་ཡུལ |
འབྱུང་འགྱུར་དུ་འགྲུབ་རྒྱུའི་དམིགས་ཡུལ། |
| མ་འོངས་རྡུལ་ཅན |
(མངོན་བརྗོད།) གཞོན་ནུ་མ། |
| མ་འོངས་ལུང་བསྟན |
འབྱུང་འགྱུར་ཤིས་མིན་ཇི་ཡོང་སྔོན་དུ་བསྟན་པ། |
| མ་འོངས་སྔོན་མཐོང |
རྗེས་སུ་ཡོང་རྒྱུ་སྔོན་ནས་དྲན་པ་སྟེ། འགོ་འཁྲིད་བྱེད་པར་མ་འོངས་སྔོན་མཐོང་ཐུབ་ཞིག་དགོས་ལྟ་བུ། |
| མ་ཡར |
བྱིས་པ་ཆུང་དུས་མ་ངོ་མ་ཤི་བའམ་གཉེན་ཐོར་རྗེས་ཕ་དང་གཉེན་སྒྲིག་བྱས་པའི་བུད་མེད་ནི་བྱིས་པ་དེའི་མ་ཡར་ཡིན། |
| མ་ཡི་ཚང་མཚུངས |
(མངོན་བརྗོད།) ཨ་ཞང་ངམ་ཞང་པོ། |
| མ་ཡི་སྐྲ་ཉེ |
(མངོན་བརྗོད།) ཨ་ཞང་ངམ་ཞང་པོ། |
| མ་ཡིག |
1.ཡི་གེའི་མ་དཔེ། (དཔེར་ན།) མ་ཡིག་ལས་བུ་དཔེ་བཤུས་ལྟ་བུ། 2.པ་སྡེའི་བཞི་པ་མ་ཡིག |
| མ་ཡིག་བར་གྱི་གསལ་བྱེད |
ཚིག་སྔ་ཕྱི་གཉིས་ཀ་མིན་པའམ་མེད་པར་དགག་པའི་ཚིག་ཕྲད་མ་ཡིག་སྟེ། (དཔེར་ན།) ས་མ་རྡོ། གངས་མ་ཆར། ར་མ་ལུག བྱ་མ་བྱེའུ། ཤ་མ་ཚིལ། ཁྲག་མ་རྣག དཀར་མ་ནག ཆ་མ་ཡ། ཡ་མ་ཟུང༌། གསའ་མ་གཟིག འཁྱུག་མ་ཚུགས། གཞས་མ་ཤགས་ཞེས་པ་ལྟ་བུ། |
| མ་ཡིན་དགག |
དགག་པའི་ནང་གསེས། རང་དངོས་སུ་རྟོགས་པའི་བློའམ་རང་བརྗོད་པའི་སྒྲས་རང་གི་དགག་བྱ་བཀག་པའི་ཤུལ་དུ་ཆོས་གཞན་འཕེན་པ། ལྷས་སྦྱིན་ཚོན་པོ་ཉིན་པར་ཟས་མི་ཟ། ཞེས་པ་ལྟ་བུ། ཚོན་པོ་ཡིན་པས་ཟས་ཟ་བར་བསྟན་ཅིང༌། ཉིན་པར་ཟས་ཟ་བ་བཀག་པའི་ཤུལ་དུ་ཆོས་གཞན་ཏེ་མཚན་མོར་ཟས་ཟ་བ་དོན་གྱིས་འཕངས་པའོ། ། |
| མ་ཡིན་དགག་གི་གཞན་སེལ |
སེལ་བའི་ནང་གསེས། རང་གི་དགག་བྱ་བཀག་ཤུལ་དུ་དོན་གཞན་འཕེན་པའི་སྒོ་ནས་སེལ་བ་མ་ཡིན་དགག་དང་དོན་གཅིག |
| མ་ཡིན་པ |
ཡིན་པའི་ལྡོག་ཕྱོགས་ཏེ་མིང་གི་མཐར་འཇུག་པའི་དགག་སྒྲ། (དཔེར་ན།) ཆུ་ཁོལ་མ་མ་ཡིན་པ། རྟ་མ་ཡིན་ལ་བོང་བུའང་མ་ཡིན་པ་ཞེས་པ་ལྟ་བུ། |
| མ་ཡིན་པ་མ་ཡིན་པ |
ཡིན་པའི་དོན་ཏེ། དཔེར་ན། བུམ་པ་མ་ཡིན་པ་མ་ཡིན་པ་ནི་བུམ་པ་ཡིན་པ་ལྟ་བུའོ། ། |
| མ་ཡིན་ཡིན་ཚུལ |
དངོས་གནས་མ་ཡིན་པར་ཡིན་ཁུལ་ཏེ། (དཔེར་ན།) ངས་མ་ཡིན་ཡིན་ཚུལ་ཞུས་པ་མིན། རོགས་རམ་མ་ཡིན་ཡིན་ཚུལ་གྱིས་མགོ་སྐོར་གཏོང་ལྟ་བུ། |
| མ་ཡུམ་ལ |
ལ་ཞིག འབྲོང་པ་རྫོང་གི་ནུབ་རྒྱུད་དུ་ཡོད། |
| མ་ཡུར |
ཞིང་ལ་ཆུ་འདྲེན་སའི་ཡུར་བ་ཆེན་མོ་སྟེ། (དཔེར་ན།) མ་ཡུར་ལ་ཆུ་མེད་ན་ཡུར་ཕྲན་ལ་ག་ནས་ཡོང༌ལྟ་བུ། |
| མ་ཡོམ་ལ |
ལ་ཞིག འབྲོང་པ་རྫོང་གི་ལྷོ་རྒྱུད་དུ་ཡོད། |
| མ་ར་ཀ་ཏ |
(ལེགས་སྦྱར།) མརྒད། |
| མ་ར་ཙེ |
བུད་མེད་ཀྱི་མཚན་མར་གནས་པའི་སྲིན་འབུ་ཞིག དེ་ནད་དུ་གྱུར་ན་མཚན་མ་གཡའ་ཟ་བྱེད་པ་ཞིག |
| མ་རངས་པ |
བློ་མ་མོས་པ་སྟེ། (དཔེར་ན།) ཡི་མ་རངས་པའི་རྣམ་འགྱུར་སྟོན་པ་ལྟ་བུ། |
| མ་རབས |
1.(རྒྱན་ཚིག) བྱ་སྤྱོད་དང་མི་ཐ་ཤལ་བ་མ་རབས་ཀྱི་སྤྱོད་པ་སྟེ། (དཔེར་ན།) མི་ཧ་ཅང་མ་རབས་ཞེས་པ་ལྟ་བུ། 2.དམུ་རྒོད་པའི་དོན་ཏེ། (དཔེར་ན།) བྱིས་པ་མ་རབས་ཞེས་པ་ལྟ་བུ། |
| མ་རབས་ཐབས་སྡུག |
སྤྱོད་ངན་སྡུག་ཤོས། |
| མ་རི་མུ་རི |
རྒད་པོ་རྒད་མོའི་ཟས་ཟ་སྟངས་ཏེ། (དཔེར་ན།) སོ་མེད་རྒས་འཁོགས་ཡིན་པས་ལྟོ་ཆས་མ་རི་མུ་རིར་ཟ་དགོས་བྱུང༌ལྟ་བུ། |
| མ་རིག་པ |
1.རྩ་ཉོན་དྲུག་གི་ནང་གསེས། རིག་པ་ཤེས་རབ་ཀྱི་མི་མཐུན་ཕྱོགས། རྟེན་ཁམས་གསུམ་ལ་ཡོད་པའི་ལས་འབྲས་དང་བདེན་པ་སོགས་ཀྱི་ཚུལ་ཇི་ལྟ་བ་མི་ཤེས་པར་ཀུན་ཉོན་སྐྱེད་པར་བྱེད་པའོ། །མིང་གི་རྣམ་གྲངས་ལ་ང་ཡིར་འཛིན་དང༌། ངར་འཛིན། དངོས་འཛིན། བདག་འཛིན། མི་ཤེས་བཅས་སོ། །2.མ་མཐོང་བའི་དོན་ཏེ། (དཔེར་ན།) མཚན་མོ་མིག་གིས་གཟུགས་མ་རིག་པ། མ་རིག་རིག་མདོག་ཅེས་པ་ལྟ་བུ། 3.(མངོན་བརྗོད།) 1>འཁོར་བ། 2>ཧོར་ཟླ་བཅུ་གཉིས་པ། |
| མ་རིག་པ་གསུམ |
རྨོངས་ཙམ། ཐེ་ཚོམ། ལོག་པར་རྟོགས་པའི་རྣམ་པ་ཅན་བཅས་གསུམ། |
| མ་རིག་པའི་ཆུ་བོ |
ཆུ་བོ་བཞིའི་ཡ་གྱལ་ཞིག མཐོང་སྒོམ་གྱི་སྤང་བྱ་ཁམས་གསུམ་གྱི་མ་རིག་པ་རྣམས་སོ། ། |
| མ་རིག་པའི་ཟག་པ |
ཟག་པ་གསུམ་གྱི་ནང་གསེས། འདོད་པ་དང་སྲིད་པའི་ཟག་པ་གཉིས་ཀྱི་གནས་ཁམས་གསུམ་གྱི་མ་རིག་པའོ། ། |
| མ་རིག་པའི་ཟླ་བ |
ཉི་མས་ཆུ་སྲིན་གྱི་ཁྱིམ་སྤྱོད་པའི་ཟླ་བའམ་ཧོར་ཟླ་བཅུ་གཉིས་པའི་མིང༌། |
| མ་རིག་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། བདག་ཏུ་རྨོངས་པའི་མ་རིག་པ་ཡང་དག་པའི་དོན་ལ་སྒྲིབ་པར་བྱེད་པའི་ཀུན་རྟོག་སྲིད་པའི་རྩ་བར་གྱུར་པའི་མ་རིག་པའོ། ། |
| མ་རུ་རྩེ |
ཤིང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་སྲིན་ནད་གསོད། མེ་དྲོད་སྐྱེད། མིང་གི་རྣམ་གྲངས་ལ་གུཉྫ་དང༌། རཀྟ་གུཉྫ། ཤྭ་ཏ་གུཉྫ། སྲིན་བུ་དམར་ལེབ་བཅས་སོ། ། |
| མ་རུངས་ཁོག་བཅུག |
བསམ་ངན་ཞེ་ལ་བཅངས་པའི་དོན་ཏེ། (དཔེར་ན།) ཁོ་པའི་བཤད་ཚུལ་ཁུངས་ལུང་གཏན་ནས་མེད་པ་དེ་མ་རུངས་ཁོག་བཅུག་གི་རང་རྟགས་ཡིན་པར་ངེས་ཞེས་པ་ལྟ་བུ། |
| མ་རུངས་པ |
མི་བསྲུན་པའི་དོན་ཏེ། (དཔེར་ན།) གཅན་གཟན་མ་རུངས་པ། མི་མ་རུངས་པ། མ་རུངས་པ་འགའ་ཞིག་གིས་ཕྱིན་ཅི་ལོག་གི་བསམ་སྦྱོར་བྱས་པ་ལྟ་བུ། |
| མ་རེད |
1.མ་ཡིན་ཞེས་པའི་དོན་ཏེ། (དཔེར་ན།) དཀྲོག་གཏམ་དེ་བདེན་པ་མ་རེད་ཅེས་པ་ལྟ་བུ། 2.(བརྡ་རྙིང་།) མ་གྲུབ། |
| མ་རྐང |
1.མ་རྩའི་གཞི་སྟེ། (དཔེར་ན།) ས་ཞིང་དང༌། རྨོན་ཕྱུགས། ཞིང་ལས་ལག་ཆ་ཆེ་བ་སོགས་ཐོན་སྐྱེད་རྒྱུ་ཆས་རྣམས་ཞིང་ལས་མཉམ་ལས་ཁང་ལ་མ་རྐང་དུ་འཇོག་པ། ཚོང་ལས་ཀྱི་མ་རྐང་བཙུགས་པ་ཞེས་པ་ལྟ་བུ། 2.གཞི་རྩ་དང་ཡོང་རྐྱེན་ཞེས་པ་ལྟ་བུ། (དཔེར་ན།) ལས་ཀའི་ལག་རྗེས་བཟང་ངན་གྱི་མ་རྐང་ཤེས་བརྩོན་གཉིས་ཀར་རག་ལས་པ་ཡིན་ཞེས་པ་ལྟ་བུ། |
| མ་རྐང་ཐེབས་རྩ |
གཏོང་སྒོའི་མ་རྩ། |
| མ་རྒད |
མར་གད་ཀྱི་འབྲི་ཚུལ་གཞན། |
| མ་རྒན |
1.ཨ་མ་རྒན་མོ། 2.བུད་མེད་རྒན་མོ། |
| མ་རྒྱུད |
1.ཨ་མའི་རིགས་རྒྱུད། 2.སྟོང་ཕྱོགས་ཤེས་རབ་ཀྱི་ཆ་གཙོ་བོར་སྟོན་པའི་རྒྱུད། |
| མ་རྟ |
རྒོད་མའམ་རྟེའུའི་མ། |
| མ་རྟོགས་པའི་བློ |
རང་ཡུལ་ལ་ངེས་པ་འདྲེན་མི་ནུས་པའི་ཤེས་པ་སྣང་ལ་མ་ངེས་པའི་བློ་རྣམས་སོ། ། |
| མ་རྡོ |
རྒྱ་མའི་རྒྱ་རྡོ་ཡི་མིང་གཞན། |
| མ་རྨོས་པའི་ལོ་ཏོག |
1.ཀ་འཛོམས་ཏེ་འབྲུའི་རིགས་བྱེ་བྲག་པ་ཞིག 2.མ་རྨོས་མ་བཏབ་པའི་འབྲས་སཱ་ལུ། |
| མ་རྨོས་ལོ་ཏོག |
ཞིང་སྐྱེ་ལོ་ཏོག་ཅིག་གི་མིང་། |
| མ་རྩ |
1.མ་གཞི། 2.མ་དངུལ་གྱི་དོན་ཏེ། (དཔེར་ན།) ཚོང་ཟོག་གི་མ་རྩའི་རྐང་ལོངས་པ། ཞིང་ལས་ཀྱི་མ་རྩ་ཚུགས་པ། མ་རྩའི་རྐང་དངུལ། མ་རྩའི་རྐང་བདག སྒེར་སྡོམ་མ་རྩ་ཤི་བ། དཔོན་ངན་མ་རྩའི་རིང་ལུགས་ཞེས་པ་ལྟ་བུ། མིང་གི་རྣམ་གྲངས་ལ་རྩ་ནོར་དང༌། ཟོང་རྩ། ཡོངས་སྒྱུར། རིན་རྩ་བཅས་སོ། 3 མ་བུ་དགྲ་གྲོགས་འབྱུང་བ་བརྩི་བའི་སྐབས་ཤིང་མ་ས་ལྟ་བུ་འཕྲད་པ་དེ་ལ་མ་རྩ་ཞེས་ཟེར། |
| མ་རྩ |
བཟོ་ལས་དང་ཚོང་ལས་སོགས་ཀྱི་གཞི་རྩའི་མ་དངུལ་གྱི་མིང་ཚོང་གི་མ་རྩ་སྟེ། (དཔེར་ན།) བཟོ་གྲྭའི་མ་རྩ་ཞེས་པ་ལྟ་བུ། |
| མ་རྩ་ཅན |
དཔལ་འབྱོར་གྱི་རྟེན་གཞི་ངེས་ཅན་ཡོད་པའི་མི། |
| མ་རྩ་རིང་ལུགས |
མ་རྩ་ཅན་གྱིས་ཐོན་སྐྱེད་རྒྱུ་ཆ་བདག་ཏུ་བཟུང་ཞིང་། ངལ་རྩོལ་པ་གླས་ནས་བཤུ་གཞོག་བྱེད་པའི་སྤྱི་ཚོགས་ལམ་ལུགས་ཀྱི་མིང་། |
| མ་རླུང |
ཕྲུ་གུ་མའི་མངལ་དུ་གནས་པའི་སྐབས་མ་རླུང་བུ་ལ་ཤོར་བའི་བྱིས་པའི་མགོ་ནད་ཅིག |
| མ་ལ |
1.(འབོད་ཚིག) ངོ་མཚར་བ་དང་ཧ་ལས་པ་མཚོན་པའི་སྒྲ་སྟེ། (དཔེར་ན།) མ་ལ་འདི་ལས་ངོ་མཚར་ཆེ་བ་མེད་ལྟ་བུ།2.ཀྱེ་མའམ་ཀྱེ་ཧུད་ཅེས་པ་དང་འདྲ་སྟེ། (དཔེར་ན།) མ་ལ་བླང་དོར་ལ་རྨོངས་པ་དག་གིས་བྱ་བ་ངན་པ་ཅི་ཡང་བྱེད་དོ་ཞེས་པ་ལྟ་བུ། 3.ལམ་སང་ངམ་འཕྲལ་དུ། |
| མ་ལ་ཏི |
(ལེགས་སྦྱར།) ཛཱ་ཏི། |
| མ་ལ་ཡ |
(ལེགས་སྦྱར།) དྲི་ལྡན་ཏེ། སྨན་གྱི་གྲོང་ཁྱེར་ལྟ་ན་སྡུག་གི་ནུབ་ཕྱོགས་ན་ཡོད་པའི་བྲག་ཞུན་དང༌། ཅོང་ཞི། ཆུ་ཚན་སོགས་སྨན་རིགས་སྐྱེ་བའི་རི་བོ་ཞིག་གི་མིང༌། མིང་གི་རྣམ་གྲངས་ལ་ཙན་དན་རི་བོ་དང༌། ལྷོ་ཕྱོགས་ས་འཛིན། ཨཱ་ཥཱ་དྷ་བཅས་སོ། ། |
| མ་ལ་ཡའི་དཀའ་འགྲེལ་འདོད་འཇོ་ཆེ་ཆུང |
རབ་བྱུང་བརྒྱད་པའི་ནང་བྱང་པ་མིའི་ཉི་མ་མཐོང་བ་དོན་ལྡན་གྱིས་མཛད་པའི་རྩ་རྒྱུད་ཀྱི་རི་བོ་མ་ལ་ཡའི་སྐོར་གྱི་སྨན་ཆུ་དང༌། ཆུ་ཚན། ཅོང་ཞི། བྲག་ཞུན་བཅས་ཀྱི་དཀའ་གནད་རྣམས་གསལ་བར་འགྲེལ་བའི་སྨན་གྱི་བསྟན་བཅོས་ཤིག |
| མ་ལ་ཡའི་སྐྱེད་ཚལ |
རིགས་ལྡན་ཕོ་བྲང་ཀ་ལཱ་པའི་མདུན་དུ་དུས་འཁོར་གྱི་བློས་བསླངས་ཡོད་པའི་སྐྱེད་མོས་ཚལ། |
| མ་ལ་ཡར་སྐྱེས |
(མངོན་བརྗོད།) ཙན་དན་སྤྱི། |
| མ་ལག |
རྩ་བ་དང་ཡན་ལག་སྟེ། (དཔེར་ན།) རིགས་ལམ་མ་ལག་དང་ལྡན་པ། ལས་གྲྭ་མ་ལག་ཆ་ཚང་བ་ལྟ་བུ། |
| མ་ལག་བདེ་པོ |
མགྱོགས་རྩལ་བདེ་པོའི་དོན་ཏེ། (དཔེར་ན།) སྐད་ཆ་བཤད་སྟངས་མ་ལག་བདེ་པོ། འགྲོ་འདུག་ཀུན་སྤྱོད་མ་ལག་བདེ་པོ་ཞེས་པ་ལྟ་བུ། |
| མ་ལག་རྒྱོབ |
(ཡུལ་སྐད།) མགྱོགས་པོ་གྱིས་ཞེས་པའི་དོན་ཏེ། (དཔེར་ན།) ལས་ཀར་བྲེལ་བ་ཚ་པོ་ཡོད་པས་མ་ལག་རྒྱོབ་ཅེས་པ་ལྟ་བུ། |
| མ་ལགས |
མ་རེད་དམ་མ་ཡིན་ཞེས་པའི་དོན་ཏེ། (དཔེར་ན།) ཁྱེད་ཀྱིས་གསུངས་པའི་དོན་འདི་དེ་ལྟར་མ་ལགས་སོ་ཞེས་པ་ལྟ་བུ། |
| མ་ལན |
མ་ཉེས་སམ། ཉེས་སྐྱོན་མེད་པ་འི་དོན་ཏེ། (དཔེར་ན།) རང་གིས་མ་ལན། མ་ལན་ཁག་འཛུགས་བྱེད་མི་རུང༌ཞེས་པ་ལྟ་བུ། |
| མ་ལི་ཀ |
(ལེགས་སྦྱར།) རྒྱ་གར་གྱི་མེ་ཏོག་འདབ་མ་དཀར་པོ་ཡིན་པ་ཞིག |
| མ་ལུས་པ |
ཐམས་ཅད་དམ། ཡོངས་རྫོགས་ཞེས་པའི་དོན་ཏེ། (དཔེར་ན།) ཞོགས་པ་གཅིག་ལ་བྱ་བ་བཟང་པོ་མ་ལུས་པར་སྒྲུབ་ཐུབ་དོགས་མེད། མགྱོགས་མྱུར་འགྲུབ་དགོས་པའི་ལས་དོན་ཚང་མ་དེ་རིང་མ་ལུས་པར་ཚར་སོང༌ཞེས་པ་ལྟ་བུ། |
| མ་ལེ |
(ཡུལ་སྐད།) ཨོལ་སྐོ་སྟེ། (དཔེར་ན།) མི་བློ་རྒྱུ་རིང་ན་ལྐུགས་མཐོང༌། རྟ་མ་ལེ་རིང་ན་རྒས་མཐོང༌ཞེས་པ་ལྟ་བུ། |
| མ་ལོ |
(ཡུལ་སྐད།) བུ་རམ་སྤུས་ལེགས་ཤིག |
| མ་ཤ་ཀ |
(ལེགས་སྦྱར།) སྲན་མ་དཀར་རིལ། |
| མ་ཤ་པ་ཊི |
སྔོ་ཞིག |
| མ་སོ |
ཁའི་མས་ཀྱི་སོ། |
| མ་སྐྱེས་དགྲ |
སྔར་རྒྱ་གར་མ་ག་དྷཱ་རྒྱལ་ཁབ་ཀྱི་བྷིན་བོ་ས་ལ་ཞེས་པའི་རྒྱལ་པོའི་གྲས་ཡིན་པ་དེ་ཁྲི་བཞུགས་ལོ་བརྒྱད་པར་སངས་རྒྱས་ཤཱཀྱ་མུ་ནེ་མྱ་ངན་ལས་འདས། རྒྱལ་པོ་དེ་བཀའ་བསྡུ་དང་པོའི་སྦྱིན་བདག་ཏུ་གྱུར། |
| མ་སྒོ |
ཁང་པའི་གཞུང་སྒོ་ཆེ་ཤོས། |
| མ་སྔུན་བུ་བཤའ |
(ཡུལ་སྐད།) མ་ཡིག་ལ་བལྟས་ཏེ་བུ་ཡིག་བཀླགས་ནས་ཞུས་དག་གཏོང་བ། |
| མ་སྟེས་པ |
(བརྡ་རྙིང་།) མ་ལེགས་པ། |
| མ་སྨད |
1.མ་དང་བུ་མོ། 2.ཁྱད་དུ་འཕགས་པའི་དོན་ཏེ། (དཔེར་ན།) ཡོན་ཏན་མ་སྨད་པ། ནུས་རྩལ་མ་སྨད་པ། ལམ་ལུགས་མ་སྨད་པ་ཞེས་པ་ལྟ་བུ། 3.བཟང་བ་དང་མཆོག་གི་དོན་ཏེ། (དཔེར་ན།) མ་སྨད་ཡོན་ཏན་དུ་མས་ཤེས་རྒྱུད་བལྟམས་ལྟ་བུ། |
| མ་སྨིན་ཚ་བ |
ཚ་བ་ལུས་ལ་ཐོག་མར་ཕོག་སྐབས་བད་རླུང་གཉིས་གང་རེད་དང་འདོམས་ཏེ་ཚ་བ་རྐྱང་པ་མ་ཡིན་པའི་སྐབས། |
| མ་སྲུ |
ཁྱིམ་ཐབ་བྱས་པའི་བུད་མེད་ཀྱི་སྤྱི་མིང་། (དཔེར་ན།) མ་དང་སྲུ་མོ་ཞེས་པ་ལྟ་བུ། |
| མ་ཧཱ་དེ་བ་ཚེ |
སྲོང་བཙན་སྒམ་པོའི་དུས་བོད་དུ་ཡོང་སྟེ་རྒྱ་ནག་གི་ཆོས་བོད་ཡིག་ཏུ་སྒྱུར་མཁན་རྒྱ་ཧྭ་ཤང་ཞིག |
| མ་ཧཱ་ཙི་ན |
(ལེགས་སྦྱར།) རྒྱ་ནག་ཆེན་པོ། |
| མ་ཧཱ་ཡོ་ག |
སྔགས་རྙིང་མའི་ཐེག་པ་རིམ་དགུའི་ཡ་གྱལ་ཞིག ཆེན་པོའི་རྣམ་འབྱོར་གྱི་ཐེག་པ་ཞེས་བྱ་སྟེ། འཇུག་སྒོ་ཕྱིན་ཕན་པའི་དབང་བཅུ། ནང་ནུས་པའི་དབང་ལྔ། གསང་པ་ཟབ་མོའི་དབང་གསུམ་སྟེ་དབང་མཆོག་བཅོ་བརྒྱད་ཀྱིས་རྒྱུད་སྨིན་པར་བྱས་ནས། ལྟ་བ་དོན་དམ་དཀོར་བདུན་ངོ་བོ་ཉིད་དུ་ཀུན་རྫོབ་གདན་གསུམ་ལྷའི་དཀྱིལ་འཁོར་ལྷུན་གྱིས་གྲུབ་ཅིང་རང་བཞིན་དབྱེར་མེད་པ་ལྷག་པའི་བདེན་པ་དབྱེར་མེད་ཆོས་སྐུ་མཉམ་པ་ཆེན་པོར་གཏན་ལ་ཕབ་ནས། བསྒོམ་པ་བསྐྱེད་རིམ་གཙོ་བོར་སྟོན་ལ། དེའང་ཏིང་འཛིན་གསུམ་གྱིས་ཁོག་དབུབ། ངོ་བོ་དག་རྫོགས་སྨིན་གསུམ་ཚང་བ། སྲོག་སྡོམ་གཟེར་བཞིས་རྒྱས་བཏབ་སྟེ་སྒོམ་པ་དང་རྫོགས་རིམ་རླུང་དང་ཐིག་ལེ་འོད་གསལ་རྣམས་བསྒོམས་ལ། སྤྱོད་པ་སྤྲོས་བཅས། སྤྲོས་མེད། ཤིན་ཏུ་སྤྲོས་མེད་གསུམ་གྱི་ཉེ་རྒྱུ་ལ་བརྟེན་ནས། འབྲས་བུ་རིག་འཛིན་རྣམ་བཞིའི་བསྡུས་པའི་ལམ་ལྔ་མཐར་ཕྱིན་ཏེ་ཟུང་འཇུག་རྡོ་རྗེ་འཆང་གི་གོ་འཕང་ཐོབ་པར་འདོད་དོ། ། |
| མ་ཧཱ་ཡོ་གའི་ཐེག་པ |
མ་ཧཱ་ཡོ་ག་དང་དོན་གཅིག |
| མ་ཧཱ་ར་ཛ |
(ལེགས་སྦྱར།) རྒྱལ་པོ་ཆེན་པོ། |
| མ་ཧེ |
ཚ་བའི་ཁུལ་དང་ཚ་བའི་ཁུལ་རྗེས་མཐུན་པའི་ས་ཆའི་སྒོ་ཕྱུགས་ནོར་གྱི་རིགས་ཤིག་གི་མིང་། རྒྱ་སྐད་དུ་ཧྲོས་ཉིག་ཟེར། |
| མ་ཧེའི་རྒྱལ་མཚན་ཅན |
(མངོན་བརྗོད།) གཤིན་རྗེ། |
| མཁན |
1.ལས་ཚིག་ད་ལྟ་བའི་མཐར་སྦྱར་ན་བྱ་བ་དེའི་བྱེད་པོའམ་བྱ་བ་དེར་བྱང་ཆ་ཡོད་པའི་མིའི་དོན་ཏེ། (དཔེར་ན།) ཞིང་འབྲེག་མཁན། ཆུ་ལ་རྐྱལ་མཁན། ཤིང་གཅོད་མཁན། ཡི་གེ་འབྲི་མཁན་ཞེས་པ་ལྟ་བུ།2.མིང་ཁ་ཤས་ཀྱི་མཐར་སྦྱར་ན་དེའི་སྐོར་གྱི་ཤེས་ཡོན་ཡོད་པའི་སྐྱེས་བུའི་མིང་སྟེ། (དཔེར་ན།) སྙན་ངག་མཁན། སྒྱུ་མ་མཁན། ཤིང་མཁན། ལྷམ་མཁན་ཞེས་པ་ལྟ་བུ། |
| མཁན་ཆུང |
1.སྔར་དགའ་ལྡན་ཕོ་བྲང་གཞུང་གི་སྐུ་དྲག་སེར་མོ་བའི་གོ་སའི་མིང་ཞིག 2.མཁན་པའི་རིགས་མེ་ཏོག་སེར་པོ་འཆར་བ་ཞིག་ནུས་པས་གློ་ནད་སེལ། ལུམས་བྱས་ན་ཡན་ལག་ཞ་རེངས་འདུལ། |
| མཁན་ཆུང་གསེར་མགོ |
མཁན་པ་རིགས་བཞིའི་ནང་ཚན་མཁན་ཨ་ཀྲོང་རོ་མངར་ལ་ཁ། ཞུ་རྗེས་བསིལ། ནུས་པས་ཁྲག་ཤོར་གཅོད། ཡན་ལག་གི་སྐྲངས་པ་འཇོམས། |
| མཁན་ཆེན |
1.གྲྭ་ས་ཁག་གི་ཁྲི་འཛིན་ཆེ་གྲས། 2.སྔར་དགའ་ལྡན་ཕོ་བྲང་གཞུང་གི་སེར་མོ་བའི་གོ་ས་མཁན་སྡེ་ཆེ་གྲས། |
| མཁན་དྲུང |
སྔར་དགའ་ལྡན་ཕོ་བྲང་་སྲིད་གཞུང་སྐབས། ཡིག་ཚང་ལས་ཁུངས་ཀྱི་ལས་འགན་འཁུར་བའི་དྲུང་ཡིག་ཆེན་མོ། |
| མཁན་དྲུང་ཏཱ་བླ་མ |
སྔར་དགའ་ལྡན་ཕོ་བྲང་སྲིད་གཞུང་སྐབས། ཡིག་ཚང་ལས་ཁུངས་ཀྱི་ལས་འགན་འཁུར་བའི་དྲུང་ཡིག་ཆེན་མོ་རྒན་པའི་གོ་གནས་ཅན། |
| མཁན་དྲུང་སྦྲེལ་པོ |
མཁན་དྲུང་མཉམ་སྦྲེལ་ཏེ། སྔར་དགའ་ལྡན་ཕོ་བྲང་་སྲིད་གཞུང་གི་ཡིག་ཚང་ལས་ཁུངས་སུ་མཁན་དྲུང་ཞེས་སེར་མོ་བ་རིམ་བཞི་བཞི་ཡོད་པ་དེ་དག་མཉམ་སྦྲེལ་ལ་ཟེར། |
| མཁན་ནག |
རྩྭ་མཁན་པ་ནག་པོ། |
| མཁན་ནང |
སྔར་དགའ་ལྡན་ཕོ་བྲང་སྲིད་གཞུང་གིས་ས་མཚམས་སྲུང་འཛིན་དུ་བཏང་བའི་རྩེ་དྲུང་ལ་མཁན་པོ་དང༌། ཤོད་དྲུང་ལ་ནང་སོ་ཟེར། |
| མཁན་པ |
ལྡུམ་བུ་འཁན་པ་སྟེ། (དཔེར་ན།) ལོ་མ་ཕྲ་ལ་མེ་ཏོག་ལྗང་སེར་ཅན དྲི་ཞིམ་པ་ཞིག་ཡིན། དེ་ལ་འཁན་སྐྱ་དང་འཁན་པ་གསེར་མགོ་སོགས་རིགས་མང་པོ་ཞིག་ཡོད། མྱུ་གུ་གཞོན་ནུ་སྨན་བྱེད་ཆོག |
| མཁན་པ་ཆིག་སྐྱེས |
རྐང་རེ་རེར་སྐྱེས་པའི་རྩྭ་མཁན་པ། |
| མཁན་པོ |
1.ལས་ཀྱི་འགོ་བྱེད་དམ་བྱེད་པ་པོ་སྟེ། (དཔེར་ན།) སྙན་ངག་མཁན་པོ་ཞེས་པ་ལྟ་བུ། 2.རབ་བྱུང་དང༌། བསྙེན་རྫོགས་ཀྱི་སྡོམ་པ་འབོགས་མཁན། 3.གྲྭ་སའི་མཁན་པོ། |
| མཁན་པོ་བོ་དྷི་ས་ཏྭ |
བོད་རྒྱལ་ཁྲི་སྲོང་ལྡེ་བཙན་གྱི་དུས་སུ་བོད་དུ་ཕེབས་པའི་རྒྱ་གར་གྱི་མཁན་པོ་ཞི་བ་འཚོ། |
| མཁན་པོ་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག སྤྱིར་བརྟན་མཁས་ཀྱི་ཡོན་ཏན་ཕུན་སུམ་ཚོགས་ཤིང༌། ཁྱད་པར་བསྒྲུབ་བྱའི་ངོས་ནས་མཐོང་ཐོས་དོགས་གསུམ་གྱི་སྐྱོན་མེད་པའི་མཁན་པོར་འོས་པའི་དགེ་སློང་ལ་མཁན་པོར་གསོལ་བ་བཏབ་ཅིང་ཁས་བླངས་པ་དང་ལྡན་པའོ། ། |
| མཁན་བརྒྱུད |
1.རབ་བྱུང་གི་སྡོམ་བརྒྱུད། 2.དགོན་པའི་མཁན་པོ་རིམ་བྱུང༌། |
| མཁན་བུ |
མཁན་པོའི་སློབ་མ། |
| མཁན་མོ |
1.སོ་ཐར་སྡོམ་པ་སྟེར་བའི་དགེ་སློང་མའམ་དགེ་སློང་མའི་གཙོ་བོ། 2.ཡོན་ཏན་སློབ་མཁན་བུད་མེད། |
| མཁན་མྱུག |
རྩྭ་མཁན་པའི་མྱུ་གུ། |
| མཁན་ཚབ |
༸གོང་ས་ཏཱ་ལའི་བླ་མའི་མཛོད་པ་སྤྱི་ཁྱབ་མཁན་པོ་དངོས་སུ་མ་བསྐོས་པའི་བར་ལ་དེའི་ལས་འགན་འཁུར་མཁན་དེ་ལ་མཁན་ཚབ་ཟེར། |
| མཁན་ཟུར |
དགོན་པ་སོ་སོའི་མཁན་པོ་འཕོས་ནས་ཟུར་དུ་སྡོད་མཁན། |
| མཁན་རབས |
མཁན་པོ་རིམ་བྱུང༌། |
| མཁན་རིམ |
1.མཁན་པོ་སྔ་ཕྱིར་བྱུང་བའི་རིམ་བརྒྱུད། 2.སྔར་དགའ་ལྡན་ཕོ་བྲང་སྲིད་གཞུང་སྐབས་མཁན་ཆུང་དང་རིམ་བཞིའི་བསྡུས་མིང༌། |
| མཁན་ལྡུམ |
རྩྭ་ལྡུམ་མཁན་པ། |
| མཁན་སྡེ་ཆེ་ཆུང |
སྔར་དགའ་ལྡན་ཕོ་བྲང་སྲིད་གཞུང་གི་སྐུ་དྲག་སེར་མོ་བའི་གོ་སའི་རིམ་པ་ཞིག |
| མཁན་སློབ |
1.བླ་མ་དང་སློབ་མ། 2.མཁན་པོ་དང་སློབ་དཔོན་གྱི་བསྡུས་མིང་འདུལ་བ་ལྟར་ན། གཞི་ཚུལ་ཁྲིམས་རྣམ་པར་དག་པ་དང་ལྡན་པ། འདུལ་བའི་སྡེ་སྣོད་ནས་བཤད་པའི་ཆོ་ག་ལ་མཁས་པ། ནད་པ་སོགས་མགོན་མེད་པའི་སེམས་ཅན་ལ་སྙིང་རྗེ་ཁྱད་པར་ཅན་ལྡན་པ་སྟེ་ཁྱད་ཆོས་གསུམ་ལྡན་གྱི་བླ་མ་དགེ་བའི་བཤེས་གཉེན་ནོ། ། |
| མཁན་སློབ་ཆོས་གསུམ |
མཁན་པོ་བོ་དྷི་ས་ཏྭ་དང༌། སློབ་དཔོན་པད་མ་སམ་ལྷ་བ། ཆོས་རྒྱལ་ཁྲི་སྲོང་ལྡེ་བཙན་གསུམ། |
| མཁའ |
1.དངོས་པོ་ཐམས་ཅད་གནས་པ་དང་འགུལ་བའི་གོ་འབྱེད་པའི་ནམ་མཁའ་སྟོང་བའི་མིང་། 2.(མངོན་བརྗོད།) གྲངས་ཀྱི་ཐིག་གི་མིང༌། |
| མཁའ་ཀློང |
ནམ་མཁའི་དབྱིངས། |
| མཁའ་ཁྱབ |
ནམ་མཁར་ཁྱབ་པའམ་ནམ་མཁའ་ཁེབས་པ་སྟེ་རྒྱ་ཆེ་བའི་དཔེ་སྟེ། (དཔེར་ན།) མཁའ་ཁྱབ་སློབ་མ་ཞེས་པ་ལྟ་བུ། |
| མཁའ་ཁྱབ་ཏིང་ངེ་འཛིན |
ཕྱོགས་ཀྱི་རིས་མེད་པར་ཡོངས་སུ་ཁྱབ་པའི་ཏིང་ངེ་འཛིན་ནོ། ། |
| མཁའ་གཡུགས |
གནམ་ནས་ས་ལ་མི་རྒྱུ་སོགས་གཡུགས་པ། |
| མཁའ་གོས་ཅན |
(མངོན་བརྗོད།) སྤྲིན་པ། |
| མཁའ་གློག |
ནམ་མཁའི་གློག |
| མཁའ་དབུགས |
སའི་གོ་ལའི་ངོས་བཏུམས་ཤིང་མཁའ་དབྱིངས་སུ་ཁྱབ་པའི་རླུང་གི་ཁམས་ཀྱི་མིང་ཡིན། དེ་ནི་ཐན་དབུགས་དང་དབྱང་དབུགས་ཆིན་དབུགས་བཅས་རླུང་ཁམས་རིགས་གསུམ་འདུས་པ་ཞིག་ཡིན། |
| མཁའ་དབྱིངས |
མཁའ་ཀློང་ངམ་ནམ་མཁའི་མཐོངས། |
| མཁའ་དམག |
མཁའ་དབྱིངས་སུ་དམག་འཁྲུགས་རྒྱག་པའི་དམག་དཔུང་སྟེ། སྤྱིར་བཏང་དུ་གནམ་གྲུ་གཏོང་བའི་དམག་དང་། དགྲའི་གནམ་གྲུ་འགོག་པའི་དམག དེ་ལས་གཞན་པའི་མཁའ་དམག་གི་ཆེད་ལས་སྒྲུབ་མཁན་གྱི་དམག་བཅས་འདུས་ནས་གྲུབ་པ་ཡིན། |
| མཁའ་ནོར |
(མངོན་བརྗོད།) ཉི་མ། |
| མཁའ་བགྲོད |
(མངོན་བརྗོད།) བྱ། |
| མཁའ་མཉམ |
1.ནམ་མཁའ་མཐའ་ཡས་པ་དང་མཉམ་པ་རྒྱ་ཆེ་བའི་དཔེ། 2.(མངོན་བརྗོད།) སངས་རྒྱས་སྤྱི། |
| མཁའ་འགྲུལ |
གནམ་གྲུ་ནམ་མཁར་འཕུར་འགྲོ་བར་ཟེར། |
| མཁའ་འགྲོ |
(མངོན་བརྗོད།) 1>བྱ་རིགས། 2>ལྷ། 3>མཁའ་འགྲོ་མ། |
| མཁའ་འགྲོ་གཏད་རྒྱའི་རྒྱ་མདུད |
སྡེ་སྲིད་སངས་རྒྱས་རྒྱ་མཚོའི་དངོས་སློབ་འཕྱོངས་རྒྱས་ངག་དབང་དཔལ་བཟང་གིས་མཛད་པའི་མན་ངག་རྒྱུད་ཀྱི་ལྷན་ཐབས་ཀྱི་གསང་སྨན་རྣམས་ལྷུག་པར་བཀྲོལ་བའི་ལྡེ་མིག་ལྟ་བུའི་ལེ་ཚན་ཞིག |
| མཁའ་འགྲོ་མ |
1.ཐུན་མིན་དངོས་གྲུབ་བརྙེས་པའི་རྣལ་འབྱོར་མ། 2.དག་པའི་ཞིང་ཁམས་སོགས་སུ་སྐྱེས་པའི་ལྷ་མོ། |
| མཁའ་འགྲོ་ཡེ་ཤེས་མཚོ་རྒྱལ |
སློབ་དཔོན་པད་མའི་གསང་ཡུམ་ཞིག |
| མཁའ་འགྲོ་ལ་ཕུག |
སྔོ་སྨན་གྱི་ནང་ཚན་ཆུ་མ་རྩིའི་རིགས་ཤིག་རོ་སྐྱུར་ལ་བསྐ། ཞུ་རྗེས་དྲོད། ནུས་པས་ཆུ་འགགས་འབིགས། སྐྱུག་པ་གཅོད། ཆུ་སེར་དང་དམུ་ཆུ་སྦྱོང༌། |
| མཁའ་འགྲོ་སྐྱེས |
(མངོན་བརྗོད།) སྲིན་པོ། |
| མཁའ་འགྲོ་སྙིང་ཐིག |
སློབ་དཔོན་པད་མ་དངོས་ཀྱིས་མཁའ་འགྲོ་ཡེ་ཤེས་མཚོ་རྒྱལ་ལ་བསྟན་པ་དང༌། པད་མ་ལས་འབྲེལ་རྩལ་གྱིས་གཏེར་ནས་བཏོན་པའི་རྙིང་མའི་གདམས་ངག་ཅིག |
| མཁའ་འགྲོ་སྡེ་ལྔ |
ཤར་རྡོ་རྗེ་མཁའ་འགྲོ། ལྷོ་རིན་ཆེན་མཁའ་འགྲོ། ནུབ་པད་མ་མཁའ་འགྲོ། བྱང་ལས་ཀྱི་མཁའ་འགྲོ། དབུས་སངས་རྒྱས་མཁའ་འགྲོ་བཅས་སོ། ། |
| མཁའ་འགྲོའི་དབང |
1.སྒྲོལ་མའི་གཙོ་མོ། 2.(མངོན་བརྗོད།) 1>བདེ་མཆོག 2>བྱ་ཁྱུང༌། |
| མཁའ་འགྲོའི་བརྡ་ཡིག |
རྙིང་མའི་གཏེར་ཡིག་ལ་མཁའ་འགྲོའི་བརྡ་ཡིག་ཟེར། |
| མཁའ་འཕྲིང |
(བརྡ་རྙིང་།) ཕོར་ཤུབས། |
| མཁའ་འབབ |
བར་སྣང་ནས་འབབ་པའི་མི་རྒྱུ་ཁ་ཆར་སོགས། |
| མཁའ་ཡི་སྙེ་མ |
(མངོན་བརྗོད།) རྒྱལ་མཚན། |
| མཁའ་རླངས |
བར་སྣང་དུ་ཡོད་པའི་རླན་གྱི་རླངས་པ། |
| མཁའ་རླུང |
ནམ་མཁའ་ལ་རྒྱུ་བའི་རླུང༌། |
| མཁའ་ལ་འཁོར |
(མངོན་བརྗོད།) བྱ་རྒོད། |
| མཁའ་ལ་འགྲོ |
(མངོན་བརྗོད།) 1>མདའ། 2>འདབ་ཆགས། 3>ལྷ། |
| མཁའ་ལ་རྒྱུ |
(མངོན་བརྗོད།) 1>སྤྲིན་པ། 2>བྱ། |
| མཁའ་ལ་རྒྱུ་བའི་ཡི་དྭགས |
མི་ཡུལ་གྱི་འབྱུང་པོ་དང་ཐེའུ་རང་ལ་སོགས་པ། |
| མཁའ་ལམ |
1.ནམ་མཁའ། 2.བར་སྣང་དུ་འགྲོ་ལམ། |
| མཁའ་ལམ་པ |
(མངོན་བརྗོད།) ཉི་མ། |
| མཁའ་ལས་བབ |
(མངོན་བརྗོད།) ཆར་པ། |
| མཁའ་ལྡིང |
བྱ་ཁྱུང༌། |
| མཁའ་ལྡིང་གཤོག་པ |
(མངོན་བརྗོད།) མརྒད། |
| མཁའ་ལྡིང་དཀར་པོ |
(མངོན་བརྗོད།) ངང་པ་སྤྱི། |
| མཁའ་སྐྱེས |
(མངོན་བརྗོད།) 1>མེ་སྟག་ལོ། 2>མེ་སྟག |
| མཁའ་སྟེང་འགྲོ |
(མངོན་བརྗོད།) གཟའ་བཀྲ་ཤིས་ཏེ་མིག་དམར། |
| མཁའ་སྣང |
(མངོན་བརྗོད།) སྲིན་བུ་མེ་ཁྱེར། |
| མཁའ་སྣང་མེ་ཁྱེར |
སྲིན་བུ་མེ་ཁྱེར་ཏེ། ལུས་ནས་མེ་འོད་འཕྲོ་བའི་སྲིན་འབུ་ཆུང་ངུ། |
| མཁའ་སྤྱོད |
1.ནམ་མཁར་སྤྱོད་པ། 2.(མངོན་བརྗོད།) བྱ། |
| མཁའ་སྤྱོད་ཀྱི་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། འཇིག་རྟེན་པའི་དབང་ཕྱུག་བརྒྱད་ཐོབ་པའམ། འདོད་ལྷ་རིགས་དྲུག་སོགས་ལྷ་ཡུལ་གྱི་མཁའ་སྤྱོད་རྣམས་སུ་བགྲོད་ནུས་པའོ། ། |
| མཁའ་སྤྱོད་གནས |
མཁའ་འགྲོ་མའི་གནས། |
| མཁའ་སྤྱོད་ཆུང་ངུ |
གཟུགས་ཁམས་བཅུ་བདུན་ཏེ། འདོད་ལྷ་རིགས་དྲུག་མི་ཡུལ་གྱི་ནམ་མཁར་སྤྱོད་པ་སོགས་ཕྱོགས་གཅིག་ཏུ་ངེས་པ་མེད་པ་རྣམས་སོ། ། |
| མཁའ་སྤྱོད་ཆེན་པོ |
ཡོན་ཏན་བརྒྱད་དང་ལྡན་པའི་མཁའ་སྤྱོད་དེ། རྡུལ་ཕྲ་རབ་ཀྱི་ངོ་བོ་ཉིད་དང༌། ལུས་ཡང་བ་ཉིད་དང༌། འཇིག་རྟེན་གསུམ་པོ་མཐའ་དག་ཁྱབ་པར་བྱེད་པ་ཉིད་དང༌། སངས་རྒྱས་ཀྱི་ཡོན་ཏན་འཐོབ་པ་དང༌། ཡེ་ཤེས་ཀྱི་སྣང་བ་གསལ་བ་དང༌། བརྟན་པ་དང༌། སྐྱེ་བོ་ཐམས་ཅད་བདག་ཉིད་ཀྱི་དབང་དུ་གྱུར་པ་དང༌། འདོད་དགུར་སྒྱུར་བ་བཅས་སོ། ། |
| མཁའ་སྤྱོད་དབང་པོ |
(མངོན་བརྗོད།) བྱ་ཁྱུང༌། |
| མཁའ་སྤྱོད་མ |
ཡི་དམ་ཞིག་གི་མཚན། |
| མཁའ་སྤྱོད་སྐོར་གསུམ |
ས་སྐྱ་པའི་མཁའ་སྤྱོད་སྐོར་གསུམ་ནཱ་རོ་མཁའ་སྤྱོད། ཨིནྟྲ་མཁའ་སྤྱོད། མཻ་ཏྲི་མཁའ་སྤྱོད་བཅས་སོ། ། |
| མཁའ་སྤྲིན |
ནམ་མཁའི་སྤྲིན་པ། |
| མཁའ་སྤྲིན་ཅན |
(མངོན་བརྗོད།) གྲོ་བཞིན་ཟླ་བ་སྟེ་ཧོར་ཟླ་བདུན་པ། |
| མཁའི་གླང་པོ |
(མངོན་བརྗོད།) 1>སྤྲིན། 2>འབྲུག |
| མཁའི་པགས་པ |
(མངོན་བརྗོད།) མུན་པ། |
| མཁའི་ཟིལ་པ |
(མངོན་བརྗོད།) བ་མོ། |
| མཁའི་རྒྱལ་མཚན |
(མངོན་བརྗོད།) ནམ་མཁའི་སྤྲིན། |
| མཁར |
1.ས་རྡོའི་གྱང་གི་མིང་སྟེ། (དཔེར་ན།) ས་མཁར རྡོ་མཁར་ཞེས་པ་ལྟ་བུ། 2.གྲོང་ཁྱེར་གྱི་མིང་ལ་འཇུག་པ་ནི། (དཔེར་ན།) མཁར་གྲོང་གི་ཁྱད་པར་ཞེས་པ་ལྟ་བུ། 3.མཁའ་རུ་ཞེས་པའི་རུ་ཡིག་བསྡུས་པ་སྟེ། (དཔེར་ན།) ནམ་མཁར་སྤྲིན་འཁྲིགས་ལྟ་བུ། |
| མཁར་གོང |
རྡོ་ཐལ་གྱི་རྒྱུ་ཆ་བྱེད་ཆོག་པའི་གཏེར་རྡོ་རིགས་ཤིག་གི་མིང་ཡིན རྡོ་སྨན་གྱི་རིགས་ཤིག་དཀར་གོང་སྲིན་ཅན་དང་སྲིན་མེད་གཉིས་མཆིས། ནུས་པས་སྲིན་འདོན། དུག་བརྟག་ཐུབ། |
| མཁར་ཉག |
མཁར་གྱི་ཉ་ག་སྟེ། མཁར་རྒྱའི་ཁལ་གཅིག་གི་ཉི་ཤུ་ཐམ་པའི་ཆ་གཅིག་ཡིན་ཞིང༌། ཉ་ག་གང་རེར་ཧ་ལམ་རྒྱ་མའི་སྲང་བཞི་རེ་ཙམ་ཞིག་ཡིན། |
| མཁར་ཉལ |
(མངོན་བརྗོད།) 1>བྱ། 2>ལྷ། |
| མཁར་བ |
འཁར་བ་ཡི་འབྲི་ཚུལ་གཞན། |
| མཁར་བསེལ |
(བརྡ་རྙིང་།) མཁར་སྲུང་དམག་མི། |
| མཁར་བུ |
(བརྡ་རྙིང་།) 1>བཙན་རྫོང་ཆུང་བ། 2>མཁར་ཆུང་བ། |
| མཁར་བྲེ |
མཁར་རུའི་བྲེ་འབོ་གང་གི་ཉི་ཤུ་ཐམ་པའི་ཆ་གཅིག་ཡིན་ཞིང༌། བྲེ་གང་ལ་ཧ་ལམ་ནས་རྒྱ་མ་གང་དང་སྲང་བཞིའི་ལྗིད་ཡོད། |
| མཁར་ཚོ |
(བརྡ་རྙིང་།) 1>མཁར་སྲུང་དམག་སྡེ། 2>མཁར་ནང་སྡོད་དམངས། |
| མཁར་ཞོལ |
1.མཁར་གྱི་རྩ་བའམ་གཤམ། 2.མཁར་དང་ཁད་ཉེ་བའི་ས་ཆ། |
| མཁར་འཁོར |
(མངོན་བརྗོད།) 1>སྤྲིན། 2>བྱ་རྒོད། |
| མཁར་འདེགས |
མཁར་རུའི་འདེགས་ཁལ་མཁར་འདེགས་ཀྱི་ཁལ་གཅིག་ལ་ཧ་ལམ་རྒྱ་མ་བརྒྱད་ཙམ་ཞིག་ཡིན། |
| མཁར་འབོ |
མཁར་རུ་སྟེ་ནས་མཁར་འབོའི་ཁལ་གཅིག་རེར་ལྗིད་ཚད་ཧ་ལམ་རྒྱ་མ་ཉི་ཤུ་རྩ་བརྒྱད་རེ་ཡོད། |
| མཁར་རིས |
(བརྡ་རྙིང་།) མཁར་རྫོང་གི་ཁོངས་གཏོགས། |
| མཁར་རུ |
དུས་རབས་བཅུ་བདུན་པའི་འགོ་ཚུགས་སྐབས་ཀརྨ་བསྟན་སྐྱོང་གིས་འདེགས་གཤོར་གྱི་དངོས་པོའི་ཚད་གཞི་གཏན་འབེབས་བཟོས་པའི་འབོ་ལ་གཏན་ཚིགས་མཁར་རུ་དང་ཉ་ག་ལ་མཁར་རྒྱ་ཞེས་གྲགས། |
| མཁར་རྒྱ |
མཁར་རུའི་རྒྱ་མ་སྟེ་མཁར་རྒྱའི་འདེགས་ཁལ་གཅིག་ལ་རྒྱ་མ་བརྒྱད་ཙམ་ཡོད། |
| མཁར་རྒྱའི་སྤོར |
མཁར་འདེགས་སམ་མཁར་ཁལ་གཅིག་གི་བརྒྱད་ཅུའི་ཆ་གཅིག |
| མཁར་རྗེ |
1.རྫོང་གི་སྡེ་པ་སྟེ་རྫོང་དཔོན། 2.བསོད་ནམས། |
| མཁར་རྫོང |
རི་སྒང་སོགས་ལ་བརྩིགས་པའི་ཁང་པ་བཙན་པོ་སྟེ། (དཔེར་ན།) གཏོར་དཀའ་བའི་མཁར་རྫོང་ལྕགས་རི་ཅན། མཁར་རྫོང་གོག་པོ་ཞེས་པ་ལྟ་བུ། |
| མཁར་ལན |
(བརྡ་རྙིང་།) མཁར་ལས། |
| མཁར་ལས |
ཨར་པོའི་ལས་ཀ། |
| མཁར་ལྟག |
རྫོང་མཁར་གྱི་རྒྱབ་ཕྱོགས། |
| མཁར་ལྷན |
ཁང་པ་ཉམས་གསོ་བྱེད་པ། |
| མཁར་སིལ |
འཁར་གསིལ་དང་འདྲ། |
| མཁར་སྔོན |
ས་མིང་ཞིག ནང་སོག་ལ་ཡོད། དེང་སང་མིང་ལ་ཧུའུ་ཧོ་ཧའོ་ཐེ་ཟེར། |
| མཁར་སྤེའུ |
1.ལྕགས་རིའི་ཕྱོགས་མཚམས་སུ་མཐོ་ཙམ་དུ་བརྩིགས་པའི་ཁང་པ་སྟེ་ལྕོག་ཀྱང་ཟེར། 2.(བརྡ་རྙིང་།) ཤིང་གི་སྡོང་བུ། |
| མཁལ་གཅོང |
ལུས་སྨད་གྲང་ཞིང་རྐེད་པ་ཁ་འཁོར་ནས་རྒྱུན་རིང་དུ་ན་བའི་མཁལ་ནད་ཅིག |
| མཁལ་གྲང |
མཁལ་མའི་དྲོད་ཉམས་པའི་མཁལ་ནད་ཅིག་ནད་རྟགས་སུ་ལུས་སྨད་དྲོད་དང་བྲལ་ཞིང་མཁལ་རྐེད་ན་བ་དང༌། དྲི་ཆུ་སྲིའམ་སྙི་བ་ཞིག |
| མཁལ་གྲུམ |
གྲུམ་བུའི་ནད་མཁལ་མར་འབབ་པ་ཞིག་ནད་རྟགས་སུ་སྐེད་པ་མན་ཆད་ན་ཞིང་མཇིང་པ་ཕན་ཚུན་བསྒྱུར་དཀའ་བ་ཞིག |
| མཁལ་དམར་ལ |
ཨ་མདོ་རྫོང་ཁོངས་སུ་ཡོད། |
| མཁལ་ནད་གྲང་བ |
མཁལ་གྲང་དང་དོན་གཅིག |
| མཁལ་ནད་ཆུ་ཤོར |
མཁལ་ནད་རིགས་བརྒྱད་ཀྱི་ནང་ཚན་ཞིག མཁལ་རྩ་མི་བདེ་ཞིང་ཟག་ཆུ་ཁྲག་ཏུ་འབྱུང་བའི་ནད་ཅིག |
| མཁལ་ནད་ད་རྒན |
མཁལ་ནད་རིགས་བརྒྱད་ཀྱི་ནང་ཚན་ཞིག མཁལ་མའི་ཐད་ཀྱི་སྒལ་ཚིགས་ཕྱིར་འབུར་པོར་གྱུར་ཏེ་རྒུར་པོར་འགྱུར་བའི་ནད་ཅིག |
| མཁལ་ནད་བརྒྱད |
ལུས་བརྡབས་འགྲམས་ཤོར་བ་དང་རླན་གྲང་གི་གནས་སུ་ལས་མང་བྱས་པ་སོགས་ལས་བྱུང་བའི་མཁལ་ནད་བརྒྱད་དེ། མཁལ་རླུང་དང༌། མཁལ་གཅོང༌། མཁལ་ནད་འོར་ལྷུང༌། མཁལ་ཚད། མཁལ་ནད་ཆུ་ཤོར། མཁལ་འགྲམས། མཁལ་གྲུམ། མཁལ་ནད་ད་རྒན་བཅས་སོ། |
| མཁལ་ནད་འོར་ལྷུང |
མཁལ་རྐེད་ན་ཞིང་ལུས་ལ་ཟ་འཕྲུག་འབྱུང་བ་དང༌། འགྲོ་འདུག་བྱས་ཚེ་པུས་མོ་དང་བོལ་གོང་སྐྲངས་པའི་མཁལ་ནད་ཅིག |
| མཁལ་མ |
མི་ཕྱུགས་ཀྱི་དོན་ལྔའི་ནང་ཚན་ཞིག་སྟེ། གསུས་ཁོག་རྒྱབ་ལོགས་ཀྱི་སྒལ་ཚིགས་ཀྱི་གཡས་གཡོན་ལོགས་གཉིས་ན་མཁལ་འབྲས་རེ་རེ་ཡོད མཁལ་འབྲས་རེ་རེའི་འོག་ཏུ་གཅིན་འབབ་སའི་རྩ་སྦུབས་རེ་ཡོད་པ་དེ་གཉིས་ཀ་ལྒང་བུ་དང་འབྲེལ་ཡོད་པ་དེ་ནས་མར་གཅིན་ལམ་དང་འབྲེལ་ནས་ལུས་ཀྱི་ཕྱི་ལ་བུ་ག་ཕྱེ་ཡོད། མཁལ་མ་གཅིན་པ་ཕྱི་ལ་འབྱིན་བྱེད་ཀྱི་དབང་པོ་གཙོ་བོ་ཞིག་ཡིན། ཚིག་བསྡུས་ན་མཁལ་ཞེས་འབྲི་ཆོག་སྟེ། (དཔེར་ན།) མཁལ་མའི་ཚིལ་ལ་མཁལ་ཚིལ་ཟེར་བ་ལྟ་བུ། |
| མཁལ་མ |
མི་ལུས་ཀྱི་བྱང་ཁོག་སྨད་ཀྱི་ཆར་སྟ་ཟུར་གཡས་གཡོན་གཉིས་ཀྱི་གོང་ཐད་དུ་གནས་ཤིང་དོན་ལྔའི་ཡ་གྱལ་ཞིག་དེའི་བྱེད་ལས་ནི་ལུས་ཀྱི་ཆུ་ཁམས་ཀྱི་དྭངས་མ་རྣམས་ལུས་ལ་སྐྱེལ་ཞིང་སྙིགས་མ་རྣམས་རྒྱུ་གྲོག་རྩའི་བརྒྱུད་ལྒང་པར་སྐྱེལ་བ་ཡིན་ནོ། ། |
| མཁལ་མ་ཞོ་ཤ |
ཤིང་སྨན་གྱི་རིགས་ཤིག་འབྲས་བུ་མཁལ་དབྱིབས་དང་འདྲ་བ། རོ་མངར་ལ་ཚ་བ། ཞུ་རྗེས་ཅུང་བསིལ། ནུས་པས་མཁལ་གཅོང་དང༌། མཁལ་ཚད་སེལ། |
| མཁལ་མདོག |
མཁལ་མའི་མདོག་སྟེ་དམར་སྨུག |
| མཁལ་མའི་གསང |
རྒྱབ་ཀྱི་སྒལ་ཚིགས་བཅུ་བཞི་པ་མཁལ་མ་དང་འབྲེལ་བའི་མེ་བཙའི་གསང་དེར་མེ་བཙའ་བཞག་ན་མཁལ་མའི་གྲང་བ་ལ་ཕན། |
| མཁལ་མའི་རྩ་ནག |
སྒལ་ཚིགས་བཅུ་བཞི་པའི་ཐད་ནས་གཡས་གཡོན་དུ་ཚོན་གང་རེ་དང༌། ཕུན་གང་རེ་གཞལ་བའི་གནས་སུ་ཡོད་པའི་མཁལ་རྩ། |
| མཁལ་མའི་རླུང་ཚབས |
མོ་ནད་རླུང་ཚབས་རིགས་དྲུག་གི་ནང་ཚན་ཚབས་ནད་མཁལ་མར་བྱེར་བ་ཞིག་ནད་རྟགས་སུ་རྐེད་ཚིགས་ཁ་འཁོར་ནས་ན་ཞིང་ལྷག་པར་དུ་གྲང་ན་སྡུག་ཏུ་འགྲོ་བ་ཞིག |
| མཁལ་ཚད |
མཁལ་ནད་བརྒྱད་ཀྱི་ནང་ཚན་མཁལ་མར་ཚ་བ་ཞུགས་པ་ཞིག་ནད་རྟགས་སུ་དྲི་ཆུ་སྲི་ཞིང་རྐེད་པ་ཁ་འཁོར་ནས་ན་བ་སོགས་འབྱུང་བ་ཞིག |
| མཁལ་ཚིལ |
1.མཁལ་མའི་ཚིལ་བུ། 2.ལུས་ཀྱི་གསང་གནད་ཀྱི་བྱེ་བྲག་ཅིག |
| མཁལ་ཞོ |
མཁལ་མ་ཞོ་ཤ་ཡང་ཟེར་ཞིང་། སྲན་མའི་རིགས་ཡིན་ལ་ས་བོན་གྱི་དབྱིབས་མཁལ་མ་དང་མཚུངས། རིགས་དཀར་ནག་གཉིས་ཡོད། དེའི་ནང་གི་མཁལ་ཞོ་དཀར་བོ་ཆེ་བ་དང་མཁལ་ཞོ་ནག་པོ་རྒྱ་སྐད་དུ་ཐུན་ཅི་ལིས་ཟེར་བ་གཉིས་སྨན་བྱེད་ཆོག |
| མཁལ་འགྲམས |
མཁལ་ནད་རིགས་བརྒྱད་ཀྱི་ནང་ཚན་ཞིག |
| མཁལ་འབྲས |
དྲི་ཆུ་སྲི་ཞིང་རྐེད་པ་ཁ་འཁོར་ནས་ན་བ་སོགས་འབྱུང་བའི་འབྲས་ནད་མཁལ་མར་བབས་པ་ཞིག |
| མཁལ་རིལ |
མཁལ་མ། |
| མཁལ་རྩ |
མཁལ་མ་དང་འབྲེལ་བའི་གཏར་རྩ་བྱིན་གཞུག་དང༌། ལོང་རྩ་ལྟ་བུའོ། ། |
| མཁལ་རླུང |
མཁལ་ནད་རིགས་བརྒྱད་ཀྱི་ནང་ཚན་མཁལ་མར་རླུང་ཞུགས་པ་ཞིག་ནད་རྟགས་སུ་རྐེད་པ་འཕྱངས་ནས་ན་ཞིང་རྣ་བ་འོན་པར་འགྱུར་བ་ཞིག |
| མཁལ་སྔོན་ལ |
ཨ་མདོ་རྫོང་ཁོངས་སུ་ཡོད། མཁར་སྔོན་ལའང་ཟེར། |
| མཁས |
1.(བྱེད་མེད་ལས་ཚིག) ནུས་རྩལ་ཡོད་པའམ་བྱང་ཆུབ་པའི་དོན་ཏེ། (དཔེར་ན།) སློབ་སྦྱོང་བྱེད་པ་ལ་མཁས་པ། གཞུང་དོན་འཆད་པ་ལ་མཁས་པ། དམག་དོན་ལ་མཁས་པ། བཟོ་ལས་ལ་མཁས་པ་ཞེས་པ་ལྟ་བུ། 2.ཡོན་ཏན་ཅན་གྱི་མིང་སྟེ། (དཔེར་ན།) མཁས་པ་ཆེན་པོ། མཁས་པའི་དབང་པོ། མཁས་བཙུན་བཟང་གསུམ་འཛོམས་པ་ལྟ་བུ།3.ལེགས་པར་ལོབས་པ་དང༌། བྱང་ཆུབ་པའམ་ཐུབ་པའི་དོན་ཏེ། (དཔེར་ན།) འཚོ་བ་སྐྱེལ་མཁས་པ། འགྲོ་གྲོན་གཏོང་མཁས་པ། རི་མོ་འབྲི་མཁས་པ། ཟ་མཁས་སྤྱོད་མཁས་ཞེས་པ་ལྟ་བུ། |
| མཁས་གནས |
(མངོན་བརྗོད།) དགོན་པ། |
| མཁས་གསལ |
ཡོན་ཏན་ལ་མཁས་ཤིང་ཤེས་རིག་གསལ་བ། |
| མཁས་གྲུབ |
ཚིག་ལ་མཁས་ཤིང་དོན་ལ་བྱང་ཆུབ། |
| མཁས་གྲུབ་ཁྱུང་པོ་རྣལ་འབྱོར |
རབ་བྱུང་དང་པོའི་མེ་ཡོས་གོང་གི་ལོ་གྲངས་ཞེ་དགུ་པ་ས་སྟག་ལ་སྙེ་མོ་ར་མང་དུ་འཁྲུངས། དགུང་ལོ་བརྒྱ་དང་ལྔ་བཅུ་ཙམ་བཞུགས་པར་གྲགས། གདུང་རུས་ཁྱུང་པོ། གཞོན་ནུའི་དུས་སུ་བོན་ལུགས་སོགས་བསླབས་པ་དེ་ལ་བློ་མ་འཁེལ་བར་བལ་པོ་དང་རྒྱ་གར་དུ་ཆོས་ལ་དོན་གཉེར་མཛད། ལོ་ལྔ་བཅུ་ཙམ་གྱི་རིང་རྒྱ་བལ་བོད་གསུམ་དུ་འབྱོན་བཞུད་མཛད། གཡས་རུ་ཤངས་སུ་ཞང་ཞང་གི་དགོན་པས་གཙོས་པའི་དགོན་པ་མང་དུ་བཏབ། དེ་ནས་ཤངས་པ་བཀའ་བརྒྱུད་ཀྱི་སྲོལ་ཕྱེ། གྲྭ་པ་ཁྲི་ཚོ་དུ་མ་འདུས་པར་གྲགས། ཆོས་རྒྱུད་ལོ་གྲངས་བཞི་བརྒྱ་ཙམ་དར་ནས་རིམ་གྱིས་བག་ལ་ཞ་བར་གྱུར། |
| མཁས་གྲུབ་དགེ་ལེགས་དཔལ་བཟང |
ཀུན་གཟིགས་པཎ་ཆེན་ཨེར་ཏེ་ནིའི་སྐུ་ཕྲེང་བརྒྱུད་པ་དང་པོ་འདྲེན་སྲོལ་ཡོད་པའི་བོད་ཀྱི་མཁས་དབང་ཞིག འདི་ཉིད་རྗེ་ཙོང་ཁ་པའི་ཞལ་སློབ་དང༌། ཡབ་སྲས་གསུམ་གྱི་ཡ་གྱལ། དགའ་ལྡན་ཁྲི་རབས་གསུམ་པ་བཅས་ཡིན། |
| མཁས་གྲུབ་ནོར་བཟང་རྒྱ་མཚོ |
རྩིས་རིག་མཁས་པ་ཞིག ཁོང་གིས་རབ་བྱུང་བརྒྱད་པའི་ས་ཁྱི་ལོར་རྩིས་གཞུང་དྲི་མེད་འོད་རྒྱན་མཛད། རྩེ་ཐང་བསམ་གཏན་གླིང་དུ་ཐུར་གྲིབ་བརྟགས། |
| མཁས་གྲུབ་རྒྱ་མཚོ |
༸གོང་ས་ཏཱ་ལའི་བླ་མ་སྐུ་ཕྲེང་བཅུ་གཅིག་པ། རབ་བྱུང་བཅུ་བཞི་པའི་ས་ཁྱི་ལོར་ཁམས་མགར་ཐར་དུ་འཁྲུངས། ཆུ་སྟག་ལོར་༸གོང་ས་ཏཱ་ལའི་བླ་མའི་ཡང་སྲིད་དུ་ངོས་འཛིན་གྱིས་གསེར་ཁྲིའི་ཐོག་ཏུ་གདན་འདྲེན་ཞུས། ཤིང་ཡོས་ལོར་རྒྱལ་སྲིད་ཆོས་སྲིད་བཞེས། ལོ་དེ་ཉིད་དུ་འདས། |
| མཁས་གྲུབ་རྗེ |
མཁས་གྲུབ་དགེ་ལེགས་དཔལ་བཟང་དང་དོན་གཅིག |
| མཁས་ཐལ |
མཁས་ཚུལ་ཐལ་ཆེས་པ་སྟེ། (དཔེར་ན།) མཁས་ཐལ་ཤོར་བས་མཐར་ཁུངས་མ་འཁྱོལ་བ་ལྟ་བུ། |
| མཁས་པའི་ང་རྒྱལ |
ང་ནི་མཁས་པ་ཡིན་ནོ་བསམ་པའི་ཁེངས་པ། |
| མཁས་པའི་དགའ་སྟོན |
ལྷོ་བྲག་ཆོས་འབྱུང་མཁས་པའི་དགའ་སྟོན་གྱི་བསྡུས་མིང༌། |
| མཁས་པའི་དམིགས་པ |
ཞི་གནས་ཀྱི་དམིགས་པ་བཞིའི་ཡ་གྱལ་ཞིག་ཕུང་པོ་དང༌། ཁམས་དང༌། སྐྱེ་མཆེད་དང༌། རྟེན་འབྲེལ་དང༌། གནས་དང་གནས་མ་ཡིན་པ་རྣམས་ལ་མཁས་པའོ། ། |
| མཁས་པའི་བྱ་བ་གསུམ |
འཆད་པ་དང༌། རྩོད་པ། རྩོམ་པ་གསུམ་མོ། ཡང་ན། རིགས་ལམ་ལ་བྱང་བའི་བློ། གཞུང་ལུགས་གདམས་པར་ཤར་བའི་ཉམས་ལེན། ཚིག་སྦྱོར་ལ་མཁས་པའི་ངག་གི་དཔལ་ཏེ་གསུམ་མོ། ། |
| མཁས་པའི་མགུལ་རྒྱན |
སི་ཏུའི་སུམ་རྟགས་ཏེ་ཡུལ་གངས་ཅན་པའི་བརྡ་ཡང་དག་པར་སྦྱོར་བའི་བསྟན་བཅོས་ཀྱི་བྱེ་བྲག་སུམ་ཅུ་པ་དང་རྟགས་ཀྱི་འཇུག་པའི་གཞུང་གི་རྣམ་པར་བཤད་པ་མཁས་པའི་མགུལ་རྒྱན་མུ་ཏིག་ཕྲེང་མཛེས་ཞེས་པ། རབ་བྱུང་བཅུ་གཉིས་པའི་ཤིང་བྱི་ལ་ཀརྨ་སི་ཏུ་ཆོས་ཀྱི་འབྱུང་གནས་སམ་གཙུག་ལག་ཆོས་ཀྱི་སྣང་བས་མཛད་པ། |
| མཁས་པའི་རྣ་རྒྱན |
མངོན་བརྗོད་ཀྱི་བསྟན་བཅོས་མཁས་པའི་རྣ་རྒྱན་ཞེས་པ། སྡེ་པ་རིན་སྤུངས་པ་ངག་དབང་འཇིག་རྟེན་དབང་ཕྱུག་གྲགས་པས་རབ་བྱུང་བཅུ་པའི་ལྕགས་མོ་སྦྲུལ་གྱི་ལོ་ལ་མཛད་པའི་མངོན་བརྗོད་ཀྱི་བསྟན་བཅོས་ཤིག |
| མཁས་པོ |
བྱང་པོའམ་གོམས་པོའི་དོན་ཏེ། (དཔེར་ན།) ཐབས་ཤེས་མཁས་པོ། ལེགས་པར་སྦྱངས་ན་མཁས་པོ་ཡོང༌། ཁ་མཁས་མི་མཁས་ལ་བལྟ་རྒྱུ་མེད། ལག་པ་མཁས་མི་མཁས་ལ་བལྟ་དགོས་ལྟ་བུ། |
| མཁས་བཙུན་ཆེན་པོ |
མཚན་དངོས་ནམ་མཁའ་ལེགས་པའི་རྒྱལ་མཚན་ཡིན། གུ་ཤྲི་བདག་ཉིད་ཆེན་པོའི་སྲས་སུ་རབ་བྱུང་ལྔ་པའི་ཤིང་སྦྲུལ་ལོ་ལ་འཁྲུངས། ཤིང་གླང་ལོ་ནས་བཟུང་ས་སྐྱའི་གདན་ས་ལོ་བཅུ་དགུ་མཛད། རབ་བྱུང་དྲུག་པའི་ཆུ་ལུག་ལོར་འདས། |
| མཁས་བཙུན་བཟང་གསུམ |
ཤེས་བྱ་རིག་པའི་གནས་ལ་མ་རྨོངས་པ་དང༌། སྒོ་གསུམ་གྱི་ཉེས་སྤྱོད་སྡོམ་པའི་ཚུལ་ཁྲིམས་གཙང་བ་དང༌། གཞན་ཕན་གྱི་ལྷག་བསམ་རྣམ་པར་དག་པ་སྟེ་གསུམ། |
| མཁས་བླུན |
ཤེས་རིག་ཅན་དང༌། རྨོངས་པ། |
| མཁས་མ |
ཡོན་ཏན་ཅན་གྱི་བུད་མེད། |
| མཁས་མཆོག |
རབ་ཏུ་བྱང་ཆུབ་པ། |
| མཁས་མདོག |
མཁས་པ་མིན་ནའང་ཡིན་ཁུལ་གྱི་དོན་ཏེ། (དཔེར་ན།) མཁས་མིན་མཁས་མདོག་སྟོན་པ་སྔོ་ལོ་འཕྱར་བའི་རྒྱུ་རེད་ཅེས་པ་ལྟ་བུ། |
| མཁས་མཛངས |
མཁས་ཤིང་དཔའ་བའམ། བཟང་སྤྱོད་དང་ལྡན་པ། |
| མཁས་འདོད |
ཡོན་ཏན་ལ་མཁས་པར་བྱེད་འདོད་པ་སྟེ། (དཔེར་ན།) ཡོན་ཏན་ལ་མཁས་འདོད་ཁ་སྦྱང་ཙམ་གྱིས་བློ་སྐྱེད་མི་ཐོན་ལྟ་བུ། |
| མཁས་རློམ |
མཁས་པ་མིན་བཞིན་དུ་ཡིན་སྙམ་པའི་ང་རྒྱལ། |
| མཁས་རློམ་སྟོང་བཤད |
མི་མཁས་ཀྱང་མཁས་པ་ཡིན་སྙམ་པའི་སྟོང་བཤད། |
| མཁུ |
འཁུ་ཡི་འབྲི་ཚུལ་གཞན། |
| མཁུ་བ |
(བརྡ་རྙིང་།) གོ་ལྡོག་པ། |
| མཁུན |
འཁུན་གྱི་འབྲི་ཚུལ་གཞན། |
| མཁུར་བ |
མིའི་གདོང་གི་ལོགས་གཉིས་ཀྱི་མིང་སྟེ། མཁུར་མགོ་ཡང་ཟེར། |
| མཁུར་བ་མི་སྤོ |
ཟས་འགྲམ་ཁུག་གཡས་གཡོན་ཕར་ཚུར་མི་སྤོ་བ་ཞེས་འདུལ་བའི་ནང་དུ་བཤད། |
| མཁུར་ཚོས |
མཁུར་མགོ་དང་མཁུར་མགོའི་དམར་མདངས་ཀྱི་མིང་། |
| མཁུར་འཛུམ |
གད་མོ་དགོད་སྐབས་ཀྱི་མཁུར་ཚོས་ཀྱི་རྣམ་འགྱུར་ཞིག (དཔེར་ན།) མཁུར་འཛུམ་བྱས་ཏེ་སྐད་ཆ་བཤད་ཅེས་པ་ལྟ་བུ། |
| མཁོ་ཆས |
ཉེར་མཁོའི་དངོས་ཆས་ཏེ། (དཔེར་ན།) ཕྱོགས་བཞི་མཚམས་བརྒྱད་ནས་མཁོ་ཆས་སྒྲུབ་ཅེས་པ་ལྟ་བུ། |
| མཁོ་དགུ |
གང་མཁོ་ཐམས་ཅད་ཀྱི་དོན་ཏེ། (དཔེར་ན།) མཁོ་དགུའི་ལོངས་སྤྱོད་འཛོམས་ལྟ་བུ། |
| མཁོ་བ |
(རྒྱན་ཚིག) དགོས་མཁོ་ཡོད་པའི་དོན་ཏེ། (དཔེར་ན།) འདྲུད་འཐེན་འཁོར་ལོ་ནི་ཞིང་ལས་ལ་མཁོ་བའི་ཡོ་བྱད་ཅིག་རེད སྨྱུ་གུ་ནི་ཡི་གེ་འབྲི་བ་ལ་མཁོ་བའི་ཡོ་བྱད་ཅིག་རེད། མཁོ་ཆེ་བ། མཁོ་མེད། མཁོ་གལ་ཆེ་བ་ལྟ་བུ། |
| མཁོ་བའི་ཡོ་བྱད |
རབ་བྱུང་གི་གོས་ཀྱི་གཞིའི་ནང་གསེས། ཡོ་བྱད་གསུམ་གྱི་ཡ་གྱལ་ཞིག་འཚོ་བའི་ཡོ་བྱད་གང་རུང་གི་དབྱིབས་སུ་མ་དྲུབས་པའི་གོས་ཁྲུ་གང་ཡན་ཆད་ཚད་མ་ངེས་པ་མདོག་དབྱིབས་མ་ངེས་པ། རང་དང་གྲོགས་ཚངས་པ་མཚུངས་པར་སྤྱོད་པ་གཞན་གཉིས་ཀའི་མིང་གིས་བྱིན་གྱིས་བརླབས་པ། དར་གོས་སྣམ་བུ་ལྟ་བུ་ནོར་གྱི་འདུ་ཤེས་དང༌། ཞྭ་དང་སྐ་རགས་སོགས་གོས་ཀྱི་འདུ་ཤེས་སྐྱེ་བའི་ཡོ་བྱད་དག |
| མཁོ་མ་བཟོད |
ཕན་མ་ཐོགས་པ། |
| མཁོ་མཐིང་ལྷ་ཁང |
ལྷོ་བྲག་ས་ཁུལ་དུ་སྲོང་བཙན་སྒམ་པོའི་སྐབས་བཏབ་པའི་ཡང་འདུལ་གྱི་གཙུག་ལག་ཁང་བཞིའི་ཡ་གྱལ་ཞིག |
| མཁོ་ཚད |
1.མཁོ་བ་ཡོད་དགུ་ཚང་མ། 2.མཁོ་རྒྱུའི་འབོར་ཚད། |
| མཁོ་འདོན |
མཁོ་ཆས་འདོན་སྤྲོད། |
| མཁོ་སྒྲུབ |
མཁོ་ཆས་ཉོ་སྒྲུབ་ཀྱི་དོན་ཏེ། (དཔེར་ན།) མཁོ་སྒྲུབ་ལས་ཁུངས་ཞེས་པ་ལྟ་བུ། |
| མཁོ་སྤྱད |
ཉེར་མཁོའི་ཡོ་བྱད། |
| མཁོ་སྤྲོད |
མཁོ་ཆས་འདོན་སྤྲོད། |
| མཁོན |
འཁོན་གྱི་འབྲི་ཚུལ་གཞན། |
| མཁོས་ཕབ |
སེམས་བདེ་བར་གནས་པའམ་ལྷོད་ཕབ་པའི་དོན་ཏེ། (དཔེར་ན།) མི་ཡུལ་ལ་མཁོས་ཕབ་ཀྱིས་གཞི་ཆགས་ལྟ་བུ། |
| མཁོས་ཕབ |
1.སྐབས་བབ་ཀྱི་དོན་ཏེ། (དཔེར་ན།) རང་ལ་མཁོས་ཕབ་ཀྱི་བྱ་བ་བྱས། བྱ་བ་དེ་ཁྱོད་ལ་མཁོས་སུ་ཕབ་པ་ཞིག་རེད་ཅེས་པ་ལྟ་བུ། 2.སེམས་བདེ་བར་གནས་པའམ་ལྷོད་ཕབ་པའི་དོན་ཏེ། (དཔེར་ན།) མི་ཡུལ་ལ་མཁོས་ཕབ་ཀྱིས་གཞི་ཆགས་ལྟ་བུ། |
| མཁོས་ཕེབས |
བློ་བག་ཕེབས་པ་སྟེ། (དཔེར་ན།) མཁོས་ཕེབས་ཀྱིས་གནས་པ། བདེ་སྡུག་འདྲ་དང་མི་འདྲ་བའི་ཡུལ་དེའི་སྐྱེ་རྒུ་མཁོས་མི་ཕེབས་ཞེས་པ་ལྟ་བུ། |
| མཁོས་ཞན་པ |
(བརྡ་རྙིང་།) དོན་མེད་དམ་དགོས་པ་ཆུང་བ། |
| མཁོས་སུ་འབབ་པ |
བློ་ལ་འགྲོ་བའམ་བློ་བག་ཕེབས་པའི་དོན་ཏེ། (དཔེར་ན།) ཡུལ་ལུང་སྐྱིད་ཅིང་མཁོས་སུ་འབབ་པ་ཞིག་ཏུ་ཕྱིན་ནས་གནས་སྐབས་ངལ་གསོ་དགོས་ལྟ་བུ། |
| མཁྱིད |
ལག་པའི་མཛུབ་མོ་དང་གུང་མོ་སྲིན་ལག་མཐེའུ་ཆུང་རྣམས་བརྩེགས་མར་བྱས་པའི་སྟེང་མཐེ་བོང་གི་ནེའུ་ལེའི་རི་མོ་མངོན་ཙམ་སྦྱར་བའི་ཚད་ལ་ཟེར་ཏེ། དེ་དང་སོར་ལྔ་གཞལ་བ་གཉིས་དོན་གཅིག |
| མཁྱུད |
(བྱེད་འབྲེལ་ལས་ཚིག) མན་ངག་ཆུང་ངུ་སོགས་སྦས་པའམ་གསང་བའི་བརྡ་རྙིང་སྟེ། (དཔེར་ན།) ལག་རྩལ་གཞན་ལ་མི་སློབ་པ་ལ་དཔེ་མཁྱུད་བྱེད་ཟེར་བ་ལྟ་བུ། |
| མཁྱུད་དཔྱད |
ཤིན་ཏུ་ཟབ་པའི་མན་ངག་ལག་ལེན་གྱི་སྐོར་རྣམས་གུད་དུ་སྦས་པའི་གཞུང༌། |
| མཁྱུད་དཔྱད་པ |
1.སྨན་པ། 2.རྟེན་འབྲེལ་གྱི་བཅོས་ཀ་སྣ་ཚོགས་བྱེད་མཁན། |
| མཁྱུད་སྤྱད |
གསང་བའི་ལག་རྩལ་ཆུང་ངུའམ་ཤེས་ཡོན་ཆུང་ངུ་རྣམས་ཕྱོགས་སྒྲིག་བྱས་པའི་དཔེ་ཆའི་མིང་སྟེ། དཔེ་ཆ་དེ་རིགས་གསང་ནས་སྤྱོད་པས་ན་མཁྱུད་སྤྱད་ཟེར། |
| མཁྱེན |
1.(བྱེད་འབྲེལ་ལས་ཚིག) ཤེས་པའམ་རྟོགས་པའི་ཞེ་ས་སྟེ། (དཔེར་ན།) ཡོན་ཏན་མང་པོ་མཁྱེན་པ། གསོ་རིག་མཁྱེན་པ་ཞེས་པ་ལྟ་བུ། 2.རེ་བ་བྱེད་ཅེས་པའི་ཞེ་ས་སྟེ། (དཔེར་ན།) ནད་པ་འདི་ལ་སྨན་བཅོས་གནང་བར་མཁྱེན་མཁྱེན་ཞེས་པ་ལྟ་བུ། |
| མཁྱེན་གཟིགས |
ཤེས་བྱའི་གནས་རྟོགས་ཤིང་ཁོང་དུ་ཆུད་པ། |
| མཁྱེན་གསུམ |
མཁྱེན་པ་གསུམ་དང་དོན་གཅིག |
| མཁྱེན་དཔྱོད |
ཤེས་རབ་ཀྱི་ཞེ་ས་སྟེ། (དཔེར་ན།) ཤེས་བྱའི་གནས་ཀུན་འཇལ་བའི་མཁྱེན་དཔྱོད་ཟབ་ཅིང་ཡངས་ལྟ་བུ། |
| མཁྱེན་པ་གཉིས |
ཇི་ལྟ་བ་མཁྱེན་པ་དང༌། ཇི་སྙེད་པ་མཁྱེན་པ་གཉིས་སོ། ། |
| མཁྱེན་པ་གསུམ |
ཤེར་ཕྱིན་དངོས་པོ་བརྒྱད་ཀྱི་ནང་གསེས། ཤེས་པར་བྱ་བའི་ཡུལ་མཁྱེན་པ་གསུམ་གཞི་ཤེས་དང༌། ལམ་ཤེས་དང༌། རྣམ་མཁྱེན་རྣམས་སོ། ། |
| མཁྱེན་པ་གསུམ་གྱི་ཆོས་སུམ་ཅུ |
ཤེར་ཕྱིན་དོན་བདུན་ཅུའི་ནང་ཚན། མཁྱེན་པ་གསུམ་མཚོན་བྱེད་ཀྱི་ཆོས་སུམ་ཅུ་རྣམ་མཁྱེན་གྱི་ཆོས་བཅུ་དང༌། ལམ་ཤེས་ཀྱི་ཆོས་བཅུ་གཅིག་དང༌། གཞི་ཤེས་ཀྱི་ཆོས་དགུ་བཅས་སུམ་ཅུའོ། ། |
| མཁྱེན་པ་བཞི |
ཁམས་མཁྱེན་པ་དང༌། རང་བཞིན་མཁྱེན་པ། བསམ་པ་མཁྱེན་པ། བག་ལ་ཉལ་མཁྱེན་པ་བཅས་བཞིའོ། ། |
| མཁྱེན་པ་ལྔ |
ཡེ་ཤེས་ལྔ་དང་དོན་གཅིག |
| མཁྱེན་པའི་སྟོབས |
ཤེས་པའམ་རྟོགས་པའི་ནུས་པ། |
| མཁྱེན་བཟང |
ཤེས་རབ་ལེགས་པོ། |
| མཁྱེན་བརྩེ |
ཐུགས་མཁྱེན་པའི་ཡེ་ཤེས་དང་བརྩེ་བའི་ཐུགས་རྗེ། |
| མཁྱེན་མཁྱེན |
མཁྱེན་པར་མཛོད་དམ་ཐུགས་རྗེས་གཟིགས་ཞེས་རེ་བ་ཞུ་བའི་ཚིག (དཔེར་ན།) ཁྱེད་ཀྱིས་མཁྱེན་མཁྱེན། བདག་ལ་རོགས་རམ་ཡོད་པ་མཁྱེན་མཁྱེན་ཞེས་པ་ལྟ་བུ། |
| མཁྱེན་རབ |
ཤེས་རབ་ཀྱི་ཞེ་ས། |
| མཁྱེན་རབ་ནོར་བུ |
རབ་བྱུང་བཅོ་ལྔ་པའི་ཆུ་ལུག་ལོར། དྭགས་ལྷ་སྒམ་པོའི་རི་ཞོལ་དུ་སྐུ་འཁྲུངས། ཆུང་དུས་ནས་རྩེ་ཐང་ལྔ་མཆོད་གྲྭ་ཚང་དུ་ཆོས་ཞུགས་གནང༌། དེ་ནས་ལྷ་ས་ལྕགས་པོ་རིར་གསོ་རིག་དང་དཀར་རྩིས་སློབ་སྦྱོང་དུ་ཕེབས། ༸གོང་ས་ཏཱ་ལའི་བླ་མ་སྐུ་ཕྲེང་བཅུ་གསུམ་པས་སྨན་རྩིས་ཁང་གསར་འཛུགས་གནང་བའི་སྐབས་སྤྱི་ཁྱབ་ཏུ་བསྐོ་གཞག་མཛད་པ་ནས་བཟུང་བོད་ཀྱི་རིག་གནས་སྤྱི་དང༌། ལྷག་པར་སྨན་རྩིས་གཉིས་འཕེལ་རྒྱས་གཏོང་ཕྱིར་སྐུ་ཚེ་རིལ་པོར་འབད་བརྩོན་གནང་སྟེ་མཁས་པ་དུ་མ་གསོ་སྐྱོང་དང་འབྲེལ་རྩ་རྒྱུད་སྡོང་འགྲེམས་གསོ་རིག་རྒྱ་མཚོའི་སྙིང་པོ་དང༌། རྩིས་གཞུང་རིག་ལྡན་སྙིང་ཐིག་གི་ཁ་སྐོང་སོགས་གསུང་རྩོམ་མང་པོ་བརྩམས། སྤྱི་ལོ་1959 ལོར་བོད་དུ་དམངས་གཙོའི་བཅོས་བསྒྱུར་བྱས་པའི་རྗེས་སུ་མུ་མཐུད་ཀྱིས་སྨན་རྩིས་ཁང་གི་ཡོན་ཀྲང་གནང༌། དགུང་ལོ་བརྒྱད་ཅུར་དགོངས་པ་རྫོགས། |
| མཁྱེན་རྒྱ |
ཤེས་རྒྱའམ་ཤེས་ཚད་ཀྱི་དོན་ཏེ། (དཔེར་ན།) མཁྱེན་རྒྱ་ཅན་ཞེས་པ་ལྟ་བུ། |
| མཁྱེན་ལྔ་པ |
(མངོན་བརྗོད།) སངས་རྒྱས་སྤྱི། |
| མཁྱེན་ལྡན |
1.ཤེས་རབ་ཅན། 2.སངས་རྒྱས་ཤིག་གི་མཚན། |
| མཁྱེན་སྤྱན |
བློ་གྲོས་མིག་གི་གཟུགས་སུ་བཀོད་པ་སྟེ། (དཔེར་ན།) མཁྱེན་སྤྱན་མཆོག་ཏུ་ཡངས་ཞེས་པ་ལྟ་བུ། |
| མཁྲང |
(རྒྱན་ཚིག) འབུར་ཞིང་ཁོང་སྟོང་མ་ཡིན་པའི་དོན་ཏེ། (དཔེར་ན།) ལུས་རྩལ་སྦྱངས་ན་ཡན་ལག་མཁྲང་བར་འགྱུར། མཛོ་མོའི་ནུ་མ་མཁྲང་ཞེས་པ་ལྟ་བུ། |
| མཁྲང་ཐང |
གྱོང་པོའམ་མཁྲེགས་པོའི་དོན་ཏེ། (དཔེར་ན།) གཟུགས་པོ་མཁྲང་ཐང༌ཞེས་པ་ལྟ་བུ། |
| མཁྲང་པོ |
1.གྱོང་པོའམ་གུག་པོ་མིན་པ་སྟེ། (དཔེར་ན།) མཇིང་པ་མཁྲང་པོ་ཞེས་པ་ལྟ་བུ། 2.གྲིམས་པའི་དོན་ཏེ། (དཔེར་ན།) བློ་མཁྲང་པོ་ཞེས་པ་ལྟ་བུ། |
| མཁྲང་བ |
1.སྲ་ལ་མཁྲེགས་པ། 2.མཁྲང་པོ་དང་འདྲ། |
| མཁྲང་མཁྲང་པོ |
མཁྲང་འགྱུར་དང་དོན་གཅིག |
| མཁྲང་འགྱུར |
མངལ་ལུས་མཁྲེགས་འགྱུར་ཏེ། མངལ་གྱི་གནས་སྐབས་ལྔ་ལས་བཞི་པའི་མིང༌། |
| མཁྲིག་དཀར |
རྟ་དྲེའུ་སོགས་རྐང་ལག་གི་མཁྲིག་མ་མན་ཆད་སྤུ་མདོག་དཀར་པོ་ཅན། |
| མཁྲིག་མ |
ལག་མགོ་དང་ལག་ངར་འབྲེལ་བའི་ཚིགས་མཚམས་ཀྱི་མིང་། སྨན་གཞུང་དུ་རྩ་ལ་བརྟག་པ་གསུང་སྐབས། བལྟ་གནས་མཁྲིག་མའི་གཉེར་མ་དང་པོ་ནས། ཚོན་གང་མར་བཅལ་རུས་པ་འབུར་བའི་ལྡེབས་ཞེས་པ་ལྟ་བུ། |
| མཁྲིས་ཁྲག |
ནད་ཀྱི་བྱེ་བྲག་ཅིག |
| མཁྲིས་གསང |
རྒྱབ་ཀྱི་སྒལ་ཚིགས་གཉིས་པ་དང་བཅུ་པ་མཁྲིས་པ་དང་འབྲེལ་བའི་མེ་བཙའི་གསང་དེ་ལ་མེ་བཙའ་བཞག་ན་མཁྲིས་པ་གྲང་མཁྲིས་ལ་ཕན། |
| མཁྲིས་གླང |
མཁྲིས་པ་གླང་འཐབ་ཀྱི་ནད། |
| མཁྲིས་ཆེན་བཞི |
མིའི་མཁྲིས་པ་དང༌། དོམ་གྱི་མཁྲིས་པ། བྱ་རྒོད་ཀྱི་མཁྲིས་པ། ཉའི་མཁྲིས་པ་བཅས་ཏེ་བཞིའོ། ། |
| མཁྲིས་ནད |
མཁྲིས་པའི་ནད་ཀྱི་བསྡུས་ཚིག |
| མཁྲིས་པ |
1.མི་ཕྱུགས་ཀྱི་མཁྲིས་པ་སྟེ། མཆིན་པའི་ལོགས་གཡས་པའི་འོག་ན་ཡོད་པའི་ཁུག་མའི་དབྱིབས་ཅན་ཞིག་ཡིན་ཞིང་། ནང་ན་གཤེར་ཁུ་མདོག་ལྗང་སེར་རོ་ཁ་བ་ཞིག་ཡོད་པ་ལ་མཁྲིས་ཁུ་ཟེར། དེ་ཟས་འཇུ་བ་དང་། ནད་འབུ་ཕྲ་མོ་འཇོམས་པ། རུལ་བ་འགོག་པ་བཅས་ལ་ནུས་པ་ཡོད་པ་ཞིག་ཡིན། སྨན་གཞུང་དུ་དེ་ལ་སྣོད་ཀྱི་མཁྲིས་པ་ཟེར། ཚིག་བསྡུས་ན་མཁྲིས་ཞེས་འབྲི་ཆོག་སྟེ། (དཔེར་ན།) མཁྲིས་ཁུ་ཞེས་པ་ལྟ་བུ 2.སྨན་གཞུང་དུ་བཤད་པའི་རླུང་མཁྲིས་བད་ཀན་གསུམ་གྱི་ནང་ཚན་གྱི་མཁྲིས་པ་སྟེ། རང་བབ་ཏུ་གནས་ཚེ་ལུས་ཀྱི་དྲོད་བསྐྱེད་པ་སོགས་ལ་ཕན་པ་ཞིག་དང་། ཚད་ལས་འདས་ན་མཁྲིས་ནད་དུ་འགྱུར་བ་ཡིན། དེ་ལ་མཁྲིས་པ་འཇུ་བྱེད། མཁྲིས་པ་མདངས་སྒྱུར། མཁྲིས་པ་སྒྲུབ་བྱེད། མཁྲིས་པ་མཐོང་བྱེད། མཁྲིས་པ་མདོག་གསལ་བཅས་ལྔ་ཕྱེ་འདུག |
| མཁྲིས་པ་ཁ་ལུད |
སྣོད་ཀྱི་མཁྲིས་པ་ཁ་ལུད་ནས་མཁྲིས་ཁུ་རྩ་མིག་ཏུ་བྱེར་བ་ཞིག |
| མཁྲིས་པ་གཤའ་རིང |
རུ་ཐུང་ཟུར་ནས་མར་ལག་ངར་རྒྱབ་ངོས་ནས་ཐུར་དུ་འགྲོ་བའི་རྩ་དང་པོ་སྣོད་མཁྲིས་དང་འབྲེལ་བའི་གཏར་རྩ་ཞིག་དེ་གཏར་ན་མཁྲིས་ནད་ཡུན་ལོན་དང༌། མཁྲིས་རིམས་མགོ་ནད་སོགས་ལ་ཕན། |
| མཁྲིས་པ་ཅན |
སྤྲོ་ཐུང་བའི་མི། |
| མཁྲིས་པ་ཐང་ལས་ལྷག་པ |
མེ་དྲོད་མཁྲིས་པ་རང་གི་ལྡང་ཚད། སྐྱེས་པའི་གསང་སྒྲོ་གང་དང༌། བུད་མེད་ལ་དངོས་བསྟན་མ་གསུངས་ནའང་ཤུགས་བསྟན་དེ་ལྟར་གོ་དགོས་པས་དེ་ལས་ལྷག་པར་གྱུར་པའི་དོན། |
| མཁྲིས་པ་མིག་སེར |
སྣོད་མཁྲིས་ཁ་ལུད་དེ་རྩ་མིག་ཏུ་བྱེར་ནས་མིག་སྤྲིན་སེར་པོར་འགྱུར་བ་ཞིག |
| མཁྲིས་པ་རྩ་རྒྱུག |
རིམས་ནད་མཁྲིས་པར་བབས་པ་དང༌། ཟས་སྤྱོད་སོགས་རྐྱེན་གཞན་གྱིས་སྣོད་མཁྲིས་རྩར་བརྒྱུགས་ནས་བཞིན་མིག་པགས་པ་རྣམས་སེར་པོར་འགྱུར་བའི་ནད་ཅིག |
| མཁྲིས་པ་ལྔ |
ལུས་ཀྱི་རྩ་བའི་མཁྲིས་པ་ལྔ་མཁྲིས་པ་འཇུ་བྱེད་དང༌། མདངས་བསྒྱུར། སྒྲུབ་བྱེད། མཐོང་བྱེད། མདོག་གསལ་བཅས་སོ། ། |
| མཁྲིས་པ་ཤ་སེར |
སྣོད་མཁྲིས་ཁ་ལུད་དེ་རྩ་མིག་ཏུ་བྱེར་ནས་ཤ་མདོག་སེར་པོར་འགྱུར་བ་ཞིག |
| མཁྲིས་པའི་ནད |
ལུས་ཀྱི་དྲོད་ཁམས་རྒྱས་པའི་ཚ་བའི་ནད་ལ་ཉེས་པའི་མཁྲིས་པ་དང༌། མཆིན་འདབས་མཁྲིས་ཐུམ་སྐྱོན་དུ་གྱུར་པའི་མཁྲིས་པ་གཉིས། |
| མཁྲིས་ཚབས |
མངལ་ནད་ཅིག |
| མཁྲིས་ཟད |
མཁྲིས་པའི་ལྡང་ཚད་གསང་སྒྲོ་གང་ཡིན་པས་དེའི་ཆ་ཤས་ཟད་པར་གྱུར་ནས། ལུས་དྲོད་ཉམས་ཤིང༌། པགས་མདོག་ནག་པོར་འགྱུར་བའི་ནད་ཅིག |
| མཁྲིས་རིམས |
རིམས་ནད་མཁྲིས་པ་ལ་བབས་པའི་ནད་དེ། མགོ་ན་བ་དང༌། ཚ་བ་རྒྱས་པ། གཤང་གཅི་པགས་མིག་རྣམས་སེར་པོར་འགྱུར་བ་ཞིག |
| མཁྲིས་སྐྲན |
སྣོད་ཀྱི་མཁྲིས་ཐུམ་ནང་ཆགས་པའི་སྐྲན་ནད་ཅིག |
| མཁྲིས་སྨྱོ |
མཁྲིས་པ་ཤས་ཆེ་བའི་སྨྱོ་བྱེད་དེ། ནད་རྟགས་སུ་སེམས་ཁྲོ་ཞིང་བརྡེག་སྙིང་འདོད་པ་དང༌། མིག་དང་ཆུ་མདོག་སེར་ཞིང་མིག་སྔར་མེ་དང་སྐར་མ་མཐོང་སྣང་ཤར་བ་ཞིག |
| མཁྲེགས་པ |
མཁྲེགས་པོ་དང་འདྲ། |
| མཁྲེགས་པོ |
1.(རྒྱན་ཚིག) རྡོ་ལྟར་སྲ་ཞིང་འཐས་པའི་དོན་ཏེ། (དཔེར་ན།) ས་མཁྲེགས་པོ། ཤིང་མཁྲེགས་པོ། རྣོ་ལྕགས་མཁྲེགས་པོ་ཞེས་པ་ལྟ་བུ། 2.བསྒྱུར་དཀའ་བའི་དོན་ཏེ། ཀླད་རྙིང་མཁྲེགས་པོ་ཞེས་པ་ལྟ་བུ། |
| མཁྲེགས་འདྲེད་འབོལ་ཟུག |
གྱོང་པོ་དང་ཐུག་ན་འཇིགས་ནས་གཡོལ་ཞིང་། མཉེན་པོ་དང་ཕྲད་ན་བརྙས་བཅོས་བྱེད་པའི་དཔེ་སྟེ། (དཔེར་ན།) གང་ལྟར་བཙན་རྒྱལ་རིང་ལུགས་པ་མཁྲེགས་འདྲེད་འབོལ་ཟུག་གི་སྤྱོད་ངན་བྱེད་མཁན་ཞིག་རེད་ཅེས་པ་ལྟ་བུ། |
| མཁྲེང |
(བྱེད་མེད་ལས་ཚིག) སེམས་ཆགས་ཞེན་སྐྱེས་པའི་དོན་ཏེ། (དཔེར་ན།) ང་མེས་རྒྱལ་ལ་ཞེ་འཁྲེང་། ཕ་མ་བུ་ཕྲུག་ལ་སེམས་འཁྲེང་། ཁྱོད་རང་ཡུལ་ལ་ཞེ་འཁྲེང་ལྟ་བུ། |
| མག་གི་མུག་གི |
(རྒྱན་ཚིག) སྒྲ་ཆུང་བའི་གཏམ་གྱི་བཤད་སྟངས་ཏེ། (དཔེར་ན།) གསལ་ལ་མ་གསལ་གྱི་གཏམ་མག་གི་མུག་གི་ཞིག་ལབ་སོང་ལྟ་བུ། |
| མག་པ |
བུ་མོའི་ཁྱོ་བོ་ལ་ཕ་མ་དང་རྒན་རབས་ཀྱིས་མག་པ་ཟེར། |
| མག་མུག |
(རྒྱན་ཚིག) མག་གི་མུག་གིའི་བསྡུས་ཚིག |
| མག་རྒན |
(ཡུལ་སྐད།) སྲིང་མོ་རྒན་ཤོས་ཀྱི་མག་པ། |
| མགར |
1.སྔར་བོད་ཀྱི་རིགས་རུས་ཤིག་སྟེ། མགར་སྟོང་བཙན་གྱི་རུས་མིང་ཡིན། དེ་སྔར་ཟིང་པོ་རྗེའི་བློན་པོ་ཡིན་ཡང་རྗེས་སུ་སྤུ་རྒྱལ་བཙན་པོའི་ཕྱོགས་ལ་འཁོར་ཏེ་མི་རབས་དུ་མའི་བར་དུ་བོད་ཀྱི་སྲིད་དབང་ནང་མངོན་པར་མཐོ་བར་གྱུར། མང་སྲོང་མང་བཙན་ལོ་བཅུ་གསུམ་པའི་ཐོག་རྒྱལ་སར་བཏོན། བློན་པོ་མགར་གྱིས་གྲོགས་བྱས་ཏེ་རྒྱལ་སྲིད་ལོ་བཅོ་ལྔ་བསྐྱངས། འདུས་སྲོང་མང་པོ་རྗེ་གཞོན་དུས་ཕྱི་ནང་གི་བྱ་བ་ཐམས་ཅད་མགར་གྱི་བུ་ཆེ་བ་རྣམས་ཀྱིས་བྱས། ས་ཁྱི་ལོར་བཀྱོན་ཕབ། དེའི་ནུ་བོ་བཙན་བྲིད་ཐང་གི་རྒྱལ་པོ་ལ་མགོ་བཏགས་ཏེ་རྒྱལ་པོས་སྐུའི་དེ་དབང་ཞེས་པའི་མིང་བྱིན་ནས་བློན་པོར་བསྐོས། 2.(བྱེད་འབྲེལ་ལས་ཚིག) ལྕགས་རིགས་བརྡུངས་ནས་ཡོ་བྱད་བཟོ་བའི་དོན་ཏེ། (དཔེར་ན།) ལྕགས་མགར་སར་ལྕགས་མགར་དགོས། ཟངས་མགར་སར་ཟངས་མགར་དགོས། ཟངས་མགར་སར་ཟངས་མགར་དགོས་ཞེས་པ་ལྟ་བུ། |
| མགར་ཁང |
མགར་བ་སྡོད་ཁང༌། |
| མགར་ཆས |
མགར་བའི་ལག་ཆ། |
| མགར་ཐབ |
མགར་བས་ལྕགས་སྲེག་སའི་མེ་ཐབ། |
| མགར་ནག |
དམ་ཅན་སྐྱེས་བུ་ཆེན་པོ་རྡོ་རྗེ་ལེགས་པ། |
| མགར་པ |
ལྕགས་རིགས་བརྡུངས་ནས་ཡོ་བྱད་བཟོ་མཁན་གྱི་ལག་ཤེས་བཟོ་ལས་པའི་མིང་། (དཔེར་ན།) ང་ནི་མགར་པའི་བུ་ཡིན། ལྕགས་མགར། ཟངས་མགར། དངུལ་མགར་ཞེས་པ་ལྟ་བུ། |
| མགར་བ་སོལ་རྡོག |
སོལ་མལ། |
| མགར་བླུག |
ལུགས་ཀོང༌། |
| མགར་བློན་སྟོང་བཙན་ཡུལ་སྲུང |
སྔར་བོད་རྒྱལ་སྲོང་བཙན་སྒམ་པོའི་སྐབས་ཀྱི་བློན་ཆེན་ཞིག་ཡིན་ཞིང༌། འདིས་བོད་རྒྱལ་གྱི་བཀའ་འབྲེལ་གྲོང་ཁྱེར་ཁྲང་ཨན་དུ་ཕྱིན་ནས་ཐང་རྒྱལ་རབས་ཀྱི་གོང་མ་ཐའེ་ཙུང་གི་སྲས་མོ་མནའ་མར་བསླངས་ནས་བོད་དུ་གདན་དྲངས། རྒྱལ་པོ་ལ་རོགས་རམ་བྱས་ནས་ཁྲིམས་བཟོ་བ་དང༌། སྟོང་སྡེ། རུ་བཞི། རྒོད་གཡུང་གི་སྡེ་དབྱེ་བ་འབྱེད་པ། ཁྲལ་སྡུད་པ་སོགས་ཀྱི་ལས་བྱས། བློན་པོ་འདི་ན་ཚོད་རྒས་དུས་རྟག་པར་གྲུ་གུ་དང༌། ཐོ་རྒོད་ཀྱི་ས་ཁུལ་ལ་སྲིད་ཀྱི་ལས་ཀ་བྱེད་དུ་ཕྱིན། སྤྱི་ལོ་667 ལོར་རིས་ཕུ་ལ་འདས། |
| མགར་མི |
མགར་པ། |
| མགར་འདུག |
བརླ་བསྣོལ་ལམ་མགར་བའི་འདུག་སྟངས་ཤིག |
| མགར་རུ |
ཆུ་བུམ་མཆུ་རིང་ལུང་ཡོད་ཅིག |
| མགར་སྐྱག |
སོལ་མལ་ལམ་སོལ་རྡོག |
| མགར་སྤྱད |
ལྕགས་རིགས་ལས་སྣོན་བྱེད་སྤྱད་ཡོ་བྱད་ཀྱི་མིང་། |
| མགལ |
1.ཤིང་བསྲེགས་པའི་སོལ་བའི་མིང་། (དཔེར་ན།) སོལ་མགལ། མགལ་དུམ་ཞེས་པ་ལྟ་བུ། 2.མི་ཕྱུགས་ཀྱི་ཁའི་ཆ་ཤས་ཀྱི་རུས་པའི་མིང་། (དཔེར་ན།) ཁའི་ཡ་མགལ་དང་མ་མགལ་ཞེས་པ་ལྟ་བུ། 3.མཛོ་མོ་དང་གླང་གོག་གཉིས་ཀྱི་ཕྲུ་གུ་ལའང་འཇུག་པར་བཤད། |
| མགལ་དུམ |
མེས་ཕྱེད་ཚིག་ཕྱེད་མ་ཚིག་པའི་ཤིང་དུམ། |
| མགལ་པ |
1.ཤིང་མེས་ཕྱེད་ཚིག་ཕྱེད་མ་ཚིག་པའི་དུམ་བུ། 2.ཤིང་གི་ཡལ་ག། |
| མགལ་མཆུ |
མགལ་དུམ་དང་དོན་གཅིག |
| མགལ་མེ |
དབྱུག་པའི་རྩེ་མོར་མེ་སྒྲོན་ཏེ་བསྐོར་བའི་ཟླུམ་གོར་གྱི་མིང་། (དཔེར་ན།) མགལ་མེ་འཁོར་ལོ་ཞེས་པ་ལྟ་བུ། |
| མགལ་མེའི་འཁོར་ལོ |
ཤིང་དུམ་མེར་བསྲེགས་པའི་མེ་བསྐོར་ནས་སྣང་བའི་འཁོར་ལོའི་དབྱིབས། |
| མགུ |
(བྱེད་མེད་ལས་ཚིག) ཡིད་ཚིམ་པའི་དོན་ཏེ། (དཔེར་ན།) དགའ་མགུ་ཡི་རང་སྐྱེས། དགའ་ཞིང་མགུ་བ། དགེ་རྒན་གྱིས་དཔེ་ཆ་ལེགས་པར་ཁྲིད་ནས་སློབ་མ་རྣམས་མགུ་བར་བྱས་ཞེས་པ་ལྟ་བུ། |
| མགུ་བ་གསུམ |
སྤྲོ་བ་མཐོལ་བཤགས་ཀྱི་ཕྱིར་བཅོས་བྱེད་ཚུལ་གསུམ་གྱི་ནང་གསེས། སྤྱོད་པ་གཞན་ན་གནས་པ་མགུ་བ་སྤྱོད་པ་ལ། ལྷག་ལྟུང་གི་དངོས་གཞི་འདག་པའི་ཕྱིར་དུ། དགེ་སློང་གིས་ཞག་དྲུག་དང༌། དགེ་སློང་མས་ཟླ་ཕྱེད་ཀྱི་བར་དུ་དགེ་སློང་གི་གཡོག་འབའ་ཞིག་བྱེད་པའི་ཆད་ལས་གསོལ་བཞིའི་ལས་ཀྱིས་སྦྱིན་པར་བྱེད་པ་མགུ་བ་དང༌། མགུ་བ་སྤྱོད་བཞིན་པར་རིགས་འདྲའི་ལྷག་ལྟུང་གཉིས་པ་བྱུང་ན་སྔར་གྱི་དེ་དོན་མེད་པས་མགུ་བ་སྤྱོད་པ་གཉིས་པ་སྦྱིན་པར་བྱེད་པ་གཞི་ནས་མགུ་བ་དང༌། གསུམ་པ་བྱུང་ན་མགུ་བ་སྤྱོད་པ་གསུམ་སྦྱིན་པར་བྱེད་པ་སྟེ་དགེ་སློང་གིས་ཞག་བཅོ་བརྒྱད་དང༌། དགེ་སློང་མས་ཞག་བཞི་བཅུ་རྩ་ལྔ་སྤྱོད་དགོས་པ་སླར་ཡང་གཞི་ནས་མགུ་བ་སྟེ་གསུམ་མོ། ། |
| མགུ་ལྡན |
འདུལ་བའི་བརྡ་ཆད་ཅིག་ལྷག་ལྟུང་བྱུང་བའི་གང་ཟག་གིས་ཆད་ལས་སྤོ་བ་དང་མགུ་བ་སྤྱད་ཟིན་ཞིང༌། རང་བཞིན་གྱི་གནས་སུ་དབྱུང་མ་ཟིན་པ་ལ་མགུ་ལྡན་ཞེས་བྱའོ། ། |
| མགུ་སེམས |
འདོད་པ་གང་བའམ་མོས་པའི་བློ། |
| མགུ་སྤྲོ |
སེམས་མགུ་ཞིང་སྤྲོ་བ། |
| མགུར |
དབྱངས་སུ་གྱེར་ཆོག་པའི་དམངས་ཁྲོད་ཀྱི་རྩོམ་རིག་ཚིགས་བཅད་རིགས་ཤིག་གི་མིང་། (དཔེར་ན།) མགུར་གླུ་དང་། མགུར་མ། སྙན་མགུར་ཞེས་པ་ལྟ་བུ། |
| མགུར་གླུ |
ཆོས་ཕྱོགས་ཀྱི་གླུ། |
| མགུར་ཆུ |
མཆོད་རྟེན་གྱི་བུམ་གདན། |
| མགུར་དབྱངས |
མགུར་ལེན་པའི་གདངས། |
| མགུར་ན་སྤ |
(མངོན་བརྗོད།) མགུལ་རྒྱན། |
| མགུར་པ |
མགྲིན་པའི་ཞེ་ས། |
| མགུར་མ |
མགུར་གླུ། |
| མགུར་མོ |
སྔར་སྲོལ་བོད་ཊམ་བརྒྱད་རེར་མགུར་མོ་རེ་རྩི་བ། |
| མགུར་ཞོ |
གསེར་སོགས་སྐར་མ་བདུན་ལྷག་ཙམ་གྱི་འདེགས་ཚད་ཅིག |
| མགུར་འབུམ |
རྟོགས་པའི་གླུ་མང་པོ་བསྒྲིགས་པའི་ཡི་གེ་སྟེ། (དཔེར་ན།) མི་ལའི་མགུར་འབུམ་ཞེས་པ་ལྟ་བུ། |
| མགུལ |
1. མགུལ་པའི་བསྡུས་མིང༌། 2. མིང་འགའ་ཤས་ཀྱི་སྔོན་དུ་སྦྱར་ནས་ཞེ་མིང་དུ་འགྱུར་བའི་ཚིག་གྲོགས་ཤིག (དཔེར་ན།) མགུལ་གླུ། མགུལ་གློ། མགུལ་ཆམ་ཞེས་པ་ལྟ་བུ།3.སྐེ་དང་དབྱིབས་མཚུངས་པའི་ཆ་ནས་བཏགས་པ་ནི། (དཔེར་ན།) རི་བོའི་མགུལ། ཤིང་གི་མགུལ། བུམ་པའི་མགུལ་ཞེས་པ་ལྟ་བུ། |
| མགུལ་གདུབ |
སྐེ་རྒྱན་གདུ་བུ། |
| མགུལ་ཆིངས |
སྐེ་དཀྲིས། |
| མགུལ་དར |
སྐེ་ལ་གཡོག་རྒྱུའི་ཁ་བཏགས། |
| མགུལ་ནག |
(མངོན་བརྗོད།) ལྷ་དབང་ཕྱུག་ཆེན་པོ། |
| མགུལ་ནད |
མིད་པའི་ནད། |
| མགུལ་བསལ |
གློ་བསང་བ། |
| མགུལ་འགགས |
1.སྐད་འཛེར་བ། 2.བད་ཀན་གྱི་ནད་བྱེ་བྲག་པ་ཞིག |
| མགུལ་འགགས |
སྐད་འབྱིན་པར་གནོད་པའི་ནད་རིགས་ཤིག་གི་མིང་། |
| མགུལ་འཕྲེང |
སྐེར་གྱོན་རྒྱུའི་ཕྲེང་བ། |
| མགུལ་འཕྲེང་དོ་ཤལ |
སྐེ་ནས་ལྟོ་བའི་བར་དུ་འཕྱང་བའི་འཕྲེང་བ། |
| མགུལ་རྒྱན |
སྐེ་ལ་གདགས་རྒྱུའི་རྒྱན་ཆ། མིང་གི་རྣམ་གྲངས་ལ་སྐེ་ཡི་རྒྱན་དང༌། མགུལ་ན་སྤ་བ། མགྲིན་པའི་རྒྱན་བཅས་སོ། ། |
| མགོ |
1.མགོ་བོའི་བསྡུས་མིང༌། མི་དང་སྲོག་ཆགས་ཀྱི་ཀླད་པ་དང་དབང་པོ་ལྔ་གནས་སའི་ཡན་ལག་གི་མིང་། 2.སྣེའམ་རྩེ་མོའི་མིང་། (དཔེར་ན།) རི་མགོ། རྫ་མགོ། གྲལ་མགོ་ཞེས་པ་ལྟ་བུ། 3.སྐར་ཚོགས་ཤིག་གི་མིང་། སྐར་ཚོགས་དེ་ནི་བོད་ལུགས་ཀྱི་ཟླ་བ་བཅུ་གཅིག་པའི་ཚེས་བཅོ་ལྔའི་ཟླ་བ་དང་མཉམ་དུ་འཆར་ནུབ་བྱེད་པས་ན་བོད་ལུགས་ཀྱི་ཟླ་བ་བཅུ་གཅིག་པ་ལ་མགོ་ཟླ་བ་ཟེར། |
| མགོ་ཀླད |
1.མགོ་བོའི་ཀླད་པ། 2.མགོ་བོའི་སྟེང༌། |
| མགོ་ཁེབས |
1.མགོ་བོར་འགེབ་བྱེད་རས་སོགས། 2.རྨོག |
| མགོ་ཁྲ |
1.གནག་ཕྱུགས་སོགས་མགོ་ཁྲ་ཁྲ་ཅན། 2.མིའི་མགོ་ལྤགས་སམ་སྐྲ་ལ་སྐྱོན་ཡོད་པའི་མིང་ངན། |
| མགོ་ཁྲོག |
(ཡུལ་སྐད།) བྱེད་གཏད་ཆེ་བའི་ལས་ཤིག (དཔེར་ན།) འཕེར་ཤ་བྱས་ནས་ལས་དོན་ལ་མགོ་ཁྲོག་བཟོས་པ་ལྟ་བུ། |
| མགོ་གཉིས་མ |
ཕྱི་མ་ནང་གི་མགོ་བདེ་བྱེད་མཁན། |
| མགོ་གཏད་པ |
1.གཞན་ལ་སྐྱབས་བཅོལ་བ་དང༌། མགོ་བཏགས་པ་སྟེ། (དཔེར་ན།) ཁ་ཞེ་གཉིས་མེད་མགོ་གཏད་པ། མགོ་གཏད་སའི་སྔས་ཕྱོགས་མ་ལོག་པ་ལྟ་བུ། 2.རྩེ་མོ་བསྟན་པའི་དོན་ཏེ། (དཔེར་ན།) རྩི་ཤིང་ཐམས་ཅད་གྱེན་དུ་མགོ་གཏད་པ། རྒྱབ་ཏུ་མགོ་གཏད་དེ་བྲོས་པ་ལྟ་བུ། |
| མགོ་གཏུག |
1.རྩིས་གྲངས་ཐོད་གཏུག་པ། 2.མཛའ་བརྩེའི་སྒོ་ནས་དཔྲལ་བ་གཏུག་པ། |
| མགོ་གནོན |
1.མགོ་བོའི་སྟེང་ནས་གནོན་པ། 2.དབང་ཤུགས་ཅན་ལ་མགོ་གནོན་བྱེད་པ་སྟེ། (དཔེར་ན།) ཁེངས་དྲེགས་ཀྱིས་རྒྱགས་པར་མགོ་གནོན་གཉའ་གཅོག་བྱེད་དགོས་ལྟ་བུ། |
| མགོ་གཞུག |
གོང་འོག་དང་སྔ་ཕྱིའི་དོན་ཏེ། (དཔེར་ན།) མགོ་གཞུག་གཙང་འབྲེལ། མཆོད་རྟེན་མགོ་གཞུག་ལོག་ཀྱང༌། བང་རིམ་སྐེད་པར་གནས་སོང༌ཞེས་པ་ལྟ་བུ། |
| མགོ་གཟེར |
མགོའི་ནད་ཟུག་སྟེ། (དཔེར་ན།) ཚ་བས་ན་ནས་མགོ་གཟེར་བརྒྱབ་ཅེས་པ་ལྟ་བུ། |
| མགོ་གཡུག་གཡུག |
མགོ་བོ་གཡུགས་ཏེ་ཁས་མི་ལེན་པའི་བརྡ་གཏོང་སྟངས་ཤིག (དཔེར་ན།) ཐེངས་མང་པོ་བཤད་པ་ཡིན་ཀྱང་མགོ་གཡུག་གཡུག་བྱེད་ཀྱི་འདུག་ཅེས་པ་ལྟ་བུ། |
| མགོ་གཡོགས |
1.མགོ་བོ་བཏུམས་པ། 2.མགོ་སྐོར། |
| མགོ་གར་བསྟན་རྐུབ་གར་གཏད |
ཁུངས་ལུང་ར་སྤྲོད་གསལ་པོ་བྱུང་ཡོད་པའི་དཔེ། (དཔེར་ན།) ཉེས་ཅན་རྣམས་ཀྱི་མགོ་གར་བསྟན་རྐུབ་གར་གཏད་གནས་ཚུལ་ཚང་མ་གསལ་པོར་ར་འཕྲོད་བྱུང༌ལྟ་བུ། |
| མགོ་གུག་གུག |
མགོ་བོ་དུད་པའི་དོན་ཏེ། (དཔེར་ན།) གོ་བརྡ་བཏང་བ་དང་མགོ་གུག་གུག་བྱས་བྱུང༌ལྟ་བུ། |
| མགོ་གུག་པ |
1.མགོ་བོ་དུད་པའི་དོན་ཏེ། (དཔེར་ན།) ངོ་ཚ་ནས་མགོ་ཐུར༌དུ་གུག་ཅེས་པ་ལྟ་བུ། 2.རྩེ་མོ་ལྕགས་ཀྱུ་ལྟར་གུག་པ། |
| མགོ་གྲུང་པོ |
སྤྱང་པོ། |
| མགོ་ཅན་ཡི་གེ |
ར་ལ་སའི་མགོ་ཡོད་པའི་མིང་གཞི། |
| མགོ་ཆེན |
(ཡུལ་སྐད།) བྱ་བའི་ཐོག་དབྱེ་ཞིབ་བྱེད་མི་ཤེས་པའི་མི། |
| མགོ་ཉལ |
(མངོན་བརྗོད།) སྐྲ། |
| མགོ་ཉུག་ཉུག |
མགོ་འབུར་འབུར་གྱི་དོན་ཏེ། (དཔེར་ན།) དགྲ་ཕྱོགས་ཀྱི་མགོ་ཉུག་ཉུག་བྱུང་བ་དང་མེ་མདའ་རྒྱག་ཅེས་པ་ལྟ་བུ། |
| མགོ་ཉུག་ཙམ |
མགོ་འབུར་ཙམ་གྱི་དོན་ཏེ། (དཔེར་ན།) སྒེའུ་ཁུང་ནས་མགོ་ཉུག་ཙམ་བྱེད་ཅེས་པ་ལྟ་བུ། |
| མགོ་ཉོག |
ནོར་གཞིའམ་འཁྲུལ་གཞི་སྟེ། (དཔེར་ན།) མགོ་ཉོག་ལུང་པ་གང༌། བདེན་རྫུན་དབྱེ་འབྱེད་གཟབ་གཟབ་མ་བྱས་ན་མགོ་ཉོག་བཟོས་ཡོང༌ལྟ་བུ། |
| མགོ་ཐར་དཔུང་འཛུད |
ཚོད་མི་འཛིན་པའམ། ཆོག་མི་ཤེས་པའི་དཔེ། (དཔེར་ན།) མགོ་ཐར་དཔུང་འཛུད་ཀྱིས་བཙན་འཛུལ་བྱེད་པ་ལྟ་བུ། |
| མགོ་ཐུག་པ |
1.ར་འཕྲོད་པའི་དོན་ཏེ། (དཔེར་ན།) བྱུང་སོང་མགོ་ཐུག་པ་ལྟ་བུ། 2.མགོ་བོས་མགོ་བོར་ཐུག་པ། |
| མགོ་ཐོ |
ཐོ་བ་ལྟར་སྣུན་བྱེད་ཀྱི་མགོ། (དཔེར་ན།) ལུག་གཉིས་ཕན་ཚུན་མགོ་ཐོ་རྒྱག་རེས་བྱས་ནས་རྨས་འདུག མཚན་མོ་མུན་ཁུང་ནང་དུ་ཁང་པའི་ཀ་བ་ལ་མགོ་ཐོ་ཐེབས་པ། མི་གཉིས་ཕར་ཚུར་མགོ་ཐོ་རྒྱག་རེས་བྱེད་ཀྱིན་འདུག་ཅེས་པ་ལྟ་བུ། |
| མགོ་ཐོག་གཡམ་སེལ |
རང་འགན་རང་སྒྲུབ་བམ་རང་ཁུངས་རང་སྐྱེལ་ཏེ། (དཔེར་ན།) ཕན་ཚུན་རྩོད་གླེང་ཡོང་རྐྱེན་མགོ་ཐོག་གཡམ་སེལ་གྱིས་འགྲིག་ཐབས་གཙོ་འདོན་བྱེད་དགོས་ལྟ་བུ། |
| མགོ་ཐོག་ལག་བཞག |
དངོས་པོ་གང་ཡང་མ་ཁྱེར་བར་ལག་སྟོང་དུ་འགྲོ་འོང་བྱས་པའི་དཔེ། (དཔེར་ན།) ང་རང་གིས་ཁོ་ཚོའི་བྲན་གཡོག་ལོ་མང་བརྒྱུགས་ཀྱང་གླ་ལྟོ་ལམ་རྒྱགས་སོགས་གང་ཡང་མ་བསྐུར་བར་མགོ་ཐོག་ལག་བཞག་བྱས་ནས་བཏང་བྱུང༌། སློབ་གྲྭ་བ་སློབ་གྲྭར་ཡོང་སྐབས་སློབ་དེབ་སོགས་ཡིག་ཆས་གང་ཡང་མ་ཁྱེར་བར་མགོ་ཐོག་ལག་བཞག་གིས་ཡོང་ན་མི་འགྲིག་ཅེས་པ་ལྟ་བུ། |
| མགོ་ཐོད |
1.མགོ་བོའི་ཀ་ལི། 2.མགོ་བོའི་ཐད་སྟེང༌། 3.མགོ་རྒྱན་ནམ་སྤ་ཕྲུག |
| མགོ་ཐོན |
1.བར་ཆད་མེད་པའམ་སྐྱོན་ཆ་གང་ཡང་མ་བྱུང་བར་འགྲུབ་པའི་དོན་ཏེ། (དཔེར་ན།) ད་རེས་ཀྱི་ལས་ཀ་འདི་ངས་མགོ་ཐོན་པ་འདུག་ཅེས་པ་ལྟ་བུ། 2.རང་རྐྱ་ཐུབ་པའི་དོན་ཏེ། (དཔེར་ན།) ཕྲུ་གུ་འདི་མགོ་ཐོན་ཙམ་ཡོང་བ་འདུག མི་འདི་རང་མགོ་ཐོན་པ་ཞིག་རེད། གཞན་དོན་བཞག་ནས་རང་མགོ་གང་ཐོན་མ་བྱེད་ཅེས་པ་ལྟ་བུ། |
| མགོ་དཀྱིལ |
སྤྱི་གཙུག |
| མགོ་དགུ་བ |
1.རྩེ་མོ་གུག་པ་དང་མགོ་དགུ་དགུ་བྱེད་པ། 2.མགོ་བཏགས་ཞུ་བ། |
| མགོ་དགུ་མཇུག་དགུ |
(ཡུལ་སྐད།) མགོ་སྒུར་ཏེ་འོག་ཏུ་རྦད་ཀྱིས་ཞུགས་པའི་དོན་ཏེ། (དཔེར་ན།) དགྲ་བོ་གཡུལ་ཕམ་སྟེ་མགོ་དགུ་མཇུག་དགུ་བྱས་ལྟ་བུ། |
| མགོ་དམ་པོ |
གཞན་གྱིས་སླུ་བྲིད་བྱེད་དཀའ་བ། |
| མགོ་དམ་མཇུག་ལྷོད |
ལས་མཇུག་མཐར་མི་འཁྱོལ་བ། |
| མགོ་དམར་པོ |
སྐྲ་བུད་པའི་མགོ། |
| མགོ་དོ་གེར་ཅན |
ཐོར་ཅོག་ཅན་ནམ་སྐྲ་གྱེན་དུ་བཅིངས་པ། |
| མགོ་ན་པོ |
1.མགོ་ན་བ་སྟེ། (དཔེར་ན།) དེ་རིང་ང་མགོ་ན་པོ་ཞིག་འདུག་ཅེས་པ་ལྟ་བུ། 2.རྙོག་འཛིངས་ཆེ་བའི་དོན་ཏེ། (དཔེར་ན།) ལས་ཀ་འདི་མགོ་ན་པོ་འདུག་པ་ལས། བྱེད་སླ་བ་ཞིག་མ་རེད་ཅེས་པ་ལྟ་བུ། |
| མགོ་ན་བ |
1.བྱ་དཀའ་བྱེད་གཏད་ཀྱི་གནས་སུ་གྱར་བའི་དཔེ། 2.མགོ་ལ་ན་ཚ་བྱུང་བ། |
| མགོ་ནག |
1.མི་སྤྱིའི་མིང༌། 2.(ཡུལ་སྐད།) ཚེ་གཡོག |
| མགོ་ནག་མི |
མི་སྤྱིའི་མིང༌། |
| མགོ་ནད |
མགོ་བོའི་ནད། |
| མགོ་པ |
1.དཔོན་པོའི་མིང་སྟེ། (དཔེར་ན།) སྡེ་བའི་མགོ་པ་ཞེས་པ་ལྟ་བུ།2.ལས་ཀ་ལས་མཁན་གྱི་འགན་འཁུར་མཁན་གྱི་མིང་། (དཔེར་ན།) ཆུ་རྐ་ལས་མཁན་གྱི་འགོ་པ་ཞེས་པ་ལྟ་བུ། |
| མགོ་ཕིབས |
ཉི་ཆར་སོགས་སྐྱོབ་ཐུབ་ཙམ་གྱི་གུར་ཆུང༌། |
| མགོ་ཕིབས་ཐབ་ཟངས |
འབྲོག་པ་རྣམས་ལ་དགོས་པའི་གུར་དང༌། བྱ་གཡབ། ཐབ་ཆས། |
| མགོ་བཀད |
(བརྡ་རྙིང་།) སྐྲ། |
| མགོ་བཀྲུས་གདོང་དག |
མགོ་བཀྲུས་མཇིང་དག་དང་དོན་གཅིག |
| མགོ་བཀྲུས་མཇིང་དག |
རང་འགན་རང་གིས་ཁུངས་སྐྱེལ་བྱེད་པའི་དཔེ། (དཔེར་ན།) ལས་དོན་གང་ཡོད་ལས་འགན་འཁྲི་ཁུངས་སོ་སོས་མགོ་བཀྲུས་མཇིང་དག་ཞུ་དགོས་ལྟ་བུ། |
| མགོ་བཅོལ |
སྐྱབས་སུ་བསྟེན་པའི་དོན་ཏེ། (དཔེར་ན།) དཔོན་ཁུངས་ཤིག་གི་མི་སེར་ཚོས་དཔོན་ཁུངས་གཞན་ཞིག་ལ་མགོ་བཅོལ་ཞུས་སོང་ལྟ་བུ། |
| མགོ་བཏགས |
གཞན་ལ་སྐྱབས་འཆའ་བའམ་སྐྱབས་བཅོལ་བའི་མིང༌། (དཔེར་ན།) གུས་གུས་ཞུམ་ཞུམ་གྱིས་མགོ་བཏགས་ཞུ་བ། གློ་སྙིང་གཏོད་པའི་དགྲ་ཡའི་མགོ་བཏགས་ལེན་ལྟ་བུ། |
| མགོ་བཏགས་ཞུ་རྟེན |
མགོ་འདོན་གནང་རོགས་ཞུ་བའི་འབུལ་རྟེན། |
| མགོ་བཏགས་ལུས་གཏད |
མགོ་འབུལ་ལུས་འབུལ་དང་དོན་གཅིག |
| མགོ་བདེ་དྲན་འཕྲུལ |
གཡོ་ཐབས་མཁས་པོའམ། དྲན་རྒྱུ་རྒོད་པོའི་དོན་ཏེ། (དཔེར་ན།) རང་འདོད་ཕུག་འཚང་གིས་མགོ་བདེ་དྲན་འཕྲུལ་བྱེད་པ་ལྟ་བུ། |
| མགོ་བདེ་པོ |
1.གྲུང་པོའམ་སྐབས་འཚོལ་མཁས་པ། 2.གཡོ་ཐབས་མཁས་པོ་སྟེ། (དཔེར་ན།) མགོ་བདེ་པོས་ཧམ་ཚོང་རྒྱག་ཅེས་པ་ལྟ་བུ། |
| མགོ་བརྙན |
1.མགོ་བོའི་གཟུགས་བརྙན་ནམ་ངོ་འབག 2.ལྷ་ཁང་ནང་དུ་བཤམས་པའི་སྤྱན་གཟིགས་མི་དང་གཅན་གཟན་སོགས་ཀྱི་མགོ་བོའི་གཟུགས་བརྙན། |
| མགོ་བསྒྲེས |
རིགས་མཚུངས་སྦྱར་བའམ་རིགས་མཚུངས་པར་བྱས་པ། |
| མགོ་བསྡུར |
ཅ་ལག་སོགས་བཟང་ངན་ཕན་ཚུན་བསྡུར་བ་སྟེ། (དཔེར་ན།) དངོས་པོ་བཟང་ངན་མགོ་བསྡུར་བྱས་ན་ཤེས་ཡོང༌། སྔ་ཕྱིའི་བཤད་ལུགས་མགོ་བསྡུར་བྱས་འཕྲལ་དུ་མི་མཐུན་པ་བྱུང་འདུག་ཅེས་པ་ལྟ་བུ། |
| མགོ་བོ |
ཡན་ལག་མཆོག་སྟེ། (དཔེར་ན།) རང་ནོངས་ངོས་ལེན་གྱིས་མགོ་བོ་སྒུར་སྒུར་བྱས་པ། མགོ་བོ་དུད་ནས་གཉིད་ཁུག་པ། ཆང་གིས་བཟི་འཐོམ་ལངས་པས་མགོ་དཀྲུག་པ། གཡང་སར་སླེབས་པ་དང་མགོ་འཁྱོམས་པ། དགྲ་བོས་མགོ་བཏགས་པ། ལྕགས་ཀྱི་རྨོག་མགོ་བོར་བཀྱོན། བརྟག་དཔྱད་གཟབ་གཟབ་བྱས་ན་མ་གཏོགས་མགོ་འཐོམས་ཡོང༌། ཀ་བ་ལ་མགོ་བརྡབས་སོང༌། སྒོའི་ནང་ནས་མགོ་འབུར་བ། མགོ་གཟུར་ཙམ་བྱས་པ། མི་མགོ་ལ་ཁྱི་ལག་མ་རྒྱག་ཅེས་པ་ལྟ་བུ། མིང་གི་རྣམ་གྲངས་ལ་སྤྱི་བོ་དང༌། དབུ། མིག་འཛིན། ཡན་ལག་མཆོག་བཅས་སོ། ། |
| མགོ་བོ་མགལ་མེ་ལྟར་འཁོར་བ |
མགོ་འཐོམ་ཞིང་རྨོངས་པའི་དཔེ། (དཔེར་ན།) དགྲ་དམག་རྣམས་མགོ་བོ་མགལ་མེ་ལྟར་འཁོར་ལྟ་བུ། |
| མགོ་བོ་ཞོ་འདག |
ཞོ་དང༌། འདག་པ་ལྟར་མགོ་བོ་ཉེས་རྡུང་གཏོང་ཐལ་ཆེ་བའི་དཔེ། |
| མགོ་བོ་སྤྱི་ཐེར་བ |
མགོ་དམར་རའམ། མགོ་ཟངས་ཁོག |
| མགོ་བོ་སྨྱུང་སྨྱུང |
མགོ་བོ་ཙོག་ཙོག |
| མགོ་བོའི་གོས |
(མངོན་བརྗོད།) ཞྭ་མོ། |
| མགོ་བོའི་རླུང་ཚབས |
མགོ་ཡུ་འཁོར་ལ་ལིང་ཐོག་མང་ཞིང་རྣ་བ་འོན་པ་སོགས་འབྱུང་བའི་མོ་ནད་རླུང་ཚབས་རིགས་དྲུག་གི་ཡ་གྱལ་ཞིག |
| མགོ་བྱི་བོ |
སྐྲ་མེད་པའི་མགོ། |
| མགོ་མཁྲེགས་པོ |
རང་ཤེད་ཨུ་ཚུགས་ཆེན་པོ། |
| མགོ་མཇུག |
1.མགོ་དང་ལུས་སྨད། 2.ལྟག་འོག་གམ་གོང་འོག་གི་དོན་ཏེ། (དཔེར་ན།) མགོ་མཇུག་ལོག་པ། མགོ་མཇུག་བར་གསུམ་ཞེས་པ་ལྟ་བུ། |
| མགོ་མཇུག་གོ་ལྡོག |
གོ་རིམ་ཕྱིན་ཅི་ལོག་པ། |
| མགོ་མཇུག་མེད་པ |
1.སྒྲིག་ལམ་མེད་པ། 2.ཐོག་མཐའ་ནས་མ་ཚང་བ། |
| མགོ་མཉམ |
1.རིགས་མཚུངས། 2.མཐོ་དམའ་འདྲ་བ། |
| མགོ་མཐོ་པོ |
མགོ་འཕང་མཐོན་པོ། |
| མགོ་མཚུངས |
རྩ་བའི་རིགས་པ་ཆ་མཚུངས་པའི་དོན་ཏེ། (དཔེར་ན།) རིགས་པ་མགོ་མཚུངས། མགོ་མཚུངས་ཀྱི་རིགས་པ་ཞེས་པ་ལྟ་བུ། |
| མགོ་མཚུངས་པ |
རྩ་བའི་རིགས་མཚུངས་པ། |
| མགོ་མི |
ལས་ཀའི་སྣེ་ཁྲིད་བྱེད་མཁན་ཏེ། (དཔེར་ན།) ལས་འགན་ཆེས་མང་བ་ཞིག་མགོ་མི་ལ་འཁྲིས་ཡོང༌ལྟ་བུ། |
| མགོ་མེད་དཔུང་རོང |
མགོ་མཇུག་མེད་པའམ་སྒྲིགས་ཁྲིམས་མེད་པའི་དཔེ། |
| མགོ་མེད་མཇུག་མེད |
1.གོ་རིམ་མེད་པའམ་སྒྲིག་ཁྲིམས་མེད་པ། 2.ཡི་གེ་དང་ལས་ཀ་སོགས་ཆ་ཚང་བ་མེད་པ། |
| མགོ་མྱོས |
རིག་པ་རྨོངས་པ། |
| མགོ་ཚང་དམ་པོ |
ཞྭ་མོའི་ནང་གི་འཁོར་རྒྱ་ཆུང་ཙམ་ཡིན་པ། |
| མགོ་ཞགས་ཞགས |
(ཡུལ་སྐད།) མགོ་གས་གས་ཏེ། (དཔེར་ན།) དེ་རིང་ང་ཚོས་རྩོད་པ་མགོ་ཞགས་ཞགས་བརྒྱབ་པ་ཡིན་ལྟ་བུ། |
| མགོ་ཟླ་བ |
1.ཧོར་ཟླ་བཅུ་གཅིག་པ། 2.འདུལ་བ་ལུང་ལས་ཧོར་ཟླ་བཅུ་པའི་བཅུ་དྲུག་ནས་བཅུ་གཅིག་པའི་བཅོ་ལྔའི་བར་མགོ་ཟླ་བ་ཟེར། |
| མགོ་ཟླུམ |
ཤ་གསེབ་ཏུ་མདེའུ་ལུས་པ་གང་ན་ཡོད་མེད་བརྟག་བྱེད་ཀྱི་ཡོ་བྱད་ཅིག |
| མགོ་འཁོར |
ཕྱུགས་ཀྱི་མགོ་རུས་ཀྱི་ནང་དུ་འབུ་སྐྱེས་ཏེ་རྟག་པར་སྐོར་བ་བརྒྱབ་ནས་འཆི་བའི་ཕྱུགས་ནད་ཅིག |
| མགོ་འཁོར་བ |
1.རིག་པ་འཐོམ་པ་སྟེ། (དཔེར་ན།) དགྲ་བོའི་གཡོ་ཐབས་ལ་མགོ་འཁོར་བ། ས་ཆ་རྒྱུས་མེད་དུ་སླེབས་དུས་མགོ་འཁོར་ཡོང༌ཞེས་པ་ལྟ་བུ། 2.སེམས་གཡེང་བའི་དོན་ཏེ། (དཔེར་ན།) སྒྲུང་དཔེ་ཀློག་པར་མགོ་འཁོར་བ། རྩེད་མོའི་ནང་དུ་མགོ་འཁོར་བ། ལུག་རྫི་ཇ་ཆང་གཉིས་ལ་མགོ་འཁོར་ན། ལུ་གུ་སྤྱང་ཀིས་འཁྱེར་བ་དངོས་མཐོང་རེད་ཅེས་པ་ལྟ་བུ། |
| མགོ་འཁྲུལ |
ནོར་བ། |
| མགོ་འཆིང |
འགོ་ཁྲིད་པའམ་ལས་ཀའི་བཀོད་འདོམས་པ། |
| མགོ་འཐུ་བོ |
དཔང་པོ། |
| མགོ་འདོན |
རང་རྐྱ་ཐུབ་པར་བྱེད་པ་སྟེ། (དཔེར་ན།) ཕ་མས་ཕྲུ་གུའི་མགོ་འདོན་འཚོ་སྐྱོང་བྱེད་པ། སྐབས་བབ་ཀྱི་མགོ་འདོན་རོགས་རམ་བྱེད་པ། དམིགས་བསལ་གྱིས་མགོ་འདོན་བྱེད་པ་ལྟ་བུ། |
| མགོ་འདྲེན |
རོགས་ཕན་དང་མགོན་སྐྱབས་ཏེ། (དཔེར་ན།) མགོ་འདྲེན་ཁོ་ནར་བརྟེན་པ། ཕྱོགས་ལྷུང་གིས་མགོ་འདྲེན་གཏོང་བ་ལྟ་བུ། |
| མགོ་འཕང |
དབང་དང་གཟི་བརྗིད་ཀྱི་དཔངས་ཏེ། (དཔེར་ན།) མགོ་འཕང་མཐོ་བ། སྐྱིད་དུས་མགོ་འཕང་དམའ་དགོས། སྡུག་དུས་མགོ་འཕང་མཐོ་དགོས་ཞེས་པ་ལྟ་བུ། |
| མགོ་འཕུར |
ལག་པས་མགོ་བོ་འཕུར་བའམ་མགོ་བོའི་ཟ་ཕྲུག་སེལ་ཐབས། |
| མགོ་འཕྲུ |
མགོ་དང་ཞྭ་ཏོག་གི་བསྡུས་མིང༌། (དཔེར་ན།) མགོ་འཕྲུ་དང་བཅས་ཏེ་བླངས་ཞེས་པ་ལྟ་བུ། |
| མགོ་འབར་འབུར |
མགོ་བོར་འབུར་ཀོང་སྣ་ཚོགས་ཡོད་པ། |
| མགོ་འབུལ་ལུས་འབུལ |
ཁ་ཞེ་མེད་པར་མགོ་བཏགས་པའི་དོན་ཏེ། (དཔེར་ན།) དགྲ་བོས་མགོ་འབུལ་ལུས་འབུལ་བྱུང་བའི་རྒྱལ་ཁ་ཐོབ་ཅེས་པ་ལྟ་བུ། |
| མགོ་འཚོས |
ཤེས་པ་དང༌། རྟོགས་པའི་དོོན་ཏེ། (དཔེར་ན།) མགོ་འཚོས་ལ་མ་འཚོས། ང་གསར་དུ་ཡོང་མཁན་ཡིན་གཤིས། ཁྱེད་རྣམ་པས་གང་གསུངས་པ་དེ་དག་མགོ་འཚོས་པ་ཞིག་མ་བྱུང༌ཞེས་པ་ལྟ་བུ། |
| མགོ་འཛིན |
1.འགོ་འཛིན་དང་དོན་གཅིག 2.(མངོན་བརྗོད།) མགྲིན་པ། |
| མགོ་འོག་མཇིང་ཚུད |
མགོ་འོག་ལུས་ཆུག་དང་དོན་གཅིག |
| མགོ་འོག་ལུས་ཆུག |
སོ་སོའི་ཁོངས་གང་ཡིན་སོ་སོའི་སྒྲིགས་ཁྲིམས་ཀྱིས་འཆུན་པ། |
| མགོ་ཡང |
1.གཞན་གྱིས་སྒྱུར་སླ་བའི་མི། 2.ཁྱོ་ག་མང་པོ་འཚོལ་བའི་བུད་མེད་དེ། (དཔེར་ན།) མགོ་ཡང་འཁྱམས་མོ་ཞེས་པ་ལྟ་བུ། |
| མགོ་ཡན |
གཞན་ལ་བརྩི་མེད་གུ་ཡངས་ཅན་ཏེ། (དཔེར་ན།) མགོ་ཡན་ང་རྒྱལ་གྱི་སྤྱོད་པ་མ་སྟོན་ཞེས་པ་ལྟ་བུ། |
| མགོ་ཡུ་འཁོར |
ཕྱི་རོལ་གྱི་ཡུལ་སྣང་ཀུན་ཡོ་འཁྱོམས་བྱེད་པ་ལྟར་དང༌། མགོ་བོ་འཕང་ལོ་འཁོར་བ་ལྟར་གྱི་སྣང་བ་འཆར་བའི་རླུང་སོགས་ཀྱི་ནད་རྟགས་ཤིག |
| མགོ་ཡེགས |
(བརྡ་རྙིང་།) མགོའི་སྐྲ་འཛིངས་པ། |
| མགོ་ཡོད་མཇུག་ཡོད |
ཤོད་མཁན་ཉན་མཁན་གོ་བབ་ཀྱི་བརྩི་འཁུར་ཡོད་པ། |
| མགོ་ཡོམ་ཡོམ |
མགོ་བོ་འཁྱོམ་པའི་དོན་ཏེ། (དཔེར་ན།) མིག་ལམ་དུ་དམར་འཐོམ་ལངས་པས་མགོ་ཡོམ་ཡོམ་བྱེད་ཀྱི་འདུག ལྷགས་བསིལ་ཕོག་པས་ལྗོན་ཤིང་གི་མགོ་ཡོམ་ཡོམ་གཡོ་ལྟ་བུ། |
| མགོ་རལ |
རྨ་ཤུལ་ཡོད་པའི་མགོ། |
| མགོ་རིལ |
1.མགོ་དབྱིབས་སྒོར་སྒོར། 2.སྐྲ་མེད་པའི་མགོ་བོ་སྟེ། (དཔེར་ན།) སྤོ་བོ་མགོ་རིལ་རིལ་ཞིག་འཁར་བར་བརྟེན་ནས་ཚུར་ཡོང་བ་མཐོང་ལྟ་བུ། |
| མགོ་རིལ་མགོ་སྐོན |
ཟངས་བཟོ་བའི་ལག་ཆ་ཞིག |
| མགོ་རུལ |
མགོ་བོར་རྨས་སྐྱོན་བྱུང་ནས་རུལ་སུངས་སུ་གྱུར་པའི་དོན་ཏེ། (དཔེར་ན།) གོ་ཤེས་དགོས་དོན་མི་ཤེས་པར། མགོ་རུལ་སྣ་ཡིས་མི་ཚོར་འདྲ་ཞེས་པ་ལྟ་བུ། |
| མགོ་རེག |
1. སྐྲ་བྲེགས་པའི་མགོ་རིལ་ཏེ། (དཔེར་ན།) དགེ་སྦྱོང་མགོ་རེག་ཅེས་པ་ལྟ་བུ། 2.(མངོན་བརྗོད།) ཞྭ་མོ། |
| མགོ་རྒན |
(ཡུལ་སྐད།) དངུལ་གྱི་ཞོ་བདུན་སྒོར་མོ། |
| མགོ་རྒྱན |
མགོ་བོའི་རྒྱན་ཆ། |
| མགོ་རྒྱུག |
མགོ་ལ་གཞུ་བྱེད་ཀྱི་རྒྱུག་པ། |
| མགོ་རྒྱུག་གཞུ་བ |
1.མགོ་ལ་རྒྱུག་པ་གཞུ་བ། 2.ཚོང་པས་གྱོང་གཏོང་བའི་དཔེ། |
| མགོ་རྙོག་པོ |
བྱ་དཀའ་བའི་ལས་མང་འདྲེས་འཛིངས་ཏེ། (དཔེར་ན།) བྱ་ཚོད་མི་ཐིང་བའི་ལས་ཀ་འདི་ཧ་ཅང་མགོ་རྙོག་པོ་ཞིག་རེད་ཅེས་པ་ལྟ་བུ། |
| མགོ་རྟིང |
སྟེང་འོག་གམ། མཐོ་དམའམ། མཆོག་དམན་ཏེ། (དཔེར་ན།) ལུས་ཀྱི་མགོ་རྟིང་ཚང་མ། གནམ་ས་མགོ་རྟིང་སློག་པ། ལུགས་དང་མི་མཐུན་པའི་ལམ་ལུགས་རྙིང་པ་མགོ་རྟིང་མ་བསློགས་པར་ལུགས་མཐུན་གྱི་སྒྲིགས་ཁྲིམས་གསར་པ་འཛུགས་མི་ཐུབ་ཅེས་པ་ལྟ་བུ། |
| མགོ་རྡུང |
ཕམ་གྱོང༌གི་དོན་ཏེ། (དཔེར་ན།) ཕན་ཚུན་མགོ་རྡུང་བཏང་བ་ལྟ་བུ། |
| མགོ་རྡོག་ཙམ |
མགོ་ཉུག་ཙམ་གྱི་དོན་ཏེ། (དཔེར་ན།) བྲག་ཕུག་ནང་ནས་མགོ་རྡོག་ཙམ་བྱས་ནས་བལྟས་ལྟ་བུ། |
| མགོ་རྡོག་རྡོག |
1.མགོ་ཉུག་ཉུག 2.མགོ་ཟླུམ་ཧྲིལ། |
| མགོ་རྨ |
ལུས་ཀྱི་མགོ་བོའི་གནས་སུ་མཚོན་སོགས་ཕོག་པ་ལས་བྱུང་བའི་རྨ། |
| མགོ་རྨོང་པ |
རིག་པ་འཐོམས་པ་སྟེ། (དཔེར་ན།) དོན་མི་ཤེས་པར་མགོ་རྨོངས་པ་ལྟ་བུ། |
| མགོ་རྩོམ་མཁན |
ལས་འགོ་ཐོག་མར་འཛུགས་མི། |
| མགོ་རྭ་དམ |
སྒོ་ཕྱུགས་སེམས་ཅན་གྱི་རྭ་ཅོར་བརྒྱབ་པའི་རྟགས་ཐེའུ་ཙེ་ལ་ཟེར་བ་དང༌། སྔར་བོད་ཡུལ་དུ་ཕྱུགས་རིགས་ཤི་གོད་བྱུང་ན་མགོ་རྭ་དམ་འབྱར་མ་དེ་དག་ཕྱུགས་བདག་ལ་རྩིས་སྤྲོད་དགོས་སྲོལ་ཡོད་པ། |
| མགོ་ལ་མེ་ཤོར |
དོ་གལ་ཆེན་པོ་དང༌། ཛ་དྲག་གམ་བྲེལ་འཚབ་ཆེན་པོའི་དཔེ། (དཔེར་ན།) ད་རེས་ཀྱི་ལས་དོན་འདི་མགོ་ལ་མེ་ཤོར་ལྟ་བུའི་ཛ་དྲག་ཆེན་པོ་ལ་ཐུག་པས་འཕྲལ་དུ་ལེགས་སྒྲུབ་བྱེད་དགོས། དེང་སྐབས་དུས་སྒོ་མགྱོགས་པོ་གཙང་འགྲོ་བ་ཡིན་པས་བྲེལ་འཚབ་ཆེ་དྲགས་ནས་མགོ་ལ་མེ་ཤོར་ཀྱང་གསོད་ལོང་མི་འདུག་ཅེས་པ་ལྟ་བུ། |
| མགོ་ལ་རྣ་འབྱར |
མཉམ་དུ་སྦྲེལ་བའི་དཔེ། (དཔེར་ན།) ཕ་གཞིས་མ་ལག་ཚང་མ་མགོ་ལ་རྣ་འབྱར་གྱིས་རྩིས་སྤྲད། ཁེ་གྱོང་གང་ཡོད་མགོ་ལ་རྣ་འབྱར་དུ་རྩིས་བླངས་ལྟ་བུ། |
| མགོ་ལ་སྤུ་སྐྱེས |
ཕོ་མོ་རྒན་གཞོན་ལ་མ་བལྟོས་པའི་མི་ཡོད་ཚད། |
| མགོ་ལག |
མགོ་དང༌། ལག་པ་སྟེ། (དཔེར་ན།) གཞན་གྱིས་བསད་པའི་དགྲའི་མགོ་ལག་ལེན་པ། འབྲིའི་མགོ་ལག་བཀུག་ནས་ཁྱུག་པ་གཏོང་བ་ལྟ་བུ། |
| མགོ་ལས་དཔུང་མཐོ |
གོ་རིམ་མི་བརྩི་བའི་དཔེ་སྟེ་ཧམ་པ་ཆེན་པོ། |
| མགོ་ལས་རྨ་ཆེ་བ |
དོན་གྱི་རྩ་བ་ལས་ཡལ་ག་ཆེ་བའི་དཔེ། (དཔེར་ན།) གྱོད་དོན་ཆུང་ངུ་ཞིག་ལ་རྙོག་གྲ་མང་པོ་མགོ་ལས་རྨ་ཆེ་བ་ལངས་པ་རེད་ཅེས་པ་ལྟ་བུ། |
| མགོ་ལས་སྐྱེས |
(མངོན་བརྗོད།) ཧོར་ཟླ་བཅུ་པ། |
| མགོ་ལིང |
(མངོན་བརྗོད།) ཡལ་ག། |
| མགོ་ལུས་མཚུངས་པ |
ཆ་ཚད་སྙོམས་པ། |
| མགོ་ལེན་པ |
1.གཞན་གྱིས་སྐྱབས་བཅོལ་བ་ལྟར་ཁས་ལེན་པའི་དོན་ཏེ། (དཔེར་ན།) དམག་བརྒྱབ་སྟེ་ཕམ་པ་རྣམས་ཀྱི་མགོ་ལེན་པ་ལྟ་བུ། 2.དགྲ་ཡ་བསད་པའི་མགོ་བོ་རྒྱལ་རྟགས་སུ་ལེན་པ། |
| མགོ་ལེན་བསྟེན་བསྐྱིལ |
མི་གཞན་མགོ་བཏགས་བླངས་ནས་བསྟེན་ཉར་བྱེད་པ། |
| མགོ་ལོག |
1.(ཡུལ་སྐད།) རྙོག་འཛིང༌གི་དོན་ཏེ། (དཔེར་ན།) དོན་མེད་བྱ་གཞག་མང་ན་མགོ་ལོག་བཙལ་ཡོང༌ཞེས་པ་ལྟ་བུ། 2.རྨ་ཆུའི་སྟོད་རྒྱུད་དུ་ཆགས་པའི་མདོ་སྨད་མགོ་ལོག |
| མགོ་ལྕག |
ལག་མཐིལ་མགོ་ལ་གཞུ་བའི་མིང༌། |
| མགོ་ལྕོག |
མགོ་ལྕོགས་དང་འདྲ། |
| མགོ་ལྕོག་ལྕོག |
མགུ་ཞིང་ཁས་ལེན་པའི་བརྡ་སྟོན་གྱི་མགོ་གཡོ་སྟངས། |
| མགོ་ལྕོགས |
ལོ་ཏོག་དང་མེ་ཏོག་སོགས་ཀྱི་མགོ་རྒྱས་པའི་རྡོག་མ་སྟེ། (དཔེར་ན།) སྟོན་དུས་ལོ་ཏོག་གི་མགོ་ལྕོགས་ལྡེམ་ལྡེམ་བྱེད་ཅེས་པ་ལྟ་བུ། |
| མགོ་ལྟག |
མགོའི་རྒྱབ། |
| མགོ་ལྡིང་ཅན |
(མངོན་བརྗོད།) ལྗོན་ཤིང༌། |
| མགོ་ལྡོག་པ |
1.མགོ་མཇུག་ལོག་པ། 2.ཕྱིན་ཅི་ལོག་པ། |
| མགོ་ཤུ |
མགོ་ལ་སྐྱེས་པའི་རྨ་ཤུ། |
| མགོ་ཤུབས |
སྤོ་བོ་དང༌། ཀོང་ཡུལ་གྱི་གོས་ཆས་ཤིག |
| མགོ་ཤོག |
1.དཔེ་ཆའི་ཤོག་ལྡེབ་དང་པོ། 2.ཡི་གེའི་ཐོད་དུ་བཞག་པའི་ཤོག་སྟོང༌། |
| མགོ་སུག |
མགོ་བོས་ནུ་མར་ཐུག་ཙམ་ཐུག་ཙམ་བྱེད་པ་སྟེ། (དཔེར་ན།) བེའུས་མ་ལ་མགོ་སུག་རྒྱག་གིན་འོ་མ་འཐུང་བཞིན་འདུག་ཅེས་པ་ལྟ་བུ། |
| མགོ་སེ |
མགོ་སྐྲ་དཀར་ནག་འདྲེས་པའི་མིང༌། |
| མགོ་སྐོན |
ཟངས་བཟོ་བའི་ལག་ཆ་ལྕགས་ཧྲེང་ལ་བསྐོན་ནས་བརྗེ་ལེན་ཐུབ་པའི་འོག་རྡོ་བཟོ་དབྱིབས་སྣ་ཚོགས་ཅན་ཞིག |
| མགོ་སྐོར |
གཡོ་ཐབས་ཀྱིས་གཞན་བསླུ་བའི་བྱ་སྤྱོད་ཀྱི་མིང་། (དཔེར་ན།) གཞན་ལ་མགོ་སྐོར་མ་གཏོང་ལྟ་བུ། |
| མགོ་སྐྱ |
1.སྐྲ་དཀར་པོའི་དོན་ཏེ། (དཔེར་ན།) མགོ་སྐྱ་ཕྱེད་སྔོ་ཕྱེད་ཅེས་པ་ལྟ་བུ། 2.(ཡུལ་སྐད།) མགོ་ཆེན་ཏེ། སྤྱང་གྲུང་རྫི་གསང་གང་ཡང་མི་ཤེས་པའི་མི། |
| མགོ་སྐྱེས |
(མངོན་བརྗོད།) 1> སྐྲ། 2>རྭ་ཅོ། |
| མགོ་སྐྱོང་བ |
1.མགོ་འདྲེན་བྱེད་པ་པོ། 2.མགོ་ཁྲིད་བྱེད་པ། |
| མགོ་སྐྱོབ |
(མངོན་བརྗོད།) རྨོག |
| མགོ་སྐྲ |
མགོ་བོའི་སྐྲ། (དཔེར་ན།) ཡུན་རིང་ན་ནས་མགོ་སྐྲ་བྱི་སྟེ་སྤྱི་ཐེར་དུ་གྱུར་ལྟ་བུ། |
| མགོ་སྐྲ་བསླས་མ |
སྐྲའི་ལན་བུ་བསླས་པའི་ལྷས་མ། |
| མགོ་སྒང |
ཧོར་ཟླ་གཉིས་པ་དང༌། བརྒྱད་པའི་དབུགས་ཐོབ་སྲིན་འགུལ་དང་བད་དཀར་ནས་ས་ཕོ་གཉིས་པ་ནམ་བྱུང་ཚེ་དཔྱིད་དང་སྟོན་གྱི་མགོ་སྒང་ཞེས་པ་སྟེ་ལོ་འདིའམ་ཕྱི་ལོར་སྨིན་རྒྱུའི་གྲོ་སོགས་འདེབས་རན་ཡིན། |
| མགོ་སྒུར་བ |
1.མགོ་བོ་དུད་པ། 2.མགོ་བཏགས་ཞུ་བ། |
| མགོ་སྒྲིམ་པོ |
སྤྱང་པོ། |
| མགོ་སྒྲོམ |
དཔེ་ཆའི་འགོ་བརྗོད། |
| མགོ་སྔས |
མགོ་འཇོག་སའི་སྔས། |
| མགོ་སྔས་སྦྲེལ་བ |
འབྲལ་བ་མེད་པའི་དཔེ། |
| མགོ་སྔོ་ཆོབ་ཙམ |
མགོ་སྐྲ་དཀར་པོར་འགྱུར་ལ་ཉེ་བ། |
| མགོ་སྙོམས་པ |
1.མཐོ་དམའམ་རིང་ཐུང་སྙོམས་པའི་དོན་ཏེ། (དཔེར་ན།) ལྕགས་ཟམ་སྣེ་གཉིས་ཀྱི་ས་བབ་མགོ་སྙོམས་པ་ལྟ་བུ། 2.རིགས་འགྲེ་སྦྱོར་བའི་དོན་ཏེ། (དཔེར་ན།) རང་གིས་མྱོང་ཚུལ་གཞན་ལ་སྦྱར་ན་བདེ་ལྡུག་མགོ་སྙོམས་པ་ཤེས་ཡོང༌ལྟ་བུ། |
| མགོ་སྟེགས |
(མངོན་བརྗོད།) སྐེ། |
| མགོ་སྟོང |
སེམས་ན་དམིགས་ཡུལ་ངེས་ཅན་ཞིག་མེད་པའི་དོན་ཏེ། (དཔེར་ན།) མི་མགོ་སྟོང་ཞེས་པ་ལྟ་བུ། |
| མགོ་སྟོང་པ |
བསམ་ཤེས་མེད་པའམ་འཐོམ་རྒྱལ། |
| མགོ་སྤུ |
མགོའི་སྐྲ་སྟེ། (དཔེར་ན།) མགོ་སྤུ་མེད་ལ་རལ་བའི་ཁྲལ་ཞེས་པ་ལྟ་བུ། |
| མགོ་སྤུ་ལག་འཛིངས |
མགོའི་སྐྲ་ནས་འཇུ་རེས་ཀྱི་འཛིངས་པ། |
| མགོ་སྦོས |
1.མགོ་འཐོམས་པ། 2.མགོ་བོ་སྐྲང་སྦོས་ཐེབས་པ། |
| མགོ་སྦོས་མིག་འཁྲུལ |
མགོ་ཡུ་འཁོར་ཞིང༌། མིག་འཁྲུལ་བ་སྟེ་ཧ་ཅང་རིག་པ་འཐོམས་པའི་དཔེ། |
| མགོ་སྦྲེལ |
ཟུང་སྦྲེལ་དང༌། སྣེ་མོ་མཐུད་པའི་དོན་ཏེ། (དཔེར་ན།) མི་མཐུན་རྟ་གཡག་མགོ་སྦྲེལ་མི་ཡོང༌ལྟ་བུ། |
| མགོ་སྨད |
མགོ་མར་གུག་པ་སྟེ། (དཔེར་ན།) ངོ་ཚ་ནས་མགོ་ཐུར་དུ་སྨད་པ། མགོ་སྨད་ནས་བསྡད་འདུག་ཅེས་པ་ལྟ་བུ། |
| མགོ་སླ་པོ |
གཞན་གྱིས་སླུ་བྲིད་བྱེད་སླ་བ། |
| མགོན |
སྡུག་བསྔལ་ལས་སྐྱོབ་མཁན་གྱི་མིང་། (དཔེར་ན།) བདེན་དོན་གྱི་ལས་ཀ་ནི་མི་ཚེའི་མགོན་སྐྱབས་ཡིན། མགོན་མེད་རྣམས་ཀྱི་མགོན་ཡང་མཛད་ལྟ་བུ། |
| མགོན་ཁང |
ཆོས་སྐྱོང་ཁང༌། |
| མགོན་པོ |
1.མགོ་འདྲེན་པ་པོའི་བསྡུས་ཡིག་སྟེ། (དཔེར་ན།) འཇིགས་པ་ཀུན་ལས་ཡོངས་སུ་སྐྱོབ་མཁན། སྐྱབས་མགོན། འགྲོ་མགོན། མགོན་པོ་སྤྱན་རས་གཟིགས། བྱམས་པ་མགོན་པོ། འཇམ་མགོན་བླ་མ་ཞེས་པ་ལྟ་བུ། 2.ཆོས་སྐྱོང་གི་རིགས་ཤིག (དཔེར་ན།) མགོན་པོ་བིང་ཆེན། མགོན་པོ་ཞལ་བཞི་པ། མགོན་པོ་དཀར་པོ། མགོན་པོ་གུར། མགོན་པོ་ནག་པོ། མགོན་པོ་གྲི་གུག་དཔའ་གཅིག་ཅེས་པ་ལྟ་བུ། |
| མགོན་པོ་ཕྱག་དྲུག་པ |
ཆོས་སྐྱོང་ཞིག |
| མགོན་པོ་བ |
བསྐང་གསོ་བ་སྟེ་ཆོས་སྐྱོང་སྲུང་མར་གསོལ་མཆོད་བྱེད་མཁན། |
| མགོན་པོ་རིགས་ལྔ |
སྐུའི་མགོན་པོ་དང༌། གསུང་གི་མགོན་པོ། ཐུགས་ཀྱི་མགོན་པོ། ཡོན་ཏན་གྱི་མགོན་པོ། ཕྲིན་ལས་ཀྱི་མགོན་པོ་སྟེ་ལྔ། |
| མགོན་པོ་རྡོ་རྗེ་ཅན |
(མངོན་བརྗོད།) བརྒྱ་བྱིན། |
| མགོན་བླ |
ཆོས་སྐྱོང་ཁང་གི་གསོལ་མཆོད་བྱེད་པ་པོ། |
| མགོན་མེད |
མགོ་འདྲེན་ནམ་སྲུང་སྐྱོབ་བྱེད་མཁན་མེད་པ། (དཔེར་ན།) སྐྱབས་མེད་མགོན་མེད་ཀྱི་ཉམ་ཐག་ལ་འཚོ་སྐྱོང་བྱེད་དགོས་ལྟ་བུ། |
| མགོན་མེད་ཟས་སྦྱིན |
སྔར་རྒྱ་གར་མཉན་ཡོད་ཀྱི་གྲོང་ཁྱེར་རྒྱལ་བུ་རྒྱལ་བྱེད་ཀྱི་ཚལ་དུ་ཀུན་དགའ་ར་བ་འཛུགས་མཁན་མགོན་མེད་ཟས་སྦྱིན་ཞེས་པའི་སྦྱིན་བདག་གི་མིང༌། |
| མགོན་མེད་ཟས་སྦྱིན་གྱི་ཀུན་དགའ་ར་བ |
སངས་རྒྱས་ཤཱཀྱ་ཐུབ་པའི་བཞུགས་གནས་ཤིག |
| མགོན་མེད་སྐྱབས་མེད |
རོགས་རམ་བྱེད་མཁན་མེད་པའི་དོན་ཏེ། (དཔེར་ན།) མུ་གེ་བྱུང་ཚེ་དབུལ་བོ་རྣམས་མགོན་མེད་སྐྱབས་མེད་དུ་ལུས་ལྟ་བུ། |
| མགོན་སྐྱབས |
སྐྱབས་གནས་ཏེ། (དཔེར་ན།) མགོན་སྐྱབས་དཔུང་གཉེན་ཞེས་པ་ལྟ་བུ། |
| མགོར |
མགར་བའི་སྐུལ་ཚིག |
| མགྱོགས |
1.(རྒྱན་ཚིག) དལ་བའི་ལྡོག་ཟླ་སྟེ། (དཔེར་ན།) རྟ་མཆོག་རླུང་ལྟར་མགྱོགས། བརྒྱུགས་ན་མགྱོགས་པ། ལམ་ལ་མགྱོགས་པོར་སོང་ལྟ་བུ།2.ལག་རྩའི་འཕར་གྲངས་མྱུར་བ། 3.རྒྱུ་དང་འབྲས་བུ་མྱུར་བར་འབྱུང་བ་ལྡན་མིན་འདུ་བྱེད་ཀྱི་ནང་གསེས་ཤིག |
| མགྱོགས་པོ |
མྱུར་བའི་དོན་དུ་གོ་བའི་མགྱོགས་པ་དང་དོན་གཅིག |
| མགྱོགས་བྲིས |
མྱུར་སྟབས་སུ་བྲིས་པའི་ཡི་གེ་དང་རི་མོ། |
| མགྱོགས་མྱུར |
མྱུར་པོ་མྱུར་པོ་སྟེ། (དཔེར་ན།) གནས་ཚུལ་མགྱོགས་མྱུར་དུ་འགྱུར་བཞིན་ཡོད་པ། འཛུགས་སྐྲུན་མགྱོགས་མྱུར་དུ་བྱེད་པ། རི་བོང་མི་ལ་སྐྲག་ནས་མགྱོགས་མྱུར་གྱིས་བྲོས་ཞེས་པ་ལྟ་བུ། |
| མགྱོགས་ཚ |
ལྕགས་རིགས་ལ་གཏོང་བའི་གྲང་ཚ། |
| མགྱོགས་ཚད |
མྱུར་མི་མྱུར་གྱི་ཚད་དེ། (དཔེར་ན།) མདུན་དུ་སྐྱོད་པའི་མགྱོགས་ཚད་ཇེ་ཆེར་གཏོང་བ། དཔུང་འཇུག་གི་མགྱོགས་ཚད་ཆུང་དུ་བཏང་བ་ལྟ་བུ། |
| མགྱོགས་འགྲོས |
མྱུར་བའི་གོམ་སྟབས། |
| མགྱོགས་ཡིག |
1.མྱུར་དུ་སྐྱེལ་དགོས་པའི་ཡིག་འཕྲིན། 2.མྱུར་པོར་བྲིས་པའི་འཁྱུག་ཡིག |
| མགྱོགས་རྭ |
བོད་ཀྱི་མེ་མདར་མགྱོགས་ཐབས་སུ་རྫས་མདེལ་བླུག་བྱེད། |
| མགྱོགས་ལམ |
འགྲོ་ཡུན་ནམ་བར་ཐག་ཐུང་བའི་ལམ། |
| མགྲིན |
1.མགྲིན་པ་སྟེ། སྐེའམ་གྲེ་བའི་ཞེ་ས། (དཔེར་ན།) མགྲིན་རྒྱན། མགྲིན་དབྱངས་ཞེས་པ་ལྟ་བུ། 2.སྐད་ཆའི་མིང་སྟེ། (དཔེར་ན།) མགྲིན་གཅིག་གིས་གོང་བཀུར་ཞུ། མགྲིན་གཅིག་དབྱངས་གཅིག མགྲིན་དབྱངས་གཅིག་གྱུར་གྱིས་གྲོས་འཆམས་བྱུང་ལྟ་བུ། |
| མགྲིན་གཅིག |
སྐད་ཆ་གཅིག་པའི་དོན་ཏེ། (དཔེར་ན།) མགྲིན་གཅིག་ཏུ་བསྔགས་པ། མགྲིན་གཅིག་ཏུ་དགའ་འབོད་སྒྲོག་ཅེས་པ་ལྟ་བུ། |
| མགྲིན་གཅིག་དབྱངས་གཅིག |
ཚང་མས་ཁ་གཅིག་གྲག |
| མགྲིན་གུག |
(མངོན་བརྗོད།) རྔ་མོང༌། |
| མགྲིན་གླུ |
གླུ་དབྱངས། |
| མགྲིན་དབྱངས |
སྐད་གདངས། |
| མགྲིན་དབྱངས་གཅིག་གྱུར |
མགྲིན་དབྱངས་གཅིག་པའང་ཟེར། སྐད་ཆ་གཅིག་མཐུན་གྱི་དོན། (དཔེར་ན།) ཚོགས་འདུར་ཕེབས་མཁན་ཚང་མས་མགྲིན་དབྱངས་གཅིག་གྱུར་གྱིས་མོས་མཐུན་བྱས་ལྟ་བུ། |
| མགྲིན་དམར་ཅན |
(མངོན་བརྗོད།) སྲིན་པོ། |
| མགྲིན་ནག |
(མངོན་བརྗོད།) བྱ་རོག་ཆེན་པོ། |
| མགྲིན་པ་ཁྲ་བོ |
(མངོན་བརྗོད།) དབང་ཕྱུག་ཆེན་པོ། |
| མགྲིན་པ་ཕྱེ་བའི་རྩོལ་བ |
ཡི་གེ་ཀློག་འདོན་བྱེད་སྐབས་མགྲིན་པ་གདངས་ནས་བརྗོད་པའི་རྩོལ་བ། |
| མགྲིན་པ་བཏེག་པ |
1.སྐད་གཟེངས་བསྟོད་པ། 2.སྐེ་བཀྱག་པ། |
| མགྲིན་པ་བཙུམས་པའི་རྩོལ་བ |
ཡི་གེ་ཀློག་འདོན་བྱེད་སྐབས་མགྲིན་པ་བཙུམས་ནས་བརྗོད་པའི་རྩོལ་བ། |
| མགྲིན་པ་རབ་རིང |
(མངོན་བརྗོད།) ཁྲུང་ཁྲུང༌། |
| མགྲིན་པ་ལོངས་སྤྱོད་ཀྱི་འཁོར་ལོ |
མགྲིན་པའི་ཐད་ཀྱི་རྩ་དབུ་མ་ལས་གྱེས་པའི་རྩ་འདབ་བཅུ་དྲུག་གདུགས་ཀྱི་རྩིབས་མ་ལྟར་ཁ་ཡར་ཕྱོགས་ནས་ཡོད་པ། |
| མགྲིན་པ་སྔོ |
(མངོན་བརྗོད།) 1>དབང་ཕྱུག་ཆེན་པོ། 2>རྨ་བྱ། |
| མགྲིན་བཅུ་པ |
(མངོན་བརྗོད།) སྲིན་པོའི་རྒྱལ་པོ། |
| མགྲིན་བཟང |
1.སྐད་བཟང༌། 2.(མངོན་བརྗོད།) བོང་བུ། |
| མགྲིན་ཚབ་པ |
ཁ་ལན་སྐྱེལ་མཁན། |
| མགྲིན་རིང |
(མངོན་བརྗོད།) 1>ཁྲུང་ཁྲུང༌། 2>འདབ་ཆགས་བཞད། 3>འདབས་ཆགས་ཤིང་རྟ་མ། |
| མགྲིན་རྒྱན |
སྐེའི་རྒྱན་ཆ། |
| མགྲིན་སྐུད་ཅན |
(མངོན་བརྗོད།) བྲམ་ཟེ། |
| མགྲིན་སྐྱེས |
(མངོན་བརྗོད།) གླུ་དབྱངས། |
| མགྲིན་སྔོན |
(མངོན་བརྗོད།) 1>དབང་ཕྱུག 2>རྨ་བྱ། |
| མགྲིན་སྔོན་ཟླ་བའི་རྟོགས་བརྗོད |
དུས་རབས་བཅོ་བརྒྱད་པའི་འགོར་རྗེ་སྟག་ཕུ་པ་བློ་བཟང་རྒྱ་མཚོས་བརྩམས་པའི་སྔ་རབས་རྒྱལ་པོ་ལྷ་སྣང་སྟོབས་ལྡན་གྱི་སྲས་ཆོས་ཀྱི་དགའ་བ་ཁུ་བྱུག་མགྲིན་སྔོན་ཟླ་བར་འཕོས་པས་བྱ་དང་རི་དྭགས་མང་པོར་ཕན་ཐོགས་བྱས་པའི་སྒྲུང་ཞིག |
| མགྲོན |
1.སྣེ་ལེན་གྱི་མིང་ལ་འཇུག་པ་ནི། (དཔེར་ན།) ཆང་མགྲོན་བྱས། ཇ་མགྲོན་བྱས། ཟས་མགྲོན་བྱས་ཞེས་པ་ལྟ་བུ། 2.མགྲོན་པོ་སྟེ། འགྲུལ་བའི་མིང་། (དཔེར་ན།) འགྲུལ་བ་མགྲོན་པོ། ཕྱི་རྒྱལ་གྱི་སྐུ་མགྲོན་ཞེས་པ་ལྟ་བུ། |
| མགྲོན་ཁང |
འགྲུལ་བ་མགྲོན་པོ་འདུག་སའི་གནས་ཀྱི་མིང་། |
| མགྲོན་ཁང་མཚེར་ཤག |
སྒོར་མིང་ཡིག་གམ། ཨང་གྲངས་སྦྱར་བའི་འགྲུལ་པ་གལ་ཆེ་སྡོད་སའི་ཁང་མིག |
| མགྲོན་གཉེར |
ཕྱི་ནང་གི་ལས་ཀའི་སྣེ་ལེན་བྱེད་མཁན། |
| མགྲོན་གཉེར |
སྤྱི་ཚོགས་རྙིང་བར་དཔོན་པོའི་ལག་འོག་གི་མགྲོན་པོ་སྣེ་ལེན་གྱི་ལས་ཀ་བྱེད་མཁན་གྱི་མིང་། |
| མགྲོན་གཉེར་ཆེན་མོ |
སྔ་དུས་༸གོང་ས་ཏཱ་ལའི་བླ་མ་དང༌། ཀུན་གཟིག་པཎ་ཆེན་ཨེར་ཏེ་ནིའི་མཇལ་ཁ་གཏོང་ཚོད་དང༌། བཀོད་པ་དྲིལ་བསྒྲགས་བྱེད་མཁན་འགོ་གཙོ། |
| མགྲོན་ཐབས |
སྐུ་མགྲོན་གྱི་གྲས་སམ་ཚུལ་ལུགས། གྲོགས་བཤེས་རྣམས་མགྲོན་ཐབས་སུ་སྤྱན་དྲངས་པ། |
| མགྲོན་ཐོ |
མགྲོན་འབོད་ཀྱི་མིང་ཐོ། |
| མགྲོན་པོ |
གདན་ཞུས་ལྟར་གསར་དུ་ཕེབས་མཁན་ནམ་ཕྱི་རོལ་ནས་ཡོང་བའི་མི། (དཔེར་ན།) སྐུ་མགྲོན། བྱེས་མགྲོན། གཞིས་མགྲོན། ཇ་མགྲོན། ཆང་མགྲོན། མགྲོན་དུ་འབོད་པ། མི་སྡོད་མགྲོན་པོ་སོང་ན་དགའ། མི་སོས་ནད་པ་ཤི་ན་དགའ། ཁྱི་བདག་པོས་བཀག་རྒྱུ་མགྲོན་པོས་བཀག་གཏམ་ཨ་ཕས་གཏོང་རྒྱུ་ཨ་མས་བཏང༌ལྟ་བུ། |
| མགྲོན་ཕྱྭ |
ངོ་མཚར་རྩ་བདུན་གྱི་ཡ་གྱལ་ཞིག མགྲོན་ཕྱོགས་ཀྱི་གཞིས་སྡོད་མིའི་འཕར་རྩ་ལ་བརྟགས་ནས་མགྲོན་པོའི་དོན་གཉེར་འགྲུབ་མིན་སོགས་བརྟག་ཐབས་ཤིག |
| མགྲོན་བདག |
མགྲོན་པོ་འབོད་མཁན་གྱི་བདག་པོ། |
| མགྲོན་བརྡ |
མགྲོན་དུ་འབོད་པའི་འཕྲིན་ལན། |
| མགྲོན་བསུ་བ |
1.བོས་པའི་མགྲོན་པོ་བསུ་མཁན། 2.ལམ་འགྲུལ་ལ་བསུ་བ་བྱེད་པ། |
| མགྲོན་བུ |
མཚོ་ལས་སྐྱེས་པའི་སྲོག་ཆགས་ཤིག |
| མགྲོན་མང་རྐུན་སོགས་སྡེ་ཚན |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་བརྒྱད་པ་ལ། རྐུན་པོ་དང་ལྷན་ཅིག་ཏུ་འགྲོ་བའི་ལྟུང་བྱེད་དང༌། ཉི་ཤུ་མ་ལོན་པར་བསྙེན་པར་རྫོགས་པའི་ལྟུང་བྱེད་དང༌། ས་རྐོ་བའི་ལྟུང་བྱེད་དང༌། རིང་དུ་འདུག་པའི་ལྟུང་བྱེད་དང༌། བསླབ་པ་སྤོང་བའི་ལྟུང་བྱེད་དང༌། ཉན་རྣ་བྱེད་པའི་ལྟུང་བྱེད་དང༌། མི་སྨྲ་བར་འགྲོ་བའི་ལྟུང་བྱེད་དང༌། མ་གུས་པའི་ལྟུང་བྱེད་དང༌། ཆང་འཐུང་བའི་ལྟུང་བྱེད་དང༌། ཕྱི་དྲོ་གྲོང་དུ་འཇུག་པའི་ལྟུང་བྱེད་དེ་བཅུའོ། ། |
| མགྲོན་ར |
མགྲོན་པོ་སྡོད་གནས། |
| མགྲོན་རོགས |
མགྲོན་ཕལ་པ་མགྲོན་གཙོ་བོའི་ཞོར་ལ་སྐད་བཏང་བའི་མགྲོན་པོ། |
| མགྲོན་ཤོག |
སྐུ་མགྲོན་གདན་ཞུའི་བརྡ་ཐོ་ཤོག་ལྷེ། |
| མང |
1.(རྒྱན་ཚིག) གྲངས་ཀ་ཉུང་བའི་ལྡོག་ཟླ་སྟེ། (དཔེར་ན།) མི་མང་ལག་མང་། མང་བོ། མི་མང་བོ། ལུག་མང་བོ། མང་བ། དེ་ལས་མང་བ། འབྲུ་རིགས་སྔར་ལས་མང་བ་སོགས་ལྟ་བུ། 2.ཐལ་ཆེ་བ་དང་ཚད་ལས་འདས་པའི་དོན་ཏེ། (དཔེར་ན།) ཟས་ཟ་རྒྱུ་མང་ན་ཕོ་བ་ན་ཞེས་པ་ལྟ་བུ། འགྱུར་ལྡོག་ཆེ་བ་བློ་མང་། མི་བློ་མང་གིས་དོན་མི་འགྲུབ་ལྟ་བུ། |
| མང་ཁ་ཉུང་ཉན |
མི་མང་ཆེ་བས་བཤད་པ་རྣམས་ལ་ཉུང་བས་དང་ལེན་བྱེད་པའི་དོན་ཏེ། (དཔེར་ན།) དོན་གནད་ལ་གྲོས་སྡུར་བྱེད་དུས་མང་ཁ་ཉུང་ཉན་གྱི་སྒོ་ནས་གཏན་ལ་ཕབ་ཅེས་པ་ལྟ་བུ། |
| མང་ག་བུར |
ག་བུར་རིགས་གསུམ་གྱི་ནང་ཚན་ཤིང་ཚི་གིང་ཞེས་པ་ལས་བྱུང་བར་གྲགས་པའི་ག་བུར་མདོག་སེར་ལ་སྣ་རིང་ཞིང་མཉེན་པའམ་དཀར་འཇམ་ཁ་བ་བསྒོངས་པ་འདྲ་བ་བསིལ་ཤེད་ཆུང་ཙམ་ཞིག་ནུས་པས་ཚ་བ་རླུང་ལྡན་སེལ། |
| མང་གེ་མོ |
གང་ཞིག་ཅེས་པ་དང་འདྲ་སྟེ། (དཔེར་ན།) གང་ཟག་ཆེ་གེ་མོ་ཞིག་དང་སྤྱོད་པ་མང་གེ་མོ་ཞིག་ཅེས་པ་ལྟ་བུ། |
| མང་ཆེ་བ |
ཕལ་ཆེ་བའམ་བྱིངས་ཆེ་བ་སྟེ། (དཔེར་ན།) ལས་དོན་ཅི་ཞིག་བྱེད་ཀྱང་མི་མང་ཆེ་བའི་ཁེ་ཕན་དང་བསྟུན་པ་གལ་ཆེ་ཞེས་པ་ལྟ་བུ། |
| མང་ཇ |
དགེ་འདུན་པ་རྣམས་ལ་འདྲེན་རྒྱུའི་འཐུང་ཇ། |
| མང་ཉུང |
མང་པོ་དང་ཉུང་ངུ་སྟེ། (དཔེར་ན།) གཅིག་བསྒྱུར་བ་ལ་མང་ཉུང་མེད། མི་གྲངས་མང་ཉུང་འཚམ་པ། གཏོང་ཡོང་མང་ཉུང་སྙོམས་པ། མང་ཉུང་ཆེར་མ་ཤོར་ལྟ་བུ། |
| མང་ཐོས |
1.མང་དུ་ཐོས་པ་སྟེ་རྣམ་གྲངས་མང་པོའམ། རྒྱ་ཆེན་པོ་ཐོས་པའི་དོན། (དཔེར་ན།) སྔོན་གྱི་ལོ་རྒྱུས་གཏམ་རྒྱུད་མང་དུ་ཐོས་པ་ལྟ་བུ། 2.མཁས་པ། |
| མང་ཐོས་པའི་སྡེ |
གཞི་ཐམས་ཅད་ཡོད་པར་སྨྲ་བ་བདུན་གྱི་ཡ་གྱལ་ཞིག |
| མང་དག |
ཧ་ཅང་མང་པོའི་དོན་ཏེ། (དཔེར་ན།) མངའ་ཁོངས་ས་རྒྱ་ཆེ་ལ་མི་གྲངས་ཀྱང་མང་དག་འདུག་ཅེས་པ་ལྟ་བུ། |
| མང་དུ་སྐྱེ |
(མངོན་བརྗོད།) ཕག་པ། |
| མང་པོ |
ཉུང་ངུའི་ལྡོག་ཕྱོགས་ཏེ། (དཔེར་ན།) མི་མང་ལག་མང༌། ཟས་མང་གོས་མང༌། མཐུན་རྐྱེན་མང་པོ་འཛོམས་ཡོད་པ། འབྲས་བུ་མང་པོ་ཐོན་པ་ལྟ་བུ། |
| མང་པོ་བྱིན |
(མངོན་བརྗོད།) ཆུ་བོ་སྲིན་དྷུ། |
| མང་པོ་འཐུང |
(མངོན་བརྗོད།) གླང་པོ་སྤྱི། |
| མང་པོ་འཛིན |
(མངོན་བརྗོད།) སྨིན་དྲུག་ཟླ་བ། |
| མང་པོ་སྣ་ཚོགས |
ཁྱོན་འབོར་ཆེ་ལ་སྣ་ཁ་འཛོམས་པའི་དོན་ཏེ། (དཔེར་ན།) གནས་ལུགས་མང་པོ་སྣ་ཚོགས། ཐབས་ཤེས་མང་པོ་སྣ་ཚོགས། མཁོ་ཆས་མང་པོ་སྣ་ཚོགས་ཞེས་པ་ལྟ་བུ། |
| མང་པོ་སྦྲེལ |
(མངོན་བརྗོད།) རྔ་མོང༌། |
| མང་པོས་བསྐུར་བའི་སྡེ |
ཉན་ཐོས་ཀྱི་རྩ་བའི་སྡེ་བ་བཞིའི་ནང་གསེས། མང་པོས་བཀུར་བ་ཞེས་པ་སྐྱེ་བོ་མང་པོས་བཀུར་སྟེ་བྱས་པའི་རིགས་ཅན་ཡིན་པས་དེ་ལྟར་གྲགས་ལ། མདོ་འདོན་པ་ན་ཨ་བ་བྷྲཾ་ཤའི་སྐད་དུ་འདོན། མཁན་པོ་འདྲེག་མཁན་གྱི་རིགས་ཉེ་བ་འཁོར། སྣམ་སྦྱར་གནས་བརྟན་པ་དང་མཚུངས་ཤིང་དགེ་སློང་གི་མིང་འབངས་དང་སྡེའི་མཐའ་ཅན། གྲུབ་མཐའ་བརྗོད་དུ་མེད་པའི་བདག་ཡོད་པ་དང༌། ཤེས་བྱ་ཐམས་ཅད་བརྗོད་དུ་ཡོད་མེད་གཉིས་སུ་སྡུད་པ་སོགས་འདོད་པའོ། ། |
| མང་བ |
ཉུང་བའི་ལྡོག་ཟླ་སྟེ། (དཔེར་ན།) ཚིག་ལོ་མང་བས་དོན་འབྲས་བསྒྲིབས་པ། ཐོས་གྲངས་མང་བས་བློ་སྐྱེད་ཆེན་པོ་བྱུང༌། མི་གྲངས་མང་དྲགས་ནས་ཉུང་དུ་བཏང་བ་ཡིན་ལྟ་བུ། |
| མང་བཀུར་རྒྱལ་པོ |
སྔར་རྒྱ་གར་དུ་ཐོག་མར་བྱུང་བའི་མི་ཀུན་གྱིས་བཀུར་བའི་རྒྱལ་པོ་ཞིག |
| མང་བཀུར་སྡེ་བ |
མང་པོས་བཀུར་བའི་སྡེ་དང་དོན་གཅིག |
| མང་བཀུར་སྡེ་བ་གསུམ |
ཉན་ཐོས་སྡེ་བ་བཅོ་བརྒྱད་ཀྱི་ནང་ཚན། མང་པོས་བཀུར་བའི་སྡེ་བ་ལ། ས་སྒྲོག་རི་ལ་གནས་པའི་སྡེ་བ་དང༌། སྲུང་བ་པའི་སྡེ་བ་དང༌། གནས་མ་བུའི་སྡེ་བ་སྟེ་གསུམ། |
| མང་བའི་དཔེ |
དཔེའི་རྒྱན་གྱི་ནང་གསེས་ཤིག་མཚོན་བྱེད་དཔེ་མང་པོ་ཞིག་གིས་མཚོན་བྱ་དོན་གཅིག་གི་གནས་ལུགས་མཚོན་པར་བྱེད་པའི་རྒྱན་ཞིག |
| མང་མ |
མང་ཆེ་ཤོས་ཏེ། (དཔེར་ན།) འཛམ་གླིང་གི་རྒྱལ་ཁབ་མང་མ། མི་མང་མ། ལས་བྱེད་པ་མང་མ་ཞེས་པ་ལྟ་བུ། |
| མང་ཚིག |
གྲངས་མང་པོ་སྟོན་བྱེད་ཀྱི་ཚིག་སྟེ། བོད་ཡིག་གི་རྣམ་དབྱེ་དང་པོའི་ཡན་ལག་ཡིན་པ་རྣམས་ཞེས་པ་དང༌། ཀུན་དང་ཐམས་ཅད་མཐའ་དག་སོགས་ནི་མང་པོའི་དོན་ཅན་གྱི་མིང་རྐྱང་ཙམ་རྣམས་སོ། ། |
| མང་ཚོགས |
མི་དམངས་སྤྱི་བྱིངས་ལ་ཟེར། (དཔེར་ན།) མང་ཚོགས་ཚོགས་ཆེན། མང་ཚོགས་ལམ་ཕྱོགས་ཞེས་པ་ལྟ་བུ། |
| མང་ཚོགས་ལམ་ཕྱོགས |
སྤྱི་དམངས་ཀྱི་འགྲོ་ཕྱོགས་སམ་དོན་གཉེར་གྱི་ཁ་ཕྱོགས། |
| མང་འགྱེད་ཐོ་སྒྲིག་ཆེན་མོ |
སྔར་ལོ་ལྟར་ལྷ་སར་སྨོན་ལམ་ཆེན་མོ་མ་འཚོགས་གོང་གི་སྔ་ལོ་ཟླ་བ་བཅུ་གཉིས་པའི་ནང་རྩེ་འགག་དང༌། བླ་བྲང་ཕྱག་མཛོད། སེ་འབྲས་དགའ་གསུམ་སོགས་འབྲེལ་ཡོད་ལས་སྣེ་རྣམས་འཛོམས་ནས་མང་འགྱེད་གཏོང་མཁན་གྱི་སྦྱིན་བདག་གི་མིང་ཐོ་སྔ་ཕྱིའི་གོ་རིམ་ལྟར་བསྒྲིགས་པའི་ཟིན་ཐོ། |
| མང་འཐེན་ཉུང་སྣོན |
མང་ས་ནས་འཐེན་ནས་ཉུང་ས་ལ་ཁ་སྣོན་གྱི་དོན་ཏེ། (དཔེར་ན།) མི་གྲངས་མང་འཐེན་ཉུང་སྣོན་གྱིས་ཆ་སྙོམས་བཟོ་བ་ལྟ་བུ། |
| མང་ཡུལ |
སྟོད་མངའ་རིས་སྤུ་ཧྲེང་ནས་གཙང་གི་ངམ་རིང་དང་སྐྱིད་གྲོང་བར་བལ་ཡུལ་དང་ཐག་ཉེ་བའི་ས་རྒྱུད་ཀྱི་མིང་རྙིང་པ། |
| མང་ར |
ས་ཆ་ཞིག མཚོ་སྔོན་གྱི་མང་འབལ་བྱ་གསུམ་གྱི་ཡ་གྱལ་མང་ར་ཡུལ་ལུང་། |
| མང་སྐོལ |
དགོན་ཁག་གི་དགེ་འདུན་རྣམས་ལ་གཏོང་རྒྱུའི་འཐུང་ཇ་དང་ཐུག་པ། |
| མང་སྐྱེ |
(མངོན་བརྗོད།) ཕག་པ། |
| མང་སྣ |
དཔུང་མང་པོའི་སྟོབས་ཤུགས་ཀྱི་ཁ་ཡ་སྟེ། (དཔེར་ན།) རྒྱབ་དཔུང་མེད་ན་མང་སྣ་ཉུང་གིས་མི་རྟེན་པས་རྒྱལ་ཁ་ལོན་པ་དཀའ་ལྟ་བུ། |
| མང་སྲོང་མང་བཙན |
དཔེ་རྙིང་དུ་མང་སློན་མང་རྩན་ཞེས་བྲིས། གུང་རི་གུང་བཙན་དང་འ་ཞ་བཟའ་མང་རྗེ་ཁྲི་དཀར་གཉིས་ཀྱི་སྲས། བོད་རྒྱལ་གདུང་རབས་སོ་ལྔ་པ་ཡིན་ལ། ཡབ་གུང་རི་དེའི་ཡབ་ཀྱི་གོང་དུ་འདས་པས། མེས་པོ་སྲོང་བཙན་འདས་ནས་དབོན་འདི་ཁྲི་ལ་འཁོད་དུས་སྐུ་ན་ཆུང་སྟབས་རྒྱལ་སྲིད་ཀྱི་བྱ་བ་བློན་ཆེན་མགར་སྟོང་བཙན་གྱིས་ཁྲི་ལོ་བཅོ་ལྔའི་བར་བསྐྱངས། དགུང་ལོ་ཉི་ཤུ་རྩ་བདུན་ཐོག་འདས། |
| མངག |
(བྱེད་འབྲེལ་ལས་ཚིག) མངགས་པའི་མ་འོངས་པ་དང་ད་ལྟ་བ། ལས་བཅོལ་བྱས་ནས་བྱ་བ་བྱེད་དུ་འགྲོར་བཅུག་པའི་དོན་ཏེ། (དཔེར་ན།) མངག་བྱའི་མི་སྣ། མི་སྣ་མངག་དགོས། མི་སྣ་མངག་མཁན་ཞེས་པ་ལྟ་བུ། |
| མངག་གཏམ |
ལས་དོན་བཅོལ་བའི་གཏམ། (དཔེར་ན།) ཁོང་ལ་བྱེད་སྒོ་མང་པོ་མངག་གཏམ་ཞུས་པ་ཡིན་ལྟ་བུ། |
| མངག་གཏོང |
ཆེད་མངགས་གཏོང་བ་སྟེ། (དཔེར་ན།) བང་ཆེན་བློ་འཁེལ་བ་ཞིག་མངག་གཏོང་བྱེད་ཅེས་པ་ལྟ་བུ། |
| མངག་གཞུག |
མངགས་པའི་མིའི་མིང་། (དཔེར་ན།) མངག་གཞུག་བཏང་ལྟ་བུ། |
| མངག་ཆ |
བཅོལ་གཏམ་ཏེ། (དཔེར་ན།) ཉེར་མཁོ་འགའ་ཞིག་བསྒྲུབ་རྒྱུའི་མངག་ཆ་བྱས་ལྟ་བུ། |
| མངག་རྫོང |
ལན་འཕྲིན་དང་ཕོ་ཉ་གཏོང་བ། |
| མངགས |
མངག་པའི་འདས་པ་དང་སྐུལ་ཚིག (དཔེར་ན།) མི་སྣ་མངགས་ནས་གྲོས་མོལ་བྱས། མངགས་པའི་ཕོ་ཉ་མི་གཅིག མངགས་ཤིག་ཅེས་པ་ལྟ་བུ། |
| མངགས་ཉོ |
མངག་གཏམ་བྱས་ནས་ཉོ་བ་སྟེ། (དཔེར་ན།) མཁོ་ཆས་མངགས་ཉོ། དཔེ་དེབ་དང་གསར་འགྱུར་མངགས་ཉོ་ཞེས་པ་ལྟ་བུ། |
| མངགས་བཅོལ |
ལས་དོན་སྒྲུབ་རྒྱུ་མངགས་པའི་དོན་ཏེ། (དཔེར་ན།) དངོས་ནོར་རྩ་འགངས་ཆེ་རིགས་གྲོགས་པོ་ལ་མངགས་བཅོལ་དོ་ནན་བྱས་ལྟ་བུ། |
| མངགས་འགན |
གོང་ནས་བཀས་མངགས་པའི་ལས་འགན། |
| མངགས་འཚོང |
གཞན་ལ་འཚོང་རོགས་བྱ་རྒྱུར་མངགས་པ། |
| མངན |
སྐྱོན་གྱི་མིང་གི་བརྡ་རྙིང་སྐྱོན་བཤད་པ་ལ་མངན་བགྲང་བ་ཟེར་བ་ལྟ་བུ། |
| མངན་པ |
དངན་པ་དང་འདྲ། |
| མངན་བགྲང་བ |
(བརྡ་རྙིང་།) སྐྱོན་རེ་རེ་བཞིན་བརྗོད་པ། |
| མངའ |
1.(ལས་ཚིག་རྗེས་མཐུན་པ) ལྡན་པའམ་ཡོད་པའི་དོན་ཏེ། (དཔེར་ན།) ཡོན་ཏན་མངའ་བ། གཟི་དཔལ་མངའ་བ་ཞེས་པ་ལྟ་བུ། 2.དབང་ཆའི་མིང་སྟེ། (དཔེར་ན།) དབང་བསྒྱུར་བ་ལ་མངའ་བསྒྱུར་བ་ཟེར་བ་ལྟ་བུ། |
| མངའ་ཁུལ |
རྒྱལ་ཁབ་བམ་མི་རིགས་གཅིག་གིས་དབང་ཆ་སྤྱོད་པའི་ཁོངས་སུ་གཏོགས་པའི་ས་ཆའི་མིང་། |
| མངའ་ཁོངས |
རྒྱལ་ཁབ་བམ་མི་རིགས་གཅིག་གི་དབང་འོག་ཏུ་འདུས་པའི་ཡུལ་གྲུའི་མིང་དེར་མངའ་ཁོངས་ས་གཞི་དང་། མངའ་ཁོངས་ཆུ་ཀླུང་། མངའ་ཁོངས་རྒྱ་མཚོ། མངའ་ཁོངས་མཁའ་དབྱིངས་བཅས་འདུས་ཡོད། |
| མངའ་གཞིས |
མངའ་ཁོངས་ཀྱི་གཞིས་ཀ། |
| མངའ་གསོལ་བ |
གུས་པའི་སྒོ་ནས་གོ་སར་བསྐོས་པ་སྟེ། (དཔེར་ན།) རྒྱལ་པོར་མངའ་གསོལ་བ། བཙུན་མོར་མངའ་གསོལ་བ། བློན་པོར་མངའ་གསོལ་བ་ལྟ་བུ། |
| མངའ་ཐང |
1.དབང་ཐང༌གི་དོན་ཏེ། (དཔེར་ན།) མངའ་ཐང་ལྷུན་སྟུག་གཟི་བརྗིད་དང་ལྡན་པ། མངའ་ཐང་ལོངས་སྤྱོད་དཔྱིད་ཀྱི་དཔལ་ལ་འགྲན་ཞེས་པ་ལྟ་བུ། 2.དགེ་ཚོགས་བསོད་ནམས་ཀྱི་དོན་ཏེ། (དཔེར་ན།) སྐུ་བསོད་མངའ་ཐང་ཡར་ངོའི་ཟླ་གསར་བཞིན་དུ་འཕེལ་ཞེས་པ་ལྟ་བུ། མིང་གི་རྣམ་གྲངས་ལ་སྐལ་ལྡན་དང༌། བགོ་སྐལ། སྔོན་གྱི་ལས། སྔོན་བྱས། སྔོན་བསགས། གནམ་བསྐོས། ལས་བསྐོས། བསགས་རྒྱབ། ལྷས་བསྐོས། ལྷས་བསྟན་པ་བཅས་སོ། ། |
| མངའ་དབང |
བདག་ཏུ་འཛིན་པའི་དབང་ཆའམ་དབང་སྒྱུར་བའི་དབང་ཆའི་མིང་། (དཔེར་ན།) རྒྱལ་ཁབ་ཀྱི་མངའ་དབང་། ས་ཆའི་མངའ་དབང་། མངའ་དབང་བསྒྱུར་བ་ཞེས་པ་ལྟ་བུ། འདི་ནི་བདག་དབང་དང་དོན་གཅིག |
| མངའ་དྭགས་རྒྱལ་གསུམ |
ལྷོ་ཁ་ས་ཁུལ་མངའ་རིས་གྲྭ་ཚང༌། དྭགས་པོ་གྲྭ་ཚང༌། ཆོས་འཁོར་རྒྱལ་གྲྭ་ཚང་སྟེ་གསུམ། |
| མངའ་བ |
ཡོད་པ་དང་ལྡན་པའམ། གསལ་བ་དང་དབང་བའི་ཞེ་ས་སྟེ། (དཔེར་ན།) ཐུགས་ལ་མངའ་གསལ་ལྟར། སྲས་གསུམ་མངའ་བ། སྐུ་ལ་བསྙུང་གཞི་མི་མངའ་འམ། དགོངས་པའི་དབུས་སུ་མངའ་བ་ཞུ་ལྟ་བུ། |
| མངའ་བདག |
1.དབང་པོ་སྟེ་དབང་སྒྱུར་མཁན། 2.གཙོ་བོའམ། རྒྱལ་པོ་ས་དང་མི་ནོར་སོགས་ལ་བདག་དབང་བྱེད་མཁན། |
| མངའ་བདག་ཁྲི་རལ་པ་ཅན |
ཁྲི་རལ་པ་ཅན་ནོ། |
| མངའ་བདག་ཉང |
1.སྔར་རྒྱལ་རྩེའི་ས་ཁུལ་ལ་ཡོད་པའི་མངའ་བདག་ཅིག་གི་མིང༌། 2.མངའ་བདག་ཁྲི་སྲོང་ལྡེ་བཙན་གྱི་སྤྲུལ་བ་ཉང་གི་རུས་ལས་འཁྲུངས་པའི་གཏེར་ཆེན་བཀའ་བརྒྱད་བདེ་གཤེགས་འདུས་པའི་བཀའ་བབ་ཉི་མ་འོད་ཟེར་རོ། ། |
| མངའ་བརྙེས་པ |
དབང་ཐོབ་པའམ། བྱང་ཆུབ་པའི་དོན་ཏེ། (དཔེར་ན།) འཕྲུལ་ལས་ལ་མངའ་བརྙེས་པ། ཐོགས་རྡུགས་མེད་པའི་མངའ་བརྙེས་པ་ལྟ་བུ། |
| མངའ་ཚབ |
བཀས་བཀོད་རྒྱུད་འཛིན་བདག་པོའི་ཚབ་བྱེད་མི། |
| མངའ་ཞབས |
མི་སེར་རམ་འབངས་ཏེ། (དཔེར་ན།) ཡུལ་བྱོལ་དུ་ཡོང་མཁན་ཚོ་སྡོད་ས་དེའི་མངའ་ཞབས་སུ་འཛུལ་ལྟ་བུ། |
| མངའ་འབངས |
མི་སེར་རམ་ཆབ་འབངས། |
| མངའ་འོག |
དབང་ཆས་ཁྱབ་ཁོངས་ཏེ། (དཔེར་ན།) མངའ་འོག་མི་སེར། མངའ་འོག་ལས་ཁུངས། རང་གི་མངའ་འོག་ཏུ་འཇུག ཕྱོགས་བཞི་མཚམས་བརྒྱད་ཀྱི་ས་ཡུལ་རྣམས་མངའ་འོག་ཏུ་སྡུད་ཅེས་པ་ལྟ་བུ། |
| མངའ་རིས |
1.རྒྱལ་ཁབ་གཅིག་གམ་མི་རིགས་ཤིག་གི་མངའ་འོག་ཏུ་གཏོགས་པའི་ས་གནས་ཀྱི་མིང་། 2.བོད་སྟོད་ཕྱོགས་ཀྱི་ཚོ་སྡེ་སྐོར་ཞིག གནའ་དུས་སུ་སྤུ་རངས་དང་གུ་གེ། མང་ཡུལ་ས་ཆ་གསུམ་ལ་སྟོད་མངའ་རིས་སྐོར་གསུམ་ཟེར། |
| མངའ་རིས་པཎ་ཆེན |
མཚན་དངོས་པད་མ་དབང་རྒྱལ། རབ་བྱུང་བརྒྱད་པའི་མེ་ལུག་ལ་འཁྲུངས། རབ་བྱུང་དགུ་པའི་ཆུ་ཡོས་ལ་འདས། འདི་ནི་སྡོམ་གསུམ་རྣམ་ངེས་རྩོམ་པ་པོ་ཡིན། |
| མངའ་རིས་སྐོར་གསུམ |
སྟོད་མངའ་རིས་སྐོར་གསུམ་སྟེ། བོད་ཡུལ་སྟོད་སྨད་བར་གསུམ་དུ་ཕྱེ་བའི་སྟོད་ཕྱོགས་ཀྱི་སྤུ་ཧྲེང་དང༌། མང་ཡུལ། ཟངས་དཀར་གསུམ་སྐོར་གཅིག ཞང་ཞུང་དང༌། ཁྲི་ཏེ་སྟོད་སྨད་གསུམ་སྐོར་གཅིག། འཆིམ་མམ་ལི་དང༌། བྲུ་ཤ། སྦལ་ཏི་གསུམ་སྐོར་གཅིག་སྟེ་སྐོར་གསུམ། |
| མངར |
(རྒྱན་ཚིག) ཀ་ར་དང་བུ་རམ་གྱི་རོ་ལྟ་བུ་སྟེ། (དཔེར་ན།) ཟས་ཞིམ་མངར་ཅན། ཤིན་ཏུ་མངར་བའི་ཟས། ཞིམ་པོ་མངར་མོ། རོ་མངར་བ་ཞེས་པ་ལྟ་བུ། |
| མངར་གསུམ |
ཀ་ར་བུ་རམ་སྦྲང་རྩི་གསུམ་ལ་མངར་གསུམ་ཟེར། |
| མངར་ཆ |
རོ་མངར་བའི་བཟའ་བཅའ། |
| མངར་ཕྱུར |
ཕྱུར་བ་རོ་མངར་མོ་ཞིག |
| མངར་མོ |
བུ་རམ་ལྟ་བུའི་རོ་སྟེ། (དཔེར་ན།) རོ་མངར། ཇ་མངར་མོ། ཆང་མངར་མོ་ཞེས་པ་ལྟ་བུ། |
| མངར་ལྡན |
(མངོན་བརྗོད།) སྦྲང་རྩི། |
| མངལ |
1.མི་དང་ནུ་མ་ནུ་བའི་སྲོག་ཆགས་མོའི་སྐྱེ་འཕེལ་གྱི་དབང་བོའི་ཆ་ཤས་ཕྲུ་གུ་ཆགས་གནས་ཀྱི་མིང་ཁ་སྐད་དུ་བུ་སྣོད་ཟེར། 2.(བྱེད་མེད་ལས་ཚིག) ཁ་ནང་ན་མཆིལ་མ་འབྱར་བག་ཆེ་ཞིང་དྲི་ངན་བྲོ་བའི་དོན་ཏེ། (དཔེར་ན།) བད་ཀན་གྱི་ནད་རྟགས་བཤད་སྐབས། ཁ་མངལ་ལྕེ་སྙིལ་སྐྱ་ལ་མིག་དཀར་སྐྲངས་ཞེས་པ་ལྟ་བུ། |
| མངལ་ཁྲག |
བུ་སྣོད་ཀྱི་ཁྲག |
| མངལ་གཏོར |
མངལ་དུ་ཆགས་ཟིན་པའི་ཕྲུ་གུ་མེད་པ་བཟོ་བ། |
| མངལ་གཡོལ |
མངལ་དུ་ཕྲུ་གུ་ཆགས་མི་ཐུབ་པ་བཟོ་བའི་ཐབས་ཤེས། |
| མངལ་གྱི་གནས་སྐབས |
ཕྲུ་གུ་མའི་མངལ་དུ་ཡོད་པའི་སྐབས། |
| མངལ་གྱི་གནས་སྐབས་ལྔ |
མངལ་དུ་མི་ལུས་ཆགས་པའི་གནས་སྐབས་ལྔ་པོ་སྟེ། བོད་འགྱུར་སྔ་ཕྱི་མི་འདྲ་བ་ཡོད་པའི་ནང་ནས། གནོད་སྦྱིན་གྱི་དབང་པོས་ཞུས་པའི་མདོ་ལྟར་ན། ནུར་ནུར་པོ་དང༌། མེར་མེར་པོ། ནར་ནར་པོ། འཕྲང་གྱུར། རྐང་ལག་འགྱུས་པ་བཅས་ལྔ་དང༌། ཡང་མངལ་དུ་འཇུག་པའི་མདོ་ལྟར་ན། ནུར་ནུར་པོ་དང༌། མེར་མེར་པོ། ནར་ནར་པོ། གོར་གོར་པོ། རྐང་ལག་འགྱུས་པ་བཅས་ལྔའོ། ། |
| མངལ་གྲིབ |
མངལ་གྱི་བཙོག་གྲིབ་བམ་མངལ་དུ་ཡོད་པའི་བཙོག་ངད། |
| མངལ་གྲོལ |
ཨ་མའི་གཟུགས་པོར་ཆགས་པའི་ཕྲུ་གུ་ཟླ་གྲངས་ཚང་ནས་སྐྱེས་པ། |
| མངལ་ཆགས |
ཨ་མའི་གཟུགས་པོར་ཕྲུ་གུ་ཆགས་པ། |
| མངལ་ཆགས་མ |
སྦྲུམ་མའམ་ཕྲུ་གུ་སྐྱེ་རྒྱུ་ཡོད་པའི་བུད་མེད། |
| མངལ་ཐུར |
བུ་རོ་འདོན་བྱེད་ཀྱི་ཡོ་བྱད་ཅིག |
| མངལ་དུག |
བཙས་མ་ཐག་པའི་ཕྲུ་གུར་ཐོན་པའི་ཤུ་ཐོར་ལ་ཟེར་ཞིང༌། གཞན་དུ་བཙའ་ཐོར་ཡང་ཟེར། |
| མངལ་ན་གནས་པའི་དུས |
དུས་བརྒྱད་ཀྱི་ནང་གསེས་ཤིག་ནུར་ནུར་པོ་དང༌། མེར་མེར་པོ་དང༌། ནར་ནར་པོ་དང༌། འཕྲང་འགྱུར་དང༌། རྐང་ལག་འགྱུས་པ་བཅས་མངལ་གྱི་གནས་སྐབས་ལྔ་ལ་ཟེར། |
| མངལ་ནད |
བུད་མེད་ཀྱི་བུ་སྣོད་ཀྱི་ནད་དེ། རྩ་བའི་མངལ་ནད་ལྔ་དང༌། གཞན་རྩ་ནད་སོགས་རིགས་སུམ་ཅུ་རྩ་ལྔ་འདྲེན་པའང་མཆིས། |
| མངལ་ནད་ལྔ |
ཉལ་པོ་མང་དུ་སྤྱད་པ་དང༌། བུ་བཙས་རྗེས་སུ་ཟས་སྤྱོད་ལོག་པ་སོགས་ལས་བྱུང་བའི་བུ་སྣོད་ཀྱི་ནད་ལྔ་རླུང་ལས་གྱུར་པ་དང༌། མཁྲིས་པ་ལས་གྱུར་པ། བད་ཀན་ལས་གྱུར་པ། ཁྲག་ལས་གྱུར་པ། འདུས་པ་ལས་གྱུར་པ་བཅས་སོ། ། |
| མངལ་བཙས |
མའི་མངལ་ནས་བུ་ཕྲུག་སྐྱེས་པ། |
| མངལ་བཤོལ |
མངལ་དུ་ཟླ་ཞག་འཕར་མ་བསྡད་པ། |
| མངལ་འཇུག |
1.རྣམ་ཤེས་མངལ་དུ་འཇུག་པ། 2.དགའ་བོ་མངལ་དུ་འཇུག་པའི་མདོ། |
| མངལ་འབྱིན |
མངལ་རླུག་དང་དོན་གཅིག |
| མངལ་འཛིན |
བུད་མེད་ལ་ཕྲུ་གུ་འཁོར་བ། |
| མངལ་རླུག |
ཐབས་ཤེས་ལ་བརྟེན་ནས་ཕྲུ་གུ་ཤོར་དུ་འཇུག་པ། |
| མངལ་ལྡན་མ |
སྦྲུམ་མའམ་ཕྲུ་གུ་སྐྱེ་རྒྱུ་ཡོད་པའི་བུད་མེད། |
| མངལ་ཤོར |
ཕྲུ་གུ་ཟླ་དུས་མ་ཚང་བར་སྐྱེ་ཤོར་ཐེབས་པ། |
| མངལ་སྐྱེས |
མའི་མངལ་ནས་སྐྱེས་པ། |
| མངལ་སྐྱེས་ཁམས་དྲུག |
འཛམ་བུ་གླིང་པའི་མི་མངལ་སྐྱེས་རྣམས་མའི་མངལ་དུ་ཚང་བར་ལྡན་པའི་ཁམས་དྲུག་སྟེ་ཕ་ལས་ཐོབ་པའི་རུས་པ་དང༌། རྐང༌། ཁུ་བ་བཅས་གསུམ་དང༌། མ་ལས་ཐོབ་པའི་ཤ་དང༌། པགས་པ། ཁྲག་བཅས་དྲུག |
| མངལ་སྐྱོན |
བུ་སྣོད་སྐྱོན་དུ་གྱུར་པའི་ནད་དེ། ནང་གསེས་སུ་དབྱེ་ན་རླུང་དང་མཁྲིས་པ་བད་ཀན་ཁྲག་འདུས་པ་བཅས་ལྔ་མཆིས་སོ། ། |
| མངལ་སྐྲན |
བུད་མེད་ཀྱི་ཟླ་མཚན་དང་ཆུ་སེར་གཉིས་རླུང་གིས་བསྒྲིལ་ནས་སྐྲན་དུ་གྱུར་པ། |
| མངལ་སྒོ |
མོ་མཚན། |
| མངལ་སྣོད |
བུ་སྣོད། |
| མངལ་སྦུབས |
བུ་སྣོད་ཀྱི་ནང༌། |
| མངལ་སྦྲུམ་པ |
མངལ་ཆགས་པའམ་ཕྲུ་གུ་འཁོར་བ། |
| མངལ་སྲིན |
བུད་མེད་ཀྱི་མངལ་ནང་གི་སྲིན་བུ་མ་ར་ཀ་དང༌། ཨ་སོ་ཀ་ཞེས་ཁྲོས་པའི་ནད་དེ། ནད་རྟགས་སུ་མཚན་མ་ཟ་ཞིང་ནུ་མ་རྒྱས་ལ་སེམས་འཕྱོ་བ་དང་སྐྱེས་པ་དང་འཕྲད་འདོད་པ་སོགས་འབྱུང་བའི་མོ་ནད་ཅིག |
| མངོགས |
མངག་པའི་སྐུལ་ཚིག་ལ་མངོགས་འབྲི་བའང་ཡོད། |
| མངོན |
(བྱེད་མེད་ལས་ཚིག) གསལ་བར་གྱུར་པའི་དོན་ཏེ། (དཔེར་ན།) གདོང་ལ་དམར་མདངས་མངོན། དགའ་ནས་འཛུམ་མདངས་མངོན། མངོན་ལྐོག་མེད་པ་ཞེས་པ་ལྟ་བུ། |
| མངོན་གསལ |
དངོས་མཐོང་གཟུགས་གྲུབ་ལྟར་རྗེན་པར་སྣང་བའི་དོན་ཏེ། (དཔེར་ན།) གཙོ་དོན་མངོན་གསལ་དོད་པོར་བརྗོད་པ། དམིགས་ཡུལ་གང་ཡིན་མངོན་གསལ་དུ་བསྟན་པ། གྲུབ་འབྲས་མངོན་གསལ་དུ་ཐོབ་ཅེེས་པ་ལྟ་བུ། |
| མངོན་གྱུར |
1.མངོན་སུམ་དུ་གྱུར་པ་དངོས་སུ་བྱུང་བ་དང༌། མཐོང་ཆོས་སུ་གྱུར་པ། 2.མངོན་པར་གྱུར་པའམ། མངོན་དུ་གྱུར་པ་རང་དབང་ཐོབ་པ་དང༌། ཁོང་དུ་ཆུད་པ། 3.གཞལ་བྱའི་གནས་གསུམ་གྱི་ནང་གསེས། མངོན་སུམ་ཚད་མའི་གཞལ་བྱའམ་མྱོང་སྟོབས་ཀྱིས་རྟོགས་ནུས་པ། གཟུགས་སྒྲ་དྲི་རོ་རེག་བྱ་ལྟ་བུའོ། ། |
| མངོན་གྱུར་པ |
དབང་བོ་ལྔས་ཐད་ཀར་མྱོང་ཚོར་བྱེད་ཐུབ་པའི་དངོས་པོའི་སྤྱི་མིང་སྟེ། (དཔེར་ན།) དངོས་པོ་མངོན་གྱུར་པ། གྲུབ་འབྲས་མངོན་གྱུར་པ་ཞེས་པ་ལྟ་བུ། |
| མངོན་གྱུར་བཅུ |
བསྙེན་རྫོགས་སྒྲུབ་པར་མངོན་གྱུར་བཅུ་ཚང་དགོས་པ་སངས་རྒྱས་མངོན་གྱུར། ཆོས་མངོན་གྱུར། དགེ་འདུན་མངོན་གྱུར། མཁན་པོ་མངོན་གྱུར། སློབ་དཔོན་མངོན་གྱུར། བསྙེན་པར་རྫོགས་འདོད་མངོན་གྱུར། ཡོ་བྱད་མངོན་གྱུར། ཡང་དག་མངོན་གྱུར། གསོལ་བ་མངོན་གྱུར། ལས་མངོན་གྱུར་བཅས་བཅུའོ། ། |
| མངོན་གྱུར་འགོག་པ |
འགོག་པའི་རྒྱན་གྱི་ནང་གསེས་ཤིག་ད་ལྟ་བྱེད་བཞིན་པ་བཅོས་མའི་ལས་ཀྱི་དགག་བྱ་དེ། འགོག་བྱེད་བཅོས་མིན་གྱི་ལས་ཁྱད་པར་བ་ཞིག་གིས་འགོག་པར་བྱེད་པའི་རྒྱན་ཞིག |
| མངོན་ཆུང |
ཡོངས་གྲགས་མིན་པའམ་གཞན་གྱི་མིག་སྔར་གསལ་པོར་མི་མངོན་པའི་དོན་ཏེ། (དཔེར་ན།) སྒོའི་སེར་སྲུབས་ནས་མངོན་ཆུང་གིས་གཟིགས་པ་ལྟ་བུ། |
| མངོན་དགའ |
1.ཡིད་ཀྱི་དགའ་སྤྲོ་ཆེན་པོ། 2.ཤར་གྱི་སངས་རྒྱས་མི་འཁྲུགས་པའི་ཞིང་ཁམས། |
| མངོན་དུ་གྱུར |
མྱོང་ཚོར་ལ་བརྟེན་ནས་དངོས་སུ་ཤེས་ཐུབ་པར་གྱུར་པའི་དོན་ཏེ། (དཔེར་ན།) གྲུབ་འབྲས་མངོན་དུ་གྱུར། ནད་གཞི་མངོན་དུ་གྱུར་ན་ངོས་འཛིན་སླ། གྲུབ་འབྲས་མངོན་དུ་འགྱུར་བཞིན་པ་ཞེས་པ་ལྟ་བུ། |
| མངོན་དུ་གྱུར་པའི་ས |
ས་དྲུག་པ་ལ་གནས་པའི་བྱང་ཆུབ་སེམས་དཔས་རྟེན་འབྲེལ་ལུགས་འབྱུང་དུ་བསྒོམས་པས་འཁོར་བ་ལས་ལྡོག་པ་མངོན་དུ་གྱུར་པ་དང༌། རྟེན་འབྲེལ་ལུགས་ལྡོག་ཏུ་བསྒོམས་པས་མྱང་འདས་ལ་མངོན་དུ་ཕྱོགས་པ་སྟེ་མངོན་དུ་གྱུར་པས་ན་དེ་ལྟར་བརྗོད་དོ། ། |
| མངོན་དུ་ཕྱོགས་པའི་ས |
མངོན་དུ་གྱུར་པའི་ས་དང་དོན་གཅིག |
| མངོན་དུ་བྱེད་པ |
ལག་ལེན་བསྟར་བ་དང༌། ས་ལམ་ཐོབ་པ། |
| མངོན་དོད |
མངོན་མཚན་ནམ། གཟེངས་ཐོན་གྱི་གསལ་ཆ་སྟེ། (དཔེར་ན།) བྱས་རྗེས་མངོན་དོད་ཆེ་བ་ཞིག་བཞག་པ། གྱོན་པའི་ཚོས་གཞི་མངོན་དོད་ཆུང་བ་ལྟ་བུ། |
| མངོན་པ |
1.ཆོས་མངོན་པ་སྟེ། མྱ་ངན་ལས་འདས་པ་ལ་མངོན་དུ་ཕྱོགས་པའི་བདེན་པ་ལ་སོགས་པ་དང༌། ཆོས་རེ་རེ་ལའང་གཟུགས་ཅན་ཡིན་མིན་སོགས་ཞིབ་མོར་ཕྱེ་ནས་ཡང་ཡང་སྟོན་པ་དང༌། ཕས་རྒོལ་ཟིལ་གྱིས་གནོན་པ་དང༌། འདིས་མདོ་སྡེའི་དོན་རྟོགས་པར་འགྱུར་བ་བཅས་རྒྱུ་མཚན་བཞིས་མངོན་པ་ཞེས་བྱ། 2.མངོན་པ་ལ་ར་ཡིག་སྦྱར་ནས་མངོར་པར་ཞེས་བྲིས་ན། རབ་ཏུའམ་མཆོག་ཏུ་ཞེས་པ་དང་དོན་འདྲ་སྟེ། (དཔེར་ན།) མངོན་པར་དགའ་བ། མངོན་པར་རྟོགས་པ། མངོན་པར་ཞེན་པ། བྱས་རྗེས་མངོན་པར་འཕགས་པ། མངོན་པར་སྤྲོ་བ། མངོན་པར་བསྡུས་པ། མངོན་པར་མཁྱེན་པ། མངོན་པར་འདུད་པ། མངོན་པར་བསྒྲུབས་པ། མངོན་པར་གསལ་བ། མངོན་པར་ལྕི་བ། རྒྱལ་ཁབ་ཀྱི་ཞབས་འདེགས་ལ་མངོན་པར་བརྩོན་པ་ཞེས་པ་ལྟ་བུ |
| མངོན་པ་ཀུན་བཏུས |
ཆོས་མངོན་པ་ཀུན་ལས་བཏུས་པའི་བསྡུས་ཚིག |
| མངོན་པ་གོང་མ |
མངོན་པ་ཀུན་བཏུས་སོ། ། |
| མངོན་པ་གོང་འོག |
མངོན་པ་ཀུན་བཏུས་དང༌། མངོན་པ་མཛོད། |
| མངོན་པ་ཆོས་ཀུན་ལས་བཏུས་པའི་རྣམ་པར་བཤད་པ |
བསྟན་བཅོས་ཤིག རྒྱ་གར་གྱི་སློབ་དཔོན་རྒྱལ་བའི་སྲས་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་ཡེ་ཤེས་སྡེས་བསྒྱུར་པ། |
| མངོན་པ་བ |
ཆོས་མངོན་པའི་རྗེས་སུ་འབྲང་མཁན་ནམ་མངོན་པའི་ལུགས་འཛིན་མཁན། |
| མངོན་པ་མཛོད |
ཆོས་མངོན་པ་མཛོད་ཅེས་བྱ་བ། ཁམས་དང༌། དབང་པོ་དང༌། འཇིག་རྟེན་དང༌། ལས་དང༌། ཕྲ་རྒྱས་དང༌། ལམ་དང་གང་ཟག་དང༌། ཡེ་ཤེས་དང༌། སྙོམ་འཇུག་སྟེ་གནས་བརྒྱད་ཀྱི་བདག་ཉིད་ཅན་གྱི་བསྟན་བཅོས་ཤིག འདི་དུས་རབས་ལྔ་པར་རྒྱ་གར་གྱི་སློབ་དཔོན་དབྱིག་གཉེན་གྱིས་མཛད་པའི་གཞུང་ཞིག |
| མངོན་པ་འོག་མ |
མངོན་པ་མཛོད་དོ། ། |
| མངོན་པ་སྡེ་བདུན |
ཐམས་ཅད་ཡོད་པར་སྨྲ་བའི་བསྟན་བཅོས་གཙོ་བོ་བདུན་ཏེ། ཡེ་ཤེས་ལ་འཇུག་པ་དང༌། རབ་ཏུ་བྱེད་པ། རྣམ་ཤེས་ཀྱི་ཚོགས། ཆོས་ཀྱི་ཕུང་པོ། གདགས་པའི་བསྟན་བཅོས། འགྲོ་བའི་རྣམ་གྲངས། ཁམས་ཀྱི་ཚོགས་བཅས་ཏེ། དེ་བདུན་བྱེད་པ་པོ་ནི་རིམ་པར། ཀཏྱའི་བུ་དང༌།དབྱིག་བཤེས། བྲམ་ཟེ་ལྷག་སྐྱིད། ཤཱ་རིའི་བུ། མོ་འུ་འགལ་གྱི་བུ། གསུས་པོ་ཆེ། གང་པོ་བཅས་འདི་བདུན་ལ་དགྲ་བཅོམ་བདུན་དུ་གྲགས། |
| མངོན་པའི་ང་རྒྱལ |
ང་རྒྱལ་བདུན་གྱི་གྲས་ཤིག་མ་ཐོབ་པར་ཐོབ་བོ་སྙམ་དུ་སེམས་ཁེངས་པ། |
| མངོན་པའི་མཆོད་པ |
མཆོད་པ་ཆེན་པོ་བཞིའི་ནང་ཚན་ཞིག |
| མངོན་པའི་སྡེ་སྣོད |
ལྷག་པ་ཤེས་རབ་ཀྱི་བསླབ་པ་བརྗོད་བྱའི་གཙོ་བོར་སྟོན་པ་གསུང་རབ་ཡན་ལག་བཅུ་གཉིས་ཀྱི་ནང་གཏན་ལ་ཕབ་པའི་སྡེ་དེ་དག་མངོན་པར་བསྡུས་པའོ། ། |
| མངོན་པར་གྲུབ་པ |
1.ལེགས་པར་ཚར་བ། 2.མངོན་སུམ་དུ་ཡོད་པ། |
| མངོན་པར་གྲུབ་པའི་ཡན་ལག |
གྲུབ་པའི་ཡན་ལག་གཉིས་དང་དོན་གཅིག |
| མངོན་པར་དགའ་བའི་ཞིང་ཁམས |
ཤར་ཕྱོགས་ཀྱི་སངས་རྒྱས་མི་འཁྲུགས་པའི་ཞིང་ཁམས། |
| མངོན་པར་བྱང་ཆུབ་པ |
མངོན་པར་རྫོགས་པར་སངས་རྒྱས་པ་དང་དོན་གཅིག |
| མངོན་པར་བྱང་ཆུབ་པའི་དུས་ཆེན |
ཁྱད་པར་ཅན་གྱི་དུས་ཆེན་བཞིའི་ནང་གསེས། ཧོར་ཟླ་བཞི་པ་ས་ག་ཟླ་བའི་ཡར་ཚེས་བཅོ་ལྔའི་ཉིན། སྟོན་པ་ཐུབ་པའི་དབང་པོ་གནས་རྒྱ་གར་རྡོ་རྗེ་གདན་བྱང་ཆུབ་ཤིང་དྲུང་དུ་ཟད་མི་སྐྱེའི་ཡེ་ཤེས་མངོན་དུ་བྱས་ཏེ་མངོན་པར་རྫོགས་པར་སངས་རྒྱས་པའི་དུས་ཆེན། |
| མངོན་པར་བྱུང་བ |
ཁྱིམ་ནས་ཁྱིམ་མེད་པར་རབ་ཏུ་བྱུང་བ། |
| མངོན་པར་འགྲུབ་པར་བྱེད་པའི་ཡན་ལག |
འགྲུབ་པའི་ཡན་ལག་གསུམ་དང་དོན་གཅིག |
| མངོན་པར་འདུ་བྱེད་པ |
བྱ་བ་བྱེད་པ། |
| མངོན་པར་འདུ་མ་བྱས་པ |
བྱ་བ་མ་བྱས་པ། |
| མངོན་པར་འདུས་བྱས་པ |
བྱ་བ་བྱས་པ། |
| མངོན་པར་རྟོགས་པའི་རྒྱན |
མངོན་རྟོགས་རྒྱན་དང་དོན་གཅིག |
| མངོན་པར་རྫོགས་པ |
ཡོངས་སུ་རྫོགས་པ། |
| མངོན་པར་རྫོགས་པར་བྱང་ཆུབ་པ |
མངོན་པར་རྫོགས་པར་སངས་རྒྱས་པ་དང་དོན་གཅིག |
| མངོན་པར་རྫོགས་པར་སངས་རྒྱས་པ |
ཤེས་བྱའི་གནས་ཀུན་མངོན་སུམ་དུ་རྫོགས་པར་མཁྱེན་པའི་ཡེ་ཤེས་བརྙེས་པ། |
| མངོན་པར་ཤེས་པ |
མངོན་ཤེས་དང་དོན་གཅིག |
| མངོན་པར་སྐབས་ཡོད་པའི་གཟུགས |
ཆོས་ཀྱི་སྐྱེ་མཆེད་པའི་གཟུགས་ཀྱི་གྲས། གཞན་ལ་ཐོགས་པར་བྱེད་པའི་རེག་བྱ་དང་བྲལ་བ་བར་སྣང་སྐྱ་སིང་པོ་ལྟ་བུ་དང་གཟུགས་བརྙན་ལ་སོགས་པའོ། ། |
| མངོན་བརྗོད |
རིག་གནས་ཆུང་བ་ལྔའི་ཡ་གྱལ་ཏེ། མིང་དུ་འདོགས་ཚུལ་དང༌། འཇུག་ཚུལ། མིང་གི་རྣམ་གྲངས་སོགས་ཀྱི་རྣམ་གཞག་རྣམས་གསལ་བར་སྟོན་པའི་རིག་པའོ། ། |
| མངོན་བརྗོད |
མིང་གི་རྣམ་གྲངས་བཤད་པའི་བསྟན་བཅོས་ཀྱི་མིང་། རིག་གནས་ཆུང་བ་ལྔའི་ནང་གི་གཅིག་ཡིན། |
| མངོན་བརྗོད་ཀྱི་བག་ཆགས |
སྔོན་འཛིན་མིག་ཤེས་ལ་སྔོན་པོ་རང་འཛིན་རྟོག་པའི་ཞེན་གཞིར་རང་གི་མཚན་ཉིད་ཀྱིས་གྲུབ་པར་སྣང་བ་ལ་དབང་པར་བྱེད་པའི་བག་ཆགས་ལྟ་བུ། |
| མངོན་བསྟོད |
མངོན་པར་བསྟོད་པ་ཡིད་དགའ་ནས་མངོན་སུམ་དུ་བསྔགས་པའི་ཆེ་བརྗོད། |
| མངོན་བྱང |
1.སྤྱོད་རྒྱུད་ཀྱི་ལྷ་རྣམ་སྣང་མངོན་བྱང༌། 2.མངོན་པར་བྱང་ཆུབ་པའི་བསྡུས་མིང༌། |
| མངོན་བྱང་གི་གསུང |
གསུང་ལྔའི་ཡ་གྱལ་ཞིག སྒྲ་ཐམས་ཅད་རང་རིག་པའི་ངང་དུ་ལྷུན་གྱིས་གྲུབ་པས་ཅིར་ཡང་མི་འགག་པ་རིག་པ་བྱིན་རླབས་ཀྱི་གསུང་ནི་མངོན་བྱང་གི་གསུང་ཞེས་སྔགས་རྙིང་མའི་བཞེད་པའོ། ། |
| མངོན་བྱང་གི་ཐུགས |
ཐུགས་ལྔའི་ནང་གསེས་ཤིག་མེ་ལོང་ལྟ་བུའི་ཡེ་ཤེས་ནི་མངོན་བྱང་གིས་ཅིར་ཡང་ས་ལེར་མཁྱེན་པའི་ཐུགས་ཞེས་རྙིང་གཞུང་དུ་གསལ། |
| མངོན་བྱང་གི་སྐུ |
སྐུ་ལྔའི་ཡ་གྱལ་ཞིག་སྐུ་བཞི་རིག་པའི་ཡེ་ཤེས་ལ་ལྷུན་གྱིས་རྫོགས་པས་ཆོས་སྐུ་ལས་མ་གཡོས་བཞིན་དུ་གདུལ་བྱའི་ལས་དང་མཐུན་པར་སྣ་ཆོགས་སུ་སྣང་བ་སྔགས་རྙིང་མའི་བཞེད་པའོ། ། |
| མངོན་བྱང་ལྔ |
བསྐྱེད་རིམ་གྱི་ལྷ་སྐུའི་སྒོམ་ཚུལ་ཞིག་ཟླ་བ་ལས་བྱང་ཆུབ་པ་དང༌། ཉི་མ་ལས་བྱང་ཆུབ་པ་དང༌། ས་བོན་ལས་བྱང་ཆུབ་པ་དང༌། ཕྱག་མཚན་ལས་བྱང་ཆུབ་པ་དང༌། སྐུ་རྫོགས་པ་ལས་བྱང་ཆུབ་པ་སྟེ་ལྔ། |
| མངོན་བྱང་ལྔ་བསྐྱེད |
ལྷ་བསྐྱེད་པའི་ཚུལ་ཞིག པདྨ་ལ་སོགས་པའི་གདན་གྱི་སྟེང་དུ་ཨཱ་ལི་ལས་ཟླ་བ་དང་ཀཱ་ལི་ལས་ཉི་མའི་དཀྱིལ་འཁོར་གྱི་བར་དུ་ལྷའི་ཕྱག་མཚན་ས་བོན་གྱིས་མཚན་པར་བསྒོམ། དེ་ལས་འོད་ཟེར་འཕྲོ་འདུ་ཡོངས་སུ་གྱུར་པ་ལས་ལྷའི་སྐུ་རྫོགས་པར་བསྐྱེད་པ་ནི་མངོན་བྱང་ལྔ་བསྐྱེད་ཅེས་བྱ་ཟླ་བ་མེ་ལོང་ཡེ་ཤེས་ལས་བྱང་ཆུབ་པ་དང༌། ཉི་མ་མཉམ་ཉིད་ཡེ་ཤེས་ལས་བྱང་ཆུབ་པ་དང༌། ས་བོན་དང་ཕྱག་མཚན་སོར་རྟོག་ཡེ་ཤེས་ལས་བྱང་ཆུབ་པ་དང༌། ཐམས་ཅད་འདྲེས་པ་བྱ་གྲུབ་ཡེ་ཤེས་ལས་བྱང་ཆུབ་པ་དང༌། སྐུ་རྫོགས་པ་ཆོས་དབྱིངས་ཡེ་ཤེས་ལས་བྱང་ཆུབ་པ་དང༌། སྐུ་རྫོགས་པ་ཆོས་དབྱིངས་ཡེ་ཤེས་ལས་བྱང་ཆུབ་པའོ། ། |
| མངོན་བློ་འཕྱར་བ |
ཞབས་འདྲེན་ཞུ་བ། |
| མངོན་མཁྱེན |
མངོན་སུམ་དུ་མཁྱེན་པའམ་མངོན་པར་ཤེས་པ། |
| མངོན་མཐོ |
1.མངོན་པར་མཐོ་བ་ཤིན་ཏུ་མཐོ་བ། 2.ལྷ་དང་བཅས་པའི་བདེ་འགྲོའི་ཕུན་ཚོགས་དགེ་ལེགས། |
| མངོན་མཐོའི་ཐེག་པ |
འཇིག་རྟེན་པའི་ཐེག་པ་ངན་སོང་གི་སྡུག་བསྔལ་ལས་འཕྲལ་དུ་ཐར་བ་ལྷ་མིའི་བདེ་བ་རྣམ་སྨིན་རྒྱུ་མཐུན་གྱིས་བསྡུས་པའོ། དེ་ལ་ནང་གསེས་སུ་ལྷ་མིའི་ཐེག་པ་དང༌། ཚངས་པའི་ཐེག་པ་གཉིས་ཡོད་དོ། ། |
| མངོན་མཚན |
མངོན་གསལ་ཏེ། མངོན་མཚན་ཅན། |
| མངོན་མཚན་ཅན་གྱི་སྤང་བ |
སྤང་ལྟུང་སུམ་ཅུའི་ནང་གསེས། ཆགས་སེམས་ཀྱིས་ཉེ་དུ་མ་ཡིན་པའི་ཁྱིམ་པ་ལ་གསེར་དངུལ་ལ་སོགས་པ་བུན་སྐྱེད་དམ་ཁེ་སྤོགས་བྱེད་བཅུག་པ། |
| མངོན་ཚན |
(བརྡ་རྙིང་།) 1>བུན་སྐྱེད། 2>རིན་པོ་ཆེ་སྤྱིའི་མིང༌། 3>རི་མོ་ཡོད་པའི་དོང་ཙེ། |
| མངོན་ཞེན |
འདོད་ཆགས། |
| མངོན་འདོད |
1.རེ་འདུན་ཆེན་པོ། 2.(མངོན་བརྗོད།) 1>འདོད་ཆགས། 2>ཨ་མྲའི་ཤིང༌། |
| མངོན་འདོད་ཀྱི་དད་པ |
དད་པ་གསུམ་གྱི་ནང་གསེས་ཤིག་དད་ཡུལ་གྱི་ཡོན་ཏན་དེ་ཉིད་རང་རྒྱུད་ལ་ཐོབ་འདོད་ཀྱི་འདུན་པ། |
| མངོན་རྟགས |
མངོན་སུམ་དུ་ཤར་བའི་རྟགས་མཚན། |
| མངོན་རྟོགས |
1.མཁྱེན་པ་དང་ཡེ་ཤེས་ཏེ། མངོན་སུམ་དུ་ཤེས་པ། 2.གསང་སྔགས་ཀྱི་བསྐྱེད་རིམ་སྒྲུབ་ཐབས་ཤིག |
| མངོན་རྟོགས་རྒྱན |
ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་བྱ་བ། རྣམ་པ་ཐམས་ཅད་མཁྱེན་པ་དང༌། ལམ་ཤེས་པ་ཉིད་དང༌། ཐམས་ཅད་ཤེས་པ་ཉིད་དང༌། རྣམ་ཀུན་མངོན་པར་རྫོགས་པར་རྟོགས་པ། རྩེ་མོའི་མངོན་པར་རྟོགས་པ། མཐར་གྱིས་པའི་མངོན་པར་རྟོགས་པ། སྐད་ཅིག་མ་གཅིག་པའི་མངོན་པར་རྫོགས་པར་བྱང་ཆུབ་པ། ཆོས་སྐུ་སྟེ་ཤེར་ཕྱིན་དངོས་པོ་སྐབས་བརྒྱད་ཀྱི་བདག་ཉིད་ཅན། རྒྱལ་བ་བྱམས་པ་མགོན་པོས་མཛད་པའི་བྱམས་ཆོས་སྡེ་ལྔའི་ཡ་གྱལ་ཞིག |
| མངོན་རྟོགས་རྒྱན་གྱི་འགྲེལ་བ་དོན་གསལ |
སློབ་དཔོན་སེང་གེ་བཟང་པོས་བརྩམས་པ་ཞིག རྒྱ་གར་གྱི་མཁན་པོ་བིཏྱཱ་ཀ་ར་པྲ་བྷ་དང༌། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་ཅིང༌། སླད་ཀྱི་པཎྜི་ཏ་དཔལ་གོ་མི་འཆི་མེད་ལ་སོགས་པ་དང༌། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་ལེགས་པར་གཏན་ལ་ཕབ་པ། |
| མངོན་རློམ་པ |
1.ང་རྒྱལ་བྱེད་པ། 2.ང་རྒྱལ་བྱེད་མཁན་ཏེ། (དཔེར་ན།) མི་ཤེས་ཤེས་མདོག་བྱེད་པའི་མངོན་རློམ་པ་མ་བྱེད་ཅེས་པ་ལྟ་བུ། |
| མངོན་ལྐོག |
མངོན་སུམ་དང་ལྐོག་གྱུར་རམ། ངོ་ལྐོག་གི་དོན་ཏེ། (དཔེར་ན།) གང་བྱས་མངོན་ལྐོག་མི་མཐུན་པ་མེད་པ། མངོན་ལྐོག་གི་སྐད་ཆ་བཤད་སྟངས་མི་འདྲ་ཞེས་པ་ལྟ་བུ། |
| མངོན་ཤེས |
མངོན་པར་ཤེས་པ་མངོན་གྱུར་དང༌། ཡུལ་དུས་ཐག་རིང་པོ་ན་གནས་པའི་ལྐོག་གྱུར་དང༌། ཤིན་ཏུ་ལྐོག་གྱུར་གྱི་གནས་ཚུལ་མངོན་སུམ་དུ་རྟོགས་ཐུབ་པའི་ཤེས་པ། |
| མངོན་ཤེས་དྲུག |
མངོན་ཤེས་ལྔའི་སྟེང་དུ། ཟག་ཟད་མཁྱེན་པའི་མངོན་ཤེས་བསྣན་པས་དྲུག་སྟེ། སངས་རྒྱས་ཁོ་ན་ལ་མངའ་བའི་མངོན་པར་ཤེས་པའོ། ། |
| མངོན་ཤེས་དྲུག་ལྡན |
1.(མངོན་བརྗོད།) སངས་རྒྱས། 2.མངོན་ཤེས་དྲུག་དང་ལྡན་པ། |
| མངོན་ཤེས་ལྔ |
རྫུ་འཕྲུལ་གྱི་མངོན་ཤེས་དང༌། ལྷའི་མིག་གི་མངོན་ཤེས། ལྷའི་རྣ་བའི་མངོན་ཤེས། སྔོན་གནས་རྗེས་དྲན་གྱི་མངོན་ཤེས། གཞན་སེམས་ཤེས་པའི་མངོན་ཤེས་བཅས་ལྔ། |
| མངོན་སུམ |
1.འཁྲུལ་བ་མིན་པའི་དངོས་གནས་ཀྱི་དོན་ཏེ། (དཔེར་ན།) རིགས་ལམ་མངོན་སུམ་གྱིས་བསལ་བ། བྱས་རྗེས་མངོན་སུམ་དུ་བཞག་པ། སྔར་གྱི་ལོ་རྒྱུས་རྣམས་མངོན་སུམ་མཚོན་ལྟ་བུ། 2.ལྐོག་གྱུར་མིན་པའི་ཐད་ཀའི་དོན་ཏེ། (དཔེར་ན།) མིག་གིས་མངོན་སུམ་དུ་མཐོང་བ། ཚིག་རྩུབ་མངོན་སུམ་དུ་བརྗོད་པ། མངོན་སུམ་དུ་སྐྱོན་བརྗོད་བྱེད་ཅེས་པ་ལྟ་བུ། 3.བློ་རིག་བདུན་གྱི་ནང་གསེས། རྟོག་བྲལ་མ་འཁྲུལ་བའི་ཤེས་པ། དཔེར་ན། བུམ་འཛིན་དབང་མངོན་དང༌། གཞན་སེམས་ཤེས་པའི་མངོན་ཤེས་དང༌། འཕགས་པའི་མཉམ་བཞག་ཡེ་ཤེས་ལྟ་བུའོ། ། |
| མངོན་སུམ་གསལ་ཐོན |
སྒྲིབ་གཡོགས་མེད་པར་གསལ་ཐོན་ནམ། ཧ་ཅང་གསལ་པོར་ཤར་བའི་དོན་ཏེ། (དཔེར་ན།) བྱས་རྗེས་གང་བཞག་མངོན་སུམ་གསལ་ཐོན་བྱུང་ཡོད་ཅེས་པ་ལྟ་བུ། |
| མངོན་སུམ་གསལ་རྗེན |
སྒྲིབ་མེད་གསལ་རྗེན་ནམ། ཧ་ཅང་གསལ་པོའི་དོན་ཏེ། (དཔེར་ན།) མ་འོངས་པའི་སྐབས་སུ་ཕན་གནོད་ཇི་ཡོང་ད་ལྟ་མངོན་སུམ་གསལ་རྗེན་དུ་མཐོང་བ་ལྟར་རེད་ཅེས་པ་ལྟ་བུ། |
| མངོན་སུམ་གསུམ |
མངོན་སུམ་ལ་ངེས་པ་འདྲེན་ཚུལ་གྱིས་དབྱེ་ན་གསུམ་སྟེ། ཨུཏྤལ་ངོ་མི་ཤེས་པའི་གང་ཟག་གི་རྒྱུད་ཀྱི་ཨུཏྤལ་འཛིན་པའི་དབང་མངོན་ལྟ་བུ་མངོན་སུམ་ལས་དག་པོ་བ་དང༌། ཡིད་སྒྲ་ལ་ཆགས་དུས་ཀྱི་གཟུགས་འཛིན་དབང་མངོན་ལྟ་བུ་མངོན་སུམ་ཡིད་མ་གཏད་པ་དང༌། རྒྱང་རིང་པོའི་མེའི་ཁ་དོག་མཐོང་བའི་དབང་མངོན་ལྟ་བུ་མངོན་སུམ་འཁྲུལ་རྒྱུ་ཅན་རྣམས་སོ། ། |
| མངོན་སུམ་གྱི་གནོད་པ |
མངོན་སུམ་གྱིས་བསལ་བའོ། ། |
| མངོན་སུམ་གྱི་བཅད་ཤེས |
བཅད་ཤེས་ཀྱི་ནང་གསེས། རང་འདྲེན་བྱེད་མངོན་སུམ་ཚད་མས་རྟོགས་ཟིན་པ་དེ་སླར་ཡང་རྟོགས་པ་དབང་མངོན་ལྔའི་སྐད་ཅིག་གཉིས་པ་ལྟ་བུ་དབང་མངོན་གྱི་བཅད་ཤེས་དང༌། བུམ་འཛིན་མངོན་སུམ་དང་རྟོག་པ་གཉིས་ཀྱི་སྐད་ཅིག་གཉིས་པ་ཉམས་སུ་མྱོང་བའི་རང་རིག་ལྟ་བུ་རང་རིག་མངོན་སུམ་གྱི་བཅད་ཤེས་དང༌། མཐོང་ལམ་པའི་རྒྱུད་ཀྱི་བདེན་བཞིའི་རྣམ་པ་བཅུ་དྲུག་མངོན་སུམ་དུ་རྟོགས་པའི་ཡེ་ཤེས་སྐད་ཅིག་གཉིས་པ་ལྟ་བུ་རྣལ་འབྱོར་མངོན་སུམ་གྱི་བཅད་ཤེས་རྣམས་སོ། ། |
| མངོན་སུམ་གྱི་ཤེས་པ |
རྟོག་བྲལ་གྱི་ཤེས་པ། |
| མངོན་སུམ་གྱིས་བསལ་བ |
བསལ་བ་བཞིའི་གྲས། དམ་བཅའ་དང་མངོན་སུམ་གྱི་མྱོང་བ་དང་འགལ་བ། དཔེར་ན། སྒྲ་མཉན་བྱ་མིན་པར་འདོད་པ་ལྟ་བུའོ། ། |
| མངོན་སུམ་དངོས་པོ |
མཐོང་ཆོས་སམ། དངོས་སུ་མཐོང་རྒྱུ་ཡོད་པ། |
| མངོན་སུམ་པ |
ལྐོག་མིན་དངོས་མཐོང་གི་ཡུལ། |
| མངོན་སུམ་བཞི |
དབང་མངོན་དང༌། ཡིད་མངོན། རང་རིག་མངོན་སུམ། རྣལ་འབྱོར་མངོན་སུམ། |
| མངོན་སུམ་བརྒྱད་ཀྱིས་ཞི་བ |
འདུལ་བ་ལས་བཤད་པའི་རྩོད་པ་ཞི་བྱེད་ཆོས་བདུན་གྱི་ནང་གསེས་ཏེ། དེ་ལའང་ལུང་རིགས་ཀྱི་བྱེད་པ་ལ་བརྟེན་ནས་བློ་རྩེ་གཅིག་ཏུ་མཐུན་པར་གྱུར་པ་ལྟ་བུ་རྒོལ་ཕྱིར་རྒོལ་གྱི་མངོན་སུམ་དང༌། དེ་ཉིད་རང་སྟོབས་ཀྱིས་མ་ཞི་ན་དཔང་པོས་སྒྲུབ་བྱེད་བཀོད་ནས་ཞི་བ་ལྟ་བུ་གཟུ་བོའི་མངོན་སུམ་དང༌། དེས་མ་ཞི་ན་རྩོད་པ་རྒྱུས་ཡོད་པའི་དགེ་འདུན་ཞིག་ལ་བརྟེན་ནས་ཞི་བ་ལྟ་བུ་དགེ་འདུན་གྱིས་ཞི་བའི་མངོན་སུམ་དང༌། དེས་མ་ཞི་ན་ལུང་རིགས་ལ་མཁས་པའི་དགེ་སློང་བཞི་ཡན་ཆད་གསོལ་གཉིས་ལས་ཀྱིས་བསྐོས་ཏེ་ཁོང་ཚོས་ཞི་བར་བྱེད་པ་གསལ་བའི་མངོན་སུམ་དང༌། དེས་མ་ཞི་ན་དགེ་སློང་དེ་དག་གིས་ཡང་དུ་གསོལ་གཉིས་ལས་ཀྱིས་མཁས་པ་གཞན་བསྐོས་ཏེ་ཞི་བར་བྱེད་པ་གསལ་བའི་གསལ་བའི་མངོན་སུམ་དང་དེས་ཀྱང་མ་ཞི་ན་གནས་བརྟན་དང་བཅས་པའི་དགེ་འདུན་ལ་རྩོད་པ་ཕུལ་ཏེ། དེ་དག་གིས་ཞི་བར་བྱེད་པ་གནས་བརྟན་དང་བཅས་པའི་དགེ་འདུན་གྱི་མངོན་སུམ་དང༌། དེས་ཀྱང་མ་ཞི་ན་ཀུན་གྱིས་ཚད་མར་འཛིན་པའི་སྡེ་སྣོད་འཛིན་པ་ལ་ཕུལ་ཏེ་ཞི་བར་བྱེད་པ་སྡེ་སྣོད་འཛིན་པའི་མངོན་སུམ་དང༌། དེས་ཀྱང་མ་ཞི་ན་སུས་ཀྱང་བཀའ་འདའ་བར་མི་ནུས་པའི་གནས་བརྟན་མཐུ་ལྡན་ལ་ཕུལ་ཏེ་ཁོང་གིས་ཞི་བར་བྱེད་པ་གནས་བརྟན་མཐུ་ལྡན་གྱི་མངོན་སུམ་སྟེ་བརྒྱད་དོ། ། |
| མངོན་སུམ་ཚད་མ |
ཚད་མའི་ནང་གསེས། རྟོག་བྲལ་མ་འཁྲུལ་ཞིང་གསར་དུ་མི་བསླུ་བའི་ཤེས་པ། དཔེར་ན། བུམ་འཛིན་དབང་མངོན་སྐད་ཅིག་དང་པོ་དང༌། མངོན་ཤེས་སྐད་ཅིག་དང་པོ་དང༌། རྣམ་མཁྱེན་དང་འཕགས་པའི་མཉམ་བཞག་ཡེ་ཤེས་སྐད་ཅིག་དང་པོ་ལྟ་བུ། ངོ་བོ་རྟོག་བྲལ། ཡུལ་རང་མཚན། དུས་ད་ལྟ་བ། འཛིན་སྟངས་གསལ་ལ་མ་འདྲེས་པར་འཛིན་པའོ། ། |
| མངོན་སུམ་ཚད་འབྲས |
མྱོང་སྟོབས་ཀྱིས་རང་ཡུལ་ཇི་བཞིན་རྟོགས་པ་དཔེར་ན། སྔོ་འཛིན་དབང་མངོན་ལ་མཚོན་ན། སྔོན་པོ་ནི་གཞལ་བྱ་དང༌། སྔོན་པོའི་རྣམ་པར་ཤར་ནས་སྔོན་པོ་ལ་གསར་དུ་མི་བསླུ་བའི་ཤེས་པ་ནི་ཚད་མ། སྔོན་པོ་དངོས་སུ་རྟོགས་པ་ནི་མངོན་སུམ་ཚད་འབྲས་ཡིན་པ་ལྟ་བུའོ། ། |
| མངོན་སུམ་འགྲོས་གསུམ |
མངོན་སུམ་གྱི་ཤེས་པ་སྐྱེ་བའི་ཚུལ་གསུམ་སྟེ། མིག་ཤེས་ཀྱི་གཟུགས་བཟུང་བ་ན་ཐོག་མར་དབང་མངོན་སྐད་ཅིག་མ་གཅིག་སྐྱེ། དེ་ནས་དབང་མངོན་སྐད་ཅིག་དང་པོས་བདག་རྐྱེན་བྱས་ནས་དབང་མངོན་སྐད་གཉིས་པ་དང་ཡིད་མངོན་སྐད་ཅིག་དང་པོ་གཉིས་དུས་མཉམ་དུ་སྐྱེ། མངོན་སུམ་དེ་གཉིས་ཀྱི་སྟེང་དུ་རང་རིག་མངོན་སུམ་ཡོད་པ་བཅས་མངོན་སུམ་འགྲོས་གསུམ་མོ། ། |
| མངོན་སུམ་འཛེམས་མེད |
མངོན་གསལ་འཛེམས་མེད་ཀྱང་ཟེར། གཞན་ལ་འཛེམས་བག་མི་བྱེད་པ། གཞན་གྱིས་མཐོང་བཞིན་དུ་སྤྱོད་ངན་མང་པོ་མངོན་སུམ་འཛེམས་མེད་ཀྱིས་བྱས་པ། |
| མངོན་སུམ་ཡང་དག |
ཡུལ་གྱི་རྣམ་པ་འཁྲུལ་བ་མེད་པའི་སྒོ་ནས་དངོས་སུ་མཐོང་བ་སོགས་རྟོག་པ་དང་བྲལ་བའི་ཤེས་པ་རྣམ་པར་དག་པའི་ཚད་མ། དཔེར་ན། གཟུགས་འཛིན་མིག་ཤེས་ལྟ་བུ། |
| མངོན་སུམ་རྗེན་གཅེར |
སྒྲིབ་མེད་གསལ་རྗེན་ཏེ། (དཔེར་ན།) བདེ་སྡུག་གནས་ཚུལ་ཚང་མ་མངོན་སུམ་རྗེན་གཅེར་དུ་མཐོང་ལྟ་བུ། |
| མངོན་སུམ་ལྟར་སྣང |
རྟོག་མེད་འཁྲུལ་བའི་ཤེས་པ་སྟེ། རང་སྣང་བའི་ཤེས་པ་འཕྲལ་གྱི་འཁྲུལ་རྒྱུས་བསླད་པའི་དབང་གིས་རང་ཡུལ་ལོག་པར་སྣང་བ། དཔེར་ན། ཟླ་གཅིག་ཟླ་གཉིས་སུ་སྣང་བ་ལྟ་བུ་གྲངས་ལ་འཁྲུལ་བ་དང༌། དུང་སེར་སྣང་ལྟ་བུ་ཁ་དོག་ལ་འཁྲུལ་བ་དང༌། རི་ལྗོན་འགྲོ་བར་སྣང་བ་ལྟ་བུ་བྱ་བ་ལ་འཁྲུལ་བ་དང༌། མགལ་མེ་བར་མ་ཆད་དུ་འཁོར་བར་སྣང་བ་ལྟ་བུ་དབྱིབས་ལ་འཁྲུལ་བ་བཅས་ཏེ། དང་པོ་གཉིས་ནི་མིག་རབ་རིབ་དང་མཁྲིས་ནད་སོགས་ནང་གི་འཁྲུལ་རྒྱུས་བསླད་པ་དང༌། ཕྱི་མ་གཉིས་ནི་གྲུར་ཞུགས་པ་དང༌། མགལ་མེ་མྱུར་དུ་བསྐོར་བ་ལྟ་བུ་ཕྱིའི་འཁྲུལ་རྒྱུས་བསླད་པ་ལས་བྱུང་བའི་ལོག་ཤེས་སོ། ། |
| མངོན་སུམ་སྤྱོད་ཡུལ |
དབང་ཤེས་ཀྱི་དངོས་ཡུལ་ལམ། དངོས་སུ་ཡོད་པ་རྣམས། |
| མངོན་སྤྱོད |
1.དམག་རྒྱག་པ་སོགས་དྲག་པོའི་ལས་ཀྱི་མིང་། 2.ཆོས་ལུགས་ཀྱི་འདྲེ་གདོན་འདུལ་བ་དང་དམོད་མོ་བྱེད་པའི་ཆོ་གའི་མིང་། |
| མངོན་སྤྱོད་ཀྱི་སྦྱིན་སྲེག |
དྲག་པོའི་སྦྱིན་སྲེག |
| མངྒལཾ |
(ལེགས་སྦྱར།) བཀྲ་ཤིས། |
| མཆད་ཀ |
མཆད་པ་དང་འདྲ། |
| མཆད་ཀ་པ |
བཀའ་གདམས་པའི་དགེ་བཤེས་ཤིག་གི་མིང་། ཁོང་མི་རྟག་པ་དྲན་པའི་ཆེད་དུ་དུར་སར་ཕེབས་ནས་རྒྱུན་དུ་བཞུགས་པས་ན་མིང་དེ་ལྟར་ཐོགས་པའོ། ། |
| མཆད་གནས |
དུར་གྱི་གནས། |
| མཆད་པ |
དུར་ཁྲོད་དམ་དུར་སའི་མིང་། |
| མཆད་སྒམ |
རོ་སྒམ་གྱི་མིང་གཞན། |
| མཆན |
1.དཔེ་ཆའི་གཞུང་གི་ཡིག་འབྲུ་སོ་སོར་བརྒྱབ་པའི་ཚིག་འགྲེལ་ཐུང་ངུའི་མིང། (དཔེར་ན།) འབྲུ་མཆན། མཆན་བཀོད་དེ་དོགས་གནས་སེལ་ལྟ་བུ། 2.རིམ་པ་གོང་མས་ཕབ་པའི་ཆོག་མཆན་ཏེ། (དཔེར་ན།) བཀའ་མཆན། འགོ་མཆན། ཆོག་མཆན་ཞུ་བ་ལྟ་བུ། 3.མཆན་ཁུང་གི་བསྡུས་མིང༌། (དཔེར་ན།) དབྱུག་པ་མཆན་དུ་འཇུག་ཅེས་པ་ལྟ་བུ། |
| མཆན་ཁུག |
མཆན་ཁུང་དང་འདྲ། |
| མཆན་ཁུང |
ལག་པའི་མཆན་འོག་གི་ཀོང་ཀོང༌། མིང་གི་རྣམ་གྲངས་ལ་མཆན་འོག་དང༌། མཆན་ཞབས་སོ། ། |
| མཆན་ཁེབ |
དཔུང་རོགས་ཀྱི་དོན་ཏེ། (དཔེར་ན།) མཆན་ཁེབ་དཔའ་བོ་མི་གཉིས་ཞེས་པ་ལྟ་བུ། |
| མཆན་གྱི་བུ་ཕྲུག |
གཅེས་ཕྲུག |
| མཆན་གྱི་མཆིས་བྲང |
རང་ཡིད་དགའ་བའི་ཆུང་མ། |
| མཆན་ཊིཀ |
མཆན་འགྲེལ་དང་དོན་གཅིག |
| མཆན་ཕུག |
མཆན་འོག་གམ་མཆན་སྦུག |
| མཆན་བུ |
1.གཞུང་དོན་གྱི་ཚིག་འགྲེལ་ཐུང་ངུ་སྟེ། (དཔེར་ན།) རྩ་བའི་འབྲུ་དོན་ལ་མཆན་བུ་བཏབ་པ། གོ་དཀའི་གཞུང་དོན་ལ་མཆན་བུ་བཏབ་པ། རིམ་པ་གོང་མས་སྙན་ཤོག་ལ་མཆན་བུ་བཏབ་སྟེ་གཤམ་ལ་བསྩལ་ལྟ་བུ། 2.སློབ་མ། 3.ཕྱག་སྦྲེལ་དང་ལས་རོགས་ཀྱི་དོན་ཏེ། (དཔེར་ན།) སྒྱུ་མ་མཁན་གྱི་མཆན་བུ་ཞེས་པ་ལྟ་བུ། |
| མཆན་ཞབས |
མཆན་ཁུང་འོག |
| མཆན་འགོད་བཀའ་ལན |
ཡི་གེར་མཆན་ཞུས་པའི་ལན། |
| མཆན་འགྲེལ |
རྩ་བ་མཆན་གྱིས་འགྲེལ་བ་སྟེ། (དཔེར་ན།) མཆན་འགྲེལ་ཅན་གྱི་དཔེ་ཆ་ཞེས་པ་ལྟ་བུ། |
| མཆན་ཡིག |
མཆན་བརྒྱབ་པའི་ཡི་གེ། |
| མཆན་རྒྱག་པ |
1.ཡི་གེ་སོགས་ལ་འགྲེལ་ཆུང་ངམ་འགྲེལ་བསྡུས་རྒྱག་པ། 2.སྐྱོན་ལ་མཛུབ་མོ་འཛུགས་པའི་དོན་ཏེ། (དཔེར་ན།) གཟུར་གནས་བློ་ལྡན་གྱིས་མཆན་རྒྱག་པ་ལས། སྐྱོན་མེད་སྐྱོན་འཚོལ་གྱིས་མཆན་མ་རྒྱག་ཅེས་པ་ལྟ་བུ། |
| མཆན་སྦུག |
ལག་འོག་གི་མཆན་ཁུག་གམ་མཆན་ཁུང༌། |
| མཆི |
(བྱེད་མེད་ལས་ཚིག) མཆིས་པའི་མ་འོངས་པ་དང་ད་ལྟ་བ། ཡོད་པ་དང་གནས་པའི་དོན་ཏེ། (དཔེར་ན།) བླ་ན་མེད་པ་ལ་བླ་ན་མ་མཆི་བ། གོང་ན་མེད་པ་ལ་གོང་ན་མ་མཆི་བ་ཟེར་བ་ལྟ་བུ། |
| མཆི་གུ |
ལག་པས་བསྐོར་ནས་ཕྱེ་རྩམ་འཐག་བྱེད་ཀྱི་ཡོ་བྱེད་ཅིག ལག་སྐོར་ཡང་ཟེར། |
| མཆི་མ |
མིག་ཆུའི་མིང། (དཔེར་ན།) དགའ་དྲགས་ནས་མཆི་མ་ཤོར་བ། དགའ་སྤྲོའི་མཆི་མ་འཁོར་བ། སྡུག་ཀྱང་མཆི་མ་མི་གཏོང༌ཞེས་པ་ལྟ་བུ། མིང་གི་རྣམ་གྲངས་ལ་ངུས་སྐུལ་དང༌། ངུས་བྱུང༌། མཆི་ཐིགས། མིག་ཆུ་བཅས་སོ། ། |
| མཆི་མ་འཁྲུག་པ |
མིག་ཆུ་ལོང་ལོང་དུ་འཁོར་བ། |
| མཆི་མ་རིལ་རིལ |
མིག་ཆུའི་གོང་བུ་སྟེ། (དཔེར་ན།) མིག་གཉིས་ནས་མཆི་མ་རིལ་རིལ་དུ་འབབ་པ་ལྟ་བུ། |
| མཆི་མ་ལྷུག་ལྷུག |
མིག་ཆུ་ཐིགས་ཐིགས་ཟགས་པའི་རྣམ་པ་སྟེ། (དཔེར་ན།) རང་དབང་མེད་པར་མཆི་མ་ལྷུག་ལྷུག་འབབ་ཅེས་པ་ལྟ་བུ། |
| མཆིག |
འབྲུ་རིགས་སོགས་ཞིབ་མོར་འཐག་བྱེད་ཡོ་བྱད་ཅིག གཙོ་བོར་ཆུ་ཤུགས་ལ་བརྟེན་ནས་བསྐོར་ཞིང་ཕྱུགས་དང་གློག་ཤུགས་སོགས་ལ་བརྟེན་ནས་བསྐོར་བའང་ཡོད། ཡུལ་སྐད་དུ་རང་འཐག་གམ་ཆུ་འཁོར་ཟེར། |
| མཆིག་གུ |
1.(ཡུལ་སྐད།) 1>སྒོག་གཏུན་གྱི་ཡས་རྡོའམ་ཡས་རྒྱག 2>རང་འཐག 3>རང་འཐག་གི་ཡས་རྡོ། 2.མཆི་གུ་ཡི་འབྲི་ཚུལ་གཞན། 3.མཆིག་དང་དབྱིབས་འདྲ་བའི་ཆུ་ནང་གི་སྲོག་ཆགས་རིགས་ཤིག |
| མཆིག་པ |
(བརྡ་རྙིང་།) སྐྱེས་པའི་འབྲས་བུ། |
| མཆིག་མ |
རང་འཐག་གི་ཡས་རྡོ། |
| མཆིང |
དཔལ་འབྱོར་དང་རིག་གནས་ཀྱི་ལྟེ་བའམ་ཡུལ་དབུས་གྱི་མིང་། (དཔེར་ན།) ཡུལ་དབུས་འགྱུར་མཆིང་། རྒྱ་མཚོའི་མཆིང་ཞེས་པ་ལྟ་བུ། |
| མཆིང་བུ |
མདོག་སྣ་ཚོགས་ལྡན་ཞིང༌། ལྗིད་མེད་པའི་ནོར་བུ་ཕལ་པ། མིང་གི་རྣམ་གྲངས་ལ་ནོར་བུ་དཀྱུས་མ་དང༌། ནོར་བུ་མཛེས་བཟང༌། རིན་ཆེན་འགྱུར་མེད་བཅས་སོ། ། |
| མཆིད |
སྐད་ཆའི་ཞེ་ས་སྟེ། (དཔེར་ན།) གླེང་མོ་བྱས་པ་ལ་བཀའ་མཆིད་གནང་ཟེར་བ་ལྟ་བུ། |
| མཆིད་འབོ་བ |
(བརྡ་རྙིང་།) གཏམ་འཇོ་བ། |
| མཆིད་ཤགས |
གདོང་དང་གདོང་གཏུགས་ནས་རྩོད་གླེང་བྱེད་པའམ་རྩོད་པའི་དོན་ཏེ། (དཔེར་ན།) མཆིད་ཤགས་འབུལ། བཙན་པོའི་ཞལ་ནས། འཁོར་ཀུན་གྱིས་ཀྱང་མཆིད་ཤགས་ཐོབ་ཅིག་གསུངས་ཞེས་པ་ལྟ་བུ། |
| མཆིན་ཀ |
མཆིན་ཁ་དང་འདྲ། |
| མཆིན་ཁ |
མཆིན་པའི་མདོག་དང་མཚུངས་པའི་ཁ་དོག་གི་མིང་། |
| མཆིན་གསང |
རྒྱབ་ཀྱི་སྒལ་ཚིགས་དགུ་པ་མཆིན་པ་དང་འབྲེལ་བའི་མེ་བཙའི་གསང་ཞིག དེར་མེ་བཙའ་བཞག་ན་མཆིན་སྐྲན་དང་མཆིན་པར་བད་རླུང་ཞུགས་པ་ལ་ཕན། |
| མཆིན་གྲུམ་ནག་པོ |
མཆིན་ནད་རིགས་བཅོ་བརྒྱད་ཀྱི་ནང་ནས་ལུས་ཀུན་བརྡུང་བར་སྙམ་ཞིང་རྐང་པ་བཤལ་ལ་འགུལ་བསྐྱོད་བྱས་ཚེ་ན་བ་དང་ལུས་སྒུར་པོར་འགྲོ་བ་ཞིག |
| མཆིན་དྲི |
མཐོ་རིམ་སྲོག་ཆགས་ཀྱི་ཁོག་པའི་ནང་གི་སྟོད་སྨད་ཀྱི་བར་གཅོད་བྱེད་ཀྱི་སྐྱི་མོའི་མིང་། |
| མཆིན་དྲིའི་གསང |
རྒྱབ་ཀྱི་སྒལ་ཚིགས་བརྒྱད་པ་མཆིན་དྲི་དང་འབྲེལ་བའི་གསང་དེར་མེ་བཙའ་བཞག་ན་མཆིན་དྲི་དང་ལུས་སྟོད་ན་བ་ལ་ཕན། |
| མཆིན་ནད |
ཚ་སྐྱུར་ཟས་དང་དྲག་ཤུལ་སོགས་ཀྱིས་བསྐྱེད་པའི་མཆིན་ནད་ལེ་བརྒན་དང༌། ལྡེམ་བུ། དུག་ཐབས། ཆུ་ཤོར། རྐུན་བུ། འོར་ལྷུངས། ཁ་ལུད། གཞུང་རེངས། མཆིན་གྲུམ་ནག་པོ། མཆིན་ནད་ཧལ་སྐེམས། མཆིན་དྲི་དཀར་པོ་དང་ནག་པོ། གནད་མཆིན་རྩ་བྱེར། མཆིན་རླུང༌། མཆིན་རྒུད། མཆིན་ནད་རླན་གྲང༌། གླང་དགུར། གྲང་སྦོས་ཏེ་བཅོ་བརྒྱད་དོ། ། |
| མཆིན་ནད་ཁ་ལུད |
མཆིན་ནད་རིགས་བཅོ་བརྒྱད་ཀྱི་ནང་ཚན་མཆིན་ནད་ཕོ་བ་དང་གློ་བར་བྱེར་ནས་ལུད་པ་ཁྲག་ཏུ་ལུ་ཞིང་ལུས་དགྱེ་སྒུར་དཀའ་བ་ཞིག |
| མཆིན་ནད་གཞུང་རེངས |
མཆིན་ནད་རིགས་བཅོ་བརྒྱད་ཀྱི་ནང་ཚན་རྐང་ལག་རེངས་ཤིང་ལྷུ་ཚིགས་ན་བ་སོགས་འབྱུང་བ་ཞིག |
| མཆིན་ནད་གྲང་བ |
མཆིན་ནད་རིགས་བཅོ་བརྒྱད་ཀྱི་ནང་ནས་པུས་མོ་གྲང་ཞིང་ཟ་ལ་རོ་སྟོད་གང་སྙམ་བྱེད་པ་དང༌། སྐམ་གློ་ལུ་ཞིང་དགྱེ་སྒུར་དཀའ་བ་ཞིག |
| མཆིན་ནད་ཆུ་ཤོར |
མཆིན་ནད་རིགས་བཅོ་བརྒྱད་ཀྱི་ནང་ཚན་ཁོང་པ་སྦོ་ལ་སྒལ་ཚིགས་རེངས་ཤིང་གཡལ་མི་ཐོན་པ་སོགས་འབྱུང་བ་ཞིག |
| མཆིན་ནད་འོར་ལྷུངས |
མཆིན་ནད་རིགས་བཅོ་བརྒྱད་ཀྱི་ནང་ནས་རྐེད་པ་ཁ་འཁོར་ནས་ན་བ་དང༌། དཔྱི་སྦྲིད་ཅིང་ལུས་སྨད་ཀྱི་ཆུ་རྒྱུས་ན་བ་སོགས་འབྱུང་བའི་མཆིན་ཁྲག་མཁལ་མར་ལྷུང་བའི་ནད་ཅིག |
| མཆིན་ནད་རྐུན་བུ |
མཆིན་ནད་རིགས་བཅོ་བརྒྱད་ཀྱི་ནང་ཚན་རྐང་པ་གྲང་ཞིང་རོ་སྟོད་གཟེར་ལ་སྐེ་རྩ་རེངས་བ་སོགས་འབྱུང་བ་ཞིག |
| མཆིན་ནད་ལེ་བརྒན |
མཆིན་ནད་རིགས་བཅོ་བརྒྱད་ཀྱི་ནང་ཚན་རྩིབ་ཐུང་གཡས་གཡོན་ཐད་སྐྲངས་ཤིང་རོ་སྟོད་གཟེར་བ་ཞིག |
| མཆིན་ནད་ལྡེམ་བུ |
མཆིན་ནད་བཅོ་བརྒྱད་ཀྱི་ནང་ཚན་ན་བའི་ཟུག་རྔུ་མི་ཚོར་ཞིང་གཉིད་ཡེར་ལ་ཟས་མི་འདོད་པ་ཞིག |
| མཆིན་ནད་ཧལ་སྐེམས |
མཆིན་ནད་རིགས་བཅོ་བརྒྱད་ཀྱི་ནང་ཚན་ལུས་པོ་ཟ་ལ་འདར་ཞིང་གཞོགས་གཡས་ངོས་ལྕི་ཞིང་སྐོམ་དད་ཆེ་བ་ཞིག |
| མཆིན་པ |
མི་དང་མཐོ་རིམ་སྲོག་ཆགས་ཀྱི་ཟས་འཇུ་བྱེད་ཀྱི་དབང་བོ་ཞིག་གི་མིང་། མིའི་མཆིན་པ་ནི་ཁོག་པའི་ནང་གི་སྟོད་ཀྱི་གཡས་ཕྱོགས་ཀྱི་མཆིན་དྲིའི་འོག་ན་ཡོད་ཅིང་འདབ་མ་གཉིས་སུ་གྱེས་ཡོད། མཆིན་པའི་བྱེད་ལས་གཙོ་བོ་ནི་མཁྲིས་ཁུ་འབྱིན་པ་དང་། སྲོག་ཆགས་ལས་བྱུང་བའི་ཟས་ཀྱི་ཏེན་ཧྥུན་(ཟས་ཀྱི་དྭངས་མའི་རིགས་ཤིག) གསོག་པ། ཟས་བཅུད་སྒོང་སྤྲི་དཀར་བོ་དང་། སྣུམ་བཅུད་སོགས་རྫས་རིགས་རྙིང་འདོར་གསར་ལེན་སོགས་ཆ་སྙོམ་པོར་བྱེད་པ་ཡིན། དེ་ལས་གཞན་དུག་སེལ་བ་དང་། ལུས་ཀྱི་ནང་དུ་ཁྲག་རྒྱུན་དཀག་པ་འགོག་པ། མཚོན་རྨ་ལས་ཁྲག་འཛགས་པ་དཀག་པར་བྱེད་པ་བཅས་ལའང་ནུས་པ་གཙོ་བོ་འབྱིན་གྱིན་ཡོད། |
| མཆིན་པ་ཞོ་ཤ |
ཤིང་སྨན་གྱི་རིགས་འབྲས་བུ་དམར་སྨུག་མཆིན་པའི་མདོག་དབྱིབས་ཅན་ཞིག་རོ་མངར་ལ་ཁ་བ། ཞུ་རྗེས་སྙོམས། ནུས་པས་མཆིན་པའི་དུག་ནད་དང༌། རྩ་དཀར་གྱི་ནད་སེལ། |
| མཆིན་པ་འཁོར་བའི་གསང |
ལུས་ཀྱི་གནད་གསང་ཞིག |
| མཆིན་པ་སྐྱ་རྦབ |
སྐྱ་རྦབ་རིགས་ལྔའི་ནང་ཚན་མཆིན་པར་བབ་ཅིང་མཁྲིས་པ་དང་འདོམས་པའི་ནད་དེ། ནད་རྟགས་སུ་ལུས་སྐྲངས་ཤིང་མཆིན་སྟེང་ན་ལ་ཟས་མི་འཇུ་བ་ཞིག |
| མཆིན་མདོག |
མཆིན་པའི་མདོག་སྟེ་དམར་སྨུག |
| མཆིན་འབྲས |
འབྲས་ནད་མཆིན་པར་བབས་པའི་ནད་དེ་ནད་རྟགས་སུ་དབུགས་འགག་ཅིང༌། མཆིན་སྟེང་གསེར་ལ་སྐོམ་དད་ཆེ་བ་སོགས་འབྱུང་བ་ཞིག |
| མཆིན་རྒུད |
མཆིན་ནད་རིགས་བཅོ་བརྒྱད་ཀྱི་ནང་ནས་ཟས་ཟོས་རྗེས་ཆུ་དྲོན་སྐྱུག་ལ་ལུས་སྟོབས་ཉམས་ཆུང་བར་འགྱུར་བའི་མཆིན་ནད་ཅིག |
| མཆིན་རྩ་ཆད་རྟགས |
མཆིན་པ་དང་མིག་འབྲེལ་བས་ནང་གི་མཆིན་རྩ་ཆད་པའི་ཕྱི་རྟགས་སུ་མིག་གྱེན་དུ་ལྡོག་ལ་སྨིན་མ་ཚོམ་བུར་འཁྱིལ་བར་འབྱུང་བའི་འཆི་རྟགས་ཤིག |
| མཆིན་སྐྲན |
མཆིན་པའི་གནས་སུ་སྐྲན་རྡོག་པོར་ཆགས་པ་ཞིག |
| མཆིན་སྐྲན་ཟུགས་ཆུ |
མཆིན་སྐྲན་ལས་བྱུང་བའི་ཆུ་བསགས་པའི་ནད། |
| མཆིམས |
སྔར་བོད་ཀྱི་རིགས་རུས་ཤིག དེའི་གནས་ཡུལ་གཙོ་བོ་ནི་དེང་སྐབས་གྲ་ནང་རྫོང་ཁོངས་མཆིམས་ཞེས་པའི་ལུང་པའོ། ། |
| མཆིམས་ཕུ |
ས་ཆ་ཞིག དེང་སྐབས་ལྷོ་ཁའི་གྲ་ནང་རྫོང་གི་བསམ་ཡས་ཁོངས་སུ་ཡོད། སྦ་བཞེད་དང༌། བསམ་ཡས་གདན་རབས། དབུས་གཙང་གནས་ཡིག་སོགས་ལ་གསལ། |
| མཆིལ |
མཆིལ་བ་ཞེས་པའི་ཚིག་བསྡུས་པ། |
| མཆིལ་པ |
1.ཁང་བྱེའུ། མིང་གི་རྣམ་གྲངས་ལ་ཁྱིམ་དུ་ཉལ་དང༌། ཁྱུ་མཆོག་བགྲོད་པ། མགྲིན་སྔོན། རྒྱབ་བཀྲ་བཅས་སོ། འདི་ལ་མཆིལ་བ་ཞེས་འབྲི་བའང་ཡོད།2.(བརྡ་རྙིང་།) ལྕགས་ཀྱུའི་མིང་སྟེ། (དཔེར་ན།) ཉ་མཆིལ། མཆིལ་པ་ཡུ་བ་ཅན། གླང་ཆེན་ལུས་སྟོབས་ཆེ་ནའང༌། མཆིལ་པས་བཏབ་ཚེ་བྲན་བཞིན་བྱེད་ཅེས་པ་ལྟ་བུ། |
| མཆིལ་པའི་ཤ |
སྲོག་ཆགས་སྨན་གྱི་རིགས་ཤིག་ནང་གསེས་སུ་དབྱེ་ན་རྒྱ་མཆིལ་མགོ་དམར་དང༌། བོད་མཆིལ་ནས་ཟན་གཉིས་མཆིས། རོ་ཅུང་མངར། ཞུ་རྗེས་དྲོད། ནུས་པས་ཁུ་བ་འཕེལ། རོ་ཙ་བར་བྱེད། |
| མཆིལ་བ |
1.བྱིའུ་མཆིལ་བ་ཡུལ་སྐད་དུ་ཁང་བྱིའུ་དང་ཡུལ་བྱིའུ་ཟེར། ཚིག་བསྡུས་ན་མཆིལ་ཞེས་འབྲི་སྟེ། (དཔེར་ན།) རྒྱ་མཆིལ་ཞེས་པ་ལྟ་བུ། འདི་ལ་མཆིལ་པ་ཞེས་འབྲི་བའང་ཡོད།2བརྡ་རྙིང་དུ་ལྕགས་ཀྱུའི་མིང་ལའང་མཆིལ་བ་ཟེར། |
| མཆིལ་མ |
ཁ་ནང་གི་གཤེར་ཁུ་འབྱར་བག་ཅན་གྱི་མིང་། |
| མཆིལ་མལ |
(བརྡ་རྙིང་།) འདུག་སའམ་ཉལ་ས། |
| མཆིལ་ལུད |
མཆིལ་མ་དང་ལུད་པ་སྟེ། (དཔེར་ན།) གང་སར་མཆིལ་ལུད་མ་གཡུག་ཅེས་པ་ལྟ་བུ། |
| མཆིལ་ལྷམ |
1.ལྷམ་སྤྱི། 2.སྦྲུལ་གྱི་ཁ་ཆུའི་དུག་སྲུང་བྱེད་རབ་བྱུང་གི་ལྷམ། ལྷམ་གྱི་རིགས་སྣ་ཐོད་ཡར་འཁྱིལ་བ་ཞིག |
| མཆིས |
1.མཆི་བའི་འདས་པ། (དཔེར་ན།) བླ་ན་མ་མཆིས་སོ་ལྟ་བུ། འགྲོ་བའམ་འོང་བའི་དོན་ཏེ། 2.གནས་སུ་མཆི་བ། འདིར་མཆི་བ། འདིར་མཆིས་སོ་ལྟ་བུ། |
| མཆིས་ཉལ |
(བརྡ་རྙིང་།) ར་རོ་བ། |
| མཆིས་བྲང |
1.ཆུང་མའི་མིང་། (དཔེར་ན།) ཕ་མ་མཆིས་བྲང་བུ་ཕྲུག་རྣམས་ལྟ་བུ། འདི་ལ་མཆིས་འབྲང་ཞེས་འབྲི་སྲོལ་ཡོད།2.སྡོད་ཁང༌། |
| མཆིས་བྲང་མ |
ཁྱིམ་བདག་མོའམ་ཆུང་མ། |
| མཆིས་མལ |
1.སྡོད་སའི་གནས། 2.མལ་ས། |
| མཆིས་འབྲང |
ཆུང་མ་ཡི་མིང་གཞན། |
| མཆུ |
1.མི་ཕྱུགས་ཀྱི་ཁ་ཤའི་མིང་། (དཔེར་ན།) ཁའི་མ་མཆུ་ཡ་མཆུ། མཆུ་རིང་ཞེས་པ་ལྟ་བུ། 2.བྱའི་མཆུ་སྟེ། བྱ་རིགས་ཀྱི་ཁའི་རུས་པ་གྱོང་ཞིང་རྣོ་བ་དེའི་མིང་། (དཔེར་ན།) ནེ་ཙོའི་མཆུ་ནི་དམར་ཞིང་གུག་ཅེས་པ་ལྟ་བུ། 3.ཇ་སྣོད་དང་ཆུ་སྣོད་སོགས་ཀྱི་ཆུ་ཕྱིར་ལྡུག་བྱེད་དབྱིབས་བྱ་མཆུ་དང་འདྲ་བ་དེའི་མིང་། (དཔེར་ན།) ཇ་དེམ་གྱི་མཆུ། བུམ་པའི་མཆུ་ཞེས་པ་ལྟ་བུ།4.རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་། |
| མཆུ་ཅན |
1.མཆུ་དང་ལྡན་པའི་སྣོད་སྤྱད་སྤྱི་མིང༌། 2.ཁའི་མཆུ་རྩེ་སྙུང་སྙུང་ཡོད་མཁན། 3.(མངོན་བརྗོད།) རས་བལ་ཤིང༌། |
| མཆུ་ཏོ |
1.ཁའི་ཡས་མཆུ་མས་མཆུ། 2.(ཡུལ་སྐད།) སྣོད་སྤྱད་ཀྱི་མཆུ། |
| མཆུ་ཐོ |
མཆུ་ཏོ་དང་འདྲ། |
| མཆུ་དམར |
1.མཆུ་ཏོ་དམར་པོ། 2.(མངོན་བརྗོད།) གཤིན་རྗེ། |
| མཆུ་བརྡ |
མཆུ་ཏོ་འགུལ་བསྐྱོད་ཀྱིས་གཏོང་བའི་བརྡ། |
| མཆུ་བརྡར་བ |
དོན་མེད་ཀྱི་ཁ་བརྡར་བ་སྟེ། (དཔེར་ན།) དོན་མེད་མཆུ་བརྡར་ཏེ་སྐད་ཆ་མ་བཤད་ཅེས་པ་ལྟ་བུ། |
| མཆུ་བིམ་པ་ལྟར་དམར་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་འཇིག་རྟེན་ཐམས་ཅད་གཟུགས་བརྙན་དང་འདྲ་བར་རྟོགས་པ་ཉིད་ཀྱིས་མཆུ་བིམ་པ་ལྟར་དམར་བ། |
| མཆུ་ཟླ |
ཧོར་ཟླ་བཅུ་གཉིས་པའི་བཅུ་དྲུག་ནས་ཟླ་བ་དང་པོའི་བཅོ་ལྔའི་བར་ལ་མཆུ་ཟླ་ཟེར། དེའི་དོན་ནི་ཟླ་བ་ཉ་རྒྱས་དུས་སུ་མཆུ་དང་ཟླ་བ་གཉིས་ཕལ་ཆེར་འགྲོགས་པས་ན་དེ་ལྟར་བརྗོད། |
| མཆུ་འཕྱང |
1.མས་མཆུ་ཐུར་དུ་འཕྱང་བ། 2.སྣོད་སྤྱད་ཀྱི་ཁ་ཕྱིར་འཕྱང་བ། 3.(མངོན་བརྗོད།) རྔ་མོང༌། |
| མཆུ་འོག |
མཆུའི་འོག་གི་གསང༌། |
| མཆུ་རལ |
མཆུ་ཤོ་དང་དོན་གཅིག |
| མཆུ་རིང |
(མངོན་བརྗོད།) 1>བྱ་པུ་ཤུད། 2>ཕག་རྒོད། 3>དུག་སྦྲང་མཆུ་རིང༌། |
| མཆུ་རྐང་དམར |
(མངོན་བརྗོད།) ངང་པའི་རྒྱལ་པོ། |
| མཆུ་རྣོན |
བྱ་མཆུ་ཏོ་རྣོན་པོ། |
| མཆུ་ལས་སྐྱེས |
(མངོན་བརྗོད།) གཟའ་པ་སངས། |
| མཆུ་ཤུབས |
ཁ་རའམ་ཁ་རུ་དབྱར་དུས་རྟ་དྲེལ་སོགས་ཀྱི་ཁ་གཡོག་བྱེད་ཅིག |
| མཆུ་ཤོ |
ཁའི་མཆུ་རལ་བའམ་ཁ་ཤོ། |
| མཆུ་ཤྭ |
མཆུ་ཤོའི་འབྲི་ཚུལ་གཞན་ཞིག |
| མཆུ་སོར་སྡོམ་པ |
ཤ་རྔམས་ཅུང་ཟད་སྲབ་སར་ཟུག་པའི་རུས་པ་ཚལ་བ་འདོན་བྱེད་ཀྱི་སྐམ་པ་ཞིག |
| མཆུ་སྐྱེས |
(མངོན་བརྗོད།) པ་སངས་མིང༌། |
| མཆུ་སྒྲོས |
ཁའི་མཆུ་ཏོ། |
| མཆུ་སྙུང |
(མངོན་བརྗོད།) ཆར་སྡོད་བྱིའུ། |
| མཆུ་སྦྲང |
(བརྡ་རྙིང་།) གླིང་བུ། |
| མཆུའི་གཤོང |
ཡ་མཆུའི་དཀྱིལ་གྱི་ཀོང་ཀོང༌། |
| མཆེ་གུག |
མཆེ་བ་ཅུང་ཟད་གུག་པའི་རྣམ་པ། |
| མཆེ་བ |
1.འགྲམ་སོ་དང་མདུན་སོའི་མཚམས་ཀྱི་སོ་རིང་བོའི་མིང་། (དཔེར་ན།) སྟག་གི་མཆེ་བ་ཞེས་པ་ལྟ་བུ། 2.སྐབས་འགར་སོའི་མིང་ལའང་འཇུག་སྟེ། (དཔེར་ན།) ཁ་གདངས་ཤིང་མཆེ་བ་གཙིགས་པ་ཞེས་པ་ལྟ་བུ། |
| མཆེ་བ་གཅིག་པ |
(མངོན་བརྗོད།) ཚོགས་བདག |
| མཆེ་བ་གཏོང་བ |
(ཡུལ་སྐད།) ལོ་ཏོག་བཏབ་པའི་ས་བོན་ནས་མྱུ་གུ་ཐོན་པ། |
| མཆེ་བ་ཅན |
(མངོན་བརྗོད།) 1>གླང་ཆེན། 2>ཕག་པའམ་ཕག་རྒོད། 3>སེང་གེ། |
| མཆེ་བ་དཀར་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཆོས་འདུལ་བ་ཤིན་ཏུ་དཀར་བ་ཉིད་ཀྱིས་མཆེ་བ་དཀར་བ། |
| མཆེ་བ་དུག་ཅན |
(མངོན་བརྗོད།) དུག་སྦྲུལ། |
| མཆེ་བ་དྲུག་ལྡན |
(མངོན་བརྗོད།) གླང་པོ་ཆེ། |
| མཆེ་བ་བྱིན་གྱིས་ཕྲ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། མཐར་གྱིས་མངོན་པར་རྟོགས་པ་ཡང་དག་པར་རབ་ཏུ་སྟོན་པར་མཛད་པ་ཉིད་ཀྱིས་མཆེ་བ་བྱིན་གྱིས་ཕྲ་བ། |
| མཆེ་བ་མཉམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་མཉམ་པའི་ས་ལ་གནས་པ་ཉིད་ཀྱིས་མཆེ་བ་མཉམ་པ། |
| མཆེ་བ་ཟླུམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་སྲིད་པར་ཀུན་ཏུ་སྦྱོར་བ་བསྡམས་པ་ཉིད་ཀྱིས་མཆེ་བ་ཟླུམ་པ། |
| མཆེ་བ་རྣོ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་སྐྱེ་བོ་གདུལ་དཀའ་བ་འདུལ་བར་མཛད་པ་ཉིད་ཀྱིས་མཆེ་བ་རྣོ་བ། |
| མཆེ་བ་སྟོབས་ལྡན |
(མངོན་བརྗོད།) གླང་པོ་སྤྱི། |
| མཆེ་སྡེར |
མཆེ་བ་དང་སྡེར་མོའི་དོན་ཏེ། (དཔེར་ན།) མཆེ་སྡེར་ཅན་ལ་གཅན་གཟན་ཟེར་ལྟ་བུ། |
| མཆེད |
1.(བྱེད་མེད་ལས་ཚིག) ཁྱབ་ཁོངས་མྱུར་བར་ཇེ་ཆེར་སོང་བའི་དོན་ཏེ། (དཔེར་ན།) མེ་ལྕེ་མཆེད། ནད་ཡམས་མཆེད་ལྟ་བུ། 2.སྤུན་ཟླའི་མིང་སྟེ། (དཔེར་ན།) སྐུ་མཆེད། མཆེད་མོ། མཆེད་གྲོགས་ཞེས་པ་ལྟ་བུ། |
| མཆེད་གྲོགས |
1.བླ་མའམ་དགེ་རྒན་གཅིག་པའི་དགེ་ཕྲུག 2.སྤུན་དང་མཛའ་གྲོགས། |
| མཆེད་པ |
ཐིམ་རིམ་འཆར་སྐབས་སུ་ནམ་མཁར་ཉི་འོད་ཕོག་པ་ལྟ་བུ་སྟོང་སང་དམར་ལམ་པའི་སྣང་བ་ལས་གཞན་མི་འཆར་བའི་ཡིད་ཤེས། |
| མཆེད་པོ |
སྤུན་ཟླ་ཕོའི་མིང་། (དཔེར་ན།) ཉེ་བའི་མཆེད་པོ་གཉིས། མཆེད་པོ་རྒན་གཞོན་ཚོ་ཞེས་པ་ལྟ་བུ། |
| མཆེད་མོ |
སྤུན་མོ། |
| མཆེད་ཟླ |
1.སྤུན་ཟླ། 2.གྲོགས་མཆེད་དམ་སྙིང་ཉེ་འདྲིས་ཆེའི་མི། |
| མཆེད་ཡ |
སྤུན་ཟླའམ་སྤུན་ཡ། |
| མཆེད་ལྕམ |
སྤུན་དང་སྲིང་མོ། |
| མཆེར་གསང |
རྒྱབ་ཀྱི་སྒལ་ཚིགས་བཅུ་གཅིག་པ་མཆེར་པ་དང་འབྲེལ་བའི་གསང་དེར་མེ་བཙའ་བཞག་ན་ཕོ་བ་སྦོས་པ་དང༌། མཆེར་སྟེང་གཟེར་བ་སོགས་མཆེར་གྲང་གི་ནད་ལ་ཕན། |
| མཆེར་ནད |
ནད་རྟགས་རྩིབ་ཐུང་གཡོན་ངོས་ན་བ་དང༌། ལྕེ་ཁྲ་བོར་འགྱུར་བ། མ་མཆུ་འཕྱང་ཞིང་གདོང་ལ་ངོ་ཤིག་འབྱུང་བ། ཁོང་པ་སྦོ་བ་སོགས་བྱེད། ནང་གསེས་སུ་དབྱེ་ན་མཆེར་ཚད་དང༌། ཁྲག་སྦོས། མཆེར་པའི་བད་ཀན། མཆེར་རླུང༌། མཆེར་རླུགས་བཅས་ལྔ་མཆིས་སོ། ། |
| མཆེར་པ |
མི་ལུས་ཀྱི་བྱང་ཁོག་སྟོད་ཀྱི་གཡོན་ངོས་སུ་གནས་ཤིང་དོན་ལྔའི་ཡ་གྱལ་ཞིག་དེའི་བྱེད་ལས་ནི་ཁྲག་ལ་སོགས་པའི་དྭངས་མ་རྣམས་ཀྱི་རྟེན་བྱེད་ཅིང་ཟས་འཇུ་བ་སོགས་བྱེད་པ་ཡིན་ནོ། འདི་ལ་མཚེར་པ་ཞེས་འབྲི་བ་ཤུགས་ཆེ། |
| མཆེར་པ་སྐྱ་རྦབ |
སྐྱ་རྦབ་རིགས་ལྔའི་ནང་ཚན་མཆེར་པར་བབས་ཤིང་བད་ཀན་ལྡན་པའི་སྐྱ་རྦབ་ནད་རྟགས་སུ་ལུས་སྐྲངས་ཤིང་ཁ་ཟས་མི་འཇུ་བ་སྦོས་པ་དང༌། མཆེར་སྟེང་ན་བ་ཞིག |
| མཆེར་འབྲས |
འབྲས་ནད་མཆེར་པར་བབས་པའི་ནད་དེ། (དཔེར་ན།) ནད་རྟགས་སུ་མཆེར་སྟེང་ན་ཞིང་སྦོས་འཁྲོག་བྱེད་པ་དང༌། དབུགས་མི་བདེ་བ་སོགས་འབྱུང་བ་ཞིག |
| མཆེར་རྩ |
རྐང་པའི་ངར་གདོང་གི་རྟ་མཐུར་ལྟ་བུ་མཆེར་པ་དང་འབྲེལ་བའི་རྩ། |
| མཆེར་རྩ་ཆད་རྟགས |
མཆེར་པ་དང་མཆུ་འབྲེལ་བས་ནང་གི་མཆེར་རྩ་ཆད་པའི་ཕྱི་རྟགས་སུ་མ་མཆུ་ཐུར་དུ་འཕྱང་ལ་ལྷེན་སྣ་ནང་དུ་རྡིབ་པར་འགྱུར་བའི་འཆི་རྟགས་ཤིག |
| མཆེར་སྐྲན་ཟགས་ཆུ |
མཆེར་པའི་སྐྲན་ནད་ལས་བྱུང་བའི་ཆུ་བསགས་པའི་ནད་ཅིག |
| མཆོག |
(རྒྱན་ཚིག) བཟང་ངན་འབྲིང་གསུམ་གྱི་ནང་ནས་བཟང་བོའི་གྲས་ཏེ། (དཔེར་ན།) རྟ་མཆོག སྨན་མཆོག མི་མཆོག་ཅེས་པ་ལྟ་བུ། |
| མཆོག་གཉིས |
1.སྔར་རྒྱ་གར་གྱི་སློབ་དཔོན་འཛམ་གླིང་མཛེས་པར་བྱེད་པའི་རྒྱན་དྲུག་མཆོག་གཉིས་གྲས་ཀྱི་མཆོག་གཉིས་ཏེ་ཡོན་ཏན་འོད་དང་ཤཱཀྱ་འོད་གཉིས། 2.ཟབ་མོ་ལྟ་བའི་སྲོལ་འབྱེད་ཀླུ་སྒྲུབ་དང༌། རྒྱ་ཆེན་སྤྱོད་པའི་སྲོལ་འབྱེད་ཐོགས་མེད་གཉིས་ནི་འཛམ་གླིང་མཛེས་པར་བྱེད་པའི་རྒྱན་དྲུག་གི་ནང་ནས་མཆོག་ཏུ་གྱུར་པའི་སློབ་དཔོན་ཤིང་རྟ་ཆེན་པོ་གཉིས་ཡིན་ཞེས་གསུངས། |
| མཆོག་གནས |
ལྷ་ཚངས་པ། |
| མཆོག་གསུམ |
སངས་རྒྱས་དང༌། ཆོས། དགེ་འདུན་གསུམ། |
| མཆོག་གསུམ་དཔང་འཕེར |
དཀོན་མཆོག་གསུམ་མནའ་དཔང་ལ་འཛུགས་འཕེར་བ་སྟེ། (དཔེར་ན།) ལས་དོན་དྲང་འབྲེལ་བྱས་ངེས་མཆོག་གསུམ་དཔང་འཕེར་ཡིན་ཞེས་པ་ལྟ་བུ། |
| མཆོག་གི་ངེས་བསྟན |
ངེས་བསྟན་གྱི་རྒྱན་གྱི་ནང་གསེས་ཤིག་ངེས་པ་སྟོན་བྱེད་དཔེའི་དངོས་པོ་འགའ་ཞིག་གིས། ངེས་པ་བསྟན་བྱ་དཔེ་ཅན་གྱི་དངོས་པོ་ལ་འབྲས་བུ་ཕན་འདོགས་སྟེར་བ་མཚོན་པར་བྱེད་པའི་རྒྱན་ཞིག |
| མཆོག་གི་དངོས་གྲུབ |
བླ་ན་མེད་པའི་དངོས་གྲུབ་སྟེ་འཇིག་རྟེན་ལས་འདས་པའི་དངོས་གྲུབ། |
| མཆོག་གི་བསམ་པ |
བསམ་པ་ཤིན་ཏུ་བཟང་པོ། |
| མཆོག་གི་མཆོག |
རབ་ཀྱི་ནང་ནས་རབ། |
| མཆོག་གི་མཐར་ཐུག་པ |
མཆོག་རབ་འགྲན་ཟླ་མེད་པ། |
| མཆོག་གི་ཚལ |
(མངོན་བརྗོད།) བཟའ་ཤིང་གི་ར་བ། |
| མཆོག་གི་རྒྱལ་མཚན |
བཀྲ་ཤིས་རྟགས་བརྒྱད་ཀྱི་གྲས་ཤིག |
| མཆོག་གི་ལྕུག་མ |
(མངོན་བརྗོད།) བུད་མེད་མཆོག |
| མཆོག་གི་སྤྲུལ་སྐུ |
གདུལ་བྱ་ཐུན་མོང་བའི་སྣང་ངོར་མཛད་པ་བཅུ་གཉིས་ཀྱི་ཚུལ་བསྟན་ཏེ་འགྲོ་བ་འདུལ་བའི་སྐུའི་རྣམ་པར་སྤྲུལ་པའོ། ། |
| མཆོག་གྱུར |
མཆོག་ཏུ་གྱུར་པ་སྟེ་ཤིན་ཏུ་ལེགས་པ། (དཔེར་ན།) ཡོན་ཏན་མཆོག་གྱུར། མཆོག་གྱུར་དགེ་འདུན་ཞེས་པ་ལྟ་བུ། |
| མཆོག་ཉལ |
གྲངས་གནས་ཤིག |
| མཆོག་ཉིད |
ཁྱེད་རང༌། |
| མཆོག་ཏུ་གྱུར་པ |
རིགས་མཐུན་གཞན་ལས་བཟང་བའི་དོན་ཏེ། (དཔེར་ན།) རྟ་མཆོག་ཏུ་གྱུར་པ། སྨན་མཆོག་ཏུ་གྱུར་པ། མི་མཆོག་ཏུ་གྱུར་པ་ཞེས་པ་ལྟ་བུ། ཚིག་བསྡུས་ན་མཆོག་གྱུར་ཅེས་འབྲི་ཆོག་ཡོན་ཏན་མཆོག་གྱུར། མཆོག་གྱུར་ཡོན་ཏན་དུ་མའི་དཔལ་མངལ་བ་ཞེས་པ་ལྟ་བུ། |
| མཆོག་ཏུ་འཛིན་པའི་ལྟ་བ |
རང་ལྟ་དང༌། ཚུལ་ཁྲིམས་བརྟུལ་ཞུགས་མཆོག་འཛིན། |
| མཆོག་ཐུན་དངོས་གྲུབ |
མཆོག་གི་དངོས་གྲུབ་དང༌། ཐུན་མོང་གི་དངོས་གྲུབ་བོ། ། |
| མཆོག་ཐོབ |
(མངོན་བརྗོད།) ཙམ་པ་ཀ། |
| མཆོག་དཀར |
གཞུའི་མིང༌། (དཔེར་ན།) མཆོག་དཀར་གཞུ་མོ་བཀུག་ནས་མདའ་འཕེན་པ་ལྟ་བུ། |
| མཆོག་དགའ |
དགའ་བ་ཚད་མེད། |
| མཆོག་དབང་གོང་མ་གསུམ |
སྔགས་བླ་མེད་ཀྱི་རྒྱུད་སྡེའི་དཀྱིལ་འཁོར་དུ་འཇུག་ཅིང་སྨིན་པར་བྱེད་པའི་དབང་གསུམ་གསང་བའི་དབང་དང༌། ཤེས་རབ་ཡེ་ཤེས་ཀྱི་དབང་དང༌། ཚིག་དབང་བཅས་སོ། ། |
| མཆོག་དམ་པ |
ཁྱད་དུ་འཕགས་པའམ་རབ་ཀྱི་རབ། |
| མཆོག་བདེ |
(མངོན་བརྗོད།) རི་དྭགས། |
| མཆོག་བཞི |
རྒྱན་གྱི་མཆོག་ནི་ཐོས་པ་དང༌། བདེ་བའི་མཆོག་ནི་སེམས་སྐྱིད་པ། ནོར་གྱི་མཆོག་ནི་སྦྱིན་པ་བཏང་བ། གྲོགས་ཀྱི་མཆོག་ནི་མི་བསླུ་བ་བཅས་བཞིའོ། ། |
| མཆོག་མ |
1.མཚོག་མ་ཡི་འབྲི་ཚུལ་གཞན། 2.རྩེ་མོ། 3.གཞུའི་སྣེ་མོ། |
| མཆོག་མཛེས |
མཆོག་ཏུ་མཛེས་པ་སྟེ་མཛེས་ཤིང་ལེགས་པ། |
| མཆོག་མིན་ངེས་བསྟན |
ངེས་བསྟན་གྱི་རྒྱན་གྱི་ནང་གསེས་ཤིག་ངེས་པ་སྟོན་བྱེད་དཔེའི་དངོས་པོ་འགའ་ཞིག་གིས་ངེས་པ་བསྟན་བྱ་དཔེ་ཅན་གྱི་དངོས་པོ་ལ་གནོད་འབྲས་སྟེར་བ་མཚོན་པར་བྱེད་པའི་རྒྱན་ཞིག |
| མཆོག་ཟུང |
ཤཱཀྱ་ཐུབ་པའི་སློབ་མའི་གྲས་ནས་ཤེས་རབ་ཀྱི་མཆོག་ཤཱ་རིའི་བུ་དང༌། རྫུ་འཕྲུལ་གྱི་མཆོག་མོའུ་འགལ་གྱི་བུ་སྟེ་གཉིས། |
| མཆོག་འཛིན |
མཆོག་ཏུ་འཛིན་པ་སྟེ་གཞན་ལས་ཤིན་ཏུ་ལེགས་པར་སེམས་པ་རང་གི་ལྟ་བ་མཆོག་ཏུ་འཛིན་པ། |
| མཆོག་ཡས |
གྲངས་གནས་ཤིག |
| མཆོག་རབ |
ལེགས་ཤོས། |
| མཆོག་ལྡན |
1.གྲངས་གནས་ཤིག 2.(མངོན་བརྗོད།) གུར་གུམ། |
| མཆོག་ལྡན་མ |
(མངོན་བརྗོད།) 1>བུད་མེད་མཆོག 2>ཆང༌། |
| མཆོག་ཤེས |
ཤེས་རབ། |
| མཆོག་སེམས |
(མངོན་བརྗོད།) བྱང་ཆུབ་སེམས་དཔའ། |
| མཆོག་སྤྲུལ |
མཆོག་གི་སྤྲུལ་སྐུའོ། ། |
| མཆོག་སྦྱིན |
1.དངོས་གྲུབ་སྟེར་ཚུལ་སྟོན་པའི་ལྷའི་ཕྱག་རྒྱའི་བྱེ་བྲག་ཅིག 2.(མངོན་བརྗོད།) བུང་བ། |
| མཆོག་སྦྱིན་གྱི་ཕྱག་རྒྱ |
ཕྱག་གཡས་པུས་མོའི་སྟེང་གྱེན་དུ་བཀན་པ། |
| མཆོག་སྲེད |
སྔར་རྒྱ་གར་གྱི་བྲམ་ཟེ་མཁས་པ་ཞིག |
| མཆོགས་མ |
མཚོག་མ་ཡི་འབྲི་ཚུལ་གཞན། |
| མཆོང |
1.(བྱེད་མེད་ལས་ཚིག) མཆོངས་པའི་མ་འོངས་པ་དང་ད་ལྟ་བ། རྐང་ལག་ས་ངོས་དང་བྲལ་ནས་ལུས་ཡོངས་རྫོགས་ཡར་མར་སྔོན་རྗེས་བཅས་ལ་འཕག་པའི་འགུལ་སྐྱོད་བྱེད་པའི་དོན་ཏེ། (དཔེར་ན།) མཆོང་ལྡིང་། མཆོང་སྐྱོད། གནམ་ལ་མཆོང་བར་བྱ། ཆུ་ལ་མཆོང་མཁན་ཞེས་པ་ལྟ་བུ།2.རིན་པོ་ཆེ་མཆོང་གི་མིང་། མདོག་སྐྱ་བོ་ཐོག་ན་ཁྲ་ཐིག་ཡོད་ཅིང་དབྱིབས་ངེས་མེད་སྣ་ཚོགས་ཡོད། དེ་ལ་གཏེར་ཁ་ནས་ཐོན་པའི་མཆོང་དངོས་དང་། བཅོས་མ་གཉིས་ཡོད། |
| མཆོང་འབུ |
འབུ་ཆ་ག་པ། |
| མཆོང་རྒྱག |
ས་སྟེང་ནས་འཕར་བ། |
| མཆོང་རྒྱུག |
འཕར་བཞིན་བང་རྩལ་གློད་པའི་འགྲོ་སྟངས། |
| མཆོང་སྟེགས |
མཆོང་རྒྱག་སྐབས་རྐང་པ་འཛུགས་སའི་སྟེགས་བུ། |
| མཆོངས |
མཆོང་བའི་འདས་པ་དང་སྐུལ་ཚིག་སྟེ། (དཔེར་ན།) ཕར་མཆོངས་ཏེ་འགྲོ་ལྟ་བུ། |
| མཆོངས་འགྲོས |
མཆོང་ལྡིང་གི་འགྲོ་སྟངས། |
| མཆོད |
(བྱེད་འབྲེལ་ལས་ཚིག) 1>གཤིན་པོ་རྗེས་དྲན་ལ་ཟས་སོགས་བཤམས་པའི་དོན་ཏེ། དུར་མཆོད། དུས་མཆོད་ཅེས་པ་ལྟ་བུ། 2>ཟས་སོགས་མེ་ལ་བསྲེགས་པའམ་གནམ་ལ་གཏོར་བ་དང་། སྟེགས་སུ་བཤམས་ནས་ལྷ་ལ་འབུལ་བར་མོས་པའི་ཆོ་ག་ཞིག |
| མཆོད་ཀོང |
མར་མེ་འབུལ་བྱེད་ཀྱི་སྣོད། |
| མཆོད་ཁང |
མཆོད་ཡུལ་སྐུ་གསུང་ཐུགས་རྟེན་བཞུགས་པའི་ལྷ་ཁང༌། |
| མཆོད་ཁྲི |
མཆོད་པ་འབུལ་སའི་ཁྲིའམ་སྟེགས། |
| མཆོད་གཏོར |
མཆོད་པའི་གཏོར་མ། |
| མཆོད་གནས |
མཆོད་པ་འབུལ་ཡུལ་གྱི་ཞིང་ངམ་མཆོད་བྱ་སྟེ། (དཔེར་ན།) མཆོད་གནས་དགེ་འདུན་བཅས་པ་གཙུག་གིས་ཁུར་ཞེས་པ་ལྟ་བུ། |
| མཆོད་གཞིས |
སྔར་དགོན་པ་དང་བླ་བྲང་ཁག་གི་གཞིས་ཀ། |
| མཆོད་གཡོག |
ཆོ་ག་གཏོང་མཁན་གྱི་གྲྭ་པའི་ཇ་ཞུ་ལྟོ་གཏོང་སོགས་ཀྱི་ལས་གཡོག་བྱེད་མཁན། |
| མཆོད་གཤོམ |
སྐུ་འདྲ་འཇོག་སའི་ཤིང་སྒྲོམ། |
| མཆོད་ཅན |
ཕོར་པ། |
| མཆོད་ཆང |
ཆང་གི་ཞེ་ས། |
| མཆོད་ཆས |
མཆོད་པའི་ཡོ་བྱད། |
| མཆོད་ཏིང |
ཡོན་ཆབ་འབུལ་སའི་སྣོད། |
| མཆོད་ཐབས |
གུས་པ་དང་མཆོད་བསྟོད་བྱེད་ཚུལ། |
| མཆོད་ཐིགས |
གཞན་གྱིས་ཕུལ་བའི་མཆོད་མེའི་ཁ་ལ་འབུལ་བའི་མར་ཁུའི་ཐིགས་པ་སྟེ། (དཔེར་ན།) ལྷ་ཁང་དུ་སོང་ནས་མཆོད་ཐིགས་རྒྱག་ཅེས་པ་ལྟ་བུ། |
| མཆོད་ཐེབས |
མཆོད་རྒྱུན་གྱི་དམིགས་ཐེབས་ཏེ་དུས་མཆོད་ལྟ་བུའི་ཆེད་དུ་བཞག་པའི་མ་དངུལ་དང་དངོས་རྫས་གང་རུང༌། |
| མཆོད་ཐོབ |
མཆོད་པ་འབུལ་བར་དགོས་པའི་ཇ་མར་སོགས་ཀྱི་ཐོབ་ཆའམ་ཚད་གཞི། |
| མཆོད་དཔོན |
དཀྱིལ་འཁོར་བསྟབ་པ་དང་མཆོད་འབུལ་གྱི་ལས་གཉེར་མཁན། |
| མཆོད་དཔོན་མཁན་པོ |
༸གོང་ས་ཏཱ་ལའི་བླ་མའི་མཆོད་དཔོན། |
| མཆོད་ནས |
ལྷ་ལ་མཆོད་གཏོར་བྱ་རྒྱུའི་མཆོད་འབྲུའམ་འཐོར་ནས། |
| མཆོད་པ |
མཆོད་པར་ཕུལ་བའི་དངོས་རྫས་ཀྱི་མིང་སྟེ། (དཔེར་ན།) ཚིག་བསྡུས་ན་མཆོད་ཅེས་འབྲི་ཆོག་མཆོད་རྫས་མཆོད་ཁང་ཞེས་པ་ལྟ་བུ། |
| མཆོད་པ་ཁང |
མཆོད་པའི་ཡོ་བྱད་འཇོག་སའི་ཁང་པ། |
| མཆོད་པ་གཉིས |
དཀོན་མཆོག་མཆོད་པ་ལ་གཉིས་ཏེ། ཟང་ཟིང་གི་མཆོད་པ་དང་སྒྲུབ་པའི་མཆོད་པའམ། དངོས་འབྱོར་དང་ཡིད་སྤྲུལ་གྱི་མཆོད་པ་གཉིས་སོ། ། |
| མཆོད་པ་བཞི |
1.ཕྱི་དང༌། ནང་དང༌། གསང་བ་དང༌། དེ་ཁོ་ན་ཉིད་ཀྱི་མཆོད་པ་སྟེ་བཞི། 2.མུ་ནེ་བཙན་པོའི་སྐབས་ལྷ་སར་འདུལ་བའི་མཆོད་པ་དང༌། ཁྲ་འབྲུག་ལ་མངོན་པའི་མཆོད་པ། བསམ་ཡས་ལ་མདོ་སྡེ་དང་བྱང་ཆུབ་ཀྱི་མཆོད་པ་བཅས་ཀྱི་སྲོལ་བཙུགས་པ་དེ་དག་ལ་མཆོད་པ་ཆེན་པོ་བཞི་ཟེར་ཞིང༌། དེང་སྐབས་ལྷ་ས་ཁུལ་དུ་བོད་ཟླ་ལྔ་པའི་ཚེས་བཅོ་ལྔ་ཉིན་འཛམ་གླིང་སྤྱི་བསང་ཞེས་པའི་དུས་ཆེན་གཏོང་བའི་ཡུལ་སྲོལ་འདི་ཡང་དེ་ནས་དར་བའོ། ། |
| མཆོད་པ་བརྒྱད |
མཆོད་ཡོན་དང༌། ཞབས་བསིལ། མེ་ཏོག་བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་སོ། ། |
| མཆོད་པའི་ཆོ་འཕྲུལ |
རྣལ་འབྱོར་རྒྱུད་ཀྱི་སྒོམ་པ་ཆོ་འཕྲུལ་བཞིའི་ཡ་གྱལ་ཞིག་ལྷ་རྣམས་ལ་ཕྱག་དང་མཆོད་བསྟོད་བྱ་བའོ། ། |
| མཆོད་པའི་ཡོ་བྱད |
མཆོག་གསུམ་ལ་འབུལ་རྒྱུའི་མཆོད་རྫས་དང༌། མཆོད་པ་འབུལ་སྣོད། |
| མཆོད་པའི་ལྷ་མོ |
ལྷ་ལ་མཆོད་པ་འབུལ་མཁན་སྒེག་མོ་ལ་སོགས་པ་བརྒྱད་ཡོད། |
| མཆོད་ཕྱིར་ཐོགས |
ཕྲག་པ་ནས་མཆན་ཁུང་བར་སྐུད་པ་རྒྱ་གྲམ་འཆིང་བའི་ཚངས་སྐུད། |
| མཆོད་བཞེངས་པ |
མཆོད་གཏོར་བཟོ་མཁན། |
| མཆོད་བརྗོད |
བསྟན་བཅོས་རྩོམ་པའི་ཐོག་མར་སངས་རྒྱས་སོགས་དང་འདོད་པའི་ལྷ་ལ་གུས་བསྟོད་བྱེད་པ། |
| མཆོད་བརྗོད |
དཔེ་ཆ་སོགས་ཀྱི་མགོར་བྲིས་པའི་ཡི་དམ་ལྷ་དང་། བླ་མ་སློབ་དཔོན་སོགས་ལ་བསྟོད་པའི་ཚིགས་བཅད་ཀྱི་མིང་། |
| མཆོད་བཤམས |
མཆོད་གཤོམ་དང་འདྲ། |
| མཆོད་བསྟོད |
ལུས་ཀྱིས་མཆོད་པ་དང་ངག་གིས་བསྟོད་པའོ། ། |
| མཆོད་མཇལ |
རྟེན་གསུམ་ལ་ཕྱག་མཆོད་བྱས་ནས་བྱིན་རླབས་ཞུ་བ། |
| མཆོད་མེ |
མར་མེའམ་སྒྲོན་མེ། |
| མཆོད་ཞལ |
ཕོར་པ། |
| མཆོད་འབུལ |
རྣམ་དཀར་མཆོད་སྦྱིན། |
| མཆོད་འཛིན་པ |
(མངོན་བརྗོད།) བརྒྱ་བྱིན། |
| མཆོད་འོས |
(མངོན་བརྗོད།) ཉི་མ། |
| མཆོད་འོས་གནས |
(མངོན་བརྗོད།) གཙུག་ལག་ཁང༌། |
| མཆོད་ཡོན |
1.མཆོད་གནས་དང་ཡོན་བདག 2.མཆོད་པ་དང་ཡོན་ཆབ། 3.སྐུ་ཡོན། |
| མཆོད་ཡོན་དམ་གཙང |
མཆོད་གནས་སམ་བླ་མ་དང་ཡོན་བདག་བར་དམ་ཚིག་གཙང་བ། |
| མཆོད་རོ |
ལྷ་ལ་ཕུལ་ཟིན་ནས་བསྡུས་པའི་ལྷག་རོ། |
| མཆོད་རྐོང |
མཆོད་པ་འབུལ་བྱེད་ཀྱི་སྣོད་ཀྱི་རིགས་ཤིག |
| མཆོད་རྔ |
མཆོད་རྫས་ཀྱི་རྔ། |
| མཆོད་རྟེན |
མཆོད་པ་བྱ་སའི་རྟེན་དུ་བཞེངས་པའི་རྩིག་དངོས་རིགས་ཤིག་སྟེ། (དཔེར་ན།) རྡོ་རྗེ་གདན་གྱི་བྱང་ཆུབ་མཆོད་རྟེན་ལྟ་བུ། |
| མཆོད་རྟེན་གྱི་འཁོར་ས |
མཆོད་རྟེན་གྱི་ཕྱི་ཁྱམས་སམ་ཉེ་སྐོར། |
| མཆོད་རྟེན་ཆ་བརྒྱད |
རྒྱལ་བའི་མཆོད་རྟེན་ཆ་བརྒྱད་ཅེས་གྲགས་པ་སྟོན་པའི་མཛད་པ་ཁྱད་པར་ཅན་གཙོ་བོར་གྱུར་པ་དག་བསྟན་པའི་ཚེ་ཡུལ་ལྗོངས་སོ་སོའི་སྐྱེ་བོ་རྣམས་ཀྱིས་མཆོད་རྟེན་བརྩིགས་ཏེ་དུས་སྟོན་གྱི་སྲོལ་ཚུགས་པ་ལས། མཆོད་རྟེན་བརྒྱད་དུ་ཡོངས་སུ་གྲགས་པ་བདེ་གཤེགས་མཆོད་རྟེན་དང༌། བྱང་ཆུབ་མཆོད་རྟེན་དང༌། ཆོས་འཁོར་མཆོད་རྟེན་དང༌། ཆོ་འཕྲུལ་མཆོད་རྟེན་དང༌། ལྷ་བབ་མཆོད་རྟེན་དང༌། དབྱེན་ཟླུམ་མཆོད་རྟེན་དང༌། རྣམ་རྒྱལ་མཆོད་རྟེན་དང༌། མྱང་འདས་མཆོད་རྟེན་བཅས་བརྒྱད་དོ། ། |
| མཆོད་རྟེན་ཉི་མ་ལ |
གམ་པ་རྫོང་གི་ལྷོ་རྒྱུད་ན་ཡོད། |
| མཆོད་རྟེན་པ |
སྔར་རྒྱ་གར་གྱི་ཐེག་དམན་པའི་གྲུབ་མཐའ་སྨྲ་བ་ཞིག |
| མཆོད་རྟེན་བྱི་བོ |
རྩེ་མོའམ་ཏོག་མེད་པའི་མཆོད་རྟེན། |
| མཆོད་རྟེན་རྣམ་དག |
སྟོན་པ་ཤཱཀྱ་ཐུབ་པ་དཔལ་རང་བྱུང་གིས་བསྙེན་པར་རྫོགས་པའི་མཛད་པ་བཞེས་སའི་གནས་རྒྱ་གར་གྱི་ཆུ་བོ་ནཻརཉྫནའི་འགྲམ་དུ་ཡོད་པའི་མཆོད་རྟེན་ཞིག |
| མཆོད་རྟེན་ཤིང |
(མངོན་བརྗོད།) བྱང་ཆུབ་ཤིང༌། |
| མཆོད་རྫས |
མཆོད་པར་འབུལ་རྒྱུའི་རྫས། |
| མཆོད་རྫས་བཅུ |
ལྷ་ལ་འབུལ་རྒྱུའི་མཆོད་པ་སྣ་བཅུ་སྟེ་མེ་ཏོག་དང༌། འཕྲེང་བ། སྤོས། བྱུག་པ། ཕྱེ་མ། ན་བཟའ། རྒྱན། གདུགས། རྒྱལ་མཚན། བ་དན་བཅས་བཅུའོ། ། |
| མཆོད་ལྕོག |
མཆོད་པ་གཤོམ་སའི་སྟེགས་སམ་ལྕོག་ཙེ། |
| མཆོད་སྔགས |
མཆོད་འབུལ་སྐབས་ཀྱི་གཟུངས་སྔགས། |
| མཆོད་སྟེགས |
མཆོད་པ་འཇོག་སའམ་འབུལ་སའི་སྟེགས། |
| མཆོད་སྟོན |
མཆོད་པའི་དགའ་སྟོན། |
| མཆོད་སྡོང |
1.སྐུ་གདུང་ཡོད་པའི་མཆོད་རྟེན། 2.མཆོད་མེའི་སྡོང་བུ། 3.རྗེས་དྲན་གྱི་རྟེན་རྡོ་རིང་སོགས་ཀྱི་སྤྱི་མིང་། |
| མཆོད་སྡོང་ཅན |
(མངོན་བརྗོད།) ཆུའི་བྱ་གག |
| མཆོད་སྡོང་པད་སྤུངས་ལྕགས་རྩེ་ཅན |
བཀའ་གདམས་མཆོད་རྟེན་ལྕགས་རྩེ་མ་ཟེར། འདིའི་རྩེ་མོ་ནས་རྩ་བའི་བར་དུ་ལྕགས་ཁབ་ཡོད་པའི་ཆ་ནས་མིང་དེ་ལྟར་བཏགས་ཤིང་ཆེ་ཆུང་ནི་སྣ་ཚོགས་ཡོད། |
| མཆོད་སྤྱད |
ཕོར་པའི་ཞེ་ས་སྟེ་བཞེས་སྤྱད་ཀྱང་ཟེར། |
| མཆོད་སྤྲིན |
མཆོད་པ་མང་པོ་སྤྲིན་གྱི་གཟུགས་སུ་བཀོད་པ། |
| མཆོད་སྦྱིན |
1.ཡར་དཀོན་མཆོག་ལ་མཆོད་པ་འབུལ་བ་དང༌། མར་ངན་སློང་ལ་སྦྱིན་པ་གཏོང་བ་སྟེ། (དཔེར་ན།) བུ་མོས་མཆོད་སྦྱིན་དགེ་བ་བྱེད་ཅེས་པ་ལྟ་བུ། 2.བྲམ་ཟེའི་རིག་བྱེད་བཞིའི་ཡ་གྱལ་ཞིག མིང་གི་རྣམ་གྲངས་ལ་རྒྱུད་བདུན་པ་དང༌། མཐོ་རིས་དོན། སྦྱིན་སྲེག་བཅས་སོ། ། |
| མཆོད་སྦྱིན་གནས |
1.མཆོད་པ་འབུལ་ཡུལ་དང་སྦྱིན་པ་གཏོང་ཡུལ། 2.(མངོན་བརྗོད།) བརྒྱ་བྱིན་གྱི་ལྷ་གནས། |
| མཆོད་སྦྱིན་གྱི་རིག་བྱེད |
སྔར་རྒྱ་གར་བྲམ་ཟེའི་ཆོས་ལུགས་ཀྱི་གཞུང་བཞིའི་ཡ་གྱལ་ཞིག་སྟེ་མཐོ་རིས་ཀྱི་ཕྱིར་མཆོད་སྦྱིན་བྱེད་སྐབས་ཀྱི་རིག་སྔགས་དང་སྨོན་ཚིག་རྣམས་ཀྱི་རིག་བྱེད་དོ། ། |
| མཆོད་སྦྱིན་ཅན |
ལྷའི་དབང་པོ་བརྒྱ་བྱིན། |
| མཆོད་སྦྱིན་དགྲ་བོ |
(མངོན་བརྗོད།) ལྷ་མིན། |
| མཆོད་སྦྱིན་དུད་པ |
བྲམ་ཟེས་ལྷ་མཆོད་སྐབས་རྟའི་ཤ་པགས་བསྲེགས་པའི་དུ་བ། |
| མཆོད་སྦྱིན་ཕྱུགས |
(མངོན་བརྗོད།) རྟ་སྤྱི། |
| མཆོད་སྦྱིན་བདག་པོ |
(མངོན་བརྗོད།) ཟླ་བ། |
| མཆོད་སྦྱིན་བརྒྱ་པ |
ལྷ་བརྒྱ་བྱིན་གྱིས་མཆོད་སྦྱིན་བརྒྱ་ཐམ་པ་བྱས་པ་ཡིན་ཞེས་ཟེར་བས་མིང་དེ་ལྟར་བཏགས། |
| མཆོད་སྦྱིན་ཡན་ལག |
(མངོན་བརྗོད།) ཨུ་དུམ་བཱ་ར། |
| མཆོད་སྦྱིན་རྒྱན |
(མངོན་བརྗོད།) རྩྭ་ཀུ་ཤ། |
| མཆོད་སྦྱིན་སྐྱེས |
(མངོན་བརྗོད།) མེ་ལྷ། |
| མཆོད་སྦྱིན་སྲད་བུ |
ཚངས་སྐུད་དེ་ཕྲག་མཆན་བར་འཆིང་བྱེད་སྐུད་པ་རྒྱ་གྲམ། |
| མཆོར |
(རྒྱན་ཚིག) ལུས་ལ་རྒྱན་གོས་གསར་བ་གྱོན་པའི་རྣམ་པ་སྟེ། (དཔེར་ན།) མི་མཆོར་པོ། མཆོར་ལྭ་ཞེས་པ་ལྟ་བུ། |
| མཆོར་ཆས |
གཟབ་སྤྲོས་ཀྱི་རྒྱན་གོས། |
| མཆོར་ཉམས |
མཛེས་པའི་ཁེངས་དྲེགས་ཀྱི་རྣམ་འགྱུར། |
| མཆོར་པོ |
རྒྱན་གོས་གཟབ་པའམ་རྒྱས་པོའི་དོན་ཏེ། (དཔེར་ན།) ཕོ་མཆོར་པོའི་ལུས་ལ་ལྟ་རྒྱུ་མེད། ཕ་ཁྱིམ་གཡག་རྭ་གོག་པོ་འདྲ་ལྟ་བུ། |
| མཆོར་མཛེས |
རྒྱན་གྱིས་མཆོར་ཞིང་གདོང་མཛེས་པ། |
| མཆོར་མོ |
གཟབ་མཆོར་ཅན་གྱི་བུད་མེད། |
| མཆོར་ཚྭ་ཁ |
ཚྭ་ཁ་ཞིག དཔལ་མགོན་རྫོང་ཁོངས་སུ་ཡོད། |
| མཆོར་སོ |
མདུན་སོ་ཡས་མས། |
| མཆོར་སྒེག |
མཛེས་ཤིང་སྒེག་པའི་ཉམས། |
| མཆོར་སྒེག་ཅན |
རྒྱན་གོས་ཀྱིས་བཀླུབས་ཤིང༌། སྒེག་པའི་ཉམས་འགྱུར་ཅན། |
| མཇལ |
(བྱེད་མེད་ལས་ཚིག) མ་འོངས་པ་དང་ད་ལྟ་བ་དང་འདས་པ། ཐུག་པའི་ཞེ་ས། (དཔེར་ན།) མཇལ་འཛོམ་གནང་། མཇལ་ཕྲད་བྱས་ལྟ་བུ། སྐུལ་ཚིག་ལ་མཇོལ་ཞེས་འབྲི་སྲོལ་ཡོད། |
| མཇལ་ཁ |
མཇལ་འཕྲད་ཀྱི་དོན་ཏེ། (དཔེར་ན།) མཇལ་ཁ་ཞུ་བ། མཇལ་ཁ་གཏོང་བ་ལྟ་བུ། |
| མཇལ་དམངས |
མཇལ་ཁ་ཞུ་མཁན་མི་ཕལ་པ། |
| མཇལ་དར |
མཇལ་དུས་འབུལ་རྒྱུའི་ཁ་བཏགས། |
| མཇལ་དུམ |
བར་འདུམ། |
| མཇལ་ཕྱག |
དངོས་འཕྲད་ཀྱི་ཕྱག་འཚལ། |
| མཇལ་ཞུ |
1.མཇལ་ཁ་ཞུ་བ། 2.འབུལ་ཚན་དངོས་པོ། |
| མཇལ་འཕྲད |
ཕན་ཚན་ཐུག་འཕྲད་ཀྱི་དོན་ཏེ། (དཔེར་ན།) མ་བུ་ཡུན་རིང་མཇལ་འཕྲད་མ་བྱུང་བས་ཕན་ཚུན་དྲན་པ། དགའ་སྤྲོའི་ངང་ནས་མཇལ་འཕྲད་གནང་བ་ལྟ་བུ། |
| མཇལ་འཕྲད་པ |
མཇལ་མཁན་ནམ་འཕྲད་མཁན། |
| མཇལ་ཡིག་མཛོད་གསུམ |
སྔར་དགའ་ལྡན་ཕོ་བྲང་སྲིད་གཞུང་སྐབས་བླ་དཔོན་ཆེ་ཁག་གི་མགྲོན་གཉེར་དང༌། དྲུང་ཡིག་ཕྱག་མཛོད་དེ་གསུམ། |
| མཇལ་རྟེན |
མཇལ་དུས་འབུལ་རྒྱུའི་དངོས་པོ། |
| མཇལ་ལན |
ཚུར་ངོ་ཕྲད་ཀྱི་ལན་དུ་ཕར་སོང་སྟེ་འཕྲད་པ། |
| མཇལ་སྣ |
མཇལ་འཕྲད་ཀྱི་སྣ་ཁྲིད་དམ་མཚམས་སྦྱོར་བྱེད་མཁན། |
| མཇལ་སྤྲོ་པོ |
བལྟ་ཡུལ་ཡིད་དུ་འོང་བའམ་བློ་ལ་འབབ་པོ། |
| མཇལ་སློག |
མཇལ་ཁ་ཞུ་སྐབས་ཕུལ་བའི་འབུལ་རྟེན་གྱི་སློག་ཆ། |
| མཇིང |
ཕྲག་པ་ནས་རྣ་བའི་བར་གྱི་སྐེ་ཟུར་གྱི་མིང་། (དཔེར་ན།) མཇིང་བསྣོལ། མཇིང་ཡོན། མཇིང་ཀྱོག་ཅེས་པ་ལྟ་བུ། |
| མཇིང་ཀོང |
ལྟག་ཁུང་གི་ཀོང་ཀོང༌། |
| མཇིང་པའི་ཆུ་ལེབ |
ལྟག་མཇིང་གི་ཤ་ལེབ་མོ། |
| མཇིང་ཡོན |
སྐེ་ཀྱོག་ཀྱོག |
| མཇིང་སྦྲེལ |
ལྟག་མཇིང་ཟུང་སྦྲེལ་ཏེ། (དཔེར་ན།) རྨོན་མཛོ་མཇིང་སྦྲེལ་བྱས་ནས་རྨོན་བརྒྱབ་ལྟ་བུ། |
| མཇུག |
1.དུས་ཡུན་ཞིག་ལ་ཐོག་མཐའ་བར་གསུམ་དུ་ཕྱེ་བའི་མཐའ་མའི་མིང་། (དཔེར་ན།) ལོ་མཇུག ཟླ་མཇུག ཚེ་མཇུག དུས་རབས་བཅུ་དགུ་པའི་དུས་མཇུག་ཅེས་པ་ལྟ་བུ། 2.བྱ་དངོས་ཀྱི་མཐའ་མའི་ཆ་ཤས་ཀྱི་མིང་། (དཔེར་ན།) ཚོགས་འདུ་མཇུག་རྫོགས། དཔེ་ཆའི་མཇུག་རྫོགས། དཔེ་ཆའི་མཇུག་ཤོག དམག་དཔུང་བཤར་ནས་མཇུག་རྫོགས་ལྟ་བུ།3.མཇུག་མ་སྟེ་སྲོག་ཆགས་ཀྱི་རྔ་མའི་མིང་། |
| མཇུག་ཁྲུན་ཆོད་པ |
ཐག་ཆོད་པའི་དོན་ཏེ། (དཔེར་ན།) དམག་འཁྲུག་གི་མཇུག་ཁྲུན་ཐག་ཆོད་རྒྱུར་བསྡད་ཡོད། གཡུལ་ལས་མཇུག་ཁྲུན་གཙང་མར་ཆོད་ཟིན་པ། ལས་ཀ་འདིའི་མཇུག་ཁྲུན་ཆོད་ཐབས་བྱུང་མ་སོང༌། ཕན་ཚུན་གྱི་ཁ་མཆུའི་མཇུག་ཁྲུན་ཆོད་སོང་ལྟ་བུ། |
| མཇུག་གཅོད |
འཕྲོ་གོད་པའམ་བར་མཚམས་འཇོག་པའི་དོན་ཏེ། (དཔེར་ན།) བྱ་གཞག་ནོར་འཁྲུལ་ཅན་གྱི་མཇུག་གཅོད་པ། ལས་མཇུག་གཅོད་པ། བརྗེ་ཚོང་མཇུག་གཅོད། འགྲོ་རྒྱུག་མཇུག་གཅོད། འབྲེལ་ལམ་མཇུག་གཅོད་ཅེས་པ་ལྟ་བུ། |
| མཇུག་གནོན |
མཇུག་མཐུད་པའམ་མུ་མཐུད་པའི་དོན་ཏེ། (དཔེར་ན།) བྱ་བའི་འགོ་བརྩམས་རྗེས་མཐར་མཇུག་གནོན་མ་བྱས་ན་འབྲུག་མགོ་སྦྲུལ་མཇུག་ཏུ་འགྱུར་རོ་ལྟ་བུ། |
| མཇུག་གནོན་རྒྱབ་གཉེར |
རྗེས་གནོན་རྒྱབ་རོགས་ཏེ་སྟོབས་ཤུགས་ཁ་སྣོན་གྱིས་རྒྱབ་སྐྱོར་རོགས་རམ་བྱེད་པ། (དཔེར་ན།) མཇུག་གནོན་རྒྱབ་གཉེར་ནུས་ལྡན། དཔུང་དམག་སྔོན་སོང་རྣམས་ཀྱི་མཇུག་གནོན་རྒྱབ་གཉེར་བཏང་བ། མཇུག་གནོན་རྒྱབ་གཉེར་བྱེད་མཁན་ངལ་རྩོལ་མི་དམངས་ཡོད་ཅེས་པ་ལྟ་བུ། |
| མཇུག་གཞུང |
བསྟན་བཅོས་ཀྱི་མཇུག་གི་བྱ་བ། |
| མཇུག་གཟེང |
རྔ་མ་ཟིང་ཟིང་དུ་སློང་བའི་དོན་ཏེ། (དཔེར་ན།) འབྲི་གཡག་ཁྲོས་ནས་མཇུག་གཟེང་བ་ལྟ་བུ། |
| མཇུག་ཏོ |
མཇུག་མའམ་རྔ་མའི་དོན་ཏེ། (དཔེར་ན།) ཁྱིའི་མཇུག་ཏོ་བསྣར་ཏེ་རྒྱུག་ཅེས་པ་ལྟ་བུ། |
| མཇུག་ཐོགས |
དེ་མ་ཐག་གམ་དེ་འཕྲལ་ཞེས་པའི་དོན་ཏེ། (དཔེར་ན།) འཆར་གཞི་བཀོད་པའི་མཇུག་ཐོགས་སུ་ལས་གྲྭ་བཙུགས། གློག་འོད་མཐོང་བའི་མཇུག་ཐོགས་སུ་འབྲུག་སྒྲ་ཐོས་ཞེས་པ་ལྟ་བུ། |
| མཇུག་ཐོགས་ཀྱི་སྐད་ཅིག་མ |
སྐད་ཅིག་དང་པོ་འདས་མ་ཐག་པའི་སྐད་ཅིག་གཉིས་པ། |
| མཇུག་ཐོན |
མཐར་ཐོན་པའམ་མཐར་ཕྱིན་པའི་དོན་ཏེ། (དཔེར་ན།) ཤེས་རིག་སློབ་སྦྱོང་གི་མཇུག་ཐོན་པ་བྱེད་དགོས་ལྟ་བུ། |
| མཇུག་ནག |
1.མཇུག་མ་ནག་པོ། 2.(མངོན་བརྗོད།) བྱ་ཁྲུང་ཁྲུང༌། |
| མཇུག་ཕོད |
ཕྱུགས་རིགས་ཀྱི་རྔ་རྩིད། |
| མཇུག་ཕོད་ཅན |
(མངོན་བརྗོད།) དུ་བ་མཇུག་རིང༌། |
| མཇུག་བརྟུལ |
མཇུག་བསྡུས་པའི་དོན་ཏེ། (དཔེར་ན།) བྱ་བ་ངན་པའི་མཇུག་བརྟུལ་ཏེ་བྱ་བ་བཟང་པོ་ལ་འཇུག་དགོས་ལྟ་བུ། |
| མཇུག་བརྡར |
(ཡུལ་སྐད།) གླ་བ་ཕོའི་མཇུག་མ་བརྡར་ས། གླ་བ་ཕོ་ཡིས་ས་ཆ་གཏན་འཁེལ་ཞིག་ལ་རྒྱུན་དུ་མཇུག་མ་བརྡར་ཞིང༌། རྔོན་པས་དེར་རྙི་བཙུགས་ཏེ་འཛིན་ཐབས་བྱེད། |
| མཇུག་བསྔོ |
དགེ་རྩ་གང་ཞིག་བྱས་པའི་མཐར་དགེ་བ་གཞན་དོན་དུ་བསྔོ་བ། |
| མཇུག་བསྙེགས |
རྗེས་སུ་བདས་པའི་དོན་ཏེ། (དཔེར་ན།) ཇག་པའི་མཇུག་བསྙེགས་པ། དྲག་ཆས་སྤྲས་ནས་དགྲ་བོའི་མཇུག་བསྙེགས་པ་ལྟ་བུ། |
| མཇུག་བསྡོགས |
མཇུག་བསྡུས་པ། |
| མཇུག་བསྣར |
1.མཇུག་མའམ་རྔ་མ་བརྐྱངས་པའི་དོན་ཏེ། (དཔེར་ན།) ཁྱིའི་མཇུག་མ་བསྣར་བ་ལྟ་བུ། 2.ལས་ཀའི་མཇུག་མའམ་འཕྲོ་མ་ཡུན་རིང་བསྣར་བ། |
| མཇུག་བྱང |
དཔེ་ཆའི་གཞུང་དངོས་རྫོགས་རྗེས་མཇུག་ཏུ་ལོགས་སུ་བྲིས་པའི་གསལ་བཤད་མདོར་བསྡུས་ཀྱི་མིང་། |
| མཇུག་མ |
1.རྗེས་མའི་དོན་ཏེ། (དཔེར་ན།) གཟའ་འཁོར་མཇུག་མ། ལོ་མཇུག་མ། ཐེངས་མཇུག་མ། སྐད་ཆ་སྔ་མ་དང་མཇུག་མ་རྒྱབ་འགལ་དུ་སོང་བ། ལས་ཀའི་མཇུག་མ། དུས་སྐབས་ཀྱི་མཇུག་མ་ལྟ་བུ། 2.སྲོག་ཆགས་ཀྱི་རྔ་མ་སྟེ། (དཔེར་ན།) གཡག་མཇུག་མ་རིང་པོ། མཇུག་མ་གཡུག་གཡུག མཇུག་མ་སྒྲིལ་བ་ཞེས་པ་ལྟ་བུ། |
| མཇུག་མཐུད |
མུ་འཐུད་པའམ་འཕྲོ་མཐུད་པའི་དོན་ཏེ། (དཔེར་ན།) སྔ་མཇུག་ཕྱི་མཐུད། ལས་དོན་སྔ་མའི་མཇུག་མཐུད་ནས་ལས་དོན་རྗེས་མའི་འགོ་བཙུགས་པ་ལྟ་བུ། |
| མཇུག་འཁྱོངས |
མཐར་འཁྱོལ་བའམ་མཐར་སོན་པའི་དོན་ཏེ། (དཔེར་ན།) ལས་དོན་མཇུག་འཁྱོངས་བྱས་པ། ལས་འགན་མཇུག་འཁྱོངས་པ། ལས་གྲྭ་བཙུགས་ནས་མཇུག་མ་འཁྱོངས་བར་འབད་དགོས་ལྟ་བུ། |
| མཇུག་འཕྲོ |
ལྷག་མ་སྟེ། (དཔེར་ན།) ལས་ཀའི་མཇུག་འཕྲོ་ལུས་པ་ལྟ་བུ། |
| མཇུག་འཛིན |
དུས་མེའམ་སྒྲ་གཅན་གྱི་མཇུག་དང༌། ཉི་ཟླ་ཕྲད་དེ་སྒྲིབ་པའི་མིང༌།ཊ |
| མཇུག་རིང |
1.སྐར་མ་དུ་བ་མཇུག་རིང་གཟའ་དགུའི་མཐའ་མ། 2.རྔ་མ་རིང་པོ། |
| མཇུག་རུས |
སྒལ་གཞུང་གི་མར་སྣེའི་རུས་ཚིགས་ཀྱི་མིང་། ཡུལ་སྐད་དུ་གཞུག་གུའམ་མཇུག་དོ་ཟེར། |
| མཇུག་རྡུམ |
1.ཨ་གསར་ཚ་པོའི་དཔེ། 2.གཞུག་གུ་ཐུང་ངུའམ་རྔ་མ་རྡུམ་པའི་དོན་ཏེ། (དཔེར་ན།) རྟ་དྲེལ་མཇུག་རྡུམ་ཞེས་པ་ལྟ་བུ། |
| མཇུག་རྩིས |
གཞུག་མའི་རྩིས། |
| མཇུག་རྩེ |
སྲོག་ཆགས་ཀྱི་མཇུག་མའི་རྩེ་མོ། (དཔེར་ན།) ཁྲུང་ཁྲུང་དཀར་ལ་མཇུག་རྩེ་ནག་ཅེས་པ་ལྟ་བུ། |
| མཇུག་སུག |
1.གོས་ཀྱི་སྒབ་མཇུག 2.ཆ་ལུགས། |
| མཇུག་སྒྲིལ |
མཇུག་བསྡུ་བར་བྱེད་པ་སྟེ། (དཔེར་ན།) གཏམ་མཇུག་སྒྲིལ་མི་ཤེས་པ། ལས་དོན་མཇུག་སྒྲིལ་ཟིན་ཉེར་ཡོད་ཅེས་པ་ལྟ་བུ། |
| མཇུག་སྒྲོ |
བྱའི་མཇུག་མའི་སྒྲོ། |
| མཇུག་སྒྲོ་ཅན |
(མངོན་བརྗོད།) རྨ་བྱ། |
| མཇུག་སྡུད |
1.ལས་མཇུག་སྒྲིལ་ཐབས་བྱེད་པ། 2.རྒྱས་བཤད་ཀྱི་མཐར་སྙིང་པོ་བསྡུ་བ། |
| མཇུག་སྡོམ |
མཐའ་མའི་དོན་བསྡུ་སྟེ། (དཔེར་ན།) མཇུག་བསྡོམས་སྙིང་དོན་ཞེས་པ་ལྟ་བུ། |
| མཇུག་སྣེ |
མཇུག་མའི་སྣེ་སྟེ། (དཔེར་ན།) ཐག་པའི་མཇུག་སྣེ། ལས་ཀའི་མཇུག་སྣེ་ཞེས་པ་ལྟ་བུ། |
| མཇུག་སྣོན |
མཇུག་གནོན་དང་འདྲ། |
| མཇེ |
ཕོ་མཚན་གྱི་མིང་གཞན། |
| མཇེ་རླིག |
ཕོ་དབང་དང༌། དེའི་འབྲས་བུ་ཤུབས་ལྡན། |
| མཇེད |
(བྱེད་མེད་ལས་ཚིག) སུན་པ་སྐྱེ་བའམ་མི་བཟོད་པའི་དོན་ཏེ། (དཔེར་ན།) སྨན་ཁ་བོ་ལ་ཁ་མཇེད། གྲོགས་ངན་པ་ལ་ཞེ་མཇེད་ལྟ་བུ། |
| མཇེད་པ |
(བརྡ་རྙིང་།) ཞེད་པའི་དོན་ཏེ། (དཔེར་ན།) མི་མཇེད་ཞིང་གི་དཔལ་གྱུར་ཤཱཀྱའི་ཏོག སྨན་ཁ་བ་ལ་ཁ་མཇེད། གྲོགས་ངན་པ་ལ་ཞེ་མཇེད་ཅེས་པ་ལྟ་བུ། |
| མཇོར |
ཞིང་བསློགས་ནས་ས་སོབ་པར་བྱེད་པ་དང་རྩྭ་ལྡུམ་སོགས་རྐོ་བྱེད་ཀྱི་ཞིང་ཆས་ཤིག་གི་མིང་། ཡུལ་སྐད་དུ་གཞོར་ཟེར། |
| མཇོར་བུ |
མཇོར་ཆུང་ཆུང་གི་མིང་། |
| མཇོལ |
མཇལ་གྱི་སྐུལ་ཚིག |
| མཉན |
1.ཉན་པའི་མ་འོངས་པ་དང་འདས་པ། (དཔེར་ན།) གོང་རིམ་གྱི་མཛུབ་སྟོན་ལ་མཉན་དགོས། མཉན་བྱའི་སྒྲ། ཀུན་ཁྱབ་རླུང་འཕྲིན་ལ་མཉན་ནས་གཏམ་སྙན་ཐོས་ལྟ་བུ།2.གྲུའི་བརྡ་རྙིང་། |
| མཉན་ཉེས |
སྐད་ཆ་རྣ་བས་ཉན་ལུགས་ནོར་བ། |
| མཉན་པ |
1.ཉན་པའི་འདས་པ་དང་མ་འོངས་པ། 2.གྲུ་པ། མིང་གི་རྣམ་གྲངས་ལ་སྐྱ་བ་འཛིན་དང༌། གྲུ་མཁན། གྲུ་ཡི་ཁ་ལོ་བ། གདོས་པ་འཛིན། རྣ་བ་འཛིན་བཅས་སོ། ། |
| མཉན་པ་ལྟ་བུའི་སེམས་བསྐྱེད |
རང་དང་སེམས་ཅན་ཐམས་ཅད་ལྷན་ཅིག་ཏུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་འདོད་པའི་བྱང་ཆུབ་སེམས་བསྐྱེད། |
| མཉན་ཡོད |
མཉན་དུ་ཡོད་པ་སྟེ་སྔར་སངས་རྒྱས་ཤཱཀྱ་མུ་ནེ་བཞུགས་གནས་རྒྱ་གར་གྱི་གྲོང་ཁྱེར་རྙིང་པ་ཞིག་གི་མིང༌། |
| མཉན་ཡོད་ཆོ་འཕྲུལ་མཆོད་པ |
སངས་རྒྱས་ཤཱཀྱ་མུ་ནེས་མེ་འབྲུག་ལོའི་ཟླ་བ་དང་པོའི་ཚེས་གཅིག་ཉིན་ནས་བཅོ་ལྔའི་བར་ཕྱི་རོལ་མུ་སྟེགས་པ་དང་ཆོ་འཕྲུལ་འགྲན་ནས་མུ་སྟེགས་ཀྱི་རྒོལ་བ་ཚར་བཅད་པའི་དུས་ཆེན་རྗེས་དྲན་དུ་ལོ་ལྟར་ལྷ་སར་ཟླ་བ་དང་པོའི་ཚེས་གཅིག་ནས་བཅོ་ལྔའི་བར་མཉན་ཡོད་ཆོ་འཕྲུལ་མཆོད་པའི་སྨོན་ལམ་ཆེན་མོ་ཚོགས་སྲོལ་ཚུགས་ཡོད། |
| མཉམ |
1.(རྒྱན་ཚིག) བདེ་ཞིང་སྙོམས་པའི་དོན་ཏེ། (དཔེར་ན།) ཤིང་ལེབ་ཐོག་ངོས་མཉམ་པ་ཞེས་པ་ལྟ་བུ། 2.(བྱེད་མེད་ལས་ཚིག) འདྲ་བའམ་འགྲན་ཐུབ་པའི་དོན་ཏེ། (དཔེར་ན།) མི་རིགས་འདྲ་མཉམ། ཡོན་ཏན་གཞན་དང་མི་མཉམ་པ། ཞིང་རའི་འབྲུ་ཕུང་རི་དང་མཉམ་ལྟ་བུ།3.མཉམ་དུ་ཞེས་པའི་ཚིག་བསྡུས་པ། |
| མཉམ་གཉིས |
དུས་ཚིགས་ཉེར་བཞིའི་ནང་ཚན་གཉིས་ཏེ། ཧོར་ཟླ་གཉིས་པའི་སྒང་ཚད་ལ་དཔྱིད་ཉིན་མཚན་མཉམ་པ་དང༌། ཧོར་ཟླ་བརྒྱད་པའི་སྒང་ཚད་ལ་སྟོན་ཉིན་མཚན་མཉམ་པ། |
| མཉམ་གཉེར |
ཐུན་མོང་དུ་བདག་གཉེར་བྱེད་པ། |
| མཉམ་གནས་ཀྱི་རླུང |
ལུས་ཀྱི་རྩ་བའི་རླུང་ལྔའི་ཡ་གྱལ་ཕོ་བའི་མེ་དྲོད་མཁྲིས་པ་འཇུ་བྱེད་དང་མཉམ་དུ་གནས་པ་ཞིག་བྱེད་ལ་ནང་ཁྲོལ་ཀུན་ཏུ་རྒྱུ་ཞིང་ཟས་སྐོམ་འཇུ་བར་བྱེད་པ་ཞིག |
| མཉམ་གཤིབས |
མང་པོ་ལྷན་ཅིག་ཏུ་བསྡེབས་པའི་དོན། (དཔེར་ན།) མི་མང་པོ་ཁང་པ་གཅིག་ཏུ་མཉམ་གཤིབས་བྱས་ནས་སྡོད་ཅེས་པ་ལྟ་བུ། |
| མཉམ་ཉིད |
1.གཅིག་མཚུངས་ཀྱི་ངོ་བོའམ་རང་བཞིན། 2.ཀུན་ཏུ་ཁྱབ་པའི་རང་བཞིན་ཏེ་སྟོང་ཉིད། |
| མཉམ་ཉིད་ཀྱི་དཔེ |
དཔེའི་རྒྱན་གྱི་ནང་གསེས་རྗོད་བྱེད་སྒྲ་གཅིག་ལ་གཅོད་མཚམས་མི་འདྲ་བ་གཉིས་ཀྱིས་བརྗོད་བྱ་དཔེ་དང་དཔེ་ཅན་གཉིས་མཚུངས་པར་སྦྱོར་བའི་རྒྱན་ཞིག |
| མཉམ་ཉིད་གསུམ |
སངས་རྒྱས་ཀྱི་མཉམ་པ་ཉིད་གསུམ་ཚོགས་བསགས་པར་མཉམ་པ་ཉིད་དང༌། ཆོས་སྐུ་བརྙེས་པར་མཉམ་པ་ཉིད། འགྲོ་བའི་དོན་སྤྱོད་པར་མཉམ་པ་ཉིད། |
| མཉམ་ཉིད་བཅུ |
ཆོས་ཐམས་ཅད་མཚན་ཉིད་མེད་པའི་མཉམ་པ་ཉིད་དང༌། མཚན་མ་མེད་པའི་མཉམ་པ་ཉིད། མཐའ་བཞི་ལས་སྐྱེ་བ་མེད་པའི་མཉམ་པ་ཉིད། མ་སྐྱེས་པའི་མཉམ་པ་ཉིད། དབེན་པའི་མཉམ་པ་ཉིད། གདོད་མ་ནས་རྣམ་པར་དག་པའི་མཉམ་པ་ཉིད། སྤྲོས་པ་མེད་པའི་མཉམ་པ་ཉིད། བླང་དོར་མེད་པའི་མཉམ་པ་ཉིད། ཆོས་རྣམས་རྨི་ལམ་མིག་ཡོར་ཆུ་ཟླ་གཟུགས་བརྙན་སྤྲུལ་པ་ལྟ་བུའི་མཉམ་པ་ཉིད། དངོས་པོ་དང་དངོས་པོ་མེད་པའི་མཉམ་པ་ཉིད་བཅས་བཅུའོ། ། |
| མཉམ་ཉིད་ཡེ་ཤེས |
སྣང་སྲིད་འཁོར་འདས་ཀྱི་ཆོས་རྣམས་ངོ་བོ་ལ་བཟང་ངན་མེད་པར་རང་བཞིན་མཉམ་པ་ཉིད་དུ་མཁྱེན་པའི་ཡེ་ཤེས། |
| མཉམ་ཉིད་ལ་དགོངས་པ |
དགོངས་པ་ཅན་བཞིའི་ནང་གསེས། འདས་པའི་སངས་རྒྱས་དང༌། ཤཱཀྱ་ཐུབ་པ་གཉིས་ཆོས་ཀྱི་སྐུ་དང༌། ཕྲིན་ལས་སོགས་ཆེ་ཆུང་མི་མངའ་བར་མཉམ་པ་ཉིད་ལ་དགོངས་ནས་ང་སྔོན་སངས་རྒྱས་རྣམ་གཟིགས་སུ་གྱུར་ཏོ་ཞེས་པ་ལྟ་བུའོ། ། |
| མཉམ་ཉིད་ལྔ |
བྱང་ཆུབ་སེམས་དཔའི་མཉམ་ཉིད་ལྔ་བདག་གཞན་མཉམ་ཉིད་དང༌། ཕན་གནོད་མཉམ་ཉིད། འཇིག་རྟེན་ཆོས་བརྒྱད་མཉམ་ཉིད། སངས་རྒྱས་སེམས་ཅན་མཉམ་ཉིད། སྲིད་ཞི་མཉམ་ཉིད་རྣམས་སོ། ། |
| མཉམ་དཀྲོལ |
རོལ་ཆ་མང་པོ་དུས་མཉམ་དུ་འབུད་དཀྲོལ་བྱེད་པ། |
| མཉམ་དང་མི་མཉམ |
རིལ་བོར་ཚེས་བསྲེས་མ་ནུས་བགོས་པའི་ཐོབ་ནོར་གཟུགས་མེ་མི་མཉམ་ཞིང༌། ཐིག་མིག་མཚོ་རྣམས་མཉམ་པའོ། །མི་མཉམ་རིམ་མིན་མཉམ་རིམ་པ། ནོར་མཉམ་བསྣན་ལ་མི་མཉམ་ཕྲི། |
| མཉམ་དུ |
1.(བསྣན་ཚིག) ལས་ཚིག་གི་ཐོག་མར་སྦྱར་ན་དུས་འདྲ་བའི་དོན་ཏེ། (དཔེར་ན།) ངེད་གཉིས་མཉམ་དུ་སློབ་གྲྭར་སོང་ལྟ་བུ། 2.ཚིག་བསྡུས་ན་མཉམ་ཞེས་འབྲི་ཆོག་སྟེ། (དཔེར་ན།) མཉམ་ལས། མཉམ་ཟ་ཞེས་པ་ལྟ་བུ། |
| མཉམ་པ |
1.མཚུངས་པའམ་འདྲ་བའི་དོན་ཏེ། (དཔེར་ན།) དུས་མཉམ་པ། རིགས་མཉམ་པ། ལག་མཐིལ་ལྟར་ཁོད་མཉམ་པ། རིང་ཐུང་མཉམ་པ། 2.འཚམས་པ་དང་རན་པའི་དོན་ཏེ། (དཔེར་ན།) གྲིམ་ལྷོད་མཉམ་པ། མཐོ་དམན་མཉམ་པ། དྲོ་གྲང་མཉམ་པ་ལྟ་བུ། |
| མཉམ་པ་ཆེན་པོའི་ཐུགས |
ཐུགས་ལྔའི་ཡ་གྱལ་ཞིག་མཉམ་པ་ཉིད་ཀྱི་ཡེ་ཤེས་ནི་ལོངས་སྐུ་མཉམ་པ་ཆེན་པོའི་ཐུགས་ཞེས་སྔགས་རྙིང་མའི་བརྡ་ཆད་དོ། ། |
| མཉམ་པའི་དྲི |
སྨན་སྣ་ཚོགས་སྦྱར་བ་ལྟ་བུ་སྦྱོར་ཚུལ་གྱིས་དྲི་ཤས་མི་ཆེ་བའོ། ། |
| མཉམ་པའི་འཇུག་ཚུལ |
སྔོན་འཇུག་གི་ཤིན་ཏུ་མོ་མ་ཡིག་སྟེ། རང་ཉིད་འཇུག་ཡུལ་གྱི་མིང་གཞི་དག་ལ་སྒྲ་དང་རྩོལ་བ་མཉམ་པ་ཤིན་ཏུ་ལྷོད་པའི་ཚུལ་གྱིས་འཇུག་པ། |
| མཉམ་པར་གཞག་པ |
མཉམ་པར་བཞག་པ་དང་འདྲ། |
| མཉམ་པར་བཞག་པ |
མཉམ་བཞག་དང་དོན་གཅིག |
| མཉམ་པར་བཞག་པའི་ས |
སེམས་ཏིང་ངེ་འཛིན་ལ་གནས་པའི་སྐབས། |
| མཉམ་པར་བཞག་པའི་སེམས |
ཏིང་ངེ་འཛིན་བསྒོམས་པའི་སེམས། |
| མཉམ་པར་བྱས་པ |
མཚུངས་གསལ་གྱི་སྒྲ་ཞིག་སྟེ་འདྲ་བ། |
| མཉམ་པར་མ་བཞག་པ་མི་མངའ་བ |
ཉན་ཐོས་དག་འཕྲལ་ལ་མཉམ་པར་འཇོག་ཅིང་ལྡང་གི། སངས་རྒྱས་ནི་འབྱུང་འཇུག་མི་མངའ་བར་སྤྱོད་ལམ་བཞིའི་དུས་ཐམས་ཅད་དུ་སེམས་མཉམ་པར་འཇོག་པ། མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| མཉམ་པར་མ་བཞག་པའི་གང་ཟག |
ཏིང་ངེ་འཛིན་ལས་བཞེངས་ཏེ་རྗེས་ཐོབ་ལ་གནས་པའི་གང་ཟག |
| མཉམ་པར་འཇོག་པ |
1.རན་པར་འཇོག་པ་དང༌། འཚམ་པར་འཇོག་པ། 2.སེམས་གནས་དགུ་པ། སེམས་མཉམ་པར་གྱུར་པ་ན་བཏང་སྙོམས་སུ་བྱེད་པ། |
| མཉམ་པོ |
ལྷན་ཅིག་གི་དོན་ཏེ། (དཔེར་ན།) མཉམ་པོར་ཕྱིན་ནས་སློབ་སྦྱོང་མཐར་ཕྱིན་གྱིས་ཞེས་པ་ལྟ་བུ། |
| མཉམ་བགོས |
མཉམ་དུ་བགོ་བཤའ་རྒྱག་པ་སྟེ། (དཔེར་ན།) ཕྲུ་གུ་རྣམས་ལ་ཁ་ཏོག་མཉམ་བགོས་བྱེད་ཅེས་པ་ལྟ་བུ། |
| མཉམ་བཞག |
1.ཆ་མཉམ་པར་བཞག་པ་སྟེ། (དཔེར་ན།) ཏིང་ངེ་འཛིན་སྒོམ་སྐབས་གང་ཟག་དང་ཆོས་ཀྱི་བདག་མེད་པའི་སྟོང་པ་ཉིད་ལ་སེམས་རྩེ་གཅིག་ཏུ་དམིགས་ནས་མཉམ་པར་བཞག་པ་ལྟ་བུ། 2.བློ་བསྒྲིམས་ནས་དམིགས་ཡུལ་གཅིག་ལ་གཏད་པའམ་བློ་རིག་བསྒྲིམས་པའི་དོན་ཏེ། (དཔེར་ན།) མཉམ་བཞག་ནས་སྐད་ཆ་བཤད། ཚིག་དོན་གཉིས་ལས་དོན་ལ་མཉམ་འཇོག་དགོས། མཉམ་ཞོག་ཅིག མཉམ་གཞག་བྱ་ཞེས་པ་ལྟ་བུ། འདི་དག་ལ་མཉམ་པར་བཞག མཉམ་པར་འཇོག མཉམ་པར་ཞོག་ཅེས་བྲིས་ཀྱང་ཆོག |
| མཉམ་བཞག་ནམ་མཁའ་ལྟ་བུའི་སྟོང་ཉིད |
མཉམ་བཞག་ཡེ་ཤེས་ཀྱི་ཡུལ་བདེན་མེད་སྟོང་པ་ཉིད། |
| མཉམ་བཞག་ཡེ་ཤེས |
དེ་ཁོ་ན་ཉིད་ལ་རྩེ་གཅིག་ཏུ་མཉམ་པར་འཇོག་པའི་རྣམ་པར་མི་རྟོག་པའི་ཡེ་ཤེས། |
| མཉམ་བསྲེས |
གཉིས་སམ། མང་པོ་མཉམ་དུ་བསྲེས་པ་སྟེ། (དཔེར་ན།) དཀར་ནག་མཉམ་བསྲེས། མར་དང་ཕྱུར་བ་མཉམ་བསྲེས་བྱས་ནས་ཐུད་བརྫིས་ཞེས་པ་ལྟ་བུ། |
| མཉམ་བྲལ |
མཚུངས་ཟླ་མེད་པ་སྟེ། (དཔེར་ན།) སྲ་བརྟན་མཉམ་བྲལ་གྱི་སྙིང་སྟོབས་ཞེས་པ་ལྟ་བུ། |
| མཉམ་མེད |
མཉམ་པ་མེད་པ་སྟེ་འགྲན་ཟླ་མེད་པའི་དོན། (དཔེར་ན།) དཔའ་རྩལ་མཉམ་པ་མེད་པའི་བློན་པོ་མགར་སྟོང་བཙན་ཞེས་པར་དཔའ་རྩལ་མཉམ་མེད་མགར་སྟོང་བཙན་ལྟ་བུ། |
| མཉམ་ཟ |
ཐུན་མོང་དུ་ལོངས་སྤྱོད་པའི་དོན་ཏེ། (དཔེར་ན།) སྐྱིད་ལ་ཁའི་རྩྭ་ལ་མཉམ་ཟ་དང༌། སྡུག་ཀོ་མོག་གི་ཆུ་ལ་མཉམ་འཐུང༌ལྟ་བུ། |
| མཉམ་འཁྱིལ |
དུས་མཉམ་དུ་འཁྱིལ་བ། |
| མཉམ་འགྲན |
རྩལ་སོགས་མཉམ་དུ་འགྲན་པ། |
| མཉམ་འགྲོ |
ཆབས་ཅིག་ཏུ་སྐྱོད་པའི་དོན་ཏེ། (དཔེར་ན།) ལམ་ཐག་རིང་བའི་གཞན་ཡུལ་དུ་སློབ་གཉེར་ལ་མཉམ་འགྲོ་བྱེད་ཅེས་པ་ལྟ་བུ། |
| མཉམ་འགྲོགས |
གཤིབས་པ་སྟེ། (དཔེར་ན།) མཉམ་འགྲོགས་བྱས་ནས་འགྲོ་བ་ལྟ་བུ། |
| མཉམ་འཇོག་གི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས། དཔེ་ཅན་གང་ཞིག་དཔེའི་གཟུགས་སུ་བཀོད་པ་དེས། རང་གི་ངང་ཚུལ་དང་མི་མཐུན་པའི་བྱ་བ་བྱེད་པ་འོས་མིན་གྱི་སྐྱོན་ཡོད་པ་དང༌། བྱ་བའི་ཡུལ་ཉིད་ལའང་སྐབས་གང་ཡིན་གྱི་སྐྱོན་ཡོད་པ་བཅས་ཡུལ་དང་ཡུལ་ཅན་གཉིས་ཀའི་ཉེས་པ་མཉམ་དུ་སྟོན་པའི་རྒྱན་ཞིག |
| མཉམ་འབྲེལ་རྒྱལ་ཚོགས |
འཛམ་གླིང་དམག་ཆེན་གཉིས་པའི་མཇུག་འགྲིལ་རྗེས་1945 ལོར་བཙུགས་པའི་རྒྱལ་སྤྱིའི་སྒྲིག་འཛུགས་ཤིག་ཡིན་ཞིང༌། དེའི་ལས་ཁུངས་ཨ་མ་ནི་ཨ་མེ་རི་ཀའི་གྲོང་ཁྱེར་ནེའུ་ཡོག་ལ་ཡོད། དེའི་དམིགས་ཡུལ་གཙོ་བོ་ནི་རྒྱལ་སྤྱིའི་ཞི་མཐུན་དང་བདེ་འཇགས་སྲུང་སྐྱོབ་བྱེད་རྒྱུ་དང༌། རྒྱལ་ཁབ་བར་གྱི་མཛའ་བཤེས་ཀྱི་འབྲེལ་བ་སྤེལ་རྒྱུ། དཔལ་འབྱོར་དང་རིག་གནས་སོགས་ཐད་ཀྱི་རྒྱལ་སྤྱིའི་མཉམ་ལས་སྐུལ་སྤེལ་བྱེད་རྒྱུ་བཅས་རེད། |
| མཉམ་འཛོམས |
མང་པོ་སྡེབ་ཚོགས་ཏེ། (དཔེར་ན།) མི་མང་མཉམ་འཛོམས། ལས་མང་མཉམ་འཛོམས་ཞེས་པ་ལྟ་བུ། |
| མཉམ་རུབ |
1.མང་པོ་སྡེབ་འཛོམ། 2.མཉམ་དུ་རུབ་བརྒྱབ་པ། |
| མཉམ་རྒྱུག |
མཉམ་དུ་མགྱོགས་པོར་འགྲོ་བ་སྟེ། (དཔེར་ན།) དམིགས་ཡུལ་དུ་མ་སླེབས་བར་མཉམ་རྒྱུག་བྱེད་པ་ཞེས་པ་ལྟ་བུ། |
| མཉམ་རྗེས |
སྒོམ་གྱི་མཉམ་གཞག་དང་རྗེས་ཐོབ་ཀྱི་བསྡུས་ཚིག |
| མཉམ་ལྕོགས |
མཉམ་དུ་བྱེད་ཐུབ་པ་སྟེ། (དཔེར་ན།) རྩམ་པ་འགམ་རྒྱུ་དང་གླིང་བུ་གཏོང་རྒྱུ་མཉམ་ལྕོགས་མི་ཡོང༌ལྟ་བུ། |
| མཉམ་སྒྲོག |
དུས་གཅིག་ལ་སྒྲ་སྐད་ཁག་མང་འབྱིན་པ། |
| མཉམ་སྦྲེལ |
ཕན་ཚུན་གཅིག་ཏུ་སྦྲེལ་བ། |
| མཉེ |
ཉེད་ཀྱི་མ་འོངས་པ་སྟེ། (དཔེར་ན།) ཀོ་བ་མཉེ་བར་བྱ། མཉེ་བྱའི་ཀོ་བ་ཞེས་པ་ལྟ་བུ། |
| མཉེ་ཤིང |
ཉེ་ཤིང་གི་འབྲི་ཚུལ་གཞན། |
| མཉེད |
ཉེད་ཀྱི་འབྲི་ཚུལ་གཞན། |
| མཉེད་གྲི |
(ཡུལ་སྐད།) ཀོ་བའི་ཤ་གཅོད་བྱེད་གྲི། |
| མཉེད་མ |
མཉེས་ནས་ལས་སྣོན་བྱས་ཡོད་པའི་ཀོ་པགས་པ་ཀྱི་མིང་སྟེ། (དཔེར་ན།) པགས་པ་མཉེད་མ། ཀོ་བ་མཉེད་མ་ཞེས་པ་ལྟ་བུ། |
| མཉེན |
(རྒྱན་ཚིག) སྲ་མོ་དང་གྱོང་བོ་མ་ཡིན་པ་སྟེ། (དཔེར་ན།) པགས་པ་མཉེན་མོ། གདན་འཇམ་ཞིང་མཉེན་པ། ཤིང་མཉེན་མོ། ལུས་མཉེན་མོ་སྤྲེའུ་ལྟ་བུ། གླ་ལྤགས་མཉེན་མོ་ཞེས་པ་ལྟ་བུ། |
| མཉེན་པོ |
མཉེན་པ་དང་འདྲ། |
| མཉེན་འབོལ |
རེག་བྱ་འཇམ་པོའི་འབོལ་གདན། |
| མཉེན་ལྕུག |
གྱོང་པོ་མིན་པར་ལྡེམ་ཞིང་ཕྲ་བ། (དཔེར་ན།) ལྕང་མའི་ཡལ་ག་མཉེན་ལྕུག་དང་ལྡན་པ་ཞེས་པ་ལྟ་བུ། |
| མཉེན་ཤིང |
ཤིང་རྒྱུ་མཉེན་པོ། |
| མཉེན་ཤོག |
ཤོག་བུ་འཇམ་མཉེན། |
| མཉེལ |
(བྱེད་མེད་ལས་ཚིག) ངལ་བའི་ཞེ་ས་སྟེ། (དཔེར་ན།) སྐུ་མཉེལ་བ་མ་བྱུང་ངམ་ལྟ་བུ། |
| མཉེས |
1.ཉེད་ཀྱི་འདས་པ་དང་སྐུལ་ཚིག་སྟེ། (དཔེར་ན།) ཀོ་བ་མཉེས་ནས་འབྲེང་བ་དྲས། པགས་པ་མཉེས་ཤིག་ལྟ་བུ། སྐུལ་ཚིག་ལ་ཉེས་འབྲི་བའང་ཡོད། 2.(བྱེད་མེད་ལས་ཚིག) དགའ་བའི་ཞེ་ས་སྟེ། (དཔེར་ན།) ཐུགས་མཉེས། ཐུགས་མཉེས་པའི་ངང་ནས་ཞལ་བརྡ་གནང་ལྟ་བུ། |
| མཉེས་གཤིན |
སེམས་རྒྱུད་ཞི་ཞིང༌། ཀུན་ལ་བྱམས་པའམ། མཛའ་བའི་དོན་ཏེ། (དཔེར་ན།) ཨ་མ་དམ་པའི་མཉེས་གཤིན་གྱི་རྣམ་པ་ཡིད་ལ་དྲན་པ། མི་དེ་གྲོགས་པོ་ལ་མཉེས་གཤིན་གྱི་འདུ་ཤེས་ལྡན་པ་ཞིག་རེད་ཅེས་པ་ལྟ་བུ། |
| མཉེས་ཐང |
ས་མིང་ཞིག་སྙེ་ཐང་ཡང་ཟེར། ཆུ་ཤུར་རྫོང་ཁོངས་ཀྱི་ཡུལ་ཞིག |
| མཉེས་དག |
མཆོད་ཆང་གཙང་དག་མཆོད་པ། |
| མཉེས་པོ |
དགའ་པོའི་ཞེ་ས་སྟེ། (དཔེར་ན།) དཔེ་ཆ་བཀླག་པར་ཧ་ཅང་མཉེས་པོ་གནང་གི་འདུག་ཅེས་པ་ལྟ་བུ། |
| མཉེས་ཚོར |
དགའ་ཚོར་གྱི་དོན་ཏེ། (དཔེར་ན།) རྒྱལ་ཁ་ཐོབ་པའི་འཕྲིན་བཟང་གསན་ནས་མཉེས་ཚོར་ཆེན་པོ་གནང་གི་འདུག་ཅེས་པ་ལྟ་བུ། |
| མཉྫི་ར |
(ལེགས་སྦྱར།) གཡས་འཁྱིལ་ཏེ་རྡོ་སྨན་གྱི་རིགས་ཤིག་ཞུ་རྗེས་བསིལ། ནུས་པས་རུས་ཆག་སྦྱོར། རུས་པའི་ཚད་པ་སེལ། |
| མཉྫུ |
མན་ཇུ་ཡང་ཟེར། རྒྱ་ནག་བྱང་ཤར་ས་ཁུལ་གྱི་མི་རིགས་ཤིག |
| མཉྫུ་གོང་མ |
ཆིང་རྒྱལ་རབས་ཀྱི་གོང་མ། |
| མཉྫུགྷོཥཱ |
(ལེགས་སྦྱར།) འཇམ་པའི་དབྱངས། |
| མཉྫུཤྲཱིཿ |
(ལེགས་སྦྱར།) འཇམ་དཔལ། |
| མཎྜལ |
(ལེགས་སྦྱར།) 1>མཆོད་རྫས་ཀྱི་བྱེ་བྲག་ཅིག 2>དཀྱིལ་འཁོར། |
| མཎྜལ་བཞི |
ཕྱི་དང༌། ནང་དང༌། གསང་བ་དང༌། དེ་ཁོ་ན་ཉིད་ཀྱི་མཎྜལ་ཏེ་བཞི། |
| མཎྜལ་སྒང |
མཚོ་སྣ་རྫོང་འོག་མོན་ཡུལ་རྟ་དབང་དགོན་པ་ཆགས་སའི་མིང་རྙིང་ཞིག སྔར་ཡུལ་དེའི་འདབས་ནགས་ཁྲོད་ཅིག་ཏུ་སྐྱེས་ནས་བྱུང་བའི་མཁའ་འགྲོ་མ་འགྲོ་བ་བཟང་མོ་གནས་པའི་ཡུལ་གྲོང་གི་ལྟེ་བ་ཡིན་པར་གྲགས། |
| མཐང |
ལུས་སྨད་ཀྱི་བརྡ་རྙིང་། |
| མཐང་ག |
1.སྨད་ཆ། 2.བུད་མེད་ཀྱི་སྟ་ཟུར་མདུན་ངོས་དང་སྐེད་པའི་འོག་ཆ། |
| མཐང་གོས |
འཚོ་བའི་ཡོ་བྱད་བཅུ་གསུམ་གྱི་ནང་གསེས། ཆོས་གོས་རྣམ་གསུམ་གྱི་ཡ་གྱལ་སྣམ་ཕྲན་ལྔ་དང་གླེགས་བུ་ཕྱེད་དང་གཉིས་པ། ཚད་ཞེང་དུ་ཁྲུ་དོ་དང་སྲིད་དུ་ཁྲུ་ལྔའམ་བཞི། ཐ་མ་ལྟེ་བ་མན་ཆད་པུས་མོ་ཡན་ཆད་དེ་འཁོར་གསུམ་ཁེབས་པའི་ཚད་ཀྱང་རུང་ལ། ལུས་སྦོམ་པས་མི་ཡོགས་ན་རལ་ཁ་དཔུང་ཆད་བསྣན་ཀྱང་རུང་བའི་སྨད་གོས་ཤིག་བོད་དུ་ཡོངས་གྲགས་སུ་ཤམ་ཐབས་ཞེས་པར་གྲགས། ལུས་སྨད་དུ་གྱོན་རྒྱུའི་ལྭ་བའི་མིང་། |
| མཐང་ཤམ |
སྨད་ཤམ་མམ། ཤམ་ཐབས། |
| མཐང་སྤྲད་པ |
འཁྲིག་པ་སྤྱད་པ། |
| མཐང་སྦྱར་བ |
མཐང་སྤྲད་པ་དང་དོན་གཅིག |
| མཐའ |
1.ཟད་པའི་མུ་དང༌། མཚམས་སམ། སྣེ་སྟེ། (དཔེར་ན།) གངས་རི་ཆེན་པོས་ཡུལ་ལུང་འདིའི་མཐའ་ནས་བསྐོར་བ། གཞོང་དབྱིབས་ཅན་གྱི་ས་བབ་མཐའ་མཐོ་ལ་དབུས་དམའ་བ། གཙོ་བོའི་མཐའ་ལ་བསྐོར་ནས་བསྡད་པ། དམག་གིས་མཐའ་བསྐོར་ཞེས་པ་ལྟ་བུ། 2.ཡི་གེའི་མཐའ་རྟེན་གྱི་དོན་ཏེ། (དཔེར་ན།) ག་མཐའ་ཅན། འ་མཐའ་ཅན་ཞེས་པ་ལྟ་བུ།3.མཇུག་རྫོགས་པའི་མཚམས་ཀྱི་མིང་སྟེ། (དཔེར་ན།) ཚེ་མཐའ། དུས་མཐའ་ཞེས་པ་ལྟ་བུ།4.མཐའ་མ་ཞེས་པའི་ཚིག་བསྡུས་པ། |
| མཐའ་ཀླས |
མཐའ་མེད་པའི་དོན་ཏེ། (དཔེར་ན།) འཇིག་རྟེན་གྱི་ཁམས་མཐའ་ཀླས་པ་ཞེས་པ་ལྟ་བུ། |
| མཐའ་ཀླས་པ |
གྲངས་ཀྱི་ཚད་གཟུང་དུ་མེད་པའམ། འབྱམས་ཀླས་པའི་དོན་ཏེ། (དཔེར་ན།) ནམ་མཁའ་མཐའ་ཀླས་པ་ལྟ་བུ། |
| མཐའ་གཅིག |
1.ཕྱོགས་གཅིག་ཏུ་ངེས་པའམ་ཡོངས་སུ་གཏན་ཁེལ་བའི་དོན་ཏེ། (དཔེར་ན།) བཤད་སྲོལ་དེ་བཞིན་ཡང་དག་ཡིན་མིན་ད་ལྟ་ཉིད་ནས་མཐའ་གཅིག་ཏུ་དབྱེ་འབྱེད་བྱ་མི་རུང༌། རང་ལུགས་མཐའ་གཅིག་ཏུ་འཛིན་པ། ཆུད་ཟོས་སུ་གཏོང་བར་མཐའ་གཅིག་ཏུ་ངོ་རྒོལ་བྱེད་ཅེས་པ་ལྟ་བུ།2.ཕྱོགས་གཅིག་ཤོས། |
| མཐའ་གཅིག་ཏུ |
ཐེ་ཚོམ་མེད་པའི་དོན་ཏེ། (དཔེར་ན།) མཐའ་གཅིག་ཏུ་བདེན་པར་ཐག་བཅད་ལྟ་བུ། |
| མཐའ་རྡུལ |
གྲངས་གནས་ཤིག |
| མཐའ་རྩ་བ |
འགྲོ་མགོན་ཕག་མོ་གྲུ་པའི་མཚན་གཞན་ཞིག |
| མཐའ་ལ་རེག་པ |
ཕུགས་ལ་ཐུག་པ་སྟེ། (དཔེར་ན།) བརྟག་དཔྱད་ཞིབ་མོར་བྱས་ནས་དོན་སྙིང་གི་མཐའ་ལ་རེག་པ་ལྟ་བུ། |
| མཐའ་ལས་འདས་པ |
མུ་མེད་པའམ། མཐའ་མེད་པ། |
| མཐའ་ལས་འདས་པ་སྟོང་པ་ཉིད |
ཡོད་མེད་གང་དུ་བཟུང་ན་མི་མཐུན་ཕྱོགས་ཀྱི་གཡང་དུ་ལྷུང་བའི་རྟག་མཐའ་དང་ཆད་མཐའ་ལས་འདས་པའི་ཆོས་ཉིད་དེ། སྟོང་ཉིད་བཅུ་དྲུག་གི་ཡ་གྱལ་ཞིག |
| མཐའ་ལྕགས |
(ཡུལ་སྐད།) 1>པར་ཤིང་གི་མཐའ་སྐོར་རི་མོ། 2>གོས་སོགས་ཀྱི་མཐའ་འགྲིལ་ཏེ། (དཔེར་ན།) གོས་ལ་མཐའ་ལྕགས་བཏང་ལྟ་བུ། |
| མཐའ་ལྟག |
མཐའ་མ་གང་ཡིན་གྱི་ལྟག་མ་སྟེ་དེའི་གོང་མ། |
| མཐའ་སོ |
འགྲམ་སོའི་མཐའ་མ། |
| མཐའ་སྐུད |
གྱོན་པ་དང་ཐང་ག་སོགས་ཀྱི་གོང་གཤམ་མཐར་བཏང་བའི་སྐུད་པ། |
| མཐའ་སྐོར |
ཉེ་འདབས་ཀྱི་འཁོར་ཡུག་གི་མིང་། (དཔེར་ན།) སྡེ་བའི་མཐའ་སྐོར་ལ་སྡོང་བོ་འཛུགས་དགོས་ཞེས་པ་ལྟ་བུ། |
| མཐའ་སྐྱེལ་བ |
ལས་ཀ་བྱེད་འཕྲོ་མ་བཞག་པར་མཇུག་སྐྱེལ་བ། |
| མཐའ་སྐྲོད |
ཐག་རིང་དུ་སྤྱུགས་པའི་དོན་ཏེ། (དཔེར་ན།) བཙན་འཛུལ་བྱེད་མཁན་གང་ནས་འོང་ས་དེ་ཉིད་མཐའ་སྐྲོད་གཏོང་ལྟ་བུ། |
| མཐའ་སྒྲིལ་བ |
མཐའ་འཇགས་སམ། མཐའ་ནས་བསྒྲིལ་ཏེ་འཚེམ་པ་སྟེ། (དཔེར་ན།) གྱོན་ཆས་ཀྱི་མཐའ་སྒྲིལ་བ་ལྟ་བུ། |
| མཐའ་སྡོམ |
ཊམཇུག་སྡོམ་མམ། མཇུག་སྡུད་པའི་དོན་ཏེ། (དཔེར་ན།) ཉམས་མྱོང་རྣམས་མཐའ་སྡོམ་བྱེད་པ་ལྟ་བུ། |
| མཐའ་སྣང |
གྲངས་གནས་ཤིག |
| མཐའ་སྣང་ཆེན་པོ |
གྲངས་གནས་ཤིག |
| མཐའ་སྣེ |
ཟུར་མཐའ་འམ། སྣེ་མོ། |
| མཐའ་སྲུང |
རྒྱལ་ཁབ་ཀྱི་མཐའ་མཚམས་སྲུང་དམག |
| མཐའི་རྒྱལ་ཁམས |
1.མཐའ་སྐོར་གྱི་ཡུལ། 2.མཐའ་སྐོར་གྱི་རྒྱལ་ཁབ། |
| མཐའི་སོ་ཁ་སྲུང་བ |
ས་མཚམས་སྲུང་འཛིན་བྱེད་པ། |
| མཐར |
1.མཐའ་རུ་ཞེས་པའི་རུ་ཡིག་བསྡུས་པ། 2.མཐའ་མཇུག་གི་དོན་ཏེ། (དཔེར་ན།) བཟང་བའི་མཐར་ཐུག མཁས་པའི་མཐར་ཐུག་ཅེས་པ་ལྟ་བུ།3.རྗེས་ཀྱི་དོན་ཏེ། (དཔེར་ན།) དགེ་རྒན་སློབ་ཁང་ནས་སོང་མཐར་སློབ་མ་འགྲོ། སྨན་འཐུངས་མཐར་ཆུ་ཁོལ་འཐུང་ལྟ་བུ། |
| མཐར་གཏུགས |
ཕ་རོལ་ཚུ་རོལ་གྱི་བར་མཚམས་དང་ཟད་མཚམས་ལ་གཏུགས་པ་སྟེ། (དཔེར་ན།) མཐར་གཏུགས་ནས་བཤད་ན་ཞེས་པ་ལྟ་བུ། |
| མཐར་གཏུགས་ན |
ཁུངས་དག་པོ་ཞིག་གིས་བདེན་དཔང་བྱས་ན་ཞེས་པའི་དོན་ཏེ། (དཔེར་ན།) མཐར་གཏུགས་ན་བདེན་ནམ་རྫུན་ཞེས་པ་ལྟ་བུ། |
| མཐར་གནས་བཞི |
ལེགས་སྦྱར་སྐད་ཀྱི་གསལ་བྱེད་ཡ་ར་ལ་ཝ་སྟེ་བཞི། |
| མཐར་གནས་སྙོམས་འཇུག་དགུ |
མཐར་གྱིས་གནས་པའི་སྙོམས་པར་འཇུག་པ་དགུའི་བསྡུས་མིང༌། |
| མཐར་གྱིས |
(བསྣན་ཚིག) སྔ་ཕྱིའི་གོ་རིམ་མ་ནོར་བའི་དོན་ཏེ། (དཔེར་ན།) རྩིས་རིག་གི་ཤེས་བྱ་རྣམས་མཐར་གྱིས་སྦྱང་བ་བྱེད་པ་མ་གཏོགས་ཅིག་ཅར་དུ་ཤེས་ཐུབ་པ་ག་ལ་སྲིད་ལྟ་བུ། |
| མཐར་གྱིས་གནས་པའི་སྙོམས་པར་འཇུག་པ་དགུ |
བསམ་གཏན་དང་པོ་ནས་འགོག་པའི་བར་གོ་རིམ་མཐར་ཆགས་སུ་གནས་པའི་བསམ་གཏན་བཞི་དང༌། སྙོམས་འཇུག་བཞི་དང༌། འགོག་པའི་སྙོམས་འཇུག་སྟེ་དགུའོ། ། |
| མཐར་གྱིས་གནས་པའི་སྙོམས་འཇུག |
བསམ་གཏན་བཞི་དང་གཟུགས་མེ་བཞི་སོགས་ཀྱི་གནས་རེ་རེ་ནས་རིམ་པ་མཐར་ཆགས་སུ་བགྲོད་དེ་རང་ལམ་གྱི་མཉམ་བཞག་ལ་སྙོམས་པར་འཇུག་པ། |
| མཐར་གྱིས་པའི་སྦྱོར་བ |
མཁྱེན་གསུམ་གྱི་རྟོགས་པ་ལ་བརྟན་པ་ཐོབ་དོན་དུ་མཁྱེན་གསུམ་གྱི་རྣམ་པ་ཐམས་ཅད་རིམ་གྱིས་རྟ་རྒྱུག་པ་ལྟར་དཀྱུས་ཐོགས་གཅིག་ལ་གོ་རིམ་ངེས་ཅན་དུ་སྒོམ་པའི་སེམས་དཔའི་རྣལ་འབྱོར་ཤེར་ཕྱིན་དངོས་པོ་བརྒྱད་ཀྱི་ཡ་གྱལ་ཞིག |
| མཐར་གྱིས་བཞག་པ |
1.རིམ་གྱིས་བཞག་པའམ། གྲལ་བསྒྲིགས་པ། 2.(བརྡ་རྙིང་།) འཇུར་མདུད་མེད་པ། |
| མཐར་གྱིས་སྦྱོར་བའི་ཆོས་བཅུ་གསུམ |
ཤེར་ཕྱིན་དོན་བདུན་ཅུ་ལས་སྦྱོར་བ་བཞིའི་ཆོས་སོ་དྲུག་གི་ནང་ཚན་མཐར་གྱིས་སྦྱོར་བ་མཚོན་བྱེད་ཀྱི་ཆོས་བཅུ་གསུམ་ནི། ཕ་རོལ་ཏུ་ཕྱིན་པའི་མཐར་གྱིས་སྦྱོར་བ་དྲུག་དང༌། རྗེས་སུ་དྲན་པའི་མཐར་གྱིས་སྦྱོར་བ་དྲུག་དང༌། དངོས་མེད་ངོ་བོ་ཉིད་དུ་ཤེས་པའི་མཐར་གྱིས་སྦྱོར་བ་བཅས་བཅུ་གསུམ་མོ། ། |
| མཐར་གྱིས་སློང་བའི་བསོད་སྙོམས་པ |
གྲོང་མཐར་ཆགས་སུ་སློང་བའི་དགེ་སློང་ལྟ་བུའོ། ། |
| མཐར་གྱུར |
(མངོན་བརྗོད།) རོ། |
| མཐར་གྱུར་པ |
མཐར་ཕྱིན་པ་སྟེ། (དཔེར་ན།) རྒྱལ་ཁ་མཐར་གྱུར་པ་ཞེས་པ་ལྟ་བུ། |
| མཐར་ཆགས |
གོ་རིམ་བཞིན་ནམ། རིམ་པ་བཞིན་གྱི་དོན་ཏེ། (དཔེར་ན།) སྐད་ཆ་མཐར་ཆགས་ཀྱིས་བཤད་དགོས་པ་དང༌། ལས་དོན་མཐར་ཆགས་ཀྱིས་བྱེད་དགོས་པ། གཅིག་རྗེས་གཉིས་མཐུད་ཀྱིས་མཐར་ཆགས་སུ་རྒྱུ་བ་ལྟ་བུ། |
| མཐར་ཐུག |
ཕུགས་དང༌། ཟད་མཚམས་ལ་སླེབས་པའམ་སོན་པའི་དོན་ཏེ། (དཔེར་ན།) ལེགས་གྲུབ་མཐར་ཐུག་བར། མ་རབས་ཀྱི་མཐར་ཐུག་པ། མཐར་ཐུག་རྒྱལ་ཁ། མཐར་ཐུག་དམིགས་ཡུལ་ཞེས་པ་ལྟ་བུ། |
| མཐར་ཐུག་གི་སྒྱུ་ལུས |
འོད་གསལ་ལྷན་ཅིག་སྐྱེས་པའི་ཡེ་ཤེས་ཀྱིས་ལས་ཉོན་རྩ་བ་ནས་སྦྱངས་ཏེ་མཐར་ཐུག་རྣམ་དག་སྒྱུ་མའི་ལྷ་སྐུ་ལོངས་སྤྱོད་རྫོགས་པའི་རྣམ་པ་ཅན་མི་སློབ་པའི་ཟུང་འཇུག་འབྲས་བུའི་ཚུལ་དུ་འགྲུབ་པར་འགྱུར་བའོ། ། |
| མཐར་ཐུག་པའི་མངོན་རྟོགས |
མཐར་ཐུག་པའི་ལམ་སྟེ་ཐམས་ཅད་མཁྱེན་པའི་ཡེ་ཤེས། |
| མཐར་ཐུག་པའི་ཤེས་པ |
ཐམས་ཅད་མཁྱེན་པའི་ཡེ་ཤེས། |
| མཐར་ཐུག་བསྡོམས་དོན |
ཕུགས་ཀྱི་གནད་འགག་གཅིག་ཏུ་བསྡོམས་པའི་དོན། |
| མཐར་ཐུག་འབྲས་བུའི་ཁྱད་ཆོས་གསུམ |
ངོ་བོ་ཀ་ནས་དག་པ་རིག་སྟོང་དབྱེར་མེད་དང༌། རང་བཞིན་ལྷུན་གྱིས་གྲུབ་པ་གསལ་སྟོང་དབྱེར་མེད། ཐུགས་རྗེ་ཀུན་ལ་ཁྱབ་པ་སྣང་སྟོང་དབྱེར་མེད་དེ་གསུམ། |
| མཐར་ཐོ |
བརྡུང་བྱའི་དངོས་སྤྱད་ཁོད་སྙོམས་ཞུན་མཐར་འདོན་བྱེད་ཀྱི་ཡོ་བྱད་ཅིག |
| མཐར་ཕྱིན |
1.ཤེས་ཡོན་གྱི་ཚད་གཏན་ཁེལ་བྱས་པའི་ཚད་ལ་བསླེབས་པ་སྟེ། (དཔེར་ན།) སློབ་ཆུང་མཐར་ཕྱིན། སློབ་གྲྭ་ཆེན་མོ་མཐར་ཕྱིན་པའི་སློབ་མ་ཞེས་པ་ལྟ་བུ། 2.མཐའ་ལ་ཐུག་པའི་དོན་ཏེ། (དཔེར་ན།) ཚེ་ལོ་མཐར་ཕྱིན་པ་ཞེས་པ་ལྟ་བུ། |
| མཐར་ཕྱིན་པ |
ཕ་རོལ་ཏུ་ཕྱིན་པའི་དོན་ཏེ། (དཔེར་ན།) ཡོན་ཏན་མཐར་ཕྱིན་པ་སློབ་དགོས། གནས་ཚུལ་མཐར་ཕྱིན་པར་རྟོགས་པ། མི་ཚེ་མཐར་ཕྱིན་པ། ལེགས་བཅོས་མཐར་མ་ཕྱིན་པ། མཐར་ཕྱིན་པའི་ཕྲ་བ་ཞེས་པ་ལྟ་བུ། |
| མཐར་ཕྱིན་པའི་བྱང་ཆུབ་སེམས་དཔའ |
ས་བཅུའི་རྒྱུན་མཐར་གནས་པའི་བྱང་སེམས། |
| མཐར་ཕྱིན་པའི་ལམ |
སངས་རྒྱས་འཕགས་པའི་རྒྱུད་ཀྱི་མཁྱེན་པ། |
| མཐར་བྱེད |
1.གསོད་པ། 2.(མངོན་བརྗོད།) གཤིན་རྗེ། |
| མཐར་མ་ཐུག་པའི་ཤེས་པ |
བྱང་སེམས་འཕགས་པའི་རྒྱུད་ཀྱི་ཤེས་པ། |
| མཐར་ཟད་ཀྱི་ཡི་གེ |
ལེགས་སྦྱར་སྐད་ཀྱི་གསལ་བྱེད། ཀྵ |
| མཐར་འབྱོལ |
མཐའ་ལ་བྲོས་པའི་དོན་ཏེ། (དཔེར་ན།) གཡུལ་སའི་མཐར་འབྱོལ་བ་ལྟ་བུ། |
| མཐར་འཛིན་པའི་ལྟ་བ |
བདག་གམ་ཕུང་པོ་ལྔ་ལ་རྟག་པ་དང་ཆད་པར་འཛིན་པ་འདི་དབུ་མའི་ལམ་གྱིས་ངེས་པར་འབྱུང་བ་ལ་བར་དུ་གཅོད་པའི་ལས་ཅན་ནོ། ། |
| མཐར་ལྟ |
མཐར་འཛིན་པའི་ལྟ་བ་འཇིག་ལྟའི་ཡུལ་གྱི་བདག་ལ་དམིགས་ནས་རྟག་པ་ཐེར་ཟུག་པའམ་ཕྱི་མར་ཉིང་མཚམས་སྦྱོར་བ་མེད་པའི་ཆད་པར་ལྟ་བའི་རྣམ་པ་ཅན། བྱེད་ལས་དབུ་མའི་ལམ་གྱི་ངེས་པར་འབྱུང་བ་ལ་བར་དུ་གཅོད་པའི་ཤེས་རབ་ཉོན་མོངས་ཅན། |
| མཐར་སོན་པ |
ཕ་རོལ་ཏུ་སླེབས་པ་དང༌། ཟད་མཐར་ཕྱིན་པའི་དོན་ཏེ། (དཔེར་ན།) སྦྱོང་བརྡར་མཐར་སོན་པ་བྱེད་ཅེས་པ་ལྟ་བུ། |
| མཐར་སྤྱུག |
ཐག་རིང་གི་ཕ་མཐའ་ལ་སྐྲོད་པ་སྟེ། (དཔེར་ན།) མི་ངན་རྣམས་ལུང་པའི་མཐར་སྤྱུག་པ་ལྟ་བུ། |
| མཐས་ཀླས་པ |
ཚད་མེད་པ། |
| མཐས་གཏུགས |
ཚད་མཚམས་ཟད་པའི་དོན་ཏེ། (དཔེར་ན།) ནམ་མཁའི་མཐས་གཏུགས་ཞེས་པ་ལྟ་བུ། |
| མཐིང |
རྡོ་ཚོན་སྔོན་པོ་ཞིག མིང་གི་རྣམ་གྲངས་ལ་ཀུ་ཤུའི་ཁམས་དང༌། དུས་ཀྱི་མེ་ཏོག་བྱ་ཁྱུང་རྡོ། མིག་སྨན་སྔོན་པོ། མེ་ཏོག་མིག་སྨན། མེ་ཏོག་ཟེ། གསལ་ལྡན། གསལ་བ་ཅན་བཅས་སོ། ། |
| མཐིང་ཁྲ |
1.གཞི་སྔོན་པོ་ལ་རི་མོ་དཀར་པོ་ཡོད་པའི་དར་རིགས་ཤིག 2.མཐིང་ཁྲའི་གཡབ་དར་གྱིས་གཡོབས་ཤིག 3.དཀར་ཡོལ་ཡུ་རིང་ལ་མཐིང་ཁྲའི་དར་ཁེབས་གཡོགས་ཤིག |
| མཐིང་ག |
གནམ་མདོག་ལྟ་བུའི་མདོག་སྔོན་པོའི་མིང་། |
| མཐིང་གི་ཞལ་བཟང་མ |
ལྷ་མོ་ཚེ་རིང་མཆེད་ལྔའི་ཡ་གྱལ་ཞིག དིང་རི་རྫོང་གི་ལྷོ་ངོས་སུ་ཡོད། |
| མཐིང་ཆེན |
ཚོན་ཆེན་སྔོན་པོ། |
| མཐིང་ནག |
མདོག་སྔོ་ཞིང་ནག་པོ། (དཔེར་ན།) སྐུ་མདོག་མཐིང་ནག་རབ་ཏུ་བརྗིད་ཅེས་པ་ལྟ་བུ། |
| མཐིང་མདོག |
སྔོན་པོའི་མདོག |
| མཐིང་ཞུན |
མཐིང་བཏུལ་བའི་ཁུ་བ། |
| མཐིང་རིལ |
1.རྒྱ་སྐད་དུ་ཧེ་ཨུག་ཟེར་བའི་ཆུ་བྱ་ཞིག་གི་མིང་། 2.མདོ་དབུས་མཐོ་སྒང་གི་ན་ཐང་ན་ཡོད་པའི་བྱིའུ་ཞིག་གི་མིང་། ཡུལ་སྐད་དུ་མཐིང་རིལ་གྱོ་མོ་ཟེར། |
| མཐིང་རིལ་གྱོ་མོ |
(ཡུལ་སྐད།) ཐིང་རིལ། |
| མཐིང་རིལ་མཆུ |
རྨ་གཏིང་ཤིན་ཏུ་རིང་པོར་ལུས་པའི་ཟུག་རྔུ་འདོན་བྱེད་ཀྱི་སྐམ་པ་ཆུ་བྱ་མཐིང་རིལ་གྱི་མཆུ་འདྲ་བ་ཞིག |
| མཐིང་རྒྱུས |
རྡོ་སྨན་གྱི་རིགས་དབྱིབས་རྒྱུས་ཕྲན་གཤིབ་པ་དང་འདྲ་ཞིང་མདོག་མཐིང་ག་ཞིག་རོ་བསྐ། ཞུ་རྗེས་དྲོད། ནུས་པས་ཆུ་རྒྱུས་ཆད་པ་དང༌། ཆུ་རྒྱུས་རེངས་འཁུམས་གྱུར་པ་སོགས་ལ་ཕན། |
| མཐིང་རྡོ |
ཚོན་སྔོན་འབྱུང་སའི་རྡོ། |
| མཐིང་ཤིང |
སྔོ་མདོག་ཏུ་འགྱུར་བའི་ཚོས་ཤིང་ཤིག |
| མཐིང་ཤོག |
ཤོག་བུ་སྔོན་པོ། |
| མཐིང་སྐྱ |
མདོག་སྔོ་སྐྱ། |
| མཐིང་སྔོན |
རྡོ་སྨན་གྱི་རིགས་མདོག་སྔོ་ནག་ཅན་ཞིག་ནུས་པས་མཁལ་མའི་ནད་དང༌། དྲི་ཆུ་སྲི་བ། རྒྱུས་པ་འགྲམས་པ་བཅས་ལ་ཕན། |
| མཐིལ |
1.དབུས་སམ། གཙོ་བོ་སྟེ། (དཔེར་ན།) གྲོང་ཁྱེར་གྱི་མཐིལ། ལས་དོན་གྱི་མཐིལ། ནང་དོན་གྱི་མཐིལ་ཤེས་པ་ལྟ་བུ། 2.འོག་ཞབས་སམ་གཏིང༌། (དཔེར་ན།) རྐང་མཐིལ། ལག་མཐིལ། ལྷམ་མཐིལ། རྒྱ་མཚོའི་མཐིལ། གཙང་པོའི་མཐིལ། དཀར་ཡོལ་གྱི་མཐིལ་ཞེས་པ་ལྟ་བུ། |
| མཐིལ་ཀོ |
ལྷམ་མཐིལ་གྱི་ཀོ་བ། |
| མཐིལ་དྲེག |
སྣོད་མཐིལ་གྱི་དྲེག་པ། |
| མཐིལ་ཕྱིན |
མཐར་ཕྱིན་པ་སྟེ། (དཔེར་ན།) ལག་ལེན་མཐིལ་ཕྱིན་བསྟར་བ། རྩད་གཅོད་མཐིལ་ཕྱིན་པ་བྱེད། སྨན་རིག་མཐིལ་ཕྱིན་པ་རྟོགས་ཞེས་པ་ལྟ་བུ། |
| མཐིལ་བརྟོལ |
1.སྣོད་ཀྱི་ཞབས་བརྟོལ་བ། 2.ཉེས་ཅན་གྱི་མཚང་བརྟོལ་བ་སྟེ། (དཔེར་ན།) ཉེས་སྤྱོད་ཀྱི་མཐིལ་བརྟོལ་བ། རྫུན་གཏམ་མཐིལ་བརྟོལ་ཞེས་པ་ལྟ་བུ། |
| མཐིལ་མཐའ |
སྣོད་དང་ཆུ་བོའི་གཏིང་མཐའ། |
| མཐིལ་མི་རེག་པ |
ཚོད་ལེན་མི་ཐུབ་པའི་གཏིང་རིང་བ་སྟེ། (དཔེར་ན།) བརྩོན་འགྲུས་ལྡན་ན་གཞུང་དོན་གྱི་དགོངས་པའི་མཐིལ་མི་རེག་པ་གང་ཡང་མ་རེད་ཅེས་པ་ལྟ་བུ། |
| མཐིལ་ཞལ |
ཁང་པའི་མཐིལ་གྱི་ཞལ་བ། |
| མཐིལ་ལྷན |
(ཡུལ་སྐད།) ལྷམ་གྱི་རྡོག་པའི་ལྷན་པ། |
| མཐིལ་ལྷམ |
རྐང་པའི་མཐིལ་ཙམ་འཁོར་བའི་ལྷམ་ཞིག |
| མཐིལ་སྟོན་པ |
ཕུགས་དོན་དང༌། སྙིང་པོ་མིག་ལ་སྟོན་པའམ་བཤད་པ་སྟེ། (དཔེར་ན།) ལས་དོན་གང་འདྲ་བྱས་ན་ཕན་ཐོགས་ཆེ་བའི་ཞལ་ཏ་བསླབ་བྱའི་མཐིལ་སྟོན་རོགས་གནང༌ལྟ་བུ། |
| མཐུ |
ནུས་པ་དང་སྟོབས་དང་ཤེད་ཤུགས་རྣམས་ཀྱི་དོན་ཏེ། (དཔེར་ན།) ཞིང་རྨོད་ལོག་རྒྱག་ལེགས་པར་བྱས་པའི་མཐུ་ལ་བརྟེན་ནས། ལོ་ཡག་ཕུན་སུམ་ཚོགས་པ་བྱུང་། སྨན་པས་གསོ་རིག་སྦྱངས་པའི་རིག་པའི་མཐུས། ནད་ཀྱིས་མནར་བའི་མི་རྣམས་ནད་ལས་གྲོལ་ལྟ་བུ། |
| མཐུ་གཏད |
བྱད་མ་མཁན་གྱི་ངན་སྔགས། |
| མཐུ་ཆེན |
1.ནུས་སྟོབས་ཆེན་པོ། 2.སྔགས་ཀྱི་མཐུ་ནུས་ཆེན་པོ། 3.ཁྱབ་འཇུག་གི་མིང༌། |
| མཐུ་ཆེན་ཐོབ |
གསང་བདག་ཕྱག་ན་རྡོ་རྗེ། |
| མཐུ་ཐོབ |
1.ནུས་པ་ཐོབ་པའམ་རྙེད་པ། 2.སངས་རྒྱས་ཤིག་གི་མཚན། |
| མཐུ་དཔལ |
1.ནུས་པ་དང་གཟི་བརྗིད་དམ་མངའ་ཐང༌། 2.སངས་རྒྱས་ཤིག་གི་མཚན། |
| མཐུ་དམ་པ |
ནུས་པ་ཕུལ་དུ་ཕྱིན་པ། |
| མཐུ་པ |
མཐུ་གཏད་རྒྱག་མཁན། |
| མཐུ་ཕུན་ཚོགས་ཀྱི་ཟོལ་བསྟོད |
ཟོལ་བསྟོད་ཀྱི་རྒྱན་གྱི་ནང་གསེས་ཤིག་སྟེ། བསྟོད་ཡུལ་དཔེ་ཅན་ལ་རང་ཉིད་ནུས་མཐུའི་ཁྱད་པར་ལྷག་འདོད་ཀྱི་རྒྱགས་པ་སྟེ་ང་རྒྱལ་མེད་ཀྱང༌། ཡོད་པ་ལྟར་དུ་སྨད་དེ་དོན་དུ་དཔེ་མཐུ་ལྡན་གཞན་ཞིག་བཀོད་ནས་དེ་དང་མཚུངས་པའི་མཐུ་ཕུན་སུམ་ཚོགས་པར་ཟོལ་གྱིས་བསྟོད་པའི་རྒྱན་ཞིག |
| མཐུ་བསྒྲགས |
(མངོན་བརྗོད།) ཉི་མ། |
| མཐུ་བསྡོངས་དཔུང་བསྡོངས |
མཐུ་སྟོབས་དང་དཔུང་ཤུགས་མཉམ་བསྡོངས་བྱེད་པའི་དོན་ཏེ། (དཔེར་ན།) མཐུ་བསྡོངས་དཔུང་བསྡོངས་བྱས་ཏེ་དགྲ་ལ་རྒོལ་བ་ལྟ་བུ། |
| མཐུ་བྱད |
ངན་སྔགས་མཁན་གྱི་མཐུ་དང་བྱད་སྟེམས། |
| མཐུ་བྲི་བ |
ནུས་པ་ཉམས་པ་སྟེ། (དཔེར་ན།) ལོ་རྒས་ནས་ལུས་མཐུ་བྲི་བ་ལྟ་བུ། |
| མཐུ་མེད་པ |
ནུས་པ་མེད་པ་དང༌། ཐབས་མེད་པའི་དོན་ཏེ། (དཔེར་ན།) རང་ལ་འགན་འཁྲི་ཡོད་ཀྱང་སྒྲུབ་པའི་མཐུ་མེད་པ་ཞེས་པ་ལྟ་བུ། |
| མཐུ་མོ་ཆེ |
ནུས་པ་དང་ལྡན་པའི་དོན་ཏེ། (དཔེར་ན།) གན་རྒྱ་མཐུ་མོ་ཆེ་བྲིས་འཇོག་བྱས་པ། དཔུང་སྡེ་མཐུ་མོ་ཆེ། ཡི་དྭགས་མཐུ་མོ་ཆེ་ཞེས་པ་ལྟ་བུ། |
| མཐུ་ཡོད་པ |
ནུས་པ་ཆེན་པོ་ཡོད་པའི་དོན་ཏེ། (དཔེར་ན།) རང་ལ་མཐུ་ཡོད་པས་གཞན་དྲིང་ཁོ་ནར་མི་འཇོག་ཅེས་པ་ལྟ་བུ། |
| མཐུ་རྩལ |
རྩལ་ཁྱད་པར་ཅན་གྱི་མིང་སྟེ། (དཔེར་ན།) མཐུ་རྩལ་ཆེ་བའི་སྔགས་པ། དྲག་ཤུགས་ཀྱི་མཐུ་རྩལ་ཞེས་པ་ལྟ་བུ། |
| མཐུ་ལས་བྱུང་བའི་ཏིང་ངེ་འཛིན |
སངས་རྒྱས་ཀྱི་རྫུ་འཕྲུལ་གྱི་སྟོབས་ལས་བྱུང་བའི་ཏིང་ངེ་འཛིན། |
| མཐུ་ལྡན |
མཐུ་སྟོབས་དང་ལྡན་པ། |
| མཐུ་སྟོབས |
སྟོབས་ཤུགས་ཁྱད་པར་བ་ཞིག་གི་མིང་སྟེ། (དཔེར་ན།) བཟང་དྲུག་སྨན་གྱི་མཐུ་སྟོབས་ནུས་པ་ཡིས། །མི་གཙང་སྙིགས་མའི་གྲིབ་མ་རྡུལ་དུ་བརླགས་ལྟ་བུ། |
| མཐུ་སྟོབས་བདག་པོ |
(མངོན་བརྗོད།) ཕྱག་ན་རྡོ་རྗེ། |
| མཐུག་པ |
མཐུག་པོ་དང་འདྲ། |
| མཐུག་པོ |
(རྒྱན་ཚིག) 1>དངོས་རྫས་ལེབ་མོའི་ངོས་ཤིག་ནས་ངོས་གཞན་ཞིག་གི་བར་གྱི་ཚད་ཆེ་བ་སྟེ། (དཔེར་ན།) ཤིང་ལེབ་མཐུག་པོ། ཀོ་བ་མཐུག་པོ་ཞེས་པ་ལྟ་བུ། 2>བར་མཚམས་ཆུང་བ་སྟེ། (དཔེར་ན།) ས་བོན་མཐུག་འདེབས་ཞེས་པ་ལྟ་བུ། |
| མཐུག་པོའི་སྡེ |
རྒྱ་གར་སྐད་ཀྱི་གསལ་བྱེད་ཡི་གེའི་སྡེ་ཚན་ལས་གྷ་ཛྷ་སོགས་ཀྱི་མིང༌། |
| མཐུག་ཚད |
སྲབ་མཐུག་གི་ཚད། |
| མཐུག་རྔམས |
དཔངས་ཚད་དེ། (དཔེར་ན།) ལྕགས་རི་མཐུག་རྔམས་ཆེན་པོ་ཞེས་པ་ལྟ་བུ། |
| མཐུད |
1.(བྱེད་འབྲེལ་ལས་ཚིག) བར་མཚམས་སྦྲེལ་བའི་དོན་ཏེ། (དཔེར་ན།) ཐག་པ་མཐུད་པའི་མཚམས། སྐད་ཆ་འཕྲོ་མཐུད་ནས་བཤད། ཐག་པ་ཆད་པ་མཐུད་ལྟ་བུ། 2.བར་ཐག་ཉེ་བར་བྱས་པ་སྟེ། (དཔེར་ན།) བྱ་བ་གཅིག་འཕྲོར་གཅིག་མཐུད། སློབ་གྲོགས་རྣམས་གཅིག་འཕྲོར་གཅིག་མཐུད་ནས་བསྒྲིགས་ལྟ་བུ། |
| མཐུད་དམ |
ཤོག་བུ་བྲེགས་ཁ་གཉིས་སྦྱར་བའི་མཐུད་མཚམས་སུ་བརྒྱབ་པའི་ཐེའུ། |
| མཐུད་དམག |
གྲ་བསྒྲིགས་ནས་བཞག་པའི་དམག་གི་དཔུང་རོགས། |
| མཐུད་མ |
1.གྲ་བསྒྲིགས་ནས་བཞག་པའི་དངོས་རིགས། 2.ལྷན་པ་སྟེ། (དཔེར་ན།) གྱོན་པ་རྙིང་པར་མཐུད་མ་ཁག་མང་བརྒྱབ་ཅེས་པ་ལྟ་བུ། |
| མཐུད་མཚམས |
ཕན་ཚུན་མཐུད་པའི་བར་མཚམས་ཏེ། (དཔེར་ན།) ཕན་ཚུན་མཐུད་མཚམས་ཤོར་ཏེ་ཁ་བྲལ་བ་ལྟ་བུ། |
| མཐུན |
1.(བྱེད་མེད་ལས་ཚིག) 1>མཚུངས་པའི་དོན་ཏེ། (དཔེར་ན།) མདོག་མཐུན་པ། རིགས་མཐུན་པ། སྲོག་ཆགས་རིགས་མི་མཐུན་པ། བཤད་ཚུལ་གཞན་དང་མི་མཐུན་པ་ཞེས་པ་ལྟ་བུ། 2>མི་འགལ་བའི་དོན་ཏེ། (དཔེར་ན།) བདེན་དོན་གྱི་གནས་ལུགས་དང་མཐུན་པ། འགྲིག་ལམ་དང་མཐུན་པ། དུས་དང་མཐུན་པ་ཞེས་པ་ལྟ་བུ། 3>འགྲིག་འཆམ་བྱུང་བའི་དོན་ཏེ། (དཔེར་ན།) མཐུན་པའི་གྲོགས་པོ། མི་མཐུན་པའི་དགྲ་བོ། མཐུན་པའི་ཕྱོགས། བྱ་རོག་དང་འུག་པ་ལྟར་མི་མཐུན་པ། གྲོས་མཐུན་པ་ཞེས་པ་ལྟ་བུ། 4>ཕན་པའི་དོན་ཏེ། (དཔེར་ན།) མཐུན་པའི་རླུང་། མཐུན་པའི་རྐྱེན་ཞེས་པ་ལྟ་བུ། 2.(རྒྱན་ཚིག) འགྲིག་པོ་མཐུན་པོའི་དོན་ཏེ། (དཔེར་ན།) འགྲིག་མཐུན། ངེད་གཉིས་སེམས་མཐུན་པོ་བྱུང་ལྟ་བུ། |
| མཐུན་གཟུགས |
བྱད་དབྱིབས་སོགས་གཞི་མཐུན་གྱི་གཟུགས། |
| མཐུན་གྲོགས |
1.བསམ་པ་མཐུན་པའི་གྲོགས་པོ། 2.ཕན་པ་སྒྲུབ་པའི་གྲོགས་པོ། མིང་གི་རྣམ་གྲངས་ལ་དཀར་ཉེ་དང༌། བློ་དཀར་བ། སྙིང་སྡུག་མཛའ་བཤེས་བཅས་སོ། ། |
| མཐུན་གྲོས |
མཐུན་འགྱུར་གྱི་སྐད་ཆའམ། གཅིག་མཐུན་གྱི་གྲོས་མོལ། |
| མཐུན་དཔེ |
རྟགས་གསལ་གྱི་སྦྱོར་བ་འགོད་སྐབས་བསྒྲུབ་བྱ་ངེས་པའི་ཆེད་དུ་བཀོད་པའི་མཚུངས་དཔེའམ་རང་དང་རིགས་མཐུན་གྱི་དཔེ། |
| མཐུན་དཔེ་ཡང་དག |
དཔེ་ཡང་དག་གཉིས་ཀྱི་ཡ་གྱལ། རྟགས་ཆོས་གཉིས་ལྡན་གྱི་ཆོས་མཐུན་སྦྱོར་གྱི་དཔེ་བསྒྲུབ་བྱ་ངེས་པའི་སྔོན་དུ་རྗེས་ཁྱབ་དངོས་སུ་ངེས་པའི་གཞིར་གྱུར་པ། བྱས་རྟགས་ཀྱིས་སྒྲ་མི་རྟག་པར་སྒྲུབ་པའི་མཐུན་དཔེར་བུམ་པ་བཀོད་པ་ལྟ་བུའོ། ། |
| མཐུན་དཔེ་ལྟར་སྣང |
རྟགས་ཆོས་གཉིས་དང་མི་ལྡན་པའམ། བསྒྲུབ་བྱ་ངེས་པའི་སྔོན་དུ་ཁྱབ་པ་ངེས་བྱེད་ཀྱི་གཞིར་མ་གྱུར་པ། བྱས་རྟགས་ཀྱིས་སྒྲ་མི་རྟག་པར་སྒྲུབ་པའི་མཐུན་དཔེར་སྒྲ་བཀོད་པ་ལྟ་བུའོ། ། |
| མཐུན་པ་འབྱེད་པར་བྱེད་པ |
མཛའ་གྲོགས་ཀྱི་བར་དུ་དཀྲུག་ཤིང་རྒྱག་པ། |
| མཐུན་པ་སྤུན་བཞི |
སྔོན་བྱུང་བྱ་གོང་མ་སྲེག་དང༌། རི་བོང༌། སྤྲེའུ། གླང་ཆེན་བཞིས་རྒན་གཞོན་བརྩི་བཀུར་བྱས་པས་དེའི་ཡུལ་དུ་བདེ་སྐྱིད་བྱུང་བའི་ལོ་རྒྱུས་ཀྱི་རི་མོ་ཞིག |
| མཐུན་པའི་གསོ་སྦྱོང |
གསོ་སྦྱོང་དྲུག་གི་ནང་གསེས། ཚེ་འདིའི་ཟག་པ་འགོག་ཅིང་ལྷག་པའི་ཚུལ་ཁྲིམས་དག་པར་བྱ་བའི་ཕྱིར་མཐུན་པའི་གསོ་སྦྱོང་ཞེས་བྱ་དེ་ལའང་ནང་གསེས་སུ་གསོ་སྦྱོང་བཅུ་བཞི་པ་དང༌། བཅོ་ལྔ་པ་དང༌། གནོད་པ་བཟློག་པའི་གསོ་སྦྱོང་དང༌། འཁོན་པ་བསྡུམ་པའི་གསོ་སྦྱོང་དང༌། བཀྲ་ཤིས་པའི་གསོ་སྦྱོང་དང་ལྔ་ཡོད་དོ། ། |
| མཐུན་པའི་ཆོས |
ཕན་ཚུན་འགལ་བ་མེད་པའི་དངོས་པོ། |
| མཐུན་པའི་བུམ་པ |
ཤོག་བུ་སོགས་ལ་མེ་སྦར་ཏེ་བཙུགས་ན་རླུང་ཁྲག་འཐབས་པས་གཟེར་བ་དང༌། ཕྱི་སྐྲན་མཐའ་དག་གཅུར་བྱེད་ཀྱི་ཡོ་བྱད་མེ་བུམ། |
| མཐུན་པའི་བྱེད་རྒྱུ |
རང་འདྲ་སྐྱེད་པར་བྱེད་པའི་རྒྱུ། |
| མཐུན་པའི་ཡོ་བྱད |
འདུལ་བའི་ལུགས་དང་མཐུན་པའི་དགེ་སློང་གི་འཚོ་བའི་ཡོ་བྱད། |
| མཐུན་པའི་རྒྱན |
ཚིག་ཕྲད་ཀྱང་སོགས་ཚིག་དོན་སྔ་ཕྱི་མཐུན་པའི་རྒྱན་ལ་འཇུག་པ། (དཔེར་ན།) ཁོང་གིས་བོད་ཡིག་སྦྱངས་ཀྱང་སྦྱངས་ཡོད་ལ། མཁས་ཀྱང་མཁས་པོ་ཡོད། གློག་ཞུ་བཙུགས་ཀྱང་བཙུགས་ཡོད་ལ། གསལ་ཡང་གསལ་ལོ། ངས་ཁོང་ལ་རོགས་རམ་བྱས་ཀྱང་བྱས་ལ། ཁོང་དགའ་ཡང་དགའ་སོང༌ལྟ་བུ། |
| མཐུན་པའི་རླུང |
འགྲོ་ཕྱོགས་དང་མཐུན་པའི་རླུང༌སྟེ། མིང་གི་རྣམ་གྲངས་ལ་རྗེས་མཐུན་རླུང་དང༌། འདོད་པའི་རླུང༌། བ་དན་དར་གྱི་ཤུགས་འགྲོ་བཅས་སོ། ། |
| མཐུན་པའི་སྨན |
ནད་བབ་དང་མཐུན་པའི་གསོ་བྱེད་ཀྱི་སྨན། |
| མཐུན་པོ |
གཅིག་པ་དང༌། མཚུངས་པའི་དོན་དུ་འཇུག་པའི་མཐུན་པ་དང་འདྲ། |
| མཐུན་ཕྱོགས |
1.སྐལ་པ་གཅིག་པའམ་སྡེ་ཚན་གཅིག་པ། 2.མཛའ་མཐུན་གྱི་གཉེན་གྲོགས། 3.དེ་སྒྲུབ་ཀྱི་བསྒྲུབ་བྱའི་ཆོས་ཀྱིས་མི་སྟོང་པ་བསྒྲུབ་བྱའི་ཆོས་དང༌། རྗེས་སུ་མཐུན་པའམ་ལྡན་པ་རྗེས་འགྲོའི་ཚུལ། |
| མཐུན་ཕྱོགས་ལ་ཁྱབ་བྱེད་མི་མཐུན་ཕྱོགས་ལ་རྣམ་གཉིས་སུ་འཇུག་པ |
ཕྱོགས་ཆོས་གཏན་ཚིགས་དགུ་ལས་དངོས་ཀྱི་མ་ངེས་པའི་རྟགས་བཞིའི་ཡ་གྱལ། རྟགས་དེ་གསལ་བ་དེའི་མཐུན་ཕྱོགས་ལ་ཁྱབ་ཅིང་མི་མཐུན་ཕྱོགས་ལ་ཁྱབ་མ་ཁྱབ་གཉིས་ཀའི་ཆ་ཡོད་པ། དཔེར་ན། སྒྲ་ཆོས་ཅན། རྩོལ་བྱུང་ཡིན་ཏེ། མི་རྟག་པའི་ཕྱིར། དཔེ་རྔ་སྒྲ་དང༌། གློག་དང་ནམ་མཁའ་བཞིན། ཞེས་པ་ལྟ་བུ། མི་རྟག་པ་དེ་སྒྲ་རྩོལ་བྱུང་དུ་སྒྲུབ་པའི་མཐུན་ཕྱོགས་ལ་ཁྱབ་བྱེད་དུ་འཇུག་ཅིང༌། མི་མཐུན་ཕྱོགས་ལ་རྣམ་གཉིས་སུ་འཇུག་པ་རྩོལ་བྱུང་ལ་མི་རྟག་པས་ཁྱབ། རྩོལ་བྱུང་མ་ཡིན་པ་ལ་རྟག་མི་རྟག་གཉིས་ཀ་ཡོད་པའོ། ། |
| མཐུན་ཕྱོགས་ལ་གཏན་མེད་མི་མཐུན་ཕྱོགས་ལ་ཁྱབ་བྱེད་དུ་འཇུག་པ |
ཕྱོགས་ཆོས་གཏན་ཚིགས་དགུ་ལས་འགལ་རྟགས་གཉིས་ཀྱི་ཡ་གྱལ་ཏེ། རྟགས་དེ་གསལ་བ་དེའི་མཐུན་ཕྱོགས་ལ་མེད་ཅིང་མི་མཐུན་ཕྱོགས་ལ་ཁྱབ་པ། དཔེར་ན། སྒྲ་ཆོས་ཅན། རྟག་སྟེ། བྱས་པའི་ཕྱིར། དཔེ་ནམ་མཁའ་དང་བུམ་པ་བཞིན། ཞེས་པ་ལྟ་བུ། བྱས་པ་དེ་སྒྲ་རྟག་པར་སྒྲུབ་པའི་མཐུན་ཕྱོགས་ལ་གཏན་མེད་དང༌། མི་མཐུན་ཕྱོགས་མི་རྟག་པ་ལ་ཁྱབ་པའོ། ། |
| མཐུན་ཕྱོགས་ལ་གཏན་མེད་མི་མཐུན་ཕྱོགས་ལ་རྣམ་གཉིས་སུ་འཇུག་པ |
ཕྱོགས་ཆོས་གཏན་ཚིགས་དགུ་ལས་འགལ་རྟགས་གཉིས་ཀྱི་ཡ་གྱལ། རྟགས་དེ་གསལ་བ་དེའི་མཐུན་ཕྱོགས་ལ་གཏན་ནས་མེད་ཅིང་མི་མཐུན་ཕྱོགས་ལ་ཡོད་མེད་གཉིས་ཀའི་ཆ་དང་ལྡན་པ། དཔེར་ན། དུང་སྒྲ་ཆོས་ཅན། རྟག་སྟེ། རྩོལ་བྱུང་ཡིན་པའི་ཕྱིར། དཔེ་ནམ་མཁའ་དང་བུམ་པ་དང་གློག་བཞིན་ཞེས་པ་ལྟ་བུ། རྩོལ་བྱུང་དེ་དུང་སྒྲ་རྟག་པར་སྒྲུབ་པའི་མཐུན་ཕྱོགས་ལ་གཏན་ནས་མེད་ཅིང༌། མི་མཐུན་ཕྱོགས་མི་རྟག་པ་ལ་རྩོལ་བྱུང་ཡིན་མིན་གྱི་ཆ་གཉིས་ཀ་ཡོད་པའོ། ། |
| མཐུན་ཕྱོགས་ལ་ཡོད་པ |
བསྒྲུབ་བྱའི་ཆོས་ཀྱི་མཐུན་ཕྱོགས་ལ་ཡོད་པ། དཔེར་ན། བྱས་པ་རྟགས་སུ་བཀོད་ནས་མི་རྟག་པར་སྒྲུབ་པའི་ཚེ་བྱས་པ་དེ་མི་རྟག་པའི་མཐུན་ཕྱོགས་ལ་ཡོད་པ་ལྟ་བུ། |
| མཐུན་ཕྱོགས་ལ་ཡོད་པར་ངེས་པ |
བསྒྲུབ་བྱའི་ཆོས་ཀྱི་མཐུན་ཕྱོགས་ལ་ཡོད་པར་ཚད་མས་གྲུབ་པ། |
| མཐུན་བསྒྲིགས |
1.གཉེན་བསྒྲིགས། 2.བར་འདུམ། |
| མཐུན་བྱེད |
ཕྱོགས་གཉིས་མཐུན་པར་བྱེད་པ། |
| མཐུན་མི་མཐུན |
ཕན་ཚུན་བསམ་པ་དང༌། སྤྱོད་པ། སྐད་བརྡ། ཆ་ལུགས་སོགས་རིས་མཐུན་པ་དང༌། མི་མཐུན་པ་གཉིས། |
| མཐུན་མི་མཐུན་ཕྱོགས་གཉིས་ཀ་ལ་གཏན་མེད་དུ་འཇུག་པ |
ཕྱོགས་ཆོས་གཏན་ཚིགས་དགུ་ལས་ཐུན་མོང་མིན་པའི་མ་ངེས་པའི་རྟགས་ཏེ། རྟགས་དེ་གསལ་བ་དེའི་མཐུན་ཕྱོགས་མི་མཐུན་ཕྱོགས་གཉིས་ཀ་ལ་གཏན་ནས་མེད་པ་དཔེར་ན་སྒྲ་ཆོས་ཅན། རྟག་སྟེ། མཉན་བྱ་ཡིན་པའི་ཕྱིར། དཔེ་བུམ་པ་དང་ནམ་མཁའ་བཞིན། ཤེས་པ་ལྟ་བུ། མཉན་བྱ་དེ་སྒྲ་རྟག་པར་སྒྲུབ་པའི་མཐུན་ཕྱོགས་ནམ་མཁའ་ལ་གཏན་ནས་མེད་ཅིང༌། མེ་མཐུན་ཕྱོགས་བུམ་པ་ལའང་གཏན་ནས་མེད་པའོ། ། |
| མཐུན་མི་མཐུན་ཕྱོགས་གཉིས་ཀར་ཁྱབ་བྱེད་དུ་འཇུག་པ |
ཕྱོགས་ཆོས་གཏན་ཚིགས་དགུ་ལས་དངོས་ཀྱི་མ་ངེས་པའི་རྟགས་བཞིའི་ཡ་གྱལ། རྟགས་དེ་གསལ་བ་དེའི་མཐུན་ཕྱོགས་དང་མི་མཐུན་ཕྱོགས་གཉིས་ཀ་ལ་ཁྱབ་པར་ཡོད་པ། དཔེར་ན། སྒྲ་ཆོས་ཅན། རྟག་སྟེ། གཞལ་བྱ་ཡིན་པའི་ཕྱིར། དཔེ་ནམ་མཁའ་དང་བུམ་པ་བཞིན། ཞེས་པ་ལྟ་བུ། གཞལ་བྱ་དེ་གསལ་བ་དེའི་མཐུན་ཕྱོགས་རྟག་པའི་ཕྱོགས་དང༌། མི་མཐུན་ཕྱོགས་མི་རྟག་པ་གཉིས་ཀ་ལ་ཁྱབ་བྱེད་དུ་འཇུག་པ་རྟག་པ་ཡིན་ན་གཞལ་བྱ་ཡིན་པས་ཁྱབ། མི་རྟག་པ་ཡིན་ན་གཞལ་བྱ་ཡིན་པས་ཁྱབ་པའོ། ། |
| མཐུན་མི་མཐུན་ཕྱོགས་གཉིས་ཀར་རྣམ་པ་གཉིས་གཉིས་སུ་འཇུག་པ |
ཕྱོགས་ཆོས་གཏན་ཚིགས་དགུ་ལས་དངོས་ཀྱི་མ་ངེས་པའི་རྟགས་བཞིའི་ཡ་གྱལ། རྟགས་དེ་གསལ་བ་དེའི་མཐུན་ཕྱོགས་ལ་ཁྱབ་མ་ཁྱབ་གཉིས་ཀ་དང༌། མི་མཐུན་ཕྱོགས་ལའང་ཁྱབ་མ་ཁྱབ་གཉིས་ཀའི་ཆ་ཡོད་པ། དཔེར་ན། ཟླ་བ་གཉིས་སྣང་གི་དབང་ཤེས་ཆོས་ཅན། མངོན་སུམ་ཡིན་ཏེ། དབང་ཤེས་ཡིན་པའི་ཕྱིར། ཞེས་པ་ལྟ་བུ། དབང་ཤེས་དེ་ཕྱོགས་གཉིས་ལ་རྣམ་པ་གཉིས་གཉིས་སུ་འཇུག་པ་མཐུན་ཕྱོགས་མངོན་སུམ་ལ་དབང་ཤེས་ཡིན་མིན་གཉིས་ཡོད་ཅིང༌། མི་མཐུན་མངོན་སུམ་མིན་པ་ལའང་དབང་ཤེས་ཡིན་མིན་གཉིས་ཡོད་པའོ། །ཡང་ན་འབྱུང་བཞིའི་རྡུལ་ཕྲན་རྟག་པ་དང་རེག་བྱ་ཅན་གཞི་མཐུན་དུ་འདོད་པའི་ངོར། སྒྲ་རྟག་སྟེ། རེག་བྱ་ཅན་མ་ཡིན་པའི་ཕྱིར། དཔེ་ནམ་མཁའ་དང་རྡུལ་ཕྲན་དང་གློག་དང་བུམ་པ་བཞིན་ཞེས་པ་ལྟ་བུའོ། ། |
| མཐུན་མོང |
ཐུན་མོང་དང་འདྲ། |
| མཐུན་མོང་གན་རྒྱ |
ཕན་ཚུན་མཉམ་འབྲེལ་གྱི་ཆོད་དོན་གན་རྒྱ། |
| མཐུན་ཚོགས |
ཐུན་མོང་གི་ལས་དོན་ཞིག་འཕེལ་རྒྱས་གཏོང་ཆེད་དུ་བཙུགས་པའི་མང་ཚོགས་ཀྱི་ཚོགས་པ་སྟེ། (དཔེར་ན།) ཞིང་པའི་མཐུན་ཚོགས་ཞེས་པ་ལྟ་བུ། |
| མཐུན་ཟླ |
ཡིད་མཐུན་གྱི་རོགས་སམ། ཟླ་བོ། |
| མཐུན་འགྱུར |
1.རོགས་རམ་དང་མཐུན་རྐྱེན་དུ་འགྱུར་བ། 2.གཅིག་མཐུན་དུ་འགྱུར་བ། |
| མཐུན་འགྱུར་ཡི་གེ |
གྲོགས་བྱེད་པའི་ཡི་གེ། |
| མཐུན་འཇུག |
1.གཞན་དང་མཐུན་པོ་བྱེད་འཇུག་པ་སྟེ། (དཔེར་ན།) རྒྱབ་འདྲེ་རྒྱག་མཁན་གཉིས་ཕྱོགས་མཐུན་འཇུག་བྱེད་པ་ལྟ་བུ། 2.གཞན་དང་བསྟུན་པའི་དོན་ཏེ། (དཔེར་ན།) རང་སྣང་གང་དྲན་མིན་པར་གཞན་གྱི་བསམ་བློ་དང་མཐུན་འཇུག་བྱེད་པ། མི་གཞན་ལ་བསྟུན་པའི་མཐུན་འཇུག་ཅན་ཞེས་པ་ལྟ་བུ། |
| མཐུན་འདུམ |
ཕན་ཚུན་མཐུན་པའི་འདུམ་སྒྲིག |
| མཐུན་འབྲེལ |
ཕྱོགས་གཉིས་ཕན་ཚུན་མཛའ་མཐུན་གྱི་འབྲེལ་བ། |
| མཐུན་རྐྱེན |
1.འབྲས་བུ་འབྱུང་བ་དང་རྗེས་སུ་མཐུན་པའི་རྐྱེན་ནམ་རྒྱུ། དཔེར་ན། ནས་མྱུག་སྐྱེ་བའི་མཐུན་རྐྱེན་ཆུ་ལུད་དང༌། འཚོ་བའི་མཐུན་རྐྱེན་ཟས་གོས་ལྟ་བུ། 2.འཚོ་བ་དང་ལས་དོན་གྱི་ཡོ་བྱད་དེ། (དཔེར་ན།) མཐུན་རྐྱེན་སྒྲིག་པ། འཚོ་བ་ཡར་རྒྱས་ཡོང་བའི་མཐུན་རྐྱེན་བྱེད་པ། མཐུན་རྐྱེན་སྨིན་པ། མཐུན་རྐྱེན་མ་འཛོམས་པ་ལྟ་བུ། |
| མཐུན་རྐྱེན་གསོལ་སྐལ |
ཟས་གོས་གནས་མལ་སོགས་ཀྱི་ཆ་རྐྱེན་གསོལ་རས་གནང་བའི་སྐལ་བ། |
| མཐུན་རྐྱེན་ལྔ |
རབ་ཏུ་བྱུང་བ་ལ་མཐུན་རྐྱེན་ལྔ་དང་ལྡན་དགོས་པ་སྟེ། ཡུལ་མཆོག་གསུམ་དང་མཁན་སློབ་བཞུགས་པ་དང༌། རྒྱུད་ཚོགས་སུ་མ་ཚང་ཞིང་སྡོམ་རོ་མེད་པ་དང༌། ཚིགས་སྔ་མ་སྔོན་དུ་སོང་བ། རྟགས་སྐྲ་དང་ཁ་སྤུ་བྲེགས་ཤིང་ཡོ་བྱད་ཚང་བ། བསམ་པ་རྒྱུ་དུས་ཀྱི་ཀུན་སློང་དང་ལྡན་ཞིང་ངེས་འབྱུང་གི་བསམ་པས་ཟིན་པ། ཆོ་ག་སྦྱོར་དངོས་མཇུག་གསུམ་ཚང་བ་བཅས་ལྔའོ། ། |
| མཐུན་ལམ |
ཕན་ཚུན་མཐུན་པའི་འབྲེལ་ལམ་ཏེ། (དཔེར་ན།) མི་རིགས་ཕན་ཚུན་དབར་གྱི་མཐུན་ལམ་ཞེས་པ་ལྟ་བུ། |
| མཐུན་སྒྲིལ |
ཐུན་མོང་གི་ཕུགས་རེའམ་ལས་འགན་ལེགས་འགྲུབ་བྱེད་ཆེད་ནུས་ཤུགས་གཅིག་སྡུད་ཀྱིས་མཉམ་དུ་སྒྲིལ་བ། |
| མཐུན་སྡེབ |
བསམ་བློ་མཐུན་ཞིང་མཉམ་དུ་འགྲོགས་པ། |
| མཐུན་སྦྱོར |
གཞན་ལ་འགྲིག་ཐབས་མཐུན་ཐབས་བྱེད་པའི་བྱ་སྤྱོད་ཀྱི་མིང་སྟེ། (དཔེར་ན།) བཤད་ཚུལ་ནོར་བ་ལ་མཐུན་སྦྱོར་མ་བྱེད། དགྲ་ལ་མཐུན་སྦྱོར་མི་བྱེད་ལྟ་བུ། |
| མཐུར |
རྟ་བོང་སོགས་ཀྱི་མགོར་བསྐོན་ནས་འདོགས་བྱེད་དམ་འཁྲིད་བྱེད་ཀྱི་ཡོ་བྱད་ཀྱི་མིང་། (དཔེར་ན།) རྟ་མཐུར། བོང་མཐུར། མཐུར་མགོ། མཐུར་ལུང་ཞེས་པ་ལྟ་བུ། |
| མཐུར་ཐག |
རྟ་དྲེལ་གྱི་མཐུར་འགོར་བཏགས་པའི་ཐག་པ། |
| མཐུར་ཐིག |
རྟ་དྲེལ་གྱི་མཐུར་འགོར་བཏགས་པའི་ཐག་པ། |
| མཐུར་མདའ |
རྟ་བོང་འདོགས་བྱེད་དམ་འཁྲིད་བྱེད་ཀྱི་ཐག་པའི་མིང་། |
| མཐུར་འགོ |
སྲབ་ལས་གཞན་པའི་རྒྱུན་དུ་མགོ་ལ་བསྐོན་རྒྱུ་ཞིག |
| མཐུར་འགོ་སྣ་ཐག |
རྟ་དྲེལ་ལ་གྱོག་རྒྱུའི་མཐུར་འགོ་དང༌། མཛོ་གཡག་ལ་གྱོག་རྒྱུའི་སྣ་ཐག |
| མཐུས་འཕྲོག |
བཙན་དབང་གིས་གཞན་ནོར་འཕྲོག་པ། རྒྱུ་ནོར་མཐུས་འཕྲོག |
| མཐུས་རྐུ |
སྟོབས་ཤུགས་ཀྱིས་གཞན་ནོར་རྐུ་བ་སྟེ། (དཔེར་ན།) བཙན་དབང་གིས་འཕྲོག་པ་དང༌། གཡོ་ཐབས་ཀྱི་མཐུས་རྐུ་བ་གཉིས་གང་བྱས་ཀྱང་ཉེས་ཚབས་ཁྱད་མེད་ཅེས་པ་ལྟ་བུ། |
| མཐེ་བོ |
ལག་པ་དང་རྐང་བའི་མཛུབ་མོ་དང་པོའི་མིང་། འདི་ལ་མཐེ་བོང་ཡང་ཟེར། |
| མཐེ་བོང |
སོར་མོ་སྦོམ་ཤོས། མིང་གི་རྣམ་གྲངས་ནི་སོར་མོའི་ཐུ་བོའོ། ། |
| མཐེ་བོའི་ལྟོ་གང |
མཐེ་བོང་གི་དཔངས་ཞེང་གི་ཚད་དེ་མཐེབ་ཚོན་དང་མཚུངས། |
| མཐེ་མོ |
སོར་མོ་སྦོམ་ཤོས། |
| མཐེབ |
མིའི་ལག་པ་དང་རྐང་བའི་མཛུ་གུ་དང་པོའི་མིང་། རྒྱུན་དུ་མཐེབ་མོ་འམ་མཐེབ་ཆེན་ཟེར། |
| མཐེབ་ཀོར |
མཐེ་བོང་ལ་བསྐོན་རྒྱུའི་ཀྲད་ཀོར། |
| མཐེབ་གུང་རྡེབ་པ |
མཐེ་བོང་དང་གུང་མོ་གཉིས་ཕན་ཚུན་རྡེབ་པ་སྟེ་སེ་གོལ་གཏོག་པ། |
| མཐེབ་གྲི་བ |
(ཡུལ་སྐད།) གཞན་གྱི་ཨམ་ཕྲག་ནང་གི་ཅ་ལག་ཐབས་ཀྱིས་རྐུ་བ་པོའི་མིང༌། |
| མཐེབ་ཆུང |
མཐེའུ་ཆུང་སྟེ་རྐང་ལག་གི་སོར་མོ་ལྔའི་ཐ་མ། |
| མཐེབ་ཆེན |
མཐེ་བོང༌། |
| མཐེབ་དྲས |
མཐེབ་གྲི་བ་དང་མཚུངས་ཏེ་གཞན་གྱི་ཨམ་ཕྲག་གི་ནོར་རྐུན། མཐེབ་དྲས་རྒྱག་མཁན། |
| མཐེབ་པྲ |
མཐེ་བོང་ལ་བརྟེན་ནས་འབེབས་པའི་མོ་པྲ། |
| མཐེབ་བཙིར |
མཐེབ་མོས་ཤུགས་ཀྱིས་བཙིར། |
| མཐེབ་མོ |
སོར་མོ་སྦོམ་ཤོས། |
| མཐེབ་ཚིགས་དབུས་མ |
ལག་པའི་སོར་མོ་དང་པོ་ལ་མཐེ་བོང་ཞེས་པ་དེའི་ཚིགས་གཉིས་པ་ལའོ། ། |
| མཐེབ་ར |
མདའ་འཕེན་སྐབས་མཐེབ་མོར་གོན་པའི་ཨ་ལོང་གི་མིང་། མཐེབ་ཀོར་ཡང་ཟེར། མིའི་རྐང་ལག་གི་མཛུ་གུའི་མིང་། (དཔེར་ན།) མཛུབ་དྲུག་ལ་མཐེབ་དྲུག་ཅེས་འབྲི་བ་ལྟ་བུ། |
| མཐེབ་རྩེ |
མཐེ་བོང་གི་རྩེ་མོ། |
| མཐེབ་སྐྱུ |
ཟན་ལ་མཐེ་བོང་གིས་ཀོང་ཀོང་བཟོས་པའི་གཏོར་གསོས་ཀྱི་མཐེབ་སྐྱུ། |
| མཐེབ་སྲིན |
མཐེ་བོང་དང་སྲིན་མཛུབ་གཉིས་ཀྱི་བསྡུས་མིང༌། |
| མཐེའུ |
ལག་པ་དང་རྐང་བའི་མཛུབ་མོ་མཐའ་མའི་མིང་། མཐེའུ་ཆུང་ཡང་ཟེར། |
| མཐེའུ་ཆུང |
རྐང་ལག་གི་སོར་མོ་ཐ་མ། |
| མཐོ |
(རྒྱན་ཚིག) 1>རྩ་བ་ནས་རྩེ་མོའི་བར་གྱི་ཚད་ཆེ་བའམ་ས་ངོས་དང་བར་ཐག་རིང་བའི་དོན་ཏེ། (དཔེར་ན།) ཤིན་ཏུ་མཐོ་བའི་ཁང་རྩེག གནམ་གྲུ་འཕུར་བ་ཧ་ཅང་མཐོ་ལྟ་བུ། 2>ཚད་གཞི་ཕལ་བའམ་ཆ་སྙོམ་གྱི་ཚད་ཀྱི་ཡན་ལ་འཕགས་པའི་དོན་ཏེ། (དཔེར་ན།) སྐད་མགོ་ཧ་ཅང་མཐོ། རིན་གོང་མཐོ་བ། སྣང་བ་མཐོ། ཡོན་ཏན་མཐོ། གོ་རྟོགས་མཐོ། བློ་ཁ་མཐོ་ཞེས་པ་ལྟ་བུ། 3>རིམ་པ་གཞན་གྱི་གོང་ན་ཡོད་པའི་དོན་ཏེ། (དཔེར་ན།) མཐོ་རིམ། མཐོ་གྲས། མཐོ་རིམ་སློབ་གསོ་ཞེས་པ་ལྟ་བུ། |
| མཐོ་གང |
མཐེབ་རྩེ་ནས་གོང་མཛུབ་ཀྱི་རྩེའི་བར་ཚད་དེ་དང་སོར་བཅུ་གཉིས་གཞལ་བ་གཉིས་དོན་གཅིག |
| མཐོ་གང་གི་སྤང་བ |
སྤང་ལྟུང་སུམ་ཅུའི་ནང་གསེས། གདིང་བ་གསར་པ་དྲུབ་པའི་ཚེ། རྙིང་པ་ནས་བདེ་བར་གཤེགས་པའི་མཐོ་གང་གི་ཚད་དེ་མིའི་ཁྲུ་ཕྱེད་དོ་མ་གླན་པར་ལོངས་སྤྱད་པའོ། ། |
| མཐོ་དབང |
(མངོན་བརྗོད།) ཟླ་བ། |
| མཐོ་དམན |
དྲག་ཞན་ནམ། མཆོག་དང་ཐ་ཤལ་གྱི་དོན་ཏེ། (དཔེར་ན།) གོ་ས་མཐོ་དམན། བསླབ་པ་མཐོ་དམན་ཞེས་པ་ལྟ་བུ། |
| མཐོ་དམའ |
སྒང་གཤོང་ངམ། གྱེན་འཕང་གི་མཐོ་ཚད་ཆེ་ཆུང༌སྟེ། (དཔེར་ན།) ས་བབ་མཐོ་དམའ། དབྱར་དུས་ཀྱི་ཆུ་ངོས་མཐོ་དམའ་ཞེས་པ་ལྟ་བུ། |
| མཐོ་དམའ་སྙོམས་པ |
སྒང་གཤོང་ཁོད་སྙོམས་པའི་དོན་ཏེ། (དཔེར་ན།) ལམ་གའི་ས་ཆ་འབུར་ཀྱོང་གང་ཡོད་མཉམ་པར་བརྡལ་ནས་མཐོ་དམའ་སྙོམས་པོ་བྱས་ལྟ་བུ། |
| མཐོ་པོ |
མཐོ་བ་དང་འདྲ། |
| མཐོ་བརྒྱབ་པ |
རིང་ཐུང་ལ་མཐོ་ཚད་བརྒྱབ་པ། |
| མཐོ་བརྩེགས་ཀྱི་ཚུལ |
ཕྱག་མཆོད་གསོལ་འདེབས་ཀྱི་རྟེན་ཚོགས་ཞིང་སྒོམ་ཚུལ་ཞིག་གཙོ་བོའི་སྟེང་གི་ནམ་མཁར་གཅིག་ཐོག་ཏུ་གཅིག་བརྩེགས་ནས་བཞུགས་པའི་རྣམ་པ། |
| མཐོ་ཚད |
1.གྱེན་འཕང་མཐོ་བའི་ཚད། 2.ལག་མཐོའི་ཚད། 3.ཚད་མཐོན་པོ། |
| མཐོ་འཇལ་བ |
རིང་ཐུང་ལ་མཐོ་ཚད་རྒྱག་པ། |
| མཐོ་འབྱར་དམའ་རྡུང |
མཐོ་སར་སྤྲེལ་ལད་འཁྲབ་པ་དང༌། ཉམ་ཆུང་ལ་ཐུབ་ཚོད་བྱེད་པའི་གཏམ་དཔེ། (དཔེར་ན།) མ་རབས་རང་རྟགས་མཐོ་འབྱར་དམའ་རྡུང་དེར། སུ་ཞིག་ཡིན་ཡང་ཞེན་ལོག་ཡི་ཐང་ཆད་ཅེས་པ་ལྟ་བུ། |
| མཐོ་འཚམ་པ |
1.འགྲན་པའི་དོན་ཏེ། (དཔེར་ན།) སྟོན་པ་ལ་མཐོ་འཚམ་ཞིང་བར་དུ་གཅོད་པར་འདོད་པ་མི་རུང་ཞེས་པ་ལྟ་བུ། 2.གནོད་པ་དང་བརྙས་བཅོས་བྱེད་པ་སྟེ། (དཔེར་ན།) དགྲ་ལ་མཐོ་འཚམ་པ་ལྟ་བུ། |
| མཐོ་འཚམས |
གནོད་པ་བྱེད་པའི་དོན་ཏེ། འདི་ལ་མཐོ་འཚམ་འབྲི་བའང་ཡོད། |
| མཐོ་ཡོར |
ཐོ་ཡོར་དང་འདྲ། |
| མཐོ་རིམ |
རིམ་པ་མཐོ་བ་སྟེ། (དཔེར་ན།) མཐོ་རིམ་མི་སྣ་རྣམས་ལྷན་ཅིག་ཏུ་གྲོས་མོལ་བྱས་ལྟ་བུ། |
| མཐོ་རིས |
མཐོན་པོའི་ཕྱོགས་སམ་རིགས་ཏེ་ལྷ་དང་མི། མིང་གི་རྣམ་གྲངས་ལ་སྐབས་གསུམ་གནས་པ་དང༌། སྐྱོ་མེད། རྒྱལ་སྲིད། འཆི་མེད་གནས། སྟེང་གི་འཇིག་རྟེན། དལ་འཛིན། བདེ་འགྲོ། བདེ་ལྡན། རམ་མཁའི་ཁྱིམ། གནས་བཟང༌། རོལ་པའི་ས། ས་བླ། སུམ་རྩེན། ལྷ་ཡི་གྲོང༌། ལྷ་ཡི་ཡུལ། ལྷ་ཡི་འཇིག་རྟེན་བཅས་སོ། ། |
| མཐོ་རིས་ཀྱི་འཇིག་རྟེན |
ལྷ་དང་མི་ཡི་འཇིག་རྟེན། |
| མཐོ་རིས་ཀླུང |
ལྷའི་ཆུ་བོ། |
| མཐོ་རིས་གནས |
མི་ཡུལ་དང་ལྷ་གནས། |
| མཐོ་རིས་གསུམ |
ལྷ་དང༌། མི། ལྷ་མ་ཡིན་ཏེ་གསུམ། |
| མཐོ་རིས་ཐོབ |
(མངོན་བརྗོད།) གཟའ་ཕུར་བུའི་མིང༌། |
| མཐོ་རིས་དགེ་བ |
མཐོ་རིས་ལྷ་མིའི་དགེ་བ་ཟག་བཅས་ཀྱི་དགེ་བ། |
| མཐོ་རིས་བུ་མོ |
ལྷ་མོ། |
| མཐོ་རིས་བྱེད་པོ |
(མངོན་བརྗོད།) དགེ་བ། |
| མཐོ་རིས་འདྲེན་པ |
(མངོན་བརྗོད།) བརྒྱ་བྱིན། |
| མཐོ་རིས་ཡོན་ཏན་བདུན |
རིགས་བཟང་བ་དང༌། གཟུགས་མཛེས་པ། ཚེ་རིང་བ། ནད་མེད་པ། སྐལ་བ་བཟང་བ། ནོར་ཕྱུག་པ། ཤེས་རབ་ཆེ་བ་སྟེ་བདུན། |
| མཐོ་རིས་རྒྱལ |
(མངོན་བརྗོད།) བརྒྱ་བྱིན། |
| མཐོ་རིས་སྣང་བྱེད |
(མངོན་བརྗོད།) སྒྲ་གཅན། |
| མཐོ་རིས་སྨན་པ |
ལྷའི་སྨན་པ། |
| མཐོ་ཤོས |
དེའི་གོང་ལ་མེད་པ། |
| མཐོ་སྙེག |
1.གོ་གནས་གོང་མ་གོང་མར་སྙེག་པ་སྟེ། (དཔེར་ན།) འདོད་ཆེན་མཐོ་སྙེག་བྱེད་མཁན་ལ། སྤྱིར་ཕན་ལྷག་བསམ་སྤུ་ཙམ་མེད་ཅེས་པ་ལྟ་བུ། 2.མགོ་འདྲེན་ནམ། རྒྱབ་གཉེར་མཐོ་བོ་འཚོལ་བའི་དོན་ཏེ། (དཔེར་ན།) རང་མགོ་རང་འདོན་མ་ཐུབ་པར། ཁ་དྲག་མཐོ་སྙེག་ཅི་ཞིག་ཕན་ཞེས་པ་ལྟ་བུ། |
| མཐོ་སྙེམས |
ཆེ་མཐོར་རློམ་པའི་ང་རྒྱལ་ཏེ། (དཔེར་ན།) ཡོན་ཏན་ཆེ་ཡང་མཐོ་སྙེམས་ཀྱི་ཁེངས་དྲེགས་མེད་ཅེས་པ་ལྟ་བུ། |
| མཐོ་སྤྱོད |
ལྟ་བའམ་སྣང་བ་མཐོན་པོའི་རྩིང་སྤྱོད། |
| མཐོང |
1.(བྱེད་འབྲེལ་ལས་ཚིག) 1>མིག་གིས་རིག་པ་སྟེ། (དཔེར་ན།) མིག་གིས་མངོན་སུམ་དུ་མཐོང་། མཐོང་རྒྱ་ཆེ་བའི་མི་ཞེས་པ་ལྟ་བུ། 2>མྱོང་བའི་དོན་ཏེ། སྡུག་བསྔལ་མཐོང་། སྡུག་མཐོང་ལྟ་བུ། 2.(མངོན་བརྗོད།) ཚེས་གནམ་གང༌། |
| མཐོང་ཀ |
མཐོང་ག་དང་འདྲ། |
| མཐོང་ཁ |
མཐོང་ག་དང་འདྲ། |
| མཐོང་ག |
ལུས་ཀྱི་བྲང་ཁོག |
| མཐོང་གཡེལ |
མཐོང་ཡུལ་ཏེ། (དཔེར་ན།) མཐོང་གཡེལ་རྒྱ་ཆེ་བ། གྲོག་རོང་གི་ནང་དུ་སླེབས་སྐབས་མཐོང་གཡེལ་ཆུང་ངུ་ལས་མེད་ཅེས་པ་ལྟ་བུ། |
| མཐོང་གསལ |
མངོན་སུམ་མཐོང་ཆོས་ཀྱི་ཡུལ་ཏེ། (དཔེར་ན།) མིག་ལམ་དུ་མཐོང་གསལ་ལྟར་རེད། ཚང་མས་མཐོང་གསལ་ལྟར་ཞེས་པ་ལྟ་བུ། |
| མཐོང་གྲོལ་མ |
མཇལ་བ་ཙམ་གྱིས་ཐར་པ་ཐོབ་པ་སྟེ། སངས་རྒྱས་དང་བྱང་སེམས་ཀྱི་སྐུ་བརྙན་འགར་གསོལ་བའི་མཚན། (དཔེར་ན།) ཐུབ་དབང་མཐོང་གྲོལ་མ། བྱམས་པ་མཐོང་གྲོལ་མ་ཞེས་པ་ལྟ་བུ། |
| མཐོང་ཆུང |
སྣང་ཆུང༌གི་དོན་ཏེ། (དཔེར་ན།) རང་ཉིད་མཐོ་སྙེམས་ཀྱི་ང་རྒྱལ་དང༌། གཞན་ལ་མཐོང་ཆུང་གི་ཁྱད་གསོད་མ་བྱེད། དགྲ་བོར་མཐོང་ཆུང་བྱེད་ཅེས་པ་ལྟ་བུ། |
| མཐོང་ཆུང་ཁྱད་གསོད |
སྣང་ཆུང་ཁྱད་གསོད། |
| མཐོང་ཆེན་པོ |
གཙིགས་མཐོང་ཆེན་པོའམ། གལ་ཆེར་བརྩི་བ་སྟེ། (དཔེར་ན།) ངལ་རྩོལ་ལ་མཐོང་ཆེན་པོ་བྱེད་པ་ལྟ་བུ། |
| མཐོང་ཆོས |
ད་ལྟའི་དུས་སྐབས་འདི་ལ་མཐོང་བའི་ཆོས། |
| མཐོང་ཆོས་བདེར་གནས |
འཇིག་རྟེན་ཚེ་འདིའི་ལུས་སེམས་ཀྱི་བདེ་བ་ལ་གནས་པའོ། ། |
| མཐོང་ཆོས་བདེར་གནས་ཀྱི་ལམ་ལྔ |
ཚེ་འདིར་བདེ་བར་གནས་པའི་ལམ་ནམ་མཁའ་མཐའ་ཡས་ཀྱི་དངོས་གཞིའི་སྙོམས་འཇུག་དང༌། རྣམ་ཤེས་མཐའ་ཡས་ཀྱི་དངོས་གཞིའི་སྙོམས་འཇུག་ཅི་ཡང་མེད་ཀྱི་དངོས་གཞིའི་སྙོམས་འཇུག་སྲིད་རྩེའི་དངོས་གཞིའི་སྙོམས་འཇུག་འགོག་པའི་རྣམ་ཐར་ཏེ་ལྔ། |
| མཐོང་ཆོས་མྱོང་འགྱུར |
ཚེ་འདེར་བསགས་པའི་ལས་འབྲས་ཚེ་འདིར་མྱོང་བ། |
| མཐོང་ཆོས་མྱོང་འགྱུར་གྱི་ལས |
ཚེ་འདི་ལ་བྱས་པའི་ལས་སྟོབས་ལྡན་ཚེ་དེ་ཉིད་དུ་སྨིན་པ་རྣམས། |
| མཐོང་ཆོས་ཞི |
མཐོང་ལམ་ཐོབ་པའི་མི་ཚེ་དེ་ཉིད་ལ་མྱ་ངན་ལས་འདའ་བ་སྟེ་མྱང་འདས་ཐོབ་ངེས་ཀྱི་ཕྱིར་མི་འོང༌། |
| མཐོང་ཆོས་ཞི་བ |
དགེ་འདུན་ཉི་ཤུའི་ནང་གསེས། མཐོང་བའི་ཆོས་ལ་ཞི་བ་འཐོབ་པ་ཕྱིར་མི་འོང་དང་པོ་ཐོབ་པའི་རྟེན་ལ་དགྲ་བཅོམ་པ་ཐོབ་པ་ཕྱིར་མི་འོང་འབྲས་གནས་ཁྱད་པར་ཅན་གྱི་གྲས་ཤིག། |
| མཐོང་ཐོས |
མིག་མཐོང་རྣ་ཐོས་ཏེ། (དཔེར་ན།) སྔར་གྱི་མཐོང་ཐོས་ཀྱི་ཡུལ་ལས་འདས་པ། སྔར་མཐོང་ཐོས་ཀྱི་ཡུལ་དུ་མ་གྱུར་པའི་ངོ་མཚར་བའི་ལྟད་མོ་ཞེས་པ་ལྟ་བུ། |
| མཐོང་ཐོས་དོགས་གསུམ |
མིག་གིས་མཐོང་བ། རྣ་བས་ཐོས་པ། ཡིད་ཀྱིས་དོགས་པ་གསུམ། (དཔེར་ན།) གནས་ཚུལ་གསར་པ་མཐོང་ཐོས་དོགས་གསུམ་ཇི་བྱུང་ཚང་མ་སྣང་མེད་དུ་མ་འཇོག རང་གི་མཐོང་ཐོས་དོགས་གསུམ་ཇི་བྱུང་ཚང་མ་དྲན་ཐོར་བཀོད་པ་ལྟ་བུ། |
| མཐོང་ཐོས་དྲན་རེག |
མིག་གིས་མཐོང་བ་དང༌། རྣ་བས་ཐོས་པ། ཡིད་ཀྱིས་དྲན་པ། ལུས་ཀྱིས་རེག་པ་བཅས་སོ། ། |
| མཐོང་ཐོས་རྙོག་བཟོ |
སྤྱོད་ཡུལ་ཐམས་ཅད་ལ་ཟིང་ཆ་སློང་བ། |
| མཐོང་དགའ་ཐོས་དགའ |
མིག་གིས་མཐོང་ན་དགའ། རྣ་བས་ཐོས་ན་དགའ། |
| མཐོང་དུག |
མཐོང་བ་ཙམ་གྱིས་ནད་ཕོག་པའི་དུག |
| མཐོང་དོགས་མེད |
གཞན་མཐོང་གི་ཐེ་ཚོམ་མེད་པ་སྟེ། (དཔེར་ན།) ཁོ་རང་ང་རྒྱལ་ཆེ་དྲགས་ནས་ཉམ་ཆུང་རྣམས་མཐོང་དོགས་མེད་ཅེས་པ་ལྟ་བུ། |
| མཐོང་དྲན |
སྔར་མཐོང་རྗེས་དྲན། |
| མཐོང་ཕྱག |
ཕན་ཚུན་མཐོང་སྐབས་འབུལ་རེས་བྱས་པའི་ཕྱག |
| མཐོང་ཕྱོགས |
སྣང་ཚུལ་ཏེ། (དཔེར་ན།) མཐོང་ཕྱོགས་ཡང་དག་པ། མཐོང་ཕྱོགས་གཅིག་གྱུར། ལྟ་སྣང་མཐོང་ཕྱོགས་ཞེས་པ་ལྟ་བུ། |
| མཐོང་བ་དོན་ཡོད |
1.མཐོང་བ་དོན་དང་འབྲེལ་བ། 2.སངས་རྒྱས་ཤིག་གི་མཚན། 3.༸གོང་ས་ཏཱ་ལའི་བླ་མའི་མཚན་གྱི་ཆེ་མིང་ཞིག |
| མཐོང་བ་དོན་ལྡན |
མཐོང་བ་ཙམ་གྱིས་དོན་དང་ལྡན་པ། |
| མཐོང་བཟོས |
གཟིགས་བཟོས། |
| མཐོང་བཟོས་བདག་རྐྱེན |
བྱས་རྗེས་ལེགས་སྐྱེས། |
| མཐོང་བའི་ཆོས་ལ་བདེ་བར་གནས་པའི་བསམ་གཏན |
རྣམ་པར་མི་རྟོག་པའི་ཏིང་ངེ་འཛིན་དང་འགོག་པའི་སྙོམས་པར་འཇུག་པ་དག |
| མཐོང་བའི་ཆོས་ལ་ཡོངས་སུ་མྱ་ངན་ལས་འདའ་བ |
འཁོར་བ་ལས་ཡོངས་སུ་ཐར་བའི་ཞི་བ་མྱང་འདས། |
| མཐོང་བའི་དངོས་པོ |
མིག་མཐོང་གཟུགས་གྲུབ་ཀྱི་དོན་དག |
| མཐོང་བའི་ལམ |
མཐོང་ལམ་དང་དོན་གཅིག |
| མཐོང་བའི་ས |
རྒྱུན་ཞུགས་འབྲས་གནས་ཀྱི་མངོན་རྟོགས་ཏེ་འཇིག་རྟེན་ལས་འདས་པའི་ལམ་གྱིས་གང་ཟག་གི་བདག་མེད་དང་པོ་མངོན་སུམ་དུ་མཐོང་བ་འདི་དམན་པ་ས་བརྒྱད་ཀྱི་ཡ་གྱལ་ཞིག |
| མཐོང་བས་སྤང་བར་བྱ་བ |
ཀུན་བཏགས་ཀྱི་སྒྲིབ་པ། |
| མཐོང་བྱེད |
(མངོན་བརྗོད།) མིག |
| མཐོང་བྱེད་མཁྲིས་པ |
ལུས་ཀྱི་རྩ་བའི་མཁྲིས་པ་ལྔའི་ཡ་གྱལ་མིག་ལ་གནས་པ་ཞིག བྱེད་ལས་ཕྱི་རོལ་གྱི་ཡུལ་བལྟས་ནས་མཐོང་བར་བྱེད་པ་ཞིག |
| མཐོང་བྱེད་མིག་རྩ |
མུར་གོང་གི་གཤོང་ན་གནས་པའི་མིག་གི་རྩ་གཉན་ཞིག |
| མཐོང་ཚུལ |
ངོས་འཛིན་བྱེད་སྟངས་ཏེ། (དཔེར་ན།) མཐོང་ཚུལ་གཅིག་གྱུར། འཇིག་རྟེན་གྱི་གནས་ཚུལ་ལ་མཐོང་ཚུལ་མི་འདྲ་བ་ཡོད་ཅེས་པ་ལྟ་བུ། |
| མཐོང་ཚོར |
མིག་གིས་མཐོང་བ་དང༌། རྣ་བས་གོ་ཚོར། |
| མཐོང་ཡུལ |
མཐོང་རྒྱ། |
| མཐོང་རྒྱ |
མིག་གིས་མཐོང་ཡུལ་གྱི་རྒྱ་ཁྱོན་ཆེ་ཆུང༌། |
| མཐོང་རྒྱ་ཆུང་བ |
1.ཡོན་ཏན་ཆེར་མེད་པ། 2.ས་ཆ་གུ་དོག་པོ། |
| མཐོང་རྒྱ་ཆེ་བ |
1.ཡོན་ཏན་ཆེན་པོ། 2.ས་ཆ་གུ་ཡངས་པོ། |
| མཐོང་རྒྱ་མེད་པ |
1.ཤེས་ཡོན་མེད་པ། 2.ས་ཆའི་མཐོང་ཡུལ་རྒྱ་ཆུང་བ། |
| མཐོང་ལམ |
ལམ་ལྔའི་ནང་གསེས། རྣམ་པར་གྲོལ་བའི་འཇུག་ངོགས་གང་ཞིག་དེ་ཁོ་ན་ཉིད་སྔར་མ་མཐོང་བ་གསར་དུ་མཐོང་ཞིང་འཕགས་པའི་སར་ཕྱིན་པར་བྱེད་པ་དང༌། ཆོས་ཉིད་ཇི་ལྟ་བ་བདག་མེད་མངོན་སུམ་རྟོགས་ཤིང་ཆོས་ཅན་ཇི་སྙེད་པའི་དོན་ཡང་ཅི་རིགས་པར་རྟོགས་པ་དང༌། བྱང་ཆུབ་ཀྱི་ཡན་ལག་བདུན་བསྒོམས་པས། སྤང་བྱ་མཐོང་སྤང་གི་ཉོན་མོངས་པ་རྣམས་རྩད་ནས་བཅོམ་པའི་ཚུལ་གྱིས་སྤོང་ཞིང༌། འཇིགས་པ་ལྔ་དང་བྲལ་ཞིང་ཡོན་ཏན་བརྒྱ་ཕྲག་བཅུ་གཉིས་སོགས་ཐོབ་པར་བྱེད་པའི་ལམ་མོ། ། |
| མཐོང་ལམ་གྱི་བཟོད་པ་བརྒྱད |
མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་བར་ཆད་མེད་ལམ་བརྒྱད་དེ། སྡུག་བསྔལ་ལ་ཆོས་ཤེས་པའི་བཟོད་པ་དང༌། སྡུག་བསྔལ་རྗེས་སུ་རྟོགས་པའི་ཤེས་པའི་བཟོད་པ། ཀུན་འབྱུང་བ་ལ་ཆོས་ཤེས་པའི་བཟོད་པ། ཀུན་འབྱུང་བ་ལ་རྗེས་སུ་རྟོགས་པའི་ཤེས་པའི་བཟོད་པ། འགོག་པ་ལ་ཆོས་ཤེས་པའི་བཟོད་པ། འགོག་པ་ལ་རྗེས་སུ་རྟོགས་པའི་ཤེས་པའི་བཟོད་པ། ལམ་ལ་ཆོས་ཤེས་པའི་བཟོད་པ། ལམ་ལ་རྗེས་སུ་རྟོགས་པའི་ཤེས་པའི་བཟོད་པ། |
| མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག |
བདེན་པ་མཐོང་བའི་ལམ་གྱི་བཟོད་པ་བརྒྱད་དང་ཤེས་པ་བརྒྱད། |
| མཐོང་ལམ་གྱི་ཤེས་པ་བརྒྱད |
མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་རྣམ་གྲོལ་ལམ་བརྒྱད་དེ། སྡུག་བསྔལ་ཆོས་ཤེས་པ་དང༌། སྡུག་བསྔལ་རྗེས་སུ་རྟོགས་པའི་ཤེས་པ། ཀུན་འབྱུང་བ་ལ་ཆོས་ཤེས་པ། ཀུན་འབྱུང་བ་ལ་རྗེས་སུ་རྟོགས་པའི་ཤེས་པ། འགོག་པ་ལ་ཆོས་ཤེས་པ། འགོག་པ་ལ་རྗེས་སུ་རྟོགས་པའི་ཤེས་པ། ལམ་ལ་ཆོས་ཤེས་པ། ལམ་ལ་རྗེས་སུ་རྟོགས་པའི་ཤེས་པ། |
| མཐོང་ལམ་གྱི་སེམས་སྐད་ཅིག་བཅུ་དྲུག |
མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་དང་དོན་གཅིག |
| མཐོང་ལམ་བར་ཆད་མེད་ལམ |
མཐོང་ལམ་གྱི་ངོ་སྐལ་དུ་གྱུར་པའི་སྤང་བྱ་ཀུན་བརྟགས་ཀྱི་ཆ་རྣམས་སྤོང་བའི་དངོས་གཉེན་དུ་གྱུར་པའི་ལམ་བཟོད་པ་བརྒྱད་དེ། སྦྱོར་ལམ་གྱི་རྗེས་ཐོག་ཏུ་གཞན་གྱིས་བར་མ་བཅད་པར་སྒྲིབ་པ་སྤོང་བའོ། ། |
| མཐོང་ལམ་རྣམ་གྲོལ་ལམ |
མཐོང་སྤང་སྤངས་ནས་བྲལ་བའི་ཐོབ་པ་ཉམས་སུ་མྱོང་བའི་ལམ། ཤེས་པ་བརྒྱད་དེ་སྒྲིབ་པ་ལས་རྣམ་པར་གྲོལ་བ་མངོན་དུ་བྱས་པའོ། ། |
| མཐོང་ལམ་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། བསྡུས་སྒོམ་རབ་ཏུ་གྱུར་པ་གང་ཞིག་མཐོང་སྤང་བདེན་འཛིན་གྱི་གཉེན་པོ་བྱེད་པའི་ཆ་ནས་བཞག་པའི་ཐེག་ཆེན་གྱི་བདེན་པ་མངོན་རྟོགས་སོ། ། |
| མཐོང་ལམ་སྐད་ཅིག་བཅུ་དྲུག |
མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གོ། ། |
| མཐོང་ལུགས |
མཐོང་ཚུལ་ལམ། མཐོང་སྟངས། |
| མཐོང་སྣང |
མཐོང་ཚུལ་ལམ། མཐོང་ཕྱོགས་ཏེ། (དཔེར་ན།) འཁྱག་པ་ཀྲད་ཀོར་ཙམ་ལ་མཐོང་སྣང་མི་འདྲ་བ་སྣ་ཁ་བདུན་ལྟ་བུ། |
| མཐོང་སྣང་མཛེས་པོ |
གཞན་གྱི་ལྟ་སྣང་ལ་ལེགས་པའི་དོན་ཏེ། (དཔེར་ན།) ཚུལ་མིན་གྱི་སྤྱོད་ལམ་བྱས་ན་གཞན་གྱི་མིག་ཡུལ་ལ་མཐོང་སྣང་མཛེས་པོ་མི་ཡོང༌ལྟ་བུ། |
| མཐོང་སྤང |
མཐོང་ལམ་གྱིས་སྤང་བར་བྱ་བ་ཉོན་མོངས་ཀུན་བཏགས་ཀྱི་ཆ་དང་ཤེས་སྒྲིབ་རགས་པ་རྣམས་སོ། ། |
| མཐོང་སྤང་ཀུན་སྦྱོར་གསུམ |
མཐོང་ལམ་གྱིས་སྤང་བྱར་གྱུར་པའི་ཀུན་ཏུ་སྦྱོར་བ་གསུམ། འཇིག་ལྟ་ཀུན་བཏགས་ཀྱིས་ཐར་བ་ལ་སྐྲག་ནས་འགྲོ་མི་འདོད་ཀུན་སྦྱོར་དང༌། ཚུལ་ཁྲིམས་དང་བརྟུལ་ཞུགས་མཆོག་འཛིན་གྱིས་ལམ་མ་ཡིན་པ་ལ་ལམ་དུ་འཛིན་པས་ལམ་ནོར་གྱི་ཀུན་སྦྱོར། ལམ་ལ་ཐེ་ཚོམ་བྱས་ནས་ཐར་བའི་གེགས་བྱེད་པས་ཐེ་ཚོམ་གྱི་ཀུན་སྦྱོར་བཅས་གསུམ་མོ། ། |
| མཐོང་སྤང་བརྒྱ་དང་བཅུ་གཉིས |
འདོད་པའི་མཐོང་སྤང་བདེན་པ་བཞི་པོ་རེ་རེའི་སྤང་བྱ་ཕྲ་རྒྱས་བཅུ་རེ་བཅུ་རེ་བརྩིས་པས་བཞི་བཅུ་དང༌། ཁམས་གོང་མ་གཉིས་སུ་ཁོང་ཁྲོ་མེད་པས་སོ་དྲུག་པ་ཚན་པ་གཉིས་བཅས་ཁམས་གསུམ་གྱི་མཐོང་སྤང་བསྡོམས་པས་བརྒྱ་དང་བཅུ་གཉིས་ཡོད་པར་མངོན་པ་ཀུན་བཏུས་ལས་གསུངས། |
| མཐོང་སྤང་བརྒྱད་ཅུ་རྩ་བརྒྱད |
འདོད་ཁམས་ཀྱི་མཐོང་སྤང་སོ་གཉིས་དང༌། གཟུགས་ཁམས་ཀྱི་མཐོང་སྤང་ཉེར་བརྒྱད། གཟུགས་མེད་ཁམས་ཀྱི་མཐོང་སྤང་ཉེར་བརྒྱད་བཅས་ཁམས་གསུམ་ན་ཁྱོན་བསྡོམས་པས་མཐོང་བས་སྤང་བར་བྱ་བའི་ཕྲ་རྒྱས་གྱ་བརྒྱད་ཡོད་པར་མངོན་པ་མཛོད་ལས་གསུངས། |
| མཐོངས |
1.མིག་གིས་མཐོང་བའི་ནམ་མཁའི་རྒྱ་ཁྱོན་གྱི་མིང་། (དཔེར་ན།) ཁང་བ་མཐོངས་ཡངས་པ། ས་ཆ་མཐོངས་ཡངས་ཞེས་པ་ལྟ་བུ། 2.བར་མཚམས་སྟོང་བའི་མིང་། (དཔེར་ན།) ཁང་བའི་རྒྱ་མཐོངས། ས་འགུལ་བྱུང་ནས་སའི་མཐོངས་ཕྱེ་ལྟ་བུ། |
| མཐོངས་ཀ |
ལྕོག་ཙེའི་མདུན་ངོས་སུ་གཡོག་བྱེད་གོས་ཆེན་སོགས་ཀྱི་རྒྱན་སྤྲོས། |
| མཐོངས་ཁུང |
ཁང་པའི་དཀར་ཁུང་ངམ། དུ་བ་འགྲོ་སའི་ཐོག་ཁུང་ངམ་གནམ་ཁུང༌སྟེ། (དཔེར་ན།) མི་ཁ་རོག་སྡོད་སར་སྙད་མཐོངས་ཁུང་ནས་རྐོ་ལྟ་བུ། |
| མཐོངས་གཡོགས |
རྒྱ་མཐོངས་ཀྱི་ཁེབས། |
| མཐོངས་ཐིག |
(ཡུལ་སྐད།) མཐོངས་གཡོག་བྱེད་ཀྱི་རེ་ལྡེར་བཏགས་པའི་ཐག་པ་ཕྲ་བོ། |
| མཐོངས་འཇུག |
(ཡུལ་སྐད།) ཐང་ག་སོགས་ཀྱི་གོང་གཤམ་གྱི་མཐོངས་འཇུག |
| མཐོངས་རྒྱན |
བླ་རེའམ། གནམ་རྒྱན། |
| མཐོངས་རྒྱུག |
སྦྲའི་མཐོངས་འབྱེད་བྱེད་ཀྱི་རྒྱུག་པ། |
| མཐོན་ཀ |
1.མཐིང་ག། 2.ཨིནྡྲ་ནཱི་ལ། |
| མཐོན་ཀ |
རིན་པོ་ཆེ་མཐོན་ཀའི་མིང་། དེ་ནི་གཏེར་ཁ་ནས་ཐོན་པའི་རིན་པོ་ཆེ་མདོག་ལྗང་སྔོན་ཞིག་ཡིན། རྒྱ་སྐད་དུ་ལན་པོ་ཧྲི་ཟེར། |
| མཐོན་ཀ་ཆེན་པོ |
རིན་ཆེན་སྔོན་པོའམ། ཨིནྡྲ་ནཱི་ལ། མིང་གི་རྣམ་གྲངས་ལ་དབང་སྔོན་དང༌། ནོར་བུའི་སྙིང་པོ། ཨིནྡྲ་སྙིལ་བཅས་སོ། ། |
| མཐོན་ག |
མཐོན་ཀ་དང་འདྲ། |
| མཐོན་ཐི |
བཟང་གོས་ཤིག་གི་མིང༌། |
| མཐོན་པོ |
(རྒྱན་ཚིག) མཐོ་དང་དོན་འདྲ། (དཔེར་ན།) རི་མཐོན་པོ། གོ་ས་མཐོན་པོ། ཡོན་ཏན་མཐོན་པོ་ཞེས་པ་ལྟ་བུ། |
| མཐོན་པོ་སྒང |
ཨ་མདོ་མགོ་ལོག་རྨ་སྟོད་ཀྱི་རི་བོ་ཞིག དེའི་མཐོ་ཚད་མཚོ་ངོས་ལས་སྨི་4810 ཡོད། |
| མཐོན་པོར་བཏེག་པ |
1.གོང་དུ་བཀུར་བའི་དོན། 2.གྱེན་དུ་བཀྱག་པ་སྟེ། (དཔེར་ན།) དར་ཆ་མཐོན་པོར་བཏེག་ལྟ་བུ། |
| མཐོན་མཐིང |
སྔོན་པོ། |
| མཐོལ |
(བྱེད་འབྲེལ་ལས་ཚིག) རང་ཉེས་དྲང་བོར་བཤད་པ་སྟེ། (དཔེར་ན།) མཐོལ་བཤགས་བྱས། ཉེས་པ་རྣམས་མཐོལ་ལོ་ཞེས་པ་ལྟ་བུ། |
| མཐོལ་བཤགས |
རང་གི་ཉེས་པ་མི་གསང་བར་བཤད་དེ་འགྱོད་བཤགས་བྱས་པ་སྟེ། (དཔེར་ན།) སྔར་བྱས་ལས་ངན་མཐོལ་བཤགས་བྱས་ལྟ་བུ། |
| མཐོལ་ཚངས |
བཤགས་ཤིང་དག་པ། |
| མཐོས་པ |
(ཡུལ་སྐད།) མཐོ་དྲགས་པའམ། མཐོ་ཆེ་བ་སྟེ། (དཔེར་ན།) གདན་འདི་ཕྲན་བུ་མཐོས་པ་རེད་ཅེས་པ་ལྟ་བུ། |
| མད |
བདེན་གྱི་བརྡ་རྙིང་ངམ་ཡུལ་སྐད། |
| མད་པ |
ཡང་དག་པའམ་བདེན་པ་སྟེ། (དཔེར་ན།) ཐུགས་ཞེ་ཁྲེལ་བ་མད་པ་ལགས། དགེ་སྐྱོན་ཡོ་བསྲང་གི་ཞལ་སློབ་གནང་བ་དེ་ཤིན་ཏུ་མད་པ་ལགས་ཞེས་པ་ལྟ་བུ། |
| མད་པོ |
བདེན་པོ་སྟེ། (དཔེར་ན།) གསུང་གྲོས་མད་པོ་ཞེས་པ་ལྟ་བུ། |
| མདག་མ |
བུད་ཤིང་བསྲེགས་པའི་སོལ་བའམ་མེ་རྡོག་གི་མིང་། (དཔེར་ན།) མེའི་མདག་མ། ཤིང་བསྲེགས་པའི་མདག་མ་ཞེས་པ་ལྟ་བུ། ཚིག་བསྡུས་ན་མདག་ཅེས་འབྲི་ཆོག་སྟེ། (དཔེར་ན།) མེ་མདག སོལ་མདག་ཅེས་པ་ལྟ་བུ། |
| མདག་མེ |
མེ་མདག་དང་འདྲ། |
| མདང |
སྔ་ཉིན་གྱི་མཚན་མོའི་མིང་། (དཔེར་ན།) མདང་དགོངས། མདང་ནུབ། མདང་སུམ་ཞེས་པ་ལྟ་བུ། |
| མདང་དགོང |
ཉིན་སྔོན་མའི་མཚན་མོ། |
| མདང་ནུབ |
སྔ་ནུབ་མཚན་མོ། |
| མདང་ཕྱི |
1.མ་འགྱངས་པའི་སྔོན་ཏེ། དུ་ཕྱི་དང་དོན་འདྲ། 2.མི་ཤི་བའི་བེམ་པོ་སྲེག་པའི་གནས་ཀྱི་མིང་། |
| མདང་སང |
དེང་སང་དང་འདྲ། |
| མདང་སུམ |
སྔ་ནུབ་མཚན་མོ་སྟེ། (དཔེར་ན།) མདང་སུམ་ཉལ་བའི་རྨི་ལམ་བཟང་པོ་ཞིག་མ་བྱུང༌ལྟ་བུ། |
| མདང་སོང |
མདང་སུམ་དང་འདྲ། |
| མདང་སྐྱེས་བྱིས་པ |
མདང་དགོང་སྐྱེས་པའི་བྱིས་པ་སྟེ་སྐྱེས་མ་ཐག་པ། |
| མདངས |
1.ཁ་དོག་གི་འོད་ཀྱི་མིང་། (དཔེར་ན།) དཀར་ཤ་དམར་མདངས་ཚོན་མདངས་བཀྲག་མདངས་ཤ་མདངས་ཞེས་པ་ལྟ་བུ། 2.དཔྲལ་བའི་བརྡ་རྙིང་། 3,སྨན་གཞུང་དུ་བཤད་པའི་མདངས་ནི་ལུས་ཀྱི་དྭངས་མ་མཆོག་གམ་ལུས་གྲུབ་བྱེད་ཀྱི་ཆ་ཤས་ཕྲ་མོ་རིགས་ཤིག་གི་མིང་། 4.མིའི་ས་བོན་ནམ་ཁམས་ཀྱི་མིང་། |
| མདངས་གསོ་བ |
ཚོན་མདངས་ཉམས་གསོ་བྱེད་པའི་དོན་ཏེ། (དཔེར་ན།) ཆ་སྒམ་ལ་ཚོན་བཏང་སྟེ་མདངས་གསོ་བ། ཁ་ཟས་བཅུད་ཅན་བསྟེན་ཏེ་ལུས་ཀྱི་མདངས་གསོ་བ་ལྟ་བུ། |
| མདངས་ཕོག་པ |
གཡའ་ཕོག་པའམ་ཤུགས་རྐྱེན་ཐེབས་པའི་དོན་ཏེ། (དཔེར་ན།) ཉི་མའི་མདངས་ཕོག་པ་དང་ལུས་ལ་བདེ་དྲོད་འབར་བྱུང་ལྟ་བུ། |
| མདངས་ཕྱེ་བ |
(ཡུལ་སྐད།) ཚོན་མདངས་ཀྱིས་རི་མོའི་ཉམས་འདོན་པ། |
| མདངས་བཀྲ་བ |
ཚོན་མདོག་གམ་ཁ་དོག་སྣ་ཚོགས་གསལ་བ་སྟེ། (དཔེར་ན།) འོད་མདངས་བཀྲ་བ་ཞེས་པ་ལྟ་བུ། |
| མདངས་བཀྲག |
བཀྲག་མདངས་འོད་འབར་བ། |
| མདངས་བཏོན་པ |
མདོག་ལེགས་སུ་བཏང་བ། |
| མདངས་བཟང་བ |
1.འོད་མདངས་ལེགས་པ། 2.སྙིང་སྟོབས་ངར་དང་ལྡན་པ། |
| མདངས་མི་སྣུམ་པ |
བཀྲག་མདངས་ཉམས་པ་སྟེ། (དཔེར་ན།) ལུས་ཀྱི་ནང་བཅུད་ཉམས་པས་ཕྱིའི་མདངས་མི་སྣུམ་པ། ཁང་པའི་ནང་གི་རྫས་སྟོང་པས་ཕྱི་རོལ་གྱི་མདངས་མི་སྣུམ་པ་ལྟ་བུ། |
| མདངས་འཕྲོག་པ |
1.ཁ་དོག་ཡལ་བར་བྱེད་པ། 2.སྙིང་གའི་ཕྱོགས་ན་གནས་པ་སྲོག་འཛིན་པར་བྱེད་པའི་རྫས་ཀྱི་བྱེ་བྲག་ཅིག་ལ་མདངས་ཞེས་བྱ་ལ། དེ་ཕྲོགས་ན་ཚེ་རིང་དུ་མི་གནས་སོ། 3.གདོན་སྦྱིན་མདངས་འཕྲོག་པ་ཞིག |
| མདངས་འཚེར་ལྷག་གེ་བ |
ཚོན་མདངས་གསལ་པོར་འཚེར་བ་སྟེ། (དཔེར་ན།) སྟོན་ཁའི་ཟླ་བའི་འོད་མདངས་འཚེར་ལྷག་གེ་བ་ལྟ་བུ། |
| མདངས་རིས |
ཚོན་རིས་ཀྱི་རྣམ་འགྱུར་ཞིག |
| མདངས་ལྡན |
(མངོན་བརྗོད།) 1>ནེ་ཙོ། 2>གསེར། |
| མདངས་སྐྱ་ལྷག་གེ་བ |
ཚོན་མདངས་མི་སྣུམ་པ་སྟེ། (དཔེར་ན།) ངོ་མདངས་སྐྱ་ལྷག་གེ་བ་ཞེས་པ་ལྟ་བུ། |
| མདངས་སྒྱུར་མཁྲིས་པ |
ལུས་ཀྱི་རྩ་བའི་མཁྲིས་པ་ལྔའི་ཡ་གྱལ་མཆིན་པར་གནས་པ་ཞིག བྱེད་ལས་ཁ་ཟས་ཀྱི་དྭངས་མ་ལ་སོགས་པའི་ལུས་ཟུངས་ཀྱི་ཁ་དོག་རྣམས་སོ་སོར་སྒྱུར་བར་བྱེད་པ། |
| མདན་པ |
1.འགྲམ་པའི་དོན་དུ་གོ་བའི་ལྡན་པ་དང་འདྲ། 2.སྒོའི་གཏན་པ། |
| མདའ |
1.ལུང་པའི་མདོ་སྟེ། (དཔེར་ན།) ལུང་པའི་ཕུ་མདའ་ཚང་མར་ས་ཞིང་གཤིན་པོ་ཡོད་ཅེས་པ་ལྟ་བུ། 2.འཕང་བྱའི་མཚོན་གྱི་བྱེ་བྲག་ཅིག (དཔེར་ན།) སྨྱུག་མདའ། མེ་མདའ། སྐར་མདའ། བཏང་ན་མདའ་དང་བཀུག་ན་གཞུ། མདའ་དྲང་ན་བྱང་ཐང་གི་འབྲོང་ཡང་བསད་ཅེས་པ་ལྟ་བུ། མིང་གི་རྣམ་གྲངས་ལ་སྒྲ་ཅན་དང༌། སྒྲོ་ལྡན། ལྕགས་སྦུབས་ཅན། ཉག་ཕྲན། ལྟོང་ཅན། དུག་གི་བྱུག་པ་ཅན། དྲང་འགྲོ། འདབ་ལྡན་མཚོན། འབིགས་བྱེད། འབེན་བསྣུན། མི་འཁྱོག་འགྲོ། རྩེ་མོ་ཅན། མཚོན་ཆའི་གཙོ། འུར་སྒྲ་ཅན་བཅས་སོ། །3.སྦུབས་ཅན་འདྲོང་པོ་སྟེ། (དཔེར་ན།) ཐ་མ་ཁའི་གང་ཟག་གི་མདའ། སྲང་མདའ། རྒྱ་གླིང་གི་མདའ་ཞེས་པ་ལྟ་བུ། 4.(མངོན་བརྗོད།) བདུད་དགའ་རབ་དབང་ཕྱུག་གི་མདའ་ལ་མྱོས་བྱེད་དང༌། སྲེད་བྱེད། རྨོངས་བྱེད། སྐེམ་བྱེད། འཆིང་བྱེད་བཅས་ལྔ་ཡོད་པས་གྲངས་ལྔ་མཚོན། |
| མདའ་གང |
མདའ་ཚད་གཅིག |
| མདའ་གཞུ |
འཕང་བྱའི་མདའ་དང༌། འཕེན་བྱེད་ཀྱི་གཞུ་སྟེ། (དཔེར་ན།) ཤ་བ་སྒོ་ཁར་སླེབས་དུས་མདའ་གཞུ་བཟོ་ལྟ་བུ། |
| མདའ་གཡབ |
མདའ་ཡབ་དང་འདྲ། |
| མདའ་གཤོག |
མདའ་ལ་སྦྱར་བའི་བྱ་སྒྲོ། |
| མདའ་གསང |
མི་ལུས་ཀྱི་བྲང་ཁོག་གཡས་གཡོན་བར་དུ་ཡོད་པའི་ཕུག་རོན་གསང་སོགས། |
| མདའ་གསུམ་པ |
ལུང་པ་གསུམ་མདོ་ཁ། |
| མདའ་གྲོང |
1.ལུང་པའི་མདའི་གྲོང༌། 2.མདའ་དོང་ངམ་མདའ་ཤུབས། |
| མདའ་གླུ |
མདའ་རྒྱག་སྐབས་ལེན་པའི་གླུ། |
| མདའ་ཆུ་ལ |
ལ་ཞིག རྫ་ཡུལ་རྫོང་གི་ལྷོ་རྒྱུད་དུ་ཡོད། |
| མདའ་ཆེན |
1.མདའ་བོ་ཆེ། 2.མདུང༌། |
| མདའ་ཉེ་འབེན་རྒྱང་མེད་པ |
མདའ་ལ་ཉེ་བ་དང་འབེན་ལ་རིང་བ་མ་ཡིན་པ་སྟེ་ཉེ་རིང་མེད་པའི་དཔེ། |
| མདའ་དཔོན |
སྔར་དགའ་ལྡན་ཕོ་བྲང་སྲིད་གཞུང་གི་དམག་དཔོན་གོ་གནས་ཆེ་གྲས་ཤིག |
| མདའ་དར |
མདའ་ལ་དར་ཚོན་སྣ་ལྔ་དང༌། མེ་ལོང་སོགས་བཏགས་པའི་མདའ་དར་ཏེ་བག་མ་ལེན་སྐབས་དང་ཚེ་གཡང་འགུག་པའི་ལས་སོགས་སུ་དགོས་པའི་རྫས་ཤིག |
| མདའ་དར་རྩེ་ལྔ |
1.ལྷ་མོ་འཁྲབ་དུས་དགོས་པའི་མདའ་དར། 2.དར་བཏགས་པའི་མདའ་ལྟོང་ཁ་ལྔ་པ། |
| མདའ་དོང |
མདའ་སྣོད། |
| མདའ་པ |
1.མདའ་འཕེན་པ་པོ། 2.ལུང་པའི་མདར་སྡོད་མཁན། 3.ས་ཆ་ཞིག རྩྭ་མདའ་རྫོང་ཁོངས་སུ་ཡོད། |
| མདའ་བཟོ་བ |
1.མདའ་མོ་གསར་དུ་བཟོ་བ། 2.མདའ་བཟོ་མཁན། |
| མདའ་བཤད |
བག་མ་ལེན་སྐབས་མདའ་དར་བག་མའི་གོས་ཀྱི་གོང་བར་གཟེར་ཏེ་མདའ་བཤད་རྒྱག་སྲོལ། |
| མདའ་བསྐྱོད |
(མངོན་བརྗོད།) གཞུ། |
| མདའ་བོ་ཆེ |
མདའ་ཆེན་པོ། |
| མདའ་མཁན |
1.མདའ་བཟོ་མཁན་ཏེ། (དཔེར་ན།) མདའ་མཁན་རང་གི་མདའ་ཡིས་བསད་ཅེས་པ་ལྟ་བུ། 2.མདའ་འཕེན་མཁན། |
| མདའ་མདེའུ |
མདའི་མདེལ་ལྕགས། |
| མདའ་མོ |
1.མདའ་གཞུའི་མདའ། 2.མདའ་ལ་བརྟེན་ནས་བཟང་ངན་བརྟག་པའི་མོ་ཕྱྭ། |
| མདའ་མོ་ཆེ |
མདའ་གཞུའི་མདའ་སྟེ། (དཔེར་ན།) མདའ་མོ་ཆེ་གསུམ་ཕོག་པས་རྟའི་སྟེང་ནས་ལྷུང་བ་ལྟ་བུ། |
| མདའ་ཚ་ཁ་ལྟ་བ |
མདའ་རྩལ་འགྲན་བསྡུར་བྱེད་པ། |
| མདའ་ཚད་མ |
རིང་ཐུང་གི་ཚད་མདའ་གང་ཙམ་མམ། མདའ་ལ་ཚད་བཞག་པའི་དངོས་པོ། |
| མདའ་ཚན་ཆེན་པོ |
མདའ་འཕེན་མཁན་མཁས་པ། |
| མདའ་ཟ |
(མངོན་བརྗོད།) གཞུ། |
| མདའ་ཟས་ཅན |
(མངོན་བརྗོད།) གཞུ། |
| མདའ་ཟུག་པ |
མདའ་རྒྱག་ཡུལ་ལ་ཕོག་ནས་གཏིང་ལ་ཟུག་པ། |
| མདའ་ཟོ |
(ཡུལ་སྐད།) རྩམ་པ་འཇལ་བྱེད་སྣོད་ཆུང་ཞིག |
| མདའ་འཁྱམས |
འཕར་མདའ། |
| མདའ་འཇོམས |
སྔོ་ཞིག |
| མདའ་འཕེན |
1.མདའ་རྒྱག་པ་སྟེ། (དཔེར་ན།) ཁྱོད་མདའ་མོ་མུན་ནག་མདའ་འཕེན་རེད། མིང་གི་རྣམ་གྲངས་ལ་རྒྱུད་ལས་གྲོལ་བ་དང༌། རྒྱུད་ལས་འཕོས། དྲག་པོའི་ཤུགས་འགྲོ་བཅས་སོ་ཞེས་པ་ལྟ་བུ། 2.(མངོན་བརྗོད།) གཞུ། |
| མདའ་འབེན |
མདའ་རྒྱག་སའི་འབེན། |
| མདའ་འཛིན |
(མངོན་བརྗོད།) 1>ཤུག་པ། 2>མདའ་དོང༌། |
| མདའ་ཡབ |
1.ཁང་ཐོག་གི་གྱང་རྩིག་པུ་ཤུའམ་ཉ་སྐྱོར། 2.གསེར་ཟངས་སོགས་ཀྱི་བྱ་འདབ། |
| མདའ་ཡབ |
ཁང་བའི་ཀླད་ཀྱི་མཐའ་རྩིག་ངོས་ལས་ཕྱིར་ཐོན་པའི་ཆ་དེའི་མིང་། |
| མདའ་ཡིག |
1.སྔར་དགའ་ལྡན་ཕོ་བྲང་སྲིད་གཞུང་གི་དཔོན་རིགས་ཆེ་གྲས་ཕྱོགས་འགྲོའི་སྐབས་རྟ་ཁལ་མི་གསུམ་གྱི་ཁྲལ་འུལ་བསྐུལ་ཕྱིར་སྔོན་ཚུད་ནས་རས་དམར་ལ་བྲིས་ཏེ་མདར་བཏགས་ནས་གཏོང་བའི་ཡི་གེ། 2.མདའི་དབྱིབས་དང་འདྲ་བའི་ལེགས་སྦྱར་གྱི་ཡི་གེ་ཞིག |
| མདའ་ར |
མདའ་འཕེན་སའི་ར་བ། |
| མདའ་རོའི་ལྷག |
ཟླ་འཕྲོ་ལ་ལྟོས། |
| མདའ་རྒྱག་པ |
མདའ་འཕེན་པ་སྟེ། (དཔེར་ན།) ཕོ་ཚོད་ཡོད་ནས་འབྲོང་ལ་མདའ་བརྒྱབ་པ་ཡིན། མདའ་ཤེས་ནས་གཞུ་ཉོས་པ་ཡིན། འབེན་མཐོང་ནས་མདའ་རྒྱག་དགོས་ཞེས་པ་ལྟ་བུ། |
| མདའ་རྒྱང |
མདའ་འཕེན་ཐེངས་གཅིག་གི་ཤུགས་ཀྱིས་ཇི་ཙམ་འགྲོ་བའི་བར་ཐག་སྟེ། (དཔེར་ན།) མདའ་རྒྱང་གང༌ཞེས་པ་ལྟ་བུ། |
| མདའ་རྒྱང་འཕེན |
མདའ་རྒྱང་ནས་འཕེན་པ་སྟེ། (དཔེར་ན།) མདའ་རྒྱང་ནས་འཕེན་པ་སྡར་མ་ཡིན། གྲི་བཅར་ནས་གཡུག་པ་དཔའ་བོ་ཡིན་ཞེས་པ་ལྟ་བུ། |
| མདའ་རྒྱན |
1.མདའ་འཕེན་འགྲན་སྐབས་འཇོག་པའི་རྒྱན། 2.མདའ་ལ་བཏགས་པའི་རྒྱན་ཆ། |
| མདའ་རྒྱལ་བ |
མདའ་འཕེན་འགྲན་བསྡུར་བྱས་ཏེ་རྒྱལ་ཁ་ཐོབ་པ། |
| མདའ་རྒྱུས |
སྔོ་སྨན་གྱི་རིགས་འབྲས་བུ་དམར་པོ་བྱུ་རུ་དང་འདྲ་བ་སྣེ་ནག་པོ་ཅན་མིང་གཞན་དམར་རུ་མགོ་ནག་ཟེར་བ་རོ་ཁ་བསྐ། ཞུ་རྗེས་སྙོམས། ནུས་པས་རྩ་ཁ་འབྱེད། མངལ་ནས་བུ་འབྱིན། མོ་ནད་འཇོམས། |
| མདའ་རྟེན |
(མངོན་བརྗོད།) གཞུ། |
| མདའ་རྡོ |
ལག་ཤུགས་ཀྱིས་འཕེན་པའི་མདའ་དང་རྡོའི་བསྡུས་མིང༌། (དཔེར་ན།) འབེན་བཙུགས་ཏེ་མདའ་རྡོ་རྒྱག་པ། ཕྲུ་གུས་འགྱིག་གཞུ་ལ་བརྟེན་ནས་མདའ་རྡོ་འཕེན་པ་ཞེས་པ་ལྟ་བུ། |
| མདའ་རྡོས་བསྡིགས་པ |
མདའ་རྡོ་འཕངས་ནས་འཇིགས་སྣང་བསྐུལ་བ་སྟེ། (དཔེར་ན།) དཔའ་རྩལ་ཅན་ལ་མདའ་རྡོས་བསྡིགས་ཀྱང་ག་ལ་འཇིགས་ཞེས་པ་ལྟ་བུ། |
| མདའ་རྩལ |
ལག་མདའ་འཕེན་ཤུགས་ཆེ་ཆུང་གི་འཕོང་རྩལ་ཏེ། (དཔེར་ན།) གླིང་ཁའི་ནང་དུ་མི་ཁ་ཤས་ཀྱིས་མདའ་རྩལ་འགྲན་གྱི་འདུག་ཅེས་པ་ལྟ་བུ། |
| མདའ་རྩེད |
མདའ་རྩལ་འགྲན་པའི་རྩེད་མོ། |
| མདའ་ལ་འུག་མ |
(བརྡ་རྙིང་།) མདའ་མདེའུ་མེད་པ། |
| མདའ་ལུང་ཆུ |
འབབ་ཆུ་ཞིག རྫ་ཡུལ་རྫོང་གི་ནུབ་རྒྱུད་དང་ལྷོ་ཡུལ་གྱི་ཤར་རྒྱུད་དུ་འབབ། |
| མདའ་ལྔ |
ལྷ་གཞན་འཕྲུལ་དབང་ཕྱུག་ལ་ཡོད་པའི་མྱོས་བྱེད་དང༌། སྲེད་བྱེད། རྨོངས་བྱེད། སྐེམ་བྱེད་དམ་རྒོད་བྱེད། འཆིང་བྱེད་དམ་བརྒྱལ་བྱེད་ཀྱི་མདའ་སྟེ་ལྔ། |
| མདའ་ལྔ་པ |
(མངོན་བརྗོད།) འདོད་ལྷ། |
| མདའ་ལྟོ་བ |
(མངོན་བརྗོད།) གཞུ། |
| མདའ་ལྟོང |
1.གཞུ་རྒྱུད་དང་སྦྱར་རྒྱུའི་ཁ་སྟེ། (དཔེར་ན།) རྒྱུད་ལ་མདའ་ལྟོང་སྦྱར་ཏེ་གཞུ་བཀང་ཞེས་པ་ལྟ་བུ། 2.ཟླུམ་ཧྲིལ་གྱི་དངོས་པོར་འཇམ་མཐར་འདོན་བྱེད་ཚག་པའི་ཡོ་བྱད་ཅིག |
| མདའ་ཤུབས |
མདའ་བླུག་སའི་ཤུབས། |
| མདའ་ཤུལ་སྒྲོ་འཛིན |
གཅིག་གི་ཤུལ་གཅིག་གིས་འཛིན་པའི་དཔེ། |
| མདའ་ཤེས་གཞུ་ཉོས |
གདེང་ཚོད་ཡོད་ནས་བྱ་བ་བྱེད་པའི་དཔེ། |
| མདའ་སྐད་གླིང་བསྒྱུར |
མདའ་བརྒྱབ་པའི་སྐད་དེ་གླིང་བུ་བཏང་བའི་སྐད་དུ་བསྒྱུར་བ་སྟེ་རྫུན་ཚིག་བདེན་གཏམ་དུ་བསྒྱུར་བའི་དཔེ། |
| མདའ་སྐྱེན་པོ |
མདའ་འཕེན་མཁས་པོ། |
| མདའ་སྒོ་གྲུ་ཁ |
ཁམས་རྒྱལ་ཐང་གི་ཤར་ངོས་འབྲི་ཆུའི་འགྲམ་དུ་ཡོད་པའི་གྲུ་ཁ་ཞིག |
| མདའ་སྒྲོ |
མདའ་ལ་སྦྱར་བའི་བྱ་སྒྲོ། |
| མདའ་སྟན |
(མངོན་བརྗོད།) གཞུ། |
| མདའ་སྦྱིན |
(མངོན་བརྗོད།) སྟོན་དུས། |
| མདུང |
གནའ་དུས་ཀྱི་མཚོན་ཆ་དབྱུག་པ་རིང་བོ་རྩེ་མོ་རྣོན་པོ་ཅན་ནམ། རྩེ་མོར་ལྕགས་རིགས་ཀྱི་རྣོ་དབལ་སྤྲད་པ་ཞིག་གི་མིང་། |
| མདུང་ཅན |
(མངོན་བརྗོད།) 1>རྩངས་པ་སྒལ་རལ། 2>འབུ་ཕྲ་མོ། 3>ཕོ་རིལ་དཀར་པོ། |
| མདུང་ཐུང |
མདུང་ཐུང་ཐུང༌སྟེ། (དཔེར་ན།) གྲི་ཐུང་རྐེད་པར་བཏགས། མདུང་ཐུང་ལག་ཏུ་ཐོགས་ཞེས་པ་ལྟ་བུ། |
| མདུང་ཐོགས |
(མངོན་བརྗོད།) དབང་ཕྱུག་ཆེན་པོ། |
| མདུང་དར |
མདུང་གི་རྐེད་ལ་བཏགས་བའི་རས་སམ་དར་ཆའི་མིང་། |
| མདུང་དོར |
(བརྡ་རྙིང་།) རྩེད་མོའི་རྒྱན་འགྱེད་པ། |
| མདུང་མཚོ |
མཚོ་ཞིག ཨ་མདོ་རྫོང་གི་ལྷོ་རྒྱུད་དུ་ཡོད། |
| མདུང་མོ |
མདོང་མོ་ཡི་འབྲི་ཚུལ་གཞན། |
| མདུང་ཞགས |
ཡུ་བར་ཐག་པ་རིང་པོ་བཏགས་ཏེ་འཕེན་རྒྱུའི་མདུང༌། |
| མདུང་ཟླ་ཚེས་མ |
མདུང་རྩེའི་ལྕགས་ཀྱི་དབྱིབས་ཟླ་ཚེས་དང་འདྲ་བའི་མདུང༌། |
| མདུང་ཡུ |
མདུང་གི་ཡུ་བ། |
| མདུང་རྩེ |
མདུང་གི་རྩེ་མོ་སྟེ། (དཔེར་ན།) མདུང་རྩེ་ཁ་སྤྲོད་ཅེས་པ་ལྟ་བུ། |
| མདུང་རྩེ་གསུམ་པ |
མཚོན་ཆ་མདུང་གི་བྱེ་བྲག་གཅིག |
| མདུང་རྩེ་དཀར་པོ |
རྡོ་སྨན་གྱི་རིགས་ཏེ། (དཔེར་ན།) རོ་མངར། ཞུ་རྗེས་བསིལ། ནུས་པས་རུས་ཆག་སྦྱོར། ཀླད་སྐྱོན་སེལ། མིག་ནད་བར་འགྲིབས་ལ་ཕན་ཞེས་པ་ལྟ་བུ། |
| མདུང་རྩེ་སྨུག་པོ |
རྡོ་སྨན་གྱི་རིགས་མདོག་སྨུག་ནག་བཅག་ཚེ་མདུང་སོ་ལྟར་དུམ་བུར་འགྱུར་བ་ཞིག་རོ་བསྐ། ཞུ་རྗེས་བསིལ། ནུས་པས་རུས་ཆག་སྦྱོར། མིག་གསལ། ཀླད་པར་རྨས་སྐྱོན་ཤོར་བ་སོགས་ལ་ཕན། |
| མདུང་རྩེའི་སོ |
ཡན་ལག་གི་རྣམ་གསང་འབིགས་བྱེད་ཀྱི་ཡོ་བྱད་ཅིག |
| མདུང་ཤིང |
མདུང་གི་ཡུ་བའི་ཤིང༌། |
| མདུང་སྨན |
ཚོད་ལྟའི་ཆེད་དུ་བཏང་བའི་སྨན། |
| མདུད |
1.(བྱེད་འབྲེལ་ལས་ཚིག) བསྡམས་པའི་དོན་ཏེ། (དཔེར་ན།) སྒྱེ་ཁ་མདུད། ཁུག་མའི་ཁ་མདུད། རང་ཐོག་ཁུག་མ་ཁ་མདུད་དང་། གཞན་ཐོག་པད་མ་ཁ་འབྱེད་བྱེད་མི་རུང་ལྟ་བུ། 2.མདུད་པ་ཡི་ཚིག་བསྡུས་པ། |
| མདུད་པ་བཞི |
བརྣབ་སེམས་དང༌། གནོད་སེམས། ཚུལ་ཁྲིམས་མཆོག་འཛིན་དང༌། བརྟུལ་ཞུགས་མཆོག་འཛིན་བཅས་བཞི། |
| མདུད་པ་བོར་བ |
མདུད་པ་བརྒྱབ་པ། |
| མདུད་པ་ཞིག་པ |
མདུད་པ་རང་བཞིན་གྱིས་གྲོལ་བ་སྟེ། (དཔེར་ན།) སྐ་རགས་ཀྱི་མདུད་པ་ཞིག་ནས་སྦོ་ལྷུག་མར་གྱུར་ཞེས་པ་ལྟ་བུ། |
| མདུད་འདྲ |
ཕོ་མཚན་གྱི་ནད་ཀྱི་བྱེ་བྲག་ཅིག |
| མདུད་འཛིན |
ཕྲེང་བའི་མདུད་པ་འཛིན་བྱེད། |
| མདུད་ལོག་རྒྱག་པ |
མདུད་པ་འགྲོལ་དཀའ་བ་རྒྱག་པ། |
| མདུན |
1.རྒྱབ་ངོས་ཀྱི་ལྡོག་ཕྱོགས་ཀྱི་མིང་། (དཔེར་ན།) མདུན་གྱང་། མདུན་སོ། མདུན་རི་ཞེས་པ་ལྟ་བུ། 2.ཉེ་ལོགས་ཀྱི་མིང་སྟེ། (དཔེར་ན།) དགེ་རྒན་གྱི་མདུན་དུ་སོང་ཞེས་པ་ལྟ་བུ། |
| མདུན་ཁང |
(བརྡང་རྙིང་།) འདུག་ས། |
| མདུན་གཡོག |
ཉེ་འགྲམ་དུ་སྡོད་པའི་གཡོག་པོ། |
| མདུན་གྱི་སྙིང་གསང |
ནུ་མ་གཡས་གཡོན་གཉིས་པོ་ཐིག་གིས་སྦྲེལ་བས་དེའི་དཀྱིལ་དེ་སྙིང་དང་འབྲེལ་བའི་མེ་བཙའི་གསང་ཞིག་དེར་མེ་བཙའ་བཞག་ན་འཕྱོ་བ་དང་འདར་བ་སྙིང་མི་བདེ་བ་སོགས་ལ་ཕན། |
| མདུན་གྲོས |
བཀའི་མདུན་ན་འདོན་དག་གི་བཀའ་གྲོས་ཏེ། (དཔེར་ན།) མདུན་གྲོས་ལ་དབང་བ་ཞེས་པ་ལྟ་བུ། |
| མདུན་ངོས |
མདུན་ཕྱོགས། |
| མདུན་ཆབ |
རྒྱ་ལུ་ཆས་གྱོན་དུས་མདུན་དུ་དཔྱངས་པའི་གོས་ཆེན་གྱི་འཕན་ལྟ་བུ་གཉིས། |
| མདུན་ཐབས |
1.ཁྱོ་ཤུག་ཁྱིམ་ཐབས། 2.མནའ་མའམ། བག་མ། |
| མདུན་དུ་བྱས་པའི་དགེ་བ |
དགེ་བ་མཆོག་གསུམ་གྱི་རྟེན་མདུན་དུ་བྱས་ཏེ་མཆོད་པ་བྱེད་པ། |
| མདུན་ན་མོ |
ཉེ་འཁོར་བའམ་སྐུ་བཅར། |
| མདུན་ན་འདོན |
བློན་པོ་སྟེ་རྒྱལ་པོའི་མདུན་དུ་གྲོས་འདོན་མཁན། |
| མདུན་བདར |
དཔུང་སྡེའི་སྔོན་དུ་འགྲོ་བའི་དམག་མི་ཞེས་པ་ལྟ་བུ། (དཔེར་ན།) མདུན་བདར་དཔུང་ཁག་ཅེས་པ་ལྟ་བུ། |
| མདུན་བསུ་བ |
སྔོན་བསུ་བྱེད་པ་སྟེ། (དཔེར་ན།) འགྲུལ་པའི་མདུན་ནས་བསུ་བ། དུས་ཆེན་མདུན་བསུ་ཞེས་པ་ལྟ་བུ། |
| མདུན་བསྐྱེད |
མདུན་དུ་དཀྱིལ་འཁོར་རྫོགས་པར་བསྐྱེད་ནས། རྡུལ་ཚོན་ལ་སྟ་གོན་གྱི་དཀྱིལ་འཁོར་གཞུག་པ་དང༌། ཐམས་ཅད་ལ་ཡེ་ཤེས་པ་བཅུག་ནས་མཆོད་ཅིང་བསྟོད་པ་སོགས་བྱ་བ། |
| མདུན་མ |
འདུན་མ་དང་འདྲ། |
| མདུན་མ་གླེང་བ |
གྲོས་བྱེད་པ། |
| མདུན་འགྱེལ་རྒྱབ་མཐུད |
དམག་སའི་མདུན་ཕྱོགས་སུ་འཐབ་མཁན་ཤི་འཕྲལ་དུ་རྒྱབ་སྣོན་བྱེད་མཁན་གྱིས་མུ་མཐུད་ནས་འཛིང་བ། |
| མདུན་འཇོག |
(མངོན་བརྗོད།) ཕྱག་རྟེན་ནམ་འབུལ་བ། |
| མདུན་ཡིག |
དྲུང་ན་སྡོད་པའི་ཡི་གེ་འབྲི་མཁན། |
| མདུན་རི |
མདུན་ཕྱོགས་སུ་ཡོད་པའི་རི། |
| མདུན་རོལ |
མདུན་ཕྱོགས་ཏེ། ཁང་པའི་མདུན་རོལ་ནས་ཕར་ཕྱིན་པ་ལྟ་བུ། |
| མདུན་རྒྱབ |
ངོས་དང་རྒྱབ་ལོགས། |
| མདུན་ལམ |
1.མདུན་ཕྱོགས་ཀྱི་འགྲོ་ལམ། 2.མ་འོངས་པའི་གནས་ཚུལ་ཏེ། (དཔེར་ན།) མདུན་ལམ་བཟང་པོ། མདུན་ལམ་ཟད་པ་ཞེས་པ་ལྟ་བུ། |
| མདུན་ལོགས |
མདུན་ཕྱོགས། |
| མདུན་ལྡབ |
(ཡུལ་སྐད།) ལྷ་མོ་འཁྲབ་དུས་མདུན་ཕྱོགས་སུ་སྤོ་བའི་གོམ་པ། |
| མདུན་ཤོག |
1.ཡི་གེའི་དེབ་ཀྱི་མདུན་ངོས་ཕྱོགས། 2.དཔེ་ཆའི་ཤོག་ལྡེབ་ཀྱི་མདུན་ཕྱོགས་ཏེ། (དཔེར་ན།) མདུན་ཤོག་ནང་མ་ཞེས་པ་ལྟ་བུ། |
| མདུན་ས |
ཚོགས་འདུ། |
| མདུན་སོ |
ཁའི་སོ་མདུན་མ། |
| མདུན་སྐྱོད |
སྔོན་ལ་འགྲོ་བཞིན་པ། |
| མདུན་སྣེ |
མདུན་ཕྱོགས་ཀྱི་སྣེ་མོ། |
| མདུན་སྲུང |
མདུན་ནས་སྲུང་སྐྱོབ་བྱེད་མཁན། |
| མདེའུ |
1.མདའི་རྩེ་མོར་སྤྲད་པའི་ལྕགས་ཀྱི་རྣོ་དབལ་གྱི་མིང་། 2.མེ་མདའི་མདེའུའི་མིང་། |
| མདེའུ་གསོར |
ཤིང་བཟོ་བའི་ལག་ཆ་གསོར། |
| མདེའུ་བྱིའུ་སྙིང་མ |
མདའ་ཡི་མདེའུའི་དབྱིབས་གཟུགས་ཤིག |
| མདེའུ་ཟུར་བཞི་མ |
མདའི་མདེའུའི་དབྱིབས་གཟུགས་ཤིག |
| མདེལ་ཁུག |
མདེའུ་བླུག་སྣོད། |
| མདེལ་པར |
བོད་མདའི་མདེལ་རིལ་ལུགས་རྒྱག་སའི་པར། |
| མདེལ་རིལ |
བོད་མདའི་ནང་བླུག་རྒྱུའི་ཞ་ཉེས་བཟོས་པའི་མདེའུ་རིལ། |
| མདེལ་ཤུབས |
མདེའུ་འཇུག་སྣོད། |
| མདོ |
1.ཉུང་ངུར་བསྡུས་པའི་སྡོམ་མམ་གནད་འགག 2.ཆུ་དང༌། ལམ་སོགས་ཀྱི་འཛོམས་འགག་སྟེ། (དཔེར་ན།) ལམ་བཞི་མདོ། ཆུ་གསུམ་མདོ། བྲག་གསུམ་མདོ། ལམ་མདོར་ལུས་པ་ལྟ་བུ། 3.ཁང་པ་སོགས་ཀྱི་ཕྱིའམ་མདའ་སྟེ། (དཔེར་ན།) ཁང་པ་སྦུག་མདོ། ལུང་པའི་ཕུ་མདོ་ཞེས་པ་ལྟ་བུ། 4.སྡེ་སྣོད་གསུམ་གྱི་ནང་ལས་མདོ་སྡེ། 5.མདོ་སྔགས་ཀྱི་ཟླས་དབྱེ་བའི་མདོ། |
| མདོ་ཀུན་ལས་བཏུས་པ |
བྱང་ཆུབ་སེམས་དཔའི་བསླབ་བྱའམ་སྤྱོད་པ་གཙོ་བོར་སྟོན་པའི་གཞུང་དཔལ་མགོན་པོ་ཀླུ་སྒྲུབ་ཀྱིས་མཛད་པ། བམ་པོ་ལྔ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེའི་འགྱུར། |
| མདོ་ཁ |
སྐད་ཆའི་སྙིང་པོ་སྟེ། (དཔེར་ན།) མི་དེའི་སྐད་ཆ་མདོ་ཁ་འགྲིལ་པོ་འདུག་ཅེས་པ་ལྟ་བུ། |
| མདོ་ཁམས |
ཨ་མདོ་དང་ཁམས་གཉིས་ཀྱི་སྤྱི་མིང༌། མིང་གཞན་སྨད་ཁམས་ཏེ་ད་ལྟ་འབྲི་ཆུ་སྟོད་རྒྱུད་ཀྱི་གཡས་གྱོན་ལ་ཟེར། |
| མདོ་ཁམས་སྒང་དྲུག |
སྨད་མདོ་ཁམས་སྒང་དྲུག་དང་དོན་གཅིག |
| མདོ་གསུམ་པ |
ལུང་པ་གསུམ་མདོ་ཁ། |
| མདོ་ཆུ |
མགོ་ལོག་རྨ་སྟོད་ཀྱི་འབབ་ཆུ་ཞིག |
| མདོ་ཆེན་པོ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ཡིན་པ་དང་མཐུན་པའི་མདོ |
པཎྜི་ཏ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། ། |
| མདོ་ཆེན་པོ་གཟུགས་ཅན་སྙིང་བོས་བསུ་བ་ཞེས་བྱ་བ |
བམ་པོ་ཕྱེད་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། ། |
| མདོ་ཆེན་པོ་འདུས་པ་ཆེན་པོའི་མདོ |
གནས་གཙང་མའི་ལྷ་ལ་སོགས་པའི་རྒྱུད་ཀྱི་གྲས་ཏེ། (དཔེར་ན།) འགྱུར་བྱང་མེད་པ། རྒྱུད་འབུམ་གླེགས་བམ་བ་པར་བཞུགས་པའོ། ། |
| མདོ་ཆེན་པོ་རྒྱལ་མཚན་དམ་པ་ཞེས་བྱ་བ |
ཤོ་ལོ་ཁ་བཞི་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། ། |
| མདོ་ཆེན་པོ་རྒྱལ་མཚན་མཆོག་ཅེས་བྱ་བ |
ཤོ་ལོ་ཀ་བཞི་བཅུ་ཐམ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། ། |
| མདོ་ཆེན་པོ་སྟོང་པ་ཉིད་ཅེས་བྱ་བ |
ཤོ་ལོ་ཀ་དགུ་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། ། |
| མདོ་ཆེན་པོ་སྟོང་པ་ཉིད་ཆེན་པོ |
བམ་པོ་ཕྱེད་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། ། |
| མདོ་དགེ་འདུན |
སྔར་ལྷ་ལྡན་སྨོན་ལམ་སྐབས་གདན་ས་གསུམ་གྱི་སྒྲིག་ཁོངས་ལ་དངོས་སུ་མ་འཛུལ་བའི་ཚོགས་ཁང་གི་མདོ་ན་བཞུགས་པའི་བཙུན་གྲལ། |
| མདོ་དགོངས་པ་འདུས་པ |
དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས་དོན་གྱི་སྙིང་པོ་རྡོ་རྗེ་བཀོད་པའི་རྒྱུད་རྣལ་འབྱོར་གྲུབ་པའི་ལུང་ཀུན་འདུས་རིག་པའི་མདོའམ། སངས་རྒྱས་ཐམས་ཅད་ཀྱི་དགོངས་པ་འདུས་པའི་མདོ་ལེའུ་བདུན་ཅུ་དོན་ལྔ་པའི་བདག་ཉིད་ཅན། རྒྱ་གར་གྱི་མཁན་པོ་དྷརྨ་བོ་དྷི་དང༌། དཱ་ན་རཀྴི་ཏ་དང༌། ཞུ་ཆེན་གྱི་ལོ་ཙཱ་བ་ཆེ་བཙན་སྐྱེས་ཀྱིས་བསྒྱུར་པ། |
| མདོ་དར་མ |
རོལ་མོའི་བྱེ་བྲག་ཅིག |
| མདོ་དོན |
རྩ་བའི་དོན་ཏེ། (དཔེར་ན།) སྐད་ཆ་མང་པོ་མ་བཤད་པར་མདོ་དོན་བཤད་ན་གོ་བདེ་ཞེས་པ་ལྟ་བུ། |
| མདོ་དྲན་པ་ཉེར་བཞག |
དྲན་པ་ཉེ་བར་བཞག་པའི་མདོ་དང་དོན་གཅིག |
| མདོ་ཕྱོགས |
རྒྱུ་ཕ་རོལ་ཏུ་ཕྱིན་པ་གཙོ་བོར་སྟོན་པའི་གཞུང༌། |
| མདོ་མེད |
ཕུགས་བསམ་མེད་པ་སྟེ། (དཔེར་ན།) མི་མདོ་མེད། ཕོ་མདོ་མེད་ཅེས་པ་ལྟ་བུ། |
| མདོ་ཙམ |
སྤྱི་ཁོག་བསྡུས་པའི་དོན་ཏེ། (དཔེར་ན།) སྐད་ཆ་མདོ་ཙམ་བཤད་ལྟ་བུ། |
| མདོ་འགག |
1.ཁང་པའི་བར་ཁྱམས། 2.ལམ་དང་ཆུ་སོགས་ཀྱི་འདུས་མདོ། 3.དོན་གནད་ཀྱི་སྙིང་པོ། |
| མདོ་འཛིན་པ |
ཟློས་གར་གྱི་འཁྲབ་བྱའི་དོན་གང་ཡིན་པ་དེའི་གཞུང་སྲོང་བ་པོ། |
| མདོ་རྒྱུད |
མདོ་དང་སྔགས་ཀྱི་གཞུང༌། |
| མདོ་རྒྱུད་ཀྱི་ས་ལམ |
མདོ་སྔགས་ཀྱི་གཞུང་ལས་བཤད་པའི་སངས་རྒྱས་སྒྲུབ་པའི་ས་དང་ལམ་གྱི་རྣམ་བཞག |
| མདོ་རྒྱུད་ཉེར་གཅིག |
ཟ་མ་ཏོག་བཀོད་པ་དང༌། པད་མ་སྙིང་པོའི་མདོ། ཞལ་བཅུ་གཅིག་པའི་མདོ། བཅུ་གཅིག་ཞལ་གྱི་གཟུངས། དོན་ཡོད་ཞགས་པ། དོན་ཞགས་ཕྱི་མ། པད་མ་མཆོག་དབང་བསྒྱུར་འཁོར་ལོ། ཆོག་སྔགས་ཀྱི་རྒྱུད། ཡིད་བཞིན་ནོར་བུའི་གཟུངས། སྙིང་རྗེ་ཆེན་པོ་མི་གཤོལ་བ། འོད་ཟེར་རྣམ་བཀོད། པད་མ་ཅོད་པན་གྱི་མདོ། ཡི་གེ་དྲུག་པའི་མདོ། དམ་ཆོས་པད་དཀར། པུཎྚ་རི་ཀའི་མདོ། ཆུ་ཀླུང་སྣ་ཚོགས་པའི་མདོ། སྣང་བ་རོལ་པའི་མདོ། མཚན་བརྒྱད་རྩ་བརྒྱད་པ། མཚན་རབ་ཡོངས་སུ་བསྟན་པའི་མདོ། ཕྱག་སྟོང་སྤྱན་སྟོང་གི་གཟུངས་བཅས་ཉེར་གཅིག་གོ། ། |
| མདོ་ལི |
ཁྱོགས་སམ་བྱམས་ཁྲི་སྟེ། (དཔེར་ན།) མདོ་ལི་འདེགས་པ་ཞེས་པ་ལྟ་བུ། |
| མདོ་ལོན་ཞུ་བཅད་ཀྱི་ཁྲིམས |
སྲོང་བཙན་སྒམ་པོས་བོད་དུ་ལག་བསྟར་བྱས་པའི་ཁྲིམས་ཡིག་ཅིག་སྟེ་བདེན་རྫུན་དབྱེ་འབྱེད་སྐབས་ཁ་དྲག་ཞན་གཉིས་རྩོད་ན་དྲག་པ་མི་སྐྱེངས་ཤིང་ཞན་པ་ཡི་མི་འཆད་པར་ཐག་གཅོད་པ། |
| མདོ་སྒྱུ་སེམས་གསུམ |
གསང་སྔགས་རྙིང་མའི་བསྐྱེད་རྫོགས་རྫོགས་ཆེན་གསུམ་གྱི་རྒྱུད་གཞུང་གཙོ་བོ་རྣམས་ཏེ། མདོ་དགོངས་པ་འདུས་པ། རྒྱུད་སྒྱུ་འཕྲུལ་དྲྭ་བ་སྟེ་དཔལ་གསང་བ་སྙིང་པོ། སེམས་མདོ་མ་བུ་བཅོ་བརྒྱད་རྣམས་སོ། ། |
| མདོ་སྒྲོག་པ |
གསུང་རབ་ཀློག་པ། |
| མདོ་སྔགས |
མདོ་དང་སྔགས། |
| མདོ་སྟོད |
མཚོ་སྔོན་གྱི་ལྷོ་ནུབ་ཕྱོགས་ཏེ་ད་ལྟའི་མཚོ་ལྷོ་བོད་རིགས་རང་སྐྱོང་ཁུལ་དང༌། མགོ་ལོག་བོད་རིགས་རང་སྐྱོང་ཁུལ་གྱི་མིང་རྙིང༌། |
| མདོ་སྡེ |
ཡུལ་གང་དུ་གང་ཟག་གང་གི་ཕྱིར་དུ་གསུངས་པ་སྨོས་པས་གནས་དང༌། ཀུན་རྫོབ་དང་དོན་དམ་པའི་བདེན་པའི་མཚན་ཉིད་སྨོས་པས་མཚན་ཉིད་དང༌། ཕུང་ཁམས་སྐྱེ་མཆེད་ལ་སོགས་པ་སྨོས་པས་ཆོས་དང༌། དགོངས་པའི་དོན་ཟབ་མོ་དག་སྟོན་པས་དོན་བཅས་བཞི་སྨོས་པས་མདོ་སྡེ་ཞེས་བྱའོ། །སངས་རྒྱས་གསུང་རབ་ལ་སྡེ་སྣོད་གསུམ་ཕྱེ་བའི་ནང་གི་ཡ་གྱལ་ཞིག་གི་མིང་། |
| མདོ་སྡེ་པ |
མདོ་སྡེའི་རྗེས་སུ་འབྲངས་ནས། རང་རིག་དང་ཕྱི་དོན་གཉིས་ཀ་བདེན་ཞེན་གྱིས་ཁས་ལེན་པའི་ཐེག་དམན་གྱི་གྲུབ་མཐའ་སྨྲ་བ། |
| མདོ་སྡེ་ཟ་མ་ཏོག་གི་སྙིང་པོ |
བོད་རྗེ་ཐོ་ཐོ་རི་གཉན་བཙན་གྱི་ཐུགས་དམ་གཉན་པོ་གསང་བར་གྲགས་པའི་ནང་ཚན་བོད་ལ་ཐོག་མར་བྱུང་བའི་མདོ་སྡེ་ཞིག་ཐུ་མིས་བོད་ཡིག་གསར་གཏོད་བྱས་རྗེས་གཞི་ནས་བོད་ཡིག་ཏུ་བསྒྱུར། |
| མདོ་སྡེ་རྒྱན |
བྱམས་ཆོས་སྡེ་ལྔ་ལས་རྒྱན་རྣམ་གཉིས་ཀྱི་ཡ་གྱལ་ཞིག དྲང་ངེས་ཀྱི་མདོ་སྡེ་སྣ་ཚོགས་པའི་དོན་གཏན་ལ་འབེབས་པར་བྱེད་པའི་གཞུང༌། ལེའུ་ཉེར་གཅིག་པ། རྒྱ་གར་གྱི་མཁན་པོ་ཤཱཀྱ་སིང་ཧ་དང༌། ལོ་ཙཱ་བ་དཔལ་བརྩེགས་ཀྱི་འགྱུར་ལ་བློ་ལྡན་ཤེས་རབ་ཀྱིས་འགྱུར་བཅོས་བྱས་པའོ། ། |
| མདོ་སྡེ་ལུང་སྡེ་བཞི |
ལུང་གཅིག་ལས་འཕྲོས་པ་དང༌། བར་མ། རིང་མོ། ཕྲན་ཚོགས་ཏེ་བཞི། |
| མདོ་སྡེ་སྤྱོད་པའི་དབུ་མ་པ |
སློབ་དཔོན་ལེགས་ལྡན་གྱིས་སྲོལ་ཕྱེ་བའི་ཕྱི་དོན་རང་གི་མཚན་ཉིད་ཀྱིས་གྲུབ་པ་ཁས་ལེན་པའི་དབུ་མ་རང་རྒྱུད་པའི་གྲུབ་མཐའ་སྨྲ་བ། |
| མདོ་སྡེ་སྨྲ་བ |
མདོ་སྡེ་པ་དང་དོན་གཅིག |
| མདོ་སྡེའི་མཆོད་པ |
བོད་རྒྱལ་མུ་ནེ་བཙན་པོའི་སྐབས་བསམ་ཡས་སུ་བཙུགས་པའི་དུས་མཆོད་ཆེན་པོ་ཞིག |
| མདོ་སྡེའི་རྒྱན |
མདོ་སྡེ་རྒྱན་དང་དོན་གཅིག |
| མདོ་སྡེའི་སྡེ་སྣོད |
ལྷག་པ་ཏིང་ངེ་འཛིན་གྱི་བསླབ་པ་གཙོ་བོར་སྟོན་པ། གསུང་རབ་ཡན་ལག་བཅུ་གཉིས་ཀྱི་ནང་ནས་མདོའི་སྡེ་དང༌། དབྱངས་ཀྱིས་བསྙད་པའི་སྡེ་དང༌། ཚིགས་སུ་བཅད་པའི་སྡེ་དང༌། ཆེད་དུ་བརྗོད་པའི་སྡེ་དང༌། ལུང་དུ་བསྟན་པའི་སྡེ་དང༌། ཤིན་ཏུ་རྒྱས་པའི་སྡེ་དང༌། རྨད་དུ་བྱུང་བའི་སྡེ་བཅས་བསྡུས་པའི་སྡེ་སྣོད་དོ། ། |
| མདོ་སྤྱི |
སྔར་དགའ་ལྡན་ཕོ་བྲང་སྲིད་གཞུང་གི་ཁམས་མདོ་སྨད་སྤྱི་ཁྱབ། |
| མདོ་སྦུག |
ཁང་པ་ནང་མ་དང་ཕྱི་མའི་བསྡུས་མིང༌། |
| མདོ་སྨད |
1.ད་ལྟ་ཆབ་མདོ་ས་ཁུལ་གྱི་མིང་གཞན་ཞིག 2.མིང་གཞན་གྱེར་མོ་ཐང་སྟེ་ད་ལྟ་མཚོ་སྔོན་ཞིང་ཆེན་ཁོངས་མཚོ་སྔོན་པོའི་ལྷོ་ནུབ་རྒྱུད་དང་རྨ་ཆུ་ནས་ལྷོ་ཕྱོགས་སུ་ཕྱིན་པའི་ས་རྒྱུད་སྤྱིའི་མིང༌། |
| མདོ་སྨད་ཆོས་འབྱུང |
མདོ་སྨད་ཆོས་འབྱུང་དེབ་ཐེར་རྒྱ་མཚོ་ཞེས་བྱ་བ། འདི་བྲག་སྒོམ་པ་བསྟན་པ་རབ་རྒྱས་ཀྱིས་རབ་བྱུང་བཅུ་བཞི་པའི་ཤིང་གླང་ལོར་བསྒྲིགས། བླ་བྲང་བཀྲ་ཤིས་འཁྱིལ་གྱི་པར་མར་ཤོག་གྲངས་དགུ་བརྒྱ་ཐམ་པ་ཡོད། དེའི་ནང་དོན་ཨ་མདོའི་ཡུལ་གྲུ་ཁག་གི་དགོན་མ་ལག་སོ་སོར་བྱོན་པའི་བསྟན་འཛིན་སྐྱེས་བུ་དང༌། གྲྭ་རྒྱུན་མང་ཉུང༌། ས་ཚིགས་རིང་ཐུང༌། འབྱོར་པ་ཐོན་ཁུངས་སོགས་ཞིབ་ཏུ་བཤད་ཅིང༌། ཁྱད་པར་དུ་དབུ་ན་ཆོས་འབྱུང་རྒྱལ་རབས་རྣམ་གྲངས་དྲུག་བརྒྱ་ལྷག་ཙམ་གྱི་མཚན་བྱང་དང་རྩོམ་པ་པོ་བཀོད་ཡོད་པ་དེ་ལོ་རྒྱུས་སྨྲ་བ་དག་ལ་མཁོ་གལ་ཆེ་བར་སྣང༌། |
| མདོག |
1.ཁ་དོག་སྟེ། (དཔེར་ན།) སྐུ་མདོག ཤ་མདོག ས་མདོག རས་མདོག མདོག་བཟང་བ། མདོག་ངན་པ། མདོག་མི་སྡུག་པ་ལྟ་བུ། 2.ཡིན་ཁུལ་དང༌། ཡོད་ཚུལ་སོགས་ཀྱི་དོན་ཏེ། (དཔེར་ན།) མི་འཇོན་འཇོན་མདོག་སྔོ་ལོ་ལངས་འཕྱར་ཞེས་པ་ལྟ་བུ། |
| མདོག་ཁ |
ཁ་དོག་གི་དོན་དུ་གོ་བའི་མདོག་དང་དོན་གཅིག |
| མདོག་ཁ་པོ |
1.བྱ་ཚིག་གི་མཐར་ཤས་ཆེ་བའི་དོན་ལ་འཇུག་པའི་ཚིག་ཕྲད་ཅིག (དཔེར་ན།) ཡོང་མདོག་ཁ་པོ། འགྲོ་མདོག་ཁ་པོ། སྟེར་མདོག་ཁ་པོ། འགྲིག་མདོག་ཁ་པོ་ལྟ་བུ། 2.ཁྱད་ཆོས་ཀྱི་ཚིག་གི་མཐར་ཆ་འདྲ་བའི་དོན་ལ་འཇུག་པའི་ཚིག་ཕྲད་ཅིག (དཔེར་ན།) ཆེ་མདོག་ཁ་པོ། དཀར་མདོག་ཁ་པོ། མཛེས་མདོག་ཁ་པོ། མཐོ་མདོག་ཁ་པོ་ཞེས་པ་ལྟ་བུ། |
| མདོག་ཁ་མོ |
མདོག་ཁ་པོ་དང་འདྲ། |
| མདོག་ཁྲ་ཤིག་གེ་བ |
ཚོན་མདོག་ཁྲ་ཐིང་ངེ་བ་སྟེ། (དཔེར་ན།) སྟག་གཟིག་གི་སྤུ་མདོག་ཁྲ་ཤིག་གེ་བ་ཡོང༌ཞེས་པ་ལྟ་བུ། |
| མདོག་གཅིག་པ |
1.ཁ་དོག་མཐུན་པ། 2.(མངོན་བརྗོད།) བྱ་རོག |
| མདོག་གསལ་ནད |
ལུས་ཀྱི་རྩ་བའི་མཁྲིས་པ་རིགས་ལྔའི་ནང་ཚན་མདོག་གསལ་ནད་དུ་གྱུར་པ་ནད་རྟགས་སུ་པགས་མདོག་སྔོ་ལ་ནག་ཅིང་རེག་བྱ་རྩུབ་པར་འགྱུར་བ་ཞིག |
| མདོག་གསལ་མཁྲིས་པ |
ལུས་ཀྱི་རྩ་བའི་མཁྲིས་པ་ལྔའི་ཡ་གྱལ་པགས་ལ་གནས་པ་ཞིག་བྱེད་ལས་ལུས་ཀྱི་པགས་པའི་མདོག་གསལ་ཞིང་དང་བར་བྱེད་པ་ཡིན། |
| མདོག་ཉམས་པ |
བཀྲག་མདངས་ཡལ་བ་སྟེ། (དཔེར་ན།) ལྟོ་སྐྱ་གོས་ཧྲལ་གྱིས་མདོག་ཉམས་པར་གྱུར་པ་ལྟ་བུ། |
| མདོག་ཉེས |
ཚོན་ནམ། ཚོན་ཁ་མ་ལེགས་པའི་དོན་ཏེ། (དཔེར་ན།) བཟོ་དབྱིབས་ལེགས་ཀྱང་མདོག་ཉེས་ཀྱི་དངོས་པོ་ལྟ་སྣང་ལ་མི་འགྲོ་ལྟ་བུ། |
| མདོག་དམར |
(མངོན་བརྗོད།) 1>ཁྲག 2>པདྨ་ར་ག། |
| མདོག་མདོག |
བཅོས་པའི་ཚུལ་ལམ་ཁུལ་ཏེ། (དཔེར་ན།) མི་ཤེས་པ་ཤེས་མདོག་མདོག་བྱེད་ཅེས་པ་ལྟ་བུ། |
| མདོག་མཛེས |
ཁ་དོག་ལྟ་ན་སྡུག་པ་སྟེ། (དཔེར་ན།) མདོག་མཛེས་མེ་ཏོག་ཅེས་པ་ལྟ་བུ། |
| མདོག་མེད་སྐྱེས |
(མངོན་བརྗོད། སོ་མ་རཱ་ཛཱ། |
| མདོག་འགྱུར |
མདོག་རང་བཞིན་གྱིས་འགྱུར་བ་སྟེ། (དཔེར་ན།) དགུན་དུས་སྤང་དང་ནགས་ཚལ་གྱི་མདོག་འགྱུར་སོང་ལྟ་བུ། |
| མདོག་ལེགས |
ཁ་དོག་བཟང་པོ་སྟེ། (དཔེར་ན།) རྟགས་མ་མདོག་ལེགས་ཤིག་ལེགས་སྐྱེས་སུ་སྩལ་ཞེས་པ་ལྟ་བུ། |
| མདོག་ལྔ་པ |
ཉི་མའི་རྟ་བདུན་གྱི་ཡ་གྱལ་ཞིག |
| མདོག་ལྡན |
1.སྔོ་ཞིག 2.(མངོན་བརྗོད།) གསེར་སྤྱི། |
| མདོག་ཤོར |
ཁ་དོག་ཤོར་བའམ་ཉམས་པ་སྟེ། (དཔེར་ན།) ལུས་སྟོབས་ཉམས་ན་མདོག་ཤོར་ཡོང༌ལྟ་བུ། |
| མདོག་སྒྱུར |
ཚོན་མདོག་ཆེད་དུ་སྒྱུར་བ་སྟེ། (དཔེར་ན།) སྣམ་བུ་བཀྲུས་ནས་མདོག་སྒྱུར་གྱི་ཚོས་ལས་བྱེད་པ་ལྟ་བུ། |
| མདོང་གསོལ |
(བརྡ་རྙིང་།) 1>ངོ་དགའ་བྱེད་པ། 2>དྲང་གཏམ། |
| མདོང་མོ |
མར་ཇ་དཀྲུག་བྱེད་ཀྱི་སྣོད་ཅིག་གི་མིང་། |
| མདོངས |
རྨ་བྱའི་མཇུག་སྒྲོའི་རྩེ་མོའི་མིག་འབྲས་ཀྱི་དབྱིབས་འདྲ་བའི་རི་མོ་མདོག་ཅན་གྱི་མིང་། གྲོ་ནས་སོགས་ཀྱི་སྙེ་མ་ཕྱིར་ཐོན་ལ་ཁད་ཡོད་དུས་ཀྱི་ཐུམ་པོའི་མིང་སྟེ། (དཔེར་ན།) གྲོ་ཡི་སྙེ་མ་མདོངས་དྲིལ་ཞེས་པ་ལྟ་བུ། |
| མདོངས་གསོལ |
མདོང་གསོལ་དང་འདྲ། |
| མདོངས་ཅན |
གདོང་ལ་དཀར་ཐིག་ཡོད་པའི་རྟ་དྲེལ། |
| མདོངས་པ |
མིག་ཞར་བ་སྟེ། (དཔེར་ན།) མིག་མདོངས་པ་ལྟ་བུ། |
| མདོངས་མཐའ་ཅན |
(མངོན་བརྗོད།) རྨ་བྱ། |
| མདོངས་ལྡན |
(མངོན་བརྗོད།) རྨ་བྱ། |
| མདོངས་སེལ་བ |
(མངོན་བརྗོད།) སྐར་མ་རི་བྱི། |
| མདོམས |
ཕོ་མོའི་མཚན་མ་གནས་ཡུལ་གྱི་དོན་དུ་གོ་བའི་འདོམས་དང་འདྲ། |
| མདོའི་སྡེ |
གསུང་རབ་ཡན་ལག་བཅུ་གཉིས་ཀྱི་དང་པོ་གདུལ་བྱ་འདུལ་བའི་དོན་དུ་རྒྱས་བསྡུས་བཅད་ལྷུག་ཅི་རིགས་ཀྱི་སྒོ་ནས་བརྗོད་བྱ་སྣ་ཚོགས་སྟོན་པའི་མདོ་ཉན་ཐོས་ཀྱི་མདོ་སྡེའི་སྡེ་སྣོད་དུ་གཏོགས་པ་ཞིག |
| མདོར |
(བསྣན་ཚིག) ཉུང་ངུར་བསྡུས་པའི་དོན་ཏེ། (དཔེར་ན།) ཚིག་མདོར་བསྡུས་ན། སྐད་ཆ་མདོར་བསྡུས་ནས་ཤོད། སྐད་ཆ་མདོར་བསྡུས་ཤིག་ལྟ་བུ། |
| མདོར་ན |
1.སྡོམ་བསྡུ་ནའམ་མདོར་བསྡུ་ན་ཞེས་པ་དང་འདྲ་སྟེ། (དཔེར་ན།) མང་དུ་བཤད་ཟིན་ཅིང༌། མདོར་ན་སྙིང་པོ་འདི་ཡིན་ཞེས་པ་ལྟ་བུ། 2.ཐ་ན་ཞེས་པ་དང་འདྲ་སྟེ། (དཔེར་ན།) ཁང་པ་འདིའི་ནང་དུ་འཛིན་ཆས་མང་པོ་ཕར་བཞག་མདོར་ན་གདན་གཅིག་ཀྱང་མི་འདུག་ཅེས་པལྟ་བུ། |
| མདོར་བཤད |
མདོར་བསྡུས་ནས་བཤད་པ། |
| མདོར་བསྟན |
དཔེ་ཆའི་མགོར་དཔེ་ཆའི་ནང་དོན་མདོར་བསྡུས་ནས་བཤད་པའི་གསལ་བཤད་ཀྱི་མིང་། |
| མདོར་བསྟན་པ |
དོན་གནད་གང་རུང་མདོར་བསྡུས་ཏེ་བསྟན་པའམ་རགས་རིམ་ཙམ་བཤད་པ་སྟེ། (དཔེར་ན།) མདོར་བསྟན་པའི་ཚིག མདོར་བསྟན་པར་གཞག་པ། རེ་ཞིག་རྒྱས་བཤད་ཀྱི་སྤྲོས་པ་དོར་ཏེ་མདོར་བསྟན་ཙམ་ཞུས་པ་ཡིན་ལྟ་བུ། |
| མདོར་བསྡུས |
ཉུང་ངུར་བསྡུས་པ་སྟེ། (དཔེར་ན།) རྒྱས་པ་ལས་མདོར་བསྡུས་ཏེ་བཤད་པ། ཡི་གེའི་སྤྲོས་བཤད་དོར་ཏེ་མདོར་བསྡུས་སྟབས་བདེ་བྲིས་པ་ལྟ་བུ། |
| མདོར་བསྡུས་ན |
མདོར་བསྡུས་ནས་བཤད་ན་ཞེས་པའི་དོན་ཏེ། (དཔེར་ན།) མདོར་བསྡུས་ན་གང་དུ་གཉའ་གནོན་ཡོད་ས་དེ་ཉིད་དུ་ངོ་རྒོལ་ཡང་ཡོད་ཅེས་པ་ལྟ་བུ། |
| མདོས |
མཆོད་སྦྱིན་གྱི་ཚབ་བམ་གླུད་རྫས། འདི་ལ་གཉིས་དབྱེ་རྒྱུ་ཡོད་པའི་ཡས་སྟགས་ནི་ལྷ་ལ་མཆོད་པ་འབུལ་རྒྱུ་དང༌། མས་སྟགས་ནི་གདོན་བགེགས་རྣམས་ལ་སྦྱིན་པ་གཏོང་རྒྱུ་ཡིན། |
| མདོས་ཀྱི་སྨྱུག་དྲ |
མདོས་སྐུད་དཀྲི་སའི་སྨྱུག་སྒྲོམ་སྟེ་ནམ་མཁའ་མཚོན་བྱེད་ཅིག |
| མདོས་བརྒྱབ་པ |
དགྲ་བགེགས་སོགས་ལ་གཏོར་རྫས་ཀྱི་གླུད་རྫོངས་བཏང་བ། |
| མདོས་བརྡ་སྤྱོད་པ |
མདོར་བསྡུས་ཀྱི་སྒོ་ནས་བརྡ་སྤྲོད་པ། |
| མདོས་ཟོར |
མཆོད་སྦྱིན་དུ་བྱ་རྒྱུའི་མདོས་དང་གཏོར་ཟོར་ཏེ། (དཔེར་ན།) མདོས་ཟོར་བརྒྱབ་པ་ཞེས་པ་ལྟ་བུ། |
| མདོས་འཕངས་པ |
གདོན་བགེགས་སོགས་ལ་གཏོར་རྫས་ཀྱི་གླུད་རྫོངས་གཡུགས་པ། |
| མདོས་ཡས |
གཏོ་བཅོས་ཀྱི་མདོས་དང་དེའི་རྫས་ཆ། |
| མདོས་རིས |
སྐུད་པ་ཚོས་ཚོགས་སྤེལ་བའི་ནམ་མཁའ་དང་ཁྱུང་ཚང་སོགས་མཚོན་བྱེད་ཀྱི་རི་མོ། |
| མདྷྱ་མ་ཀ |
(ལེགས་སྦྱར།) མཐའ་གཉིས་སུ་མ་ལྷུང་བའི་དབུས་ན་གནས་པའི་དབུ་མའོ། ། |
| མན |
1.ཡན་གྱི་ལྡོག་ཟླ་སྟེ། (དཔེར་ན།) ད་དུང་ལོ་སུམ་ཅུ་བཞི་བཅུ་ཡན་མན་ཙམ་འཛུགས་སྐྲུན་བྱེད་དགོས། ཆུ་ཚོད་རེར་ལེ་དབར་སུམ་སྟོང་མན་ཙམ་ཞིག་སློབས་ཐུབ་ཅེས་པ་ལྟ་བུ། 2.(རྒྱ་སྐད།) གྲོ་ཞིབ་སྟེ། (དཔེར་ན།) ཐུག་པ་མན་ཆིལ། ཆིལ་མན་མོག་མོག་ཅེས་པ་ལྟ་བུ། 3.(ཡུལ་སྐད།) མ་ཡིན་གྱི་བསྡུས་མིང༌། (དཔེར་ན།) ང་མན་ཁོ་ཡིན། ཁོ་མན་ང་ཡིན་ཞེས་པ་ལྟ་བུ། |
| མན་ཁན |
(ཡུལ་སྐད།) སྟེང་ནས་ཐུར་དུ་སྐོར་བའི་གསོར་ཆུང་ཞིག |
| མན་ངག |
1.ཐབས་ཤེས་ཁྱད་པར་བའི་མིང་། (དཔེར་ན།) སྨན་གྱི་མན་ངག རྩིས་ཀྱི་མན་ངག གསང་བའི་མན་ངག་ཅེས་པ་ལྟ་བུ། 2.གསང་བའི་ཤེས་ཡོན་དང་ལག་རྩལ་གྱི་མིང་། (དཔེར་ན།) སྒྱུ་མའི་མན་ངག སྙན་རྒྱུད་མན་ངག་ཅེས་པ་ལྟ་བུ། |
| མན་ངག་ཉིང་ཁུ |
གདམས་ངག་གི་སྙིང་པོའམ་བཅུད། |
| མན་ངག་བཀའ་རྒྱ་མ |
རབ་བྱུང་བཅུ་གཅིག་པའི་ནང་དར་མོ་སྨན་རམས་པ་བློ་བཟང་ཆོས་གྲགས་ཀྱིས་མཛད་པའི་ཤིན་ཏུ་ཟབ་པའི་མན་ངག་སྣ་ཚོགས་གཅིག་ཏུ་བསྡུས་པའི་བདག་ཉིད་ཅན་ལུང་དང་ལག་ལེན་མེད་པར་སྤྱད་མི་ཆོག་པའི་བཀའ་ཡི་རྒྱས་བཏབ་པའི་སྨན་གྱི་བསྟན་བཅོས་གྲགས་ཆེན་ཞིག |
| མན་ངག་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག རྗོད་བྱེད་དྲུག་ཚན་དུ་མའི་བདག་ཉིད་ཅན་གྱི་སྒོ་ནས་ཞལ་གདམས་ཀྱི་ཚུལ་དུ་སྟོན་པའི་གཞུང༌། དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། ། |
| མན་ངག་འཁོར་ལོ་འོད་གསལ |
བོན་གྱི་ལྟ་བ་སྟོན་པའི་གཞུང་ཞིག |
| མན་ངག་རྒྱུད |
དཔལ་ལྡན་རྒྱུད་བཞིའི་ཡ་གྱལ་དུམ་བུ་གསུམ་པ་སྤྱི་གཙུག་ནས་རྐང་མཐིལ་བར་གྱི་ནད་ཐམས་ཅད་ལག་ལེན་དམར་ཁྲིད་ཀྱི་སྒོ་ནས་གཏན་ལ་འབེབས་པ་ཡོན་ཏན་གྱི་རྒྱུད་དེ་ལེའུ་དགུ་བཅུ་རྩ་གཉིས་ཡོད་པའི་སྨན་གཞུང་ཚད་ལྡན་ཞིག |
| མན་ངག་སྡེ |
རྫོགས་ཆེན་ཨ་ཏི་ཡོ་གའི་ནང་གསེས་ཟབ་པ་མན་ངག་གི་སྡེ་ནི། སྙིང་ཐིག་གི་སྐོར་རྣམས་ཏེ། ཨོ་རྒྱན་གྱི་སློབ་དཔོན་པདྨ་འབྱུང་གནས་ནས་བརྒྱུད་པའི་མན་ངག་མཁའ་འགྲོ་སྙིང་ཐིག་དང་པཎ་ཆེན་བི་མ་མི་ཏྲ་ནས་བརྒྱུད་པའི་བི་མ་སྙིང་ཐིག་སོགས་ཡིན་ཞིང༌། འདིའི་ལྟ་གྲུབ་ནི། འཁོར་འདས་སྤང་བླང་དང་བྲལ་ཞིང་རེ་དོགས་ཕྱོགས་ལྷུང་ལས་བརྒལ་ནས་བློ་དང་ཡིད་དཔྱོད་ལས་འདས་པའི་ཆོས་ཉིད་དེ། གཞི་དབྱིངས་ཀ་དག་ཁྲེགས་ཆོད་དང༌། ལམ་སྣང་ལྷུན་གྲུབ་ཐོད་རྒལ་བསྒོམས་པས་བློ་འདས་རང་བྱུང་གི་ཡེ་ཤེས་སྐད་ཅིག་ལ་འཆར་བར་བྱེད་པའོ། ། |
| མན་ཆད |
དུས་སམ་གནས་ཀྱི་མཚམས་འབྱེད་པའི་ཚིག (དཔེར་ན།) ལྟེ་བ་མན་ཆད་ཆུའི་ནང་དུ་ནུབ་པ། ད་ལྟ་མན་ཆད་ལྟ་བུ། |
| མན་ཆིལ་ཙི |
(རྒྱ་སྐད།) གྲོ་ཞིབ་ལེབ་མོར་བཟོས་པའི་ཐུག་པ། |
| མན་ཆུ |
རིན་སྤུངས་རྫོང་ཁོངས་ཀྱི་འབབ་ཆུ་ཞིག་དང༌། ཡར་ཀླུངས་གཙང་པོའི་ཡན་ལག་ཅིག་ཡིན། |
| མན་ཆོད |
དུས་སམ་གནས་ཀྱི་མཚམས་འབྱེད་པའི་ཚིག་སྟེ། (དཔེར་ན།) བསམ་གཏམ་གསུམ་པ་མན་ཆོད་ཅེས་པ་ལྟ་བུ། |
| མི་རྐང |
1.མིའི་རྐང་རུས། 2.མིའི་རྐང་གླིང་སྟེ་གསང་སྔགས་ཀྱི་རོལ་མོའི་ཡོ་བྱད་ཅིག |
| མི་རྐང་གླིང་བུ |
མིའི་བླ་རུས་ལས་བཟོས་པའི་དུང་སྟེ་གསང་སྔགས་ཀྱི་རོལ་མོའི་བྱེ་བྲག་ཅིག |
| མི་རྐྱང |
རོགས་ཟླ་མེད་པའི་མི། (དཔེར་ན།) མང་ཚོགས་ལ་བརྟེན་ནས་ལས་དོན་བྱེད་དགོས་པ་ལས་རྟ་རྐྱང་མི་རྐྱང་གིས་གང་ཡང་མི་འགྲུབ་ཅེས་པ་ལྟ་བུ། |
| མི་རྒན |
1.ན་རྒས་ཀྱི་མི། 2.ཉམས་མྱོང་ཆེ་བའི་མི། |
| མི་རྒན་པ |
ལོ་ན་ལོན་ཞིང་བསམ་བློ་རྙེད་པའི་མི། |
| མི་རྒོད |
1.སྔ་དུས་ཀྱི་བཤད་སྲོལ་ལྟར། ཡུལ་མཐའ་འཁོབ་ཀྱི་ནགས་ཁྲོད་དུ་སྡོད་པའི་མི་གདོང་དང་གཟུགས་པོར་སྤུ་ནག་རིང་པོ་སྐྱེས་ཤིང༌། དུད་འགྲོ་ལྟར་བླུན་རྨོངས་སྤྱོད་པ་གྱོང་པོ་ཞིག 2.མི་དཔའ་དང་བློ་ཁོག་ཆེ་བ་སྟེ། (དཔེར་ན།) མི་རྒོད་དཔུང་པ་མཉམ་གཤིབས་དང༌། རྟ་རྒོད་བང་ཁ་མཉམ་རྒྱུག་བྱེད་ཅེས་པ་ལྟ་བུ། |
| མི་རྒོད་པོ |
1.མི་འཇོན་པོའམ་གྲུང་པོ། 2.མི་གྱོང་པོའམ་སྤྱོད་རྩིང་ཚབས་ཆེའི་མི། |
| མི་རྒྱུ་གཉིས་ཞན |
མི་རྒྱུ་གཉིས་ཀས་ཕོངས་པ་སྟེ། (དཔེར་ན།) ལུང་པ་དེ་མི་རྒྱུ་གཉིས་ཞན་ཞིག་ཡིན་ཡང་ཐོན་སྤེལ་གྱི་ལས་དོན་བྱེད་སྟངས་གང་ལེགས་འདུག་ཅེས་པ་ལྟ་བུ། |
| མི་རྒྱུད |
མིའི་རིགས་རྒྱུད། |
| མི་རྗེ |
1.དཔོན་པོ་ཆེན་པོ། 2.མི་མཆོག |
| མི་རྟག་པ |
འཇིག་པའི་ཆོས་ཏེ། (དཔེར་ན།) རང་ཉིད་སྐད་ཅིག་རེ་རེ་བཞིན་དུ་འཕོ་འགྱུར་འགྲོ་བའོ། ། (དཔེར་ན།) འདུས་བྱས་མི་རྟག་ཆོས་ཉིད་ཡིན། ཚེ་མི་རྟག་ནམ་མཁའི་གློག་དང་འདྲ་ཞེས་པ་ལྟ་བུ། |
| མི་རྟོག་ཆེན་པོའི་ཐུགས |
སྟོང་པ་ཉིད་ཀྱི་ཡེ་ཤེས་ནི་ཆོས་སྐུ་མི་རྟོག་ཆེན་པོའི་ཐུགས་ཞེས་སྔགས་རྙིང་མའི་བཞེད་པའོ། ། |
| མི་རྟོན་པ་བཞི |
གང་ཟག་ལ་མི་རྟོན་པ་དང༌། ཚིག་ལ་མི་རྟོན་པ། རྣམ་ཤེས་ལ་མི་རྟོན་པ། དྲང་དོན་ལ་མི་རྟོན་པ་སྟེ་བཞིའོ། ། |
| མི་རྨུན་པོ |
(བརྡ་རྙིང་།) མི་བླུན་པོ། |
| མི་རྩ |
མིའི་འབྱུང་ཁུངས་སམ་མི་རྒྱུད་དེ། (དཔེར་ན།) རང་ཁོངས་མི་རྩ། སྒེར་གྱི་མི་རྩ། ཆོས་གཞིས་མི་རྩ། སོ་ནམ་ལས་ཁུངས་ཀྱི་མི་རྩ་ཞེས་པ་ལྟ་བུ། |
| མི་རྩ་ཅན |
མི་འགངས་ཆེན། |
| མི་རྩ་མགོ་ལེན |
དཔོན་ཁུངས་གཞན་གྱི་མི་རྩ་ཞིག་རང་ཉིད་ལ་མགོ་འདོགས་པར་ཡོང་བ་དེ་ཁས་ལེན་པ་ལ་མགོ་ལེན་ཟེར། |
| མི་རྩ་ཡན་སྡོད |
སྔར་མངའ་བདག་གི་ཁྲལ་ཁོངས་ནས་བྲོས་ཏེ་རང་གར་སྡོད་པའི་མིའི་གྲས། |
| མི་ལ |
1.བོད་ཀྱི་རིགས་རུས་རྙིང་པ་ཞིག རྗེ་བཙུན་མི་ལ་རས་པ་རིགས་དེ་ལས་བྱུང་བ་ཡིན། 2.ལ་ཞིག མཚོ་སྣ་རྫོང་ཁོངས་མོན་ཡུལ་དུ་ཡོད། |
| མི་ལ་ཞོན |
(མངོན་བརྗོད།) རྣམ་ཐོས་སྲས། |
| མི་ལ་འཚེ |
(མངོན་བརྗོད།) སྲིན་པོ། |
| མི་ལ་རས་པ |
ཐོས་པ་དགའ་སྟེ། རབ་བྱུང་དང་པོའི་ལྕགས་འབྲུག་ལོར་ལ་སྟོད་གུང་ཐང་སྐྱ་རྔ་རྩ་རུ་འཁྲུངས། སྔར་མཐུ་བསླབས་ནས་དགྲ་མང་པོ་བསད། སླད་ནས་སྡིག་པ་ལ་འགྱོད་དེ་ཆོས་བྱས་པས་གྲུབ་པའི་གོ་འཕང་མཐོན་པོར་སོན། ཁོང་གིས་མར་པ་ལོ་ཙཱའི་སྙན་གྲགས་ཐོས་ནས་ལྷོ་བྲག་ཏུ་བྱོན། བླ་མས་སྲས་མཁར་དགུ་ཐོག་བརྩིགས་པ་སོགས་ཆོས་ཕྱིར་དཀའ་ཆེན་ལོ་དྲུག་ཟླ་བརྒྱད་ཙམ་སྤྱོད་དུ་བཅུག་མཐར་དབང་དང་གདམས་ངག་རྫོགས་པར་གནང༌། དགུང་ལོ་ཞེ་ལྔ་པ་ཤིང་བྱི་ལོར་སྟོད་ཕྱོགས་སྐྱིད་གྲོང་དང་གཉའ་ནང་ཁུལ་དུ་ཕེབས་ཏེ་ལོ་དགུའི་རིང་ལ་ན་བཟའ་རས་རྐྱང་དང་ཟས་ཟྭ་ཚོད་ཙམ་ལ་བརྟེན་པ་སོགས་དཀའ་སྤྱད་དང་སྙིང་རུས་དྲག་པོས་བསྒོམས་པས་སྐུ་ཚེ་དེ་ཉིད་ལ་མཆོག་གི་དངོས་གྲུབ་བརྙེས། དེ་ནས་ས་ཕྱོགས་གཞན་དུ་འབྱོན་བཞུད་མཛད་ནས་སྣོད་དུ་རུང་བ་རྣམས་ལ་གསང་སྔགས་ཀྱི་གདམས་པ་གནང༌། ཉམས་མགུར་མང་དུ་བརྩམས། རས་ཆུང་པ་དང༌། དྭགས་པོ་ལྷ་རྗེ་སོགས་སློབ་མ་མང་དུ་བསྐྲུན། སྒྲུབ་བརྒྱུད་ཀྱི་བསྟན་པའི་སྲོལ་བཙུགས། རབ་བྱུང་གཉིས་པའི་ཆུ་ཡོས་ལོ་ལ་འདས། |
| མི་ལ་རས་པའི་རྣམ་ཐར |
རྣལ་འབྱོར་གྱི་དབང་ཕྱུག་རྗེ་བཙུན་མི་ལ་རས་པའི་རྣམ་པར་ཐར་པ་དང་ཐམས་ཅད་མཁྱེན་པའི་ལམ་སྟོན་མགུར་འབུམ་དང་བཅས་པ་འདི་ནི་རབ་བྱུང་བརྒྱད་པའི་ས་སྤྲེལ་ལོར་གཙང་སྨྱོན་ཧེ་རུ་ཀ་རུས་པའི་རྒྱན་ཅན་ནམ་མཚན་དངོས་སངས་རྒྱས་རྒྱལ་མཚན་དུ་འབོད་པས་མི་ལ་རས་པ་དང་རས་ཆུང་པ་གཉིས་ཀྱིས་དྲི་བ་དང་དྲིས་ལན་གྱི་ཚུལ་དུ་གསུངས་པའི་རྣམ་ཐར་རྟོགས་བརྗོད་དུ་བརྩམས་པར་མཛད་པ་ཡིན་ལ། དེའང་ཐོག་མར་ཡབ་མེས་བརྒྱུད་པའི་འབྱུང་ཁུངས་དང་བཅས་ཏེ་སྐུ་བལྟམས་པའི་མཛད་པ་དང༌། གཉིས་པ་ཉེ་བ་དགྲ་རུ་གྱུར་ཏེ་སྡུག་བསྔལ་བདེན་པ་ཐུགས་ཉམས་སུ་བཞེས་པའི་མཛད་པ་དང༌། གཉིས་པ་ཉེ་བ་དགྲ་རུ་གྱུར་ཏེ་སྡུག་བསྔལ་བདེན་པ་ཐུགས་ཉམས་སུ་བཞེས་པའི་མཛད་པ་དང༌། གསུམ་པར་མཐུ་བསྒྲུབས་ནས་དགྲ་བོ་རྣམས་ཚར་བཅད་པའི་མཛད་པ་སྟེ་ཐུན་མོང་འཇིག་རྟེན་པའི་མཛད་པ་གསུམ་དང༌། མཚན་ལྡན་གྱི་བླ་མ་བཙལ་བའི་མཛད་པ་དང༌། དཀའ་སྤྱད་ཀྱིས་སྒྲིབ་པ་སྦྱངས་པའི་མཛད་པ་དང༌། སྨིན་གྲོལ་གྱི་གདམས་པ་ཐོབ་པའི་མཛད་པ་དང༌། ཉམས་རྟོགས་ཀྱི་མྱུ་གུ་འཁྲུངས་པའི་མཛད་པ་དང༌། ཆིག་བརྒྱུད་ཀྱི་གདམས་ངག་ཐོབ་སྟེ་བླ་མའི་དྲུང་ནས་བྱོན་པའི་མཛད་པ་དང༌། སླར་ཡང་སྒྲུབ་ལ་ཡིད་དམ་བཅས་པའི་མཛད་པ་དང༌། རྩེ་གཅིག་རི་ལ་བསྒོམས་པའི་མཛད་པ་དང༌། སྒྲུབ་འབྲས་མངོན་དུ་གྱུར་ཏེ་འགྲོ་དོན་སྤེལ་བའི་མཛད་པ་དང༌། གཟུགས་སྐུ་ཆོས་དབྱིངས་སུ་བསྡུས་པའི་མཛད་པ་ཞི་བ་མྱང་འདས་ཀྱི་མཛད་པ་དགུ་བཅས་མཛད་ཆེན་བཅུ་གཉིས་ཀྱི་རྣམ་པར་ཐར་པའི་ཚུལ་ཟབ་ཅིང་རྒྱ་ཆེ་བ་རྣམས་ཚིག་བཅད་ལྷུག་སྤེལ་མའི་གཏམ་དུ་བྱས་པའོ། ། |
| མི་ལག |
1.གླ་མི་སྟེ། (དཔེར་ན།) སྟོན་སྡུད་བྲེལ་བ་ཆེ་སྐབས་མི་ལག་སྒྲིག་པ། ལམ་རོགས་ཀྱི་མི་ལག་སྒྲིག་ཅེས་པ་ལྟ་བུ། 2.མི་གཞན་གྱི་ལག་པ་སྟེ། (དཔེར་ན།) མི་ལག་མ་བརྒྱུད་པར་རང་གིས་ལེན་པ། རང་དབང་མི་ལག་ཏུ་མ་སྤྲོད་ཅེས་པ་ལྟ་བུ། |
| མི་ལང |
འཛད་པ་མེད་པའམ་ཚར་རྒྱུ་མེད་པའི་དོན་ཏེ། (དཔེར་ན།) སྔོན་གྱི་སྡུག་བསྔལ་བརྗོད་ཀྱིས་མི་ལང་ཞེས་པ་ལྟ་བུ། |
| མི་ལུས |
མིའི་ལུས་རྟེན་ཏེ། (དཔེར་ན།) མི་ལུས་ཀྱི་རང་དབང༌། མི་ལུས་གཞན་དབང༌ཞེས་པ་ལྟ་བུ། |
| མི་ལུས་རིན་ཆེན |
རྩ་ཆེའི་མི་ལུས་ཏེ། (དཔེར་ན།) མི་ལུས་རིན་ཆེན་གསེར་ལས་དཀོན་པར་སྙིང་པོ་ཡོད་པ་ཞིག་བྱེད་དགོས་ལྟ་བུ། |
| མི་ལོ |
མིའི་འཇིག་རྟེན་གྱི་ལོ་གྲངས་རྩི་སྟངས། |
| མི་ལྕོགས་པ |
1.མི་ཁོམ་པ་སྟེ། (དཔེར་ན།) ལས་མང་སྡེབ་གཅིག་ཏུ་བྱེད་མི་ལྕོགས་པ་ལྟ་བུ། 2.མི་ནུས་པའི་དོན་ཏེ། (དཔེར་ན།) རྐང་ཕྲ་པོས་ཁུར་ཆེན་པོ་འཁྱེར་མི་ལྕོགས་པ། བསམ་ཚོད་ཀྱི་བྱ་བ་ནུས་སྟོབས་ཀྱིས་མི་ལྕོགས་པ་ལྟ་བུ། |
| མི་ལྟ་བ |
མིག་མི་ལྟ་བའམ་མི་རྩི་བ་སྟེ། (དཔེར་ན།) ཡུལ་དུས་ཀྱི་གནས་ཚུལ་ལ་མི་ལྟ་བར་བབ་ཅོལ་གྱི་བྱ་སྤྱོད་གང་བྱུང་བྱས་ན་འཐུས་སྒོ་འཆོར་རྒྱུ་ལས་མེད་ཅེས་པ་ལྟ་བུ། |
| མི་ལྟུང |
(མངོན་བརྗོད།) ཁྲག |
| མི་ལྡན་རྣམ་གཅོད |
རྣམ་གཅོད་ཀྱི་སྒྲའི་ནང་གསེས་ཤིག གཞི་དེ་ལ་ཁྱད་ཆོས་དེ་མི་ལྡན་པ་རྣམ་པར་བཅད་ནས་མཐའ་གཅིག་ཏུ་ལྡན་པ་ཁོ་ནར་སྟོན་པའི་སྒྲ། དཔེར་ན་ནག་པ་འཕོང་སྐྱེན་པ་ཁོ་ན་ཡིན་ཞེས་དང༌། སྒྲ་མི་རྟག་པ་ཉིད་ཡིན་ཞེས་པ་ལྟ་བུ། རྣམ་གཅོད་ཀྱི་སྒྲའམ་ཚིག་ཕྲད་དེ་ཁྱད་ཆོས་ཀྱི་འོག་དེ་མ་ཐག་པར་སྦྱར་ནས་རྗོད་པར་བྱེད་པའོ། ། |
| མི་ལྡོག་པ |
སླར་མི་འོང་བའི་དོན་ཏེ། (དཔེར་ན།) ནོར་འཁྲུལ་གྱི་བསམ་པ་གཙང་སེལ་བྱས་ནས་ཕྱིར་མི་ལྡོག་པ་ལྟ་བུ། |
| མི་ལྷིང་པོ |
མི་འཚབ་འཚུབ་མེད་པའམ་བརྟན་པོ། |
| མི་ཤ |
1.མིའི་ཤ།2.མི་བསད་པའི་ཤ་ལན་ནམ། དགྲ་ཤ་སྟེ། (དཔེར་ན།) མི་ཤ་ལེན་པ། སྔར་འབྲོག་སྡེ་ཕན་ཚུན་བར་མི་ཤ་ལེན་རེས་ཀྱི་འཁྲུག་གཞི་རྒྱུན་དུ་ལངས་ཡོང༌ལྟ་བུ། |
| མི་ཤ་འཕྲང་ཕྲད |
དགྲ་ཤ་ལེན་མཁན་འཕྲང་འགག་དོག་པོར་ཕྲད་པ། |
| མི་ཤི་རྟ་འགྱེལ |
ཉམས་རྒུད་ཚབས་ཆེན་ནམ་རྩ་མེད་དུ་གྱུར་པ། |
| མི་ཤིགས་པ |
འཇིག་མེད་བརྟན་པོ། |
| མི་ཤིགས་པའི་ཐིག་ལེ |
དུས་རྟག་ཏུ་མི་ཤིགས་པའི་ཐིག་ལེ་ཤིན་ཏུ་ཕྲ་བའི་རླུང་སེམས་དང༌། ཇི་སྲིད་འཚོའི་བར་དུ་མི་ཤིགས་པའི་ཐིག་ལེ་སྙིང་གའི་ཁམས་དཀར་དམར། |
| མི་ཤུགས |
མིའི་སྟོབས་ཤུགས། |
| མི་ཤུགས་རྒྱུ་སྟོབས |
མི་རྒྱུ་གཉིས་ཀའི་སྟོབས་ཤུགས་ཏེ། (དཔེར་ན།) མི་ཤུགས་རྒྱུ་སྟོབས་ལ་གཅེས་སྤྲས་བྱེད་དགོས་ལྟ་བུ། |
| མི་ཤེས་དགུ་ཤེས |
བྱ་སྤྱོད་སྣ་ཚོགས་ཤེས་པ། |
| མི་ཤེས་ཤེས་མདོག |
ཤེས་ཟོལ་གྱིས་རྫུན་སྨྲ་བ། |
| མི་ཤོད་དགུ་ཤོད |
ཁ་ནས་ཐོན་ཚད་བཤད་པའི་དོན་ཏེ། (དཔེར་ན།) ཁུངས་ལུང་མེད་པའི་སྐད་ཆ་མི་བཤད་དགུ་བཤད་བཤད་ན་མི་འགྲིག་ཅེས་པ་ལྟ་བུ། |
| མི་སག་མ |
(ཡུལ་སྐད།) སྒབ་ཟོར་ཡང་བའི་མི། |
| མི་སར་རང་སྡོད |
མི་དཔེ་རང་ལ་འགེབས་ཚིག་སྟེ། (དཔེར་ན།) གཞན་གྱི་དཀའ་ངལ་མཐོང་དུས་མི་སར་རང་སྡོད་ཀྱིས་རོགས་ཕན་བྱེད་དགོས་ལྟ་བུ། |
| མི་སེམས་མ་ཟིན |
མིའི་བློ་འདོད་དང་མ་མཐུན་པ་སྟེ། བཙན་རྒྱལ་རིང་ལུགས་པས་ཁོ་པ་རང་གི་རྒྱལ་ཁབ་ནང་དུའང་མི་སེམས་མ་ཟིན་པར་ཡ་འགལ་དུ་ཕྱིན་ཡོད་ལྟ་བུ། |
| མི་སེར |
མི་དམངས་དང་དོན་འདྲ། |
| མི་སེར་སྤེལ་བ |
རྒྱལ་ཁབ་སྟོབས་ཆེ་བས་རང་ཉིད་ཀྱིས་དབང་དུ་བསྡུས་ཟིན་པའི་ས་ཁུལ་དུ་མི་སེར་སྤོ་བ་ལ་ཟེར། མ་རྩའི་རིང་ལུགས་ཀྱི་དུས་སྐབས་སུ་མ་རྩའི་རིང་ལུགས་རྒྱལ་ཁབ་ཀྱིས་རང་གི་དཔལ་འབྱོར་དང་ཆབ་སྲིད་ཀྱི་དབང་ཤུགས་དེ་དར་རྒྱས་མ་བྱུང་བའི་རྒྱལ་ཁབ་དང་ས་ཁུལ་ལ་རྒྱ་བསྐྱེད་བྱེད་པ་དང༌། ས་ཆ་དེའི་མི་དམངས་ཀྱི་ས་ནས་འཕྲོག་བཅོམ་དང་དེ་དག་བྲན་བཀོལ་གྱི་བྱ་བ་བྱེད་པ་ལ་ཟེར། |
| མི་སེར་སྤེལ་བའི་རིང་ལུགས |
རྒྱལ་ཁབ་སྟོབས་ཆེ་བས་རྒྱལ་ཁབ་བམ་ས་ཁུལ་སྟོབས་ཆུང་བར་གཉའ་གནོན་དང༌། དབང་སྒྱུར་བྲན་བཀོལ། བཤུ་གཞོག་བཅས་ཀྱི་སྲིད་ཇུས་འཛིན་པར་ཟེར། |
| མི་སེར་སྤེལ་ཡུལ |
རྒྱལ་ཁབ་ཅིག་གིས་ཕྱིའི་རྒྱལ་ཁབ་ཀྱི་ས་ཆ་བཙན་བཟུང་བྱས་རྗེས་རང་གི་མི་སེར་གནས་སྤོས་ཀྱིས་བཙན་སྡོད་བྱེད་པའི་ས་ཁུལ་ལ་ཟེར། ད་ལྟ་མ་རྩའི་རིང་ལུགས་སམ་བཙན་རྒྱལ་རིང་ལུགས་ཀྱིས་གཞན་གྱི་ཆབ་སྲིད་དང་དཔལ་འབྱོར་གྱི་རང་བཙན་དབང་ཆ་འཕྲོགས་པར་མ་ཟད། བདག་སྐྱོང་ཡང་བྱེད་སའི་ས་ཁུལ་ལམ་རྒྱལ་ཁབ་ལ་ཟེར། |
| མི་སེར་སྤེལ་ཡུལ་ཕྱེད་ཙམ |
རྣམ་པའི་ཐོག་རང་བཙན་ཡིན་ཀྱང་ཆབ་སྲིད་དང༌། དཔལ་འབྱོར། རིག་གནས་སོགས་གང་ཅིའི་ཐད་ལ་བཙན་རྒྱལ་རིང་ལུགས་ཀྱིས་ཚོད་འཛིན་དང་གཉའ་གནོན་བྱེད་སའི་རྒྱལ་ཁབ་དེ་ཚོར་ཟེར། |
| མི་སྐྱ |
ཁྱིམ་པ། |
| མི་སྐྱེ་བ་ཤེས་པ |
ཤེས་པ་བཅུའི་ནང་གསེས་ཏེ། སྡུག་བསྔལ་མི་སྐྱེ་བ་ལ་མི་སྐྱེ་བར་ཤེས་པའོ། ། |
| མི་སྐྱོད་པའི་ཆོས་ཅན |
ཉན་ཐོས་དགྲ་བཅོམ་པ་དྲུག་གི་ཡ་གྱལ་ཞིག་ཉམས་པ་དང་འཕོ་བ་མེད་པར་རང་སར་གནས་ནས་མི་སྐྱོད་པའི་གང་ཟག |
| མི་སྒེར |
མི་སོ་སོའམ་ཁེར་རྐྱང༌། |
| མི་སྟོ |
མི་གནོད་དམ་མི་སྐྱོན་ཏེ། (དཔེར་ན།) ལས་ཁུངས་གྲོལ་དུས་ཏོག་ཙམ་ཕྱི་པོ་བྱས་ན་ཡང་མི་སྟོ་ལྟ་བུ། |
| མི་སྡུག་པ |
མཛེས་པ་མིན་པ་དང༌། ཡིད་དུ་མི་འོང་བ་སྟེ། (དཔེར་ན།) གཟུགས་མི་སྡུག་པ། རྣམ་འགྱུར་ཆེས་མི་སྡུག་པ་ལྟ་བུ། |
| ཚ་ཐུར |
ཐུར་མའི་ཆ་བྱད་མེར་བསྲེགས་ནས་ནད་ཀྱི་སྟེང་དུ་འབུག་པ་ལ་ཟེར། |
| ཚ་ཐོག |
ཚ་ངར་མ་ཡལ་བའི་དུས་སྐབས་ཏེ། (དཔེར་ན།) ལྕགས་ཚ་ཐོག་ཏུ་རྡུང་ཞེས་པ་ལྟ་བུ། |
| ཚ་ཐོར |
པགས་ནད་ཀྱི་རིགས་ཤིག་སྟེ། (དཔེར་ན།) ངོ་ལ་ཚ་ཐོར་ཐོན་འདུག་ཅེས་པ་ལྟ་བུ། |
| ཚ་དམྱལ་བརྒྱད |
ཚ་བའི་སེམས་ཅན་དམྱལ་བ་བརྒྱད་དེ། ཡང་སོས་དང༌། ཐིག་ནག་བསྡུས་འཇོམས། ངུ་འབོད། ངུ་འབོད་ཆེན་པོ། ཚ་བ། རབ་ཏུ་ཚ་བ། མནར་མེད་དེ་བརྒྱད་དོ། ། |
| ཚ་དར |
མེ་མདའི་ཚ་ཁ་ལྟ་བ་དང༌། ཞར་འཕེན་གློད་དེ་འགྲན་བསྡུར་བྱེད་པར་རྒྱལ་ཁ་ལོན་མཁན་ལ་ཐོབ་པའི་ཁ་བཏགས། |
| ཚ་དར་མ |
(བརྡ་རྙིང་།) རྟུལ་ཕོད་ཅན། |
| ཚ་དྲག |
ཛ་དྲག་ཆེན་པོ་སྟེ། (དཔེར་ན།) ལས་བྲེལ་ཧ་ཅང་ཚ་དྲག་ཆེ་བ། བུན་བདག་གིས་ངལ་རྩོལ་མི་དམངས་ལ་བུ་ལོན་འདེད་སྐུལ་ཚ་དྲག་ཆེན་པོའི་སྒོ་ནས་བཤུ་གཞོག་གཉའ་གནོན་བྱས་ལྟ་བུ། |
| ཚ་དྲོད |
1.ནམ་དུས་ཀྱི་ཚ་ངད་དང༌། མེ་ཤུགས་ཀྱི་དྲོད་ངད། 2.ཚད་ནད་འབར་བའི་དྲོད་ངད་དེ། (དཔེར་ན།) ནད་པ་ཚ་དྲོད་རྒྱས་ནས་རིག་པ་མི་གསལ་བ་ལྟ་བུ། |
| ཚ་ནད |
ཚད་ནད་དང་འདྲ། |
| ཚ་ནན |
ཚ་དྲག་ནན་ཏན་ཏེ། (དཔེར་ན།) སྐུལ་ལྕག་ཚ་ནན། སློབ་གསོ་ཚ་ནན། ཁ་རྡུང་ཚ་ནན། ངོ་རྒོལ་ཚ་ནན་ཞེས་པ་ལྟ་བུ། |
| ཚ་ནོན |
(ཡུལ་སྐད།) ཚེམ་སྤྱད་དབུར་ཏི། |
| ཚ་པོ |
(རྒྱན་ཚིག) མེ་དང་ཉི་འོད་སོགས་ཀྱི་དྲོད་དེ། (དཔེར་ན།) ཆུ་ཚ་པོ། ཉི་མ་ཚ་པོ། མེ་ལོང་ལ་ཕུ་ཚ་པོ་འདེབས་པ་ལྟ་བུ། |
| ཚ་ཕོག |
ལམ་བར་དུ་ངལ་གསོའི་ཆེད་དུ་བཟའ་འཐུང་བྱེད་པའི་མིང༌། (དཔེར་ན།) ཕྱོགས་འགྲུལ་རྣམས་ཀྱིས་ལམ་ཐག་རིང་ཐུང་འཚམས་པར་ཚ་ཕོག་རྒྱག་དགོས་ལྟ་བུ། |
| ཚ་ཕྱུ་མ |
(ཡུལ་སྐད།) སྔ་དུས་ཀྱི་སོག་ཆས་ལ་དཔེ་བླངས་ནས་བཟོས་པའི་གྱོན་པ་ཞིག |
| ཚ་ཕྱུར་ཕྱུར |
(ཡུལ་སྐད།) 1>ལུས་ལ་ཚ་རེག་ཕོག་ཉམས་ཤིག (དཔེར་ན།) ཉི་མས་གཟུགས་དྲོས་ཆེས་ནས་མགོ་ལུས་ཚ་ཕྱུར་ཕྱུར་བྱུང་ལྟ་བུ། 2>ངོ་ཚ་སྐྱེས་པའི་ཉམས་འགྱུར་ཏེ། (དཔེར་ན།) མི་མང་པོའི་དཀྱིལ་དུ་རྫུན་རྐུབ་རྡོལ་ནས་ངོ་གདོང་ཚ་ཕྱུར་ཕྱུར་དུ་གྱུར་སོང༌ལྟ་བུ། 3>འཇིགས་སྐྲག་སྐྱེས་པའི་ཉམས་འགྱུར་ཏེ། (དཔེར་ན།) མི་ངན་རང་རྟགས་ཐོན་ཉེའི་སྐབས་ལུས་པོའང་ཚ་ཕྱུར་ཕྱུར་བྱེད་ཀྱི་འདུག་ཅེས་པ་ལྟ་བུ། |
| ཚ་བ |
1.(རྒྱན་ཚིག) ཟུག་རྔུ་འབར་བ་སྟེ། (དཔེར་ན།) སྨན་ཁབ་རྒྱག་རྩལ་མཁས་པ་ཡིན་པས་ཚ་མི་ཡོང༌། རྐང་མཐིལ་ལ་ཚེར་མ་ཟུག་ནས་ཚ་བྱུང༌ལྟ་བུ། ཚ་ལ་ལྟོས།2.(མངོན་བརྗོད།) ལྒ་སྐྱ་དང༌། པི་པི་ལིང༌། ཕོ་བ་རིས་གསུམ་ལ་ཚ་བ་གསུམ་ཟེར་བས་གྲངས་གསུམ་མཚོན། 3.(བརྡ་རྙིང་།) ལྟོ་ཆས། 4.རོའི་བྱེ་བྲག་ཅིག (དཔེར་ན།) ལྒ་སྐྱ་རོ་ཚ་བ། སྨན་གྱི་ནུས་པ་ཚ་བ་ལྟ་བུ།5.ལུས་ཀྱི་དྲོད་ཁམས་འཕེལ་བ་ལས་བྱུང་བའི་ནད་ཚ་བ། |
| ཚ་བ་གསུམ |
སྨན་གྱི་ཚ་བ་གསུམ་སྟེ་སྒ་སྐྱ་སྒ་སྨུག་དང༌། པི་པི་ལིང༌། ཕོ་བ་རིས་བཅས་གསུམ། |
| ཚ་བ་ཆུང |
དུས་གཟེར་ཉེར་བཞིའི་ནང་གསེས་ཤིག་ཧོར་ཟླ་དྲུག་པའི་དབུགས་ལ་ཚ་བ་ཆུང་རིམ་ནས་འཕེལ་བའི་དུས་སྐབས། |
| ཚ་བ་ཆུང |
དུས་གཟེར་ཉེར་བཞིའི་ནང་གི་གཅིག་ལུགས་གསར་གྱི་ཟླ༧པའི་ཚེས༦གམ༧། ཡང་ན༨ཅི་རིགས་ལ་འཆར་ཞིང་ཙད་ཆུང་ཡང་ཟེར། ནད་རིགས་ཚ་གྲང་གཉིས་ཀྱི་ནང་ཚན་ཚ་བ་ནད་ལ་ཚ་གྲང་སྨན་ལ་བསིལ་དྲོད་གཉིས་ཞེས་པ་ལྟ་བུ། |
| ཚ་བ་ཆེ |
དུས་གཟེར་ཉེར་བཞིའི་ནང་གི་གཅིག་ལུགས་གསར་གྱི་ཟླ༧པའི་ཚེས༢༢སམ༢༣། ཡང་ན༢༤ཅི་རིགས་ལ་འཆར་ཞིང་། ཙད་ཆེན་ཡང་ཟེར། |
| ཚ་བ་དྲངས་པ |
(བརྡ་རྙིང་།) ལྟོ་ཆས་དྲངས་པ། |
| ཚ་བ་མ |
ལུས་ཀྱི་རྩའི་བྱེ་བྲག་ཅིག |
| ཚ་བ་མ་སྨིན་པ |
བད་ཀན་དང་རླུང་གིས་ཚ་བ་སྨིན་དུ་མ་སྟེར་བ་ནང་གསེས་སུ་དབྱེ་ན་རང་བཞིན་རྒྱུ་ཡིས་མ་སྨིན་པ་དང༌། ནད་ཁམས་ཀྱིས་མ་སྨིན་པ། རྐྱེན་གྱིས་མ་སྨིན་པ་བཅས་གསུམ་མཆིས། |
| ཚ་བ་ཚུགས |
ལོ་རེ་བཞིན་དབྱར་ཉི་ལྡོག་ནས་བགྲངས་པའི་ལྕགས་ཕོ་གསུམ་པ་ནས་ཚ་བ་ཚུགས། དེ་ཉིད་ནས་བགྲངས་པའི་བདུན་པའི་དབུགས་ཐོབ་པར་ཚ་བ་ཆེ་ཆུང་འཇོག་པ་ཡིན་ཞིང་མཁའ་མེ་ཞག་ལ་གསུམ་བཞི་མ་ལྡང་ཚེ་ལོ་དེ་ཚ་ཆེན་ཡིན་པས་བཟང་ཟེར། བདུན་བརྒྱད་ཆད་ཚེ་ཚ་འབྲིང༌། དགུ་བཅུ་ཆད་ཚེ་ལོ་དེ་ལ་ཚ་ཆུང་ཟེར། |
| ཚ་བ་འཛག་པ |
ནད་ཅིག |
| ཚ་བ་རི་ཐང་མཚམས་ཀྱི་ལེའུ |
ཚ་བ་ཞི་ནས་གྲང་བ་མ་ལངས་པའི་མཚམས་ཀྱི་རྟགས་དང་བཅོས་ཐབས་རྣམས་གསལ་བར་སྟོན་པའི་མན་ངག་རྒྱུད་ཀྱི་ལེའུ་བཅུ་བཞི་ལ་ཟེར། |
| ཚ་བ་རྒྱས་པ |
1.ནམ་དུས་ཀྱི་ཚ་བ་རྒྱས་པ། 2.ལུས་ཀྱི་ཚ་བ་རྒྱས་པ། |
| ཚ་བ་རྙིང་པ |
ཟླ་བ་གཅིག་ཕར་འདས་པའི་ལུས་ལ་ཚ་བའི་ནད་རོ་ལུས་པ་ལ་ཟེར་ཏེ། ནད་རྟགས་སུ་ལུས་སྟོད་ཚ་ཞིང་གློ་སྙིང་འཕར་བ་དང༌། སྲོད་དུས་ན་ཞིང་རྔུལ་ཁ་སྙི་བ་སོགས་འབྱུང་བ་ཞིག |
| ཚ་བ་ལ་འདས |
ནད་ཚ་བ་བཅོས་པའི་དུས་ལས་འདས་ཏེ་ལུས་ཟུངས་ཡོངས་ནད་ཀྱི་གྲོགས་སུ་གྱུར་ནས། སྨན་པའི་དབུགས་ཕྱི་ནང་གི་རྒྱུ་བ་གཅིག་ལ་འཕར་རྩ་ལན་དགུ་དང་བཅུ་འཕར་བ་གསོ་དཀའ་བར་གྱུར་པའི་སྲོག་གཅོད་ནད་རིགས་ཀྱི་ནང་ཚན་ཞིག |
| ཚ་བ་ཤིང |
སྨན་གྱི་ཤིང་ཞིག |
| ཚ་བ་སྒང |
སྨད་མདོ་ཁམས་སྒང་དྲུག་གི་ཡ་གྱལ་ཞིག་རྒྱལ་མོ་རྔུལ་ཆུ་དང༌། ཆབ་མདོའི་རྫ་ཆུ་གཉིས་དབར་དུ་ཆགས་པའི་ས་རྒྱུད། དེང་སྐབས་དཔའ་ཤོད་དང༌། མཛོ་སྒང་རྫོང་སོགས་ཀྱི་ཡུལ་ལུང་གི་སྤྱི་མིང༌། |
| ཚ་བ་སྒྲིབ |
(མངོན་བརྗོད།) ཉི་གདུགས། |
| ཚ་བ་སྡེ་དྲུག |
མ་སྨིན་པའི་ཚ་བ་དང༌། རྒྱས་པའི་ཚ་བ། སྟོང་པའི་ཚ་བ། གབ་པའི་ཚ་བ། རྙིང་པའི་ཚ་བ། རྙོག་པའི་ཚ་བ་བཅས་དྲུག་གོ། ། |
| ཚ་བའི་ནད |
མཁྲིས་པ་རང་གི་ལྡང་ཚད་ལས་འཕེལ་ཏེ་ལུས་ཟུངས་དྲི་མ་བཅས་ཀྱི་གནས་སུ་དྲོད་ཚད་རྒྱས་པར་གྱུར་པའི་ནད། |
| ཚ་བའི་ས་རྒྱུད |
ཚ་དྲོད་ཆེ་བའི་ཡུལ། |
| ཚ་བའི་སེམས་ཅན་དམྱལ་བ་བརྒྱད |
ཚ་དམྱལ་བརྒྱད་དང་དོན་གཅིག |
| ཚ་བའི་སྣུམ་ཅན |
སྣུམ་གྱི་རྒྱུ་པད་ཁ། |
| ཚ་བཤལ |
1.ཆུ་ཚ་པོས་སྣོད་བཤལ་བ། 2.ཚ་བའི་ནད་ཀྱིས་གྲོད་པ་བཤལ་བ། |
| ཚ་བས་སྐད་འགགས་པ |
ཚ་བའི་ཤུགས་ཀྱིས་སྐད་གདངས་ཞན་པོར་གྱུར་པའི་ནད། |
| ཚ་བིར་བིར |
(རྒྱན་ཚིག) ལུས་ལ་ཚ་དྲོད་སྐྱེ་སྟངས་ཤིག (དཔེར་ན།) དགུན་དུས་མེ་འཁྲིས་སུ་བསྡད་ན་གཟུགས་པོ་ཚ་བིར་བིར་བྱས་ཡོང༌ལྟ་བུ། |
| ཚ་བུན |
ནད་ཟུག་གི་ཚ་ཤུགས་ཏེ། (དཔེར་ན།) རྨ་ནད་འཕར་བའི་ཚ་བུན་ཆེ་ཡང་སྨན་གྱིས་འཇོམས་ནུས་ལྟ་བུ། |
| ཚ་བོ |
རང་གི་བུ་བུ་མོའི་བུ་དང་སྤུན་ཟླའི་བུ་ནི་རང་གི་ཚ་བོ་ཡིན། ཚིག་བསྡུས་ན་ཚ་ཞེས་འབྲི་ཆོག་སྟེ། (དཔེར་ན།) ཞང་ཚ་ཡང་ཚ་ཞེས་པ་ལྟ་བུ། |
| ཚ་བོ་ཙོ |
(བརྡ་རྙིང་།) ཚ་བོ་ཚོའམ་ཚ་བོ་རྣམས། |
| ཚ་བྲ |
སྟོན་མོ་དང་གཤིན་པོའི་རྗེས་དྲན་གྱི་དུས་རན་སོགས་ལ་བྱིན་པའི་ཟས་སྐལ་གྱི་མིང་། |
| ཚ་མིག |
(བརྡ་རྙིང་།) ཐུག་པ། |
| ཚ་མོ |
རང་གི་བུ་བུ་མོའི་བུ་མོ་དང་སྤུན་ཟླའི་བུ་མོ་ནི་རང་གི་ཚ་མོ་ཡིན། |
| ཚ་མྱགས |
ཚ་དྲོད་ཀྱིས་རུལ་ཞིང་མྱགས་པ་སྟེ། (དཔེར་ན།) ཤིང་ཏོག་འདི་རྣམས་ཡུན་རིང་ཉར་ནས་ཚ་མྱགས་ཐེབས་འདུག་ཅེས་པ་ལྟ་བུ། |
| ཚ་ཚ |
1.ལྷ་དང་མཆོད་རྟེན་སོགས་ཀྱི་གཟུགས་བརྙན་ཆུང་བའི་བརྐོས་ཕོར་ནང་ས་སོགས་བླུགས་ཏེ་བཟོས་པ་ཞིག 2.(ཡུལ་སྐད།) ཆུ་འཁོར་ལྕགས་སྟེགས་འོག་གི་རྡོ་ཞིག 3.(བརྡ་རྙིང་།) ལྟོ་ཆས་དྲོན་མོ། |
| ཚ་ཚ་འུར་འུར |
(རྒྱན་ཚིག) མེའི་ཚ་ངད་དང༌། འབར་ཚུལ་ཏེ། (དཔེར་ན།) མེ་རླུང་འཚུབ་མ་ཚ་ཚ་འུར་འུར་དུ་འབར་གྱི་འདུག མང་ཚོགས་ལས་འགུལ་ཚ་ཚ་འུར་འུར་དུ་བྱེད་ཅེས་པ་ལྟ་བུ། |
| ཚ་ཚད |
ཚ་གྲང་གི་འབོར་ཚད་དེ། (དཔེར་ན།) ནད་པའི་ལུས་པོའི་ཚ་ཚད། ཆུ་ཁོལ་གྱི་ཚ་ཚད་ཅེས་པ་ལྟ་བུ། |
| ཚ་ཞག |
ལམ་བར་ཉིན་མོའི་ཚ་ཕོག་དང༌། མཚན་མོའི་ཞག་སྡོད། |
| ཚ་ཞང |
ཚ་བོ་དང་ཞང་པོའི་དོན་ཏེ། (དཔེར་ན།) གནས་གཅིག་ཏུ་ཚ་ཞང་རྣམས་མཉམ་དུ་འཛོམས་ལྟ་བུ། |
| ཚ་ཟུག |
ན་ཚའི་ཟུག་རྔུ་སྟེ། (དཔེར་ན།) ཆམ་པ་ཕོག་པས་མགོ་ལུས་ཐམས་ཅད་ལ་ཚ་ཟུག་བརྒྱབ་ནས་ན་ལྟ་བུ། |
| ཚ་ཟེར |
ཉི་འོད་ཀྱི་མིང་གཞན། |
| ཚ་ཟེར་ཅན |
(མངོན་བརྗོད།) ཉི་མ། |
| ཚ་ཟེར་འཇོམས |
(མངོན་བརྗོད།) སྤྲིན་པ། |
| ཚ་ཟླ |
སོས་དུས། |
| ཚ་འཁྲུ |
ཚད་ནད་རྒྱུ་མར་བབ་པའི་འཁྲུ་ནད་ཅིག |
| ཚ་འཇུན་དྲང་འདོམས |
སྒྲིག་ཁྲིམས་དྲག་པོས་གཅུན་ནས་བསླབ་བྱ་ནན་པོ་རྒྱག་པ་སྟེ། (དཔེར་ན།) ཉེས་པ་ཚབས་ཆེན་བྱེད་མཁན་རྣམས་ལ་ཚ་འཇུན་དྲང་འདོམས་ཀྱིས་ཁ་འགུལ་ལག་འགུལ་གང་བྱུང་བྱེད་དུ་མི་འཇུག་ཅེས་པ་ལྟ་བུ། |
| ཚ་འཐོར་བ |
(ཡུལ་སྐད།) རྩ་འཐོར་དུ་གྱུར་པའམ་འུབ་མ་འདུས་པའི་དོན་ཏེ། (དཔེར་ན།) ལོག་སྤྱོད་པའི་རྩ་འཛུགས་ཚ་འཐོར་བ་ལྟ་བུ། |
| ཚ་འདེད |
བུ་ལོན་དང་ཁྲལ་འུལ་སོགས་འཕྲལ་མར་དགོས་ཞེས་བཙན་འདེད་བྱེད་པ་སྟེ། (དཔེར་ན།) བུ་ལོན་དང་ཁྲལ་འུལ་ཚ་འདེད་བྱེད་ཅེས་པ་ལྟ་བུ། |
| ཚ་འདེད་ཕྱིར་ལེན |
སྔར་གཡར་པོ་བཏང་བའི་དངོས་རིགས་ཡང་ཡང་དེད་དེ་ལེན་པ་སྟེ། (དཔེར་ན།) གཡར་བའི་དངོས་པོ་ཚ་འདེད་ཕྱིར་ལེན་མི་བྱེད་ཀ་མེད་བྱུང་ལྟ་བུ། |
| ཚ་འདྲི |
ཁྲིམས་ཁང་གིས་ཉེས་ཅན་ལ་དྲག་ཤུགས་ཀྱིས་ཞུ་བ་ལེན་པ་སྟེ། (དཔེར་ན།) རྟ་ལྕག་བཞུས་ནས་ཚ་འདྲི་བྱེད་ཅེས་པ་ལྟ་བུ། |
| ཛྷཻ་ཀིཥམ |
ལེགས གསེར་སྨུག་གསེར་རིགས་གཉིས་ཀྱི་ནང་ནས་གསེར་དམར་གྱི་ཁོངས་སུ་གཏོགས་པ་ཞིག |
| ཝ |
བོད་ཡིག་གསལ་བྱེད་ཉི་ཤུ་པ་འདིའི་ང་རོ་འདོན་ཚུལ་ལ་སྐྱེ་གནས་མཆུ་དང༌། བྱེད་པ་མཆུ། ནང་གི་རྩོལ་བ་མཆུ་གཉིས་ཅུང་ཟད་འཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 1. མིང་གཞིའི་མོ་ཡིག་ཅིག 2 1 གཅན་གཟན་ཞིག ཝ་འཛུམ་གསོན་ལ་ངོམ་པ་ལས། སྟག་ཤི་རྔ་མ་ངོམ་པ་དགའ། 2 ཁང་ཐོག་གི་ཆུ་འགྲོའི་ཤུར། 3 ཡུལ རྟ་ཤེད་རྒྱས་པའི་སྐབས་ཀྱི་དྲུག་མདོའི་སྒང་གི་ཤུར། |
| ཝ་ཁ |
ཁང་ཀླད་ཀྱི་ཆར་ཆུ་མར་འབབ་སའི་སྒྲིག་ཆས་ཀྱི་མིང་ཡུལ་སྐད་ལ་ལར་ཝ་མཆུ་ཟེར། |
| ཝ་ཁུང |
1 ཆུ་འགྲོའི་དབོར་ཁུང༌། 2 ཝ་མོ་འཛུལ་སའི་ཁུང་བུ། |
| ཝ་ཁུར |
ཁུར་མོང་ལ་རྒྱ་ཁུར་དང༌། ཝ་ཁུར་གཉིས་དབྱེ་བའི་རིགས་གཅིག་རོ་ཁ། ཞུ་རྗེས་བསིལ། ནུས་པས་ཚ་བ་སེལ། དང་ག་འགགས་པ་འབྱེད། བད་ཀན་སྨུག་པོ་འཇོམས། གླང་ཐབས་ལ་ཕན། |
| ཝ་ཁྱུ |
ཝ་མོ་ཚོགས་པ། |
| ཝ་གདོང |
ཚང་རའི་རུས་པ། ཆུ་འདྲེན་བྱེད་ཀྱི་སྒྲིག་ཆས་ཤིག་གྲོག་མོར་ཝ་བཙུགས་ནས་ཆུ་དྲངས་ལྟ་བུ། |
| ཝ་གདོང་རུས་པ |
1 གཅན་གཟན་ཝ་མོའི་གདོང་རུས། 2 ཝ་མོའི་གདོང་རུས་ཀྱི་དབྱིབས་དང་འདྲ་བའི་མཇུག་རུས་ཀྱི་མིང་གི་རྣམ་གྲངས་ཤིག |
| ཝ་གྲོ་གྲོ |
ཝ་མོ་སྤུ་མདོག་ངང་སྐྱ། |
| ཝ་གློ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་གློ་རྣག་སྐེམ། གློ་རྡོལ་གསོ། |
| ཝ་ཆུ |
1 ཁང་ཐོག་གི་ཝ་ཁའི་ཆུ། 2 ཆུའི་རྐའམ་ཡུར་བ་ནས་འབབ་པའི་ཆུ། |
| ཝ་ཏ |
1 རས་དཀར་པོ་ཞིག 2 ཐང་ཕྲོམ་དཀར་པོ་ནུས་པས་སྲིན་གསོད། གག་ལྷོག་དང་གླང་ཐབས་འཇོམས། ལུས་སྟོབས་བསྐྱེད། |
| ཝ་ཏི |
ལེགས མང་ཡུལ་སྐྱིད་གྲོང་གི་རྟེན་གཙོ་འཕགས་པ་མཆེད་བཞིའི་ཡ་གྱལ་ཞིག…2.ཝ་ཁ་དང་དོན་འདྲ། |
| ཝ་ནག |
ཝ་མོ་ནག་པོ། ཝ་ནག་གི་པགས་པ་རིན་ཐང་ཆེ། |
| ཝ་ཕྱེད |
ཝ་འདོགས། ཝ བ |
| ཝ་ཕྲུག |
སེམས་ཅན་ཝའི་ཕྲུ་གུ། |
| ཝ་བཏགས |
སྨད་འདོགས་ཀྱི་ཡི་གེ་བཞིའི་ཡ་གྱལ་ཞིག་ཀྭ་ཁྭ་གྭ་ཉྭ་དྭ་ཚྭ་ཞྭ་ཟྭ་རྭ་ལྭ་ཤྭ་ཧྭ་བཅས་ཝ་བཏགས་ཅན་བཅུ་གཉིས་སོ། ཝ ཀྭ་ཁྭ |
| ཝ་བརྒྱལ་བ |
ཝ་མོས་ཆུ་བཏུངས་ནས་སྐད་རྒྱག་པ། སྐད་ངན་ཝ་བརྒྱལ་བ་བཞིན་དུ་ཤོར་བ། |
| ཝ་མཆུ |
1 ཆུ་འགྲོ་སའི་ཝ་ཁའི་སྣེ། 2 སེམས་ཅན་ཝ་མོའི་མཆུ་ཏོ། |
| ཝ་མོ |
ཝ་སྐྱེས། སྙིང་སྟོབས་མེད་པ་ཝ་མོ་འདྲ། ཝ་མོ་སྟག་བརྫུས། དགྲ་ལན་པོ་མེད་ན་ཝ་མོ་ཡིན། གྲོགས་ལན་པོ་མེད་ན་ཁྲམ་པ་ཡིན། ཝ་མོ་གཡོ་སྒྱུ་མཁས་ཀྱང་རྔོན་པའི་མིག་ལམ་ནས་མི་ཐར། འགྲོ་ཝ་མོ་ལས་མཁས་ཀྱང་མཇུག་མ་རིང་བའི་སྐྱོན། སྡོད་རི་བོང་ལས་ཙོག་ཀྱང་ཨམ་ཅོག་རིང་བའི་སྐྱོན། |
| ཝ་ཚང |
ཝ་མོ་སྡོད་སའི་ཚང༌། |
| ཝ་ཞག |
ཉི་སྐར་བདུན་དང་ཆུ་ཚོད་ཞེ་གསུམ་སྤྱི་ཟླ་བརྒྱད་པའི་ཚེས་བཅུའི་སྐོར་ནས་ཝ་ཞག་བཅོ་ལྔ་འདྲེན། སྟོན་སད་ཡོད་མེད་བརྟག་པའོ། |
| ཝ་ཞྭ |
ཝ་ལྤགས་ལས་བཟོས་པའི་ཞྭ་མོ། གོས་ཆེན་གྱི་རྒྱབ་ཤ་བཏང་བའི་ཝ་ཞྭ། |
| ཝ་ཟུར |
ཝ་འདོགས། ཝ |
| ཝ་འཁྱིལ |
སྔར་བོད་ས་གནས་སྲིད་གཞུང་གི་སྐུ་དྲག་སྐྱ་བོ་རིམ་བཞི་ཡན་ཆད་ཀྱིས་གྱོན་རྒྱུའི་ཝ་ལྤགས་ནག་པོས་བཟོས་པའི་དགུན་ཞྭ་ཏོག་ཅན་ཞིག |
| ཝ་འཁྱུག |
ཝ་མོ་འཁྱུག་སྟེ་འགྲོ་བ། ལུས་ཟོར་ཡང་བ་ཝ་འཁྱུག་འདྲ་བར་འགྲོ། |
| ཝ་འཕྱང |
ར་མ་ཡི་མིང་གཞན། |
| ཝ་འབྲོས |
ཞེད་ནས་འབྲོས་འགྲོ་བའི་དཔེ། དགྲ་དམག་ཕམ་ནས་ཝ་འབྲོས་བྱེད། |
| ཝ་ཡེ |
དམའ་བ་དག་འབོད་པའི་སྒྲ་ཞིག |
| ཝ་རུ་ཎ |
ལེགས 1 ཀླུ་བྱེ་བྲག་པ་ཞིག 2 ཆུ་ལྷའི་ཤིང༌། |
| ཝ་རོག་པོ |
ཝ་མོ་ནག་པོ། |
| ཝ་རྒྱ |
ཝ་འཛིན་བྱེད་ཀྱི་རྒྱའམ་རྙི། |
| ཝ་ལ |
ཡུལ བྱ་འོལ་བའི་མདོག རྟ་ཝ་ལ། |
| ཝ་ལམ་ཅན |
རྙིང དུར་ཁྲོད། |
| ཝ་ལུང |
ས་མིང་ཞིག་བོད་རང་སྐྱོང་ལྗོངས་ཀྱི་རྫ་ཡུལ་རྫོང་ཁོངས་སུ་ཡོད། |
| ཝ་ལེ |
གསལ་ལེའམ་ལྷང་ངེ། ཡིད་ལ་ཝ་ལེར་ཤར། སེམས་ལ་ཝ་ལེར་དྲན་པ། |
| ཝ་ལེ་ཝལ་ལེ |
སེམས་ལ་ལམ་ལམ་དུ་ཤར་ཚུལ། ཚིག་དོན་ཐམས་ཅད་ཡིད་ལ་ཝལ་ཝལ་ཤར། བསྒོམ་པ་བླ་མའི་ཞལ་རས། ཡིད་ལ་འཆར་རྒྱུ་མི་འདུག་མ་བསྒོམས་བྱམས་པའི་ཞལ་རས། ཡིད་ལ་ཝ་ལེ་ཝལ་ལེ། |
| ཝ་ལོང |
རྣ་རྒྱན། |
| ཝ་ལྟར་འཁྱུག་པ |
བདེ་ཅག་འཁྱུག་པའི་དཔེ། |
| ཝ་ལྡེམ |
ཡུལ ཝ་འཛིན་བྱེད་ཀྱི་རྙིང༌། |
| ཝ་ལྤགས |
ཝ་མོའི་པགས་པ། ཝ་མོ་རྒྱུག་འདུར་མང་ན་ཝ་ལྤགས་གདང་ལ་འགེལ། |
| ཝ་ཤུར |
ཆུའི་འགྲོ་ལམ་གཤོང་བུ། |
| ཝ་ཤུལ |
བོད་རིགས་ཀྱི་རུས་མིང་ཞིག་མདོ་སྨད་འབྲོག་ཁུལ་གྱི་ཤུལ་ཆེན་བཅོ་བརྒྱད་ནང་གི་གཅིག |
| ཝ་ས |
ཁང་བའི་ཆུ་འབབ་ཀྱི་ཝ་ཞབས་འདོམ་གང་བརྐོས་པའི་འོག་གི་ས་ཆུར་བགྲུངས་པའི་དྭངས་མས་སྨན་རྟ་བྱས་ན་རྨ་འབྲས་དང་ཤ་རོ་གཅོད་པར་བྱེད། |
| ཝ་སྐད |
སེམས་ཅན་ཝ་ཡི་སྐད། |
| ཝ་སྐོར |
ཝ་ལྤགས་སྦུབས་བཤུས་ལས་བཟོས་པའི་ཞྭ་མོ། |
| ཝ་སྐྱེས |
གཅན་གཟན་ཝ། ཝ་སྐྱེས་གསོད་པ་པགས་པའི་སླད། དོན་མཐུན་བཅོམ་པ་ནོར་གྱི་དོན། མིང་གི་རྣམ་གྲངས་ལ་ཝ་མོ་དང་ས་མྱོས་སོ། |
| ཝ་སྐྱེས་སྡར་མ |
བློ་ཁོག་མེད་པའི་མིའི་དཔེ། ཝ་སྐྱེས་དར་མས་སེང་གེ་ལ་འགྲན་པ། |
| ཝ་སྙིང |
གཅན་གཟན་ཝ་ཡི་སྙིང་རོ་མངར། ནུས་པས་དམུ་ཆུའི་ནད་ཐུར་དུ་སྦྱོང་བར་བྱེད། |
| ཝ་སློག |
ཝ་མོའི་པགས་པའི་གྱོན་པ། |
| ཝང |
1.ཅོང་ཆེན་གྱི་སྒྲ་ལྟ་བུ་མཚོན་པའི་སྒྲ་ཅོང་སྒྲ་ཝང་ཝང་གྲགས་ལྟ་བུ། 2.རྒྱ སྔར་རྒྱ་ནག་གོང་མའི་དུས་ཀྱི་གོ་གནས་ཤིག. |
| ཝང་གུང |
རྒྱ སྔར་རྒྱ་ནག་གོང་མའི་དུས་ཀྱི་གོ་གནས་ཁག་གཉིས་ཀྱི་བསྡུས་མིང༌། |
| ཝང་མོ |
ཤིང་མངར་གྱི་རིགས་ཤིག |
| ཝང་ཙུན |
རྒྱ ཏུང་ཧན་རྒྱལ་རབས་སུ་བྱུང་བའི་རྒྱ་ནག་གི་མཁས་པ་ཞིག་ཁོང་གིས་གཙོ་བོ་བྱས་པའི་ནང་ཆོས་དོན་གཉེར་གྱི་མི་བཅུ་ཕྲག་ལྷག་ཙམ་གྱིས་ནུབ་ཕྱོགས་སུ་ཕྱིན་པ་ན། ཆོས་དཔེ་ཞིག་ཁྱེར་ཡོང་བའི་རྒྱ་གར་གྱི་པཎྜི་ཏ་གཉིས་ཕྲད་ནས་དེ་གཉིས་རྒྱ་ནག་ཏུ་གདན་དྲངས་ཏེ་རྒྱ་གར་གྱི་ཆོས་རྣམས་རྒྱ་ཡིག་ཏུ་བསྒྱུར་ནས་རྒྱ་ཡུལ་དུ་ནང་ཆོས་ཐོག་མར་དར་སྤེལ་མཛད་པ་པོ་དེ་ཡིན་པར་བཤད་དོ། |
| ཝང་ལེ་མོ |
རྒྱ སྔར་བོད་ཀྱི་སྐུ་དྲག་བྱེས་སུ་འགྲོ་མཁན་སོགས་ཀྱི་ཞྭ་མོའི་བྱེ་བྲག་ཅིག |
| ཝང་ལོང |
རྙིང རྣ་བའི་རྒྱན་ཆ་ཞིག |
| ཝང་ཤུ |
རྒྱ སྔར་བོད་ས་གནས་སྲིད་གཞུང་གིས་བོད་བཞུགས་ཨམ་བན་ལ་འབུལ་རྒྱུའི་སྙན་ཞུའི་མིང༌། |
| ཝར་ཏི་ཀ |
ལེགས རྣམ་འགྲེལ། |
| ཝརྟུ |
ལེགས ཐུ་མི་སམྦྷོ་ཊས་བོད་ཡིག་ཐོག་མར་རྩོམ་སྐབས་དབུ་མེད་ཀྱི་མ་ཕྱི་མཛད་པའི་རྒྱ་གར་གྱི་ཡི་གེ་ཞིག |
| ཝལ་གྱིས |
ལམ་གྱིས། ཚིག་དོན་བློ་ལ་ཝལ་གྱིས་ཤར་བ། |
| ཝལ་ཝལ |
ཝ་ལེ་ཝལ་ལེའི་བསྡུས་མིང༌། |
| ཝལ་ལེ |
ཝ་ལེ་ཡི་འབྲི་ཚུལ་གཞན། |
| ཝཱ་རཱ་ཎ་སཱི |
རྒྱ་གར་གྱི་ཆུ་བོ་རཱ་དང་ཎ་སཱི་གཉིས་བར་གྱི་གྲོང་ཁྱེར་ཞིག་སྔར་སྟོན་པ་ཤཱཀྱ་ཐུབ་པ་མངོན་པར་རྫོགས་པར་སངས་རྒྱས་པའི་རྗེས་སུ་འཁོར་ལྔ་སྡེ་བཟང་པོར་བཀའ་དང་པོ་བདེན་བཞིའི་ཆོས་འཁོར་བསྐོར་བའི་ཡུལ། |
| ཝུང་ཙི |
རྒྱ ཨ་རག་འབེབས་བྱེད་ཀྱི་ཡོ་བྱད་ཅིག |
| ཝུན་ཤིང་ཀོང་ཇོ |
རྒྱ་རྗེ་ཐང་ཐེ་ཙུང་གི་སྲས་མོ། བོད་རྗེ་སྲོང་བཙན་སྒམ་པོའི་བཙུན་མོ་ཡིན་ལ། ལྕགས་གླང་ལོར་བཙན་པོའི་བཀའ་ལྟར་བློན་པོ་མགར་སྟོང་བཙན་སོགས་ཀྱིས་ཐང་གི་རྒྱལ་ས་ནས་གདན་དྲངས། དེར་བརྟེན་རྒྱའི་བཟོ་རིག་དང༌། གསོ་རིག་རྩིས་རིག་སོགས་རིག་པའི་གནས་དང་དཔལ་འབྱོར་སྤེལ་བའི་ཐབས་ཚུལ་སྣ་ཚོགས་པ་རིམ་གྱིས་བོད་དུ་སྤེལ། བོད་མི་ཆེན་གྱི་བུ་དུ་མ་རྒྱ་ནག་ཏུ་ཡོན་ཏན་སློབ་ཏུ་བཏང༌། སྒོས་སུ་རང་གི་རྫོངས་སྐལ་སངས་རྒྱས་ཐུབ་པ་དགུང་ལོ་བཅུ་གཉིས་པའི་ཚད་ཀྱི་སྐུ་བརྙན་ཇོ་བོ་ཤཱཀྱ་མུ་ནེ་བཞུགས་སུ་གསོལ་བའི་ལྷ་སའི་ར་མོ་ཆེའི་གཙུག་ལག་ཁང་བཞེངས། རབ་བྱུང་སྔོན་གྱི་དྲུག་ཅུའི་སྐོར་དྲུག་པའི་ལྕགས་འབྲུག་ལོར་འདས། ཁོང་བོད་དུ་ལོ་སུམ་ཅུ་ལྷག་བཞུགས་པའི་རིང་ལ་མི་རིགས་མཐུན་སྒྲིལ་དང་རིག་གནས་བརྗེ་རེས་བཅས་ལ་ཕྱག་རྗེས་ཤིན་ཏུ་ཆེའོ། |
| ཟུག་གཟེར |
ནད་ཀྱི་ཟུག་རྔུའི་གཟེར། ང་ཡི་ལུས་ལ་ཟུག་གཟེར་ཤིན་ཏུ་ཆེ། |
| ཟུག་གཟེར |
རྒྱུ་མ་ན་བ་ལྟ་བུའི་མྱོང་ཚོར་གྱི་མིང་། |
| ཟུག་གེ་བ |
1 ན་ཚ་མངོན་གསལ་ཐོན་པའི་ཉམས། ལུས་ན་ཟུག་གེ་བ་ཞིག་འདུག གཟུགས་གཞི་ཚ་ཟུག་གེ་བར་བདོག 2 བློ་ལ་བབ་པའི་ཚུལ། མིག་ལམ་དུ་ཟུག་གེ་བ་ཞིག་མཆིས། ཡུལ་བཟང་པོ་སེམས་ལ་ཟུག་གེ་བ། |
| ཟུག་ནུས |
ཕར་འབིགས་པའམ་ཟུག་པའི་ནུས་པ། ཟུག་ནུས་མེད་པའི་མདའ་འཕེན་དེ། དམན་བུ་མོས་མཐོང་ཡང་ངོ་རེ་ཚ། |
| ཟུག་པ |
ཐ་མི་དད་པ 1 འབིགས་པའམ་འཛུལ་བ། རྩ་བ་གཏིང་རིང་དུ་ཟུག་པ། རྐང་པ་གཅིག་ལ་ཚེར་མ་བརྒྱ་ཟུག མགོ་ལ་སྐྱེས་པའི་རྭ་ཅོ་མིག་ལ་ཟུག ངོ་མཚར་གྱི་རྣམ་པ་མིག་ལ་ཟུག་པ། བུ་ལོན་མང་པོ་ཟུག་པ། 2 ཁྱིས་འཆའ་བ། མཚན་མོར་ཁྱིས་ཟུག ཁྱི་མང་པོས་ཟུག་པ། ཤ་ཁྱིས་རི་དྭགས་འདེད་སྐབས་ཟུག་པ། |
| ཟུག་རྔུ |
1སྡུག་བསྔལ་གྱི་མྱོང་ཚོར་ཏེ། ནད་ཀྱི་ཟུག་རྔུ་སེལ། ལུས་ཀྱི་ཟུག་རྔུ་ཞི་ལྟ་བུ། 2ལུས་ཀྱི་ཤ་གསེབ་ཏུ་ལུས་པའི་མདེའུ་སོགས་ཀྱི་མིང་ཟུག་རྔུ་འབྱིན་པ་ཞེས་པ་ལྟ་བུ། དངོས་རྫས་ཀྱི་ཕྱི་རིམ་བརྟོལ་ནས་ནང་དུ་འཛུལ་བ་ཇོ་མོ་གླང་མའི་རི་རྩེ་སྤྲིན་ལ་ཟུག གསོམ་ཤུག་སྡོང་བོའི་རྩ་བ་ས་ལ་ཟུག ལུས་ལ་ཚེར་མ་ཟུག་ལྟ་བུ། ０ཁྱིས་སྐད་འབྱིན་པ་ཁྱི་ཟུག ཁྱི་བརྒྱགས་ནམ་མཁའི་སྐར་མར་ཟུག(ཁེངས་དྲེགས་ཆེ་བའམ་བརྒྱགས་རྩེད་བྱེད་པ)ལྟ་བུ། |
| ཟུག་རྔུ་ཅན |
ནད་པ། |
| ཟུག་རྡེལ |
རྡེལ་འགགས་ནད་ཀྱི་ནང་ཚན་རྡེའུ་ལྒང་པའི་ཁ་ལ་ཟུག་ནས་ཆུ་ཐིགས་ཐིགས་ཙམ་ལས་མི་ཐོན་པ་རྒྱུན་དུ་སྡོམ་ཞིང་གཏིང་དུ་ཟུག་ན་ན་ཞིང་གཟེར་ལ་དྲི་ཆུ་གཏན་འགགས་མ་ཡིན་པ་ཐོན་དཀའ་བ་ཞིག |
| ཟུག་ལངས |
ལུས་ལ་ཟུག་གཟེར་རྒྱག་པ། གློ་བུར་དུ་མགོ་ལ་ན་ཟུག་ལངས་ཏེ་སྨན་ཁང་ལ་ཕྱིན་པ། |
| ཟུང |
1.འཛིན་པའི་སྐུལ་ཚིག 2 1 གཉིས། དགེ་སློབ་ཟུང་གིས་བརྟག་དཔྱད་བྱས་པ། ཕྲུ་གུ་མཚེ་མ་ཟུང་གཅིག མི་ཟུང་གིས་འདེགས་པ། ཟུང་དུ་བགྲང་བ། ཟུང་དུ་བྱུང་བ། ཟུང་དུ་མ་མཆིས་པ། 2 མངོན ཟུང་དུ་འབྲེལ་བ་ལ་ཡ་གཉིས་དགོས་པས་གྲངས་གཉིས་མཚོན། |
| ཟུང་གི་སྒྲ་སྒྲོག |
མངོན ཁྱིམ་བྱ། |
| ཟུང་ང |
1 ཆ་འགྲིག་པ། སྒོ་གླེགས་ཟུང་ང། 2 སྒོའི་དཀྲི་ལྕགས་བཀན་སའི་མཛོ་སྣ། 3 རྙིང 1)ཕུར་པ། 2)གོས་སོགས་འགེལ་སའི་ཐག་པའི་གདང་བུ། |
| ཟུང་ཆུ |
1 རྫོང་ཞིག་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་ཤར་ཁུལ་དུ་ཡོད། རྫོང་མི་དམངས་སྲིད་གཞུང་དེ་ཅིན་ཨན་ཀྲེན་དུ་ཡོད། 2 ཆུ་བོ་ཞིག་རྨིན་ཅང་གཙང་པོའི་ཡན་ལག་ཅིག |
| ཟུང་འཇུག |
1 མི་འདྲ་བ་གཉིས་གཅིག་ཏུ་འབྱོར་བའམ་མཐུན་པར་འབྱོར་བ། ཞི་ལྷག་ཟུང་འཇུག བདེ་སྟོང་ཟུང་འཇུག 2 རྫོགས་རིམ་ལྔའི་ནང་གསེས་ཤིག་ཤེས་རབ་སྟོང་པ་ཉིད་དང་ཐབས་སྙིང་རྗེ་ཆེན་པོ་ཟུང་དུ་འཇུག་པའམ། ཐབས་ལྷན་སྐྱེས་ཀྱི་བདེ་བ་ཆེན་པོ་དང་ཤེས་རབ་འོད་གསལ་གྱི་སྟོང་པ་ཉིད་ཟུང་དུ་འཇུག་པ་དང༌། ཡུལ་རྣམ་ཀུན་མཆོག་ལྡན་གྱི་སྟོང་ཉིད་དང་ཡུལ་ཅན་མི་འགྱུར་བའི་བདེ་བ་ཆེན་པོའོ། |
| ཟུང་འཇུག་གི་གོ་འཕང |
སྐུ་གཉིས་ཟུང་དུ་འཇུག་པ་རྡོ་རྗེ་འཆང་གི་གོ་འཕང༌། |
| ཟུང་འཇུག་བཞི |
སྣང་སྟོང་ཟུང་འཇུག་དང༌། རིག་སྟོང་ཟུང་འཇུག་བདེ་སྟོང་ཟུང་འཇུག་གསལ་སྟོང་ཟུང་འཇུག་བཅས་བཞིའོ། |
| ཟུང་འབྲེལ |
གཉིས་སམ་མང་བོ་ལྷན་དུ་འདུས་པའི་དོན་ཏེ། བཟོ་ཞིང་ཟུང་འབྲེལ་། དམག་དམངས་ཟུང་འབྲེལ་ཞེས་པ་ལྟ་བུ། ཟུང་ང་ཡི་མིང་བསྡུས་པ། |
| ཟུང་ལྡན |
གྲངས་གཉིས་དང་ལྡན་པའམ་ཡོད་པ། ཕ་མ་ཟུང་ལྡན་གྱི་ཕྲུ་གུ། |
| ཟུང་ལྡན་གྱི་རྒྱན |
ཡིག་གཟུགས་འདྲ་བ་ཚིག་རྐང་གི་ཐོག་མཐའ་བར་གསུམ་དུ་བཀོད་པའི་སྒོ་ནས་མཐའ་ཐོག་སྦྱར་བ་དང༌། བར་དུ་ཆོད་པ་དང་མ་ཆོད་པ་སོགས་ཟུང་ལྡན་གྱི་རྣམ་པ་སྣ་ཚོགས་སྒྲ་ཁོ་ནས་སྟོན་པའི་རྒྱན་ཞིག |
| ཟུང་སྡེབ |
གཉིས་མཉམ་དུ་ཡོད་པ། མིང་གི་རྣམ་གྲངས་ལ་ཆ་དང༌། གཉིས་གཉིས། གཉིས་སྡེབ། དོར། ཟུང་བཅས་སོ། |
| ཟུང་སྦྲེལ |
གཉིས་སྡེབ། |
| ཟུངས |
སྐུལ་ཚིག་ལག་ལ་ཟུངས་ཤིག་ཅེས་པ་ལྟ་བུ། ཡིད་ལ་བསམ་པའི་དོན་ལ་འཇུག་པ་ནི། སེམས་ལ་འཛིན། བདེན་པར་འཛིན། བཤད་ཚད་བདེན་པར་མ་འཛིན། བདེན་དོན་ཡིད་ལ་འཛིན་དགོས་ཞེས་པ་ལྟ་བུ། ０རྒྱུད་མཐུད་པར་བྱེད་པའི་དོན་ཏེ། སྲོལ་རྒྱུན་བཟང་བོ་འཛིན་མཁན། ཤུལ་འཛིན། ལས་རྒྱུན་འཛིན་མཁན་ཞེས་པ་ལྟ་བུ། １བདག་པོ་བྱེད་པའི་དོན་ཏེ། བདག་ཏུ་འཛིན། ས་འཛིན་གྱི་སྔོན་མ་ཞེས་པ་ལྟ་བུ། ２བྱ་བ་དང་དངོས་པོའི་ཁྱད་པར་འབྱེད་ཤེས་པའི་དོན་ཏེ། སྨན་ངོས་འཛིན་ཐུབ། ནད་ངོས་བཟུང་ནས་སྨན་བཅོས་བྱ་དགོས་ལྟ་བུ། སྟོབས། ལུས་ཟུངས། མི་དང་སྲོག་ཆགས་ཀྱི་ལུས་འཚོ་བྱེད་ཀྱི་དྭངས་མ་དང་ཁྲག ཤ །ཚིལ། རུས་པ། རྐང་མར། ཁམས་རྣམས་ལ་ལུས་ཀྱི་ཟུངས་བདུན་ཟེར་བར་བོད་ཀྱི་སྨན་གཞུང་དུ་བཤད། ལུས་ཀྱི་སྟོབས་དང་ནུས་པ་ཁམས་སོགས་ཀྱི་མིང་ནད་པ་ཟུངས་ཟད། ལུས་ཟུངས་སོར་ཆུད་ལྟ་བུ། ０འཛིན་གྱི་སྐུལ་ཚི |
| ཟུངས་ཁྲག |
ལུས་ཟུངས་སྐྱེད་པའི་ཁྲག |
| ཟུངས་གདབ |
ཁབ་ཚུགས་རིང་ལེན་བྱས་པའི་ཚེམ་བུའམ་ལེན་རྒྱག་པ། |
| ཟུངས་གསུམ་ཤོར |
མུར་གོང་གི་ཤ་སོགས་སྐམ་པ་ཕྱི་ཤ་ཡི་ཟུངས་ཤོར་བ་དང༌། ཁ་ཟས་མི་འཇུ་བ་སོགས་ནང་གི་མེ་དྲོད་ཀྱི་ཟུངས་ཤོར་བ། འཕར་རྩའི་རྒྱུ་བ་ཉམས་པ་སོགས་གསང་བའི་རླུང་ཁྲག་གི་ཟུངས་ཤོར་བ་གསུམ་མོ། |
| ཟུངས་ངན |
ཟུངས་ཞན་དང་དོན་གཅིག་ |
| ཟུངས་ཞན |
ལུས་སྟོབས་ཞན་པའམ་སྐྱོ་བ། |
| ཟུངས་ཟད |
ལུས་སྟོབས་ཟད་པ། |
| ཟུངས་རྒྱག |
གཟུངས་རྒྱག་ཀྱང་ཟེར། ཚེམ་སྐུད་ཀྱིས་ཟུངས་རྒྱག་པའམ་ལེན་རྒྱག་པ། |
| ཟུངས་ཤོར |
ལུས་སྟོབས་ཉམས་པ། |
| ཟུད |
བཙུད་ཀྱི་སྐུལ་ཚིག་ལ་ཟུད་འབྲི་བའང་ཡོད། |
| ཟུན |
གཉེན་བཤེས་སམ་རང་ཕྱོགས་ཀྱི་མིང་དགྲ་གཉེན་ལ་དགྲ་ཟུན་ཟེར་བ་དང་། དགྲ་གཉེན་གྱི་ཁྱད་པར་ལ་དགྲ་ཟུན་གྱི་ཁྱད་པར་ཟེར་བ་ལྟ་བུ། |
| ཟུབ་པ |
ཐ་མི་དད་པ འགགས་པ་དང་མི་མངོན་པར་གྱུར་པ། ཁབ་མིག་ཟུབ་ནས་སྐུད་སྣེ་ཐར་མི་ཐུབ་པ། སྲུབས་ཀ་ཟུབ་པ། མི་འཛད་རྒྱ་མཚོའི་གཉེར་མ། མི་ཟུབ་རྡོ་ཡི་རི་མོ། |
| ཟུབ་ཤེ |
ཁ་བཏགས་ཀྱི་བྱེ་བྲག་ཅིག |
| ཟུམ |
(བྱེད་མེད་ལས་ཚིག) མེ་ཏོག་གི་འདབ་མ་ཕྱོགས་གཅིག་ཏུ་འདུས་པའི་དོན། བསུམ་གྱི་ད་ལྟ་བ་ལ་ཟུམ་འབྲི་བའང་ཡོད། |
| ཟུམ་པ |
ཐ་མི་དད་པ ཁ་རུབ་པ། མིག་ཟུམ་པ། རྨ་ཁ་ཟུམ་པ། མེ་ཏོག་ཟུམ་པ། |
| ཟུར |
1. འཛུར་བའི་སྐུལ་ཚིག 2 1 ལོགས་དང་གཞོགས། ལམ་ཟུར། མཚོ་ཟུར། གཡས་ཟུར་དུ་སྡོད་པ། གྱོན་ཟུར་དུ་ལངས་པ། ཟུར་དུ་བཟུར་བ། ཟུར་གསལ། 2 མཐའ་གཉིས་འབྲེལ་སའི་གྲྭའམ་སྣེ། ཟུར་གསུམ། ཟུར་ལྔ། རི་ཟུར། ཁ་ཟུར། མིག་ཟུར། རྩིག་ཟུར། 3 ཆ་ཤས། སུམ་ཟུར་གཅིག ལྔ་ཟུར་གཉིས། ཟུར་གཏོགས། 4 དངོས་སུ་མ་ཡིན་པའི་ཞོར། ཟུར་གྱིས་བརྗོད་པ། ཟུར་གྱིས་སྨོད་པ། ཟུར་གྱིས་སྟོན་པ། ཚིག་ངན་ཟུར་མདའ་འཕེན་པ། |
| ཟུར་ཁ |
ཟུར་གྱི་ཕྱི་འབུར་དུ་ཐོན་པའི་ཆའི་མིང་རྡོ་ཟུར་ཁ་ཅན་། གྱང་གི་ཟུར་ཁ་ཞེས་པ་ལྟ་བུ། |
| ཟུར་གཅིག |
ཆ་ཤས་གཅིག སྒོར་མོའི་ཟུར་གཅིག་ལ་མོའོ་ཙེ་གཅིག་རེད། |
| ཟུར་གདོང |
ཟུར་སྣེ། རྩིག་པའི་ཟུར་གདོང༌། རིའི་ཟུར་གདོང༌། |
| ཟུར་གསུམ |
1 དབྱིབས་ཟུར་གསུམ་ལྡན་གྱི་གཟོང༌། 2 གྲུ་གསུམ། མགོ་རུས་པའི་དཀྱིལ་འཁོར་མ་ཞིག་ན། ཁ་ཟུར་གསུམ་གྱི་གཏམ་ལ་འཛད་པ་མེད། |
| ཟུར་གསུམ་མ |
དབྱིབས་གྲུ་གསུམ་ཅན། |
| ཟུར་གསུམ་རིག་པ |
རྩིས་རིག་གི་ཚན་པ་ཞིག་གི་མིང་། རྩིས་རིག་པའི་མིང་བརྡ་ཞིག་རྣོ་ཟུར། རྟུལ་ཟུར། དྲང་ཟུར་ཞེས་པ་ལྟ་བུ། ０ཆ་ཤས་ཆུང་ངུའི་མིང་སྲིད་ཇུས་ཟུར་མ་ཉམས་པ། སྐད་ཆའི་ཟུར་ཙམ་ཐོས། ཚིག་ཟུར། བོད་སྐད་ཀྱི་ཟུར་ཆག་པ་ཞེས་པ་ལྟ་བུ། １ལོགས་དང་འགྲམ་གྱི་མིང་ཟུར་ནས་བལྟས་ན་གླེན་པ་མཁས་ལྟ་བུ། |
| ཟུར་གསོས |
ལོགས་སུ་སྤྲོད་པའི་གསོལ་རས། |
| ཟུར་གྱི་ཐོག་ཕིབས |
ཁང་པའི་ཐོག་ཀའི་ཟུར་གྱི་གཡབ་ཕིབས། |
| ཟུར་གྱི་ཕྲ་མོ |
ཕྲ་མོའི་རྒྱན་གྱི་ནང་གསེས་ཤིག་བསམ་བློ་སྔོན་བཏང་གི་སྒོ་ནས་གོ་བྱའི་ནང་དོན་བརྡ་ཐབས་ཟུར་གྱིས་སྟོན་པའི་ཕྲ་མོའི་རྒྱན་ཞིག |
| ཟུར་གྱིས་སྟོན་མ |
མངོན བུད་མེད་སྒེག་པའི་ཉམས་ཅན། |
| ཟུར་ཆག |
སྐད་ཡིག་ཟུར་ཆག་པ་སྟེ་ཟུར་ཉམས་པ། |
| ཟུར་ཆག་གི་སྐད |
1 ཨབབྷྲཾཤ 2 ཡིག་གཟུགས་སམ་སྒྲ་ཟུར་ཉམས་པའི་སྐད། |
| ཟུར་ཆས |
1 དམིགས་བསལ་ཅན་ལ་སྤྲོད་རྒྱུའི་དངོས་སྐྱེས། 2 ལོགས་སུ་ཡོད་པའི་དངོས་ཆས། |
| ཟུར་ཆུང་ཤེས་རབ་གྲགས་པ |
གསང་སྔགས་རྙིང་མའི་སློབ་དཔོན་ཟུར་མེས་དབོན་རྣམ་གསུམ་གྱི་ཡ་གྱལ། རབ་བྱུང་དང་པོའི་གོང་གི་ལོ་བཅུ་བཞི་པ་ཤིང་སྟག་ལ་འཁྲུངས། ཟུར་པོ་ཆེས་གསོས་པའི་བུ་དོད་ཡིན་ལ། བྲག་རྒྱ་བོ་དགུ་འདུས་ཀྱི་རྩེར་སྒྲུབ་པ་མཛད་དེ་རྫོགས་ཆེན་མངོན་པར་གྲུབ་ཅིང༌། སྤོབས་པ་མཐའ་ཡས་པར་གྱུར་པས་བདེ་གཤེགས་རྒྱ་བོ་པར་གྲགས། རབ་བྱུང་དང་པོའི་ཤིང་སྟག་ལོར་འདས། |
| ཟུར་ཉན |
ཟུར་ནས་ཉན་པ། |
| ཟུར་ཉམས |
1 སྣེ་མོ་ཆག་པའམ་ཟད་པ། སོ་ཕག་གི་ཟུར་ཉམས་པ། 2 སྒྲ་ཟུར་ཉམས་པ། སྐད་དང་ཡི་གེའི་ཟུར་ཉམས་ན་གོ་བརྡ་མི་འཕྲོད། |
| ཟུར་ཐིག |
ཟུར་མང་གི་དབྱིབས་ཀྱི་ནང་ནས་ཟུར་ནས་ཟུར་དུ་འདེབས་པའི་ཐིག |
| ཟུར་ཐོག |
ཁང་པའི་ཟུར་གྱི་ཐོག་ཀ། |
| ཟུར་པ |
1 ལས་འགན་འཕོས་ཚར་བའི་ཟུར་པ། མཁན་ཟུར། བཀའ་ཟུར། 2 ལྟེ་བ་མ་ཡིན་པ་ལོགས་སུ་སྡོད་མཁན། ཧོར་ཟུར། |
| ཟུར་པོ་ཆེ་ཤཱཀྱ་འབྱུང་གནས |
སྔགས་རྙིང་མའི་སློབ་དཔོན་ཟུར་མེས་དབོན་རྣམ་གསུམ་དུ་གྲགས་པའི་ཟུར་པོ་ཆེ་ཤཱཀྱ་འབྱུང་གནས། རབ་བྱུང་དང་པོའི་གོང་གི་ལོ་ཉེར་ལྔ་པ་ཆུ་སྟག་ལོར་འཁྲུངས། ཚངས་སྤྱོད་ཀྱི་དགེ་བསྙེན་དུ་བཞུགས། འུག་པ་ལུང་གི་ལྷ་ཁང་བཞེངས་པས་འུག་པ་ལུང་པ་ཞེས་གྲགས། རྩ་རྒྱུད་བཤད་རྒྱུད་འགྲེལ་པ་སྒྲུབ་ཐབས་སོ་སོར་ཕྱེ་སྟེ་བཤད། སློབ་མ་རྩེ་མོ་བཞི་དང་སྒོམ་ཆེན་བརྒྱ་རྩ་བརྒྱད་སོགས་མང༌། མཐར་སྒྲོ་ཕུག་གི་ལྷ་ཁང་བརྩིགས། དྲུག་ཅུ་རྩ་གཅིག་ལ་གཤེགས། |
| ཟུར་ཕུད |
1 སྐྲའི་རྩེ་མོ་ནང་དུ་བཀུག་སྟེ་བཅིངས་པའི་ཟུར་ཕུད། 2 གྲལ་ནས་ཕྱུང་བ། ནད་པ་རྣམས་ཟུར་ཕུད། ལེགས་པར་བསྒྲུབས་པའི་གྲས་ཟུར་ཕུད། |
| ཟུར་ཕུད་ཅན |
མངོན ཟུར་ཕུད་ལྔ་པའམ་འཇམ་དཔལ་དབྱངས། |
| ཟུར་ཕུད་ལྔ་པ |
མངོན འཇམ་པའི་དབྱངས། |
| ཟུར་ཕྱིན |
མཐར་ཕྱིར། བྱ་བ་ཟུར་ཕྱིན་པར་བྱེད་པ། |
| ཟུར་བཀར |
ཟུར་དུ་བཀར་བ་སྟེ་ལོགས་སུ་བཏོན་པ། འགོ་ནད་ཅན་ཟུར་བཀར་གྱིས་སྨན་ཁང་དུ་བསྐྱལ་བ། |
| འཚོ་གཞེས |
ཚེ་སྲོག་གནས་པའི་ཞེ་ས། འཚོ་གཞེས་བཞེད་པའི་དོན་ཀུན་འགྲུབ་གྱུར་ཅིག |
| འཚོ་ཆས |
འཚོ་བར་མཁོ་བའི་ཡོ་བྱད། |
| འཚོ་ཐབས |
ལྟོ་གོས་འཚོལ་བའི་ཐབས་ཤེས། འཚོ་ཐབས་སྐྱེལ་སྟངས། མིང་གི་རྣམ་གྲངས་ལ་ཀུན་ཏུ་འཚོ་དང༌། འཇུག་བྱེད། འཚོ་ཆས། འཚོ་བ། སོ་ནམ། གསོ་བྱེད། སྲོག་འཛིན་པ་བཅས་སོ། |
| འཚོ་ཐེབས |
འཚོ་བའི་མཐུན་རྐྱེན། འཚོ་ཐེབས་འབྲུ་དངུལ་སྤྲོད་པ། |
| འཚོ་བ |
1.ཐ་དད་པ འཚོས་པ། འཚོ་བ། འཚོས།། གསོ་བའམ་སྐྱོང་བ། ནོར་ཕྱུགས་རི་སྟེང་དུ་འཚོ་བ། ངལ་འཚོ་བ། 2.ཐ་མི་དད་པ འཚོས་པ། འཚོ་བ།། གསོན་པ། ནད་མེད་ལུས་སྲོག་འཚོས་ཏེ་གནས་བཞིན་ཡོད། ཡུན་རིང་དུ་འཚོ་བ། 3.ལྟོ་གོས་ཀྱི་ཆ་རྐྱེན། འཚོ་བའི་གོམས་གཤིས། འཚོ་བའི་འགྲོ་སྒོ། ཤིང་བཟོའི་ལས་ཀ་བྱས་ནས་འཚོ་བ་སྐྱེལ་བ། |
| འཚོ་བ་གསུམ |
འཚོ་ཞིང་གནས་པའི་རྒྱུ་སྟེ་ཚེ་དང༌། བསོད་ནམས། ལས། |
| འཚོ་བ་པ |
ཕྱི་རོལ་པ་ཀུན་ཏུ་རྒྱུ་ཞིག་གི་མིང༌། |
| འཚོ་བ་བྱ་འཚོལ་བྱིའུ་འཚོལ |
1 ཟས་ངན་ངོན་ཙམ་གྱིས་འཚོ་བ། 2 ལྟོ་གོས་གང་བྱུང་གིས་ཆོག་ཤེས་པ། |
| འཚོ་བ་རིག་པའི་གཞུང |
སྨན་གཞུང༌། |
| འཚོ་བ་སྒྲོལ |
མངོན གསེར། |
| འཚོ་བཅངས་ཀྱི་སྨན |
འདུལ་བ་ལས་བཤད་པའི་སྨན་བཞིའི་ནང་གསེས། འདུས་པའི་ནད་སེལ་བ་ལ་གཙོ་བོར་གནང་བའི་སྨན། བཅས་ལྡན་དགེ་སློང་གིས་ཇི་སྲིད་འཚོའི་བར་བྱིན་གྱིས་བརླབས་ནས་ལོངས་སྤྱོད་དུ་རུང་བ་འཇིག་རྟེན་ན་སྨན་དུ་གྲགས་པའི་རྩ་བ་སྡོང་བུ་ལོ་མ་མེ་ཏོག་འབྲས་བུ་སྟེ་ཤུ་དག་སོགས་རྩ་བའི་སྨན་དང༌། ཙནྡན་སོགས་སྡོང་བུའི་སྨན། བ་ཤ་ཀ་སོགས་ལོ་འདབ་ཀྱི་སྨན། པདྨའི་ཟེ་བ་སོགས་མེ་ཏོག་གི་སྨན། ཨ་བར་སོགས་འབྲས་བུའི་སྨན་ལ་སོགས་པའོ། |
| འཚོ་བའི་དབང་པོ |
སྲོག |
| འཚོ་བའི་མ་མ |
བུ་རྫི་མ། |
| འཚོ་བའི་མདོ |
སློབ་དཔོན་ཀླུ་སྒྲུབ་ཀྱིས་མཛད་པའི་ནམ་ཟླ་དུས་བཞིའི་སྤྱོད་ལམ་དང༌། བཅུད་ལེན་གྱི་སྐོར་སོགས་རྒྱས་པར་སྟོན་པའི་སྨན་གཞུང་ཞིག |
| འཚོ་བའི་ཚད |
1 ཚེ་ཚད་དམ། ཚེ་ཡི་ཡུན་ཚད། 2 འཚོ་བ་བཟང་ནང་གྱི་ཚད། |
| འཚོ་བའི་ཟླ་བ |
ཐ་སྐར་ཟླ་བ་སྟེ་ཧོར་ཟླ་དགུ་པ། རྡོ་རྗེ་གདན་བཞིའི་རྒྱུད་སོགས་ནས་འཚོ་བའི་ཟླ་བ་ཞེས་འབྱུང༌། |
| འཚོ་བའི་ཡོ་བྱད |
1 བཟའ་བཏུང་སོགས་འཚོ་བའི་ཡོ་བྱད། 2 རབ་བྱུང་གི་གོས་ཀྱི་གཞིའི་ནང་གསེས། ཡོ་བྱད་གསུམ་གྱི་ཡ་གྱལ་ཞིག་རྒྱུ་ལོག་འཚོས་མ་བསྒྲུབས་ཤིང་འདུལ་བ་དང་མཐུན་པར་ཧ་ཅང་བཟང་བ་དང་ཧ་ཅང་ངན་པའི་མཐའ་གཉིས་སུ་མ་ལྷུང་བ་ཆོས་གོས་ཀྱི་རྒྱུ་བདུན་ལས་བྱས་ཤིང༌། རྔ་མོང་དང་རའི་སྤུ་ལ་སོགས་པ་མི་རུང་བ་ལས་མ་བྱས་པར་སྤུ་ཤིན་ཏུ་ཆེ་བ་དང་ཁ་ཚར་ཕུན་ཚར་བཅད་པ། མི་རུང་བའི་ཚོན་ཆེན་བརྒྱད་སྤངས་ཏེ་རུང་བའི་ཚོན་གསུམ་གྱིས་ཁ་བསྒྱུར་བ། ཚད་དང་མཐུན་པར་དྲས་དྲུབ་བྱས་པའི་འཚོ་བའི་ཡོ་བྱད་རྣམས་སོ། |
| འཚོ་བའི་ཡོ་བྱད་ཕྲན་ཚེགས |
འདུལ་བ་ལྟར་དགེ་སློང་གི་འཚོ་བའི་ཡོ་བྱད་གྲས་ལས། ཞྭ། སྐེ་རགས། ལྷམ་དང་ལྷམ་སྒྲོག་སྤོང་བ་བསམ་གཏན་པའི་པུས་འཁྱུད། གཏུར་བུ་སྟེ་ཆོས་གོས་ཀྱི་ཤུབས་སམ། ཡོ་བྱད་རྣམས་འཇུག་སྣོད་སོགས་སོ། |
| འཚོ་བའི་ཡོ་བྱད་བཅུ་གསུམ |
རབ་ཏུ་བྱུང་བ་རྣམས་ལ་ལུས་འཚོ་བའི་ཆེད་དུ་འཆང་བར་གནང་བའི་རུང་བ་ཚད་ལྡན་གྱི་གོས་ལ། སྣམ་སྦྱར། བླ་གོས། མཐང་གོས། ཤམ་ཐབས། ཤམ་ཐབས་ཀྱི་གཟན། རྔུལ་གཟན། རྔུལ་གཟན་གྱི་གཟན། གདོང་ཕྱིས། རྣག་གཟན། གཡན་དགབ། སྐྲ་བཟེད། གདིང་བ། དབྱར་གྱི་གོས་རས་ཆེན་ཏེ་བཅུ་གསུམ་མོ། |
| འཚོ་བའི་རིག་པ |
གསོ་བ་རིག་པ། |
| འཚོ་བའི་སྙིང་པོ |
དུས་རབས་བཅུ་གཅིག་པའི་ནང་ཇོ་བོ་རྗེ་དཔལ་ལྡན་ཨ་ཏི་ཤས་མཛད་པའི་སྨན་གྱི་བསྟན་བཅོས་ཤིག |
| འཚོ་བྱའི་ཐ་ཆད |
མངོན བྱ་གཤོར་བ། |
| འཚོ་བྱེད |
མངོན 1 ཆུ། 2 མེ། 3 མེ་ལྷ། 4 སྨན་སྤྱི་བཞུར། 5 སྨན། 6 སྨན་པ། 7 ཟས་གོས། 8 ཟླ་བ། 9 གཟའ་ཕུར་བུ། 10 གཟའ་ལྷག་པ། |
| འཚོ་བྱེད་གཞོན་ནུ |
ཛཱིབཱ སངས་རྒྱས་ཀྱི་སྐུ་དུས་ཀྱི་སྨན་པ་ཞིག |
| འཚོ་མཁོ་ལྷག་པའི་ཡོ་བྱད |
འདུལ་བའི་བརྡ་ཆད་ཅིག་རབ་ཏུ་བྱུང་བ་རྣམས་ཀྱིས་བཅང་བར་བྱ་བའི་དངོས་པོ་འཚོ་བའི་ཡོ་བྱད་དང༌། མཁོ་བའི་ཡོ་བྱད་དང༌། ལྷག་པའི་ཡོ་བྱད་བཅས་ཀྱི་བསྡུས་མིང༌། |
| འཚོ་མཛད |
མངོན སྨན་པའི་མིང༌། |
| འཚོ་མིང་ཅན |
མངོན མོན་ལུག་གླ་སྒང༌། |
| འཚོ་ཚིས |
ལྟོ་གོས་ཀྱི་འཚོ་ཐབས། |
| འཚོ་ཚིས་བྱམས་གཟིགས |
འཚོ་བའི་སྐོར་ལ་བྱམས་གཟིགས་གནང་བ། དུད་ཚང་ངན་ཧྲུལ་ལ་འཚོ་ཚིས་བྱམས་གཟིགས་རྟག་ཏུ་གནང་བ། |
| འཚོ་འཛིན |
དགོན་པ་སོགས་ཀྱི་འགོ་འདོན་འཚོ་སྐྱོང་བྱེད་མཁན། |
| འཚོ་རྟེན |
འཚོ་བའི་མཐུན་རྐྱེན། |
| འཚོ་སྐྱིད་ལས་སྤྲོ |
འཚོ་བ་སྐྱིད་ཅིང་ལས་དོན་ལ་དགའ་བ། |
| འཚོ་སྐྱོང |
ཟས་གོས་སོགས་སྟེར་ནས་མགོ་ཐོན་ཐབས་བྱེད་པ། ཕ་མས་ཕྲུ་གུར་འཚོ་སྐྱོང་བྱེད་པ། |
| འཚོག |
བཙོག་གི་ད་ལྟ་བ། |
| འཚོག་ཆས |
ཡོ་བྱད་དམ་སྤྱད་ཆས། |
| འཚོག་པ |
ཐ་དད་པ 1)འཚོགས་པ། འཚོག་པ། འཚོགས།། སྡུད་པ། ཚོགས་འདུ་འཚོགས་པ། ཆུ་འཚོག་པའི་སྣོད། གཏམ་འཚོག་མི་ཐུབ་པ། 2)བཙོགས་པ། བཙོག་པ། འཚོགས།། རྡེག་པའི་རྡུང་བ། ཕྲུ་གུའི་ལུས་པོར་བཙོགས་ན་ཕ་མའི་སེམས་ན་ཡོང༌། |
| འཚོགས |
1 གསོག་པའི་དོན་དུ་གོ་བའི་འཚག་པའི་སྐུལ་ཚིག 2 འཚོག་པའི་སྐུལ་ཚིག་ |
| འཚོགས་པ |
སྡུད་པའི་དོན་དུ་གོ་བའི་འཚོག་པའི་འདས་པ། |
| འཚོང |
ད་ལྟ་བ་རྒྱལ་ཁབ་ལ་འབྲུ་ལྷག་འཚོང་གིན་ཡོད་ལྟ་བུ། |
| འཚོང་བ |
ཐ་དད་པ བཙོངས་པ། བཙོང་བ། ཚོངས།། དངོས་རྫས་སྤུས་སྒྱུར་གཏོང་བ། ཤིང་བཙོངས་པ། སྒལ་རལ་འཚོང་བ། སྨད་འཚོང་མ། རྒྱལ་བཙོངས་མགོ་བཏགས། ངོ་བསྟོད་གཉེན་ལ་མ་ཆེ། སྡུག་ཡུས་འབངས་ལ་མ་འཚོང༌། |
| འཚོངས |
ཉུལ་བའི་དོན་དུ་གོ་བའི་འཚང་བའི་སྐུལ་ཚིག་ |
| འཚོད |
ད་ལྟ་བ་ཡུང་མ་འཚོད་ཀྱིན་འདུག་ལྟ་བུ། |
| འཚོད་པ |
ཐ་དད་པ བཙོས་པ། བཙོ་བ། ཚོས།། 1 ཤ་དང་ཚལ་སོགས་བཙོ་བ། ཤ་བཙོས་ཏེ་བཟས་པ། 2 གསེར་སོགས་སྲེག་སྦྱང་བྱེད་པ། གསེར་འཚོད་པ། ལྕགས་བཙོ་བར་བྱེད་པ། 3 ཚོས་རྒྱག་པའམ་ཁ་དོག་སྒྱུར་བ། སྣམ་བུ་བཙོས་པ། |
| འཚོད་པའི་གནས |
མངོན མེ་ཁང་ངམ་ཐབ་ཚང༌། |
| འཚོད་མར |
འཁུར་བ་སོགས་འཚོད་བྱེད་མར་ཁུ། |
| འཚོད་སྣུམ |
སྔོ་ཚལ་སོགས་རྔོ་བྱེད་སྣུམ། |
| འཚོབ |
(བྱེད་འབྲེལ་ལས་ཚིག) སོར་ཆུད་པའི་དོན་ཏེ། ཤ་ཡིས་ལུས་ཟུངས་གསོ་ཞིང་མཚོན་རྨ་འཚོབ་ཅེས་པ་ལྟ་བུ། བསབ་ཀྱི་ད་ལྟ་བའི་འབྲི་ཚུལ་གཞན། |
| འཚོབ་པ |
ཐ་མི་དད་པ འཚོབས་པ། འཚོབ་པ།། རུབ་པ། ཕྲུ་གུ་དེའི་མཚོག་མ་འཚོབས་སོང༌། རྨ་ཁ་རིམ་གྱིས་འཚོབ་ཡོང༌། གཙང་པོའི་དར་ཁ་འཚོབ་པ། |
| འཚོབས |
འཚབ་པའི་སྐུལ་ཚིག་ |
| འཚོབས་པ |
འཚོབ་པའི་འདས་པ། |
| འཚོལ |
ད་ལྟ་བ་རྟ་འཚོལ་བ་པོ། བདེན་དོན་འཚོལ་གྱིན་ཡོད་ལྟ་བུ། 2.འཚལ་གྱི་སྐུལ་ཚིག |
| འཚོལ་ཉུལ |
འཚོལ་བར་ཕྱིན་པ། དགྲ་དམག་གར་སོང་འཚོལ་ཉུལ་དུ་ཕྱིན་པ། |
| འཚོལ་བ |
ཐ་དད་པ བཙལ་བ། བཙལ་བ། ཚོལ།། རྩད་གཅོད་པ། བོར་བའི་དངོས་པོ་བཙལ་ཏེ་རྙེད་བྱུང༌། བོར་བའི་ནོར་ལུག་རྫི་བོས་འཚོལ་བ། སྐྱོན་ཆ་འཚོལ་བ། |
| འཚོལ་ཞིབ |
རྗེས་སུ་འཚོལ་ཞིང༌། ཞིབ་འཇུག་བྱེད་པ། ས་བབས་གང་ལེགས་འཚོལ་ཞིབ་བྱེད་པ། |
| འཚོས |
འདས་པ་དང་སྐུལ་ཚིག་ལུག་འཚོས་ནས་བལ་པགས་ཐོན་སྐྱེད་བྱེད། ཁྱོད་ཀྱིས་ལུག་འཚོས་ཤིག་ལྟ་བུ། |
| འཚོས་པ |
1.འཚོ་བའི་འདས་པ། 2.ཡུལ ཉེས་པའམ་རྟོགས་པ། དོན་དག་གང་ཡིན་མགོ་འཚོས་པར་བྱེད་པ། ཁོའི་བྱེད་སྟངས་ཚང་མ་ངས་མགོ་འཚོས་བྱུང༌། བརྟག་དཔྱད་བྱས་ན་མགོ་འཚོས་པར་འགྱུར་རོ། |
| འཛག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)གཤེར་ཁུའི་རིགས་མར་འབབ་པའི་དོན་ཏེ། ལུས་ནས་རྔུལ་ཆུ་འཛག་ལྟ་བུ། |
| འཛག་གེ་འཛོག་གེ |
རིམ་པ་འཆོལ་བའམ་འཁྲུགས་པའི་ཚུལ། དངོས་རིགས་ལེགས་ཉེས་མང་པོ་མཉམ་འདྲེས་ཀྱིས་འཛག་གེ་འཛོག་གེར་སོང་བ། འཛག་འཛོག་སྤུངས་པ། |
| འཛག་པ |
ཐ་མི་དད་པ ཟག་པ། འཛག་པ།། འབབ་པའམ། ལྷུང་བ། འཛིར་བ། ཆུ་འཛག་པ། ཐིག་ལེ་འཛག་པ། མཆི་མ་འཛག་པ། |
| ཡ་མཚན་པ |
ངོ་མཚར་བ་དང་ཁྱད་མཚར་བ། སྣང་ཚུལ་ཡ་མཚན་པ། ཐབས་འཕྲུལ་ཡ་མཚན་ཆེ་བ། |
| ཡ་མའི་ནད |
ལུས་ཀྱི་སྲིན་བུ་འཁྲུགས་པ་ལས་བྱུང་བའི་ནད་མགོ་དང༌། མུར་འགྲམ། སོ། རྣ་བ་སོགས་ཀྱི་གནས་སུ་ན་ཟུག་དྲག་པོ་འབྱུང་ཞིང་ལྡང་དུབ་བྱེད་པ་ཞིག |
| ཡ་མུ་ན |
ལེགས རྒྱ་གར་གྱི་ཆུ་བོ་ཞིག མིང་གི་རྣམ་གྲངས་ལ་ཉི་མའི་བུ་མོ་དང༌། གདུང་བྱེད་མ། རྩོད་ཅན། ཞི་བའི་སྲིང་མོ་བཅས་སོ། |
| ཡ་མུ་ནའི་སྤུན |
མངོན གཤིན་རྗེ། |
| ཡ་མེ |
གྲངས་ཀྱི་གནས་དྲུག་ཅུའི་རྩི་སྟངས་གཞན་ཞིག་ནང་ཡོད་པའི་གྲངས་ཀའི་མིང་ཞིག |
| ཡ་མེད |
1 དོ་ཟླའམ་འགྲན་ཟླ་མེད་པ། དཔའ་མཛངས་ཡ་མེད། དཔའ་ཡ་མེད་དམག་དཔོན་གཡུལ་ལས་རྒྱལ། 2 ཁྲེལ་མེད་དམ་རྩི་མེད། ཡ་མེད་ཚ་པོ། སྒྲིགས་ཁྲིམས་ལ་ཡ་མེད་བཙོངས་པ། |
| ཡ་མེད་དོ་མེད |
འགྲན་ཟླ་དང་བྲལ་བ། འཛམ་གླིང་ཡོངས་ལ་ཡ་མེད་དོ་མེད་ཡིན། སྟོབས་ཤུགས་ཡ་མེད་དོ་མེད། |
| ཡ་ཙེ |
རྒྱ ཆུ་བྱ་མཆུ་ལེབ་ཅིག |
| ཡ་ཚ་བ |
སྐྱི་གཡའ་བའམ། འཇིགས་རུང་གི་རྣམ་པ། མཐོང་ནས་ཡ་ཚ་བ། སེང་གེ་མཐོང་བས་གླང་ཆེན་ཡ་རེ་ཚ། |
| ཡ་ཚད |
1 ཡ་ཕྱོགས་ཀྱི་ཐག་ཉེའི་ས། ལུང་པ་ཡ་ཚད་ཙམ་ལ་གྲོང་པ་ཁ་ཤས་ཡོད། 2 ཆེ་མཐོའི་ཚད། ཁོང་དགུང་ལོ་ཡ་ཚད་ལ་སླེབས་ཚར་བ་རེད། ཆབ་སྲིད་ཀྱི་གོ་རྟོགས་ཡ་ཚད་ཐོབ་པ། 3 འགྲན་སྡུར་རམ་ཡ་ལན་སྤྲོད་པ། དགྲ་ལ་ཕར་རྒོལ་གྱིས་ཡ་ལན་ཚད་པ། ཕན་ཚུན་རྩེད་མོ་རྩེ་རེས་ཀྱིས་ཡ་ཚད་པ། |
| ཡ་ཞར |
མིག་ཡ་གཅིག་ཞར་བ། |
| ཡ་ཟད |
ཡར་ཐག་རིང་ཙམ། ཡ་ཟད་ཅིག་ན་མཚེའུ་ཞིག་འདུག |
| ཡ་ཟི་མཁར་དམར |
བོད་སྒྲུང་དུ་བཤད་པའི་ཧོར་གྱི་གྲོང་ཁྱེར་ཞིག |
| ཡ་ཟླ |
འགྲན་ཟླ། |
| ཡ་འཆོར |
འགྲན་ཟླ་འཕེར་བ། |
| ཡ་འབྲོག་མཚོ |
ཡར་འབྲོག་གཡུ་མཚོའི་མིང་གཞན་ཞིག་ |
| ཡ་འོང |
བོད་ཀྱི་རུས་ཤིག |
| ཡ་ཡ |
1 ཁས་བླངས་པའི་ཚིག ཡ་ཡ་ལགས་སོ། 2 འཁོན་འཛིན་སྟོན་པའི་བརྡ་ཚིག ཡ་ཡ། ཨ་འུ་ཙི་སྒུགས་ཤིག་སྒུགས་ཤིག་མགྱོགས་པོ་མཇལ་ཡོང༌། |
| ཡ་ཡ་བོ |
1 སེམས་དབང་མེད་དུ་གཡོས་ནས་བརྟན་མི་ཚུགས་པ། ཕམ་ཉེས་མུ་མཐུད་བྱུང་ནས་སེམས་ཡ་ཡ་བོར་གྱུར་པ། 2 ཆ་མིན། ཐ་དད། གྲོགས་མེད་ཡ་ཡ་བོར་གྱུར་པ། |
| ཡ་ཡུག |
1 གྱ་ཚོམ་དང༌། བབ་ཅོལ། 2 སོམ་ཉི་བྲལ་བ། སྤོབས་པ་ཆེ། |
| ཡ་ཡུད |
ཐལ་ཆའམ་གནད་འགག ཏན་ཏན་མ་བྱས་ན་ཡ་ཡུད་ཧང་ཟོམ་ཆེན་པོ་ཡོང༌། སྐད་ཆ་དེ་འདྲ་བཤད་པ་ནི་ཡ་ཡུད་ཆེན་པོ་རེད། མི་དམངས་ཀྱི་དོན་དུ་རང་སྲོག་འདོར་དགོས་བྱུང་ཡང་ཡ་ཡུད་མེད། |
| ཡ་ཡུས |
ཡུལ ཡ་ཡུད་དང་འདྲ། |
| ཡ་ཡོ |
(རྒྱན་ཚིག) འཁྱོག་པོ་ཚིག་ཡ་ཡོ་མེད་པར་དྲང་བོར་བཤད། མདའ་ཡ་ཡོ་མེད་པར་འབེན་ལ་ཕོག ལུས་ཡ་ཡོ་མེད་པར་དྲང་བོར་བསྡད་ལྟ་བུ། |
| ཡ་ཡོ་བ |
1 བྱ་སྤྱོད་རྒྱབ་མདུན་མི་མཚུངས་པའི་དྲང་མིན་གཡོ་སྒྱུ། གཏམ་ཡ་ཡོ་བ། ལས་ཀ་ཡ་ཡོ་བྱས་པས་ཁུངས་ཐུབ་པར་དཀའ། ལུས་སེམས་ཀྱི་སྤྱོད་ཚུལ་ཡ་ཡོ་ཁོ་ན་ཡིན་པ། 2 ཐད་ཀ་མིན་པ་དང༌། ཀྱག་ཀྱོག ཀ་བ་ཡ་ཡོ་མེད་པ། རྩིག་རྨང་ཡ་ཡོ་བའི་ཐོག་ལ་རྩིག་པ་བརྟན་པོ་བརྩིག་མི་ཐུབ། རྒྱུག་པ་ཡ་ཡོ་སྙོམས་ཤིག སྦྲུལ་ཡ་ཡོར་འགྲོ་བ། |
| ཡ་ཡོར |
རྙིང ཐགས་འཐག་པའི་ཚེ་བར་བར་དུ་སྤུན་མ་བཅུག་པའི་དབང་གིས་ཧྲལ་ཧྲལ་ཆགས་པ། |
| ཡ་རབས |
1 སྔར་རིགས་རུས་མཐོ་བའི་མི་ལ་ཟེར། རིགས་རྒྱུད་ཡ་རབས། ཡ་རབས་རིགས་བཟང༌། ཡ་རབས་ཀྱི་འཚོ་བ། 2 རང་བཞིན་ནམ་སྤྱོད་པ་བཟང་བ། སྔ་དུས་ཀྱི་ཡ་རབས་གོང་མ། ཡ་རབས་སྤྱོད་བཟང༌། ཡ་རབས་ཚུལ་མཐུན། ཡ་རབས་གཤིས་བཟང༌། ཡ་རབས་སྲོལ་བཟང༌། ཕོ་ཡ་རབས་མ་རབས་སྤྱོད་པས་ཤེས། ཡུལ་ས་ཕྱོགས་གང་ཡིན་སྐད་ཀྱིས་ཤེས། |
| ཡ་རེ་ཡེར་རེ |
ཡེར་ཡེར་གྱི་ཁ་སྐད་དེ། ཡེར་ལ་ལྟོས། |
| ཡ་རེ་ཡོ་རེ |
ཡུལ གཡས་གཡོན་དུ་ཡོ་ཞིང་བརྟན་པོ་མེད་པའི་ཚུལ། |
| ཡ་རྐན |
ཁའི་ཡ་མཁལ་གྱི་ནང་ངོས་ཀྱི་མིང་། |
| ཡ་རྐྱང |
ཆ་མིན་པ། དཀར་ཡོལ་སྔོན་པོ་ཡ་རྐྱང་གཅིག |
| ཡ་ལ |
ཡུལ ཉེས་སྐྱོན་ནམ་ནག་ཉེས། གཟུགས་མེད་གྲིབ་བཟོའི་ཡ་ལ་བསྙོན་འཛུགས་བྱས་པ། དཀྲོག་གཏམ་ཆེད་བཟོས་ཀྱིས་ཡ་ལ་མཚན་ཤས་བཟོ་བ། དོན་མེད་དུ་ཡ་ལ་བཟེད་པ། མི་ལ་ཡ་ལ་དཀྲིས་པ། བོང་བུ་བསླངས་པ་ལ་དགའ་ཚོར་མེད་པར་མཇུག་མ་བཀོག་པའི་ཡ་ལ་འཛུགས་པ། |
| ཡ་ལད |
གོ་ཆ་དང་རྨོག ཡ་ལད་བཙན་པོ་ལུས་ལ་གྱོན། |
| ཡ་ལན |
1 རྒོལ་ལན་ནམ་དགྲ་ལན། ཐབས་མཁས་ཀྱི་སྒོ་ནས་དགྲ་ནག་ལ་ཡ་ལན་སྤྲོད་པ། བཙན་འཛུལ་པ་ལ་ཡ་ལན་མི་སྤྲོད་ཀ་མེད་བྱུང་བ། འགྲམ་ལྕག་བརྡེགས་པའི་ཡ་ལན་ཀླད་འགེམས་ཐུབ་ཐབས། 2 དྲི་ལན་ནམ་གཏམ་ལན། སྐད་ཆ་ཇི་ཙམ་འདྲི་བར་ཡ་ལན་དེ་ཙམ་སྤྲོད་པ། 3 གཏམ་ལན་གནད་དུ་ཕོག་པ། |
| ཡ་ལེ |
ཡུལ ཡ་རྐན། |
| ཡ་ལེ་མ་ལེ |
ཡུལ སྟོད་སྨད་སོ་སོར་ཁ་བྲལ་བ་གདོང་གི་ཡ་རྐན་ཡོད་ཕྱོགས་དང་ཨོལ་སྐོ་ཡོད་ཕྱོགས་གཉིས་སོ་སོར་ཁ་བྲལ་བ་ལྟ་བུའི་དཔེ། ཡ་ལེ་མ་ལེ་བྲལ་བ། |
| ཡ་ལེ་ཡོ་ལེ |
1 ཉི་མ་གང་འཁྱོལ། 2 ཁུར་མེད་སྣང་ཆུང་གི་ཚུལ། ལས་དོན་ཡ་ལེ་ཡོ་ལེ་བྱས་པར་ལག་རྗེས་ཐོན་པ་དཀའ། |
| ཡ་ལོ |
བོད་ཀྱི་རུས་ཤིག |
| ཡ་ཤེར |
གོས་ཆེན་རི་མོ་མེད་པ་ཞིག |
| ཡ་སེ་ཡོ་ལངས |
ཡུལ ཁེ་གྱོང་གང་ཡོང་ལ་བསམ་བློ་མ་བཏང་བར་ཐལ་དྲགས་པའི་ལས་ཀ་བྱེད་སྟངས། |
| ཡ་སེ་ཡོ་སེ |
འཚམ་ཚོད་མི་ཟིན་པ། བྱ་བ་ཧ་ཅང་ཚོད་མེད་ཡ་སེ་ཡོ་སེ་མ་བྱེད། |
| ཡ་སོ |
ཁའི་ཡ་སོ། |
| ཡ་སོར་ཁྲི་པ |
སྔར་ལྷ་ལྡན་སྨོན་ལམ་གཏོར་རྒྱག་གི་དམག་རུའི་སྤྱི་ཁྱབ་པའི་གོ་གནས་ཀྱི་མིང༌། |
| ཡ་སྟགས |
བོན་པོའི་མདོས་གླུད་དམ་གཏོ་མདོས་ཀྱི་རྫས། |
| ཡ་སྟེངས |
བོད་ཀྱི་རུས་ཤིག |
| ཡ་སྲིན |
ཡ་མའི་ནད་འབྱུང་རྐྱེན་འབུ་ཕྲ་མོ་ཞིག |
| ཡག |
(རྒྱན་ཚིག) བཟང་བ་དང་མཛེས་པའི་དོན་ཏེ། ལོ་ཡག ལས་ཀ་ཡག་པོ། མདོག་ཡག ཁ་ཡག ཚིག་བཟང་ཁ་ཡག་པའི་སྒོ་ནས་ཞེས་པ་ལྟ་བུ། |
| ཡག་ཆུ |
འབྲི་ཆུའི་ཡན་ལག་ཅིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་འབྲི་སྟོད་རྫོང་དུ་ཡོད། |
| ཡག་ཉེས |
བཟང་ངན་དང༌། ལེགས་ཉེས། ཡག་ཉེས་ཀྱི་དབྱེ་བ་འབྱེད་པ། མིག་ཡོད་ཀྱང་ཡག་ཉེས་ངོ་མི་ཆོད། |
| ཡག་ཐོག་ཡག་བརྩེགས |
བཟང་པོའི་སྟེང་དུ་བཟང་པོ་སྣོན་པ། |
| ཡག་པ |
ཡག་པོ་དང་འདྲ། |
| ཡག་པོ |
ལེགས་པོའམ་བཟང་པོ། སྤུས་ཀ་ཡག་པོ། འཚོ་བ་ཡག་པོ། གནམ་གཤིས་ཡག་པོ། ཚོང་ཟོག་ཡག་པོ། རྩིས་ཡག་པོ་རྒྱག་པ། སྤྱོད་པ་ཡག་པོར་བརྩིས་པ། |
| ཡག་མ |
ཡུལ 1 སྒའི་འོག་ཏུ་འཇུག་རྒྱུའི་གདན་མཐུག་པོ། 2 གསར་པ། 3 ཡག་པོའི་གྲས། |
| ཡག་མོ |
ཡུལ ཡག་པོ་དང་འདྲ། |
| ཡག་ཡག |
1 བཟང་བཟང༌། གང་ཡག་ཡག་བྱས་འདུག 2 གྲངས་གནས་དྲུག་ཅུའི་རྩི་སྟངས་གཞན་ཞིག་ནང་ཡོད་པའི་གྲངས་ཀའི་མིང་ཞིག |
| ཡག་ཡུག་ཙམ |
རྙིང རབ་རུབ་ཙམ་མམ་ཕར་འགྲོ་ཚུར་འགྲོ་ཙམ། |
| ཡག་རིགས་ཡག་ཚད |
མང་པོའི་ནང་ནས་ཡག་ཤོས། |
| ཡགས |
འདས་མཆོད་འབུལ་རྟེན། |
| ཡང |
རྒྱན་སྡུད་ལ་འཇུག་པ་ནི་ཀྱང་ལ་ལྟོས། (རྒྱན་ཚིག) <ཀ>ལྗིད་ཚད་ཆུང་བ(ལྕི་བའི་ལྡོག་ཟླ)སྣུམ་ནི་ཆུ་ལས་ཡང་བས། སྣུམ་ཆུའི་ཁར་གཡེང་། ཧ་ཅང་ཡང་བའི་ཁུར་བོ། ཁུར་བོ་ཡང་མོ་ལྟ་བུ། |
| ཡང་ཁུ |
ཉིང་ཁུ་སྟེ་ཁུ་བའི་སྙིང་པོ། འོ་མའི་ཡང་ཁུ། ཨ་རག་ཡང་ཁུ། |
| ཡང་ཁེང |
གཡོག་པོའི་གཡོག་པོ། |
| ཡང་གཏེར |
གཏེར་ཆོས་ཀུན་གྱི་ནང་ནས་ཟབ་པ་ལས་ཀྱང་ཆེས་ཟབ་པའི་ཡང་གསང་སྙིང་པོའི་གཏེར་ཁ། |
| ཡང་གཡོག |
གཡོག་པོའི་གཡོག་པོ། |
| ཡང་གསང |
1 གསང་བའི་གསང་བ། 2 རྫོགས་པ་ཆེན་པོ། |
| ཡང་གསང་ཆུ |
བོད་རང་སྐྱོང་ལྗོངས་ཀྱི་ལྷོ་ཡུལ་ས་ཁུལ་གྱི་འབབ་ཆུ་ཞིག |
| ཡང་ངེ་ཡེང་ངེ |
1 སེམས་བག་མེད་དུ་གཡེང་བ། 2 ཉིན་འགྱངས་ཞག་འཕུལ། ཡང་ངེ་ཡེང་ངེས་ཉི་མ་སྟོང་ཟད་དུ་གཏོང་བ། 3 སེམས་ཡེངས་པ། |
| ཡང་ཆ |
གུ་ཡངས་དང་ཁུར་ཆུང་བ། ཁྲལ་རིགས་ཡང་ཆ་བྱེད་པ། ཡང་ཆ་དང་ཁྲོལ་ཆ་སྟེར་བ། |
| རིན་སྤུངས |
རྫོང་ཞིག་བོད་རང་སྐྱོང་ལྗོངས་ཀྱི་གཞུང་རྒྱུད་དང་ཡར་ཀླུངས་གཙང་པོའི་རྐེད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་བྱམས་ཆེན་ཞོལ་དུ་ཡོད། |
| རིན་སྤུངས་པ |
རབ་བྱུང་བདུན་པའི་སྐབས་སུ་ཕག་གྲུ་སྡེ་སྲིད་དབང་གྲགས་པ་རྒྱལ་མཚན་གྱིས་ནམ་མཁའ་རྒྱལ་མཚན་གཞིས་ཀ་རིན་སྤུངས་ཀྱི་རྫོང་དཔོན་དང༌། ས་སྐྱའི་དཔོན་ཆེན། ཆུ་མིག་གི་ཁྲི་དཔོན་བཅས་སུ་བསྐོས། རབ་བྱུང་བརྒྱད་པའི་ས་སྤྲུལ་ལོར་རིན་སྤུངས་ཀུན་བཟང་པས་ས་སྐྱ་པ་སངས་རྒྱས་འཕེལ་དང་གོ་རམ་བསོད་ནམས་སེང་གེ་དང་མཆོད་ཡོན་དུ་འབྲེལ་ཏེ་འབྲས་ཡུལ་སྐྱེད་མོས་ཚལ་གྱི་བཤད་གྲྭ་བཙུགས་ཤིང༌། ས་ཁྱི་ལོར་རྟ་ནག་ཐུབ་བསྟན་རྣམ་རྒྱལ་གྱི་དགོན་པ་འདེབས་པའི་མཐུན་རྐྱེན་མཛད། དེའི་སྲས་དོན་ཡོད་རྡོ་རྗེས་ལྕགས་གླང་ལོར་སྐྱིད་ཤོད་ཕྱོགས་སུ་དཔུང་འཇུག་དང་སྣེའུ་གདོང་རྩིས་ལེན་སོགས་བྱས། ཞྭ་དམར་ཆོས་གྲགས་པ་དང་བཀའ་བགྲོས་ནས་ལྕགས་ཁྱི་ལོར་ཡངས་པ་ཅན་གྱི་གཙུག་ལག་ཁང་སྡེ་དང་བཅས་པ་འཛུགས་པའི་མཐུན་རྐྱེན་མཛད། རབ་བྱུང་དགུ་པའི་ཤིང་གླང་ལོར་སྡེ་པ་ཞིང་ཤག་པ་ཚེ་བརྟན་རྡོ་རྗེས་གྱེན་ལོག་བྱས་པས་རིན་སྤུངས་པའི་སྲིད་དབང་ཤོར། 13741440 1449 1478 1481 1490 1565 |
| རིན་སྤུངས་མཚོ་ལ |
ལ་ཞིག་བོད་རང་སྐྱོང་ལྗོངས་ཀྱི་ཡར་ཀླུངས་གཙང་པོའི་རྐེད་རྒྱུད་ཀྱི་ལྷོ་འགྲམ་དུ་ཡོད་ཅིང་དེའི་མཐོ་ཚད་རྒྱ་མཚོའི་ངོས་ནས་སྨི་5438 ཡོད། 5438 |
| རིན་སྤུངས་སྙན་འགྲེལ |
སྙན་ངག་མེ་ལོང་གི་འགྲེལ་པ་སེང་གེའི་ང་རོ་ཞེས་བྱ་བ་ནི། དུས་རབས་བཅུ་དྲུག་པར་སྡེ་པ་རིན་སྤུངས་པ་ངག་དབང་འཇིགས་གྲགས་ཀྱིས་མཛད་པའོ། |
| རིབ |
སྲིབ་ཀྱི་བརྡ་རྙིང་ཉིན་སྲིབ་ལ་ཉིན་རིབ་ཟེར་བ་ལྟ་བུ། དུས་ཡུན་ཐུང་ངུའི་བརྡ་རྙིང་ཡུད་ཙམ་ལ་རིབ་ཙམ་ཟེར་བ་ལྟ་བུ། |
| རིབ་མ |
རྡོ་ཤིང་དང་ཚེར་མས་གྱང་གི་ཚུལ་དུ་བསྐོར་བའི་ར་བ། ཚལ་ཞིང་རྣམས་རིབ་མས་བསྐོར་བ། རིབ་མ་གཅིག་ལ་འཛུགས་ཤིང་གསུམ་དགོས། ཕོ་རྒོད་གཅིག་ལ་བློ་རོགས་གསུམ་དགོས། |
| རིབ་ཙམ |
1 ཧྲིབ་ཙམ་མམ་ཅུང་ཟད་ཙམ། ཁྱོད་རང་རིབ་ཙམ་སྒུག་རོགས། 2 ཁྲམ་པའི་རྣམ་པའམ་གཡའ་ཡོད་པ། རིབ་ཙམ་ཞིག་འདུག་པས་བློ་འཁེལ་རྐྱང་བྱེད་མི་ཉན། |
| རིབ་རིབ |
1 དུས་ཡུན་ཡུད་ཙམ་མམ་འཁྱུག་ཙམ། སྐད་ཅིག་ཡུད་ཙམ་རིབ་རིབ་ཅིག་མཐོང་བྱུང༌། 2 གཟུགས་སྣང་གསལ་ལ་མི་གསལ། མུན་ནག་ནང་དུ་རིབ་རིབ་ཅིག་མཐོང་བ། |
| རིམ |
སྔ་ཕྱི་ཐོག་འོག་མཐོ་དམའ་སོགས་ཀྱི་རིམ་པའི་མིང་སྒྲིག་རིམ། རིམ་པ་དང་པོ། གོ་རིམ། ཐོག་གི་རིམ་པ། འོག་གི་རིམ་པ། རིམ་བཞིན་འགྲོ་ཞེས་པ་སོགས་ལྟ་བུ། |
| རིམ་གཉིས |
རིམ་པ་གཉིས་ཀྱི་བསྡུས་ཚིག་ |
| རིམ་གསབ |
གཅིག་ཤུལ་གཅིག་གིས་འཚབ་པ། ལས་འཛིན་གོ་གནས་རིམ་གསབ་ཀྱིས་གཏོང་བ། |
| རིམ་གྱིས |
གོ་རིམ་ཡོད་པ་ཚན་རིག་གི་ཡོན་ཏན་རྣམས་རིམ་གྱིས་སློབ་དགོས་ལྟ་བུ། |
| རིམ་གྱིས་པ |
1 ཐེམ་སྐས་ལྟར་འོག་ནས་ཡར་རིམ་བཞིན་བགྲོད་པ། 2 བཀའ་བརྒྱུད་པའི་ལུགས་ཀྱི་ཕྱག་ཆེན་བསྒོམ་ཚུལ་ཞིག་ལམ་ཐུན་མོང་བ་དང༌། དབང་དང༌། བསྐྱེད་རྫོགས་སོགས་སྔོན་དུ་འགྲོ་དགོས་ཤིང༌། དེ་ནས་མཉམ་བཞག་གི་ངང་རང་གི་སེམས་ཀྱི་སྐྱེ་གནས་འགག་གསུམ་དཔྱད་པས་གང་དུའང་མ་གྲུབ་པ་མཐོང་བའི་ཚེ་སེམས་ངོ་འཕྲོད་པའོ། |
| རིམ་གྲས |
1 གྲལ་རིམ་འདྲ་བའི་ནང་ལ་སྤྱི་ཚོགས་ཀྱི་ཐོབ་ཐང་མི་འདྲ་བར་ཕྱེ་ནས་བྱུང་བའི་རིམ་པ་ཞིག་ལ་ཟེར། དཔེར་ན་ཞིང་པའི་ནང་གི་ཞིང་དབུལ་དང་ཞིང་འབྲིང་ལྟ་བུ། 2 གྲལ་རིམ་གྱི་འབྱུང་ཁུངས་མི་འདྲ་ནའང་འདྲ་བ་རེ་ཟུང་ལ་བརྟེན་ནས་བྱུང་བའི་སྤྱི་ཚོགས་ཀྱི་ཚོགས་པ་དཔེར་ན་ཀླད་པའི་ངལ་རྩོལ་གཙོ་བོ་བྱེད་མཁན་ཤེས་ཡོན་ཅན་ལྟ་བུ། |
| རིམ་གྲོ |
1 བསྙེན་བཀུར་རམ་བཀུར་སྟི། རིམ་གྲོ་བླ་ན་མེད་པ། 2 བར་ཆད་སེལ་བའི་གཏོ་བཅོས་སམ་ཞབས་བརྟན། |
| རིམ་གྲོ་བ |
1 ཞབས་ཕྱིའམ་ཞབས་ཏོག་པ། 2 ཞབས་བརྟན་སྒྲུབ་མཁན། |
| རིམ་གྲོའི་ལས |
1 བཀུར་སྟིའི་ལས་ཀ། 2 ཞབས་བརྟན་གྱི་བྱ་བ། |
| རིམ་ཅན |
རིམ་བཞིན། |
| རིམ་ཉམས་རིམ་སྟོངས |
རིམ་བཞིན་སྐྱོ་རུ་སོང་བ་དང༌། རིམ་བཞིན་ཁྱིམ་གཞིས་སྟོངས་པ། |
| རིམ་དང་རིམ་མིན |
ཉི་མ་ལ་མཚོན་ན། ཀརྐཌ་སོགས་ཁྱིམ་དྲུག་ལ་གནས་པའི་ཚེ་རིམ་པ་དང༌། ཆུ་སྲིན་སོགས་ཁྱིམ་དྲུག་ལ་གནས་པའི་ཚེ་རིམ་མིན་ཞེས་ཟེར། གཟའ་ལྔ་དང་མཇུག་རིང་ལའང་རིགས་འགྲེའོ། |
| རིམ་པ |
སྔ་ཕྱིའམ་མཐོ་དམའི་ཁྱད་པར་ལ་གཞིགས་ནས་བསྒྲིགས་པའི་སྟར་ཕྲེང༌། གོ་རིམ། བང་རིམ། མཐོ་རིམ། དམའ་རིམ། སྔ་ཕྱིའི་རིམ་པ། ས་བབ་རིམ་གྱིས་གཞོལ་བ། རིམ་པ་ཁག རིམ་པ་སོ་སོ། རིམ་པར་ཕྱེ་བ། རིམ་པ་འབེབས་པ། རིམ་པ་ཁྲིགས་ཆགས་སུ་གནས་པ། རྒན་རིམ། རིམ་པ་ལྟར་བྱེད་པ། རིམ་དང་གཉིས། ཅི་དང་ཅི་འདོད་ཀྱི་བྱ་བའི་རིམ་པ་མ་འཁྲུལ་བ། |
| རིམ་པ་གཉིས |
སྔགས་ལམ་གྱི་བསྐྱེད་པའི་རིམ་པ་དང༌། རྫོགས་པའི་རིམ་པ་གཉིས་སོ། |
| རིམ་པ་ཅན་གྱི་རྒྱན |
དོན་རྒྱན་གྱི་ནང་གསེས་ཤིག་མཚོན་བྱ་དཔེ་ཅན་གྱི་ཁྱད་ཆོས་འགའ་ཞིག་སྔོན་ལ་བཀོད་པ་དེ་རྣམས་མཚོན་བྱེད་དཔེའི་དངོས་པོས་གོ་རིམ་བཞིན་དུ་མཚོན་པར་བྱེད་པའི་རྒྱན་ཞིག |
| རིམ་པ་བཞིན |
ཅིག་ཅར་མིན་པའམ་དུས་གཅིག་ཏུ་མ་ཡིན་པ། གོང་འོག་རིམ་པ་བཞིན་དུ་སྦྱར་བ། རིམ་པ་བཞིན་དུ་འགྱུར་བ། རིམ་བཞིན་བྱུང་བ། |
| རིམ་པ་བསྟར་ཆགས |
གཅིག་རྗེས་གཅིག་གིས་བསྣོལ་ཞིང་ཚར་དུ་དངར་བ་ལྟར་དུ་ཡོད། |
| རིམ་པ་རབ་འབྲིང་ཐ་གསུམ |
ལེགས་ཉེས་བར་གསུམ་གྱི་རིམ་ཚད། |
| རིམ་པ་ལྔ་པ |
ཀླུ་སྒྲུབ་ཀྱིས་བརྩམས་པའི་གསང་སྔགས་སྐོར་གྱི་བསྟན་བཅོས་ཤིག |
| རིམ་པ་ལྔའི་དོན་མདོར་བཤད་པ་རྣལ་འབྱོར་པའི་ཡིད་འཕྲོག |
པཎྜི་ཏ་ཐུབ་པ་དཔལ་བཟང་པོས་མཛད་པ། ལོ་ཙཱ་བ་དགེ་སློང་རིན་ཆེན་གྲུབ་ཀྱིས་བསྒྱུར་པའོ། |
| རིམ་པ་ལྷག་པོ་བརྩིག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གཞི་མི་བརྟན་པའི་སར་རམ་ཆར་ཆུ་བྱུང་བའི་དུས་སུ་གནོད་པ་སྲུང་བའི་ཐབས་མ་བྱས་པར། ཉི་མ་གཅིག་ལ་གཙུག་ལག་ཁང་རྩིག་པ་རིམ་པ་གསུམ་ལས་ལྷག་པར་བརྩིགས་པའོ། |
| རིམ་པའི་ཕྱི་རྐང |
འདིར་ཉི་མ་ལ་མཚོན་ན་སྲང་སྡིག་གཞུ་སྟེ་ལྷོ་བགྲོད་ཀྱི་ཁྱིམ་ཕྱི་མ་གསུམ་ལ་ཉི་མ་གནས་པའི་ཚེ་རིམ་པའི་ཕྱི་རྐང་ལ་གནས་པ་ཞེས་བྱའོ། |
| རིམ་པའི་སྔ་རྐང |
འདིར་ཉི་མ་ལ་མཚོན་ན་ཀར་སེང་བུ་མོ་སྟེ་ལྷོ་བགྲོད་ཀྱི་ཁྱིམ་དང་པོ་གསུམ་ལ་ཉི་མ་འགྲོ་བའི་སྔ་རྐང་ལ་གནས་པ་ཞེས་བྱའོ། |
| རིམ་བཞི |
སྔར་མི་དྲག་གི་གོ་གནས་ཤིག |
| རིམ་བཞིན |
རིམ་པ་བཞིན་གྱི་བསྡུས་ཚིག་ |
| རིམ་བཞིན |
རིམ་པ་བཞིན་ཞེས་པའི་ཚིག་བསྡུས་པ་རིམ་བཞིན་འགྲོ། རིམ་བཞིན་འོངས་ལྟ་བུ། |
| རིམ་བརྒྱུད |
རིམ་པ་བཞིན་གཅིག་ནས་གཅིག་ཏུ་བརྒྱུད་པ། |
| རིམ་བསྒྲུབ |
རྩ་བསྒྲུབ་བཞིན་མི་བྱེད་པར་སྔ་མ་སྔ་མའི་སྟེང་དུ་དྷྲུ་ཝ་བསྲེས་པའི་སྒོ་ནས་རྗེས་མ་རྗེས་མ་རིམ་གྱིས་སྒྲུབ་པ། |
| རིམ་བྱོན |
རིམ་པ་བཞིན་དུ་ཕེབས་པ། |
| རིམ་མིན |
གོ་རིམ་ལོག་པ། |
| རིམ་མིན་གྱི་ཕྱི་རྐང |
འཁོར་ལོ་བསྣན་ནས་འཁོར་ཕྱེད་དོར་ན་རིམ་མིན་གྱི་ཕྱི་རྐང་ཡིན་པས་དེའི་ཚེ་ཉི་མ་ལ་མཚོན་ན་ལུག་གླང་འཁྲིག་པ་གསུམ་གང་རུང་ལ་གནས་སོ། རིམ་པའི་སྔ་རྐང་ཀར་སེང་བུ་མོ་གསུམ་གང་རུང་ལ་ཉི་མ་གནས་ཚེ་འཁོར་ཕྱེད་མ་དོར་བས་རིམ་པའི་སྔ་རྐང་ཟེར། |
| རིམ་མིན་གྱི་སྔ་རྐང |
འཁོར་ལོ་མ་བསྣན་པར་འཁོར་ཕྱེད་དོར་ན་རིམ་མིན་གྱི་སྔ་རྐང་ཡིན་པས། དེའི་ཚེ་ཉི་མ་ལ་མཚོན་ན་ཆུ་སྲིན་བུམ་པ་ཉ་ཁྱིམ་གསུམ་གང་རུང་ལ་གནས་སོ། |
| རིམ་འགྲོས |
རིམ་པ་ལྟར་རམ་གོམ་པ་རིམ་བགྲོད། |
| རིམ་འབྱོར |
ཡི་གེ་དང་མི་སོགས་རིམ་བཞིན་སླེབས་པ་ལྟ་བུ། |
| རིམ་འཛར་དུ་འཁོད་པ |
རིམ་པ་བསྒྲིགས་ནས་འཁོད་པ་གན་རྒྱ་སོགས་ཀྱི་མཇུག་ཏུ་ཐེའུ་རིམ་པ་བཞིན་དུ་འཁོད་པ། |
| རིམ་ལེན་དངུལ་བུན |
བུ་ལོན་གཡར་བསྡུ་བྱེད་སྟངས་ཤིག |
| རིམ་སྐྱེལ |
རིམ་བཞིན་སྐྱེལ་བའི་མིང༌། འགྲུལ་པ་རིམ་སྐྱེལ། བྱ་འོས་རིམ་བསྐྱལ། |
| རིམ་སྟར |
སྟར་ཕྲེང༌། |
| རིམས |
འཇུག་སྒོ་དྲུག་ནས་རིམ་བཞིན་དུ་ལུས་ལ་ཞུགས་པའམ་གཅིག་ནས་གཅིག་ཏུ་རིམ་གྱིས་འགོ་བ་ལ་རིམས་ཞེས་ཟེར་ཏེ། དེ་ལ་ནང་གསེས་སུ་དབྱེ་ན་འབྲུམ་བུ་དང༌། གག་ལྷོག་རྒྱུ་གཟེར། ཆམ་པ་བཅས་རིགས་ལྔ་མཆིས། ཆམ་རིམས། རིམས་ཀྱིས་བཏབ་པ། རིམས་མི་བཟད་པ། སྦྲང་འབུས་རིམས་ནད་སྤེལ་བ། |
| རིམས་གསར |
གསར་དུ་འགོས་མ་ཐག་པའི་རིམས་ནད། |
| རིམས་དྲག་པོ |
འགོས་ནད་ཚབས་ཆེན། |
| རིམས་ནད |
འགོས་ནད། རིམས་ནད་སྔོན་འགོག རིམས་ནད་ཐར་མ། |
| རིམས་ནད་རྨོངས་བུ |
བད་ཀན་ཤས་ཆེ་བའི་རིམས་ནད་ཅིག་ནད་རྟགས་སུ་སེམས་རྨོངས་ཤིང༌། ལུས་ལྕི་བ། གཉིད་བཀག་མི་ཐུབ་པ་འཐིབས་པར་འབྱུང་བ་ཞིག |
| རིམས་པ |
རྙིང བྲིམས་པ། |
| རིམས་བདག |
འགོ་བའི་ནད་ཀྱི་བདག་པོ། |
| རིམས་མི་བཟད་པ |
འགོས་ནད་བཟོད་དཀའ་བ། |
| རིམས་ཚད |
ཚ་བ་དང་འདྲེས་པའི་འགོས་ནད། |
| རིམས་རྙིང |
ན་ནས་ཡུན་རིང་པོ་སོང་བའི་རིམས་ནད། |
| མན་ཇུ |
མན་ཛུ་ཡི་འབྲི་ཚུལ་གཞན། |
| མན་ནེ་མུན་ནེ |
མི་གསལ་བའམ། ཐག་མི་གཅོད་པའི་དོན་ཏེ། (དཔེར་ན།) སྐད་ཆ་མན་ནེ་མུན་ནེ་མ་བཤད་ཅེས་པ་ལྟ་བུ། |
| མན་ནེ་མུན་ནེ |
(རྒྱན་ཚིག) མན་མུན་ལ་ལྟོས། |
| མན་མུན |
(རྒྱན་ཚིག) ཚིག་མི་གསལ་བའམ་ཐག་མི་ཆོད་པ་སྟེ། (དཔེར་ན།) སྐད་ཆ་མན་མུན་མ་བཤད་ལྟ་བུ། འདི་ལ་ཁ་སྐད་དུ་མན་ནེ་མུན་ནེ་ཡང་ཟེར། |
| མན་ཙི |
(རྒྱ་སྐད།) དར་གོས་སྲབ་མོ་མདོག་སེར་ལ་དམར་ལྗང་གི་ཐིག་རིས་ཅན། |
| མན་ཛུ |
ཨེ་ཤ་ཡའི་ཤར་མའི་མཚོ་འགྲམ་གྱི་མི་རིགས་ཤིག་གི་མིང་། |
| མན་ཤེལ |
རང་བྱུང་ཁམས་ནས་བྱུང་བའི་ཤེལ་གྱི་མིང་། ཆུ་ཤེལ། |
| མན་ཤེལ་དཀར་པོ |
ཆུ་ཤེལ་ཁ་དོག་དཀར་བའི་རིགས་ཤིག |
| མན་ཥཱན |
(རྒྱ་སྐད།) ཀན་ཁྲང་སྟེ་ཐུག་པ་འདྲིལ་བྱེད་ཀྱི་རྒྱུག་ཧྲིལ། |
| མནག |
བཟོད་པའི་དོན་ཡིན་པར་བཤད། |
| མནག་དཀའ་བ |
བཟོད་དཀའ་བའམ་བསྲན་དཀའ་བ་སྟེ། (དཔེར་ན།) གཉའ་གནོན་གྱི་སྡུག་བསྔལ་མནག་དཀའ་བས་བྲན་གཡོག་རྣམས་དཔུང་བསྡེབས་ཀྱིས་ངོ་རྒོལ་བྱས་ལྟ་བུ། |
| མནག་པ |
(བརྡ་རྙིང་།) བཟོད་པ་དང་བསྲན་པའི་དོན་ཏེ། (དཔེར་ན།) དཀའ་ངལ་ཇི་ཙམ་བྱུང་ཡང་མནག་ཐུབ་པ། རང་འཁྲིའི་ལས་འགན་སྙིང་ཐག་པ་ནས་ཁུར་དུ་མནག་པ་ལྟ་བུ། |
| མནང་བར་བཞག་པ |
(བརྡ་རྙིང་།) ལེགས་པར་བརྒྱན་པ། |
| མནངས |
(བརྡ་རྙིང་།) 1>རིང་ཚད་དམ་སྲིད་ཀྱི་བརྡ་རྙིང་། 2>སྣང་ངམ་རྩ་འགངས། |
| མནངས་ཆུང་བ |
མཐོང་ཆུང་ཆུང༌། |
| མནངས་ཆེ་བ |
གཙིགས་ཆེ་བ། |
| མནངས་ཆེན་པོ |
མནངས་ཆེ་བ་དང་དོན་གཅིག |
| མནངས་པ |
(བརྡ་རྙིང་།) 1>ནོར་ལོངས་སྤྱོད། 2>སྲིད་དམ་འཇིག་རྟེན། |
| མནན |
(བྱེད་འབྲེལ་ལས་ཚིག) 1>གནོན་གྱི་འདས་པ། (དཔེར་ན།) ལག་པས་མར་མནན་ལྟ་བུ། 2>ཕམ་པར་བྱེད་པ་སྟེ། (དཔེར་ན།) དགྲ་བོ་ཟིལ་གྱིས་མནན། དགྲ་བོས་གནོན་མི་ཐུབ་ལྟ་བུ། 3>ཞན་པར་བཏང་བའམ་མེད་པར་བཏང་བ་སྟེ། (དཔེར་ན།) སྨན་གྱིས་ནད་མགོ་མནན། ཟས་ཀྱིས་ལྟོགས་མགོ་ནོན། དགྲ་ལ་ཞེ་སྡང་གནོན་ཐབས་མེད། ཁོང་ཁྲོ་མར་མནན་ལྟ་བུ། |
| མནན་གཏད |
སྔགས་པའི་དྲག་ལས་ཀྱི་བྱེ་བྲག་ཅིག |
| མནན་བསྲེགས་འཕངས་གསུམ |
སྲི་མནན་པ། གདོན་བགེགས་བསྲེགས་པ། གཏོར་ཟོར་འཕངས་པ་སྟེ་གསུམ། |
| མནན་མི་བཟོད་པ |
1.མནན་ན་བསྲན་མི་ནུས་པའི་དོན་ཏེ། (དཔེར་ན།) ཟམ་པ་ལྡེམ་ལྡེམ་པོ་རྐང་པས་མནན་མི་བཟོད་པ། བྱིས་པའི་མཚོག་མ་ལག་པས་མནན་མི་བཟོད་པ་ལྟ་བུ། 2.འགོག་མི་ཐུབ་པའམ་གཞོམ་མི་ཐུབ་པའི་དོན་ཏེ། (དཔེར་ན།) རིག་གནས་ཀྱི་སྟོབས་ཤུགས་མནན་མི་བཟོད་ཅེས་པ་ལྟ་བུ། |
| མནབ |
ནབ་ཀྱི་མ་འོངས་པ། |
| མནབ་རྩལ |
ཟས་རིགས་ཀྱི་བརྡ་རྙིང་། |
| མནབས |
ནབ་ཀྱི་འདས་པ། |
| མནམ |
1.ནོམ་ལ་ལྟོས། 2.དྲི་བྲོ་བའི་དོན་ཏེ། (དཔེར་ན།) ལུས་ལ་སྨན་གྱི་དྲི་མནམ་ལྟ་བུ། |
| མནམས |
མནམ་པའི་འདས་པ། (དཔེར་ན།) ལག་པས་མནམས་ཟིན་ཟེར་བ་ལྟ་བུ། |
| མནའ |
རྟེན་གསུམ་སོགས་དཔང་དུ་བཙུགས་ནས་དམ་བཅས་པ་སྟེ། (དཔེར་ན།) ཁོས་མནའ་བསྐྱལ་ནས་ཁས་བླངས་སོང༌ལྟ་བུ། |
| མནའ་གན |
མནའ་བསྐྱལ་ནས་བཞག་པའི་གན་རྒྱ། |
| མནའ་གཟན |
མི་དང་ཁྲིམས་དཔང་འཇོག་བྱས་ནས་དམ་བཅས་པའི་དོན་ཡལ་བར་འདོར་མཁན། |
| མནའ་ཆས |
གནའ་སྔ་མོའི་སྲོལ་དུ་མནའ་སྐྱེལ་སྐབས་སུ་གྱོན་རྒྱུའི་གོས་ཆས། |
| མནའ་ཆིངས |
མནའ་བསྐྱལ་ནས་བཞག་པའི་ཆིངས་ཡིག |
| མནའ་ཐོ་བཅད་པ |
ཕན་ཚུན་བར་ལ་ཡིད་ཆེས་པའི་ཕྱིར་དུ་མནའ་བཞག་པ། |
| མནའ་བཅའ་བ |
དམ་བཅའ་བའམ་མནའ་སྐྱེལ་བ། |
| མནའ་བོར |
མནའ་བསྐྱལ་བ། |
| མནའ་མ |
བག་མའི་མིང་སྟེ། (དཔེར་ན།) མནའ་མ་སྦྱིན་པ། མནའ་མ་གསར་པ། མནའ་མར་སྟེར་དགོས་ལྟ་བུ། མིང་གི་རྣམ་གྲངས་ལ་སྐྱེས་མ་དང༌། ཁྱིམ་གནས། ཁྱིམ་པ་མོ། བག་མ། བུའི་ཆུང་མ་བཅས་སོ། ། |
| མནའ་མཐུན |
བྱ་བ་ཐུན་མོང་དུ་བྱེད་ཆེད་མཉམ་དུ་སྦྲེལ་བའི་ཚོགས་པ་སྟེ། (དཔེར་ན།) མནའ་མཐུན་རྒྱལ་ཁབ། མནའ་མཐུན་པ་ལྟ་བུ། |
| མནའ་མི |
མནའ་སྐྱེལ་མཁན། |
| མནའ་ཚིག |
མནའ་བསྐྱལ་བའི་གཏམ། |
| མནའ་ཟ་བ |
མནའ་དམ་ལ་མི་རྩི་བ་སྟེ། (དཔེར་ན།) ཧམ་འདོད་སྙིང་བཅང་གིས་མནའ་ཟ་བ། སྔ་ཚིག་དམ་བཅའ་རས་སུ་བོར་ནས་མནའ་ཟ་མི་རུང་ཞེས་པ་ལྟ་བུ། |
| མནའ་འདོར་བ |
མནའ་སྐྱེལ་བ་དང་དོན་གཅིག |
| མནའ་རི |
སུས་ཀྱང་སྒེར་དུ་བདག་པོ་མི་རྒྱག་པའི་མནའ་བསྐྱལ་བའི་རི། (དཔེར་ན།) ས་འདི་ཀུན་གྱི་མནའ་རི་ཡིན་པས་འདིར་ཁང་པ་བརྒྱབ་ན་རྒྱབ་འདྲེའི་གཞི་གཅིག་འོང༌ལྟ་བུ། |
| མནའ་རྫུན་སྐྱེལ་བ |
མནའ་ཕྱིན་ཅི་ལོག་ཏུ་སྐྱེལ་བ་སྟེ། (དཔེར་ན།) མནའ་རྫུན་བསྐྱལ་ཏེ་མགོ་སྐོར་གཏོང་མི་རུང་ལྟ་བུ། |
| མནའ་ཤག |
ཕན་ཚུན་ཐ་ཚིག་འཇོག་རེས་ཀྱི་སྒོ་ནས་མཐུན་འབྲེལ་བྱེད་པའི་ཤག་པོ་སྟེ་གྲོགས་པོ། ཌྷ། |
| མནའ་སྐྱེལ་དམ་བཅའ |
ཐ་ཚིག་དང་འབྲེལ་བའི་ཁས་ལེན། |
| མནའ་སྐྱེལ་བ |
ཐ་ཚིག་འཇོག་པའི་དོན་ཏེ། མིང་གི་རྣམ་གྲངས་ལ་བྲོ་བོར་བ་དང༌། དབུ་བསྙུང་ངོ། ། |
| མནའ་སྒོག་པ |
མནའ་སྐྱེལ་དུ་འཇུག་པ། |
| མནའ་སྦྲེལ |
རྒྱལ་ཁབ་བམ་ཕྱོགས་ཁག་མང་པོས་མཉམ་དུ་སྦྲེལ་བའི་ཚོགས་པ་སྟེ། (དཔེར་ན།) མནའ་སྦྲེལ་རྒྱལ་ཁབ་ཅེས་པ་ལྟ་བུ། |
| མནར |
1.(བྱེད་འབྲེལ་ལས་ཚིག) སྡུག་ལས་བཏང་བའམ་སྡུག་བསྔལ་སྐྱེད་པ་སྟེ། (དཔེར་ན།) ཟ་མནར་འཐུང་མནར་མ་བྱེད། ནད་དྲག་པོས་ལུས་མནར་ལྟ་བུ། 2.ཆེར་སྐྱེ་བ་ལ་བར་ཆད་བྱེད་པ་སྟེ། (དཔེར་ན།) ཤིང་སྡོང་ཆེན་པོས་ཤིང་སྡོང་ཆུང་ངུ་མནར་ལྟ་བུ། |
| མནར་གཅོད |
1.གཉའ་གནོན་ནམ་སྡུག་སྦྱོང༌སྟེ། (དཔེར་ན།) བྲན་གཡོག་ལ་མནར་གཅོད་གཏོང་བ། བཙན་དབང་གི་མདུན་དུ་སྤ་འཁུམས་པས་མཐར་མནར་གཅོད་འཁུར་དགོས་བྱུང༌། མནར་གཅོད་བྱས་དྲགས་ན་བུ་ཡང་དགྲ་རུ་འགྱུར་ལྟ་བུ། 2.སྡུག་བསྔལ། |
| མནར་མེད |
ཚ་དམྱལ་བརྒྱད་ཀྱི་ནང་གསེས། ལྕགས་ཁྱིམ་འབར་བའི་ནང་དུ་གཤིན་རྗེའི་ལས་མཁན་རྣམས་ཀྱིས་ལྕགས་བསྲེགས་ཀྱི་སོལ་བ་རི་ལྟར་སྤུངས་པའི་ཁྲོད་དུ་དམྱལ་བའི་སེམས་ཅན་གྲངས་མེད་པ་བཅུག་ནས། མེ་དང་ལུས་གཉིས་མེད་དུ་བསྲེག་པ་དང༌། ཁྲོ་ཆུ་ཁོལ་མ་ཁར་བླུགས་པ་སོགས་ཀྱི་སྡུག་བསྔལ་ཡ་ང་བ་མྱོང་དགོས་པའོ། ། |
| མནར་སེམས |
འཚེ་བའི་སེམས་སམ་ཁྲོ་སེམས། |
| མནར་སེམས་ཀྱི་དངོས་པོ |
མནར་སེམས་སྐྱེ་བར་བྱེད་པའི་གཞིའམ་རྒྱུ་རྐྱེན། |
| མནར་སེམས་ཀྱི་དངོས་པོ་དགུ |
ཕ་རོལ་གྱི་དགྲ་བོས་བདག་ལ་གནོད་པ་བྱས་སོ། །བྱེད་དོ། །བྱེད་པར་འགྱུར་རོ་ཞེས་བྱ་བ་གསུམ་དང༌། བདག་གི་མཛའ་བོ་ལ་གནོད་པ་བྱས་སོ། །བྱེད་དོ། །བྱེད་པར་འགྱུར་རོ་ཞེས་བྱ་བ་གསུམ་དང༌། བདག་གི་དགྲ་ལ་ཕན་བཏགས་སོ། །འདོགས་སོ། །འདོགས་པར་འགྱུར་རོ་ཞེས་བྱ་བ་གསུམ་སྟེ་དགུའོ། ། |
| མནར་སྤྱོད |
མནར་གཅོད་དང་དོན་གཅིག |
| མནལ |
ཉལ་བ་དང་གཉིད་པའི་དོན་ཏེ། (དཔེར་ན།) གཉིད་ས་ལ་མནལ་ས་དང་། རྨི་ལམ་ལ་མནལ་ལམ་ཞེས་པ་ལྟ་བུ། |
| མནལ་གཟིམས་པ |
གཉིད་ཉལ་བའི་དོན་ཏེ། (དཔེར་ན།) མཚན་གང་མནལ་གཟིམས་མ་ཐུབ་ཅེས་པ་ལྟ་བུ། |
| མནལ་ཐུམ་པ |
གཉིད་ཐུན་ནམ་གཉིད་སྐོར་ཏེ། (དཔེར་ན།) མཚན་དཀྱིལ་མནལ་ཐུམ་པ་ཞིག་གཟིམས་ནས་བཞེངས་པ། ཐོ་རེངས་མནལ་ཐུམ་ཙམ་ཁུག་སོང་ལྟ་བུ། |
| མནལ་དཀྲོགས |
གཉིད་སྐྱིད་པོ་ཁུག་སྐབས་གཞན་གྱིས་དཀྲོགས་པ། |
| མནལ་ཕབ་པ |
གཉིད་ཁུག་བཅུག་པ་སྟེ། (དཔེར་ན།) སྐུ་ཁམས་མཉེལ་གསོའི་མནལ་ཕབ་ཅེས་པ་ལྟ་བུ། |
| མནལ་འདྲོགས |
མནལ་དཀྲོགས་དང་དོན་གཅིག |
| མནལ་ལབ |
གཉིད་ལབ་བམ་བླ་འཆོལ། |
| མནལ་ལམ |
རྨི་ལམ། |
| མནལ་ལྟས |
རྨི་ལྟས། |
| མནོ |
1.མནོད་ཀྱི་འབྲི་ཚུལ་གཞན། 2.བསམ་བློ་དང་དོན་འདྲ། |
| མནོ་བ |
1.ནོད་པའི་མ་འོངས་པ།2.སེམས་པའམ་བསམ་བློ་གཏོང་བ། |
| མནོ་བསམ |
བསམ་བློ་སྟེ། (དཔེར་ན།) ལས་ཀ་གང་བྱེད་ཀྱང་མནོ་བསམ་ཡག་པོ་ཐོངས་ལྟ་བུ། |
| མནོག |
1.སྤོགས་དང༌། ཁེ་ཕན་གྱི་དོན་ཏེ། (དཔེར་ན།) མནོག་ཆུང་བ། མནོག་ཆེ་བ་ལྟ་བུ། 2.དོན་སྙིང་གི་དོན་ཏེ། (དཔེར་ན།) སྐད་ཆ་མནོག་མེད་བཤད་པ། མནོག་ཆུང་བྱ་བས་ཕན་པ་ཆུང༌། མནོག་ཆེ་བ་ལྟ་བུ། |
| མནོག་པ |
1.ཞིམ་པའམ་གྱ་ནོམ་པའི་དོན་ཏེ། (དཔེར་ན།) ཟས་མནོག་པ་ལྟ་བུ། 2.(བརྡ་རྙིང་།) མང་པོ། |
| མནོག་ཟན |
རྣོག་ཟན་དང་འདྲ། |
| མནོང |
ནོངས་ཀྱི་འབྲི་ཚུལ་གཞན། |
| མནོད |
ནོད་ཀྱི་མ་འོངས་པ། |
| མནོལ |
1.(བྱེད་མེད་ལས་ཚིག) རྫས་བཙོག་པོ་ལུས་ལ་ཕོག་པའམ་འགོས་ནས་ནད་བྱུང་བ་སྟེ། (དཔེར་ན།) གོས་མི་གཙང་བ་གོན་ནས་བྱིས་པ་མནོལ་ལྟ་བུ། 2.མནལ་བའི་སྐུལ་ཚིག |
| མནོལ་གྲིབ |
བཙོག་པ་ལས་བྱུང་བའི་གྲིབ། |
| མནོལ་བ་བསལ་བ |
བཙོག་གྲིབ་ཀྱི་སྐྱོན་དག་པར་བྱས་པའམ་བཙོག་སྐྱོན་གཙང་མར་བཟོས་པ། |
| མནོལ་བཙོག |
གྲིབ་བཙོག |
| མནོལ་བསངས |
1.བཙོག་པ་སེལ་ཐབས་ཀྱི་བསངས། 2.བཙོག་པའི་རིགས་བསལ་བ། |
| མནོལ་རི |
རི་གྲིབ་ཅན། |
| མནོལ་རིགས |
1.སྔར་མགར་ལས་དང༌། བཤན་ལས་སོགས་ལ་མཐོང་ཆུང་གིས་ལས་ངན་པར་རྩི་ཞིང༌། ལས་དེ་རིགས་བྱེད་མཁན་གྱི་རིགས་རྒྱུད་ལ་མནོལ་རིགས་ཟེར། 2.མི་གཙང་བའི་གྲས། |
| མནོལ་ཤོར |
མི་གཙང་བས་གོས་པ་སྟེ། (དཔེར་ན།) ཕྲུ་གུར་གཙང་སྦྲ་བྱས་ནས་མནོལ་ཤོར་མེད་ཅེས་པ་ལྟ་བུ། |
| མནོས |
ནོད་ཀྱི་འདས་པ། |
| མནྡ་ར |
(ལེགས་སྦྱར།) ཡིད་འཛིན་མ་སྟེ། སློབ་དཔོན་པདྨ་འབྱུང་གནས་ཀྱི་གསང་ཡུམ་ཞིག |
| མམ |
1.མིང་མཐར་སྦྱོར་བའི་འབྱེད་སྡུད་ཀྱི་ཕྲད་ཅིག (དཔེར་ན།) ཤིང་སྒམ་མམ་ལྕགས་སྒམ་ཞེས་པ་ལྟ་བུ། 2.མིང་མཐའ་མའི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག (དཔེར་ན།) མཚན་མོ་གཡང་སར་འགྲོ་དུས་རིག་པ་རྩེ་གཅིག་ཏུ་སྒྲིམ་མམ་མི་སྒྲིམ་ཞེས་པ་ལྟ་བུ། |
| མཚག |
ལུས་འཚོ་བྱེད་ཀྱི་ཟུངས་དང་ལུས་ཀྱི་གཟི་མདངས་དང་ཁམས་སོགས་ཀྱི་སྤྱི་མིང་། (དཔེར་ན།) ལུས་ཕུང་བཟང་བ་ལ་ལུས་མཚག་བཟང་ཟེར་བ་ལྟ་བུ། |
| མཚག་པ |
རྒྱགས་པའི་དོན་དུ་གོ་བའི་འཚག་པ་དང་འདྲ། |
| མཚགས |
མཚག་གི་འབྲི་ཚུལ་གཞན། |
| མཚང |
ཉེས་པའམ་སྐྱོན་གྱི་མིང་། (དཔེར་ན།) མཚང་འབྱིན། མཚང་བརྟོལ། དགེ་རྒན་གྱི་མཆོག་ནི་མཚང་ལ་རྒོལ་བ། བསླབ་བྱའི་མཆོག་ནི་མཚང་ཐོག་ཏུ་འབབ་པ་ཞེས་པ་ལྟ་བུ། |
| མཚང་བརྟོལ |
སྐྱོན་འབྲུ་བ་སྟེ། (དཔེར་ན།) ལྐོག་གཡོ་ངན་གཤོམ་གང་བྱས་ཀྱི་མཚང་བརྟོལ་ཞེས་པ་ལྟ་བུ། |
| མཚང་འབྱིན་པ |
སྐྱོན་འདོན་པའམ་སྔོག་པ། |
| མཚང་འབྲུ་བ |
སྐྱོན་སྔོག་པ་སྟེ། ཉེས་མཚང་འབྲུ་བ། མིང་གི་རྣམ་གྲངས་ལ་སྐྱོན་འདོན་པ་དང༌། མཚང་རྒོད་པ། མཚང་སློག་པ་བཅས་སོ། ། |
| མཚང་ར |
ཚང་ར་ཞེས་པའི་འབྲི་ཚུལ་གཞན། |
| མཚན |
1.མིང་གི་ཞེ་ས་སྟེ། (དཔེར་ན།) མཚན་འདོགས་པ་ལྟ་བུ། 2.མཚན་མོའི་བསྡུས་ཚིག 3.མཚན་མའི་བསྡུས་ཚིག 4.སྔོ་སྨན་ཞིག |
| མཚན་གང |
མཚན་ཧྲིལ་པོ། |
| མཚན་གཅིག་པ |
1.མིང་འདྲ་བ། 2.དྲི་ཆེན་དང་དྲི་ཆུ་གཏོང་སའི་འོག་སྒོ་གཅིག་ལས་མེད་པ། |
| མཚན་གཉིས་པ |
ཕོ་མཚན་དང་མོ་མཚན་གཉིས་ལྡན། |
| མཚན་གཉིས་མ་ནིང |
ཕོ་མོ་གཉིས་ཀའི་མཚན་མ་ཡོད་པའི་མ་ནིང༌། |
| མཚན་གཉིས་མ་ནིང་གི་འཇུག་ཚུལ |
རྗེས་འཇུག་གི་མ་ནིང་ན་ར་ལ་གསུམ་མིང་གཞི་མོ་ལ་ཡང་འཇུག་ཞུགས་པ་སྟེ། འཛིནད། འབྱོརད། རོལད་སོགས་མིང་གཞི་ཞན་ཞིང༌། ཡང་འཇུག་དྲག་པས་མཚན་གཉིས་མ་ནིང་ངོ། ། |
| མཚན་གཏིབ |
མཚན་མོ་འཇབ་རྒོལ་གྱི་དཔུང་འཇུག་སྟེ་མཚན་འགེབས་ཀྱང་ཟེར། (དཔེར་ན།) དགོང་མོ་མཚན་གཏིབ་གཏོང་དགོས་ལྟ་བུ། |
| མཚན་གཞི |
1.མཚན་ཉིད་ཀྱིས་མཚོན་བྱ་མཚོན་པའི་གཞིར་གྱུར་པ། དཔེར་ན། གསེར་བུམ་དེ་བུམ་པའི་མཚན་གཞི་ཡིན་པ་ལྟ་བུའོ། 2.མཚོན་བྱའི་ཁྱད་པར་རམ་དཔེ། |
| མཚན་གསོལ་བ |
1.མིང་འདོགས་པ་སྟེ། (དཔེར་ན།) ཁོང་ལ་ཕུལ་བྱུང་གི་དཔའ་བོའི་མཚན་གསོལ་བ་རེད་ཅེས་པ་ལྟ་བུ། 2.(བརྡ་རྙིང་།) དགོངས་དག་ཐུགས་བདེན་ཞུ་བ། |
| མཚན་གུང |
མཚན་དགུང་དང་འདྲ། |
| མཚན་གྱི་མེ་ཏོག |
མིང་མེ་ཏོག་གི་གཟུགས་སུ་བཀོད་པ་སྟེ། (དཔེར་ན།) དཔའ་བོའི་མཚན་གྱི་མེ་ཏོག་ཅེས་པ་ལྟ་བུ། |
| མཚན་ངུ |
ཕྲུ་གུ་སོགས་མཚན་མོ་ངུ་བ། |
| མཚན་ཇུས |
སྔར་རྒྱལ་རབས་དང༌། སྲིད་གཞུང༌། དཔོན་རིགས་སོགས་ཀྱི་བྱ་བ་ལམ་འགྲོའི་ཞེ་ཚིག |
| མཚན་ཉིད |
དངོས་པོ་གང་དང་གང་གི་ངོ་བོའམ་རང་བཞིན་ཏེ། ངེས་ཚིག་དང་དོན་འདྲ། (དཔེར་ན།) སྨྲ་ཤེས་དོན་གོ་བའམ་ཡོ་བྱད་བཀོལ་ནས་ངལ་རྩོལ་བྱེད་ཤེས་པ་མིའི་མཚན་ཉིད་ཡིན། མིའི་མཚན་ཉིད་ཚང་བ་ཞེས་པ་ལྟ་བུ། |
| མཚན་ཉིད་ཀྱི་སྡེ་སྣོད |
མདོ་སྡེ་དང༌། འདུལ་བ། མངོན་པ་བཅས་མཚན་ཉིད་ཐེག་པའི་ལམ་སྟོན་པའི་གསུང་རབ། |
| མཚན་ཉིད་གསུམ |
སེམས་ཙམ་པའི་ལུགས་ལ་ཤེས་བྱ་ཐམས་ཅད་མཚན་ཉིད་གསུམ་དུ་བསྡུས་པ་ཀུན་ཏུ་བརྟགས་པའི་མཚན་ཉིད་དང༌། གཞན་གྱི་དབང་གི་མཚན་ཉིད། ཡོངས་སུ་གྲུབ་པའི་མཚན་ཉིད་བཅས་སོ། ། |
| མཚན་ཉིད་གྲྭ་ཚང |
བོད་ཀྱི་དགོན་སྡེའི་ནང་གཞུང་ཆེན་རྩོད་རིགས་ཡོད་པའི་གྲས། |
| མཚན་ཉིད་ངོ་བོ་ཉིད་མེད་པ་ཉིད |
ངོ་བོ་ཉིད་མེད་པ་ཉིད་གསུམ་གྱི་ནང་གསེས། མེད་ལ་ཡོད་པར་འཛིན་པའི་ཀུན་བཏགས་ཀྱི་ཆོས་རྣམས་ཐག་ཁྲ་སྦྲུལ་དུ་འཛིན་པའི་ཀུན་བཏགས་ཀྱི་ཆོས་རྣམས་ཐག་ཁྲ་སྦྲུལ་དུ་འཛིན་པ་ལྟ་བུ་དོན་ལ་མ་གྲུབ་པའོ། ། |
| མཚན་ཉིད་ཅན |
ལུས་ཀྱི་རྩའི་བྱེ་བྲག་ཅིག |
| མཚན་ཉིད་ཆད་པའི་ཀུན་བཏགས |
ཀུན་བཏགས་ཀྱི་ནང་གསེས། དོན་ལ་མ་གྲུབ་ཀྱང་རྟོག་པས་བཏགས་པ་བདག་ལྟ་དང་རྫས་གྲུབ་ལྟ་བུའོ། ། |
| མཚན་ཉིད་པ |
1.ཚད་ལྡན། 2.གཏན་ཚིགས་ལ་བརྟེན་ནས་དོན་དཔོག་པར་བྱེད་པའི་རིགས་ལམ་པ། |
| མཚན་ཉིད་མཁན་པོ |
བཀའ་པོད་རིགས་ལམ་སློབ་པའི་དགེ་རྒན། |
| མཚན་ཉིད་མེད་པའི་ཆོས་འཁོར |
སངས་རྒྱས་ཀྱིས་བསྐོར་བའི་ཆོས་འཁོར་རིམ་པ་གསུམ་གྱི་བར་པ་ཆོས་རྣམས་རང་བཞིན་མ་གྲུབ་པར་སྟོན་པའི་བཀའ། |
| མཚན་ཉིད་མེད་པའི་སྐད་ཅིག་མའི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། སྦྱིན་སོགས་ཆོས་ཐམས་ཅད་བདེན་སྟོང་དུ་སྐད་ཅིག་མ་གཅིག་ལ་མངོན་སུམ་དུ་རྟོགས་པའི་སེམས་དཔའི་རྣལ་འབྱོར་མཐར་ཐུག་གོ། ། |
| མཚན་ཉིད་ཡིག་ཆ |
མདོ་ཕྱོགས་ཀྱི་གཞུང་ཆེན་སྐོར་གྱི་དཔེ་ཆ། |
| མཚན་ཉིད་ཡོངས་སུ་ཆད་པའི་ཀུན་བཏགས |
བདག་གཉིས་ལྟ་བུ་ཡུལ་དུ་མ་གྲུབ་ཀྱང་རྟོག་པའི་དབང་གིས་ཡུལ་དུ་བཞག་པ་རྣམས་སོ། ། |
| མཚན་ཉིད་རིག་པ |
རང་བྱུང་ཁམས་དང་མིའི་རིགས་ཀྱི་སྤྱི་ཚོགས། བསམ་བློ་བཅས་ཀྱི་ཡོངས་ཁྱབ་ཆོས་ཉིད་ལ་བརྟག་དཔྱད་གཏོང་བྱེད་ཅིག་ཡིན་པས། རང་བྱུང་གི་ཁམས་ཤེས་པའི་ཡོན་ཏན་དང་མིའི་རིགས་ཀྱི་སྤྱི་ཚོགས་ཤེས་པའི་ཡོན་ཏན་རྣམས་ཀྱི་ཕྱོགས་བསྡུས་དང་སྤྱི་སྡོམ་ཞིག་ཡིན་ལ། འཇིག་རྟེན་ལྟ་ཚུལ་སྐོར་གྱི་རིགས་པའི་གཞུང་ལུགས་ཤིག་ཀྱང་རེད། མཚན་ཉིད་རིག་པ་ནི་དངོས་པོ་ཆོས་ཉིད་དང་། སེམས་ཀྱི་གཤིས་ལུགས་བཅས་ལ་ཡོངས་ཁྱབ་ཀྱིས་རྟོག་དཔྱོད་བྱེད་པའི་རིག་པའི་གཞུང་ལུགས་ཤིག་ཡིན། |
| མཚན་ཉིད་ལྔ་ལྡན་གྱི་བཏུང་བ |
འདུལ་བ་ལས་བཤད་པའི་ཐུན་ཚོད་དུ་རུང་བའི་སྨན་ཏེ། ཆུས་བཏབ་པ་དང༌། ཚགས་ཀྱིས་བཙགས་པ། ཤིན་ཏུ་སླ་བ། བཞིན་སྣང་བ། འདམ་བུ་ཉག་མའི་མདོག་ལྟར་དྭངས་པ་བཅས་ལྔ་དང་ལྡན་པའོ། ། |
| མཚན་ཉིད་ལྡེམ་དགོངས |
ངོ་བོ་ཉིད་གསུམ་ལ་དགོངས་ནས་ཆོས་ཐམས་ཅད་ངོ་བོ་ཉིད་མེད་པར་གསུངས་པ་ལྟ་བུའོ། ། |
| མཚན་ཉིད་སྡེ་གསུམ |
རྙིང་མའི་གཞུང་ལུགས་ལ་ཉན་ཐོས་དང༌། རང་རྒྱལ། བྱང་སེམས་ཏེ་མཚན་ཉིད་སྡེ་གསུམ་ནི། རྒྱུ་ཀུན་འབྱུང་ལས་དང་ཉོན་མོངས་པ་རྣམས་སྤོང་བར་བྱེད་པའི་སྒོ་ནས་ཐར་བར་འདྲེན་པས་ཀུན་འབྱུང་འདྲེན་པའི་ཐེག་པ་ཞེས་བྱའོ། ། |
| མཚན་ཐུན |
ནམ་གྱི་ཆ་གསུམ་གང་རུང་སྟེ། (དཔེར་ན།) མཚན་ཐུན་གསུམ་དུ་བགོས་པའི་ཐུན་ཐ་མ་ལ་སྐྱ་རེངས་གཏོང༌ལྟ་བུ། |
| མཚན་ཐུབ |
མཚན་གང་ཐུབ་པའི་མར་མེ་སྟེ། (དཔེར་ན།) དཀར་མེ་མཚན་ཐུབ་ཅེས་པ་ལྟ་བུ། |
| མཚན་ཐུབ་ཀོང་བུ |
མཚན་གང་ཐུབ་པའི་མར་མེའི་ཀོང་བུ། (དཔེར་ན།) གསེར་གྱིས་བཟོས་པའི་མཚན་ཐུབ་ཀོང་བུ་ཞེས་པ་ལྟ་བུ། |
| མཚན་ཐོག་ཐག |
མཚན་མོ་ཧྲིལ་པོའམ་མཚན་གང༌སྟེ། (དཔེར་ན།) མཚན་ཐོག་ཐག་རིང་ལ་ལས་གྲྭ་ཚུགས་པ། མཚན་ཐོག་ཐག་དགའ་སྟོན་གྱིས་དུས་འདས་པའི་མཐར་རྒྱུ་སྐར་གྱི་མདངས་ཉམས་སོང་ལྟ་བུ། |
| མཚན་དཀྱིལ |
1.ནམ་ཕྱེད། 2.མཚན་དཔེའི་དཀྱིལ་འཁོར་རམ་སྐུ་ཁམས། |
| མཚན་དགུང |
མཚན་མོའི་གུང་ངམ་དཀྱིལ། |
| མཚན་དཔེ |
སྐྱེས་བུ་ཆེན་པོ་མཚོན་པར་བྱེད་པའི་སྐུའི་ཡོན་ཏན་མཚན་བཟང་པོ་དང༌། དཔེ་བྱད་བཟང་པོ། |
| མཚན་དོད་པའི་དུས |
མངལ་གནས་བྱིས་པར་ཕོ་མོའི་རྟགས་ཀྱི་མཚན་མ་ཐོག་མར་ཐོན་པའི་དུས་ཤིག |
| མཚན་དོན |
1.མཚན་གྱི་དོན་ཏེ། (དཔེར་ན།) དཔེ་ཆའི་མཚན་དོན་ཞེས་པ་ལྟ་བུ། 2.མིང་དང་དོན། (དཔེར་ན།) མཚན་དོན་གཉིས་མཐུན་ཞེས་པ་ལྟ་བུ། |
| མཚན་པ |
(བྱེད་འབྲེལ་ལས་ཚིག) བརྒྱན་པའམ་སྤྲས་པའི་དོན་ཏེ། (དཔེར་ན།) བུམ་པ་པད་མས་མཚན་པ། རི་བོང་གཟུགས་ཀྱིས་མཚན་པའི་ཟླ་བའི་དཀྱིལ་འཁོར་ཞེས་པ་ལྟ་བུ། |
| མཚན་པར་རྡོལ |
ན་ཚ་ཞིག |
| མཚན་ཕྱེད |
ནམ་ཕྱེད། |
| མཚན་བཅས |
ལྷའི་རྣམ་པ་བཞིན་ལག་ཅན་བསྒོམ་པའོ། ། |
| མཚན་བཅས་ཀྱི་རྣལ་འབྱོར |
བྱ་རྒྱུད་དུ་བཟླས་པ་ཡན་ལག་བཞིའི་སྒོ་ནས་དམ་ཡེ་སྤུན་གྲོགས་ཀྱི་ཚུལ་བསྒོམ་པའོ། ། |
| མཚན་བཟང་པོ |
1.རྟགས་མཚན་བཟང་པོ། 2.སྐྱེས་བུ་ཆེན་པོའི་བསོད་ནམས་ཀྱི་མཐུ་ལས་གྲུབ་ཅིང་བསོད་ནམས་དེ་མཚོན་པར་བྱེད་པའི་ཕྱག་ཞབས་འཁོར་ལོའི་མཚན་སོགས་སུམ་ཅུ་རྩ་གཉིས་པོ་རྣམས་སོ། ། |
| མཚན་བཟང་པོ་སུམ་ཅུ་རྩ་གཉིས |
ཕྱག་ཞབས་འཁོར་ལོས་མཚན་པ་དང༌། རུས་སྦལ་ཞབས། ཕྱག་ཞབས་སོར་མོ་དྲ་བས་འབྲེལ་བ། ཕྱག་ཞབས་འཇམ་ཞིང་གཞོན་ཤ་ཆགས་པ། སྐུའི་གནས་བདུན་མཐོ་བ། སོར་མོ་རིང་བ། རྟིང་པ་ཡངས་པ། སྐུ་ཆེ་ཞིང་དྲང་བ། ཞབས་ལོང་བུ་མི་མངོན་པ། བ་སྤུ་གྱེན་དུ་ཕྱོགས་པ། བྱིན་པ་ཨེ་ན་ཡའི་འདྲ་བ། ཕྱག་རིང་ཞིང་མཛེས་པ། འདོམས་ཀྱི་སྦ་བ་སྦུབས་སུ་ནུབ་པ། པགས་པ་གསེར་མདོག་འདྲ་བ། པགས་པ་སྲབ་ཅིང་འཇམ་པ། བ་སྤུ་རེ་རེ་ནས་གཡས་སུ་འཁྱིལ་བ། ཞལ་མཛོད་སྤུས་བརྒྱན་པ། རོ་སྟོད་སེང་གེ་འདྲ་བ། དཔུང་པའི་མགོ་ཟླུམ་པ། ཐལ་གོང་རྒྱས་པ། རོ་མི་ཞིམ་པ་རོ་མཆོག་སྣང་བ། སྐུ་ནཡ་གྲོ་དྷ་ལྟར་ཆུ་ཞེང་གབ་པ། གཙུག་ཏོར་བལྟར་མི་མངོན་པ། ལྗགས་རིང་ཞིང་སྲབ་པ། གསུང་ཚངས་དབྱངས་ལྟ་བུ། འགྲམ་པ་སེང་གེའི་འདྲ་བ། ཚེམས་ཤིན་ཏུ་དཀར་བ། ཚེམས་མཉམ་པ། ཚེམས་ཐགས་བཟང་བ། ཚེམས་གྲངས་བཞི་བཅུ་ཚང་བ། སྤྱན་མཐོན་མཐིང་འདྲ་བ། སྤྱན་གྱི་རྫི་མ་བ་མཆོག་གི་རྫི་མ་འདྲ་བ་སྟེ་སུམ་ཅུ་རྩ་གཉིས། |
| མཚན་བར་རྡོལ |
ལྷན་སྐྱེས་རྨ་རིགས་ཀྱི་ནང་ཚན་མཚན་མ་དང་བཤང་ལམ་བར་རྡོལ་ཏེ་རྨ་བྱུང་བའི་ནད་ཅིག |
| མཚན་བཤད་པ |
མིང་གི་དོན་བཤད་པ། |
| མཚན་བྱ |
མཚན་མོའི་བྱ་འུག་པ། |
| མཚན་བྱང |
1.མིང་བྱང་སྟེ་ཡི་གེ་སོགས་ཀྱི་ཁ་བྱང༌། 2.མི་ཤི་བའི་མཚན་བྱང་ངམ་མིང་བྱང༌། |
| མཚན་བྱེད |
(མངོན་བརྗོད།) ཟླ་བ་ཉ་གང༌། |
| མཚན་མ |
1.རྟགས་དང་ལྟས་ཀྱི་དོན་ཏེ། (དཔེར་ན།) གཞན་དང་མི་ནོར་བའི་ཆེད་དུ་མཚན་མ་རྒྱག་པ། དགའ་བའི་མཚན་མ་སྟོན་པ། བཟང་པོའི་མཚན་མ་ཤར་བ། ཨང་ཡིག་གཞན་དང་མི་འདྲེ་བའི་ཆེད་དུ་དོར་དང་མ་དོར་མཚན་མ་བཀོད། བཅོ་ལྔ་མ་ལོངས་མཚན་མ་འདེབས། དེ་ཚེ་སྤྱི་ཞག་མཚན་མས་ཕྱེ་ལྟ་བུ། 2.མཚོན་བྱེད་ཀྱི་རྟགས་ཀྱི་མིང་། (དཔེར་ན།) ལེགས་པའི་མཚན་མ། དགེ་བའི་མཚན་མ་ཞེས་པ་ལྟ་བུ། མིང་བསྡུས་ན་མཚན་ཞེས་འབྲི་ཆོག་སྟེ། (དཔེར་ན།) དགེ་མཚན། རྒྱལ་མཚན་ཞེས་པ་ལྟ་བུ། |
| མཚན་མ་མེད་པ |
སྤྲོས་མེད་དམ་རང་བཞིན་མེད་པ། |
| མཚན་མ་མེད་པའི་རྣམ་པར་ཐར་པའི་སྒོ |
རྣམ་པར་ཐར་བའི་སྒོ་གསུམ་གྱི་ནང་གསེས། ཡོངས་གྲུབ་འདུས་མ་བྱས་ཀྱི་ཆོས་ལ་དབྱིབས་དང་ཁ་དོག་གི་མཚན་མར་མ་གྲུབ་པ་བསྒོམ་པའོ། ། |
| མཚན་མ་སྟོན་པའི་བདུན་པ |
མཚོན་བྱེད་གང་ཞིག་གིས་མཚོན་ནས་མཚན་གཞི་དེ་ཉིད་ཀྱིས་ཁྱད་པར་དུ་བྱེད་པའི་ཆོས་སྟོན་པའི་རྣམ་དབྱེ་བདུན་པའི་ནང་གསེས་ཤིག དཔེར་ན། ཐང་ཆེན་དཀྱིལ་ན་བྲག་རྡོ་དཀར་པོ་ཞིག་ཅེས་པ་ལྟ་བུ། |
| མཚན་མཁན |
མཚན་ལྟས་མཁན་པོའི་བསྡུས་མིང༌། |
| མཚན་མཇུག |
1.མཚན་མོའི་ནམ་སྨད། 2.མིང་གི་མཇུག |
| མཚན་མདོངས |
(བརྡ་རྙིང་།) སྒྲོན་མེ། |
| མཚན་མཚོན་གཞི་གསུམ |
མཚན་ཉིད་དང༌། མཚོན་བྱ། མཚན་གཞི་སྟེ་གསུམ་མོ། དེ་དཔེར་བརྗོད་ན་གདུང་འདེགས་དོན་བྱེད་ནུས་པ་ནི་ཀ་བའི་མཚན་ཉིད་དང༌། ཀ་བ་ཞེས་པ་མཚོན་བྱ་དང༌། ཀ་བའི་བྱེ་བྲག་ཙན་དན་གྱི་ཀ་བ་ནི་མཚན་གཞི་ཡིན་པ་ལྟ་བུའོ། ། |
| མཚན་མཚོན་གྱི་ཁྱབ་པ་སྒོ་བརྒྱད |
མཚན་ཉིད་དང་མཚོན་བྱ་གཉིས་ཕན་ཚུན་ཡིན་ཁྱབ་མཉམ་གཉིས་དང༌། མིན་ཁྱབ་མཉམ་གཉིས་དང༌། ཡོད་ཁྱབ་མཉམ་གཉིས་དང༌། མེད་ཁྱབ་མཉམ་གཉིས་བཅས་བརྒྱད་དོ། ། |
| མཚན་མའི་གཡེང་བ |
རྣམ་གཡེང་དྲུག་གི་ནང་ཚན་ཞིག་ཐར་པ་འདོད་པའི་སེམས་མེད་པར་ཁེ་དང་གྲགས་པ་འདོད་པའོ། ། |
| མཚན་མའི་ལྷ |
རང་ལུས་ལ་སྔགས་ཀྱི་བྱིན་གྱིས་བརླབས་པས་སྤྱོད་ལམ་ཀུན་ཏུ་ལྷའི་མཚན་མའམ་གཟུགས་སྣང་དང་མི་འབྲལ་བར་བསྒོམ་པ། བྱ་རྒྱུད་ཀྱི་ལྷ་དྲུག་གི་ནང་གསེས་ཤིག |
| མཚན་མའི་སྲིན་ནད |
ཕོ་མཚན་དང་མོ་མཚན་གྱི་ནང་དུ་གནས་པའི་སྲིན་བུའི་ནད། |
| མཚན་མེད |
གནས་ལུགས་སྟོང་པ་ཉིད་བསྒོམ་པའོ། ། |
| མཚན་མེད་ཀྱི་རྣལ་འབྱོར |
བྱ་རྒྱུད་དུ་འཇུག་གནས་ལྡང་གསུམ་གྱི་ཁྱད་པར་དུ་བྱས་པའི་དོན་དམ་བྱང་ཆུབ་ཀྱི་སེམས་བསྒོམ་པའོ། ། |
| མཚན་མེད་མ་ནིང |
1.བཤང་གཅིའི་ལམ་གཅིག་ཏུ་གྱུར་པའི་མི། 2.ཕོ་མོའི་མཚན་མ་གང་ཡང་མེད་པའི་མ་ནིང༌། |
| མཚན་མེད་མ་ནིང་གི་འཇུག་ཚུལ |
རྗེས་འཇུག་གི་མ་ནིང་ན་ར་ལ་གསུམ་མིང་གཞི་མ་ནིང་ལ་ཡང་འཇུག་ཡོད་མེད་གང་རུང་སྟེ། དཔེར་ན། ཕྱིནད། ཐརད། རོལད་སོགས་མིང་གཞི་དྲག་ཞན་གཉིས་ཀ་དང་མ་ཕྲད་པས་མཚན་མེད་མ་ནིང་ངོ། ། |
| མཚན་མོ |
ཉིན་མོ་དང་མཚན་མོ་གཉིས་ལས་མཚན་མོའི་མིང་། མིང་བསྡུས་ན་མཚན་ཞེས་འབྲི་ཆོག་སྟེ། (དཔེར་ན།) ཉིན་མོ་དང་མཚན་མོ་ལ་ཉིན་མཚན་གཉིས་ཟེར་བ་ལྟ་བུ། |
| མཚན་མོ་བཞད |
(མངོན་བརྗོད།) ཀུ་མུད། |
| མཚན་མོ་མ |
ལུས་རྩའི་བྱེ་བྲག་ཅིག |
| མཚན་མོ་འཇོམས |
(མངོན་བརྗོད།) ཉི་མའི་འོད་ཟེར། |
| མཚན་མོ་འབྲལ |
(མངོན་བརྗོད།) ངུར་པ། |
| མཚན་མོ་རིག |
(མངོན་བརྗོད།) ཁྱིམ་བྱ། |
| མཚན་མོ་སྐད |
(མངོན་བརྗོད།) ཁྱིམ་བྱ། |
| མཚན་མོའི་གོས |
(མངོན་བརྗོད།) མུན་པ། |
| མཚན་མོའི་ཐུན་ཚོད |
ནམ་གྱི་སྟོད་སྨད་བར་གསུམ་ལ་ཆ་བཞི་རེར་བགོས་པའི་ཆ་ཤས། |
| མཚན་མོའི་ན་ཚོད་སྐྱེས |
(མངོན་བརྗོད།) ལྷོ་བུར་མ། |
| མཚན་མོའི་ནོར་བུ |
(མངོན་བརྗོད།) ཟླ་བ། |
| མཚན་མོའི་པགས་པ |
(མངོན་བརྗོད།) མུན་པ། |
| མཚན་མོའི་བདག་པོ |
(མངོན་བརྗོད།) ཟླ་བ། |
| མཚན་མོའི་མགོན་པོ |
(མངོན་བརྗོད།) ཟླ་བ། |
| མཚན་མོའི་མདོངས |
(བརྡ་རྙིང་།) སྒྲོན་མེ། |
| མཚན་མོའི་སྣང་བྱེད |
(མངོན་བརྗོད།) སྒྲོན་མེ། |
| མཚན་མོར་བྱེད |
(མངོན་བརྗོད།) ཟླ་བ། |
| མཚན་མོར་ཟ |
(མངོན་བརྗོད།) འུག་པ། |
| མཚན་ཚད |
མཚན་མོའི་ཡུན་ཚད་དེ། (དཔེར་ན།) དགུན་ཁ་མཚན་ཚད་རིང༌ཞེས་པ་ལྟ་བུ། |
| མཚན་ཚོགས |
མཚན་མོར་འཚོགས་པའི་དགའ་རྩེད་ཚོགས་འདུ། |
| མཚན་ཞབས |
སྔ་དུས་བོད་ཀྱི་བླ་སྤྲུལ་ཆེ་ཁག་གི་མཚན་ཉིད་རིག་པ་སྦྱོང་རོགས་བྱེད་པའི་ཞབས་ཕྱི། |
| མཚན་འཁྱོངས |
མཚན་མོ་ཧྲིལ་པོ་འཁྱོལ་བ་སྟེ། (དཔེར་ན།) སོ་ལྟ་མཚན་འཁྱོངས་བྱེད་པ། འཕྲུལ་འཁོར་མཚན་འཁྱོངས་གཏོང་བ་ལྟ་བུ། |
| མཚན་འགྱུར་བ |
1.མིང་འགྱུར་བ། 2.ཕོ་མོའི་མཚན་མ་འགྱུར་བ། |
| མཚན་འཚོ |
ཕྱོགས་སུ་འགྲོ་དུས་མཚན་མོ་རྟ་དྲེལ་རི་ཐང་དུ་འཚོ་བའི་དོན། (དཔེར་ན།) དོ་དགོང་མཚན་འཚོ་འགྲོ་རེས་ཁྱོད་རང་རེད་ཅེས་པ་ལྟ་བུ། |
| མཚན་རངས་པོ |
མཚན་མོ་གང་པོའི་དོན་ཏེ། (དཔེར་ན།) མདང་མཚན་རངས་པོ་གཉིད་ཁུག་མ་སོང༌ལྟ་བུ། |
| མཚན་རྐུན |
ནམ་དགུང་རྐུ་བྱེད་མཁན། |
| མཚན་རྐུབ་བར |
ལུས་ཀྱི་གསང་གནད་ཅིག |
| མཚན་རྒྱ་སྡོམ་པ |
མཚན་དུས་འགྲོ་བཞུད་བཀག་འདོམས་བྱེད་པ། |
| མཚན་རྒྱུ་བ |
(མངོན་བརྗོད།) འུག་པ། |
| མཚན་རྟགས |
1.རྟགས་མཚན་མ། 2.གྲྭ་སའི་དགེ་བཤེས་ཀྱི་མིང་བཏགས། |
| མཚན་རྫོགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཆོས་འདུལ་བ་ཡོངས་སུ་རྫོགས་པ་ཉིད་ཀྱིས་མཚན་གྱི་ཆ་ཤས་རྣམས་དག་ཅིང་གསལ་ལ་ཡོངས་སུ་རྫོགས་པའོ། ། |
| མཚན་ལ་དགུང་འདེགས |
མིང་དང་ལ་རྒྱ་མཐོན་པོར་བཀྱག་པ་སྟེ། (དཔེར་ན།) དཔའ་བོ་བྱས་རྗེས་ཅན་གྱི་མཚན་ལ་དགུང་འདེགས་ཞུ་ལྟ་བུ། |
| མཚན་ལམ |
རྨི་ལམ་གྱི་ཞེ་ས། |
| མཚན་ལྟས |
1.རྟགས་མཚན་མའི་ལྟས་ཏེ། (དཔེར་ན།) ཆར་པ་འབབ་པའི་མཚན་ལྟས། ན་བའི་མཚན་ལྟས་ལྟ་བུ། 2.རྨི་ལྟས་ཀྱི་ཞེ་ས། |
| མཚན་ལྟས་མཁན་པོ |
སྔ་དུས་སུ་ལུས་ཀྱི་མཚན་མར་བརྟག་དཔྱད་དང༌། སྐར་མ་བརྟག་དཔྱད། རྨི་ལྟས་བརྟག་དཔྱད་སོགས་ཀྱི་སྒོ་ནས་འབྱུང་འགྱུར་ཅི་ཡོང་ལུང་སྟོན་མཁན། |
| མཚན་ལྡན |
མཚན་ཉིད་དང་ལྡན་པ་སྟེ། (དཔེར་ན།) དགེ་རྒན་མཚན་ལྡན་ཞེས་པ་ལྟ་བུ། |
| མཚན་ལྡན་མ |
(མངོན་བརྗོད།) བུད་མེད་མཛེས་པ། |
| མཚན་ཤས |
མིང་ངན་པ། |
| མཚན་ཤས་དམའ་འབྱིན |
མིང་དོན་ལ་གནོད་པའི་སྨད་ར། |
| མཚན་སོ |
མཚན་མོར་སྐོར་གཡེང་རྒྱག་པ་སྟེ། (དཔེར་ན།) ཆུ་རགས་ལ་མཚན་སོ་བྱེད་པ་ལྟ་བུ། |
| མཚན་སྐོར |
དགོང་མོ་རྒྱག་པའི་སྐོར་བ་སྟེ། (དཔེར་ན།) དགེ་སྐོས་ཀྱིས་དགོན་ནང་དུ་མཚན་སྐོར་བརྒྱབ་སྟེ་སྒྲིགས་ཁྲིམས་སྲུང་མིན་ལྟ་བ་ལྟ་བུ། |
| མཚན་སྙན |
མཚན་དང་སྙན་གྲགས་ཀྱི་བསྡུས་ཚིག |
| མཚན་སྙན་གྲགས |
འཇིག་རྟེན་གྱི་མི་ཤིན་ཏུ་མང་བོས་ཤེས་པའམ་གུས་པ་བྱེད་པའི་ཡོན་ཏན་དང་སྤྱོད་བཟང་དབང་ཐང་སོགས་ཀྱི་མིང་། (དཔེར་ན།) མཁས་པའི་མཚན་སྙན་གྲགས་འཛམ་གླིང་ལ་ཁྱབ་སོང་ལྟ་བུ། |
| མཚན་སྟོད |
ནམ་སྟོད། |
| མཚན་སྣང |
སྒྲོན་མེ། |
| མཚན་སྤྱོད |
(མངོན་བརྗོད།) 1>འུག་པ། 2>སྲིན་པོ། |
| མཚན་སྨད |
ནམ་སྨད། |
| མཚམས |
1.ཚིགས་དང༌། བར་གསེང༌གི་དོན་ཏེ། (དཔེར་ན།) ས་མཚམས་འབྱེད་པ། དུས་མཚམས། ཆུ་མཚམས། སློབ་སྦྱོང་བྱེད་མཚམས་བཞག་པ། བར་མཚམས་མེད་པ། དཀར་ནག་མཚམས་འབྱེད་ཅེས་པ་ལྟ་བུ། 2.ཟུར་དང་གྲྭ་སྟེ། (དཔེར་ན།) ཤར་ལྷོའི་མཚམས། ཕྱོགས་བཞི་མཚམས་བརྒྱད་ཅེས་པ་ལྟ་བུ། 3.(མངོན་བརྗོད།) ལོ་རེར་དཔྱིད་དང༌། སོས་ཀ། དབྱར། སྟོན། དགུན་སྟོད། དགུན་སྨད་དེ་མཚམས་ལ་དྲུག་ཡོད་པས་གྲངས་དྲུག་མཚོན།4.བྱ་སྤྱོད་སོགས་སྔ་ཕྱིའི་འབྲེལ་སའི་མིང་། (དཔེར་ན།) ཚིག་མཚམས། ལས་ཀ་ལས་མཚམས། སློབ་སྦྱོང་མཚམས་མ་བཞག་པར་བྱས་ལྟ་བུ། |
| མཚམས་ཀྱི་བྱེད་པོ |
1. ཁ་མཆུ་སྡུམ་མཁན། 2.(མངོན་བརྗོད།) རྐུན་མའམ་ཇག་པ། |
| མཚམས་ཁང |
རྒྱུ་འགྲུལ་གྱི་མཚམས་བཅད་དེ་སྒྲུབ་པ་ཉམས་སུ་ལེན་མཁན་སྡོད་སའི་ཁང་པ། |
| མཚམས་གཅོད་པ |
1.རེ་ཞིག་བར་མཚམས་འཇོག་པ་དང༌། འཕྲོ་རྦད་ཀྱིས་གཅོད་པ་སྟེ། (དཔེར་ན།) འགྲོ་རྒྱུན་གྱི་མཚམས་གཅོད་པ་ལྟ་བུ། 2.བསྙེན་མཚམས་གཅོད་པ། 3.(བརྡ་རྙིང་།) ཁྲིམས་གཅོད་པ། |
| མཚམས་ཆད་པ |
བར་མཚམས་ཆད་པའི་དོན་ཏེ། (དཔེར་ན།) འགྲིམ་འགྲུལ་གྱི་མཚམས་ཆད་པ་ལྟ་བུ། |
| མཚམས་ཆེན་གཅོད་པ |
1.ཕན་ཚུན་འབྲེལ་མཚམས་རྦད་དེ་གཅོད་པ། 2.བསྙེན་སྒྲུབ་དང་སྐྱོར་སྦྱོང་སོགས་ཀྱི་སླད་དུ་མཚམས་དམ་པོ་སྡོད་པ། |
| མཚམས་ཐོ |
1.ས་མཚམས་ཀྱི་རྟགས་ཐོ། 2.བསྙེན་མཚམས་ཀྱི་ཐོ་བོ། |
| མཚམས་བཙོས |
འདུལ་བའི་བརྡ་ཆད་ཅིག མཚམས་གཅིག་ཏུ་རུང་ཁང་བྱིན་གྱིས་མ་བརླབས་པར་བཙོས་པའི་ཟས། |
| མཚམས་བཞི |
ཤར་ལྷོའི་མཚམས། ལྷོ་ནུབ་ཀྱི་མཚམས། ནུབ་བྱང་གི་མཚམས། བྱང་ཤར་གྱི་མཚམས་བཅས་བཞིའོ། ། |
| མཚམས་བརྒལ |
ཡུལ་དུས་ཁྲིམས་སོགས་ཀྱི་མཚམས་ལས་འདས་པ། |
| མཚམས་བསྐུམས་པ |
(བརྡ་རྙིང་།) མཚམས་མ་བཅད་པ། |
| མཚམས་མཚམས |
བར་བར་གྱི་དོན་ཏེ། (དཔེར་ན།) མཚམས་མཚམས་ལ་ངལ་རྩོལ་དང༌། མཚམས་མཚམས་ལ་སློབ་སྦྱོང་བྱས། སེམས་ཤུགས་མཚམས་མཚམས་ཆེ་ལ། མཚམས་མཚམས་ཆུང་བར་འགྱུར་ཞེས་པ་ལྟ་བུ། |
| མཚམས་མིན་རྟེན |
(མངོན་བརྗོད།) མོ་མཚན། |
| མཚམས་མེད |
1.བར་གྱི་དབྱེ་བ་མེད་པ་སྟེ། (དཔེར་ན།) དུས་སྐབས་མཚམས་མེད། ས་ཡུལ་མཚམས་མེད་ཅེས་པ་ལྟ་བུ། 2.ཤི་མ་ཐག་དམྱལ་བར་སྐྱེ་བས་བར་དོ་སོགས་ཀྱི་མཚམས་མ་ཆོད་པ། |
| མཚམས་མེད་ཆ་འདྲ |
ཉེ་བའི་མཚམས་མེད་པའི་ལས། |
| མཚམས་མེད་ལྔ |
ཕ་གསོད་པ་དང༌། མ་གསོད་པ། དགྲ་བཅོམ་གསོད་པ། དགེ་འདུན་གྱི་དབྱེན་བྱེད་པ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་སྟེ་ལྔའོ། ། |
| མཚམས་ཚིགས |
1.སྔ་ཕྱིའི་རིམ་པའམ་སྐབས་རིམ་གྱི་མིང་། (དཔེར་ན།) རྟས་རྩྭ་མཚམས་ཚིགས་མེད་པར་ཟ་ལྟ་བུ། 2.ཕྱོགས་བཞིའི་མཚམས་ཀྱི་མིང་། (དཔེར་ན།) ཕྱོགས་བཞི་མཚམས་བརྒྱད། ཤར་ལྷོའི་མཚམས་ཞེས་པ་ལྟ་བུ། 3.སྔ་ཕྱི་འབྲེལ་བའི་རྒྱུན་གྱི་མིང་། (དཔེར་ན།) ནད་ཡམས་མཚམས་ཆད། བྱ་ངན་མཚམས་ཆད། མཚམས་མེད་པར་སློབ་སྦྱོང་བྱས་ལྟ་བུ། |
| མཚམས་ཡས |
བར་མཚམས་མེད་པའི་དོན་ཏེ། (དཔེར་ན།) ཡུལ་དུས་གོ་སྐབས་མཚམས་ཡས་ལ་ཡ་རབས་ཀྱི་སྤྱོད་པ་སྤེལ་ལྟ་བུ། |
| མཚམས་ལྡན་མ |
(མངོན་བརྗོད།) བུད་མེད། |
| མཚམས་སྤྲིན |
སྔ་དྲོ་དང་དགོང་དྲོའི་ཉི་ཟེར་ཕོག་པའི་སྤྲིན་དམར་སེར། (དཔེར་ན།) མཚམས་སྤྲིན་དམར་པོའི་འོད་མདངས་རྣམ་པ་བཀྲ་ཞེས་པ་ལྟ་བུ། |
| མཚམས་སྦྱོར |
1.མི་ཕན་ཚུན་ངོ་སྤྲད་པའི་དོན་ཏེ། (དཔེར་ན།) ངས་བྱིས་པ་དགེ་རྒན་ལ་མཚམས་སྦྱོར་བྱས་ལྟ་བུ། 2.ཚིག་དོན་སོགས་སྔ་ཕྱི་འབྲེལ་བར་བྱས་པའི་དོན་ཏེ། (དཔེར་ན།) ཚིག་སྔ་ཕྱི་མཚམས་སྦྱོར་བྱས་ལྟ་བུ།3.ཚིག་སྔ་ཕྱི་གཉིས་སྦྲེལ་བའི་ཐབས་ཚུལ། |
| མཚམས་སྦྱོར་ཡི་གེ |
རྒྱ་གར་གྱི་དབྱངས་ཡིག་བཅུ་དྲུག་ལས་རིང་བའི་ཡི་གེ་བཞི་ཨེ་ཨཻ་ཨོ་ཨཽ་རྣམས་སོ། ། དེ་ཡང་ཨ་དང་ཨི་སྦྱར་བ་ནི་ཨེ་ཡིན་ནོ། ། ཨ་དང་ཨེ་སྦྱར་བ་ནི་ཨཻ་ཡིན་ནོ། །ཨ་དང་ཨུ་སྦྱར་བ་ནི་ཨོ་ཡིན་ནོ། ། ཨ་དང་ཨོ་སྦྱར་བ་ནི་ཨཽ་ཡིན་པས་དེ་དག་ཕན་ཚུན་སྦྱར་བ་ལས་བྱུང་བས་ན་མཚམས་སྦྱར་བའི་ཡི་གེ་ཞེས་བྱའོ། ། |
| མཚམས་སྦྱོར་ལྔ |
སྒྲ་རིག་པའི་མིང་གི་མཚམས་སྦྱོར། དབྱངས་ཀྱི་མཚམས་སྦྱོར། རང་བཞིན་གྱི་མཚམས་སྦྱོར། གསལ་བྱེད་ཀྱི་མཚམས་སྦྱོར། རྣམ་བཅད་ཀྱི་མཚམས་སྦྱོར་བཅས་ལྔའོ། ། |
| མཚམས་སྦྱོར་ལྷག་བཅས་ཀྱི་སྒྲ |
ལས་ཚིག་སྔ་ཕྱི་གཉིས་ཀ་རིམ་གྱིས་འཇུག་པའམ། ཚིག་ཙམ་བརྗོད་ཟིན་པའམ། ཅིག་ཅར་དུ་འཇུག་སྐབས་ལས་ཚིག་ཕྱི་མ་འདྲེན་པའི་ལྷག་བཅས་ཀྱི་སྒྲ་ཞིག (དཔེར་ན།) ཚེག་སྒྲ་དང་བཅས་ཏེ་མེ་འབར་བ། ཡར་ལངས་ཏེ་ངར་སྐད་ཆེན་པོ་ཞིག་རྒྱག་ཅེས་པ་ལྟ་བུ། |
| མཚམས་སྲུང |
1.ས་མཚམས་སྲུང་མཁན། 2.ས་མཚམས་སྲུང་བ། 3.བསྙེན་མཚམས་པ་ལ་ཞབས་ཏོག་བྱེད་མཁན། |
| མཚའ |
1.འཕར་བ་ཡི་མིང་གཞན། 2.མཚའ་མེས་ཀྱི་བསྡུས་མིང༌། |
| མཚའ་མེས |
(བརྡ་རྙིང་།) གཅན་གཟན་འཕར་བ། |
| མཚའ་ལུ |
1.ཁྱིམ་བྱ་དེ་ཕོ་དམར་པོ། 2.(བརྡ་རྙིང་།) རྟིང་པ་དཀར་པོ་སྟེ། (དཔེར་ན།) རྟ་དྲེལ་མཚའ་ལུ་ཞེས་པ་ལྟ་བུ། |
| མཚར |
(རྒྱན་ཚིག) ངོ་མཚར་བ་དང་ཡ་མཚན་པའི་དོན་ཏེ། (དཔེར་ན།) བྱ་ནམ་མཁར་འཕུར་ལ་ཅི་ཞིག་མཚར། མི་ནམ་མཁར་འཕུར་བ་ཨེ་མ་མཚར། སྲོག་ཆགས་མཚར་བོ་ཞིག་མཐོང་ཞེས་པ་ལྟ་བུ། |
| མཚར་གཏམ |
1ྲངོ་མཚར་བའི་གཏམ། 2ྲཀྱལ་ཀའི་མཚར་གཏམ། |
| མཚར་དགའ |
1.ངོ་མཚར་ཏེ་དགའ་བ་སྟེ། (དཔེར་ན།) འཁྲབ་སྟོན་ལ་མཚར་དགའ་བྱེད་པ་ལྟ་བུ། 2.(མངོན་བརྗོད།) 1>གླའམ་ཡོན། 2>བྱ་དགའ། |
| མཚར་པོ |
མཚར་བ་དང་འདྲ། |
| མཚར་བ |
མཛེས་པ་དང༌། རྨད་དུ་བྱུང་བ། ཡ་མཚན་བཅས་ཀྱི་དོན་ཏེ། (དཔེར་ན།) ཁྱད་མཚར། ངོ་མཚར། ཟབ་ཅིང་མཚར་བ་ལྟ་བུ། |
| མཚར་སྡུག |
མཛེས་ཤིང་ཡིད་དུ་འོངས་པ་སྟེ། (དཔེར་ན།) མཚར་སྡུག་ལང་ཚོ། མཚར་སྡུག་སྐྱེད་ཚལ། མཚར་སྡུག་ཁང་བཟང་ཞེས་པ་སོགས་ལྟ་བུ། |
| མཚལ |
1.རྒྱ་མཚལ་ཏེ་རྡོ་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་རྨ་འབྲུབ། རུས་ཆག་སྦྱོར། རྩ་ནད་སེལ། གློ་བ་དང༌། མཆན་པའི་ཚ་བ། མིག་ནད་བར་འགྲིབ་བཅས་ལ་ཕན། མདོག་དམར་ཞིང་ཁྲོལ་བའི་གཏེར་རྫས་ཀྱི་རིགས་ཤིག་ཡིན། དེ་ལས་དངུལ་ཆུ་སྦྱངས་ནས་ལེན་ཐུབ་པས། དངུལ་ཆུའི་རྒྱུ་ཆ་གཙོ་བོ་ཞིག་ཡིན། བཏུལ་ནས་ཚོན་རྩི་དང་སྨན་བྱེད་ཆོག 2.ཁྲག་གི་ཞེ་ས་སྟེ། (དཔེར་ན།) ཤངས་མཚལ། སྐུ་མཚལ་ཞེས་པ་ལྟ་བུ། . |
| མཚལ་ཁ |
མཚལ་གྱི་མདོག་ཅན་ནམ་དམར་པོ་སྟེ། (དཔེར་ན།) སྟོད་གོས་མཚལ་ཁ་ཞིག་གྱོན་འདུག་ཅེས་པ་ལྟ་བུ། |
| མཚལ་གཤར |
(ཡུལ་སྐད།) བོད་ལྷམ་ཟོན་པའི་ཡུ་བར་བཏང་བའི་འཇའ་དམར་པོའི་མིང༌། |
| མཚལ་ཐལ |
མཚལ་ལས་དངུལ་ཆུ་བཏོན་པའི་ཤུལ་གྱི་ཐལ་བ་ནུས་པས་རྨ་འབྲས་དང༌། ཤ་རོ་འཇོམས། |
| མཚལ་དཀར |
1.དྲེའུ་སྤུ་མདོག་དམར་ལ་དཀར་ཤས་འདྲེས་པ། 2.སྨན་དུ་འགྲོ་བའི་མཚལ་དཀར། |
| མཚལ་དམར |
1.རྒྱ་མཚལ་ལྕོག་ལ། 2.དྲེའུ་སྤུ་མདོག་དམར་ཤས་ཆེ་བ། |
| མཚལ་པར |
མཚལ་གྱིས་བཏབ་པའི་ཡིག་རིས། |
| མཚལ་པར་མ |
མཚལ་བྱུགས་ཏེ་པར་བཏབ་པའི་དཔེ་ཆ། |
| མཚལ་བྲིས |
ཁྲག་གམ་མཚལ་དམར་པོས་བྲིས་པའི་ཡི་གེ་དང་རི་མོ། |
| མཚལ་མདོག |
མཚལ་དམར་གྱི་ཁ་དོག |
| མཚལ་མོ |
མོ་དྲེལ་སྤུ་མདོག་དམར་པོ། |
| མཚལ་ཚྭ |
ལན་ཚྭའི་རིགས་ཤིག་རོ་ལན་ཚྭ། ཞུ་རྗེས་དྲོད། ནུས་པས་སྐྲན་བཤིག་པ་དང༌། རྨ་གསོ། འཁྲུ་བར་བྱེད། |
| མཚལ་རིས |
མཚལ་གྱི་རི་མོའམ་ཐིག་དམར་པོ། |
| མཚལ་རྒོད |
1.ལས་སྣོན་མ་བྱས་པའི་མཚལ་རྡོག་པོའི་མིང་། 2.མཚལ་དང་མདོག་འདྲ་བའི་ཚོན་གྱི་མིང་། |
| མཚལ་ལུ |
རྟིང་པ་དཀར་པོའི་དོན་དུ་གོ་བའི་མཚའ་ལུ་དང་འདྲ། |
| མཚལ་སྐྱེས |
(མངོན་བརྗོད།) དངུལ་ཆུ། |
| མཚལ་སྦྲམ |
མཚལ་གྱི་ལྕུག་མ། |
| མཚལ་སྨུག |
1.དྲེའུ་སྤུ་མདོག་དམར་ནག་འདྲེས་པ། 2.མཚལ་དང་སྣག་ཚ་བསྲེས་པའི་མདོག |
| མཚུངས |
1.(ལས་ཚིག་རྗེས་མཐུན་པ) ཕན་ཚུན་འདྲ་བའི་ཁག་ཡོད་པའི་དོན་ཏེ། (དཔེར་ན།) རྟ་མགྱོགས་པོའི་གོམ་འགྲོས་རླུང་དང་མཚུངས། བུ་དཔའ་བོའི་དཔའ་ངར་སྟག་དང་མཚུངས། མཚུངས་ཟླ་དང་བྲལ་བ། མཚུངས་པ་མེད་པ་ཞེས་པ་ལྟ་བུ། 2.དོན་གཅིག་པའི་དོན་ཏེ། (དཔེར་ན།) སྤྱིའི་ལེ་བར་གཅིག་ནི་རྒྱ་ནག་གི་ལེ་བར་གཉིས་དང་མཚུངས་ལྟ་བུ། |
| མཚུངས་ཆོས་འབྱེད་བྱེད་གཉིས་ཀ་སྒྲས་ཟིན་པའི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དང་དཔེ་ཅན་གཉིས་ཀྱི་ཕན་ཚུན་མཚུངས་ཆོས་དང༌། འབྱེད་བྱེད་གཉིས་ཀ་ཚིག་ཟིན་ལ་དངོས་སུ་བསྟན་པའི་སྒོ་ནས་སོ་སོར་ལྡོག་པའི་རྒྱན་ཞིག |
| མཚུངས་ཆོས་ཤུགས་དང་འབྱེད་བྱེད་སྒྲས་ཟིན་གྱི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དོན་གཉིས་ཕན་ཚུན་འདྲ་བའི་ཁྱད་ཆོས་ཤུགས་ལ་བསྟན་ཅིང༌། སོ་སོར་དབྱེ་བ་འབྱེད་བྱེད་ཀྱི་ཚིག་དངོས་སུ་སྟོན་པའི་རྒྱན་ཞིག |
| མཚུངས་པ་གསལ་བྱེད་ཀྱི་སྒྲ |
དཔེ་དཔེ་ཅན་ཕན་ཚུན་འདྲ་མཚུངས་སུ་དངོས་སུ་གསལ་བའི་ཆེད་སྦྱོར་བའི་ཚིག བཞིན། ལྟར། ལྟ་བུ། ཇི་ལྟར། མཐུན། མཚུངས། ཡང་དག་མཚུངས། མཉམ། ཡང་དག་གསལ། ངེས་པར་གསལ། རབ་གསལ། གཟུགས་ཀྱི་ཟླ། གཉེན་པོ། དགྲ་ཟླ། སོ་སོར་རྟོག་འགལ། འདྲ། བལྟ། བཅས། བསླ། རིགས་མཐུན། རྗེས་སུ་སྨྲ། གཟུགས་བརྙན། སོ་སོར་སྡེབ། གཟུགས་མཚུངས། གཟུགས་མཉམ། ཡང་དག་འཇལ། མཚན་ཉིད་མཐུན། མཚན་ཉིད་འདྲ། མཚན་ཉིད་མཚུངས། མཐུན་ཕྱོགས། དཔེར་བྱས། དཔེ། རྟོག་དམན། ཅུང་ཟད་དམན། རབ་ཏུ་སྨྲ། སོ་སོར་བཟློག་རིགས་སུ་མཐུན། མཉམ་པར་བྱས། འགྲན། རྒྱལ། སྡང༌། འཁུ། མི་མཐུན་སྒྲོགས། འཐབ། འཕྱ། དམའ་འབེབས། སྨོད། ཅོ་འདྲི། འགོག་དགོད། ཕྲག་དོག་མི་བཟོད། སྐལ་བཟང་འཕྲོག་བྱེད། མཛེས་པ་ཟུམ་བྱེད། ཚར་གཅོད། རྗེས་སུ་རྐང་པ་འཇོག་རྗེས་འགྲོ། རྗེས་སུ་འཆིང༌། ངང་ཚུལ། ངང་ཚུལ་འགོག་པ། རྗེས་སུ་བྱེད། རིགས། ཆོས་མཐུན་པ། གྲིབ་མ་མཚུངས་པ། རྗེས་སུ་སྙེག་དབྱེར་མི་ཕྱེད། གཉིས་སུ་མེད། རོ་གཅིག་གྱུར་སོགས་ལྟ་བུ་མང་ངོ་། ། |
| མཚུངས་པ་མགོ་སྙོམས་ཀྱི་ལན |
ཐལ་འགྱུར་གྱི་ལན་གང་ཞིག་རྣལ་ལན་མིན་པར་གཞན་གྱི་རྟགས་བཀོད་པ་དེ་ཉིད་ལ་བརྟེན་ནས་ཕ་རོལ་པོ་སུན་འབྱིན་པའམ་རྩོད་པ་བཟློག་པ་དཔེར་ན། ཁྱོད་རྐུན་མ་ཡིན་ཏེ། སྐྱེས་བུ་ཡིན་པའི་ཕྱིར་ཞེས་ཟེར་བའི་ལན་དུ། འོ་ན་ཁྱོད་ཀྱང་ངོ་ཞེས་པ་ལྟ་བུའོ། ། |
| མཚུངས་པའི་དབྱངས་བཅུ་བཞི |
ལེགས་སྦྱར་གྱི་དབྱངས་ཡིག་ཨ་ཨི་ཨུ་རྀ་བཞི་པོ་རེ་རེ་ལ་ཐུང་ངུ་རིང་པོ་ཤིན་ཏུ་རིང་པོ་གསུམ་གསུམ་ཡོད་པས་བཅུ་གཉིས་དང༌། ལྀ་ཡིག་ལ་ཐུང་ངུ་དང་ཤིན་ཏུ་རིང་པོ་གཉིས་ཡོད་པས་བསྡོམས་ན་བཅུ་བཞི་ཡོད་དོ། ། |
| མཚུངས་པའི་ཡི་གེ |
ལེགས་སྦྱར་སྐད་ཀྱི་དབྱངས་ཡིག་ཨ་ཨི་ཨུ་རྀ་ལྀ། |
| མཚུངས་པར་ལྡན་པའི་རྒྱུ |
སེམས་དང་སེམས་ལས་བྱུང་བ་རྣམས་ཡུལ་ལ་འཇུག་ཅིང་གཅོད་པ་ན་གཅིག་པུས་འཇུག་ཅིང་གཅོད་མི་ནུས་ཀྱི། སེམས་དང་སེམས་ལས་བྱུང་བ་དུ་མ་ཞིག་ཕན་ཚུན་དུ་གྲོགས་བྱས་ནས་མགོ་མཉམ་དུ་འབྱུང་བའོ། ། |
| མཚུངས་བྲལ |
འགྲན་ཟླ་བྲལ་བ་སྟེ། (དཔེར་ན།) བཀའ་དྲིན་མཚུངས་བྲལ། བྱས་རྗེས་མཚུངས་བྲལ་ཞེས་པ་ལྟ་བུ། |
| མཚུངས་མེད |
མཉམ་མེད་དེ། (དཔེར་ན།) སྙིང་སྟོབས་མཚུངས་མེད། བློ་གྲོས་མཚུངས་མེད། སྟོབས་ལྡན་མཚུངས་མེད་ཅེས་པ་ལྟ་བུ། |
| མཚུངས་ཟླ |
འགྲན་ཟླའི་དོན་ཏེ། (དཔེར་ན།) མཚུངས་ཟླ་མ་མཆིས་པ་ལྟ་བུ། |
| མཚུངས་འཇུག |
(མངོན་བརྗོད།) གཤིན་རྗེ། |
| མཚུངས་རྟགས |
ཕན་ཚུན་འདྲ་བར་སྟོན་པའི་མཚན་མ། |
| མཚུངས་ལྡན |
1.མཚུངས་པར་ལྡན་པ་སྟེ་རིགས་འདྲ་པོ་ཡོད་པ། 2.སེམས་བྱུང་རྣམས་ནི་སེམས་གང་དང་གང་ལ་མཚུངས་པར་ལྡན་པ། |
| མཚུངས་ལྡན་གྱི་མ་རིག་པ |
ཉོན་མོངས་ཐམས་ཅད་དང་མཚུངས་པར་ལྡན་པ་འདྲེས་པའི་མ་རིག་པའོ། ། |
| མཚུངས་ལྡན་གྱི་འདུ་བྱེད |
འདུ་བྱེད་ཀྱི་བྱེ་བྲག་སེམས་དང་སེམས་བྱུང་གཉིས་ཕན་ཚུན་མི་འབྲལ་བར་དོན་རྣམ་པ་ལྔས་ལྷན་ཅིག་མཚུངས་པར་ལྡན་པ་ཚོར་འདུ་གཉིས་མ་གཏོགས་པའི་སེམས་བྱུང་ཐམས་ཅད་དོ། ། |
| མཚུངས་ལྡན་གྱི་རྒྱུ |
རྒྱུ་དྲུག་གི་ནང་གསེས་ཤིག་མཚུངས་པར་ལྡན་པའི་སྒོ་ནས་ཕན་འདོགས་པའི་རིགས་སུ་གནས་པ་སེམས་དང་སེམས་བྱུང་རྣམས་ཕན་ཚུན་གྲོགས་བྱས་ནས་མགོ་མཉམ་དུ་འབྱུང་བའོ། ། |
| མཚུངས་ལྡན་མ་ཡིན་པའི་འདུ་བྱེད |
ལྡན་མིན་འདུ་བྱེད། |
| མཚུངས་ལྡན་མིན་པའི་མ་རིག་པ |
ཉོན་མོངས་གཞན་དང་མཚུངས་པར་མི་ལྡན་པའི་མ་འདྲེས་པའི་མ་རིག་པའོ། ། |
| མཚུངས་ལྡན་རྣམ་པ་ལྔ་མཚུངས |
སེམས་བྱུང་གང་ཞིག་སེམས་དང་མཚུངས་པ་ལྔ་ལྡན་གྱིས་འཁོར་དུ་འགྲོ་བའམ་སྐྱེ་བ་རྟེན་དང༌། དམིགས་པ་དང༌། རྣམ་པ་དང༌། དུས་དང༌། རྫས་བཅས་ལྔ་མཚུངས་པའོ། ། |
| མཚུངས་སྤྱོད |
སྤྱོད་པ་མཚུངས་པའམ་སྐལ་བ་མཉམ་པའི་དོན་ཏེ། (དཔེར་ན།) བདག་གིས་སྡེ་སྣོད་གསུམ་པོ་བསྡུས་པ་ན། ཚངས་པ་མཚུངས་སྤྱོད་སུས་ཀྱང་ལྡོག་མི་ནུས་ཞེས་པ་ལྟ་བུ། |
| མཚུངས་སྦྱོར་གྱི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཡོན་ཏན་ལྷག་པ་ཞིག་དང༌། དཔེ་ཅན་ཡོན་ཏན་དམན་པ་གཉིས་ཕན་ཚུན་བྱ་བ་བྱེད་ལུགས་ཀྱི་གནས་ཚུལ་འདྲ་བའི་སྒོ་ནས་རིས་གཅིག་ཏུ་མཚུངས་པར་སྦྱོར་བའི་རྒྱན་ཞིག |
| མཚུངས་སྦྱོར་གྱི་རྒྱན |
དོན་རྒྱན་གྱི་ནང་གསེས་ཤིག་བརྗོད་འདོད་དཔེ་དང་དཔེ་ཅན་གཉིས་ངོ་བོའི་སྒོ་ནས་མི་མཚུངས་ཀྱང༌། མིང་ངམ། རྣམ་གྲངས་ཀྱི་སྒོ་ནས་ཕན་ཚུན་མཚུངས་པར་སྦྱོར་བའི་རྒྱན་ཞིག་ནང་གསེས་གཉིས་ནི། བསྟོད་པའི་མཚུངས་སྦྱོར་དང༌། སྨད་པའི་མཚུངས་སྦྱོར་རོ། ། |
| མཚུན |
གཤིན་པོའི་བརྡ་རྙིང་། |
| མཚུན་ཁང |
1.ཕ་མེས་ཀྱིས་བསྟེན་པའི་འཇིག་རྟེན་གྱི་ལྷ་གནས་ཡུལ། 2.གཤིན་པོའི་བང་སོ། |
| མཚུན་གཏོར |
བོན་ལུགས་ལྟར་ཕ་མེས་དུས་ཀྱི་ལྷར་བསྟར་བའི་གཏོར་མ། དུར་མཆོད་བྱེད་ཀྱི་དངོས་རྫས་ཀྱི་མིང་། |
| མཚུན་གསོལ |
ཕ་མེས་དུས་ཀྱི་དུར་ཁྲོད་དུ་གནས་པའི་ལྷར་ཤ་ཁྲག་གཏོར་བའི་གསོལ་མཆོད། |
| མཚུན་གྱི་ལྷ |
(མངོན་བརྗོད།) གཤིན་རྗེ། |
| མཚུན་མཆོད |
བོན་ལུགས་ལྟར་ཕ་མེས་ཀྱི་དུར་སར་གནས་པའི་འཇིག་རྟེན་གྱི་ལྷར་ཤ་ཁྲག་གཏོར་བའི་མཆོད་པ། |
| མཚུན་ཞལ |
1.མེ། 2.མེ་ལྷ། |
| མཚུན་འཐོར |
ཕ་མེས་དུས་ཀྱི་ལྷར་ཤ་ཁྲག་གི་མཆོད་པ་བྱས་པ། |
| མཚུན་ལ་རོལ |
(མངོན་བརྗོད།) གཤིན་རྗེ། |
| མཚུན་ལྷ |
1.ཕ་མེས་ཀྱིས་བསྟེན་པའི་ལྷ། 2.གཤིན་རྗེའི་རྒྱལ་པོ། |
| མཚུར |
1.མཚུར་དཀར་ནག་སྔོ་དམར་སེར་སོགས་ཀྱི་སྤྱི་མིང༌། 2.བོད་ཀྱི་རུས་ཤིག 3.ཚུར་གྱི་འབྲི་ཚུལ་གཞན། |
| མཚུར་དཀར |
ཚོས་གདན་དུ་བྱེད་པའི་ས་དཀར་ཞིག |
| མཚུར་དམར |
ཚོས་གདན་དུ་བྱེད་པའི་ས་དམར་ཞིག |
| མཚུར་ནག |
ཚོས་གདན་དུ་བྱེད་པའི་ས་ནག་ཅིག |
| མཚུར་ཕུ |
མཚུར་ཕུ་དགོན་པའི་བསྡུས་མིང༌། |
| མཚུར་ཕུ་དགོན་པ |
རབ་བྱུང་གསུམ་པའི་ས་བྱ་ལོ་ལ་ཀརྨ་པ་དུས་གསུམ་མཁྱེན་པས་བཏབ་པའི་ཀརྨ་བཀའ་བརྒྱུད་ཀྱི་དགོན་ཆེན་ཞིག་ལྷ་ས་གྲོང་ཁྱེར་གྱི་ནུབ་བྱང་གི་ཕྱོགས་སུ་ཡོད། |
| མཚུར་མོ |
ཚུར་མོ་ཡི་འབྲི་ཚུལ་གཞན། |
| མཚུར་ལུགས |
མཚུར་ཕུ་དོན་གྲུབ་འོད་ཟེར་གྱིས་ཀརྨ་རང་བྱུང་རྡོ་རྗེའི་རྗེས་སུ་འབྲང་བའི་རྩིས་ཀྱི་ལུགས། |
| མཚུར་སེར |
ཚོས་གདན་དུ་བྱེད་པའི་ས་སེར་ཞིག |
| མཚུར་སྔོ |
ཚོས་གདན་དུ་བྱེད་པའི་ས་སྔོན་ཞིག |
| མཚུར་སྟོན་དབང་ངེ |
མར་པ་ལོ་ཙཱའི་སློབ་མ་གྲགས་ཅན་ཞིག |
| མཚུལ |
(བརྡ་རྙིང་།) མཛེས། |
| མཚུལ་པ |
1.མཆུ་དང་སྣ་སྟེ། (དཔེར་ན།) མཚུལ་ཉག་ཉག མཚུལ་འགགས་པ། ཁ་མཚུལ། སྣ་མཚུལ་ལྟ་བུ། 2.སྲོག་ཆགས་ཀྱི་སྣ་མདོ་དང་ཡ་མཆུ། 3.སྣའི་བྱ་གཤོག་གཡས་གཡོན་གྱི་འགྲམ་ན་འཕར་བའི་གཉན་པའི་རྩ་ཞིག |
| མཚུལ་བ |
1.སྲོག་ཆགས་ཀྱི་སྣ་མདོ་དང་ཡ་མཆུའི་མིང་། 2.སྣའི་མིང་གཞན་ཏེ་སྣ་འགགས་པ་ལ་མཚུལ་བ་འགགས་ཟེར་བ་ལྟ་བུ། |
| མཚུལ་ཤུ |
སྣ་བུག་གི་མཚུལ་ཁུང་ནས་ཤུ་འདེབས་པའི་སྒྲ། |
| མཚེ |
1.ལོ་མའི་དབྱིབས་སྒྲོན་ཤིང་གི་ལོ་མ་དང་འདྲ་བ་དང་། གཞུང་རྟའི་རིང་ཚད་ལ་ཁྲུ་གང་ནས་གསུམ་བར་ཡོད་ཅིང་། ཚིགས་མང་ལ་དྲི་ཞིམ་མནམས་པའི་རྩྭ་ལྡུམ་རིགས་ཤིག་ཡིན། ལོ་མ་དང་རྩ། བ་ཐམས་ཅད་སྨན་བྱེད་ཆོག འདི་ལ་མཚེ་ལྡུམ་ཡང་ཟེར། 2.མཚེ་མ་ཞེས་པའི་ཚིག་བསྡུས་པ། |
| མཚེ་མ |
1.མཉམ་སྐྱེས་ཕྲུ་གུ་སྟེ།.མངལ་སྦྲུམ་ཐེངས་གཅིག་ལ་བཙས་པའི་བྱིས་པ་གཉིས་ཏེ། (དཔེར་ན།) བུ་མཚེ་མ་ཞེས་པ་ལྟ་བུ། . 2.ཁྱིམ་བཅུ་གཉིས་ཀྱི་ཡ་གྱལ་ཞིག 3.(མངོན་བརྗོད།) དུས་གཅིག་ཏུ་ཕྲུ་གུ་གཉིས་མཉམ་དུ་སྐྱེས་པས་གྲངས་གཉིས་མཚོན། |
| མཚེ་ཟོར |
མཚེའི་རྫས་ལ་བརྟེན་པའི་ཟོར། |
| མཚེ་རྡོ་ཚྭ་ཁ |
དཔལ་མགོན་རྫོང་ཁོངས་སུ་ཡོད། |
| མཚེ་ལྡུམ |
ལྡུམ་བུའི་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་བསིལ། ནུས་པས་མཆེར་པའི་ཚད་པ་དང༌། ཚ་བ་གསར་རྙིང་སེལ། ཁྲག་གཅོད། ལུས་སྟོབས་སྐྱེད། |
| མཚེད |
དུར་མཆོད་ཀྱི་བརྡ་རྙིང་། |
| མཚེད་པ |
1.དུར་གནས། དུར་མཚེད། 2.(བརྡ་རྙིང་།) དུར་དུ་འཇུག་པའམ་དུར་དུ་མཚེད་པ། |
| མཚེའུ |
མཚོ་ཆུང་བའམ་རྫིང་བུ་སྟེ། (དཔེར་ན།) ཚྭ་སྒོ་ཅན་གྱི་མཚེའུ། ས་མཐོའི་སྟེང་དུ་མཚོ་དང་མཚེའུ་སྐར་ཚོགས་ལྟར་ཆགས་ཞེས་པ་ལྟ་བུ། |
| མཚེར |
གནས་སྐབས་སྡོད་ས་སྟེ། (དཔེར་ན།) འབྲོག་མཚེར། མགྲོན་མཚེར། མཚེར་ཤག་ཅེས་པ་ལྟ་བུ། |
| མཚེར |
1.མཚེར་བ་ཞེས་པའི་མིང་བསྡུས་པ། 2.མཚེར་ས་ཞེས་པའི་ཚིག་བསྡུས་པ། |
| མཚེར་ཐོ |
འབྲོག་པའི་རུ་བ་མ་སྤོས་གོང་སྤོ་ཡུལ་ལེགས་པ་ཞིག་ལ་ས་རྡོ་སོགས་བརྩེགས་ནས་བརྒྱབ་པའི་རྟགས། |
| མཚེར་པ |
ནང་ཁྲོལ་མཚེར་པ། |
| མཚེར་པོ |
ངོ་ཚ་པོའི་དོན་ཏེ། (དཔེར་ན།) དེ་རིང་གི་ལས་ཀ་ཡག་པོ་མ་བྱུང་བས་ཧ་ཅང་མཚེར་པོ་བྱུང༌ལྟ་བུ། |
| མཚེར་བ |
1.དོན་ལྔ་སྣོད་དྲུག་གི་ཡ་གྱལ་ཞིག་ནང་གི་ཟགས་ཐོན་རྨེན་བུ་ཞིག་ཡིན། ཕོ་བའི་གཡོན་གྱི་སྨད་ན་མཆིན་དྲི་དང་འབྲེལ་ཡོད། མདོག་ཁམ་ནག་དང་དབྱིབས་ལེབ་མོ་མཐའ་སྲབ་ལ་རྟིང་བ་མཐུག་པ་ཞིག་ཡིན། དེ་ནི་ཁྲག་རྡུལ་གསར་བ་བསྐྱེད་པ་དང་ཁྲག་རྡུལ་རྙིང་བ་བསལ་བ། ནད་འབུ་ཕྲ་མོའི་གནོད་པ་འགོག་པ་སོགས་ཀྱི་ནུས་པ་ཡོན། མིང་མཐའ་བསྡུས་ན་མཚེར་ཞེས་འབྲི་ཆོག་སྟེ། (དཔེར་ན།) མཆིན་པ་དང་མཚེར་བ་ལ་མཆིན་མཚེར་ཞེས་འབྲི་བ་ལྟ་བུ།(བྱེད་མེད་ལས་ཚིག) 1.སུན་པ་དང༌། བྱེད་སྙིང་མི་འདོད་པའི་དོན་ཏེ། (དཔེར་ན།) དཀའ་བའི་ལས་དོན་ལ་མ་མཚེར་ཅིག སེམས་མཚེར་བ་ལྟ་བུ། 2>ངོ་གནོང་བ་དང༌། ངོ་ཚ་བ། ཞེད་པ་བཅས་ཀྱི་དོན་ཏེ། (དཔེར་ན།) འགྲོ་རྒྱུར་མཚེར། བཤད་པར་མཚེར་ཞེས་པ་ལྟ་བུ། འདི་ལ་སྤྱིར་བཏང་དུ་འཚེར་ཞེས་འབྲི། |
| མཚེར་བ་རི |
མཚོ་སྔོན་པོའི་ནང་དུ་ཡོད་པའི་རི་ཞིག དེའི་མཐོ་ཚད་རྒྱ་མཚོའི་ངོས་ལས་སྨི་སུམ་སྟོང་ལྷག་ཙམ་ཡོད། |
| མཚེར་བག |
ཞེད་པའི་ཉམས་ཏེ། (དཔེར་ན།) རང་སྐྱོན་དང་གཞན་སྐྱོན་བརྗོད་རྒྱུར་མཚེར་བག་མི་བྱེད་པའི་མི་ཞེས་པ་ལྟ་བུ། |
| མཚེར་རྒྱག་པ |
ནོར་ཕྱུགས་ལ་ས་ནད་ཕོག་ཚེ་ཤིང་ཐུར་གྱིས་མཚེར་པ་འབིགས་པའི་འཆོས་ཐབས་ཤིག |
| མཚེར་རྙིང |
འབྲོག་པ་སྡོད་ས་རྙིང་པ་དང༌། ཕྱུགས་ཀྱི་ལྷས་ར་རྙིང་པ། |
| མཚེར་ཤུལ |
འབྲོག་པའི་རུ་བ་སྤོས་པའི་ཤུལ། |
| མཚེར་ས |
འབྲོག་པ་རྣམས་རྩྭ་ཆུའི་རྗེས་སུ་འབྲངས་ནས་ཕྱུགས་འཚོ་བའི་སྐབས་འདུག་སའི་གནས་ཀྱི་མིང་། ཚིག་བསྡུས་ན་མཚེར་ཞེས་འབྲི་ཆོག་སྟེ། (དཔེར་ན།) དགུན་གྱི་མཚེར་ས་ལ་དགུན་མཚེར་ཟེར་བ་ལྟ་བུ། |
| མཚེར་སྣང |
ངོ་ཚ་བའི་སྣང་བ་དང༌། ཞུམ་པའི་མཚེར་སྣང༌སྟེ། (དཔེར་ན།) མཛའ་གྲོགས་ནང་ཁུལ་ལ་མཚེར་སྣང་མི་དགོས། མི་མང་གི་དཀྱིལ་དུ་འགྲོ་བ་ལ་མཚེར་སྣང་མི་བྱེད་ཅེས་པ་ལྟ་བུ། |
| མཚེས |
ཁྱིམ་གཞན་གྱིས་བར་མ་ཆོད་པའི་ཉེ་ལོགས་ཀྱི་ཁྱིམ་གཞན་ནམ་ཉེ་འཁོར་གྱི་ཁྱིམ་དང་གྲལ་ཤར་གཅིག་ཏུ་བཤིབས་ནས་འདུག་པའི་མི་ཁྱིམ་མཚེས་ཏེ། (དཔེར་ན།) ཁྱིམ་མཚེས་རྒྱལ་ཁབ། གྲལ་མཚེས། གྲལ་མཚེས་སློབ་གྲོགས་ཞེས་པ་ལྟ་བུ། |
| མཚོ |
ཆུ་མང་བོ་ལྷན་གཅིག་ཏུ་འདུས་ནས་རྒྱ་ཁྱོན་ཆེན་པོར་འཁྱིལ་བའི་ཆུ་འཁྱིལ་གྱི་མིང་། (དཔེར་ན།) མ་ཕམ་གཡུ་མཚོ། མཚོ་སྔོན་པོ་ཞེས་པ་སོགས་ལྟ་བུ། |
| མཚོ་ཁ |
མཚོའམ་རྒྱ་མཚོའི་ཁ། |
| མཚོ་ཁྲི་ཤོར་རྒྱལ་མོ |
ད་ལྟའི་མཚོ་སྔོན་པོའི་མིང་ཡིན། སྔོན་གྱི་གཏམ་རྒྱུད་ལས་ཆུ་མིག་ཆུང་ངུ་ཞིག་གློ་བུར་དུ་འཕྱུར་ཏེ། མཚོ་ཆེན་པོར་གྱུར་པས་མི་ཁྱིམ་ཁྲི་བསྣུབས་པའི་རྒྱུ་མཚན་གྱིས་མཚོ་ཁྲི་ཤོར་རྒྱལ་མོ་ཟེར་ཞེས་སུ་གྲགས། དཔེ་རྙིང་པ་ལ་ལར་མཚོ་ཁྲི་བཤོས་སམ་མཚོ་ཁྲི་བཤོར་ཞེས་འདོད་རྒྱལ་གྱི་མིང་ཡིན་ཞེས་ཀྱང་གསུངས། |
| མཚོ་གཟིག |
རྒྱ་མཚོ་ལ་གནས་པའི་སེམས་ཅན་ཞིག་སྤུ་མདོག་སེར་ནག་ལྟོ་བ་དཀར་བ། དེའི་ཚི་ལུ་སྣུམ་བཙོ་སྦྱང་བྱེད་ཐུབ་པ། |
| མཚོ་གླང |
རྒྱ་མཚོའི་ནང་དུ་སྡོད་པའི་སྲོག་ཆགས་ཤིག་ལུས་ཆེ་ཞིང་སྤུ་སྐྱེས་མེད་པ། མདོག་སྐྱ་བོ། མིག་ཕྲ་ལ་རྣ་གཤོག་མེད་པ། སོ་ཧ་ཅང་རིང་པོ་གཉིས་ཡོད། སོ་དེ་བ་སོའི་ཚབ་བྱེད་དངོས་རྫས་བྱས་ཆོག |
| མཚོ་ཆུང |
མཚོ་ཆུང་ཆུང༌། |
| མཚོ་ཆེན |
1.རྒྱ་མཚོ་ཆེན་པོ། 2.རྫོང་ཞིག་བོད་དབུས་ཀྱི་་ནུབ་རྒྱུད་དུ་ཡོད་ཅིང་། དེ་ཁུལ་དུ་བཀྲ་རི་གནམ་མཚོ་ཡོད་པའི་རྐྱེན་གྱིས་མིང་དེ་ལྟར་ཐོགས་པ་རེད། |
| མཚོ་ཉ |
རྒྱ་མཚོར་གནས་པའི་ཉ་རོ་མངར། ཞུ་རྗེས་དྲོད། ནུས་པས་ཕོ་བའི་དྲོད་སྐྱོད། བད་ཀན་གྱི་ནད་སེལ། ལུས་ཟུངས་གསོ། ། |
| མཚོ་དགུ་རྒྱལ་ལ |
རྒྱ་ཚ་རྫོང་གི་ནུབ་རྒྱུད་དུ་ཡོད། |
| མཚོ་དཔྱད |
མཚོ་ངོས་ཀྱི་སྣང་ཚུལ་ལྟ་རྟོག་བྱེད་ཐབས། |
| མཚོ་དྲུག |
སྦྲང་རྩི་དང༌། མར་དང༌། ཞོ་དང༌། འོ་མ་དང༌། ཆུ་དང༌། ཆང་བཅས་ཀྱི་མཚོ་དྲུག་གོ། ། |
| མཚོ་དྲུང |
རྒྱ་མཚོའི་འགྲམ། |
| མཚོ་ནག |
1.ཚྭ་མཚོ་ཞིག དགེ་རྒྱས་རྫོང་ཁོངས་སུ་ཡོད། 2.མཚོ་ཞིག ཨ་མདོ་རྫོང་གི་ལྷོ་རྒྱུད་དུ་ཡོད། |
| མཚོ་པད་མའི་གཟེ་མ་ར་མགོ |
མཚེའུར་སྐྱེས་ཤིང་ཟུར་གསུམ་ཅན་གྱི་སྔོ་ཞིག་སྨན་ལའང་འགྲོ་བ། |
| མཚོ་པྲ |
མཚོའི་ངོས་སུ་འཆར་བའི་མཐོང་ཚུལ་སྣ་ཚོགས་ལ་བརྟེན་ནས་མ་འོངས་ཇི་ཡོང་ཚོད་བཤད་བྱེད་ཐབས་ཤིག |
| མཚོ་ཕྲན |
མཚོ་ཆུང་ངུའི་མིང་སྟེ། (དཔེར་ན།) མཚོ་ཆེན་གཅིག་ལ་མཚོ་ཕྲན་མང་པོས་བསྐོར་ལྟ་བུ། |
| མཚོ་བསུབས |
མཚོ་ཁ་བསུབས་ཏེ་མི་མངོན་པར་བྱས་པ། |
| མཚོ་བསྐམས |
ཆུ་བསྐམས་ཟིན་པའི་མཚོ་ཤུལ། |
| མཚོ་བྱ |
མཚོ་ལ་གནས་པའི་བྱ་རིགས། |
| མཚོ་བྱུང་མ |
(མངོན་བརྗོད།) དབྱངས་ཅན་མ། |
| མཚོ་མ་དྲོས་པ |
མངའ་རིས་སྤུ་ཧྲེང་རྫོང་གི་མཚོ་མ་ཕམ་གཡུ་མཚོ་ཞེས་པ། བོད་ཀྱི་དེབ་ཐེར་དུ་མཚོ་འདི་ནི་རྒྱའི་ལོ་རྒྱུས་ནང་དུ་གསལ་བའི་ཡའོ་ཁྲི་སྟེ་གཡང་ཊིའི་མཚོ་ཟེར་བ་དེ་ཡིན་ཞིང༌། དེ་ལྟར་ན་ལོ་སུམ་སྟོང་གི་སྔོན་ལ་ཀྲོའུ་རྒྱལ་རབས་ཀྱི་རྒྱལ་པོ་མུ་དབང་ཞེས་པ་ནུབ་ཕྱོགས་གནས་སྐོར་དུ་ཕེབས་པའི་མཚོ་དེ་ཡིན་ཞེས་དང༌། མངོན་པའི་གཞུང་དུ་མཚོ་འདི་དབྱིབས་གྲུ་བཞི་ཆུ་ཞེང་གཉིས་ལ་དཔག་ཚད་ལྔ་བཅུ་རེ་ཡོད་པ་མཐའ་སྐོར་དུ་དཔག་ཚད་ཉིས་བརྒྱ་ཡོད་པ། ཡན་ལག་བརྒྱད་ལྡན་གྱི་ཆུས་གང་བ་སྟེ་སྤོས་ངད་ལྡང་བའི་རི་ནས་དཔག་ཚད་བཅུའི་ཚུ་རོལ་ན་ཡོད་ཅེས་གསུངས། |
| མཚོ་མ་ཕམ |
མཚོ་མ་དྲོས་པ་དང་དོན་གཅིག |
| མཚོ་མཇལ |
མཚོའི་ངོས་ནས་ཤར་བའི་གནས་ཚུལ་ལ་བལྟས་ཏེ་འབྱུང་འགྱུར་ལུང་བསྟན་བྱེད་ཐབས་ཤིག |
| མཚོ་མཐའ |
མཚོའམ་རྒྱ་མཚོའི་མཐའ། |
| མཚོ་མོ་གྲམ་གླིང |
མཚོ་ཞིག གཏིང་སྐྱེས་རྫོང་གི་ཤར་རྒྱུད་དུ་ཡོད། |
| མཚོ་མོ་ངང་ལྷ་རིང་པོ |
རུ་ཐོག་རྫོང་གི་ནུབ་རྒྱུད་ན་ཡོད་པའི་མཚོ་རིང་ཞིག |
| མཚོ་འཁོར |
གཏིང་ཟབ་ཆུའི་རླབས་འཁོར་ཏེ། (དཔེར་ན།) ཀོ་གྲུ་མཚོ་འཁོར་དུ་ཐིམ་ཉེར་ཡོད་ཅེས་པ་ལྟ་བུ། |
| མཚོ་འཁྱུག |
རྒྱ་མཚོ་འཁྱུག་ཅིང་གཡོ་བ། |
| མཚོ་འགྲམ |
མཚོའི་ཉེ་འགྲམ། |
| མཚོ་འགྲུལ |
རྒྱ་མཚོའི་ཐོག་གྲུ་གཟིངས་བཏང་ནས་སྐྱོད་པ། |
| མཚོ་ར་ཅན |
མདོ་སྨད་མཛོད་དགེ་ཡུལ་གྱི་མཚོ་ཞིག |
| མཚོ་རྒྱུན |
མཚོ་སྣ་རྫོང་ནས་ཐོན་པའི་རྒུན་འབྲུམ། |
| མཚོ་རྟ |
རྒྱ་མཚོ་ལ་གནས་པའི་ཉ་རིགས་ཤིག དེའི་གདོང་རྟ་དང་འདྲ་བས་མིང་དེ་ལྟར་བཏགས། ཆེ་གྲས་རྣམས་སྨན་རྩ་ཆེན་ཞིག་གོ། ། |
| མཚོ་རླབས |
རྒྱ་མཚོའི་རྦ་རླབས་ཏེ། (དཔེར་ན།) གྲུ་གཟིངས་ཀྱིས་མཚོ་རླབས་གཤགས་ཏེ་གཏོང་ལྟ་བུ། |
| མཚོ་ལག |
མཚོ་ཆེན་དང་ཆུ་ལམ་འབྲེལ་བའི་མཚོ་ཆུང་ངུ། |
| མཚོ་ལམ |
མཚོ་ཐོག་ཏུ་རྒྱུ་བའི་ལམ། |
| མཚོ་ལས་སྐྱེས |
(མངོན་བརྗོད།) པད་མ། |
| མཚོ་ལོང་ཁ |
མཚོ་སྔོན་ནུབ་ཕྱོགས་ཀྱི་མཚོ་ཞིག |
| མཚོ་ལྟས |
མཚོ་ནང་ནས་སྟོན་པའི་ལྟས། |
| མཚོ་ལྡན་མ |
1.ལྗོན་ཤིང་ཛཱ་བ་ཀ། 2.(མངོན་བརྗོད།) ལྷ་མོ་དབྱངས་ཅན་མ། |
| མཚོ་སྐོར |
1.རྒྱ་མཚོའི་སྟེང་དུ་སྐོར་གཡེང་རྒྱག་པ། 2.ཆོས་ལུགས་པ་ཚོས་བླ་མཚོ་སོགས་ལ་གནས་སྐོར་དུ་འགྲོ་བ། |
| མཚོ་སྐྱ་རིང |
མགོ་ལོག་རྨ་སྟོད་ཀྱི་མཚོ་ཞིག |
| མཚོ་སྐྱེས |
(མངོན་བརྗོད།) 1>མེ་ཏོག་པད་མ། 2>ཟླ་བ། |
| མཚོ་སྐྱེས་རྡོ་རྗེ |
གུ་རུ་མཚན་བརྒྱད་ཀྱི་ཡ་གྱལ་ཞིག |
| མཚོ་སྔོ་རིང |
མགོ་ལོག་རྨ་སྟོད་ཀྱི་མཚོ་ཞིག |
| མཚོ་སྔོན |
1.མཚོ་སྔོན་ཁྲི་ཤོར་རྒྱལ་མོ། 2.མདོ་སྨད་མཚོ་སྔོན་གྱི་ཡུལ། 3.ནག་ཆུ་རྫོང་གི་ནུབ་རྒྱུད་དུ་ཡོད་པའི་མཚོ་ཞིག |
| མཚོ་སྔོན་གྱི་ཧོ་ཐོག་ཐུ་ཆེན་པོ་རྣམ་པ་བརྒྱད |
ལྕང་སྐྱ། ཨ་ཀྱ། གསེར་ཁྲི། སྟོང་སྐོར། ར་ཁོ། སྨིན་གྲོལ། ཆུ་བཟང༌། ཐུའུ་བཀྭན་ཏེ་བརྒྱད། |
| མཚོ་སྔོན་པོ |
མཚོ་སྔོན་ཁྲི་ཤོར་རྒྱལ་མོ། |
| མཚོ་སྙིང |
1.མཚོ་མཐིལ་གཏིང་རིང་གི་བུག་གསང༌། 2.མཚོ་སྔོན་པོའི་དཀྱིལ་དུ་ཡོད་པའི་རི་ཞིག་དེའི་མཐོ་ཚད་རྒྱ་མཚོའི་ངོས་ནས་སྨི་3266 ཡོད། |
| མཚོ་སྣ |
རྫོང་ཞིག བོད་དབུས་ཀྱི་ལྷོ་རྒྱུད་དུ་ཡོད། |
| མཚོ་སྣ་ཆུ |
མཚོ་སྣ་རྫོང་ཁོངས་ནས་འབབ་ཅིང༌། དེའི་སྨད་རྒྱུད་ལ་རྟ་དབང་ཆུ་ཟེར། |
| མཚོ་སྣ་བ་ཤེས་རབ་བཟང་པོ |
མཚོ་སྣ་རྫོང་ཁོངས་སུ་འཁྲུངས་པ་དང༌། འདུལ་བ་མཚོ་ཊཱིཀ་སྟེ་འདུལ་བ་མདོ་རྩ་བའི་རྣམ་བཤད་ཉི་མའི་འོད་ཟེར་ཞེས་བྱ་བ་རྩོམ་མཁན། |
| མཚོ་སྨད |
རྫོང་ཞིག བོད་དབུས་ཀྱི་་ལྷོ་རྒྱུད་དུ་ཡོད། |
| མཚོ་སྨད་མཁན་ཆེན |
མཚན་གཞན་སྐ་བ་ཤཱཀྱ་དབང་ཕྱུག་རབ་བྱུང་བརྒྱད་པའི་ནང་སྟོད་ལུང་གླང་གྲོང་དུ་འཁྲུངས། དགུང་ལོ་ཆུང་ངུའི་དུས་ནས་ཟུར་མཁར་མཉམ་ཉིད་རྡོ་རྗེའི་སློབ་མ་ཕྲག་དཔོན་བསོད་ནམས་བཀྲ་ཤིས་སོགས་དམ་པ་དུ་མ་བསྟེན་ནས་རིག་གནས་སྤྱི་དང་ཁྱད་པར་གསོ་རིག་ལ་ཤིན་ཏུ་མཁས་པར་གྱུར་ཏེ་མཚོ་སྨད་ལྷ་ཁང་གི་མཁན་པོ་མཛད་པས་མཚོ་སྨད་མཁན་ཆེན་ཞེས་གྲགས། གསོ་བ་རིག་པའི་བསྟན་པ་སྤྱི་དང་ཟུར་མཁར་བའི་བསྟན་པ་སྤེལ། གསུང་རྩོམ་ཡང་གསོ་རིག་ཁོག་འབུབས་ལེགས་བཤད་དངུལ་དཀར་མེ་ལོང་དང༌། ཕྱི་མ་རྒྱུད་ཀྱི་དཀའ་གནད་གསལ་སྒྲོན། ལག་ལེན་དམར་ཁྲིད་དུ་སྡེབས་པ་སྙིང་པོ་བསྡུས་པ་སོགས་མཛད། |
| མཚོག་གསང |
སྐྲ་མཚམས་ནས་གྱེན་དུ་སོར་བཞི་གཞལ་བའི་གནས་སུ་ཡོད་པའི་གཏར་རྩ་ཞིག་དེ་གཏར་ན་མཚོག་མ་དང་དཔྲལ་བ་གཟེར་བ། མེ་ཉིས་དྲོས་པ་དང་ཆང་བཏུངས་པའི་རྗེས་མགོ་བོ་ན་བ་སོགས་ལ་ཕན། |
| མཚོག་མ |
མིའི་རྣ་རྩེ་ནས་རྣ་རྩེར་སྐུད་པ་ཞིག་འཐེན། དེ་ནས་མིག་གཉིས་ཀྱི་བར་ནས་ལྟག་ཁུང་ལ་སྐུད་པ་ཞིག་འཐེན་ཚེ་སྐུད་པ་གཉིས་བསྣོལ་ས་ནི་གསོ་རིག་ཏུ་བཤད་པའི་སྤྱི་གཙུག་ཡིན། སྤྱི་གཙུག་ནས་མདུན་ཕྱོགས་སུ་སོར་བཞི་བཅལ་བའི་གནས་ལ་གསོ་རིག་ཏུ་མཚོག་མ་ཟེར། སྤྱིར་བཏང་དུ་མགོའི་ཐོག་ཕྱོགས་ལ་སྤྱི་གཙུག་ཟེར་ཞིང་མགོའི་ཐོག་ཕྱོགས་ཀྱི་མདུན་ཕྱོགས་ལ་མཚོག་མ་ཟེར། མཚོགས་མ་དང་མཚོག་ཀ་ཞེས་འབྲི་བའང་ཡོད། |
| མཚོག་མདུད་ཀྱི་སྒོ |
སྤྱི་གཙུག་ཀ་ལིའི་སྲུབས་སྒོ། |
| མཚོན |
1.(བྱེད་འབྲེལ་ལས་ཚིག) 1>མཚོན་རྟགས་བྱེད་པའི་དོན་ཏེ། (དཔེར་ན།) ས་ས་ཁྲའི་སྟེང་གི་མདོག་སྔོན་པོས་རྒྱ་མཚོ་མཚོན་ལྟ་བུ། 2>དཔེར་བཀོད་པའི་དོན་ཏེ། (དཔེར་ན།) མཚོ་སྔོན་ན་མཚོ་སྔོན་པོས་མཚོན་པའི་མཚོ་མང་བོ་ཡོད། བོད་ན་གངས་ཏེ་སེས་མཚོན་པའི་གངས་རི་མང་བོ་ཡོད་ལྟ་བུ།2.མཚོན་ཆ་ཞེས་པའི་མིང་མཐའ་བསྡུས་པ། |
| མཚོན་ཁྱེར་ལག་འཛིངས |
མཚོན་ཆ་ཁྱེར་ཏེ་གདོང་ཐུག་ཏུ་འཐབ་པ། |
| མཚོན་ཁྲག |
གྲི་དང་མེ་མདའ་སོགས་ལུས་ལ་ཕོག་སྟེ་ཐོན་པའི་ཁྲག |
| མཚོན་གྱི་བསྐལ་པ |
ཚེ་ལོ་བཅུ་པའི་དུས་སུ། མཚོན་བསྐལ་ཞག་བདུན་ལ་གཅིག་གིས་གཅིག་མཐོང་ན་རི་དྭགས་ལ་རྔོན་པ་ལྟར་གསོད་འདོད་སྐྱེས་པས་ལག་ཏུ་བོང་བ་སོགས་སླེབ་པས་མཚོན་ཆ་རྣོན་པོར་གྱུར་ནས་ཕན་ཚུན་གསོད་པར་བྱེད་པའོ། ། |
| མཚོན་ངར་མ |
གཅོད་པའི་ནུས་པ་ཆེ་བའི་མཚོན་ཆ་སྟེ། (དཔེར་ན།) མཚོན་ངར་མ་དགྲ་བོའི་སྟེང་དུ་ཕྱར་ལྟ་བུ། |
| མཚོན་ཆ |
དྲག་པོའི་ལས་བྱེད་པའམ་གཡུལ་གྱི་ལས་བྱེད་པའི་ཡོད་བྱད་ཀྱི་སྤྱི་མིང་། (དཔེར་ན།) གྲི་མདུང་མེ་མདའ་སོགས་ལྟ་བུ། མིང་བསྡུས་ན་མཚོན་ཞེས་འབྲི་ཆོག་སྟེ། (དཔེར་ན།) མཚོན་ཆ་ཕོག་པའི་རྨ་ལ་མཚོན་རྨ་ཟེར་བ་དང་། མཚོན་ཆའི་འཇིགས་པ་ལ་མཚོན་གྱི་འཇིགས་པ་ཟེར་བ་ལྟ་བུ། |
| མཚོན་ཆ་བྱེད་པ |
(མངོན་བརྗོད།) ལྕགས། |
| མཚོན་ཆ་མཁན |
(མངོན་བརྗོད།) མགར་པ། |
| མཚོན་ཆའི་གཞི |
(མངོན་བརྗོད།) གྲི་སྤྱི། |
| མཚོན་ཆའི་ཐང |
ཉེ་འཁོར་གྱི་དམྱལ་བ་ཞིག |
| མཚོན་ཆས་འཚོ་བ |
(མངོན་བརྗོད།) རྐང་དམག |
| མཚོན་དོན |
དཔེས་མཚོན་པར་བྱ་བའི་དོན་གྱི་དངོས་པོ་སྟེ། (དཔེར་ན།) ས་བཀྲའི་ནང་གི་ཐིག་དམར་པོའི་མཚོན་དོན་དེ་ལྕགས་ལམ་ཡིན། |
| མཚོན་ནད |
མཚོན་ཆར་བརྟེན་ནས་བྱུང་བའི་རྨས་སྐྱོན་སོགས། |
| མཚོན་བསྐལ |
མཚོན་གྱི་བསྐལ་པའི་བསྡུས་མིང༌། |
| མཚོན་བསྣུན་སྐྱེས |
(མངོན་བརྗོད།) ཁྲག |
| མཚོན་བྱ |
བཏགས་ཡོད་ཆོས་གསུམ་ཚང་བའམ་ཐ་སྙད་ཆོས་གསུམ་སྟེ། ཤེས་བརྗོད་འཇུག་གསུམ་གྱི་ཡུལ་དུ་གྱུར་པ། དཔེར་ན། ཤེས་བྱ་དང༌། དངོས་པོ། བུམ་པ་ལྟ་བུའོ། ། |
| མཚོན་བྱེད |
བྱ་དངོས་གང་དང་གང་གི་ཚབ་བྱེད་པའམ་རྟགས་བྱེད་པའི་རྟགས་མཚན་ནམ་དེའི་མིང་། (དཔེར་ན།) ས་དབྱིབས་ས་ཁྲའི་ཐོག་གི་མདོག་ལྗང་གུ་ནི་ས་དམའ་ས་མཚོན་བྱེད་ཡིན་ལྟ་བུ། |
| མཚོན་མ |
(བརྡ་རྙིང་།) 1>ས་མཁན། 2>དེད་དཔོན། |
| མཚོན་ཙམ |
ཅུང་ཟད་ཙམ་མམ་མངོན་ཙམ་གྱི་དོན་ཏེ། (དཔེར་ན།) སྣེ་སེལ་ཙམ། དངོས་རྫས་མཚོན་ཙམ་ཕུལ་བ། གནས་ལུགས་མཚོན་ཙམ་ཞུས་ལྟ་བུ། |
| མཚོན་རྟེན་བྱེད |
མཚོན་ཆ་ཞེས་པའི་མིང་མཐའ་བསྡུས་པ། གླང་པོ་སྤྱི། |
| མཚོན་ལམ |
གྲི་སོགས་ཀྱིས་རྨས་པའི་རྨ། མཚོན་ལམ་དུ་ཤི་བ། |
| མཚོན་ལྷ |
དགྲ་ལྷ་དམག་འཁྲུག་སྐབས་མཚོན་ཆ་འགོག་སྲུང་བྱེད་ནུས་པའི་ལྷ་མཐུ་ལྡན་ཞིག |
| མཚོན་སྐྱོབ |
(མངོན་བརྗོད།) ལྕགས་གོས་སམ་ཁྲབ། |
| མཚོའི་བྱ |
(མངོན་བརྗོད།) ངང་པ། |
| མཚོར་འབབ |
(མངོན་བརྗོད།) འབབ་ཆུ། |
| མཛངས |
(རྒྱན་ཚིག) རིག་པ་གསལ་བའམ་ཤེས་ཡོན་མང་བའི་དོན་ཏེ། (དཔེར་ན།) དཔའ་མཛངས་ཀྱི་འགོ་ཁྲིད། བུད་མེད་མཛངས་མ་ཞེས་པ་ལྟ་བུ། |
| མཛངས་པ |
1.དཔའ་བོའི་དོན་ཏེ། (དཔེར་ན།) སྙིང་སྟོབས་ཟླ་མེད་དཔའ་བོ་མཛངས་པ་ཅན་ལྟ་བུ། 2.མཁས་པའི་དོན་ཏེ། (དཔེར་ན།) ཤེས་རབ་ཕུལ་བྱུང་གི་སྐྱེ་བོ་མཛངས་ཞེས་པ་ལྟ་བུ། 3.ཡ་རབས་ཀྱི་དོན་ཏེ། (དཔེར་ན།) དྲང་བདེན་མཛངས་པའི་སྤྱོད་པ་ཅན་ལྟ་བུ། |
| མཛངས་བླུན |
མཁས་པ་དང་བླུན་པོ་གཉིས། |
| མཛངས་བླུན་ཞེས་བྱ་བའི་མདོ |
བམ་པོ་བཅུ་གཉིས་དང་ལེའུ་ལྔ་བཅུ་རྩ་གཅིག་པ་ལོ་ཙཱ་བ་འགོས་ཆོས་འགྲུབ་ཀྱིས་རྒྱ་གར་དང་རྒྱ་ནག་གི་དཔེ་ལས་བསྒྱུར་པའོ། ། |
| མཛངས་མ |
བུད་མེད་བློ་གྲོས་ཅན་ནམ་སྤྱོད་བཟང་ཅན། |
| མཛངས་སྤྱོད |
དཔའ་བོ་དང༌། མཁས་པ། ཡ་རབས་རྣམས་ཀྱི་སྤྱོད་བཟང༌། |
| མཛད |
1.(བྱེད་འབྲེལ་ལས་ཚིག) མ་འོངས་པ་དང་ད་ལྟ་བ་འདས་པ། ལས་ཀ་དང་བྱ་བ་བྱེད་པའི་ཞེ་ས་སྟེ། (དཔེར་ན།) དགེ་རྒན་གྱིས་སློབ་སྟོན་མཛད། དགེ་འདུན་ཆོས་འཕེལ་གྱིས་མཛད་པའི<<དེབ་ཐེར་དཀར་པོ>>ཞེས་པ་ལྟ་བུ།2.སྤྱོད་པའམ་འཕྲིན་ལས་ཏེ། (དཔེར་ན།) མཛད་རྗེས། མཛད་ཕྱོགས། མཛད་སྟབས་མི་བདེ་བ། མཛད་པ་འཕྲིན་ལས་ཞེས་པ་ལྟ་བུ། |
| མཛད་གཟིགས |
མཛད་སྒོར་གཟིགས་པ་སྟེ། (དཔེར་ན།) རྒྱལ་ཁབ་ཁག་གི་སྐུ་མགྲོན་ལྷན་རྒྱས་ཀྱིས་རང་རྒྱལ་གྱི་དུས་ཆེན་རྟེན་འབྲེལ་ལ་མཛད་གཟིགས་གནང་ལྟ་བུ། |
| མཛད་པ་བཅུ་གཉིས |
སངས་རྒྱས་མཆོག་གི་སྤྲུལ་པའི་སྐུས་འཇིག་རྟེན་དུ་མཛད་པ་བཅུ་གཉིས་ཀྱི་ཚུལ་བསྟན་པ་དགའ་ལྡན་གནས་ནས་འཕོ་བ་དང༌། ལྷུམས་སུ་ཞུགས་པ་དང༌། སྐུ་བལྟམས་པ་དང༌། གཞོན་ནུའི་རོལ་རྩེད་དང༌། བཙུན་མོའི་འཁོར་གྱིས་རོལ་བ་དང༌། རབ་ཏུ་བྱུང་བ་དང༌། དཀའ་བ་སྤྱད་པ་དང༌། བྱང་ཆུབ་སྙིང་པོར་གཤེགས་པ་དང༌། བདུད་བཏུལ་བ་དང༌། མངོན་པར་རྫོགས་པར་སངས་རྒྱས་པ་དང༌། ཆོས་ཀྱི་འཁོར་ལོ་བསྐོར་བ་དང༌། མྱ་ངན་ལས་འདས་པ་སྟེ་མཛད་པའི་ཚུལ་བཅུ་གཉིས་སོ། ། |
| མཛད་པས་བསྡུས་པ་གསུམ |
སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་ཚན། ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང༌། ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང༌། ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་སྟེ་གསུམ་མོ། ། |
| མཛད་བརྒྱ |
སྟོན་པ་ཤཱཀྱ་ཐུབ་པའི་སྐྱེས་རབས་བརྒྱ་རྩ་བརྒྱད་སྟོན་པའི་རྣམ་ཐར། |
| མཛད་བྱང |
བསྟན་བཅོས་གང་ཞིག་ཡིན་རུང་དེའི་མཇུག་ཏུ་རྩོམ་པ་པོ་སུ་ཡིན་དང༌། དུས་ཇི་ཙམ་ལ་བརྩམས་པ་ཡིན་སོགས་བཀོད་པའི་མིང། (དཔེར་ན།) དཔེ་ཆ་འདིར་མཛད་བྱང་མེད་པས་རྩོམ་པ་པོ་སུ་ཡིན་མི་ཤེས་ལྟ་བུ། |
| མཛད་འཕྲིན |
བྱ་གཞག་གམ་བྱ་སྤྱོད་ཀྱི་ཞེ་ས། |
| མཛད་སྒོ |
བྱེད་སྒོ་སྟེ། (དཔེར་ན།) དགའ་བསུ་ཞུ་བའི་མཛད་སྒོ་ཚུགས་པ། མཛད་སྒོའི་རིམ་པ། མཛད་སྒོ་གཟབ་རྒྱས། མཛད་སྒོའི་གྱོན་ཆས། རྟེན་འབྲེལ་མཛད་སྒོ་ཞེས་པ་ལྟ་བུ། |
| མཛད་སྤྱོད |
བྱ་སྤྱོད་དེ། (དཔེར་ན།) མཛད་སྤྱོད་བཟང་པོ་ཞེས་པ་ལྟ་བུ། |
| མཛའ |
(རྒྱན་ཚིག) མི་མཐུན་པ་མེད་པའམ་སྙིང་ཉེ་བའི་དོན་ཏེ། (དཔེར་ན།) ཕན་ཚུན་ཤིན་ཏུ་མཛའ་ཞིང་སྙིང་ཉེ་བ། མཛའ་གྲོགས། མཛའ་མཐུན་ཞེས་པ་ལྟ་བུ། |
| མཛའ་གཅུགས |
ཕན་ཚུན་བློ་འདྲིས་ཤིང་མཐུན་པའི་དོན་ཏེ། (དཔེར་ན།) གྲོགས་བཤེས་མཛའ་གཅུགས་ལྡན་པ་ལྟ་བུ། |
| མཛའ་གྲོགས |
ཤིན་ཏུ་མཐུན་པའི་གྲོགས་པོ་སྟེ། (དཔེར་ན།) མཛའ་གྲོགས་ཀྱི་འབྲེལ་ལམ་ལྟ་བུ། |
| མཛའ་ན་མོ |
སྙིང་བརྩེ་བའམ་སྙིང་ལ་སྡུག་པའི་བུད་མེད། |
| མཛའ་ཕྱོགས |
སེམས་དགའ་བའི་གཉེན་ཕྱོགས། |
| མཛའ་བ་འབྱེད |
མཐུན་པ་མི་མཐུན་པ་བཟོ་བའི་དོན་ཏེ། (དཔེར་ན།) དཀྲུག་ཤིང་བརྒྱབ་ནས་མཛའ་བ་མ་འབྱེད་ཅེས་པ་ལྟ་བུ། |
| མཛའ་བརྩེ |
མཐུན་ཞིང་བརྩེ་བའི་དོན་ཏེ། (དཔེར་ན།) མཛའ་བརྩེ་ལྡན་པའི་གཉེན་ཉེ་ཞེས་པ་ལྟ་བུ། |
| མཛའ་བརྩེ་དམ་ཟབ |
བརྩེ་དུང་གི་འབྲེལ་བ་དམ་ཞིང་ཟབ་པའི་དོན་ཏེ། (དཔེར་ན།) འཐབ་གྲོགས་མཛའ་བརྩེ་དམ་ཟབ་ཅན་ལྟ་བུ། |
| མཛའ་བཤེས |
གཉེན་གྲོགས་ཏེ། (དཔེར་ན།) རང་གི་མཛའ་བཤེས་ནང་མ་ལ་ཡིད་ཆེས་པ། མཛའ་བཤེས་གཉེན་འདུན། མཛའ་བཤེས་བཟང་པོ་ལྟ་བུ། |
| མཛའ་བོ |
1.གྲོགས་པོ། 2.ཟླ་བོ། 3.སྦྱོར་བ་ཉེར་བདུན་གྱི་ནང་གསེས་ཤིག |
| མཛའ་བོའི་ལྷ |
(མངོན་བརྗོད།) སྐར་མ་ལྷ་མཚམས། |
| མཛའ་བྲལ |
(མངོན་བརྗོད།) དགྲ་བོ། |
| མཛའ་མཁན |
(མངོན་བརྗོད།) སྨད་འཚོང་མའི་གཙོ་མོ། |
| མཛའ་མཐུན |
བློ་སེམས་མཐུན་པོའི་དོན་ཏེ། (དཔེར་ན།) མཛའ་མཐུན་རྒྱལ་ཁབ། མཛའ་མཐུན་ཆིངས་ཡིག མཛའ་མཐུན་སེལ་མེད། མཛའ་མཐུན་འཐུས་ཚོགས། མཛའ་མཐུན་རོགས་རེས་ཞེས་པ་ལྟ་བུ། |
| མཛའ་མོ |
1.མཐུན་པའི་གྲོགས་མོ། 2.(མངོན་བརྗོད།) ཆུ་སྐྱར། |
| མཛའ་ལྷའི་གྲོགས་པོ |
(མངོན་བརྗོད།) གཟའ་ལྷག་པ། |
| མཛའ་སེམས |
ཕན་ཚུན་དགའ་བའི་སེམས། |
| མཛའ་སྤུན |
མཛའ་ཞིང་མཐུན་པའི་སྤུན་ཟླ། |
| མཛར་བ |
ལམ་དུ་ཁྱེར་བའི་ཁ་ཟས་དང་རླངས་བཙོས་ཁུར་བ། ཆང་གི་སྤོད་ཡ་བྱེད་པའི་ཟས་སོགས་ཀྱི་མིང་། |
| མཛུ་གུ |
མཛུག་གུ་དང་འདྲ། |
| མཛུག་གུ |
1.རྐང་ལག་གི་སོར་མོ་སྤྱི། 2.ལག་པའི་སོར་མོ་གཉིས་པ། |
| མཛུག་གུ་འཛུགས་ས |
སོར་མཛུབ་འཛུགས་སའི་དམིགས་ཡུལ་ཏེ། (དཔེར་ན།) མཛུག་གུ་འཛུགས་ས་ཡོད་པའི་བྱས་རྗེས་ཁྱད་པར་བ་ལྟ་བུ། |
| མཛུབ |
1.མིའི་ལག་པ་དང་རྐང་པའི་མཛུ་གུའམ་མཛུབ་མོའི་མིང་། (དཔེར་ན།) ལག་མཛུབ། རྐང་མཛུབ། མཛུབ་མོ་ཞེས་པ་ལྟ་བུ། 2.བཻ་སྔོན་གྱི་བཤད་ཚུལ་ལྟར་སྨན་དཔྱད་ལས་འབྱུང་བའི་ལུས་ཚད་འཇལ་བྱེད་ཅིག |
| མཛུབ་ཁྲིད |
1.དཔེ་ཐོག་ལ་མཛུབ་མོ་བཙུགས་ཏེ་སློབ་མ་ལ་གོ་དོན་ཁྲིད་པའི་དོན། 2.དོན་གནད་གང་རུང་འདི་དང་འདི་ཞེས་མངོན་སུམ་མཛུབ་བཙུགས་ཀྱིས་ཁྲིད་པ། |
| མཛུབ་གང |
ལག་པའི་སོར་མོ་གཉིས་པ་ལ་མཛུབ་མོ་ཞེས་ཟེར་ཞིང༌། དེའི་སེན་མོའི་དྲེག་པ་ཡོད་མེད་མཚམས་ནས་ཚིགས་གསུམ་པའི་བར་གྱི་ཆ་ཤས་དེ་ལ་མཛུབ་གང་ཟེར་བས་དེ་དང་སོར་དྲུག་གཞལ་བ་གཉིས་དོན་གཅིག |
| མཛུབ་གཟུགས |
(ཡུལ་སྐད།) གཟོང་གི་བྱེ་བྲག་ཅིག |
| མཛུབ་ངོ |
(ཡུལ་སྐད།) ཟངས་བཟོ་བའི་ཡོ་བྱད་མགོ་སྐོན་བྱེ་བྲག་ཅིག |
| མཛུབ་ཆུང |
མཐེའུ་ཆུང༌། མིང་གི་རྣམ་གྲངས་ལ་ཐ་ཆུང་དང་མཐེའུ་ཆུང་ངོ། ། |
| མཛུབ་ཐེལ |
མཛུབ་རེས་ཀྱི་ཐེལ་ཙེ་སྟེ། (དཔེར་ན།) མཛུབ་ཐེལ་རྒྱག་དགོས་ལྟ་བུ། |
| མཛུབ་དཀྲིས |
གསེར་དངུལ་སོགས་ཀྱི་སོར་རྒྱན་ཞིག |
| མཛུབ་དྲུག |
ལག་པའི་མཐེ་བོང་གི་འགྲམ་དུ་སོར་མོ་ཆུང་ངུ་ཡོད་པའི་མི། |
| མཛུབ་བཙུགས |
1.དམིགས་ཡུལ་གང་ཡིན་ཐད་བཙུགས་སུ་ངོས་བཟུང་བའི་བརྡ་སྟེ། (དཔེར་ན།) གནད་དོན་ངོ་མ་མཛུབ་བཙུགས་ཀྱིས་ངོ་སྤྲད་པ་ལྟ་བུ། 2.མཛུབ་མོས་རེག་པ་སྟེ་ཐེ་གཏོགས་བྱས་པའི་དཔེ། (དཔེར་ན།) ཤ་མ་ཟོས་ཀྱང་ཤ་ཁུར་མཛུབ་བཙུགས་ཀྱིས་ཆོག་ཅེས་པ་ལྟ་བུ། |
| མཛུབ་བཟོ་མགོ་སྐོན |
(ཡུལ་སྐད།) མིང་གཞན་མཛུབ་ངོའི་མགོ་སྐོན་ཡང་ཟེར་ཏེ་ཟངས་བཟོ་བའི་ལག་ཆ་ཞིག |
| མཛུབ་མཐོ |
མཐེབ་མཛུབ་གཉིས་བརྐྱངས་པའི་བར་གྱི་རིང་ཚད། |
| མཛུབ་མོ |
1.རྐང་ལག་གཉིས་ཀྱི་སོར་མོ་གཉིས་པ། མིང་གི་རྣམ་གྲངས་ལ་སྟོན་བྱེད་དང༌། ལག་པའི་ཡལ་ག། སོར་མོ་བཅས་སོ། །2.སོར་མོའི་མིང་། (དཔེར་ན།) མཛུབ་མོས་གར་བསྟན་ཤར། མཛུབ་མོའི་ཚིགས་རྡོག་ནང་ལ་བཀུག མཛུབ་གུ་ལྔ་བཅངས་ལྕགས་ཀྱི་ཁུ་ཚུར་ཞེས་པ་ལྟ་བུ། |
| མཛུབ་མོ་འཛུགས་པ |
འདི་དང་འདིའོ་ཞེས་མཛུབ་སོར་ཐད་ཀར་སྣུན་པ། |
| མཛུབ་མོས་རི་སྟོན |
འོལ་ཚོད་ཀྱིས་ཕྱོགས་ཙམ་སྟོན་པའི་དོན་ཏེ། (དཔེར་ན།) ཚན་རིག་གི་ཤེས་བྱ་མཛུབ་མོ་རི་སྟོན་བྱེད་པ། ཞིབ་བརྟག་མེད་པར་མཛུབ་མོས་རི་སྟོན་བྱེད་མི་རུང༌ལྟ་བུ། |
| མཛུབ་ཚིགས |
མཛུབ་མོའི་ཚིགས། |
| མཛུབ་ཚུགས |
མཛུབ་བཙུགས་དང་དོན་གཅིག |
| མཛུབ་རྒྱུས |
(ཡུལ་སྐད།) གསེར་དངུལ་སོགས་ཀྱི་སོར་རྒྱན། |
| མཛུབ་རྩེ |
མཛུབ་མོའི་རྩེ་མོ། |
| མཛུབ་ལྕིབས |
ཚེམ་བུ་རྒྱག་སྐབས་མཛུབ་མོར་གྱོན་རྒྱུ་ཞིག་སྟེ། (དཔེར་ན།) རག་ལས་བཟོས་པའི་མཛུབ་ལྕིབས་ལྟ་བུ། |
| མཛུབ་ཤུབས |
མཛུབ་མོའི་ཤུབས། |
| མཛུབ་ཤུབས་ལྕིབས་མོ |
ཀོ་བ་སོགས་ལས་བཟོས་པའི་མཛུབ་སྐྱོབ། |
| མཛུབ་སྟོན |
གོང་རིམ་ནས་འོག་རིམ་ལ་བྱ་བའི་རྩ་དོན་དང་བྱ་ཐབས་ཀྱི་སྐོར་གསལ་བར་བསྟན་པའི་ཡི་གེ་དང་སྐད་ཆ་སོགས་ཀྱི་མིང་། |
| མཛེ |
མཛེ་ནད་དེ་འགོ་བའི་རང་བཞིན་ཅན་གྱི་པགས་ནད་དྲག་པོ་ཞིག |
| མཛེ་ཁྲག |
མཛེ་ནད་ཀྱིས་ཤི་བའི་ཁྲག |
| མཛེ་ནད |
ཆུ་སེར་ནག་པོ་དང་གཉན་སྲིན་པརྤ་ཏ་གཉིས་འདོམས་པ་ལ་རྒྱབ་རྟེན་ཀླུས་བྱས་པར་གྲགས་པའི་ལུས་ཀྱི་གནས་ཀུན་མ་རུང་བ་རུལ་མྱག་ལྟར་འགྱུར་བའི་ནད་དེ། ནང་གསེས་སུ་དབྱེ་ན་མཛེ་ནད་རིགས་བཅོ་བརྒྱད་དམ་སུམ་ཅུ་རྩ་དྲུག་མཆིས་སོ། ། |
| མཛེ་ཕོ |
སྐྱེས་པ་མཛེ་ནད་ཅན། |
| མཛེ་མོ |
བུད་མེད་མཛེ་ནད་ཅན། |
| མཛེ་ཚྭ |
མདོག་དཀར་ལ་དྭངས་པའི་རྫས་ཤིག་ཚྭ་དང་ཟེ་ཚྭ། རྫས་རིགས་གཞན་པ་བཅས་འདུས་ནས་གྲུབ་པའི་ཟེ་ཚྭའི་རིགས་ཤིག་ཡིན། ཀོ་པགས་སྲུལ་བའམ་ལས་སྣོན་བྱེད་པའི་རྫས་གཙོ་བོ་ཞིག་ཡིན། |
| མཛེ་རྒོད་འབྲུམ |
མཛེ་ནད་ཐོར་པ་མང་པོ་ཐོན་པ་ཞིག |
| མཛེ་ལྡུམ་བཀྲ་ཤིས |
ལྡུམ་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་ཡན་ལག་སོགས་སུ་མཛེར་པ་སྐྱེས་པར་ཕན། |
| མཛེ་སྐྱ |
མཛེ་ནད་ཀྱི་རིགས་ཤིག |
| མཛེར |
མཛེར་བ་ཤིང་སྡོང་གི་ཡལ་ག་གྱེས་པའི་ཤུལ་གྱི་མིང་། དཔེར་ན། ཤིང་མཛེར། ཤིང་མཛེར་བ་ཅན་ཞེས་པ་ལྟ་བུ། ཤིང་མཛེར་གྱི་དབྱིབས་ལྟར་འབུར་བའི་པགས་ནད་ཀྱི་རིགས་ཤིག་གི་མིང་། |
| མཛེར་དུམ |
ཤིང་གི་མཛེར་པའི་དུམ་བུ། |
| མཛེར་པ |
1.ཤིང་གི་ལོགས་ནས་སྐྱེས་པའི་འབུར་ཞིག 2.ལུས་ཀྱི་པགས་པའི་སྟེང་དུ་གཟེར་བུ་གདབ་པ་དང་འདྲ་བའི་པགས་ནད་ཅིག་དེ་ལ་ནང་གསེས་སུ་དབྱེ་ན། ར་མཛེར་ལུག་མཛེར་གཉིས་དང༌། རྐང་མཐིལ་སོགས་སུ་འབྱུང་བའི་མཛེར་ནག་བཅས་རིགས་གསུམ་མཆིས་སོ། ། |
| མཛེར་ཕྲན |
ཤིང་མཛེར་རམ་ཤ་མཛེར་ཆུང་ངུ། |
| མཛེར་བུ |
མཛེར་ཕྲན་དང་དོན་གཅིག |
| མཛེས |
(རྒྱན་ཚིག) མདོག་དབྱིབས་རྣམ་པ་སྤུས་ཀ་སོགས་ཡིད་དུ་འོངས་པའི་དོན་ཏེ། (དཔེར་ན།) བྱད་གཟུགས་རབ་ཏུ་མཛེས། རབ་མཛེས་མེ་ཏོག་དམར་བོ། མཛེས་པའི་རྒྱན་གྱིས་སྤྲས། བྱིས་པ་འདི་ཤིན་ཏུ་མཛེས། གོས་རྒྱན་མཛེས་པར་སྤྲས་སོགས་ལྟ་བུ། |
| མཛེས་ཀོང |
མཁུར་འཛུམ་གྱི་ཀོང་བུ། |
| མཛེས་ཀྱོང |
སྐྱེས་པ་ཕོ་མོ་གད་མོ་ཤོར་དུས་འགྲམ་པ་གཡས་གཡོན་དུ་འཆར་བའི་འཛུམ་ཀོང༌། |
| མཛེས་གཤེགས་ཀྱི་དཔེ་བྱད |
མཛེས་པར་གཤེགས་པའི་དཔེ་བྱད་དང་དོན་གཅིག |
| མཛེས་གྲགས |
མཛེས་པའི་མིང་གྲགས། |
| མཛེས་ཆོས |
མིག་ལམ་དུ་མཛེས་པར་བྱེད་པའི་ངོམ་ཆོས། |
| མཛེས་ཆོས་མཆོར་སྒེག་ཅན |
སྒེག་ཉམས་ཁེངས་དྲེགས་དང་ལྡན་པ། |
| མཛེས་ཐོག་མཛེས་བརྩེགས |
ཡག་ཐོག་ཡག་བརྩེགས། |
| མཛེས་པའི་རྨ་ཅན |
(མངོན་བརྗོད།) ཡོས། |
| མཛེས་པར་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་མཛེས་པར་མཁས་པ་ཉིད་ཀྱིས་མཛེས་ཤིང་ཡིད་དུ་འོང་བར་གཤེགས་པ། |
| མཛེས་པོ |
མཛེས་པ་དང་འདྲ། |
| མཛེས་བཀྲག |
གཟུགས་མཛེས་པའི་བཀྲག་མདངས། |
| མཛེས་བཟང |
རྣམ་པ་མཛེས་ཤིང་གཤིས་ཀ་བཟང་བ་སྟེ། (དཔེར་ན།) ཁྱིམ་ཐབ་མཛེས་བཟང༌ལྡན་པ་ཞིག་ཡོད་ཅེས་པ་ལྟ་བུ། |
| མཛེས་བྱད |
1.མཛེས་པའི་གདོང༌། 2.མཛེས་པར་བྱེད་པའི་ཡོ་བྱད་དམ་རྫས། |
| མཛེས་བྱེད |
1.སྒེག་འཆོས་བྱེད་པ། 2.རྒྱན་ཆ། 3.(མངོན་བརྗོད།) ཆུ་ཡོས་ལོ། |
| མཛེས་མ |
བུད་མེད་བཞིན་བཟང་མ། མིང་གི་རྣམ་གྲངས་ལ་སྐེད་མེད་མ་དང༌། གླང་ཆེན་འགྲོས། སྒེག་མོ། ཡན་ལག་མཆོག་མ། ལུས་ཕྲ། རི་དྭགས་མིག་ཅན་བཅས་སོ། ། |
| མཛེས་མཚོན |
ལྟར་སྣང་གི་འདྲ་ཆགས་ཏེ། (དཔེར་ན།) མཛེས་མཚོན་གྱི་འཆམ་པོ། གཞན་གྱི་མིག་སྔར་མཛེས་མཚོན་བྱེད་པ། ཁའི་མཛེས་མཚོན་ཙམ་དུ་འདི་སྐད་ཞུས་ལྟ་བུ། |
| མཛེས་མཛེས་བྱེད |
1.འཛེམ་བྱེད་པ་སྟེ་དབུས་ཀྱི་ཕལ་སྐད་ལ་མཛངས་བྱེད་པ། 2.མཛེས་པའི་རྣམ་འགྱུར་ཆེད་དུ་སྟོན་པ། |
| མཛེས་འཆོས |
རྣམ་པའམ་སྤྱོད་ལམ་མཛེས་པར་བཟོ་བ་སྟེ། (དཔེར་ན།) སྒོ་དང་སྒེ་ཁུང་ལ་མཛེས་འཆོས་བྱེད་དགོས་ལྟ་བུ། |
| མཛེས་ལམ |
མིག་སྔར་མཛེས་པའི་ཆོས་ཏེ། (དཔེར་ན།) ལྟར་སྣང་མཛེས་ལམ་གྱིས་མི་ཕན་པ། ཕྱི་ཚུལ་ཙམ་དུ་མཛེས་ལམ་བྱེད་མི་རུང་ལྟ་བུ། |
| མཛེས་ལེགས |
མཛེས་ཤིང་ལེགས་པ་སྟེ། (དཔེར་ན།) ཚོང་ཟོག་མཛེས་ལེགས། ཁང་པ་མཛེས་ལེགས། རླངས་འཁོར་མཛེས་ལེགས་ལྟ་བུ། |
| མཛེས་ལྡན |
(མངོན་བརྗོད།) གཟའ་པ་སངས། |
| མཛེས་སྐུ |
ལུས་མཛེས་པ། |
| མཛེས་སྡུག |
ཡིད་དུ་འོང་བའམ་མིག་ལ་མཛེས་པ་སྟེ། (དཔེར་ན།) མཛེས་སྡུག་ལྡན་པའི་ཡུལ་ལྗོངས་ཞེས་པ་ལྟ་བུ། |
| མཛེས་སྡུག་ཡིད་འོང |
མཛེས་ཤིང་ཡིད་དུ་འོང་བ། |
| མཛེས་སྦྱིན་བྱེད |
(མངོན་བརྗོད།) ཨ་ག་རུ། |
| མཛོ |
1 གླང་དང༌། འབྲིའམ་གཡག་དང༌། བ་མོ་འདུས་པ་ལས་བྱུང་བའི་ཕྱུགས་རིགས་ཤིག མཛོ་འགྲོ་བ་མི་རིག ཤིག་འགྲོ་བ་རིག མི་བརྒྱ་ལ་སེམས་པ་བརྒྱ། མཛོ་བརྒྱ་ལ་རྭ་ཅོ་ཉིས་བརྒྱ་ལྟ་བུ། 2.མཛོ་ཕོ། |
| མཛོ་ཁལ་ར་འགེལ |
ལས་འགན་སོགས་མི་ཐེག་བཞིན་དུ་དཀྲི་བའི་དཔེ་སྟེ། (དཔེར་ན།) འཁོས་བབས་དང་མི་མཐུན་པའི་མཛོ་ཁལ་ར་འགེལ་མ་བྱེད་ཅེས་པ་ལྟ་བུ། |
| མཛོ་ཁལ་ལུག་ཁལ |
མཛོ་ལ་མཛོ་ཁལ་དང་ལུག་ལ་ལུག་ཁལ་ཏེ། ལས་འགན་སོགས་གང་ལ་དེ་འཚམ་འགེལ་བའི་དཔེ། (དཔེར་ན།) རང་འཁོས་དང་འཚམས་པའི་མཛོ་ཁལ་ལུག་ཁལ་སོ་སོར་དཀྲི་དགོས་ལྟ་བུ། |
| མཛོ་གཉའ་སྦྲེལ |
རྨོན་མཛོ་གཉིས་གཉའ་སྦྲེལ་བ། |
| མཛོ་གདང |
མཛོ་རྡང་དང་འདྲ། |
| མཛོ་གཡུང་པོ |
(ཡུལ་སྐད།) བཞོན་པར་འོས་པའི་དུལ་མ། |
| མཛོ་གྭ་པ |
མཛོ་གདོང་དཀར་པོ། |
| མཛོ་དཔོན |
མཛོའི་དོ་དམ་བྱེད་མཁན། |
| མཛོ་བདག་ལ་མཛོ་རྒྱུས |
ཆ་རྒྱུས་ཆ་ཚང་ཡོད་མཁན་ལ་གཞན་གྱིས་རྒྱུས་མངའ་ཡོད་ཁུལ་བྱས་པའི་དཔེ། (དཔེར་ན།) ཁོས་ང་ལ་ངའི་ནང་གི་གནས་ཚུལ་བཤད་པ་ནི་མཛོ་བདག་ལ་མཛོ་རྒྱུས་བཤད་པ་ཞིག་རང་རེད་ཅེས་པ་ལྟ་བུ། |
| མཛོ་མོ |
འབྲི་གཡག་དང་བ་ལང་བསྡེབས་པའི་གནག་ཕྱུགས་མོའི་མིང་། |
| མཛོ་མོ་ནུ་རྩེ |
མདོ་སྨད་འབའ་རྫོང་གི་རི་བོ་མཐོན་པོ་ཞིག |
| མཛོ་མོ་མཁར |
མཚོ་སྔོན་ཁོངས་གཏོགས་ས་གནས་ཤིག བྱམས་ཆེན་ཆོས་རྗེ་གནས་འདིར་འདས་ཤིང་སྐུ་གདུང་ཡང་འདི་ན་བཞུགས། |
| མཛོ་མོ་ཤིང |
ཤིང་སྨན་གྱི་རིགས་ཤིག་རོ་ཁ། ཞུ་རྗེས་སྙོམས། ནུས་པས་ཁྲག་རྒྱུ་བ་དང༌། ཁྲག་ཚད་སེལ། བུད་མེད་ཀྱི་ཁྲག་ཚབས་ལ་ཕན། |
| མཛོ་མོ་ཤིང |
རྒྱ་སྐད་དུ་སུ་མུ་ཟེར་བའི་ཤིང་དམར་བོ་ཆུར་གདུས་པའི་ཁུ་བས་ཚོས་བྱེད་ཆོག་པ་ཤིག |
| མཛོ་མོའི་རྟོལ |
མཛོ་མོའི་ཕྲུ་གུ། |
| མཛོ་ར |
མཛོ་དང་མཛོ་མོ་འཇུག་ས། |
| མཛོ་རྒོད |
སྣ་ལོ་མ་བཏུལ་བའི་མཛོ་ངར་མ། |
| མཛོ་རྡང |
མཛོ་མང་པོ་སྟར་བསྒྲིགས་ཏེ་འདོགས་བྱེད་ཀྱི་ཐག་པ། |
| མཛོ་ཤད |
ལོ་གསུམ་ལོན་པའི་མཛོ་ཡི་མིང༌། |
| མཛོ་སྒང |
ཚ་བ་མཛོ་སྒང་སྟེ་རྫོང་ཞིག བོད་དབུས་ཀྱི་ཤར་རྒྱུད་དུ་ཡོད་ཅིང་རྒྱལ་མོ་རྔུལ་ཆུ་རྫོང་དེ་བརྒྱུད་ནས་འབབ། |
| མཛོ་སྔུན་སྦལ་བས་བཅད་པ |
བར་བཅད་པའམ་ལམ་བཀག་པའི་དཔེ། |
| མཛོ་སྣ |
1.ལྕགས་གཟེར་བུག་ཅན་ནམ་ཁུག་པ་ཅན། 2.སྨན་དཔྱད་ལས་བཤད་པའི་ལུས་ཀྱི་རུས་པའི་བྱེ་བྲག་ཅིག |
| མཛོ་སྦྲེལ |
ཐག་པས་སྦྲེལ་བའི་མཛོ་གཉིས། |
| མཛོག |
རྫོག་མགོ་དང་འདྲ། |
| མཛོད |
1.མཛད་པའི་སྐུལ་ཚིག 2.ཆོས་མངོན་པ་མཛོད།3.དངོས་རིགས་གསོག་འཇོག་གམ་འཇོག་སའི་ཡུལ་ཏེ། (དཔེར་ན།) བང་མཛོད། ཤོད་མཛོད། ཚིག་མཛོད། དཔེ་མཛོད་ཁང༌ཞེས་པ་ལྟ་བུ། 4.ཚིགས་བཅད་རྩོམ་ཚུལ་ཞིག བརྗོད་བྱ་དུ་མ་དང་ལྡན་ཞིང་གཅོད་མཚམས་སྣ་ཚོགས་པའི་ངོས་ནས་ཤོ་ལོ་ཀ་དང༌། བྱ་ཚིག་མང་ཉུང་ངེས་གཟུང་མེད་པའོ། ། |
| མཛོད་ཀྱི་འགོ་པ |
བང་མཛོད་ཀྱི་གཉེར་པའམ་ཕྱག་མཛོད། |
| མཛོད་ཁང |
རྒྱུ་ནོར་འཇོག་སའི་ཁང་པ། |
| མཛོད་གོས |
འབྲུག་ཚང་འཁོར་གྱི་རི་མོ་ཡོད་པའི་གོས་ཆེན་སེར་པོ་ཞིག |
| མཛོད་ཆེན |
བང་མཛོད་ཆེན་པོ། |
| མཛོད་ཇུས |
ཇུས་ཞེས་པའི་གོས་ཆེན་བྱེ་བྲག་པ་ཞིག |
| མཛོད་དགེ |
མདོ་སྨད་ལྷོ་རྒྱུད་ཀྱི་ཡུལ་ལུང་ཞིག |
| མཛོད་དཔོན |
བང་མཛོད་ཀྱི་འགོ་བྱེད་པོ། |
| མཛོད་པ |
ཕྱག་མཛོད། |
| མཛོད་བཏགས |
ཁ་བཏགས་ཡག་པོ་ཞིག |
| མཛོད་བྱེད |
(མངོན་བརྗོད།) བུར་ཤིང༌། |
| མཛོད་འགྲེལ |
ཆོས་མངོན་པ་མཛོད་ཀྱི་འགྲེལ་པ། |
| མཛོད་འཛིན |
1.ཕྱག་མཛོད། 2.རྒྱ་གར་ཀཽ་ས་ལ་ཞེས་པའི་ཡུལ། |
| མཛོད་ལུས |
(མངོན་བརྗོད།) ཆུ་ཤིང༌། |
| མཛོད་ལྡན |
(མངོན་བརྗོད།) 1>སེའུ་འབྲུའི་ཤིང༌། 2>གཙུག་ལག་ཁང་གི་གཉྫི་ར། 3>རྒྱ་གར་ཀཽ་ཤམྦའིའི་ཡུལ། |
| མཛོད་ལྡན་མ |
རི་བྱིའི་ཆུང་མ། |
| མཛོད་སྤུ |
སྨིན་མཚམས་ཀྱི་སྤུ། |
| མཛོད་སྦུ |
སྨིན་མ་གཉིས་ཀྱི་མཚམས་ཀྱི་སྤུ་འཁྱིལ་གྱི་མིང་དུ་བཤད། |
| མཛོད་སྦུག |
བང་མཛོད་སྦུག་མ། |
| མཛོའི་སྐེ་རྒྱན |
གཞི་སྣམ་རས་ཀྱིས་བཟོས་པའི་དཀྱིལ་དུ་ཏིང་ཏིང་གཅིག་དང༌། མཐའ་སྐོར་དུ་མགྲོན་བུའི་ཚོམ་བུ་བསྒྲིགས་པ་རྨོན་མཛོའི་སྐེ་རྒྱན་ཞིག |
| མཛོལ |
རི་དྭགས་སོགས་འཛིན་བྱེད་ཀྱི་རྒྱ་རྙིའི་རིགས་ཤིག་གི་མིང་། (དཔེར་ན།) ཙི་གུ་ལ་ཕོར་བས་མཛོལ་བཙུགས། སྤྱང་ཀི་ལ་རྡོ་མཛོལ་བཙུགས་ལྟ་བུ། འདི་ལ་མཛོལ་བུ་ཡང་ཟེར། |
| མཛོལ་བུ |
1.རི་དྭགས་སོགས་འཛིན་བྱེད་ཀྱི་རྒྱ། 2.སྔ་དུས་བྱི་ཕྲུག་གམ་སྨད་འཚོང་མའི་བུ། |
| མའི་སྐྱེ་གནས |
(མངོན་བརྗོད།) ཚངས་པ། |
| མའི་སྐྲ་ཉེ |
(མངོན་བརྗོད།) ཞང་པོ། |
| མར |
1.ཕྱུགས་ཀྱི་འོ་མ་ལས་བླངས་པའི་སྣུམ་གྱི་མིང་། (དཔེར་ན།) འོ་མ་དཀྲུགས་ནས་མར་བླངས། མར་ཁུ་ཞེས་པ་ལྟ་བུ། 2.འབྲུ་སྣུམ་གྱི་མིང་། (དཔེར་ན།) འབྲུ་མར། ཏིལ་གྱི་སྣུམ་ལ་ཏིལ་མརཞེས་པ་ལྟ་བུ།3.ཡར་གྱི་ལྡོག་ཟླ་སྟེ། (དཔེར་ན།) ཡར་མར་གཉིས་། མར་ལ་སོང་ཞེས་པ་ལྟ་བུ། |
| མར་ཀོ |
མར་གཏུམ་བྱེད་ཀྱི་ཀོ་བ། |
| མར་ཁུ |
མར་བཞུས་པའི་ཁུ་བ་སྟེ། (དཔེར་ན།) ཁྲོ་ཀོང་ནང་གི་མར་ཁུ་ཞེས་པ་ལྟ་བུ། |
| མར་ཁུག |
མར་འཇུག་སྣོད་ཀོ་ཁུག |
| མར་ཁུའི་མདོག |
སེར་པོ་ལི་ཁྲི་དཀར་རག་སྣག་ཚ་བཅས་སྦྱར་བའི་མདོག |
| མར་ཁེ་སི་ལེ་ཉིན་རིང་ལུགས |
འཛམ་གླིང་ཡོངས་ཀྱི་འབྱོར་མེད་གྲལ་རིམ་དང་ངལ་རྩོལ་མི་དམངས་ཚོས་གསར་བརྗེའི་འཐབ་རྩོད་བྱེད་པའི་རིགས་པའི་གཞུང་ལུགས་ཚན་རིག་དང་མཐུན་པ་ཞིག་ཡིན་ཞིང༌། ཐོག་མར་མར་ཁེ་སི་དང་ཨེན་ཀེ་སི་རྣམ་གཉིས་ཀྱིས་གསར་བསྐྲུན་གནང་བ་དང༌། ཕྱིས་སུ་ལེ་ཉིན་གྱིས་ཡར་རྒྱས་དང་ཕུན་སུམ་ཇེ་ཚོགས་སུ་བཏང་བ་ཞིག་རེད། |
| མར་ཁེ་སིའི་རིང་ལུགས |
མར་ཁེ་སི་དང་ཨེན་ཀེ་སི་རྣམ་གཉིས་ཀྱིས་བསྐྲུན་པ་གནང་བའི་འབྱོར་མེད་གྲལ་རིམ་གྱི་བསམ་པའི་མ་ལག་ཅིག་ཡིན་ཞིང༌། དེའི་རྩ་བའི་གྲུབ་ཆ་ནི་མར་ཁེ་སིའི་རིང་ལུགས་ཀྱི་མཚན་ཉིད་རིག་པ་དང༌། ཆབ་སྲིད་དཔལ་འབྱོར་རིག་པ། ཚན་རིག་སྤྱི་ཚོགས་རིང་ལུགས་གསུམ་གོང་བུ་གཅིག་གྱུར་ཞིག་ཡིན། འབྱོར་མེད་གྲལ་རིམ་གྱི་སྲིད་དབང་སྒེར་འཛིན་སྐོར་གྱི་རིགས་པའི་གཞུང་ལུགས་དེ་མར་ཁེ་སིའི་རིང་ལུགས་ཀྱི་སྙིང་པོ་རེད། |
| མར་གཏུབ |
མར་གཏུབ་བྱེད་ཀྱི་ལྕགས་ཁྱེམ། |
| མར་གཏོར |
མར་རྐྱང་པས་བཟོས་པའི་གཏོར་མ། |
| མར་གད |
གཡང་ཊའི་རིགས་མདོག་སྔོ་ཞིང་དྭངས་པ་ཞིག་ཡིན། |
| མར་གདར |
མར་གྱི་དབྱིབས་གྲུ་བཞིའམ། སྒོར་སྒོར་བཟོས་ཟིན་པའི་མིང༌། |
| མར་གསར |
དེ་རིང་གི་མར་རམ། ད་ལོའི་མར། |
| མར་གསུར |
མར་བསྲེགས་པའི་གསུར་དུད། |
| མར་གྱི་ཉིང་ཁུ |
མར་ཁུའི་ཡང་ཞུན། |
| མར་གྱིས་ཉམས་བྱེད |
(མངོན་བརྗོད།) སྡིག་པ་རྭ་ཅན། |
| མར་ངོ |
ལུགས་རྙིང་གི་ཟླ་རེའི་ཚེས་བཅུ་དྲུག་ནས་ཉེར་དགུའམ་སུམ་ཅུའི་བར་གྱི་མིང་། |
| མར་ངོ་སྔོན་འགྲོ |
ནག་པ་ཟླ་བའི་མར་ངོ་ལ་ཁྱིམ་དུ་སླེབས་ན་མར་ངོ་སྔོན་འགྲོ་བྱེད་དོ། ། |
| མར་ངོའི་བཅོ་ལྔ |
ཧོར་ཟླའི་གནམ་གང༌། |
| མར་ངོའི་ཚེས་གཅིག |
ཧོར་ཟླའི་ཚེས་བཅུ་དྲུག |
| མར་ངོའི་ཚེས་བཅུ |
ཧོར་ཟླའི་ཚེས་ཉེར་ལྔ། |
| མར་ཐུར |
(ཡུལ་སྐད།) མར་གཞོག་བྱེད་ཀྱི་ལྕགས་ཁྱེམ། |
| མར་དཀར |
མདོག་དཀར་བའི་མར། |
| མར་དོ |
མར་གྱི་ཁལ་དོ། |
| མར་ནག |
ཉུངས་མར་རམ་ཏིལ་མར་ཏེ། (དཔེར་ན།) གློག་བཞུའི་འགྲམ་དུ་མར་ནག་གི་སྒྲོན་མེ་སྦར་དོན་མེད་ཅེས་པ་ལྟ་བུ། |
| མར་ནང |
ལུང་པའམ་གྲོང་ཚོའི་མར་ཕྱོགས། |
| མར་པ |
ཡིག་རྙིང་དུ་མརད་ཡུལ་ཡང་སྣང༌། མར་པ་ལོ་ཙཱ་བ་འཁྲུངས་སའི་རིགས་རུས། གནས་ཡུལ་དེང་སང་གཞིས་ཀ་རྩེའི་ནུབ་རྒྱུད་དུ་ཡིན། |
| མར་པ་ལོ་ཙཱ་ཆོས་ཀྱི་བློ་གྲོས |
ལྷོ་བྲག་ཕུ་ཆུ་ཁྱེར་དུ་སྤྱི་ལོ་1012 ཆུ་བྱི་ལོར་འཁྲུངས། དང་པོ་འབྲོག་མིའི་དྲུང་དུ་ལོ་ཙཱ་བསླབས། རྗེས་སུ་རྒྱ་གར་དུ་ལན་གསུམ་དང་བལ་ཡུལ་དུ་ལན་བཞི་བྱོན། པཎ་ཆེན་ནཱ་རོ་པ་དང་མངའ་བདག་མེ་ཏྲི་བ་སོགས་གྲུབ་ཐོབ་ཀྱི་བླ་མ་མང་དུ་བསྟེན། ཀྱཻ་རྡོར་དང༌། གསང་འདུས། ཕྱག་རྒྱ་ཆེན་པོ་སོགས་གསང་སྔགས་ཀྱི་གདམས་པ་མཐའ་ཡས་པ་བསླབས། སླར་བོད་ཡུལ་དུ་ལོག་ནས་ལྷོ་བྲག་གྲོ་བོ་ལུང་དུ་བཞུགས། ཀ་ཆེན་བཞི་སོགས་སློབ་མ་མང་དུ་བསྐྲུན། བཀའ་རྒྱུད་ཀྱི་བསྟན་པའི་སྲོལ་བཙུགས། རང་ལོ་གྱ་དྲུག་པ་མེད་གླང་ལོ་ལ་འདས། |
| མར་ཕྱུར |
མར་ཆུར་གྱི་འབྲི་སྲོལ་གཞན། |
| མར་བཙོས |
མར་ཁུའི་ནང་དུ་བཙོས་པ་སྟེ། (དཔེར་ན།) ཁ་ཟས་མར་བཙོས་མ་ལྟ་བུ། |
| མར་བུར |
མར་དང་བུ་རམ། |
| མར་མི་དྭགས་གསུམ |
མར་པ་ལོ་ཙཱ་དང༌། མི་ལ་རས་པ། དྭགས་པོ་ལྷ་རྗེ་བཅས་བཀའ་བརྒྱུད་པའི་བསྟན་པའི་སྲོལ་འབྱེད་རྣམ་གསུམ་མོ། ། |
| མར་མུར |
(རྒྱན་ཚིག) མ་རི་མུ་རིའི་བསྡུས་ཚིག |
| མར་མེ |
ཞུན་མར་ལས་བྱས་པའི་སྒྲོན་མེ། (དཔེར་ན།) མར་ཁུ་ཟད་ནས་མར་མེ་གྲོངས། ལྷགས་པ་ལངས་ནས་མར་མེ་ཤི། རླུང་ནང་མར་མེ་ལྟ་བུ། མིང་གི་རྣམ་གྲངས་ལ་ཁྱིམ་གྱི་ནོར་བུ་དང༌། སྒྲོན་མེ། སྣང་གསལ། སྣུམ་ཟ་བཅས་སོ། ། |
| མར་མེ་མ |
མར་མེ་འཛིན་འཁན་མཆོད་པའི་ལྷ་མོ། |
| མར་མེ་མཛད |
སངས་རྒྱས་འོད་སྲུངས། |
| མར་མེ་སྡོང་འཁོལ |
རང་འགུལ་གྱིས་ལས་འགན་སྒྲུབ་དགོས་པའི་དཔེ། |
| མར་ཚེས |
ཟླ་བ་མར་ངོའི་ཚེས་གྲངས། ཆུ་སྟོད་ཟླ་བའི་མར་ཚེས་ཀྱི་ཚེས་གཅིག་ནི་ཧོར་ཟླ་ལྔ་པའི་ཚེས་བཅུ་དྲུག་ཡིན། |
| མར་ཞག་གཅིག |
(ཡུལ་སྐད།) སྤགས་ཟ་ཐེངས་གཅིག་གི་མར་གྱི་ཚད། |
| མར་ཞུན |
བཞུས་པའི་མར་ལྷད་མེད། མིང་གི་རྣམ་གྲངས་ལ་མར་བསྐོལ་བ་དང༌། མར་ཁུ། ཞུན་མར་བཅས་སོ། ། |
| མར་ཟན |
མར་ཁུ་དང༌། ཕྱུར་ཞིབ། མངར་ཆ་རྩམ་པ་བཅས་བསྲེས་ནས་བརྫིས་པའི་སྤགས། |
| མར་འདོན་པ |
1.འོ་མ་དཀྲོགས་ནས་མར་འདོན་པ། 2.ཕྱིར་འདོན་པའི་དོན་ཏེ། (དཔེར་ན།) ཅ་ལག་ཙག་ཚིག་ཡར་བཅུག་ནས་དགོས་མཚམས་མར་འདོན་དགོས་ལྟ་བུ། |
| མར་འཛིན་པ |
མ་ལ་མར་འདུ་ཤེས་པ། |
| མར་ར་ཆུ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག མཚོ་སྔོན་ལྷོ་ཕྱོགས་མང་ར་རྫོང་དུ་ཡོད། |
| མར་རྐྱང |
ས་མིང་ཞིག སྙེ་མོ་རྫོང་གི་བྱང་རྒྱུད་སྙེ་མོ་མ་ཆུའི་སྟོད་རྒྱུད་དུ་ཡོད། |
| མར་རྒྱན |
མར་ཟན་སོགས་མཛེས་བྱེད་དཀར་རྒྱན། |
| མར་ལུགས |
མར་པ་ལོ་ཙཱའི་བཞེད་སྲོལ། |
| མར་ལྟང |
ཀོ་བས་གཏུམས་པའི་མར་དོ་པོ། |
| མར་ཤེ |
1.སྔ་དུས་གཞན་ལ་བཞོན་མ་བཏང་བའི་འབབ་མར། 2.(ཡུལ་སྐད།) མར་དོ་པོའམ་མར་ལྟང༌། |
| མར་སོར |
(ཡུལ་སྐད།) ཕོ་གཅུ་བཟོ་བྱེད། |
| མར་སྐོགས |
མར་ཐུམ་གྱི་ཀོ་བ་སྟེ། (དཔེར་ན།) མར་སྐོགས་མར་གྱིས་མི་འཐུལ། ཆུ་རྡོ་ཆུ་ཡིས་མི་བང་ཞེས་པ་ལྟ་བུ། |
| མར་སྐྲོག |
(ཡུལ་སྐད།) མར་རྡོག་ཟླུམ་པོ། |
| མར་སྐྲོག་ག |
མར་སྐྲོག་དང་འདྲ། |
| མར་སྒམ |
སྨྱུག་མ་སོགས་ལས་བཟོས་པའི་མར་འཇུག་སྣོད་སྒམ། |
| མར་སྣེ |
གཤམ་གྱི་སྣེ་མོའམ་རྩེ་མོ་སྟེ། (དཔེར་ན།) སྐས་ཀྱི་མར་སྣེ། གོས་ཀྱི་མར་སྣེ། གྲོང་གི་མར་སྣེ་ཞེས་པ་ལྟ་བུ། |
| མརྒཏ |
(ལེགས་སྦྱར།) ནོར་བུ་ལྗང་གུ་མར་གད། |
| མརྒད |
མརྒཏ་དང་འདྲ། |
| མལ |
སྡོད་ས་དང་ཉལ་ས་སྟེ། (དཔེར་ན།) སྡོད་མལ། གནས་མལ། མཚན་མོ་མལ་དུ་ཉལ། ཞོགས་པ་མལ་ནས་ལངས། དགོང་མལ་ཕབ་པ། མཁར་འདི་རྩ་བ་ནས་བཤིག་ལ་ས་ས་མལ་དང༌། རྡོ་རྡོ་མལ་དུ་སྐྱོལ་ཅིག་ཅེས་པ་ལྟ་བུ། མིང་གི་རྣམ་གྲངས་ལ་ཉལ་མལ་དང༌། ཉལ་ས། མལ་སྟན། གཟིམས་ས་བཅས་སོ། ། |
| མལ་ཁྲི |
ཉལ་སའི་སྟེགས་བུའི་མིང་། |
| མལ་གདན |
1.མལ་ཆ་དང་གདན། 2.ཉལ་སྟན། |
| མལ་གཟན |
ཉལ་གཟན་ཏེ་བལ་ལས་བཏགས་པའི་སྣམ་རིགས་མཐུག་པོའི་ཉལ་ཆས་ཤིག |
| མལ་གུར |
ཉལ་སའི་མཐའ་ནས་འབུབས་པའི་གུར། |
| མལ་གོས |
ཉལ་ཆས་དང་གྱོན་པ། |
| མལ་གྲོ་གུང་དཀར |
རྫོང་ཞིག ལྷ་ས་གྲོང་ཁྱེར་གྱི་ཤར་ངོས་སྐྱིད་ཆུའི་སྟོད་རྒྱུད་དུ་ཆགས་ཡོད། |
| མལ་ཆ |
མལ་གྱི་ཆ་རྐྱེན་ཏེ་ཉལ་ཆས། |
| མལ་ཆས |
ཉལ་བ་ལ་མཁོ་བའི་གོས་གདན་སོགས་ཀྱི་སྤྱི་མིང་། |
| མལ་མུལ |
(རྒྱན་ཚིག) ལྟར་ལྟར་པོ་སྟེ་མནན་མི་བཟོད་པ། (དཔེར་ན།) ཕྲུ་གུ་སྐྱེས་མ་ཐག་པའི་གཟུགས་པོ་མལ་མུལ་ཅན་ཡིན་ལྟ་བུ། |
| མལ་ཡོལ |
ཉལ་སའི་ཡོལ་བ། |
| མལ་ས |
ཉལ་ས། |
| མལ་སྒྲོམ |
ཉལ་གདན་གདིང་སའི་མཐའ་སྐྱོར་དུ་བཏང་བའི་ཤིང་སྒྲོམ་གྲུ་བཞི་ནར་མོ། |
| མལ་སྟན |
ཉལ་གདན་ཏེ། (དཔེར་ན།) མལ་སྟན་འབོལ་པོ་ཞེས་པ་ལྟ་བུ། |
| མལླཱིཀཱ |
(ལེགས་སྦྱར།) དྲི་ཞིམ་པའི་ཤིང་ཞིག་གམ། དེའི་མེ་ཏོག |
| མས |
1.འོག་གི་མིང་སྟེ། (དཔེར་ན།) ཡས་མས། མི་གྲངས་བརྒྱ་ཡས་མས། ཚེས་བཅོ་ལྔ་ཡས་མས། ཀ་ཁ་སྡེ་བ་དང་པོའི་མས་གཉིས། མས་མ། མཛུ་གུ་མས་མ་གཉིས་ཞེས་པ་ལྟ་བུ། 2.མ་ཡིས་ཞེས་པའི་བྱེད་སྒྲ་བསྡུས་པ་སྟེ། (དཔེར་ན།) ཨ་མས་བྱིས་པ་བསྐྱངས། ཉི་མས་ཁ་བ་བཞུས་ལྟ་བུ། |
| མས་ཁོད |
(ཡུལ་སྐད།) ཆུ་འཁོར་གྱི་མས་རྡོ། |
| མས་གཏུན |
གཏུན་གྱི་མས་རྡོ། |
| མས་གདན |
འོག་བརྩེགས་སམ་འོག་གདན། |
| མས་ཐིག |
(ཡུལ་སྐད།) ཉ་འཛིན་བྱེད་ཀྱི་ཐག་པ་ཞིག |
| མས་དབེན་པ |
1.(བརྡ་རྙིང་།) མ་ཐ་དད་པའི་སྤུན་གྱི་དོན་ཏེ། (དཔེར་ན།) མས་དབེན་གྱི་ནུ་བོ། མས་དབེན་སྲིང་མོ་ཞེས་པ་ལྟ་བུ། 2.ཨ་མ་ཤི་ཟིན་པ། |
| མས་བརྟན་གྱི་དགའ་བ་བཞི |
བླ་མེད་མ་རྒྱུད་ཀྱི་རྫོགས་རིམ་ལས་བསྟན་པའི་གཏུམ་མོའི་རྟོགས་པ་ཞིག བྱང་སེམས་བརྟན་པ་ན་ནོར་བུ་ནས་ལྟེ་བ་དང་སྙིང་ག་མགྲིན་པ་སྤྱི་བོ་བཅས་འཁོར་ལོ་བཞིའི་གནས་སུ་ཡར་བཟློག་པ་ལས་སྐྱེས་པའི་དགའ་བ་བཞིའོ། ། |
| མས་མ |
སྨད་མའམ་གཤམ་མ་སྟེ། (དཔེར་ན།) གྲོང་པ་མས་མ། སྒོ་ར་མས་མ། འགྲོ་ལམ་མས་མ། རྒྱལ་སྒོ་མས་མ་ལྟ་བུ། |
| མས་མཆིག |
1.ཆུ་འཁོར་རམ་ལག་སྐོར་གྱི་མས་རྡོ། 2.མས་གཏུན། |
| མས་མཆུ |
མཆུ་ཏོ་མས་མ། |
| མས་མཐའ |
གཤམ་སྣེ་སྟེ། (དཔེར་ན།) གྱོན་པའི་མས་མཐའ་ཞེས་པ་ལྟ་བུ། |
| མས་མུལ |
མཉེན་པོའམ་འཇམ་པོའི་དོན་ཏེ། (དཔེར་ན།) ལྟོ་ཆས་མས་མུལ་ཞེས་པ་ལྟ་བུ། |
| མས་འགེབས |
ཁེབས་ཀྱིས་མས་ནས་འགེབས་པ་སྟེ། (དཔེར་ན།) བྱའི་མིག་མས་འགེབས་བྱས་ཏེ་གཉིད་ཁུག་ཅེས་པ་ལྟ་བུ། |
| མས་འགེམས |
ཡ་མཆུ་ཐུང་ལ་མ་མཆུ་རིང་བས་ཡར་འགེབས་པའི་མིང༌། |
| མས་འགྲམ |
ཁའི་མས་ཕྱོགས་ཀྱི་འགྲམ་པ། |
| མས་འཕུལ |
ཡི་གེའི་སྔོན་འཇུག་མ་ཡིག་གིས་འཕུལ་བ། |
| མས་འཛེགས |
འོག་ནས་གོང་དུ་རིམ་བཞིན་འཛེགས་པ། |
| མས་རྡོ |
རྡོ་གཏུན་དང་ཆུ་འཁོར་གྱི་མས་རྡོ། |
| མས་ལྕིབས |
མིག་འོག་གི་པགས་པའི་མིང༌། |
| མས་སོ |
ཁའི་སོ་མས་མ། |
| མས་སྒྲིལ |
(ཡུལ་སྐད།) རྡོག་མཐིལ་དང་ལྷམ་མགོའི་བར་གྱི་སྲུབ་ཟན། |
| མས་སྟགས |
བོན་ལུགས་ལས་བཤད་པའི་ལྷ་འདྲེ་ལ་ཀླུད་གཏོར་སྦྱིན་སྟངས་ཤིག |
| མཧཱ |
(ལེགས་སྦྱར།) ཆེན་པོ། |
| མཧཱ་ཀཱ་ལ |
(ལེགས་སྦྱར།) མགོན་པོ་ནག་པོ་ཆེན་པོ། |
| མཧཱ་པཎྜི་ཏ |
(ལེགས་སྦྱར།) མཁས་པ་ཆེན་པོ། |
| མཧཱམཱཡཿ |
(ལེགས་སྦྱར།) སྒྱུ་མ་ཆེན་པོ། |
| མཧཱཙི་ན |
(ལེགས་སྦྱར།) རྒྱ་ནག་གི་མིང༌། |
| མཱ་གྷ |
(ལེགས་སྦྱར།) ཧོར་ཟླ་དང་པོ། |
| མཱལཏི |
(ལེགས་སྦྱར།) 1>ཛཱ་ཏིའི་མེ་ཏོག 2>མྱ་ངན། སེམས་མི་བདེ་བ་དང༌། སེམས་ཀྱི་སྡུག་བསྔལ། |
| མཱུལཾ |
(ལེགས་སྦྱར།) རྩ་བ། |
| མི |
འགྲོ་བ་རིགས་དྲུག་གི་ནང་གསེས། སྨྲ་ཤེས་དོན་གོ་བའམ། ཡོ་བྱད་བཟོ་ཤེས་ཤིང་ཡོ་བྱད་བཀོལ་ནས་ངལ་རྩོལ་བྱེད་ཤེས་པའི་སེམས་ལྡན། ཡིག་རྙིང་དུ་མྱི་ཞེས་འབྲི། |
| མི་ཀི་རི |
(ལེགས་སྦྱར།) ཧོར་ཟླ་དགུ་པ། |
| མི་ཁ |
1.གཞན་གྱིས་ཁ་སྨྲས་བཤད་པའི་ཚིག་གི་མིང་། མི་ཁ་ངན་པར་འཛེམ། གྲོགས་ལ་མི་ཁ་མ་གཏོང་ལྟ་བུ། 2.(བསྣན་ཚིག) 1>བྱེད་འབྲེལ་ལས་ཚིག་ད་ལྟ་བའི་མགོར་སྦྱར་ན་བྱ་བ་དེ་རང་གིས་བྱེད་རྒྱུ་མིན་པར་སྟོན་པ་སྟེ། (དཔེར་ན།) མི་བཟའ། མི་འཐུང་། མི་བྱེད་ལྟ་བུ། 2>སྐུལ་ཚིག་ལ་ལའི་མགོར་སྦྱར་ན་བྱ་བ་དེ་བྱེད་པའི་ནུས་པ་མེད་པར་སྟོན་པ་སྟེ། (དཔེར་ན།) མི་ཁྱོགས། ཁུར་བོ་ལག་པས་མི་ཁྱོགས། མི་ཤོད། ཁ་ནས་གཏམ་མི་ཤོད། མི་ཁྲོལ། སྤྲེའུས་རང་འདོགས་བྱེད་ཀྱི་ཐག་པའི་མདུད་པ་མི་ཁྲོལ་ལྟ་བུ། 3>བྱེད་མེད་ལས་ཚིག་ད་ལྟ་བའི་མགོར་སྦྱར་ན་བྱ་བ་དེ་མི་འབྱུང་བ་སྟོན་པ་སྟེ། (དཔེར་ན།) མི་འཆག དབྱུག་པ་སྦོམ་ན་མི་འཆག མི་འཆི། སྨན་བཅོས་བྱས་ན་ནད་པ་མི་འཆི། མི་མཁས། མི་བསྲུན། མི་སྐྲག་སོགས་ལྟ་བུ། 4>རྒྱན་ཚིག་ལ་ལའི་མགོར་སྦྱར་ན་ཚད་ལས་འདས་པ་མིན་པའམ་ཐལ་དྲགས་པ་མིན་པ་སྟོན་པ་སྟེ། (དཔེར་ན།) ཆུ་མི་ཆེ་མི་ཆུང་ཨོལ་རྐ་ཙམ། གཟུགས་མི་ཆེ་མི་ཆུང་ཁྲུ་ལྔ་ལོངས། ཐག་མི་རིང་མི་ཉེ་ཉིན་ལམ་གཅིག་ཅེས་པ་སོགས་ལྟ་བུ། |
| མི་ཁལ |
མི་དང་ཁལ་མ། |
| མི་ཁོག་འདྲེ་ཞུགས |
མིའི་ཁོག་པར་འདྲེ་ཞུགས་པ་སྟེ། ཚུལ་བཞིན་སྤྱོད་པའི་མི་ཞིག་གི་བློ་དེ་མི་གཞན་ཞིག་གིས་ངན་སློབ་ཀྱིས་བསྒྱུར་ཏེ་ལོག་པར་གྱུར་པའི་དཔེ། |
| མི་ཁོངས |
སྔར་དཔོན་པོ་གང་ཞིག་གི་མི་སེར་ཡིན་ཡང་དཔོན་པོ་དེའི་མི་ཁོངས་ཡིན་ཟེར། |
| མི་ཁོམ་པ |
དལ་པོ་མེད་པ་སྟེ། (དཔེར་ན།) ལས་མེད་དུ་སྡོད་མི་ཁོམ་ཞེས་པ་ལྟ་བུ། |
| མི་ཁོམ་པ་བརྒྱད |
སེམས་ཅན་དམྱལ་བ་དང༌། དུད་འགྲོ། ཡི་དྭགས། ལྷ་ཚེ་རིང་པོ། ཡུལ་མཐའ་འཁོབ་ཏུ་སྐྱེས་པ། དབང་པོ་མ་ཚང་བ། ལོག་པར་ལྟ་བ། དེ་བཞིན་གཤེགས་པ་མ་བྱོན་པ་སྟེ་བརྒྱད། |
| མི་ཁྱིམ |
མིའི་ཁྱིམ་ཚང༌། |
| མི་ཁྱིམ་བདུན |
ས་མིང་ཞིག སྣང་རྫོང་ཁོངས་སུ་ཡོད། |
| མི་གང |
1.འདོམ་གང་གི་ཚད། 2.མི་སུ་ཞེས་པ་དང་འདྲ་སྟེ། (དཔེར་ན།) གནས་ཚུལ་འདི་སྐོར་དུས་ཚོད་གང་དང་ཡུལ་གང་དུ་མི་གང་གིས་མིག་མཐོང་ཡོད་སོགས་ཚང་མ་གསལ་པོར་བཤད་རྒྱུ་འདུག་ཅེས་པ་ལྟ་བུ། |
| མི་གཏའ |
མི་གཏེ་དང་འདྲ། |
| མི་གཏེ |
གཏའ་མར་བཞག་པའི་མི། |
| མི་གདུང་བ |
བསམ་གཏན་བཞི་པའི་གནས་ལྔ་པ། གནས་འདིར་སྐྱེས་པའི་ལྷ་ནི་བསམ་གཏན་ཁྱད་པར་ཅན་ཐོབ་པས་ཉོན་མོངས་པས་གདུང་བར་མི་ནུས་པའི་ཕྱིར་མི་གདུང་བ་ཞེས་གཙང་མའི་གནས་ལྔའི་ནང་གསེས་ཤིག |
| མི་གནས་པའི་མྱང་འདས |
སྲིད་པ་འཁོར་བའི་མཐའ་དང༌། ཞི་བ་མྱང་འདས་ཀྱི་མཐའ་གཉིས་ལ་མི་གནས་པར་ཡོངས་སུ་མྱ་ངན་ལས་འདས་པ་སྟེ་མངོན་པར་རྫོགས་པར་སངས་རྒྱས་པའོ། ། |
| མི་གཙང་བ |
1.བཙོག་པ་སྟེ། (དཔེར་ན།) མི་གཙང་འདམ་ལས་སྐྱེས་པའི་པད་མ་ཡང༌། ཀུན་གྱི་བསྟོད་ཡུལ་གྱུར་པ་མ་ལགས་སམ་ཞེས་པ་ལྟ་བུ། 2.དྲི་ཆེན། |
| མི་གཙིགས་སྤྱོད་པ |
(བརྡ་རྙིང་།) མི་རིགས་པའི་བྱ་སྤྱོད། |
| མི་གཞི |
མིའི་གཤིས་ཀའམ་རྒྱུ་དག་སྟེ། (དཔེར་ན།) མི་གཞི་ནན་པོ། མི་གཞི་ལེགས་པོ། མི་གཞི་ལྷིང་པོ་ལྟ་བུ། |
| མི་གཟུགས་མ |
མིའི་བཟོ་འདྲར་བཅོས་པའི་དངོས་སྤྱད་དེ། (དཔེར་ན།) འཇིམ་བརྙན་མི་གཟུགས་མ། ཤེལ་སྤྱད་མི་གཟུགས་མ་ལྟ་བུ། |
| མི་གཡོ་བ |
1.འགུལ་སྐྱོད་མེད་པ་དང༌། མི་འཁྲུགས་པའི་དོན་ཏེ། (དཔེར་ན།) ལུགས་བཟང་པོ་ནམ་ཡང་མི་གཡོ་བར་བྱེད་དགོས་ཞེས་པ་ལྟ་བུ། 2.(མངོན་བརྗོད།) 1>ཁྲོ་བཅུའི་བྱེ་བྲག་ཅིག 2>ནམ་མཁའ། 3>རི་བོ། 4>ས་གཞི། |
| མི་གཡོ་བའི་ཆོས་ཅན |
དགྲ་བཅོམ་པ་དྲུག་གི་ཡ་གྱལ་ཞིག དབང་པོ་རྣོ་བས་རྐྱེན་ངན་ཇི་ལྟར་ཕྲད་ཀྱང་རྟོགས་པ་ལས་ཉམས་མི་སྲིད་པའི་གང་ཟག |
| མི་གཡོ་བའི་ས |
བྱང་ཆུབ་སེམས་དཔའི་ས་བཅུའི་བརྒྱད་པ། ས་འདིར་གནས་པའི་བྱང་ཆུབ་སེམས་དཔའ་རྣམས་མཚན་བཅས་དང་མཚན་མེད་ལ་རྩོལ་བའི་འདུ་ཤེས་གཉིས་ཀྱིས་མི་གཡོ་བས་ས་བརྒྱད་པ་མི་གཡོ་བའོ། ། |
| མི་གཡོ་བློ་བཟང་མ |
ཇོ་མོ་གླང་མ་རིའི་ལྷ་མོ་ཚེ་རིང་མཆེད་ལྔའི་ཡ་གྱལ་ཞིག |
| མི་གཤའ་བ |
(བརྡ་རརྙིང་།) གཤའ་མ་མ་ཡིན་པ་སྟེ་ཡང་དག་པ་མིན་པ། |
| མི་གཤིས |
མིའི་རྒྱུ་དག་གམ། རང་བཞིན་ཏེ། (དཔེར་ན།) ལམ་ཐག་རིང་ན་བཞོན་རྟ་ལེགས་ཉེས་ཤེས། ཡུན་རིང་གཤིབས་ན་མི་གཤིས་བཟང་ངན་ཤེས་ཞེས་པ་ལྟ་བུ། |
| མི་གསར་དོན་གསར |
སྔར་མཐོང་ཐོས་མ་མྱོང་བའི་མི་གསར་པ་དང་ལས་དོན་གསར་པ། |
| མི་གསར་པ |
ཡུལ་གཞན་ནས་འོངས་མ་ཐག་པའི་མི། |
| མི་གུ |
(བརྡ་རྙིང་།) མི་ཞུམ་པ། |
| མི་གྲངས |
མི་འབོར། |
| མི་གྲོང |
མིའི་གྲོང་ཁྱིམ། |
| མི་གླ |
གླ་སྤྲད་དེ་རོགས་སུ་བོས་པའི་མི། |
| མི་ངན |
གདུག་རྩུབ་ཆེ་བའམ། གནོད་སེམས་ཅན་གྱི་མི་སྟེ། (དཔེར་ན།) བཀག་ན་མི་ཐུབ་པ་ཁྱི་ངན། བཤད་ན་མི་ཉན་མཁན་མི་ངན། མི་བཟང་བརྒྱ་ཡོད་ཀྱང་ཉུང་སྐྱོན། མི་ངན་གཅིག་ཡོད་ཀྱང་མང་སྐྱོན་ལྟ་བུ། |
| མི་ངན་དོན་ངན |
མི་དང་ལས་དོན་གཉིས་ཀ་སྡུག་པོ། |
| མི་ངན་ནག་ཅན |
གདུག་རྩུབ་ཆེ་བའི་མི་ཉེས་ཅན། |
| མི་ངས |
1.མིའི་ནད་ཡམས། 2.འཐབ་རྩོད་ཀྱི་ལྷོང༌། 3.འགོ་ནད་ཅིག་གི་མིང་། |
| མི་ངོ |
1.མིའི་གདོང༌། 2.མིའི་གྲངས་ཀ། |
| མི་ངོ་མ |
1.ཁྱིམ་བདག་སྟེ། (དཔེར་ན།) ཁོང་ཚོའི་མི་ངོ་མ་རང་ཐུག་བྱུང༌ལྟ་བུ། 2.ཚབ་མིན་པའི་མི་རང་ཉིད་དེ། (དཔེར་ན།) ཁྱེད་རང་མི་ངོ་མ་རང་ཚོགས་འདུར་ཕེབས་རོགས་ལྟ་བུ། |
| མི་ངོ་མ་རང |
མི་དོ་བདག་ངོ་ཐོག |
| མི་ཆ་བ |
(བརྡ་རྙིང་།) མི་ཤེས་པ། |
| མི་ཆུང་བ |
1.ཆེ་ཆུང་གི་ཚད་ཆེ་ཙམ་པ་སྟེ། (དཔེར་ན།) ལོ་འབྲས་ཐོན་འབོར་མི་ཆུང་བ། བྱས་རྗེས་མི་ཆུང་བ་ལྟ་བུ། 2.མི་གཞོན་པ། 3.གཟུགས་ཚད་ཆུང་བའི་མི། |
| མི་ཆུང་སེམས་བསྐྱེད |
མི་ཆུང་ཆུང་གིས་བསམ་བློ་ཆེན་པོ་བཏང་བའམ། མི་ཆུང་ཆུང་གིས་བསམ་ཤེས་ཆེན་པོ་བྱས་པའི་དཔེ། |
| མི་ཆེ་བ |
བསམ་གཏན་བཞི་པའི་གནས་རིས་བཞི་པ། གནས་གཙང་མའི་རིས་སུ་སྐྱེས་པའི་ནང་ནས་འདི་གོང་མ་རྣམས་ལས་བསོད་ནམས་དང་ལུས་བོངས་ཆུང་ཞིང་འདོད་པ་ལ་གདུང་བ་ཆུང་བས་མི་ཆེ་བ་ཞེས་བྱ་བ། གཙང་མའི་གནས་ལྔའི་ནང་གསེས་ཤིག |
| མི་ཆེན |
མི་དྲག་གམ་དཔོན་པོ། |
| མི་ཆོས |
1.འཇིག་རྟེན་པའི་བསླབ་བྱའམ་མིའི་ཚུལ་ལུགས། 2.འཇིག་རྟེན་གྱི་བྱ་བ་སྟེ། མི་དང་མིའི་ཕན་བདེ་ལ་སེམས་ཁུར་བྱེད་པ་དང་། མིའི་མཚན་ཉིད་ལ་བརྩི་འཇོག་བྱེད་པའི་བྱ་སྤྱོད་ལ་ཟེར། (དཔེར་ན།) མི་ཆོས་རིང་ལུགས། གསར་བརྗེའི་མི་ཆོས་རིང་ལུགས་ཞེས་པ་ལྟ་བུ། |
| མི་ཆོས་གཙང་མ་བཅུ་དྲུག |
བོད་རྒྱལ་སྲོང་བཙན་སྒམ་པོས་གཏན་འབེབས་བྱས་པའི་ཁྲིམས་སྲོལ་དོན་ཚན་བཅུ་དྲུག ལྷ་དཀོན་མཆོག་གསུམ་ལ་མོས་གུས་བསྐྱེད་པ། དམ་པའི་ཆོས་བཙལ་ཞིང་བསྒྲུབ་པ། ཕ་མ་ལ་དྲིན་ལན་འཇལ་བ། ཡོན་ཏན་ཅན་ལ་ཞེ་མཐོང་ཡོད་པ། རིགས་མཐོ་བ་དང་རྒན་པར་བཀུར་སྟི་ཆེ་བ། ཡུལ་མི་ཁྱིམ་མཚེས་ལ་ཕན་འདོགས་པ། བཀའ་དྲང་ཞིང་སེམས་ཆུང་བ། ཉེ་དུ་མཛའ་བཤེས་ལ་གཞུང་རིང་བ། ཡ་རབས་ཀྱི་རྗེས་སྙེག་ཅིང་ཕྱི་ཐག་རིང་བ། ཟས་ནོར་ལ་ཚོད་འཛིན་པ། སྔར་དྲིན་ཅན་གྱི་མི་རྩད་གཅོད་པ། བུ་ལོན་དུས་སུ་འཇལ་ཞིང་བྲེ་སྲང་ལ་གཡོ་མེད་པ། ཀུན་ལ་ཕྲག་དོག་ཆུང་བ། ངན་པའི་གྲོས་ལ་མི་ཉན་ཞིང་རང་ཚུགས་འཛིན་པ། ངག་འཇམ་ཞིང་སྨྲ་བ་ཉུང་བ། ཐེག་པ་ཆེ་ཞིང་བློ་ཁོག་ཡངས་པ་སྟེ་བཅུ་དྲུག |
| མི་ཆོས་པ |
འཇིག་རྟེན་པ་སྟེ་འཇིག་རྟེན་གྱི་བྱ་བ་བྱེད་མཁན། |
| མི་ཆོས་བླ་མ་བདེན་པར་སྨྲ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རང་ཉིད་ཀྱིས་མི་ཆོས་བླ་མའི་ཡོན་ཏན་ཐོབ་པ་དེ་དགོས་པ་ཁྱད་པར་ཅན་མེད་བཞིན་དུ་ཡུལ་བསྙེན་པར་མ་རྫོགས་པ་ལ་སྨྲ་བའོ། ། |
| མི་ཆོས་བླ་མའི་རྫུན་གྱི་ཕམ་པ |
ཕམ་པ་བཞིའི་ནང་གསེས། གཞི་སྨྲ་ཤེས་དོན་གོ་བའི་མི་ལ། བསམ་པ་བསླུ་བར་འདོད་པས། སྦྱོར་བ་མངོན་ཤེས་དང་རྫུ་འཕྲུལ་སོགས་མིའི་ཆོས་ལས་གོང་ན་འཕགས་པའི་ཡོན་ཏན་རང་ལ་མེད་ཀྱང་ཡོད་ཅེས་བླ་མའི་རྫུན་སྨྲས་ནས། མཐར་ཐུག་གཞན་གྱིས་དེ་རྫུན་དུ་གོ་བར་གྱུར་པའོ། ། |
| མི་ཆོས་འཕེར་བ |
འཇིག་རྟེན་པའི་བྱ་བ་གང་ལའང་འཇོན་པོ་ཡོད་པ། |
| མི་ཇགས |
(ཡུལ་སྐད།) མི་འཕྱགས་དང་འདྲ། |
| མི་ཉག |
1.ཁམས་དར་རྩེ་མདོའི་ནུབ་ཕྱོགས་ནས་རྟའུའི་ཤར་ཕྱོགས་བར་གྱི་ས་ཆ་ཞིག 2.སྔ་དུས་བོད་ཤར་ཕྱོགས་སུ་བཙུགས་པའི་རུས་རྒྱུད་རྒྱལ་ཁབ་ཅིག |
| མི་ཉག་རབ་སྒང |
ཤར་ཟླ་ཆུའི་ཤར་ཕྱོགས་ས་ཁུལ་མགར་ཐར་མན་ཆད་དར་རྩེ་མདོ་སོགས་ཀྱི་སྤྱི་མིང༌། |
| མི་ཉག་སིའུ་རྒྱལ་པོ |
རབ་བྱུང་དང་པོའི་ས་ཡོས་ལོར་ཏང་ཞང་ཆང་ཞེས་པའི་གྲངས་ཉུང་མི་རིགས་ཀྱིས་རྨ་ཆུའི་སྐེད་རྒྱུད་དེ། དེང་སང་ཉིང་ཞ་ཟེར་བའི་ས་ཆར་ཤིས་ཞ་ཞེས་པའི་རྒྱལ་སྲིད་བཙུགས། དེ་རབ་བྱུང་བཞི་པའི་མེ་ཕག་ལོར་ཧོར་ཇིང་གིར་རྒྱལ་པོའི་ལག་ཏུ་ཤོར། དེའི་གདུང་རྒྱུད་ལྷོ་ཕྱོགས་སུ་བསྐྱོད་དེ་མདོ་ཁམས་སྒང་དྲུག་གི་ནང་གསེས་མི་ཉག་སྟེ་དར་རྩེ་མདོའི་ནུབ་རྒྱུད་དུ་གཞིས་ཆགས་ནས་བསྡད། རྒྱ་སྐད་ཤིས་ཞ་ཞེས་པའི་སྒྲ་གདངས་དེ་བོད་སྐད་དུ་ཇི་བཞིན་མ་ཐོན་པར་ཟུར་ཆག་སྟེ་སི་ཧུའམ་སིའུ་ཞེས་གྲགས། |
| མི་ཉམས་ཡུན་གནས |
དུས་གཏན་དུ་མེད་པར་མི་འགྱུར་བ་སྟེ། (དཔེར་ན།) མེས་པོའི་སྲོལ་རྒྱུན་བཟང་པོ་མི་ཉམས་ཡུན་གནས་བྱེད་དགོས་ལྟ་བུ། |
| མི་ཐ་སྙད་གསུམ་ལྡན |
སྨྲ་ཤེས། དོན་གོ། ཤེས་པ་རང་བཞིན་དུ་གནས་པ་བཅས་སོ། ། |
| མི་ཐེང་པོ |
(བརྡ་རྙིང་།) མི་ཉེས་ཅན། |
| མི་ཐོག་གཅིག་པ |
མི་རབས་གཅིག་པ་སྟེ། (དཔེར་ན།) ཁོང་དང་ང་ཚོ་མི་ཐོག་གཅིག་པའི་གྲོགས་པོ་རེད་ཅེས་པ་ལྟ་བུ། |
| མི་ཐོག་ན་རིམ |
མི་རབས་རིམ་པ། |
| མི་དཀར་ཞྭ་ནག |
མ་ཉེས་ཁག་གཡོགས་ཏེ། (དཔེར་ན།) ཉེས་སྐྱོན་མཛུབ་མོ་འཛུགས་རྒྱུ་མེད་བཞིན་དུ་མི་དཀར་ཞྭ་ནག་གཡོག་རྩིས་བྱེད་མི་རུང་ལྟ་བུ། |
| མི་དགེ་བ |
1.ངན་པའམ་སྡུག་པོ། 2.རང་འབྲས་ཡིད་མི་འོང་འབྱིན་བྱེད་ཡིན་པའི་ཆ་ནས་རྣམ་སྨིན་ལུང་དུ་བསྟན་པར་བཞག་པའི་ཆོས། དཔེར་ན། སྲོག་གཅོད་ཀྱི་གཟུགས། ཚིག་རྩུབ་ཀྱི་ངག་གནོད་སེམས་དང༌། དེའི་ས་བོན་ལྟ་བུའོ། ། |
| མི་དགེ་བ་བཅུ |
སྲོག་གཅོད། མ་བྱིན་ལེན། འདོད་ལོག་སྤྱོད། རྫུན་དུ་སྨྲ་བ། ཕྲ་མ། ཚིག་རྩུབ། ངག་ཀྱལ། བརྣབ་སེམས། གནོད་སེམས། ལོག་ལྟ་སྟེ་བཅུ། |
| མི་དགེ་བ་བཅུའི་ལས |
ལུས་ཀྱི་ལས་གསུམ། ངག་གི་ལས་བཞི། ཡིད་ཀྱི་ལས་གསུམ་སྟེ་བཅུ། |
| མི་དགེ་བའི་ས་མང |
ས་མང་ལྔའི་ནང་ཚན་ཞིག མི་དགེ་བའི་སེམས་ཐམས་ཅད་ཀྱི་འཁོར་དུ་འབྱུང་ལ་སེམས་གཞན་ལ་མི་འབྱུང་བ། |
| མི་དགེ་བའི་ས་མང་གཉིས |
ངོ་ཚ་མེད་པ་དང༌། ཁྲེལ་མེད་པ་གཉིས་སོ། ། |
| མི་དགོས་དགུ་དགོས |
བྱུང་ཚད་དགོས་པའི་དོན་ཏེ། (དཔེར་ན།) རང་ལ་བདེ་སྐྱིད་མི་དགོས་དགུ་དགོས་བྱུང་ན་དགའ་བ་ལྟ་བུ། |
| མི་དང་འདྲ |
(མངོན་བརྗོད།) སྤྲེའུ། |
| མི་དངོས་དོན་དངོས |
མི་དང་ལས་དོན་གཉིས་ཀ་དངོས་གནས་ཡིན་པ། |
| མི་དཔུང་དགྲ་བསྡེབས |
མི་མང་དཔུང་བསྒྲིལ་གྱིས་ཟིང་ཆ་བསླངས་པ། |
| མི་དཔོན |
དཔོན་པོ་དང་འདྲ། |
| མི་དབང |
མིའི་རྗེ་བོ་སྟེ། (དཔེར་ན།) མི་དབང་རྣམས་ཀྱི་སྤྱོད་པ་ལས། ཕན་གནོད་འབྲས་བུ་རྒྱ་ཆེར་འབྱིན་ལྟ་བུ། |
| མི་དབང་ཆེན་པོ |
རྒྱལ་པོ་ཆེན་པོའམ་དཔོན་པོ་ཆེན་པོ། |
| མི་དབང་རྟོགས་བརྗོད |
དཔལ་མིའི་དབང་པོའི་རྟོགས་བརྗོད་འཇིག་རྟེན་ཀུན་ཏུ་དགའ་བའི་གཏམ་ཞེས་བྱ་བ། འདི་ནི་མདོ་མཁར་ཞབས་དྲུང་ཚེ་རིང་དབང་རྒྱལ་གྱིས་རབ་བྱུང་བཅུ་གཉིས་པའི་ཆུ་གླང་ལོར་བརྩམས། ཕོ་ལྷ་བསོད་ནམས་སྟོབས་རྒྱལ་མི་ཚེ་རིལ་པོར་མེས་རྒྱལ་གཅིག་གྱུར་ལ་འབད་པའི་རྣམ་ཐར་གཞིར་བྱས་ཤིང༌། ཟུར་རྒྱན་དུ་ཧོར་གུ་ཤྲི་བསྟན་འཛིན་ཆོས་རྒྱལ་གྱིས་བོད་དུ་ཆབ་སྲིད་བཟུང་ཚུལ་དང༌། གོང་མ་ཧྲུན་ཀྲི་དང་བདེ་སྐྱིད་རྒྱལ་པོ་གཉིས་ཀྱི་སྐབས་སུ་གངས་ཅན་འདིར་རྒྱ་བོད་ཧོར་གསུམ་དང་མན་ཇུ་བཅས་ཕན་ཚུན་བར་གྱི་འབྲེལ་ལམ་ཕྲ་རགས། དཔོན་འབངས་སེར་སྐྱའི་ཁ་རྒྱུན་གཏམ་རྒྱུད་ཐོར་བུ་བཅས་ཚར་དུ་དངར་བར་བསྒྲིགས་ནས་རྟོགས་བརྗོད་ཡིད་དབང་འཕྲོག་པ་ཞིག་ཏུ་གྱུར། |
| མི་དམངས |
ངལ་རྩོལ་མང་ཚོགས་ཀྱིས་གཙོ་བོ་བྱས་པའི་སྤྱི་ཚོགས་ཀྱི་ཁོངས་མི་ཆེས་མང་ཆེ་བ་རྣམས་ལ་ཟེར། (དཔེར་ན།) མི་དམངས་ཡོངས་རྫོགས། མི་དམངས་སྤྱི་མཐུན་རྒྱལ་ཁབ། མི་དམངས་འཐུས་མིའི་གྲོས་ཚོགས། མི་དམངས་ཚོགས་པ། མི་དམངས་མང་ཚོགས་ཞེས་པ་ལྟ་བུ། |
| མི་དམངས་དམངས་གཙོའི་སྲིད་དབང་སྒེར་འཛིན |
བཟོ་པ་གྲལ་རིམ་གུང་ཁྲན་ཏང་བརྒྱུད གྱིས་འགོ་ཁྲིད་བྱེད་ཅིང་བཟོ་ཞིང་མནའ་འབྲེལ་གྱིས་རྨང་གཞི་བྱེད་པའི་མི་དམངས་དམངས་གཙོའི་སྲིད་དབང་སྒེར་འཛིན་ལ་ཟེར། |
| མི་དམངས་ཤོག་དངུལ |
རྒྱལ་ཁབ་ཀྱིས་གཏན་འབེབས་ལྟར་སྤྱི་ཚོགས་ཁྲོད་སྤྱོད་པའི་སྒོར་མོའམ་ཤོག་དངུལ། |
| མི་དམངས་སྲིད་གཞུང |
སྤྱི་འབངས་ཀྱི་ཆབ་སྲིད་དང་དཔལ་འབྱོར་སོགས་ཀྱི་ཁེ་ཕན་གཙོ་གཉེར་བྱེད་པའི་སྲིད་གཞུང་། |
| མི་དམིགས་པ་སྟོང་པ་ཉིད |
ཕྱི་ནང་གི་ཆོས་རྣམས་འདས་པ་དང་ད་ལྟ་དང་མ་འོངས་པའི་དུས་གང་དུའང་དངོས་པོར་མ་དམིགས་པ་སྟེ། སྟོང་ཉིད་བཅུ་དྲུག་གི་ནང་གསེས་ཤིག |
| མི་དར་མ |
མ་རྒས་མ་གཞོན་པ། |
| མི་དོ |
མི་ཐུབ་པའམ་མི་ནུས་པའི་་དོན་ཏེ། (དཔེར་ན།) མི་སྡར་མས་དཔའ་བོ་ལ་འགྲན་མི་དོ་ལྟ་བུ། |
| མི་དྲ་མ |
(བརྡ་རྙིང་།) 1>མི་ཁ་སྟབས་ཅན་ནམ་ཁ་བསོད་ཅན། 2>མི་འཇོན་ཐང་ཡོད་པ། |
| མི་དྲག |
སྤྱི་ཚོགས་སུ་ཐོབ་ཐང་ངེས་ཅན་ཞིག་ཡོད་པའམ་སྙན་གྲགས་ཡོད་པའི་མི། |
| མི་དྲན་དགུ་དྲན |
དྲན་རྒྱུ་རྒོད་པོའི་དོན་ཏེ། (དཔེར་ན།) མི་དྲན་དགུ་དྲན་གྱི་གཡོ་འཕྲུལ་བྱས་ན་མི་ཡོང་དགུ་ཡོང་གི་ངན་འབྲས་འཁོར་ཡོང༌ལྟ་བུ། |
| མི་དྲེད |
གཅན་གཟན་དྲེད་མོ། |
| མི་ནག |
ཁྱིམ་པའམ་སྐྱ་བོ། |
| མི་ནག་སྐྱ་བོ |
ཁྱིམ་པ་མི་སྐྱ། |
| མི་ནུབ་ཡུན་གནས |
མི་ཉམས་ཡུན་རིང་དུ་གནས་པ། |
| མི་ཕམ་མཁས་འཇུག |
མཁས་པའི་ཚུལ་ལ་འཇུག་པའི་སྒོ་ཞེས་བྱ་བ། ཕུང་པོ་དང༌། ཁམས་དང༌། སྐྱེ་མཆེད་དང༌། རྟེན་འབྲེལ་དང༌། གནས་དང་གནས་མ་ཡིན་པ་དང༌། དབང་པོ་དང༌། དུས་དང༌། བདེན་པ་དང༌། ཐེག་པ་དང༌། འདུས་བྱས་འདུས་མ་བྱས་ཏེ་མཁས་བྱའི་གནས་བཅུ་སྟོན་པའི་གཞུང་འདི་ནི་རབ་བྱུང་བཅོ་ལྔ་པའི་ཆུ་སྟག་ལོར་འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོས་མཛད་པའོ། ། |
| མི་ཕམ་མགོན་པོ |
རྒྱལ་བ་བྱམས་པ། |
| མི་ཕམ་སྐྲའི་ལ་བ་ཅན |
རྒྱལ་བ་ཤཱཀྱ་མུ་ནེ་ཞལ་བཞུགས་སྐབས་ཀྱི་རྒྱ་གར་གྱི་གྲུབ་མཐའ་སྨྲ་བ་ཞིག་གི་སྟོན་པ། དེས་འབྱུང་བ་བཞི་ནས་མིར་གྱུར་པས་མི་ཚེ་རྫོགས་མཚམས་མི་དང་འབྱུང་བ་བཞི་འཇིགས་པས་སྟོང་པར་འགྱུར་བར་འདོད། |
| མི་ཕལ་པ |
1.མི་དཀྱུས་མའམ་དམངས། 2.སོ་སྐྱེའི་མི། |
| མི་ཕུགས |
1.མིའི་རང་བཞིན་ནམ་རྒྱུ་དག 2.མི་རྒྱུད་ཀྱི་ཁུངས། |
| མི་ཕེད་པ |
གཞོམ་གཞིག་མི་ཐུབ་པའི་དོན་ཏེ། (དཔེར་ན།) རྒས་འཁོགས་ཀྱིས་ལྟོ་ཆས་མཁྲེགས་པོ་མི་ཕེད་པ། གཤོལ་ལྕགས་རྟུལ་པོས་ཞིང་ས་ཐ་རྒོད་རྨོ་སློག་མི་ཕེད་པ་ལྟ་བུ། |
| མི་ཕོ |
སྐྱེས་པ་རྒོད་པོ་སྟེ། (དཔེར་ན།) རྟ་ཕོའི་སྒ་ཐོག་མི་ཕོའི་ལས་ཐོག་ཅེས་པ་ལྟ་བུ། |
| མི་ཕྱུགས་གཉིས་འཕེལ |
མི་དང་ནོར་ཕྱུགས་གཉིས་ཀ་འཕེལ་བ་སྟེ། (དཔེར་ན།) ཡུལ་འབྲོག་མང་པོར་མི་ཕྱུགས་གཉིས་འཕེལ་གྱི་ཡར་རྒྱས་བྱུང་ལྟ་བུ། |
| མི་ཕྱེད་པ |
1.འགྱུར་ལྡོག་མེད་པའམ། བརྟན་པོའི་དོན་ཏེ། (དཔེར་ན།) ཡིད་ཆེས་མི་ཕྱེད་པ། གྲལ་རིམ་གྱི་ལར་རྒྱ་མི་ཕྱེད་པ་ལྟ་བུ། 2.གནས་བརྟན་བཅུ་དྲུག་ལས་འཁོར་དགྲ་བཅོམ་པ་སྟོང་དང་བཅས་པ་གངས་རིའི་རྒྱལ་པོར་བཞུགས་པའི་གནས་བརྟན་ཞིག |
| མི་ཕྱེད་མ |
ལུས་རྩའི་བྱེ་བྲག་ཅིག |
| མི་ཕྱེད་རྡོ་རྗེའི་ཐུགས |
ཐུགས་ལྔའི་ཡ་གྱལ་ཞིག་སྟེ། སོ་སོར་རྟོག་པའི་ཡེ་ཤེས་ནི་མི་ཕྱེད་རྡོ་རྗེའི་ཐུགས་ཞེས་རྙིང་གཞུང་དུ་གསུངས། |
| མི་བཀུར་བ |
1.གོང་དུ་མི་བཀུར་བའམ་མི་བརྩི་བ། 2.(བརྡ་རྙིང་།) ཁས་མི་ལེན་པ། |
| མི་བཀྱིག་པ |
(བརྡ་རྙིང་།) མི་འགྱངས་པའམ་མྱུར་བ། |
| མི་བདག |
1.རྒྱལ་པོ། 2.འདི་རྒྱལ་པོའི་མིང་གི་རྣམ་གྲངས་ཡིན་པས་གྲངས་བཅུ་དྲུག་མཚོན། |
| མི་བདག་དགའ |
(མངོན་བརྗོད།) ཨ་ག་རུ། |
| མི་བདག་མོ |
(མངོན་བརྗོད།) བཙུན་མོ། |
| མི་བདེན་རྫུན་སྒྲིག |
རྫུན་ཚིག་ལྷུ་སྒྲིག་པ་སྟེ། (དཔེར་ན།) མི་བདེན་རྫུན་སྒྲིག་བྱས་ནས་འཆལ་གཏམ་སྣ་ཚོགས་སྒྲོག་པ་ལྟ་བུ། |
| མི་བབས |
མིའི་གཟུགས་བྱད་བཟང་ངན་གྱི་རྣམ་པ། |
| མི་བཟང་མིག |
(མངོན་བརྗོད།) གཟའ་སྤེན་པའི་མིང༌། |
| མི་བཟད |
(རྒྱན་ཚིག) འཇིགས་རུང་དང་རྩུབ་མོ་སོགས་ཀྱི་དོན་ཏེ། (དཔེར་ན།) སྔོན་དུས་སྡུག་བསྔལ་མི་བཟད་པ་ཞིག་མྱངས་ལྟ་བུ། |
| མི་བཟད་གཟེ |
(བརྡ་རྙིང་།) དྲག་ཅིང་རྣོ་བ། |
| མི་བཟད་པ |
1.མ་རུངས་པ་དང༌། ཁྲོ་གཏུམ་པ་དང༌། ཧ་ཅང་དྲག་ཤུལ་ཆེ་བ་སྟེ། (དཔེར་ན།) སྤྱོད་པ་མི་བཟད་པ། དགྲ་ཤ་ལེན་སེམས་མི་བཟད་པ། མི་དམངས་དམར་གསོད་ཀྱི་ལས་ངན་མི་བཟད་པ་ལྟ་བུ། 2.(བརྡ་རྙིང་།) བཟོད་དཀའ་བ། |
| མི་བཟད་མིག |
(མངོན་བརྗོད།) 1>དབང་ཕྱུག་ཆེན་པོ། 2>རྒྱལ་ཆེན་སྤྱན་མི་བཟང༌། 3>གཟའ་སྤེན་པ། |
| མི་བཟད་སེམས |
ཁྲོ་བའམ་མ་རུང་བའི་སེམས། |
| མི་བརྒྱ་ཁ་གཅིག |
མི་ཀུན་ཁ་གཅིག་མཐུན། |
| མི་བརྗེད་པའི་གཟུངས |
སྦྱངས་པའི་ཡོན་ཏན་ནམ་ཡང་མི་བརྗེད་པའི་ཡོན་ཏན་ནམ་དངོས་གྲུབ། |
| མི་བས་པ |
(བརྡ་རྙིང་།) མི་ཟད་པ། |
| མི་བསད་རྟ་ཁྱེར |
ཁྲིམས་འགལ་གྱི་བྱས་ཉེས་ཚབས་ཆེ་བའི་ཚད་དེ། (དཔེར་ན།) མི་བསད་རྟ་ཁྱེར་ལྟ་བུའི་ཡ་མེད་རྩིང་སྤྱོད་བྱེད་མཁན་ཡན་པོར་འཇོག་མི་རུང༌ལྟ་བུ། |
| མི་བསྐྱོད་གནས |
(མངོན་བརྗོད།) གྲོང་ཁྱེར་སྤྱི། |
| མི་བསྐྱོད་པ |
1.མི་གཡོ་བ། 2.(མངོན་བརྗོད།) གཅིན། 3.རྒྱལ་བ་རིགས་ལྔའི་གྲས་ཤིག |
| མི་བསྐྱོད་རྡོ་རྗེ |
1.བལ་བཟའ་ཁྲི་བཙུན་སྲོང་བཙན་སྒམ་པོའི་བཙུན་མོར་ཡོང་སྐབས་ལྷན་དུ་གདན་དྲངས་པའི་ཇོ་བོ་ཤཱཀྱ་ཐུབ་པ་དགུང་གྲངས་བརྒྱད་པའི་སྐུ་ཚད་ཀྱི་འདྲ་སྐུ། 2.རྒྱལ་བ་རིགས་ལྔའི་གྲས་ཤིག |
| མི་བསྲུན་པ |
རྒོད་པོའི་དོན། |
| མི་བསྲུན་པ་ལྔ |
མ་རུངས་པའམ་ཆད་འགེལ་འོས་པ་ལྔ་རྒྱལ་པོ་ལ་གནོད་པ། ཕན་ཚུན་གཅིག་གིས་གཅིག་ལ་གནོད་པ། རྒྱལ་པོའི་བཀའ་ལ་མི་ཉན་པ། ལོག་པའི་འཚོ་བས་འཚོ་བ། ལོག་པར་ཞུགས་པར་གྱུར་པ་བཅས་ལྔ། |
| མི་བསྲུན་སྐྱེ་བོ |
རྩིང་སྤྱོད་ཅན་གྱི་མི། |
| མི་བསླུ་བ |
བདེན་པ་དང་ཡང་དག་པའོ། ། |
| མི་བུ་རིགས་དྲུག |
མིའུ་གདུང་དྲུག་དང་དོན་གཅིག |
| མི་བུ་རིགས་བཞི |
སེ། རྨུ། ལྡོང༌། སྟོང་སྟེ་སྤྲ་ནས་མཆེད་པའི་བོད་ཀྱི་ཐོག་མའི་རིགས་བཞི་སྟེ། དེ་ལ་ནང་གི་རིགས་བཞིའང་ཟེར། |
| མི་བུ་རུས་དྲུག |
དམུ་ཚ་སྒ་དང༌། ཨ་སྤོ་ལྡོང༌། སེ་ཁྱུང་དབྲ། ཨ་ལྕགས་འབྲུ་སྟེ་རུས་ཆེན་བཞི་དང༌། དབའ་དང་སྡ་ཞེས་རུས་ཆུང་གཉིས་བཅས་དྲུག་གོ། ། |
| མི་བུད་ཁྱིམ་སྟོངས |
མི་ཡུལ་བྱོལ་དུ་སོང་ཞིང་ཁང་པ་ཞིག་པ། |
| མི་བོགས |
མི་ཁྲལ་ཏེ། དགའ་ལྡན་ཕོ་བྲང་སྲིད་གཞུང་སྐབས་ཞིང་པ་བྲན་གཡོག་ནས་མངའ་བདག་ལ་ལས་དོད་དངུལ་འཇལ་དགོས་པའི་ཁྲལ་ཞིག |
| མི་བྱེད་དགུ་བྱེད |
བྱ་སྤྱོད་སྣ་ཚོགས་པ་སྟེ། (དཔེར་ན།) མི་བྱེད་དགུ་བྱེད་བྱས་ན་རང་གཞན་གཉིས་ཀར་གནོད་ཡོང༌ལྟ་བུ། |
| མི་བྱེད་རྒུ་བྱེད |
མི་བྱེད་དགུ་བྱེད་དང་འདྲ། |
| མི་བླ |
1.མིའི་གཙོ་བོའམ་བདག་པོ། 2.མིའི་ཚེ་སྲོག་བླ་གསུམ་གྱི་ནང་གསེས་ཤིག |
| མི་བློ་གཏད་ཕྱོགས |
མི་རྣམས་ཀྱི་བློ་སེམས་གཏད་སའི་ཡུལ་ཏེ། (དཔེར་ན།) གཉའ་གནོན་འོག་ཏུ་སྡོད་མཁན་གྱི་རིགས་སུ་གཏོགས་པའི་མིས་བློ་གཏད་ཕྱོགས་ནི་བཅིངས་འགྲོལ་འཐོབ་ཏུ་རེ་བ་ཁོ་ན་ཡིན་ལྟ་བུ། |
| མི་བློ་ནང་འགུགས |
ཕྱི་མིའི་བློ་ཁ་རང་ཕྱོགས་ལ་སྒྱུར་བ། |
| མི་བློ་བསྲལ་ཅན |
མི་བློ་ཐབས་ཅན་ནམ། བློ་གསལ་ཅན། |
| མི་མ་ཡིན |
གཟུགས་མེད་ཀྱི་ལྷ་འདྲེ། |
| མི་མ་སྤྲ |
མིའི་གཟུགས་དབྱིབས་དང་འདྲ་བའི་སྤྲ། |
| མི་མགོ |
1.མིའི་མགོ། 2.མིའི་གྲངས་ཀ་སྟེ། (དཔེར་ན།) ཁྱེད་རང་གི་ནང་དུ་མི་མགོ་དུ་ཙམ་ཡོད་ཅེས་པ་ལྟ་བུ། |
| མི་མང་ལག་མང |
མི་གྲངས་མང་ལ་ལག་པ་ཡང་མང་བ་སྟེ། (དཔེར་ན།) མི་མང་ལག་མང་མཉམ་རུབ་ཧུར་བརྩོན་བྱེད་ཅེས་པ་ལྟ་བུ། |
| མི་མང་སེམས་གཅིག |
མི་མང་བློ་སེམས་གཅིག་ཏུ་མཐུན་པ་སྟེ། (དཔེར་ན།) མི་མང་སེམས་གཅིག་གི་སྒོ་ནས་སྤྱི་ཚོགས་རིང་ལུགས་ཀྱི་འཛུགས་སྐྲུན་ཧུར་བརྩོན་བྱེད་ཅེས་པ་ལྟ་བུ། |
| མི་མངོན་དབྱིངས |
(མངོན་བརྗོད།) ནམ་མཁའི་ཁམས། |
| མི་མངོན་ནུས་ཤུགས |
ལྐོག་གྱུར་གྱི་ནུས་ཤུགས། |
| མི་མངོན་པ |
1.མི་གསལ་བའི་དོན་ཏེ། (དཔེར་ན།) ཚིག་མི་མངོན་པ། མི་མངོན་སའི་་གཏིང་ན་གནས་ཞེས་པ་ལྟ་བུ། 2.མི་མཐོང་བ་སྟེ། (དཔེར་ན།) གཟུགས་མི་མངོན་པ་ཞེས་པ་ལྟ་བུ། |
| མི་མཆོག |
1.རྒྱལ་པོ། 2.སངས་རྒྱས། 3.བཟང་པོའི་རྩེར་སོན་པའི་མི། |
| མི་མཇེད |
མི་སྐྲག་པའམ་ཞེད་སྣང་མེད་པ། བཟོད་པའམ་ནུས་པའི་དོན། |
| མི་མཇེད་བདག་པོ |
(མངོན་བརྗོད།) 1>ཤཱཀྱ་ཐུབ་པ། 2>ལྷ་ཚངས་པ། |
| མི་མཇེད་འཇིག་རྟེན |
ཆོས་སྒྲུབ་པར་མི་འཇིགས་པའམ། ཞེད་མི་དགོས་པའི་འཇིག་རྟེན་ཏེ་ལྷོ་འཛམ་བུ་གླིང༌། |
| མི་མཇེད་སྙིང་པོ |
(མངོན་བརྗོད།) སངས་རྒྱས་ཤཱཀྱ་ཐུབ་པ། |
| མི་མཉམ་པ |
1.མི་འདྲ་བ། 2.(མངོན་བརྗོད།) སངས་རྒྱས། |
| མི་མཉམ་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་སྟེ། དཔེ་ཅན་དོན་གྱི་ཡན་ལག་ཅན་དཔེའི་ཡན་ལག་ཅན་གྱི་གཟུགས་ཅན་དུ་བྱས་ཤིང༌། ཡན་ལག་རྣམས་གཟུགས་སུ་བཀོད་པ་དང་མ་བཀོད་པ་ཅི་རིགས་སུ་བྱས་པའི་རྒྱན་ཞིག |
| མི་མཉམ་པའི་དྲི |
སྨན་སྣ་སྦྱོར་ཚུལ་གྱིས་དྲི་ཤས་ཆེ་བའོ། ། |
| མི་མཐུན་དཔེ |
གཏན་ཚིགས་རིག་པའི་སྐབས་ཀྱི་རྟགས་ཆོས་གཉིས་དང་མི་ལྡན་པའི་དཔེ། |
| མི་མཐུན་དཔེ་ཡང་དག |
དཔེ་ཡང་དག་གཉིས་ཀྱི་ཡ་གྱལ། ཆོས་མི་མཐུན་སྦྱོར་གྱི་དཔེ། བསྒྲུབ་བྱ་ངེས་པའི་སྔོན་དུ་ལྡོག་ཁྱབ་དངོས་སུ་ངེས་པའི་གཞིར་གྱུར་པ། རྟག་ན་མ་བྱས་པའི་དཔེ་ནམ་མཁའ་བཀོད་པ་ལྟ་བུ་བྱས་རྟགས་ཀྱིས་སྒྲ་མི་རྟག་པར་སྒྲུབ་པའི་མི་མཐུན་པའི་དཔེའོ། ། |
| མི་མཐུན་པ |
1.མཚུངས་པའི་ལྡོག་ཕྱོགས་ཏེ་ཕན་ཚུན་འགལ་བ། (དཔེར་ན།) སྐད་ཆ་མི་མཐུན་པར་སྨྲ་བ། བསམ་འཆར་མི་མཐུན་པ། ལས་རིགས་མི་མཐུན་པ། མི་མཐུན་པའི་བསླབ་བྱ་ཞེས་པ་ལྟ་བུ། 2.འཆམ་པོ་མེད་པ་དང༌། བསམ་པ་མི་གཅིག་པའི་དོན་ཏེ། (དཔེར་ན།) མཐུན་པའི་རྒྱལ་ཁབ་དབར་དུ་མི་མཐུན་པར་བྱེད་པ། གྲོགས་པོ་མི་མཐུན་པ་མཐུན་པར་བྱེད་པ་ལྟ་བུ། |
| མི་མཐུན་པ་གཉིས |
བསྙེན་རྫོགས་ཀྱི་དགེ་འདུན་མངོན་གྱུར་ནང་གསེས། མི་མཐུན་པ་གཉིས་དང་བྲལ་བ་ལས་གྲལ་དུ་དངོས་སུ་མ་འདུས་པའི་མི་མཐུན་པ་དང༌། འདུས་པ་ཕྱིར་ལོག་གི་མི་མཐུན་པ་གཉིས་དང་བྲལ་བའོ། ། |
| མི་མཐུན་པའི་ཕྱོགས |
1.འགལ་བའི་ཕྱོགས་དང་རྒྱབ་ངོས་ཏེ། མི་ངན་གང་ཞིག་ང་ཚོར་མི་མཐུན་པའི་ཕྱོགས་ནས་བསླབ་བྱ་བྱེད་མཁན་ཡིན། ཕམ་ཉེས་བྱུང་ལུགས་ལ་ཕྱི་མིག་བལྟས་ཏེ་མི་མཐུན་པའི་ཕྱོགས་ཀྱི་ཉམས་མྱོང་གསོག་ཐབས་བྱེད་དགོས་ལྟ་བུ། 2.གཉེན་པོའི་ཕྱོགས། |
| མི་མཐུན་པའི་རྒྱན |
ཚིག་ཕྲད་ཀྱང་སོགས་ཚིག་དོན་སྔ་ཕྱི་མི་མཐུན་པའི་དོན་ལ་འཇུག་པ། (དཔེར་ན།) ཁས་བླངས་ཀྱང་ལག་ཏུ་མ་བླངས་པ། བལྟས་ཀྱང་མ་མཐོང༌། བསླབས་ཀྱང་མ་ཤེས་ལྟ་བུ། |
| མི་མཐུན་ཕྱོགས |
དེ་སྒྲུབ་ཀྱི་བསྒྲུབ་བྱའི་ཆོས་ཀྱིས་སྟོང་པ་བསྒྲུབ་བྱའི་ཆོས་དང་རྒྱབ་འགལ་དུ་གྱུར་པའམ་ལྡོག་པའི་ཚུལ། |
| མི་མཐུན་ཕྱོགས་ཀྱི་གཞི་ཤེས |
ཤེར་ཕྱིན་དོན་བདུན་ཅུའི་ནང་གསེས། གཞི་ཤེས་གང་ཞིག་ཐབས་ཤེས་ཁྱད་པར་ཅན་གཉིས་དང་བྲལ་བའི་ཐེག་མིན་འཕགས་པའི་རྒྱུད་ཀྱི་མཁྱེན་པ་སྟེ། གཞིའི་གནས་ལུགས་ལ་ཕྱིན་ཅི་ལོག་ཏུ་འཛིན་པས་བཅིངས་པའི་བྱང་སེམས་ཀྱི་སྤང་བྱར་གནས་པའོ། ། |
| མི་མཐུན་ཕྱོགས་ལ་ཁྱབ་བྱེད་མཐུན་ཕྱོགས་ལ་རྣམ་གཉིས་སུ་འཇུག་པ |
ཕྱོགས་ཆོས་གཏན་ཚིགས་དགུ་ལས་དངོས་ཀྱི་མ་ངེས་པའི་རྟགས་བཞིའི་ཡ་གྱལ། རྟགས་དེ་གསལ་བ་དེའི་མི་མཐུན་ཕྱོགས་ལ་ཁྱབ་ཅིང་མཐུན་ཕྱོགས་ལ་ཁྱབ་མ་ཁྱབ་གཉིས་ཀའི་ཆ་ཡོད་པ། དཔེར་ན། སྒྲ་ཆོས་ཅན། རྩོལ་བྱུང་མིན་ཏེ། མི་རྟག་པའི་ཕྱིར། དཔེ་ནམ་མཁའ་དང་གློག་དང་བུམ་པ་བཞིན། ཞེས་པ་ལྟ་བུ། མི་རྟག་པ་དེ་སྒྲ་རྩོལ་བྱུང་མིན་པར་སྒྲུབ་པའི་མི་མཐུན་ཕྱོགས་ལ་ཁྱབ་བྱེད་དུ་འཇུག་ཅིང༌། མཐུན་ཕྱོགས་ལ་རྣམ་གཉིས་སུ་འཇུག་པ་རྩོལ་བྱུང་ལ་མི་རྟག་པས་ཁྱབ། རྩོལ་བྱུང་མིན་པ་ལ་རྟག་མི་རྟག་གཉིས་ཀ་ཡོད་པའོ། ། |
| མི་མཐུན་ཕྱོགས་ལ་གཏན་མེད་མཐུན་ཕྱོགས་ལ་ཁྱབ་བྱེད་དུ་འཇུག་པ |
ཕྱོགས་ཆོས་དགུའི་གཏན་ཚིགས་ལས་རྟགས་ཡང་དག་གཉིས་ཀྱི་ཡ་གྱལ། རྟགས་དེ་གསལ་བ་དེའི་མཐུན་ཕྱོགས་ལ་ཁྱབ་ཅིང་མི་མཐུན་ཕྱོགས་ལ་མེད་པ། དཔེར་ན། སྒྲ་ཆོས་ཅན་མི་རྟག་སྟེ། བྱས་པའི་ཕྱིར། དཔེ་བུམ་པ་དང་ནམ་མཁའ་བཞིན། ཞེས་པ་ལྟ་བུ། མཐུན་ཕྱོགས་མི་རྟག་པ་ལ་བྱས་པས་ཁྱབ། མི་མཐུན་ཕྱོགས་རྟག་པ་ལ་བྱས་པ་མེད་པས་ཁྱབ་པའོ། ། |
| མི་མཐུན་ཕྱོགས་ལ་གཏན་མེད་མཐུན་ཕྱོགས་ལ་རྣམ་གཉིས་སུ་འཇུག་པ |
ཕྱོགས་ཆོས་གཏན་ཚིགས་དགུ་ལས་རྟགས་ཡང་དག་གཉིས་ཀྱི་ཡ་གྱལ། རྟགས་དེ་གསལ་བ་དེའི་མི་མཐུན་ཕྱོགས་ལ་མེད་ཅིང་མཐུན་ཕྱོགས་ལ་ཡིན་མིན་གཉིས་ཀྱི་ཆ་ཡོད་པ། དཔེར་ན། དུང་སྒྲ་ཆོས་ཅན། མི་རྟག་སྟེ། རྩོལ་བྱུང་ཡིན་པའི་ཕྱིར། དཔེ་བུམ་པ་དང་གློག་དང་ནམ་མཁའ་བཞིན། ཞེས་པ་ལྟ་བུ། རྩོལ་བྱུང་དེ་མི་མཐུན་ཕྱོགས་རྟག་པ་ལ་གཏན་ནས་མེད་ཅིང༌། མཐུན་ཕྱོགས་མི་རྟག་པ་ལ་རྩོལ་བྱུང་ཡིན་མིན་གཉིས་ཀ་ཡོད་པའོ། ། |
| མི་མིན |
གཟུགས་མེད་ལྷ་འདྲེ་མི་མ་ཡིན། |
| མི་མེད་རི་སྟོང |
མིའི་རྒྱུ་འགྲུལ་མེད་པའི་རི་བོ། |
| མི་མེད་ལུང་སྟོང |
མི་དང་མི་ཁྱིམ་མེད་པའི་འབྲོག་སྟོང༌། |
| མི་མོ |
བུད་མེད། |
| མི་ཚང |
ཁྱིམ་ཚང་གི་མིང་གཞན། |
| མི་ཚངས་སྤྱོད |
འཁྲིག་པ་སྤྱོད་པ། |
| མི་ཚངས་སྤྱོད་ཀྱི་ཕམ་པ |
ཕམ་པ་བཞིའི་ནང་གསེས་ཏེ། གཞི་ཕོ་མོ་མ་ནིང་མི་དང་དུད་འགྲོ་གང་ཡིན་རུང༌། ལུས་གསོན་པོའམ་ཕྱེད་དུ་ལོངས་པའི་རོ་ལྟ་བུའི་ཁ་དང་བཤང་ལམ་ཟག་བྱེད་གསུམ་པོ་གང་རུང་དུ། བསམ་པ་ཆགས་པའི་སེམས་ཀྱིས། སྦྱོར་བ་ཕོ་དབང་བཅུག་ཅིང༌། མཐར་ཐུག་རེག་པ་ལས་བྱུང་བའི་བདེ་བ་རྫོགས་པར་ཉམས་སུ་མྱོང་བའོ། ། |
| མི་ཚད |
1.མི་ལུས་ཆེ་ཆུང་གི་ཚད། 2.མ་ཟད་ཅེས་པ་དང་འདྲ་སྟེ། (དཔེར་ན།) ལོ་མང་བར་དུ་ལས་དོན་བྱས་པས་མི་ཚད་གྲུབ་འབྲས་ཀྱང་ཆེན་པོ་བཞག་ཡོད་ལྟ་བུ། 3.ཚད་མར་འོས་པའི་མི་སྟེ། (དཔེར་ན།) ཁོ་རང་ཡུལ་ལུང་འདིའི་མི་ཚད་སྲང་ཚད་རེད་ཅེས་པ་ལྟ་བུ། |
| མི་ཚད་མ |
1.མིའི་ལུས་ཚད་དང་རིང་ཐུང་མཉམ་པ་སྟེ། (དཔེར་ན།) འདྲ་སྐུ་མི་ཚད་མ། ཆ་སྒམ་མི་ཚད་མ་ཞེས་པ་ལྟ་བུ། 2.ཆ་འཇོག་འཕེར་ལ་མཚན་ཉིད་དང་ལྡན་པའི་མི། |
| མི་ཚན |
སྔར་དགོན་པའི་གྲྭ་པའི་སྡེ་ཚན་ཁང་ཚན་གྱི་ཡན་ལག |
| མི་ཚན་སྤྱི་འཐུས |
སྔར་དགོན་པ་ཆེ་ཁག་གི་གྲྭ་པའི་གཞི་རིམས་སྡེ་ཚན་གྱི་འཐུས་མི། |
| མི་ཚབ |
དོ་བདག་དངོས་ཀྱི་ཚབ་མ། |
| མི་ཚུགས་པ |
1.མི་གནོད་པའི་དོན་ཏེ། (དཔེར་ན།) མེ་སོགས་ཀྱིས་མི་ཚུགས་པ་ལྟ་བུ། 2.ཚོད་མི་ཟིན་པའི་དོན་ཏེ། (དཔེར་ན།) ལུས་སྡོད་མི་ཚུགས་པར་འགྲོ་འགྲོ་མང༌ལྟ་བུ། 3.རང་རྐྱ་མི་འཕེར་བ་སྟེ། (དཔེར་ན།) རང་སྟོབས་ཀྱིས་སྲ་མི་ཚུགས་ལྟ་བུ།4.འཛུགས་མི་ནུས་པའི་དོན་ཏེ། ཕུར་བ་འདི་ས་ལ་མི་ཚུགས་ཞེས་པ་ལྟ་བུ། |
| མི་ཚེ |
མིའི་སྲོག་རྟེན་བླ་ཚེ། (དཔེར་ན།) རང་གི་མི་ཚེ་དོན་མེད་སྟོང་ཟད་དུ་མ་གཏོང༌། མི་ཚེ་ཧྲིལ་པོར་སྤྱི་འབངས་ཀྱི་ཞབས་འདེགས་སྒྲུབ་པ་ལྟ་བུ། |
| མི་ཚེ་རིང |
ཚེ་རིང་རྣམ་དྲུག་གི་ཡ་གྱལ་ཞིག |
| མི་ཚེ་སྟོང་སྐྱེལ |
མི་ཚེ་དོན་མེད་དུ་སྐྱེལ་བ། |
| མི་ཚོགས |
མི་རྣམས་ཕྱོགས་གཅིག་ཏུ་འདུས་པའི་སྡེ་ཚོམ་སྟེ། (དཔེར་ན།) ལུང་པ་དེར་སྡོད་མཁན་མི་ཚོགས་འཐུག་པོ་འདུག གྲོང་ཁྱེར་གྱི་མི་ཚོགས་འཐུག་ཚད་སྔར་ལས་སུམ་འགྱུར་དུ་འཕར་འདུག་ཅེས་པ་ལྟ་བུ། |
| མི་ཞིམ་སྣ་གཉེར |
ལྟོ་ཞིམ་པོ་མ་བྱུང་ན་སྣ་ཁུག་བརྫེས་ནས་ཞིམ་པོ་མི་འདུག་མདོག་མདོག་གི་རྣམ་འགྱུར་སྟོན་པ། |
| མི་ཞུན |
མི་ཡི་རྐང་ཚིལ་ཞུན་དུ་བྱས་པ་དེ་ལུས་ལ་བྱུགས་ན་སྙིང་རླུང་གི་ནད་འཇོམས་ཤིང༌། འབྲས་ནད་འདུལ་བར་བྱེད་དོ། ། |
| མི་ཟད |
1.རྫོགས་རྒྱུ་མེད་པའི་དོན་ཏེ། (དཔེར་ན།) བློ་གྲོས་མི་ཟད་པ། སྙིང་སྟོབས་མི་ཟད་པ། ས་འོག་གི་ནོར་མཛོད་མི་ཟད་པ་ལྟ་བུ། 2.(མངོན་བརྗོད།) མེ་ཕོ་ཁྱི་ལོ། |
| མི་ཟད་པའི་བསྡུ་བ |
ཚིག་སྡུད་ཀྱི་བྱེ་བྲག་ཅིག ཤེས་རིག་གི་ཡོན་ཏན་ལ་ཤེས་ཡོན་ཟེར་བ་དང༌། བསམ་བློའི་འཆར་སྒོ་ལ་བསམ་འཆར་ཟེར་བ་ལྟ་བུ་མིང་ཚིག་བར་གྱི་རྣམ་དབྱེ་ཚིག་ཕྲད་སོགས་ཡིག་འབྲུ་ཉུང་ངུར་བསྡུས་ནས་བརྗོད་པ་ལྟ་བུའོ། ། |
| མི་ཟླ |
མི་གྲངས་ཀྱི་དོན་ཏེ། (དཔེར་ན།) མི་ཟླ་སུམ་ཅུ་སོ་ལྔ་ཞེས་པ་ལྟ་བུ། |
| མི་འཁོབས་ཆེ་བ |
(བརྡ་རྙིང་།) མི་བློ་རྒྱ་ཆེ་བ། |
| མི་འཁྱམས |
སྡོད་གནས་ངེས་མེད་རང་གར་མྱུལ་བའི་མི། |
| མི་འཁྱར |
ཡུལ་གཞན་ནས་གྱར་འོངས་པའི་མི། |
| མི་འཁྱོག་འགྲོ |
(མངོན་བརྗོད།) མདའ། |
| མི་འཁྲུགས་པ |
1.སངས་རྒྱས་ཤིག་གི་མཚན།2.མི་སྐྱོད་པའམ་མི་གཡོ་བ་སྟེ། (དཔེར་ན།) སེམས་མི་འཁྲུགས་པ་ནི་བརྟན་པོ་ཡིན་ལྟ་བུ། |
| མི་འཁྲུགས་པའི་ཆོས་ཅན |
དགྲ་བཅོམ་པ་དྲུག་གི་ནང་གསེས། གང་རང་བཞིན་གྱིས་དབང་པོ་རྣོན་པོ་འདོད་ཡོན་གྱིས་མྱོས་ཀྱང་རུང་མ་མྱོས་ཀྱང་རུང་མཐོང་བའི་ཆོས་ལ་བདེ་བར་གནས་པ་ལས་ཡོངས་སུ་མི་ཉམས་པའོ། ། |
| མི་འགབ |
མི་འོས་སམ་མི་འགྲིག |
| མི་འགལ་བ |
ཁྱོད་ཀྱི་ཡིན་པ་ཡོད་པ་སོ་སོ་བ་མ་ཡིན་པའམ་གཞི་མཐུན་ཡོད་པ། དཔེར་ན། བུམ་པ་དང་དངོས་པོ་ལྟ་བུའོ། ། |
| མི་འགྱུ་དགུ་འགྱུ |
འགྱུ་བའི་རྣམ་རྟོག་སྟེ་མི་དྲན་དགུ་དྲན། |
| མི་འགྱུར་བ |
1.བརྟན་པོར་གནས་པ་སྟེ། (དཔེར་ན།) ཁ་དན་མི་འགྱུར་བ། འགྲོགས་སེམས་མི་འགྱུར་བ། ངོ་བོ་མི་འགྱུར་བ་ལྟ་བུ། 2.(མངོན་བརྗོད།) ནམ་མཁའ། |
| མི་འགྱུར་རྡོ་རྗེའི་སྐུ |
སྐུ་ལྔའི་ཡ་གྱལ་ཞིག གཟུགས་སྐུ་གཉིས་སུ་སྣང་ཡང་རང་རྒྱུད་པ་མེད་དེ། ཆོས་ཀྱི་སྐུ་ལས་མ་གཡོས་པའམ། ཆོས་སྐུ་དང་གཟུགས་སྐུ་དབྱེར་མི་ཕྱེད་པ་སྔགས་རྙིང་མའི་བརྡ་ཆད་ཅིག |
| མི་འགྲོ་གསུང་བྱོན་མ |
ངག་རྒྱུན་དུ་ལྷ་སའི་གཙུག་ལག་ཁང་གི་ཇོ་བོ་བཞུགས་ཁྲི་དེར་དང་ཐོག་སངས་རྒྱས་ཀྱི་འཇིམ་སྐུ་ཞིག་ཡོད་ཅིང༌། ཕྱིས་ཇོ་བོའི་སྐུ་འདི་ཉིད་བཞུགས་སུ་གསོལ་དགོས་པས་འཇིམ་སྐུ་གཞན་དུ་སྤོ་རྩིས་བྱེད་དུས་ང་མི་འགྲོ་ཞེས་གསུང་བྱོན་པར་བརྟེན་ད་ལྟའི་བཞུགས་ཁྲིའི་རྒྱབ་ཏུ་ཇོ་བོའི་སྐུ་དང་ལྟག་སྤྲོད་ཀྱི་ཚུལ་དུ་བཞུགས་པ་དེའི་མཚན། |
| མི་འགྲོ་ཚྭ་ཁ |
ཚྭ་ཁ་ཞིག རུ་ཐོག་རྫོང་ཁོངས་སུ་ཡོད། |
| མི་འགྲོ་འོས་བབས |
དོན་གཅོད་མི་འགྲོའི་འཇོན་ཐང་ཚད་གཞི། |
| མི་འཆད་པ |
1.གཏམ་མི་སྨྲ་བ། 2.རྒྱུན་མི་འཆད་པ། |
| མི་འཆོལ་པོ་འདོ་མེད |
ལས་དོན་སྒྲུབ་མི་ཤེས་པའི་མི་གླེན་པ། |
| མི་འཇབ |
(བརྡ་རྙིང་།) རྩུབ་པ། |
| མི་འཇིག་པའི་གནས་ལྔ |
དབུས་རྒྱ་གར་རྡོ་རྗེ་གདན། ཤར་རི་བོ་རྩེ་ལྔ། ལྷོ་པོ་ཊ་ལ། ནུབ་ཨོ་ཊི་ཡ་ན། བྱང་ཤམ་བྷ་ལ། |
| མི་འཇིགས་པ་བཞི |
རྟོགས་པ་ཕུན་ཚོགས་ལ་མི་འཇིགས་པ། སྤངས་པ་ཕུན་ཚོགས་ལ་མི་འཇིགས་པ། བར་དུ་གཅོད་པའི་ཆོས་བསྟན་པ་ལ་མི་འཇིགས་པ། ངེས་པར་འབྱུང་བའི་ལམ་བསྟན་པ་ལ་མི་འཇིགས་པ་སྟེ་བཞི། |
| མི་འཇིགས་པ་སྦྱིན་པ |
དགྲ་དང་གཅན་གཟན་ལ་སོགས་པའི་འཇིགས་པ་རྣམས་ལས་སྐྱོབ་ཅིང་ཕན་འདོགས་པའོ། ། |
| མི་འཇོན་འཇོན་ཚུལ |
མི་ཐུབ་ཐུབ་མདོག་སྟེ། (དཔེར་ན།) ཧང་ཤེད་ཀྱིས་མི་འཇོན་འཇོན་ཚུལ་བྱས་ལྟ་བུ། |
| མི་འཐུས་པ |
མི་ཆོག་པའམ་མི་འགྲིག་པ། |
| མི་འཐེང |
མི་འཐེང་པོ་སྟེ་རྐང་འཁྱོག་གི་དོན་ཏེ། (དཔེར་ན།) རྟ་འཐེང་མི་འཐེང་ཁྱི་འཐེང་གསུམ། འཐེང་གསུམ་ཧོར་ལ་བབ་པ་རྨིས་ལྟ་བུ། |
| མི་འདའ |
1.མི་བརྒལ་བའམ་མི་འགྱུར་བ་སྟེ། (དཔེར་ན།) སྔོན་སྲོལ་བཟང་པོ་ལས་མི་འདའ་བ་ཡོན་ཏན་མཆོག་ཡིན་ནོ་ལྟ་བུ།2.(མངོན་བརྗོད།) ནམ་མཁའ། |
| མི་འདོད་པ |
བློར་མི་འབབ་པ་སྟེ། (དཔེར་ན།) གཉའ་གནོན་བཤུ་གཞོག་གི་སྡུག་འཁུར་སུ་ཡང་མི་འདོད་པ། ཕན་མེད་ཀྱི་བྱ་བ་བྱེད་མི་འདོད་པ་ལྟ་བུ། |
| མི་འཕྱགས |
སྔར་དམག་དུས་སོགས་ཛ་དྲག་ཆེ་སྐབས་མི་སུ་ཡོད་སྐུལ་བའི་ཁྲལ་ཞིག |
| མི་འཕྲོད་པ་ཡི་དུག |
ཁ་ཟས་ཕན་ཚུན་མི་འཕྲོད་པ་མཉམ་དུ་སྦྱར་ནས་ཟོས་པ་ལས་བྱུང་བའི་དུག་དང་འདྲ་བའི་ལུས་ལ་གནོད་པ་འབྱུང་བ་ཞིག |
| མི་འབག |
མིའི་གདོང་བརྙན་ནམ་འདྲ་འབག་སྟེ། (དཔེར་ན།) གདོང་ལ་མི་འབག་གྱོན་ནས་གདུག་འདྲེའི་སྤྱོད་ངན་བྱེད་ལྟ་བུ། |
| མི་འབོར |
མིའི་ཁྱོན་འབོར། |
| མི་འམ་ཅི |
མིའམ་ཅི་དང་འདྲ། |
| མི་འོས་པའི་ཆ |
ཆའི་རྒྱན་གྱི་ནང་གསེས་ཤིག་སྟེ། བསྒྲིབ་བྱ་གང་ཡང་རུང་བ་ཞིག་སྒྲིབ་བྱེད་དངོས་པོ་མི་འོས་པ་ཞིག་གིས་སྒྲིབ་པ་སྟོན་པའི་ཆའི་རྒྱན་ཞིག |
| མི་འོས་པའི་དོན་གཞན་བཀོད་པ |
དོན་གཞན་བཀོད་པའི་རྒྱན་གྱི་ནང་གསེས་ཤིག་འོས་པའི་རྒྱུ་ལས་མི་འོས་པའི་འབྲས་བུ་སྐྱེད་པ་བསྒྲུབ་བྱར་བཀོད་ནས། སྒྲུབ་བྱེད་སྐྱེ་བོ་རྣམས་ལ་མི་འདོད་པའི་འབྲས་བུ་སྟེར་བ་དངོས་པོའི་བྱེད་ལས་མི་འོས་པ་ཞིག་བཀོད་པའི་རྒྱན། |
| མི་འོས་བསྙད་འཚོལ |
འོས་མིན་གྱིས་ཁག་འདོགས་ས་འཚོལ་བ། |
| མི་འོས་ཤིང་འོས་པའི་དོན་གཞན་བཀོད་པ |
དོན་གཞན་བཀོད་པའི་རྒྱན་གྱི་ནང་གསེས་ཤིག་བསྒྲུབ་བྱ་མི་འོས་པ་དང་འོས་པའི་དངོས་པོ་བྱེ་བྲག་པ་གཉིས་བཀོད་ནས། དེའི་སྒྲུབ་བྱེད་དུ་སྤྱི་ལ་ཁྱབ་པའི་འགལ་ཟླའི་དོན་གཞན་ཞིག་བཀོད་པའི་རྒྱན། |
| མི་ཡན |
1.མི་འཁྱམས། 2.མི་ལྷག་པོ། |
| མི་ཡི་ཁུ་བ |
(མངོན་བརྗོད།) ལྷ་དབང་ཕྱུག་ཆེན་པོ། |
| མི་ཡི་ཉི་མ་མཐོང་བ་དོན་ལྡན |
རབ་བྱུང་བདུན་པའི་ནང་བོད་ཆོས་རྒྱལ་གྱི་གདུང་རྒྱུད་བསོད་ནམས་རྡོ་རྗེ་ཞེས་བྱ་བའི་སྲས་སུ་འཁྲུངས་ཤིང༌། འཕགས་ཡུལ་གྱི་ཕཎ་ཆེན་ནགས་ཀྱི་རིན་ཆེན་དང༌། ལོ་ཆེན་བསོད་ནམས་རྒྱ་མཚོ། བྱང་བདག་རྣམ་རྒྱལ་གྲགས་བཟང༌། བྲང་ཏི་དཔལ་ལྡན་འཚོ་བྱེད་སོགས་མཁས་གྲུབ་ཀྱི་སློབ་དཔོན་མང་དུ་བསྟེན། སྡེ་སྣོད་གསུམ་དང་རྒྱུད་སྡེ་བཞིའི་དགོངས་འགྲེལ་གྱི་བསྟན་བཅོས་དང༌། ཁྱད་པར་གསོ་བ་རིག་པ་ལ་ཕུལ་དུ་བྱུང་བའི་མཁས་པར་གྱུར། གསུང་རྩོམ་ཡང་དཔལ་ལྡན་རྒྱུད་བཞིའི་འགྲེལ་པ་བཀོད་པ་རྣམ་བཞི། རྩ་མདོའི་འགྲེལ་པ་སྙན་རྒྱུད་རྡོ་རྗེའི་ཚིག་རྐང་སོགས་མཛད། གསོ་རིག་གི་བསྟན་པ་སྤྱི་དང་ཁྱད་པར་དུ་བྱང་བདག་རྣམ་རྒྱལ་གྲགས་བཟང་གི་བཞེད་སྲོལ་དར་རྒྱས་སུ་མཛད། |
| མི་ཡི་ཐེག་པ |
(མངོན་བརྗོད།) ཁྱབ་འཇུག |
| མི་ཡི་འཇིག་རྟེན |
(མངོན་བརྗོད།) ས་གཞི། |
| མི་ཡི་སེང་གེ |
(མངོན་བརྗོད།) 1>ཁྱབ་འཇུག 2>སངས་རྒྱས། |
| མི་ཡུལ |
1.གཞན་ཡུལ། 2.མིའི་འཇིག་རྟེན། |
| མི་རང |
1.གཞན་དང་རང༌། 2.མི་ཧྲེང༌། 3.(ཡུལ་སྐད།) ཁོ་རང༌། |
| མི་རབས |
གནས་པའི་དུས་ཧ་ལམ་མཉམ་པའི་མི་ཁག་ཅིག་ལ་མི་རབས་ཟེར་ཏེ། (དཔེར་ན།) མི་རབས་སྔོན་མ། མི་རབས་ཕྱི་མ་ཞེས་པ་ལྟ་བུ། |
| མི་རབས་བརྒྱུད་འཇགས |
ས་ཞིང་སོགས་མི་རབས་ནས་མི་རབས་བར་གཏན་འཇགས་སུ་སྡོད་པ། |
| མི་རི |
རིན་གོང་མི་གནས་སམ། མི་འཐོབ་པ་སྟེ། (དཔེར་ན།) ཅ་ལག་འདི་ལ་རིན་གོང་དེ་ཙམ་མི་རི་ཞེས་པ་ལྟ་བུ། |
| མི་རིགས |
1.འགྲོ་བ་རིགས་དྲུག་གི་ནང་ཚན་མིའི་རིགས།2.བྱེ་བྲག་ཐུན་མོང་གི་སྐད་ཡིག་དང༌། ཐུན་མོང་གི་ས་ཁོངས། ཐུན་མོང་གི་དཔལ་འབྱོར་འཚོ་བ། ཐུན་མོང་གི་རིག་གནས་ཐོག་ནས་མཚོན་པའི་ཐུན་མོང་གི་བསམ་ཚུལ་བཅས་ལྡན་པའི་མི་རྣམས་ཀྱི་ཐུན་མོང་གི་ཚོགས་པར་ཟེར། |
| མི་རིགས་པ |
མི་འཐད་པའམ་མི་འོས་པའི་དོན་ཏེ། (དཔེར་ན།) མིས་མི་ལ་བཤུ་གཞོག་བྱེད་པ་ནི་མི་རིགས་པ་ཞིག་རེད་ཅེས་པ་ལྟ་བུ། |
| མི་རིགས་བཞི |
བྲམ་ཟེའི་རིགས་དང༌། རྒྱལ་རིགས། རྗེ་རིགས། དམངས་རིགས་བཅས་ཏེ་སྔོན་རྒྱ་གར་གྱི་བཤད་སྲོལ་ཞིག |
| མི་རིགས་འབྱོར་ལྡན་གྲལ་རིམ |
མི་སེར་སྤེལ་ཡུལ་ལམ་མི་སེར་སྤེལ་ཡུལ་ཕྱེད་ཙམ་གྱི་རྒྱལ་ཁབ་དང་རང་བཙན་གསར་དུ་བྱུང་བའི་རྒྱལ་ཁབ་ཁ་ཤས་ནང་གི་འབྱོར་འབྲིང་གྲལ་རིམ། |
| མི་རིགས་ས་ཁོངས་རང་སྐྱོང |
ཁྱད་ཆོས་དམིགས་བསལ་བ་ཡོད་པའི་མི་རིགས་ཀྱིས་རང་ཉིད་ཀྱི་ས་ཁོངས་དང་དཔལ་འབྱོར་ཆབ་སྲིད་སོགས་རང་ཉིད་ཀྱིས་སྐྱོང་བའི་ཆབ་སྲིད་ལམ་ལུགས། |
| མི་རིས |
མིའི་རིགས་ཡིན་པ་མཐའ་དག |
| མི་རུས་རྐང་གླིང |
མི་རུས་ཀྱིས་བཟོས་པའི་མཆོད་རྫས་རྐང་གླིང༌། |
| མི་རེ་ངོ་རེ |
མི་རང་རང་སོ་སོ་སྟེ། (དཔེར་ན།) བཟོ་པ་མི་རེ་ངོ་རེ། སློབ་གྲྭ་བ་མི་རེ་ངོ་རེ་ཞེས་པ་ལྟ་བུ། |
| མི་རེང |
མི་ཆིག་རྐྱང༌། |
| མི་རོ |
མི་ཤི་བའི་ཕུང་པོ། |
| མི་རོ་འབྱོར་པ |
སྔ་དུས་རྣལ་འབྱོར་གྱི་ཆ་ལུགས་ཅན་ལ་སྨོད་ཚིག |
| མི་སྡུག་པ་དང་འཕྲད་པའི་སྡུག་བསྔལ |
དགྲ་བོ་སོགས་དང་ཐུག་ནས་བྱུང་བའི་སྡུག་བསྔལ། |
| མི་སྡུག་པའི་ཉམས |
ཉམས་ལྡན་གྱི་རྒྱན་གྱི་ནང་གསེས་ཤིག་བཙོག་ཅིང་དྲི་མནམ་པ་སོགས་ཧ་ཅང་ཡི་གར་མི་འོང་བའི་ཡུལ་མཐོང་བའི་རྐྱེན་གྱིས་ནང་དུ་སྐྱུག་བྲོ་བར་བྱེད་པའི་རྣམ་འགྱུར་མི་སྡུག་པའི་ཉམས་སྟོན་པའི་རྒྱན་ཞིག |
| མི་སྡེ |
1.ཁྱིམ་པའི་མངའ་བདག་གིས་དབང་སྒྱུར་བའི་མི་སེར། 2.གྲོང་སྡེ། |
| མི་སྣ |
1.གོང་རིམ་གྱིས་མངགས་པའམ་མི་མང་བོའི་ཚབ་བྱེད་མཁན་གྱི་མི་སྟེ། (དཔེར་ན།) སྲིད་གཞུང་གི་མི་སྣ། བཟོ་པའི་མི་སྣ་ཞེས་པ་ལྟ་བུ། 2.སྤྱི་ཚོགས་ནང་དུ་གོ་བབ་ངེས་ཅན་ཞིག་ཡོད་མཁན་ནམ་འཐུས་མི་སྟེ། (དཔེར་ན།) རྒྱལ་གཅེས་མི་སྣ་ཞེས་པ་ལྟ་བུ། |
| མི་སྣང་བ |
1.མངོན་གསལ་མེད་པའམ། མཐོང་མི་ཐུབ་པའི་དོན། 2.ཡོད་པ་མ་ཡིན་པའམ་མེད་པ་སྟེ། (དཔེར་ན།) སྐྱོན་ཆ་མི་སྣང་བ་ཞེས་པ་ལྟ་བུ། |
| མི་སྣང་བའི་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། བསྒྲུབས་པའི་རྫས་ཀྱི་ཐིག་ལེ་དཔྲལ་བར་བྱུག་པས་ལུས་མི་སྣང་ཞིང་སུས་ཀྱང་མི་མཐོང་བ། |
| མི་སྣང་བའི་འགལ་ཟླ་དམིགས་པའི་རྟགས་ཡང་དག |
དེ་སྒྲུབ་ཀྱི་མི་སྣང་བའི་འགལ་ཟླ་དམིགས་པའི་ཚུལ་གསུམ་ཏེ། དེ་སྒྲུབ་ཀྱི་མི་སྣང་བ་མ་དམིགས་པའི་རྟགས་ཡང་དག་གང་ཞིག་མ་ཡིན་དགག་དང་སྒྲུབ་པ་གང་རུང་ཡིན་པ། |
| མི་སྣང་བའི་འབྲེལ་ཟླ་མ་དམིགས་པའི་རྟགས་ཡང་དག |
དེ་སྒྲུབ་ཀྱི་མི་སྣང་བ་མ་དམིགས་པའི་རྟགས་ཡང་དག་གང་ཞིག་རང་གི་དངོས་མིང་གི་མཐར་མེད་པ་ལྟ་བུའི་དགག་སྒྲ་སྦྱར་བའི་ཆོས། |
| མི་སྣང་བའི་འབྲེལ་ཟླ་རྒྱུ་མ་དམིགས་པའི་རྟགས་ཡང་དག |
ལྷའི་བར་སྲིད་བསྐལ་དོན་དུ་སོང་བའི་གང་ཟག་གི་རྒྱུད་ཀྱི་ལྷའི་བར་སྲིད་ངེས་བྱེད་ཀྱི་ཚད་མས་མ་དམིགས་པ་དེ། མདུན་གྱི་གཞི་འདིར་ལྷའི་བར་སྲིད་བསྐལ་དོན་དུ་སོང་བའི་གང་ཟག་གི་རྒྱུད་ལ་ལྷའི་བར་སྲིད་ངེས་བྱེད་ཀྱི་དཔྱད་ཤེས་དོན་མཐུན་མེད་པར་སྒྲུབ་པའི་རྟགས། |
| མི་སྣང་མ་དམིགས་པའི་རྟགས |
མ་དམིགས་པའི་རྟགས་ཡང་དག་གི་ནང་གསེས། དགག་གཞི་སྣང་དུ་རུང་ཞིང༌། དགག་བྱའི་ཆོས་སུ་བཏགས་པའི་དོན་སྣང་དུ་མི་རུང་བའམ། རྩོད་གཞིའི་སྟེང་དུ་དགག་བྱའི་ཆོས་མེད་ངེས་སུ་སྒྲུབ་མི་ནུས་ཤིང༌། ཡོད་ངེས་འགོག་པ་ལ་ཚུལ་གསུམ་ཚང་བ། དཔེར་ན། མདུན་གྱི་གཞི་འདིར་ཆོས་ཅན། ཤ་ཟ་བསྐལ་དོན་དུ་སོང་བའི་གང་ཟག་གིས་ཤ་ཟ་ཡོད་ཅེས་དམ་བཅའ་མི་རིགས་ཏེ། དེ་ངེས་བྱེད་ཀྱི་ངེས་ཤེས་དོན་མཐུན་ཚད་མས་མ་དམིགས་པའི་ཕྱིར་ཞེས་པ་ལྟ་བུའོ། ། |
| མི་སྦྱིན་སྐྱེས |
(མངོན་བརྗོད།) ཉི་མ། |
| མི་སྨོན་རང་སྐྱིད |
མིས་ཡིད་སྨོན་བྱེད་པ་དང་རང་སྐྱིད་པ། |
| མི་སྨྲ |
(མངོན་བརྗོད།) དྲང་སྲོང༌། |
| མི་སྨྲ་བར་འགྲོ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གསོ་སྦྱོང་སོགས་ཀྱི་ལས་གྲལ་དུ་འཁོད་ནས་འདུན་པ་མ་ཕུལ་བར་གཞན་དུ་འགྲོ་བའོ། ། |
| མི་སྲིད་རྣམ་གཅོད |
རྣམ་གཅོད་ཀྱི་སྒྲའི་ནང་གསེས། གཞི་དེ་ལ་ཆོས་དེ་མི་སྲིད་པ་རྣམ་པར་བཅད་ནས་སྲིད་པ་ཁོ་ནར་སྟོན་པའི་སྒྲ། དཔེར་ན། ཨུཏྤལ་སྔོན་པོ་སྲིད་པ་ཁོ་ནའོ་ཞེས་པ་ལྟ་བུ། རྣམ་གཅོད་ཀྱི་སྒྲའམ་ཚིག་ཕྲད་དེ་བྱ་བ་སྲིད་པའི་འོག་དེ་མ་ཐག་པར་སྦྱར་ནས་རྗོད་པར་བྱེད་པའོ། ། |
| མི་སྲིད་སྲིད་པ |
ཡོད་མི་སྲིད་པའི་བྱ་བ་སྲིད་པ་ལྟར་དུ་བྱུང་བ། |
| མི་སྲོག |
མིའི་ལུས་སེམས་གནས་པའི་རྟེན། |
| མི་སློན |
(བརྡ་རྙིང་།) མི་ཟློག |
| མི་སློབ་པ |
1.རང་གིས་ཤེས་པའི་ཡོན་ཏན་གཞན་ལ་མི་ཁྲིད་པར་སྦེད་པ། 2.མི་སློབ་ལམ་ལ་གནས་པ་རང་འབྲས་མཐར་ཕྱིན་ཐོབ་པའི་གང་ཟག3.རང་ཉིད་ཀྱི་སློབ་པ་མི་བྱེད་པ། |
| མི་སློབ་པའི་ལམ |
ལམ་ལྔའི་ནང་གསེས། ཐེག་གསུམ་རང་རང་གི་ངོ་སྐལ་དུ་གྱུར་པའི་སྤང་རྟོགས་ཀྱི་ཡོན་ཏན་མཐར་ཕྱིན་པ་ཉན་རང་དགྲ་བཅོམ་དང་སངས་རྒྱས་ཐོབ་པའོ། ། |
| མི་ཧྲག |
མི་ནུས་ཅན་ནམ་གོ་ཆོད། |
| མི་ཧྲག་རྟ་ཧྲག |
མི་བཟང་རྟ་བཟང་གི་དཔུང༌། |
| མི་ཧྲེང |
ཟླ་གྲོགས་མེད་པའི་མི་སྟེ། (དཔེར་ན།) བང་ཆེན་མི་ཧྲེང༌། མགྲོན་པོ་མི་ཧྲེང༌། མི་ཧྲེང་གཅིག་པུར་གྱུར་པ་ལ་རྒྱལ་པོ་ཞེས་སུས་འདོགས་ལྟ་བུ། |
| མི་ཧྲེངས |
བཟའ་ཟླ་མེད་པའི་ཕོ་རྐྱང་། འདི་ལ་ཕོ་ཧྲེང་ཞེས་ཀྱང་འབྲི། |
| མི་ཧྲེངས་པ |
མི་སྤྱོད་ངན་གྱི་ལམ་དུ་ཤོར་བ། |
| མིག |
1.གཟུགས་མཐོང་བྱེད་ཀྱི་དབང་བོའི་མིང་། 2.ཨི་ཁུང་དང་བུ་ག་སྟེ། (དཔེར་ན།) པང་ལེབ་ལ་མིག་འབུགས་པ་ལྟ་བུ། 3.(མངོན་བརྗོད།) མིག་ལ་གཡས་གཡོན་གཉིས་ཡོད་པས་གྲངས་གཉིས་མཚོན། |
| མིག་ཀོང |
མིག་འབྲས་ནང་དུ་རྡིབ་པའི་ཀོང་ཀོང༌། |
| མིག་ཀྲབ་ཀྲབ |
མིག་ཚུམ་ཚུམ་བྱེད་སྟངས་ཤིག་སྟེ། (དཔེར་ན།) རབ་རིབ་ཅན་གྱི་མིག་ཀྲབ་ཀྲབ་ཏུ་ལྟ་ཞེས་པ་ལྟ་བུ། |
| མིག་ཁུང |
1.བུག་པ། 2.མིག་དབང་གི་ཁུང་བུ་སྟེ། (དཔེར་ན།) ཡུན་རིང་ན་ནས་མིག་ཁུང་གཉིས་ཀྱང་གཏིང་དུ་རྡིབ་འདུག་ལྟ་བུ། |
| མིག་གང |
(བརྡ་རྙིང་།) 1>མིག་ཡུལ་དུ་འཐད་པ། 2>ཡིད་དགའ་བ། |
| མིག་གཏོད་པ |
མིག་ཅེར་གྱིས་ལྟ་བ་སྟེ། (དཔེར་ན།) སེམས་གཞན་དུ་མ་ཡེང་བར་ལྟད་མོ་ལ་མིག་གཏོད་པ་ལྟ་བུ། |
| མིག་གནོན་འདེབས་ཐུར |
མིག་སྒོར་རྩ་མི་འགྱུར་བའི་ཆེད་མིག་རྩ་གནོན་བྱེད་ཀྱི་ཡོ་བྱད་ཅིག |
| མིག་གཟོང |
རྨིག་ལྕགས་ལ་ཨི་ཁུང་འབིགས་བྱེད་ཀྱི་བྱེ་བྲག་ཅིག |
| མིག་གཡོར |
མིག་ཡོར་དང་འདྲ། |
| མིག་གསུམ་གཙུག་ནོར |
(མངོན་བརྗོད།) ཟླ་བ། |
| མིག་གསུམ་གྲོགས་པོ |
(མངོན་བརྗོད།) རྣམ་ཐོས་སྲས། |
| མིག་གསུམ་པ |
(མངོན་བརྗོད།) ལྷ་དབང་ཕྱུག་ཆེན་པོ། |
| མིག་གསུམ་འཛིན |
(མངོན་བརྗོད།) ཟླ་བ། |
| མིག་གི་གཉེན |
(མངོན་བརྗོད།) ཨུཏྤལ། |
| མིག་གི་ཆོས་ཅན |
(མངོན་བརྗོད།) གཉེར་པ། |
| མིག་གི་དབང་པོ |
དབང་པོ་ལྔའི་ནང་གསེས་ཤིག་རང་འབྲས་མིག་ཤེས་ཀྱི་རྟེན་ནམ་ཐུན་མོང་མ་ཡིན་པའི་བདག་རྐྱེན་བྱེད་པའི་རིགས་སུ་གནས་པའི་ནང་གི་གཟུགས་ཅན་དྭངས་པ། དབྱིབས་ཟར་མའི་མེ་ཏོག་ལྟ་བུ་དེའོ། ། |
| མིག་གི་དབང་པོ་གཟུགས་ཅན |
མིག་གི་དབང་པོ། |
| མིག་གི་དབང་མངོན |
དབང་མངོན་ལྔའི་ནང་གསེས། རང་གི་བདག་རྐྱེན་མིག་དབང་ལ་བརྟེན་ནས་བྱུང་ཞིང་རྟོག་བྲལ་མ་འཁྲུལ་བའི་གཞན་རིག་དཔེར་ན། དུང་དཀར་པོར་སྣང་བའི་མིག་ཤེས་ལྟ་བུའོ། ། |
| མིག་གི་བདུད་རྩི |
ཤིན་ཏུ་མཛེས་པའི་གཟུགས། |
| མིག་གི་བུ་ཆུང |
མིག་གི་རྒྱལ་མོའི་མིང་གི་རྣམ་གྲངས་ཤིག |
| མིག་གི་རྒྱལ་མོ |
མིག་གིས་ལྟ་བའི་ཚེ་ཕྱི་རོལ་གྱི་གཟུགས་འཆར་བར་བྱེད་པའི་མིག་འབྲས་ཀྱི་དཀྱིལ་དུ་ཡོད་པའི་མཐོང་བྱེད་སྔོ་ནག་སྲན་ཆུང་ཙམ་པ་དེ་ལ་ཟེར། |
| མིག་གི་རྣམ་འགྱུར |
མིག་གི་ལྟ་སྟངས་ཀྱི་ཁྱད་པར། |
| མིག་གི་རྣམ་ཤེས |
མིག་ཤེས་དང་དོན་གཅིག |
| མིག་གི་སྐྱ་རིབ |
མིག་གི་སྐྱ་སྒྲིབ་དང་དོན་གཅིག |
| མིག་གི་སྐྱ་སྒྲིབ |
མིག་འགྲིབ་ཀྱི་བྱེ་བྲག་ཅིག |
| མིག་གི་སྐྱེ་མཆེད |
ནང་གི་སྐྱེ་མཆེད་དྲུག་གི་ནང་གསེས། རྟེན་གྱི་ཆ་ནས་མིག་གི་རྣམ་པར་སྐྱེ་ཞིང་ཡུལ་གཟུགས་ལ་མཆེད་པའི་སྒོར་གྱུར་པ་མིག་གི་དབང་པོའོ། ། |
| མིག་གིས་ཐོས |
(མངོན་བརྗོད།) སྦྲུལ། |
| མིག་ཅན |
(མངོན་བརྗོད།) བ་རུ་རའི་ཤིང༌། |
| མིག་ཅེ་རེ་བ |
མིག་ཆེན་པོ་བྱས་ཏེ་ལྟ་བ་སྟེ། (དཔེར་ན།) སྡང་མིག་ཅེ་རེ་བས་དགྲ་ལ་ལྟ་བ། མིག་ཅེ་རེ་བས་བལྟས་ཀྱང་ལོང་བ་འདྲ་ལྟ་བུ། |
| མིག་ཅེར་བ |
མིག་ཆེན་པོ་བྱས་ཏེ་ལྟ་བ། |
| མིག་ཆུ |
མིག་གི་མཆི་མ་སྟེ། (དཔེར་ན།) དགའ་སྤྲོའི་མིག་ཆུ་འཁོར་བ། མིག་ཆུ་དཀུ་བ། སྨྲེ་སྔགས་འདོན་བཞིན་མིག་ཆུ་ཤོར་ལྟ་བུ། |
| མིག་ཆུ་ཉིལ་ཉིལ |
མཆི་མ་མང་པོ་འབབ་པའི་ཚུལ་ཏེ། (དཔེར་ན།) སེམས་ཧ་ཅང་སྡུག་པོ་བྱུང་སྐབས་མིག་གཉིས་ནས་མིག་ཆུ་ཉིལ་ཉིལ་དུ་འབབ་ཅེས་པ་ལྟ་བུ། |
| མིག་ཆུ་ཉིལ་ལེ |
མིག་ཆུ་ལྷུག་ལྷུག་ཏུ་འབབ་ཚུལ། |
| མིག་ཆུ་རིལ་རིལ |
མིག་ཆུའི་ཐིགས་པ། |
| མིག་ཆུ་ལོང་ལོང |
མིག་ལ་མཆི་མ་མང་པོ་འཁོར་ཚུལ་ཏེ། (དཔེར་ན།) སྐྱོ་སྣང་སྐྱེས་ནས་མིག་གཉིས་ལ་མིག་ཆུ་ལོང་ལོང་དུ་འཁོར་ལྟ་བུ། |
| མིག་ཆེ་བ |
1.བུག་པ་ཆེན་པོ། 2.འདོད་པ་ཆེ་བའམ་ཧམ་པ་ཆེ་བ། |
| མིག་ཐུར |
1.མིག་ནད་བར་འགྲིབ་སེལ་བྱེད་ཀྱི་ཐུར་མ་ཞིག 2.མིག་ནད་ལ་སྨན་འདེབས་བྱེད་ཀྱི་སྨན་ཁྱེམ་ཞིག |
| མིག་དཀྱུས་རིང་བ |
མིག་འཕྲེད་དཀྱུས་རིང་བ། |
| མིག་དཔངས་མཐོ |
མིག་གི་ལྟ་སྟངས་མཐོན་པོ་སྟེ། (དཔེར་ན།) མིག་དཔངས་མཐོ་ལ་འཇོན་ཐང་དམན་ལྟ་བུ། |
| མིག་དཔེ |
མིག་གིས་བལྟ་སའི་ཚད་གཞི་སྟེ། (དཔེར་ན།) མིག་དཔེ་ངན་པ། མིག་དཔེ་བཟང་པོ་ལྟ་བུ། |
| མིག་དབང |
མིག་གི་རྣམ་ཤེས། |
| མིག་དམན |
(མངོན་བརྗོད།) མིག་ལྟ་སྟངས་ཞན་པ། |
| མིག་དམའ |
(བརྡ་རྙིང་།) ཞུམ་པའི་མིག |
| མིག་དམར |
1.གཟའ་མིག་དམར། མིང་གི་རྣམ་གྲངས་ལ་བཀྲ་ཤིས་དང༌། ཆུ་སྟོད་སྐྱེས། ནམ་མཁའི་སྟེང་འགྲོ་བ། རྩིབས་ལྡན། གཞོན་ནུ། འོད་ཟེར་དགུ་པ། རོལ་འགྲོ། ལུས་དམར་ཅན། ས་སྐྱེས། ས་ལས་བྱུང༌། སའི་བུ་བཅས་སོ། །2.(མངོན་བརྗོད།) 1>ཤིང་བྱི། 3>མ་ཧེ། 4>སྲིན་པོ 3.མིག་མདོག་དམར་བོ། |
| མིག་དར་བསལ་བ |
ནང་འཇུག་གི་ནང་གསེས་ཏེ། སློབ་མ་རྣམས་མ་རིག་གཉིས་འཛིན་གྱིས་ལྡོངས་པའི་མཚོན་བྱེད་མིག་དར་ཏེ་གདོང་གཡོགས་བསལ་བ་དང་མཉམ་དུ་མ་རིག་པ་བསལ་ནས། རིག་པ་ཡེ་ཤེས་ལྷའི་ངོ་བོ་ཇི་ལྟ་བར་གསལ་བར་བྱ་བའོ། ། |
| མིག་ན་ལག་བཟོས |
མིག་ན་བ་ལག་པས་བཟོས་པ་རང་སྡུག་རང་གིས་བཟོས་པའི་དཔེ། |
| མིག་ནག་སེང་ངེ་བ |
མིག་ནག་ཧྲིལ་ལེ་བ་ལྟ་བུ་ལྟ་སྟངས་ཤིག (དཔེར་ན།) དོམ་ནག་གི་ཕྲུ་གུ་དེའི་མིག་ནག་སེང་ངེ་བ་ཞིག་འདུག་ཅེས་པ་ལྟ་བུ། |
| མིག་ནག་ཧྲིག་ཧྲིག |
མིག་འབྲས་འགུལ་སྟངས་ཤིག་སྟེ། (དཔེར་ན།) བྱི་ལས་བྱི་བ་གང་ནས་ཡོང་མིན་མིག་ནག་ཧྲིག་ཧྲིག་བྱས་ནས་ཅེར་ལྟ་བུ། |
| མིག་ནད |
མིག་གི་ན་ཚ། |
| མིག་ནད་ནང་སྒྲིབ |
མིག་ནང་གི་མིག་ཆུ་འཁྲུགས་ཏེ་མཚོ་གཉིས་འདྲེས་པའམ་རྒྱལ་མོའི་རྩའི་མདངས་ཉམས་ནས་མི་མཐོང་བར་གྱུར་བ་ཞིག |
| མིག་ནད་ཕྱི་སྒྲིབ |
མིག་ནད་ལིང་ཐོག་དང་ཤ་མཛེར་ལྟ་བུས་མཐོང་བྱེད་ཀྱི་སྟེང་ནས་གཡོགས་ཏེ་མིག་གིས་མི་མཐོང་བར་གྱུར་པ་ཞིག |
| མིག་ནད་བར་སྒྲིབ |
རླུང་མཁྲིས་བད་ཀན་འདུས་པ་བཅས་གང་རེད་ཀྱི་སྐྱོན་མཐོང་བྱེད་དང་མིག་ཤུན་གྱི་བར་དུ་ཞུགས་ནས་མི་མཐོང་བར་གྱུར་པ་ཞིག |
| མིག་ནད་རབ་རིབ |
མིག་གིས་གཟུགས་གསལ་བར་མི་མཐོང་བ་ཕྱི་ཡུལ་དུ་རབ་རིབ་དང་སྐྲ་ཤད་ཀྱི་རྣམ་པར་མཐོང་བའི་མིག་ནད། |
| མིག་ནད་ཤ་འཛེར |
མིག་ལ་རྡོ་དབྱུག་ཕོག་པའམ་ལིང་ཐོག་བྱུང་བ་སོགས་ཀྱིས་མིག་གི་སྟེང་དུ་འཛེར་བུ་བཏབ་པ་ལྟ་བུའི་ཐོར་པ་ཞིག |
| མིག་པོ་ཆེ |
འདོད་ཡོན་ལ་ཧམ་སེམས་ཆེ་བ་འགའ་ཞིག་ལ་མ་རངས་པའི་བརྗོད་ཚུལ་ཞིག |
| མིག་ཕོར |
(ཡུལ་སྐད།) གཟོང་རིལ་གྱི་འོག་གི་བུ་ག་ཙམ་གྱི་ལྕགས་ཀོར། |
| མིག་ཕྱིར་གླན་པ |
(བརྡ་རྙིང་།) རྨིག་ཕབ་པ། |
| མིག་ཕྲ་པོ |
སེར་སྣའི་དོན་ཏེ། (དཔེར་ན།) འགྲོ་སོང་གཏོང་དགོས་ངེས་རིགས་ལ་མིག་ཕྲ་པོ་བྱེད་རྒྱུ་མེད་ཅེས་པ་ལྟ་བུ། |
| མིག་བཙའ་བ |
མིག་གིས་བལྟ་བ། |
| མིག་བརྒྱ་མ |
(མངོན་བརྗོད།) མཚན་མོ། |
| མིག་བརྒྱད་པ |
(མངོན་བརྗོད།) ཚངས་པ། |
| མིག་བརྡ |
མིག་གི་བརྡ་ཐབས་ཏེ། (དཔེར་ན།) མིག་བརྡ་གཏོང་བ་ལྟ་བུ། |
| མིག་བལྟས་ལག་སྦྱོང |
དངོས་ཐོག་ཉམས་མྱོང་གི་སྦྱོང་བརྡར་དེ། (དཔེར་ན།) དཔེ་དེབ་ལས་རྙེད་པའི་ཤེས་ཡོན་རྣམས་བྱ་བ་ངོ་མའི་ཐོག་ནས་མིག་བལྟས་ལག་སྦྱོང་བྱས་ན་གཞི་ནས་མངོན་སུམ་དུ་རྟོགས་ཐུབ་ཅེས་པ་ལྟ་བུ། |
| མིག་བསྲིངས་པ |
1.མིག་གིས་ཐག་རིང་པོར་བལྟས་པ་སྟེ། (དཔེར་ན།) མ་འོངས་པའི་གནས་ཚུལ་ཡིད་དུ་འོང་བར་མིག་བསྲིངས་ནས་བལྟ་དགོས་ལྟ་བུ། 2.ཕུགས་དོན་ལ་བསམ་བློ་བཏང་བ། |
| མིག་བསླེ་བོ |
མིག་སླེ་བོ་དང་འདྲ། |
| མིག་བུ |
ལོང་འཁྲིད་མཁན་ཏེ། (དཔེར་ན།) དམུས་ལོང་མིག་བུ་མེད་གྱུར་ན། ལམ་ཐག་རིང་བགྲོད་ག་ལ་ཐུབ་ཅེས་པ་ལྟ་བུ། |
| མིག་བློ |
མིག་གི་རྣམ་ཤེས། |
| མིག་མང |
1.རྩེད་མོ་ཞིག་ཕལ་སྐད་དུ་འཇིག་ཟེར་ཞིང་། རྒྱ་སྐད་དུ་ཆི་ཟེར། 2.འབྲུ་རིགས་ཚགས་བྱེད་ཀྱི་ཡོ་བྱད་ཅིག་ཁྲོལ་མ་ཡང་ཟེར། |
| མིག་མང་རིས |
མིག་མང་གི་རི་མོ་ལྟ་བུའི་རེའུ་མིག |
| མིག་མངས |
རེའུ་མིག་ལ་བརྟེན་ནས་རྩེ་བའི་རྩེད་མོའི་བྱེ་བྲག་ཅིག |
| མིག་མཐོང |
དངོས་སུ་མཐོང་བ་སྟེ། (དཔེར་ན།) རྣ་ཐོས་བརྒྱ་ལས་མིག་མཐོང་གཅིག་དགའ་ལྟ་བུ། |
| མིག་མཐོང་གཅིག |
མིག་རྒྱང་གང༌། |
| མིག་མཐོང་གཟུགས་གྲུབ |
མངོན་སུམ་གསལ་མཐོང་གི་དཔེ། (དཔེར་ན།) བརྩོན་འགྲུས་བྱས་ན་མཁས་པར་འགྱུར་བ་མིག་མཐོང་གཟུགས་གྲུབ་རེད་ཅེས་པ་ལྟ་བུ། |
| མིག་མཐོང་གསལ་གྲུབ |
མངོན་སུམ་དུ་མཐོང་ཞིང་གསལ་པོར་གྲུབ་པ་སྟེ། (དཔེར་ན།) ཕྱོགས་ཀུན་གྲུབ་འབྲས་རླབས་ཆེན་ཐོབ་པ་འདི་ཚང་མས་མིག་མཐོང་གསལ་གྲུབ་བྱུང་བ་རེད་ཅེས་པ་ལྟ་བུ |
| མིག་མཐོང་རྣ་ཐོས |
མིག་གིས་མཐོང་ཞིང་རྣ་བར་ཐོས་པ། |
| མིག་མཐོང་ལག་ཟིན |
མངོན་སུམ་ཚད་གྲུབ་ཀྱི་དཔེ། (དཔེར་ན།) བཟོ་ལས་འཛུགས་སྐྲུན་ཧ་ཅང་མགྱོགས་པོར་ཡར་ཐོན་བྱུང་བ་མིག་མཐོང་ལག་ཟིན་ཡིན་ལྟ་བུ། |
| མིག་མདའ |
ལྟ་སྟངས་ཤིག་སྟེ། (དཔེར་ན།) ཆགས་པའི་མིག་མདའ། སྡང་བའི་མིག་མདའ་ཞེས་པ་ལྟ་བུ། |
| མིག་མདའ་འཕེན་པ |
ཟུར་མིག་གིས་ལྟ་བ། |
| མིག་མཚམས |
མིག་གི་ཐད་མཚམས་ཏེ། (དཔེར་ན།) སྐྲ་སིལ་མ་མིག་མཚམས་སུ་སླེབས་པ་ལྟ་བུ། |
| མིག་མཛེར |
མིག་གི་ནང་གི་ཤ་མཛེར། |
| མིག་མཛེས |
(མངོན་བརྗོད།) ཁུ་བྱུག |
| མིག་མི་བཟང |
(མངོན་བརྗོད།) 1>ནུབ་ཕྱོགས་རྒྱལ་ཆེན། 2>ལྷ་དབང་ཕྱུག |
| མིག་མི་འཛུམ |
1.མིག་གདངས་ནས་མི་ཟུམ་པ་སྟེ། (དཔེར་ན།) རིག་པ་བསྒྲིམས་ནས་མིག་མི་འཛུམ་ལྟ་བུ། 2.(མངོན་བརྗོད།) 1>ཉ། 2>སྤྱན་རས་གཟིགས། 3>ལྷ། |
| མིག་ཚ་བ |
1.གཞན་གྱི་འབྱོར་པ་ལ་མི་བཟོད་པའི་ཕྲག་དོག་སྟེ། (དཔེར་ན།) སྒོག་པ་རང་གིས་ཟོས་ན་ཁ་ཚ། གཞན་གྱིས་ཟོས་ན་མིག་ཚ་ཞེས་པ་ལྟ་བུ། 2.ནད་སོགས་ཀྱིས་མིག་དངོས་སུ་ཚ་བ། |
| མིག་ཚག |
མིག་གིས་གཟུགས་ལ་ལྟ་སྐབས་འོད་འཚེར་བ་ལྟར་ལྟ་མི་ནུས་པར་གྱུར་པའི་དོན་ཏེ། དེ་ལ་ནང་གསེས་སུ་དབྱེ་ན་བད་རླུང་ལས་གྱུར་པའི་སྐམ་ཚག་དང༌། ཁྲག་མཁྲིས་ལས་བྱུང་བའི་གཤེར་ཚག་གཉིས་མཆིས་སོ། ། |
| མིག་ཞར་བ |
མིག་ཡ་གཅིག་གིས་མི་མཐོང་བ། |
| མིག་ཟིམ་མེ་བ |
མིག་འཛུམ་ལ་ཁད་པ་སྟེ། (དཔེར་ན།) རྒད་པོ་ཞིག་མིག་ཟིམ་མེར་བར་སྣང་ལ་ལྟ་གིན་བསྡད་འདུག་ཅེས་པ་ལྟ་བུ། |
| མིག་ཟིམ་ཟིམ |
མིག་མ་ཟུམ་ཙམ་གྱིས་ལྟ་ཚུལ་ཏེ། (དཔེར་ན།) ཉི་འོད་ལ་མིག་ཟིམ་ཟིམ་བྱས་ཏེ་བལྟས་ལྟ་བུ། |
| མིག་ཟུར |
མིག་གི་ཟུར་རམ་མཐའ། |
| མིག་འཁྱུག་པ |
མིག་འབྲས་གཡོ་བ་སྟེ། (དཔེར་ན།) བལྟ་ཡུལ་ཚང་མར་མིག་འཁྱུག་པ་ལྟ་བུ། |
| མིག་འཁྲུལ་བ |
མིག་གིས་མཐོང་ཚུལ་ནོར་བ་སྟེ། (དཔེར་ན།) མཁྲིས་ནད་ཅན་གྱི་མིག་འཁྲུལ་ནས་དུང་དཀར་སེར་པོར་མཐོང༌ལྟ་བུ། |
| མིག་འགྲན |
གཞན་གྱི་བྱ་བའི་ལད་མོའམ་མི་གཞན་ལ་བྱུང་བ་དེ་རང་ལ་དགོས་འདོད་བྱེད་པ་སྟེ། (དཔེར་ན།) བྱ་བ་ངན་པ་ལ་མིག་འགྲན་མ་བྱེད། གོ་མིང་ལ་མིག་འགྲན་བྱེད་ཅེས་པ་ལྟ་བུ། |
| མིག་འགྲམ |
ཐག་ཉེའི་མཐོང་ཡུལ། |
| མིག་འགྲིབ |
ལིང་ཐོག་དང་ཤ་འཛེར་ལྟ་བུ་ཕྱི་འགྲིབ། མིག་འབྲས་དང་མིག་ཤུན་བར་ནས་འགྲིབ་བྱེད་ཀྱི་རྒྱལ་མོ་གཡོགས་པ་བར་འགྲིབ། མཐོང་བྱེད་ཀྱི་རྩ་ཉམས་པ་ལྟ་བུ་ནང་འགྲིབ་བཅས་སོ། ། |
| མིག་འཆོལ་བ |
མཐོང་ཚུལ་ནོར་འཁྲུལ་བྱུང་བ། |
| མིག་འདོན་པ |
མིའི་མིག་འབྲས་ཕྱིར་འདོན་པའི་ཁྲིམས་ཤིག |
| མིག་འདྲིས་པ |
ཡང་ཡང་མཐོང་སྟེ་གོམས་པའི་དོན་ཏེ། (དཔེར་ན།) ལྟད་མོ་དེ་ཚོ་ཡང་ཡང་མཐོང་བས་མིག་འདྲིས་འདུག ཡུན་རིང་མིག་འདྲིས་སུ་གྱུར་ནས་བལྟས་ཀྱང་མི་མཐོང༌ཞེས་པ་ལྟ་བུ། |
| མིག་འདྲིས་རྣར་འཇགས |
མཐོང་ཐོས་མྱོང་གོམས་ཀྱི་དཔེ་སྟེ། (དཔེར་ན།) བྱིས་པ་གཞོན་ནུ་རྣམས་ལ་ལུགས་སྲོལ་གསར་པ་མིག་འདྲིས་རྣར་འཇགས་འོག་ཏུ་ཤུགས་རྐྱེན་ལེགས་པོ་ཐེབས་འདུག་ཅེས་པ་ལྟ་བུ། |
| མིག་འཕེན་པ |
1.མིག་གིས་སོ་སྲུང་བ། 2.ཟུར་མིག་ལྟ་བ། |
| མིག་འཕྲུལ |
མིག་འབྲིད་པར་བྱེད་པའི་རྩེད་མོ་སྟེ། (དཔེར་ན།) རང་འདོད་གཡོ་ཁྲམ་གྱི་སྤྱོད་ངན་མིག་འཕྲུལ་ལྟར་བསྟན་ཀྱང་མང་ཚོགས་ཀྱི་དབུ་ལ་སྒྲིབ་ཞྭ་གཡོག་མི་ཐུབ་ཅེས་པ་ལྟ་བུ། |
| མིག་འཕྲུལ་མཁན |
མིག་འཕྲུལ་སྟོན་མཁན། |
| མིག་འབུར |
མིག་ཀོང་ཀོང་མིན་པ། |
| མིག་འབུར་ཚུགས་པ |
མིག་ཐད་ཀར་འབུར་དོད་པ་སྟེ། (དཔེར་ན།) མདུན་ཕྱོགས་ལ་མིག་འབུར་ཚུགས་སུ་བལྟས་ལྟ་བུ། |
| མིག་འབེན |
མིག་གིས་ལྟ་ཡུལ་གྱི་གཟུགས། |
| མིག་འབྱེད་ཐུར་གཙག |
མིག་ནད་བར་འགྲིབ་ལ་ཨི་ཁུང་འབིགས་བྱེད་ཀྱི་ཡོ་བྱད་ཅིག |
| མིག་འབྱེད་ཐུར་མ |
མིག་ནང་གཏོང་བྱེད་མིག་འབྱེད་ཀྱི་ཡོ་བྱད་ཅིག |
| མིག་འབྲས |
ཕལ་སྐད་དུ་མིག་རིལ་ཟེར་བ་དེ་ཡིན། |
| མིག་འབྲུམ |
1.མིག་ནང་དུ་སྐྱེས་པའི་ལྷ་ཐོར། 2.མིག་ནད་ཀྱི་བྱེ་བྲག་ཅིག |
| མིག་འཛིན |
(མངོན་བརྗོད།) དཔྲལ་བ། |
| མིག་ཡ་བ |
(མངོན་བརྗོད།) རྣམ་ཐོས་སྲས། |
| མིག་ཡངས་པ |
ཡུལ་གང་ལའང་ལྟ་རྟོག་ཐུབ་པ། |
| མིག་ཡངས་མ |
བུད་མེད་ན་གཞོན། |
| མིག་ཡུལ |
མིག་གིས་མཐོང་བའི་ཡུལ། |
| མིག་ཡོད་པ |
(མངོན་བརྗོད།) གཟའ་ཕུར་བུ། |
| མིག་ཡོར |
མིག་འཁྲུལ་བར་བྱེད་པའི་གཟུགས་བརྙན་ལྟ་བུའི་མིང་། |
| མིག་ར |
མིག་དྲ་སྟེ་སྤུ་རྩིད་ཀྱིས་བཟོས་པའི་མིག་སྐྱོབ་ཀྱི་ཡོ་བྱད་ཅིག |
| མིག་རས |
མིག་དང་དོན་གཅིག་སྟེ། (དཔེར་ན།) ཡུལ་གྲུ་སོ་སོའི་གནས་ཚུལ་ལ་མིག་རས་བཙའ་བ་ལྟ་བུ། |
| མིག་རིག་རིག |
མིག་ཧྲིག་ཧྲིག་དང་འདྲ། |
| མིག་རིམས |
གཞན་ལ་འགོ་བར་བྱེད་པའི་མིག་ནད། |
| མིག་རིལ |
མིག་རྡོག་ཧྲིལ་ཧྲིལ་ཏེ་མིག་འབྲས། |
| མིག་རུས་མནན་པ |
(མངོན་བརྗོད།) ཁོང་ཁྲོ་བ། |
| མིག་རྒྱག་པ |
(ཡུལ་སྐད།) 1>གྲོ་ནས་སོགས་ཀྱི་འབྲུ་རྡོག་ཐོག་མར་ཆགས་པའི་དོན། 2>བུ་ག་འབིགས་པའི་དོན་ཏེ། (དཔེར་ན།) བྲག་གཤག་པར་རྫས་མིག་རྒྱག་དགོས་ལྟ་བུ། |
| མིག་རྒྱང |
1.ཕུགས་བསམ་གྱི་དོན་ཏེ། (དཔེར་ན།) མིག་རྒྱང་རིང་བ་ལྟ་བུ། 2.མཐོང་ཡུལ་གྱི་བར་ཐག་སྟེ། (དཔེར་ན།) རྟ་དེ་གཉིས་ཀྱི་མགྱོགས་ཁྱད་མིག་རྒྱང་གང་ཙམ་ཞིག་འདུག་ཅེས་པ་ལྟ་བུ། |
| མིག་རྒྱང་ཐུང་བ |
1.ཕུགས་བསམ་ཆུང་བ། 2.བལྟ་ཡུལ་བར་ཐག་ཐུང་བ། |
| མིག་རྒྱང་རིང་བ |
1.ཕུགས་བསམ་རྒྱང་རིང་བ། 2.བལྟ་ཡུལ་བར་ཐག་རིང་བ། |
| མིག་རྒྱུ |
སྨིག་རྒྱུ་ཡི་འབྲི་ཚུལ་གཞན། |
| མིག་རྣག |
མིག་སྐྱག |
| མིག་རྣོ |
རྟོག་ཞིབ་བྱེད་མཁས་པ། |
| མིག་རྣོན་པོ |
མིག་གསལ་པོའི་དོན་ཏེ། (དཔེར་ན།) ཁོ་རང་ཐག་རིང་གི་ཡུལ་ཡང་གསལ་པོ་མཐོང་བའི་མིག་རྣོན་པོ་ཞིག་རེད་ཅེས་པ་ལྟ་བུ། |
| མིག་ལ་ཕན |
(མངོན་བརྗོད།) ཆུ་ཤེལ། |
| མིག་ལ་ཟུག་པ |
1.ལྟ་སྣང་ལ་མཛེས་པོར་མཐོང་བ། 2.མིག་རིལ་ཕིགས་པ་སྟེ། (དཔེར་ན།) རླུང་ཚུབ་ལངས་ནས་གྲ་མ་ཞིག་མིག་ལ་ཟུག་པ་ལྟ་བུ། |
| མིག་ལ་འཁྱུག་པ |
ཡིད་དུ་འགྲོ་བའམ། བློ་ལ་འབབ་པ་སྟེ། (དཔེར་ན།) ལས་སྟངས་ལ་ལེགས་བཅོས་བཏང་རྗེས་མི་ཚང་མའི་མིག་ལ་འཁྱུག་པོ་བྱུང་སོང༌ལྟ་བུ། |
| མིག་ལ་རྒྱུག་པ |
ལྟ་སྣང་ལ་འབབ་པ་སྟེ། (དཔེར་ན།) མི་ཚང་མའི་མིག་ལ་རྒྱུག་པ་ལྟ་བུ། |
| མིག་ལམ |
མིག་གི་མཐོང་ཡུལ་ཏེ། (དཔེར་ན།) ཁྭ་ཏ་ནག་པོའི་མིག་ལམ་ན། སྐྱག་པ་གསེར་གྱི་མཆོད་རྟེན་རེད་ཅེས་པ་ལྟ་བུ། |
| མིག་ལམ་ཆད་པ |
(བརྡ་རྙིང་།) ས་སྲིབས་པ། |
| མིག་ལོག |
ཁྲོ་བའམ་མི་དགའ་བའི་ལྟ་སྟངས་ཏེ། (དཔེར་ན།) མིག་ལོག་གིས་བལྟས་ཟེར་བ་ལྟ་བུ། |
| མིག་ལོབ་ངན་པ |
མིག་ལྟོས་ངན་པ། |
| མིག་ལྕིབས |
1.མིག་ལྤགས་ཏེ་སྤྱན་ལྕིབས་ཀྱང་ཟེར། 2.མིག་ཤེལ། |
| མིག་ལྟོས |
མི་རྣམས་ཀྱིས་ལེགས་པའི་དཔེ་ཚད་དུ་བྱེད་འོས་པའི་བྱ་སྤྱོད་དང་བྱ་སྤྱོད་དེ་ལྟ་བུ་ལྡན་པའི་མི་སྟེ། (དཔེར་ན།) མིག་ལྟོས་བྱེད་འོས་པའི་བྱ་བ། དྲང་བདེན་ཅན་ནི་ང་ཚོས་མིག་ལྟོས་བྱེད་ས་ཡིན་ལྟ་བུ། |
| མིག་ལྟོས་ངན་འགྲན |
བྱ་སྤྱོད་ངན་པའི་རྗེས་སུ་འབྲང་བ་སྟེ། (དཔེར་ན།) ཕན་ཚུན་གཅིག་གིས་གཅིག་ལ་མིག་ལྟོས་ངན་འགྲན་མ་བྱེད་ཅེས་པ་ལྟ་བུ། |
| མིག་ལྟོས་དཔེ་སྟོན |
བྱ་སྤྱོད་བཟང་ངན་གྱི་མིག་དཔེ་སྟོན་པ་སྟེ། (དཔེར་ན།) ལག་བསྟར་ནུས་ཐོན་གྱི་ཉམས་མྱོང་བཟང་པོ་རྣམས་མིག་ལྟོས་དཔེ་སྟོན་བྱས་ནས་ཁྱབ་སྤེལ་གཏོང་ལྟ་བུ། |
| མིག་ལྟོས་བཟང་པོ |
མིག་སྲོལ་ལམ་མིག་རྒྱུན་ལེགས་པོ། |
| མིག་ལྟོས་ཡར་འགྲན |
མིག་སྲོལ་ལམ་མིག་རྒྱུན་བཟང་ཕྱོགས་ལ་འགྲན་པ་སྟེ། (དཔེར་ན།) མི་བཟང་དོན་བཟང་ལ་མིག་ལྟོས་ཡར་འགྲན་བྱེད་དགོས་ལྟ་བུ། |
| མིག་ལྟོས་ཤས་རྐྱེན |
མིག་རྒྱུན་བཟང་པོ་འགྲིབ་ནས་ངན་པ་འཕེལ་རྐྱེན་ཏེ། (དཔེར་ན།) ཚུལ་མིན་རྩིང་སྤྱོད་མིག་ལྟོས་ཤས་རྐྱེན་དུ་འགྲོ་རིགས་རྩ་འགོག་བྱེད་དགོས་ལྟ་བུ། |
| མིག་ལྡན |
1.མིག་ཡོད་པ། 2.(མངོན་བརྗོད།) 1>མཁས་པ། 2>གཟའ་ཕུར་བུ། |
| མིག་ལྡན་ཀུན་གྱིས་ཤེས་གསལ |
མིག་མཐོང་གཟུགས་གྲུབ་ཀྱི་དོན། (དཔེར་ན།) སྔོན་ཐོན་མི་སྣ་ནི་མིག་ལྡན་ཀུན་གྱིས་ཤེས་གསལ་རེད་ཅེས་པ་ལྟ་བུ། |
| མིག་ལྡན་གཡང་མཆོངས |
ཤེས་བཞིན་ངན་ལམ་འགྲོ་བའི་དཔེ། |
| མིག་ལྡིར་བ |
མིག་འབུར་ཚུགས་སུ་ལྟ་བ་སྟེ། (དཔེར་ན།) མཐའ་མཚམས་ཀྱི་གནས་ཚུལ་ལ་མིག་ལྡིར་ནས་ལྟ་བ། ནམ་མཁར་མིག་ལྡིར་བ་ལྟ་བུ། |
| མིག་ལྡོག་པ |
མིག་འབྲས་ལྟ་སྟངས་འགྱུར་བ་སྟེ། (དཔེར་ན།) སྲོག་ཆགས་འཆི་ཁར་མིག་འབྲས་དཀར་ནག་ལོག་པ་ལྟ་བུ། |
| མིག་ལྤགས |
མིག་གི་པགས་པ། |
| མིག་ཤེལ |
མིག་ལ་གྱོན་རྒྱུའི་ཤེལ་སྒོ། |
| མིག་ཤེས |
མིག་གི་རྣམ་པར་ཤེས་པ་སྟེ། རང་གི་ཐུན་མོང་མ་ཡིན་པའི་བདག་རྐྱེན་མིག་དབང་ལ་བརྟེན་ནས་བྱུང་བའི་རང་ཡུལ་དུ་གྱུར་པའི་གཟུགས་ཀྱི་སྐྱེ་མཆེད་ཀྱི་ངོ་བོ་རང་སྟོབས་ཀྱིས་མཐོང་བའི་ཤེས་པ། དཔེར་ན། དཀར་པོ་མཐོང་བའི་མིག་ཤེས་ལྟ་བུའོ། ། |
| མིག་སེར |
1.ཕོ་མོ་ཕན་ཚུན་བར་དུ་ཆགས་པས་བསླངས་པའི་ཁོང་ཁྲོ། 2.ཕྲག་དོག 3.མིག་ནད་ཅིག |
| མིག་སེར་ཅན |
(མངོན་བརྗོད།) སྲིན་བྱ་འུག་པ། |
| མིག་སྐྱ་བ |
(མངོན་བརྗོད།) རྣམ་ཐོས་སྲས། |
| མིག་སྐྱག |
མིག་གྲུ་ལ་ཆགས་པའི་དྲི་མ། |
| མིག་སྐྱི |
མིག་འབྲས་ཕྱི་ངོས་ཀྱི་སྲབ་ཅིང་དྭངས་པའི་སྐྱི་མོ། |
| མིག་སྐྱོ |
མིག་གི་དྲི་མ། མིང་གི་རྣམ་གྲངས་ལ་མིག་སྐྱག་དང༌། མིག་གི་རྔུ་མ། མིག་རྣག་བཅས་སོ། ། |
| མིག་སྔར་མཐུན་པ |
མིག་ལམ་དུ་འབབ་པའམ་མཐོང་སྙིང་འདོད་པ་སྟེ། (དཔེར་ན།) ཚོང་ཟོག་འདི་ཉོ་མཁན་གྱི་མིག་སྔར་མཐུན་པ་ཞིག་འདུག་ཅེས་པ་ལྟ་བུ། |
| མིག་སྟོང་ཅན |
(མངོན་བརྗོད།) བརྒྱ་བྱིན། |
| མིག་སྣང |
མིག་ཡུལ་ལམ་མིག་ལམ་ཏེ། (དཔེར་ན།) སྤྱོད་ལམ་ངན་པ་མིའི་མིག་སྣང་དུ་མི་འགྲོ་བ། དཔའ་བོའི་མིང་གིས་དགྲ་སྲོག་གཅོད། སྟོན་མོའི་ཟས་ཀྱིས་མིག་སྣང་རྒྱགས་ཞེས་པ་ལྟ་བུ། |
| མིག་སྤྲིན |
མིག་སྒྲིབ་བྱེད་ཀྱི་ནད། |
| མིག་སྦྲིད་པ |
མིག་མི་གསལ་བའམ། རབ་རིབ་ཏུ་གྱུར་པའི་དོན་ཏེ། (དཔེར་ན།) ལྟད་མོ་ཆེ་དྲགས་པས་མིག་སྦྲིད་པ་ལྟ་བུ། |
| མིག་སྨན |
1.མིག་གི་སྨན། 2.རྡོ་སྨན་མདུང་རྩེ་སྨུག་པོའི་མིང་གཞན་ཞིག 3.ཁ་དོག་ནག་པོ། |
| མིག་སྨན་གྱི་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། བསྒྲུབས་པའི་མིག་སྨན་མིག་ལ་བྱུག་པས་འཇིག་རྟེན་གྱི་གཟུགས་ཕྲ་རགས་ཉེ་རིང་མེད་པར་མཐོང་བ། |
| མིག་སྨན་མཇུག་མ |
(མངོན་བརྗོད།) ཁྲུང་ཁྲུང༌། |
| མིག་སྨན་མདོག་ཅན |
(མངོན་བརྗོད།) དུས་མེ། |
| མིག་སྨན་མིག་ཕན |
དམིགས་ཡུལ་དེ་རང་ལ་ཕན་པ་བྱེད་དགོས་པའི་དཔེ། |
| མིག་སྨན་འདེབས་བྱེད |
མིག་ནང་དུ་མིག་སྨན་འདེབས་བྱེད་ཀྱི་ཐུར་མ། |
| མིག་སྨན་རྩྭ |
(མངོན་བརྗོད།) རྩངས་པ། |
| མིག་སྨན་ལུས་ཅན |
(མངོན་བརྗོད།) དོམ། |
| མིག་སྨན་སངས་རྒྱས |
1.སྔོ་སྨན་ཞིག2.ཐིག་ལེའི་མིང་གི་རྣམ་གྲངས་ཤིག |
| མིག་སྨན་སྔོན་པོ |
(མངོན་བརྗོད།) མཐིང༌། |
| མིག་སླུ་བ |
མིག་འཁྲུལ་དུ་འཇུག་པ་སྟེ། (དཔེར་ན།) ཡིན་ཙམ་མིན་ཙམ་གྱི་ཐབས་ཤེས་སྣ་མང་བྱས་ཏེ་དགྲ་བོའི་མིག་སླུ་བ་ལྟ་བུ། |
| མིག་སླེ་བོ |
མིག་ཡོན་པོའམ་ཀྱོག་ཀྱོག |
| མིག་ཧར་པོ |
དཀར་ནག་མ་འདྲེས་པར་གསལ་བའི་མིག་འབྲས་བཀྲ་པོ་སྟེ། (དཔེར་ན།) ཕྲུ་གུའི་མིག་ཧར་པོ་ཞེས་པ་ལྟ་བུ། |
| མིག་ཧུར་རེ |
མིག་གིས་ལྟ་སྟངས་ཤིག་སྟེ། (དཔེར་ན།) ལས་གྲྭ་འཛུགས་ཡུལ་ཀུན་ལ་མིག་ཧུར་རེར་ལྟ་བ། ཁོང་ཁྲོ་བཟས་ནས་མིག་ཧུར་རེར་བལྟས་ལྟ་བུ། |
| མིག་ཧྲིག་གེ |
མིག་གིས་ལྟ་སྟངས་ཤིག་སྟེ། (དཔེར་ན།) ཁྲོམ་ཟོག་གསར་པར་མིག་ཧྲིག་གེར་བལྟས་ལྟ་བུ། |
| མིག་ཧྲིག་ཧྲིག |
མིག་འབུར་ཚུགས་སུ་ལྟ་སྟངས་ཤིག (དཔེར་ན།) ཉེ་སྐོར་གྱི་གནས་ཚུལ་ལ་མིག་ཧྲིག་ཧྲིག་གིས་བལྟས་ལྟ་བུ། |
| མིང |
མི་དང་བྱ་དངོས་ལ་བཏགས་པའི་བརྡའམ་ཐ་སྙད་དེ། (དཔེར་ན།) བྱིས་པ་ལ་མིང་བཏགས། ཁྱོད་ཀྱི་མིང་ལ་ཅི་ཟེར་ལྟ་བུ། |
| མིང་ཁུར་བ |
མིང་དང་དུ་བླངས་པ། |
| མིང་ཁྱེར་བ |
1.མིང་ཁུར་དུ་ལེན་པ། 2.གཞན་མིང་གཡར་བ་སྟེ། (དཔེར་ན།) གཞུང་དོན་གྱི་མིང་ཁྱེར་ནས་རང་དོན་སྒྲུབ་ཅེས་པ་ལྟ་བུ། |
| མིང་གཉིས |
འདོད་རྒྱལ་གྱི་མིང་དང༌། རྗེས་གྲུབ་ཀྱི་མིང་ངོ། །དེ་ལ་དངོས་མིང་དང༌། བཏགས་མིང་ཡང་ཟེར། |
| མིང་གཞི |
སྒྲ་སྦྱོར་གྱི་ཡི་གེའི་ཚེག་བར་གཅིག་གི་ནང་གི་ཡི་གེ་དམངས་ལྟ་བུར་མཚོན་ན་མ་ནི་མིང་གཞིའི་ཡི་གེ་ཡིན། |
| མིང་གཞི་གཉིས་སྦྲེལ |
གསལ་བྱེད་ཀྱི་ཡི་གེ་ཉིས་སྦྲེལ། |
| མིང་གཞི་གཙོ་ཕལ |
བསྐྱེད་ལྟ་བུ་སྔོན་འཇུག་བ་དང༌། རྗེས་འཇུག་ད། དབྱངས་འགྲེང་བུ་བཅས་འཇུག་སའི་མིང་གཞི་གཙོ་བོ་ཀ་དང༌། ཕལ་པ་ས་མགོ་དང་ཡ་བཏགས་ཡིན་པ་བཞིན་ནོ། ། |
| མིང་གཞི་གསུམ་སྦྲེལ |
གསལ་བྱེད་ཀྱི་ཡི་གེ་གསུམ་བརྩེགས་པ། |
| མིང་གཞི་ཉི་ཤུ |
སྔོན་རྗེས་མིང་གསུམ་གྱི་ཟླས་དབྱེ་བའི་མིང་གཞི་ཁོ་ན་ཉི་ཤུ་སྟེ། ཀ་ཁ་ཅ་ཆ་ཇ་ཉ་ཏ་ཐ་པ་ཕ་ཙ་ཚ་ཛ་ཝ་ཞ་ཟ་ཡ་ཤ་ཧ་ཨ་བཅས་སོ། ། |
| མིང་གཞི་རྐྱང་པ |
སྔོན་འཇུག་དང་རྗེས་འཇུག་སོགས་མེད་པའི་མིང་གཞིའི་འབྲུ་རྐྱང་པ། (དཔེར་ན།) ཀ་ཁ་ཞེས་པ་ལྟ་བུ། |
| མིང་གཞི་སུམ་ཅུ |
རྗེས་འཇུག་བཅུ་པོ་འཇུག་རུང་དུ་གྱུར་པའི་གསལ་བྱེད་སུམ་ཅུ། |
| མིང་གཞི་སུམ་ཅུ་སོ་བཞི |
མིང་ཚིག་རྩོམ་པ་ཀུན་གྱི་གཞིར་གྱུར་པའི་དབྱངས་གསལ་སུམ་ཅུ་སོ་བཞི། |
| མིང་གཞིའི་ཕོ་ཡིག |
མིང་གཞིར་གྱུར་པའི་ཡི་གེ་རྗོད་སྐབས་སོ་སོའི་སྐྱེ་གནས་ལ་བྱེད་རྩོལ་གྱི་ཤུགས་ཆེ་བའམ་གྲིམས་པ་རྣམས་ལ་ཟེར། ཀ་ཅ་ཏ་པ་ཙ། |
| མིང་གཞིའི་མ་ནིང |
མིང་གཞིར་གྱུར་པའི་ཡི་གེ་རྗོད་སྐབས་སོ་སོའི་སྐྱེ་གནས་ལ་བྱེད་རྩོལ་གྱི་ཤུགས་ཆེ་ཆུང་ངམ་གྲིམས་ལྷོད་རན་པ་རྣམས་ལ་ཟེར། ཁ་ཆ་ཐ་ཕ་ཚ |
| མིང་གཞིའི་མཚན་མེད |
མིང་གཞི་མོ་གཤམ་གྱི་ཡི་གེ་ར་ལ་ཧའི་རྩོལ་ཤུགས་ལས་ཀྱང་ཞན་པའི་ཨ་ལ་མཚན་མེད་ཀྱང་ཟེར། ཨ |
| མིང་གཞིའི་མོ་གཤམ |
མིང་གཞིར་གྱུར་པའི་ཡི་གེ་རྗོད་སྐབས་སོ་སོའི་སྐྱེ་གནས་ལ་བྱེད་རྩོལ་གྱི་ཤུགས་ཤིན་ཏུ་ལྷོད་ཅིང་ཞན་པ་རྣམས་ལ་ཟེར། ར་ལ་ཧ་ཨ། |
| མིང་གཞིའི་མོ་ཡིག |
མིང་གཞིར་གྱུར་པའི་ཡི་གེ་རྗོད་སྐབས་སོ་སོའི་སྐྱེ་གནས་ལ་བྱེད་རྩོལ་གྱི་ཤུགས་ཅུང་ཟད་ཆུང་བའམ་ལྷོད་པ་རྣམས་ལ་ཟེར། ག་ཇ་ད་བ་ཛ་ཝ་ཞ་ཟ་འ་ཡ་ཤ་ས། |
| མིང་གཞིའི་ཤིན་ཏུ་མོ |
མིང་གཞིར་གྱུར་པའི་ཡི་གེ་རྗོད་སྐབས་སོ་སོའི་སྐྱེ་གནས་ལ་བྱེད་རྩོལ་གྱི་ཤུགས་ཤིན་ཏུ་ཆུང་བའམ་ལྷོད་པ་རྣམས་ལ་ཟེར། ང་ཉ་ན་མ། |
| མིང་གཞུང |
མིང་བཀོད་པའི་ཐོ་ཡིག |
| མིང་གཟུགས |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། མིང་བཞིའི་ཕུང་པོ་དང་གཟུགས་ཀྱི་ཕུང་པོ་གཉིས་གཅིག་ལ་གཅིག་བརྟེན་པའོ། ། |
| མིང་གཟུགས་ཀྱི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། རྣམ་ཤེས་ཀྱི་དབང་གིས་སྐྱེ་བ་ཕྱི་མར་ཉིང་མཚམས་སྦྱར་བ་ན་མིང་བཞིའི་ཕུང་པོ་དང༌། མངལ་གྱི་གནས་སྐབས་ལྔའི་གཟུགས་ཕུང་དེ་དག་ཕན་ཚུན་བརྟེན་པའི་ཚུལ་གྱིས་ལུས་ཀུན་ཏུ་འཛིན་པར་བྱེད་པའོ། ། |
| མིང་གཟུགས་ཟླ་བ |
ཉི་མས་ལུག་ཁྱིམ་སྤྱོད་པའི་ཟླ་བའམ་ཧོར་ཟླ་གསུམ་པ། |
| མིང་གཡར་བ |
ཁ་གཡར་བའམ། མིང་གཞན་ཁྱེར་བའི་དོན་ཏེ། (དཔེར་ན།) སྤྱི་མིང་གཡར་ནས་སྒེར་དོན་སྒྲུབ་ཅེས་པ་ལྟ་བུ། |
| མིང་གི་དགེ་སློང |
སྡོམ་པའི་ཆོ་གའམ་ཀུན་སློང་མ་དག་པའི་དགེ་སློང༌། |
| མིང་གི་ཚོགས |
དོན་གྱི་ངོ་བོ་ཙམ་སྟོན་པར་བྱེད་པའི་བརྡ་རྣམས་ཏེ། (དཔེར་ན།) ཀ་བ་དང༌། ཁང་པ་དང༌། རི་དང༌། མི་ཞེས་པ་སོགས་པའོ། ། |
| མིང་གི་རྣམ་གྲངས |
དོན་གཅིག་ལ་མིང་འདྲ་བ་མང་ཉུང་སྣ་ཚོགས་ཡོད་པ་དཔེར་ན། ཚ་ཟེར་ཅན་དང༌། འོད་སྟོང་ཅན། ཉིན་བྱེད་དབང་པོ། པད་མའི་གཉེན། མུན་པའི་དགྲ། ནམ་མཁའི་ནོར་བུ་རྣམས་ཉི་མའི་མིང་གི་རྣམ་གྲངས་ཡིན། ཞེས་པ་ལྟ་བུ། |
| མིང་གི་ལྷག་མ |
མིང་ཤུལ། |
| མིང་གྲགས |
སྐད་གྲགས། |
| མིང་གྲོགས |
1. མིང་གཅིག་པའི་མི། 2.མིང་གི་ཆ་ཤས། |
| མིང་ངན |
1.གྲགས་པ་ངན་པ། 2.མིང་འདོགས་ངན་པ། |
| མིང་ཅན |
1.སྐད་གྲགས་ཡོད་པའི་དོན་ཏེ། (དཔེར་ན།) མི་མིང་ཅན་ཞེས་པ་ལྟ་བུ། 2.སྔོ་སྨན་གྱི་བྱེ་བྲག་ཅིག་མགོ་ན་བ་དང་སོ་ན་བར་ཕན། |
| མིང་ཅན་གཡུང་བ |
ཤིང་ཞིག |
| མིང་ཅན་ནག་པོ |
ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ལྷོག་པ་དང་གཉན་སྐྲངས་འཇོམས། ཁྲག་རླུང་གིས་ལུས་སྟོད་གཟེར་བ་ལ་ཕན། དུག་ཚད་སེལ། |
| མིང་ཅན་སེར་པོ |
མིང་ཅན་མེ་ཏོག་སེར་པོ་འཆར་བ་ཞིག་ནུས་པ་མིང་ཅན་ནག་པོ་དང་མཚུངས། |
| མིང་ཐོ |
མིང་བཀོད་པའི་ཐོ་ཡིག་སྟེ། (དཔེར་ན།) ཚོགས་འདུར་བཅར་ནས་མིང་ཐོ་འགོད་པ། སློབ་གྲྭའི་མིང་ཐོ་ནས་ཕུད་པ། སྨན་ཁང་དུ་མིང་ཐོ་འགོད་པར་འགྲོ་ཞེས་པ་ལྟ་བུ། |
| མིང་ཐོབ |
གོ་མིང་གི་ཐོབ་ཐང༌སྟེ། (དཔེར་ན།) དམག་ཐོག་བྱས་རྗེས་བཞག་པས་དཔའ་བོའི་མིང་ཐོབ་བྱུང་བ་ལྟ་བུ། |
| མིང་དང་བརྗོད་པ |
དོན་གྱི་ངོ་བོ་རེ་རེ་ཙམ་སྟོན་པའི་མིང་རྐྱང་དང༌། ཁྱད་གཞི་ཁྱད་ཆོས་མང་པོ་སྦྲེལ་ནས་སྟོན་པའི་བརྗོད་པ། |
| མིང་དོན |
ཐ་སྙད་དུས་ཀྱི་མིང་དང༌། བརྡ་དུས་ཀྱི་དོན་ཏེ། གདགས་གཞི་གང་ལ་འདོགས་བྱེད་ཀྱི་མིང་ཆགས་པའམ་གྲགས་ཤིང་གྲུབ་པའི་མིང་དང༌། འདོགས་བྱེད་ཀྱི་མིང་གདགས་པར་བྱ་བའི་གཞིའོ། ། (དཔེར་ན།) མིང་དོན་གཉིས་མཐུན་གྱི་དཔའ་པོ། གོ་གནས་དང་མིང་དོན་མི་མཚུངས་པ་བྱེད་མི་རུང་ལྟ་བུ། |
| མིང་དོན་བརྡ་སྤྲོད |
1.ཚིག་དོན་གྱི་འགྲེལ་པ་རྒྱག་པ། 2.ལོ་ཙཱ་བ་བཻ་རོ་ཙ་ནས་བརྩམས་པའི་རྒྱ་བོད་སྐད་གཉིས་ཤན་སྦྱར་གྱི་ཚིག་མཛོད་ཅིག |
| མིང་པ |
རང་མིང་གི་ཡི་གེ་དང་པོའི་མཐར་སྦྱར་ན་ཁེངས་སྐྱུངས་བྱས་པའི་དོན་ཏེ། (དཔེར་ན།) བཀྲ་ཤིས་ཀྱི་མིང་འཛིན་པ་ཞེས་པར་བཀྲ་མིང་པ་ནས་ཡི་གེ་འདི་ཕུལ་ལྟ་བུ། |
| མིང་པོ |
ཕ་མ་གཅིག་པའི་བུ་རྒན་གྲས། |
| མིང་བཏགས་ཐུག་པ |
སེར་འབྲས་སོགས་དགོན་སྡེ་ཆེ་གྲས་ནང་གི་གྲྭ་པ་ཚོར་དགེ་བཤེས་ཞེས་མཐོ་རིམ་ཤེས་ཡོན་པའི་གོ་མིང་གསར་དུ་བཏགས་པའི་དགའ་སྟོན་དུ་དགེ་བཤེས་དེས་་དགེ་འདུན་པ་ལ་དྲང་བར་བྱ་རྒྱུའི་འབྲས་ཐུག |
| མིང་བཞིའི་ཕུང་པོ |
ཚོར་བ། འདུ་ཤེས། འདུ་བྱེད། རྣམ་ཤེས་བཞི་འདུས་པའི་ཕུང་པོ་ཡིད་ཀྱི་ལུས་སོ། ། |
| མིང་བརྗེ་བ |
སྔར་གྱི་མིང་དེ་མ་ཡིན་པའི་མིང་གསར་པ་ཞིག་འདོགས་པ། |
| མིང་བརྡ |
དངོས་པོ་སོ་སོའི་མིང་གི་ཐ་སྙད། |
| མིང་བོ |
བུད་མེད་ཀྱིས་རང་དང་ཕ་མ་གཅིག་པའི་ཕོ་ལ་མིང་བོ་ཟེར། ཚིག་བསྡུས་ན་མིང་ཞེས་འབྲི་ཆོག་སྟེ། (དཔེར་ན།) མིང་བོ་དང་སྲིང་མོ་ལ་མིང་སྲིང་ཟེར་བ་དང་། མིང་བོ་ཆུང་བ་ལ་མིང་ཆུང་ཟེར་བ་ལྟ་བུ། |
| མིང་བྱང |
1.དཔེ་ཆའི་ཁ་བྱང༌། 2.མིང་ཐོ་སྟེ། (དཔེར་ན།) མིང་བྱང་ལྟར་གྲལ་སྒྲིགས་ཤིག་ཅེས་པ་ལྟ་བུ། |
| མིང་བྲིས་རྟགས་བཞག |
ཡིག་དན་གྱི་གཤམ་དུ་མིང་རྟགས་བཀོད་པ། |
| མིང་མཐའ |
1.རྗེས་འཇུག་སྟེ། ག་ང་ད་ན་བ་མ་འ་ར་ལ་ས་རྣམས་སོ། ། 2.མིང་གི་ཆ་ཤས་ཀྱི་ཡི་གེ་རྗེས་མ་སྟེ། ཀ་བ་དང༌། དམར་པོའི་བ་དང་པོ་ལྟ་བུ། |
| མིང་མཐའ་འདྲེན་པ |
མིང་མཐའི་རྗེས་འཇུག་གིས་རྟགས་མཚུངས་ཀྱི་མིང་གཞི་འདྲེན་ཚུལ་དང༌། སྒྲ་མཚུངས་ཀྱི་བརྗོད་བདེ་འདྲེན་ཚུལ། |
| མིང་མཐའི་པ་བ |
བདག་སྒྲ་སྟོན་བྱེད་མིན་པའི་མིང་གི་ཆ་ཤས་ཀྱི་པ་དང་བ་སྟེ། (དཔེར་ན།) ལག་པ། བུམ་པ། ཁ་བ། རིང་བ་ལྟ་བུའི་བ་དང་པའོ། ། |
| མིང་མཛོད |
མིང་ཚིག་མང་པོ་བཀོད་པའི་དེབ། |
| མིང་མེད |
1.འབོད་བྱེད་ཀྱི་མིང་བརྡ་མེད་པ། 2.(མངོན་བརྗོད།) སོར་མོ་མིང་མེད་དེ་སྲིན་མཛུབ། |
| མིང་ཙམ |
དོན་དང་མ་འབྲེལ་བའི་མིང་སྟོང༌། (དཔེར་ན།) ཁྱིམ་ཚང་གུད་ནས་སྔར་གྱི་མིང་ཙམ་ལས་གང་ཡང་མི་འདུག་ཅེས་པ་ལྟ་བུ། |
| མིང་ཚིག |
མིང་དང་ཚིག་གཉིས་ཏེ། དོན་གྱི་ངོ་བོ་སྟོན་པའི་མིང་བུམ་པ། ཀ་བ་ལྟ་བུ་དང༌། དོན་གྱི་ཁྱད་པར་སྟོན་པ་ཚིག་རི་མཐོན་པོ། བུམ་པའི་མཆུ། ཀ་བའི་མགོ་ལྟ་བུའོ། ། |
| མིང་ཚོགས |
དོན་གྱི་ངོ་བོ་སྟོན་པའི་ཐ་སྙད་མཐའ་དག |
| མིང་ཟླ |
1.མིང་གི་བརྡ་ཆད་འདྲ་བ། 2.མིང་ཡིག་གི་ཚིག་གྲོགས། |
| མིང་འགྲེལ |
དོན་གྱི་ངོ་བོ་སྟོན་པའི་མིང་གི་འགྲེལ་བཤད། |
| མིང་འདོགས |
མིང་ངན། |
| མིང་འདོགས་པ |
མིང་གི་ཐ་སྙད་སྔར་མེད་གསར་དུ་འདོགས་པ་སྟེ། (དཔེར་ན།) ལྕགས་ཟམ་ལ་མིང་འདོགས་པ། བུ་ལ་རྣམ་རྒྱལ་དང་བུ་མོ་ལ་གཡུ་སྒྲོན་ཟེར་བའི་མིང་འདོགས་དགོས་ལྟ་བུ། |
| མིང་འདོགས་སྣ་ཚོགས |
ཁག་འདོགས་མི་འདྲ་བ་མང་པོ་སྟེ། (དཔེར་ན།) ཁག་འདོགས་བྱས་ནས་མི་སེར་སྡུག་བསྔལ་ལ་སྦྱར་ཞེས་པ་ལྟ་བུ། |
| མིང་འཕྲོག་པ |
གོ་གནས་འཕྲོག་པའི་དོན་ཏེ། (དཔེར་ན།) བྱས་ཉེས་ལ་བརྟེན་ནས་ཁོའི་མིང་འཕྲོག་པ་ལྟ་བུ། |
| མིང་འབུར་བ |
སྐད་གྲགས་ཆེ་རུ་འགྲོ་བ་སྟེ། (དཔེར་ན།) རང་འདྲའི་ན་མཉམ་ཁྲོད་དུ་མིང་འབུར་བ་ལྟ་བུ། |
| མིང་ཡིག |
མིང་གི་ཡི་གེ། |
| མིང་ཡོད་དོན་མེད |
མིང་ཡོད་ཀྱང་དོན་གྱིས་སྟོངས་པ་སྟེ། (དཔེར་ན།) ཁ་ཞེ་གཉིས་མཚུངས་ཀྱི་ལས་ཀ་མ་བྱས་ན་མིང་ཡོད་དོན་མེད་ཅིག་ལས་ལག་འབྲས་གནད་སྨིན་མི་ཡོང༌ལྟ་བུ། |
| མིང་རྐྱང |
དོན་གྱི་ངོ་བོ་སྟོན་བྱེད། |
| མིང་རྟགས |
མིང་དང་ཐེལ་རྒྱ་སྟེ། (དཔེར་ན།) ཆིངས་ཡིག་ཐོག་མིང་རྟགས་བཀོད་ཡོད་ལྟ་བུ། |
| མིང་སྒྱུར |
མིང་རྙིང་པ་གསར་དུ་བརྗེ་བ། |
| མིང་སྟོང་པ |
དོན་གྱི་དངོས་པོ་མེད་པའི་མིང་རྐྱང༌། |
| མིང་སྟོན |
1.མིང་འདོགས་ཀྱི་སྟོན་མོའམ་མཛད་སྒོ། 2.མི་ཕྱུགས་དངོས་པོ་སོགས་ཀྱི་མིང་བརྡ་སྟོན་པ། |
| མིང་སྦྱོར་རྟོག་པ |
རྟོག་པའི་ནང་གསེས་ཤིག་སྟེ། དོན་དང་མིང་སྦྱར་ནས་འཛིན་པའི་ཞེན་རིག (དཔེར་ན།) གདུང་འདེགས་ཀྱི་དོན་བྱེད་ནུས་པ་ལ་ཀ་བའོ་སྙམ་དུ་འཛིན་པའི་རྟོག་པ་ལྟ་བུའོ། ། |
| མིང་སྦྲེལ་བ |
མིང་མང་པོ་ཕྲད་རྣམ་དབྱེས་སྦྲེལ་ཏེ་ཚིག་བཟོས་པ། |
| མིང་སྲིང |
མིང་པོ་དང་སྲིང་མོ་སྟེ་ཕ་མ་གཅིག་པའི་སྤུན་ཕུ་བོ་དང་ནུ་མོ། །མིང་གི་རྣམ་གྲངས་ལ་སྐྱེ་གནས་མཚུངས་པ་དང༌། ཚངས་པར་མཚུངས་པའོ། ། |
| མིད |
1.(བྱེད་འབྲེལ་ལས་ཚིག) ཟས་ཟོས་ཏེ་མིད་པ་བརྒྱུད་ནས་ཕོ་བར་འགྲོར་བཅུག་པ་སྟེ། (དཔེར་ན།) ཟ་མ་བལྡད་ནས་མིད་ལྟ་བུ། ཡུལ་སྐད་དུ་མྱིད་ཟེར།2.ཟས་འགྲོ་སའི་མིད་ཐག་སྟེ། (དཔེར་ན།) མིད་པ་འགག་པ། མིད་པ་ཚ་བ། མིད་པ་ལྟ་བུའི་འགྲོ་ལམ་ལྟ་བུ། |
| མིད་དཀྱུས |
བད་ཀན་གྲེ་ཐོགས། |
| མིད་པ་གཉིས་པ |
(མངོན་བརྗོད།) བ་ལང་དང་ར་ལུག་སོགས། |
| མིད་པ་འཆུས་པ |
སེམས་སྐྱོ་བ་སོགས་ཀྱིས་དབུགས་གཏོང་མི་བདེ་བར་གྱུར་པ་སྟེ། (དཔེར་ན།) སྔར་མྱོང་གི་སྡུག་བསྔལ་དྲན་ནས་མིད་པ་འཆུས་པ་ལྟ་བུ། |
| མིད་ལ |
མི་ལ་དང་མཚུངས་ཏེ་བོད་ཀྱི་རིགས་རུས་རྙིང་པ་ཞིག |
| མིད་སྦུབས |
མགྲིན་པའི་སྦུབས་ལམ། |
| མིན |
(ལས་ཚིག་རྗེས་མཐུན་པ) མ་ཡིན་ཞེས་པའི་ཚིག་བསྡུས་པ་སྟེ། (དཔེར་ན།) བདག་གི་མ་ཡིན་ལ། བདག་གི་མིན་ཟེར་བ་དང་། ཡིན་ནམ་མ་ཡིན་ལ་ཡིན་ནམ་མིན་ཟེར་བ་ལྟ་བུ། |
| མིན་གྲང |
མ་ཡིན་ནམ་ཟེར་བ་འདྲ་སྟེ། (དཔེར་ན།) སྐད་ཆ་ཟ་རི་ཟི་རི་འདི་དག་ཁོས་རང་གར་བཤད་པ་མིན་གྲང༌ཞེས་པ་ལྟ་བུ། |
| མིན་ད |
(ཡུལ་སྐད།) མ་ཡིན་ནམ་མ་རེད་ཅེས་པ་དང་འདྲ་སྟེ། (དཔེར་ན།) རྙོག་དྲ་སློང་མཁན་ངོ་མ་ཁོ་མིན་ད། མི་གཞན་པ་ཞིག་ཡོད་ཅེས་པ་ལྟ་བུ། འདི་མིན་ལྟ་ཞེས་པ་དང་འདྲ། |
| མིན་ནམ |
ཨེ་ཡིན་ཞེས་པ་དང་འདྲ་སྟེ། (དཔེར་ན།) སྐད་ཆ་ཁུངས་མེད་འདི་བཤད་མཁན་ཁྱོད་རང་མིན་ནམ་ཞེས་པ་ལྟ་བུ། |
| མིན་པ |
མ་ཡིན་པ་ཞེས་པའི་བསྡུས་ཚིག་སྟེ། (དཔེར་ན།) བྲག་རི་འདི་ནས་ཡར་འགྲོ་སའི་ལམ་སྤོ་བོ་ཁོ་མིན་པ་སུས་ཀྱང་མི་ཤེས། ང་ཡུད་ཙམ་མིན་པ་མི་སྡོད་ཅེས་པ་ལྟ་བུ། |
| མིན་པ་ཉིད |
མ་ཡིན་པ་ཁོ་ནའི་དོན་ཏེ། (དཔེར་ན།) གཡོ་ཁྲམ་ཅན་གྱིས་བཤད་པའི་སྐད་ཆ་དེ་ཡིད་ཆེས་རུང་བའི་བདེན་གཏམ་མིན་པ་ཉིད་ཅེས་པ་ལྟ་བུ། |
| མིན་པ་འདྲ |
མིན་པར་དོགས་པ་སྟེ། (དཔེར་ན།) ལས་ཀ་འདི་བྱེད་མཁན་ཁོ་རང་མིན་པ་འདྲ་ཞེས་པ་ལྟ་བུ། |
| མིན་མེད་མཇུག་མ |
དགག་སྒྲ་མིན་དང་མེད་ནི་མིང་གི་ཐ་མ་ལས་ཐོག་མར་མི་འཇུག (དཔེར་ན།) ང་ལྷ་ས་བ་མིན། ང་ལ་ལྷ་སའི་ཆ་རྒྱུས་མེད་ཅེས་པ་ལྟ་བུ། |
| མིན་འགྲོ |
ཡིན་པ་འདྲ་ཟེར་བའི་དོན་ཏེ། (དཔེར་ན།) མི་འདི་བློ་སྟོབས་ཆེན་པོ་ཞིག་མིན་འགྲོ་ཞེས་པ་ལྟ་བུ། |
| མིན་འདྲ |
མིན་པ་འདྲའི་བསྡུས་ཚིག |
| མིན་རྩི |
(ཡུལ་སྐད།) མ་གཏོགས། |
| མིན་ལས་ཆེ |
ཨེ་ཡིན་ཞེས་པ་དང་འདྲ་སྟེ། (དཔེར་ན།) ཁོའི་བསམ་འཆར་དེ་ནོར་བ་ཞིག་མིན་ལས་ཆེ་ལྟ་བུ། |
| མིན་ལོག |
མིན་པ་ལས་ལོག་པ་ཞེས་པ་མིན་པའི་ལྡོག་ཟླ་ཡིན་པའོ། །དཔེར་ན་བུམ་པ་མ་ཡིན་པ་ལས་ལོག་པ་བུམ་པ་ཡིན་པ་ལྟ་བུའོ། ། |
| མིན་ཤག |
མ་ཡིན་ཚོད་ཅེས་པ་སྟེ། (དཔེར་ན།) མི་འདིའི་སྤྱོད་ལམ་ལ་བལྟས་ན་གཤིས་རྒྱུད་བཟང་པོ་ཞིག་མིན་ཤག་རེད་ཅེས་པ་ལྟ་བུ། |
| མིའམ་ཅི |
ལྷ་སྲིན་སྡེ་བརྒྱད་མིའི་ལུས་པོར་སྤྲུལ་ནས་སངས་རྒྱས་ཀྱི་སར་ཆོས་ཉན་པར་ཡོང་བས་མིང་དེ་ལྟར་ཐོབ། |
| མིའི་གནས་སྐབས་ལྔ |
བྱིས་པ་དང༌། གཞོན་ནུ། དར་ལ་བབ་པ། བར་མའམ་དར་ཡོལ། རྒན་པོ་བཅས་སོ། ཡང་ན། བྱིས། གཞོན། ལང་ཚོ། རྒན། སྨིན་ལྔ། |
| མིའི་ཆོལ་ཁ |
ཆོལ་ཁ་གསུམ་གྱི་ཡ་གྱལ་ཞིག་སོག་ལ་སྐྱ་བོ་ནས་རྨ་ཆུའི་ཁུག་པའི་ཡན་ཆད་ནི་མདོ་སྟོད་མིའི་ཆོལ་ཁ། |
| མིའི་ཆོས་ལྡན |
(མངོན་བརྗོད།) རྣམ་ཐོས་སྲས། |
| མིའི་དབང་པོ |
(མངོན་བརྗོད།) རྒྱལ་པོ། |
| མིའི་དབང་ཕྱུག |
(མངོན་བརྗོད།) 1>རྒྱལ་པོ། 2>སངས་རྒྱས། |
| མིའི་ནད་ཕལ་པ་བཞི |
མིའི་ལུས་ལ་ཕོག་སླ་བའི་ནད་ཕལ་པ་སྟེ་རླུང་དང༌། མཁྲིས་པ། བད་ཀན། འདྲེས་པ་བཞིའོ། ། |
| མིའི་བཙད་པོ |
མིའི་བཙན་པོ་དང་འདྲ། |
| མིའི་བཙན་པོ |
མིའི་རྒྱལ་པོ། |
| མིའི་རིགས |
མིའི་སྤྱི་མིང་། |
| མིའི་རིགས་ནས་རིགས་སུ་སྐྱེ་བ |
དགེ་འདུན་ཉི་ཤུའི་ནང་གསེས། རྒྱུན་ཞུགས་འབྲས་གནས་ཁྱད་པར་ཅན་གང་ཞིག་འཛམ་བུའི་གླིང་པ་ལྟ་བུའི་རྟེན་ལ་རྒྱུན་ཞུགས་ཐོབ་པ་དེ་མིར་ལན་གཉིས་སྐྱེས་ནས་གླིང་དེ་ཉིད་དམ་ཤར་ནུབ་གང་རུང་དུ་སྐྱེས་ནས་མྱ་ངན་ལས་འདའ་བའོ། ། |
| མིའི་རུས་བཀྲ |
མིའི་ལུས་ཀྱི་རུས་ཚིགས་དང་དོན་ལྔ་སྣོད་དྲུག་རྒྱུ་མ་སོགས་བྲིས་པའི་དཔེ་རིས། |
| མིའི་ལུས་ཀྱི་གཟུགས་ཡུལ་དྲུག |
ནང་གི་ས་ཆུ་མེ་རླུང་ཁུ་ཁྲག་བཅས། |
| མིའུ |
མི་གཟུགས་ཐུང་། |
| མིའུ་གདུང་དྲུག |
སེ། རྨུ། ལྡོང༌། སྟོང༌། དབྲ། འདྲུ་སྟེ་སྤྲ་ནས་མཆེད་པའི་བོད་ཀྱི་རིགས་དྲུག |
| མིའུ་ཐུང |
1.མི་གཟུགས་ཐུང་གི་མིང༌། མིང་གི་རྣམ་གྲངས་ལ་བོངས་ཐུང་དང༌། མི་ཐུང༌། ལུས་ཆུང་བ་བཅས་སོ། །2.(མངོན་བརྗོད།) ཁྱབ་འཇུག |
| མིའུ་རིན་ཆེན |
མི། |
| མིའུ་ལྡོང་དྲུག |
མིའུ་གདུང་དྲུག་དང་དོན་གཅིག |
| མིར |
མི་རུ་ཞེས་པའི‘རུ’ཡིག་བསྡུས་པ་སྟེ། (དཔེར་ན།) སྲིན་པོ་མིར་བརྫུས་ཞེས་པ་ལྟ་བུ། |
| མིར་ཁི |
(སོག་སྐད།) བརྒྱལ་གཟེར་ཏེ། ཀླད་དཀྱིལ་གྱི་སྲིན་བུ་འཁྲུགས་ནས་གློ་བུར་དུ་མགོ་གཟེར་ནས་བརྒྱལ་བར་འགྱུར་བའི་ནད་ཅིག |
| མིར་ཆགས |
མའི་མངལ་གྱི་བྱིས་པ། |
| མིས་བཟོས |
མིའི་ལག་རྩལ་གྱིས་བཟོས་པ་སྟེ། (དཔེར་ན།) མིས་བཟོས་འཁོར་སྐར། མིས་བཟོས་གཙང་པོ་ཞེས་པ་ལྟ་བུ། |
| མིས་སྟོངས་ཁང་རོ |
སྡོད་མཁན་གྱི་མི་མེད་པའི་ཁང་སྟོང༌། |
| མུ |
1.མཚམས་དང༌། མཐའི་དོན་ཏེ། (དཔེར་ན།) འདི་ནས་རྒྱལ་མཚམས་ཀྱི་ས་མུར་ཐུག་པ། མངའ་ཁོངས་རྒྱ་མཚོའི་མུར་ཐུག་བྲིས་པ། དུས་རབས་སྔ་ཕྱིའི་མུ། པང་ལེབ་ཀྱི་བཅད་ཁའི་མུ་ཁད་མཉམ་པ། མུ་མཐའ་བྲལ་བ་ཞེས་པ་ལྟ་བུ། 2.འཕྲོ་མ་དང༌། ཞོར་མའམ། ངང་གི་དོན་ཏེ། (དཔེར་ན།) ནོར་འཁྲུལ་བྱུང་རིགས་དེ་མུར་བཞག་ན་མི་འགྲིག རྒྱལ་ཁ་འཐོབ་མུ་ནས་འབད་བརྩོན་ལྷུར་ལེན་བྱེད་དགོས། ལས་དོན་བྱེད་མུ་ལ་སློབ་སྦྱོང་ཡང་བྱེད་ཅེས་པ་ལྟ་བུ། |
| མུ་ཁ |
1.ཟ་བྱེད་ཁ། 2.སྣམ་བུའམ་རས་ཀྱི་སྣམ་པའི་མཐའ། |
| མུ་ཁྱུད |
1.འཁོར་ལོའི་རྩིབས་ཀྱི་མཐའ་འགྲམ་ཟླུམ་པོའི་མིང་། (དཔེར་ན།) འཁོར་ལོའི་རྩིབས་དང་མུ་ཁྱུད། མུ་ཁྱུད་ཕྱི་མ་དང་ནང་མ་ཞེས་པ་ལྟ་བུ། 2.ཕྱིའི་ར་བའི་མིང་། (དཔེར་ན།) ཡུལ་གྲུ་རི་བོའི་མུ་ཁྱུད་ཅན། ཕྱིའི་ལྕགས་རི་མུ་ཁྱུད་ཅེས་པ་ལྟ་བུ། |
| མུ་ཁྱུད་འཛིན |
གསེར་གྱི་རི་བདུན་གྱི་ནང་གསེས། ངོས་སུ་དཔག་ཚད་དྲུག་བརྒྱ་དང་བཅུ་གཉིས་ཡོད་ཅིང་རི་ཐམས་ཅད་ཀྱི་མཐའ་སྐོར་དུ་ཡོད་པའོ། ། |
| མུ་ཁྲི་བཙན་པོ |
1.གཉའ་ཁྲི་བཙན་པོ་དང་གནམ་མུག་མུག་གཉིས་ཀྱི་སྲས། བོད་རྒྱལ་གདུང་རབས་གཉིས་པ་ཡིན་ལ། གནམ་གྱི་ཁྲི་བདུན་དུ་གྲགས་པའི་གཉིས་པའང་ཡིན། 2.ཁྲི་སྲོང་ལྡེ་བཙན་གྱི་སྲས་སུ་གྱུར་པའི་མུ་ཁྲི་བཙན་པོ་ནི། མཁས་པའི་དགའ་སྟོན་དུ་དེའི་སྲས་ཆེ་བ་དང༌། དེབ་དམར་དུ་དེའི་སྲས་གཉིས་པ་ཡིན་ཡང་ཆུང་དུས་ནས་འདས་ཞེས་དང༌། དཔྱིད་ཀྱི་རྒྱལ་མོའི་གླུ་དབྱངས་སུ་མུ་ནེ་བཙན་པོ་དང་འདི་གཉིས་དོན་གཅིག་མིང་གི་རྣམ་གྲངས་ཡིན་པར་བཤད་དོ། ། |
| མུ་གེ |
1.ཟས་མེད་པར་བཀྲེས་སྐོམ་མྱངས་པའི་སྡུག་བསྔལ་གྱི་མིང་། (དཔེར་ན།) དུས་ངན་ལ་རྒྱུན་དུ་མུ་གེ་བྱུང་ལྟ་བུ། 2.ལོ་ཏོག་ལ་རང་བྱུང་གི་གནོད་འཚེ་བྱུང་ནས་འབྲུ་རིགས་མེད་པའི་དཀའ་སྡུག་གི་མིང་། |
| མུ་གེ་བསྐྱེད |
(མངོན་བརྗོད།) ཐན་པ། |
| མུ་གེའི་ཉམས་ཉེས |
བཟའ་བཏུང་མེད་པའི་སྡུག་བསྔལ། |
| མུ་ཅོར |
(བརྡ་རྙིང་།) 1>རྫུན། 2>ཁ་གཏོང་བ། 3>སྐད་ཅོར་སྒྲོག་པ། |
| མུ་ཅོར་ཚ |
(བརྡ་རྙིང་།) སྐད་ཅོར་ཆེ། |
| མུ་ཅོར་ཚུགས་མེད |
(བརྡ་རྙིང་།) ངོ་ཚ་མེད་པ། |
| མུ་ཆུ |
འབྲི་ཆུའི་ཡན་ལག་ཅིག ཁམས་་རྫ་སྟོད་དུ་ཡོད། |
| མུ་ཏིག |
སྲོག་ཆགས་ཉ་ཕྱིས་ཀྱི་སྐོགས་ཤུན་ནང་དུ་ཟེགས་མ་ཞུགས་པ་ན། ཉ་ཕྱིས་ཀྱི་ལུས་ནས་གཤེར་ཁུའི་རིགས་ཤིག་ཟགས་ནས་ཟེགས་མ་བཏུམས་པ་ལས་གྲུབ་པའི་དངོས་པོ་རིལ་མོ་འོད་འཚེར་བ་ཆེ་ཆུང་སྣ་ཚོགས་ཡོད་པ་ཞིག་ཡིན་ཞིང་། སྨན་མཆོག་ཅིག་ཡིན་ལ། རྒྱན་ཆ་ཡང་བྱེད་ཆོག |
| མུ་ཏིག་ཐུག་ཁོག |
(ཡུལ་སྐད།) བོད་ཀྱི་ལྕམ་གྱི་མགོ་རྒྱན་ཞིག |
| མུ་ཏིག་ཕྲེང་བ |
མུ་ཏིག་སྟར་ལ་བརྒྱུས་པ། |
| མུ་ཏིག་བཙན་པོ |
དེབ་ཐེར་དམར་པོ་དང་མཁས་པའི་དགའ་སྟོན་དུ་ཁྲི་སྲོང་ལྡེ་བཙན་ལ་སྲས་བཞི་ཡོད་པའི་གསུམ་པ་ཡིན་ལ། བློན་པོ་ཞང་གི་བུ་བསད་པས་བྱང་དུ་སྤྱུགས། ཕྱིས་སུ་མུ་ནེ་བཙན་པོ་འདས་རྗེས་བྱང་ནས་གདན་དྲངས་ཏེ་རྒྱལ་སར་འཇོག་རྩིས་བྱས་ཀྱང༌། བཙུན་མོ་ཞང་སྣ་ནམ་བཟས་ཆིབས་དཀྲོགས་ཏེ་རྟ་ལས་ལྷུང་ནས་འདས་ཞེས་བཤད་ཀྱང༌། དཔྱིད་ཀྱི་རྒྱལ་མོའི་གླུ་དབྱངས་སུ་སྤྱུགས་པ་དེ་སྲས་འབྲིང་བ་མུ་རུག་བཙན་པོ་ཡིན་པ་ལས། མུ་ཏིག་བཙན་པོ་ནི་སད་ན་ལེགས་མཇིང་ཡོན་གྱི་མིང་ཡིན་པར་བཤད་དོ། ། |
| མུ་ཏིག་མ |
(མངོན་བརྗོད།) ཉ་ལྕིབས། |
| མུ་ཏིག་ཚེམ་བུ |
ལྟག་ཚུགས་ཏེ་ཚེམ་བུ་རྒྱག་སྟངས་ཀྱི་བྱེ་བྲག་ཅིག |
| མུ་ཏིག་འབྲུ |
རིན་ཆེན་མུ་ཏིག་གི་རྡོག་པོ། |
| མུ་ཏིག་སྐྱེ་གནས |
ཉ་ཕྱིས་ཀྱི་མིང་གི་རྣམ་གྲངས་ཤིག |
| མུ་ཏོ་བ |
སློང་མོ་བའམ་སྤྲང་པོའི་མིང་། འདི་ལ་མུ་ལྟོ་བ་འབྲི་བའང་ཡོད། |
| མུ་ཐི་ལ |
མུ་ཏིག་སྟེ། ཆུ་བོ་དང་མཚོའི་ནང་ནས་སྐྱེས་པའི་རིན་པོ་ཆེའི་རིགས་ཤིག |
| མུ་ཐུག་པ |
(བརྡ་རྙིང་།) བགོ་བཤའ་བྱ་བ། |
| མུ་དང་ཁ་ད་ཆད |
(བརྡ་རྙིང་།) མཐའ་དང་ཁ་མཐོ་དམན་མཉམ་པར་གང་བ། |
| མུ་དྲའི་ཕྱག་རྒྱ |
རིན་པོ་ཆེའི་རྡོ་ཁྲུ་གང་པར་མ་ཎི་ཡིག་དྲུག་རང་བྱོན་ཡོད་པ་བོད་རྒྱལ་ལྷ་ཐོ་ཐོ་རིའི་སྐབས་རྒྱ་གར་ནས་བོད་དུ་དྲངས་པ་ནང་པའི་རྟེན་རྙིང་གི་གྲས་ཤིག |
| མུ་ནི |
(ལེགས་སྦྱར།) ཐུབ་པ། |
| མུ་ནེ་བཙན་པོ |
ཁྲི་སྲོང་ལྡེ་བཙན་དང་ཚེ་སྦོང་བཟའ་གཉིས་ཀྱི་སྲས། བོད་རྒྱལ་གདུང་རབས་སོ་དགུ་པ་ཡིན་ལ། འདིས་ཀྱང་རྒྱལ་པོ་སྔ་མ་བཞིན་དམ་པའི་ཆོས་ལ་བརྩི་བཀུར་ཆེས་ཆེར་བྱས། བསམ་ཡས་དང་ལྷ་ས་དང་ཁྲ་འབྲུག་ཏུ་སྡེ་སྣོད་གསུམ་གྱི་མཆོད་པ་ཆེན་པོ་བཞི་བཙུགས། དེབ་ཐེར་དུ་དེས་འབངས་ཀྱི་ལྟོགས་ཕྱུག་ལན་གསུམ་སྙོམས་པར་མཛད་ཅེས་དང༌། ཆབ་སྲིད་མཛད་ནས་ལོ་གཅིག་དང་ཟླ་བ་བདུན་ལ་ཡུམ་གྱིས་དུག་བཏང་ནས་གྲོངས་ཞེས་བཤད་པ་འདི་གཉིས་ཕན་ཚུན་འགལ་མི་འགལ་ལ་ལོ་རྒྱུས་སྨྲ་བ་དག་གི་འདོད་ཚུལ་ཐ་དད་པ་ཡོད་དོ། ། |
| མུ་བཞི |
བྱ་དངོས་བར་གྱི་འབྲེལ་བར་དཔྱད་པ་གཏོང་བའི་ཐབས་ཤིག་གི་མིང་། (དཔེར་ན།) ནད་དང་ནད་རྟགས་སྤང་བླངས་མུ་བཞིར་བརྟགས་ལྟ་བུ། མུ་བཞི་བརྩི་ཚུལ་ནི་དཔེར་ན་ནད་རྟགས་ཚ་ལ་ངོ་བོ་གྲང་བ། ནད་རྟགས་གྲང་ལ་ངོ་བོ་ཚ་བ། ནད་རྟགས་དང་ངོ་བོ་གཉིས་ཀ་གྲང་བ། ནད་རྟགས་དང་ངོ་བོ་གཉིས་ཀ་ཚ་བ་ཞེས་པ་ལྟ་བུ་དང་། མཁས་པ་ཡིན་ལ་དཔའ་བོ་མིན་པ། དཔའ་བོ་ཡིན་ལ་མཁས་པ་མིན་པ། དཔའ་བོ་དང་མཁས་པ་གཉིས་ཀ་ཡིན་པ། དཔའ་བོ་དང་མཁས་པ་གཉིས་ཀ་མིན་པ་ཞེས་པ་སོགས་རིགས་བསྒྲེས་ནས་སྦྱར་ཆོག |
| མུ་བཞི་སྐྱེ་འགོག་གི་གཏན་ཚིགས |
གཏན་ཚིགས་ཆེན་པོ་ལྔའི་ནང་གསེས། རྒྱུ་འབྲས་གཉིས་ཀ་ལ་དཔྱོད་པ་མུ་བཞི་སྐྱེ་བ་འགོག་པའི་གཏན་ཚིགས་ཏེ། དངོས་པོ་ཆོས་ཅན། བདེན་པར་མེད་དེ། དོན་དམ་པར་རྒྱུ་གཅིག་གིས་འབྲས་བུ་གཅིག་དང་དུ་མ་ཡང་མི་བསྐྱེད། རྒྱུ་དུ་མས་འབྲས་བུ་གཅིག་དང་དུ་མ་ཡང་མི་བསྐྱེད་པའི་ཕྱིར་རོ། །ཞེས་པ་དངོས་འབྲས་མ་དམིགས་པའི་རྟགས་སོ། ། |
| མུ་མཐའ |
མཐའི་དོན་ཏེ། (དཔེར་ན།) ནམ་མཁའི་མུ་མཐའ། ཞིང་གའི་མུ་མཐའ། གྲོང་གི་མུ་མཐའ་ཞེས་པ་ལྟ་བུ། |
| མུ་མཐུད |
རྒྱུན་མཐུད་དམ་འཕྲོ་མཐུད་པའི་དོན་ཏེ། (དཔེར་ན།) རྒྱལ་ཁའི་ངང་མུ་མཐུད་དེ་མདུན་དུ་སྐྱོད་ཅེས་པ་ལྟ་བུ། |
| མུ་མེད |
མཐའ་མཚམས་མེད་པ་སྟེ། (དཔེར་ན།) དཀའ་ཚེགས་མུ་མེད་མ་རེད་མུ་མཐའ་ཡོད། རྒྱ་མཚོའི་ཆུ་རྡུལ་གྲངས་ནི་མུ་མེད་རེད་ཅེས་པ་ལྟ་བུ། |
| མུ་མེན |
རིན་པོ་ཆེའི་རིགས་ཤིག་རོ་བསྐ། ཞུ་རྗེས་བསིལ། ནུས་པས་དུག་ནད་དང༌། མཛེ་ནད། ཆུ་སེར། པགས་ནད་སོགས་ལ་ཕན།ཡུལ་སྐད་དུ་གསེར་མེན་ཀྱང་ཟེར། |
| མུ་མེན་མདོག |
ཁ་དོག་སྔོ་ནག |
| མུ་ཚིགས |
ཞིང་ཁའི་མཐའ་མཚམས། |
| མུ་ཚིགས་ཅན |
(མངོན་བརྗོད།) ཞིང་ག། |
| མུ་ཟི |
ས་འོག་ནས་ཐོན་པའི་གཏེར་རྫས་ཤིག་མདོག་སེར་སྐྱ་དང་རྒྱུ་ཁྲོལ་བོ་འབར་སླ་བ་ཞིག་ཡིན་ལ། འབར་ཞུན་དང་སྨན་ནག(མེ་རྫས)གི་རྫས་གཙོ་བོ་ཡིན་ཞིང་། པགས་ནད་གསོ་བའི་སྨན་ཞིག་ཀྱང་ཡིན། |
| མུ་ཟི་ནག་པོ |
མུ་ཟི་རིགས་ཤིག་རོ་ཁ་ལ་ཚ། ཞུ་རྗེས་སྙོམས། ནུས་པས་གདོན་འཇོམས། ལྷོག་པ་འདུལ། |
| མུ་ཟི་ལིམ |
ཨི་སི་ལན་གྱི་ཆོས་ལུགས་འཛིན་མཁན། |
| མུ་ཟི་སེར་པོ |
ས་སྨན་གྱི་རིགས་ཤིག་རོ་བསྐ་ལ་ཚ། ཞུ་རྗེས་སྙོམས། ནུས་པས་གདོན་ནད་འཇོམས། རྣག་དང་ཆུ་སེར་སྐེམ། བསེ་དྲི་ཞི་བ་དང༌། དངུལ་ཆུའི་དུག་འདོན་པར་བྱེད། |
| མུ་འགྲམ |
མཐའ་དང་ཉེ་འགྲམ་གྱི་དོན་ཏེ། (དཔེར་ན།) གླིང་ཕྲན་གྱི་མུ་འགྲམ་དུ་ཆུ་བྱ་མང་པོ་ཡོད་ཅེས་པ་ལྟ་བུ། |
| མུ་འབྱམས |
རྒྱུན་འཇགས་ཏེ། (དཔེར་ན།) རིམས་ནད་ཀྱི་མཆེད་མུ་འབྱམས་སུ་མ་སོང་བ་བྱེད་དགོས་ལྟ་བུ། |
| མུ་ར |
སྔོ་སྨན་ཞིག་ཕོ་དྲོད་སྐྱེད་བྱེད་དང༌། སོ་ན་བར་ཕན། |
| མུ་རན |
ཐབ་ཀའི་འགྲམ་ངོས་ཀྱི་མིང་། |
| མུ་རུག་བཙན་པོ |
མུ་ཏིག་བཙན་པོའི་མཚན་གཞན་ཞིག |
| མུ་རྡོ |
ཞིང་ཁའི་བར་འགྲམ་གྱི་རྡོ་ཙོག་གམ་རྡོ་ཕུང༌། |
| མུ་ལི |
རྫོང་ཞིག ཉག་ཆུའི་ཡན་ལག་ལི་ཆུའི་སྨད་རྒྱུད་ཀྱི་བྱང་འགྲམ་ན་ཡོད། |
| མུ་ལྟར |
སྔར་རྒྱུན་ལྟར་གྱི་དོན་ཏེ། (དཔེར་ན།) དེ་རིང་གི་ལས་ཀའི་མུ་ལྟར་སང་ཉིན་ཡང་བྱེད་དགོས་ལྟ་བུ། |
| མུ་ལྟོ་བ |
ལྟོ་སློང་བའི་སྤྲང་པོ། |
| མུ་སུ་པ |
(བརྡ་རྙིང་།) སྤྲང་པོ། |
| མུ་སྟེགས |
དཀོན་མཆོག་གསུམ་སྐྱབས་གནས་སུ་མི་འཛིན་ཞིང་ལྟ་བ་བཀར་བཏགས་ཀྱི་ཕྱག་རྒྱ་བཞི་ཁས་མི་ལེན་པའི་ཆོས་ལུགས་མཁན། |
| མུ་སྟེགས་ཅན |
ཕྱི་རོལ་པ། |
| མུ་སྟེགས་ཅན་ཞུགས་པ |
མུ་སྟེགས་པའི་ལྟ་བ་མ་དོར་བཞིན་དུ་བསྙེན་རྫོགས་བླངས་ནས་ཕྱི་ནང་གཉིས་ཀའི་གྲལ་དུ་འཚང་བའོ། ། |
| མུ་སྟེགས་པ |
ཕྱི་རོལ་པ། |
| མུ་སྟེགས་ཕམ་བྱེད་ཀྱི་མཆོད་རྟེན |
ཆོ་འཕྲུལ་མཆོད་རྟེན། |
| མུ་སྟེགས་བྱེད་པ |
མངོན་ཤེས་ཐོབ་པ་དང་རྟོག་གེ་ལ་བྱང་བ་དུ་མས་རང་རང་གི་བློས་དཔྱད་ནས་ཐར་པ་དང་མཐོ་རིས་ཐོབ་བྱེད་ཀྱི་ལམ་གྱི་རྣམ་གཞག་དང༌། དེ་སྒྲུབ་བྱེད་ཀྱི་གཏན་ཚིགས་ཀྱི་རིགས་པ་བཀོད་པའི་གཞུང་སྣ་ཚོགས་བརྩམས་པ་ལ་བརྟེན་ནས་མུ་སྟེགས་བྱེད་ཀྱི་གྲུབ་མཐའ་དར་བར་བྱས། |
| མུ་སྟེགས་སྟོན་པ་དྲུག |
སངས་རྒྱས་ཤཱཀྱ་ཐུབ་པ་ཞལ་བཞུགས་སྐབས་ཀྱི་ཕྱི་རོལ་པའི་སློབ་དཔོན་རྫོགས་བྱེད་དང༌། གནག་ལྷས་ཀྱི་བུ། ཡང་དག་རྒྱལ་བ་ཅན། མི་ཕམ་སྐྲའི་ལ་བ་ཅན། ཀ་ཏའི་བུ་ནོག་ཅན། གཅེར་བུ་བ་གཉེན་གྱི་བུ་བ་གཉེན་གྱི་བུ་སྟེ་དྲུག |
| མུག |
1.(བྱེད་མེད་ལས་ཚིག) 1>ཟས་མེད་པར་ལྟོགས་པའི་དོན་ཏེ། (དཔེར་ན།) དུས་སྐབས་ངན་པར་དབུལ་འཕོངས་མུག་ནས་འཆི། ཁ་བ་ཉིན་དགུར་བབས་ཀྱང་། བྱ་རྒོད་མུག་ནས་མི་འཆི་ལྟ་བུ། 2>ཡིད་ཆད་པའི་དོན་ཏེ། (དཔེར་ན།) ཞེ་མུག་ཡིད་མུག་ལྟ་བུ། 2.མུ་གེ་ཞེས་པའི་ཚིག་བསྡུས་པ་སྟེ། (དཔེར་ན།) ནད་མུག་ཞི་ཞིང་ལོངས་སྤྱོད་འཛོམས། མུ་གེ་བྱུང་བ་ལ་མུག་བྱུང་ཟེར་བ་ལྟ་བུ། |
| མུག་གུ |
(ཡུལ་སྐད།) ཕུག་རོན་ནམ་འང་གུ། |
| མུག་མ |
འབུ་མུག་པ། |
| མུག་ཟ |
རིམ་གྱིས་ཧམ་ཟ་བྱེད་པ་སྟེ། (དཔེར་ན།) མངའ་བདག་ནང་ཁུལ་དུ་ཕན་ཚུན་མུག་ཟ་བྱེད་པ། རྒྱལ་ཁབ་གཞན་གྱི་མངའ་ཁོངས་ས་ཆར་བཙན་འཛུལ་མུག་ཟའི་སྤྱོད་ངན་བྱེད་ཅེས་པ་ལྟ་བུ། |
| མུག་རི |
རྩྭ་ཤིང་སོགས་ཕན་ཐོགས་པའི་དངོས་པོ་གང་ཡང་མེད་པའི་རི། |
| མུག་ཤི |
མུ་གེས་ཤི་བ་སྟེ། (དཔེར་ན།) གངས་ཆེན་བབས་ཏེ་ནོར་ཕྱུགས་རྣམས་མུག་ཤི་ཐེབས་ཞེས་པ་ལྟ་བུ། |
| མུག་སེང |
དབྱར་དུས་སྣམ་ཕྱིང་སོགས་ལ་སྲོག་ཆགས་མུག་མ་ཞུགས་པ་སེང་བ། |
| མུག་སྐྱོ |
(བརྡ་རྙིང་།) གཡོ་ཟོལ་གྱི་དོན་ཏེ། (དཔེར་ན།) གཞན་གྱི་མུག་སྐྱོས་རང་ཉིད་བསླུ་ཞེས་པ་ལྟ་བུ། |
| མུག་སྐྱོ་གྱུ་ནམ |
(བརྡ་རྙིང་།) གཡོ་སྒྱུའི་དོན་ཏེ། (དཔེར་ན།) མུག་སྐྱོ་གྱུ་ནམ་ཆུང་བར་བྱ་ཞེས་པ་ལྟ་བུ། |
| མུན་ཁུང |
1.མུན་པའི་ཁུང་བུ། 2.མུན་ནག་གི་དོན་ཏེ། (དཔེར་ན།) འོག་ཁང་མུན་ཁུང་གི་ནང་དུ་སྒྲོན་མེ་ཞིག་སྦྱར་ལྟ་བུ། |
| མུན་ཁྲོད |
མུན་པའི་ནང༌། |
| མུན་གླིང |
1.ཉི་འོད་ཀྱིས་མི་ཁྱབ་པའི་ས་ཆ། 2.ཆོས་མི་དར་བའི་གླིང༌། |
| མུན་ཅན |
1.གློ་མིག་བད་ཀན་གྱིས་འགགས་ནས་ལུད་པ་མང་ཞིང་དབུགས་མི་བདེ་བ་ཞིག 2.སྒྲ་གཅན་གྱི་མིང་གི་རྣམ་གྲངས་ཤིག |
| མུན་ནག |
ནག་ཁུང༌གི་དོན་ཏེ། (དཔེར་ན།) མུན་ནག་འདོམ་འཇལ་མ་བྱེད་ཅེས་པ་ལྟ་བུ། |
| མུན་ནག་དགོན་པ |
མེ་ཏོག་རྫོང་ཁོངས་སུ་ཡོད། |
| མུན་ནག་མདའ་འཕེན |
དམིགས་ཡུལ་མི་མཐོང་བར་བྱ་བ་སྒྲུབ་པའི་དཔེ། |
| མུན་ནག་སྦར་ཉུལ |
ནག་ཁུང་དུ་ལག་པ་ཡུལ་ཡུལ་བྱས་ཏེ་དངོས་པོ་འཚོལ་བ་ལྟར་ཆ་མེད་རྒྱུས་མེད་ཀྱི་ལས་ཀ་རྣམས་ཚོད་དཔག་གིས་བྱེད་པའི་དཔེ། (དཔེར་ན།) ཐོན་སྐྱེད་ཀྱི་ལས་འགན་གསར་པ་རྣམས་ཚན་རིག་དང་མཐུན་པ་ཞིག་བྱེད་དགོས་པ་ལས་མུན་ནག་སྦར་ཉུལ་ལྟར་བྱེད་མི་རུང༌ལྟ་བུ། |
| མུན་པ |
1.འོད་མེད་པའི་མུན་ནག་གི་མིང་། (དཔེར་ན།) མུན་ཁུང་། མུན་རུབ། མཚན་མོ་མུན་པ་འཐིབས་ལྟ་བུ། 2.རིག་པ་གསལ་བོ་མིན་པའི་དོན་ཏེ། (དཔེར་ན།) སེམས་ལ་མུན་པ་འཐིབས། མགོ་ལ་མུན་པ་འཐིབས་ལྟ་བུ། |
| མུན་པ་ཅན |
(མངོན་བརྗོད།)1>སྒྲ་གཅན། 2>མཚན་མོ། |
| མུན་པ་དྲག་པོ |
དུར་ཁྲོད་ཆེན་པོ་བརྒྱད་ཀྱི་ནང་གསེས། |
| མུན་པ་མུན་ནག |
མུན་པ་ཤིན་ཏུ་ནག་པ་སྟེ། (དཔེར་ན།) མུན་པ་མུན་ནག་གི་དུས་སྐབས་དང་བསྟུན་ཏེ་དགྲ་བོར་མཚན་འཐབ་བྱེད་དགོས་ལྟ་བུ། |
| མུན་པའི་དགྲ |
(མངོན་བརྗོད།) ཉི་མ། |
| མུན་པའི་མདའ་འཕེན |
དགག་པ་རྒྱག་ཡུལ་གྱི་དོན་གསལ་ཁ་མ་བྱས་པར་རང་དྲན་བྱུང་རྒྱལ་དུ་དགག་པ་བརྒྱབ་པའི་དོན་ཏེ། (དཔེར་ན།) འོལ་ཚོད་མུན་པའི་མདའ་འཕེན་བྱེད་དེ་བླུན་ལྟ་བུ། |
| མུན་པའི་རྩ |
ལུས་ཀྱི་རྩའི་བྱེ་བྲག་ཅིག |
| མུན་པོ |
སྣང་བའི་ལྡོག་ཕྱོགས་ཏེ། (དཔེར་ན།) སྲང་ལམ་མུན་པོ། ཁང་པ་མུན་པོ་ཞེས་པ་ལྟ་བུ། |
| མུན་བསལ |
(མངོན་བརྗོད།) ཉིན་མོ། |
| མུན་བསྐལ |
སངས་རྒྱས་མི་འབྱོན་པའི་བསྐལ་པ། |
| མུན་ཛ |
རྩྭ་གྲེས་མ། |
| མུན་འཇོམས |
(མངོན་བརྗོད།) 1>ཟླ་བ། 2>ཉི་མ། |
| མུན་འཐོམས |
མུན་པས་མགོ་འཐོམས་པའམ། མི་གསལ་བར་གྱུར་པ་སྟེ། (དཔེར་ན།) བླང་དོར་གྱི་བྱ་གཞག་ལ་བློ་རྨོངས་མུན་འཐོམས་སུ་གྱུར་ལྟ་བུ། |
| མུན་རུབ |
ས་རུབ་པ། |
| མུན་རུབ་མ་རུབ |
ས་སྲིབ་མ་སྲིབ། |
| མུན་རྡོ |
དམིགས་ཡུལ་གསལ་བོ་མ་ཤེས་པར་འོལ་ཚོད་དུ་བྱ་སྤྱོད་བྱེད་པའི་དཔེ། (དཔེར་ན།) ཚིག་གི་མུན་རྡོ་འཕེན་པ་ཞེས་པ་ལྟ་བུ། ཚིག་བསྡུས་ན་མུན་ཞེས་འབྲི་ཆོག་སྟེ། (དཔེར་ན།) སྣང་བ་དང་མུན་པ་ལ་སྣང་མུན་གཉིས་ཟེར་བ་ལྟ་བུ། |
| མུན་སེལ |
(མངོན་བརྗོད།) 1>སྒྲོན་མེ། 2>ཉི་ཟླ། |
| མུན་སྤྲུལ |
དོན་མ་ཤེས་པར་རང་དྲན་བྱེད་པའི་བྱ་སྤྱོད་ཀྱི་མིང་། (དཔེར་ན།) ཚན་རིག་གི་དོན་ལ་མུན་སྤྲུལ་བྱེད་མི་རུང་ལྟ་བུ། |
| མུན་སྲིབ |
མཚན་མོའམ་ས་རུབ་པ། |
| མུན་སྲིབས |
མུན་སྲིབ་དང་འདྲ། |
| མུན་སྲོས |
ས་རུབ་པའམ་མུན་པ་འཐིབས་པ། |
| མུའུ |
(རྒྱ་སྐད།) ས་ཞིང་ཆེ་ཆུང་གི་ཚད། |
| མུར |
1.དམུར་གྱི་འབྲི་ཚུལ་གཞན། 2.མུ་རུ་ཞེས་པའི་རུ་ཡིག་བསྡུས་པ་སྟེ། (དཔེར་ན།) སློབ་སྦྱོང་བྱེད་མུར་བྱ་བ་བྱས་ལྟ་བུ། |
| མུར་གོང |
མིག་ཟུར་ནས་རྣ་རྩེའི་ཕྱོགས་ལ་སོར་མོ་དོ་ཙམ་བཅལ་བའི་མཚམས་ཀྱི་དམིག་དེའི་མིང་། དེ་ལ་མུར་འགྲམ་ཡང་ཟེར། མུར་འགྲམ་ལ་མུ་འགྲམ་འབྲི་སྲོལ་ཡང་ཡོད། |
| མུར་གོང་འཕར་རྩ |
ལུས་ཀྱི་རྩའི་བྱེ་བྲག་ཅིག |
| མུར་བ |
(བྱེད་འབྲེལ་ལས་ཚིག) སོ་མ་བརྒྱབ་པར་འཆའ་བ་སྟེ། (དཔེར་ན།) ཕྱུར་སྐམ་མུར་བ། རུས་པ་མུར་བ། བྱེ་རིལ་མུར་བ་ལྟ་བུ། |
| མུར་མཛོག |
(ཡུལ་སྐད།) ཁུ་ཚུར་རམ་མཛོག་མགོ་སྟེ། (དཔེར་ན།) ཟླ་གམ་ནང་གི་མུར་མཛོག་ཕུ་ཐུང་ནང་གི་ལག་ཤེད་ཅེས་པ་ལྟ་བུ། |
| མུར་མུར |
(ཡུལ་སྐད།) 1>རྟ་དྲེལ་གྱི་ཡ་མཆུའི་ཤ་རིལ་མོ། 2>ཁས་ལྡད་རྒྱག་ཚུལ། |
| མུར་འདུག |
(བརྡ་རྙིང་།) མུ་སྟེགས། |
| མུལ་མུལ |
(རྒྱན་ཚིག) དགའ་བ་དང༌། སྒེག་ཉམས་ཀྱི་གད་མོ་ཆུང་ཆུང་དགོད་པའི་རྣམ་པ་སྟེ། (དཔེར་ན།) བཞིན་རས་འཛུམ་མུལ་མུལ་ཞེས་པ་ལྟ་བུ། |
| མུལ་ལྟོ་བ |
མུ་ལྟོ་བ་དང་འདྲ། |
| མུས |
རྒྱུན་གྱི་དོན་ཏེ། (དཔེར་ན།) ལས་ཀ་བྱས་དང་བྱེད་བཞིན་པའི་མུས་མཐུད་ནས་བྱེད་དགོས་ལྟ་བུ། |
| མུས་ཁང་གསར |
ས་ཆའི་མིང་ཞིག ངམ་རིང་རྫོང་གི་བྱང་ཤར་རྒྱུད་དུ་ཡོད། |
| མེ |
དངོས་རྫས་འབར་བ་ལས་བྱུང་བའི་ཚ་དྲོད་དང་འོད་ཀྱི་མིང་། |
| མེ་ཁང |
ཐབ་ཚང༌། |
| མེ་ཁམས |
1.ཚ་ཞིང་སྲེག་པའི་རང་བཞིན་ཅན། 2.ཁམས་ལྔའི་ཡ་གྱལ་ཞིག |
| མེ་ཁུག |
མེ་ལྕགས་མེ་རྡོ་སྤྲ་བ་བཅས་བླུག་སྣོད། |
| མེ་ཁེབས |
ཐབ་དང་མེ་ཕོར་ཁོག་ལྟིར་སོགས་ཀྱི་སྟེང་དུ་གཡོག་བྱེད་ཅིག |
| མེ་ཁྱེམ |
མེ་ཐལ་འདོན་སྤྱད། |
| མེ་ཁྱེར |
འབུའི་བྱེ་བྲག་ཅིག མིང་གི་རྣམ་གྲངས་ལ་སྐར་སྐྱོད་དང༌། མཁའ་སྣང་ངོ། ། |
| མེ་གཞོང |
མེ་ཕོར་གྱི་བྱེ་བྲག་ཅིག |
| མེ་གསུམ |
བསྐལ་པའི་མེ་དང༌། ཁྱིམ་གྱི་མེ་དང༌། ལྷོ་ཡི་མེ་བཅས་སོ། ། |
| མེ་གསོད་པ |
1.མེ་མེད་པར་བཟོ་བ། 2.མེ་སྐྱོན་ཤོར་བར་སེལ་ཐབས་བྱེད་པ། |
| མེ་གྲུང་པོ |
དུད་པ་དང་ཐལ་བ་ཉུང་བའི་མེ། |
| མེ་གྲོགས་ལྕགས |
ནག་རྩིས་ལུགས་ལྕགས་ཀྱིས་མེ་གསོ་བས་མེའི་གྲོགས་ལྕགས་ཀྱིས་ཡིན་པའི་བཤད་ཚུལ། |
| མེ་ངར |
མེའི་ནུས་ཤུགས་སམ་མེ་དབལ། |
| མེ་ཆ |
1.གནའ་བོའི་མེ་སྦར་བྱེད་ཀྱི་ཡོ་བྱད་ཅིག་གི་མིང་། རྣོ་ལྕགས་དང་མེ་རྡོ་ཐོགས་གཏུགས་བྱས་པ་ལས་སྤྲ་བ་སོགས་ལ་མེ་སྦར་བྱེད་ཀྱི་ཡོ་བྱད།2.ད་ལྟའི་མེ་སྦར་བྱེད་ཀྱི་འཕྲུལ་ཆས་ཆུང་ངུ་ཞིག་གི་མིང་། |
| མེ་ཆར |
(མངོན་བརྗོད།) ཐོག |
| མེ་ཆུ་གོ་ལྡོག |
ངོ་མཚར་རྩ་བདུན་གྱི་ཡ་གྱལ་ཞིག |
| མེ་ཉམས |
བད་ཀན་རིགས་དྲུག་གི་ནང་གསེས་ཤིག |
| མེ་ཉེན |
མེ་སྐྱོན་འཆོར་བའི་ཉེན་ཁ། |
| མེ་ཉེན་སྔོན་འགོག |
མེའི་གནོད་པ་སྔོན་ཚུད་ནས་འགོག་ཐབས་ཏེ། (དཔེར་ན།) མེ་མ་ཤོར་གོང་ནས་མེ་ཉེན་སྔོན་འགོག་གི་ཐབས་ཤེས་བྱེད་དགོས་ལྟ་བུ། |
| མེ་ཏེལ |
1.ལྕགས་བསྲེགས་ཏེ་རྟ་སོགས་ལ་རྟགས་རྒྱག་བྱེད་ཅིག 2.གྲིབ་རླུང་དང༌། མིག་གི་འགྲིབ་གསང་འགོག་བྱེད་དང༌། གཉན་རིམས་ཀྱི་རྩ་རྒྱུས་ནང་ལ་རྒྱག་བྱེད་ཀྱི་ཡོ་བྱད་ཅིག |
| མེ་ཏོག |
རྩི་ཤིང་གི་འབྲས་བུ་དང་ས་བོན་ཆགས་བྱེད་ཀྱི་དབང་བོ་ལྟ་བུ་ཡིན་ཞིང་དབྱིབས་དང་ཁ་དོག་མི་འདྲ་བ་སྣ་ཚོགས་ཡོད་ལ། མེ་ཏོག་ཕལ་ཆེ་བ་ནི་མཛེས་ཤིང་ཡིད་དུ་འོངས་པ་ཡིན། རྩི་ཤིང་གི་མེ་ཏོག་ཡལ་རྗེས་འབྲས་བུ་ཆགས་པ་ཡིན། |
| མེ་ཏོག་ཀ་ར་བི་ར |
ཤོག་བུ་བཟོ་རྒྱུའི་སྔོ་རེ་ལྕག་པའི་མེ་ཏོག |
| མེ་ཏོག་ཀུན་ཏུ་རྒྱས་པས་ཞུས་པ |
ཤླཽ་ཀ་བཞི་བརྒྱ་ལྔ་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པའོ། ། |
| མེ་ཏོག་གངས་ལ |
སྔོ་སྨན་མེ་ཏོག་གི་རིགས་ལྡུམ་རར་འཛུགས་པའི་མེ་ཏོག་དམར་པོ་ས་བོན་ལོ་རེ་བཞིན་འདེབས་དགོས་པ་དེ་ལ་ཟེར་ཏེ། ནུས་པས་མེ་དབལ་དང༌། གཉན་ནད་ལ་ཕན། |
| མེ་ཏོག་གངས་ལྷ |
རི་མཐོན་པོར་སྐྱེས་པའི་སྔོ་སྨན་ཞིག་རོ་སྐྱུར་ལ་མངར། ཞུ་རྗེས་དྲོད། ནུས་པས་ལུད་པ་གོག་པ་དང༌། རོ་ཙ་རྒྱས་པ། ཁྲག་གསོ་བ། བུ་སྣོད་ལ་དྲོད་འཁོར་བ་བཅས་ལ་ཕན། |
| མེ་ཏོག་གཞུ་ཅན |
(མངོན་བརྗོད།) འདོད་ལྷ། |
| མེ་ཏོག་གཟུང་བ |
ཕྱི་འཇུག་གི་ནང་གསེས། རིག་ལྔའི་ས་བོན་ལས་སྐྱེས་པའི་མཚོན་བྱེད་དུ་མེ་ཏོག་ཁ་དོག་ལྔ་པ་རིགས་ལྔའི་ཡིག་འབྲུས་མཚན་པ་རེ་སློབ་མ་རྣམས་ཀྱིས་གཟུང་བའོ། ། |
| མེ་ཏོག་གསར |
(མངོན་བརྗོད།) བུད་མེད་དར་མ། |
| མེ་ཏོག་གླང་སྣ |
སྔོ་སྨན་གྱི་རིགས་མེ་ཏོག་གླང་ཆེན་གྱི་སྣ་ལྟ་བུ་ཞིག་རོ་མངར་ལ་བསྐ། ཞུ་རྗེས་དྲོད། ནུས་པས་དམུ་ཆུས་དྲི་ཆུ་འགགས་པ་དང༌། དབུགས་ཧལ་བ་དང༌། ཆུ་སེར་གྱི་ནད་སོགས་ལ་ཕན། |
| མེ་ཏོག་ཅན |
(མངོན་བརྗོད།) 1>བུང་བ། 2>བུད་མེད་ཟླ་མཚན་ཅན། 3>ས་ག་ཟླ་བ། 4>སྐྲ། |
| མེ་ཏོག་ཆར་པ |
1.ཆར་ཐིགས་པད་མའི་འདབ་མ་ལྟར་ལྷུང་བ་མེ་ཏོག་གི་གཟུགས་སུ་བཀོད་པ། 2.ལྷའི་མེ་ཏོག་དངོས་སུ་བབས་པའི་སྔོན་བྱུང་གི་དཔེ། |
| མེ་ཏོག་ཉི་མ |
(མངོན་བརྗོད།) གུར་གུམ། |
| མེ་ཏོག་ཐོད |
མེ་ཏོག་གི་དཔྲལ་རྒྱན། |
| མེ་ཏོག་དོན་ཅན |
(མངོན་བརྗོད།) གུར་གུམ། |
| མེ་ཏོག་དོར་བ |
ནང་འཇུག་གི་ནང་གསེས་ཏེ། སློབ་མ་རྣམས་ཀྱིས་རང་གི་རིགས་ཀྱི་ལྷ་ལས་འབྲེལ་གང་ལ་ཕོག་པ་དེ་དག་ལ་བབ་པའི་རྟེན་འབྲེལ་དུ་ཕྱག་རྟེན་གྱི་མེ་ཏོག་དོར་བའོ། ། |
| མེ་ཏོག་ཕོན་པོ |
མེ་ཏོག་གི་ཆུན་པོའམ་ཚོམ་བུ། |
| མེ་ཏོག་ཕྲེང་བ |
མེ་ཏོག་ཅི་རིགས་བརྒྱུས་པའི་སྟར། |
| མེ་ཏོག་བཀོན་བུ |
(བརྡ་རྙིང་།) མེ་ཏོག་གི་ཕྲེང་བ། |
| མེ་ཏོག་བཀྲམ་པ |
1.མེ་ཏོག་གཅལ་དུ་བཀྲམ་པ། ཕེབས་ལམ་དུ་ཕེབས་བསུའི་མེ་ཏོག་བཀྲམ་པ། 2.བརྒྱད་སྟོང་པའི་ལེའུ་ཞིག |
| མེ་ཏོག་བཅུད་ལེན |
དཀའ་ཐུབ་ཀྱི་ཟས་ཏེ་ཆོས་པས་མེ་ཏོག་རྣམས་ཀྱི་བཅུད་བླངས་ཏེ་རིལ་བུ་བཟོས་པ་དཀའ་ཐུབ་བྱེད་སྐབས་ཀྱི་ཟས་ཤིག |
| མེ་ཏོག་བུམ་པ |
མེ་ཏོག་འཛུགས་སའི་བུམ་པ། |
| མེ་ཏོག་བྱ་ཟེ |
སྔོ་སྨན་གྱི་མེ་ཏོག་ཅིག་མེ་ཏོག་གི་ནུས་པས་ཚད་པ་སེལ། ཁྲག་རྒྱུན་གཅོད། གཙོ་བོར་དམར་བཤལ་ལ་ཕན། སོན་གྱི་ནུས་པས་མཆིན་ཚད་མིག་ཚད་སེལ། གཙོ་བོར་མིག་དམར་ཞིང་སྐྲང་བ་དང་མིག་གྲིབ་ལ་ཕན། |
| མེ་ཏོག་བྱ་རྐང |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རིམས་ཚད་ཀྱི་འཁྲུ་བ་གཅོད། ཕྱིར་བྱུགས་ན་རྨ་དང༌། ཤིག་ནད་བཅས་ལ་ཕན། |
| མེ་ཏོག་མ |
མཆོད་པའི་ལྷ་མོ་ཞིག |
| མེ་ཏོག་མདའ་ཅན |
(མངོན་བརྗོད།) འདོད་ལྟ། |
| མེ་ཏོག་མིག་སྨན |
(མངོན་བརྗོད།) མཐིང༌། |
| མེ་ཏོག་མྱང |
(མངོན་བརྗོད།) བུང་བ། |
| མེ་ཏོག་ཚོམ་བུ |
ཕུང་པོར་སྤུངས་པའི་མེ་ཏོག |
| མེ་ཏོག་ཟས་ཅན |
(མངོན་བརྗོད།) སྦྲང་མ། |
| མེ་ཏོག་ཟེ |
(མངོན་བརྗོད།) མཐིང༌། |
| མེ་ཏོག་ཟེ་བ |
མེ་ཏོག་གི་ཟེའུ་འབྲུ། |
| མེ་ཏོག་འཁྲོལ་འཛིན |
སྔར་ལྷ་ལྡན་སྨོན་ལམ་གྱི་དུས་སུ་མི་དམངས་ཀྱི་ཁྱིམ་དུ་མེ་ཏོག་ཉར་འཐུས་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| མེ་ཏོག་འཇུག |
(མངོན་བརྗོད།) སྦྲང་མ། |
| མེ་ཏོག་འཐུང |
(མངོན་བརྗོད།) སྦྲང་མ། |
| མེ་ཏོག་འཐོར་བ |
(མངོན་བརྗོད།) སྦྲང་མ། |
| མེ་ཏོག་འཕྲེང་རྒྱུད |
1.མེ་ཏོག་འཕྲེང་བ་སྟར་བརྒྱུས་ཀྱི་རྒྱན། 2.འདུལ་བའི་གཞུང་ཞིག |
| མེ་ཏོག་འཚོ |
(མངོན་བརྗོད།) བུར་ཤིང༌། |
| མེ་ཏོག་རྒྱལ |
(མངོན་བརྗོད།) ཙམ་པ་ཀ། |
| མེ་ཏོག་རྡུལ |
1.མེ་ཏོག་གི་ཟེའུ་འབྲུར་ཆགས་པའི་ཐལ་བ། 2.བུད་མེད་ཀྱི་ཟླ་མཚན |
| མེ་ཏོག་རྩི |
མེ་ཏོག་གི་ཟེའུ་འབྲུར་ཆགས་པའི་རྩི། |
| མེ་ཏོག་ལམ |
(མངོན་བརྗོད།) མོ་མཚན། |
| མེ་ཏོག་ལུག་མིག |
སྔོ་སྨན་མེ་ཏོག་གི་རིགས་ཤིག་རོ་ཁ། ཞུ་རྗེས་བསིལ། ནུས་པས་རིམས་ཚད་དང༌། དུག་ཚད་སེལ། བཅུད་ལེན་པར་བྱེད། |
| མེ་ཏོག་ལེ་བརྒན་རྩི |
ལྡུམ་རར་འཛུགས་པའི་གུར་གུམ་ནུས་པས་རྨ་གསོ། རྩ་ཆད་པ་མཐུད། ཁྲག་ཤོར་གཅོད། |
| མེ་ཏོག་ལྕེ་ཚ |
སྔོ་ཞིག |
| མེ་ཏོག་ལྡན |
(མངོན་བརྗོད།) 1>བུད་མེད་ཟླ་མཚན་ལྡན་མ། 2>ཟླ་བ་གཟས་བཟུང་བ། |
| མེ་ཏོག་ལྡན་དུས |
(མངོན་བརྗོད།) 1>དཔྱིད་ཀ། 2>ཉི་ཟླ་གཟའ་ཡིས་བཟུང་བ། |
| མེ་ཏོག་ལྡན་པའི་ཟླ་བ |
(མངོན་བརྗོད།) ཧོར་ཟླ་བཞི་པའི་མིང༌། |
| མེ་ཏོག་སིལ་མ |
མེ་ཏོག་ལྷུག་མ། |
| མེ་ཏོག་སེར་ཆེན |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རུས་ཆག་སྦྱོར། རྨ་གསོ། རྩ་ཆད་པ་མཐུད། |
| མེ་ཏོག་སྒང |
རི་བོ་ཞིག མཚོ་སྔོན་ལྷོ་ཕྱོགས་ཆབ་ཆ་རུ་ཡོད་ཅིང་མཐོ་ཚད་རྒྱ་མཚོའི་ངོས་ལས་སྨི་ལྔ་སྟོང་ལྷག་ཙམ་ཡོད། |
| མེ་ཏོག་ཧ་ལོ |
མེ་ཏོག་གི་རིགས་ཤིག |
| མེ་ཐག་གཅོད་པ |
མེ་གཏོང་མཚམས་འཇོག་པ། |
| མེ་ཐབ |
མེ་གཏོང་སའི་ཐབ། |
| མེ་ཐུབ་པ |
མེར་བསྲེགས་ན་ཞིག་མི་འགྲོ་བ། མེ་ཐུབ་སོ་ཕག |
| མེ་ཐུར |
སྤྲ་བ་ལས་བྱས་པའི་མེ་བཙའ་དང༌། ཟངས་ལྕགས་སོགས་ལས་བཟོས་པའི་ཐུར་མ་དང་གཉིས་སོ། ། |
| མེ་ཐེལ |
ལྕགས་མེར་བསྲེགས་ཏེ་རྟ་དྲེལ་ལ་རྟགས་རྒྱག་བྱེད་རི་མོ་གང་རུང་ཡོད་པ་ཞིག |
| མེ་དཀྲུག |
གོ་ཡོག་ཤིང་བུའམ་ལྕགས་རིགས་ལས་བཟོས་པའི་ཁྱེམ་བུ། |
| མེ་དགྲ་ཆུ |
ནག་རྩིས་ལྟར་ཆུས་མེ་གསོད་པས་མེའི་དགྲ་ཆུའོ། |
| མེ་དཔུང |
མེའི་ཕུང་པོ། |
| མེ་དབལ |
1.མེ་དྲོད་ཀྱི་ཚ་རེག་གི་མིང་། 2.གཉན་རིམས་བཅོ་བརྒྱད་ཀྱི་ནང་གི་པགས་ནད་ཅིག |
| མེ་དམ |
མེ་ཏོག་འཇོག་སྣོད། |
| མེ་དམིགས |
1.མིའི་ལུས་ལ་མེ་བཙའ་བཞག་ནས་བཅོས་ཆོག་པའི་གསང་དམིགས་ཏེ། རྒྱབ་ཀྱི་སྒལ་ཚིགས་ཉི་ཤུ་དང༌། མཚོག་གསང༌། སྤྱི་གཙུག་སྡུད་སྒོ་སོགས་སོ། །2.སྔགས་ཀྱི་གཏུམ་མོའི་དམིགས་རིམ། |
| མེ་དུགས |
མེར་བསྲོ་བའི་སྨན་དཔྱད་ཅིག་སྟེ་སྨན་རྫས་ཀྱིས་ཐུམ་ཧྲིལ་བཟོས་པ་མེར་བསྲོས་ནས་སྨན་བཅོས་བྱེད་ཐབས་ཤིག |
| མེ་དོང |
མེ་མང་པོ་ཡོད་པའི་དོང༌། |
| མེ་དྲོད |
1.མེ་ལས་བྱུང་བའི་ཚ་དྲོད་ཀྱི་མིང་། 2.སྨན་གཞུང་གི་བརྡར་ལུས་ཀྱི་དྲོད་ཀྱི་མིང་ཕོ་བའི་མེ་དྲོད་གསོ་བའི་སྨན། (དཔེར་ན།) རྒས་ན་ལུས་ཀྱི་མེ་དྲོད་ཉམས། སྨན་མར་བསྟེན་པས་ལུས་ལ་མེ་དྲོད་བསྐྱེད་ལྟ་བུ། |
| མེ་དྲོད་གསུམ |
ཕོ་བའི་ནང་དུ་ཟས་སྐོམ་མྱག་བཞུ་སྦྱོང་བ་སོགས་མེ་དང་མཐུན་པའི་དྲོད་ཀྱི་ལས་བྱེད་པ་པོ་གསུམ་བད་ཀན་མྱག་བྱེད་དང༌། མཁྲིས་པ་འཇུ་བྱེད། རླུང་མེ་མཉམ་བཅས་སོ། ། |
| མེ་ན་ཀཱ |
(ལེགས་སྦྱར།) ལྷའི་བུ་མོའམ་ལྷའི་གར་མཁན་མ། |
| མེ་ནའི་བདག་པོ |
(མངོན་བརྗོད།) གངས་རི། |
| མེ་པ་རལ་པ་ཅན |
མུ་སྟེགས་པའི་བྱེ་བྲག་ཅིག་མེ་ལ་ལྷར་འཛིན་པ་དང༌། སྦྱིན་སྲེག་ལ་བརྩོན་པ་དང༌། ཆ་ལུགས་རལ་པ་རིང་པོ་ཅན་ཞིག་དང༌། ལྟ་བ་ནི་ལས་རྒྱུ་འབྲས་ཁས་ལེན་པ་ཞིག་བཅས་སོ། ། |
| མེ་པོ་ཆེ |
མེ་ཆེན་པོ། |
| མེ་པྲ |
སྔར་མེ་འབར་བའི་མདོག་དབྱིབས་ཀྱི་རྟགས་སམ་མཚན་ལྟས་ལ་བལྟས་ནས་ཤིས་མིན་ཇི་ཡོང་བརྗོད་པའི་མོ་འདེབས་སྟངས་ཤིག |
| མེ་ཕོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག |
| མེ་ཕོར |
མེ་བླུག་སའི་སྣོད་སྤྱད། |
| མེ་ཕོར་ཁོག་ལྟིར |
མེ་དང་ཇ་བླུག་སའི་རྫ་སྣོད། |
| མེ་བཙའ |
བོད་ཀྱི་གསོ་བ་རིག་པས་ནད་རིགས་ཁ་ཤས་གསོ་བཅོས་བྱེད་པའི་སྨན་དཔྱད་ཅིག་གི་མིང་། སྤྲ་བའི་རེང་བུ་ལུས་ཀྱི་གནས་ངེས་ཅན་ཏེ་མེ་དམིག་ཏུ་བཞག་ནས་མེ་སྒྲོན་ཏེ་དྲོས་པར་བྱེད་པ་ཡིན། ཚིག་བསྡུས་ན་མེ་ཟེར་ཏེ། (དཔེར་ན།) མེ་བཙའ་འཇོག་སའི་དམིག་ལ་མེ་དམིག་ཟེར་བ་ལྟ་བུ། |
| མེ་བཙའི་གདམས་པ་ཤེལ་དཀར་མེ་ལོང |
དུས་རབས་བཅུ་བདུན་པའི་ནང་དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་མེ་བཙའི་སྐོར་གསལ་བར་སྟོན་པའི་སྨན་གྱི་བསྟན་བཅོས་ལེ་ཚན་ཞིག |
| མེ་བཞི |
རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་། |
| མེ་བཞི་སྐྱེས |
(མངོན་བརྗོད།) གཟའ་ཕུར་བུ། |
| མེ་བསངས |
མེའི་དུད་པ་གཏུལ་བའི་བསངས་མཆོད། |
| མེ་བུ་ས |
འབྱུང་བ་མ་བུ་དགྲ་གྲོགས་བརྩི་བྱའི་བྱེ་བྲག་ཅིག |
| མེ་བུམ |
1.མེ་ཏོག་འཛུགས་སའི་བུམ་པ། 2.རླུང་ཁྲག་འཁྲུགས་ནས་ལུས་སྟོད་གཟེར་བ་དང༌། ཕྱི་སྐྲན་སོགས་ལ་སྦྱར་བའི་ཟངས་ཀྱི་བུམ་པ་འཁྱུད་འཁོར་སོར་བཅོ་བརྒྱད་དང༌། སྲིད་དུ་སོར་བཅུ་གཉིས། ཁ་ཟླུམ་པོ་སོར་བཞི་ཡོད་པའི་དཔྱད་ཀྱི་ཆ་བྱད་ཅིག |
| མེ་མ་ཐལ |
མེ་མིན་ཐལ་མིན་ཏེ་མེ་ཕྱེ་འདྲེས་པའི་ཚན། |
| མེ་མ་མུར |
མེ་མདག |
| མེ་མ་མུར་གྱི་འོབས |
1.མེ་མདག་ཡོད་པའི་དོང༌། 2.དམྱལ་གནས་ཤིག |
| མེ་མ་ཤིང |
ནག་རྩིས་ལས་བྱུང་བ་ཤིང་གི་མེ་ཤིང་ལས་བྱུང་བས་ཤིང་མེའི་མ་རུ་བཤད་པ། |
| མེ་མཁའ་རྒྱ་མཚོ |
ཤིང་སྤྲེལ་ལོ་སྤྱི་ལོ་624 ལོར་རིགས་ལྡན་རྒྱ་མཚོ་རྣམ་རྒྱལ་ཁྲིར་འཁོད་པ་དང༌། ཀླ་ཀློ་ཞུགས་པ་དུས་མཉམ། དེ་ནས་བརྩམས་ཏེ་རིགས་ལྡན་རྒྱལ་དཀའི་ལོ་མཐའ་སྤྱི་ལོ་1026 སྟེ་མེ་སྟག་ལོའི་བར་དུ་ལོ་ངོ་བཞི་བརྒྱ་དང་གསུམ་སོང་བ་དེ་ལ་རྒྱུད་ལས་མེ་མཁའ་རྒྱ་མཚོར་གྲགས། དེའི་ཕྱི་ལོར་རབ་བྱུང་དང་པོའི་འགོ་བཟུང་བས། དེ་དང་རབ་བྱུང་ལོ་གྲངས་བསྲེས་པ་ནི་ཀླ་ཀློའི་གནས་ཚད་ཀྱི་ལོ་གྲངས་བརྟག་ཆེད་ཡིན། |
| མེ་མགལ |
མེ་ཡོད་པའི་ཤིང་དུམ། |
| མེ་མཉམ་གསང |
ལྷེན་སྣའི་འོག་ཏུ་ཚོན་གསུམ་གཞལ་བའི་གནས་སུ་ཡོད་པའི་ཕོ་བའི་མེ་གསང་ཞིག་དེར་མེ་བཙའ་བཞག་ན་ཕོ་བའི་མེ་དྲོད་ཉམས་པ་ལ་ཕན། |
| མེ་མཉམ་རླུང |
མཉམ་གནས་ཀྱི་རླུང་དང་དོན་གཅིག |
| མེ་མདག |
མེ་མུར་དང་དོན་འདྲ། |
| མེ་མདའ |
མེ་རྫས་ཀྱིས་འཕེན་མདའ་འམ། འཕྲུལ་མདའ་སྟེ། (དཔེར་ན།) ལག་ཡོད་མེ་མདའ་དམ་པོར་འཛིན། གཟབ་གཟབ་མ་བྱས་པས་མེ་མདའ་ཁ་ཤོར་ལྟ་བུ། |
| མེ་མདའ་སྦག་སྦག |
འཕྲུལ་མདའི་བྱེ་བྲག་ཅིག |
| མེ་མདའི་བྱ་གཞུག |
མེ་མདའི་ཡུ་བ། |
| མེ་མདའི་རུ |
མེ་མདའི་ཁ་མཚམས་སུ་སྦྲགས་པའི་གཡས་གཡོན་གྱི་རུ། |
| མེ་མདའི་ལྡེའུ་མིག |
མེ་མདའི་སྤོར་ཏོག |
| མེ་མཚམས |
ཤར་ལྷོའི་མཚམས། |
| མེ་མུར |
དངོས་རྫས་བསྲེགས་པའི་ཐལ་བ་ཚ་ཞིང་སྲེག་པའི་མིང་དེ་ལ་མེ་ནུར་ཡང་ཟེར། |
| མེ་མོ |
1.འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག 2.སྒོག་པའི་བྱེ་བྲག་ཅིག 3.(བརྡ་རྙིང་།) སྒྱེ་སྣོད་ཆུང་ངུ། |
| མེ་མོ་ཡོས |
མེ་ཡོས་ལོ་དཔལ་དུས་ཀྱི་འཁོར་ལོའི་རྒྱུད་ཆེན་རྒྱ་གར་སྐད་ལས་བོད་སྐད་དུ་ཐོག་མར་འགྱུར་བའི་ལོ་དུས་དེ་ཉིད་ལ་རབ་བྱུང་དང་པོ་ཞེས་གྲགས་ཤིང༌། དེ་ནས་བཟུང་ལོ་འཁོར་དྲུག་ཅུ་རེ་ལ་རབ་བྱུང་རེ་རྩི་བའི་སྲོལ་དར་བ་ལས། དེ་ཡན་ཆད་དུ་རབ་བྱུང་གི་ལོ་ཚིགས་རྩི་སྲོལ་མེད། |
| མེ་ཚག |
1.མེ་སྟག་དང་འདྲ་སྟེ། (དཔེར་ན།) བཙའ་བརྒྱབ་པའི་ལྕགས་མེར་བསྲེགས་ཏེ་ཐོ་བས་རྡུང་དུས་མེ་ཚག་འཐོར་བྱུང་ལྟ་བུ། 2.མེ་སྟག་གི་ཚག་སྒྲ། |
| མེ་ཚང |
ཐབ་ཚང༌། |
| མེ་ཚུགས |
ལྕགས་སྲེག་སོགས་ལུས་ལ་གཏུག་པའི་ནད་བཅོས་ཏེ། (དཔེར་ན།) རྐང་ལག་གི་ཚིགས་ན་ནས་མེ་ཚུགས་རྒྱག་དགོས་བྱུང་ལྟ་བུ། |
| མེ་ཞལ |
(མངོན་བརྗོད།) ལྷ། |
| མེ་ཞལ་ལམ |
(མངོན་བརྗོད།) ནམ་མཁའ། |
| མེ་ཟླུམ |
(མངོན་བརྗོད།) ཉི་མ། |
| མེ་འཁོར |
1 .ལྕགས་ལམ་ཐོག་གཏོང་བའི་འཁོར་ལོ། 2.མཆོད་མེའི་སྟེང་དུ་བཙུགས་པའི་མ་ནིའི་འཁོར་ལོ་རང་འགུལ་ཅན། |
| མེ་འཁྱེར |
སྲིན་བུ་མེ་འཁྱེར་གྱི་མིང་། (དཔེར་ན།) ཉི་མའི་དྲུང་ན་མེ་འཁྱེར་བཞིན་ལྟ་བུ། |
| མེ་འབར་རླུང་བསྐྱོད |
མི་ཞིག་ཁོང་ཁྲོ་ལངས་པའི་ཐོག་ལ་སླར་ཡང་ཁོང་ཁྲོ་སློང་བྱེད་ཀྱི་སྐད་ཆ་བཤད་པ་ལྟ་བུའི་དཔེ། |
| མེ་འབུད་པ |
1.མེ་གཏོང་བ། 2.མེ་རླུང་གིས་སྐུལ་བ་སྟེ། (དཔེར་ན།) ཁ་ཡིས་མེ་འབུད། རྐན་ནང་ཆུ་གསོག་ཅེས་པ་ལྟ་བུ། |
| མེ་འོད |
མེའི་འོད་མདངས་ཏེ། (དཔེར་ན།) སྦྲང་བུ་མེ་འོད་དུ་མི་ཆགས་ཞེས་པ་ལྟ་བུ། |
| མེ་འོབས |
མེ་མང་པོ་ཡོད་པའི་དོང་སྟེ། (དཔེར་ན།) མེ་འོབས་སུ་མཆོངས་ནས་གཞན་སྲོག་བསྐྱབས་ལྟ་བུ། |
| མེ་ཡི་ཁམས |
ཚ་བའམ་དྲོ་བ། |
| མེ་ཡི་དབང་ཕྱུག |
(མངོན་བརྗོད།) ཉི་མ། |
| མེ་ཡི་མགྲིན་པ་ཅན |
(མངོན་བརྗོད།) བྱ། |
| མེ་ཡི་ས་བོན |
(མངོན་བརྗོད།) གསེར། |
| མེ་ཡིས་བསྲེགས |
(མངོན་བརྗོད།) ཟླ་བ་གཟས་བཟུང་བ། |
| མེ་ཡོག |
ཐབ་ཀྱི་མེ་དཀྲུག་བྱེད་ཀྱི་ཤིང༌། |
| མེ་རི |
རང་བཞིན་གྱིས་མེ་འབར་བའི་རི། |
| མེ་རིས |
མེ་ཡི་རི་མོ། |
| མེ་རུས |
ལུས་ཀྱི་འབྱུང་བ་མེ་ཁམས་ཤས་ཆེར་ལས་བསྐྱེད་པའི་རུས་པ་མདོག་དམར་ཞིང་རྩུབ་པ་ཞིག |
| མེ་རེ |
(རྒྱན་ཚིག) མེར་དང་དོན་འདྲ། 1>ཆུ་སོགས་གཤེར་བའི་རིགས་འཁྱིལ་ཞིང་གཡོ་བའི་རྣམ་པ་ཞིག་སྟེ། (དཔེར་ན།) རྒྱ་མཚོ་སྔོ་མེ་རེ་འདུག་ལྟ་བུ། 2>གཤེར་ཁུས་སྣོད་སོགས་གཏམས་པའི་དོན་ཏེ། (དཔེར་ན།) ཟངས་ངར་འོ་མས་མེ་རེ་གང་ལྟ་བུ། |
| མེ་རོ |
1.མེ་ཕལ་ཆེར་ཤི་བའི་མེ་མ་ཐལ་ཏེ། (དཔེར་ན།) ཐབ་ཀྱི་མེ་རོ་ཤིང་བུ་བུས་ཏེ་གསོས་ལྟ་བུ། 2ལམ་སྲོལ་དང་རྩོད་ཉོག་སོགས་ཀྱི་ལྷག་རོའི་དོན་ཏེ། (དཔེར་ན།) རྩོད་གླེང་གི་མེ་རོ་རྩ་བ་ནས་བསད་པ། ཁ་མཆུའི་མེ་རོ་བསྐྱར་དུ་འབར་མི་འཇུག་ཅེས་པ་ལྟ་བུ། |
| མེ་རྡོ |
ངར་ལྕགས་དང་འཐབས་ན་མེ་མཆེད་པའི་རྡོ། |
| མེ་རྩེད |
མེའི་རིགས་ལ་བརྟེན་པའི་རྩེད་མོ་སྤྱི། |
| མེ་རྫ |
1.རྫ་ལས་བཟོས་པའི་མེ་བླུག་སྣོད། 2.མེ་ཏོག་བཙུགས་པའི་རྫ་མའི་སྣོད། |
| མེ་རྫས |
མེ་མདའི་རྫས། |
| མེ་ལ |
ལ་ཞིག མཚོ་སྣ་རྫོང་གི་ནུབ་རྒྱུད་དུ་ཡོད། |
| མེ་ལ་རེག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དུས་བྱིན་གྱིས་མ་བརླབས་པ་དང༌། ན་བའི་དབང་གིས་མ་ཡིན་པར་རྒོད་བག་གིས་མེ་ལ་རེག་པའོ། ། |
| མེ་ལ་ལྡེ་བ |
(བརྡ་རྙིང་།) མེ་ལ་བསྟན་པའམ། སྲོ་བ། |
| མེ་ལེན |
རྨ་འབྲས་དང༌། ལྷོག་པ། གློ་བུར་སྐྲངས་པོ་འགའ་ཞིག་བྱུང་བ་སོགས་རྨ་འབྲས་ཆེ་བ་ལ་ཨི་ཁུང་བཞི་གར་རྒྱག་རྒྱུ་དང༌། རྨ་འབྲས་ཆུང་བར་གཅིག་གམ་གཉིས་སོགས་རྨ་ཆེ་ཆུང་ལ་དཔགས་ཏེ་སྲེག་བྱེད་ཀྱི་ཡོ་བྱད་ཅིག |
| མེ་ལོང |
གཟུགས་བརྙན་འཆར་བྱེད་ཡོ་བྱད་ཀྱི་མིང་ གནའ་དུས་ཟངས་དང་ལི་སོགས་ཀྱིས་བཟོས་པ་ཡིན་ལ། ད་ལྟ་ཤེལ་གྱིས་བཟོས་པ་མང་། |
| མེ་ལོང་སྤུ་གྲི |
མགོ་བོའི་རྨའི་མཐའ་སྐོར་འདྲ་བྱེད་ཀྱི་སྐྲ་གྲི་ཞིག |
| མེ་ལྕགས |
མེ་རྡོ་དང་སྤྲ་བ་སྦྱར་ཏེ་མེ་སྦོར་བྱེད་ཀྱི་ཡོ་བྱད་ཅིག |
| མེ་ལྕེ |
མེ་འབར་བ་ལས་བྱུང་བའི་ཚ་ཞིང་སྲེག་པའི་དབུགས་གཟུགས་ཀྱི་མིང་། |
| མེ་ལྕེ་བ |
(མངོན་བརྗོད།) བཙག |
| མེ་ལྕེ་འཁོར་ལོ |
(ཡུལ་སྐད།) ལུས་ཀྱི་ཤ་པགས་ལ་རྨ་དང་ཐོར་འབྲུམ་ཐོན་པའི་གཉན་ནད་ཅིག |
| མེ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། བྱང་སེམས་སྦྱོར་ལམ་པའི་རྒྱུད་ཀྱི་སྦྱོར་བ་དང་ལྡན་པའི་སེམས་བསྐྱེད་སྒྲིབ་པའི་བུད་ཤིང་སྲེག་པས་ན་མེ་ལྟ་བུའོ། ། |
| མེ་ལྷ |
1.ཤར་ལྷོའི་ཕྱོགས་སྐྱོང༌། མིང་གི་རྣམ་གྲངས་ལ་མཆོད་སྦྱིན་སྐྱེས་དང༌། རྟ་དམར་ཅན། ནོར་ལས་སྐྱེས། སྣ་ཚོགས་འོད་ཟེར། བྱིན་ཟ། འབར་བའི་སྒྲ་ཅན། སྦྱིན་སྲེག་ཟ། ཚངས་དབང་སྲས་པོ། འོད་ཀྱི་ནོར་ཅན། འོད་བདུན་པ། ར་ལ་ཞོན། རིག་བྱེད་སྐྱེས། སྲེག་ཟ། གསེར་ཁུ་བ། གསེར་གྱི་ཐིག་ལེ་བཅས་སོ། །2.ཐབ་ལ་གནས་པའི་ལྷ། |
| མེ་ལྷའི་ཕྱོགས |
(མངོན་བརྗོད།) ཤར་ལྷོའི་ཕྱོགས། |
| མེ་ལྷོག |
འབྱུང་བཞིའི་ཁམས་ཀྱིས་ལྷོག་པ་རིགས་བཞིར་དབྱེ་བའི་ནང་ཚན་མེ་ཁམས་ཤས་ཆེ་བའི་ལྷོག་པ་ནད་རྟགས་སུ་དྲོད་ཆེ་ཞིང་མེ་ལྕེ་འདྲ་བའི་རི་མོ་འབྱུང་བ་ཞིག |
| མེ་ཤིང |
1.བུད་ཤིང༌། 2.མེ་དང་ཤིང༌། |
| མེ་ཤིང་དབོར་འདྲེན་གྱི་ཁྲལ |
སྔར་མེ་ཤིང་དབོར་འདྲེན་གྱི་འུ་ལག་སྐུལ་རྒྱུག་བྱེད་པའི་ཁྲལ་ཞིག |
| མེ་ཤུགས |
མེའི་ཚ་ངར། |
| མེ་ཤུལ |
མེ་བཏང་བའི་ཤུལ་རྗེས། |
| མེ་ཤེལ |
1.མིག་ལ་དངོས་གཟུགས་ཀྱི་བོངས་ཚད་ཆེན་པོར་སྣང་བྱེད་ཀྱི་ཤེལ་གྱི་མིང་། 2.མེ་འབྱུང་བའི་ཤེལ་ཏེ་འོད་འདུས་ནས་མེ་འབར་བྱེད་ཀྱི་ཤེལ་ཞིག |
| མེ་སངས་རྒྱག་པ |
མེ་རྒྱུན་བསྐྱར་དུ་གསོ་བ་དང་ངར་ཆེ་རུ་གཏོང་བའི་དོན་ཏེ། (དཔེར་ན།) རླུང་ཐབ་ཀྱི་མེ་འཆི་གྲབས་བྱེད་དུས་འཕྲལ་ལ་མེ་སངས་རྒྱག་དགོས་ལྟ་བུ། |
| མེ་སྐམ |
མེ་འཛིན་བྱེད་ཀྱི་སྐམ་པ། |
| མེ་སྐར |
1.མེ་སྟག 2.མེ་ཁམས་ཀྱི་སྐར་མ། |
| མེ་སྐར་བདུན |
བྲ་ཉེ་དང༌། རྒྱལ། སྨིན་དྲུག་མཆུ། གྲེ། ཁྲུམས་སྟོད། ས་ག་རྣམས་སོ། ། |
| མེ་སྐོར |
(སོག་སྐད།) བག་མ་ལེན་ཐབས། |
| མེ་སྐྱོགས |
མེ་བླུག་བྱེད་ཀྱི་སྐྱོགས། |
| མེ་སྐྱོན |
མེའི་གནོད་འཚེ་སྟེ། (དཔེར་ན།) སྡོད་ཁང་ལ་མེ་སྐྱོན་ཤོར་བྱུང་ལྟ་བུ། |
| མེ་སྒྱོགས |
1.གནའ་དུས་མེ་སྦར་བའི་དངོས་རྫས་དགྲ་རྫོང་སོགས་ལ་འཕེན་པའི་མཚོན་ཆའི་རིགས་ཤིག 2.དེང་རབས་ཀྱི་མཚོན་ཆ་སྒྱོགས་ཆེན་གྱི་མིང་། |
| མེ་སྒྲོན |
1.སྒྲོན་མེའམ་མར་མེ། 2.(ཡུལ་སྐད།) མེ་སྦར་བ། |
| མེ་སྟག |
1.མེའི་ཚ་ཚ་སྟེ། (དཔེར་ན།) མེ་སྟག་གིས་སྤང་ལྗོངས་སྲེག་ཐུབ། མེ་སྟག་ཆུང་དུས་མ་བསད་ན། ནགས་རི་མེ་ལ་ཤོར་ཉེན་ཡོད་ཅེས་པ་ལྟ་བུ། མིང་གི་རྣམ་གྲངས་ལ་མཁའ་སྐྱེས་དང༌། མེའི་ཟེགས་མ། ཞུགས་ཀྱི་དུམ་འཕྲུག་རབ་འཕྲོ་བཅས་སོ། །2.(མངོན་བརྗོད།) མེ་ཕོ་སྟག་ལོ། |
| མེ་སྤར་རླུང་སྐུལ |
མེ་ཆེན་པོ་འབར་ཐུབ་པའི་ཆེད་དུ་རླུང་རྒྱུན་སྐུལ་བ་ལྟ་བུ་སྟེ། བསམ་ནག་གིས་ཟིང་ཆ་ལང་དུ་འཇུག་པའི་དཔེ། (དཔེར་ན།) མི་ངན་གྱིས་གཞན་ལ་མེ་སྦར་རླུང་སྐུལ་གྱིས་ཟིང་ཆ་མ་སློང་ལྟ་བུ། |
| མེ་སྤྲིན |
དུ་བ། |
| མེ་སྦྱིན་སྐྱེས |
(མངོན་བརྗོད།) ལྷ། |
| མེ་སྲུབ་ཤིང |
1.མེ་གཙུབ་བྱེད་ཀྱི་ཤིང༌། 2.ཙན་དན་དཀར་པོ། |
| མེ་སླང |
མེ་ཕོར་རམ་མེ་སྣོད་སླ་ང། |
| མེད |
1.(ལས་ཚིག་རྗེས་མཐུན་པ།) ཐ་སྙད་གང་གི་མཐར་སྦྱར་ན་དོན་དང་དངོས་པོ་དེ་མི་གནས་པ་དང་འཇིག་པར་གྱུར་པ་སོགས་ཀྱི་དོན་ཏེ། (དཔེར་ན།) ནད་མེད་དུག་མེད། འགྱུར་མེད་འཇིགས་མེད། ས་འདིར་ནད་ཡམས་མེད། མེད་པར་གྱུར། གར་སོང་ཆ་མེད་དུ་སོང་། མེད་པར་བཏང་། ཟློག་ཏུ་མེད། འགོག་ཏུ་མེད་སོགས་ལྟ་བུ།1.ཡོད་པའི་ལྡོག་ཟླ། |
| མེད་དགག |
དགག་པའི་ནང་གསེས། རང་དངོས་སུ་རྟོགས་པའི་བློའམ་རང་བརྗོད་པའི་སྒྲས་རང་གི་དགག་བྱ་དངོས་སུ་བཅད་ཙམ་གྱིས་རྟོགས་པར་བྱ་བ་གང་ཟག་གི་བདག་མེད་ལྟ་བུ། བདག་བཀག་པའི་ཤུལ་དུ་དོན་གཞན་མི་འཕེན་པའོ། ། |
| མེད་དགག་གི་གཞན་སེལ |
སེལ་བའི་ནང་གསེས། རང་གི་དགག་བྱ་བཅད་ཙམ་གྱི་སྒོ་ནས་རང་གི་བསལ་བྱ་རིགས་མི་མཐུན་བསལ་བ། དཔེར་ན་རི་མེད་ཅེས་པས་ཡོད་པ་བསལ་བ་ལྟ་བུའོ། ། |
| མེད་ན་མི་འབྱུང་བའི་འབྲེལ་བ |
སྔ་མ་ལ་མ་བརྟེན་པར་ཕྱི་མ་ཡོང་ཐབས་མེད་པའི་དངོས་པོའི་འབྱུང་ཚུལ། |
| མེད་པ་གསལ་སྣང |
ཡུལ་དོན་དུ་མེད་པའམ་གཞི་མ་གྲུབ་བཞིན་དུ་འཕྲལ་གྱི་འཁྲུལ་རྒྱུས་བསླད་པའི་དབང་ཤེས་ལ་གསལ་བར་སྣང་བ། དཔེར་ན་ཟླ་གཅིག་ཟླ་གཉིས་སུ་སྣང་བ་ལྟ་བུ་རྟོག་མེད་ལོག་ཤེས་སོ། ། |
| མེད་པ་པ |
ཆད་ལྟ་འཛིན་མཁན། |
| མེད་པའི་སྟོང་ཉིད |
ཇོ་ནང་པའི་གསུང་སྒྲོས་སུ། ནམ་མཁའ་ལ་སོགས་པ་དངོས་མེད་ཐམས་ཅད་དང༌། རྣམ་རྟོག་ལ་ཤར་བའི་གཟུགས་སོགས་ཡུལ་གྱི་སྣང་ཆ་རྣམས་དང༌། མིང་ལ་དོན་དུ་ཞེན་པ་དང༌། དོན་ལ་མིང་དུ་འཁྲུལ་བའི་མིང་དོན་གྱི་འབྲེལ་བ་དང༌། ཕྱི་ནང་མཐའ་དབུས། ཆེ་ཆུང་བཟང་ངན་ཕྱོགས་དུས་སོགས་བློས་སྒྲོ་བཏགས་ཀྱིས་གཟུང་བྱ་ཐམས་ཅད་ནི་ཀུན་བརྟགས་ཡིན་པས་ཀུན་རྫོབ་ཏུའང་མེད་པ་མེད་པའི་སྟོང་ཉིད་དོ། ། |
| མེད་པར་བྱེད་པ |
1.མེད་པར་བཟོ་བ་སྟེ། (དཔེར་ན།) ལུགས་ངན་མེད་པར་བྱེད་པ། གཉའ་གནོན་མེད་པར་བྱེད་ཅེས་པ་ལྟ་བུ། 2.མེད་པར་ཁས་ལེན་པ། |
| མེད་པོ |
མི་དབུལ་བོ་ཞེས་པའི་ཡུལ་སྐད། |
| མེད་རྟོགས |
མེད་པར་རྟོགས་པའི་ཚད་མ་སྟེ། མེད་པ་ལ་མེད་པར་ངེས་པའི་ཡང་དག་པའི་ཤེས་པའོ། ། |
| མེན་དྲེ |
(བརྡ་རྙིང་།) 1>རས། 2>གྲུའུ་ཙེ། |
| མེའི་ཐལ་བ |
མེ་བཏང་བའི་ཤུལ་དུ་ལུས་པའི་ཐལ་བ། |
| མེའི་མཆོད་པ |
མར་མེ་དང་སྦྱིན་སྲེག་སོགས། |
| མེའི་ཚ་ཚ |
མེ་སྟག་གི་དོན་ཏེ། (དཔེར་ན།) མེའི་ཚ་ཚ་ཀུན་ཏུ་འཕྲོ་ལྟ་བུ། |
| མེའི་ཟེགས་མ |
(མངོན་བརྗོད།) མེ་སྟག |
| མེའི་འཇིགས་པ |
མེས་འཚིག་པའི་འཇིགས་སྐྲག་སྟེ། (དཔེར་ན།) མེ་སྐྱོན་ཤོར་མ་ཐག་ཏུ་གསོད་ཐུབ་ན་མེའི་འཇིགས་པ་ཆེར་མི་ཡོང༌ལྟ་བུ། |
| མེའི་རྟེན |
མཆིན་པ། |
| མེའི་རྩེ་མོ |
(མངོན་བརྗོད།) གུར་གུམ། |
| མེའི་སྲུབ་ཤིང |
(མངོན་བརྗོད།) ཙན་དན་དཀར་པོ། |
| མེར |
1.(རྒྱན་ཚིག) 1>གཤེར་ཁུ་ཆུ་སོགས་ཀྱིས་སྣོད་བཀང་ཆེ་བའི་དོན་ཏེ། (དཔེར་ན།) སྣོད་དུ་ཇ་མེར། ཞིང་ལ་ཆུ་མེར་ལྟ་བུ། 2>སྙི་ཞིང་ལྡེམ་པའི་དོན་ཏེ། (དཔེར་ན།) བྱེ་འདམ་མེར་མེར་བྱེད་ལྟ་བུ། འདམ་མེ་རེ་རེ་ཞེས་པ་དང་དོན་འདྲ། ཡུལ་སྐད་དུ་མ་རེ་མེར་རེ་ཡང་ཟེར།2.ལྡང་བའི་དོན་ཏེ། (དཔེར་ན།) སྐྱུགས་པ་མེར་བ། སྒྲེགས་པ་མེར་བ། ཞེ་མེར་བ་ལྟ་བུ། 3.མེ་རུ་ཞེས་པའི་རུ་ཡིག་བསྡུས་པ་སྟེ། (དཔེར་ན།) མེ་ལ་བསྲེགས་ཞེས་པར་མེར་བསྲེགས་ཟེར་བ་ལྟ་བུ། |
| མེར་ཁྲི་བཙན་པོ |
སོ་ཁྲི་བཙན་པོ་དང་དོག་མེར་མེར་གཉིས་ཀྱི་སྲས། བོད་རྒྱལ་གདུང་རབས་ལྔ་པ་ཡིན་ལ། གནམ་གྱི་ཁྲི་བདུན་དུ་གྲགས་པའི་ལྔ་པའང་ཡིན་ནོ། ། |
| མེར་གནས་ཀྱི་དེ་ཉིད |
མེར་གནས་ཀྱི་དེ་ཉིད་ཅེས་བྱ་བ་བྱ་རྒྱུད་དུ་བསམ་གཏན་གྱི་དེ་ཁོ་ན་ཉིད་ཀྱི་ནང་གསེས་ཤིག་རང་ཉིད་ལྷར་གསལ་བའི་ཐུགས་ཀར་མེ་འབར་བའི་དབུས་སུ་ཟླ་བ་ལ་སྔགས་ཕྲེང་བཀོད་དེ་སྲོག་བསྡོམ་པའི་སྦྱོར་བས་བསྒོམ་པ་མེར་གནས་ཏེ་ལས་བཞི་འགྲུབ་པའི་གཞིའོ། ། |
| མེར་བཀྲ་ཤིས་ཚལ |
དུར་ཁྲོད་ཆེན་པོ་བརྒྱད་ཀྱི་ཡ་གྱལ་ཞིག |
| མེར་མེར |
(རྒྱན་ཚིག) 1>མིག་ཏུ་སྣང་ཚུལ་ཞིག་སྟེ། (དཔེར་ན།) ཐག་རིང་ནས་ཆུ་མེར་མེར་རྒྱུགས་འགྲོ་བ་ཞིག་མཐོང༌ལྟ་བུ། 2>ནེམ་ནེམ་བྱེད་པའི་རིགས་ཏེ། (དཔེར་ན།) སྔས་འབོལ་མེར་མེར་ཞིག་ལ་མགོ་བོ་རྟེན་ལྟ་བུ། 3>འགུལ་སྟངས་ཤིག་སྟེ། (དཔེར་ན།) ས་ཡོམ་རྒྱག་དུས་ཁང་པ་མེར་མེར་བྱེད་ཅེས་པ་ལྟ་བུ། |
| མེར་མེར་བོ |
མངལ་ཆགས་ནས་བདུན་ཕྲག་གཅིག་ལོན་པའི་སྐབས་ཀྱི་བྱིས་པའི་དབྱིབས། |
| མེར་མེར་ཤིག་ཤིག |
1.འགུལ་འཁྱོམས་ཀྱི་རྣམ་འགྱུར་ཞིག (དཔེར་ན།) རྒྱ་མཚོའི་ཆུ་རླབས་གཡོས་ནས་མེར་མེར་ཤིག་ཤིག་བྱེད་པ། འབར་མདེལ་གཡུགས་དུས་ས་ཆ་མེར་མེར་ཤིག་ཤིག་ཏུ་འགུལ་ལྟ་བུ། 2.སྲོག་ཆགས་མང་པོ་འདུས་པའི་འགུལ་སྟངས་ཏེ། (དཔེར་ན།) ཤ་རུལ་ནང་དུ་ཤ་འབུ་མང་པོ་མེར་མེར་ཤིག་ཤིག་བྱེད་བཞིན་འདུག་ལྟ་བུ། |
| མེལ་གེ |
སིབ་བུའི་མིང་གི་རྣམ་གྲངས་ཤིག |
| མེལ་ཚེ |
1.མཚན་དུས་སོ་ལྟ་སྟེ། (དཔེར་ན།) ཕྲུ་གུར་མེལ་ཚེ་བྱེད་པ། ས་མཚམས་སྲུང་མཁན་འཐབ་འཛིང་པས་མཚན་མོར་ཡང་མེལ་ཚེ་བྱེད་པ། ཉིན་གསུམ་བྱ་ར་མཚན་གསུམ་མེལ་ཚེ་བྱེད་ཅེས་པ་ལྟ་བུ། 2.མཚན་མོའི་ཐུན་ཚོད། |
| མེལ་ཚེ་ཅན |
(མངོན་བརྗོད།) མཚན་མོ། |
| མེལ་ཚེ་བ |
མཚན་དུས་ཀྱི་བྱ་ར་མཁན་ནམ། རྟོག་ཞིབ་པ་སྟེ། (དཔེར་ན།) ས་དེར་ལྷགས་པ་ན་ཕྱོགས་དེའི་དཔུང་གི་མེལ་ཚེ་བ་དག་གིས་རྟོགས་པ། ཁོས་མེལ་ཚེ་བ་སོ་སོར་མི་རྟོག་པར་མ་ཉལ་ཞེས་ཟེར་བཞིན་དུ་ཆོམ་པོ་རྣམས་ཀྱིས་བཅོམ་མོ་ལྟ་བུ། |
| མེས་དབོན |
མེས་པོ་དང་ཡང་མེས་སོགས་ཀྱི་སྤྱི་མིང་། |
| མེས་དབོན་རྣམ་གསུམ |
སྲོང་བཙན་སྒམ་པོ་དང༌། ཁྲི་སྲོང་ལྡེའུ་བཙན། ཁྲི་གཙུག་ལྡེ་བཙན་ཏེ་གསུམ། |
| མེས་པོ |
ཕའི་ཕ་ནི་རང་གི་མེས་པོ་ཡིན། ཚིག་བསྡུས་ན་མེས་ཞེས་འབྲི་ཆོག་སྟེ། (དཔེར་ན།) ཡབ་མེས་ཕ་མེས་ཞེས་པ་ལྟ་བུ། |
| མེས་པོའི་ཞལ་ལུང |
དུས་རབས་བཅུ་དྲུག་པའི་ནང་ཟུར་མཁར་བློ་གྲོས་རྒྱལ་པོས་མཛད་པའི་རྩ་རྒྱུད་དང༌། བཤད་རྒྱུད། ཕྱི་མ་རྒྱུད་ཀྱི་ཆུ་མདོ་ཡན་གྱི་འགྲེལ་པ་ཤིན་ཏུ་རྒྱས་པའི་སྨན་གྱི་བསྟན་བཅོས་ཚད་མ་ཞིག |
| མེས་བཙན |
(བརྡ་རྙིང་།) མལ་ས་བཙན་པོ། |
| མེས་མཚུན |
སྔར་མེས་པོའི་དུས་ནས་བརྟེན་པའི་ལྷ། |
| མེས་མོ |
རང་གི་ཕའི་མ་ལ་ཟེར། |
| མེས་ཚིག་རྨ |
མེས་བསྲེགས་ཏེ་བྱུང་བའི་རྨ། |
| མེས་འཆིང |
(མངོན་བརྗོད།) དངུལ་ཆུ། |
| མེས་འཇིག་པ |
མེས་ཚིག་སྟེ་མེད་པར་འགྱུར་བ། |
| མེས་འཇིག་པའི་རྩེ་མོ |
བསམ་གཏན་གཉིས་པ། བསམ་གཏན་གཉིས་པ་མན་ཆད་སྣོད་ཀྱི་འཇིག་རྟེན་དེ་མེས་འཇིག་པའི་སྐབས་སུ་རྩ་མེད་དུ་འགྲོ་ཞིང༌། དེ་ཡན་ཆད་ལ་མེའི་འཇིག་པ་མི་ཡོང་བས་མེས་འཇིག་པའི་རྩེ་མོ་ཟེར། |
| མེས་རབས |
ཕ་མེས་ཀྱི་མི་རབས། |
| མེས་རྒྱལ |
རང་གི་རྒྱལ་ཁབ་སྟེ། (དཔེར་ན།) དོགས་ཟོན་ཆེ་བསྐྱེད་ཀྱིས་མེས་རྒྱལ་སྲུང་སྐྱོབ་བྱེད་དགོས་ལྟ་བུ། |
| མེས་ཨག་ཚོམ |
སྔར་བོད་རྒྱལ་སོ་བདུན་པ་ཁྲི་ལྡེ་གཙུག་བརྟན་གྱི་མིང༌། སྨ་ར་དང་བགྲེས་ཉམས་ཆེ་བས་དེ་ལྟར་གྲགས་སོ། ། |
| མཻཏྲཱི |
(ལེགས་སྦྱར།) བྱམས་པ། |
| མོ |
1.མི་དང་སྲོག་ཆགས་ཕོ་མོ་གཉིས་ལས་མོ། (དཔེར་ན།) དཔའ་མོ། བདག་མོ། བུ་མོ། མེས་མོ་ཞེས་པ་དང་། ཁྱི་མོ། སྟག་མོ། མོ་གླ། མོ་བྱ། མོ་དྲེལ་ཞེས་པ་སོགས་ལྟ་བུ། 2.འབྱུང་འགྱུར་གྱི་གནས་ཚུལ་བཟང་ངན་སོགས་བརྟག་ཐབས་ཤིག3.རྒྱུད་ཕྱི་མ་སྤེལ་བ་ལ་མོ་དང་བྱེད་ལས་མཚུངས་པའི་སྒོ་ནས་བཏགས་པ་སྟེ། (དཔེར་ན།) ཟེའུ་འབྲུ་ཕོ་མོ། མེ་ཏོག་ཕོ་མོ་ཞེས་པ་ལྟ་བུ། 4.མིང་མཐའ་ཞིག་སྟེ། 1>རྒྱན་ཚིག་འགའ་ཞིག་གི་མཐར་སྦྱར་ན་རྒྱན་ཚིག་དེ་མིང་གི་རང་བཞིན་ཅན་དུ་འགྱུར་ཏེ། (དཔེར་ན།) རིང་མོ། མདོ་དབུས་གཞུང་ལམ་རིང་མོ། ཆེན་མོ། མི་རིགས་སློབ་གྲྭ་ཆེན་མོ། དཀར་མོ། ར་མ་དཀར་མོ། སྔོན་མོ། འབྲི་ཆུ་སྔོན་མོ། དམར་མོ། ཁྱི་མོ་དམར་མོ་ཞེས་པ་སོགས་ལྟ་བུ། 2>མིང་མཐའ་ཙམ་ལ་འཇུག་པ་ནི། (དཔེར་ན།) ཉིན་མོ། མཚན་མོ། སྔ་མོ། འཕྱི་མོ། སྡུག་མོ། ཡང་མོ། སྲ་མོ་ཞེས་པ་སོགས་ལྟ་བུ།5.རྗེས་འཇུག་མ་ཡིག་ཅན་ལ་སྦྱོར་རྒྱུའི་རྫོགས་ཚིག་ཅིག་སྟེ། (དཔེར་ན།) འདི་ནི་ལམ་མོ། དེ་ནི་ལྷམ་མོ་ལྟ་བུ། |
| མོ་ཁབ |
ཁབ་ཕྲ་བའི་མིང༌། |
| མོ་གཅུ |
(ཡུལ་སྐད།) ཟུར་མང་ཡོད་པའི་གཟེར་གདན། |
| མོ་གཤམ |
ཕྲུ་གུ་མི་སྐྱེ་བའི་བུད་མེད་རབས་ཆད་མ། |
| མོ་གཤམ |
1.ཕྲུ་གུ་སྐྱེ་བའི་ནུས་པ་མེད་པའི་སྲོག་ཆགས་མོ། 2.བོད་ཡིག་གི་དབྱེ་བ་འབྱེད་ཚུལ་ཞིག ཡི་གེའི་སྒྲ་འབྱིན་སྐབས་ངག་གི་རྩོལ་བ་ཤིན་ཏུ་ལྷོད་པ་དག་ལ་མོ་གཤམ་གྱི་ཡི་གེ་ཟེར། དཔེར་ན། ར་ལ་ཧ་ནི་མོ་གཤམ་གྱི་ཡི་གེ་ཡིན་པ་ལྟ་བུ། |
| མོ་གཤམ་ཡི་གེ |
ངག་ཐོག་ནས་ཡི་གེ་རྗོད་སྐབས་སོ་སོའི་སྐྱེ་གནས་ཀྱི་རྩོལ་ཤུགས་ཤིན་ཏུ་ཞན་ལ་ལྷོད་པ་ཡིན་པའི་ཡི་གེ་རྣམས། ར་ལ་ཧ་ཨ། |
| མོ་གསར |
བུད་མེད་ན་གཞོན། |
| མོ་གུམ་མ |
མོ་ཧྲེང་མ། |
| མོ་གོས |
བུད་མེད་ཀྱི་གྱོན་པ། |
| མོ་ཆས |
བུད་མེད་ཀྱི་ཆས། |
| མོ་ཉམས |
བུད་མེད་ཀྱི་ཉམས་འགྱུར། |
| མོ་ཉེ |
མནའ་མའི་ཕྱོགས་དང་ཨ་མའི་ཕྱོགས་ཀྱི་གཉེན་ཚན། |
| མོ་ཐིག |
མོ་འདེབས་བྱེད་ཀྱི་ཐི་གུ། |
| མོ་ཐིག་པོ |
མོ་ཕྱྭའི་མངོན་ཤེས་རྣོན་པོ། |
| མོ་དཀར |
བུད་མེད་ཀྱི་བཏུང་སྣོད། |
| མོ་དབང |
མོའི་སྐྱེ་རྒྱུན་སྤེལ་བའི་དབང་བོ་བསམ་སེ་དང་མངལ། མཚན་ལམ། འདོམས་ཀྱི་བུ་ག་བཅས་འདུས་པའི་སྤྱི་མིང་། |
| མོ་དོར |
1.བུད་མེད་ཀྱི་དོར་མ། 2.(ཡུལ་སྐད།) བུད་མེད་ཀྱི་སྨད་གཡོགས། |
| མོ་དྲེལ |
དྲེའུ་མོ། |
| མོ་དྲེས |
སྔོ་ཞིག |
| མོ་ནད |
མངལ་དང༌། ནུ་མ་སོགས་ལས་བྱུང་བའི་བུད་མེད་ཁོ་ནར་འབྱུང་བའི་ནད་དེ་ནང་གསེས་སུ་དབྱེ་ན། མངལ་ནད་ལྔ་དང༌། རྩ་ནད་བཅུ་དྲུག་སྐྲན་ནད་དགུ། སྲིན་བུའི་ནད་རིགས་གཉིས། ཕལ་པའི་ནད་བརྒྱད་བཅས་བཞི་བཅུ་ཐམ་པ་མཆིས་སོ། ། |
| མོ་ནད་གསར་པ |
(མངོན་བརྗོད།) ཟླ་མཚན་འབབ་པ། |
| མོ་ནད་ཐོར་བུ |
ཁམས་དཀར་འབྱམས་པ་དང༌། མངལ་གྱི་སྲིན་བུ་ཁྲོས་པ་ལྟ་བུ་མོ་ནད་ཁ་ཐོར། |
| མོ་ནད་དུག་ཐབས |
ཕྲུ་གུ་བཙས་རྗེས་མཁྲིས་ཚད་སྐྱེས་པའི་མོ་ནད་དེ། ནད་རྟགས་སུ་རོ་སྟོད་དུ་གཟེར་ཕྲན་འཕོ་ཞིང་ལུད་པ་དམར་པོ་འབྱུང་བ་ཞིག |
| མོ་ནད་ཕལ་པ |
བུད་མེད་ཀྱི་མཚན་མའི་ནད་དང༌། ཤ་མ་མ་ཐོན་པ། ཕྲུ་གུ་བཙའ་མ་ཐུབ་པ། ཕྲུ་གུ་མགོ་འཇུག་ལོག་པ། བུ་སྣོད་ལུག་པ། མངལ་ཁྲག་མ་ཆོད་པ། ཕྲུ་གུ་བཙས་རྗེས་ཀྱི་ནད་གཞུག་ལུས་པ། ཕྲུ་གུ་བཙས་རྗེས་དུག་ཐབས་བྱེད་པ་བཅས་སོ། ། |
| མོ་ནད་མཁྲིས་ཚབས |
མོ་ནད་ཀྱི་རིགས་ཤིག་ནད་རྟགས་སུ་སྐོམ་དད་ཆེ་ཞིང༌། གློ་ལུ་བ་དང༌། ཤ་པགས་སེར་པོར་འགྱུར་བ་ཞིག |
| མོ་ནད་འོ་ཚབས |
རྒྱུ་ཞབས་གཟེར་ཞིང་ཟླ་མཚན་འོ་ཁ་འམ་ཆུ་དང་འདྲ་བ་འབྱུང་བའི་མོ་ནད་ཀྱི་རིགས་ཤིག |
| མོ་ནད་རྩ་སྐྲན |
བུ་བཙས་རྗེས་རྩ་འགྲམས་ནས་སྐྲན་དུ་གྱུར་ཏེ་ཤ་རུས་ཁོལ་ནས་ན་བའི་མོ་ནད་ཅིག |
| མོ་ནད་རླུང་ཚབས |
མོ་ནད་རྙིང་པ་ནང་གསེས་སུ་དབྱེ་ན་མགོ་བོའི་རླུང་ཚབས། རུས་པའི་རླུང་ཚབས། སྙིང་གི་རླུང་ཚབས། ཕོ་བའི་རླུང་ཚབས། མཁལ་མའི་རླུང་ཚབས། རྒྱུ་མའི་རླུང་ཚབས་བཅས་རིགས་དྲུག་མཆིས་སོ། ། |
| མོ་ནད་སྲིན་བུ་ཁྲོས་པ |
མངལ་གྱི་སྲིན་བུ་རིགས་གཉིས་ཀྱི་ནང་ནས་ཨ་སོ་ཀ་ཞེས་པའི་སྲིན་བུ་ཁྲོས་པ་ལས་བྱུང་བའི་མོ་ནད་ཀྱི་རིགས་ཤིག |
| མོ་ནོར |
འབྲི་དང༌། མཛོ་མོ། བ་སོགས་བཞོན་མ་བྱས་ཆོག་པའི་སེམས་ཅན་གྱི་རིགས། |
| མོ་པ |
མོ་འདེབས་མཁན། |
| མོ་པྲ |
མོ་ཕྱྭ་དང་པྲ། |
| མོ་ཕག |
ཕག་པ་མོ། |
| མོ་ཕྱུ |
བུད་མེད་ཀྱི་ཕྱུ་པ། |
| མོ་ཕྱུགས |
གནག་ཕྱུགས་མོ་རིགས། |
| མོ་ཕྱྭ |
ཕྱྭ་འདེབས་པའི་མིང༌། |
| མོ་བཀྱག |
མོ་དཀར་འཛུགས་ཡུལ་གྱི་སྟེགས། |
| མོ་བོང |
བོང་བུ་མོ་རིགས། |
| མོ་བོན |
མོ་ཕྱྭ་དང༌། བོན་ལུགས་ཀྱི་གཏོ་བཅོས་ཀློག་འདོན། |
| མོ་བྱ |
(ཡུལ་སྐད།) བྱ་མོ། |
| མོ་བྱིས |
བུ་མོ་ཆུང་ངུ། |
| མོ་བྲན |
གཡོག་མོ། |
| མོ་མ |
མོ་པ་དང་འདྲ། |
| མོ་མ་ནིང |
དབང་པོའི་བྱ་བ་ཉམས་པའི་མོ་རིགས། |
| མོ་མཁན |
མོ་འདེབས་མཁན། |
| མོ་མཚན |
མོ་རིགས་ཀྱི་རྟགས་སམ་མཚན་མ། མིང་གི་རྣམ་གྲངས་ལ་སྐྱེ་གནས་དང༌། སྐྱེ་འཛིན། མཁའ་ནང༌། དགའ་བའི་བུ་ག། ཆུ་མ། ཆོས་འབྱུང༌། བརྗོད་བྱའི་ཕྱོགས། ཉེར་གནས། གཉིས་དགའི་ཁྱིམ། དྲན་པའི་ཁྲོན་པ། རྡུལ་གྱི་ལམ། པད་མ། བུ་གནས་གྲོང་ཁྱེར། བྱེད་པའི་ཡན་ལག མེ་ཏོག་ལམ། མོ་རྟགས། མོའི་རང་བཞིན། མྱོས་བྱེད། རྨོངས་པར་བྱེད། མཚམས་མིན་རྟེན། ལམ་མི་ཟ། སྲིད་པ་བྱེད། སྲིད་པའི་ལམ། གསང་བའི་འཁོར་ལོ། ཨི་གསང་བཅས་སོ། ། |
| མོ་མཚོ་སྤུན་གཉིས |
ཚྭ་མཚོ་གཉིས་ཀྱི་སྤྱི་མིང༌། ངམ་རིང་རྫོང་གི་བྱང་རྒྱུད་དུ་ཡོད། |
| མོ་ཙམ་གྱི་འཇུག་ཚུལ |
རྗེས་འཇུག་གི་མོ་ཡིག་ང་མ་གཉིས་ལ་ཡང་འཇུག་ཞུགས་པ་ནི་སྒྲ་ཞན་པའི་དྲག་པར་འགྱུར་བས་མོ་ཙམ་མོ། ། (དཔེར་ན།) གངས་དང་ཁམས་ལྟ་བུ། |
| མོ་ཟོམ |
(ཡུལ་སྐད།) བུད་མེད་ཀྱི་ལྷམ། |
| མོ་ཟོམ་མཐིལ་གཉིས་མ |
བོད་ཀྱི་བུད་མེད་ཀྱི་ལྷམ་མཐིལ་ཉིས་བརྩེགས་ཡོད་པའི་ཟོམ་པ། |
| མོ་ཡན |
1.བདག་མེད་ཀྱི་བུད་མེད་ཧྲང་ཧྲང༌། 2.(ཡུལ་སྐད།) ཁང་པ་གླས་ཏེ་སྡོད་པའི་དུད་ཚང༌། |
| མོ་ཡིག |
1.ངག་ཐོག་ནས་ཡི་གེ་རྗོད་སྐབས་སོ་སོའི་སྐྱེ་གནས་ཀྱི་རྩོལ་ཤུགས་མ་ནིང་ཡི་གེའི་རྩོལ་ཤུགས་ལས་ཅུང་ཟད་ཆུང་བའམ། ལྷོད་པ་ཡིན་པའི་ཡི་གེ་རྣམས་ཏེ། 1>དབྱངས་ཡིག་བཞི། ཨི་ཨུ་ཨེ་ཨོ 2>མིང་གཞིའི་མོ་ཡིག ག་ཇ་ད་བ་ཛ་ཝ་ཞ་ཟ་འ་ཡ་ཤ་ས 3> སྔོན་འཇུག་གི་མོ་ཡིག འ། 2.མོ་འདེབས་བྱེད་ཀྱི་དཔེ་ཆ། |
| མོ་ར |
ར་མོའམ། ར་མ། |
| མོ་རང |
1.བུད་མེད་ཆིག་རྐྱང༌། 2.(ཡུལ་སྐད།) བུད་མེད་དེ་ཉིད་ཁོ་ན། |
| མོ་རབས་ཆད་མ |
རིགས་རྒྱུད་ཆད་པའི་བུད་མེད། |
| མོ་རིགས |
ཕོ་མོ་གཉིས་སུ་ཕྱེ་བའི་མོ་རིགས། |
| མོ་རེ |
(ཡུལ་སྐད།) སྐྱེ་དམན་ལ་འབོད་ཚིག |
| མོ་རེངས |
(ཡུལ་སྐད།) བུད་མེད་ཆིག་རྐྱང༌། |
| མོ་རྐྱང |
1.ཁྱིམ་ཐབ་མེད་པའི་མོ་ཧྲེང༌། 2.རི་དྭགས་རྐྱང་མོ། |
| མོ་རྒྱུད |
མོའི་རིགས་རྒྱུད། |
| མོ་རྟ |
(ཡུལ་སྐད།) རྟ་མོ་རིགས། |
| མོ་རྟགས |
གང་ཟག་མོ་ཡིན་པའི་རྟགས་མཚན། |
| མོ་རྡོ |
རྡོ་ལ་ཕོ་མོའི་དབྱེ་བ་ཡོད་ཅིང༌། མོ་རྡོ་ཡིས་རྩིགས་པ་བརྩིགས་ན་བརྟན་ཆེ་ཟེར། |
| མོ་རྩ |
མཁྲིས་པའི་རང་བཞིན་གྱིས་བསྐྱེད་པའི་ནད་མེད་ཀྱི་རྒྱུན་རྩའི་འཕར་ཚུལ་ཞིག་འཕར་རྩའི་རྒྱུད་ཕྲ་ལ་མྱུར་བར་འཕར་བ་ཞིག |
| མོ་རྩིས |
མོ་དང་རྩིས་ཀྱི་བསྡུས་མིང༌། |
| མོ་ལ |
ལ་ཞིག ལྷུན་རྩེ་རྫོང་གི་ཤར་རྒྱུད་དུ་ཡོད། |
| མོ་ལུག |
ལུག་མོ། |
| མོ་ལུང |
(ཡུལ་སྐད།) 1>སྒྲོག་ལུང༌། 2>མོ་ཕྱྭ་དང་ལུང་བསྟན། |
| མོ་ལུས |
བུད་མེད་ཀྱི་ལུས། |
| མོ་ལོ |
ལོ་ཁམས་མོ་ལ་འཁེལ་བའི་ལོ་སྟེ། (དཔེར་ན།) ཤིང་མོ་ལུག ལྕགས་མོ་གླང༌། ཆུ་མོ་སྦྲུལ་ཞེས་པ་ལྟ་བུ། |
| མོ་ལོ་དྲུག |
གླང་དང༌། ཡོས། སྦྲུལ། ལུག་བྱ། ཕག་རྣམས་སོ། ། |
| མོ་ལྡུམ་ཤ་ལ་ཡུ་རིང |
ཐང་སྨན་གྱི་རིགས་ཤིག་རོ་ཁ་ཞིང་ཚ་ལ་མངར་བ། ཞུ་རྗེས་བསིལ། ནུས་པས་རྨ་གསོ། རུས་ཆག་སྦྱོར། |
| མོ་ལྷ |
1.འགོ་བའི་ལྷ་ལྔའི་ཡ་གྱལ་ཞིག 2.མོ་ཕྱྭ་སྟོན་པའི་ལྷ། 3ལྷ་མོ་རིགས། |
| མོ་ཤམ |
(བརྡ་རྙིང་།) རབས་ཆད་མ། |
| མོ་ཤར |
བུ་མོ་དམན་ཤར། |
| མོ་ཤིང |
ཤིང་རིགས་ལ་ཕོ་མོ་གཉིས་སུ་དབྱེ་བའི་མོ་ཤིང༌། |
| མོ་ཤེལ |
ཤེལ་རིགས་ཕོ་མོ་གཉིས་སུ་དབྱེ་བའི་མོ་ཤེལ། |
| མོ་ཤོ |
མོ་འདེབས་བྱེད་ཀྱི་ཤོ། |
| མོ་སེ |
སྔོ་ཞིག |
| མོ་སྐད |
སྐད་འཕང་དམའ་བ། |
| མོ་སྐྱེས |
བུད་མེད། |
| མོ་ཧ་ཏི |
(ལེགས་སྦྱར།) ཧོར་ཟླ་གསུམ་པ། |
| མོ་ཧྲང |
བུད་མེད་ཆིག་རྐྱང༌། |
| མོ་ཧྲེངས |
(ཡུལ་སྐད།) བུད་མེད་གཅིག་པུ་ཁེར་རྐྱང༌། |
| མོག |
(རྒྱན་ཚིག) 1>འོད་མི་གསལ་བ་སྟེ། (དཔེར་ན།) ཟླ་འོད་མོག་མོག གློག་སྒྲོན་དྲུང་ན་སྣུམ་སྒྲོན་འོད་མོག་མོག ནམ་མོག་མོག་ཙམ་ལངས་ཞེས་པ་ལྟ་བུ། ཡུལ་སྐད་དུ་མ་གེ་མོག་གེ་ཟེར། (དཔེར་ན།) རྟའི་སྤུ་མདོག་ཤིག་རྟ་མོག་མོག་ཅེས་པ་ལྟ་བུ། 2>མདོག་མི་གསལ་བ་སྟེ། (དཔེར་ན།) མདོག་མ་གེ་མོག་གེ་ཞེས་པ་ལྟ་བུ། |
| མོག་ཏོག |
མཚོ་སྣ་རྫོང་གི་ས་ཆ་ཞིག་སྔར་མཁའ་འགྲོ་མ་འགྲོ་བ་བཟང་མོའི་གཏམ་རྒྱུད་དུ་གནས་ཡུལ་དེར་བདུད་མོས་རྒྱལ་པོའི་བུ་དང་བུ་མོ་གཉིས་བཟུང་ནས་གཡང་རོང་དུ་བསྐྱུར་སའི་བྲག་རི་སོགས་ཡོད་སྐད། |
| མོག་དམར |
རྟའི་སྤུ་མདོག་གི་བྱེ་བྲག་ཅིག |
| མོག་པ |
(བརྡ་རྙིང་།) ཉམས་པ། |
| མོག་པོ |
མོག་མོག་པོའི་བསྡུས་ཚིག |
| མོག་ཕྲུ |
མོག་མོག་རླངས་བཙོས་རྒྱག་སྣོད། |
| མོག་མོག |
(རྒྱ་སྐད།) རླངས་བཙོས་བྱས་པའི་ཁ་ཟས། |
| མོག་མོག་པོ |
མདངས་བཀྲག་དང་འོད་ཉམས་པ་སྟེ། (དཔེར་ན།) ཉི་འོད་འཁྲིས་སུ་ཞུ་མར་མོག་མོག་པོར་སྣང་བ། གོས་གསར་དྲི་མ་ཕོག་ན་མོག་མོག་འགྱུར། མེ་ལོང་རྡུལ་གྱིས་བསྒྲིབས་ནས་མོག་མོག་པོར་བྱེད་ཅེས་པ་ལྟ་བུ། |
| མོག་རོ |
1.རྟའི་སྤུ་མདོག་གི་བྱེ་བྲག 2.(རྒྱ་སྐད།) བཟའ་བྱའི་མོག་རོ། |
| མོག་ཤ |
ཆུ་འདམ་དང་ན་བའི་ནང་ནས་སྐྱེས་པའི་མོག་རོ་དང་ཅུང་འདྲ་བའི་བཟའ་བྱ་ཞིག |
| མོག་ཤད |
(ཡུལ་སྐད།) ཁོག་ལྟིར་གྱི་མཆུ་བཟོ་བྱེད་ལག་ཆ་ཤིང་དུམ་ཞིག |
| མོང་གོལ |
(སོག་སྐད།) སོག་པོ། |
| མོང་ཆུད |
ཁོང་ཆུད་ཀྱི་བརྡ་རྙིང་། |
| མོང་དུ་ཆུད་པ |
(བརྡ་རྙིང་།) ཁོང་དུ་ཆུད་པ། |
| མོང་བཟའ |
སྲོང་བཙན་སྒམ་པོའི་བཙུན་མོ། སྟོད་ལུང་མོང་ནས་ཞང་བློན་གྱི་བུ་མོ་མོང་བཟའ་ཁྲི་ལྕམ་ཞེས་བྱ་བ་དེ་ཡིན་ཞིང༌། འདི་ལ་གུང་རི་གུང་བཙན་འཁྲུངས། ཡུམ་སྲས་གཉིས་ཀྱི་རྟེན་སྐལ་དུ་དཔལ་གྱི་ཡེར་པའི་ལྷ་ཁང་བཞེངས་སོ། ། |
| མོང་བཟའ་ཁྲི་ལྕམ |
བོད་རྒྱལ་སྲོང་བཙན་སྒམ་པོའི་བཙུན་མོ་ཞིག་གི་མིང༌། |
| མོང་བརྟུལ |
མོང་རྟུལ་དང་འདྲ། |
| མོང་རྟུལ |
(བརྡ་རྙིང་།) བླུན་པོ། |
| མོད |
1.འཕྲལ་དང༌། དེ་མ་ཐག་པའི་དུས་ཏེ། ཁོ་རང་མོད་དུ་ཤོག་ཟེར་རོགས། ཚོགས་འདུ་གྲོལ་མོད་དུ་ལས་གྲྭ་ཚུགས་ཡུལ་ལ་ཕྱིན་ལྟ་བུ། 2.མི་མཐུན་པའི་དོན་ལ་འཇུག་པའི་ཕྲད་ཅིག (དཔེར་ན།) ཡིན་མོད། ཡོད་མོད། གོ་སྐབས་བྱུང་མོད་ཀྱི། ཁྱོད་ཀྱིས་བཤད་པའི་གནས་ཚུལ་ཕལ་ཆེར་བདེན་མོད་ཀྱི་ད་དུང་བརྟག་དཔྱད་ཅིག་བྱེད་དགོས་ལྟ་བུ། 3.མང་པོའམ་འབེལ་པོ། |
| མོད་ཀྱི |
ཡིན་ནའང་ཞེས་པ་དང་འདྲ་སྟེ། (དཔེར་ན།) རྒྱལ་ཁ་བླངས་མོད་ཀྱི། ད་དུང་དཀའ་ངལ་མང་བོ་འདུག་ཅེས་པ་ལྟ་བུ། |
| མོད་ཆིལ་ལེ་བ |
འབེལ་འབེལ་ལྷུག་ལྷུག་གི་དོན་ཏེ། (དཔེར་ན།) འཚོ་མཁོའི་ཡོ་བྱད་མོད་ཆིལ་ལེ་བ་ལྟ་བུ། |
| མོད་ཉོ་དཀོན་འཚོང |
དངོས་ཟོག་འབེལ་སྐབས་ཚུར་ཉོ་ཞིང་དཀོན་སྐབས་ཕར་འཚོང་བ་སྟེ། (དཔེར་ན།) མགོ་བདེ་གླགས་ཚོང་རྒྱག་མཁན་གྱིས་མོད་ཉོ་དཀོན་འཚོང་བྱས་ནས་བར་ཁེ་ཟ་མཁས་པོ་འདུག་ཅེས་པ་ལྟ་བུ། |
| མོད་དམའ |
རྨོངས་པ། |
| མོད་པ |
མོད་པོ་དང་འདྲ། |
| མོད་པོ |
འབེལ་པོའི་དོན་ཏེ། (དཔེར་ན།) ཟས་གོས་མཐུན་རྐྱེན་མོད་པོ། ཉོ་ཆ་མོད་པོ་ཞེས་པ་ལྟ་བུ། |
| མོད་མི་དམའ་བ |
(བརྡ་རྙིང་།) 1>དཔངས་མཐོ་བ། 2>ཕྲ་མོ་མ་ཡིན་པ། |
| མོད་ལ |
(བསྣན་ཚིག) དུས་ཡུན་མགྱོགས་པའམ་དེ་མ་ཐག་གི་དོན་སྟོན་པ་སྟེ། (དཔེར་ན།) བཀའ་བབས་པའི་མོད་ལ་བཀའ་བཞིན་བསྒྲུབས། ཆར་བ་བབས་པའི་མོད་ལ་ས་གཞི་བརླན་ལྟ་བུ། |
| མོད་སྙོམས |
ཆ་སྙོམས་པའམ་ཁོད་སྙོམས་པའི་དོན་ཏེ། (དཔེར་ན།) ས་གནས་ཁག་གི་འཚོ་མཁོའི་རྒྱུ་དངོས་མོད་སྙོམས་བྱེད་དགོས་ལྟ་བུ། |
| མོན |
1.མོན་པ་སྟེ། བོད་རིགས་ཀྱི་སྡེ་ཚོ་ཞིག་གི་མིང་། 2.བོད་ཀྱི་རུས་ཤིག |
| མོན་ཁྲེ |
འབྲུའི་བྱེ་བྲག་ཅིག |
| མོན་གྱི་རས་གཟན |
མོན་ཡུལ་ནས་ཐོན་པའི་རས་ཡུག |
| མོན་གྲུ |
རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་། |
| མོན་གྲེ |
རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་། |
| མོན་ཆ་ར |
1.ཤིང་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་འཁྲུ་བ་ཚ་གྲང་མེད་པར་གཅོད། མིང་གི་རྣམ་གྲངས་ལ་འཁྲུ་གཅོད་དང༌། འགྲམ་གཅོད། བྷ་རེ་རམ། མོ་ར་ཙ་ལི། ཤལྨ་ལི་བཅས་སོ། །2.མོན་ཡུལ་དུ་སྐྱེས་པའི་ཤིང་ཆ་ར། |
| མོན་དཀར་འབྲུ |
སྔོ་ཞིག |
| མོན་དར |
1.རྩ་ཤུན་གྱི་རས། 2.སྲིན་བལ་གྱི་གོས། |
| མོན་དར་གྱི་གོས |
རྩ་ཤུན་དང་སྲིན་བལ་གྱི་གོས། |
| མོན་དོ |
བལ་སོགས་དོ་པོ་གཅིག་གི་ལྗིད་ཚད། ཧ་ལམ་རྒྱ་མ་བརྒྱད་ཅུ་ཡོད། |
| མོན་ནག་འབྲུ |
སྔོ་སྨན་ཞིག་མཆིན་ནད་དང་མིག་ནད་ལ་ཕན། |
| མོན་ཕྲུག་ཡུལ་བོར |
ཕ་ཡུལ་བརླགས་པའི་མོན་གྱི་ཕྲུ་གུ་སྟེ་དོན་གང་དང་གང་གི་ཁུངས་ལུང་མི་ཤེས་པའི་དཔེ། |
| མོན་བུ |
སྤང་རམ་དང་མཚུངས་ཏེ་སྔོ་སྨན་ཞིག |
| མོན་ཡུལ |
མོན་པ་རྣམས་འདུས་སྡོད་ཀྱི་ས་ཆ་སྟེ། ཁུལ་དེར་སྔར་༸གོང་ས་ཏཱ་ལའི་བླ་མ་སྐུ་ཕྲེང་དྲུག་པ་ཚངས་དབྱངས་རྒྱ་མཚོ་འཁྲུངས་ཡུལ་ཨོ་རྒྱན་གླིང་ཞེས་གྲགས་པ་དེ་ཡང་ཡུལ་དེར་ཡོད། |
| མོན་ཡུལ་གྱི་ཚོ་ལྡིང་སུམ་ཅུ་སོ་གཉིས |
མོན་ཡུལ་གྱི་ཚོའམ་ལྡིང་ལེགས་པོ་ཚོ་བཞི། སྤང་ཆེན་ལྡིང་དྲུག་དྭགས་པ་ཚོ་བརྒྱད། ལ་འོག་ཡུལ་གསུམ། སྦྲང་ནང་ཚོ་དྲུག་རོང་ནང་ཚོ་བཞི། ཤ་འུག་ཧྲོ་བྱང་དྭགས་བཅས་སོ་གཉིས། |
| མོན་ལ་དཀར་ཆུང་ལ |
ལྷོ་བྲག་རྫོང་གི་ལྷོ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5316 ཡོད། |
| མོན་ལུག |
སྔོ་ཞིག་གི་མིང༌། |
| མོན་ལུག་གླ་སྒང |
སྔོ་སྨན་གྱི་རིགས་ཤིག་རོ་བསྐ་ལ་མངར། ནུས་པ་བསིལ། སྐད་འགགས་པ་དང༌། གློ་བ་ལ་ཚ་བ་ཞུགས་པ། རྒྱུ་ཚད་ཀྱིས་བཤལ་བ་གཅོད། མིང་གི་རྣམ་གྲངས་ལ་རྐྱལ་འགྲོ་དང༌། རྐྱལ་བྱེད། འཁྱོག་གར། བཅུ་གང༌། ཆུ་སྐྱེས། ཆུ་སྒྲ་ཅན། ཆུ་གནས། ཆུ་བྱུང༌། ཉ་བའི་གླ་སྒང༌། ཉེར་སྐྱོང༌། འཚོ་མིང་ཅན། ཡོངས་འཐོར། སའི་གླ་སྒང་བཅས་སོ། ། |
| མོན་ཤོག |
མོན་ཡུལ་ནས་ཐོན་པའི་ཤོག་བུ། |
| མོན་སྣེ་དམར་པོ |
སྔོ་ཞིག |
| མོན་སྲན |
མོན་ཡུལ་ནས་ཐོན་པའི་འབྲུ་རིགས་ཤིག |
| མོན་སྲན་གྲེའུ |
མོན་ཡུལ་ནས་ཐོན་པའི་སྲན་མའི་བྱེ་བྲག་ཅིག |
| མོན་སྲན་དཀར་པོ |
མོན་ཡུལ་ནས་ཐོན་པའི་འབྲུའི་བྱེ་བྲག་དཀར་པོ་ཞིག |
| མོན་སྲན་ལེབ་མོ |
མོན་ཡུལ་ནས་ཐོན་པའི་སྲན་མའི་བྱེ་བྲག་ཅིག |
| མོན་སྲན་སྡེའུ |
མོན་ཡུལ་ནས་ཐོན་པའི་སྲན་མའི་བྱེ་བྲག་ཅིག |
| མོན་སླེའུ |
མོན་ཡུལ་ནས་ཐོན་པའི་སླེའུའམ་ཕྱར་བ། |
| མོའུ་འགལ་གྱི་བུ |
སངས་རྒྱས་ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་གྲས་ཤིག་དང་མཆོག་ཟུང་གི་ཡ་གྱལ། རྫུ་འཕྲུལ་ཅན་རྣམས་ཀྱི་མཆོག་གོ། ། |
| མོལ |
(བྱེད་འབྲེལ་ལས་ཚིག) 1>སློབ་གསོ་བཏང་ནས་བཤད་པའི་དོན་ཏེ། (དཔེར་ན།) ཕ་ཡིས་བུ་ལ་མོལ་བ་བཞིན་ལྟ་བུ། 2>གྲོས་བསྡུར་བྱས་པའི་དོན་ཏེ། (དཔེར་ན།) བཞུགས་མོལ། གྲོས་མོལ། བཞུགས་མོལ་བྱས་ལྟ་བུ། |
| མོལ་ཁྱབ་ཞིབ་ནན |
ལས་ཀ་བྱེད་ལུགས་ཀྱི་བཀོད་ཁྱབ་ཞིབ་ཏུ་བྱེད་པ་སྟེ། (དཔེར་ན།) གོང་རིམ་ནས་མི་དམངས་ལ་མོལ་ཁྱབ་ཞིབ་ནན་གྱིས་དྲིལ་བསྒྲགས་བྱེད་དགོས་ལྟ་བུ། |
| མོལ་བསྡུར |
གྲོས་གླེང༌གི་དོན་ཏེ། (དཔེར་ན།) གང་དགའ་ཅི་ལེགས་ལ་མོལ་བསྡུར་བྱས་ནས་ཁ་འཆམས་སོང༌ལྟ་བུ། |
| མོལ་མཆིད |
འཕྲོས་མོལ་ཏེ། (དཔེར་ན།) ཕན་ཚུན་མཛའ་བརྩེའི་མོལ་མཆིད་ཞིབ་ལྷུག་གནང་ལྟ་བུ། |
| མོས |
(བྱེད་མེད་ལས་ཚིག) 1>དགའ་བའི་དོན་ཏེ། (དཔེར་ན།) ཁོ་ནི་ལག་རྩལ་ལ་ཧ་ཅང་མོས། ཚན་རིག་སློབ་སྦྱོང་ལ་མོས་འདུན་ཆེ་ལྟ་བུ། 2>ཡིད་ལ་སེམས་པའམ་དྲན་པ་སྟེ། (དཔེར་ན།) མིན་བཞིན་དུ་ཡིན་པར་མོས་པ། དམན་པ་མཆོག་ཏུ་མོས་པ་ཞེས་པ་ལྟ་བུ། 2>ཡིད་ཆེས་པའི་དོན་ཏེ། (དཔེར་ན།) དད་མོས། མོས་གུས་སོགས་ལྟ་བུ། |
| མོས་གུས |
མོས་པ་དང་གུས་པ་སྟེ། (དཔེར་ན།) མི་དམངས་ཀྱི་གཙོ་འཛིན་ལ་མོས་གུས་དྲག་པོས་བློ་གཏད་ལིངས་བཅོལ་བྱེད། མཆི་མ་འཁྲུག་པའི་མོས་གུས་ཚད་མེད་ཅིག་བྱུང༌ལྟ་བུ། |
| མོས་པ་བཞི |
སྣང་བ་ཐོབ་པ་དང༌། སྣང་བ་མཆེད་པ། དེ་ཁོ་ནའི་དོན་གྱི་ཕྱོགས་གཅིག་རྗེས་སུ་ཞུགས་པ། བར་ཆད་མེད་པའི་ཏིང་ངེ་འཛིན་ཏེ་བཞི། |
| མོས་པ་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་འཇིག་རྟེན་གྱི་ཁམས་ཐམས་ཅད་སངས་རྒྱས་ཀྱི་རབ་ཏུ་གང་བ་ཀུན་ཏུ་སྟོན་པའོ། ། |
| མོས་པ་སྒོམ་ལམ |
ཤེར་ཕྱིན་དོན་བདུན་ཅུའི་ནང་གསེས། ཟག་བཅས་སྒོམ་ལམ་གང་ཞིག་ཤེར་ཕྱིན་ལ་ཡོན་ཏན་ཅན་དུ་ངེས་པར་འཛིན་པའོ། ། |
| མོས་པ་སྒོམ་ལམ་གྱི་ཕན་ཡོན |
ཤེར་ཕྱིན་དོན་བདུན་ཅུའི་ནང་གསེས། མོས་པ་སྒོམ་པའི་བྱང་སེམས་ལ། སངས་རྒྱས་དང་བྱང་སེམས་གོང་མ་རྣམས་དགྱེས་ནས་བསྔགས་པ་བརྗོད་པའོ། ། |
| མོས་པ་སྣ་ཚོགས་མཁྱེན་པའི་སྟོབས |
སེམས་ཅན་ལ་ལ་ཐེག་པ་ཆེན་པོ་ལ་མོས། ལ་ལ་ཐེག་པ་ཆུང་ངུ་ལ་མོས། ལ་ལ་ཐེག་པ་འབྲིང་པོ་ལ་མོས། ལ་ལ་སྦྱིན་པ་ལ། ལ་ལ་ཚུལ་ཁྲིམས་ལ། ལ་ལ་བསམ་གཏན་ལ་མོས་པ་བཅས་མོས་པའི་བྱེ་བྲག་ཀུན་མཁྱེན་པ། |
| མོས་པས་སྤྱོད་པ |
ཚོགས་སྦྱོར་གྱི་སྐབས་སུ་སྟོང་ཉིད་མངོན་སུམ་དུ་མ་རྟོགས་པས་མོས་པ་ཙམ་མམ་སྒྲ་སྤྱི་དང་དོན་སྤྱིའི་སྒོ་ནས་ཆོས་ཉམས་སུ་ལེན་པའོ། ། |
| མོས་པས་སྤྱོད་པའི་སེམས་བསྐྱེད |
ཐེག་ཆེན་ཚོགས་སྦྱོར་སྐབས་ཀྱི་གཞན་དོན་ལ་དམིགས་པའི་སེམས་བསྐྱེད་དོ། ། |
| མོས་པས་སྤྱོད་པའི་སེམས་བསྐྱེད་བཞི |
སེམས་བསྐྱེད་ཉེར་གཉིས་ལས་མོས་པས་སྤྱོད་པའི་སེམས་བསྐྱེད་བཞི་ས་ལྟ་བུའི་སེམས་བསྐྱེད་དང༌། གསེར་ལྟ་བུའི་སེམས་བསྐྱེད་དང༌། ཟླ་བ་ཚེས་པ་ལྟ་བུའི་སེམས་བསྐྱེད་དང༌། མེ་ལྟ་བུའི་སེམས་བསྐྱེད་རྣམས་སོ། ། |
| མོས་བོར |
བཟའ་ཚང་ཁ་བྲལ་བྱེད་དུས་བདེན་པ་ཕོ་ལ་ཆེ་ན་མོས་བོར་རམ། མོས་སྐྱུར་ཟེར། |
| མོས་མཐུན |
བསམ་གྲོས་རྩེ་མཐུན་པའི་དོན་ཏེ། (དཔེར་ན།) མི་མང་རྡོག་རྩ་གཅིག་ཏུ་སྒྲིལ་རྒྱུར་མོས་མཐུན་གཏན་འབེབས་བྱས་ལྟ་བུ། |
| མོས་སྒོམ |
1.མོས་པས་སྒོམ་པ། 2.མོས་པ་སྒོམ་ལམ་གྱི་བསྡུས་མིང༌། |
| མོས་སྤྱོད |
མོས་པས་སྤྱོད་པ་དང༌། མོས་པས་སྤྱོད་པའི་སེམས་བསྐྱེད། |
| མོས་སྤྱོད་པ |
བྱང་སེམས་སྦྱོར་ལམ་པ། |
| མཾ་ས |
(ལེགས་སྦྱར།) ཤ་ཆེན། |
| མྱ་ངན |
སེམས་མི་བདེ་བ་དང༌། སེམས་ཀྱི་སྡུག་བསྔལ་ཏེ། (དཔེར་ན།) མྱ་ངན་གྱི་སྡུག་བསྔལ། མྱ་ངན་གྱི་ཚོགས་འདུ། སེམས་ལ་མྱ་ངན་མེད་པར་འཚོ་བཞིན་ཡོད། གྲོང་པའི་བ་ཤི་ཡང༌། མྱ་ངན་ཞག་གསུམ་འཁུར་དགོས་ལྟ་བུ། མིང་གི་རྣམ་གྲངས་ལ་གདུང་བ་དང༌། ཡིད་གདུང༌། སེམས་ངལ། སེམས་སྡུག་བཅས་སོ། ། |
| མྱ་ངན་གྱིས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་སྒྲུབ་འོས་ཀྱི་དོན་གནད་གང་དག་འགོག་བྱེད་དེ་དག་སྒྲུབ་མ་ཐུབ་པར་ཆུད་ཟོས་ཏེ་མྱ་ངན་འོས་པའི་སྐབས་སྟོན་པའི་རྒྱན་ཞིག |
| མྱ་ངན་བསང་བ |
སྡུག་བསྔལ་ཞི་བར་བྱེད་པ། |
| མྱ་ངན་མེད |
1.སངས་རྒྱས་ཤིག་གི་མཚན། 2.སྡུག་བསྔལ་མེད་པ། 3.རྒྱ་གར་གྱི་རྒྱལ་པོ་ཞིག 4.(མངོན་བརྗོད།) ཁྱིམ་བྱ། |
| མྱ་ངན་མེད་པའི་ཤིང |
1.རྒྱ་གར་དུ་སྐྱེས་པའི་ཤིང་བྱེ་བྲག་པ་ཞིག་སྟེ། བུད་མེད་ཀྱི་རྐང་པས་རེག་ན་ཤིང་དེའི་མེ་ཏོག་ཁ་ཕྱེ་ཟེར། མིང་གི་རྣམ་གྲངས་ལ་རྐང་མཛེས་དང༌། དགའ་བ་སྦྱིན་བྱེད། ཆུ་ལ་གར་རྩེ་བཅས་སོ། །2.ཤུག་པ་ཤིང༌། |
| མྱ་ངན་ཞུ་བ |
1.སེམས་ནས་སྡུག་བསྔལ་བྱེད་པ། 2.མྱ་ངན་ཟློ་བའམ་སྡུག་བསྔལ་བཤད་པ། |
| མྱ་ངན་འདས་ཆུང |
1.མདོ་སྡེ་མྱང་འདས་ཆུང་བ། 2.སྲོང་བཙན་སྒམ་པོའི་ཞལ་གདམས་གབ་པ་མངོན་ཕྱུང་དང་བཀའ་ཆེམས་ཀ་བཀོལ་མའི་མིང་གྲགས་དང་མཚུངས་པའི་བོད་ཀྱི་ལོ་རྒྱུས་རྙིང་པ་ཞིག |
| མྱ་ངན་རྗེས་དྲན |
1.འདས་པོར་རྗེས་སུ་དྲན་ནས་མྱ་ངན་ཞུ་བ་སྟེ། (དཔེར་ན།) སྔོན་གཤེགས་དཔའ་བོ་ལ་ཆེད་དུ་དམིགས་ནས་མྱ་ངན་རྗེས་དྲན་ཞུ་ལྟ་བུ། 2.སྔར་བྱུང་སྡུག་བསྔལ་རྗེས་སུ་དྲན་པ་སྟེ། (དཔེར་ན།) རང་ཐོག་མྱོང་བའི་མྱ་ངན་རྗེས་དྲན་ཞུ་ལྟ་བུ། |
| མྱ་ངན་ལས་འདས་པ |
1.སྡུག་བསྔལ་ལས་ཐར་བ། 2.ཤི་བ། |
| མྱ་ངན་ལས་འདས་པ་ལ་བརྟེན་པ་བཞི |
སངས་རྒྱས་ཀྱིས་ལན་གསུང་ཡུལ་དུ་མ་གྱུར་པའི་ལྟ་ལོག་གི་དྲི་བ་རྣམས་སྡེ་ཚན་བཞིར་དྲིལ་བའི་ནང་གསེས་ཤིག་སྟེ། བདག་དང་འཇིག་རྟེན་ཤི་ནས་འབྱུང་མི་འབྱུང་གཉིས་ཀ་ཡིན་པ་དང་གཉིས་ཀ་མིན་པར་ལྟ་བ་བཅས་བཞིའོ། ། |
| མྱ་ངན་སེམས་གསོ |
སྡུག་བསྔལ་སེལ་བའི་སེམས་གསོ་སྟེ། (དཔེར་ན།) སྔོན་གཤེགས་དཔའ་བོ་དང་ནང་མི་ལ་མྱ་ངན་སེམས་གསོ་བྱེད་དགོས་ལྟ་བུ། |
| མྱ་ངན་སྦྲོན་ཡིག |
ཚེ་ལས་འདས་སོང་ཞེས་པའི་བརྡ་གཏོང་བའི་ཡི་གེའམ་བརྡ་ལན། |
| མྱ་ངམ |
རྩྭ་ཆུ་མེད་པའི་བྱེ་ཐང་གི་མིང་། (དཔེར་ན།) མྱ་ངམ་གྱི་ཐང་ཆེན་པོ་ཞེས་པ་ལྟ་བུ། |
| མྱ་ངམ་གྱི་འབྲོག་ཆེན |
ཆུ་མེད་དབེན་ས་འཇིགས་སུ་རུང་བ། |
| མྱ་ངམ་ཐང |
ཆུ་མེད་པའི་ཐང་སྟོང་ལྟ་བུ་ཡིད་སྐྱོ་བའི་ས། |
| མྱ་ངམ་བཤུལ་རིང |
ཆུ་མེད་པའི་ས་ཆ་ཐག་རིང་ངམ། ཆུ་མེད་པའི་ཐང༌། |
| མྱག |
(རྒྱན་ཚིག) རུལ་ནས་འདམ་དང་འདྲ་བར་གྱུར་པའི་རྣམ་པ་སྟེ། (དཔེར་ན།) འདམ་མྱག ས་མྱག་ཅེས་པ་ལྟ་བུ། |
| མྱག་ཕྲན |
ཉག་ཕྲན་དང་འདྲ། |
| མྱག་བྱེད་བད་ཀན |
ལུས་ཀྱི་རྩ་བའི་བད་ཀན་ལྔའི་ཡ་གྱལ་ཕོ་བ་ལ་གནས་པ་ཞིག་བྱེད་ལས་ཕོ་བའི་ནང་དུ་ཟས་རྣམས་ཕྱེ་མ་འཐག་པ་ལྟར་མྱག་ཅིང་ཞིབ་མོར་བྱེད་པ། |
| མྱག་མྱོག |
(རྒྱན་ཚིག) འདམ་རྫབ་རུལ་བའི་རྣམ་པ་སྟེ། (དཔེར་ན།) འདམ་མྱག་མྱོག ས་མྱག་མྱོག་ཅེས་པ་ལྟ་བུ། |
| མྱགས |
1.(བྱེད་འབྲེལ་ལས་ཚིག) མི་ཕྱུགས་ཀྱི་ཕོ་བའི་འཇུ་སྟོབས་ལ་བརྟེན་ནས་ཟོས་པ་རྣམས་ཞུས་ནས་ལྡེ་གུ་དང་འདྲ་བར་གྱུར་པའི་དོན་ཏེ། (དཔེར་ན།) ཕོ་བར་བད་ཀན་མྱགས་བྱེད་ཀྱིས་ཟས་རྣམས་མྱགས་པར་བྱེད་ལྟ་བུ། 2.(བྱེད་མེད་ལས་ཚིག) རུལ་ནས་འདམ་འབག་དང་འདྲ་བར་གྱུར་པ་སྟེ། (དཔེར་ན།) རུལ་ཞིང་མྱགས། ལ་ཕུག་རུལ་ཞིང་མྱགས་ལྟ་བུ། |
| མྱགས་དྲི |
རུལ་དྲི། |
| མྱགས་པ |
མྱག་པའི་འདས་པ། |
| མྱགས་རུལ |
རུལ་བའི་མིང༌། |
| མྱང |
1.(བྱེད་འབྲེལ་ལས་ཚིག) མྱོང་བའི་མ་འོངས་པ། དབང་བོ་ལྔས་ཡུལ་ཚོར་བའི་དོན་ཏེ། (དཔེར་ན།) མྱང་བྱའི་བྲོ་བ། ལྕེ་ཡིས་བྲོ་བ་མྱང་བར་བྱ། སྣས་དྲི་ཞིམ་མྱང་བར་བྱ། ལྕེ་ཡིས་ཞིམ་མངར་མྱང་བ་ལྟ་བུ། 2.ཡུལ་མིང་ཞིག་མྱང་ཆུའི་ཆུ་རྒྱུད་ཀྱི་སྤྱི་མིང་ཡིན་ཞིང་། དེང་སྐབས་ཁང་དམར་རྫོང་དང༌། རྒྱལ་རྩེ་རྫོང༌། པ་སྣམ་རྫོང་གི་ཁྱབ་ཁོངས་མང་ཆེ་བ་དང་། གཞིས་ཀ་རྩེ་རྫོང་གི་ཕྱེད་ཙམ་བཅས་འདིའི་ཁོངས་སུ་གཏོགས། ཡུལ་འདིའི་འབྲོང་རྩེ་ཡན་ལ་མྱང་སྟོད་དང་མན་ལ་མྱང་སྨད་ཅེས་དབྱེ་སྲོལ་ཡོད། 3.བོད་ཀྱི་རིགས་རུས་ཤིག |
| མྱང་ཆུ |
འབབ་ཆུ་ཞིག ཆུ་འགོ་ཧི་མ་ལ་ཡའི་རི་རྒྱུད་ཀྱི་བྱང་ངོས་ཕག་རི་ཇོ་མོ་ཞེས་པའི་གངས་རི་ནས་བྱུང་ཞིང་ཁང་དམར་དང༌། རྒྱལ་རྩེ། པ་སྣམ། གཞིས་ཀ་རྩེ་བཅས་རྫོང་ཁག་བཞི་བརྒྱུད་ནས་ཡར་ཀླུངས་གཙང་པོའི་ནང་དུ་འབབ། |
| མྱང་ཏིང་འཛིན་བཟང་པོ |
བོད་རྒྱལ་ཁྲི་སྲོང་ལྡེའུ་བཙན་བྱིས་པའི་དུས་ཀྱི་སྐུ་རྫི་ཡིན་ཞིང༌། ཕྱིས་རབ་ཏུ་བྱུང༌། ལོ་བདུན་དུ་ཏིང་ངེ་འཛིན་གཅིག་ལ་མཉམ་པར་བཞག་སྟེ། མངོན་ཤེས་མངའ་བས་མྱང་བན་ཤའི་སྤྱན་ཅན་ཞེས་གྲགས། པཎ་ཆེན་བི་མ་ལ་མི་ཏྲས་སྙིང་ཐིག་གི་མན་ངག་རྫོགས་པར་གནང༌། སད་ན་ལེགས་མཇིང་ཡོན་དང་ཁྲི་རལ་པ་ཅན་གཉིས་ཀའི་སྐབས་ཀྱི་ཆོས་བློན་མཛད། དབུ་རུ་ཞའི་ལྷ་ཁང་བཞེངས། ཡུལ་གྲུ་དེའང་མྱང་བམ་ལ་དབང་བ་རྡོ་རིང་ལ་བཀའ་གཙིགས་བརྐོས། ཕྱིས་སུ་གླང་དར་མས་བཀྲོངས་སོ། ། |
| མྱང་མྱང |
1.ལྟ་རྟོག་བྱེད་ཚུལ་ཞིག་སྟེ། (དཔེར་ན།) དགྲ་ཕྱོགས་ཀྱི་གནས་ཚུལ་ལ་སྐེ་མྱང་མྱང་བྱས་ནས་བལྟས་ལྟ་བུ། 2.ཟས་ཀྱི་བྲོ་བའི་ཚོད་ལྟ་བ་སྟེ། (དཔེར་ན།) ལྟོ་ཆས་ཀྱི་རོ་བཅུད་ཡག་ཉེས་མྱང་མྱང་བྱས་ནས་བརྟག་ལྟ་བུ། |
| མྱང་མྱང་མྱུག་མྱུག |
མགོ་མྱུག་ཙམ་མྱུག་ཙམ་འདོན་ཚུལ་ཏེ། (དཔེར་ན།) གྲོགས་པོ་ཡོང་མིན་སྒེའུ་ཁུང་ནས་མགོ་མྱང་མྱང་མྱུག་མྱུག་བྱས་ཏེ་ལྟ་བ། ཐག་རིང་ས་ནས་གནས་ཚུལ་ལ་མྱང་མྱང་མྱུག་མྱུག་གིས་བལྟས་ལྟ་བུ། |
| མྱང་ཞིབ |
ལྟ་རྟོག་ཞིབ་འཇུག་གི་དོན་ཏེ། (དཔེར་ན།) ཞིང་ལས་ལ་མྱང་ཞིབ་བྱེད་པ། འབྲོག་ཁུལ་གྱི་གནས་ཚུལ་ལ་མྱང་ཞིབ་བྱེད་ལྟ་བུ། |
| མྱང་འདས |
མྱ་ངན་ལས་འདས་པའི་བསྡུས་ཚིག |
| མྱང་འདས་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག་སྟེ། སྟོན་པ་ཐུབ་པའི་དབང་པོ་མྱ་ངན་ལས་འདས་པའི་ཚེ་རྩྭ་མཆོག་གྲོང་དུ་བཞེངས་པའི་མཆོད་རྟེན་བང་རིམ་མེད་པ་གདན་ཁྲིའི་སྟེང་དུ་བུམ་གདན་ཡན་ཆད་བཞུགས་པའོ། ། |
| མྱང་ཡུལ |
གཙང་ཕྱོགས་ཀྱི་ཡུལ་གྲུ་ཞིག |
| མྱང་རྩི་སྤྲས |
སྔོ་སྨན་གྱི་རིགས་ཤིག་རོ་ཁ་ལ་བསྐ། ཞུ་རྗེས་བསིལ། ནུས་པས་ཕོ་ལོང་རྒྱུ་མའི་ནང་གི་ཆུ་ཆ་འཐུང༌། རྒྱུ་ཚད་འཇོམས། རིམས་ཚད་དང་འཁྲུགས་ཚད་སེལ། |
| མྱང་རྩི་སྤྲས |
རྩྭ་སྨན་ཞིག་འདི་ལ་མྱང་རྩི་འབྲས་འབྲི་བའང་ཡོད། རྒྱ་སྐད་དུ་ཧོང་ལེན་ཟེར་བ་དེར་ངོས་འཛིན། |
| མྱང་སྟོད |
གཙང་མྱང་ཆུ་སྟོད་རྒྱུད་རྒྱལ་རྩེ་ཡན་ཆད་ཀྱི་ས་ཆ། |
| མྱང་སྨད |
གཙང་རྒྱལ་རྩེ་མན་ཆད་ཀྱི་མྱང་ཆུ་འབབ་རྒྱུད། |
| མྱངས |
མྱོང་བའི་འདས་པ། (དཔེར་ན།) ཞིམ་མངར་མྱངས་ནས་དགའ་ལྟ་བུ། |
| མྱད་པ |
(བརྡ་རྙིང་།) མད་པ་སྟེ་བདེན་པ། |
| མྱི |
(བརྡ་རྙིང་།) མི། |
| མྱི་ཧྲུད་ཧྲུད |
(ཡུལ་སྐད།) ཡུལ་གཞན་ནས་འོངས་པའི་མི་གསར་གྱི་མདུན་དུ་རང་གི་ཡོན་ཏན་ངོམ་མཁན་ཕྲུ་གུ། |
| མྱིག |
(བརྡ་རྙིང་།) མིག |
| མྱིག་མ་མཁན |
(བརྡ་རྙིང་།) རིགས་ངན། |
| མྱིང |
མིང་གི་བརྡ་རྙིང་། |
| མྱིད |
མིད་ཀྱི་བརྡ་རྙིང་། |
| མྱིད་པ |
མིད་པ་ཞེས་པའི་འབྲི་ཚུལ་གཞན་ཏེ་མྱིད་ཐག་ཀྱང་ཟེར། |
| མྱིན་པ |
(བརྡ་རྙིང་།) མིན་པ། |
| མྱིའུ |
(བརྡ་རྙིང་།) མིའུ་དང་མཚུངས་ཏེ་གཟུགས་ཐུང་གི་མིང༌། |
| མྱུ་གུ |
གསར་སྐྱེས་ལྗང་བུ་སྟེ། (དཔེར་ན།) མྱུ་གུ་གསར་པ། འབྲུའི་མྱུ་གུ། རིགས་ཀྱི་མྱུ་གུ། ཞིང་ཁར་སོན་བཏབ་ནས་མྱུ་གུ་སྐྱེས་ལྟ་བུ། མིང་གི་རྣམ་གྲངས་ལ་ཁྱེའུ་ཁ་དང༌། སྟེང་དུ་འཐེན། ཞ་ལུ་བཅས་སོ། ། |
| མྱུ་གུའི་དུས |
(མངོན་བརྗོད།) དཔྱིད་དུས། |
| མྱུག |
1.མྱུ་གུ་ཞེས་པའི་ཚིག་བསྡུས་པ་སྟེ། (དཔེར་ན།) གྲོ་ཡི་མྱུ་གུ་ལ་གྲོ་མྱུག་ཟེར་བ་ལྟ་བུ། 2.(བྱེད་མེད་ལས་ཚིག) གར་འགྲོ་འདིར་འགྲོ་མེད་པར་འཁྱམས་པའི་དོན་ཏེ། (དཔེར་ན།) དགྲ་དམག་ཁྱི་ལྡོམ་མྱུག་མྱུག། མྱུལ་མ་ཁྱི་ལྡོམ་ལྟར་མྱུག་ལྟ་བུ། 3.ཡུག་ཡུག་གི་དོན་ཏེ། (དཔེར་ན།) མགོ་མྱུག་མྱུག་བྱེད་ཅེས་པ་ལྟ་བུ། |
| མྱུག་མྱུག |
(རྒྱན་ཚིག) མགོ་ཐོན་ཙམ་ཐོན་ཙམ་དང༌། ཁྱག་ཁྱུག་གམ་འགུལ་བའི་ཚུལ་ཏེ། (དཔེར་ན།) ས་སྦུབས་ནང་ནས་འཕྱི་བའི་མགོ་མྱུག་མྱུག་བྱེད་པ། ཆར་སྤྲིན་གསེབ་ནས་གློག་ཞགས་མྱུག་མྱུག་འཁྱུག་པ་ལྟ་བུ། |
| མྱུག་ཙམ |
(རྒྱན་ཚིག) མགོ་འབུར་ཙམ་མམ། མགོ་འདོན་ཙམ་གྱི་དོན་ཏེ། (དཔེར་ན།) མགོ་མྱུག་ཙམ་བྱེད་འཕྲལ་དུ་རྡུང་རྡེག་གཏོང་དགོས་ལྟ་བུ། |
| མྱུགས |
མྱུག་པའི་སྐུལ་ཚིག |
| མྱུགས་པ |
མྱུག་པའི་འདས་པ། |
| མྱུར |
(རྒྱན་ཚིག) མགྱོགས་པོ་སྟེ། (དཔེར་ན།) མྱུར་བ་མྱུར་བར་འགྲོ། རིག་པ་མྱུར་མོ། གློག་ལྟར་མྱུར་བ་ལྟ་བུ། |
| མྱུར་དག |
གཟའ་རང་རང་གི་དལ་དག་ལ་རང་རང་གི་མྱུར་རྐང་གིས་སྣོན་ཕྲི་བྱས་པ་དལ་བའི་སྟེང་ནས་མགོ་བརྩམས་ཏེ་རང་འགྲོས་ཀྱིས་རྐང་པའི་ལོངས་སྤྱོད་འཕེལ་འགྲིབ་རྣམས་ཀྱི་ནོར་དང་བུ་ལོན་སྤྱད་ཟིན་པ་དང་མཉམ་དུ་རང་རང་སྐྱེས་སྐར་དང་ཉི་མའི་སྟེང་དུ་འཛོམས་ཏེ་ལོངས་སྤྱོད་དག་པར་འགྱུར་བའོ། ། |
| མྱུར་པོ |
མྱུར་བ་དང་འདྲ། |
| མྱུར་བའི་ཤེས་རབ |
མགྱོགས་མྱུར་དྲན་པའི་བློ་གྲོས། |
| མྱུར་བྱེད |
(མངོན་བརྗོད།) 1>རླུང༌། 2>རླུང་ལྷ། 3>བྱ་རྒོད། 4>སྦྲུལ། |
| མྱུར་མ |
(མངོན་བརྗོད།) གར་མཁན་མ། |
| མྱུར་མགྱོགས |
ཧ་ཅང་མྱུར་ཞིང་མགྱོགས་པ་སྟེ། (དཔེར་ན།) ཕར་ཚུར་མྱུར་མགྱོགས་སུ་ཕྱིན་ལྟ་བུ། |
| མྱུར་མྱུར་བ |
ཧ་ཅང་མགྱོགས་པོ་སྟེ། (དཔེར་ན།) འཕྲལ་མཁོའི་སྨན་རིགས་གནམ་གྲུའི་ཐོག་ནས་མྱུར་མྱུར་བར་བཏང་འབྱོར་བྱུང་ལྟ་བུ། |
| མྱུར་ཙམ |
མགྱོགས་ཙམ་གྱི་དོན་ཏེ། (དཔེར་ན།) ལས་དོན་ཕར་འགྱངས་མེད་པར་མྱུར་ཙམ་བྱེད་ཐུབ་ན་ལེགས་ལྟ་བུ། |
| མྱུར་ཚད |
མགྱོགས་ཚད། |
| མྱུར་འགྲོས |
1.མགྱོགས་པོའི་འགྲོ་སྟངས། 2.གཟའ་ལྔའི་འགྲོ་ལུགས། 3.(མངོན་བརྗོད།) རྟ། |
| མྱུར་འགྲོས་ཤར |
གཟའ་རྣམས་རིམ་པའི་སྔ་རྐང་ཐོག་མའི་ས་ནས་ཤར་དུ་རྒྱུ་བ་ལ་མྱུར་འགྲོས་ཞེས་བྱའོ། ། |
| མྱུར་རྐང |
གཟའ་རྣམས་ཉི་བར་ལས་བརྩམས་ཏེ་རིམ་དང་རིམ་མིན་རྐང་སྔ་ཕྱིས་ནོར་དང་བུ་ལོན་སྤྱད་པའི་རྐང་ལོངས། མྱུར་དག་བྱེད་ཀྱི་གཞི་ཡིན་པས་ན་དེ་ལྟར་གྲགས། |
| མྱུར་ལམ |
མགྱོགས་ལམ་ཏེ། (དཔེར་ན།) བསྐོར་ནས་མི་འགྲོ་བར་མྱུར་ལམ་དུ་ཕྱིན་ན་དགའ་ལྟ་བུ། |
| མྱུལ |
1.(བྱེད་འབྲེལ་ལས་ཚིག) གསང་ཐབས་དང་གཡོ་ཐབས་ཀྱིས་གནས་ཚུལ་ཤེས་པར་བྱེད་པའི་དོན་ཏེ། (དཔེར་ན།) གཡོ་ཅན་གྱིས་ཁ་མྱུལ། གནས་ཚུལ་མྱུལ་དུ་སོང་ལྟ་བུ།2.(བྱེད་མེད་ལས་ཚིག) རྒྱུ་བའམ་འཁྱམས་པ་སྟེ། (དཔེར་ན།) དོན་མེད་མྱུལ་དུ་མ་འགྲོ། རྒྱལ་ཁམས་སུ་མྱུལ་བ་ལྟ་བུ། |
| མྱུལ་མ |
གསང་ཐབས་དང་གཡོ་ཐབས་ཀྱིས་གནས་ཚུལ་རྩད་གཅོད་བྱེད་མཁན་གྱི་མིང་། |
| མྱུལ་མི |
འཁྱམས་འགྲོ་བའི་མི། |
| མྱུལ་ཞིབ |
གནས་ཚུལ་འཚོལ་ཞིབ་ཀྱི་དོན་ཏེ། (དཔེར་ན།) ས་བབ་ཀྱི་གནས་ཚུལ་མྱུལ་ཞིབ་བྱས་ལྟ་བུ། |
| མྱེ |
(བརྡ་རྙིང་།) མེ། |
| མྱེད |
(བརྡ་རྙིང་།) མེད། |
| མྱེས |
(བརྡ་རྙིང་།) མེས་པོ་སྟེ་ཕའི་ཕ། |
| མྱོག |
(བརྡ་རྙིང་།) བྱིས་པ། |
| མྱོག་ཆུང |
(ཡུལ་སྐད།) མིའི་ཕྲུ་གུའམ་བྱིས་པ། |
| མྱོང |
1.མྱང་གི་ད་ལྟ་བ། 2.(གྲོགས་ཚིག) ལས་ཚིག་འདས་པའི་མཐར་སྦྱར་ན་སྔོན་ཆད་བྱ་ལས་དེ་བྱས་པའི་ལོ་རྒྱུས་ཡོད་པ་སྟོན་པའི་ཚིག་ལ་འཇུག་སྟེ། (དཔེར་ན།) སྔོན་ཆད་ཕྱུགས་རྗེས་བྱས་མྱོང་བ་མ་གཏོགས་སློབ་གྲྭར་སོང་མ་མྱོང་ལྟ་བུ། 3.མྱོང་བ་ཡི་ཚིག་བསྡུས་པ། |
| མྱོང་ཁྲིད |
རང་གི་ཉམས་མྱོང་གཞན་ལ་སློབ་ཁྲིད་བྱེད་པའི་ཐབས་ཀྱི་མིང་། (དཔེར་ན།) དགེ་རྒན་གྱིས་བཟོ་ལས་ལག་རྩལ་མང་བོ་དགེ་ཕྲུག་ཚོར་མྱོང་ཁྲིད་བྱས་ལྟ་བུ། |
| མྱོང་གྲུབ |
རང་གི་མྱོང་བ་ལ་བརྟེན་ནས་བདེན་དཔང་བྱས་པའི་བྱ་དངོས་ཀྱི་མིང་། (དཔེར་ན།) ལུག་རྒྱུད་ལེགས་བཅོས་བྱེད་ཐབས་མྱོང་གྲུབ་ཅིག་ཤེས། བོད་ཀྱི་གསོ་བ་རིག་པ་ལ་མཆིན་སྲིན་གསོ་བའི་སྨན་སྦྱོར་མྱོང་གྲུབ་མ་མང་བོ་ཞིག་ཡོད་ལྟ་བུ། |
| མྱོང་ཐོག |
ཉམས་སུ་མྱོང་བའི་སྟེང༌ཞེས་པའི་དོན་ཏེ། (དཔེར་ན།) དེ་དག་ཚང་མ་རང་གི་མྱོང་ཐོག་ལ་ཆ་བཞག་ནས་བཤད་པ་ཡིན་ཞེས་པ་ལྟ་བུ། |
| མྱོང་ཐོག་ཤེས་རྟོགས |
མངོན་སུམ་ཉམས་མྱོང་གི་སྒོ་ནས་ཤེས་ཤིང་རྟོགས་པའི་དོན་ཏེ། (དཔེར་ན།) རང་གིས་དངོས་སུ་མཐོང་ཐོས་མྱོང་ཐོག་ཤེས་རྟོགས་ཀྱི་གནས་ཚུལ་གསལ་བཤད་བྱེད་ཅེས་པ་ལྟ་བུ། |
| མྱོང་བ |
1.རང་གིས་དངོས་སུ་ལག་ལེན་བྱས་ནས་བདེན་དཔང་བྱས་པའི་ཤེས་ཡོན་གྱི་མིང་། (དཔེར་ན།) འབྲོག་པ་དབུལ་བོ་ཚོར་ཕྱུགས་འཚོ་བའི་མྱོང་བ་མང་། ཞིང་དབུལ་རྒན་པོ་ལ་ཞིང་འདེབས་པའི་མྱོང་བ་མང་ལྟ་བུ། ཚིག་བསྡུས་ན་མྱོང་ཞེས་འབྲི་ཆོག་སྟེ། རང་གི་མྱོང་བ་ལ་རང་མྱོང་ཞེས་པ་ལྟ་བུ། ཞེས་པ་ལྟ་བུ།2.མངོན་སུམ་གྱི་མིང་གཞན། |
| མྱོང་བ་སྣ་ཟིན |
ལས་ཀའི་གོམས་མྱོང་གི་འགོ་ཟིན་པ་ཙམ་སྟེ། (དཔེར་ན།) སྦྱང་བརྩོན་བྱས་པས་གོ་རྟོགས་ཀྱི་མྱོང་བ་སྣ་ཟིན་ཙམ་སྐྱེས་ལྟ་བུ། |
| མྱོང་བར་མ་ངེས་པའི་ལས |
ལས་བསགས་ཀྱང་སོ་སོའི་གཉེན་པོ་སོགས་ཀྱིས་བཅོམ་ནས་རྣམ་སྨིན་འབྱིན་པར་མ་ངེས་པ། |
| མྱོང་བྱང |
ཉམས་མྱོང་གི་ཟིན་ཐོ། (དཔེར་ན།) ཉ་སྟོབ་ཆད་པ་འགར་གཟའ་འཛིན་བྱུང་བའི་མྱོང་བྱང་མཐོང༌ལྟ་བུ། |
| མྱོང་བྱེད་བད་ཀན |
ལུས་ཀྱི་རྩ་བའི་བད་ཀན་ལྔའི་ཡ་གྱལ་ལྕེ་ལ་གནས་པ་ཞིག་བྱེད་ལས་ལྕེའི་སྟེང་དུ་རོ་བཟང་ངན་ཚོར་བ་བྱེད། |
| མྱོང་ཚོར |
ཉམས་སུ་མྱོང་བའི་ཚོར་བ་སྟེ། (དཔེར་ན།) ལས་དོན་ལ་དོ་སྣང་མ་བྱས་ན་མྱོང་ཚོར་ག་ནས་སྐྱེ་ཞེས་པ་ལྟ་བུ། |
| མྱོང་ཚོར་བསམ་འཆར |
མྱོང་བའི་ཐོག་ནས་བྱུང་བའི་སེམས་ཀྱི་འཆར་སྒོ་སྟེ། (དཔེར་ན།) བརྟག་དཔྱད་སྔོན་དུ་བཏང་ནས་རང་གི་མྱོང་ཚོར་བསམ་འཆར་བཤད་ཅེས་པ་ལྟ་བུ། |
| མྱོང་འདྲིས |
གོམས་འདྲིས་ཀྱི་དོན་ཏེ། (དཔེར་ན།) སྦྱོང་རྡར་ཡང་ཡང་བཏང་ན་མྱོང་འདྲིས་ཕུལ་ཕྱིན་འཐོན་ཡོང༌ལྟ་བུ། |
| མྱོང་རྩིས |
མཁས་པ་གོང་མས་རྩི་མྱོང་བའི་ཟིན་ཐོ། |
| མྱོང་སྟོབས |
མྱོང་བ་མངོན་སུམ་གྱི་ཤུགས་སམ་ནུས་པ། |
| མྱོངས |
མྱོང་གི་སྐུལ་ཚིག (དཔེར་ན།) ཞིམ་མངར་མྱོངས་ཤིག་ལྟ་བུ། |
| མྱོས |
(བྱེད་མེད་ལས་ཚིག) ཆང་སོགས་ཀྱིས་བཟི་བའམ་འབོག་པར་གྱུར་པ་སྟེ། (དཔེར་ན།) ཆང་གིས་མྱོས་ལྟ་བུ། |
| མྱོས་གསལ་མ |
(མངོན་བརྗོད།) བུད་མེད་མཛེས་མ། |
| མྱོས་པའི་ཅ་ཅོ |
ར་བཟི་བའི་གཏམ་ཅོལ། |
| མྱོས་པའི་མཚན་མ |
(མངོན་བརྗོད།) གླ་རྩི། |
| མྱོས་བུམ་ཅན |
(མངོན་བརྗོད།) གླང་པོ་སྤྱི། |
| མྱོས་བྱེད |
(མངོན་བརྗོད།) 1>ཨ་རག་གམ་ཆང༌། 2>ཤིང་ལུག་ལོ། 3>ཧོར་ཟླ་གསུམ་པ། 4>སྤྲིན། 5>འདོད་ལྷ། 6>མོ་མཚན། 7>གློག་གི་འོད་ཅན་མ་དང༌། ཐིག་ལེ་མཆོག་མ། པད་དཀར་མ། ལག་བཟང་མ། དགའ་བའི་ཤིང་རྟ་མ། རབ་ཏུ་མྱོས་བྱེད་མ། མེ་ནཱ་ཀ། སྐྲ་འདྲེས་མ། ལེགས་རྒྱན་མ། མུཉྫ་སྐྱེས་མ། ཨ་མ་མྦུ་ཥཱ། ཆུ་ཤིང་བརླ་ཅན་མ། སྐེད་ལེགས་མ་སྟེ་ལྷའི་སྨད་འཚོང་མ་བཅུ་གསུམ་ཡོད་ལ། དེ་དག་འདོད་པས་མྱོས་པའི་རྒྱུ་ཡིན་པས་འདོད་པ་དང་མྱོས་བྱེད་ཀྱིས་གྲངས་བཅུ་གསུམ་མཚོན། |
| མྱོས་བྱེད་ཀྱི་མདའ |
མདའ་ལྔའི་ནང་ཚན་ཞིག |
| མྱོས་བྱེད་ཁང |
ཆང་ཁང༌། |
| མྱོས་བྱེད་ཟླ་བ |
(མངོན་བརྗོད།) ཧོར་ཟླ་གསུམ་པ། |
| མྱོས་མ |
ལང་ཚོ་ཅན་གྱི་བུད་མེད། |
| མྱོས་མྱོས་པོ |
རིག་པ་མི་གསལ་བ་སྟེ། (དཔེར་ན།) ཚ་ནད་དྲག་པོས་གདུངས་པས་རིག་ཁམས་མྱོས་མྱོས་པོར་གྱུར་སོང་ལྟ་བུ། |
| མྱོས་ཟླ |
(མངོན་བརྗོད།) ཧོར་ཟླ་བདུན་པ། |
| མྱོས་འགྱུར |
ཆང་རིགས། |
| མྱོས་འགྱུར |
1.ཆང་གི་མིང་གཞན། 2རང་དགའ་བའི་བྱ་དངོས་ལ་ཞེན་པ་ཆེ་དྲགས་པའི་དོན་ཏེ། (དཔེར་ན།) དགའ་བས་མྱོས། ཟློས་གར་ལ་དགའ་བས་མྱོས་ལྟ་བུ། |
| མྱོས་འཐོམས་པ |
བཟི་འཐོམས་ཀྱི་དོན་ཏེ། (དཔེར་ན།) ཤིང་ནགས་མཐུག་པོའི་ནང་དུ་ཕྲུ་གུ་མྱོས་འཐོམས་ནས་འགྲོ་མི་ཤེས་པ། ཆང་བཏུང་དྲགས་པས་མྱོས་འཐོམས་པ་བྱུང་ཞེས་པ་ལྟ་བུ། |
| མྱོས་རྡུལ་ཅན |
(མངོན་བརྗོད།) གླང་པོ་སྤྱི། |
| མྱོས་ལྡན |
(མངོན་བརྗོད།) ས་ཡོས་ལོ། |
| ཙ |
1.བོད་ཡིག་གསལ་བྱེད་བཅུ་བདུན་པ། འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་རྐན་ལྕེ་གཉིས་ཕྲད་དང༌། ཕྱིའི་རྩོལ་བ་སྲོག་ཆུང་སྒྲ་མེད། 2.མིང་གཞིའི་ཕོ་ཡིག་ཅིག |
| ཙ་ཀ་ལི |
(ལེགས་སྦྱར།) ལྷ་དང༌། དཀྱིལ་འཁོར། གཞན་ཡང་བཀྲ་ཤིས་པའི་རྟགས་རྫས་སོགས་མཚོན་བྱེད་རི་མོ་བྲིས་པའི་ཤོག་ལྷེ་ཆུང་ངུ་རྣམས་ལ་ཟེར། |
| ཙ་ཀོ་ར |
(བརྡ་རྙིང་།) བྱ་གོང་མ་སྲེག་པ། |
| ཙ་གེ་ཙིག་གེ |
ཙག་ཙིག་ལ་ལྟོས། |
| ཙ་ཌ |
སྔོ་ཞིག |
| ཙ་ན |
(སྦྱོར་ཚིག) ལས་ཚིག་གི་མཐར་སྦྱར་ན་དུས་ཡུན་རིང་མ་ལོན་པའམ་ཚིག་སྔ་ཕྱིའི་འབྲེལ་བ་སྟོན་པ་སྟེ། (དཔེར་ན།) གཉིད་སད་ཙ་ན། ཡུལ་དུ་བསླེབས་ཙ་ན། བསམ་པ་རྗེས་སུ་ལུས་པ་ཡིན་ཙ་ན། ངེས་པར་དུ་སློབ་སྦྱོང་བྱེད་དགོས་ལྟ་བུ། |
| ཙ་ན་ཀ |
སྲན་མ་ཆུང་ངུ་ཞིག |
| ཙ་པ |
ཙ་ནས་པ་བར་སོ་སོར་བསྡུ་བའི་ལེགས་སྦྱར་གྱི་གསལ་བྱེད་ཡི་གེ། ཧ་ས་ལ་ལྟོས། |
| ཙ་བྱཱ |
དབྱི་མོང་གི་མིང་གི་རྣམ་གྲངས་ཤིག |
| ཙ་འཕྲུ |
ཙ་ཡིག་གི་ཏོག་གམ་ལག་པ། |
| ཙ་ར |
1.རྩ་བའམ་རྩད་ཀྱི་དོན་ཏེ། (དཔེར་ན།) ནོར་འཁྲུལ་གྱི་ཙ་ར་གཅོད་དགོས་ལྟ་བུ། 2.སྔོན་དུས་ལྕག་གིས་གཞུ་བའི་ཁྲིམས་ཀྱི་མིང་སྟེ། (དཔེར་ན།) ཙ་ར་བཅད་ཅེས་པ་ལྟ་བུ། |
| ཙ་ར་ཀ |
(ལེགས་སྦྱར།) སྨན་དཔྱད། |
| ཙ་ར་ཁུང |
མིའི་བྲང་རུས་ཀྱི་རྩེ་དང་སྒྲོག་རུས་ཀྱི་སྣེ་གཉིས་འབྲེལ་བའི་མཚམས་ཀྱི་ཁག་གམ་གནས་དེའི་མེ་དམིག་གི་མིང་། |
| ཙ་ར་ར |
ཙར་ལ་ལྟོས། |
| ཙ་རི |
ཀློ་ཡུལ་གྱི་གནས་རི་གྲགས་ཅན་ཞིག་ཡིན། འདི་ལ་བཀའ་བརྒྱུད་པ་གཙང་པ་རྒྱ་རས་ཡེ་ཤེས་རྡོ་རྗེས་སྤྲེལ་ལོ་ནམ་འཆར་ལ་རོང་སྐོར་དུ་འགྲོ་བའི་སྲོལ་རྒྱུན་བཏོད་ཡོད། (དཔེར་ན།) ཙ་རི་བསྐོར་བའི་སྙན་གྲགས་མེད་པར། དགོན་གཡག་བརྐུས་པའི་མི་ཁ་ཞེས་པ་ལྟ་བུ། |
| ཙ་རེ་བ |
རྒྱུན་ན་རེ་བ་སྟེ། (དཔེར་ན།) ཆུ་ཙ་རེ་བར་བབས་པ། ཁྲག་ཙ་རེ་བར་ཐོན་པ་ལྟ་བུ། |
| ཙ་རྟགས |
ཙ་ཡིག་ཡིན་པའི་རྟགས་ཏེ་ཙ་ལག། |
| ཙ་ལག |
ཅ་དང་མི་ནོར་བའི་རྟགས་ཀྱི་ཙ་འཕྲུ། |
| ཙ་ལྷག |
(ཡུལ་སྐད།) ཅ་དང་མི་ནོར་བའི་རྟགས་ཀྱི་ཙ་ལག |
| ཙ་སྡེ |
1.བོད་ཡིག་གསལ་བྱེད་ཀྱི་སྡེ་པ་ལྔ་པ་སྟེ་ཙ་ཚ་ཛ་ཝ། 2.ལེགས་སྦྱར་སྐད་ཀྱི་གསལ་བྱེད་ཀྱི་སྡེ་པ་གཉིས་པ་ཙ་ཚ་ཛ་ཛྷ་ཉ། |
| ཙཀྲ |
(ལེགས་སྦྱར།) འཁོར་ལོའི་དོན་ཏེ། (དཔེར་ན།) སྒྲ་གཅན་གྱི་ཙཀྲ། ཆ་ཤས་ཙཀྲ་ཞེས་པ་ལྟ་བུ། |
| ཙཀྵུ |
(ལེགས་སྦྱར།) མིག |
| ཙག |
ཤིང་གས་པ་ལྟ་བུའི་སྒྲ་བྱེ་བྲག་པ་ཞིག་གི་མིང་། (དཔེར་ན།) ཁང་བ་ཙག་སྒྲ་གྲགས། ཤིང་གས་ནས་ཙག་སྒྲ་དི་རི་རི་སོང་ལྟ་བུ། |
| ཙག་གི་ཙིག་གི |
(རྒྱན་ཚིག) ཆང་ངི་ཆུང་ངི་སྟེ་འགངས་མི་ཆེ་བ། (དཔེར་ན།) ལས་ཀ་ཙག་གི་ཙིག་གི། དངོས་པོ་ཙག་གི་ཙིག་གི་ཞེས་པ་ལྟ་བུ། |
| ཙག་གེ་ཙོག་གེ |
(རྒྱན་ཚིག) དབྱིབས་མཐོ་དམན་སྣ་ཚོགས་པ་སྟེ། (དཔེར་ན།) རི་ཆུང་ཙག་གེ་ཙོག་གེ་ཞེས་པ་ལྟ་བུ། |
| ཙག་བཅད་པ |
མར་ཁུ་ཙག་ཐག་བཅད་པ་སྟེ། (དཔེར་ན།) མར་ཁུ་བཞུར་ནས་ཙག་བཅད་པ་ལྟ་བུ། |
| ཙག་བཅད་མར |
བསྐོལ་ཏེ་ཙག་ཐག་བཅད་པའི་མར་ཁུ། (དཔེར་ན།) ཙག་བཅད་མར་དེ་རྒྱུན་རིང་ཉར་ཡང་མི་རུལ་ལྟ་བུ། |
| ཙག་ཙིག |
(རྒྱན་ཚིག) ཐོར་བུར་གནས་ཤིང་བོངས་ཚོད་ཆུང་བའི་དོན་ཏེ། (དཔེར་ན།) བྱ་བ་ཙག་ཙིག ཡོ་བྱད་ཙག་ཙིག་ཅེས་པ་ལྟ་བུ། འདི་ལ་ཙ་གེ་ཙིག་གེ་ཡང་ཟེར། |
| ཙག་ཙོག |
(རྒྱན་ཚིག) ཙག་གེ་ཙོག་གེའི་བསྡུས་ཚིག |
| ཙག་སྒྲ |
1.མེ་རྫས་མུ་ཟི། 2.ཙག་ཙག་ཟེར་བའི་སྒྲ་ཙམ་སྟེ། (དཔེར་ན།) སྣུམ་ཆུ་ཚ་གྲང་འཐབས་པའི་ཙག་སྒྲ། ཤིང་ལོ་སྐམ་པོ་ཕན་ཚུན་ཐུག་པའི་ཙག་སྒྲ། ཤོག་བུ་རླུང་གིས་བསྐྱོད་ནས་ཙག་སྒྲ་ཐོན་པ། རྒྱ་སྲན་སྐམ་པོ་སོས་བཅེམས་ནས་ཙག་སྒྲ་བྱུང་ལྟ་བུ། |
| ཙང་ཀུན |
མི་མ་ཡིན་གྱི་བྱེ་བྲག་ཅིག |
| ཙཎྜ་ལཱི |
(ལེགས་སྦྱར།) གཏུམ་མོའོ། |
| ཙཎྜ་ལཱི་གསུམ |
གཏུམ་མོའི་རྣམ་གྲངས་གསུམ་རང་བཞིན་ཙཎྜ་ལཱི་ཞེས་པ་ཆོས་ཐམས་ཅད་ཀྱི་རང་བཞིན་སྟོང་པ་ཉིད་ཕྱིའི་གཏུམ་མོ་དང༌། གཏུམ་མོ་ཙཎྜ་ལཱི་ཞེས་པ་ལྟེ་བའི་ཨ་ཐུང་ཉིད་ནང་གི་གཏུམ་མོ་དང༌། ཁ་སྦྱོར་ཙཎྜ་ལཱི་ཞེས་པ་རྣམ་ཀུན་མཆོག་ལྡན་གྱི་སྟོང་ཉིད་དང་མཆོག་ཏུ་མི་འགྱུར་བའི་བདེ་ཆེན་ཁ་སྦྱོར་ཟུང་དུ་འཇུག་པ་ཉིད་གསང་བའི་གཏུམ་མོ་རྣམས་སོ། ། |
| ཙད |
ཡུལ་སྐད་ལ་ལར་ཉི་མའི་ཚ་བ་ལ་ཙད་ཟེར་ཏེ། (དཔེར་ན།) ཚ་བ་ཆེ་ལ་ཙད་ཆེན་ཟེར་བ་ལྟ་བུ། |
| ཙན་དན |
རྟག་ཏུ་སྔོ་བའི་ཤིང་སྡོང་ཞིག་ས་དྲོ་སར་སྐྱེ་ཞིང་སྲལ་དྲི་ཞིམ་པ་དང་། ཡོ་བྱད་དང་སྤོས་བཟོ་ཆོག་ལ་སྨན་ཡང་བྱེད་ཆོག །དེ་ལ་ཙན་དན་དཀར་བོ་དང་ཙན་དན་དམར་བོ་རིགས་གཉིས་ཡོད། མཚོ་སྔོན་སོགས་སུ་སྐྱེས་པའི་སྟག་པ་ཙན་དན་དེའི་མིང་ལའང་ཙན་དན་ཟེར། |
| ཙན་དན་གོ་ཤིརྵ |
རི་བོ་མ་ལ་ཡར་སྐྱེས་པའི་ཙན་དན་དཀར་པོའི་རིགས་ཤིག |
| ཙན་དན་ཇོ་བོ |
འཕགས་ཡུལ་ནས་བཟོ་སྐྲུན་བྱས་པ་ཕྱིས་རྒྱ་ནག་ཏུ་གདན་དྲངས་ཏེ་རྟེན་གྱི་གཙོ་བོར་བཞུགས་སུ་གསོལ་བའི་ཙན་དན་གྱི་ཐུབ་པའི་སྐུ་བརྙན་ཞིག |
| ཙན་དན་དཀར་པོ |
ཤིང་སྨན་གྱི་རིགས་ཤིག་རོ་བསྐ་ལ་ཚ། ཞུ་རྗེས་བསིལ། ནུས་པས་གློ་སྙིང་འཁྲུགས་ཚད་སེལ། ལུས་ལ་བྱུགས་ན་ཤ་པགས་ཀྱི་ཚ་བ་འཇོམས། མིང་གི་རྣམ་གྲངས་ལ་གོ་ཤིརྵ་དང༌། ཏིལ་འདབ་ཅན། ཏེ་ལ་པ་རྣི། དྲི་ཞིམ་དཀར་པོ། དྲི་ཞིམ་བཏགས། བ་ལང་མགོ། དཔལ་གྱི་དུམ་བུ། མེའི་སྲུབ་ཤིང༌། ས་མཆོག་ཙན་དན། ས་འདན་ཧ་སར། ཧ་རི་ཙན་དན་བཅས་སོ། ། |
| ཙན་དན་དམར་པོ |
ཤིང་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་ཁྲག་ལ་ཚ་བ་ཞུགས་པ་དང༌། ཁྲག་ངན་འཕེལ་བ། ཁྲག་རླུང་འཐབ་པ་སོགས་ལ་ཕན། ཕྱིར་བྱུགས་ན་ཡན་ལག་གི་སྐྲངས་པ་འཇོམས། མིང་གི་རྣམ་གྲངས་ལ་ཀུ་ཙནྡན། ཏིལ་མར་ཅན། འདབ་མའི་ལུས། སྣུམ་ལྡན། པ་ཏངྒ། ཙནྡན་དམན་པ། ཚོས་བྱེད། རཀྟ་ཙནྡན། སའི་ཙན་དན་བཅས་སོ། ། |
| ཙན་དན་མཆོག |
(མངོན་བརྗོད།) སྦྲུལ་གྱི་སྙིང་པོ། |
| ཙན་དན་ས་མཆོག |
ཙན་དན་དཀར་པོ། |
| ཙན་དན་སེང་ལྡེང |
སེང་ལྡེང་རིགས་གསུམ་གྱི་ནང་ཚན་མདོག་ཙན་དན་ལྟར་དམར་བ་ཞིག |
| ཙན་དན་སྒྲོལ་མ་རང་བྱུང |
སྐུ་ངོ་མཚར་ཅན་གསུམ་གྱི་ཡ་གྱལ་ཞིག སྔར་གྱི་བཤད་སྲོལ་ལྟར་ཙན་དན་གྱི་སྡོང་པོའི་ནང་ནས་རང་བྱུང་གི་སྐུ་རྟེན་ཞིག་བོད་རྒྱལ་སྲོང་བཙན་སྒམ་པོའི་དུས་བལ་བཟའ་ཁྲི་བཙུན་གྱི་རྟེན་སྐལ་དུ་ཁྱེར་ཡོང་བ་ཕྱིས་ར་མོ་ཆེར་བཞུགས་པའི་རྟེན་ངོ་མཚར་ཅན་ཞིག |
| ཙན་དན་སྦྲུལ་གྱི་སྙིང་པོ |
དཀོན་ཞིང་རིན་ཆེ་བའི་ཙན་དན་ཞིག མིང་གི་རྣམ་གྲངས་ལ་སྐྱེ་ཅན་དང༌། ཁྱབ་འཇུག་སྐྱེས། སྔོ་སངས། ཏིལ་འདབ་ཅན། སྟོང་གསུམ་རིན་གྱིས་གཞལ་མེད་ཤིང༌། རྣ་བ་ནག་པོ། བ་གླང་མགོ། བཻཌཱུརྻའི་མདོག་ཅན། རྨ་གསོ། ལག་འགྲོའི་སྙིང་པོ་བཅས་སོ། ། |
| ཙན་དན་སྨུག་པོ |
ཙན་དན་དམར་པོ་རིགས་གཉིས་ཀྱི་ནང་ནས་མདོག་དམར་སྨུག་ཤས་ཆེ་བ་ཞིག་ནུས་པ་ཙན་དན་དམར་པོ་དང་མཚུངས། |
| ཙན་དྲ་པའི་སྒྲ་མདོ |
རྒྱ་གར་པ་ཙནྡྲ་གོ་མིས་བརྩམས་པའི་སྒྲའི་བསྟན་བཅོས་སྔར་ནས་བོད་སྐད་དུ་བསྒྱུར་པ་འདིའི་དཔེ་རྒྱུན་ད་ལྟའང་དར་ཡོད་པ། |
| ཙན་སྡོང |
ཙན་དན་གྱི་སྡོང་པོ། |
| ཙནྡྲ |
(ལེགས་སྦྱར།) ཟླ་བ། |
| ཙནྡྲ་གོ་མི |
(ལེགས་སྦྱར།) སྤྱི་ལོའི་དུས་རབས་བདུན་པའི་སྐབས་བྱུང་བའི་རྒྱ་གར་གྱི་སློབ་དཔོན་དགེ་བསྙེན་ཟླ་བ་ཞེས་པའོ། ། |
| ཙནྡྲ་པའི་ཡི་གེའི་མདོ |
སློབ་དཔོན་ཙནྡྲ་གོ་མིས་མཛད་པའི་སྒྲའི་བསྟན་བཅོས་ཤིག |
| ཙབ་ཀྲོལ |
འཁྲུག་རྐྱེན་ནམ་ཕུང་དཀྲུག་གི་བརྡ་རྙིང་། |
| ཙབ་ཏ་ཙུབ་ཏ |
(ཡུལ་སྐད།) ཙབ་བེ་ཙུབ་བེ་དང་འདྲ། |
| ཙབ་བེ་ཙུབ་བེ |
བློ་བག་མི་ཕེབས་པའི་རྣམ་འགྱུར་ཏེ། (དཔེར་ན།) ལས་ཀ་ཙབ་བེ་ཙུབ་བེ་མ་བྱེད། སྐད་ཆ་ཙབ་བེ་ཙུབ་བེ་བཤད་ན་ཉན་མཁན་གྱིས་གསལ་པོར་གོ་མི་ཐུབ། ཡི་གེ་ཙབ་བེ་ཙུབ་བེ་བྲིས་ན་ནོར་ཡོང༌ལྟ་བུ། |
| ཙབ་ཙབ |
(རྒྱན་ཚིག) བཟོད་གླགས་མེད་པར་གཡོ་འགུལ་བྱེད་པའི་རྣམ་པ་སྟེ། (དཔེར་ན།) མི་འདི་བྲེལ་བ་ལངས་ནས་ཙབ་ཙབ་བྱེད། ལག་ཙབ་ཙབ་བྱས་ནས་ཡི་གེ་འབྲི་བར་བརྩམས་ལྟ་བུ། |
| ཙབ་ཙུབ |
(རྒྱན་ཚིག) ལྷུན་ཆགས་པ་མ་ཡིན་པའི་བྱ་སྤྱོད་ཀྱི་དོན་ཏེ། (དཔེར་ན།) བྱ་བ་གལ་ཆེན་བསྒྲུབ་པ་ལ་ཙབ་ཙུབ་མ་བྱེད། རྟ་ཐོ་རུ་འདུལ་སྐབས་ཙབ་ཙུབ་བྱེད་ལྟ་བུ། |
| ཙབ་ཙོབ |
(རྒྱན་ཚིག) བྲེལ་ཟིང་གི་རྣམ་པ་སྟེ། (དཔེར་ན།) ལས་ཀ་ཙབ་ཙོབ་བྱས་ན་ནོར་འཁྲུལ་འབྱུང༌ལྟ་བུ། |
| ཙབ་ལངས་པ |
སེམས་ཚབ་པའམ་བྲེལ་ཚུབ་ལངས་པ་སྟེ། (དཔེར་ན།) ལས་ཀ་བྱེད་རྒྱུ་མང་དྲགས་ནས་ཙབ་ལངས་པ་ལྟ་བུ། |
| ཙབ་ལིང |
(རྒྱན་ཚིག) བྲེལ་ཚུབ་ཚུབ་ཀྱི་དོན་ཏེ། (དཔེར་ན།) ཙབ་ལིང་ངེ་བར་ལས་དོན་སྒྲུབ་བཞིན་ཡོད་ཅེས་པ་ལྟ་བུ། |
| ཙབ་ཧྲལ |
རྩབ་ཧྲལ་གྱི་འབྲི་ཚུལ་གཞན། |
| ཙབས་རུ |
ཚྭའི་རིགས་ཤིག་ཙབས་རུ་ཚྭ་ཡང་ཟེར། འདི་ལ་ཙབ་རུ་ཞེས་འབྲི་བའང་ཡོད། |
| ཙབས་རུ་ཚྭ |
ལན་ཚྭའི་རིགས་ཤིག་རོ་ལན་ཚ་ལ་སྐྱུར། ནུས་པས་ཕོ་བའི་དྲོད་ཉམས་པ་དང༌། ཟས་མི་འཇུ་བ། ཁོག་པ་སྦོས་བརྒྱངས་བྱེད་པ་སོགས་ལ་ཕན། |
| ཙམ |
(བསྣན་ཚིག) 1>ཚད་བཟུང་བའི་དོན་ཏེ། (དཔེར་ན།) འབྲུ་རྡོག་གཅིག་ཙམ་ཡང་ཆུད་ཟོས་བྱེད་མི་རུང་། ལུག་ཁྱུ་རེ་ལ་ལུག་སུམ་བརྒྱ་ཙམ་བྱས་ན་བཟང་། འགྲོ་སྒོ་ཉུང་ཙམ་ལས་མ་བཏང་བར། ལས་དོན་མང་ཙམ་བསྒྲུབས། ཡི་གེ་ཤེས་པ་ཙམ་གྱིས་མི་ཆོག་པར་དོན་ཤེས་དགོས། ཞིང་བཏབ་པ་ཙམ་གྱིས་མི་ཆོག་པར་བདག་གཉེར་ལེགས་པར་བྱེད་དགོས་ཞེས་པ་ལྟ་བུ། 2>ཁྱད་ཆོས་གཞན་འགོག་པའི་དོན་ཏེ། (དཔེར་ན།) རས་ཆ་འདི་མདོག་དེ་ཙམ་ཡག་པོ་མིན་པ་མ་གཏོགས་རྒྱུ་སྤུས་ཧ་ཅང་བཟང་། ལུག་འདི་གཟུགས་ཆུང་བ་ཙམ་ལས་ཤེད་ཧ་ཅང་བཟང་ལྟ་བུ། 3>རྒྱུ་རྐྱེན་གཞན་འགོག་པའི་དོན་ཏེ། (དཔེར་ན།) ལུ་གུ་སྐྱེས་ཙམ་ནས་ནུ་མ་ནུ་ཤེས། ཉི་མ་ཤར་བ་ཙམ་གྱིས་མུན་པ་སེལ་ལྟ་བུ། |
| ཙམ་པ་ཀ |
ཚ་བའི་ཁུལ་དང་ཚ་ཁུལ་རྗེས་མཐུན་པའི་ཤིང་ཞིག་གི་ས་བོན་གྱི་མིང་ཤིང་གི་འབྲས་བུའི་དབྱིབས་སྲན་མའི་གང་བུ་ལྟ་བུ་ཞེང་ལ་མཐོ་གང་ཙམ་དང་རིང་ལ་ཁྲུ་གསུམ་བཞི་ཙམ་ཡོད་པའི་ནང་ན་ས་བོན་ལེབ་མོ་མཐའ་གཤོག་ཅན་དཀར་བོ་སྟོང་ཡས་མས་ཡོད། མེ་ཏོག་ཙམ་པ་ཀ་ཡང་ཟེར། |
| ཙམ་པོ་བ |
དངོས་མིན་དང༌། ཚད་ལྡན་མ་ཡིན་པའི་དོན་ཏེ། (དཔེར་ན།) གཏན་ཚིགས་ཙམ་པོ་བ། རིགས་པ་ཙམ་པོ་བ་ཞེས་པ་ལྟ་བུ། |
| ཙམ་འབེའུ |
(བརྡ་རྙིང་།) བེར་ཟླམ་ལྟ་བུའི་མིང༌། |
| ཙར |
(རྒྱན་ཚིག) གཤེར་ཁུ་མར་འཛག་པའི་རྣམ་པ་སྟེ། (དཔེར་ན།) ཁྲག་ཙར་རེ་སོང་། ཆུ་ཙར་ཙར་བྱེད་ལྟ་བུ། ཁ་སྐད་དུ་ཙ་ར་ར་ཞེས་པ་དང་དོན་འདྲ། |
| ཙར་ཙར |
(རྒྱན་ཚིག) དངོས་པོ་སོགས་ས་ཐོག་ཏུ་སྡེབ་གཅིག་མིན་པར་ནར་ནར་ཟགས་ཚུལ་ཏེ། (དཔེར་ན།) ཅ་ལག་ཙར་ཙར་ཐེབས་ནས་ཟགས་འདུག མི་ཚོ་ཙར་ཙར་ཙར་ལ་ཡོང་གིན་འདུག་ཅེས་པ་ལྟ་བུ། |
| ཙར་རེ |
(རྒྱན་ཚིག) འཕྲོ་ཅན་ནམ་ལྷག་ལུས་ཀྱི་དོན་ཏེ། (དཔེར་ན།) ལས་ཀ་བྱེད་འཕྲོ་ཙར་རེ་བཞག་ཅེས་པ་ལྟ་བུ། |
| ཙཱ་ཏ |
(ལེགས་སྦྱར།) ཨ་མྲ། |
| ཙཱ་རུ |
ཙཱ་རུའི་བཟའ་བའི་བསྡུས་མིང༌། |
| ཙཱ་རུའི་བཟའ་བ |
རབ་གནས་སྐབས་སུ་འབུལ་རྒྱུའི་དཀར་གསུམ་གྱི་བཞོས་བུ། |
| ཙི་གི |
བྱི་བ། |
| ཙི་གུ |
1.སྲོག་ཆགས་བྱི་བའི་མིང་གཞན། 2.ཁམ་བུའི་ཚི་གུ། |
| ཙི་གེ་དར་མཚོ |
མཚོ་ཞིག ཨ་མདོ་རྫོང་གི་ནུབ་རྒྱུད་དུ་ཡོད། |
| ཙི་ཏ |
ཡུལ་སྐད་དུ་མགར་པས་ལྕགས་རྡུང་བྱེད་ཀྱི་འོག་རྟེན་གྱི་མིང་ལ་ཟེར། |
| ཙི་ཏྲ |
(ལེགས་སྦྱར།) ཧོར་ཟླ་གསུམ་པ། |
| ཙི་ཏྲ་ཀ |
(ལེགས་སྦྱར།) མེ་ཡི་འཁོར་ལོའམ་བློ་སྐྱོང་སྟེ་ཤིང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་སྐྲན་འཇོམས་ཤིང༌། མེ་དྲོད་སྐྱེད། འོར་ནད། གཞང་འབྲུམ། སྲིན་ནད། མཛེ་ནད་བཅས་ལ་ཕན། མིང་གི་རྣམ་གྲངས་ལ་སིརྤཉོར་དང༌། ཏྲུག་ཏྲུག་ཐང་ཤིང་ངར་པ། མེ་སྟོབས། ཚ་བ། སྲེག་བྱེད། མེ་འདྲ། ཚ་དབལ་བཅས་སོ། ། |
| ཙི་ན |
ལོ་རྒྱུས་ཐོག་རྒྱ་ནག་ལ་ཙི་ན་ཟེར་། |
| ཙི་པ་ཊ |
ཀ་མགོ་སོགས་ཀྱི་རྒྱན་དུ་བརྐོས་པའི་བྱི་ལའི་མགོ་ལྟ་བུའི་སྲོག་ཆགས་སྣ་ལེབ་ཅན་གྱི་གཟུགས་རིས་ཤིག |
| ཙི་ཙི |
1.འབྲུའི་རིགས་ཁྲེ་རྒོད། 2.བྱི་བ་སྟེ། (དཔེར་ན།) ཙི་ཙི་རམ་པ་ཟ་བར་ཟ་ལུགས་དང༌། ཨ་བྲ་ཐང་ལ་རྒྱུག་པར་རྒྱུག་ལུགས་ཞེས་པ་ལྟ་བུ། 3.བྱི་བའི་སྐད་སྒྲ་ལྟ་བུའི་སྒྲ། |
| ཙི་ཙི་ས་འཛིན |
སྔོ་ཞིག |
| ཙི་ཙི་སྒམ་པོ |
བྱི་བའི་རིགས་ཤིག་འཕུར་ཤེས་ལ་སོ་ཡང་ཡོད་པའི་བྱ་མིན་བྱི་མིན་ཞིག |
| ཙིག་གུ |
ཙི་གུ་ཡི་འབྲི་ཚུལ་གཞན། |
| ཙིག་གེ་བ |
(བརྡ་རྙིང་།) ཅུང་ཟད་ཙམ། |
| ཙིཏྟ |
(ལེགས་སྦྱར།) སེམས་སམ་སྙིང༌། |
| ཙིཏྟམཎི |
ཙིན་ཏ་མ་ཎིའི་འབྲི་སྲོལ་གཞན་ཞིག |
| ཙིད |
འོག་རྡོའི་མིང་། |
| ཙིད་བུ |
(བརྡ་རྙིང་།) ལོ་གཉིས་པར་སླེབས་པའི་ར་ཕྲུག |
| ཙིན |
སྤར་ཁ་བརྒྱད་ཀྱི་བརྒྱད་པ། |
| ཙིན་ཏ་མ་ཎི |
(ལེགས་སྦྱར།) ཡིད་བཞིན་ནོར་བུ་སྟེ་འཇིག་རྟེན་དུ་ཤིན་ཏུ་འབྱུང་བ་དཀོན་པའི་རིན་པོ་ཆེ་ཞིག་ནུས་པས་ལུས་ལ་འཆང་བ་ཙམ་གྱིས་ནད་གདོན་འཇོམས་ཤིང༌། བསམ་དོན་འགྲུབ་པར་གྲགས། |
| ཙིམ |
(རྒྱན་ཚིག) ཁྲག་དང་གཤེར་ཁུའི་རིགས་གཏིང་ནས་ཡར་ཐོན་པའི་རྣམ་པ་སྟེ། (དཔེར་ན།)རྨ་ཁ་ནས་ཁྲག་ཙིམ་ཙིམ། བྲག་ངོས་ནས་ཆུ་ཙིམ་ཞེས་པ་ལྟ་བུ། |
| ཙིའུ |
ཙི་གུ་དང་དོན་གཅིག |
| ཙུ་ཏ |
1.མི་རྐང་པ་གཅིག་པའི་ཡུལ་ཏེ། (དཔེར་ན།) ཙུ་ཏའི་ཡུལ་དུ་སླེབས་པ་ན། རྐང་གཉིས་པ་ལ་མིར་མི་རྩི་ཞེས་པ་ལྟ་བུ། 2.རིན་པོ་ཆེའི་བྱེ་བྲག་ཅིག 3.ཨ་མྲའི་ཤིང༌། |
| ཙུ་མ་ཏི |
ཤ་རོ་དང༌། རྒྱུས་པ། རུས་འཛེར་སོགས་འདོན་བྱེད་ཀྱི་སྐམ་པ་འཇབ་རྩེའི་དབྱིབས་ཅན་ཞིག |
| ཙུ་མོ་ཏི |
སྨན་དཔྱད་ཀྱི་ཡོ་བྱད་ཅིག |
| ཙུག |
ཇི་ལྟར་དང༌། གང༌ཞེས་པའི་དོན་ཏེ། (དཔེར་ན།) ཅི་ཙུག་བྱེད། ཁྱེད་ཀྱིས་དེ་སྐད་གསུངས་པ་ཅི་ཙུག་ལགས་ལྟ་བུ། |
| ཙུག་ཙུག |
ཟ་འཐུང་སྐབས་ཁའི་རྐན་ནས་ཐོན་པའི་སྒྲའི་ཁྱད་པར་ཞིག |
| ཙུབ་འཁྱིལ |
(ཡུལ་སྐད།) སྐྲ་སུ་ལུའམ་སྐྲ་འཁྱིལ། |
| ཙུམ་པ |
(བརྡ་རྙིང་།) འོ་བྱེད་པ། |
| ཙེ་གུར |
1.(རྒྱན་ཚིག) ཉུང་ངུའི་དོན་ཏེ། (དཔེར་ན།) སྨན་ཁུ་ཙེ་གུར་བསྟེན། བྱིས་པ་ཙེ་གུར་རེ་འགྲོ་ཐུབ། འབྲུ་རིགས་ཙེ་གུར་ཞིག་ཀྱང་ཆུད་ཟོས་སུ་མ་གཏོང་ལྟ་བུ། 2.སྨན་ཁུ་ལྡུད་བྱེད་ཀྱི་སྦུ་གུ་ཆུང་ངུ་ཞིག་གི་མིང་། |
| ཙེ་ནེ |
1.སེམས་མི་གཡོ་བར་བརྟན་པོར་འདུག་ཚུལ། 2.(བརྡ་རྙིང་།) ཐམས་ཅད། |
| ཙེ་བོ |
1.སླེ་བོ་ཡི་མིང་གཞན། 2.མཚོ་སྔོན་ཡུལ་སྐད་དུ་ལོ་ཏོག་ཅིག་གི་མིང་། མྱུ་གུའི་དབྱིབས་འབྲས་དང་འདྲ་ཞིང་འབྲུ་རྡོག་ཁྲེ་དང་མཚུངས་ལ་མདོག་སེར་བོ་ཡིན། |
| ཙེ་ཙེ |
ཡུལ་སྐད་ལ་ལར་ཙེ་བོ་ཟེར་བའི་འབྲུ་རིགས་ཀྱི་མིང་གཞན། |
| ཙེ་རེ |
1.(རྒྱན་ཚིག) ཕྲ་ཞིང་མཐོ་བའི་སྒྲ་བྱེ་བྲག་པ་ཞིག་གི་མིང་། (དཔེར་ན།) བྱིའུ་ཙེ་རེ་རེ་གྲགས། ཤུག་ལུ་ཙེ་རེ་རེ་བུས་ལྟ་བུ། 2.(རྒྱན་ཚིག) སེམས་དམིགས་པ་གཅིག་ལ་གཏད་ནས་གཡོ་བ་མེད་པའི་རྣམ་པ། |
| ཙེན |
ཕན་ཚུན་བརྡབས་པ་ལས་སྒྲ་འབྱིན་པའི་ཟངས་དང་ལིའི་རོལ་ཆས་སྦུག་ཆལ་གྱི་རིགས་ཤིག་གི་མིང་། |
| ཙེན་ནེ |
(བརྡ་རྙིང་།) ཐམས་ཅད། |
| ཙེན་མིན |
རྩེན་མིན་དང་འདྲ། |
| ཙེར་ཙེར |
(རྒྱན་ཚིག) སྒྲའི་ཁྱད་པར་ཞིག (དཔེར་ན།) ན་ཟུག་ཆེ་སྐབས་སྐད་ངན་ཙེར་ཙེར་དུ་ཤོར་ཞེས་པ་ལྟ་བུ། |
| ཙེལ་པོ |
སླེལ་པོ་སྟེ་སྨྱུག་གཤགས་སོགས་བསླས་པའི་ས་རྡོ་སོགས་བླུག་སྣོད། |
| ཙེལ་བོ |
སླེ་བོ་ཡི་མིང་གཞན། |
| ཙོ་ཙ |
(བརྡ་རྙིང་།) ཤིང་ཐོག་ཀུ་ཤུ། |
| ཙོ་ཚ |
ཤིང་ཏོག་བིམ་པ་རྒྱ་སྐད་དུ་ཕིན་ཀོ་ཟེར་བའི་ཤིང་ཏོག་གི་མིང་། |
| ཙོ་ར |
ལོ་མང་སྐྱེ་བའི་རྩྭ་ལྡུམ་རྩ་བ་སྒོག་སོ་ཅན་མདོག་དཀར་ལ་དབྱིབས་འཇོང་བོ་ཞིག་ཡིན། ཚོད་མ་བྱེད་ཆོག་ལ་སྨན་དུའང་བཀོལ་ཆོག མེ་ཏོག་གི་འདབ་མའི་སྟེང་ན་སྟག་གཟིག་གི་པགས་པའི་ཐོག་གི་ཁྲ་ཐིག་ལྟ་བུ་ཡོད་པས། ཡུལ་གྲུ་ལ་ལར་མེ་ཏོག་སྟག་གཟིག་ཀྱང་ཟེར། |
| ཙོག་གེ་བ |
(རྒྱན་ཚིག) སྡོད་སྟངས་སམ་བཟོ་དབྱིབས་ཀྲོང་ངེ་བའི་རྣམ་པ་སྟེ། (དཔེར་ན།) མི་ཞིག་ཙོག་གེ་བར་བསྡད་འདུག རི་བོ་ཙོག་གེ་བ་ཞིག་མཐོང༌། ཁང་པ་ཙོག་གེ་བ་ཞིག་བརྒྱབ་འདུག་ཅེས་པ་ལྟ་བུ། |
| ཙོག་པ |
ཙོག་པུ་དང་འདྲ། |
| ཙོག་པུ |
(རྒྱན་ཚིག) 1>རྐང་ལག་རྣམས་འཁུམས་ནས་འདུག་ཚུལ་ཏེ། (དཔེར་ན།) ལུས་ཙོག་པུར་སྡོད། ལུས་ཙོག་པུར་བསྡད་ལྟ་བུ། 2>མི་ཙོག་པུར་འདུག་པ་ལྟ་བུའི་དབྱིབས་ཏེ། (དཔེར་ན།) རི་ཙོག་ཙོག་ཅིག བྲག་ཙོག་ཙོག་ཅིག་ཅེས་པ་ལྟ་བུ། |
| ཙོག་པོ |
1.རྡོ། 2.རྡུང་བྱེད་ཀྱི་རྡོ་གཏུན་བུ། 3.ཙོག་པུ་དང་འདྲ། |
| ཙོག་མི་ཚུགས་པ |
ཙོག་པུར་སྡོད་མི་ཐུབ་པ་སྟེ། (དཔེར་ན།) སྐྱེས་མ་ཐག་པའི་བྱིས་པ་ཙོག་མི་ཚུགས་པ། བྱེ་ཕུང་གྱེན་དུ་སྤུངས་ཀྱང་ཙོག་མི་ཚུགས་པ་ལྟ་བུ། |
| ཙོག་ཙོག |
(རྒྱན་ཚིག) ཀྲོང་ཀྲོང་གི་ཚུལ་ཏེ། (དཔེར་ན།) རྐུབ་སྟེགས་སྟེང་དུ་ཙོག་ཙོག་བྱས་ནས་སྡོད་པ། རི་ཆུང་ཙོག་ཙོག་ཅིག་ལ་དར་ལྕོག་བཙུགས། ཁང་པ་ཙོག་ཙོག་ཅིག་ལ་དཀར་རྩི་བཏང་བ། གདན་གྱི་སྟེང་དུ་ཙོག་ཙོག་པུར་སྡོད་པ། ཁང་བརྩེགས་ཙོག་ཙོག་པུ་ཞིག་བརྩིགས་འདུག་ཅེས་པ་ལྟ་བུ། |
| ཙོག་ཙོག་པུ |
ཙོག་ཙོག་དང་དོན་གཅིག |
| ཙོང |
སྔོ་ཚོད་ཙོང་གི་མིང་། |
| ཙོང་ཁ |
མདོ་སྨད་ཙོང་ཁའི་ཡུལ་གྱི་ས་རྒྱུད་སྤྱིའི་མིང་། བྱེ་བྲག་ཏུ་སྐུ་འབུམ་ཉེ་སྐོར་གྱི་མིང་། |
| ཙོང་ཁ་པ་བློ་བཟང་གྲགས་པ |
རི་བོ་དགེ་ལྡན་པའི་གྲུབ་མཐའ་སྲོལ་གཏོད་པ་པོ་ཡིན་ཞིང༌། རབ་བྱུང་དྲུག་པའི་མེ་བྱ་ལོར་མདོ་སྨད་ཙོང་ཁའི་ཡུལ་དུ་ཡབ་ད་ར་ཁ་ཆེ་ཀླུ་འབུམ་དགེ་དང་ཡུམ་ཤིང་བཟའ་ཨ་ཆོས་གཉིས་ཀྱི་སུ་འཁྲུངས། དགུང་ལོ་བདུན་ལ་རབ་ཏུ་བྱུང་བ་དང༌། བཅུ་དྲུག་ལ་དབུས་སུ་ཕེབས། རིག་གནས་དང་བཀའ་པོད་ལྔ་སོགས་ལ་ཐོས་བསམ་སྒོམ་གསུམ་དང༌། མདོ་སྔགས་ཀྱི་བསྟན་པ་ལ་དག་ཐེར་ནན་ཏན་མཛད། ས་གླང་ལོར་ལྷ་ལྡན་སྨོན་ལམ་ཆེན་མོ་བཙུགས། དགའ་ལྡན་དང་བདེ་ཆེན་གསང་སྔགས་མཁར་ཕྱག་བཏབ། སེར་འབྲས་དང་རྒྱུད་གྲྭ་སྟོད་སྨད་འཛུགས་པའི་བཀོད་པ་མཛད། ལམ་རིམ་དང་སྔགས་རིམ་སོགས་ལེགས་བཤད་ཀྱི་གསུང་རྩོམ་རྒྱ་ཆེར་སྤེལ། རྒྱལ་ཚབ་རྗེ་དང༌། མཁས་གྲུབ་རྗེ། དགེ་འདུན་གྲུབ་སོགས་སློབ་མ་མང་དུ་བསྐྲུན། |
| ཙོང་ཆུ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག ཆུ་འགོ་མཚོ་སྔོན་པོའི་བྱང་འགྲམ་ནས་བྱུང་སྟེ་ཤར་ཕྱོགས་སུ་ཟི་ལིང་གྲོང་ཁྱེར་བརྒྱུད་དེ་མཐར་ཀན་སུའུ་ཞིང་ཆེན་ནས་རྨ་ཆུར་འབབ། |
| ཙོང་ཙོང |
(རྒྱན་ཚིག) ཀྲོང་ཀྲོང༌སྟེ། (དཔེར་ན།) རི་དྭགས་ཀྱིས་སྐེ་ཙོང་ཙོང་བྱས་ནས་ལྟ་བུ། |
| ཙོར་མོ |
1.སྐུད་པའམ་སྤུ་ཉག་སོགས་དངོས་རྫས་ཕྲ་ལ་རིང་བའི་ཕོན་པོའི་མིང་། (དཔེར་ན།) སྐྲ་ཙོར་མོ་ཞིག རྩིད་པ་ཙོར་མོ་རེ་ཙོར་མོ་རེ་བྱས་ནས་བྲེག རྟ་རྔ་ཙོར་མོ་ཞིག་བྲེག་ཅེས་པ་ལྟ་བུ། 2.ཚིག་བསྡུས་ན་ཙོར་ཞེས་འབྲི་ཆོག་སྟེ། (དཔེར་ན།) སྐར་རགས་ཙོར་ཅན། ཞྭ་ཙོར་ཅན་ཞེས་པ་སོགས་ལྟ་བུ། ཡུལ་སྐད་ལ་ལར་ཙོར་ལོ་ཟེར། |
| ཚ |
1.བོད་ཡིག་གསལ་བྱེད་བཅོ་བརྒྱད་པ། འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་མགྲིན་པ་ཕྱེ་བ། ཕྱིའི་རྩོལ་བ་སྲོག་ཆེན་སྒྲ་མེད། 2.མིང་གཞིའི་མ་ནིང་ཡི་གེ་ཞིག 3.རྗེས་གྲུབ་ཀྱི་ཚིག་ལ་ཚྭའི་ཚབ་བྱས་ཆོག་སྟེ། (དཔེར་ན།) རྒྱ་ཚ། བྱང་ཚ། བ་ཚ་ཞེས་པ་ལྟ་བུ། 4.ཚ་བོ་ཡི་ཚིག་བསྡུས་པ།5.(རྒྱན་ཚིག) 1>གྲང་བའི་ལྡོག་ཟླ་ཚ་བ་ཉི་འོད་རབ་དུ་ཚ་བ། ཚ་གདུགས་ཆེ་བ། མེ་འོད་ཚ་བོ། ཐུག་པ་ཚ་བོ་ཞེས་པ་ལྟ་བུ། 2>མེས་བསྲེགས་པ་ལྟ་བུའི་ན་ཟུག་ལངས་པ་སྟེ། (དཔེར་ན།) སྒོག་པ་ཟས་ན་ཁ་ཚ། ལུས་ཚ་ལམ་ལམ་བྱེད་ལྟ་བུ། 3>མཚོན་ཆ་སོགས་རྣོ་ངར་ཆེ་བའི་དོན་ཏེ། (དཔེར་ན།) དགུན་བོད་ལོའི་བསེར་བུ་མདའ་ལས་ཚ། རལ་གྲི་དབལ་ཚ་བ་ཞེས་པ་ལྟ་བུ། 4>ཡུལ་སྐད་ལ་ལར་བྱ་སྤྱོད་སོགས་ཚད་ལས་འདས་པའི་དོན་ཏེ། (དཔེར་ན།) ཁ་ཕོ་ཚ་བོ། གདུག་རྩུབ་ཚ་བོ་འདུག མགོ་བོ་ཀྲོག་ཀྲོག་ཚ་བོ་མ་བྱེད་ལྟ་བུ། |
| ཚ་ཁ |
མེ་མདའ་སོགས་འབེན་ལ་ཕོག་མི་ཕོག་ལག་རྩལ་ཆེ་ཆུང་ཚོད་ལྟའི་ཚ་ཁ་སྟེ། (དཔེར་ན།) མདའ་རྩལ་ཡུན་རིང་སྦྱངས་པས་ཚ་ཁ་ལོན་པ། མེ་མདའི་ཚ་ཁ་ལ་བ་བལྟས་ལྟ་བུ། |
| ཚ་ཁང |
འཇིམ་བཟོས་ལྷ་གཟུགས་སོགས་ཚ་ཚ་འཇོག་ཡུལ་གྱི་ཁང་པ། |
| ཚ་ཁམ་ཁམ |
ཚ་སོབ་སོབ་སྟེ། (དཔེར་ན།) དྲོད་ཁང་ལ་སླེབས་དུས་ལུས་ཀུན་ཚ་ཁམ་ཁམ་བྱས་ཡོང༌ལྟ་བུ། |
| ཚ་ཁོ |
རྒྱལ་མོ་ཚ་བ་རོང་གི་ཁོ་འཕན་དཔོན་ཞེས་པའི་བསྡུས་མིང་སྟེ། ཡུལ་དང་དཔོན་མིང་བསྡུས་ནས་བཏགས་པའི་ཡུལ་སྤྱིའི་མིང་ཞིག་ཁོ་འཕན་ཟེར་བ་ནི་ཞང་ཞུང་སྦྲ་རྒྱལ་གྱི་རྒྱལ་རྒྱུད་ཅིག་ཡིན་པ་དང༌། སྦྲ་ཟེར་བ་ནི་བོད་ཀྱི་རུས་བཞིའི་ཡ་གྱལ་བསེ་དང་གཅིག་པ་ཡིན། དེས་སྔར་རྒྱལ་མོ་རོང་གི་ས་འགག་དོག་མོ་གསུམ་པོ་བཟུང་བས་རྒྱལ་རོང་གི་ཡུལ་མི་རྣམས་ཀྱི་རུས་སྦྲ་ཡིན་པར་བཤད། |
| ཚ་ཁྱུག |
རླུང་ཁྲག་གིས་རྐྱེན་པས་ལུས་ཀྱི་སྟོད་སྨད་སོགས་ལ་སྐབས་སྐབས་ཚ་ཤར་རྒྱག་སྟངས་ཤིག |
| ཚ་གཅིག་མ |
1.ཐེངས་གཅིག་ན་ནས་བསྐྱར་དུ་མི་ན་བའི་ནད་ཅིག 2.སྤུ་མཐུག་པོ་ཡོད་པའི་གདན་ཞིག |
| ཚ་གཅུན་གྲང་འདོམས |
ཚ་འཇུན་དྲང་འདོམས་དང་དོན་གཅིག |
| ཚ་གདུག |
གནམ་གཤིས་ཚ་དྲོད་མི་བཟད་པའམ་མ་རུངས་པ་སྟེ། (དཔེར་ན།) ཉི་མ་ཚ་གདུག་ཆེ་བ། དེ་རིང་གནམ་གཤིས་ཚ་གདུག་ཆེ་བ་ལ་ཨང༌ཞེས་པ་ལྟ་བུ། |
| ཚ་གདུང |
ཚ་ངད་ཀྱི་གདུང་བའམ་སྡུག་བསྔལ་ཏེ། (དཔེར་ན།) དབྱར་དུས་དྲག་ཆར་འབབ་ཉེའི་སྐབས་ཚ་གདུང་ཆེན་པོ་སྐྱེ་ལྟ་བུ། |
| ཚ་གདུང་ཅན |
(མངོན་བརྗོད།) 1>དཔྱིད་དམ་སོས་དུས། 2>མེ། |
| ཚ་གནོན |
ཚ་ནོན་དང་འདྲ། |
| ཚ་གཟིགས |
དགོན་ཁག་གི་མཐོ་རིམ་གྲྭ་པ་དམིགས་བསལ་ཅན་ལ་ཇ་ཐུག་གི་སྐལ་བ་གཏོང་བའི་མིང༌། |
| ཚ་གཟེར |
1.ཚ་བའི་ནད་ཀྱི་གཟེར་ཟུག 2.ནད་ཀྱི་ཟུག་གཟེར། |
| ཚ་གཡའ་བ |
(བརྡ་རྙིང་།) ཚད་པ་ཆེ་བའམ་ཚ་པོར་གྱུར་པ། |
| ཚ་གཡོལ |
ཚ་བ་ཆེན་པོའི་ལུང་པ་ནས་བསིལ་སར་གཡོལ་བ་སྟེ། (དཔེར་ན།) དབྱར་དུས་བསིལ་སར་ཚ་གཡོལ་དུ་འགྲོ་དགོས་ལྟ་བུ། |
| ཚ་གསུར |
རྩམ་པ་དང་དཀར་གསུམ་མངར་གསུམ་རྣམས་སྦྱར་ནས་མེར་བསྲེགས་པའི་མཆོད་སྦྱིན་ཞིག |
| ཚ་གསེར |
གསེར་ཕྱེ་དངུལ་ཆུའི་ནང་དུ་སྦྱངས་ཏེ་ལྕགས་རིགས་ལ་བྱུགས་ནས་མེ་ལ་བསྲེགས་ན་དངུལ་ཆུ་ཡལ་ཏེ་གསེར་མདངས་འཐོན་པར་འགྱུར་བའི་གསེར་རྩི་སྟེ། (དཔེར་ན།) ཟངས་ལ་ཚ་གསེར་ཡག་པོ་བཏང་ན་གསེར་དངོས་དང་འདྲ་ཞེས་པ་ལྟ་བུ། |
| ཚ་གི་ཚི་གི |
(རྒྱན་ཚིག) ལྷིང་པོ་མེད་པའི་ཚུལ་ཏེ། (དཔེར་ན།) སྐད་ཆ་ལབ་དུས་ཚ་གི་ཚི་གི་མ་བྱེད། ལས་ཀ་ཚ་གི་ཚི་གི་བྱས་ན་ནོར་འཁྲུལ་འཆོར་ཡོང༌ལྟ་བུ། |
| ཚ་གོང |
སྔ་དྲོའི་ཚ་བའམ་ཁ་ལག་མ་ཟོས་གོང་གི་དུས་ཏེ། (དཔེར་ན།) ཉིན་རེའི་འཆར་གཞི་ཚ་གོང་ནས་བཏིང་བ་ལྟ་བུ། |
| ཚ་གྲ |
དགའ་ལྡན་ཕོ་བྲང་སྐབས་གཞུང་གི་རྩམ་བཞེས་ལས་ཁུངས་ནས་སྨོན་ལམ་སྐབས་གྲྭ་པར་གཤོར་སྤྲོད་བྱེད་པའི་རྩམ་པ། |
| ཚ་གྲང |
1.དྲོ་བ་དང་བསིལ་བ་སྟེ། (དཔེར་ན།) ལུང་པ་དེ་གནམ་གཤིས་ཚ་གྲང་སྙོམ་པོ་འདུག ཚ་གྲང་སྙོམས་བྱེད། ཚ་གྲང་ལྟ་ཆས་ལྟ་བུ། 2.ཚ་ནད་དང་གྲང་བའི་ནད་དེ། (དཔེར་ན།) ནད་རིགས་ཀྱི་ཚ་གྲང་ཕྱེ་ནས་སྨན་བཅོས་བྱེད་དགོས་ལྟ་བུ། |
| ཚ་གྲང་གལ་མདོ |
1.ཚ་ནད་སྨིན་མ་སྨིན་པའི་མཚམས། 2.ནད་ཚ་བ་དང་གྲང་བ་གཉིས་ཀྱི་ནོར་འཕྲང་གལ་ཆེ་བའི་མདོ་དོན་རྣམས་གསལ་བར་སྟོན་པའི་མན་ངག་རྒྱུད་ཀྱི་ལེའུ་བཅུ་གསུམ་པ་ལ་ཟེར། |
| ཚ་གྲང་ཐུབ་པ |
ཚ་ཐེག་གྲང་ཐེག་སྟེ་སྐྱིད་སྡུག་གཉིས་ཀ་མྱོང་ཐུབ་པའི་དཔེ། (དཔེར་ན།) ཚ་གྲང་ཐུབ་པའི་མི་ཞིག་བྱེད་དགོས་ལྟ་བུ། |
| ཚ་གྲུམ |
གྲུམ་ནད་ཚ་གྲང་གཉིས་ཀྱི་ཟླས་ཕྱེ་བའི་ཚ་བ་ཤས་ཆེ་བའི་གྲུམ་བུའི་ནད་ཅིག |
| ཚ་ངད |
ཚ་དྲོད་ཀྱི་ནུས་ཤུགས་ཏེ། (དཔེར་ན།) ཚ་ངད་ཆེ་བའི་ལུང་པ་ལྟ་བུ། |
| ཚ་ངམ་ངམ |
(རྒྱན་ཚིག) ཚ་ངད་ཕོག་སྟངས་ཤིག་སྟེ། (དཔེར་ན།) མེ་ཐབ་ཀྱི་འཁྲིས་སུ་བསྡད་པས་གཟུགས་གཞི་ཚང་མ་ཚ་ངམ་ངམ་བྱས་བྱུང༌ལྟ་བུ། |
| ཚ་ངར |
ཚ་ངད་ཀྱི་ནུས་ཤུགས་ཏེ། (དཔེར་ན།) ཉི་འོད་ཀྱི་ཚ་ངར་ཞེས་པ་ལྟ་བུ། |
| ཚ་ཆས |
(ཡུལ་སྐད།) ལམ་རྒྱགས་སམ་ལམ་ཆས་ཏེ། (དཔེར་ན།) ལམ་དུ་མ་ཞུགས་གོང་ནས་ཚ་ཆས་བསྡོགས་ལྟ་བུ། |
| ཚ་ཆུ |
1.ཚ་བའི་ནད་ན་མཁན་གྱི་གཅིན་པ། 2.ཆུ་ཚན། 3.དམུ་ཆུ་ཚ་གྲང་གཉིས་ཀྱི་ཟླས་ཕྱེ་བའི་ཚ་བ་ཤས་ཆེ་བའི་ལུས་ཀྱི་དྲི་ཆུ་འགགས་པའི་ཆུ་ནད་ཅིག |
| ཚ་ཆུ་ཁ |
ཆུ་ཚན་ནམ་ཚ་ཆུ་ཡོད་ས། |
| ཚ་ཇ |
1.ཚ་རྟིང་མའི་ཇ། 2.ཚ་ཕོག་གི་ཇ། |
| ཚ་ཐལ་ཤོར་བ |
1.མེ་ཤུགས་སམ་དྲོད་ངར་ཆེ་དྲགས་པ་སྟེ། (དཔེར་ན།) ཟ་མ་ཚ་ཐལ་ཤོར་ནས་ཚིག་སོང་ལྟ་བུ། 2.ཚ་གཅུན་ཐལ་དྲགས་པ་དང༌། ཚད་ལས་བརྒལ་བ་སྟེ། (དཔེར་ན།) སྐད་ཆ་ཚ་ཐལ་ཤོར་བས་གཞན་ཁོང་ཁྲོ་ལངས་པ་ལྟ་བུ། |
| ཚ་འཕྲུ |
ཆ་ཡིག་དང་མི་ནོར་བའི་ཚ་རྟགས། |
| ཚ་འབུམ |
1.ཚ་ཚ་འབུམ་ཐེར། 2.ཚ་ཚ་བླུག་པའི་ཚ་ཁང་ངམ་མཆོད་རྟེན། |
| ཚ་འབོག |
(ཡུལ་སྐད།) འགྲུལ་ལམ་གྱི་གུང་ཟས། |
| ཚ་འབྱར |
སྨན་བཅོས་བྱེད་སྟངས་ཤིག |
| ཚ་འབྲབ |
(བརྡ་རྙིང་།) ཚ་བས་གདུང་བ། |
| ཚ་འུར་འུར |
1.དབྱར་དུས་གནམ་གཤིས་ཀྱི་དྲོད་ཆེན་ཚ་བའམ། མེ་དང་ཉི་འོད་ཕོག་པའི་ཉམས་འགྱུར་ཏེ། (དཔེར་ན།) ལུས་ལ་དྲོད་སྐྱེས་ནས་ཚ་འུར་འུར་བྱས་བྱུང༌ལྟ་བུ། 2.སྐྲག་ནས་སྙིང་ཚ་འུར་འུར་བྱེད་ཚུལ་ཏེ། (དཔེར་ན།) སྐྲག་ནས་སྙིང་ག་ཚ་འུར་འུར་བྱས་བྱུང༌ལྟ་བུ། |
| ཚ་འོར |
ཚ་བ་ཁྲག་མཁྲིས་དང་འདོམས་པའི་འོར་ནད་རིགས་ཤིག |
| ཚ་རུ |
1.ལུ་གུའི་པགས་པ། 2.(ཡུལ་སྐད།) ཚར་རྩག་གམ་པགས་གོས། 3.མཁྲེགས་ཤིང་རྐང་ཕྲའུ་ཅན་ཞིག |
| ཚ་རུ་མགོ |
(ཡུལ་སྐད།) སྐྲ་འཁྱིལ་བའི་རྣམ་པ་ཅན་གྱི་མགོ། |
| ཚ་རུམ |
ཡུལ་ཚ་བ་ཆེ་སའི་དབུས་སམ་ཁྲོད་དེ། (དཔེར་ན།) ས་ཆ་ཚ་རུམ་ཅན་དུ་ཁ་བ་མི་ཆགས་ཞེས་པ་ལྟ་བུ། |
| ཚ་རེག |
ཚ་བའི་རེག་བྱ་སྟེ་ཚ་ངར། (དཔེར་ན།) མེར་བསྲེགས་པའི་ལྕགས་ཀྱི་ཚ་རེག་ལག་པས་མི་ཐེག་ཅེས་པ་ལྟ་བུ། |
| ཚ་རོ |
ཚ་བའི་ནད་རོ་སྟེ། (དཔེར་ན།) ཚད་ནད་ཀྱི་ཚ་རོ་ལུས་ན་ཡང་ནས་ཡང་དུ་ཚ་བ་ན་ཡོང༌ལྟ་བུ། |
| ཚ་རྔ་འགག |
མཚོ་སྔོན་ལྷོ་ཕྱོགས་མང་ར་ས་ཁུལ་གྱི་རོང་འགག་ཅིག། |
| ཚ་རྟགས |
ཆ་དང་མི་ནོར་བའི་རྟགས་ཀྱི་ཚ་ལག |
| ཚ་རྟིང |
ཉིན་གུང་གི་མིང་ངམ་ཉིན་གུང་གི་ཟས་ཀྱི་མིང་དེ་ལ་ཚ་ཏིང་ཞེས་འབྲི་བའང་ཡོད། |
| ཚ་རྟིང་མ |
ཚ་རྟིང་དང་འདྲ། |
| ཚ་རླངས |
1.ཆུ་ཚ་པོ་སོགས་ཀྱི་རླངས་པ་སྟེ། (དཔེར་ན།) ཆུ་སྐོལ་གྱི་ཚ་རླངས་དང་ཐུག་པས་ལག་པར་ཆུ་བུར་ཐོན་བྱུང༌ལྟ་བུ། 2.ས་གཞིར་ཚ་དྲོད་སྐྱེས་པའི་རླངས་པ་སྟེ། (དཔེར་ན།) ཞོགས་པ་ས་གཞི་ནས་ཚ་རླངས་འཕྱུར་གྱིན་འདུག་ཅེས་པ་ལྟ་བུ། |
| ཚ་རླབས |
ཚ་སྟོབས་ཏེ། (དཔེར་ན།) ལྕི་བའི་མེ་ལས་རྡོ་སོལ་གྱི་མེ་ཚ་རླབས་ཆེ་ཞེས་པ་ལྟ་བུ། |
| ཚ་རླུང |
ཚ་བའི་ངད་པ་ཅན་གྱི་རླུང༌སྟེ། (དཔེར་ན།) དཔྱིད་དུས་ཚ་རླུང་ལྡང་བ་ལྟ་བུ། |
| ཚ་ལ |
1.ལྕགས་རིགས་ཡོ་བྱད་ཀྱི་གས་སྲུབས་སྦྱར་ནས་བཟོ་བཅོས་བྱེད་པའི་བྱ་བའི་མིང་། (དཔེར་ན།) ཟངས་དེམ་ཚ་ལ་བྱས་ལྟ་བུ། 2.ལྕགས་རིགས་མ་ཡིན་པའི་གཏེར་ཐོན་རྫས་རིགས་ཤིག་ཟེགས་མའི་རྣམ་པ་ཅན་དང་བྱེ་མའི་རྣམ་པ་ཅན་གཉིས་ཡོད། ཟེགས་མའི་རྣམ་པ་ཅན་གྱི་ཚ་ལ་ནི་དྭངས་ལ་དབྱིབས་ཤོ་རྡེལ་ལྟ་བུ་འོད་འཚེར་བ་ཞིག་ཡིན་ལ། བྱེ་མའི་རྣམ་པ་ཅན་གྱི་ཚ་ལ་ནི་མདོག་ལྗང་སྨུག་ཕྱེ་ལྟ་བུ་ཞིག་ཡིན། དེ་ཀུ་ཀུ་ཤའི་རྩི་དང་སྨན་རིལ་གྱི་རྩི་བྱེད་ཆོག་ལ་ཤེལ་བཟོ་བའི་རྒྱུ་ཆ་ཞིག་ཀྱང་ཡིན། |
| ཚ་ལ་རྒྱག་པ |
གསེར་དངུལ་ཟངས་ལྕགས་སོགས་ལ་ཚ་ལས་སྦྱོར་མཐུད་བྱེད་པ་སྟེ། (དཔེར་ན།) ཟངས་ཀྱི་སྐྱོགས་ལ་ཚ་ལ་རྒྱག་པ་ལྟ་བུ། |
| ཚ་ལག |
ཆ་དང་མི་ནོར་བའི་རྟགས་ཀྱི་ཚ་འཕྲུ། |
| ཚ་ལམ |
འགྲུལ་པས་ཚ་ཕོག་རྒྱག་སའི་བར་གྱི་ལམ་ཚད་དེ། (དཔེར་ན།) ལྷ་ས་ནས་སྙེ་ཐང་བར་ཚ་ལམ་གཅིག་གི་ས་ཡོད་ཅེས་པ་ལྟ་བུ། |
| ཚ་ལུ་མ |
ཤིང་ཕྲན་རྟག་ཏུ་སྔོ་བ་ཞིག་དང་མཐོ་ཚད་ལ་ཁྲུ་བཅུ་ནས་ཉི་ཤུའི་བར་ཡོད། དབྱར་འགོ་ལ་མེ་ཏོག་དཀར་བོ་བཞད་པ་དང་དེའི་འབྲས་བུར་ཚ་ལུ་མ་ཟེར་ཞིང་། རོ་མངར་ཞིང་སྐྱུར་བོ་ཡིན་ལ་ཟ་ཆོག རྒྱ་སྐད་དུ་ཅུ་ཙི་ཟེར། |
| ཚ་ལུམ |
ཚ་ལུ་མ་ཡི་འབྲི་ཚུལ་གཞན། |
| ཚ་ལུམ་ལུམ |
(རྒྱན་ཚིག) ཚ་པོ་ལོང་ལོང་དུ་འཁོལ་ཚུལ་ཏེ། (དཔེར་ན།) མེ་སྟེང་དུ་བཞག་པའི་བཟའ་བཏུང་ཚང་མ་ཚ་ལུམ་ལུམ་དུ་འཁོལ་ཞེས་པ་ལྟ་བུ། |
| ཚ་ལུམས |
སྨན་རིགས་བླུག་པའི་ཆུ་ཚ་པོའི་ལུམས། |
| ཚ་ལོག |
ཇ་བསྲུབས་མ་གྲང་མོ་ཡང་བསྐྱར་བསྲོས་པའི་ཚ་པོ། |
| ཚ་ལོང་ལོང |
(རྒྱན་ཚིག) 1>ཚ་བ་ཆེ་ཙམ་ཞིག་སྟེ། (དཔེར་ན།) ཆུ་ཚ་ལོང་ལོང་ཞིག་གིས་འཁྲུད་པ་ལྟ་བུ། 2>དངངས་སྐྲག་ཆེ་ཙམ་བྱུང་ཚུལ་ཏེ། (དཔེར་ན།) སེམས་ཚ་ལོང་ལོང་བྱེད་པ་ལྟ་བུ། |
| ཚ་ལྕིབས |
ལག་པ་མི་འཚིག་པར་བྱེད་པའི་ལག་ལྕིབས། |
| ཚ་ལྷག |
(ཡུལ་སྐད།) ཆ་དང་མི་ནོར་བའི་རྟགས་ཀྱི་ཚ་ལག |
| ཚ་ཤར |
1.རྨ་འབྲས་སོགས་ན་ཚ་ལ་བརྟེན་ནས་ལུས་ལ་ཚ་ཟུག་རྒྱག་ཚུལ་ཏེ། (དཔེར་ན།) གཟུགས་པོར་ཤུ་ཐོར་སྐྱེས་ནས་ཚ་ཤར་ཡང་ཡང་རྒྱག་པ། ཁོག་པའི་ནང་ལ་ཚ་ཤར་རྒྱག་པ་ལྟ་བུ། 2.འཇིགས་སྐྲག་གིས་སྙིང་ལ་ཚ་ལོང་སྐྱེ་ཚུལ་ཏེ། (དཔེར་ན།) གློ་བུར་དངངས་སྐྲག་དྲག་པོ་ཞིག་སྐྱེས་ནས་སྙིང་ལ་ཚ་ཤར་བརྒྱབ་བྱུང༌ལྟ་བུ། |
| ཚ་ཤུགས |
1.ཚ་བའི་ནུས་པ་སྟེ། (དཔེར་ན།) ཚ་ཤུགས་གློག་འདོན་ཁང༌ཞེས་པ་ལྟ་བུ། 2.མེ་མདའི་ཚ་ཁ་དང་རྒྱང་ཤུགས་ཏེ། (དཔེར་ན།) མེ་མདའ་འདི་ཚ་ཤུགས་གཉིས་ལྡན་ཡིན་ལྟ་བུ། |
| ཚ་ས |
1.ཚ་ཕོག་རྒྱག་པའི་ས་ཆ། 2.ཚ་ལམ། 3.ལུས་ཀྱི་རྨ་སོགས་ཚ་ས། |
| ཚ་སུབས |
ཁོལ་དྲགས་པའི་སྐྱོན་ཏེ། (དཔེར་ན།) ཇ་བསྲུབས་མ་ཚ་སུབས་ཐེབས་ནས་བྲོ་བ་ལོག་འདུག སྨན་ཐང་བསྐོལ་དྲགས་པས་ཚ་སུབས་ཐེབས་ནས་ནུས་པ་ཉམས་འདུག་ཅེས་པ་ལྟ་བུ། |
| ཚ་སེལ |
ཚ་བ་སེལ་བ་སྟེ། (དཔེར་ན།) ཚད་ནད་ལ་ཚ་སེལ་གྱི་སྨན་གཏོང་བ་ལྟ་བུ། |
| ཚ་སྐམ |
ཚ་བས་གདུངས་ཆེས་ནས་རླན་ཐག་ཆད་པ་སྟེ། (དཔེར་ན།) ཐུག་པ་དེར་མེ་ཚ་དྲགས་ནས་ཚ་སྐམ་ཐེབས་འདུག་ཅེས་པ་ལྟ་བུ། |
| ཚ་སྐྱོབ |
(མངོན་བརྗོད།) ཉི་གདུགས། |
| ཚ་སྒོ་ཅན |
ས་བ་ཚྭ་ཅན་དང་ཞིང་ངན། |
| ཚ་སྣ |
མཛོ་གཡག་སོགས་ཀྱི་སྣ་ཁུང་ལ་ཐག་པ་རྒྱུ་བའི་མིང༌། |
| ཚ་སྤུན |
ཚ་བོ་དང་སྤུན་ཏེ། (དཔེར་ན།) རང་ལ་ཚ་སྤུན་མང་པོ་ཡོད་ཅེས་པ་ལྟ་བུ། |
| ཚ་སྤུན་ཕྱི་མ |
སྤུན་མཆེད་ཕྱིས་སྐྱེས། |
| ཚ་སྲེག |
མེ་ལ་བསྲེགས་པ་སྟེ། (དཔེར་ན།) ཤིང་རློན་ཚ་སྲེག་བཏང་སྟེ་སོལ་བ་བཟོས་ལྟ་བུ། |
| ཚ་ཧྲིལ |
རྟ་དྲེལ་བོང་བུ་སོགས་ཀྱི་གཞུག་ཚ་སྐྱོབ་བྱེད་རྨེད་ཧྲིལ། |
| ཚག |
1.ཤ་ཟས་སུ་བཤའ་རྒྱུའི་སྐམས་ཀྱི་མིང་། (དཔེར་ན།) སྐམས་ཤ་ལ་ཚག་ཤ་ཟེར་བ་ལྟ་བུ། 2.ཤིང་གས་པའི་སྒྲ་ལྟ་བུ་མཚོན་བྱེད་དེ། (དཔེར་ན།) ཤིང་ལེབ་ཚག་གེ་གས། ཚག་སྒྲ་གྲགས་ལྟ་བུ། འདི་ལ་ཚེག་ཀྱང་འབྲི། 3.གཟོང་བརྐོས་ཀྱི་རི་མོ་སྟེ། (དཔེར་ན།) སྣོད་སྤྱད་ལ་གསེར་ཚག་དངུལ་ཚག་བརྒྱབ་ཡོད་པ། ཀ་བར་བརྐོས་པའི་རི་མོའི་ཚག་དོད་ཅེས་པ་ལྟ་བུ།4.(རྒྱན་ཚིག) བྱེ་མ་དང་ཕྱེ་སོགས་ཞིབ་མོ་མ་ཡིན་པ་སྟེ། (དཔེར་ན།) ཞིབ་མོ་དང་ཚག་པོ། ཕྱེ་ཚག་རགས་ཞེས་པ་ལྟ་བུ། |
| ཚག་གཟོང |
གསེར་ཟངས་སོགས་ལ་ཚག་རྒྱག་བྱེད་ཀྱི་ལག་ཆ་ཞིག |
| ཚག་ཐིག |
དུམ་བུ་སྟར་སྒྲིག་གི་ཐིག་སྟེ། (དཔེར་ན།) མིང་ཚིག་སྔ་ཕྱིའི་བར་གྱི་སྟོང་ཆ་ཚག་ཐིག་གིས་སྦྲེལ་ལྟ་བུ། |
| ཚག་ཐོ |
ཟངས་གསེར་སོགས་ལ་ཚག་རྒྱག་བྱེད་ཀྱི་ཐོ་བ། |
| ཚག་པ |
1.གསེར་དངུལ་གྱི་སྣོད་སྤྱད་ལ་ཚག་རིས་རྒྱག་མཁན། 2.(ཡུལ་སྐད།) འབུ་ཚག་པ། |
| ཚག་པར |
ཚགས་པར་དང་འདྲ། |
| ཚག་ཚག |
1.(རྒྱན་ཚིག) སྒྲའི་བྱེ་བྲག་ཅིག་སྟེ། (དཔེར་ན།) མེ་སྟག་ཚག་ཚག་མཆེད་ལྟ་བུ། 2.མིག་ནད་བྱེ་བྲག་པའི་མིང་། (དཔེར་ན།) སྐྱེར་བའི་ཁན་དས་མིག་ཚག་སེལ་ལྟ་བུ། |
| ཚག་ཚིག |
(རྒྱན་ཚིག) ཚ་གི་ཚི་གིའི་བསྡུས་མིང༌། |
| ཚག་ཚེ |
འབྲུ་རིགས་རགས་ཙམ་བཏགས་ནས་ཟེགས་མ་ལྟ་བུ་བྱས་པའམ་དེ་བསྐོལ་བའི་ཐུག་པའི་མིང་། ཚིག་བསྡུས་ན་ཚག་ཅེས་འབྲི་ཆོག་སྟེ། (དཔེར་ན།) གྲོ་ཚག་སྲན་ཚག་ཅེས་པ་ལྟ་བུ། |
| ཚག་འདེབས |
དངུལ་སྤྱད་སོགས་ལ་གཟོང་ཆུང་གིས་བརྐོས་རིས་འདེབས་པ། |
| ཚག་འདེབས་པ |
ཐོ་བས་རྡུང་བའི་དོན། |
| ཚག་རིས |
རྐོས་བརྒྱབ་པའི་རི་མོ་སྟེ། (དཔེར་ན།) དངུལ་ཕོར་གྱི་སྟེང་དུ་འབྲུག་ཁ་སྤྲོད་ཀྱི་ཚག་རིས་བཏབ་ཅེས་པ་ལྟ་བུ། |
| ཚག་སྒྲ |
ཚག་ཚག་ཅེས་པའི་སྒྲ་སྟེ། (དཔེར་ན།) མཁྲེགས་ཤིང་རློན་པས་མེ་བཏང་ན་ཚག་སྒྲ་བརྒྱབ་ཡོང༌ལྟ་བུ། |
| ཚགས |
1.བར་མཚམས་ཀྱི་དོན་ཏེ། (དཔེར་ན།) མི་ཚགས་དམ་པོ། སོན་ཚགས་ཡངས་པོ། ཚགས་སྙོམས་པོ། སྒམ་གྱི་ནང་དུ་ཅ་ལག་ཚགས་ལྷོད་པོར་བསྒྲིགས་ཏེ་བླུག་ཅེས་པ་ལྟ་བུ། 2.འཚག་སྤྱད་དེ། (དཔེར་ན།) ཆུ་ཚགས། ཇ་ཚགས། ཁྲོལ་ཚགས། དར་ཚགས། ཟངས་ཚགས་ཞེས་པ་ལྟ་བུ།3.ཚགས་པར་གྱི་མིང་བསྡུས་པ་སྟེ། (དཔེར་ན།) ཚགས་པར་དང་དཔེ་དེབ་ལ་ཚགས་དེབ་ཅེས་པ་ལྟ་བུ།4.གོང་རིམ་གྱིས་འོག་རིམ་ལ་ལས་དོན་བགོས་པའི་དོན་ཏེ། (དཔེར་ན།) མི་ཚགས་བཙུགས་ནས་རྩྭ་ར་བཟོས་ལྟ་བུ། 5.སྒྲིག་ལམ་སོགས་རྣལ་མོ་ཡིན་པའི་དོན་ཏེ། (དཔེར་ན།) སྒྲིག་ལམ་ཚགས་དམ་པ་ཞེས་པ་ལྟ་བུ། |
| ཚགས་གླིང |
ཚགས་ཤ་བཞི་གླིང༌། |
| ཚགས་དམ་པོ |
ཚགས་ཞིབ་མོ་སྟེ། (དཔེར་ན།) ཡི་གེ་ཚགས་དམ་པོ་བྲིས་ན་ཤོག་བུ་འགྲོ་སྒོ་ཆུང༌ལྟ་བུ། |
| ཚགས་པར |
1.ད་ལྟའི་ལྕགས་རིགས་སོགས་ཀྱི་ཡིག་གཟུགས་རང་ཚུགས་ཅན་རེ་རེ་བ་བསྒྲིགས་པའི་པར་གཞིའམ་པར་གཞི་དེས་དཔར་བའི་ཡི་གེ་དཔར་མའི་མིང་། 2.གསར་འགྱུར་གྱི་མིང་། འདིར་ཚག་པར་འབྲི་བའང་ཡོད། |
| ཚགས་པོ |
(ཡུལ་སྐད།) 1>ཤ་རྒྱུར་གསོ་བའི་གཡག 2>ཅ་ག་དག་པོ་སྟེ། (དཔེར་ན།) མི་དེ་ལས་ཀ་ཞིབ་ཚགས་པོ་བྱེད་མཁན་ཞིག་རེད་ཅེས་པ་ལྟ་བུ། |
| ཚགས་བཅོས་པ |
རིང་ཐུང་སྙོམས་པོ་བཟོས་པ་སྟེ། (དཔེར་ན།) རིང་ཐུང་མི་སྙོམ་པའི་དཔེ་ཆའི་ལྡེབ་གྲངས་རྣམས་ཚགས་བཅོས་ལྟ་བུ། |
| ཚགས་བཙུགས |
(ཡུལ་སྐད།) བསྐོ་གཞག་བྱས་པ། |
| ཚགས་བཟང |
ལུས་ཟོར་ཡང་བ་དང་ཚགས་སུ་ཚུད་པའི་དོན་ཏེ། (དཔེར་ན།) རྒྱུན་དུ་ལུས་རྩལ་སྦྱངས་ན་གཟུགས་པོ་ཚགས་བཟང་བར་འགྱུར་ཞེས་པ་ལྟ་བུ། |
| ཚགས་བུབས |
ཚགས་ཤ་ཁོག་ཆ་ཚང༌སྟེ། (དཔེར་ན།) ཚགས་བུབས་གཅིག་ལ་ཚགས་གླིང་བཞི་ཡོད་ཅེས་པ་ལྟ་བུ། |
| ཚགས་བྱེད་པ |
དངོས་ནོར་ཉར་ཚགས་བྱེད་པ་སྟེ། (དཔེར་ན།) དཔེ་དེབ་ཚགས་བྱེད་པ། སྤྱི་རྫས་ལ་ཚགས་བྱེད་དགོས་ལྟ་བུ། |
| ཚགས་མ |
འཚག་སྤྱད། |
| ཚགས་མགོ |
1.གཡག་གི་མགོ། 2.མི་བླུན་པོར་སྨོད་ཚིག 3.དུ་བ་འཐེན་སྤྱད་ཀྱི་མགོ། |
| ཚགས་ཚིགས |
ལུས་ཀྱི་རུས་ཚིགས་ཆེ་ཆུང་སྤྱི་མིང༌། (དཔེར་ན།) ཆམ་པ་ཕོག་ནས་ལུས་ཀྱི་ཚགས་ཚིགས་ཚང་མ་ན་ཞེས་པ་ལྟ་བུ། |
| ཚགས་ཚུད |
ལས་དོན་གྲ་འགྲིག་འཐུས་སྒོ་ཚང་བ་སྟེ། (དཔེར་ན།) བྱེད་སྒོ་ཚང་མ་ཐལ་ལུས་འཐུས་ཤོར་མེད་པར་ཚགས་ཚུད་བྱུང་འདུག ལས་ཀ་ཚགས་ཚུད་པ་བྱུང་འདུག་ཅེས་པ་ལྟ་བུ། |
| ཚགས་ཞུ |
ཚགས་ཞྭ་དང་དོན་གཅིག |
| ཚགས་ཞྭ |
སྨྱུག་མའི་ཞྭ་མོ། |
| ཚགས་འཛུད་པ |
ལས་དོན་འགྲིགས་སོ་བྱེད་པ་སྟེ། (དཔེར་ན།) དཔུང་འཇུག་མ་བྱེད་གོང་ནས་གྲ་སྒྲིག་ཚགས་སུ་འཛུད་པ་ལྟ་བུ། |
| ཚགས་རྐྱན |
ཚགས་བརྒྱབ་པའི་ཇ་འབབ་སའི་སྣོད་སྤྱད་དེ། (དཔེར་ན།) ཇ་ཚགས་ནང་དུ་བླུག་པའི་ཇ་ཚགས་རྐྱན་དུ་བབ་ཅེས་པ་ལྟ་བུ། |
| ཚགས་ལིང |
ཚགས་གླིང་དང་འདྲ། |
| ཚགས་ལུག |
1.གཡག་ལུག་གཉིས་ཀྱི་བསྡུས་མིང༌། 2.(ཡུལ་སྐད།) ཤའི་ཆེད་དུ་གསོ་བའི་བཤའ་ལུག |
| ཚགས་ཤ |
གཡག་ཤ། |
| ཚགས་སུ་ཆུད |
གྲ་སྒྲིག་བྱས་ཚར་བའི་དོན་ཏེ། (དཔེར་ན།) དཔྱིད་རྨོད་ཀྱི་བྱ་བ་ཚགས་སུ་ཆུད་ལྟ་བུ། |
| ཚགས་སྒྲིག་པ |
དཔེ་དེབ་སོགས་རིང་ཐུང་ཚགས་སྒྲིག་པ་སྟེ། (དཔེར་ན།) དཔེ་ཆའི་མཐའ་སྣེ་རིང་ཐུང་ཆ་སྙོམས་ཀྱི་ཚགས་སྒྲིག་པ་ལྟ་བུ། |
| ཚགས་སྣོད |
ཇ་སོགས་ཚགས་པའི་སྣོད། |
| ཚགས་སྤྱད |
ཐལ་རྔུལ་སོགས་འཚག་བྱེད་ཀྱི་ཡོ་བྱད་ཅིག |
| ཚང |
1.(བྱེད་མེད་ལས་ཚིག་འདས་པ) གྲངས་ཀ་དང་ཚད་ལོངས་པའམ་ཆ་ཤས་ཀུན་འཛོམས་པའི་དོན་ཏེ། (དཔེར་ན།) ཁ་དོག་སྣ་ལྔ་ཚང་། ཁ་གྲངས་ཚང་། དབང་བོ་ཚང་། བྱ་རྒོད་པོ་ཞིག་ལ་ཅི་ཚང་བ། བྱིའུ་ཞར་མ་ཞིག་ལའང་དེ་འཚང་དགོས་ལྟ་བུ། 2.ཁྱིམ་གནས་ཀྱི་མིང་། (དཔེར་ན།) ངེད་ཚང་། ཁོ་ཚང་། དུད་ཚང་ཞེས་པ་ལྟ་བུ།3.སྲོག་ཆགས་ཀྱི་ཉལ་གནས་ཀྱི་མིང་། (དཔེར་ན།) བྱ་ཚང་སྟག་ཚང་ཞེས་པ་ལྟ་བུ། 4.མིའི་མིང་མཐར་སྦྱར་ན་ཞེ་ས་བྱས་པའི་དོན་ཏེ། (དཔེར་ན།) དགེ་རྒན་ཚང་ཞེས་པ་ལྟ་བུ། 5.ཚང་ར་ཞེས་པའི་ཚིག་བསྡུས་པ། |
| ཚང་གཅིག་མ |
སྐྱེ་ཐེངས་གཅིག་གི་ཁྱི་ཕྲུག་རྡོག་གཅིག་མ། |
| ཚང་ཉལ |
1.ཚང་དུ་ཉལ་བ། 2.(མངོན་བརྗོད།) སྦྲུལ། |
| ཚང་ཐུར |
(བརྡ་རྙིང་།) གོས་ཤུབས། |
| ཚང་པོ |
གྲངས་ལོངས་པོ་དང༌། སྣེ་འཛོམས་པོའི་དོན་ཏེ། (དཔེར་ན།) མི་གྲངས་ཚང་པོ། ཚོང་ཟོག་སྣ་ཁ་ཚང་པོ་འདུག་ཅེས་པ་ལྟ་བུ། |
| ཚང་བང |
ཐབ་ཚང༌སྟེ། (དཔེར་ན།) དགེ་འདུན་པའི་ཚང་བང་དུ་གཡོས་ལེགས་པར་སྦྱོར་ཞེས་པ་ལྟ་བུ། |
| ཚང་མ |
1.ཐམས་ཅད་ཀྱི་དོན་ཏེ། (དཔེར་ན།) ལས་དོན་ཚང་མ་བསྒྲུབས་པ། ཚང་མ་སྔར་བཞིན་སོར་བཞག མི་རིགས་ཚང་མ་འདྲ་མཉམ་ཡིན། ཚོགས་འདུ་ལ་གཞུག་མཁན་ཚང་མ་གཅིག་མཐུན་གྱི་གྲོས་འཆམས་ཐག་ཆོད་བྱུང་སོང༌ལྟ་བུ། 2.ཕྲུ་གུ་ཆགས་པའི་མོ་ཁྱིའམ། ཕྲུ་གུ་དང་མཉམ་དུ་གནས་པའི་མོ་ཁྱི། |
| ཚང་མང |
ཟས་གཡོ་སྐོལ་བྱེད་སའི་ཁང་བའི་མིང་། |
| ཚང་མཇུག |
སྐྱེ་ཐེངས་གཅིག་གི་ཁྱི་ཕྲུག་རྗེས་སྐྱེས། |
| ཚང་མལ |
བྱ་ཡི་ཚང༌སྟེ། (དཔེར་ན།) བྱ་རྣམས་ཚང་མལ་དུ་ཉལ་ཞེས་པ་ལྟ་བུ། |
| ཚང་ཚིང |
(རྒྱན་ཚིག) རྩི་ཤིང་སོགས་སྟུག་ཅིང་འཛིངས་པ་སྟེ། (དཔེར་ན།) ཤིང་ནགས་ཚང་ཚིང་འཁྲིགས་པ། གཞུང་ལུགས་ངན་པའི་གཏམ་གྱི་ཚང་ཚིང་བསྲེགས་ཞེས་པ་ལྟ་བུ། |
| ཚང་ཚིང་ཅན |
(མངོན་བརྗོད།) ནགས་ཚལ། |
| ཚང་ཚིང་འཁྲིགས་པ |
དུར་ཁྲོད་ཆེན་པོ་བརྒྱད་ཀྱི་ནང་གསེས་ཤིག |
| ཚང་ཟླ |
སྤུན་ཟླའི་དོན་ཏེ། (དཔེར་ན།) ཚང་ཟླ་གཅིག་ཡོད་པ་ཁོ་ཚོང་བྱེད་དུ་འོང༌ལྟ་བུ། |
| ཚང་འགོ |
སྐྱེ་ཐེངས་གཅིག་གི་ཁྱི་ཕྲུག་སྔོན་སྐྱེས། |
| ཚང་འཛོམས |
ཐམས་ཅད་ཚོགས་པའམ་འཛོམས་པ་སྟེ། (དཔེར་ན།) འཐུས་མི་ཚང་འཛོམས། མཐུན་རྐྱེན་ཚང་འཛོམས་ཞེས་པ་ལྟ་བུ། |
| ཚང་ར |
མི་ཕྱུགས་ཀྱི་ལུས་པོའི་འཕོངས་ཏེ། (དཔེར་ན།) ལུག་ཤ་ཚང་ར་གཅིག་ཅེས་པ་ལྟ་བུ། ཚིག་བསྡུས་ན་ཚང་ཞེས་འབྲི་ཆོག་སྟེ། (དཔེར་ན།) ཚང་རའི་རུས་ཚིགས་ལ་ཚང་ཚིགས་ཟེར་བ་ལྟ་བུ། |
| ཚང་རག་གཏོང་བ |
(ཡུལ་སྐད།) རྟ་རྩལ་སྟོན་པ། |
| ཚང་རའི་རུས་སྒྲོམ |
གཟུགས་པོའི་སྐེད་སྨད་ཀྱི་རུས་སྒྲོམ། |
| ཚང་རུས |
ཚང་རའི་རུས་པ། |
| ཚང་ལེན་པ |
མོ་ཁྱིའི་བུ་སྣོད་འདོན་པ། |
| ཚང་ལོག |
1.སླར་ཡང་རང་གི་ཚང་དུ་ལོག་པ་སྟེ། (དཔེར་ན།) རི་བོང་ཚང་ལོག་ཅེས་པ་ལྟ་བུ། 2.(ཡུལ་སྐད།) མི་རྒྱུ་ཚང་མ་མེད་པར་གྱུར་པ། |
| ཚང་སྐྱེས |
(མངོན་བརྗོད།) བྱ་སྤྱིའི་མིང༌། |
| ཚང་སྒམ |
ཚང་རའི་རུས་པ་དང་དཔྱི་རུས་འབྲེལ་བའི་ཁོག་པའི་མིང་། |
| ཚངས |
1.གོས་གདན་སོགས་ཀྱི་བར་དུ་བཞག་པའི་བལ་སོགས་ཀྱི་མིང་། (དཔེར་ན།) སྔས་ཀྱི་ནང་ཚངས། ཉལ་ཐུལ་གྱི་བར་ཚངས་ཞེས་པ་ལྟ་བུ། 2.(རྒྱན་ཚིག) གཙང་མའི་དོན་ཏེ། (དཔེར་ན།) སྤྱོད་པ་གཙང་མ་ལ་ཚངས་སྤྱོད་ཟེར་བ་ལྟ་བུ། |
| ཚངས་ཆེན |
བསམ་གཏན་དང་པོའི་གནས་རིས་གསུམ་པའམ་གོང་མ་ལུས་བཟང་ཞིང་དགེ་རྩ་དང་མཐུ་སྟོབས་སོགས་ཚངས་པའི་གནས་འོག་མ་གཉིས་ལས་ཆེ་བས་ཚངས་པ་ཆེན་པོའོ། ། |
| ཚངས་ཐིག |
ཐིག་གདབ་སྐབས་གནས་ངེས་ཅན་ཞིག་ལྟེ་བ་བྱས་ནས་ཐོག་མར་བཏབ་པའི་དྲང་ཐིག་གམ་དབུས་ཐིག་གི་མིང་། |
| ཚངས་ཐིག་ཟུར་ཐུག |
ཕྱོགས་མཚམས་བརྒྱད་མཚོན་བྱེད་ཀྱི་ཐིག་སྟེ། དུས་འཁོར་ལུགས་ལ་ལྷོ་གླིང་དབུས་མའི་ཚངས་ཐིག་རྒྱ་གར་རྡོ་རྗེ་གདན་གྱི་སྟེང་ཡིན་ཞིང༌། རང་ཅག་གནས་པའི་ས་ཚིགས་འདི་ནི་ལྷོ་གླིང་ཤར་མའི་ཚངས་ཐིག་ནས་ཁྱིམ་ཞག་བདུན་འདས་པའི་ས་ཚིགས་ཡིན། |
| ཚངས་ཐུག |
ལྷ་ཁང་སོགས་ཀྱི་ཐོག་ཏུ་འཛུགས་རྒྱུའི་ཐུག་དཀར་པོ། |
| ཚངས་དབང |
ལྷ་ཚངས་པ་དང་བརྒྱ་བྱིན། |
| ཚངས་དབང་སྲས་པོ |
(མངོན་བརྗོད།) མེ་ལྷ། |
| ཚངས་དབྱངས |
སྙན་ཞིང་བརྗིད་པའི་མཆོག་ཏུ་གྱུར་པ་སྟེ། (དཔེར་ན།) ལྷ་ཚངས་པའི་སྒྲ་དབྱངས། ཚངས་དབྱངས་སྙན་པའི་གདངས་ཀྱང་ཟིལ་གྱིས་གནོན་ཞེས་པ་ལྟ་བུ། |
| ཚངས་དབྱངས་རྒྱ་མཚོ |
༸གོང་ས་ཏཱ་ལའི་བླ་མ་སྐུ་ཕྲེང་དྲུག་པ། རབ་བྱུང་བཅུ་གཅིག་པའི་ཆུ་ཕག་ལོར་མོན་ཡུལ་ལ་འཁྲུངས་ཤིང་། རབ་བྱུང་བཅུ་གཉིས་པའི་མེ་གླང་ལོར་གསེར་ཁྲིར་བཀོད་ཅིང༌། མེ་ཁྱི་ལོར་པེ་ཅིན་དུ་བཅར་དགོས་བྱུང་བས་མཚོ་སྔོན་པོའི་རྒྱུད་ལ་འབྱོར་མཚམས་གློ་བུར་དུ་འདས་སོང་སྐད། ཁོང་གིས་བརྩམས་པའི་སྙན་ངག་ཤོ་ལོ་ཀ་དྲུག་ཅུ་རེ་གཉིས་ཡོད་པའི་<<ཚངས་དབྱངས་རྒྱ་མཚོའི་མགུར་གླུ།>> ཞེས་པ་གྲགས་ཅན་ཞིག་ཡོད། |
| ཚངས་པ |
བྲམ་ཟེའི་ཆོས་ལུགས་ཀྱི་ལྷ་ཞིག་གི་མིང་། |
| ཚངས་པ་ཀུན་འཁོར་གྱི་ལྷ |
ཚངས་པ་བདུན་ན་འདོན་དང་དོན་གཅིག |
| ཚངས་པ་ཆེན་པོ |
1.ཚངས་པའི་རྒྱལ་པོ་ལྟ་བུའི་བསམ་གཏན་དང་པོའི་གནས་རིས་ཤིག 2.ལྷ་རིས་ཚངས་པ་ཆེན་པོའི་གཙོ་བོ་སྟེ་མི་མཇེད་ཀྱི་བདག་པོ་གདོང་བཞི་ཅན། |
| ཚངས་པ་དུང་གི་འཁོར་ལོ |
སྲོག་རྩ་ལས་བརྒྱུད་པའི་རྩ་ནག་གཉིས་དང་སྙིང་ནས་བརྒྱུད་པའི་གཉིས་ལོག་གཉིས་བཅས་རྩ་བཞི་སྤྱི་བོ་ཚངས་པའི་བུ་གའི་གནས་སུ་ཚོགས་པ་ལ་ཟེར། |
| ཚངས་པ་བ |
སྔར་རྒྱ་གར་དུ་དར་བའི་གྲུབ་མཐའ་སྨྲ་བ་ཞིག འདིས་སྣོད་བཅུད་ཀྱི་འཇིག་རྟེན་ཐམས་ཅད་ཚངས་པས་བྱས་པར་འདོད། |
| ཚངས་པ་མདུན་ན་འདོན |
བསམ་གཏན་དང་པོའི་གནས་རིས་གཉིས་པའམ་བར་མ་ཚངས་པ་ཆེན་པོའི་མདུན་ན་འདུག་ཅིང་རིམ་གྲོ་བྱེད་པའི་ཚིག་འདོན་པའི་ལྷའམ་གནས་སོ། ། |
| ཚངས་པ་རླུང་གནོན་ལྷ་ཁང |
སྲོང་བཙན་སྒམ་པོའི་སྐབས་བཏབ་པ་སྙེ་ཐང་ས་ཁུལ་དུ་ཡོད་པ་རུ་གནོན་གཙུག་ལག་ཁང་བཞིའི་ཡ་གྱལ་ཞིག |
| ཚངས་པ་ལྷའི་མེ་ཏོག |
1.སྔོ་ཞིག 2.ཆོས་རྒྱལ་ཁྲི་སྲོང་ལྡེའུ་བཙན་གྱི་མཚན་གྱི་བྱེ་བྲག་ཅིག |
| ཚངས་པའི་གནས་པ་བཞི |
འཇིག་རྟེན་ལམ་གྱི་ངོ་བོར་གྱུར་པའི་བྱམས་པ་དང༌། སྙིང་རྗེ་དང༌། དགའ་བ་དང༌། བཏང་སྙོམས་བཅས་བཞི་འདི་བཞི་བསྒོམས་པས་ཚངས་པའི་འཇིག་རྟེན་གྱི་བདེ་འབྲས་ཐོབ་པར་བྱེད་ཅིང༌། ཚངས་པ་ཆེན་པོའང་འདི་བཞི་ལ་རྟག་ཏུ་གནས་པས་ཚངས་པའི་གནས་པ་བཞི་ཞེས་བྱའོ། ། |
| ཚངས་པའི་ཐེག་པ |
མངོན་མཐོའི་ཐེག་པའི་བྱེ་བྲག་ཅིག་ཁམས་གོང་མའི་ལམ་ལ་བགྲོད་པར་བྱེད་པའི་ལམ་མོ། ། |
| ཚངས་པའི་དབྱངས་ཀྱི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ལ་དམ་པའི་ཆོས་གོ་བར་བྱས་པས་ཚངས་པའི་དབྱངས། |
| ཚངས་པའི་བུ |
(མངོན་བརྗོད།) 1>དུག་རིགས་སྤྱི། 2>བྲམ་ཟེ། |
| ཚངས་པའི་བུ་ག |
སྤྱི་བོ་ཚངས་པའི་བུ་ག་སྤྱི་བོའི་གཙུག་གི་སྐྲ་འཁྱིལ་ཡོད་ས་དེའི་མིང་གི་རྣམ་གྲངས་ཤིག |
| ཚངས་པའི་མེ |
ལུས་ཀྱི་ལྟེ་བའི་མེ། |
| ཚངས་པའི་ཚུལ |
ཚངས་པ་མྱང་འདས་དང༌། དེ་ཐོབ་པའི་ཐབས་ཚུལ་ལམ་དགེ་སྦྱོང་གི་ཚུལ་བར་ཆད་མེད་ལམ་མོ། ། |
| ཚངས་པའི་འཁོར |
ཚངས་པ་མདུན་ན་འདོན་དང་ཚངས་རིས་གཉིས་ཀྱི་སྤྱིའི་མིང༌། |
| ཚངས་པའི་འཁོར་ལོ |
1.ལྷ་ཚངས་པའི་ཕྱག་མཚན། 2.སངས་རྒྱས་ཀྱི་ཆོས་འཁོར། |
| ཚངས་པའི་འཇིག་རྟེན |
བསམ་གཏན་དང་པོ་མན་ཆད་ཀྱི་འཇིག་རྟེན་ཁམས་ཐམས་ཅད། |
| ཚངས་པའི་རྟ |
(མངོན་བརྗོད།) ཉི་མ། |
| ཚངས་པའི་ཤིང |
1.ཤིང་ཞིག 2.རྒྱ་གར་གྱི་སྲིན་ཤིང༌། |
| ཚངས་པའི་སྙིང་པོ |
(མངོན་བརྗོད།) ལ་ལ་ཕུད། |
| ཚངས་པའི་སྲས་མོ |
(མངོན་བརྗོད།) དབྱངས་ཅན་མ། |
| ཚངས་པར་མཚུངས |
(མངོན་བརྗོད།) མིང་སྲིང༌། |
| ཚངས་བཅོམ |
(མངོན་བརྗོད།) འདོད་ལྷ། |
| ཚངས་བུག |
ཚངས་པའི་བུ་ག་དང་འདྲ། |
| ཚངས་བྱུང |
(མངོན་བརྗོད།) བྲམ་ཟེ། |
| ཚངས་མ |
1.གྲོང་པའི་ཆོས་ཀྱིས་མ་གོས་པའི་བུད་མེད་གཙང་མ། 2.སྦྲང་བུ། 3.འཇིག་རྟེན་པས་མཆོད་པའི་ལྷ་ཚངས་པའི་ཡུམ། |
| ཚངས་རིགས |
(མངོན་བརྗོད།) བྲམ་ཟེ། |
| ཚངས་རིས |
བསམ་གཏན་དང་པོའི་གནས་རིས་ཀྱི་འོག་མ་སྡིག་པས་ཚངས་ཤིང་ཚངས་གནས་བཞི་ལ་གནས་པ་དང༌། ཚངས་པ་ཆེན་པོའི་འཁོར་དང་སྡེ་རིས་སྐྱེས་པའི་གནས། |
| ཚངས་ལྷ་ཉེ་ཕན |
ཚངས་པ་མདུན་ན་འདོན་དང་དོན་གཅིག |
| ཚངས་སྐུད |
གསང་སྔགས་མ་རྒྱུད་ཀྱི་རྒྱན་ཆའི་གྲས་ཤིག |
| ཚངས་སྐུད་མགུལ |
(མངོན་བརྗོད།) བྲམ་ཟེ། |
| ཚངས་སྐྱེས |
(མངོན་བརྗོད།) 1>གཟའ་སྤེན་པ། 2>བྱ། 3>བྲམ་ཟེ། 4>བདུད་ཀྱི་བུ། |
| ཚངས་སྤོང |
བདུད་ཀྱི་བུ། |
| ཚངས་སྤྱོད |
1.ཚངས་པར་སྤྱོད་པ་ཚུལ་ཁྲིམས་ཀྱི་སྤྱོད་པའམ་ཀུན་སྤྱོད་གཙང་མ། 2.(མངོན་བརྗོད།) དགེ་སློང༌། |
| ཚངས་སྤྱོད་ཉེར་གནས་ཀྱི་སྡོམ་པ |
དགེ་སློང་མའི་སྡོམ་པ་དངོས་མ་བླངས་སྔོན་ལ་འབོག་པའི་སྡོམ་པ་ཞིག་དགེ་སློབ་མའི་སྡོམ་པ་དང་རྫས་རིགས་གཅིག་པ་བར་མའི་ཚུལ་ཁྲིམས་སོ།། |
| ཚངས་སྤྱོད་དགེ་བསྙེན |
ཇི་སྲིད་འཚོའི་བར་དུ་ཚངས་པར་སྤྱོད་པའི་གཞི་དག་ཡོངས་སུ་བླངས་ནས་མི་ཚངས་སྤྱོད་སྤོང་བའི་དགེ་བསྙེན། |
| ཚངས་སྤྱོད་ལྡན |
(མངོན་བརྗོད།) 1>སྡོམ་བརྩོན་པ། 2>གཞོན་ནུ་ཀརྟི་ཀ་སྟེ་གཞོན་ནུ་གདོང་དྲུག |
| ཚད |
1.ལས་ཚིག་ད་ལྟ་བའི་མཐར་སྦྱར་ན་ཚད་གྲངས་ངེས་ཅན་གྱི་མིང་། (དཔེར་ན།) འཐུང་ཚད། ཟ་ཚད། རྒྱུག་ཚད་ཅེས་པ་ལྟ་བུ། 2.ལས་ཚིག་འདས་པའི་མཐར་སྦྱར་ན་གཅིག་ཀྱང་མ་ལུས་པའི་དོན་ཏེ། (དཔེར་ན།) ལུ་གུ་སྐྱེས་ཚད། གསོན་ཆེ་ཕྱུགས་ཡོད་ཚད་ལ་འགོག་སྨན་བརྒྱབ་ལྟ་བུ། 3.ཚད་གཞིའི་མིང་། (དཔེར་ན།) གཟུགས་ཁྲུ་ཚད་ལོངས། རིང་ཚད་ཁྲུ་གསུམ། ཡོན་ཚད་ཧ་ཅང་མཐོ། འཕྲུལ་འཁོར་གྱི་ལྷུ་ཚད་ལྡན་ཞེས་པ་ལྟ་བུ།4.ཚད་པ་ཞེས་པའི་ཚིག་བསྡུས་པ། |
| ཚད་ཁྲ |
ཨང་གྲངས་ཀྱི་རི་མོ་སྟེ། (དཔེར་ན།) གཟའ་ཉི་ཚད་ཁྲ་ཁ་བྱང་བཅས་ཚེས་ཁོངས་དེ་ཀ་ཉིད་དུ་འགོད་པ་ལྟ་བུ། |
| ཚད་གདུགས |
ཚད་པ་སྐྱོབ་པའི་ཉི་གདུགས། |
| ཚད་གདུང |
ཚད་པས་མནར་བའི་སྡུག་བསྔལ་ཏེ། (དཔེར་ན།) ལུས་ཚད་གདུང་དྲག་པོས་གཟིར་བ་ལྟ་བུ། |
| ཚད་གཞི |
ཆ་ཚད་ཀྱི་གཞི་མ་སྟེ། (དཔེར་ན།) བྱ་བ་གང་བྱས་ཀྱང་ཚད་གཞི་ངེས་ཅན་ཞིག་དགོས། སྤུས་ཀའི་ཚད་གཞི་ཞེས་པ་ལྟ་བུ། |
| ཚད་ཐུབ |
ཚད་མར་འཇོག་འོས་པ་སྟེ། (དཔེར་ན།) མི་ཚད་ཐུབ་པ། ལས་ཀ་ཚད་ཐུབ། དངོས་པོ་ཚད་ཐུབ། ཡིག་ཆ་ཚད་ཐུབ་ཅེས་པ་ལྟ་བུ། |
| ཚད་དགུང |
དབྱར་ཚད་ཀྱི་དཀྱིལ། |
| ཚད་དཔོག |
ཚད་ཇི་ཡོད་ཤེས་ཐབས་བྱེད་པའི་དོན་ཏེ། (དཔེར་ན།) རྒྱ་མཚོའི་གཏིང་ཚད་དཔོག་པར་དཀའ་ཞེས་པ་ལྟ་བུ། |
| ཚད་དུག |
ཚ་བའི་ནད་ཀྱིས་ལུས་མྱོས་ཤིང་ཤེས་པ་ཟ་ཟིར་འགྱུར་བའི་ནད་དུག་ཅིག (དཔེར་ན།) ནད་པ་འདི་ཚད་དུག་གིས་བཟི་བསྡད་འདུག་ཅེས་པ་ལྟ་བུ། |
| ཚད་དྲོད |
1.ཚ་བའི་ནད་ཀྱི་དྲོད་ངད། 2.བློ་གདེང་ངམ་ཉམས་རྟོགས་ཀྱི་དོན་ཏེ། (དཔེར་ན།) བློ་འདྲི་གྲོས་བསྡུར་གྱི་སྒོ་ནས་ཁོ་པའི་བློ་ཕུགས་ཀྱི་ཚད་དྲོད་ཇི་འདུག་ཚོད་ལྟ་དགོས་ལྟ་བུ། |
| ཚད་ནད |
ཚད་པ་ཕོག་པའམ་ཚད་པ་རྒྱས་ནས་བྱུང་བའི་ན་ཚ། |
| ཚད་པ |
1.(བྱེད་མེད་ལས་ཚིག) སྡུར་བ་དང༌། རིང་ཐུང་སོགས་འཇལ་བའི་དོན་ཏེ། (དཔེར་ན།) རིང་ཐུང་འདོམ་ལ་ཚད་པ། ལྕི་ཡང་རྒྱ་མར་ཚད། མི་ངན་འདེའི་ཉེས་སྤྱོད་དེས་མི་ཚད་ཅེས་པ་ལྟ་བུ། 2.ཚ་བའམ་ཚ་དྲོད་ཀྱི་ངད་ཤུགས་ཏེ། (དཔེར་ན།) དབྱར་དུས་ཚད་པ་ཕོག་པ། རོང་གི་ས་ཆར་ཚད་པ་ཆེ། ཚད་པ་གསར་པ་བཅོས་སླ་ཞེས་པ་ལྟ་བུ། |
| ཚད་པ་ཞག་གཉིས་མ |
ཞག་གཉིས་ན་ནས་དྲག་འགྲོ་བའི་ཚད་པ་ཞིག |
| ཚད་བརྒལ |
འོས་པའི་མཚམས་ལས་བྲལ་བ་སྟེ། (དཔེར་ན།) སྨན་གྱི་ཐུན་ཚད་བརྒལ་ནས་མ་གཏོང༌། ཨ་རག་འཐུང་ཚད་བརྒལ་བས་རོ་ལྟར་བཟི་བ། སྔོན་བཟོས་འབོར་ཚད་ལས་བརྒལ་ཏེ་ལས་འགན་འགྲུབ་པ་ལྟ་བུ། |
| ཚད་བྲལ |
1.ཚད་འདས་དང་མཚུངས། 2.ཐབས་མེད་དང་ཀ་མེད་ཀྱི་དོན་ཏེ། (དཔེར་ན།) ཁྱེད་རང་གིས་བཀའ་མངགས་གནང་བ་ལྟར་དམ་དོན་མ་ཞུས་ཚད་བྲལ་རེད་ཅེས་པ་ལྟ་བུ། |
| ཚད་མ |
1.བདེན་པའམ་མི་བསླུ་བའི་དོན་ཏེ། (དཔེར་ན།) སྨྲས་པ་ཚར་མར་བཟུང་བ་ལྟ་བུ། 2.རང་ཡུལ་ལ་མི་བསླུ་བའི་ཤེས་པ་སྟེ་རང་ཡུལ་གསར་དུ་རྟོགས་པའི་བློ་མངོན་སུམ་ཡང་དག་དང༌། རྗེས་དཔག་ཡང་དག་རྣམས་སོ། ། 1.རིག་གནས་ཆེ་བ་ལྔའི་ཡ་གྱལ། ཚད་མ་རིག་པའོ། ། |
| ཚད་མ་ཀུན་བཏུས |
ཚད་མ་ཀུན་ལས་བཏུས་པ་ཞེས་བྱ་བ། རྒྱ་གར་གྱི་སློབ་དཔོན་ཕྱོགས་ཀྱི་གླང་པོས་བརྩམས་པའི་རྟོག་གེའི་ཚིག་དོན་བརྒྱད་དང་ཁྱད་པར་དུ་ཡང་དག་པའི་ཤེས་པ་དོན་ཚན་དྲུག་ཏུ་བསྡུས་ནས་གཏན་ལ་འབེབས་པར་བྱེད་པ་མངོན་སུམ་གྱི་ལེའུ་དང༌། རང་དོན་གྱི་ལེའུ་དང༌། སེལ་བ་བརྟག་པ་དང༌། གཞན་དོན་ལེའུ་དང༌། དཔེ་བརྟག་པ་དང༌། སུན་འབྱིན་བརྟག་པ་བཅས་ལེའུ་དྲུག་གི་བདག་ཉིད་ཅན་གྱི་ཚད་མའི་གཞུང་ཞིག་གོ། ། |
| ཚད་མ་གཉིས |
མངོན་སུམ་ཚད་མ་དང་རྗེས་དཔག་ཚད་མ་གཉིས། |
| ཚད་མ་གསུམ |
མངོན་སུམ་ཚད་མ་དང་རྗེས་དཔག་ཚད་མ། ལུང་གི་ཚད་མ་བཅས་སོ། ། |
| ཚད་མ་པ |
ཚད་མའི་གཞུང་ལྟ་མཁན། |
| ཚད་མ་བཞི |
མངོན་སུམ་ཚད་མ་དང༌། རྗེས་དཔག་ཚད་མ། ལུང་ཚད་མ། དཔེ་ཉེར་འཇལ་གྱི་ཚད་མ་སྟེ་བཞི། |
| ཚད་མ་བརྟག་པ་ཆུང་བ |
རྒྱ་གར་གྱི་སློབ་དཔོན་ཆོས་མཆོག་གིས་བརྩམས་པའི་ཚད་མའི་གཞུང་ཞིག |
| ཚད་མ་བརྟག་པ་ཆེ་བ |
རྒྱ་གར་གྱི་སློབ་དཔོན་ཆོས་མཆོག་གིས་བརྩམས་པའི་ཚད་མའི་གཞུང་ཞིག |
| ཚད་མ་ཚིག་དོན་རབ་གསལ |
བུ་སྟོན་གྱིས་མཛད་པའི་ཚད་མའི་གཞུང་ཞིག |
| ཚད་མ་རིག་པ |
གཏན་ཚིགས་རིག་པ་སྟེ་རིག་གནས་ཆེ་བ་ལྔའི་ཡ་གྱལ། དོན་གྱི་གནས་ལ་འཁྲུལ་བ་ཚར་གཅོད་པར་བྱེད་པ། གཞལ་བྱ་ཡུལ་དང༌། འཇལ་བྱེད་ཡུལ་ཅན་དང༌། དེ་རྟོགས་བྱེད་ཀྱི་ཐབས་བཅས་ཞིབ་མོར་གཏན་ལ་འབེབས་པར་བྱེད་པའི་རིག་པའོ། ། |
| ཚད་མ་རིགས་གཏེར |
ཚད་མ་རིག་པའི་གཏེར་ཞེས་བྱ་བ། ཚད་མ་སྡེ་བདུན་གྱི་དགོངས་པ་རྣམས་ཕྱོགས་གཅིག་ཏུ་བསྒྲིགས་ཏེ་ཤེས་བྱ་སྤྱི་སློག་ནས་གཏན་ལ་ཕབ་པ་དང་ཤེས་བྱེད་ཚད་མའི་རང་བཞིན་ངེས་པར་བྱ་བ་གཉིས་ཀྱིས་བསྟན་ཅིང༌། ཡུལ་བརྟགས་པ། བློ་བརྟགས་པ། སྤྱི་དང་བྱེ་བྲག་བརྟགས་པ། སྣང་སེལ་བརྟགས་པ། བརྗོད་བྱ་དང་རྗོད་བྱེད་རྟགས་པ། འབྲེལ་བ་བརྟགས་པ། འགལ་བ་བྲགས་པ། མཚན་ཉིད་བརྟགས་པ། མངོན་སུམ་བརྟགས་པ། རང་དོན་རྗེས་དཔག་གཞན་དོན་རྗེས་དཔག་སྟེ་རབ་བྱེད་བཅུ་གཅིག་ཅན་གྱི་གཞུང་འདི། དུས་རབས་བཅུ་གསུམ་པར་ས་སྐྱ་པཎྜི་ཏ་ཀུན་དགའ་རྒྱལ་མཚན་གྱིས་མཛད་པའོ། ། |
| ཚད་མ་རིགས་ཐིགས |
ཚད་མ་རིགས་པའི་ཐིགས་པ་ཞེས་བྱ་བའི་རབ་ཏུ་བྱེད་པ། མངོན་སུམ་དང༌། རང་གི་དོན་རྗེས་སུ་དཔག་པ་དང༌། གཞན་དོན་རྗེས་སུ་དཔག་པ་བཅས་ལེའུ་གསུམ་གྱི་བདག་ཉིད་ཅན། སློབ་དཔོན་ཆོས་ཀྱི་གྲགས་པས་བརྩམས་པའི་ཚད་མ་སྡེ་བདུན་གྱི་ཡ་གྱལ། རྩ་བ་ལུས་ལྟ་བུའི་བསྟན་བཅོས་རྒྱས་འབྲིང་བསྡུས་གསུམ་གྱི་ནང་ནས་བསྡུས་པའོ། ། |
| ཚད་མ་རིགས་རྒྱན |
རྗེས་དགེ་འདུན་གྲུབ་ཀྱིས་མཛད་པའི་ཚད་མ་རྣམ་འགྲེལ་གྱི་སྤྱི་དོན་ཞིག |
| ཚད་མ་རྣམ་ངེས |
ཚད་མ་རྣམ་པར་ངེས་པ་ཞེས་པ། མངོན་སུམ། རང་དོན་དང༌། གཞན་དོན་བཅས་ལེའུ་གསུམ་གྱི་བདག་ཉིད་ཅན། སློབ་དཔོན་ཆོས་ཀྱི་གྲགས་པས་མཛད་པའི་ཚད་མ་སྡེ་བདུན་གྱི་ཡ་གྱལ། རྩ་བ་ལུས་ལྟ་བུའི་བསྟན་བཅོས་རྒྱས་འབྲིང་བསྡུས་གསུམ་གྱི་ནང་ནས་འབྲིང་བའོ། ། |
| ཚད་མ་རྣམ་པར་ངེས་པའི་འགྲེལ་བཤད |
རྒྱ་གར་གྱི་སློབ་དཔོན་ཡེ་ཤེས་དཔལ་བཟང་པོས་བརྩམས་པ་དང་ཆོས་མཆོག་གིས་བརྩམས་པ་གཉིས་ཡོད། |
| ཚད་མ་རྣམ་འགྲེལ |
ཚད་མ་རྣམ་འགྲེལ་གྱི་ཚིག་ལེའུར་བྱས་པ་ཞེས་བྱ་བ། རང་དོན་གྱི་ལེའུ་དང༌། ཚད་མ་གྲུབ་པའི་ལེའུ་དང༌། མངོན་སུམ་གྱི་ལེའུ་དང༌། གཞན་དོན་ལེའུ་བཅས་ལེའུ་བཅས་ལེའུ་བཞིའི་བདག་ཉིད་ཅན། རྒྱ་གར་གྱི་སློབ་དཔོན་དཔལ་ཆོས་ཀྱི་གྲགས་པས་བརྩམས་པའི་ཚད་མའི་གཞུང་རྒྱས་པ་ཞིག་ཚད་མ་སྡེ་བདུན་ལས་རྩ་བ་ལུས་ལྟ་བུའི་བསྟན་བཅོས་གསུམ་གྱི་གྲས་ཤིག |
| ཚད་མ་རྣམ་འགྲེལ་གྱི་རྒྱན |
རྒྱ་གར་གྱི་སློབ་དཔོན་ཤེས་རབ་འབྱུང་གནས་ཀྱིས་བརྩམ་པ། |
| ཚད་མ་རྣམ་འགྲེལ་གྱི་རྒྱན་གྱི་འགྲེལ་བཤད |
རྒྱ་གར་གྱི་སློབ་དཔོན་རྒྱལ་བ་ཅན་གྱིས་བརྩམས་པ། |
| ཚད་མ་རྣམ་འགྲེལ་རང་འགྲེལ |
དཔལ་ལྡན་ཆོས་གྲགས་ཀྱིས་བརྩམས་པའི་ཚད་མ་རྣམ་འགྲེལ་རང་འགྲེལ། |
| ཚད་མ་སྡེ་བདུན |
རྒྱ་གར་གྱི་སློབ་དཔོན་ཆོས་ཀྱི་གྲགས་པས་བརྩམས་པའི་རྒྱས་པའི་བསྟན་བཅོས་ཚད་མ་རྣམ་འགྲེལ། འབྲིང་ཚད་མ་རྣམ་ངེས། བསྡུས་པ་ཚད་མ་རིགས་ཐིགས་ཏེ་རྩ་བ་ལུས་ལྟ་བུའི་བསྟན་བཅོས་གསུམ། གཏན་ཚིགས་ཐིགས་པ། འབྲེལ་བ་བརྟག་པ། རྒྱུད་གཞན་སྒྲུབ་པ། རྩོད་པའི་རིགས་པ་སྟེ་འཕྲོས་པ་ཡན་ལག་ལྟ་བུའི་བསྟན་བཅོས་བཞི་བཅས་སོ། ། |
| ཚད་མཁྲིས |
ཚད་པ་དང་མཁྲིས་པ་བསྡོངས་པའི་ནད་ཅིག |
| ཚད་མཇུག |
ཚད་ནད་ཕལ་ཆེར་དྲག་པའི་མཇུག་སྟེ། (དཔེར་ན།) ཚད་མཇུག་རྒྱས་ན་འཆི་ཉེན་ཡོད་ཅེས་པ་ལྟ་བུ། |
| ཚད་མཐུན |
དཔེ་ཚད་དང་མཚུངས་པ་སྟེ། (དཔེར་ན།) གཟུགས་པོའི་ཚད་མཐུན་གྱི་གྱོན་གོས་ཤིག་བདམས་ཞེས་པ་ལྟ་བུ། |
| ཚད་མའི་འགལ་ཟླ་གསུམ |
མ་རྟོགས་པ་དང༌། ལོག་རྟོག་ཐེ་ཚོམ་སྟེ་གསུམ། |
| ཚད་མའི་རིགས་པ |
འཐད་པ་སྒྲུབ་པ་སྟེ། དོན་ལ་མི་བསླུ་བར་སྒྲུབ་པའི་རིགས་པ་དེ་ལ་མངོན་སུམ་གྱི་ཚད་མ་དང༌། རྗེས་དཔག་གི་ཚད་མ་དང༌། ལུང་གི་ཚད་མ་བཅས་གསུམ་ཡོད། |
| ཚད་མའི་སྐྱེས་བུ |
ཀུན་གྱིས་ཚད་མར་གཟུང་བའི་གང་ཟག |
| ཚད་མས་གནོད་འགལ |
རང་དངོས་སུ་རྟོགས་པའི་ཚད་མ་དེས་དེ་དང་འགལ་ཟླར་གྱུར་པའི་བློ་ལ་གནོད་པ་ཅན་གྱི་འགལ་བ། དཔེར་ན། བྱས་རྟག་གཉིས་ལྟ་བུ་གཞི་སྒྲ་དེ་བྱས་པ་ཡིན་པར་རྟོགས་པའི་བློས་སྒྲ་མི་རྟག་པར་རྟོགས་པའི་བློ་སྐྱེད་ཅིང༌། སྒྲ་མི་རྟག་པར་རྟོགས་པའི་བློས་སྒྲ་རྟག་འཛིན་ལ་གནོད་པ་ཕན་ཚུན་སྤངས་འགལ་གྱི་ཚད་མས་གནོད་འགལ་དང༌། དུ་བ་དང་གྲང་རེག་གཉིས་ལྟ་བུ། མེ་ཡོད་པར་ངེས་པའི་ཚད་མས་གཞི་དེར་གྲང་བ་སེལ་བར་ངེས་པའི་ཚད་མ་འདྲེན་པས་གྲང་རེག་ཡོད་པར་འཛིན་པ་ལ་གནོད་པ་ལྷན་ཅིག་མི་གནས་འགལ་གྱི་ཚད་མས་གནོད་འགལ་ཡིན་ནོ། ། |
| ཚད་མིན་གྱི་བློ |
ཚད་མིན་གྱི་ཤེས་པ་སྟེ། (དཔེར་ན།) རང་ཡུལ་གསར་དུ་རྟོགས་པ་མ་ཡིན་པའི་བློ་བཅད་ཤེས་དང༌། ཡིད་དཔྱོད་སོགས་མངོན་རྗེས་ཚད་མ་གཉིས་མ་གཏོགས་པའི་བློ་རིག་གཞན་ལྔ་པོའོ། ། |
| ཚད་མིན་གྱི་ཤེས་པ་ལྔ |
བཅད་ཤེས་དང༌། ལོག་ཤེས། ཐེ་ཚོམ། ཡིད་དཔྱོད། སྣང་ལ་མ་ངེས་པའི་བློ་རྣམས་སོ། ། |
| ཚད་མེད |
གྲངས་དང་རྒྱ་ཁྱོན་སོགས་གཞལ་དུ་མེད་པ་སྟེ། (དཔེར་ན།) དམིགས་པ་སེམས་ཅན་ཚད་མེད་པར་དམིགས་ཤིང༌། འབྲས་བུ་ཕན་ཡོན་ཚད་མེད་པ་བྱུང་བ། དཔལ་ཡོན་ཏན་ཚད་མེད་བརྗོད་ཀྱིས་མི་ལང་བ་ལྟ་བུ། |
| ཚད་མེད་གྲངས་མེད |
མཐའ་ཡས་པ་སྟེ། (དཔེར་ན།) རྒྱ་མཚོའི་ནང་དུ་སྲོག་ཆགས་ཆེ་ཆུང་ཚད་མེད་གྲངས་མེད་ཡོད་ཅེས་པ་ལྟ་བུ། |
| ཚད་མེད་དགེ |
བསམ་གཏན་གསུམ་པའི་གནས་རིས་བར་མ་གནས་འདིར་སྐྱེས་པའི་ལྷའི་བདེ་བ་འདི་ཙམ་མོ་ཞེས་ཚད་དུ་གཟུང་དུ་མེད་པས་ཚད་མེད་དགེ་ཞེས་བྱའོ། ། |
| ཚད་མེད་བཞི |
ཐེག་ཆེན་པས་སེམས་ཅན་ཚད་མེད་པར་དམིགས་ནས་བསྒོམས་ཏེ་བསོད་ནམས་ཚད་མེད་པ་འཕེན་པར་བྱེད་པའི་སེམས་བཞི་བྱམས་པ་ཚད་མེད་དང༌། སྙིང་རྗེ་ཚད་མེད། དགའ་བ་ཚད་མེད། བཏང་སྙོམས་ཚད་མེད་བཅས་སོ། ། |
| ཚད་མེད་འོད |
བསམ་གཏན་གཉིས་པའི་གནས་རིས་བར་མ་གནས་འདིར་སྐྱེས་པའི་ལྷ་ནི་ལུས་ཀྱི་འོད་འདི་ཙམ་མོ་ཞེས་ཚད་དུ་གཟུང་དུ་མེད་པས་ཚད་མེད་འོད་ཀྱི་གནས་ཞེས་བྱའོ། ། |
| ཚད་མྱོས |
ཚད་པའི་ནད་ཀྱིས་མྱོས་པའམ་བཟི་བ་སྟེ། (དཔེར་ན།) ནད་པ་ཚད་མྱོས་ཀྱི་ཁ་ནས་གང་བྱུང་མང་བྱུང་བཤད་ཡོང༌ཞེས་པ་ལྟ་བུ། |
| ཚད་འཁྱོལ |
ཚད་ལོངས་པའམ་ཚད་དུ་སླེབས་པ། |
| ཚད་འཁྲུ |
ཡུལ་དྲོད་རླངས་ཆེ་བའི་སར་ཆུ་མང་པོ་བཏུངས་པ་སོགས་ཀྱིས་རྐྱེན་བྱས་ནས་མཆིན་ཚད་སྐྱེས་ཏེ་ལུས་ཀྱི་ཆུ་ཁམས་ཐུར་དུ་བསྐྱོད་པའི་འཁྲུ་ནད་ཅིག |
| ཚད་འཐིབས |
ཚ་དྲོད་རྒྱས་ཏེ་ཁམས་མི་གསལ་བར་གྱུར་པ་སྟེ། (དཔེར་ན།) ནམ་ཟླའི་ཚ་དྲོད་ཀྱིས་རྐྱེན་པས་རིག་པ་ཚད་འཐིབས་ཉོག་པོར་གྱུར་ལྟ་བུ། |
| ཚད་འཐུམས |
ཚ་དྲོད་ཧ་ཅང་ཆེས་པས་ཤེས་པ་བཟི་འཐོམས་ལྟར་གྱུར་པ་སྟེ། (དཔེར་ན།) ནད་པའི་དབང་ཤེས་ཚང་མ་ཚད་འཐུམས་ཀྱིས་དྲན་པ་ཉམས་པ་ལྟ་བུ། |
| ཚད་འདས |
གྲངས་དང་ཁྱོན་འབོར་སོགས་ཀྱི་ཚད་གཞི་ལས་བརྒལ་བ་སྟེ། (དཔེར་ན།) མི་གྲངས་ཚད་འདས། ཁང་ཁྱིམ་ཚད་འདས། དངོས་ཟོག་ཚད་འདས། གཟུགས་བོངས་ཚད་འདས་ཞེས་པ་ལྟ་བུ། |
| ཚད་འདེབས་པ |
ཐིག་ཚད་ལེན་པ་སྟེ། (དཔེར་ན།) ལམ་ཐག་རིང་ལ་ལེ་དབར་གྱི་ཚད་འདེབས་པ་ལྟ་བུ། |
| ཚད་འབྲས |
ཚད་མའི་འབྲས་བུ་སྟེ། མྱོང་སྟོབས་དང་རྒྱུ་མཚན་ལ་བརྟེན་ནས་རང་ཡུལ་ལེགས་པར་རྟོགས་པའམ་མཐའ་ཆོད་པར་ངེས་པའི་ངེས་ཤེས་སྐྱེ་བ་སོགས་རྣམ་འཇོག་གི་རྒྱུ་ལ་བལྟོས་ནས་རྣམ་བཞག་གི་གྲུབ་འབྲས་འབྱུང་བའོ། ། |
| ཚད་འབྲས་གཞལ་གསུམ |
ཚད་འབྲས་ཀྱི་རྣམ་གཞག ཚད་མ་ནི་རྣམ་པར་འཇོག་བྱེད་ཀྱི་རྒྱུའམ་མཚན་ཉིད་དང༌། འབྲས་བུ་ནི་རྣམ་པར་གཞག་བྱའི་འབྲས་བུའམ་མཚོན་བྱ་དང༌། གཞལ་བྱ་ནི་ཚད་མ་དེ་ཡི་ཡུལ་ལ་བྱེད་པའོ། ། |
| ཚད་ཡངས་པ |
རྒྱ་ཁྱོན་གྱི་ཚད་གུ་ཡངས་པའམ་ཁ་རྒྱ་ཆེ་ཞིང་ཡངས་པ་སྟེ། (དཔེར་ན།) བྱང་ཐང་འབྲོག་ཁུལ་གྱི་ས་རྒྱ་ཆེ་ཞིང་ཚད་ཡངས་པ་ལྟ་བུ། |
| ཚད་ཡས |
གྲངས་གནས་ཤིག |
| ཚད་རིམས |
ཚ་བ་དང་འདྲེས་པའི་རིམས་ནད། |
| ཚད་རྒྱག་པ |
ཆ་ཚད་ཐིག་ཚད་ལེན་པ་སྟེ། (དཔེར་ན།) ས་ཆ་འདིའི་རིང་ཐུང་ཐིག་ཚད་ཅིག་རྒྱག་དགོས་ལྟ་བུ། |
| ཚད་རྙོག |
ཚད་པའམ། ཚ་དྲོད་ཀྱིས་གདུངས་པའི་ལུས་སེམས་བྱིང་ཞིང་རྙོག་པ་སྟེ། (དཔེར་ན།) ཚ་བའི་ལུང་པར་དབྱར་དུས་ཚད་རྙོག་བྱུང་སྐབས་རིག་པ་དྭངས་པོ་མི་ཡོང༌ལྟ་བུ། |
| ཚད་ལེན་པ |
ཆ་ཚད་ཐིག་ཚད་ལེན་པ་སྟེ། (དཔེར་ན།) ཨར་པོ་རྒྱག་ཡུལ་གྱི་ས་རྒྱ་ཆེ་ཆུང་ཚད་ལེན་པ། གྱོན་གོས་ཀྱི་ཚད་ལེན་པ་ལྟ་བུ། |
| ཚད་ལོན་པ |
1.ཚད་ཟིན་པ་སྟེ། (དཔེར་ན།) རས་ཆ་འདིས་གྱོན་ཆས་ཆ་ཚང་གཅིག་གི་ཚད་ལོན་པ་ལྟ་བུ། 2.གདེང་ཚོད་དཔོགས་པའི་དོན་ཏེ། དཔེར་ན།) ཁ་ནས་ཐོན་པའི་ཚིག་ཤུགས་དེས་ཁོའི་བསམ་ཚུལ་གྱི་ཚད་ལོན་པ་རེད་ཅེས་པ་ལྟ་བུ། |
| ཚད་ལྡང |
ཚད་ལོངས་པ་སྟེ། (དཔེར་ན།) རས་ཁྲེ་རྩེ་བརྒྱད་ཀྱིས་ཕྲུ་གུ་གཅིག་གི་སྟོད་ཐུང་གོས་ཐུང་གི་ཚད་ལྡང་བ་ལྟ་བུ། |
| ཚད་ལྡན |
ཚད་དང་ལྡན་པའམ་ཚུལ་དང་ལྡན་པ་སྟེ། (དཔེར་ན།) དཔུང་སྡེ་ཚད་ལྡན། འཕྲུལ་འཁོར་ཚད་ལྡན། ལག་བཟོ་ཚད་ལྡན། སྐད་ཆ་ཚད་ལྡན། མི་སྣ་ཚད་ལྡན་ཞེས་པ་ལྟ་བུ། |
| ཚད་ཤིང |
ཚད་རྒྱག་བྱེད་ཀྱི་ཤིང་སྟེ་ཐིག་ཤིང༌། |
| ཚད་སྐམ |
འཇིམ་བཟོ་བའི་ཡོ་བྱད་ཅིག |
| ཚད་སྐྱེས |
(མངོན་བརྗོད།) ལུས་རྔུལ། |
| ཚད་སྐྱོབ |
(མངོན་བརྗོད།) ཚད་པ་སྐྱོབ་བྱེད་ཉི་གདུགས་བསིལ་ཡབ་སོགས། |
| ཚད་སྡུར |
འགྲན་སྡུར་རམ་གོ་སྡུར་ཏེ། (དཔེར་ན།) སྤུས་ཀ་ཡག་ཉེས་ཀྱི་རིམ་པ་ཚད་སྡུར་གཏན་འབེབས་བཟོ་བ། དཔེ་བཟང་ཚད་སྡུར་འདེམས་སྒྲུག་བྱེད་པ་ལྟ་བུ། |
| ཚད་སྨྱོ |
ཚ་བའི་ནད་ཀྱིས་སེམས་འཁྲུལ་བ་སྟེ། ཚད་སྨྱོ་ཐེབས་ནས་འཆོལ་བ། |
| ཚན |
1.རླབས་སམ་ཚད་ཀྱི་དོན་ཏེ། (དཔེར་ན།) ཁ་ཚན་ཆེན་པོ། བཞའ་ཚན། ལྟོ་ཆས་ཟ་ཚན། ཨ་རག་འཐུང་ཚན། ཤེད་ཚན་ཞེས་པ་ལྟ་བུ། 2.ཚན་པ་སྡེ་ཁག་དང་ཆ་ཤས་དུམ་བུ་སོགས་ཀྱི་མིང་། (དཔེར་ན།) སྡེ་ཚན། ལས་ཚན། ཚིག་ཚན་པ་གཅིག དངོས་རྫས་སྡེ་ཚན་མང་བོ། དཔེ་ཆ་ལེ་ཚན་གཅིག སྐད་ཆ་དོན་ཚན་གསུམ་ཞེས་པ་སོགས་ལྟ་བུ། |
| ཚན་ཁ |
ནུས་པའི་དོན་ཏེ། (དཔེར་ན།) འཕྲུལ་འཁོར་གྱི་ཚན་ཁ་ཤིན་ཏུ་ཆེ་བ། རྣམ་དཔྱོད་ཀྱི་ཚན་ཁ་ཆུང་བ། ཐབས་ཤེས་ཀྱི་ཚན་ཁ་ཆེ་བ་ལྟ་བུ། |
| ཚན་ཁག |
སྡེ་ཚན་གྱི་དོན་ཏེ། (དཔེར་ན།) ལས་གྲྭའི་ཚན་ཁག ལས་ཁུངས་ཀྱི་ཚན་ཁག ཚོང་ཟོག་གི་ཚན་ཁག་ཅེས་པ་ལྟ་བུ། |
| ཚན་གཅིག |
1.སྡེ་ཚན་གཅིག་གི་དོན་ཏེ། (དཔེར་ན།) གྲོང་པ་ཚན་གཅིག་ཅེས་པ་ལྟ་བུ། 2.འགའ་ཤས་ཀྱི་དོན་ཏེ། (དཔེར་ན།) འབྲོག་དུད་ཚན་གཅིག་ལ་ནོར་ཕྱུགས་གཏན་ནས་མི་འདུག་ཅེས་པ་ལྟ་བུ། |
| ཚན་གྲངས |
དངོས་སྣ་མང་པོའི་རྣམ་གྲངས་ཏེ། (དཔེར་ན།) དངོས་རིགས་ཚན་གྲངས་མང་པོ། ཚན་རིག་དཔྱད་གཞི་ཚན་གྲངས་མང་བ་ལྟ་བུ། |
| ཚན་ཆེ་བ |
གཏོས་ཆེ་བའམ་མང་པོ་ཡོད་པའི་དོན་ཏེ། (དཔེར་ན།) མི་ཚན་ཆེ་བ་ལྟ་བུ། |
| ཚན་དཀར |
སྔོ་ཞིག |
| ཚན་དཀར་དམན་པ |
སྔོ་ཞིག |
| ཚན་དམར |
སྲོ་ལོ་དམར་པོའི་མིང་གི་རྣམ་གྲངས་ཤིག |
| ཚན་དེ |
1.དྲོན་མོའི་དོན་ཏེ། (དཔེར་ན།) མར་ཁུ་ཚན་དེ། ཆུ་ཚན་དེ། 2.(མངོན་བརྗོད།) པི་པི་ལིང༌། |
| ཚན་པ |
1.དུམ་བུའི་དོན་ཏེ། (དཔེར་ན།) ལེ་ཚན། མི་རྣམས་ཚན་པ་བགོས་ནས་ལས་གྲྭར་གཏོང་དགོས་ལྟ་བུ། 2.(བརྡ་རྙིང་།) བཀྲུ་བ། |
| ཚན་པོ་ཆེ |
1.ཕོན་འབོར་ཆེན་པོའི་དོན་ཏེ། (དཔེར་ན།) སྐྱེ་བོ་ཚན་པོ་ཆེ་ཞེས་པ་ལྟ་བུ། 2.ཤེད་སྟོབས་ཆེན་པོའི་དོན་ཏེ། (དཔེར་ན།) གྱད་ཚན་པོ་ཆེའི་སྟོབས་དང་ལྡན་པ། ཧུར་སེམས་ཚན་པོ་ཆེ་བས་ལས་ཆོད་ཀྱང་ཆེན་པོ་ཡོད་ཅེས་པ་ལྟ་བུ། |
| ཚན་ཚན |
ཚན་པ་ཚན་པའམ། ཚན་ཁག་ཚན་ཁག་གི་དོན་ཏེ། (དཔེར་ན།) ཐོན་ཟོག་ཚན་ཚན་དུ་བཅད་པ། ཚོགས་ཆུང་ཚན་ཚན་དུ་འཚོགས་ནས་གྲོས་སྡུར་བྱེད་པ། དཔེ་ཆའི་ལེའུ་ཚན་ཚན་དུ་འཐོར་བ། མེ་ཏོག་ཆུན་པོ་ཚན་ཚན་དུ་བསྡམས་ལྟ་བུ། |
| ཚན་ཟླ |
སྤུན་ཟླ། |
| ཚན་རིག |
རང་བྱུང་ཁམས་དང་མིའི་རིགས་ཀྱི་སྤྱི་ཚོགས་ཀྱི་འདུ་ཤེས་སོགས་ཕྱི་རོལ་ཡུལ་གྱི་ཆོས་ཉིད་སྟོན་པའི་ཤེས་ཡོན་རྣམས་སྡེ་ཚན་སྡེ་ཚན་དུ་ཕྱེ་བའི་རིག་པའི་གནས་ཀྱི་མིང་། |
| ཚན་ཨའུ་ཙི |
སྔོ་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་སྙོམས། ནུས་པས་རྨ་འབྲུབ། སྐྲངས་པ་འཇོམས། |
| ཚབ |
(བྱེད་འབྲེལ་ལས་ཚིག) འཚོབ་པའི་འདས་པ། གཞན་གྱི་རྒྱུ་རྫས་གྱོང་གུད་དུ་བཏང་བའི་སྐྱིན་པ་བྱིན་པའི་དོན་ཏེ། (དཔེར་ན།) མི་དམངས་ཀྱི་རྒྱུ་རྫས་གྱོང་གུད་དུ་བཏང་བ་རྣམས་རིན་གོང་ལྟར་ཚབ་ལྟ་བུ། |
| ཚབ་པོ |
1.དངོས་པོ་གང་རུང་གི་རིན་དངུལ་མིན་པའི་ཚབ། 2.ངོ་ཚབ་སྟེ། (དཔེར་ན།) ཕྲན་རང་མི་ཁོམ་པས་ཚབ་པོ་ཞིག་བཏང་ཡོང༌ལྟ་བུ། |
| ཚབ་བི་ཚུབ་བི |
མི་བརྟན་པའི་དོན་ཏེ། (དཔེར་ན།) ལྷོད་ལྷོད་མིན་པར་བྲེལ་བ་ཚབ་ཚུབ་དེ་འདྲ་མ་བྱེད། ཁྱོད་ཚབ་བི་ཚུབ་བི་དེ་འདྲ་བྱེད་དོན་ཅི་ཡིན་ནམ་ཞེས་པ་ལྟ་བུ། |
| ཚབ་བྱེད་དངོས་རིགས |
དངོས་པོ་གཞན་ཞིག་གི་ཚབ་བྱེད་པའི་དངོས་རིགས། |
| ཚབ་བྱེད་མཁན |
ངོ་མའི་དོད་བྱེད་ཐུབ་པའི་མི་སྟེ། (དཔེར་ན།) ངའི་ཚབ་བྱེད་མཁན་ཁོ་ཡིན་ཞེས་པ་ལྟ་བུ། |
| ཚབ་མ |
ཚབ་པོ་དང་འདྲ། |
| ཚབ་ཚུབ |
1འཚབ་འཚུབ་ཀྱི་འབྲི་ཚུལ་གཞན། 2.ཚབ་བི་ཚུབ་བིའི་བསྡུས་ཚིག |
| ཚབ་ཚུབ་དངངས་སྐྲག |
དངངས་སྐྲག་ལངས་ཏེ་སེམས་ཚབ་ཚུབ་བྱེད་ཚུལ། དངངས་སྐྲག་སྐྱེས་ནས་ཚབ་ཚུབ་ངང་སྡོད་པ། |
| ཚབ་སྒྲིག་པ |
1.སྐྱིན་པའམ་དོད་སྤྲོད་པ་སྟེ། (དཔེར་ན།) གཞན་གྱི་ཡོ་བྱད་བརླགས་པའི་ཚབ་བསྒྲིག་དགོས་ལྟ་བུ། 2.ངོ་ཚབ་འཚོལ་བ་སྟེ། (དཔེར་ན།) ཁོ་རང་ངོ་མ་འགྲོ་མ་ཐུབ་པས་མི་ཚབ་སྒྲིག་པ་ལྟ་བུ། |
| ཚབ་སྤྲོད་པ |
གཡར་བརྗེའི་དོད་དམ་རིན་འཇལ་བ་སྟེ། (དཔེར་ན།) ཁོའི་ཅ་ལག་གི་ཚབ་སྤྲོད་དགོས་ལྟ་བུ། |
| ཚབས |
1.(རྒྱན་ཚིག) ཤུགས་དྲག་པ་དང་ལྕི་ཆེ་བ་སོགས་ཀྱི་དོན་ཏེ། (དཔེར་ན།) ནོར་འཁྲུལ་ཚབས་ཆེན། ནད་གཞི་ཚབས་ཆེ་བར་འདུག མགོ་ཡོམ་འཁོར་བ་ཚབས་ཆེ་ན་འགྱེལ་ཉེན་ཆེ་ལྟ་བུ། 2.མོ་ནད་ཀྱི་རིགས་ཤིག་གི་མིང་། (དཔེར་ན།) རླུང་ཚབས། མཁལ་ཚབས་ཞེས་པ་སོགས་ལྟ་བུ། |
| ཚམ་ངམ |
ཚམ་རྔམ་དང་འདྲ། |
| ཚམ་མེ་ཚོམ་མེ |
(རྒྱན་ཚིག) ཐག་མ་ཆོད་པའི་བློ་དོགས་ཏེ། (དཔེར་ན།) ལས་ཀ་བྱེད་སྟངས་ཐག་མ་ཆོད་པར་ཚམ་མེ་ཚོམ་མེ་བྱེད་པ། འཐབ་འཛིང་གི་ནང་དུ་ཚམ་ཚོམ་སྤུ་ཙམ་མེད་པར་ཞུགས་ཞེས་པ་ལྟ་བུ། |
| ཚམ་ཚོམ |
ཕྱི་བཤོལ་དང་འཛེམ་དོགས་ཀྱི་མིང་། (དཔེར་ན།) ཚམ་ཚོམ་སྤུ་ཙམ་མེད་པར་ཆུ་ཆེན་ལ་མཆོངས་ནས་མིའི་སྲོག་བསྐྱབས། ཐང་བདེ་སར་རྟ་ཚམ་ཚོམ་མེད་པར་བརྒྱུགས་ལྟ་བུ། |
| ཚམ་རྔམ |
འཇིགས་སུ་རུང་བའི་རྣམ་འགྱུར་གྱི་མིང་། (དཔེར་ན།) ཤང་ལང་ཀླད་ལ་ཕྱར་ནས་དགྲ་ལ་ཚམ་རྔམ་བྱས། གར་པས་ཚམ་རྔམ་དང་བཅས་བྲོ་གར་འཁྲབ་ལྟ་བུ། འདི་ལ་ཚམ་རྔམས་འབྲི་བའང་ཡོད། |
| ཚམས་ངམ |
ཚམ་རྔམ་དང་འདྲ། |
| ཚའུ |
1.འབྲུའི་ས་རྡོ་དང་ལྷད་ཞིབ་ཚགས་སྤྱད་མིག་མང་ཅན་ཞིག 2.(བརྡ་རྙིང་།) ཚ་བོ། |
| ཚར |
1.(གྲོགས་ཚིག) ལས་ཚིག་འདས་པའི་མཐར་སྦྱར་ན་བྱ་བ་དེ་མཇུག་རྫོགས་པ་སྟོན་པ། (དཔེར་ན།) ཞིང་བྲེགས་ཚར། ལོག་བརྒྱབ་ཚར། བཞོན་མ་བཞོས་ཚར། འོ་མ་བཤིགས་ཚར་ལྟ་བུ། 2.(བྱེད་མེད་ལས་ཚིག) འདས་པ། ཟད་པའམ་རྫོགས་པའི་དོན་ཏེ། (དཔེར་ན།) དགུན་ཁ་ཚར་ན་དཔྱིད་ཀ་འོང་། རྙིང་བ་ཚར་ན་གསར་བ་འོང་། རྒྱ་མཚོའི་ཆུ་ལ་ཚར་རྒྱུ་མེད། མི་དམངས་ཀྱི་སྟོབས་ཤུགས་ཚར་རྒྱུ་མེད་ལྟ་བུ། 3.ཐེངས་སམ་ལན་གྱི་དོན་ཏེ། (དཔེར་ན།) ཡང་བསྐྱར་ཚར་གཅིག་བཤད་པ། དེ་ཉིད་གནས་དྲུག་ཚར་ལྔ་བཀོད། ཚར་དྲུག་སྟེང་འོག་གཉིས་སུ་བཀོད་ཅེས་པ་ལྟ་བུ། 4.གྲལ་དང་ཕྲེང་བ། |
| ཚར་གཅད་པའི་གནས |
ལོག་རྟོག་རྒྱུད་ལྡན་གྱི་གང་ཟག་གམ། དེའི་རྒྱུད་ཀྱིས་བསྡུས་པའི་འཁྲུལ་ཤེས་དང་བརྗོད་པ་སྐྱོན་ཅན། |
| ཚར་གཅད་པའི་གནས་གཉིས |
སྔ་རྒོལ་ཚར་གཅད་པའི་གནས་དང༌། ཕྱི་རྒོལ་ཚར་གཅད་པའི་གནས་ཏེ་གཉིས་སོ། ། |
| ཚར་གཅོད |
ཕམ་པར་བྱེད་པའམ་འཇོམས་པར་བྱེད་པ་སྟེ། (དཔེར་ན།) སྨྲ་བ་ངན་པ་ཚར་གཅོད་བྱས་པ། དགྲ་བོ་ཚར་གཅོད་བྱེད་པ་ལྟ་བུ། |
| ཚར་དུ་དངར་བ |
གྲལ་གྱི་སྟར་འགྲིག་པོ་བསྒྲིགས་པ་སྟེ། (དཔེར་ན།) རུ་སྒྲིག་སྐབས་རུ་སྟར་ལུགས་ཚར་དུ་དངར་བ་ཞིག་དགོས། མཁོ་རྒུའི་ཡོ་བྱད་ཚར་དུ་དངར་བ་བསྟབས་ལྟ་བུ། |
| ཚར་པ |
ཤིང་གི་བྱེ་བྲག་པ་ཞིག |
| ཚར་ཕུང |
སྟོན་ཐོག་གི་ཚར་མའི་ཕུང་པོ། |
| ཚར་ཕུད |
ཚར་ཕོད་དང་འདྲ། |
| ཚར་ཕོད |
སྣེ་ཚར་ཆུན་འཕྱང༌། |
| ཚར་ཕོན |
ཚར་མའི་ཆུན་པོའམ་ཚར་མའི་ཕོན་པོ། |
| ཚར་ཕྱིན་པ |
མཐར་ཕྱིན་པའི་དོན་ཏེ། (དཔེར་ན།) ང་ཚོའི་སྔོན་མའི་ལས་ཀ་ཚང་མ་ཚར་ཕྱིན་པ་གྲུབ་སོང༌ལྟ་བུ། |
| ཚར་བུ |
1.ཤིང་ཕྲན་ཞིག་གི་མིང་། སྡོང་ཤིང་སྲ་མོ་ཡིན་པས་དབྱུག་པ་དང་ལྕགས་ཁེམ་གྱི་ཡུ་བ་བྱེད་ཆོག་ལ། ཤིང་འབྲས་སྨིན་ཚེ་མདོག་དམར་ཞིང་ལུག་རིལ་ཙམ་ཞིག་ཡོད་པ་ལ་ཚར་འབྲུམ་ཟེར་ཞིང་སྨན་བྱེད་ཆོག 2.ཚར་ཚར་གྱི་མིང་གཞན། |
| ཚར་བོང |
ལྡུམ་སྨན་གྱི་རིགས་ཤིག་རོ་ཁ་ལ་ཚ། ཞུ་རྗེས་སྙོམས། ནུས་པས་གྲེ་བ་དང༌། ཨོལ་ཀྲོང་གི་ཚད་པ། གློ་ཚད་བཅས་ལ་ཕན། |
| ཚར་མ |
ལོ་ཏོག་བརྔས་པའི་ཚར་མ། |
| ཚར་ཚག |
ལུག་ཕྲུག་གི་པགས་པས་བཟོས་པའི་གྱོན་པ་རྒྱབ་ཤ་ཅན། |
| ཚར་ཚར |
དངོས་རྫས་ཀྱི་སྣེ་མོའི་སྐུད་པ་ཕྲ་མོའི་ཆུན་པོའི་མིང་། (དཔེར་ན།) དར་ཆ་དམར་བོར་གསེར་སྐུད་ཚར་ཚར་བཏགས་ལྟ་བུ། ཡུལ་སྐད་ལ་ལར་ཚར་ལོ་དང་ཙོར་ལོ་ཡང་ཟེར། |
| ཚར་ཞྭ |
ལུ་གུའི་ཚ་རུས་བཟོས་པའི་ཞྭ་མོ། |
| ཚར་འབྲུམ |
ཤིང་སྨན་གྱི་རིགས་ཚར་ལེབ་ཀྱི་འབྲས་བུ་རོ་མངར་ལ་བསྐ། ཞུ་རྗེས་སྙོམས། ནུས་པས་དྲེག་གྲུམ་སོགས་ཡན་ལག་གི་ཆུ་སེར་བྱེར་བ་སྡུད། |
| ཚར་རྒྱུག |
ཚར་པའི་ཡལ་གས་བཟོས་པའི་གཞུ་བྱེད་རྒྱུག་པ་དང༌། ཐོ་བ་སོགས་ཀྱི་ཡུ་བ་བྱེད་པའི་རྒྱུག་པ། |
| ཚར་རྩག |
ལུག་ཕྲུག་གི་པགས་པས་བཟོས་པའི་གྱོན་པ་རྒྱབ་ཤ་ཅན། |
| ཚར་ལེབ |
སྔོ་ཞིག |
| ཚར་ལྕོག |
ཚར་མ་བརྩིགས་པའི་བམ་གཟུགས་ཏེ། (དཔེར་ན།) བཙས་མ་བརྔས་རྗེས་ཞིང་གའི་ནང་དུ་ཚར་ལྕོག་ཁང་པ་ལྟར་བརྩིགས་ལྟ་བུ། |
| ཚར་སྤེ |
ཚར་མའི་བམ་རྩིག་གྲུ་བཞིའི་དབྱིབས་ཅན། |
| ཚར་སྤེའུ |
ཚར་སྤེ་དང་འདྲ། |
| ཚར་སློག |
ལུ་གུའི་ཚ་རུའི་སློག་པ། |
| ཚལ |
1.ལྗོན་ཤིང་མང་པོ་སྐྱེས་པའི་ནགས་ཚལ་གྱི་མིང་སྟེ། (དཔེར་ན།) གསོམ་ཤུག་གི་ཚལ་ཞེས་པ་ལྟ་བུ། 2.རྩིག་ཤིང་སྣ་ཚོགས་བཙུགས་ཡོད་པའི་ར་བའི་མིང། (དཔེར་ན།) མེ་ཏོག་གི་ཚལ་སྐྱེད་ཚལ། དགའ་ཚལ་ཞེས་པ་ལྟ་བུ། 3.ཚལ་བ་ཞེས་པའི་ཚིག་བསྡུས་པ། |
| ཚལ་གུང་ཐང་གི་གཙུག་ལག་ཁང |
རབ་བྱུང་གསུམ་པའི་མེ་ལུག་ལོར་ཞང་གཡུ་བྲག་པ་དར་མ་གཞོན་ནུས་ཕྱག་བཏབ་པའི་ལྷ་ཁང་ཆེན་པོ་ཞིག |
| ཚལ་ནན |
(བརྡ་རྙིང་།) བཏུང་བ། |
| ཚལ་པ |
1.དུམ་བུ་སྟེ། (དཔེར་ན།) ཤེལ་སྒོ་ཚལ་པར་གས་པ། རས་ཚལ་པར་དབྲལ་བ་ཞེས་པ་ལྟ་བུ། འདི་ལ་ཚལ་བ་ཞེས་འབྲི་བའང་ཡོད། ྄2.ཕྱེད་པའི་དོན་ཏེ། (དཔེར་ན།) ཚལ་གཤགས་ཀྱི་རས་ཞེས་པ་ལྟ་བུ། 3.ལྷ་ས་གྲོང་ཁྱེར་གྱི་ས་ཆ་སྟེ། སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག 4.ཚལ་གུང་ཐང་དུ་སྡོད་པའི་མི། |
| ཚལ་པ་བཀའ་བརྒྱུད |
སྤྱི་ལོའི་དུས་རབས་བཅུ་གཉིས་པའི་སྐབས་དྭགས་པོ་ལྷ་རྗེའི་ཡང་སློབ་བླ་མ་ཞང་ངམ་གཡུ་བྲག་པ་བརྩོན་འགྲུས་གྲགས་པ་ལས་བརྒྱུད་པའི་བཀའ་བརྒྱུད་པའི་གྲུབ་མཐའི་ནང་གསེས་ཤིག |
| ཚལ་པ་ཞང་འགྲོ་བའི་མགོན་པོ་གཡུ་བྲག་པ |
ཚལ་པ་བཀའ་བརྒྱུད་ཀྱི་ལུགས་སྲོལ་ཐོག་མར་གཏོད་མཁན་དེ་ཡིན། འདི་བོད་ཀྱི་རབ་བྱུང་གཉིས་པའི་ལྕགས་གླང་ལོར་སྐྱིད་ཤོད་དུ་འཁྲུངས། མཚན་དར་མ་གྲགས་ཞེས་བཏགས། རབ་བྱུང་གསུམ་པའི་ས་འབྲུག་ལོར་བསྙེན་པར་རྫོགས་ཏེ་བརྩོན་འགྲུས་གྲགས་པར་བཏགས། ཆུ་སྤྲེལ་ལོར་ཕག་མོ་གྲུ་པ་རྡོ་རྗེ་རྒྱལ་པོ་དང་ལྷན་དུ་དྭགས་པོ་ལྷ་རྗེ་དང་མཇལ། དེའི་དབོན་པོ་སྒོམ་པ་ཚུལ་ཁྲིམས་སྙིང་པོ་ལས་ཆོས་མང་དུ་གསན་ཏེ་གདན་ས་མཐིལ་དུ་ཡུན་རིང་བཞུགས། རབ་བྱུང་གསུམ་པའི་ཤིང་ལུག་ལོར་ཚལ་གཞིས་བདག་པོ་མགར་རྒྱལ་བའི་འབྱུང་གནས་ཀྱིས་ཡོན་བདག་བྱས་ཏེ་ཚལ་ཡང་དགོན་ཟེར་བའི་དགོན་པ་དང༌། རབ་བྱུང་གསུམ་པའི་མེ་ལུག་ལོར་ཚལ་གུང་ཐང་གི་ལྷ་ཁང་དགོན་པ་བཅས་བཏབ། དེ་ནས་བཟུང་ཚལ་པ་བཀའ་བརྒྱུད་ཟེར་བའི་ལུགས་སྲོལ་ཐོག་མར་བྱུང༌། རབ་བྱུང་གསུམ་པའི་ཆུ་གླང་ལོར་འདས། ། |
| ཚལ་བུ |
དར་གོས་སོགས་ཐགས་དངོས་ཀྱི་ཆ་ཤས་ཆུང་ངུའི་མིང་སྟེ། (དཔེར་ན།) གོས་ཀྱི་ཚལ་བུ། ལྭ་བའི་ཚལ་བུ་ཞེས་པ་ལྟ་བུ། |
| ཚལ་ཞིང |
སྔོ་ལྡུམ་གྱི་ཞིང་ག། |
| ཚལ་ཡང་དགོན |
ལྷ་སའི་ཤར་ཕྱོགས་ཚལ་གུང་ཐང་གི་ཡུལ་དུ་རབ་བྱུང་གསུམ་པའི་ཤིང་ལུག་ལོ་ལ་བླ་མ་ཞང་གིས་བཏབ་པའི་དགོན་པ་ཞིག |
| ཚལ་རིགས་ཤེས་རབ་སྒྲོལ་མ་ལྷ་ཁང |
སྲོང་བཙན་སྒམ་པོའི་སྐབས་བཏབ་པའི་རུ་གནོན་གྱི་གཙུག་ལག་ཁང་བཞིའི་ཡ་གྱལ་ཞིག |
| ཚལ་རྒོད |
ཆེད་དུ་མ་བཏབ་པར་སྐྱེས་པའི་བཟའ་རུང་བའི་སྔོ་ཚལ། |
| ཚལ་ལྡུམ |
1.སྔོ་ཚལ། 2.ཚལ་ཞིང་གི་ལྡུམ་ར། |
| ཚལ་སྒྲོག |
(ཡུལ་སྐད།) རྟ་དྲེལ་གྱི་ལག་པ་ཡ་གཅིག་དང་རྐང་པ་ཡ་གཅིག་སྒྲོག་བྱེད། |
| ཚལ་སླང |
སྔོ་ཚལ་སོགས་རྔོད་སའི་སླ་ང། |
| ཚས |
(བརྡ་རྙིང་།) དཀྲི་བྱེད་དམ་འཐུམ་བྱེད། |
| ཚི |
1.སྲོག་ཆགས་ཀྱི་ལུས་ནས་རྔུལ་ཆུ་དང་མཉམ་དུ་ཐོན་པའི་སྙིགས་མ་སྣུམ་ཅན་གྱི་མིང་། (དཔེར་ན།) ཚི་དྲེག ཚི་ཁུ། ལྭ་བ་བཀྲུས་པའི་ཚི་ཁུ་ཞེས་པ་ལྟ་བུ།2.འབྱར་བྱེད་དམ་བག་ཚི་སྟེ། (དཔེར་ན།) འབྱར་ཚི། སྤྱིན་ཚི་དམ་ལྷོད། བལ་ཚི་ཞེས་པ་ལྟ་བུ། 3.མིའི་སེམས་རྒྱུད་དམ་ངང་རྒྱུད་ཀྱི་དོན་ཏེ། (དཔེར་ན།) ཚི་རིང་པོ། ཚི་ཐུང་བ་ལྟ་བུ། |
| ཚི་གུ |
ཤིང་ཐོག་གི་སྙིང་བོ་རུས་པ་ལྟ་བུ་དེའི་མིང་། (དཔེར་ན།) ཁམ་བུའི་ཚི་གུ་ཞེས་པ་ལྟ་བུ། |
| ཚི་གུའི་ནང་སྙིང |
ཤིང་འབྲས་ནང་རུས་ཀྱི་སྙིང་པོ་སྟེ། (དཔེར་ན།) ཁམ་བུའི་ཚི་གུའི་ནང་སྙིང༌། ལོ་གསུམ་ཁམ་བུའི་ཚི་གུའི་ནང་སྙིང༌ལྟ་བུ། |
| ཚི་ཆད་པ |
1.དམ་ཚི་ཟད་པ། 2.སེམས་རེ་ཐག་ཆད་པའམ་ཡི་ཐང་ཆད་པ། |
| ཚི་ཐུང་བ |
1.རིང་པོ་ནར་རྒྱུ་མེད་པའི་དམ་ཚི། 2.སེམས་ཀྱི་ངང་རྒྱུད་ཐུང་ཐུང༌། |
| ཚི་དམ་པོ |
ཚི་ཤུགས་ཆེན་པོའམ་ཚི་སྣ་རིང་པོ་སྟེ། (དཔེར་ན།) སྤྱིན་ཆུ་སླ་དྲགས་པས་ཚི་དམ་པོ་མི་འདུག་ཅེས་པ་ལྟ་བུ། |
| ཚི་བ |
ཤིང་གི་ཐང་ཆུའི་མིང་། (དཔེར་ན།) གསོམ་ཤིང་གི་ཚི་བ་ཞེས་པ་ལྟ་བུ། |
| ཚི་རིང་པོ |
1.རིང་པོ་ནར་ཏེ་འོང་བའི་དམ་ཚི། 2.སེམས་ཀྱི་ངང་རྒྱུད་རིང་པོ། |
| ཚི་རེ་གནོན་པ |
དམ་པོར་གནོན་པའམ། རྒྱུན་མི་འཆད་པར་གནོན་ཚུལ་ཞིག་སྟེ། (དཔེར་ན།) རྨོན་མཛོའི་གཉའ་བར་གཉའ་ཤིང་གིས་ཚི་རེ་གནོན་པ་ལྟ་བུ། |
| ཚི་ལུ |
ལུས་ཀྱི་ཚིལ། |
| ཚི་ལེན |
ཨ་མདོའི་ཁ་སྐད་དུ་ལྭ་བ་ནང་མའི་མིང་། |
| ཚིག |
1.དོན་གྱི་ངོ་བོ་དང་ཁྱད་པར་སྦྱར་ནས་སྟོན་པའི་སྒྲ། (དཔེར་ན།) སྒྲ་མི་རྟག་པ་ཞེས་བརྗོད་པའི་སྒྲ་ལྟ་བུའོ། ཚིག་རྩུབ་སྨྲ་བའི་གྲོགས་པོ་དེ། ཤ་ཚ་སྙིང་ནས་གཅེས་པའི་རྟགས། ཚིག་གསུམ་བཤད་ལོང་མེད་པར་ལྕེ་བྲེགས། གོམ་གསུམ་སྤོ་ལོང་མེད་པར་ཉྭ་བཏོན་ཞེས་པ་ལྟ་བུ། 2.མིང་གང་ཞིག་ཕྲད་དང་རྣམ་དབྱེ་གང་རུང་དང་ལྡན་པས་དོན་གྱི་ཁྱད་པར་སྟོན་པ་ཚིག་ཡིན། (དཔེར་ན།) ཀ་བ་ཟུར་བརྒྱད། རིའི་རྩེ། གཟུགས་ལ་ལྟ་ཞེས་པ་ལྟ་བུ། 3.ཚི་གུའི་བསྡུས་ཚིག (དཔེར་ན།) ཁམ་ཚིག ཁམ་ཚིག་བཅག་ནས་ནང་སྙིང་ཟ་དགོས་ལྟ་བུ། 4.བཤད་པའི་སྐད་ཆའི་མིང་། (དཔེར་ན།) ཕོ་རབ་ཚིག་ཐོག འཕར་བ་རྗེས་ཐོག ཁ་ཐོག་གི་ཚིག་དོན་ཐོག་ལ་འཇོག་དགོས། ཁ་ཡག་ཚིག་བཟང་མ་བཤད་ལྟ་བུ། 5.འཚིག་པའི་འདས་པ། (དཔེར་ན།) ཤིང་མེར་ཚིག་ནས་ཐལ་བར་གྱུར། ཤོག་ཧྲུལ་མེར་ཚིག་པ་ཞེས་པ་ལྟ་བུ། |
| ཚིག་ཀ |
དོན་ཆ་ཚང་བ་སྟོན་པའི་རྗོད་བྱེད་ཀྱི་སྒྲ་སྟེ། (དཔེར་ན།) འབྲོག་པས་ཕྱུགས་འཚོ་ལྟ་བུ་ཚིག་ཀ་གཅིག་ཡིན་ཞིང་། འབྲོག་པས་ཕྱུགས་འཚོས་ནས་ཁྱིམ་ཚང་བསྐྱངས་ལྟ་བུ་ཚིག་ཀ་གཉིས་ཡིན་པ་ལྟ་བུའོ། ། |
| ཚིག་ཀྱལ་པ |
དོན་མེད་ཀྱི་ཚིག་གང་བྱུང་བྱུང༌གི་དོན་ཏེ། (དཔེར་ན།) གལ་ཆེའི་གྲོས་མོལ་ནན་པོ་བྱེད་ཀྱི་ཡོད་པས་ཚིག་ཀྱལ་པ་མ་སྨྲ་ཞིག་ཅེས་པ་ལྟ་བུ། |
| ཚིག་ཁ་སྐོང་བ |
ཚིག་ཆ་མ་ཚང་བ་ཁ་སྐོང་བ་སྟེ། (དཔེར་ན།) ཚིག་རྐང་རེ་རེའི་ནང་དུ་ཡིག་འབྲུ་གཉིས་རེ་བསྣན་ཏེ་ཚིག་ཁ་སྐོང་བ་ལྟ་བུ། |
| ཚིག་གཉན་པོ |
འདའ་བར་མི་ནུས་པའི་ཚིག་བཙན་པོ། |
| ཚིག་གཏེར |
ཚིག་གི་གཏེར་ཞེས་བྱ་བ་དོན་གཅིག མིང་གི་རྣམ་གྲངས་རྣམས་ཚིག་ལེའུར་བྱས་པའི་མངོན་བརྗོད་ཀྱི་གཞུང་ཞིག་དུས་རབས་བཅུ་གསུམ་པར་ས་སྐྱ་པཎྜི་ཏ་ཀུན་དགའ་རྒྱལ་མཚན་གྱིས་མཛད་པའོ། ། |
| ཚིག་གནད |
ཚིག་གི་གནད་འགག་སྟེ། (དཔེར་ན།) གསུང་བཤད་ཀྱི་ཚིག་གནད་བསྒྲིམས་ཏེ་མཉན་པ་ལྟ་བུ། |
| ཚིག་གནད་སྒྲུག་པ |
1.སྐད་ཆའི་བཤད་སྟངས་ལ་བལྟས་ཏེ་སྙད་འཚོལ་བ་སྟེ། (དཔེར་ན།) སྐད་ཆ་ནོར་བའི་ཚིག་གནད་མ་སྒྲུག་ཅེས་པ་ལྟ་བུ། 2.སྐད་ཆའི་སྙིང་པོ་སྒྲུག་པ་སྟེ། (དཔེར་ན།) གསུང་བཤད་ཀྱི་ནང་དོན་གལ་ཆེ་རྣམས་ཀྱི་ཚིག་གནད་སྒྲུག་པ་ཞེས་པ་ལྟ་བུ། |
| ཚིག་གཞི |
1.རྗོད་བྱེད་ཚིག་གི་རྣམ་འགྱུར། 2.སྔོན་རྗེས་མིང་གསུམ་འདུས་པའི་ཚིག་རྟེན་ཏེ་མིང༌། |
| ཚིག་གསལ |
དབུ་མ་རྩ་བ་ཤེས་རབ་ཀྱི་འགྲེལ་པ་སློབ་དཔོན་ཟླ་བ་གྲགས་པས་མཛད་པ་ཞིག |
| ཚིག་གསོལ |
ཚིག་གི་སྒོ་ནས་ཞུ་བ། |
| ཚིག་གི་ཁྱད་པར |
ཚིག་གི་བྲོ་བའམ་ནུས་པའི་དོན་ཏེ། (དཔེར་ན།) མ་བཏབ་གནད་དུ་ཟུག་པའི་མཚོན། མ་འཐུང་ཁོང་དུ་སོང་བའི་སྨན། མ་ཟོས་ཡིད་འཕྲོག་སྦྲང་རྩིའི་རོ། ཚིག་གི་ཁྱད་པར་རྣམས་ལ་ཡོད་ཅེས་པ་ལྟ་བུ། |
| ཚིག་གི་གཏང་རག |
ཚུར་ཕན་འདོགས་བྱས་པའི་ལན་དུ་ཕར་ལེགས་སོ་ཞུ་བའམ། ཐུགས་རྗེ་ཆེ་ཞུ་བའམ། ཡག་བྱུང་ཟེར་བའམ། བཀའ་དྲིན་ཆེ་ཞེས་བརྗོད་པ་ལྟ་བུའི་ཚིག (དཔེར་ན།) ང་ཚོར་རོགས་རམ་སྐྱབས་འཇུག་གནང་བ་ལ་ཐུགས་རྗེ་ཆེ་ཞེས་ཚིག་གི་གཏང་རག་འབུལ་དགོས་ལྟ་བུ། མིང་གི་རྣམ་གྲངས་ལ་དགེ་བའི་གཏམ་དང༌། མངོན་བསྟོད། འཇམ་སྨྲ། སྙན་ངག་སྙིང་ལ་འབབ། ཚིག་སྐྱེས། ཚིག་བཟང༌། ཞི་སྨྲ། རོ་ལྡན། ལེགས་བརྗོད། ལེགས་བཤད་བཅས་སོ། ། |
| ཚིག་གི་གཟུངས |
གཟུངས་ཀྱི་སྒོ་བཞིའི་ཡ་གྱལ། ཚིག་ཇི་ཙམ་ཐོས་པ་དེ་ཙམ་དུ་འཛིན་ནུས་པའོ། ། |
| ཚིག་གི་བདུད་རྩི |
ཚིག་བདུད་རྩིའི་གཟུགས་སུ་བཀོད་པ་སྟེ་སྙན་ཞིང་རྣ་བར་འཇེབས་པ། |
| ཚིག་གི་ཚོགས |
ཆོས་རྣམས་ཀྱི་ངོ་བོ་ཉིད་ཀྱི་བྱེ་བྲག་གི་ཚིག་བླ་དྭགས་ཏེ། དོན་གྱི་ཁྱད་པར་སྟོན་པའོ། ། |
| ཚིག་གི་རྟེན |
ཡི་གེ། |
| ཚིག་གུ |
ཚི་གུ་ཡི་འབྲི་ཚུལ་གཞན། |
| ཚིག་གོ་ཕྱོགས་གཉིས་ལྡན |
གོ་དོན་གཉིས་ཡོད་པའི་གཏམ་སྟེ། (དཔེར་ན།) ཁ་གདངས་གློ་མཐོང་གི་སྐད་ཆ་གསལ་པོ་མི་བཤད་པར་ཚིག་གོ་ཕྱོགས་གཉིས་ལྡན་གྱི་ཐོག་ནས་ཤོད་པ་ཅི་ཡིན་ལྟ་བུ། |
| ཚིག་གྱོང་པོ |
ཉན་མཁན་གྱི་སེམས་དང་རྣ་བར་མི་འགྲོ་བའི་ཚིག་སྟེ། (དཔེར་ན།) གཞན་ལ་ཚིག་གྱོང་པོ་ཤ་སྟག་བཤད་ན་རྣ་བར་མི་འགྲོ་ཞེས་པ་ལྟ་བུ། |
| ཚིག་གྲོགས |
ཚིག་ལ་རམ་འདེགས་པའི་གྲོགས་སུ་བྱེད་པའམ་དོན་དུ་མིང་གི་ཆ་ཤས་སམ་ཡན་ལག་གི་དོན་ཏེ། (དཔེར་ན།) ལག་པ་ཞེས་པའི་པ་དང༌། མཐོན་པོ་ཞེས་པའི་པོ་དང༌། ཀ་པ་ཞེས་པའི་བ་དང༌། སྐྱ་བོ་ཞེས་པའི་བོ་དང༌། ཐ་མ་ཞེས་པའི་མ་དང༌། ཉ་མོ་ཞེས་པའི་མོ་ལྟ་བུ་བདག་སྒྲའི་དོན་མི་སྟོན་པའོ། ། |
| ཚིག་ངན |
སྐད་ཆ་རྩུབ་པོའམ་གཞན་སེམས་དཀྲུག་པའི་སྐད་ཆ་གནག་པོ་སྟེ། (དཔེར་ན།) ཚིག་ངན་ཉུང་ཡང་མི་སེམས་དཀྲུག་རྒྱ་ཁབ་ཆུང་ཡང་རྩེ་མོ་རྣོ་ཞེས་པ་ལྟ་བུ། |
| ཚིག་ཉམས |
སྐད་རིགས་སོ་སོའི་ཚིག་གི་རྣམ་འགྱུར་ཏེ། (དཔེར་ན།) སྙན་ཚིག་འདི་ཚིག་ཉམས་ཧ་ཅང་དོད་པོ་འདུག་ཅེས་པ་ལྟ་བུ། |
| ཚིག་ཉམས་པ |
1.རྗོད་ཚིག་ལ་སྐྱོན་ཞུགས་པ་སྟེ། (དཔེར་ན།) རྗོད་བྱེད་ཀྱི་ཚིག་ཉམས་ན་བརྗོད་བྱའི་དོན་མི་རྟོགས་ལྟ་བུ། 2.(མངོན་བརྗོད།) ལྐུགས་པ། |
| ཚིག་ཉུང་དོན་ཚང |
ཚིག་ཉོག་མེད་ལ་དོན་གནད་འདུས་པ་སྟེ། (དཔེར་ན།) ཡི་གེ་ཚིག་ཉུང་དོན་ཚང་དེ་སུས་མཐོང་ཡང་གོ་བདེ་པོ་ཡོང༌ལྟ་བུ། |
| ཚིག་ཐ་དད་མིན་པའི་སྦྱར་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གཉིས་ཀྱི་སྦྱར་ཆོས་མང་པོ་རྣམས་སྒྲ་ཚིག་གཅིག་པ་ཡིན་ཞིང༌། གཅོད་མཚམས་ཐ་མི་དད་པས་སྦྱར་བའི་རྒྱན་ཞིག |
| ཚིག་ཐལ |
སྐད་ཆ་བཤད་ཉེས་ཀྱི་དོན་ཏེ། (དཔེར་ན།) སྐད་ཆ་ཚིག་ཐལ་ཤོར་བ་ལྟ་བུ། |
| ཚིག་ཐོག་དོན་ཁེལ |
གང་བཤད་པ་ཐམས་ཅད་དངོས་སུ་ལག་ལེན་བསྟར་བ་སྟེ། (དཔེར་ན།) ཁོང་ནི་ཚིག་ཐོག་དོན་ཁེལ་བྱེད་མཁན་མི་བརྟན་པོ་ཞིག་ཡིན་ལྟ་བུ། |
| ཚིག་ཐོག་དོན་གནས |
གང་བཤད་དོན་གནས་ཀྱི་དོན་ཏེ། (དཔེར་ན།) མི་འདིས་གང་བཤད་ཚིག་ཐོག་དོན་གནས་ཡིན་པས་ཡིད་ཆེས་བྱེད་རིགས་ལྟ་བུ། |
| ཚིག་དན |
ཁ་དན་ནམ་ཁ་ཆད་དེ། (དཔེར་ན།) ཕན་ཚུན་གྲོས་སྡུར་བྱེད་རྒྱུའི་ཚིག་དན་བཟོས་ལྟ་བུ། |
| ཚིག་དབང |
མཆོག་དབང་གོང་མ་གསུམ་གྱི་ཡ་གྱལ་ཞིག དོན་དམ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ནས་སློབ་མའི་ལུས་ངག་ཡིད་གསུམ་ལ་བསྐུར་ཏེ་སྒོ་གསུམ་གྱི་དྲི་མ་བག་ཆགས་དང་བཅས་པ་དག་ལམ་རང་བཞིན་རྫོགས་པ་ཆེན་པོ་བསྒོམ་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་ཐོབ་པའི་སྐལ་བ་རྒྱུད་ལ་འཇོག་བྱེད་ཀྱི་དབང༌། |
| ཚིག་དམ་པོ |
རྩོམ་མཁྲེགས་པོ་སྟེ། (དཔེར་ན།) རྩོམ་ཡིག་འདི་ཚིག་དམ་པོ་ཡིན་པས་གོ་དཀའ་ཞེས་པ་ལྟ་བུ། |
| ཚིག་དམའ་པོ |
གོ་བདེ་བའི་སྐད་ཆ་སྟེ། (དཔེར་ན།) ཡིག་རིགས་རྣམས་ཚིག་དམའ་པོའི་ཐོག་ནས་བསྒྱུར་བ་ཡིན་པས་གོ་བདེ་པོ་འདུག་ཅེས་པ་ལྟ་བུ། |
| ཚིག་དོན |
1.རྗོད་བྱེད་ཚིག་དང༌། བརྗོད་བྱའི་དོན། 2.རྗོད་བྱེད་ཚིག་གི་ནང་དོན། |
| ཚིག་དོན་གཉིས་ཀ་བསྐོར་བ |
བསྐོར་བའི་རྒྱན་གྱི་ནང་གསེས་ཤིག་སྟེ། སྐོར་བྱེད་ཚིག་དོན་གཉིས་ཀས་བསྐོར་ཀྱང༌། བསྐོར་བྱའི་གནས་ཚུལ་མི་འདྲ་བར་སྟོན་པའི་རྒྱན་ཞིག |
| ཚིག་དོན་དམར་རྗེན |
ཚིག་དོན་གསལ་པོའི་དོན་ཏེ། (དཔེར་ན།) གཞན་ལ་རོགས་རམ་བྱེད་སྐབས་ཚིག་དོན་དམར་རྗེན་དུ་བཤད་དགོས་ལྟ་བུ། |
| ཚིག་དོན་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག གཞིའི་གནས་ལུགས་ལ་ཞུགས་པ་ལམ་དུ་གོམས་པས་འབྲས་བུ་མངོན་གྱུར་གྱི་བར་ལམ་འཁྱེར་མན་ངག་གི་ཚུལ་དུ་བཤད་པ་རྡོ་རྗེའི་གནས་བཅུ་གཅིག་པ། དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པ། |
| ཚིག་དོར |
(བརྡ་རྙིང་།) ཡང་དག་མིན་པ། |
| ཚིག་ནན་དོན་དྲང |
ཚིག་འདོམས་ཆེ་ལ། དོན་ཡ་ཡོ་འཁྱག་འཁྱོག་མེད་པ་སྟེ། (དཔེར་ན།) ཚིག་ནན་དོན་དྲང་བྱུང་ན་གཞན་སེམས་རྣམ་པར་གནོན་ཐུབ་ཅེས་པ་ལྟ་བུ། |
| ཚིག་པ |
1.འཚིག་པའི་འདས་པ། 2.མི་དགའ་བའི་དོན་དུ་གོ་བའི་འཚིག་པའི་འབྲི་ཚུལ་གཞན་ཞིག |
| ཚིག་པ་ཟ་བ |
ཁོང་ཁྲོ་སྐྱེ་བ་སྟེ། (དཔེར་ན།) མི་དེ་སྤྲོ་ཐུང་ཐུང་ཡིན་སྟབས་ཚིག་པ་ཟ་ཆོག་ཆོག་རེད། རྣ་བར་མི་འགྲོ་བའི་སྐད་ཆ་ཐོས་དུས་ཚིག་པ་མ་ཟ། རྒྱུ་མེད་རྐྱེན་མེད་དུ་ཚིག་པ་ཟ་ལོང་ལོང་ཞིག་བྱུང༌ཞེས་པ་ལྟ་བུ། |
| ཚིག་ཕྲད |
མིང་གཉིས་སམ་དུ་མ་སྦྲེལ་བའི་ཚེ་བར་དུ་མཚམས་སྦྱོར་བའམ། དོན་གསལ་བ་ལ་ཕན་འདོགས་པའི་སྒྲའི་རྣམ་པ་སྟེ་རང་དབང་ཅན་དང་གཞན་དབང་ཅན་གཉིས་སུ་ཕྱེ་ཡོད། |
| ཚིག་བདག |
(མངོན་བརྗོད།) 1>གཟའ་ཕུར་བུ། 2>སངས་རྒྱས། 3>འཇམ་དབྱངས། |
| ཚིག་བདེན་པ |
བཤད་པའི་ཚིག་ལྟར་དོན་ལ་གནས་པ། |
| ཚིག་བཙན་པོ |
བསྒྱུར་བཀོད་གཏོང་མི་ཐུབ་པའི་ཚིག་སྟེ། (དཔེར་ན།) བཀའ་རྒྱ་ཚིག་བཙན་པོ་ཞེས་པ་ལྟ་བུ། |
| ཚིག་བཙུན་པོ |
ཚིག་བརྟན་པོའམ། བདེན་པ་སྟེ། (དཔེར་ན།) ཚིག་བཙུན་པོ་བཤད་པས་གཞན་སེམས་སྒུལ་ཞེས་པ་ལྟ་བུ། |
| ཚིག་བརྒྱ་མདོ་གཅིག |
ཚིག་མང་པོའི་དོན་གཅིག་པ་སྟེ། (དཔེར་ན།) ཁོས་སྐད་ཆ་མང་པོ་བཤད་ཀྱང་ཚིག་བརྒྱ་མདོ་གཅིག་ལ་བསྡུས་ན་རང་འདོད་ཁོ་ན་ལས་མི་འདུག་ཅེས་པ་ལྟ་བུ། |
| ཚིག་བརྒྱའི་དབང་པོ |
(མངོན་བརྗོད།) གཟའ་པ་སངས། |
| ཚིག་བརླང་པོ |
གཞན་གྱི་སྐྱོན་དང་མཚང་འབྲུ་བའི་གཏུམ་ཚིག |
| ཚིག་བཤེར་བ |
སྐད་ཆ་བདེན་རྫུན་དག་བཤེར་བྱེད་པ་སྟེ། (དཔེར་ན།) རྩོད་གཞིའི་སྐོར་ལ་ཕན་ཚུན་ཚིག་བཤེར་བ་ལྟ་བུ། |
| ཚིག་བསྐུམས་པ |
དོན་ཆ་ཚང་མ་བཤད་པ་སྟེ། (དཔེར་ན།) ཁོའི་སེམས་ལ་དོགས་པ་ཆེན་པོ་ཡོད་པས་སྐད་ཆ་བཤད་འཕྲོ་བཞག་ནས་ཚིག་བསྐུམས་སོང༌ལྟ་བུ། |
| ཚིག་བསྐོར་བ |
བསྐོར་བའི་རྒྱན་གྱི་ནང་གསེས་ཤིག་བསྐོར་བྱ་དོན་མི་འདྲ་བའི་གནས་ལུགས་འགའ་ཞིག་སྐོར་བྱེད་ཚིག་གི་རྣམ་འགྱུར་འདྲ་བས་ལྡབ་སྐྱོར་གྱི་ཚུལ་དུ་སྟོན་པའི་རྒྱན་ཞིག |
| ཚིག་བསྒྲིགས་པ |
1.སྐད་ཆའི་ཚིག་ལྷུ་བསྒྲིགས་པ། 2.གཞུང་ཚིག་ཕྱོགས་གཅིག་ཏུ་བསྒྲིགས་པ། |
| ཚིག་བྲུས་པ |
སྐད་ཆ་བསྔོགས་པ་སྟེ། (དཔེར་ན།) ཁོའི་ཁ་ནས་སྐད་ཆ་བཟང་ངན་གང་བཤད་ཚིག་བྲུས་པ་ལྟ་བུ། |
| ཚིག་བླ་དྭགས |
མིང་དངོས་མ་ཡིན་པར་ཆེད་དུ་བཏགས་པའི་མིང༌། (དཔེར་ན།) དཀྲུག་ཤིང་ཞེས་པ་འདི་ཤིང་གི་ཚིག་བླ་དྭགས་རེད་ཅེས་པ་ལྟ་བུ། |
| ཚིག་བླ་དྭགས་ཀྱི་རེག་པ |
རེག་པའི་ཚོགས་དྲུག་ལས་ཡིད་ཀྱི་འདུས་ཏེ་རེག་པ་ནི་ཚིག་བླ་དྭགས་ཀྱི་རེག་པ་ཞེས་བྱ་སྟེ། ཚིག་བླ་དྭགས་ནི་མིང་ཡིན་ལ། ཡིད་ནི་གཙོ་བོར་མིང་ལ་དམིགས་པས་ཡུལ་མིང་ཡུལ་ཅན་ལ་བཏགས་པའོ། ། |
| ཚིག་མ |
ཚིག་རོ། |
| ཚིག་མཁྲེགས་པོ |
ཚིག་འཇམ་པོ་མ་ཡིན་པའམ་གོ་དཀའ་བ་སྟེ། (དཔེར་ན།) ནང་དོན་ཟབ་ཀྱང་ཚིག་མཁྲེགས་པོ་ཡིན་པས་དོན་མ་རྟོགས་ཞེས་པ་ལྟ་བུ། |
| ཚིག་མཐའ |
ཚིག་གི་མཇུག་མ། |
| ཚིག་མཐོན་པོ |
(ཡུལ་སྐད།) གོ་དཀའ་བའི་ཚིག་སྟེ། (དཔེར་ན།) གཞན་གྱིས་རྟོགས་དཀའ་བའི་ཚིག་མཐོན་པོ་ཞེས་པ་ལྟ་བུ། |
| ཚིག་མདའ |
གནད་ལ་ཕོག་པའི་ངན་ཚིག་སྟེ། (དཔེར་ན།) གཞན་གྱི་སྙིང་ལ་གཟན་པའི་ཚིག་མདའ་འཕངས་པ། ཕ་རོལ་པོར་དམའ་འབེབས་ཀྱི་ཚིག་མདའ་མི་འཕེན་པ་དེ་ནི་རྩོད་པ་མཛེས་པའི་རྒྱན་ཞིག་ཡིན་ལྟ་བུ། |
| ཚིག་མདའ་ཅན |
(མངོན་བརྗོད།) ལྷ། |
| ཚིག་མདའི་མགོན་པོ |
(མངོན་བརྗོད།) བརྒྱ་བྱིན། |
| ཚིག་མཚམས |
རྗོད་ཚིག་སྤྱིའི་ཚིག་གི་བར་མཚམས་ཏེ། (དཔེར་ན།) དོན་ཚན་རེ་རེའི་བར་ལ་ཚིག་མཚམས་ཀྱིས་གཅོད་པ་ལྟ་བུ། |
| ཚིག་མཚོན |
ཚིག་གི་མཚོན་ཆ་སྟེ་ཚིག་རྩུབ། (དཔེར་ན།) གཞན་ལ་ཚིག་མཚོན་འདེབས་པ་ལྟ་བུ། |
| ཚིག་མཛོད |
ཚིག་ཚོགས་མཛོད་ཁང་གི་གཟུགས་སུ་བཀོད་པ་སྟེ། (དཔེར་ན།) ཚིག་མཛོད་དང་མིང་མཛོད་ནི་ཉེར་བཀོལ་གྱི་དཔེ་དེབ་རེད་ཅེས་པ་ལྟ་བུ། |
| ཚིག་མར |
ཁྲོ་ཟངས་ཀྱི་མཐིལ་དུ་འབྲས་སོགས་མི་འཚིག་པའི་ཆེད་འདེབས་པའི་མར་ཁུ། |
| ཚིག་ཚོགས |
མིང་དང་ཚིག་མང་པོའི་སྤྲོས་པ། |
| ཚིག་ཟིན |
རང་དངོས་སུ་བརྗོད་པའི་སྒྲ་ཚིག་གིས་ཟིན་པའམ་དམིགས་ཀྱིས་བཟུང་ནས་བསྟན་ཏེ་དོན་གཞན་རྣམ་པར་གཅོད་པའི་ཚིག།དཔེར་ན། མངོན་སུམ་ནི་རྟོག་བྲལ་མ་འཁྲུལ་བའི་ཤེས་པ་ཡིན། ཞེས་པའི་ཚིག་ཟིན་གྱིས་རྟོག་བཅས་དང་འཁྲུལ་ཤེས་རྣམས་བཅད་པ་ལྟ་བུའོ། ། |
| ཚིག་ཟུར་ཕྱིན་པ |
སྒྲ་དག་པའམ་སྐད་ཆ་ཞིབ་གསལ་ཐོན་པ་སྟེ། (དཔེར་ན།) བཀའ་སློབ་གང་གནང་སྦས་བསྐུངས་མེད་པར་ཚིག་ཟུར་ཕྱིན་པ་ཞིག་འདུག་ཅེས་པ་ལྟ་བུ། |
| ཚིག་ཟུར་རྒྱག་པ |
དངོས་སུ་མ་བཤད་པར་ཟུར་ནས་མཚང་ལ་ཕོག་པའི་གཏམ་བཤད་པ་སྟེ། (དཔེར་ན།) ཕན་ཚུན་གཅིག་གིས་གཅིག་ལ་ཚིག་ཟུར་རྒྱག་གི་འདུག་ཅེས་པ་ལྟ་བུ། |
| ཚིག་འཁྱོར |
འདོན་ཚིག་བསྐྱར་བའི་འཁྱོར་པོ་སྟེ། (དཔེར་ན།) དཔེ་ཆའི་ཚིག་འཁྱོར་སོང༌ལྟ་བུ། |
| ཚིག་འཁྲི |
ཚུལ་དང་མི་མཐུན་པའི་རྩོད་པ་བྱེད་སྟངས་སམ་རིགས་པས་དཔག་ཚུལ་ཞིག་གི་མིང་། ཕྱིའི་རྣམ་པའི་སྟེང་ནས་རྩོད་པ་བྱེད་སྟངས་ཡང་དག་པ་ཞིག་ཡིན་པ་ལྟར་སྣང་ཡང་། དོན་ངོ་བོའི་ཐོག་ནས་གཏན་ཚིགས་རིག་པའི་ཆོས་ཉིད་དང་འགལ་བས། ཅི་ཡིན་འདི་ཡིན་མི་ཤེས་པ་ཞིག་ལས་ཡོང་རྒྱུ་མེད་པ་ཞིག་ཡིན། |
| ཚིག་འཁྲུན་ཆོད་པ |
1.སྐད་ཆ་ཐག་ཆོད་པའི་དོན་ཏེ། (དཔེར་ན།) མགྱོགས་པོ་འགྲོ་རྒྱུའི་ཚིག་འཁྲུན་ཆོད་སོང་ལྟ་བུ། 2.ཚིག་གི་དོགས་པ་ཆོད་པ་སྟེ། (དཔེར་ན།) ཡིན་མིན་གྱི་བདར་ཤ་བཅད་ནས་དོན་གནད་ཀྱི་ཚིག་འཁྲུན་ཆོད་པ་ལྟ་བུ། |
| ཚིག་འགལ་བ |
ཚིག་སྔ་ཕྱི་འགལ་བ་སྟེ། (དཔེར་ན།) འགྲེལ་བཤད་ཀྱི་སྔ་ཚིག་དང་ཕྱི་ཚིག་འགལ་བ་ལྟག་སྤྲོད་དུ་གྱུར་འདུག་ཅེས་པ་ལྟ་བུ། |
| ཚིག་འགྲེལ |
རྩོམ་དང་ཚིག་གོ་དཀའ་བའི་རིགས་ཀྱི་འགྲེལ་བཤད་ཀྱི་རྣམ་པ་ཞིག་སྟེ། ཚིག་ཆད་པ་མེད་པར་བཀྲལ་ནས་བཤད་དེ་དོན་གོ་བར་མ་ཟད་ཚིག་སྦྱོར་གྱི་དོན་ཡང་གོ་བར་བྱེད་པ་ཞིག་ཡིན། |
| ཚིག་འཆལ |
ངག་འཁྱལ་ཏེ་དོན་མེད་ཀྱི་འཆལ་ལབ། (དཔེར་ན།) དོན་མེད་ཚིག་འཆལ་ཁོ་ན་བཤད་ནས་ཚིག་དོན་སྙིང་པོ་བརླག་པ་ལྟ་བུ། |
| ཚིག་འཇམ |
(མངོན་བརྗོད།) ནེ་ཙོ། |
| ཚིག་འཇམ་པོ |
ཚིག་སྙིང་རྗེ་པོའམ། ཚིག་རྣ་བར་སྙན་པོའི་དོན་ཏེ། (དཔེར་ན།) གྲོགས་པོའི་སྐྱོན་ཆ་བརྗོད་པར་ཚིག་འཇམ་པོ་སྨྲ་བ། ཚིག་འཇམ་པོ་བཤད་ན་མི་ཀུན་མགུ། ཚིག་རྩུབ་པོ་བཤད་ན་མི་ཀུན་སུན་ཞེས་པ་ལྟ་བུ། |
| ཚིག་འཇུག་པོ |
དོན་གྱི་རྗེས་སུ་ཚིག་འགྲོ་འཇུག་བདེ་པོའི་དོན་ཏེ། (དཔེར་ན།) རྩོམ་ཡིག་འདིའི་ཚིག་འཇུག་པོ་འདུག་ཅེས་པ་ལྟ་བུ། |
| ཚིག་འཐེང་པོ |
1.ཡིག་འབྲུ་མང་ཉུང་ཆ་མི་སྙོམས་པའི་ཚིག་སྟེ། (དཔེར་ན།) ངག་རྩོམ་ཚིག་འཐེང་པོའི་རིགས་རྗོད་མི་བདེ་ཞེས་པ་ལྟ་བུ། 2.སྐད་ཆ་མི་གསལ་བའི་དོན་ཏེ། (དཔེར་ན།) སྨྲ་རྗོད་ཚིག་འཐེང་པོ་དེ་ཤར་མར་གོ་མི་བདེ་ཞེས་པ་ལྟ་བུ། |
| ཚིག་འདུམ་པོ |
ཚིག་ཉུང་དོན་ཚང༌སྟེ། (དཔེར་ན།) ཚིག་འདུམ་པོ་བྱུང་ན་གོ་བདེ་ཞེས་པ་ལྟ་བུ། |
| ཚིག་འཕྲད |
ཚིག་ཕྲད་དང་འདྲ། |
| ཚིག་འཕྲོ |
1.མེས་ཚིག་པའི་བུད་ཤིང་སོགས་ཀྱི་ལྷག་མ། (དཔེར་ན།) བུད་ཤིང་གི་ཚིག་འཕྲོ། སོལ་བའི་ཚིག་འཕྲོ། མེ་སྐྱོན་ཤོར་བའི་ཁང་པའི་ཚིག་འཕྲོ་ཞེས་པ་ལྟ་བུ། 2.སྐད་ཆའི་ལྷག་མ་སྟེ། (དཔེར་ན།) ཁྱེད་རང་ཏོག་ཙམ་སྒུག་རོགས་ངའི་སྐད་ཆའི་ཚིག་འཕྲོ་ཆོད་མ་སོང༌། ཛ་དྲག་གི་གནས་ཚུལ་གློ་བུར་དུ་བྱུང་ནས་འཕྲོས་མོལ་གྱི་ཚིག་འཕྲོ་བཅད་པ། གཞན་གྱི་ཚིག་འཕྲོ་ཕྲོགས་ནས་བཤད་ཅེས་པ་ལྟ་བུ། |
| ཚིག་འབྱམས |
1.རྗོད་བྱེད་ཡི་གེ་མང་དྲགས་པའི་དོན་ཏེ། (དཔེར་ན།) དགོས་མེད་ཚིག་འབྱམས་ཀྱི་ཡི་གེ་འབྲི་རྩོམ་བྱས་ན་རང་གཞན་གཉིས་ཀའི་དུས་ཚོད་འཕྲོ་བརླག་གཏོང་རོགས་རེད་ཅེས་པ་ལྟ་བུ། 2.སྐད་ཆ་བཤད་ཡམ་ཆེ་བའི་དོན་ཏེ། (དཔེར་ན།) དོན་གནད་ཀྱི་ཐོག་ཏུ་མི་འཁེལ་བའི་ཚིག་འབྱམས་ཉག་ཉོག་ཅེས་པ་ལྟ་བུ། |
| ཚིག་འབྲུ |
ཚིག་ཀ་གཅིག་གི་ནང་ན་ཡོད་པའི་ཚིག་གི་གྲུབ་ཆ་རེ་རེ་བའི་མིང་། |
| ཚིག་འབྲུ་ལྕིབས་པ |
(བརྡ་རྙིང་།) 1>ཚིག་བཟོ་བའམ་སྒྲིག་པ། 2>ལན་རྒྱག་མི་ཐུབ་པ། 3>བོད་ཡིག་གི་ཚེག་ཤད། 4>ཚིག་དོན་རྟོགས་པ། |
| ཚིག་འབྲེལ |
1.རྗོད་བྱེད་ཡི་གེའི་གོང་འོག་གི་འབྲེལ་བ། 2.སྐད་ཆ་བཤད་སྟངས་ཏེ། (དཔེར་ན།) སྔ་ཕྱིའི་ཚིག་འབྲེལ་ཞེས་པ་ལྟ་བུ། |
| ཚིག་ཡུལ |
བརྗོད་བྱའི་ཡུལ། |
| ཚིག་རིས |
ཚིག་གི་སྤུ་རིས་ཏེ། (དཔེར་ན།) བཤད་ཁྲིད་ཚིག་རིས་ཕྱོགས་འདྲ་བར། གོ་བ་རང་རང་སོ་སོར་ལེན་ཞེས་པ་ལྟ་བུ། |
| ཚིག་རོ |
1.དོན་དག་མེད་པའི་ཚིག་སྟེ། (དཔེར་ན།) སྐད་ཆའི་ཚིག་རོ་རྣམས་བསྒྱུར་ནས་དོན་དག་རྡོག་རྡོག་བཤད་དགོས་ལྟ་བུ། 2.མེས་ཚིག་པའི་རོ་མ་སྟེ། (དཔེར་ན།) ཤོག་བུ་ཚིག་རོ་དེ་རྣམས་ཕྱིར་སྐྱུར་ཅིག་ཅེས་པ་ལྟ་བུ། |
| ཚིག་རྐང |
ཚིགས་བཅད་ཀྱི་ཚིག་རྐང་གཅིག་སྟེ། ཡི་གེ་ཨཱ་ལི་ཀཱ་ལི་གཉིས་ཞེས་པ་ཚིག་རྐང་གཅིག་ཡིན་ལ། ཡི་གེའི་སྦྱོར་བ་བཤད་པར་བྱ། ཡི་གེ་ཨཱ་ལི་ཀཱ་ལི་གཉིས། ཨཱ་ལི་གསལ་བྱེད་ཨི་སོགས་བཞི། ཀཱ་ལི་སུམ་ཅུ་ཐམ་པའོ་ཞེས་པ་ཚིག་རྐང་བཞི་ཡིན་པ་ལྟ་བུ། |
| ཚིག་རྐང་བཞི |
ཚིགས་བཅད་གཅིག་གམ། ཤོ་ལོ་ཀ་གཅིག་སྟེ། (དཔེར་ན།) ཤོ་ལོ་ཀ་གཅིག་ལ་ཚིག་རྐང་བཞི་ཡོད་ཅེས་པ་ལྟ་བུ། |
| ཚིག་རྒོལ་བ |
1.ཚིག་ལ་དགག་པ་གཏོང་བ་སྟེ། (དཔེར་ན།) གཙོ་བོ་དོན་ལ་རྒོལ་དགོས་པ་ལས་ཚིག་ལ་རྒོལ་བ་དེ་དགོས་མེད་ཡིན་ཞེས་པ་ལྟ་བུ། 2.ཚིག་ལ་དགག་པ་གཏོང་མཁན། |
| ཚིག་རྒྱག |
གཞན་སེམས་ལ་ཕོག་པའི་སྐོར་ཚིག་གམ་ཟུར་ཟའི་གཏམ་སྟེ། (དཔེར་ན།) དྲང་གཏམ་ཐད་ཀར་བཤད་པ་ལས་ཚིག་རྒྱག་ཀྱོག་གཏམ་མ་བཤད། གཞས་ཀྱི་རྣམ་པའི་ཐོག་ནས་ཕན་ཚུན་ཚིག་རྒྱག་རྒྱག་པ་ལྟ་བུ། |
| ཚིག་རྒྱན |
ཚིག་སྙན་ཞིང་མཛེས་པ་དང་། དོན་སྟོན་ཚུལ་སྣ་ཚོགས་ལ་བརྟེན་ནས། ཚིག་གིས་དོན་སྟོན་པ། དག་པ་གསལ་བ། ཉམས་འགྱུར་དང་ལྡན་པ། ཤུགས་ཆེ་བ་ཞིག་བྱེད་པའི་ཚིག་སྦྱོར་གྱི་ཐབས་ཤིག དཔེར་ན། རང་བཞིན་བརྗོད་པའི་རྒྱན་དང་དཔེ་རྒྱན། གཟུགས་རྒྱན། སྒྲ་རྒྱན་སོགས་སྙན་ངག་གི་གཞུང་དུ་བཤད་པ་ལྟ་བུའོ། ། ། |
| ཚིག་རྗེས་གཅོད་པ |
ཚིག་གི་རྗེས་ཁོ་ན་གཅོད་པ་སྟེ་ཚིག་འཁྲི། (དཔེར་ན།) དོན་ལ་བརྟག་དཔྱད་མེད་པར་ཚིག་རྗེས་གཅོད་པ་ཙམ་ལ་སྙིང་པོ་མེད་ཅེས་པ་ལྟ་བུ། |
| ཚིག་རྗེས་དོན་གསབ |
ཚིག་ཐོག་དོན་གནས་དང་དོན་གཅིག |
| ཚིག་རྩུབ |
གཞན་གྱི་སེམས་ལ་ཕོག་ཐུག་ཆེ་བའི་ཚིག་སྟེ། (དཔེར་ན།) ཚིག་རྩུབ་ཁོ་ན་བཤད་པས་དོན་མི་འགྲུབ། ཚིག་རྩུབ་ཚེར་མ་དང་མཚུངས་ཞེས་པ་ལྟ་བུ། |
| ཚིག་རྩོད |
ཚིག་གི་རྩོད་པ་སྟེ། (དཔེར་ན།) དོན་མེད་ཚིག་རྩོད་མ་རྒྱག་ཅིག་ཅེས་པ་ལྟ་བུ། |
| ཚིག་ལ་མི་རྟོན་པ |
མི་རྟོན་པ་བཞིའི་ཡ་གྱལ་ཞིག་སྟེ། འཇིག་རྟེན་པའི་བརྡ་དང་ཐ་སྙད་ཐུན་མོང་པའི་རིག་གནས་ལ་སོགས་པ་དང༌། ཡང་ན་ཆོས་ཀྱི་སྒོ་མ་བརྒྱད་ཁྲི་བཞི་སྟོང་གི་བར་དུའང་སྒྲ་ཚིག་དང་ཡི་གེ་ཙམ་གྱི་རྗེས་སུ་འབྲང་བ་ནི་དོན་ཆུང་ངུ་ཡིན་པས་དེ་ལ་རྟོན་པར་མི་བྱ་བའོ། ། |
| ཚིག་ལན་ཚིག་རྒྱག |
1.གཏམ་རྩོད་ཀྱི་ཤགས་འདེབས་པ་སྟེ། (དཔེར་ན།) ཕྱོགས་གཉིས་ཕན་ཚུན་ཚིག་ལན་ཚིག་རྒྱག་གིས་ཐག་གཅོད་རྒྱུ་དཀའ་ཞེས་པ་ལྟ་བུ། 2.སྤྱིར་གྱི་དྲི་བ་དྲིས་ལན་ཏེ། (དཔེར་ན།) ཚིག་ལན་ཚིག་རྒྱག་གི་སྒོ་ནས་བརྟག་དཔྱད་བྱེད་ཅེས་པ་ལྟ་བུ། |
| ཚིག་ལེན་པ |
1.དཔེ་ཆ་སོགས་ཀྱི་ཚིག་བློར་ངེས་པར་བྱེད་པ། 2.དཔེ་དེབ་ཁག་ནས་ཚིག་སྒྲུག་པ། |
| ཚིག་ལེའུ |
ཚིག་བཅད་ལྷུག་གང་རུང་གི་ས་བཅད་སྡེ་ཚན་སོ་སོའི་མིང༌། (དཔེར་ན།) རྩོམ་ཡིག་གི་ཚིག་ལེའུར་བྱས་པ། ཟློས་གར་འཁྲབ་གཞུང་གི་ཚིག་ལེའུར་བསྒྲིགས་པ་ལྟ་བུ། |
| ཚིག་ལེའུར་བྱས་པ |
ཚིག་སུ་བཅད་པ་ཚིགས་བཅད་རེ་རེ་ལ་རྒྱ་གར་གྱི་ཡི་གེ་བརྒྱད་བཞི་སུམ་ཅུ་རྩ་གཉིས་དང་བོད་ཀྱི་ནི་ཚེག་བར་ཉི་ཤུ་རྩ་བརྒྱད་ཡོད་དོ། ། |
| ཚིག་ལོ |
ཚིག་གི་ལོ་མ་སྟེ་སྙིང་པོ་མེད་པའི་ཚིག (དཔེར་ན།) དགོས་མེད་ཀྱི་ཚིག་ལོ་དོར་ནས་དོན་གྱི་འབྲས་བུ་གཙོར་བཟུང་བྱེད་ཅེས་པ་ལྟ་བུ། |
| ཚིག་ལོག |
གཏམ་ཕྱིན་ཅི་ལོག་པ་སྟེ། (དཔེར་ན།) ཕ་མ་ལ་ཁ་ལོག་ཚིག་ལོག་བྱེད་མི་ཉན་ཞེས་པ་ལྟ་བུ། |
| ཚིག་ལྡན |
(མངོན་བརྗོད།) གཟའ་ཕུར་བུ། |
| ཚིག་ལྡབ |
1.ཚིག་ཟློས་སྐྱོན་ཅན། 2.ཡང་ཡང་ནན་ཏན་ལབ་པ། |
| ཚིག་ལྡབ་ལྡིབ |
སྐད་ཆ་མི་གསལ་བའི་དོན་ཏེ། (དཔེར་ན།) བཤད་པའི་ཚིག་ལྡབ་ལྡིབ་ཡིན་ན་གཞན་གྱིས་གོ་དཀའ་ཞེས་པ་ལྟ་བུ། |
| ཚིག་ལྷག |
1.བསྟན་བྱའི་ཚིག་འཕྲོ་མ། 2.དགོས་མེད་ཀྱི་ཚིག་ཐལ། |
| ཚིག་ལྷད |
ངག་ཐོག་གི་སྐད་ཆའམ་ཡིག་ཐོག་གི་རྗོད་ཚིག་ལ་རང་འདོད་ཀྱིས་གསར་སྣོན་བཅུག་པའི་ཚིག་སྐྱོན་ཏེ། (དཔེར་ན།) གནས་ཚུལ་ངོ་མ་དང་མི་མཐུན་པའི་ཚིག་ལྷད། རང་བཟོས་སྦྱར་བའི་ཚིག་ལྷད་ཅེས་པ་ལྟ་བུ། |
| ཚིག་ལྷུག |
ཚིགས་བཅད་ལྟར་ཡིག་འབྲུའི་གྲངས་ཚད་བཟུང་མེད་པའི་རྩོམ་ལུགས་ཤིག་གི་མིང་། (དཔེར་ན།) རྗོད་བྱེད་ཀྱི་ཚིག་རྐང་པར་མ་བཅད་པའི་ལྷུག་མ་ཞེས་པ་ལྟ་བུ། |
| ཚིག་ཤུགས |
སྐད་ཆ་བཤད་སྐབས་དངོས་སུ་གསལ་བར་མ་བཤད་ཀྱང་དོན་གཞན་བཤད་པ་ལས་གོ་ཐུབ་པའི་ནུས་པའི་མིང་། (དཔེར་ན།) དགེ་རྒན་གྱི་ཚིག་ཤུགས་ལ་བལྟས་ན་ང་ཚོའི་བསམ་འཆར་ལ་འཐད་པ་འདྲ་ཞེས་པ་ལྟ་བུ། |
| ཚིག་སྐམ་པོ |
དོན་མེད་པའི་སྐད་ཆ་སྟེ། (དཔེར་ན།) འབོད་ཚིག་སྐམ་པོ། སྙིང་པོ་མེད་པའི་ཚིག་སྐམ་པོ་ཞེས་པ་ལྟ་བུ། |
| ཚིག་སྐྱོན |
སྐད་ཡིག་གང་རུང་ལ་རྗོད་ཚིག་ལྷག་ཆད་ནོར་འཁྲུལ་སོགས་ཞུགས་པའི་སྐྱོན། (དཔེར་ན།) རྩོམ་ཡིག་འབྲི་སྐབས་ཚིག་སྐྱོན་དོན་སྐྱོན་གཉིས་ཀ་མེད་པ་ཞིག་དགོས་ལྟ་བུ། |
| ཚིག་སྒྲུག་པ |
ཚིག་འབྲུ་མང་པོའི་ནང་ནས་མཁོ་ཆེ་བའི་ཚིག་ལེན་པ་སྟེ། (དཔེར་ན།) མཁོ་ཡོད་ཀྱི་ཚིག་སྒྲུག་ཕྱོགས་སྡེབ་བྱས་པ། གཞན་གྱིས་སྐད་ཆ་བཤད་པའི་ནང་ནས་ཚིག་སྒྲུག་པ་ཞེས་པ་ལྟ་བུ། |
| ཚིག་སྒྲུབ |
ཐ་སྙད་རྩོམ་སྒྲིག |
| ཚིག་སྙན་དོན་བཟང |
རྗོད་བྱེད་ཀྱི་ཚིག་སྙན་ལ་བརྗོད་བྱའི་དོན་བཟང་བ་སྟེ། (དཔེར་ན།) ཁོང་གིས་བཤད་པའི་གཏམ་དེ་ཚིག་སྙན་དོན་བཟང་ཞིག་རེད་ཅེས་པ་ལྟ་བུ། |
| ཚིག་སྡུད |
མིང་གཉིས་སམ་མང་པོའི་བར་གྱི་རྣམ་དབྱེ་རྣམས་བསྡུས་ནས་ཐམས་ཅད་ཀྱི་མཐའ་མར་རྣམ་དབྱེ་གཅིག་སྦྱར་བའི་མིང་སྟེ་ནང་གསེས་ལ་ལས་འཛིན་དང༌། བ་གཉིས། དེའི་སྐྱེས་བུ། འབྲུ་མང༌། ཟླས་དབྱེ། མི་ཟད་པ་བཅས་དྲུག་ཡོད། |
| ཚིག་སྣག |
(ཡུལ་སྐད།) སྦྱང་ཤིང་སྟེང་དུ་ཡི་གེ་འབྲི་བྱེད་གྲོ་ཚིག་མ་དང་ཆུར་ཁུས་བཟོས་པའི་སྣག་ཚ་ཞིག |
| ཚིག་སྦོམ་པོ |
ཁ་རྒྱགས་པའམ་ཁེང་དྲེགས་ཀྱི་སྐད་ཆ་སྟེ། (དཔེར་ན།) རྣམ་རྒྱུན་སྐད་ཆ་ཚིག་སྦོམ་པོ་བཤད་ན་གཞན་གྱིས་ཡིད་ཆེས་དཀའ་ཞེས་པ་ལྟ་བུ། |
| ཚིག་སྦྱངས་གསེད་བཀྲོལ |
ཁེ་ཉེན་གྱི་རྒྱུ་མཚན་གསལ་པོར་བཤད་པ་སྟེ། (དཔེར་ན།) ཁོ་ཚོའི་ལབ་རྙོག་དབར་ལ་ཚིག་སྦྱངས་གསེད་བཀྲོལ་གནང་བས་ལེ་འགྲིགས་བྱུང་ལྟ་བུ། |
| ཚིག་སྦྱོར |
མིང་ཚིག་ཡི་གེའི་སྦྱོར་བ་སྟེ། (དཔེར་ན།) རྩོམ་ཡིག་འདི་ཚིག་སྦྱོར་མི་ལེགས་པས་གོ་བརྡ་འཕྲོད་པོ་མི་འདུག་ཅེས་པ་ལྟ་བུ། |
| ཚིག་སྦྱོར་འདྲ་ཆགས |
རྩོམ་ཡིག་སྒྲོས་ཡག་པོ་སྟེ། (དཔེར་ན།) རྩོམ་ཡིག་འདི་ཚིག་སྦྱོར་འདྲ་ཆགས་ལ་ནང་དོན་ཡང་གཏིང་ཟབ་པོ་འདུག་ཅེས་པ་ལྟ་བུ། |
| ཚིགས |
1.རྩི་ཤིང་གི་གཞུང་རྟའི་ཐོག་ཡལ་ག་དང་ལོ་མ་སྐྱེས་ཡོད་སའི་ཁག་དེའི་མིང་། (དཔེར་ན།) སོག་མའི་ཚིགས། སྨྱུག་མའི་ཚིགས་ཞེས་པ་ལྟ་བུ། 2.ས་སོགས་ཀྱི་མཚམས་ཀྱི་མིང་། (དཔེར་ན།) དུས་ཚིགས། ས་ཚིགས། འབབ་ཚིཊ་ཞེས་པ་སོགས་ལྟ་བུ།3.སྲོག་ཆགས་ཀྱི་རུས་པའི་ལྷུ་འབྲེལ་མཚམས་ཀྱི་མིང་སྟེ། (དཔེར་ན།) རུས་ཚིགས། པུས་མོའི་ཚིགས། དཔུང་བའི་ཚིགས་ཞེས་པ་ལྟ་བུ། |
| ཚིགས་ཁེབས |
སོར་གདུབ། |
| ཚིགས་གཞི |
ཡན་ལག་དང་ཉིང་ལག་སོགས་ཚིགས་ཀྱི་གཞི། |
| ཚིགས་ཅན |
(མངོན་བརྗོད།) རི། |
| ཚིགས་ཆེན་བཅུ་གཉིས |
མཁྲིག་ཚིགས་གཉིས་ཏེ། གྲུ་ཚིགས་གཉིས། ཕྲག་ཚིགས་གཉིས་བཅས་ལག་པ་ལ་དྲུག་ལོང་ཚིགས་གཉིས། པུས་ཚིགས་གཉིས། དཔྱི་ཚིགས་གཉིས་བཅས་རྐང་པ་ལ་དྲུག་སྟེ་བཅུ་གཉིས་སོ། ། |
| ཚིགས་ཕྲན |
ལུས་ཀྱི་ཚིགས་ཆུང་བ་ཉིས་བརྒྱ་དང་ཉི་ཤུ། |
| ཚིགས་བཅད |
ཚིག་སྦྱོར་རིང་ཐུང་ལ་ཚད་ངེས་ཅན་ཞིག་ཡོད་པའི་རྩོམ་གྱི་རྣམ་པ་ཞིག་གི་མིང་སྟེ། (དཔེར་ན།) གླུ་དང་གཞས་ཀྱི་ཚིགས་བཅད་ལྟ་བུ། འདི་ལ་ཚིགས་སུ་བཅད་པ་ཡང་ཟེར། |
| ཚིགས་བཟང |
(མངོན་བརྗོད།) ལྷ། |
| ཚིགས་བརྒྱ་པ |
(མངོན་བརྗོད།) 1>རྩྭ་དུར་བ། 2>སྨྱུག་མ། |
| ཚིགས་བརྒྱུ་བ |
རྐང་ལག་གི་ཚིགས་བུད་པ་སླར་སྦྱོར་བ། |
| ཚིགས་བུད་པ |
རྐང་ལག་སོགས་ཀྱི་རུས་ཚིགས་ཁ་གྱེས་པ་སྟེ། (དཔེར་ན།) ཚིགས་བུད་པ་སྨན་པས་སླར་ཡང་སྤྲད་ཅེས་པ་ལྟ་བུ། |
| ཚིགས་མ |
སྙིགས་མའི་མིང་སྟེ། (དཔེར་ན།) མར་གྱི་ཚིགས་མ་ཞེས་པ་ལྟ་བུ། |
| ཚིགས་མཚམས |
ལྷུ་ཚིགས་ཀྱི་བར་མཚམས། |
| ཚིགས་ཟུག |
ལུས་ཀྱི་ཚིགས་ན་བའི་ཟུག་རྔུ། |
| ཚིགས་སུ་བཅད་པའི་སྡེ |
གསུང་རབ་ཡན་ལག་བཅུ་གཉིས་ཀྱི་བཞི་པ། ཚིགས་སུ་བཅད་པ་གཉིས་ལ་སོགས་པས་དོན་སྟོན་པ་དཔེར་ན། ཚོམས་དང་མདོ་སྡེ་རྒྱན་གྱི་ཚིགས་བཅད་ལྟ་བུ་སྟེ་ཉན་ཐོས་ཀྱི་མདོ་སྡེའི་སྡེ་སྣོད་དུ་གཏོགས་པ་ཞིག་གོ། ། |
| ཚིགས་སྔ་མ་སྔོན་དུ་སོང་བ |
འདུལ་བ་ལས་བཤད་པའི་མཐུན་རྐྱེན་ལྔའི་ནང་ནས་བསམ་པའི་མཐུན་རྐྱེན་ཞིག་དགེ་བསྙེན་དང་བར་མ་རབ་བྱུང་སྔོན་དུ་སོང་ཞིང་ཆགས་པའོ། ། |
| ཚིམ |
(བྱེད་མེད་ལས་ཚིག) ཚིམས་པའི་མ་འོངས་པ་དང་ད་ལྟ་བ། (དཔེར་ན།) ལྟོ་བ་འགྲང་བའི་དོན་ཏེ། ཟས་ཟོས་ནས་ཚིམ་པར་བྱས་ལྟ་བུ། |
| ཚིམ་བྱེད |
(མངོན་བརྗོད།) 1>བ་རུ་རའི་ཤིང༌། 2>ཙན་དན། 3>ཧོར་ཟླ་བཅུ་གཅིག་པ། |
| ཚིམ་བྱེད་གོས་ཅན |
(མངོན་བརྗོད།) ཙན་དན་སྤྱི། |
| ཚིམ་བྱེད་དམར |
(མངོན་བརྗོད།) གུར་གུམ། |
| ཚིམ་བྱེད་བད་ཀན |
བད་ཀན་ལྔའི་ཡ་གྱལ་ཞིག་སྟེ། བྱེད་ལས་སྤྱི་བོར་གནས་ནས་དབང་པོ་རྣམས་ཚིམ་པར་བྱེད་པ། |
| ཚིམ་བྱེད་ཤིང |
1.བུད་ཤིང༌། 2.སྦྱིན་སྲེག་གི་ཡམ་ཤིང༌། |
| ཚིམ་བྱེད་སྐྱེས |
(མངོན་བརྗོད།) གཟའ་ལྷག་པ། |
| ཚིམས |
1.ཚིམ་པའི་འདས་པ། (དཔེར་ན།) ཟས་ཀྱིས་ཚིམས་ནས་ཇ་འཐུང་ལྟ་བུ། 2.འདོད་པ་ཁེངས་པའི་དོན་ཏེ། (དཔེར་ན།) སྙིང་ཚིམས་པ་ཞིག་བྱུང་། ཡིད་ཚིམས། འདོད་པ་ཚིམས་ལྟ་བུ། |
| ཚིར |
1.(རྒྱན་ཚིག) ཧ་ཅང་དམ་པའི་དོན་ཏེ། (དཔེར་ན།) ཚིར་གྱིས་བཟུང་། ཚིར་གྱིས་མནན། རྒས་པའི་སྡུག་བསྔལ་གཡོ་ཅན་འདི། འཇབ་ཀྱིན་འོངས་ནས་ཚིར་གྱིས་མནན་ལྟ་བུ། 2.ཚོད་མ་བརྔོས་པའི་སྒྲ་ལྟ་བུ་མཚོན་པའི་སྒྲ་སྟེ། (དཔེར་ན།) ཚོད་མ་ཚིར་ཚིར་བརྔོས་ལྟ་བུ། 3.བཙིར་གྱི་སྐུལ་ཚིག |
| ཚིར་གྱིས་བཟུང་བ |
ལག་པས་དམ་པོར་བཟུང་བ་སྟེ། (དཔེར་ན།) ཞུམ་བུ་འདིས་བྱེའུ་གཅིག་ལག་པས་ཚིར་གྱིས་བཟུང་སོང༌། གལ་ཆེའི་ལས་དོན་དྲན་པས་ཚིར་གྱིས་བཟུང་སོང༌། གལ་ཆེའི་ལས་དོན་དྲན་པས་ཚིར་གྱིས་བཟུང་བ་ལྟ་བུ། |
| ཚིར་ཚིར |
མེ་ནང་ཆུ་བོ་བའི་སྒྲའི་ཁྱད་པར། |
| ཚིལ |
སྲོག་ཆགས་ཀྱི་ལུས་པོའི་ཆགས་རིམ་ནང་དུ་སྣུམ་མང་བའི་ཆ་ཤས་ཤིག་ཡིན་ཞིང་དེས་ལུས་ཀྱི་དྲོད་བསྐྱེད་པས། གྲང་རེག་འགོག་པར་བྱེད། |
| ཚིལ་ཁུ |
ཚིལ་བཞུས་ནས་བྱུང་བའི་ཁུ་བ། |
| ཚིལ་ཆེན |
མིའི་ཚིལ་བུ། |
| ཚིལ་བུ |
ཚི་ལུའི་མིང༌། |
| ཚིལ་རོ |
ཚིལ་ཁུ་བཏོན་པའི་སྙིགས་མ། |
| ཚིལ་རྨེན |
ཚི་ལུའི་ནང་གི་ཤ་རྨེན། |
| ཚིལ་སྣོན |
ཁ་སྣོན་ཚིལ་བུ་སྟེ། (དཔེར་ན།) ཤ་ཁོག་སྟེང་ལ་ཚི་ལུ་སྣོན་པ། ད་དུང་དམག་དཔུང་བསྡུ་རྒྱུ་དེ། ཤ་ཁོག་སྟེང་ལ་ཚིལ་སྣོན་རེད་ཅེས་པ་ལ་བུ། |
| ཚིས |
1.ཕན་གྲོགས་ཀྱི་དོན་ཏེ། (དཔེར་ན།) མཐུན་རྐྱེན་དེ་རིགས་ཚང་མ་ཁྱོད་ཀྱི་ཚིས་སུ་འགྲོ་ངེས་ཡིན་ལྟ་བུ། 2.ཐབས་ཀྱི་དོན་ཏེ། (དཔེར་ན།) འཚོ་ཚིས་ཞེས་པ་ལྟ་བུ། |
| ཚུ |
(ཚབ་ཚིག) ཚུར་དང་དོན་འདྲ་ཕ་རི་ཚུལ་རི་ཞེས་པ་ལྟ་བུ། |
| ཚུ་ཁ |
ཚུར་ངོས་ཀྱི་ཉེ་འགྲམ་མམ་ཚུར་ངོས་ཀྱི་སྣེ། (དཔེར་ན།) ཆུ་ཚུ་ཁ་ནས་ཕར་ཁ་ལ་ལྟ་བ་ཞེས་པ་ལྟ་བུ། |
| ཚུ་རི |
འདི་ཕྱོགས་སམ་ཚུར་ངོས་ཀྱི་རི་སྟེ། (དཔེར་ན།) ཚུ་རི་ནས་ཕ་རིའི་བར་དུ་གློག་སྐུད་བཏང༌ལྟ་བུ། |
| ཚུ་རུ |
ལུ་གུའི་པགས་པའམ་དེས་བཟོས་པའི་སློག་པའི་མིང་སྟེ། ཚིག་བསྡུས་ན་ཚར་ཞེས་འབྲི་སྲོལ་ཡོད་དེ། (དཔེར་ན།) དགུན་ཚར་། རེའུ་ཚར་། ཚར་ནག་ཅེས་པ་སོགས་ལྟ་བུ། |
| ཚུ་རོལ |
འདི་ཕྱོགས་སམ་རང་ཉིད་ཡོད་སའི་ངོས་ཏེ། (དཔེར་ན།) རྒྱ་མཚོའི་ཚུ་རོལ། ལྕགས་ལམ་གྱི་ཚུ་རོལ་ཞེས་པ་ལྟ་བུ། |
| ཚུག |
མི་ཕྱུགས་སོགས་ཀྱི་རྨ་ནད་སྐྲངས་གཅོང་ལ་གསེར་ཁབ་མེར་བསྲེགས་ཏེ་བཙུགས་པའི་འཆོས་ཐབས་ཤིག |
| ཚུགས |
1.(བྱེད་འབྲེལ་ལས་ཚིག) བཙུགས་པའི་སྐུལ་ཚིག (དཔེར་ན།) ཤིང་སྡོང་ཚུགས་ཤིག་ལྟ་བུ། 2.ཚུགས་ཀ་རྣམ་པ་དང་སྟངས་ཀའི་མིང་སྟེ། (དཔེར་ན།) ཁང་བ་འདི་ཚུགས་ཀ་ཡག་པོ་འདུག ངོ་ཚུགས་ཡག ལྭ་བ་འདི་ཚུགས་མཛེས་ལྟ་བུ། 3.གཞན་ལ་རྟེན་མི་དགོས་པའི་ནུས་པའི་མིང་སྟེ། (དཔེར་ན།) ཁྱེའུ་ཟླ་བརྒྱད་ལོན་ན་ལུས་ཀྱིས་རང་ཚུགས་ཐུབ། བོད་མི་རིགས་ལ་འཛམ་གླིང་མི་རིགས་ཀྱི་གྲས་སུ་རང་ཚུགས་བྱེད་ཐུབ་པའི་རིག་གནས་ཡོད་ལྟ་བུ། 4.(བྱེད་འབྲེལ་ལས་ཚིག) ཐུབ་པའམ་ནུས་པའི་དོན་ཏེ། (དཔེར་ན།) བཙན་རྫོང་འདི་ལ་དགྲས་མི་ཚུགས། དགྲ་དམག་གིས་མི་ཚུགས། གནས་གཅིག་ཏུ་སྡོད་ཚུགས་པ། གདན་ལ་སྡོད་མི་ཚུགས་ལྟ་བུ། 5.(བྱེད་འབྲེལ་ལས་ཚིག) འགོ་བརྩམས་པའི་དོན་ཏེ། (དཔེར་ན།) སློབ་ཁྲིད་ཀྱི་འགོ་ཚུགས། དཔྱིད་ཚུགས་ལྟ་བུ། |
| ཚུགས་ཀ |
1.བཟོ་ལྟ་སྟེ། (དཔེར་ན།) ལུས་ཀྱི་ཤ་ཚུགས་རྒྱས་པ། ཆེ་ཚུགས། བྲིས་སྐུའི་རི་མོ་ཚུགས་ཀ་མེད་ཅེས་པ་ལྟ་བུ། 2.ཁང་པ་གཅོང་ཅན་ལ་ཀ་བའི་རོགས་སྐྱོར་དུ་བཙུགས་པའི་ཀ་བ་ཕན་པའམ་ཉེན་ཀ། |
| ཚུགས་ཁང |
ཚུགས་སའི་སྡོད་ཁང༌། |
| ཚུགས་གཙང |
1.ཤ་ཚུགས་བྱོན་གཙང་བའམ་བཟོ་ལྟ་ལེགས་པ། 2.སྤྱོད་བཟང༌། |
| ཚུགས་ཆུང |
ཡི་གེ་དབུ་མེད་ཀྱི་ནང་གསེས་ཤིག་སྟེ། ཚུགས་ཐུང་གི་ཕྱེད་ཚད་ཙམ་ཡོད་ལ་འཁྱུག་གི་འབྲེལ་བ་མེད་པའི་ཡིག་གཟུགས། |
| ཚུགས་ཐུང |
ཡི་གེ་དབུ་མེད་ཀྱི་ནང་གསེས་ཤིག་སྟེ། ཚུགས་རིང་གི་ཕྱེད་ཚད་ཙམ་ཡོད་ལ་འཁྱུག་གི་འབྲེལ་བ་མེད་པའི་ཡིག་གཟུགས། |
| ཚུགས་ཐུབ་པོ |
འགྱུར་ལྡོག་མེད་པ་སྟེ། (དཔེར་ན།) མི་ཚུགས་ཐུབ་པོ་ཞིག་ཅེས་པ་ལྟ་བུ། |
| ཚུགས་དལ |
རལ་གཤིས་ལྷོད་པོའི་དོན་ཏེ། (དཔེར་ན།) ཚབ་ཚུབ་སྤངས་ནས་ཚུགས་དལ་གྱིས་ཞིབ་འཇུག་བྱེད་དགོས་ལྟ་བུ། |
| ཚུགས་པོ |
གཡོ་བ་མེད་པའམ་བརྟན་པོའི་དོན་ཏེ། (དཔེར་ན།) མི་ཚུགས་པོ། ཕྲུ་གུ་སྡོད་ཚུགས་པོ། རྟ་འགྲོས་ཚུགས་པོ་ཞེས་པ་ལྟ་བུ། |
| ཚུགས་བཞི |
དུས་ཚིགས་ཉེར་བཞིའི་ནང་ཚན་ཞིག་ཧོར་ཟླ་དང་པོའི་དབུགས་ཐོབ་ཉིན་དཔྱིད་ཀྱི་འགོ་ཚུགས་པ་དང༌། ཧོར་ཟླ་བཞི་པའི་དབུགས་ཐོབ་ཉིན་དབྱར་ཚུགས་པ། ཧོར་ཟླ་བདུན་པའི་དབུགས་ཐོབ་ཉིན་སྟོན་ཚུགས་པ། ཧོར་ཟླ་བཅུ་པའི་དབུགས་ཐོབ་ཉིན་དགུན་ཚུགས་པ་བཅས་སོ། ། |
| ཚུགས་བྱད |
བཟོ་ལྟའམ་ཤ་ཚུགས་དང་བྱད་གཟུགས་ཏེ། (དཔེར་ན།) མི་རྒན་གཞོན་གྱི་ཚུགས་བྱད་མི་འདྲ་བ་འདུག་ཅེས་པ་ལྟ་བུ། |
| ཚུགས་ཚད |
1.འགྲུལ་པའི་ཉིན་ལམ་གྱི་རིང་ཚད། 2.ཐུབ་པའམ་ནུས་པའི་ཚད། |
| ཚུགས་འབབ་ས |
ཞག་ཚུགས་སྡོད་ས་སྟེ། (དཔེར་ན།) ཚུགས་འབབ་སར་ཞག་སྡོད་བྱས་ལྟ་བུ། |
| ཚུགས་ཡིག |
ཚུགས་རིང་ཚུགས་ཐུང་སོགས་འཁྱུག་ལས་ཆེ་བའི་ཡི་གེ། |
| ཚུགས་རིང |
ཡི་གེ་དབུ་མེད་ཀྱི་ནང་གསེས་ཤིག་ཀ་ཁ་ཡིག་གཟུགས་ལས་སུམ་གཅིག་གིས་ཆུང་བའི་འབྲུ་ཆེན་གྱི་ཡི་གེ། |
| ཚུགས་ཤིང |
གུར་གྱི་ཕྱི་ནང་དུ་བཙུགས་པའི་ཀར་རྒྱུག་སྟེ། (དཔེར་ན།) སྦྲའི་ཚུགས་ཤིང་ཁྱེར་ནས་མང་པོ་རྡེག་ཏུ་བྱུང༌ལྟ་བུ། |
| ཚུད |
(བྱེད་འབྲེལ་ལས་ཚིག) འཛུད་པའི་སྐུལ་ཚིག (དཔེར་ན།) ལམ་དུ་ཚུད་ཅིག་ལྟ་བུ། (བྱེད་མེད་ལས་ཚིག) འདས་པ། (དཔེར་ན།) བཟོ་པའི་གྲས་སུ་ཚུད་ནས་ལྕགས་ལམ་སྐྲུན་དུ་སོང་ལྟ་བུ། |
| ཚུད་མོ་མཁན |
(བརྡ་རྙིང་།) རྐོ་མཁན། |
| ཚུན |
ཕན་ཆད་ཀྱི་ལྡོག་ཟླ་སྟེ། (དཔེར་ན།) འཛམ་གླིང་འཁྲུག་ཆེན་གཉིས་པའི་ཚུན་ལ། ལྔ་བཞི་ལས་འགུལ་ཚུན་ལ། འབྲི་ཆུའི་ཚུན་ཆད་ཅེས་པ་སོགས་ལྟ་བུ། |
| ཚུན་ཆད |
དབྱེ་མཚམས་ནས་རང་ངོས་སུ་ཕྱོགས་པ་སྟེ། (དཔེར་ན།) ས་ཐིག་འདི་ཚུན་ཆད་རང་རེའི་མངའ་ཁོངས་ཀྱི་ས་ཆ་བསྙོན་མེད་ཡིན། རང་བཙན་བྱུང་བ་ཚུན་ཆད་ཅེས་པ་ལྟ་བུ། |
| ཚུབ་མ |
འཚུབ་མ་ཡི་འབྲི་ཚུལ་གཞན། |
| ཚུབ་མོ |
རྩུབ་མོ་སྟེ། (དཔེར་ན།) གནམ་གཤིས་ཚུབ་མོ། མི་གཤིས་ཚུབ་མོ། བྱ་སྤྱོད་ཚུབ་མོ་ཞེས་པ་ལྟ་བུ། |
| ཚུམས |
བཙུམ་པའི་སྐུལ་ཚིག (དཔེར་ན།) མིག་ཚུམས་ཤིག་ལྟ་བུ། |
| ཚུའུ |
(རྒྱ་སྐད།) ལྟོ་ཆས་ཀྱི་བྲོ་བ་འདོན་བྱེད་ཅིག |
| ཚུར |
ཚུ་རོལ་ཟེར་བའི་བསྡུས་ཡིག་སྟེ། འདི་ཕྱོགས་ཀྱི་དོན། (དཔེར་ན།) ཕར་སྤྲོད་ཚུར་ལེན། ཕ་རོལ་ཏུ་ཕྱིན་ནས་ཚུར་ཡོང་བ། དོན་མེད་ཕར་འགྲོ་ཚུར་འགྲོ་མ་བྱེད། ཁོ་ཚོའི་ངན་ཁག་ང་ཚོར་ཚུར་འབོར་བ་ལྟ་བུ། |
| ཚུར |
དར་ཚུར་རིགས་ཀྱི་སྤྱི་མིང་སྟེ། འདི་ལ་དར་ཚུར། ཚུར་ནག ཚུར་དཀར་སོགས་ཡོད། མདོག་སྒྱུར་བྱེད་ཀྱི་རྩི་ནང་ལ་མཁོ་བའི་རྫས་ཤིག་རེད། |
| ཚུར་དཀར |
ལན་ཚྭའི་སྨན་གྱི་རིགས་ཤིག་རོ་བསྐ་སྐྱུར་ལན་ཚ་བ། ཞུ་རྗེས་སྙོམས། ནུས་པས་ཁ་ཡི་དྲི་མ་ངན་པ་སེལ། རུས་པའི་ནད་དང་སོ་རྙིལ་ལ་ཕན། |
| ཚུར་ཕྱོགས |
རང་ཉིད་གནས་སའི་ངོས། |
| ཚུར་བྱུང་ཕར་སོང |
བྱུང་སོང༌གི་དོན་ཏེ། (དཔེར་ན།) ཚུར་བྱུང་ཕར་སོང་གི་འགྲོ་གྲོན་རྣམས་ཞིབ་རྩིས་རྒྱག་པ་ལྟ་བུ། |
| ཚུར་མཐོང་གི་བློ |
སོ་སོ་སྐྱེ་བོ་རང་ག་བའི་རྒྱུད་ཀྱི་ཤེས་པའོ། ། |
| ཚུར་མོ |
རས་སོགས་ཁ་སྒྱུར་བྱེད་ཀྱི་རྫས་ཤིག་གི་མིང་། |
| ཚུར་རྒོལ་བ |
1.ཚུར་གནོད་པ་སྐྱེལ་བ་སྟེ། (དཔེར་ན།) དགྲ་བོས་ཚུར་རྒོལ་བྱས་པ་ཕམ་ཉེས་སུ་བཏང་ལྟ་བུ། 2.ཚིག་གིས་ཚུར་རྒོལ་བར་བྱེད་པའམ་སྔ་རྒོལ། |
| ཚུར་ལེན |
དངོས་པོ་དང་དབང་ཆ་སོགས་རང་ཕྱོགས་སུ་བསྡུ་ལེན་གྱི་དོན་ཏེ། (དཔེར་ན།) དགྲ་བོའི་ལག་ཏུ་ཤོར་བའི་མངའ་ཁོངས་ས་ཆ་ཚུར་ལེན་པ་ལྟ་བུ། |
| ཚུར་ལོག |
རང་གནས་སུ་ཕྱིར་ཡོང་བ་སྟེ། (དཔེར་ན།) ལྟ་སྐོར་ཚོགས་པ་རྣམས་ལྟ་སྐོར་ཟིན་ཏེ་ཚུར་ལོག་བྱུང༌ལྟ་བུ། |
| ཚུར་ལོགས |
འདི་ཕྱོགས་ཀྱི་དོན་ཏེ། (དཔེར་ན།) གཙང་ཆུའི་ཚུར་ལོགས། རིའི་ཚུར་ལོགས་ཞེས་པ་ལྟ་བུ། |
| ཚུར་སྤྱོན |
ཚུར་ཕེབས་པར་ཞུ་ཞེས་པའི་དོན་ཏེ། (དཔེར་ན།) ཚུར་སྤྱོན་ཚུར་སྤྱོན་འབྱུང་པོ་ཆེ་ཞེས་པ་ལྟ་བུ། |
| ཚུལ |
1.ཐབས་ཀྱི་མིང་སྟེ། (དཔེར་ན།) ཕྲེང་རྩིས་རྒྱག་ཚུལ། ནད་གསོ་ཚུལ། ལོ་ཏོག་འདེབས་ཚུལ་ཞེས་པ་ལྟ་བུ། 2.དབྱིབས་དང་རྣམ་པའི་དོན་ཏེ། (དཔེར་ན།) སྐད་ཆ་བཤད་ཚུལ། གུས་གུས་ཀྱི་ཚུལ་དུ་བྱེད། གནས་ཚུལ་སྣང་ཚུལ་ཞེས་པ་ལྟ་བུ། 3.ལམ་ལུགས་ཀྱི་དོན་ཏེ། (དཔེར་ན།) ཚུལ་དང་མཐུན། ཚུལ་མིན་གྱི་སྤྱོད་པ། ཚུལ་བཞིན་བཤད་པ་ཞེས་པ་སོགས་ལྟ་བུ། |
| ཚུལ་ཁྲིམས |
སྤོང་བའི་སེམས་པ་སྟེ། (དཔེར་ན།) ཚུལ་འཆལ་གྱི་གདུང་བ་སེལ་བའམ། བཅས་རང་གི་ཁ་ན་མ་ཐོ་བ་སྤོང་བའི་སེམས་པའོ། །མིང་གི་རྣམ་གྲངས་ལ་སྡོམ་ཁྲིམས་དང༌། སྡོམ་པ། ཚངས་པར་སྤྱོད་པ་བཅས་སོ། ། |
| ཚུལ་ཁྲིམས་ཀྱི་ཆོས་བཞི |
ཚུལ་ཁྲིམས་ཀྱི་ཕར་ཕྱིན་གྱི་ཁྱད་ཆོས་བཞི་ཚུལ་འཆལ་སོགས་མི་མཐུན་ཕྱོགས་ཉམས་པ་དང༌། ཆོས་ཀྱི་བདག་མེད་རྟོགས་པའི་རྣམ་པར་མི་རྟོག་པ། ཡོངས་སུ་སྲུང་བར་བྱེད་པ། རིགས་ཅན་གསུམ་སྨིན་པར་བྱེད་པ་བཅས་སོ། ། |
| ཚུལ་ཁྲིམས་ཀྱི་ནོར |
འཕགས་ནོར་བདུན་གྱི་ནང་གསེས། སྒོ་གསུམ་གྱི་ཉེས་སྤྱོད་སྡོམ་པ་ཡོན་ཏན་གྱི་རྒྱན་གྱིས་ཀུན་ཡིད་འཕྲོག་པས་བཙུན་མོ་རིན་པོ་ཆེ་དང་ཆོས་མཚུངས་པའོ། ། |
| ཚུལ་ཁྲིམས་ཀྱི་ཕར་ཕྱིན |
ཁྱད་ཆོས་བཞི་ལྡན་གྱི་སྤོང་བའི་སེམས་ཀྱིས་ཉེས་སྤོང་འདོད་ཀྱི་དགེ་བ་ས་བོན་དང་བཅས་པ། ཕར་ཕྱིན་དྲུག་གི་ཡ་གྱལ་ཞིག |
| ཚུལ་ཁྲིམས་ཀྱི་ཕུང་པོ |
ཟག་མེད་ཀྱི་ཕུང་པོ་ལྔའི་ཡ་གྱལ་ཞིག |
| ཚུལ་ཁྲིམས་ཀྱི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་ཚུལ་ཁྲིམས་ཀྱི་ཕར་ཕྱིན་རིམ་ལྡན་དུ་སྒོམ་པའོ། ། |
| ཚུལ་ཁྲིམས་གཏེར |
(མངོན་བརྗོད།) སངས་རྒྱས་ཤཱཀྱ་ཐུབ་པ། |
| ཚུལ་ཁྲིམས་གསུམ |
1.བྱང་སེམས་ཀྱི་ཚུལ་ཁྲིམས་གསུམ་སྟེ། ཉེས་སྤྱོད་སྡོམ་པའི་ཚུལ་ཁྲིམས་དང༌། དགེ་བ་ཆོས་སྡུད་ཀྱི་ཚུལ་ཁྲིམས། སེམས་ཅན་དོན་བྱད་ཀྱི་ཚུལ་ཁྲིམས་རྣམས་སོ། །2.འཇིགས་སྐྱོབ་ཀྱི་ཚུལ་ཁྲིམས་དང༌། ལེགས་སྨོན་གྱི་ཚུལ་ཁྲིམས། ངེས་འབྱུང་གི་ཚུལ་ཁྲིམས་བཅས་གསུམ་མོ། ། |
| ཚུལ་ཁྲིམས་བརྟུལ་ཞུགས་མཆོག་འཛིན |
ཚུལ་འཆལ་སྤོང་བའི་ཚུལ་ཁྲིམས་དང༌། ཆ་བྱད། ཚུལ། ལུས་ངག་བཅས་ཀྱི་འཇུག་པ་ངེས་པར་བྱེད་པའི་བརྟུལ་ཞུགས་དང༌། གང་ལ་བརྟེན་ནས་དེ་དག་འབྱུང་བའི་ཕུང་པོར་དམིགས་ནས་སྡིག་པ་འདག་པ་དང་ཉོན་མོངས་ལས་གྲོལ་བ་དང་འཁོར་བ་ལས་ངེས་པར་འབྱིན་པར་ལྟ་བའི་ཤེས་རབ་ཉོན་མོངས་ཅན་ཏེ་ལྟ་བ་ལྔའི་ནང་གསེས་ཤིག |
| ཚུལ་ཁྲིམས་འཆལ་བ |
བསླབ་སྡོམ་ཉམས་པ། |
| ཚུལ་ཁྲིམས་ཡོན་ཏན་བཞི |
ཕ་རོལ་ལས་ལེགས་པར་ཡང་དག་པར་བླངས་པའི་ཡོན་ཏན་དང༌། བསམ་པ་ཤིན་ཏུ་རྣམ་པར་དག་པའི་ཡོན་ཏན། ཉམས་ན་ཕྱིར་གསོ་བའི་ཡོན་ཏན། མི་ཉམས་པར་བྱ་བའི་ཕྱིར་གུས་པ་བསྐྱེད་ནས་དྲན་པ་ཉེ་བར་གནས་པའི་ཡོན་ཏན་བཞིའོ། ། |
| ཚུལ་ཁྲིམས་རྒྱ་མཚོ |
༸གོང་ས་ཏཱ་ལའི་བླ་མ་སྐུ་ཕྲེང་བཅུ་པ། རབ་བྱུང་བཅུ་བཞི་པའི་མེ་བྱི་ལོར་ཁམས་ལི་ཐང་དུ་འཁྲུངས། ཆུ་ལུག་ལོར་གསེར་བུམ་དཀྲུགས་ནས་ཡང་སྲིད་ངོས་འཛིན་གྱིས་གསེར་ཁྲིར་བཀོད། མེ་བྱ་ལོར་འདས། |
| ཚུལ་ཁྲིམས་རྗེས་སུ་དྲན་པ |
རྗེས་སུ་དྲན་པ་དྲུག་གི་ནང་གསེས་ཏེ། (དཔེར་ན།) ཚུལ་ཁྲིམས་ཀྱི་ཡོན་ཏན་རྗེས་སུ་དྲན་པའོ། ། |
| ཚུལ་ཁྲིམས་རྗེས་སུ་དྲན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། ཀུན་རྫོབ་ཏུ་ཚུལ་ཁྲིམས་ཀྱི་ཡོན་ཏན་རིམ་ལྡན་དུ་དྲན་པའོ། ། |
| ཚུལ་གཙང་བ |
1.སྤྱོད་ལམ་ལེགས་པ། 2.ཚུལ་ཁྲིམས་གཙང་བ། |
| ཚུལ་གཟོབ |
ཚུལ་འཆོས་ཏེ། དོན་དུ་མེད་ཀྱང་ཕྱི་ཚུལ་དུ་ཡོད་མདོག་ཁ་པོ་བྱེད་པ། (དཔེར་ན།) མི་ཚུལ་གཟོབ་ཅན་ཞེས་པ་ལྟ་བུ། |
| ཚུལ་གསུམ |
གཞལ་བྱ་ལྐོག་གྱུར་ཇི་བཞིན་རྟོགས་བྱེད་ཀྱི་རྟགས་ཡང་དག་འགོད་པའི་ཚུལ་གསུམ་སྟེ། ཕྱོགས་ཆོས་དང༌། རྗེས་ཁྱབ་དང༌། ལྡོག་ཁྱབ་པོ། ། |
| ཚུལ་གསུམ་པའི་རྟགས་སྟོན་པ |
ཚུལ་གསུམ་པའི་རྟགས་སྟོན་པར་བྱེད་པའི་མཚན་ཉིད་གཞན་གྱི་དོན་གྱི་རྗེས་སུ་དཔག་པའི་སྐབས་སུ་བབས་ནས་བཤད་པ་ཞེས་བྱ་བ་རྒྱ་གར་གྱི་སློབ་དཔོན་ཆོས་མཆོག་གིས་བརྩམ་པ་ཞིག |
| ཚུལ་ཅན་གྱི་རྒྱན |
གཟུགས་ཅན་གྱི་རྒྱན། |
| ཚུལ་བཅོས |
ཚུལ་འཆོས་དང་འདྲ། |
| ཚུལ་བཞིན |
རང་རང་གི་ལུགས་སྲོལ་ལྟར་ཞེས་པའི་དོན་ཏེ། (དཔེར་ན།) ལས་དོན་ཚུལ་བཞིན་བྱེད་པ། ཚུལ་བཞིན་བཤད་པ། ཚུལ་བཞིན་སྤྱོད་པ། དེ་ལྟ་བུའི་གཏམ་སྨྲ་བ་ནི་ཚུལ་བཞིན་མ་ཡིན་ནོ་ལྟ་བུ། |
| ཚུལ་བཟུང་བ |
ཆ་བྱད་བཟུང་བའི་དོན་ཏེ། (དཔེར་ན།) དྲག་པོའི་ཚུལ་བཟུང་བ། ཞི་དུལ་གྱི་སྤྱོད་ཚུལ་བཟུང་བ་ལྟ་བུ། |
| ཚུལ་བྱད |
སྤྱོད་ཚུལ་དམ་ཆ་བྱད་དེ། (དཔེར་ན།) མིའི་ཚུལ་བྱད་ཁོ་ན་ལ་བལྟས་ཏེ་ངོ་བོ་དཔོག་མི་ཐུབ་ཅེས་པ་ལྟ་བུ། |
| ཚུལ་མཐུན |
ལུགས་དང་མཐུན་པ་སྟེ། (དཔེར་ན།) ཚད་ལྡན་ཚུལ་མཐུན་གྱི་སྤྱོད་པ་ཞེས་པ་ལྟ་བུ། |
| ཚུལ་མིན |
ལུགས་དང་མི་མཐུན་པ་སྟེ། (དཔེར་ན།) ཚུལ་མིན་གྱི་བྱ་སྤྱོད། སྐད་ཆ་ཚུལ་མིན། ཚུལ་མིན་ཡིད་བྱེད་ཅེས་པ་ལྟ་བུ། |
| ཚུལ་ཞིག་པ |
1.རང་ཚུགས་ཤོར་བ། 2.ཚུལ་ཁྲིམས་ཉམས་པར་གྱུར་པ། |
| ཚུལ་འཆོས |
1.ཕྱི་ཚུལ་གྱི་སྤྱོད་ལམ་འདྲ་ཆགས་པོ་བཟོ་བ་སྟེ། (དཔེར་ན།) གཞན་རྣམས་རང་ལ་དད་པའི་ཕྱིར་ཚུལ་འཆོས་བྱེད་ལྟ་བུ། 2.དགེ་སློང་གི་ལོག་འཚོ་ལྔའི་ནང་གསེས་ཤིག་སྟེ། རྙེད་པ་དོན་དུ་གཉེར་ནས་ཡོན་ཏན་དང་ལྡན་པ་དང༌། ཆོས་དང་མཐུན་པའི་ཕྱི་ཚུལ་བཅོས་མ་སྟོན་པའོ། ། |
| ཚུལ་ལུགས |
ལུགས་སྲོལ་གྱི་དོན་ཏེ། (དཔེར་ན།) འཇིག་རྟེན་གྱི་ཚུལ་ལུགས་ཇི་བཞིན་དུ་བྱ་བ་བྱས་ན་ལེགས་ཞེས་པ་ལྟ་བུ། |
| ཚུལ་ལྡན |
1.ཚད་ལྡན་ནམ་ཚུལ་དང་མཐུན་པའི་དོན་ཏེ། (དཔེར་ན།) མི་ཚུལ་ལྡན་ལ་ཀུན་གྱིས་བསྟོད་ཅེས་པ་ལྟ་བུ། 2.ཚུལ་གནས་སམ་ཁྲིམས་ལྡན། |
| ཚུལ་ཤིང |
དགེ་འདུན་གྱི་ལས་ཆོག་བྱེད་དུས་གྲྭ་གྲངས་འདྲེན་བྱེད་འོམ་བུ་ཤིང་ལས་བཟོས་པའི་ཐུར་མ་ཞིག |
| ཚུས |
(བརྡ་རྙིང་།) ཁ་ཟས། |
| ཚེ |
1.དུས་ཀྱི་མིང་སྟེ། (དཔེར་ན།) ཉི་མ་ཤར་བའི་ཚེ། ལམ་ལ་ཕྱིན་པའི་ཚེ། ནམ་ཞིག་གི་ཚེ་ན། དེའི་ཚེ་སོགས་ལྟ་བུ། 2.གསོན་པོར་གནས་པའི་དུས་ཡུན་གྱི་མིང་སྟེ། (དཔེར་ན།) ཚེ་རིང་། ཚེ་གྲོགས། ཚེ་ཚད་ཅེས་པ་སོགས་ལྟ་བུ། 3.དངོས་རྫས་བེད་སྤྱོད་པའི་ཡུན་གྱི་མིང་། (དཔེར་ན།) རས་བཟང་ན་ཚེ་ཐུབ། ལྭ་བ་ཚེ་སོང(དུས་ཡུན་རིང་ལ་གོན་པའི་ལྭ་བ)ཞེས་པ་སོགས་ལྟ་བུ། |
| ཚེ་གང |
མི་ཚེ་ཧྲིལ་པོའི་དོན་ཏེ། (དཔེར་ན།) ཚེ་གང་བསགས་པའི་ནོར་རྫས་ཞེས་པ་ལྟ་བུ། |
| ཚེ་གཅིག་ལུས་གཉིས |
1.ལུས་སྟོད་སྦལ་པ་དང་ལུས་སྨད་ཉའི་རྣམ་པ་ལྟར་གྱུར་པའི་ལྕོང་མོ་རོ་མངར་ལ་ལན་ཚ། ནུས་པས་གཉན་ནད་འཇོམས། 2.སྒོ་ང་དང་འདབ་ཆགས་ཀྱི་ལུས་གཉིས་དང༌། ཤ་འབུ་དང་ཤ་སྦྲང་གི་ལུས་གཉིས་ལྟ་བུ། |
| ཚེ་གཏོར |
ཚེ་རྒྱུན་བསྲིང་བྱེད་ཀྱི་སྒྲུབ་རྫས་རྟེན་གཏོར། |
| ཚེ་གནས་པའི་རྩ |
ལུས་རྩའི་བྱེ་བྲག་ཅིག |
| ཚེ་གཡོག |
ཚེ་གང་གཡོག་རྒྱུག་མཁན། |
| ཚེ་གྲོགས |
མི་ཚེ་གཅིག་གི་གཏན་གྲོགས་ཏེ་བཟའ་ཟླ། |
| ཚེ་ཆང |
གཞན་ལ་ཚེ་དབང་སྐུར་སྐབས་ཀྱི་སྒྲུབ་རྫས་བདུད་རྩི། |
| ཚེ་ཆུ |
སློབ་དཔོན་པད་མ་འབྱུང་གནས་སོགས་ཀྱིས་འཆི་མེད་ཚེའི་བདུད་རྩིར་བྱིན་གྱིས་བརླབས་པའི་ཆུ་མིག |
| ཚེ་ཐར |
གཞན་གྱིས་གསོད་རྒྱུའི་སེམས་ཅན་ར་ལུག་སོགས་སྲོག་བླུ་གཏོང་སྲོལ་ཞིག་སྟེ། (དཔེར་ན།) བཤས་ལུག་ཚེ་ཐར་བཏང་ལྟ་བུ། |
| ཚེ་ཐོག་གཅིག་པ |
མི་ཐོག་གཅིག་པ་སྟེ། (དཔེར་ན།) ང་ཚོ་ཚང་མ་ཚེ་ཐོག་གཅིག་པའི་མི་ཡིན་ལྟ་བུ། |
| ཚེ་དང་ལྡན་པ |
1.མི་གསོན་པོ། 2.སློབ་དཔོན་གྱིས་སློབ་མར་འབོད་པའི་ཚིག |
| ཚེ་དཔག་མེད |
སངས་རྒྱས་ཤིག |
| ཚེ་དབང |
ཚེ་རིང་པོ་ཡོང་ཐབས་ཀྱི་དབང་ཆོག |
| ཚེ་དབང་རབ་བརྟན |
ཨོ་རོད་ཚོ་པ་བཞིའི་ནང་གསེས་ཀྱི་ཇུན་གར་གྱི་འགོ་དཔོན་ཞིག་གི་མིང་ཡིན་ཞིང༌། རབ་བྱུང་བཅུ་གཉིས་པའི་མེ་བྱ་ལོར་ཁོས་རང་སྡེའི་དམག་དཔུང་ཁྲིད་དེ་ལྷ་སར་གུ་ཤྲཱི་བསྟན་འཛིན་ཆོས་རྒྱལ་གྱི་ཡང་ཚ་ལྷ་བཟང་ཧཱན་བསད་ཅིང༌། ངག་དབང་ཡེ་ཤེས་རྒྱ་མཚོ་གནས་དབྱུང་བཏང༌། |
| ཚེ་དབང་རིག་འཛིན |
སྔགས་རྙིང་མའི་ས་ལམ་བགྲོད་ཚུལ་རིག་འཛིན་བཞིའི་ཡ་གྱལ་ཞིག་མཐོང་བའི་ལམ་བསྡུས་ཏེ་ཆོས་མཆོག་ཐོབ་པའི་རྟེན་དེ་ཉིད་དྭངས་མའི་ལུས་རྡོ་རྗེ་ལྟ་བུར་འགྱུར་ཞིང༌། སེམས་ཀྱང་མཐོང་བའི་ལམ་གྱི་ཡེ་ཤེས་སུ་སྨིན་པས་སྐྱེ་འཆི་མེད་པ་ཚེའི་རིག་འཛིན་བརྙེས་པའོ། ། |
| ཚེ་ཕྱིད་པ |
ཚེ་འཁྱོལ་བའི་དོན་ཏེ། ༚ (དཔེར་ན།) མི་དམངས་ཀྱི་ཆེད་དུ་ལས་དོན་བྱས་ནས་མི་ཚེ་ཕྱིད་ན་དོན་དང་ལྡན་པ་ཞིག་རེད་ཅེས་པ་ལྟ་བུ། |
| ཚེ་བཅུད |
ཚེའི་ཟུངས་ཏེ། (དཔེར་ན།) ལུས་ཟུངས་ཟད་ན་ཚེ་བཅུད་ཉམས་ཞེས་པ་ལྟ་བུ། |
| ཚེ་བཙོན |
ཚེ་གང་བཙོན་ཁང་དུ་བཅུག་པའི་བཙོན་པ། |
| ཚེ་བརྗེས་པ |
ཚེ་འཕོས་པ། |
| ཚེ་བརྟན |
1.ཚེ་སྲོག་བརྟན་པོ། 2.(མངོན་བརྗོད།) སྲིང་བལ་ཤིང༌། |
| ཚེ་བསོད |
ཚེ་དང་བསོད་ནམས་གཉིས་ཀྱི་བསྡུས་མིང༌སྟེ། (དཔེར་ན།) ཚེ་བསོད་དབང་གསུམ་དང་ལྡན་པའི་ཕོ་རབ་ཅེས་པ་ལྟ་བུ། |
| ཚེ་བུམ |
1.ཚེ་སྒྲུབ་རྟེན་གྱི་བུམ་པ། 2.ཚེ་དཔག་མེད་ཀྱི་ཕྱག་མཚན་བུམ་པ། |
| ཚེ་མ་ཕྱིད |
མི་ཚེ་མ་ཕུད་པ། |
| ཚེ་མདོ་ཚེ་གཟུངས |
ཚེ་འཕེལ་ཐབས་ཀྱི་མདོ་སྡེ་དང་གཟུངས་སྔགས་ཤིག |
| ཚེ་མི་བོན |
སྔར་བོད་དུ་བྱུང་བའི་བོན་ཆོས་ཀྱི་གྲུབ་མཐའ་ཞིག |
| ཚེ་ཚད |
ཚེ་རིང་ཐུང་གི་གནས་ཚད། |
| ཚེ་ཚེ |
ར་ཡི་མིང༌སྟེ། (དཔེར་ན།) གཡང་དཀར་ལུག་དང་ཚེ་ཚེ་ར་ཞེས་པ་ལྟ་བུ། |
| ཚེ་ཟད |
ཚེ་མཇུག་རྫོགས་པའམ་ཚར་བ། |
| ཚེ་འགུགས |
ལྷ་དང་དྲང་སྲོང་བརྟན་གཡོའི་ཚེ་བཅུད་ཐམས་ཅད་བསྡུས་ནས་མི་ལ་བསྟིམས་ཏེ་མིའི་ཚེ་བསྲིང་བར་བྱེད་པའི་ཆོ་ག་ཞིག |
| ཚེ་འགྲོ |
(མངོན་བརྗོད།) འཆི་བ། |
| ཚེ་འདས |
ཤི་བའི་དོན། |
| ཚེ་འདས་པ |
ཤི་བའམ་ཚེ་འཕོས་པ། |
| ཚེ་འཕེལ་རྫས |
(མངོན་བརྗོད།) རྩྭ་དུར་བ། |
| ཚེ་འཕོ་བ |
ཚེ་ལས་འདའ་བ་སྟེ། (དཔེར་ན།) ཚེ་འཕོ་བ་ལྡོག་མེད་ཆོས་ཉིད་རེད་ཅེས་པ་ལྟ་བུ། |
| ཚེ་འབར |
ཉིན་མཚན་རྒྱུན་མི་འཆད་པར་འབར་བའི་མར་མེའི་མིང༌། |
| ཚེ་འབར་ཀོང |
ཉིན་མཚན་རྒྱུན་མི་འཆད་པར་འབར་བའི་མར་མེའི་ཀོང་བུའི་མིང༌། |
| ཚེ་འབུམ་ཁྲ་བོ |
བོན་གྱི་སྤྱོད་པའི་སྐོར་གྱི་གཞུང་ཞིག |
| ཚེ་ཡི་དུས་བྱས་པ |
ཤི་བ་སྟེ། (དཔེར་ན།) ནད་པ་མྱུར་དུ་ཚེ་ཡི་དུས་བྱས་སོང་ལྟ་བུ། |
| ཚེ་ཡི་རིག་བྱེད |
གསོ་བའི་རིག་པ་དང་དོན་གཅིག |
| ཚེ་ཡི་རིག་བྱེད་པ |
(མངོན་བརྗོད།) སྨན་པ། |
| ཚེ་རབས |
ཚེ་སྔ་ཕྱིའི་བརྒྱུད་པ་བར་མ་ཆད་པའི་དོན་ཏེ། (དཔེར་ན།) ཚེ་རབས་བརྗེ་བ་ཞེས་པ་ལྟ་བུ། |
| ཚེ་རབས་ལས་རྩིས |
ཚེ་སྔ་ཕྱི་དང་ད་ལྟའི་སྐྱིད་སྡུག་ལྟ་ཚུལ་གྱི་རྩིས་འབྲས། |
| ཚེ་རིང |
1.ཚེ་རིང་པོའི་དོན་ཏེ། (དཔེར་ན།) ཚེ་རིང་ནད་མེད། ཚེ་རིང་ལོ་བརྒྱ་ཞེས་པ་ལྟ་བུ། ྄2.(མངོན་བརྗོད།) ལྷ། |
| ཚེ་རིང་དྲུག་སྐོར |
ཚེ་རིང་རྣམ་དྲུག་དང་འདྲ། |
| ཚེ་རིང་པོ |
ཚེ་རིང་བ་དང་འདྲ། |
| ཚེ་རིང་བ |
ཚེ་རིང་པོ་ཡོད་པ། |
| ཚེ་རིང་མཆེད་ལྔ |
ལྷ་མོ་བཀྲ་ཤིས་ཚེ་རིང་མ་དང༌། མཐིང་གི་ཞལ་བཟང་མ། མི་གཡོ་བློ་བཟང་མ། ཅོད་པན་མགྲིན་བཟང་མ། གཏད་དཀར་འགྲོ་བཟང་མ་བཅས་རྣམ་ལྔས་རིམ་གྱིས་འཇིག་རྟེན་གྱི་ཚེ་དཔལ་དང༌། སྔོན་ཤེས། ས་ཞིང༌། རིན་པོ་ཆེ། འབྲོག་ཕྱུགས་སོགས་དབང་དུ་བྱེད་ཅིང། མཐིང་གི་ཞལ་བཟང་མའི་མིང་གཞན་ཞིག་ལ་གངས་མཐོན་མཐིང་རྒྱལ་མོའང་ཟེར་བ་དེ་ཇོ་མོ་གླང་མ་རིར་གནས། ལྷ་མོ་དེ་དག་གི་གཙོ་བོ་ཡིན་པར་གྲགས་སོ། ། |
| ཚེ་རིང་རྣམ་དྲུག |
སྔར་གྱི་བཤད་སྲོལ་ལྟར་བྲག་ཚེ་རིང་དང༌། ཆུ་ཚེ་རིང༌། ཤིང་ཚེ་རིང༌། མི་ཚེ་རིང༌། བྱ་ཚེ་རིང༌། རི་དྭགས་ཚེ་རིང་སྟེ་དྲུག |
| ཚེ་རིང་སྐྱིན་ཁེབས |
བོད་ཀྱི་ཕོ་མོ་རིས་མེད་ཀྱིས་གྱོན་པའི་ཞྭ་མོ་ཞིག |
| ཚེ་རིང་སྐྲ་ཕུད |
བུ་དང་བུ་མོ་ཚེ་རིང་བའི་ཆེད་དུ་བླ་མ་ཁག་ལ་འབུལ་རྒྱུའི་སྐྲ་ཕུད། |
| ཚེ་རིལ |
ཚེ་རྫས་བསྡུས་བསྒྲུབས་ཀྱི་རིལ་བུ། |
| ཚེ་རོགས |
མི་ཚེ་གཅིག་གི་གཏན་གྲོགས། |
| ཚེ་རྗེས་མ |
སྐྱེ་བ་ཕྱི་མ། |
| ཚེ་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པར་ཚེའི་ཚད་བྱིན་གྱིས་བརླབས་པ། |
| ཚེ་ལས་འདས་པ |
ཚེ་འདས་པ་དང་དོན་གཅིག |
| ཚེ་ལོ |
མི་དང་སྲོག་ཆགས་གསོན་པའི་ལོ་ཚད་ཀྱི་མིང་སྟེ། (དཔེར་ན།) ཚེ་ལོ་བརྒྱ་ལོན། རུས་སྦལ་གྱིས་ཚེ་ལོ་བརྒྱ་ཐུབ་ལྟ་བུ། |
| ཚེ་ལྡན |
ཚེ་དང་ལྡན་པ་སྟེ་མ་ཤི་བར་འཚོ་བཞིན་པའི་མི། |
| ཚེ་ལྷ་མ |
ཚེ་དཔག་མེད་ཀྱི་སྐུ་བརྙན་ཡོད་པའི་ཁ་བཏགས་ལེགས་གྲས་ཤིག |
| ཚེ་ལྷ་རྣམ་གསུམ |
ལྷ་ཚེ་དཔག་མེད་དང༌། སྒྲོལ་དཀར། རྣམ་རྒྱལ་མ་སྟེ་གསུམ། |
| ཚེ་སྐབས |
དུས་ཚོད་དང་གོ་སྐབས། |
| ཚེ་སྐབས་ཀྱི་སྒྲ |
དུས་ཚོད་དང་སྐབས་བབ་ཀྱི་ཁྱད་པར་ཉེ་བར་སྟོན་པའི་ལ་དོན་གྱི་ཚིག་ཕྲད་ཅིག (དཔེར་ན།) ཆུ་ཚོད་དང་པོར་ལས་གྲྭ་ཚུགས། ཆུ་ཚོད་དྲུག་པར་ཚོགས་འདུ་འཚོགས། ཉིན་དུས་སུ་ངལ་རྩོལ་བྱས། མཚན་དགུང་དུ་གློག་བརྙན་བལྟས། སྐབས་སྐབས་སུ་ལུས་རྩལ་སྦྱངས། བར་བར་དུ་སློབ་སྦྱོང་བྱས། ཞེས་པ་ལྟ་བུ། |
| ཚེ་སྐྲ |
སྔར་ཧོར་མོ་ཚོས་ཚེ་ཧྲིལ་པོའི་རིང་མ་བྲེགས་པར་འཇོག་པའི་སྐྲ། |
| ཚེ་སྒྲུབ |
ཚེ་སྤེལ་བའི་ཆོ་ག། |
| ཚེ་སྔ་མ |
སྐྱེ་བ་སྔ་མ། |
| ཚེ་སྔ་མ་རིག་པ |
རང་གི་སྐྱེ་བ་སྔོན་མའི་གནས་ཤེས་པ། |
| ཚེ་སྔོན |
སྐྱེ་བ་གོང་མ། |
| ཚེ་སྙིགས་མ |
མི་ཚེ་ཇེ་ཐུང་དུ་འགྲོ་བ་སྙིགས་མ་ལྔའི་ནང་ཚན་ཞིག |
| ཚེ་སྟོད |
ཚེའི་སྟོད་ཆ་སྟེ། (དཔེར་ན།) ཁོ་ཚེ་སྟོད་དབུལ་ཡང་ཚེ་སྨད་ཕྱུག་ཅེས་པ་ལྟ་བུ། |
| ཚེ་སྤོངས་བཟའ་དམར་རྒྱན་མེ་ཏོག་སྒྲོལ་མ |
ཁྲི་སྲོང་ལྡེ་བཙན་གྱི་བཙུན་མོ་ཆེ་བ། དེས་བསམ་ཡས་ཁམས་གསུམ་ཟངས་ཁང་གླིང་བཞེངས་པར་བཤད། |
| ཚེ་སྨད |
ཚེ་མཇུག་སྟེ། (དཔེར་ན།) ཚེ་སྨད་ལ་བདེ་སྐྱིད་ལྡན་པའི་འཚོ་བ་སྐྱེལ་རྒྱུ་བྱུང༌ལྟ་བུ། |
| ཚེ་སྨོན་གླིང |
1.ལྷ་སའི་ནང་དུ་ཡོད་པའི་དགེ་ལུགས་པའི་དགོན་པ་ཞིག 2.སྔར་བོད་ཀྱི་རྒྱལ་ཚབ་ལ་སྡོད་མྱོང་བའི་སྤྲུལ་སྐུ་ཞིག |
| ཚེ་སྲིང་བ |
ཚེ་རིང་དུ་སྤེལ་བ། |
| ཚེ་སྲོག |
མི་སོགས་མི་འཆི་བར་གནས་ཐུབ་པའི་རྟེན། |
| ཚེ་སྲོག་བླ་གསུམ |
མར་མེའི་མར་ཁུ་དང་འདྲ་བའི་ཚེ། སྡོང་བུ་དང་འདྲ་བའི་སྲོག མེ་ལྕེ་དང་འདྲ་བའི་བླ་སྟེ་དེ་གསུམ་སེམས་ཅན་རྣམས་ཀྱི་རྟེན་གྱི་དབང་པོ་འཚོ་བར་བྱེད་པའི་རྐྱེན་གསུམ་ཡིན། |
| ཚེག |
1.བོད་ཡིག་གི་རྐྱེན་གྱི་ཡི་གེ་ཞིག་སྟེ། ཚིག་འབྲུ་མི་འཁྲུགས་པའི་ཆེད་དུ་མཚམས་སུ་འབྲི་རྒྱུའི་རྟགས་༼་༽འདིའི་མིང་། 2.ཚེག་ཅེས་པའི་སྒྲ། |
| ཚེག་ཁྱིམ |
སྔ་ཕྱིའི་ཚེག་གི་བར་ཡིག་འབྲུ་གཅིག་ནས་བཞི་བར་གང་ཡོད་ཀྱི་ས་ཁོངས། |
| ཚེག་གི་རྒྱ |
རྒྱ་རིམ་པ་བདུན་གྱི་ཡ་གྱལ་ཞིག་ཚིག་འབྲུ་མི་འཁྲུག་པར་བྱེད་པའི་རྟགས༌༼་༽ལྟ་བུ། |
| ཚེག་ཆོམ |
(རྒྱན་ཚིག) སྒྲ་གྲག་ཚུལ་གྱི་ཁྱད་པར་ཞིག་སྟེ། (དཔེར་ན།) བྱི་བས་ཟས་དངོས་བརྐུས་ཏེ་ཚེག་ཆོམ་གྱི་སྒྲ་གྲག་ཅེས་པ་ལྟ་བུ། |
| ཚེག་ཐིག |
བར་བར་དུ་མཚམས་བཞག་ནས་འཐེན་པའི་ཐིག་རིས། |
| ཚེག་ཐུང |
ཡིག་འབྲུའི་བར་ཚེག་ཕྲ་མོ། |
| ཚེག་དྲག |
རྣམ་བཅད་དེ་རྟགས་ཿ་འདིའི་མིང་། |
| ཚེག་བར |
ཡི་གེའི་ཚེག་གཉིས་བར་གྱི་ས་ཁོངས། |
| ཚེག་རིང |
བོད་ཡིག་གི་ཤད། |
| ཚེག་ཤད |
ཡིག་འབྲུའི་བར་མཚམས་འབྱེད་བྱེད་ཚེག་དང་ཤད། |
| ཚེག་ཤིང |
ཀོང་པོ་སོགས་ནས་ཐོན་པའི་ལྗོན་ཤིང་རྒྱ་ཞེས་པ་མེ་ལ་འབུད་སྐབས་ཚེག་སྒྲ་སྒྲོག་པ་ཞིག |
| ཚེགས |
1.(བྱེད་མེད་ལས་ཚིག) 1>ལས་ཀ་ལས་ནས་ངལ་བའི་དོན་ཏེ། (དཔེར་ན།) ལུས་ཚེགས། རྐང་ཚེགས་ལྟ་བུ། 2>བྲེལ་བ་ལངས་པའམ་སྡུག་བསྔལ་སྐྱེས་པའི་དོན་ཏེ། (དཔེར་ན།) སེམས་ཚེགས་ཞེ་ཚེགས་ལྟ་བུ། 2.དཀའ་ཚེགས་ཀྱི་མིང་སྟེ། (དཔེར་ན།) བྱ་བ་ཚེགས་མེད་དུ་གྲུབ་ལྟ་བུ། |
| ཚེགས་མེད་ལྷུན་གྲུབ |
དཀའ་ལས་མེད་པར་རང་ཤུགས་ཀྱིས་གྲུབ་པ་སྟེ། (དཔེར་ན།) ལས་དོན་གང་འདྲ་ཞིག་ཡིན་ཀྱང་འབད་རྩོལ་མ་བྱས་པར་རང་བཞིན་གྱིས་ཚེགས་མེད་ལྷུན་གྲུབ་ཏུ་འབྱུང་བ་མེད་དོ་ཞེས་པ་ལྟ་བུ། |
| ཚེགས་ཚེགས་སུ་བསྒྲུབས་པ |
དཀའ་ལས་ཡང་ཡང་བརྒྱབ་སྟེ་བསྒྲུབས་པའི་དོན་ཏེ། (དཔེར་ན།) ལས་དོན་རྣམ་གྲངས་མང་པོ་ཚེགས་ཚེགས་སུ་བསྒྲུབས་ནས་ཚར་སོང༌ཞེས་པ་ལྟ་བུ། |
| ཚེགས་ལེན |
དཀའ་ཚེགས་རང་སྟེང་དུ་ལེན་པ། |
| ཚེབ |
1.ཡུ་བ་གཅིག་ལ་རྩེ་མོ་འགའ་ཡོད་པའི་ཡོ་བྱད་ཅིག་གི་མིང་སྟེ། (དཔེར་ན།) ལྕགས་ཚེབ་ཤིང་ཚེབ་ཅེས་པ་ལྟ་བུ། 2.གཞུང་རྟ་གཅིག་ལ་ཡལ་ག་དུ་མ་ཡོད་པའི་དོན་ཏེ། (དཔེར་ན།) སུམ་ཚེབ་ཉིས་ཚེབ་ཅེས་པ་ལྟ་བུ། |
| ཚེམ |
བཙེམ་གྱི་ད་ལྟ་བ། (དཔེར་ན།) ལྭ་བ་ཚེམ་གྱིན་འདུག ལྭ་བ་ཚེམ་མཁན། ཚེམ་བྱེད་ཀྱི་ཁབ་དང་སྐུད་པ་ཞེས་པ་ལྟ་བུ། |
| ཚེམ་དྲུབ |
ཚེམ་ལས་ཀྱི་མིང༌། |
| ཚེམ་དྲུབ་མ |
དར་སྐུད་སྣ་ཚོགས་སྤེལ་ནས་བཙེམས་པའི་གོས་ཆེན་ཏེ། (དཔེར་ན།) གོས་ཆེན་ཚེམ་དྲུབ་མ་ཞེས་པ་ལྟ་བུ། |
| ཚེམ་བུ |
བཟོ་ཚེམ་གྱི་ལས་ཀ་སྟེ། (དཔེར་ན།) ཚེམ་བུ་བརྒྱབ་ནས་འཚོ་བ་སྐྱེལ་བ། ཚེམ་བུའི་འཁོར་ལོ་ཞེས་པ་ལྟ་བུ། |
| ཚེམ་བུ་བ |
གོས་འདྲུབ་མཁན། |
| ཚེམ་བུ་ལྕགས་སྒྲོག |
སྐུད་པ་འགུག་ནས་འགུག་ཏུ་བཀུག་པའི་ཚེམ་བུ་ཞིག |
| ཚེམ་བུ་ཧྲལ་པོ |
ཞིབ་ཚགས་མིན་པར་བར་ཐག་རིང་པོར་འཚེམ་པའི་ཚེམ་བུ། |
| ཚེམ་ཚེམ |
གནའ་དུས་མཚོན་ཆ་སྲུང་བྱེད་ལྕགས་ཀྱི་ཨ་ལོང་ཆུང་ངུ་མང་བོ་བསྒྲིགས་པའི་གྱོན་ཆས་ཤིག་གི་མིང་། |
| ཚེམ་ཞུ |
(བརྡ་རྙིང་།) རྨོག |
| ཚེམ་ཞྭ |
(བརྡ་རྙིང་།) རྨོག |
| ཚེམ་སྐུད |
གོས་སོགས་ཚེམ་བྱེད་ཀྱི་སྐུད་པ། |
| ཚེམ་སྲུབ |
ཚེམ་སྲུབས་དང་འདྲ། |
| ཚེམ་སྲུབས |
ཚེམ་བུའི་བར་མཚམས། |
| ཚེམས |
1. ཐ་དད་པར་འཇུག་ཅིང་འདྲུབ་པའི་དོན་དུ་གོ་བའི་འཚེམ་པའི་སྐུལ་ཚིག 2. སོའི་ཞེ་ས། ཚེམས་དཀར་དུང་འཕྲེང་བསྟར་བ་འདྲ། |
| ཚེམས་ཀྱི་དཔེ་བྱད་ལྔ |
དཔེ་བྱད་བཟང་པོ་བརྒྱད་ཅུའི་གྲས་ཤིག་མཆེ་བ་ཟླུམ་པ་དང༌། མཆེ་བ་རྣོ་བ་དང༌། མཆེ་བ་དཀར་བ་དང༌། མཆེ་བ་མཉམ་པ་དང༌། མཆེ་བ་བྱིན་གྱིས་ཕྲ་བ་བཅས་ལྔའོ། |
| ཚེམས་ཐགས་བཟང་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་བདེན་པའི་ཚིག་ཀུན་ཏུ་སྤྱད་པས་ཚེམས་ཐགས་བཟང་བ། |
| ཚེམས་དཀར་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྟེ་སྐྱེ་བོ་ཐམས་ཅད་བཀུར་བ་ལ་སོགས་པས་ཚེམས་དཀར་བ། |
| ཚེམས་བཞི་བཅུ་ཚང་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་ཕྲ་མའི་ཚིག་སྤངས་པས་ཚེམས་བཞི་བཅུ་མངའ་བ། |
| ཚེམས་མཉམ་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྟེ་འཚོ་བ་རྣམ་པར་དག་པ་ཉིད་ཀྱིས་ཚེམས་མཉམ་པ། |
| ཚེམས་ཤིང |
སོའི་དྲེག་པ་འདོན་བྱེད་ཀྱི་ཤིང་བུ། |
| ཚེམས་ཤིན་ཏུ་དཀར་བ |
ཚེམས་དཀར་བའི་མཚན་བཟང་དང་དོན་གཅིག་ |
| ཚེའི་ཀུན་ནས་ཉོན་མོངས་པ |
རྟེན་འབྲེལ་བཅུ་གཉིས་ལས། རྣམ་ཤེས་དང༌། མིང་དང་གཟུགས་དང༌། སྐྱེ་མཆེད་དྲུག་དང༌། རེག་པ་དང༌། ཚོར་བ་དང༌། སྐྱེ་བ་དང༌། རྒ་ཤི་བཅས་བདུན་ནོ། |
| ཚེའི་མེ་ཏོག |
ཁམ་བུའི་མེ་ཏོག་བོད་ཀྱི་བཟོ་རྩལ་ཐོན་རྫས་ནང་བེད་སྤྱོད་གཏོང་མང་བའི་རྒྱན་རིས་ཚེ་རིང་པོ་མཚོན་བྱེད་ཅིག |
| ཚེའི་འདུ་བྱེད |
གང་ཟག་གི་རྒྱུད་ཀྱིས་བསྡུས་པའི་ཚེ་སྲོག་ལྡན་མིན་འདུ་བྱེད་ཀྱི་གྲས་ཤིག ཚེའི་འདུ་བྱེད་ཡལ་བར་མི་མཛད་པ། སྐུ་ཚེའི་འདུ་བྱེད་གཏོང་བ། |
| ཚེར་ཐགས |
ཚེར་མས་བསྐོར་བའི་ར་བ། |
| ཚེར་དཀར |
སྔོ་ཞིག |
| ཚེར་ཕུང |
ཤིང་ཚེར་མའི་ཕུང་པོ། སྒོ་ན་ཚེར་ཕུང་གིས་བསྐོར་ཡོད། ཚེར་ཕུང་བསྐོར་ནས། རི་བོང་ལ་འཇབ་རྡོ། |
| ཚེར་མ |
རྩི་ཤིང་གི་ཐོག་ནས་སྐྱེས་པའི་ཁབ་ལྟ་བུའི་དངོས་པོའི་མིང་། |
| ཚེར་མ་དར་བཏུམས |
ཁ་འཇམ་གཏིང་རྩུབ་ཀྱི་དཔེ། |
| ཚེར་མ་ཚང་ཚིང |
འཐུག་ཅིང་འཛིངས་པའི་ཚེར་མའི་ཚལ། |
| ཚེར་མ་འདོམ་གཞལ |
དོན་དག་ཆུང་ཆུང་གཞི་ཆེན་པོར་སྒྲོག་པའི་དཔེ། |
| ཚེར་མ་སྲུང |
མངོན ལྷམ། |
| ཚེར་མའི་ཁ |
ཚེར་མའི་རྣོའམ་རྩེ་མོ། |
| ཚེར་མའི་ཚང་ཅན |
མངོན བྱ་ཕོ་རོག |
| ཚེར་མོ |
ལོ་གཉིས་ལོན་པའི་རེའུ་དང་ལུ་གུ་མོ། |
| ཚེར་འཛིན |
ཙུ་མོ་ཏི་སྟེ་ཚེར་མ་འཛིན་བྱེད་དམ་རྨངས་འཇབ། |
| ཚེར་རྩང |
ཆོས་ལུགས་པས་གཏོར་ཟོར་ལ་འཛུགས་རྒྱུའི་ཚེར་མ་ཅན་གྱི་ཤིང་ཕྲ་ཞིང་རྩེ་རྣོ་བ་ཞིག |
| ཚེར་ལུམ |
རི་ཤོ་བ་ཟེར་བའི་རྩ་ལྡུམ་ཞིག་གི་མིང་། |
| ཚེར་ལྷོག |
ལུས་ཀྱི་གནས་གང་རེད་དུ་ཚེར་མ་ཟུག་སྟེ་དེའི་སྟེང་གཉན་ནད་དང་མཉམ་དུ་འདོམས་ནས་བློ་བུར་དུ་སྐྲངས་ཤིང་ཟུག་རྔུ་དྲག་པོ་འབྱུང་བ་ཞིག |
| ཚེར་ཤིང |
ཚེར་མ་ཅན་གྱི་ཤིང༌། |
| ཚེར་ཤུག |
ཤུག་པ་ཚེར་མ་ཅན། |
| ཚེར་སྔོན |
ཨ་བྱག་ཚེར་སྔོན་གྱི་བསྡུས་ཚིག་ |
| ཚེར་སྟར |
ཚེར་མ་ཚར་དུ་བསྒྲིགས་པའི་ར་བ། ཚེར་སྟར་གྱི་ར་བའི་ནང་དུ་མེ་ཏོག་བཏབ་པ། |
| ཚེས |
1 ཚེས་གྲངས། 2 ཟླ་བ་འཕེལ་འགྲིབ་ཀྱི་སྒོ་ནས་འཇོག་པའི་ལོ་དང་ཟླ་བ་དང་ཞག་བཅས་ཀྱི་ཡུན་འཇལ་བྱེད་ཀྱི་ཚད་དེ། ཚེས་ཞག་ཚེས་ཟླ། ཚེས་ལོ། ཚེས་ལོངས་ལྟ་བུ། 3 མངོན རགས་པར་ཟླ་བའི་ཕྱོགས་རེར་ཚེས་ཞག་དང་ཉིན་ཞག་གཉིས་ཀ་བཅོ་ལྔ་རེ་ཡོད་པས་གྲངས་བཅོ་ལྔ་མཚོན། |
| ཚེས་ཁ |
ཚེས་ཀྱི་དང་པོ། ཟླ་བ་ཚེས་ཁ་སྟག་གམ་སྤྲེལ་ནས་འཛིན་པ། |
| ཚེས་གཏོར |
སྔ་དུས་བོད་ས་གནས་སྲིད་གཞུང་དང༌། དགོན་སྡེ་ཁག་གིས་ཧོར་ཟླ་དང་པོའི་ཚེས་གཅིག་ཞོགས་པ་དཔལ་ལྡན་ལྷ་མོར་འབུལ་རྒྱུའི་མཆོད་གཏོར། |
| ཚེས་གནམ་གང |
ཚེས་སུམ་ཅུ་ཐམ་པ། མིང་གི་རྣམ་གྲངས་ལ་ཉི་མ་ཟླ་བ་ཡང་དག་འགྲོགས་དང༌། གནམ་སྟོང༌། ལྷན་ཅིག་མཐོང་བཅས་སོ། |
| ཚེས་གཟའ |
གྲུབ་རྩིས་ཀྱི་གཟའ་དག་པའི་རེས་གཟའ། |
| ཚེས་གྲངས |
ཚེས་གཅིག་ནས་སོ་གཅིག་བར། ཚེས་གྲངས་རྩི་བ། ཚེས་གྲངས་མཐུན་པ། ཚེས་གྲངས་མི་མཐུན་པ། ཚེས་གྲངས་གཏན་འཁེལ། |
| ཚེས་ཆ |
ཚེས་གྲངས། ཕྱོགས་སུ་འགྲོ་རྒྱུའི་ཚེས་ཆ་ད་དུང་གཏན་ཁེལ་མ་སོང༌། |
| ཚེས་ཆད་ལྷག |
གཟའ་དག་གི་གཟའ་གཅིག་ལན་གཉིས་བལྡབས་གྱུར་ན། ཆུ་ཚོད་མང་བའི་ཚེས་དེ་ཆད། མཆོངས་ན་ཆུ་ཚོད་ཉུང་བ་ལྷག་དོན་དུ་ཚེས་ལ་ཆད་ལྷག་མེད། དེ་ལྟར་སྣང་བའི་རྒྱུ་མཚན་ནི། ཉིན་ཚེས་བསྟུན་ནས་བརྩི་ཕྱིར་ཡིན། ཞེས་པ་ལྟར་རོ་ཡིན་ལ། དེ་ཡང་ཚེས་ཞག་ལ་རིང་ཐུང་ཡོད་པའི་དབང་གིས་ཡིན། ཚེས་ཞག་དང་སྔ་ཕྱི་གསུམ་མཐོང་ཞེས་པའི་ཐད་ལའང་ལྟོས། |
| ཚེས་ཆུ |
ལོ་གསར་ཚེས་པ་གཅིག་གི་ཐོ་རེངས་ཀྱི་ཆུ། |
| ཚེས་དགེ་བ |
ཚེས་གྲངས་ཀྱི་གཟའ་སྐར་བཟང་པོ། ཟླ་ཚེས་དགེ་བར་བྲིས། |
| ཚེས་པ |
1. ཐ་མི་དད་པ འཆར་བ། ཟླ་བ་ཚེས་པ། གནམ་ལོ་གསར་ཚེས། 2. ཉིན་ཞག་རེ་རེ་བ། ཚེས་པ་གསུམ། |
| ཚེས་བཅུ |
ཡར་ངོའི་ཚེས་པ་བཅུ་དང༌། མར་ངོའི་ཚེས་བཅུ་སྟེ་ཉི་ཤུ་ལྔ། ཡར་ངོ་མར་ངོའི་ཚེས་བཅུ་ལ་ཚོགས་འཁོར་གཏོང་བ། |
| ཚེས་བཅུའི་འཆམ་ཡིག |
ཡར་ངོའི་ཚེས་བཅུའི་སྐབས་འཆམ་རྒྱག་སྟངས་ཀྱི་ཟིན་བྲིས། |
| ཚེས་བདག |
མངོན ཟླ་བ། |
| ཚེས་བཟང་པོ |
ཚེས་དགེ་དུས་བཟང༌། ཟླ་5 ཚེས་15 བཟང་པོ་ལ་ཕུལ། ཚེས་བཟང་དུས་བཟང༌། |
| ཚེས་མགོ |
ཚེས་འགོ་དང་འདྲ། |
| ཚེས་ཞག |
ཟླ་བའི་འཕེལ་འགྲིབ་ལ་བརྟེན་ནས་བརྩིས་པའི་ཚེས་གྲངས་ཀྱི་མིང་རང་རེས་མཐོང་ཐུབ་པའི་ཟླ་བའི་དཀྱིལ་འཁོར་གྱི་ངོས་ལ་ཆ་བཅོ་ལྔ་བྱས་པའི་ཆ་རེ་འཕེལ་འགྲིབ་ཀྱི་ཡུན་ནི་ཚེས་ཞག་གཅིག་ཡིན། སའི་གོ་ལས་རང་འཁོར་གཅིག་བརྒྱབ་པའི་ཡུན་ཉིན་གཅིག་ཚེས་གཅིག་ཚེས་གཉིས་ཞེས་པ་ལྟ་བུ། |
| ཚེས་ཞག་དཀྱིལ་འཁོར |
ཁྱིམ་ལོ་སྟེ་ཚེས་ཞག་སུམ་བརྒྱ་དོན་གཅིག་དང༌། ཆུ་ཚོད་གཅིག་ཙམ་གྱི་དུས་ཡུན། |
| ཚེས་ཞག་རྟག་ལོངས |
ཚེས་ཞག་རེའི་ཡུན་ཚད་དེ་ཆུ་ཚོད་ལྔ་བཅུ་ང་དགུ་དང༌། ཆུ་སྲང་གསུམ། དབུགས་བཞི། ཆ་ཤས་བཅུ་དྲུག་ཙམ་ཡོད། |
| ཚེས་ཟླ |
ཟླ་བའི་དཀར་ཆ་དང་པོ་ནས་བཅོ་ལྔའི་བར་འཕེལ་བ་དང་དམར་ཆའམ་འགྲིབ་ཆ་དང་པོ་ནས་བཅོ་ལྔའི་བར་འགྲིབ་པ་སྟེ་འཕེལ་འགྲིབ་བསྡོམས་པའི་ཆ་སུམ་ཅུ་ལ་ཚེས་ཟླ་ཞེས་བཏགས་པའོ། དེའི་དུས་ལོངས་ནི། གཟའི་རང་འཁོར་བཞི་སོང་བའི་འཕྲོ་ན་གཟའ་གནས་སུ་གཅིག་དང་ཆུ་ཚོད་སོ་གཅིག་ཆུ་སྲང་ལྔ་བཅུ་རི་རོའི་ཆ་ཞེ་ལྔ་རི་མཁའ་རིའི་ཆ་སུམ་བརྒྱ་ཞེ་ལྔ་རེ་ཡིན། |
| ཚེས་ཟླའི་འགོ |
འཇིག་རྟེན་པའི་ལུགས་ལ་ཡར་ངོའི་ཚེས་གཅིག་ལ་འཛིན་པ་ཤས་ཆེ་ཡང་མར་ངོའི་ཚེས་གཅིག་ལ་འཛིན་པའང་ཡོད་དོ། ལོ་འགོའི་ཐད་ལའང་ལྟོས། |
| ཚེས་འཁྱུད |
ཉི་སྐར་དག་པ་ལ་ཟླ་སྐར་རྟག་ལོངས་བྱིན་ཟིན་པའི་མིང༌། |
| ཚེས་འཁྱུད་ཟླ་སྐར |
དེ་ཉིན་གྱི་ཚེས་ལོངས་རྫོགས་པར་སྤྱོད་པའི་ཟླ་སྐར་རྣམ་དག་ཡིན། འདིར་འཁྱུད་ཅེས་པ་ནི་ད་ལྟ་འགྲོགས་བཞིན་པའི་དོན་ཡིན། |
| ཚེས་འགོ |
ཚེས་ཤར་གྱི་ཐོག་མ། |
| ཚེས་འགྲིབ་དུས |
ཟླ་བའི་ཕྱི་རྐང་ལུགས་ལྡོག་དུས་སུ་ཟླ་བའི་འཕེལ་འགྲིབ་མགྱོགས་པས་ན་ཆུ་ཚོད་ང་བཞིའི་བར་འབྱུང་བ་ཡིན། |
| ཚེས་འཕེལ་དུས |
ཟླ་བའི་སྔ་རྐང་ལུགས་འབྱུང་དུས་སུ་ཟླ་བའི་འཕེལ་འགྲིབ་བུལ་བས་ཆུ་ཚོད་རེ་བཞིའི་བར་འབྱུང་ངོ། |
| ཚེས་རིས |
ལུགས་རྙིང་གི་ཚེས་གསུམ་བཞི་ལ་མཐོང་བའི་ཟླ་བའི་དཀར་ཆའི་མིང་། |
| ཚེས་རྩིས |
ནག་རྩིས་ནས་འབྱུང་བའི་ཚེས་གྲངས་རྩི་ཐབས། |
| ཚེས་ལོ |
ཟླ་བའི་འཕེལ་འགྲིབ་ཀྱི་ཆ་སུམ་ཅུ་ལ་ཚེས་ཟླ། དེ་བཅུ་གཉིས་ལ་ལོར་བྱས་པའོ། |
| ཚེས་ལོངས |
གཟའ་འོག་ཏུ་བཀོད་པའི་ཚེས་ཀྱི་ལོངས་སྤྱོད། |
| ཚེས་ཤར |
ཟླ་འགོ་ཤར་བ། ཟླ་བ་རྗེས་མའི་ཚེས་ཤར་ལ་འགྲོ་རྒྱུ་གཏན་ཁེལ་སོང༌། |
| ཚོ |
1 1 ཤོག་ཁ་དང་སྡེ་ཚན། 2 རང་སྐྱ་འཕེར་བའམ་རང་ཚུགས་ཐུབ་པའི་རྟེན་གཞི་དང་ནུས་པ། ཁྱིམ་ཚོ། ལུས་ཚོ། སེམས་ཚོ་མི་ཟིན་པས་སྨྱོན་པར་གྱུར་པ། 3 མོན་ཡུལ་གྱི་གྲོང་དུད་ཚོ་ཁག་གི་མིང་སྟེ་ཡུལ་འགའ་རེར་ལྡིང་ཡང་ཟེར། 2. གཉིས་ཡན་ཆད་ཀྱི་མང་ཚིག་ཅིག མི་ཚོ། མཚོན་ཆ་དེ་ཚོ། |
| ཚོ་ཁག |
དུམ་བུ་དང་ཚན་པ། འབྲོག་པ་རྣམས་ཚོ་ཁག་ཚོ་ཁག་བྱས་ནས་ཡོད། |
| ཚོ་ཆེས་པ |
ཡུལ 1 ལྟོ་ཆས་ཚིལ་ཞག་མང་དྲགས་པ། ཁ་ཟས་ཚོ་ཚེས་པ། 2 འཚག་བཟང་བའམ། ཤ་རྒྱགས་པ། ཕག་པ་ཚོ་ཆེས་པ། གཟུགས་པོ་ཚེ་ཆེས་པ། |
| ཚོ་དཔོན |
སྡེ་ཤོག་གམ་ཚོ་པའི་དཔོན་པོ། |
| ཚོ་པ |
ཤོག་ཁ། སྡེ་ཚོ་པ་རེ་ལ་དཔོན་པོ་རེ། |
| ཚོ་པའི་བརྒྱ་དཔོན |
སྡེ་ཚོའམ་མི་ཁྱིམ་བརྒྱ་རེའི་དཔོན་པོ། |
| ཚོ་པའི་འགོ་དཔོན |
སྡེ་ཚོ་སོ་སོའི་དཔོན་པོ། |
| ཚོ་པའི་སྟོང་དཔོན |
སྡེ་ཚོའམ་མི་ཁྱིམ་སྟོང་གི་དཔོན་པོ། |
| ཚོ་པོ |
ཤ་ཁྲག་རྒྱས་པ་དང་ཞག་ཚི་ཆེ་བ། ཤ་ཚོ་པོ། ཐུད་ཚོ་པོ། |
| ཚོ་བ |
མི་ཁྱིམ་མང་བོ་ཚོགས་པའི་གྲོང་སྡེའི་མིང་སྡེ་བ་ཚོ་བ་ཞེས་པ་ལྟ་བུ། སྔོན་ཆད་ཉེ་འབྲེལ་ཡོད་པའི་མི་ཁྱིམ་སྐོར་གཅིག |
| ཚོགས |
1. དྭངས་སྙིགས་འབྱེད་པའི་དོན་དུ་གོ་བའི་འཚག་པའི་སྐུལ་ཚིག 2 1 ཕུང་པོའམ་ལུས་པོ། རུ་ཚོགས། སྡེ་ཚོགས། འདས་པའི་ལོ་ཚོགས་དེ་གཉིས་བཀོད། ཐོབ་ནོར་རིམ་པར་བརྩེགས་པའི་ཚོགས། 2 རྣལ་འབྱོར་པ་དག་གིས་བཟའ་བཏུང་གི་རྫས་རྣམས་བདེ་སྟོང་གི་ངོ་བོར་བྱིན་གྱིས་བརླབས་ནས་རྒྱལ་བའི་དཀྱིལ་འཁོར་ལ་མཆོད་ཅིང་ཚིམ་པ་དྲུག་ལྡན་གྱི་ངང་དུ་རོལ་བའི་རྫས། 3 དགེ་བའི་ལས། དུས་ངེས་ཅན་ཞིག་ལ་ཆེད་དམིགས་ཀྱི་དོན་ཞིག་བྱེད་ཆེད་འདུས་པའི་མི་ཚོགས་ཏེ། དཔུང་ཚོགས། དྲན་གསོའི་ཚོགས་ཆེན། འཐུས་མིའི་ཚོགས་ཆེན་ཞེས་པ་ལྟ་བུ། ཚོགས་པ་དུས་ཡུན་རིང་བོ་ཞིག་ལ་ཐུན་མོང་གི་དམིགས་ཡུལ་ཞིག་གི་དོན་དུ། རྩ་འཛུགས་བྱས་པའི་ཚོགས་པའི་མིང་བཟོ་པའི་ཚོགས་པ། སློབ་མའི་ཚོགས་པ་ཞེས་པ་ལྟ་བུ། ０གཅིག་ཏུ་འདུས་པའི་དངོས་པོ་རི་ཚོགས། སྐར་ཚོགས། འཕྲུལ་འཁོར་གྱི་ཚོགས་པ(གྲུབ་པའི་ཆ་ཤས)ན་ཡོད་པའི་གཅུ་གཟེར་ཞེས་པ་ལྟ་བུ། １རིགས་སམ་སྣ་ག་མང་བའི་དོན་ཏེ། སྣ་ཚོགས། རྣམ་པ་སྣ་ཚོགས་ཞེས་པ་ལྟ་བུ། ２སངས་རྒྱས་ཆོས་ལུགས་ཀྱིས་དགེ་བ་བྱས་པ་ལ། ཚོགས་བསགས་ཟེར། ３འཚོགས་ཀྱི་འདས་པ་དང་སྐུལ་ཚིག |
| ཚོགས་ཀྱི་དགག་དབྱེ |
དགག་དབྱེའི་ནང་གསེས། གློ་བུར་དུ་དགག་དབྱེ་བྱེད་པ་དམག་འཁྲུག་ལ་སོགས་པའི་རྐྱེན་གྱིས་གློ་བུར་དུ་འགྱེས་དགོས་པ་བྱུང་ན་ཕན་ཚུན་གཅིག་གིས་གཅིག་ལ་ཚོགས་ཀྱི་དགག་དབྱེ་བྱ་བའོ། དགེ་སློང་གང་རུང་རྐྱེན་དབང་གིས་འགྲོ་དགོས་པ་བྱུང་ནའང་དེ་ལྟར་རུང་བའོ། |
| ཚོགས་ཀྱི་བདག་པོ |
མངོན སེང་གེ། |
| ཚོགས་ཀྱི་མཆོག |
ཚོགས་བསག་བྱའི་ཞིང་གི་གཙོ་བོ་སྟེ་བླ་མ་དང་དགེ་འདུན་ལྟ་བུའོ། |
| ཚོགས་ཀྱི་འཁོར་ལོ |
འདོད་ཡོན་ལྔ་དང༌། བྱེ་བྲག་བཟའ་བཅའ་བཏུང་བའི་རྫས་རྣམས་ཟག་མེད་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ཏེ་རྩ་བ་གསུམ་གྱི་ལྷ་ལ་མཆོད་པ་དང༌། རང་ལུས་གདན་གསུམ་ཚང་བའི་དཀྱིལ་འཁོར་ལ་མཆོད་པའི་སྒོ་ནས་ཚོགས་ཁྱད་པར་ཅན་གསོག་པའི་ཆོ་ག་ཞིག |
| ཚོགས་ཀྱི་ལམ |
ཚོགས་ལམ་དང་དོན་གཅིག་ |
| ཚོགས་ཀྱི་ས |
ཚོགས་ལམ། |
| ཚོགས་ཀྱི་སྲད་བུ |
མངོན ཉ་རྒྱ། |
| ཚོགས་ཁང |
1 མི་མང་པོ་འདུ་སའི་ཁང་པ། 2 གྲྭ་མང་འདུ་ཁང༌། |
| ཚོགས་ཁུག |
གྲྭ་པས་ཚོགས་སུ་འཁྱེར་རྒྱུའི་རྩམ་ཁུག་ཆུང་ངུ་ཞིག |
| ཚོགས་ཁྲོ |
གྲྭ་པའི་མང་ཇ་སོགས་སྐོལ་སྣོད། |
| ཚོགས་གཉིས |
བསོད་ནམས་ཀྱི་ཚོགས་དང༌། ཡེ་ཤེས་ཀྱི་ཚོགས། |
| ཚོགས་གཏམ |
1 དགེ་འདུན་པའམ་མི་མང་ཚོགས་པའི་དབུས་སུ་སྤང་གི་བསླབ་བྱ་འདོམས་པའི་གཏམ། 2 ཡུལ གཤེ་གཤེ་གཏོང་བའི་བླ་དྭགས་ཀྱི་ཚིག མི་ལ་དོན་མེད་ཚོགས་གཏམ་བཏང་ན་མི་འགྲིག |
| ཚོགས་གཏོར |
1 ཚོགས་དང་གཏོར་མའི་བསྡུས་མིང༌། 2 གཏོར་མའི་བྱེ་བྲག་ཅིག |
| ཚོགས་གདན |
ཚོགས་ཁང་དུ་གདིང་རྒྱུའི་གདན་རིང་པོ། |
| ཚོགས་གནས |
ཚོགས་ཁང་ངམ་འདུ་ཁང༌། |
| ཚོགས་གསུམ |
མིང་གི་ཚོགས་དང༌། ཚིག་གི་ཚོགས་དང༌། ཡི་གེའི་ཚོགས་བཅས་གསུམ་མོ། |
| ཚོགས་གསུམ་གསལ་བ |
དག་ཡིག་ཚོགས་གསུམ་གསལ་བ་ཞེས་པ། མིང་ཚིག་ཡི་གེ་གསུམ་གྱི་ཚོགས་གསལ་བར་བཤད་པའི་གཞུང༌། དུས་རབས་བཅུ་གསུམ་པར་དཔང་ལོ་ཙཱ་བ་བློ་གྲོས་བརྟན་པས་མཛད་པའི་བརྡ་སྤྲོད་པའི་གཞུང་ཞིག |
| ཚོགས་གསོག |
དགེ་བ་སྒྲུབ་པ། |
| ཚོགས་གྲལ |
1 ཚོགས་འདུ་འཚོགས་པའི་གྲལ། 2 གྲྭ་པ་འཚོགས་པའི་ཚོགས་གྲལ། |
| ཚོགས་ཅན |
མངོན སྲན་མ། |
| ཚོགས་ཆུང |
ཚོགས་ཁག་ཆུང་བ། ཚོགས་ཆུང་ཁག་བགོས་ཀྱིས་གྲོས་བསྡུར་བྱས་པ། |
| ཚོགས་ཆེན |
ཚོགས་འདུ་ཆེན་པོ། ཚོགས་ཆེན་ཐོག་གྲོས་འཆམ་བྱས་པ། |
| ཚོགས་ཆེན་ཞལ་ངོ |
སྔ་དུས་བོད་ཀྱི་དགོན་ཆེན་ཁག་གི་སྒྲིགས་ཁྲིམས་དབང་འཛིན་ལས་སྣེ། |
| ཚོགས་ཆོས |
ཁྲོམ་ཚོགས་ཡོངས་ལ་ཐུན་མོང་དུ་འཆད་རྒྱུའི་ཆོས། |
| ཚོགས་དྲུག |
མིག་རྣ་སྣ་ལྕེ་ལུས་ཡིད་ཀྱི་རྣམ་པར་ཤེས་པའོ། |
| ཚོགས་པ |
1.ཐ་མི་དད་པ 1 ཟིན་པ། རྫ་ཁོག་རྡོལ་ནས་ཆུ་མི་ཚོགས་པ། ཁ་མ་ཚོགས་པར་གསང་གཏམ་ཕྱིར་ཤོར་བ། 2 འཛོམས་པ། ཕུན་སུམ་ཚོགས་པ། མཐུན་རྐྱེན་ཚོགས་པ། མི་མང་པོ་ཚོགས་པ། 2 1 སྡེ་པ་དང་འདུས་པ། འཐུས་མི་ཚོགས་པ། སྐུ་ཚབ་ཚོགས་པ། 2 ཕུང་པོ། 3 རྒྱུ་དང་འབྲས་བུའི་རྐྱེན་འདུས་པའི་གནས་སྐབས། ལྡན་མིན་འདུ་བྱེད་ཀྱི་ནང་གསེས་ཤིག 4 མངོན ལུས། |
| ཚོགས་པའི་བུད་མེད |
མངོན སྨད་འཚོང་མ། |
| ཚོགས་ཕོར |
1 གྲྭ་པས་ཚོགས་འཚོག་སར་འཁྱེར་རྒྱུའི་ཕོར་པའི་བྱེ་བྲག་ཅིག 2 རྙིང རྫོགས་པའི་བརྡ་རྙིང་སྟེ་གང་བའམ། མཐར་ཕྱིན་པའི་དོན། |
| ཚོགས་བདག |
1 མངོན སེང་གེ། 2 ཚོགས་བདག་ཅེས་པའི་ལྷ་གླང་པོ་ཆེའི་གདོང་ཅན་ཞིག |
| ཚོགས་བཟླུམས |
1 རླབས་ཆེན་དགེ་བའི་ལས་བསགས་པ། 2 མི་གྲངས་མང་པོ་གནས་གཞི་གཅིག་ཏུ་བསྡུས་པ། |
| ཚོགས་བརྗོད་ཀྱི་སྒྲ |
རྗོད་བྱེད་ཀྱི་སྒྲ་གང་ཞིག་རང་གི་དངོས་ཀྱི་བརྗོད་བྱར་གྱུར་པའི་ཚོགས་སྤྱི་ཡོད་པ་རང་གི་ཡན་ལག་དུ་མ་ཚོགས་པའི་སྤྱི་ཡིན་པ་དཔེར་ན། བུམ་པ་ཞེས་པ་རང་གི་ལྟོ་བ་དང་མཆུ་དང་མགྲིན་པ་ལ་སོགས་པ་ཆ་ཤས་དུ་མ་ཚོགས་པའི་སྤྱི་ཡིན་པ་ལྟ་བུའོ། |
| ཚོགས་བཤད |
1 ཚོགས་མང་དབུས་སུ་བཤད་པའི་ཆོས་གཏམ། 2 ཚོགས་འཁོར་གྱི་འགྲེལ་བཤད། |
| ཚོགས་བསགས་ཡན་ལག་བདུན་པ |
ཕྱག་འཚལ་བའི་ཡན་ལག་དང༌། མཆོད་པའི་ཡན་ལག་བཤགས་པའི་ཡན་ལག་རྗེས་སུ་ཡི་རང་བའི་ཡན་ལག་ཆོས་ཀྱི་འཁོར་ལོ་བསྐོར་བར་བསྐུལ་བའི་ཡན་ལག་མྱ་ངན་ལས་མི་འདའ་བར་གསོལ་བ་གདབ་པའི་ཡན་ལག་དགེ་བ་རྫོགས་བྱང་དུ་བསྔོ་བའི་ཡན་ལག་བཅས་བདུན་ནོ། |
| ཚོགས་མ་བསགས་པ |
1 དགེ་བའི་ལས་མ་བསྒྲུབས་པ། 2 སྤྱོད་པ་རྩིང་པོའི་མི་ལ་སྨོད་ཚིག |
| ཚོགས་མཆོད |
སྤྱིར་བོད་ཀྱི་བླ་སྤྲུལ་ཆེ་གྲས་ཀྱི་སྐུ་རིམ་དུ་བཙུགས་པའི་ལོ་འཁོར་འདས་མཆོད་ལ་ཟེར་ཞིང༌། བྱེ་བྲག་ཏུ་སྤྱི་ལོའི་དུས་རབས་བདུན་པའི་མཇུག་ལ་སྡེ་སྲིད་སངས་རྒྱས་རྒྱ་མཚོས་ལྷ་སའི་གཙུག་ལག་ཁང་དུ་བཙུགས་པའི་ཏཱ་ལའི་བླ་མ་སྐུ་ཕྲེང་ལྔ་པའི་འདས་མཆོད་ལ་ཕྱིས་ཏཱ་ལའི་བླ་མ་སྐུ་ཕྲེང་རིམ་བྱོན་འདས་རྗེས་འདས་མཆོད་ཉི་མ་རེ་བསྣན་ཏེ་ལོ་ལྟར་ཧོར་ཟླ་གཉིས་པའི་མར་ངོར་ཚོགས་རྒྱུའི་སྲོལ་རྒྱུན་ཆགས་པ་དེའོ། |
| ཚོགས་མཆོད་སེར་སྦྲེང |
སྔར་ཧོར་ཟླ་གཉིས་པའི་ཚེས་གནམ་གང་ཉིན་ལྷ་ས་ནས་རྩེ་ཕོ་བྲང་བར་དུ་མཆོད་རྫས་སྣ་ཚོགས་ཐོགས་པའི་སེར་མོ་བའི་ཕྲེང་བ་སྦྲེང་ཚར་དུ་སྒྲིག་པའི་དུས་མཆོད། |
| ཚོགས་མི |
1 ཚོགས་འདུར་འགྲོ་མཁན། 2 ཚོགས་ཁག་སོ་སོའི་སྒྲིགས་ཁོངས་སུ་ཡོད་པའི་མི། |
| ཚོགས་ཞིང |
སངས་རྒྱས་པ་ཚོས་ཕྱག་མཆོད་གསོལ་འདེབས་སོགས་དགེ་ཚོགས་གསོག་སའི་ཞིང༌། |
| ཚོགས་ཞིང་གསུམ |
ཚོགས་བསགས་པའི་ཞིང་གསུམ་ཡོན་ཏན་གྱི་ཞིང་མཁན་སློབ་ལྟ་བུ་དང༌། ཕན་འདོགས་པའི་ཞིང་ཕ་མ་ལྟ་བུ་དང༌། སྡུག་བསྔལ་གྱི་ཞིང་ནད་པ་ལྟ་བུ་སྟེ་འདི་དག་བྱང་སེམས་རབ་ཏུ་བྱུང་མ་བྱུང་གཉིས་ཀའི་བསོད་ནམས་སྐྱེ་བའི་གཞི་ཡིན་ནོ། |
| ཚོགས་ཟངས |
དགེ་འདུན་པའི་ཇ་ཐུག་སྐོལ་སྣོད། |
| ཚོགས་འཁོར |
ཚོགས་ཀྱི་འཁོར་ལོའི་བསྡུས་མིང༌། |
| ཚོགས་འདུ |
མི་མང་པོ་འཛོམས་པའི་འདུས་པ། ཚོགས་འདུའི་སྒོ་དབྱེའི་མཛད་སྒོ། ཚོགས་འདུ་གྲོལ་བའི་མཛད་སྒོ། ཚོགས་འདུར་ཞུགས་པ། |
| ཚོགས་འདུ |
མི་མང་ལྷན་དུ་འདུས་ནས་དོན་བྱ་ལ་གྲོས་བསྡུར་བྱེད་པའི་ལས་ཀའི་མིང་ཚོགས་འདུ་བསྡུས། ཚོགས་འདུ་གྲོལ་ཞེས་པ་ལྟ་བུ། ４བཙོག་གི་སྐུལ་ཚིག ５བཙགས་ཀྱི་སྐུལ་ཚིག |
| ཚོགས་འདུ་བ |
གྲྭ་ཚང་སོ་སོའི་གྲྭ་པས་གྲྭ་པའི་སྤྱི་དོན་བྱེད་མཁན་དུ་བདམས་ནས་སྤྱི་དོན་གྱི་ཚོགས་འདུར་ཕྱིན་ཆོག་པའི་འཐུས་མི། |
| ཚོགས་འཛོམས |
ཚོགས་འདུ་འཚོགས་པ། མི་མང་ཚོགས་འཛོམས་ཐོག་ཏུ་གཏམ་བཤད་བྱས་པ། |
| ཚོགས་རམས་པ |
ཚོགས་མཆོད་རབ་འབྱམས་པ་སྔ་དུས་ལྷ་ལྡན་ཚོགས་མཆོད་ཀྱི་ཚོགས་དབུས་སུ་མཚན་ཉིད་དམ་བཅའ་འཇོག་མཁན་གྱི་དགེ་བཤེས། |
| ཚོགས་རྫས |
ཚོགས་འཁོར་དུ་འབུལ་རྒྱུའི་བཟའ་བཏུང་གི་རིགས། |
| ཚོགས་ལངས |
དགོན་པ་ཆེ་ཁག་ལ་གྲྭ་པ་སྟོང་ཚོ་འཚོགས་པའི་དབུས་སུ་མི་གཉིས་ཡར་ལངས་ཏེ་གཅིག་གིས་སྔ་རྒོལ་དང་གཅིག་གིས་ཕྱི་རྒོལ་བྱས་ནས་མཚན་ཉིད་ཀྱི་རྩོད་པ་བྱེད་སྲོལ་དེའོ། |
| ཚོགས་ལམ |
ལམ་ལྔའི་ཡ་གྱལ། མྱ་ངན་ལས་འདས་པར་བགྲོད་པའི་གཞི་གང་ཞིག་ཐར་པ་ཆ་མཐུན་གྱི་དགེ་བས་བསྡུས་པའི་ཚོགས་རྒྱ་ཆེན་པོ་གསོག་པར་བྱེད་ཅིང༌། བདག་མེད་ཐོས་བསམ་གྱི་སྒོ་ནས་སྒྲ་སྤྱི་དང་དོན་སྤྱིའི་ཚུལ་དུ་རྟོགས་པ་དང༌། དྲན་པ་ཉེར་བཞག་བཞི་དང༌། ཡང་དག་སྤོང་བ་བཞི། རྫུ་འཕྲུལ་རྐང་པ་བཞི་བཅས་བསྒོམས་པས། སྤང་བྱ་ཤིན་ཏུ་རགས་པ་འཁོར་བར་སྡུག་བསྔལ་སྐྱེད་བྱེད་རྣམས་རྣམ་པར་སུན་འབྱིན་པའི་ཚུལ་གྱིས་སྤོང་ཞིང༌། སྤྱན་དང༌། མངོན་ཤེས། ཆོས་རྒྱུན་གྱི་ཏིང་ངེ་འཛིན་གྱི་ཡོན་ཏན་ཐོབ་པར་བྱེད་པའི་ལམ་མོ། |
| ཚོགས་ལམ་གསུམ |
ཚོགས་ལམ་ལ་དབྱེ་ན་གསུམ། ཚོགས་ལམ་ཆུང་ངུ་དང༌། ཚོགས་ལམ་འབྲིང་པོ་དང༌། ཚོགས་ལམ་ཆེན་པོ་སྟེ་གསུམ་མོ། |
| ཚོགས་ལམ་གྱི་ཉམས་ལེན་བཞི |
ཚུལ་ཁྲིམས་ལ་གནས་པ་དང༌། ལམ་གྱི་ཆོས་ལ་ཐོས་བསམ་བྱ་བ། ལམ་གྱི་ཆོས་ལ་སྒོམ་བྱ་བ། འཕགས་པའི་རིགས་བཞི་ལ་གནས་པ་བཅས་བཞིའོ། |
| ཚོགས་ལམ་གྱི་ཡན་ལག་ལྔ |
སོ་སྐྱེའི་ཚུལ་ཁྲིམས་ལ་བརྟེན་པ་དང༌། དབང་པོའི་སྒོ་སྡོམ་པ། ཟས་ཀྱི་ཚོད་རིག་པ། ནམ་གྱི་ཆ་སྟོད་སྨད་ལ་མི་ཉལ་བར་རྣལ་འབྱོར་ལ་བརྩོན་པ། དྲན་ཤེས་ལྡན་པས་དགེ་བ་ལ་རྩེ་གཅིག་ཏུ་གནས་པར་དགའ་བ་བཅས་ལྔའོ། |
| ཚོགས་ལམ་ཆུང་ངུ |
ཚོགས་ལམ་གསུམ་གྱི་ནང་གསེས། དྲན་པ་ཉེ་བར་བཞག་པ་བཞི་སྒོམ་པ་སྦྱོར་ལམ་ལ་འཇུག་པ་སྟེ་སྐྱེ་བའི་དུས་མ་ངེས་པའོ། |
| ཚོགས་ལམ་ཆེན་པོ |
ཚོགས་ལམ་གསུམ་གྱི་ནང་གསེས། རྫུ་འཕྲུལ་གྱི་རྐང་པ་བཞི་སྒོམ་པ་སྦྱོར་ལམ་དྲོད་ཚེ་འདིར་སྐྱེ་བར་ངེས་པའོ། |
| ཚོགས་ལམ་འབྲིང་པོ |
ཚོགས་ལམ་གསུམ་གྱི་ནང་གསེས། ཡང་དག་པར་སྤོང་བ་བཞི་སྒོམ་པ་ཚེ་ཕྱི་མར་སྦྱོར་ལམ་ལ་སྐྱེ་བའི་དུས་ངེས་པའོ། |
| ཚོགས་ཤ |
ཚོགས་འཁོར་གྱི་རྫས་སུ་བཤམས་ཤ། |
| ཚོགས་སྒྲུབ |
ཤེར་ཕྱིན་དོན་བདུན་ཅུའི་ནང་གསེས། ཐེག་ཆེན་ལ་ཞུགས་པ་མཐར་ཕྱིན་བྱེད་ཚོགས་ཀྱི་སྒྲུབ་པ་ཐེག་ཆེན་སེམས་བསྐྱེད་ལ་བརྟེན་ནས་དོན་གཉིས་སྒྲུབ་པའི་བྱ་བ་གང་ཞིག་རང་འབྲས་བྱང་ཆུབ་ཆེན་པོར་དངོས་སུ་འབྱིན་པར་བྱ་བའོ། |
| ཚོགས་སྤྱི |
སྤྱིའི་ནང་གསེས། རང་གི་ཆ་ཤས་དུ་མ་འདུས་པའི་གཟུགས་རགས་པ་དཔེར་ན་བུམ་པ་ཞེས་པ། རང་ཉིད་ཀྱི་ལྟོ་བ་དང༌། མགྲིན་པ། མཆུ། ཞབས་ལ་སོགས་པ་ཆ་ཤས་དུ་མ་འདུས་ཤིང་ཚོགས་པའི་སྤྱི་ཡིན་པ་ལྟ་བུའོ། |
| ཚོགས་སྤྱོད་ཀྱི་རང་རྒྱལ |
ཉན་ཐོས་ཀྱི་སྦྱོར་ལམ་ཙམ་སྔོན་དུ་བཏང་ནས་རང་རྒྱལ་དུ་གྱུར་པའོ། |
| ཚོགས་སྤྱོད་པ |
དབང་རྟུལ་སྲིད་པ་མཐའ་མའི་སྔོན་སློབ་དཔོན་གཞན་ལ་བརྟེན་དགོས་པའི་རང་རྒྱལ། |
| ཚོགས་སྦྱོར |
ཚོགས་ལམ་དང་སྦྱོར་ལམ་གཉིས། |
| ཚོང |
ཕར་བཙོང་ཚུར་ཉོའི་ལས་ཀའི་མིང་ཚོང་བྱེད། ཚོང་ལ་འགྲོ། ཚོང་ཁེ་ཞེས་པ་ལྟ་བུ། |
| ཚོང་ཁ་མི་རྒྱུག་པ |
ཚོང་ཟོག་ཁྲོམ་རར་འགྲོ་རྒྱུག་མེད་པ། པགས་རིགས་རྣམས་དབྱར་དུས་ཚོང་ཁ་མི་རྒྱུག |
| ཚོང་ཁ་རྒྱུག་པོ |
ཚོང་ཟོག་ཁྲོམ་རར་འགྲོ་རྒྱུག་གམ་བྲིན་ཆེ་བ། ད་ཚོང་ཁ་རྒྱུག་པོའི་དུས་སྐབས་རེད། |
| ཚོང་ཁང |
ཚོང་ཟོག་འཚོང་སའི་ཁང་པ། མིང་གི་རྣམ་གྲངས་ལ་ངེས་འཇུག་དང༌། བརྗེ་གནས་ཚོང་ལམ་བཅས་སོ། |
| ཚོང་ཁེ |
ཚོང་གི་ཁེ་སླེབས། |
| ཚོང་ཁྲ |
མ་རྩ་མཉམ་བསྡུས་ཀྱིས་རྒྱག་པའི་ཚོང༌། |
| ཚོང་ཁྲལ |
ཚོང་ཁེའི་སྟེང་ནས་འཇལ་དགོས་པའི་ཁྲལ། ཚོང་ཁྲལ་འཇལ་བ། |
| ཚོང་ཁྲོམ |
ཚོང་ཟོག་ཉོ་ཚོང་གི་དོན་དུ་འགྲེམས་སྟོན་བྱེད་ས། ཚོང་ཁྲོམ་དར་རྒྱས་ཆེ་བ། |
| ཚོང་གཡོག |
སྔ་དུས་སྒེར་ཚོང་པའི་གཡོག་པོ། |
| ཚོང་གུན |
ཚོང་བརྒྱབ་ནས་ཕོག་པའི་གྱོང༌། ཚོང་བརྒྱབ་ནས་ཚོང་གུན་བྱུང་བ། |
| ཚོང་གྲུ |
ཚོང་ཟོག་སྐྱེལ་འདྲེན་བྱེད་པའི་གྲུ། |
| ཚོང་གྲོགས |
ཚོང་རྒྱག་མཁན་གྱི་རོགས་པ། |
| ཚོང་ཆང |
ཚོང་འགྲིགས་ཟིན་རྗེས་འཐུང་བའི་ལེགས་ཆང༌། |
| ཚོང་ཆིངས |
ཚོང་དོན་དུ་འཇོག་པའི་ཆིངས་ཡིག ཕན་ཚུན་བར་ཚོང་ཆིངས་བཞག་པ་ཇི་བཞིན་ལག་ལེན་བསྟར་བ། |
| ཚོང་ཉེས |
ཚོང་ལ་གྱོང་ཕོག་པ། ཚོང་ཉེས་བྱུང་བ། ཚོང་ཉེས་ལྷ་སའི་ཁྲོམ་ལ་བརྒྱབ། འགྱོད་པ་བྱང་ཐང་སྒང་ལ་སྐྱེས། |
| ཚོང་ཐག་གཅོད་པ |
ཉོ་ཚོང་གི་རིན་ཐག་གཅོད་པ། རིན་གོང་གཏན་འབེབས་ཀྱི་ཚོང་ཐག་གཅོད་པ། |
| ཚོང་དཔོན |
ཚོང་ཟོག་གི་བདག་པོ། |
| ཚོང་དུས |
སྐབས་སྐབས་འཚོག་པའི་ངེས་པ་ཅན་གྱི་ཚོང་དུས། ཚོང་དུས་གཅིག་ལ་སྡེ་ཐང་གཉིས་མི་ཡོང༌། |
| ཚོང་དོན་གྲུ་ཁ |
ཕྱི་རྒྱལ་གྱི་ཚོང་གྲུ་ཡོང་ཆོག་པའི་རྒྱ་མཚོའི་གྲུ་ཁ་དང༌། གཙང་པོའི་གྲུ་ཁ། |
| ཚོང་པ |
1ཚོང་བྱེད་པར་བརྟེན་ནས་འཚོ་བའི་མི། 2ཚོང་བྱེད་མཁན། |
| ཚོང་ཕྲུག |
ཚོང་པའི་གཡོག་པོ་དང༌། ཚོང་རྒྱག་སྟངས་སློབ་མཁན། |
| ཚོང་བཀྲམ |
ཚོང་ཟོག་བཏོན་པ། |
| ཚོང་བདག |
ཚོང་ཟོག་གི་བདག་པོ། |
| ཚོང་བྲིན |
ཚོང་ཟོག་འགྲོ་རྒྱུག དེང་སྐབས་ཁྲོམ་དུ་ཚོང་བྲིན་ཆེ་ཤོས་ཀྱི་དངོས་རིགས་གང་དང་གང་ཡང་འདུག |
| ཚོང་མཚམས་འཇོག་པ |
ཚོང་ལས་མི་བྱེད་པ། |
| ཚོང་ཚབ |
ཚོང་པའི་ངོ་ཚབ། |
| ཚོང་ཚོགས |
སྒེར་ཚོང་རྒྱག་མཁན་གྱི་སྐྱིད་སྡུག |
| ཚོང་ཟོག |
བཙོང་བྱའི་ཟོག་རིགས། ཚོང་ཟོག་ལྐོག་འདྲེན། ཚོང་ཟོག་འཁོར་འགྲིམ། ཚོང་ཟོག་མངགས་གཏམ། ཚོང་ཟོག་མངགས་ཐོ། |
| ཚོང་ཟོག་དང་ཚོང་ཟོང |
འཚོང་བའི་དོན་དུ་ཐོན་སྐྱེད་བྱས་པའི་ཐོན་རྫས་ཀྱི་སྤྱི་མིང་། |
| ཚོང་ཟོང |
བཙོང་བྱའི་ཟོག་རིགས། |
| ཚོང་ཟླ |
ཚོང་གྲོགས་ཏེ་རོགས་ཟླ། |
| ཚོང་འཁོས |
ཚོང་ལས་ཀྱི་ཐབས་ཤེས། |
| ཚོང་འཁོས་འཐབ་ལེན |
ཚོང་ལས་བྱེད་པ། མི་དེ་ཚོང་འཁོས་འཐབ་ལེན་ལ་མཁས་པོ་འདུག |
| ཚོང་འགྲིམ་པ |
སྔ་དུས་ཚོང་ཟོག་ཁྱེར་ཏེ་ཚོང་རྒྱག་ཏུ་འགྲོ་བ། ཕྱོགས་ནས་ཕྱོགས་སུ་ཚོང་འགྲིམ་པ། |
| ཚོང་འགྲུལ |
1 ཚོང་གི་དོན་དུ་ཕར་ཚུར་འགྲོ་བ། ཚོང་འགྲུལ་གྲུ་ཁ། 2 ཚོང་རྒྱག་པར་འགྲོ་འོང་བྱེད་མཁན། |
| ཚོང་འདུ་ས |
ཚོང་པ་དང་ཚོང་ཟོག་རྣམས་འདུ་ས། |
| ཚོང་འདུས |
1 དུས་ཚོད་ངེས་ཅན་ལ་ཚོང་པ་མང་པོ་གནས་གཅིག་ཏུ་འདུས་པའི་དོན། 2 ཚོང་ར། མིང་གི་རྣམ་གྲངས་ལ་ཚོང་ཁྲོམ་དང༌། ཚོང་རྡལ། ཚོང་ཟོང་ར་བ། ཟོང་འགྲེམས་གནས་བཅས་སོ། |
| ཚོང་འདུས་མགྲོན་པོ |
1 མང་པོ་ཕྱོགས་གཅིག་ཏུ་འདུས་པའི་མཐར་སོ་སོར་གྱེས་འགྲོ་བའི་དཔེ། 2 ཚོང་གི་དོན་དུ་འགྲོ་མཁན་འགྲུལ་པ། |
| ཚོང་འདུས་འགྲིམ |
མངོན གསེར་སྤྱི། |
| ཚོང་ཡ |
ཚོང་གི་ཁ་གཏད། གཉེན་ཡ་མ་དམའ། ཚོང་ཡ་མ་མཐོ། |
| ཚོང་ར |
ཚོང་འདུས་ཀྱི་ར་བ། |
| ཚོང་རྒྱུག |
ཚོང་ཟོག་བྲིན་རྒྱུག ཚོང་རྒྱུག་བདེ་བ། ཚོང་རྒྱུག་སྐྱེན་པ། ཚོང་རྒྱུག་སླ་བ། ཚོང་རྒྱུག་མགྱོགས་པ། ཚོང་རྒྱུག་དཀའ་བ། ཚོང་རྒྱུག་མི་བདེ་བ། |
| ཚོང་རྒྱུག་པོ |
ཚོང་ཟོག་བྲིན་སྐྱེན་པོ། |
| ཚོང་རྟགས |
ཚོང་ཟོག་གི་རྟགས། དངོས་པོར་ཚོང་རྟགས་རྒྱག་པ། |
| ཚོང་རྡལ |
1 ཚོང་ར་ཆུང་གྲས། 2 གྲོང༌། |
| ཚོང་རྩ |
ཚོང་གི་མ་རྩ། ཚོང་རྩ་མཉམ་སྡུད་ཀྱིས་ཚོང་རྒྱག་པ། |
| ཚོང་རྩིས |
ཚོང་གི་ཁེ་གུན་རྩི་བའི་རྩིས། ཁེ་སྤོགས་ཇི་ཐོན་ཚོང་རྩིས་རྒྱག་པ། |
| ཚོང་རྫས |
བཙོང་བྱའི་དངོས་པོ། ཚོང་རྫས་བྲིན་ཐབས་བྱེད་པ། |
| ཚོང་ལམ |
1 ཚོང་རྒྱག་པའི་འབྲེལ་ལམ། མཐུན་ཕྱོགས་རྒྱལ་ཁབ་ཁག་བར་ཚོང་ལམ་ཕྱེ་བ། 2 ཚོང་གི་བྱ་བ་ལམ་འགྲོའི་བསྡུས་ཚིག ཚོང་ལམ་བདེ་པོ། ཚོང་ལམ་གུད་པ། |
| ཚོང་ལས |
ཚོང་ཟོག་འགྲེམས་སྤེལ་སྒོ་ནས་ཁེ་སྒྲུབ་ཀྱི་བྱ་བ། ཚོང་ལས་སུ་གཞོལ་བ། |
| ཚོང་ལས་ལམ་འགྲོ |
ཚོང་ལས་ཇུས་འགྲོ། ཚོང་ལས་ལམ་འགྲོ་ལེགས་པོ། |
| ཚོང་ལྷ |
སྔ་དུས་ཚོང་པས་མཆོད་པའི་ནོར་ལྷ། |
| ཚོང་ཤག |
སྔ་དུས་ཉོ་ཚོང་མང་པོ་བྱས་པའི་གྲོགས་པོ། སྔར་ནས་འདྲིས་འགྲོགས་བྱས་པའི་ཚོང་ཤག |
| ཚོང་སྐད |
ཚོང་བའི་སྐད་ཆ་སྟེ་ཚོང་རྒྱག་སྐབས་ཀྱི་སྐད་ཆ་ཤོད་སྟངས། ཚོང་སྐད་རྒྱག་པ། |
| ཚོང་སྐུར |
ཚོང་ཟོག་གང་རུང་རང་ཉིད་མ་ཕྱིན་པར་གཞན་ལ་ཚོང་རོགས་ཞེས་སྐུར་བ། ཚྭ་བལ་ཚོང་སྐུར་བྱས་པ། |
| ཚོང་སྒར |
ཚོང་པའི་སྡོད་སྒར། མི་འདུ་ཚོགས་ཆེ་སར་ཚོང་སྒར་བཏབ། |
| ཚོང་སྒྱུར |
འཚོང་བ། དངོས་ཟོག་འོར་འདྲེན་བྱས་ཏེ་གྲོང་གསེབ་ཏུ་ཚོང་སྒྱུར་བྱས། |
| ཚོང་སྤོགས |
ཚོང་གི་ཁེ་བཟང༌། མོད་ཉོ་དཀོན་ཚོང་གིས་ཚོང་སྤོགས་སྒྲུབ་པ། |
| ཚོང་སྤྱི་ལྷན་ཁང |
སྔར་བོད་ཀྱི་གྲོ་མོ་དང་རྒྱལ་རྩེ་ས་གནས་སུ་ཡོད་པའི་བོད་ཀྱི་ཚོང་པ་ཁག་གི་ས་ནས་ཚོང་ཁྲལ་སྡུད་མཁན་བོད་ས་གནས་སྲིད་གཞུང་གི་ལས་ཁུངས་ཤིག |
| ཚོང་སྦྲེལ |
ཚོང་པ་གཉིས་སམ་ཁ་ཤས་ཀྱིས་མ་རྩ་བསྡུས་ཏེ་མཉམ་དུ་ཚོང་རྒྱག་པ། ཕན་ཚུན་ཚོང་སྦྲེལ་གྱིས་ཁེ་གྱོང་མཉམ་འཁུར་བྱེད་པ། |
| ཚོང་སྲང |
1 ཚོང་གི་འཇལ་བྱེད་ཉ་གའམ་རྒྱ་མ། 2 རྙིང གྲོང་ཁྱིམ། |
| ཚོང་སློག |
ཚོང་ཐག་བཅད་ནས་ཁ་དན་རྩིས་མེད་དུ་གཏོང་བ། ཟོག་རིན་སྔོན་འདོན་བྱས་ཀྱང་ཚོང་སློག་ཡོང་ཤེས་པ། |
| ཚོངས |
སྐུལ་ཚིག་འབྲུ་ལྷག་ཡོད་ན་རྒྱལ་ཁབ་ལ་ཚོངས་ཤིག་ལྟ་བུ། སྔོ་ཚོད་ཙོང་ལ་བཙོང་འབྲི་བའང་ཡོད། 2.ཐ་དད་པར་འཇུག་པའི་འཚང་བ་དང་འཚོང་བའི་སྐུལ་ཚིག་ |
| ཚོད |
1.ཚད་པའི་སྐུལ་ཚིག 2 1 རན་པའི་སྐབས་མཚམས་སམ་རགས་ཙམ་གྱི་ཚད། བཟའ་ཚོད། འཐུང་ཚོད། གདེང་ཚོད། གནམ་གཤིས་བཟང་ངན་གྱི་ཚོད་ཐིག་པ། ཕ་རོལ་པོས་ཚུར་རྒོལ་ཟིང་ཆ་ནམ་སློང་ཚོད་མི་ཐིག་པ། ལྟོ་ཆས་མང་ཉུང་ཟ་ཚོད་རན་པ། ཚོད་མེད་པོ་ལ་གྲོས་མ་འདྲི། ཁ་མང་པོ་ལ་སྙིང་གཏམ་མ་ཤོད། 2 ཚོད་མའི་བསྡུས་ཚིག་ |
| ཚོད་ཉུལ |
ཚོད་བརྟག ཁ་ནས་ཅི་འབྱུང་ཚོད་ཉུལ་བྱོས། |
| ཚོད་དཔག |
འོལ་ཚོད། རང་གར་ཚོད་དཔག་གི་རིགས་པས་གཏིང་མི་རྟོགས། རང་ཤེད་ཚོད་དཔག་གིས་ཐག་བཅད་པ་མིན། |
| ཚོད་བགམ |
སྐྱོན་ཡོན་བཟང་ངན་སོགས་ཀྱི་ཚད་ལ་བརྟག་དཔྱད་བྱེད་པའི་བྱ་བ་རྒྱུགས་བླངས་ནས་ཡོན་ཏན་ཚོད་བགམ་བྱེད། གཡུལ་བཀྱེས་ནས་སྙིང་སྟོབས་ཚོད་བགམ་བྱེད་ལྟ་བུ། ཚོད་མ་ཞེས་པའི་ཚིག་བསྡུས་པ། ０ཚད་ཀྱི་སྐུལ་ཚིག |
| ཚོད་བགམ་པ |
ཁོག་ཚོད་དམ་ཉམས་ཚད་ལེན་པ། རྐྱལ་རྩལ་ཇི་འདུག་ཚོད་བགམ་པ། |
| ཚོད་བརྒལ |
1 དུས་ཚོད་ཡོལ་བ། 2 མ་འོས་པ། གཞན་སེམས་སྲེག་པའི་སྐད་ཆ་དེ་འདྲ་བཤད་པ་ནི་ཚོད་བརྒལ་ཞིག་མ་རེད་དམ། |
| ཚོད་བཤད |
མཐོང་ཐོས་ཉམས་མྱོང་མེད་པར་རང་གར་ཚོད་བྱས་ཏེ་སྨྲས་པའི་གཏམ། |
| ཚོད་བྱེད་པ |
1 འོལ་ཚོད་བྱེད་པ། 2 རན་པའམ་འཚམས་པོ་བྱེད་པ། མང་ཉུང་ཚོད་བྱེད་པ། |
| ཚོད་མ |
1 ཟས་ཀྱི་རྒྱུ་ཆ་སྔོ་ཚོད། 2 རོ་གསལ་བྱེད་ཀྱི་རྫས། 3 སྤགས་མ། 4 སྔོ་ཚལ་ཡོད་པའི་ཐུག་པ། མིང་གི་རྣམ་གྲངས་ལ་སྐྱོ་ཚ་དང༌། བྱ་ནའོ། |
| ཚོད་མ་མཁན |
ཚོད་མ་སྟེ་སྔོ་ཚོད་སོགས་ཀྱི་ལྟོ་ཆས་བཟོ་མཁན། གཡོས་སྦྱོར་ཁང་དུ་ཚོད་མ་མཁན་ཅི་ཙམ་འདུག |
| ཚོད་ཚོད |
ཕྱོགས་ཙམ་གྱི་འོལ་ཚོད། དེ་དག་ཚང་མ་ཚོད་ཚོད་བྱས་ནས་བཤད་པ་ཤ་སྟག་ཡིན། |
| ཚོད་ཞོལ |
རྙིང ཚོད་མའི་ལྷག་མ། |
| ཚོད་ཟིན་པ |
གང་ཡང་འཚམས་པའི་ཐོག་ཏུ་གནས་པ། ཆང་འཐུང་ཚོད་མ་ཟིན་པ། རང་ཚོད་རང་གིས་ཟིན་པ། |
| ཚོད་འཛིན |
གང་ལ་གང་འཚམ་གྱི་ཚོད་བྱེད་པའམ། ཚད་རན་པོར་སྟངས་འཛིན་བྱེད་པ། གཏོང་ཡོང་གི་ཚོད་འཛིན་པ། མང་ཉུང་གི་ཚོད་གཟུང་བ། |
| ཚོད་རྩིས |
འོལ་ཚོད་བྱས་པའི་རྩིས་གཞི། ངས་ཚོད་རྩིས་བྱས་ན་སང་ཉིན་ཆར་འབབ་མི་ཡོང་ངམ་སྙམ་པ་འདུག |
| ཚོད་ལེན་པ |
ཉམས་ཚོད་ལྟ་བའམ་རྟོག་དཔྱོད་བྱེད་པ། སེམས་ཤུགས་ཡོད་མེད་ཚོད་ལེན་པ། |
| ཚོད་ལོངས |
ལྐོག་གྱུར་གྱི་དོན་ལ་ཚོད་དཔག་བྱས་ནས་རྟོགས་པ། ངས་ཁོའི་ཚོད་ལོངས་སོང༌། |
| ཚོད་ལྟ་བ |
1 བཟང་ངན་སྐྱོན་ཡོན་ཆེ་ཆུང་སོགས་ལ་རྟོག་པ། སྤུས་ཀ་ལེགས་ཉེས་ཀྱི་ཚོད་ལྟ་བ། 2 ཕ་རོལ་པོའི་རྒྱུད་ཚོད་ལེན་པ། དཔའ་གདེང་ཇི་འདུག་ཚོད་ལྟ་བ། |
| ཚོད་ཤེས་པ |
དུས་དང་ལས་དོན་སོགས་གང་དང་གང་གི་རན་འཚམས་ཇི་བཞིན་ཚོད་ཐིག་པ། ཕར་གཏོང་ཚུར་ལེན་གྱི་ཚོད་ཤེས་པ། མི་གྲངས་མང་ཉུང་གི་ཚོད་ཤེས་པ། ཚོགས་འདུ་ཚོགས་གྲོལ་གྱི་དུས་ཚོད་ཤེས་པ། |
| ཚོད་སྟོན་ཁང |
ཚོད་མའི་ཁ་ལག་བཟོ་སའི་ཁང་པ། |
| ཚོད་སྡོར |
1 སྔོ་ཚོད་ཀྱིས་བཟོས་པའི་ཁ་ལག་ལ་འདེབས་རྒྱུའི་ཤ་ཚིལ་སོགས་ཀྱི་སྡོར། 2 ཐུག་པ་སོགས་ལ་འདེབས་རྒྱུའི་སྔོ་ཚོད་ཀྱི་སྡོར། |
| ཚོན |
1 ཁ་དོག་སྒྱུར་བྱེད་ཀྱི་རྩི་ཞིག ཚོན་འདུལ་བ། ཚོན་བརྡར་བ། ཚོན་སྦྱོར་བ། 2 རྒྱ 1)སོ་སོའི་མཐེ་བོང་གི་ཚིགས་བར་ནས་སེན་མོའི་རྩེ་བར་གྱི་རིང་ཚད། ཁྲེ་ཙེ་གང་དང་ཚོན་དོ། 2)སྨན་པའི་མཛུབ་མོའི་མིང༌། ཚོན་གྱི་འོག་ནས་སྙིང་གི་ན་ཚ་ལྟ་བ། |
| ཚོན་ཀན་ཆག |
རྒྱ སྨན་པས་ནད་པའི་རྩ་ལྟ་སྐབས་མཛུབ་མོ་ལ་ཚོན་དང༌། གུང་མོ་ལ་ཀན། སྲིན་ལག་ལ་ཆག་ཅེས་རྒྱ་ནག་གི་གསོ་བ་རིག་པའི་གཞུང་ལས་བྱུང་བའི་བརྡ་ཞིག |
| ཚོན་ཀོང |
རི་མོ་མཁན་གྱི་ཡོ་སྤྱད་གྲས། དཀར་ཡོལ་གྱི་ཚོན་ཀོང་ནང་དུ་ཚོན་དབུར་བ། |
| ཚོན་ཁྲ |
ཁ་དོག་སྣ་ཚོགས་ཡོད་པའི་ཚོན་མདོག གློག་བརྙན་ཚོན་ཁྲ། རི་མོ་ཚོན་ཁྲ་ཅན། དར་ཆ་ཚོན་ཁྲ། |
| ཚོན་གདན |
ཚོན་རྩི་གཏོང་ཡུལ་གང་ཡིན་ལ་ཐོག་མར་གཏོང་བའི་རྩི་གདན། |
| ཚོན་གྱི་འཁོར་ལོ |
རོ་གསལ་བྱེད་ཅིག་དང་སྨན་ཡང་ཡིན་པའི་སྔོ་ཞིག |
| ཚོན་གྱིས་མ་བཅལ་བ |
རྙིང ཚོན་གྱིས་ཁ་མ་བསྒྱུར་བ། |
| ཚོན་གྱིས་འཚོ་བ |
མངོན རི་མོ་མཁན། |
| ཚོན་ཅན |
རྙིང དངུལ། |
| ཚོན་ཆེན |
1 ཚོན་མདོག་མི་འགྱུར་བའི་ས་ཚོན་དང་རྡོ་ཚོན། ཚོན་ཆེན་བཏང་ནས་ལྡེབས་རིས་བྲིས་པ། 2 མངོན རྡོ་ཚོན་བྱེ་བྲག་ཅིག |
| ཚོན་ཆེན་བརྒྱད |
རབ་ཏུ་བྱུང་བའི་གོས་ཀྱི་ཁ་དོག་མི་རུང་བའི་ཚོན་ཆེན་བརྒྱད་དེ། ལི་ཁྲི་དམར་སེར་དང༌། མཐིང་ཤུན་སྔོ་ནག་འོད་ཅན། རྒྱ་སྐྱེགས་ཚོས་དམར་སྨུག་མཚལ་དམར་ཆེན། གུར་གུམ་སེར་སྨུག་བཙོད་གཙང་ཚོས། སྨན་ཤིང་དམར་ནག་ལེ་བརྒན་རྩི་དམར་སེར་འོད་ཅན་བཅས་སོ། |
| ཚོན་དམར |
1 མདོག་སྒྱུར་བྱེད་དམར་པོའི་རིགས། 2 མཚལ། |
| ཚོན་པིར |
རི་མོ་མཁན་གྱི་ལག་ཆ་སྤུ་སྨྱུག |
| ཚོན་པོ |
(རྒྱན་ཚིག) ལུས་ལ་ཤ་ཚིལ་མང་བའི་དོན་ཏེ། ལུག་ཚོན་པོ། ཤ་ཚོན་པོ་ཞེས་པ་ལྟ་བུ། |
| ཚོན་བྲིས |
ཚོན་མདོག་སྣ་ཚོགས་ཀྱིས་བྲིས་པའི་རི་མོ། |
| ཚོན་མདངས |
ཚོན་གྱི་ཁ་དོག ཚོན་མདངས་རྣམ་པར་བཀྲ་བ། |
| ཚོན་མདོག |
ཚོན་གྱི་ཁ་དོག ཚོན་མདོག་སྣ་ལྔ། ཚོན་མདོག་ཡལ་བ། |
| ཚོན་མན |
ཡུལ ཚོན་ཁྲ་མིན་པའི་གོས་ཆེན་རི་མོ་ཡོད་མེད་ཅི་རིགས། |
| ཚོན་མེད་སྐྱ་བྲིས |
ཚོན་མ་བཏང་གོང་དུ་སོལ་པིར་གྱིས་བྲིས་པའི་རི་མོ། |
| ཚོན་མོ་སྟེང |
རྙིང ཞ་ཉེ་ནག་པོ། |
| ཚོན་འགྱེད་པ |
ཚོན་མདོག་སྣ་ཚོགས་གཏོང་བ། ཁང་པ་གསར་པར་ཚོན་འགྱེད་པ། |
| ཚོན་རྩི |
1 ཚོན་མདོག་སྒྱུར་བྱེད་ཀྱི་བཀྲག་རྩི། 2 ཚོན། 3 ཚོན་དང་བཀྲག་རྩི་གཉིས་ཀྱི་བསྡུས་ཚིག |
| ཚོན་ལས |
ཚོན་འགྱེད་པའི་ལས་ཀ། |
| ཚོན་ལེན་པོ |
ཚོན་ཟུག་པོའམ་འཕྲོད་པོ། རས་གཞི་དཀར་པོའི་སྟེང་དུ་ཚོན་ལེན་པོ་ཡོང༌། |
| ཚོན་ལྗང |
1 ཚོན་མདོག་ལྗང་ཁུ། 2 རྡོ་སྨན་ཞིག |
| ཚོབས |
སྐུལ་ཚིག་ཚོབས་ཤིག་ལྟ་བུ། ཚབ་མ་གྱོང་གུད་ཀྱི་སྐྱིན་པའི་མིང་། དཔེར་ན། རྟ་ཚབ་ལ་རྟ་བྱིན། སྒ་ཚབ་ལ་སྒ་བྱིན་ལྟ་བུ། ０དོན་དངོས་དེ་དངོས་མིན་ཀྱང་དེའི་དོད་བྱེད་ཐུབ་པ་ཞིག་གི་མིང་གུར་ཀུམ་དངོས་མེད་ན་རྩྭ་གུར་ཀུམ་གྱིས་དེའི་ཚབ་བྱེད་ཆོག་ལྟ་བུ། １འདེམ་པའམ་བསྐོས་ནས་གཞན་གྱི་དོན་དུ་ལས་དོན་སྒྲུབ་མཁན་གྱི་མིང་སྐུ་ཚབ་ལས་ཚབ། མི་དམངས་འཐུས་མིས་མི་རྣམས་ཀྱི་ཚབ་བྱས་ནས་གཏམ་བཤད་ལྟ་བུ། |
| ཚོམ |
(བྱེད་མེད་ལས་ཚིག) ཐེ་ཚོམ་ཟ་བའམ་བློ་ཐག་རྦད་ཆོད་མིན་པའི་དོན་ཏེ། མ་ཚོམ་པར་གཡུལ་ངོར་བརྒྱུགས། ཅུང་ཟད་ཚོམ། ཚམ་ཚོམ་མེད་པར་བཤད་ལྟ་བུ། |
| ཚོམ་པ |
སོམ་ཉིའམ་བློ་རྩེ་གཉིས། བྱེད་སྟངས་དེ་ཉིད་ཡང་དག་པ་ཡིན་པས་ཚོམ་མི་འཚལ། |
| ཚོམ་པ་མེད |
1 ཐེ་ཚོམ་མེད། 2 མངོན དཔའ་བོ། |
| ཚོམ་བུ |
1 སྤུངས་པའི་ཕུང་པོ། ས་ཚོམ་བུ། རྡོ་ཚོམ་བུ། རྩྭ་ཚོམ་བུ། 2 ཆུན་བུ། མེ་ཏོག་ཚོམ་བུ། སྐར་མ་ཚོམ་བུ། |
| ཚོམ་མེ་བ |
1 ཐེ་ཚོམ་པ། བྱེད་ཚོད་མ་ཐིག་པར་ཚོམ་མེ་བར་ལུས་སོང༌། 2 ཧ་གོ་མ་གོའི་བར་མཚམས། འགྲུལ་པ་ཡོང་དང་མི་ཡོང་ཚོམ་མེ་བ་ཞིག་འདུག |
| ཚོམས |
1.ཐ་དད་པར་འཇུག་པའི་འཚམ་པའི་སྐུལ་ཚིག 2 1 ཁང་པ་དཀྱིལ་མ། ཚོམས་ཀ་བཞི་གདུང་བརྒྱད། 2 སྡེ་ཚན་དང་ལེའུ། |
| ཚོམས་ཁང |
གྲྭ་པའི་འདུ་ཁང་ཆུང་གྲས། |
| ཚོམས་ཆེན |
བཞུགས་གྲལ་གསོལ་སྟོན་སོགས་གཤོམ་སའི་ཁང་པ། ཚོམས་ཆེན་ནང་དུ་གསོལ་སྟོན་བཤམས། |
| ཚོམས་ཇ |
གྲྭ་པའི་ཁང་ཚན་གྱི་དམངས་ཚོགས་ལ་གཏོང་རྒྱུའི་ཇ། |
| ཚོར |
(བྱེད་འབྲེལ་ལས་ཚིག) རེག་པའམ་ཕྱིའི་རྐྱེན་གྱིས་མྱོང་ཚོར་ཐད་ཀར་བསྐྱེད་པའི་དོན་ཏེ། སྐྱིད་པར་ཚོར། རྣས་སྒྲ་ཚོར། སྣས་དྲི་ཚོར་སོགས་ལྟ་བུ། |
| ཚོར་ངད |
ཚོར་བའི་ནུས་པ། རྣ་བའི་ཚོར་ངད་ཆེ་བ། སྣའི་ཚོར་ངད་ཞན་པ། |
| ཚོར་བ |
1.ཐ་མི་དད་པ རྟོགས་པ་དང་རེག་སྟེ་ཤེས་པ། ལུས་ཀྱི་སྡུག་བསྔལ་ལུས་ཀྱིས་ཚོར་བ། ཁོའི་སྐད་ཆ་ངས་ཚོར་བྱུང༌། 2 1 རེག་པས་ཡུལ་ཡོངས་སུ་སྤྱད་པའི་རྣམ་པར་སྨིན་པ་སིམ་གདུང་བར་མ་གང་རུང་ཉམས་སུ་མྱོང་བའི་བདག་ཉིད་ཅན་གྱི་ཤེས་པའོ། བདེ་སྡུག་གི་ཚོར་བ། ཚོར་བ་བཏང་སྙོམས། ཉི་མ་ཚ་དུས་གྲིབ་ནག་གི་སར་བསྡད་ན་ཚོར་བ་བསིལ་པོ་ཡོང༌། 2 ཀུན་འགྲོ་ལྔའི་ཡ་གྱལ། ཕྱི་རྐྱེན་གྱིས་ཐད་ཀར་ལུས་སེམས་ལ་བསྐྱེད་པའི་མྱོང་ཚོར་གྱི་མིང་ཚོར་བ་སྡུག་བསྔལ། ཚོར་བ་བདེ་བ་ཞེས་པ་ལྟ་བུ། ཚོ་རུ་ཞེས་པའི་རུ་ཡིག་བསྡུས་པ་ངས་ཁྱོད་ཚོར་བཤད་ལྟ་བུ། |
| ཚོར་བ་གསུམ |
ཚོར་བ་བདེ་སྡུག་བཏང་སྙོམས་གསུམ། |
| ཚོར་བ་དྲན་པ་ཉེ་བར་བཞག་པ |
དྲན་པ་ཉེ་བར་བཞག་པ་བཞིའི་ཡ་གྱལ་ཞིག་ནང་དང་ཕྱི་དང་ཕྱི་ནང་གི་ལུས་ལ་དམིགས་ནས་བྱུང་བའི་ཚོར་བ་དང༌། ཚོར་བ་བདེ་སྡུག་བཏང་སྙོམས་གསུམ་ཆར་ཡང་རང་གི་མཚན་ཉིད་ནི་སྡུག་བསྔལ་བའི་མཚན་ཉིད་དེ། ཚོར་བ་སྡུག་བསྔལ་ལ་སྡུག་བསྔལ་གྱི་སྡུག་བསྔལ་གྱིས་ཁྱབ། ཚོར་བ་བདེ་བ་ལ་ནི་འགྱུར་བའི་སྡུག་བསྔལ་གྱིས་ཁྱབ། ཚོར་བ་བཏང་སྙོམས་ལ་ནི་འདུ་བྱེད་ཀྱི་སྡུག་བསྔལ་གྱིས་ཁྱབ་བོ་ཞེས་བརྟགས་ཤིང་རྩེ་གཅིག་ཏུ་འཇོག་པ། |
| ཚོར་བ་དྲུག |
མིག་ཤེས་སུ་གྱུར་པའི་ཚོར་བ་དང༌། རྣ་ཤེས་སུ་གྱུར་པའི་ཚོར་བ། སྣ་ཤེས་སུ་གྱུར་པའི་ཚོར་བ། ལྕེ་ཤེས་སུ་གྱུར་པའི་ཚོར་བ། ལུས་ཤེས་སུ་གྱུར་པའི་ཚོར་བ། ཡིད་ཤེས་སུ་གྱུར་པའི་ཚོར་བ་བཅས་དྲུག་གོ། |
| ཚོར་བ་བཏང་སྙོམས |
བར་མའི་ཚོར་བ་སྟེ་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ། |
| ཚོར་བ་ལྔ |
ལུས་ཀྱི་ཚོར་བ་བདེ་སྡུག་གཉིས། ཡིད་ཀྱི་ཚོར་བ་ཡིད་བདེ་དང་ཡིད་མི་བདེ་གཉིས། ཚོར་བ་བཏང་སྙོམས་དང་ལྔའོ། |
| ཚོར་བའི་དབང་པོ་ལྔ |
ཚོར་བ་ལྔ་དང་དོན་གཅིག་ |
| ཚོར་བའི་ཕུང་པོ |
ཕུང་པོ་ལྔའི་ཡ་གྱལ་ཞིག་སིམ་གདུང་བར་མའི་ཚོར་བ་ལྟ་བུ་ཉམས་སུ་མྱོང་བའི་བདག་ཉིད་ཅན་གྱི་སེམས་པ་རིགས་མཐུན་དུ་མ་སྤུངས་པའོ། |
| ཚོར་བའི་ཟུག་རྔུ |
ནད་ཀྱི་ཟུག་རྔུའི་སྡུག་བསྔལ། |
| ཚོར་བའི་ཟླ་བ |
ཉི་མས་ཀརྐཊའི་ཁྱིམ་སྤྱོད་པའི་ཟླ་བའམ་ཧོར་ཟླ་དྲུག་པའི་མིང༌། |
| ཚོར་བའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། རེག་པ་ལ་བརྟེན་ནས་ཚོར་བ་བདེ་སྡུག་བར་མ་ཉམས་སུ་མྱོང་བ་དེ་དག་ལ་ཉེ་བར་ལོངས་སུ་སྤྱོད་པའོ། |
| ཚོར་སྐྱེན |
རྙིང ཚོར་བ་རྣོན་པོ། |
| ཚོལ |
སྐུལ་ཚིག་རྟ་ཚོལ་ཅིག་ལྟ་བུ། འཚལ་གྱི་འདས་པ། |
| ཚོས |
1. འཚོད་པའི་སྐུལ་ཚིག 2 1 མདོག་སྒྱུར་བྱེད་ཀྱི་ཚོན་རྩི། ཤིང་ཚོས། རྫས་འགྱུར་གྱི་ཚོས། 2 འབུར་དུ་དོད་ཆ། མཁུར་ཚོས། རྐུབ་ཚོས། |
| ཚོས |
མདོག་སྒྱུར་བྱེད་ཀྱི་ཚོན་ནམ་ཁ་དོག་གི་མིང་རས་ལ་ཚོས་བརྒྱབ། ཤིང་ལ་ཚོས་བསྐུས། ཕྲུག་རྒྱ་ཚོས། རས་དཀར་ལ་ཚོས་འགོས་ལྟ་བུ། |
| ཚོས་ཁུ |
ཚོས་ཆེན་གྱི་རིགས་ལས་བྱུང་བའི་ཁུ་བ་དང༌། ཁ་དོག་སྣ་ཚོགས་པའི་ཚོས་གསར་གྱི་ཁུ་བ། སྣམ་རས་དཀར་གཙང་ལ་ཚོས་ཁུ་ལེན་སླ། |
| ཚོས་གདན |
ཚོས་གཞི་མི་འགྱུར་བའི་ཆེད་དུ་ཐོག་མར་གཏོང་བའི་ས་མཚུར། |
| ཚོས་གཞི |
ཚོས་མདོག ཚོས་གཞི་འགྱུར་བ། ཚོས་གཞི་གཅིག་པ། ཚོས་གཞི་ཡལ་བ། རས་འདིའི་ཚོས་གཞི་ལེགས་པོ་མི་འདུག |
| ཚོས་གསར |
དེང་སང་གི་རྒྱ་ཚོས་དམར་སེར་སྔོ་ལྗང་སོགས། |
| ཚོས་གྲ་མ་སྙོམས་པ |
ཚོས་མདོག་སྙོམས་པོ་མ་བྱུང་བའི་སྐྱོན། སྣམ་བུ་ཚོས་གྲ་མ་སྙོམས་པ། རས་ཆ་ཚོས་གྲ་མ་སྙོམས་པ། |
| ཚོས་ཆེན |
ཤིང་ཚོས་ཀྱི་རིགས། |
| ཚོས་ཉིས་མ |
1 ཚོས་མདོག་གཉིས་ལས་མེད་པའི་རི་མོ། 2 གོས་ཆེན་ཞིག |
| ཚོས་ཉེས |
ཚོས་རྒྱག་སྟངས་ལམ་འགྲོ་མ་བྱུང་བ། ལག་རྩལ་ཞན་པས་ཚོས་ཉེས་བྱུང་བ། |
| ཚོས་ཐེབས |
ཚོས་ཟུག་པ། ཤོག་བུ་དཀར་པོར་ཚོས་ཐེབས་སླ། |
| ཚོས་པ |
ཐ་མི་དད་པ བཙོས་ཏེ་ཐུལ་བ། འབྲས་བཙོས་ཀྱང་མ་ཚོས། |
| ཚོས་པོ |
ཤ་སོགས་ལེགས་པར་བཙོས་པ། ཤ་ཚོས་པོ་བྱུང་འདུག |
| ཚོས་བཅད |
ཡུལ ཚོན་རྩིའི་ཐོག་ལ་རྒྱག་པའི་གསེར་རིས། |
| ཚོས་བསང་རྒྱག་པ |
ཚོས་བརྒྱབ་ཟིན་པའི་རྗེས་སུ་ཆུ་བཤལ་གཏོང་བ། |
| ཚོས་བྱི་བ |
ཚོས་ཀྱི་མདོག་ཡལ་བ། གྱོན་པ་ཚོས་བྱི་བ། |
| ཚོས་བྱེད |
1 ཚོས་རྒྱག་པ། 2 མངོན ཙན་དན་དམར་པོ། |
| ཚོས་མ |
1 ཚོས་མཁན། 2 ཚོས་བརྒྱབ་པའི་སྣམ་རས་སོགས། |
| ཚོས་མདོག |
ཚོས་དམར་སེར་སོགས་ཀྱི་ཁ་དོག |
| ཚོས་ཟ་བ |
ཚོས་ལེན་པ། སྐྱུར་རྩི་ཆུང་ཟད་བསྲེས་ན་ཚོས་ཟ་བ་ལ་ཁྱད་ཆེ། ཚོས་གདན་མ་བཏིང་བས་ཚོས་མ་བཟས་པ། |
| ཚོས་འགྲིབ |
ཚོས་བརྒྱབ་པ་ལམ་དུ་མ་སོང་བའི་སྐྱོན། ཚོས་རྒྱུས་མེད་མཁན་གྱིས་བརྒྱབ་ན་ཚོས་འགྲིབ་ཡོང་སྲིད། |
| ཚོས་འཛིན་པ |
ཚོས་མདོག་ལེན་པ། སྣམ་རས་དྲེག་པ་ཅན་གྱིས་ཚོས་མི་འཛིན་པ། རས་ཆ་དཀར་པོས་ཚོས་འཛིན་སླ། |
| ཚོས་རྒྱུག |
ཡུལ ཚོས་དཀྲུག་བྱེད་ཀྱི་དབྱུག་པ། |
| ཚོས་རྟ |
1 ཚོས་ལེན་བདེ་བའི་ཆེད་དུ་ཚོས་དང་མཉམ་དུ་བསྲེ་རྒྱུའི་སྐྱུར་རྩི། 2 ས་མཚུར། |
| ཚོས་རྟགས |
དངོས་རིགས་མི་ནོར་བའི་ཆེད་དུ་བརྒྱབ་པའི་རྟགས། ལུག་གི་སྒལ་པར་ཚོས་རྟགས་དམར་པོ་བརྒྱབ་པ། |
| ཚོས་ལངས་པ |
ཡུལ ཚོས་ཁུ་བསྙལ་ནས་ལམ་དུ་སོང་བ། |
| ཚོས་ལོག་པ |
ཚོས་ཡལ་བ། ཉི་སྲེག་ཆར་རྡུང་བྱས་ཀྱང་ཚོས་ལོག་མེད་པ། ཡང་ཡང་བཀྲུས་ནས་ཚོས་ལོག་པ། |
| ཚོས་སར |
ཚོས་གསར་དང་འདྲ། |
| ཚོས་སྣག |
ཚོས་ལས་བྱུང་བའི་སྣག་ཚ། ཚོས་སྣག་དམར་པོ། |
| ཚྭ |
འགྱུར་བྱེད་དམ་འགྱུར་རྣོན་པོ་སྟེ་རོ་དྲུག་གི་ནང་གསེས་ལན་ཚ་བའི་རྫས། ཝ་ཟུར རྒྱ་ཚ། བོད་ཚ། ཁ་རུ་ཚ། ཚྭ་ཁ་རུ། ཇ་ལ་ཚྭ་འདེབས་པ། |
| ཚྭ་ཁ |
1 ཚྭའི་འབྱུང་ཁུངས་སམ་ཚྭའི་ཐོན་ཁུངས་ཀྱི་ས་ཡུལ་སྤྱི་མིང༌། 2 མཚོ་སྔོན་པོའི་ནུབ་རྒྱུད་དུ་ཡོད་པའི་ཚྭའི་འབྱུང་ཁུངས་ཆེན་པོ་ཞིག |
| ཚྭ་ཁ་ལྷོ |
ས་མིང་ཞིག་བོད་རང་སྐྱོང་ལྗོངས་ཀྱི་སྨར་ཁམས་རྫོང་གི་ལྷོ་རྒྱུད་དང་ཟླ་ཆུའི་ཤར་འགྲམ་དུ་ཡོད། དེ་ཚྭ་ཁ་ཞིག་ཡིན། |
| ཚྭ་ཁང |
ཟ་ཚྭ་འཇུག་སའི་ཁང་པ། |
| ཚྭ་ཁུག |
ཚྭ་བླུག་སའི་སྣོད་སྤྱད། |
| ཚྭ་དུགས |
ཚྭ་སླ་ངའི་ནང་དུ་བསྲོས་ཏེ་རས་ཐུམ་བྱས་ནས་ན་ས་ལ་སྦྱོར་བའི་འཆོས་ཐབས་ཤིག |
| ཚྭ་བུལ་སྣོད |
ཚྭ་དང་བུལ་ཏོག་བླུག་སྣོད། |
| ཚྭ་མཚོ |
1 ཚྭ་ཡོད་པའི་མཚོ་སྤྱི། 2 བོད་རང་སྐྱོང་ལྗོངས་ཀྱི་སྒེར་རྩེ་རྫོང་གི་ལྷོ་རྒྱུད་ན་ཡོད་པའི་མཚོ་ཞིག |
| ཚྭ་ཚོང |
1 ཚྭ་ཚོང་བྱེད་པ། 2 ཚྭའི་ཚོང་ལས་བྱེད་མཁན། |
| ཚྭ་ཚོད |
1 ཚྭ་ཡོད་པའི་ཚོད་མ་ཞིག 2 ཚྭ་མང་ཉུང་གི་ཚོད། ཚྭ་ཚོད་རན་པོ། |
| ཚྭ་ཚྭ |
1 མེ་སྟག 2 ས་ལས་བཟོས་པའི་ལྷའི་གཟུགས་བརྙན་དང་མཆོད་རྟེན་ཆུང་ཆུང༌། |
| ཚྭ་རི་སྤུན་གསུམ |
རི་བོ་ཞིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ཁྲི་འདུ་རྫོང་དུ་ཡོད། |
| ཚྭ་རྒྱས་གཡུ་འཕྲུལ |
མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་རྫ་སྟོད་རྫོང་གི་ལ་ཞིག |
| ཚྭ་རྭ |
ཡུལ རྭ་ཅོས་བཟོས་པའི་ཕྱུགས་ལ་ཚྭ་ལྡུད་བྱེད་ཀྱི་མིང༌། |
| ཚྭ་ཤོ |
1 ཚྭ་ཚོང་པས་འཇལ་དགོས་པའི་ཚྭའི་ཁྲལ། 2 ཚྭ་ཁྲལ་སྡུད་མཁན། |
| ཚྭ་སྒོ |
བ་ཚྭ། |
| ཚྭ་སྒོ་ཅན |
ས་ཞིང་ཚྭ་བུལ་ཅན་གྱི་མིང་། འདི་ཚ་སྒོ་ཅན་ཞེས་འབྲི་བའང་ཡོད། |
| ཛ |
བོད་ཡིག་གསལ་བྱེད་བཅུ་དགུ་པ་འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་རྐན་ལྕེ་གཉིས་ཕྲད་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། མིང་གཞིའི་མོ་ཡིག་ཅིག |
| ཛ་གད |
ཤ་ཕུད་དམ་ཆང་ཕུད་སོགས་མཆོད་བྱེད་ཀྱི་རྫས། |
| ཛ་ཏ་རི |
རྒྱ་གར་གྱི་དབུ་མའི་གྲུབ་མཐའ་སྨྲ་བའི་སློབ་དཔོན་ཞིག |
| ཛ་ཐའི |
སོག ཛ་སག་དང་ཐའི་ཇིའི་གོ་གནས་ཀྱི་བསྡུས་མིང༌། |
| ཛ་དྲག |
1 བྲེལ་འཚབ། དམག་འཁྲུག་ཛ་དྲག་ཅན། ཛ་དྲག་གི་ཚོགས་འདུ། 2 དོ་གལ། ལས་ཀ་ཛ་དྲག་ཆེ་བ། ཛ་དྲག་པོའི་དུས་སྐབས། |
| ཛ་བ |
ཛ་ནས་བ་བར་སོ་སོར་བསྡུ་བའི་ལེགས་སྦྱར་གྱི་གསལ་བྱེད་ཡི་གེ། ཛ་བ ཛ བ ཛ་ཌ་ད་ག་བ |
| ཛ་བོ་ཤིང |
ཡུལ མཛོ་མོ་ཤིང་ཤིང་སྨན་གྱི་རིགས་ཤིག་ཆུར་གདུས་པའི་ཁུ་བ་ཚོས་བྱས་ཆོག་པ། |
| ཛ་བྷི་ར |
སྔོ་ཞིག |
| ཛ་འཕྲུ |
ཡི་གེ་ཛའི་ཏོག་སྟེ་ཛ་ལག་ཛ |
| ཛ་ཡ |
ལེགས རྒྱལ་བ། |
| ཛ་ཡནྟུ |
ལེགས རྒྱལ་བར་གྱུར་ཅིག |
| ཛ་རག |
1 མཆོད་རྫས་བྱ་མ་བུམ། 2 དངུལ་གྱི་དམ་བེ་བྱེ་བྲག་པ་ཞིག 3 རྫ་བུམ་ཆུང་ཆུང༌། |
| ཛ་རེ་ཛོ་རེ |
བྱ་སྤྱོད་དང་ཆས་དངོས་སོགས་ཟང་ཟིང་གི་ཚུལ། ཛ་རེ་ཛོ་རེའི་ལས་ཀ་སྒབ་མི་གཙང༌། ཉེར་མཁོའི་ཡོ་བྱད་ཛ་རེ་ཛོ་རེ། |
| ཛ་རྟགས |
ཇ་དང་མི་ནོར་བའི་རྟགས་ཀྱི་ཛ་ལག་ཛ ཇ |
| ཛ་ལག |
ཇ་དང་མི་ནོར་བའི་རྟགས་ཀྱི་ཛ་འཕྲུ། ཛ ཇ |
| ཛ་ལང |
1 སྤྱོད་པ་རྩིང་པོ། ཛ་ལང་གི་སྤྱོད་ལམ། 2 ངན་གོམས། བག་མེད་ཛ་ལང་དུ་ཤོར་བ། |
| ཛ་ལྷག |
ཡུལ ཇ་དང་མི་ནོར་བའི་རྟགས་ཀྱི་ཛ་ལག་ཛ ཇ |
| ཛ་སག |
སོག མཉྫུའི་རྒྱལ་རབས་ཀྱི་གོ་གནས་ཆེ་གྲས་ཤིག་སྟེ་བོད་སྐད་དུ་སྤྱི་དཔོན་ཟེར། གོ་གནས་འདི་ནི་སྔར་བོད་ས་གནས་སྲིད་གཞུང་གི་རིམ་པ་གསུམ་པ་ཡིན། |
| ཛ་ཧུའི་བུ་མོ |
མངོན ཆུ་བོ་གང་གཱ། |
| ཛནྟུའི་འབྲས |
མངོན ཨུ་དུམ་བཱ་ར། |
| ཛམ་ཐང |
རྫོང་ཞིག་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་ནུབ་ངོས་དང་རྒྱལ་རོང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་རྐ་མདའ་རུ་ཡོད། |
| ཛམ་ཐང་གཙང་པ་དགོན |
སི་ཁྲོན་ཞིང་ཆེན་ཁོངས་ཛམ་ཐང་རྫོང་གི་ཇོ་ནང་དགོན་ཆེན་གཉིས་ཀྱི་ཡ་གྱལ་ཞིག་ཐོག་མར་ཏཱ་ར་ན་ཐའི་དངོས་སློབ་ཆ་ལུང་བ་ངག་དབང་ཕྲིན་ལས་ཀྱི་ཚ་བོ་ངག་དབང་བསྟན་འཛིན་རྣམ་རྒྱལ་གྱིས་གཟིམ་ཁང་བརྩིགས་ཤིང་རྗེས་སུ་རིམ་གྱིས་དགོན་པ་ཆགས་པ་ཞིག་གོ། |
| ཛམ་ཐང་ཆོས་རྗེ་དགོན |
སི་ཁྲོན་ཞིང་ཆེན་ཁོངས་ཛམ་ཐང་རྫོང་གི་ཇོ་ནང་དགོན་ཆེན་གཉིས་ཀྱི་ཡ་གྱལ་ཞིག་ཇོ་ནང་དྲུང་བཀའ་བཞི་རིན་ཆེན་དཔལ་གྱིས་བཏབ་པ་ཞིག |
| ཛམ་བྷ་ལ |
རྨུགས་འཛིན་ཏེ་ནོར་ལྷ་ཞིག མིང་གི་རྣམ་གྲངས་ལ་སྔོན་གྱི་གནོད་སྦྱིན་དང༌། ཆུ་ཡི་དབང་པོ། ཆུ་ལ་གནས། ཆུའི་ཐུབ་པ། ནོར་གྱི་དབང་ཕྱུག་བཅས་སོ། |
| ཛམྦུ་ཀ |
ལེགས སྤྱང་ཀི། |
| ཛམྦུ་གླིང |
ལེགས འཛམ་བུ་གླིང༌། |
| ཛམྦུ་ཆུ་གསེར |
གསེར་ལེགས་ཤོས་ཤིག |
| ཛམྦུ་ཆུ་བོ |
ལེགས 1 རྒྱ་གར་གྱི་ཆུ་བོ་ཞིག 2 གསེར། |
| ཛམྦུ་པྲྀཀྵ |
མཚོ་མ་དྲོས་པའི་འགྲམ་དུ་སྐྱེས་པའི་འབྲས་ལྡན་ཤིང་ཞིག་ཡིན་པར་གྲགས། |
| ཛར་ཛར |
འཛར་འཛར་དང་འདྲ། |
| ཛར་ཛོར |
ཛ་རེ་ཛོ་རེའི་བསྡུས་མིང༌། |
| ཛར་རེ་བ |
འཕྲོ་དང་བཅས་པའམ་འཕྲོ་ཅན། ལས་འཕྲོ་ཛར་རེ་བ། |
| ཛཱ་ཏི |
ལེགས 1 སྐྱེ་ལྡན་ཏེ་རྩི་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་དྲོད་སྐྱེད། ཟས་འཇུ། སྙིང་རླུང་སོགས་རླུང་ནད་སེལ་བར་བྱེད། མིང་གི་རྣམ་གྲངས་ལ་འདབ་བདུན་པ་དང༌། སྣ་མའི་མེ་ཏོག་མ་ལ་ཏི། གཞོན་ནུའི་ཕྲེང་ཅན། ཡིད་བཟང་སྐྱེས་བཅས་སོ། 2 རིན་པོ་ཆེའི་རིགས་ཤིག་ནུས་པས་སྲིད་སྤེལ། བྱིས་པའི་ཆུང་གདོན་སྲུང་བར་བྱེད། 2.ཛ་ཏིའི་སྡོང་བོ་ནི་ལོ་མ་མི་ལྟུང་བའི་ཤིང་སྡོང་གི་རིགས་ཤིག་ཡིན་ཞིང་། རང་རྒྱལ་ཀོང་ཞི་ཞིང་ཆེན་དང་རྒྱ་གར། སིང་ག་ལ་སོགས་སུ་ཡོད། སྨིན་པའི་ས་བོན་ནི་ཆེ་ཆུང་བྱིའུ་སྒོ་ཙམ། བཅག་མཚམས་ན་པ་ཏྲ་ལྟ་བུའི་རི་མོ་ཡོད། སྤུས་སྲ་ལ་དྲི་ཞིམ། ས་བོན་ལའང་ཛ་ཏི་ཟེར་ཞིང་སྨན་མཆོག་ཅིག་ཡིན། འདི་ལ་སྔར་ཛཱ་ཏི་ཞེས་འབྲི། |
| ཛཱ་ཏི་ཕ་ལ |
ལེགས སྐྱེ་ལྡན་བཟང་པོ་སྟེ་སྨན་ཛཱ་ཏིའི་འབྲས་བུ་མཆོག |
| ཛཱ་ཏྲི་ཀ |
སྔོ་ཞིག |
| ཛཱནྟུ་ཕ་ལ |
མངོན ཨུ་དུམ་བཱ་ར། |
| ཛཱཔཱ |
ལེགས བཟླས་སྔགས་ཀྱི་མིང༌། |
| ཛི་ན་མི་ཏྲ |
ལེགས བོད་སྐད་དུ་རྒྱལ་བའི་བཤེས་གཉེན་ཞེས་སུ་གྲགས་པ་འདི་ནི་སྤྱི་ལོའི་དུས་རབས་བརྒྱད་པར་ཁ་ཆེའི་ཡུལ་དུ་བྱུང་བའི་ནང་པའི་པཎྜི་ཏ་ཆེན་པོ་ཞིག་ཡིན་ཞིང༌། བོད་རྒྱལ་ཁྲི་སྲོང་ལྡེ་བཙན་གྱིས་ཁོང་བོད་ལ་གདན་དྲངས་ཏེ་བཀའ་དང་བསྟན་བཅོས་མང་དུ་བསྒྱུར་པ་དང༌། འདུལ་བའི་བསྟན་པ་སྤེལ་བ་སོགས་བོད་ལ་དྲིན་ཅན་ལོ་པཎ་གསུམ་གྱི་ཡ་གྱལ་དུ་གྱུར་པའོ། |
| ཛོ་ཀི |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག |
| ཛྙཱ་ན |
ལེགས ཡེ་ཤེས། |
| ཛྙཱ་ན་སུ་ཏྲ |
ཡེ་ཤེས་མདོ་སྟེ་བོད་དུ་རྫོགས་པ་ཆེན་པོའི་སྙིང་ཐིག་གི་ཆོས་སྤེལ་བར་མཛད་པའི་རྒྱ་གར་གྱི་སློབ་དཔོན་ཞིག |
| ཛྱོ་ཥྠ |
ལེགས ཧོར་ཟླ་ལྔ་པ། |
| ཛྷ་བྷ |
ལེགས ཛྷ་ནས་བྷ་བར་སོ་སོར་བསྡུ་བའི་ལེགས་སྦྱར་གྱི་གསལ་བྱེད་ཡི་གེ། ཛྷ་བྷ ཛྷ བྷ ཛྷ་ཌྷ་དྷ་གྷ་བྷ ཧ་ས |
| ཛྷ་ས |
ལེགས ཛྷ་ནས་ས་བར་སོ་སོར་བསྡུ་བའི་ལེགས་སྦྱར་གྱི་གསལ་བྱེད་ཡི་གེ། ཛྷ་ས ཛྷ ས ཛྷ་ཌྷ་དྷ་གྷ་བྷ་ཛ་ཌ་ད་ག་བ་ཁ་ཕ་ཚ་ཋ་ཐ་ཙ་ཊ་ཏ་ཀ་པ་ཤ་ཥ་ས ཀ་ལཱ་པ དྷུཊ ཧ་ས |
| ཝེན་ཚེག |
རྒྱ སྔར་ཐང་ཟན་བླ་མའི་སློབ་མ་ཁྲའོ་ཞན་གྱི་སློབ་དཔོན་ཞིག་ཡིན། ཁོང་གིས་འཕགས་པ་དགོངས་པ་ཟབ་མོ་ངེས་པར་འགྲེལ་བའི་མདོ་རྒྱ་ཆེར་འགྲེལ་པ་རྒྱ་ཡིག་ཏུ་བརྩམས། སླར་འགོས་ལོ་ཆོས་འགྲུབ་ཀྱིས་བོད་ཡིག་ཏུ་བསྒྱུར། |
| ཝེར་མ |
1 དགྲ་ལྷའམ་མཚོན་ལྷ། 2 འགོ་བའི་ལྷ། |
| ཝོ་བརྒྱལ |
འོ་བརྒྱལ་དང་དོན་གཅིག |
| ཝཾ་ཤེ |
ལེགས གླིང་བུ། |
| ཞ |
1.བོད་ཡིག་གསལ་བྱེད་ཉེར་གཅིག་པ་འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་དྲོ་ཞིང་སྒྲ་མེད་པ། མིང་གཞིའི་མོ་ཡིག་ཅིག…2.(བྱེད་མེད་ལས་ཚིག) <ཀ>ཡན་ལག་སྐྱོན་ཅན་དུ་གྱུར་པ་རྐང་བ་ཞ། རྐང་བ་ཞ་བའི་སྲོག་ཆགས་ཞེས་པ་ལྟ་བུ། |
| ཞ་ཀྱོག |
ཡན་ལག་ཞ་ནས་ཀྱོག་པོར་གྱུར་པ། རྐང་པ་ཞ་ཀྱོག ལག་པ་ཡ་གཅིག་ཞ་ཀྱོག་ཏུ་གྱུར་པ། |
| ཞ་གི་ཞི་གི |
1 ར་བ་རྩིག་པ་སོགས་ཞིག་གྲབས་ཡོད་པ། ཅ་ལག་ཞ་གི་ཞི་གི། ཁང་པ་རྙིང་པ་ཞ་གི་ཞི་གི། 2 མདུད་པ་སོགས་དམ་པོ་མེད་པ་ཞིག་ཆོག་ཆོག སྐེད་རགས་ཞ་གི་ཞི་གི་ཆགས་པ། |
| ཞ་ཆག |
1 ཉམས་ཆག 2 ཆད་ལུས། ཞ་ཆག་འཐེང་འཁུམ་མེད་པ། |
| ཞ་ཉེ |
མདོག་སྐྱ་ལ་ནག་ཤས་ཆེ་བའམ་སྐྱ་ལ་དཀར་ཤས་ཆེ་ཞིང་། སྤུས་ཀ་སྙི་ལ་འཇུ་སླ་བའི་ལྕགས་རིགས་ཤིག་ཡིན། དེ་ནི་ས་འོག་གི་སྦུ་གུ་བཟོ་བྱེད་ཀྱི་རྒྱུ་བཟང་བོ་ཞིག་ཡིན། མིང་བསྡུས་ན་ཞ་ཞེས་འབྲི་ཆོག་ཞ་ཉེ་དཀར་བོ་ལ་ཞ་དཀར་ཟེར་བ་ལྟ་བུ། |
| ཞ་ཉེ་སྐྱེས |
མངོན ཚོན་ལི་ཁྲི། |
| ཞ་ཐུལ |
ཟླ་གམ་མམ་ཕྱམ་རྩེ། |
| ཞ་ནེ |
ཡུལ ཞ་ཉེ། |
| ཞ་བ |
ཐ་མི་དད་པ རྐང་ལག་སོགས་ལ་སྐྱོན་ཤོར་བ། རྐང་འཐེང་ལག་ཞ། |
| ཞ་བོ |
རྐང་ལག་གང་རུང་ལ་སྐྱོན་ཞུགས་ཏེ་ཉམས་ཤིང་འཁུམས་པའི་མིང༌། |
| ཞ་ཞ |
སྒུར་སྒུར་རམ་གུག་གུག ཁ་འཕྲེད་འཕྲེད་སྒྱིད་ཞ་ཞ། |
| ཞ་ཞི |
ཡུལ ཕྲུ་གུ་ཆུང་ཆུང༌། ཞ་ཞི་ངུ་བ། |
| ཞ་འཐེང |
རྐང་ཀྱོག་གི་འགྲོ་སྟངས། ཞ་འཐེང་འཐེང་བྱས་ནས་ཐག་རིང་འགྲོ་དཀའ། |
| ཞ་ར |
མིག་ཞར་བ། |
| ཞ་རིལ |
ཡན་ལག་འཁུམ་སྐྱོན་ཤོར་བ། ཞ་རིལ་འཁུམས་པ། གྲུམ་བུའི་ནད་ཀྱིས་རྐང་ལག་བཞི་ག་ཞ་རིལ་དུ་གྱུར་པ། |
| ཞ་རྡོ |
རྫ་ཆས་སོགས་ལ་རྩི་གཏོང་བྱེད་ཀྱི་རྡོ་རིགས་ཤིག་དེ་ཞུ་ན་ཞ་ཉེ་འབྱུང༌། |
| ཞ་ལ |
ཡུལ གྱང་ལྡེབས་སོགས་ལ་གཏོང་རྒྱུའི་ཞལ་བ། རྩིག་པ་ལ་ཞ་ལ་བརྒྱབ་པ། |
| ཞ་ལག |
ཀ་ལག་དང་དོན་འདྲ། |
| ཞ་ལུ |
1 གཞིས་ཀ་རྩེ་རྫོང་གི་ས་ཆ་ཞིག་སྔར་འགྲོ་མགོན་འཕགས་པའི་དུས་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག 2 རྙིང པད་ཁ་སོགས་རྩི་ཤིང་གི་མྱུ་གུ་གསར་པ། |
| ཞ་ལུ་དགོན་པ |
སྔར་དུས་རབས་བཅུ་གཅིག་པར་གཞིས་རྩེའི་ས་ཁུལ་དུ་བཏབ་པའི་དགོན་པ་ཞིག་ཡིན་ཞིང༌། དེར་དུས་རབས་བཅུ་བཞི་པར་བུ་སྟོན་རིན་ཆེན་གྲུབ་ཡུན་རིང་བཞུགས་ཏེ་རྒྱུད་སྡེ་མང་པོའི་འཆད་རྒྱུན་བཙུགས་པ་དེ་ནས་བཟུང་ཞ་ལུ་བའི་གྲུབ་མཐའ་དར་རྒྱས་བྱུང་ཞིང༌། སྔར་དགོན་པ་འདིར་སཾ་སྐྲྀ་ཏའི་སྐད་ཀྱི་ཆོས་དཔེ་མང་པོ་ཡོད་ཟེར། |
| ཞ་ལུ་པ |
དུས་རབས་བཅུ་གསུམ་པའི་མཇུག་དང༌། དུས་རབས་བཅུ་བཞི་པའི་འགོར་བུ་སྟོན་རིན་ཆེན་གྲུབ་ཀྱིས་གསར་གཏོད་བྱས་པའི་ཆོས་ལུགས་ཀྱི་གྲུབ་མཐའ་འཛིན་མཁན། |
| ཞ་ལུ་ལོ་ཆེན |
མཚན་ལ་ཆོས་སྐྱོང་བཟང་པོ་ཟེར། རབ་བྱུང་བདུན་པའི་ཤིང་བྱི་ལོར་གཞིས་རྩེའི་ས་ཁུལ་ཞ་ལུར་འཁྲུངས། རབ་བྱུང་དགུ་པའི་ཤིང་བྱི་ལོར་དག་ཡིག་ཟ་མ་ཏོག་ཐེངས་དང་པོ་བརྩམས་ཤིང༌། ས་གླང་ལོར་བསྐྱར་དུ་ལེགས་བཅོས་དང་ཞུ་དག་བྱས། དེ་མིན་སུམ་རྟགས་ཀྱི་འགྲེལ་པ་ཡང་བརྩམས་ཡོད། དེ་ནས་མི་རིང་བར་འདས། |
| ཞ་ལུ་སྐྱེས |
པད་ཁ་སོགས་ཀྱི་ལོ་མ་གསར་དུ་ཁ་འབུས་པ། |
| ཞ་སྐུད |
ཞ་ཉེ་ལས་བཟོས་པའི་སྐུད་པ། |
| ཞ་སྒྲེ |
རྣ་བའི་མཐའ་གཤོག་མེད་པ། <ཁ>སེམས་ཀྱི་སྣང་བ་སོགས་མི་མངོན་པར་གྱུར་པ་དང་ཡིབ་པའི་དོན་ཏེ། ཞེ་སྡང་བག་ལ་ཞ། དོགས་ཟོན་བག་ལ་ཞ་མི་རུང་། གཉིད་ཚེ་རིག་པ་བག་ལ་ཞ་ཞེས་པ་ལྟ་བུ། <ག>གཞན་གྱི་ནོར་རྫས་སོགས་རང་གིས་ཚབ་དགོས་བྱུང་བ་སྤྱི་རྒྱུ་སྒེར་གྱི་མགོར་ཞ་ལྟ་བུ། ཞ་ཉེ་ཡི་མིང་བསྡུས་པ། ０སྒོ་ཕྱུགས་ཀྱི་སྐྱེ་འཕེལ་གྱི་དབང་བོ་ཉམས་པར་བྱེད་པའི་ཕྱ་ཡི་འབྲི་ཚུལ་གཞན། |
| ཞ་སྡེ |
བོད་ཡིག་གསལ་བྱེད་ཀྱི་སྡེ་པ་དྲུག་པ་ཞ་ཟ་འ་ཡ། ཞ་ཟ་འ་ཡ་ |
| ཞ་སྨྱུག |
1སྔོན་ཆད་ཞ་ཉེའི་རིགས་རྒྱུ་ཆ་བྱས་ནས་བཟོས་པའི་སྨྱུ་གུའི་མིང་། 2གཏེར་ཐོག་སྣག་ཚའི་རིགས་ཤིག་གམ་ས་འདག་འབྱར་བག་གི་རིགས་ཤིག་ལ་རྩི་ནག་པོ་བསྲེས་པ་རྒྱུ་བྱས་ནས་བཟོས་པའི་རེང་བུ་ནང་སྙིང་བྱས་པའི་སྨྱུ་གུའི་མིང། |
| ཞག |
1 མར་དང་སྣུམ་སོགས་ཀྱི་ཚིལ་ལམ་རྩི། 2 བོད་ཇ་བསྲུབས་མའི་ཁ་ལ་ཆགས་པའི་མར་ཚི། 3 ཉི་མ་སྣང་བའི་ཆ་ནས་ཉིན་དང༌། ནུབ་པའི་ཆ་ནས་མཚན་ཞེས་ཉིན་མཚན་བསྡོམས་པའི་ཆ་ལ་བཏགས་པའི་མིང༌། |
| ཞག་ཀག |
ཉིན་ཞག་གི་འཚུབ་ཆའམ་བར་ཆད། |
| ཞག་ཀེག |
ཞག་ཀག་དང་འདྲ་ |
| ཞག་གསུམ |
ཁྱིམ་ཞག་དང༌། ཉིན་ཞག་ཚེས་ཞག་སྟེ་ལོ་ལ་ཁྱིམ་ལོ་གཙོ་བོར་བྱས་པ་དང༌། ཟླ་བ་ལ་ཚེས་ཟླ་དང༌། ཞག་ལ་ཉིན་ཞག་དབང་བཙན་པ་སྟེ་གཙོ་ཆེ་བ་ཡིན་ཞེས་གྲགས། ཞག་གསུམ་ནང་གསེས་མཉམ་ཚད་ནི། ཁྱིམ་ཞག་རེ་ལྔ་དང་ཚེས་ཞག་རེ་བདུན་གཉིས་མཉམ་པ་ཡིན། ཁྱིམ་ཞག་དུས་མདའ་མཁའ་རི་ཡིད་147056 དང་ཉིན་ཞག་བུག་མཁའ་མིག་བུག་ཡིད་149209 གཉིས་མཉམ་པ་ཡིན། ཚེས་ཞག་ཉི་འདོད་ཟླ་11312 དང་ཉིན་ཞག་མདའ་འདོད་དྲག 11135 གཉིས། ཡུལ་ལོངས་དང་དུས་ལོངས་གང་གི་དབང་དུ་བྱས་ནའང་མཉམ་པ་ཡིན། དེ་དག་གི་དུས་ལོངས་དང་ཡུལ་ལོངས་ནི་སོ་སོའི་ཐད་ལ་ལྟོས། |
| ཞག་གསུམ་རྣམ་དབྱེ |
ཁྱིམ་ཞག་ཉིན་ཞག་ཚེས་ཞག་སྟེ་ཞག་གསུམ་གྱི་རྣམ་པར་དབྱེ་བ། |
| ཞག་གི་ཕུང་པོ |
མངོན དུས་ཀྱི་ཟླ་བ། |
| ཞག་གི་ཤན |
འདུལ་བ་ལས་བཤད་པའི་ཤན་གསུམ་གྱི་ནང་གསེས་ཤིག་ཞག་སྔ་མ་ལ་རྙེད་པའི་ཡོ་བྱད་ལ་བདག་འཛིན་ཞུགས་པའི་ནུས་པས་ཞག་ཕྱི་མ་ལ་རྙེད་པའི་ཡོ་བྱད་གསར་པ་ལ་གོས་པར་བྱེད་པའོ། ནང་གསེས་སུ་གོས་ལ་བརྟེན་པའི་ཞག་ཤན་དང༌། ལྷུང་བཟེད་ལ་བརྟེན་པའི་ཞག་ཤན་དང༌། སྨན་ལ་བརྟེན་པའི་ཞག་ཤན་དང་གསུམ་ཡོད་དོ། |
| ཞག་གྲངས |
ཞག་པོའི་གྲངས་ཀ། |
| ཞག་ཆེན |
1 མིའི་རུས་པའམ་ཚིལ་བུ་བསྐོལ་བའི་ཞག 2 ཚི་ལུ། |
| ཞག་ཉབ་བདོ་ཙ་ན |
རྙིང ཞག་མང་འདས་པ། |
| ཞག་ཐུབ་པ |
འདུལ་བ་ལས་བཤད་པའི་གསོ་སྦྱོང་བཅོ་ལྔ་པ་རྣམས་ནི་ཚེས་ཞག་གིས་ཉིན་ཞག་གི་དོད་ཐུབ་པའི་དུས་སུ་བྱས་པའི་གསོ་སྦྱོང་ཡིན་པས་ཞག་ཐུབ་པ་ཞེས་བྱའོ། |
| ཞག་པ |
ཡུལ རལ་བ། གོས་རྙིང་པ་དུམ་བུར་ཞག་པ། རྡོ་ཞག་པ། པང་ལེབ་ཞག་པ། |
| ཞག་པར |
ཇ་ཞག་བླུག་སྣོད། |
| ཞག་པོ |
1 ཉིན་མཚན་ཕྲུགས་གཅིག ཉིན་ཞག ཚེས་ཞག ཁྱིམ་ཞག ཞག་གཅིག་པོ་དེ་ལོ་གསུམ་ཙམ་གྱི་སྣང་བ་བྱུང༌། 2 མཚན་མོ་གཅིག ཞག་པོ་གཉིས། བཞུགས་ཞག |
| ཞག་ཕོར |
ཇ་ཞག་སོགས་གསོག་སའི་ཕོར་པ། |
| ཞག་བདུན་པའི་སྨན |
འདུལ་བ་ལས་བཤད་པའི་སྨན་བཞིའི་ནང་གསེས་རླུང་ནད་སེལ་བ་ལ་གཙོ་བོར་གནང་བའི་སྨན་ཏེ། བཅས་ལྡན་དགེ་སློང་གིས་ཞག་བདུན་པའི་མཐའི་བར་བྱིན་གྱིས་བརླབས་ནས་ལོངས་སྤྱད་དུ་རུང་བ་མར་དང༌། ཞུན་མར་དང༌། འབྲུ་མར། ཕྱེ་ཧྭག་ལི་ཁར། བདུད་རྩི་ཞག་ལ་སོགས་པ་དེ་དག་ནི་ཞག་བདུན་གྱི་བར་དུ་བྱིན་གྱིས་བརླབ་ཏུ་རུང་བས་ན་ཞག་བདུན་པ་ཞེས་བྱ་བའོ། |
| ཞག་བདུན་ཕྲག་བདུན |
ཆོས་ལུགས་ཀྱི་བཤད་སྲོལ་ལྟར་མི་ཤི་ནས་ཞག་བདུན་ཕྲ་བདུན་རིང་དུ་རྩི་རྒྱུའི་བདུན་ཚིགས་ཏེ། བཞི་བཅུ་ཞེ་དགུའང་ཟེར། |
| ཞག་བླུག |
ཇ་ཞག་བླུག་སྣོད། |
| ཞག་མ |
1 ཉིན་མཚན་ཕྲུགས་གཅིག 2 མཚན་མོ་གཅིག |
| ཞག་མལ |
ཞག་སྡོད་བྱེད་ས། རྟ་དྲེལ་འགྲོ་མ་ཐུབ་པས་ལམ་བར་དུ་ཞག་མལ་བྱེད་དགོས་བྱུང་བ། |
| ཞག་མི་ཐུབ་པ |
འདུལ་བ་ལས་བཤད་པའི་གསོ་སྦྱོང་བཅུ་བཞི་པ་རྣམས་ནི། ཚེས་ཞག་གིས་ཉིན་ཞག་གི་དོད་མ་ཐུབ་པའི་དབང་གིས་བྱུང་བའི་གསོ་སྦྱོང་ཡིན་པས་ཞག་མི་ཐུབ་ཅེས་བྱ་ཚེས་ཞག་དེ་ཉིན་ཞག་ལས་ཆུ་ཚོད་གཅིག་གིས་དམན་པ་དང༌། ཉིན་ཞག་ནི་ཚེས་ཞག་ལས་ཆུ་ཚོད་གཅིག་གིས་ལྷག་པ་ཡིན་ལ། དེ་འབྱུང་བའི་དུས་ནི། དགུན་སྟོད་སྨད། དཔྱིད་སྟོད་སྨད། དབྱར་སྟོད་སྨད་དེ་དུས་ཚིགས་དྲུག་ལ་ཟླ་བ་གཉིས་ཡོད་པའི་ཕྱེད་དང་གཉིས་འདས་ཕྱེད་ལུས་པའི་ཚེ་ན་ཞག་མི་ཐུབ་རེ་རེ་འབྱུང་བ་ཡིན་ནོ། |
| ཞག་ཚི |
མར་ཚིལ་སྣུམ་སོགས་ཀྱི་ཚི། ཤ་ཁུའི་ཁ་ལ་ཞག་ཚི་འཁྲིགས་པ། ཁ་ལག་ཞག་ཚི་ཅན། ཞག་ཚི་འཐུག་པོ། མཆིན་ནད་ན་དུས་ཞག་ཚི་ངམ་ལ་བརྒྱབ་ཡོང༌། |
| ཞག་ཚིལ |
ཞག་དང་ཚི་ལུ། |
| ཞག་ཞིག |
ཞ་གི་ཞི་གིའི་བསྡུས་ཚིག་ |
| ཞག་འགའ |
ཞག་པོ་ཁ་ཤས། |
| ཞག་འཕུལ |
ཉི་མ་སྐྱེལ་བ། གཏམ་སྟོང་གིས་ཞག་འཕུལ། དོན་མེད་ཉིན་འཕུལ་ཞག་འཕུལ་གྱིས་དུས་ཚོད་སྟོང་ཟད་དུ་གཏོང་བ། |
| ཞག་འཕུལ་ཉིན་འགྱངས |
ཉིན་ཞག་ཟད་དུ་འཇུག་པ། |
| ཞག་རྒྱགས |
ལམ་བར་ཞག་པོར་སྡོད་རིང་ལྡེང་བའི་ཟ་ཆས། ལམ་བར་དུ་ཞག་གྲངས་མང་པོ་འགོར་བས་ཞག་རྒྱགས་རྫོགས་པ། |
| ཞག་རྟིང་མ |
ཞག་གྲངས་རྗེས་མ། |
| ཞག་རྩི |
ཞག་ཚི་དང་འདྲ། |
| ཞག་ལེན |
ཇ་བསྲུབས་མ་དང་ཤ་ཁུ་སོགས་ཀྱི་ཁ་ནས་ཞག་ཟུར་དུ་འདོན་པ། |
| ཞག་ལོན |
1 ཞག་པོ་གཅིག་འདས་པ། 2 བཙོས་ནས་ཞག་པོ་འདས་པའི་ཟས། |
| ཞག་ལྡན |
མངོན ས་གཞི། |
| ཞག་ས |
ཞག་པོར་སྡོད་ས། གྲོང་འདབས་སུ་ཞག་ས་བྱེད་པ། |
| ཞག་སྐག |
ཞག་ཀག་དང་འདྲ། |
| ཞག་སྡོད |
འགྲུལ་པ་མཚན་མོར་སྡོད་པ། འགྲུལ་པ་རྣམས་རྩྭ་ཆུ་འཛོམས་སར་ཞག་སྡོད་བྱས་པ། |
| ཞགས་གྲོལ |
མངོན ཆུ་བོ་སི་ཏཱ། |
| ཞགས་ཐག |
ཐག་པའི་ཞགས་པ། རྟ་རྒོད་ཀྱི་སྐེ་ལ་ཞགས་ཐག་བསྐོན་ཏེ་འཐེན་པ། |
| ཞགས་པ |
འགུགས་བྱེད་ཀྱི་ཐག་པའམ། འཆིང་བྱེད། ཞགས་པའི་ཨ་ལོང༌། གཡག་ལ་ཞགས་པ་བརྒྱབ་ནས་འཛིན་པ། ཞགས་པ་འཕངས་པ། རྟ་ལ་ཞགས་པ་བརྒྱབ་པ། སྟེང་གི་ནམ་མཁའ་ནས་འབྲུག་སྒྲ་དྲག་པོ་འུ་རུ་རུ་བསྒྲགས་ཤིང༌། གློག་དམར་གྱི་ཞགས་པ་བར་སྣང་ལ་ཚུབ་ཚུབ་འཁྱུགས་ཤིང་བྱུང་བ། སྐེ་ཁྱེར་ནས་ཞགས་པ་འཛེད་པ། རླུང་བསེར་བུ་ཞགས་པས་མི་ཟིན། ཆུ་གཙང་པོ་རྡོ་ཡིས་མི་ནོན། མིང་གི་རྣམ་གྲངས་ལ་སྒྲིམ་བ་དང༌། སྒྲིལ་མ། བཅིངས་ཐག་ཐག་པ། འཕེན་ཐག་བཟུང་ཐག་བཅས་སོ། |
| ཞགས་པ་ཅན |
མངོན 1 གླང་པོ་ཆེ། 2 ཆུ་ལྷ། |
| ཞགས་པ་མ |
སྒོ་མ་བཞིའི་ཡ་གྱལ་ཞིག |
| ཞགས་པ་འཛིན་པ |
མངོན ཆུ་ལྷ། |
| ཞང |
ཞང་བོ་རང་གི་མའི་ཕུ་ནུ་ནི་རང་གི་ཞང་བོ་ཡིན། དཔེར་ན། ཨ་ཞང་། མ་ཞང་ཞེས་པ་ལྟ་བུ། 2.སྔར་བོད་ཀྱི་རུས་ཤིག་གི་མིང༌།… |
| ཞང་གསུམ་བློན་བཅས་བཞི |
སྲོང་བཙན་སྒམ་པོའི་སྐབས་སུ་འབྲོ་དང་མཆིམས་དང་སྣ་ནམ་གསུམ་ནི་ཞང་གསུམ་ཟེར་བ་དང༌། སྦས་ནི་བློན་གཅིག་ཟེར། དེ་དག་གིས་དབུས་ཀྱི་འདུན་ས་འཛིན་པ་ནི་བོད་ཀྱི་ཁོད་དྲུག་གི་གྲས་ཡིན། |
| ཞང་གོ |
ཡུལ བླ་རྒན་ཕལ་པར་འབོད་པའི་ཞེ་མིང༌། |
| ཞང་གོ་ཤིང་གཉེར |
སྔར་ལྷ་སའི་སྨོན་ལམ་ལས་བྱེད་ཤིང་གཉེར་བའི་འགོ་པ་ཞིག |
| ཞང་ཉེ |
ཨ་མའི་རིགས་དང་འབྲེལ་བའི་མི།…2. བོད་ཀྱི་རུས་ཤིག |
| ཞང་དབོན |
ཞང་པོ་དང་དབོན་པོ། |
| ཞང་པོ |
ཨ་མའི་སྤུན་ཕོ། མིང་གི་རྣམ་གྲངས་ལ་མ་ཡི་སྐྲ་ཉེ་དང༌། མ་ཡི་སྤུན་ཟླ། མ་ཡི་ཚང་མཚུངས། ཨ་ཞང་བཅས་སོ། |
| ཞང་བློན |
1 ཞང་པོའི་རིགས་ལས་བྱུང་བའི་བློན་པོ། 2 སྲུང་མ་བྱེ་བྲག་པ་ཞིག ཞང་བློན་གྱིས་ཤེས། |
| ཞང་ཚན |
ཨ་མའི་ཕྱོགས་ཀྱི་གཉེན་ཚན། |
| ཞང་ཞང་དགོན་པ |
ཤངས་པ་བཀའ་བརྒྱུད་ཀྱི་སྲོལ་གཏོད་མཁན་ཁྱུང་པོ་རྣལ་འབྱོར་9901140གྱིས་1120 ལོར་གཙང་ལ་བཏབ་པའི་དགོན་པ་ཞིག |
| ཞང་ཞུང |
ཡུལ་ཞིག། སྔར་ཡུལ་དེའི་རྗེ་བོ་ནི་ཆོས་རྒྱལ་གྱི་གདུང་རྒྱུད་ལས་མཆེད་པས་བཙན་པོའི་གཉེན་དུ་གྱུར་པའི་རྒྱལ་ཕྲན་ཞིག་ཡིན་ཡང༌། མཐར་བཙན་པོས་མངའ་འབངས་སུ་བཅུག། གཡུང་དྲུང་བོན་ལུགས་ཐོག་མར་དར་བའི་ཡུལ་དུ་གྲགས། དེབ་སྔོན་དུ་གུ་གེའི་ཡུལ་འདི་ཉིད་ཡིན་གསུངས། ད་ལྟ་སྟོད་མངའ་རིས་རྩ་མདའ་རྫོང་གི་ཁོངས་སུ་ཡོད། 2.བོད་ཀྱི་རུས་ཤིག |
| ཞང་ཞུང་བཟའ |
འདི་ནི་སྲོང་བཙན་སྒམ་པོའི་བཙུན་མོ་ཡིན་ཞིང༌། ཞང་ཞུང་གི་རྒྱལ་པོ་ལི་མིག་སྐྱའི་བུ་མོ་ཞང་ཞུང་བཟའ་ལི་ཐིག་དམན་ཞེས་བྱ་བ་དེ་ཡིན་ལ། འདིས་ཐིམ་བུ་ལྐོག་གི་ལྷ་ཁང་བཞེངས། |
| ཞང་ཞུང་བོན་ཡུལ |
ཞང་ཞུང་གི་ཁོངས་གཏོགས་གཡུང་དྲུང་བོན་པོ་ཐོག་མར་དར་བའི་ཡུལ། |
| ཞང་འགྲོ་བའི་མགོན་པོ་གཡུ་བྲག་པ་བརྩོན་འགྲུས་གྲགས་པ |
ཚལ་པ་བཀའ་བརྒྱུད་ཀྱི་ལུགས་སྲོལ་ཐོག་མར་གསར་གཏོད་བྱེད་མཁན་འདི་རབ་བྱུང་གཉིས་པའི་ཆུ་ཡོས་ལོར་ལྷ་སར་འཁྲུངས། རབ་བྱུང་གསུམ་པའི་ཤིང་ལུག་ལོར་ཚལ་ཡང་དགོན་ཟེར་བའི་དགོན་པ་དང༌། རབ་བྱུང་གསུམ་པའི་མེ་ལུག་ལོར་ཚལ་གུང་ཐང་གི་ལྷ་ཁང་དགོན་པ་བཅས་བརྒྱབ་པ་དེ་ནས་བཟུང་ཚལ་པ་བཀའ་བརྒྱུད་ཟེར་བའི་གྲུབ་མཐའ་བྱུང༌། རབ་བྱུང་གསུམ་པའི་ཆུ་གླང་ལོར་འདས། |
| ཞང་ཡེ་ཤེས་སྡེ |
རྒྱལ་པོ་ཁྲི་སྲོང་ལྡེ་བཙན་སྐབས་བྱུང་བའི་ལོ་ཙཱ་བ་སྐ་ཅོག་ཞང་གསུམ་དུ་གྲགས་པའི་ཡ་གྱལ་ཞིག་ཡིན་ཞིང༌། ཁོང་གིས་ལྟ་བའི་ཁྱད་པར། བཟང་སྤྱོད་ཀྱི་འགྲེལ་པ་བཞིའི་དོན་བསྡུས། འཇིག་རྟེན་ཕ་རོལ་སྒྲུབ་པ། དགོངས་ལྡེམ་དགོངས་བཞིའི་བརྗེད་བྱང་སོགས་བསྒྱུར། |
| ཞང་ལགས |
མའི་ཕྱོགས་ཀྱི་སྤུན་མཆེད། |
| ཞང་ལོ་ཙཱ་བ་ཕུར་པ་སྐྱབས |
ཧ་ལམ་དུས་རབས་བཅུ་གཉིས་པའི་མཇུག་གམ་བཅུ་གསུམ་པའི་དུས་འགོར་བཞུགས་པ་ཞིག། རྡོ་རྗེ་ཕྲེང་བ་བསྒྱུར། བརྟག་གཉིས་ཀྱི་མཐའ་གཉིས་རྣམ་སེལ་སོགས་མཛད། |
| ཞང་ལྕམ |
ཞང་པོ་དང་དེའི་བཟའ་ཟླ། |
| ཞད |
རིགས་ཤིག་ལ་རིགས་གཞན་ཞིག་འདྲེས་པའི་ཁྱད་ཆོས་སམ་སྐྱོན་གྱི་མིང་ཕོ་ལོ་ལྔ་བཅུར་རྒས་ཞད་མེད། རྒོད་རྒན་རྟེའུར་ཞད་ཅིག་ཡོད། རྟོལ་མཛོ་ལ་རྟོལ་ཞད་འདྲེས། དམར་ལ་ནག་ཞད་ཆེ་ན་དམར་ནག་ཡིན། ཆུ་ལ་ཚྭ་ཞད་ཆེ་ན་ཚྭ་ཆུ་ཡིན་ལྟ་བུ། ཉུང་ངུའི་དོན་ཏེ། ཇ་ལ་ཚྭ་ཞད་ཙམ་བཏབ། སྨན་ལ་གླ་རྩི་ཞད་ཙམ་བསྡེབས་ལྟ་བུ། |
| ཞན |
(རྒྱན་ཚིག) ཆུང་བའམ་དམན་པ་དང་ཉུང་བའི་དོན་ཏེ། སྟོབས་འབྱོར་ཞན་པ། རྒས་ན་ལུས་སྟོབས་ཞན། རླུང་འཚུབ་ཇེ་ཞན་དུ་སོང་ལྟ་བུ། |
| ཞན་ཆ |
སྐྱོན་ཆའམ་ངན་པའི་ཆ། ཅ་ལག་འདི་ལ་ལེགས་ཆ་དང་ཞན་ཆ་གཉིས་ཀ་འདུག |
| ཞན་པ |
དམན་པའམ་ངན་པ། སྤུས་ཚད་ཞན་པ། ལུས་སྟོབས་ཞན་པ། སྤོབས་པ་ཞན་པ། གྱོན་རྒྱུ་ཞན་པར་ཁྱི་ཁ་སྡང༌། |
| ཞན་པའི་འཇུག་ཚུལ |
སྔོན་འཇུག་གི་མོ་ཡིག་འ་དང༌། རྗེས་མཇུག་གི་མོ་ཡིག་ང་མ་འ་བཅས་རང་རང་འཇུག་ཡུལ་གྱི་མིང་གཞི་དག་ལ་སྒྲ་དང་རྩོལ་བ་ཞན་པར་འཇུག་པ། འ། ང་མ་འ |
| ཞབས |
1 རྐང་པའི་ཞེ་ས། ཞབས་སོར། ཞབས་མཐིལ། ཚོགས་འདུར་ཞབས་བཅགས་པ། 2 མིང་འགའ་ཞིག་གི་སྔོན་དུ་འཇུག་པའི་ཞེ་ས། ཞབས་ཕྱི། ཞབས་བྲོ། ཞབས་ལྷམ།…3.སྣོད་དང་གནས་སོགས་ཀྱི་ཆེས་དམའ་སའི་མིང་དོང་ཞབས་ཐོ་བའི་ཞབས། སྒམ་ཞབས་ཞེས་པ་ལྟ་བུ། |
| ཞབས་ཀྱག |
འདུག་སྟེགས་རྒྱབ་ཡོལ་ཅན་ཞིག |
| ཞབས་ཀྱི་དཔེ་བྱད་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་ཞབས་ལོང་བུ་མི་མངོན་པ་དང༌། ཞབས་མཉམ་པ་དང༌། ཞབས་གོམ་པ་ཆེ་སྙོམས་པ་སྟེ་གསུམ་མོ། |
| ཞབས་ཀྱིས་བཅགས་པ |
ཕེབས་པ། ལྷ་གཅིག་ཆུའི་པད་མས་བྱིན་གྱིས་བརླབས་ཤིང༌། བརྟུལ་ཞུགས་པད་མ་རྒྱལ་པོའི་ཞབས་ཀྱིས་བཅགས་པ། |
| ཞབས་ཀྱུ |
བོད་ཡིག་གི་དབྱངས་ཡིག་ཨུ་མཚོན་བྱེད་ཀྱི་ུརྟགས་འདིའི་མིང་། |
| ཞབས་གདུབ |
རྐང་པའི་གདུ་བུའི་ཞེ་ས། |
| ཞབས་གཞས |
བྲོ་དང་གཞས། |
| ཞབས་གོམ་པ་སྙོམས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཐམས་ཅད་ལ་ཐུགས་སྙོམས་པའི་ཕྱིར་གོམ་པ་ཆེ་ཆུང་མེད་པར་སྙོམས་པའོ། |
| ཞབས་གྲས |
གཡོག་པོའི་གྲས། |
| ཞབས་གྲས་ཀྱི་ཁྲལ |
རྫོང་དཔོན་ལ་གཡོག་པོ་གཏོང་དགོས་པའི་ཁྲལ། |
| ཞབས་གླ |
གླ་ཕོགས། |
| ཞབས་ཏོག |
1 བསྙེན་བཀུར། ཞབས་ཏོག་ཞུས་པ། 2 འབུལ་མཚོན་གྱི་སྐྱེས། |
| ཞབས་ཏོག་པ |
གཡོག་པོ། |
| ཞབས་ཏོག་རྣམ་གསུམ |
རྩ་བའི་བླ་མ་མཉེས་པར་བྱེད་པའི་ཞབས་ཏོག་ཞུ་ཚུལ་གསུམ་རབ་སྒྲུབ་པའི་མཆོད་པ། འབྲིང་ལུས་ངག་གི་ཞབས་ཏོག་ཐ་མ་ཟང་ཟིང་གི་འབུལ་བ་བཅས་གསུམ་མོ། |
| ཞབས་ཐང |
རྐང་ཐང༌། ཁོང་དགུང་ལོ་བགྲེས་པས་ཞབས་ཐང་ལ་ཕེབས་མི་ཐུབ། |
| ཞབས་ཐོ |
རྡོག་ཐོའི་ཞེ་ས། ཁྱོད་རང་ལ་ནོར་ཡོད་ན་ཁྱེར་ཤོག་དེ་མིན་ངའི་དབང་གྲལ་དུ་མ་སྡོད་གསུང་གིན་བཞེངས་ནས་བཀའ་བཀྱོན་མང་པོ་གསུངས་ཤིང༌། ཞབས་ཐོས་བརྡུངས་ནས་བཏོན། |
| ཞབས་ཐོག |
ཞབས་ཏོག་དང་འདྲ། |
| ཞབས་དྲུང |
1 ལུས་ཀྱི་མདུན་ནམ་རྐང་པའི་འཁྲིས། 2 བླ་ཆེན་གྱི་དྲུང་དུ་འཁོད་མྱོང་བའི་སེར་མོ་བ། 3 བླ་ཆེན་གྱི་ཞབས་འབྲང་སེར་མོ་བའི་སྐྱེ་སྲིད། |
| ཞབས་དྲུང་ངག་དབང་གྲགས་པ |
ཕག་གྲུ་སྡེ་སྲིད་ཁྲི་རབས་ཐ་མ་འདིའི་སྐབས་ཕག་གྲུའི་སྲིད་དབང་ཉམས་པའི་འགོ་ཚུགས། |
| ཞབས་པད |
1 ཞབས་ཀྱི་པདྨ་སྟེ་རྐང་པ་པད་མའི་གཟུགས་སུ་བཀོད་པ། 2 སྔར་བོད་ས་གནས་སྲིད་གཞུང་གི་བཀའ་བློན་གྱི་ཆེ་མིང༌། |
| ཞབས་པད་དྲུང |
སྐུ་མདུན། |
| ཞབས་ཕྱག |
རྐང་པ་དང་ལག་པའི་ཞེ་ས། |
| ཞབས་ཕྱགས |
ལྷམ། ཞབས་ཕྱགས་ཕུད་ནས་གཟིམས་པ། |
| ཞབས་ཕྱི |
1 ཕན་རོགས་བྱེད་པའི་ལས་ཀ། ཞབས་ཕྱི་ཞུ་བ། 2 གཡོག་པོ། འགོ་གཙོའི་ཞབས་ཕྱིར་འབྲང་བ། |
| ཞབས་ཕྱི་དཀྱུས་མ |
ཕྱིའི་ལས་དོན་བྱེད་མཁན་གཡོག་པོ། |
| ཞབས་ཕྱི་ནང་མ |
བློས་འཁེལ་བའམ་ནང་གི་ལས་དོན་བྱེད་མཁན་གཡོག་པོ་གཙོ་བོ། |
| ཞབས་བཀྱག |
འཕོངས་སྟེགས་སམ་འདུག་སྟེགས། |
| ཞབས་བརྟན |
སྐུ་རིམ་མམ་རིམ་གྲོའི་ཞེ་སའི་མིང༌། ཞབས་བརྟན་སྒྲུབ་པ། ཞབས་བརྟན་ཞུ་བ། |
| ཞབས་བརྟན་ལས་ཁུངས |
སྔར་བོད་ས་གནས་སྲིད་གཞུང་གི་སྐབས་ཏཱ་ལའི་བླ་མའི་ཞབས་བརྟན་སྒྲུབ་མཁན་རྣམས་ལ་ཞབས་འདེགས་ཞུ་བའི་ལས་ཁུངས་ཤིག |
| ཞབས་བསིལ |
1 རྐང་པ་བཀྲུས་པའམ་འཁྲུད་པ། 2 རྐང་པ་འཁྲུད་ཆུ། |
| ཞབས་བསྐུལ |
བརྗེད་བསྐུལ་ལམ་དྲན་བསྐུལ། མི་བསྙེལ་བའི་ཆེད་དུ་ཞབས་བསྐུལ་ཞུ་བ། མྱུར་དུ་ཕེབས་དགོས་པའི་ཞབས་བསྐུལ་ཞུ་བ། |
| ཞབས་བྲོ |
རྐང་བྲོ་སྟེ་རྐང་པའི་སྟངས་སྟབས། ཞབས་བྲོ་རྒྱག་པ། |
| ཞབས་མ |
གཤམ་མའམ་འོག་མ། རིམ་པ་ཞབས་མ། ཁང་པ་སྟེང་མ་དང་ཞབས་མ། |
| ཞབས་མཉམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་བགྲོད་དཀའ་བའི་གནས་ཐམས་ཅད་ལས་སྐྱེ་བོ་སྒྲོལ་བར་མཛད་པ་ཉིད་ཀྱིས་ཞབས་རིང་ཐུང་མེད་པར་མཉམ་པ། |
| ཞབས་ཟུར |
སྔར་གྱི་གཞུང་ཞབས་ཟུར་པ། |
| ཞབས་འགྲེད |
རྐང་པ་འགྲེད་པ། དཀན་གཟར་པོར་ཞབས་འགྲེད་ཤོར་བ། |
| ཞབས་འདེགས |
གཞན་གྱི་དོན་དུ་བྱེད་པའི་བཀུར་ཞབས་འདེགས་ལས་རིགས། མཚན་མོར་ཞབས་འདེགས་ཞུ་བ། |
| ཞབས་འདྲེད |
ཞབས་འགྲེད་དང་འདྲ། |
| ཞབས་འདྲེན |
རང་གཞན་གྱི་རྐང་པ་ནས་མར་འཐེན་པ་ལྟ་བུའི་མིང་གྲགས་གནོད་སྐྱོན། ཞབས་འདྲེན་ཞུ་བ། |
| ཞབས་འདྲེན་པ |
རང་གི་སྙན་གྲགས་རང་ཉིད་ཀྱིས་མེད་པ་བཟོ་མཁན་ནམ་གྲགས་པ་ངན་པ་བཟོ་མཁན། མི་རིགས་ཀྱི་ཞབས་འདྲེན་པ། སྤྱོད་པ་ངན་པའི་བུ་རྒྱུད་ནི་ཕ་མའི་ཞབས་འདྲེན་པ་རེད། |
| ཞབས་འཕེན |
ཡུལ རྒྱུག་པ། |
| ཞབས་འབམ |
རྐང་པར་དོན་པའི་འབམ། |
| ཞབས་འབུར་མི་མངོན་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་དགེ་བའི་ཆོས་ཡང་དག་པར་བླངས་པས་ཞབས་ལོང་བུ་མི་མངོན་པ། |
| ཞབས་འབྲང |
གང་གི་ཕྱི་རྗེས་སུ་འགྲོ་བ། |
| ཞབས་འབྲིང |
འཁོར་གཡོག |
| ཞབས་འཛུགས་དགའ་སྟོན |
ཕྲུ་གུའི་རྐང་པ་ས་ལ་ཐོག་མར་འཛུགས་པའི་སྟོན་མོ། |
| ཞབས་ར |
སྣོད་ཆས་ཀྱི་མཐིལ་སྐྱོར། དཀར་ཡོལ་གྱི་ཞབས་ར། རྫ་བུམ་གྱི་ཞབས་ར། མི་འདི་ལ་ཞབས་ར་མི་འདུག འཇུ་བ་ལ་ལུང་མེད། འཇོག་པ་ལ་ཞབས་ར་མེད། |
| ཞབས་རྒྱན |
ཕོར་པའི་ཞབས་ར་སོགས་གཏུབ་བྱེད་ཕྱོགས་གཉིས་ཀར་སོ་ཅན་གྱི་ལག་ཆ། |
| ཞབས་རྗེན་པ |
རྐང་རྗེན་མ། ཞབས་རྗེན་པར་གཤེགས་པ། |
| ཞབས་རྗེས |
རྐང་པའི་རྗེས། |
| ཞབས་རྙོངས་པ |
རྙིང རྐང་པ་འཁུམས་པའམ་རིད་པ། ཞབས་རྙོངས་པ་མེད་པ། |
| ཞབས་རྟེན |
1 རྐང་པ་འཇོག་སའི་རྟེན། 2 ལྷམ། |
| ཞབས་རྡོལ་བ |
རྐང་པའམ་སྣོད་ཀྱི་མཐིལ་ལ་ཨི་ཁུང་རྡོལ་བ། ཐག་རིང་དུ་ཕྱིན་པས་ཞབས་རྡོལ་བ། སྣག་བུམ་ཞབས་རྡོལ་བ། |
| ཞབས་ལ་གཏུགས་པ |
1 རྐང་པར་མགོ་བོས་གཏུགས་པ། 2 བསྟེན་པ། དགེ་རྒན་གྱི་ཞབས་ལ་གཏུགས་པ། |
| ཞབས་ལ་འདུད་པ |
རྐང་པར་ཕྱག་འཚལ་བའམ་གུས་པས་བཀུར་བ། |
| ཞབས་ལོང་བུ་མི་མངོན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཤིན་ཏུ་སྦས་པའི་ཆོས་ཀྱི་བློ་གྲོས་ཅན་ཉིད་ཀྱིས་ལོང་བུ་མི་མངོན་པ། |
| ཞབས་ལྷ་ཁང་གཉེར |
རྩེ་ཕོ་བྲང་ནང་གི་ཁང་གཉེར་ཞིག |
| ཞབས་ལྷམ |
ལྷམ། |
| ཞབས་ཤོག |
དཔེ་ཆའི་གཤམ་ཤོག དཔེ་ཆ་འདིའི་ཞབས་ཤོག་ཚང་མི་འདུག |
| ཞབས་སྐྱེས |
མངོན བྲན་གཡོག |
| ཞབས་སྟེགས |
རྐུབ་སྟེགས་སོགས་རྐང་པ་འཇོག་སའི་རྟེན། |
| ཞབས་སྡོད་པ |
སྔར་བོད་ས་གནས་སྲིད་གཞུང་གི་དཔོན་རིགས་རིམ་པ་དམའ་ཤོས་ཀྱི་གྲས་སུ་སྡོད་མཁན། |
| ཞབས་སྤྱི་བོར་བླངས |
བླ་མའི་ཞབས་རང་གི་མགོ་ཐོག་ཏུ་བླངས་པ། སངས་རྒྱས་ཀྱི་ཆོས་ལུགས་པ་རྣམས་ཀྱིས་རང་གི་བླ་མའི་ཞབས་སྤྱི་བོར་བླངས་ཏེ་བླ་མས་བཀའ་ཅི་བསྩལ་ལྟར་ཁས་ལེན། |
| ཞམ |
(རྒྱན་ཚིག) ཆུ་སོགས་གཤེར་བའི་རིགས་མར་འབབ་པའི་རྣམ་པ་མཆི་མ་ཞམ་མེ་བབས། རྔུལ་ཆུ་ཞམ་ཞམ་འབབ། རྟ་བརྒྱུགས་ནས་རྔུལ་ཆུ་ཞམ་མེ་ཡོད་ལྟ་བུ། |
| ཞམ་ཆུ |
1 གཟར་ས་ནས་དལ་བུར་མར་འབབ་པའི་ཆུ། 2 ལུས་ཚ་བས་རྔུལ་བ་ལས་བྱུང་བའི་ཆུ། |
| ཞམ་མེ་ཞོམ་མེ |
1 ས་ཁོད་མི་སྙོམས་པའི་འབར་འབུར། 2 སྣོད་སོགས་རྡིབ་ཞོམ་གྱི་ཚུལ། |
| ཞམ་ཞམ |
རྔུལ་ནག་གི་ཆུ་སོགས་ཁྲུམ་ཁྲུམ་དུ་འབབ་ཚུལ་ཞིག ལུས་པོ་ཡོངས་རྫོགས་ནས་རྔུལ་ནག་ཞམ་ཞམ་དུ་ཐོན་པ། |
| ཞམ་ཞོམ |
ཞམ་མེ་ཞོམ་མེའི་བསྡུས་ཚིག་ |
| ཞམ་འབྲིང |
ཞབས་ཕྱི་ཡི་བརྡ་རྙིང་། |
| ཞམ་རིང |
རྙིང འཁོར་གཡོག |
| ཞར |
1.(བྱེད་མེད་ལས་ཚིག) མིག་ལོང་བའི་དོན་ཏེ། མིག་ཞར་སོང་ཞེས་པ་ལྟ་བུ། 2.ཞོར་དང་འདྲ། |
| ཞར་དང་ཞོར |
ཟུར་དང༌། གཙོ་ཆེ་བ་དང་ཆབས་ཅིག ལས་ཀའི་ཞར་དང་ཞོར་ལ་སློབ་སྦྱོང་བྱེད་པ། ཕར་ཕྱིན་པའི་ཞར་དང་ཞོར་དུ་བརྡ་ལན་གཏོང་བ། |
| ཞར་བ |
1.ཐ་མི་དད་པ མིག་ལོང་བ་དང༌། མིག་ཡ་གཅིག་ཤོར་བའམ་སྐྱོན་ཞུགས་པ། མིག་གཡོན་པ་ཞར་བ། 2 1 མིག་གཉིས་ཀའམ་ཡ་གཅིག་ལ་སྐྱོན་ཤོར་བའི་མི། མི་ཞར་བ། ཁྱི་ཞར་བ། 2 རྩ་འཕར་སྟངས་ཏེ་གཡས་གཡོན་ནམ་ཡན་ན་སྟོད་སྨད་གང་རུང་ནས་མནན་ན་མི་གསལ་བ་དང༌། རབ་རིབ་ཙམ་ལས་མི་གསལ་བ། |
| ཞར་བྱུང |
1 ཞོར་དང་ཟུར་དུ་བྱུང་བ། དཔུང་གི་ཚོགས་ཆེན་པོ་ཉེ་བར་བཏེག་ནས་ཤུལ་ལམ་དུ་ཞུགས་པའི་ཞར་བྱུང་ཙམ་དུ་རྩ་བྲང་བཀྲ་ཤིས་སྒང་ངར་ཤུགས་ཀྱིས་དབང་དུ་བསྒྱུར། ཚད་མའི་གཞུང་དོན་འཆད་པའི་ཞར་བྱུང་དུ་དབུ་མའི་སྤྱི་དོན་ཙམ་ཡང་བཤད་སོངས། 2 དཔེ་དེབ་སོགས་ཀྱི་ཟུར་རམ་འཕྲོས་ལ་བཀོད་པ། |
| ཞར་མ |
མིག་མེད་ལོང་བ་མོའི་མིང་། དམིགས་ཡུལ་གཙོ་བོ་ཞིག་སྒྲུབ་པའི་བར་དུ་བྱ་བ་གཞན་སྒྲུབ་པའི་དུས་ཚོད་དམ་ཁོམ་ལོང་གི་མིང་ལྷ་ས་ནས་པེ་ཅིན་ལ་འགྲོ་བའི་ཞར་ལ་ཞི་ཨན་ལའང་སོང་ལྟ་བུ། |
| ཞར་ཞོར |
ཆེད་དུ་མ་ཡིན་པའམ་དམིགས་བཀར་མིན་པར་ཞར་དུ་བྱུང་བ། སྒེར་དོན་ཞར་ཞོར་དུ་བྱེད་པ། ཞར་ཞོར་དུ་ལྟ་ཙམ་བྱས་པ། ཁྱེད་ཀྱིས་བརྩམས་པའི་དཔེ་ཆ་དེར་ངས་ཞར་ཞོར་ལ་ཆ་ཚང་ཞིག་ལྟ་རྩིས་ཡིན། |
| ཞར་འཕེན |
ཡུལ རྒྱུག་ཤར་ཏེ་མགྱོགས་མྱུར་གྱི་འགྲོ་སྟབས། ཞར་འཕེན་གློད་པ། |
| ཞར་ལ་བྱུང་བ |
ཞོར་དུ་བྱུང་བ། སྐད་ཆ་དེ་ཚོ་ནི་ཆེད་དུ་བཤད་པ་ཞིག་མིན་པར་ཞར་ལ་བྱུང་བ་ཞིག་རེད། |
| ཞར་ལྟ |
1 མིག་ལོང་བའི་ལྟ་ཚུལ། 2 མིག་གི་རྒྱལ་མོ་འཁྱོག་པོར་ལྟ་བ། མིག་ཞར་ལྟ་བྱས་ནས་སྐད་ཆ་ཅང་མི་ཤོད་པ། |
| ཞལ |
1 ཁའི་ཞེ་ས། ཞལ་ནས་གསུངས་པ། ཞལ་གྱིས་བཞེས་པ། 2 གདོང་གི་ཞེ་ས། ཞལ་ནག་པོ་བསྟན་པ། 3 མིང་འགའ་ཞིག་གི་སྔོན་དུ་འཇུག་པའི་ཞེ་ཚིག ཞལ་དཀར། ཞལ་སློབ།…4.(བྱེད་འབྲེལ་ལས་ཚིག) འདམ་སོགས་མཐུག་པོ་བྱུགས་པའི་དོན་ཏེ། རྩིག་ངོས་ལ་ཨར་འདམ་ཞལ། ཞལ་ཞལ་བྱས། ཞལ་བ་བྱས་སོགས་ལྟ་བུ། |
| ཞལ་ཀྱལ |
ཁ་རྩེད། ཞལ་ཀྱལ་གནང་བ་མིན། |
| ཞལ་ཁེབས |
1 ཁ་ཁེབས་སམ་ཁ་ལེབ། ཕྱག་སྒམ་གྱི་ཞལ་ཁེབས། 2 ཐང་ག་སོགས་ལ་གཡོག་བྱའི་དར་རས། |
| ཞལ་ཁྱིམ |
བཞིན་རས་སམ་གདོང༌། ཞལ་ཁྱིམ་མཛེས་པ་ལྷ་ཡི་བུ་མོ་འདྲ། |
| ཞལ་ཁྲིད |
དཔེ་ཆའི་དོན་ངག་ནས་བཤད་པའི་ཞེ་ས། |
| ཞལ་གཅོད |
ཁ་གཅོད་དམ་ཁ་ལེབ། དངུལ་གྱི་ཞལ་གཅོད། |
| ཞལ་གདངས་པ |
1 ཁ་གདངས་པ། 2 གཞན་གྱི་ནོར་རྫས་ལ་ཧམ་སེམས་བྱེད་པ། |
| ཞལ་གདམས |
གདམས་ངག་གམ་སློབ་སྟོན། ཞལ་གདམས་བསླབ་བྱ། ཁྱེད་ཀྱིས་གསུངས་པའི་ཞལ་གདམས་རྣམས་སེམས་ལ་བཅངས་ཡོད། |
| ཞལ་གཟིགས |
ཡི་དམ་ལྷ་སོགས་ཀྱི་ཞལ་གཟིགས་བྱུང་བ་ཞལ་དངོས་སུ་བསྟན་པ། |
| ཞལ་གཡོགས |
1 གཞན་ལ་ཁག་འགེལ། 2 མངོན མཆུ། |
| ཞལ་གསང་ཐུགས་དྲང |
སྐད་ཆ་མ་སྦས་པར་ལབ་པ་དང་བསམ་བློ་དྲང་པོ་ཡིན་པ། |
| ཞལ་གསང་བ |
སྐད་ཆ་མ་སྦས་པར་བཤད་པ། |
| ཞལ་གསལ་འཁོད་པ |
ཁ་གསལ་པོ་འཁོད་ཡོད་པ། དེ་རིང་ཆུ་ཚོད་གསུམ་པར་ཚོགས་འདུ་འཚོག་རྒྱུ་ཞལ་གསལ་འཁོད་པའི་བརྡ་ཐོ་འབྱོར་བྱུང༌། |
| ཞལ་གསེར |
ལྷའི་བཞིན་རས་ལ་གཏོང་རྒྱུའི་གྲང་གསེར། ལྷ་སའི་ཇོ་བོ་ལ་ཞལ་གསེར་བསྒྲོན་པ། |
| ཞལ་གསོ |
ཉམས་པ་གསོ་བ་དང་ཉུང་བ་ལ་སྣོན་པ་བརྒྱབ་སྟེ་གསོ་བ། སྤྱི་རྫས་ལ་ཞལ་གསོ་མང་ཙམ་ཕུལ་བ། |
| ཞལ་གྱི་དཀྱིལ་འཁོར |
གདོང་པ། ཞལ་གྱི་དཀྱིལ་འཁོར་མཇལ་བྱུང༌། དངོས་སུ་ཞལ་དཀྱིལ་མ་མཇལ་སྐྱོ། |
| ཞལ་གྱི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་ཞལ་ཧ་ཅང་མི་རིང་བ་དང༌། མཆུ་ཤིང་ཐོག་བིམ་པ་ལྟར་དམར་བ། |
| ཞལ་གྱིས་བཞེས |
ཁས་བླངས་པ། རེ་ཞིག་འབྱོན་པར་ཞལ་གྱིས་བཞེས། |
| ཞལ་གྱེས |
ཁ་སོ་སོར་བྲལ་བ། ཞལ་གྱེས་གསོལ་སྟོན། |
| ཞལ་གྲངས |
ཁ་གྲངས་ཀྱི་ཞེ་ས། མིའི་ཞལ་གྲངས་མ་ཚང་བ། དགེ་འདུན་པའི་ཞལ་གྲངས་ཅི་ཙམ་འདུག |
| ཞལ་ངོ |
1 ཁ་ངོ། 2 དགེ་འདུན་སྤྱིའི་དགེ་སྐོས། ཚོགས་ཆེན་ཞལ་ངོ། 3 དམག་མིའི་ཞལ་ངོ་སྟེ་དམག་མི་ཉི་ཤུ་རྩ་ལྔའི་འགོ་པ། |
| ཞལ་ཅེ |
རྙིང ཞལ་ལྕེ་སྟེ་ཁྲིམས། |
| ཞལ་ཆད |
ཁ་དན་ནམ་ཁ་ཆད། ཕེབས་རྒྱུའི་ཞལ་ཆད་མཛད་པ། ཞལ་ཆད་གསལ་པོར་མཛད་པ། |
| ཞལ་ཆེམས |
མི་ཤི་ཁར་མངགས་པའི་སྐད་ཆ། འདའ་ཁར་ཞལ་ཆེམས་བཞག་པ། |
| ཞལ་ཆོར |
སོག གདོང་ཕྱི་རས། |
| ཞལ་ཏ |
སློབ་སྟོན། དགེ་རྒན་གྱིས་སློབ་མ་རྣམས་ལ་ཞལ་ཏ་གནང་བ། |
| ཞལ་ཏ་བ |
1 གཡོག་པོ། 2 དབྱར་གནས་སྐབས་དགེ་འདུན་པ་སྤྱི་ལ་ཞབས་འདེགས་ཞུ་མཁན། |
| ཞལ་ཏ་མ |
གཡོག་མོ། བཙུན་མོའི་ཞལ་ཏ་མ། |
| ཞལ་ཏོག |
ཞིམ་ཟས་སྣ་འཛོམས་ཀྱི་ཁ་ཟས། |
| ཞལ་ཐང |
ཐང་ག་སྟེ་ལྷ་སྐུ་རི་མོར་བྲིས་པ་ཞིག |
| ཞལ་དཀར |
དཀར་ཡོལ། ཞལ་དཀར་རྙིང་མ། |
| ཞལ་དཀར་ཕྱོགས་གཅིག |
བློ་སེམས་མཐུན་པའི་མི་རྣམས་ཕྱོགས་གཅིག་ཏུ་གནས་པ། |
| ཞལ་དཀྱིལ |
ཞལ་གྱི་དཀྱིལ་འཁོར་གྱི་བསྡུས་ཚིག་ |
| ཞལ་དངོས |
གདོང་དངོས་སམ་སྐུ་ངོ་མ། ཞལ་དངོས་མཇལ་བ། |
| ཞལ་དཔོན |
ཁང་པའི་ནང་ཞལ་བ་གཏོང་མཁན་གྱི་ལས་དཔོན། |
| ཞལ་དྲོ་བ |
བཀྲ་ཤིས་པའམ་ཁ་དྲོ་བ། |
| ཞལ་ནས་གསུངས་པའི་བཀའ |
སངས་རྒྱས་ཀྱི་བཀའ་གསུམ་གྱི་ཡ་གྱལ་ཞིག་མདོ་སྡུད་པ་ལྟ་བུ་སྟོན་པ་དངོས་ཀྱི་ཞལ་ནས་གསུངས་པའོ། |
| ཞལ་ནས་སྐྱེས |
མངོན བྲམ་ཟེ། |
| ཞལ་བ |
སྐྱང་ནུལ་ཏེ་ཁང་པའི་སྐྱ་དང་མཐིལ་གྱི་ངོས་འཇམ་པོ། ཞལ་བ་གོག་པ། མཐིལ་ཞལ། རྩུབ་ཞལ། ཨར་ཞལ། |
| ཞལ་བ་མཁན |
རྩིག་པ་དང་གྱང་སོགས་ལ་ཞལ་བ་གཏོང་མཁན། གྱང་ལྡེབས་སུ་ཞལ་བ་མཁན་མཁས་པས་ཞལ་བ་གཏོང་བ། མིང་གི་རྣམ་གྲངས་ལ་རྡོ་ཐལ་ཉལ་དང༌། བྲ་རྔས་འཚོ། ཞལ་བ་མཁན་པོ། ཞལ་ཞལ་མཁན་བཅས་སོ། |
| ཞལ་བཀོད |
ཁ་ནས་བཀོད་པ་བཏང་བ། ཞལ་བཀོད་ཞིབ་གསལ། |
| ཞལ་བཀྱག |
དཀར་ཡོལ་འཇུག་སའི་སྟེགས། |
| ཞལ་བགྲད་པ |
ཁ་འཕྲེད་འཕྲེད་བྱེད་པ། ཞལ་བགྲད་ནས་བཞད་མོ་བཞད་པ། |
| ཞལ་བཅོས |
བཀོད་ཇུས། འོ་ན་མཁར་གྱི་ཞལ་བཅོས་མཛད་པར་ཞུ། |
| ཞལ་བདག |
དགོན་སྡེ་ཁག་གི་མཛོད་སོགས་ལ་བདག་སྤྲོད་དམ་འཛིན་བྱེད་མཁན། |
| ཞལ་བཞུགས |
མི་མ་ཤི་བར་གསོན་པོར་བསྡད་པའི་ཞེ་ས། ཁོང་ཞལ་བཞུགས་སྐབས། |
| ཞལ་བཞེས |
ཁས་ལེན་པའི་ཞེ་ས། ཞལ་བཞེས་གཙང་མ་གནང་བ། |
| ཞལ་བཟེད |
ལུད་ཕོར། |
| ཞལ་བརྒྱ |
རྩེད་མོའི་གཏམ། ཞལ་བརྒྱ་བྱིན་ཆགས་པོ་ཞིག་གནང་བ། |
| ཞལ་བརྡ |
ཁ་བརྡ། དགེ་རྒན་ནས་དཔེ་ཆ་ཁྲིད་ཚར་རྗེས་རང་གར་ཞལ་བརྡ་མཛད་དེ་བཞུགས་པ། |
| ཞལ་བཤུས |
ཡི་གེའི་ངོ་བཤུས། རྡོ་རྗེ་གཅོད་པའི་དཔེ་ཆ་ཞིག་ཞལ་བཤུས་བྱས་པ་ཡིན། |
| ཞལ་བསིལ |
1 གདོང་འཁྲུད་བྱེད་ཀྱི་ཆུ། 2 ཁ་བཤལ་བྱེད་ཀྱི་ཆུ། |
| ཞལ་བསྲོ |
1 སྤྱན་དབྱེ་སྟེ་རབ་གནས། 2 རྨང་གཞི་བཙུགས་པའམ་གཞི་བཙུགས་པ། |
| ཞལ་བྱང |
དཔེ་ཆའི་ཁ་བྱང༌། |
| ཞལ་བྱང་བ |
དཔེ་ཆ་ཀློག་འཆད་སོགས་ཁར་གོམས་པའམ་བདེ་བ། དཔེ་ཆ་ཀློག་པ་ལ་ཞལ་བྱང་བ། |
| ཞལ་མཁན |
ཞལ་བ་མཁན་དང་དོན་གཅིག་ |
| ཞལ་མཆུ |
ཁའི་མཆུ་ཏོ། |
| ཞལ་མཇལ |
གདོང་ཐུག་པ། ཞལ་མཇལ་གནང་བ། ཞལ་མཇལ་ཞུ་བ། |
| ཞལ་མཐུན |
ཁ་གཅིག་མཐུན། བོད་ཀྱི་ལོ་ཙཱ་ཞལ་མཐུན་དུ་བསྒྱུར་པའི་གཞུང་ནི་ཁུངས་དག་ཡིན་པས་ཅིས་ཀྱང་གང་བྱུང་དུ་བཅོས་མི་ཆོག |
| ཞལ་མདངས |
གདོང་གི་གཟི་མདངས། |
| ཞལ་མཛོད་སྤུས་བརྒྱན་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་མཁན་སློབ་ཕ་མ་སོགས་གོང་མ་ཐམས་ཅད་ལ་བསྙེན་བཀུར་ཞིང་རིམ་གྲོ་བསྒྲུབས་པས་ཞལ་མཛོད་སྤུས་བརྒྱན་པའོ། |
| ཞལ་མི་གསལ་བ |
ཁ་མི་གསལ་བ། རྩོམ་འདི་ཞལ་མི་གསལ་བ་ཞིག་རེད། |
| ཞལ་ཚུས |
རྙིང 1 ཞལ་ཟས། 2 ལྷ་བཤོས། |
| ཞལ་ཚོམ |
ཨོག་ཚོམ་མམ་ཁ་སྤུ། |
| ཞལ་ཞལ་བྱས |
འདམ་བག་བྱུགས་པ། |
| ཞལ་ཞལ་མཁན |
ཞལ་བ་མཁན་དང་དོན་གཅིག་ |
| ཞལ་ཞོལ |
ཞལ་ལེ་ཞོལ་ལེའི་བསྡུས་ཚིག་ |
| ཞལ་ཟས |
1 ཞལ་ཚུས། 2 ལྷ་བཤོས། |
| ཞལ་འགྱུར་བ |
གདོང་གི་རྣམ་པ་འགྱུར་བ། དགོངས་པ་འཁྲུགས་ནས་ཞལ་འགྱུར་བ། |
| ཞལ་འཆེས |
ཁས་ལེན་པ། |
| ཞལ་འཇམ |
སྐད་ཆ་འཇམ་པོ། ཐུགས་དྲང་ཞལ་འཇམ་གྱི་སྒོ་ནས་བཀའ་སློབ་གནང་བ། |
| ཞལ་འདེབས |
གཞན་གྱིས་གཏོང་བའི་འགྲོ་སོང་ལྟེ་བའི་ཐོག་ལ་བརྒྱབ་པའི་ཁ་སྣོན། ལམ་བཟོ་བའི་འགྲོ་སོང་ལ་ཞལ་འདེབས་རྒྱག་པ། |
| ཞལ་འདོན |
ཁ་འདོན། |
| ཞལ་འཕངས |
1 གཞན་དུ་ཡོད་ཅེས་པ་སྟེ་དེ་ནི་སི་ཏུའི་འགྲེལ་ཆེན་ལ་ལྟོས་ཟེར་བ་ལྟ་བུ། 2 ཁག་དཀྲི་བའམ་གཞན་ལ་ཁག་བཏང་བ། ཞལ་འཕངས་མཛད་སྙིང་འདོད་པ། རང་བྱས་ལས་ཀའི་འགན་འཁྲི་དེ། གཞན་ལ་ཁ་འཕངས་ག་ལ་འོས། |
| ཞལ་འབག |
མིའི་མགོ་ལ་གྱོན་ཆོག་པའི་གདོང་གི་འདྲ་གཟུགས་ཀྱི་མིང་། |
| ཞལ་འབུག་པ |
སྐད་ཆ་བཤད་པའམ་ཁ་གྲག་པ། ཁོང་ལ་ཞལ་འབུག་རྒྱུ་མེད་པ། |
| ཞལ་འབྱེད་པ |
ཁ་འབྱེད་པ། |
| ཞལ་འཚུས |
ཞལ་ཚུས་དང་འདྲ། |
| ཞལ་འཚེར་འཚེར |
ཁ་དང་ངོ་གདོང་འཛུམ་མེར་མེར། གྲོགས་པོ་སུ་དང་ཐུག་ཀྱང་ཞལ་འཚེར་འཚེར་གནང་གི་འདུག |
| ཞལ་འཛུམ་པ |
གད་མོ་ཅུང་ཟད་དགོད་པ། མཉེས་ནས་ཞལ་འཛུམ་པ། |
| ཞལ་འཛོམས |
1 ཕན་ཚུན་གདོང་འཕྲད་པ། 2 ཚང་འཛོམས། |
| ཞལ་ཡམ |
རྩེད་མོའམ་ཀུ་རེ། ཁོང་གིས་གསུངས་པ་དེ་ཞལ་ཡབ་ཙམ་ལས་ངོ་མ་མ་རེད། |
| ཞལ་རས |
ངོ་གདོང༌། ཞལ་རས་མཇལ་བ། ཞལ་རས་མཚར་བ། ཞལ་རས་ནག་ཐིང་ངེ་བ། ཞལ་རས་དམར་མདངས་བཀྲ་བ། ཤར་ཕྱོགས་རི་བོའི་རྩེ་ནས། དཀར་གསལ་ཟླ་བ་ཤར་བྱུང༌། མ་སྐྱེས་ཨ་མའི་ཞལ་རས། ཡིད་ལ་འཁོར་འཁོར་བྱས་བྱུང༌། |
| ཞལ་རུབ |
རུབ་བརྒྱབ་ནས་ཁ་རྡུང་བཏང་བ། |
| ཞལ་རོག |
1 ཁ་བཙུམས་ནས་སྐད་ཆ་གང་ཡང་མི་ཤོད་པ། 2 གདོང་ནག་རོག་གེ་བ། |
| ཞལ་རྒྱན |
ཁ་སྤུ། |
| ཞལ་རྒྱས |
ལྷན་རྒྱས། |
| ཞལ་རྒྱུག |
འཁར་རྒྱུག་གམ་འཁར་བ། |
| ཞལ་རྒྱུན |
ངག་རྒྱུན། འདི་ནི་སྔར་གྱི་མཁས་པ་རྣམས་ཀྱི་ཞལ་རྒྱུན་དྲི་མ་མེད་པ་ཡིན། |
| ཞལ་རྦད |
1 ཀུ་རེའམ་རྩེད་མོ་རྩེ་བའི་སྐད་ཆ། 2 ཁ་ཤོབ་ཚ་པོ། |
| ཞལ་རྫུན |
1 རྫུན་དང་ཧམ་བཤད། 2 ཀུ་རེ་བྱེད་པའམ་རྩེད་མོ་རྩེ་བའི་དོན། |
| ཞལ་ལ |
ཞལ་བ་དང་འདྲ། |
| ཞལ་ལག |
ཁ་ལག་གམ་གསོལ་ཚིགས། ཞལ་ལག་གཏོང་བ། ཞལ་ལག་ཕུལ་བ། |
| ཞལ་ལུ |
སྐོལ་སྣོད་དམ་ཕོར་པ། ཐུག་པ་ཞལ་ལུ་གང་བསྐོལ་ནས་ལྷ་གཅིག་ཀོང་ཇོ་ལ་འདྲེན་པ། |
| ཞལ་ལུང |
ཞལ་ནས་གསུངས་པའི་མན་ངག་གམ་གསུང་རྒྱུན། ཀུན་བཟང་བླ་མའི་ཞལ་ལུང༌། |
| ཞལ་ལེ་ཞོལ་ལེ |
འབྲི་གཡག་གི་སྤུ་རྩིད་སོགས་ཐུར་དུ་འཕྱང་བའམ་ཉལ་ཉིལ་དུ་ཡོད་པའི་རྣམ་པ། དུག་ལོག་ཞལ་ལེ་ཞོལ་ལེ་གྱོན་པ། |
| ཞལ་ལྕེ |
ཁྲིམས། ཞལ་ལྕེ་གཅོད་པ། ཞལ་ལྕེ་གཅོད་མཁན། |
| ཞལ་ལྕེ་གཅོད |
ཁྲིམས་ཐག་བཅད་པའི་དོན་ཏེ། ཞལ་ལྕེ་བཅད། ཞལ་ལྕེ་གཅོད་ལྟ་བུ། |
| ཞལ་ལྕེ་བ |
གཟུ་དཔང་བྱེད་མཁན་ནམ་ཁྲིམས་གཅོད་མཁན། |
| ཞལ་ལྕེ་བཅུ་གཉིས |
སྔར་ཏཱ་ལའི་བླ་མ་ལྔ་པ་ནས་བོད་ལ་དབང་སྒྱུར་བྱེད་སྐབས་ཞལ་ལྕེ་བཅུ་གསུམ་ནང་གི་སྣེ་མོ་ལས་འཛིན་གྱི་ཞལ་ལྕེ་དོར་ནས་ཞལ་ལྕེ་བཅུ་གཉིས་སུ་གཏན་ལ་ཕབ་པའི་ཁྲིམས་ལུགས་དོན་ཚན་བཅུ་གཉིས། |
| ཞལ་ལྕེ་བཅུ་གསུམ |
གཙང་སྡེ་སྲིད་ཀརྨ་བསྟན་སྐྱོང་དབང་པོས་བོད་ལ་དབང་སྒྱུར་བྱེད་སྐབས། ཞལ་ལྕེ་བཅོ་ལྔ་ནས་དཔའ་བོ་སྟག་གི་ཞལ་ལྕེ་དང༌། སྡར་མ་ཝའི་ཞལ་ལྕེ་གཉིས་དོར་ནས་ཞལ་ལྕེ་བཅུ་གསུམ་དུ་གཏན་ལ་ཕབ་པའི་ཁྲིམས་ལུགས་དོན་ཚན་བཅུ་གསུམ། |
| ཞལ་ལྕེ་བཅུ་དྲུག |
སྔར་གཙང་སྡེ་སྲིད་ཀརྨ་བསྟན་སྐྱོང་དབང་པོས་བོད་ལ་དབང་སྒྱུར་བྱེད་སྐབས་སྤེལ་སེར་བ་སྒྲིག་ཏུ་བཅུག་པའི་ཁྲིམས་ཡིག་ནང་གསལ་ཁྲིམས་ཀྱི་དོན་ཚན་བཅུ་དྲུག་དང་པོ་དཔའ་བོ་སྟག་གི་ཞལ་ལྕེ། གཉིས་པ་སྡར་མ་ཝའི་ཞལ་ལྕེ། གསུམ་པ་སྣེ་མོ་ལས་འཛིན་གྱི་ཞལ་ལྕེ། བཞི་པ་ཞུ་བཞེས་བདེན་རྫུན་གྱི་ཞལ་ལྕེ། ལྔ་པ་བཟུང་བཀྱིགས་ཁྲིམས་རའི་ཞལ་ལྕེ། དྲུག་པ་ནག་ཆེན་ཁྲག་སྦྱོར་གྱི་ཞལ་ལྕེ། བདུན་པ་དྲན་འཛིན་ཆད་ལས་ཀྱི་ཞལ་ལྕེ། བརྒྱད་པ་ཧོར་འདྲ་ཟ་རྐང་གི་ཞལ་ལྕེ། དགུ་པ་བསད་པ་སྟོང་གི་ཞལ་ལྕེ། བཅུ་པ་རྨས་པ་ཁྲག་གི་ཞལ་ལྕེ། བཅུ་གཅིག་པ་བསྙོན་ཧམ་མནའ་དག་གི་ཞལ་ལྕེ། བཅུ་གཉིས་པ་བརྐུས་པ་འཇལ་གྱི་ཞལ་ལྕེ། བཅུ་གསུམ་པ་ཉེ་འབྲེལ་འབྲལ་འདུམ་གྱི་ཞལ་ལྕེ། བཅུ་བཞི་པ་བྱི་བྱས་བྱི་རིན་གྱི་ཞལ་ལྕེ། བཅོ་ལྔ་པ་ནམ་ཕར་ཚུར་གྱི་ཞལ་ལྕེ། བཅུ་དྲུག་པ་ཀླ་ཀློ་མཐའ་འཁོབ་ཀྱི་ཞལ་ལྕེ་རྣམས་སོ། |
| ཞལ་ལྕེ་བཅོ་ལྔ |
སྡེ་སྲིད་ཕག་གྲུ་བྱང་ཆུབ་རྒྱལ་མཚན་གྱིས་བོད་ལ་དབང་སྒྱུར་བྱེད་སྐབས། ཞལ་ལྕེ་བཅུ་དྲུག་ནས་ཀླ་ཀློ་མཐའ་འཁོབ་ཀྱི་ཞལ་ལྕེ་དོར་ནས་ཞལ་ལྕེ་བཅོ་ལྔར་གཏན་ལ་ཕབ་པའི་ཁྲིམས་ལུགས་དོན་ཚན་བཅོ་ལྔ། |
| ཞལ་ཤེས |
བླ་མ་སོགས་ཀྱི་ཞལ་གསུང་ལ་བརྟེན་ནས་ཤེས་དགོས་པའི་མན་ངག་སྙིང་པོར་དྲིལ་བའི་གཞུང༌། སྨན་གྱི་གཅེས་བསྡུས་ཕན་བདེའི་སྙིང་པོའི་ཞལ་ཤེས། |
| ཞལ་ཤོབ |
ཀུ་རེའི་རྫུན་ནམ་རྩེད་མོའི་གཏམ། ཁོང་གིས་ཞལ་ཤོབ་གནང་བ་རེད། |
| ཞལ་སྐོམ་པ |
ཁ་སྐོམ་པ། ཞལ་སྐོམ་པ་ལ་ཚད་མེད་པ་མེ་འབར་བ་ལྟ་བུ་བྱུང་ངོ། |
| ཞལ་སྐྱིན |
1 ཚབ་ཀྱི་ཞེ་ས། 2 ལྷའི་འདྲ་སྐུ། |
| ཞལ་སྐྱུག |
སྐྱུག་པའི་ཞེ་ས། |
| ཞལ་སྐྱེམས |
ཇ་ཆང་སོགས་བཏུང་བའི་རིགས། ཞལ་སྐྱེམས་མཉེས་དག ཞལ་སྐྱེམས་བཞེས་པ། |
| ཞལ་སྔ |
སྤྱན་སྔ་སྐུ་དངོས་ཀྱི་དྲུང༌། ཞལ་སྔ་ནས་ཕེབས་པ། ཞལ་སྔ་ནས་གསུངས་པ། |
| ཞལ་སློབ |
དངོས་སློབ། མི་ལ་རས་པ་ནི་མར་པ་ལོ་ཙཱའི་ཞལ་སློབ་གཙོ་བོའི་གྲས་རེད། |
| ཞལ་ཧ་ཅང་མི་རིང་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་བསླབ་པ་རབ་ཏུ་མང་པོ་ཀུན་སྟོན་པར་མཛད་པ་ཉིད་ཀྱིས་ཞལ་ཧ་ཅང་མི་རིང་བར་ཆེ་ཆུང་འཚམས་པ། |
| ཞི |
(བྱེད་མེད་ལས་ཚིག) མེད་པར་གྱུར་པའི་དོན་ཏེ། ནད་ཡམས་ཞི། འཁྲུག་སློང་ཞི། ཁོང་ཁྲོ་ཞི། མེ་ཞི། འཁྲུག་སློང་ཞི་བའི་དུས་ཞེས་པ་ལྟ་བུ། (རྒྱན་ཚིག) <ཀ>རྩུབ་པོའམ་དྲག་པོའི་ལྡོག་ཟླ་ཞི་བ་དང་དྲག་པོ། ཞི་དྲག་གི་དཔུང་ཁག་གཉིས་ཀ ཚིག་ཞི་བ་བཤད་ནས་སློབ་གསོ་བཏང་ལྟ་བུ། |
| ཞི་ཁྲོ་སྦྲགས་སྒྲུབ |
རྡོ་རྗེ་འཇིགས་བྱེད་དང་འཇམ་དཔལ་སྦྲགས་ནས་སྒྲུབ་པ་ལྟ་བུའོ། |
| ཞི་ཁྲོའི་ལྷ་ཚོགས |
ཞི་བ་རྡོར་དབྱིངས་དང་ཁྲག་འཐུང་ཁྲོ་བོའི་ལྷ་རྣམས་སོ། |
| ཞི་གཉིས |
ཞི་གཟའ་གཉིས་ཏེ། གཟའ་ལྷག་པ་དང་པ་སངས་གཉིས། |
| ཞི་གཉིས་དལ་བར |
ཞི་གཟའ་གཉིས་ཀྱི་དལ་བར་ཏེ་ཉི་བར་དང་དོན་གཅིག |
| ཞི་གཉིས་རྐང་འཛིན |
དེ་ལ་དལ་དག་གིས་སྦྱངས་ན་མྱུར་རྐང་རེའུ་མིག་འཛིན་བྱེད་ཡིན་པས་ན་དེ་ལྟར་གྲགས། |
| ཞི་གནས |
ཤ་མ་ཐ ཏིང་ངེ་འཛིན་ཐམས་ཅད་ཀྱི་སྤྱི་ཆིངས་སམ་རྒྱུ་ཞིག་ཕྱི་རོལ་གྱི་ཡུལ་ལ་སེམས་གཡེང་བ་ཞི་བར་བྱས་ནས་བསམ་གཏན་གང་སྒོམ་པ་དེ་ལ་སེམས་རྩེ་གཅིག་ཏུ་གནས་པའོ། |
| ཞི་གནས་ཀྱི་གསོ་སྦྱོང |
གསོ་སྦྱོང་གི་ནང་གསེས། སྔོན་བསགས་ཀྱི་ལས་སྒྲིབ་སྦྱོང་ཕྱིར་གཞི་ཚུལ་ཁྲིམས་རྣམ་པར་དག་པ་ལ་བརྟེན། ལམ་ནང་རིག་པའི་སྡེ་སྣོད་ལ་ཐོས་བསམ་ཚུལ་བཞིན་དུ་བྱས་ནས་དེའི་དོན་བསྒོམ་པས་ཉམས་སུ་ལེན་པ་སེམས་གནས་པའི་ཐབས་དགུས་ཞི་གནས་བསྒྲུབ་ཅིང༌། དྲན་པ་ཉེར་བཞག་བཞི་སོགས་ཀྱིས་ལྷག་མཐོང་གི་ཤེས་རབ་བསྐྱེད་ལ་ལམ་ལྔ་བྱང་ཕྱོགས་སོ་བདུན་གྱིས་བགྲོད་ནས་འབྲས་བུ་བཞི་འཐོབ་པར་བྱེད་པའོ། |
| ཞི་གནས་ཀྱི་དམིགས་པ་བཞི |
ཁྱབ་པའི་དམིགས་པ་དང༌། སྤྱད་པ་རྣམ་སྦྱོང་གི་དམིགས་པ། མཁས་པའི་དམིགས་པ། ཉོན་མོངས་རྣམ་སྦྱོང་གི་དམིགས་པ་རྣམས་སོ། |
| ཞི་གནས་ཀྱི་ཚོགས |
མཐུན་པའི་ཡུལ་ན་གནས་པ་དང༌། འདོད་པ་ཆུང་བ། ཆོག་ཤེས་པ། བྱ་བ་མང་པོ་ཡོངས་སུ་སྤངས་པ། ཚུལ་ཁྲིམས་རྣམ་པར་དག་པ། འདོད་པ་ལ་སོགས་པའི་རྣམ་པར་རྟོག་པ་ཡོངས་སུ་སྤངས་པ་སྟེ་དྲུག་གོ། |
| ཞི་གནས་ཀྱི་ཡིད་བྱེད་བཞི |
བསྒྲིམས་ཏེ་འཇུག་པའི་ཡིད་བྱེད་དང༌། ཆད་ཅིང་འཇུག་པའི་ཡིད་བྱེད། ཆད་པ་མེད་པར་འཇུག་པའི་ཡིད་བྱེད། རྩོལ་བ་མེད་པར་འཇུག་པའི་ཡིད་བྱེད་བཅས་བཞིའོ། |
| ཞི་གནས་ཀྱི་སྟོབས་དྲུག |
ཐོས་པའི་སྟོབས་དང༌། བསམ་པའི་སྟོབས། དྲན་པའི་སྟོབས། ཤེས་བཞིན་གྱི་སྟོབས། བརྩོན་འགྲུས་ཀྱི་སྟོབས། འདྲིས་པའི་སྟོབས་རྣམས་སོ། |
| ཞི་གནས་མཚན་ཉིད་པ |
བསམ་གཏན་དང་པོའི་ཉེར་བསྡོགས་ཀྱིས་བསྡུས་པའི་ཞི་གནས་དངོས་སོ། |
| ཞི་གནས་རྗེས་མཐུན་པ |
ཤིན་སྦྱངས་ཀྱི་བདེ་བས་ཟིན་པའི་སེམས་གནས་དགུ་པ་ཞི་གནས་ཆ་འདྲ་བའོ། |
| ཞི་གནས་སྐབས་ཀྱི་ཉེས་པ་ལྔ |
ལེ་ལོ་དང༌། བརྗེད་ངས། བྱིང་རྒོད། འདུ་མི་བྱེད་པ། འདུ་བྱེད་པ་བཅས་ལྔའོ། |
| ཞི་གཟའ་གཉིས |
གཟའ་ལྔའི་ནང་གི་ལྷག་པ་དང་པ་སངས་གཉིས། |
| ཞི་གཟའ་བཞི |
ཟླ་བ་དང༌། ལྷག་པ། པ་སངས། མཇུག་རིང་སྟེ་བཞི་ནི་ཉི་མའི་གཡོན་ནས་འཆར་ནུབ་བྱེད་ཅིང༌། གཡོན་གྱི་ཡན་ལག་ཏུ་འགྱུར་བས་ན་ཞི་གཟའ་ཞེས་བྱའོ། |
| ཞི་ཆོས |
འཇམ་པོའི་བྱེད་ཐབས། ཕོལ་མིག་བསྲེགས་དང་བཅད་པས་གདོན། ཞི་ཆོས་དེ་ཡི་དུག་ཏུ་འགྱུར། |
| ཞི་དཔོན |
ཞི་བའི་ལས་དོན་བྱེད་མཁན་རྣམས་ཀྱི་འགོ་ཁྲིད། |
| ཞི་དུལ |
རྒྱུད་བཟང་ཞིང་སྤྱོད་ལམ་འཇམ་པོ། |
| ཞི་དྲག |
ཞི་བ་དང་དྲག་པོ། ཞི་དྲག་གཉིས་ལྡན། ཞི་དྲག་གི་བྱ་གཞག |
| ཞི་དྲག་གཉིས་འཇོན |
ཞི་བ་དང་དྲག་པོའི་ལས་དོན་གཉིས་འཕེར། |
| ཞི་དྲག་དཔོན་རིགས |
ཞི་བ་དང་དྲག་པོའི་འགོ་བྱེད་མི་སྣ། |
| ཞི་བ |
1.ཐ་མི་དད་པ ཡལ་བ། རླུང་འཚུབ་ཞི་བ། ཚ་བ་ཞི་བ། གྲང་བ་ཞི་བ། ཁོང་ཁྲོ་ཞི་བ། 2 1 མངོན ས་མོ་བྱ་ལོ། 2 འགོག་བདེན་གྱི་རྣམ་པའི་གྲས་ཤིག་མ་ཞི་བར་བྱེད་པ་འདུ་བྱེད་སྡུག་བསྔལ་ཉེར་ལེན་གྱི་ཕུང་པོ་རྣམས་དང་བྲལ་བའི་མཚན་ཉིད་ཅན་ཏེ། བདེན་བཞི་རྣམ་པ་བཅུ་དྲུག་གི་ཡ་གྱལ་ཞིག་གོ། 3 ལས་བཞིའི་ཡ་གྱལ། ནད་གདོན་སོགས་འཇིགས་པ་ཉེ་བར་ཞི་བ། 4 ཐར་པ་དང་མྱང་འདས། 3. དྲག་པོའི་ཟློག་ཟླ། སེམས་རྒྱུད་ཞི་བ། རང་བཞིན་ཞི་བ། ཞི་བ་དང་དྲག་པོའི་ལས་ཀུན་ལ་འགྲན་པའི་ཟླ་ཐམས་ཅད་བྲལ་བ། |
| ཞི་བ་མྱང་འདས |
ཉོན་མོངས་སྤངས་པའི་འགོག་བདེན། |
| ཞི་བ་འཚོ |
ཤནྟརཀྵིཏ སྔར་བྷངྒ་ལའི་ཡུལ་དུ་ཟ་ཧོར་རྒྱལ་པོའི་སྲས་སུ་འཁྲུངས། དཔལ་ན་ལེནྡྲར་སློབ་དཔོན་ཡེ་ཤེས་སྙིང་པོ་ལས་རབ་ཏུ་བྱུང་ཞིང་བསྙེན་པར་རྫོགས། རྒྱ་གར་གྱི་དབུ་མ་རང་རྒྱུད་པའི་སློབ་དཔོན་ཞིག་དང༌། དབུ་མ་ཤར་པ་གསུམ་གྱི་ཡ་གྱལ་ཞིག་ཡིན། དབུ་མ་རྒྱན་ལ་སོགས་པའི་བསྟན་བཅོས་བརྩམས། ཆོས་རྒྱལ་ཁྲི་སྲོང་ལྡེ་བཙན་གྱི་དུས་སུ་བོད་དུ་ཕེབས། བསམ་ཡས་གཙུག་ལག་ཁང་བཞེངས་པའི་བཀོད་པ་མཛད། སད་མི་མི་བདུན་རབ་ཏུ་བྱུང་ནས་དགེ་འདུན་གྱི་སྡེ་བོད་དུ་ཐོག་མར་བཙུགས། འདུལ་བ་དང་དབུ་མ་སྤེལ། མཚན་མཁན་བོ་དྷི་སཏྭ་ཞེས་གྲགས། མཁན་ཆེན་འདི་དང༌། སློབ་དཔོན་པད་མ་འབྱུང་གནས། ཆོས་རྒྱལ་ཁྲི་སྲོང་ལྡེ་བཙན་གསུམ་ལ་མཁན་སློབ་ཆོས་གསུམ་དུ་གྲགས། སྔ་ཕྱིར་བོད་དུ་ལོ་བཅུ་ལྷག་ཙམ་བཞུགས་ཏེ་གཤེགས། |
| ཞི་བ་ལྷ |
སྤྱི་ལོའི་དུས་རབས་བདུན་པའམ་བརྒྱད་པ་ཙམ་ལ་རྒྱ་གར་གྱི་རྒྱལ་པོ་དགེ་བའི་གོ་ཆའི་སྲས་སུ་འཁྲུངས་ཤིང༌། ཆུང་མིང་ཞི་བའི་གོ་ཆ་ཟེར། ན་ལེནྡྲར་རབ་ཏུ་བྱུང་ནས་སྤྱོད་འཇུག་དང་བྱང་ཆུབ་སེམས་དཔའི་བསླབ་བཏུས་སོགས་བརྩམས། |
| ཞི་བ་སྐྱེས་པ |
མངོན ཚང་བདག |
| ཞི་བ་སྙིང་པོ |
ཤིནྟཾགརྦྷ ཆོས་རྒྱལ་ཁྲི་སྲོང་ལྡེ་བཙན་དུས་སུ་བོད་དུ་གདན་དྲངས་པའི་རྒྱ་གར་གྱི་པཎྜི་ཏ་ཞིག་འདིས་བསམ་ཡས་ཀྱི་རབ་གནས་མཁན་བྱས་པར་བུ་སྟོན་བཞེད། |
| ཞི་བདེ |
དམག་འཁྲུག་མེད་པའི་གནས་ཚུལ་ཏེ། བཙན་རྒྱལ་རིང་ལུགས་ཡོད་པའི་སྐབས་སུ་ཞི་བདེ་ནི་གནས་སྐབས་ཙམ་ཡིན། བཙན་རྒྱལ་རིང་ལུགས་དང་བཤུ་གཞོག་ལམ་ལུགས་གཏན་མེད་དུ་བཏང་ན་མ་གཏོགས་ཞི་བདེ་ངོ་མ་ཡོང་མི་ཐུབ་ཅེས་པ་ལྟ་བུ། <ཁ>ལྷ་མང་ཆོས་ལུགས་ཀྱི་ལྷ་སྐུ་ལ་ཞི་བ་དང་ཁྲོ་བོ་གཉིས་ཡོད་པའི་ཞི་བ། ０སངས་ཆོས་ལུགས་སུ་བཤད་པའི་འཁོར་བ་ལས་ཐར་བའི་གོ་འཕང་ལ་ཞི་བའམ་ཞི་བདེ་ཟེར། |
| ཞི་བདེ་མཉམ་གནས |
སྤྱི་ཚོགས་ཀྱི་ལམ་ལུགས་མི་འདྲ་བའི་རྒྱལ་ཁབ་བར་ཞི་བའི་ཐབས་ཤེས་ལ་བརྟེན་ནས་ཕན་ཚུན་བར་གྱི་རྩོད་གཞི་ཐག་གཅོད་དང༌། འདྲ་མཉམ་གཉིས་ཕན་གྱི་གཞི་རྩའི་ཐོག་ཕན་ཚུན་བར་གྱི་དཔལ་འབྱོར་དང༌། རིག་གནས་ཀྱི་འབྲེལ་བ་འཕེལ་རྒྱས་གཏོང་བ་ལ་ཟེར། |
| ཞི་བའི་གནས |
མངོན དུར་ཁྲོད་དམ་དུར་ས། |
| ཞི་བའི་གྲོང |
1 མངོན རི་ཁྲོད་དགོན་གནས་དབེན་ས། 2 ཐར་པའི་གོ་འཕང༌། |
| ཞི་བའི་ཕྱོགས |
མངོན ཟླ་བའི་ཡར་ངོའམ་དཀར་ཕྱོགས། |
| ཞི་བའི་ཚིག |
ཚིག་འཇམ་པོ། |
| ཞི་བའི་འགྲོས |
1 དལ་བའི་འགྲོ་སྟངས། 2 མངོན ཆུ་བྱ་ངང་པ། |
| ཞི་བའི་རྡོ་རྗེ |
ལྷའི་ཕྱག་མཚན་གྱི་བྱེ་བྲག་ཅིག |
| ཞི་བའི་ལས |
ནད་གདོན་བར་ཆད་ཞི་བར་བྱེད་པའི་ལས། |
| ཞི་བའི་སྦྱིན་སྲེག |
ནད་གདོན་སོགས་འཇིགས་པ་བརྒྱད་ཞི་བའི་སྲེག་ཆོག |
| ཞི་བའི་སྲིང་མོ |
མངོན ཆུ་བོ་ཡ་མུ་ན། |
| ཞི་བར་གནས་པ |
མངོན དབང་ཕྱུག་ཆེན་པོ། |
| ཞི་བར་གཤེགས་པ |
1 ཐར་པ་ཐོབ་པ། 2 སྐུ་མྱ་ངན་ལས་འདས་པ། |
| ཞི་བར་བྱེད་པ |
སེམས་གནས་དགུའི་དྲུག་པ། རྣམ་གཡེང་ལ་སྐྱོན་དུ་བལྟས་ནས་ཏིང་ངེ་འཛིན་ལ་མི་དགའ་བ་ཞི་བར་བྱེད་པའོ། |
| ཞི་བར་འཇུག |
མངོན མཚན་མོ། |
| ཞི་བྱེད |
1 སྤྱི་ལོའི་དུས་རབས་བཅུ་གཉིས་པའི་འགོར་ཕ་དམ་པ་སངས་རྒྱས་ཀྱིས་སྲོལ་གཏོད་པའི་ཤེར་ཕྱིན་ཉམས་ལེན་གྱིས་སྲིད་ཞིའི་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་ཆ་ནས་མིང་བཏགས་པའི་གྲུབ་མཐའ་ཞིག 2 མངོན 1)སྐྱུ་རུ་རའི་ཤིང༌། 2)གཤིན་རྗེ། 3)ཨ་རུ་རའི་ཤིང༌། |
| ཞི་བྱེད་ཀྱི་སྨན |
ན་ཚ་མེད་པར་བཟོ་བའི་སྨན་ཏེ། ནང་གསེས་ཐང་དང༌། ཕྱེ་མ། རིལ་བུ། ཁཎྜ། སྨན་མར་རྣམས་ཡོད། |
| ཞི་བྱེད་སྨན་གྱི་མདོ |
ཕྱི་མ་རྒྱུད་ཀྱི་མདོ་བཞིའི་ནང་ཚན་སྨན་ཁོང་དུ་བཏང་ནས་ནང་གི་ནད་ཞི་བར་བྱེད་པའི་ཐབས་སྟོན་པའི་མདོ་ཐང་དང༌། ཕྱེ་མ། རིལ་བུ། ལྡེ་གུ། སྨན་མར། ཐལ་སྨན། ཁཎྜ། སྨན་ཆང༌། རིན་པོ་ཆེའི་སྦྱོར་བ། སྔོ་སྦྱོར་བཅས་སོ། |
| ཞི་མ |
མངོན 1 ལྷ་མོ་ཨུ་མ། 2 རྗེ་བཙུན་སྒྲོལ་མ། |
| ཞི་མཐར་བྱེད |
མངོན འདོད་ལྷ། |
| ཞི་མི |
བྱི་ལ་ཡི་མིང་གཞན། |
| ཞི་མོ |
ཡུལ བུ་མོ། |
| ཞི་ཞིང་དུལ་བ(ཞི་དུལ) |
སྤྱོད་ལམ་སོགས་དྲག་པོ་དང་འཆལ་བ་ལས་ལྡོག་པའི་དོན་ཏེ། མི་ཞི་ཞིང་དུལ་བ། ཚིག་ཞི་དུལ་གྱིས་བསླབ་བྱ་གནང་ལྟ་བུ། |
| ཞི་འཇགས |
ཞི་བདེ་ལྷིང་འཇགས། འཇགས་སུ་བཏང་བ། ཕན་ཚུན་ཞི་འཇགས་སུ་གནས་པ། |
| ཞི་འཇམ |
རྣམ་འགྱུར་རམ་གཤིས་ཀ་འཇམ་པོ། |
| ཞི་འཚོལ |
མངོན ཉན་ཐོས། |
| ཞི་འཛིན་པ |
མངོན འཁོར་བ། |
| ཞི་རྐང་དྲག་དལ |
ཞི་གཉིས་རྐང་འཛིན་དང༌། དྲག་གསུམ་དལ་བ་གཉིས་ཀྱི་བསྡུས་ཚིག་དེ་དག་གི་ཐད་ལ་ལྟོས། |
| ཞི་རྒྱས་དབང་དྲག |
ཞི་བ་དང་རྒྱས་པ་དང་དབང་དང་དྲག་པོའི་ལས་རྣམ་བཞིའོ། |
| ཞི་ལ |
བྱི་ལ་ཡི་འབྲི་ཚུལ་གཞན། |
| ཞི་ལུ |
ཡུལ བུ་ཡི་མིང༌། |
| ཞི་ལྷག |
ཞི་གནས་དང་ལྷག་མཐོང་གཉིས་ཀྱི་བསྡུས་ཚིག |
| ཞི་ལྷག་ཟུང་འབྲེལ |
སེམས་རྩེ་གཅིག་པའི་ཞི་གནས་དང༌། སོ་སོར་རྟོག་པའི་ལྷག་མཐོང་ཟུང་དུ་འབྲེལ་བའོ། |
| ཞི་སྦྱོང་གཉིས |
སྨན་ཁོང་དུ་བཏང་ནས་ནད་རང་བཞིན་དུ་ཞི་བར་བྱེད་པ་ལ་ཞི་བྱེད་ཅེས་དང༌། ལུས་ཀྱི་གྱེན་ཐུར་གྱི་གནས་ནས་སྦྱོང་བར་བྱེད་པ་ལ་སྦྱོང་བྱེད་ཅེས་ཏེ་གཉིས་སོ། |
| ཞིག |
1.ང་ན་མ་འ་ར་ལ་དང་མཐའ་མེད་བཅས་ཀྱི་རྗེས་སུ་སྦྱོར་རྒྱུའི་ཕྲད་གཞན་དབང་ཅན་ཞིག ང་ན་མ་འ་ར་ལ མི་ཞིག གང་ཞིག སྨན་ཐུན་ཞིག བྱ་བ་ཞིག ཡུལ་ཞིག 2.སྐུལ་ཚིག་སྟོན་བྱེད་ཀྱི་ཚིག་གྲོགས་ཤིག འདིར་མ་ཡོང་ཞིག |
| ཞིག་ཀ |
རྫ་སྣོད་ལས་ཆོག་པའི་ས་ཞིག་གི་མིང་། |
| ཞིག་གསོ |
ཉམས་གསོ། གཞུང་ལམ་ཞིག་གསོ། འཇག་སྤྱིལ་ཞིག་གསོ། འཕྲུལ་འཁོར་ཞིག་གསོ། |
| ཞིག་གསོ་འཛིན་སྤྲས |
ཉམས་གསོ་དང་བདག་གཅེས། |
| ཞིག་ནས་མེད་པའི་བྱེད་རྒྱུ |
རྒྱུའི་རྒྱན་གྱི་ནང་གསེས་ཤིག་སྔར་ཡོད་ཞིག་ནས་མེད་པའི་དངོས་མེད་ཀྱི་རྒྱུ་དེས་འབྲས་བུའི་དངོས་པོ་གཞན་ཞིག་བསྐྱེད་པ་སྟོན་པའི་རྒྱུའི་རྒྱན། |
| ཞིག་པ |
1.ཐ་མི་དད་པར་འཇུག་པའི་འཇིག་པའི་འདས་པ། 2.མངོན འཆི་བ། |
| ཞིག་པོ |
1.ཆག་དུམ། རྐུབ་སྟེགས་ཞིག་པོ། དཔེ་སྒྲོམ་ཞིག་པོ། ཀོ་སྒམ་ཞིག་པོ། 2 1 བདེན་འཛིན་དང་གཅེས་འཛིན་ཐུལ་བའི་གང་ཟག 2 སྡོམ་པ་ལྷོད་པའི་ངན་སྤྱོད་ཅན། |
| ཞིག་རལ |
ཆག་གྲུམ་གོག་ཧྲུལ། ཁང་རྙིང་ཞིག་རལ། སྤྱོད་ལམ་མི་བཙུན་པའི་ཞིག་རལ། |
| ཞིང |
1.ཡུལ་ལུང་དང་རྒྱལ་ཁམས། ཞིང་ཆུང༌། ཞིང་ཆེན། དག་པའི་ཞིང༌། བདེ་བ་ཅན་གྱི་ཞིང་ཁམས། སངས་རྒྱས་ཀྱི་ཞིང༌། འདུལ་ཞིང༌། བསོད་ནམས་ཀྱི་ཞིང༌། སྙིང་རྗེའི་ཞིང༌། ཚོགས་ཞིང༌། ཞིང་ལ་ཕེབས་པ། ཞིང་ལ་གཤེགས་པ། 2.ང་ན་མ་འ་ར་ལ་མཐའ་མེད་རྣམས་ཀྱི་མཐར་སྦྱོར་རྒྱུ་མཚམས་སྦྱོར་ཚིག་ཕྲད་གཞན་དབང་ཅན་ཞིག ང་ན་མ་འ་ར་ལ ཞིང འོན་ཞིང་བླུན། བདེ་ཞིང་སྐྱིད། ནོར་ཞིང་འཁྲུལ། ཇ་དཀར་ཇ་དྭངས་ཀྱིས་བཀང་ཞིང་སར་བཞག་པ། 3.ལོ་ཏོག་འདེབས་སའི་ས་ཞིང་གི་མིང་ཞིང་ས། ས་ཞིང་ཞེས་པ་ལྟ་བུ། |
| ཞིང་ཁ |
ལོ་ཏོག་འདེབས་སའི་ས་ཞིང༌། རི་ཞིང༌། ཐང་ཞིང༌། ནས་ཞིང༌། ཚལ་ཞིང༌། འོང་ཞིང༌། ཆུ་ཞིང༌། ས་ཞིང༌། ཞིང་ཁང་ནོར་གསུམ། ཞིང་རྨོ་བ། ཞིང་ལ་ལུད་བཀྲམ་པ། ཞིང་ག་འདེབས་པ། ཞིང་ག་བོགས་མར་གཏོང་བ། བློ་གཏད་གངས་རིར་བཅོལ་ནས། ཞིང་ཆུང་ཐན་པས་འཚིགས་སོང༌། མིང་གི་རྣམ་གྲངས་ལ་འབྲུ་སྐྱེ་ས་དང༌། འབྲུ་ཡི་སྐྱེ་གནས། འབྲུ་ཡི་ཞིང༌། འབྲུ་ས། མུ་ཚིགས་ཅན། རྨོ་ས། ཞིང་ས། ས་ཞིང་བཅས་སོ། |
| ཞིང་ཁ་ཆུ་མ |
ཆུ་གཏོང་རྒྱུ་ཡོད་པའི་ཞིང་ཁ། |
| ཞིང་ཁ་ཐ་གོག |
འབྲུ་རིགས་མ་བཏབ་པར་བཞག་པའི་ཞིང་ཁ། མི་ཚང་དེ་ཉམས་གུད་དུ་གྱུར་ཏེ་ཞིང་ཁ་རྣམས་ཐ་གོག་ཏུ་ལུས་པ། |
| ཞིང་ཁ་སེར་ལངས |
ས་ཞིང་རྨོ་སློག་བརྒྱབ་སྟེ་ཞིང་ཆུ་བཏང་རྗེས་ས་བོན་འདེབས་རན་པ། |
| ཞིང་ཁམས |
1 ཡུལ་སྤྱིའི་མིང༌། 2 སངས་རྒྱས་བྱང་སེམས་ཀྱི་གནས་ཡུལ་དག་ཞིང་བདེ་བ་ཅན་ལྟ་བུའོ། |
| ཞིང་ཁྲལ |
ས་ཞིང་གི་ཁྲལ་རིགས། |
| ཞིང་ག |
ཞིང་ཁ་དང་འདྲ། |
| ཞིང་གཉེར |
ཞིང་ཁ་ལྟ་མཁན་འགོ་བྱེད་པ། |
| ཞིང་གཤིན་པོ |
ས་རྒྱུ་བཟང་པོ་ཡོད་པའི་ཞིང་ཁ། |
| ཞིང་གཤེགས |
དག་པའི་ཞིང་དུ་གཤེགས་པ་སྟེ་འདས་པོ། |
| ཞིང་གི་ཐ་གྲུ |
1 ཞིང་གི་རྒྱ་ཁྱོན། 2 ཞིང་ཁམས་ཀྱི་རྒྱ་ཁྱོན། |
| ཞིང་གི་ཐོག་ཤས |
1 སྟོན་ཐོག་གི་ཕུད་ནས་སྤྲོད་པ་ཞིང་ཁྲལ། 2 རྙིང ས་ཞིང་གི་འབྲུ་སྐལ། |
| ཞིང་གི་བཀོད་པ |
བདེ་བ་ཅན་སོགས་ཞིང་གི་ཆགས་ཚུལ་དང་དབྱིབས་བཀོད། |
| ཞིང་གི་ལྷུ |
ཞིང་ཁའི་སོན་འགྲོར་དཔགས་ནས་ས་ཞིང་རྒྱ་ཆེ་ཆུང་རྩི་སྲོལ་ཏེ་མངའ་བདག་ཁྲི་རལ་གྱི་སྐབས་ནས་གསར་གཏོད་བྱས་པའི་ལོ་རྒྱུས་འདུག |
| ཞིང་གྲོང |
སོ་ནམ་པའི་གྲོང༌། |
| ཞིང་གླ |
ཞིང་བདག་ལ་སྤྲོད་པའི་ཞིང་བོགས། |
| ཞིང་ངན |
ས་རྒྱུ་སྡུག་པའམ་སྟོན་ཐོག་སྐྱེ་དཀའ་བའི་ཞིང༌། |
| ཞིང་ཆས |
སོ་ནམ་ཡོ་བྱད། |
| ཞིང་ཆུ |
ཞིང་ཁར་གཏོང་རྒྱུའི་ཆུ། ཞིང་ཆུ་འདྲེན་པ། ཡུར་བུ་བཟོས་ནས་ཞིང་ཆུ་འགྲེམས་གཏོང་བྱེད་པ། |
| ཞིང་ཆུ་མ |
ཞིང་ལ་ཆུ་འདྲེན་ས་ཡོད་པ། ཞིང་ཆུ་མའི་ནང་ནས་ས་ལུ་སྐྱེ། |
| ཞིང་ཆེན |
ཡུལ་ཁམས་ཆེན་མོ། |
| ཞིང་ཆེན་པགས་པ |
ཞིང་བཅུ་ཚང་བའི་དགྲའི་མི་ལྤགས་ཡན་ལག་ལྔ་ཚང་བ། |
| ཞིང་ཐ་ཆད |
ལོ་ཏོག་ཡག་པོ་མི་སྐྱེ་བའི་ཞིང་ས། |
| ཞིང་དག་པའི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། ཞིང་དག་པ་བླ་ན་མེད་པའི་སྦྱོར་བ་སྟེ་རང་གང་དུ་འཚང་རྒྱ་འགྱུར་གྱི་སྣོད་ཀྱི་ཞིང་དང་བཅུད་ཀྱི་སེམས་ཅན་ཁྱད་པར་ཅན་འགྲུབ་པའི་སྨོན་ལམ་ལ་སོགས་པའི་དགེ་བའི་རྩ་བའི་ནུས་པ་མཐུ་ཅན་དུ་གྱུར་པའི་དག་པའི་རྣལ་འབྱོར་དེའོ། |
| ཞིང་དཔྱ |
རྙིང ཞིང་ཁའི་ཁྲལ། |
| ཞིང་དུད |
སོ་ནམ་པའི་གྲོང་ཁྱིམ། ས་ཆ་འདིར་ཞིང་དུད་ཅི་ཙམ་འདུག |
| ཞིང་པ |
ཞིང་འདེབས་པའི་ལས་ཀ་ལ་བརྟེན་ནས་འཚོ་བའི་མི། ས་ཞིང་དུ་བཏབ་ནས་སྐྱེས་པའི་ལོ་ཏོག་གི་མིང་གྲོ་ཞིང་། ཞིང་བྲེག་ལྟ་བུ། ０ཡུལ་ཁམས་དང་གནས་ཀྱི་མིང་ཞིང་བཀོད། ཞིང་ཁམས། ཞིང་ཆེན་ཞེས་པ་ལྟ་བུ། １ཅིང་ལ་ལྟོས། |
| ཞིང་ཕྲུ |
རྙིང ཞིང་ཁ་རྨོ་སློག་རྒྱག་པ། |
| ཞིང་བགེགས |
སད་སེར་བཙའ་ཐན་སོགས་ལོ་ཏོག་ལ་གནོད་བྱེད། |
| ཞིང་བཅུ་ཚང་བའི་བསྟན་དགྲ |
རྒྱུད་ལས་གསུངས་པའི་བསྒྲལ་བྱར་གྱུར་པའི་བསྟན་པའི་དགྲ་བོ་ལ་རྐྱེན་བཅུ་ཚང་དགོས་པ། བསྟན་པ་བཤིག་པ་དང༌། དཀོན་མཆོག་ལ་སྨད་པ། དགེ་འདུན་གྱི་དཀོར་འཕྲོག་པ། ཐེག་ཆེན་ལ་སྨོད་པ། བླ་མའི་སྐུ་ལ་བསྡོ་བ། རྡོ་རྗེ་སྤུན་གྲོགས་སུན་འབྱིན་པ། སྒྲུབ་ལ་བར་གཅོད་བྱེད་པ། བརྩེ་བ་སྙིང་རྗེ་གཏན་ནས་མེད་པ། དམ་ཚིག་སྡོམ་པ་དང་བྲལ་བ། ལས་འབྲས་ལ་ལོག་ལྟ་སྟེ་བཅུའོ། |
| ཞིང་བདག |
ས་ཞིང་བདག་ཏུ་བཟུང་ཞིང༌། རང་ཉིད་ཀྱིས་ངལ་རྩོལ་མི་བྱེད་པར་ས་ཞིང་བོགས་མར་བཏང་ནས་ཞིང་པར་བཤུ་གཞོག་བྱེད་པ་དེ་འཚོ་བའི་ཡོང་ཁུངས་གཙོ་བོར་བྱེད་མཁན་ལ་ཟེར། |
| ཞིང་བདག་གྲལ་རིམ |
ས་ཞིང་བཟུང་ཞིང༌། རང་ཉིད་ཀྱིས་ངལ་རྩོལ་མི་བྱེད་པར་ཞིང་པར་བཤུ་གཞོག་བྱེད་པར་བརྟེན་ཏེ་འཚོ་བ་སྐྱེལ་མཁན་གྲལ་རིམ་དེ་ལ་ཟེར། ཞིང་བདག་གྲལ་རིམ་གྱིས་ཞིང་པར་བཤུ་གཞོག་བྱེད་སྟངས་གཙོ་བོ་ནི་ས་བོགས་བསྡུ་བ་དེ་རེད། |
| ཞིང་བཟང |
ལོ་ཏོག་ཡག་པོ་སྐྱེ་བའི་ཞིང་ས། ཞིང་བཟང་ལ་སོན་བཟང་འདེབས་པ། |
| ཞིང་བརྗེ་བ |
མི་ཤི་བའི་ཞེ་མིང༌། |
| ཞིང་བོགས |
ཞིང་ཁྲལ་བོགས་མ། |
| ཞིང་བྲན |
བཀས་བཀོད་རྒྱུད་འཛིན་སྤྱི་ཚོགས་ནང་བྲན་བདག་གམ་བཀས་བཀོད་རྒྱུད་འཛིན་བདག་པོའི་མངའ་འོག་ཏུ་ཡོད་པའི་ཞིང་ལས་ཐོན་སྐྱེད་བྱེད་མཁན་དཔལ་འབྱོར་ཐོག་བཤུ་གཞོག་མྱོང་ཞིང༌། རང་དབང་དང་ཆབ་སྲིད་ཀྱི་དབང་ཆ་གང་ཡང་མེད་པ་ཞིག |
| ཞིང་མཆོག |
དག་ཞིང་གི་མཆོག |
| ཞིང་མཚམས |
ཞིང་ཁའི་མཚམས་སམ་མུ་ཚིགས། |
| ཞིང་མིག |
ཞིང་ཁའི་ངོ་གྲངས། མི་ཚང་འདི་ལ་ཞིང་མིག་ཆེ་ཆུང་བསྡོམས་བདུན་འདུག |
| ཞིང་མུ |
ཞིང་གི་མཐའ་མཚམས། |
| ཞིང་ཚན |
ཞིང་ཁའི་ལེ་ཚན། |
| ཞིང་ཚིགས |
ཞིང་ལ་ཆུ་གཏོང་བ་སྟབས་བདེ་ཡོང་བའི་ཆེད་དུ་ལས་པའི་མཚམས་གཅོད་བྱེད་དེ་རྣང་མ། |
| ཞིང་འདེབས |
ཞིང་ཁར་ས་བོན་འདེབས། ཞིང་འདེབས་སྔ་མ། ཞིང་འདེབས་ཕྱི་མ། ཞིང་འདེབས་བར་མ། |
| ཞིང་འབུ |
སྟོན་ཐོག་ལ་གནོད་སྐྱོན་བྱེད་པའི་འབུ་རིགས། |
| ཞིང་ཡན |
བེད་མེད་དུ་སྟོང་པར་ལུས་པའི་ས་ཞིང༌། བདག་མེད་ཞིང་ཡན་གྱི་ནང་དུ་རྩྭ་ངན་གྱིས་ཁེངས་པ། |
| ཞིང་ཡུར |
ཞིང་ཁའི་ནང་གི་ཆུ་འཁྲིད་ལམ་གྱི་རྐ། |
| ཞིང་ར |
འཕྲུལ་འཁོར་བེད་སྤྱོད་ཀྱིས་ཞིང་ལས་ཐོན་སྐྱེད་རྒྱ་ཆེན་བྱེད་པའི་ཁེ་ལས་སྡེ་ཚན་ལ་ཟེར། |
| ཞིང་རིན |
ཞིང་གའི་རིན་ཐང༌། |
| ཞིང་རེངས |
ཞིང་ཁ་ཐ་རྒོད་དམ་ཐ་གོག |
| ཞིང་རོལ |
ཞིང་རྨོས་པའི་ཤུལ། |
| ཞིང་རྒོད |
ཞིང་ས་གྱོང་པོའམ་མ་དུལ་བ། ཕན་མེད་ཀྱི་ཞིང་རྒོད་རྣམས་ཞིང་ས་གཤིན་པོར་སྒྱུར་བ། |
| ཞིང་ལ་སྔ་ཆུ་གཏོང་བ |
ཞིང་ལ་ཆུ་སྔ་མ་གཏོང་བའི་དུས་ལ་སླེབས་པ། |
| ཞིང་ལས |
སོ་ནམ་གྱི་ལས་ཀ། ཞིང་ལས་ཐོན་སྐྱེད། ཞིང་ལས་ཐོན་དངོས། |
| ཞིང་ལས་ཀྱིས་འཚོ་བ |
མངོན སོ་ནམ་པ། |
| ཞིང་ལྤགས |
ཞིང་ཆེན་པགས་པའི་བསྡུས་ཚིག་ |
| ཞིང་ལྷ |
ཞིང་ཁར་གནས་པའི་ལྷ། |
| ཞིང་ཤག་པ |
རིན་སྤུངས་པའི་སྡེ་པ་ཞིང་ཤག་པ་ཚེ་བརྟན་རྡོ་རྗེས་རབ་བྱུང་དགུ་པའི་ཤིང་གླང་ལོར་འབངས་གྱེན་ལོག་གི་སྐབས་དང་བསྟུན་ནས་མངའ་ཐང་བཟུང༌། དེའི་ཚ་བོ་ཕུན་ཚོགས་རྡོ་རྗེས་རབ་བྱུང་བཅུ་པའི་ས་རྟ་ལོར་ལྷ་སར་འཛུལ་བའི་སོག་དམག་གཏོར་ཏེ། གཙུག་ལག་ཁང་དང་ར་མོ་ཆེ་སོགས་རྟེན་གནས་ཞིག་གསོ་བྱས། དབུས་གཙང་མཐའ་དག་རིམ་གྱིས་ཆབ་འོག་ཏུ་བཅུག་གཙང་སྟོད་རྒྱལ་པོར་གྲགས། དེའི་བུ་ཀརྨ་བསྟན་སྐྱོང་དབང་པོ་སྟེ་རྒྱའི་དེབ་ཐེར་དུ་གཙང་པ་ཧན་ཞེས་གྲགས་པ་དང་ཇོ་ནང་པ་ཏཱ་ར་ན་ཐ་མཆོད་ཡོན་དུ་འབྲེལ། རབ་བྱུང་བཅུ་གཅིག་པའི་ལྕགས་རྟ་ལོར་གཙང་ལ་འཛུལ་བའི་ལ་དྭགས་ཀྱི་དམག་གཏོར། ཆུ་རྟ་ལོར་གུ་ཤྲཱི་བསྟན་འཛིན་ཆོས་རྒྱལ་གྱིས་བཀྲོངས། 1565 1618 1630 1630 |
| ཞིང་ས |
སོ་ནམ་གྱི་བྱ་བའི་ཡུལ་གྱི་ས་གཞི། |
| ཞིང་སྐལ |
ས་ཞིང་གི་སྐལ་བ། |
| ཞིང་སྐྱེས་མ |
ཡུལ་ཉེར་བཞིར་སྐྱེས་པའི་ཕོ་ཉ་མོའམ་སོ་སྐྱེའི་རྫོགས་རིམ་གྱི་རྣལ་འབྱོར་མ། |
| ཞིང་སྐྱོང |
ཡུལ་ཁམས་སམ་གནས་རི་སྐྱོང་མཁན་གྱི་སྲུང་མ། |
| ཞིང་སྡེ |
སོ་ནམ་པའི་སྡེ་ཚོའམ་གྲོང་ཚོ། |
| ཞིང་སྨན |
ཞིང་གའི་གནོད་འབུ་གསོད་བྱེད་སྨན་རིགས། |
| ཞིབ |
(རྒྱན་ཚིག) རགས་པ་དང་རྩིང་པོའི་ལྡོག་ཟླ་ཞིབ་པ། ས་ཁྲ་ཕྲ་ཞིང་ཞིབ་པ། གནས་ཚུལ་ཞིབ་མོ་ཞིག་བཤད། འགྲེམ་སྟོན་ལ་ཞིབ་མོར་བལྟས། སྙན་ཞུར་ཞིབ་ཏུ་ཉན། ཞིབ་ཚགས། རས་ཞིབ་ཚགས་ཅན་ཞེས་པ་ལྟ་བུ། |
| ཞིབ་ཁང་ལས་ཁུངས |
སྔར་བོད་ས་གནས་སྲིད་གཞུང་གི་ལས་ཁུངས་ཤིག་ལས་འགན་ནི་ལས་ཁུངས་ཁག་གིས་ལོ་རེའི་བྱུང་སོང་རྩིས་ཁྲ་ཕུལ་བ་རྣམས་འགྲིག་དང་མ་འགྲིག་ཞིབ་གཅོད་བྱེད་རྒྱུ་དེ་ཡིན། |
| ཞིབ་ཁུག |
རྩམ་ཁུག |
| ཞིབ་གཅོད |
1 ཡིན་མིན་གྱི་མཐའ་ཞིབ་ཏུ་གཅོད་པ། ཡང་དག་ཡིན་མིན་ཞིབ་གཅོད་བྱས་པ། 2 བརྟག་དཔྱད་ཞིབ་མོར་བྱས་ནས་ཐག་གཅོད་པ། གནས་ལུགས་ཞིབ་གཅོད། |
| ཞིབ་གཅོད |
ཞིབ་བཤེར་དང་འདྲ། |
| ཞིབ་གཟིགས |
རེ་རེ་བཞིན་བལྟ་བ། འཆར་གཞི་ཞིབ་གཟིགས་མཛད། ཕྱིའི་སྣང་ཚུལ་ལ་ཞིབ་གཟིགས་གནང་བ། |
| ཞིབ་ཆ |
1ཕྲ་ཞིང་ཞིབ་པའི་བྱ་སྤྱོད་ཀྱི་མིང་མི་ཞིབ་ཆ་ཅན། རི་མོ་འདི་བྲིས་པ་ཞིབ་ཆ་ཧ་ཅང་ཆེ་ལྟ་བུ། 2ཆ་ཤས་ཕྲ་མོའི་མིང་སྨན་པས་ནད་པའི་རྩ་ལ་བརྟགས་སྐབས་རྩ་འཕར་ཚུལ་ལ་ཞིབ་ཆ་ཕྱེ་ནས་བརྟག་དགོས་ལྟ་བུ། |
| ཞིབ་ཏིག |
ཕྲ་ཞིང་ཞིབ་པ། ལས་སྟངས་ཞིབ་ཏིག |
| ཞིབ་ཐལ |
ཐུག་པར་རྒྱག་རྒྱུའི་ཕྱེའམ་རྩམ་པ། |
| ཞིབ་དཔྱོད |
1དཔྱད་པ་ཕྲ་ཞིང་ཞིབ་པ་གཏོང་བའི་བྱ་སྤྱོད་ཀྱི་མིང་། 2ཁྲིམས་ཁང་སོགས་ལ་ཞུ་གཏུགས་བྱས་པའམ་བདམ་པོས་བདམས་པའི་ཉེས་པ་བདེན་མིན་ལ་ཞིབ་བཤེར་བྱེད་པའི་ཁྲིམས་ལུགས་ཀྱི་བྱ་བ་ཞིག་གི་མིང་། |
| ཞིབ་དཔྱོད་པ |
ལས་དོན་བཟང་ངན་དབྱེ་འབྱེད་མཁན། |
| ཞིབ་པ |
རགས་པའི་ལྡོག་ཟླ། ཕྱེ་མ་ཞིབ་པ། རྩམ་པ་ཞིབ་པ། རྩིང་ཞིབ་རན་པ། ཞིབ་ཞིབ་ཏུ་དབུར་བ། ཞིབ་མོར་གཏུབ་པ། བསམ་བློ་ཞིབ་པ། ཞིབ་ཏུ་དཔྱད་པ། |
| ཞིབ་ཕོར |
རྩམ་པ་བླུག་སྣོད་པར་བུ། |
| ཞིབ་ཕྲ |
ཞིབ་ཅིང་ཕྲ་བ། བཀོད་པ་ཞིབ་ཕྲ། ལྟ་རྟོག་ཞིབ་ཕྲ། |
| ཞིབ་བཤེར |
ཡང་དག་པ་དང་འགྲིག་པོ་ཡིན་མིན་བརྟགས་ཤིང་བསྡུར་བའི་བྱ་བའི་མིང་། |
| ཞིབ་བཤེར་འཁྲུན་གཅོད |
ཞིབ་ཏུ་རྩིས་བཤེར་གྱིས་ཐག་གཅོད། གྱོད་གཞིར་ཞིབ་བཤེར་འཁྲུན་གཅོད་བྱེད་པ། |
| ཞིབ་བཤེར་རྩིས་ལེན |
དངོས་པོ་ཞིབ་ཏུ་བཤེར་ནས་རྩིས་ལེན་པ། འཛུགས་སྐྲུན་ཟིན་མཚམས་ཞིབ་བཤེར་རྩིས་ལེན་བྱེད་པ། |
| ཞིབ་བསྡུར |
གྲོས་བསྡུར་ཞིབ་མོར་བྱེད་པ། |
| ཞིབ་མ |
སྨྱུག་མ་སོགས་ལས་བསླས་པའི་འབྲུ་རིགས་བཀྲབ་བྱེད་དམ་འཕྱར་བྱེད་ཀྱི་སྣོད་ཆས་ཤིག |
| ཞིབ་མོ |
ཞིབ་པ་དང་འདྲ། |
| ཞིབ་མོ་རྣམ་འཐག |
འཕགས་པ་ཀླུ་སྒྲུབ་ཀྱིས་མཛད་པའི་དབུ་མ་རིགས་ཚོགས་དྲུག་གི་ཡ་གྱལ་ཞིག་བདེན་དངོས་སྒྲུབ་པའི་རིགས་པ་འགོག་བྱེད་ཀྱི་བསྟན་བཅོས་ཤིག |
| ཞིབ་མྱུལ |
ཞིབ་རྩད་འཚོལ་མྱུལ། དགྲ་བོའི་གནས་ཚུལ་ལ་ཞིབ་མྱུལ་བྱས་པ། |
| ཞིབ་ཚགས |
རགས་ཙམ་མིན་པ་གཏན་གཏན་དུ་བྱེད་པ། བརྡ་དོན་ཞིབ་ཚགས་སུ་བཀྲོལ་བ། ལས་དོན་ཞིབ་ཚགས། བརྟག་དཔྱད་ཞིབ་ཚགས། |
| ཞིབ་འགྲེལ |
ཚིག་དོན་ཞིབ་ཚགས་སུ་བཀྲོལ་པའི་འགྲེལ་བཤད། |
| ཞིབ་འཇུག |
རྟོག་དཔྱོད་དམ་བརྟག་དཔྱད། ཞིབ་འཇུག་ནན་ཏན་བྱེད་པ། ལམ་ཡིག་ཞིབ་འཇུག |
| ཞིབ་འཇུག་བཟོ་བཅོས |
འཕྲུལ་འཁོར་རམ་ཁང་པ་སོགས་ལྟ་ཞིབ་བྱས་ནས་སྐྱོན་ཆ་བཅོས་པ། |
| ཞིབ་འཇུག་ཚད་ལེན |
ཞིབ་འཇུག་བྱས་ནས་ཐིག་ཚད་ལེན་པ། ལམ་གཞི་འཁེལ་ཕྱོགས་ལ་ཞིབ་འཇུག་ཚད་ལེན་བྱེད་པ། |
| ཞིབ་འཇུག་རྩད་གཅོད |
ཞིབ་རྩད་གཅོད་པ། གནད་དོན་བྱུང་རྐྱེན་གང་ཡིན་པ་ཞིབ་འཇུག་རྩད་གཅོད་བྱེད་པ། གཏེར་ཁའི་གཞི་རྒྱ་ཆེ་ཆུང་ལ་ཞིབ་འཇུག་རྩད་གཅོད་བྱེད་པ། གཏེར་ཁའི་གཞི་རྒྱ་ཆེ་ཆུང་ལ་ཞིབ་འཇུག་རྩད་གཅོད་ལེགས་པར་བྱེད་པ། |
| ཞིབ་འཇུག་རྩིས་ལེན |
ཞིབ་འཇུག་བྱས་ཏེ་རྩིས་ལེན་པ། ཐོན་རྫས་ཞིབ་འཇུག་རྩིས་ལེན་བྱེད་པ། |
| ཞིབ་འཐག |
ཕྱེ་མར་ཞིབ་ཏུ་འཐག་པ། སྨན་ཕྱེ་ཞིབ་འཐག |
| ཞིབ་འཐེམས |
ཞིབ་ཅིང་ཆ་ཚང་བ། དྲི་བ་ཞིབ་འཐེམས། ཟིན་བྲིས་ཞིབ་འཐེམས་སུ་འགོད་པ། |
| ཞིབ་འདྲོང |
ཞིབ་པ་དང་དྲང་པོ། གནས་ཚུལ་རྣམས་རྒྱུ་མཚན་ཞིབ་འདྲོང་བྱུང་མཚམས་ཐག་གཅོད་བྱས་ཆོག |
| ཞིབ་རྒྱས |
ཞིབ་ལ་ཆ་ལག་ཚང་བ། ཕྱག་བྲིས་ཞིབ་རྒྱས། འགྲེལ་པ་ཞིབ་རྒྱས། གནས་ལུགས་རྒྱུ་རྐྱེན་ཞིབ་རྒྱས་སུ་ཞུ་བ། |
| ཞིབ་རྡུང |
ཕྱེ་མར་རྫོག་པ། རྡོ་གཏུན་གྱི་ནང་དུ་སྨན་རྣམས་ཞིབ་རྡུང་བྱས་པ། |
| ཞིབ་རྩིང |
ཞིབ་མོ་དང་རྩིང་པོ། རྩམ་པ་ཞིབ་རྩིང་གཉིས་ལས་ཞིབ་པ་ཞིམ། |
| ཞིབ་རྩིས |
ཞིབ་ཕྲའི་རྩིས། ཞིབ་རྩིས་རྒྱག་པ། |
| ཞིབ་རྩོད |
དོགས་གནད་ཡོད་རིགས་ལ་ཕན་ཚུན་འདྲི་ཞིབ་ཟབ་གསལ་བྱེད་པ། |
| ཞིབ་ལྟ |
གཟབ་ནན་གྱིས་ལྟ་བ། འགོ་མཇུག་བར་གསུམ་དུ་ཞིབ་ལྟ་བྱས་པ། |
| ཞིབ་ལྷིང |
ཞིབ་ཆ་ཆེ་ཞིང་བརྟན་པ། བྱ་སྤྱོད་ཞིབ་ལྷིང༌། བླང་དོར་ཞིབ་ལྷིང༌། ལས་དོན་རྣམས་ཞིབ་ལྷིང་གི་སྒོ་ནས་སྒྲུབ་པ། |
| ཞིབ་ལྷུག |
ཕྲ་ཞིབ་སྦས་གསང་མེད་པ། འཕྲོས་མོལ་ཞིབ་ལྷུག་བྱེད་པ། འགྲེལ་བཤད་ཞིབ་ལྷུག གྲོས་བསྡུར་ཞིབ་ལྷུག |
| ཞིམ |
(རྒྱན་ཚིག) རོའམ་བྲོ་བ་ཁ་ལྕེ་ལ་འཕྲོད་པ་དང་དྲི་སྣ་ལ་འཕྲོད་པ་ཟས་ཞིམ་མངར་ཅན། རོ་ཞིམ་པ། ཧ་ཅང་ཞིམ་པའི་ཟས། ཟས་ཞིམ་པོ། དྲི་ཞིམ་པོ་ཞེས་པ་ལྟ་བུ། |
| ཞིམ་ཐིག |
ཞིམ་ཐིག་ལེ། |
| ཞིམ་ཐིག་དཀར་པོ |
སྔོ་སྨན་ཞིམ་ཐིག་ལེའི་རིགས་མེ་ཏོག་དཀར་པོ་འཆར་བ་ཞིག |
| ཞིམ་ཐིག་དམར་པོ་དམན་པ |
སྔོ་ཞིག |
| ཞིམ་ཐིག་ནག་པོ |
སྔོ་སྨན་ཞིམ་ཐིག་ལེ་མེ་ཏོག་ནག་པོ་འཆར་བ་ཞིག |
| ཞིམ་ཐིག་ལེ |
སྔོ་སྨན་གྱི་རིགས་ཤིག་ནང་གསེས་སུ་དབྱེ་ན་རིགས་དྲུག་ཙམ་མཆིས། རོ་མངར། ཞུ་རྗེས་སྙོམས། ནུས་པས་མིག་ལ་ལིང་ཐོག་སྐྱེས་པ་དང་དམར་ཚག་སོགས་ལ་ཕན། |
| ཞིམ་དགུ |
ཟས་ཞིམ་པོ་ཡོད་ཚད། |
| ཞིམ་པ |
ཞིམ་པོ་དང་འདྲ། |
| ཞིམ་པོ |
རོ་ལེགས་ཤིང་དྲི་བཟང་བ། བྲོ་བ་ཞིམ་པོ། དྲི་མ་ཞིམ་པོ། ཟས་ཞིམ་པོ། ཆང་ཞིམ་པོ། གཏམ་སྙན་ན་ཉན་མི་མང༌། ཟས་ཞིམ་ན་ཟ་མི་མང༌། ཞིམ་པོའི་ཆང་དེ་མང་ན་དུག |
| ཞིམ་བུ |
ཡུལ བྱི་ལའམ་ཞུམ་བུ། |
| ཞིམ་ཞིམ་མངར་མངར |
ཞིམ་མངར་གྱི་ཟས་ཅི་རིགས་པ་དེ་རྣམས། |
| ཞིམ་ལྟོ |
ཟས་ཞིམ་པོ། |
| ཞིམ་ཤིང |
ལྕུམ་རྩ། |
| ཞིམ་ཤིང |
ལྕུམ་རྩའི་མིང་གཞན། |
| ཞིལ |
བྱིལ་གྱི་འབྲི་ཚུལ་གཞན། |
| ཞུ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ) གོང་རིམ་ལ་རེ་འདུན་སོགས་བཤད་པའི་དོན་ཏེ། གནང་བ་ཞུ། གནས་ཚུལ་ཞུ། ཞུ་འབུལ། ཞུ་ཡིག ཕེབས་པར་ཞུ། སློབ་ཁྲིད་གནང་རོགས་ཞུ་ལྟ་བུ། 2.ཞྭ་མོ། ཐང་ཞུ། ཝ་ཞུ། པད་ཞུ།..3.(བྱེད་མེད་ལས་ཚིག་འདས་པ)སྲ་འཐས་ཀྱི་རྣམ་པ་ལས་གཤེར་བའི་རྣམ་པར་གྱུར་པ་ཟས་མ་ཞུ་བ། མ་ཞུ་བའི་མར། ཟས་ཞུ་རྗེས་སྨན་བསྟེན་ལྟ་བུ། 4.ཞུ་བ་ཡི་ཚིག་བསྡུས་པ། བཞུ་ཡི་སྐུལ་ཚིག་ལ་ཞུ་འབྲི་བའང་ཡོད། 5.བོད་ཀྱི་རུས་ཤིག |
| ཞུ་ཁྲ |
ཁ་མཆུའི་སྐོར་ཡར་ཕུལ་ཞུ་བ་དང༌། མར་གནང་ཁྲ་མའི་བསྡུས་མིང༌། |
| ཞུ་གཏུ |
1རྒྱལ་ཁབ་ཀྱི་ལས་ཁུངས་དང་ཁྲིམས་ཀྱི་ལས་ཁུངས་ལ་ནག་ཉེས་ཀྱི་གནས་ཚུལ་སོགས་ཞུ་བའི་དོན་ཏེ། ཉེས་ཅན་ཁྲིམས་ཁང་ལ་ཞུ་གཏུག་བྱས་ལྟ་བུ། 2དངོས་སུ་ངོ་ཐུག་ནས་ཞུ་བ་བྱས་པའི་དོན། དཔེ་ཆ་དང་རྩོམ་སོགས་དག་བཅོས་བྱེད་པ་དཔེ་ཆ་འདི་ཉིས་ཞུ་བྱས། པར་ཡིག་འདི་ཞུས་ནས་མ་དག་པ་དག་པར་བྱས། སྐྱ་ཞུ་ཐེངས་གཅིག་དང་དམར་ཞུ་ཐེངས་གཅིག་བྱས་ལྟ་བུ། |
| ཞུ་གསོལ |
1 ཞུ་དོན། སྐབས་བབས་ཞུ་གསོལ། 2 རེ་དོན་རྗོད་པ། ཡང་ཡང་ཞུ་གསོལ། ཞུ་གསོལ་ནན་ཏན་འདེབས་པ། |
| ཞུ་གླེང |
ངག་ཐོག་ནས་ཞུ་ཚིག་འབུལ་བ། |
| ཞུ་ངོ |
ཞུས་ངོ་དང་འདྲ། |
| ཞུ་ངོ་བྱེད་པ |
དོན་དག་ཞུ་བ་ལ་ངོ་ཆེན་གྱི་གྲོགས་བྱེད་པ། |
| ཞུ་ངོ་མགྲོན་བརྒྱུད |
རེ་དོན་མགྲོན་གཉེར་བརྒྱུད་ནས་ཞུ་བ། |
| ཞུ་ཆག |
ཞུ་བ་འཐེན་རྒྱུ་དང་ཆག་གཏོང་རྒྱུ། དོ་བདག་གཉིས་ཀ་ཁ་འཆམས་ནས་ཞིང་ཁང་ནོར་གསུམ་ཤོའི་རྒྱལ་དུ་བཙུགས། ཞུ་ཆག་མེད་པར་འབའ་ཡི་གེས་བསྡམས། |
| ཞུ་ཆས |
ཞུ་རྟེན་དངུལ་དངོས། |
| ཞུ་ཆེན |
ཞུ་དག་གཏོང་མཁན་གཙོ་བོ། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། |
| ཞུ་དག |
ཡི་གེའི་ཚིག་དོན་མ་དག་པ་རྣམས་དག་པར་བྱེད་པའི་ལས་དོན། ཡི་གེར་ནོར་འཁྲུལ་ཡོད་མེད་ཞུ་དག་གནང་བ། རྩོམ་ཡིག་མ་ཕྱི་ལ་ཞུ་དག་ཞིབ་ཚགས་བཏང་བ། |
| ཞུ་དོན |
བརྗོད་བྱའི་དོན་སྙིང༌། རེ་བ་ཞུ་དོན། དྲི་བ་ཞུ་དོན། སྙན་སེང་ཞུ་དོན། ཞུ་དོན་གསོལ་བ། ཞུ་དོན་ལྟར་བཀའ་འཁྲོལ། |
| ཞུ་ཕོད་ཆེ་བ |
རང་འདོད་ཞུ་བར་སྤོབས་པ་ཆེ་བའམ་ཧམ་ཤུགས་ཆེ་བ། |
| ཞུ་བ |
1.ཐ་དད་པ ཞུས་པ། ཞུ་བ། ཞུས།། 1 རེ་འདུན་རྗོད་པ། ཞུ་བདེ་མ་བྱུང་བ། རེ་བ་ཞུ་བ། གནས་ཚུལ་ཞུ་བ། འཚམས་འདྲི་ཞུ་བ། 2 བླུག་པ་དང༌། ལེན་པ། བྱེད་པ་སོགས་ཀྱི་ཞེ་ས། གསོལ་ཇ་ཞུས། མཆོད་ཆང་ཞུས་པ། ཞབས་འདེགས་ཞུ་བ། ངས་རོགས་རམ་ཞུས་ཆོག བསྟོད་བསྔགས་ཞུ་བ་པོ། 2.ཐ་མི་དད་པ 1 མར་སོགས་གོང་བུ་རང་བཞིན་དུ་ཁུ་བའི་རྣམ་པར་གྱུར་པ། ཚྭ་རྣམས་ཆུའི་ནང་དུ་ཞུ་རྒྱུ་ལས་སྣུམ་གྱི་ནང་དུ་ཞུ་དོགས་མེད། ཉི་མ་ཤར་བ་དང་བ་མོ་ཞུ་བ། མར་ཞུ་བ། འོད་དུ་ཞུ་བ། 2 ཐ་མི་དད་པར་འཇུག་པའི་འཇུ་བའི་འདས་པ། 3.སྙན་ཞུ། ཞུ་བ་འབུལ་བ། ཞུ་བ་གསོལ་བ། |
| ཞུ་བ་སློང་འབེབས |
གྱོད་དོན་བར་འདུམ་པས་ཁ་མཆུ་རྒྱག་མཁན་ཕྱོགས་གཉིས་ཀྱི་སྔར་ཕུལ་སྙན་ཞུ་མར་གནང་རོགས་ཞུ་བ། |
| ཞུ་བཞེས་བདེན་རྫུན་གྱི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས། ཁྲིམས་འགལ་སུ་བྱུང་གི་ཉེས་ཅན་སོ་སོའི་ས་ནས་ཞུ་ཚིག་བླངས་ཏེ་བདེན་རྫུན་དག་བཤེར་གཏོང་བའི་ཁྲིམས། |
| ཞུ་བའི་ཁམས |
1 ཞུ་བའི་ཁུ་བ། 2 ལུས་ཀྱི་ཁམས་ཀར་པོའམ་ཐིག་ལེ། |
| ཞུ་བཤེར |
གྱོད་ཡ་ཕན་ཚུན་གྱི་ཞུ་ཚིག་བདེན་རྫུན་ཞིབ་བཤེར། |
| ཞུ་བྱེད་ཀྱི་སྨན |
ཟས་འཇུ་བྱེ་ཀྱི་སྨན། |
| ཞུ་མཁན |
1 དོན་གནད་གང་རུང་ཡར་ཞུ་མཁན་ནམ་ལབ་མཁན། ཞུ་མཁན་གྱིས་ཞུ་མ་ཤེས་ཀྱང༌། གསན་མཁན་གྱིས་གསན་ཤེས་པ་དགོས། 2 ཤིང་སྨན་གྱི་རིགས་ཤིག་རོ་ཁ། ཞུ་རྗེས་སྙོམས། ནུས་པས་གློ་ཚད་དང༌། མཁལ་ཚད། འགྲམས་ཚད་བཅས་ལ་ཕན། མིང་གི་རྣམ་གྲངས་ལ་དམར་པོ་ལེན་པའོ། |
| ཞུ་མཆིད |
འཕྲིན་ཡིག་གམ་གླེང་མོའི་གཏམ། |
| ཞུ་མར |
སྒྲོན་མེ། |
| ཞུ་འདེགས |
ཡི་གེ་དང་ཉམ་དུ་བསྐུར་བའི་རྟེན། ཞུ་འདེགས་ལྷ་རེག་བཅས་ཟླ་ཚེ་བཟང་པོར་ཕུལ། |
| ཞུ་འཕྲིན |
འཕྲིན་ཡིག་གི་ཞེ་ས། |
| ཞུ་འབུལ |
1 སྙན་སེང་འབུལ་བ། 2 ཞུ་བ་འཐེན་པ། |
| ཞུ་འབོད |
ཞུ་ཡུལ་གྱི་མཚན་བོས་ནས་བདེ་སྡུག་ཞུ་བ། ཞུ་འབོད་མཛེས་མཚོན་འབོར་བ། |
| ཞུ་འབོད་པ |
ཁ་མཆུའི་ཞུ་ཚིག་འབུལ་མི། |
| ཞུ་ཡིག |
འཕྲིན་ཡིག་གི་ཞེ་ས། ཞུ་ཡིག་ཕུལ་དོན། |
| ཞུ་ཡིག་གི་ཆིངས |
ཞུ་ཡིག་གི་དཀྲིས་ཤོག |
| ཞུ་ཡིག་ཆེ་ཐང་མ |
ཞུ་ཡིག་དོན་གནད་ཆེ་བ། |
| ཞུ་ཡིག་དཀྱུས་མ |
སྤྱིར་བཏང་གི་ཞུ་ཡིག |
| ཞུ་ཡིག་མགོ་མཆན |
ཞུ་ཡིག་གི་མགོ་ཤོག་ཏུ་བྲིས་པའི་ལན་དམ་འབྱར། |
| ཞུ་རལ |
གོས་ཀྱི་མཐའ་རལ་བ། |
| ཞུ་རུ་མཚོ |
ཚྭ་མཚོ་ཞིག་བོད་རང་སྐྱོང་ལྗོངས་ཀྱི་ངམ་རིང་རྫོང་གི་བྱང་རྒྱུད་དུ་ཡོད། |
| ཞུ་རྒྱ |
ཞུ་ཡིག་དམ་འབྱར་མ། |
| ཞུ་རྗེས |
1 སྨན་ཟོས་པ་ལས་བྱུང་བའི་ནུས་སྟོབས། 2 ཟས་འཇུ་བའི་རྗེས། |
| ཞུ་རྗེས་ན |
ཁ་ཟས་ཞུ་བའི་རྗེས་སུ་ནད་ལྡང་བའི་རླུང་གི་ནད་ཀྱི་རྟགས་ཤིག |
| ཞུ་རྙོག་ཀ་ཀོར |
ཞུ་དོན་འཛིང་རྙོག་མང་པོ། |
| ཞུ་རྟེན |
སྐྱབས་འཇུག་ཞུ་བྱེད་ཀྱི་འབུལ་རྟེན། |
| ཞུ་ལན |
1 ཡིག་ལན་དང༌། གཏམ་ལན། 2 གྱོད་ཡས་གྱོད་ཡ་ལ་སྨྲས་པའི་ལན། |
| ཞུ་ལུབ |
རྙིང བར་མཚམས་མེད་པ་དང༌། ཁྱབ་པ། |
| ཞུ་ལེན་པ |
ངག་ཐོག་དང་ཡིག་ཐོག་གང་རུང་གི་སྒོ་ནས་ཞུ་བ་ལེན་མཁན། |
| ཞུ་ལོག |
1 དབྱེན་སྦྱོར་གྱི་ཞུ་བ་རྫུན་མ། 2 ཞུ་ཚུལ་ནོར་བ། |
| ཞུ་ལྡེབ |
ཞུ་ཡིག་དངོས་གཞི་མིན་པའི་ཞུར་ཤོག |
| ཞུ་ཤོག |
ཡི་གེར་བཀོད་པའི་ཞུ་བ། |
| ཞུ་སྣ |
1 དོན་དག་ཞུ་བའི་མགོ་འདྲེན་པའམ་སྣེ་འཁྲིད་མཁན། 2 ཞུ་ཡིག་སོགས་ལ་མིང་ཐོག་མར་འགོད་མཁན་ནམ། དོན་གནད་ཞུ་མཁན་གྱི་གཙོ་བོ། |
| ཞུ་སྦྱོར་ཕྱི་མ |
ཁྲིམས་སར་ཞུ་གཏུག་བྱེད་མཁན་རྗེས་མ། |
| ཞུ་སྦྱོར་སྔ་མ |
ཁྲིམས་སར་ཞུ་གཏུག་བྱེད་མཁན་སྔོན་མ། |
| ཞུ་སློག |
ཞུས་དོན་བདག་སྤྲོད་མ་བྱས་པར་སྙན་ཞུ་ཕྱིར་སློག་པ། |
| ཞུ་ཧམ |
1 ཧམ་པ་ཆེ་བའི་ཞུ་བ། 2 རྫུན་ཞུ། |
| ཞུགས |
1.ཐ་མི་དད་པར་འཇུག་པའི་འཇུག་པའི་སྐུལ་ཚིག 2.མེའི་ཞེ་ས། སྐུ་གདུང་ཞུགས་ལ་བཞུས་པ། 3.མེ་དང་འབྲེལ་གནས་ཡོད་པའི་དངོས་པོའི་མིང་གི་སྔོན་དུ་སྦྱར་ནས་ཞེ་ཚིག་སྒྲུབ་པའི་ཚིག་གྲོགས་ཤིག ཞུགས་མེ། ཞུགས་ཉི། ཞུགས་ཤིང༌། ཞུགས་སླང༌། |
| ཞུགས་ཀྱི་དུམ་བུ |
མངོན མེ་སྟག |
| ཞུགས་ཀྱི་ཤིང |
མངོན སྦྱིན་སྲེག་གི་ཡམ་ཤིང༌། |
| ཞུགས་གནས་བརྒྱད |
དགེ་སྦྱོང་གི་འབྲས་བུ་བཞི་པོ་རེ་རེ་ལ་ཞུགས་གནས་གཉིས་སུ་ཕྱེ་བས་བརྒྱད་དེ། ཞུགས་པ་བཞི་དང༌། གནས་པ་བཞི་སྟེ་བརྒྱད་དོ། |
| ཞུགས་ཏོག |
མངོན མེ་ཏོག་གི་མིང༌། |
| ཞུགས་པ |
1.ཐ་མི་དད་པར་འཇུག་པའི་འཇུག་པའི་འདས་པ། 2. ཉན་ཐོས་ཀྱི་འབྲས་བུ། |
| ཞུགས་པ་བཞི |
ཞུགས་གནས་བརྒྱད་ཀྱི་ནང་གསེས། དགེ་སྦྱོང་གི་འབྲས་བུ་ལ་ཞུགས་པ་བཞི་རྒྱུན་ཞུགས་ཞུགས་པ་དང༌། ཕྱིར་འོང་ཞུགས་པ་དང༌། ཕྱིས་མི་འོང་ཞུགས་པ་དང༌། དགྲ་བཅོམ་ཞུགས་པ་རྣམས་སོ། |
| ཞུགས་མར |
མར་མེའམ་སྒྲོན་མེ། |
| ཞུགས་མེ |
མེ། |
| ཞུགས་འབུལ |
མེ་ནང་དུ་སྲེག་པ། སྐུ་གདུང་ཞུགས་འབུལ། སྐུ་པུར་ཞུགས་འབུལ། |
| ཞུགས་ལམ |
འགྲོ་བའི་ལམ། |
| ཞུགས་ལིང |
རྙིང མེ་འཇིག་སའི་གྱོ་མོ་སོགས་ཀྱི་སྣོད། |
| ཞུགས་ཤིང |
མེ་ཤིང༌། |
| ཞུགས་སླང |
མེ་སྣོད་དེ་རྒྱ་སྐད་དུ་ཧོ་ཕིན་ཞེས་པ་དང་དོན་གཅིག འདི་ལ་ཞུགས་ལིང་འབྲི་བའང་ཡོད། ０འཇུག་གི་འདས་པ་དང་སྐུལ་ཚིག |
| ཞུང་ཟུང |
གྲངས་གནས་ཤིག |
| ཞུད |
(བྱེད་མེད་ལས་ཚིག) རིད་པའམ་ཆུང་ངུར་གྱུར་པ་ལུས་ཀྱི་ཤ་ཞུད། སྐྲངས་ཞུད་ལྟ་བུ། (རྒྱན་ཚིག) ཐུར་དུ་འཕྱང་བ་ལྭ་རིང་ཞུད་ཞུད་བྱས་ནས་གྱོན་ལྟ་བུ། |
| ཞུད་ཐག |
གོང་ནས་འོག་ཏུ་དཔྱང་བའི་ཐག་པ། |
| ཞུད་པ |
1.ཐ་མི་དད་པ 1 ཐུར་དུ་དཔྱང་བ་དང༌། མར་གུག་པ། མགོ་བོ་ཞུད་པ། གཞུག་གུ་ཞུད་ཞུད་ཞུམ་ཞུམ་བྱས་ནས་བྲོས་པ། སྲང་མདའ་དགྱེད་ཞུད་མེད་པ། ལམ་ཕྲན་རི་རྩའི་བར་དུ་ཞུད་པ། 2 ཉམས་པ་དང༌། རྒུད་པ། སྟོབས་ཤུགས་ཞུད་པ། ལུགས་རྙིང་རྩ་མེད་དུ་ཞུད་པ། ཁྱིམ་ཚི་ཞུད་པ། 2.ཡུལ གཅུ་བ་དང༌། སྒྲིམ་པ། སྲིང་སྐུད་ཞུད་པ། བལ་སྐུད་ཞུད་པ། |
| ཞུད་མ |
སྣམ་བུའི་གྲས་ཤིག་སྣམ་བུ་སྤུ་ཕྲུག་ལེགས་གྲས་ཤིག |
| ཞུད་འཁལ |
སྐུད་ཐག་སྒྲིམ་པ། རྒྱུ་སྐུད་ཞུད་འཁལ། རེ་ལྡེ་འཐག་བྱེད་ཀྱི་རྒྱུ་སྤུན་ཞུད་འཁལ་བྱེད་པ། |
| ཞུད་འོག |
སྣམ་བུའི་གྲས་ཤིག་སྣམ་བུ་འབྲིང་ཙམ། |
| ཞུན |
བཞུ་སྦྱང་བྱས་པའི་སྙིང་བོའི་དངོས་རྫས་ཀྱི་མིང་ཞུན་མར། གསེར་ཞུན། གསེར་ཞུན་མ་ཞེས་པ་ལྟ་བུ། |
| ཞུན་གཟུང |
གྲངས་གནས་ཤིག |
| ཞུན་ཐར |
1 བརྡར་ཤ་དང་བཞུས་ནས་སྦྱང་བརྡུང་བྱེད་པའི་མིང༌། ལྕགས་ཞུན་ཐར་བཅད་པ་སྤུས་ལེགས། བསྲེགས་བཅད་བརྡར་གསུམ་གྱིས་ཞུན་ཐར་བྱེད་པ། 2 བརྟག་དཔྱད། |
| ཞུན་ཐར་ཆོད་པ |
1 ཐེ་ཚོམ་ཆོད་པ། 2 ལྕགས་རིགས་བཞུས་ནས་བརྡུང་ཐར་བྱས་ཟིན་པ། |
| ཞུན་ཐིག |
རྩྭ་སྨན་རིགས་ཤིག་གི་མིང་ཞུན་ཐིག་དཀར་དམར་སྔོ་སོགས་རིགས་མང་བོ་ཡོད། |
| ཞུན་ཐིགས |
1 བཞུས་ནས་བྱུང་བའི་ཐིགས་པ། སྨྱུག་མའི་ཞུན་ཐིགས། ལྕགས་ཀྱི་ཞུན་ཐིགས། སྐུ་གདུང་གི་ཞུན་ཐིགས། 2 སྙིང་པོའི་ཡང་སྙིང༌། མན་ངག་གི་ཞུན་ཐིགས། ཡེ་ཤེས་ཀྱི་ཞུན་ཐིགས། |
| ཞུན་མ |
མེར་བསྲེགས་ནས་བཞུས་པའི་ཁུ་བ། གསེར་ཞུན་མ། དངུལ་ཞུན་མ། མར་ཞུན། |
| ཞུན་མར |
1 བ་འབྲི་སོགས་ལས་བྱུང་བའི་རྩི་མར་བཞུ་མེར་བསྐོལ་ནས་བཙག་བཅད་ཅིང་སྤུ་སྙིགས་ཕྱུང་བ་ཞིག 2 མར་སྣུམ་སོགས་ལས་སྤར་བའི་སྣང་གསལ། ཞུན་མར་གསོད་པ། |
| ཞུབ |
གོ་ཁྲབ་ཀྱི་བརྡ་རྙིང་། |
| ཞུབ་ཅན |
རྙིང གོ་ཆ་གྱོན་པའི་མི། |
| ཞུབ་པ |
རྙིང གོ་ཁྲབ་བམ་ལྕགས་གོས། |
| ཞུམ |
(རྒྱན་ཚིག) དཔའ་ངར་གྱི་ལྡོག་ཟླ་འཇིགས་ཤིང་ཞུམ། ཞུམ་ཞུམ་པོར་གནས། ཞུམ་སྐད་ཤོར་ལྟ་བུ། (བྱེད་མེད་ལས་ཚིག) ངུ་བའི་ཞེ་ས་ཁོང་ཞུམ་ནས་སྤྱན་ཆབ་བསིལ་ལྟ་བུ། འདི་ལ་ཤུམ་འབྲི་བའང་ཡོད། |
| ཞུམ་པ |
1.ཐ་མི་དད་པ དཔའ་འཁུམས་པའམ། སྤོབས་པ་ཉམས་པ། དཀའ་ལས་ལ་ཡིད་མ་ཞུམ་ཞིག རང་འགན་ལེན་པར་ཞུམ་པ། 2 1 འཇིགས་སྐྲག སེམས་ལ་ཞུམ་པ་རྩ་ནས་མེད། ཞུམ་པ་མི་མངའ་བ། ཞུམ་མེད་མདུན་སྐྱོད། ཞུམ་བཅས་རྩོལ་བ་དོར་བ་ལ། ཕོངས་ལས་ཐར་བ་ཡོད་དམ་ཅི། 2 བྱིང་བ། ཞུམ་པ་སེལ་བར་སེམས་གཏོད་པ། ཞུམ་རྒོད་གཉིས་བྲལ། ཞུམ་པའི་རྣམ་པ། |
| ཞུམ་བུ |
བྱི་ལའམ་ཞི་མི། མིང་གི་རྣམ་གྲངས་ལ་ཁྲུས་མཁན་དང༌། གྲོང་གི་སྤྲེའུ། རྣམ་གྲོལ་མིག་བྱི་ཟ། འབར་བའི་མིག་ལུས་བསྐུམ། བཤང་བ་སྦེད་བཅས་སོ། |
| ཞུམ་མཚེར |
མཚེར་སྣང༌། |
| ཞུམ་ཞུམ |
1 ཞི་མིས་བྱིའུ་དང༌། ཙི་ཙི་འཛིན་པར་འགྲོ་ཚུལ། འཇབས་ཏེ་ཞུམ་ཞུམ་དུ་འགྲོ་བ། 2 འཇིགས་སྐྲག་སྐྱེས་པའི་ཚུལ། ཁ་འཚེར་འཚེར་སྒྱིད་མ་ཞུམ་ཞུམ། |
| ཞུམ་རྒོད་ཀྱི་སྒྲིབ་པ |
ཏིང་ངེ་འཛིན་གྱི་སྐྱོན་ལྔའི་ནང་གསེས་ཤིག་སྟེ་སེམས་འཕང་དམའ་བའི་རྣམ་པ་ཅན་དང་སེམས་རྣམ་པར་གཡེང་བའི་སྒྲིབ་པའོ། |
| ཞུམ་རྟགས |
སེམས་ཤུགས་འཁུམས་པའི་རྣམ་འགྱུར། དགྲ་དང་ཐུག་དུས་ཞུམ་རྟགས་སྟོན་མི་རུང༌། |
| ཞུམ་སྐད |
དངངས་སྐྲག་གིས་གློ་བུར་དབང་མེད་དུ་ཤོར་བའི་སྐད། |
| ཞུར |
ཡུལ ཕྱོགས་གཞན་དུ་མ་ཡོ་བའི་སྲོང་པོའམ་འདྲོང་པོ། རྒྱུག་རྟ་ཞུར་གྱིས་འགྲོ་བ། |
| ཞུར་བོ |
མགོའི་ལྟག་པ་ནས་སྨིན་མའི་དཀྱིལ་བར་ཞེང་སེར་བཞི་ཙམ་གྱི་གནས་ཀྱི་མིང་ལྟག་པ་སྨིན་དཀྱིལ་སོར་བཞི་ཞུར་བོ་སྒང་། རྟ་དཀར་ཞུར་ཅན་ཞེས་པ་ལྟ་བུ། |
| ཞུལ་བ |
ཡུལ 1 བྱུལ་བ། སྐྲ་ཞུལ་བ། སྨ་ར་ཞུལ་བ། 2 ཉུང་བའམ། མར་ཆག་པ། འབོར་ཚད་ཞུལ་བ། གཙང་ཆུ་ཅུང་ཟད་ཞུལ་བ། |
| ཞུལ་ཞུལ |
བྱུལ་བྱུལ། མགོ་བོ་ལ་ཞུལ་ཞུལ་བྱེད་པ། |
| ཞུས |
འདས་པ་དང་སྐུལ་ཚིག་གནང་བ་ཞུས་ནས་གནང་བ་བྱིན། གནས་ཚུལ་ཞུས་ཏེ་བརྟག་དཔྱད་བྱས་ལྟ་བུ། 2.སྐུལ་ཚིག་གཏེར་རྡོ་ཞུས་ཤིག་ལྟ་བུ། |
| ཞུས་ངོ |
དོན་གནད་ཞུས་པའི་ངོ་སོ། ཞུས་ངོ་གཏོང་བ། ཇི་ཙམ་ཞུས་ཀྱང་ཞུས་ངོ་མི་འདུག |
| ཞུས་ཆེན་ལོ་ཙཱ་བ |
1 གཞུང་སྒྱུར་མཁན་གྱི་ལོ་ཙཱ་བ། 2 གཞུང་སྒྱུར་ཚར་བའི་དཔེ་ཆ་ལ་ཞུས་དག་གཏོང་མཁན་ལོ་ཙཱ་བ། |
| ཞུས་དག |
ཞུ་དག་དང་འདྲ། |
| ཞུས་དག་གཏན་འབེབས |
ཞིབ་འཇུག་བྱས་ནས་གཏན་འཁེལ་བཟོ་བ། |
| ཞུས་པ |
ཞུ་བའི་འདས་པ། |
| ཞུས་འཁྲོལ |
ཡར་ཞུས་ནས་མར་བཀའ་འཁྲོལ་བ། ད་རེས་ང་གཞིས་སྐོར་ལ་དགོངས་པ་ཞུས་འཁྲོལ་བྱུང་སོང༌། |
| ཞེ |
1 1 བློ་སེམས། ཞེ་ནས་འཁུ་བ། ཞེ་གཏིང་ན་དགའ་བ། ཞེ་ལ་འབྱོར་བ། ཞག་ཚིལ་ལ་ཞེ་ལོག་པ། གཞན་གྱི་ཞེ་གནོན་པ། 2 རིགས། ལས་རིགས་ཞེ་མཚུངས་པ། སེང་གེ་དང་སྟག་གཟིག་ཞུམ་བུ་ཚང་མ་ཤ་ཟ་གཅན་གཟན་ཞེ་གཅིག་ཡིན། 2.གྲངས་ཀ་བཞི་བཅུ་དང་དེའི་གཅིག་གནས་བར་མཚམས་སྦྱོར་བྱེད་པའི་ཚིག་གྲོགས་ཤིག བཞི་བཅུ་ཞེ་ལྔ། ཞེ་དགུ། |
| ཞེ་ཁམས་པ |
རྙིང ཁོང་ཁྲོ་བ། |
| ཞེ་ཁྲེལ |
1 གཏིང་ནས་མི་དགའ་བ་སྐྱེས་པ། 2 སྐྱོན་མཐོང་ནས་ཞེན་པ་ལོག་པ། 3 སྐྱོན་མཐོང་ནས་བློ་མི་བདེ་བ་བྱེད་པ། |
| ཞེ་གཅིག |
1 རིགས་མཐུན་ནམ་ཤ་སྟག ནད་པ་ཞེ་གཅིག མི་རྒན་པ་ཞེ་གཅིག ཁོ་ཚོ་ཧུར་བརྩོན་ཆེན་པོ་ཞེ་གཅིག་རེད། 2 བཞི་བཅུ་ཞེ་གཅིག |
| ཞེ་གཅོད་པ |
སེམས་རྒྱུད་དཀྲུག་པ། འཕྲིན་ངན་ཐོས་པས་ཞེ་གཅོད་པ། |
| ཞེ་གཅོད་པའི་ཚིག |
རྙིང ཚིག་རྩུབ། |
| ཞེ་གནག་ཁོག་བཅངས |
གཞན་ལ་གནོད་པ་བྱེད་རྒྱུ་སེམས་ལ་བཞག་པ། |
| ཞེ་གནོང་བ |
རང་སྐྱོན་མཐོང་ནས་གཞན་ལ་ངོ་ཚ་བ། |
| ཞེ་གཙང་བ |
བསམ་པ་དཀར་པོ། མི་འདི་ཁ་ངན་ཡང་ཞེ་གཙང་བ་ཞིག་རེད། |
| ཞེ་གྱོང |
སེམས་གྱོང་པོ། |
| ཞེ་ངན |
བསམ་པ་གནག་པའམ་ནག་པོ། ཞེ་ངན་དུག་ཆུ་ཁོལ་མ། |
| ཞེ་ཐག་པ |
སེམས་ཀྱི་གཏིང་ངམ་བསམ་པའི་རྩ་བ། ཞེ་ཐག་སྙན་ཞུ། ད་ནས་བཟུང་བྱ་བ་ངན་པ་མི་བྱེད་རྒྱུ་ཞེ་ཐག་པ་ནས་ཁས་ལེན་ཞུས་པ་ཡིན། |
| ཞེ་དགུ་རྫོགས་པ |
མི་ཤི་ནས་ཉིན་ཞག་བདུན་བདུན་བཞི་བཅུ་ཞེ་དགུ་ཚང་བ། |
| ཞེ་དྲག |
ལྷ་སའི་ཁ་སྐད་དེ་ཧ་ཅང་ངམ་ཤིན་ཏུ་དང་དོན་འདྲ། |
| ཞེ་ན |
ང་ན་མ་འ་ར་ལ་དང་མཐའ་མེད་བཅས་ཀྱི་རྗེས་སུ་སྦྱར་རྒྱུ་ཟེར་ན་དང་དོན་གཅིག་པའི་ཕྲད་གཞན་དབང་ཅན་ཞིག ང་ན་མ་འ་ར་ལ སྒྲ་རྟག་པ་ཡིན་ནོ་ཞེ་ན། དེ་ཅིའི་ཕྱིར་ཞེ་ན། |
| ཞེ་ནད |
འཁོན་འཛིན་དམ་པོ། ཁོ་དང་ང་གཉིས་བར་ལ་ཞེ་ནད་གཏན་ནས་མེད། |
| ཞེ་བཀོན་པ |
ཁོང་ནས་ཁྲོས་པ། སྔར་མྱོང་མུན་ནག་སྡུག་སྦྱོང་གི་སྣང་ཚུལ་དྲན་ཏེ་སྤྱི་ཚོགས་རྙིང་པར་ལྷག་པར་དུ་ཞེ་བཀོན་པ། |
| ཞེ་བཅད་དྲག་པོ |
སེམས་ཐག་བཅད་པའམ་དམ་བཅའ་བརྟན་པོ། དགྲ་བོ་རྩ་མེད་གཏོང་རྒྱུའི་ཞེ་བཅད་དྲག་པོ་བཞག་པ། |
| ཞེ་བཞག |
1 ཡིད་འཇོག 2 འཁོན་འཛིན། |
| ཞེ་བརྩོན |
སྙིང་ཐག་པ་ནས་བརྩོན་པ། རྒྱུན་དུ་ཞེ་བརྩོན་ལྷོད་མེད་བྱས་ན་བྱ་བ་གང་ཡང་འགྲུབ་ཐུབ། |
| ཞེ་བསམ་རྙེད་པ |
བསམ་བློ་འཁོར་ཤེས་པ། ཞེ་བསམ་མ་རྙེད་པའི་བྱིས་པས་གང་ཡང་མི་ཤེས། |
| ཞེ་བསྔགས |
རྙིང ཡིད་སྨོན། |
| ཞེ་བློ་བདེ་བ |
བསམ་པ་སྐྱིད་པོ། ཞེ་བློ་བདེ་ཞིང་སེམས་ཁྲལ་མེད་པ། |
| ཞེ་མཐུན |
བསམ་པ་མཐུན་པ། ཞེ་མཐུན་པའི་མི་ལ་སྙིང་གཏམ་བཤད། |
| ཞེ་མནའ |
ཡིད་ཀྱི་མནའ་གཏིང་ནས་དམ་བཅའ་བའི་མནའ་ཚིག ཞེ་མནའ་སྐྱེལ་བ། |
| ཞེ་མཚེར |
སེམས་མཚེར། |
| ཞེ་མེར |
སྐྱུག་ལོག་ལྡང་བ། ལྟོ་ཆས་མ་ཞུ་བས་ཞེ་མེར་རྒྱག་པ། ཞེ་མེར་ལངས་པ། |
| ཞེ་ཚིག |
ཞེ་སའི་ཚིག |
| ཞེ་ཚིམ |
གཏིང་ནས་ཡིད་དགའ་བའམ་མགུ་བ། འདོད་དོན་ལེགས་པར་གྲུབ་པས་ཞེ་ཚིམ་པ། |
| ཞེ་ཟོན |
དོགས་ཟོན། ཉེན་ཁ་ཡོད་སར་ཞེ་ཟོན་བྱེད་དགོས། |
| ཞེ་འཁམས་པ |
ཁོང་ཁྲོ་བ། |
| ཞེ་འཁུ |
རྙིང ཞེ་སྡང༌། |
| ཞེ་འཁོན་པ |
སེམས་ཀྱི་གཏིང་ནས་འཁོན་ཞུགས་པ། ཞེ་འཁོན་སྙིང་བཅངས། |
| ཞེ་འགྲང |
ཡིད་ཚིམ། |
| ཞེ་འགྲས་པ |
ཕན་ཚུན་དགྲར་འཛིན་གྱི་བསམ་བློ་སྐྱེས་པ། ཕ་དང་བུའི་བར་ལའང་ཞེ་འགྲས་ན་མཐུན་དཀའ། |
| ཞེ་འདོད |
སེམས་ཀྱི་དམིགས་ཡུལ་ལམ་འདོད་ཚུལ་གྱི་མིང་ཚིག་བཤད་ན་སེམས་ཀྱི་ཞེ་འདོད་ཤེས་ལྟ་བུ། གྲངས་ཀ་བཞི་བཅུ་མཚོན་པའི་སྒྲ་བཞི་བཅུ་ཞེ་གཅིག་ཞེ་གཉིས་ཞེས་པ་ལྟ་བུ། |
| ཞེ་འཛིན |
གཞན་གྱིས་གནོད་པ་བྱས་པ་སེམས་ལ་བཞག་པ། མི་དགའ་ཞེ་འཛིན་གྱིས་དགྲ་ལ་འཁོན་ལན་སློག་པ། |
| ཞེ་རུས |
རྩོལ་བ་དང་བརྩོན་འགྲུས། ཞེ་རུས་ཆེན་པོས་སློབ་སྦྱོང་ལ་བརྩོན་པ། |
| ཞེ་རྒོད |
སེམས་ཀྱི་རང་གཤིས་ངར་པོ། ཞེ་རྒོད་སྟག་མོའི་ངར་གླུ་ལེན། |
| ཞེ་རྩ |
སྙིང་རྩའམ་སེམས་རྩ། དཔའ་བོའི་ཞེ་རྩ་འཁྲུགས་ནས་བྱུང༌། |
| ཞེ་རྩ་བ |
བསམ་པའི་གཏིང༌། ཞེ་རྩ་བ་ནས་གོང་བཀུར་ཞུ་བ། ཞེ་རྩ་བ་ནས་དགའ་བ། སྒེར་སེམས་ཞེ་རྩ་བ་ནས་མེད་པ། |
| ཞེ་རྩིས |
1 ཡིད་ཀྱི་གཙིགས་མཐོང༌། སློབ་སྦྱོང་ལ་ཞེ་རྩིས་བྱེད་པ། 2 ཁོག་རྩིས། སློབ་སྦྱོང་བྱེད་རྒྱུའི་ཞེ་རྩིས། ཁོ་ལ་དེ་ལྟར་བྱེད་པའི་ཞེ་རྩིས་འདུག |
| ཞེ་རྩུབ |
སེམས་གནག |
| ཞེ་ལོག་པ |
དང་ག་འགགས་པའམ་འདོད་པར་མི་འགྲོ་བར་གྱུར་པ། མཁྲིས་ནད་ཅན་ལ་བཙོ་ཟན་བྱིན་པ་ལྟར་ཞེ་ལོག་པ། |
| ཞེ་ལྡོག་པ |
འདོད་པ་ལོག་པ། |
| ཞེ་ལྷོད |
སེམས་ཀྱི་ལྷོད་ཡངས། ཞེ་ལྷོད་ངང་རིང༌། |
| ཞེ་ས |
1 མོས་གུས་དང་ལྡན་པའི་མིང་དང་ཚིག་དང་ཡིག་ཚོགས། རྣ་བའི་ཞེ་ས་ནི་སྙན། རྣ་བ སྙན ༈བྱེད་པའི་ཞེ་ས་མཛད་པ། བྱེད་པ མཛད་པ ༈ 2 བཀུར་བའམ་གུས་འདུད། ཞེ་ས་མི་བྱེད་པ། ཞེ་སར་བྱ་བ། ཞེ་སའི་རྣམ་འགྱུར། ཞེ་ས་མི་ཤེས་པ། |
| ཞེ་སུན |
སེམས་སུན་ཏེ། ཡིད་ཐང་ཆད་པ། དམག་ལ་ཞེ་སུན་པ། ཆང་འཐུང་བར་ཞེ་སུན་པ། ཚར་བརྒྱ་བལྟས་ཀྱང་ཞེ་མི་སུན། |
| ཞེ་སྒྲུག |
1 མ་འོངས་བཟང་ངན་གང་ཡོང་སྒུག་སྡོད་པ། 2 འཁོན་ཞེ་ལ་བཞག་སྟེ་གནོད་སྐྱེལ་རྒྱུ་སྒུག་པ། |
| ཞེ་སྙོམས |
1 སེམས་སྙོམས་པ། 2 རིགས་མཐུན་པའམ། ཕན་ཚུན་འདྲ་བ། |
| ཞེ་སྡང |
ཁོང་ཁྲོ་དང་ཚིག་པ། འདོད་ཆགས་ཞེ་སྡང་གཏི་མུག་གསུམ། ཞེ་སྡང་བསྐྱེད་པ། ཞེ་སྡང་གི་བསམ་པ་དྲག་པོ། ཞེ་སྡང་ཆེ་ཞིང་ཕྲག་དོག་མང་བ། ཞེ་སྡང་ལས་བྱུང་བའི་བརྣབ་སེམས། ཞེ་སྡང་འདུལ་བ། བརྙས་ཆེ་ན་ཞེ་སྡང་གཏིང་ནས་འཁྲུག་ཟ་ཆེ་ན་སྦྲང་དཀར་མཆིན་ཁ་ན། ཡུན་རིང་ན་བུ་མོ་མ་ལ་འཁོན། མིང་གི་རྣམ་གྲངས་ལ་ཁོང་ཁྲོ་དང༌། ཁྲོ་བ། འཁོན། འཁོན་འཛིན། འཁྲུག་པ། འགྲས་གཞི། གཏུམ་པོ། གདུག་སེམས། སྡང་བ། སྡང་སེམས། མནར་སེམས། རྣམ་པར་སྡང༌། སྣ་ཐུང་བ། བརྣག་པ། མ་རུངས་པ། མི་བཟོད་སེམས། མིག་རུས་མནན། ཚིག་ཟ། ཞེ་བརྣག་བརླང་པོའི་སེམས་བཅས་སོ། |
| ཞེ་སྡང་མེད་པ |
དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག་སེམས་ཅན་དང་སྡུག་བསྔལ་གྱི་ཆོས་ལ་ཀུན་ནས་མནར་སེམས་མེད་པ་དང་ཉེས་སྤྱོད་ལ་མི་འཇུག་པར་བྱེད་པའོ། |
| ཞེ་སྡང་ཚིལ་བུ |
སྦྲུལ་གྱི་ཚིལ་བུའི་གབ་མིང་ཞིག |
| ཞེ་ཧོར་པོ་ཏ་ལ |
མན་ཇུ་རྒྱལ་རབས་ཀྱི་ལྷ་སྐྱོང་རྒྱལ་པོས་ཞེ་ཧོར་ཞེས་པའི་ས་ཆར་རྩེ་པོ་ཏ་ལར་དཔེ་བླངས་ནས་བཏབ་བཅུག་པའི་ལྷ་ཁང་ཞིག |
| ཞེང |
དངོས་གཟུགས་གྲུ་བཞི་རིང་བོའི་བར་ཐག་ཐུང་བའི་ངོས་ཀྱི་མིང་རས་འདི་ཞེང་ཧ་ཅང་ཆེ། ས་ཆ་འདི་ཁ་ཞེང་ཤིན་ཏུ་ཡངས། མི་སོག་ཞེང་ཅན། མི་འདི་ངོ་ཞེང་ཆེ། རྟ་འདི་ཐོང་ཞེང་ཆེ་ལྟ་བུ། |
| ཞེང་ཁ |
ཞེང་ག་དང་འདྲ། |
| ཞེང་ག |
འཕྲེད་ཀྱི་རིང་ཚད་དམ་རྒྱ་ཁྱོན། ཆུ་ཞེང༌། དཀྱུས་ཞེང༌། ཞེང་ག་ཆེ་བ། ཞེང་ཚད། ཞེང་ཕྲ་མོ། |
| ཞེང་དཀྱུས |
འཕྲེད་དང་གཞུང༌། |
| ཞེད |
(རྒྱན་ཚིག) འཇིགས་པ་དང་སྐྲག་པའི་ཡུལ་སྐད་དམ་བརྡ་རྙིང་དཀའ་ངལ་གང་ལའང་མི་སྐྲག་པ་ལ་དཀའ་ངལ་གང་ལའང་མི་ཞེད་པ་ཟེར་བ་ལྟ་བུ། |
| ཞེད་པ |
1. ཐ་མི་དད་པ འཇིགས་པ། བྱས་ཉེས་ལ་ཞེད་ནས་བྲོས་པ། བྱི་བ་བྱི་ལར་ཞེད་པ། དཀའ་ཚེགས་ལ་མི་ཞེད་པ། 2.རྙིང ཞེན་པའམ་ལེན་པ། |
| ཞེད་པོ |
འཇིགས་སུ་རུང་བའམ་མཐུ་རྩལ་ཆེ་བའི་དོན་ཏེ། མི་ཞེད་པོ། བུ་ཞེད་པོ་ཞེས་པ་ལྟ་བུ། |
| ཞེད་སྣང |
དངངས་སྐྲག་འཆར་ཚུལ། ཞེད་སྣང་སྐུལ་བ། ཞེད་སྣང་སྐྱེས་པ། |
| ཞེན |
(བྱེད་མེད་ལས་ཚིག) <ཀ>གཅེས་པའམ་སྲེད་པའི་དོན་ཏེ། ཡུལ་ལ་ཞེན་པ། ཆགས་ཤིང་ཞེན་པ། ཆགས་ཞེན་ཞེས་པ་ལྟ་བུ། <ཁ>དྲི་སོགས་ཡལ་དཀའ་བར་གྱུར་པ་ལུས་ལ་དྲི་ཞིམ་ཞེན། རླངས་འཁོར་ལ་རྡོ་སྣུམ་གྱི་དྲི་ཞེན་ཞེས་པ་ལྟ་བུ། གཅེས་འཛིན་དང་འདོར་མི་ཕོད་པ་བྱེད་པའི་སེམས་དང་སྤྱོད་ཚུལ་གྱི་མིང་རང་དོན་ལ་ཞེན་པ་མ་ཆེ། ཆང་ལ་ཞེན་པ་ལོག གྲོགས་ངན་ལ་ཞེན་པ་ལོག ཐུན་མོང་གི་དོན་ལ་ཞེན་པ་ཆེ་དགོས། མེས་རྒྱལ་ལ་ཤ་ཞེན་ཆེ་ལྟ་བུ། |
| ཞེན་ཁ |
1 འདོད་བློ་དང༌། ཆགས་པའི་སེམས། སྙན་གྲགས་ལ་ཞེན་ཁ་ཆེར་མེད། སྤྱོད་པ་རྩིང་པོ་ལ་ཞེན་ཁ་ལོག་པ། 2 དང་ག། ཕོ་ནད་ན་ནས་ཁ་ཟས་ལ་ཞེན་ཁ་ལོག་པ། |
| ཞེན་ཆགས |
ཕངས་སེམས་སམ་བརྐམ་ཆགས། ཞེན་ཆགས་གཅོད་པ། ངན་གོམས་ལ་ཞེན་ཆགས་ལོག་པ། ཞེན་ཆགས་ནས་འབྲལ་མི་ཕོད་པ། |
| ཞེན་དོན |
བཞེད་དོན་ནམ་བསམ་འདུན། ཁོ་རང་གི་ཞེན་དོན་ངོ་མ་གང་ཡིན་རྟོགས་དཀའ་བ་ཞིག་མ་རེད། |
| ཞེན་པ |
1.ཐ་མི་དད་པ དགའ་བའམ། ཆགས་པ། བཟའ་བཏུང་དང་རྩེད་མོར་ཞེན་པ། 2 1 འདོད་ཆགས། ཞེན་པ་འགོག་པ། སྔར་གྱི་ཞེན་པ་འགགས་ནས་མི་འདུག ཞེན་པ་ལྡོག་པ། 2 དང་ག། ཞེན་པ་ཉམས་པ། |
| ཞེན་པ་གཏིང་ལོག |
བསམ་པའི་གཏིང་ནས་ཞེན་པ་ལོག་པ། ཚུལ་མིན་གྱི་སྤྱོད་པ་ལ་ཞེན་པ་གཏིང་ལོག་བྱུང༌། |
| ཞེན་པ་བཞི་བྲལ |
1 ས་སྐྱའི་གདམས་ངག་ཅིག་ཚེ་འདི་ལ་ཞེན་ན་ཆོས་པ་མིན། འཁོར་བ་ལ་ཞེན་ན་ངེས་འབྱུང་མིན། བདག་དོན་ལ་ཞེན་ན་བྱང་སེམས་མིན། འཛིན་པ་བྱུང་ན་ལྟ་བ་མིན་ཞེས་པ་ལྟར་བཞིའོ། 2 ཡོངས་གྲགས་ཀྱི་བློ་སྦྱོང་ཞེན་པ་བཞི་བྲལ། |
| ཞེན་པ་ལོག་པ |
1 ལྟོ་ཆས་ཟ་འདོད་མེད་པར་འགྱུར་བ། 2 སེམས་མི་དགའ་བར་འགྱུར་བ། བྱམས་པོ་བྱས་ན་དགྲ་ཡང་གཉེན་དུ་འགྲོ། རྩུབ་ཚོད་མ་ཟིན་བུ་ཡང་ཞེན་པ་ལོག |
| ཞེན་འཁྲིས |
འདོད་ཞེན། |
| ཞེན་འཛིན |
འདོད་པས་དམ་དུ་འཛིན་པ། མིང་དོན་གཉིས་ཀར་ཞེན་འཛིན་བྱེད་པ། |
| ཞེན་ཡུལ |
བློ་ཞེན་པའི་སྒོ་ནས་རིག་པར་བྱ་བ་རྟོག་པའི་འཛིན་སྟངས་ཀྱི་ཡུལ་དེ་ལ་རྟོག་པ་དེས་ཞེན་ནས་ནན་གྱིས་འཛིན་པ། དཔེར་ན། རྗེས་དཔག་ཚད་མའི་ཡུལ་ལྟ་བུའོ། |
| ཞེན་རིག |
རང་གི་འཛིན་སྟངས་ཀྱི་ཡུལ་བློས་ནན་གྱིས་འཛིན་པ། དཔེར་ན་བུམ་འཛིན་རྟོག་པས་བུམ་པ་ནན་གྱིས་འཛིན་པ་ལྟ་བུའོ། |
| ཞེན་ལོག |
ཞེན་པ་ལོག་པའི་བསྡུས་ཚིག་ |
| ཞེན་ས |
ཞེན་པ་སྐྱེས་པའི་ཡུལ་གྱི་མིང་སེམས་ཀྱི་ཞེན་ས་ལྟ་བུ། |
| ཞེའོ |
ང་ན་མ་འ་ར་ལ་དང༌། མཐའ་མེད་བཅས་ཀྱི་རྗེས་སུ་སྦྱར་རྒྱུ་ཟེར་རོ་དང་དོན་གཅིག་པའི་ཚིག་མཚམས་སྟོན་བྱེད་ཕྲད་གཞན་དབང་ཅན་ཞིག ང་ན་མ་འ་ར་ལ དྲང་པོའི་གཏམ་ལ་ཡིད་ཆེས་བྱེད་དགོས་པ་ཡིན་ཞེའོ། |
| ཞེར |
སྡིགས་མོ་དང་གཤེ་གཤེའི་བརྡ་རྙིང་སྡིགས་མོ་བྱེད་པ་ལ་ཞེར་འདེབས་ཟེར་བ་ལྟ་བུ། |
| ཞེར་པོ |
སྤུས་ཀ་ལེགས་པོ་མེད་པ། སྤུས་ཀ་ཞེར་པོ། |
| ཞེར་འདེབས |
གཞན་གྱི་ཞེ་གཅོད་པ། |
| ཞེས |
ང་ན་མ་འ་ར་ལ་དང༌། མཐའ་མེད་བཅས་ཀྱི་རྗེས་དང༌། རྟོགས་པའི་དོན་གྱི་ཤེས་པ་དང་མི་ནོར་བའི་ཆེད་དུ་དམིགས་བསལ་ས་མཐར་ཡང་སྦྱར་རྒྱུ་ཚིག་གཞན་འདྲེན་བྱེད་ཀྱི་ཕྲད་གཞན་དབང་ཅན་ཞིག ང་ན་མ་འ་ར་ལ ཤེས་པ ས ལྕགས་ལམ་ཞེས། བློན་པོ་མགར་གྱིས་རྒྱལ་པོའི་དྲུང་དུ་ཕྱིན་ཏེ་རྒྱ་ནག་གི་ལྷ་ཅིག་དེའང་གདན་འདྲེན་པས་བཀའ་གནང་བར་ཞུ་ཞེས་ཞུས་སོ། |
| ཞེས་བགྱི་བ |
ཞེས་བྱ་བ་དང་དོན་འདྲ་ཞིང༌། ཚིག་གི་སྦྱོར་ཡུལ་གང་ཟག་ལ་འཇུག་པ་གཙོའོ། ཞེས་བྱ་བ བདག་མིང་འདི་ཞེས་བགྱི་བ། མཁན་པོ་ཤེས་རབ་ཅེས་བགྱི་བ། |
| ཞེས་བྱ་བ |
དེ་སྐད་ཟེར་ཞེས་པའི་དོན་ཏེ། 《གླིང་གེ་སར་རྒྱལ་བོའི་སྒྲུང》ཞེས་བྱ་བའི་དཔེ་ཆ་ཞེས་པ་ལྟ་བུ། |
| ཞོ |
1 འོ་མར་སྐྱུར་རྩི་བརྒྱབ་ནས་བསྙལ་བའི་བཏུང་བ་ནུར་མོ། ཞོ་དང་འོ་མ་དཀྲོགས་ནས་མར་འདོན་པ། ཞོ་ཆགས་པ། ཞོ་བསྙལ་ནས་ལྔས་པ། ཞོ་ཤི་ནས་དར་བ་ལྟར་གྱུར་པ། ཞོ་བསྲུབས་མར་བཏོན། མིང་གི་རྣམ་གྲངས་ལ་ནུ་སྐྱེས་དང༌། འོ་མ། རབ་ཆགས་བཅས་སོ། 2 གསེར་དངུལ་སོགས་ཀྱི་འདེགས་ཚད་ཅིག ཞོ་གང༌། ཞོ་དོ། སྲང་གང་ལ་ཞོ་བཅུ་ཡོད། |
| ཞོ་ཁ |
ས་མིང་ཞིག་བོད་རང་སྐྱོང་ལྗོངས་ཀྱི་ཀོང་པོ་རྒྱ་མདའ་རྫོང་ཁོངས་སུ་ཡོད། |
| ཞོ་གྲོད |
ཞོ་བླུག་སྣོད་གྲོད་པ། |
| ཞོ་ཅན |
རྙིང སྣུམ་ཅན་ནམ་ཚི་ཅན་ཞེས་པ་འདིའི་ཞོ་ནི་སྲ་རྩི་དང་ཐང་ཆུ་ལྟ་བུ་ལ་ཟེར། |
| ཞོ་ཆ |
1 ཞོའི་བཅུ་ཆ་གཅིག་སྐར་མ། 2 གསེར་དངུལ་སོགས་ཀྱི་ལྕི་ཡང་འཇལ་བྱེད་རྒྱ་ཐུར་གྱི་སྟེང་གི་ཁྲམ་རིས་ཤིག |
| ཞོ་དཔྱང |
དར་བ། |
| ཞོ་བ |
རི་བོ་ཞིག་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་ནན་ཕེང་རྫོང་དུ་ཡོད། |
| ཞོ་བདུན་སྒོར་མོ |
ཡུལ རྒྱ་སྐད་དུ་ཏཱ་ཡང་ཞེས་པར་ཁམས་ཕྱོགས་སུ་ཞོ་བདུན་སྒོར་མོ་ཞེས་ཟེར། |
| ཞོ་བླུག |
ཞོའི་སྣོད། |
| ཞོ་མངར |
མར་མ་བཏོན་པའི་འོ་མ་བསྙལ་བ་ལས་ལངས་པའི་ཞོ། |
| ཞོ་འགྱེད |
ཞོ་འདྲེན་པའི་སྟོན་མོ། དབྱར་ཁ་དགེ་འདུན་པ་རྣམས་ལ་ཞོ་འགྱེད་གཏོང་བ། |
| ཞོ་འཐུང |
མངོན བྱིས་པ་ཆུང་ངུ། |
| ཞོ་འབྲས |
འབྲས་བཙོས་མ་དང་ཞོ་བསྲེས་པའི་བཟའ་བྱ་ཞིག |
| ཞོ་ར |
བོད་ཀྱི་རུས་ཤིག |
| ཞོ་རལ |
འོ་མ་ཤི་བ་དང༌། ཞོ་རུལ་བ། |
| ཞོ་རྟ |
ཞོ་བསྙལ་བར་རྒྱག་རྒྱུའི་སྐྱུར་རྩི། |
| ཞོ་རྩབས |
འོ་མ་ཞོར་སྒྱུར་བྱེད་ཀྱི་རུ་མ། |
| ཞོ་རྩི |
འོ་མ་བསྙལ་ནས་ཞོ་བཟོ་སྐབས་འོ་མ་ལ་བླུག་རྒྱུའི་རུ་མ། |
| ཞོ་ཤ |
རྙིང 1 སྟོབས་སམ་ནུས་པ། 2 གླའམ། རྔན་པ། 3 དཔྱ་ཁྲལ།…4.རྩི་ཤིང་གི་འབྲས་བུའི་རིགས་སྣ་མི་གཅིག་པ་ཁ་ཤས་ཀྱི་སྤྱི་མིང་ཡིན། དེ་ལ་མཁལ་མ་ཞོ་ཤ(སྲན་མའི་རིགས་ཤིག)མཆིན་པ་ཞོ་ཤ(ཚ་བའི་ཁུལ་གྱི་ཤིང་འབྲས་ཀྱི་ས་བོན་རིགས་ཤིག)སྙིང་ཞོ་ཤ(ཤིང་འབྲས་ཀྱི་ཚི་གུ་ཞིག་སྟེ་རྒྱ་སྐད་དུ་སོན་ཙོ་རིན་ཟེར) |
| ཞོ་ཤ་གསུམ |
མཁལ་མ་ཞོ་ཤ་དང༌། མཆིན་པ་ཞོ་ཤ། སྙིང་ཞོ་ཤ་སྟེ་གསུམ། |
| ཞོ་ཤ་བཞི |
མཁལ་མ་ཞོ་ཤ་དང༌། མཆིན་པ་ཞོ་ཤ། སྙིང་ཞོ་ཤ། ཟླ་གོར་ཞོ་ཤ་སྟེ་བཞི། |
| ཞོ་ཤ་རྣམ་བདུན་པ |
མངོན དེད་དཔོན། |
| ཞོ་ཤས་འཚོ་བ |
རང་གི་སྟོབས་སམ་ནུས་པས་འཚོ་བ། |
| ཞོ་སྐ་བ |
ཞོ་གར་པོ། |
| ཞོ་སྐྱ |
དར་བའམ་ད་ར་ལྟ་བུ་ཞོ་ཕྲུམ། |
| ཞོ་སྐྱེད |
ཟླ་སྲང་ཞོ་སྐྱེད་དེ། ཟླ་གཅིག་ལ་སྲང་གང་རེར་སྐྱེད་ཞོ་རེ་འཁྲི་བའི་དངུལ་སྐྱེད་རྩི་སྟངས་ཤིག |
| ཞོ་སྐྱེས |
1 སྒོ་ཕྱུགས་རྣམས་ཀྱི་ལུས་ལ་སྐྱེས་པའི་ཁྲག་འཇིབ་འབུ་ཞིག 2 བྱ་སྲེག་པའི་མིང༌། |
| ཞོ་སྟོན |
དབྱར་དུས་ཀྱི་དགའ་སྟོན་ཞིག་བོད་ཟླ་བདུན་པའི་ཚེས་གནམ་གང་ཉིན་འབྲས་སྤུངས་སུ་ལྷ་མོ་བ་རྣམས་ཀྱིས་ལྷ་མོ་འཁྲབ་ནས་གཟིགས་ཕུད་འབུལ་བ་དང༌། སེ་རར་སྐོར་བྱ་བ་དང་རགས་རྒྱབ་པས་འཆམ་རྒྱག་པ། དེ་བཞིན་ཚེས་གཅིག་ནས་ཚེས་བཞིའི་བར་ནོར་བུ་གླིང་ཁར་ལྷ་མོའི་གཞུང་རྣམ་ཐར་མང་པོ་འཁྲབ་པ་དང༌། ཚེས་ལྔ་ནས་དྲུག་བདུན་བར་ལྷ་སའི་སྐུ་དྲག་ཆེ་ཁག་གི་སྒེར་ཤག་ཏུ་ལྷ་མོ་འཁྲབ་པ་བཅས་ཀྱི་རིང་ལ་ཞོ་སྟོན་ཟེར། མིང་དེའི་འབྱུང་ཁུངས་ནི་ཟླ་བ་བདུན་པར་བོད་དུ་ཞོ་ལེགས་པའི་སྐབས་ཡིན་པས་ཞོའི་སྟོན་མོ་གཏོང་སྲོལ་ཡོད་པ་དེར་ཟེར། |
| ཞོ་སྤྲིས |
ཞོའི་ཁར་ཆགས་པའི་སྣུམ་ལྡན་གྱི་སྤྲིས་མ། |
| ཞོ་སྲུང་བྱེད |
མངོན བ་དྲུས་མའམ་བ་བཞོན་མ། |
| ཞོག |
སྐུལ་ཚིག་ཁྱོད་ཀྱིས་དཔེ་སྟེགས་སྟེང་དུ་དཔེ་ཆ་ཞོག་ཅིག་ལྟ་བུ། དཔེ་བརྗོད་བཀོད་པ་དཔེ་འཇོག དཔེ་བཞག དཔེ་ཞོག་ལྟ་བུ།０གྲུབ་འབྲས་བསྐྲུན་པའི་དོན་ཏེ། ལག་རྗེས་འཇོག ལག་རྗེས་བཞག་ལྟ་བུ།１སྣོན་པའི་དོན་ཏེ། ཞིང་ལ་ལུད་འཇོག ལུད་བཞག ལུད་ཞོག་ལྟ་བུ།２མཚམས་བྱེད་པའི་དོན་ཏེ། བྱ་བ་མཚམས་འཇོག མཚམས་བཞག མཚམས་ཞོག་ལྟ་བུ། |
| ཞོག་ཁོག |
ཡུལ གཙང་དང་ཨ་མདོའི་ས་ཁུལ་ཁ་ཤས་ཀྱིས་རྒྱ་གྲོ་མ་ཟེར་བ་དེ་ཡིན། |
| ཞོག་མ |
ཞོགས་མ་དང་འདྲ། |
| ཞོགས |
ཞོགས་པ་ནངས་སྔ་མོའི་དུས་ཀྱི་མིང་ཞོགས་པའི་ཉི་གཞོན། ཞོགས་པ་ཉི་མ་འཆར་ཁ་ཞེས་པ་ལྟ་བུ། འདི་ལ་ཞོགས་ཀ་འབྲི་བའང་ཡོད། (བྱེད་མེད་ལས་ཚིག) སྲོག་ཆགས་མང་བོ་འདྲོགས་ནས་བྲོས་པ་ལུག་ཁྱུ་ཞོགས། ཞོགས་པའི་རྟ་ཁྱུ་ཞེས་པ་ལྟ་བུ། ０(རྒྱན་ཚིག) དགའ་སྤྲོ་ཆེན་པོ་སྐྱེས་པའམ་འཕྱོ་བའི་རྣམ་པ་མི་མང་བོ་ཞོགས་ལངས། ན་གཞོན་རྣམས་ཞོགས་ལངས་ནས་དམག་ལ་ཞུགས་ལྟ་བུ། １ཞོགས་མ་ཞེས་པའི་ཚིག་བསྡུས་པ། 2.བཞུར་བ་དང་གཤེག་པའི་དོན་དུ་གོ་བའི་འཇོག་པའི་སྐུལ་ཚིག |
| ཞོགས་ཀ |
ནམ་ལངས་དུས། |
| ཞོགས་ཇ |
ཞོགས་པའི་ཇ། |
| ཞོགས་ཉུག |
ཞོགས་པར་རི་དྭགས་གསོད་དུ་འགྲོ་བའི་མིང༌། |
| ཞོགས་པ |
ནམ་ལངས་ནས་ཉི་དྲོས་བར་གྱི་དུས་ཚོད། ཞོགས་པ་སྔ་མོ། ཞོགས་པའི་ལུས་སྦྱོང༌། |
| ཞོགས་མ |
དངོས་རྫས་ལེབ་མོ་སྲབ་མོའི་མིང་ཤིང་གི་ཞོགས་མ། བག་ལེབ(གོ་རེ)ཞོགས་མ་ཅན་ཞེས་པ་ལྟ་བུ། ཚིག་བསྡུས་ན་ཞོགས་ཞེས་འབྲི་ཆོག་ཞིང་ཞོགས་ཞེས་པ་ལྟ་བུ། |
| ཞོགས་འུར |
རྡབ་ཞོགས་ཀྱི་འུར་འདྲོག གློ་བུར་འཇིགས་སྐྲག་ཞོགས་འུར་ཟིང་ཆ་བྱུང༌། |
| ཞོགས་རྒྱུགས |
རྡབ་ཞོགས་ཏེ། བྲེལ་འཚབ་བམ། གློ་བུར་འུར་འདྲོག |
| ཞོང |
མཐའ་མཐོ་ལ་དཀྱིལ་དམའ་སའི་མིང་སྒང་ཞོང་ཞོང་ལ་ཆུ་འཁྱིལ། ལུས་ཀྱི་བྲང་ཞོང་ཞེས་པ་ལྟ་བུ། (རྒྱན་ཚིག) མར་བརྡིབས་པའི་དབྱིབས་ཏེ། འབར་འབུར་ཞང་ཞོང་། ས་ཞོང་ཞོང་ཞེས་པ་ལྟ་བུ། |
| ཞོད |
1 ཆར་ཆུའི་རྒྱུན། ཆར་ཞོད་ཆེ་བའི་དུས། ཆར་ཞོད་ཆུང་བའི་དུས། 2 དྲག་ཆར་དང༌། ཡུན་རིང་པོར་འབབ་པའི་ཆར་པ། |
| ཞོད་ཀྱི་གེགས |
ཆར་ཞོད་ཆེ་དྲགས་པའི་གནོད་པ། |
| ཞོད་ཆར |
ཆར་ཆུའི་རྒྱུན། |
| ཞོད་ཆུ |
1 ཆར་པ། 2 ཆར་པ་བཏང་རྗེས་བྱུང་བའི་ཆུ། |
| ཞོད་འཇགས |
ཟིང་ལོང་མེད་པའི་ལྷོད་འཇགས། དུས་བདེ་ཞོད་འཇགས། |
| ཞོད་ལ་ཕུའི་གངས་རི |
རི་བོ་ཞིག་བོད་རང་སྐྱོང་ལྗོངས་ཀྱི་བཞད་མཐོང་སྨོན་རྫོང་གི་དབུས་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6310 ཡོད། |
| ཞོད་སྐྱོན |
ཆར་ཆུ་མང་དྲགས་པའི་གནོད་སྐྱོན། |
| ཞོན |
(བྱེད་མེད་ལས་ཚིག་ད་ལྟ་བ་དང་སྐུལ་ཚིག) རྟ་ནོར་ལྕགས་རྟ་སོགས་ལ་ཞོན་པ་རྟ་ལ་ཞོན་མཁན། རྟ་ལ་ཞོན་སྐབས། རྟ་ལ་ཞོན་ཅིག་ལྟ་བུ། |
| ཞོན་པ |
ཐ་དད་པ བཞོན་པ། བཞོན་པ། ཞོན།། འཆིབ་པ། རྟ་བཞོན་ཏེ་ཕྱིན་པ་ཡིན། ཤིང་རྟ་འཁོར་ལོ་བཞོན་ནས་ཕེབས་པ། གྲུ་གཟིངས་ལ་ཞོན་པ། ཐེག་པ་ཆེན་པོ་ཞོན་མཁན་བྱང་ཆུབ་སེམས་དཔའ། དབང་ཤེད་ཅན་ལ་ཁྲོ་བའི་སྡང་མིག་ལྟ། བྱིས་པས་བཞོན་པའི་བ་གླང་བྱེད་པར་མོས། |
| ཞོན་སྟེགས |
བཞོན་པ་ཞོན་སའི་འཛེག་སྟེགས། |
| ཞོམ |
(བྱེད་མེད་ལས་ཚིག) དབྱིབས་འབུར་བོ་ཅན་མར་ཉིལ་བའམ་རྡིབ་པ་གད་པ་ཞོམ། རི་མར་ཞོམ། སྣ་ཞོམ་སོང་། མགོ་ཆག་རུས་པ་ཞོམ་པ་སྲོང་ལྟ་བུ། |
| ཞོམ་པ |
ཐ་མི་དད་པ སྣོད་སྤྱད་ལ་རྡིབ་སྐྱོན་བྱུང་བ། སྣ་ཞོམ་པ། ཆུ་ཟངས་ཅུང་ཟད་ཞོམ་པ་དེ་ལེགས་པར་བསང་དགོས། |
| ཞོར |
ལས་གཙོ་བོ་ཞིག་བྱེད་པ་དང་མཉམ་དུ་ཞེས་པའི་དོན་ཏེ། ལུག་འཚོ་བའི་ཞོར་ལ་སྐུད་པ་བཀལ། ལམ་ལ་འགྲོ་ཞོར་ལ་ལུད་བཏུས་ལྟ་བུ། |
| ཞོར་ཁྲིད |
ཞོར་ཆོས་སམ་ཞོར་ལ་ཁྲིད་པ། |
| ཞོར་བཙུགས |
ལས་ཀ་རྐང་བྱེད་རྒྱུ་དེའི་ཞོར་ལ་བཙུགས་པའམ་ལོགས་སུ་བཙུགས་པ། ཞོར་བཙུགས་ལས་ཁུངས། ཞོར་བཙུགས་སྨན་ཁང༌། |
| ཞོར་ཟས |
བཟའ་བཅའ་ཤ་དང་སྔོ་ཚལ་རིགས། |
| ཞོར་འདྲུད |
ནག་ཉེས་ཅན་གྱི་མི་ཞིག་ཁྲིམས་ལ་ཐུག་ཚེ་འབྲེལ་བ་ཡོད་ལ་ནག་ཉེས་མེད་པའི་མི་གཞན་ཡང་དེའི་ཞོར་དུ་ཚུད་པ་ལྟ་བུ། |
| ཞོར་འཛིན |
འགན་ཁུར་བའི་ལས་ཀ་ལྟེ་བ་དེའི་ཞོར་ལ་ལས་ཀ་གཞན་དག་འཛིན་པ། ཞོར་འཛིན་ལས་འགན། |
| ཞོར་ལས |
ལས་ཀ་གཙོ་བོའི་ཁོངས་སུ་མ་གཏོགས་པའི་ལས་ཀའི་མིང་ཞོར་ལས་ཀྱི་ཡོང་སྒོ་ཞེས་པ་ལྟ་བུ། |
| ཞོར་སྐྱོང |
ལས་འགན་རྐང་གཅིག་ཡོད་ཐོག་ཞོར་དུ་ལས་འགན་གཞན་ཞིག་སྒྲུབ་པ། |
| ཞོར་སྐྱོན |
གཞན་གྱི་ཞར་ལ་བྱུང་བའི་སྐྱོན། |
| ཞོལ |
དངོས་གཟུགས་ཀྱི་སྨད་ཀྱི་མིང་རི་ཞོལ། སྡེ་བ་ཞོལ་མ་ཞེས་པ་ལྟ་བུ། རྒྱབ་ངོས་ཀྱི་མིང་ལུས་ཀྱི་ཞོལ་དཀྱིལ། གཡག་རོག་ཞོལ་ཆེན་ཞེས་པ་ལྟ་བུ། |
| ཞོལ་ཁང |
རིའི་གཤམ་དུ་ཆགས་པའི་ཁང་པ། |
| ཞོལ་ཁྲལ་འུ་ལག |
སྔར་བོད་ས་གནས་སྲིད་གཞུང་སྐབས། ཞོལ་དུ་སྡོད་པའི་མི་དམངས་རྣམས་ཞོལ་ལས་ཁུངས་སུ་བསྡུས་ནས་གླ་ཕོགས་མེད་པའི་ལས་ཁྲལ་སྣ་ཚོགས་སྐུལ་སྲོལ་ཞིག |
| ཞོལ་གཉེར |
སྔར་བོད་ས་གནས་སྲིད་གཞུང་སྐབས་རྩེ་པོ་ཏ་ལའི་ཞོལ་ལས་ཁུངས་ཀྱི་འགོ་བྱེད་མཁན། |
| ཞོལ་གཡག |
འབྲས་བུ་མ་བཅད་པའི་གཡག |
| ཞོལ་ཆེན |
སྒོ་ཕྱུགས་གཡག་གི་མིང་གཞན། ０སྦོ་རྩིད་རིང་བོ་ཅན་གྱི་གཡག་དང་ར་སོགས་ཀྱི་མིང་གཡག་ཞོལ། ར་ཞོལ་ཞེས་པ་ལྟ་བུ། |
| ཞོལ་པ |
དགོན་པའམ་རིའི་འདབས་སུ་སྡོད་མཁན། |
| ཞོལ་པོ |
1 འབྲི་དང༌། མཛོ་མོའི་ཕ་གཡག 2 ལྷ་གཡག |
| ཞོལ་ཕོ |
བྱ་དང༌། རྩིད་པ་མ་བྲེགས་པའི་གཡག་སྟེ་ཁྱུ་པ། |
| ཞོལ་ཕོགས་ཁང |
སྔར་བོད་ས་གནས་སྲིད་གཞུང་དམག་ཕོགས་འབྲུ་རིགས་སྤྲོད་རྒྱུ་དང་ལས་ཁུངས་ཁག་གི་ལས་བྱེད་པའི་ཕོགས་འབྲུ་སྤྲོད་རྒྱུ་སོགས་ཀྱི་ལས་ཁུངས་ཤིག |
| ཞོལ་མོ |
འབྲི་ཁྱུའི་ནང་གི་བཞོན་མ་བཟང་ཤོས། |
| ཞོལ་ཞོལ |
འཇོལ་འཇོལ། གྱོན་པ་ཞོལ་ཞོལ་སར་དྲུད་པ། འབྲོང་བརྗིད་ཅིང་རྔམས་པ་རྩིད་པ་ཞོལ་ཞོལ་ཅན། |
| ཞོལ་རོང་གཙང་པོ |
བོད་རང་སྐྱོང་ལྗོངས་ཀྱི་མལ་གྲོ་གུང་དཀར་རྫོང་དུ་ཡོད་པའི་འབབ་ཆུ་ཞིག་དང༌། སྐྱིད་ཆུའི་ཡན་ལག་ཅིག་ཡིན། |
| ཞོལ་ལས་ཁུངས |
སྔར་བོད་ས་གནས་སྲིད་གཞུང་སྐབས་རྩེ་ཕོ་བྲང་བདག་གཉེར་བྱེད་ཆེད་ཞོལ་དུ་བཙུགས་པའི་གཏོང་ཡོང་དོ་དམ་དང༌། ལྷ་སའི་ཉེ་འདབས་ཀྱི་ཁྲིམས་གཅོད་སོགས་བྱེད་མཁན་ལས་ཁུངས་ཤིག |
| ཞོས |
1.འཇོ་བའི་སྐུལ་ཚིག་གི་འབྲི་སྲོལ་གཞན་ཞིག 2.རྙིང སེམས་གསོའི་མིང༌། |
| ཞོས་ཆེན་ཁ |
སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་འཛམ་ཐང་རྫོང་གི་ལ་ཞིག |
| ཞྭ |
མགོ་ལ་གྱོན་པའི་གྱོན་ཆས་སྣ་ཚོགས་ཀྱི་མིང་དམག་ཞྭ་ཞེས་པ་ལྟ་བུ། |
| ཞྭ་གོས |
ཞྭ་མོ་དང་གྱོན་པ། ཞྭ་གོས་བཟང་པོས་ཀླུབ་པ། |
| ཞྭ་ཏོག |
ཞྭ་རྩེའི་ཏོག |
| ཞྭ་ཐེབ |
ཞྭ་མོའི་བྱེ་བྲག་ཅིག་བསེ་ཐེབ། |
| ཞྭ་དཀར |
1 ཞྭ་མོ་དཀར་པོ། 2 སྔར་བོད་ཀྱི་རྩེ་དྲུང་གིས་མཛད་སྒོར་གྱོན་རྒྱུའི་དབྱར་ཁའི་ཞྭ་མོ་ཞིག 3 ཡུལ གྲྭ་པས་དབྱར་ཁ་གྱོན་རྒྱུའི་ཞྭ་མོ་ཞིག |
| ཞྭ་དཔེ་ལྷམ་འགེབས |
དཔེ་དོན་རྣམ་པ་འགལ་བ། ཕྱོགས་ཙམ་གྱི་ཉམས་མྱོང་ལ་བརྟེན་ནས་ཡོངས་ཁྱབ་ལ་ཞྭ་དཔེ་ལྷམ་འགེབས་ཀྱིས་བེད་སྤྱོད་བཏང་ན་ནོར་འཁྲུལ་ཡོང་སྲིད། |
| ཞྭ་དམར |
པཎ་ཞྭ། |
| ཞྭ་དམར་པ |
རབ་བྱུང་དྲུག་པའི་སྐབས་སུ་ཀརྨ་རང་བྱུང་རྡོ་རྗེའི་སློབ་མ་རྟོགས་ལྡན་གྲགས་པ་སེང་གི་ལ་ཧོར་རྒྱལ་པོས་ལས་ཞྭ་དམར་པོ་གནང་བས་དེའི་བརྒྱུད་པ་ལ་ཞྭ་དམར་པོ་གནང་བས་དེའི་བརྒྱུད་པ་ལ་ཞྭ་དམར་པ་ཟེར། དགུང་ལོ་རེ་བདུན་བཞུགས་ནས་ས་གླང་ལོར་འདས། དེ་ནས་བཟུང་སྐྱེ་བརྒྱུད་གཉིས་པ་མཁའ་སྤྱོད་དབང་པོ་དགུང་ལོ་ང་དྲུག་གསུམ་པ་ཆོས་དཔལ་ཡེ་ཤེས་དགུང་ལོ་ཞེ་བདུན། བཞི་པ་ཆོས་གྲགས་ཡེ་ཤེས་དགུང་ལོ་དོན་གཉིས། ལྔ་པ་དཀོན་མཆོག་ཡན་ལག་དགུང་ལོ་ང་དགུ། དྲུག་པ་ཆོས་ཀྱི་དབང་ཕྱུག་དགུང་ལོ་ང་གཉིས་བཅས་སོ་སོར་འདས། དེ་ནས་བདུན་པ་ཡེ་ཤེས་སྙིང་པོ། བརྒྱད་པ་ཆོས་ཀྱི་དོན་གྲུབ། དགུ་པ་ཆོས་ཀྱི་ཉི་མ། བཅུ་པ་ཆོས་གྲུབ་རྒྱ་མཚོ་རྣམས་རིམ་པར་བྱོན། ལོ་ངོ་བཞི་བརྒྱ་ལྷག་ཙམ་གྱི་རིང་ལ་གནས་ནང་དང་ཡངས་པ་ཅན་གྱི་དགོན་པའི་གདན་ས་བཟུང༌། རབ་བྱུང་བཅུ་གསུམ་པའི་ལྕགས་ཕག་ལོ་ལ་བཀྲ་ཤིས་ལྷུན་པོར་གོར་དམག་གིས་གནོད་འཚེ་བྱས་པ་དེ་ཆོས་གྲུབ་རྒྱ་མཚོའི་དྲན་འཕྲུལ་ཡིན་ཚུལ་གྱི་དབང་གིས་གོང་མའི་བཀའ་ཆད་ཀྱིས་ཡངས་པ་ཅན་སོགས་ཞྭ་དམར་པའི་སྡེ་དགོན་རྣམས་རྩིས་ལེན་བྱས་ཤིང་བླ་མའི་སྐྱེ་བརྒྱུད་ཡང་ཆད་པ་རེད། 12831349 13501405 14061452 14531524 15251583 15841635 1791 |
| ཞྭ་ནག |
1 དགོན་པའི་གར་འཆམ་སྐབས་སོགས་ཀྱི་སྔགས་པ་ཕུར་ཐོགས་ཅན་གྱི་ཞྭ་མོ། 2 ཀར་ལུགས་ཀྱི་ཕྱོགས་གཅིག་ཞྭ་རྟགས་ནག་པོ། 3 ཉེས་མིང་ངམ། མིང་ངན་གཟུགས་སུ་བཀོད་པའི་དོན། མི་དཀར་པོ་ལ་ཞྭ་ནག་གཡོགས་པ། |
| ཞྭ་ནག་པ |
1 ཀརྨ་པཀྵི་ལ་ཧོར་རྒྱལ་པོས་ལས་ཀའི་ཞྭ་ནག་གསེར་མདོངས་ཅན་ཞིག་གནང་བས་དེ་ཕྱིན་གྱི་སྐྱེ་བརྒྱུད་རྣམས་ལ་ཞྭ་ནག་ཅན་དུ་གྲགས། དེའི་བརྒྱུད་རབས་དང་པོ་དུས་གསུམ་མཁྱེན་པ་དགུང་ལོ་བརྒྱད་ཅུ་གྱ་བཞི་པ་རབ་བྱུང་གསུམ་པའི་ཆུ་གླང་ལོར་འདས། གཉིས་པ་ཀརྨ་པཀྵི་ཤིང་བྱི་ལོར་འཁྲུངས། དགུང་ལོ་བརྒྱད་ཅུ་བཞུགས་ཤིང༌། རབ་བྱུང་ལྔ་པའི་ཆུ་ལུག་ལོ་ལ་འདས། དེ་ནས་སྤྲུལ་སྐུ་རིམ་པར་བྱོན་པ་གསུམ་པ་རང་བྱུང་རྡོ་རྗེ་དགུང་ལོ་ང་དྲུག་པ་རབ་བྱུང་དྲུག་པའི་ས་ཡོས་ལོ་ལ་འདས། བཞི་པ་རོལ་པའི་རྡོ་རྗེ་དགུང་ལོ་བཞི་བཅུ་ཞེ་བཞི་པ་ཆུ་ཕག་ལོ་ལ་འདས། ལྔ་པ་དེ་བཞིན་གཤེགས་པ་དགུང་ལོ་སུམ་ཅུ་སོ་གཉིས་པ་རབ་བྱུང་བདུན་པའི་ཤིང་ལུག་ལོ་ལ་འདས། དྲུག་པ་མཐོང་བ་དོན་ལྡན་དགུང་ལོ་སོ་བརྒྱད་པ་རབ་བྱུང་བརྒྱད་པའི་ཆུ་བྱ་ལོར་འདས། བདུན་པ་ཆོས་གྲགས་རྒྱ་མཚོ་དགུང་ལོ་ང་གསུམ་པ་མེ་སྟག་ལོར་འདས། བརྒྱད་པ་མི་བསྐྱོད་རྡོ་རྗེ་དགུང་ལོ་ཞེ་བརྒྱད་པ་རབ་བྱུང་དགུ་པའི་མེ་ཡོས་ལོར་འདས། དགུ་པ་དབང་ཕྱུག་རྡོ་རྗེ་དགུང་ལོ་ཞེ་བརྒྱད་པ་རབ་བྱུང་བཅུ་པའི་ཆུ་ཡོས་ལོར་འདས། བཅུ་པ་ཆོས་དབྱིངས་རྡོ་རྗེ་དགུང་ལོ་དོན་གཅིག་པ་རབ་བྱུང་བཅུ་གཅིག་པའི་ཤིང་སྟག་ལོར་འདས། བཅུ་གཅིག་པ་ཡེ་ཤེས་རྡོ་རྗེ་དགུང་ལོ་ཉེར་བདུན་པ་རབ་བྱུང་བཅུ་གཉིས་པའི་ཆུ་རྟ་ལོར་འདས། བཅུ་གཉིས་པ་བྱང་ཆུབ་རྡོ་རྗེ་དགུང་ལོ་སུམ་ཅུ་པ་ཆུ་བྱི་ལོར་འདས། བཅུ་གསུམ་པ་བདུད་འདུལ་གྲགས་པ་རྡོ་རྗེ་དགུང་ལོ་དྲུག་ཅུ་རེ་ལྔ་པ་རབ་བྱུང་བཅུ་གསུམ་པའི་མེ་སྦྲུལ་ལོ་ལ་འདས། བཅུ་བཞི་པ་ཐེག་མཆོག་རྡོ་རྗེ་དགུང་ལོ་ཞེ་བརྒྱད་པ་རབ་བྱུང་བཅུ་བཞི་པའི་ཤིང་སྦྲུལ་ལོ་ལ་འདས། བཅོ་ལྔ་པ་མཁའ་ཁྱབ་རྡོ་རྗེ་དགུང་ལོ་དོན་བརྒྱད་པ་རབ་བྱུང་བཅོ་ལྔ་པའི་ཕག་ལོ་ལ་འདས། 11101193 12041283 12841339 13401383 13841415 14161453། 14541506 15071555 15561603 16041674 16761702 17031732། 17331797 17981845 1846 ༈1923 2 ཞྭ་ནག་གྱོན་ཏེ་འཆམ་རྒྱག་མཁན། 17331797། 17981845། 1846༈1923 2 ཞྭ་ནག་གྱོན་ཏེ་འཆམ་རྒྱག་མཁན། |
| ཞྭ་པར |
ཞྭ་མོའི་སྦུབས་དབྱིབས་འདོན་བྱེད་ཀྱི་ཤིང༌། |
| ཞྭ་མོ |
མགོ་བོར་གཡོག་རྒྱུའི་གོས། ཕྱིང་ཞྭ། རྩྭ་ཞྭ། སོག་ཞྭ། དགུན་ཞྭ། ཆར་ཞྭ་གྱོན་པ། དབུ་ཞྭ་འབུད་པ། མིང་གི་རྣམ་གྲངས་ལ་སྐྱེ་བོའི་ཅོད་པན་དང༌། མགོ་བོའི་གོས། མགོ་བོའི་ཞྭ། མགོ་རེག་ཆུ་སྐྱོབ་བཅས་སོ། |
| ཞྭ་མོ་ལྕགས་མདའ |
སྔར་བོད་ས་གནས་སྲིད་གཞུང་གི་རིམ་པ་བཞི་པ་ཡན་གྱིས་གྱོན་ཆོག་པའི་དབྱར་ཞྭ་ཞིག |
| ཞྭ་ཙོག |
སྔར་སེར་འབྲས་དགེ་གསུམ་གྱི་གྲྭ་ཚང་མཁན་པོའི་གསོལ་དཔོན་གྱི་ཞྭ་མོ། |
| ཞྭ་ཟེ |
ཞྭ་མོའི་ཟེ་སྒྲོ། |
| ཞྭ་ཟླུམ |
ཨ་མདོའི་གྲྭ་པས་གྱོན་པའི་བཙུན་ཞྭ་ཁྱད་པར་བ་ཞིག |
| ཞྭ་འབོག |
སྔར་བོད་ས་གནས་སྲིད་གཞུང་གི་ལས་ཀྱི་སྣེ་མོར་འཁོད་པ་རིམ་པ་ལྔ་པ་མན་གྱིས་གྱོན་རྒྱུའི་ཞྭ་མོ་སེར་པོ་སྒོར་སྒོར་ཞིག |
| ཞྭ་རྣ་རིང |
ཞྭ་མོ་རྣ་བ་རིང་པོ་སྟེ་རྗེ་ཙོང་ཁ་པའི་དབུ་ཞྭ་ལྟ་བུའོ། |
| ཞྭ་རྨོག |
ཧོར་སོག་ལུགས་ཀྱི་དམག་ཞྭ། |
| ཞྭ་སེར |
བུ་སྟོན་རིན་ཆེན་གྲུབ་ཀྱིས་གྱོན་སྲོལ་བཏོད་ནས་ཙོང་ཁ་པ་བློ་བཟང་གྲགས་པའི་རྗེས་སུ་དར་རྒྱས་ཆེ་བར་གྱུར་པའི་དགེ་ལུགས་པའི་བཙུན་ཞྭ་ཞིག |
| ཞྭ་སེར་ཅོད་པན་འཆང་བའི་ལུགས |
དགེ་ལུགས། |
| ཞྭ་སེར་ཆོས་འབྱུང་བཻ་སེར |
དཔལ་མཉམ་མེད་རི་བོ་དགའ་ལྡན་པའི་བསྟན་པ་ཞྭ་སེར་ཅོད་པན་འཆང་བའི་རིང་ལུགས་ཆོས་ཐམས་ཅད་ཀྱི་རྩ་བ་གསལ་བར་བྱེད་པ་བཻ་ཌཱུརྻ་སེར་པོའི་མེ་ལོང་ཞེས་བྱ་བ་འདི་སྡེ་སྲིད་སངས་རྒྱས་རྒྱ་མཚོས་རབ་བྱུང་བཅུ་གཉིས་པའི་ཆུ་སྤྲེལ་ནས་ས་སྟག་ལོ་བར་ལ་བརྩམས། དགེ་ལུགས་པའི་ལོ་རྒྱུས་རྒྱས་ཤིང་རྒྱས་པ་དང༌། ཞྭ་སེར་གྱི་དགོན་མ་ལག་སོ་སོའི་འདེབས་པ་པོ། བསྟན་འཛིན་སྐྱེས་བུ་རིམ་བྱོན། གྲྭ་རྒྱུན་མང་ཉུང་དང་བཅས་པ་ཕྲ་ཞིང་ཞིབ་པར་བཀོད་ཡོད་པས་ལོ་རྒྱུས་དེབ་ཐེར་གྱི་ཁྲོད་དུ་གནད་ཆེ་བ་ཞིག་གོ། ལྷ་སའི་པར་མར་ཤོག་གྲངས་བཞི་བརྒྱ་དང་བཅུ་དགུ་ཡོད། 16531075 16921698 |
| ཞྭ་སེར་བ |
སྔོན་གྱི་འདུལ་འཛིན་རྣམས་ཀྱིས་དབུ་ཞྭ་སེར་པོ་མནབས་ཤིང༌། ཕྱིས་སུ་འདུལ་ལུགས་ཉམས་པ་གསོ་ཕྱིར་རྗེ་ཙོང་ཁ་པས་དབུ་ཞྭ་སེར་པོ་མནབས་པར་བརྟེན་དགེ་ལུགས་པ་ལ་ཞྭ་སེར་བ་ཡང་ཟེར། |
| ཞྭ་སྟེགས |
ཞྭ་མོ་འཇོག་སའི་སྟེགས་བུ། |
| ཞྭ་སྣེ |
ཞྭ་མོའི་སྣེ་མོ། ཁྱོད་རྣ་བ་ཞྭ་སྣེས་མ་བཀབ་པར། ང་དཔའ་བོའི་གླུ་འདི་ལེགས་པར་ཉོན། |
| ཟ |
བོད་ཡིག་གསལ་བྱེད་ཉེར་གཉིས་པ་འདིའི་ང་རོ་འདོན་ཚུལ་ལ་སྐྱེ་གནས་སོ་དང༌། བྱེད་པ་ལྕེ་རྩེ། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་དྲོ་ཞིང་སྒྲ་མེད་པ། མིང་གཞིའི་མོ་ཡིག་ཅིག…2.མ་འོངས་པ་རྒྱུ་ལས་འབྲས་བུ་འབྱུང་བ་ཆུད་མི་ཟ་ཞེས་པ་ལྟ་བུ། |
| ཟ་ཁ་བུད་པ |
ལྟོ་ཆས་ཀྱིས་ཁ་ཕྱིད་པ། ཟ་ཁ་བུད་མིན། ཟ་ཁ་བུད་ཙམ་བྱུང་བ། |
| ཟ་ཁང |
ཟ་མ་ཟ་སའི་ཁང་པ། |
| ཟ་ཁུ |
ཁ་ཟས་ཀྱི་དྭངས་མ་ལུས་ཟུངས་སུ་མ་གྱུར་ནས་དྲི་ཆུ་དང་ལྷན་དུ་ཕྱིར་བབ་པའི་གཅིན་སྙིའི་ནད་ཀྱི་ནང་ཚན་ཞིག |
| ཟ་གྲི |
ཤ་གཏུབ་བྱེད་ཀྱི་གྲི་ཆུང༌། ཟ་གྲི་རང་ལ་མ་ཡོད་ན། ཞིམ་ཤ་མི་ནས་ཆོད་ལེ་མིན། |
| ཟ་གྲོགས |
བཟའ་བཏུང་བྱེད་མཁན་གྱི་རོགས་པ། |
| ཟ་ངེ་ཟེང་ངེ |
(རྒྱན་ཚིག) འཆོལ་བའམ་རིམ་པ་ཉམས་པ་སེམས་ཟ་ངེ་ཟིང་ངེ་། ཚིག་ཟ་ངེ་ཟིང་ངེ་མ་བཤད་ལྟ་བུ། |
| ཟ་ཆེ་བ |
ལྟོ་ཆས་བཟས་དྲགས་པ། ཟས་ཟ་ཆེ་ན་ཕོ་བ་ན་ཡོང༌། |
| ཟ་ཆོག་འཐུང་ཆོག |
1 བཟའ་བཏུང་འཚོལ་ཐབས་ཙམ་གྱི་བྱ་བའམ་ཆོ་ག། འདིས་ཟ་ཆོག་འཐུང་ཆོག་ཙམ་ལས་གཞན་གང་ཡང་མི་ཤེས། 2 གཡོ་བསྐོལ་བྱས་ཟིན་པའི་བཟའ་བཏུང་གི་རྫས། ངའི་ཁྱིམ་དུ་མགྲོན་ནམ་ཡོང་ཡང་ཟ་ཆོག་འཐུང་ཆོག་བྱས་ནས་བསྡད་ཡོད། |
| ཟ་ཉལ |
ལྟོ་ཟ་བ་དང་གཉིད་ཉལ་བ། ཟ་ཉལ་འགྲོ་འདུག་སྤྱོད་ལམ་རྣམ་པ་བཞི། |
| ཟ་ཉེས |
1 ཚོད་མ་བཟུང་བར་གང་བྱུང་ཟ་བའམ་ཟ་མི་རུང་བ་ཟ་བ། མཐོང་ཚད་ཟ་ཉེས་ཀྱིས་གྲོད་ཁོག་ན་བ། 2 འཚོ་བ་སྐྱེལ་སྟངས་མི་ཤེས་པ། མི་འདིས་ཟ་ཉེས་འཐུང་ཉེས་ཁོ་ན་བྱས་ཏེ་སྤྲང་པོར་གྱུར་པ་རེད། |
| ཟ་ཉེས་པ |
ལྟོ་ཆས་ཟ་སྟངས་ཡག་པོ་མ་བྱུང་བའམ་ཟ་ནོར་བ། |
| ཟ་ཐང |
ལྟོ་ཆས་ཐོབ་སྐལ་གྱི་ལམ་འགྲོ། དམངས་ཀྱི་ཟ་ཐང༌། |
| ཟ་ཐུར |
ཡུལ ཟ་སྤྱད་ཐུར་མའམ་ཁེམ་བུ། |
| ཟ་ནམ་ཟིན་ལྡེ |
ཨི་ཤོ་ལེགས་དང་རྨུ་ལྕམ་སྨད་ལེགས་གཉིས་ཀྱི་སྲས། སྔར་བོད་རྒྱལ་བཅུ་དྲུག་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག |
| ཟ་ཕ |
ཁྱིམ་བདག |
| ཟ་ཕོད་པ |
ཟས་ཟ་ནུས་པ། མིའི་ནང་དུ་འབྱོར་པ་ཆེ་ཆུང་གཅིག་པ་ཡིན་ཡང་ཟ་ཕོད་པ་དང་མི་ཕོད་པ་སྣ་ཚོགས་ཡོད། |
| ཟ་ཕྲུག |
གཡན་པ། མགོ་ལ་སྐོགས་སྐྱི་ཆགས་ཏེ་ཟ་ཕྲུག་ལངས་པ། གཟུགས་པོར་ཚ་ཐོར་སྐྱེས་ནས་ཟ་ཕྲུག་ལངས་པ། |
| ཟ་བ |
1. ཐ་དད་པ བཟས་པ། བཟའ་བ། ཟོ།། ཟ་མ་ཟ་བ། མངར་ཆ་ཟ་བ། ཟ་ཟ་འཐུང་འཐུང༌། ཁ་ལ་མར་ཞིག་བཟས་ནས། རྐན་ལ་རུས་པ་ཟུག་བྱུང༌། 2.ཐ་མི་དད་པ 1)ཟ་ཕྲུག་ལངས་པ། གཟུགས་པོ་ཟ་བ། རྨ་ཁ་ཟ་བ། 2)བཟས་པ། ཟ་བ།།སྐྱེ་བ་དང༌། འབྱུང་བ། ཁོང་ཁྲོ་ཟ་བ། གཡང་ཟ་བ། ཐེ་ཚོམ་ཟ་བ། རྣམ་རྟོག་ཟ་བ། དོགས་པ་ཟ་མི་དགོས། ཚིག་པ་བཟས་པ། ལྟོགས་ཚིག་ཟ་བ། 3.འཛའ་བའི་ད་ལྟ་བའི་འབྲི་ཚུལ་གཞན་ཞིག 4 1 ལྟོ་ཆས། ཟ་བའི་ཁམ། 2 ཟ་ཕྲུག ཟ་བ་ཕྲུགས་པ། |
| ཟ་བ་པོ |
འབྲས་བུ་ལ་ལོངས་སྤྱོད་པའི་ཟ་བ་པོ་ཞེས་གང་ཟག་གི་བདག་གི་རྣམ་གྲངས་སུ་གྲངས་ཅན་པས་འདོད། |
| ཟ་བཅུད |
1 ཟ་ཡུན་རིང་ཐུང་གི་ལྡང་ཤེད། ཟ་བཅུད་ཆེ་བ། ཟ་བཅུད་ཆུང་བ། 2 ཟས་ཀྱི་རོ་ནུས། |
| ཟ་བབས |
གོས་ཆེན་བྱེ་བྲག་པ་ཞིག གོས་ཆེན་ཟ་བབས་ཀྱི་ཕྱུ་པ་འཚེམ་པ། |
| ཟ་བསོད |
ལྟོ་ཆས་ཟ་བའི་སྐལ་བའམ་ལམ་འགྲོ། འབྱོར་པ་ཆེ་ཡང་ཟ་བསོད་མེད་པ། |
| ཟ་བེ་ཟོ་བེ |
ཡུལ ནན་ཏན་མེད་པ། ལས་དོན་ཟ་བེ་ཟོ་བེ་བྱེད་པ། |
| ཟ་བེད |
མི་སེར་གྱི་ས་ནས་ཧམ་ཟ་བྱེད་པ། |
| ཟ་བེར་བ |
ཟ་ཕྲུག་ལངས་པ། གདོང་ལ་དུག་སྦྲང་གིས་སོ་བཏབ་པས་ཟ་བེར་བ་བྱས་བྱུང༌། |
| ཟ་བྱེད |
མངོན 1 ཁ། 2 བརྒྱ་བྱིན་གྱི་རྡོ་རྗེ། 3 གདོང༌། 4 མེ། 5 མེ་ལྷ། 6 སྲིན་པོ། |
| ཟ་མ |
1 ལྟོ་ཆས། 2 བུད་མེད། 3 ལྟོ་ཡུན་ཏེ། ལྟོ་ཐེངས་གཅིག་ཟ་བའི་དུས་ཡུན། ཞག་དང་ཟ་མ་ཙམ་ཡང་མ་འགྱངས་པ། 4 མ་ནིང༌།…5.3དུས་ཐུང་ངུ་ཞིག་གི་མིང་ལོ་དང་ཟླ་བ་ཞག་དང་ཟ་མ་ཞེས་པ་ལྟ་བུ། |
| ཟ་མ་ཏོག |
1 ཡོ་བྱད་འཇུག་སྣོད། 2 མདོ་སྡེ་ཞིག |
| ཟ་མ་ཏོག་ཅན |
མངོན 1 འགྲོན་བུ། 2 སྲིན་བུ་པད་པ། |
| ཟ་མ་ཏོག་བཀོད་པ |
སྤྱན་རས་གཟིགས་ཀྱི་མདོ་སྡེ་ཞིག་བམ་པོ་ཕྱེད་དང་ལྔ་ལེའུ་གཉིས་པ། པཎྜི་ཏ་ཛི་ན་མི་ཏྲ་སོགས་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པའོ། |
| ཟ་མ་མ་ནིང |
ཕོ་མོ་གང་རུང་འདོད་པ་ཚུལ་བཞིན་དུ་སྤྱོད་མི་ནུས་པ་ཞིག |
| ཟ་མ་མོ |
བུད་མེད། |
| ཟ་མཁས་འཐུང་མཁས |
ཟ་འཐུང་བེད་སྤྱོད་མཁས་པ། |
| ཟ་མཁས་སྤྱོད་མཁས |
གྲོན་ཆུང་གི་ཐོག་ནས་འཚོ་བ་སྐྱེལ་མཁས་པ། |
| ཟ་ཚན |
ལྟོ་ཆས་མང་ཉུང་ཟ་ཐུབ་པའི་འབོར་ཚད། ཟ་ཚན་ཤིན་ཏུ་ཆེན་པོ། |
| ཟ་ཚོ |
བཟའ་ཚོ་ཡི་འབྲི་ཚུལ་གཞན་ཏེ། བཟའ་ལ་ལྟོས། |
| ཟ་ཚོད |
ཟས་ཟ་འབོར་མང་ཉུང་གི་ཚོད། ལྟོ་ཆས་ཟ་ཚོད་རན་པ། |
| ཟ་ཟ |
ཨ་མའི་མིང་གཞན། |
| ཟ་ཟི |
འདུ་ལོང་སྟེ་ལས་དང་སྐད་ཆ་མང་པོའི་བྲེལ་ཟིང༌། མི་མང་འདུ་འཛོམས་ཟ་ཟིའི་ཁྲོད་དུའང་མནོ་བསམ་གཏོང་ཐུབ་པ། སྨིག་རྒྱུ་ཟ་ཟིས་མགོ་རྨོངས་ཏེ་ཤར་དང་ནུབ་ལ་སོགས་པའི་ཕྱོགས་ཀྱང་མཚོན་པར་མི་ནུས། |
| ཟ་ཟེད |
(རྒྱན་ཚིག) མི་མང་བོས་བྲེལ་འཚུབ་བྱེད་པ་ལྟ་བུ་འཁྲུག་སློང་ཟ་ཟེད་ཞི་ལྟ་བུ། |
| ཟ་འགྲམ |
མིག་གི་ཕྱི་ཟུར་དང་རྣ་རྩེའི་ནང་ངོས་ཀྱི་དཀྱིལ། |
| ཟ་འདྲེ |
ལྟོགས་བྱེད་ཀྱི་འདྲེ། |
| ཟ་འཕྲུག |
ཕྱི་ནང་གི་རྐྱེན་གྱིས་ལུས་ཀྱི་སྐྱི་པགས་ལ་ཟུག་རེག་ཕྲན་བུ་བསྐྱེད་པའི་མྱོང་ཚོར་གྱི་མིང་ལུས་ལ་ཟ་འཕྲུག་ལངས་ལྟ་བུ། |
| ཟ་འཕྲོ |
1 ལྟོ་ཆས་བཟས་པའི་ལྷག་མ། ཟ་འཕྲོ་འཐུང་འཕྲོ། ལྟོ་ཆས་ཟ་འཕྲོ་ཡུན་རིང་དུ་འཇོག་མི་རུང༌། 2 ཟས་ཟ་བཞིན་པའི་མཚམས་བཞག་པ། ཁོ་ཚོ་ལྟོ་ཆས་ཟ་འཕྲོ་བཞག་ནས་ཕྱི་ལ་ཕྱིན་སོང༌། |
| ཟ་འབོར་ཁ་འཐབ |
གཏོང་ཡོང་མགོ་གཏུག་པ། ལོ་གཅིག་ཁྱུད་འཁོར་གྱི་ཟ་འབོར་ཁ་འཐབ་སྡོམ་རྩིས་རྒྱག་པ། |
| ཟ་འབྲུ |
ཟ་རྒྱུའི་འབྲུ་རིགས། |
| ཟ་འོག |
དར་སྐུད་སྣ་ལྔ་དང་གསེར་སྐུད་སོགས་བསྲེས་ནས་བཏགས་པའི་གོས་ཆེན་ཞིག |
| ཟ་ཡོན |
1 ཁྱིམ་བདག་ཨ་ཕ། 2 གཞན་གྱི་ལས་རོགས་བྱས་པའི་གླ། 3 སྔ་དུས་བོད་སྲོལ་ཆོས་ཀློག་པའི་ཡོན། |
| ཟ་ར་ཚགས |
ཁང་བའམ་མཆོད་རྟེན་གྱི་ཀླད་ཁེབ་ཀྱི་ཐོག་གི་ཆུ་མར་འབབ་སའི་ཆུ་ཤུར་རམ་ཝ་མཆུའི་མིང་། |
| ཟ་རི་ཟི་རི |
1 མི་གསལ་བའི་ཚུལ། ནམ་ཟ་རི་ཟི་རིའི་དུས། དྲན་པ་ཟ་རི་ཟི་རི། ཆང་གིས་བཟི་ན་སེམས་རྣལ་དུ་མི་གནས་པར་ཟ་རི་ཟི་རི་བྱེད་ཡོང༌། 2 དོན་མེད་དུ་གཡེང་བའི་ཚུལ། དོན་མེད་ཟ་རི་ཟི་རིའི་ལས་ཀྱིས་བྲེལ། 3 སྒྲ་མཚོན་པའི་ཚིག མེ་ཏོག་གི་ཁྲོད་ནས་བུང་བའི་སྒྲ་ཟ་རི་ཟི་རི་སྒྲོག་པ། |
| ཟ་རུ |
ཤིང་སྐྱོགས། དཀའ་ལས་ཟ་རུས་སྤྱད་ན། འབྲས་བུ་ཟ་རུར་འཁོར་ཡོང༌། ཁོག་མ་ལ་མེད་ན། ཟ་རུ་ལ་གང་ནས་ཡོང༌། |
| ཟ་རྐང |
སྔར་དཔོན་ཁུངས་ཀྱི་ངོ་ཚབ་མི་སྣ་ལ་ཁྲལ་ལྟར་སྤྲོད་པའི་གླ་ལྟོ། |
| ཟ་རྐོང |
བ་སྤུ་བྱི་ཞིང་གཡའ་ཟ་བྱེད་པ་དང༌། ཤ་མདོག་སྔོན་པོར་འགྱུར་ཞིང་གཞན་ལ་འགོ་བར་འགྱུར་བའི་པགས་ནད་ཅིག |
| ཟ་རྒྱག་སྤྱོད་གསུམ |
ལུགས་དང་མི་མཐུན་ཞིང་གང་བྱུང་གིས་འཚོ་བ་སྐྱེལ་སྟངས། |
| ཟ་རྒྱན |
མངོན ཤོ་སྦག |
| ཟ་རྔམ |
ལྟོགས་རྔམ། ལྟོ་ལ་ཟ་རྔམ་མ་བྱེད། |
| ཟ་ལུང |
གཙང་སྟོད་བོན་པོའི་གནས་ཤིག |
| ཟ་ཤེད |
ཟས་ཟ་ཤུགས་སམ་ཟས་ཟ་འབོར་མང་ཉུང་གི་ཚོད། ཟ་ཤེད་ཆེ་བ། ཟ་ཤེད་ཆུང་བ། |
| ཟ་སྐལ |
ལྟོ་ཆས་ཐོབ་ཐང༌། |
| ཟ་སྒོ |
ཟས་ནོར་ཡོང་སྒོ། |
| ཟ་སྙད |
ལྐོག་རྔན་ཟ་འདོད་ཀྱིས་སྙད་འཚོལ་བ། གཞན་ལ་ཟ་སྙད་བྱེད་པ། སྔར་དཔོན་ངན་གྱིས་མི་སེར་ལ་ཟ་སྙད་བྱེད་རྒྱུ་ཁོ་ན་ལས་གཞན་གང་ཡང་མི་ཤེས། |
| ཟ་ཧམ |
ལྟོགས་རྔམ། ཟ་ཧམ་འཐུང་ཧམ་བྱེད་པ། |
| ཟ་ཧོར |
རྒྱ་གར་སྐད་ཟ་ཧོ་རའི་ཟུར་ཆག་དེ་སྔོན་བོད་ཀྱི་ལོ་རྒྱུས་ཐོག་རྒྱ་གར་བྷངྒ་ལ་ཟེར་བའི་ཡུལ་གྱི་མིང་དེང་སང་མེང་ཅ་ལར་ཟེར། |
| ཟ་ཧོར་ཀུ་ཤུ |
ཤིང་འབྲས་ལེགས་གྲས་ཤིག |
| ཟ།1 |
(བྱེད་འབྲེལ་ལས་ཚིག་ད་ལྟ་བ)ཟས་ལ་ལོངས་སྤྱོད་པ་མགྲོན་པོས་ཟས་ཟ་བཞིན་འདུག ཟས་ཟ་མཁན་ཞེས་པ་ལྟ་བུ། 2.(བྱེད་མེད་ལས་ཚིག་མ་འོངས་པ་དང་ད་ལྟ་བ)སྐྱེ་བ་དང་འབྱུང་བའི་དོན་ཏེ། དོགས་པ་ཟ། འཚིག་པ་ཟ་ཞེས་པ་ལྟ་བུ། 3.འཛའ་ཡི་མ་འོངས་པ། |
| ཟག |
ཟག་པ་མ་དག་པའི་དྲི་མའམ་སྐྱོན་གྱི་མིང་ཟག་པ་ཟད་པ(དྲི་མ་མེད་པ)སྐྱོན་བཙལ་བ་ལ་ཟག་བཙལ་ཟེར་བ་ལྟ་བུ། |
| ཟག་ཁུ |
ཡུལ ཆུ་མ་བརྒྱབ་པའི་ཆང་གི་སྙིང་ཁུ། |
| ཟག་པ |
1.ཐ་མི་དད་པ 1 ཟགས་པ། ཟག་པ།། ལྷུང་བ། གཡང་སར་ཟགས་པ། ཁང་པའི་ནང་ལ་ཐིགས་པ་ཟག་གི་འདུག ཁང་ཐོག་ནས་ཟགས་སོང༌། མཆི་མ་ཟགས་པ། 2 འཛག་པའི་འདས་པ། 2 1 ཉོན་མོངས། 2 བཤང་གཅི་མཆི་མ་སྣབས་སོགས་ལུས་ལས་བྱུང་བའི་མི་གཙང་བའི་རྫས། ཟག་པ་འདོར་བ། |
| ཟག་པ་གསུམ |
འདོད་པའི་ཟག་པ་དང༌། སྲིད་པའི་ཟག་པ། མ་རིག་པའི་ཟག་པ་སྟེ་གསུམ། |
| ཟག་པ་གསོག་པ |
གཞན་ལ་ཞེ་སུན་སྐྱེད་པའམ་ཁོང་ཁྲོ་སློང་བ། དོན་མེད་སྐད་ཆ་རྩུབ་པོས་མི་གཞན་ལ་ཟག་པ་གསོག་པ། |
| ཟག་པ་དང་འབྲེལ་བ |
ཟག་པ་དང་ལྷན་ཅིག་འབྱུང་བའི་སེམས་བྱུང་དང་བདག་རྐྱེན་མིག་དབང་སོགས་ཏེ། ཟག་པའི་སྒོ་དྲུག་གི་ནང་ཚན་ཞིག |
| ཟག་པ་བཞི |
འདོད་པའི་ཟག་པ་དང༌། སྲིད་པའི་ཟག་པ། མ་རིག་པའི་ཟག་པ། ལྟ་བའི་ཟག་པ་སྟེ་སྲིད་པའི་ཆུ་བོ་བཞི་ལ་ཟག་པ་བཞི་ཞེས་པའོ། |
| ཟག་པ་ཟད་པ |
ཉོན་མོངས་ཟད་པ། |
| ཟག་པ་ཟད་པ་མཁྱེན་པའི་སྟོབས |
དེ་བཞིན་གཤེགས་པའི་སྟོབས་བཅུའི་ནང་གསེས་ཤིག་སེམས་ཅན་འདི་དག་ནི་ཉོན་མོངས་པ་ལ་སོགས་པའི་ཟག་པ་ཟད་དོ་ཞེས་བྱ་བའི་བྱེ་བྲག་ལ་མཁས་པ། |
| ཟག་པ་ཟད་པ་ལ་མི་འཇིགས་པ |
སྤངས་པ་ཕུན་ཚོགས་ལ་མི་འཇིགས་པ་དང་དོན་གཅིག་ |
| ཟག་པ་ཟད་པའི་མངོན་ཤེས |
མངོན་པར་ཤེས་པ་དྲུག་གི་ཡ་གྱལ་ཞིག་མཐོང་བ་དང་བསྒོམས་པས་སྤངས་པའི་ཉོན་མོངས་པ་གང་སྤངས་མ་སྤངས་པའི་རིམ་པ་ཤེས་ནས་ཟད་པ་དང་མི་སྐྱེ་བའི་ཡེ་ཤེས་ཐོབ་པ་ཤེས་པའོ། |
| ཟག་པ་ཟད་པའི་རིག་པ |
རང་རྒྱུད་ལྡན་གྱི་ཉོན་མོངས་ཟད་པ་མངོན་སུམ་དུ་རྟོགས་པའི་ཆ་ནས་བཞག་པའི་ཞི་ལྷག་ཟུང་འབྲེལ་གྱི་ཤེས་པ་སྟེ་རིག་པ་གསུམ་གྱི་ཡ་གྱལ་ཞིག |
| ཟག་པའི་གནས་ངན་ལེན |
ལུས་ངག་ཡིད་གསུམ་དགེ་བ་ལ་བཀོལ་དུ་མི་རུང་བའི་གནས་ངན་ལེན། |
| ཟག་པའི་བདག་ཉིད |
ཟག་པའི་སྒོ་དྲུག་གི་ནང་ཚན་ཏེ། རྩ་ཉོན་དང་ཉེ་ཉོན་རྣམས་སོ། |
| ཟག་པའི་རྒྱུ་ལས་བྱུང་བ |
ཟག་པའི་འབྲས་བུ་རྣམས་ཏེ། ཟག་བཅས་ཉེར་ལེན་གྱི་ཕུང་པོ། |
| ཟག་པའི་རྗེས་སུ་མཐུན་པ |
ཟག་པའི་ཡུལ་གཟུགས་ལ་སོགས་པ་ཅི་རིགས་པ་ཟག་པའི་སྒོ་དྲུག་གི་ནང་ཚན་ཞིག |
| ཟག་པའི་རྗེས་སུ་འབྲེལ་བ |
ཟག་པའི་གནས་ངན་ལེན་དང་ལྡན་པ་ལམ་བདེན་མ་གཏོགས་པའི་འདུས་བྱས་ཀྱི་ཆོས་རྣམས་སོ། ཟག་པའི་སྒོ་དྲུག་གི་ནང་ཚན་ཞིག |
| ཟག་པའི་སྒོ་དྲུག |
ཀུན་ཉོན་རྒྱས་པའམ་འཕེལ་བར་རུང་བའི་སྒོ་དྲུག་ཟག་པའི་བདག་ཉིད། ཟག་པ་དང་འབྲེལ་བ། ཟག་པས་བཅིངས་པ། ཟག་པའི་རྗེས་སུ་འབྲེལ་བ། ཟག་པའི་རྗེས་སུ་མཐུན་པ། ཟག་པའི་རྒྱུ་ལས་བྱུང་བ་བཅས་སོ། |
| ཟག་པས་བཅིངས་པ |
ཁམས་གསུམ་གྱི་དགེ་བ་ཟག་བཅས་རྣམས་དེས་སྲིད་པའི་རྒྱུར་ཀུན་ནས་བཅིངས་པ་ཟག་པའི་སྒོ་དྲུག་གི་ནང་ཚན་ཞིག |
| ཟག་ཕུང |
ལུས། ཟག་ཕུང་བདེ་ཐང༌། |
| ཟག་བཅས |
ཉོན་མོངས་ཅན་ཏེ། དམིགས་པ་དང་མཚུངས་ལྡན་གང་རུང་གི་སྒོ་ནས་ཟག་པའམ་ཉོན་མོངས་རྒྱས་འགྱུར་གྱི་ཆོས། ཉེར་ལེན་གྱི་ཕུང་པོ་ལྔ་ལྟ་བུའོ། |
| ཟག་བཅས་ཀྱི་ཆོས |
ཉོན་མོངས་པའི་ཟག་དང་བཅས་པའི་ཆོས་རྣམས། |
| ཟག་བཅས་ཀྱི་ཕུང་པོ་ལྔ |
རང་རྒྱུ་ལས་ཉོན་གྱིས་བསྐྱེད་པའི་གཟུགས་དང༌། ཚོར་བ། འདུ་ཤེས། འདུ་བྱེད། རྣམ་པར་ཤེས་པ་བཅས་ཀྱི་ཕུང་པོ་ལྔའོ། |
| ཟག་བཅས་མངོན་ཤེས |
འཇིག་རྟེན་པའི་མངོན་ཤེས། |
| ཟག་བདེ |
ཟག་བཅས་ཀྱི་བདེ་བ་སྟེ་ཉོན་མོངས་པའི་བདེ་བ། ཡུན་རིང་ཟག་བདེ་སྤྱད་པ། |
| ཟག་བྱེད |
མངོན ཕོ་དབང་དང་མོ་དབང༌། |
| ཟག་མགོ |
ཡུལ ཁ་ལ་དུ་བ་འཐེན་བྱེད་ཀྱི་ཡོ་སྤྱད་ཅིག |
| ཟག་མེད |
དམིགས་པའམ་མཚུངས་ལྡན་གང་རུང་གི་སྒོ་ནས་ཀྱང་ཟག་པ་རྒྱས་པར་མི་འགྱུར་བའི་ཆོས་ལམ་བདེན་དང་འགོག་པ་ལྟ་བུའོ།…2.སངས་རྒྱས་ཆོས་ལུགས་ཀྱི་བཤད་ཚུལ་ཞིག་འདོད་ཆགས་ཞེ་སྡང་སོགས་ཀྱི་རྒྱུ་རྐྱེན་མི་བྱེད་པའི་དོན། (བྱེད་མེད་ལས་ཚིག) བུ་ག་ཆུང་ངུ་རྡོལ་བའམ་ཧྲུལ་བོར་གྱུར་པའི་དོན་ཏེ། ལྭ་བའི་རས་ཟག ཟག་བུག་བྱུང་ཞེས་པ་ལྟ་བུ། |
| ཟག་མེད་ཀྱི་ཆོས |
ལམ་བདེན་དང་འདུས་མ་བྱས་ཀྱི་ཆོས་རྣམས་སོ། |
| ཟག་མེད་ཀྱི་དབང་པོ་གསུམ |
འཕགས་ལམ་གྱི་རྒྱུད་ཀྱིས་བསྡུས་པའི་ཟག་པ་དང་བྲལ་བའི་དབང་པོ་ཀུན་ཤེས་བྱེད་པའི་དབང་པོ་དང༌། ཀུན་ཤེས་པའི་དབང་པོ་དང༌། ཀུན་ཤེས་ལྡན་པའི་དབང་པོ་སྟེ་གསུམ་མོ། |
| ཟག་མེད་ཀྱི་ཕུང་པོ་ལྔ |
ཚུལ་ཁྲིམས་ཀྱི་ཕུང་པོ་དང༌། ཏིང་ངེ་འཛིན་གྱི་ཕུང་པོ། ཤེས་རབ་ཀྱི་ཕུང་པོ། རྣམ་པར་གྲོལ་བའི་ཕུང་པོ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་བཅས་ལྔའོ། |
| ཟག་མེད་ཀྱི་ཚོགས་གསུམ |
བསོད་ནམས་དང༌། ཚུལ་ཁྲིམས་དང༌། ཡེ་ཤེས་ཀྱི་ཚོགས་ཏེ་གསུམ་མོ། |
| ཟག་མེད་ཀྱི་ལམ་ལྔ |
ཚུལ་ཁྲིམས་ཀྱི་ཟག་མེད་ལམ་དང༌། ཏིང་ངེ་འཛིན་གྱི་ཟག་མེད་ལམ། ཤེས་རབ་ཀྱི་ཟག་མེད་ལམ། རྣམ་པར་གྲོལ་བའི་ཡེ་ཤེས་ཀྱི་ཟག་མེད་ལམ། རྣམ་པར་གྲོལ་བའི་མཐོང་བའི་ཕུང་པོའི་ཟག་མེད་ལམ་སྟེ་ལྔ། |
| ཟག་མེད་ཀྱི་སྡོམ་པ |
ཁམས་གསུམ་ལས་འདས་ཤིང་འཕགས་པའི་སས་བསྡུས་པའི་སྡོམ་པའོ། |
| ཟག་མེད་ཡེ་ཤེས་སྡེ་ཚན་ཉེར་གཅིག |
ཡེ་ཤེས་ཆོས་སྐུའི་ཡོན་ཏན་སྡེ་ཚན་ཉེར་གཅིག་ནི། བྱང་ཕྱོགས་སོ་བདུན། ཚད་མེད་བཞི། རྣམ་ཐར་བརྒྱད། མཐར་གནས་སྙོམས་འཇུག་དགུ། ཟད་པར་བཅུ། ཟིལ་གནོན་བརྒྱད། ཉོན་མོངས་མེད་པའི་ཏིང་ངེ་འཛིན། སྨོན་གནས་མཁྱེན་པ། མངོན་ཤེས་དྲུག་སོ་སོ་ཡང་དག་རིག་པ་བཞི། དག་པ་བཞི། དབང་བཅུ། སྟོབས་བཅུ། མི་འཇིགས་པ་བཞི། བསྲུང་བ་མེད་པ་གསུམ། དྲན་པ་ཉེར་གཞག་གསུམ། བསྙེལ་བ་མི་མངའ་བའི་ཆོས་ཉིད། བག་ཆགས་ཡང་དག་བཅོམ་པ། ཐུགས་རྗེ་ཆེན་པོ། སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད། རྣམ་མཁྱེན་བཅས་སྡེ་ཚན་ཉེར་གཅིག |
| ཟག་ཟད |
ཟག་པ་ཟད་པའི་བསྡུས་ཚིག་ |
| ཟག་ཟད་ཀྱི་མངོན་ཤེས |
མཐོང་བ་དང་བསྒོམ་པས་སྤངས་པའི་ཉོན་མོངས་པ་ཅི་སྤངས་ཅི་མ་སྤངས་པའི་རིམ་པ་ཤེས་བཞིན་ཟད་པ་དང་མི་སྐྱེ་བའི་ཡེ་ཤེས་ཐོབ་པ་ཤེས་པའོ། |
| ཟག་ཟོག |
གཡོ་སྒྱུའམ་ཟོག་རྫུ། |
| ཟག་རྫས |
བཤང་གཅི་མཆིལ་སྣབས་སོགས། ཟག་རྫས་བཙོག་པ། |
| ཟགས |
འདས་པ་རྔུལ་ཆུ་ཟགས་ནས་ལྭ་བ་བརླན་པར་བྱས་ལྟ་བུ། |
| ཟགས་པ |
ཟག་པའི་འདས་པ། |
| ཟང་ངི་ཟིང་ངི |
1 ཁ་ཁུ་སིམ་པོ་མིན་པའམ་ལྷིང་མི་འཇགས་པ་དང་བྲེལ་བ་ཚབ་ཚུབ། སེམས་ཟང་ངི་ཟིང་ངི་བྱེད་པ། ཟང་ཟིང་གིས་སུན་པ། 2 གོ་རིམ་འཁྲུགས་པ། མི་ནོར་མང་པོ་ཟང་ངི་ཟིང་ངིར་འཚོགས་པ། ལས་དོན་ཟང་ངི་ཟིང་ངི། ལུང་པར་ཟང་ངི་ཟིང་ངི་བྱུང་བ། |
| ཟང་ཐལ |
བར་མཚམས་མེད་པའམ། ཐོགས་རྡུགས་མེད་པ། ཡར་གྱི་ཟང་ཐལ་དུ་འགྲོ་བ། མར་གྱི་ཟང་ཐལ་དུ་འགྲོ་བ། ནུས་པ་ཧ་ཅང་ཆེ་བས་བྲག་དང་རྩིག་པ་ལ་ཟང་ཐལ་དུ་འགྲོ་བ། སྒྱོགས་ཆེན་འཕངས་པའི་མདེའུ་དགྲ་མཁར་ལ་ཟང་ཐལ་དུ་འགྲོ་བ། |
| ཟང་མ |
རྗེན་པའམ། ཐད་ཀ་དང་མངོན་སུམ། ཟེར་རྒྱུས་ཕོངས་པའི་རྟགས་ཟང་མར་སྟོན་པ། ཆང་གིས་ཧ་ཅང་མྱོས་པའི་རང་རྟགས་ཟང་མར་ཐོན་པ། |
| ཟང་ཟང |
བོད་དབུས་ཀྱི་ས་ཆ་ཞིག་གི་མིང་། |
| ཟང་ཟིང |
1 ཟང་ངི་ཟིང་ངིའི་བསྡུས་ཚིག 2 རྒྱུ་ནོར་དང་ལོངས་སྤྱོད་དམ་དངོས་རྫས། ཟང་ཟིང་གི་རོགས་རམ། ཟང་ཟིང་གིས་འབྱོར་པ། |
| ཟང་ཟིང་གི་སྦྱིན་པ |
སྦྱིན་པ་བཞིའི་ནང་ཚན། གནས་ལུས་ལོངས་སྤྱོད་ཀྱི་སྦྱིན་པ། |
| ཟང་ཟིང་ཕན་ཕུན |
རྙིང ཟང་ཟིང་དམ་དུམ། |
| ཟང་ཟིང་མེད་པ |
1 ནོར་རྫས་མེད་པ། 2 འདུ་འཛི་མེད་པ། |
| ཟང་ཡག |
གྲངས་ཀྱི་གནས་དྲུག་ཅུའི་རྩི་སྟངས་ཁག་གཅིག་ནང་ཡོད་པའི་གྲངས་ཀའི་མིང་ཞིག |
| ཟང་རྐྱང |
རྙིང ཁ་རྐྱང་ངམ་འབའ་ཞིག |
| ཟངས |
1 རིན་པོ་ཆེའི་རིགས་ཤིག་རང་བྱུང་དང་རྡོ་ལས་བྱུང་བ་གཉིས་བཅས་མཆིས། རོ་མངར། ཞུ་རྗེས་བསིལ། ནུས་པས་གློ་རྣག་དང༌། ཆུ་སེར། ཚ་ཆུ་སོགས་སྐེམ། དངུལ་ཆུའི་ནུས་པ་སྲུང༌། ལྕགས་རྡུང་སར་ལྕགས་དང༌། ཟངས་རྡུང་སར་ཟངས། མིང་གི་རྣམ་གྲངས་ལ་ཀླ་ཀློ་ཁ་དང༌། ལྕགས་དམར། ཟངས་མ། ཟངས་དམར་བཅས་སོ། 2 ཟངས་ལས་བཟོས་པའི་ཆུ་སྣོད་དམ་ཐབ་ཆས། དཀྱིལ་ཟངས། ཁམས་ཟངས། ཆུ་ཟངས། སྟོད་ཟངས་ལ་ལྔ་རྡིག་དང་དྲུག་རྡིག་སོགས་ཡོད། |
| ཟངས་ཀྱི་གཙུག་ཕུད |
མངོན ཁྱིམ་བྱ་དེ་ཕོ། |
| ཟངས་ཀྱི་དོང་ཙེ |
རྒྱ ཟངས་ཀྱི་ཊམ་ཀ། |
| ཟངས་ཀྱི་མེ་ཏོག |
1 ཟངས་ལས་བཟོས་པའི་མེ་ཏོག 2 མེ་ཏོག་གི་རིགས་ཀྱི་བྱེ་བྲག་པ་ཞིག |
| ཟངས་ཁོག |
1 ཟངས་ལས་བཟོས་པའི་ཁོག་མ། 2 སྐྲ་བྱི་བའི་མགོ་དམར་པོའི་མིང་ངན། |
| ཟངས་ཁོལ |
ཟངས་ཞུ་བའི་ཁུ་བ། ཟངས་ཁོལ་ལུགས་སུ་བླུག་པ། |
| ཟངས་ཁྲབ |
ཟངས་ཀྱིས་བཟོས་པའི་གོ་ཁྲབ། |
| ཟངས་ཁྲོ |
1 ཟངས་རག་ལུགས་སུ་བླུག་པའི་ཁྲོ། 2 ལུགས་སུ་མ་བླུགས་པའི་ཟངས་རག་མཉམ་བསྲེས་ཀྱི་ལྕགས་རིགས་ཤིག |
| ཟངས་གཏེར |
ཟངས་འབྱུང་སའི་གཏེར་ཁ། |
| ཟངས་གཡའ |
ཟངས་རླན་གྱིས་ཟོས་པའི་གཡའ་ལྗང་གུ། ཟངས་གཡའ་དུག་ལྕགས་གཡའ་སྨན། |
| ཟངས་གྲི |
1 ཟངས་འདྲ་བྱེད། 2 ཟངས་ལས་བཟོས་པའི་གྲི། |
| ཟངས་གླིང |
འཛམ་གླིང་གི་གླིང་ཕྲན་ཞིག་འགའ་ཞིག་གིས་ད་ལྟའི་གླིང་ཕྲན་ཙའོ་ཝ་ཡིན་ཟེར། འགའ་ཞིག་གིས་ད་ལྟའི་སི་ལི་ལན་ཁ་ཡིན་ཟེར། |
| ཟངས་ཆུང |
ཟངས་ལས་བཟོས་པའི་ཇ་སྐོལ་སྣོད། |
| ཟངས་ཏིག |
ཏིག་ཏ་རིགས་མེ་ཏོག་དམར་པོ་འཆར་བ་ཞིག་ནུས་པས་མཁྲིས་ནད་དང༌། རླུང་འདྲེས་པའི་ཚ་བ་རྙིང་པ་སེལ། |
| ཟངས་ཏེལ |
ཟངས་ལས་བཟོས་པའི་ཏེལ་པ་འབྲས་དང་ལྷོག་པ་སོགས་ཀྱི་ནད་དམིགས་སྲེག་བྱེད་ཀྱི་ལག་ཆ་ཞིག |
| ཟངས་ཐ་བ |
ཟངས་གྱོང་པོའམ་མ་ཐུལ་བ། |
| ཟངས་ཐལ |
1 ཟངས་འཕྲུལ་མེར་བསྲེགས་པའི་ཐལ་བ་ནུས་པས་དངུལ་ཆུ་བཙོ་བཀྲུ་ཆེན་མོའི་ནུས་པ་སྐྱེད་ཅིང་ལུས་ལ་དངུལ་ཆུའི་ནུས་པ་ཡུན་རིང་དུ་སྲུང༌། དམུ་ཆུ་དང༌། གློ་རྣག་ཆུ་སེར་བཅས་སྐེམ། 2 ཟང་ཐལ་དང་འདྲ། |
| ཟངས་དཀར |
སྟོད་མངའ་རིས་སྐོར་གསུམ་གྱི་ནང་ཚན་ཞིག་སྟེ་རབ་བྱུང་དང་པོའི་དཀྱིལ་ལ་ཟངས་དཀར་ལོ་ཙཱ་བ་འཕགས་པ་ཤེས་རབ་ཡུལ་ལུང་དེར་འཁྲུངས། |
| ཟངས་དམར |
ཟངས། |
| ཟངས་དུང |
ཟངས་ལས་བཟོས་པའི་དུང་ཆེན། ཟངས་དུང་འབུད་པ། |
| ཟངས་དྲེག |
1 ཟངས་ལ་ཆགས་པའི་དྲེག་པ། 2 ཟངས་མགར་བས་མེར་བསྲེགས་ཏེ་བརྡུངས་པའི་དྲེག་པ་ནུས་པས་འོར་ནད་དང༌། དམུ་ཆུ། གློ་རྣག་ཆུ་སེར་བཅས་ལ་ཕན། |
| ཟངས་པ |
ཟས་གཡོ་སྐོལ་བྱེད་པའི་ལྕགས་སྣོད་ཀྱི་མིང་སླ་ང་དང་དོན་གཅིག ཚིག་བསྡུས་ན་ཟངས་ཞེས་འབྲི་ཆོག་ཁྲོ་ལྕགས་ཀྱི་ཟངས་པ་ལ་ཁྲོ་ཟངས་དང་། འཁར་བའི་ཟངས་པ་ལ་འཁར་ཟངས་ཟེར་བ་ལྟ་བུ། |
| ཟངས་ཕོར་རྒྱག་པ |
སྨན་པས་ཟངས་ཀྱི་ཕོར་པ་ཚ་པོ་བཟོས་ནས་ནད་གར་ཡོད་ལ་རྒྱག་པའི་སྨན་བཅོས་བྱེད་སྟངས་ཤིག |
| ཟངས་བན |
ཟངས་ཀྱི་ཆུ་སྣོད་དང་ཆང་སྣོད། |
| ཟངས་བཟོ་བ |
ཟངས་སྤྱད་བཟོ་མཁན། |
| ཟངས་བསྐོལ་བ |
ཟངས་བཞུ་བ། |
| ཟངས་བུམ |
ཟངས་ཀྱི་བུམ་པ། |
| ཟངས་མ |
1 རང་བྱུང་ཟངས། 2 ཟངས་དཀྱུས་མ། |
| ཟངས་མཁན |
ཟངས་རྡུང་མཁན། མིང་གི་རྣམ་གྲངས་ལ་ཟངས་མགར་དང༌། ཟངས་རྡུང་བ། ཟངས་བཟོ་བ་བཅས་སོ། |
| ཟངས་མགར |
ཟངས་སྤྱད་བཟོ་མཁན། |
| ཟངས་མཆོག |
1 ས་འོག་ནས་ཐོན་པའི་རང་བྱུང་ཟངས། 2 མངོན གསེར། |
| ཟངས་མདོག |
ཁ་དོག་དམར་མདངས་ཅན། |
| ཟངས་མདོག་དཔལ་རི |
སློབ་དཔོན་པད་མ་འབྱུང་གནས་བཞུགས་པའི་དག་པའི་ཞིང་ཁམས་ཤིག |
| ཟངས་མིག |
མངོན བྱ་ཁུ་བྱུག |
| ཟངས་ཚ་བསོད་ནམས་རྒྱལ་མཚན |
དཔལ་ཆེན་འོད་པོའི་བུ་ས་སྐྱ་པཎ་ཆེན་གྱི་གཅུང་པོ་ཆོས་རྒྱལ་འཕགས་པའི་ཡབ་རབ་བྱུང་གསུམ་པའི་ཤིང་ཕོ་འབྲུག་ལོ་ལ་འཁྲུངས། ང་དྲུག་པ་ས་མོ་ཕག་ལོ་ལ་འདས། |
| ཟངས་ཚགས |
ཟངས་ཀྱི་ཇ་ཚགས་སོགས་ཚགས་སྤྱད། |
| ཟངས་ཞུན |
ཟངས་ཞུ་བའི་ཁུ་བ། |
| ཟངས་ཟེ་ཅན |
མངོན 1 ཁྱིམ་བྱའམ་བྱ་དེ་ཕོ། 2 འབྲུ་རིགས་ཤིག |
| ཟངས་ཡིག |
ཟངས་གླེགས་དང་ཟངས་ཆས་ལ་ཚག་བརྒྱབ་པའི་ཡི་གེ། |
| ཟངས་རི |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་ཡར་ཀླུངས་གཙང་པོའི་ཆུ་རྒྱུད་དུ་ཡོད། |
| ཟངས་རི་མཁར་དམར |
ལྷོ་ཁ་ཟངས་རིའི་གནས་དགོན་གྱི་བྱེ་བྲག་ཅིག་སྟེ་རབ་བྱུང་གཉིས་པའི་ས་ལུག་ལོར་མ་གཅིག་ལབ་ཀྱི་སྒྲོལ་མས་བཏབ་པའོ། |
| ཟངས་རུ་བཞི་མ |
ཟངས་ལུང་བཞི་མའང་ཟེར། ཟངས་སྣོད་ཀྱི་བྱེ་བྲག་ཅིག |
| ཟངས་རྐྱན |
ཟངས་ལས་བཟོས་པའི་ཇ་ཆང་ཐུག་པ་སོགས་བཏུང་བ་འདྲེན་བྱེད་ཀྱི་སྣོད་ཅིག |
| ཟངས་རྔ |
རྔ་ཡི་བྱེ་བྲག་ཅིག |
| ཟངས་རྡིག |
ཟངས་སྣོད་ཀྱི་བྱེ་བྲག |
| ཟངས་རྡུང་བ |
1 ཟངས་སྤྱད་བཟོ་མཁན། 2 ཟངས་ཐོ་བས་རྡེག་པ། |
| ཟངས་རྡོ |
ཟངས་འབྱུང་སའི་རྡོ། |
| ཟངས་རྩི |
1ཚ་ལའི་མིང་ངམ་ཟངས་མདོག་དང་མཚུངས་པའི་ལྕགས་རིགས་ཀྱི་རྩིའི་མིང་། 2ཟངས་རྩི་དཀར་བོ་དང་ཟངས་རྩི་ནག་པོ་ཟེར་བའི་རྩྭ་ལྡུམ་རིགས་གཉིས་ཀྱི་སྤྱི་མིང་། 3.སྔོ་སྨན་གྱི་རིགས་ཤིག་རོ་ཁ་ལ་ཚ། ནུས་པ་སྙོམས། ཟངས་རྩི་དཀར་པོས་ཁྲག་གཅོད། ཁུ་བ་འཛག་པ་ལ་ཕན། ཟངས་རྩི་ནག་པོས་མཁྲིས་ནད་མིག་སེར་ལ་ཕན། |
| ཟངས་རྩི་དཀར་བོ |
ཤིང་སྡོང་སོགས་ལ་འཁྲིལ་ནས་སྐྱེ་ཞིང་འབྲས་བུ་སྨིན་ཚེ་སྨུག་པོ་སྲན་མ་ཙམ་ཡོད་པ་འོ་མར་བཏབ་ན་ཞོ་ཆགས་པའི་རྩྭ་ལྡུམ་ཞིག་ཡིན། |
| ཟངས་རྩི་ནག་པོ |
དྲི་ཤིན་ཏུ་ཁ་བ་བྲོ་བའི་མཁན་པའི་རིགས་ཤིག་ཡིན། ０ཟངས་པ་ཞེས་པའི་ཚིག་བསྡུས་པ། |
| ཟངས་ལུང་བཞི་མ |
ཟངས་རུ་བཞི་མ་དང་དོན་གཅིག་ |
| ཟངས་ཤན |
ཟོ་བ་སོགས་སྡོམ་བྱེད། |
| ཟངས་ཤོག |
ཟངས་ཆས་བཟོ་བྱེད་ཀྱི་རྒྱུ་ཆ་སྲབ་པོ་ཞིག |
| ཟངས་ས་ལེ་སྦྲམ |
ཟངས་སྤུས་ལེགས་ཤོས། |
| ཟངས་སེར |
ཁ་དོག་སེར་པོ་ཡིན་པའི་ཟངས། |
| ཟངས་སྐུད |
ཟངས་ལས་བཟོས་པའི་སྐུད་པ། |
| ཟངས་སྐྱེས |
ལྕགས་རིགས་འཁར་བའི་མིང༌། |
| ཟངས་སྐྱོགས |
ཟངས་ལས་བཟོས་པའི་སྐྱོགས། རག་སྐྱོགས་ལས་ཟངས་སྐྱོགས་ཞན། |
| ཟངས་ཧྲུག |
ཟངས་རྡོག་ཆུང་ངུ་རིགས། |
| ཟད |
(བྱེད་མེད་ལས་ཚིག) <ཀ>མཇུག་རྫོགས་པའམ་ཚར་བའི་དོན་ཏེ། དགྲ་བོ་ཚེ་ཟད། སྡུག་གི་མཐའ་ཟད། བདེ་སྐྱིད་ཟད་པ་མེད་ལྟ་བུ། |
| ཟད་གཏུགས |
སྟོངས་པ་ལ་ཐུག་པ། སྟོབས་ཤུགས་ཟད་གཏུགས་ལ་གྱར་བ། |
| ཟད་གྲོན |
འགྲོ་སོང༌། |
| ཟད་པ |
1.འཛད་པའི་འདས་པ། 2 1 རྫོགས་རྒྱུ་དང༌། ཚར་རྒྱུ། ཤེས་བྱའི་རྣམ་གྲངས་ལ་ཟད་པ་མེད་པ། དཔལ་འབྱོར་ལོངས་སྤྱོད་ཟད་མི་ཤེས་པ། བྱ་བ་ཟད་པར་མཐའ་འཁྱོལ་བ། རྐྱེན་ཟད་པ་དང་ནུས་ཤུགས་ཉམས་པ་དུས་གཉིས་ཡིན། བྱ་རྒས་སྒྲོ་ཟད། 2 མངོན མེ་ཕོ་སྟག |
| ཟད་པ་ཤེས་པ |
ཤེས་པ་བཅུའི་ཡ་གྱལ་ཞིག་སྟེ་རང་ཉིད་སྤང་བྱ་ཐམས་ཅད་སྤངས་ཟིན་པའི་གདེང་འཐོབ་པར་བྱེད་པའི་ཤེས་པའོ། |
| ཟད་པའི་སྟོངས་པ |
བསྒྱུར་བགོད་ཀྱི་གནས་རྣམས་ཟད་དེ་ཐིག་ལེ་སྟོང་པར་གྱུར་པ། དཔེར་ན། བསྒྱུར་བྱ་སྟོངས་པར་བསྒྱུར་རྒྱུ་མེད། སྒྱུར་བྱེད་སྟོངས་ན་བསྒྱུར་གཞི་དབྱི། བསྒྱུར་བགོད་བར་སྟོངས་ཐིག་ལེས་འཛིན། |
| ཟད་པར |
མཐའ་དག་དང་ཐམས་ཅད། |
| ཟད་པར་གྱི་སྐྱེ་མཆེད |
བསམ་གཏན་ལ་དབང་ཐོབ་པའི་རྣལ་འབྱོར་པས་ཏིང་ངེ་འཛིན་གྱི་སྟོབས་ཀྱིས་འབྱུང་བ་བཞི་སོགས་གང་ལ་དམིགས་པ་དེ་ཇི་ལྟར་འདོད་པ་བཞིན་དུ་བསྒྱུར་བ་ཟད་པར་ཞེས་པ་རྒྱ་ཁྱོན་ཚད་མེད་པའི་དོན་ནོ། |
| ཟད་པར་གྱི་སྐྱེ་མཆེད་བཅུ |
ས་ཆུ་མེ་རླུང་འབྱུང་བ་བཞི་དང༌། སྔོ་སེར་དཀར་དམར་ཁ་དོག་བཞི་དང༌། ནམ་མཁའ་མཐའ་ཡས་དང༌། རྣམ་ཤེས་མཐའ་ཡས་བཅས་བཅུའོ། དེ་ལ་ཟད་པར་སའི་སྐྱེ་མཆེད་ཅེས་པ་ཏིང་ངེ་འཛིན་གྱི་སྟོབས་ལས་ས་ལ་དམིགས་པ་ན་ཕྱོགས་ཐམས་ཅད་སའི་ཕུང་པོར་བསྒྱུར་ནུས་པའོ། དེ་བཞིན་དུ་འབྱུང་བ་གཞན་དང་ཁ་དོག་སོགས་ལ་རིགས་འགྲེའོ། |
| ཟད་པར་བཅུ |
ཟད་པར་གྱི་སྐྱེ་མཆེད་བཅུ་དང་དོན་གཅིག་ |
| ཟད་པོ |
ཡོ་བྱད་སོགས་བཀོལ་ནས་ཤུལ་བབས་པའི་རིགས་ཏེ། གྲི་ཟད་པོ། ལྕགས་ཁེམ་ཟད་པོ་ཞེས་པ་ལྟ་བུ། འཛད་ཀྱི་འདས་པ། |
| ཟད་ཕྱོགས |
མངོན མར་ངོ། |
| ཟད་བསྐལ |
འཇིག་པའི་བསྐལ་པ། |
| ཟད་མཐའ |
རྫོགས་མཚམས་ཀྱི་མཐའ། ནམ་མཁའི་ཁམས་ལ་ཟད་མཐའ་མེད་པ། |
| ཟད་མི་ཤེས་པ |
ཚར་རྒྱུ་མེད་པ་མི་དམངས་ལ་སྟོབས་ཤུགས་ཟད་མི་ཤེས་པ་ཡོད་ལྟ་བུ། <ཁ>དངོས་རྫས་ཀྱི་ཐོག་ལ་བཀོལ་ཤུལ་བབས་པའི་དོན་ཏེ། སོང་ནས་ལྷམ་མཐིལ་ཟད། བརྡར་ནས་གྲི་ཁ་ཟད་ལྟ་བུ། |
| ཟད་ཟད |
མ་ཟད་བར་དུ། མདའ་རྒོད་ཉག་མ་ཟད་ཟད་འཕངས། |
| ཟད་འཐུད |
1 རྒྱུ་དངོས་བེད་སྤྱོད་ཀྱིས་ཟད་པའི་གུན་གསབ་དངོས་སྐྱིན། གྱོན་ཆས་ཟད་འཐུད། འཕྲུལ་འཁོར་ཟད་འཐུད། 2 གྲོན་ཚབ་བསྒྲིག་རྒྱུའི་ཆ་ཤས། |
| ཟད་ལེན |
སྔ་མ་ཟད་པ་དང་ཕྱི་མ་ལེན་པ། དགོས་མཁོ་ཟད་ལེན། |
| ཟད་སོང |
འགྲོ་སོང༌། ཟད་སོང་གི་སྡོམ་རྩིས་རྒྱག་པ། |
| ཟད་སྒོ |
འགྲོ་གྲོན་གྱི་གཞི་མ། |
| ཟད་སྟོངས |
ཟད་ཟིན་སྟོང་པ་སྟེ་ལྷག་མེད་དུ་སོང་བ། ཁྱིམ་ནོར་ཟད་སྟོངས་སུ་གྱུར་པ། ས་འགུལ་གྱི་གནོད་འཚེས་གྲོང་ཁྱེར་ཟད་སྟོངས་སུ་ཕྱིན་པ། |
| ཟད་ཧྲུལ |
རྙིང་ཧྲུལ། འཛིན་ཆས་ཟད་ཧྲུལ། |
| ཟན |
1 རྩམ་པ་བརྫིས་པའི་གོང་བུ་སྟེ་དབུས་གཙང་དུ་སྤག་ཟེར། ཕོར་པའི་ནང་དུ་ཟན་བརྫིས། 2 བཟའ་བཅའ།…3.འབྲུ་རིགས་ཀྱི་ཕྱེ་དང་ཕྱེའི་ཟས་ཀྱི་མིང་། |
| ཟན་ཁམ |
ཁ་ལ་ཤོང་ཙམ་གྱི་སྤག |
| ཟན་གཅོད་དུ་འཇུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། གནོད་སེམས་ཀྱི་སྒོ་ནས་གྲོགས་དགེ་སློང་ལ་ཁྱིམ་བདག་གིས་དུས་རུང་གི་ཟས་འདྲེན་པ་བཀག་པའོ། |
| ཟན་གཡོ |
སྤག་བརྫི་བ། |
| ཟན་གོང |
སྤག་རྡོག་རྡོག སྐྱུགས་ནད་ཅན་གྱིས་ཟན་གོང་མཐོང་བ་དང་མཚུངས། |
| ཟན་ཆང |
1 ཆང་ལྟར་བསྙལ་ཏེ་ལངས་པའི་སྤག 2 སྦར་མོར་བཅངས་པའི་ཟན་གྱི་ཆང་བུ། |
| ཟན་དྲོན |
རྩམ་པ་བརྫིས་པའི་ཟན་ཚ་པོ། |
| ཟན་ཕྱེ |
སྤག་གི་ཕྱེ་མ། |
| ཟན་བཙོས |
1 སྤག་བཙོས་མ་དང་ཟན་དྲོན་མོ། 2 རླུང་ནད་འཆོས་ཐབས་ཟན་བཙོས། |
| ཟན་བསྒོངས |
ཟན་བརྫིས་ཏེ་གོང་བུ་བཟོས་པ། |
| ཟན་ཡང |
རྒྱ བསམ་ཡས་ཟན་ཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གི་མིང་ཟན་ཡང་ནི། རྒྱ་སྐད་ལ་ལུགས་གསུམ་ཟེར་ཏེ་རྒྱ་གར་རྒྱ་ནག་བོད་རྣམས་ཀྱི་མཁར་རྩིག་ལུགས་གསུམ་མོ། |
| ཟན་རིལ |
སྤག་གོང༌། |
| ཟན་རྡོག |
སྤག་གོང༌། |
| ཟན་སྒྲིལ |
བརྟག་པ་བྱེད་ཐབས་ཤིག་སྟེ་ཟན་རིལ་འདྲ་བ་གཉིས་ཀྱི་ནང་བརྟག་བྱའི་མིང་མི་འདྲ་བ་གཉིས་བཅུག་སྟེ་རྟེན་རྩ་ཆེའི་མདུན་དུ་བདེན་པ་བདར་ཏེ་དཀྲུག་དཀྲུག་བཏང་ནས་གཅིག་ཕྱིར་ཟག་པ་དེར་བརྟག་དཔྱད་བྱེད་པའི་སྲོལ་ལ་ཟན་སྒྲིལ་ཞུ་བ་ཟེར། |
| ཟན་སྣོག་པ |
རྙིང ཟས་ཞིམ་ལ་གྱ་ནོམ་པ། |
| ཟན་སྦྲུས |
ཟན་བརྫིས་པ། |
| ཟབ |
(རྒྱན་ཚིག) ཁ་ནས་ཞབས་བར་གྱི་བར་ཐག་རིང་བ་ལུང་བ་གཏིང་ཟབ་པ། རྒྱ་མཚོའི་གཏིང་ཟབ། ཆུ་གཏིང་ཧ་ཅང་ཟབ་མོ་ཞེས་པ་ལྟ་བུ། གཞུང་ལུགས་ཀྱི་ནང་དོན་གོ་སླ་བ་མིན་པའམ་དཀྱུས་མ་མ་ཡིན་པའི་དོན་ཏེ། མཚན་ཉིད་རིག་པའི་གཞུང་དོན་ཟབ་མོ། དོན་ཧ་ཅང་ཟབ་པ་ཞེས་པ་ལྟ་བུ། |
| ཟབ་ཁྱད་ཐོན་པ |
ཟབ་པའི་ཁྱད་ཆོས་གསལ་པོར་ཐོན་པ། |
| ཟབ་གསལ་གཉིས་མེད་ཀྱི་ཡེ་ཤེས |
ངེས་ངོར་སྟོང་ཉིད་ལ་དམིགས་པ་དང༌། སྣང་ངོར་ལྷའི་རྟེན་བརྟེན་པའི་སྣང་བ་འཇའ་ཚོན་ལྟར་གསལ་བར་འཆར་བའི་ཡེ་ཤེས། |
| ཟབ་གསལ་གཉིས་མེད་ཀྱི་རྣལ་འབྱོར |
སྟོང་དང་ཡེ་ཤེས་གཉིས་སུ་མེད་པའི་རྣལ་འབྱོར། |
| ཟབ་ཆན |
གོས་ཆེན། |
| ཟབ་ཐལ |
གོས་ཆེན་དར་ཟབ་མེར་བསྲེགས་པའི་ཐལ་བ། |
| ཟབ་དབྱངས |
ནང་དོན་གཏིང་ཟབ་པའི་སྒྲ་དབྱངས། |
| ཟབ་པ |
ཟབ་མོ་དང་འདྲ། |
| ཟབ་པོ |
ཟབ་མོ་དང་འདྲ། |
| ཟབ་ཕུ་ལུང |
གཙང་ཁུལ་ཤངས་ཀྱི་ཕུར་ཡོད་པའི་སློབ་དཔོན་པདྨའི་སྦས་ལུང་ཞིག |
| ཟབ་བགྲང |
གྲངས་གནས་ཤིག |
| ཟབ་བརླིང |
གཞུང་ལུགས་ཀྱི་དོན་དཀྱུས་མ་ཙམ་མིན་ཞིང་རྒྱ་ཆེ་བའི་དོན་ཏེ། ཟབ་བརླིང་གཞུང་ལ་འབད་པས་སློབ་སྦྱོང་བྱེད་ལྟ་བུ། ０ཤེས་རྒྱ་ཆེ་བ་བློ་ཟབ། ཤེས་རབ་ཟབ་ཅེས་པ་ལྟ་བུ། |
| ཟབ་བེ་ཟོབ་བེ |
1 བློ་མི་སྒྲིམ་པའི་ཚུལ། ཟབ་བེ་ཟོབ་བེར་ཉན་ན་ཧ་གོ་འདི་གོ་མི་ཡོང༌། རིག་པ་ཟབ་བེ་ཟོབ་བེ། 2 ཚགས་ལྷོད་པ། ཐག་པ་ཟབ་བེ་ཟོབ་བེ་བྱས་ནས་བསྡམས་པ། སྐེ་རགས་ཟབ་ཟོབ་ཏུ་ལྷོད་པ། |
| ཟབ་མགྲོན |
གོས་ཆེན་དང་མགྲོན་བུ། |
| ཟབ་མོ |
1 གཏིང་རིང་པོ། དོང་ཟབ་མོ། ཆུ་ཟབ་མོ། བརྩེ་དུང་ཟབ་མོ། རྒྱ་ཆེ་གཏིང་ཟབ་ཀྱི་རྒྱ་མཚོ་ཆེན་མོ། 2 རྟོགས་དཀའ་བ། དོན་ཟབ་མོ། དགོངས་པ་ཟབ་མོ། བློ་རིག་ཟབ་མོ། 3 ཕྲ་ཞིབ། ཟབ་མོའི་སྟོང་པ་ཉིད། ཐབས་ལམ་ཟབ་མོ། རྒྱ་ཆེ་ཞིང་གཏིང་ཟབ་པ། 4 སྤུས་ལེགས་པའམ། དག་ཅིང་གཙང་བ། དར་ཟབ། གོས་ཟབ། |
| ཟབ་མོ་དག་སྣང་གི་བརྒྱུད་པ |
ལྷག་པའི་ལྷས་ཞལ་བསྟན་ནས་དངོས་སུ་གསུངས་པའི་གདམས་པའོ། |
| ཟབ་མོ་དབུ་མ་པ |
སློབ་དཔོན་ཀླུ་སྒྲུབ་ཀྱིས་སྲོལ་ཕྱེ་བའི་མཐའ་བཞི་སྤྲོས་བྲལ་གྱི་ལྟ་བ་འཛིན་པའི་གྲུབ་མཐའ་ཞིག |
| ཟབ་མོ་དབུ་མའི་ལྟ་བ |
ཐལ་འགྱུར་བའི་ལུགས་ཀྱི་ལྟ་བའོ། |
| ཟབ་མོ་ལྟ་བརྒྱུད |
རྗེ་བཙུན་འཇམ་དབྱངས་ནས་མགོན་པོ་ཀླུ་སྒྲུབ་ཡབ་སྲས་སོགས་ལ་རིམ་གྱིས་བརྒྱུད་པའོ། |
| ཟབ་མོ་སྟོང་པ་ཉིད |
ཆོས་ཐམས་ཅད་བདེན་གྲུབ་ཀྱིས་སྟོང་པ། |
| ཟབ་མོའི་དོན |
གཏིང་དཔག་དཀའ་བའི་དོན་ཏེ་ཟབ་མོ་སྟོང་པ་ཉིད། |
| ཟབ་མོའི་དོན་ལ་མི་སྐྲག་པའི་བཟོད་པ |
ཆོས་ལ་ངེས་ཤེས་ཀྱི་བཟོད་པ་དང་དོན་གཅིག་ |
| ཟབ་ཞི |
1 སངས་རྒྱས་ཀྱི་ཐུགས་འོད་གསལ་ཆོས་སྐུ། 2 ཟབ་པ་ནི་གཏིང་རྟོགས་དཀའ་བ་དང༌། ཞི་བ་ནི་འགོག་པ་མྱ་ངན་ལས་འདས་པ། |
| ཟབ་ཞི་སྤྲོས་བྲལ |
སྤྲོས་པའི་མཐའ་བརྒྱད་དང་བྲལ་བའི་ཟབ་མོ་སྟོང་པ་ཉིད། |
| ཟབ་ཟོབ |
ཟབ་བེ་ཟོབ་བེའི་བསྡུས་ཚིག་ |
| ཟབ་འབོལ |
གོས་ཆེན་གྱི་འབོལ་གདན། |
| ཟབ་ལག་ཅན |
1 ཆུ་རྩྭ། 2 ཆུ་རྩྭའི་རྩ་བ། |
| ཟབ་ལམ་རིམ་ལྔ |
གསང་སྔགས་ཀྱི་རིམ་པ་ལྔ་ངག་དབེན་དང༌། སེམས་དབེན། སྒྱུ་ལུས། འོད་གསལ། ཟུང་འཇུག་ལྔའོ། |
| ཟབ་ལྷིང་བརྟན་གསུམ |
གཏིང་དཔག་དཀའ་བས་ཟབ་པ། ཚབ་ཚུབ་མེད་པས་ལྷིང་བ། འགྱུར་ལྡོག་མེད་པས་བརྟན་པ་སྟེ་གསུམ། ལས་དོན་ཟབ་ལྷིང་བརྟན་གསུམ་གྱི་སྒོ་ནས་སྒྲུབ་པ། |
| ཟབ་སྐུད |
དར་ཟབ་བམ་གོས་ཆེན་གྱི་སྐུད་པ། |
| ཟབས |
ཁ་ནས་ཞབས་བར་གྱི་ཚད་ཀྱི་མིང་རྒྱ་མཚོའི་གཏིང་ཧ་ཅང་ཟབ་སར་ཟབས་སུ་སྤྱི་ཁྲུ་ཆིག་ཁྲི་ལྷག་ཡོད་ལྟ་བུ། |
| ཟམ |
རྒྱུད་དམ། རྒྱུན། ལས་ཀ་ཟམ་མ་ཆད་པ། རླངས་འཁོར་ཟམ་མི་འཆད་པར་འགྲོ་བ། ཆུ་ཀླུང་ཉིན་མཚན་ཟམ་མི་འཆད་པར་འབབ་པ། |
| ཟམ་ཆུ |
ཟམ་པའི་འོག་ལ་ཡོད་པའི་ཆུ། བཏུང་ཆུ་ལེན་དུས་ཟམ་ཆུ་ལེན་མི་རུང༌། |
| ཟམ་པ |
ཆུ་སྟེང་བགྲོད་ལམ། རྡོ་ཟམ། ཤིང་ཟམ། ལྕགས་ཟམ། ལྕུག་ཟམ། འབྲེང་ཟམ། དཔྱང་ཟམ། རྐང་ཟམ། ཟམ་པའི་ཀ་བ། ཟམ་པའི་རྐང་པ། ཆུ་བརྒྱ་ཟམ་འོག་ཏུ་འདུས་པ། ཆུ་ཐོན་སོང་ཟམ་པ་ག་ལེར་བཞུགས། ལ་ཐོན་སོང་ལ་རྩེ་ག་ལེར་བཞུགས། |
| ཟམ་མི་ཟིམ་མི |
1 མིག་གདང་འཛུམ་མྱུར་པོར་བྱེད་ཚུལ། མིག་ཟམ་མི་ཟིམ་མིར་ལྟ་བ། 2 ཆར་པ་འབབ་ཚུལ་ཞིག ཆར་པ་ཟམ་ཟིམ་བབས། |
| ཟམ་མིག |
ཟམ་པའི་ཆུ་འགྲོའི་ཁུང་བུ། ཟམ་མིག་དགུ་ལྡན་གྱི་ཟམ་ཆེན། |
| ཟམ་མེ་ཟིམ་མེ |
ཟམ་ཟིམ་ལ་ལྟོས། |
| ཟམ་མེ་ཟོམ་མེ |
ལས་ཀ་ཞིབ་ཚགས་མེད་པའི་ཚུལ། ལས་ཀ་ཟམ་མེ་ཟོམ་མེ་བྱས་ན་མི་འགྲིག |
| ཟམ་ཟིམ |
ཆུ་ཐིགས་ཆུང་ཞིང་འབབ་པ་དལ་བའི་ཆར་བའི་མིང་ཆར་ཟམ་ཟིམ་ཞིག་བབས་ལྟ་བུ། ཡུལ་སྐད་དུ་ཟམ་མེ་ཟིམ་མེ་ཟེར་བ་དང་དོན་གཅིག་ཆར་ཟམ་མེ་ཟིམ་མེ་བབས་ཞེས་པ་ལྟ་བུ། 2 གྲངས་གནས་ཤིག… |
| ཟམ་ཟོམ |
ཟམ་མེ་ཟོམ་མེའི་བསྡུས་ཚིག་ |
| ཟམ་རྟེན |
ཟམ་པ་འཛུགས་སའི་གཞི་རྟེན། |
| ཟམ་ལྡེམ |
1 ཟམ་པ་ཀྱོག་པོ། 2 ཟམ་པའི་སྐེད་པ་ལྡེམ་ལྡེམ་དུ་གཡོ་བ། ཟམ་ལྡེམ་གྱི་སྟེང་དུ་འགྲོ་དུས་ལྷོད་ཡངས་མ་བྱེད། |
| ཟམ་སྟེགས |
ཟམ་པ་འདེགས་པའི་ས་རྡོ་སོགས་ཀྱི་འོག་སྟེགས། |
| ཟམ་སྣ |
ཆུའི་ཟམ་པའི་སྣ་གདོང༌། |
| ཟར་གཡུང |
སྔོ་སྨན་ཞིག |
| ཟར་མ |
སྣུམ་རྒྱུའི་འབྲུ་རིགས་ཤིག་གི་མིང་། དེའི་སྡོང་བུའི་ཤུན་པས་སྐུད་པ་བཀལ་ནས་ཐག་པ་སྒྲིལ་ཆོག འབྲུའི་སྣུམ་བཙགས་ནས་ཟ་ཆོག |
| ཟར་མའི་འབྲུ |
ཞིང་སྐྱེས་ལོ་ཐོག་གི་རིགས་ཤིག་རོ་མངར། ཞུ་རྗེས་དྲོད། ནུས་པས་རླུང་སེལ། |
| ཟར་ཞིང |
ཟར་མ་འདེབས་པའི་ཞིང་ས། |
| ཟར་ཟིར |
ཟ་རི་ཟི་རིའི་བསྡུས་ཚིག་ |
| ཟར་ཟུར |
གྲངས་གནས་ཤིག |
| ཟར་ཟེར |
གྲངས་གནས་ཤིག |
| ཟར་རས |
ཟར་མའི་སྡོང་བུའི་ཤུན་པས་བཏགས་པའི་རས། |
| ཟར་ལྕ |
སྔོ་སྨན་ཞིག |
| ཟལ |
(རྒྱན་ཚིག) ཕྱུགས་ཀྱི་སྤུ་ཁ་དཀར་ཁྲ་བ་ལང་དཀར་ཟལ་ཞེས་པ་ལྟ་བུ། |
| ཟལ་ཐོན |
གཟེངས་ཐོན་པའམ་ངོ་སོ་ཐོན་པ། བྱས་རྗེས་ཟལ་ཐོན་པ་ཞིག་བཞག་པ། |
| ཟལ་པོ |
1 ཁྲ་བོ། གཞི་དཀར་པོར་ནག་ཐིག་ཡོད་པ་ལ་དཀར་ཟལ་དང༌། གཞི་ནག་པོར་དཀར་ཐིག་ཡོད་པ་ལ་ནག་ཟལ་ཟེར། 2 མཛོ་གཡག་ཟལ་པོ། དབུས་གཙང་དུ་གཡག་དང་གླང་ཟེ་དང་སྒལ་གཞུང་དཀར་པོ་ལ་ཟལ་ཕོ་དང༌། འབྲི་དང་བ་ཕྱུགས་ཟེ་དང་སྒལ་གཞུང་དཀར་པོར་ཟལ་མོ་ཟེར། ཟལ་ཕོ ཟལ་མོ |
| ཟལ་མོ |
སྤུ་མདོག་ཁྲ་བོ་ཡིན་པའི་མོ་ཕྱུགས། |
| ཟལ་མོ་སྒང |
འབྲི་ཆུ་དང༌། ཤར་ཟླ་ཆུ་གཉིས་དབར་དུ་ཆགས་པའི་ས་ཆའི་སྟོད་རྒྱུད། དེང་སྐབས་དཔལ་ཡུལ་དང༌། སྡེ་དགེ། ལྡན་མ། སེར་ཤུལ་སོགས་ཀྱི་ཡུལ་ལུང་གི་སྤྱི་མིང༌། |
| ཟལ་ཟུག |
གྲངས་གནས་ཤིག |
| ཟལ་ཟུལ |
གྲངས་གནས་ཤིག |
| ཟས |
བཟའ་བཅའ་སོགས་ལུས་ཟུངས་གསོ་བར་ཕན་བྱེད་ཀྱི་རྒྱུ། འཁྱག་དུས་གོས་དང་ལྟོགས་དུས་ཟས། མིད་པ་ཟས་ཀྱིས་བརྣངས། སྒོ་ཕྱུགས་ཟས་ཀྱིས་གསོ་བ། ཟས་ལ་བཅག་བཅག་བྱས་ན་ཞིམ་པོ། གཏམ་ལ་ཉན་འཇོག་བྱས་ན་སྙན་པོ། མིང་གི་རྣམ་གྲངས་ལ་ཁ་ཟས་དང༌། ལྟོ་ཆས། གདུགས་ཚོད། འཚལ་མ། བཞེས་པ། ཟ་མ། ཟན། བཟའ་བ། རབ་དང་བྱེད། གསོལ་དགོངས་བཅས་སོ། |
| ཟས་ཀྱི་རྣལ་འབྱོར |
1 ཁ་ཟས་སྨན་དང་འདྲ་བར་རིག་པར་སྤྱོད་པ། 2 ནང་སྦྱིན་སྲེག་གི་ཚུལ་དུ་ལོངས་སྤྱོད་པ། |
| ཟས་ཁ |
བཟའ་བཅའ་མང་ཉུང་གི་འབོར་ཚད། གྲོད་ཁོག་ན་བས་ཟས་ཁ་ཕྲི་བ། དང་ག་ཉམས་ནས་ཟས་ཁ་བྲི་བ། |
| ཟས་གཅོད་པ |
1 གཟུགས་པོར་གནོད་པའི་ཟས་སྤོང་བ། འཇུ་དཀའི་ཟས་གཅོད་པ། 2 ལྟོ་མི་ཟ་བ། |
| ཟས་གཙང |
1 ཟ་མ་དངོས་གཙང་བ། 2 སྔར་རྒྱ་གར་གྱི་རྒྱལ་པོ་ཟས་གཙང་མ་སྟེ་ཤཱཀྱ་ཐུབ་པའི་ཡབ་ཀྱི་མཚན། 3 མངོན ཡུངས་དཀར། |
| ཟས་གཙང་སྲས |
རྒྱལ་པོ་ཟས་གཙང་མའི་སྲས་སྟོན་པ་ཤཱཀྱ་ཐུབ་པ། |
| ཟས་གོས |
བཟའ་བྱ་དང་གྱོན་བྱ། |
| ཟས་གོས་བཟང་འབོལ |
ལྟོ་གོས་བཟང་ཞིང་མང་བ། མི་ཚང་མར་ཟས་གོས་བཟང་འབོལ་ཡོད་པ། |
| ཟས་གྲོགས |
ཁ་ཟས་གཙོ་བོ་ཟ་བའི་ཞོར་ལ་ཟ་བའི་སྤོད་ཡ་སོགས་ཀྱི་མིང་། བཏུང་བ་མ་ཡིན་པའི་བཟའ་བྱའི་མིང་ཟས་སྐོམ་ཞེས་པ་ལྟ་བུ། |
| ཟས་གྲོན |
ལྟོ་ཆས་སམ་ཟ་མའི་འགྲོ་སོང༌། ཟས་གྲོན་ཆེ་དྲགས་སོང༌། |
| ཟས་ངན |
1 དུག་དང་འདྲེས་པའི་ཟས། 2 ཟས་དམན་པ། |
| ཟས་དཀར |
1 དཀར་སྡོར་ཅན་གྱི་ཟས། 2 ཤཱཀྱའི་རྒྱལ་པོ་ཟས་གཙང་གི་མཆེད་བཞིའི་ཡ་གྱལ་གཅིག |
| ཟས་དཀར་གསུམ |
ཞོ་འོ་མ་མར་ཏེ་དཀར་གསུམ་སྦྱར་བའི་ཟས། |
| ཟས་དུག |
མི་འཕྲོད་པའི་ཟས་བཟས་ནས་གྱུར་པའི་དུག ཁ་ཟས་ཟ་ཉེས་ཀྱིས་ཟས་དུག་བྱུང་བ། |
| ཟས་ནོར |
ཟས་དང་ནོར་རྫས། ཟས་ནོར་གོས་ཀྱི་ལོངས་སྤྱོད་འཛོམས། |
| ཟས་ཕུད |
ཟས་ཀྱི་འགོ་མ། |
| ཟས་ཕྱིར་ཆོས་སྟོན་ཟེར་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཕྲག་དོག་གི་སྒོ་ནས་དགེ་སློང་མའི་སྟོན་པར་བསྐོས་པའི་དགེ་སློང་ལ་ཁ་ཟས་ཅུང་ཟད་ཀྱི་ཕྱིར་ཆོས་སྟོན་ནོ་ཞེས་སྐུར་བ་འདེབས་པའོ། |
| ཟས་ཕྱིས་མི་ལེན་པ |
སྦྱངས་པའི་ཡོན་ཏན་བཅུ་གཉིས་ཀྱི་ནང་ཚན་ཏེ། ཕྱི་དྲོའི་ཁ་ཟས་མི་ཟ་བའོ། |
| ཟས་བཅུད |
ཟས་ཀྱི་སྙིང་པོའམ་ནུས་པ། ཟས་བཅུད་རོ་བདའ་བ། |
| ཟས་བཅུད་གཉིད་བྲལ |
བཟས་ན་ཟས་ཀྱི་བཅུད་མི་ཚོར། ཉལ་ན་གཉིད་མི་ཁུག་པ། སྡུག་བསྔལ་ཆེ་དྲགས་པའི་རྐྱེན་གྱིས་ཟས་བཅུད་གཉིད་བྲལ་ལྟ་བུའི་དཀའ་གནས་སུ་གྱར་བ། |
| ཟས་བདའ་བ |
ཟས་ཞིམ་པོ། |
| ཟས་བཞི |
ཁམ་གྱི་ཟས་དང༌། རེག་པའི་ཟས་དང༌། སེམས་པའི་ཟས་དང༌། རྣམ་ཤེས་ཀྱི་ཟས་ཏེ་བཞི་ཚེ་འདི་ལ་གནས་དབང་པོ་རྒྱས་པའི་དོན་དུ་ཁམ་ཟས་དང༌། བརྟེན་པ་རྣམ་ཤེས་རྒྱས་པའི་དོན་དུ་རེག་པའི་ཟས་ཏེ་གཉིས་དང༌། ཕྱི་མར་སྲིད་པ་གཞན་འཕེན་པའི་དོན་དུ་སེམས་པའི་ཟས་དང༌། སྲིད་པ་གཞན་འགྲུབ་པའི་དོན་དུ་རྣམ་ཤེས་ཀྱི་ཟས་དང་གཉིས་ཏེ་བསྡོམས་ན་བཞིའོ། |
| ཟས་བསོད་པ |
ཟས་བཟང་པོའམ་ཞིམ་པོ། |
| ཟས་བསོད་པ་སློང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་ཁྱིམ་པ་ལས་ཁ་ཟས་བཟང་པོ་ཅི་བདེར་མ་བསྟབས་ཀྱང༌། ཆོག་མི་ཤེས་པར་བསླངས་ཏེ་ཟོས་པའོ། |
| ཟས་བསྡམས་པ |
ཟས་བཅད་པའམ་ཟས་མི་ཟ་བ། དམར་ཟས་བསྡམས་པ། |
| ཟས་བྲིམས་པ |
1 གྲལ་རིམ་བཞིན་དུ་ཟས་སྟོན་འགྱེད་པ། 2 ལྟོ་ཆས་དངོས་སུ་བཤམས་པ། |
| ཟས་མང་གོས་མང |
ཟས་གོས་འབོལ་ལྷག མི་ཚང་མར་ཟས་མང་གོས་མང་གང་ལ་ཅི་དགོས་བྱུང་བ། |
| ཟས་མངར |
རོ་མངར་བའི་ཟས། |
| ཟས་མཆོག |
རོ་བཅུད་ཕུན་སུམ་ཚོགས་པའི་ཟས། |
| ཟས་ཚོད |
ཟས་མང་ཉུང་གི་ཚོད། རྣམ་ཀུན་ཟས་ཚོད་མང་ཉུང་རན་པར་ཟ་བ། |
| ཟས་ཟ་ཉེས་པ |
ཟ་མ་ཟ་སྟངས་མ་ལེགས་པ། |
| ཟས་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་མིན་ཁྱིམ་པ་མུ་སྟེགས་པ་འདུག་པའི་སར་ཞག་གཅིག་ལས་ལྷག་པར་བསྡད་དེ་ཟས་ཟ་བའོ། |
| ཟས་འཇུ་བ |
ཟས་ཁོང་དུ་ཞུ་བ། གང་ཟོས་ཀྱི་ཟས་འཇུ་བ། ཆང་ཕབས་དང་སྐྱུ་རུ་ར་སོགས་ཀྱིས་ཟས་འཇུ་བར་བྱེད། |
| ཟས་འཐུ་བ |
1 ཟས་སྒྲུག་པའམ་ལེན་པ། 2 ཟས་བསྡུ་ཆ་རྒྱག་པ། |
| ཟས་འདྲེན་པ |
ཟས་བླུག་པའམ་སྤྲོད་པ། བོས་པའི་མགྲོན་ལ་ཟས་འདྲེན་པ། |
| ཟས་འབྲེལ |
བླ་མ་དང་མཆོད་གནས་ལ་ཟས་སམ་བཟའ་བ་ཕུལ་བ། དགེ་འདུན་གྱི་སྡེ་ལ་ཟས་འབྲེལ་ཅུང་ཟད་འཇོག་ཐུབ་བྱུང༌། |
| ཟས་ཡོན |
ལྟོ་ཆས་ཀྱི་རིན་འབབ། |
| ཟས་རྣོག་པ |
རྙིང ཟས་ཞིམ་ལ་གྱ་ནོམ་པ། |
| ཟས་ལེན་པའི་ཚུལ་བརྒྱད |
ཉེས་བྱས་ཀྱི་སྡེ་ཚན་བཞི་པ། ཟས་ལེན་པའི་སྡེ་ལ། ཟས་ལྷུང་བཟེད་ཀྱི་ཁ་ལས་མཐོ་བར་ལེན་པ་དང༌། འབྲས་ཆན་དང་ཚོད་མ་མཉམ་པར་ལེན་པ། གྲལ་རིམ་མཐར་ཆགས་སུ་མི་ལེན་པ། ལྷུང་བཟེད་ལ་ཟུར་མིག་བལྟས་ཏེ་ལེན་པ། ཟས་མ་བྱུང་གོང་ནས་ལྷུང་བཟེད་བཟེད་སྔ་བ། ཚོད་མ་འདོད་ནས་འབྲས་ཆན་གྱིས་ཚོད་མ་འགེབས་པ། འབྲས་ཆན་འདོད་ནས་ཚོད་མས་འབྲས་ཆན་འགེབས་པ། བཟའ་བཅའི་སྟེང་དུ་སྣོད་གཞན་བཟེད་པ་སྟེ་བརྒྱད་དོ། |
| ཟས་ལྷག |
བཟས་པའི་འཕྲོ་མ། མིང་གི་རྣམ་གྲངས་ལ་སྡེར་ཞབས་དང༌། ཕ་ལ། ཟ་འཕྲོ། ལྷག་མ་བཅས་སོ། |
| ཟས་སྐོམ |
བཟའ་བཏུང་ཟ་རྒྱུ་དང་འཐུང་རྒྱུ་གཉིས་བསྡོམས་པའི་བསྡུས་མིང༌། ཟས་སྐོམ་ལྷག་མ། ཟས་སྐོམ་ཡོ་བྱད། ཟས་སྐོམ་གྱིས་ངོམས་པ། |
| ཟས་སྙོག་པ |
ཟས་ཀྱི་རྗེས་སུ་འབྲང་བ། |
| ཟས་སྙོད་པ |
ཟས་ཁ་ནས་ཁར་འཇུག་པའམ་ལྡུག་པ། བྱིས་པ་ཆུང་ངུ་ལ་ནོམ་བུའི་ཟས་སྙོད་པ། |
| ཟས་སྣ |
1 ལྟོ་ཆས་ཀྱི་རྣམ་གྲངས། སྟོན་གྲལ་ལ་ཟས་སྣ་སྒྲིག་པ། 2 ཟ་མ་སྣ་ཚོགས། |
| ཟས་སྤྱོད |
1 ཁ་ཟས་དང་སྤྱོད་ལམ། ཟས་སྤྱོད་མཐུན་པ། 2 ལྟོ་ཆས་ཟ་བ། ལྟོགས་དུས་སུ་ཟས་སྤྱོད་པ། |
| ཟས་སྦྱིན་པ |
ལྟོ་ཆས་སྟེར་བ། |
| ཟས་སྦྱོར་དུ་འཇུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་དགེ་སློང་མ་བརྒྱུད་ནས་ཁྱིམ་བདག་ལ་རང་གི་བཟའ་བཏུང་སྦྱོར་དུ་བཅུག་པའོ། |
| ཟི |
(རྒྱན་ཚིག) མགོ་འཐོམ་པའམ་དབང་བོ་མི་གསལ་བ་རླུང་ནད་མགོ་བོ་ཟི་འཁོར་རྣ་བ་འུར་ཞེས་པ་ལྟ་བུ། |
| ཟི་ཁྱིམ |
ཛེཧེཥཀིམ 1 རང་བྱུང་ཟངས། 2 རིན་པོ་ཆེ་དུ་མ་ཕྱོགས་གཅིག་ཏུ་བཞུས་པ། |
| ཟི་བེར |
ངེས་མེད་ཀྱི་སྒྲ་ཟར་ཟིར་མང་པོ། ཁྲིམས་རྔ་སོགས་ཀྱི་སྒྲ་དང་ཟི་བེར་མང་དུ་བྱུང་ངོ། |
| ཟི་མ |
1.ཆུ་བལ་གྱི་མིང་གཞན། 2བོད་ཀྱི་རུས་ཤིག 3.མིག་གི་རྫི་མ། |
| ཟི་ར |
1 མེ་སྟག ལྕགས་དམར་ལ་ཐོ་བ་རྒྱག་དུས་ཟི་ར་འཚུབ་པ། 2 སྔོ་སྨན་ཟི་ར་དཀར་པོ་དང་ཟི་ར་ནག་པོའི་སྤྱི་མིང༌། |
| ཟི་ར་དཀར་པོ |
སྔོ་སྨན་གྱི་རིགས་ཤིག་རོ་ཚ་ལ་ཅུང་སྐྱུར། ཞུ་རྗེས་དྲོད། ནུས་པས་གློ་ཚད་ཀྱི་ནད་དང༌། ཁ་ཟས་མི་འཇུ་བ། དང་ག་འགག་པ་བཅས་ལ་ཕན། |
| ཟི་ར་ནག་པོ |
སྔོ་སྨན་གྱི་རིགས་ཤིག་རོ་ཁ་ལ་ཅུང་ཚ། ཞུ་རྗེས་དྲོད། ནུས་པས་མཆིན་ནད་གྲང་བ་དང་ཕོ་བའི་དྲོད་ཉམས་ནས་ཟས་མི་འཇུ་བ་ལ་ཕན། ཡི་ག་འབྱེད་པར་བྱེད། |
| ཟི་ར་སེར་པོ |
སྔོ་སྨན་ཞིག་ཚད་པ་སེལ་བར་ཕན། |
| ཟི་རི་བི་རི |
ལུས་སེམས་མི་བརྟན་པའི་བཟི་ཁྱོམ་ཁྱོམ། ཆང་གིས་བཟི་ནས་ཟི་རི་བི་རི་བྱས་སོང༌། |
| ཟི་རི་རི |
སྒྲ་སྐད་སྒྲོག་ཚུལ་ཞིག སྦྲང་མ་མང་པོས་སྒྲ་ཟི་རི་རིར་བསྒྲགས་ཏེ་འཕུར་ལྡིང་བྱེད་པ། རླུང་ཟི་རི་རིར་རྒྱག་པ། |
| ཟི་རུ |
ཡུལ ལྕུག་མས་བསླས་པའི་ས་སོགས་འཁུར་སྣོད་ཀྱི་ཕྱོགས་བཞིའི་རུ་ཤིང༌། |
| ཟི་ལ |
ཞ་ཉེ་དཀར་བོ་དང་ཆ་མཚུངས་པའི་ལྕགས་རིགས་ཤིག་རྒྱ་སྐད་དུ་ཞི་ཟེར། འུ་སུ་ཡི་མིང་གཞན། |
| ཟི་ལིང |
མཚོ་སྔོན་པོའི་བྱང་ཤར་ཕྱོགས་ཙོང་ཆུའི་ཆུ་སྐེད་ཀྱི་ལྷོ་འགྲམ་ན་ཆགས་པའི་གྲོང་ཁྱེར་ཞིག་ཏུང་ཧན་རྒྱལ་རབས་སྐབས་ཞི་ཏུའུ་རྫོང་བཙུགས་པ་ནས་བཟུང༌། སུང་རྒྱལ་རབས་ཀྱི་སྐབས་བར་ཟི་ལིང་ཀྲོའུ་དང༌། མིང་རྒྱལ་རབས་སྐབས་ཟི་ལིང་ཝེ། ཆིང་རྒྱལ་རབས་སྐབས་ཟི་ལིང་རྫོང་བཅས་རིམ་བཞིན་དུ་འགྱུར་ནས་1944 ལོར་གཞི་ནས་ཟི་ལིང་གྲོང་ཁྱེར་དུ་བསྒྱུར། ད་ལྟ་མཚོ་སྔོན་ཞིང་ཆེན་མི་དམངས་སྲིད་གཞུང་གི་གནས་ཡུལ་ཡིན་ཞིང༌། ཞིང་ཆེན་ཡོངས་ཀྱི་ཆབ་སྲིད་དང༌། དཔལ་འབྱོར། འགྲིམ་འགྲུལ། རིག་གནས་སོགས་ཀྱི་ལྟེ་གནས་ཡིན། |
| ཟི་ལིང་མཚོ |
སེར་གླིང་མཚོའི་མིང་གཞན་ཞིག་ |
| ཟི་ལིང་ལྕགས་ཁྲ |
བོད་མདའ་བྱེ་བྲག་པ་ཞིག་གི་མིང༌། |
| ཟི་ལིང་སྒ་དམར |
སྒ་རིགས་མདོག་དམར་ཤས་ཆེ་བ་ཞིག་ནུས་པས་དྲོད་སྐྱེད་ཅིང༌། བད་རླུང་སེལ་བར་བྱེད། |
| ཟི་ལྡི་ར |
ཡུལ སྦྲང་བུའི་རིགས་ཆེན་པོ་ཞིག |
| ཟི་སྡེར |
སེང་ལྡང་གི་ལོ་མར་ཆགས་པའི་རྫས་སྨན་དུ་བྱེད་ཆོག་པ་ཞིག |
| ཟིང |
(རྒྱན་ཚིག) འཆོལ་བའམ་འཁྲུག་པ་སེམས་ཟིང་ངེ་སོང་། ཟིང་འཁྲུག་ཞི་བར་བྱས་ལྟ་བུ། |
| ཟིང་ངེ་བ |
1 ཀྲོང་ངེར་ལངས་ཚུལ། རི་རྩེ་མང་པོ་ཟིང་ངེ་བར་གྱེན་དུ་བསྟན་པ། སྐྲ་ཟིང་ངེ་བར་འཛིངས་པ། 2 ལྷིང་འཇགས་མེད་པའམ་ཟང་ཟིང༌། ལས་དོན་ཟིང་ངེ་བ། ཡུལ་ལུང་གི་སྒྲིག་ལམ་ཟིང་ངེ་བ། |
| ཟིང་ཆ |
འཁྲུག་ཟིང༌། ཟིང་ཆ་ལངས་པ། ཟིང་ཆ་སློང་བ། ལུང་པར་ཟིང་ཆ་མེད་པ། ངེས་མེད་ཟིང་ཆ་ལངས་པ་ཤར་ན་དེ་མ་ཐག་ཏུ་ཞོད་འཇགས་གཏོང་བ། |
| ཟིང་དཀར |
ཁ་དོག་དམར་ལ་དཀར་ཤས་ཆེ་བ། རས་ཟིང་དཀར། |
| ཟིང་དམར |
ཟིང་སྐྱ་དམར་ཤས་ཆེ་བ། |
| ཟིང་པོ |
ལྷིང་མི་འཇགས་པ། |
| ཟིང་བ |
1. ཐ་མི་དད་པ ལང་བ། སྤུ་ཟིང་བ། བ་སྤུ་ཟིང་བ། 2. ལྷིང་མི་འཇགས་པ། དུས་ཟིང༌། སེམས་ཟིང་བ། |
| ཟིང་ཟིང |
སྐྲ་དང་ཁ་སྤུ་སོགས་ཟིང་བ། འབུ་སྲིན་ཟིང་ཟིང་བྱེད་པ། མགོ་སྐྲ་ཟིང་ཟིང༌། |
| ཟིང་འཁྲུག |
དམག་འཁྲུག ཟིང་འཁྲུག་ལྷིང་ཆགས། ནང་ཁུལ་གྱི་ཟིང་འཁྲུག |
| ཟིང་འཚུབ |
འཁྲུག་ལོང་གི་རྣམ་པ། |
| ཟིང་ལོང |
1 དམག་འཁྲུག 2 འདུ་ལོང༌། |
| ཟིང་ལོང་ལོང |
ཟང་ཟིང་ཚུབ་ཚུབ་ཀྱི་རྣམ་པ། ལས་ཀ་བྲེལ་བ་ཟིང་ལོང་ལོང༌། དམག་འཁྲུག་ཟིང་ལོང་ལོང༌། ཕར་འགྲོ་ཚུར་འགྲོ་ཟིང་ལོང་ལོང༌། |
| ཟིང་སྐྱ |
ཁ་དོག་དམར་སྐྱ། གོས་དར་ཟིང་སྐྱ། |
| ཟིང་སྨུག |
མདོག་ཟིང་སྐྱ་ཅུང་ཟད་སྨུག་པ། |
| ཟིད་ཐུང་བ |
ཉི་མ་འཁྱོལ་སླ་བའམ་མགོ་འཁོར་པོ། སློབ་གཉེར་བྱས་པས་དཔེ་ཆ་ལེགས་པོ་མ་ཤེས་ཀྱང་སེམས་ལ་ཤིན་ཏུ་ཕན་པ་དང་ཟིད་ཐུང་བ་ཞིག་བྱུང༌། |
| ཟིན |
1 རྒྱ འབྱུང་རྩིས་ཀྱི་སྤར་ཁ་བརྒྱད་ཀྱི་གྲས་ཤིག 2 གཉེན། དགྲ་ཟིན་གྱི་དབྱེ་མཚམས་འབྱེད་པ།…3.(གྲོགས་ཚིག) ལས་ཚིག་འདས་པའི་མཐར་སྦྱར་ན་ལས་དེ་མཇུག་རྫོགས་པའི་དོན་ཏེ། ཡི་གེ་བསྐུར་ཟིན། སྐད་ཆ་བཤད་ཟིན་ལྟ་བུ། (བྱེད་འབྲེལ་ལས་ཚིག) <ཀ>བཟུང་ནས་ཐོབ་པའི་དོན་ཏེ། བཟུང་ནས་ལག་ལ་ཟིན་ལྟ་བུ། <ཁ>ཚིག་སོགས་བློ་ལ་ངེས་པའི་དོན་ཏེ། སྙན་ཚིག་བློ་ལ་ཟིན་ལྟ་བུ། <ག>བསླེབས་པའི་དོན་ཏེ། སྔོན་ཐོན་གྱི་རྗེས་ཟིན་ལྟ་བུ། <ང>ཚིག་གིས་དངོས་སུ་བསྟན་པ་སྟེ་ཤུགས་ལ་བསྟན་པའི་ལྡོག་ཟླ། སུ་རུ་དུ་ན་ལ་རྣམས་སུམ་བཅུ་པའི་རྩ་བར་ཚིག་གིས་ཟིན་ལ། ཏུ་ཡིག་ནི་ཚིག་གིས་དངོས་སུ་མ་ཟིན། ཚིག་ཟིན་ལ་བཤད་མེད་ཀྱང་ཚིག་ཤུགས་ལ་ཤེས་ཐུབ་ལྟ་བུ། <ཅ>ཁྱད་པར་འབྱེད་ཤེས་པའི་དོན་ཏེ། སྨན་ངོས་ཟིན། རང་སྐྱོན་རང་གིས་ངོས་ཟིན་ལྟ་བུ། |
| ཟིན་གཟན |
རྒྱ གྲྭ་པའི་གཟན། |
| ཟིན་ཏིག |
1 ནད་བཅོས་ཐབས་རྣམས་གསལ་བར་འཁོད་པའི་སྨན་གཞུང་གཅེས་བཏུས་ཤིག 2 སྔོ་སྨན་གྱི་རིགས་ཤིག་རོ་ཁ་ལ་ཚ། ཞུ་རྗེས་སྙོམས། ནུས་པས་གཉན་ནད་དང༌། གཟའ་ནད། སྲིན་ནད་བཅས་ལ་ཕན། མིང་གི་རྣམ་གྲངས་ལ་དཀར་མོ་མཁར་ཐབས་སོ། 3.1ཟིན་བྲིས་ཀྱི་སྙིང་བོ་ཡི་གེར་བཀོད་པའི་དཔེ་ཆ་སོགས་ཀྱི་མིང་། |
| ཟིན་ཐུན |
རེག་ཟིག་གམ་ཟིན་བྲིས། བརྗེད་བྱང་ཟིན་ཐུན། བྱ་རིམ་ཟིན་ཐུན་དུ་བྲིས་པ། |
| ཟིན་ཐོ |
རང་གིས་མཐོང་ཐོས་དྲན་པ་རྣམས་རགས་རིམ་ཙམ་བཀོད་པའི་ཡི་གེའི་མིང་དགེ་རྒན་གྱི་གསུང་བཤད་ཟིན་ཐོ་ལ་བཀོད་ལྟ་བུ། |
| ཟིན་པ |
1. ཐ་མི་དད་པ 1 ངེས་པ། དཔེ་ཆ་ཟིན་པ། གསུངས་པ་རྣམས་བློར་ཟིན་པ། ཚིག་དོན་བཟུང་ཡང་མ་ཟིན་པ། 2 ཐེབས་པ། རྐུན་མ་ལག་པར་ཟིན་པ། བྱ་བ་བྱེད་སྐབས་ཚང་མ་གཞན་ཕན་གྱི་བསམ་པའི་རྩིས་ཟིན་དགོས། ཕབས་ཀྱི་རྩིས་ཟིན་པ། 2. ཚར་བའི་དོན་སྟོན་རོགས་བྱེད་པའི་ཚིག་གྲོགས་ཤིག ལས་ཀ་བྱས་ཟིན་པ། ཚོགས་འདུ་གྲོལ་ཟིན་པ། སྐྱེས་ཟིན་མ་འགག་པ། |
| ཟིན་པའི་གཟུགས |
སེམས་ཅན་གྱི་རྒྱུད་ཀྱིས་བསྡུས་པའི་གཟུགས། |
| ཟིན་པའི་འབྱུང་ཆེན |
གང་ཟག་གི་རྒྱུད་ཀྱིས་བསྡུས་པའི་ས་ཁམས་སོགས། |
| ཟིན་པའི་སྒྲ |
སྒྲའི་སྐྱེ་མཆེད་ཀྱི་ནང་གསེས། ཟིན་པའི་འབྱུང་བ་ལས་གྱུར་པའི་སྒྲ་སྒྲའི་རྒྱུར་གྱུར་པའི་འབྱུང་བ་དེ་གང་ཟག་གི་དབང་པོས་ཟིན་པ་སྐྱེས་བུའི་ངག་གི་སྒྲ་དང༌། ཐལ་མོ་བརྡབ་པའི་སྒྲ་ལྟ་བུའོ། |
| ཟིན་བྲིས |
1རང་གིས་མཐོང་ཐོས་རྣམས་ཞིབ་ཙམ་བཀོད་པའི་ཡི་གེའི་མིང་གཙོ་འཛིན་གྱི་སྙན་ཞུ་ཟིན་བྲིས་སུ་བཀོད། ཟིན་བྲིས་ལ་བཏབ་ལྟ་བུ། 2རང་གིས་མཐོང་ཐོས་ཀྱི་དོན་རྣམས་བཀོད་པའི་ཡི་གེའི་མིང་སྨན་གྱི་ཟིན་བྲིས་ཞེས་པ་ལྟ་བུ། 3. ཐོག་མའི་མ་ཡིག |
| ཟིན་མེད་སོ་ནམ |
ཚར་རྒྱུ་མེད་པའི་ལས་ཀྱི་འཁོར་ལོ། |
| ཟིན་རིས་པ |
ཡི་གེ་པའམ་བརྗེད་ཐོ་འབྲི་མཁན། |
| ཟིན་ཤིང |
རྒྱ འབྱུང་རྩིས་སྤར་ཁ་བརྒྱད་ཀྱི་བྱེ་བྲག་ཅིག |
| ཟིན་ཤོག |
ཟིན་བྲིས་རྒྱག་པའི་ཤོག་བུ། ཐིག་བརྒྱབ་ཟིན་ཤོག |
| ཟིམ |
(རྒྱན་ཚིག) ཞི་བའམ་ཆུང་བའི་དོན་ཏེ། ཆར་ཟིམ་བབས། རླུང་ཟིམ་ལྡང་ལྟ་བུ། |
| ཟིམ་བུ |
1. ཐགས་མཁན་གྱི་ཡོ་བྱད་ཅིག 2. ཚད་ཆུང་ཙམ་ཞིག ཆར་ཟིམ་བུར་འབབ་པ། མིག་ཟིམ་བུར་བྱས་ཏེ་ཉི་མར་ལྟ་བ། |
| ཟིམ་མེ |
མིག་འབྱེད་འཛུམ་རན་པའི་ལྟ་སྟངས། སྤྱན་ཟིམ་མེར་གཟིགས་པ། |
| ཟིམ་ཟིམ |
1 མིག་འབྱེད་མ་འཛུམ་གྱི་ལྟ་སྟངས། 2 ཆར་པ་ཆུང་ངུའམ་འཇམ་ཆར། འཇམ་ཆར་ཟིམ་ཟིམ་འབབ། གངས་ཟིམ་ཟིམ་དུ་འབབ། |
| ཟིར |
མདའ་འཕངས་པའི་སྒྲ་ལྟ་བུའི་སྒྲའི་བྱེ་བྲག་མདའ་ཟིར་སྒྲ་གྲགས། བུང་བ་ཟིར་ཟིར་གྲགས་ལྟ་བུ། |
| ཟིར་ཟིར |
བུང་བའི་གཤོག་སྒྲ་ལྟ་བུ། བུང་བའི་གཤོག་སྒྲ་ཟིར་ཟིར་དུ་སྒྲོག་པ། |
| ཟིར་སྒྲ |
བུང་བའི་གཤོག་སྒྲ་ལྟ་བུ། |
| ཟིལ |
འོད་དང་གཟི་བརྗིད་སྟོབས་ཤུགས་སོགས་ཀྱི་མིང་ཉི་མའི་འོད་ཀྱིས་འོད་གཞན་ཟིལ་གྱིས་མནན། རང་དམག་གིས་དགྲ་དཔུང་ཟིལ་གྱིས་གནོན་ལྟ་བུ། ཟིལ་བ་ཡི་ཚིག་བསྡུས་པ། ０ཟིལ་བུ་ཡི་ཚིག་བསྡུས་པ། |
| ཟིལ་གནོན |
1 ཟིལ་གྱིས་གནོན་པའི་བསྡུས་ཚིག 2 མངོན མེ་ཕོ་རྟ། |
| ཟིལ་གནོན་བརྒྱད |
ཟིལ་གྱིས་གནོན་པའི་སྐྱེ་མཆེད་བརྒྱད་དང་དོན་གཅིག་ |
| ཟིལ་གྱིས་གནོན་པ |
གཞན་སྡེ་ཞུམ་པར་བྱེད་པ། ཐམས་ཅད་ཟིལ་གྱིས་གནོན་པ། ཕ་རོལ་པོ་ཟིལ་གྱིས་མི་གནོན་པ། སྨྲ་བ་ངན་པ་རྣམས་ཟིལ་གྱིས་མནན་པ། སོ་སོའི་སྒེར་སེམས་ཟིལ་གྱིས་མ་མནན་པ། |
| ཟིལ་གྱིས་གནོན་པའི་གད་མོ |
ཡི་དམ་ལྷའི་བཞད་པ་བརྒྱད་ཀྱི་བྱེ་བྲག་ཅིག |
| ཟིལ་གྱིས་གནོན་པའི་སྐྱེ་མཆེད |
ཏིང་ངེ་འཛིན་ལ་བརྟེན་ནས་བསྒྲུབས་པས་དབྱིབས་དང་ཁ་དོག་ཇི་ལྟར་དམིགས་པ་ལྟར་སྣང་བས་གཞན་ཟིལ་གྱིས་མནན་ནས་རང་ཡིད་མི་འཕྲོག་པར་གྱེད་པའོ། |
| ཟིལ་གྱིས་གནོན་པའི་སྐྱེ་མཆེད་བརྒྱད |
དབྱིབས་ཀྱི་ཟིལ་གནོན་བཞི་དང༌། ཁ་དོག་གི་ཟིལ་གནོན་བཞི་བཅས་བརྒྱད་དེ། ཏིང་ངེ་འཛིན་ལ་བརྟེན་ནས་དབྱིབས་དང་ཁ་དོག་ཇི་ལྟར་དམིགས་པ་ལྟར་སྤྲུལ་བསྒྱུར་ལ་དབང་བས་གཞན་ཟིལ་གྱིས་མནན་ནས་རང་གི་ཡིད་མི་འཕྲོག་པར་བྱེད་པའོ། |
| ཟིལ་ཆགས་པོ |
རྔམ་ཟིལ་ཅན། འདྲ་སྐུ་ཟིལ་ཆགས་པོ། བྱས་རྗེས་ཟིལ་ཆགས་པོ། |
| ཟིལ་དངར |
ཟིལ་མངར་གྱི་འབྲི་ཚུལ་གཞན། |
| ཟིལ་པ |
རྩྭ་ཤིང་མེ་ཏོག་སོགས་ཀྱི་རྩེར་ཆགས་པའི་ཆུ་ཐིགས། ཟིལ་པའི་འོད་འཚེར་བ། རྩྭ་རྩེར་ཟིལ་པ་སྐྱ་ཕྲོམ་མེ་བར་ཆགས་འདུག མེ་ཏོག་གི་འདབ་ལོའི་ཟིལ་པ། ནོར་མི་རྟག་རྩྭ་ཁའི་ཟིལ་པ་འདྲ། |
| ཟིལ་པ་དཀར་པོ |
1 ཟླ་ཐོ་ནས་བཤད་པའི་དུས་ཚིགས་སྟོན་བྱེད་ཅིག 2 རྩྭ་དང་མེ་ཏོག་སོགས་ཀྱི་རྩེར་ཆགས་པའི་ཟིལ་པའམ་ཆུ་ཐིགས་དཀར་ཧྲིལ་ལེ་བ། |
| ཟིལ་བ |
རྩི་ཤིང་སོགས་ཀྱི་ཐོག་གི་ཆུ་ཐིགས་ཀྱི་མིང་རྩྭ་མགོ་ཟིལ་བ་ཁྲོམ་མེ་ཞེས་པ་ལྟ་བུ། ཚིག་བསྡུས་ན་ཟིལ་ཞེས་འབྲི་ཆོག་ཆུའི་ཟིལ་བ་ལ་ཆུ་ཟིལ་དང་། སྨུགས་པའི་ཟིལ་བ་ལ་སྨུགས་ཟིལ་ཟེར་བ་ལྟ་བུ། |
| ཟིལ་བུ |
(རྒྱན་ཚིག) རྡོག་པོ་ཆུང་བ་དང་ཕྲ་བའི་དོན་ཏེ། ཆར་ཐིག་ཟིལ་བུ་བབས་ལྟ་བུ། ཚིག་བསྡུས་ན་ཟིལ་ཞེས་འབྲི་ཆོག་ཆར་ཟིལ་གྱིས་བརླན། ཆར་ཟིལ་མ་བབས་ཞེས་པ་ལྟ་བུ། |
| ཟིལ་མངར |
མེ་ཏོག་ནང་གི་སྦྲང་རྩིའི་རྒྱུའི་མིང་མེ་ཏོག་གི་ཟིལ་མངར་ཞེས་པ་ལྟ་བུ། |
| ཟིལ་མངར་གྱིས་གཅིན་པ |
རྙིང སྦྲང་རྩིས་སྦྲུས་པའམ་སྦགས་པ། |
| ཟིལ་ཤུགས |
རྔམ་ཟིལ་གྱི་ཤུགས་སམ་ནུས་པ། |
| ཟིས་པོ |
ཡུལ ལྕུག་མས་བསླས་པའི་སླེལ་པོ། |
| ཟུག |
ན་ཚ། གྲང་རླུང་གིས་གནོད་རྐྱེན་བྱས་ནས་ལུས་ཟུག་ལངས་པ། རུས་ཚིགས་ལ་ཟུག་བརྒྱབ་ན་སྤྲུ་དཀར་དང་བོང་ང་སོགས་ཀྱི་འཇོམས་སྨན་གཏོང་བ། |
| ཟུར་བཀོད |
ཟུར་དུ་བཀོད་པ་ལོགས་སུ་བྲིས་པ། བརྗེད་ཐོ་ཟུར་བཀོད། དཔེ་གཞུང་དང་ཡིག་ཆ་དངོས་གཞི་ལས་ལོགས་སུ་བཀོད་པའི་ཁ་སྣོན་གྱི་ཡི་གེ་དང་འགྲེལ་བཤད་སོགས་ཀྱི་མིང་། |
| ཟུར་བཀོལ |
ཟུར་དུ་བཀོལ་པ་ལོགས་སུ་ཕྱེ་བའམ་བཏོན་པ། ཁ་ཚ་དགོས་གཏུགས་རིགས་ཟུར་བཀོལ་བྱས་ནས་བཞག་པ། |
| ཟུར་བཏོན |
ཟུར་འདོན་དང་འདྲ། |
| ཟུར་བཞུགས |
ཟུར་དུ་སྡོད་པ། |
| ཟུར་བལྟ |
གཞུང་ལུགས་སོགས་ཀྱི་ཁུངས་གཏུགས་ས་བྱེད་མི་རུང་ཡང་དོན་གོ་བ་ལེན་པར་ཕན་པ་ཡོད་པའི་རྩོམ་དང་དཔེ་ཆ་སོགས་ཀྱི་མིང་། |
| ཟུར་བཤད |
1 སྒེར་རམ་ལོགས་སུ་བཤད་པ། 2 ཞོར་གྱི་འགྲེལ་བཤད། |
| ཟུར་བསྟན་ལེབ་མཐོང |
བརྡ་ཙམ་བསྟན་པས་ཡོངས་རྫོགས་ཤེས་པའི་དཔེ། |
| ཟུར་མ |
ཟུར་སྣེར་གནས་པའི་རིགས། |
| ཟུར་མཁར་བློ་གྲོས་རྒྱལ་པོ |
ཟུར་མཁར་མཉམ་ཉིད་རྡོ་རྗེ་དང་གདུང་རྒྱུད་གཅིག་རང་བྱུང་དགུ་པའི་ས་སྦྲུལ་ལོར་སྐུ་འཁྲུངས། ཆུང་ངུའི་དུས་ནས་ཐུན་མིན་དང་ཐུན་མོང་གི་རིག་གནས་རྣམས་གསན། ཁྱད་པར་དུ་གསོ་བ་རིག་པར་འཆད་རྩོད་རྩོམ་གསུམ་གང་ལའང་ཐོགས་པ་མེད་པར་གྱུར་ཏེ། ཟུར་མཁར་གོང་མའི་བཞེད་པ་གཙོ་བོར་བསྟན་ནས་རྩ་རྒྱུད་དང༌། བཤད་རྒྱུད། ཕྱི་མ་རྒྱུད་ཀྱི་ཆུ་མདོ་ཡན་གྱི་འགྲེལ་པ་མེས་པོའི་ཞལ་ལུང་ཞེས་པ་མཛད། གཞན་ཡང་རྗེ་མཉམ་ཉིད་རྡོ་རྗེའི་རྣམ་ཐར་དང༌། རྒྱུད་བཞི་བཀའ་བསྟན་གྱི་འགལ་སྤོངས་ལ་ཕྱི་ལྟར་ན་སངས་རྒྱས་ཀྱི་བཀའ། ནང་ལྟར་ན་པཎྜི་ཏའི་བསྟན་བཅོས། གསང་བ་ལྟར་ན་བོད་ཀྱི་བསྟན་བཅོས་སུ་བཞེད་པ་སོགས་གསོ་དཔྱད་སྐོར་ལ་གསུང་རྩོམ་ཤིན་ཏུ་མང་ཞིང༌། སྙན་ངག་མེ་ལོང་མའི་མེ་ལོང་ཞེས་པ་སོགས་རིག་གནས་གཞན་སྐོར་ལའང་སྣ་ཚོགས་མཆིས། གཡུ་ཐོག་ཕྱག་བྲིས་མའི་རྒྱུད་བཞི་གསེར་མཆན་སོགས་གནའ་རབས་ཀྱི་ཚད་ལྡན་ཡིག་ཆ་རྣམས་ལ་ཁུངས་བཅོལ་ཏེ་རྒྱུད་བཞི་ལ་ཞུས་དག་མཛད་ཅིང་ནང་སོ་ཡར་རྒྱབ་པ་སྦྱིན་བདག་ཏུ་བསྐུལ་ནས་པར་དུ་བརྐོས་པའི་གྲ་ཐང་པར་མ་ཞེས་རྒྱུད་བཞིའི་པར་སྔ་ཤོས་སུ་གྱུར་པ་དེའི་བདག་རྐྱེན་མཛད་པ་སོགས་སྐུ་ཚེ་ཧྲིལ་པོར་གསོ་བའི་བསྟན་དོན་ཁོ་ན་མཛད། དགུང་ལོ་བདུན་ཅུ་ལྷག་ཙམ་བཞུགས་པར་གྲགས། |
| ཟུར་མཁར་མཉམ་ཉིད་རྡོ་རྗེ |
མཚན་གཞན་དྷརྨ་སྭ་རབ་བྱུང་བདུན་པའི་ས་ལུག་ལོར་ཤར་དྭགས་པོའི་ས་ཆ་ལ་ཐོག་ཟུར་མཁར་དུ་སྐུ་འཁྲུངས། ཐུན་མིན་དང་ཐུན་མོང་གི་རིག་གནས་སྤྱི་དང་གསོ་བ་རིག་པ་རྩལ་དུ་ཐོན་པར་སྦྱངས། གསུང་རྩོམ་དཔལ་ལྡན་རྒྱུད་བཞིའི་འགྲེལ་ཆེན་པོད་ཤལ་ཁྲ་མོ། རྒྱུད་ཀྱི་དཀའ་གནད་རྣམས་ལ་དྲི་ཚིག་དངུལ་དཀར་མེ་ལོང་སོགས་མང་དུ་མཛད། ཤར་ཕྱོགས་མངོན་དགའ་ཞེས་བྱར་གཉལ་ལོར་བྱར་གསུམ། ཨེ་ཉང་ཀོང་གསུམ་བཅས་ཀྱི་སྨན་པ་ཐམས་ཅད་བསྡུས་ཏེ་རིན་ཆེན་འཁྲུངས་དཔེའམ་སྨན་ངོ་གསལ་བྱེད། རོ་སྐོར་ལྕགས་ཀྱི་ཕྲེང་བ། བདུད་རྩིའི་གཏེར་མཛོད་སོགས་སྨན་གྱི་རོ་དང༌། ནུས་པ། ཞུ་རྗེས། ངོ་བོ། ངེས་ཚིག་བྱེད་ལས་བཅས་གཏན་ལ་འབེབས་པའི་བསྟན་བཅོས་བརྩམས། དགུང་ལོ་སུམ་ཅུ་སོ་བདུན་ཤིང་ལུག་ལོར་འདས། |
| ཟུར་མཆན |
དཔེ་ཆའི་ནང་གི་དཀའ་གནད་ལ་ལོགས་སུ་བཀོད་པའི་མཆན་འགྲེལ་གྱི་མིང་། |
| ཟུར་མཇལ |
ལོགས་སུ་འཕྲད་པའམ་ཐུག་པ། |
| ཟུར་མིག |
ཆགས་པའི་ཉམས་སམ་སྒེག་ཆོས་ཀྱིས་ལྟ་ཚུལ་ཞིག |
| ཟུར་མིག་མ |
མངོན བུད་མེད། |
| ཟུར་མེད |
1 ཟུར་ཆ་མེད་པ། 2 མངོན སྒོར་སྒོར་རམ་ཟླུམ་པོ། |
| ཟུར་མེས་དབོན་རྣམ་གསུམ |
གསང་སྔགས་རྙིང་མའི་སློབ་དཔོན་ཟུར་མེས་དབོན་རྣམ་གསུམ་ནི། དང་པོ་ཟུར་པོ་ཆེ་ཤཱཀྱ་འབྱུང་གནས་ཏེ། ཁོང་གིས་བསྟན་པ་ཕྱི་དར་ལ་སྔ་འགྱུར་གྱི་བསྟན་པའི་རྩ་བ་བཙུགས། གཉིས་པ་ཟུར་ཆུང་ཤེས་རབ་གྲགས་པའམ་བདེ་གཤེགས་རྒྱ་བོ་པས་ཡལ་ག་བསྐྱངས། གསུམ་པ་རྗེ་སྒྲོ་ཕུག་པ་ཆེན་པོ་ཤཱཀྱ་སེང་གེས་ལོ་འབྲས་རྒྱས་པར་མཛད་པ་ཡིན་ནོ། |
| ཟུར་ཙམ |
ཕྱོགས་ཙམ་དང་ཆ་ཙམ། མང་པོ་ཤོད་མི་དགོས་པར་ཟུར་ཙམ་གྱིས་གོ་བ། ཟུར་ཙམ་རྟོགས་པ། དོན་སྙིང་ཟུར་ཙམ་སྡུད་པ། |
| ཟུར་ཞུ |
དོན་དག་ལོགས་སུ་སྨྲ་བ། དགོངས་སྐོར་སྙན་སེང་ཟུར་ཞུ་བྱེད་པ། |
| ཟུར་ཞུགས |
ཚོགས་འདུ་སོགས་ལ་ཞུགས་ནས་གཏམ་བཤད་ཆོག་ཀྱང་གྲོས་ཐག་གཅོད་པའི་དབང་ཆ་མེད་པའི་མི། |
| ཟུར་ཟ |
ཚིག་ཟུར་གྱིས་ཁ་གཏོང་བའམ། གོ་རྒྱུ་ཅན་བཤད་པ། ཁྲེལ་དགོད་ཟུར་ཟ། ཟུར་ཟའི་གཏམ། ཟུར་ཟ་ངན་སྨྲས། ཟུར་ཟའི་རི་མོ། |
| ཟུར་འདེབས |
1 ཟུར་སྣོན་རྒྱག་པ། དྲན་གསོའི་ཟུར་འདེབས། 2 ཁ་སྐོང༌། ཚིག་དོན་གྱི་ཟུར་འདེབས། ནོར་རྫས་ཀྱི་ཟུར་འདེབས། འཚོ་ཆས་ཀྱི་ཟུར་འདེབས། |
| ཟུར་འདོན |
ལོགས་སུ་འདོན་པ། མཁོ་ཆེའི་དངོས་རྫས་ཚོང་ཁྲོམ་ཟུར་འདོན་བྱེད་པ། |
| ཟུར་འཕྱོང་རབ་གསལ |
ཁང་པའི་ཟུར་དུ་བསྟན་པའི་དཀར་གསལ། |
| ཟུར་འཕྲད |
ལོགས་སུ་འཕྲད་པའམ་སྒེར་ལ་གཏུག་པ། |
| ཟུར་འབུལ |
ལག་རྟགས་གླ་རྔན་སོགས་སྒེར་དུ་སྟེར་བ། |
| ཟུར་འབེན |
ཤིང་གི་ཟུར་ལ་རྒྱག་བྱེད་ཀྱི་འབུར་ལེན་ཞིག |
| ཟུར་འཚོགས |
ལོགས་སུ་འཛོམས་པ། ཚོགས་ཆུང་ཟུར་འཚོགས་ཀྱིས་གྲོས་སྡུར་བྱེད་པ། |
| ཟུར་ཡིག |
སྒྲིག་ཁྲིམས་སོགས་ཀྱི་ཡིག་ཆར་ལོགས་སུ་བཀོད་པའི་ཁ་སྐོང་ངམ་འགྲེལ་བཤད་ཀྱི་མིང་། ２དངུལ་སྒོར་གྱི་སྡེ་ཚན་ཞིག་སྒོར་གཅིག་ཟུར་བཅུ་ཡིན། ３གཟུར་གྱི་སྐུལ་ཚིག |
| ཟུར་རྡོ |
1 རྩིག་པའི་ཟུར་གྱི་རྡོ། 2 ཁང་པའི་རྩ་བའི་ཟུར་གདོང་དུ་བསླངས་པའི་རྡོ་ནར་མོ། |
| ཟུར་ལུགས |
ཟུར་མཁར་མཉམ་ཉིད་རྡོ་རྗེའི་དགོངས་བཞེད་ལྟར་རྒྱུད་ཀྱི་བཤད་སྒྲོས་དང༌། སྨན་གྱི་ངོས་འཛིན་སོགས་སྲོལ་རྒྱུན་མ་ཉམས་པ་འཛིན་མཁན་གྱི་བརྒྱུད་འཛིན་སྤྱི་ལའོ། |
| ཟུར་ལུགས་ཆབ་འདྲེན |
ཟུར་མཁར་བའི་ལུགས་ཀྱི་ལུས་ཀྱི་དྲི་ཆུ་འགགས་པ་ཕྱིར་འདྲེན་པའི་སྔོ་སྨན་ཞིག |
| ཟུར་ལུགས་ཆུ་རྩི |
ཟུར་མཁར་བའི་ལུགས་ཀྱི་སྨན་ཆུ་རྩི། |
| ཟུར་ལུགས་བོང་དཀར |
ཟུར་མཁར་བའི་ལུགས་ཀྱི་བོང་ང་དཀར་པོའི་རིགས་ཤིག |
| ཟུར་ལུགས་སྙི་བ |
ཟུར་མཁར་བའི་ལུགས་ཀྱི་སྨན་སྙི་བའི་རིགས་ཤིག |
| ཟུར་ལྔ་ལ |
ལ་ཞིག་བོད་རང་སྐྱོང་ལྗོངས་ཀྱི་དགེ་རྒྱས་རྫོང་གི་ལྷོ་རྒྱུད་དུ་ཡོད། |
| ཟུར་ལྕམ |
1 གཞལ་ཡས་ཁང་གི་ཟུར་ལྕམ་ཕྲའུ་ཟེར་བ། 2 ཁང་པའི་ཐོག་ཟུར་དུ་འཁེལ་བའི་ལྕམ། |
| ཟུར་ལྕོག |
ཁང་པའི་ཐོག་ཟུར་ལ་ཡོད་པའི་ཁང་ཆུང༌། |
| ཟུར་ལྟ་མ |
མངོན བུད་མེད། |
| ཟུར་སོང་རྩིས་ལེན |
ཟུར་དུ་བཏང་བའི་དངོས་པོ་དེ་རྩིས་ལེན་དགོས་ཟེར་བའི་དོན། |
| ཟུར་སྒྲོན |
ཟུར་དུ་འབུལ་བ། སྙན་ཞུ་ཟུར་སྒྲོན། མཇལ་དར་ཟུར་སྒྲོན་ཞུ་བ། |
| ཟུར་སྣོན |
ཁ་སྣོན། མི་གྲངས་ཟུར་སྣོན་རྒྱག་པ། |
| ཟུལ་གྱིས |
རིམ་གྱིས་སམ་ག་ལེར། |
| ཟུས |
ཁྱི་ཟུག་པའི་བརྡ་རྙིང་། |
| ཟེ |
1 སྣེའམ་མཐའ། རིའི་ཟེ། བྲག་གཡང་གི་ཟེ་ནས་རྟའི་ཁ་བསྐྱོགས་པ། 2 རྐྱེན། ཁ་མཆུའི་ཟེ། 3 རྔོག་མ། |
| ཟེ |
ཟེ་བ་སྟེ་ཁྱིམ་བྱ་འཚའ་ལུའི་མགོའི་ཤ་སྐྱི་དམར་བོའི་མིང་། དེ་ལ་ཟེ་པྲོག་ཀྱང་ཟེར། ཕག་གི་གཉའ་བའི་སྤུ་རིང་བོ་ལའང་ཕག་ཟེ་ཟེར། ０མེ་ཏོག་གི་ཟེ་འབྲུའི་མིང་། |
| ཟེ་ཁ |
རིའི་སྒང་ཟུར། རི་བོ་མཐོན་པོའི་ཟེ་ཁ་ནས་བལྟས་ན་མཐོང་རྒྱ་ཆེ། |
| ཟེ་ཁེབས |
སྔ་དུས་བོད་ཀྱི་བླ་ཆེན་མི་ཆེན་སོགས་ཀྱི་རྟའི་ཟེ་བ་གཡོག་བྱེད་ཀྱི་རྒྱན། |
| ཟེ་ཁྲག |
ཁྱིམ་བྱའི་གཙུག་ཁྲག |
| ཟེ་གཞུག |
རྟ་དྲེལ་སོགས་ཀྱི་རྔོག་མ་དང་རྔ་མ། |
| ཟེ་ཆེན་དགོན |
སྡེ་དགེ་འབྲི་ཆུའི་ཤར་རྒྱུད་ཁམས་རྫོགས་ཆེན་དགོན་གྱི་ཉེ་འདབས་ཀྱི་རྙིང་མའི་དགོན་ཆེན་ཞིག |
| ཟེ་པྲོག |
1 བྱ་དེའི་མགོའི་ཤ་འཕྲུ། 2 སྒོ་ལྕགས་ཀྱི་ནང་རྩིབ། སྒོ་ལྕགས་ཀྱི་ཟེ་པྲོག་བཙན་པོ། 3 རྙིང 1)བདར་བ། 2)གཡེར་པོ། |
| ཟེ་བ |
1 རྔོག་མ། རྟའི་ཟེ། ཕག་ཟེ། དེ་ཕོའི་ཟེ་བ། 2 མེ་ཏོག་གི་གེ་སར། པད་མའི་ཟེ་བ། |
| ཟེ་མ |
གཟི་མ་ཡི་འབྲི་ཚུལ་གཞན། |
| ཟེ་མཇུག |
རྔོག་མ་དང་རྔ་མའི་བསྡུས་མིང༌། རྟ་དྲེལ་གྱི་ཟེ་མཇུག་གཞུར། |
| ཟེ་མོ |
ཟེ་མོང་དང་འདྲ། |
| ཟེ་མོང |
སེམས་ཅན་གཟུགས་མོ། |
| ཟེ་ཚ |
གཏེར་དངོས་རིགས་མདོག་དཀར་བོའམ་དཀར་བོ་ལ་སེར་མདངས་འདྲེས་པའང་ཡོད་ལ་རྣམ་པ་ཚྭ་དང་མཚུངས་པའི་མེ་རྫས(སྨན་ནག)ཀྱི་རྒྱུ་ཞིག་ཡིན། འདི་ལ་ཟེ་ཚྭ་འབྲི་བའང་ཡོད། |
| ཟེ་ཚའི་སྐྱུར་རྩི |
ཟེ་ཚའི་ཁ་སྒྱུར་གྱི་སྐྱུར་རྩི། |
| ཟེ་ཚྭ |
ལན་ཚྭའི་རིགས་ཤིག་རོ་ལན་ཚྭ། ཞུ་རྗེས་དྲོད། ནུས་པས་རྡོ་སྐྲན་དང༌། ལྒང་པའི་རྡེའུ། མ་ཞུ་བའི་ནད་རྣམས་བཞུ་བར་བྱེད། |
| ཟེ་ཟེ |
འདོད་པ་སློང་བའི་ཉམས་དང་བྱ་སྤྱོད་སོགས་ཀྱི་མིང་། |
| ཟེ་འབུག |
སྐྱུགས་ལྡད་བྱེད་པའི་སྲོག་ཆགས་རིགས་ཀྱི་ཕོ་བའི་ཆ་ཤས་ཤིག་ཡུལ་སྐད་དུ་ཕོ་ཟེ་ཡང་ཟེར། |
| ཟེ་འབྲུ |
མེ་ཏོག་ནང་གི་འབྲས་བུ་འཆག་བྱེད་ཀྱི་ཆ་ཤས་གཙོ་བོ་ཞིག་ཟེའུ་འབྲུ་ཡང་འབྲི། |
| ཟེ་རྔོག |
རྟ་དྲེལ་གྱི་སྐེའི་ཟེ་བའམ་རྔོག་མ། |
| ཟེ་རྡུམ |
རྩེ་མོ་ཐུང་བའི་ཟེ། |
| ཟེ་ལ |
བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| ཟེ་ལངས་པ |
1 རྟ་དྲེལ་གྱི་ཟེ་བའི་སྤུ་ལངས་པ། 2 ཁ་མཆུ་སོགས་ཀྱི་རྐྱེན་ལངས་པ། |
| ཟེ་སྒྲོ |
1 ཟེ་བ་དང་སྒྲོ། 2 རྩེ་ཞྭའི་ཟེ་སྒྲོ། |
| ཟེག་པ |
སྤུ་མདོག་དམར་པོ་ཞིག རྟ་འོལ་བ་དང་ཟེག་པ། |
| ཟེགས |
(བྱེད་མེད་ལས་ཚིག) བྲུལ་བའམ་ཆ་ཤས་ཆུང་ངུ་རྣམས་སོ་སོར་ཐོར་བའི་དོན་ཏེ། ཨུཏ་པལ་སྔོན་པོ་ཟེགས་པར་གྱུར་ལྟ་བུ། (བྱེད་འབྲེལ་ལས་ཚིག) ཁ་ཟས་ནང་གི་ས་རྡོའི་ཟེགས་མས་སོ་ལ་ན་ཟུག་བསྐྱེད་པའི་དོན་ཏེ། སོ་ཟེགས། བྱེ་མས་སོ་ཟེགས་ལྟ་བུ(ཡུལ་སྐད) ０ཟེགས་མ་ཡི་ཚིག་བསྡུས་པ། |
| ཟེགས་པ |
1.ཡུལ ལྷུང་བ། ཡིག་རིགས་བོར་ཟེགས་སུ་མ་སོང་བ། 2.རྙིང་པ། གོས་ཧྲུལ་ཟེགས་པ། |
| ཟེགས་མ |
དངོས་རྫས་ཀྱི་ཆ་ཤས་ཆུང་ངུའི་མིང་རྡོའི་ཟེགས་མ། ཆུའི་ཟེགས་མ་ཐོར་ཞེས་པ་ལྟ་བུ། ཚིག་བསྡུས་ན་ཟེགས་ཞེས་འབྲི་ཆོག་རྡོ་ཟེགས། ས་ཟེགས། བྱེ་ཟེགས་ཞེས་པ་ལྟ་བུ། |
| ཟེགས་མ་གཡོ་བྱེད |
མངོན སྨན་པི་པི་ལིང༌། |
| ཟེགས་མ་ནག་མོ |
མངོན ཟས་ཀྱི་རོ་འགུགས་བྱེད་སྤོད་སྨན་གྱི་བྱེ་བྲག་ཅིག |
| ཟེགས་མའི་ལྟེ |
མངོན འཁོར་ཆུ། |
| ཟེད |
འཛེད་ཀྱི་སྐུལ་ཚིག འདུ་འཛིའི་མིང་ཟེད་ཟེད་ལིང་ལོང་ལྟ་བུ། ０ཟེལ་གྱི་འབྲི་ཚུལ་གཞན། |
| ཟེད་ལངས |
ཡུལ སེན་རྩ་ལོགས་པའམ་སེན་སྐྱི་ལོགས་པ། སེན་ཟེད་ལངས་པ། |
| ཟེམ |
(བྱེད་འབྲེལ་ལས་ཚིག) སེམས་ཆུང་བྱེད་པའི་དོན་ཏེ། སྨན་པས་ནད་པར་གཤག་བཅོས་བྱེད་པའི་སྐབས་ནད་པའི་ཤ་རུས་རྩ་ཡི་གནད་ལ་ཟེམ་ལྟ་བུ། |
| ཟེའུ |
ཟོ་བ་ཆུང་ངུ། |
| ཟེའུ་འབྲུ |
མེ་ཏོག་འདབ་མའི་དབུས་ཀྱི་གེ་སར་རམ་སྒང་བུ། |
| ཟེའུ་འབྲུ་ཅན |
མངོན པད་མ། |
| ཟེར |
1.འོད་ཀྱི་ཟེར་མདངས། འོད་ཟེར། ཉི་ཟེར། ཆུ་ཟེར། ཚ་ཟེར། 2.མི་འདོད་པ་དང༌། མ་རངས་པའི་ཚིག་ཤུགས་སྟོན་བྱེད་ཕྲད་ཅིག ཆོས་ཐམས་ཅད་རང་ངོས་ནས་བདེན་པར་གྲུབ་ཟེར། དེ་སྐད་ཟེར། སྐབས་དེར་འཇིག་རྟེན་པ་རྣམས་ཞིང་ལ་སོ་ནམ་བྱེད་པའི་སྲོལ་དར་ཞིང༌། བསོད་ནམས་ཀྱི་མཐུ་ལས་དངུལ་ཟངས་ལྕགས་གསུམ་ཡང་ཐོན་ཟེར། |
| ཟེར་ཅི་དགོས |
ཤོད་ཅི་དགོས་ཏེ་མི་དགོས་ཟེར་བའི་དོན། |
| ཟེར་དགུ་ཅོག |
ཟེར་ཚད་ཐམས་ཅད། |
| ཟེར་དུག |
སྦྱར་དུག་གི་ནང་ཚན་ཉི་མའི་ཟེར་ལ་རྟ་བྱས་ནས་བསྐུར་བའི་དུག་ཅིག |
| ཟེར་བ |
1.ཐ་དད་པ རྗོད་པ། སྐད་ཆ་དེ་འདྲ་ཟེར་བའི་དོན་གང་ཡིན། ཅི་ཟེར་བ་ལ་ཉན། ཟེར་ཚད་བདེན་མིན། བཙོ་ཚད་ཤ་མིན། ལུག་མ་གསོད་བླ་མས་ཟེར། ཤ་ཁྱེར་ཤོག་བླ་མས་ཟེར། ཟེར་ས་བུ་མོ་ལ་ཟེར། ཕོག་ས་མནའ་མ་ལ་ཕོག 2.ངེས་གཟུང་གི་སྒྲ། ཁམ་བུ་ཟེར་བ་ཧ་ཅང་མངར་མོ་ཞིག་ཡོད། |
| ཟེར་མ |
1 ཟེགས་མ། ཆུའི་ཟེར་མ། 2 རླུང༌། ཟེར་མ་རླུང་དང་མཉམ་འགྲོ་ཡིན། |
| ཟེར་མོ |
1 སེམས་ཅན་གཟུགས་མོའམ་སྒང༌། 2 བྱ་པུ་ཤུད། |
| ཟེར་རིགས |
ཤོད་སྲོལ་ལམ་ཟེར་རྒྱུན། གཞན་གྱི་ཟེར་རིགས་བདེན་མིན་སྣ་ཚོགས་འདུག |
| ཟེར་རིས |
འོད་ཟེར་ལྟ་བུའི་རི་མོ། |
| ཟེར་ལོ |
1 མ་རངས་པའི་ཚིག་གཞན་གྱི་འདོད་པའམ་ཟེར་ཚུལ་ལ་ཟུར་ཟའི་ཚིག ཕྱི་རོལ་པས་འཇིག་རྟེན་གྱི་དངོས་པོ་ཐམས་ཅད་ལྷ་ཚངས་པས་བསྐྲུན་པའོ་ཞེས་ཟེར་ལོ། དེ་འདྲ་ཟེར་ལོ་ཙམ་ཐོས་པ་ལས་ཁུངས་བཙན་པ་ཞིག་མ་རྙེད། 2 བཤད་པ་ཙམ། ཁ་ནས་ཟེར་ལོ་ཙམ་མིན་པར་ལག་ལེན་བསྟར་དགོས། |
| ཟེར་སྐད |
1 ངེས་གཏན་མེད་པའི་དོན། འབྱུང་ཁུངས་ཀླུ་ཡིན་འདུལ་བྱེད་ཁུང༌། གཉེན་པོ་རླུང་ཡིན་ཟློག་ཐབས་མང༌། འཕྲལ་དུ་འཚུབས་ཀྱང་ཕུགས་མི་སྐྱོན། ཟེར་སྐད། 2 གཞན་གྱི་སྐད་ཆ་ལ་ཅུང་ཟད་ཟུར་ཟ་བའི་ཚིག |
| ཟེར་སྒྲོས |
ཤོད་སྲོལ་ལམ་ཟེར་རྒྱུན། དེ་ལྟ་བུའི་ཟེར་སྒྲོས་གཏན་ནས་མེད། སྦིར་གཏམ་ཚང་མ་རང་གར་གྱི་ཟེར་སྒྲོས་ལས་མི་བདེན། སྒྲུང་གཏམ་ཟེར་སྒྲོས། ཟེར་སྒྲོས་ཉན་པར་ཆ་བཞག་པ། ཟེར་སྒྲོས་ཙམ་ལས་མེད། |
| ཟེར་སྲོལ |
བཤད་སྒྲོས། སྔར་གྱི་ཟེར་སྲོལ་ལ་དེ་ལྟར་འདུག |
| ཟེལ |
ཉག་མ་དང་དུམ་བུ་ཆུང་ངུའི་མིང་ཟེལ་ལངས། མཛུབ་མོར་ཤ་ཟེལ་ལངས། གཡག་རྔ་ཟེལ་སློག་སློག ཟེལ་ལེ་ལེ་ཞེས་པ་ལྟ་བུ། |
| ཟོ |
1.ཐ་དད་པར་འཇུག་པའི་ཟ་བའི་སྐུལ་ཚིག 2.རྙིང ཁམས་དང་རང་བཞིན། |
| ཟོ་ཆགས |
ཟོ་ཤེ། |
| ཟོ་ཆུན |
གནའ་དུས་དམའ་ས་ནས་མཐོ་སར་ཆུ་འདྲེན་བྱེད་ཀྱི་འཕྲུལ་ཆས་རིགས་ཤིག་གི་མིང་། |
| ཟོ་ཆུན་འཁོར་ལོ |
ས་མཐོ་སར་ཆུ་རྒྱུན་འདྲེན་པའི་འཕྲུལ་འཁོར་གྱི་མིང༌། |
| ཟོ་ཆུན་འཁྱུད་མོ |
ཆུ་གྱེན་ལ་འདྲེན་བྱེད་ཀྱི་འཁོར་ལོ། |
| ཟོ་ཆུན་རྒྱུད་མོ |
ཟོ་ཆུན་འཁྱུད་མོ་དང་འདྲ། |
| ཟོ་ཐོན་ནས་མཆི |
རྙིང མནའ་བསྐྱལ། |
| ཟོ་དོར |
ཡུལ་འཁོར་སྐྱོང་བའི་ཡུལ་ལྷ་གཞི་བདག་གི་གཙོ་བོའམ་གྲགས་ཆེ་ཤོས། |
| ཟོ་བ |
1 འཇལ་བྱེད་ཤིང་སྣོད། མདའ་ཟོ། 2 འོ་ཞོ་ཐུག་པ་སོགས་ཀྱི་སྣོད་ཅིག འོ་ཟོ། ཐུག་ཟོ། |
| ཟོ་བཟང |
གཤིས་ཀ་བཟང་པོ། |
| ཟོ་བའི་ལྕུག་དཀྲིས |
ཟོ་བའི་སྣོད་དཀྲི་བྱེད་ལྕུག་ཐག |
| ཟོ་མདོག |
ལུས་ཀྱི་གཟི་མདངས། ལུས་ཀྱི་ཟོ་མདོག་རྒྱས་པ། ཟོ་མདོག་བདེ་བ། |
| ཟོ་མདོག་ཡང་བ |
1 ཁམས་བདེ་ཞིང་ལས་སུ་རུང་བ། 2 བཞིན་མདངས་གསལ་བ། 3 བརྩོན་འགྲུས་ཅན། |
| ཟོ་མར |
ཟོ་བའི་ནང་དུ་ཆགས་པའི་སྤྲིས་མ། |
| ཟོ་མོ |
ཡུན་རིང་སྤྱད་པའི་འོ་ཞོ་བླུག་སྣོད་ཤིང་ཟོའི་ནང་ལ་ཆགས་པའི་མར་དང་འོ་སྤྲིས། |
| ཟོ་རིས |
1 བྱུག་རྫས་ཁྱད་པར་བ་ཞིག 2 མཁུར་ཚོས་སོགས་ལ་བསྐུས་པའི་རི་མོ། |
| ཟོ་ལག |
ཟངས་རག་ཤིང་སོགས་ལས་བཟོས་པའི་འོ་ཞོ་ཐག་པ་སོགས་ཀྱི་སྣོད་ཅིག |
| ཟོ་ཤེ |
ཟོ་བའི་ནང་ལྕུག་མ་སིལ་བུ་བསྐོར་ཏེ་བཞག་པར་འོ་མ་བླུགས་ཏེ་ཆགས་པའི་བཅུད་ལྡན་གྱི་རྩི་ཞིག |
| ཟོག |
1 བཙོང་བྱའི་རྫས། ཚོང་ཟོག དངོས་ཟོག ཟོག་གོང༌། ཟོག་སྒམ། ཟོག་མངགས་གན་རྒྱ། ཟོག་གོང་ཆུང་ན་རྒྱུ་སྤུས་ཞེར་པོའི་རྟགས། ཟོག་ལེགས་གོང་ཁེ། 2 སྒོ་ཕྱུགས། ཟོག་གི་ཚོས་གཞི་ཕྱི་ནས་མཐོང༌། དགྲ་བོའི་ལྐོག་ཇུས་ཁོག་ན་ཡོད། 3 གཡོ་སྒྱུ། ཟོག་ཆེན་གྱིས་རྒྱུ་ཟ་བ། |
| ཟོག་ཁྲལ |
1 ཚོང་ཞོག་ལ་འགེལ་བའི་ཁྲལ། 2 ཕྱུགས་རིགས་ལ་འགེལ་བའི་ཁྲལ། |
| ཟོག་ཐང |
དངོས་ཟོག་གི་རིན་ཐང༌། ཟོག་ཐང་བརྟན་གནས། |
| ཟོག་ཐོ |
དངོས་ནོར་གྱི་ཐོ་ཡིག |
| ཟོག་པོ |
གཡོ་ཁྲམ་མཁན་ནམ་ཟོལ་མ། དམ་པ་མི་བྲིན་ཟོག་པོ་བྲིན་པའི་དུས། ཟོག་པོ་ཕལ་ཆེར་མཁས་པའི་གྲལ་དུ་བཞག |
| ཟོག་པོ་ཁྱི་དཀྲོག་མཁན |
གཡོ་སྒྱུས་མི་གཞན་ལ་ཟིང་འདྲོག་སློང་བ་པོའི་དཔེ། |
| ཟོག་བདག |
1 ཚོང་ཟོག་གི་བདག་པོ། 2 ཕྱུགས་ཟོག་གི་བདག་པོ། 3 ཡུལ བལ་པོའི་ཚོང་པ། |
| ཟོག་བརྫུས |
ཚོང་ཟོག་བརྫུས་མ། |
| ཟོག་མ |
1 གཡོ་སྒྱུ་རྫུན་ཅན་གྱི་བུད་མེད། 2 རྫུན་ནམ་གཡོ་སྒྱུའི་མིང༌། |
| ཟོག་མོ |
གཡོ་ཁྲམ་ཅན་གྱི་མི་མོ། |
| ཟོག་རིན |
དངོས་ཟོག་གི་རིན་ཐང༌། |
| ཟོག་རོ |
མ་བྲིན་པའམ་མཁོ་མེད་ཀྱི་དངོས་ཟོག |
| ཟོག་རྫུ |
ཟོག་རྫུན་དང་འདྲ། |
| ཟོག་རྫུན |
མ་ཡིན་ཡིན་ཁུལ་བྱེད་པའམ་ཚུལ་འཆོས། ཟོག་རྫུན་མཁས་པར་འཁྲུལ་བ་དེ། ར་གན་གསེར་དུ་འཁྲུལ་བ་ཡིན། |
| ཟོག་སྒྲོམ |
དངོས་ཟོག་འཇུག་སའི་སྒྲོམ། |
| ཟོག་སྙིགས |
མ་བྲིན་པའམ་ཕན་མི་ཐོགས་པའི་ཟོག་རོ། |
| ཟོག་སྟོང |
གཡོ་རྫུའི་གཏམ་སྟོང༌། |
| ཟོག་སྤུས |
དངོས་པོའི་རྒྱུ་དག་བཟང་ངན། ཟོག་སྤུས་ཞིབ་དཔྱོད། |
| ཟོང |
དངོས་པོའམ་ཚོང་ཟོག སྨར་མིན་ཟོང་ཐོག་ནས་རྩིས་རྒྱག་པ། ཟོང་དུ་བྱེད་པ། ཟོང་དུ་མི་བྱེད་པ། |
| ཟོང་ཁྲལ |
ཚོང་ཟོག་གི་ཁྲལ། |
| ཟོང་གིས་འཚོ་བ |
མངོན ཚོང་པ། |
| ཟོང་ཅུ |
རྒྱ གནའ་རབས་ཀྱི་ས་མིང༌། དེང་སང་སི་ཁྲོན་ཞིང་ཆེན་གྱི་ཟུང་འཕན་ས་ཁུལ། |
| ཟོང་ཆུ |
རྒྱ ཟོང་ཅུ་དང་འདྲ། |
| ཟོང་དཔོན |
ཚོང་དཔོན། |
| ཟོང་དོས |
ཚོང་ཟོག་དོ་པོ། |
| ཟོང་པ |
ཚོང་པ། |
| ཟོང་མཆོག |
མངོན གསེར། |
| ཟོང་ཚོང་པ |
ཚོང་པ། |
| ཟོང་ཟོག |
ཚོང་རྫས། |
| ཟོང་འགྲེམས་གནས |
མངོན ཚོང་འདུས་སམ་ཁྲོམ་ར། |
| ཟོན |
1 རྒྱ རྩིས་ཀྱི་སྤར་ཁའི་ནང་གསེས་ཤིག 2 དོགས་པ། བག་ཟོན། མེ་ཟོན། ཆུ་ཟོན། ལབ་ལུགས་མཁས་ན་ཁ་ཡི་ཟོན། རྒྱུ་ལུགས་མཁས་ན་རྐང་པའི་ཟོན། ཟ་དུས་མིད་པ་འགག་རྒྱུར་ཟོན། འགྲོ་དུས་རྐང་འདྲེད་ཤོར་རྒྱུར་ཟོན། |
| ཟོན་གྲབས |
དོགས་ཟོན་བྱེད་པའི་གྲབས་སམ་སྟ་གོན། ཆུ་མ་ཤོར་གོང་ནས་རགས་རྒྱག་གི་ཟོན་གྲབས་བྱེད་དགོས། |
| ཟོན་པ |
བོད་རིགས་ཀྱི་ལྷམ་རིགས་ཤིག་ཕལ་ཆེ་བ་སྐུད་པས་སླེས་པ་ཡིན། |
| ཟོན་ཕན |
རྒྱ རྩིས་གཞོང་སྟེ་རྩིས་རྒྱག་བྱེད་ཀྱི་ཡོ་བྱད་ཅིག |
| ཟོན་བྱེད་པ |
1 དོགས་པ་བྱེད་པ། དགྲ་རྐུན་གྱི་ཟོན་བྱེད་པ། 2 འཛེམ་བག་བྱེད་པ། འགོ་ནད་འགོ་བར་ཟོན་བྱེད་པ། ཉེན་ཁར་གྱར་བར་ཟོན་བྱེད་མི་དགོས་པ། |
| ཟོན་མེད |
དོགས་པ་མེད་པ། ཁྱིམ་མཚེས་ལ་མེ་ཤོར་ན་ཟོན་མེད་དུ་སྡོད་ཐབས་ག་ལ་ཡོད། |
| ཟོན་རླུང |
རྒྱ སྤར་ཁ་ཟོན་དང་འབྱུང་ཁམས་རླུང༌། |
| ཟོབ |
དབྱུག་པ་ལ་རས་དང་པགས་པ་སོགས་བཏགས་ནས་བཅོས་པའི་མི་གཟུགས་དང་སྲོག་ཆགས་ཀྱི་གཟུགས་བརྙན་གྱི་མིང་ཟོབ་གཟུགས། ཟོབ་སྐུ་ཞེས་པ་ལྟ་བུ། རྫུན་མའམ་སྙིང་བོ་མེད་པའི་དོན་ཏེ། ཟོག་ཟོབ། ཟོབ་མེད་ཅེས་པ་ལྟ་བུ། |
| ཟོམ |
1 སྣོད་སྤྱད། རྩམ་ཟོམ། ཆུ་ཟོམ། འོ་ཟོམ། ཤིང་ཟོམ། 2 ཁོག་པ་དང་གསེབ་བམ་ཁྲོད། རི་ཟོམ། སྤྲིན་པའི་ཟོམ། རི་བོའི་ཟོམ་ནས་འབབ་པའི་ཆུ། 3 རྩེ་མོའམ་སྒང༌། རི་བོའི་ཟོམ་དུ་འགྲོ། |
| ཟོམ་ཁོག |
ཟོམ་ནང་གི་སྟོང་ཆ། |
| ཟོམ་པ |
ཟོན་པ་དང་འདྲ། |
| ཟོམ་བསྐྱུར |
བར་ལྡིང་དུ་ལྷོད་བསྐྱུར་བཏང་བའམ་བཞག་པ། ཕར་ཁག་ཚུར་དཀྲིས་ཀྱིས་ཟོམ་བསྐྱུར་བཞག་པ། |
| ཟོམ་མགོ |
ཡུལ ལྷམ་ཟོམ་པའི་མགོ་རྐྱང་པའི་མིང༌། |
| ཟོམ་མཐིལ |
སྐུད་པས་བཙེམས་པའི་ལྷམ་མཐིལ། |
| ཟོམ་འཇོག |
ཉེས་སྐྱོན་རྒྱ་ཡན་དུའམ་རང་གར་འཇོག་པ། རང་གར་ཟོམ་འཇོག ཉེས་ཅན་ལ་ཆད་པ་མི་གཅོད་པར་ཟོམ་འཇོག་བྱེད་མི་རུང༌། |
| ཟོམ་རྔ |
ཕྱོགས་གཉིས་ཀར་རྡུང་དུ་རུང་བའི་ཟོམ་དབྱིབས་ཅན་གྱི་རྔ། |
| ཟོམ་རྩི |
འོ་སྣོད་ཟོམ་ནང་དུ་ཡུན་རིང་ཆགས་པའི་རྩི་སྟེ་ཟོ་ཤེའམ་ཟོ་མར་དང་དོན་གཅིག |
| ཟོམ་ལུས |
བར་ཟོམ་དུ་ལུས་པའམ། བར་གསེང་དུ་འཚེམས་པ། སྤྱི་པའི་སྤྲོད་དངོས་ཚང་མ་ཟོམ་ལུས་མེད་པ་རྩིས་སྤྲོད་བྱེད་པ། |
| ཟོམ་ལྷམ |
བོད་ལྷམ་སྣམ་བུའི་ཡུ་ཅན། |
| ཟོམ་ལྷམ་མཐིལ་གཅིག་མ |
བོད་ཀྱི་སྐྱེས་པའི་ལྷམ་གྱི་བྱེ་བྲག་ཅིག |
| ཟོམ་སྐྱོན |
ཧེ་བག་དང་བར་གསེང་གི་སྐྱོན་ཆ། བྱུང་སོང་གི་རྩིས་ལ་ཟོམ་སྐྱོན་ཆེར་མེད་པ། |
| ཟོར |
1 མཐུ། སྔགས་ཟོར། གཏོར་ཟོར། མདའ་ཟོར། དམག་ཟོར། ཡུངས་ཟོར། མཚེ་ཟོར། 2 ལྕི་ཡང་གི་ཁྱད་པར། ཡིག་ཟོར་ཡང་བ། ལུས་ཟོར་ཡང་པོ། ལུས་ཟོར་ལྗིད་པོ། |
| ཟོར་ཁ |
གཏོར་ཟོར་འཕེན་པའི་ཕྱོགས། |
| ཟོར་པ |
སྔོ་སྨན་ཞིག |
| ཟོར་བ |
ལོ་ཏོག་དང་རྩྭ་ལྡུམ་འབྲེག་བྱེད་ཀྱི་ཞིང་ལས་ཡོ་བྱད་གུག་པོ། གུག་ངོས་སུ་རྣོ་ངར་ཡོད་པ་ཞིག་གི་མིང་། ཚིག་བསྡུས་ན་ཟོར་ཞེས་འབྲི་ཆོག་ནགས་འབྲེག་བྱེད་ཀྱི་ཟོར་བ་ལ་ནགས་ཟོར་ཟེར་བ་ལྟ་བུ། |
| ཟོར་བུ |
རྩྭ་ཤིང་རྔ་བྱེད་ཀྱི་ཟོར་བ་ཆུང་ངུ། |
| ཟོར་མ |
བཀྲ་ཤིས་ཤིང་རྟེན་འབྲེལ་བཟང་བའི་ཚིག མདའ་དར་བཟུང་ནས་ཟོར་མའི་གླུ་དབྱངས་ལེན། |
| ཟོར་མའི་གླུ་དབྱངས |
དགའ་སྟོན་རྟེན་འབྲེལ་བྱེད་སྐབས་ཀྱི་གླུ་དབྱངས་ཤིག |
| ཟོར་འཕེན་པ |
གདོན་བགེགས་ལ་གཏོར་ཟོར་རྒྱག་པ། |
| ཟོར་ཡང་བ |
1 ལས་ཁུར་འཁྱེར་སྟབས་བདེ་བའམ་ལྕི་བ་མིན་པ། ལུས་འགྲོ་འདུག་ཟོར་ཡང་བ། འགྲོ་ཆས་ཟོར་ཡང་བ། 2 ཚིག་ཚོགས་ཉུང་བའམ་སྟབས་བདེ་བ། |
| ཟོར་ར |
བོད་ཀྱི་རུས་ཤིག |
| ཟོལ |
བསླུ་བའམ་གཡོ་སྒྱུ། གཏམ་ལ་ཟོལ་འདེབས་པ། གཡོ་ཟོལ། ཁ་ཞེ་མཐུན་པའི་ཟོལ་མེད་སྙིང་གཏམ། དགའ་བའི་ཟོལ་གྱིས་འཛུམ་བསྟན། |
| ཟོལ་པོ |
གཡོ་སྒྱུ་ཅན། |
| ཟོལ་བསྟོད |
གཡོ་ཁྲམ་གྱི་ངོ་བསྟོད། སྤྲེལ་ལད་ཟོལ་བསྟོད། |
| ཟོལ་བསྟོད་ཀྱི་རྒྱན |
དོན་རྒྱན་གྱི་ནང་གསེས་ཤིག་བརྗོད་འདོད་ཀྱི་ཡུལ་གང་ཡང་རུང་བ་ཞིག་ལ་རྣམ་པ་སྐྱོན་བརྗོད་ཀྱི་སྨད་ཁུལ་བྱས་ནས། དོན་གྱི་ངོ་བོ་ཡོན་ཏན་གྱི་ཆེ་བ་བརྗོད་པའི་རྒྱན་ཞིག་ནང་གསེས་རྣམ་གྲངས་གསུམ་ནི། མཐུ་ཕུན་ཚོགས་ཀྱི་ཟོལ་བསྟོད། དཔའ་བ་ཕུན་ཚོགས་ཀྱི་ཟོལ་བསྟོད། སྟོབས་ཕུན་ཚོགས་ཀྱི་ཟོལ་བསྟོད་རྣམས་སོ། |
| ཟོལ་བུ |
ཟོལ་པོ་དང་འདྲ། |
| ཟོལ་མ |
1 རྫུན་མ། དངོས་རྫས་ཟོལ་མ་ཡིན་མིན་བརྟག་དཔྱད་དགོས། 2 གཡོ་སྒྱུ་ཅན་གྱི་བུད་མེད། |
| ཟོལ་མཐུན |
གཡོ་ཟོལ་གྱི་མཐུན་འཇུག |
| ཟོལ་མེད |
གཡོ་ལྷད་མེད་པ། ལྷག་བསམ་ཟོལ་མེད། |
| ཟོལ་ཚིག |
གཡོ་ཟོལ་གྱི་གཏམ། རྫུན་དང་ཟོལ་ཚིག |
| ཟོལ་ཟོག |
གཡོ་སྒྱུ། |
| ཟོལ་འཇོག |
རྒྱ་ཡན་དུ་འཇོག་པ། |
| ཟོལ་སྒྲིབ |
སྐྱོན་ཆ་གཡོ་ཟོལ་གྱིས་སྒྲིབ་པ། རྣམ་འགྱུར་ཟོལ་སྒྲིབ་སྤུ་ཙམ་ཡང་མེད་པའི་གསལ་ཞིང་དྭངས་པ། |
| ཟོལ་སྦྱོར |
གཡོ་ཁྲམ་གྱི་བྱ་བ། བྱ་སྤྱོད་ལ་ཟོལ་སྦྱོར་བྱེད། ཟོལ་སྦྱོར་སྲེ་ལྷད། ཡིད་རྩེ་གཅིག་གི་སྒོ་ནས་ཟོལ་སྦྱོར་གྱི་བྱ་སྤྱོད་སྤངས་པ། |
| ཟོས |
ཟ་ཡི་འདས་པ། འཛའ་ཡི་འདས་པ། ０ཟ་ཡི་འདས་པ། |
| ཟོས་དང་མ་ཟོས |
གཟས་རྐང་ལོངས་སྤྱད་ཟིན་དང་མ་ཟིན་ཏེ། སྔ་རྐང་ཟོས་ཟིན་བསྡམ་བྱ་ཞིང༌། ཕྱི་རྐང་ལ་ནི་ཟ་རྒྱུ་སྡོམ་ཞེས་པ་ལྟར་རོ། |
| ཟོས་པ |
1.ཐ་དད་པར་འཇུག་པའི་ཟ་བའི་འདས་པའི་འབྲི་སྲོལ་གཞན་ཞིག 2.ཐ་མི་དད་པར་འཇུག་པའི་ཟ་བའི་འདས་པའི་འབྲི་སྲོལ་གཞན་ཞིག 3.འཛའ་བའི་འདས་པ། |
| ཟོས་པོ་ཁ་བརྙོགས |
ཟས་ནོར་ལ་སྤྱད་དྲགས་པའི་ལང་ཤོར། རི་རྩྭ་ལ་ཟོས་པོ་ཁ་བརྙོགས། བཀས་བཀོད་རྒྱུད་འཛིན་གྱི་བདག་པོ་ཟོས་པོ་ཁ་བརྙོགས་ཅན། |
| ཟོས་བདེ་གུ་ཡངས |
1 བསུན་པོ་མེད་པའི་བག་ཕེབས། ཟོས་བདེ་གུ་ཡངས་ལ་གནས་པ། 2 དམིགས་བསལ་གུ་ཡངས། ཟོས་བདེ་གུ་ཡངས་སུ་བཞག་ཆོག |
| ཟོས་བདེ་བ |
བསུན་གཙེར་དང་གནོད་འཚེ་མེད་པ། སྡོད་ཟོས་བདེ་བ། སྐྱིད་ཟོས་བདེ་བ། དབུགས་དབྱུང་རྔུབ་དཀའ་བའི་ཟོས་མི་བདེ་བ། |
| ཟྭ |
སྡོང་བུ་དང་ལོ་མའི་སྟེང་དུ་ཚེར་མ་ཕྲ་མོ་བ་སྤུ་ལྟ་བུ་ཁྱབ་པར་སྐྱེས་ཡོད་པས་རེག་ན་ལུས་ལ་ཟུག་ནས་ན་ཟུག་སྐྱེད་པའི་རྩྭ་ལྡུམ་ཞིག་གི་མིང་། དེའི་མྱུ་གུ་གཞོན་ནུ་ཚོད་མ་བྱེད་ཆོག་ལ། རྩྭ་སྨན་ཞིག་ཀྱང་ཡིན། |
| ཟྭ་པོ |
སྔོ་སྨན་ཞིག |
| ཟྭ་ཕྱི་ཨ་ཡ |
སྔོ་སྨན་གྱི་རིགས་ཤིག་རོ་ཁ་ལ་ཚ། ནུས་པས་དམུ་ཆུ་དང་རྨ་ལ་ཕན། |
| ཟྭ་ཕྱི་ཨ་ཡ |
དམུ་ཆུ་ལ་ཕན་པའི་སྔོ་སྨན་ཞིག་ཡིན་པར་བཤད། དངོས་རྫས་ཕན་ཚུན་བསྣོལ་བའི་ཁག་གི་མིང་ལྭ་བའི་མཆན་གྱི་ཟྭ། དོར་མའི་འདོམས་ཀྱི་ཟྭ། ལག་པ་གཉིས་ཀྱི་མཛུབ་མོ་ཕན་ཚུན་ཟྭ་བརྒྱབ་ལྟ་བུ། ０སྒོ་དང་སྒམ་ཁ་སོགས་དམ་པོ་བྱེད་པའི་ཡོ་བྱད་ཅིག་སྒོ་ལ་ཟྭ་བརྒྱབ། སྒམ་ལ་ཟྭ་བརྒྱབ་ཅེས་པ་ལྟ་བུ། འདི་ལ་ཡུལ་སྐད་ལ་ལར་སྒོ་ལྕགས་ཀྱང་ཟེར། |
| ཟྭ་ཚོད |
སྔོ་ཚོད་ཚེར་ལྡན་ཞིག |
| ཟྭ་འདྲ |
སྔོ་སྨན་ཞིག |
| ཟྭ་འབྲུམ |
ཐང་སྨན་གྱི་རིགས་ཟྭ་པོའི་འབྲས་བུ་རོ་ཁ་ལ་ཚ། ཞུ་རྗེས་དྲོད། ནུས་པས་ཕོ་བའི་དྲོད་ཉམས་པ་དང༌། རླུང་ནད་འདྲེས་པའི་ཚ་བ་རྙིང་པ་སོགས་ལ་ཕན། |
| ཟྭ་ར་བ་སྐལ་ལྡན་ཡེ་ཤེས་སེང་གེ |
རབ་བྱུང་གཉིས་པར་མོན་འགར་དུ་འཁྲུངས། ཆུང་དུས་ལུག་རྫི་བྱས། ཕྱིས་སུ་འགྲོ་མགོན་ཕག་གྲུའི་བུ་ཆེན་བཞིའི་གྲས་ཤིག་དང༌། གཡའ་བཟང་ཆོས་རྗེའི་བླ་མར་གྱུར། རབ་བྱུང་གསུམ་པའི་ས་སྟག་ལོར་ཟྭ་ར་དགོན་པ་བཏབ། དེའི་སློབ་མ་ཆོས་ཀྱི་སྨོན་ལམ་པས་གཡའ་བཟང་དགོན་པ་བཏབ་སྟེ་གཡའ་བཟང་བཀའ་བརྒྱུད་ཅེས་པ་བྱུང༌། རབ་བྱུང་བཞི་པའི་མེ་ཡོས་ལོར་གཤེགས། |
| ཟྭ་རྒོད |
ཟྭ་རྒོད་གཡུང་གཉིས་ཀྱི་ནང་ཚན་རི་སྐྱེས་ཤིག་ནུས་པ་ཟྭ་འབྲུམ་དང་མཚུངས། |
| ཟླ་གང |
1 ཟླ་བ་གང་བ་ཟླ་བའི་ཆ་ཤས་ཡོངས་སུ་རྫོགས་པའམ་ཚེས་པ་བཅོ་ལྔའི་ཟླ་བའི་དཀྱིལ་འཁོར། 2 མདའ་གང་དང་འདྲ། |
| ཟླ་གཏུགས་པོ |
1 དགོས་མཁོ་ཉུང་ཉུང་ལས་མེད་པ། ཉིན་མཁོའི་དངོས་རྫས་ཟླ་གཏུགས་པོ་མི་འདུག 2 ལག་ཐོགས་པོའམ་ལག་འཛངས་པོ། ལག་སྣེ་ཟླ་གཏུགས་པོ། |
| ཟླ་གམ |
1ཟླ་བ་ཕྱེད་པའི་དབྱིབས་ཀྱི་མིང་། 2ཟླ་བ་ཕྱེད་པའི་དབྱིབས་ལྟ་བུའི་བོད་ཀྱི་བཙུན་པའི་ལྭ་བ་རིགས་ཤིག་གི་མིང་། |
| ཟླ་གམ་གཟུགས |
སྒོར་སྒོར་ཕྱེད་གཏུབས་ལྟ་བུའི་དབྱིབས་གཟུགས། |
| ཟླ་གམ་མ |
ཟླུམ་པོ་གཤགས་པའི་ཕྱེད་དབྱིབས་ཅན། |
| ཟླ་གུར |
ཟླ་བ་འཁྱིམས་དང་དོན་གཅིག་ |
| ཟླ་གོར་ཞོ་ཤ |
ཤིང་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་མཚེར་པའི་ཚ་བ་སེལ། ས་བོན་འཕེལ། གློ་ནད་ལ་ཕན། |
| ཟླ་གྲགས |
ཟླ་བ་གྲགས་པའི་བསྡུས་ཚིག་ |
| ཟླ་གྲོགས |
1 ཡིད་མཐུན་པའི་གྲོགས་པོ། 2 སྤུན་ཟླ་གཉེན་འབྲེལ། 3 འགྲོ་རོགས་དང་ལས་རོགས། 4 གཡོག་འཁོར། 5 མངོན རྒྱ་མཚོ། |
| ཟླ་གླ་པ |
ཟླ་བ་རེ་རེའི་གླ་བླངས་ཏེ་ལས་ཀ་བྱེད་མཁན། |
| ཟླ་ཆུ |
རང་རྒྱལ་ལྷོ་ནུབ་ས་ཁུལ་གྱི་ཆུ་བོ་ཆེན་པོ་ཞིག་ཆུའི་སྟོད་རྒྱུད་རྫ་ཆུ་དང་ངོམ་ཆུ་ཞེས་པ་གཉིས་ཡོད་པ་གཉིས་ཀ་མཚོ་སྔོན་ཞིང་ཆེན་གྱི་ཁོངས་གདང་ལ་རི་རྒྱུད་ཀྱི་བྱང་ངོས་ནས་བྱུང་ཞིང༌། བོད་རང་སྐྱོང་ལྗོངས་ཀྱི་གྲོང་ཁྱེར་ཆབ་མདོའི་འགྲམ་དུ་ཆུ་བོ་དེ་གཉིས་འདྲེས་རྗེས་བྲག་གཡབ་དང༌། མཛོ་སྒང༌། སྨར་ཁམས། ཡུན་ནན་ཞིང་ཆེན་གྱི་བདེ་ཆེན་བོད་རིགས་རང་སྐྱོང་ཁུལ། ཞིང་ཆེན་དེའི་ནུབ་རྒྱུད་བཅས་བརྒྱུད་དེ་རྒྱལ་མཚམས་ཀྱི་ཕྱི་རོལ་ཏུ་འབབ་སྐབས་མིང་ལ་སྨེ་ཀུང་གཙང་པོ་ཟེར་བ་དེ་མཐར་ཡོ་ནན་གྱི་ལྷོ་རྒྱུད་ནས་ལྷོ་མཚོར་འབབ། |
| ཟླ་ཐུང་ཐུང |
མཁོ་ཆས་སམ་ཡོ་བྱད་ཟད་ཆོག་ཆོག་གམ་ཉུང་ཉུང༌། འཚོ་ཆས་ཟླ་ཐུང་ཐུང་མེད་པ། མི་ཤུགས་ཟླ་ཐུང་ཐུང༌། |
| ཟླ་ཐོ |
ཚེས་གྲངས་དང་གཟའ་སྐར་ལྟ་བྱེད་ཀྱི་ལེའུ་ཐོ། |
| ཟླ་དཀར |
1 ཟླ་བའི་དཀྱིལ་འཁོར། 2 ཟླ་བའི་འོད། |
| ཟླ་དཀྱིལ |
1 ཚེས་གྲངས་གཅིག་ནས་གནམ་གང་བར་གྱི་སྐེད་པའི་ཆའམ་ཚེས་བཅོ་ལྔའི་ཡས་མས། 2 ཟླ་བའི་དཀྱིལ་འཁོར། |
| ཟླ་དག |
གཟའ་རྣམས་རང་རང་གི་ཚེས་ཟླའི་དཀྱིལ་འཁོར་དང༌། ཉིན་ཟླའི་དཀྱིལ་འཁོར། ཁྱིམ་ཟླའི་དཀྱིལ་འཁོར་བཅས་ལས་སྐབས་དེའི་ཚེས་ཟླ་སོགས་ཅི་ཙམ་ཞིག་འཁོར་ཟིན་པའི་མཚམས་རྣམ་པར་དག་པ་དེའི་ནང་གསེས་ཀྱི་ཚེས་ཟླ་དག་པ་ལ་གནས་གཉིས་ལས་སྟེང་མ་ཟླ་གྲངས་དང༌། འོག་མ་ཚེས་ཟླ་གཅིག་རེ་ལྔའི་ཆར་བྱས་པའི་ཆ་གྲངས་ཡིན། དེ་ལ་ཟླ་འཕྲོ་དང་མདའ་རོའི་ལྷག་མ་ཞེས་ཀྱང་ཟེར། ཁྱིམ་ཟླ་དག་པ་ནི་འདས་ལོ་ཁྱིམ་གྱིས་བསྒྱུར། འདས་ཟླ་བསྲེ་བ་ཙམ་གྱིས་འགྲུབ། ཟླ་འཕྲོ་བརྩི་མི་དགོས། |
| ཟླ་དགུ་ངོ་བཅུ |
ཟླ་བ་དགུ་དང་ཉིན་བཅུ་སྟེ་བུ་ཕྲུག་མའི་མངལ་དུ་སྡོད་པའི་དུས་ཡུན། |
| ཟླ་དུམ |
1 དབྱིབས་ཟླ་ཕྱེད། 2 ཟླ་གྲོགས་དུམ་པོའམ་མཐུན་པོ། |
| ཟླ་དུས |
ཉིན་སུམ་ཅུའི་དུས་ཡུན། ཟླ་དུས་རྫོགས་པ། ཟླ་དུས་ཐེམས་པ། |
| ཟླ་ནག |
1 ཞག་སུམ་ཅུའི་ཟླ་བ་ཧྲིལ་པོ་ནག་པ་གནམ་ལོ་འདིའི་ལོ་རྟགས་ནས་ལུགས་ལྡོག་ཏུ་བརྩིས་པའི་གྲངས་བཅུ་པའི་ལོ་རྟགས་གང་ཡིན་པ་དེ་ཉིད་ཟླ་བར་སྦྱར་ཏེ། གནམ་ལོ་འདིའི་ཟླ་ནག་ཏུ་རྩི་བའོ། དཔེར་ན་བྱི་བའི་གནམ་ལོ་ཤར་ཚེ་ལོ་དེའི་ཡོས་ཟླ་དང༌། གླང་ལོ་ཤར་སྐབས་འབྲུག་ཟླ་ལ་ཟླ་ནག་ཅེས་སུ་བརྩི་བ་ལྟ་བུའོ། 2 གནམ་ལོའི་བཞི་གཤེད་དུ་གྱུར་པའི་ཟླ་བ་ལ་ཟླ་ནག་ཅེས་བྱ་ལ་དེ་ཡང་ར་བ་བཞིའི་སྟོད་ནག་འབྲིང་བཞིའི་སྒང་ནག་ཐ་ཆུང་བཞིའི་སྨད་ནག་ཅེས་བརྗོད་དེ། དཔེར་ན་བྱི་བའི་གནམ་ལོ་ཤར་ཚེ། ཡོས་ཟླ་དང་བྱ་ཟླ་གཉིས་ལ་ཟླ་ནག་ཅེས་བརྗོད་ཅིང་ཁྱད་པར་སྒང་ནག་ཅེས་བརྗོད་པ་བཞིན་ནོ། |
| ཟླ་ཕོགས |
ཟླ་བ་གཅིག་གི་ལྟོ་གོས་ཀྱི་རྟེན། |
| ཟླ་ཕྱེད |
1 ཞག་བཅོ་ལྔ། 2 དབྱིབས་ཟླ་གམ། |
| ཟླ་ཕྱེད་ཐིག་ལེ |
སྣ་ལྡན་མཚོན་བྱེད་ཀྱི་རྟགས། |
| ཟླ་ཕྱེད་རྐྱང་པ |
སྣ་ལྡན་མཚོན་བྱེད་ཀྱི་རྟགས། |
| ཟླ་ཕྱེད་རྡོ་རྗེ |
དབྱིབས་ཟླ་བ་ཕྱེད་པའི་སྟེང་དུ་རྡོ་རྗེ་རྩེ་ལྔ་ཕྱེད་པ་གྱེན་འགྲེང་ཡོད་པ་ཞིག |
| ཟླ་བ |
1 སྐར་ཁྱིམ་དུ་རྒྱུ་བའི་གཟའ་ཟླ་བའི་གོ་ལ་སྟེ་ནམ་མཁའི་རི་བོང་ཅན། སའི་གོ་ལའི་སྲུང་སྐར་ཡིན་ལ། ཟླ་བའི་འོད་ནི་ཉི་མའི་འོད་རང་སྟེང་དུ་ཕོག་པ་ལས་སླར་འཕྲོས་པ་ཡིན། མིང་གི་རྣམ་གྲངས་ལ་ཀུ་མུད་གཉེན་དང༌། ག་བུར་དབང༌། རྒྱ་མཚོ་སྐྱེས། རྒྱ་མཚོ་དགའ། རྒྱ་མཚོའི་མར་གསར། རྒྱུ་སྐར་བདག་པོ། རྒྱུ་སྐར་གཙོ། བཅུ་དྲུག་ཆ། ཆ་གཏེར། ཆགས་སྐྱེད། ཆུ་ལས་སྐྱེས། གཉིས་སྐྱེས་རྒྱལ་པོ། སྟེང་འཕུར། ཐོས་ལྡན་དབང༌། བདུད་རྩི་སྤྲོ། བདུད་རྩིའི་འབྱུང་གནས། བདུད་རྩིའི་འོད་ཅན། བདུད་རྩིའི་འོད། བདུད་རྩིས་མཚན། བདེ་འབྱུང་གཙུག་རྒྱན། ནམ་མཁའི་རྣ་བ། པད་མའི་དགྲ། མུན་འཇོམས། དབང་ཕྱུག་གཙུག་རྒྱན། ཚེས་བདག་མཚན་མོའི་བདག་པོ། མཚན་མོའི་ནོར་བུ། མཚན་མོར་བྱེད། འོད་དཀར་ཅན། རི་དྭགས་མཚན་མ། རི་བོང་ཅན། རི་བོང་འཛིན། ཤར་གྱི་ཐིག་ལེ། བསིལ་བྱེད། བསིལ་སྦྱིན་མཁན། བསིལ་ཟེར་ཅན་བཅས་སོ། 2 དུས་ཀྱི་ཟླ་བ། སྤྱིར་ཟླ་བའི་དཀར་ཆ་དང་དམར་ཆ་འཕེལ་འགྲིབ་བཅོ་ལྔ་རེ་སྟེ་ཞག་སུམ་ཅུར་ལོངས་ཚེ་ཟླ་བའི་ཐ་སྙད་བཏགས་པ་དེ་ཚེས་ཟླ་ཡིན་ལ། གཞན་ཡང་ཉིན་ཟླ་དང་ཁྱིམ་ཟླ་ཞེས་པའང་ཡོད། ཟླ་བ་ངོ་རེ་བཞིན། ཟླ་ཐོག་ལོ་བཞག་ལོ་ཁར་ཟླ་མཐུད། 3 རེས་གཟའ་བདུན་གྱི་གཉིས་པ། 4 མངོན 1)ཟླ་བ་གཅིག་ལས་མེད་པས་གྲངས་གཅིག་མཚོན། ཁུ་བ། |
| ཟླ་བ་གདུབ་འཛིན |
ཟླ་དཀྱིལ་གཟས་བཟུང་བས་དཀར་ཆ་གདུ་བུ་ལྟར་ལུས་པའི་མིང༌། |
| ཟླ་བ་གཞོན་ནུ |
ཟླ་བ་ཚེས་པ། |
| ཟླ་བ་གོང་མ |
ཟླ་བ་སྔོན་མ། |
| ཟླ་བ་གྲགས་པ |
རྒྱ་གར་གྱི་དབུ་མ་ཐལ་འགྱུར་བའི་སློབ་དཔོན་ཞིག་སྤྱི་ལོའི་དུས་རབས་བདུན་པ་ཙམ་ལ་རྒྱ་གར་ལྷོ་རྒྱུད་ཀྱི་བྲམ་ཟེའི་ཁྱིམ་ཞིག་ཏུ་སྐུ་འཁྲུངས་ཤིང་རབ་ཏུ་བྱུང་ནས་ཀླུ་སྒྲུབ་ཀྱི་དབུ་མའི་བསྟན་བཅོས་སོགས་བསླབས་ཏེ་ན་ལེནྡྲའི་མཁན་པོ་མཛད་ཅིང༌། དབུ་མའི་གཞུང་ཚིག་གསལ་དང༌། དབུ་མ་འཇུག་པ་སོགས་མཛད་དེ་སངས་རྒྱས་བསྐྱངས་ཀྱི་བརྒྱུད་པ་བཟུང་ནས་དབུ་མ་ཐལ་འགྱུར་བའི་སྲོལ་བཏོད། |
| ཟླ་བ་ཆ |
ཟླ་བ་ཡ་མ་ཡིན་པ་སྟེ་ཟླ་བ་གཉིས་པ། བཞི་པ། དྲུག་པ་ལྟ་བུ། |
| ཟླ་བ་ཆ་འཛིན |
ཟླ་བ་ཆ་འགྲིབ་ཟླ་འཛིན་བྱུང་སྐབས་ཟླ་བའི་ཆ་ཤས་གཟས་ཟིན་པ། མིང་གི་རྣམ་གྲངས་ལ་ཆ་ཉམས་པ་དང་ཟླ་བ་ཉམས་སོ། |
| ཟླ་བ་ཉ་གང |
ཚེས་བཅོ་ལྔའི་ཟླ་བ། མིང་གི་རྣམ་གྲངས་ལ་ཆ་མཉམ་དང༌། འཇལ་བྱེད་གང་བ། རྗེས་འགྲོ་གང་བ། མཚན་བྱེད། ཟླ་བ་ཉ་བཅས་སོ། |
| ཟླ་བ་ཉམས |
མངོན ཟླ་བའི་ཆ་འགྲིབ་པའི་དུས། |
| ཟླ་བ་ནོར་བུ |
མངོན ཆུ་ཤེལ། |
| ཟླ་བ་ཕྱི་མ |
ཟླ་བ་རྗེས་མ། |
| ཟླ་བ་བྱུང་ངོ་ཅོག |
ཟླ་བ་རེ་རེ་བཞིན། |
| ཟླ་བ་མར་ངོ |
ཟླ་བ་འགྲིབ་པ་ཚེས་བཅུ་དྲུག་ནས་གནམ་གང་གི་བར་ལ་ཟླ་བ་ཉི་མ་དང་ཐག་ཇེ་ཉེར་སོང་བས་ཉི་མའི་འོད་ཟེར་ཟླ་བ་ལ་ཕོག་ནས་ཕར་ཕྱོགས་སུ་ཟླ་བའི་གྲིབ་མ་ཇེ་ཆེར་འབབ་པ་དང༌། གནམ་གང་ལ་ཉི་ཟླ་ཁ་སྦྱོར་དུ་གྱུར་པས་ཕར་ཕྱོགས་སུ་ཟླ་བའི་གྲིབ་མ་མཐའ་དག་འབབ་པས་ཟླ་བ་མ་ལུས་པ་གྲིབ་མས་བསྒྲིབ་པར་སྣང་བའོ། |
| ཟླ་བ་མོག་པ |
ཟླ་བའི་འོད་འགྲིབ་སྟེ་ནག་པོར་གྱུར་པ། |
| ཟླ་བ་ཚང་བ |
ཕྲུ་གུ་སྐྱེ་བ་དང་བུ་ལོན་སོགས་སྤྲོད་རྒྱུའི་ཟླ་གྲངས་ཚང་བ། |
| ཟླ་བ་ཚེས་པ |
ཚེས་པ་གསུམ་བཞིའི་ཟླ་གཟུགས། |
| ཟླ་བ་ཟ་བ |
མངོན སྒྲ་གཅན། |
| ཟླ་བ་འཇོམས་པ |
མངོན སྒྲ་གཅན། |
| ཟླ་བ་འཛིན་པ |
1 ཟླ་འཛིན་དང་འདྲ། 2 མངོན 1)སྐྲ་མཁན། 1)དབང་ཕྱུག་ཆེན་པོ། |
| ཟླ་བ་འཛུམ་བྱེད |
མངོན རལ་གྲི། |
| ཟླ་བ་ཡ |
ཟླ་བ་ཆ་མིན་པ་སྟེ་ཟླ་བ་གསུམ་པ། ལྔ་པ། བདུན་པ་ལྟ་བུ། |
| ཟླ་བ་ཡར་ངོ |
ཟླ་བ་འཕེལ་བ་ཚེས་གཅིག་ནས་བཅོ་ལྔའི་བར་ལ་ཟླ་བ་ཉི་མ་དང་ཐག་ཇེ་རིང་དུ་སོང་བས་ཉི་མའི་འོད་ཟེར་ཟླ་བ་ལ་ཕོག་ཕར་ཕྱོགས་སུ་ཟླ་བའི་གྲིབ་མ་འབབ་ས་ཇི་ཆུང་དུ་སོང་ཞིང༌། ཚེས་བཅོ་ལྔར་ཟླ་བའི་གྲིབ་མ་ཕར་ཕྱོགས་སུ་མི་འབབ་པས་ཟླ་བའི་དཀྱིལ་འཁོར་ཡོངས་སུ་སྣང་བའོ། |
| ཟླ་བ་རིལ་པོ |
ཞག་སུམ་ཅུའི་ཟླ་བ་གང་པོ། |
| ཟླ་བ་རིལ་འཛིན |
ཟླ་དཀྱིལ་ཡོངས་རྫོགས་གཟས་འཛིན་པ། |
| ཟླ་བ་རྒྱས་པ |
1 ཟླ་བ་ཉ་གང་བ། 2 སངས་རྒྱས་ཤིག་གི་མཚན། |
| ཟླ་བ་རྟིང་མ |
ཟླ་བ་རྗེས་མ། |
| ཟླ་བ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། བྱང་སེམས་ཚོགས་ལམ་ཆེན་པོ་བའི་རྒྱུད་ཀྱི་ལྷག་པའི་བསམ་པ་དང་ལྡན་པའི་སེམས་བསྐྱེད་ནི་ཕྱོགས་མཐུན་སོ་བདུན་སོགས་ཀྱི་དགེ་བའི་ཆོས་མཐའ་དག་གོང་ནས་གོང་དུ་འཕེལ་བར་འགྱུར་བས་ན་ཟླ་བ་ཚེས་པ་ལྟ་བུའོ། |
| ཟླ་བ་སྐྱེས |
མངོན ཆུ་བོ་སིནྡྷུ། |
| ཟླ་བ་སྔ་མ |
ཟླ་བ་འདིའི་སྔོན་མ། |
| ཟླ་བ་སྦས་པ |
ཙནྡྲགུཔྟ 1 སྤྱི་ལོའི་སྔོན་གྱི་ལོ་321 ཙམ་ལ་བྱུང་བའི་རྒྱ་གར་གྱི་རྨ་བྱ་རྒྱལ་རབས་འཛུགས་མཁན་རྒྱལ་པོ་ཞིག 2 སྔར་རྒྱ་གར་གྱི་སློབ་དཔོན་ཞིག་ཡིན་པ་དེས། འཇམ་དཔལ་དབྱངས་ཤེས་རབ་འཁོར་ལོའི་སྒྲུབ་ཐབས་ཞེས་པ་བརྩམས། |
| ཟླ་བཀྲག |
ཟླ་བའི་འོད་མདངས། མཚན་མོ་ཟླ་བཀྲག་ཤར་བ་དང་མེ་ཏོག་ཀུ་མུ་ད་ཁ་བྱེ་བ་དུས་མཉམ། |
| ཟླ་བའི་གཞལ་མེད་ཁང |
ཟླ་བའི་ཕོ་བྲང་སྟེ་ཟླ་བའི་དཀྱིལ་འཁོར། |
| ཟླ་བའི་གཞོན་ནུ་མ |
མངོན སྨན་ཀ་ཀོ་ལ། |
| ཟླ་བའི་གོ་ལ |
ཟླ་བའི་དཀྱིལ་འཁོར། |
| ཟླ་བའི་གྲོགས་པོ |
མངོན རྒྱ་མཚོ། |
| ཟླ་བའི་ཅོད་པན |
མངོན བདེ་མཆོག་དང་ཚོགས་བདག |
| ཟླ་བའི་ཉིན་ཞག་དཀྱིལ་འཁོར |
ཟླ་བའི་ཉིན་ཞག་རྟག་ལོངས་སྒྲུབ་གཞིའི་ཨང་གྲངས། |
| ཟླ་བའི་ཐལ་བ |
མངོན ག་པུར། |
| ཟླ་བའི་ཐུན་མིན་ལོངས་སྤྱོད |
རྒྱུ་སྐར་ཆུ་ཚོད་1620 མཁའ་མེས་བགོས་ཏེ་54 དེ་ཉི་མ་དང་ཐུན་མོང་མ་ཡིན་པའི་རྟག་ལོངས་ཡིན་ལ། དེ་སྟེང་ཉི་མའི་ཚེས་ལོངས་བསྣན་པས་ཟླ་བའི་ཚེས་ལོངས་གྲུབ། |
| ཟླ་བའི་ཐོག་མ |
1 ཟླ་བ་དང་པོ། 2 ཚེས་གཅིག 3 སྐར་མ་ནག་པས་མགོ་བཟུང་བའི་དུས། |
| ཟླ་བའི་དཀྱིལ་འཁོར |
ཟླ་བའི་ཁང་བཟང་ངམ་ཟླ་བའི་གཟུགས། |
| ཟླ་བའི་དགྲ |
མངོན སྒྲ་གཅན། |
| ཟླ་བའི་དྲི |
མངོན མེ་ཏོག་ཨུཏྤལ་དཀར་པོའམ་ཀུ་མུ་ད། |
| ཟླ་བའི་ཕྲེང་བ |
མངོན ལོའི་མིང༌། |
| ཟླ་བའི་བཅུད |
མངོན སྨན་ག་པུར། |
| ཟླ་བའི་བདག་གཟའ |
ཉི་མ་ལུག་སོགས་ལ་སླེབས་པའི་ཉིན་གྱི་རེས་གཟའ་གང་ཡིན་དེ་ནི་ཟླ་བ་དེའི་བདག་པོའི་གཟའ་ཡིན། ཁྱིམ་གཟའ་དང་དོན་གཅིག |
| ཟླ་བའི་བུ |
མངོན གཟའ་ལྷག་པ། |
| ཟླ་བའི་བྱེ་མ |
མངོན ཀ་ཀོ་ལ། |
| ཟླ་བའི་བླ་མཁྱེན |
རྩིས་པ། |
| ཟླ་བའི་མ་མ |
མངོན ཕྱིའི་རྒྱ་མཚོ། |
| ཟླ་བའི་མགུལ་པ་ཅན |
མངོན སྨན་གྱི་བྱེ་བྲག་ཅིག |
| ཟླ་བའི་མིང་ཅན |
1 ཟླ་བའི་མིང་ཅན་གྱི་གང་ཟག 2 མངོན སྨན་ག་པུར། ཟླ་བའི་རྩ། ལུས་ཀྱི་རྩའི་བྱེ་བྲག་ཅིག |
| ཟླ་བའི་ཞག་གསུམ་དཀྱིལ་འཁོར |
ཟླ་བས་རྒྱུ་སྐར་འཁོར་ལོ་ལན་གཅིག་འཁོར་བ་ལ། ཁྱིམ་ཞག་ཉེར་དྲུག་དང་བུག་རོ་ཀླུའི་ཆ་བརྒྱད་བརྒྱ་དང་དྲུག་ཉིན་ཞག་ཉེར་བདུན་དང་དུས་རི་ཀླུ་མིག་ཉིའི་ཆ་ཁྲི་སོ་དགུ་དང་ལྔ་སྟོང་སུམ་བརྒྱ་ཞེ་གསུམ། ཚེས་ཞག་ཉེར་བདུན་དང་བུག་རོ་ཀླུའི་ཆ་དྲུག་བརྒྱ་ང་བདུན་དགོས། 26 806༼869(=)26.927508 27 395343༽1228766(=)27. 3217398 27 657༼86927.7560414 |
| ཟླ་བའི་འཇིག་རྟེན |
ཟླ་བའི་དཀྱིལ་འཁོར་རམ་ཟླ་བའི་གོ་ལ། |
| ཟླ་བའི་འོད་ཟེར |
1 ཟླ་བ་ཤར་བའི་འོད་ཟེར། 2 སངས་རྒྱས་ཤིག་གི་མཚན། |
| ཟླ་བའི་ཡལ་ག |
མངོན སྤོས་ཀྱི་བྱེ་བྲག་ཅིག |
| ཟླ་བའི་ཡུལ་ལོངས |
ཁྱིམ་ལོངས་ཡུལ་གྱི་ཆུ་ཚོད་དྲུག་ཅུ་དང་ཆུ་སྲང་དགུ་དབུགས་བཞི་མདའ་འབྱུང་མེ་ཆུའི་ཆ་དྲུག་བརྒྱ་བདུན་ཅུ་ཡིན། ཚེས་ལོངས་སྐར་ཐིག་ཆུ་ཚོད་ང་བརྒྱད་ཆུ་སྲང་ཉེར་གཅིག་དབུགས་ལྔ་རི་རོའི་ཆ་ཞེ་གསུམ་ཡིན། ཉིན་ལོངས་སྐར་ཐིག་ཆུ་ཚོད་ང་དགུ་དང་ཆུ་སྲང་བཅུ་བདུན་དབུགས་གསུམ་རི་རོའི་ཆ་ཞེ་གཉིས་འཁོར་ལོ་ལག་མིག་གི་ཆ་ཅིག་སྟོང་བརྒྱད་བརྒྱ་སོ་གསུམ་ཡོད། |
| ཟླ་བའི་ར་རི |
ཟླ་བའི་དཀྱིལ་འཁོར་ངོས་ཀྱི་རི་མོ་ནག་ནོག རང་སྐྱོན་མི་མཐོང་ཟླ་བའི་ར་རི་མཐོང༌། |
| ཟླ་བའི་རྒྱལ |
མངོན སོ་མ་རཱ་ཛཱ། |
| ཟླ་བའི་རླུང |
ལྟེ་འོག་གི་རོ་རྐྱང་གི་རྩ་བརྒྱུད་དེ། རླུང་སྣ་བུག་གཡོན་པ་ནས་འབྱུང་བ་འཕེལ་རིམ་གྱིས་རྒྱུ་བས་བདུད་རྩི་ཤེས་རབ་ཀྱི་རང་བཞིན་སྐུ་རྡོ་རྗེའི་ངོ་བོ་ཞག་རེ་བཞིན་ཆིག་ཁྲི་བཞི་བརྒྱ་དྲུག་ཅུ་རྩ་གཉིས་ཕྱེད་དང་བཅས་རྒྱུ་བའོ། |
| ཟླ་བའི་ལག་པ |
མངོན འབབ་ཆུ། |
| ཟླ་བའི་ལོ་མ |
མངོན མེ་ཏོག་ཅིག |
| ཟླ་བའི་ལྕུག་མ |
མངོན སོ་མ་རཱ་ཛཱ། |
| ཟླ་བའི་སྲིང་མོ |
མངོན ལྷ་མོ་དབྱངས་ཅན་མ། |
| ཟླ་བཤོལ |
ཟླ་བ་ལྷག་མའམ། ཟླ་བ་ཉིས་བརྩེགས་ཏེ་ཚེས་ཟླ་རེར་ཆུ་ཚོད་རྩིས་འཕྲོ་གཉིས་རེ་ལྷག་པ་བསགས་ནས་ཚེས་ཟླ་སོ་གསུམ་རེའི་ཐོག་ཟླ་བཤོལ་རེ་འབྱུང་ངོ། དེ་ནི་ལོ་གཅིག་གི་ཁྱིམ་ཞག་དང༌། ཚེས་ཞག་གཉིས་ངོ་བསྡོམས་པས་ཚེས་ཞག་གིས་ཁྱིམ་ཞག་གི་དོད་མ་ཐུབ་པས་ཚེས་ཞག་བཅུ་གཅིག་རྗེས་འབྲང་དང་བཅས་པ་ལྷག་པས་སོ། |
| ཟླ་བཤོལ |
ཤོལ་ལ་ལྟོས། |
| ཟླ་བས་དགའ |
མངོན 1 ཀུ་མུ་དའམ་ཨུཏྤལ་དཀར་པོ། 2 ཉལ་བ། |
| ཟླ་བས་བཞད |
མངོན མེ་ཏོག་ཀུ་མུ་ད། |
| ཟླ་བས་འཇུག |
མངོན གསེར་བཟོ་བ། |
| ཟླ་བས་འཕེལ |
མངོན རྒྱ་མཚོ། |
| ཟླ་བུ |
གཟའ་ལྷག་པ། |
| ཟླ་བོ |
གྲོགས་པོ། བཟའ་ཟླ། འགྲན་ཟླ། ན་ཟླ། མཚན་གུང་ཕར་ཚུར་འགྲུལ་བཞུད་ཀྱི་ཟླ་བོ། |
| ཟླ་བོ |
གྲོགས་པོའམ་གཉེན་བཤེས་ཏེ། ཚིག་བསྡུས་ན་ཟླ་ཞེས་འབྲི་ཆོག་སྤུན་ཟླ། བཟའ་ཟླ་ཞེས་པ་ལྟ་བུ། འགལ་བར་གྱུར་པའི་བྱ་དངོས་གཉིས་ཀྱི་ཕྱོགས་གཅིག་གི་མིང་འགལ་ཟླ། འགྲན་ཟླ། ལྡོག་ཟླ་ཞེས་པ་ལྟ་བུ། |
| ཟླ་བོ་དངོས་པོའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ངོ་བོའི་གནས་ཚུལ་ཞིག་སྔར་བཀོད་ནས། དེ་དང་འདྲ་བའི་དཔེ་ཞིག་ཟླ་བོའམ་རོགས་ཀྱི་ཚུལ་དུ་ཕྱིས་བཀོད་དེ་ཤུགས་ཀྱིས་མཚུངས་པར་སྟོན་པའི་རྒྱན་ཞིག |
| ཟླ་བྲལ |
འགྲན་མེད། སྙིང་སྟོབས་ཟླ་བྲལ། ཤེས་ཡོན་ཟླ་བྲལ། དཔུང་སྟོབས་ཟླ་བྲལ། ཐུགས་ཁུར་ཟླ་བྲལ། |
| ཟླ་མཇུག |
ཞག་སུམ་ཅུའི་ཟླ་བའི་སྨད་ཆ་སྟེ་ཟླ་སྨད་ཀྱང་ཟེར། |
| ཟླ་མཐོང |
མངོན ཟླ་བ་མཐོང་བའི་དུས། |
| ཟླ་མཚན |
བུད་མེད་ལོ་བཅུ་གསུམ་ནས་ལྔ་བཅུའི་བར་ཟླ་བ་རེ་བཞིན་མངལ་གྱི་སྒོ་འབྱེད་པའི་རྟགས་མཚན་སྟོན་བྱེད་མངལ་ཁྲག་སྙིགས་མ་ཐུར་སེལ་རླུང་གི་ཞག་གསུམ་གྱི་བར་མཚན་ལམ་ནས་ཕྱིར་འཛག་པ་དེའོ། མིང་གི་རྣམ་གྲངས་ལ་དུས་ཚིགས་ཅན་དང༌། རྡུལ། མེ་ཏོག་བཅས་སོ། |
| ཟླ་མཚན་འཁྱིལ་བ |
བུད་མེད་ཀྱི་ཟླ་མཚན་དུས་ཚིགས་སུ་མ་བབས་ཏེ་འགག་པར་གྱུར་པའི་ཚབས་ནད་ཅིག |
| ཟླ་མཚམས |
ཟླ་བ་རེ་རེའི་མཚམས། |
| ཟླ་མཛེས |
མངོན 1 དབྱངས་ཅན་ལྷ་མོ། 2 མེ་ཏོག་ཀུ་མུད། |
| ཟླ་མེད་པ |
1 གཞན་ལས་ཁྱད་དུ་འཕགས་པ། 2 མངོན སངས་རྒྱས། |
| ཟླ་མེད་བློ |
1 བློ་གྲོས་སམ་ཤེས་རབ་འགྲན་ཟླ་མེད་པ། 2 སངས་རྒྱས་ཤིག་གི་མཚན། |
| ཟླ་མོ |
གྲོགས་མོ། |
| ཟླ་ཚེས |
1 ཟླ་གྲངས་ཚེས་གྲངས་ཟེར་བའི་བསྡུས་ཚིག 2 དབྱིབས་ཟླ་བ་ཕྱེད་པའི་དབུས་ཀྱི་དཀར་ཆ་མི་གསལ་བ། 3 ཧཱུཾ་ཡིག་དང༌། མཆོད་རྟེན་སོགས་ཀྱི་རྩེའི་ཟླ་ཚེས་མཚོན་པའི་རི་མོ། ཧཱུཾ |
| ཟླ་ཚེས་ཕྱོགས་ཀྱི་དང་པོ |
ཟླ་སྟོད་ཀྱི་ཚེས་པ་གཅིག |
| ཟླ་ཞག |
ཟླ་བ་དང་ཞག་མ། |
| ཟླ་ཞལ |
1 མངོན མཛེས་མ། 2 སངས་རྒྱས་ཤིག་གི་མཚན། |
| ཟླ་ཞལ་མ |
1 མཛེས་མ། 2 དབྱངས་ཅན་མ། |
| ཟླ་ཟེར |
ཟླ་བའི་འོད་ཟེར། |
| ཟླ་ཟོ |
ཡུལ འབྲུ་དང་རྩམ་པ་སོགས་འཇལ་སྣོད་ཅིག |
| ཟླ་ཟླུམ |
ཟླ་བའི་དབྱིབས་རིལ་རིལ། |
| ཟླ་འཁྱིམས |
ཟླ་བ་འཁྱིམས་པ་ཟླ་བའི་དཀྱིལ་འཁོར་ལ་འོད་ཀོར་རམ་འཇའ་གུར་ཕུབ་པ། |
| ཟླ་འགྲིལ |
1 མང་པོ་ཕྱོགས་གཅིག་ཏུ་འདུས་པ། ཆུ་ཕྲན་མང་པོ་ཆུ་ཀླུང་གཅིག་ཏུ་ཟླ་འགྲིལ་བ། 2 གཉིས་ཟུང་དུ་འབྲེལ་བ། ལས་ཁུངས་ཁག་གཉིས་ལས་ཁུངས་གཅིག་ཏུ་ཟླ་འགྲིལ་བཏང་བ། |
| ཟླ་འཇོག་གི་སྤང་བ |
སྤང་ལྟུང་སུམ་ཅུའི་ནང་གསེ། ཆོས་གོས་རྣམ་གསུམ་གང་རུང་མེད་པས་ཆོས་གོས་ཀྱི་རྒྱུར་བསྔོས་པ་ཁྲུ་ཚད་དུ་ལོངས་ཤིང༌། འཁོར་གསུམ་སྟེ་ལྟེ་བའི་འཁོར་ལོ་པུས་མོའི་འཁོར་ལོ་གཉིས་དང་བཅས་པ་མི་ཁེབས་པའི་གོས་བྱིན་གྱིས་མ་བརླབས་པར་ཟླ་བ་གཅིག་གི་བར་དུ་འཆང་བའོ། |
| ཟླ་འདྲེས |
གཉིས་སམ་མང་པོ་མཉམ་པོར་འདྲེས་པ། ཁ་དོག་དཀར་ནག་ཟླ་འདྲེས་ཀྱང༌། དབྱེ་བ་འབྱེད་པ་སླ་བ་ཡིན། རང་གི་དཔེ་ཆའི་ནང་དུ་གཞན་གྱི་དཔེ་ཆ་ཟླ་འདྲེས་བྱུང་བ། |
| ཟླ་འཕུལ |
ཟླ་ཡུན་ཕྱིར་བཤོལ་བ། ཉིན་འཕུལ་ཟླ་འཕུལ་ཁོ་ནས་དུས་ཚོད་ཕྱི་བཤོལ་བྱེད། |
| ཟླ་འཕྲོ |
ཚེས་ཟླ་གཅིག་གིས་ཁྱིམ་ཟླའི་དོད་མི་ཐུབ་པས་མདའ་རོའི་ཆ་གཉིས་ལྷག་པས་ན་མདའ་རོའི་ལྷག་ཀྱང་ཟེར། དེ་ནི་དབུགས་སྒང་ལྡོག་གཉིས་སོགས་དུས་གཟེར་བརྟག་པའི་གཞི་ཡིན། |
| ཟླ་འཛིན |
ཟླ་བ་འཛིན་པ་བཤད་སྲོལ་རྙིང་པ་ལྟར་ན། སྒྲ་གཅན་གྱིས་ཟླ་བ་འཛིན་པ། མིང་གི་རྣམ་གྲངས་ལ་ཉེར་སྒྱུར་དང༌། ཉེར་འཚེ། བྱ་བྱེད་སྤངས་པ། མེ་ཏོག་ལྡན། མེ་ཡིས་བསྲེགས། གཟའ་ཡིས་བཟུང༌། རང་བཞིན་སྒྱུར་བཅས་སོ། 2.སའི་གོ་ལ་ཉི་ཟླ་གཉིས་ཀྱི་བར་ལ་བསླེབས་ནས་དྲང་ཐིག་གཅིག་ལ་བབས་ཏེ་ས་སྟེང་ལ་འཕྲོ་བའི་ཉི་འོད་བསྒྲིབས་པའི་སྣང་ཚུལ་ཞིག་ཡིན། ལོ་གཅིག་ཆ་བཅུ་གཉིས་སུ་བགོས་པའི་ཆ་གཅིག་གི་མིང་ས་ག་ཟླ་བ། ཟླ་བ་གསུམ་པ་ཞེས་པ་ལྟ་བུ། ０ཚིག་བསྡུས་ན་ཟླ་ཞེས་འབྲི་ཟླ་སྟོད། ཟླ་དཀྱིལ། ཟླ་སྨད་ཅེས་པ་ལྟ་བུ། |
| ཟླ་འོད |
1 ཟླ་བའི་འོད་ཟེར། མིང་གི་རྣམ་གྲངས་ལ་བདུད་རྩིའི་ཟེགས་མ་དང་བསིལ་ཟེར་རོ། 2 མངོན ཆུ་ཤེལ། 3 སངས་རྒྱས་ཤིག་གི་མཚན། |
| ཟླ་འོད་ཀྱི་རྟོགས་བརྗོད |
རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང༌། ལོ་ཙཱ་བ་དགེ་སློང་ཤེས་རབ་ལེགས་པས་བསྒྱུར་ཅིང༌། རིན་ཆེན་བཟང་པོས་བཅོས་པའོ། |
| ཟླ་འོད་ཅན |
མངོན མཚན་མོ། |
| ཟླ་འོད་མ |
མངོན མཚན་མོ། |
| ཟླ་འོད་ཟས་ཅན |
མངོན བྱ་ཙ་ཀོ་ར། |
| ཟླ་འོད་འཐུང |
མངོན བྱ་ཙ་ཀོ་ར། |
| ཟླ་འོད་སྣང་ལྡན་མ |
མངོན མཚན་མོ། |
| ཟླ་ཡ |
དགྲ་ཡའམ་འཐབ་ཡ། |
| ཟླ་རིས |
ཟླ་བའི་ར་རིའི་བསྡུས་ཚིག་ |
| ཟླ་རེ་ངོ་རེ |
ཟླ་བ་སོ་སོ། ཟླ་རེ་ངོ་རེ་བཞིན་དཔྱད་བསྡུར་ལན་གཅིག་རེ་གཏོང་བ། |
| ཟླ་རེའི་ཕྱོགས་གཉིས |
ཡར་ངོ་དཀར་ཕྱོགས་དང༌། མར་ངོ་ནག་ཕྱོགས། |
| ཟླ་རོགས |
ཆུང་མའམ། གྲོགས་པོ། ལམ་རོགས་སོགས། |
| ཟླ་རྐང |
ཟླ་བ་སྐར་མའི་གནས་སུ་འགྲོ་བའི་བགྲོད་པ་ལ་ལྟོས་ནས་འཇོག་ལ། དེ་ཡང་རྐང་པ་བཅུ་བཞི་ཚེས་ཟླ་རེ་ལ་ལན་གཉིས་རེ་འགྲོ་བས་རྐང་པ་ཉེར་བརྒྱད་དུ་འགྱུར་ཞིང༌། འགྲོས་མྱུར་བུལ་གྱི་དབང་གིས་ཆུ་ཚོད་ང་བཞི་ནས་རེ་བཞིའི་བར་མི་འདྲ་བ་ཡོད། |
| ཟླ་རྒྱགས |
ཟླ་བ་རེ་རེའི་ལྟོ་ཕོགས་སམ་བཟའ་བཏུང༌། |
| ཟླ་ལྟར |
1 ཟླ་བ་ནང་བཞིན། 2 ཟླ་བ་རེ་རེ་བཞིན། |
| ཟླ་ལྷག |
ཟླ་བཤོལ། མུ་གེའི་སྟེང་ལ་ཟླ་ལྷག |
| ཟླ་སྐར |
1 ཟླ་བ་དང་སྐར་མ། 2 རྒྱུ་སྐར་གྱི་བྱེ་བྲག་ཅིག་ཟླ་བ་རྒྱུ་སྐར་ཉེར་བདུན་གྱི་གཞི་ཁྱོན་གང་དུ་གནས་པའི་སྐར་མ་ཞིག |
| ཟླ་སྐྱེས |
མངོན གཟའ་ལྷག་པ། |
| ཟླ་སྒང་ནག་པ |
ནག་རྩིས་ཀྱི་ཟེར་སྲོལ་ལ་ལོ་རེའི་ནམ་དུས་སོ་སོའི་ཟླ་བ་བར་མའི་ཞག་པོ་བཅུ་ཕྲག་གཉིས་པའི་རིང་འཕྲོད་སྦྱོར་ངན་པ་ཡིན་པ། |
| ཟླ་སྒྲིག |
རོགས་པ་སྒྲིག་པ། ལས་རོགས་ཟླ་སྒྲིག |
| ཟླ་སྒྲིལ |
མང་པོ་མཉམ་སྡེབ། ནོར་ཕྱུགས་མང་པོ་ཁྱུ་གཅིག་ཏུ་ཟླ་སྒྲིལ་གཏོང་བ། བཟའ་བཏུང་སྣ་ཚོགས་སྣོད་གཅིག་ཏུ་ཟླ་སྒྲིལ་གཏོང་བ། དམག་མི་མང་པོ་དཔུང་སྡེ་གཅིག་ཏུ་ཟླ་སྒྲིལ་གཏོང་བ། |
| ཟླ་སྟོད |
ཟླ་བ་ཡར་ངོའི་དུས། མིང་གི་རྣམ་གྲངས་ལ་དཀར་ཕྱོགས་དང༌། གང་ཕྱོགས། རྒྱས་ཕྱོགས། ཕྱོགས་སྔ་མ། ཞི་ཕྱོགས། ཡར་ངོ་བཅས་སོ། |
| ཟླ་སྟོད་ནག་པོ |
ནག་རྩེས་ཀྱི་བཤད་སྲོལ་དུ་ནམ་དུས་སོ་སོའི་ཟླ་བ་དང་པོའི་ཞག་པོ་བཅུ་ཕྲག་དང་པོའི་རིང་འཕྲོད་སྦྱོར་ངན་པ་ཡིན་ཟེར། |
| ཟླ་སྡུད |
སུམ་ཅུ་པའི་སླར་བསྡུའམ་རྫོགས་ཚིག |
| ཟླ་སྡུད |
གོ་ངོ་སོགས་ཡི་གེ་བཅུ་གཅིག་གི་མིང་དེ་དག་མིང་ཚིག་གི་མཐར་སྦྱར་ན་སླར་བསྡུའམ་ཟླ་སྡུད་ཟེར་ལ། ལས་ཚིག་གི་མཐར་སྦྱར་ན་རྫོགས་ཚིག་ཟེར། |
| ཟླ་སྡེབ |
མཉམ་དུ་འགྲོགས་པ། |
| ཟླ་སྡོང |
དཔུང་རོགས། རྒྱབ་རོགས་ཟླ་སྡོང༌། |
| ཟླ་སྨད |
མར་ངོའི་དུས། ཟླ་སྨད་ཟླ་བའི་ཞལ་རས་ཉམས། མིང་གི་རྣམ་གྲངས་ལ་དྲག་པོའི་ཕྱོགས་དང༌། ནག་ཕྱོགས། ཕྱོགས་ཕྱི་མ། དབང་ཕྱོགས། མར་ངོ། དམར་ཆ་བཅས་སོ། |
| ཟླ་སྨད་ནག་པོ |
ཟླ་མཇུག་ནག་པོ་ནག་རྩིས་ཀྱི་ཟེར་སྲོལ་ལ་ལོ་རེའི་ནམ་དུས་སོ་སོའི་ཟླ་བ་ཐ་མའི་ཞག་པོ་བཅུ་ཕྲག་གསུམ་པའི་རིང་འཕྲོད་སྦྱོར་ངན་པ་ཡིན་པ། |
| ཟླ་སྲང་ཁ་སྐྱེད |
སྔ་དུས་སྲང་གང་ལ་ཟླ་བ་གཅིག་རིང་ལ་སྐྱེད་ཀ་སྐར་ཕྱེད་གསུམ་རེ་འཁྲི་བའི་དངུལ་བུན་གཏོང་སྲོལ་ཞིག |
| ཟླ་སྲང་ཞོ་སྐྱེད |
སྔ་དུས་སྲང་གང་ལ་ཟླ་བ་གཅིག་རིང་ལ་སྐྱེད་ཀ་ཞོ་གང་རེ་འཁྲི་བའི་བུ་ལོན་གཏོང་སྲོལ་ཞིག |
| ཟླ་སྲང་སྐར་སྐྱེད |
སྔ་དུས་སྲང་གང་ལ་ཟླ་བ་གཅིག་རིང་ལ་སྐྱེད་ཀ་སྐར་མ་ལྔ་རེ་འཁྲི་བའི་བུ་ལོན་གཏོང་སྲོལ་ཞིག |
| ཟླས་དབྱེ་བའི་བསྡུ་བ |
ལ་དོན་སོགས་བར་གྱི་རྣམ་དབྱེ་རྣམས་བསྡུས་ནས་མཐར་རྣམ་དབྱེ་གཅིག་སྦྱར་བའི་བསྡུ་བ་སྟེ་རྒྱ་གར་ཁ་ཆེ་བལ་ཡུལ་སོགས་སུ་འགྲོ་ཞེས་བརྗོད་པ་བཞིན་ནོ། |
| ཟླས་འབྱེད་པ |
ཕན་ཚུན་ལྟོས་ནས་དབྱེ་བ་འབྱེད་པ། དཀར་པོའི་ཟླས་དབྱེ་བ་ནག་པོ་དང༌། ནག་པོའི་ཟླས་དབྱེ་བ་དཀར་པོ། རིང་པོའི་ཟླས་དབྱེ་བ་ཐུང་ངུ་དང༌། ཐུང་ངུའི་ཟླས་དབྱེ་བ་རིང་པོ། |
| ཟླུག |
(བྱེད་འབྲེལ་ལས་ཚིག་ད་ལྟ་བ)ཞུ་བའམ་སྦྲན་པའི་བརྡ་རྙིང་མ་འོངས་པར་བཟླུག་དང་འདས་པ་བཟླུགས། སྐུལ་ཚིག་ལ་ཟླུགས་འབྲི། 2.གནང་བའམ་ཁས་བླངས་པའི་བརྡ་རྙིང་། |
| ཟླུག་པ |
ཐ་དད་པ བཟླུགས་པ། བཟླུག་པ། ཟླུགས།། 1 བླུག་པ། དཀར་ཡོལ་ནང་དུ་བཟླུགས་པ། ཕྱིར་བྱུགས་ནང་དུ་བཟླུགས་ཀྱང་ཅང་མ་ཕན་པ། གཏམ་རྣ་བར་བཟླུགས་ཀྱང་དོན་མ་རྟོགས། 2 དྲི་བ་དང་རྨེད་པའམ་ཞུ་བ། དོན་གནད་ཡང་ཡང་བཟླུགས་པ། 3 རྙིང གནང་བ། |
| ཟླུགས |
ཟླུག་པའི་སྐུལ་ཚིག་ |
| ཟླུགས་པ |
རྙིང ལས་ཀ་བྱེད་པ། |
| ཟླུམ |
(བྱེད་འབྲེལ་ལས་ཚིག་ད་ལྟ་བ)སྡུམ་དང་དོན་འདྲ་མ་འོངས་པར་བཟླུམ་དང་འདས་པར་བཟླུམས། སྐུལ་ཚིག་ལ་ཟླུམས་འབྲི། ཟླུམ་པོ་ཡི་ཚིག་བསྡུས་པ། |
| ཟླུམ་ཐིག |
སྒོར་ཐིག |
| ཟླུམ་པ |
ཐ་དད་པ བཟླུམས་པ། བཟླུམ་པ། ཟླུམས།།1 སྒྲིལ་བ། ཕྱོགས་གཅིག་ཏུ་བསྡུས་ཤིང་བཟླུམས་པ། 2 མཐུན་པར་བྱེད་པ། འཁོན་པ་བཟླུམས་ཏེ་མཐུན་པར་བྱས། དབྱེན་བཟླུམས། |
| ཟླུམ་པོ |
དབྱིབས་ཀྱི་ཁྱད་པར་གོར་གོར་དང་རིལ་རིལ། མགོ་ཟླུམ་པོ། གཏོར་མ་ཟླུམ་པོ། ཤིང་ལེབ་ཟླུམ་པོར་གཏུབ་པ། མིང་གི་རྣམ་གྲངས་ལ་སྒོར་མོ་དང༌། ཟུར་མེད། རིལ་པོ་བཅས་སོ། |
| ཟླུམ་པོ་འཛིན |
མངོན ཉི་མ། |
| ཟླུམ་ཞྭ |
ཞྭ་མོ་སྒོར་སྒོར་རམ་རིལ་རིལ། |
| ཟླུམ་འཁོར |
1 རིལ་རིལ་སྒོར་མོའི་དབྱིབས་ཅན། 2 སྒོར་འཁྱིལ་འཁྱིལ་དུ་འཁོར་བ། |
| ཟླུམ་འཆོས་བྱེད |
1 མི་མཐུན་པ་མཐུན་ཐབས་ཀྱི་བར་འདུམ་བྱེད་པ། 2 དབྱིབས་གཟུགས་གོར་གོར་རམ་རིལ་པོར་བཟོ་བ། |
| ཟླུམ་སྐོར |
1 རི་མོ་སྒོར་སྒོར། 2 རི་མོ་སྒོར་སྒོར་འབྲི་བ། 3 བསྐོར་ནས་རི་མོ་འབྲི་བྱེད་ཀྱི་ཡོ་བྱད་ཅིག |
| ཟླུམས |
ཟླུམ་པའི་སྐུལ་ཚིག་ |
| ཟློ |
(བྱེད་འབྲེལ་ལས་ཚིག་ད་ལྟ་བ)ཚིག་གཅིག་ཡང་ཡང་བཤད་པའམ་འདོན་པ་མི་དམངས་དཔའ་བོའི་མཚན་སྙན་ཟློ་བཞིན་འདུག་ལྟ་བུ། མ་འོངས་པར་བཟླ་དང་འདས་པར་བཟླས། སྐུལ་ཚིག་ལ་ཟློས་འབྲི། ཟློས་ཀྱི་མ་འོངས་པ་དང་ད་ལྟ་བ། |
| ཟློ་བ |
ཐ་དད་པ བཟླས་པ། བཟླ་བ། ཟློས།། 1 ཡང་ཡང་འདོན་པ། ངག་ནས་ཡིག་དྲུག་བཟླས་ཀྱང་སངས་མ་རྒྱས། 2 སྒྲོལ་བའམ་འདའ་བར་བྱེད་པ། སྡུག་བསྔལ་བཟླས་པ། མྱ་ངན་བཟླ་བ། 3 འཆད་པའམ་ཤོད་པ། གཏམ་ཟློ་བ། མཆོག་དམན་ཀུན་ལ་གནས་ཚུལ་དེ་དག་བཟླ་བ། |
| ཟློག |
(བྱེད་འབྲེལ་ལས་ཚིག་ད་ལྟ་བ)སྔོན་དུ་བསྐྱོད་པའི་ཁ་ཕྱོགས་བསྒྱུར་བ་ཆུ་ལོག་ཟློག དགྲ་དམག་ཕར་ལ་ཟློག་མཁན། ལོ་རྒྱུས་སྔོན་དུ་སྐྱོད་པ་ཟློག་ཐབས་མེད་ལྟ་བུ། |
| ཟློག་ཐབས |
འགོག་བྱེད་ཀྱི་ཐབས་ཤེས། རྐྱེན་མ་ཡོང་གོང་གི་ཟློག་ཐབས། |
| ཟློག་པ |
ཐ་དད་པ བཟློག་པ། བཟློག་པ། ཟློག། འགོག་པའམ་ཕྱིར་ལྡོག་པར་བྱེད་པ་དང་ཁ་སྒྱུར་བ། གཡུལ་ཟློག དགྲ་བཟློག་པ། རྐྱེན་རྩ་ཆུང་ཟློག རྐྱེན་ངན་བར་ཆད་ཐམས་ཅད་ཕྱིར་བཟློག་པ། མི་ཁ་བཟློག་པ། |
| ཟློག་པ་གསུམ |
བཞམས་བསྒོ་དང༌། གསོལ་བ། ལས་བརྗོད་པ་བཅས་གསུམ་མོ། |
| ཟློག་པ་ལྔ |
བཞམས་བསྒོ་དང༌། གསོལ་བ། བརྗོད་པ་དང་པོ། གཉིས་པ། གསུམ་པ་བཅས་སོ། |
| ཟློག་སྒྱུར |
གེགས་བར་ཆད་རིགས་ཕྱིར་ཟློག་ཐབས་ཤིག |
| ཟློགས |
སྐུལ་ཚིག་དགྲ་དམག་ཕར་ཟློགས་ཤིག་ལྟ་བུ། |
| ཟློས |
ཟློ་བའི་སྐུལ་ཚིག་ |
| ཟློས |
(བྱེད་འབྲེལ་ལས་ཚིག་འདས་པ་དང་སྐུལ་ཚིག) གར་འཁྲབ་པའི་དོན་ཏེ། དགའ་ནས་གར་དུ་ཟློས་ལྟ་བུ། མ་འོངས་པ་དང་ད་ལྟ་བར་ཟློ་འབྲི་རབ་དགའི་གར་དུ་ཟློ་བ་ཞེས་པ་ལྟ་བུ། 2.(བྱེད་མེད་ལས་ཚིག) བསྐྱར་བའི་དོན་ཏེ། ཚིག་སྔ་ཕྱི་ཟློས། བསྐྱར་ཟློས། ཚིག་ལ་ཟློས་སྐྱོན་མེད་ལྟ་བུ། |
| ཟློས་གཏམ |
ཡང་ཡང་ལྡབ་སྐྱོར་བྱེད་པའི་གཏམ། |
| ཟློས་གར |
རིག་གནས་ཆུང་བ་ལྔའི་ནང་གསེས་ཏེ། ངག་ནས་གླུ་ཚིག་ཟློས། ལག་པས་རོལ་མོ་འཁྲོལ། ལུས་ཀྱིས་གར་འཁྲབ་པ་བཅས་ཀྱི་མིང༌། མིང་གི་རྣམ་གྲངས་ལ་གར་འཆམ་དང༌། གར་རྩེད། བྲོ། བྲོ་གར། ཞབས་བྲོ། རོལ་རྩེད་བཅས་སོ། |
| ཟློས་གར་ཁང |
ཟློས་གར་འཁྲབ་སའི་གནས། |
| ཟློས་གར་གྱི་བསྟན་བཅོས |
ལོ་རྒྱུས་སོགས་ཀྱི་གཏམ་སྙན་པོ་དྲི་རྨེད་ཀྱི་སྒོ་ནས་གར་དང་རྩེད་མོ་བྱེད་ཚུལ་སྟོན་པའི་དཔེ་ཆ། |
| ཟློས་གར་གྱི་ཡན་ལག་ལྔ |
ཟློས་གར་པ་དང༌། མདོ་འཛིན་པ། རོལ་མོ་བ། ཆས་གཞུག་པ། བཞད་གད་པ་བཅས། |
| ཟློས་གར་མཁན |
1 ཟློས་གར་འཁྲབ་མཁན། 2 མངོན རྨ་བྱ། |
| ཟློས་གར་ཚོགས་པ |
གླུ་གཞས་གར་རྩེད་རྩེད་མཁན་སྡེ་པའམ་ཤོག་ཁག |
| ཟློས་གྱར |
རྩོད་པའི་གནས་སུ་གྱར་བ། |
| ཟློས་པ |
ཐ་མི་དད་པ 1 འཆར་བའམ་འཕྲོ་བ། སླར་ཡང་མིའི་གཟུགས་སུ་ཟློས་པ། 2 བསྐྱར་ལྡབ་པ། ཡང་ཟློས་བསྐྱར་ཟློས། ཉིས་ཟློས་སུམ་ཟློས་བྱས་ནས་ལབས་པ། གཞན་གྱི་ལད་ཟློས་མ་བྱེད། ཁྱོད་ཀྱི་སྐད་ཆ་དེ་དག་ཟློས་པ། |
| ཟློས་བུ |
སྐད་ཆ་ཡང་ཡང་ཟློས་ཏེ་སྨྲ་བའི་མིང༌། |
| ཟློས་རྩོད |
ཁ་མཆུའི་རྩོད་ཤགས། ཁྲིམས་སའི་ཟློས་རྩོད། |
| ཟློས་སྐྱོན |
བཤད་ཟིན་པའི་ཚིག་དེ་དགོས་པ་མེད་བཞིན་སླར་ཡང་བཤད་པའི་སྐྱོན། གཏམ་སྔ་ཕྱི་ཟློས་སྐྱོན་མེད་པ། |
| ཟློས་སྒྲ་ཅན |
ཡི་གེ་རེ་རེ་ནས་ཚིག་དོན་གསལ་པོར་སྟོན་མི་ནུས་ཤིང་འདི་ཞེས་ངེས་གཟུང་མེད་པར་ནམ་རྒྱུན་ཡི་གེ་དང༌། ངག་ཐོག་ཏུ་བཀོལ་བའི་སྒྲ་ཚིག་བསྐྱར་ལྡབ་ཅན་ཞིག་སྟེ་ཞག་ཞིག་ཆང་ཆུང༌། ཡང་ཡེང༌། སབ་སོབ་ཅེས་པ་ལྟ་བུའོ། ཞིག ཞག་ཞིག ཆུང ཆང་ཆུང ཡེང ཡང་ཡེང སོབ སབ་སོབ འགྲེང་བུ རྣ་རུ འགྲེང་བུ གི་གུ ཞབས་ཀྱུ གི་གུ ཞག་ཞིག ཞག་གི་ཞིག་གི ཆང་ཆུང ཆང་ངི་ཆུང་ངི ཡང་ཡེང ཡང་ངེ་ཡེང་ངེ སབ་སོབ སབ་བེ་སོབ་བེ ཞག་ཞིག ཞག་གི་ཞིག་གི ཞིག་པོ ཆང་ཆུང ཆང་ངི་ཆུང་ངི ཆུང་བ ཡང་ཡེང ཡང་ངེ་ཡེང་ངེ ཡེང་བ སབ་སོབ སབ་བེ་སོབ་བེ སོབ་པ བ ཞིག་གི་བ་ཆུང་ངི་བ་ཡེང་ངེ་བ སོབ་བེ་བ |
| ཟློས་ཧྲལ |
བརྩེགས་འདོགས་ཅན་གྱི་ཡིག་ཆེན། ཀ་མད་སུམ་ཅུའི་ཡིག་གཟུགས་ལེགས་པར་སྦྱངས་རྗེས་གཞི་ནས་ཟློས་ཧྲལ་སློབ་དགོས། |
| འ |
བོད་ཡིག་གསལ་བྱེད་ཉེར་གསུམ་པ་འདིའི་ང་རོ་འདོན་ཚུལ་ལ་སྐྱེ་གནས་མགྲིན་པ་དང༌། བྱེད་པ་མགྲིན་པ། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 1 མིང་གཞིའི་མོ་ཡིག་ཅིག 2 སྔོན་འཇུག་མོ་ཡིག་ཅིག 3 རྗེས་འཇུག་གི་ཤིན་ཏུ་མོ་ཡིག་ཅིག 4 དབྱངས་ཡིག་གི་རིང་ཆ་སྟོན་བྱེད་བརྡ་ཞིག |
| འ་ཅག |
རང་རེ་ཞེས་པའི་ཡུལ་སྐད་དམ་བརྡ་རྙིང་། |
| འ་ཆད་འུ་ཐུག |
ཡུལ ཐང་ཆད་ནས་ཐབས་ཟད་པ། སྤྱི་ཚོགས་རྙིང་པའི་སྐབས་འ་ཆད་འུ་ཐུག་གི་སྡུག་བསྔལ་མང་པོ་མྱོང་བ། |
| འ་ཆུང |
ཨ་ཆུང་ཡང་སྣང་དབྱངས་ཀྱི་རིང་ཆ་སྟོན་བྱེད་འ་ཡིག་གི་མིང༌། འ འ |
| འ་བེ་འུབ་བེ |
འབ་འུབ་ལ་ལྟོས། |
| འ་མོ་ཉིད |
བོན་པོའི་སྟོང་ཉིད་ཀྱི་མིང༌། |
| འ་ཞ |
བོད་ཀྱི་རུས་ཤིག ས་མིང་ཞིག |
| འ་འུབ |
ལས་ཀའི་ཁྱོན་ནམ་གཞི་རྒྱ། འ་འུབ་མ་འདུས་པ། |
| འ་འུར |
(རྒྱན་ཚིག) སྐད་སྒྲ་སྣ་ཚོགས་འདྲེས་པ་འ་འུར་གྱི་སྒྲ་ཆེན་པོ་གྲགས་ལྟ་བུ། ཁ་སྐད་དུ་འ་རེ་འུར་རེ་ཟེར་ཏེ། སྒྲ་འ་རེ་འུར་རེ་མང་བོ་གྲགས་ལྟ་བུ། བྱ་བ་ཕྲན་ཚེགས་ཏེ། འ་འུར་ཟང་ཟིང་གི་བྱ་བ་ཞེས་པ་ལྟ་བུ། |
| འ་ཡོ |
ཁྱི་ཆུང་ངུའི་མིང་། |
| འ་རི་འུ་རི |
ཞིབ་ཚགས་མེད་པའི་ལས་ཀ་བྱེད་སྟངས། ལས་ཀ་འ་རི་འུ་རི་བྱས་པ། |
| འ་རེ་འུར་རེ |
འ་འུར་ལ་ལྟོས། |
| འ་ལེ་འོལ་ལེ |
འལ་འོལ་ལ་ལྟོས། |
| འཁང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཡིད་ཆད་པའམ་མ་མགུ་བའི་དོན་ཏེ རང་དོན་དུ་གྲོགས་ལ་མ་འཁང་ གླེན་པའི་ཚིག་ལ་འཁང་མི་རུང་ལྟ་བུ |
| འཁང་བ |
ཐ་མི་དད་པ འཁངས་པ། འཁང་བ།།མི་དགའ་བ་དང༌། སྡང་བ་དང༌། ཁྲོས་པ། རང་གིས་མ་བྱུང་བར་གཞན་ལ་འཁང་བ། རང་ཉིད་མུན་ཁང་དུ་བསྡད་ནས་ཉི་མའི་འོད་ལ་འཁང་བ། རེ་འཁང་བྱེད་པ། |
| འཁང་ཚིག |
མ་རངས་པའམ་མ་མགུ་བའི་ཚིག |
| འཁང་ར |
འཁང་བ་བྱེད་པའི་བྱ་སྤྱོད་ཀྱི་མིང་སྟེ གཞན་ལ་འཁང་ར་མ་བྱེད་ལྟ་བུ |
| འཁང་སྐད |
ཁྲོས་པ་དང༌། སྡང་བའི་སྐད་ཆ། |
| འཁང་སྒྲ |
སྡང་ཚིག་སྨྲ་བའི་སྒྲ། |
| འཁངས |
འདས་པ་སྟེ རང་ཉིད་མུན་ཁུང་དུ་ཞུགས་ནས་ཉི་མའི་འོད་ལ་འཁངས་ལྟ་བུ |
| འཁངས་པ |
འཁང་བའི་འདས་པ། |
| འཁན་པ |
མཁན་པའི་འབྲི་ཚུལ་གཞན་ཞིག་ |
| འཁམས་པ |
ཐ་མི་དད་པ དྲན་མེད་དུ་བརྒྱལ་བ། གློ་བུར་འཇིགས་ནས་འཁམས་པ། |
| འཁར་གཞོང |
ལི་ལས་བཟོས་པའི་གཞོང་པ། |
| འཁར་གསིལ |
ཁཀྑིརཿ ༈ རབ་བྱུང་ལ་གནོད་འཚེ་བསྲུང་བའི་ཕྱིར་དུ་སྟོན་པས་གནང་བའི་སིལ་སྙན་བཅུ་གཉིས་དང་ལྡན་པའི་འཁར་བ་རྒྱུ་ལྕགས་དང་ཤིང་གཉིས་ལས་གྲུབ་པ་རིམ་པ་གསུམ་བྲེང་ཆགས་སུ་ཡོད་པའི་སྟོད་སྨད་གཉིས་ལྕགས་དང་བར་མ་ཤིང་ཡིན་ལ། སྟོད་སྨད་ཀྱི་ལྕགས་བརྒྱད་བཞོག་བྱས་ཤིང༌། འོག་མ་ལ་རྒྱ་མདུད་ཡོད་པ། དུམ་བུ་སྟེང་མ་ལ་འཁོར་ལོ་དང་ལྕགས་ཀྱུ་ཡོད་ཅིང༌། རྭ་བཞིའམ། གཉིས་སུ་ངེས་པ། དེ་ལ་སིལ་སྙན་བཅུ་གཉིས། སྟེང་དང་ནང་ལ་མཆོད་རྟེན་ཡོད་པ། རྭའི་བར་སྟོང་པ། རྭའི་དཔང་མཐོ་གང་སོར་བཞི་དང་རྭ་མན་ཆད་ལུས་ཚད་དང་མཉམ་པའོ། |
| འཁར་གསིལ་གསིལ་བ |
དགེ་སློང་གི་ཡོ་བྱད་འཁར་གསིལ་དཀྲོལ་བ། |
| འཁར་ཆུ |
འཁར་བ་ཞུན་མ། |
| འཁར་དབྱུག |
ལག་འཁར། |
| འཁར་ཕོར |
ལི་ལས་བཟོས་པའི་ཕོར་པ། |
| འཁར་བ |
1. ཐ་མི་དད་པ ཐོགས་པ། གྱོན་པ་ལྕགས་གཟེར་ལ་འཁར་བ། ཟས་མིད་པར་འཁར་བ། 2 1 དབྱུག་པ། སྦ་འཁར། ཕྱག་འཁར། ལག་ན་འཁར་བ་ཐོགས་པ། ལུས་འཁར་བ་ལ་བརྟེན་ནས་ལངས་དགོས་པ། 2 ལི་ཟངས་གཙོ་བོར་བྱས་པའི་ལྕགས་རིགས་འདྲེས་མ་ཞིག མིང་གི་རྣམ་གྲངས་ལ་ཟངས་སྐྱེས་དང་བསིལ་སྐྱེས་སོ། |
| འཁར་བ་ཨོཾ་བཙུགས |
འཁར་བའི་རྩེ་མོར་ལག་གཉིས་བརྩེགས་པའི་སྟེང་དུ་ཨོག་མ་བཞག་པ། |
| འཁར་བཟོ་བ |
ལིའི་ཡོ་བྱད་བཟོ་མཁན། |
| འཁར་བའི་མེ་ལོང |
ལི་ལས་བཟོས་པའི་མེ་ལོང༌། |
| འཁར་ཟངས |
1 ལི་ལས་བཟོས་པའི་ཆུ་བླུག་སྣོད། 2 འཁར་བ་དང་ཟངས། |
| འཁར་རྒྱུག |
ལག་རྟེན་དབྱུག་པ། |
| འཁར་རྔ |
འཁར་བ་ལས་བཟོས་པའི་རོལ་མོའི་བྱེ་བྲག་ཅིག རྔ་དང་འཁར་རྔ་རྡུང་བ། |
| འཁར་རྔེའུ |
འཁར་རྔ་ཆུང་ཆུང༌། |
| འཁར་སྡེར |
འཁར་བ་ལས་བཟོས་པའི་སྡེར་མ། ཤིང་ཏོག་འཁར་སྡེར་གང་བཤམས། |
| འཁལ |
འཁེལ་གྱི་ད་ལྟ་བར་འཁལ་འབྲི་བའང་ཡོད |
| འཁལ་བ |
ཐ་དད་པ བཀལ་བ། བཀལ་བ། འཁོལ།། སྐུད་པ་སྒྲིམ་པའམ་བཟོ་བ། སྐུད་པ་བཀལ་ཏེ་ཐགས་བཏགས་པ། བལ་འཁལ་བ། |
| འཁལ་འཁོལ |
འཁལ་ལེ་འཁོལ་ལེའི་བསྡུས་ཚིག་ |
| འཁལ་འཐག |
རྒྱུ་སྤུན་འཁལ་ཞིང་རས་སྣམ་སོགས་འཐག་པ། |
| འཁལ་ལེ་འཁོལ་ལེ |
སེམས་རབ་ཏུ་དགའ་བའམ་བྱ་བ་ཞིག་བྱེད་འདོད་ནས་ཚུགས་དཀའ་བ་ལྟ་བུའི་རྣམ་པ། ཁྱེད་མཇལ་འདོད་ནས་ངའི་སེམས་འཁལ་ལེ་འཁོལ་ལེ་བྱེད་ཀྱི་འདུག |
| འཁུ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)གནོད་པའི་བསམ་པ་བཅངས་པའི་དོན་ཏེ ངན་པ་གྲོགས་ལ་འཁུ ལོག་པར་འཁུ་བའི་དགྲ་བོ་ཞེས་པ་ལྟ་བུ འདས་པ་ལ་འཁུས་འབྲི |
| འཁུ་བ |
1. ཐ་མི་དད་པ 1 སྡང་བ་དང་འཚེ་བ་དང༌། སྙིང་རིང་བ་དང་རྒོལ་བ། དགྲ་ལ་འཁུ་བ། མེས་རྒྱལ་ལ་འཁུ་བ། 2 རྙིང ལྡོག་པ། 2. སེར་སྣ། |
| འཁུ་བསམ |
1 སྡང་བའི་བསམ་པ། 2 ལོག་ལྟ། |
| འཁུ་འཁྲིག |
དོགས་པ་ཆེ་བའི་དོན་ཏེ བྱ་རོག་འཁུ་འཁྲིག་ཅེས་པ་ལྟ་བུ |
| འཁུ་འཕྲིག |
དོགས་པའམ་རྣམ་རྟོག བཤན་པ་འཁྲིས་སུ་སླེབས་པ་མཐོང་ཡང༌། བཤས་ལུག་ལ་རང་ཉིད་ད་ལྟ་གསོད་དོ་སྙམ་པའི་འཁུ་འཕྲིག་གི་འདུ་ཤེས་མེད། |
| འཁུ་ལྡོག |
མི་དགའ་བའམ་ཕྲག་དོག ཐེའུ་རང་ལྷར་བསྟེན་ན་འཁུ་ལྡོག་ཆོ་འཕྲུལ་ཇེ་ཆེར་འགྲོ། |
| འཁུགས་པ |
ཁུག་པའི་ད་ལྟ་བའི་འབྲི་ཚུལ་གཞན་ཞིག་ |
| འཁུན |
(བྱེད་མེད་ལས་ཚིག) ན་ཟུག་སོགས་ཀྱི་དབང་གིས་མགྲིན་པ་ནས་ཕྱུང་བའི་སྒྲ་ཞིག་སྟེ ན་ཟུག་ལངས་ཀྱང་འཁུན་མི་འཆོར བ་ལང་འཁུན་གྱིན་འདུག་ལྟ་བུ |
| འཁུན་པ |
ཐ་མི་དད་པ 1 ནད་སོགས་མི་བཟོད་པའི་དབུགས་སྒྲ་འཐོན་པ། སྐད་ཆེན་སྒྲོག་པ་གཡག་ལྟར་འཁུན། ན་སྟེ་འཁུན་གྱིན་འདུག 2 དབུགས་འཚང་བ། ཁུར་པོ་ལྕི་བས་དབུགས་འཁུན་ནས་གཏམ་ཡང་འཐོན་པ་དཀའ། 3 གྲེ་བ་ནས་ཕུག་རོན་གྱི་སྐད་ལྟར་འདོན་པ། |
| འཁུན་བུ |
འཁུན་སྒྲ་ཆུང་ངུ། |
| འཁུན་ཚིག |
ནད་དང་དཀའ་ལས་མ་བཟོད་པའི་གཅོང་སྐད། |
| འཁུན་སྒྲ |
དབུགས་འཁུན་པའི་སྒྲ། ནད་མེད་འཁུན་སྒྲ་སྒྲོག་པ། |
| འཁུམ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)དོན་ཧ་གོ་བའམ་རྟོགས་པའི་དོན་ཏེ ཁྱོད་ཀྱིས་ཚིག་དོན་འཁུམ་པར་བྱ་ལྟ་བུ 2.(བྱེད་མེད་ལས་ཚིག་མ་འོངས་པ་དང་ད་ལྟ་བ)བོངས་ཚོད་ཇེ་ཆུང་དུ་སོང་བའི་དོན་ཏེ ལག་པ་འཁུམ་པར་བྱ་ལྟ་བུ |
| འཁུམ་པ |
ཐ་མི་དད་པ འཁུམས་པ། འཁུམ་པ།། 1 ཚུར་འདུས་པའམ་ཞུམ་པ། ལུས་འཁུམ་པ། ངག་འཁུམ་པ། ཡིད་འཁུམ་པ། དཔའ་འཁུམས་པ། འགྲན་བསྡུར་བྱེད་སྐབས་འཁུམ་ཚུལ་རྩ་བ་ནས་མ་སྟོན། ཀོ་བ་མ་བརྒྱངས་པར་འཁུམ་པ། 2 ཤེས་པའམ་རྟོགས་པ། སེམས་ཀྱིས་འཁུམས་པ། བཤད་ཚུལ་དེ་ངའི་སེམས་ལ་འཁུམས་ཀྱང་ཡིད་བརྟན་མི་བྱེད། |
| འཁུམ་འཁུམ |
འཇིགས་པ་དང་འཁྱགས་པའི་རྣམ་འགྱུར། འཁྱགས་ནས་གཟུགས་པོ་འཁུམ་འཁུམ་བྱེད་པ། |
| འཁུམས |
འདས་པ་སྟེ ལག་པ་འཁུམས་སོ རྐང་ལག་འཁུམས་ནས་ཉལ་ལྟ་བུ སེར་སྣ་དང་ཚོད་འཛིན་བྱེད་པའི་དོན་ཏེ སེམས་མ་འཁུམས་པར་བརྩོན་པ་བསྐྱེད ལག་མ་འཁུམས་པར་སྤྱི་དོན་དུ་འགྲོ་སྒོ་བཏང་ལྟ་བུ |
| འཁུམས་པ |
འཁུམ་པའི་འདས་པ། |
| འཁུར |
མ་འོངས་པ་དང་ད་ལྟ་བ་སྟེ ཁུར་བོ་འཁུར་དགོས་ཁུར་བོ་འཁུར་གྱིན་ཡོད་ཅེས་པ་ལྟ་བུ ལས་ཀ་ཞིག་བྱེད་པར་བསྐོས་པའམ་ཁས་བླངས་པའི་དོན་ཏེ རྩྭ་ས་སྲུང་བའི་ལས་འགན་ཁུར ལས་འགན་ཁུར་དུ་བླངས་ལྟ་བུ 2.འབྲུ་རིགས་ཀྱི་ཕྱེ་བརྫིས་ནས་དབྱིབས་སྣ་ཚོགས་བྱས་ནས་བསྲེགས་པ་དང་བཙོས་པའི་ཟས་ཀྱི་སྤྱི་མིང་སྟེ སྣུམ་འཁུར ཕྱེ་འཁུར་ཞེས་པ་ལྟ་བུ འདི་ལ་ཁུར་བ་དང་འཁུར་ར་ཞེས་འབྲི་སྲོལ་ཡང་ཡོད མདོ་སྨད་ཁ་སྐད་དུ་འདི་ལ་གོ་རེ་ཟེར |
| འཁུར་གོར |
འབྲུ་རིགས་ཀྱི་ཕྱེ་བརྫིས་ནས་བསྲེགས་པ་དང་བཙོས་པའི་ཟས་དབྱིབས་སྒོར་མོ་ཞིག་ཨ་མདོའི་སྐད་དུ་གོ་རེ་ཟེར། |
| འཁུར་ཐག |
འཁྱེར་བྱེད་དམ་སྡོམ་བྱེད་ཀྱི་ཐག་པ། |
| འཁུར་བ |
1. ཐ་དད་པ ཁུར་བ། འཁུར་བ། ཁུར།། འཁྱེར་བ། ལས་འགན་ཁུར་བ། ཁྲེས་པོ་རྒྱབ་ཏུ་ཁུར་བ། 2. བག་ཟན་ཞིག་སྟེ་ཡུལ་འགར་གོ་རེ་ཟེར། |
| འཁུར་བསམ |
འགན་འཁུར་ལེགས་སྒྲུབ་ཀྱི་བསམ་པ། |
| འཁུར་ཤེད |
ཐེག་ཤུགས། བོང་བུ་ལས་གཡག་འཁུར་ཤེད་ཆེ། |
| འཁུལ་བ |
ཐ་མི་དད་པ ཐུལ་བ། བོང་བུས་གཡག་མི་འཁུལ། གཡོག་ཏུ་མི་འཁུལ་བ། ཡིད་འཁུལ་བ། |
| འཁུས |
འཁུ་ཡི་འདས་པ |
| འཁུས་པ |
རྙིང སྦས་པ། འཁེང་བ། ཐ་མི་དད་པ འཁེངས་པ། འཁེང་བ།། གྲང་ངད་ཀྱིས་འཁྱག་པར་འགྱུར་བ། མར་ཁུ་འཁེངས་པ། |
| འཁེགས |
ཁེགས་ཀྱི་འབྲི་སྲོལ་གཞན |
| འཁེངས |
ཁེངས་ཀྱི་འབྲི་སྲོལ་གཞན |
| འཁེངས་པ |
འཁེང་བའི་འདས་པ། |
| འཁེབ |
ཁེབ་ཀྱི་འབྲི་སྲོལ་གཞན |
| འཁེལ |
(བྱེད་འབྲེལ་ལས་ཚིག་ད་ལྟ་བ)བལ་དང་ཤིང་བལ་གསོ་མ་སོགས་སྐུད་པར་བྱེད་པའི་དོན་ཏེ འཕང་འཁེལ་གྱིན་འདུག་ལྟ་བུ |
| འཁེལ་བ |
ཐ་མི་དད་པ ཁེལ་བ། འཁེལ་བ།། 1 ཐག་ཆོད་པ། གཏན་འཁེལ་བ། 2 ཐུག་པ། རྣག་ཐོག་གཙག་འཁེལ། བྲེལ་བ་ཚ་པོའི་དུས་དང་སྟབས་ཁེལ་བ། 3 ཡིད་ཆེས་པ། བློ་འཁེལ་བ། གདེང་འཁེལ་བ། |
| འཁོགས |
(རྒྱན་ཚིག) ལོ་ན་རྒས་པའི་གནས་སྐབས་ཐ་མ་ལ་བསླེབས་པའི་རྣམ་པ་སྟེ རྒས་འཁོགས རྒས་ཤིང་འཁོགས་པ་ཞེས་པ་ལྟ་བུ རུལ་ནས་ཁོང་སྟོངས་པའི་དོན་ཏེ སྡོང་འཁོགས རུས་འཁོགས་ཞེས་པ་ལྟ་བུ |
| འཁོགས་པ |
རྒས་པའམ་གོག་པ། རྒས་འཁོགས། ལུས་འཁོགས་ཏེ་ཐག་རིང་དུ་འགྲོ་མི་ཐུབ་པ། |
| འཁོགས་པའི་དུས |
དུས་བརྒྱད་ཀྱི་ནང་གསེས་ཤིག་མི་ལོ་བདུན་ཅུ་ཡན་ཆོད་དུ་སོན་པ། |
| འཁོང |
(བྱེད་མེད་ལས་ཚིག) འདོད་པ་མ་ཚིམས་པར་མི་དགའ་བ་བྱེད་པའི་དོན་ཏེ བྱིས་པ་ཟས་ལ་འཁོང་བ ལྟོ་འཁོང་མ་བྱེད་ཅེས་པ་ལྟ་བུ ལུས་ཀྱི་ཡན་ལག་ཀུམ་ཀུམ་པོར་གནས་པའི་དོན་ཏེ ལུས་འཁོང་ནས་འདུག་ལྟ་བུ མདོ་སྨད་ཡུལ་སྐད་དུ་བསྒོང་ཟེར་བ་དང་དོན་མཚུངས |
| འཁོང་བ |
རྙིང སེམས་མི་མགུ་བ། |
| འཁོད |
(བྱེད་མེད་ལས་ཚིག) རང་གནས་སུ་བསྡད་པའི་དོན་ཏེ རང་གནས་སུ་འཁོད་པ མགྲོན་པོ་རྣམས་རང་རང་གི་གནས་སུ་འཁོད་ཅེས་པ་ལྟ་བུ བཀོད་ཀྱི་སྐུལ་ཚིག་གི་འབྲི་སྟངས་གཞན |
| འཁོད་པ |
ཐ་མི་དད་པ 1 གནས་པ། ཁྲི་ལ་འཁོད་པ། 2 བྲིས་ནས་གསལ་བ་དང༌། བཀོད་དེ་གསལ་བ། གསར་འགྱུར་ཐོག་ཏུ་འཁོད་པ། ཡིག་རིགས་ཀྱི་ནང་དུ་འཁོད་པ། འཆར་གཞིར་འཁོད་པ། |
| འཁོན |
ས་སྐྱ་པའི་གདུང་རབས་ཀྱི་རུས་མིང་གནམ་ལྷའི་རྒྱུད་པ་གཡའ་སྤང་སྐྱེས་ཀྱིས་སྲིན་པོ་སྐྱ་རེངས་ཁྲག་མེད་བཏུལ་ནས་དེའི་ཆུང་མ་གཡའ་འབྲུག་སི་ལེ་མ་ཁབ་ཏུ་བཞེས་པ་ལས་སྲས་ཤིག་འཁྲུངས་པ་སྲིན་པོ་དང་འཁོན་པའི་བར་དུ་སྐྱེས་པས་འཁོན་ཞེས་གྲགས། དེ་ནས་བཟུང་གི་གདུང་བརྒྱུད་ལ་འཁོན་རིགས་ཟེར། 2.(བྱེད་མེད་ལས་ཚིག) སྡིགས་མོ་བྱས་པའི་དོན་ཏེ ཁོ་གཉིས་འཁོན་རེས་བྱས ཁྱེད་གཉིས་མ་འཁོན་ཞེས་པ་ལྟ་བུ སྡང་བའི་བསམ་པའི་མིང་སྟེ ཉེས་ཅན་ལ་འཁོན་དུ་འཛིན་ལྟ་བུ |
| འཁོན་གཅུགས |
སྡང་སེམས་སམ་མནར་སེམས། |
| འཁོན་གྲིབ |
འཁོན་འགྲས་ལ་བརྟེན་ནས་བྱུང་བའི་གྲིབ་སྐྱོན། |
| འཁོན་ཐོགས |
བདེ་བར་མ་ཐོན་པའམ་མ་ཐར་བ་དང་འགག་པ། ལམ་བར་འཁོན་ཐོགས་བྱུང་ནས་དུས་སུ་མ་སླེབས། ད་རེས་ཀྱི་ལས་དོན་ནང་དུ་འཁོན་འཁོན་ཐོགས་ཐོགས་མང་པོ་བྱུང་སོང༌། |
| འཁོན་དཀོན་ཅོག་རྒྱལ་པོ |
རབ་བྱུང་དང་པོའི་ཤིང་ཁྱི་ལོ་ལ་འཁྲུངས། སྐུ་ན་ཕྲ་དུས་ཡབ་གཅེན་གཉིས་ལས་གསང་སྔགས་རྙིང་མའི་གདམས་པ་སྦྱངས་ཤིང༌། ཕྱིས་འབྲོག་མི་ལོ་ཙཱ་བ་ཤཱཀྱ་ཡེ་ཤེས་སོགས་མཁས་གྲུབ་ཀྱི་བླ་མ་རྣམས་ལས་ལམ་འབྲས་གཙོས་པའི་གསང་སྔགས་ཕྱི་འགྱུར་རྣམས་ལ་སྦྱངས། དགུང་ལོ་བཞི་བཅུ་པ་རབ་བྱུང་དང་པོའི་ཆུ་གླང་ལོ་ལ་དབོན་པོ་རིའི་ས་དཀར་གྱི་ལོགས་སུ་དགོན་པ་བཏབ་པས། དེ་ནས་བཟུང་ས་སྐྱ་པ་ཞེས་གྲགས། རབ་བྱུང་གཉིས་པའི་ཆུ་རྟ་ལོར་འདས། གྲ་བོ་ལུང |
| འཁོན་དགྲ |
འཁོན་པའི་དགྲ་བོ། |
| འཁོན་པ |
ཐ་མི་དད་པ 1 འགྲས་པ། ཞེ་འཁོན་པ། སེམས་རབ་ཏུ་འཁོན་པ། དོན་མེད་ང་ལ་འཁོན་མི་དགོས། དགྲ་ལ་འཁོན་པ་ཙམ་གྱིས་ཅི་ཞིག་ཕན། 2 འགག་པའམ་ཐོགས་པ། ཡས་འཁོན་མས་ཐོགས། |
| འཁོན་པ་བསྡུམ་པའི་གསོ་སྦྱོང |
མཐུན་པའི་གསོ་སྦྱོང་ལས་དུས་མ་ངེས་པའི་གསོ་སྦྱོང་གི་གྲས་ཤིག་དགེ་འདུན་དབྱེ་བ་བསྡུམ་པ་ཞེས་རྩོད་པ་ཞི་བར་བྱ་བའི་ཕྱིར་གསོ་སྦྱོང་བྱེད་པའོ། དེ་ལ་རྩོད་པ་བཟློག་པའི་གསོ་སྦྱོང་ཞེས་ཀྱང་ཟེར། |
| འཁོན་བཟོད |
ཁྲོ་བའམ་སྡང་སེམས་བཟོད་ཐུབ་པ། |
| འཁོན་བསམ |
ཁོན་པའི་བསམ་པ་ཞེ་སྡང་གི་བསམ་བློ། |
| འཁོན་མེད་དབྱེན་མེད |
ཕན་ཚུན་ཞེ་འགྲས་པ་དང༌། དམ་སེལ་གང་ཡང་མེད་པ། གྲོང་པ་ཁྱིམ་མཚེས་འཁོན་མེད་དབྱེན་མེད་དམ་གཙང་བཀྲ་ཤིས་ལུགས་ལེགས་ཤ་སྟག་རེད། |
| འཁོན་ཚིག |
སྔར་འཁོན་ཞེ་འཛིན་གྱི་གཏམ། |
| འཁོན་ཞུགས |
སྡང་སེམས་ཆགས་པ། |
| འཁོན་འགྲས |
ཕན་ཚུན་འཁོན་ཞིང་འགྲས་པའམ། མི་དགའ་བར་གྱུར་པ། |
| འཁོན་འབར |
འཁོན་ནད་ཆེར་ལངས་པ། འགལ་ཟླ་ཕན་ཚུན་འཁོན་འབར་གྱི་འཁྲུག་གཞི་ཧ་ཅང་ཆེ་བ། |
| འཁོན་འཛིན |
1 འཁོན་དུ་འཛིན་པ་སྔར་བྱུང་གནོད་འཚེ་རྣམས་སེམས་ཀྱི་གཏིང་དུ་འཇོག་པ། 2 ཉེ་ཉོན་ཉི་ཤུའི་ནང་གསེས་ཤིག་ཁོང་ཁྲོ་བའི་ཆར་གཏོགས་པ་གནོད་པའི་བསམ་པ་རྒྱུན་མི་གཏོང་ཞིང་མི་བཟོད་པར་བྱེད་པ་ཞིག |
| འཁོན་འཛིན་ཞེ་ནད |
གཞན་གནོད་དམ་པོར་འཛིན་པའི་གཏིང་ནད། |
| འཁོན་ལན |
ཞེ་འགྲས་པའི་ལན་པོ། འཁོན་ལན་ལོག་ཐབས་བྱས་ཀྱང་གླན་མ་ཐུབ། |
| འཁོན་ལྷ |
རང་ལ་འཁོན་དུ་འཛིན་པའི་མི་མིན། |
| འཁོན་ཤ |
དགྲ་ཤ། སྡང་དགྲ་མ་རུང་བ་རྣམས་ཀྱི་འཁོན་ཤ་མཐར་ཕྱིན་པར་གླན་ཏོ། |
| འཁོན་སེམས |
འཁོན་བསམ་དང་དོན་གཅིག་ |
| འཁོན་སྐྲན |
ཕན་ཚུན་ཞེ་འགྲས་ཀྱི་འཁོན་ནད། |
| འཁོན་སྡང |
ཕན་ཚུན་འགྲས་ནས་ཞེ་སྡང་བའི་གནོད་སེམས། |
| འཁོབ |
1. མཐའ་དང་འདབས། ཡུལ་མཐའ་འཁོབ། 2. རྙིང ངན་པ།…3.(བྱེད་མེད་ལས་ཚིག་མ་འོངས་པ་དང་ད་ལྟ་བ)གྲང་ནས་རེངས་པར་གྱུར་པའི་དོན་ཏེ ལག་པ་གྲང་ན་འཁོབ་འགྲོ་ལྟ་བུ |
| འཁོབ་ཏོ |
ལུས་ཟོར་མི་ཡང་བ། |
| འཁོབ་པ |
ཐ་མི་དད་པ རངས་པ། གྲང་བས་ལག་པ་འཁོབ་པ། ལོ་རྒས་ནས་འཁོབ་པ། |
| འཁོབ་བལ |
ལུག་གི་བྲང་འོག་སོགས་ལས་སྐྱེས་པའི་བལ་རྒྱུ་ཞལ་པ། |
| འཁོབས |
སྲིད་ཞེང་གཉིས་ཀྱི་ཞེང་གི་མིང་སྟེ ལྭ་བ་འཁོབས་ཆེ་ཆུང་རན་པ ས་འཁོབས་ཆེ་བ ཁང་བ་འཁོབས་ཡངས་པ་ཞེས་པ་ལྟ་བུ འཁོབ་ལ་ལྟོས 2.འདས་པ་སྟེ ཁ་འཁོབས་སོང་ ལག་པ་འཁོབས་ནས་ཁུ་ཚུར་འཆང་དཀའ་ལྟ་བུ |
| འཁོབས་པ |
1. ཞེང་ཚད། ས་འཁོབས་ཆེ་བ། ཁང་པ་འཁོབས་ཡངས་པ། 2. རྙིང ཀུན་ལ་ཁྱབ་པ། སྙན་གྲགས་ཕྱོགས་ཀུན་ཏུ་འཁོབས་པ། |
| འཁོར |
1 བྲན་ནམ། ཕྱི་འབྲང་ངམ། ལྟོས་བཅས་གཉེན་གྲོགས་སོགས་ཞབས་འདེགས་ཞུ་མཁན། གཡོག་འཁོར། ཉེ་འཁོར། བཟའ་ཚང་འཁོར་བཅས། གཙོ་འཁོར། དཔོན་འཁོར། 2 འགྲམ་དང་འདབས། ཉེ་འཁོར།…3.(བྱེད་མེད་ལས་ཚིག) <ཀ>ལྟེ་བ་ཞིག་ལ་སྐོར་བ་བྱེད་པའི་དོན་ཏེ འཁོར་ལོ་འཁོར འཚུབ་མ་འཁོར་ལྟ་བུ |
| འཁོར་ཁ |
1 རྒྱ་ཚད་དམ་ཞེང༌། 2 རང་གནས་སུ་སླེབས་ཁ། |
| འཁོར་ཁྱམས |
ཁང་པའི་ཉེ་སྐོར་གྱི་ཕྱི་ཁྱམས། |
| འཁོར་གཏན |
སྒོ་ཕྱི་ནང་གཉིས་ཀ་ནས་དབྱེ་བའི་ཐབས་སུ་སྒོ་གླེགས་ཀྱི་དཀྱིལ་དུ་གཏན་བུ་བཏགས་ཏེ་འཁོར་ལོ་བཞིན་དུ་སྐོར་བའི་ཤིང༌། |
| འཁོར་གཡག |
སྒོ་སྒེའུ་ཁུང་གི་འཁོར་གཏན་གཡག་ཤིང༌། |
| འཁོར་གཡབ |
ཁང་པའི་མདུན་ཕྱོགས་འཁོར་མོར་བསྐོར་བའི་གཡབ། |
| འཁོར་གཡོག |
གཉེན་གྲོགས་དང་བྲན་གཡོག |
| འཁོར་གསུམ |
1 མཚོན་ཆ་མདའ་གྲི་མདུང་གསུམ། སྐེད་པར་འཁོར་གསུམ་བཏགས་ནས་གཡུལ་སར་ཆས། 2 འཁོར་ལོ་གསུམ། འཁོར་གསུམ་རྐང་འཁོར། 3 བྱེད་པ་པོ་དང༌། བྱ་བའི་ལས། བྱ་བའི་ཡུལ་ཏེ་གསུམ། སྦྱིན་པ་གཏོང་སྐབས་ཀྱི་འཁོར་གསུམ་ནི་སྦྱིན་པ་པོ་དང༌། སྦྱིན་རྫས། སྦྱིན་ཡུལ་ཏེ་གསུམ། 4 མཚན་ཉིད་རྩོད་སྐབས་ཀྱི་འཁོར་གསུམ་སྟེ་རྟགས་བསལ་ཁྱབ་གསུམ། 5 ལུས་ངག་ཡིད་ཀྱི་ལས་གསུམ། |
| འཁོར་གསུམ་ཁེབས་པའི་ཚད |
འདུལ་བའི་བརྡ་ཆད་ཅིག་གོས་ཀྱི་རྒྱུ་ལྟེ་བའི་འཁོར་ལོ་དང་པུས་མོ་གཉིས་ཀྱི་འཁོར་ལོ་ཁེབས་ཐུབ་པའི་ཚད་དུ་ལོངས་པའོ། |
| འཁོར་གསུམ་རྣམ་དག |
ས་བདུན་པའི་ཡོངས་སྦྱོང་སྐབས་ལས་སུ་བྱ་བ་དང༌། བྱེད་པ་པོ། བྱ་བའི་རང་བཞིན་ཏེ་འཁོར་གསུམ་ལ་མི་དམིགས་པའི་རྒྱས་བཏབ་པ། |
| འཁོར་གསུམ་རྣམ་པར་མི་རྟོག་པ |
ཆོས་ཀུན་ལ་དངོས་པོ་དང་བྱེད་པོ་བྱ་ཡུལ་གསུམ་ལ་འཛིན་པའི་རྟོག་པ་དང་བྲལ་བ་དཔེར་ན་སྦྱིན་པ་གཏོང་བ་པོ་དང༌། གཏང་རྒྱུའི་རྒྱུ་ནོར། གཏོང་ཡུལ་སློང་བ་པོ་བཅས་ཕྱོགས་གསུམ་ག་རང་བཞིན་དུ་མ་གྲུབ་པར་ཤེས་པའི་ཤེས་རབ་བོ། |
| འཁོར་ཆུ |
ཀློང་འཁོར་ཏེ། ཆུ་ཆེན་པོར་རླབས་སྒོར་མོར་འཁོར་བའི་ཀོང་དོང༌། |
| འཁོར་ཉན |
གླུ་དབྱངས་ཀྱི་ངེས་པ་བདུན་གྱི་ནང་ཚན་ཞིག |
| འཁོར་ཕུན་སུམ་ཚོགས་པ |
ཕུན་སུམ་ཚོགས་པ་ལྔའི་ནང་གསེས་ཤིག་འཁོར་ས་ཐོབ་ཀྱི་སེམས་དཔའ་དང་རིག་པ་འཛིན་པ་རྣམས་ཀྱིས་བསྐོར་བ། |
| འཁོར་ཕྱེད་དོར |
རྒྱུ་སྐར་ཉེར་བདུན་གྱི་ཕྱེད་ནི་སྐར་བཅུ་གསུམ་དང་ཆུ་ཚོད་སུམ་ཅུ། ཉི་མ་ལ་མཚོན་ན་ཀརྐ་ཊ། སེངྒེ། བུ་མོ་གསུམ་དུ་རིམ་པའི་སྔ་རྐང་ལ་ཅི་ཙམ་སྤྱད་པ་དེ་སྲང་སྡིག་གཞུ་གསུམ་དུ་རིམ་པའི་ཕྱི་རྐང་ལ་སྤྱད་པ་དེས་ཁ་བསབས་པས་ནོར་བུ་ལོན་ཁ་འགྲིག་རྟག་པའི་ལོངས་སྤྱོད་ལ་བྲི་གང་མེད་པར་གནས་པས། དེ་ཡན་གྱི་རྐང་རྩིས་བྱེད་མི་དགོས་པས་སོ། |
| འཁོར་ཕྱོགས |
1 མདུན་ངོས་གང་ལ་བསྟན་པའི་ངོས་ཀྱི་མིང་སྟེ ཕྱུགས་རྫིས་ལུག་གི་འཁོར་ཕྱོགས་ལ་བལྟས་ལྟ་བུ 2 བྱ་བ་བྱེད་པའི་དམིགས་ཡུལ་གྱི་མིང་སྟེ འཁོར་ཕྱོགས་གསལ་བོ་ཤེས་དགོས་ལྟ་བུ <ག>འདུ་བའམ་འོང་བའི་དོན་ཏེ རི་བཟང་པོར་རི་དྭགས་འཁོར ཆུ་བཟང་པོར་ཉ་སྲམ་འཁོར པད་མའི་ཚལ་ལ་བུང་བ་འཁོར མི་མི་འཁོར་ཡུལ་ལ་ལན་གཅིག་འཁོར་ལྟ་བུ ཞབས་འདེགས་ཞུ་མཁན་གྱི་མིང་སྟེ བཟའ་ཚང་འཁོར་དང་བཅས་པ འཁོར་མང་པོ་དང་བཅས་ཞེས་པ་ལྟ་བུ |
| འཁོར་བ |
1. ཐ་མི་དད་པ 1 བསྐོར་ནས་རྒྱུ་བ། གློག་འཁོར་འདི་ཐེངས་གཅིག་བཏང་ནས་རྒྱུན་མི་འཆད་པར་འཁོར་བཞིན་འདུག འཚུབ་སྐོར་འཁོར་བ། ཕར་ཚུར་ཉོ་འཚོང་གི་སྐོར་བ་འཁོར་ཐུབ་པ། ཁོ་རང་ཕྱོགས་ལ་ཕྱིན་ནས་ཕྱིར་འཁོར་མ་བྱུང༌། གཞན་ལ་གནོད་འཚེ་གང་བསྐྱལ་ཚང་མ་རང་གི་ཐོག་ལ་འཁོར་འདུག 2 ཡེང་བ། ལྟད་མོར་མགོ་འཁོར་ནས་བསྡད་པ། 3 སེམས་ནང་དུ་དྲན་པ་དང་འཆར་བ། ཁོ་མཐོང་བ་དང་ངའི་སེམས་ལ་བསམ་ཚུལ་འདི་འདྲ་ཞིག་འཁོར་བྱུང༌། 4 འདུ་བ་དང་ཆགས་པ། ལྟེ་བའི་མཐའ་སྐོར་དུ་འཁོར་བ། རི་ལ་རི་དྭགས་འཁོར་དང༌། ཆུ་ལ་ཉ་མོ་འཁོར། ལག་པར་ཤ་ཡོད་ན་ནམ་མཁར་བྱ་འཁོར་ཡོང༌། རྩྭ་རྩེར་ཟིལ་པ་འཁོར་བ། 2. འགྲོ་བ་རིགས་དྲུག་གི་གནས་སམ་ཟག་བཅས་ཉེར་ལེན་གྱི་ཕུང་པོ་ལྔ། མིང་གི་རྣམ་གྲངས་ལ་སྔོན་ཆགས་དང༌། འཇིག་རྟེན། ཐུན་མོང་ཆོས། སྡུག་བསྔལ་འབྱུང་གནས། མ་རིག་ཁམས། གཙུག་ལག་དང་པོ། ཞི་འཛིན་པ། ཡང་སྲིད། སྲིད་པ་བཅས་སོ། འཇིག་རྟེན་གྱི་མིང་སྟེ འཇིག་རྟེན་འཁོར་བ འཁོར་བའི་ཕུན་ཚོགས་ཞེས་པ་ལྟ་བུ 2 ཁྱིམ་གྱི་བྱ་བཞག་གི་མིང་སྟེ འཁོར་བ་བསྐྱངས་ལྟ་བུ |
| འཁོར་བ་ཉམས་ལེན |
འཁོར་བའི་སྡུག་བསྔལ་བཟོད་པའམ་དང་དུ་ལེན་པ། |
| འཁོར་བ་དོང་སྤྲུགས |
1 དོང་ནང་གི་ཉལ་ཉིལ་ཐམས་ཅད་སྤྲུགས་པ་བཞིན་དུ་འཁོར་བའི་སྡུག་བསྔལ་ཀུན་སེལ་བའམ། ཡང་ན་སེམས་ཅན་ཐམས་ཅད་གཅིག་ཀྱང་མ་ལུས་པ་འཁོར་བ་ལས་བསྒྲལ་བ། 2 སྤྱན་རས་གཟིགས་ཀྱི་བྱེ་བྲག་ཅིག |
| འཁོར་བ་པ |
འཁོར་བ་པོ་དང་དོན་གཅིག་ |
| འཁོར་བ་པོ |
འཁོར་བར་འཁོར་མཁན་གྱི་སེམས་ཅན། |
| འཁོར་བ་མཐའ་ཅན |
འཁོར་བའི་སྐྱེ་རྒྱུན་ཆོད་དུས་ཀྱི་མཐའ་ལ་སླེབས་པའི་གང་ཟག |
| འཁོར་བ་འཇིག |
ཀྲཀུཙྪནྡཿ སངས་རྒྱས་དཔའ་བོ་བདུན་གྱི་གྲས་ཤིག |
| འཁོར་བ་འཛིན་པ |
1 ཡུལ ཁྱིམ་གསར་དུ་འཛིན་པའམ་འཛིན་པ་པོ། 2 བྱང་ཆུབ་སེམས་དཔའ་རྣམས་ཀྱིས་འགྲོ་བ་སྒྲོལ་སླད་བསམ་བཞིན་དུ་སྲིད་པར་བཟུང་བ། |
| འཁོར་བཅས |
འཁོར་དང་བཅས་པ་ངོ་མ་རྗེས་འབྲང་དང་བཅས་པ། |
| འཁོར་བཞི |
དགེ་སློང་ཕ་མ་གཉིས་དང༌། དགེ་བསྙེན་ཕ་མ་གཉིས་ཏེ་བཞི། |
| འཁོར་བའི་ཁྱིམ |
1 འཇིག་རྟེན་པའི་ཁྱིམ་གྲོང༌། 2 མངོན བཙུན་མོའི་ཕོ་བྲང༌། |
| འཁོར་བའི་དགྲ |
1 བདག་མེད་རྟོགས་པའི་ཤེས་རབ། 2 ཐར་པ། |
| འཁོར་བའི་བཙོན་ར |
འཁོར་བ་བཙོན་རའི་གཟུགས་སུ་བཀོད་པ། |
| འཁོར་བའི་འཁོར་ལོ་ཆ་ལྔ་པ |
གཙུག་ལག་ཁང་གི་སྒོ་འཕྱོར་དུ་བྲིས་པའི་དཔེ་རིས་ལྟར་གྱི་སྲིད་པ་འཁོར་ལོ། |
| འཁོར་བའི་འཆིང་བ |
འཁོར་བར་འཆིང་བར་བྱེད་པའི་ལས་དང་ཉོན་མོངས་པ་རྣམས། |
| འཁོར་བའི་འབྲོག་དགོན་པ |
འཁོར་བ་ནི་མྱ་ངམ་གྱི་ཐང་འབྲོག་དགོན་པའི་གཟུགས་སུ་བཀོད་པ། |
| འཁོར་བའི་རྒྱ་མཚོ |
ཐོག་མཐའ་མི་མངོན་པའི་སྡུག་བསྔལ་གྱི་རྒྱ་མཚོ། |
| འཁོར་བའི་རྒྱུན |
སྔོན་གྱི་མཐའ་མི་མངོན་པའི་ཉེར་ལེན་གྱི་ཕུང་བོའི་རྒྱུན། |
| འཁོར་བའི་རྩ་བ |
སྲིད་པའི་རྩ་བ་དྲུག་འདོད་ཆགས་དང༌། ཁོང་ཁྲོ། ང་རྒྱལ། མ་རིག་པ། ལྟ་བ་ཉོན་མོངས་ཅན། ཐེ་ཚོམ་རྣམས་སོ། |
| འཁོར་བའི་ལམ |
1 མ་རིག་སོགས་རྟེན་འབྲེལ་བཅུ་གཉིས། 2 སྐོར་བར་འཁོར་བའི་ལམ་ཀ། 3 མི་དགེ་བའི་བྱ་བ། |
| འཁོར་བའི་ལམ་གསུམ |
ཉོན་མོངས་པའི་ལམ་དང༌། ལས་ཀྱི་ལམ། སྡུག་བསྔལ་གྱི་ལམ་གསུམ་སྟེ་ཉོན་མོངས་པར་བརྟེན་ནས་ལས་བྱེད་པ་དང༌། ལས་བྱས་པར་བརྟེན་ནས་སྡུག་བསྔལ་འབྱུང་བ། སྡུག་བསྔལ་ལ་བརྟེན་ནས་ཉོན་མོངས་པ་སྐྱེ་ཞིང་རྒྱུན་མི་འཆད་པར་འཁོར་བའི་རིམ་པའོ། |
| འཁོར་བའི་ལྷ |
འཇིག་རྟེན་གྱི་ལྷ་འདྲེ། |
| འཁོར་བའི་སྐྱོན |
སྐྱེ་རྒ་ན་འཆི་སོགས་ཀྱི་སྡུག་བསྔལ། |
| འཁོར་བའི་སྒོ |
ལས་དང་ཉོན་མོངས་པ། |
| འཁོར་བའི་སྡུག་བསྔལ |
སྐྱེ་རྒ་ན་འཆི་སོགས་དང་ཚ་གྲང་བཀྲེས་སྐོམ་གྱི་སྡུག་བསྔལ། |
| འཁོར་བའི་སྣ་འདྲེན |
ལས་དང་ཉོན་མོངས་ཀྱི་ཀུན་འབྱུང༌། |
| འཁོར་བར་འཁོར་བ་པོ |
ཐར་པ་མ་ཐོབ་པའི་སྐྱེ་འགྲོ་རྣམས། |
| འཁོར་བྱེད |
མངོན བུང་བ། |
| འཁོར་མ |
སྙེ་མ་རྡུང་བྱེད་ཤིང་ལྕུག་བསྟར་བ་འཁོར་མིག་ཅན། |
| འཁོར་མཐའ |
1 འཁོར་ལོའི་མུ་ཁྱུད། 2 འཁོར་བའི་ཡ་མཐའ་དང་མ་མཐའ། |
| འཁོར་མཐའ་མེད་པ |
1 འཇལ་གསབ་དཀའ་བའི་བྱས་དྲིན་ཆེན་པོ། 2 འཁོར་བ་རྫོགས་མཐའ་མེད་པ། |
| འཁོར་མོ |
ཁོལ་མོ་སྟེ་གཡོག་མོ། |
| འཁོར་ཞག |
གནས་སྐབས་ཀྱི་དགོངས་ཞུ། ཁོ་ལས་ཁུངས་ནས་འཁོར་ཞག་ཞུས་ཏེ་ཕྱིན་སོང༌། |
| འཁོར་ཟུག |
ཁོར་ཟུག་དང་འདྲ། |
| འཁོར་ཟླུམ |
གཉེན་འཁོར་འཁོར་པ་རྣམས་མཐུན་ཐབས་བྱེད་པ། |
| འཁོར་འཐོམས |
མགོ་ཡུ་འཁོར་ནས་ཤེས་པ་འཐོམས་པ། |
| འཁོར་འདབ |
ཉེ་འབྲེལ་ལྟོས་བཅས། |
| འཁོར་འདབས |
ཉེ་འདབས། གངས་རེ་ཆེན་པོའི་འཁོར་འདབས་སུ་མཚོ་མང་པོ་ཡོད། |
| འཁོར་འདས |
སྲིད་པ་འཁོར་བ་དང༌། ཞི་བ་མྱ་ངན་ལས་འདས་པའོ། |
| འཁོར་འདས་དབྱེར་མེད |
འཁོར་བ་དང་མྱང་འདས་གཉིས་ཆོས་ཉིད་བདེན་པར་མེད་པའི་ངང་དུ་དབྱེར་མེད་པའམ་མཉམ་ཉིད་དུ་འཛིན་པ། |
| འཁོར་འཚེམ |
འཁོར་ལོའི་འཚེམ་བུ། |
| འཁོར་ཡུག |
ཁོར་ཡུག་གི་འབྲི་ཚུལ་གཞན |
| འཁོར་ཡུན |
སྐོར་བ་ཐེངས་གཅིག་འཁོར་བའི་དུས་ཡུན། |
| འཁོར་ཡུལ |
རྙིང ཡུལ་མི་དང་འཁོར་གཡོག |
| འཁོར་རེས |
རེ་མོས། |
| འཁོར་རོ་རོ |
སྒོར་འཁྱིལ་འཁྱིལ། མི་མང་པོ་འཁོར་རོ་རོར་འཁྲབ་ཀྱིན་འདུག |
| འཁོར་རྒྱ |
རྒྱ་ཁྱོན། |
| འཁོར་རྣམ་བཞི |
སྟོན་པའི་འཁོར་རྣམ་པ་བཞི་ཁྱིམ་པ་ཕོ་མོ་གཉིས་དང༌། རབ་ཏུ་བྱུང་བ་ཕོ་མོ་གཉིས་ཏེ། དགེ་སློང་དང༌། དགེ་སློང་མ། དགེ་བསྙེན། དགེ་བསྙེན་མ་བཅས་སོ། |
| འཁོར་ལངས་པ |
གནག་ཕྱུགས་མོ་རིགས་ཀྱི་ཆགས་སེམས་ལངས་པ། |
| འཁོར་ལོ |
1 སྐོར་བ་འཁོར་ཐུབ་པའི་འཕྲུལ་ཆས་སྒོར་དབྱིབས་ཅན། གསེར་གྱི་འཁོར་ལོ། ཆུ་འཁོར། མེ་འཁོར། 2 འཕྲུལ་འཁོར། ཚེམ་བུའི་འཁོར་ལོ། ཆུ་ཚོད་འཁོར་ལོ། 3 ཤིང་རྟ། འཁོར་ལོ་བཀག་པ། ལམ་བྱང་ལ་བཞག་ནས་འཁོར་ལོ་ལྷོ་ལ་གཏོང་བ། 4 གསང་སྔགས་རྡོ་རྗེ་ཐེག་པའི་ཡི་དམ་ལྷའི་ཕྱག་མཚན་ཞིག་དབྱིབས་འཁོར་ལོ་ལྟ་བུ། རྩིབ་རིམ་གྱི་ཁ་ཕྱིར་གདངས་ཤིང་མུ་ཁྱུད་མེད་པ། རྩེ་མོ་མཆོག་ཏུ་རྣོ་ཞིང་རྡོ་རྗེའི་ཡུ་བ་ཅན་ཞིག 5 གཟའ་སྐར་སོགས་སོ་སོའི་སྡེའམ་ཁོངས་ཀྱི་གྲངས་འབོར་ཏེ། གཟའ་དང་བྱེད་པའི་འཁོར་ལོ་བདུན། སྐར་སྦྱོར་གཉིས་ནི་ཉེར་བདུན་ཏེ། ཆུ་ཚོད་ཆུ་སྲང་དྲུག་ཅུ་ལ། དབུགས་དྲུག་ཆ་ཤས་མང་ཉུང་དང༌། གནས་ལ་ངེས་པ་མེད་པ་ཡིན། རང་རང་འཁོར་ལོ་གང་ལོངས་པ། ཕུད་པའི་ནོར་དེ་གོང་མར་བསྲེ། ཞེས་པ་ལྟར་རོ། 6 མངོན རྒྱུ་སྐར་གྱི་གོ་ལའི་འཁོར་ལོ་ལ་ཉེར་བདུན་ཡོད་པས་གྲངས་ཉེར་བདུན་མཚོན། |
| འཁོར་ལོ་གསུམ |
འཁོར་ལོ་རྣམ་གསུམ་དང་དོན་གཅིག་ |
| འཁོར་ལོ་ཅན |
མངོན 1 སྦྲུལ། 2 ངུར་པ། |
| འཁོར་ལོ་ཆེན་པོ་བཞི |
མཐུན་པར་གྱུར་པའི་ཡུལ་ན་གནས་པ་དང༌། སྐྱེས་བུ་དམ་པ་ལ་བརྟེན་པ། སྨོན་ལམ་བཏབ་པ། བསོད་ནམས་བསགས་པ་བཅས་བཞིའོ། |
| འཁོར་ལོ་ཆེན་པོའི་རྫོགས་རིམ་བྱིན་རླབས་བཞི |
ལུས་བྱིན་རླབས་དང༌། ངག་བྱིན་རླབས། ཡིད་བྱིན་རླབས། དེ་ཁོ་ན་ཉིད་ཀྱི་བྱིན་རླབས་བཅས་བཞིའོ། |
| འཁོར་ལོ་བདེ་མཆོག |
ཡི་དམ་གྱི་ལྷ་ཞིག |
| འཁོར་ལོ་བྱེད |
མངོན མཚན་མོ། |
| འཁོར་ལོ་རིན་པོ་ཆེ |
རྒྱལ་སྲིད་སྣ་བདུན་གྱི་གྲས་ཤིག |
| འཁོར་ལོ་རིམ་པ་གསུམ |
ཆོས་ཀྱི་འཁོར་ལོ་རིམ་པ་གསུམ་དང་དོན་གཅིག་ |
| འཁོར་ལོ་རྣམ་གསུམ |
1 ཀློག་པ་ཐོས་བསམ་གྱི་འཁོར་ལོ་དང༌། སྤོང་བ་བསམ་གཏན་གྱི་འཁོར་ལོ། བྱ་བ་ལས་ཀྱི་འཁོར་ལོ་བཅས་གསུམ་མོ། 2 ཆོས་ཀྱི་འཁོར་ལོ་རིམ་པ་གསུམ་དང་དོན་གཅིག་ |
| འཁོར་ལོ་རྩིབས་བརྒྱད |
རྩིབས་བརྒྱད་ཡོད་པའི་འཁོར་ལོ། |
| འཁོར་ལོ་རྩིབས་སྟོང |
རྩིབས་སྟོང་ཕྲག་ཡོད་པའི་འཁོར་ལོ། |
| འཁོར་ལོ་སྒྱུར་བ |
1 འཕྲུལ་འཁོར་གཏོང་མཁན། 2 རླངས་འཁོར་སོགས་ཀྱི་ཁ་སྒྱུར་བ། |
| འཁོར་ལོ་སྡོམ་པ |
བདེ་མཆོག |
| འཁོར་ལོ་སྣོན་དང་མ་སྣོན |
གཟའ་རྣམས་ཀྱི་ཉི་བར་ལས་སྐྱེས་སྐར་སྦྱངས་ཚེ་མ་འདང་ན་འཁོར་ལོ་27 སྣོན་དགོས། འདང་ན་སྣོན་མི་དགོས། |
| འཁོར་ལོའི་གདོང |
མངོན རི་ཕག |
| འཁོར་ལོའི་དབྱེན |
དགེ་འདུན་འཁོར་ལོའི་དབྱེན་དང་དོན་གཅིག་ |
| འཁོར་ལོའི་བླ་མ |
མངོན འདོད་ལྷ། |
| འཁོར་ལོའི་མགྲིན |
མངོན རྔ་མོ། |
| འཁོར་ལོའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་བླ་མ་རྣམས་ལ་སྐྱེལ་བ་དང་བསུ་བ་ལ་སོགས་པས་ཕྱག་དང་ཞབས་འཁོར་ལོའི་མཚན་དང་ལྡན་པ། |
| འཁོར་ལོའི་ཡན་ལག |
མངོན ངང་པ། |
| འཁོར་ལོའི་རེ་ཁཱ |
ལེགས 1 འཁོར་ལོའི་རི་མོ། 2འཁོར་ལོའི་མཐའ་སྐོར། |
| འཁོར་ལོའི་རྐང |
མངོན གླང་པོ་ཆེ། |
| འཁོར་ལོའི་རྟིང་ག |
ཤིང་གི་ཕོར་པ་སོགས་དཀྲུག་བྱེད་འཁོར་ལོའི་རྟིང་ལྕགས་འཛུགས་སའི་ཤིང་གྲུ་བཞི། |
| འཁོར་ལོའི་རྟིང་ལྕགས |
ཤིང་གི་ཕོར་པ་སོགས་དཀྲུག་བྱེད་ཀྱི་འཁོར་ལོའི་རྟིང་པའི་ལྕགས། |
| འཁོར་ལོའི་རྩོད་པ་ཞི་བྱེད |
འདུལ་བ་གཞི་བཅུ་བདུན་གྱི་ནང་གསེས། རྩོད་པ་ཕྱིར་བཅོས་ཀྱི་གཞི་གསུམ་གྱི་ཡ་གྱལ། དགེ་འདུན་འཁོར་ལོའི་དབྱེན་བྱུང་བ་ཕྱིར་བཅོས་ནི་མཆོག་ཟུང་གཅིག་གིས་འདུམ་པར་མཛད་པའོ། |
| འཁོར་ལོའི་ལུས |
མངོན གདུགས་སམ་ཉི་གདུགས། |
| འཁོར་ལོས་འགྲོ་བ |
མངོན ཤིང་རྟ། |
| འཁོར་ལོས་འཚོ |
མངོན རྫ་མཁན། |
| འཁོར་ལོས་སྒྱུར་བའི་རྒྱལ་པོ |
མི་རྣམས་ཀྱི་ཚེ་ལོ་དཔག་མེད་ནས་བརྒྱད་ཁྲིའི་བར་ཁོ་ནར་འབྱུང་བ་གསེར་དངུལ་ཟངས་ལྕགས་ཀྱི་འཁོར་ལོས་གླིང་བཞིའི་སྐྱེ་བོ་ལ་དབང་བསྒྱུར་བའི་ངང་ཚུལ་ཅན། མིང་གི་རྣམ་གྲངས་ལ་ཀུན་དབང་དང༌། གནམ་བསྐོས། མ་ལུས་རྒྱལ་པོ། མི་ཡི་ལྷ། ཡང་དག་རྒྱལ་པོ། ལྷག་པའི་དབང་ཕྱུག་བཅས་སོ། |
| འཁོར་ལྔ་སྡེ་བཟང་པོ |
སྟོན་པ་ཤཱཀྱ་ཐུབ་པས་གནས་ཝ་ར་ཎ་སིར་དུས་ཆུ་སྟོད་ཟླ་བའི་ཚེས་བཞི་ནས་བརྩམས་ཏེ། ཆོས་བདེན་པ་བཞིའི་འཁོར་ལོ་བསྐོར་བ་ན། ཐོག་མར་ཡེ་ཤེས་ཁོང་ཆུད་ཀྱིས་བསྙེན་པར་རྫོགས་ནས་དགྲ་བཅོམ་ཐོབ་པའི་འཁོར་ལྔ་ཀུན་ཤེས་ཀཽཎྜི་ནཡ་དང༌། རྟ་ཐུལ། རླངས་པ། མིང་ཆེན། བཟང་ལྡན་རྣམས་སོ། |
| འཁོར་ལྷ |
ཡི་དམ་ལྷའི་འཁོར། |
| འཁོར་ས |
1 གཅར་སའམ་གནས་ས། ཕྲུ་གུ་འཁོར་ས་ཕ་མ་ཡིན། རི་དྭགས་འཁོར་ས་དབེན་ས་ཡིན། 2 ཁ་གཏད་ཡུལ། ཁ་འཁོར་ས་ཉི་མ། རྒྱབ་འཁོར་ས་ལྷགས་པ། |
| འཁོར་ས་འཁྱིལ་ས |
འཁོར་སའམ་བརྟེན་ཡུལ། |
| འཁོར་སེམས |
རང་འཁོར་དུ་འགྲོ་ཡུལ་གྱི་གཙོ་སེམས་ཡོད་པ་སེམས་བྱུང་རྣམས་སོ། |
| འཁོར་སེམས་བྱུང |
གཙོ་སེམས་ལས་བྱུང་ཞིང་སེམས་ཀྱི་འཁོར་དུ་གཏོགས་པའམ་རྗེས་སུ་འགྲོ་བའི་ཡིད་ཤེས། |
| འཁོར་སྐར |
རྒྱུ་སྐར་གྱི་མཐའ་ནས་འཁོར་བའི་སྐར་མ་ཡིན་ཞིང༌། སྤྱིར་རྒྱུ་སྐར་ལས་ཆུང་ལ། རང་ཉིད་ལས་འོད་འཕྲོ་རྒྱུ་མེད་པ་དཔེར་ན་ཟླ་བ་སའི་གོ་ལའི་འཁོར་སྐར་ཡིན་པ་ལྟ་བུ། མིས་བཟོས་འཁོར་སྐར། |
| འཁོར་སྒྱུར་གྱི་ཉེ་བའི་རིན་ཆེན་བདུན |
རལ་གྲི་རིན་པོ་ཆེ་དང༌། པགས་པ་རིན་པོ་ཆེ། ཁྱིམ་རིན་པོ་ཆེ། ཚལ་རིན་པོ་ཆེ། གོས་རིན་པོ་ཆེ། ལྷམ་རིན་པོ་ཆེ། མལ་ཆ་རིན་པོ་ཆེ་སྟེ་བདུན། |
| འཁོར་སྒྱུར་གྱི་འཁོར་ལོའི་ཁྱད་ཆོས་དྲུག |
མྱུར་དུ་འགྲོ་བ་དང༌། གཞན་དུ་འགྲོ་བ། མ་རྒྱལ་བ་ལས་རྒྱལ་བར་བྱེད་པ། རྒྱལ་བ་རྣལ་དུ་འགོད་པ། མཐོ་བ་ལ་འཕར་བ། དམའ་བ་ལ་འབབ་པ། |
| འཁོར་སྒྱུར་ལྔ |
འཁོར་ལོས་སྒྱུར་བའི་རྒྱལ་པོ་ལྔ་ང་ལས་ནུ་དང༌། མཛེས་པ། ཉེ་མཛེས། མཛེས་ལྡན། ཉེ་མཛེས་ལྡན་ཏེ་ལྔ། |
| འཁོལ |
འཁལ་བའི་སྐུལ་ཚིག་ 2.བཀོལ་གྱི་ད་ལྟ་བ ཁོལ་གྱི་མ་འོངས་པ 3.མ་འོངས་པ་སྟེ ཆུ་འཁོལ་ལ་ཁད་ཡོད ཆུ་འཁོལ་ཁར་རླངས་པ་ཆེ་ལྟ་བུ |
| འཁོལ་ཆུ་གཙང་པོ |
འབབ་ཆུ་ཞིག་ཆུ་འགོ་བོད་རང་སྐྱོང་ལྗོངས་ཀྱི་གམ་པ་རྫོང་གི་བྱང་རྒྱུད་དུ་ཡོད། སྨད་རྒྱུད་ལ་གཡས་རུ་གཙང་པོ་ཟེར། མཐར་བུམ་ཆུ་དང་འདྲེས་ཏེ་བལ་ཡུལ་དུ་འབབ། |
| འཁོལ་པོ |
ཧུར་པོ། སེམས་རྩ་འཁོལ་པོ། |
| འཁོལ་བ |
1. ཐ་དད་པ བཀོལ་བ། བཀོལ་བ། ཁོལ།།སྐུལ་བ་དང་བེད་སྤྱོད་པ། བྲན་དུ་བཀོལ་བ། ལས་སུ་འཁོལ་བ། རྟ་དྲེལ་བཀོལ་སྤྱོད་ཀྱིས་སྐྱེལ་འདྲེན་བྱེད་པ། 2. ཐ་མི་དད་པ ཁོལ་བ། འཁོལ་བ།། 1 ཆུ་སོགས་བསྐོལ་ཏེ་གདུས་པ། ཇ་བསྐོལ་ནས་ཁོལ་བ། སྨན་ཁོལ་བ། ཆུ་འཁོལ་ལ་ཁད་པ། 2 དུལ་བ་དང༌། ཐུལ་བའམ་འཁུལ་བ། ཇི་ལྟར་བཀོལ་བ་ལྟར་འཁོལ་བ། བཙན་ཤུགས་ཀྱིས་ལས་སུ་བསྐུལ་ཀྱང་མ་འཁོལ། |
| འཁོས་ཀ |
འབྱོར་པ་དང་འཇོན་སྟངས། མི་སོ་སོའི་འཁོས་ཀ་དྲག་ཞན་སྣ་ཚོགས་ཡོང༌། ལས་ཀ་བྱེད་སྐབས་རང་ལ་འཁོས་ཀ་ངེས་ཅན་ཞིག་དགོས། འཁོས་ཀས་ཤིག་མི་ཟིན་རུང༌། བྱང་འབྲོང་གཤོར་བའི་གྲོས་བྱེད། |
| འཁོས་ཁ |
འཁོས་ཀ་དང་འདྲ། |
| འཁོས་དཔག |
ནུས་སྟོབས་ལ་གཞིགས་པ། སོ་སོའི་འཁོས་དཔག་གི་ལས་འགན་འཁུར་རྒྱུ། |
| འཁོས་པ |
རྙིང ཆུད་མི་ཟ་བ། |
| འཁོས་ཕེབས་པ |
རྙིང ཆུད་མི་ཟ་བ། |
| འཁོས་བབ |
སྟོབས་ནུས་ཀྱི་རང་བཞིན་ནམ་ཚུལ། རང་གི་འཁོས་བབ་དང་མཚུངས་པའི་ལས་ཁུར་ལེན་བཞིན་དུ་ཡོད། |
| འཁོས་བསྟུན |
ནུས་སྟོབས་དང་བསྟུན་པ། ཁོ་རང་འཁོས་བསྟུན་གྱི་ལས་ཀ་གང་ཤེས་གང་ལྕོགས་ལག་ལེན་བྱེད་སྒང་རེད། |
| འཁོས་ལྕོགས |
འཁོས་ཀས་ལྕོགས་ཚོད། ཕྱི་ནང་གང་སར་འཁོས་ལྕོགས་ཀྱི་ལས་ཀར་འབད་འབུངས་ཞུ་མུས་རེད། |
| འཁོས་སུ་ཕབ་པ |
རྙིང རང་གནས་སུ་འཇོག་པའམ་ལོགས་སུ་འཇོག་པ། |
| འཁྱ་གེ་འཁྱོག་གེ |
འཁྱོག་པོ་ལ་ལྟོས |
| འཁྱ་རེ་འཁྱོར་རེ |
ཁྱ་རེ་ཁྱོར་རེ་ཡི་འབྲི་ཚུལ་གཞན |
| འཁྱག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དྲོད་ཉམས་པའི་དོན་ཏེ ནམ་ཟླ་འཁྱག་སྐབས ནམ་ཟླ་འཁྱག་ཁ་ཞེས་པ་ལྟ་བུ |
| འཁྱག་གྲང |
གྲང་ངད། |
| འཁྱག་ཆེན་གངས་རུད |
ཤྭ་ལམ་ཞིག་བོད་རང་སྐྱོང་ལྗོངས་ཀྱི་སྤོ་མེས་རྫོང་ཁོངས་སུ་ཡོད། |
| འཁྱག་དུས |
1 གྲང་བའི་སྐབས། 2 མངོན དགུན་ཁའི་མིང༌། |
| འཁྱག་པ |
ཐ་མི་དད་པ འཁྱགས་པ། འཁྱག་པ།། གྲང་བར་འགྱུར་བ། ལུས་འཁྱགས་ནས་འདར་བ། འཁྱགས་ལྟོགས་གཉིས་མནར། |
| འཁྱག་པོ |
1 གྲང་མོའམ་བསིལ་པོ། ད་ནང་གནམ་གཤིས་འཁྱག་པོ་ཞིག་བྱུང༌། 2 སྲན་བཟོད་པའམ་ཁུར་ཐེག་པོ། ཧ་ཅང་སྡུག་རུས་འཁྱག་པོ། |
| འཁྱག་འཁྱོག |
ཀྱག་ཀྱོག འཁྱག་འཁྱོག་གི་ལམ་འཛེག་རྒྱུར་མ་སྐྲག་ན་ཡང་རྩེར་སླེབས་ཐུབ། |
| འཁྱག་འདར |
གྲང་ངད་མ་བཟོད་པར་འདར་བ། |
| འཁྱག་རོམ |
འཁྱག་བག |
| འཁྱག་ལྷང་ལྷང |
འཁྱག་ཚུལ་ལམ་གྲང་བར་འགྱུར་ཚུལ། གཟུགས་པོ་འཁྱག་ལྷང་ལྷང་བྱས་བྱུང༌། |
| འཁྱག་སྣང |
འཁྱག་པའི་སྣང་བའམ་ཚོར་བ། |
| འཁྱགས |
(རྒྱན་ཚིག) དྲོད་མེད་པའི་དོན་ཏེ ཇ་འཁྱགས ས་འཁྱགས རྡོ་འཁྱགས་ཞེས་པ་ལྟ་བུ འཁྱག་ལ་ལྟོས 2.འདས་པ་སྟེ ཆུ་འཁྱགས་ནས་ཆབ་རོམ་ཆགས ནམ་ཟླ་འཁྱགས་ནས་ཁ་བ་བབས་ཞེས་པ་ལྟ་བུ |
| འཁྱགས་གས |
ཧ་ཅང་གྲང་བས་སེར་ག་གས་པ། |
| འཁྱགས་གོང |
ཆུ་སོགས་གྲང་ངད་ཀྱིས་གོང་བུར་གྱུར་པ། |
| འཁྱགས་གྲི |
གྲང་ངར་མ་བཟོད་པར་ཤི་བ། འཁྱགས་གྲིར་ཐེབས་པ། |
| འཁྱགས་དོགས |
འཁྱག་ཡོང་བསམ་པའི་དོགས་པ། དགུན་ལྷགས་པ་ལངས་དུས་འཁྱགས་དོགས་བྱས། |
| འཁྱགས་དོང |
དྲོད་ཀྱིས་གནོད་མི་ཚུགས་པའི་ས་དོང༌། |
| འཁྱགས་ནད |
ལུས་འཁྱགས་པའི་ནད། |
| འཁྱགས་པ |
1. འཁྱག་པའི་འདས་པ། 2.ཆབ་རོམ། འཁྱགས་སོབ། གཙང་པོར་འཁྱགས་པ་བརྒྱབ་པའི་སྟེང་དུ་མི་ཕྱུགས་ཕར་ཚུར་འགྲོ་ཐུབ། འཁྱགས་པ་ཞུ་ནས་དཔྱིད་དཔལ་རྒྱས། འཁྱགས་པ་སིལ་སིལ་ཆགས་པའི་ཆུ་འབོགས་པ། |
| འཁྱགས་བག |
ཆུ་སོགས་ལ་ཆགས་པའི་འཁྱགས་པའམ་དར། |
| འཁྱགས་ཞུན |
འཁྱགས་པ་ཞུ་བའི་ཆུ། |
| འཁྱགས་འབུར |
གྲང་ངད་ཀྱིས་ཐོན་པའི་ཐོར་པ་སིབ་སིབ་ཅིག |
| འཁྱགས་འབྲུམ |
འཁྱགས་ཏེ་སྐྱེས་པའི་འབྲུམ་བུ་ལྟ་བུ། |
| འཁྱགས་རུམ |
འཁྱགས་པའི་སྦུབས་སམ་དབུས། |
| འཁྱགས་རེངས |
ལུས་འཁྱགས་ནས་ཡན་ལག་སོགས་བརྐྱང་བསྐུམ་མི་ཐུབ་པ། |
| འཁྱགས་རོམ |
འཁྱགས་བག་གམ་དར། འཁྱགས་རོམ་ཅུང་ཙམ་ཞུ་བ། |
| འཁྱགས་ཤི |
གྲང་ངད་ཀྱིས་ཤི་བ། |
| འཁྱགས་ཤུར་གློད་པ |
འཁྱགས་པའི་སྟེང་དུ་འཁྱགས་འདྲེད་གློད་པ། |
| འཁྱགས་སྡོང |
འཁྱགས་པ་གོང་བུར་འདྲིལ་བའི་སྡོང་པོ་ལྟ་བུ། |
| འཁྱགས་སྤྲིས |
འོ་མ་བསྐོལ་བ་སོགས་གྲང་ནས་ཆགས་པའི་ཁ་སྤྲིས། འོ་མའི་འཁྱགས་སྤྲིས། ཤ་ཁུའི་འཁྱགས་སྤྲིས། |
| འཁྱགས་སྦོས |
གྲང་དྲགས་ནས་གཟུགས་དང་རྨ་སོགས་ལ་བྱུང་བའི་སྐྲང་སྦོས། |
| འཁྱགས་སྦྲེབས |
ཧ་ཅང་གྲང་མོར་གྱུར་ནས་ལུས་ཚོར་ཉམས་པ། དགུན་དུས་ཕྱུགས་ར་མེད་ན་ཕྱུགས་རྣམས་འཁྱགས་སྦྲེབས་སུ་འཆོར་ཉེན་ཡོད། |
| འཁྱགས་སྦྲེས |
ལུས་འཁྱགས་པ་དང་གྲོད་པ་ལྟོགས་པ། |
| འཁྱགས་ཧྲེངས |
འཁྱགས་ནས་རེངས་པ། རྐང་ལག་ལ་འཁྱགས་ཧྲེངས་ཐེབས་ནས་བརྐྱང་བསྐུམ་མི་ཐུབ། |
| འཁྱམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དམིགས་ཡུལ་ངེས་ཅན་ཞིག་མེད་པར་གང་ས་གང་ལ་འགྲོ་བའི་དོན་ཏེ དབུལ་བོ་ས་མཐར་མི་འཁྱམ་ཀ་མེད་བྱུང་ སྤྲང་འཁྱམ མི་འཁྱམ་ཞེས་པ་ལྟ་བུ |
| འཁྱམ་པ |
ཐ་མི་དད་པ འཁྱམས་པ། འཁྱམ་པ། འཁྱོམས།། ཡུལ་ཕྱོགས་གང་ཞིག་ཏུ་དགོས་དོན་མེད་པར་ཉུལ་འགྲོ་བ། མུན་ནག་གི་ནང་དུ་འཁྱམ་དུས་སྲིན་འབུ་མེ་ཁྱེར་ཞིག་མཐོང་ཡང་དགའ་སྣང་སྐྱེ་བ། |
| འཁྱམ་པོ |
1 གནས་ངེས་མེད་དུ་འཁྱམ་མཁན། 2 གཉན་ནད་རིགས་བཅོ་བརྒྱད་ཀྱི་ནང་ཚན་ཞིག་ནད་རྟགས་སུ་སྐེ་དང༌། ལྐོག་མ། མཇིང་པའི་ལྡེབས་སོགས་ལ་སྒོ་ང་འདྲ་བའི་སྐྲངས་འབུར་འབྱུང་བ་ཞིག |
| འཁྱམ་འཁྱམ |
གནས་ངེས་མེད་དུ་འགྲོ་བ། |
| འཁྱམས |
འདས་པ་སྟེ ས་མཐར་འཁྱམས རྒྱ་སྲང་ལ་འཁྱམས་ལྟ་བུ |
| འཁྱམས་ཉུལ |
གནས་ངེས་མེད་དུ་འགྲོ་སྐྱོད། ཡུལ་གཞན་ལ་འཁྱམས་ཉུལ་དུ་སོང༌། |
| འཁྱམས་པ |
འཁྱམ་པའི་འདས་པ། |
| འཁྱམས་པོ |
འདུག་གནས་ངེས་ཅན་མེད་པར་འགྲོ་བའི་མིའམ་བདག་པོས་བོར་བའི་ཕྱུགས་ཏེ མི་འཁྱམས་པོ རྟ་འཁྱམས་པོ་ཞེས་པ་ལྟ་བུ |
| འཁྱམས་འཁྱམས་པ |
ཡང་ནས་ཡང་དུ་འཁྱམས་འགྲོ་བ། མི་འགའ་ཞིག་ཁྱིམ་ལ་སྡོད་མི་ཚུགས་པར་ཕྱི་རོལ་དུ་ཉིན་ལྟར་འཁྱམས་འཁྱམས་པ། |
| འཁྱར |
བདག་པོས་བོར་བའི་ཕྱུགས་སམ་དངོས་རྫས་ཏེ འཁྱར་ཟོག ཁྱི་འཁྱར་ཞེས་པ་ལྟ་བུ (བྱེད་མེད་ལས་ཚིག) གསང་ཤོར་བའི་དོན་ཏེ སྐད་ངན་རླུང་འཁྱར་མ་བྱེད གསང་གཏམ་གཞན་ལ་མ་འཁྱར གསང་ཡིག་དགྲ་ལ་མ་འཁྱར་ལྟ་བུ |
| འཁྱར་པོ |
ཡན་པོའམ་ཁུངས་དང་རྟེན་གཞི་མེད་པ། ཁྱི་འཁྱར། མི་འཁྱར། ཡི་གེ་འཁྱར་པོ། སྐད་ཆ་འཁྱར་པོ། |
| འཁྱར་བ |
ཐ་མི་དད་པ ཁ་འཐོར་བའམ་ཡ་གྱར་བ། ཡུལ་གཞན་དུ་འཁྱར་བ། ཕྱོགས་ཀུན་ཏུ་འཁྱར་བ། |
| འཁྱར་བོན |
ཐོག་མར་ཁ་ཆེ་དང༌། བྲུ་ཤ། ཞང་ཞུང་སོགས་སུ་དར་ཞིང༌། དེ་ནས་གྲི་གུམ་བཙན་པོའི་རྗེས་སུ་བོད་ཕྱོགས་ལ་མཆེད་པའི་བོན་ཞིག |
| འཁྱར་འཁྱོར |
ལུས་ཚུགས་མི་བརྟན་པའི་གོམ་འགྲོས། གོམ་སྟབས་འཁྱར་འཁྱོར་དུ་འགྲོ་བ། |
| འཁྱལ |
(བྱེད་མེད་ལས་ཚིག) ཚིག་སྔ་ཕྱི་འབྲེལ་བ་མེདཔའམ་དོན་སྔ་ཕྱི་འབྲེལ་བ་མེད་པའི་དོན་ཏེ ངག་འཁྱལ་ཞེས་པ་ལྟ་བུ སྔར་གནས་ནས་ཕར་ཡོ་བའི་དོན་ཏེ རྩིག་པ་འཁྱལ ཁང་བ་འཁྱལ་ན་བསྐྱར་བཅོས་བྱེད་དགོས་ལྟ་བུ |
| འཁྱལ་པ |
དོན་མེད་པ་དང༌། འབྲེལ་བ་མེད་པ། ངག་འཁྱལ། དོན་མེད་གཏམ་འཁྱལ། |
| འཁྱལ་ཚིག |
དོན་མེད་ངག་ཀྱལ་གྱི་ཚིག |
| འཁྱིག |
ད་ལྟ་བ་ལུག་འཁྱིག་མཁན་འཁྱིག་བྱེད་ཀྱི་ཐག་པ་ཞེས་པ་ལྟ་བུ། |
| འཁྱིག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དམ་པོར་ཆིངས་པའི་དོན་ཏེ སོ་འཁྱིག ཁ་འཁྱིག་ཅེས་པ་ལྟ་བུ |
| འཁྱིག་པ |
ཐ་དད་པ བཀྱིགས་པ། བཀྱིག་པ། ཁྱིགས།། འཆིང་བ། རྐང་ལག་བཀྱིགས་པ། |
| འཁྱིགས |
འདས་པ་སྟེ སོ་འཁྱིགས་ནས་ཁ་གདངས་དཀའ་ཞེས་པ་ལྟ་བུ བཀྱིག་གི་ད་ལྟ་བ |
| འཁྱིད |
མཁྱིད་ཀྱི་འབྲི་ཚུལ་གཞན |
| འཁྱིམས |
ཉི་འོད་དམ་ཟླ་འོད་སྤྲིན་རིམ་ལ་ཕོག་ཚེ་སླར་ལྡོག་ནས་འཕྲོས་པའི་འོད་ལ་བརྟེན་ནས་མཐོང་བའི་ཉི་ཟླའི་མཐའི་འཇའ་ཚོན་ཟླུམ་པོའི་མིང་སྟེ ཉི་འཁྱིམས ཟླ་འཁྱིམས ཉི་འཁྱིམས་ཆར ཟླ་འཁྱིམས་རླུང་ཞེས་པ་ལྟ་བུ (བྱེད་མེད་ལས་ཚིག) སྣོད་སོགས་ཀྱི་ནང་དུ་དངོས་རྫས་གང་བར་གྱུར་ནས་ཕྱི་ལ་ཐོན་དཀའ་བའི་དོན་ཏེ སྐྲངས་པར་རྣག་འཁྱིམས རྫ་སྣོད་དུ་རླངས་པ་འཁྱིམས་ལྟ་བུ |
| འཁྱིམས་པ |
རྙིང སྐོར་བ། འོད་ཀྱིས་མཐའ་ནས་འཁྱིམས། |
| འཁྱིར |
(བྱེད་འབྲེལ་ལས་ཚིག) གདུགས་འཁྱིར་བ་སྟེ་གདུགས་བསྐོར་བའི་དོན དཔེར་ན མགོ་ལ་གདུགས་འཁྱིར་ཞེས་པ་ལྟ་བུ ཡུལ་སྐད་དུ་གདུགས་བསྐོར་ཟེར |
| འཁྱིར་བ |
ཐ་མི་དད་པ འཁོར་བ། གདུགས་འཁྱིར་བ། ཀླད་པ་གཟི་ཡོམ་འཁྱིར་བ། |
| འཁྱིལ |
(བྱེད་མེད་ལས་ཚིག) དུང་གི་རོ་མོ་ལྟར་འཁྱོག་པའི་དོན་ཏེ ཐག་པ་འཁྱིལ སྦྲུལ་འཁྱིལ་ལྟ་བུ ཆུ་སོགས་གཤེར་ཁུ་ལྷན་དུ་འདུས་པའི་དོན་ཏེ ཆུ་འཁྱིལ རྒྱ་མཚོ་འཁྱིལ་ལྟ་བུ |
| འཁྱིལ་ཆུ |
1 རྫིང་ཆུ་དང༌། ཀོ་མོག་གི་ཆུ། འཁྱིལ་ཆུ་ཡུར་བར་འདྲེན། 2 བོད་རང་སྐྱོང་ལྗོངས་ཀྱི་འབྲི་རུ་རྫོང་གི་ལྷོ་རྒྱུད་ཀྱི་འབབ་ཆུ་ཞིག་ཡིན་ཞིང༌། དེའི་ཆུ་འགོ་གཉན་ཆེན་ཐང་ལྷའི་རི་རྒྱུད་ཀྱི་བྱང་ངོས་ནས་བྱུང་སྟེ་དཔལ་འབར་རྫོང་ཁོངས་ས་སྟེང་གི་ཉེ་འདབས་སུ་རྒྱལ་མོ་རྔུལ་ཆུའི་ནང་དུ་འབབ། |
| འཁྱིལ་པ |
མངོན 1 སྐྲ། 2 ཆུའི་ཀློང་འཁོར། 3 སྦྲུལ། |
| འཁྱིལ་པ་ལོགས་རིངས |
མངོན སྦྲུལ། |
| འཁྱིལ་བ |
1. ཐ་མི་དད་པ 1 འདུ་བ། འོད་དུ་འཁྱིལ་བ། རྫིང་བུའི་ནང་དུ་ཆུ་འཁྱིལ་འདུག 2 འཁྱིལ་ལེར་འཁོར་བ། སྒོར་མོར་འཁྱིལ་ནས་ཉལ་བ། དུང་དཀར་གཡས་འཁྱིལ། སྦྲུལ་འཁྱིལ་བ། 2. ལུས་ཀྱི་རྩའི་བྱེ་བྲག་ཅིག |
| འཁྱིལ་རླུང |
འཁོར་ནས་ལྡང་བའི་རླུང་འཚུབ། |
| འཁྱུག |
འཁྱུག་ཡིག་གི་བསྡུས་ཚིག་ |
| འཁྱུག |
(བྱེད་མེད་ལས་ཚིག་མ་འོངས་པ་དང་ད་ལྟ་བ) ཀྱ་ཀྱུར་གཡོ་བའི་དོན་ཏེ གློག་འཁྱུག་པ གློག་ལྟར་འཁྱུག་པ ཐག་པ་འཁྱུག་པ་ཞེས་པ་ལྟ་བུ 2.དུས་ཐུང་བའི་དོན་ཏེ འཁྱུག་ཙམ་བལྟས འཁྱུག་ཙམ་སོང་ལྟ་བུ |
| འཁྱུག་གཞས |
ཞབས་བྲོ་ཤིན་ཏུ་མགྱོགས་ལ་གཞས་ཀྱང་ཤིན་ཏུ་མགྱོགས་པའི་གླུ་གར་གཉིས་ཀྱི་རྣམ་པ་ཞིག |
| འཁྱུག་ཆེན |
བོད་ཡིག་ཧ་ཅང་འཁྱུག་པོ། |
| འཁྱུག་པ |
ཐ་མི་དད་པ འཁྱུགས་པ། འཁྱུག་པ།། མྱུར་བའམ་སྐྱེན་པ། འབྲུག་སྒྲ་ལྡིར་ཞིང་གློག་འོད་འཁྱུག་པ། ཉ་མོ་ཆུའི་ནང་དུ་འཁྱུག་ཅིང་འགྲོ། |
| འཁྱུག་པོ |
1 མྱུར་པོའམ་སྐྱེན་པོ། ཕྲུ་གུ་བདེ་ཅག་འཁྱུག་པོ། ལས་དོན་ལ་འཁྱུག་ཅིང་བློ་རིག་གྲིམ་པོ། 2 སྤྱན་བསལ་ལམ་འགྲོ་ཁུངས་ཟབ་པོ། མིག་ལམ་དུ་འཁྱུག་པོ་འདུག |
| འཁྱུག་བདེ |
ལུས་མཉེན་པའམ་ལུས་རྩལ་ཆེ་བ། |
| འཁྱུག་བྱེད |
མངོན མེ་ལྕེ། |
| འཁྱུག་མ་ཚུགས |
བོད་ཡིག་དབུ་མེད་ཚུགས་ཐུང་ཆུང་བ། |
| འཁྱུག་ཙམ |
ཁྱུག་ཙམ་དང་འདྲ། |
| འཁྱུག་འཁྱུག |
མྱུར་པོའམ་མགྱོགས་པོའི་རྣམ་འགྱུར། ཆུ་ལ་ཉ་མོ་བདེ་འཁྱུག་འཁྱུག་ཏུ་འགྲོ། |
| འཁྱུག་ཡིག |
བོད་ཡིག་དབུ་མེད་འབྲི་ཚུལ་མགྱོགས་ཤོས་ཀྱི་ཡིག་གཟུགས། |
| འཁྱུག་ལྡེམ |
ལུས་བདེ་ཞིང་ལྡེམ་པ། |
| འཁྱུགས |
འདས་པ་སྟེ གློག་འཁྱུགས་ནས་འབྲུག་གྲགས་ལྟ་བུ མཆོང་ལྡིང་བྱེད་པའི་དོན་ཏེ རྩ་འཁྱུག ཝ་འཁྱུག རྨ་ཚ་འཁྱུག་བྱེད ཉ་མོ་རྒྱ་མཚོའི་གཏིང་ན་འཁྱུག་ལྟ་བུ |
| འཁྱུགས་པ |
འཁྱུག་པའི་འདས་པ། |
| འཁྱུགས་སེ་འཁྱུག |
བདེ་མྱུར་དུ་འཁྱུག་པ། མུན་པའི་སྨག་རུམ་ཁྲོད་དུ་གློག་དམར་འཁྱུགས་སེ་འཁྱུག |
| འཁྱུད |
(བྱེད་མེད་ལས་ཚིག) ལག་པ་གཉིས་ཀྱིས་གཞན་བསྡམས་པའི་དོན་ཏེ བུ་ཕྲུག་མའི་སྐེ་ལ་འཁྱུད ཕན་ཚུན་འཁྱུད་ནས་བརྩེ་དུང་བསྟན སྡོང་པོ་ལ་འཁྱུད་ལྟ་བུ |
| འཁྱུད་ནས་ལྡང་བའི་མ་ནིང |
མ་ནིང་གི་བྱེད་བྲག་ཅིག |
| འཁྱུད་པ |
ཐ་དད་པ 1 འཐམས་པའམ་འཁྲིལ་བ། བུ་ཕྲུག་དགའ་ནས་ཨ་མ་ལ་འཁྱུད་པ། 2 འཁྲིག་པའམ་སྦྱོར་བ། 3 སོལ་དུ་འཁྱུད་གསུམ་གྱི་འཁྱུད་ནི་ད་ལྟ་བ། དཔེར་ན་ཚེས་འཁྱུད་ཟླ་སྐར། |
| འཁྱུད་འཐམ |
1 མཛའ་བཤེས་དགའ་སྡུག་ཆེས་པའི་རྣམ་འགྱུར། 2 འཁྲིག་སྤྱོད། |
| འཁྱུད་འཐུང |
མངོན སྐྱེས་མ་ཐག་པ་དང་ནུ་ཞོ་འཐུང་མཁན་ཕྲུ་གུ། |
| འཁྱུད་སྦྱར |
འཁྲིག་སྤྱོད། |
| འཁྱུན་བུ |
ཆུང་མ་མིན་པའི་མཛའ་མོ། |
| འཁྱུར་བ |
ཐ་མི་དད་པ འཕོ་བ། ལས་འགན་འཁྱུར་བ། |
| འཁྱུས |
བྲོས་པའི་བརྡ་རྙིང་ |
| འཁྱུས་པ |
ཐ་མི་དད་པ འབྲོས་པ། ཞེད་ནས་འཁྱུས་པ། རི་བོང་ལྟར་འཁྱུག་པོར་འཁྱུས་པ། |
| འཁྱེར |
མ་འོངས་པ་དང་ད་ལྟ་བ་སྟེ སློབ་གྲྭ་བས་དཔེ་ཆ་འཁྱེར་དགོས དཔེ་ཆ་འཁྱེར་མཁན་ཞེས་པ་ལྟ་བུ རྩིས་རིག་གི་སྒྱུར་བགོ་སྣོན་འཕྲི་བཞིའི་ནང་གི་བགོ་བའི་དོན་ལ་འཇུག་པ་ནི རྐྱང་བགོ་ཅི་ཙམ་ཐོབ་ཐོབ་ཁྱེར སྦྲགས་བགོ་ལ་འོག་མ་གཙོ་ཞེས་པ་ལྟ་བུ |
| འཁྱེར་དམན |
འཁོས་ཞན་ཏེ་དཔལ་འབྱོར་གྱིས་དབུལ་བའི་མི། དཔལ་འབྱོར་འཁྱེར་དམན། མི་སེར་འཁྱེར་དམན། |
| འཁྱེར་བ |
ཐ་དད་པ ཁྱེར་བ། འཁྱེར་བ། ཁྱེར།། ཁྱེད་ཀྱི་ལག་ཏུ་འཁྱེར་བ་དེ་ཅི་ཡིན། དཔེ་ཆ་ཁྱེར་ཤོག འཁྱེར་རྒྱུ་གྲིབ་ནག་དང༌། གཞག་རྒྱུ་རྐང་རྗེས། སྟོན་ཐོག་སད་ཀྱིས་ཁྱེར་སོང༌། ས་ཞིང་དང་ཁང་པ་བཅས་ཚང་མ་ཆུ་སྨྱོན་གྱིས་ཁྱེར་བ། |
| འཁྱེར་ཞན |
འཁྱེར་དམན་དང་དོན་གཅིག་ |
| འཁྱེར་འཁོས |
འཇོན་སྟངས་སམ་རྒྱུ་ནོར་གྱི་འཁོས་ཀ། འཁྱེར་འཁོས་ལ་གཞིགས་ནས་འཚོ་བ་སྐྱེལ་བ། མི་ཚང་གི་འཁྱེར་འཁོས། |
| འཁྱེར་སོ |
1 སེམས་ཀྱི་བསམ་སྟངས་སམ་དྲན་སྟངས། བསམ་པའི་འཁྱེར་སོ་རྣམ་པར་དག་པ། སེམས་ཀྱི་འཁྱེར་སོ་ངན་པ། 2 རྣམ་འགྱུར། ལུས་ཀྱི་འཁྱེར་སོ་མཛེས་པ། |
| འཁྱོག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དྲང་པོ་མིན་པར་གྱུར་པའི་དོན་ཏེ ཕར་འཁྱོག་ཚུར་འཁྱོག་ཅེས་པ་ལྟ་བུ |
| འཁྱོག་གེ་བ |
ཀྱོག་གེ་བའམ་དྲང་པོ་མིན་པ། ཐིག་ཤིང་འཁྱོག་གེ་བས་ཐིག་བཏབ་ན་དྲང་པོ་མི་ཡོང༌། |
| འཁྱོག་པ |
ཐ་མི་དད་པ འཁྱོགས་པ། འཁྱོག་པ།། ཡོ་བ། ལུས་འཁྱོགས་ནས་སྡོད་པ། འཁྱོག་ཙམ། འགྲོ་སྟངས་ཕར་ཚུར་འཁྱོགས་ནས་སོང་བ། གཡས་མདའ་ལ་མ་འཁྱོགས་པ་དང༌། གཡོན་གཞུ་ལ་མ་འཁྱོགས་པ་བྱེད་དགོས། |
| འཁྱོག་པོ |
དྲང་པོ་མིན་པའམ་ཀྱོག་པོ། ཤིང་སྡོང་འཁྱོག་པོ། ལམ་འཁྱོག་པོ། ཀ་བ་འཁྱོག་པོར་བཙུགས་ན་གདུང་མ་འདེགས་ཐུབ་མི་ཡོང༌། |
| འཁྱོག་པོའི་མཆུ་ཅན |
མངོན ནེ་ཚོ། |
| འཁྱོག་བགྲོད |
ཀྱོག་འགྲོའམ་བསྐོར་ནས་སྐྱོད་པ། |
| འཁྱོག་བརྗོད |
1 སྙན་ངག་གི་རྒྱན་རང་བཞིན་བརྗོད་པ་མ་ཡིན་པའི་རྒྱན་རྣམས། 2 གཏམ་ཀྱོག་ཀྱོག་བཤད་པའམ་དྲང་པོ་མིན་པའི་སྐད་ཆ་བཤད་པ། |
| འཁྱོག་བཤད |
གཏམ་ཀྱོག་པོར་བཤད་པ། འཕྲོས་གཏམ་འཁྱོག་བཤད་བྱས་ནས་གཞན་ལ་མགོ་སྐོར་བཏང་བ། དངོས་ཡོད་གནས་ལུགས་ལ་འཁྱོག་བཤད་ཆེད་དུ་བྱེད་པ། འཁྱོག་བཤད་ཆེད་བྱེད་ཀྱིས་མི་ཁ་འགོག་ཐབས་བྱེད་པ། |
| འཁྱོག་ཚིག |
གཏམ་དྲང་པོ་མིན་པའམ་ཀྱོག་ཀྱོག |
| འཁྱོག་འཁྱོག |
ཀྱོག་ཀྱོག ཟམ་ཤིང་འཁྱོག་འཁྱོག་བཏང་ན་ཟམ་སྐེད་ལྡེམ་ལྡེམ་ཞིག་ལས་མི་ཡོང༌། |
| འཁྱོག་འགྲོ |
མངོན 1 འབབ་ཆུ། 2 སྦྲུལ། 3 མེ། 4 གཟའ་སྤེན་པ། |
| འཁྱོག་འགྲོས |
1 གཟའ་ལྔའི་འགྲོ་ལུགས། 2 སྦྲུལ་གྱི་འགྲོ་ཚུལ། |
| འཁྱོག་འགྲོས་ནུབ |
གཟའ་རྣམས་རིམ་མིན་སྔ་རྐང་དང་པོའི་ས་ནས་དལ་བའི་རྗེས་ཟིན་ནས་ཁ་ནུབ་ཏུ་ཕྱོགས་ཏེ་དལ་བ་ལས་ཕྱིར་འཁྱོག་པོར་ནུབ་ཏུ་རྒྱུ་བ། |
| འཁྱོག་འཕྱེ་བ |
མངོན སྦྲུལ། |
| འཁྱོག་འབར |
མངོན མེ། |
| འཁྱོག་ཡོན |
དྲང་པོ་མིན་པ། |
| འཁྱོག་ལྡེམ |
འཁྱོག་པོ་ལྡེམ་ལྡེམ། འཁྱོག་ལྡེམ་ཡལ་གའི་ལྕུག་ཕྲན་རླུང་གིས་གཡོ། |
| འཁྱོགས |
འདས་པ་སྟེ སྐེ་འཁྱོགས་ནས་ལྟད་མོར་བལྟས་ལྟ་བུ འཁྱོག་པོ་ཡི་ཚིག་བསྡུས་པ |
| འཁྱོགས་པ |
འཁྱོག་པའི་འདས་པ། |
| འཁྱོང་བ |
ཐ་མི་དད་པ འཁྱོངས་པ། འཁྱོང་བ།། མུ་མཐུད་པའམ་འཁྱོལ་བ། ཆུ་ཚོད་གཅིག་ཀྱང་རྒྱུན་འཁྱོང་ཐུབ་པ་མི་འདུག ཉིན་འཁྱོང་ཐུབ་ཙམ་བྱུང༌། ལས་ཀ་མཐར་འཁྱོངས་སོང༌། |
| འཁྱོངས |
(བྱེད་འབྲེལ་ལས་ཚིག) བར་མ་ཆད་པའམ་མུ་མཐུད་པའི་དོན་ཏེ སློབ་སྦྱོང་རྒྱུན་འཁྱོངས་སུ་བྱེད་ལྟ་བུ མཐར་ཕྱིན་པའམ་ལེགས་པོ་ཡོང་བའི་དོན་ཏེ གསར་བརྗེ་མཐའ་འཁྱོངས་པ་ཞིག་བྱེད་དགོས་ལྟ་བུ ０ཐུབ་པའི་དོན་ཏེ རང་མགོ་རང་གིས་འཁྱོངས་ལྟ་བུ １སྐད་ཆ་སྒྲ་དག་པའི་དོན་ཏེ སྐད་ཆ་འཁྱོངས་ཞེས་པ་ལྟ་བུ |
| འཁྱོངས་པ |
འཁྱོང་བའི་འདས་པ། |
| འཁྱོམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)མཐོ་དམའ་མི་སྙོམ་པར་གཡོ་བའི་དོན་ཏེ རྒྱ་མཚོ་འཁྱོམ ས་གཞི་འཁྱོམ་ལྟ་བུ |
| འཁྱོམ་པ |
ཐ་མི་དད་པ འཁྱོམས་པ། འཁྱོམ་པ།། 1 འཁྲུགས་པ། ཀླད་པ་འཁྱོམས་པ། 2 གཡོ་བ། རི་འགུལ་མཚོ་འཁྱོམས། ཆུའི་ཁ་འཁྱོམས་པ། ཤིང་སྡོང་གི་ཡལ་ག་རླུང་གིས་གཡོ་ཞིང་འཁྱོམས། མེ་སྒྱོགས་ལྡིར་སྒྲས་ས་ཆེན་འཁྱོམས། |
| འཁྱོམས |
འདས་པ་སྟེ རྒྱ་མཚོ་འཁྱོམས་ནས་རྦ་རླབས་འཕྱུར་ལྟ་བུ |
| འཁྱོམས་པ |
འཁྱོམ་པའི་འདས་པ། |
| འཁྱོར |
རང་སོར་མ་གནས་པའི་འདྲེས་ལྷད། བསྒྱུར་ཡིག་རྣམས་ལ་རང་བཟོའི་ཚིག་གི་འཁྱོར་མང་པོ་ཞུགས་འདུག་པས་ཡིད་ཆེས་རྒྱུ་མི་འདུག…2.(བྱེད་མེད་ལས་ཚིག) འཁྱོག་པོའམ་ཡ་ཡོར་གྱུར་པའི་དོན་ཏེ རྟ་རྒས་ནས་གོམ་པ་འཁྱོར མི་རྒས་ནས་རིག་པ་འཁྱོར་ལྟ་བུ |
| འཁྱོར་པོ |
1 འགྲོ་པོ། དཔེ་ཆ་སྐྱོར་དུས་ངག་ལ་འཁྱོར་པོ་རང་བྱུང་མ་སོང༌། 2 ཡོ་བ། ལོང་བ་ར་བཟིའི་འགྲོ་སྟངས་འཁྱོར་པོ་ཡིན། |
| འཁྱོར་བ |
ཐ་མི་དད་པ བརྟན་པོར་ཚུགས་མི་ཐུབ་པ། ལུས་འཁར་རྒྱུག་ལ་བརྟེན་ཏེ་འཁྱོར་བཞིན་དུ་འགྲོ་བ། |
| འཁྱོར་འགེལ |
མི་འོས་པའི་ཁྲལ་རིགས་བཙན་འགེལ། དཔྱ་ཁྲལ་སྣ་ཚོགས་འཁྱོར་འགེལ་གྱི་བརྡབ་གསིག་གཏོང་བ། |
| འཁྱོར་འགྲོ |
གཡས་གཡོན་དུ་ཡོ་ནས་འགྲོ་བ། |
| འཁྱོར་རོ་རོ |
ལུས་རང་ཚུགས་མི་ཐུབ་པར་འཁྱོར་བའི་ཉམས། ང་གཟུགས་ཁམས་ཞན་རུང་དེ་རིང་འཁྱོར་རོ་རོ་ལ་ཡོང་བ་ཡིན། |
| འཁྱོལ |
(བྱེད་མེད་ལས་ཚིག) ཕྱིན་པའམ་བསླེབས་པའི་དོན་ཏེ རང་གནས་སུ་འཁྱོལ བྱ་བ་མཐའ་འཁྱོལ་བ་ཞིག་བྱེད་དགོས་ཞེས་པ་ལྟ་བུ |
| འཁྱོལ་བ |
ཐ་མི་དད་པ མཐར་ཕྱིན་པ། ཉམས་ལེན་མཐར་འཁྱོལ་བ། ལས་ཀ་ཁུངས་འཁྱོལ་བ། རང་གནས་སུ་འཁྱོལ་བ། ལས་མཐའ་འཁྱོལ་བ། |
| འཁྱོས་མ |
རྙིང སྐྱེས་སམ་རྫོངས་པ། |
| འཁྲ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བརྟེན་པའི་བརྡ་རྙིང་སྟེ འདས་པ་ལ་འཁྲས་འབྲི |
| འཁྲ་བ |
ཐ་མི་དད་པ འཁྲས་པ། འཁྲ་བ།། 1 ཆགས་པ་དང༌། ཨུ་ཚུགས་ཀྱིས་བསྡད་ནས་གཞན་དུ་མི་འགྲོ་བ། འཁྲས་བསྡད། བྱ་རིགས་ནགས་ལ་འཁྲ་བ། འཕྱི་བ་ཚང་ཁུང་དུ་འཁྲས་པ། འཁྲས་ནས་ཁ་གྱེས་མི་ནུས་པ། 2 ཡིབ་པའམ་གབ་པ། དབེན་སར་འཁྲས་པ། |
| འཁྲ་ས |
རྟེན་སའི་བརྡ་རྙིང་ |
| འཁྲང |
མཁྲང་གི་འབྲི་ཚུལ་གཞན |
| འཁྲང་གྱུར |
མཁྲང་འགྱུར་དང་འདྲ། |
| འཁྲད |
བསྐྲད་པའི་བརྡ་རྙིང་ |
| འཁྲན་ཆ |
འཁྲེན་ཆ་དང་འདྲ། |
| འཁྲབ |
བྱེད་འབྲེལ་ལས་ཚིག་ད་ལྟ་བ་འབྲུ་རིགས་འཁྲབ་ཀྱིན་ཡོད། འཁྲབ་མཁན་ཞེས་པ་ལྟ་བུ། 2.(བྱེད་འབྲེལ་ལས་ཚིག) གར་འཁྲབ་པའི་དོན་ཏེ བྲོ་འཁྲབ གླུ་བླངས་གར་འཁྲབ་ལྟ་བུ དཀྲབ་ཀྱི་ད་ལྟ་བ |
| འཁྲབ་གཞུང |
འཁྲབ་བྱའི་ཟློས་གར་གྱི་ནང་དོན་དཔེ་ཆ། |
| འཁྲབ་པ |
ཐ་དད་པ འཁྲབས་པ། འཁྲབ་པ། འཁྲོབས།། བྲོ་རྡུང་བ། ཞབས་བྲོ་འཁྲབས་ཏེ་གཞས་གཏོང་བ། ཁྲང་ཞི་འཁྲབ་པ། ཟློས་གར་འཁྲབ་པ། དགའ་སྤྲོ་ཆེན་པོས་རྐང་འཁྲབ་ལག་འཁྲབ་བྱེད་པ། |
| འཁྲབ་མ |
འབྲུ་རིགས་གཙང་མར་བྱེད་པའི་བཅའ་ལག་ལྕུག་མས་སླེས་པ་ཞིག ཡུལ་སྐད་ལ་ལར་འཁྱབ་མ་ཟེར |
| འཁྲབ་ར |
འཁྲབ་སའི་ར་བ། འཁྲབ་རའི་སྡིངས་ཆ། |
| འཁྲབས་པ |
འཁྲབ་པའི་འདས་པ། |
| འཁྲལ་འཁྲུལ |
ཁྲལ་ཁྲུལ་གྱི་འབྲི་ཚུལ་གཞན |
| འཁྲས |
འཁྲ་ཡི་འདས་པ |
| འཁྲས་པ |
འཁྲ་བའི་འདས་པ། |
| འཁྲི |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཆགས་ཞེན་བྱེད་པའམ་སོ་སོར་འབྲལ་མི་འདོད་པའི་དོན་ཏེ འབྲོང་བྲེ་སེར་བ་ལང་ལ་མི་འཁྲི རྐྱང་ཁ་དཀར་བོང་བུ་ལ་མི་འཁྲི་ཞེས་པ་ལྟ་བུ |
| འཁྲི་ཆ |
ལས་འགན། རང་རང་གི་མཇིང་ཐོག་ཏུ་བབ་པའི་འཁྲི་ཆ་གང་ཡིན་ཡར་རླངས་མར་ཐིགས་མ་ཤོར་བར་སྒྲུབ་དགོས། |
| འཁྲི་བ |
1. ཐ་མི་དད་པ འཁྲིས་པ། འཁྲི་བ།། རང་གི་མགོ་ཐོག་ཏུ་འབབ་པ། འཁྲི་ཁུངས། ལས་འགན་འཁྲིས་པ། ཁྲལ་རིགས་འཁྲི་བ། ཇུས་ཁག་འཁྲི་བ། 2. ཞེན་ཆགས་སམ་ཆགས་པ། རང་དོན་གྱི་འཁྲི་བ། ཞེན་འཁྲི། |
| འཁྲི་བའི་ནད |
བུད་མེད་ཀྱི་མངལ་དུ་ཕྲུ་གུ་ཆགས་པའི་དུས་སུ་འབྱུང་བའི་ནད། |
| འཁྲི་འབབ |
ཁྲལ་རིགས་གང་བབ་པའི་འབོར་གྲངས། རྐང་འགྲོ་ལག་འདོན་གྱི་འཁྲི་འབབ་ཆེ་བ། |
| འཁྲི་ཤིང |
1 ཤིང་རང་ཉིད་ཀྱི་སྡོང་པོ་གཅིག་པུར་དྲང་པོར་ཚུགས་མ་ཟིན་པ་གཞན་ལ་འཁྲིལ་ནས་སྐྱེ་བ་དབྱི་མོང་དང༌། བ་ལེ་ཀ་ལྟ་བུ་ལ་ཟེར་རོ། མིང་གི་རྣམ་གྲངས་ལ་ཀུན་ནས་འཁྱུད། གུ་གེ། ལྕུག་ཕྲན། ལྕུག་མ། ཡལ་གའི་རལ་བ་བཅས་སོ། 2 འོམ་བུ། |
| འཁྲི་ཤིང |
ལྗོན་ཤིང་གི་སྤྱི་མིང་ |
| འཁྲི་ཤིང་ཐོགས་མེད |
མངོན སྤོས་དཀའ་ཤིང༌། |
| འཁྲི་ས |
བརྟེན་སའི་ཡུལ། ཕྲུ་གུའི་འཁྲི་ས་ཕ་མ་རེད། ཞིང་པའི་འཁྲི་ས་ཞིང་རེད། |
| འཁྲི་སྒྲུབ |
ཁྲལ་དང་ལས་འགན་འཁྲི་བ་དེ་སྒྲུབ་པ། |
| འཁྲིག་ཁྱིམ |
ཁྱིམ་བཅུ་གཉིས་ཀྱི་ཁྱིམ་གསུམ་པ། ཁྱིམ་ཞག་ཉི་བར་སྐར་བཞི་དང་ཆུ་ཚོད་སུམ་ཅུ་ཤར་བའི་ཚེ་ཉི་མ་འཁྲིག་ཁྱིམ་ལ་སླེབས་པས་ལྷོ་གླིང་ཤར་མའི་དབུས་དབྱར་ཉི་ལྡོག་འཆར། |
| འཁྲིག་ཆགས |
འཁྲིག་སྤྱོད་འདོད་པའི་སེམས། མོ་ཕྱུགས་རྣམས་འཁྲིག་ཆགས་འདོད་པ། |
| འཁྲིག་པ |
1 ཕོ་མོ་བར་གྱི་ཆགས་སྤྱོད་དམ་མི་ཚངས་པའི་སྤྱོད་པ། 2 མངོན འཁྲིག་པ་སྤྱོད་པ་ལ་ཕོ་མོ་གཉིས་དགོས་པས་གྲངས་གཉིས་མཚོན། 2. |
| འཁྲིག་པ་སྦེད |
མངོན བྱ་རོག |
| འཁྲིག་པའི་ཁྱིམ |
འཁྲིག་ཁྱིམ་དང་དོན་གཅིག་ |
| འཁྲིག་ཚིག་སྨྲ་བའི་ལྷག་མ |
དགེ་འདུན་ལྷག་མ་བཅུ་གསུམ་ལས། སེམས་ཅན་ལ་ཆགས་པ་ལས་གྱུར་པའི་ལྷག་མ་ལྔའི་ནང་གསེས། ཆགས་སེམས་ཀྱིས་ཀུན་ནས་བསླངས་ཏེ་བུད་མེད་ལ་འཁྲིག་ཚིག་སོགས་བཙོག་གཏམ་སྣ་ཚོགས་རྗེན་པར་སྨྲ་བའོ། |
| འཁྲིགས |
(བྱེད་མེད་ལས་ཚིག) འཐིབས་པའི་དོན་ཏེ ནམ་མཁར་སྤྲིན་འཁྲིགས ཁང་བར་དུ་བ་འཁྲིགས་ལྟ་བུ |
| འཁྲིགས་པ |
ཐ་མི་དད་པ འཐིབས་པ། ནམ་མཁར་སྤྲིན་པ་འཁྲིགས་འདུག དུ་བ་ཁང་པའི་ནང་ལ་འཁྲིགས་བཞིན་འདུག |
| འཁྲིད |
མ་འོངས་པ་དང་ད་ལྟ་བ་སྟེ སློབ་ཕྲུག་རྣམས་ངལ་རྩོལ་བྱེད་དུ་འཁྲིད་དགོས སློབ་ཕྲུག་འཁྲིད་མཁན་ཞེས་པ་ལྟ་བུ སློབ་ཁྲིད་བྱས་པའི་དོན་ཏེ ཆབ་སྲིད་ཁྲིད་རིག་གནས་ཁྲིད སློབ་ཁྲིད དཔེ་ཁྲིད དམར་ཁྲིད་ཅེས་པ་ལྟ་བུ ０ཁ་ཕྱོགས་ངེས་ཅན་ཞིག་ལ་འགྲོ་བའི་འགོ་དྲངས་ཤིང་ལམ་སྣ་ཁྲིད་པའི་དོན་ཏེ འགོ་འཁྲིད་བཞིན་པ་ཞེས་པ་ལྟ་བུ １ལམ་དུ་འཁྲིད་པའི་ལས་ཚིག་མ་འོངས་པ་ལ་བཀྲི་དང་ འདས་པ་དང་སྐུལ་ཚིག་ལ་བཀྲིས་འབྲི་སྲོལ་ཡང་ཡོད |
| འཁྲིད་ཁ་ལྗིད་པོ |
རྟ་དྲེལ་སོགས་ཁྲིད་སར་དེ་ཙམ་མི་འོང་བ། |
| འཁྲིད་པ |
ཐ་དད་པ ཁྲིད་པ། འཁྲིད་པ། ཁྲིད།། 1 སྣ་འདྲེན་པ། ཡུར་ཆུ་འཁྲིད་པ། རྟ་ཚུར་ཁྲིད་ཤོག ལས་སར་འཁྲིད་པ། ཕྲུ་གུ་ཁྲིད་ནས་ཕྱིན་སོང༌། ཆར་སྣེ་རླུང་འཁྲིད། མགོ་སྐོར་བཏང་ནས་ཁྲིད་པ། བུ་ཁྲིད། 2 སློབ་སྟོན་པ། དཔེ་ཆ་འཁྲིད་པ། སྨན་རིག་འཁྲིད་པ། སློབ་ཕྲུག་འཁྲིད་པ། ལམ་བཟང་གི་ཐོག་ཏུ་ཁྲིད། འགོ་ཁྲིད་པ། |
| འཁྲིམས |
(བྱེད་མེད་ལས་ཚིག) འཇིགས་སྐྲག་སྐྱེས་ནས་ཞུམ་པའི་དོན་ཏེ རྟ་རྒོད་ལྕག་གིས་འཁྲིམས མི་ངན་ཁྲིམས་ཀྱིས་འཁྲིམས་ལྟ་བུ |
| འཁྲིམས་པ |
བྱེར་བ་དང༌། ཞེད་པ། སྐྲག་པ། |
| འཁྲིལ |
(བྱེད་མེད་ལས་ཚིག) ཐག་པ་ཞགས་དཀྲི་བྱས་པ་ལྟར་དཀྲིས་པའི་དོན་ཏེ སྲན་མྱུག་ཤིང་ལ་འཁྲིལ འཁྲིལ་ཤིང་ཤིང་སྡོང་ལ་འཁྲིལ སྦྲུལ་འཁྲིལ་ནས་ཉལ རྩལ་སྦྱང་བྱས་ཏེ་རྐེད་པ་འཁྲིལ་ལྟ་བུ |
| འཁྲིལ་བ |
ཐ་མི་དད་པ འཁྱུད་པ། ཤིང་ཙན་དན་ལ་སྦྲུལ་འཁྲིལ་བ། གོས་མཐའ་རྐང་པར་འཁྲིལ་བ། |
| འཁྲིལ་བག |
འཚམས་ཤིང་སྒེག་པའི་ཉམས། |
| འཁྲིལ་བག་ཅན |
གཟིག་བརྗིད་ཅན་ནམ་འགྱིང་ལེགས་པའི་དོན |
| འཁྲིལ་བག་ཆགས་པ |
མཉེན་ཞིང་བབ་ཆགས་པ། རྒྱན་གོས་གང་བཞེས་སྐུ་གཟུགས་ལ་འཁྲིལ་བག་ཆགས་པ། |
| འཁྲིལ་ལྡེམ |
མཆོར་སྒེག་དང་ལྡན་པའི་ལུས་ཀྱི་རྣམ་འགྱུར་ཞིག སྒེག་མོ་འཁྲིལ་ལྡེམ་ཅན། |
| འཁྲིལ་ཤིང |
གཞན་ལ་འཁྲིལ་ཏེ་སྐྱེ་བའི་ཤིང༌། |
| འཁྲིས |
ཉེ་འགྲམ། གང་པའི་འཁྲིས་སུ་ཡོད།…2.འདས་པ་སྟེ གླ་བོ་འཕྲུག་ཤིང་ལ་འཁྲིས་ནས་རང་སྲོག་ཤོར་ལྟ་བུ 3.ཉེ་གམ་གྱི་མིང་སྟེ འཁྲིས་སུ་བསྡད འཁྲིས་སུ་བོས་ལྟ་བུ འཁྲི་ཡི་འདས་པ |
| འཁྲིས་པ |
འཁྲི་བའི་འདས་པ། |
| འཁྲུ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)རྒྱུ་མར་ནད་བྱུང་ནས་སྙིགས་མ་སླ་མོ་བརྙང་བའི་དོན་ཏེ ལྟོ་བ་འཁྲུ་བའི་ནད འཁྲུ་སྐྱུག ཀ་པེད་འབྲས་བུས་བྱིས་པའི་འཁྲུ་བ་གཅོད་ལྟ་བུ |
| འཁྲུ་གཞི |
གྲོད་ཁོག་བཤལ་བའི་ནད་གཞི། |
| འཁྲུ་ནད |
ཕོ་བའི་མེ་དྲོད་ཞན་པས་ཁ་ཟས་མ་ཞུ་བ་དང༌། མཁྲིས་པ་སྣོད་ལྷུང་སོགས་ཀྱིས་ཐུར་དུ་བཤལ་བའི་ནད། ཁོག་པ་འཁྲུ་ནད་འཁྲུས་པ། |
| འཁྲུ་བ |
1. ཐ་མི་དད་པ འཁྲུས་པ། འཁྲུ་བ།། བཤལ་བ། གྲོད་ཁོག་འཁྲུ་བ། 2. བཤལ་བའི་ནད། སྨན་བཏུངས་ཏེ་འཁྲུ་བ་གཅོད་ཐབས་བྱེད་པ། འཁྲུ་བ་འབྱམས་པ། |
| འཁྲུ་བག |
གྲོད་ཁོག་བཤལ་བའི་ནད། |
| འཁྲུ་སྐྱུག |
མར་བཤལ་བ་དང་ཡར་སྐྱུག་པ། |
| འཁྲུ་སྦྱོང |
གྲོད་ཁོག་བཤལ་ཐབས་བྱེད་པ། |
| འཁྲུག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)རྒྱུན་ལྡན་མིན་པའི་དོན་ཏེ སེམས་མ་འཁྲུག འབྱུང་བ་འཁྲུག་ལྟ་བུ |
| འཁྲུག་གཞི |
ཟིང་འཁྲུག་གི་རྩ་བ།… |
| འཁྲུག་གོས |
སྔར་དམག་འཁྲུག་རྒྱག་དུས་གྱོན་རྒྱུའི་གོ་ཁྲབ་སོགས། |
| འཁྲུག་པ |
1. ཐ་མི་དད་པ འཁྲུགས་པ། འཁྲུག་པ།། 1 གོ་རིམ་འཚོལ་བའམ་ནོར་བ། དཔེ་ཆའི་ཤོག་གྲངས་སྔ་ཕྱི་འཁྲུགས་པ། 2 སེམས་མི་བདེ་བར་གྱུར་པ། སེམས་འཁྲུགས་པ། 3 འཐབ་པ། ཕྱོགས་གཉིས་འཁྲུགས་པ། དམག་འཁྲུག་པ། 2. འཐབ་རྩོད། ཁ་རྩོད་ལག་རྡེག་གི་འཁྲུག་པ་ཤོར་བ། |
| འཁྲུག་པའི་ས་གཞི |
གཡུལ་འགྱེད་བྱེད་ས།… |
| འཁྲུག་པའི་སེམས |
ཟང་ངེ་ཟིང་ངིའམ་མི་དགའ་བའི་སེམས། |
| འཁྲུག་ཟིང |
ཟང་ངི་ཟིང་ངིར་འགྱུར་བའི་ཚུལ། དམག་གི་འཁྲུག་ཟིང༌། རྩོད་གླེང་གི་འཁྲུག་ཟིང༌། |
| འཁྲུག་འཁྱོམ |
ཡོ་འཁྱོམ་མམ། འཁྲུགས་པ་དང་འཁྱོམ་པ། |
| འཁྲུག་རྐྱེན |
ཟིང་འཁྲུག་གི་རྒྱུ་རྐྱེན། སྔར་ཡོད་མི་མཐུན་པའི་ཁར་འཁྲུག་རྐྱེན་གསར་དུ་སློང་བ། |
| འཁྲུག་རྩོད |
འཐབ་རྩོད། འཁྲུག་རྩོད་ཐག་གཅོད་པ། |
| འཁྲུག་ལས |
དམག་འཁྲུག་གི་ལས་ཀ། |
| འཁྲུག་ལོང |
དམག་འཁྲུག |
| འཁྲུག་སྦྱོར |
འཁྲུག་སློང་གི་བྱ་བ། མཐུན་སྒྲིལ་བཤིག་རྐྱེན་གྱི་འཁྲུག་སྦྱོར་ཆེད་བཟོས་བྱེད་པ། |
| འཁྲུགས |
འདས་པ་སྟེ ལུས་ཁམས་འཁྲུགས་ཀྱང་སེམས་མ་འཁྲུགས་ལྟ་བུ གོ་རིམ་འཆོལ་བའི་དོན་ཏེ དཀར་ཆག་བསྒྲིགས་ན་དཔེ་ཆ་གོ་རིམ་མི་འཁྲུག་ལྟ་བུ ０ཕན་ཚུན་འཐབ་པའི་དོན་ཏེ གཡུལ་འཁྲུག་དམག་འཁྲུག་ཅེས་པ་ལྟ་བུ |
| འཁྲུགས་པ |
འཁྲུག་པའི་འདས་པ། |
| འཁྲུགས་པ་སྡེབ་པའི་བསྟན་བཅོས |
སྡེ་སྣོད་ཁག་ཏུ་ཁ་ཐོར་བའི་གཞུང་དོན་རྣམས་བཏུས་ནས་གཅིག་ཏུ་བསྡོམས་པའི་རྩོམ་ཡིག་སྟེ་མདོ་སྡེ་རྒྱན་ནམ་བསླབ་བཏུས་ལྟ་བུའོ། |
| འཁྲུགས་ཚད |
ཚ་བ་སོགས་ཀྱིས་གཟུགས་པོའི་ཁམས་འཁྲུགས་པའི་རིམས་ཚད། |
| འཁྲུགས་འཛིངས |
གོ་རིམ་འཛིངས་པ། བྱ་རིམ་འཁྲུགས་འཛིངས་བྱུང་ན་ལས་ཀ་ཡག་པོ་འགྲུབ་མི་ཐུབ། |
| འཁྲུགས་སྡེབ |
ལེགས་སྦྱར་སྐད་ཀྱི་གསལ་བྱེད་གོ་རིམ་རྙིང་པ་དེ་འཁྲུགས་ནས་གསར་དུ་བསྒྲིགས་པའི་ཡིག་སྟར། |
| འཁྲུང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བཙས་པའམ་སྐྱེས་པའི་ཞེ་ས་སྟེ སྐུ་འཁྲུང་ཁ་ལྟ་བུ |
| འཁྲུང་བ |
ཐ་མི་དད་པ འཁྲུངས་པ། འཁྲུང་བ།། སྐྱེ་བའི་ཞེ་ས། སྐུ་འཁྲུངས་ནས་ལོ་བརྒྱ་དང་ལྔ་བཅུ་ཙམ་སོང༌། ཐུགས་ལ་རྣམ་རྟོག་འཁྲུངས་པ། |
| འཁྲུང་བརྟག |
སྐྱེ་བརྟག་གི་ཞེ་ས། |
| འཁྲུངས |
འདས་པ་སྟེ སངས་རྒྱས་སྐུ་འཁྲུངས་པའི་དུས་ཆེན་ཞེས་པ་ལྟ་བུ |
| འཁྲུངས་པ |
འཁྲུང་བའི་འདས་པ། |
| འཁྲུངས་ཚེས |
འཁྲུངས་སྐར་དང་དོན་གཅིག་ |
| འཁྲུངས་ཡུལ |
སྐྱེ་སའི་ཡུལ། |
| འཁྲུངས་རབས |
སྐྱེས་རབས་ཀྱི་ཞེ་ས། |
| འཁྲུངས་རབས་རྣམ་ཐར |
སྐྱེས་རབས་རྣམ་ཐར་ཀྱི་ཞེ་ས་སྟེ་སྐྱེས་རབས་ཀྱི་ལོ་རྒྱུས། |
| འཁྲུངས་ལྷ |
མི་སུ་ཞིག་ཐོག་མར་སྐྱེ་སྐབས་ཚེས་གྲངས་ལ་འཁེལ་བའི་སྐར་ལྷ་དང༌། སྐྱེ་ཡུལ་གྱི་གཞི་བདག་ལ་ཟེར། |
| འཁྲུངས་སྐར |
སྐྱེ་དུས་ཀྱི་ཚེས་གྲངས་གང་ཡིན་ལ་འཁེལ་བའི་སྐར་མ། |
| འཁྲུད |
ད་ལྟ་བ་ལྭ་བ་འཁྲུད་ཀྱིན་ཡོད། ལྭ་འཁྲུད་མཁན། འཁྲུད་བྱེད་ཅེས་པ་ལྟ་བུ། |
| འཁྲུད་པ |
ཐ་དད་པ བཀྲུས་པ། བཀྲུ་བ། ཁྲུས།། ཆུས་དག་པར་བྱེད་པ། རས་ཆུར་བཀྲུས་ནས་དྲེག་པ་དག་སོང༌། |
| འཁྲུད་རྫས |
འཁྲུད་བྱེད་དམ་འདག་བྱེད་ཀྱི་རྫས། |
| འཁྲུན |
དབྱེ་བའམ་ཐག བདེན་རྫུན་གང་ཡིན་འཁྲུན་གཙང་མར་འབྱེད་པ། |
| འཁྲུན་ཆོད |
དབྱེ་བའམ་ཐག་ཆོད་པ། ཕྱོགས་གཉིས་ཀྱི་རྩོད་པ་འཁྲུན་ཆོད་བྱུང་བ། |
| འཁྲུན་ཐག |
རྩོད་གླེང་སོགས་ཀྱི་མཚམས། ལོ་རྒྱུས་ཐོག་གི་འཁྲུན་ཐག་མ་བཅད་པ་རྣམས་གཅོད་པར་བྱེད་པ། བཟང་ངན་དབྱེ་བའི་འཁྲུན་ཐག་བཅད་པ། |
| འཁྲུལ |
(བྱེད་མེད་ལས་ཚིག) དོན་ངོ་བོའི་གནས་ཚུལ་དང་མི་མཐུན་པའི་དོན་ཏེ གཞུང་དོན་ལ་བློ་མ་འཁྲུལ དོན་མ་འཁྲུལ་བར་ཤེས སྣང་བ་མ་འཁྲུལ མིག་མི་འཁྲུལ་ལྟ་བུ |
| འཁྲུལ་གཞི |
ནོར་འཁྲུལ་བྱུང་བའི་རྒྱུ་རྐྱེན། |
| འཁྲུལ་བ |
1. ཐ་མི་དད་པ ནོར་བའམ་འཛོལ་བ། སེམས་འཁྲུལ་ཏེ་སྐད་ཆ་གང་བྱུང་བཤད་པ། དོན་མ་འཁྲུལ་བར་གྱིས་ཤིག སྣང་བ་འཁྲུལ་བ། བློ་འཁྲུལ་ནས་མི་དྲན་པ། 2. རང་གི་སྣང་ཡུལ་ལ་འཁྲུལ་བའི་རིག་པ། དཔེར་ན། དུང་སེར་སྣང་དང༌། རྟོག་པའི་སྣང་ཡུལ་ལྟ་བུ་མེད་པ་ལ་ཡོད་པ་དང་མིན་པ་ལ་ཡིན་པར་སྣང་བའོ། རིག་པ་བསྒྲིམས་ནས་འཁྲུལ་བ་ཟློག་པ། འཁྲུལ་བ་རིམ་གྱིས་ཉུང་དུ་ཕྱིན་པ། མིང་གི་རྣམ་གྲངས་ལ་ནོར་བ་དང༌། འཕྱུགས་པ། འཛོལ་བ། ལོག་ཤེས་བཅས་སོ། |
| འཁྲུལ་བ་མི་མངའ་བ |
སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་ནང་གསེས་ཤིག་ཉན་ཐོས་ལ་སོགས་པ་ནི་ལུས་དང་ངག་དང་ཡིད་ཀྱི་སྒོ་ནས་ལས་སུ་བྱེད་པ་ལ་འཁྲུལ་བ་འབྱུང་གི། སངས་རྒྱས་ལ་དེ་ལྟ་བུ་མི་མངའ་བས་སོ། |
| འཁྲུལ་བྲལ་ལོ་འཕོ |
སྐྱོན་བཏོན་ལོ་འཕོ་དང་དོན་གཅིག་ |
| འཁྲུལ་ཞིག་པ |
འཁྲུལ་སྣང་མ་ལུས་ཞིག་པའམ་ཡལ་བ་སྟེ་སྟོང་ཉིད་རྟོགས་པའི་གང་ཟག |
| འཁྲུལ་འཁོར་ཁྱིམ |
མངོན ཁྲིམས་ར། |
| འཁྲུལ་རྒྱུ |
འཁྲུལ་ཤེས་སྐྱེད་བྱེད་ཀྱི་རྒྱུའམ་རྐྱེན་ཏེ། བདག་མེད་བདག་ཏུ་འཛིན་པ་སོགས་ཆོས་ཀྱི་ཚུལ་ཅི་བཞིན་མི་ཤེས་པའི་རྨོངས་པ་ཕུགས་ཀྱི་འཁྲུལ་རྒྱུ་དང༌། དབང་པོ་བསླད་པ་སོགས་འཕྲལ་གྱི་འཁྲུལ་རྒྱུ་རྣམས་སོ། |
| འཁྲུལ་རྒྱུ་བཞི |
འཁྲུལ་ཤེས་སྐྱེ་བའི་རྒྱུ་རྣམ་པ་བཞི་གནས་ལ་ཡོད་པ། གྲུར་ཞུགས་པའི་དབང་གིས་ལྗོན་ཤིང་འགྲོ་སྣང་གི་ཤེས་པ་ལྟ་བུ་དང༌། རྟེན་ལ་ཡོད་པ། མིག་དབང་ལ་རབ་རིབ་ནད་བྱུང་བའི་དབང་གིས་སྐྲ་ཤད་འཛག་པར་སྣང་བའི་དབང་ཤེས་ལྟ་བུ། ཡུལ་ལ་ཡོད་པ། མགལ་མེ་མྱུར་དུ་བསྐོར་བའི་དབང་གིས་འཁོར་ལོར་སྣང་བའི་ཤེས་པ་ལྟ་བུ། དེ་མ་ཐག་རྐྱེན་ལ་ཡོད་པ། ཞེ་སྡང་དྲག་པོས་ཡིད་ཤེས་འཁྲུལ་བའི་བློ་ལྟ་བུའོ། |
| འཁྲུལ་ཤེས |
འདུ་ཤེས་འཁྲུལ་བའི་སེམས་ཏེ། དོན་དངོས་དང་མི་མཐུན་པའི་མཐོང་ཚུལ་དང་བསམ་ཚུལ། |
| འཁྲུལ་སོ |
1 འཁྲུལ་སའམ་འཁྲུལ་བའི་རྒྱུ་རྐྱེན། 2 ལྟར་སྣང་འཁྲུལ་བ། |
| འཁྲུལ་སྐྱོན |
ནོར་འཁྲུལ་གྱི་ཉེས་སྐྱོན། |
| འཁྲུལ་སྣང |
དོན་དངོས་དང་མི་མཐུན་པའི་ཉམས་སྣང༌། མ་ཡིན་ཡིན་པར་འཆར་བའི་འཁྲུལ་སྣང༌། འཁྲུལ་སྣང་བདེན་འཛིན། འཁྲུལ་སྣང་ཟང་ཟིང༌།…2.ནད་སོགས་ཀྱི་དབང་གིས་ཤར་བའི་དོན་དངོས་དང་མི་མཐུན་པའི་ཉམས་སྣང་གི་མིང་སྟེ ནད་པ་ཚ་རྒྱས་ནས་འཁྲུལ་སྣང་ཤར འཁྲུལ་བའི་སྣང་བ་སྐྱེས་ལྟ་བུ |
| འཁྲུས |
འཁྲུ་ཡི་འདས་པ |
| འཁྲུས་པ |
1. འཁྲུ་བའི་འདས་པ། 2. རྙིང བརྩོན་པ། |
| འཁྲེན |
ཆགས་ཞེན་ཆེ་བའི་བརྡ་རྙིང་སྟེ ཁྱིམ་ལ་འཁྲེན་པ ཟས་ལ་འཁྲེན་པ་ཞེས་པ་ལྟ་བུ |
| འཁྲེན་ཆ |
ལྷ་སྲུང་སོགས་ཀྱིས་སེམས་འཕྲེང་བའི་འཁུ་ལྡོག་བྱེད་པའི་མཚན་མ། |
| འཁྲེན་པ |
རྙིང ཞེན་པའམ་ཆགས་པ། ཆགས་པའི་ཡུལ་ལ་འཁྲེན་པ། ཕ་མ་ལ་སེམས་འཁྲེན་པ། ཟས་ལ་འཁྲེན་པ། |
| འཁྲེབ |
(བྱེད་འབྲེལ་ལས་ཚིག) མིག་རྡེབ་པའི་དོན |
| འཁྲེབ་ཏོ |
སེམས་རེངས་པོ་སྟེ་སེམས་བཅོས་དཀའ་བ། |
| འཁྲེབ་པ |
ཐ་མི་དད་པ འཁྲེབས་པ། འཁྲེབ་པ།། སེམས་རྒྱུད་རེངས་པ། རྟ་རྒོད་མ་བཏུལ་བས་འཁྲེབ་པ། |
| འཁྲེབས་པ |
འཁྲེབ་པའི་འདས་པ། |
| འཁྲོ |
ཁྲོས་ཀྱི་ད་ལྟ་བར་འཁྲོ་འབྲི་བའང་ཡོད |
| འཁྲོག་པ |
ཐ་མི་དད་པ འཁྲོགས་པ། འཁྲོག་པ།། 1 ཚིགས་འཆུས་པ། རྒན་མོ་པུས་ཚིགས་འཁྲོགས་ཀྱང་འགྲོ་སྙིང་འདོད། 2 ཁོག་ནང་ནས་སྐད་སྒྲོག་པ། གྲང་བས་ཁོག་པ་འཁྲོག་པ། གྲོད་པ་སྦོས་ཏེ་འཁྲོགས་པ། 3 འོན་པ། ཨ་མཆོག་འཁྲོག་ཙམ་ཞིག་འདུག |
| འཁྲོགས་པ |
འཁྲོག་པའི་འདས་པ། |
| འཁྲོབས |
འཁྲབ་པའི་སྐུལ་ཚིག་ |
| འཁྲོལ |
ད་ལྟ་བ་རོལ་མོ་འཁྲོལ་མཁན་བྱིས་པ་ཚོས་རོལ་མོ་འཁྲོལ་གྱིན་བྲོ་གར་འཁྲབ་ལྟ་བུ། |
| འཁྲོལ་ཆ |
1 དངོས་པོའི་ལྷག་ལུས། 2 དགོངས་པ་སྟེར་བའམ་གནང་བ་ཁྲོལ་བ། རང་ཡུལ་གཉེན་འཕྲད་དུ་ཕྱིན་ཆོག་པའི་འཁྲོལ་ཆ་གནང་བ། |
| འཁྲོལ་པོ |
ཁ་གསང་པོའམ་རྣམ་འགྱུར་འཇམ་པོ་སྟེ་སྒམ་པོ་མིན་པ། གླེང་གཏམ་འཁྲོལ་པོ་འདུག ཁ་གཤིས་འཁྲོལ་པོ། |
| འཁྲོལ་བ |
ཐ་མི་དད་པ 1 གྲོལ་བ། དགོངས་པ་འཁྲོལ་སོང༌། 2 རོལ་མོ་རང་བཞིན་གྱིས་འཁྲོལ་བ། |
| འཁྲོལ་འཁྱིལ |
དངོས་པོ་ལྷག་ལུས། |
| འཁྲོས |
ཁྲོས་ཀྱི་འབྲི་ཚུལ་གཞན |
| འགག |
མདོ། གནད་འགག ཟམ་པའི་འགག རི་འགག ཀླུང་འགག སྒོ་འགག གཟིམས་ཆུང་གི་འགག…2.(བྱེད་མེད་ལས་ཚིག་མ་འོངས་པ་དང་ད་ལྟ་བ) སྐད་འབྱིན་དཀའ་བའམ་སྐད་མི་གསལ་བར་གྱུར་པའི་དོན་ཏེ། འགག་མེད་སྐད་སྙན་ཞེས་པ་ལྟ་བུ། |
| འགག་གནས |
གནད་འགག་ཆེ་བའི་ས། |
| འགག་ཐུང |
གྲྭ་པའི་སྟོད་འགག |
| འགག་དོག་པོ |
འཕྲང་ལམ། ཐང་བདེ་པོ་བྱུང་ན་གླུ་ཨ་ལི་ལ་མོ། འགག་དོག་པོ་བྱུང་ན་བླ་མ་ཨོ་རྒྱན་པདྨ། |
| འགག་ནད |
ཕྱུགས་ལ་ཐོག་མར་འགག་ནད་ཕོག་སྐབས་ཁ་སྣ་ནས་ཆུ་ཐོན་པ་དང༌། དེ་རྗེས་སྐེ་སྐྲངས་ནས་དབུགས་འགགས་ཏེ་ཉིན་གཅིག་ཙམ་ནས་འཆི་བའི་ཕྱུགས་ཀྱི་འགོས་ནད་ཆེ་གྲས་ཤིག |
| འགག་པ |
1. ཐ་མི་དད་པ འགག་པ། འགག་པ།། ཐར་མི་ཐུབ་པར་འགྱུར་བ། འགྲོ་ལམ་དེ་འགགས་ཚར་འདུག ཚིག་འགགས། གཅིན་འགག ཡི་གི ༈ འགག་པ། ས་འོག་ཆུ་འགྲོ་འགགས་པ་རྣམས་བཤངས་པ། 2. སྒོ་སྲུང༌། |
| འགག་བཙིར |
སྐེ་བཙིར་ནས་བསད་པ། |
| འགག་མདོ |
1 གནད་ཀའམ་སྙིང་པོ་འདུ་ས། 2 རིའམ་ལུང་པའི་འདུས་མདོ། |
| འགག་རིང |
གྲྭ་ཆས་སྟོད་འགག་རིང་བ་སྣམ་བུ་སོགས་ཀྱིས་བཟོས་པའི་ཕུ་དུང་མེད་པའི་གོས་རིང་བ་ཞིག |
| འགག་རྩ |
དོན་གྱི་སྙིང་པོ། |
| འགག་ལམ |
འགག་དོག་སའི་ལམ། |
| འགག་སྒོ |
1 ས་མཚམས་ཀྱི་ཚོང་ཁྲལ་བསྡུ་བ་སོགས་ཀྱི་འགག་སྒོ། 2 རྩ་བ་ལ་ཐུག་པའི་དོན་གནད། |
| འགགས |
འདས་པ་ སྐད་འགགས་ནས་སྐད་ཆ་བཤད་དཀའ་ཞེས་པ་ལྟ་བུ། སྦུ་གུ་ལྟ་བུའི་ནང་དུ་དངོས་རྫས་ཐར་མི་ཐུབ་པར་གྱུར་པའི་དོན་ཏེ། སྦུ་གུ་འགགས་ནས་དབུགས་མི་འགྲོ་ཞེས་པ་ལྟ་བུ། ０རྒྱུན་ཆད་པའི་དོན་ཏེ། ཆུ་འགགས། སྲོག་འགགས་ལྟ་བུ། |
| འགགས་པ |
འགག་པའི་འདས་པ། |
| འགང |
འགངས་དང་འདྲ། |
| འགངས |
གནད་དམ་གལ། གལ་འགངས། རྩ་འགངས། ལས་དོན་ཚང་མ་རྩ་འགངས་ཆེ་ཆུང་ལ་མ་ལྟོས་པར་རང་ཉིད་ཀྱིས་དངོས་སུ་ཐག་གཅོད་བྱེད་དགོས་དོགས་མེད། |
| འགངས་ཆུང |
གལ་ཆུང་བ། |
| འགངས་ཆེན |
གནད་ཆེ། |
| འགད |
ད་ལྟ་བ་འགད་བྱེད་ཀྱི་འགས་སྨན། བྲག་འགད་ཀྱིན་འདུག དགུ་དང་པོའི་གྲང་ངར་གྱིས་ས་འགད། དགུ་གཉིས་པར་རྡོ་འགད་ལྟ་བུ། |
| འགད་པ |
ཐ་དད་པ བཀད་པ། དགད་པ། ཁོད།། འགད་གཏོར་བྱེད་པ། འབར་རྫས་ཀྱིས་རྡོ་ཕ་བོང་བཀད་པ། གྲང་ངར་ཆེ་བས་ས་འགད་རྡོ་འགད། |
| འགན |
ལས་དོན་གྱི་ཁུར། ལས་དོན་མང་པོའི་འགན་ཁུར་བ། ཁོ་རང་མི་གཅིག་ལ་ལས་འགན་དེ་བསྐུར་བ། མི་ཞིག་ལ་མི་གཞན་ཞིག་གི་ལས་འགན་དཀྲི་བ། རང་མོས་དང་ལེན་གྱིས་སྤྱི་ཕན་ལས་དོན་བསྒྲུབ་རྒྱུའི་འགན་ལེན་པ། འགན་མི་ཐེག་པ། སྐབས་བབ་ཀྱི་ལས་ཀའི་འགན་འཁྲིས་པ། |
| འགན་ཁག |
1 ཁེ་ཉེན་གྱི་ལས་ཁུར། 2 ཁག་ཐེག |
| འགན་ཁུར |
ལས་ཀའི་ཁུར་པོ། མི་ཞིག་ལ་ཡིག་སྐྱེལ་གྱི་འགན་ཁུར་གནང་བ། ལས་དོན་འདི་སྐོར་བསྒྲུབ་རྒྱུར་བློ་བཀལ་ཆོག་པའི་མི་ཞིག་ལ་འགན་ཁུར་དཀྲི་བ། |
| འགན་ཁུར་གཙོ་སྐྱོང |
འགན་ཁུར་བ་གཙོ་བོ། |
| འགན་ཁུར་པ |
བྱ་བ་ངེས་ཅན་སྒྲུབ་པར་བསྐོས་པའམ་བདམས་པའི་མི་ འཐུས་མི་ཚོགས་ཆེན་གྱི་འགན་ཁུར་པ་ཞེས་པ་ལྟ་བུ། |
| འགན་གཟན |
འགན་སྦྱར་དང་དོན་གཅིག་ |
| འགན་དབང |
ལས་འགན་དང་དབང་ཆ། འགན་དབང་ཚབ་འཛིན། གཞན་གྱི་འགན་དབང་ལ་ཐེ་གཏོགས་བྱེད་པ། |
| འགན་ནག |
ཡུལ སྲེ་དའམ་སྤྲེ་ད། |
| འགན་བསྐུར |
གོང་རིམ་ནས་འོག་རིམ་ལ་ལས་འགན་སྤྲད་པའི་དོན་ཏེ། གོང་རིམ་ནས་ང་ལ་སློབ་གྲྭའི་གཙོ་འཛིན་གྱི་འགན་བསྐུར་ལྟ་བུ། |
| འགན་འཁུར་བ |
1 ལས་འགན་ཁས་ལེན་བྱེད་པ། 2 འགན་ལེན་པ་པོ། |
| འགན་འཁོར |
འགན་ལེན་ལས་དུས་རེ་མོས་སུ་འཁོར་བ། |
| འགན་འཇིར |
གཉིཛར མཛོད་ལྡན་ཏེ། ཁང་བཟང་གི་ཐོག་སྟེང་མཛེས་རྒྱན་གསེར་ཟངས་ལས་བཟོས་པ་ཞིག |
| འགན་འཛི་ར |
འགན་འཇིར་དང་འདྲ། |
| འགན་འཛིན |
ཁུར་ལེན་པ། འགན་འཛིན་ཡུན་ཚད། |
| འགན་འཛོལ |
འགན་ཁུར་ཇི་བཞིན་མ་བྱུང་བའི་སྐྱོན་ཤོར། |
| འགན་རྒྱ |
གན་རྒྱ་ཡི་འབྲི་ཚུལ་གཞན། |
| འགན་ལེན |
ཁུར་ལེན་པ། འགན་ལེན་དངུལ་གཏེ། འགན་ལེན་གན་རྒྱ། |
| འགན་ལྗིད་པོ |
1 ཁུར་ཆེན་པོ། 2 ཉེན་ཁ་ཆེན་པོ། ཁོས་དོན་མེད་འགན་ལྗིད་པོ་ཤོད་ཀྱིན་འདུག |
| འགན་སྦྱར |
1 སོག་ཆས་ཀྱི་སྟོད་གོས་ཕུ་མེད་ཅིག 2 བླ་སྤྲུལ་གྱི་གཟབ་སྤྲོས་ན་བཟའ་ཞིག |
| འགན་སྲུང |
འགན་ལེན་དང་དོན་གཅིག་ |
| འགབ |
1 སྨད་ཆའམ་གཤམ། གོས་ཀྱི་འགབ་གཤམ། ལུས་འགབ། མཐོན་པོ་གཉའ་ནས་མནན། དམའ་བོ་འགབ་ནས་སྐྱོར། 2 གྱོན་པའི་མར་སྣེ། འགབ་བརྫེས་ཏེ་ཆུ་བརྒལ་བ། 3 ཉྭ་ཁུག |
| འགབ་ཁུང |
སྨད་ཀྱི་དོན་ཏེ། ལུས་འགབ། ལྭ་འགབ་ཅེས་པ་ལྟ་བུ། འོས་པའམ་འཚམ་པའི་དོན་ཏེ། འཕྲུལ་འཁོར་འདི་ཁང་བ་འོས་འགབ་ཅིག་ཏུ་འཇོག་དགོས་ལྟ་བུ། |
| འགབ་གཤམ |
སྒྱིད་ཁུང༌། |
| འགབ་ཐུང |
གོས་ཀྱི་མ་མཐའ། |
| འགབ་པ |
གོས་ཀྱི་འགབ་གཤམ་ཐུང་ཐུང༌། |
| འགབ་མ |
འཚམ་པོའམ་འོས་པ། ལས་དོན་དེ་ཇི་འདྲ་བྱས་ན་འགབ་པ་འདུག་གམ། འོས་འགབ་ཡོད་མེད། ལས་དོན་འདི་འདྲ་བརྩམས་ན་འགབ་མི་འགབ་མི་དམངས་དང་གོ་སྡུར་བྱེད་དགོས། འགྲོ་སྡོད་གང་འགབ་ལན་གསལ་ཡོད་པ་ཞུ། |
| འགབ་མཐའ |
འོག་མའམ། གཤམ་མ། |
| འགབ་མཐུན |
གོས་མཐའ། |
| འགབ་མིན |
ཕོ་མོའི་ལུས་འབྲེལ། |
| འགབ་འདྲེ |
འགབ་དང་མི་འགབ་སྟེ་འགྲིག་དང་མི་འགྲིག |
| འགབ་རིང་བ |
མི་ནོར་རྗེས་འབྲངས་ཀྱི་འདྲེ། |
| འགམ |
ད་ལྟ་བ་ ཚོད་འགམ་མཁན། ཚོད་འགམ་བྱེད་ལྟ་བུ། 2.གོས་མཐའ་རིང་བ།… |
| འགམ་པ |
བགམ་གྱི་ད་ལྟ་བ། |
| འགམ་ཕྱེ |
ཐ་དད་པ འགམས་པ། འགམ་པ། འགོམས།། རྩམ་པ་སོགས་ཟ་ཕྱེ་སྐམ་པོ་ཁའི་ནང་དུ་བླུགས་ཏེ་མིད་པ། རྩམ་པ་འགམ་རྒྱུ་དང༌། གླིང་བུ་གཏོང་རྒྱུ་གཉིས་དུས་གཅིག་ཏུ་མི་ཡོང༌། |
| འགམ་རྒན |
འགམ་རྒྱུའི་ཕྱེ་མའམ་རྩམ་པ། |
| འགམས་པ |
ཟ་རྔམ་ཆེན་པོ། |
| འགའ |
1. རས་མཐུག་པོ་ཞིག་འཐུམ་བྱེད་དང༌། གུར། རས་ཕད། གྲུ་གཡོར་སོགས་བཟོ་བྱེད་རས་ཆ། 2. ཁ་ཤས་དང༌། ཁ་ཅིག མི་འགའ། རེ་འགའ། སྐབས་འགར་མཐོང་རྒྱུ་གཏན་ནས་མི་འདུག…3.འགམ་པའི་འདས་པ། |
| འགའ་ཙམ |
(གྲངས་ཚིག) གྲངས་ཀ་ཅུང་ཟད་ཉུང་བའི་དོན་ཏེ། མི་འགའ་ཞིག མི་འགའ་རེ། དུས་རེ་འགའ་ཞེས་པ་ལྟ་བུ། |
| འགའ་ཞིག |
འགའ་རེའམ་ཁ་ཤས་ཙམ། |
| འགའ་ཡང |
ལ་ལའམ་ཁ་ཅིག ཡུལ་ལུང་འགའ་ཞིག་ལ་ཐོན་ཁུངས་ཧ་ཅང་ཡག་པོ་ཡོད། གནས་ཚུལ་འགའ་ཞིག་ཁྱེད་རང་གིས་མཁྱེན་མདོག་ཁ་པོ་ཡོད། |
| འགའ་རེ |
འགའ་ཞིག་གམ་ཁ་ཤས་ཀྱང༌། རང་དབང་ལ་མི་དགའ་མཁན་མི་འགའ་ཡང་ཡོད་པ་མ་ཡིན། ཤ་ཚའི་བསླབ་བྱ་བརྒྱབ་པ་དེ་ལ་གནོད་སྐྱོན་འགའ་ཡང་མེད། |
| འགའ་ཤས |
ལ་ལའམ་ཁ་ཅིག མི་འགའ་རེ། ཅ་ལག་འགའ་རེ། དགྲ་བོ་འགའ་རེ་ཝ་མོ་བཞིན་དུ་བྲོས། |
| འགར |
ལ་ལའམ་ཁ་ཅིག གྲོང་ཁྱེར་དེར་ལོ་འགའ་ཤས་ཤིག་བསྡད་པ། ལག་རྩལ་ཆ་ཚང་འགའ་ཤས་ཤིག་ལོབས་པ། |
| འགར་བོ |
མགར་ལ་ལྟོས། འགའ་རུ་ཞེས་པའི་ཚིག་བསྡུས་པ་སྟེ་ཐེངས་འགའ་རུ་བལྟས་ཞེས་པ་ལ་ཐེངས་འགར་བལྟས་ཟེར་བ་ལྟ་བུ། |
| འགལ |
རྙིང མི་ང་རྒྱལ་ཅན། |
| འགལ་ཁྱབ་ཕྱིན་ཅི་ལོག |
(བྱེད་མེད་ལས་ཚིག) མི་མཐུན་པའི་དོན་ཏེ། རྒྱལ་ཁབ་ཀྱི་ཁྲིམས་ལ་འགལ་མི་རུང་། བདེན་དོན་དང་འགལ་བའི་བཤད་ཚུལ་ལ་དགག་པ་རྒྱག་དགོས། |
| འགལ་ཁྱབ་རྣལ་མ |
རྟགས་གསལ་ཁྱབ་པ་སྒོ་བརྒྱད་ལས་ཁྱབ་པ་ཕྱིན་ཅི་ལོག་པ་བཞིའི་ནང་གསེས། རྟགས་དེ་ཡིན་ན་གསལ་བ་དེ་མ་ཡིན་པ་མ་ཡིན་པས་ཁྱབ་པ། དཔེར་ན། བྱས་པ་ཡིན་ན་མི་རྟག་པ་མ་ཡིན་པ་མ་ཡིན་པས་ཁྱབ་པ་ལྟ་བུའོ། |
| འགལ་གཤགས |
རྟགས་གསལ་ཁྱབ་པ་སྒོ་བརྒྱད་ལས་རྣལ་མ་བཞིའི་ནང་གསེས། རྟགས་དེ་ཡིན་ན་གསལ་བ་དེ་མ་ཡིན་པས་ཁྱབ་པ། དཔེར་ན། བྱས་པ་ཡིན་ན་རྟག་པ་མ་ཡིན་པས་ཁྱབ་པ་ལྟ་བུའོ། |
| འགལ་ཆ |
མི་མཐུན་པའི་གཤགས། ཕན་ཚུན་རྒོལ་གླེང་གི་འགལ་གཤགས་མང་པོ་རྒྱག་རེས་བྱེད་པ། |
| འགལ་དམིགས་ཀྱི་རྟགས |
འགལ་བའི་ཆ་ཤས་སམ་མི་མཐུན་པའི་ཆ། |
| འགལ་དམིགས་ཀྱི་རྟགས་དྲུག |
འགལ་ཟླ་དམིགས་པའི་རྟགས། |
| འགལ་དམིགས་ཀྱི་རྟགས་སྦྱོར |
སྣང་རུང་གི་འགལ་ཟླ་དམིགས་པའི་རྟགས་ཡང་དག་ལས་ལྷན་ཅིག་མི་གནས་འགལ་གྱི་རྟགས་ལ་དབྱེ་ན། རང་བཞིན་འགལ་དམིགས་ཀྱི་རྟགས་དང༌། འགལ་འབྲས་དམིགས་པའི་རྟགས་དང༌། ཁྱབ་བྱེད་འགལ་དམིགས་ཀྱི་རྟགས་དང༌། རྒྱུ་འགལ་དམིགས་ཀྱི་རྟགས་དང༌། རྒྱུ་དང་འགལ་བའི་འབྲས་བུ་དམིགས་པའི་རྟགས་དང༌། འབྲས་བུ་འགལ་དམིགས་ཀྱི་རྟགས་ཏེ་དྲུག |
| འགལ་དོན་གྱི་གསལ་བྱེད |
ལྷན་ཅིག་མི་གནས་འགལ་གྱི་རྟགས་སྦྱོར། |
| འགལ་བ |
1. ཐ་མི་དད་པ མི་མཐུན་པ། ཁྲིམས་དང་འགལ་བ། ཚིག་སྔ་ཕྱི་འགལ་བ། བྱ་སྤྱོད་ཕན་ཚུན་འགལ་བ། 2 1 ཐ་དད་ཅིང་གཞི་མཐུན་མི་སྲེད་པ་ཀ་བུམ་གཉིས་དང༌། རྟག་དངོས་གཉིས་དང༌། མེ་ཆུ་གཉིས་ལྟ་བུ་ཕན་ཚུན་སོ་སོར་གནས་ཤིང་གཅིག་ཏུ་མི་མཐུན་པའོ། ཕན་ཚུན་བར་གྱི་འགལ་བ་རྣམས་སེལ། ཁ་བཤད་ལག་ལེན་འགལ་བ་མེད་པ། གཞན་གྱི་ཚིག་ལ་འགལ་བ་བརྗོད་པ། 2 མངོན ས་གླང་ལོ། |
| འགལ་བ་གཉིས |
1བྱ་སྤྱོད་སྔ་ཕྱི་མི་མཐུན་པའི་དོན་ཏེ། རང་ཚིག་སྔ་ཕྱི་འགལ་བ་བྱུང་། བྱ་སྤྱོད་སྔ་ཕྱི་འགལ་བ་བྱུང་ལྟ་བུ། 2མི་མཐུན་པའི་དངོས་པོ་གཉིས་མཐུན་ཐབས་མེད་པའི་དོན་ཏེ། མེ་ཆུ་ལྟར་འགལ་བ། སྣང་མུན་ལྟར་འགལ་བ། བྱ་རོག་དང་འུག་པ་ལྟར་འགལ་བ་ཞེས་ལྟ་བུ། 3བྱ་དངོས་ནང་ཁུལ་གྱི་འགལ་ཟླའི་ཕྱོགས་སོ་སོའི་བར་ཕན་ཚུན་རྟེན་པ་དང་ཕན་ཚུན་འཐབ་རྩོད་བྱེད་པའི་འབྲེལ་བ་ལ་ཟེར། འགལ་བ་ནི་བྱ་དངོས་ཐམས་ཅད་འཕེལ་རྒྱས་ཀྱི་དུས་རིམ་དུ་ཡོད་ལ། བྱ་དངོས་ཐམས་ཅད་འཕེལ་རྒྱས་ཀྱི་དུས་རིམ་གྱི་ཐོག་མཐའ་ཀུན་ཏུ་ཡང་ཁྱབ་པས། བྱ་དངོས་ཐམས་ཅད་འགྱུར་བ་དང་འཕེལ་བའི་རྩ་བའི་རྒྱུ་རྐྱེན་ཡིན། |
| འགལ་བ་གསུམ |
1 འགལ་བ་ལ་ལྡོག་པའི་སྒོ་ནས་དབྱེ་ན། ཕན་ཚུན་སྤངས་འགལ་དང༌། ལྷན་ཅིག་མི་གནས་འགལ་གཉིས། 2 འགལ་བའི་ཚུལ་གྱིས་དབྱེ་ན། དངོས་འགལ་དང༌། བརྒྱུད་འགལ་གཉིས། |
| འགལ་བ་ཅན་གྱི་དོན་གཞན་བཀོད་པ |
མི་མཐུན་པར་གནས་པ་གསུམ་ལྷན་ཅིག་མི་གནས་འགལ་དང༌། ཕན་ཚུན་སྤངས་འགལ། ཚད་མའི་གནོད་འགལ་དང་གསུམ། |
| འགལ་བ་ཅན་གྱི་སྦྱར་བ |
དོན་གཞན་བཀོད་པའི་རྒྱན་གྱི་ནང་གསེས་ཏེ། ངོ་བོ་དང་བྱེད་ལས་མི་མཐུན་པའི་དངོས་པོ་ཞིག་བསྒྲུབ་བྱར་བཀོད་ནས། དེ་དང་འདྲ་བའི་འགལ་བ་ཅན་གྱི་དོན་གཞན་ཞིག་སྒྲུབ་བྱེད་དུ་བཀོད་པའི་རྒྱན། |
| འགལ་བ་དང་མི་འགལ་བ |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དཔེ་ཅན་གྱི་དངོས་པོ་གཅིག་ལ་སྦྱར་གཞི་དཔེའི་དངོས་པོ་ཐ་དད་པ་མང་པོ་བཀོད་པའི་སྦྱར་ཆོས་སྒྲ་སྦྱར་རྣམས་སྦྱར་གཞི་དཔེ་ཅན་ལ་ཡོད་ཅིང་མི་འགལ་བ་དང༌། སྦྱར་གཞི་དཔེ་ལ་མེད་ཅིང་འགལ་བར་སྟོན་པའི་རྒྱན་ཞིག |
| འགལ་བ་དང་འགལ་བ |
དངོས་པོ་རང་དང་འགལ་བའམ། འགལ་བའི་དངོས་པོ་དེ་ཉིད་ཡིན་ཏེ། དཔེར་ན། བུམ་པ་དང་འགལ་བ་དང་མི་འགལ་བ་ནི་བུམ་པ་དང་འགལ་བ་ཡིན་པ་ལྟ་བུའོ། |
| འགལ་བ་ལྟག་སྤྲོད |
དངོས་པོ་རང་དང་མི་འགལ་བའི་དོན། དཔེར་ན། བུམ་པ་དང་འགལ་བ་དང་འགལ་བ་ནི་བུམ་པ་དང་མི་འགལ་བ་ཡིན་པ་ལྟ་བུའོ། |
| འགལ་བ་སྤོང་བ |
འགལ་འདུ་ལྟག་སྤྲོད་དང་དོན་གཅིག་ |
| འགལ་བའི་ཁྱབ་བྱ་དམིགས་པ་བཞི |
མི་མཐུན་པ་སེལ་བར་བྱེད་པ། |
| འགལ་བའི་ཁྱབ་བྱ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་རྟགས་སྦྱོར་བཅུ་གཉིས་ཀྱི་གྲས། རང་བཞིན་དང་འགལ་བའི་ཁྱབ་བྱ་དམིགས་པ་དང༌། རྒྱུ་དང་འགལ་བའི་ཁྱབ་བྱ་དམིགས་པ་དང༌། འབྲས་བུ་དང་འགལ་བའི་ཁྱབ་བྱ་དམིགས་པ་དང༌། ཁྱབ་བྱེད་དང་འགལ་བའི་ཁྱབ་བྱ་དམིགས་པ་སྟེ་བཞིའོ། |
| འགལ་བའི་ཁྱབ་བྱ་དམིགས་པའི་ཐལ་འགྱུར་གསུམ |
རང་རིགས་འཕེན་པའི་ཐལ་འགྱུར་བཞིའི་ནང་གསེས། ཕན་ཚུན་སྤངས་འགལ་ལ་བརྟེན་པའི་ཚད་མའི་གནོད་འགལ་ཅན་གྱི་འགལ་བའི་ཁྱབ་བྱ་རྟགས་སུ་བཀོད་ནས་ཐལ་བ་འཕངས་པ་གང་ཞིག་བཟློག་ན་འགལ་ཁྱབ་དམིགས་པའི་རང་རྒྱུད་འཕེན་པ་དཔེར་ན། བུམ་པ་ཆོས་ཅན། འཇིག་ངེས་མ་ཡིན་པར་ཐལ། རང་གི་འཇིག་པ་རང་རྒྱུ་ལས་ཕྱི་འབྱུང་བའི་འཇིག་རྒྱུ་གཞན་ལ་ལྟོས་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། རང་གི་འཇིག་པ་རང་རྒྱུ་ལས་ཕྱི་འབྱུང་བའི་འཇིག་རྒྱུ་གཞན་ལ་ལྟོས་པ་མིན་ཏེ། འཇིག་ངེས་ཡིན་པའི་ཕྱིར། ཞེས་བཟློག་པ་རང་གི་རིགས་གཅིག་པའི་རང་རྒྱུད་འཕེན་པའོ། |
| འགལ་བའི་གཏན་ཚིགས |
ལྷན་ཅིག་མི་གནས་འགལ་གྱི་ཐལ་འགྱུར་དགུའི་གྲས། ཁྱབ་བྱེད་དང་འགལ་བའི་རང་བཞིན་དམིགས་པའི་ཐལ་འགྱུར་དང༌། ཁྱབ་བྱེད་དང་འགལ་བའི་འབྲས་བུ་དམིགས་པའི་ཐལ་འགྱུར་དང༌། ཁྱབ་བྱེད་དང་འགལ་བའི་རྒྱུ་དམིགས་པའི་ཐལ་འགྱུར་ཏེ་གསུམ་མོ། |
| འགལ་བའི་གཏན་ཚིགས་གཉིས |
གཏན་ཚིགས་ལྟར་སྣང་གི་ནང་གསེས། རྟགས་ཕྱོགས་ལ་གྲུབ་ཅིང་བསྒྲུབ་བྱ་དང་འགལ་བ་སྟེ་ཁྱབ་པ་ཕྱིན་ཅི་ལོག་ཏུ་ངེས་པ། དཔེར་ན། བྱས་རྟགས་ཀྱིས་སྒྲ་རྟག་པར་སྒྲུབ་པ་ལྟ་བུའོ། |
| འགལ་བའི་གཏན་ཚིགས་གསུམ |
1 འགལ་བའི་གཏན་ཚིགས་ལ་བསྒྲུབ་བྱའི་ཆོས་ཀྱིས་དབྱེ་ན། དགག་རྟགས་ཕྱིན་ཅི་ལོག་དང༌། སྒྲུབ་རྟགས་ཕྱིན་ཅི་ལོག་པ་སྟེ་གཉིས། 2 ཕྱོགས་ཆོས་གཏན་ཚིགས་དགུའི་གྲས་ཀྱི་འགལ་རྟགས་གཉིས་ཏེ། མཐུན་ཕྱོགས་ལ་གཏན་མེད་མི་མཐུན་ཕྱོགས་ལ་ཁྱབ་བྱེད་དུ་འཇུག་པ་དང༌། མཐུན་ཕྱོགས་ལ་གཏན་མེད་དང་མི་མཐུན་ཕྱོགས་ལ་རྣམ་གཉིས་འཇུག་པའི་རྟགས་བཅས་སོ། |
| འགལ་བའི་གཏན་ཚིགས་བཞི |
དངོས་པོའི་སྒོ་ནས་དབྱེ་ན། རང་བཞིན་འགལ་བའི་གཏན་ཚིགས་དང༌། འབྲས་བུ་འགལ་བའི་གཏན་ཚིགས་དང༌། མ་དམིགས་པའི་འགལ་བའི་གཏན་ཚིགས་ཏེ་གསུམ་མོ། |
| འགལ་བའི་གཟུགས་ཅན |
བརྗོད་འདོད་ཀྱིས་དབྱེ་ན་བཞི་འགལ་བ་དངོས་སུ་བརྗོད་པ། དཔེར་ན། མི་རྟག་པའི་སྒྲ་ཆོས་ཅན། རྟག་བྱས་པའི་ཕྱིར་ཞེས་དང༌། འགལ་བ་ཤུགས་ཀྱིས་བརྗོད་པ། དཔེར་ན། ནམ་མཁའ་ཆོས་ཅན། བྱེད་པ་པོ་ཡིན་ཏེ། དོན་བྱེད་ནུས་པས་སྟོང་པའི་ཕྱིར་ཞེས་དང༌། ཆོས་ཀྱི་ཁྱད་པར་གྱི་སྒོ་ནས་འགལ་བ་བརྗོད་པ། དཔེར་ན། མིག་ལ་སོགས་པ་ཆོས་ཅན། གཞན་དོན་བྱེད་དེ། འདུས་བསགས་ཡིན་པའི་ཕྱིར། ཞེས་དང༌། ཆོས་ཅན་གྱི་ཁྱད་པར་གྱི་སྒོ་ནས་འགལ་བ་བརྗོད་པ། དཔེར་ན། གཞན་གྱི་དོན་བྱེད་པའི་མིག་ལ་སོགས་པ་ཆོས་ཅན། ཡོད་དེ། འདུས་བསགས་ཡིན་པའི་ཕྱིར། ཞེས་པ་སྟེ་བཞིའོ། |
| འགལ་བའི་དཔེ |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་དངོས་པོ་གང་རུང་ཞིག་དཔེའི་དངོས་པོ་འོས་པའི་བྱ་བ་མི་བྱེད་ཅིང༌། འོས་མིན་གྱི་བྱ་བ་འགལ་བ་བྱེད་མཁན་གྱི་གཟུགས་ཅན་དུ་བཀོད་པའི་རྒྱན་ཞིག |
| འགལ་བའི་འབྲས་བུ་དམིགས་པ་བཞི |
དཔེའི་རྒྱན་གྱི་ནང་གསེས་ཤིག་དཔེ་དང༌། དོན་གཉིས་ཕན་ཚུན་མཚུངས་ཆོས་འདྲ་བ་ལ་ཁྱད་པར་མེད་ཀྱང༌། གནས་སའི་རྟེན་སོགས་ཀྱི་ཁྱད་པར་མི་འདྲ་བའི་སྒོ་ནས་འགལ་བ་སྟོན་པའི་རྒྱན་ཞིག |
| འགལ་བའི་འབྲས་བུ་དམིགས་པའི་ཐལ་འགྱུར་གསུམ |
ལྷན་ཅིག་མི་གནས་འགལ་གྱི་རྟགས་སྦྱོར་བཅུ་གཉིས་ཀྱི་གྲས། རང་བཞིན་དང་འགལ་བའི་འབྲས་བུ་དམིགས་པ་དང༌། རྒྱུ་དང་འགལ་བའི་འབྲས་བུ་དམིགས་པ་དང༌། འབྲས་བུ་དང་འགལ་བའི་འབྲས་བུ་དམིགས་པ་དང༌། ཁྱབ་བྱེད་དང་འགལ་བའི་འབྲས་བུ་དམིགས་པ་སྟེ་བཞིའོ། |
| འགལ་བའི་རང་བཞིན་དམིགས་པ་བཞི |
ལྷན་ཅིག་མི་གནས་འགལ་གྱི་ཐལ་འགྱུར་དགུའི་གྲས། རྒྱུ་དང་འགལ་བའི་ཁྱབ་བྱ་དམིགས་པའི་ཐལ་འགྱུར་དང༌། རྒྱུ་དང་འགལ་བའི་རྒྱུ་དམིགས་པའི་ཐལ་འགྱུར་དང༌། རྒྱུ་དང་འགལ་བའི་རང་བཞིན་དམིགས་པའི་ཐལ་འགྱུར་ཏེ་གསུམ་མོ། |
| འགལ་བའི་རང་བཞིན་དམིགས་པའི་ཐལ་འགྱུར་གསུམ |
ལྷན་ཅིག་མི་གནས་འགལ་གྱི་རྟགས་སྦྱོར་བཅུ་གཉིས་ཀྱི་གྲས། རང་བཞིན་དང་འགལ་བའི་རང་བཞིན་དམིགས་པ་དང༌། རྒྱུ་དང་འགལ་བའི་རང་བཞིན་དམིགས་པ་དང༌། འབྲས་བུ་དང་འགལ་བའི་རང་བཞིན་དམིགས་པ་དང༌། ཁྱབ་བྱེད་དང་འགལ་བའི་རང་བཞིན་དམིགས་པ་སྟེ་བཞིའོ། |
| འགལ་བའི་རྒྱན |
ལྷན་ཅིག་མི་གནས་འགལ་གྱི་ཐལ་འགྱུར་དགུའི་གྲས། རང་བཞིན་དང་འགལ་བའི་ཁྱབ་བྱ་དམིགས་པའི་ཐལ་འགྱུར་དང༌། རང་བཞིན་དང་འགལ་བའི་འབྲས་བུ་དམིགས་པའི་ཐལ་འགྱུར་དང༌། རང་བཞིན་དང་འགལ་བའི་རྒྱུ་དམིགས་པའི་ཐལ་འགྱུར་ཏེ་གསུམ་མོ། |
| འགལ་བའི་རྒྱན་དྲུག |
བརྗོད་འདོད་ཀྱི་དངོས་པོའི་ཁྱད་པར་དང༌། རྫས། བྱ་བ་སོགས་འགལ་ཆོས་རྣམས་ཕན་ཚུན་མི་མཐུན་པ་བསྒྲུབ་པའི་ཆེད་དུ་ལྷན་ཅིག་འགྲོགས་པར་སྟོན་པའི་རྒྱན་ཞིག |
| འགལ་བའི་ལས་ཅན་གྱི་སྦྱར་བ |
འགལ་བའི་རྒྱན་གྱི་ནང་གསེས་རྣམ་གྲངས་དྲུག་ནི། གཞི་ཐ་དད་པའི་བྱ་བ་འགལ་བ། གཞི་གཅིག་གི་ཡོན་ཏན་འགལ་བ། གཞི་གཅིག་གི་རྫས་ཆོས་དུ་མ་འགལ་བ། གཞི་གཅིག་གི་རྫས་དང་ལས་འགལ་བ། གཞི་གཅིག་གི་ལས་འགལ་བ། སྦྱར་བའི་འགལ་བ་བཅས་སོ། |
| འགལ་བའི་ལྷག་ལྡན |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དངོས་པོ་གཉིས་ཀྱི་སྦྱར་ཆོས་བྱ་བ་ཕན་ཚུན་མི་མཐུན་པ་འགལ་བ་ཅན་དུ་སྟོན་པའི་རྒྱན་ཞིག |
| འགལ་བྱེད |
ལྷག་ལྡན་གྱི་མ་ངེས་པའི་རྟགས་གང་ཞིག་གང་ལ་རྟགས་སུ་སོང་བའི་རྒོལ་བས་མི་མཐུན་ཕྱོགས་ལ་མཐོང༌། མཐུན་ཕྱོགས་ལ་མ་མཐོང་ཡང་མེད་པར་མ་ངེས་པ། དཔེར་ན། སྐྱེས་བུ་འདི་ཆོས་ཅན། ཀུན་མཁྱེན་ཡིན་ཏེ། ངག་སྨྲ་བའི་ཕྱིར། ཞེས་པ་ལྟ་བུ་འགལ་བའི་ལྷག་མ་དང་ལྡན་པའི་རྟགས་སོ། |
| འགལ་མིན་གྱི་སྦྱར་བ |
མངོན ལྕགས་ཕག་ལོ། |
| འགལ་ཚབས |
སྦྱར་བའི་རྒྱན་གྱི་ནང་གསེས་ཤིག་སྦྱར་གཞི་དཔེ་ཅན་གྱི་དངོས་པོ་གཅིག་ལ་སྦྱར་གཞི་དཔེའི་དངོས་པོ་ཐ་དད་པ་མང་པོ་བཀོད་པའི་སྦྱར་ཆོས་སྒྲ་སྦྱར་ཐམས་ཅད་སྦྱར་གཞི་དཔེ་དོན་གཉིས་ཀ་ལ་ཡོད་ཅིང༌། མི་འགལ་བར་སྟོན་པའི་རྒྱན་ཞིག |
| འགལ་ཟླ |
1 མི་མཐུན་པའི་ཡའམ་ཁ་གཏད། འགལ་ཟླ་དེ་དག་གིས་ཇི་སྐད་སྨྲ་བའི་དོན་ལ་ལེགས་པར་བརྟགས་ཤིང་དཔྱད་པ། 2 འགལ་བ། འགལ་ཟླ་གཅིག་གྱུར། |
| འགལ་ཟླ་དམིགས་པའི་རྟགས |
འགལ་བ་ཡིན་པའི་ཕྱོགས་གཉིས་ཀྱི་ཕྱོགས་གཅིག་ལ་ཟེར། |
| འགལ་འདུ |
སྣང་རུང་མ་དམིགས་པའི་རྟགས་ཀྱི་ནང་གསེས། རྩོད་གཞིའི་སྟེང་དུ་དགག་བྱའི་ཆོས་མེད་ངེས་སུ་སྒྲུབ་ནུས་པའི་སྒྲུབ་པ་རྟགས་སུ་སྦྱོར་བ་དཔེར་ན། མེ་སྟོབས་ཆེན་པོས་ཁྱབ་པར་ནོན་པའི་ཤར་གཞིར་ཆོས་ཅན། གྲང་རེག་རྒྱུན་ཆགས་སུ་གནས་པ་མེད་དེ་མེ་སྟོབས་ཆེན་པོས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་སྒྲུབ་བྱེད་ཀྱི་རྟགས་ལ་དགག་སྒྲ་གང་ཡང་སྦྱར་མེད་པའི་ཚུལ་གྱིས་དགག་བྱ་བཀག་པའོ། |
| འགལ་འདུ་ལྟག་སྤྲོད |
འགལ་བ། |
| འགལ་འདུའི་རྫུན་ཅན |
མི་མཐུན་པ་དང་རྒྱབ་འགལ། |
| འགལ་འབྲས་དམིགས་པའི་རྟགས |
མངོན སྲིན་བྱ། |
| འགལ་འབྲེལ |
སྣང་རུང་གི་འགལ་ཟླ་དམིགས་པའི་རྟགས་ཀྱི་ནང་གསེས། བསྒྲུབ་ཆོས་དང་འགལ་བའི་འབྲས་བུ་རྟགས་སུ་བཀོད་ནས། དགག་བྱ་འགོག་པའམ་མེད་ངེས་སུ་སྒྲུབ་པ་དཔེར་ན། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། གྲང་རེག་རྒྱུན་ཆགས་སུ་གནས་པ་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་སྒྲུབ་བྱེད་མེ་འབྲས་དུ་བ་རྟགས་སུ་བཀོད་ནས་དགག་ཆོས་རང་རྒྱུ་མེ་དང་འགལ་བའི་གྲང་རེག་འགོག་པའམ་མེད་ངེས་སུ་སྒྲུབ་པའོ། |
| འགལ་འཛོལ |
མི་མཐུན་པའི་འབྲེལ་བ་ཆུ་དང་མེ་ལྟ་བུ། |
| འགལ་རྐྱེན |
ཁྲིམས་འགལ་དང་ནོར་འཁྲུལ་ལ་ཟེར། |
| འགལ་རྟགས |
རྐྱེན་ངན་པའམ་མི་མཐུན་པའི་རྐྱེན་ཏེ། གེགས་བྱེད་པའི་བར་ཆད། ནས་མྱུག་སྐྱེ་བའི་འགལ་རྐྱེན་སད་སེར་ཐན་པ་དང༌། སྲོག་འཚོ་བའི་འགལ་རྐྱེན་ནད་དང་མུ་གེ། |
| འགས |
ད་ལྟ་བ་ཤིང་འགས་བྱེད་ཀྱི་སྟ་རེ། ཤིང་འགས་མཁན། ཤིང་འགས་ཀྱིན་ཡོད་ལྟ་བུ། |
| འགས་པ |
བཀས་ཀྱི་ད་ལྟ་བ། འགའ་ཡིས་ཞེས་པའི་བྱེད་སྒྲ་བསྡུས་པ་ མི་འགས་ལུག་འཚོ་བཞིན་འདུག་ལྟ་བུ། |
| འགི |
1. ཐ་དད་པ བཀས་པ། དགས་པ། ཁོས།། གཤོག་པ། རྡོ་བཀས་པ། མེ་ཤིང་དུམ་བུར་བཀས་པ། ཤིང་ལེབ་བཀས་བཞག ཤིང་བཟོ་བས་ཤིང་འགས་པ་དང༌། རྡོ་བཟོ་བས་རྡོ་འགས། 2. ཐ་མི་དད་པ གས་པ། འགས་པ།།རང་བཞིན་དུ་འགས་པ། གྱང་ལ་སེར་ཁ་གས་འདུག རི་ལོག་པ་ཐག་པས་མི་འདུས། ཐང་གས་པར་ལྕགས་ཤན་གྱིས་མི་ཕན། |
| འགི་ཝང |
ཡུལ འདུག ཡར་ལྟོས་དང་ལྟད་མོ་འདི་འདྲ་འགི། |
| འགི་ཧང |
གི་ཝང་དང་འདྲ། |
| འགིའུ་ཝང |
གི་ཝང་དང་འདྲ། |
| འགུག |
གི་ཝང་དང་འདྲ། |
| འགུགས |
ད་ལྟ་བ་གཞུ་འགུགས་ཀྱིན་ཡོད། གཞུ་འགུགས་མཁན་ཞེས་པ་ལྟ་བུ། |
| འགུགས་པ |
བཀུག་གི་ད་ལྟ་བ། |
| འགུགས་བརྡ |
ཐ་དད་པ བཀུག་པ། དགུག་པ། ཁུག།1 སྒུར་བའམ་གུག་ཏུ་འཇུག་པ། མཛུབ་མོ་བཀུག་ནས་གྲངས་ཀ་བརྩིས། ཤིང་གི་ཡལ་ག་བཀུག་སྟེ་བཅད་པ། བཏང་ན་མདའ་དང་བཀུག་ན་གཞུ། 2 ཚུར་འདྲེན་པ། དམག་མི་འགུགས་པ། མགྲོན་འགུགས་པ། ད་ལྟ་ཉིད་དུ་ཁུག་ཅིག བུ་ཕྲུག་རྣམས་རང་གི་མདུན་དུ་བཀུག་པ། |
| འགུགས་ཚྭ |
འདིར་ཤོག་ཅིག་ཟེར་བའི་བརྡ་ལན། ལག་པས་འགུགས་བརྡ་གཏོང་བ། |
| འགུགས་འབོད |
ཚོས་རྒྱག་དུས་དགོས་པའི་ཚྭ་རིགས་ཤིག |
| འགུགས་རྒྱག་པ |
རང་གནས་སུ་སྐད་གཏོང་བའམ་ཚུར་སྐོང་བ། |
| འགུགས་སྔགས |
ཚོས་མདངས་འདོན་པ། སྣམ་བུར་སྤང་འགུགས་རྒྱག་པ། ཐེར་མར་འདམ་འགུགས་རྒྱག་པ། |
| འགུགས་སྡུད |
དྲག་ལས་ཀྱི་སྐབས་དགྲ་བགེགས་འགུགས་བྱེད་ཀྱི་སྔགས། |
| འགུམ་པ |
རང་ཕྱོགས་སུ་སྐོང་འགུགས། |
| འགུམ་མི་བསྡོ་བ |
ཐ་མི་དད་པ གུམ་པ། འགུམ་པ།། འཆི་བ། ནད་པ་འགུམ་པ་ལས་སོས་པ། |
| འགུམས |
ད་ལྟ་བ་འགུམས་བྱེད་ཀྱི་མཚོན་ཆ་ཞེས་པ་ལྟ་བུ། 2.རྙིང ཤི་མི་རུང་བ་དང་ཤི་མི་འོས་པ།… |
| འགུམས་པ |
བཀུམས་ཀྱི་ད་ལྟ་བ། |
| འགུར་ཞོ |
ཐ་དད་པ བཀུམས་པ། དགུམ་པ། ཁུམས།། གསོད་པ། དགྲ་བོ་འགུམས་པ། |
| འགུལ |
མགུར་ཞོ་དང་འདྲ། |
| འགུལ་ཁྱུག་ཁྱུག |
(བྱེད་མེད་ལས་ཚིག) སྔར་གྱི་གནས་ས་དང་བྲལ་བ་དང་། སྔར་གྱི་གནས་སའམ་རྣམ་པ་འགྱུར་བའི་དོན་ཏེ། མ་བསྒུལ་རང་འགུལ། ཤིང་རྩ་བ་འགུལ་ན་རྩེ་མོ་ཡང་འགུལ། དངོས་པོ་ཐམས་ཅད་འགུལ་སྐྱོད་བྱེད་ཀྱིན་ཡོད་ཅེས་པ་ལྟ་བུ། |
| འགུལ་བ |
འགུལ་སྟངས་ཀྱི་རྣམ་པ་ཞིག ཉ་ཆུང་མང་པོ་ཆུ་ནང་དུ་འགུལ་ཁྱུག་ཁྱུག་བྱེད། |
| འགུལ་མེར་མེར |
ཐ་མི་དད་པ གཡོ་བ། ལུས་འགུལ། སེམས་འགུལ། ས་འགུལ། ལག་པ་འགུལ་བ། མ་བསྒུལ་རང་འགུལ། མེ་སྒྱོགས་ཆེན་པོ་རྒྱག་དུས་ཁང་པའང་འགུལ་ཙམ་བྱས་སོང༌། རི་རབ་འགུལ་བའི་སྒུལ་ཤིང༌། རྒྱ་མཚོ་དཀྲུག་པའི་ཐུར་མ། |
| འགུལ་འགུལ |
འགུལ་སྟངས་ཤིག ས་ཡོམ་བརྒྱབ་པས་ཁང་པ་ཐམས་ཅད་འགུལ་མེར་མེར་བྱེད། |
| འགུལ་རྩ |
འགུལ་སྐྱོད། བྱ་དེ་ད་ལྟ་ཤི་མི་འདུག་འགུལ་འགུལ་བྱེད་ཀྱིན་འདུག |
| འགུལ་ལྡེག |
འཕར་རྩ། |
| འགུལ་ཤིག་ཤིག |
འགུལ་བ་དང་འཕར་བ། |
| འགུལ་ཤུགས |
འགུལ་སྟངས་ཀྱི་རྣམ་པ། འབུ་སྲིན་མང་པོ་འགུལ་ཤིག་ཤིག་བྱེད། |
| འགུལ་སྐྱོད |
འགུལ་སྐྱོད་ཀྱི་ནུས་ཤུགས། |
| འགེགས |
གཡོ་བ། སྨན་ཁབ་རྒྱག་དུས་འགུལ་སྐྱོད་མ་བྱེད། |
| འགེགས་པ |
བཀག་གི་ད་ལྟ་བའི་འབྲི་སྟངས་གཞན། |
| འགེང |
འགོག་པའི་ད་ལྟ་བ་འབྲི་ཚུལ་གཞན་ཞིག་ |
| འགེང |
ད་ལྟ་བ་སྣོད་འགེང་མཁན། བང་མཛོད་འབྲུ་ཡིས་འགེང་མཁན་ཞེས་པ་ལྟ་བུ། |
| འགེངས་པ |
བཀང་གི་ད་ལྟ་བ། |
| འགེབས |
ཐ་དད་པ བཀང་བ། དགང་བ། ཁོང༌།།1 རྒྱོང་བའམ་གང་བར་བྱེད་པ། བང་མཛོད་འབྲུས་བཀང་བ། བུམ་པ་ཆུས་བཀང་བ། ས་གཞི་ཆུས་འགེངས་པ། 2 གཞུའི་རྒྱུད་འཐེན་པ། གཞུ་བཀང་ནས་མདའ་འཕེན་པ།…3.ད་ལྟ་བ་ཉལ་ཐུལ་འགེབས་མཁན་ཞེས་པ་ལྟ་བུ། |
| འགེབས་པ |
བཀབ་ཀྱི་ད་ལྟ་བ། |
| འགེབས་བྱེད |
ཐ་དད་པ བཀབ་པ། དགབ་པ། ཁོབ།། སྦེད་སྐུང་བྱེད་པའམ་གཡོགས་ནས་སྒྲིབ་པ། ཁང་པའི་ཐོག་བཀབ་པ། ཁེབས་དང་གོས་ཀྱིས་དགབ་དགོས། སྐྱོན་འགེབས་པ། ཇེ་བཀབ་ཇེ་གསལ། ཡས་བསུ་མས་འགེབས། ཞྭ་དཔེ་ལྷམ་ལ་མ་འགེབས། ར་མགོ་ལུག་ལ་མ་སྦྱོར། |
| འགེམ |
1 གཡོག་བྱེད་ཀྱི་དངོས་པོ། 2 མངོན འདབ་ཆགས་སྤྱིའི་གཤོག་སྒྲོ། |
| འགེམ་མེ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)བཅོམ་པའི་དོན་ཏེ། མེ་སྒྱོགས་སྒྲ་ཡིས་སྤྱང་ཀིའི་ཀླད་པ་འགེམ། མགོ་བོ་འགེམ་པར་བྱེད་ལྟ་བུ། |
| འགེམས |
ཡུལ ཡ་ཁ་མ་ཁ་རིང་ཐུང་ཆེས་མི་སྙོམས་པ་ཡས་འགེམ་དང༌། མས་འགེམ་སྤྱིའི་མིང༌།…2.འདས་པ་དང་སྐུལ་ཚིག་ སེང་གེའི་ང་རོས་ཝ་སྐྱེས་ཀླད་པ་འགེམས། འགེམས་ཤིག་ལྟ་བུ། |
| འགེམས་པ |
ཐ་དད་པ འཇོམས་པ། སེང་གེས་གླང་ཆེན་གྱི་མགོ་འགེམས་ཏེ་བསད་པ། |
| འགེར |
ད་ལྟ་བ་ར་ལུག་འགེར་གྱིན་ཡོད་ལྟ་བུ། |
| འགེལ |
(བྱེད་འབྲེལ་ལས་ཚིག་ད་ལྟ་བ) <ཀ>ཕྱུགས་ལ་ཁལ་བཀལ་བའི་དོན་ཏེ། ཁལ་འགེལ་གྱིན་ཡོད། ཁལ་འགེལ་བྱེད་ཀྱི་ཐག་པ། ཁལ་འགེལ་མཁན་ཞེས་པ་ལྟ་བུ། |
| འགེལ་གདང |
ཕུར་གདང་ངམ་ཐག་གདང༌། |
| འགེལ་གཡག |
ཁལ་འགེལ་སའི་གཡག |
| འགེལ་དྲེལ |
ཁལ་འགེལ་སའི་དྲེའུ། |
| འགེལ་བ |
ཐ་དད་པ བཀལ་བ། དགལ་བ། ཁོལ།།1 སྐུལ་བ། ཉེས་ཆད་འགེལ་བ། དངུལ་ཁྲལ་འགེལ་བ། ནག་མེད་ཉེས་བཀལ། སྔར་གྱི་ཁྲལ་འུལ་འགེལ་ལུགས་རྩ་མེད་བཟོས་པ། 2 རྟ་དྲེལ་སོགས་ཀྱི་རྒྱབ་ཏུ་ཁུར་སྐུར་བ། རྟ་དྲེལ་ལག་གཅིག་ལ་ཚོང་ཟོག་འགེལ་བ། དོ་པོ་མ་བཀལ་གོང་དུ་གློ་ཐག་དམ་པོར་སྡོམས་ཤིག 3 བསྐོན་ནས་འཇོག་པ། ཤིང་གི་ཡལ་གར་གོས་བཀལ་བ། 4 རེ་བ་བྱེད་པའམ་འཆོལ་བ། བློ་བཀལ་ནས་བཞག་པ། གྲོགས་ལ་ཡིད་འགེལ་བ། |
| འགེལ་རིས |
གྱང་ངོས་སུ་གཟར་བའི་རི་མོ། |
| འགེལ་ལུག |
ཁལ་འགེལ་སའི་ལུག |
| འགོ |
ཐོག་མ་དང་རྩ་བ། གྲལ་འགོ། ལས་འགོ། ཚོགས་འདུ་ཆེན་མོའི་འགོ་ཚུགས་པ། ལས་དོན་ཚང་མའི་འགོ་ནས་མཇུག་བར་འཐུས་ཤོར་མེད་པ་བྱུང༌། སྐད་ཆའི་འགོ་སྨོས་པས་ཧ་གོ་བ། ཆོས་འགོ་སངས་རྒྱས་ལ་ཐུག་པ་དང༌། ཆུ་འགོ་གངས་རི་ལ་ཐུག་པ།…2.(བྱེད་མེད་ལས་ཚིག་མ་འོངས་པ་དང་ད་ལྟ་བ)དངོས་རྫས་ཤིག་ལ་དངོས་རྫས་གཞན་ཞིག་འབྱར་བའམ་ཤན་ཞུགས་པའི་དོན་ཏེ། གཙང་མ་བྱས་ན་ལུས་ལ་ནད་མི་འགོ། རས་དཀར་པོ་ལ་ཚོན་དམར་པོ་འགོ་སླ། སྒོག་པར་ཐུག་ན་སྒོག་དྲི་འགོ། ངན་པར་འགྲོགས་ན་སྐྱོན་ངན་འགོ་ཞེས་པ་ལྟ་བུ། |
| འགོ་ཁྲིད |
1 སྣ་འདྲེན། 2 འགོ་ཁྲིད་ཀྱི་འགན་འཁུར་མཁན། |
| འགོ་ཐུག |
ར་འཕྲོད་པ། གཏོང་ཡོང་འགོ་ཐུག་པ། སྐད་ཆ་འགོ་ཐུག་པ། |
| འགོ་དཔོན |
འགོ་བྱེད་དཔོན་པོ། |
| འགོ་ནད |
གཞན་ལ་འགོ་ཐུབ་པའི་ནད་རིགས་ཀྱི་མིང་། |
| འགོ་ནན |
རྙིང ཐོག་མ། |
| འགོ་པ |
ལས་ཀའི་འགོ་བྱེད་མཁན། ཚོ་བའི་འགོ་པ། ལས་རིགས་ཀྱི་འགོ་པ། |
| འགོ་བ |
ཐ་མི་དད་པ གོས་པ། འགོ་བ།། ཤན་ཞུགས་པ་དང༌། སྦགས་པའམ་འབྱར་བ། འགོ་བའི་ན་ཚ་འགོས་པ། སྐྱོན་འགོས་པ། གོས་པའི་ཉེས་པ། |
| འགོ་བཏོག |
བལ་གྱི་རྩེ་མོ་ཕྱིང་པ་ལྟ་བུར་གྱུར་པའི་བལ་རིལ། |
| འགོ་བའི་རིམས |
གཞན་ལ་འགོ་བའི་རིམས་ནད་དེ་ནང་གསེས་སུ་དབྱེ་ན་བལ་ནད་དང༌། འབྲུམ་པ། རྒྱུ་གཟེར། གག་པ། ལྷོག་པ། ཆམ་རིམས་བཅས་དྲུག་འཆིས། |
| འགོ་བའི་ལྷ |
མི་སོ་སོར་ལུས་དང་གྲིབ་མ་ལྟར་འགྲོགས་ནས་སྐྱོབ་པའི་ལྷའམ་མི་མིན་གྲས། |
| འགོ་བའི་ལྷ་ལྔ |
ཡུལ་ལྷ། ཕོ་ལྷ། མོ་ལྷ། དགྲ་ལྷ། སྲོག་ལྷ་བཅས་ལྔའོ། |
| འགོ་བརྗོད |
1 རྩོམ་ཡིག་གི་ཐོག་མའི་ཤིས་བརྗོད་དམ་ཚིག་རྒྱན། 2 གཏམ་གྱི་གླེང་གཞི། གྲོས་བསྡུར་གྱི་དང་པོའི་འགོ་བརྗོད་གླེང་སྟངས་ལ་གཞིགས་ན་རྙོག་གྲ་ཆེ་ཙམ་ཡོང་བཟོ་འདུག |
| འགོ་བརྗོད་གླེང་གཞི |
དཔེ་དེབ་རྩོམ་སྒྲིག་བྱེད་པའི་རྒྱུ་རྐྱེན་གནས་ལུགས་བཀོད་པ། |
| འགོ་བྱེད་པ |
1 སྣེ་ཁྲིད་བྱེད་པ། 2 སྣེ་འཁྲིད་བྱེད་མཁན། |
| འགོ་བྱེད་པོ |
འགོ་ཁྲིད་བྱེད་མཁན། |
| འགོ་མ |
ཐོག་མ། |
| འགོ་མཆན |
སྙན་ཞུའི་འགོར་གོང་རིམ་ནས་གནང་བའི་བཀའ་ལན། ཞུ་ཐོ་འགོ་མཆན། |
| འགོ་མཇུག |
རྩེ་མོ་དང་རྩ་བའམ་ཐོག་མ་དང་མཐའ་མ། རྒྱུག་པའི་འགོ་མཇུག ལས་དོན་གལ་འགངས་ཆེ་ཆུང་སྔ་ཕྱི་འགོ་མཇུག་མ་ནོར་བ་བྱེད་དགོས། ཤིང་གི་འགོ་མཇུག་གཉིས་ལ་ཕྲ་སྦོམ་གྱི་ཁྱད་པར་ཡོད། སྐད་ཆ་འགོ་མཇུག་བསློགས་ནས་བཤད་ན་གོ་བདེ་པོ་མི་ཡོང༌། |
| འགོ་མི |
ལས་དོན་གང་རུང་གི་འགོ་འཁྲིད་པ་པོ། |
| འགོ་ཟིན་པ |
1 ཐོག་མ་ཚུགས་པ། 2 སྣེ་ཟིན་པ། ལས་གྲ་སྔ་ཕྱིའི་འགོ་ཟིན་པ་བྱེད་པ། |
| འགོ་འཇུ་བ |
1 ལས་དོན་གྱི་འགོ་འཛུགས་པ། 2 ལས་དོན་གྱི་འགོ་འཛིན་པ། ཚོགས་འདུའི་འགོ་འཇུ་མཁན་སུ་རེད། |
| འགོ་འདོམས |
འགོ་བྱེད། |
| འགོ་འདྲེན |
1 སྐྱབས་རོགས་བྱེད་མཁན། 2 མངོན ཤིང་རྟའི་ཁ་ལོ་བ། |
| འགོ་འཛིན |
1 འགོ་འཁྲིད་མཁན། 2 བདག་གཉེར། |
| འགོ་འཛུགས |
བྱ་བ་ཐོག་མར་བྱེད་པ། འགོ་འཛུགས་ལེའུ། ལས་གྲྭ་གསར་པའི་འགོ་འཛུགས་པ། |
| འགོ་རིམས |
འགོས་ནད་ཅིག |
| འགོ་རིལ |
1 ནས་ཀྱི་བྱེ་བྲག་ཅིག 2 བྱིང་མ་སྤུ་རུག་གི་འགོ་མའི་སྣམ་བུ། |
| འགོ་རྩོམ |
བྱ་བ་ཐོག་མར་འགོ་ཚུགས་པ། འགོ་རྩོམ་སྐུལ་ཡིག ཐོན་སྐྱེད་གོང་འཕེལ་གཏོང་རྒྱུའི་ཐབས་ཇུས་ལག་བསྟར་བྱེད་པའི་འགོ་རྩོམ་པ། སྲོལ་འགོ་རྩོམ་པ། |
| འགོ་ལིང་རྒྱས |
ལྗོན་ཤིང་གི་རྩེ་མོའི་ཡལ་འདབ་རྒྱས་པ། |
| འགོ་སྣམ |
བལ་གྱིས་བཏགས་པའི་སྣམ་བུའི་རིགས་ཤིག་གི་མིང་ རྒྱ་སྐད་དུ་ཉི་ཙི་ཟེར། |
| འགོག |
ད་ལྟ་བ་དགྲ་འགོག་བྱེད་ཀྱི་མཚོན་ཆ། ཆུ་འགོག་བྱེད་ཀྱི་ཆུ་རགས་ཞེས་པ་ལྟ་བུ། 2.ད་ལྟ་བ་ཤིང་ཤུན་འགོག་གིན་ཡོད་། འགོག་མཁན་ཞེས་པ་ལྟ་བུ། |
| འགོག |
བཀག་གི་ད་ལྟ་བ། བཀོག་གི་ད་ལྟ་བ། |
| འགོག་པ |
1. ཐ་དད་པ 1 བཀག་པ། དགག་པ། ཁོག།1 རྒྱུན་གཅོད་པ། དགྲ་འགོག་པ། འགོ་ནད་སྔོན་འགོག ཁ་བཀག་པ། རྒྱུག་ཆུ་དེ་བཀག་ཟིན་པ་ཡིན། ལམ་འགོག་པ། 2 རྒོལ་བ། ཕས་རྒོལ་བཀག་པ། 2 བཀོག་པ། དགོག་པ། ཁོག།1 འདོན་པ། རྩྭ་ངན་འགོག་པ། སོ་བཀོག་པ། རྩ་བ་བཀོག་པ། 2 སྦྱར་ས་ནས་མར་ལེན་པ། ལྡེབས་རིས་འགོག་པ། ཤིང་ཤུན་གྱི་པགས་པ་འགོག་པར་བྱེད། 2. བདེན་བཞི་མི་རྟག་སོགས་བཅུ་དྲུག་གི་ནང་གསེས་ཤིག་སྡུག་བསྔལ་འབྱུང་བའི་རྒྱུ་འདོད་ཆགས་དང་ཞེ་སྡང་ལ་སོགས་པའི་ཉོན་མོངས་པ་དང༌། སྲོག་གཅོད་པ་ལ་སོགས་པའི་སྡིག་པ་མི་དགེ་བའི་ལས་རྣམས་སྤངས་ཏེ་མི་འབྱུང་བ། 3. མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| འགོག་པ་གཉིས |
སོ་སོར་བརྟགས་འགོག་དང༌། སོ་སོར་བརྟགས་མིན་གྱི་འགོག་པ། |
| འགོག་པ་ཆོས་བཟོད |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་འདོད་པའི་འགོག་བདེན་ལ་དམིགས་པའི་ཆོས་ཤེས་པའི་བཟོད་པ་ཞེས་འགོག་བདེན་གྱི་ཆོས་རང་སྤྱིའི་མཚན་ཉིད་ཤེས་ཤིང་སྔར་གོམས་པ་མངོན་དུ་གྱུར་པའི་ཟག་མེད་ཤེས་རབ་ཀྱིས་སྤང་བྱ་སྤང་བ་མི་སྐྲག་པའི་བཟོད་པ་ཐོབ་པ་མཐོང་ལམ་བར་ཆད་མེད་ལམ་གྱི་ཡེ་ཤེས་ཤིག |
| འགོག་པ་ཆོས་ཤེས |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་འགོག་པ་ཆོས་བཟོད་ཀྱི་མཇུག་ཐོག་ཏུ་སྤང་བྱ་ལས་རྣམ་པར་གྲོལ་བ་ཐོབ་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས་ཤིག |
| འགོག་པ་རི |
གདན་ས་དགའ་ལྡན་གྱི་གནས་རི། སྟག་རྩེ་རྫོང་ན་ཡོད། |
| འགོག་པ་རྗེས་བཟོད |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་ཁམས་གོང་མ་ལ་དམིགས་པའི་འགོག་བདེན་གྱི་རང་སྤྱིའི་མཚན་ཉིད་ཤེས་ནས་སྤང་བྱ་སྤོང་བ་ནི་འགོག་པ་ལ་རྗེས་སུ་ཤེས་པའི་བཟོད་པ་ཐོབ་པ་མཐོང་ལམ་བར་ཆད་མེད་ལམ་གྱི་ཡེ་ཤེས་ཤིག |
| འགོག་པ་རྗེས་ཤེས |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་འགོག་པ་རྗེས་བཟོད་ཀྱི་མཇུག་ཐོག་ཏུ་ཁམས་གོང་མ་ལ་དམིགས་པའི་སྤང་བྱ་སྤངས་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས། |
| འགོག་པ་ཤེས་པ |
ཤེས་པ་བཅུའི་གྲས་ཤིག་སྟེ་ཁམས་གོང་འོག་གི་འགོག་བདེན་རྟོགས་པར་བྱེད་པའི་ཤེས་པ། |
| འགོག་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དགག་བྱ་དཔེའི་གཟུགས་སུ་བཀོད་པའི་དཔེ་ཅན་དེས། འགོག་བྱེད་རང་གི་བྱ་བ་མི་མཐུན་པ་བྱེད་པས་གཟུགས་སུ་བྱས་པའི་ཆོས་དེ་དངོས་གནས་མིན་པར་སྟོན་པའི་རྒྱན་ཞིག |
| འགོག་པའི་བདེན་པ |
བདེན་པ་བཞིའི་ནང་གསེས། རང་རྒྱུ་ལམ་ལ་བརྟེན་ནས་སྤང་བྱ་ཀུན་འབྱུང་ལས་ཉོན་གཏན་དུ་མི་སྐྱེ་བར་བྱས་ཏེ་སྤངས་པ་འཁོར་བའི་རྒྱུ་འབྲས་རྒྱུན་ཆད་པའི་འགོག་པ་ནི་ནད་མེད་པའི་བདེ་བ་ལྟ་བུ་ཐོབ་པར་བྱ་བ་ཡིན་པ་འཕགས་པའི་གཟིགས་ངོར་མི་བསླུ་བས་འགོག་པ་འཕགས་པའི་བདེན་པའོ། |
| འགོག་པའི་བདེན་པའི་རྣམ་པ་བཞི |
བདེན་བཞི་རྣམ་པ་བཅུ་དྲུག་གི་ནང་ཚན་ཞིག་ཉོན་མོངས་པ་དང་སྡིག་པའི་ལས་རྣམས་སྤངས་ཏེ་མི་འབྱུང་བས་འགོག་པ་དང༌། སྡུག་བསྔལ་ཅི་ཡང་མི་འབྱུང་བས་ཞི་བ་དང༌། ཕྱིས་ཀྱང་ཁམས་གསུམ་དུ་སྐྱེ་ཞིང་སྡུག་བསྔལ་མྱོང་བར་མི་འགྱུར་བས་གྱ་ནོམ་པ། འཁོར་བ་ལས་ཐར་ཏེ་མྱང་འདས་ཀྱི་གནས་བདེ་བར་ཕྱིན་པས་ངེས་འབྱུང་བཅས་བཞིའོ། |
| འགོག་པའི་རྒྱན |
བསྒྲུབ་བྱའི་ཡུལ་གང་ཡང་རུང་བ་ཞིག་དགག་བྱར་བྱས་ནས་དེ་སྒྲུབ་ཏུ་མི་འཇུག་པར་འགོག་ཐབས་བརྗོད་པའི་རྒྱན་ཞིག |
| འགོག་པའི་རྒྱན་ཉེར་གསུམ |
འགོག་པའི་རྒྱན་གྱི་ནང་གསེས་རྣམ་གྲངས་ཉེར་གསུམ་ནི། བྱུང་བ་འགོག་པ། མངོན་གྱུར་འགོག་པ། འབྱུང་འགྱུར་འགོག་པ། ཆོས་འགོག་པ། ཆོས་ཅན་འགོག་པ། རྒྱུ་འགོག་པ། འབྲས་བུ་འགོག་པ། རྗེས་གནང་གིས་འགོག་པ། ཤིས་བརྗོད་ཀྱིས་འགོག་པ། རྩུབ་མོས་འགོག་པ། གྲོགས་ཀྱིས་འགོག་པ། འབད་པས་འགོག་པ། གཞན་དབང་གིས་འགོག་པ། ཐབས་ཀྱི་འགོག་པ། ཁྲོ་བས་འགོག་པ། མྱ་ངན་གྱིས་འགོག་པ། འགྱོད་པས་འགོག་པ། ཐེ་ཚོམ་གྱིས་འགོག་པ། སྦྱར་བས་འགོག་པ། དོན་གཞན་འགོག་པ། རྒྱུ་ཡིས་འགོག་པ་བཅས་སོ། |
| འགོག་པའི་རྣམ་ཐར |
རྣམ་ཐར་བརྒྱད་ཀྱི་ནང་གསེས། སེམས་སེམས་བྱུང་ཉེ་བར་ཞི་བར་གནས་པའི་ལམ་གྱི་རང་བཞིན་ལ་འདུ་ཤེས་དང་ཚོར་བ་རགས་པ་འགོག་པའི་རྣམ་ཐར་རོ། |
| འགོག་པའི་རྩ |
ལུས་རྩ་ཞིག་གི་མིང༌། |
| འགོག་པའི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དང་དོན་གཉིས་ཁྱད་ཆོས་འགའ་ཞིག་གིས་མཚུངས་ཀྱང༌། དཔེ་སྐྱོན་གཅིག་གིས་དཔེ་ཅན་དང་མཚུངས་ལས་འགོག་པའི་ཚུལ་གྱིས་སོ་སོར་འབྱེད་པའི་རྒྱན་ཞིག |
| འགོག་པའི་སྙོམས་འཇུག |
ཚོར་བ་དང་འདུ་ཤེས་རགས་པ་འགོག་པར་བྱེད་པའི་སྙོམས་འཇུག་ཅི་ཡང་མེད་པའི་སྐྱེ་མཆེད་ཀྱི་འདོད་ཆགས་དང་བྲལ་བ་སྲིད་པའི་རྩེ་མོ་ལས་གྱེན་དུ་བསྐྱོད་པ་ཞི་བར་གནས་པའི་འདུ་ཤེས་སྔོན་དུ་བཏང་བའི་ཡིད་ལ་བྱེད་པས་སེམས་དང་སེམས་ལས་བྱུང་བའི་ཆོས་བརྟན་པ་མ་ཡིན་པ་རྣམས་དང༌། བརྟན་པ་རྣམས་ལས་ཀྱང་ཁ་ཅིག་འགོག་པ་རྣམ་པར་ཤེས་པ་བདུན་འགོག་པ། སྙོམས་འཇུག་དགུའི་མཐར་གནས་ཀྱི་ཏིང་ངེ་འཛིན་ནོ། |
| འགོག་བདེན |
འགོག་པའི་བདེན་པའི་བསྡུས་ཚིག་ |
| འགོག་བདེན་གཉིས |
བརྡའི་འགོག་བདེན་དང༌། དོན་དམ་པའི་འགོག་བདེན་གཉིས་ཏེ་འཇིག་རྟེན་པའི་ལམ་གྱིས་ས་བོན་ཉམས་སྨད་པས་འགོག་པ་གང་ཡིན་པ་དང༌། འཕགས་པའི་ཤེས་རབ་ཀྱིས་ས་བོན་ཀུན་ཏུ་བཅོམ་པས་འགོག་པ་གང་ཡིན་པའོ། སོ་སྐྱེ་ལ་སྤང་པ་ཙམ་ཡོད་ཀྱང་ས་བོན་དྲུངས་མ་ཕྱུང་བས་འགོག་བདེན་བཏགས་པ་བ་ལས་མེད། |
| འགོག་བདེན་གྱི་རྣམ་པ་བཞི |
འགོག་པའི་བདེན་པའི་རྣམ་པ་བཞི་དང་དོན་གཅིག་ |
| འགོག་བདེན་གྱི་སྤང་བྱ་བདུན |
འདོད་པའི་ཁམས་འདིར་འགོག་བདེན་མཐོང་བས་སྤང་བར་བྱ་བ་མ་རིག་པ་དང༌། འདོད་ཆགས། ཁོང་ཁྲོ། ང་རྒྱལ། ཐེ་ཚོམ། ལོག་ལྟ། ལྟ་བ་མཆོག་འཛིན་བཅས་བདུན། |
| འགོག་རགས |
ཆུ་འགོག་པའི་རགས། |
| འགོག་སྙོམས |
འགོག་པའི་སྙོམས་འཇུག་གི་བསྡུས་ཚིག་ |
| འགོག་སྙོམས་ཞུགས་སེམས |
ཚོར་འདུ་རགས་པ་འགོག་པར་བྱེད་པའི་སྙོམས་འཇུག་གི་སེམས་སོ། |
| འགོག་སྲུང |
1དོགས་ཟོན་བྱས་ནས་བསྲུང་བའི་བྱ་བའི་མིང་། 2དགྲས་ཚུར་རྒོལ་བྱས་པ་ཕར་ཟློག་གི་དམག་དོན་གྱི་མིང་ མཐའ་མཚམས་འགོག་སྲུང་གི་བྱ་བ་ཞེས་པ་ལྟ་བུ། |
| འགོག་སྲུང་ཤིང་ནགས |
བྱེ་མ་དང་རླུང་འཚུབ་སོགས་ཀྱི་གནོད་པ་འགོག་ཆེད་དུ་བཙུགས་པའི་ཤིང་ནགས། |
| འགོང |
(བྱེད་མེད་ལས་ཚིག་མ་འོངས་པ་དང་ད་ལྟ་བ) ཐར་བའི་དོན་ཏེ། འཇིག་རྟེན་གྱི་ཆོས་ཉིད་ལས་སུ་ཡང་འགོང་མི་ཐུབ། ཉེས་ཅན་རྒྱལ་ཁབ་ཀྱི་ཁྲིམས་ལས་འགོང་དཀའ་ལྟ་བུ། |
| འགོང་པོ |
གདོན་རིགས་ཤིག |
| འགོང་བ |
རྙིང 1 ཞུམ་པ་དང༌། ཞེད་པ། སྐྲག་པ། ཟིལ་གྱིས་ནོན་པ། སེམས་མི་འགོང་བ། ཚ་ཟེར་གྱི་ནུས་པར་མི་འགོང་བ། 2 འགལ་བ། བཙན་པོའི་ཁྲིམས་ལས་འགོང་བར་སུ་ཡིས་ནུས། 3 འགྲན་པ། ཉི་ཟླའི་འོད་དང་འགོང་བར་ནུས་པ། 4 སྨད་པ། 5 འདའ་བའམ་ཐལ་ཆེ་བ། གྲངས་ཚད་ལས་འགོང་བ། 6 ཐར་བ། རྒྱ་རྙི་ལས་འགོང་བ། |
| འགོངས |
འདས་པ་ རི་དྭགས་རྒྱ་རྙི་ལས་འགོངས་ནས་བྲོས། རྒྱ་རྙི་ལས་འགོངས་པའི་རི་དྭགས་ཞེས་པ་ལྟ་བུ། ཐལ་ཆེ་བའམ་ཚད་ལས་འདས་པའི་དོན་ཏེ། གྲངས་ཚད་ལས་འགོང་བ། ཟས་ཚད་ལས་འགོངས་པ་ཟ་མི་རུང་། ལོ་ཏོག་འདེབས་པ་དུས་ལས་འགོང་མི་རུང་། དུས་ལས་འགོངས་པའི་ལོ་ཏོག་སྨིན་དཀའ་ཞེས་པ་ལྟ་བུ། |
| འགོད |
ད་ལྟ་བ་ཚིག་རྣམས་ཡི་གེར་འགོད་ཀྱིན་ཡོད། ཡི་གེར་འགོད་པ་པོ་ཞེས་པ་ལྟ་བུ། |
| འགོད་ཐོ |
འགོད་སའི་ཐོ་ཡིག |
| འགོད་པ |
ཐ་དད་པ བཀོད་པ། དགོད་པ། ཁོད།། 1 འཇོག་པ། འགྲོ་སའི་གཞུང་ལམ་དུ་བཀོད་པ། རྒན་རྒོན་རྣམས་བདེ་སྐྱིད་ཀྱི་སར་འགོད་པ། རྩིག་པའི་ལྡེབས་ལ་འབྲུག་སྒོར་རྒྱན་དུ་བཀོད་པ། བཀོད་འཆུན། 2 འབྲི་བ། ཆིངས་ཡིག་ལ་མིང་རྟགས་འགོད་པ། དོན་གནད་ཚང་མ་ཡིག་ཐོག་ཏུ་བཀོད་པ། ཡར་རྒྱས་གཏོང་བའི་འཆར་གཞི་འགོད་པ། གསར་འགྱུར་རྣམས་ཚགས་པར་གྱི་ནང་དུ་བཀོད་ཡོད་པ། |
| འགོད་པ་བཞི |
ཐེག་པ་ལ་འགོད་པ་དང༌། བདེ་བ་ལ་འགོད་པ་དང༌། རིག་པ་ལ་འགོད་པ་དང༌། ཆོས་ལ་འགོད་པ་བཅས་བཞིའོ། |
| འགོམ |
ད་ལྟ་བ་ རྒས་ནས་སྒོ་ཐེམ་འགོམ་དཀའ་ལྟ་བུ། |
| འགོམ་པ |
ཐ་དད་པ བགོམས་པ། བགོམ་པ། བགོམས།། སྟེང་ནས་གོམ་པ་བརྒྱབ་སྟེ་རྒལ་བའམ་འགྲོ་བ། རྐུབ་བཀྱག་གི་སྟེང་ནས་བགོམས་ཏེ་ཕྱིན་པ། ཡིག་རིགས་བཀྲམ་སར་ཕར་འགོམ་ཚུར་འགོམ་མ་བྱེད། |
| འགོམ་ཡུག |
ཕར་འགོམ་ཚུར་འགོམ་གྱི་རྐང་འགྲོས། ལམ་ཁར་ཡོད་པའི་རྡོ་ཕ་བོང་ལ་འགོམ་ཡུག་བཏང་སྟེ་ཕྱིན་པ། གཞན་གྱི་མགོ་ལུས་སྟེང་དུ་འགོམ་ཡུག་མ་གཏོང༌། |
| འགོམ་རྫི |
སྟེང་ནས་འགོམ་ཞིང་འོག་ཏུ་གནོན་པ། ཞིང་ཁའི་ནང་གི་ལྗང་པ་རྣམས་འགོམ་རྫི་བཏང་ནས་མ་འགྲོ། |
| འགོམས |
སྐུལ་ཚིག་ ཚོད་འགོམས་ཤིག་ལྟ་བུ། རྩམ་པ་སོགས་ཁ་ནང་དུ་བཏབ་པའི་དོན་ཏེ། བགམ་བྱའི་རྩམ་པ། རྩམ་པ་འགོམས་ཤིག་ལྟ་བུ། |
| འགོའུ་ཏ་མ |
གཽཏམ་དང་འདྲ། |
| འགོར |
ད་ལྟ་བ་ དུས་ཚོད་དལ་འགོར་མ་བྱེད་ཅེས་པ་ལྟ་བུ། 2.བོད་ཀྱི་རུས་ཤིག་སྟེ་འདི་ལ་འགོལ་འབྲི་བའང་ཡོད། |
| འགོར་གཞི |
འགོར་བའི་རྐྱེན་རྩ། ལམ་ཐག་ཉེ་པོ་ཞིག་ལ་དེ་ཙམ་འགོར་གཞི་ག་རེ་བྱུང་ངམ། |
| འགོར་ཐོགས |
འགོར་བ། ལམ་ཀྱོག་སྐོར་སྐོར་མང་ན་མདུན་དུ་བསྐྱོད་རྒྱུར་འགོར་ཐོགས་ཡོང༌། |
| འགོར་བ |
ཐ་མི་དད་པ ཡུན་རིང་ཐོགས་པ། ཁ་སང་མངགས་པའི་མི་དེ་ཡུན་རིང་འགོར་སོང༌། ལམ་དུ་འགོར་ནས་དུས་ཐོག་ཏུ་སླེབས་མ་ཐུབ་པ། |
| འགོར་འགྱངས |
དུས་ཚོད་དང་ལས་ཀ་སོགས་ཕྱི་འགྱངས། |
| འགོར་སྐྱོན |
འགྱངས་དྲགས་ནས་བྱུང་བའི་འཐུས་ཤོར། |
| འགོལ |
དབེན་པའི་དོན་ཏེ། འགོལ་ས། འགོལ་གནས་ཞེས་པ་ལྟ་བུ། འགོར་ལ་ལྟོས། |
| འགོལ་གནས |
དབེན་པའི་སའམ་དལ་བའི་ས། |
| འགོལ་གསེང |
དལ་པོའམ་ལྷོད་པའི་བར་མཚམས། འགོལ་གསེང་འདི་འདྲའི་སྐབས་སུ་འབད་བརྩོན་བྱེད། |
| འགོལ་པོ |
དལ་པོ། བྲེལ་ཟིང་མེད་པའི་དུས་འགོལ་པོ་ཞིག་ལ་སྐད་ཆ་ལྷོད་ལྷོད་བྱེད། |
| འགོལ་བ |
1 དབེན་པ། ས་ཆ་འདི་ལས་འགོལ་བ་ཞིག་འདུག འགོལ་བར་སྦ་བ། 2 ལྷོད་པའམ་ཁོམ་པ། ང་སྔོན་ནས་ཁྱེད་རང་གི་གམ་དུ་བཅར་འདོད་ཡོད་ཀྱང་འགོལ་བ་ཞིག་མ་བྱུང་བས་ད་བར་འགྱངས་སོང༌། |
| འགོལ་ས |
དབེན་སའམ་དབེན་གནས། |
| འགོས |
ལྷོ་ཁ་ས་ཁུལ་ཁོངས་འཕྱོངས་རྒྱས་རྫོང་གི་ས་ཁུལ་འཆིང་ང་ཟེར་བར་བྱུང་བའི་སྔར་བོད་ཀྱི་རིགས་རུས་ཤིག་དེ་ལས་འགོས་ཆོས་འགྲུབ་དང་འགོས་གཞོན་ནུ་དཔལ་ཞེས་པའི་ལོ་ཙཱ་བ་ཆེན་པོ་རྣམས་བྱོན།…2.འདས་པ་ ལུས་ལ་དྲི་ཞིམ་འགོས། སེམས་ལ་ཡོན་ཏན་འགོས། ལུས་ལ་འགོས་པའི་དྲི། སེམས་ལ་འགོས་པའི་ཡོན་ཏན་ཞེས་པ་ལྟ་བུ། |
| འགོས་ཁྲི་བཟང་ཡབ་ལྷག |
ཁྲི་སྲོང་ལྡེ་བཙན་སྐབས་ཀྱི་བློན་པོ་ཞིག་ཡིན་པ་འདིས་བསད་པ་སྟོང་གི་ཞལ་ལྕེ་དང༌། རྨས་པ་ཁྲག་གི་ཞལ་ལྕེ་སོགས་བྱང་བུ་ཆ་དགུར་གྲགས་པའི་དོན་ཚན་བཅོ་བརྒྱད་ཐོག་མར་གཏན་ལ་ཕབ་པས། འཕྲུལ་བློན་མཛངས་མི་བདུན་གྱི་ཡ་གྱལ། |
| འགོས་ནད |
གཅིག་ནས་གཅིག་ཏུ་བརྒྱུད་དེ་མཆེད་པའི་ནད། |
| འགོས་པ |
འགོ་བའི་འདས་པའི་འབྲི་སྲོལ་གཞན་ཞིག་ |
| འགོས་ལོ་ཙཱ་བ་གཞོན་ནུ་དཔལ |
རབ་བྱུང་བདུན་པའི་ཆུ་སྤྲེལ་ལོ་ལ་འཁྲུངས་པའི་བཀའ་བརྒྱུད་པའི་ལོ་ཙཱ་བ་གྲགས་ཅན་ཞིག་རབ་བྱུང་བརྒྱད་པའི་མེ་སྤྲེལ་ལོ་ལ་དེབ་ཐེར་སྔོན་པོ་བརྩམས། རབ་བྱུང་བརྒྱད་པའི་ལྕགས་གླང་ལོ་ལ་འདས། 13921481 1476 1478 |
| འགོས་ལོ་ཙཱ་བ་ཆོས་འགྲུབ |
བོད་རྒྱལ་ཁྲི་རལ་པ་ཅན་གྱི་སྐུ་དུས་སུ་བྱོན་པའི་བོད་རིགས་ལོ་ཙཱ་བ་ཆེན་པོ་ཞིག་ཡིན་པ་འདིས་མདོ་དཀོན་མཆོག་བརྩེགས་པ་ལས་འཕགས་པ་གོ་ཆའི་བཀོད་པ་བསྟན་པ་ཞེས་པ་དང༌། ལང་ཀར་གཤེགས་པ་རིན་པོ་ཆེའི་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོ་ཞེས་པ། མཛངས་བླུན་ཞེས་བྱ་བའི་མདོ་སོགས་མདོ་སྡེ་ཁག་མང་རྒྱ་ཡིག་ནས་བོད་ཡིག་ཏུ་བསྒྱུར་ཅིང༌། བོད་ཡིག་གི་མདོ་སྡེ་ཁག་མང་རྒྱ་ཡིག་ཏུ་བསྒྱུར་པར་མ་ཟད། རྒྱ་བོད་ཀྱི་ས་མཚམས་སུ་ཕེབས་ནས་ལོ་ཉི་ཤུ་ལྷག་ཙམ་གྱི་རིང་ལ་དམ་ཆོས་འཆད་རྩོམ་གྱི་འཕྲིན་ལས་རྒྱ་ཆེན་ཞིག་ཀྱང་གནང་ཡོད། |
| འགྱག |
བྲེ་བཅུ་ཤོང་བའི་བྲེ་བོ་ཆེའི་མིང་ རྒྱ་སྐད་དུ་ཏུག་ཟེར། འབྲུ་རིགས་འཇལ་བའི་ཚད་ཅིག་གི་མིང་ འབྲུ་རིགས་བྲེ་བཅུ་ལ་འགྱག་གཅིག་ཟེར། |
| འགྱང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དུས་ལས་འདས་པའི་དོན་ཏེ། ནད་བྱུང་ན་འགྱང་མི་རུང་ལྟ་བུ། |
| འགྱང་བ |
ཐ་མི་དད་པ འགྱངས་པ། འགྱང་བ།། ཕྱི་ནུར་བྱེད་པ་དང་དུས་ལས་འདའ་བ། ཆུ་ཚོད་གཅིག་ལས་མི་འགྱང་བར་འགྲུབ་པའི་ལས་དེ་ཉིན་གཅིག་གི་བར་དུ་འགྱངས་སོང༌། དུས་ཡུན་རིང་པོ་མི་འགྱང་བར་ལེགས་པར་སྒྲུབ་ཐུབ་ཡོང༌། |
| འགྱངས |
འདས་པ་ ནད་བྱུང་ན་མ་འགྱངས་པར་སྨན་བཅོས་བྱེད་དགོས་ལྟ་བུ། |
| འགྱངས་ཆད |
ཁྲལ་བུན་དུས་ཚོད་ལས་འགྱངས་པའི་ཉེས་ཆད། སྤྱིར་བཏང་དུ་ཉིན་བཞིན་ཇེ་ལྕིར་གཏོང་བ་རེད། |
| འགྱངས་པ |
འགྱང་བའི་འདས་པ། |
| འགྱམ |
ཡུལ འགྲམ། བྲག་འགྱམ། གད་འགྱམ། ཕོང་འགྱམ། ཕ་བོང་འགྱམ། རིའི་འགྱམ། ཆུའི་འགྱམ། |
| འགྱར་འགྱུར |
བརྟན་པོ་མེད་པའི་རྣམ་པ། སེམས་བརྟན་འགྱར་འགྱུར་མེད་པ། |
| འགྱིག |
ཤིང་སྡོང་དང་རྩྭ་རིགས་ཀྱི་ནང་ནས་བྱུང་བའི་འབྱར་བག་ཅན་གྱི་སྤྱིན་ཞིག འགྱིག་ལྷམ། འགྱིག་མདོང༌། འགྱིག་འཁོར། |
| འགྱིག་བྱི་རིལ |
མངར་ཆར་འགྱིག་རྒྱུ་བསྲེས་པའི་བྱི་རིལ། |
| འགྱིང |
(རྒྱན་ཚིག) བརྗིད་ཆགས་པ་དང་ང་རྒྱལ་བའི་ལུས་ཀྱི་རྣམ་པ་ ལུས་འགྱིང་སྟབས་སུ་འགྲེང་བ། ལུས་ལ་འགྱིང་བག་ཆགས་པ་ཞེས་པ་ལྟ་བུ། (བྱེད་མེད་ལས་ཚིག) བརྗིད་ཆགས་པ་དང་ང་རྒྱལ་བའི་ལུས་ཀྱི་རྣམ་པ་བསྟན་པའི་དོན་ཏེ། ལུས་འགྱིང་ནས་འདུག སྟག་མོ་ནགས་ནས་འགྱིང་ཞེས་པ་ལྟ་བུ། |
| འགྱིང་ཉམས |
1 མཛེས་པ་དང༌། དཔའ་བའི་རྣམ་འགྱུར། 2 ཉམས་ཆེན་པོའི་རྣམ་འགྱུར། གླང་རྒན་ལྟར་འགྱིང་ཉམས་ཆེ་ལ་བྱི་བ་ལྟར་བློ་ཁོག་ཆུང་བ། |
| འགྱིང་ཉམས་བསྟན་པ |
1 ལུས་ཀྱིས་འགྱིང་སྟབས་བྱེད་པ། 2 སེམས་ཀྱིས་ཁེངས་ཉམས་བསྟན་པ། |
| འགྱིང་བ |
1. ཐ་མི་དད་པ འགྱིངས་པ། འགྱིང་བ། འགྱིངས།། ཆེ་ཉམས་བྱེད་པ། འགྱིང་བཞིན་དུ་འགྲོ་བ། སྟག་མོ་ནགས་ནས་འགྱིང༌། ཁྱི་མོ་ཚང་ནས་འགྱིང༌། གཞན་གྱི་ཡོན་ཏན་ལ་དང་བ་མི་སྟོན་པར་ཆེས་ཆེར་འགྱིངས་ན་རྗེས་ལུས་ཐེབས་རྒྱུར་ཐག་ཆོད། གདན་ཁྲི་མཐོན་པོའི་སྟེང་དུ་བསྡད་ནས་འགྱིངས་ན་མང་ཚོགས་དང་འབྲེལ་ལམ་ཆད་ཡོང༌། 2. སྒེག་ཉམས། ལུས་ཀྱི་རྣམ་འགྱུར་འགྱིང་བའི་ཚུལ་གྱིས་ཟློས་གར་འཁྲབ་པ། སེང་གེ་རྣམ་པར་འགྱིངས་པ། |
| འགྱིང་བག |
1 ལུས་ཀྱི་ཆེ་ཉམས། 2 སྒེག་པའི་རྣམ་འགྱུར། |
| འགྱིང་ཚུལ |
1 ཆེ་ཉམས། 2 སྒེག་ཉམས། |
| འགྱིང་འགྲོས |
ཉམས་ཆེན་པོའི་གོམ་པ་སྤོ་སྟངས། |
| འགྱིང་འཆམ |
གར་འཆམ་གྱི་བྱེ་བྲག་ཅིག |
| འགྱིང་སྟབས |
1 སྒེག་པའི་རྣམ་འགྱུར། 2 ཆེ་ཉམས། |
| འགྱིངས |
འགྱིང་བའི་སྐུལ་ཚིག་ |
| འགྱིངས་པ |
འགྱིང་བའི་འདས་པ། |
| འགྱུ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) གྱ་གྱུར་གཡོ་བའི་དོན་ཏེ། རྟ་ལ་ཞོན་ནས་སྟེང་ན་གློག་བཞིན་འགྱུ་ལྟ་བུ། |
| འགྱུ་བ |
ཐ་མི་དད་པ འགྱུས་པ། འགྱུ་བ།། འཕྲོ་བའམ་གཞན་དུ་གཡོ་བ། རྟོག་པ་འོག་འགྱུ། དྲན་པ་བརྟན་པོ་མེད་པས་རྣམ་རྟོག་འགྱུས་པ། ནམ་མཁའི་སྤྲིན་ནག་ནང་ནས་གློག་འགྱུ་བ། |
| འགྱུར |
མ་འོངས་པ་དང་ད་ལྟ་བ་ སྟོན་ཁར་ཤིང་གི་ལོ་མ་སེར་པོར་འགྱུར། ལུས་པོ་དར་ན་བཞིན་མདངས་དམར་པོར་འགྱུར་ལྟ་བུ། 2.(བྱེད་མེད་ལས་ཚིག) ངོ་བོ་དང་རྣམ་པ། གནས་ཚུལ་སོགས་སྔོན་དང་མི་འདྲ་བ་བྱུང་བའི་དོན་ཏེ། ལུགས་སྲོལ་འགྱུར། ཚུགས་ཀ་འགྱུར། ཆ་རྐྱེན་འགྱུར། གོ་ས་འགྱུར་ཀྱང་མི་དམངས་ལ་ཞབས་འདེགས་ཞུ་བའི་བསམ་པ་འགྱུར་མི་རུང་ལྟ་བུ། |
| འགྱུར་ཁུག |
སྐད་ཀྱི་སྙན་འགྱུར། གླུ་དབྱངས་ཀྱི་འགྱུར་ཁུག་བདེ་པོའི་སྐད་སྙན་ཞིག་རྒྱང་རིང་ནས་ཐོས་བྱུང༌། |
| འགྱུར་ཁུགས |
སྐད་དང་སྒྲའི་གདངས་མཐོ་དམའ་ཕྲ་སྦོམ་དྲག་ཞན་སོགས་ཀྱི་སྤྱི་མིང་ སྐད་ཀྱི་འགྱུར་ཁུགས། རོལ་མོའི་འགྱུར་ཁུགས་ཞེས་པ་ལྟ་བུ། གྱུར་གྱི་མ་འོངས་པ་དང་ད་ལྟ་བ། |
| འགྱུར་ཏ་རེ |
འགྱུར་བར་ངེས། ཧུར་བརྩོན་མ་བྱས་ན་ལས་དོན་ཉམས་པར་འགྱུར་ཏ་རེ། ལས་དོན་ངན་པ་བྱས་ན་འབྲས་བུ་མི་འདོད་པ་འབྱུང་བར་འགྱུར་ཏ་རེ། |
| འགྱུར་ཕྱག |
བཀའ་དང་བསྟན་བཅོས་ཀྱི་གཞུང་བོད་དུ་བསྒྱུར་བའི་ཚེ་ཐོག་མར་ལོ་ཙཱ་བ་རང་ཉིད་གུས་པའི་ལྷ་ལ་ཕྱག་བྱས་པའོ། |
| འགྱུར་ཕྱོགས |
འགྱུར་སྟངས་སམ་འགྱུར་ཚུལ། |
| འགྱུར་བ |
1. ཐ་མི་དད་པ 1) སྔ་རྒྱུན་མི་གནས་པར་གསར་པ་ཞིག་ཏུ་འཕོ་འགྲོ་བ། ངོ་བོ་འགྱུར་བ། ཆ་རྐྱེན་འགྱུར་སོང༌། གོ་ས་འགྱུར་ཀྱང་རུང་མ་འགྱུར་ཀྱང་རུང༌། རྟག་བརྟན་མི་འགྱུར། ནད་ཀྱི་གཞི་བབ་འགྱུར་བ། གཙང་ཆུའི་འགྲོ་ལམ་འགྱུར་ཡོང༌། 2) གྱུར་པ། འགྱུར་བ།། སྔར་དང་མི་འདྲ་བར་འབྱུང་བའམ་འགྲུབ་པ། ལྕོང་མོ་སྦལ་པར་གྱུར་སོང༌། ཤིང་ལོ་སེར་པོར་འགྱུར་ཡོང༌། རླངས་པ་གཅིག་ཡིན་ཡང་དམའ་སར་སྨུག་པ་དང༌། མཐོ་སར་སྤྲིན་པར་འགྱུར་བ། སྐུ་ཁམས་བདེ་བར་གྱུར་ཅིག དགེ་ལེགས་སུ་གྱུར་ཅིག 2 1 གསར་རྙིང་དང༌། དར་རྒུད་སོགས་འབྱུང་བའི་བྱ་རིམ། དུས་བཞིའི་འགྱུར་བ། བསམ་བློའི་འགྱུར་བ། གནས་ཚུལ་ལ་འགྱུར་བ་མེད་པ། 2 སྐད་ཡིག་རིགས་མི་འདྲ་བ་གཅིག་ནས་གཅིག་ཏུ་བསྒྱུར་བའི་གཞུང་རྣམས། བཀའ་འགྱུར། བསྟན་འགྱུར། སྔ་འགྱུར། ཕྱིས་འགྱུར། རྙིང་འགྱུར། གསར་འགྱུར། 3. མ་འོངས་སྟོན་བྱེད་ཀྱི་ཚིག་གྲོགས་ཤིག ཆུ་རྒྱུན་འཆད་པར་འགྱུར། ཤིང་གཅོད་པར་འགྱུར། འབྱུང་འགྱུར། |
| འགྱུར་བ་མ་ངེས་པའི་ས |
སྔགས་རྙིང་མའི་གཞུང་དུ། རྣལ་འབྱོར་དང་པོའི་སྐབས་སུ་ཐོབ་པའི་ས་དང་པོ་ཚོགས་ལམ་དུ་ཟག་ལྡོག་གཉིས་ཀ་ཡོད་པས་འགྱུར་བ་མ་ངེས་པའི་ས་ཞེས་བྱའོ། |
| འགྱུར་བ་མ་ནིང |
1 མི་ཕོ་མོ་གང་རུང་ཞིག་གི་མཚན་མ་བརྟན་པོར་མི་གནས་པར་ཟླ་སྟོད་ཟླ་སྨད་ལ་ལྟོས་ནས་ཕོ་ཡིན་ན་མོ་དང༌། མོ་ཡིན་ན་ཕོར་རང་བཞིན་གྱིས་འགྱུར་འགྲོ་མཁན། 2 རྗེས་འཇུག་གི་མ་ནིང་ཡི་གེ་ན་ར་ལ་གསུམ་མིང་གཞི་ཕོ་ཡིག་གི་མཐར་ཡང་འཇུག་ཡོད་མེད་གང་རུང་བསྟནད་པ། བསྐོར་བ། བཙལ་བ་ཞེས་སོགས་ལྟ་བུ་དྲག་པར་འགྱུར་བ་དང༌། མིང་གཞི་མོ་ཡིག་གི་རྗེས་སུ་ཡང་འཇུག་མེད་པ་འགྲན་པ། འགོར་བ། འགུལ་བ་ཞེས་སོགས་ལྟ་བུ་ཞན་པར་འགྱུར་བ་རྣམས། ན་ར་ལ ད་དྲག བསྟནད་པ་བསྐོར་བ་བཙལ་བ ད་དྲག འགྲན་པ་འགོར་བ་འགུལ་བ |
| འགྱུར་བ། འགྱུར་ལྡོག |
བྱ་དངོས་བྱུང་བ་དང་དར་བ་རྒུད་པ་སོགས་ཀྱི་བྱ་རིམ་གྱི་མིང་ དུས་བཞིའི་འགྱུར་བ། ནམ་ཟླའི་འགྱུར་ལྡོག་ཅེས་པ་ལྟ་བུ། |
| འགྱུར་བག |
འགྱུར་བའི་རྣམ་པའམ་ཆ། |
| འགྱུར་བཅོས |
ཡིག་རིགས་ཤིག་ཡིག་རིགས་གཞན་ལ་བསྒྱུར་ཟིན་པ་ལ་སླར་བཟོ་བཅོས་བྱེད་པ། |
| འགྱུར་བའི་ཆོས |
བརྟན་པོ་མེད་པའི་རིགས། |
| འགྱུར་བའི་མི་རྟག་པ |
སྐད་ཅིག་རེ་རེ་ནས་གཞན་དུ་འགྱུར་ཞིང་མི་རྟག་པ། |
| འགྱུར་བའི་རྒྱུ་རྐྱེན |
གཏན་དུ་མི་གནས་པའི་གནད་འགག |
| འགྱུར་བའི་སྡུག་བསྔལ |
ཟག་བཅས་ཀྱི་ཚོར་བ་བདེ་བ་སྟེ་འདི་ནི་ནམ་ཞིག་ན་ཡང་སྡུག་བསྔལ་བསྐྱེད་པར་འགྱུར་བའི་སྡུག་བསྔལ་ཞེས་བྱ་ལ། དེ་དང་མཚུངས་ལྡན་གྱི་སེམས་སེམས་བྱུང་གཞན་རྣམས་དང་གང་ལ་དམིགས་ནས་སྐྱེ་བའི་ཡུལ་ཟག་བཅས་རྣམས་ཀྱང་འགྱུར་བའི་སྡུག་བསྔལ་ལོ། སྡུག་བསྔལ་གསུམ་གྱི་ཡ་གྱལ་ཞིག |
| འགྱུར་བྱང |
ལོ་ཙཱའི་མཇུག་བྱང༌། |
| འགྱུར་བྱེད |
1 སྤྲ་འཆལ། 2 མངོན ལན་ཚྭ། |
| འགྱུར་བྱེད་ཀྱི་ཆུ |
ཚྭ་ཆུ་དང་བུལ་ཆུ། |
| འགྱུར་མིང |
སྔར་གྱི་མིང་མིན་པའི་མིང་གཞན། |
| འགྱུར་མེད |
བརྟན་པོའི་མིང༌། རྩ་བ་བརྟན་པོར་ཚུགས་ན་འགྱུར་མེད་སྲ་ཐང་ཡོང༌། |
| འགྱུར་མེད་འཚོ་རྟེན |
འཕོ་འགྱུར་མེད་པའི་འཚོ་བའི་རྟེན་ས་ཁང་པ་སོགས། |
| འགྱུར་མེད་ཡོངས་གྲུབ |
ཡོངས་གྲུབ་ཀྱི་ནང་གསེས། འཁྲུལ་གཞི་གཞན་དབང་དང་འཁྲུལ་བ་ཀུན་བཏགས་གཉིས་ཀས་སྟོང་པའི་མེད་དགག་དེ་བཞིན་ཉིད་འདུས་མ་བྱས་པ་སྟེ་བདག་མེད་དང་སྟོང་ཉིད་དོ། |
| འགྱུར་མེད་རྣམ་རྒྱལ |
ཕོ་ལྷ་བ་བསོད་ནམས་སྟོབས་རྒྱལ་གྱི་བུ་གཉིས་པ་འདིས་ཕའི་གོ་ས་ཤུལ་འཛིན་བྱས་ནས་བོད་ས་གནས་ཀྱི་སྲིད་དབང་བཟུང༌། ཇུན་གར་དང་ལྐོག་གཡོ་ངན་འབྲེལ་བྱས་ནས་ཁོས་ཤིན་ཏུ་མི་འོས་པའི་བྱ་བ་ངན་པ་ཅི་རིགས་བྱས་རྐྱེན་བོད་བཞུགས་ཨམ་བན་གྱིས་ཁོ་པ་བསད། ༈--1750 1747 1750 |
| འགྱུར་ཚིག |
སྐད་ཡིག་ལོ་ཙཱས་བསྒྱུར་བའི་རྗོད་བྱེད། |
| འགྱུར་རྟེན |
ཡུལ ཚོང་ཐག་ཆོད་དེ་རིན་མ་བྱུང་བར་དུ་གཞན་ལ་མི་འཚོང་བའི་ཁ་ཆད་དུ་བཞག་པའི་དངོས་པོ། ཟོག་རིན་གྲངས་ཚང་སྤྲོད་ལེན་བྱས་མཚམས་སྔར་བཞག་འགྱུར་རྟེན་དངུལ་འབོར་དེ་དག་རིན་འབབ་ཐོག་ནས་གཅོག་དགོས། |
| འགྱུར་ལྡོག |
འཕོ་འགྱུར། དབྱར་དུས་ཀྱི་གནམ་གཤིས་ལ་འགྱུར་ལྡོག་ཆེན་པོ་འདུག ལོ་གཅིག་ནང་གི་གནས་ཚུལ་ལའང་འགྱུར་ལྡོག་མང་པོ་ཡོང༌། བརྟན་བརྟན་ཏིག་ཏིག་བྱས་ན་འགྱུར་ལྡོག་བྱུང་ཡང་ནོར་མི་ཡོང༌། ལས་ཀ་ཚང་མ་འགྱུར་ལྡོག་གནས་ལུགས་ངེས་ཅན་ཞིག་ཡོད་པ་ཤ་སྟག་ཡིན། |
| འགྱུར་སྐད |
སྐད་ཀྱི་འགྱུར་ཁུག |
| འགྱུས |
འདས་པ་ གློག་འགྱུས་ནས་འབྲུག་སྒྲ་གྲགས་ལྟ་བུ། སེམས་གཡེང་བའི་དོན་ཏེ། རྟོག་པ་འགྱུ་ལྟ་བུ། |
| འགྱུས་པ |
འགྱུ་བའི་འདས་པ། |
| འགྱུས་འགྲོ |
མངོན ཆུ། |
| འགྱེ |
གྱེས་ཀྱི་མ་འོངས་པ་དང་ད་ལྟ་བ། |
| འགྱེད |
དགེ་འདུན་སོགས་ཚོགས་པ་ལ་འབུལ་རྒྱུའི་དངུལ་དང་རྒྱུ་དངོས་གང་རུང༌། རིས་མེད་ཀུན་འགྱེད། སྐུ་འགྱེད་བཏང་བ།…2.ད་ལྟ་བ་དམག་འགྱེད་མཁན་ཞེས་པ་ལྟ་བུ། 3.བཀྱེད་ཀྱི་ད་ལྟ་བ། བཀྱེས་ཀྱི་ད་ལྟ་བ། ０དངོས་རྫས་བགོས་ནས་ཐོབ་པའི་སྐལ་བའི་མིང་ འགྱེད་སྐལ་ཞེས་པ་ལྟ་བུ། |
| འགྱེད་གཏོང་བ |
1 དགེ་འདུན་པ་སོགས་ལ་དངུལ་དངོས་འབུལ་བ། 2 འགྱེད་གཏོང་སྦྱིན་བདག་གིས་བོས་པའི་མགྲོན་པོའམ། འགྱེད་གཏོང་རོགས་བྱེད་མཁན། |
| འགྱེད་ཆེན་བཞི |
གཅོད་ལུགས་ལས་བཤད་པའི་དཀར་འགྱེད་དང༌། དམར་འགྱེད། ཁྲ་འགྱེད། ནག་འགྱེད་བཅས་བཞི། |
| འགྱེད་པ |
ཐ་དད་པ བཀྱེས་པ། བཀྱེ་བ། ཁྱེས།། 1 གཏོང་བ། བང་ཆེན་འགྱེད་པ། 2 སྤྲོ་བ། འོད་ཟེར་བཀྱེས་པ། 3 སྤྲུལ་བ། སྤྲུལ་པ་བཀྱེ་བ། 4 རྩོད་པ། གཡུལ་འགྱེད་པ། ཁ་མཆུ་འགྱེད་པ། 5 གཏོང་བ་དང་སྦྱིན་པ། གསོལ་སྟོན་འགྱེད་པ། མི་རེར་སྐལ་བ་རེ་འགྱེད་པ། |
| འགྱེད་ཡོན |
གྲྭ་པ་སོགས་ལ་འགྲེམས་སྤྲོད་བྱེད་པའི་རྒྱུ་ཆས། |
| འགྱེར |
སྤོང་བའི་བརྡ་རྙིང་། |
| འགྱེར་བ |
རྙིང སྤོང་བ། |
| འགྱེལ |
(བྱེད་མེད་ལས་ཚིག) མི་དང་གྱེན་དུ་འགྲེང་བའི་དངོས་པོ་འཕྲེད་དུ་ཉལ་བའི་དོན་ཏེ། འདྲེད་ནས་ས་ལ་འགྱེལ། སྡོང་པོ་བཅད་ནས་ས་ལ་འགྱེལ། དགྲ་བོ་མ་བསྒྱེལ་ན་རང་འགྱེལ་དུ་མི་འགྲོ་ལྟ་བུ། |
| འགྱེལ་ཐོག་རྡོག་བརྫིས |
སྐྱོ་ཐོག་ལ་བརྙས་བཅོས་བྱེད་པ། |
| འགྱེལ་བ |
ཐ་མི་དད་པ མར་རིལ་བ། མི་ཤི་རྟ་འགྱེལ། ཤིང་སྡོང་བཅད་ནས་ས་ལ་འགྱེལ་འདུག རྐང་པ་རྡོ་ལ་ཐོགས་ཏེ་འགྱེལ་བ། འགྱེལ་བའི་སྟེང་ལ་རྡོག་བརྫིས། མུ་གེའི་སྟེང་ལ་ཟླ་ལྷག |
| འགྱེལ་ལོག |
1 རྟ་ཕྱུགས་ས་ལ་ཉལ་ནས་འགྲེ་ལོག་རྒྱག་པའི་མིང༌། རྟ་དྲེལ་ས་ལ་ཉལ་ནས་ཕར་ཚུར་འགྱེལ་ལོག་རྒྱག་པ། 2 ཁང་པའི་རྩིག་པ་སོགས་ཉིལ་བ། ཁང་རྙིང་གོག་པོའི་གྱང་རྩིག་འགྱེལ་ལོག་སོང་བ། |
| འགྱེས་པ |
ཐ་མི་དད་པ གྱེས་པ། འགྱེས་པ།། འབྲལ་བ། བཟའ་ཚང་ཐ་དད་དུ་གྱེས་པ། ཞལ་འགྱེས་པ། རྣམ་པ་གཉིས་སུ་འགྱེས་པ། གྲོགས་པོ་ཕན་ཚུན་སོ་སོར་གྱེས་པ། |
| འགྱོག |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)དངོས་རྫས་ཡར་འདེགས་པའི་དོན་ཏེ། རྩལ་སྦྱང་པས་ལྕགས་གཏུན་རྒྱ་མ་བརྒྱ་ཕྲག་ཁ་ཤས་ཅན་ཡར་འགྱོག་ཐུབ། ཡར་འགྱོག་བྱའི་ལྕགས་གཏུན། ལྕགས་གཏུན་འགྱོག་མཁན་ཞེས་པ་ལྟ་བུ། |
| འགྱོག་པ |
ཐ་དད་པ བཀྱགས་པ། བཀྱག་པ། ཁྱོག། འདེགས་པ། རྡོ་དེ་ཁྱེད་ཀྱིས་ཡར་འགྱོག་ཐུབ་བམ། གནམ་ཡར་ལ་འགྱོག་པར་ཤེད་དགོས། ས་མར་ལ་གནོན་པར་ལྗིད་དགོས། |
| འགྱོགས |
1 དངོས་པོ་ལྕི་བའི་རིགས་ཡར་འདེགས་པའི་ཐབས་ཤེས་ཤིག ཀ་བ་འདི་ལ་འགྱོགས་ཤིག་བརྒྱབ་སྟེ་གསར་པ་འཛུགས་དགོས། 2 འདེགས་རྒྱའམ་རྒྱ་མ། རྒྱ་འགྱོགས། 3 བྱམས་སམ་ཁྱོགས། ཕེབས་འགྱོགས་ཆེན་པོ། |
| འགྱོགས་གདུང |
འགྱོགས་མདའ་དང་དོན་གཅིག་ |
| འགྱོགས་གནོན |
འགྱོགས་མདའ་གནོན་བྱེད་ལྗིད་ཆེའི་དངོས་རིགས་སོགས། |
| འགྱོགས་ཐག |
འགྱོགས་རྒྱག་སྐབས་འགྱོགས་གནོན་སར་བཏགས་ནས་མར་འཐེན་རྒྱུའི་ཐག་པ། |
| འགྱོགས་བྱམས |
འདོ་ལིའམ་ཕེབས་བྱམས། |
| འགྱོགས་བྱེད |
མངོན བཞོན་པ་སྤྱི། |
| འགྱོགས་མདའ |
འགྱོགས་རྒྱག་སྐབས་ཡར་བཀན་བྱེད་ཀྱི་མདའ་ཤིང༌། |
| འགྱོགས་ཚུགས |
ཀ་བ་གསར་རྙིང་བརྗེ་སྐབས་རྙིང་པའི་གཡས་གཡོན་དུ་བཙུགས་པའི་ཀ་ཚབ། |
| འགྱོགས་འཇམ |
ཁྱོགས་ཀྱི་མིང་གཞན། |
| འགྱོགས་འཕྱང |
འགྱོགས་བྱམས་དང་དོན་གཅིག་ |
| འགྱོགས་རྒྱག་པ |
ཁང་པའི་ཀ་བ་ཐང་པོ་མེད་རིགས་ལ་འདེགས་རོགས་ཀྱི་ཀ་བ་འཛུགས་པ། |
| འགྱོགས་སྔས |
འགྱོགས་རྒྱག་སྐབས་འགྱོགས་མདའི་འོག་ཏུ་འཇུག་རྒྱུའི་རྡོ་ཤིང་སོགས། |
| འགྱོད |
(བྱེད་མེད་ལས་ཚིག) སྔར་བྱས་ཀྱི་བྱ་བ་ལ་རྗེས་ནས་སེམས་སྡུག་བྱེད་པའི་དོན་ཏེ། གསར་བརྗེའི་དོན་དུ་ཤི་ཡང་ག་ལ་འགྱོད་ལྟ་བུ། |
| འགྱོད་གདུང |
འགྱོད་པ་སྐྱེས་ཏེ་སེམས་སྡུག་བྱུང་བ། |
| འགྱོད་པ |
1. ཐ་མི་དད་པ ལས་ཀ་ཉེས་ནས་སེམས་ཁྲལ་འབྱུང་བ། སྔར་འགྱོད་ཕྱིས་སྡོམ། རྟ་ཕོ་གཞིས་སུ་མ་གསོས་བྱེས་སུ་འགྱོད། སྔར་བྱས་ནོར་འཁྲུལ་ཡིན་པར་ཤེས་ཏེ་གཞི་ནས་འགྱོད། རང་འགན་ལེགས་པར་སྒྲུབ་ཐུབ་ན་ཤིའང་མི་འགྱོད། མིང་གི་རྣམ་གྲངས་ལ་རྗེས་སུ་འགྱོད་པ་དང༌། རྗེས་སུ་བཅགས་པ། རྗེས་གདུང་བ། རྣམ་པར་སྙིལ་བ་བཅས་སོ། 2 1 སྔར་བྱས་ནོར་བར་ཡིད་མི་དགའ་བའི་སེམས། དཔྱད་པ་སྔོན་ལ་བཏང་ན་མཁས་པ་ཡིན། འགྱོད་པ་མཇུག་ལ་སྐྱེས་ན་བླུན་པོ་ཡིན། 2 གཞན་འགྱུར་བཞིའི་ནང་གསེས། སྔར་བྱས་ལ་ཡིད་མི་དགའ་བའི་ཤེས་པ་སེམས་གནས་པའི་བར་དུ་གཅོད་པའི་བྱེད་ལས་ཅན་ནོ། |
| འགྱོད་པ |
སྔར་བྱས་ལ་འགྱོད་པའི་སེམས་ཀྱི་མིང་ སྔོན་ལ་དཔྱད་པ་བཏང་ན་ཕྱི་ནས་འགྱོད་པ་མི་སྐྱེ། འགྱོད་སེམས་སྐྱེས་ལྟ་བུ། |
| འགྱོད་པ་སྐྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བསྙེན་རྫོགས་ཀྱི་ཡོན་ཏན་ལ་སྨོད་པའམ་ཁྱོད་ལ་སྡོམ་པ་མ་སྐྱེས་ཞེས་སོགས་ཀྱི་སྒོ་ནས་དགེ་སློང་གཞན་ཡིད་མི་བདེ་བར་འཇུག་པའོ། |
| འགྱོད་པས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་བསྒྲུབ་འོས་ཀྱི་བྱ་བ་གང་རུང་ཞིག་འགོག་བྱེད་རྣམ་གཡེང་གི་གཞན་དབང་དུ་གྱུར་ནས་དེ་དག་སྒྲུབ་མ་ཐུབ་པར་དོན་མེད་དུ་དུས་ཡོལ་བས་འགྱོད་གདུང་གཙོ་བོར་སྟོན་པའི་རྒྱན་ཞིག |
| འགྱོད་བཤགས |
སྐྱོན་དང་ཉེས་པ་ཁས་བླངས་ཤིང་ཕྱིན་ཆད་མི་བྱེད་པར་དམ་བཅས་པའི་བྱ་སྤྱོད་ཀྱི་མིང་ ཉེས་པ་ལ་འགྱོད་བཤགས་བྱེད་དགོས་ལྟ་བུ། |
| འགྱོད་ཚངས |
སྔར་བྱས་ཀྱི་ཉེས་པར་གནོང་ཞིང༌། བཤགས་པས་སེམས་རྒྱུད་དག་གཙང་དུ་གྱུར་པ། |
| འགྱོད་རྟོགས |
འགྱོད་པ་སྐྱེས་ཏེ་གཞི་ནས་དོན་རྟོགས་པ། |
| འགྱོད་སེམས |
སྔར་བྱས་ཉེས་པར་སུན་སྣང་སྐྱེས་པའི་སེམས། |
| འགྲགས |
(རྒྱན་ཚིག) སྐད་དྲག་པོའི་དོན་ཏེ། སྐད་འགྲགས་བརྒྱབ། སྐད་འགྲགས་མ་རྒྱག སྐད་འགྲགས་ཆེ་ལྟ་བུ། |
| འགྲང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཟས་ཟོས་ནས་ཟ་ཚད་ལོངས་པའི་དོན་ཏེ། དབུལ་བོ་ཚོ་ཟས་ཀྱིས་ཕོ་བ་མི་འགྲང་། གོས་ཀྱིས་ལུས་པོ་མི་ཁེབས་ལྟ་བུ། |
| འགྲང་བ |
1. ཐ་མི་དད་པ འགྲངས་པ། འགྲང་བ།། ཟས་ཀྱིས་ཚིམ་པ། ཟས་ཀྱིས་གྲོད་པ་འགྲངས་དྲགས་ནས་ན་སོང༌། སྤྱང་ཀི་རྟ་ཟོས་ལུག་རོས་མ་འགྲངས། གུང་ཚིགས་ཞིམ་པོ་གྲོད་ཁོག་འགྲངས་པར་ཟོས་པ། 2. གྲོད་པ་རྒྱགས་པའི་མིང༌། འགྲངས་པ་གཉིད་ཁུག་ཀྱང༌། ལྟོགས་པ་གཉིད་མི་ཁུག |
| འགྲངས |
འདས་པ་ ཁལ་རྟ་རྩྭ་ཆས་ཀྱིས་འགྲངས་ན་ཤེད་ཤུགས་ཆེ་ལྟ་བུ། |
| འགྲངས་པ |
འགྲང་བའི་འདས་པ། |
| འགྲངས་ཕྱེད་ལྟོགས་ཕྱེད |
གྲོད་པ་འགྲངས་ལ་མ་འགྲངས། |
| འགྲངས་ལྟོགས |
གྲོད་པ་རྒྱགས་ལྟོགས། |
| འགྲན |
(བྱེད་འབྲེལ་ལས་ཚིག) གང་བཟང་གང་ལེགས་བསྡུར་བའི་དོན་ཏེ། རྟ་རྒྱུག་འགྲན། ལས་ཀ་འགྲན། ལག་རྩལ་འགྲན་ཞེས་པ་ལྟ་བུ། མཚུངས་པའམ་མཉམ་པའི་དོན་ཏེ། རྟ་མགྱོགས་པ་ཀྱིང་བསེར་རླུང་ལ་འགྲན་ཞེས་པ་ལྟ་བུ། |
| འགྲན་གྱི་དོ་མེད |
འགྲན་པའི་དོ་ཟླ་མེད་པ། |
| འགྲན་གྱི་དོ་ཟླ |
འགྲན་སྡུར་གྱི་ཁ་གཏད། |
| འགྲན་གྱི་ཟླ་མེད |
འགྲན་པའི་དོ་ཟླ་མེད་པ། |
| འགྲན་དོ |
ཁ་གཏད། |
| འགྲན་པ |
1. ཐ་དད་པ སྡུར་བ། རིག་པ་འགྲན་པ། ངས་ཁོང་དང་སྟོབས་ཤུགས་འགྲན་པར་བྱ་དགོས། ཁྱེད་ཀྱིས་ཀྱང་འགྲན་ཅིག སྒེར་སེམས་ཆེ་བའི་མི་དེས་གཞན་གྱི་མིང་གྲགས་དང་གོ་གནས་ཁོ་ནར་འགྲན་འདོད་བྱེད་པ། ཤིང་སྡོང་ལ་ཡར་འཛེག་པའི་ལུས་རྩལ་དེ་སྤྲ་དང་སྤྲེའུ་ལ་འགྲན་ཐུབ་པ། ལས་དོན་ཧུར་བརྩོན་བྱེད་མཁན་ལ་མིག་ལྟོས་ཡར་འགྲན་བྱེད་དགོས། སྲིན་བུ་མེ་ཁྱེར་གྱིས་ཉི་མ་ལ་འགྲན་པ། 2. མཚུངས་པ་དང་མཉམ་པ། རྟ་མགྱོགས་པ་ཀྱིང་བསེར་རླུང་ལ་འགྲན། |
| འགྲན་ཟླ |
ཁ་གཏད། རྣམ་དཔྱོད་འགྲན་ཟླ་དང་བྲལ་བ། མི་མང་པོའི་ནང་ནས་དཔའ་ངར་འགྲན་ཟླ་བྲལ་བ་ཁོ་རང་ཡིན། ལས་ཀ་ལ་ཁུར་སེམས་འགྲན་ཟླ་མེད་པ། |
| འགྲན་ཡ |
ཁ་གཏད། དཔའ་བོ་འགྲན་ཡ་མེད་པ། |
| འགྲན་རྒོལ |
ཁ་གཏད་དུ་ལངས་ནས་རྒོལ་བ། |
| འགྲན་ལན་སྤྲོད་པ |
ཚུར་འགྲན་པར་ཕར་ལན་འཇལ་བ། |
| འགྲན་སེམས |
འགྲན་ཟླ་བྱེད་པའི་བསམ་བློ། རྒྱལ་ཕམ་གྱི་འགྲན་སེམས་ཤར་བ། |
| འགྲན་སྡུར |
གཤིབས་ཏེ་སུ་བཟང་ལྟ་བ། འགྲན་སྡུར་སྐུལ་ཡིག |
| འགྲམ |
1 འཁྲིས་སམ་གམ། རྩིག་པའི་འགྲམ། ཆུ་འགྲམ། སྒོ་འགྲམ། གྲོང་པའི་ཉེ་འགྲམ། ལམ་གྱི་འགྲམ། 2 རྩིག་རྨང༌། འགྲམ་འདིང་བ། 3 ས་མིང་ཞིག་བོད་རང་སྐྱོང་ལྗོངས་ཀྱི་གཉའ་ནང་རྫོང་གི་ལྷོ་རྒྱུད་དུ་ཡོད་པའི་བལ་བོད་བར་གྱི་འགག་སྒོ་ཞིག |
| འགྲམ་ཁུག |
འགྲམ་པའི་ནང༌། |
| འགྲམ་གཞི |
རྨང་གཞི། དྲན་གསོ་ཁང་གི་འགྲམ་གཞི་འདིང་བ། |
| འགྲམ་གཤོག |
གཡས་གཡོན་གྱི་ཟུར་གདོང༌། སྒའི་འགྲམ་གཤོག རྩིག་པའི་འགྲམ་གཤོག སྣའི་འགྲམ་གཤོག |
| འགྲམ་ངོགས |
ཆུ་བོའི་འགྲམ་ངོགས། |
| འགྲམ་ཆང |
ཁ་ཆུ། |
| འགྲམ་ཆུ |
ཁའི་འགྲམ་པའི་ནང་དུ་འཁོར་བའི་ཆུ། ཤིང་ཏོག་སྐྱུར་མོ་ཟ་འདོད་ཀྱིས་རང་དབང་མེད་པར་འགྲམ་ཆུ་ལྡང་བ། |
| འགྲམ་ཆུ་ཁོལ་བ |
1 ཟ་འདོད་ལངས་པ། 2 ཧ་ལས་ཏེ་ཡིད་སྨོན་སྐྱེ་བ། དེ་ལ་འགྲམ་ཆུ་ལྡང་མི་དགོས། གཞན་གྱི་རྒྱུ་ནོར་ལ་འགྲམ་ཆུ་ཁོལ་མི་དགོས། |
| འགྲམ་དཀྱུས |
འགྲམ་པ་གཡས་གཡོན་གྱི་དཀྱུས། |
| འགྲམ་པ |
བྱད་ཀྱི་ལྡན་པ། ཡས་ཀྱི་འགྲམ་པ། མས་ཀྱི་འགྲམ་པ། འགྲམ་པ་ལག་པ་ལ་གཏད་པ། འགྲམ་པ་སྒུལ་ཅིག |
| འགྲམ་པ་ཉམས་པ |
རླུང་ནད་རིགས་ཤིག་སྟེ་འགྲམ་པ་ཡས་མས་ལས་བྱེད་ཀྱི་རྩ་ཉམས་ནས་སོ་འཐམས་ཤིང༌། ཁ་འབྱེད་འཛུམ་བྱེད་དཀའ་བ་ཞིག |
| འགྲམ་པ་ས་ཕབ |
སྙོམས་ཆུང་ལུགས་མཐུན་གྱི་སྤྱོད་པ། འགྲམ་པ་ས་ཕབ་ཀྱི་གུས་འདུད་སྒོ་ནས་གནས་ལུགས་དྲང་པོར་གསོལ། |
| འགྲམ་པ་སེང་གེ་འདྲ་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་ཚིག་ཀྱལ་བ་སྤངས་པས་འགྲམ་པ་སེང་གེའི་འགྲམ་པ་འདྲ་བ། |
| འགྲམ་ཕུག |
ཁའི་འགྲམ་པའི་ཕུག |
| འགྲམ་འགུལ |
ཁའི་འགྲམ་པ་འགུལ་སྐྱོད། |
| འགྲམ་འཕྱང |
མངོན རྣ་རྒྱན། |
| འགྲམ་རུས |
འགྲམ་པའི་རུས་པ། |
| འགྲམ་རྐྱོང |
མངོན རུས་སྦལ། |
| འགྲམ་ལོགས |
འཁྲིས་སམ་ཉེ་འདབས། |
| འགྲམ་ལྕག |
ལྡན་པ་ལ་གཞུ་བྱེད་ཀྱི་ལག་ལྕག འགྲམ་ལྕག་གཞུ་བ།…2.ལག་པས་འགྲམ་པའི་ངོས་ལ་རྒྱག་པའི་མིང་། |
| འགྲམ་ཤ |
གདོང་གི་འགྲམ་པའི་ཤ། |
| འགྲམ་སོ |
མི་དང་སྲོག་ཆགས་ཀྱི་སོ་ལ་མདུན་སོ་དང་མཆེ་བ། འགྲམ་སོ་བཅས་རིགས་གསུམ་ཡོད་པའི་ནང་གི་འགྲམ་སོའི་མིང་། |
| འགྲམ་སྐྱོར |
1 འགྲམ་ནས་སྐྱོར་བྱེད་དམ་སྲུང་བྱེད་ཀྱི་རྭ་བ། 2 འགྲམ་པ་ལག་པས་སྐྱོར་བ། |
| འགྲམ་སྟེགས |
ཉེ་འགྲམ་གྱི་སྟེགས་བུ། |
| འགྲམ་སྟོང |
འགྲམ་པ་ཀོང་ཀོང་ངམ། འགྲམ་ཀྱོང༌། སྤོ་བོ་འགྲམ་སྟོང༌། |
| འགྲམ་སྦྱོར |
ཐོང་གཤོལ་པུས་གུག་གི་འགྲམ་པ་གཡས་གཡོན་གྱི་འགྲམ་ལྷན་ཤིང་གཉིས། |
| འགྲམས་པ |
བོད་ཀྱི་གསོ་བ་རིག་པའི་ཐ་སྙད་དུ་ཚ་ནད་ལ་པགས་ལ་འགྲམས་པ། ཤ་ལ་རྒྱས་པ། རྩ་རུ་རྒྱུ་བ། རུས་ལ་ཞེན་པ། དོན(སྙིང་གློ་མཁལ་མཚེར་མཆིན)ལ་བབས་པ། སྣོད(ཕོ་རྒྱུ་ལོངས་ལྒང་བསམ་སེ)དུ་ལྷུང་བ། དབང་པོ་ལྔ་ལ་མེ་ཏོག་ཤར་བ་བཅས་སྐབས་རིམ་བདུན་ཡོད་པའི་ནང་གི་དང་པོའི་མིང་། 2.ཐ་མི་དད་པ ཁྱབ་པའམ་མཆེད་པ། ནད་རིམས་འགྲམས་པ། རྨས་འགྲམས་པ། |
| འགྲམས་ཚད |
རྟས་བརྡབ་པ་དང་གཡང་དུ་ལྷུང་བ་སོགས་ལུས་འགྲམས་པ་ལས་བྱུང་བའི་ཚད་པ་ནང་གསེས་སུ་ཕྱི་ཡི་ཡུལ་གཞི་འགྲམས་པ་དང༌། ནང་གི་དོན་སྣོད་འགྲམས་པ་གཉིས་མཆིས་སོ། |
| འགྲས |
(བྱེད་མེད་ལས་ཚིག) ཕན་ཚུན་དགྲར་འཛིན་པའི་བསམ་པ་སྐྱེས་པའི་དོན་ཏེ། ཕན་ཚུན་ཞེ་འགྲས། ཁོ་གཉིས་ཞེ་འགྲས་ལྟ་བུ། |
| འགྲས་པ |
ཐ་མི་དད་པ ཞེ་ལྡོག་པའམ་མི་དགའ་བར་གྱུར་པ། ཞེ་འགྲས་ཁོན་འགྲས། སྤྱོད་ངན་མཐོང་ནས་ཞེ་འགྲས་པ། ཁ་འགྲས་ལག་འགྲས། |
| འགྲས་འགྲུས |
རྙིང གྱ་གྱུ་ཅན་ནམ་གཡོན་ཅན། |
| འགྲིག |
(བྱེད་མེད་ལས་ཚིག་མ་འོངས་པ་དང་ད་ལྟ་བ) མཐུན་པ་བྱུང་ རྩྭ་སའི་རྩོད་གླེང་འགྲིག་ན་བཟང་ཞེས་པ་ལྟ་བུ། |
| འགྲིག་པ |
ཐ་མི་དད་པ འགྲིགས་པ། འགྲིག་པ།། 1 འོས་ཤིང་འཚམས་པ། མ་བསྒྲིགས་རང་འགྲིག གཟུགས་པོའི་ཆེ་ཆུང་ལ་དཔགས་པའི་གྱོན་ཆས་ཆ་འཛབས་འགྲིག་པ། ཤིང་གི་འབྱར་ཁ་འགྲིག་པ། 2 མཐུན་པ། རྩོད་གླེང་འགྲིགས་ན་བཟང༌། འགྲིག་པའི་ཚ་ལ་མ་གཏོགས། མི་འགྲིག་པའི་དཀྲུག་ཤིང་མ་བྱེད། དེ་རིང་ཞུ་རྒྱུ་དེ་ཙམ་གྱིས་འགྲིག་པ། གཏན་ནས་མི་འགྲིག་པ། |
| འགྲིག་པོ |
རན་པོ་དང༌། མཐུན་པོ་དང༌། འཚམས་པོ། ནམ་རྒྱུན་ཁོ་གཉིས་འགྲིག་པོ་ཡོད། ད་རེས་ཀྱི་ལས་ཀ་གྲ་འགྲིག་པོ་བྱུང་སོང༌། |
| འགྲིག་མཐུན |
འགྲིག་པོ་མཐུན་པོ། |
| འགྲིགས |
འདས་པ་ ས་རྩོད་ཆུ་རྩོད་འགྲིགས་ནས་མི་དམངས་མཐུན་སྒྲིལ་བྱུང་ལྟ་བུ། འོས་ཤིང་འཚམ་པའི་དོན་ཏེ། ལྭ་བ་བཟོས་པ་ལུས་ལ་འགྲིགས། མ་བསྒྲིགས་རང་འགྲིགས། འགྲིག་པོ་མཐུན་པོ་བྱུང་ལྟ་བུ། |
| འགྲིགས་པ |
འགྲིག་པའི་འདས་པ། |
| འགྲིགས་མིན |
1 མ་འགྲིགས་པ། 2 འགྲིག་དང་མི་འགྲིག རྩོམ་ཡིག་འགྲིག་མིན་སློབ་སྟོན་གནང་འཚལ། |
| འགྲིབ |
(བྱེད་མེད་ལས་ཚིག) ཇེ་ཉུང་དུ་སོང་བའམ་ཇེ་ཆུང་དུ་སོང་བའི་དོན་ཏེ། ཉི་མའི་དབང་གིས་ཟླ་བ་འཕེལ་འགྲིབ་བྱུང་། ཟླ་བ་འཕེལ་རྗེས་འགྲིབ་ཅིང་འགྲིབ་རྗེས་འཕེལ་ཞེས་པ་ལྟ་བུ། |
| འགྲིབ་ནད |
མིག་ནད་ཅིག་གི་མིང་ མིག་འགྲིབ་ཀྱང་ཟེར། |
| འགྲིབ་པ |
ཐ་མི་དད་པ 1 ཟད་པའམ་ཉུང་ངུར་ཕྱིན་པ། གཙང་པོའི་ཆུ་རྒྱུན་འཕེལ་འགྲིབ་སྣ་ཚོགས་ཡོང༌། མཚོ་ཆུ་མི་འགྲིབ་མི་ལུད་པ། མར་ངོའི་དུས་སུ་ཟླ་བའི་ཆ་རིམ་གྱིས་མར་འགྲིབ་པ། 2 བརྒལ་བ། ཉི་མ་འགྲིབ་སོང༌། |
| འགྲིབས་པ |
མིག་ནད་ཅིག |
| འགྲིམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) གནས་མང་པོར་འགྲོ་བའི་དོན་ཏེ། གཏེར་རྡོ་འཚོལ་ན་ལ་ལུང་འགྲིམ་དགོས། འགྲིམ་བྱའི་གནས། རྒྱལ་ཁམས་འགྲིམ་མཁན་ཞེས་པ་ལྟ་བུ། |
| འགྲིམ་པ |
ཐ་མི་དད་པ འགྲིམས་པ། འགྲིམ་པ། འགྲིམས།། མྱུལ་བ་དང་འགྲོ་བ། ཕྱོགས་སུ་འགྲིམ་པ། ལ་ལུང་འགྲིམ་པ། ཆོས་ར་འགྲིམ་པ། ཡུལ་ལུང་སོ་སོར་འགྲིམས་ནས་ཕྱིན་པ། ཡིག་རིགས་ལག་འགྲིམ་བྱས་ནས་ལྟ་བ། ས་ཕག་རྣམས་ལག་འགྲིམས་ཀྱིས་ཁང་པའི་ཐོག་ཁར་གཏོང་བ། སློབ་གྲྭ་རིམ་གྱིས་འགྲིམས་ནས་ཤེས་ཡོན་སྦྱང་བ། |
| འགྲིམ་འགྲུལ |
ཕན་ཚུན་འགྲོ་སའི་ལམ་དང་། འགྲོ་མཁན། འགྲོ་བྱེད་ཀྱི་ཡོ་བྱད་བཅས་བསྡོམས་པའི་སྤྱི་མིང་ འགྲིམ་འགྲུལ་སྟབས་བདེ་བ། འགྲིམ་འགྲུལ་གྱི་བྱ་བ་ཞེས་པ་ལྟ་བུ། |
| འགྲིམས |
འགྲིམ་པའི་སྐུལ་ཚིག་ |
| འགྲིམས |
འདས་པ་དང་སྐུལ་ཚིག་ ལ་ལུང་མང་པོ་འགྲིམས་ནས་གཏེར་རྡོ་བཙལ། རྒྱལ་ཁམས་འགྲིམས་ནས་ཉམས་མྱོང་མང་པོ་ཤེས། ལ་ལུང་འགྲིམས་ཤིག་ལྟ་བུ། དངོས་རྫས་གཅིག་ནས་གཅིག་ལ་བརྒྱུད་པའི་དོན་ཏེ། རས་ཁྲུ་ཙི་གང་ཡིན་ཡང་བཟོ་པ་མང་པོའི་ལག་འགྲིམ་པ་རེད། སློབ་གྲྭ་འགྲིམས་ནས་ཡོད་ཏན་སྦྱངས་ལྟ་བུ། |
| འགྲིམས་པ |
འགྲིམ་པའི་འདས་པ། |
| འགྲིལ |
མ་འོངས་པ་དང་ད་ལྟ་བ་ ངོ་གཟར་ནས་ཕྱུགས་ཟོག་རྦབ་ཏུ་འགྲིལ་ཉེན་ཆེ་ལྟ་བུ། དག་ཡིག་ལ་ལར་ཕྱོགས་གཅིག་ཏུ་བསྡུས་པ་དང་ནང་ལ་བཏུམས་པའི་དོན་དུ་བཤད་པའང་ཡོད། |
| འགྲིལ་བ |
1. ཐ་མི་དད་པ 1 འདུ་བ། ནང་དོན་རྡོག་འགྲིལ་བ། ཤོག་རིལ་བཤིག་ནས་བརྐྱངས་པ་རང་ཤུགས་ཀྱིས་རིལ་བོར་འགྲིལ་སོང༌། བསམ་བློ་མཐུན་པོ་བྱུང་ན་སྟོབས་ཤུགས་གཅིག་ཏུ་འགྲིལ་རྒྱུར་ཐག་ཆོད། རྒྱུག་ཆུ་ཁག་མང་དམའ་ས་གཅིག་ཏུ་འགྲིལ་བ། 2 འཁོར་བཞིན་པའི་ངང་ནས་ལྷུང་བ། ཁ་བ་རི་ལྡེབས་ནས་ཉིལ་དུས་གོང་བུ་ཇེ་ཆེར་འགྲིལ་བ། རྡོ་དེ་གྱེན་གཟར་པོ་ཞིག་ནས་ཡར་འདྲེན་མ་ཐུབ་པས་ཐུར་དུ་འགྲིལ་འདུག 2. ནད་པའི་ལག་རྩ་འཕར་སྟངས་ཤིག |
| འགྲིས |
རྙིང གོས་ལ་ཚོས་རྒྱག་དུས་བྱུང་བའི་ཁྲ་ཐིག |
| འགྲུབ |
མ་འོངས་པ་དང་ད་ལྟ་བ་ འབད་པས་བསྒྲུབས་ན་མི་འགྲུབ་གང་ཡང་མེད་ལྟ་བུ། |
| འགྲུབ་པ |
ཐ་མི་དད་པ གྲུབ་པ། འགྲུབ་པ།། 1 ལེགས་པར་ཚར་བ་དང༌། ཆགས་པ། ཡུན་རིང་བར་དུ་དཀའ་ལས་ཆེན་པོ་བྱས་ཏེ་གཞི་ནས་རེ་འདོད་ལྟར་འགྲུབ་ཐུབ་པ། ལས་དོན་འགྲུབ་དགོས་ན་འབད་བརྩོན་བྱེད་དགོས། སྐུད་པ་གཅིག་གིས་རས་མི་འགྲུབ། སྡོང་པོ་གཅིག་གིས་ནགས་མི་འགྲུབ། སྡོང་པོ་མང་ན་རླུང་འགོག་མི་མགོ་མང་ན་ལས་འགྲུབ། 2 ཡོད་པ་དང༌། གནས་པའམ་འབྱུང་བ། རྟགས་མ་གྲུབ། གཞི་མ་གྲུབ་པ། རང་བཞིན་གྱིས་གྲུབ་པ། |
| འགྲུབ་པའི་ཡན་ལག་གསུམ |
རྟེན་འབྲེལ་ཡན་ལག་བཅུ་གཉིས་ཀྱི་ནང་ཚན། སྲེད་པའི་ཡན་ལག་དང༌། ལེན་པའི་ཡན་ལག་དང༌། སྲིད་པའི་ཡན་ལག་བཅས་ནི་སྐྱེ་བ་མངོན་པར་འགྲུབ་པར་བྱེད་པས་འགྲུབ་པའི་ཡན་ལག་གསུམ་མོ། |
| འགྲུབ་སྦྱོར |
གཟའ་སྐར་བཟང་པོའི་འཕྲོད་སྦྱོར་ཏེ་རེས་གཟའ་བདུན་ལ་འགྲུབ་སྦྱོར་བདུན་ཡོད་དེ། ཉི་མ་མེ་བཞིའི་འགྲུབ་སྦྱོར་དང༌། ཟླ་བ་གྲོ་བཞིན་འགྲུབ་སྦྱོར། མིག་དམར་དབྱུ་གུའི་འགྲུབ་སྦྱོར། ལྷག་པ་ལྷ་མཚམས་འགྲུབ་སྦྱོར། རྒྱལ་ཕུར་འགྲུབ་སྦྱོར། པ་སངས་ནམ་གྲུའི་འགྲུབ་སྦྱོར། སྤེན་པ་སྣར་མའི་འགྲུབ་སྦྱོར་ཏེ་བདུན་ནོ། |
| འགྲུལ་ཁ |
འགྲུལ་པ་གསར་པ་སླེབས་པའི་གནོད་པ། |
| འགྲུལ་ཁང |
ཕྱོགས་འགྲོའི་འགྲུལ་པ་རྣམས་ཀྱི་གནས་ཚང༌། |
| འགྲུལ་ཆས |
ཕྱོགས་སུ་འགྲོ་སྐབས་འཁྱེར་བའི་མགོ་ཆས། |
| འགྲུལ་པ |
ལམ་ལ་འགྲོ་འོང་བྱེད་པའི་མིའི་སྤྱི་མིང་ གཞུང་ལམ་གཅིག་གི་ཐོག་ལ་འགྲུལ་པ་བརྒྱ་འགྲོ་སྟོང་འགྲོ་ཞེས་པ་ལྟ་བུ། ཕྱི་ནས་འོངས་པའི་མིའི་སྤྱི་མིང་ མགྲོན་ཁང་དུ་འགྲུལ་པ་རྒྱུན་མི་འཆད་ལྟ་བུ། ０རང་ཁྱིམ་དུ་འོངས་ནས་གནས་སྐབས་སུ་འདུག་པའི་ཉེ་གནས་དང་གྲོགས་པོ་ ལོ་གསར་ལ་འགྲུལ་པ་མང་པོ་འོངས་ལྟ་བུ། |
| འགྲུལ་བ |
ཐ་མི་དད་པ ལམ་དུ་སྐྱོད་པའམ་འགྲོ་བ། རྒྱ་ལམ་དུ་འགྲུལ་པ་འགྲུལ་བ། ཁྲོམ་སྲང་ཡངས་པོར་རླངས་འཁོར་འགྲུལ་བ། ནགས་གསེབ་ཏུ་གཅན་གཟན་འགྲུལ་བ། |
| འགྲུལ་བཞུད |
ཕར་ཚུར་འགྲོ་བའི་དོན། འགྲུལ་བཞུད་བདེ་པོ་འདུག འགྲུལ་བཞུད་བཅད་པ། |
| འགྲུལ་ཚ་པོ |
འགྲུལ་ལ་མགྱོགས་པོ་ཕྱིན་པའི་དོན། ལམ་བར་འགྱང་འགོར་ཆུང་ཆེད་ཉིན་མཚན་ལྟོས་མེད་འགྲུལ་ཚ་པོ་བརྒྱབ་པ། གཡུལ་སའི་མདུན་ཕྱོགས་སུ་དམག་འཁྲུག་དྲག་པོ་བྱེད་བཞིན་ཡོད་པས་འགྲུལ་ཚ་པོ་བརྒྱབ་ནས་དཔུང་སྡེ་འཇུག་དགོས། |
| འགྲུལ་རོགས |
ཕྱོགས་སུ་འགྲོ་རོགས་སམ་ལམ་རོགས། |
| འགྲུལ་ལམ |
ལམ་ཁ། འགྲུལ་བཞུད་བཅད་པ། |
| འགྲུལ་སྐྱེལ |
འགྲུལ་པ་སྐྱེལ་འདྲེན། |
| འགྲུལ་སྐྱོད |
ཕྱོགས་ཕན་ཚུན་ལ་འགྲོ་བ། |
| འགྲུལ་སྒར |
འགྲུལ་པ་མང་པོ་གུར་ཕུབ་སྟེ་མཉམ་དུ་སྡོད་པའི་གནས། |
| འགྲུལ་སྣ |
1 འགྲུལ་པའི་སྣ་འཁྲིད། 2 ཡུལ འགྲུལ་ཁ་དང་འདྲ། |
| འགྲུས |
བརྩོན་པ་བྱས་པའི་དོན་ཏེ། འབྲི་སྲོལ་ལ་བརྩོན་འགྲུས་ཞེས་བཀོལ་གྱིན་ཡོད། དཔེར་ན། སློབ་སྦྱོང་ལ་བརྩོན་འགྲུས་བྱས་ལྟ་བུ། |
| འགྲུས་པ |
1. ཐ་དད་པ བརྩོན་པའམ་འབད་པ། འགྲུས་ན་མི་འགྲུབ་གང་ཡང་མེད། 2. འབད་པའི་མིང༌། ལས་དོན་གང་ལ་ཡང་འགྲུས་པ་གལ་ཆེ། |
| འགྲུས་འགོག |
རྙིང བརྩོན་འགྲུས། |
| འགྲུས་སྐྱོང |
བརྩོན་འགྲུས། |
| འགྲེ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) ལུས་ས་ལ་ཉལ་ནས་ཐོག་འོག་བརྗེ་བའི་དོན་ཏེ། རྟ་ས་ལ་འགྲེ། ན་ཟུག་སྐྱེས་ནས་འགྲེ་ལྡོག་བྱས། འགྲེ་ལོག་བརྒྱབ་ལྟ་བུ། |
| འགྲེ་བ |
ཐ་མི་དད་པ འགྲེས་པ། འགྲེ་བ།། 1 རིགས་མཚུངས་སུ་འགྱུར་བའམ་འཕོ་བ། སྔ་ཕྱི་ཚང་མ་རིགས་འགྲེས་སོང༌། དེ་བྱིངས་ཚང་མ་འདེའི་རིགས་འགྲེ་བཏང་ཆོག རིགས་པ་འགྲེས་ནས་ཤེས་པ། 2 འགྱེལ་ལོག་བྱེད་པ། ས་ལ་ཕར་འགྲེ་ཚུར་འགྲེ་བྱེད་པ། 3 རྙིང གཡོ་བ། |
| འགྲེ་ལོག |
འགྲེ་ལྡོག ན་ཟུག་སྐྱེས་ནས་ཕར་ཚུར་འགྲེ་ལོག་རྒྱག་པ། |
| འགྲེ་ལྡོག |
གཟུགས་པོ་ཕར་སློག་ཚུར་སློག་བྱེད་པའི་མིང༌། རྟ་དྲེལ་བོང་བུ་རྣམས་བྱེ་ཐང་འཇམ་པོ་ལ་ཉལ་ནས་འགྲེ་ལྡོག་རྒྱག་པ། |
| འགྲེང |
(བྱེད་མེད་ལས་ཚིག) ལངས་པའི་དོན་ཏེ། གྱེན་དུ་འགྲེང་ལྟ་བུ། |
| འགྲེང་པོ |
འགྲེང་བུ་དང་འདྲ། |
| འགྲེང་བ |
ཐ་མི་དད་པ འགྲེངས་པ། འགྲེང་བ། འགྲེངས།། ལང་བ། དམའ་ས་ནས་ཡར་འགྲེང་བ། གློ་བུར་འགྲེང་བ། དམག་མི་རྣམས་རུ་བསྒྲིགས་སུ་འགྲེངས་ནས་བསྡད་འདུག |
| འགྲེང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དབེན་པར་ཉེ་དུ་མ་ཡིན་པའི་བུད་མེད་དང་ལྷན་ཅིག་འགྲེང་བའི་སྤྱོད་ལམ་གྱིས་གནས་པའོ། |
| འགྲེང་བུ |
བོད་ཡིག་གི་དབྱངས་ཡིག་ཨེ་མཚོན་པའི་རྟགས་ེའདིའི་མིང་། |
| འགྲེངས |
འགྲེང་བའི་སྐུལ་ཚིག་ |
| འགྲེངས་པ |
འགྲེང་བའི་འདས་པ། |
| འགྲེད |
འདྲེད་ཀྱི་འབྲི་ཚུལ་གཞན། |
| འགྲེད་པ |
འདྲེད་པའི་འབྲི་ཚུལ་གཞན། |
| འགྲེད་བདར |
གོམ་ཚུགས་མ་བརྟན་པར་རྐང་པ་ཤོར་སྟངས། འཛེག་སྐས་ལ་འགྲེད་བདར་ཤོར་ནས་ལྷུང་བ། འཁྱགས་སྟེང་དུ་རྐང་པ་འགྲེད་བདར་ཤོར་ནས་འགྱེལ་བ། |
| འགྲེད་བརྡབ |
རྐང་འགྲེད་ལུས་བརྡབ། གྱེན་ཐུར་གཟར་པོ་ལ་གཟབ་གཟབ་མ་བྱས་ན་འགྲེད་བརྡབ་ཤོར་ནས་རྐང་ཆག་ལག་བསྣད་ཡོང་ཉེན་ཡོད། རྒས་འཁོགས་ཐུར་ལམ་ལ་གོམ་པ་འཁྱོར་ནས་འགྲེད་བརྡབ་ཤོར་སོང༌། |
| འགྲེད་འབྱིད |
རྐང་པ་འགྲེད་བདར་ཤོར་བ། རྡོ་སྐས་ལ་རྐང་པ་འགྲེད་འབྱིད་ཀྱིས་རྦབ་རིལ་ཐེབས་སོང༌། |
| འགྲེམ |
ད་ལྟ་བ་འགྲེམ་གྱིན་ཡོད། དངོས་རྫས་འགྲེམ་མཁན། འགྲེམ་སྟོན་ཁང་ཞེས་ལྟ་བུ། |
| འགྲེམས་པ |
ཐ་དད་པ བཀྲམ་པ། དགྲམ་པ། ཁྲོམས།། ཁོད་སྙོམས་པོར་འདིང་བ། བྱེ་མ་དགྲམ་པ། ཚོང་ཟོག་རྣམས་ཕྱི་རོལ་ཏུ་བཀྲམ་པ། ལུག་ཁྱུ་རི་ལ་འགྲེམས། ཚོང་ཟོག་བཀྲམ་ནས་མང་ཚོགས་ལ་སྟབས་བདེ་བྱུང་བ། |
| འགྲེམས་འཇོག |
བཀྲམ་སྟེ་འཇོག་པ། |
| འགྲེམས་སྟོན |
དགྲམ་བྱ་ཁ་བཀྲམ་ནས་མིག་ལམ་དུ་སྟོན་པ། འགྲེམས་སྟོན་ཁང༌། |
| འགྲེམས་སྤེལ |
ཁ་བཀྲམ་ནས་ཁྱབ་ཐབས་བྱེད་པ། |
| འགྲེལ |
བཀྲལ་གྱི་ད་ལྟ་བ། འགྲེལ་བ་ཞེས་པའི་ཚིག་བསྡུས་པ། |
| འགྲེལ་ཆེན |
རྩ་དོན་ཞིབ་ཚགས་སུ་བཀྲལ་བའི་རྣམ་བཤད། |
| འགྲེལ་ཆེན་དྲི་མེད་འོད |
སེམས་འགྲེལ་སྐོར་གསུམ་ནང་ཚན། དུས་འཁོར་རྒྱུད་ཀྱི་འགྲེལ་བཤད། རིགས་ལྡན་པད་དཀར་གྱིས་བརྩམས། |
| འགྲེལ་པ |
རྩ་དོན་གོ་སླ་བའམ་གསལ་དུ་གཏོང་བའི་ཚིག |
| འགྲེལ་པ་བཞི་སྦྲགས |
འགྲེལ་མཆན་བཞི་བཀོད་པའི་འགྲེལ་པ། |
| འགྲེལ་པ་ཟླ་ཟེར |
ཁ་ཆེ་པཎ་ཆེན་ཟླ་བ་མངོན་པ་དགའ་བས་མཛད་པའི་སློབ་དཔོན་དཔའ་བོའི་ཡན་ལག་བརྒྱད་པའི་འགྲེལ་པ་ཤིན་ཏུ་ཆེན་པོ་ཞིག |
| འགྲེལ་པ་འབུམ་ཆུང་གསལ་སྒྲོན |
དུས་རབས་བརྒྱད་པའི་ནང་སུམ་སྟོན་ཡེ་ཤེས་གཟུངས་ཀྱིས་མཛད་པའི་བཤད་རྒྱུད་ཀྱི་དགོངས་དོན་རྣམས་གསལ་བར་འགྲེལ་བའི་སྨན་གྱི་བསྟན་བཅོས་ཤིག |
| འགྲེལ་པའི་འགྲེལ་པ |
འགྲེལ་པ་ཉུང་ངུའི་དོན་རྒྱས་པར་འགྲོལ་བའི་གཞུང༌། |
| འགྲེལ་བ |
ཚིག་དོན་གོ་དཀའ་བ་གོ་སླ་བར་བཤད་པའི་ཚིག་གི་མིང་ 《སུམ་རྟགས་》ཀྱི་འགྲེལ་བ་ཞེས་པ་ལྟ་བུ། ཚིག་བསྡུས་ན་འགྲེལ་ཞེས་འབྲི་ཆོག་ དཀའ་འགྲེལ། དོན་འགྲེལ། ཚིག་འགྲེལ། མཆན་འགྲེལ་ཞེས་པ་ལྟ་བུ། |
| འགྲེལ་བ་བུདྡྷ་པཱ་ལི་ཏ |
སློབ་དཔོན་སངས་རྒྱས་བསྐྱངས་ཀྱིས་མཛད་པའི་དབུ་མའི་བསྟན་བཅོས་ཤིག |
| འགྲེལ་བཤད |
དོན་གསལ་བར་བཤད་པའི་ཚིག་གི་མིང་ ངོ་སྤྲོད་པས་ལྟད་མོ་པ་རྣམས་ལ་འདྲུད་འཐེན་འཁོར་ལོ་བཀོལ་ཚུལ་འགྲེལ་བཤད་བྱས་ལྟ་བུ། |
| འགྲེལ་བཤད་འབྲུ་སྣོན |
ཚིག་དོན་འགྲེལ་བཤད་ཀྱི་ཡིག་འབྲུ་ཁ་སྣོན། |
| འགྲེལ་མཆན |
ཚིག་དོན་གསལ་བར་བྱེད་པའི་འགྲེལ་བ་མཆན་བུར་བཏགས་པ། |
| འགྲེས |
འདས་པ་ ལུས་ས་ལ་འགྲེས་ཞེས་པ་ལྟ་བུ། ཤེས་ཟིན་པ་རྒྱུ་མཚན་དུ་བྱས་ནས་མ་ཤེས་པའི་དོན་ཤེས་པར་བྱེད་པའི་དོན་ཏེ། རིགས་འགྲེ་དགོས། རིགས་པ་འགྲེས་ནས་ཤེས་ལྟ་བུ། |
| འགྲེས་པ |
འགྲེ་བའི་འདས་པ། |
| འགྲེས་རྐང |
ཚིགས་བཅད་དུམ་བུ་རེའི་མཚམས་སུ་གཟུད་རྒྱུའི་རིགས་འགྲེས་གཏོང་རུང་བའི་ཚིག་རྐང༌། |
| འགྲེས་རྐང་བདུན |
ཕུང་པོ་དང༌། སྐྱེ་མཆེད། ཁམས། རྟེན་འབྲེལ། ཟས། བདེན་པ། བྱང་ཕྱོགས་ཀྱི་ཆོས་ཏེ་བདུན། |
| འགྲོ |
ཡོད་ལས་ཆེའམ་ཡིན་ལས་ཆེ། སྐད་ཆ་ཤོད་མཁན་ཁོ་རང་ཡིན་འགྲོ། ཁྱེད་རང་ལའང་འགན་འཁྲིས་ཡོད་འགྲོ། ཉལ་སའི་འཁྲིས་སུ་སྨན་ཞོག་དང༌། ཁོས་འཐུང་འགྲོ། ཆེད་དུ་སྐད་གཏོང་དགོས་མི་འདུག་ཁོ་རང་ཡོང་གི་ཡོད་འགྲོ།…2.(བྱེད་མེད་ལས་ཚིག་མ་འོངས་པ་དང་ད་ལྟ་བ) རྐང་པ་སྤོས་ནས་ཕར་སྐྱོད་པའི་དོན་ཏེ། མགྱོགས་པར་འགྲོ། ལམ་ལ་འགྲོ་ལྟ་བུ། |
| འགྲོ་ཁ |
འགྲོ་ལ་ཉེ་བའི་དུས། འགྲོ་ཁར་མ་དང་མ་འགྲས། སང་ཉིན་འགྲོ་ཁ་ལ་མོར་ང་སྐད་གཏོང་རོགས། |
| འགྲོ་ཁུངས |
1 མགོ་འདྲེན་ནམ་ཞུ་བརྒྱུད། 2 ཚོང་ཟོག་བྲིན་ཡུལ། 3 དངོས་པོ་བེད་སྤྱོད་འགྲོ་ཡུལ། |
| འགྲོ་གྲོན |
རྒྱུ་ནོར་ཟད་སྒོ། འགྲོ་གྲོན་མཁས་གཏོང༌། |
| འགྲོ་ཆས |
ཕྱོགས་འགྲོའི་ལམ་རྒྱགས་དང༌། ཡོ་བྱད། ཕྱོགས་ཐོན་ནམ་བྱེད་ལ་འགྲོ་ཆས་གང་དགོས་སྔོན་ཚུད་ནས་གྲ་སྒྲིག་བྱེད་དགོས། |
| འགྲོ་ཆེ་བ |
1 བྲིན་རྒྱུག་ཆེ་བ། ཚོང་ཟོང་འགྲོ་ཆེ་བ། 2 འགྲོ་སྒོ་ཆེ་བ། ཟས་ནོར་འགྲོ་ཆེ་བ། 3 ལམ་དུ་ལྷོང་ཆེ་བ། བྱ་བ་ལམ་དུ་འགྲོ་ཆེ་བ། |
| འགྲོ་ཉེན་ཆེ |
ཕལ་ཆེར་འགྲོ་ལ་ཉེ་བའམ་ཕལ་ཆེར་འགྲོ་རྒྱུར་ངེས་པ། |
| འགྲོ་དངུལ |
བེད་གཅོད་བཞིན་པའི་དངུལ། |
| འགྲོ་དོན |
1 སེམས་ཅན་ནམ་གཞན་གྱི་ཁེ་ཕན། 2 འགྲོ་དགོས་པའི་དོན། |
| འགྲོ་པོ |
1 བྲིན་ཆེ་བ། ཚོང་ཟོག་འདི་འགྲོ་པོ་འདུག 2 ཐག་རིང་བགྲོད་ཐུབ་པོ། རྟ་འདི་ཧ་ཅང་འགྲོ་པོ་འདུག 3 ངག་ཐོག་ཏུ་སྐྱོར་ཐུབ་པོ། དཔེ་ཆ་ངག་ཐོག་ཏུ་འགྲོ་པོ་འདུག |
| འགྲོ་ཕན |
སེམས་ཅན་ལ་ཕན་པའི་ལས། |
| འགྲོ་ཕྱི་བ |
རྗེས་སུ་ཐོན་པའི་མི་ཕྱུགས། |
| འགྲོ་ཕྱོགས |
1 འགྲོ་སའི་ཁ་ཕྱོགས་སམ་ལམ་ཕྱོགས། 2 མགོ་འདྲེན། འགྲོ་ཕྱོགས་ཟབ་པོ། ངེས་པར་དུ་འགྲོ་ཕྱོགས་འཚོལ་དགོས། |
| འགྲོ་བ |
1. ཐ་མི་དད་པ ཕྱིན་པ། འགྲོ་བ། སོང༌།། 1 མཆི་བ། ཐོན་ཆས་བསྒྲིགས་ཏེ་ཕྱོགས་ལ་འགྲོ་ཆོག་ཆོག་བྱས། ཕར་འགྲོ་ཚུར་འགྲོ། ཡར་འགྲོ་མར་འགྲོ། ཕན་ཚུན་དུ་འགྲོ་བ། ཁྱེའུ་འགྲོ་མི་ཐུབ་པ་ཞིག རྗེས་སུ་འགྲོ་བ། ཡུལ་བྱོལ་དུ་འགྲོ་བ། རྟག་པར་འགྲོ་དགོས། གཞན་ཡུལ་དུ་ཕྱིན་སོང༌། ཕར་སོང༌། 2 འབབ་པ་དང་ལྷུང་བ། རྣ་བར་འགྲོ་བའི་སྐད་ཆ། མིག་ལ་མི་འགྲོ་བ། ལམ་དུ་མི་འགྲོ་བ། བློ་ལ་མི་འགྲོ་བ། མགོ་བོའི་རྩེ་ལ་ཕོག་ནས། སྣའི་གཞུང་ལ་འགྲོ་བ། 3 ཤོང་བ། སྣོད་ཆས་འདིར་འབྲུ་ཁལ་བརྒྱད་ཅུ་འགྲོ་བ། སོན་ཁལ་ལྔ་འགྲོ་བའི་ཞིང་ཁ། 4 འགྱུར་བ། ནུས་སྟོབས་ཆེ་རུ་འགྲོ་བ། སྡུག་བསྔལ་དུ་འགྲོ་བ། དུག་ཏུ་འགྲོ་བ། 5 འཇུག་པ། སྨན་དུ་འགྲོ་བ། འགྲོ་རྒྱུན། ཤོག་དངུལ་དེ་བཞིན་གང་ས་གང་དུ་འགྲོ་བ། 2 1 སེམས་ཅན། ངན་འགྲོ། བདེ་འགྲོ། བཅུད་ཀྱི་འཇིག་རྟེན་འགྲོ་བ་རིགས་དྲུག 2 མངོན འགྲོ་བ་རིགས་དྲུག་ཡོད་པས་གྲངས་དྲུག་མཚོན། |
| འགྲོ་བ་གཉིས |
ངན་འགྲོ་དང་བདེ་འགྲོ་གཉིས། |
| འགྲོ་བ་ངན་པ |
དུད་འགྲོ་དང༌། ཡི་དྭགས། དམྱལ་བ་སྟེ་ངན་འགྲོ་གསུམ་གྱི་སྤྱི་མིང༌། |
| འགྲོ་བ་བཞི |
འདུལ་བ་ལས་བཤད་པའི་གསང་སྟོན་སློབ་དཔོན་གྱིས་བསྒྲུབ་བྱ་ལ་བར་ཆད་འདྲི་བར་འགྲོ་བ་བཞི་དང་བྲལ་བ་ཞིག་དགོས་པ་འདུན་པས་འགྲོ་བ་ཞེས་པ་བསྒྲུབ་བྱ་དང་གསང་སྟོན་མཛའ་བ་ཞིག་ཡིན་ན་བར་ཆད་ཡོད་ཀྱང་གསང་ནས་མི་སྨྲ་བ་དང༌། འཇིགས་པས་འགྲོ་བ་ཞེས་པ་གསང་སྟོན་བསྒྲུབ་བྱ་ལ་སྐྲག་ནས་སྨྲ་མི་ཕོད་པ་དང༌། ཞེ་སྡང་གིས་འགྲོ་བ་ཞེས་པ་གསང་སྟོན་དང་བསྒྲུབ་བྱ་མི་མཐུན་ན་ལོག་པར་སྨྲ་བ་དང༌། རྨོངས་པས་འགྲོ་བ་ཞེས་པ་བསྒྲུབ་བྱ་ལ་བར་ཆད་ཡོད་མེད་མི་ཤེས་པ་བཅས་བཞིའོ། |
| འགྲོ་བ་བཟང་པོ |
ལྷ་དང༌། ལྷ་མ་ཡིན། མི་སྟེ་མཐོ་རིས་གསུམ་གྱི་སྤྱི་མིང༌། |
| འགྲོ་བ་བཟང་མོ |
སྔར་མོན་ཡུལ་རྟ་དབང་ཁུལ་གྱི་མཎྜལ་སྒང་ལ་བྲམ་ཟེ་བགྲེས་སོང་ཞིག་གི་བུ་མོ་འགྲོ་བ་བཟང་མོ་ཞེས་པ་དེ་མི་འདོད་བཞིན་དུ་རྒྱལ་པོའི་བཙུན་མོར་ཕྱིན་རྗེས་མི་ངན་གྱིས་གནོད་འཚེ་དྲག་པོ་བསྐྱལ་བ་བཟོད་མ་ཐུབ་པར་བརྟེན་རང་ཉིད་མཁའ་འགྲོའི་ཡུལ་དུ་གཤེགས་པ་དང༌། རང་གི་བུ་དང༌། བུ་མོ་མིའི་ཡུལ་དུ་ལུས་པ་དེ་གཉིས་མི་ངན་གྱིས་གསོད་ཐབས་སྣ་ཚོགས་བྱས་ཀྱང་མ་ཤི་བའི་མཐར་བུ་དེས་རང་ལོ་ལོངས་ནས་མི་ངན་བསད་དེ་དགྲ་ཤ་བླངས་པའི་སྒྲུང་གི་ལོ་རྒྱུས་རྣམས་གཞིར་བཞག་གིས་བསྒྲིགས་པའི་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག |
| འགྲོ་བ་མི |
མི། |
| འགྲོ་བ་ཞིག |
མངོན འཇིག་པའི་བསྐལ་བ། |
| འགྲོ་བ་རིགས་དྲུག |
ལྷ་དང༌། ལྷ་མ་ཡིན། མི། དུད་འགྲོ། ཡི་དྭགས། དམྱལ་བ་སྟེ་དྲུག |
| འགྲོ་བ་རིགས་མཐུན་པ |
ལྷ་ལྷར་རིགས་མཐུན་པ། མི་མིར་རིགས་མཐུན་པ་སོགས། |
| འགྲོ་བ་རྒྱུད་ལྔ |
དམྱལ་བ་ཡི་དྭགས་དུད་འགྲོ་སྟེ་ངན་འགྲོ་གསུམ་དང༌། མི་དང་ལྷ་སྟེ་བདེ་འགྲོ་གཉིས་བཅས་ལྔའོ། |
| འགྲོ་བ་ལྔ |
ལྷ་མ་ཡིན་ལྷའི་ཁོངས་སུ་གཏོགས་དང་ཀླུའི་ཁོངས་སུ་གཏོགས་གཉིས་ཡོད་པས་སོ་སོའི་ཁུངས་སུ་བསྡུས་པས། ལྷ་མ་ཡིན་མ་གཏོགས་པའི་ལྷ་མི་དམྱལ་བ་ཡི་དྭགས་དུད་འགྲོ་སྟེ་ལྔའོ། |
| འགྲོ་བ་སྒྲོལ་བའི་ཐུགས |
ཐུགས་ལྔའི་ཡ་གྱལ་ཞིག་བྱ་བ་གྲུབ་པའི་ཡེ་ཤེས་ནི་སྤྲུལ་སྐུ་འགྲོ་བ་སྒྲོལ་བའི་ཐུགས་ཞེས་རྙིང་གཞུང་དུ་གསལ། |
| འགྲོ་བཟོ་སྡོད་མཁས |
ཁྲིམས་མཐུན་བྱེད་པའི་ཚུལ་ལུགས། |
| འགྲོ་བའི་ངང་ཚུལ |
མངོན རླུང་སྤྱི། |
| འགྲོ་བའི་ཏོག |
མངོན ཁྱབ་འཇུག |
| འགྲོ་བའི་དབང |
མངོན རྒྱལ་རིགས། |
| འགྲོ་བའི་དེད་དཔོན |
མངོན སེམས་ཅན་རྣམས་ལ་ཐར་ལམ་སྟོན་པ་པོ་སྟེ་སངས་རྒྱས། |
| འགྲོ་བའི་བླ་མ |
མངོན སངས་རྒྱས་སྤྱི། |
| འགྲོ་བའི་མགོན་པོ |
སངས་རྒྱས། |
| འགྲོ་བའི་མཆོག |
ལྷ་མི་གཉིས། |
| འགྲོ་བའི་ཚུལ་ཉི་ཤུ |
ཉེས་བྱས་ཀྱི་སྡེ་ཚན་གཉིས་པ་སྤྱོད་ཡུལ་དུ་འགྲོ་བའི་སྡེ་ཚན་ལ། ལུས་ངག་མ་བསྡམས་པ་དང༌། གོས་ཚགས་ལེགས་པར་མ་བགོ་བ་དང༌། ཅ་ཅོ་དང་བཅས་པ་དང༌། མིག་གཡས་གཡོན་དུ་ལྟ་བ་དང༌། གཉའ་ཤིང་གང་ལས་རིང་དུ་ལྟ་བ་དང༌། མགོ་གོས་ཀྱིས་བཏུམ་པ་དང༌། ཤམ་ཐབས་འདོམས་སྣང་བར་བརྫེ་བ་དང༌། བླ་གོས་ཕྲག་པ་གཉིས་ཀར་གཟར་བ་དང༌། ལག་པ་གཉིས་མདུན་ནས་གཉའ་བར་བསྣོལ་བ་དང༌། རྒྱབ་ནས་ལྷག་པར་བསྣོལ་བ་དང༌། མཆོང་བ་དང༌། གོམ་ཆེན་སྤོས་པ་དང༌། རྟིང་པ་བཙུགས་ཏེ་ཙོག་པུར་འགྲོ་བ་དང༌། རྟིང་པ་བཏེགས་ནས་རྐང་པའི་བྲང་གིས་འགྲོ་བ་དང༌། གྲུ་རྒྱངས་བཅས་པ་དང༌། ལུས་ཀྱོག་པོར་བསྒྱུར་བ་དང༌། ལག་པ་གཡོབ་པ་དང༌། མགོ་བོ་གཅོག་ཅིང་བསྒྱུར་བ་དང༌། གཞན་དང་ཕྲག་པ་སྤྲད་པ་དང༌། གཞན་དང་ལག་པ་སྦྲེལ་བ་བཅས་ཀྱིས་འགྲོ་བ་ན་ཉེས་བྱས་སུ་འགྱུར་བ་སྟེ་ཉི་ཤུའོ། |
| འགྲོ་བའི་ཤིང་རྟ |
མངོན འདོད་ལྷ། |
| འགྲོ་བའི་སྒྲོན་མེ |
མངོན ཉི་མ། |
| འགྲོ་བའི་སྤྱོད་ལམ |
གོམ་པ་སྤོ་སྟངས། |
| འགྲོ་བའི་སྲོག |
མངོན རླུང་སྤྱི། |
| འགྲོ་བྱམས |
འགྱོགས་བྱམས། |
| འགྲོ་བྱེད |
མངོན རྐང་པ། |
| འགྲོ་མགོན |
སངས་རྒྱས། |
| འགྲོ་མགྱོགས |
ཨཤྭ ཤཱཀྱ་ཐུབ་པའི་ཉན་ཐོས་དྲུག་སྡེའི་ནང་ཚན་ཞིག |
| འགྲོ་མཚམས |
འགྲོ་བའི་སྐབས་མཚམས། གནོད་འཚེའི་བསམ་པས་གཞན་ལ་འགྲོ་མཚམས་ལྟ་བ། |
| འགྲོ་མཚེར |
གཞན་དུ་འགྲོ་བ་ལ་མཚེར་སྣང༌། རྐང་པ་མི་བདེ་བའི་སྐབས་ཕར་ཚུར་འགྲོ་མཚེར་ཡོང་གི་འདུག |
| འགྲོ་མེད |
མངོན 1 ལྗོན་ཤིང་སྤྱིའི་མིང༌། 2 རི། |
| འགྲོ་ཚོད |
འགྲོ་བའི་སྐབས་མཚམས། གཞན་གྱི་ཁེ་དབང་འཕྲོག་འདོད་ཀྱི་བསམ་པས་འགྲོ་ཚོད་ལྟ་བ། |
| འགྲོ་འགོག |
མངོན ལྗོན་ཤིང༌། |
| འགྲོ་འགྲོ་བ |
རྟག་ཏུ་འགྲོ་བའམ་ཡང་ཡང་འགྲོ་མུས་སུ་ཡོད་པ། ཕྱོགས་ནས་ཕྱོགས་སུ་རྟག་པར་འགྲོ་འགྲོ་བ། |
| འགྲོ་འདུག |
འགྲོ་བ་དང་སྡོད་པ། |
| འགྲོ་འདུག་ཀུན་སྤྱོད |
ཕྱིར་འགྲོ་ནང་སྡོད་སོགས་ཀྱི་བྱ་བ་བྱེད་སྟངས། དུས་དང་རྣམ་པ་ཀུན་ཏུ་འགྲོ་འདུག་ཀུན་སྤྱོད་ཚུལ་དང་མཐུན་པ་བྱེད་དགོས། |
| འགྲོ་འདྲེན |
འགྲོ་བ་རྣམས་ངན་སོང་ལས་འདྲེན་པ་པོ། |
| འགྲོ་འོང |
1 ཕར་འགྲོ་ཚུར་འོང༌། གྲོང་ཁྱེར་གྱི་ནང་དུ་མི་མང་པོ་རྒྱུན་དུ་འགྲོ་འོང་བྱེད་པ། 2 མངོན ལོ། |
| འགྲོ་རེས |
འགྲོ་བའི་རེས་མོ། དེ་རིང་ང་རང་འགྲོ་རེས་ཡིན། |
| འགྲོ་རྒྱ་རྒོད་པོ |
ཡུལ ག་ས་ག་ལ་འགྲོ་མཁན། |
| འགྲོ་རྫོངས |
ཕྱོགས་སུ་འགྲོ་མཁན་ལ་སྤྲོད་རྒྱུའི་ལག་རྟགས། |
| འགྲོ་ལ་ཕན་ཕྱིར |
ཡུལ ཁུར་སེམས་མེད་པའི་ལས་ཀ་ཐབས་ཆག |
| འགྲོ་ལམ |
1 འགྲུལ་བཞུད་བྱེད་སའི་ལམ། འགྲོ་ལམ་སྒྱུར་བ། རླངས་འཁོར་གྱི་འགྲོ་ལམ་བདེ་པོ། ཕན་ཚུན་འགྲོ་ལམ་བཟུར་བ། ཕྱི་ནང་གི་འགྲོ་ལམ་བསུབས་པ། ཆུ་ལོག་རྒྱུགས་པས་གྱེན་ཐུར་གྱི་འགྲོ་ལམ་ཞིག་པ། 2 ལུགས་སྲོལ་དང་བྱེད་ཐབས། སྔ་དུས་གྱི་འགྲོ་ལམ་བཟང་པོ་མ་ཉམས་པ་བྱེད། འཚོ་བའི་འགྲོ་ལམ་བཟང་པོ་ཞིག་བྱུང་ཡོད་པ། |
| འགྲོ་ལམ་ཁ་ཞལ |
ལམ་ཞལ། |
| འགྲོ་ལས་ཆེ |
འགྲོ་ཤས་ཆེའམ་འགྲོ་ཉེན་ཆེ། ཕད་གོག་དེའི་ནང་ལ་འབྲུ་ཁལ་བཅུ་ཙམ་འགྲོ་ལས་ཆེ། དེ་ལྟར་བྱས་ན་འཚོ་བ་ཡར་རྒྱས་སུ་འགྲོ་ལས་ཆེ། |
| འགྲོ་ལུགས |
1 གོམ་འགྲོས་རྒྱག་སྟངས། 2 ལུགས་སྲོལ། |
| འགྲོ་ལྡན |
མངོན 1 འཇིག་རྟེན་ཁམས། 2 ཉ། |
| འགྲོ་ལྡོག་གཉིས་དཀའ |
སྤོང་ལེན་གཉིས་ཀ་བྱེད་མི་བདེ་བ། |
| འགྲོ་ཤས་ཆེ |
ཕལ་ཆེར་འགྲོ། ཁོ་རང་འགྲོ་ཤས་ཆེ། དམག་གི་གདོང་ལེན་དུ་འགྲོ་ཤས་ཆེ། |
| འགྲོ་ཤུལ |
1 ལམ། 2 གཞན་དུ་ཕྱིན་པའི་བར་གསེང༌། ཁོ་འགྲོ་ཤུལ་དུ་འཚོལ་མཁན་མི་གཅིག་སླེབས་བྱུང༌། |
| འགྲོ་ཤོམ |
འགྲོ་བའི་གྲབས། ཁྱེད་མ་འདུག་ལ་མོ་འགྲོ་ཤོམ་གྱིས། |
| འགྲོ་ས |
1 ལམ་ག། 2 འགྲོ་སའི་གནས་ཡུལ། ཁྲ་ཆུང་མིག་ལ་རྔུལ་དང༌། དམ་པའི་ཆོས་ལ་རྫུན་འགྲོ་ས་མེད། ནགས་མཐུག་པོ་ཆེན་པོའི་གསེབ་ཏུ་མགོ་འཐོམས་ནས་འགྲོ་ས་མམ་རྙེད་པ། |
| འགྲོ་སོང |
འགྲོ་སྒོ། འགྲོ་སོང་རྩག་རྩིག འགྲོ་སོང་རྩིས་ཞུ། འགྲོ་སོང་གཏོང་དེབ། དགོས་མེད་གཟན་རྒྱག་ཆེ་བའི་འགྲོ་སོང་ཉུང་དུ་གཏོང་བ། གང་བྱུང་གིས་ཉོ་ཆ་བརྒྱབ་ན་འགྲོ་སོང་ཆེ་བ་ཡོང༌། |
| འགྲོ་སྒོ |
ནོར་རྫས་ཟད་སྒོ། |
| འགྲོ་སྔ་བ |
སྔོན་དུ་ཐོན་པའི་མི་ཕྱུགས། དངོས་པོ་རྣམས་དེ་ནས་འདི་གར་འགྲོ་སྔ་བ་སུ་ཡོད་གདོང་དམ་དོན་གྱིས་བསྐུར་རོགས་གནང༌། |
| འགྲོ་སྟངས |
1 གོམ་པས་བགྲོད་སྟངས། 2 སྤྱིའི་ལམ་སྲོལ་ལམ་བྱེད་ལུགས་བྱེད་སྟངས། 3 འཚོ་ཐབས་སྐྱེལ་སྟངས། |
| འགྲོ་སྟངས་བཟོ་བ |
1 ཞི་ཞིང་དུལ་བའི་འགྲོ་ཚུལ། ཞུམ་བུས་བྱིའུ་འཛིན་པ་ལྟར་རྡིག་སྒྲ་མེད་པའི་འགྲོ་སྟངས་བཟོ་བ་ཞིག་དགོས། 2 བཟའ་ཚང་ངམ་འཚོ་ཐབས་སྒྲིག་པ། སྔར་བུ་དང་བུ་མོ་ལ་ཕ་མས་ཕུགས་ཀྱི་འགྲོ་སྟངས་བཟོ་སྲོལ་ཡོད། |
| འགྲོ་སྟངས་འདུག་སྟངས |
འགྲོ་སྟངས་སྡོད་སྟངས་དང་དོན་གཅིག་ |
| འགྲོ་སྟངས་སྡོད་སྟངས |
1 བྱ་བ་བྱེད་ལུགས། འགྲོ་སྟངས་སྡོད་སྟངས་མི་ཤེས་པའི་གནས་སུ་གྱར་བ། 2 འགྲོ་སྟངས་དང་སྡོད་སྟངས་ཀྱི་རྣམ་པ། |
| འགྲོ་སྡོད་བྱེད་གཏད |
འགྲོ་སྡོད་བྱ་དཀའ་བ། |
| འགྲོ་སྣང |
མངོན འོད། |
| འགྲོག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཕན་ཚུན་འབྲེལ་བ་བྱས་པ་དང་ལྷན་ཅིག་ཏུ་གནས་པའམ་མཉམ་དུ་བྱ་བ་བྱས་པའི་དོན་ཏེ། གྲོགས་ངན་ལ་མ་འགྲོག མི་ངན་ལ་འགྲོག་མི་རུང་ལྟ་བུ། |
| འགྲོགས |
འདས་པ་ སློབ་གྲོགས་ལ་འགྲོགས་ནས་སློབ་གྲྭར་སོང་། ཕ་དང་འགྲོགས་ནས་ཕྱུགས་འཚོས། ཡུན་རིང་འགྲོགས་པའི་བློ་མཐུན་ཞེས་པ་ལྟ་བུ། |
| འགྲོགས་པ |
ཐ་དད་པ སྡེབ་པ། ལུས་དང་གྲིབ་མ་བཞིན་དུ་འགྲོགས་པ། གྲོགས་དང་འགྲོགས་ནས་གཞན་དུ་ཕྱིན། ཕན་ཚུན་འབྲལ་མེད་རྟག་ཏུ་འགྲོགས་པ། ཁྱོ་ཤུག་གཉིས་འགྲོགས་ནས་སྡོད་པ། གཤིས་ཀ་ངན་པའི་མི་དང་མཉམ་དུ་འགྲོགས་དཀའ་ཞིང༌། བསམ་བཟང་གོ་ཤེས་ཅན་དང་ལྷན་ཅིག་འགྲོགས་བདེ་བ། |
| འགྲོགས་བདེ་གཤིབ་བདེ |
བསམ་སྤྱོད་མཐུན་པོ། |
| འགྲོགས་བཤེས |
འགྲོགས་པའི་མཛའ་བཤེས། |
| འགྲོགས་སེམས |
དགའ་བའི་སེམས་སམ་མཐུན་པའི་སེམས། |
| འགྲོང |
རྙིང ཕོ་མོའི་མཚན་མའམ་འདོམས། འགྲོང་གིས་འགྲོང་ལ་སྦྱར་བ།…2.བཀྲོངས་ཀྱི་ད་ལྟ་བ། |
| འགྲོང་བ |
ཕོ་མོའི་དབང་པོ་ཡོད་སའི་མིང་གི་བརྡ་རྙིང་། |
| འགྲོངས |
བཀྲོངས་ཀྱི་ད་ལྟ་བའི་འབྲི་སྲོལ་གཞན། |
| འགྲོངས་ཀ |
འཆི་ཁ། |
| འགྲོངས་པ |
ཐ་མི་དད་པ གྲོངས་པ། འགྲོངས་པ།། འཆི་བ། ན་ཚ་ཡུན་རིང་ན་ནས་གྲོངས་སོང༌། གྲོངས་ནས་ཉི་མ་གསུམ་སོང༌། |
| འགྲོན |
མགྲོན་གྱི་འབྲི་ཚུལ་གཞན། |
| འགྲོན་ཁང |
མགྲོན་གང་དང་འདྲ། |
| འགྲོན་ཐལ |
འགྲོན་བུ་བསྲེགས་པའི་ཐལ་བ་རོ་ཚ་ལ་ཁ། ཞུ་རྗེས་དྲོད། ནུས་པས་སྐྲན་བཤིག་ཁྲག་གཅོད། རྣག་དང་ཆུ་སེར་སྐེམ། |
| འགྲོན་པོ |
མགྲོན་པོ་དང་འདྲ། |
| འགྲོན་བུ |
མཚོ་ནང་གི་སྲོག་ཆགས་ཆུང་ངུ་ཤུན་སྐོགས་མདོག་དཀར་ཞིང་སྲ་མཁྲེགས་ཡིན། དེའི་ཤུན་སྐོགས་ལའང་འགྲོན་བུ་ཟེར། |
| འགྲོན་ལམ |
འགྲོ་སའི་ལམ་ག། |
| འགྲོན་ལམ་པ |
1 འགྲུལ་པ། 2 མངོན ཚོང་པ། |
| འགྲོལ |
ད་ལྟ་བ་མདུད་པ་འགྲོལ་གྱིན་ཡོད། ཆིངས་ཐག་འགྲོལ་མཁན་ཞེས་པ་ལྟ་བུ། |
| འགྲོལ་བ |
ཐ་དད་པ བཀྲོལ་བ། དགྲོལ་བ། ཁྲོལ།། 1 བཤིག་པའམ་གཏོང་བ། མདུད་པ་འགྲོལ་བ། སྒྲོག་གུ་བཀྲོལ་བ། བཅིངས་པ་དགྲོལ་བ། བཙོན་པ་འགྲོལ་བ། 2 འགྲེལ་བ་རྒྱག་པ། དགོངས་པ་འགྲོལ་བ། |
| འགྲོས |
1 འགྲོ་སྟངས། ཆང་གིས་བཟི་དྲགས་པས་ལམ་བདེ་པོར་ཡང་གོམ་འགྲོས་འཚོལ་བ། རྒས་འཁོགས་འཁར་བ་འཛུགས་བཞིན་དུ་འགྲོ་ཡང་གོམ་འགྲོས་འཁྱོར་བ། ལུང་པ་ཕུ་ཐག་རིང་ཐུང་དེ། གཙང་ཆབ་སྔོན་མོའི་འགྲོས་ལ་ལྟོས། 2 རྟ་ཡི་གོམ་སྟབས་བྱེ་བྲག་ཅིག ཆིབས་པ་འདིའི་གོམ་འགྲོས་སྙོམས་ལ་མྱུར་བ་ཡིན་པས་རྩ་བ་ནས་སྐུ་གཟུགས་དཀྲུག་མི་ཡོང༌། ལུང་པ་དེར་སྐྱེས་པའི་ཕྲུ་གུ་ལོ་དྲུག་བདུན་ལོན་པ་གཞིག་གིས་ཀྱང་རྟ་འགྲོས་གཏོང་ཐུབ་པ། 3 སྨྱུ་གུས་རི་མོ་འབྲི་སྟངས་དང་གླུ་དབྱངས་ཀྱི་ལེན་ཚུལ། དཔེ་ཆའི་རྩོམ་སྟངས་སོགས་ལའང་འཇུག རི་མོའི་འགྲོས། དབྱངས་འགྲོས། ཙོམ་འགྲོས། |
| འགྲོས་ཆེན |
གོམ་ཆེན། འགྲོས་ཆེན་རྟ་ཕོ། |
| འགྲོས་དལ |
ག་ལེར་འགྲོ་བའམ་དལ་འགྲོས། |
| འགྲོས་བཞི |
རྐང་ལོངས་དབང་གིས་གཟའ་རྣམས་ལ་མྱུར་འགྲོས་དང༌། དལ་འགྲོས། འཁྱོག་འགྲོས། འབྱུང་འགྲོས་བཅས་འགྲོས་བཞི་ཡོད། |
| འགྲོས་བཟང |
གོམ་འགྲོས་བཟང་བ། |
| འགྲོས་བུལ |
འགྲོ་སྟངས་འགོར་པོ། |
| འགྲོས་མ |
རྟ་གོམ་འགྲོས་བཟང་པོ་ཡོད་པ། |
| འགྲོས་མཉམ |
འགྲོས་འཕེལ་འགྲིབ་མེད་པ། སྒྲ་གཅན་དང་དུས་མེ་གཉིས་རྟག་ཏུ་འགྲོས་མཉམ་གཡས་སྐོར་རྒྱུ། |
| འང |
མིང་མཐའ་འ་དང༌། མཐའ་མེད་གཉིས་སུ་སྦྱོར་བའི་རྒྱན་སྡུད་ཀྱི་སྒྲའི་རྐྱེན་ཞིག འ རིག་པ་མྱུར་པོའང་ཡིན་ལ། ཟབ་པོའང་ཡིན། རི་བོ་མཐོའང་ཤིང་ནགས་མི་འདུག མེ་མདའང་མ་རྒྱག་གྲིའང་མ་རྒྱག ཁྱེད་ནི་སྐྱེ་དགུ་ཀུན་ལ་མཉེན་གཤིན་པའི་བསམ་པ་དགེ་བ་ཅན་ཡིན་ནའང༌། དེ་ལྟ་བུར་ཀུན་གྱིས་ཀྱང་དང་བ་མི་སྟོན་ནོ། |
| འང་ཀ |
ཡུལ ངང་པ། |
| འང་གུ |
ཡུལ ཕུག་རོན། |
| འང་པན |
རྒྱ རྒྱ་ཐུག་མན་ཆིའི་དྲིལ་པང་ངམ། གསོལ་ཚིགས་བཟོ་པང༌། |
| འཆག |
མ་འོངས་དང་ད་ལྟ་བ་སྡོང་བོ་འདི་འཆག་ལ་ཁད། འཆག་རྒྱུ་རེད་ལྟ་བུ།<ཁ>དུས་ངེས་ཅན་ལ་བྱེད་པའི་བྱ་བ་དུས་དེར་མ་བྱས་པའི་དོན་ཏེ། སློབ་ཐུན་འཆག་མི་རུང་། སློབ་སྦྱོང་ཆག་མེད་དུ་བྱས། རྩལ་སྦྱང་ཆག་མེད་དུ་བྱས་ལྟ་བུ། 2.(བྱེད་མེད་ལས་ཚིག་མ་འོངས་པ་དང་ད་ལྟ་བ) <ཀ>དངོས་པོ་ཞིག་གི་སྟེང་དུ་དངོས་པོ་གཞན་ཞིག་གྲུབ་པའི་དོན་ཏེ། ཆབ་རོམ་འཆག་ཁ། གཙང་བོ་ལ་འགྲམ་དར་འཆག་ལ་ཉེ་ལྟ་བུ། |
| འཆག་པ |
ཐ་དད་པ བཅགས་པ། གཅག་པ། ཆོགས།།1 འགྲོ་བའམ་གོམ་པས་གནོན་པ། ཞབས་ཀྱིས་བཅགས་པའི་གནས། ཕྱི་རྒྱལ་གྱི་ས་ཆའི་སྟེང་དུ་འཆག་པ། ལམ་ཐག་རིང་པོར་གཅག་པ། རི་སྐོར་ཀླུང་འཆག 2 དལ་བུར་འདུལ་བ་དང་སྦྱོང་བ། རྟ་འགྲོས་བཅགས་པ། གཟུགས་པོ་འཆག་པ། 3 ཤུགས་ཆུང་གིས་རྡུང་བ། སྣམ་བུ་ཆགས་འཆག་པ། |
| འཆག་འགྲེང་འདུག་ཉལ |
ལུས་ཀྱི་སྤྱོད་ལམ་འཆམ་འཆམ་དང༌། གྱེན་དུ་ལང་བ། སྡོད་པ། ཉལ་བ་བཅས། |
| འཆག་ས |
བག་ཡངས་སུ་ཕར་ཚུར་འགྲོ་ས། ངལ་གསོ་དང་ཆབས་ཅིག་འཆག་སར་འཆག་པ། |
| འཆགས |
འདས་པ་ས་སྟོང་དུ་རྡོ་སྣུམ་ཐོན་ནས་གྲོང་ཁྱེར་འཆགས། ཆབ་རོམ་འཆགས་ནས་ཆུ་ཁ་རིབ་ལྟ་བུ།<ཁ>ཕྱི་ངོས་ལ་རྫས་གཞན་འབྱར་བའམ་གཡོགས་པའི་དོན་ཏེ། ཟངས་ལ་གཡའ་འཆགས། རི་མགོར་ཁ་བ་འཆགས། སྣོད་ལ་དྲེག་པ་འཆགས་ལྟ་བུ། འདས་པ་ལ་ཆགས་འབྲི་བའང་ཡོད། བཅག་ལ་ལྟོས།０ཆག་ལ་ལྟོས། 2.འཆག་ལ་ལྟོས་། བཤག་གི་ད་ལྟ་བ། |
| འཆགས་པ |
ཐ་དད་པ བཤགས་པ། བཤག་པ། བཤོགས།།རང་སྐྱོན་མི་གསང་བར་ཤོད་པའམ་རྗོད་པ། རང་སྐྱོན་འཆགས་པ། སྡིག་པ་བཤགས་པ། ལྟུང་བ་བཤགས་པ། |
| འཆང |
ད་ལྟ་བ་ལག་ལ་མེ་མདའ་འཆང་མཁན་ཞེས་པ་ལྟ་བུ། |
| འཆང་གཟུང |
ལག་པ་འཇུ་སའི་ཡུ་བ་དང༌། ལུང༌། |
| འཆང་བ |
1. ཐ་དད་པ བཅངས་པ། བཅང་བ། ཆོངས།།1 འཛིན་པ། དབང་ཆ་ལེགས་པར་འཆང་བ། མེ་མདའ་མ་བཅངས་པ། ལག་པ་ནས་འཆང་བ། སྡོམ་པ་འཆང་བ། 2 སེམས་ལ་འཇོག་པ་དང་ངེས་པ། མན་ངག་རྣམས་ཡིད་དུ་བཅངས། མི་དམངས་ཚང་མ་སེམས་ལ་བཅང་བ། བཀའ་དྲིན་སྙིང་འཆང༌། 2. ཡུ་བ། ཕྱག་གཡས་ཀྱིས་རལ་གྲིའི་འཆང་བ་ནས་བཟུང༌། གཡོན་གྱིས་སྙིང་ཁའི་ཐད་ཀྱི་གོས་བཟུང་བ། |
| འཆང་བཟུང |
ཅ་ལག་གི་ཡུ་བའི་ལག་པ་འཇུ་སའི་མིང་རལ་གྲིའི་འཆང་བཟུང་། གཞུའི་འཆང་བཟུང་ཞེས་པ་ལྟ་བུ། |
| འཆང་བཟུང་ཤ་རྒོད |
མཐེབ་མཛུབ་བར་གྱི་ཤ། |
| འཆད |
(བྱེད་མེད་ལས་ཚིག་མ་འོངས་པ་དང་ད་ལྟ་བ) <ཀ>དངོས་རྫས་རིང་བོའི་རིགས་དུམ་བུར་གྱུར་པའི་དོན་ཏེ། ཐག་པ་འཆད་ལྟ་བུ། 2.བཤད་ཀྱི་ད་ལྟ་བ། |
| འཆད་ཉན |
སློབ་དཔོན་གྱིས་ཆོས་འཆད་པ་དང༌། སློབ་མས་དེ་དོན་ཉན་པ་གཉིས། |
| འཆད་ཉན་སྒོམ་སྒྲུབ |
ཆོས་འཆད་པ་དང་ཆོས་ཉན་པ། སྒོམ་པ། སྒྲུབ་པ་བཅས་སོ། |
| འཆད་པ |
1. ཐ་དད་པ བཤད་པ། བཤད་པ། ཤོད།།གཏམ་སྨྲ་བ། ལོ་རྒྱུས་ཀྱི་འབེལ་གཏམ་རྒྱས་པར་འཆད་པ། སྐད་ཆ་དྲང་པོ་བཤད་པ། སྙིང་གཏམ་བཤད་པ། 2. ཐ་མི་དད་པ ཆད་པ། འཆད་པ།། 1 རྒྱུན་འཆད་པའམ་བར་འཆད་པ། ཐང་འཆད་པ། དབུགས་འཆད་པ། ཐག་པ་ཆད་པ། 2 མ་ཚང་བ། མི་གྲངས་གཅིག་ཆད་སོང༌། |
| འཆད་རྩོད་རྩོམ་གསུམ |
མཁས་པའི་བྱ་བ་གསུམ་ཆོས་ཀྱི་སྙིང་དོན་འཆད་པ་དང༌། དེ་དོན་བརྩད་དེ་བརྡར་ཤ་གཅོད་པ་དང༌། གཙུག་ལག་གཉིས་ཀྱི་དོན་གང་རུང་ལེགས་པར་རྩོམ་པ་བཅས་སོ། |
| འཆབ |
བཅབ་ཀྱི་ད་ལྟ་བ། |
| འཆབ་པ |
1. ཐ་དད་པ བཅབས་པ། བཅབ་པ། འཆོབས།།མི་མངོན་པར་བྱེད་པ་དང༌། སྦེད་པ། སྐྱོན་ཆ་འཆབ་པ། ནོར་འཁྲུལ་མ་བཅབས་པ། ནད་གཞི་འཆབ་པ། འཆབ་པའི་གནས། འཆབ་པའི་སྐྱོན། 2. བྱ་བར་མི་འོས་པའི་ལས་བྱས་པ་རྣམས་གཞན་ལ་གསང་བ་སྟེ་སྐྱོན་སྦ་བའི་རྣམ་པ་ཅན་གྱི་སེམས་བྱུང་ཉེ་ཉོན་ཉི་ཤུའི་ནང་གསེས་ཤིག |
| འཆབ་པའི་ལྟུང་བ |
གསང་སེམས་ཀྱིས་ཀུན་ནས་བསླངས་པའི་ལུས་ངག་གི་རིག་བྱེད་དང་རིག་བྱེད་མིན་པའི་གཟུགས་ཅན་ཅི་རིགས་པའོ། |
| འཆབ་སེམས |
ལྟུང་བ་བྱུང་བ་གསང་བར་འདོད་པའི་བསམ་པའོ། |
| འཆམ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)གར་འཁྲབ་པའི་དོན་ཏེ། གར་པས་གར་འཆམ་ལྟ་བུ། འདས་པ་ལ་འཆམས་དང་སྐུལ་ཚིག་ལ་འཆོམས་འབྲི། གར་རིགས་ཤིག་གི་མིང་། 2.ཆོས་ལུགས་ཀྱི་གར་རིགས་ཤིག འབག་ཆས་གྱོན་ནས་འཆམ་རྒྱག་པ།… |
| འཆམ་གོས |
འཆམ་ཆས་དང་དོན་གཅིག་ |
| འཆམ་ཆས |
འཆམ་རྒྱག་སྐབས་ཀྱི་ཆས་གོས། |
| འཆམ་དཔོན |
ཆོས་ལུགས་ཀྱི་འཆམ་རྒྱག་མཁན་གཙོ་བོའམ་འཆམ་སྣེ་འཁྲིད་མཁན། |
| འཆམ་པོ |
མཐུན་པོ། ཁ་འཆམ་པོ། ཁྱིམ་ཚང་འཆམ་པོར་གནས་པ། སྔར་བཞིན་འཆམ་པོ་བྱུང་བ། ཁོ་གཉིས་ཧ་ཅང་འཆམ་པོ་འདུག |
| འཆམ་འཆམ |
སྐྱིད་སྐྱིད་ཀྱིས་ཕར་འགྲོ་ཚུར་འགྲོ། ས་ཁད་ཡངས་སར་འཆམ་འཆམ་དུ་འགྲོ་བ། |
| འཆམ་འབག |
འཆམ་རྒྱག་སྐབས་ཀྱི་གདོང་འབག |
| འཆམ་ཡིག |
འཆམ་རྒྱག་སྟངས་ཀྱི་ཡིག་ཆ། |
| འཆམ་ར |
འཆམ་རྒྱག་སའི་དོ་ར། |
| འཆམས |
མི་མང་བོ་གྲོས་མཐུན་བྱུང་བའི་དོན་ཏེ། གྲོས་འཆམས། ཁ་འཆམས་ཞེས་པ་ལྟ་བུ། གཅོམ་ལ་ལྟོས།０འཆམ་ལ་ལྟོས། |
| འཆམས་པ |
1. ཐ་དད་པ འཆམས་པ། འཆམས་པ། འཆོམས།། བྲོ་འཆམས་པ། གཞས་འཆམས་པ། 2. ཐ་མི་དད་པ མཐུན་པ། ཁོང་གཉིས་ཕན་ཚུན་མ་འཆམས་པ། ཕན་ཚུན་གྲོས་འཆམས་པ། བཟའ་ཚང་མི་འཆམས་པ། |
| འཆའ |
ཡོ་བྱེད་སོགས་འཇོག་སའི་གདང་ངམ་རྡང༌། སྒམ་འཆའ། གདང་འཆའ།…2.ད་ལྟ་བ་སྒྲིག་ལམ་འཆའ་མཁན། ཁྲིམས་འཆའ་མཁན་ཞེས་པ་ལྟ་བུ།3. ཡོ་བྱད་སོགས་འཇོག་སའི་གདང་ངམ་སྟེགས་བུའི་མིང་འཆའ་སྒམ་གདང་འཆའ་ཞེས་པ་ལྟ་བུ། བཅའ་ལ་ལྟོས། 4.(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཟས་སྲ་མོའི་རིགས་སོས་ལྡད་པའི་དོན་ཏེ། རུས་པ་འཆའ་མཁན་ཞེས་པ་ལྟ་བུ། |
| འཆའ་བ |
སྒྲིགས་ལམ་བཅའ་བ། ཚུལ་ཁྲིམས་བཅས་པ། 2 ཁས་ལེན་པ། དམ་བཅས་པ། ཁས་ལེན་དམ་བཅའ་བ། འཆོས་པ། འཆའ་བ། འཆོས།། མུར་མུར་བྱེད་པ། ཤ་འཆའ་བ། ཁྱིས་འཆོས་པ། གཅིག་གིས་གཅིག་འཆའ་བ། འཆའ་རློམ་པ། 2.ཐ་མི་དད་པ བཅས་པ། བཅའ་བ།། གཏན་དུ་སྡོད་པའམ་ཆགས་པ། གནས་འཆའ་བ། མལ་འཆའ་བ། དམག་སྒར་བཅས་པ། སྐྱིལ་ཀྲུང་འཆའ་བ། རྒོད་ཚང་བྲག་ལ་བཅས་པ། |
| འཆའ་རློམ་ཟ་རློམ |
ཟ་རྒྱུ་ལ་རྔམ་པ། |
| འཆར |
(བྱེད་མེད་ལས་ཚིག་མ་འོངས་པ་དང་ད་ལྟ་བ) ཉི་ཟླ་སྐར་གསུམ་སའི་ཤར་ཕྱོགས་ཀྱི་སྙོམ་ཐིག་ལས་ཐོན་པའམ་འོད་འཕྲོས་པའི་དོན་ཏེ། ཉི་མ་འཆར་ཁ། ཟླ་བ་འཆར་གྱིན་འདུག ཐོ་རེངས་སྐར་ཆེན་འཆར་ཁ་ཞེས་པ་ལྟ་བུ། |
| འཆར་ཀ |
1 འཆར་རན་པའི་མཚམས། ཉི་མ་འཆར་ཀ། ཟླ་དཀར་འཆར་ཀ། འོད་ཟེར་འཆར་ཀའི་སྔོན་ལ། 2 ཨུདཱཨཱིཿ སྟོན་པའི་འཁོར་དྲུག་སྡེའི་གྲས་ཤིག |
| འཆར་གཞི |
འབྱུང་འགྱུར་ལས་ཀའི་གྲ་སྒྲིག་གམ་བྱ་རིམ་གྱི་རྣམ་གཞག བསླབ་སློབ་འཆར་གཞི། དམག་འཐབ་འཆར་གཞི། འཆར་གཞིར་འཁོད་པ། ལས་དོན་གང་བྱེད་ཀྱང་འཆར་གཞི་མེད་ན་འཐུས་ཚང་མི་ཡོང༌། |
| འཆར་ཅན |
རྒྱུན་སྲོལ། འཆར་ཅན་གུང་གསེང༌། འཆར་ཅན་གྱོན་ཆས། འཆར་ཅན་གནས་ཚུལ། འཆར་ཅན་འབྲེལ་ལམ། དེང་སང་འཆར་ཅན་གྱི་ལས་ཀ་མ་གཏོགས་འཕར་མ་མེད། འཆར་ཅན་ཡིན་དབང་གིས་སྣང་ཆུང་ལྷོད་གཡེང་བྱས་པ། འཆར་ཅན་མཚར་མེད། འཆར་ཅན་རྒྱལ་པོ་ལོ་གསར་ལ། དམིགས་བསལ་བརྡ་ཐོ་གཏོང་མི་དགོས། |
| འཆར་བ |
ཐ་མི་དད་པ ཤར་བ། འཆར་བ།། 1 འབྱུང་བ། ཉི་མ་ཤར་བ། མེ་ཏོག་འཆར་བ། དུས་རབས་གསར་པ་འཆར་བ། གོ་སྐབས་ནམ་ཤར། 2 འགྱུར་བ། རྐྱེན་ངན་གྲོགས་སུ་ཤར་བ། 3 དྲན་པ། སྔར་བྱས་ཡིད་ལ་གསལ་ལེར་འཆར། སྣང་བར་གང་ཤར། གནས་སྐབས་བློ་ཡུལ་དུ་མ་ཤར་བ། 4 གྲངས་འབོར་བརྩིས་པའི་རི་མོ་སོགས་མངོན་པའམ་གྲུབ་པ། ལྷག་མེད་རྣམ་དག་རི་མོ་འཆར། མདའ་རོའི་ལྷག་མར་གཟུགས་ཤར་ན། རྗེས་མ་རྗེས་མའི་ཟླ་དག་ཚེགས་མེད་འཆར། |
| འཆར་བཀོད |
འཆར་གཞི་སྒྲིག་བཀོད། |
| འཆར་ཟིན |
འཆར་གཞིའི་ཟིན་བྲིས། འཆར་ཟིན་བཀོད་ནས་གྲོས་བསྡུར་བྱེད་པ། |
| འཆར་ཟླ |
ཟླ་བ་ཕྱི་མ། འཆར་ཟླའི་ཚེས་བཅུ་ལ་འགྲུབ་པ་ཞུ་རྒྱུ་ཡིན། |
| འཆར་འགོད |
འཆར་གཞི་འགོད་པ་སྟེ་ལས་དོན་གྱི་འཆར་གཞི་འདིང་བ། ལས་དོན་རྒྱ་ཆེན་པོའི་འཆར་འགོད་བྱེད་བཞིན་པ། |
| འཆར་འཕར |
འཆར་ཅན་དང་འཕར་མ། ཡོང་སྒོ་འཆར་འཕར། ཚོགས་འདུ་འཆར་འཕར། འཆར་འཕར་གྱི་ལས་འགན། |
| འཆར་ལོ |
ལོ་ཕྱི་མ། འཆར་ལོའི་ནང་ལས་འགན་གསར་པ་མང་པོ་འདོན་རྩིས་ཡོད། |
| འཆར་སྐྱེན་པོ |
ཤེས་རབ་མྱུར་བའམ་སེམས་ལ་འཆར་སླ་བ། ཚིག་དོན་བློ་ལ་འཆར་སྐྱེན་པོ། གོ་བ་འཆར་སྐྱེན་པོ། |
| འཆར་སྒོ |
སེམས་ཀྱི་དྲན་རྟོག་གམ་སེམས་ལ་འཆར་ཚུལ། སེམས་ཀྱི་འཆར་སྒོ་འབྱུང་ལ་མཐའ་མེད། |
| འཆལ |
(བྱེད་མེད་ལས་ཚིག) ལུས་ངག་གི་སྤྱོད་པ་བཟང་བོ་ཉམས་པའི་དོན་ཏེ། ངག་འཆལ་བ། ལུས་འཆལ་བ། འཆལ་གཏམ། གཏམ་འཆལ་བ་ཞེས་པ་ལྟ་བུ། |
| འཆལ་གཏམ |
1 ཁུངས་མེད་ཀྱི་གཏམ། ཤེས་པ་རྣལ་དུ་མི་གནས་པར་འཆལ་གཏམ་བཤད་པ། 2 མི་སེམས་འཁྲུག་པར་བྱེད་པའི་དཀྲོག་གཏམ། རང་འདོད་དགོས་དབང་གིས་འཆལ་གཏམ་བཟོ་བ། |
| འཆལ་གླུ |
ཡུལ ཡིད་འཆལ་བའི་གླུ། |
| འཆལ་པ |
གཏད་སོ་མེད་པའམ། དོན་མེད་དམ། འབྲེལ་མེད་ཀྱི་ངག |
| འཆལ་པའི་ཤེས་རབ |
ཚུལ་མིན་གྱི་བློ་གྲོས། |
| འཆལ་པོ |
ལོག་གཡེམ་སྤྱོད་པའི་སྐྱེས་པ། |
| འཆལ་བ |
ཐ་མི་དད་པ 1 ཚུལ་བཞིན་དུ་མ་གནས་པ། ཚུལ་ཁྲིམས་འཆལ་བ། ལུས་འཆལ་བ། ངག་འཆལ་བ། སྤྱོད་ལམ་འཆལ་བ། 2 ཡུལ ཡོ་བ། ཁང་པ་འཆལ་བ། རྩིག་པ་འཆལ་བ། 3 ལོག་པར་གཡེམ་པ། |
| འཆལ་བའི་ཚུལ་ཁྲིམས |
སྡོམ་པ་ཉམས་པའམ། ཚུལ་ཁྲིམས་རྣམ་པར་མི་དག་པ། |
| འཆལ་མོ |
སྤྱོད་པ་འཆལ་བའི་མོ། ཤེས་པ་ཉམས་པའི་དོན་ཏེ། རྒས་ནས་དྲན་པ་འཆལ། རིག་པ་འཆལ་ལྟ་བུ།０རྩིག་ངོས་ཡོ་བའི་དོན་ཏེ། རྩིག་པ་འཆལ། ཁང་བ་འཆལ་ལྟ་བུ། |
| འཆལ་ཚིག |
ཁུངས་མེད་ཀྱི་གཏམ། |
| འཆལ་སྤྱོད |
ལུགས་དང་མི་མཐུན་པའི་ཕོ་མོའི་འབྲེལ་བ་བྱེད་པ། |
| འཆི |
(བྱེད་མེད་ལས་ཚིག་མ་འོངས་པ་དང་ད་ལྟ་བ)སྲོག་གི་རྒྱུན་ཆད་པའི་དོན་ཏེ། མི་དམངས་ཀྱི་དོན་དུ་འཆི་དགོས་ཀྱང་འགྱོད་པ་མེད་ལྟ་བུ། |
| འཆི་ཀ |
འཆི་ཁ་དང་འདྲ། |
| འཆི་ཀའི་སེམས་ཐ་མ |
འཆི་དུས་དབུགས་ཀྱི་རྒྱུ་བ་ཐ་མའི་སྐབས་ཀྱི་ཤེས་པ། |
| འཆི་ཁ |
འཆི་རན་ཁའམ། འཆིར་ཉེ་བ། ནད་པ་འཆི་ཁར་ཁ་ཆེམས་བཞག་པ། འཆི་ཁར་འགྱོད་སེམས་མི་སྐྱེ། འཆི་ཁར་ཐུག་པ། |
| འཆི་ཁ་མ |
1 འཆི་རན་པ་ལ་ཐུག་པ། 2 འཆི་བར་ཉེ་བའི་སེམས་ཅན། |
| འཆི་གུ |
རྡེའུ་སོགས་འཕེན་བྱེད་ཀྱི་གཞུ་ལྟ་བུའི་ཡོ་བྱད་ཅིག་མི་མིང་རྒྱ་སྐད་དུ་ཏན་ཀོང་ཞེས་པ་དེའོ། ། |
| འཆི་ཉེན |
སྲོག་ལ་འབབ་པའི་ཉེན་ཁ། གཡང་དུ་ལྷུངས་ནས་འཆི་ཉེན་ལ་ཐུག་བྱུང༌། |
| འཆི་དབུགས་སྲིང་ཙམ |
གནས་སྐབས་སྲོག་དབུགས་མ་ཆད་ཙམ་བྱེད་པ། ནད་པ་ཉམ་ཐག་གི་འཆི་དབུགས་སྲིང་ཙམ་བྱེད་པ། |
| འཆི་དུས |
ཚེ་འཕོ་བའི་སྐབས། |
| འཆི་དུས་ཀྱི་འོད་གསལ |
འཆི་བའི་གནས་སྐབས་སུ་འཆར་བའི་གཞིའི་འོད་གསལ། |
| འཆི་ནད |
འཆི་བར་འགྱུར་བའི་ནད། |
| འཆི་བ |
1.ཐ་མི་དད་པ ཤི་བ། འཆི་བ།། 1 ཚེ་འཕོ་བའམ་ལུས་འཇིག་པ། རང་ལྕེབས་ནས་ཤི་བ། འཆི་བ་མི་རྟག་ནམ་མཁའི་གློག་དང་འདྲ། འགྱོད་པ་མེད་པར་འཆི་བ། 2 ཞིག་པ། མེ་ཤི་བ། འོ་མ་ཤི་བ། སྣུམ་ཟད་མར་མེ་འཆི་བར་ངེས། 2.ཚེ་འདའ་བའི་མིང༌། སྐྱེ་རྒ་ན་འཆི། འཆི་བ་རི་བོང་ཚང་ལོག་ལྟར། འཆི་སྐྱོབ་རྨས་སྐྱོང༌། སྐྱེ་བ་ཡོད་ན་འཆི་བ་ཡོད། མིང་གི་རྣམ་གྲངས་ལ་སྐལ་འཇིག་དང༌། ལྔ་པ། ལྔ་པར་ཕྱིན་པ། འཇིག་པ། བལྟ་བའི་མཐའ། མཐར་སོན་པ། དུས་ཀྱི་ཆོས། དུས་ཀྱི་མཐའ། དུས་ཆོས་ལྔ་པ། དུས་ལས་འདས་པ། ཕ་རོལ་འདས་པ། ཕ་རོལ་སོང་བ། ཚེ་འགྲོ། ཚེ་ཉམས་པ། ཚེ་འདའ། ཚེ་འཕོ། སྲོག་འགྲོ་བ། སྲོག་འདོར་བ། སྲོག་སོང་བ་བཅས་སོ། |
| འཆི་བ་བསླུ |
མངོན བྱ་རོག་ཆེན་པོ། |
| འཆི་བ་མི་རྟག་པ |
འཚོ་རྐྱེན་ཉུང་ཞིང་འཆི་རྐྱེན་མང་བ། ནམ་འཆི་ཆ་མེད་དང་འཆི་རྐྱེན་ངེས་མེད་ཡིན་པས་མྱུར་དུ་འཇིག་པའི་ཆོས་ཅན། |
| འཆི་བ་མེད་པའི་དབྱིངས |
སངས་རྒྱས་ཀྱི་གོ་འཕང་མིང༌། |
| འཆི་བ་འོད་གསལ |
འཆི་དུས་ཀྱི་འོད་གསལ་ལོ། |
| འཆི་བ་རྗེས་སུ་དྲན་པ |
འཆི་བ་མི་རྟག་པ་སྒོམ་པ་སྟེ་དྲན་པ་བཅུའི་ནང་གསེས་ཤིག |
| འཆི་བདག་གཤིན་རྗེ |
གཤིན་རྗེ་ཆོས་རྒྱལ། |
| འཆི་བདག་གི་བདུད |
འཆི་བདུད་དང་དོན་གཅིག་ |
| འཆི་བདུད |
འཆི་བདག་གི་བདུད་དེ་ཚེའི་འདུ་བྱེད་ཞིག་ནས་སྲོག་དང་བྲལ་ཞིང་དགེ་བ་བྱེད་པའི་རྒྱུན་གཅོད་པའི་བདུད་དེ་བདུད་བཞིའི་ཡ་གྱལ་ཞིག |
| འཆི་བའི་འདུ་ཤེས |
འཆི་བའི་བསམ་བློ། |
| འཆི་བའི་རྟེན |
ཕུང་པོ། |
| འཆི་བའི་སྡུག་བསྔལ |
སྡུག་བསྔལ་བརྒྱད་ཀྱི་ཡ་གྱལ་ཞིག་སྟེ་འཆི་བའི་ཚེ་ལུས་ལོངས་སྤྱོད་གཉེན་མཛའ་བཤེས་ཀུན་དང་འབྲལ་བར་མཐོང་ནས་སྡུག་བསྔལ་དང་ཡིད་མི་བདེ་བ་དྲག་པོ་ཉམས་སུ་མྱོང་བའོ། |
| འཆི་བར་སེམས་པའི་ཆོས་ཅན |
དགྲ་བཅོམ་པ་དྲུག་གི་ནང་གསེས། གང་དབང་པོ་རྟུལ་པོ་འདོད་ཡོན་གྱིས་མྱོས་ཀྱང་རུང་མ་མྱོས་ཀྱང་རུང་བདག་མི་གསོད་ན་མཐོང་བའི་ཆོས་ལ་བདེ་བར་གནས་པ་ལས་ཡོངས་སུ་ཉམས་པར་འགྱུར་བའི་སྐལ་བ་ཅན་ཡིན་ལ་གསོད་ན་སྐལ་བ་ཅན་མ་ཡིན་པའོ། |
| འཆི་བྱེད་མདའ |
མདའ་ལྔའམ་འདོད་པའི་མདའ་ལྔའི་ཡ་གྱལ་ཞིག |
| འཆི་བླུ |
འཆི་བ་ཟློག་པར་བྱེད་པའི་ཐབས་ཤིག |
| འཆི་མཉམ་གསོན་མཉམ |
འཆི་ན་མཉམ་འཆི་དང༌། གསོན་ན་མཉམ་གསོན་ཏེ་སྐྱིད་སྡུག་མཉམ་འཁུར་གྱི་དཔེ། |
| འཆི་མེད |
ཨམྲྀཏ 1 ཚེ་ལ་མང་བརྙེས་པ། 2 མངོན 1) ཐར་པ། 2) ལྷ། |
| འཆི་མེད་གཏོར་ཟ |
མངོན བྱ་རོག |
| འཆི་མེད་གྲུབ་པའི་གནས |
མངོན ལྷ་གནས། |
| འཆི་མེད་ཆབ |
མངོན 1 ལྷའི་བདུད་རྩི། 2 ཆུ་བོ་གངྒཱ། |
| འཆི་མེད་ནོར་ཕྲེང་མ་བུ |
དུས་རབས་བཅོ་བརྒྱད་པའི་ནང་དཔལ་སྤུངས་དབོན་ཀརྨ་བསྟན་འཛིན་ཕྲིན་ལས་རབ་རྒྱས་ཀྱིས་མཛད་པའི་སྨན་བསྡུ་སྦྱོར་སོགས་ཀྱི་མན་ངག་ལག་ལེན་གཅེས་པར་བསྡུས་པ་འཆི་མེད་ནོར་ཕྲེང་དང༌། དེའི་ཟབ་གནད་རྣམས་གུད་དུ་སྦས་པ་བུ་ཡིག་མན་ངག་སྙིང་གི་ནོར་བུ་གཉིས་སོ། |
| འཆི་མེད་བདུད་རྩི |
མངོན གང་གཱ། |
| འཆི་མེད་མཛོད |
དོན་གཅིག་ལ་མིང་དུ་མ་འཇུག་པའི་ཚུལ་གསལ་བར་བརྗོད་པ་མངོན་བརྗོད་ཀྱི་གཞུང་པཎྜིཏ་འཆི་མེད་སེང་གེས་མཛད་པའོ། |
| འཆི་མེད་རི |
1 བྲག་ཚེ་རིང་སྟེ་ཚེ་རིང་རྣམ་དྲུག་གི་ཡ་གྱལ་ཞིག 2 མངོན རི་རབ། |
| འཆི་མེད་རིལ་བུ |
ཚེ་རྫས་བཅུད་ལེན་གྱི་རིལ་བུ། |
| འཆི་མེད་རྒྱལ་པོ |
མངོན བརྒྱ་བྱིན། |
| འཆི་མེད་ལྗོན་ཤིང |
1 ཤིང་ཚེ་རིང་སྟེ་ཚེ་རིང་རྣམ་དྲུག་གི་ཡ་གྱལ་ཞིག 2 ལྷའི་ལྗོན་ཤིང༌། |
| འཆི་མེད་ལྡིང་ཁང |
1 ལྷའི་ཁང་བཟང་ངམ་ལྷའི་གྲོང་ཁྱེར། 2 དག་པའི་ཞིང་ཁམས་ཏེ། སངས་རྒྱས་ཀྱི་ཞིང་ཁམས། |
| འཆི་མེད་སྒྲ་ལྡན |
མངོན བྱ་རོག |
| འཆི་ཚད་པ |
འཆི་ལ་ཁད། རྐང་པ་རྡོ་ལ་ཐོགས་ནས་ཀོ་ཆུ་ཞིག་གི་ནང་དུ་འགྱེལ་ནས་འཆི་ཚད་པ་ཞིག་བྱུང༌། |
| འཆི་འཐབ |
སྲོག་དང་བསྡོས་ནས་འཐབ་འཛིང་བྱེད་པ། ལུས་སྲོག་བློས་བཏང་ནས་དགྲ་དང་འཆི་འཐབ་དྲག་པོ་བྱེད་པ། |
| འཆི་འཕོ་བ |
དབང་པོ་ལྔའི་རྒྱུ་བ་བསྡུས་ཤིང་རྒྱུན་ཆད་པ། |
| འཆི་འཕོ་བ་དང་སྐྱེ་བ་མཁྱེན་པའི་སྟོབས |
སེམས་ཅན་འདི་དག་འདི་ནས་ཤི་འཕོས་ནས་འདིར་སྐྱེས་ཏེ། དེ་ནས་ཀྱང་ཤི་འཕོས་ནས་འདིར་སྐྱེ། དེ་ནས་ཀྱང་འདིར་སྐྱེའོ་ཞེས་བྱ་བའི་དུས་ལ་མཁས་པ་སྟེ་སངས་རྒྱས་ཀྱི་སྟོབས་བཅུའི་ཡ་གྱལ་ཞིག |
| འཆི་འཕོ་བ་དང་སྐྱེ་བ་རིག་པ |
ཕྱི་མའི་མཐའ་རིག་པའི་མིང༌། འཆི་འཕོ་བ་དང་སྐྱེ་བ་ཤེས་པ། ཡུལ་དུས་གང་དང་གང་དུ་འཆི་བ་དང༌། སྐྱེ་བ་ཤེས་པའོ། |
| འཆི་འཕོ་བའི་སེམས |
འཆི་ལ་ཁད་པའི་བློ། |
| འཆི་འཕོ་བའི་སྔ་ལྟས་ལྔ |
ལྷ་རྣམས་འཆི་རན་ཁར་འོད་བཀྲག་ཉམས་པ་དང༌། སྟན་ལ་སྡོད་མི་འདོད་པ། མེ་ཏོག་གི་ཕྲེང་བ་རྙིང་པ་ཆགས་པ། གོས་རྙིང་ཞིང་དྲི་མ་ཆགས་པ། ལུས་ལས་རྔུལ་ཆུ་འབྱུང་བ་བཅས་ལྔའོ། |
| འཆི་འཕྲས་རྒྱག་པ |
འཆི་ཁར་ན་ཚ་མ་བཟོད་པར་རྐང་ལག་འཁྲབ་པའམ་འཕག་འཚག་རྒྱག་པ། |
| འཆི་འབྲས་ཅན |
མངོན ཆུ་ཤིང༌། |
| འཆི་རྟགས |
འཆི་བ་ཡོང་བའི་སྔ་ལྟས། |
| འཆི་རྩ |
ནད་པ་འཆི་བའི་རྟགས་སུ་འཕར་རྩའི་རྒྱུད་འགྱུར་བ་དང༌། དོན་སྣོད་ཀྱི་རྩ་མ་ཚང་བར་གྱུར་པ། རྩ་འཕར་འཕྲོ་བཅད་ནས་སྡོད་པ་ལྟ་བུའོ། |
| འཆི་ལས་རྒྱལ |
མངོན ལྷ་དབང་ཕྱུག་ཆེན་པོ། |
| འཆི་ལྟས |
འཆི་བའི་སྔ་ལྟས། |
| འཆི་སེམས |
འཆི་བ་སེམས་ལ་དྲན་པ། |
| འཆི་སྐྱོན |
འཆི་བའི་ཉེས་སྐྱོན། |
| འཆི་སྲིད |
སྲིད་པ་བཞིའི་གྲས་ཤིག་ཚེ་འདིའི་ལུས་རྟེན་བོར་མ་ཐག་པའམ་འཆི་ཁ་མའོ། |
| འཆིང |
ད་ལྟ་བ་སྐ་རགས་འཆིང་མཁན། འཆིང་བྱེད་ཀྱི་ཞགས་པ་ཞེས་པ་ལྟ་བུ། |
| འཆིང་ཁྱིམ |
མངོན ཁྲིམས་ར། |
| འཆིང་ཐག |
འཆིང་བྱེད་ཀྱི་ཐག་པ། འཆིང་ཐག་གིས་བཅིངས་པ། |
| འཆིང་ཕོར |
རྙིང རྫའམ་རྡོ་རིགས་ལས་བྱས་པའི་ཕོར་པ། |
| འཆིང་བ |
1. ཐ་དད་པ བཅིངས་པ། བཅིང་བ། ཆིངས།། སྡོམ་པ། རྐང་ལག་འཆིང་བ། མགོ་སྐྲ་གྱེན་དུ་བཅིངས་པ། ལམ་ལུགས་ངན་པས་བཅིངས་ནས་མ་གྲོལ་བ། ལྕགས་སྐུད་ཀྱིས་འཆིང་བ། 2.འཆིང་བྱེད་ཐག་པ་སོགས། འཆིང་བ་རྣམ་པར་གྲོལ་བ། བསམ་བློའི་འཆིང་བ། |
| འཆིང་བྱེད་ཕྱག་རྒྱ |
དག་ཆེན་ཡེ་ཤེས་ཀྱི་ཞགས་པས་འཆིང་བར་བྱེད་པ་མཚོན་བྱེད་ཕྱག་གཉིས་ཀྱི་སྡིགས་མཛུབ་ཀྱི་རྒྱ་རྒྱབ་ཏུ་བསྣོལ་བ། |
| འཆིང་བྱེད་མ |
མངོན བུད་མེད། |
| འཆིང་བྱེད་ལྕགས་བརྒྱད |
དངུལ་ཆུའི་དུག་འཆིང་བ་ལྟར་གནས་དེར་ཞི་བར་བྱེད་པའི་ལྕགས་བརྒྱད་དེ་གསེར་དང༌། དངུལ། ཟངས། ལྕགས། འཁར་བ། ར་གན། ཞ་ཉེ། གཤའ་དཀར་བཅས་སོ། |
| འཆིང་ཞགས |
འཁྱིག་བྱེད་ཀྱི་ཞགས་ཐག |
| འཆིང་རྒྱ |
1 དམ་རྒྱའམ་ཚོད་འཛིན། 2 རྒྱ་རྙི། རི་དྭགས་འཆིང་རྒྱ་ལས་ཐར་བ། |
| འཆིང་སྒྲོག |
སྡོམ་བྱེད་ཀྱི་ཐག་སྒྲོག |
| འཆིབ |
བཅིབ་ཀྱི་ད་ལྟ་བ། |
| འཆིབ་པ |
ཐ་དད་པ བཅིབས་པ། བཅིབ་པ། ཆིབས།། ཞོན་པའི་ཞེ་ས། ཆིབས་རྟ་བཅིབས་ཏེ་ཕྱོགས་སུ་ཕྱིན། |
| འཆིམས |
ངོམས་པའམ་ཚིམས་པའི་བརྡ་རྙིང་། |
| འཆིར་བ |
ཐ་དད་པ བཅིར་བ། བཅིར་བ། ཆིར།། འཚིར་བ། གྱོན་ཆས་བཀྲུས་ནས་ཆུ་འཆིར་བ། སོ་སྨན་བཅིར་བ། |
| འཆིར་འཇུག་པ |
མངོན སྨིག་རྒྱུ། |
| འཆུ |
ད་ལྟ་བ་ཆུ་འཆུ་བྱེད་ཀྱི་སྐྱོགས། ཆུ་འཆུ་བཞིན་འདུག་ལྟ་བུ། འདི་ལ་བཅུ་ཡང་འབྲི། |
| འཆུ་བ |
ཐ་དད་པ བཅུས་པ། བཅུ་བ། ཆུས།། 1 སྣོད་སྤྱད་ཀྱིས་ལེན་པ། ཟངས་སྐྱོགས་ཀྱིས་ཆུ་བཅུས་པ། 2 ལྟོ་ཟ་འདོད་ཀྱི་འདུན་པ་ཉམས་པ། ཡི་ག་འཆུ་བ། 3 རྙིང འཕྲོག་པ། དབང་གིས་འཆུ་བ། |
| འཆུག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)འཕྱུག་དང་འདྲ་ལམ་འཆུག་མི་རུང་། ཡི་གེ་མི་འཆུག་ལྟ་བུ། |
| འཆུག་པ |
1. འཕྱུག་པའི་འབྲི་སྲོལ་གཞན་ཞིག 2.ནོར་འཁྲུལ། |
| འཆུགས |
འདས་པ་མ་འཆུགས་མ་ནོར་བ། ཡི་གེ་མ་འཆུགས་པར་བཀླགས་ལྟ་བུ། |
| འཆུགས་པ |
རྙིང 1 ཁ་མཆུ་སྡུམ་པར་བྱེད་པ། 2 སྙན་སྒྲོན། |
| འཆུན |
གཅུན་གྱི་ད་ལྟ་བ། འཇུན་གྱི་འབྲི་ཚུལ་གཞན། |
| འཆུན་པ |
ཐ་མི་དད་པ ཆུན་པ། འཆུན་པ།། བཏུལ་ནས་འཐུལ་བ། རྟ་རྒོད་པོ་བཅུན་ནས་འཆུན་པ། མི་ངན་རང་བཞིན་གྱིས་འཆུན་མི་ཡོང༌། |
| འཆུན་འདོམས |
སྒྲིག་ཁྲིམས་འཆུན་ཞིང་བཀོད་པས་འདོམས་པ། སྤྱི་ཚོགས་ཀྱི་སྒྲིག་ལམ་འཆུན་འདོམས་བྱེད་དགོས། |
| འཆུམ་པ |
ཐ་མི་དད་པ འཆུམས་པ། འཆུམ་པ།། 1 ཞེན་པའམ་ཆགས་པ། ཨ་རག་ལ་འཆུམ་པ། འཚོ་བ་སྐྱིད་པོར་འཆུམས་པ། ལྟོ་གོས་གཏམ་གསུམ་ཁོ་ནར་འཆུམ་པ། 2 འཁུམས་པ། མེ་ཏོག་འདབ་བརྒྱ་འཆུམས་ཤིང་ཟུམ། བློ་ཁ་ནང་དུ་འཆུམས་པ། |
| འཆུམས |
(བྱེད་འབྲེལ་ལས་ཚིག) བཙན་གྱིས་བཀོད་འདོམས་ལྟར་བྱེད་དུ་འཇུག་པ་རྟ་འཆུམས་དགོས་ལྟ་བུ། ནུས་མཐུ་ལ་བརྟེན་ནས་ངག་ལ་ཉན་པར་བྱེད་པ་ཕས་བུ་འཆུམས་ལྟ་བུ། |
| འཆུམས་པ |
1.འཆུམ་པའི་འདས་པ། 2.མངོན སེར་སྣ། |
| འཆུར་བ |
1 བཅུར་བའི་ད་ལྟ་བའི་འབྲི་ཚུལ་གཞན་ཞིག 2 རྙིང སླེབས་པ། |
| འཆུས |
འདས་པ་ཡི་ག་འཆུས་པའི་ནད་ཅེས་པ་ལྟ་བུ།<ཁ>དུང་འཁྱིལ་གྱི་དབྱིབས་ལྟར་གྱུར་པའམ་འཁྱོག་པོར་གྱུར་པའི་དོན་ཏེ། སྙིང་འཆུས་པའི་ནད། ཁ་འཆུ་བ། ཤིང་ལེབ་འཆུས་འདུག་ཅེས་པ་ལྟ་བུ། |
| འཆུས་པ |
ཐ་མི་དད་པ གྲིམས་པའི་འཁྱོག་པ། སྐེད་པ་འཆུས་འདུག ལག་པ་འཆུས་ཡོང༌། མིག་འཆུས་པ། སྐེ་འཆུས་པ། རུས་ཚིགས་འཆུས་པ། |
| འཆུས་པོ |
གཅུས་པའི་འཁྱོག་པོ། ཤིང་འཆུས་པོ། |
| འཆེ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཁས་བླངས་པའམ་དམ་བཅས་པའི་དོན་ཏེ། རང་གིས་རང་ཉིད་སྨན་པར་ཁས་འཆེ་བ། གཞན་ལ་ཁས་འཆེ་བ་ཞེས་པ་ལྟ་བུ། |
| འཆེ་བ |
ཐ་དད་པ འཆེས་པ། འཆེ་བ། འཆེས།། ཁས་ལེན་པ། མི་འདོད་བཞིན་དུ་ཁས་འཆེས་པ། དང་བ་སྐྱེས་ནས་ཁས་འཆེས་པ། རང་ཉིད་སྨན་པར་ཁས་འཆེ་བ། |
| འཆེག |
གཤག་གི་ད་ལྟ་བ་ལ་འཆེག་འབྲི་བའང་ཡོད། |
| འཆེག་པ |
རྙིང ཤིང་སོགས་གཤག་པའམ་འདྲལ་བ། སོག་ལེས་ཤིང་འཆེག་པ། |
| འཆེལ་བ |
རྙིང 1 བསྟེན་པ། 2 དགའ་བ་དང་ཞེན་ཆགས་པ། ནོར་ལ་ཅི་ཙམ་འཆེལ་བ་དེ་ཙམ་གྱིས་སེམས་ཁྲལ་ཆེ། |
| འཆེས |
འདས་པ་དང་སྐུལ་ཚིག་གཞན་ལ་ཁས་འཆེས་པའི་དོན་སྒྲུབས་ཤིག་ལྟ་བུ། |
| འཆེས་པ |
འཆེ་བའི་འདས་པ། |
| འཆོ |
སྐུལ་ཚིག་སིལ་ཏོག་འཆོ་ཞིག་ལྟ་བུ། |
| འཆོ་བ |
རྙིང 1 འབྱམས་པ། 2 བཟོ་བ། བཟོ་ལྟ་འཆོ་བ། |
| འཆོགས |
བཤག་གི་སྐུལ་ཚིག་ལ་འཆོགས་འབྲི་བའང་ཡོད། |
| འཆོབས |
འཆབ་པའི་སྐུལ་ཚིག་ |
| འཆོམས |
འཆམས་པའི་སྐུལ་ཚིག་ |
| འཆོར |
(བྱེད་མེད་ལས་ཚིག་མ་འོངས་པ་དང་ད་ལྟ་བ) འཆིང་སྡོམ་ལས་ཐར་བའི་དོན་ཏེ། རི་དྭགས་རྙི་ལས་མི་འཆོར། རྟ་བོ་སྒྲོག་ལས་མི་འཆོར་ལྟ་བུ། |
| འཆོར་བ |
ཐ་མི་དད་པ ཤོར་བ། འཆོར་བ།། རྐུན་མར་འཆོར་བ། ཁ་ནས་ཚིག་འཆོར་བ། སྡོམ་པ་ཤོར། གཡང་འཆོར་བ། ཁ་ནས་ཚིག་ཐལ་གང་མིན་ཤོར། ཆུ་ཤོར་བ། ཆུ་ལ་ཤོར་བ། |
| འཆོལ |
ད་ལྟ་བ་དང་སྐུལ་ཚིག་དོང་ཙེ་འཆོལ་མཁན། དོང་ཙེ་དངུལ་ཁང་ལ་འཆོལ་ཅིག་ལྟ་བུ། གཞན་ལ་རང་གི་ཚབ་བྱས་ནས་ལས་དོན་བྱེད་པར་ཞུ་བའི་དོན་ཏེ། ངས་ཁོ་ལ་ལས་ཞིག་བཅོལ། ནད་པས་ལུས་སྲོག་སྨན་པ་ལ་བཅོལ་ལྟ་བུ།０གཞན་ལ་བཀོད་པ་བྱས་ནས་ལས་དོན་བྱེད་དུ་བཅུག་པའི་དོན་ཏེ། བྱིས་པ་ལུག་རྫི་བྱེད་དུ་བཅོལ་ལྟ་བུ། |
| འཆོལ་གཏམ |
རིག་པ་མི་གསལ་བར་བཤད་པའི་གཏམ། ཁོང་སྙུན་གཞི་དྲག་པོས་ཟིན་ནས་འཆོལ་གཏམ་མང་པོ་གསུང་གིན་འདུག |
| འཆོལ་བ |
1.ཐ་དད་པ བཅོལ་བ། བཅོལ་བ། ཆོལ།། གཏམ་པའམ་གཉེར་དུ་གཏད་པ། ནན་གྱིས་བཅོལ་བ། འཕྲིན་ལས་བཅོལ་བ། ཉོ་ཚོང་བཅོལ་བ། རེ་འདུན་བཅོལ་བ། ཅ་ལག་བཅོལ་བ། 2.ཐ་མི་དད་པ 1 འཁྲུགས་པ་དང༌། ནོར་བ། གོ་རིམ་མ་འཆོལ་བ། རིག་པ་འཆོལ་བ། བདེན་རྫུན་འཆོལ་བ། འཆོལ་ལབ། 2 བརྟན་པོ་མེད་པར་གཡོ་བ། |
| འཆོལ་འཆོལ |
འཁྲུལ་བའམ་འཛོལ་བ། ཨང་གྲངས་བསྒྲིགས་ཀྱང་སྔ་ཕྱི་འཆོལ་འཆོལ་དུ་གྱུར་ནས་གོ་རིམ་མ་འགྲིགས་པ། ཚད་པས་མྱོས་ནས་རིག་པ་འཆོལ་འཆོལ་དུ་ཕྱིན་འདུག |
| འཆོས |
གསར་དུ་བཟོ་བ་དང་མུར་མུར་བྱེད་པའི་དོན་དུ་གོ་བའི་འཆའ་བའི་སྐུལ་ཚིག་ 2. འཆའ་ཡི་འདས་པ། བཅོ་ལ་ལྟོས། |
| འཆོས་ཐབས |
ལེགས་བཅོས་བྱེད་ཐབས། |
| འཆོས་པ |
1.ཐ་དད་པ 1 བཅོས་པ། བཅོས་པ། ཆོས།། བཟོ་བ། རྩྭ་དྲེས་མ་ཐག་པར་འཆོས་པ། རྙིང་པ་གསར་དུ་འཆོས་པ། ཕྱིར་འཆོས་པ། ཚུལ་འཆོས༌༈ བྱེད་པ། 2 མུར་མུར་བྱེད་པའི་དོན་དུ་གོ་བའི་འཆའ་བའི་འདས་པ། 2.རྙིང ཟོས་པ། ཁྱིས་འཆོས་པ། |
| འཆོས་སྐྱོབ |
བསྟན་བཅོས་ཀྱི་ཡོན་ཏན་གཉིས་ཏེ། རྒྱུ་ཉོན་མོངས་དུག་གསུམ་ལས་བསླབ་པ་གསུམ་ལྡན་དུ་འཆོས་པ་དང༌། འབྲས་བུ་ངན་འགྲོ་དང་སྲིད་པའི་སྡུག་བསྔལ་ལས་སྐྱོབ་པའོ། |
| འཇག་ཁང |
རྩྭའི་སྤྱིལ་པོ། |
| འཇག་གདན |
རྩྭ་འཇག་མ་ལས་བཟོས་པའི་གདན། |
| འཇག་གི་འཇིག་གི |
བཟའ་བཏུང་སོགས་ཁམས་ཉོག་པའི་རྣམ་པ། ལྟོ་ཆས་འཇག་འཇིག འཐུང་ཇ་འཇག་གི་འཇིག་གི། |
| འཇག་མ |
རྩྭ་རིགས་ཤིག བྲག་ཕུག་གི་མདོར་འཇག་མའི་སྤྱིལ་བུ་ཞིག་འདུག |
| འཇག་ཞྭ་ཉི་ཁེབས |
རྩྭ་འཇག་མས་བསླས་པའི་ཞྭ་མོ་ཆེན་པོ་ཞིག |
| འཇག་འཇིག |
འཇག་གི་འཇིག་གིའི་བསྡུས་ཚིག་ |
| འཇག་རྒོད |
རྩྭ་འཇག་མ་མཁྲེགས་པོ་ཞིག |
| འཇག་སྐྱ |
རྩྭ་འཇག་མ་དཀར་པོ་རྩྭ་ངན་མདོག་སྐྱ་བོ་ཞིག ཞིང་ཁར་སོ་ནམ་བྱེད་མཁན་མེད་ན་འཇག་སྐྱ་འཕྱུར། |
| འཇག་སྤྱིལ |
རྩྭ་འཇག་མའི་ཁང་པ་ཆུང་ངུ། |
| འཇགས |
གཅགས་ཀྱི་ད་ལྟ་བ། (རྒྱན་ཚིག) བརྟན་པོའི་དོན་ཏེ། བདེ་འཇགས། ལྷོད་འཇགས། སྤྱི་ཚོགས་བདེ་འཇགས་ཀྱི་བྱ་བ་ཞེས་པ་ལྟ་བུ། |
| འཇགས་ཉལ |
ལྷིང་འཇགས་སུ་འགྱུར་བ། ཚང་མ་འཇགས་ཉལ་གྱིས་སོང་བ། |
| འཇགས་པ |
ཐ་མི་དད་པ 1 བློར་ངེས་པ། ངས་བཤད་པ་དེ་ཡིད་ལ་འཇགས་སོང་ངམ། 2 སྡོད་པའམ་གནས་པའི་ཞེ་ས། བཞུགས་གདན་འཇགས། 3 གཏན་ཆགས་པའམ་འཕོ་འགྱུར་མེད་པ། རང་འཇགས། བདེ་འཇགས། རང་སོར་འཇགས་པ། དུས་བདེ་ཞོད་འཇགས། ལྷོད་འཇགས། སྲོལ་རྒྱུན་བཟང་པོ་འཇགས་པ། |
| འཇང |
1.གནའ་དུས་མདོ་དབུས་མཐོ་སྒང་དུ་སྡོད་པའི་མི་རིགས་ཤིག་བོད་རིགས་ཀྱི་ཡ་གྱལ་ཞིག་ཡིན། 2.ཡུན་ནན་ཞིང་ཆེན་ཁོངས་ས་སྨད་ལ་ཡོད་པའི་ཡུལ་ཞིག |
| འཇང་དགུན་ཆོས |
ལྷ་སའི་ལྷོ་ནུབ་རྒྱུད་ཀྱི་སྐྱིད་སྨད་ལྗང་ཕུ་དགོན་པར་དགུན་དུས་ཚུགས་པའི་ཆོས་ར། |
| འཇང་པ |
ཡུན་ནན་ཞིང་ཆེན་ཁོངས་ཡུལ་འཇང་དུ་ཡོད་པའི་གྲངས་ཉུང་མི་རིགས་ཤིག |
| འཇང་ཕུ་དགོན་པ |
སྐྱིད་སྨད་འཇང་གི་ཕུ་ལ་ཡོད་པའི་དགོན་པ། |
| འཇང་བ |
1. འཇོང་བའི་མ་འོངས་པ། 2. ཐ་མི་དད་པ འཁྲུ་བ། མཁྲིས་ནད་ཀྱིས་གྲོད་པ་འཇང་བ། 3 1 གཙོ་ཆེར་ཕྱུགས་རིགས་ལ་འབྱུང་བའི་ལྟོ་བ་འཁྲུ་ནད་ཅིག 2 རྙིང ཟ་བའམ་འཐུང་བ། |
| འཇང་འཇོང |
དབྱིབས་ནར་ནར། རི་འཇང་འཇོང་འབར་འབུར་མང་པོ་འདུག |
| འཇང་ཡུལ |
ཡུན་ནན་ཞིང་ཆེན་གྱི་ས་ཁོངས་ས་དམ་གཙོ་བོར་བྱས་པའི་འཇང་རིགས་ཆགས་སྡོད་ཡུལ། |
| འཇང་ས་དམ |
འཇང་ཡུལ་ནི་ད་ལྟ་ཡུན་ནན་ཞིང་ཆེན་ནུབ་རྒྱུད་ཀྱི་ཏ་ལི་དང་ལི་ཅང་ལ་སོགས་པའི་ཡུལ་གྲུ་སྤྱི་དང༌། ས་དམ་ནི་དེའི་བྱེ་བྲག་ལི་ཅང་ཁོ་ནའི་མིང་ཡིན། བོད་རྒྱལ་སྲོང་བཙན་སྒམ་པོའི་དུས་ཙམ་ལ་གྲངས་ཉུང་མི་རིགས་འགས་མཉམ་འབྲེལ་གྱིས་ས་ཕྱོགས་དེ་དབང་དུ་བསྒྱུར། སྤྱི་ལོ་649 ནས་902 བར་ལོ་གྲངས་ཉིས་བརྒྱ་ང་གསུམ་གྱི་རིང་ལ་ཁྭ་ལ་ཀག་དང༌། ཀག་ལོ་བོང་སོགས་རྒྱལ་པོ་བཅུ་གསུམ་རིམ་པར་བྱུང་བ་དེ་དག་ལ་བོད་བཙན་པོ་དག་གིས་བཙན་པོའི་གཅུང་ཞེས་ཟེར་ཞིང༌། ཐང་གི་རྒྱལ་པོས་ཀྱང་ཝང་གི་འཇའ་ས་ལན་དུ་མ་བསྩལ། ཏཱ་མིང་རྒྱལ་རབས་ཀྱི་སྐབས་སུ་ཡུལ་རྗེ་དེ་ལ་འཇང་ས་དམ་རྒྱལ་པོ་ཞེས་པའི་གོ་གནས་གནང༌། 253 649902 |
| འཇངས་པ |
འཇོང་བའི་འདས་པ། |
| འཇན |
འཇན་ཕོ་ནི་ཁྱོ་བོ་དང་འཇན་མོ་ནི་ཆུང་མའི་བརྡ་རྙིང་། |
| འཇན་ཕོ |
རྙིང ཁྱོ་བོ། |
| འཇན་མོ |
རྙིང ཆུང་མ། |
| འཇབ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)གཞན་ལ་ཚོར་དུ་མི་འཇུག་པའི་སྤྱོད་པ་འཇབ་མཁན་འཇབ་ཀྱིན་ཡོད་ལྟ་བུ། |
| འཇབ་ཁྱི་རྒྱག་པ |
ཁྱིས་སྐད་མི་རྒྱག་པར་གློ་བུར་དུ་མིའི་རྒྱབ་ཕྱོགས་ནས་རྐང་པ་སོགས་ལ་སོ་རྒྱག་པ། |
| འཇབ་དམག |
འཇབས་ནས་དམག་རྒྱག་མཁན། དགྲ་བོས་མ་ཚོར་བར་འཇབ་དམག་རྒྱག་པ། |
| འཇབ་པ |
ཐ་དད་པ འཇབས་པ། འཇབ་པ། འཇོབས།། མ་ཚོར་བར་བྱེད་པ། འཇབས་ནས་རྐུ། བྱི་ལས་རྟག་ཏུ་འཇབས་ནས་བྱི་བ་གསོད། སྒྲ་མེད་འཇབ་ཅིང་འགྲོ། འཇབས་ནས་བགམ་པ། |
| འཇབ་བུ |
1. རྐུན་མ། 2. མངོན་ཆུང་དང༌། མངོན་མཚན་མེད་པ། འཇབ་བུས་མདའ་འཕེན། འཇབ་བུས་སྐྱོན་འཚོལ། མངོན་སུམ་དུ་འཕྲོག་བཅོམ་དང་འཇབ་བུས་རྐུ་བ། |
| འཇབ་བུ་བ |
རྐུན་མ། |
| འཇབ་མྱུལ་བ |
1 མངོན་ཆུང་གིས་སོ་ལྟ་བྱེད་པ། 2 འཇབ་ཅིང་མྱུལ་བ་པོ། |
| འཇབ་ཙེ |
ཤ་ནང་ལ་ཟུག་པའི་ཚེར་མ་སོགས་དངོས་རྫས་ཕྲ་མོའི་རིགས་འབྱིན་བྱེད་ཀྱི་ཡོ་བྱད་ཅིག་གི་མིང་འཇབ་ཚེ་དང་ཆ་སྟ་ཡང་ཟེར། |
| འཇབ་ཚེ |
འཇབ་ཙེ་དང་འདྲ། |
| འཇབ་རྐུན |
རྐུན་པོ། |
| འཇབ་རྒོལ |
ཕག་ནས་རྒོལ་བ། འཇབ་རྒོལ་དམག་འཐབ། དགྲ་སྟོབས་ལྡན་དང་གློ་བུར་ཐུག་ནས་ཐབས་མཁས་ཀྱིས་འཇབ་རྒོལ་བྱེད་པ། |
| འཇབ་རྩེ |
འཇབ་ཙེ་དང་འདྲ། |
| འཇབ་རྩེ་ཁ |
ཡུལ ཁའི་མཆུ་སྲབ་མོ་ལེབ་ལེབ་ཅན་གྱི་ངན་མིང༌། |
| འཇབ་ལེན |
འཇབས་ནས་ལེན་པའམ། རྐུ་བ། |
| འཇབ་ལྟ |
ལྐོག་ཏུ་གབ་ནས་ལྟ་བ། |
| འཇབས |
འདས་པ་རྔོན་པས་འཇབས་ནས་རི་དྭགས་བརྔོན་ལྟ་བུ། |
| འཇབས་པ |
འཇབ་པའི་འདས་པ། |
| འཇམ |
(རྒྱན་ཚིག) རེག་བྱ་འཇམ་པོ་རྩུབ་ཀྱི་ལྡོག་ཟླ། དཔེར་ན། གོས་འཇམ། གདན་འཇམ་པོ། འཇམ་ཞིང་མཉེན་པ། དྲོ་འཇམ་ཞེས་པ་ལྟ་བུ། དྲག་པོ་མ་ཡིན་པའི་དོན་ཏེ། ངག་འཇམ་པོ། ཚིག་འཇམ་པོ། ཤེས་རྒྱུད་འཇམ་པ་ཞེས་པ་ལྟ་བུ།０ཟས་དང་སྨན་སོགས་ཀྱིས་དབང་བོར་ཟུག་རེག་ཆེན་པོ་མི་སྐྱེད་པའི་དོན་ཏེ། སྨན་འཇམ་པོ། ཇ་འཇམ་པོ། སྨན་པ་ལག་འཇམ་པོ་ཞེས་པ་ལྟ་བུ། |
| འཇམ་ཁྲིད |
འཇམ་པོའི་སྒོ་ནས་བཟང་ལམ་དུ་ཁྲིད་པ། |
| འཇམ་གདན |
འཇམ་ཞིང་འབོལ་བའི་གདན། |
| འཇམ་གོས |
རི་མོ་མེད་པའི་གོས་ཆེན།..འཇམ་གོས་ནག་པོ། |
| འཇམ་ཅག་གེ་བ |
འཇམ་ཆག་གེ་བ་དང་འདྲ། |
| འཇམ་ཆག་གེ་བ |
འཇམ་ཐིང་ངེ། ལྷོད་ཅིང་འཇམ་ཆག་གེར་གནས། |
| འཇམ་ཆར |
ཆར་པ་སིལ་སིལ། |
| འཇམ་ཉམས |
1 ཞི་བའི་རྣམ་འགྱུར། 2 བཟང་པོ་ཡིན་ཁུལ་ལམ་བཟང་ཚུལ། ཆེད་དུ་འཇམ་ཉམས་སྟོན་པ། |
| འཇམ་ཐབས |
བྱེད་ཐབས་འཇམ་པོ། |
| འཇམ་ཐིང་ངེ་བ |
ཟང་ཟིང་མེད་པ། ཅ་ཅོའི་སྒྲ་སྐད་མེད་པའི་དབེན་གནས་འཇམ་ཐིང་ངེ་བ། |
| འཇམ་ཐིང་ཐིང |
ཟང་ཟིང་མེད་པའི་ཁ་ཁུ་སིམ་སིམ། མཚན་མེད་པར་འཇམ་ཐིང་ཐིང༌། བྲེལ་ཟིང་མེད་པར་འཇམ་ཐིང་ཐིང་དུ་གནས་པ། |
| འཇམ་ཐུག |
རྩམ་ཕྱེ་བཏབ་པའི་ཐུག་པ། |
| འཇམ་དཔལ |
འཇམ་དཔལ་དབྱངས་ཀྱི་བསྡུས་ཚིག་ |
| འཇམ་དཔལ་ཁྲོ་བོ |
རྡོ་རྗེ་འཇིགས་བྱེད་དང༌། དགྲ་ནག་གདོང་དྲུག་གཤེད་དམར་སོགས་འཇམ་དཔལ་དྲག་པོའི་རྣམ་འགྱུར་ཅན། |
| འཇམ་དཔལ་གནས་པའི་མདོ |
ཤློ་ཀ་བརྒྱ་བཞི་བཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ་ཞིག |
| འཇམ་དཔལ་གཞོན་ནུར་གྱུར་པ |
ཉེས་པའི་རྩུབ་རེག་ཡོངས་སུ་སྤངས་ཤིང་འཇམ་པའི་ཡོན་ཏན་མཆོག་ཏུ་ལྡན་པས་ཕྱོགས་དུས་ཐམས་ཅད་དུ་བཅུ་དྲུག་གཞོན་ནུའི་ལང་ཚོའི་དཔལ་འཛིན་པ་ཁོ་ནར་བཞུགས་པས་ན་གཞོན་ནུར་གྱུར་པའོ། འཇམ་དབྱངས་ཀྱི་མཚན་གྱི་རྣམ་གྲངས་ཤིག |
| འཇམ་དཔལ་གྱི་མཚན་བརྒྱ་རྩ་བརྒྱད་པ |
འགྱུར་བྱང་མེད་པ་རྒྱུད་ཀྱི་གླེགས་བམ་ཞིག |
| འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ |
འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བསྟན་པའི་ལེའུ་བམ་པོ་བཞི་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་ཞིག |
| འཇམ་དཔལ་གྱིས་དྲིས་པའི་མདོ |
འཕགས་པ་འཇམ་དཔལ་གྱིས་དྲིས་པའི་མདོ་ཤློ་ཀ་དགུ་བཅུ་བམ་པོ་གཅིག་ཏུ་བྱས་པ་འགྱུར་བྱང་མེད་པ་ཞིག |
| འཇམ་དཔལ་གྱིས་བསྟན་པའི་མདོ |
ཤློ་ཀ་ཕྱེད་དང་བཅོ་ལྔ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ་ཞིག |
| འཇམ་དཔལ་ངག་གི་དབང་ཕྱུག་ལ་བུ་མོ་བརྒྱད་ཀྱིས་བསྟོད་པ |
དེ་བཞིན་གཤེགས་པའི་རིགས་ཀྱི་འཁོར་ལོས་བསྒྱུར་བའི་རྒྱུད་ཀྱི་གྲས་ཤིག |
| འཇམ་དཔལ་དབྱངས |
མཉྫུཤྲཱིགྷོཥ རྗེ་བཙུན་འཇམ་པའི་དབྱངས། མིང་གི་རྣམ་གྲངས་ལ་ངག་གི་རྒྱལ་པོ་དང༌། ངག་གི་དབང་ཕྱུག་འཇམ་དཔལ། བརྟན་པའི་འཁོར་ལོ། རྡོ་རྗེ་རྣོན་པོ། བློ་ཡི་གཏེར། སྨྲ་བའི་རྒྱལ། སྨྲ་བའི་སེང་གེ། སྨྲ་བའི་ལྷ། ཟུར་ཕུད་ལྔ་པ། ཡེ་ཤེས་སྐུ། ཡེ་ཤེས་མེ་ལོང༌། རལ་གྲི་ཅན། ཤེས་རབ་སྐུ། ཤེས་རབ་འཁོར་ལོ། སེང་གེ་རྩེན་བཅས་སོ། |
| འཇམ་དཔལ་རྒྱ་མཚོ |
ཏཱ་ལའི་བླ་མ་སྐུ་ཕྲེང་བརྒྱད་པ་འདི་རབ་བྱུང་བཅུ་གསུམ་པའི་ས་སྟག་ལོར་འཁྲུངས། ལྕགས་གླང་ལོར་གོང་མ་ཆན་ལུང་གི་བཀའ་འབྲེལ་རྒྱལ་སྲིད་དང་ཆོས་སྲིད་བཞེས། ཤིང་བྱི་ལོར་གཤེགས། 17581804 |
| འཇམ་དཔལ་རྡོ་རྗེ |
འཇམ་དཔལ་དབྱངས་ཀྱི་བྱེ་བྲག་ཅིག་སྟེ་གསང་འདུས་འཇམ་དཔལ་རྡོ་རྗེས་ཞེས་བྱའོ། |
| འཇམ་དཔལ་རྣམ་པར་འཕྲུལ་པའི་ལེའུ |
བམ་པོ་གཅིག་དང་ཤློ་ཀ་གོ་བཞི་པ། རྒྱ་གར་གྱི་མཁན་པོ་ཤི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་ཞིག |
| འཇམ་དཔལ་རྣམ་པར་རོལ་པའི་མདོ |
བམ་པོ་གཉིས་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ་ཞིག |
| འཇམ་དཔལ་རྩ་རྒྱུད |
ལེའུ་སུམ་ཅུ་སོ་དྲུག་ཅན། དུས་རབས་བཅུ་གཅིག་པའི་འགོར་ལོ་ཙཱ་བ་ཤཱཀྱ་བློ་གྲོས་ཀྱིས་བསྒྱུར་པའོ། |
| འཇམ་དཔྱད |
དུགས་དང་ལུམས་བྱུག་པ་ལྟ་བུ་ལུས་ཕྱི་ནས་དཔྱད་འཇམ་པོ་བྱས་པས་ནང་གི་ནད་ཞི་བར་འགྱུར་བའི་བཅོས་ཐབས་ཤིག |
| འཇམ་དབྱངས |
འཇམ་པའི་དབྱངས་ཀྱི་བསྡུས་མིང༌། |
| འཇམ་དབྱངས་གུ་ཤྲི་ཤཱཀྱ་རྒྱལ་མཚན |
ཕག་གྲུ་སྡེ་སྲིད་ཁྲི་རབས་གཉིས་པ་འདི་རབ་བྱུང་དྲུག་པའི་ལྕགས་འབྲུག་ལོ་ལ་འཁྲུངས། བུ་སྟོན་རིན་པོ་ཆེ་སོགས་ལས་མདོ་སྔགས་ཀྱི་གདམས་པ་དུ་མ་མནོས། རྩེ་ཐང་གི་ཚོགས་པ་ལོ་བཅུ་གསུམ་གྱི་བར་དུ་བསྐྱངས། ཤིང་སྦྲུལ་ལོར་ཕོ་བྲང་སྣེའུ་གདོང་རྩེའི་ཁྲི་ཐོག་ཏུ་ཕེབས་ཏེ་ཕག་གྲུའི་བླ་དཔོན་མཛད། ཧོར་ཐོ་གན་ཐེ་མུར་རྒྱལ་པོས་ཏའི་སི་ཏུ་ཆང་གུའི་གུང་ཀྭ་དིན་གུ་ཤྲིའི་གོ་ས་དང༌། བོད་ཆོལ་ཁ་གསུམ་བརྒྱུད་པ་དང་བཅས་པ་ཤེས་སུ་འཇུག་པའི་འཇའ་ས་གནང་ཐོག་དེ་རྗེས་ཆུ་བྱི་ལོར་ཏཱ་མིང་ཧུང་འུ་རྒྱལ་པོས་ཀྱང་ཀྭ་དིན་གུ་ཤྲིའི་གོ་ས་གནང་འདུག་ཆུ་གླང་ལོ་ལ་འདས། 13401373 1352 1365 1365 1372 |
| འཇམ་དབྱངས་དཀར་པོ |
འཇམ་དཔལ་དབྱངས་སྐུ་མདོག་དཀར་པོ། |
| འཇམ་དབྱངས་ནག་པོ |
འཇམ་དཔལ་དབྱངས་སྐུ་མདོག་ནག་པོ། |
| འཇམ་དབྱངས་བཞད་པ་ངག་དབང་བརྩོན་འགྲུས |
རབ་བྱུང་བཅུ་གཅིག་པའི་ས་བྱི་ལོར་ཀན་སུའུ་ཁོངས་ཀྱི་ཞ་ཧོ་ས་ཆར་འཁྲུངས། དགུང་ལོ་ཉེར་གཅིག་པར་དབུས་སུ་ཕེབས། འབྲས་སྤུངས་སྒོ་མང་མཁན་པོར་བཞུགས། དགུང་ལོ་རེ་གཉིས་པར་ཕྱིར་མདོ་སྨད་དུ་ཕེབས། བླ་བྲང་བཀྲ་ཤིས་འཁྱིལ་དགོན་པ་བཏབ་ནས་སྐུ་ཕྲེང་རིམ་བྱོན་གྱིས་སྐྱོང༌། གསུང་རྩོམ་པོད་བཅོ་ལྔ་ཡོད། དགོང་ལོ་དོན་བཞི་ལོར་སྐུ་གཤེགས། 16481721 21 62 |
| འཇམ་དབྱངས་མཁྱེན་བརྩེའི་དབང་པོ |
ཡོངས་གྲགས་སུ་རྫོང་གསར་མཁྱེན་བརྩེའམ། དིལ་མགོ་མཁྱེན་བརྩེ། མཚན་དངོས་པདྨ་འོད་གསལ་མདོ་སྔགས་གླིང་པ་ཞེས་པ། རབ་བྱུང་བཅུ་བཞི་པའི་ལྕགས་འབྲུག་ལོར་ཁམས་སྡེ་དགེའི་ས་ཆར་སྐུ་འཁྲུངས། གསང་སྔགས་གསར་རྙིང་དང༌། ས་གཏེར། ཡང་གཏེར། དགོངས་གཏེར། རྗེས་དྲན། དག་སྣང༌། སྙན་བརྒྱུད་བཅས་བཀའ་བབ་བདུན་དང་ལྡན་ཞིང༌། རྙིང་མ་དང༌། བཀའ་གདམས། ལམ་འབྲས། མར་པ་བཀའ་བརྒྱུད། ཤངས་ཆོས། ཞི་གཅོད། རྡོ་རྗེའི་རྣལ་འབྱོར། བསྙེན་སྒྲུབ་བཅས་སྒྲུབ་བརྒྱུད་ཤིང་རྟ་བརྒྱད་ཀྱི་རིང་ལུགས་གསལ་བར་མཛད་པའི་དཔེ་གཞུང་དང༌། སྒྲ་སྙན་ངག་གསོ་རིག་སྐོར་སོགས་ཀྱི་གསུང་རྩོམ་མང་པོ་མཛད་ནས། རབ་བྱུང་བཅོ་ལྔ་པའི་ཆུ་འབྲུག་ལོར་འདས། 18201892 |
| འཇམ་དབྱངས་རྟག་ངུ |
སྔོ་སྨན་རྟག་ངུ་རིགས་གསུམ་གྱི་ནང་ཚན་མེ་ཏོག་སེར་པོ་འཆར་བ་ཞིག |
| འཇམ་དབྱངས་རྣམ་གསུམ |
བོད་ཀྱི་འཇམ་དབྱངས་རྣམ་གསུམ་དང་དོན་གཅིག་ |
| འཇམ་དབྱངས་ཨ་ར་པ་ཙ་ན |
འཇམ་དབྱངས་དམར་སེར། |
| འཇམ་དར |
སྲིན་སྐུད་སོགས་ལས་བཏགས་པའི་ཁ་དར་རིགས་ཤིག འཇམ་བཏགས་ཚེ་སྐུས་མཚན་པ་ཕུལ། |
| འཇམ་དར་ཡུག་ཅིག |
བཀའ་ཁྲིམས་འཇམ་པོས་ཡུལ་ཁམས་ཚང་མ་ཁྱབ་པའི་དཔེ། རྒྱ་ཆེའི་ཡུལ་ཁམས་ཚང་མ་འཇམ་དར་ཡུག་ཅིག་ཏུ་བདེ་བར་བརྐྱངས་པ། |
| འཇམ་ནད |
ཁ་ཚ་ཟེར་བའི་ཕྱུགས་ཀྱི་འགོ་ནད་ཅིག |
| འཇམ་པ |
1 འཇམ་པོ་དང་འདྲ། 2 རྩུབ་པ་ལས་ལྡོག་པ། |
| འཇམ་པའི་དབྱངས |
མཉྫུགྷོཥ ངོ་བོ་རྒྱལ་བ་ཀུན་གྱི་མཁྱེན་རབ་གཅིག་ཏུ་འདུས་པའི་རང་གཟུགས། རྣམ་པ་ས་བཅུའི་བྱང་ཆུབ་སེམས་དཔའི་ཚུལ་འཆང་བ། ངག་གི་ཉེས་པའི་རྩུབ་རེག་དང་བྲལ་ཞིང༌། འཇམ་པའི་ཡོན་ཏན་དང་ལྡན་པའི་གསུང་དབྱངས་ཀྱི་བདག་ཉིད་དོ། |
| འཇམ་པའི་རྡོ་རྗེ |
འཇམ་པའི་དབྱངས། |
| འཇམ་པོ |
1 རྩིང་རྩུབ་མིན་པའི་མཉེན་པོ་དང་འབོལ་བ། རེག་བྱ་འཇམ་པོ། ཕྱི་ངོས་འཇམ་པོ། གྱོན་ཆས་འཇམ་པོ། གཞི་འཇམ་ལུ་གུའི་ཚ་རུ་ཡིན། ཡང་འཇམ་ཡུ་མོའི་པགས་པ་ཡིན། 2 བཙན་པོ་མིན་པ་དང༌། དྲག་པོ་མིན་པའི་ཞི་བ། སྤྱོད་ལམ་འཇམ་པོ། སྦྱོར་བ་འཇམ་པོ། ཁེངས་པ་ཆུང་ཞིང་གཤིས་ཀ་འཇམ་པ། འཇམ་པོ་ལུ་གུའི་ཚ་རུ་འདྲ། སྙན་པོ་ཁུ་བྱུག་ངག་དང་འདྲ། ཚིག་འཇམ་པོ་རྒྱ་ཡི་དར་ལས་འཇམ། དོན་རྩུབ་པ་སྐྱེར་པའི་ཚེར་མ་འདྲ། 3 དལ་བུ་དང༌། ཚོད་རན་པ། ཆུ་རྒྱུན་འཇམ་པོ། བཤལ་སྨན་འཇམ་པོ། ཆུ་ཁོལ་དྲོད་འཇམ། |
| འཇམ་པོར་སྦྱོང་བ |
སྨན་བཅོས་ཀྱི་ཐབས་ཤིག |
| འཇམ་ཕྱལ |
འཇམ་ཞིང་ངོས་མཉམ་པ། |
| འཇམ་བཏགས |
འཇམ་དར་དང་དོན་གཅིག་ |
| འཇམ་བཤད་བློ་འགུགས |
ཚིག་འཇམ་གྱི་སྒོ་ནས་བློ་ཁ་ཚུར་འགུགས་པ། |
| འཇམ་བཤལ |
བཤལ་སྨན་གྱི་སྦྱོར་སྡེ་ཁཎྜ་བྱས་ནས་བཏང་སྟེ་ནུས་པ་འཇམ་པོའི་སྒོ་ནས་ནད་ཐུར་དུ་བཤལ་བར་བྱེད་པའི་ཐབས་ཤིག |
| འཇམ་བསླུས |
འཇམ་པོའི་བསླུ་བྲིད། མི་ཁྲམ་པས་འཇམ་བསླུས་ཀྱིས་མགོ་སྐོར་གཏོང་བ། |
| འཇམ་མཁས་བསླུ་འདྲིད |
ཞི་བའི་ཐབས་ངན་གྱིས་མགོ་སྐོར་གཏོང་བ། |
| འཇམ་མགོན |
བསྟོད་ཡུལ་འཇམ་དབྱངས་སུ་མོས་པའི་ཆེ་བརྗོད། |
| འཇམ་མགོན་ཆོས་ཀྱི་རྒྱལ་པོ |
བསྟོད་ཡུལ་འཇམ་དབྱངས་སུ་མོས་པའི་ཆེ་བརྗོད། |
| འཇམ་མགོན་བླ་མ |
བསྟོད་ཡུལ་འཇམ་དབྱངས་སུ་མོས་པའི་ཆེ་བརྗོད། |
| འཇམ་མཉེན |
རེག་བྱ་འཇམ་ཞིང་མཉེན་པ། ལུས་འཇམ་མཉེན་ལྡན་པ། |
| འཇམ་མོ |
འཇམ་པོ་དང་འདྲ། |
| འཇམ་ཚག |
རི་མོ་མངོན་ཙམ་གྱི་ཚག་རིས། |
| འཇམ་ཞལ |
འཇིམ་པ་འཇམ་པོའི་ཞལ་བ། ཁང་པའི་རྩིག་ལྡེབས་ལ་འཇམ་ཞལ་གཏོང་བ། |
| འཇམ་ཞུམ་མེ |
ཟང་ཟིང་མེད་པ་འཇམ་ཐིང་ངེ། འཇམ་ཞུམ་མེ་ཡོད་པའི་སྐབས། ཅི་ཡང་མི་སྨྲ་བར་གཅིག་གིས་གཅིག་ལ་བལྟ་ཞིང་འཇམ་ཞུམ་མེར་ཡོད། |
| འཇམ་འཆགས |
ལྷིང་འཇགས། རྒྱལ་ཁམས་འཇམ་འཆགས་སུ་འཇུག་པ། |
| འཇམ་འདྲི |
ཚིག་འཇམ་པོའི་སྒོ་ནས་གཏམ་འདྲི་བ། བློ་ལ་འབབ་པའི་ཚིག་སྙན་པོས་འཇམ་འདྲི་བྱེད་པ། |
| འཇམ་འདྲོང་བབ་གསེད |
ཚིག་འཇམ་གྱི་སྒོ་ནས་གནས་ཚུལ་གསེད་འགྲོལ། གྱོད་ཡ་ཕན་ཚུན་གྱི་བར་དུ་འཇམ་འདྲོང་བབ་གསེད་བྱེད་པ། |
| འཇམ་འབྲས |
ལོ་གཅིག་སྐྱེ་བའི་རྩྭ་ལྡུམ་ལོ་མ་དང་སྡོང་བུ་ཐམས་ཅད་ལ་ཚེར་མས་ཁྱབ་པ། མེ་ཏོག་སྨུག་པོ་བཞད་ཅིང་། འབྲས་བུའི་ཤུན་པ་ལ་ཚེར་མ་ཡོད་པ། ནང་གི་ས་བོན་ལ་འཇམ་འབྲས་ཟེར་ཞིང་སྨན་དུ་བྱེད་ཆོག་ལ་ཟོས་ནའང་ཆོག འདི་ཆུ་ལས་སྐྱེ་བའི་རྩྭ་ལྡུམ་ཞིག་ཡིན། |
| འཇམ་ཡས |
གྲངས་གནས་ཤིག་གི་མིང༌། |
| འཇམ་ཡུག |
1 འཇམ་དར་ཡུག་ཅིག་གི་བསྡུས་ཚིག 2 རི་མོ་མེད་པའི་གོས་ཆེན། |
| འཇམ་རོལ |
དལ་པོར་འཁྲོལ་བའི་རོལ་མོ། |
| འཇམ་རྡར |
རྡར་རྡོ་འཇམ་པོ། |
| འཇམ་རྡོར |
འཇམ་དཔལ་རྡོ་རྗེའི་མཚན་གྱི་བསྡུས་མིང༌། |
| འཇམ་རྩི |
1 རྒྱ གྲོ་ཞིབ་སོགས་ཀྱི་སྐྱོ་མ་སླ་མོ། 2 སྦྱོང་བྱེད་ལས་ལྔའི་ཡ་གྱལ། སྨད་སྲིན་སོགས་ལྟེ་བ་མན་གྱི་ནད་རྣམས་ཐུར་དུ་འདྲེན་པར་བྱེད་པའི་ཐབས་ཏེ། མར་དང་ཤ་ཁུ་འོ་མ་རྣམས་ཀྱི་ནང་དུ་གཉེན་པོའི་སྨན་སྦྱར་ཏེ་བཤང་ལམ་ནས་སྨན་ཁོང་དུ་འཕུལ་དགོས་པ་ཞིག |
| འཇམ་རྩུབ་དཔྱད |
འཇམ་པོའི་དཔྱད་དུགས་ལུམས་བྱུག་པ་གསུམ་དང༌། རྩུབ་མོའི་དཔྱད་གཏར་བསྲེག་གཉིས་ལྟ་བུ། |
| འཇམ་རླུང |
ཤུགས་ཆུང་བའི་རླུང་འཇམ་པོ། |
| འཇམ་ལྗང |
མངོན ནེ་ཙོ། |
| འཇམ་ལྗང་འདབ་ལྡན |
མངོན ནེ་ཙོ། |
| འཇམ་ཤ |
འཇམ་པོའི་བཟོ་དབྱིབས། འཇམ་ཤ་དོད་པོ། |
| འཇམ་ཤོག |
ངོས་རྩུབ་མོ་མིན་པའི་ཤོག་བུ། |
| འཇམ་སང |
ཚག་བརྐོས་དང༌། ཚོན་ཁྲའི་རི་མོ་མེད་པ། |
| འཇམ་སེ་བ |
འཇམ་ཤས་ཆེ་བ། སྐད་ཆ་འཇམ་སེ་བ་བཤད་ཀྱང་ནུས་པ་ཆེ། |
| འཇམ་སྐྱུགས |
སྐྱུགས་སྨན་གྱི་སྦྱོར་སྡེ་ཐང་བསྐོལ་ནས་ཁུ་བ་བཏང་སྟེ་འཇམ་པའི་སྒོ་ནས་ནད་གྱེན་དུ་སྐྱུག་པར་བྱེད་པའི་ཐབས་ཤིག |
| འཇའ |
1 ཉི་འོད་རླངས་པ་དང་སྤྲིན་པར་ཕོག་ནས་ཤར་བའི་མདངས། ཆར་པ་ཆད་ནས་འཇའ་ཟུག ཉི་མ་ནུབ་ནས་འཇའ་ཡལ། འཇའ་ཁ་དོག་མཚར་ཡང་སྙིང་པོ་མེད། དར་སྐུད་ཚོན་སྣའི་འཇའ་སྒྲིག་གཏོང་བ། ཁ་གཏམ་འབྲག་སྐད་ལྟར་ཆེ་ཡང་ལག་ལེན་ནམ་མཁའི་འཇའ་ལྟར་ཡལ། 2 ཁང་པའི་ཐོག་འདེགས་བྱེད་འགྱོགས། འཇའ་བརྒྱབ་ནས་ཀ་བ་སྲོང༌། གདུང་མ་ཞོམ་པ་རྣམས་ལ་འཇའ་རྡེག་རྒྱག་པ། ཁང་རྙིང་གི་ཀ་བ་བརྗེ་དུས་གདུང་མར་འཇའ་རྒྱག་དགོས། 3 ལྷམ་གྱི་སྣ་རྟིང་ལ་བཏང་བའི་འགོ་སྣམ་ཚོས་སྣ་བསྒྲིགས་པ་དང༌། ཐང་གའི་གོང་གཤམ་ལ་བཏང་བའི་གོས་ཆེན་ཚོས་སྣ་བསྒྲིགས་པ་སོགས་ཀྱི་མཛེས་རྒྱན། ལྷམ་གྱི་སུམ་འཇའ། ཐང་ག་རྙིང་པའི་གོང་གཤམ་གྱི་འཇའ་ནོགས་མི་འདུག 4 རྙིང ཁེངས་པ་བསྐྱུངས་པ་དང་ང་རྒྱལ་མི་བྱེད་པ། |
| འཇའ་གུར |
ཉི་ཟླའི་མཐའ་སྐོར་དུ་ཕུབ་པའི་འཇའ་གུར་དང་འཇའ་གཞུ་དབྱིབས་ཅན། ལྷ་མོས་འཇའ་དང་འོད་ཀྱི་གུར་ཁང་ཕུབ། |
| འཇའ་ཆེན |
སྔར་བོད་པའི་སྐུ་དྲག་དང་དྲུང་ཡིག་ཁག་གི་ལྷམ་འཇའ་བསྒྲིགས་ཤིག |
| འཇའ་ཆེན་རྒྱ་སྨུག |
སྔར་བོད་ས་གནས་སྲིད་གཞུང་གི་དྲུང་སྐོར་ལས་ཚན་པ་མན་ཆད་ཀྱི་གྱོན་ལྷམ། |
| འཇའ་ཆེན་སྔོན་པོ |
རྒྱ་ལུ་ཆས་སྤྲོས་སྐབས་ཀྱི་འཇའ་ལྷམ་སྔོན་པོ། |
| འཇའ་ཆེན་སྣ་ཀེར |
བོད་ཀྱི་སྐུ་དྲག་སེར་མོ་བའི་ལྷམ་གྱི་བྱེ་བྲག་ཅིག |
| འཇའ་བ |
ཐ་མི་དད་པ འཇས་པ། འཇའ་བ།། ཞུམ་པ་དང༌། ཉམས་པ། ཞ་བ། རྐང་ལག་འཇས་པ། |
| འཇའ་བོ |
ཞ་བོ། རྐང་ལག་འཇའ་བོ། |
| འཇའ་མ |
ཚོན་སྐུད་སྣ་ཚོགས་བཏང་བའི་ཞྭ་མོ་དང༌། ལྷམ། གོས། |
| འཇའ་མ་ལི |
བལ་ཡུལ་གྱི་ལྷ་སྐུ་གྲགས་ཅན་ཞིག |
| འཇའ་མོ |
1 གཞུང་གི་ཡིག་འཕྲིན་སོགས་སྐྱེལ་བའི་རྐང་འགྲོའི་ཁྲལ། 2 རྙིང སྐྱིད་པ། |
| འཇའ་ཚོན |
ཁ་དོག་མཚར་བའི་འཇའ། འཇའ་ཚོན་ཤར་བ། འཇའ་ཚོན་ཡལ་བ། མིང་གི་རྣམ་གྲངས་ལ་རྒན་པོའི་ཐིག་དང༌། བརྒྱ་བྱིན་གཞུ། འཇའ་རིས། དྲང་འཁྱོག་དབང་པོའི་མཚོན་ཆ། དབང་པོའི་ཤིང་བལ། དབང་གཞུ། གཞའ་ཚོན། འོད་ལྔ་པ། རླུང་གི་རྒྱལ་མཚན། རླུང་གི་བལ། རླུང་གི་འབྲས་བུ། སོས་ཀ་བཞད། ལྷ་རྒྱལ་མཚོན་ཆ། ལྷ་ཡི་ཚོན་རིས་བཅས་སོ། |
| འཇའ་འདེགས |
འཇའ་རྡེག་དང་འདྲ། |
| འཇའ་འོད |
འཇའི་བཀྲག་མདངས། |
| འཇའ་འོད་གུར་ཁང |
འཇའ་འོད་འཁྲིགས་པའི་གུར་ཁྱིམ། |
| འཇའ་ཡིག |
འཇའ་ས་དང་དོན་གཅིག་ |
| འཇའ་རིས |
འཇའ་ཚོན་གྱི་རི་མོ། |
| འཇའ་རྡེག |
ཁང་པའི་ཐོག་གྱེན་དུ་འདེགས་བྱེད་འགྱོག |
| འཇའ་ལི |
རྙིང འཇའ་རིས། |
| འཇའ་ལུས |
ཕུང་པོ་འོད་སྐུར་གྲོལ་བ། |
| འཇའ་ཤོག |
འཇའ་ས་དང་དོན་གཅིག་ |
| འཇའ་ས |
1 རྒྱལ་པོ་ལྟ་བུའི་བཀའ་ཤོག་སྔོན་བཀའ་ཤོག་གི་མགོར་འཇའ་རིས༌༈ འདི་ལྟ་བུ་ཡོད་པས་དེ་ལྟར་བཏགས། 2 བཀའ་ཆེམས་ཀ་ཁོལ་མ། ཤཱཀྱ་མུ་ནེའི་འཇའ་ས་ཁྱེད་ཀྱི་དྲིན། |
| འཇའ་ས |
གོ་ས་དང་གཟེངས་བསྟོད་སོགས་གནང་བའི་ཡི་གེའི་མིང་། |
| འཇའ་སྐེད |
རྒྱ་ལུས་ཆས་ཀྱི་སྐེད་རགས། |
| འཇའ་སྤྲིན |
འཇའ་འོད་དང་ལྡན་པའི་སྤྲིན། |
| འཇར |
ལྷན་པ་གླན་པའི་བརྡ་རྙིང་། |
| འཇར་བ |
ཐ་མི་དད་པ 1 ཡིབ་པའམ་གབ་པ། ཞུམ་བུས་རྩིག་ཁུག་ཏུ་འཇར་ནས་ཙི་ཙི་གསོད་པ། 2 གཙོར་བའམ་ཉེ་བར་ཕྱིན་པ། མི་དེ་ཁོང་གི་སར་ཡང་ཡང་འཇར་གྱི་འདུག |
| འཇར་བཅོས |
རྙིང ལྷན་པ་གླན་པ་དང་ཁང་པར་འདག་པས་ཞལ་བ་གཏོང་བ་སོགས། |
| འཇར་འཇར |
དགའ་དགའ་ཉེ་ཉེ། རིམ་གྱིས་འཇར་འཇར་བྱེད་པ། ངོ་སྲུང་གི་ཆེད་དུ་འཇར་འཇར་བྱེད་མཁན། |
| འཇལ |
(བྱེད་འབྲེལ་ལས་ཚིག་ད་ལྟ་བ) འཇལ་བྱེད་ཡོ་བྱད་ཀྱིས་དངོས་རྫས་ཀྱི་ལྕི་ཡང་དང་རིང་ཐུང་མང་ཉུང་སོགས་བརྩིས་པའི་དོན་ཏེ། ཐག་པ་འདོམ་གྱིས་འཇལ། སྨན་རྫས་སྲང་ལ་འཇལ། འབྲུ་རིགས་འཇལ་བྱེད་ཀྱི་བྲེ། ས་ནག་པོ་འདོམ་ལ་འཇལ། སྤྲིན་དཀར་པོ་ཐོད་ལ་བཟུང་ལྟ་བུ། |
| འཇལ་ཁ |
གཤོར་ཁ། འབྲུ་རྣམས་འཇལ་ཁ་བྱེད་པ། |
| འཇལ་ཆས |
འཇལ་སྤྱད་དང་དོན་གཅིག་ |
| འཇལ་དུམ |
རྙིང མི་མཐུན་པ་མཐུན་པར་འགྱུར་བར་བྱེད་པ། |
| འཇལ་ནུས་འགན་ལེན |
བུ་ལོན་ལེན་མཁན་དེས་འཇལ་མ་ཐུབ་ན་ང་རང་གིས་འཇལ་ཐུབ་ཅེས་འགན་ལེན་བྱས་པར་ཟེར། |
| འཇལ་བ |
ཐ་དད་པ བཅལ་བ། གཞལ་བ། འཇོལ།། 1 ཚད་དཔོག་པ། མང་ཉུང་འབོ་ལ་འཇལ་བ། རིང་ཐུང་འདོམ་ལ་གཞལ། ས་བབ་ཀྱི་ཚད་འཇལ་བ། ཐིགས་པས་རྒྱ་མཚོ་འཇལ་བ་དཀའ། 2 དཔྱོད་པ་དང་རྟོག་པ། ཚད་མའི་བློས་ཤེས་བྱ་འཇལ་བ། གཞུང་དོན་བློས་འཇལ། དངོས་སུ་གཞལ་མི་ཐུབ་པ་མེད། 3 ལན་སློག་པ། དངུལ་བུན་གཙང་མར་འཇལ། མ་སྐྱེད་གཉིས་ཀ་མ་བཅལ་བ། བཟང་ལན་ངན་འཇལ། ཆང་ལན་ཆུ་འཇལ། ཁྲག་བུན་ཁྲག་གིས་གཞལ་དགོས། 4 སྐྱེལ་བ་དང་སྤྲོད་པ། དཔྱ་ཁྲལ་གཞལ་བ། |
| འཇལ་བགྲང |
ཚད་འཇལ་ཏེ་གྲངས་བགྲང་བ། |
| འཇལ་བྱེད |
1 ཉིན་ཞག་སུམ་ཅུ་ལ་ཟླ་བ་གཅིག་ཏུ་བྱས་པའི་ཟླ་བའི་མིང༌། 2 དུས་འཁོར་ལུགས་ལ་ནང་གི་འཇལ་བྱེད་དབུགས་ལ་སོགས་པ་དུས་ཀྱི་ཚད། ཕྱིའི་གཟུགས་ཅན་འཇལ་བྱེད་ནི། རྡུལ་ཕྲ་རབ་དང༌། རྡུལ་ཕྲན། སྐྲ་རྩེ། སྐེ་ཚེ། ཤིག་ནས། སོར་མོ། དེ་དག་གོང་ནས་གོང་དུ་བརྒྱད་འགྱུར་ཡིན། སོར་མོ་ཉེར་བཞི་ལ་ཁྲུ་གང༌། དེ་བཞི་ལ་གཞུ་འདོམ། གཞུ་འདོམ་ཉིས་སྟོང་ལ་རྒྱང་གྲགས། དེ་བཞི་ལ་དཔག་ཚད་བཅས་ཡིན། |
| འཇལ་བྱེད་གང་བ |
མངོན ཚེས་བཅོ་ལྔའམ་ཟླ་བ་ཉ་གང༌། |
| འཇལ་ཚད |
འབོ་བྲེ་ཉག་སྲང་སོགས་གཤོར་འདེགས་ཀྱི་ཚད་གཞི། |
| འཇལ་འགྲོ |
མངོན འོད། |
| འཇལ་འཇོལ |
འཇལ་ལེ་འཇོལ་ལེའི་བསྡུས་ཚིག་ |
| འཇལ་ལེ་འཇོལ་ལེ |
གོས་གྱོན་སྟངས་ཡག་པོ་མ་བྱུང་བར་ཞོལ་ཞོལ་དུ་གྱུར་པ། གོས་འཇལ་ལེ་འཇོལ་ལེ་བྱས་ཏེ་གྱོན་འདུག |
| འཇལ་སྡུམ |
འཇལ་དུམ་དང་འདྲ། |
| འཇལ་སྤྱད |
ཚད་འཇལ་བྱེད་ཀྱི་ཡོ་བྱད། |
| འཇལ་སྤྲོད |
ཁྲལ་བུན་སོགས་སྒྲུབ་སྤྲོད། ཞིང་ཁྲལ་འཇལ་སྤྲོད། བུན་རྙིང་འཇལ་སྤྲོད། སྒོ་ཁྲལ་འཇལ་སྤྲོད། |
| འཇས |
ཡན་ལག་སོགས་ཞ་བའི་བརྡ་རྙིང་། |
| འཇས་པ |
འཇའ་བའི་འདས་པ། |
| འཇི་བ |
1 འཇིམ་པའམ་འདམ་བག 2 ཁྱི་ཤིག 3 འདོད་སེམས། |
| འཇིག |
(བྱེད་མེད་ལས་ཚིག) ཉམས་པའམ་མེད་པར་གྱུར་པའི་དོན་ཏེ། བཀས་བཀོད་རྒྱུད་འཛིན་གྱི་སྲོལ་ངན་འཇིག་སོང་། མ་རྩ་རིང་ལུགས་ཀྱང་འཇིག་པར་འགྱུར་ལྟ་བུ། 2.(བྱེད་འབྲེལ་ལས་ཚིག་ད་ལྟ་བ) ཞིག་རལ་དུ་གཏོང་བའི་དོན་ཏེ། ཁང་རྙིང་འཇིག་གིན་འདུག འཇིག་མཁན་ཞེས་པ་ལྟ་བུ། |
| འཇིག་གནས |
མངོན དུར་ཁྲོད། |
| འཇིག་པ |
1.ཐ་དད་པ བཤིག་པ། བཤིག་པ། ཤིག། འཇོམས་པ་དང༌། མེད་པར་བཟོ་བ། མཁར་རྫོང་ནང་རོལ་ནས་བཤིག་ན་ལས་སླ། རང་ལུགས་རང་གིས་མ་བཤིག་ན་གཞན་གྱིས་འཇིག་མི་ཐུབ། ཆུས་ཁང་པ་འཇིག་པ། 2. ཐ་མི་དད་པ ཞིག་པ། འཇིག་པ།། འཐོར་བ་དང་ཉམས་པ། རྩིག་པ་ཞིག་པས་ཁང་པ་རྡིབ་སོང༌། 3. གནོད་སྐྱོན། མཚོན་ཆའི་འཇིག་པ། |
| འཇིག་པ་ཅན |
མངོན འདུས་བྱས་ཀྱི་དངོས་པོ། |
| འཇིག་པ་རྣམ་གསུམ |
འཇིག་པ་གསུམ་མཚོན་ཆའི་འཇིག་པ་དང༌། ནད་རིམས་ཀྱི་འཇིག་པ། མུ་གེའི་འཇིག་པའམ། མེ་དང༌། ཆུ། རླུང་བཅས་གསུམ་གྱི་འཇིག་པ། |
| འཇིག་པའི་ཆོས |
མི་རྟག་པ་སྟེ་སྣོད་བཅུད་ཀྱི་འཁོར་བ་མཐའ་དག |
| འཇིག་པའི་བསྐལ་པ |
བསྐལ་པ་བཞིའི་གསུམ་པ། གནས་པའི་བསྐལ་པ་རྫོགས་ནས་མ་སྟོང་བར་གྱི་ཡུན་ཚད་དེ། ནང་བཅུད་ཀྱི་སེམས་ཅན་ལས་མནར་མེད་དུ་སེམས་ཅན་སྐྱེ་བའི་འཕྲོ་རྒྱུན་ཆད་པ་ནས་འགོ་ཚུགས་ཏེ། སྣོད་ཀྱི་འཇིག་རྟེན་མེ་དང་ཆུ་དང་རླུང་གིས་འཇིག་པའི་བར་གྱི་བར་བསྐལ་ཉི་ཤུའི་ཡིན་ལ་འཇིག་པའི་བསྐལ་པ་ཞེས་བྱའོ། མིང་གི་རྣམ་གྲངས་ལ་བསྐལ་པའི་མཐའ་དང༌། འགྲོ་བ་ཞིག་ཆེར་འཇིག་འཇིག་བསྐལ། དུས་བསྐལ། དུས་མཐའ། ཟད་བསྐལ། རབ་ཐིག། རབ་ནུབ་བཅས་སོ། |
| འཇིག་པའི་རྩེ་མོ་གསུམ |
བསམ་གཏན་གཉིས་པ་དང༌། གསུམ་པ། བཞི་པ་བཅས་ནི་བསྐལ་པའི་མེ་དང༌། ཆུ་དང༌། རླུང་གིས་འཇིག་མི་ཐུབ་པས་འཇིག་པའི་རྩེ་མོ་གསུམ་ཞེས་བྱ། |
| འཇིག་བསྐལ |
འཇིག་པའི་བསྐལ་པའི་བསྡུས་ཚིག་ |
| འཇིག་བྱེད་རྐྱེན་གསུམ |
སྣོད་འཇིག་བྱེད་ཀྱི་རྐྱེན་གསུམ་མེ་བདུན། ཆུ་གཅིག་དེ་ལྟར་བདུན་བདུན་འཇིག་རྗེས། མཇུག་ཏུ་རླུང་གིས་འཇིག་པ་བཅས་ཀྱིས་སྣོད་ཀྱི་འཇིག་རྟེན་རྣམས་འཇིག་པར་བྱེད་པ། |
| འཇིག་མེད་བརྟན་པོ |
ཉམས་འཇིག་མི་ཐུབ་པའི་སྲ་མཁྲེགས། མི་རིགས་སོ་སོའི་དབར་དུ་མཐུན་སྒྲིལ་འཇིག་མེད་བརྟན་པོར་ཚུགས་པ། |
| འཇིག་ཚོགས |
སཏཀཱཡ སྐད་ཅིག་གིས་འཇིག་ཅིང་དུ་མ་ཚོགས་པའི་སྐྱེས་བུའི་ཕུང་པོ། |
| འཇིག་ཚོགས་སུ་ལྟ་བ་ལྷན་ཅིག་སྐྱེས་པ |
འཇིག་ལྟ་ལྷན་སྐྱེས། |
| འཇིག་རྟེན |
ལོཀཿ 1 སྣོད་འཇིག་པ་ལ་བཅུད་འཁྲུལ་བ་བརྟེན་པས་འཇིག་རྟེན་ཞེས་བྱ་ཕྱི་སྣོད་གླིང་བཞི་གླིང་ཕྲན་ལྷུན་པོ་ཉི་ཟླ་དང་བཅས་པ་དང༌། ནང་བཅུད་ཁམས་གསུམ་གྱིས་བསྡུས་པའི་སེམས་ཅན་རྣམས་སོ། མིང་གི་རྣམ་གྲངས་ལ་སྐྱེ་འགྲོ་དང༌། འགྲོ་རྟེན། གནས་རྟེན། སྲིད་པ་བཅས་སོ། 2 འཇིག་རྟེན་ལ་ས་འོག་དང༌། ས་སྟེང༌། ས་བླ་སྟེ་གསུམ་ཡོད་པས་གྲངས་གསུམ་མཚོན། 1མིའི་རིགས་ཀྱི་སྤྱི་ཚོགས་ཀྱི་མིང་འཇིག་རྟེན་རྙིང་བ། འཇིག་རྟེན་གསར་བ། འཇིག་རྟེན་པ་ཞེས་པ་ལྟ་བུ།2མིའི་རིགས་གནས་པའི་སའི་གོ་ལའི་མིང་འཇིག་རྟེན་མི་ཡུལ། འཇིག་རྟེན་ན་འགྲན་ཟླ་དང་བྲལ་བ་ཞེས་པ་ལྟ་བུ། |
| འཇིག་རྟེན་ཁམས |
1འཇིག་རྟེན་དང་འདྲ།2སྐར་རྩིས་སུ་བཤད་པའི་ནམ་མཁའི་དབྱིངས་ཀྱི་གནམ་གཟུགས་གྲངས་མཐའ་མེད་པའི་སྤྱི་མིང་། འཇིག་པ་དངོས་པོ་རྣམས་ཆགས་པ་དང་གནས་པ་ལས་ལྡོག་པའི་བྱ་རིམ་གྱི་མིང་འཇིག་པ་རྡོ་རྗེ་བྲག་ལ་ཡོད། འཇིག་པ་མེད་པ་ཞེས་པ་ལྟ་བུ། |
| འཇིག་རྟེན་གཞན |
ཚེ་ཕྱི་མ། |
| འཇིག་རྟེན་གསུམ |
ས་བླ་ལྷའི་འཇིག་རྟེན། ས་སྟེང་མིའི་འཇིག་རྟེན། ས་འོག་ཀླུའི་འཇིག་རྟེན་བཅས་གསུམ་མོ། གྲགས་པ་འཇིག་རྟེན་གསུམ་ན་ཁྱབ། |
| འཇིག་རྟེན་གསུམ་མགོན |
མངོན སྤྱན་རས་གཟིགས། |
| འཇིག་རྟེན་གྱི་ཁམས |
གླིང་བཞི་རི་རབ་ཉི་ཟླ་དང་བཅས་པ། |
| འཇིག་རྟེན་གྱི་ཁྲིམས |
རྒྱལ་ཁབ་ཀྱི་ཁྲིམས་ལུགས། |
| འཇིག་རྟེན་གྱི་གཏམ |
འཇིག་རྟེན་གྱི་ངག་རྒྱུན་ལ་ཤོད་པའི་གཏམ། |
| འཇིག་རྟེན་གྱི་གཏམ་རྒྱུད |
སྔར་གྱི་མིའི་བྱ་སྤྱོད་ངོ་མཚར་ཆེ་རིགས་ཀྱི་རབས་བརྗོད་པའི་ལོ་རྒྱུས། |
| འཇིག་རྟེན་གྱི་གཙོ་བོ |
ལྷ་དང་མིའི་འགྲོ་བ་གཉིས་སམ། ཡང་ན་ལྷའི་གཙོ་བོ་ཚངས་པ་དང༌། བརྒྱ་བྱིན། མིའི་གཙོ་བོ་གསེར་དངུལ་ཟངས་ལྕགས་ཀྱི་འཁོར་ལོས་སྒྱུར་བའི་རྒྱལ་པོ་དང༌། སྟོབས་ཀྱི་འཁོར་སྒྱུར་རྒྱལ་པོ་ལྟ་བུའོ། |
| འཇིག་རྟེན་གྱི་ཆོས |
1 འཇིག་རྟེན་པའི་བྱ་སྤྱོད། 2 འཁྲིག་སྤྱོད་ཀྱི་ཆོས། |
| འཇིག་རྟེན་གྱི་ཐ་སྙད |
བསྟན་བཅོས་དང༌། ངག་རྒྱུན་ལས་འབྱུང་བའི་འཇིག་རྟེན་གྱི་མིང་བརྡ་སྣ་ཚོགས། |
| འཇིག་རྟེན་གྱི་བྱ་བ |
ཁྱིམ་པའི་བྱ་གཞག |
| འཇིག་རྟེན་གྱི་མངོན་སུམ་ཚད་མ |
སྐྱེ་འགྲོ་ཀུན་གྱི་མཐོང་ཐོས་མྱོང་གསུམ་གྱི་ངེས་ཤེས། |
| འཇིག་རྟེན་གྱི་ཚུལ་ལུགས |
ཁྱིམ་པའི་བྱ་སྤྱོད་དམ་སྲོལ་ལུགས། |
| འཇིག་རྟེན་གྱི་ལྷ |
1 འཇིག་རྟེན་ན་ལྷར་གྲགས་པའི་རྒྱལ་པོ་དང་བཙན་ལ་སོགས་པ་མི་མ་ཡིན་སྟོབས་ལྡན་རྣམས། 2 སོ་སྐྱེའི་རྒྱུད་ཀྱིས་བསྡུས་པའི་ཚངས་པ་དང་དབང་ཕྱུག་སོགས་ལྷ་མཆོག་དམན་ཐམས་ཅད། |
| འཇིག་རྟེན་གྱི་སྤྱོད་པ |
ཁྱིམ་པའི་བྱ་གཞག |
| འཇིག་རྟེན་གྱིས་གནོད་པ |
གྲགས་པས་བསལ་བའོ། |
| འཇིག་རྟེན་གྱིས་ཡོངས་སུ་དྲིས་པའི་མདོ |
བམ་པོ་བཞི་དང་ལེའུ་བཅུ་གཉིས་པ་འགྱུར་བྱང་མེད་པ། མདོ་སྡེ་གླེགས་བམ་མ་པར་བཞུགས་པའོ། |
| འཇིག་རྟེན་གྲགས་པ |
འཇིག་རྟེན་གྱི་ཁ་རྒྱུན་ནམ་འཇིག་རྟེན་ཡོངས་ཀྱིས་ཁས་ལེན་པ། |
| འཇིག་རྟེན་ཆགས་ཚུལ |
ཕྱི་སྣོད་ཀྱི་འཇིག་རྟེན་དང༌། ནང་བཅུད་ཀྱི་སེམས་ཅན་ཇི་ལྟར་ཆགས་པའི་ཚུལ་ཏེ། ཕྱི་སྣོད་ཀྱི་འཇིག་རྟེན་མས་ནས་ཡར་ཆགས་པས། འཇིག་རྟེན་གྱི་ཁམས་སྟོང་པའི་ཤུལ། ཡིད་མཁའ་རྣམ་པར་དག་པ་ལ་འོག་གཞི་རླུང་གི་དཀྱིལ་འཁོར་ཆགས། དེའི་སྟེང་དུ་སྤྲིན་གསེར་གྱི་སྙིང་པོ་ཅན་ལས་ཆར་ཆེན་པོ་བབ་པས་ཆུའི་དཀྱིལ་འཁོར་ཆགས། དེ་རླུང་གིས་བསྲུབས་པས་ཆུའི་སྟེང་དུ་གསེར་གྱི་ས་གཞི་ཆགས། དེའི་དབུས་སུ་རི་རབ་དང༌། མཐའ་བསྐོར་དུ་གསེར་གྱི་རི་བདུན། རོལ་བའི་མཚོ་བདུན་གླིང་བཞི་གླིང་ཕྲན་བཅས་ཆགས། རི་རབ་ཀྱི་བང་རིམ་ལ་རྒྱལ་ཆེན་རིས་བཞི། རྩེ་མོར་སུམ་ཅུ་རྩ་གསུམ་བཅས་ཆགས། རི་རབ་ཀྱི་སྟེང་གི་ནམ་མཁའ་ནས་གྱེན་དུ་འདོད་ལྷ་རིགས་བཞི་དང༌། དེའི་སྟེང་དུ་བསམ་གཏན་རིས་བཞི་བཅས་བྱེ་བ་ཕྲག་བརྒྱ་ཆགས། ནང་བཅུད་ཀྱི་སེམས་ཅན་ཡས་ནས་མར་ཆགས་པ་སྲིད་རྩེ་ནས་མནར་མེད་ཀྱི་སེམས་ཅན་རྣམས་གོང་ནས་འོག་ཏུ་རིམ་པར་ཆགས་པའོ། |
| འཇིག་རྟེན་ཆོས་བརྒྱད |
ཕན་གནོད་ཕྲན་ཚེགས་ཙམ་གྱིས་དགའ་བ་དང་མི་དགའ་བར་འགྱུར་བའི་ཆོས་བརྒྱད་དེ། རྙེད་པ་དང༌། མ་རྙེད་པ། སྙན་པ་དང༌། མི་སྙན་པ། བསྟོད་པ་དང༌། སྨད་པ། བདེ་བ་དང༌། མི་བདེ་བ་བཅས་བརྒྱད། |
| འཇིག་རྟེན་དབང་ཕྱུག |
ལོཀེཤྭར 1 ལྷ་སྤྱན་རས་གཟིགས། 2 ཚངས་པ་དང་བརྒྱ་བྱིན་སོགས། |
| འཇིག་རྟེན་པ |
ཁྱིམ་པ་ཕོ་མོ། |
| འཇིག་རྟེན་པའི་ཆོས་ཀྱི་མཆོག |
སྦྱོར་ལམ་གྱི་ཐ་མ། |
| འཇིག་རྟེན་པའི་ཉེར་བསྡོགས་ཀྱིས་བསྡུས་པའི་ཞི་གནས |
བསམ་གཏན་གྱི་དངོས་གཞི་མ་ཐོབ་གོང་རོལ་གྱི་ཞི་གནས། |
| འཇིག་རྟེན་པའི་ཏིང་ངེ་འཛིན |
སོ་སྐྱེའི་རྒྱུད་ཀྱི་ཞི་གནས། |
| འཇིག་རྟེན་པའི་དགེ་བ |
མི་དགེ་བཅུ་སྤོང་གི་ཚུལ་ཁྲིམས། |
| འཇིག་རྟེན་པའི་དབང་ཕྱུག་བརྒྱད |
མཁའ་སྤྱོད་ཆེན་པོའི་ཡོན་ཏན་བརྒྱད་དང་མཚུངས་པ་གཟུགས་ཤིན་ཏུ་ཕྲ་བ་དང༌། ཡང་བ་དང༌། ཤིན་ཏུ་ཆེ་བ་དང༌། གར་ཡང་ཕྱིན་པ་དང༌། གསལ་བར་འོས་པ་དང༌། དབང་པོ་ཉིད་དང༌། དབང་བསྒྱུར་བ་ཉིད་དང༌། གང་དུ་འདོད་པར་གནས་པ། |
| འཇིག་རྟེན་པའི་ཕར་ཕྱིན |
འཁོར་གསུམ་མི་དམིགས་པར་རྟོགས་པའི་ཤེས་རབ་ཀྱིས་མ་ཟིན་པའི་སྦྱིན་སོགས་ཀྱི་ཕར་ཕྱིན། |
| འཇིག་རྟེན་པའི་མཁའ་འགྲོ་མ |
1 རྫུ་འཕྲུལ་ཐོབ་པའི་སོ་སོ་སྐྱེ་བོའི་རྣལ་འབྱོར་མ། 2 དག་པའི་ཞིང་དུ་བཞུགས་པ་མིན་པར་འཇིག་རྟེན་གྱི་ཚུལ་བཟུང་བའི་མཁའ་འགྲོ་མ་འགྲོ་བ་བཟང་མོ་ལྟ་བུ། |
| འཇིག་རྟེན་པའི་ཟང་ཟིང |
ཁྱིམ་པའི་ཡོ་བྱད་དངོས་པོ། |
| འཇིག་རྟེན་པའི་ཡང་དག་པའི་ལྟ་བ |
ལས་འབྲས་ལ་ཡིད་ཆེས་པའི་ལྟ་བ། |
| འཇིག་རྟེན་པའི་ལམ |
མངོན་མཐོའི་གོ་འཕང་འཐོབ་བྱེད་ཀྱི་ལམ། |
| འཇིག་རྟེན་པའི་ལྷ |
ཡུལ་ལྷ་གཞི་བདག་རྣམས། |
| འཇིག་རྟེན་པའི་ལྷ་མོ |
འདོད་པའི་ལྷ་མོ་བཅུ་གསུམ་སོགས་འཇིག་རྟེན་ལྷ་ཡུལ་ན་ཡོད་པའི་ལྷ་མོ་རྣམས། |
| འཇིག་རྟེན་ཕ་རོལ |
ཆོས་ལུགས་ནས་བཤད་པའི་སྐྱེ་བ་གཞན་ནམ་སྐྱེ་བ་ཕྱི་མ། འཁོར་བར་ཁས་མ་བླངས་པས་འཇིག་རྟེན་ཕ་རོལ་ཡོད་པར་མི་དད་ཅིང་ཡིད་མི་ཆེས་པ། |
| འཇིག་རྟེན་ཕ་རོལ་གྲུབ་པ |
སྐྱེ་བ་ཕྱི་མ་སྒྲུབ་པའི་རིག་པ། རྒྱ་གར་གྱི་སློབ་དཔོན་ཆོས་མཆོག་གིས་བརྩམས་པའི་ཚད་མའི་གཞུང་ཞིག |
| འཇིག་རྟེན་ཕྱི་མ |
ཆོས་ལུགས་ནས་བཤད་པའི་སྐྱེ་བ་ཕྱི་མ། |
| འཇིག་རྟེན་བདུན |
འགྲོ་བ་དྲུག་དང་བར་དོའི་འཇིག་རྟེན་ཏེ་བདུན་དང༌། ཡང་ན་ངན་འགྲོ་གསུམ་དང༌། འདོད་པའི་ལྷ་མི། གོང་མའི་ལྷ་གཉིས་བཅས་ཏེ་འདོད་པའི་འགྲོ་བ་རྒྱུད་ལྔ་གཟུགས་གཟུགས་མེད་ཀྱི་ལྷ་ཟེར། |
| འཇིག་རྟེན་བྱེད་པོ |
མངོན ཚངས་པ། |
| འཇིག་རྟེན་མཁྱེན་པ |
ལོཀཱབིཏྲ སངས་རྒྱས་ཀྱི་མཚན་བཅུའི་གྲས་ཤིག |
| འཇིག་རྟེན་མགོན |
མངོན སྤྱན་རས་གཟིགས། |
| འཇིག་རྟེན་མིག |
1 སྐད་ཡིག་སྒྱུར་མཁན་ལོ་ཙཱ་བ། 2 མངོན ཉི་མ། |
| འཇིག་རྟེན་མེས་པོ |
མངོན ཚངས་པ་ཆེན་པོ། |
| འཇིག་རྟེན་འགྲོ་ལུགས |
འཇིག་རྟེན་གྱི་ལུགས་སྲོལ། མནའ་མ་དང་མག་པ་སྟེར་ལེན་བྱེད་པ་དེ་འཇིག་རྟེན་འགྲོ་ལུགས་རེད། |
| འཇིག་རྟེན་འདས་པར་སྨྲ་བའི་སྡེ |
ཕལ་ཆེན་སྡེ་པ་ལྔའི་ནང་གསེས་ཤིག |
| འཇིག་རྟེན་འདུལ |
མངོན སངས་རྒྱས། |
| འཇིག་རྟེན་འདུས་པ |
མུ་སྟེགས་རྒྱལ་དཔོག་པའི་ཞིང་ཁམས་ཀྱི་མིང༌། |
| འཇིག་རྟེན་འདོད་མ |
བུད་མེད་མཛེས་མ། |
| འཇིག་རྟེན་འདྲེན་པ |
མངོན སངས་རྒྱས། |
| འཇིག་རྟེན་རྒྱང་འཕེན་པ |
སྔར་རྒྱ་གར་གྱི་གྲུབ་མཐའ་སྨྲ་བའི་བྱེ་བྲག་ཅིག |
| འཇིག་རྟེན་རྣམ་གཉིས |
1 སྣོད་ཀྱི་འཇིག་རྟེན་དང༌། བཅུད་ཀྱི་སེམས་ཅན་གཉིས། 2 ཚེ་འདི་དང་སྐྱེ་བ་ཕྱི་མའི་འཇིག་རྟེན་གཉིས། འདི་ཕྱིའི་འཇིག་རྟེན་རྣམ་གཉིས་སུ། འཁོར་དང་བཅས་པ་བདེ་བ་ཐོབ། |
| འཇིག་རྟེན་ལས་འདས་པ |
འཁོར་བའི་ཉེས་སྐྱོན་ལས་གྲོལ་བ། |
| འཇིག་རྟེན་ལས་འདས་པའི་ཆོས |
བྱང་ཆུབ་ཕྱོགས་ཀྱི་ཆོས། |
| འཇིག་རྟེན་ལས་འདས་པའི་ཕར་ཕྱིན |
འཁོར་གསུམ་མི་དམིགས་པར་རྟོགས་པའི་ཤེས་རབ་ཀྱིས་ཟིན་པའི་སྦྱིན་སོགས་ཀྱི་ཕ་རོལ་ཏུ་ཕྱིན་པ། |
| འཇིག་རྟེན་ལས་འདས་པའི་ཡང་དག་པའི་ལྟ་བ |
སྟོང་ཉིད་རྟོགས་པའི་ལྟ་བ། |
| འཇིག་རྟེན་ལས་འདས་པའི་ལམ |
བྱང་ཆུབ་ཀྱི་ལམ། |
| འཇིག་རྟེན་ལས་འདས་པའི་ལམ་དགུ |
ལམ་བདེན་གྱི་ངོ་བོར་གྱུར་པའི་འཕགས་རྒྱུད་ཀྱི་བསམ་གཏན་གྱི་སྙོམས་འཇུག་བཞི་དང༌། གཟུགས་མེད་ཀྱི་སྙོམས་འཇུག་བཞི་དང༌། འགོག་པའི་སྙོམས་འཇུག་བཅས་དགུ། |
| འཇིག་རྟེན་ལས་འདས་པའི་ལྷ |
སར་གནས་བྱང་སེམས་ཀྱི་ཚུལ་བཟུང་བ། |
| འཇིག་རྟེན་ལས་འདས་པའི་ལྷ་མོ |
མཁའ་འགྲོ་མ། |
| འཇིག་རྟེན་ལྟ་ཚུལ |
མི་རྣམས་ཀྱིས་འཇིག་རྟེན་ལ་འཛིན་པའི་ལྟ་ཚུལ། |
| འཇིག་རྟེན་ཤིང་རྟ |
མངོན འབབ་ཆུ། |
| འཇིག་རྟེན་ས་གཞི |
སྣོད་ཀྱི་འཇིག་རྟེན་གྱི་རྟེན། |
| འཇིག་རྟེན་སྔ་མ |
ཆོས་ལུགས་ནས་བཤད་པའི་སྐྱེ་བ་སྔ་མ། |
| འཇིག་རྟེན་སྣང་བ |
མངོན ལྕགས་རི་ཁོར་ཡུག |
| འཇིག་ལྟ |
སཏྐཱཡྀདྲཥྚཿ འཇིག་ཚོགས་ལ་ལྟ་བ་ཞེས་བྱ་ཕུང་པོ་ལྔ་པོ་དེ་དག་སྐད་ཅིག་རེ་རེ་ལ་འཇིག་ཅིང་རྫས་མང་པོ་དུ་མ་བསགས་པའི་ཚོགས་ཡིན་ཏེ། བདག་དང་བདག་གི་བའི་དངོས་པོ་མེད་པ་ལ་ཡོད་པར་ལྟ་བའི་ཤེས་རབ་ཉོན་མོངས་ཅན། |
| འཇིག་ལྟ་ཀུན་བརྟགས |
གྲུབ་མཐའ་སྨྲ་བ་ཁོ་ནས་བདག་ཏུ་བཏགས་པ་རྟག་གཅིག་རང་དབང་ཅན་གྱི་བདག་གམ། གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་ལྟ་བ་རྣམས་སོ། |
| འཇིག་ལྟ་གཉིས |
བདག་དང་བདག་གིར་འཛིན་པའི་འཇིག་ལྟ་གཉིས། |
| འཇིག་ལྟ་ཉི་ཤུ |
གཟུགས་བདག་ཏུ་ལྟ་བ། བདག་ལ་གཟུགས་རང་བཞིན་གྱིས་ལྡན་པར་ལྟ་བ། གཟུགས་ལ་བདག་རང་བཞིན་གྱིས་ཡོད་པར་ལྟ་བ། བདག་ལ་གཟུགས་རང་བཞིན་གྱིས་ལྡན་པར་ལྟ་བ། བདག་ལ་གཟུགས་རང་བཞིན་གྱིས་ཡོད་པར་ལྟ་བ་དང་བཞི་སྟེ་ཚོར་བ་སོགས་ཕུང་པོ་གཞན་བཞི་ལ་ཡང་དེ་ལྟར་ལྟ་བ་བཞི་བཞི་སྟེ་ཉི་ཤུའོ། |
| འཇིག་ལྟ་ལྷན་སྐྱེས |
སེམས་ཅན་རྣམས་ལ་ཐོག་མ་ནས་ལྷན་སྐྱེས་སུ་ཡོད་པའི་ང་དང་ང་ཡིར་འཛིན་པའི་བདག་འཛིན་མ་རིག་པ། |
| འཇིག་ལྟས |
རྨི་ལམ་དང༌། རྣམ་འགྱུར་སོགས་ཀྱི་སྒོ་ནས་ལུས་འཇིག་པའི་ལྟས་སམ་རྟགས་མཚན་མཐོང་བ་ལྟ་བུ། |
| འཇིགས |
(རྒྱན་ཚིག) དངངས་སྐྲག་སྐྱེ་བ་དང་ཡིད་དུ་མི་འོང་བའི་དོན་ཏེ། གཅན་གཟན་འཇིགས་པོ། འཇིགས་སུ་རུང་བ། འཇིགས་སྣང་མི་སྐྱེ་བ། འཇིགས་སྐྲག་མེད་པ། འཇིགས་རྔམ་རྔམ་བྱེད་ལྟ་བུ།ཉེན་ཁ་ཡོད་པའི་བྱ་དངོས་ཏེ། ཆུའི་འཇིགས་པ་ལས་ཐར། ཆོམ་རྐུན་གྱི་འཇིགས་པ་ལས་བསྐྱབས་ལྟ་བུ། |
| འཇིགས་གནས |
འཇིགས་སྐྲག་འབྱུང་བའི་ས། |
| འཇིགས་གནོན |
མངོན སེང་གེ། |
| འཇིགས་ཅན |
མངོན བུད་མེད་མཆོག |
| འཇིགས་ཆུམ |
འཇིགས་སྐྲག་སྐྱེས་ཏེ་སེམས་ཞུམ་པ། གློ་བུར་དུ་ས་གཡོས་ཏེ་འཇིགས་ཆུམ་པ་ཞིག་བྱུང༌། |
| འཇིགས་དངངས |
དངངས་སྐྲག |
| འཇིགས་པ |
1.ཐ་མི་དད་པ ཞེད་པའམ་སྐྲག་པ། ཕམ་པར་མི་འཇིགས་པ། བཙན་དབང་ལ་མི་འཇིགས་པ། ཤིན་ཏུ་འཇིགས་ཤིང་སྐྲག་པ། 2.ཉེན་ཚབས་ཆེ་བའི་གནོད་འཚེ། ལུས་སྲོག་ལ་ཐུག་པའི་འཇིགས་པ། འཇིགས་པ་ལས་སྐྱོབ་པ། ཁྲིམས་ཀྱི་འཇིགས་པ་ལ་ཇི་མི་སྙམ་པ། མིང་གི་རྣམ་གྲངས་ལ་སྐྱི་བུང་དང༌། སྐྱི་གཡའ་བ། སྐྲག་པ། བརྒྱལ་མྱོས། དངངས་པ། ཉམ་ང་བ། བག་ཚ་བ། བོག་རྨོངས་བཅས་སོ། |
| འཇིགས་པ་བཅུ་པ |
མངོན མ་ཧེ། |
| འཇིགས་པ་བཞི |
ན་བ་དང༌། རྒ་བ། འཆི་བ། རྒུད་པ་བཅས་བཞི། |
| འཇིགས་པ་བརྒྱད |
སེང་གེའི་འཇིགས་པ་དང༌། གླང་ཆེན་གྱི་འཇིགས་པ། མེའི་འཇིགས་པ། སྦྲུལ་གྱི་འཇིགས་པ། ཆུ་བོའི་འཇིགས་པ། ལྕགས་སྒྲོག་གི་འཇིགས་པ། རྐུན་པོའི་འཇིགས་པ། ཤ་ཟའི་འཇིགས་པ་སྟེ་བརྒྱད། འཇིགས་པ་བརྒྱད་སྐྱོབ། |
| འཇིགས་པ་ལྔ |
ཚོགས་སྦྱོར་ན་གནས་པའི་བྱང་ཆུབ་སེམས་དཔའ་ལ་ཡོད་པའི་འཇིགས་པ་སྟེ་འཚོ་བ་མེད་པའི་འཇིགས་པ་དང༌། མི་བསྔགས་པའི་འཇིགས་པ་དང༌། འཁོར་གྱི་འཇིགས་པ་དང༌། འཆི་བའི་འཇིགས་པ་དང༌། ངན་འགྲོའི་འཇིགས་པ་བཅས་ལྔ། |
| འཇིགས་པའི་ཚུལ་ཁྲིམས |
འཇིགས་སྐྱོབ་ཀྱི་ཚུལ་ཁྲིམས། |
| འཇིགས་བསྙེངས |
ཞེད་པ། |
| འཇིགས་བྱེད |
1 བྷཻརབ གཏུམ་ཞིང་རྔམ་པའི་རྣམ་འགྱུར་གྱིས་གདོན་བགེགས་ཐམས་ཅད་འཇིགས་པར་བྱེད་པ། 2 མངོན 1)གཤིན་རྗེ་གཤེད། 2)སྲིན་པོ། 3)ལྷ་ཆེན། |
| འཇིགས་བྱེད་ཆོས་འབྱུང |
རབ་བྱུང་བཅུ་གཉིས་པའི་ཤིང་རྟ་ལོར་འཇམ་དབྱངས་བཞད་པའི་རྡོ་རྗེས་བརྩམས་པ་ཞིག་ཡིན་ཞིང༌། གཞན་ཡང་ཇོ་ནང་ཏཱ་ར་ན་ཐ་སོགས་ཀྱིས་བརྩམས་པ་ཡང་འགའ་རེ་ཡོད། |
| འཇིགས་བྱེད་དཔའ་བོ་གཅིག་པ |
རྡོ་རྗེ་འཇིགས་བྱེད་སྐུ་རྐྱང༌། |
| འཇིགས་མཛད་རྡོ་རྗེ |
རྡོ་རྗེ་འཇིགས་བྱེད་ཀྱི་མཚན་གྱི་ཁྱད་པར་ཞིག |
| འཇིགས་མེད |
1 ཞེད་སྣང་མེད་པ། འཇིགས་མེད་ཀྱི་སྙིང་སྟོབས་ཆེན་པོ། 2 མངོན ཨ་རུ་རའི་ཤིང༌། |
| འཇིགས་མེད་གནས |
མངོན གྲོང་ཁྱེར། |
| འཇིགས་མེད་གསེར་འཁོར |
གཞན་སྡེ་ལ་འཇིགས་པ་མེད་པའི་གསེར་གྱི་འཁོར་ལོ་རྒྱལ་ཁྲིམས་ལ་གོ་དགོས། |
| འཇིགས་མེད་གླིང་པ |
གསང་སྔགས་སྔ་འགྱུར་སྙིང་ཐིག་གི་སློབ་དཔོན་འདི་ཉིད་རབ་བྱུང་བཅུ་གཉིས་པའི་ས་བྱ་ལོར་དབུས་ཀྱི་འཕྱོངས་རྒྱས་སུ་འཁྲུངས། ཡོན་ཏན་མཛོད་རྩ་འགྲེལ་དང༌། རྙིང་མ་རྒྱུད་འབུམ་གྱི་རྟོགས་བརྗོད། དགོངས་འདུས་རྣམ་བཤད། ཀློང་ཆེན་སྙིང་ཐིག་གི་གཏེར་ཆོས་སོགས་གསུང་ཆོས་པོ་ཏི་དགུ་ཡོད། རབ་བྱུང་བཅུ་གསུམ་པའི་ས་རྟ་ལོར་གཤེགས། 17291792 |
| འཇིགས་མེད་རི་ལ་གནས་པའི་སྡེ |
སྔར་རྒྱ་གར་དུ་བྱུང་བའི་ཐེག་དམན་གྱི་ནང་ཚན་གནས་བརྟན་པ་གསུམ་གྱི་ཡ་གྱལ་ཞིག |
| འཇིགས་ཞུམ་ཞུམ |
ཞེད་སྣང་སྐྱེ་བའི་ཚུལ་ཞིག |
| འཇིགས་འཐོམས |
སྐྲག་སྟེ་མགོ་རྨོངས་པ། མེ་སྒྱོགས་འཕེན་པའི་འུར་སྒྲ་འབྲུག་སྐད་ལྡིར་བ་ལྟ་བུའི་ནང་དུ་དགྲ་བོ་རྣམས་འཇིགས་འཐོམས་སུ་གྱུར་སོང༌། |
| འཇིགས་ཡེ་རེ |
འཇིགས་ཡོ་རེ་དང་འདྲ། |
| འཇིགས་ཡོ་རེ |
འཇིགས་ཉེན་སྐྱེས་ཉམས། གློ་བུར་དུ་ཞེ་འཇིགས་ཡོ་རེར་གྱུར། |
| འཇིགས་རུང |
འཇིགས་སུ་རུང་བའི་སྡུས་ཚིག་ |
| འཇིགས་རུང་གནས |
མངོན གཡུལ་ས། |
| འཇིགས་རུང་གི་ཉམས |
ཉམས་ལྡན་གྱི་རྒྱན་གྱི་ནང་གསེས་ཤིག་སྟེ་འཇིགས་སྐྲག་སྐྱེ་བའི་ཡུལ་རྔམ་ཟིལ་ཅན་མཐོང་བའི་རྐྱེན་གྱིས་སེམས་ནང་དུ་ཞེད་སྣང་སྐྱེས་པའི་རྣམ་འགྱུར་འཇིགས་རུང་གི་ཉམས་སྟོན་པའི་རྒྱན་ཞིག |
| འཇིགས་རེད་རྨ |
སེམས་ལ་འཇིགས་སྐྲག་བྱུང་བ་སོགས་ཀྱིས་འགྲམས་ནས་སྐྲངས་པའི་རྨ་ཞིག |
| འཇིགས་ས |
འཇིགས་སྐྲག་གི་ཉེན་ཁ་ཡོད་ས། འཇིགས་སར་གྱར་བས་ཐབས་ཤེས་གང་ཡང་འདོན་ཐུབ་མ་བྱུང༌། |
| འཇིགས་སུ་རུང་བ |
ཞེད་སྣང་སྐྱེ་འོས་པ། |
| འཇིགས་སེལ་ཟླ་བོ |
འཇིགས་པ་སེལ་བའི་གྲོགས་པོ། |
| འཇིགས་སྐྱོབ |
མེ་ཆུ་གཡང་ས་དགྲ་སོགས་ཀྱི་གནོད་པ་ལས་སྲུང་བ། འཇིགས་སྐྱོབ་ལམ་རོགས། |
| འཇིགས་སྐྲག |
བྲེད་དངངས་སམ་ཞེད་པ། |
| འཇིགས་སྒྲོག |
མངོན བྱ་རོག |
| འཇིགས་སྔངས |
འཇིགས་དངངས་དང་དོན་གཅིག་ |
| འཇིགས་སྟངས |
1 འཇིགས་སྐུལ་བྱེད་སྟངས། 2 སྐྲག་པའི་རྣམ་འགྱུར། |
| འཇིགས་སྟེར |
འཇིགས་སྐྲག་སྐྱེར་འཇུག་པ། བཙན་ཤུགས་ཀྱིས་གཞན་ལ་འཇིགས་སྟེར་བྱེད་བསམ་པ། |
| འཇིགས་སྡེའི་མ |
མངོན ཆུ་བོ་གང་གཱ། |
| འཇིགས་སྣང |
ཞེད་སྣང༌། འཆི་དགོས་བྱུང་ཡང་འཇིགས་སྣང་མེད། དགྲ་བོར་འཇིགས་སྣང་སྐྱེས་ན་མགོ་བཏགས་ཞུ་རྒྱུ་ལས་མེད། |
| འཇིགས་སྣང་སྐུལ་བ |
ཞེད་སྣང་སློང་བ། མེ་མདའ་ཁྱེར་ནས་འཇིགས་སྣང་སྐུལ་བ། སྐད་ཆ་འགན་ལྗིད་པོ་བཤད་ནས་འཇིགས་སྣང་སྐུལ་བ། |
| འཇིང |
1 འཇིངས་དང་འདྲ། 2 རྙིང གཉེན། རྩ་འཇིངས།… |
| འཇིངས |
གཏིང་གི་མིང་ཟབ་ཡངས་རྒྱ་མཚོའི་འཇིངས་ལྟར་དཔག་དཀའ་བ་ཞེས་པ་ལྟ་བུ། དཀྱིལ་ལམ་དབུས་ཀྱི་མིང་རྒྱ་མཚོའི་འཇིངས་བརྒལ་ཞེས་པ་ལྟ་བུ། |
| འཇིངས་ཟབ |
གཏིང་ཟབ། |
| འཇིབ |
(བྱེད་འབྲེལ་ལས་ཚིག་ད་ལྟ་བ) ཁ་དང་སྣ་ནས་ཆུ་སོགས་ཁོང་ལ་དྲངས་པའི་དོན་ཏེ། སྨན་ཁུ་འཇིབ་མཁན། འཇིབ་བྱེད་སྣས་མཁའ་དབུགས་འཇིབ་དགོས་ལྟ་བུ། |
| འཇིབ་གོང |
འཇི་བའི་གོང་བུའི་བསྡུས་མིང་སྟེ་འཇིམ་པའམ་འདམ་བག་རིལ་རིལ། རྩིག་པ་ལ་བུ་ག་དོད་ན་འཇིབ་གོང་བཅུག་ནས་ཞལ་ཞལ་བྱེད་དགོས། |
| འཇིབ་ཆས |
ཁས་འཇིབ་རྒྱུའི་ཡོ་བྱད། |
| འཇིབ་པ |
ཐ་དད་པ གཞིབས་པ། གཞིབ་པ། འཇིབས།། རྔུབ་འཐུང་བྱེད་པ། ཕྲུ་གུས་ནུ་ཞོ་འཇིབ་པ། དུག་སྦྲང་གིས་ཁྲག་འཇིབ་པ། |
| འཇིབ་བུ |
ཡུལ ལྗོན་ཤིང་གི་མེ་ཏོག་ཁ་མ་བྱེ་བའི་གོང་གི་ཐིའུ་དེའི་དོག་པ་རོ་བཅུད་མངར་བ་བྱིས་པ་རྣམས་ཀྱིས་ཁར་བླངས་ནས་འཇིབ་པར་བྱེད་པས་འཇིབ་བུ་ཞེས་ཟེར་རོ། |
| འཇིབ་འཐུང |
1 ཁས་འཇིབས་ཏེ་འཐུང་བ། 2 མངོན སྐྱེས་མ་ཐག་པའི་ཕྲུ་གུ། |
| འཇིབ་ར |
བྱིས་པ་ཆུང་ངུའི་འོ་མ་འཇིབ་སྤྱད། |
| འཇིབ་རུ |
རྭ་དང་ཤེལ་སོགས་ལས་བཟོས་པའི་འཇིབ་སྣོད། |
| འཇིབ་རྩི |
སྔོ་སྨན་གྱི་རིགས་ཤིག་རོ་མངར་ལ་ཅུང་ཁ། ཞུ་རྗེས་བསིལ། ནུས་པས་མཆིན་ཚད་དང༌། ཁ་ནད། སོའི་ཚད་པ་བཅས་ལ་ཕན། |
| འཇིབ་རྭ |
རྨའི་ཁྲག་རྣག་འཇིབ་བྱེད་ཀྱི་སྨན་གྱི་དཔྱད་ཆས་ཤིག་གི་མིང་རྔུབ་རུ་ཡང་ཟེར། ནང་ལ་དྲངས་པའི་དོན་ཏེ། ཤིང་བལ་སྐམ་པོས་ཆུ་འཇིབ་ཐུབ་ལྟ་བུ། |
| འཇིབས |
འཇིབ་པའི་སྐུལ་ཚིག་་ཤིང་ཏོག་གི་ཁུ་བ་འཇིབས་ཤིག་ལྟ་བུ། |
| འཇིབས |
འཇིབ་ལ་ལྟོས། |
| འཇིམ་ཀོང |
རྫའི་ཀོང་བུ། |
| འཇིམ་གཟུགས |
འཇིམ་པ་ལས་བཟོས་པའི་གཟུགས་བརྙན། |
| འཇིམ་གོང |
འདག་པའི་གོང་བུ། ཞིང་གའི་མཐའ་ལ་འཇིམ་གོང་བརྩེགས་ནས་སྐྱོར་རྒྱག་པ། |
| འཇིམ་པ |
འདམ་བག འཇིམ་པས་བཟོས་པའི་སྐུ་འདྲ། |
| འཇིམ་བཟོ་བ |
འཇིམ་པའི་ལྷ་བཟོ་མཁན། |
| འཇིམ་ཞལ |
འཇིམ་པའི་ཞལ་བ། གྱང་དང་རྩིག་པར་འཇིམ་ཞལ་བརྒྱབ་པ། |
| འཇིམ་ལས |
འཇིམ་པའམ་འདམ་བག་གི་ལས་ཀ། ཨར་པོ་རྒྱག་དུས་འཇིམ་ལས་མེད་ཐབས་མེད། |
| འཇིམ་ལས་པ |
འཇིམ་པ་དང་འཇིམ་ཞལ་གྱི་ལས་ཀ་བྱེད་མཁན། |
| འཇིམ་སྐུ |
འཇིམ་པའི་ལྷ་སྐུ། |
| འཇིལ |
(བྱེད་འབྲེལ་ལས་ཚིག་ད་ལྟ་བ)མེ་ཆེན་པོ་མེད་པར་བྱེད་པའི་དོན་ཏེ། མེ་དཔུང་འཇིལ། ཆུ་ཡིས་མེ་ཆེན་འཇིལ་ལྟ་བུ། |
| འཇིལ་བ |
1.ཐ་དད་པ བཅིལ་བ། གཞིལ་བ། ཆིལ།། སྐྲོད་པའམ་འདོན་པ། ནད་ཀུན་འཇིལ་བ་སྨན་གྱི་མཆོག དྲི་ངན་ཕྱིར་བཅིལ། ནད་པའི་རྩ་གནད་ལ་གཙག་བུ་བཙུགས་ཏེ་ཁྲག་འཇིལ་བ། སྐྱོན་འཇིལ་བ། 2. ཐ་མི་དད་པ ཆག་པ་དང་ཉམས་པ། ཚེར་མ་རྣོ་ཡང་བྲག་རི་ལ། བསྣུན་ན་རྩེ་མོ་འཇིལ་བར་བྱེད། 3. རྙིང སྤ་བཀོང༌། |
| འཇིལ་ལི |
སྤུའམ་སྤུ་དང་འདྲ་བའི་ཕོན་པོ་རིང་བོའི་མིང་སྐྲ་འཇིལ་ལི་གཅིག བལ་འཇིལ་ལི་ཅན། རྩིད་པ་འཇིལ་ལི་གཅིག སྐུད་པ་འཇིལ་ལི་གཅིག་ཅེས་པ་ལྟ་བུ། |
| འཇུ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) <ཀ>ལག་པས་བཅངས་པའི་དོན་ཏེ། ལག་པ་ལྕགས་ཁེམ་ལ་འཇུ་དགོས། ལག་མགོར་འཇུ་ལྟ་བུ།་2.མ་འོངས་པ་དང་ད་ལྟ་བ་ཟས་འཇུ་བཞིན་པའི་སྐབས་ཞེས་པ་ལྟ་བུ། |
| འཇུ་ཐག |
ལག་པས་འཇུ་སའི་ཐག་པ། འཇུ་ཐག་བཟུང་ནས་བྲག་རི་ལ་འཛེགས། |
| འཇུ་བ |
1.ཐ་དད་པ འཇུས་པ། འཇུ་བ། འཇུས།། འཛིན་པ། མ་བུ་ཕན་ཚུན་ལག་པ་ནས་འཇུས་ཏེ་འབྲལ་མི་ཕོད་པ། རྟའི་ཁ་ནས་འཇུས་ཏེ་བཞོན་དུ་འཇུག་པ། གླང་གི་རྭ་ལ་འཇུ་འཇུ་དེ། བྲེ་སེར་འབྲོང་ལ་འགྲོ་ས་མེད། 2. ཐ་མི་དད་པ ཞུ་བ། འཇུ་བ།། ལྟོ་ཆས་ཇི་བཟས་བཅུད་དུ་འགྱུར་བའི་བྱ་རིམ། ལྟོ་ཆས་རྗེན་པ་བཟས་ན་འཇུ་དཀའ། ཕོ་དྲོད་ཆེ་དུས་ལྟོ་ཆས་གང་བཟས་ཀྱང་འཇུ་སླ་བ་ཡོང༌། ཟས་བཟས་ན་ཕོ་བས་འཇུ་བ་ཞིག་གཏམ་བཤད་ན་རྡོག་རྩ་འདུས་པ་ཞིག 3. ཁྱི་ཤིག |
| འཇུ་བྱེད་ནད |
མཁྲིས་པ་འཇུ་བྱེད་ནད་དུ་གྱུར་པ་ནད་རྟགས་སུ་མིག་དང་ལྕེ་སེར་ལ་སྐོམ་དད་ཆེ་བ་སོགས་འབྱུང་བ་ཞིག |
| འཇུ་བྱེད་མཁྲིས་པ |
ལུས་ཀྱི་རྩ་བའི་མཁྲིས་པ་རིགས་ལྔའི་ཡ་གྱལ་ཞུ་མ་ཞུའི་མཚམས་རྒྱུ་མར་གནས་པ་ཞིག་བྱེད་ལས་ཟས་འཇུ་བ་དང༌། ཁ་ཟས་དྭངས་སྙིགས་འབྱེད་པ། ལུས་ཀྱི་དྲོད་སྐྱེད་པར་བྱེད་པ། |
| འཇུ་མི་ཕམ |
རྙིང་མའི་མཁས་པ་ཆེན་པོ་ཞིག་མཚན་དངོས་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་ཞེས་པ་རབ་བྱུང་བཅུ་བཞི་པའི་མེ་རྟ་ལོར་རྫ་ཆུ་ཁར་འཁྲུངས། སྒྲ་ཚད་སྨན་རྩིས་སོགས་ཐུན་མོང་རིག་གནས་ཀྱི་སྐོར་དང༌། མདོ་རྒྱུད་ཀྱི་གཞུང་འགྲེལ་སོགས་ནང་དོན་རིག་པའི་སྐོར་དང༌། བསྟོད་ཚོགས་དང་གཏམ་ཚོགས། འདོན་ཆོག་སྐོར་བཅས་པོད་གྲངས་སོ་གཉིས་ཡོད། དགུང་ལོ་དྲུག་ཅུ་རེ་བདུན་བར་བཞུགས་ནས་རབ་བྱུང་བཅོ་ལྔ་པའི་ཆུ་བྱི་ལོར་འདས། 1846--1912 |
| འཇུ་རེས |
མི་ཕན་ཚུན་འཇུས་ནས་རྩལ་འགྲན་པའི་རྩེད་མོ་ཞིག་གི་མིང་རྩལ་ཆེན་འཇུ་རེས་བྱས་ལྟ་བུ།<ཁ>ཁྱིས་སོ་འདེབས་པའི་དོན་ཏེ། སྒོ་ཁྱི་བདག་པོར་མི་འཇུ་ལྟ་བུ།<ག>ཚགས་སུ་ཆུད་པའི་དོན་ཏེ། ཞིང་འདེབས་པའི་གྲ་སྒྲིག་གི་ལས་ཀ་རྣམས་སྔར་ནས་འཇུས་ཡོད་ལྟ་བུ། བཞུ་ཡི་ད་ལྟ་བ།０ཞུ2ཡི་མ་འོངས་པ་དང་ད་ལྟ་བ། |
| འཇུ་ལུང |
ལག་པ་འཆང་སའི་ལུང༌། |
| འཇུ་ལུང་འཆང་བཟུང |
1 འཇུ་སའི་ལུང་དང༌། འཆང་སའི་ཡུ་བ། 2 ཁུངས་དང་ལུང༌། |
| འཇུ་སྐམ |
ལྕགས་སོགས་འཛིན་བྱེད་ཀྱི་སྐམ་པ། |
| འཇུ་སྐེམ |
བད་ཀན་རིགས་དྲུག་གི་ནང་ཚན་ཞིག་ནད་རྟགས་སུ་ཁ་ཟས་ཟོས་ཀྱང་མི་འགྲང་བ་དང༌། ལུས་ཀྱི་ཤ་སྐེམ་ལ་གསུས་པ་ལྡིར་བ་སོགས་འབྱུང་བ་ཞིག |
| འཇུ་སྟོབས |
ཟས་སོགས་ཞུ་བའི་ནུས་སྟོབས། ཕོ་དྲོད་ཉམས་པས་ཁ་ཟས་འཇུ་སྟོབས་ཆུང༌། |
| འཇུག |
(བྱེད་འབྲེལ་ལས་ཚིག་ད་ལྟ་བ) ཕྱི་ནས་ནང་ལ་འགྲོར་བཅུག་པའི་དོན་ཏེ། ལུག་ཁྱུ་ལུག་རར་འཇུག་གིན་འདུག ལུག་རར་འཇུག་མཁན་ཞེས་པ་ལྟ་བུ། |
| འཇུག |
(བྱེད་མེད་ལས་ཚིག་མ་འོངས་པ་དང་ད་ལྟ་བ) ཡི་གེ་སྒྲ་སྦྱོར་བྱེད་སྐབས་ཕན་ཚུན་སྦྱོར་རུང་བའི་དོན་ཏེ། རྗེས་འཇུག་ཡི་གེ་བཅུ་ཡིན་ཏེ། དེ་ལས་ལྔ་ནི་སྔོན་དུའང་འཇུག་ལྟ་བུ། |
| འཇུག་གནས་ལྡང་གསུམ |
བྱ་རྒྱུད་མཚན་མེད་རྣལ་འབྱོར་གྱི་སྒོམ་པ་ཁྱད་པར་བ་ཞིག་ཕུང་སོགས་ཀྱི་ཆོས་ཐམས་ཅད་ལ་རྣམ་པར་དཔྱད་དེ་སྐྱེ་མེད་དུ་རྟོགས་པ་འཇུག་པ་དང༌། མི་རྟོག་པའི་ངོ་བོ་མངོན་དུ་གྱུར་པ་གནས་པ་དང༌། དེ་ལས་མ་རྟོགས་པའི་འགྲོ་བ་རྣམས་ལ་སྙིང་རྗེ་ཆེན་པོ་ལྷག་པར་འཇུག་པ་ནི་ལྡང་བ། |
| འཇུག་ངོགས |
1 འགྲོ་ལམ་མམ་རྒྱ་མཚོའི་འགྲམ་ངོགས། 2 བྱ་བའི་འཇུག་སྒོ། |
| འཇུག་པ |
1.ཐ་དད་པ བཅུག་པ། གཞུག་པ། ཆུག། 1 སྣོད་སོགས་ཀྱི་ནང་དུ་འཇོག་པ་དང་བླུག་པ། ཕྲུ་གུ་བུ་བཅོལ་ཁང་ལ་བཅུག འཛིན་གྲྭ་དེའི་ནང་ལ་སློབ་ཕྲུག་གསར་པ་རེ་གཉིས་བཅུག ཉེས་ཅན་བཙོན་རར་བཅུག ཚོང་ཟོག་རྣམས་རླངས་འཁོར་ནང་དུ་ཆུག་ཅིག 2 གྲལ་དུ་འཁྲིད་པ། ཆོས་དད་མེད་པའི་མི་རྣམས་བཙན་ཤེད་ཀྱིས་ཆོས་ལ་མི་འཇུག ཡུལ་གྱར་བ་དག་རང་ཡུལ་དུ་ལོག་ཏུ་འཇུག་པ། 3 བྱེད་པ་དང༌། སྤྱོད་པ། བཀོད་པ་ཞིབ་གསལ་མེད་ན་འཇུག་དཀའ། སྐད་ཆ་ཞིབ་གསལ་མེད་ན་གོ་དཀའ། དངོས་སུ་ལག་བསྟར་འཇུག་པ། ལུས་སྲོག་བློས་བཏང་གིས་གཞན་སྐྱོབ་པར་འཇུག་པ། འགྲོ་ལུགས་ངན་པར་འཇུག་མི་རུང༌། 4 བྱ་བ་གང་ཞིག་སྐུལ་བའམ་ཁ་སྒྱུར་བ། རྟ་ལ་རྩྭ་ཟ་རུ་འཇུག ནད་པར་སྨན་འཐུང་དུ་ཆུག གསང་གྲོས་འདིའི་རིགས་མི་གཞན་སུ་ལའང་ཤེས་སུ་མ་འཇུག མི་དམངས་རྣམས་སྤྱི་ཚོགས་རིང་ལུགས་ཀྱི་ལམ་བཟང་དུ་འགྲོ་རུ་འཇུག་དགོས། ང་ཚོ་ཚང་མ་འགྲོ་ལ། ཁོ་གཅིག་པུ་འདིར་སྡོད་དུ་ཆུག སྒོ་ཕྱུགས་འཕེལ་དུ་འཇུག 2.ཐ་མི་དད་པ ཞུགས་པ། འཇུག་པ། ཞུགས།། རྗེས་སུ་འབྲང་བ་དང་འགྲོ་བ། འགྲོ་ཆས་བསྡོགས་ཏེ་ལམ་དུ་འཇུག བཟོ་པའི་གྲས་སུ་ཞུགས་པ། ཡི་གེ་འདི་ནི་འགྲོ་བའི་དོན་དུའང་འཇུག 3 1 ལྡན་མིན་འདུ་བྱེད་ཀྱི་ནང་གསེས་ཤིག་རྒྱུ་དང་འབྲས་བུ་རྒྱུན་མི་འཆད་པར་འཇུག་པ། 2 མངོན ཉ་དང༌། རུས་སྦལ། ཕག་རྒོད། མི་ཡི་སེང་གེ། མིའུ་ཐུང༌། མི་སྡུག་པ། ནག་པོ། དགའ་བྱེད་ར་མ་ཎ། རྒྱས་པ་ར་མ་ཎ། སངས་རྒྱས་ཀི་ཏྲའི་རྩེ་སྟེ་ཁྱབ་འཇུག་ལ་འཇུག་པ་བཅུ་ཡོད་པས་གྲངས་བཅུ་མཚོན། |
| འཇུག་པ་གཅིག་པ |
ཕྱོགས་མཐུན་ནམ་ཕྱོགས་མཚུངས། རྔ་རོལ་རྡུང་སྟངས་དང་གར་འཆམ་འཁྲབ་ཚུལ་འཇུག་པ་གཅིག་པ། སྔགས་ལམ་དུ་ཞུགས་པའི་ཐེག་ཆེན་པ་རྣམས་ཆགས་ཅན་གྱི་ལམ་དུ་འཇུག་པ་གཅིག་པ། ཉན་ཐོས་དང་རང་རྒྱལ་གཉིས་ཆགས་བྲལ་གྱི་ལམ་དུ་འཇུག་པ་གཅིག་པ། དུག་དང་སྤྱོད་ངན་གྱིས་རང་གཞན་ཕུང་ཚུལ་འཇུག་པ་གཅིག་པ་རེད། ནས་ལས་ཀྱི་སྒྲ་གཉིས་འབྱུང་ཁུངས་ཀྱི་དོན་ལ་འཇུག་པ་གཅིག་པ། ནས་ལས |
| འཇུག་པ་བཅུ་པ |
མངོན ཁྱབ་འཇུག |
| འཇུག་པ་བརྒྱ་པ |
མངོན གློག |
| འཇུག་པ་སེམས་བསྐྱེད |
སེམས་ཅན་ཐམས་ཅད་སངས་རྒྱས་ཀྱི་གོ་འཕང་འཐོབ་པར་བྱེད་ཆེད་ཕ་རོལ་ཏུ་ཕྱིན་པ་དྲུག་ལ་སོགས་པའི་སྤྱོད་པ་ལ་དངོས་སུ་འཇུག་པའི་བྱང་ཆུབ་ཀྱི་སེམས་བསྐྱེད་པའོ། |
| འཇུག་པའི་གནས |
སྒྲའི་གནས་བརྒྱད་ཀྱི་ལྔ་པ་ཡི་གེ་འཇུག་པའི་གནས་བརྡ་དང་ཐ་སྙད་སྟོན་པ་དཔེར་ན། འདི་ནི་གདུང་འདེགས་ཀྱི་དོན་བྱེད་ནུས་པའོ་ཞེས་བརྡ་སྦྱར་བ་དང༌། མིང་ལ་ཀ་བ་ཟེར་ཞེས་ཐ་སྙད་སྦྱར་བ་ལྟ་བུ། |
| འཇུག་པའི་ཕུང་པོ |
ཟག་བཅས་ཉེར་ལེན་གྱི་ཕུང་པོ། |
| འཇུག་པའི་རྣམ་པར་ཤེས་པ |
ཡུལ་ལ་འཇུག་པའི་ཤེས་པ་སྒོ་ལྔའི་ཤེས་པ་ལྟ་བུ། |
| འཇུག་པའི་རྣམ་པར་ཤེས་པ་དྲུག |
རྟེན་མིག་ལ་སོགས་པའི་དབང་པོ་དྲུག་ལ་བརྟེན་ཅིང་དམིགས་པ་གཟུགས་སོགས་ལ་དམིགས་ནས་རྣམ་པ་དེ་དང་དེ་ཡོངས་སུ་ཤེས་པར་བྱེད་པའི་སེམས་ཏེ། མིག་དང༌། རྣ། སྣ། ལྕེ། ལུས། ཡིད་བཅས་ཀྱི་རྣམ་པར་ཤེས་པ་དྲུག |
| འཇུག་པའི་སྤྱོད་པ |
བྱ་རྒྱུད་ཀྱི་ལམ་གྱི་མངོན་རྟོགས་སྤྱོད་པའི་སྒོ་བཞིའི་ནང་གསེས་ཤིག་དབང་ནོད་ཅིང་རང་གིས་འདོད་པའི་ལྷ་དང་དམ་ཚིག་གཟུང་བ་སོགས་དབང་གི་སྣོད་རུང་དུ་བྱེད་པ། |
| འཇུག་བདེ་བ |
1 སྣོད་ནང་དུ་དངོས་རིགས་བླུག་བདེ་བ། 2 ལག་ལེན་བསྟར་བདེ་བ། |
| འཇུག་བྱའི་གནས |
མངོན ཁང་པ། |
| འཇུག་བྱེད |
མངོན 1 ཁྱིམ་གྱི་སྒོ། 2 ཕོ་མཚན། 3 ལག་པ། |
| འཇུག་མ |
ལུས་ཀྱི་རྩ་ཡི་བྱེ་བྲག་ཅིག |
| འཇུག་ཡུལ |
1 སྐྱེས་བུས་བླང་དོར་བྱ་བའི་ཕྱིར་ཞུགས་པ་ན་མི་བསླུ་བ། དཔེར་ན། སོ་ནམ་བྱེད་པའི་སྐྱེས་བུ་ལ་ས་བོན་དང༌། ཆུ་ལུད་དྲོད་གཤེར་འཛོམས་པའི་ཞིང་ལྟ་བུའོ། 2 བློ་རང་རང་གིས་རིག་པའམ་རྟོགས་པར་བྱ་བའི་ཡུལ་གྱི་གཙོ་བོ་དཔེར་ན་མིག་ཤེས་ཀྱི་འཇུག་ཡུལ་གཟུགས་ཡིན་པ་ལྟ་བུའོ། |
| འཇུག་ལྡོག |
1 ཕར་འགྲོ་བ་དང༌། ཚུར་ལོག་པ། ལམ་ཐག་རིང་ཐུང་གང་ལའང་འཇུག་ལྡོག་གི་བྱ་གཞག་གཟབ་ནན་བྱེད་དགོས། 2 བྱ་སྤྱོད་ཀྱི་བླང་དོར། བྱ་བ་བཟང་ངན་གྱི་འཇུག་ལྡོག་ལག་ལེན་མ་ནོར་བ་གལ་ཆེ། |
| འཇུག་ཤེས |
རང་རང་གི་ཡུལ་ལ་ཐད་ཀར་ཕྱིར་འཇུག་པ་ལས་བློ་ཁ་ནང་དུ་མི་ཕྱོགས་པའི་ཤེས་པ་མིག་ཤེས་ལ་སོགས་པའོ། |
| འཇུག་སྒོ |
1 འགྲོ་སའི་ལམ་གྱི་ཐོག་མ། འཇུག་སྒོ་མ་ནོར་བ་བྱེད་དགོས། 2 ལས་སམ་བྱ་བ་གང་ཡང་རུང་བའི་འགོ། ལས་ཀའི་འཇུག་སྒོ་གང་ཡིན་ངོ་ཤེས་དགོས། |
| འཇུག་སྒོ་གསུམ |
བསྟན་པ་ལ་འཇུག་པའི་སྒོ་སྐྱབས་འགྲོ་དང༌། ཐར་པ་ལ་འཇུག་པའི་སྒོ་ངེས་འབྱུང༌། ཐེག་ཆེན་དུ་འཇུག་པའི་སྒོ་སེམས་བསྐྱེད་བཅས་གསུམ། |
| འཇུག་སྒོ་རྣམ་པ་དྲུག |
ནད་གང་ཞིག་ལུས་ལ་རིམ་བཞིན་འཇུག་པའི་སྒོ་མི་འདྲ་བ་དྲུག་པགས་ལ་གྲམ་པ། ཤ་ལ་རྒྱས་པ། རྩ་རུ་རྒྱུ་བ། རུས་ལ་ཞེན་པ། དོན་ལ་འབབ་པ། སྣོད་དུ་ལྷུང་བ་བཅས། |
| འཇུག་སྒྲུབ |
ཤེར་ཕྱིན་དོན་བདུན་ཅུའི་ནང་གསེས། ཐེག་ཆེན་ལ་ཞུགས་པ་འཇུག་པའི་སྒྲུབ་པ་ཐེག་ཆེན་སེམས་བསྐྱེད་ལ་བརྟེན་ནས་བླ་མེད་བྱང་ཆུབ་ཀྱི་ཆེད་དུ་དོན་གཉིས་སྒྲུབ་པ་གང་ཞིག་སྒོམ་བྱུང་གཙོ་བོར་གྱུར་པའི་སྒོ་ནས་ཐེག་ཆེན་ལ་འཇུག་པའི་བྱ་བའོ། |
| འཇུག་སྡོམ་གྱི་ལྟུང་བ་གཉིས |
རྩ་ལྟུང་དང༌། ཉེས་བྱས་གཉིས་ཏེ་སྔ་མ་ལ་བཅོ་བརྒྱད་དང་ཕྱི་མ་ལ་ཞེ་ལྔ་ཡོད། |
| འཇུག་སྣོད |
བླུག་སའི་སྣོད། |
| འཇུངས |
སེར་སྣའི་བརྡ་རྙིང་། |
| འཇུངས་པ |
རྙིང སེར་སྣ། |
| འཇུངས་པ་ཅན |
སེར་སྣ་ཅན་ནམ་ཞེན་ཆགས་ཅན། |
| འཇུད་པ |
ནང་དུ་བཅུག་པའི་བརྡ་རྙིང་། |
| འཇུད་མཐུན་མ |
རྙིང སྨད་འཚོང་མ། |
| འཇུན |
(བྱེད་འབྲེལ་ལས་ཚིག) རང་གིས་བྱས་པའི་ཉེས་སྐྱོན་དང་ཁས་བླང་སོགས་རྗེས་སུ་ཁས་མི་ལེན་པ་ཁྱོད་ཀྱིས་སྔར་བཤད་པའི་སྐད་ཆ་མ་འཇུན། ཉེས་པ་འཇུན་མི་ཆོག་ལྟ་བུ། གཅུན་གྱི་ད་ལྟ་བ། 2.ད་ལྟ་བ་སྟེ་། རྟ་རྒོད་འཇུན་མཁན་ཞེས་པ་ལྟ་བུ། |
| འཇུན་པ |
1.ཐ་དད་པ བཅུན་པ། གཅུན་པ། ཆུན།། འདུལ་བ། སྒྲིག་ལམ་གྱིས་བཅུན་པ། མི་རྒོད་གྱོང་པོ་ཐབས་ཀྱིས་འཇུན་པ། ཁྱི་བདག་པོས་གཅུན། ལྕགས་དམར་སྐམ་པས་གཅུན། ལོ་རྒན་བརྒྱད་ཅུར་སླེབས་ཀྱང་གཅུན་མཁན་དགོས། 2.རྙིང ཡིད་ལ་གཅགས་པ། |
| འཇུམ་པ |
1.ཐ་མི་དད་པ བཅུམ་པ། གཞུམ་པ། ཆུམ།། ཚུར་འཁུམས་པའམ་ཇེ་ཆུང་དུ་འགྱུར་བ། ཉེས་ཅན་གྱི་རྫུན་རྐུབ་རྡོལ་བས་སྤོབས་པ་བཅུམ་པ། ཀོ་རློན་སྐམ་ནས་མཐའ་ནས་ཚུར་བཅུམ་པ། 2.རྙིང ཁེངས་པ་བཏང་བ། |
| འཇུམས |
བཅུམ་གྱི་ད་ལྟ་བ། |
| འཇུམས་པ |
འཇུམ་པའི་ད་ལྟ་བའི་འབྲི་ཚུལ་གཞན་ཞིག་ |
| འཇུར |
(བྱེད་མེད་ལས་ཚིག) བུ་ག་ནས་དངོས་རྫས་ཀྱི་ཆ་ཤས་ཕྱི་ལ་ཐོན་པའམ་འབུར་དུ་ཐོན་པ་ལྟས་ངན་རུམ་ལ་བཅུག་ན། རྔ་མ་མཆན་ནས་འཇུར། མིག་འཇུར་ནས་བལྟས་ལྟ་བུ། |
| འཇུར་གེགས |
1 གཞན་གྱིས་སྦྱིན་པ་གཏོང་བ་ལ་གེགས་བྱེད་པ། 2 མིད་པ་ཕྲ་བས་བཟའ་བཏུང་མིད་དཀའ་བའི་ཡི་དྭགས་ཀྱི་རིགས་ཤིག |
| འཇུར་བ |
1.ཐ་དད་པ བཅུར་བ། གཅུར་བ། ཆུར།། 1 དྲི་རྩད་བྱེད་པའམ་འདུལ་བ། ཁྲིམས་སར་ཉེས་ཅན་འཇུར་བ། ཁྲིམས་འགལ་ཐམས་ཅད་ཁྲིམས་ཀྱིས་གཅུར། 2 ལོགས་སུ་བཀར་བ། ཀོ་ཐག་འཇུར་མིག་ལ་ཆུར་ཅིག སྒོ་ཕྱུགས་རྭ་བའི་ཕུག་ཏུ་གཅུར། 2.རྙིང སླེབས་པ། 3.འཇུར་མ་དང་འདྲ། |
| འཇུར་བུ |
སྐུད་པ་གྲིམ་ཆེ་བ་ལས་བྱུང་བའི་མདུད་རྡོག་གི་མིང་ཡུལ་སྐད་དུ་འཇུར་མདུད་ཟེར། གཅུར་གྱི་ད་ལྟ་བ། |
| འཇུར་མ |
སྐུད་པ་བསྒྲིམས་དྲགས་ནས་བྱུང་བའི་མདུད་པ། |
| འཇུར་མདུད |
སྐུད་པ་བསྒྲིམས་དྲགས་ནས་བྱུང་བའི་མདུད་པ། |
| འཇུར་མིག |
1 མགར་བས་ལྕགས་སྐུད་སོགས་བཟོ་བྱེད་ཀྱི་ལག་ཆ་ཞིག 2 ཁྲིམས་ལུགས་བཙན་པོའི་དཔེ། ཉེས་ཅན་ཚབས་ཆེན་འཇུར་མིག་ལ་དྲངས་ཏེ་ཚར་གཅོད་པ། |
| འཇུར་འགེགས |
འཇུར་གེགས་དང་འདྲ། |
| འཇུར་འཐུག |
པགས་པ་སོགས་འཁུམས་པའི་གཉེར་མ། |
| འཇུར་རྟ |
ལྷམ་འཇུར་རྟ་ཡུ་ཐུང་དང་འཇུར་རྟ་ཡུ་རིང༌། |
| འཇུར་རྩི |
ལྷམ་འཇུར་རྟར་གཏོང་རྒྱུའི་རྩི། |
| འཇུར་སྒྲོག |
ལྷམ་འཇུར་རྟའི་སྒྲོག་གུ། |
| འཇུས |
འདས་པ་དང་སྐུལ་ཚིག་ལག་པ་གྲི་ཡུ་ལ་འཇུས་ནས་དགྲ་ལ་སྡིགས་ལྟ་བུ། |
| འཇུས་པ |
ཐ་དད་པར་འཇུག་པའི་འཇུ་བའི་འདས་པ། |
| འཇེན |
ཡིད་ཚིམ་པའི་བརྡ་རྙིང་། |
| འཇེན་པ |
1.ཡིད་ལ་འཐད་པའི་དངོས་པོ་དང༌། རྣ་བར་འཐད་པའི་གཏམ། 2.རྙིང 1 ལེན་པ། 2 ཡིད་ལ་གཅགས་པ་དང་ངེས་པར་བྱེད་པ། |
| འཇེན་ཕོ |
རྙིང བགྲོད་བྱེད་ཀྱི་སྐྱེས་པ། |
| འཇེན་མོ |
རྙིང བགྲོད་བྱའི་བུད་མེད། |
| འཇེབས |
(རྒྱན་ཚིག) ཡིད་དུ་འོང་བ་སྐད་སྙན་ཞིང་འཇེབས་པ། སྙན་འཇེབས་ཀྱི་སྒྲ་དབྱངས་ཞེས་པ་ལྟ་བུ། |
| འཇེབས་པ |
1.ཐ་མི་དད་པ ཡིད་དུ་འོང་བ། སེམས་ལ་འཇེབས་པ། རྟ་དེ་མཐོང་ནས་ཡིད་ལ་འཇེབས་པ། 2 1 སྐད་འཇམ་པོ་རྣ་བར་འབབ་པ། སྐད་ཆ་སྙན་ཞིང་འཇེབས་པ། གླུ་དབྱངས་སྙན་ཞིང་འཇེབས་པས་རྣ་དབང་འཕྲོག་པ། 2 འཇམ་པོ། |
| འཇེབས་པོ |
སྐད་འཇམ་པོ་རྣ་བར་འབབ་པའི་དོན་དུ་གོ་བའི་འཇེབས་པ་དང་དོན་གཅིག་ |
| འཇེམ |
(རྒྱན་ཚིག) ལག་རྩ་བྱང་ཆུབ་པའི་དོན་ཏེ། མི་འཇེམ་པོ། ལག་འཇེམ་པོ་ཞེས་པ་ལྟ་བུ། |
| འཇེམ་པ |
མཁས་པའམ་འཇོན་པ། མི་ཧ་ཅང་རིག་པ་གསལ་ལ་འཇེམ་པ་ཞིག་རེད། ལག་རྩལ་འཇེམ་པ། |
| འཇེམ་པོ |
འཇེམ་པ་དང་འདྲ། |
| འཇེར་འཇིགས |
མངོན བརྒྱ་བྱིན། |
| འཇེས་པ |
རྙིང གྱེས་པ། |
| འཇོ |
(བྱེད་མེད་ལས་ཚིག) <ཀ>ཡིད་ཚིམ་པའམ་འདོད་པ་གྲུབ་པའི་དོན་ཏེ། འདོད་པ་འཇོ་བ། འདོད་འཇོ་ཞེས་པ་ལྟ་བུ།<ཁ>ཆར་བ་འབབ་པའམ་འདོད་དོན་མང་བོ་གྲུབ་པའི་དོན་ཏེ། དགོས་འདོད་ཆར་དུ་འཇོ་བ་ཞེས་པ་ལྟ་བུ། (རྒྱན་ཚིག) མཛེས་ཤིང་ཡིད་དུ་འོང་བའི་དོན་ཏེ། འཇོ་སྒེག་གི་ཉམས་ཀྱིས་བྲོ་འཁྲབ། གར་ཉམས་འཇོ་བག་ཅན་ཞེས་པ་ལྟ་བུ། 2.(བྱེད་འབྲེལ་ལས་ཚིག་ད་ལྟ་བ)བཞོན་མའི་ནུ་མ་ལས་འོ་མ་ལེན་པའི་དོན་ཏེ། འོ་མ་འཇོ་བར་བྱེད། འཇོ་མཁན་ཞེས་པ་ལྟ་བུ། |
| འཇོ་བ |
1.ཐ་དད་པ བཞོས་པ། བཞོ་བ། འཇོས།། 1 ནང་ནས་ཕྱིར་འབྱིན་པའམ་འདོན་པ། འོ་མ་འཇོ་བ། 2 འདོད་པ་སྟེར་བའམ་སྐོང་བ། དགོས་འདོད་ཆར་དུ་འཇོ་བ། རེ་འདོད་ཡིད་བཞིན་དུ་འཇོ་བ། 3 ཡིད་འཕྲོག་པ་དང་སེམས་གཡོ་ཞིང་འདྲེན་པ། ཡིད་འཇོ་བ། 2.མཛེས་ཤིང་ཡིད་དུ་འོང་བ། རྣམ་འགྱུར་འཇོ་བག་ཅན། |
| འཇོ་བ་མོ |
འོ་མ་འཇོ་མཁན་བུད་མེད། |
| འཇོ་བག |
མཛེས་ཉམས། བུད་མེད་འཇོ་བག་ཅན། འཇོ་བག་འཆོས་པ། |
| འཇོ་མ |
1 འོ་མ་འཇོ་མཁན་བུད་མེད། 2 འོ་མ་འཇོ་རྒྱུ་ཡོད་པའི་མོ་ཕྱུགས། |
| འཇོ་མདའ |
སྡེ་དགེ་འཇོ་མདའ་སྟེ་རྫོང་ཞིག་བོད་རང་སྐྱོང་ལྗོངས་ཀྱི་བྱང་ཤར་ངོས་དང་འབྲི་ཆུའི་ནུབ་འགྲམ་ལ་ཆགས་ཡོད། |
| འཇོ་མོ |
བཞོན་མའི་མིང་། |
| འཇོ་སྒེག |
མཛེས་ཉམས་ཏེ། མིའི་ཡིད་འཕྲོག་ཅིང་དགའ་བ་འཕེལ་བའི་རྣམ་འགྱུར། |
| འཇོ་སྒེག་གཡེར་བག་ཅན |
མཆོར་སྒེག་དང་དཀྲོག་ཉམས་ཅན། |
| འཇོ་སྟེགས |
འོ་མ་བཞོ་སྐབས་ཀྱི་རྐུབ་སྟེགས། |
| འཇོག |
1(བྱེད་འབྲེལ་ལས་ཚིག་ད་ལྟ་བ) དངོས་པོ་ཞིག་རང་གནས་སུ་གནས་པར་བྱ་བ་སློབ་གྲྭ་པས་དཔེ་སྟེགས་ཐོག་ལ་དཔེ་ཆ་འཇོག་ལྟ་བུ། |
| འཇོག |
གཤག་གི་ད་ལྟ་བ་ལ་འཇོག་འབྲི་བའང་ཡོད། |
| འཇོག་པ |
ཐ་དད་པ བཞག་པ། གཞག་པ། ཞོག། 1 གནས་དང་ཡིད་སོགས་སུ་འཇོག་པའམ་སྒྲིག་པ། གནད་འགག་ཆེ་སར་འཇོག་པ། ཡར་འདེགས་མར་འཇོག་བྱེད་བདེ་པོ་མེད་པ། ཏིང་ངེ་འཛིན་ལ་མཉམ་པར་འཇོག་པ། གཅིག་བཤད་སེམས་ལ་བཞག་ན། བརྒྱ་བཤད་མདུད་པ་འགྲོལ་ཐུབ། སེམས་རྩེ་གཅིག་ཏུ་གཞག་པ། ལྕོག་ཙེའི་སྒང་ལ་ཞོག 2 འཛུགས་པ། བྱས་རྗེས་འཇོག་པ། སྲོལ་རྒྱུན་དུ་བཞག་པ། གན་རྒྱ་གཞག་པ། ཆིངས་ཡིག་འཇོག་པ། ཁས་ལེན་དམ་བཅའ་བཞག་པ། 3 ལུས་པར་བྱེད་པའམ་ཡོད་པར་བྱེད་པ། ཁ་ལན་བཞག་པ། དྲན་རྟེན་དུ་འཇོག་པ། སྙན་གྲགས་བཞག་པ། མིང་ངན་བཞག་པ། ནུས་སྟོབས་གསོག་འཇོག་བྱས་པ། 4 ཟུར་དུ་དབྱུག་པ་དང༌། རིང་དུ་འདོར་བ། རང་འགན་ལོགས་སུ་བཞག་པ། སྣང་མེད་དུ་མ་འཇོག ཚོང་ལས་བཞག་ནས་ཞིང་ལས་ལ་འཇུག་པ། བཞོགས་པ། གཞོག་པ། ཞོགས།། བཞུར་བ་དང་གཤེག་པ། སྤོམ་དྲགས་པའི་མེ་ཤིང་ཕྲ་བར་འཇོག་པ། |
| འཇོག་པོ |
ཏཀྵཀཿ ཀླུ་རྒྱལ་བརྒྱད་ཀྱི་གྲས་ཤིག མིང་གི་རྣམ་གྲངས་ལ་གདེངས་ཀ་བདུན་པ་དང༌། གདེངས་ཅན་བདག་པོ། གདེངས་ཅན་འདྲེན་པ། ནོར་རྒྱས་བུ། ནོར་ལས་རྒྱལ། ཕྱུགས་བདག་སྦྲུལ་གྱི་རྒྱལ་པོ། ཡུལ་འཁོར་སྐྱོང་བཅས་སོ། |
| འཇོག་མཚམས |
བར་མཚམས་འཇོག་ས། |
| འཇོག་ཞབས་འཆང་ལུང |
ཚད་འཛིན་སའམ་ཁུངས་ལུང་ཡོད་མེད་སྤྱིའི་དཔེ། ལས་དོན་གང་བྱས་ཚང་མ་འཇོག་ཞབས་འཆང་ལུང་ཡོད་པ་ཤ་སྟག་རེད། འཇོག་ཞབས་འཆང་ལུང་ཡོད་པའི་སྐད་ཆ་ཐོན་མི་ཡོང༌། |
| འཇོག་སྒོམ |
དམིགས་པའི་ཐོག་ཏུ་སེམས་མ་གཡེང་བར་བཞག་ནས་སྒོམ་པ། |
| འཇོང་ཉམས་ཅན |
ནར་སྟབས་ཀྱི་དབྱིབས་ཅན། |
| འཇོང་པོ |
འཇོང་མོ་དང་འདྲ། |
| འཇོང་བ |
ཐ་དད་པ འཇངས་པ། འཇང་བ། འཇོངས།། འཐུང་བའམ་མིད་པ། མི་དེ་ཇ་འཇོང་མཁན་ཞིག་རེད། |
| འཇོང་བོ |
(རྒྱན་ཚིག) རྐེད་ཟླུམ་ཞིང་སྲིད་དུ་ཅུང་ཟད་རིང་བའི་དབྱིབས་ཏེ། དབྱིབས་འཇོང་བོ་རྡོ་འཇོང་འཇོང་ལྟ་བུ། |
| འཇོང་མོ |
བྱ་སྒོང་ལྟ་བུ་དབྱིབས་ཟླུམ་ཞིང་ནར་ཙམ། རླངས་འཁོར་ནང་དུ་རྒྱུ་དངོས་དོ་ཆས་འཇོང་མོ་མང་པོ་ཞིག་བཅུག་འདུག རྡོ་འཇོང་མོ། |
| འཇོང་འཇོང |
དབྱིབས་ནར་མོ། ལ་ཕུག་ཕལ་ཆེར་དབྱིབས་འཇོང་འཇོང་རེད། ཚོགས་ཁང་འཇོང་འཇོང༌། |
| འཇོངས |
འཇོང་བའི་སྐུལ་ཚིག་ |
| འཇོད་ཚེ |
རྒྱ ཁྲིའམ་ཅོག་ཙེ། |
| འཇོན |
འཇོན་དམར་དང་དོན་གཅིག་ |
| འཇོན་ཐང |
ཡོན་ཏན་ནམ་ལས་ཀའི་ནུས་ཤུགས། ལྟ་བ་མཐོ་ལ་འཇོན་ཐང་ཆུང་བ། |
| འཇོན་དམར |
ཟངས་དམར། |
| འཇོན་པོ |
(རྒྱན་ཚིག) ཐབས་ལ་མཁས་པ་དང་ལག་རྩལ་ལ་མཁས་པའི་མི་མི་འཇོན་པོ། མི་འཇོན་ཐང་ཅན་ཞེས་པ་ལྟ་བུ། |
| འཇོན་བཟོ་ཆེན་པོ |
ལས་ཀ་ནུས་མདོག་ཁ་པོའི་རྣམ་འགྱུར། |
| འཇོབས |
འཇབ་པའི་སྐུལ་ཚིག་ |
| འཇོབས |
འཇབ་ཀྱི་སྐུལ་ཚིག |
| འཇོམས |
ད་ལྟ་བ་དགྲ་བོའི་བཙན་རྫོང་འཇོམས་པ་པོ། འཇོམས་པར་བྱེད་ལྟ་བུ། |
| འཇོམས་པ |
ཐ་དད་པ བཅོམ་པ། གཞོམ་པ། ཆོམ།། འགེམས་པའམ་འཇིག་པར་བྱེད་པ། འགྲུལ་པ་ཇག་པས་བཅོམ་སོང༌། ཚུར་རྒོལ་དགྲ་བོ་གཞོམ་པར་བྱ། བློ་མུན་འཇོམས་པ། ལུ་གུ་མ་ཁྱེར་གོང་ལ་སྤྱང་ཀི་བཟུང༌། ཡུལ་སྡེ་མ་བཅོམ་གོང་ལ་མི་ངན་བཟུང༌། |
| འཇོམས་བྱེད |
མངོན 1 སྔགས། 2 དབང་ཕྱུག་གི་འཁོར་ཞིག 3 བརྒྱ་བྱིན། 4 ཉི་མ། 5 དགྲ་འདུལ་བ་པོ། |
| འཇོར |
མཇོར་གྱི་འབྲི་ཚུལ་གཞན། |
| འཇོར་བུ |
ས་རྐོ་བྱེད་ཏོག་ཙེ། འཇོར་ཡུ། འཇོར་སོ། ཡ་སྟ་མ་འཇོར། |
| འཇོལ |
1.འཇལ་བའི་སྐུལ་ཚིག 2.ཡུན་ནན་ཞིང་ཆེན་གྱི་བདེ་ཆེན་བོད་རིགས་རང་སྐྱོང་ཁུལ་ཁོངས་ཀྱི་རྫོང་ཞིག་རང་སྐྱོང་ཁུལ་འདིའི་བྱང་རྒྱུད་དུ་ཡོད། རྫོང་མི་དམངས་སྲིད་གཞུང་དེ་ཀའོ་ཧྥེང་ཀུང་ཧྲེ་རུ་ཡོད། |
| འཇོལ |
(རྒྱན་ཚིག) དབྱིབས་རིང་བོ་ཐུར་དུ་འཕྱང་བ་ལུག་བལ་དཀར་འཇོལ་ལེ་བ། གཡག་རྒོད་རྩིད་པ་འཇོལ་ལོ་ལོ། ལྭ་འཇོལ་འཇོལ་བྱས་ནས་གྱོན་ཞེས་པ་ལྟ་བུ། (བྱེད་མེད་ལས་ཚིག)ཐུར་དུ་འཕྱང་བའི་དོན་ཏེ། ལྭ་འདབས་ཐུར་དུ་འཇོལ་བ་ཞེས་པ་ལྟ་བུ། |
| འཇོལ་ཉོག |
1 ངོམས་པ་མེད་པའམ་ཚམ་ཚོམ་མེད་པ། 2 རྙོག་པོ། |
| འཇོལ་ཐབས |
ཐུར་དུ་འཕྱང་བའམ་ལྷུག་པའི་ཚུལ། གྱོན་ཆས་འཇོལ་ཐབས་མ་ཡིན་པར་བརྩེངས་ཏེ་གྱོན་དགོས། |
| འཇོལ་པོ |
གོས་གྱོན་སྟངས་རིང་པོ། ཕྱུ་པ་གྱོན་དུས་འཇོལ་པོ་མིན་པ་ཞིག་དགོས། |
| འཇོལ་བ |
ཐ་མི་དད་པ རིང་པོར་ནར་བའམ་འཕྱང་བ། སྐ་རགས་དམ་པོར་མ་བཅིངས་ན་གྱོན་འདབས་ས་ལ་འཇོལ་ཡོང༌། གྱོན་པ་འཇོལ་བ་དེ་ཡར་རྩེང་ཙམ་གྱིས། |
| འཇོལ་བེར |
1 ཟླ་གམ་རིང་པོ་ཞིག 2 ཕུ་ཐུང་མེད་པའི་གྱོན་པ་རིང་པོ་ཞིག |
| འཇོལ་མོ |
བྱེའུའི་བྱེ་བྲག་ཅིག མིང་གི་རྣམ་གྲངས་ལ་གྲེ་འགྱུར་མཁན་དང༌། ལྔ་པའི་དབྱངས་སྙན། དུས་ཚིགས་ཀུན་འགྲོ་བཅས་སོ། |
| འཇོལ་འཇོལ |
གོས་སོགས་རིང་པོར་འཕྱང་སྟེ་གོན་པའི་དབྱིབས། གྱོན་པ་འཇོལ་འཇོལ་བྱས་དྲགས་ན་གོས་མཐའ་ས་ལ་ཐུག་ཡོང༌། |
| འཇོལ་ལེ་བ |
བཟོ་དབྱིབས་འཕྱང་ངེ་བའི་རྣམ་པ། གྲོད་པ་འཇོལ་ལེ་བ། |
| འཇོལ་ལེ་འཇོལ་ལེ |
གོས་རྒྱན་སོགས་ཐུར་དུ་འཕྱང་ཞིང་རིང་ཐུང་མི་སྙོམ་པའི་དོན་ཏེ། ལྭ་བ་འཇོལ་ལེ་འཇོལ་ལེ། གཡག་རྩིད་འཇོལ་ལེ་འཇོལ་ལེ་ཞེས་པ་ལྟ་བུ།０འཇལ་གྱི་སྐུལ་ཚིག |
| འཇོས |
འཇོ་བའི་སྐུལ་ཚིག་ |
| འཐག |
བཏག་གི་ད་ལྟ་བ། (བྱེད་མེད་ལས་ཚིག) ཆུ་སོགས་གདུས་ནས་ཇེ་ཉུང་དུ་སོང་བ་ སྨན་ཁུ་སུམ་གཉིས་འཐག་ལྟ་བུ། |
| འཐག་པ |
1.ཐ་དད་པ བཏགས་པ། བཏག་པ། འཐོག། 1 འཇོམས་པ་དང༌། མེད་པར་བཟོ་བ། དགྲ་དཔུང་ཕྱེ་མར་བཏགས་པ། བགེགས་བར་ཚང་མ་རྨེག་མེད་དུ་བཏགས་པ། 2 ཞིབ་མོར་བཟོ་བ། ནས་རྣམས་བརྔོས་ནས་རྩམ་པ་བཏགས་པ། 3 རས་སོགས་འཐག་པ། བལ་སྐུད་བཀལ་ནས་སྣམ་བུ་བཏགས་པ། ལག་ཤུབས་འཐག་པ། 2.ཐ་མི་དད་པ ཐག་པ། འཐག་པ།། སྐམ་པོར་འགྱུར་བ། ཤ་ཁུ་ཐག་སོང༌། ཆུ་འཐག་ཏུ་བཅུག་པ། |
| འཐག་པ་བསྐྱེད་པའི་སྤང་བ |
སྤང་ལྟུང་སུམ་ཅུའི་ནང་གསེས། ཉེ་དུ་མ་ཡིན་པའི་ཁྱིམ་པས་ཐགས་བཏགས་ནས་རང་ལ་སྟེར་བར་ཁས་བླངས་པ་ན་ཐགས་མཁན་ལ་གླ་རྔན་བྱིན་ནས་སྦྱིན་བདག་གི་བློ་དང་མི་འཚམ་པའི་བཟང་རིན་ཆེན་པོར་འཐག་ཏུ་བཅུག་པའོ། |
| འཐག་བསྐོར |
རང་འཐག་བསྐོར་བ། |
| འཐག་མ |
ལྷམ་སྒྲོག་འཐག་མཁན་གྱི་ལག་ཆ་ཞིག |
| འཐག་མཁན |
1 སྐེད་རགས་དང༌། ལྷམ་སྒྲོག་པང་གདན་ཐག་པ་སོགས་འཐག་ལས་བྱེད་མཁན། 2 རྩམ་པ་སོགས་འཐག་མཁན། 3 མངོན སྡོམ། |
| འཐག་རྡོ |
རང་འཐག་གི་རྡོ། |
| འཐག་ཤ |
ཡུལ འཐག་སྤྱད་ཅིག |
| འཐག་སོ |
ཐགས་འཐག་བྱེད་ཀྱི་ཤིང་ལེབ་མོ་སོ་ཅན། |
| འཐག་སྤྱད |
ཐགས་མཁན་གྱི་ཡོ་བྱད། |
| འཐང |
མཐང་གི་འབྲི་ཚུལ་གཞན། |
| འཐད |
(བྱེད་མེད་ལས་ཚིག) གྲོས་འཆམ་པའི་དོན་ཏེ། ཁོའི་བཤད་ཚུལ་ལ་ཚང་མ་འཐད། ང་རང་སེམས་ནས་འཐད་ལྟ་བུ། འདོད་པ་ ཞིང་པ་ཚང་མས་ཤེས་རིག་ལག་རྩལ་སློབ་པར་འཐད་པ་བྱུང་། བུ་དམག་ལ་ཞུགས་པར་འཐད། ཕ་མའང་བུ་ཕྲུག་དམག་ལ་ཞུགས་པར་འཐད་ལྟ་བུ། ０འགྲིགས་པའམ་འོས་པ་ ཁྱོད་ཀྱི་བཤད་ཚུལ་མི་འཐད་ལྟ་བུ། １མཐུན་པ་ དེ་ལྟར་བཤད་པ་ཡིད་ལ་འཐད། གཏམ་བཤད་པ་སེམས་ལ་འཐད་ལྟ་བུ། |
| འཐད་པ |
1.ཐ་མི་དད་པ 1 རིགས་པའམ། འོས་པ་དང༌། རུང་བ། སྐད་ཆ་དེ་ལྟར་བཤད་ན་མི་འཐད། ཆུ་ཡོད་དམ་མེད་ཀྱང་འཐད། 2 འདོད་པའམ། དགའ་བ། ལས་དོན་དེ་ངའི་བློ་ལའང་འཐད་དོ། 2.རིགས་པའམ། རྒྱུ་མཚན། དྲང་མིན་ཀྱོག་པོར་བཤད་པ་མང་ཡང་འཐད་པ་མིན། |
| འཐད་པ་སྒྲུབ་པ |
མཚན་ཉིད་གཏན་ལ་འབེབས་པའི་རིགས་པའི་རྣམ་གྲངས་ཤིག |
| འཐད་པ་སྒྲུབ་པའི་རིགས་པ |
ཚད་མའི་རིགས་པ་དང་དོན་གཅིག་ |
| འཐད་ལྡན |
(རྒྱན་ཚིག) གཞན་ལ་ངེས་པ་སྐྱེད་པ་དང་གོ་བ་སྟེར་བའི་ནུས་ཤུགས་ཀྱི་དོན་ཏེ། རྒྱུ་མཚན་འཐད་ལྡན་ཞིག་ཡོད་ན། རྩོད་ཟླའི་བསམ་བློ་མ་དག་པ་སྒྱུར་ཐུབ། དཔེར་བརྗོད་འཐད་ལྡན་ཞིག་བཀོད་ན་ཚིག་དོན་གོ་སླ་ལྟ་བུ། |
| འཐད་སྒྲུབ་ཀྱི་རིགས་པ |
མངོན་སུམ་གྱི་ཚད་མ་དང་དངོས་སྟོབས་རྗེས་དཔག་དང་ཡིད་ཆེས་རྗེས་དཔག་སྟེ་ཚད་མ་གསུམ་གང་རུང་གིས་གྲུབ་པའི་རིགས་པ། |
| འཐན |
(རྒྱན་ཚིག) གཡོ་སྒྱུ་མེད་པའམ་འབད་རྩོལ་ཅན་དང་བརྟན་པོའི་དོན། |
| འཐན་ནེ་འཐེན་ནེ |
ཕྱི་བཤོལ་ལམ། ཕར་འགྱང༌། ལས་ཀ་འཕྲལ་འཕྲལ་དུ་མི་བྱེད་པར་འཐན་ནེ་འཐེན་ནེ་བྱེད་པ། |
| འཐན་པོ |
རྙིང འགྱུར་བ་མེད་པའི་བརྟན་པོའམ། བྱ་བ་ལ་བློ་སྒྲིམ་པའི་ནན་པོ། |
| འཐབ |
(བྱེད་འབྲེལ་ལས་ཚིག) ཕན་ཚུན་རྡེག་པ་དང་འཛིང་བ་རྩོད་པ་བཅས་ཀྱི་དོན་ཏེ། དགྲ་ལ་འཐབ། ཁ་འཐབ་ཚིག་འཐབ། ཁ་ཤགས་འཐབ་ལྟ་བུ། |
| འཐབ་ཀྲོལ |
1 ཕྱོགས་གཉིས་ཕན་ཚུན་རྩོད་པ་སློང་བ་དང༌། འཐབ་པའམ། འཁྲུག་པ། 2 གནོད་པའི་རྒྱུ། |
| འཐབ་ཀྲོལ་ཅན |
འཐབ་རྩོད་བྱེད་མཁན། |
| འཐབ་ཇུས |
དམག་འཁྲུག་ལ་བཀོད་པ་བྱེད་སྟངས་ཀྱི་འཆར་གཞི་དང་ཐབས་ཤེས། |
| འཐབ་པ |
ཐ་དད་པ འཐབས་པ། འཐབ་པ། འཐོབས།། 1 འཛིང་བ། ཁ་འཐབ་ཚིག་འཐབ། ཁ་ཤགས་འཐབ་པ། ཚ་གྲང་འཐབ་པ། ཁ་ཚུབ་དང་འཐབ་པ། བྲག་ཆུ་འཐབ་པ། དཀའ་ངལ་ལ་མི་འཛེམ་པར་དགྲ་དང་འཐབ་པ། 2 རྩིས་འགོ་གཏུག་པ། གཏོང་ཡོང་ཁ་འཐབ་བྱས་ནས་འགོ་ཐུག་གི་མི་འདུག |
| འཐབ་པོ |
འཁྲུག་རྩོད་བྱེད་པ་པོ། |
| འཐབ་ཕྱོགས་གཅིག་གྱུར |
གྲལ་རིམ་འགའ་ཞིག་གམ་སྲིད་ཏང་འགའ་ཞིག་གིས་ཐུན་མོང་གི་དམིགས་ཡུལ་གང་ཞིག་གི་ཆེད་དུ་བཙུགས་པའི་མནའ་འབྲེལ་དེར་ཟེར། |
| འཐབ་བེར |
རྙིང གོ་ཁྲབ། |
| འཐབ་བྲལ |
ཡཱམཱཿ འདོད་ལྷ་རིས་དྲུག་གི་ནང་གསེས། རི་རབ་ཀྱི་ཐད་ཀའི་སྟེང་གི་ནམ་མཁར་གནས་ཤིང༌། ལྷ་མ་ཡིན་དང་འཐབ་མི་དགོས་པས་འཐབ་བྲལ་ཞེས་བྱ། |
| འཐབ་མོ |
འཐབ་པའི་བྱ་སྤྱོད་ཀྱི་མིང་ འཐབ་མོ་བཀྱེས་ལྟ་བུ། འབད་བརྩོན་བྱས་པ་ ས་འཐབ་རྡོ་འཐབ་བྱས། དབུལ་བོས་རྐང་ལག་འཐབ་ནས་རང་ཁ་གསོས་ཞེས་པ་ལྟ་བུ། |
| འཐབ་མོ་ཅན་མ |
མངོན བུ་མོ་གཞོན་ནུ་མ། |
| འཐབ་མོ་བ |
དགྲ་ལ་འཐབ་འཛིང་བྱེད་མཁན། མིང་གི་རྣམ་གྲངས་ལ་འཐབ་མི་དང༌། འཐབ་འཛིང་པ། དམག་མི་བཅས་སོ། |
| འཐབ་མོ་འགྱེད་པ |
1 དམག་འཁྲུག 2 ལག་འཛིང༌། 3 ཁ་རྩོད་བྱེད་པ། |
| འཐབ་མོའི་འདུན་ས |
མངོན གཡུལ་ས། |
| འཐབ་ཟླ |
ཕ་རོལ་རྒོལ་བ་པོའམ། དགྲ་ཡ། |
| འཐབ་འཁྲུག |
འཐབ་རྩོད་དམག་འཁྲུག |
| འཐབ་འཛིང་པ |
འཐབ་འཛིང་དམག་མི། |
| འཐབ་ཡ |
འཐབ་རྩོད་བྱེད་པའི་ཁ་གཏད། |
| འཐབ་ཡ |
ཕན་ཚུལ་འཐབ་པའི་ཕྱོགས་གཅིག |
| འཐབ་ཡས |
དྲབཱུདྡྷཿ གྲངས་གནས་ཤིག |
| འཐབ་ར་འཕྲོད་པ |
དགྲ་དཔུང་དང་འཐབ་འཛིང་དངོས་སུ་ཚུགས་པ། གཡུལ་སར་འཐབ་ར་འཕྲོད་པའི་དམག་སྡེ་ལ་རྒྱབ་དཔུང་གཏོང་བ། |
| འཐབ་རགས |
དམག་འཁྲུག་བྱེད་སྐབས་དགྲའི་མཚོན་ཆ་འགོག་པའི་ཉེར་སྤྱད་དང་རྩིག་ལས་སོགས་ཀྱི་སྤྱི་མིང་ འཐབ་རགས་བརྩིགས་ནས་དམག་གྲབས་བྱས་ལྟ་བུ། |
| འཐབ་རོལ |
འཐབ་ཞོར། དམག་གི་འཐབ་རོལ་ཏུ་ཤི་བ། |
| འཐབ་རྩལ |
དམག་འཐབ་བྱེད་སྟངས་ཀྱི་རྩ་དོན་དང་ཐབས་ཤེས་ཤིག |
| འཐབ་རྩོད |
1 འགལ་བའི་ཕྱོགས་གཉིས་ཀྱི་བར་ལ་མི་མཐུན་པ་བྱུང་ནས། གཅིག་གིས་གཅིག་ལས་རྒྱལ་ཁ་ལེན་པར་བརྩོན་པའི་བྱ་སྤྱོད་ཀྱི་མིང་ གྲལ་རིམ་འཐབ་རྩོད། བསམ་པའི་འཐབ་རྩོད་ཅེས་པ་ལྟ་བུ། 2ཉེས་པ་རྗེན་འདོན་དང་། དགག་པ་རྒྱག་པ། ཆམ་ཕབ་བྱེད་པ་སོགས་ཏེ། ཞིང་བདག་ངན་པ་ལ་འཐབ་རྩོད་བྱས་ལྟ་བུ། 3འཕྲོག་རྩོད་དང་འཐབ་རེས་ཞེས་པའི་ཚིག་བསྡུས་པ་ འཐབ་རྩོད་འཁྲུག་སློང་ཞེས་པ་ལྟ་བུ། |
| འཐབས་པ |
འཐབ་པའི་འདས་པ། |
| འཐབས་སྤྱོས |
ལུས་ཀྱིས་འཐབས་ཤིང་ཚིག་གིས་སྨད་པ། |
| འཐམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) དམ་པོར་འཇུས་པ་ སྤྲེའུ་ཤིང་ལ་འཐམ། བུ་ཆུང་མ་ལ་འཐམ་ལྟ་བུ། |
| འཐམ་པ |
ཐ་དད་པ འཐམས་པ། འཐམ་པ། འཐོམས།། 1 དཔུང་གིས་འཁྱུད་པ། ཕན་ཚུན་འཐམས་ནས་དགའ་བཤུམ་གནང་བ། ཕན་ཚུན་སྐེད་པ་ནས་འཐམས་ཏེ་ལུས་སྟོབས་འགྲན་བསྡུར་བྱེད་པ། ཕྲུ་གུས་ཨ་མའི་མཇིང་པ་ནས་འཐམ་པ། རྟ་སྒ་ལ་འཐམས་ནས་མ་གཡུགས་ཙམ་བྱུང༌། 2 ལག་པས་དམ་པོར་འཛིན་པ། འཐམས་ནས་མི་གློད་པ། མཚོན་ཆར་འཐམ་པ། 3 དམ་པོ་འཚུམ་པའམ། བཙུམས་ནས་མི་འབྱེད་པ། ཁ་འཐམས་པ། |
| འཐམ་ལག |
ཐམ་ལག་དང་འདྲ། |
| འཐམས |
འདས་པ་ ལག་པ་གྲི་ཡུ་ལ་འཐམས་ནས་རྫིག་རྫིག་བཏང་ལྟ་བུ། བཙུམས་པ་ ཁ་འཐམ། སྤར་ཁ་འཐམ་ལྟ་བུ། |
| འཐམས་པ |
1. འཐམ་པའི་འདས་པ། 2. རྙིང 1 བྱམས་པ། 2 གཏམ་ཆད་བྱེད་པ། 3 སྤྱོ་བ། སྡང་མིག་བལྟས་ཏེ་འཐམས་པ། |
| འཐམས་མེད་པ |
རྙིང འཁྱོས་མ། |
| འཐམས་ཤིག |
རྙིང སོང་ཞིག |
| འཐར་བ |
ཡུལ བར་དུ་བཙིར་ཏེ་ཤ་ལྤགས་སོགས་ལ་སྐྱོན་བྱུང་བ། ལག་པ་རྡོས་འཐར་ནས་ཁྲག་གི་ཆུ་གོང་སྐྱེས་པ། |
| འཐས |
(རྒྱན་ཚིག) སྲ་བའམ་མཁྲེགས་པའི་དོན་ཏེ། སྲ་འཐས། སྲ་ཞིང་འཐས་པ་ཞེས་པ་ལྟ་བུ། འབྱར་བ་དང་བསྡམས་པ་དམ་པའི་དོན་ཏེ། སྐེ་རགས་ཤ་གསེབ་ལ་འཐས། སྤྱིན་ཆུ་ཤིང་སྲུབས་ལ་འཐས་ལྟ་བུ། |
| འཐས་པ |
1 སྲ་བ་དང༌། མཁྲེགས་པ། ས་རྒྱུ་འཐས་པ། 2 ཞེན་པ་ཆེ་བ། དེ་འདྲའི་མི་ཨ་འཐས་ཚ་ལ། |
| འཐིག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཆུའི་ཐིགས་པ་མར་ལྷུང་བའི་དོན་ཏེ། ཐིགས་ཆུ་ས་ལ་འཐིག་ཡོང་། མིག་ནས་མཆི་མ་འཐིག་ལ་ཉེ་ལྟ་བུ། |
| འཐིགས |
འདས་པ་ ཐིགས་ཆུ་འཐིགས་ནས་བརླན་ལྟ་བུ། |
| འཐིང་སླད |
རྙིང 1 འཕྱ་སྨོད། 2 སྡིགས་མོ། |
| འཐིབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)སྤྲིན་དང་དུ་བ་སོགས་འཁྲིགས་པ་ མུན་པ་འཐིབ། སྨུགས་པ་འཐིབ་རྒྱུ་རེད། ཁང་བར་དུ་བ་འཐིབ་ཀྱིན་འདུག་ལྟ་བུ། |
| འཐིབ་པ |
འཐིབས་པའི་ད་ལྟ་བ་དང་མ་འོངས་པ་གཉིས་ཀྱི་འབྲི་ཚུལ་གཞན་ཞིག་ |
| འཐིབས |
འདས་པ་ སྨུགས་པ་འཐིབས་ནས་ཆར་བབས་ལྟ་བུ། |
| འཐིབས་པ |
ཐ་མི་དད་པ འཁྲིགས་པ་དང་མི་གསལ་བ། བློའི་དབང་པོ་འཐིབས་པ། གནམ་འཐིབས་པ། རི་འགོར་སྨུག་པ་འཐིབས་པ། ཁང་པའི་ནང་ལ་དུ་བ་འཐིབས་པ། |
| འཐིབས་པོ |
1. སྟུག་པོའམ་འཐུག་པོ། མུན་ནག་འཐིབས་པོ། རིག་པ་འཐིབས་པོ། རྩི་ཤིང་འཐིབས་པོ། 2. མངོན ནགས་ཚལ། |
| འཐིམ |
(བྱེད་མེད་ལས་ཚིག) ངོ་བོ་དབྱེར་མེད་དུ་འདྲེས་པ་ བྱེ་མར་ཆུ་འཐིམ། ཤ་ཁུ་ཤ་ལ་འཐིམ་ལྟ་བུ། |
| འཐུ |
ད་ལྟ་བ་ སྙེ་མ་འཐུ་མཁན། འཐུ་བཞིན་པ་ལྟ་བུ། |
| འཐུ་ཆ |
སྒེར་སོ་སོ་ནས་སྤྱི་ཐོག་ཏུ་ཉེར་མཁོའི་དགོས་ཆས་སྡུད་པའི་བསྡུ་ཆ། |
| འཐུ་བ |
ཐ་མི་དད་པ 1) བཏུས་པ། བཏུ་བ། ཐུས།། 1 སྡུད་པ། བུད་ཤིང་འཐུ་བ། སྨན་བཏུས་པ། ལོ་མ་སྐམ་པོ་རླུང་གིས་བཏུས། མེ་ཏོག་བཏུས་ཏེ་བུམ་པར་བཙུགས། 2 སྒྲུག་པ། ཁྱིམ་བྱ་དེས་འབྲུ་འཐུ་བཞིན་པའི་ངང་ནས་འགྲོ་བ། སྔགས་བཏུ། 2) འཐུས་པ། འཐུ་བ། འཐུས།། བསྡུ་ཆ་རྒྱག་པ། ལག་དངུལ་འཐུས་ནས་ལྟོ་ཆས་ཉོ། |
| འཐུག |
མཐུག་གི་འབྲི་ཚུལ་གཞན། |
| འཐུག་གེ་བ |
འཐུག་པོའི་ཁྱད་པར་ཞིག ཤིང་ནགས་འཐུག་གེ་བ། གོས་འཐུག་གེ་བ། |
| འཐུག་པ |
མཐུག་པོ་དང་འདྲ། |
| འཐུག་པོ |
མཐུག་པོ་དང་འདྲ། |
| འཐུག་འདེབས |
ཞིང་ལ་ས་བོན་འཐུག་པོར་འདེབས་པ། |
| འཐུག་འཛིངས |
ཤིང་ནགས་དང་སྐྲ་སོགས་འཐུག་ལ་ཕན་ཚུན་འདྲེས་པ། |
| འཐུང |
ད་ལྟ་བ་ ཇ་འཐུང་བཞིན་འདུག་ལྟ་བུ། |
| འཐུང་བ |
ཐ་དད་པ བཏུངས་པ། བཏུང་བ། འཐུངས།། ཆུ་དེ་བཏུངས་ན་ལྟོ་བར་གནོད་པ་མེད། ཆང་བཏུངས་ཏེ་ར་རོ་བར་གྱུར། ཁོ་བོས་ཇ་འཐུང་གིན་ཡོད། རྒྱ་མཚོ་བཏུངས་ནས་མ་ངོམས། རི་རབ་བཟས་ནས་མ་འགྲངས། ཤ་ཟ་ཁྲག་འཐུང༌། |
| འཐུང་བྱེད |
མངོན གུར་ཀུམ། |
| འཐུང་ཚན |
འཐུང་ཤེད་ཆེ་ཆུང་གི་ཚད། |
| འཐུང་འཕྲོ |
བཏུང་བ་འཐུང་བའི་ལྷག་འཕྲོ། |
| འཐུང་སྣོད |
ཕོར་པ་དང༌། དཀར་ཡོལ་སོགས། |
| འཐུང་ཧམ |
བཏུང་བ་ལ་ཞེན་པ་ཆེ་བ།… |
| འཐུངས |
འཐུང་བའི་སྐུལ་ཚིག་ 2.འདས་པ་ ཆུ་སྐོལ་འཐུངས་ཟིན་ལྟ་བུ། |
| འཐུངས་པ |
འཐུང་བའི་འདས་པའི་འབྲི་ཚུལ་གཞན་ཞིག་ |
| འཐུད |
མཐུད་ཀྱི་འབྲི་ཚུལ་གཞན། |
| འཐུད་པ |
མཐུད་པ་དང་འདྲ། |
| འཐུན |
ཐུན་གྱི་འབྲི་ཚུལ་གཞན། |
| འཐུབ་པ |
གཏུབ་པའི་ད་ལྟ་བའི་འབྲི་ཚུལ་གཞན་ཞིག་ |
| འཐུམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བློ་རིག་མི་གསལ་བར་གྱུར་པ་ སེམས་འཐུམ། རིག་པ་འཐུམ་པར་གྱུར་ལྟ་བུ། |
| འཐུམ་པ |
འཐུམས་པའི་ད་ལྟ་བ་དང་མ་འོངས་པ་གཉིས་ཀྱི་འབྲི་ཚུལ་གཞན་ཞིག་ |
| འཐུམས |
འདས་པ་ སེམས་འཐུམས་ནས་ཅི་ཡང་མི་དྲན་ལྟ་བུ། བཏུམ་གྱི་ད་ལྟ་བ། |
| འཐུམས་པ |
ཐ་མི་དད་པ ནང་དུ་ཚུད་ནས་དབུགས་འགག་པ་དང༌། རིག་པ་མི་གསལ་བར་གྱུར་པ། དུ་བས་འཐུམས་ཏེ་གློ་རྒྱག་པ། འཕྱི་ཚང་ནང་དུ་འཕྱི་བ་དུ་བས་འཐུམས་ཏེ་ཤི་བ། སྦྲང་མ་པད་མའི་སྦུབས་སུ་འཐུམས་ནས་ཤི་སོང༌། བློ་སྦུག་འཐུམས་པ། ཞེད་ནས་འཐུམས་འདུག |
| འཐུར |
མཐུར་གྱི་འབྲི་ཚུལ་གཞན། |
| འཐུར་བ |
རྙིང འཁྲུགས་པ། |
| འཐུལ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བཏུལ་ནས་ལས་སུ་རུང་བར་བྱེད་པ་ རྟ་རྒོད་འདི་ཁ་ལོ་བཏུལ་ཀྱང་ད་དུང་ཁ་ལོ་ལེགས་པར་འཐུལ་དགོས། རྟ་འཐུལ་མཁན་ཞེས་པ་ལྟ་བུ། |
| འཐུལ་བ |
ཐ་མི་དད་པ ཐོན་པ་དང༌། འབྱུང་བ། དུ་བ་འཐུལ་བ། ཁྱིམ་དུ་དུ་བ་ལྷང་ལྷང་འཐུལ་བ། དྲི་མ་འཐུལ་བ། སྤོས་དྲི་ཞིམ་པོ་འཐུལ་བ། |
| འཐུལ་འཐུལ |
གྱེན་དུ་འཕྱུར་ཚུལ་ཞིག དུ་བ་འཐུལ་འཐུལ་བ། ཤ་བཙོས་པའི་རླངས་པ་དྲི་ཞིམ་འཐུལ་འཐུལ་དུ་ཐོན་པ། |
| འཐུས |
བསྡུ་ཆ་རྒྱག་པའི་དོན་དུ་གོ་བའི་འཐུ་བའི་སྐུལ་ཚིག་ 2. (བྱེད་མེད་ལས་ཚིག) གོ་ཆོད་པའི་དོན་ཏེ། ཆམ་པའི་ནད་ལ་སྨན་འདི་བཏུངས་པས་འཐུས་ལྟ་བུ། |
| འཐུས་པ |
1.བསྡུ་ཆ་རྒྱག་པའི་དོན་དུ་གོ་བའི་འཐུ་བའི་འདས་པ། 2.ཐ་མི་དད་པ འགྲིག་པ་དང་ཆོག་པ་དང་རུང་བ། ལྟོ་གོས་བཟང་ངན་དེ་ཙམ་གྱིས་འཐུས། འགྲོ་འཐུས། བཤད་པས་འཐུས། སྨན་འདི་བཏུང་བས་འཐུས། |
| འཐུས་མཆན |
ཆོག་མཆན་ཏེ་བཀའ་འཁྲོལ་བའི་ཡི་གེ་མདོར་བསྡུས། འཐུས་མཆན་རྒྱག་པ། |
| འཐུས་མི |
མིང་མང་བོའི་ཚབ་ཏུ་བདམས་ནས་མངགས་པའི་མི་ མི་དམངས་ཀྱི་འཐུས་མི་ཞེས་པ་ལྟ་བུ། |
| འཐུས་མིའི་སྣ་བོ |
སྤྱི་འཐུས་ཀྱི་མིའི་གཙོ་བོ། |
| འཐུས་ཚང |
ཚང་འཛོམས་སམ། ཆད་ལྷག་མེད་པ། མཐུན་རྐྱེན་འཐུས་ཚང་བྱུང་བ། |
| འཐུས་ཚབ |
དོན་གཅོད་འཐུས་མི་ངོ་མ་དེའི་ལས་ཚབ་བྱེད་མཁན། མཁན་པོའི་འཐུས་ཚབ། |
| འཐུས་ཤོར་བ |
ལས་བྱུས་ཉེས་པ། ཕར་ཁག་ཚུར་དཀྲིའི་ཟ་ཟི་ཁོ་ན་བྱས་ན་ལས་ཀ་འཐུས་ཤོར་བ་ལས་ཡོང་རྒྱུ་མེད། ངེས་པར་འཐུས་ཤོར་མེད་པ་ཞིག་བསྒྲུབ་དགོས། |
| འཐུས་སྒོ་ཚང་བ |
ལས་དོན་གྲ་འགྲིག་བྱུང་བ། དངོས་སུ་ལག་བསྟར་གྱི་བྱེད་ཐབས་འཐུས་སྒོ་ཚང་བ། |
| འཐེང |
(བྱེད་མེད་ལས་ཚིག) རྐང་ལག་གྱོལ་བ་ བོང་བུ་འདི་འཐེང་གིནའདུག། རྐང་བ་འཐེང་ལྟ་བུ། |
| འཐེང་པོ |
1. རྐང་པ་ཞ་ཀྱོག་ཅན། 2. རྐང་པ་ཞ་ཀྱོག རྐང་པ་འཐེང་པོར་འགྲོ་བ། རྐང་ཞ་ལག་འཐེང༌། |
| འཐེང་བ |
ཐ་མི་དད་པ འཐེངས་པ། འཐེང་བ།། ཞ་བ། རྐང་པ་འཐེངས་ཀྱང་འགྲོ་སྙིང་འདོད། |
| འཐེང་བོ |
རྐང་བ་འཐེང་ནས་འགྲོ་བའི་མི་དང་སྲོག་ཆགས། |
| འཐེངས |
འཐེང་གི་འབྲི་ཚུལ་གཞན། |
| འཐེངས་པ |
འཐེང་བའི་འདས་པ། |
| འཐེན |
(བྱེད་མེད་ལས་ཚིག) དབུགས་དང་དུ་བ་སོགས་ཁར་རྔུབ་པ་ དུ་བ་འཐེན་ལྟ་བུ། བླངས་པ་ སྒོར་མོ་ལྔའི་ནང་ནས་གཉིས་ཕྱི་ལ་འཐེན་ན་གསུམ་ལྷག་ལྟ་བུ། ０ཐག་པ་སོགས་འཐེན་པ་ གློག་སྐུད་འཐེན། ཐག་གདང་འཐེན་ལྟ་བུ། １གོ་གནས་ཕབ་པ་ གོ་གནས་མར་འཐེན་ལྟ་བུ། ２ཕྱིར་སྡུད་པ་ དམག་དཔུང་ཕྱིར་འཐེན་ལྟ་བུ། ３དབྱངས་སུ་གྱེར་བ་ གཞས་འཐེན། སྙན་ངག་དབྱངས་ལ་འཐེན་ལྟ་བུ། |
| འཐེན་ཁ་རྒྱོང་རེས |
ཡུལ ཅ་ལག་ལག་པས་ཕར་ཚུར་འཐེན་པ་དང༌། དོན་གནད་ལ་གྲོས་མི་འཆམ་པར་རང་འདོད་བྱེད་པ། |
| འཐེན་ཐག |
ཕར་ཚུར་རམ། ཡར་མར་འདྲེན་པའི་ཐག་པ། |
| འཐེན་པ |
ཐ་དད་པ 1 འདྲེན་པ་དང༌། འཁྲིད་པ། བཙན་དབང་གིས་འཐེན་འགྲོ་བ། སྒོ་མར་འཐེན་ཙམ་གྱིས་ཨང༌། གཡུལ་ས་ནས་ཕྱིར་འཐེན་པ། ཐག་པ་དེ་འཐེན་ནས་ཆད་སོང༌། ཕོ་མོའི་བར་དུ་ཐག་པ་འཐེན་པ། 2 ཁྲལ་འཇལ་བ། རྐང་འགྲོ་ལག་འདོན་གྱི་ཁྲལ་རིགས་འཐེན་པ། 3 ནར་བའམ། འགྱང་བར་བྱེད་པ། དབྱངས་འཐེན་པ། དུས་སྒོ་ངང་འཐེན་བྱེད་པ། 4 རྔུབ་པར་བྱེད་པ། ཐ་མ་ཁ་འཐེན་པ། དབུགས་གཏོང་འཐེན་ག་ལེར་བྱེད་པ། |
| འཐེན་བསྐོང |
ཁུངས་གཅིག་ནས་འཐེན་ཏེ་ཁུངས་གཞན་ཞིག་ཏུ་འཇུག་པ། ལས་བྱེད་པ་ཁ་ཤས་འཐེན་བསྐོང་བྱས་ནས་ཁ་ཚ་དགོས་མཁོའི་ལས་ཀ་བྱེད་དུ་འཇུག་པ། |
| འཐེན་འཁྱེར་ཀར་ཀོར |
གྲོས་མ་འཆམས་པའི་ཀར་ཀོར། ཕྱོགས་ཞེན་འཐེན་འཁྱེར་ཀར་ཀོར་མང་ན་གྲོས་འཆམས་ཐུབ་པ་ཁག་གི་རེད། |
| འཐེན་འཐོག |
ཤ་སྤུ་སོགས་འཐེན་པ་དང་འཐོག་པ། |
| འཐེབ |
མ་དངུལ་གྱི་མིང་ དངུལ་འཐེབ། ཟས་འཐེབ་ཆུ་མཛོད་ལས་འཐེབ། སློབ་གསོའི་དངུལ་འཐེབ་ཅེས་པ་ལྟ་བུ། |
| འཐེབ་པ |
ལྷག་པོ། གོས་འཐེབ་པ། ཟས་འཐེབ་པ། མི་གཅིག་འཐེབ་པ་བྱུང་སོང༌། |
| འཐེབ་འཁྲོལ |
ལྷག་མ། |
| འཐེབས |
ཐེབས་ཀྱི་འབྲི་ཚུལ་གཞན། |
| འཐེམ་པ |
ཐ་མི་དད་པ ཐེམས་པ། འཐེམ་པ།། ཚང་བ། སྔོན་བཀག་གྲངས་འབོར་ཐེམས་པ། མི་གྲངས་ཐེམས་པ། |
| འཐེམས |
ཐེམས་ཀྱི་འབྲི་ཚུལ་གཞན། (བྱེད་མེད་ལས་ཚིག) ཤ་རུས་སོགས་བར་ཚགས་དམ་པོར་སོང་བའི་དོན་ཏེ། མགོ་རུས་འཐེམས་པ་གསེང་ལྟ་བུ། |
| འཐེམས་ནན |
ཟོལ་མེད་ནན་ཏན་གྱི་དོན། |
| འཐོག |
ད་ལྟ་བ་ སྐྱེད་ཚལ་གྱི་མེ་ཏོག་འཐོག་མི་རུང་། འཐོག་གིན་འདུག་ལྟ་བུ། |
| འཐོག་པ |
ཐ་དད་པ བཏོགས་པ། བཏོག་པ། འཐོགས།། ལག་སོར་གྱིས་གཅོད་པའམ། འཐེན་པ། ཚལ་ཞིང་ནས་སྔོ་ཚལ་གྱི་རྩེ་མོ་འཐོག་པ། ཤིང་ཏོག་སྨིན་པ་ཚང་མ་བཏོགས་པ། ཕན་མི་ཐོགས་པའི་ཡལ་ག་རྣམས་འཐོག་པ། མེ་ཏོག་འཐོག་པ། ཇ་ལོ་བཏོགས་པ། ཤའི་སྤུ་རྣམས་གཙང་མར་བཏོགས་ནས་ཚོས། |
| འཐོགས |
འཐོག་པའི་སྐུལ་ཚིག་ |
| འཐོན |
མ་འོངས་པ་དང་ད་ལྟ་བ་ སྒོ་ལ་འཐོན་ཁ། ཕྱི་ལ་འཐོན་ཁ་ཞེས་པ་ལྟ་བུ། <ཁ>སླེབས་པའི་དོན་ཏེ། ཡུལ་ལ་ཐོན། ལོ་གསར་འཐོན་ཁ་ཞེས་པ་ལྟ་བུ། <ག>གྲུབ་འབྲས་བྱུང་བའི་དོན་ཏེ། གཏེར་ཁ་བརྐོས་ནས་གཏེར་རྡོ་ཐོན་ལྟ་བུ། |
| འཐོན་ཁ |
འགྲོ་ཁ། |
| འཐོན་པ |
ཐ་མི་དད་པ ཐོན་པ། འཐོན་པ། ཐོན།། 1 འགྲོ་བ། འདི་ནས་ཐོན་ཏེ་གང་དུ་འགྲོ། ཁང་པའི་ནང་ནས་ཕྱིར་ཐོན་ཅིག 2 འབྱུང་བ། དེ་རིང་དོན་དག་ཆེན་པོ་གཅིག་ཐོན་སོང༌། ལུང་པ་དེ་ནས་ཡུལ་ཟོག་ཕོན་ཆེན་ཞིག་འཐོན་རྒྱུ་ཡོད། 3 འཆར་བ། ཞིང་ཁའི་ནང་ནས་སོན་གྱི་མྱུ་གུ་འཐོན་ཉེར་འདུག ཕྲུ་གུ་གསུམ་སྐྱེས་པ་ཚང་མ་མགོ་ཐོན་པ་རེད། རང་མགོ་ཐོན་མ་ཐུབ་པ། |
| འཐོན་ཕྱག |
ལམ་དུ་འཐོན་ཁའི་གུས་འདུད། |
| འཐོབ |
མ་འོངས་པ་དང་ད་ལྟ་བ་ ད་ལོ་སྐལ་བ་མང་བོ་འཐོབ་རྒྱུ་རེད། སྐལ་བ་འཐོབ་མཁན་ཞེས་པ་ལྟ་བུ། བླངས་པའི་དོན་ཏེ། རྒྱལ་ཁ་ཐོབ་ལྟ་བུ། ０འོས་པ་དང་འཚམ་པའི་དོན་ཏེ། ཡི་གེའི་ཐོབ་ཐང་། རྗེས་འཇུག་ས་མཐར་སུ་ཡིག་འཐོབ་ལྟ་བུ། |
| འཐོབ་ཁ་མ |
འཐོབ་ལ་ཁད་དམ། འཐོབ་རན་པ། |
| འཐོབ་ཏུ་ཆ་བ |
འཐོབ་ལ་ཁད་དམ། འཐོབ་གྲབས་ཡོད་པ། གྲུབ་འབྲས་འཐོབ་ཏུ་ཆ་བ། |
| འཐོབ་པ |
ཐ་མི་དད་པ ཐོབ་པ། འཐོབ་པ།། རྙེད་པ། གོ་སྐབས་ཐོབ་པ། སྐལ་བ་ཐོབ་པ། མི་ངན་ལ་གོ་ས་ཐོབ་ན་རང་སྣང་གང་དྲན་བྱས་ཡོང༌། སློང་མི་མང་སྟེ་འཐོབ་མི་དཀོན། |
| འཐོབ་བྱའི་རྒྱུ |
རྒྱུའི་རྒྱན་གྱི་ནང་གསེས་ཤིག་ཡིད་ལ་འདོད་པའི་འབྲས་བུ་འཐོབ་བྱའི་རྒྱུ་ཐབས་ཤེས་ཀྱི་གཡོ་འཕྲུལ་སྟོན་པའི་རྒྱན་ཞིག |
| འཐོབས |
འཐབ་པའི་སྐུལ་ཚིག་ |
| འཐོམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བྱ་དངོས་ལ་རྨོངས་པ་དང་མགོ་འཁོར་བ་ རྒྱ་སྲང་དུ་མགོ་འཐོམ། མགོ་འཐོམ་གྱིན་འདུག་ལྟ་བུ། |
| འཐོམ་པ |
འཐོམས་པའི་ད་ལྟ་བ་དང་མ་འོངས་པ་གཉིས་ཀྱི་འབྲི་ཚུལ་གཞན་ཞིག་ |
| འཐོམ་མེ་བ |
རིག་པ་མི་གསལ་བ། ལས་དོན་མགོ་མི་འཚོས་པར་འཐོམ་མེ་བར་སྡོད་པ། |
| འཐོམ་འཐོམ |
རིག་པ་མི་གསལ་བ། མི་འཐོམ་འཐོམ་ཞིག |
| འཐོམ་ཡོར |
མགོ་འཐོམ་པའི་མིའི་རྣམ་འགྱུར། |
| འཐོམ་རྒྱག |
ཡུལ མི་ཤེས་བཞིན་དུ་བྱ་བ་ལ་འཇུག་པ། བྱ་བ་ལ་བརྟག་དཔྱད་མི་བྱེད་པར་འཐོམ་རྒྱག་ཏུ་མ་འཇུག |
| འཐོམ་སྒྱེ |
ཡུལ གང་ཡང་བྱེད་མི་ཤེས་པའམ། རིག་པ་མི་གསལ་བ། |
| འཐོམ་སྒྱེ་འཐོམ་ནག |
ཡུལ ཤེས་རིག་མི་གསལ་བའི་མི་ལ་སྨོད་ཚིག |
| འཐོམས |
འཐམ་པའི་སྐུལ་ཚིག་ |
| འཐོམས |
འདས་པ་ མགོ་འཐོམས་ནས་ལམ་འཆུགས་ལྟ་བུ། |
| འཐོམས་གཡོགས་པ |
ཡུལ མགོ་སྐོར་བཏང་བ། |
| འཐོམས་པ |
ཐ་མི་དད་པ མགོ་བོ་འཁོར་བ། མགོ་བོ་འཐོམས་ནས་ཅི་ཡང་མི་ཤེས་པར་གྱུར། |
| འཐོར |
མ་འོངས་པ་དང་ད་ལྟ་བ་ ཟོ་བ་འདི་འཐོར་ལ་ཁད་ཡོད། ཟོ་བ་འཐོར་གྱིན་འདུག་ལྟ་བུ། <ཁ>དངོས་རྫས་མང་བོ་མར་ལྷུང་བའི་དོན་ཏེ། སིལ་ཏོག་ས་ལ་ཐོར། སྲན་མ་ས་ལ་ཐོར་ལྟ་བུ། ཐོར་བ་ཞེས་པའི་ཚིག་བསྡུས་པ། ０ཐོ་རུ་ཞེས་པའི་རུ་ཡིག་བསྡུས་པ་ ཐོ་རུ་བཀོད་ལ་ཐོར་བཀོད་ཟེར་བ་ལྟ་བུ། |
| འཐོར་གྲུམ |
ཁ་མ་ཚང་བ་དང༌། ཆག་ཞིག་གི་དངོས་པོའི་བསྡུས་ཚིག ཡོ་བྱད་འཐོར་གྲུམ་ཅན་ཉམས་གསོ་བྱས་པ། |
| འཐོར་ནས |
ལྷ་ལ་འབུལ་རྒྱུའི་འབྲུ་ནས། |
| འཐོར་བ |
1. གཏོར་བའི་ད་ལྟ་བའི་འབྲི་ཚུལ་གཞན་ཞིག 2. ཐ་མི་དད་པ ཐོར་བུར་འགྱུར་བ་དང༌། ཕྱོགས་རེ་བར་འགྱུར་བ། ཁྱིམ་ཚང་འཐོར་བ། གོས་སྲུབས་འཐོར་བ། ལུག་ཁྱུ་འཐོར་བ། ལག་ཡོད་རྒྱུ་ནོར་ཚང་མ་འཐོར་སོང༌། མ་བུ་ཁ་འཐོར། |
| འཐོར་བརླག |
ཁ་འཐོར་ནས་བརླག་པ། |
| འཐོར་བྱེད |
མངོན ནེ་ཙོ། |
| འཐོར་བྲོས |
དཔུང་འཐོར་ནས་བྲོས་པ། |
| འཐོར་མ |
ཁ་འཐོར་གྱི་དངོས་པོ། |
| འཐོར་མ་རག |
འཐོར་ལ་ཁད། ཁྱིམ་གཞིས་འཐོར་མ་རག |
| འཐོར་འཐུང |
ལྷ་ལ་འབུལ་རྒྱུའི་ཡོན་ཆབ། |
| འཐོར་འབྲུ |
ལྷ་ལ་འབུལ་རྒྱུའི་འབྲུ་རིགས། |
| འཐོར་རླུང |
ཕྱོགས་ཀུན་ནས་ལྡང་བའི་རླུང་དྲག་པོ། |
| འཐོར་སོན་འདེབས་པ |
རོལ་ཤུལ་ཙམ་དུ་མ་ཡིན་པར་ཞིང་ཁ་གང་ས་གང་དུ་སོན་འདེབས་པ། |
| འཐོར་སྡོད |
ཁ་ཡན་ནམ། ཁ་འཐོར་ནས་སྡོད་པ། |
| འཐོར་སྤྱད |
འཐོར་བྱེད་ཀྱི་ཡོ་བྱད་ཅིག |
| འཐོལ |
མཐོལ་གྱི་འབྲི་ཚུལ་གཞན། |
| འཐོལ་པ |
ཡུལ ལྷག་པོའམ། ལྷག་མ། ཡོན་ཏན་ཇི་ཙམ་མང་རུང་འཐོལ་པ་ཡིན་པར་མ་སེམས། གླ་ཆ་འཐོལ་པ། ཁུར་པོ་འཐོལ་པ། |
| འཐོལ་བ |
མཐོལ་བ་དང་འདྲ། |
| འདག |
(བྱེད་མེད་ལས་ཚིག་མ་འོངས་པ་དང་ད་ལྟ་བ) <ཀ>དྲི་མ་དང་ཁ་དོག་སོགས་སེལ་བ་ ལུས་བཀྲུས་ན་ཚི་འདག མེ་ལོང་ཕྱིས་ན་གཡའ་འདག དྲི་མ་ཆུ་ལ་བཀྲུས་ན་འདག མདོག་ནག་པོ་འགོས་ན་འདག་དཀའ་ལྟ་བུ། |
| འདག་གུ |
ལྡག་གུ་དང་འདྲ། |
| འདག་ཆལ |
1 ཁྲུས་རྫས་སམ། འདག་བྱེད་ཀྱི་རྫས། 2 བ་བྱུང་ལྔ་སྟེ་བ་ལས་བྱུང་བ་ལྕི་བ་དང༌། གཅིན་པ། འོ་མ། ཞོ། མར་བཅས་ལྔ་ལ་མཆོད་རྫས་གཙང་བར་བྱེད་པའི་རྫས་ལྔ་ཟེར། |
| འདག་དོང |
འདམ་བག་གིས་གང་བའི་ས་ཀོང་དོང༌། འདག་དོང་ནང་དུ་རྐང་པ་ཚུད་པ། |
| འདག་པ |
1. ཐ་མི་དད་པ དག་པ། འདག་པ།། གཙང་མར་འགྱུར་བ། དྲི་མ་ལེགས་པར་བཀྲུས་ན་མི་འདག་པ་མེད། ནམ་མཁའ་གཡའ་དག་པ་དང༌། ས་གཞི་རྡུལ་དག་པ། 2. འདམ་དང༌། འཇིམ་པ། ཆར་པ་མ་བབ་ན་ཐལ་བ་དང༌། བབ་ན་འདག་པས་ཁེངས་པ། |
| འདག་བག |
འདམ་བག་དང་འདྲ། |
| འདག་བག་ཕར་འཁྱོལ |
འགྲོ་ལམ་སོགས་ཀྱི་འདམ་བག་གནས་སྐབས་སེལ་ཐུབ་ཙམ་སྟེ་སླ་བཅོས་ཀྱི་དཔེ། |
| འདག་བྱིལ |
འདག་བྱེའུ་དང་འདྲ། |
| འདག་བྱེད |
མངོན ཆུ་སོགས། |
| འདག་བྱེའུ |
བྱ་ཁུག་རྟ། |
| འདག་ཚང |
འདག་བྱིལ་གྱི་ཁང་པ། |
| འདག་ཞལ |
འདམ་བག་གི་ཞལ་བ། རྩིག་པར་འདག་ཞལ་བརྒྱབ། |
| འདག་འདག |
བསྐོལ་དྲགས་ནས་འདལ་བའི་གྲོ་ཟན་གྱི་ཐུག་པ་ལྟ་བུ། ཚ་སྡོར་མེད་པའི་བག་ཐུག་འདག་འདག་དེ་འཐུང་མཁན་གྱི་དང་གར་མི་འགྲོ། |
| འདག་འབྱར |
1 སྒོ་སོགས་ཁང་པའི་བུ་ག་འདག་པས་འབྱར་བ། གྱང་རྙིང་པར་འདག་འབྱར་རྒྱག་པ། 2 འདམ་བག་གོས་པ། |
| འདག་རྫབ |
འདག་རྙོག ལྷམ་ལ་འདག་རྫབ་འགོས་འདུག |
| འདག་རྫས |
དྲི་མ་འདག་བྱེད་ཀྱི་རྫས་ཤིག་ ཡེ་ཙི་ལྟ་བུ། |
| འདག་སྦྱར |
བུར་པ་སོགས་འདག་པས་བཀག་པ། སྒོ་འདག་སྦྱར་གྱིས་བཀག་པ། |
| འདང |
ཡུལ 1 ཞེན་ཆགས་པའམ་བརྩེ་གདུང༌། ང་རང་རང་གི་ཕ་ཡུལ་ལ་འདང་ཆེ། 2 བསམ་བློ། མི་འདི་སུ་ཡིན་ངས་འདང་ཡུན་རིང་བརྒྱབ་ཀྱང་དྲན་མ་སོང༌།…3.བྱེད་མེད་ལས་ཚིག) <ཀ>ཚད་ངེས་ཅན་ལོངས་པ་ གྲངས་ཀ་འདང་། སྒོར་མོ་འདང་། རས་གྱོན་འདང་ཞིག་ཉོས། འབྲུ་རིགས་ཟ་རྒྱུ་འདང་ནས་ལྷག་མ་ཡོད་ལྟ་བུ། <ཁ>བཀོལ་ཡུན་རིང་བ་ བྲོ་ག་འདིས་ཟླ་བ་གཅིག་ལ་འདང་ངེས་རེད། ལོ་གཅིག་ལ་འདང་བའི་འབྲུ་རིགས་བགོས་ལྟ་བུ། དཔྱད་པའི་བློའི་མིང་ སྔ་འདང་ཕྱི་འདང་མང་བོ་བརྒྱབ་ལྟ་བུ། |
| འདང་བ |
ཐ་མི་དད་པ འདངས་པ། འདང་བ།། ཚད་ངེས་ཅན་ལོངས་པ། མི་གྲངས་ལྔ་བཅུ་ཐམ་པ་འདངས་མ་སོང༌། ལོ་གཅིག་གི་འཚོ་བའི་ཆ་རྐྱེན་འདངས་ལ་ཁད་ཅིག་འདུག རས་གོས་འདང་གཅིག |
| འདང་མ་འདངས |
ལྡང་མ་ལྡངས་དང་འདྲ། |
| འདངས་པ |
འདང་བའི་འདས་པ། |
| འདངས་ཙམ |
ལོངས་ཙམ། རྩམ་པ་འདི་ཙམ་ཞིག་བྱུང་ན་ལམ་རྒྱགས་འདངས་ཙམ་ཡོང་བ་འདུག |
| འདངས་སྟེང་ལ |
ལ་ཞིག་བོད་རང་སྐྱོང་ལྗོངས་ཀྱི་མཚོ་ཆེན་རྫོང་གི་ལྷོ་རྒྱུད་དུ་ཡོད། |
| འདད |
རྙིང གཤིན་པོར་དམིགས་པའི་དགེ་སྒྲུབ། |
| འདད་པ |
རྙིང 1 གཤིན་པོར་སེམས་འཕྲེང་བའམ་ཆགས་སེམས་ཅན། 2 གཤིན་པོའི་ཆེད་དུ་དགེ་བ་སྒྲུབ་མཁན། |
| འདན་ཁོག་ནུབ་མ |
ས་མིང་ཞིག་བོད་རང་སྐྱོང་ལྗོངས་ཀྱི་འཇོ་མདའ་རྫོང་ཁོངས་ཡིན་ཞིང༌། འབྲི་ཆུའི་ནུབ་འགྲམ་དུ་ཡོད། |
| འདན་པ |
སྒོའི་གཏན་པའི་དོན་དུ་གོ་བའི་མདན་པ་དང་འདྲ། |
| འདན་བུ |
སྒོའི་ཨ་ཤིང༌། |
| འདན་ཤིང |
རྙིང སྒོའི་འཕྲེད་གཏན་དང་འཁོར་གཏན། |
| འདབ |
རྩི་ཤིང་གི་ལོ་མའི་མིང་ ཤིང་གི་ལོ་འདབ། ལྗོན་ཤིང་གི་ཡལ་འདབ་ཅེས་པ་ལྟ་བུ། མེ་ཏོག་གི་འདབ་མའི་མིང་ པད་འདབ་ཅེས་པ་ལྟ་བུ། ０བྱའི་གཤོག་པའི་མིང་ འདབ་གཤོག་ཅེས་པ་ལྟ་བུ། |
| འདབ་ཁ |
མེ་ཏོག་གི་འདབ་མའི་ཁ། པད་མའི་འདབ་མ་ཁ་བྱེ་འདུག |
| འདབ་ཁྲ |
མངོན ཁུག་རྟ། |
| འདབ་གསུམ |
མངོན 1 ལ་ཕུག 2 རྒྱ་སྐྱེགས། |
| འདབ་ཆགས |
བྱ་རིགས། མིང་གི་རྣམ་གྲངས་ལ་མཁའ་སྐྱོད་དང༌། མཁའ་འགྲོ། མཁའ་རྒྱུ། མཁའ་ལ་རྒྱུ། སྒོང་སྐྱེས། སྒྲོ་ཅན། སྒྲོ་གཤོག་ཅན། ཉུག་བྱེད། ཉུལ་བྱེད། གཉིས་སྐྱེས། འདབ་ལྡན། འདབ་མ་ཅན། འདབ་མའི་ཤིང་རྟ། ནམ་མཁར་འགྲོ། ནུས་འགྲོ། ནུས་ཅན། ནུས་ལྡན། གནམ་སྐྱོད། འཕུར་འདོད། འཕུར་ནུས། འཕུར་བྱེད། ཚང་སྐྱེས། ཤིང་གནས། གཤོག་འགྲོ། གཤོག་རྒྱས། གཤོག་ལྡན་བཅས་སོ། |
| འདབ་ཆགས་གསེར་ལྡན |
མངོན ངུར་པ། |
| འདབ་ཆགས་ཐ་མ |
མངོན སྦྲང་མ། |
| འདབ་ཆགས་རྒྱལ་པོ |
མངོན མཁའ་ལྡིང༌། |
| འདབ་པ |
རྫོང་ཞིག་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་ལྷོ་ངོས་སུ་ཡོད། |
| འདབ་བདུན |
མངོན ཛཱ་ཏིའི་ཤིང༌། |
| འདབ་བཟང |
1 བྱ་ཡི་གཤོག་པ་ལེགས་པ། 2 ལོ་མ་ལེགས་པ། 3 མངོན 1)ཁྱུང༌། 2)སོ་མ་རཱ་ཛཱ། |
| འདབ་བརྒྱ |
མངོན པད་མ། |
| འདབ་བརྒྱ་པ |
མངོན རྨ་བྱ། |
| འདབ་བེ་འདོབ་བེ |
སྨིན་ཆེས་པའི་ཤིང་འབྲས་ལྟ་བུ་རེག་བྱ་སྙི་བའི་དངོས་པོ་ཞིག ལོ་གསུམ་ཁམ་བུ་སྨིན་ནས་འདབ་བེ་འདོབ་བེ་ཆགས་འདུག |
| འདབ་མ |
1 ཤིང་གི་ལོ་མ་དང༌། མེ་ཏོག་གི་འདབ་མ། མེ་ཏོག་དམར་པོ་རྒྱས་ཀྱང་འདབ་མ་སྔོན་པོས་སྐྱོང་དགོས། པད་མའི་འདབ་མ་དཀར་ལ་དམར། 2 གཤོག་པ། |
| འདབ་མ་ཅན |
མངོན འདབ་ཆགས། |
| འདབ་མ་བརྒྱ་པ |
མངོན བྱ་ཤིང་རྟ་མོ། |
| འདབ་མ་བརྒྱད་པ |
མེ་ཏོག་པད་མ་འདབ་མ་བརྒྱད་པ། |
| འདབ་མ་ཡངས་ལྡན |
མངོན ལྗོན་ཤིང༌། |
| འདབ་མ་སྤྲུག་པ |
བྱའི་གཤོག་པ་སྤྲུག་སྤྲུག་བྱེད་པ། གཏམ་མ་བཤད་གོང་ནས་བསམ་བློ་གཏོང༌། བྱ་མ་འཕུར་གོང་ནས་འདབ་མ་སྤྲུག |
| འདབ་མའི་ཐེག་པ |
མངོན ཁུ་བྱུག |
| འདབ་མའི་ལུས |
མངོན ཙན་དན་དམར་པོ། |
| འདབ་མའི་ཤིང་རྟ་ཅན |
མངོན བྱ། |
| འདབ་ཟུང་ཅན |
མངོན ཨ་ག་རུ། |
| འདབ་ཟུང་ལྡན |
མངོན ཤིང་ཡོངས་འདུ་ས་བརྟོལ། |
| འདབ་ལྡན |
མངོན 1 ལྗོན་ཤིང༌། 2 བྱ་རིགས། 3 རྩ། |
| འདབ་ལྡན་མཚོན |
མངོན མདའ། |
| འདབ་ལྷེ |
མེ་ཏོག་སོགས་ཀྱི་འདབ་མ་ལྷེ་པ། |
| འདབ་སྐྱོད |
མངོན བྱ་སྤྱི། |
| འདབ་སྐྱོབ |
མངོན བྱ་སྤྱི། |
| འདབ་སྟོང |
མངོན མེ་ཏོག་པད་མ་སྤྱི། |
| འདབ་སྲིན |
ལོ་མ་ཟ་མཁན་འབུ་ཞིག |
| འདབས |
ཉེ་ལོགས་ཀྱི་མིང་ ཉེ་འདབས། སྡེ་འདབས་ཞེས་པ་ལྟ་བུ། མཐའི་མིང་ ལྭ་འདབས། གོས་འདབས་ཞེས་པ་ལྟ་བུ། |
| འདབས་ཆགས་པ |
ཐག་ཉེ་བའི་སར་ཆགས་པ། གྲོང་ཁྱེར་གྱི་འདབས་ཆགས་པ་ན་ངས་ཚལ་ཆུ་ཀླུང་གིས་ཁོར་ཡུག་ཏུ་བསྐོར་བ། རླབས་ཆེན་གྱི་རྒྱལ་ཁ་འདབས་ཆགས་སུ་བྱུང་བ། ཉེར་མཁོའི་ཡོ་བྱད་སྣ་ཚོགས་པས་འདབས་ཆགས་སུ་གང་བ། |
| འདམ |
ཆུ་དང་ས་སོགས་འདྲེས་པའི་འདག་པའི་མིང་། ས་འདམ། བྱེ་འདམ། འདམ་བག ན་འདམ་ཞེས་པ་ལྟ་བུ། |
| འདམ་ཀ |
འདམ་སྒྲུག ཀ ཁ་ག ང བཟང་ངན་འདམ་ཁ་མ་ནོར་གཅེས། |
| འདམ་ཁ |
ས་འདམ་གྱི་མདོག |
| འདམ་ཁུ |
ཆུ་རྙོག་མ་ཅན། |
| འདམ་ཁྲོད |
འདམ་རྫབ་ཀྱི་དཀྱིལ། འདམ་ཁྲོད་དུ་སྐྱེས་ཀྱང་འདམ་གྱིས་མི་གོས། |
| འདམ་ག |
མང་བོའི་ནང་ནས་བསལ་འདམ་བྱེད་པའི་བྱ་བའི་མིང་ ཚོང་ཁང་དུ་སོང་ནས་རས་ཁྲ་འདམ་ག་བྱས་ནས་ཉོས་ཞེས་པ་ལྟ་བུ། |
| འདམ་གཞུང |
རྫོང་ཞིག་བོད་རང་སྐྱོང་ལྗོངས་ཀྱི་ལྷ་ས་གྲོང་ཁྱེར་བྱང་ངོས་སུ་ཡོད་ཅིང༌། རྫོང་མི་དམངས་སྲིད་གཞུང་དེ་འདམ་ཆུ་ཁ་རུ་ཡོད། |
| འདམ་གཞོང |
འདམ་བག་འཇོག་སྣོད་གཞོང་པ། |
| འདམ་ང |
འདམ་ག་དང་དོན་འདྲ། |
| འདམ་ཆུ |
1 ས་འདམ་མམ། ན་འདམ། བྱེ་འདམ་བཅས་སུ་འཁྱིལ་བའི་ཆུ། 2 བོད་རང་སྐྱོང་ལྗོངས་ཀྱི་འདམ་གཞུང་རྫོང་གི་དབུས་སུ་ཡོད་པའི་འབབ་ཆུ་ཞིག་ཡིན་ཞིང༌། འཕེན་ཡུལ་ངན་ཆུའི་ཡན་ལག་ཅིག་ཡིན། 3 འབབ་ཆུ་ཞིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་རྫ་སྟོད་རྫོང་དུ་ཡོད། |
| འདམ་ནུས་པ |
བརྗེ་པོ་རྒྱག་ནུས་པ། ཁོ་རང་ན་བ་ལས་རང་ཉིད་འཆི་བ་འདམ་ནུས་པ། |
| འདམ་པ |
1. ཐ་དད་པ 1) བདམས་པ། བདམ་པ། འདོམས།། མང་པོའི་ནང་ནས་གང་རུང་ཞིག་སྒྲུག་པ། འགྲོ་ལམ་རང་གིས་འདམ། འབྲས་བུ་རང་གིས་མྱོང༌། 2) བཏམ་པ། གཏམ་པ། ཐོམ།། གཞན་དུ་འཆོལ་བ། བདག་གཉེར་གཏམ་པ། སྔ་ལོར་ཁོ་ལ་བཏམ་པའི་རྒྱུ་དངོས་རྣམས་སྐྱོན་ཆ་མེད་པར་བསྡད་འདུག 2. ས་ཆུ་འདྲེས་པའི་འདག་རྫབ། རྐང་གཉིས་འདམ་པའི་ནང་དུ་བྱིང་བ། འདམ་ཆེ་སར་རྟ་ཕྱུགས་ཟུག་ན་འདོན་དཀའ། |
| འདམ་པད |
ཡུལ མེ་ཏོག་པད་མའི་རི་མོ་ཅན་གྱི་རུམ་གྱི་མིང༌། |
| འདམ་བག |
ས་ལ་ཆུ་བསྲེས་ནས་བརྫིས་པའི་འདག་ཞལ་བྱེད་པའི་འདམ་གྱི་མིང་། |
| འདམ་བརྒྱད་ཤོག་པ |
མན་ཇུ་གོང་མ་ཆན་ལུང་གི་དུས་སུ་སྲོལ་ཆགས་པའི་བོད་ཀྱི་བྱང་འབྲོག་ནང་ཚན་འདམ་གཞུང་སྡེ་ཤོག་ཁག་བརྒྱད་པ། |
| འདམ་བརྫིས་སྒྲ |
འདམ་རྫབ་ནང་འགྲོ་སྐབས་རྐང་པའི་རྡོག་སྒྲ། |
| འདམ་བསྐོལ་ཆུ་ལག |
ཁ་མཆུ་ཐག་མ་ཆོད་ཚེ་འདམ་བག་བསྐོལ་བ་དེའི་ནང་དུ་རྡེའུ་དཀར་ནག་བླུགས་ཏེ་གྱོད་ཡ་ཕན་ཚུན་སྒྲུག་ཏུ་འཇུག་པའི་སྲོལ་ངན་ཞིག |
| འདམ་བུ |
ལོ་མང་སྐྱེ་བའི་རྩྭ་རིགས་ཆུ་སྲབ་མོའི་ན་འདམ་ནང་དུ་སྐྱེ་ཞིང་སྡོང་བུ་ཁོག་སྟོང་ཡིན། རྩྭ་གདན་སླེ་ཆོག་ལ་ཤོག་གུ་བཟོ་བྱེད་ཀྱི་རྒྱུ་ཆའང་བྱེད་ཆོག |
| འདམ་བུ་ཀ་ར |
སྔོ་སྨན་གྱི་རིགས་ཏེ། རོ་མངར། ཞུ་རྗེས་སྙོམས། ནུས་པས་གློ་ཚད་དང༌། མཆིན་ཚད། རྩ་ཚད་བཅས་ལ་ཕན། མིང་གི་རྣམ་གྲངས་ལ་ལྗང་ལོ་ཆིག་སྐྱེས་དང༌། རྩ་མངར། རྩ་ད་བྱིད་བཅས་སོ། |
| འདམ་བུའི་མཆུ་རིང |
ཤ་རུས་ཀྱི་གསེབ་ན་ལུས་པའི་ཟུག་རྔུ་འདོན་བྱེད་ཀྱི་སྐམ་པ་བཟོ་དབྱིབས་མི་འདྲ་བ་གཉིས། |
| འདམ་བུའི་ཚལ |
འདམ་རྩྭ་སྐྱེས་པའི་ཚལ། འདམ་བུའི་ཚལ་ན་ཆུ་སྐྱེས་མཛེས་པ་ར་རིས་ལྡན་ཡང་ཟླ་བ་ཡིད་འོང་ཉིད། |
| འདམ་བྱེའུ |
འདག་བྱེའུ་དང་འདྲ། |
| འདམ་མྱགས |
འདམ་རྫབ་དྲི་ངན་པ་ཅན། |
| འདམ་ཞལ་བ |
འཇིམ་པའི་ཞལ་བ་བཟོ་མཁན། |
| འདམ་འཐག |
རློན་བླུགས་ནས་འདུལ་སྦྱོང་བྱེད་པ། |
| འདམ་འབྱར |
ས་འདམ་གྱིས་འབྱར་བར་བྱེད་པ་ རྩིག་པའི་སྲུབས་རྣམས་ཨར་འདམ་གྱིས་འདམ་འབྱར་བྱས་ལྟ་བུ། |
| འདམ་ར |
འདམ་རྩྭ་སྐྱེ་སའི་ར་བ། |
| འདམ་རས |
འཇིམ་བཟོ་བས་འདམ་སྐུར་གཡོགས་རྒྱུའི་རས་རློན་པ། |
| འདམ་རྒྱུག |
འདམ་བག་རྡུང་བྱེད་ཀྱི་རྒྱུག་པ། |
| འདམ་རྩྭ |
སྔོ་ཞིག |
| འདམ་རྫབ |
མི་གཙང་བའི་འདམ་རྫབ་རྫོབ་ཡོད་པ། ལོ་མང་ཆགས་པའི་འདམ་རྫབ་བཏོན་ནས་ས་ལུད་བཟོ་བ། བོང་བུ་འདམ་རྫབ་ཏུ་བྱིང་ནས་ཐོན་མི་ཐུབ་པ། འདམ་རྫབ་ནང་དུ་ཚུད་དེ་བྱ་དཀའ་བྱེད་གཏད་ཀྱི་གནས་སུ་གྱར་བ། མིང་གི་རྣམ་གྲངས་ལ་འཇིམ་པ་དང༌། འབྱིང་བྱེད། རྫབ་བཅས་སོ། |
| འདམ་རྫབ་ཉག་ཉིག |
འདམ་ཉོག་ཆག་ཆིག ཆར་ཞོད་ཆེས་པས་ཁང་པའི་ཉེ་སྐོར་དུ་འདམ་རྫབ་ཉག་ཉིག་མང་པོ་ཆགས་འདུག |
| འདམ་སེང |
1གཅན་གཟན་སེང་གེའི་རིགས་ཤིག 2སྦལ་བའི་མངོན་བརྗོད་ཀྱི་མིང་། |
| འདམ་སོག |
འདམ་རྩྭའི་སོག་མ། |
| འདམ་སྐྱེས |
མངོན མེ་ཏོག་པད་མ་སྤྱི། |
| འདམ་སྒྲུག |
མང་པོའི་ནང་ནས་ཡག་སྒྲུག ས་བོན་འདམ་སྒྲུག |
| འདམས་པ |
རྙིང མཚན་མ་ཆད་པ། |
| འདམས་སྙིགས |
འདམས་ཏེ་ཁྱེར་བའི་སྙིགས་རོ། |
| འདའ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) དུས་ཡོལ་བ་ ལོ་ཏོག་འདེབས་པ་དུས་ལས་འདའ་མི་རུང་ལྟ་བུ། |
| འདའ་ཀ་ཡེ་ཤེས |
མདོ་སྡེ་ཞིག་སྟེ་འཕགས་པ་འདའ་ཀ་ཡེ་ཤེས་ཤོ་ལོ་ཀ་བཅུ་པ། རྒྱ་ཡིག་ལས་བསྒྱུར་པ། |
| འདའ་ཁ |
འཆི་ཁ། ཚེ་ལས་འདའ་ཁ་ལ་ཐུག་ཀྱང་གསོན་རེ་བྱེད་པ། |
| འདའ་ག་མ |
འཆི་ཁ་མ། ཚེ་འདའ་ག་མར་ཁ་ཆེམས་བཞག་པ། |
| འདའ་དཀའ |
འགལ་མི་ནུས་པ། རང་གིས་དམ་བཅས་པའི་དོན་ལས་འདའ་དཀའ་བ། སྐད་ཆ་ཇི་ལྟར་མང་པོ་བཤད་ཀྱང་དོན་འདི་དག་ལས་འདའ་དཀའ་བ། |
| འདའ་བ |
1. ཐ་མི་དད་པ འདས་པ། འདའ་བ།། 1 མཚམས་ལས་རྒལ་བ། སྔོན་བཀག་དུས་ཚོད་ལས་འདས་པ། མི་གྲངས་ལས་འདས་པ། ལས་འགོ་བཙུགས་ནས་ཟླ་བ་བརྒྱད་འདས་པ། བློ་ཡུལ་ལས་འདས་པ། 2 ཚེ་རྫོགས་པ་སྟེ་འཆི་བ། ཚེ་འདས་པ། དུས་འདས་པ། 2. ཤིང་བལ་དང་བལ་སོགས་ཞིབ་མོར་བསེད་པའི་ལེབ་མོ། ལུས་ཤིང་བལ་གྱི་འདའ་བས་དཀྲིས་པ། |
| འདར |
(བྱེད་མེད་ལས་ཚིག) དངོས་རྫས་གཡོ་འགུལ་ཤིན་ཏུ་མགྱོགས་པོ་བྱེད་པ་ དགྲ་བོ་སྐྲག་ནས་སྙིང་རྩ་འདར། ལུས་འདར་ཡོམ་ཡོམ། མགོ་བོ་འདར་ཡོམ་མེ་བྱེད་ལྟ་བུ། འགྱུར་ལྡོག་གི་དོན་ཏེ། འབྱོར་མེད་གྲལ་རིམ་གྱི་ལངས་ཕྱོགས་འདར་མེད་པ། གཞན་དུ་འདར་མེད་པ་ཞེས་པ་ལྟ་བུ། |
| འདར་ཁྱོམ་ཁྱོམ |
འདར་ཚུལ་ཞིག ཆང་གིས་བཟི་ནས་གཟུགས་པོ་འདར་ཁྱོམ་ཁྱོམ་བྱས་བྱུང༌། |
| འདར་ནད |
འདར་བུ་ལ་ལྟོས། |
| འདར་ཕྲིལ་ཕྲིལ |
ཤ་འགུལ་རྒྱུག་པ། རྟ་ལ་ཤ་སྦྲང་གིས་སོ་བརྒྱབ་པས་ལུས་པོ་འདར་ཕྲིལ་ཕྲིལ་བྱས་ཡོང༌། |
| འདར་བ |
ཐ་མི་དད་པ ཡོམ་ཡོམ་དུ་འགུལ་བ། གྲང་བས་འདར་བ། སྙིང་རྩ་འདར་བ། མགོ་འདར་བ། ཁ་འདར་བ། ལུས་འདར་བ་ལ་ཁའི་དར་ལྕོག་འདྲ། ལག་པ་འདར་ནས་ཡི་གེ་འབྲི་ཐུབ་པ་མི་འདུག |
| འདར་བུ |
རིམས་ནད་ནང་ཚན་རླུང་རིམས་ཤིག་ནད་རྟགས་སུ་ལུས་ཡུན་རིང་དུ་འདར་ཞིང་ཕྲུམ་སེར་ཁྱེར་བ་སོགས་འབྱུང་བ་ཞིག |
| འདར་ཞིང་འཕྱོ་བ |
འགུལ་ཞིང་ལྡེག་པ། སྒྱོགས་ཆེན་འཕངས་པས་དགྲ་གནས་ཐམས་ཅད་འདར་ཞིང་འཕྱོ་བ་ཞིག་བྱུང་སོང༌། |
| འདར་ཞུམ་ཞུམ |
སྐྲག་པའམ་གྲང་ཆེས་པས་ལུས་འཕར་ཚུལ། དགྲ་བོ་སྐྲག་ནས་འདར་ཞུམ་ཞུམ་བྱས་ནས་འཕྲལ་དུ་བྲོས་སོང༌། |
| འདར་འཁྱོམས |
འཕར་ཞིང་གཡོ་བའམ། འགུལ་ཞིང་ལྡེག་པ། གཟུགས་པོ་རང་ཚུགས་མི་ཐུབ་པར་འདར་འཁྱོམས་བྱེད་པ། ས་གཡོས་པས་ཁང་ཁྱིམ་ཚང་མ་འདར་འཁྱོམས་ལིང་ལིང་བྱེད་པ། |
| འདར་འདར |
ཡོམ་ཡོམ། གྲང་ཟུག་མ་བཟོད་པས་གཟུགས་པོ་འདར་འདར་བྱེད་པ། |
| འདར་ཡོམ |
གཡོ་ཞིང་འཁྱོམས་པ། རླུང་ཁྲག་རྒྱས་པས་མགོ་ལུས་འདར་ཡོམ་རྒྱག་པ། རླུང་ཆེན་ལངས་པས་ལྗོན་ཤིང་ཚང་མ་འདར་ཡོམ་ཡོམ་བྱེད་པ། |
| འདར་ཡོམ་མེ་བ |
འཕར་ཞིང་འཁྱོམས་པ། གློ་བུར་འུར་འདྲོགས་ལངས་ནས་གློ་སྙིང་འདར་ཡོམ་མེ་བ་ཞིག་བྱུང༌། ཆུ་ཆེན་རྦ་རླབས་གཡོས་པས་གྲུ་གཟིངས་འདར་ཡོམ་མེ་བ་བྱས་སོང༌། |
| འདར་རྩ |
འགུལ་བའམ་འཕར་བའི་རྩ། |
| འདར་ཤ |
སོག་པ་ནས་སྒལ་གཞུང་བར་འབྲེལ་བའི་ཤ། |
| འདར་ཤང་ཤང |
མི་ཕྱུགས་སོགས་ཀྱི་གཟུགས་པོ་གཡོ་ཚུལ། ཕྱུགས་ཐག་པས་བསྡམས་ཏེ་ལུས་འདར་ཤང་ཤང་བྱེད་འདུག |
| འདར་ཤིག་ཤིག |
ལུས་གཡོ་ཚུལ་ཞིག མཚན་དགུང་འཁྱགས་འཇིགས་གཉིས་ཀ་འདོམས་ནས་གཟུགས་པོ་འདར་ཤིག་ཤིག་བྱས་བྱུང༌། འབྲུག་སྐད་དྲག་པོ་བསྒྲགས་ནས་ཁང་པ་ཡང་འདར་ཤིག་ཤིག་བྱེད་འདུག |
| འདར་ཤུམ་ཤུམ |
གཟུགས་པོ་གཡོ་ཚུལ་ཞིག གངས་ཁྲོད་དུ་ཕྱིན་པས་ཧ་ཅང་འཁྱགས་ཏེ་མགོ་ལུས་ཚང་མ་འདར་ཤུམ་ཤུམ་བྱས་བྱུང༌། |
| འདར་སིག་སིག |
སྐྲག་པའམ། གྲང་ངར་མ་བཟོད་པའི་རྣམ་འགྱུར། དྲོ་ལུག་གིས་བཤན་པ་མཐོང་མ་ཐག་ཏུ་འདར་སིག་སིག་བྱས་ཡོང༌། གྲང་ཆུའི་ནང་དུ་ཞུགས་འཕྲལ་ལུས་འདར་སིག་སིག་བྱེད། |
| འདར་སིལ་སིལ |
འཁྱགས་འཇིགས་ཀྱི་རྣམ་འགྱུར། འཁྱགས་ནས་གཟུགས་པོ་འདར་སིལ་སིལ་བྱེད་ཀྱི་འདུག དངངས་སྐྲག་མ་བཟོད་པར་འདར་སིལ་སིལ་བྱེད་པ། |
| འདར་ཧད་དེ་བ |
ལུས་འཕར་ཞིང་དབུགས་འཚང་བའི་ཉམས། གློ་བུར་དུ་ཞེད་སྣང་དྲག་པོ་སྐྱེས་ནས་རེ་ཞིག་འདར་ཧད་དེ་བར་ལུས་པ། |
| འདལ |
1.(བྱེད་མེད་ལས་ཚིག) ཆུ་སོགས་ཀྱིས་བངས་ནས་ཇེ་ཆེར་སོང་བ་ ས་སྐམ་ཆུར་སྦངས་ནས་འདལ། ས་བོན་ཆུས་འདལ། ཡི་གེ་བྲིས་ནས་སྣག་ཚ་འདལ་ལྟ་བུ། (རྒྱན་ཚིག) དབྱིབས་སྦོམ་ཞིང་ཐུང་ལ་སྟོད་སྨད་ཅི་རིགས་ཆེ་བའི་དོན་ཏེ། རི་འདལ་འདལ། མཛོ་རྭ་འདལ། གཡག་རོག་འདལ་ཞེས་པ་ལྟ་བུ། 2.མཎྜལ་གྱི་བརྡ་རྙིང། |
| འདལ་ཀ་ཆེ་བ |
ཁྱབ་ཆེ་བའམ་རྒྱ་ཆེ་བ། |
| འདལ་བ |
1.ཐ་མི་དད་པ མཆེད་པ། སྣག་ཚ་འདིས་ཡི་གེ་བྲིས་ན་འདལ་ནས་ཀློག་མི་ཐུབ་པ་ཞིག་ཆགས་ཡོང༌། ཤོག་བུར་སྣུམ་ཐིགས་པ་གཅིག་འཐོར་ན་རྒྱ་ཆེན་པོར་འདལ་འགྲོ་བ་རེད། 2.རྙིང དལ་བ། |
| འདལ་འགྲོ་བ |
ཁྱབ་འགྲོ་བའམ་མཆེད་འགྲོ་བ། བག་ལེབ་སོབ་སོབ་ཇ་ཆུའི་ནང་དུ་བཏབ་མ་ཐག་ཏུ་འདལ་འགྲོ་བ། |
| འདས |
འདས་པ་ ལོ་ཏོག་དུས་ལས་མ་འདས་པར་བཏབ་ལྟ་བུ། གྲངས་ཀ་འཕར་བ་དང་ཁོངས་མཚམས་ལས་བརྒལ་བ་ རུ་ཁག་འདིར་ལུག་འབུམ་ཕྲག་ལས་འདས། ཚད་ལས་མི་འདའ་བ། ཟས་ཚད་ལས་མ་འདས་པ། གྲངས་ལས་འདས་པ། འབྲི་ཆུ་འདས་ནས་ལྷོ་ཕྱོགས་སུ་སོང་། ནད་ལ་ཚ་གྲང་གཉིས་དང་སྨན་ལ་བསིལ་དྲོད་གཉིས་ལས་མི་འདའ་བ་ཡིན། དེ་ལས་མ་འདས་ལྟ་བུ། ０ཤི་བ་ ཚེ་ལས་འདའ་ཁར། ཚེ་ལས་འདས་པ་ཞེས་པ་ལྟ་བུ། １དུས་ཡུན་སོགས་ཟད་པའི་དོན་ཏེ། དམངས་དོན་བསྒྲུབས་ནས་ཉིན་མཚན་གཉིས་ཀ་འདས་ཞེས་པ་ལྟ་བུ། ２ཁྱད་པར་དུ་འཕགས་པའི་དོན་ཏེ། རྩྭ་སྨན་ནུས་པ་རྩི་སྨན་ལས་ཀྱང་འདས་ཞེས་པ་ལྟ་བུ། 3.འདའ་ཡི་འདས་པ། སྔོན་དུས་ཀྱི་མིང་ འདས་པའི་དུས། འདས་པའི་མི། འདས་ལོ་ཞེས་པ་ལྟ་བུ། |
| འདས་ཁྱིམ |
ཉི་མ་ལུག་ཁྱིམ་ལ་སླེབས་ནས་གང་བརྩིའི་ཟླ་བ་དེའི་བར་དུ་ཁྱིམ་ཅི་ཙམ་འདས་པའི་གྲངས། |
| འདས་པ |
1.འདའ་བའི་འདས་པ། 2 1 དུས་གསུམ་གྱིས་དབྱེ་བ་ཕྱེ་བའི་ནང་གསེས་ཤིག འདས་པའི་དུས། 2 རྟགས་འཇུག་སྐབས་སུ་བྱ་བྱེད་ཐ་དད་དང་མི་དད་གཉིས་ཀའི་བྱ་བ་བྱས་ཟིན་པའི་དོན། 3 གཤིན་པོ། 4 སོང་ཟིན་པའི་རིགས། |
| འདས་པའི་ཆར་གྱུར་པ |
དུས་ཚོད་འདས་པ། དུད་འགྲོ་ལས་ངན་པའི་འཚོ་བ་སྐྱེལ་བའི་དུས་སྐབས་དེ་འདས་པའི་ཆར་གྱུར་པ། |
| འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ |
བསྐལ་བ་གྲངས་མེད་པའི་མདུན་དུ་ཆོས་ཅི་འབྱུང་བ་དང༌། ལས་དགེ་སྡིག་ཅི་སྤྱད་པའི་ལོ་རྒྱུས་ཐམས་ཅད་མ་འཁྲུལ་བར་མཁྱེན་པ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་ནང་གསེས་ཤིག |
| འདས་པའི་སངས་རྒྱས |
སྔར་བྱོན་ཟིན་པའི་སངས་རྒྱས། |
| འདས་པོ |
ཤི་སོང་བའི་མི། ０ལས་ཚིག་འདས་པའི་མིང་བསྡུས་པ་ ཕོ་ནི་འདས་དང་གཞན་བསྒྲུབ་ཕྱིར་ཞེས་པ་ལྟ་བུ། |
| འདས་བརྡ |
ཚེ་འཕོས་མི་ཤིའི་གནས་ཚུལ་སྦྲོན་པའི་བརྡ། |
| འདས་བསྔོ |
མི་འདས་རྗེས་བསྔོ་སྨོན་ཞུ་བ། |
| འདས་མ་ཁད |
དུས་ཚོད་ཡོལ་མ་ཐག |
| འདས་མ་ཐག་པ |
དུས་ཚོད་ཡོལ་འཕྲལ། |
| འདས་མཆོད |
1 ཚེ་འདས་ནས་ལོ་འཁོར་སྐབས་ཀྱི་མཆོད་འབུལ། 2 ཚེ་འདའ་སྐབས་ཀྱི་མཆོད་འབུལ། |
| འདས་མཇུག |
གཤིན་པོའི་ཤུལ་འཛིན། |
| འདས་ཚིག |
བྱ་བ་བྱས་ཟིན་པ་སྟོན་པའི་ཚིག |
| འདས་ཞག |
གཟའ་རྣམས་ཁྱིམ་དེར་སླེབས་ནས་ཞག་ཅི་ཙམ་འདས་པའི་གྲངས་ཏེ་བརྩི་བྱ་གང་ཡིན་གྱི་དུས་ཡན་གྱི་ཞག་གྲངས་ཡིན། |
| འདས་ཟླ |
1 བརྩི་བྱའི་ལོ་དེའི་ཟླ་བ་དང་པོ་ནས་གང་བརྩི་བའི་ཟླ་བ་དེའི་བར་གྱི་ཟླ་གྲངས། 2 གཟའ་རྣམས་ཀྱི་ཚེས་ཟླའི་དཀྱིལ་འཁོར་དང༌། ཉིན་ཟླའི་དཀྱིལ་འཁོར། ཁྱིམ་ཟླའི་དཀྱིལ་འཁོར་ལས་སྔར་ཅི་ཙམ་འདས་པའི་ཟླ་གྲངས། |
| འདས་ལོ |
འདིར་ཁྱིམ་ལོ་གཙོ་བས་གཟའ་རང་རང་གི་ཞག་གསུམ་མཐུན་ལོ་དང༌། དྲུག་ཅུའི་སྐོར་མཐུན་དག་པའི་ལོ་ཚོགས་ལས་ཅི་ཙམ་འདས་ཟིན་པ་དང༌། ད་ལྟ་གནམ་ལོ་གང་ལ་གནས་པ་སོགས་དུས་སྐབས་སོ་སོར་མ་འདྲེས་པར་འབྱེད་པའི་གཞིར་གལ་ཆེ་བ་ཞིག་ཡིན་ནོ། |
| འདས་ལོག |
ཤི་ནས་སླར་སོས་པ། འདས་ལོག་ཆོས་མཛད་སྣང་ས་འོད་འབུམ། |
| འདི |
(ཚབ་ཚིག) ཉེ་བ་དང་། ད་ལྟ་བ། བདག་དང་། བདག་གེ་བ་སོགས་ལ་འཇུག་ ས་འདི་དང་ས་ཕ་ཀི རི་འདི་དང་རི་ཀན། དེ་རིང་གི་ཉི་མ་འདི་དང་ཁ་སང་གི་ཉི་མ་དེ། ངའི་དཔེ་ཆ་འདི་དང་ཁྱོད་ཀྱི་དཔེ་ཆ་དེ་ཞེས་པ་སོགས་ལྟ་བུ། |
| འདི་ཀོ |
འདི་ནི། |
| འདི་ཁོ་ན |
འདི་ལས་གཞན་མེད་པ། བསམ་བློ་འདི་ཁོ་ན་མ་གཏོགས་གཞན་མེད། |
| འདི་ག |
དུས་ད་ལྟ་དང་ཉེ་བའི་དངོས་པོ་ངེས་ཅན་ལ་འཇུག་ ས་འདི་གར་ལྕགས་ཀྱི་གཏེར་ཁ་ཡོད། དུས་འདི་གར་ཆར་བ་འབབ་ལྟ་བུ། |
| འདི་ཉིད |
འདི་གཅིག་པུའམ་འདི་རང༌། གནས་འདི་ཉིད། དུས་འདི་ཉིད། མི་འདི་ཉིད། |
| འདི་དག |
འདི་གཉིས་སམ་འདི་ཚོ། མི་འདི་དག་ཐམས་ཅད་རྡོག་རྩ་གཅིག་ཏུ་བསྒྲིལ་བ། |
| འདི་དུས |
དུས་འདི། |
| འདི་ནི |
ཐག་ཉེ་བ་ངེས་གཟུང་གི་སྒྲ་ཞིག གནས་ལུགས་འདི་ནི་ནམ་ཡང་ཡོང་མི་ཤེས་པ་ཞིག་རེད། |
| འདི་པ |
མི་འདིའམ་འདི་ཉིད། འདི་པའི་གདོང་འདི་གར་ཕྱག་བྲིས་འབྱོར་བྱུང༌། བང་ཆེན་འདི་པ། འཕྲིན་སྐྱེལ་འདི་པ། |
| འདི་བཞིན |
འདི་ལྟ་བུ། ཁོས་བློ་སེམས་གཅིག་བསྒྲིལ་གྱིས་དཔེ་ཆ་ལྟ་བཞིན་འདུག་ཁྱོད་ཀྱིས་ཀྱང་འདི་བཞིན་གྱིས། མི་འདི་བཞིན། ཡི་གེ་འདི་བཞིན། |
| འདི་མཚུངས |
འདི་ནང་བཞིན་དང༌། འདི་དང་འདྲ་བ། ཀ་དཔེ་འདི་མཚུངས་ཤིག་ཁྱོད་ཀྱིས་བྲིས་དང༌། |
| འདི་མུར |
འདིའི་ངང་ངམ་འདིའི་འཕྲོར། ཟླ་འཕུལ་ཞག་འཕུལ་གྱི་ཕྱི་བཤོལ་འདི་མུར་མ་ལུས་པར་མགྱོགས་མྱུར་ཧུར་བརྩོན་གྱིས་ཤིག |
| འདི་མུས |
འདི་གའི་རྒྱུན། དྲང་མིན་གྱི་སྤྱོད་ཚུལ་འདི་མུས་སུ་བཞག་ན་མི་འགྲིག ཡུན་རིང་བར་དུ་འདི་མུས་ལ་ཧུར་བརྩོན་བྱས་ན་ངེས་པར་ལེགས་འགྲུབ་ཐུབ་ཡོང༌། |
| འདི་ཙམ |
ངེས་བཟུང་གི་སྤོམ་ཚད། མང་ཉུང་འདི་ཙམ་གྱིས་ཆོག ཚིག་འདི་ཙམ་གྱིས་དོན་རྟོགས་པར་མི་ནུས། ཡོ་བྱད་ཉུང་ངུ་འདི་ཙམ་གྱིས་མི་མང་ལ་མི་ལྡེང༌། སྐད་ཆ་མང་པོ་འདུག་ཀྱང་དོན་སྙིང་འདི་ཙམ་དུ་ཟད་དོ། |
| འདི་ཙུག |
རྙིང 1 འདི་ལྟར། 2 འདི་གང༌། |
| འདི་འདྲ་བ |
འདི་བཞིན་ནམ། འདི་ལྟ་བུ། སྲོལ་རྒྱུན་བཟང་པོ་འདི་འདྲ་བ་ཞིག ནུས་པ་འདི་འདྲ་བ་ཞིག |
| འདི་འབའ་ཞིག |
འདི་ལས་གཞན་མེད་པ། འདི་འབའ་ཞིག་བདེན། |
| འདི་ཡིན་འདི་མིན |
ཡིན་མིན་མཚམས་འབྱེད་ཀྱི་གསལ་ཁ། གནས་ལུགས་ཡོང་རྐྱེན་འདི་ཡིན་འདི་མིན་ཁ་གསལ་བཤད་ན་གོ་བདེ་བ་ཡོང༌། |
| འདི་རང |
འདི་ག་རང༌། ལས་ཀ་འདི་རང༌། ཅ་ལག་འདི་རང་ཡག་པོ་འདུག |
| འདི་རིགས |
འདི་གྲས། གནས་ཚུལ་འདི་རིགས་སྣང་མེད་དུ་འཇོག་མི་རུང༌། |
| འདི་རུ |
འདིར། ཁྱོད་འདི་རུ་ཤོག |
| འདི་ལྟ་བུ |
འདི་ནང་བཞིན། ཅ་ལག་འདི་ལྟ་བུ་དཀོན་པོ་འདུག དོན་གྱི་གནས་ཚུལ་འདི་ལྟ་བུ་མང་པོ་ཡོད། ཡི་གེ་འདི་ལྟ་བུར་བྲིས་ཤིག འདི་ལྟ་བུ་མིན་ན་གཞན་པ་ཅི་ཞིག་ཡིན། འདི་ལྟ་བུ་ཐོས་ནས་ཁོང་ཁྲོ་མེ་ལྕེ་ལྟར་འབར་བ། |
| འདི་ལྟ་སྟེ |
འདི་ལྟ་བུ་ཡིན་ཏེ། དུས་གསུམ་ནི་འདི་ལྟ་ད་ལྟ་བ་དང༌། འདས་པ། མ་འོངས་པའོ། འདུས་བྱས་ཆོས་ནི་འདི་ལྟ་བུམ་པ་དང༌། ཀ་བ་ལྟ་བུའོ། |
| འདི་ལྟར |
འདི་ནང་བཞིན་དུ། མི་ཚང་མ་བདེ་སྐྱིད་ཕུན་སུམ་ཚོགས་པ་འདི་ལྟར་དུ་ཡོང་བ་ཤོག ཁྱོད་ལ་འདི་ལྟར་བཤད་ཀྱིས་ཉོན། ཁྱོད་ཀྱི་འདོད་ཚུལ་འདི་ལྟར་ཡིན་ན་ཧ་ཅང་ཐལ་དྲགས་སོང༌། |
| འདི་སྐད |
འདི་ལྟ་བུའི་གཏམ་མམ་འདི་ལྟ་བུ་ཟེར། འདི་སྐད་བདག་གིས་ཐོས་པ། སྐབས་དེར་ངས་འདི་སྐད་ཅེས་དྲིས་པ་ཡིན། རྒྱས་པའི་ཚིག་གིས་ཞུ་བ་འདི་སྐད་དོ། ཁོས་དེ་སྐད་དྲིས་ན་ཁྱོད་ཀྱིས་ལན་འདི་སྐད་གདབ་པར་བྱ། |
| འདི་སྐབས |
དུས་འདི། |
| འདི་སྙེད་ཅིག |
འདི་ཙམ་ཞིག ལོ་ལྟར་ཐོན་འབོར་གྲངས་ཚད་འདི་སྙེད་ཅིག་བྱུང་ཞེས་ཁམས་དྭངས་ཤོད་དགོས། |
| འདི་སྣང |
ཚེ་འདིའི་སྣང་ཤེས། |
| འདིག |
སྣོད་སོགས་ཀྱི་ཁ་སྡོམ་བྱེད་ཀྱི་ཐག་པ་ཕྲ་མོའི་མིང་ སྒྱེ་མོའི་ཁ་འདིག་ཅེས་པ་ལྟ་བུ། |
| འདིང |
(བྱེད་འབྲེལ་ལས་ཚིག་ད་ལྟ་བ)དངོས་རྫས་ས་ངོས་སུ་བརྡལ་བའམ་བཀྲམ་པ་ གདན་འདིང་མཁན། ཐང་ལ་གདན་འདིང་གིན་ཡོད་ལྟ་བུ། |
| འདིང་བ |
ཐ་དད་པ བཏིང་བ། གདིང་བ། ཐིང༌།། ས་ལ་འགྲེམས་པའམ་སྒྲིག་པ། འཆར་གཞི་འདིང་བ། ལམ་དུ་རྡོ་བཅལ་བིང་བ། བཞུགས་གདན་འདིང་བ། |
| འདུ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)མང་བོ་ལྷན་དུ་འཚོགས་པ་ ཚོང་རར་མི་མང་མ་བསྡུས་རང་འདུ། འཐུས་མི་རྣམས་ཚོགས་ཁང་དུ་འདུ་བཞིན་འདུག་ཅེས་པ་ལྟ་བུ། |
| འདུ་ཁང |
1མི་མང་བོ་ཚོགས་པའི་ཁང་བའི་མིང་། 2དགོན་པའི་གྲྭ་པ་མང་བོ་འདུས་ནས་ཆོས་ཀྱི་ཆོ་ག་བྱེད་སའི་ཁང་ཆེན་གྱི་མིང་། |
| འདུ་གནས |
ཚོགས་ས། |
| འདུ་བ |
1. ཐ་མི་དད་པ འདུས་པ། འདུ་བ། འདུས།། ཚོགས་པ། ཁྱུ་འདུས་པ། འདུས་སྡོད། བརྒྱ་ཚོགས་སྟོང་འདུས། ཆུ་བོ་ཐམས་ཅད་རྒྱ་མཚོར་འདུ། གཞོན་ནུ་ཕོ་མོ་དེ་གཉིས་ཁྱོ་ཤུག་ཏུ་འདུ་བ། ཁྱོད་ཚོ་ཚང་མ་འདིར་འདུས་ཤིག 2 1 ལུས་ཁམས་སམ་གཟུགས་ཕུང༌། འདུ་བ་མི་བདེ། 2 རྙིང ནོར་རྫས། |
| འདུ་བ |
ལུས་ཕུང་འགྲུབ་བྱེད་ཀྱི་ཆ་ཤས་ཕྲ་མོའི་མིང་ ལུས་འདུ་བ་སྙོམ་པ(ལུས་ཕུང་བདེ་བ)ལུས་ཀྱི་འདུ་བ་འཁྲུགས་པ(ལུས་མི་བདེ་བ)ཞེས་པ་ལྟ་བུ། |
| འདུ་བ་གཤེད་དུ་བབས |
ནད་གཅིག་བཅོས་ན་གཅིག་གི་གཤེད་དུ་བབས་ནས་གསོ་དཀའ་བར་གྱུར་པའི་སྲོག་གཅོད་ནད་དགུའི་ཡ་གྱལ་ཞིག་དཔེར་ན། ཚ་བ་བཅོས་ན་གྲང་བའི་གཤེད་དུ་བབས་པ་ལྟ་བུ། |
| འདུ་བ་འཁྲུགས་པ |
ཁམས་མི་བདེ་བའམ། ལུས་ཀྱི་འབྱུང་བ་འཁྲུགས་པ། |
| འདུ་བ་རྣམ་གསུམ |
ལུས་ཀྱི་ཆ་ཤས་ཕྲ་མོ་དང་བཅས་པའི་གནས་སུ་ཕན་ཚུན་མཚན་ཉིད་མི་མཐུན་ཡང་རྟེན་འབྲེལ་གྱི་དབང་གིས་གཅིག་ལ་གཅིག་བརྟེན་ནས་འདུ་བ་རྣམ་པ་གསུམ་རླུང་དང༌། འཁྲིས་པ། བད་ཀན་བཅས་སོ། |
| འདུ་བ་སྙོམས་པ |
ལུས་ཀྱི་འབྱུང་བཞི་ཆ་སྙོམས་པའམ་བདེ་བ། འདུ་བ་སྙོམས་ཤིང་ནད་མེད་བདེ་བར་འགྱུར། |
| འདུ་བྱེད |
སེམས་མངོན་པར་འདུ་བྱེད་པ་འདུ་བྱེད་ཀྱི་ཕུང་པོ་དང་དོན་གཅིག་གོ། འདུ་བྱེད་ཐམས་ཅད་མི་རྟག་པ། འདུ་བྱེད་པོ་བདག་ཡིན། འདུ་བྱེད་པ་བདག་གནས་པ། |
| འདུ་བྱེད་ཀུན་འབྱུང་བ |
ལས་ཀྱི་ཀུན་འབྱུང་སྡུག་བསྔལ་ཀུན་འབྱུང་བའི་གཞི་དཀར་ནག་གི་ལས་མངོན་པར་འདུ་བྱེད་པའོ། |
| འདུ་བྱེད་ཀྱི་ཕུང་པོ |
ཕུང་པོ་ལྔའི་ཡ་གྱལ་ཞིག་སེམས་དང་མཚུངས་ལྡན་དང༌། མཚུངས་ལྡན་མིན་པའི་འདུ་བྱེད་སོགས་སེམས་ཡུལ་ལམ་དམིགས་པ་ལ་མངོན་པར་འདུ་བྱེད་པ་དང༌། ཡུལ་སྣ་ཚོགས་ལ་སེམས་གཡོ་ཞིང་སྐུལ་བར་བྱེད་པའི་བདག་ཉིད་ཅན་གྱི་སེམས་པ་དུ་མ་སྤུངས་པའོ། |
| འདུ་བྱེད་ཀྱི་བཏང་སྙོམས |
ཉོན་མོངས་པ་ཅན་གྱི་ཆོས་རྣམས་བསལ་ཞིང་ཉོན་མོངས་པ་ཅན་མེད་པར་གནས་པ། |
| འདུ་བྱེད་ཀྱི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། མ་རིག་པས་ཀུན་ནས་བསླངས་ཏེ་བསོད་ནམས་ཀྱི་ལས་དང༌། བསོད་ནམས་མིན་པའི་ལས་དང༌། མི་གཡོ་བའི་ལས་བསགས་པས་ཀུན་གཞི་ལ་ས་བོན་འདེབས་པར་བྱེད་པའི་ལས་མངོན་པར་འདུ་བྱེད་པའོ། |
| འདུ་བྱེད་ཀྱི་ལས་གསུམ |
བསོད་ནམས་ཀྱི་ལས། བསོད་ནམས་མ་ཡིན་པའི་ལས། མི་གཡོ་བའི་ལས་བཅས་གསུམ། |
| འདུ་བྱེད་ཀྱི་སྡུག་བསྔལ |
ཁྱབ་པ་འདུ་བྱེད་ཀྱི་སྡུག་བསྔལ་དང་དོན་གཅིག་ |
| འདུ་བྱེད་དང་བཅས་ཏེ་འདའ་བ |
འདུ་བྱེད་པ་ཡོངས་སུ་མྱ་ངན་ལས་འདས་པའི་བསྡུས་མིང༌། |
| འདུ་བྱེད་པ |
བྱ་བ་བྱེད་པ། |
| འདུ་བྱེད་པ་མེད་པ་ཡོངས་སུ་མྱ་ངན་ལས་འདས་པ |
དགེ་འདུན་ཉི་ཤུའི་ནང་གསེས་ཕྱིར་མི་འོང་འབྲས་གནས་ཡིན་པ་གཞིར་བྱས་ནས། ཚངས་ཆེན་མ་གཏོགས་པའི་གཟུགས་ཁམས་བཅུ་དྲུག་གང་ཡང་རུང་བའི་གནས་སུ་སྐྱེས་ནས་ལམ་ལ་འབད་རྩོལ་མེད་པར་འདའ་བའི་རིགས་ཅན། |
| འདུ་བྱེད་པ་ཡོངས་སུ་མྱ་ངན་ལས་འདས་པ |
དགེ་འདུན་ཉི་ཤུའི་ནང་གསེས་ཕྱིར་མི་འོང་འབྲས་གནས་ཀྱི་ཡ་གྱལ། ཚངས་ཆེན་མ་གཏོགས་པའི་གཟུགས་ཁམས་བཅུ་དྲུག་གང་ཡང་རུང་བའི་གནས་སུ་སྐྱེས་ནས་ལམ་ལ་འབད་རྩོལ་དང་བཅས་ཏེ་འདའ་བའི་རིགས་ཅན། |
| འདུ་བྱེད་མེད་པར་འདའ་བ |
འདུ་བྱེད་མེད་པ་ཡོངས་སུ་མྱ་ངན་ལས་འདས་པའི་བསྡུས་མིང༌། |
| འདུ་བྱེད་ཟླ་བ |
ཉི་མས་བུམ་པའི་ཁྱིམ་སྤྱོད་པའི་ཟླ་བའམ་ཧོར་ཟླ་དང་པོའི་མིང༌། |
| འདུ་ཚོགས |
འདུ་བ་དང་ཚོགས་པ། མི་མང་པོ་འདུ་ཚོགས་བྱས་ནས་དུས་ཆེན་གྱི་དགའ་སྐྱིད་ལ་རོལ་བ། |
| འདུ་འགོད |
1 དོན་གཉེར། ལྟོ་གོས་ཀྱི་འདུ་འགོད་བྱེད་པ། ནམ་མཁའི་ཁྱོན་ལ་མཛུབ་མོའི་འདུ་འགོད་ཀྱིས་ཚད་འཇལ་བར་མི་ནུས་པ། 2 གྲ་སྒྲིག འཆར་གཞི་འདུ་འགོད་བྱེད་པ། 3 ཕར་གཏོང་ཚུར་ལེན་གྱི་བྱེད་སྒོ། འཆར་གཞིའི་འདུ་འགོད་ཚགས་ཚུད་པོ་འདུག |
| འདུ་འགོད་ལས་ཁུངས |
སྔར་བོད་ས་གནས་སྲིད་གཞུང་གི་ལས་ཁུངས་ཤིག་ལས་འགན་ནི་འབྲུ་དངུལ་བསྡུ་ཚགས་ཀྱིས་དམག་ཕོགས་གོ་སྒྲིག་བྱེད་རྒྱུ་དེ་ཡིན། |
| འདུ་འཕྲོད |
འཚོགས་ཤིང་འཕྲད་པ། མེ་རྡོ་དང་མེ་ལྕགས་འདུ་འཕྲོད་བྱས་ན་སྤྲ་བར་མེ་འབར་ཡོང༌། དྲོད་གཤེར་གྱི་འདུ་འཕྲོད་ལ་བརྟེན་ནས་ལོ་ཏོག་སྐྱེ་བ། |
| འདུ་འཛི |
1 ཡུལ་རྐྱེན་ལ་བརྟེན་ནས་བྱུང་བའི་བྲེལ་ཟིང་གི་རྣམ་པ། སྡོད་གནས་འགོལ་པོ་ཞིག་ཡིན་སྟབས། འདུ་འཛི་མེད་པའི་ཁུ་སིམ་བག་ཕེབས་ཤིག་བྱུང༌། འགྲུལ་པ་རྣམས་འདུ་འཛོམས་ཀྱིས་འདུ་འཛི་ཟང་ངི་ཟིང་ངི་ཞིག་བྱུང༌། 2 གཡེང་བ། འདུ་འཛི་རྣམ་གཡེང་གི་ངང་དུ་མ་སྡོད། |
| འདུ་འཛོམས |
འདུ་བ་དང༌། འཛོམས་པ། མི་མང་པོ་འདུ་འཛོམས་ཀྱི་ཐོག་ནས་གྲོས་བསྡུར་བྱེད་པ། |
| འདུ་ལོང |
མི་མང་པོ་འདུས་པའི་ཟང་ཟིང༌། |
| འདུ་ལྷོང |
ཚུར་འདུ་བ་དང་ཕར་འཐོར་བ་གཉིས། |
| འདུ་ལྷོང་ཆེ་བ |
ལག་ཤོགས་ཆེ་བ་དང༌། འགྲོ་སོང་ལ་མི་འཛེམ་པ། འཚོ་བ་སྐྱིད་པོའི་ཆེད་དུ་འདུ་ལྷོང་ཆེ་བ་བྱེད། |
| འདུ་ཤེས |
1 བསམ་པའམ། མཚན་མར་འཛིན་པ། སྤུན་ཟླའི་འདུ་ཤེས། ཕ་བུའི་འདུ་ཤེས། འདུ་ཤེས་འཁྲུལ་བ། འདུ་ཤེས་ངན་པ། མེས་རྒྱལ་གྱི་འདུ་ཤེས། རྐུན་པོར་ཕ་མའི་འདུ་ཤེས་འཇོག་པ། 2 ཀུན་འགྲོ་ལྔའི་ཡ་གྱལ། ཡུལ་གྱི་ཐུན་མོང་མ་ཡིན་པའི་མཚན་མ་རང་སྟོབས་ཀྱིས་འབྱེད་པའི་ཤེས་པའོ།…3.མིའི་ཀླད་པར(བློ་ལ)ཕྱི་ཡུལ་འཇིག་རྟེན་ཚུར་ཤར་བའི་སྣང་བ་ཡིན་ཞིང་། མྱོང་ཚོར་དང་དཔྱོད་པ(བསམ་གཞིགས)སོགས་བློའི་བྱ་རིམ་སྣ་ཚོགས་ཀྱི་སྤྱི་འདུས་ཤིག་ཡིན། དེའི་ནང་གི་དཔྱོད་པ་ནི་ཕྱི་ཡུལ་འཇིག་རྟེན་ཚུར་སྣང་གི་རྣམ་པ་མཐོ་ཤོས་མི་ཁོ་ནར་ཡོད་པ་ཞིག་ཡིན། མིའི་འདུ་ཤེས་ཀྱིས་ཕྱི་ཡུལ་འཇིག་རྟེན་འདི་དང་འདིའོ་སྙམ་དུ་འཛིན་ཐུབ་པར་མ་ཟད། ཕར་ཕྱི་ཡུལ་འཇིག་རྟེན་ལའང་ཤན་ཞུགས་ཐུབ། བྱ་དངོས་རྣམས་མཚན་མར་འཛིན་པའི་བློ—འདི་ནི་འདིའོ་སྙམ་དུ་འཛིན་པའི་བློའི་མིང་ དགེ་རྒན་ལ་དགེ་རྒན་གྱི་འདུ་ཤེས་འཛིན་དགོས། གཉེན་གྱི་འདུ་ཤེས་བཞག་ལྟ་བུ། |
| འདུ་ཤེས་ཀྱི་ཕུང་པོ |
ཕུང་པོ་ལྔའི་ཡ་གྱལ་ཞིག་དོན་དང༌། ཐ་སྙད་ལ་མཚན་མར་འཛིན་པ་ལྟ་བུ། རྐྱེན་གསུམ་མམ་བཞི་སོགས་འདུས་ཏེ་ཤེས་པར་བྱེད་པས་ཡུལ་གྱི་ཁྱད་པར་རམ་སྤུ་རིས་མ་འདྲེས་པར་སོ་སོར་འཛིན་པའི་བདག་ཉིད་ཅན་གྱི་སེམས་པ་དུ་མ་སྤུངས་པའོ། |
| འདུ་ཤེས་གཉིས |
དོན་ལ་མཚན་མར་འཛིན་པའི་འདུ་ཤེས་དང༌། ཐ་སྙད་ལ་མཚན་མར་འཛིན་པའི་འདུ་ཤེས་གཉིས། |
| འདུ་ཤེས་དྲུག |
1 མཚན་བཅས་ཀྱི་འདུ་ཤེས་དང༌། མཚན་མེད་ཀྱི་འདུ་ཤེས། རྒྱ་ཆུང་བའི་འདུ་ཤེས། རྒྱ་ཆེ་བའི་འདུ་ཤེས། ཚད་མེད་པའི་འདུ་ཤེས། ཅི་ཡང་མེད་པའི་འདུ་ཤེས་བཅས་དྲུག 2 ཆོས་ཉན་པའི་སྐབས་ཀྱི་འདུ་ཤེས་དྲུག་རང་ལ་ནད་པ་ལྟ་བུའི་འདུ་ཤེས། ཆོས་ལ་སྨན་ལྟ་བུའི་འདུ་ཤེས། དགེ་བའི་བཤེས་གཉེན་ལ་སྨན་པ་ལྟ་བུའི་འདུ་ཤེས། ནན་ཏན་ཉམས་སུ་ལེན་པ་ལ་ནད་འཚོ་བའི་འདུ་ཤེས། ཆོས་ཀྱི་ཚུལ་ལ་རིང་དུ་གནས་པའི་འདུ་ཤེས། དེ་བཞིན་གཤེགས་པ་ལ་སྐྱེས་བུ་དམ་པའི་འདུ་ཤེས་རྣམས་སོ། |
| འདུ་ཤེས་བསྒྱུར་བ |
1 ཡིན་པ་ལ་མིན་དང༌། མིན་པ་ལ་ཡིན་ཞེས་སོགས་ལྟ་བུ་བསམ་པ་ཕྱིན་ཅི་ལོག་ཏུ་བསྒྱུར་བ། གནས་ཚུལ་དངོས་འབྲེལ་མ་ཡིན་པ་ཞིག་ལ་དངོས་འབྲེལ་ཡིན་པ་ལྟ་བུར་འདུ་ཤེས་བསྒྱུར་བ། 2 བསམ་བློའི་འཁྱེར་སོ་གསར་རྙིང་བརྗེ་བ། བསམ་ཚུལ་རྙིང་པ་སྐྱོན་དུ་མཐོང་ནས་རྣམ་པ་གསར་པ་ཞིག་ཏུ་འདུ་ཤེས་བསྒྱུར་བ། |
| འདུ་ཤེས་མེད་པ |
འདུ་ཤེས་མེད་པའི་སྙོམས་འཇུག་དེས་འཕངས་ནས་འདུ་ཤེས་མེད་པའི་ལྷ་རྣམས་ཀྱི་ནང་དུ་སྐྱེས་པའི་གང་ཟག་གི་སེམས་དང་སེམས་བྱུང་རྣམས་འགོག་པའི་ལྡན་མིན་འདུ་བྱེད་ཀྱི་གྲས་ཤིག |
| འདུ་ཤེས་མེད་པ་ཅན |
འདུ་ཤེས་མེད་པ་བ་དང་དོན་གཅིག་ |
| འདུ་ཤེས་མེད་པ་བ |
བསམ་གཏན་བཞི་པའི་གནས་འབྲས་བུ་ཆེ་བའི་ཕྱོགས་གཅིག་ན་གྲོང་ལས་དགོན་པའི་ཚུལ་དུ་ཡོད་ཅིང༌། དེར་སྐྱེས་མ་ཐག་དང་འཆི་བའི་ཚེ་མ་གཏོགས་པ། སེམས་དང་སེམས་བྱུང་གི་རྒྱུ་བ་འགགས་ནས་བསྐལ་ཆེན་མང་པོར་གནས་པའི་གང་ཟག་ཅིག |
| འདུ་ཤེས་མེད་པའི་ལྷ |
བསམ་གཏན་བཞི་པའི་གནས་འབྲས་བུ་ཆེ་བའི་ཕྱོགས་གཅིག་ན་ཡོད་པའི་ལྷ། |
| འདུ་ཤེས་མེད་པའི་སྙོམས་འཇུག |
དགེ་རྒྱས་ཀྱི་འདོད་ཆགས་དང་བྲལ་ལ་ཁམས་གོང་མའི་འདོད་ཆགས་དང་མ་བྲལ་བ་ཞིག་གིས་ཡིད་ལ་བྱེད་པའི་སྒོ་ནས་སེམས་སེམས་བྱུང་རྒྱུན་བརྟན་པ་མ་ཡིན་པ་འཇུག་ཤེས་དྲུག་པོ་རྣམས་གནས་སྐབས་སུ་འགོག་པར་བྱེད་པ་ལྡན་མིན་འདུ་བྱེད་ཀྱི་གྲས་ཤིག |
| འདུ་ཤེས་མེད་མིན |
འདུ་ཤེས་ཕྲ་བ་ཡོད་པ། |
| འདུ་ཤེས་མེད་འདུ་ཤེས་མེད་མིན་གྱི་ལྷ |
གཟུགས་མེད་ཀྱི་ཁམས་ཡོད་མིན་མེད་མིན་གྱི་གནས་སུ་སྐྱེས་པའི་ལྷ། |
| འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད |
གཟུགས་མེད་སྐྱེ་མཆེད་མུ་བཞིའི་ནང་གསེས། ཅི་ཡང་མེད་དོ་སྙམ་དུ་སེམས་པའི་འདུ་ཤེས་དེ་ཡང་ནད་དང་ཟུག་རྔུ་ལྟ་བུ་ཡིན་པས་སྤང་ངོ་ཞེས་ཇེ་ཕྲ་ཇེ་ཕྲར་བཀག་ནས་འདུ་ཤེས་རགས་པ་མེད་ཅིང༌། འདུ་ཤེས་དེ་གཏན་མེད་པར་གྱུར་ན་ཡང་མི་རུང་ངོ་སྙམ་ནས་འདུ་ཤེས་ཤིན་ཏུ་ཕྲ་བ་མེད་པ་མིན་པ་སྟེ་སྲིད་པའི་རྩེ་མོ་ལ་གནས་པའོ། |
| འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་རྣམ་ཐར |
གཟུགས་མེད་ཀྱི་རྣམ་ཐར་བཞིའི་ནང་གསེས། འདུ་ཤེས་འདི་ནི་ནད་དང་ཤུ་བ་དང་ཟུག་རྔུ་ལྟ་བུ་སྟེ་སྐྱོན་ཅན་ཡིན་ནོ་ཞེས་བཀག་ནས་ཇེ་ཕྲ་ཇེ་ཕྲར་གྱུར་པ་དང་འདུ་ཤེས་གཏན་ནས་མེད་ན་ཡང་རྨོངས་པར་འགྱུར་ཏེ་མི་རུང་ངོ་སྙམ་ནས་འདུ་ཤེས་ཕྲ་མོ་ལ་གནས་ཏེ་སྙོམས་པར་ཞུགས་པ་སྟེ་ཡོད་མིན་མེད་མིན་སྐྱེ་མཆེད་རྫོགས་པར་བྱས་པའོ། |
| འདུ་ཤེས་ལྔ |
ཆོས་འཆད་དུས་ཀྱི་འདུ་ཤེས་ལྔ་རང་ལ་སྨན་པ་དང༌། ཆོས་ལ་སྨན། ཉན་པ་པོ་ལ་ནད་པ། དེ་བཞིན་གཤེགས་པ་ལ་སྐྱེས་བུ་དམ་པ། ཆོས་ཀྱི་ཚུལ་ལ་ཡུན་རིང་དུ་གནས་པ་བཅས་ཀྱི་འདུ་ཤེས་བསྐྱེད་པ། |
| འདུ་ས |
འཚོག་ས། |
| འདུ་སྒོ |
འབབ་སྒོའམ་ཡོང་སྒོ། |
| འདུ་སྤྱི |
ཡུལ་གྲུ་སོ་སོའི་འཐུས་ཚོགས། |
| འདུག |
(བྱེད་མེད་ལས་ཚིག) <ཀ>སྡོད་པ་དོན་ཏེ། འགྲོ་འཆག་ཉལ་འདུག འདུག་གནས། དོ་དགོང་མགྲོན་ཁང་དུ་འདུག་ལྟ་བུ། |
| འདུག་གནས |
སྡོད་སའི་གནས། འདུག་གནས་སྤྲོ་པོ། |
| འདུག་གྲལ |
སྡོད་སའི་གྲལ། འདུག་གྲལ་གྱི་གྲལ་འགོར་བཞུགས་པ། |
| འདུག་པ |
1. ཐ་མི་དད་པ 1 སྡོད་པ་དང་གནས་པ། ཕྲན་སྔར་རྒྱུན་ལྟར་འདི་གར་འདུག་ཡོད། ཁོ་ཚོ་གདན་ལ་འདུག་སྟེ་གཏམ་ཤོད་པ། 2 མངོན་པ་སྟེ་ཡོད་པའི་དོན། ཁ་ས་ཚོགས་འདུ་གྲོལ་དུས་མི་དེ་གང་དུ་འདུག་གམ། ཆུ་ཚོད་གསུམ་པའི་ཐོག་ལ་ལས་ཁུངས་ནང་སུ་འདུག་གམ་མི་འདུག ད་ལྟ་ཆུ་ཁོལ་མ་འདུག དེང་སྐབས་ཁོང་པེ་ཅིན་ལ་བཞུགས་འདུག མི་དེས་ལས་ཀ་འདི་ལ་ཕན་ཐོགས་ཡོང་བ་མི་འདུག བསམ་ཚུལ་མི་གཅིག་པའི་མི་ཚོས་ཚོགས་འདུའི་ཐོག་ནས་རྩོད་པ་རྒྱག་གི་འདུག 2. རེད། ཡིན་པར་གོ་བའི་དོན། ཁ་སང་བསྟན་པའི་གློག་བརྙན་དེ་ཡག་པོ་འདུག ཡག་པོ་བྱས་བལྟ་དུས་ངའི་སྟོད་ཐུང་འདི་ཆུང་དྲགས་འདུག |
| འདུག་པའི་ཚུལ་དགུ |
ཉེས་བྱས་ཀྱི་སྡེ་ཚན་གསུམ་པ། སྟན་ལ་འདུག་པའི་སྡེ་ཚན་ལ། ཁྱིམ་བདག་སོགས་ཀྱིས་མ་བསྒོས་པ་དང༌། སྲོག་ཆགས་ཡོད་མེད་སོགས་མ་བརྟགས་པ་དང༌། ལུས་ཀྱི་ལྕིད་ཕབ་པ་དང༌། རྐང་པ་བསྣོལ་ཏེ་བརྐྱངས་པ་དང༌། བརླ་བསྣོལ་བ་དང༌། ལོང་བུ་བརྩེགས་པ་དང༌། ཧོར་འདུག་གི་རྣམ་པས་རྐང་པ་ཁྲིའི་འོག་ཏུ་བཀུག་པ་དང༌། རྐང་པ་ཕན་ཚུན་གདངས་པ་དང༌། འདོམས་མཐོང་བར་བྱས་པ་བཅས་ཀྱིས་བསྡད་ན་ཉེས་བྱས་སུ་འགྱུར་བ་སྟེ་དགུ། |
| འདུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་བུད་མེད་དང་ལྷན་ཅིག་དབེན་པ་སྐྱབས་ཡོད་དུ་སྡོད་པ། |
| འདུག་རེས |
སྡོད་པའི་སྔ་ཕྱི་རིམ་པ། ངེད་སོ་བ་ལ་འདུག་རེས་ཚང༌། |
| འདུག་རོགས |
1 བཟའ་ཟླ། 2 མཉམ་སྡོད་རོགས་པ། འགྲོ་རོགས་འདུག་རོགས། |
| འདུག་ལུགས |
1 སྡོད་སྟངས། 2 སྤྱོད་ཚུལ། ཟ་ལུགས་འགྲོ་ལུགས་འདུག་ལུགས་གསུམ། དྲིན་ཆེན་ཕ་མའི་བསླབ་བྱ་ཡིན། |
| འདུག་ས |
སྡོད་ས། |
| འདུག་སེ་བྱས |
ཡུལ འདི་འདྲ་བྱས། |
| འདུག་སྟངས |
1 སྡོད་པའི་རྣམ་འགྱུར། 2 བྱེད་ལུགས་བྱེད་སྟངས། སྤྱི་ཚོགས་ཀྱི་འདུག་སྟངས། རྒྱུས་མངའ་མེད་པའི་ཡུལ་ལུང་གསར་པ་ཞིག་ལ་སླེབས་པས་འགྲོ་སྟངས་འདུག་སྟངས་མི་ཤེས་པ། |
| འདུག་སྟེགས |
ཁྲི་དང་ཁྲིའུ་སོགས་ཀྱི་སྤྱི་མིང་། <ཁ>གནས་པའམ་ཡོད་པའི་དོན་ཏེ། མི་མང་བོ་འདུག དཔེ་ཆ་མང་བོ་འདུག་ལྟ་བུ། ལས་ཚིག་ད་ལྟ་བའི་ཚིག་གྲོགས་ཏེ། སློབ་གྲྭ་པ་ཚོས་སློབ་སྦྱོང་བྱེད་ཀྱིན་འདུག ཞིང་པ་ཚོས་ཞིང་འབྲེག་གིན་འདུག་ལྟ་བུ། |
| འདུད |
བཏུད་ཀྱི་ད་ལྟ་བ། གུས་པས་འདུད་ལྟ་བུ། |
| འདུད་པ |
1. ཐ་དད་པ བཏུད་པ། གདུད་པ། ཐུད།། གུས་པ། ཞབས་ལ་འདུད་པ། མགོ་བཏུད་པ། ཡན་ལག་ལྔ་ས་ལ་བཏུད་པའི་ཕྱག་བྱེད་པ། གཞན་དག་གིས་རེ་ཞིང་འདུད་པར་བྱེད་པ། 2. གུས་པའི་རྣམ་འགྱུར། |
| འདུད་ཚུལ |
1 གུས་འདུད་བྱེད་པའི་ལུགས། 2 གུས་འདུད་བྱེད་པའི་ཁུལ། |
| འདུད་སྟངས |
གུས་འདུད་བྱེད་སྟངས། |
| འདུན |
གཤིན་པོར་མྱ་ངན་བྱེད་པའི་རྟགས་ཀྱི་མིང་ འདུན་བྱས། འདུན་ཁུར་ལྟ་བུ། འདུན་པ་ལ་ལྟོས། ０ལྷན་དུ་འདུས་པ་ མི་མང་འདུན་ས། འདུན་གྲོས་ཞེས་པ་ལྟ་བུ། |
| འདུན་ཁང |
1 ཚོགས་ཁང༌། 2 འདུག་གནས། 3 བང་མཛོད། |
| འདུན་གྲོས |
གྲོས་བསྡུར། ལས་དོན་བྱེད་སྟངས་ཀྱི་སྐོར་ལ་འདུན་གྲོས་ཡང་ཡང་བྱས་པ། |
| འདུན་པ |
1. ཐ་མི་དད་པ དོན་གཉེར་འདོད་པ་དང༌། རེ་བ་བྱེད་པ། ཚན་རིག་ལ་འདུན་པ། རང་གི་མེས་རྒྱལ་ལ་འདུན་པའི་མི་ཞིག་ཡིན་ཕྱིན་དེ་ལ་ཕན་ཐོགས་པའི་ལས་དོན་ཁོ་ན་བྱེད་དགོས། 2 1 འདོད་པའི་མིང་ཙམ། ཆང་འཐུང་བའི་འདུན་པ་མེད་ན་ཇ་འཐུངས་ཤིག སྐྱིད་འདོད་དལ་འདོད་ཀྱི་འདུན་པ་བཟློག་པ། གསར་བརྗེ་བྱེད་པའི་འདུན་པ་ཉམས་པ་མེད་པར་ཡིད་ལ་བཅངས་པ། 2 ཙྪནྡ ཤཱཀྱ་ཐུབ་པའི་ཉན་ཐོས་དྲུག་སྡེའི་ཡ་གྱལ་ཞིག 3 ཡུལ་ངེས་ལྔའི་ནང་གསེས། གང་འདོད་པའི་དངོས་པོ་ལ་དམིགས་ནས་དེ་དོན་གཉེར་གྱི་ཤེས་པ་བརྩོན་འགྲུས་ཀྱི་རྟེན་བྱེད་པའི་བྱེད་ལས་ཅན་ནོ། |
| འདུན་པ་གསུམ |
འཕྲད་འདོད་ཀྱི་འདུན་པ། མི་བྲལ་བར་འདོད་པའི་འདུན་པ། དོན་དུ་གཉེར་བའི་འདུན་པ་བཅས་གསུམ། |
| འདུན་པ་ཉམས་པ་མི་མངའ་བ |
སངས་རྒྱས་ནི་བླ་ན་མེད་པའི་བྱང་ཆུབ་དང༌། སེམས་ཅན་མ་ལུས་པའི་དོན་ལ་མོས་པ་འདུན་པ་ཉམས་པ་མེད་པ་སྟེ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་ནང་གསེས་ཤིག |
| འདུན་པ་ཕྱིར་བསྒྱུར་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་ལས་ལ་མི་མཐུན་པ་མེད་པར་བྱ་བའི་ཕྱིར་དུ་འདུན་པ་ཕུལ་བར་སླར་འདུན་པ་ཕྱིར་བྱིན་ཅིག་ཅེས་ལྡོག་ཏུ་བཅུག་པ། |
| འདུན་པ་འབུལ་བ |
གསོ་སྦྱོང་སོགས་ཀྱི་ལས་གྲལ་དུ་དངོས་སུ་ཞུགས་མ་ཐུབ་ཀྱང་བློ་མཐུན་པར་བྱ་ཕྱིར་འདུན་པ་འབུལ་བ་ཡུལ་ལས་བྱེད་པའི་དགེ་འདུན་དང༌། དགེ་འདུན་དེས་འདུན་པ་ལེན་པ་ལ་བསྐོས་པའི་དགེ་སློང་ལ། ལས་གྲལ་དེར་འདུ་བའི་རྐྱེན་མ་ཚང་བའི་གང་ཟག་གིས་ལས་ལ་མི་མཐུན་པ་མེད་ཅིང་མཐུན་པ་སྒྲུབ་པའི་ཆེད་དུ། འདུན་པ་འབུལ་བའི་སྔགས་ཚིག་ལན་གསུམ་བརྗོད་པ། |
| འདུན་པ་རྩེ་གཅིག |
བློ་སེམས་རྩེ་གཅིག་སྒྲིལ། རང་ཉིད་ཡར་ཐོན་ཡོང་བའི་འདུན་པ་རྩེ་གཅིག་ཏུ་བཟུང་ནས་སློབ་སྦྱོང་བྱེད་པ། |
| འདུན་པ་སེམས་པའི་རྣལ་འབྱོར |
རྣལ་འབྱོར་ལྔའི་ཡ་གྱལ་ཞིག་སྟེ་རྙིང་མའི་གཞུང་རྣམས་སུ། ཚོགས་ལམ་གྱི་དུས་སུ་སྟོང་པའི་འོད་གསལ་དང་སྣང་བའི་ལྷ་སྐུ་གཉིས་ཀ་འདུན་པས་དྲངས་པའི་མོས་པ་ཙམ་གྱི་ཡུལ་དུ་བྱེད་པས་འདུན་པ་སེམས་པའི་རྣལ་འབྱོར་ཞེས་བྱའོ། |
| འདུན་པའི་ཏིང་ངེ་འཛིན |
འདུན་པ་དྲག་པོའི་གུས་སྦྱོར་དང༌། བརྩོན་འགྲུས་རྒྱུན་ལྡན་གྱི་རྟག་སྦྱོར་ལ་བརྟེན་ནས་བྱུང་བའི་ཏིང་ངེ་འཛིན། |
| འདུན་མ |
1 ཐབས་ཇུས། གཏན་གྱི་འདུན་མ། འདུན་མ་སློབ་འདུན་པའི་ཏིང་ངེ་འཛིན། འདུན་པ་དྲག་པོའི་གུས་སྦྱོར་དང༌། གྲོས་མོལ། ལས་དོན་འདིའི་སྐོར་ང་ཚོས་འདུན་མའི་ཐོག་ནས་གྲོས་བསྡུར་གྱིས་ཐག་གཅོད་བྱེད་དགོས། རྩོད་གཞིའི་དོན་གནད་འགལ་འཛོལ་ཆེ་བས་རེ་ཞིག་འདུན་མ་མ་འགྲིག་པ་རེད། |
| འདུན་ལས |
དུན་ལས་དང་འདྲ། |
| འདུན་ས |
གྲོས་བྱེད་ས། འདུན་སར་གྲོས་བྱེད་པ། |
| འདུན་ས་ཆོས་བཟང |
རི་རབ་ཀྱི་རྩེ་མོར་ལྟ་ན་སྡུག་པའི་གྲོང་ཁྱེར་གྱི་ཕྱི་རོལ་ལྷོ་ནུབ་མཚམས་སུ་སུམ་ཅུ་རྩ་གསུམ་གྱི་ལྷ་རྣམས་འདུ་བའི་གནས་ཤིག |
| འདུམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)འགྲིག་མཐུན་བྱུང་བ་ ནང་འཁྲུག་འདུམ། ཁ་མཆུ་འདུམ། རྩྭ་སའི་རྩོད་གླེང་འདུམ་ལྟ་བུ། |
| འདུམ་ཁྲ |
ཁ་མཆུ་བསྡུམ་པའི་ཡི་གེ། ཕན་ཚུན་གཉིས་ཕྱོགས་ལ་འདུམ་ཁྲ་བཏང་བ། འགྲིག་འདུམ་བྱས་པའི་ཆིངས་ཡིག |
| འདུམ་པ |
1. ཐ་མི་དད་པ འདུམས་པ། འདུམ་པ།། 1 མཐུན་པ་དང༌། འགྲིག་པ། ཁོ་ཚོའི་བར་གྱི་འགལ་བ་རྣམས་འདུམ་པའི་གནས་མེད། གནས་སྐབས་ཀྱི་རྩོད་གཞི་ལེགས་པར་འདུམས་སོང༌། 2 རྙིང ཐུང་དུ་འགྲོ་བ། 2. བར་དཔང༌། |
| འདུམ་བདེ་པོ |
སྟབས་བདེ་པོ། གཏམ་ཚིག་ཉོག་མེད་པའི་འདུམ་བདེ་པོ་བཤད་དགོས། |
| འདུམ་བྱེད་པ |
མཐུན་ཐབས་བྱེད་པ། |
| འདུམ་མཐུན |
བསྡུམས་ནས་མཐུན་པོར་གྱུར་པ། ཕན་ཚུན་གཉིས་ཀས་ལ་ཉག་མཛོ་གཟེངས་བྱས་པས་འདུམ་མཐུན་གང་ལེགས་བྱུང་བ། |
| འདུམ་འགྲིག |
རྩོད་པ་འདུམ་ཐབས་བྱེད་པ། ཕན་ཚུན་རྩོད་རྙོག་གང་ཡོད་ཁ་རུལ་ནང་བཤང་གི་སྒོ་ནས་འདུམ་འགྲིག་བྱེད་པ། |
| འདུམ་ས |
1 འདུམ་བྱེད་པའི་གནས། 2 སྟབས་བདེ་ས། སྐོར་འཁྱོག་མི་དགོས་པར་ལམ་འདུམ་ས་ནས་འགྲོ་བ། 3 ཐག་ཉེ་ས། |
| འདུམས |
འདས་པ་ རྩོད་གླེང་འདུམས་ནས་འགྲིག་མཐུན་བྱུང་ལྟ་བུ། |
| འདུམས་པ |
འདུམ་པའི་འདས་པ། |
| འདུར |
(བྱེད་མེད་ལས་ཚིག) འགྲོ་བ་ སྔ་དྲོ་གཟན་ལ་འདུར། ཕྱི་དྲོ་ཚང་ལ་འདུར་ལྟ་བུ། (རྒྱན་ཚིག) མགྱོགས་བུལ་རན་པར་འགྲོ་བའི་རྣམ་པ་ རྟ་རྒན་འདུར་རྒྱུག་བྱེད། འདུར་འདུར་བརྒྱུགས། འདུར་རེ་འདུར་རེ་བརྒྱུགས་ལྟ་བུ། ０ཆུར་དངོས་རྫས་གཞན་འདྲེས་ནས་གར་བོར་གྱུར་པའི་ལྡེ་གུའི་མིང་ རྩམ་འདུར། ཕྱེ་འདུར། འདམ་འདུར་ཞེས་པ་ལྟ་བུ། |
| འདུར་བ |
1. ཐ་མི་དད་པ 1 དལ་བྲེལ་རན་པར་འགྲོ་བ། རྟ་བཞོན་ཏེ་འདུར་ནས་ཕྱིན་པ། 2 སིལ་བུར་གྱུར་ནས་ཞིག་པ། ཤོག་བུ་ཆུའི་ནང་དུ་འདུར་བ། ཤ་ཧ་ཅང་ཚོས་དྲགས་པས་འདུར་བ། 3 མནན་ཏེ་ནོན་པ། ཁྲིམས་འོག་ལ་འདུར་བ། ཕྱུགས་ཆག་བསྒོར་ནས་ཚར་མ་འདུར་བ། 2. འགྲོ་སྟངས་ཀྱི་ཁྱད་པར་ཞིག འདུར་ཆེན་བྱེད་འཇུག་པ། འདུར་འཇམ། |
| འདུར་བོན |
དུར་བོན་དང་འདྲ། |
| འདུར་འགྲོས |
དལ་བྲེལ་སྙོམས་པའི་འགྲོ་སྟངས་ཤིག རྟས་འདུར་འགྲོས་བརྒྱབ་ནས་འགྲོ་བ། |
| འདུར་འདུར |
དལ་བྲེལ་སྙོམས་པར་རྒྱུག་ཚུལ། ཁོ་རང་འདུར་འདུར་བརྒྱུགས་ནས་བདག་གི་མདུན་དུ་སླེབས། སྡར་མ་རྣམས་སྤྱང་མོ་འདུར་འདུར་གྱིས་བྲོས། |
| འདུར་རྒྱུགས |
1 དལ་བྲེལ་སྙོམས་པར་འགྲོ་བ། རྟ་འདུར་རྒྱུགས་བཏང་ན་ཞོན་མཁན་ལ་བདེ་པོ་མི་ཡོང༌། 2 མཆོག་དམན་དྲག་ཞན་ཁྱད་མེད་མཉམ་རྒྱུགས་ཀྱི་ཁྲལ། |
| འདུར་ཤིད |
རྙིང གཤིན་པོའི་དགེ་སྒྲུབ། |
| འདུར་སྒྲུབ |
མཆོག་དམན་དྲག་ཞན་ཁྱད་མེད་མཉམ་སྒྲུབ་ཀྱི་ཁྲལ། |
| འདུལ |
ད་ལྟ་བ་ དགྲ་འདུལ་གཉེན་སྐྱོང་ཞེས་པ་ལྟ་བུ། |
| འདུལ་ཁྲིམས |
འདུལ་བའི་བཅས་ཁྲིམས་ཏེ་དམ་ཆོས་འདུལ་བ་ལས་གསུངས་པའི་སྤང་བླང་གི་ཁྲིམས། |
| འདུལ་བ |
1. ཐ་དད་པ བཏུལ་བ། གདུལ་བ། ཐུལ།། ངན་པ་བཟང་པོར་འཆོས་པ། ས་ཞིང་འདུལ་བ། མི་ངན་འདུལ་བ། རྟ་རྒོད་འདུལ་བ། དགྲ་བོ་བཏུལ་བ། མི་འཇམ་གྱིས་འདུལ། རང་རྩུབ་ཀྱིས་འདུལ། གདུལ་དཀའ་བ། 2. བིཉ ལྟུང་བ་སྡེ་ལྔ་དང༌། ལྟུང་བ་འབྱུང་བའི་རྒྱུ་དང༌། ལྟུང་བ་ལས་ལྡང་བ་དང༌། ལྟུང་བ་ལས་ངེས་པར་འབྱུང་བ་དང༌། གང་ལ་བརྟེན་ནས་བསླབ་པ་བཅའ་བ་གང་ཟག་བསླབ་པ་བཅས་པ་དངོས། དེའི་རབ་ཏུ་དབྱེ་བ། ལྟུང་བ་དང་ལྟུང་མེད་རྣམ་པར་ངེས་པ་བཅས་དོན་རྣམ་པ་བརྒྱད་སྟོན་པས་འདུལ་བ་ཞེས་བྱའོ། 3.སངས་རྒྱས་ཆོས་ལུགས་ཀྱི་ཆོས་ཁྲིམས་སམ་དེ་བཤད་པའི་ཆོས་གཞུང་གི་མིང་ འདུལ་བའི་སྡེ་སྣོད་ཀྱང་ཟེར། |
| འདུལ་བ་གཞི་གསུམ་ཆོ་ག |
བསླབ་པ་ཡོངས་སུ་སྦྱོང་བའི་གཞི་གསུམ་དབྱར་གནས། གསོ་སྦྱོང༌། དགག་དབྱེ་རྣམས་ཚུལ་ཇི་ལྟར་བྱ་བའི་རིམ་པ་གསལ་བར་སྟོན་པའི་ལག་ལེན་གྱི་ཆོ་ག། དུས་རབས་བཅོ་ལྔ་པར་འདུལ་འཛིན་གྲགས་པ་རྒྱལ་མཚན་གྱིས་མཛད་པ། |
| འདུལ་བ་གཞུང་དམ་པ |
སངས་རྒྱས་ཤཱཀྱ་ཐུབ་པས་གསུངས་པའི་འདུལ་བ་ལུང་སྡེ་བཞིའི་ནང་གསེས། གཞུང་དམ་པའམ། གཞུང་བླ་མ་ཞེས་པ་ཡོངས་རྫོགས་བོད་དུ་འགྱུར་མེད་ལ། དེ་ལས་ཞུ་བ་དང་འདུལ་བྱེད། གླེང་གཞི། གཏམ་གཞི་སོགས་ལེའུ་བཅུ་གཅིག་ད་ལྟ་ཡོད་པ། |
| འདུལ་བ་གཞུང་བླ་མ |
འདུལ་བ་གཞུང་དམ་པ་དང་དོན་གཅིག་ |
| འདུལ་བ་ཕྲན་ཚེགས |
འདུལ་བ་ལུང་ཕྲན་ཚེགས་ཀྱི་བསྡུས་ཚིག་ |
| འདུལ་བ་བསྡུས་པ |
སོ་སོར་ཐར་པའི་འགྲེལ་བ་འདུལ་བ་བསྡུས་པ་ཞེས་བྱ་བ་སློབ་དཔོན་ཁྱད་པར་བཤེས་གཉེན་གྱིས་མཛད་པ་བམ་པོ་བཅུ་གསུམ་པ། རྒྱ་གར་གྱི་མཁན་པོ་ཤཱི་ལེནྟྲ་བོ་དྷི་དང༌། ཞུ་ཆེན་གྱི་ལོ་ཙཱ་བ་བཻ་རོ་ཙ་ན་རཀྵི་ཏས་བསྒྱུར་པ། |
| འདུལ་བ་མདོ་རྩ |
འདུལ་བ་ལུང་སྡེ་བཞིའི་དགོངས་པ་ཕྱོགས་གཅིག་ཏུ་གཏན་ལ་འབེབས་པར་བྱེད་པའི་བསྟན་བཅོས་ཤླཽ་ཀ་ཉིས་སྟོང་བདུན་བརྒྱ་དང༌། བམ་པོ་དགུ་པ། རྒྱ་གར་གྱི་མཁན་པོ་ཡོན་ཏན་འོད་ཀྱིས་མཛད་པ། པཎྜི་ཏ་ཛི་ན་མི་ཏྲ་དང༌། ལོ་ཙཱ་བ་ཀླུའི་རྒྱལ་མཚན་གྱིས་བསྒྱུར་པའོ། |
| འདུལ་བ་མེ་ཏོག་ཕྲེང་རྒྱུད |
འདུལ་བ་ཚིག་ལེའུར་བྱས་པ་མེ་ཏོག་ཕྲེང་རྒྱུད་ཅེས་བྱ་བ་འཕགས་པ་ས་ག་ལྷས་མཛད་པ་བམ་པོ་ལྔ་པ། བལ་པོའི་པཎྜི་ཏ་ཛ་ཡཱ་ཀ་ར་དང༌། བོད་ཀྱི་ལོ་ཙཱ་བ་པྲཛྙཱ་ཀིརྟིས་བསྒྱུར་པ། |
| འདུལ་བ་འཛིན་པ |
བསྙེན་པར་རྫོགས་ནས་སྡོམ་རྒྱུན་བར་མ་ཆད་པའི་བརྟན་པའི་ཡོན་ཏན་དང༌། འདུལ་བ་ཤེས་ཤིང་འཆད་སྤེལ་བྱེད་མཁས་པའི་ཡོན་ཏན་གཉིས་དང་ལྡན་པའི་དགེ་སློང༌། |
| འདུལ་བ་རྣམ་པར་གཏན་ལ་དབབ་པ་ཉེ་བར་འཁོར་གྱིས་ཞུས་པ |
བམ་པོ་གཉིས་པ། ཤོ་ལོ་ཀ་དྲུག་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། |
| འདུལ་བ་རྣམ་འབྱེད |
སངས་རྒྱས་ཤཱཀྱ་ཐུབ་པས་གསུངས་པའི་འདུལ་བ་ལུང་སྡེ་བཞིའི་ནང་གསེས། སོ་ཐར་གྱི་དོན་ཞིབ་ཏུ་རྣམ་པར་འབྱེད་པ་དགེ་སློང་ཕའི་རྣམ་འབྱེད་ཀྱི་སོ་ཐར་དུ་ལྟུང་རྐང་ཉིས་བརྒྱ་ལྔ་བཅུ་རྩ་གསུམ་པོ་རེ་རེ་ལ། བསླབ་པ་འཆའ་བའི་རྒྱུ་གླེང་གཞི། བསླབ་པ་བཅས་པའི་ཕན་ཡོན། བསླབ་པ་འཆའ་བའི་ཚུལ། ལྟུང་བའི་རྣམ་གཞག་ལྟུང་མེད། བསླབ་བྱ་སྟེ་དོན་ཚན་དྲུག་དྲུག་གི་སྒོ་ནས་ཕལ་ཆེ་བར་བཤད་པ་དང༌། རྩོད་པ་ཞི་བྱེད་ཀྱི་ཆོས་བདུན་རྒྱས་པར་བཤད་པ་དང༌། དགེ་སློང་མའི་རྣམ་འབྱེད་ལྟུང་རྐང་སུམ་བརྒྱ་དྲུག་ཅུ་རྩ་བཞིའི་སྐོར་རྣམས་རྒྱས་པར་སྟོན་པའི་གཞུང༌། |
| འདུལ་བ་ལུང་གཞི |
སངས་རྒྱས་ཤཱཀྱ་ཐུབ་པས་གསུངས་པའི་འདུལ་བ་ལུང་སྡེ་བཞིའི་ནང་གསེས། གཞི་བཅུ་བདུན་གྱི་རྣམ་གཞག་གཏན་ལ་འབེབས་པའི་གཞུང་ངོ། |
| འདུལ་བ་ལུང་ཕྲན་ཚེགས |
སངས་རྒྱས་ཤཱཀྱ་ཐུབ་པས་གསུངས་པའི་འདུལ་བ་ལུང་སྡེ་བཞིའི་ནང་གསེས། པུ་ཏི་གཉིས་ཀྱི་ཚད་དུ་ལངས་པའི་ཤོ་ལོ་ཀ་སྟོང་ཕྲག་བཅུ་བདུན་དང་བདུན་བརྒྱ་ཡོད་པ་དང༌། སྒོ་རྣམ་པ་བརྒྱད་ཡོད་ཅིང༌། སྒོ་རེ་རེ་ལ་སྤྱིའི་སྡོམ་རེ་རེ། དེ་རེ་རེའང་སྡོམ་གྱི་ཚིགས་སུ་བཅད་པ་བཅུ་བཅུའི་སྒོ་ནས་སྟོན་པའི་གཞུང༌། |
| འདུལ་བ་ལུང་ཞུ་བ |
འདུལ་བ་གཞུང་དམ་པ་དང་དོན་གཅིག་ |
| འདུལ་བ་ལུང་རྣམ་འབྱེད |
འདུལ་བ་རྣམས་འབྱེད་དང་དོན་གཅིག་ |
| འདུལ་བ་ལུང་སྡེ་བཞི |
སངས་རྒྱས་ཤཱཀྱ་ཐུབ་པས་གསུངས་པའི་ཐེག་དམན་གྱི་འདུལ་བའི་སྡེ་སྣོད་ཀྱི་གཞུང་བཞི་འདུལ་བ་རྣམ་འབྱེད་དང༌། འདུལ་བ་ལུང་གཞི་དང༌། འདུལ་བ་ཕྲན་ཚེགས་དང༌། འདུལ་བ་གཞུང་དམ་པའོ། |
| འདུལ་བ་ལྷད་ཅན |
འདུལ་བ་ལ་ལྷད་ཞུགས་པ་སྟེ་རུང་མིན་གཞི་བཅུ་སོགས་སངས་རྒྱས་ཀྱིས་བཅས་པའི་རྣམ་གཞག་དང་འགལ་བའི་འདུལ་བ། |
| འདུལ་བ་སུམ་བརྒྱ་པ |
སྔར་རྒྱ་གར་གྱི་སློབ་དཔོན་ཤཱཀྱ་འོད་ཀྱིས་མཛད་པའི་དགེ་ཚུལ་གྱི་བསླབ་བྱ། ཤོ་ལོ་ཀ་སུམ་བརྒྱ་ཡོད་པའི་བསྟན་བཅོས་ཤིག |
| འདུལ་བ་སྟོད་ལུགས |
ལོ་ཙཱ་བ་ཆེན་པོ་རིན་ཆེན་བཟང་པོའི་དུས་སུ་མངའ་རིས་ཕྱོགས་སུ་དར་བའི་འདུལ་བའི་ལུགས། |
| འདུལ་བའི་གཞུང |
སོ་ཐར་གྱི་བསླབ་པ་གཙོ་བོར་སྟོན་པའི་གཞུང༌། |
| འདུལ་བའི་གླེང་འབུམ་ཆེན་མོ |
དུས་རབས་བཅོ་ལྔ་པར་འདུལ་བ་ལུང་སྡེ་བཞིའི་སྐབས་སུ་གླེང་གཞི་ཇི་ལྟར་བྱུང་བའི་ཚུལ་བརྗོད་པ་རྗེ་དགེ་འདུན་གྲུབ་ཀྱིས་མཛད་པ་དང་འདུལ་འཛིན་གྲགས་པ་རྒྱལ་མཚན་གྱིས་མཛད་པ་ཞིག་ཀྱང་ཡོད། |
| འདུལ་བའི་བསླབ་པ |
སོ་ཐར་གྱི་ཚུལ་ཁྲིམས། |
| འདུལ་བའི་མཆོད་པ |
བོད་རྒྱལ་མུ་ནེ་བཙན་པོའི་སྐབས་ལྷ་སར་བཙུགས་པའི་དུས་མཆོད་ཆེན་པོ་ཞིག |
| འདུལ་བའི་སྡེ་སྣོད |
ལྷག་པ་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པ། གསུང་རབ་ཡན་ལག་བཅུ་གཉིས་ཀྱི་ནང་ནས་གླེང་གཞིའི་སྡེ་དང༌། རྟོགས་པ་བརྗོད་པའི་སྡེ་དང༌། དེ་ལྟ་བུ་བྱུང་བའི་སྡེ་དང༌། སྐྱེས་པ་རབས་ཀྱི་སྡེ་རྣམས་འདུལ་བར་བསྡུས་པ། |
| འདུལ་བར་བྱེད་པ |
སེམས་གནས་དགུའི་ལྔ་པ། ཏིང་ངེ་འཛིན་གྱི་ཡོན་ཏན་བསམས་ནས་དེ་ལ་དགའ་བ། |
| འདུལ་ཞིང |
སངས་རྒྱས་ཀྱི་གདུལ་བྱའི་ཞིང་ཁམས། |
| འདུལ་འཛིན |
འདུལ་བ་འཛིན་པའི་བསྡུས་ཚིག་ |
| འདུལ་འཛིན་མཆོག་གཉིས |
རྒྱ་གར་གྱི་འདུལ་འཛིན་སློབ་དཔོན་མཆོག་གཉིས་ཏེ་ཡོན་ཏན་འོད་དང༌། ཤཱཀྱ་འོད། |
| འདུལ་སྐལ |
ཕམ་པར་བྱེད་པའམ་འོས་ཐོབ། སྟག་གཟིག་ནོར་གྱི་རྒྱལ་པོ་དེ། སེང་ཆེན་ནོར་བུའི་འདུལ་སྐལ་རེད། |
| འདུལ་སྡོམ |
འདུལ་གཞུང་གི་སྡོམ་ཚིག |
| འདུལ་སྦྱོང |
1 རྟ་དང་གླང་པོ་སོགས་ཕྱུགས་རིགས་གྱོང་པོ་རྣམས་ལྷིང་པོ་བཟོ་ཐབས། 2 གསེར་དངུལ་སོགས་ཀྱི་ལྷད་བཏོན་ནས་མཉེན་པོ་འཆོས་ཐབས། |
| འདུས |
འདས་པ་ འབྲོག་པ་རྒན་པོ་རྣམས་འདུས་ནས་གླེང་མོལ་བྱས་ལྟ་བུ། ཁོངས་སུ་གཏོགས་པ་ ཚ་ནད་དང་གྲང་ནད་གཉིས་སུ་ནད་རིགས་ཀུན་འདུས། དོན་མང་བོ་འདུས་པའི་ཚིག བཟའ་འདུ་ཚོགས་འདུ་ཞེས་པ་ལྟ་བུ། ０ལྷན་ཅིག་ཏུ་འདྲེས་པ་ རྒྱ་མཚོར་ཆུ་སྣ་མང་བོ་འདུས་ལྟ་བུ། |
| འདུས་ནད |
སྣ་ཚོགས་འདོམས་པའི་ནད། རླུང་མཁྲིས་འདུས་ནད། |
| འདུས་པ |
1. འདུ་བའི་འདས་པ། 2 1 ཚོགས་པ། 2 དགེ་འདུན་པ། 3 ཚིགས་བཅད་རྩོམ་ཚུལ་ཞིག་བརྗོད་བྱའི་དོན་གཅིག་ལ་རྗོད་བྱེད་ཤོ་ལོ་ཀ་དུ་མ་ཡོད་པ་ལ་བྱ་ཚིག་ཀྱང་དུ་མ་ཡོད་པ། 4 མངོན ལུས། 5 གསང་བ་འདུས་པའི་བསྡུས་ཚིག་ |
| འདུས་པ་ཆེན་པོ་ཐེག་པ་ཆེན་པོའི་མདོ་སྡེ་ལས་དེ་བཞིན་གཤེགས་པའི་དཔལ་གྱི་དམ་ཚིག་ཅེས་བྱ་བ་ཐེག་པ་ཆེན་པོའི་མདོ |
བམ་པོ་གསུམ་དང་ལེའུ་བཞི་པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་དང༌། ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་པ། |
| འདུས་པ་ཆེན་པོ་རིན་པོ་ཆེ་ཏོག་གི་གཟུངས |
བམ་པོ་བརྒྱད་དང་ལེའུ་བཅུ་གསུམ་པ། པཎྜི་ཏ་ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་ཞུས་ཏེ་སྐད་གསར་བཅད་ཀྱིས་བཅོས་པ། |
| འདུས་པ་ཆེན་པོ་ལས་སའི་སྙིང་པོའི་འཁོར་ལོ་བཅུ་པ |
མདོ་སྡེ་ཞིག་བམ་པོ་བཅུ་དང་ལེའུ་བརྒྱད་པ། རྒྱའི་མཁན་པོ་ཧྭ་ཤང་ཟབ་མོ་ལ་སོགས་པ་དང༌། ལོ་ཙཱ་བ་བནྡེ་རྣམ་པར་མི་རྟོག་པའི་འགྱུར། |
| འདུས་པ་རྒྱ་མཚོ |
དགེ་འདུན་མང་པོ་ཚོགས་སྡེ། |
| འདུས་པ་ལུགས་གཉིས |
འཕགས་པ་ཀླུ་སྒྲུབ་དང༌། སངས་རྒྱས་ཡེ་ཤེས་ཞབས་སོ་སོ་ནས་བརྒྱུད་པའི་གསང་བ་འདུས་པ་ལུགས་གཉིས། |
| འདུས་པའི་ནད |
རླུང་དང༌། མཁྲིས་པ། བད་ཀན་བཅས་མཉམ་དུ་འདུས་པའི་ནད་དེ། མཚོན་བྱེད་བད་ཀན་སྨུག་པོ་ལྟ་བུའོ། |
| འདུས་པའི་ཚ་བ |
རླུང་དང༌། མཁྲིས་པ། བད་ཀན་བཅས་མཉམ་དུ་འདུས་པ་ལས་བྱུང་བའི་ཚ་བའི་ནད་ཅིག |
| འདུས་པའི་ཚོགས་པ |
1 མི་མང་པོ་འཛོམས་པའི་ཚོགས་སྡེ། 2 དགེ་འདུན་པའི་ཚོགས་པ། |
| འདུས་ཕྲད |
གཞི་གཅིག་ལ་འཛོམས་ཤིང་ཐུག་པ། ལྕགས་ལམ་ཁག་གསུམ་འདུས་ཕྲད་འབྱུང་སའི་གྲོང་ཁྱེར་དེར་འགྲིམ་འགྲུལ་སྐྱེལ་འདྲེན་འཁྲུག་པོ་ཡོང༌། |
| འདུས་བཟང |
སྔར་རྒྱ་གར་གྱི་བྱེ་བྲག་སྨྲ་བའི་སློབ་དཔོན་ཞིག |
| འདུས་བྱས |
རྒྱུ་རྐྱེན་དུ་མ་འདུས་ནས་བྱས་པའམ་སྐྱེས་པ་ཕུང་ལྔས་བསྡུས་པའི་ཆོས་རྣམས་སོ། |
| འདུས་བྱས་ཀྱི་ཆོས |
རྒྱུ་རྐྱེན་དུ་མ་འདུས་པ་ལས་བྱས་པའམ་སྐྱེས་པའི་དངོས་པོ་ཕུང་ལྔས་བསྡུས་པའི་ཆོས་རྣམས་སོ། |
| འདུས་བྱས་ཀྱི་མཚན་ཉིད་བཞི |
སྐྱེ་བའི་མཚན་ཉིད་དང༌། རྒ་བའི་མཚན་ཉིད། གནས་པའི་མཚན་ཉིད། མི་རྟག་པའི་མཚན་ཉིད་བཅས་བཞི། |
| འདུས་བྱས་ཀྱི་རྐྱེན་བཞི |
རྒྱུ་རྐྱེན་དང༌། དེ་མ་ཐག་རྐྱེན། དམིགས་རྐྱེན། བདག་རྐྱེན་བཅས་བཞི། |
| འདུས་བྱས་སྟོང་པ་ཉིད |
སྟོང་པ་ཉིད་བཅུ་དྲུག་གི་ནང་གསེས་ཤིག་རྒྱུ་རྐྱེན་ལས་བྱུང་བའི་ཁམས་གསུམ་སྣོད་ཀྱི་འཇིག་རྟེན་གྱི་ཆོས་ཉིད། |
| འདུས་བྱུང |
ས་ཁུལ་ཞིག་བོད་རང་སྐྱོང་ལྗོངས་ཀྱི་པ་སྣམ་རྫོང་ཁོངས་སུ་ཡོད། |
| འདུས་མ་བྱས |
ཡོད་པ་ལ་རྟག་དངོས་གཉིས་སུ་ཕྱེ་ནས་དངོས་པོ་ཐམས་ཅད་འདུས་བྱས་དང་། རྟག་པ་ཐམས་ཅད་འདུས་མ་བྱས་ཡིན་པར་བཤད་པའི་སངས་རྒྱས་ཆོས་ལུགས་ཀྱི་མཚན་ཉིད་རིག་པའི་བཤད་ཚུལ་ཞིག |
| འདུས་མ་བྱས་གསུམ |
མངོན་པ་མཛོད་ཀྱི་ལུགས་སུ་འདུས་མ་བྱས་ཀྱི་ཆོས་གསུམ་སོ་སོར་བརྟགས་འགོག་དང༌། བརྟགས་མིན་འགོག་དང༌། ནམ་མཁའ་སྟེ་གསུམ་མོ། |
| འདུས་མ་བྱས་པ་བཞི |
རྒྱུ་དང་རྐྱེན་གྱིས་མ་བསྐྱེད་པའི་ཆོས་བཞི་སོ་སོར་བརྟགས་ཏེ་འགོག་པ་དང༌། སོ་སོར་བརྟགས་པ་མ་ཡིན་པའི་འགོག་པ་དང༌། ནམ་མཁའ་དང༌། དེ་བཞིན་ཉིད་བཅས་བཞི། |
| འདུས་མ་བྱས་པའི་གཞི |
དངོས་མེད་ཀྱི་ཆོས། |
| འདུས་མ་བྱས་པའི་དབྱིངས |
ནམ་མཁའི་ཁམས་དང་སྟོང་ཉིད། |
| འདུས་མ་བྱས་བརྒྱད |
མངོན་པ་ཀུན་བཏུས་ལྟར་ན། འདུས་མ་བྱས་ཀྱི་ཆོས་བརྒྱད་དེ། དེ་བཞིན་ཉིད་གསུམ་དང༌། འདུ་ཤེས་མེད་དང༌། འགོག་པའི་སྙོམས་འཇུག་གི་དུས་ཀྱི་སེམས་འགག་པའི་གནས་སྐབས་གཉིས་དང༌། འདུས་མ་བྱས་གསུམ་བཅས་བརྒྱད་དོ། |
| འདུས་མ་བྱས་སྟོང་པ་ཉིད |
སྟོང་པ་ཉིད་བཅུ་དྲུག་གི་ནང་གསེས་ཤིག་སྐྱེ་འགག་གནས་གསུམ་དང་བྲལ་བའི་འདུས་མ་བྱས་ཀྱི་ཆོས་རྣམས་དངོས་པོ་ཡོད་སྙམ་ན་ཡང་དངོས་པོ་མེད་པའམ་སྟོང་པའོ། |
| འདུས་མདོ |
ལམ་སོགས་འཛོམས་པའི་འགག མི་མང་པོ་འདུས་མདོར་ཕྱིན་ན་འཚང་ག་ཆེན་པོ་ཡོང༌། འཕྲེད་ཐིག་དང༌། གཞུང་ཐིག་གཉིས་ཀྱི་འདུས་མདོ་ནས་དྲང་ཐིག་གཞན་ཞིག་འདེབས་པ། |
| འདུས་ཚོགས |
1 འདུས་པའི་ཚོགས་པའི་བསྡུས་ཚིག 2 འདུས་ཤིང་ཚོགས་པ། |
| འདུས་འཁོད |
མཉམ་དུ་འཛོམས་ཤིང་ལྷན་ཅིག་གནས་པ། ཚོགས་ཁང་ནང་དུ་འཐུས་མི་མང་པོ་འདུས་འཁོད་ཡོད་པ། མི་རིགས་ཁེ་གཙང་གཅིག་འདུས་འཁོད་ཀྱི་ཡུལ་ལུང༌། |
| འདུས་རིམས |
རླུང་མཁྲིས་བད་ཀན་གསུམ་པོ་འདུས་ཏེ། ནད་རྟགས་མ་ངེས་པ་སྟོན་པའི་རིམས་ནད་ཅིག |
| འདུས་ཤིང་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། མཚམས་ནང་དུ་བསམ་པ་མི་མཐུན་པས་དགེ་འདུན་སྤྱི་ལས་ལོགས་སུ་འདུས་ཏེ་ཟ་བ། |
| འདུས་ས |
ཚོགས་ས། |
| འདུས་སོ་གསུམ |
སྤྱི་གཙུག་དང༌། མཚོགས་མ། སྡུད་སྒོ་གསུམ་གྱི་བསྡུས་མིང་ཞིག |
| འདུས་སྡེ |
དགེ་འདུན་པ་མང་པོ་འདུས་པའི་སྡེ་སྟེ་དགོན་པ། |
| འདུས་སྦྱོར |
སྣ་ཚོགས་འཛོམས་པའི་སྦྱོར་བ། སྨན་སྣ་མང་པོ་འདུས་སྦྱོར་བྱས་པ་དེ་ནུས་པ་ཆེ། |
| འདུས་སྨྱོ |
རླུང་མཁྲིས་བད་ཀན་གསུམ་ཀ་འདུས་པའི་རྟགས་སྟོན་པའི་སྨྱོ་བྱེད་ནད་ཀྱི་ནང་ཚན་ཞིག |
| འདུས་སྲོང་མང་པོ་རྗེ |
ཁྲི་འདུས་སྲོང་མང་པོ་རྗེ་རླུང་ནམ་འཕྲུལ་གྱི་རྒྱལ་པོ་ཞེས་བྱ་བ་འདི། མང་སྲོང་མང་བཙན་དང་འབྲོ་བཟའ་ཁྲི་ལོང་གཉིས་ཀྱི་སྲས། བོད་རྒྱལ་གདུང་རབས་སོ་དྲུག་པ་ཡིན་ལ། ཡབ་འདས་ནས་ཞག་བདུན་ལོན་པ་ན་སྐྱེས། མགར་བཙན་སྙ་ལྡོམ་བུ་དང་མགར་ཁྲི་འབྲིང་བཙན་བྲོད་གཉིས་ཀྱིས་ཆབ་སྲིད་བསྐྱངས། འདིའི་རིང་ལ་རྩལ་པོ་ཆེ་མི་བདུན་བྱུང་བ་དེབ་ཐེར་ན་གསལ། ག་གོན་དང༌། ཧོར་དང༌། སོག་པོ་བཏུལ་ཏེ། ད་ཤབ་ཧབ་ཀྱི་ལ་རྒྱུད་ལ་གཏུག་པར་མངའ་མཛད་དེ། མཐའ་བཞི་དབང་དུ་བསྡུས། ལོ་ཉི་ཤུ་རྩ་དགུའི་ཐོག་འཇང་གི་ཡུལ་དུ་དམག་དྲངས་ཏེ་དེར་འདས། |
| འདུས་སླེབས |
ན་གྲངས་བརྒྱད་དགུར་སླེབས་པའི་རྟ་དྲེལ། |
| འདེ་གུ |
རྙིང 1 ལྡེ་གུ། 2 སྐྱོ་མ། |
| འདེ་བ |
རྙིང མེར་ལྡེ་བ་སྟེ་བསྲོ་བ། གྲང་དུས་ཉི་མར་འདེ་བ། |
| འདེ་བེ |
འཇིམ་སྐུ་བཞེང་སྐབས་འབུར་ཀོང་སྙོམས་བྱེད་ཀྱི་ཡོ་བྱད་དབྱུ་གུ་ཞིག |
| འདེ་བེ་ཁ་རིལ |
ལྷ་སྐུ་བཞེང་སྐབས་འཇིམ་པ་འཇམ་དུ་གཏོང་བྱེད་དབྱུ་གུ་རྩེ་སྙུང་སྙུང་མིན་པ་ཞིག |
| འདེ་བེ་རྟ་རྐན་མ |
ལྷ་སྐུ་བཞེང་སྐབས་འཇིམ་པར་རི་མོ་རྩུབ་པོ་འདོན་བྱེད་དབྱུ་གུ་ཞིག |
| འདེགས |
ད་ལྟ་བ་ གདུང་མ་འདེགས་ཀྱིན་འདུག་ལྟ་བུ། སྐུལ་ཚིག་ལ་ཐེགས་འབྲི། |
| འདེགས་ཁལ |
ཡུལ འདེགས་ཁལ་རེར་ཉ་ག་ཉི་ཤུ་རེ་ཡོད་པ། |
| འདེགས་གཤོར |
ཉ་གར་འདེགས་པ་ལ་འདེགས་དང༌། བྲེ་དང་འབོ་ལ་འཇལ་བ་ལ་གཤོར་ཟེར། འབྲུ་རིགས་ཕར་སྤྲོད་ཚུར་ལེན་སྐབས་འདེགས་གཤོར་ཕྲ་ཞིབ་བྱེད་པ། |
| འདེགས་པ |
ཐ་དད་པ བཏེག་པ། གདེག་པ། ཐེག། 1 གྱེན་དུ་སློང་བ་དང་བཀྱག་པ། ཀ་བས་གདུང་མ་འདེགས་པ། གོ་ས་མཐོན་པོ་ཞིག་ལ་བཏེག་པ། ལྕགས་གདུང་ཆེན་པོ་ཡར་འདེགས་པ། 2 རྒྱ་མར་འགྱོགས་པ། ལྕི་ཡང་གང་ཡིན་འདེགས་རྒྱར་འདེགས་པ། 3 འགྲོ་བ། བྱེས་སུ་བཏེག་པ། ཕྱོགས་འདི་ལ་ཞབས་སོར་བཏེག་པ། |
| འདེགས་བྱེད |
མངོན འཇལ་ཆས། |
| འདེགས་མཚོན |
ཡི་གེ་འབུལ་རྟེན། |
| འདེགས་ཚད |
སྲང་ཚད་དམ། ཉ་གར་འདེགས་པའི་ཚད། |
| འདེགས་འགྱོགས |
བཏེག་ནས་ཚད་འཇལ་བ། ཤ་མར་སོགས་འདེགས་འགྱོགས་བྱས་ནས་འཚོང་བ། མཛོད་ཁང་དུ་ད་ཡོད་འབྲུ་མར་རྣམས་འདེགས་འགྱོགས་བྱས་པ། |
| འདེགས་རྒྱ |
ལྗིད་ཚད་འགྱོགས་སའི་རྒྱ་མ། |
| འདེགས་རྒྱག་པ |
ཡུལ 1 ས་གདན་སོགས་འཐག་དུས་ཤིང་སྒྲོམ་ལ་རྒྱུ་དཀྲིས་ཏེ་དམ་དུ་གཏོང་བའི་དོན། 2 ཁང་པ་རྡིབ་ཞོམ་བཟོ་བཅོས་བྱེད་སྐབས་གདུང་མ་སོགས་ཀྱི་འོག་ནས་འདེགས་པ། |
| འདེགས་རྟེན |
ཞུ་ཡིག་དང་མཉམ་དུ་འབུལ་རྒྱུའི་དངོས་རྫས། |
| འདེགས་ཤིང |
དངོས་པོ་གཞན་ཕྲག་ལ་འཁུར་བྱེད་ཀྱི་ཤིང་དབྱུག་རིང་བོའི་མིང་། |
| འདེགས་སྲང |
ཡང་ལྗིད་འདེགས་བྱེད་ཀྱི་སྲང༌། |
| འདེང |
དེངས་ཀྱི་མ་འོངས་པ་དང་ད་ལྟ་བ། |
| འདེང་བ |
ཚད་ལོང་བ། |
| འདེང་བརྡ་སྤྲོད་པ |
ཐོན་བརྡ་སྤྲོད་པ། |
| འདེང་ཚོད |
ལྡང་བའི་ཚོད། བཟའ་བཏུང་འདེང་ཚོད་ཡོད་པ། |
| འདེང་འདེང་བ |
འགྲོ་བཞིན་པ། |
| འདེང་རྒྱག་པ |
བསམ་བློ་གཏོང་བ། |
| འདེད |
མ་འོངས་པ་དང་ད་ལྟ་བ་ ལུག་འདེད་དགོས། ལུག་འདེད་མཁན་ཞེས་པ་ལྟ་བུ། |
| འདེད་པ |
ཐ་དད་པ བདས་པ། བདའ་བ། དེད།། 1 མཐར་སྐྲོད་པ་དང༌། རྗེས་སུ་སྙེག་པ། དགྲ་བོ་གང་ནས་འོངས་ས་དེ་ཉིད་ཀྱི་བར་ཕྱིར་ལོག་ཏུ་བདའ་བ། 2 སྐུལ་བ་དང༌། བྱེད་དུ་འཇུག་པ། ཁལ་མ་བདས་ནས་ག་ལེར་ཕྱིན་པ། ཕྱུགས་རྫི་ཕྲུ་གུ་གཅིག་གིས་སྒོ་ཕྱུགས་རྣམས་རྩྭ་ཁར་འདེད་པ། བུན་བདག་གིས་བུ་ལོན་དེད་པ། དཔོན་ངན་གྱིས་ཁྲལ་འུལ་འདེད་པ། 3 རྩི་བའམ་རྩད་གཅོད་པ། རྒྱུ་རྐྱེན་གང་ཡིན་བདས་ཏེ་ཁུངས་སུ་བསྐྱལ་བ། རིགས་པས་འདེད་པ། |
| འདེད་བྱེད |
མངོན 1 དངུལ་ཆུ། 2 སྐུལ་བྱེད། 3 འོད། |
| འདེད་མ |
འདེད་བྱེད་ཀྱི་ཡོད་བྱད། |
| འདེད་སྐུལ |
སྐུལ་འདེད་གཏོང་བ། བུ་ལོན་ངོ་སྐྱེད་གྲངས་ཚང་འཕྲལ་མར་དགོས་ཞེས་འདེད་སྐུལ་ཚ་པོ་གཏོང་བ། |
| འདེད་སྦྱང |
བུ་ལོན་ནམ་གཡར་དངོས་སོགས་ཕྱིར་ལེན་པའི་བདའ་འདེད། གཅིག་མཇུག་གཉིས་བསྟུད་ཀྱིས་བུ་ལོན་འདེད་སྦྱང་བྱེད་པ། |
| འདེད་སྦྱང་རིམ་བྱེད |
བུ་ལོན་དང༌། གཡར་དངོས་སོགས་ཡང་ཡང་འདེད་པ། བུན་བདག་གིས་ཆད་བུན་འདེད་སྦྱང་རིམ་བྱེད་ཀྱི་གཙེར་སུན་གཏོང་བ། |
| འདེབས |
ད་ལྟ་བ་ ཞིང་འདེབས་ཀྱིན་འདུག་ལྟ་བུ། |
| འདེབས་ཇ |
རང་གི་འཐུང་ཇར་འདེབས་རྒྱུའི་ཇ། ཇ་འདི་ཚོང་ཇ་མ་རེད་འདེབས་ཇ་རེད། |
| འདེབས་པ |
ཐ་དད་པ བཏབ་པ། གདབ་པ། ཐོབ།། 1 གསར་དུ་འཛུགས་པ། ཤིང་སོན་འདེབས་པ། འབྲུ་སོན་འདེབས་པ། ཐང་ཆེན་དུ་དམག་གུར་བཏབ་པ། གྲོང་ཁྱེར་གསར་དུ་འདེབས་པ། དགོན་པ་བཏབ་པ། ཚལ་ཞིང་བཏབ་པ། 2 རྒྱག་པ་དང༌། བྱེད་པ། བཏང་ཡིག་ལ་རྒྱས་བཏབ་པ། གཟུགས་པོར་ནད་ཀྱིས་འདེབས་པ། ངན་སྔགས་ཀྱིས་བཏབ་པ། འགྲོ་རྩིས་བཏབ་པ། ལས་དོན་གྱི་གྲོས་འདེབས་པ། དྲན་སྐུལ་འདེབས་པ། ཇ་ལ་ཚྭ་འདེབས་པ། ཟུག་གཟེར་འདེབས་པ། 3 ཞུ་འབུལ་བྱེད་པ། སྨོན་ལམ་འདེབས་པ། གསོལ་བ་བཏབ་པ། ངོ་སྤྲོད་འདེབས་པ། |
| འདེབས་བདག |
ས་ཞིང་དགེ་བེད་སྤྱོད་མཁན། |
| འདེབས་བྱེད |
མངོན རལ་གྲི། |
| འདེབས་ཞིང |
ས་ཞིང༌། |
| འདེབས་འཇོག་རེ་མོས |
དབྱར་བསྙལ་བསླང་བྱེད་པའི་ས་ཞིང་གི་སོ་ནམ་ལྟ་བུ། |
| འདེབས་འཛུགས |
ས་བོན་འདེབས་པ་དང་ཤིང་འཛུགས་པ། |
| འདེབས་ལུད |
སོན་མ་བཤོས་གོང་ཙམ་ལ་རྒྱག་པའི་ལུད། |
| འདེབས་ཤུལ་སྐོར་བ |
འོག་སྐོར་བ་སྲན་ཤུལ་ལ་ནས་འདེབས་པ་ལྟ་བུ། |
| འདེབས་སྐྱོང |
ཞིང་བཏབ་ནས་བདག་གཉེར་བྱེད་པ། |
| འདེམ |
ད་ལྟ་བ་ ཚོང་ཟོང་གི་བཟང་ངན་འདེམ་མཁན། ཚོང་ཟོང་འདེམ་གྱིན་འདུག་ལྟ་བུ། |
| འདེམས |
སྐུལ་ཚིག་ ཕྱུགས་རྒྱུད་བཟང་བོ་འདེམས་ཤིག་ལྟ་བུ། འདིའི་མ་འོངས་པར་བདམ་དང་ད་ལྟ་བར་འདེམ་དང་གདམ་འབྲི་བའང་ཡོད། གདམས་ཀྱི་མ་འོངས་པ། |
| འདེམས་ཀ |
འདམ་སྒྲུག ཀ ཁ་ག ང |
| འདེམས་ཀ་བོར་བ |
འདམ་ག་བཏང་བ། |
| འདེམས་པ |
མང་པོའི་ནང་ནས་གང་རུང་ཞིག་སྒྲུག་པའི་དོན་དུ་གོ་བའི་འདམ་པའི་ད་ལྟ་བའི་འབྲི་ཚུལ་གཞན་ཞིག་ |
| འདེམས་བྱེད་དབང་ཆ |
1 སྤྱི་དམངས་རྣམས་ཀྱིས་ཁྲིམས་ལུགས་ལྟར་རྒྱལ་ཁབ་ཀྱི་དབང་འཛིན་ལས་ཁུངས་ཀྱི་འཐུས་མི་འདེམས་བསྐོ་བྱེད་པའི་དབང་ཆ། 2 རྩ་འཛུགས་སྣ་ཚོགས་ཀྱི་ཁོངས་མི་རྣམས་ཀྱིས་རང་རང་གི་རྩ་འཛུགས་ཀྱི་འགོ་ཁྲིད་པའམ་འཐུས་མི་འདེམས་བསྐོ་བྱེད་པའི་དབང་ཆ། |
| འདེམས་སྒྲུག |
མང་པོའི་དཀྱིལ་ནས་བདམས་ཏེ་སྒྲུག་པ། འདེམས་སྒྲུག་བྱེད་པའི་འགྲན་བསྡུར། |
| འདེལ་བ |
ཤིང་ཞིག་ལུས་གསོ་བ་དང་གཟེར་འཇགས་པའི་ནུས་པ་ཅན། |
| འདོ |
སྤྱང་གྲུང་དང༌། རྫི་གསང་ངམ། སྦི་གསང༌། ཕོ་མོ་རང་འདོ་ཆེ་ཆུང་ད་རེས་རེད། |
| འདོ་ཏ |
རྙིང ཕོ་ཉའམ་བང་ཆེན། |
| འདོ་བ |
རྟའི་མིང་གཞན་ཏེ། རྟ་འདོ་བ་ཞེས་པ་ལྟ་བུ། |
| འདོ་མེད |
གནད་འགག་གམ། ཁེ་ཉེན་སོགས་གོ་ཤེས་ཀྱི་བསམ་བློ་མེད་པ། འདོ་མེད་པ། |
| འདོ་ཟུངས |
གནད་འགག་གམ་ཁེ་ཉེན་སོགས་དཔྱོད་པའི་བསམ་བློ། ཁོ་ལ་འདོ་ཟུངས་ཡོད་མེད་ལས་དོན་ཞིག་མངགས་ན་ཤེས་ཡོང༌། |
| འདོ་ཡོད |
གནད་འགག་གམ་ཁེ་ཉེན་སོགས་གོ་ཤེས་ཀྱི་བསམ་བློ་ཡོད་པ། |
| འདོ་ལི |
མདོ་ལི་དང་འདྲ། |
| འདོ་ལི |
ཁྱོགས་ཀྱི་མིང་གཞན། |
| འདོ་ལེ |
མདོ་ལི་དང་འདྲ། |
| འདོག |
ད་ལྟ་བ་ ཁ་འདོག་གིན་འདུག་ལྟ་བུ། |
| འདོགས |
ད་ལྟ་བ་ རྟ་འདོགས་མཁན། རྟ་འདོགས་ཀྱིན་ཡོད་ལྟ་བུ། |
| འདོགས |
བཏགས་ལ་ལྟོས། |
| འདོགས་ཁྱི |
ཐག་པར་འདོགས་པའི་ཁྱི། |
| འདོགས་གཞི |
འཆིང་སའི་གཞིའམ། དཔྱང་སའི་ཡུལ། |
| འདོགས་ཅན |
བོད་ཡིག་གི་ཡ་ར་ལ་ཝ་བཞི་བཏགས་པའི་ཡི་གེའི་མིང་ འདོགས་ཅན་གྱི་ཡི་གེ་ཡང་ཟེར། |
| འདོགས་ཅན་ཡི་གེ |
ཝ་དང༌། ཡ་ར་ལ་བཞིའི་སྨད་འདོགས་ཅན་གྱི་མིང་གཞི། ཝ་ཡ་ར། ལ གྭ་གྱ་གྲ གླ |
| འདོགས་ཐག |
འཆིང་ཐག གནག་ཕྱུགས་འདོགས་ཐག |
| འདོགས་པ |
ཐ་དད་པ བཏགས་པ། གདགས་པ། ཐོགས།། འཆིང་བ། རྟ་དེ་སྒོ་རའི་ནང་དུ་བཏགས་ཡོད། ཕྲུ་གུ་དེ་ལ་མིང་ཞིག་གདགས་དགོས། ཁོ་ལ་ཕན་བཏགས་པ། ལུས་ལ་གོ་མཚོན་འདོགས་པ། ཐུགས་ལ་འདོགས་པ། དམ་ལ་བཏགས་པ། རྒྱུ་མཚན་ལ་རྒྱུ་མཚན་ཅན་བཏགས་པ། རྒྱུ་ལ་འབྲས་བུ་བཏགས་པ། |
| འདོགས་བཞི |
བོད་ཡིག་གི་ཡ་ར་ལ་ཝ་བཞི་ལ་ཡི་གེ་འདོགས་བཞི་ཟེར། |
| འདོགས་བྱང |
གཞན་ལ་འདོགས་རྒྱུའི་ཤིང་བྱང༌། |
| འདོགས་མིག |
ཤིང་བྱང་སོགས་ལ་འདོགས་བྱེད་ལུང་ཐག་བརྒྱུ་སའི་མིག་ཁུང༌། |
| འདོགས་ཚིག |
གདགས་གཞི་གང་ཡིན་ལ་འདོགས་པའི་མིང་ཚིག |
| འདོགས་ཟམ |
བར་སྣང་དུ་འགེལ་བའི་བཅའ་ཟམ། |
| འདོགས་འཕུལ |
1 སྨད་འདོགས་ཀྱང་ཡོད་ལ་སྔོན་འཇུག་ཀྱང་ཡོད་པའི་མིང་གཞི། འགྱུ་བཀྲ 2 འདོགས་ཡིག་དང་འཕུལ་ཡིག |
| འདོགས་ཡིག |
ཝ་དང༌། ཡ་ར་ལའི་འདོགས་ཡིག་བཞི། ཝ་ཡ་ར ལ |
| འདོགས་ལུང |
དངོས་སྤྱད་གྱེན་དུ་འདོགས་བྱེད་ཀྱི་ལུང་ཐག |
| འདོགས་ཤ |
ཤ་འཁྱག་སྐམ་གཏོང་བ་སྟེ་དགུན་ཁ་ཤ་ལྕུག་ཐག་པར་བཀལ་ནས་འཁྱག་བཏང་སྟེ་སྐམ་པར་འདོགས་ཤ་བཏང་བ་ཟེར། |
| འདོགས་ཤིང |
དངོས་སྤྱད་འདོགས་སའི་ཤིང༌། |
| འདོང |
ད་ལྟ་བ་ གནས་སུ་འདོང་བར་བྱེད་ལྟ་བུ། |
| འདོང་བ |
ཐ་མི་དད་པ དོང་བ། འདོང་བ། དེངས།། འཐོན་པའམ། འགྲོ་བ། རང་གནས་སུ་དེངས་ཤིག གོས་འཁྲུད་དུ་འདོང༌། ལམ་བཟང་དེའི་ཐོག་ནས་འདོང་དགོས། ནམ་མཁར་དོང་བ། རྒྱལ་ཁའི་ཕྱོགས་སུ་དོང་བ། |
| འདོངས |
འདོང་གི་འབྲི་ཚུལ་གཞན། |
| འདོད |
(བྱེད་འབྲེལ་ལས་ཚིག) <ཀ>འཐད་པའམ་དགའ་བ་དང་ཡིད་ལ་ཤར་བའི་དོན་ཏེ། གང་ལ་གང་འདོད། ཅི་འདོད་གང་འདོད་མ་བྱེད། གསར་བརྗེ་བྱེད་འདོད་ནས་དམག་ལ་ཞུགས། སློབ་སྦྱོང་བྱེད་འདོད་ནས་དཔེ་ཆ་ཉོས། ངས་ཁྱོད་སྨན་པ་ཞིག་རེད་འདོད། ཟ་འདོད་ན་ལས་འདོད་དགོས། འདོད་དོན་གྲུབ་ལྟ་བུ། 2.ད་ལྟ་བ་ སྲོལ་འདོད་མཁན། སྲོལ་འདོད་ཀྱིན་ཡོད་ལྟ་བུ། |
| འདོད་ཁམས |
འདོད་པའི་ཁམས་འདིའི་སེམས་ཅན་རྣམས་ནི་ཁམ་ཟས་དང་འཁྲིག་པ་ལ་འདོད་ཆགས་དང་བཅས་ཤིང་འདོད་ཡོན་ལྔས་འཚོ་བའི་ཕྱིར་དང༌། སྣོད་ཀྱང་འདོད་པ་དང་ལྡན་པའི་སེམས་ཅན་གྱི་གནས་ཡིན་པས་དེ་ལྟར་བརྗོད། |
| འདོད་ཁམས་ཀྱི་མཐོང་སྤང་སོ་གཉིས |
འདོད་པར་སྡུག་བདེན་གྱི་སྤང་བྱ་བཅུ་དང༌། ཀུན་བདེན་གྱི་སྤང་བྱ་བདུན། འགོག་བདེན་གྱི་སྤང་བྱ་བདུན། ལམ་བདེན་གྱི་སྤང་བྱ་བརྒྱད་བཅས་མཐོང་སྤང་གི་ཕྲ་རྒྱས་སུམ་ཅུ་རྩ་གཉིས་ཡོད་པར་མངོན་པ་མཛོད་ལས་གསུངས། |
| འདོད་ཁམས་ཀྱི་སྒོམ་སྤང་དྲུག |
འདོད་པའི་ཁམས་འདིར་སྒོམ་ལམ་གྱིས་སྤང་བར་བྱ་བ་མ་རིག་པ་དང༌། འདོད་ཆགས་དང༌། ཁོང་ཁྲོ་དང༌། ང་རྒྱལ་དང༌། འཇིག་ལྟ་དང༌། མཐར་ལྟ་བཅས་དྲུག |
| འདོད་ཁམས་གནས་རིགས་ཉི་ཤུ |
ཚ་དམྱལ་བརྒྱད་ཀྱི་གནས་བརྒྱད་དང༌། ཡི་དྭགས་དང་དུད་འགྲོའི་གནས་གཉིས་ཏེ་ངན་འགྲོའི་གནས་རིགས་བཅུ་དང༌། མིའི་གནས་གླིང་བཞི་དང༌། འདོད་ལྷ་རིགས་དྲུག་གི་གནས་དྲུག་བཅས་ཉི་ཤུ། |
| འདོད་ཁྱེར |
རང་གི་འདོད་དོན་ཁོ་ན་འགྲུབ་ཐབས་བྱེད་པ། མི་དྲང་པོ་མིན་པ་ཚོས་འདོད་ཁྱེར་ཁོ་ན་བྱས་ཡོང༌། |
| འདོད་གཏམ |
1 འདོད་ཆགས་ཀྱི་སྐད་ཆ། 2 རང་འདོད་ཀྱི་གཏམ། |
| འདོད་གནག་སྐྱེད་ལྕི |
འབྲུ་དངུལ་སོགས་ལ་ཞེ་གནག་གིས་བཀལ་བའི་སྐྱེད་ཆེན། འདོད་གནག་སྐྱེད་ལྕིར་བཏང་བའི་བུ་ལོན་གྱིས་དབུལ་ཕོངས་ལ་བཤུ་གཞོག་བྱེད་པ། |
| འདོད་གཟུགས |
1 འདོད་པ་སྐྱེ་ཡུལ་གྱི་གཟུགས། 2 འདོད་ཁམས་དང་གཟུགས་ཁམས་གཉིས། |
| འདོད་གཟུགས་ཅན |
མངོན ལྷ། |
| འདོད་གསོལ |
རང་གི་འདོད་པ་ལྟར་འགྲུབ་པའི་གསོལ་འདེབས། |
| འདོད་ཆ |
ཆ་བཅུ་གསུམ་དུ་བྱས་པའི་ཆ། དེ་ཡི་གཟུགས་བུག་གཟུགས་བུག་ཆ་འདོད་པས་བགོས་ན་རི་མཁའ་རིའི་ཆར་འགྱུར། |
| འདོད་ཆགས |
རྩ་ཉོན་དྲུག་གི་ནང་གསེས། ཁམས་གསུམ་པའི་ཟག་བཅས་ཀྱི་ཕུང་པོ་ལ་ཆགས་པ་སྟེ་སྲིད་པའི་སྡུག་བསྔལ་སྐྱེད་པར་བྱེད་པའོ། མིང་གི་རྣམ་གྲང་ལ་བརྐམ་ཆགས་དང༌། མངོན་འདོད། མངོན་ཞེན། ཆགས་པ། རྙེད་འདོད། ཐོབ་འདོད། འདོད་པ། འདོད་སྤྲོ། ཞེན་པ། ཡིད་ཀྱི་ཤིང་རྟ། རེ་བ། སྲེད་པ་བཅས་སོ། 2.འཁྲིག་སྤྱོད་སོགས་ལོངས་སྤྱོད་པ་ལ་ཞེན་པའི་འདོད་པའི་མིང་། |
| འདོད་ཆགས་ཀྱི་སྲིན་བྱ་མཆུ་དམར |
འདོད་ཆགས་སྲིན་བྱའི་གཟུགས་སུ་བཀོད་པ། |
| འདོད་ཆགས་དང་བྲལ་བ |
འདོད་ཉོན་མཐའ་དག་ལ་ཆགས་པ་དང་བྲལ་བ་སྟེ་དགྲ་བཅོམ་པ། |
| འདོད་ཆགས་དང་བྲལ་བའི་མཆོག |
མངོན སངས་རྒྱས་ཀྱི་ཆོས། |
| འདོད་ཆགས་དང་བྲལ་བའི་ལམ |
དགྲ་བཅོམ་པའི་ལམ། |
| འདོད་ཆགས་དང་བྲལ་བའི་ས |
ཐེག་དམན་ས་བརྒྱད་ཀྱི་ནང་གསེས་ཤིག་མི་སློབ་པའི་སའམ་ཕྱིར་མི་འོང་འབྲས་གནས་ཀྱི་མངོན་རྟོགས། |
| འདོད་ཆགས་རིགས་བཞི |
གཉིས་གཉིས་འཁྱུད་པའི་འདོད་ཆགས་དང༌། ལག་པ་བཅངས་པའི་འདོད་ཆགས། རྒོད་པའི་འདོད་ཆགས། བལྟས་པའི་འདོད་ཆགས་བཅས་བཞི། |
| འདོད་ཆགས་ལྔ |
ཕྱི་ལ་ཆགས་པ། ནང་ལ་ཆགས་པ། སྡུག་བསྔལ་ལ་ཆགས་པ། གཟུགས་ལ་ཆགས་པ། འཇིག་ཚོགས་ལ་ཆགས་པ་བཅས་ལྔ། |
| འདོད་ཆུང་ཆོག་ཤེས |
ཟས་གོས་སོགས་ལ་ཧམ་འདོད་མེད་པར་གང་བྱུང་བ་ཞིག་གིས་སེམས་མགུ་བ། |
| འདོད་ཉོན |
འདོད་པའི་ཁམས་ཀྱི་རྩ་བའི་ཉོན་མོངས་པ་དྲུག་དང་ཉེ་བའི་ཉོན་མོངས་པ་ཉི་ཤུ། |
| འདོད་ཉོན་སྐོར་དགུ |
འདོད་པའི་སྒོམ་སྤང་དགུའོ། |
| འདོད་ཐག་ཉེ་བ |
བློ་སྣ་ཐུང་བ། ལས་གྲྭའི་འགོ་བཙུགས་མ་ཐག་ཏུ་ལས་མཇུག་བསྡུ་རྒྱུའི་འདོད་ཐག་ཉེ་བ་བྱེད། |
| འདོད་ཐོག་སྨིན་པ |
འདོད་དོན་ཐོག་ཏུ་བབ་པ། ལས་དོན་གང་བརྩམས་ཐམས་ཅད་འདོད་ཐོག་སྨིན་པ། |
| འདོད་དགུ |
འདོད་པ་ཐམས་ཅད། བྱ་བ་འདོད་དགུར་གྲུབ་པ། དགའ་བདེའི་དཔལ་ལ་འདོད་དགུར་སྤྱོད་པ། |
| འདོད་དགུའི་ལོངས་སྤྱོད |
ཕུན་སུམ་ཚོགས་པའི་རྒྱུ་ནོར་ལོངས་སྤྱོད་སོགས་ཀྱི་མིང་། <ཁ>ཁས་ལེན་པའི་དོན་ཏེ། ལྷ་གཅིག་སྨྲ་བའི་ཆོས་ལུགས་པས་འཇིག་རྟེན་བྱེད་མཁན་གྱི་ལྷ་ཞིག་ཡོད་པར་འདོད་ལ། ལྷ་མེད་སྨྲ་བས་འཇིག་རྟེན་བྱེད་པོ་ཞིག་གཏན་ནས་མེད་པར་འདོད་པ་རེད་ལྟ་བུ། འདོད་པ་ལ་ལྟོས། ０བཏོད་ཀྱི་ད་ལྟ་བ། |
| འདོད་དཔལ་ལས་ཁུངས |
སྔར་བོད་ས་གནས་སྲིད་གཞུང་གི་བཟོ་རིགས་སྤྱི་འདུས་ཀྱི་ལས་ཁུངས་ཤིག་ཟངས་བཟོ་བ་དང༌། ལྕགས་བཟོ་བ། ཚགས་པ། ལུགས་པ། རི་མོ་བ། ཕྲ་བཟོ་བ། འཇིམ་བཟོ་བ་སོགས་ཐད་ཀར་བདག་གཉེར་བྱེད་པ་ཞིག |
| འདོད་དབང |
མངོན ཁྱི། |
| འདོད་དུས་ཟླ |
མངོན ཧོར་ཟླ་གསུམ་པ། |
| འདོད་དོན |
1 རེ་དོན་དང༌། དགོས་དོན། འདོད་དོན་ཐམས་ཅད་ལྷུན་གྱིས་གྲུབ་པ། 2 ཁས་བླངས་པའི་དོན། |
| འདོད་པ |
1. ཐ་མི་དད་པ 1 ཆགས་པ་དང༌། དགའ་བ་དང༌། སྲེད་པ། ཆང་འཐུང་འདོད་པ། རྩེད་མོ་རྩེ་འདོད་པ། རང་བདེ་བར་འདོད་པ་ལ་དཔགས་པས་གཞན་སྡུག་བསྔལ་མི་འདོད་པ་ཤེས་པ། 2 ཁས་ལེན་པ། རང་ལུགས་འདོད་པ་ལས་གཞན་གྱི་བཤད་སྲོལ་ཁས་མི་ལེན་པ། ནོར་འཁྲུལ་སྙིང་ཐག་པ་ནས་འདོད་ཅིང་ཁས་བླངས་པ། ཆོས་དད་བྱེད་མཁན་ཚང་མས་ལྷ་ཡོད་པར་འདོད་པ། 2 1 ཆགས་པའི་མིང༌། འདོད་པ་ཁེངས་པ། འདོད་པ་ཆུང་བ། འདོད་པ་ཆེ་བ། འདོད་པ་ལ་ལོག་པར་གཡེམ་པ། 2 མངོན འདོད་པའི་ལྷ་སྟེ་ལྷའི་སྨད་འཚོང་མ་བཅུ་གསུམ་ཡོད་པས་གྲངས་བཅུ་གསུམ་མཚོན། དེ་དག་ནི་གློག་གི་འོད་ཅན་མ་དང༌། ཐིག་ལེ་མཆོག་མ། པད་དཀར་མ། ལག་བཟང་མ། དགའ་བའི་ཤིང་རྟ་མ། རབ་ཏུ་མྱོས་བྱེད་མ། མེ་ནཱ་ཀ། སྐྲ་འདྲེས་མ། ལེགས་རྒྱན་མ། མུཉྫ་སྐྱེས་མ། ཨ་ལམྦུ་ཥཱ། ཆུ་ཤིང་བརླ་ཅན་མ། སྐེད་ལེགས་མ་བཅས་སོ། 3 འདོད་པའི་ཁམས། |
| འདོད་པ་དང་ལྡན་པའི་ལྷ |
འདོད་ཁམས་ཀྱི་ལྷ། |
| འདོད་པ་ན་སྤྱོད་པའི་ལྷ་མི |
འདོད་ཁམས་ན་གནས་པའི་ལྷ་དང་མི། |
| འདོད་པ་ན་སྤྱོད་པའི་ལྷའི་རིས་དྲུག |
འདོད་ལྷ་རིས་དྲུག་དང་དོན་གཅིག་ |
| འདོད་པ་ཕུན་སུམ་ཚོགས་པ |
གང་འདོད་འབྱུང་བ། འཚོ་བའི་རྒྱུ་ཆས་གང་དགོས་འདོད་པ་ཕུན་སུམ་ཚོགས་པ་ཡོང་ངེས་ཡིན། |
| འདོད་པ་བཅུ་གཅིག |
ཚ་དམྱལ་དང༌། གྲང་དམྱལ། ཀླུ། ལྷ་མ་ཡིན། མི། འདོད་ལྷ་རིགས་དྲུག་བཅས་བཅུ་གཅིག |
| འདོད་པ་བཙལ་ཀྱང་མི་རྙེད་པའི་སྡུག་བསྔལ |
སྡུག་བསྔལ་བརྒྱད་ཀྱི་ཡ་གྱལ་ཞིག་སོ་ནམ་བྱས་ཀྱང་སྟོན་ཐོག་མ་གྲུབ་པ་དང༌། ཚོང་བྱས་ཀྱང་ཁེ་སྤོགས་མ་ཐོན་པ་སོགས་ཏེ། གང་ལ་རེ་བ་དེ་འབད་ནས་བཙལ་ཀྱང་མ་རྙེད་པས་སེམས་ལ་མྱ་ངན་སྐྱེ་བ་དང༌། ངག་ཏུ་སྨྲེ་སྔགས་འདོན་པ། ལུས་ལ་གནོད་པ་བསྐྱེད་པ། ཡུལ་དེའི་ཡོན་ཏན་དྲན་ཞིང་འདོད་པས་ཡིད་གདུང་བ། དེའི་ལོངས་སྤྱོད་མ་ཚང་བས་ཡི་ཆད་པའི་སྡུག་བསྔལ། |
| འདོད་པ་བསོད་ཉམས་ཀྱི་མཐའ |
སྟོན་པས་ཡོངས་སུ་བཀག་པའི་ཁ་ན་མ་ཐོ་བའི་འདོད་ཡོན་གྱི་དངོས་པོར་ཞེན་པས་བག་མེད་པར་ལོངས་སུ་སྤྱད་པའོ། |
| འདོད་པ་བསོད་ཉམས་པ |
ཆོག་ཤེས་མེད་པ། གཞན་ལས་ལྷག་པར་ལེན་པའི་འདོད་པ་བསོད་ཉམས་པ། |
| འདོད་པ་བྱེད་པ |
རེ་འདོད་ཀྱི་སེམས་སྐྱེ་བ། བདེ་སྐྱིད་ཀྱི་འཚོ་བ་ལ་འདོད་པ་བྱེད་པ། |
| འདོད་པ་ལ་འདུན་པ |
འདོད་འདུན་དང་དོན་གཅིག་ |
| འདོད་པ་ལྡན |
མངོན བྱ་ངང་པ། |
| འདོད་པ་སྤྱོད་པ |
འཁྲིག་པ་བསྟེན་པའམ། ཆགས་པ་སྤྱོད་པ། |
| འདོད་པའི་ཁྲོན་པ |
མངོན མོ་མཚན། |
| འདོད་པའི་ཏཱ་ལ |
མངོན ཁུ་བྱུག |
| འདོད་པའི་དད་པ |
དད་པ་བཞིའི་ཡ་གྱལ་ཞིག་བླ་ན་མེད་པའི་བྱང་ཆུབ་ཐོབ་པའི་ཆེད་དུ་གུས་པའི་སེམས་ཀྱིས་ལམ་ལ་སློབ་པར་འདོད་པ། |
| འདོད་པའི་དབང་ཕྱུག |
མངོན བདུད་དགའ་རབ་དབང་ཕྱུག |
| འདོད་པའི་དུས |
མངོན 1 མཚན་མོ། 2 དཔྱིད་དུས། 3 ནག་པའི་ཟླ་བ། |
| འདོད་པའི་ཕོ་ཉ |
མངོན 1 ཁུ་བྱུག 2 དབྱངས་སྙན། 3 འདོད་ལྷ་དགའ་རབ་དབང་ཕྱུག |
| འདོད་པའི་བར་སྲིད |
ཇི་སྲིད་སྐྱེ་གནས་ཀྱི་ཚོགས་པ་མ་རྙེད་ཀྱི་བར་དུ་གནས་པའི་དྲི་ཟ། |
| འདོད་པའི་མྱོས་བུམ |
མངོན ནུ་མ། |
| འདོད་པའི་ཚལ |
མངོན སྐྱེད་མོས་ཚལ། |
| འདོད་པའི་ཟག་པ |
ཟག་པ་བཞིའི་ཡ་གྱལ། འདོད་པའི་ཉོན་མོངས། |
| འདོད་པའི་འཁྲི་ཤིང |
མངོན ཕོ་མཚན། |
| འདོད་པའི་འབྲས་བྲལ |
མངོན དམྱལ་བ། |
| འདོད་པའི་ཡོན་ཏན |
ཡིད་ཚིམ་པར་བྱེད་ཐུབ་པའི་ནུས་པ། |
| འདོད་པའི་ཡོན་ཏན་ལྔ |
གཟུགས། སྒྲ། དྲི། རོ། རེག་བྱ་སྟེ་ལྔ། |
| འདོད་པའི་རིག་འཛིན |
གསང་སྔགས་ཀྱི་སྤྱོད་འབྲས་ཤིག་ཐུན་མོང་གི་དངོས་གྲུབ་དྲོད་ཐོབ་པ་ན་ལུས་འདོད་ཁམས་ཀྱི་ལྷ་དང་སྐལ་བ་མཉམ་པ་དང༌། རིག་སྔགས་དང་དངོས་གྲུབ་སྣ་ཚོགས་བྱེད་པ། ཚེ་ལ་དབང་བ། |
| འདོད་པའི་རྒྱལ་པོ |
ཁྲོ་བཅུའི་ཡ་གྱལ། |
| འདོད་པའི་རྩེན་མ |
མངོན སྨད་འཚོང་མ། |
| འདོད་པའི་རྩོད་ལྡན |
འདོད་ཁམས་སུ་བསྐལ་པ་རྩོད་ལྡན་གྱི་དུས། |
| འདོད་པའི་ལོངས་སྤྱོད |
1 དགའ་པོ་བྱེད་འོས་པའི་དངོས་རིགས། 2 འཁྲིག་པ། 3 མངོན འདོད་ལྷ། |
| འདོད་པའི་ལྷ |
འདོད་ལྷ་དང་དོན་གཅིག་ |
| འདོད་པའི་སེམས་བྱུང |
འདོད་ཁམས་པའི་རྒྱུད་ཀྱི་སེམས་བྱུང༌། |
| འདོད་པའི་སྒོམ་སྤང་དགུ |
འདོད་པའི་སྒོམ་སྤང་རྣམས་གཅིག་ཏུ་བསྡུས་ཤིང༌། དེ་ཆེ་འབྲིང་ཆུང་གསུམ་དང༌། དེ་རེ་རེ་ལའང་ཆེ་འབྲིང་ཆུང་གསུམ་གསུམ་དུ་ཕྱེ་བས་དགུའོ། |
| འདོད་པའི་སྒོམ་སྤང་དྲུག |
སྒོམ་ལམ་གྱི་ངོ་སྐལ་དུ་གྱུར་པའི་སྤང་བྱ་འདོད་ཁམས་ཀྱི་སས་བསྡུས་པ་དྲུག་འདོད་པའི་སྒོམ་སྤང་བཞི་དང༌། འདོད་པའི་ལྷན་སྐྱེས་ཀྱི་འཇིག་ལྟ་དང༌། མཐར་ལྟ་བཅས་སོ། |
| འདོད་པའི་སྒོམ་སྤང་བཞི |
འདོད་ཁམས་སུ་སྒོམ་ལམ་གྱི་སྤང་བྱ་མ་རིག་པ་དང༌། འདོད་ཆགས། ཁོང་ཁྲོ། ང་རྒྱལ་བཅས་བཞིའོ། |
| འདོད་པའི་སྒོམ་སྤང་ལྔ་ཅུ་རྩ་བཞི |
འདོད་ཁམས་ཀྱི་སྒོམ་སྤང་དྲུག་པོ་དེ་ཆེན་པོའི་ཆེན་པོ་སོགས་སྒོམ་སྤང་སྐོར་དགུས་ཕྱེ་བས་ང་བཞིའོ། |
| འདོད་པའི་སྡེ |
སྡེ་བཞིའི་ཡ་གྱལ་ཞིག་ལྷ་མིའི་ཡུལ་ལ་ལོངས་སྤྱོད་པའོ། |
| འདོད་པའི་སྲིད་པ |
འདོད་ཁམས་ཏེ་སྲིད་པ་གསུམ་གྱི་ཡ་གྱལ་ཞིག |
| འདོད་པས་ངོ་སྒྲིབ |
འདོད་པ་ཆེ་དྲགས་པས་ངོ་ཚ་སྒྲིབ་པ། |
| འདོད་ཕྱོགས |
1 དགའ་བའི་ཕྱོགས། རང་རང་དགའ་བའི་འདོད་ཕྱོགས་ཁོ་ན་འཛིན་པ། 2 དགའ་བའི་དངོས་པོ། 3 ཁས་བླངས་པའི་གནས། |
| འདོད་བགྲོད |
རྙིང སྨད་འཚོང་མ། |
| འདོད་བྱེད |
མངོན ཆང༌། |
| འདོད་བྲལ་བ |
1 ཞེན་པ་ལོག་པ། 2 དགྲ་བཅོམ་པ། |
| འདོད་བློ |
རང་རང་གི་འདོད་པའམ་འདོད་ཚུལ་འཛིན་པའི་བློ། འདོད་བློ་ཁེངས་པ། རང་ཉིད་ཀྱི་འདོད་བློ་ཁོ་ན་སྒྲུབ་རེ་བྱེད་པ། |
| འདོད་མ |
1 ལུས་ཀྱི་རྩའི་བྱེ་བྲག་ཅིག 2 མངོན བུད་མེད་མཆོག |
| འདོད་མོས |
ཞེ་ཐག་པ་ནས་མོས་པ། ང་རང་གི་འདོད་མོས་དང་མཐུན་སོང༌། |
| འདོད་ཚུལ |
ཁས་ལེན་སྟངས་སམ་ལྟ་བ་འཛིན་སྟངས། འདོད་ཚུལ་རྒྱབ་འགལ། |
| འདོད་ཞེན |
རྒྱུ་ནོར་སོགས་ལ་སྐྱེས་པའི་ཞེན་ཆགས། འདོད་ཞེན་ལོག་སྲེད། རྒྱུ་ནོར་ལ་འདོད་ཞེན་སྐྱེས་པ། |
| འདོད་འགྲོ |
མངོན བུད་མེད་འདོད་ལྡན་མ། |
| འདོད་འགྲོ་མ |
མངོན སྨད་འཚོང་མ། |
| འདོད་འཇོ |
1 གང་འདོད་སྟེར་བ། 2 མངོན 1) དཔག་བསམ་ཤིང༌། 2) རྣམ་ཐོས་སྲས། |
| འདོད་འཇོའི་བ |
འོ་མ་ཅི་འདོད་སྟེར་བའམ་རེ་བ་སྐོང་བར་བྱེད་པའི་བ། |
| འདོད་འཇོའི་བུམ་བཟང |
དགོས་འདོད་སྟེར་བའི་བུམ་པ་མཆོག |
| འདོད་འདུན |
1 འདོད་པའི་ཡུལ་ལ་དགའ་བའམ་རེ་བ། 2 ཀུན་སྦྱོར་ལྔའི་ཡ་གྱལ། འདོད་ཁམས་པའི་རྒྱུད་ལ་ཡོད་པའི་འདོད་པའི་དཔལ་འབྱོར་ལ་འདུན་པའོ། |
| འདོད་འཕེལ་ཟླ་བ |
མངོན སྣྲོན་ཟླ་བའམ་ཧོར་ཟླ་ལྔ་པ། |
| འདོད་ཡོན |
1འདོད་པའི་ཡོན་ཏན་ཞེས་པའི་ཚིག་བསྡུས་པ་ མིའི་དབང་བོ་ལྔའི་ལོངས་སྤྱད་བྱར་གྱུར་པའི་དངོས་པོ་ཐམས་ཅད་ཀྱི་སྤྱི་མིང་། 2མངོན་པ་ནས་བཤད་པའི་གཟུགས་སྒྲ་དྲི་རོ་རེག་བྱ་ལྔ་ལ་འདོད་ཡོན་ལྔ་ཟེར། |
| འདོད་ཡོན་གྱི་སྣམ་བུ |
དཀྱིལ་འཁོར་གྱི་ཕྱི་རོལ་ཏུ་བཀོད་པའི་འདོད་པའི་ལྷ་མོ་མཆོད་པའི་སྟེགས་བུ། |
| འདོད་ཡོན་ལྔ |
1 གཟུགས་དང༌། སྒྲ། དྲི། རོ། རེག་བྱ་བཅས་ཀྱི་ཡོན་ཏན་ནམ་ནུས་པ་ལྔ། 2 མཆོད་རྫས་ཀྱི་བྱེ་བྲག་མེ་ལོང་དང༌། པི་ཝང༌། དུང་ཆུ། ཤིང་འབྲས། གོས་དར་ལྔ་པོས་རིམ་བཞིན་གཟུགས་སྒྲ་དྲི་རོ་རེག་བྱ་སོ་སོར་མཚོན་པ། |
| འདོད་རྒུ |
འདོད་དགུ་དང་འདྲ། |
| འདོད་རྒྱལ |
1 རང་འདོད་ཁོ་ན་ཙམ། མ་བསམས་འདོད་རྒྱལ་གཏམ་ལ་གཏད་སོ་མེད། 2 མིང་བརྡ་འདོགས་ཚུལ་ཞིག་དངོས་པོར་ཐོག་མར་བརྡའ་སྦྱོར་བ་ན་རྒྱུ་མཚན་ལ་མ་བརྟེན་པར་བརྡ་སྦྱོར་མཁན་གྱི་འདོད་པ་དབང་བཙན་དུ་བྱས་ནས་རང་དགར་བཏགས་པའི་མིང༌། དཔེར་ན། ས། ཆུ། མེ། རླུང་ཞེས་པ་ལྟ་བུའོ། 3 འདོད་པའི་རྒྱལ་པོའི་བསྡུས་ཚིག་ |
| འདོད་རྒྱལ་གྱི་མིང |
ངེས་ཚིག་གི་འགྲེལ་བཤད་དང་རྒྱུ་མཚན་གང་ཡང་བརྗོད་རྒྱུ་མེད་པར་རང་འདོད་ཁོ་ནས་ཐོག་མར་སྦྱར་བའི་བརྡ། ཐ་སྙད་ལ་འདོད་རྒྱལ་གྱི་མིང་དང་རྗེས་སྒྲུབ་ཀྱི་མིང་གཉིས་ཡོད་པས། འདོད་རྒྱལ་གྱི་མིང་ནི་མིང་ཚིག་གི་རྩ་བ་ཡིན་ལ་ཐ་སྙད་ཀྱི་ཆ་དུ་མ་འདུས་ནས་གྲུབ་པ་མིན་པའི་ཐ་སྙད་ཀྱི་སྤྱི་མིང་ དཔེར་ན། རྟ། ལུག རྩ། ཆུ་ཞེས་པ་སོགས་ནི་འདོད་རྒྱལ་གྱི་མིང་ཡིན་ཞིང་། དཔེ་ཆ། མེ་ཏོག ། རྒུན་འབྲུམ། ཕྱེ་མ་ལེབ་ཞེས་པ་སོགས་ཀྱང་འདོད་རྒྱལ་གྱི་མིང་ཡིན་པ་ལྟ་བུ། ཐ་སྙད་ཀྱི་ཆ་དུ་མ་འདུས་པའི་ཐ་སྙད་རྣམས་ནི་རྗེས་སྒྲུབ་ཀྱི་མིང་ཡིན། དཔེར་ན། སྤང་ལྗོངས། ཕྱུགས་ལས། ཆུ་འཁོར་ཞེས་པ་ལྟ་བུ། |
| འདོད་རྒྱལ་གྱི་སྒྲ |
འདོད་རྒྱལ་གྱི་མིང་དང་དོན་གཅིག་ |
| འདོད་རྒྱལ་སྨྲ་བ |
མ་བརྟགས་པར་དྲན་ཚད་གང་བྱུང་དུ་སྨྲ་བ། |
| འདོད་རྔམ |
ཧམ་སེམས་དང་དོན་འདྲ་ གཞན་ནོར་ལ་འདོད་རྔམ་མ་བྱེད་ལྟ་བུ། |
| འདོད་རྔམས |
འཐོབ་འདོད་ཟ་འདོད་ཀྱི་ཧམ་སེམས། |
| འདོད་རྟེན |
འདོད་པའི་ལྷ་མི་གང་རུང་གི་ལུས་རྟེན། |
| འདོད་རྣོག་ཅན |
འདོད་སེམས་ཆེ་བ། |
| འདོད་ལན |
དེ་ལྟར་དུ་འདོད་ཅེས་ལན་བཏབ་པའི་དོན་ཏེ། དཔེར་ན། སྒྲ་ཆོས་ཅན། མི་རྟག་པ་ཡིན་པར་ཐལ། བྱས་པ་ཡིན་པའི་ཕྱིར། ཞེས་པའི་ཐལ་འགྱུར་ལ་འདོད་ལན་བཏབ་པས་སྒྲ་མི་རྟག་པ་ཡིན་པར་འདོད་ཅེས་ཁས་བླངས་པའོ། |
| འདོད་ལན་ཐེབས་པ |
ཐལ་འགྱུར་ལྟར་སྣང་བཞིའི་ནང་གསེས། མི་འདོད་པའི་ཐལ་བ་འཕེན་པ་གང་ཞིག་རྟགས་ཁྱབ་གྲུབ་ཅིང་འདོད་པར་ཁས་བླངས་པར་བསལ་བ་མི་འབབ་པ། དཔེར་ན། སྒྲ་ཆོས་ཅན། མི་རྟག་པར་ཐལ། དངོས་པོ་ཡིན་པའི་ཕྱིར། ཞེས་པ་ལྟ་བུ་སྐྱོན་མིན་སྐྱོན་དུ་བརྗོད་པ་ཡིན་ཞིང༌། ཐལ་ལན་ལ་འདོད་ཅེས་ལན་ཐེབས་པའོ། |
| འདོད་ལུགས |
ཁས་ལེན་ཚུལ། སྔོན་ཆད་ཀྱི་འདོད་ལུགས་ལྟར་ལག་ལེན་བྱ་རྩིས་ཡོད། |
| འདོད་ལོག |
ལོག་གཡེམ། འདོད་ལོག་སྤྱོད་པ། |
| འདོད་ལྡན་མ |
མངོན 1 བུད་མེད་མཛེས་མ། 2 སྨད་འཚོང་མ། |
| འདོད་ལྷ |
འདོད་པའི་ཁམས་ལ་གནས་པའི་ལྷ། མིང་གི་རྣམ་གྲངས་ལ་དཀའ་ཐུབ་དགྲ་དང༌། འཁོར་ལོའི་བླ་མ། དགའ་མའི་བདག་པོ། དགའ་རབ་དབང་ཕྱུག་འགྲོ་བའི་ཤིང་རྟ། ཆུ་སྲིན་རྒྱལ་མཚན་ཅན། ཉ་ཡི་ཏོག་ཉི་མའི་མདའ། སྙིང་ལ་ཉལ། སྟོབས་ལྡན་བསྙེམས། དྲན་པའི་ཤིང་རྟ། བདུད་སྡིག་ཅན། མདའ་ལྔ་པ། སྡོམ་པའི་དགྲ། དབང་བྱེད་བདག་སྦྲང་རྩིའི་ཁ་ལོ་བ། མེ་ཏོག་མདའ་ཅན། མེ་ཏོག་གཞུ་ཅན། མྱོས་བྱེད། རྩེ་དགའི་བླ་མ། ཚངས་བཅོམ། ཞི་མཐར་བྱེད། གཞན་འཕྲུལ། ཡིད་ལ་ཉལ། ཡིད་ལས་བྱུང༌། ཡིད་སྲུབས། ཡིད་སྲུབས་བདག་པོ། ལུས་མེད་བཅས་སོ། |
| འདོད་ལྷ་རིགས་དྲུག |
འདོད་ལྷ་རིས་དྲུག་དང་དོན་གཅིག་ |
| འདོད་ལྷ་རིས་དྲུག |
རྒྱལ་ཆེན་རིགས་བཞི། སུམ་ཅུ་རྩ་གསུམ། འཐབ་བྲལ། དགའ་ལྡན། འཕྲུལ་དགའ། གཞན་འཕྲུལ་དབང་བྱེད་དེ་དྲུག |
| འདོད་སེམས |
མངོན་འདོད་ཀྱི་སེམས། འདོད་སེམས་ཀྱི་རྦ་རླབས་དྲག་ཏུ་འཕྱུར་བ། |
| འདོད་སྣམ |
འདོད་ཡོན་གྱི་སྣམ་བུའི་བསྡུས་ཚིག་ |
| འདོད་སྣམ་དམར་པོ |
ལྷའི་གཞལ་ཡས་ཁང་གི་ཕྱི་རོལ་མཆོད་པའི་ལྷ་མོ་བཞུགས་ཡུལ། |
| འདོད་སྨོན |
1 འདོད་པ་ལྟར་འགྲུབ་པའི་སྨོན་ལམ། 2 འདོད་པ་དང་སྨོན་པ། |
| འདོད་སྲེད |
འདོད་པ་ལ་ཤིན་ཏུ་ཆགས་པ། འདོད་སྲེད་ལོངས་སྤྱོད་ལ་ཆགས་པ། |
| འདོད་ཧམ |
རང་འདོད་ཀྱི་ཧམ་པ། དངོས་པོ་ལ་འདོད་ཧམ་བྱེད་པ། |
| འདོན |
སྔར་བོད་ས་གནས་སྲིད་གཞུང་སྐབས་ཁྲལ་རྟེན་ས་ཁྱོན་གྱི་ཚད་གཞི་ཞིག་འདོན་རེའི་ཚད་ཆེ་ཆུང་ངེས་གཏན་མེད་ཅིང༌། འདོན་ཆེ་བར་སོན་ཁལ་བརྒྱ་ལྷག་ཙམ་གྱི་ས་ཞིང་ཡོད་ལ། ཆུང་བར་སོན་ཁལ་ཉི་ཤུ་སུམ་ཅུའི་ས་ལས་མེད། འདོན་གྲངས་ལ་གཞིགས་ནས་ས་བོགས་དང༌། དམག་ཁྲལ། རྟ་ཁལ་གྱི་ཁྲལ་སོགས་གང་འཚམས་རེ་རྒྱུག་དགོས། འདོན་རེར་རྐང་གཉིས་རེའམ་བཞི་རེ་ཡོད། 2.ད་ལྟ་བ་ གསར་འགྱུར་འདོན་མཁན། འཕྲིན་ཡིག་འདོན་གྱིན་འདུག་ལྟ་བུ། |
| འདོན་ཀློག |
དཔེ་ཆ་ཀློག་འདོན། |
| འདོན་ཁ་ཁྲལ |
སྔར་དགོན་སྡེ་ཁག་གི་གྲྭ་པས་ཚོགས་གྲལ་དུ་སྐྱོར་དགོས་པའི་ཁ་ཏོན། |
| འདོན་ཆོག |
ངག་འདོན་བྱ་རྒྱུའི་གསོལ་འདེབས་དང་སྨོན་ལམ་བསྐྱེད་ཆོག་ལ་སོགས་པ་ཕྱོགས་གཅིག་ཏུ་བསྒྲིགས་པ། |
| འདོན་དམག |
ཡུལ སྔར་བོད་ས་གནས་སྲིད་གཞུང་སྐབས་ས་རྟེན་འདོན་གྲངས་ལ་འཁྲི་བའི་དམག་ཁྲལ། |
| འདོན་དམག་གསར་སྒྲིག |
སྔར་བོད་ས་གནས་སྲིད་གཞུང་སྐབས་ས་རྟེན་འདོན་གྲངས་ལ་འཁྲི་བའི་དམག་མི་གསར་དུ་སྐོང་བ། |
| འདོན་པ |
1. ཐ་དད་པ བཏོན་པ། གདོན་པ། ཐོན།། 1 འགོག་པ་དང༌། ལོགས་སུ་འབྱེད་པ་དང༌། འབྱིན་པ། དབུལ་ཕོངས་སྡུག་བསྔལ་ཡོང་རྐྱེན་གྱི་རྩ་བ་བཏོན་པ། མཛོད་ཁང་ནང་ནས་འབྲུ་མར་འདོན་པ། བསམ་འཆར་འདོན་པ། རང་སྐྱོན་རང་གིས་བཏོན་པ། ནུས་ཤུགས་ཡོད་དགུ་བཏོན་པ། ང་རོ་འདོན་པ། སྐད་གདངས་འདོན་པ། མཆི་མ་བཏོན་པ། 2 ཁ་ཏོན་བྱེད་པ། ཆོས་འདོན་པ། སྔགས་འདོན་པ། དཔེ་ཆ་བཏོན་པ། 3 མངའ་གསོལ་བ་དང༌། གོང་དུ་འགོད་པ། ཁྲིར་འདོན་པ། ཆེ་སར་བཏོན་པ། གྲུ་གཟིངས་ནས་སྐམ་སར་བཏོན་པ། 2. རྙིང བཟའ་བཏུང༌། |
| འདོན་བཟང་པ |
ཀློག་བཟང་པོ་ཡོད་པའི་གྲྭ་པ། |
| འདོན་བཤུག |
ཆུ་སོགས་ཀྱི་སྣོད་ནས་ཕན་ཚུན་བརྗེ་བ། ཁང་པ་འདོན་བཤུག་བྱེད་པ། སྣོད་སྤྱད་ཆེ་ཆུང་ནང་གི་དངོས་པོ་ཕན་ཚུན་འདོན་བཤུག་རྒྱག་པ། |
| འདོན་འཇུག |
ཕྱིར་འདོན་པ་དང༌། ནང་དུ་འཇུག་པ། |
| འདོན་འཛུད |
ཕྱིར་འདོན་པ་དང་ནང་དུ་འཛུད་པ། |
| འདོན་ཤ་སྟོན་འཇལ |
སྔར་བོད་ས་གནས་སྲིད་གཞུང་སྐབས་མི་སེར་གྱིས་ཤ་ཁྲལ་སྟོན་ཆེན་ལེགས་འབུལ་གྱི་ཚུལ་དུ་འཇལ་སྲོལ་ཞིག |
| འདོན་སྤེལ |
ནུས་ཤུགས་སམ། སྙིང་སྟོབས་བཏོན་ཏེ་རྒྱ་ཁྱབ་ཏུ་སྤེལ་བ། སྔར་གྱི་སྲོལ་རྒྱུན་བཟང་པོ་འདོན་སྤེལ་བྱེད་པ། དགེ་མཚན་ལྡན་པའི་ནུས་པ་འདོན་སྤེལ་བྱེད་པ། |
| འདོབ་ཟོ |
ཡུལ ཆང་འཚག་སྣོད་ཤིང་གི་ཟོ་ལག་མཆུ་ཅན་ཞིག |
| འདོམ |
ལག་པ་གཉིས་བརྒྱངས་པའི་བར་ཐག་གམ་ཁྲུ་བཞི་ཙམ་རིང་བའི་ཚད་ཀྱི་མིང་ འདོམ་གང་འདོམ་ལ་འཇལ་ལྟ་བུ། (བྱེད་མེད་དལ་ཚིག) འདྲེས་པའམ་འཕྲད་པའི་དོན་ཏེ། ཆུ་གཉིས་འདོམ་པའི་མཚམས། རྩ་འདོམ་ས་ཞེས་པ་ལྟ་བུ། |
| འདོམ་གང |
ལག་གཉིས་གཡས་གཡོན་དུ་བརྐྱངས་པའི་སྦར་མོ་ནས་སྦར་མོའི་བར་རམ། སོར་རྩེ་ནས་སོར་རྩེའི་བར་གྱི་ཚད། |
| འདོམ་གང་གྲུ་བཞི |
ཡུལ ཞེང་དཀྱུས་ལ་འདོམ་གང་རེ་ལས་མེད་པའི་བཙོན་ཁང༌། |
| འདོམ་ཐུག |
འཛོམས་ཏེ་འཕྲད་པ། ངོ་ཤེས་པ་མང་པོ་དུས་གཅིག་ཏུ་འདོམ་ཐུག་པ་བྱུང་སོང༌། ལས་ཀ་ཁག་མང་འདོམ་ཐུག་བྱུང་འདུག |
| འདོམ་པ |
1. ཐ་མི་དད་པ འདོམས་པ། འདོམ་པ།། ཕྱོགས་གཅིག་ཏུ་ཚོགས་པའམ། མཉམ་དུ་འཛོམས་པ། དེ་རིང་ལས་ཀ་བྱ་རྒྱུ་མང་པོ་ཞིག་འདོམས་པ་ཡིན་སྟབས་བྲེལ་བ་ཆེན་པོ་འདུག 2. རིང་ཐུང་འཇལ་བྱེད། འདོམ་པ་གང་ལ་ཁྲུ་བཞི་ཡོད། འདོམ་ཤིང༌། མུན་ནག་འདོམ་འཇལ། རིང་ཐུང་འདོམ་པས་ཚད། ཡང་ལྗིད་རྒྱ་མར་བཀྱག |
| འདོམ་འཇལ |
འདོམ་ཚད་ལ་བཤེར་བ། རིང་ཐུང་འདོམ་ལ་འཇལ་བ། |
| འདོམས |
1. འདོམས་པའི་སྐུལ་ཚིག་དང་མང་པོའི་ནང་ནས་སྒྲུག་པའི་དོན་དུ་གོ་བའི་འདམ་པའི་སྐུལ་ཚིག 2. ཕོ་མོའི་མཚན་མ་གནས་ཡུལ། རྔ་མ་འདོམས་འོག་ཏུ་འཇུག་པ། |
| འདོམས་ཀྱི་ཕྱོགས |
ཕོ་མོའི་མཚན་མ་ཡོད་སའི་ཕྱོགས། |
| འདོམས་ཀྱི་མཇུག་མ |
མངོན ཕོ་མཚན། |
| འདོམས་ཀྱི་སྦ་བ |
ཕོ་མཚན། |
| འདོམས་ཀྱི་སྦ་བ་སྦུབས་སུ་ནུབ་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྐྱེ་བོ་ཐམས་ཅད་ཚངས་པར་སྤྱོད་པ་ཡང་དག་པར་ལེན་དུ་འཇུག་པ་དང༌། གསང་བའི་གསང་ཚིག་བསྲུངས་པས་འདོམས་ཀྱི་སྦ་བ་སྦུབས་སུ་ནུབ་པ། |
| འདོམས་དཀྲིས |
སྨད་དཀྲིས། |
| འདོམས་པ |
1. ཐ་དད་པ གདམས་པ། གདམ་པ། འདོམས།། སློབ་པའམ་སྟོན་པ་དང༌། འཆད་པ། ཁྲིམས་ཀྱི་ཡི་གེ་བཙན་ཞིང་བརྗིད་པས་འདོམས་པ། བརྩོན་པར་འདོམས་པ། གདམས་ངག་འདོམས་པ། བླང་དོར་གྱི་བསླབ་བྱ་ཞིབ་གསལ་གདམས་ནས་རང་ཉིད་ཡུལ་གཞན་དུ་བསྐྱོད་པ། 2. འདོམ་པའི་འདས་པ། |
| འདོམས་སྤུ |
ཕོ་མོའི་མཚན་མའི་སྤུ། |
| འདོར |
ད་ལྟ་བ་ གྲོགས་ངན་འདོར་མཁན། གྲོགས་བཟང་མ་འདོར་ལྟ་བུ། <ཁ>སྤངས་པའམ་ཕར་གཡུག་པའི་དོན་ཏེ། སྤྱོད་ངན་དོར་ནས་སློབ་སྦྱོང་བྱས། དོར་བྱའི་སྤྱོད་ངན་དོར་ཅིག ཚིག་ཉོག་རྣམས་དོར་ནས་དག་སྒྲིག་བྱས། སྣབས་ལུད་དོར་བཤང་གཅི་དོར་ལྟ་བུ། <ག>སེམས་ཁུར་མི་བྱེད་པའི་དོན་ཏེ། དམངས་དོན་སེམས་ནས་མ་དོར་ལྟ་བུ། དོར་མ་ཞེས་པའི་ཚིག་བསྡུས་པ། |
| འདོར་ཁ་བ |
སྔོ་ཞིག |
| འདོར་བ |
ཐ་དད་པ དོར་བ། དོར་བ། དོར།། སྐྱུར་བ་དང༌། གཏོང་བ། སྤོང་བ། འབོར་བ། དམ་པའི་སྤྱོད་པ་འདོར་བར་མི་བྱེད་པ། མི་དགེ་བ་དོར་ནས་དགེ་བར་འཇུག་པ། གཞུང་དོན་དུ་རང་སྲོག་འདོར་བ། གོམ་པ་འདོར་བ། |
| འདོར་བྱ |
1 གཡུག་རྒྱུའི་དངོས་པོ། 2 མངོན སྐྱག་པ། |
| འདོར་བྱེད |
མངོན ལོ། |
| འདོར་ལེན |
སྤང་བྱ་འདོར་བ་དང༌། བླང་བྱ་ལེན་པའི་བསྡུས་མིང༌། གང་བྱེད་འདི་བྱེད་ནང་ནས་ཁྱེད་ཀྱིས་འདོར་ལེན་གནང་རོགས། |
| འདོལ |
ཕྱེ་མར་གྱུར་པའི་དངོས་རྫས་ཀྱི་མིང་ལ་འཇུག་པ་ནི། ས་འདོལ། བྱེ་འདོལ། ཐལ་འདོལ། ས་རྡོག་བརྡུངས་ནས་འདོལ་འདོལ་དུ་གྱུར་ལྟ་བུ། |
| འདོལ་པོ |
འདོལ་བ་དང་འདྲ། |
| འདོལ་བ |
འབོལ་པོའམ་སོབ་སོབ་པོ། ས་གཤིས་འདོལ་བ་ལ་ས་བོན་གང་བཏབ་སྐྱེ། |
| འདོལ་བོ |
རྙིང ས་རྡུལ་ཞིབ་མོ། |
| འདོལ་ཞིང |
ས་འབོལ་པོའམ། འཇམ་པོ་ཡོད་པའི་ཞིང་ག། |
| འདོལ་འདོལ་བ |
1 ཞི་ཞིང་དུལ་བ། ཁོའི་གཤིས་ཀ་འདོལ་འདོལ་བ་ཞིག་ཡིན་སྟབས། དོན་མེད་ཁོང་ཁྲོ་གཏན་ནས་བྱས་མི་ཡོང༌། 2 འབོལ་འབོལ། ས་ཆ་འདོལ་འདོལ་བ་ནས་ཆུ་མིག་བྱུང་བ། |
| འདོལ་ས |
འབོལ་ས་ས་གཤིན་པོའམ་ལེགས་པ། |
| འདྲ |
1.(བྱེད་མེད་ལས་ཚིག) <ཀ>མཚུངས་པ་གསལ་བྱེད་ཀྱི་སྒྲ་ རྒྱལ་སའི་གློག་སྒྲོན་ནམ་མཁའི་སྐར་མ་འདྲ་ལྟ་བུ། 2.ད་ལྟ་བ་ རས་འདྲ་བར་བྱེད། རས་འདྲ་བྱེད་ཀྱི་ཁེ་གྲི་ཞེས་པ་ལྟ་བུ། |
| འདྲ་གཉིས |
གཞི་མཚུངས་གཉིས། གན་རྒྱ་འདྲ་གཉིས། དངོས་པོ་འདྲ་གཉིས། |
| འདྲ་གཟོང |
ལྕགས་འདྲ་བྱེད་ཀྱི་རྣོ་གཟོང༌། |
| འདྲ་གསོབ |
སྲོག་ལྡན་འདྲ་བའི་སྟོང་གསོབ། འདྲ་གསོབ་བཟོས་ནས་གླུད་དུ་བརྫངས་པ། |
| འདྲ་ཅོག |
གཟུགས་བརྙན་ནམ། འདྲ་སྐུ། |
| འདྲ་ཆགས་པ |
འདྲ་ཆགས་པོ་དང་འདྲ། |
| འདྲ་ཆགས་པོ |
རྫིག་པོའམ། ཡིན་མདོག་ཁ་པོ། མི་དེ་འདྲ་ཆགས་པོ་ཞིག་འདུག སྐད་ཆ་འདྲ་ཆགས་པོ་ཁོ་ན་བཤད་པ། ཁ་མཁས་འདྲ་ཆགས། |
| འདྲ་ཆོས |
མཚུངས་འདྲའི་ཁྱད་ཆོས། རིག་བཅོས་ཀྱི་སྒོ་ནས་འདྲ་ཆོས་བསྒྲིགས་པ། |
| འདྲ་དཔེ |
དངོས་པོ་ལ་བལྟས་ནས་བཀོད་པའི་མ་དཔེ་ ཟམ་པའི་འདྲ་དཔེ། ཁང་བའི་འདྲ་དཔེ་ཞེས་པ་ལྟ་བུ། <ཁ>གཅིག་པའི་དོན་ཏེ། སྲོག་ཆགས་རིགས་འདྲ་བ། སྐད་རིགས་འདྲ་བ་ཞེས་པ་ལྟ་བུ། <ག>མཉམ་པའི་དོན་ཏེ། རྟ་འདི་གཉིས་ཀྱི་གཟུགས་ཆེ་ཆུང་འདྲ་ཞེས་པ་ལྟ་བུ། དྲ་ལ་ལྟོས། |
| འདྲ་དཔེ་རྒྱས་འགེབས |
རིགས་འདྲའི་དཔེ་ཡུག་གཅིག་ཏུ་བཀབ་ནས་བྱ་བ་བྱེད་པ། |
| འདྲ་པར |
ངོ་མ་དང་མཚུངས་པའི་པར། |
| འདྲ་པར་ཚེམ་དྲུབས་མ |
འདྲ་གཟུགས་ཀྱི་རི་མོ་ཚེམ་བུས་བཟོས་པ། |
| འདྲ་པོ |
མཚུངས་པའི་དོན་དུ་གོ་བའི་འདྲ་བ་དང་འདྲ། |
| འདྲ་བ |
1. ཐ་དད་པ དྲས་པ། དྲ་བ། དྲོས།། གཅོད་པ། དགུན་ཆས་འདྲ་འཚེམ་བྱེད་པ། ཤིང་སྡོང་པང་ལེབ་ཏུ་འདྲ་བ། ཤེལ་སྒོ་དྲས་ནས་ཁྲ་མར་བསྒར་བ། 2. མཚུངས་པའམ་གཅིག་མཐུན་ཡིན་པ། གཞན་དོན་ལའང་རང་དོན་དང་འདྲ་བར་ལྟ་བ། ཆང་གིས་ར་བཟི་ནས་རོ་དང་འདྲ་བར་གྱུར་པ། གནས་ཚུལ་མི་འདྲ་བ། མི་རིགས་མི་འདྲ་བ། ཤ་མདོག་མི་འདྲ་བ། དེ་འདྲ་བའི་ལས་ཀ། ཅི་འདྲ་བའི་སྐད་ཆ། འདྲ་བ་རྒྱུ་མཚན་དུ་བྱས་པའི་བཏགས་མིང༌། |
| འདྲ་བཅོས |
འདྲ་པོ་བཟོས་པ། མདའ་སྐད་གླིང་བསྒྱུར་ལྟ་བུའི་འདྲ་བཅོས་བཟོས་པ། |
| འདྲ་བཟོས |
དཔེ་དེ་དང་འདྲ་བར་བཟོས་པ། |
| འདྲ་བའི་ཡི་གེ |
1 ལེགས་སྦྱར་སྐད་ཀྱི་དབྱངས་ཡིག་ཨ་རིང་ཐུང་ཐམས་ཅད་འདྲ་བ་དང༌། ཨི་རིང་ཐུང་འདྲ་བ་དང༌། ཨུ་རིང་ཐུང་འདྲ་བ་དང༌། རྀ་རིང་ཐུང་འདྲ་བ་དང༌། ལྀ་ཐུང་ནང་འདྲ་བའམ། སྐབས་འགར་རྀ་ལྀ་གཉིས་ཀྱང་འདྲ་བའོ། ཨ་ཨྀ་ཨུ་རྀ ལྀ པླུཏ། ཨ། ཨི ཨུ རྀ ལྀ ལྀ རྀ ལྀ 2 ལེགས་སྦྱར་སྐད་ཀྱི་སྡེ་ཚན་འདྲ་བའི་གསལ་བྱེད་ཡི་གེ་དཔེར་ན། ན་ནི་ཏའི་སྡེ་ཚན་དང་འདྲ་བའི་ཡི་གེ་དང༌། ང་ནི་ཀའི་སྡེ་ཚན་དང་འདྲ་བའི་ཡི་གེ་ཡིན་པ་ལྟ་བུ། ཀ་ཙ་ཊ་ཏ་པ ན ཏ ང ཀ |
| འདྲ་བའི་རྐྱེན |
རྒྱུ་དང་མཚུངས་པའི་ལྷན་ཅིག་བྱེད་རྐྱེན། |
| འདྲ་བའི་རྒྱུ |
འབྲས་བུ་དང་མཚུངས་པའི་ཉེར་ལེན་གྱི་རྒྱུ། |
| འདྲ་བརྙན |
འདྲ་གཟུགས། |
| འདྲ་བཤུས |
1 མ་དཔེ་དང་འདྲ་བར་བྲིས་པ། 2 འདྲ་བར་བྲིས་པའི་དཔེ་རིས། |
| འདྲ་མ |
ལོ་རྒྱུས་སམ་གནས་ཚུལ། ཚིག་གསུམ་འདྲ་མ་མ་བཤད་ན། ཕོ་ཐོས་པ་ཆེ་ཡང་ཅི་ལ་གོ། |
| འདྲ་མ་ཨེ་འདྲ |
གནས་ཚུལ་འདི་ལྟ་བུ། |
| འདྲ་མཉམ |
ཁྱད་པར་མེད་པ། འདྲ་མཉམ་གཉིས་ཕན། འདྲ་མཉམ་མིན་པའི་ཆིངས་ཡིག |
| འདྲ་མཚུངས |
ཕྱོགས་མཐུན་ནམ་ཆ་འདྲ། ཤོད་ལུགས་དེ་གཉིས་རྒྱབ་འགལ་ཡིན་པས་འདྲ་མཚུངས་སུ་བརྩིས་ན་མི་འགྲིག |
| འདྲ་མི་འདྲ |
སྣ་ཚོགས་པ། ཚོང་ཁང་ནང་དུ་དངོས་པོ་འདྲ་མི་འདྲ་མང་པོ་བཏོན་འདུག |
| འདྲ་མིན་སྣ་ཚོགས |
གཞི་མི་མཚུངས་པ་སྣ་འདུས། བསམ་བློ་འདྲ་མིན་སྣ་ཚོགས་འཁོར་བ། |
| འདྲ་འདྲ |
འདྲ་མཚུངས། དཔེ་དང་དོན་གཉིས་འདྲ་འདྲ་རེད། འདྲ་འདྲ་བསམས་ཏེ་འདྲ་ས་མེད། |
| འདྲ་འདྲ་ཐད་ཐད |
གཅིག་པ་ནང་སྟར། མི་མང་པོའི་ཁ་ནས་སྐད་ཆ་འདྲ་འདྲ་ཐད་ཐད་ཁོ་ན་ཤོད་ཀྱི་འདུག |
| འདྲ་འདྲ་མཉམ་མཉམ |
གཅིག་པ་ནང་བཞིན། མི་རྣམས་ཀྱི་ཤེས་ཚད་འདྲ་འདྲ་མཉམ་མཉམ་ཤ་སྟག་མ་རེད། རྒན་གཞོན་བབ་འོས་ཀྱི་བརྩི་བཀུར་མེད་པར་འདྲ་འདྲ་མཉམ་མཉམ་བྱེད་པ། |
| འདྲ་འདྲ་འགྲིག་འགྲིག |
ལྟར་སྣང་དུ་འདྲ་བའི་རྫུན་བསྒྲིགས། ཁ་ནས་འདྲ་འདྲ་འགྲིག་འགྲིག་མང་པོ་ཞིག་ཤོད་ཀྱང་དོན་ལ་ཇི་ཡིན་མི་ཤེས། |
| འདྲ་འབག |
གདོང་དབྱིབས་འདྲ་བའི་འབག |
| འདྲ་རིས |
འདྲ་བའི་རི་མོ། འདྲ་རིས་འབྲི་བ། |
| འདྲ་ཤས་ཆེ |
1 ཕལ་ཆེར་མཚུངས་པ། 2 འདྲ་བར་སྲིད་པ། ཁོ་གཉིས་ཀྱི་བསམ་ཚུལ་འདྲ་ཤས་ཆེ། |
| འདྲ་སེ་འདྲེས་སེ |
འདྲ་མིན་སྣ་ཚོགས་མཉམ་དུ་འདྲེས་པ། |
| འདྲ་སྐུ |
སྐུ་འདྲའམ། སྐུ་བརྙན། འདྲ་སྐུ་བཞེངས་པ། |
| འདྲ་སྒྲིག་པ |
1 ཆ་སྒྲིག་པའམ་འདྲ་འདྲ་གཤིབས་ཏེ་སྒྲིག་པ། 2 ངོ་མ་མ་ཡིན་པར་དེ་དང་འདྲ་བའི་ཚབ་སྒྲིག་པ། |
| འདྲ་སྤྱད |
དྲས་སྤྱད་དང་འདྲ། |
| འདྲག་མཐིལ |
རྙིང ལག་མཐིལ། |
| འདྲད |
འབྲད་ཀྱི་འབྲི་ཚུལ་གཞན། |
| འདྲད་པ |
ཐ་དད་པ འདྲད་པ། འདྲད་པ། འདྲོད།། འཐོག་པ། རུས་པར་འབྱར་བའི་ཤ་རྣམས་སོས་འདྲད་པ། |
| འདྲལ |
ད་ལྟ་བ་ སྐྲངས་པ་འདྲལ་བར་བྱེད་ལྟ་བུ། |
| འདྲལ་བ |
ཐ་དད་པ དྲལ་བ། དྲལ་བ། དྲོལ།། འཇོམས་པ། དམ་ཚིག་འདྲལ་བ། མཚམས་བཅད་དྲལ་བ། ངོ་ཚ་དྲལ་བ། སྒྲིག་ཁྲིམས་འདྲལ་བར་མི་བྱེད་པ། |
| འདྲལ་བྱེད |
མངོན ཐོང་གཤོལ། |
| འདྲི |
ད་ལྟ་བ་ མི་ཤེས་པ་ནི་དགེ་རྒན་ལ་འདྲི་བཞིན་ཡོད་ལྟ་བུ། |
| འདྲི་གཅོད |
གཏམ་འདྲི་ཞིང་དོན་རྩད་གཅོད། |
| འདྲི་བ |
ཐ་དད་པ དྲིས་པ། དྲི་བ། དྲིས།། 1 གཏམ་ཞུ་བ། མི་ཤེས་པ་རྣམས་གཞན་ལ་འདྲི་བ། ཁམས་འདྲི་བ། འཚམས་འདྲི་བ། གྲོས་འདྲི་བ། གཏམ་འདྲི་བ། 2 ཐ་དད་པར་འཇུག་པའི་འབྲི་བའི་ད་ལྟ་བའི་འབྲི་ཚུལ་གཞན། |
| འདྲི་བ་ལ་ལུང་བསྟན་པ |
དྲི་བར་ལན་བརྒྱབ་པ། |
| འདྲི་ཚིག |
གཏམ་མམ། རྒྱུ་མཚན་ཅི་ཡིན་འདྲི་བའི་ཚིག |
| འདྲི་ཞིབ |
རྒྱུ་རྐྱེན་འདྲི་ཞིང༌། གནས་ལུགས་ཞིབ་འཇུག རྒྱུ་མཚན་འདྲི་ཞིབ་ནན་ཏན་བྱེད། |
| འདྲི་རྟགས |
ཐེ་ཚོམ་མམ། དྲི་བའི་རྟགས། |
| འདྲི་རྟོག |
གཏམ་འདྲི་ཞིང་དོན་ལ་རྟོག་དཔྱོད། |
| འདྲི་རྩད |
གཏམ་འདྲི་བ་དང་གནད་འགག་རྩད་གཅོད། ལུང་པ་རྒྱུས་མེད་ནང་འདྲི་རྩད་བྱེད་བཞིན་འགྲོ་བ། |
| འདྲི་སྨེད |
1 ཁམས་བདེ་འདྲི་བའམ་འཚམས་འདྲི་བྱེད་པ། 2 དྲི་བ་བཏོན་པ། དཀའ་གནད་ཅིག་འདྲི་སྨེད་ཀྱི་ཚུལ་དུ་བརྗོད་པར་བྱ་བ། |
| འདྲིད་པ |
ཐ་དད་པ བྲིད་པ། བྲིད་པ། བྲིད།། སླུ་བ། བློ་བྲིད་པ བྱིས་པ་སྦྲང་རྩིས་ཁ་བྲིད་པ། ཉ་མོ་ཟས་ཀྱིས་ཁ་བྲིད་པ། སླུ་འདྲིད་བྱས་ནས་གཞན་གྱི་རྒྱུ་ནོར་འཕྲོག་པ། གཅིག་གིས་གཅིག་མི་འདྲིད་པ། བཟའ་བཏུང་ཞིམ་པོ་དང་ཁ་འཇམ་གཏམ་སྙན་ཉེ་ཉེ་ལྟ་བུའི་རྣམ་འགྱུར་གྱིས་གཞན་འདྲིད་པ། |
| འདྲིལ |
ད་ལྟ་བ་ ལུག་ཁྱུ་འདྲིལ་བར་བྱེད། འདྲིལ་མཁན་ཞེས་པ་ལྟ་བུ། <ཁ>དངོས་རྫས་རིལ་མོ་བྱས་པ་ སྨན་གྱི་རིལ་བུ་དྲིལ། སྨན་རིལ་འདྲིལ་གྱིན་ཡོད། རིལ་བུ་དྲིལ་ཅིག་ལྟ་བུ། དྲིལ་བུ་ཡི་ཚིག་བསྡུས་པ། |
| འདྲིལ་བ |
1. ཐ་དད་པ དྲིལ་བ། དྲིལ་བ། དྲིལ།། 1 རིལ་མོར་སྒོང་བའམ་བཟོ་བ། སྨན་རིལ་འདྲིལ་བ། 2 ཧྲིལ་མོར་སྒྲིལ་བ་སྟེ་འགྲིལ་བར་བྱེད་པ། ཐང་ག་དྲིལ་ནས་བཞག་པ། 3 སྡུད་པ། མི་ཚང་མ་རྒྱལ་ཁ་ཐོབ་པའི་ལམ་དུ་བློ་སེམས་གཅིག་ཏུ་འདྲིལ་ཞིང་འགྲོ་བ། 2. ཐ་མི་དད་པ རིལ་བ་དང་འགྲིལ་བ། རྦབ་རྡོ་རི་བོའི་ངོས་ནས་འདྲིལ་བ། |
| འདྲིས |
(བྱེད་མེད་ལས་ཚིག) ཆ་རྒྱུས་ཡོད་པར་གྱུར་པ་ སློབ་གྲོགས་ཡུན་རིང་འགྲོགས་ནས་འདྲིས་ཡུན་རིང་། འདྲིས་པའི་གྲོགས་པོ་ཞེས་པ་ལྟ་བུ། བརྩེ་དུང་ཡོད་པའི་དོན་ཏེ། རིང་ནས་འདྲིས་པའི་གྲོགས་པོ། བྱིས་པ་འདི་གཉིས་འདྲིས་སོང་ཞེས་པ་ལྟ་བུ། |
| འདྲིས་གོམས |
བྱང་ཆུབ་པའམ། མྱོང་བ་ཐོན་པ། ལག་རྩལ་ལ་འདྲིས་གོམས་མཐར་ཕྱིན་པ་བྱུང༌། |
| འདྲིས་ཆ |
གནས་ཚུལ་བྱང་བར་ཤེས་པའི་ནུས་པའི་མིང་ མྱོང་གོམས་ཀྱི་ཆ་རྒྱུས། ལག་ལེན་བྱས་ནས་འདྲིས་ཆ་ཡོད་པ་ཞིག་བཟོ་དགོས། ཞིང་འདེབས་ཚུལ་ཞིང་པ་ལ་འདྲིས་ཆ་ཆེ། ཕྱུགས་འཚོ་ཚུལ་འབྲོག་པ་ལ་འདྲིས་ཆ་ཆེ་ཞེས་པ་ལྟ་བུ། |
| འདྲིས་པ |
1. ཐ་མི་དད་པ གོམས་པའམ་ཆ་རྒྱུས་ལོན་པ། ས་མ་འདྲིས་བྱང་ཐང་སྐྱ་མོ་རེད། འདྲིས་ཟེར་ན་རང་གི་ཕ་ཡུལ་རེད། འདྲིས་པའི་མི། 2. མཛའ་གྲོགས། མིང་གི་རྣམ་གྲངས་ལ་ངོ་ཤེས་པ་དང་ཡོངས་སུ་འདྲིས་པའོ། |
| འདྲིས་རྟག་པོ |
ཕན་ཚུན་རྟག་ཏུ་མཉམ་གཤིབ་ཀྱིས་འདྲིས་པོ་ཡོད་པ། |
| འདྲིས་སྟོབས |
གོམས་པའི་ནུས་པ། འདྲིས་སྟོབས་ཅུང་ཟད་ཞན་པ། |
| འདྲུ |
ལོ་རྒྱུས་སུ་བོད་རྗེ་སྲོང་བཙན་སྒམ་པོའི་སྐབས་སུ་བྱུང་བའི་མིའུ་གདུང་དྲུག་གི་ཡ་གྱལ་ཏེ། ཀླུངས་ཤོད་ཀྱི་ཡུལ་རིས་ལ་དབང་བ་དེའོ།…2.བྲུ་ཡི་ད་ལྟ་བ་ལ་འདྲུ་འབྲི་བའང་ཡོད། |
| འདྲུ་བ |
ཐ་དད་པ དྲུས་པ། འདྲུ་བ། དྲུས།། འབྲུ་བ་དང༌། རྐོ་བ། ས་དོང་འདྲུ་བ། སྐྱོན་མཚང་འདྲུ་བར་བྱེད། ཁ་སྐོམ་དུས་ཁྲོན་པ་འདྲུ་བ། |
| འདྲུ་བཤང |
ཨེ་ཁུང་སོགས་འདྲུ་བ་དང་བསང་བ། ཆུ་ཡུར་འདྲུ་བཤང་བྱེད་པ། |
| འདྲུ་སྤྱད |
ཁུང་བུ་རྐོ་བྱེད་དམ། སྔོག་བྱེད། |
| འདྲུད |
མ་འོངས་པ་དང་ད་ལྟ་བ་ འདྲུད་བྱའི་ཤིང་རྟ་ཤིང་འདྲུད་ཀྱིན་ཡོད་ལྟ་བུ། རྩུབ་བརྡར་བྱས་པའི་དོན་ཏེ། ལྭ་འདབ་ས་ལ་དྲུད། འབར་ཞུན་རྡོ་ལ་དྲུད་ལྟ་བུ། |
| འདྲུད་པ |
ཐ་དད་པ དྲུད་པ། འདྲུད་པ། དྲུད།། ས་ལ་སྦྱར་ནས་འཐེན་པ། གྱོན་པ་ས་ལ་འདྲུད་པ། ཐག་པ་ཞིག་འདྲུད་པ། ཐག་པས་ཤིང་འདྲུད་པ། |
| འདྲུབ |
ད་ལྟ་བ་ གོས་ཀྱི་མེ་ཏོག་འདྲུབ་མཁན་ཞེས་པ་ལྟ་བུ། |
| འདྲུབ་པ |
1. ཐ་མི་དད་པ འདྲུབས་པ། འདྲུབ་པ།། རྨ་ཁ་སོས་པ། རྨ་ཁ་མགྱོགས་པོ་འདྲུབ་ཡོང༌། སེམས་ཁྲལ་མ་བྱེད། 2. རྙིང འཚེམ་པ། |
| འདྲུབ་སྤྱད |
ཁབ། |
| འདྲུབས |
(བྱེད་མེད་ལས་ཚིག) རྨ་སོས་ནས་ཤ་གསར་སྐྱེས་པའི་དོན་ཏེ། སྨན་བསྐུས་ནས་རྨ་འདྲུབས་ཞེས་པ་ལྟ་བུ། |
| འདྲུབས་པ |
འདྲུབ་པའི་འདས་པ། |
| འདྲུམས |
རྙིང འཚེ་བའམ་ཐན་ཆེན་པོ། |
| འདྲུལ |
དྲུལ་གྱི་མ་འོངས་པ་དང་ད་ལྟ་བ། |
| འདྲུལ་བ |
རྙིང རུལ་བ། སྔོ་ཚལ་འདྲུལ་བ་ཟོས་ན་ཁོག་པ་ན། |
| འདྲེ |
མི་མ་ཡིན་གྱི་བྱེ་བྲག་ཅིག འདྲེ་ངན། འདྲེ་བཙན། འདྲེ་ཕོ། འདྲེ་མོ། རྒྱུ་ལྷ་འདྲ་བ་ལ་བདག་པོ་འདྲེ་འདྲ་བ། |
| འདྲེ |
1.(བྱེད་མེད་ལས་ཚིག་མ་འོངས་པ་དང་ད་ལྟ་བ)བྱ་དངོས་མི་གཅིག་པ་ལྷན་དུ་འདུ་བ་ ལུག་ཁྱུ་འདྲེ་རྒྱུ་རེད། ཆུ་དང་འོ་མ་འདྲེ་བཞིན་པ་ཞེས་པ་ལྟ་བུ། 2.གཞན་ལ་གནོད་བྱེད་པའི་སེམས་ཅན་ངན་པ་འདྲེའི་མིང་། ངན་པ་གཡོ་སྒྱུ་ཆེ་བ་དང་ལྐོག་ནས་གནོད་པ་བྱེད་པ་སོགས་ཀྱི་དཔེ་ ཉིན་དཀར་ལྷ་དང་མཚན་མོ་འདྲེ(ཕྱི་ངོས་ནས་བཟང་རྫུ་བྱེད་ཀྱང་ལྐོག་ནས་གཡོ་སྒྱུ་ཁྲམ་གསུམ་བྱེད་མཁན་མི་ངན)ཞེས་པ་ལྟ་བུ། |
| འདྲེ་གདོན |
མི་མ་ཡིན་གྱི་རིགས་ཤིག |
| འདྲེ་དཀར |
བོད་སྤྱི་ཚོགས་རྙིང་པར་ལོ་གསར་སོགས་དུས་ཆེན་གྱི་སྐབས་འབག་དཀར་པོ་རྒྱ་དང་ཨག་ཚོམ་ཅན་ཞིག་གྱོན་ནས་བཀྲ་ཤིས་པའི་བཤད་པ་རྒྱག་མཁན་གྱི་སློང་མོ་བ། |
| འདྲེ་དམག |
1 འདྲེ་སྒར། 2 སྒྲུང་རྒྱུད་ནས་བཤད་པའི་དམག་སྡེ་ཞིག |
| འདྲེ་བ |
1. ཐ་མི་དད་པ འདྲེས་པ། འདྲེ་བ།། རིགས་མི་མཐུན་པ་རྣམས་མཉམ་དུ་འདུ་བ། ངན་པ་ཁྱུ་འདྲེས། གསེར་དང་བྱེ་མ་མཉམ་དུ་འདྲེས་འདུག བཙག་དང་འདྲེས་ན་དམར། རམས་དང་འདྲེས་ན་སྔོ། ཆུ་དང་འོ་མ་གཉིས་གཅིག་ཏུ་འདྲེ་བ། རྒྱ་བོད་འདྲེ་བར་གནས་པ། 2. རྙིང འགྱེལ་ལོག་བྱེད་པ། |
| འདྲེ་མེ |
མཚན་མོ་ཐང་སྟོང་འགའ་ཞིག་ཏུ་མེ་འོད་འབར་ཚུལ་ཞིག་སྟེ་ལིན་རྡོ་རང་བཞིན་དུ་འབར་བའི་འོད་ཅིག |
| འདྲེ་མོ |
1 མོ་འདྲེ། 2 བུད་མེད་གདུག་རྩུབ་ཅན་ལ་སྨོད་པའི་ཚིག |
| འདྲེ་མོ་ཐལ་རྐོམ |
ཕ་བ་དགོ་དགོའི་མིང་གི་རྣམ་གྲངས་ཤིག |
| འདྲེ་མོ་རླུང་འཚུབ |
1 སྐོར་བཞིན་གྱེན་དུ་འཕྱུར་བའི་ཐལ་རླུང་འདྲེས་མ་ཞིག 2 གློ་བུར་སྤྱོད་རྩུབ་སྟོན་པའི་དཔེ་ཞིག |
| འདྲེ་ཚེར་མ |
ཤིང་སྨན་ཞིག་དེའི་འབྲས་བུ་སྒོར་སྒོར་རམ་འཇོང་འཇོང༌། མདོག་དམར། ལུས་གསོ་བར་ཕན། |
| འདྲེ་ཚོགས |
མི་མ་ཡིན་མང་པོ་འདུས་པའི་ཚོགས་པ། |
| འདྲེ་ཞུགས |
མི་སོགས་ཀྱི་ཁོག་ཏུ་མི་མ་ཡིན་ཞུགས་པ། ལྷ་ཁོག་འདྲེ་ཞུགས་དང༌། མི་ཁོག་ལྷ་ཞུགས། |
| འདྲེ་འཇིགས |
གུ་གུལ་གྱི་མིང་གི་རྣམ་གྲངས་ཤིག |
| འདྲེ་འདུལ |
འདྲེ་དམ་ལ་འདོགས་པ། |
| འདྲེ་འབག |
གདུག་འདྲེའི་གདོང་འབག |
| འདྲེ་འབྲས |
ལུས་ཀྱི་གནས་ངེས་མེད་དུ་སྐྲངས་པ་འབུར་པོ་འབྱུང་བའི་འབྲས་ནད་རིགས་ཤིག |
| འདྲེ་རྔ་ཆུང |
བྲེ་གའི་མིང་གི་རྣམ་གྲངས་ཤིག |
| འདྲེ་རྡོ |
རྡོའི་བྱེ་བྲག་ཅིག་སྟེ་གྲམ་རྡོའི་ནང་དུ་ཡོད་པའི་འགྱུར་རྡོ་ཞིག་ཡིན་ཞིང༌། སྐྱོམ་སྐྱོམ་བཏང་ན་སྒྲ་གྲག |
| འདྲེ་ལག |
འདྲེའི་ལག་པ། ལྷ་ལུང་དུ་འདྲེ་ལག་བརྐྱངས་པ། |
| འདྲེ་ལོག |
འགྱེལ་ལོག་གམ་འགྲེ་ལྡོག རྟ་དྲེལ་རྣམས་ས་ལ་འདྲེ་ལོག་རྒྱག་པར་དགའ་བ། |
| འདྲེ་ཤིག |
ཤིག་དྲི་མ་ཅན་ཞིག་སྟེ་ལུས་པོའི་ཁྲག་འཇིབ་པའི་འབུ་ཞིག |
| འདྲེ་སྐས |
ཤིང་གདུང་ཉག་ཁ་ཅན་གྱི་སྐས་འཛེག |
| འདྲེ་སྒར |
མཚན་མོ་ཐང་སྟོང་འགར་མེ་འོད་ཀྱི་ཚོམ་བུ་ལྷམ་ལྷམ་འབར་བའི་མཐོང་ཚུལ་ཞིག |
| འདྲེ་སྲིན |
གདུག་འདྲེ་མི་མ་ཡིན། |
| འདྲེག་པ |
འབྲེག་པའི་ད་ལྟ་བའི་འབྲི་ཚུལ་གཞན་ཞིག་ |
| འདྲེགས |
(བྱེད་མེད་ལས་ཚིག) མེ་དང་ཉི་མ་སོགས་ཀྱི་དྲོད་ཀྱིས་བསྐམས་ནས་ཚིག་པའི་ཚད་ལ་བསླེབས་པའི་དོན་ཏེ། ཐན་པས་རྩྭ་སྔོན་འདྲེགས། མེ་དྲོད་ཀྱིས་བག་ལེབ་འདྲེགས་ཞེས་པ་ལྟ་བུ། |
| འདྲེགས་དྲི |
དངོས་རྫས་དྲོད་ཀྱིས་ངར་ནས་ཚིག་པའི་དྲིའི་མིང་། |
| འདྲེགས་པ |
རྙིང མེས་ཚིག་འགྱུར་གྱི་གནས་སྐབས། ཐན་པས་རྩྭ་སྔོན་འདྲེགས་པ། |
| འདྲེད |
(བྱེད་མེད་ལས་ཚིག) སུན་པའི་དོན་ཏེ། ཞེ་འདྲེད་དུ་སོང་། ཁ་འདྲེད་དུ་འགྲོ་ལྟ་བུ། འགྲེད་པའི་དོན་ཏེ། རྐང་བ་འདྲེད་པ་ཞེས་པ་ལྟ་བུ། |
| འདྲེད་པ |
ཐ་མི་དད་པ རྡོག་སྟབས་འཆོར་བ། རྐང་པ་རྡོ་ཐོག་ཏུ་འདྲེད་པ། རྐང་འདྲེད་ཤོར་བ། |
| འདྲེད་བརྡབ་ཤོར་བ |
རྐང་པ་འདྲེད་དེ་འགྱེལ་བ། |
| འདྲེན |
1.དབྱུ་གུས་རུས་ཤིང་བྱས་པའི་སྟེང་ལ་སྐུད་པ་དཀྲིས་པའི་སྒྱུ་རྩལ་གྱི་དངོས་པོ་ཞིག་གི་མིང་ གདུགས་ཤིང་ལ་འདྲེན་བརྒྱབ་ལྟ་བུ། 2.(བྱེད་འབྲེལ་ལས་ཚིག་ད་ལྟ་བ) <ཀ>ཁྲིད་པ་ དམག་དཔུང་གཡུལ་ངོར་འདྲེན་པ། ལམ་ཁྲིད་པས་ལམ་སྣ་འདྲེན། ཞིང་ལ་ཆུ་འདྲེན་དགོས་ལྟ་བུ། |
| འདྲེན་ཁ་གཏོང་བ |
ཡུལ ཞིང་ཁའི་ཚར་མ་གཡུལ་ཁའི་ནང་ལ་འདྲེན་པ། |
| འདྲེན་ཆས |
ཕར་ཚུར་དངོས་པོ་འདྲེན་བྱེད་ཡོ་བྱད། |
| འདྲེན་ཐག |
འཐེན་བྱེད་ཀྱི་ཐག་པ། |
| འདྲེན་ཐང |
མངོན ཐབ་ཀ་བ། |
| འདྲེན་དམག |
དགྲ་དམག་མགོ་སྐོར་བཏང་ནས་ཚུར་འཁྲིད་ཡོང་བའི་རང་ཕྱོགས་ཀྱི་དམག |
| འདྲེན་པ |
1. ཐ་དད་པ དྲངས་པ། དྲང་བ། དྲོངས།། 1 འཐེན་པ། ཐག་པས་ཤིང་འདྲེན་པ། གྲུ་གཟིངས་ཀྱི་ཐོག་ནས་དངོས་ཟོག་འབོར་ཆེན་དྲངས་པ། གཙང་པོའི་ནང་ནས་སྐམ་སར་འདྲེན་པ། རྟ་མཆོག་གིས་ལེགས་པར་འདྲེན་པའི་གསེར་གྱི་ཤིང་རྟ་ལ་བཞུགས་ནས་ཕྱག་ཕེབས་སོ། 2 འཁྲིད་པ། ཆུ་ཡུར་བཟོས་ནས་ཞིང་ཆུ་འདྲེན་པ། འགྲོ་སའི་ལམ་སྣ་འདྲེན་པ། དཔུང་སྡེ་ཆེན་པོ་ཞིག་དྲངས་ཏེ་ཆུའི་ཕ་རོལ་ཏུ་ཕྱིན་པ། སྐུ་མགྲོན་སྤྱན་མ་དྲངས་པར་ཕེབས་པ། ལས་བྱེད་པའི་མགོ་འདྲེན་པ། དཔུང་སྡེའི་མགོ་དྲངས་པ། 3 བཟའ་བཏུང་སྟེར་བའམ་འབུལ་བ། གསོལ་ཇ་དྲངས་པ། བཞེས་ཐུག་འདྲེན་པ། 4 འགོད་པ། ལུང་ཚིག་མང་པོ་དྲངས་ཀྱང་དེའི་སྒྲུབ་བྱེད་དུ་མ་གྲུབ། 5 བགྲང་བའི་ད་ལྟ་བའི་འབྲི་ཚུལ་གཞན། 6 ཞེན་ཅིང་ཆགས་པ། གླུ་སྐད་སྙན་པོས་ཡིད་འདྲེན་པ། 2 1 སྟོན་པ་པོ། 2 སངས་རྒྱས་ཀྱི་མཚན་གྱི་རྣམ་གྲངས་ཤིག་སེམས་ཅན་རྣམས་འཁོར་བའི་གནས་ལས་བསྒྲལ་ཏེ་ཐར་པ་དང་ཐམས་ཅད་མཁྱེན་པའི་གནས་སུ་འདྲེན་པར་མཛད་པས་འདྲེན་པ་ཞེས་བྱའོ། 3.བསམ་བློ་དང་རིགས་པའི་གཞུང་ལུགས་ལག་ལེན་བཅས་ཀྱི་ཁ་ཕྱོགས་སྟོན་མཁན་གྱི་མིང་། ཚིག་བསྡུས་ན་འདྲེན་ཞེས་འབྲི་ཆོག་ འགོ་འདྲེན་ཞེས་པ་ལྟ་བུ། ཆོས་ལུགས་པས་ཆོས་ལུགས་སྲོལ་བཏོད་མཁན་ལ་འདྲེན་པ་ཟེར། |
| འདྲེན་པ་གཙོ་བོ |
མངོན སངས་རྒྱས། |
| འདྲེན་པ་མོ |
མངོན བཙུན་མོ། |
| འདྲེན་བྱེད |
མངོན 1 མིག 2 འཐེན་པར་བྱེད་པ་པོ། |
| འདྲེན་མ |
འདྲེས་མ། དཀར་ནག་འདྲེན་མ། བདེ་སྡུག་སྣ་ཚོགས་འདྲེན་མར་ཉམས་སུ་མྱོང་བ། མི་ཕྱུགས་འདྲེན་མར་གནས་པ། |
| འདྲེན་སྡུར |
1 གྲངས་བཤེར་ནས་སྡུར་བ། 2 འཐེན་ཤུགས་འགྲན་པ། |
| འདྲེནད |
རྙིང ཕྱིར་འགྱང༌། |
| འདྲེས |
འདས་པ་ ཆུ་དང་འོ་མ་འདྲེས་ནས་ངོ་བོ་དབྱེར་མེད་དུ་གྱུར་ལྟ་བུ། |
| འདྲེས་གནས |
རིགས་མི་འདྲ་བ་ཁྱུ་གཅིག་ཏུ་འཚོགས་པ། |
| འདྲེས་ནོན |
གཉིས་ཁུག་སྐབས་ལག་པ་སྙིང་ཁར་བཞག་པས། དབུགས་གཏོང་ལེན་དཀའ་སྣང་ཤར་བའི་རྨི་ལམ་ཞིག |
| འདྲེས་པ |
1. འདྲེ་བའི་འདས་པ། 2. འདྲ་མིན་སྣ་མང་གཅིག་ཏུ་འདུས་པ། ངན་པ་ཁྱུ་འདྲེས། འདྲེས་པའི་དྲི་མ། འདོད་ལུགས་ཕན་ཚུན་འདྲེས་པ་མེད་པ། |
| འདྲེས་པའི་མ་རིག་པ |
ལྟ་བ་ཉོན་མོངས་ཅན་དང་འདྲེས་པའི་རྨོངས་པ། |
| འདྲེས་པའི་ཚལ |
1 མེ་ཏོག་དང༌། ཤིང་རིགས་སྣ་ཚོགས་ཡོད་པའི་དགའ་ཚལ། 2 གྲོང་ཁྱེར་ལྟ་ན་སྡུག་པའི་ནུབ་ཕྱོགས་སུ། ལྷའི་བུ་དང་བུ་མོ་འདྲེས་ནས་འདོད་ཡོན་ལ་སྤྱོད་པའི་ཚལ། |
| འདྲེས་བརླམས |
འདྲེ་ཁོག་ཏུ་ཞུགས་པ། |
| འདྲེས་བསྣོས |
རྫས་མི་འདྲ་བ་མཉམ་དུ་བསྲེས་ནས་བརྫིས་པ། |
| འདྲེས་མ |
1 སྤེལ་མ། རྟ་དང་བོང་བུ་འདྲེས་མར་འཚོ་བ། དཀར་ནག་འདྲེས་མ། 2 སྣ་ཚོགས་བསྲེས་ནས་ཡོད་པའི་དངོས་རིགས། གྲོ་ནས་འདྲེས་མ། |
| འདྲེས་མཚམས |
ཕན་ཚུན་འདྲེས་པའི་མཚམས། |
| འདྲེས་ཚལ |
འདྲེས་པའི་ཚལ་གྱི་བསྡུས་མིང༌། |
| འདྲེས་འཁྱེར |
གདུག་འདྲེས་བརླམས་པའམ་འཁྲིད་པ། |
| འདྲེས་རྙོག |
འདྲེས་ཤིང་རྙོག་པ་དང༌། འདྲེས་ཏེ་འཛིངས་པ། སྡེ་ཚན་འདྲེས་རྙོག་མེད་པ། མི་ནོར་འདྲེས་རྙོག་གིས་གནས་པ། |
| འདྲོག |
1.འཕྲལ་དང༌། དེ་མ་ཐག ལྟོ་ཆས་ཟོས་འདྲོག་རེད། ཁོ་ད་ལྟ་ཕྱིན་འདྲོག་རེད།….2.(བྱེད་མེད་ལས་ཚིག་མ་འོངས་པ་དང་ད་ལྟ་བ)རྟ་དྲེལ་སོགས་སྐྲག་ནས་རྒྱུག་མཆོང་བྱེད་པ་ རྟ་འདྲོག་ལ་ཁད། འདྲོག་གིན་འདུག་ལྟ་བུ། |
| འདྲོག་ཉམས་ཅན |
འདྲོག་འགོ་ལང་སླ་བ། |
| འདྲོག་པ |
ཐ་མི་དད་པ འདྲོགས་པ། འདྲོག་པ།། དོགས་པས་ཞེད་ནས་འཛུར་བ། རྟ་འདྲོགས་ནས་སྒ་བཅག་སོང༌། དོན་མེད་དོགས་འདྲོག་བྱེད་མི་དགོས། རི་བོང་ཅལ་འདྲོགས། |
| འདྲོག་འགོ |
རྟ་སོགས་ལ་གློ་བུར་བྱུང་བའི་འཇིགས་སྣང༌། |
| འདྲོག་འགོ་ཅན |
འདྲོག་འགོ་ལང་སླ་པོ། |
| འདྲོག་འགོ་ལངས་པ |
རྟ་སོགས་ལ་གློ་བུར་འཇིགས་སྣང་བྱུང་ནས་འཕག་པ། མཐུར་འགོ་གཡོག་མཁན་མེད་པར་འདྲོག་འགོ་ལངས་ནས་གང་ཡོང༌། |
| འདྲོག་འདྲོག་པ |
1 འདྲོག་བཞིན་པ། 2 ཡང་ཡང་འདྲོག་པ། རྟ་འདྲོག་འདྲོག་པའི་ཐོག་ལ་མི་ཞོན་ཐབས་མེད། |
| འདྲོག་སྐད |
རྟ་སོགས་འདྲོག་སྐབས་ཀྱི་སྐད། |
| འདྲོག་སློང |
རྟ་སོགས་ལྷོད་པོར་གནས་སྐབས་ཆེད་དུ་འདྲོག་ཏུ་འཇུག་པ། |
| འདྲོགས |
འདས་པ་ རྟ་འདྲོགས་ནས་བརྒྱུགས་ལྟ་བུ། |
| འདྲོགས་པ |
འདྲོག་པའི་འདས་པ། |
| འདྲོགས་འཕུར |
བྱ་སོགས་སྐྲག་ནས་འཕུར་བ། མེ་མདའ་བརྒྱབ་སྟེ་བྱ་རྣམས་འདྲོགས་འཕུར་དུ་བྲོས་སོང༌། |
| འདྲོགས་རྒྱུག |
རྟ་སོགས་འདྲོགས་ཏེ་རྒྱུག་པ། རྟ་འདྲོགས་རྒྱུག་བྱས་ཏེ་མི་སར་གཡུགས་སོང༌། |
| འདྲོང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཕྱི་ལ་འབྱིན་པའི་དོན་ཏེ། རྨ་ལས་ཁྲག་རྣག་ཕྱི་ལ་འདྲོང་དགོས་ལྟ་བུ། འདས་པ་དང་སྐུལ་ཚིག་ལ་འདྲོངས་འབྲི། |
| འདྲོང་པོ |
དྲང་པོ་སྟེ་འཁྱོག་མེད་པ། གཟུགས་པོ་འདྲོང་པོ། སེམས་རྒྱུད་འདྲོང་པོ། ལམ་འདི་མདའ་ལྟར་འདྲོང་པོ་འདུག |
| འདྲོང་བ |
ཐ་མི་དད་པ འདྲོངས་པ། འདྲོང་བ།། རྙེད་པ་དང༌། འབྱོར་བའམ་སླེབས་པ། ཚོང་ཟོག་རྣམས་ས་འདིར་རིམ་གྱིས་འདྲོངས་སོང༌། སྐུ་མགྲོན་རྣམས་གདན་དྲངས་ཀྱང་འདྲོངས་མ་སོང༌། གནས་ཚུལ་ཞིབ་གསལ་བསྲིངས་འབྱོར་ཡིད་ལ་འདྲོངས། རྒྱལ་ཁ་འཐོབ་རྒྱུར་ངེས་པ་འདྲོངས་པ། |
| འདྲོངས |
འདྲོང་ལ་ལྟོས། |
| འདྲོངས་པ |
འདྲོང་བའི་འདས་པ། |
| འདྲོད |
འདྲད་པའི་སྐུལ་ཚིག་ |
| འདྲོབ |
འདྲོབ་སྐྱོང་སྟེ་སྔོན་གྱི་དྲང་སྲོང་ཞིག་གི་མིང་དུ་བཤད། |
| འདྲོབས |
དྲང་བོའི་བརྡ་རྙིང་དུ་བཤད། |
| འན་ནེ་འོན་ནེ |
རྣ་བ་གསང་པོ་མེད་པའམ་བསྐུལ་བ་ལ་དང་དུ་མི་ལེན་པའི་ཚུལ། འན་ནེ་འོན་ནེའི་མི་ལ་ལས་ཀ་བསྐུལ་བ་དཀའ། |
| འན་བུ |
ང་ཚོ་ཞེས་པའི་ཡུལ་སྐད་དམ་བརྡ་རྙིང་། |
| འན་འོན |
འན་ནེ་འོན་ནེའི་བསྡུས་ཚིག་ |
| འཕག |
(བྱེད་མེད་ལས་ཚིག) སྲོག་ཆགས་གཡོ་འགུལ་བྱས་པ་ ར་མ་འཕག་ནས་ར་ཁང་བཤིག མི་ཐུབ་དགྲ་བོ་འཆི་ཁར་འཕག་ར་བྱེད། འཕག་འཚག་རྒྱག་ལྟ་བུ། འཕགས་ལ་ལྟོས། 2.མ་འོངས་པ་དང་ད་ལྟ་བ་ དབུགས་ལྒང་ནམ་མཁར་འཕག་ལ་ལྟོས་ལྟ་བུ། གཞན་ལས་ལྷག་པའི་དོན་ཏེ། ཐམས་ཅད་ལས་ཁྱད་པར་དུ་འཕགས་པ། ཉི་མའི་འོད་ནི་འོད་ཐམས་ཅད་ལས་ཁྱད་པར་དུ་འཕགས་ལྟ་བུ། |
| འཕག་ཆེན |
ཡུལ ས་ནས་ཡར་འཕག་བཞིན་སྐོར་བ་རྒྱག་པའི་འཁྲབ་སྟངས་ཤིག |
| འཕག་པ |
ཐ་དད་པ འཕགས་པ། འཕག་པ། འཕོགས།། གོང་དུ་འཕར་བའམ་གྱེན་དུ་ལྡེག་པ། ལུས་གྱེན་དུ་འཕགས་ནས་ཆུའི་ཕ་གིར་མཆོངས་པ། བྱིའུ་འཕག་བཞིན་དུ་འཕུར་བ། ར་མ་འཕགས་ནས་ར་ཁང་མི་ཤིགས། ཙི་གུ་རྒྱུགས་ནས་བྱང་ལམ་མི་ཆོད། |
| འཕག་ཙམ་འཕག་ཙམ |
ལུས་ས་ལས་ཅུང་ཟད་འཕག་པར་བྱེད་ཚུལ་ཞིག གཡུལ་ཁའི་ནང་དུ་བྱིའུས་འཕག་ཙམ་འཕག་ཙམ་བྱས་ནས་འབྲུ་རྡོག་བསྒྲུགས་ཏེ་ཟ་བ། |
| འཕག་འཕག |
1 ལུས་འཕར་ཚུལ། འཕག་འཕག་བྱས་ནས་རྩེད་མོ་རྩེ་སར་ཕྱིན་པ། 2 ཆུ་འཁོལ་ཆེ་བའི་སྒྲ། |
| འཕག་འཚག |
ཡུལ འགུལ་ལྡེག་གམ་རྐང་འཁྲབ་ལག་འཁྲབ། རྟ་གསར་ལ་ཐོག་མར་ཞོན་དུས་འཕག་འཚག་རྒྱག་པ། གཟིག་ཚང་སྒོ་འགྲམ་ལ་གླ་བས་འཕག་འཚག་བརྒྱབ། |
| འཕགས |
(བྱེད་མེད་ལས་ཚིག་འདས་པ) སྟེང་ཕྱོགས་སུ་ཇེ་མཐོར་སོང་བ་ ཤར་མཐའ་ནས་ཉི་མ་ཡར་འཕགས། ཡར་འཕགས་མར་འབབ་ཅེས་པ་ལྟ་བུ། |
| འཕགས་ནོར |
འཕགས་པ་རྣམས་ཀྱི་ཕུགས་ནོར། |
| འཕགས་པ |
1.ཐ་མི་དད་པ འཕག་པའི་འདས་པ། 2.ཕུལ་དུ་བྱུང་བ། ལམ་ལུགས་ཁྱད་དུ་འཕགས་པ། སྟོབས་ཤུགས་བླ་ན་འཕགས་པ། 3 1 ཐེག་དམན་གྱི་མཐོང་ལམ་ཐོབ་པ་དང་ཐེག་ཆེན་གྱི་ས་དང་པོ་ཐོབ་པ་ཡན་ཆད། 2 བོད་ཀྱི་ཆོས་ལུགས་པས་སངས་རྒྱས་དང༌། ཆོས་དང༌། དགེ་འདུན་སོགས་ཀྱི་མཚན་གྱི་སྔ་ཕྱི་ལ་སྦྱོར་བའི་ཞེ་ས། སངས་འཕགས། བྱང་འཕགས། ཉན་ཐོས་འཕགས་པ། རང་རྒྱལ་འཕགས་པ། 3 རྗེ་བོ། 1.རྙིང འཇུག་པའམ་འགྲོ་བ། 4.མི་གཤིས་ཁྱད་པར་དུ་འཕགས་ཤིང་ཤེས་རབ་མཆོག་ཏུ་གྱུར་པའི། སངས་རྒྱས་ཆོས་ལུགས་ཀྱིས་གང་ཟག་ལ་འཕགས་པ་དང་སོ་སྐྱེ་གཉིས་སུ་ཕྱེ་བའི་འཕགས་པའི་མིང |
| འཕགས་པ་བློ་གྲོས་རྒྱལ་མཚན |
ས་སྐྱ་གོང་མ་རྣམ་ལྔའི་ཡ་གྱལ་ཞིག་རབ་བྱུང་བཞི་པའི་ཤིང་ལུག་ལོ་གཙང་གི་ས་སྐྱར་འཁྲུངས། ཆུ་གླང་ལོ་ས་པཎ་སྐབས་དེའི་ཧོར་ཡུལ་ཤིས་ལང་དུ་བསྐྱོད་པའི་ཞབས་ཕྱིར་བྱོན་པས་སེ་ཆེན་གོ་བེ་ལ་དང་མཆོད་ཡོན་དུ་འབྲེལ། ལྕགས་སྤྲེལ་ལོ་སེ་ཆེན་རྒྱལ་སར་ཐོན་པའི་དབུ་བླར་གྱུར་ནས་ཧོར་ཡིག་གསར་པའི་སྲོལ་གཏོད་རྒྱུ་ཁས་བླངས། ཤིང་བྱི་ལོ་བོད་ཀྱི་ཆོས་སྲིད་སྤྱི་ཁྱབ་ཀྱི་འགན་ཁུར་བླངས་ཤིང༌། ཤིང་གླང་ལོ་བོད་དུ་ལོག་སྙན་སྒྲོན་ཞུས་པ་ལྟར་ཤཱཀྱ་བཟང་པོར་དབུས་གཙང་མངའ་རིས་སྐོར་གསུམ་གྱི་ཁྲིམས་ཀྱི་བྱེད་པོ་སོ་ཝའི་སིའི་ཤེལ་ཐམ་གནང་སྟེ་གོང་མའི་ལུང་གིས་བོད་ཀྱི་དཔོན་ཆེན་བསྐོ་བའི་ལམ་སྲོལ་དེ་ནས་བཏོད། མེ་ཡོས་ལོ་ཡང་བསྐྱར་པེ་ཅིན་དུ་བཅར། ས་སྦྲུལ་ལོ་ཧོར་ཡིག་གསར་པ་གཏན་ཕབ་ཀྱིས་ཕུལ་ཏེ་གོང་ནས་རྒྱལ་ཡོངས་སུ་ཁྱབ་བསྒྲགས་བྱས་ཤིང༌། ཕྱིན་ཆད་གཞུང་ཡིག་ཡོད་དོ་ཅོག་ཧོར་ཡིག་གསར་པ་འདི་དང་ཡུལ་ཁམས་སོ་སོ་རང་གི་ཡི་གེ་ཉིས་སྦྲགས་ཀྱིས་འགྲེམས་དགོས་པའི་བཀའ་ལུང་ཕབ། ལྕགས་རྟ་ལོ་རྒྱལ་པོ་ལ་གསང་སྔས་ཀྱི་དབང་ཆེན་ལན་གསུམ་ཕུལ་བ་སོགས་ཀྱི་གཏང་རག་གི་ཡོན་དུ་བནྡེ་ཤེད་སྐྱེད་མ་ཞེས་པའི་འཇའ་ས་དང་གྱང་ཊིའི་ཐམ་གའི་ཁ་ཡིག་ཏུ་གནམ་གྱི་འོག་སའི་སྟེང་ན་རྒྱ་གར་ལྷའི་སྲས་པོ་སྤྲུལ་པའི་སངས་རྒྱས་ཡི་གེ་རྩོམ་མི་རྒྱལ་ཁམས་འཇགས་སུ་འཇུག་པ་པོ་གནས་ལྔ་རིག་པའི་པཎྜི་ཏ་འཕགས་པ་ཏེ་ཤྲི་ཞེས་གསལ་བ་ཞིག་དང༌། བོད་ཁྲི་སྐོར་བཅུ་གསུམ་སོགས་ཕུལ། རབ་བྱུང་ལྔ་པའི་མེ་བྱི་ལོར་བོད་དུ་ཕྱིར་ཕེབས་ནས་ས་སྐྱའི་ཆོས་རྒྱལ་མཛད། དཔོན་ཆེན་ཤཱཀྱ་བཟང་པོས་བོད་ཀྱི་ཁྲིམས་ཀྱི་བྱེད་པོ་བྱས་པས་བོད་དུ་ས་སྐྱ་བས་ཆོས་སྲིད་ཟུང་འབྲེལ་གྱི་སྲོལ་བཏོད། དུས་སྐབས་དེ་དག་ནས་བཟུང་བོད་ལྗོངས་མེས་རྒྱལ་དང་ཁ་བྲལ་དུ་མི་རུང་བའི་མངའ་ཁོངས་གྲས་ལ་དངོས་སུ་གྱུར། རང་ལོ་ཞེ་དྲུག་པ་ལྕགས་འབྲུག་ལ་གཤེགས། 12351280 1253 1260 1264 1265 1269 1270 1276 |
| འཕགས་པ་མཆེད་བཞི |
དུས་རབས་བདུན་པའི་སྐབས་སུ་བལ་ཡུལ་ལྷོ་མཚམས་སུ་སྐྱེས་པའི་ཙན་དན་ཤིང་སྡོང་གཅིག་དུམ་བུ་བཞིར་བཅད་པ་ལས་བཟོས་པའི་འཕགས་པ་སྤྱན་རས་གཟིགས་ཀྱི་སྐུ་ཝ་ཏེ་དང༌། དབུ་ཁང༌། འཇའ་མ་ལི། ལོ་ཀེཤྭརཿ སྟེ་བཞི་ལས་ཝ་ཏི་ཞེས་པ་དེ་བོད་ལྗོངས་སྐྱིད་གྲོང་རྫོང་གི་དགོན་པར་ཡོད་ཅིང༌། ལོ་ཀེཤྭརཿ དེ་ལྷ་སའི་རྩེ་ཕོ་བྲང་དུ་ཡོད། དེ་མིན་གཞན་གཉིས་ནི་བལ་ཡུལ་དུ་ཡོད། |
| འཕགས་པ་འཇའ་མ |
སྔར་བལ་ཡུལ་དུ་ཙན་དན་སྡོང་པོ་ལས་རང་བཞིན་གྱིས་བྱུང་བའི་ཐུགས་རྗེ་ཆེན་པོའི་སྐུ་མཆེད་ལྔའི་ནང་གསེས་འཇའ་ཚོན་མ། |
| འཕགས་པ་རྣམ་གྲོལ་སྡེ |
དུས་རབས་ལྔ་པ་ཙམ་ལ་རྒྱ་གར་དབུས་སུ་འཁྲུངས་ཤིང༌། རབ་ཏུ་བྱུང་ནས། དབྱིག་གཉེན་དང༌། དགེ་འདུན་སྐྱབས་བཤེས་གཉེན་དུ་བསྟེན་ནས་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་རྩ་ལྔ་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པ་མཛད་པ་པོ་ཡིན། |
| འཕགས་པ་ལི་དཀར་པོ |
ཙན་དན་སྦྲུལ་སྙིང་གི་ཁོག་པ་ལས་བྱུང་བའི་རང་བྱུང་གི་སྤྱན་རས་གཟིགས་ལི་དཀར་ལས་གྲུབ་པ་ཞིག་ཕྱིས་སུ་ལྷ་སའི་གཙུག་ལག་ཁང་གི་རྟེན་གཙོ་ཐུགས་རྗེ་ཆེན་པོའི་ཐུགས་ཀར་བཞུགས་པར་གྲགས། |
| འཕགས་པ་ལྷ |
ཨཱརྻདེཝ སློབ་དཔོན་ཀླུ་སྒྲུབ་ཀྱི་སློབ་མ་མཚན་སྙན་པར་གྲགས་པའི་རྒྱ་གར་གྱི་སློབ་དཔོན་ཞིག་འདིས་དབུ་མ་བཞི་བརྒྱ་པ་སོགས་མཛད་དེ་ཀླུ་སྒྲུབ་ཀྱི་དགོངས་པ་རྒྱ་ཆེར་བཀྲལ། |
| འཕགས་པའི་ཆོས |
1 འཕགས་ལམ། 2 འཕགས་པའི་གང་ཟག་གིས་གསུངས་པའི་ཆོས། |
| འཕགས་པའི་དགེ་འདུན |
བདེན་པ་མཐོང་བའི་གང་ཟག |
| འཕགས་པའི་ནོར་བདུན |
དད་པ་དང༌། ཚུལ་ཁྲིམས། ཐོས་པ། གཏོང་བ། ངོ་ཚ་ཤེས་པ། ཁྲེལ་ཡོད་པ། ཤེས་རབ་སྟེ་བདུན། |
| འཕགས་པའི་བདེན་པ |
བདེན་པ་བཞི་འཕགས་པས་གཟིགས་པ་ལྟར་གནས་ལ། བྱིས་པ་ཕལ་པས་མཐོང་བ་ལྟར་མི་བདེན་པས་ན་འཕགས་པའི་བདེན་པ་ཟེར། |
| འཕགས་པའི་མགྲོན |
གཏོར་མ་གཏོང་སྐབས་ཀྱི་མགྲོན་འཇིག་རྟེན་ལས་འདས་པ་རྣམས། |
| འཕགས་པའི་ཡུལ་གནས |
མངོན རྒྱ་གར། |
| འཕགས་པའི་ཡེ་ཤེས |
འཕགས་པའི་ཐུགས་རྒྱུད་ཀྱི་མཁྱེན་པ། |
| འཕགས་པའི་ས |
སོ་སྐྱེའི་ས་ལས་རིང་དུ་འཕགས་པའི་ལམ་གྱི་ཡོན་ཏན་ཐམས་ཅད་ཀྱི་གཞི་རྟེན་དུ་གྱུར་པའི་ས་མཐོང་སྒོམ་མི་སློབ་ལམ་གྱིས་བསྡུས་པའི་ས་རྣམས་སོ། |
| འཕགས་པའི་ས་ཐོབ |
བྱང་ཆུབ་སེམས་དཔའི་ས་དང་པོ་ནས་བཅུ་པའི་བར་གྱི་གོ་འཕང་ཐོབ་པ་རྣམས། |
| འཕགས་མ |
འཕགས་ལམ་ཐོབ་པའི་སེམས་མ། |
| འཕགས་མ་སྒྲོལ་མ |
རྗེ་བཙུན་སྒྲོལ་མ། |
| འཕགས་མཆོག |
སངས་རྒྱས་དང་བྱང་སེམས་སོགས་སྐྱེ་བོ་ཁྱད་པར་ཅན་རྣམས། |
| འཕགས་ཡུལ |
རྒྱ་གར་གྱི་མིང་རྙིང་པ། |
| འཕགས་ཡུལ་ལྟེ་བ |
མངོན རྒྱ་གར་རྡོ་རྗེ་གདན། |
| འཕགས་རིགས |
སེམས་གཙང་ལ་འདོད་པ་ཆུང་བ་ཟས་གོས་གནས་མལ་སོགས་ངན་ངོན་ཙམ་གྱིས་ཆོག་ཤེས་པ། སྤོང་བ་དང་སྒོམ་པ་ལ་དགའ་བ། མིང་གི་རྣམ་གྲངས་ལ་སྐྱེས་བུ་དམ་པ་དང༌། ཁྲིམས་གནས། དགེ་སློང༌། མཆོག་ནགས་ན་གནས། ཚངས་པར་སྤྱོད། རིགས་ཆེན། རིགས་བཟང༌། ལེགས་ལྡན་བཅས་སོ། |
| འཕགས་རིགས་བཞི |
འཕགས་པའི་རིགས་ལ་མངའ་བའི་ཡོན་ཏན་གྱི་ཁྱད་པར་བཞི་ཆོས་གོས་ངན་ངོན་ཙམ་གྱིས་ཆོག་ཤེས་པ་དང༌། གནས་མལ་ངན་ངོན་ཙམ་གྱིས་ཆོག་ཤེས་པ། བསོད་སྙོམས་ངན་ངོན་ཙམ་གྱིས་ཆོག་ཤེས་པ། སྤོང་བ་དང་སྒོམ་པ་ལ་དགའ་བ་བཅས་བཞིའོ། |
| འཕགས་རྒྱལ |
སྔར་རྒྱ་གར་གྱི་ཡུལ་ཞིག |
| འཕགས་ལམ |
ཐེག་པ་གསུམ་གྱི་མཐོང་སྒོམ་མི་སློབ་པའི་ལམ་རྣམས་སོ། |
| འཕགས་ལམ་ཡན་ལག་བརྒྱད |
ཡང་དག་པའི་ལྟ་བ་དང༌། ཡང་དག་པའི་རྟོག་པ། ཡང་དག་པའི་ངག་ཡང་དག་པའི་ལས་ཀྱི་མཐའ། ཡང་དག་པའི་འཚོ་བ། ཡང་དག་པའི་རྩོལ་བ། ཡང་དག་པའི་དྲན་པ། ཡང་དག་པའི་ཏིང་ངེ་འཛིན་བཅས་བརྒྱད་དེ་བྱང་ཕྱོགས་སོ་བདུན་གྱི་ནང་གསེས་སྡེ་ཚན་ཞིག |
| འཕགས་ལུགས |
འཕགས་པ་ཀླུ་སྒྲུབ་ནས་བརྒྱུད་པའི་གསང་བ་འདུས་པ། |
| འཕགས་སྐད |
རྒྱ་གར་འཕགས་ཡུལ་གྱི་སྐད། |
| འཕགས་སྐྱེས་པོ |
རི་རབ་ཀྱི་ལྷོ་ཕྱོགས་སྐྱོང་བའི་རྒྱལ་ཆེན་ཏེ་རྒྱལ་ཆེན་རིགས་བཞིའི་ཡ་གྱལ་ཞིག |
| འཕང |
1 སྲིད་དམ་དཔངས། གོ་འཕང༌། ཁྲི་འཕང༌། ནམ་མཁའི་འཕང༌། ལས་ཁྲི་འཕང་མཐོན་པོ། དབུ་འཕང་མཐོན་པོ། འཕང་དུ་དཔག་ཚད་དུ་ཙམ། 2 སྐུད་པ་འཁེལ་བྱེད་ལག་ཆ་ཞིག |
| འཕང |
ཕོངས1ཀྱི་མ་འོངས་པ། ཕང་གི་འབྲི་ཚུལ་གཞན། |
| འཕང་གདན |
འཕང་སྒྲིམ་སའི་གདན་སྣོད། |
| འཕང་ཐང |
བོད་རང་སྐྱོང་ལྗོངས་སྣེ་གདོང་རྫོང་ཁོངས་ཕོ་བྲང་ཆུས་ཀྱི་མིང་རྙིང་སྔར་བོད་རྗེ་ཁྲི་ལྡེ་གཙུག་བརྟན་ནམ། མེས་ཨག་ཚོམ་ཅན་གྱི་བཞུགས་ཡུལ་དང༌། དེའི་བཙུན་མོ་རྒྱ་བཟའ་ཀོང་ཇོ་ཕྱི་མའི་སྲས་ཁྲི་སྲོང་ལྡེ་བཙན་གྱི་འཁྲུངས་ས་ཡིན། |
| འཕང་ཐང་ཕོ་བྲང |
སྔར་བོད་རྒྱལ་ཁྲི་ལྡེ་གཙུག་བརྟན་གྱིས་བཞེངས་པའི་ཕོ་བྲང་ཞིག |
| འཕང་ཐང་མ |
1 ཕོ་བྲང་འཕང་ཐང་མ། 2 བོད་རྗེ་སད་ན་ལེགས་མཇིང་ཡོན་ཏེ་ཁྲི་ལྡེ་སྲོང་བཙན་སྐབས་གསར་དུ་བསྒྲིགས་པའི་དཀར་ཆག་འཕང་ཐང་མ། |
| འཕང་དམའ་བ |
མཐོན་པོ་མིན་པ། |
| འཕང་བ |
འཕེན་པའི་མ་འོངས་པ། |
| འཕང་བུ |
ཕང་མདའ། |
| འཕང་མ |
1 སྐུད་པ་འཁལ་བྱེད་ཡོག་ཤིང༌། 2 ཤིང་སྨན་གྱི་རིགས་ཤིག་འབྲས་བུ་རོ་མངར། ནུས་པ་སྙོམས། སྙིང་ལ་ཚ་བ་ཞུགས་པ་དང༌། མོ་ནད་ལ་ཕན། |
| འཕང་མགོ |
འཕང་གི་རྩེ་ལག་པས་འཇུ་ས། |
| འཕང་མཐོ་བ |
དཔངས་མཐོན་པོ། |
| འཕང་མདའ |
བལ་འཁེལ་བྱེད་འཕང་གི་སྲོག་ཤིང༌། |
| འཕང་མདུང |
ཡུ་བ་ལ་ཐག་པ་བཏགས་ཡོད་པའི་མདུང་ཞིག་གི་མིང་། ０མཐོ་ཚད་ཀྱི་མིང་ མགོ་འཕང་མཐོ། རྟ་མདོ་བའི་མགོ་འཕང་རབ་ཏུ་མཐོ་ལྟ་བུ། |
| འཕང་འཁེལ |
འཕང་གིས་བལ་སྐུད་འཁལ་བ། འབྲོག་ཁུལ་གྱི་ངལ་རྩོལ་བུད་མེད་ཚང་མ་འཕང་འཁེལ་གྱི་ལས་ཀར་མཁས་པོ་ཡོད། |
| འཕང་འགྲོ |
རྙིང པི་ཝང༌། |
| འཕང་ལོ |
1 ཤིང་རྟ་སོགས་ཀྱི་འཁོར་ལོ། 2 པུས་མོའི་ལྷ་ང། 3 བལ་འཁལ་བྱེད་ཀྱི་འཕང་ལོ། |
| འཕང་ཤིང |
འཕང་མདའ་དང་དོན་གཅིག་ |
| འཕང་སྒྲིམ |
ཡུལ འཕང་སྒྲིམ་སའི་གདན་སྣོད། |
| འཕང་སྨད་པ |
དཔངས་དམའ་རུ་བཏང་བ། |
| འཕངས |
ཕོངས་ཀྱི་འདས་པ། ཕངས་ཀྱི་འབྲི་ཚུལ་གཞན། |
| འཕངས་པ |
1.འཕེན་པའི་འདས་པ། 2.ཕངས་པ་དང་འདྲ། |
| འཕངས་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ནང་གི་མིང་གཟུགས་དང༌། སྐྱེ་མཆེད་དྲུག་རེག་པ། ཚོར་བ་བཅས་བཞི་པོ་འཕང་བའི་ཡན་ལག་ཏུ་བསྡུས་པ། |
| འཕངས་པའི་ཡན་ལག་བཞི |
རྟེན་འབྲེལ་ཡན་ལག་བཅུ་གཉིས་ཀྱི་ནང་ཚན། མིང་གཟུགས་ཀྱི་ཡན་ལག་དང༌། སྐྱེ་མཆེད་ཀྱི་ཡན་ལག་དང༌། རིག་པའི་ཡན་ལག་དང༌། ཚོར་བའི་ཡན་ལག་བཅས་ནི་མ་རིག་པས་ཀུན་ནས་བསླངས། འདུ་བྱེད་ཀྱིས་ལས་བསགས། རྣམ་ཤེས་ལ་བག་ཆགས་བགོས་ནས་འཕངས་པའི་འབྲས་བུ་ཡིན་ཕྱིར་འཕངས་པའི་ཡན་ལག་བཞིའོ། |
| འཕན |
ཞེང་དོག་ཅིང་སྲིད་རིང་བའི་དར་ཆ་རིགས་ཤིག་གི་མིང་ ཀ་འཕན་ཞེས་པ་ལྟ་བུ། སྐྱོན་གྱི་བརྡ་རྙིང་ སྐྱོན་མེད་པ་ལ་འཕན་པ་མེད་ཟེར་བ་ལྟ་བུ། |
| འཕན་ཁར་བཞག་པ |
རྙིང ལོགས་སུ་བཞག་པ། |
| འཕན་གདུགས |
ཀ་བའི་རྒྱན་འཕན་དང༌། སྟེང་ནས་འབུབས་པའི་གདུགས། |
| འཕན་པ |
རྙིང ཆག་པ་དང༌། སྐྱོན་ཞུགས་པ། ཉམས་པ། |
| འཕན་པོ |
1 ཕྱུག་པོ། 2 ས་མིང་ཞིག་བོད་རང་སྐྱོང་ལྗོངས་ཀྱི་ལྷ་ས་གྲོང་ཁྱེར་གྱི་བྱང་ངོས་འཕན་ཡུལ་ངན་ཆུའི་ཆུ་རྒྱུད་ཀྱི་ཡུལ་མིང༌། |
| འཕན་པོ་སྒོ་ལ |
བོད་རང་སྐྱོང་ལྗོངས་ཀྱི་ལྷ་ས་དང་འཕན་པོའི་བར་དུ་ཡོད་པའི་ལ་ཞིག་ཡིན་ཞིང་དེའི་མཐོ་ཚད་རྒྱ་མཚོའི་ངོས་ནས་སྨི་5171 ཡོད། 5171 |
| འཕན་མགོ |
དར་འཕན་གྱི་ཡར་སྣེའི་མགོ་རྒྱན། |
| འཕན་ཟེལ |
གས་པ་དང༌། ཆག་པ་དང༌། ཉམས་པ་སོགས་ཀྱི་སྐྱོན་ཆ། འཕན་ཟེལ་རིན་ཆེན་ལ་བལྟ་ཡི། མགལ་དུམ་ལ་ནི་སུ་ཞིག་དཔྱོད། |
| འཕན་ཡུལ |
ས་མིང་འཕན་པོ་དང་དོན་གཅིག་ |
| འཕན་རྩེ་གསུམ་པ |
དར་ལྕེ་གསུམ་ཡོད་པའི་བ་དན། |
| འཕན་ལག |
མཆོད་རྫས་འཕན་གྱི་ལྕེ། |
| འཕམ |
མ་འོངས་པ་དང་ད་ལྟ་བ་ དགྲ་བོ་འཕམ་པར་འགྱུར་ལྟ་བུ། སེམས་ཀྱི་ཡིད་ཆེས་དང་ངར་ཤུགས་སོགས་ཇེ་ཞན་དུ་སོང་བའམ་ཉམས་པའི་དོན་ཏེ། དཀའ་ངལ་ཆེ་ཡང་སེམས་མ་ཕམ། སེམས་མི་འཕམ། ཞེ་མ་ཕམ་ཞེས་པ་ལྟ་བུ། |
| འཕམ་པ |
ཐ་མི་དད་པ ཕམ་པ། འཕམ་པ།། ཕ་རོལ་གྱི་དོ་ཟླ་མ་ལོན་པར་ཞུམ་པ། དམག་འཕམ་པ། ཁ་མཆུ་ཕམ་པ། རྩོད་པ་ཕམ་པ། ཡིད་ཕམ་པ། སེམས་ཕམ་པ་ལ་ཚད་མེད་པ་བུ་གཅིག་པུ་ཤི་བའི་མ་ལྟ་བུ་བྱུང༌། རྡོ་མར་ལ་བརྒྱབ་ཀྱང་མར་ཕམ། མར་རྡོ་ལ་བརྒྱབ་ཀྱང་མར་ཕམ། |
| འཕམ་རྒྱལ |
འཕམ་པ་དང་རྒྱལ་བ། དམག་ཅིག་བརྒྱབ་ནས་འཕམ་རྒྱལ་མ་བྱུང་བ། |
| འཕར |
(བྱེད་མེད་ལས་ཚིག) <ཀ>ཇེ་མང་དུ་སོང་བའི་དོན་ཏེ། ཐོན་སྐྱེད་ལྡབ་མང་བོ་འཕར། ཡོང་སྒོ་ལོ་རེ་བཞིན་འཕར་ལྟ་བུ། <ཁ>ཇེ་མཐོ་དང་ཇེ་ཆེར་སོང་བའི་དོན་ཏེ། གོ་ས་ཡར་འཕར་མར་ཆག་གང་བྱས་ཀྱང་ཆོག་ལྟ་བུ། <ག>འགུལ་བའི་དོན་ཏེ། ལག་རྩ་འཕར། རྩིག་རྟིང་འཕར་ལྟ་བུ། 2.གླེགས་བུའི་བརྡ་རྙིང། |
| འཕར་ཁ |
1 ཆེ་རུའམ་མང་དུ་འཕེལ་བའི་ཆ། དཀར་ཕྱོགས་ཀྱི་ཟླ་བའི་འཕར་ཁ། དབྱར་མཚོའི་འཕར་ཁ། 2 བུ་རམ་སྤུས་ཞན། |
| འཕར་ཆག |
ཡར་འཕར་བ་དང་མར་ཆག་པའི་བསྡུས་ཚིག གཙང་ཆུ་འཕར་ཆག ཐོན་འབོར་འཕར་ཆག |
| འཕར་ཆིངས |
གོས་ཆེན་དང་འགོ་སྣམ་སོགས་ཀྱི་སྟེང་དུ་དར་སྐུད་འཚེམ་དྲུབས་ཀྱིས་བཀོད་པའི་མཛེས་རྒྱན་རི་མོ། |
| འཕར་དཀྲི་འགེལ་སྒྲུབ |
ཁྲལ་འཕར་མ་དཀྲི་འགེལ་བྱས་ནས་སྒྲུབ་དགོས་པ་རྣམས། |
| འཕར་བ |
1.ཐ་མི་དད་པ 1 འཕག་པ་དང༌། ལྡེག་པ། གོང་དུ་འཕར་བཞིན་དུ་འགྲོ། རྩ་འཕར་བ། སྙིང་འཕར་བ། ཉ་འཕར། 2 མང་དུ་འཕེལ་བ་དང༌། མཐོ་རུ་འཕེལ་བ། གཙང་ཆུ་འཕར་བ། གོ་གནས་འཕར་བ། འབོར་གྲངས་འཕར་བ། 2 1 གཅན་གཟན་ཞིག དབྱིབས་སྤྱང་ཀི་དང་འདྲ་ཞིང་དེ་ལས་ཆུང་ལ་སྤུ་མདོག་སེར་ནག་འདྲེས་པའི་གཅན་གཟན་ངན་པ་ཞིག་གི་མིང་། ཚིག་བསྡུས་ན་འཕར་ཞེས་འབྲི་ཆོག་ འཕར་སྤྱང་ངན་འབྲེལ་ཞེས་པ་ལྟ་བུ། 2 མངོན ལྕགས་མོ་གླང༌། 3 དགེ་འདུན་ཉི་ཤུའི་ནང་གསེས། འོག་མིན་གྱི་མཐར་ཐུག་པར་འགྲོ་བ་གང་ཚངས་རིས་སུ་སྐྱེས་ནས་གནས་གཞན་བར་བ་ཐམས་ཅད་བོར་ནས་འོག་མིན་གྱི་རྟེན་ལ་འདར་རུང་བའི་རིགས་ཅན་ནོ། |
| འཕར་བ་གསུམ |
དགེ་འདུན་ཉི་ཤུ་ལས། འོག་མིན་གྱི་མཐར་ཐུག་པར་འགྲོ་བ་གསུམ་འཕར་བ་དང༌། ཕྱེད་འཕར་བ་དང༌། གནས་ཐམས་ཅད་དུ་འཕར་བ་སྟེ་གསུམ་མོ། |
| འཕར་བསྐུལ་དངོས་དོད |
ཁྲལ་འཕར་མ་བསྐུལ་བའི་དངོས་པོའི་དོད། |
| འཕར་མ |
ལྷག་མའམ་འཆར་ཅན་མ་ཡིན་པ། འགྲོ་སོང་འཕར་མ། ཡོང་འབབ་འཕར་མ། ལས་ཀ་འཕར་མ། འགན་ཁུར་འཕར་མ། མཛད་སྒོ་འཆར་འཕར། |
| འཕར་མ་བའི་མི |
རྙིང ཕོ་ཉའམ་འཁོར་གཡོག |
| འཕར་འགྲོ |
མངོན 1 སྦལ་བ། 2 སྤྲེའུ། 3 བྱ། |
| འཕར་འཕར |
འཕག་ཚུལ་དང༌། གྱེན་དུ་ལྡེག་ཚུལ། |
| འཕར་འཛུགས |
སྔར་ཡོད་ཀྱི་སྟེང་དུ་འཕར་སྣོན་འཛུགས་པ། སྐྱེ་ཤིང་འཕར་འཛུགས་བྱེད་པ། ལས་གྲྭ་འཕར་འཛུགས་བྱེད་པ། ལས་ཁུངས་འཕར་འཛུགས་བྱེད་པ། |
| འཕར་རེ་འཕུར་རེ |
ལག་པས་འཕུར་འཕུར་བྱེད་སྟངས་ཤིག |
| འཕར་རྡོ |
ཕར་བརྒྱབ་ནས་ཚུར་འཕར་བའི་རྡོ། བྲག་ལ་བཞུས་པའི་འཕར་རྡོ་རང་ལ་ཐེབས་པ། མགོ་ལ་འཕར་རྡོ་ཕོག་ནས་རྨ་བཟོས་པ། |
| འཕར་རྩ |
ཁྲག་རྩ་ལ་ཆ་ཤས་གཉིས་སུ་དབྱེ་བའི་སྙིང་ནས་བརྒྱུད་དེ་ཐུར་དུ་རྒྱུ་བའི་འཕར་རྩ་ལག་པའི་མཁྲིག་མའི་བལྟ་རྩ་དང༌། མཆན་འོག་གི་རྔུལ་འདུ། བརླའི་མིག་དམར་ལྟ་བུ། |
| འཕར་སྒོ |
མགོའི་སྤྱི་གཙུག་ནས་མདུན་ཕྱོགས་སུ་སོར་བཞི་བཅལ་བའི་གནས་ཀྱི་མིང་ མཆོག་མ་ཡང་ཟེར། འཕར་བ་ཞེས་པའི་ཚིག་བསྡུས་པ། |
| འཕར་སྣོན |
འཕར་མའམ་སྣོན་མ། དཔེ་ཆ་གསར་པ་སྣ་མང་འཕར་སྣོན་རྒྱག་པ། མི་གྲངས་འཕར་སྣོན་གཏོང་བ། |
| འཕར་སྤྱང |
གཅན་གཟན་འཕར་བ་དང༌། སྤྱང་ཀི། འཕར་སྤྱང་བསྡེབས་ནས་ཡུལ་ལུང་ལ་གནོད་འཚེ་སྐྱེལ། |
| འཕལ་ཀ |
1 རི་མོ། 2 ཤིང་སོགས་སྦྱོར་མཚམས་ཀྱི་ཁ། པང་ལེབ་གཉིས་ཀྱི་འཕལ་ཀ་སྒྲིག་པ། གཞུང་དོན་འཕལ་ཀ་བསྒྲིགས་པ། |
| འཕལ་ཁ |
འཕལ་ཀ་དང་འདྲ། |
| འཕལ་ག |
ཁང་བའི་ཀ་གདུང་དང་འཕྲུལ་འཁོར་གྱི་ལྷུ་ལག་སོགས་འཕྲད་མཚམས་ཀྱི་ཉག་སོའི་མིང་ ཀ་གདུང་འཕལ་ག་འཕྲོད། འཕྲུལ་འཁོར་ལྷུ་ལག་གི་འཕལ་ག་འཕྲོད་དགོས་ལྟ་བུ། ཤིང་ཉིས་ཚེབ་ཀྱི་ཉག་སོའི་མིང་ ཤིང་འཕལ་ག་ཅན་ཞེས་པ་ལྟ་བུ། ０ཚིག་བསྡུས་ན་འཕལ་ཞེས་འབྲི་ཆོག་ ཀ་གདུང་འཕལ་འཕྲོད་ལྟ་བུ། |
| འཕིགས་པ |
ཡུལ འབིགས་པ། གནད་འཕིགས་པ། བུ་ག་འཕིགས་པ། ལྕགས་རི་ནས་ཨི་ཁུང་གཅིག་འཕིགས་ཏེ་ཕྱིར་ལྟ་བ། |
| འཕིབས་པ |
ཡུལ འབུབས་པ། གུར་འཕིབས་པའི་རྗེས་སུ་ཆར་པ་བབ་ཀྱང་མི་སྐྱོན། ཉི་གདུགས་འཕིབས་པས་ཉི་འོད་སྒྲིབ་པ། |
| འཕིར་བ |
ཡུལ འཕུར་བ། བྱེའུ་ཐག་རིང་དུ་འཕིར་མི་ཐུབ། གནམ་གྲུ་མཁའ་དབྱིངས་མཐོན་པོར་འཕིར་བ། |
| འཕུང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)བརླགས་པ་དང་གནོད་པའི་དོན་ཏེ། མི་ངན་པས་རང་འཕུང་གཞན་བརླག་བྱེད། དགྲ་སྡེ་འཕུང་བར་བྱེད་མཁན་ཞེས་པ་ལྟ་བུ། |
| འཕུང་གཞི |
གནོད་པའི་གཞི། བྱ་བའི་འཕུང་གཞི་ལེ་ལོ་དང༌། མིའི་འཕུང་གཞི་སྒེར་སེམས། |
| འཕུང་དཀྲུག |
ཕུང་དཀྲུག་དང་འདྲ། |
| འཕུང་བ |
1.ཐ་མི་དད་པ ཕུང་བ། འཕུང་བ།། 1 ཉམས་ཉེས་འབྱུང་བའམ། ཉམས་རྒུད་འབྱུང་བ། རང་སྟོབས་རང་གིས་སྤེལ་ཐབས་མ་བྱས་པར་མི་ལ་རེ་བས་འཕུང༌། འཇིག་རྟེན་བཟས་ནས་མི་འཕུང་ཉལ་ནས་འཕུང༌། མི་འཕུང་རང་བརླག 2 མཉམ་དུ་འདུ་བ་དང༌། བསྡེབས་འཛོམས་ཐེབས་པ། འཕྲལ་དུ་ཐག་གཅོད་བྱེད་དགོས་པའི་ལས་དོན་མང་པོ་དུས་གཅིག་ཏུ་འཕུང་བ། 2.གནོད་པའི་མིང༌། འཕུང་ཆེན་གཡོས་པ། |
| འཕུང་འདྲེ |
བརླག་པ་དང་གནོད་པར་བྱེད་པའི་འདྲེ། ཡུལ་ཁམས་དཀྲུག་པའི་འཕུང་འདྲེ། |
| འཕུང་འདྲེ་མ |
བུད་མེད་གྱོད་རྩ་སློང་མཁན། |
| འཕུད |
མ་འོངས་པ་དང་ད་ལྟ་བ་ བཟོ་པའི་གྲལ་ནས་འཕུད་བྱའི་མི་ངན། ཕྱུགས་སྔ་མོར་རྩྭ་ཁར་འཕུད་དགོས་ལྟ་བུ། ལྭ་བ་སོགས་ལུས་ནས་བླངས་པའི་དོན་ཏེ། འཕྱོར་ལྭ་ཕུད་ནས་དམག་ལྭ་གྱོན་ལྟ་བུ། ０ཕྱོགས་གཅིག་ནས་གཏད་དེ་དངོས་རྫས་ཕར་འདེད་པའི་དོན་ཏེ། ཕར་ཕུད། ལམ་ཐོག་གི་ཕ་བོང་ཕར་ཕུད་ཅིག་ལྟ་བུ། |
| འཕུར |
(བྱེད་མེད་ལས་ཚིག་མ་འོངས་པ་དང་ད་ལྟ་བ། འདས་པ་ལ་ད་དྲག་ཡོད)<ཀ>བྱ་དང་སྲིན་བུའི་རིགས་གཤོག་པ་ལ་བརྟེན་ནས་བར་སྣང་དུ་འགྲོ་འོང་བྱེད་པའི་དོན་ཏེ། གནམ་ལ་འཕུར་མཁན། བྱ་འཕུར་གྱིན་འདུག་ལྟ་བུ། <ཁ>དངོས་པོ་ནམ་མཁར་ལྡིང་བའི་དོན་ཏེ། གནམ་གྲུ་འཕུར་ཁ། བྱ་སྤུ་གནམ་ལ་འཕུར་ཐུབ་ལྟ་བུ། ཕུར་ལ་ལྟོས། 2.མ་འོངས་པ་དང་ད་ལྟ་བ་ ལག་པས་མགོ་འཕུར་གྱིན་འདུག པགས་པ་འཕུར་མཁན་ཞེས་པ་ལྟ་བུ། ཕུར་བ་ཞེས་པའི་ཚིག་བསྡུས་པ། |
| འཕུར་གྲུ |
བར་སྣང་ལ་འཕུར་བྱེད་འཕྲུལ་ཆས་ཤིག |
| འཕུར་གྲོག |
གཤོག་པ་སྐྱེས་ནས་འཕུར་ཐུབ་པའི་འབུ་གྲོག་མ། |
| འཕུར་ནུས |
མངོན འདབ་ཆགས། |
| འཕུར་བ |
1.ཐ་དད་པ ཕུར་བ། འཕུར་བ། འཕུར།། མཉེད་པ་དང༌། འཕྲུག་པ། གཡན་པ་འཕུར་བ། མགོ་བོ་འཕུར་བ། 2. ཐ་མི་དད་པ མཁའ་ལ་འགྲོ་བའམ་བར་སྣང་དུ་ལྡིང་བ། གཞུང་ལམ་གྱི་ཐོག་ནས་རྟ་འཕུར་བ་ལྟར་རྒྱུག་པ། བྱ་འཕུར་ས་དགུང་སྔོན་གནམ་ཡིན། ཚང་བཅའ་ས་བྲག་དམར་དཀྱིལ་རེད། |
| འཕུར་བྱེད |
མངོན འདབ་ཆགས། |
| འཕུར་མཉེད |
ལག་པས་འཕུར་འཕུར་བྱས་ནས་མཉེད་པ། |
| འཕུར་འགྲོ |
1 འཕུར་ཏེ་འགྲོ་བ། སྒྲའི་མྱུར་ཚད་ལས་འདས་པའི་གནམ་གྲུ་དེ་བར་སྣང་དུ་འཕྲུ་འགྲོ་སྐབས་མིག་གིས་ཀྱང་མཐོང་ཐུབ་པ། 2 མངོན 1)བྱ་སྤྱི། 2)མདའ། |
| འཕུར་འདོད |
མངོན འདབ་ཆགས། |
| འཕུར་འཕུར |
1 མཉེད་མཉེད། གོས་འདི་དྲེག་པ་མང་བས་འཁྲུད་སྐབས་འཕུར་འཕུར་ཡག་པོ་ཞིག་གཏོང་དགོས། གྲོད་ཁོག་ན་དུས་འཕུར་འཕུར་བཏང་ན་ཕན་ཡོང༌། མགོ་ལ་མེ་ཤོར་རུང་འཕུར་འཕུར་གཏོང་ལོང་མེད། 2 འཕྲུག་འཕྲུག ཟ་ཀོང་འཕུར་འཕུར་བྱེད་པ། |
| འཕུར་ལྡིང |
ལིང་ལིང་དུ་འཕུར་སྟངས། ནམ་མཁའི་དབྱིངས་སུ་འཕུར་ལྡིང་མངོན་པར་གཡོ་ཞིང་དབྱངས་སྙན་སྒྲོག |
| འཕུར་སུབ |
1 ལག་པས་འཕུར་མཉེད། གཟུགས་པོའི་རྩ་གནད་སོ་སོར་འཕུར་སུབ་བཏང་ནས་ནད་བཅོས་བྱེད་པ། 2 ཟུབ་པར་བྱེད་ཐབས། ཡིག་ནོར་འཕུར་སུབ་བཏང་ནས་མི་མངོན་པར་བྱེད་པ། |
| འཕུར་སྐྱོད |
གནམ་ལ་འཕུར་བཞིན་དུ་འགྲོ་བ། |
| འཕུལ |
བོད་ཡིག་གི་སྔོན་འཇུག་ལྔའི་མིང་ འཕུལ་ཡིག བས་འཕུལ་མས་འཕུལ་ཞེས་པ་ལྟ་བུ། (བྱེད་འབྲེལ་ལས་ཚིག) འདའ་བར་བྱེད་པའི་དོན་ཏེ། དབུལ་བོས་སྡུག་བསྔལ་གྱི་ངང་ནས་ཉི་མ་འཕུལ། མི་ཚེ་འཕུལ་དཀའ་ལྟ་བུ། |
| འཕུལ་ཅན |
སྔོན་འཇུག་དང་ལྡན་པའི་མིང་གཞི། |
| འཕུལ་བ |
ཐ་དད་པ 1 འབུད་པ་དང༌། སྐྱུར་བ། དཔུང་པས་འཕུལ་བ། མི་ངན་འཕུལ་བ། ཟླ་ཞག་འཕུལ་བ། གྲོག་ཁ་ལ་སླེབས་པ་ལྕེ་ཡིས་འཕུལ། གོམ་གང་མདུན་དུ་འཕུལ་བ། 2 མིང་གཞིའི་སྔོན་དུ་འཇུག་པ། འས་འཕུལ། འ བས་འཕུལ་ཀ། བ ཀ |
| འཕུལ་མེད |
སྔོན་འཇུག་མེད་པའི་མིང་གཞི། ཞི་སོགས་སྐྱིད |
| འཕུལ་ཡིག |
སྔོན་འཇུག་གི་ཡི་གེ། ག་ད་བ་མ་འ |
| འཕུལ་ཡོད |
སྔོན་འཇུག་ཡོད་པའི་མིང་གཞི། བཞི་གསོ་བསྐོ |
| འཕུལ་རྒྱག |
ལུས་ཀྱིས་འདེད་པའམ་རྡེག་པ། གཅིག་གིས་གཅིག་ལ་འཕུལ་རྒྱག་གཏོང་རེས་བྱེད་པ། |
| འཕུལ་རྟེན |
འཕུལ་ནི་སྔོན་འཇུག་ལྔ་དང༌། རྟེན་ནི་རྗེས་འཇུག་བཅུའོ། |
| འཕུལ་རྡེག |
ལུས་ཀྱིས་འདེད་པའམ་རྡེག་པ། ཁོ་ལ་གྲུ་མོས་འཕུལ་རྡེག་བྱས་ནས་བརྡ་གཏོང་བ། |
| འཕུལ་སྤྱད |
སྒུལ་འདེད་བྱེད་པའི་ལག་ཆ། |
| འཕེན |
ད་ལྟ་བ་ མདའ་འཕེན་མཁན། མདའ་འཕེན་པའི་སྐབས་ཞེས་པ་ལྟ་བུ། |
| འཕེན་གཏོར |
དགྲ་བགེགས་ལ་འཕེན་རྒྱུའི་གཏོར་མ། |
| འཕེན་ཐག |
རྟ་རྒོད་སོགས་འཛིན་བྱེད་ཞགས་པ། |
| འཕེན་པ |
1.ཐ་དད་པ འཕངས་པ། འཕང་བ། འཕོངས།། རྒྱག་པ་དང༌། རྡེག་པ། འདོར་བ། མདའ་འཕེན་པ། རྡོ་འཕེན་པ། བཏང་བའི་མི་རེད། འཕངས་པའི་མདའ་རེད། 2. ཚད་དམ་ནུས་པ། ཚེའི་འཕེན་པ། ཚེ་ཡི་འཕེན་པ་རྫོགས་ཏེ་ཤི།…3.སྨོན་པའི་མིང་ ཕྱུག་པོར་འཕེན་པ་མ་གཏོང་། འཕེན་པ་རྫོགས་ལྟ་བུ། |
| འཕེན་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་མ་རིག་པ་དང་འདུ་བྱེད། རྣམ་པར་ཤེས་པ་གསུམ་པོ་འཕེན་བྱེད་ཀྱི་ཡན་ལག་ཏུ་བསྡུས་པའོ། |
| འཕེན་པའི་ཡན་ལག་གསུམ |
རྟེན་འབྲེལ་ཡན་ལག་བཅུ་གཉིས་ཀྱི་ནང་ཚན། མ་རིག་པའི་ཡན་ལག་དང༌། འདུ་བྱེད་ཀྱི་ཡན་ལག་དང༌། རྣམ་ཤེས་ཀྱི་ཡན་ལག་འཁོར་བར་འཕེན་པའི་ཡན་ལག་གསུམ་མོ། |
| འཕེན་པའི་སྟོབས |
ཐོག་མའི་ཀུན་སློང༌། |
| འཕེན་བྱེད་ཀྱི་ལས |
གནས་རིས་གང་དུ་སྐྱེ་བར་བྱེད་པའི་ལས། |
| འཕེའུ |
རྙིང ཟས་ཀྱི་ཞེ་ས། |
| འཕེར་པོ |
གོ་ཆོད་པོ་དང༌། འཇེམ་པོ་དང༌། འཇོན་པོ། གར་བཏང་གོ་ཆོད་ཀྱི་མི་འཕེར་པོ། |
| འཕེར་བ |
ཐ་མི་དད་པ གོ་ཆོད་པ་དང༌། ཐུབ་པ། རུང་བ། ནུས་པ། ལུས་ཁམས་ཀྱིས་ལས་དོན་འཕེར་བ། རང་སྐྱ་འཕེར་བ། བཏང་འགྲོ་བཞག་སྡོད་འཕེར་བའི་ལས་བྱེད་པ། ཚོང་རའི་ནང་དུ་ཚོང་ཟོག་འགྲོ་རྒྱུག་འཕེར་བ། ཁྱིམ་སོ་འཕེར་བ། མི་ཆོས་འཕེར་བ། |
| འཕེར་ཙམ |
ཐུབ་ཙམ། འཕྲལ་སྒང་ལས་དོན་འཕེར་ཙམ་བྱུང༌། |
| འཕེལ |
(བྱེད་མེད་ལས་ཚིག) གྲངས་ཀ་ཇེ་མང་དུ་སོང་བའི་དོན་ཏེ། ཕྱུགས་ཀྱི་ཁ་གྲངས་འཕེལ་ལྟ་བུ། |
| འཕེལ་ཀ |
ཕྱུགས་སོགས་ཇེ་མང་དུ་སོང་བའི་ཁག་གི་མིང་ ཕྱུགས་ཀྱི་འཕེལ་ཀ་ཇེ་མང་ཡིན་ལྟ་བུ། |
| འཕེལ་ཀ་ཅན |
མངོན སྦྲུལ། |
| འཕེལ་ཁ |
འཕེལ་རྒྱས་སམ་འཕེལ་ཚད། ཞིང་ལས་ཀྱི་འཕེལ་ཁ་ཆེ་བ། སྒོ་ཕྱུགས་ཀྱི་འཕེལ་ཁ། འཕེལ་ཁ་སྐྱེད་པ། རྩིག་པའི་འཕེལ་ཁ་བསྐྱེད་པ། དཔུང་པའི་འཕེལ་ཁ་ཐད་ཀར་བསྐྱེད་ནས་མིའི་འགྲོ་ས་བཀག་པ། |
| འཕེལ་གདུང |
སྐྱེས་བུ་དམ་པའི་གདུང་རུས་ལས་བྱུང་བའི་རིང་བསྲེལ། |
| འཕེལ་ཏོག |
1འཕེལ་བའི་འབྲས་བུའི་མིང་ ད་ལོ་ལུ་གུའི་འཕེལ་ཏོག་བཟང་ལྟ་བུ། 2བུ་ལོན་གྱི་འཕེལ་ཀའི་ཁག་གི་མིང་། བོངས་ཚད་ཆེར་ཕྱིན་པའི་དོན་ཏེ། གོ་རེ་སྐྱུར་ཅན་འཕེལ་ཞེས་པ་ལྟ་བུ། |
| འཕེལ་ཐོག |
ཡུལ ཕྱུགས་རིགས་ཀྱི་སྐྱེད་འཕེལ། |
| འཕེལ་བ |
ཐ་མི་དད་པ མང་དུ་ཕྱིན་པའམ་ཆེ་རུ་ཕྱིན་པ། ཕྱུགས་རིགས་ཀྱི་འབོར་གྲངས་འཕེལ་བ། ལུས་སྟོབས་འཕེལ་བ། ཕོ་དྲོད་འཕེལ་བ། སྤྲོ་བ་འཕེལ་བ། |
| འཕེལ་བའི་ཟླ་བ |
རྒྱལ་ཟླ་སྟེ་ཧོར་ཟླ་བཅུ་གཉིས་པ། |
| འཕེལ་བྱེད |
མངོན ཁྱིམ་བྱ། |
| འཕེལ་བྲི |
ཡར་འཕེལ་བ་དང༌། མར་ཟད་པ། ཟླ་བའི་དཀྱིལ་འཁོར་འཕེལ་བྲི་ཡང་ཡང་བྱེད་པ། |
| འཕེལ་ཟད་འཁྲུགས |
ཟུངས་བདུན་དང༌། དྲི་མ་གསུམ། རླུང་མཁྲིས་བད་ཀན་བཅས་རང་གི་ཚད་ལས་འཕེལ་བའམ་ཟད་པ། ཕན་ཚུན་འཁྲུགས་པ་བཅས་སོ། |
| འཕེལ་འགྲིབ |
ཡར་འཕེལ་བ་དང་མར་འགྲིབ་པ། ཟླ་བའི་དཀྱིལ་འཁོར་འཕེལ་འགྲིབ་གཉིས་ཀ་དང་ལྡན་པ། རྒྱ་མཚོའི་ཆུ་ངོས་ལ་འཕེལ་འགྲིབ་མངོན་པ་དཀའ། |
| འཕེལ་འགྲིབ་ཀྱི་འབོར |
འཕེལ་འབོར་དང༌། ཆག་འབོར། ཐོན་སྐྱེད་བརྟན་པོར་གནས་ནས་འཕེལ་འགྲིབ་ཀྱི་འབོར་གྲངས་ཆེར་མེད་པ། |
| འཕེལ་རྒྱས |
འཕེལ་བའམ་རྒྱས་པ། ལག་རྩལ་གྱི་སྟོབས་ཤུགས་འཕེལ་རྒྱས་བྱུང་བ། |
| འཕེལ་ཤེད |
མང་དུ་འགྲོ་བའི་ནུས་ཚད། འབྲས་འདི་བཙོས་ན་འཕེལ་ཤེད་ཆེན་པོ་འདུག |
| འཕེལ་སྐྱེད |
མང་དུ་འགྲོ་བ། མི་འབོར་གྱི་འཕེལ་སྐྱེད། འཕེལ་སྐྱེད་ནུས་ཤུགས། ཐོན་སྐྱེད་ཤུགས་ཆེན་གྱིས་འཕེལ་སྐྱེད་གཏོང་བ། |
| འཕོ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) གནས་གཅིག་ནས་གནས་གཞན་ལ་སོང་བ་ ངང་ཚོགས་དཔྱིད་དུས་བྲག་ནས་མཚོ་ལ་འཕོ་ལྟ་བུ། |
| འཕོ་ཆུང |
ཉིན་ཞག་གཅིག་གི་ཡུན་ལ་དབུགས་གཏོང་ལེན་ཐེངས་གྲངས་ཉི་ཁྲི་ཆིག་སྟོང་དྲུག་བརྒྱ་བྱེད་པའི་དགུ་བཅུ་གོ་དྲུག་གི་ཆ་གཅིག 21600 1༼ 24 |
| འཕོ་ཆེན |
ཉིན་ཞག་གཅིག་གི་ཡུན་ལ་དབུགས་གཏོང་ལེན་ཐེངས་གྲངས་ཉི་ཁྲི་ཆིག་སྟོང་དྲུག་བརྒྱ་བྱེད་པའི་ཉེར་བཞིའི་ཆ་གཅིག 216000 1༽24 |
| འཕོ་ཉུལ |
གནས་ངེས་མེད་དུ་རིམ་གྱིས་འགྲོ་བ། |
| འཕོ་བ |
1.ཐ་མི་དད་པ འཕོས་པ། འཕོ་བ།། འཁྱུར་བ་དང༌། འགྲོ་བ། འདི་ནས་གནས་འཕོས་ཏེ་གཞན་དུ་འགྲོ་བ། ལས་ཀྱི་སྣེ་མོ་འཕོས་པ། ཚེ་འཕོ་བ། 2.འཆི་བའི་མིང༌། |
| འཕོ་བ་གྲོང་འཇུག |
རྣམ་ཤེས་གོང་དུ་འཕོ་བ་དང༌། ཕུང་པོ་གཞན་དུ་འཇུག་པ་ནཱ་རོ་ཆོས་དྲུག་གི་ཡ་གྱལ་ཞིག |
| འཕོ་བ་འདེབས་པ |
གཤིན་པོའི་རྣམ་ཤེས་དག་ཞིང་དུ་སྤོར་བ། |
| འཕོ་བ་སྦྱོང་བ |
འཕོ་བའི་ལག་ལེན་སྦྱོང་བ། |
| འཕོ་བའི་བྱེད་པ་བདུན |
གདབ་པ་དང༌། བྱིས་པ། རིགས་ཅན། ཏིལ་རྡུང༌། ཁྱིམ་སྐྱེས། ཚོང་པ། པིཥྚི་རྣམས་སྔ་ཆ་དང་ཕྱི་ཆར་རིམ་བཞིན་འཁོར་བས་ན་འཕོ་བའི་བྱེད་པ་ཞེས་གྲགས། |
| འཕོ་མེད་པ |
མངོན དུས་ཀྱི་འཁོར་ལོ། |
| འཕོ་འགྱུར |
འགྱུར་བ། ནམ་མཁའ་ལ་འཕོ་འགྱུར་མེད། དབྱར་ཟླའི་གནམ་གཤིས་འཕོ་འགྱུར་གྱི་ཚོད་མི་ཐིག་པ། |
| འཕོ་ལེན |
ལས་འཁུར་རྙིང་པ་འཁྱུར་ནས་གསར་པ་རྩིས་ལེན་པ། ལས་བྱེད་པ་འཕོ་ལེན་བྱེད་པ། ལས་འགན་འཕོ་ལེན། |
| འཕོ་སྐར |
སྐར་མདའ། སྟོན་ཟླའི་མཚན་མོར་ནམ་མཁའ་ནས་འཕོ་སྐར་མང་པོ་མཐོང་ཡོང༌། |
| འཕོ་སྐྱས |
སྡོད་གནས་སྤོ་བ། ལས་གྲྭ་འཛུགས་ཡུལ་འཕོ་སྐྱས་ལན་མང་བྱས་པ། འབྲོག་པའི་རུ་བ་དབྱར་དགུན་འཕོ་སྐྱས་བྱེད་པ། |
| འཕོག |
མ་འོངས་པ་དང་ད་ལྟ་བ་ འཕོག་སའི་འབེན། མདའ་འཁྱོག་འབེན་ལ་འཕོག་དཀའ་ལྟ་བུ། |
| འཕོག |
ཕོག་ལ་ལྟོས། |
| འཕོགས |
འཕག་པའི་སྐུལ་ཚིག་ |
| འཕོང |
མདའི་སྒྱུ་རྩལ། འཕོང་སློབ་པ། འཕོང་མཐར་ཕྱིན་པ། འཕོང་གོམས་པ། འཕོང་སྐྱེན་པ། འཕོང་གི་སློབ་དཔོན། |
| འཕོང |
མདའི་མིང་གཞན། |
| འཕོང་གི་དཔོང་ས |
རྙིང མཚོན་ཆའི་སྒྱུ་རྩལ་སློབ་སའི་གནས། |
| འཕོང་གི་སྤོང་ས |
འཕོང་གི་དཔོང་ས་དང་འདྲ། |
| འཕོང་ར |
མདའི་སྒྱུ་རྩལ་སློབ་སའི་ར་བ། |
| འཕོང་རྒྱུག |
མདའ་འཕེན་བཞིན་དུ་གཏོང་བའི་རྟ་རྒྱུག |
| འཕོང་རྩལ |
མདའ་སོགས་འཕེན་པའི་སྒྱུ་རྩལ། ལུས་རྩལ་གྱི་ཚོགས་འདུའི་ཐོག་ཏུ་འཕོང་རྩལ་འགྲན་པ། |
| འཕོང་སྐྱེན་པ |
མདའ་འཕེན་མཁས་པའི་དོན་ཏེ། དཔའ་བོ་འཕོང་སྐྱེན་པ་ཞེས་པ་ལྟ་བུ། |
| འཕོང་སྤྱད |
མདའ་རྩལ་གྱི་ཡོ་བྱད། |
| འཕོངས |
1.འཕེན་པའི་སྐུལ་ཚིག 2.ཨོང་དོའམ་རྐུབ་ཚོས།…3.མ་འོངས་པ་དང་ད་ལྟ་བ་ སྔོན་ཆད་དབུལ་ཞིང་འཕོངས། ད་ལྟ་བདེ་ཞིང་སྐྱིད་ལྟ་བུ། |
| འཕོངས |
ཕོངས་ཀྱི་མ་འོངས་པ་དང་ད་ལྟ་བ། མི་ཕྱུགས་ཀྱི་ཚང་རའི་ཐོག་ངོས་ཀྱི་མིང་ རྟའི་འཕོངས་ལ་ཞོན་ལྟ་བུ། |
| འཕོངས་གྲལ |
རྐུབ་གྲལ། ལས་མེད་འཕོངས་གྲལ་བསྒྲིགས་ནས་ཉི་འཕུལ་ཟླ་འཕུལ་བྱེད། |
| འཕོངས་པ |
རྙིང ཉོན་མོངས། |
| འཕོངས་ཚོས |
ཨོང་ཤའི་མིང་། འདི་ལ་ཕོངས་ཀྱང་འབྲི། ０ས་དབྱིབས་མི་ཕྱུགས་ཀྱི་འཕོངས་དང་འདྲ་བའི་མིང་ རི་འཕོངས། རི་རྒྱུད་ཀྱི་མ་འཕོངས་ཞེས་པ་ལྟ་བུ། |
| འཕོངས་ར |
ཡུལ སྡོད་གྲལ་སྒོར་སྒོར། ལོང་གཏམ་ཅལ་ཅོལ་སྨྲ་ཞིང་འཕོངས་ར་འཚོག་སྲོལ་ངན་པ་རྩ་མེད་དུ་གྱུར་པ། |
| འཕོངས་རྐུབ |
རྐུབ་ཚོས་སམ་ཨོང་དོ། |
| འཕོངས་རྡུལ |
རྐུབ་རྡུལ་ཏེ་རྐུབ་ས་ལ་བཙུགས་ནས་གོས་པའི་རྡུལ། |
| འཕོངས་ལྕག |
རྐུབ་ལ་གཞུ་བྱའི་ལྕག་ཚན། རྟ་རྒོད་ལ་འཕོངས་ལྕག་བཞུས་ནས་རྒྱུག་པ། |
| འཕོངས་སྟེགས |
རྐུབ་སྟེགས། |
| འཕོད |
ཕོད་ཀྱི་འབྲི་ཚུལ་གཞན། |
| འཕོན་པོ |
ཕོན་པོ་དང་འདྲ། |
| འཕོས |
འདས་པ་ སྐར་ཚོགས་ས་ལ་འཕོས་འདྲའི་དམག་ཚོགས་ཞེས་པ་ལྟ་བུ། འཆི་བའི་དོན་ཏེ། འཆི་འཕོ། ཚེ་འཕོས་ལྟ་བུ། |
| འཕོས་པ |
འཕོ་བའི་འདས་པ། |
| འཕྱ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)བརྙས་སྨོད་བྱེད་པའི་དོན་ཏེ། འཕྱ་སྨོད་བྱེད་ངན་སྤྱོད་བྱས་ན་ཀུན་གྱིས་འཕྱ་ལྟ་བུ། |
| འཕྱ་ཁ |
སྨད་ར་སྟེ་སྨ་འབེབས་ཀྱི་ཚིག བརྙས་སྨོད་ཀྱི་འཕྱ་ཁ་འདོགས་པ། |
| འཕྱ་གླེང |
སྨད་ར་གཏོང་བ། |
| འཕྱ་ཉམས |
སྨ་འབེབས་ཀྱི་རྣམ་འགྱུར། |
| འཕྱ་བ |
ཐ་དད་པ འཕྱས་པ། འཕྱ་བ། འཕྱོས།། སྨོད་པ་དང༌། དཔྱ་བའམ། གཞན་ལ་སྐྱོན་སྦྱོར་བ། རྒྱབ་ནས་འཕྱ་བ། གྲོགས་པོའི་ནོར་འཁྲུལ་ལ་གདོང་ཐུག་ལྷག་བསམ་གྱིས་སྐྱོན་རྗོད་བྱེད་པ་ལས་ལོགས་སུ་འཕྱས་ན་མི་འགྲིག |
| འཕྱ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་གྱི་ཞལ་ཏ་ཆོས་དང་མཐུན་པར་བྱེད་པའི་དགེ་སློང་ལ་བདག་གི་ངོར་འདིས་ངན་པ་སྟོབ་བོ་ཞེས་དངོས་སུ་འཕྱ་བའམ་གཞན་ལ་སྨོད་པའི་ཟོལ་གྱིས་འཕྱ་བའོ། |
| འཕྱ་མེ་འཕྱོ་མེ |
ཡིད་མི་བདེ་བར་གཡོ་ཚུལ། འཇིགས་སྐྲག་གིས་སྙིང་འཕྱ་མེ་འཕྱོ་མེར་འཕར་བ། སེམས་སྡུག་གིས་ཡིད་འཕྱ་མེ་འཕྱོ་མེར་གཡོས་པ། |
| འཕྱ་འཕྱོ |
འཕྱ་མེ་འཕྱོ་མེའི་བསྡུས་ཚིག་ |
| འཕྱ་ལད |
1 གཞན་གྱི་རྣམ་འགྱུར་ལ་ལད་ཟློས་ཀྱིས་ཁྲེལ་དགོད་བྱེད་པ། 2 སྨ་འབེབས། འོས་མིན་གྱི་ངོ་བསྟོད་བྱེད་པ་ནི་དོན་ལ་འཕྱ་ལད་རྒྱག་པ་དང་འདྲ། རང་གདོང་མ་མཐོང་སེང་གེར་འཕྱ་ལད། |
| འཕྱ་ལད་ཀུ་རེ |
འཕྱ་སྨོད་དང་རྩེད་མོའི་གཏམ། |
| འཕྱ་སྐྱེན་པ |
སྨད་ར་གཏོང་མཁས་པ་དང་མྱུར་བ། |
| འཕྱ་སྨོད |
གཞན་ལ་སྨོད་པའམ། སྐྱོན་འདོགས་པ། གཞན་གྱིས་འཕྱ་སྨོད་བྱས་པར་མི་བརྩི་བ། ལྐོག་ཏུ་འཕྱ་སྨོད་བྱེད་པ། |
| འཕྱག |
ད་ལྟ་བ་ རྡུལ་འཕྱག་མཁན་ཞེས་པ་ལྟ་བུ། |
| འཕྱག་པ |
ཐ་དད་པ འཕྱགས་པ། འཕྱག་པ། འཕྱོགས།། བྱི་དོར་བྱེད་པ་དང༌། གད་དར་རྒྱག་པ། ཁང་པའི་ནང་གི་ཐལ་རྡུལ་རྣམས་རྒྱུན་དུ་འཕྱག་དགོས་པ་ལྟར་བསམ་པའི་ནང་གི་སྐྱོན་ཆའང་རྒྱུན་དུ་འཕྱག་དགོས། |
| འཕྱགས |
སྔར་བོད་ལ་གློ་བུར་དུ་བསྡུ་འདེད་བྱེད་པའི་ཁྲལ་ཞིག རྟ་འཕྱགས། གྲྭ་འཕྱགས། རྩྭ་འཕྱགས། ཁལ་འཕྱགས། འབྲུ་འཕྱགས། གཟན་འཕྱགས། གར་འཕྱགས། ཤིང་འཕྱགས། |
| འཕྱགས་པ |
འཕྱག་པའི་འདས་པ། |
| འཕྱང |
1.(བྱེད་མེད་ལས་ཚིག) དངོས་རྫས་རིང་བོའི་རྩེ་མོ་ཐུར་དུ་གཞོལ་བའི་དོན་ཏེ། སྐྲའི་ལན་བུ་རྒྱབ་ཏུ་འཕང་ལྟ་བུ། 2.བོད་ཀྱི་རུས་ཤིག |
| འཕྱང་ངེ་བ |
ལྷུག་གེ་བ། ལྟོ་བ་འཕྱང་ངེ་བར་བསྡད་འདུག ལྦ་བ་འཕྱང་ངེ་བ། |
| འཕྱང་ཐག |
ཐུར་དུ་འཕྱང་བའི་ཐག་པ། |
| འཕྱང་བ |
ཐ་མི་དད་པ འཕྱངས་པ། འཕྱང་བ།། རང་བཞིན་གྱིས་ཐུར་དུ་དུད་པ། ཕག་པའི་རྣ་བ་ཐུར་དུ་འཕྱང་བ། ཤིང་འབྲས་སྨིན་ནས་ཕང་ཕུང་དུ་འཕྱངས་པ། དར་ལྕེ་ལྷབ་ལྷུབ་ཏུ་འཕྱངས་པ། བུམ་པའི་མཆུ་འཕྱངས་པ། ཁང་པའི་སྒོ་རྒྱན་གྱི་དར་ཕོད་ཕྲུམ་འཛར་ཐུར་དུ་འཕྱང་བ། |
| འཕྱང་བའི་རྨ |
གློ་བུར་གྲི་མཚོན་སོགས་ཕོག་པ་ལས་བྱུང་བའི་རྨ་རིགས་ཀྱི་ནང་ཚན་རུས་པ་བཅད་ནས་ཤ་རབ་ཏུ་ལྷབ་ལྷབ་པོར་འཕྱང་བའི་རྨ། |
| འཕྱང་མོ |
ཐེ་ཚོམ། |
| འཕྱང་མོ་ཉུག |
ཐེ་ཚོམ་བྱེད་པའི་བརྡ་རྙིང་ འཕྱང་མོ་ཡུག་འབྲི་བའང་ཡོད། |
| འཕྱང་མོ་ཉུག་པ |
ཐེ་ཚོམ་ཟ་བ། ཡིན་མིན་མ་རྟོགས་པར་འཕྱང་མོ་ཉུག་ཏུ་གྱུར། |
| འཕྱང་མོ་ཡུག |
འཕྱང་མོ་ཉུག་པ་དང་དོན་གཅིག་ |
| འཕྱང་ཟམ |
བྲག་གཡང་ལ་ཐག་པ་བཏང་ནས་བཟོས་པའི་བཅའ་ཟམ། |
| འཕྱང་འཕྲུལ |
ཐུར་དུ་འཕྱང་བའི་རྒྱན་ཆ་ཞིག་གི་མིང་། |
| འཕྱང་རྡོ |
ཡུལ ཤིང་བཟོའི་ཐིག་སྐུད་ཀྱི་སྣེའི་ལྕགས་རྡོག |
| འཕྱངས |
འཕྱང་གི་འདས་པ་ལ་བྲིས་ཡོད་པ་མཐོང་ཡང་ཁྱབ་ཤིན་ཏུ་ཆུང་། |
| འཕྱངས་པ |
འཕྱང་བའི་འདས་པ། |
| འཕྱད་པ |
ཕྱད་པ་ཡི་འབྲི་ཚུལ་གཞན་ཏེ། དུས་རྒྱུན་གྱི་བརྡ་རྙིང་། |
| འཕྱན |
(བྱེད་མེད་ལས་ཚིག) འཁོར་བའི་དོན་ཏེ། ཟོ་ཆུན(ཆུ་འདྲེན་བྱེད་ཀྱི་ཆུ་འཁོར)འཕྱན་ལྟ་བུ། གནས་ངེས་མེད་དུ་འགྲོ་བའི་དོན་ཏེ། ཕྱོགས་ཀུན་འཕྱན་ལྟ་བུ། |
| འཕྱན་པ |
ཐ་མི་དད་པ འཕྱན་པ། འཕྱན་པ། འཕྱོན།། འཁྱམ་པའམ་ཡན་པ། ཟ་ཟིའི་འཁོར་ལོར་འཕྱན་བཞིན་དུ་ཡོད། སྔར་འཚོ་བས་ཕོངས་ནས་ཡུལ་གཞན་དུ་འཕྱན་པའང་མང་པོ་ཡོད། ཕ་ཡུལ་ལ་མ་བསྡད་པར་ཕྱོགས་མཚམས་ཀུན་ཏུ་འཕྱན་པ། |
| འཕྱན་མ |
རང་འདོད་བཞིན་འཁྱམས་པའི་མོ། |
| འཕྱམ |
ཕྱམ་དང་འདྲ། |
| འཕྱར |
1.ད་ལྟ་བ་ འབྲུ་འཕྱར་བྱེད་ཀྱི་ཡོ་བྱད། འབྲུ་འཕྱར་གྱིན་འདུག་ལྟ་བུ།2. ཁང་པའི་མདའ་ཡབ་ཀྱི་བརྡ་རྙིང། |
| འཕྱར་ཀ |
འཕྱ་སྨོད་དང༌། སྐྱོན་སྦྱོར་བ། སྒྲིགས་ཁྲིམས་མི་སྲུང་མཁན་ལ་མི་རྣམས་ཀྱིས་རྒྱུན་དུ་འཕྱར་ཀ་གཏོང་བ། |
| འཕྱར་ཁ |
འཕྱར་ཀ་དང་འདྲ། |
| འཕྱར་གཡེང |
1 ལུས་སྒེག་པའི་ཉམས་སྟོན་པ་དང༌། སེམས་ཡུལ་ལ་ཤས་ཆེར་གཡོས་ཏེ་འདོད་པའི་ཆོས་ཀྱིས་ངོམ་པ། འཕྱར་གཡེང་སློང་བ། 2 ཟུར་མིག་གིས་ལྟ་བ། 3 རྒོད་བག་གམ་བག་མེད་པ། 4 མྱུར་ཞིང་ཡང་བ། ཟློས་གར་གྱི་གོམ་སྟབས་འཕྱར་ཞིང་གཡེང་བ། |
| འཕྱར་དར |
མཆོད་རྫས་དང༌། སྤྱན་གཟིགས་ཀྱི་བྱེ་བྲག་དར་ཆེན་ཞིག |
| འཕྱར་དུ་མི་སྟེར་པ |
རྙིང གཡེང་དུ་མི་འཇུག་པ། |
| འཕྱར་བ |
ཐ་དད་པ ཕྱར་བ། འཕྱར་བ། ཕྱོར།། གྱེན་དུ་སྒྲེང་བའམ་སློང་བ། མཚོན་ཆ་ཕྱར་བ། རྟ་ལྕག་འཕྱར་བ། དར་འཕྱར་བ། ལག་པ་གཡས་པ་གནམ་ལ་འཕྱར། རི་རྩེར་དར་ལྕོག་འཕྱར་བ། ལྷགས་པར་འབྲུའི་སྦུན་པ་འཕྱར། ཞིང་འདེབས་ན་གཤོལ་དགོས། ནས་འཕྱར་ན་རླུང་དགོས། |
| འཕྱར་འཕྱར |
1 རང་གི་ཡོན་ཏན་ངོམ་ཚུལ། ཤེས་ཡོན་སྦྱོང་བའི་དགོས་པ་ནི་མི་དམངས་ལ་ཞབས་འདེགས་ཞུ་བའི་ཆེད་དུ་ཡིན་པ་ལས་གཞན་ལ་འཕྱར་འཕྱར་བྱེད་པའི་དོན་དུ་མིན། 2 གད་སེལ་གྱི་ཐབས་ཤིག འབྲུ་འབྲས་ཀྱི་ཕུབ་མ་རླུང་ལ་འཕྱར་འཕྱར་བྱེད་པ། 3 སྐྱོན་མཚང་སྒྲོག་ཚུལ། གཞན་སྐྱོན་བརྗོད་དགོས་ལ་རང་སྐྱོན་ཡང་སྦ་གསང་མེད་པར་འཕྱར་འཕྱར་བྱེད་དགོས། རང་སྐྱོན་ཁོག་མ་གང་དེ་སྦས་ནས་བཞག་གཞན་སྐྱོན་གཟར་བུ་གང་དེ་འཕྱར་འཕྱར་བྱེད། |
| འཕྱས |
འདས་པ་ སྤྱོད་པ་ངན་པར་ཀུན་གྱིས་འཕྱས་ལྟ་བུ། |
| འཕྱས་གདགས་པ |
གཞན་ལ་སྐྱོན་སྦྱར་བ། |
| འཕྱས་པ |
འཕྱ་བའི་འདས་པ། |
| འཕྱི |
(བྱེད་མེད་ལས་ཚིག་མ་འོངས་པ་དང་ད་ལྟ་བ)གཏན་ཁེལ་གྱི་དུས་ལས་འདས་པའི་དོན་ཏེ། སྔ་ལངས་འཕྱི་ཉལ་བྱས། ལས་དུས་འཕྱི་མི་རུང་ལྟ་བུ། |
| འཕྱི་བ |
1.ཐ་མི་དད་པ འཕྱིས་པ། འཕྱི་བ།། དུས་ཚོད་འགྱང་བ། དེ་རིང་འཕྱིས་སོང་སང་ཉིན་སྔ་ཙམ་བྱས་ནས་འགོ་འཛུགས་དགོས། མགྱོགས་པོ་བྱས་ནས་མ་ཕྱིན་ན་འཕྱིས་ཡོང༌། 2.ས་ཁུང་དུ་སྡོད་པའི་སྲོག་ཆགས་ཤིག དགྲ་བོ་འཕྱི་བ་ཁུང་དུ་ཞུགས་པ་ལྟར་མཁར་རྫོང་དུ་འཛུལ་བ། |
| འཕྱི་བའི་མཆིན་པ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་རུས་པ་གས་ཆག་ཤོར་བ་སྦྱོར། |
| འཕྱིང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)འཛིང་བའི་དོན་ཏེ། སྒྲ་འཕྱིང་དུ་མ་འཇུག་ལྟ་བུ། |
| འཕྱིང་བ |
ཕྱིང་བ་དང་འདྲ། |
| འཕྱིང་བ་རྩེ་དྲུག |
སྔར་བོད་རྒྱལ་སའི་ལེགས་དྲུག་གི་དུས་སྐབས་སུ་ལྷོ་ཁའི་འཕྱོངས་རྒྱས་རྫོང་དུ་ཕོ་བྲང་རྒོད་རྩེ་དང༌། ཡང་རྩེ། ཁྲི་རྩེ། རྩེ་མོ་ཁྱུང་རྒྱལ། ཁྲི་རྩེག་འབུམ་གདུགས་བཅས་ལྔ་སྔ་ཕྱིས་བཞེངས་པ་དང་པུ་དེ་གུང་རྒྱལ་གྱི་སྐབས་སུ་ཕོ་བྲང་སྟག་རྩེ་བཞེངས་པ་རྣམས་ལ་ཟེར། |
| འཕྱིང་སང |
རྒྱ བློན་པོའི་མིང༌། |
| འཕྱིངས |
འདས་པ་ བལ་འཕྱིངས་ན་སེད་དཀའ་ལྟ་བུ། |
| འཕྱིངས་པ |
ཐ་མི་དད་པ འཛིང་ཞིང་འབྱར་བ། སྐྲ་འཕྱིངས་པ། བལ་འཕྱིངས་པ། |
| འཕྱིད |
ཕྱིད་ཀྱི་ད་ལྟ་བའི་འབྲི་ཚུལ་གཞན། ཕྱིས་ཀྱི་ད་ལྟ་བ་ལ་འཕྱིད་འབྲི་བའང་ཡོད། |
| འཕྱིད་པ |
ཐ་མི་དད་པ ཕྱིད་པ། འཕྱིད་པ།། 1 ཡན་ལག་དང་མིག་དབང་སོགས་གདུང་བར་འགྱུར་བ། ཀོ་ལྷམ་རྩུབ་མོས་རྐང་པ་ཕྱིད་པ། གངས་ཀྱིས་མིག་འཕྱིད་ཡོང༌། དུ་བས་མིག་ཕྱིད་པ། 2 འཁྱོངས་པའམ་འཁྱོལ་བ། ལྟོ་གོས་ཀྱི་འཚོ་བ་འཕྱིད་པ། མི་ཚེ་དོན་ལྡན་དུ་ཕྱིད་པ། འཚོ་བ་མ་ཕྱིད་པ་ཁ་ཅིག་རྒྱལ་པོ་ལ་འཁྲིལ་ནས་གནོད་པ་བྱས་སོ། |
| འཕྱིས |
འདས་པ་ དགུང་མོ་ཉལ་མ་འཕྱིས། སྔ་མོ་ལངས་མ་འཕྱིས་ལྟ་བུ། |
| འཕྱིས་པ |
འཕྱི་བའི་འདས་པ། |
| འཕྱུག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ནོར་བའམ་འཁྲུལ་བའི་དོན་ཏེ། ཡི་གེ་འཕྱུག་མི་རུང་། ལམ་འཕྱུག་མི་ཉན་ལྟ་བུ། |
| འཕྱུག་པ |
ཐ་མི་དད་པ འཕྱུགས་པ། འཕྱུག་པ།། ནོར་བའམ་འཛོལ་བ། དོན་གནད་ལ་ཞིབ་ཚགས་ཀྱིས་མ་བརྟགས་པས་འཕྱུགས་འདུག ཁྱོད་ཀྱིས་གཟབ་ནན་གྱིས་ལ་འགྲོ་ལམ་མ་འཕྱུག་ཅིག སྐད་ཆ་མང་ན་འཕྱུགས་འགྲོ། སྐུད་པ་རིང་ན་ཆད་འགྲོ། |
| འཕྱུགས |
འདས་པ་ ཡི་གེ་འཕྱུགས་ན་དག་བཅོས་བྱེད། འགྲོ་བའི་ལམ་མ་འཕྱུགས་ལྟ་བུ། |
| འཕྱུགས་པ |
འཕྱུག་པའི་འདས་པ། |
| འཕྱུགས་པར་འདོད་པའི་ལུགས |
ཁྱིམ་ཅན་གཟའ་རྣམས་ཁྱིམ་སྐར་དང་མི་འདྲ་བར་བགྲོད་ལམ་འཕྱུགས་པར་འདོད་པའི་ལུགས། |
| འཕྱུར |
(བྱེད་མེད་ལས་ཚིག) སྤྲིན་དང་དུ་བ་སོགས་ཡར་ལྷོག་ལྷོག་འགྲོ་བའི་དོན་ཏེ། བཟོ་གྲྭའི་དུ་ཁུང་ནང་ནས་དུ་བ་འཕྱུར་ལྟ་བུ། ཆུ་སོགས་ཡར་ལྡིང་བའི་དོན་ཏེ། རྒྱ་མཚོའི་རྦ་རླབས་གྱེན་དུ་འཕྱུར་ལྟ་བུ། ０ཆུ་སོགས་ཁོལ་ནས་ལྷོག་ལྷོག་འགུལ་བའི་དོན་ཏེ། འོ་མ་བསྐོལ་ནས་འཕྱུར་ལྟ་བུ། |
| འཕྱུར་པོ |
འཕྱུར་བུ་དང་འདྲ། |
| འཕྱུར་བ |
ཐ་མི་དད་པ འཐུལ་བ་དང་འཚུབ་པ། དུ་བ་འཕྱུར་བ། ལྦུ་བ་འཕྱུར་བ། མཚོ་འཕྱུར་ཏེ་ལུང་པར་ཆུ་སྐྱོན་བྱུང༌། རྦ་རླབས་ལང་ལོང་དུ་འཕྱུར་བ། རླངས་པ་འཕྱུར་བ། |
| འཕྱུར་བུ |
འབུར་འབུར་རམ། བྱུར་བྱུར་ཡོད་པ་དང༌། རྩེ་མོ་འབུར་བ། རི་རྩེ་འཕྱུར་བུ། འབྲུ་ཕུང་འཕྱུར་བུ། |
| འཕྱུར་འཕྱུར |
1 གྱེན་དུ་ཕུང་ཕུང་དུ་ཐོན་ཚུལ་ཞིག དུ་བ་འཕྱུར་འཕྱུར། རྦ་རླབས་འཕྱུར་འཕྱུར། ཐལ་འཚུབ་འཕྱུར་འཕྱུར། རླངས་པ་འཕྱུར་འཕྱུར། གུར་དཀར་པོ་འོ་མ་འཕྱུར་འཕྱུར་རེད། 2 ཁ་དོག་གི་ཁྱད་པར་སྟོན་བྱེད་ཚིག་ཕྲད་ཅིག སྐྱ་འཕྱུར་འཕྱུར། དམར་འཕྱུར་འཕྱུར། སེར་འཕྱུར་འཕྱུར། སྔོ་འཕྱུར་འཕྱུར། |
| འཕྱེ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)རྐང་བ་མེད་པར་གོག་པའམ་ནུར་བའི་དོན་ཏེ། སྦྲུལ་གྱི་མིང་ལ་ལྟོ་འཕྱེ་ཟེར་བ་ལྟ་བུ། |
| འཕྱེ་བ |
ཐ་མི་དད་པ འཕྱེས་པ། འཕྱེ་བ།། འགྲོ་བ། ལྟོ་འཕྱེ། རྐང་པ་མེད་པར་འཕྱེ་བ་སྦྲུལ་ལྟ་བུ། |
| འཕྱེ་བོ |
རྙིང 1 རྐང་པ་གཉིས་འཁུམས་ནས་བགྲོད་པ། 2 རྐང་པ་ཞ་བོའམ། ཡན་ལག་མེད་པར་ལྟོ་བས་འགྲོ་མཁན། |
| འཕྱེན |
ཕྱེན་གྱི་འབྲི་ཚུལ་གཞན། |
| འཕྱེས |
འདས་པ་ འཕྱེས་ནས་སོང་ལྟ་བུ། |
| འཕྱེས་པ |
1.འཕྱེ་བའི་འདས་པ། 2.རྐང་པ་ཞ་བ་ལྟར་འགྲོ་མི་ཐུབ་པ་སྨད་ལྕི་ལ་བེམ་བེམ་པོར་ན་བ་ཞིག |
| འཕྱེས་འགྲོ |
སྦྲུལ་གྱི་མིང་། |
| འཕྱོ |
1.(བྱེད་མེད་ལས་ཚིག་མ་འོངས་པ་དང་ད་ལྟ་བ)ཡར་ལྡིང་བའི་དོན་ཏེ། སེང་གེ་མཁའ་ལ་འཕྱོ། རྟ་མཆོག་རླུང་ལྟར་འཕྱོ་ལྟ་བུ། 2.(རྒྱན་ཚིག) བྱ་སྤྱོད་ཚད་ལས་འདས་པའི་དོན་ཏེ། དེ་འཕྱོ་འདི་འཕྱོ་མ་བྱེད། ཧ་ཅང་འཕྱོ་མི་རུང་ལྟ་བུ། |
| འཕྱོ་དགུ |
འདབ་ཆགས་དང་རི་དྭགས་སྤྱིའི་མིང༌། |
| འཕྱོ་བ |
ཐ་མི་དད་པ 1 ལྡིང་ཞིང་འཕུར་བ། བྱ་རྣམས་མཁའ་ལ་འཕྱོ་སྟེ་ཐང་དུ་འབབ། ཉ་རྣམས་ཆུའི་ནང་དུ་འཕྱོ་བ། 2 འཕག་མཆོང་རྒྱག་པ། སེང་གེ་གངས་དཀར་ལྟོངས་སུ་འཕྱོ་བ། 3 སེམས་མི་བདེ་བ། མཛའ་གྲོགས་ཡུན་རིང་མ་ཐུག་པས་བློ་སེམས་ཧ་ཅང་འཕྱོ་བ་ཞིག་བྱུང༌། |
| འཕྱོ་ཟམ |
ཆུ་སྟེང་གི་བར་སྣང༌། ཆུ་སྟེང་ལ་ལྕགས་ཐག་སོགས་བཏང་ནས་བཙུགས་པའི་ཟམ་པ། |
| འཕྱོ་ལྡིང |
འཕུར་ཞིང་ལྡིང་བ། |
| འཕྱོགས |
འཕྱག་པའི་སྐུལ་ཚིག་ |
| འཕྱོང |
1 ཁང་པའི་ཟུར། 2 སྐྱོང་བའི་བརྡ་རྙིང། |
| འཕྱོངས |
འཕྱོང་དང་འདྲ། |
| འཕྱོངས་རྒྱས |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་ཡར་ལྷ་ཤམ་པོའི་ཆུའི་ནུབ་ངོས་དང་ཡར་ཀླུངས་གཙང་པོའི་ལྷོ་ངོས་སུ་ཡོད། |
| འཕྱོན |
འཕྱན་པའི་སྐུལ་ཚིག་ |
| འཕྱོན་པ |
སྐྱེས་པ་འཆལ་པོ། |
| འཕྱོན་མ |
སྨད་འཚོང་མའམ་འཇུད་མཐུན་མ། |
| འཕྱོར |
མཆོར་ཀྱི་འབྲི་ཚུལ་གཞན། |
| འཕྱོར་དགའ |
སྒེག་ཆོས་ལ་དགའ་བ། |
| འཕྱོར་པོ |
རྒྱན་གོས་ལ་དང་དོད་ཆེན་པོ་བྱེད་པའི་སྐྱེས་པ། |
| འཕྱོར་བ |
ཐ་དད་པ བརྒྱན་པའམ་ཕྱུག་པ། རྒྱན་གོས་བཟང་པོས་ཕྱི་ནས་འཕྱོར་བ་ལས། བསམ་བློ་བཟང་པོས་ནང་ནས་འཕྱོར་བ་གལ་ཆེ། |
| འཕྱོར་མོ |
རྒྱན་གོས་ལ་དང་དོད་ཆེན་པོ་བྱེད་པའི་བུད་མེད། |
| འཕྱོར་འགྲོས |
སྒེག་ཆོས་ཀྱི་གོམ་སྟབས། |
| འཕྱོར་ལྡེམ་ཅན |
རྒྱན་གོས་མཛེས་པ་གྱོན་ཞིང༌། ལུས་སྒེག་པའི་ལྡེམ་ཉམས་ཅན། བུ་མོ་འཕྱོར་ལྡེམ་ཅན། |
| འཕྱོར་སེམས |
མཆོར་སྒེག་གི་སེམས། འཕྱོར་སེམས་མ་མཛད། |
| འཕྱོས |
1.འདས་པ་ རྟ་མདོ་བའི་གོམ་འགྲོས་རླུང་ལྟར་འཕྱོས་ལྟ་བུ། རྐྱེན་ཞིག་ལ་བརྟེན་ནས་སེམས་ལ་གཡོ་འགུལ་བྱུང་བའི་དོན་ཏེ། ཤེས་པ་འཕྱོ། ཡིད་འཕྱོ་ལྟ་བུ། ０ཆུ་ཁར་གཡེང་བའི་དོན་ཏེ། པད་མ་ཆུ་ཡི་སྟེང་ན་འཕྱོ། ཤིང་སྡོང་ཆུའི་སྟེང་ན་འཕྱོ་ལྟ་བུ། 2.འཕྱོ་ཡི་འདས་པ། འཕྱ་ཡི་སྐུལ་ཚིག |
| འཕྲ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)རྟ་ནོར་གྱིས་རྐང་བ་གཡུགས་པའི་དོན་ཏེ། འདས་པ་ལ་འཕྲས་འབྲི། ད་སྐབས་འཕྲ་ཕོག འཕྲ་ཁ་བྱེད། འཕྲས་བརྒྱབ་ཅེས་འབྲི། ཕྲ་རྒྱན་གྱི་ཕྲ་ཡི་འབྲི་ཚུལ་གཞན། |
| འཕྲ་ཐོ |
རྐང་པས་བཞུས་པའི་འཕྲ་ལྕག རྟ་རྒོད་ཀྱིས་འཕྲ་ཐོ་བརྒྱབ་ནས་ཁྱི་གཅིག་བསད་པ། |
| འཕྲ་འཛིང |
རྟ་དྲེལ་དང་བོང་བུས་ཕན་ཚུན་རྐང་ཐོ་རྒྱག་རེས་བྱེད་པའི་མིང༌། རྟ་དྲེལ་ཕན་ཚུན་འཕྲ་འཛིང་རྒྱག་རེས་བྱེད་པ། |
| འཕྲ་ཤགས |
རྟ་དྲེལ་དང་བོང་བུས་རྐང་ཐོ་གཞུ་རེས། རྟ་དྲེལ་ཁྲོས་ནས་ཕར་ཚུར་འཕྲ་ཤགས་རྒྱག་གིན་འདུག |
| འཕྲག |
ཕྲག་ལ་ལྟོས། |
| འཕྲང |
གཡང་ལམ་དོག་པོ། ཚེ་འཕྲང༌། དཔུང་སྡེ་འཕྲང་ལ་གཤོར་བ། ལམ་འཕྲང་ཆུ་དང་བསྟུན་ནས་འགྲོ་ལུགས་བྱེད། ལམ་འཕྲང་གི་སྣེ་མོར་དགྲ་བོ་དང་ཐུག་པས་ཤི་གསོན་བར་གྱི་འཐབ་འཛིང་བྱ་རྒྱུ་ལས་ཐབས་གཞན་མེད། |
| འཕྲང་དམ་པ |
ལམ་འཕྲང་དོག་པོ། |
| འཕྲང་འགག |
ལམ་འཕྲང་དོག་པོ། རྟ་དྲེལ་མང་པོ་འཕྲང་འགག་ལ་འགགས་ནས་མ་ཐར་བ། |
| འཕྲང་ལམ |
གུ་དོག་སའི་ལམ། |
| འཕྲང་སྒུག |
ལམ་འཕྲང་དོག་སར་སྒུག་པོ། ངེས་མེད་དམག་འཐབ་རུ་ཁག་གིས་དགྲ་བོར་འཕྲང་སྒུག་བྱས་ཏེ་གཏོར་བ། |
| འཕྲང་སྒོ |
ལམ་འཕྲང་དོག་སའི་ཡར་སྣེ་དང་མར་སྣེ། |
| འཕྲད |
ཕྲད་དང་འདྲ། |
| འཕྲད་པ |
ཐ་མི་དད་པ ཕྲད་པ། འཕྲད་པ།། མཇལ་བ་དང་ཐུག་པ། འགྲོ་ལམ་འཛོལ་བས་ངེད་གཉིས་འཕྲད་མ་བྱུང༌། བློ་མཐུན་པ་ཕན་ཚུན་ཐུག་ཕྲད་བྱུང་ནས་ལས་ཀའི་ཉམས་མྱོང་སྤེལ་རེས་བྱེད་པ། དམིགས་ཡུལ་གཅིག་གི་དོན་དུ་གསར་བརྗེ་པ་ཚོ་རྟག་ཏུ་ཕན་ཚུན་འཕྲད་པ་དང་བྲལ་བ། |
| འཕྲད་མཚམས |
ཕན་ཚུན་ཐུག་པའི་མཚམས། |
| འཕྲད་ས |
ཕན་ཚུན་འཛོམས་པའི་གནས། མཐའ་བསྐོར་དང་ཚངས་ཐིག་གི་འཕྲད་ས་བཞི། |
| འཕྲད་སྐད |
ཕལ་སྐད། ཡུལ་སོ་སོའི་འཕྲལ་སྐད་མི་འདྲ། |
| འཕྲལ |
1 མྱུར་བ་དང༌། དེ་མ་ཐག་དང༌། གློ་བུར། འགོར་མེད་འཕྲལ་དུ་ཤོག ལས་དོན་ཚང་མ་འཕྲལ་ནས་འཕྲལ་དུ་བྱས་པ། དུས་ཚད་སླེབས་འཕྲལ་དུ་ཚོགས་འདུ་འཚོགས་སོང༌། 2 གནས་སྐབས། སྐབས་འཕྲལ་གྱི་བྱ་བ། ནད་གཞི་འཕྲལ་ལ་སྐྱེས་པ་རྣམས་སྔོན་དུ་བཅོས་དགོས། |
| འཕྲལ་གསལ |
ཞུ་ལན་འཕྲལ་འཕྲལ་སྤྲོད་པའི་གསལ་ཆ། |
| འཕྲལ་དགོས |
1 གནས་སྐབས་ཀྱི་དགོས་མཁོ། 2 མྱུར་དུ་དགོས་པའི་རིགས། |
| འཕྲལ་དོན |
1 གནས་སྐབས་ཀྱི་ཁེ་ཕན། 2 གནས་སྐབས་ཀྱི་ལས་ཀ། |
| འཕྲལ་ཕུགས |
གནས་སྐབས་དང་ཕུགས། འཕྲལ་ཕུགས་གཉིས་ཀར་ཕན་པའི་བྱ་བ། འཕྲལ་ཕུགས་ཀུན་སྐྱིད། འཕྲལ་བདེ་ཕུགས་སྐྱིད། |
| འཕྲལ་བ |
1 འཕྲི་རྩིས། 2 རྙིང དཔྲལ་བ། |
| འཕྲལ་བདེ |
1 གནས་སྐབས་བདེ་བ། 2 ཁ་ཚ་དགོས་གཏུགས་ཀྱི་མཁོ་བེད་སྤྱོད་བདེ། རྒྱུ་དངོས་མཁོ་འདོན་ལས་ཁུངས་ནས་དུས་ཐོག་སོ་སོར་གང་དགོས་ཀྱི་ཡོ་བྱད་འདོན་གཏོང་འཕྲལ་བདེ་ཡོང་བ་གྱིས། |
| འཕྲལ་བདེ་བ |
གཉེར་པ། |
| འཕྲལ་བདེ་ལས་ཁུངས |
སྔར་བོད་ས་གནས་སྲིད་གཞུང་སྐབས་ཏཱ་ལའི་བླ་མའི་ཉེར་མཁོ་འཕྲལ་འཕྲལ་གཏོང་མཁན་ཕྱག་མཛོད་ཀྱི་ལས་ཁུངས་ཏེ་རྩེ་ཕྱག་ལས་ཁུངས། |
| འཕྲལ་བསྲིངས |
འཕྲལ་གཏོང་སྟེ་ཡི་གེ་སོགས་ལམ་སེང་གཏོང་བ། |
| འཕྲལ་མ |
དེ་མ་ཐག་ལམ་སང༌། མྱུར་པོ། མེ་སྐྱོན་ཤོར་བའི་འཕྲལ་མ་ཉིད་དུ་བསད་པ། བཟོ་པ་རྣམས་ལས་གྲྭ་འཛུགས་ཡུལ་དུ་འཕྲལ་མར་ཤོག་གྱིས། སྐད་ཆ་བཤད་ནས་འཕྲལ་མར་ལག་ལེན་བསྟར་དགོས། |
| འཕྲལ་མྱུར |
སྐབས་དེ་མ་ཐག བསམ་ཚུལ་ནོར་འཁྲུལ་ཅན་ཡོད་ན་འཕྲལ་མྱུར་གཙང་སེལ་བྱེད་དགོས། |
| འཕྲལ་འཕྲལ |
1 ཆ་ཤས་སོ་སོ་དང་སྐབས་མཚམས་སོ་སོ། 2 མྱུར་པོ་མྱུར་པོ། བྱེད་དགོས་པའི་ལས་ཀ་དུས་ཚིགས་མ་སྒུག་པར་འཕྲལ་འཕྲལ་འབད་བརྩོན་བྱེད་དགོས། |
| འཕྲལ་ཡུན |
མིག་སྔ་དང་རྒྱང་རིང༌། |
| འཕྲལ་རྐྱེན |
གནས་སྐབས་ཀྱི་རྐྱེན། |
| འཕྲལ་རྒྱགས |
འཕྲལ་ལ་ལོངས་སྤྱོད་པའི་འཚོ་ཆས། |
| འཕྲས |
འཕྲ་ལ་ལྟོས། ཕྲས་ཀྱི་འབྲི་ཚུལ་གཞན། |
| འཕྲས་པ |
འཕྲེས་པ་དང་འདྲ། |
| འཕྲི |
ཕྲི་ཡི་ད་ལྟ་བ་ལ་འཕྲི་འབྲི་བའང་ཡོད། |
| འཕྲི་བ |
འབྲིད་པའི་འབྲི་ཚུལ་གཞན་ཞིག་ |
| འཕྲི་རྟགས |
རྩིས་རྒྱག་སྐབས་ཁྱོན་འབོར་ནས་འཕྲི་རྒྱུའི་རྟགས་ཏེ། རྩིས་ཀྱི་འཐེན་རྟགས། |
| འཕྲི་རྩིས |
གྲངས་སོགས་མར་འཕྲི་བའི་རྩིས་རྒྱག་སྟངས། |
| འཕྲི་སྣོན |
གྲངས་ཀ་སོགས་མར་འཕྲི་ཡར་སྣོན། མཐུག་འཕྲི་སྲབ་སྣོན་བྱེད་པ། |
| འཕྲིག་པ |
1. ཐ་མི་དད་པ འཕྲིགས་པ། འཕྲིག་པ།། 1 ཚོད་ཀྱིས་རྟོགས་པ་དང༌། ཟུར་གྱིས་ཤེས་པ། ཁོས་དངོས་སུ་མི་ལབ་ཀྱང་ངས་གསལ་པོར་འཕྲིགས་བྱུང༌། དོགས་གནས་ལ་བརྟག་དཔྱད་ཀྱིས་གསལ་པོར་འཕྲིགས་པ། 2 འཕར་བ་དང༌། འགུལ་བ། ལུས་རྩ་འཕྲིག་པ། མིག་འཕྲིག་པ། ཤ་ཚན་དབང་མེད་དུ་འཕྲིག་པ། 2. དོགས་པ། |
| འཕྲིག་ཚུད་པ |
1 དོན་རགས་རིམ་ཤེས་པ་དང༌། སེམས་ལ་ངེས་པ། དཀའ་བའི་གནད་ལ་འཕྲིག་ཚུད་པ། 2 དོགས་པ་ཟ་བ། ཁོ་ལ་དྲང་གཏམ་བཤད་ཀྱང་འཕྲིག་ཚུད་དེ་ཡིད་མི་ཆེས་པ། |
| འཕྲིག་ཟ་བ |
དོགས་པ་ཟ་བ། |
| འཕྲིགས |
(བྱེད་མེད་ལས་ཚིག) ཤེས་པའམ་རྟོགས་པའི་དོན་ཏེ། གཞུང་དོན་རྣམས་འཕྲིགས་སུ་ཆུད་ལྟ་བུ། དོགས་པ་ཟ་བའི་དོན་ཏེ། ཐེ་ཚོམ་འཕྲིགས་གེར་བསྡད། བྱ་རོག་འཁུ་འཕྲིགས་ཞེས་པ་ལྟ་བུ། |
| འཕྲིགས་པ |
འཕྲིག་པའི་འདས་པ། |
| འཕྲིན |
མི་གཅིག་གིས་གཅིག་ལ་བསྐུར་བའི་སྐད་ཆ་དང་ཡི་གེའི་མིང་ འཕྲིན་བསྐུར། འཕྲིན་ཡིག་གློག་འཕྲིན། འཕྲིན་སྙན་འབྱོར་ལྟ་བུ། |
| འཕྲིན་ཁྱེར |
མངོན བང་ཆེན། |
| འཕྲིན་བཅོལ |
ཡི་དམ་དང༌། ཆོས་སྐྱོང་ལ་འདོད་དོན་བཅོལ་བ། |
| འཕྲིན་ཡིག |
ཕྲིན་ཡིག་དང་འདྲ། |
| འཕྲིན་ལས |
ཕྲིན་ལས་དང་འདྲ། |
| འཕྲིན་ལས་རྒྱ་མཚོ |
ཏཱ་ལའི་བླ་མ་སྐུ་ཕྲེང་བཅུ་གཉིས་པ་འདི་རབ་བྱུང་བཅུ་བཞི་པའི་མེ་འབྲུག་ལོར་འཁྲུངས། ས་རྟ་ལོར་གསེར་བུམ་དཀྲུགས་ནས་ལྕགས་སྤྲེལ་ལོར་གསེར་ཁྲིར་ཕེབས། རབ་བྱུང་བཅོ་ལྔ་པའི་ཆུ་བྱ་ལོར་འཇམ་དབྱངས་གོང་མ་ཐུང་ཀྲིའི་བཀའ་འབྲེལ་ཆོས་སྲིད་གཉིས་ཀྱི་འགན་ཁུར་བཞེས་ནས་ཤིང་ཕག་ལོར་འདས། |
| འཕྲིན་སྐྱེལ |
མངོན བང་ཆེན། |
| འཕྲུ |
ཞིང་ལ་ལོག་རྒྱག་པའི་ལས་ཀའི་མིང་ འཕྲུ་སློག(ལོག་བརྒྱབ)ལྟ་བུ། |
| འཕྲུ་ཏོག |
ཞྭ་མོའི་ཏོག |
| འཕྲུ་བ |
ཕྲུ་བ་དང་འདྲ། |
| འཕྲུག |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ལུས་ཟ་འཕྲུག་ལངས་པར་གཙུབ་པའི་དོན་ཏེ། རྨ་ཁར་སེན་མོས་མ་འཕྲུག རྟས་འཕྲུག་རེས་བྱེད་ལྟ་བུ། |
| འཕྲུག་པ |
ཐ་དད་པ འཕྲུགས་པ། འཕྲུག་པ། ཕྲུགས།། འབྲད་པ། གཡན་པ་འཕྲུགས་པ། ཟ་བ་ཕྲུགས་པ། |
| འཕྲུག་སྤྱད |
ཟ་རེག་འཕུར་འཕུར་བྱེད་པའི་ལག་ཆ། |
| འཕྲུགས |
འདས་པ་དང་སྐུལ་ཚིག་ རྨ་ལ་སེན་མོས་མ་འཕྲུགས། ངའི་རྒྱབ་ལ་འཕྲུགས་ཤིག་ལྟ་བུ། |
| འཕྲུགས་པ |
འཕྲུག་པའི་འདས་པ། |
| འཕྲུལ |
(བྱེད་མེད་ལས་ཚིག) སེམས་དང་དབང་བོར་དོན་རྫུན་མ་དེ་དོན་ངོ་མ་ཡིན་པའི་སྣང་བ་ཤར་བའི་དོན་ཏེ། མིག་འཕྲུལ་ནས་དུང་དཀར་སེར་བོར་སྣང་ལྟ་བུ། དོན་དངོས་སུ་མེད་པའི་སེམས་ཀྱི་སྣང་བའི་མིང་ ཆང་གིས་བཟི་ན་འཕྲུལ་སྣང་སྣ་ཚོགས་འཆར། བཙན་རྒྱལ་རིང་ལུགས་ལ་འཕྲུལ་སྣང་སྐྱེ་མི་རུང་ལྟ་བུ། |
| འཕྲུལ་ཀོང |
ལྕགས་རིགས་བཞུ་སྣོད། |
| འཕྲུལ་ཁང |
འཕྲུལ་འཁོར་གྱི་ཁང་པ། |
| འཕྲུལ་གཤེན |
སྔར་བོན་གྱི་སྟོན་པ་གཤེན་རབ་ཀྱི་མིང༌། |
| འཕྲུལ་གཤེན་བལ་མཚོན་ཅན |
བོན་པོའི་ཆོས་ལུགས་འཛིན་པའི་བྱེ་བྲག་ཆུང་གྲས་རྒྱུའི་བོན་ཏེ་རྐྱེན་ཟློག་མདོས་ཟོར་འཕེན་པའི་བྱེད་ལས་ཅན་ཞིག |
| འཕྲུལ་གྱི་སྤྱན |
བསམ་གཏན་དང་པོ་ལ་སོགས་པ་བསྒོམས་པ་ལས་གྲུབ་ཅིང་ཤའི་སྤྱན་ལས་ཁྱད་ཞུགས་པས་ཕྱོགས་བཅུ་དུས་གསུམ་གྱི་གཟུགས་ཆེ་ཆུང་ཐམས་ཅད་མཐོང་བ་ཞིག |
| འཕྲུལ་ཆ |
མཚོན་ཆའམ། འཕྲུལ་གྱི་ཡོ་བྱད། |
| འཕྲུལ་ཆས |
འཕྲུལ་ཐབས་ཀྱིས་འཁོར་བའི་རིགས། ཞིང་ལས་འཕྲུལ་ཆས་ཅན་དུ་འགྱུར་བ། |
| འཕྲུལ་ཐལ |
བོད་སྨན་གྱི་སྦྱོར་སྡེ་ཞིག |
| འཕྲུལ་ཐུར |
ཆུ་འགགས་པ་གཙག་བྱེད་ཀྱི་ཡོ་བྱད་ཅིག |
| འཕྲུལ་དགའ |
འདོད་ལྷ་རིས་དྲུག་གི་ནང་གསེས། འདོད་པའི་ལོངས་སྤྱོད་ཅི་དགར་རང་གིས་སྤྲུལ་ཞིང་ལོངས་སྤྱོད་པས་འཕྲུལ་དགའ་ཞེས་བྱའོ། |
| འཕྲུལ་ནམ་གཞུང་བཙན་ལྡེ |
ཟ་ནམ་ཟིན་ལྡེའི་བུ་སྔར་བོད་རྒྱལ་བཅུ་བདུན་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག་རྒྱལ་པོ་འདིའི་དུས་ནས་བཟུང་བོད་ཀྱི་བློན་པོའི་རིམ་པ་བརྩི་སྲོལ་གྱི་འགོ་བཙུགས། |
| འཕྲུལ་པའི་མིག་ཅན |
མངོན ཕུག་རོན། |
| འཕྲུལ་བ |
ཐ་དད་པ སྤྲུལ་བ་དང༌། གཡོ་བ། རྫུ་འཕྲུལ། མིག་འཕྲུལ། འཕྲུལ་སྒང་ཡ་མ་ཟུང་དུ་འཕྲུལ་བ། ཐབས་འཕྲུལ། རིག་འཕྲུལ། བཟོ་འཕྲུལ། |
| འཕྲུལ་བཤད་པ |
ཡུལ གཞན་མགོ་སྐོར་གྱི་རྣམ་འགྱུར་སྟོན་པ་དང༌། གཏམ་ཤོད་པ། |
| འཕྲུལ་བློན |
རིག་འཕྲུལ་དྲན་སྐྱེན་གྱི་བློན་པོ། |
| འཕྲུལ་བློན་མཛངས་མི་བདུན |
བོད་ལྗོངས་དར་རྒྱས་ཡོང་བ་ལ་མཛད་རྗེས་ཆེ་བའི་བློན་པོ་མཁས་མཛངས་ཅན་བདུན་ཏེ། པུ་དེ་གུང་རྒྱལ་སྐབས་ཀྱི་རུ་ལས་སྐྱེས་དང༌། ཨེ་ཤོ་ལེགས་སྐབས་ཀྱི་ལྷ་བུ་མགོ་དཀར། སྟག་རི་གཉན་གཟིགས་སྐབས་ཀྱི་ངོར་སྣང་བཙན་མང༌། སྲོང་བཙན་སྒམ་པོ་སྐབས་ཀྱི་ཐུ་མི་སམ་བྷོ་ཊ་དང༌། བཟང་ཡང་སྟོན་སྙགས། ཁྲི་སྲོང་ལྡེ་བཙན་སྐབས་ཀྱི་འགོས་ཁྲི་བཟང་ཡབ་ལྷག་དང༌། སྟག་བཙན་གདོང་གཟིགས་བཅས་སོ། |
| འཕྲུལ་མ |
1 གཅུས་གཟེར། 2 ལུས་ཀྱི་རྣམ་འགྱུར་མཛེས་པ་དང༌། ངག་འཇམ་གྱིས་སྐྱེས་པ་སླུ་བའི་བུད་མེད་ཀྱི་མིང༌། |
| འཕྲུལ་མདའ |
འཕྲུལ་ཤུགས་ཀྱིས་མདེའུ་འཕེན་བྱེད་མེ་མདའ། |
| འཕྲུལ་མའི་མིག་ཅན |
མངོན ཕུག་རོན། |
| འཕྲུལ་འཁོར |
1 བཟོ་ལས་ཀྱི་འཕྲུལ་འཁོར། འཕྲུལ་འཁོར་ལྷུ་སྒྲིག་པ། འཕྲུལ་འཁོར་གྱི་ལྷུ་ལག 2 འཕྲུལ་སྟབས་ཀྱི་འཁོར་ལོ། ཐབས་ཀྱི་འཕྲུལ་འཁོར། རྨོངས་བྱེད་འཕྲུལ་འཁོར། 3 མངོན་ཤེས་བརྡ་ཐབས་འཕྲུལ་འཁོར། |
| འཕྲུལ་འཁོར་འཁོར་བ |
འཕྲུལ་ཆས་འཁོར་ལོ་རང་བཞིན་དུ་འཁོར་བ། |
| འཕྲུལ་འཁོར་སྐོར་བ |
འཕྲུལ་ཆས་འཁོར་ལོ་ཆེད་དུ་སྐོར་བ། |
| འཕྲུལ་རྨོས |
འཕྲུལ་འཁོར་ལ་བརྟེན་ནས་རྨོན་པ་རྒྱག་པ། |
| འཕྲུལ་སྟོབས |
རིག་འཕྲུལ་དང་བཟོ་འཕྲུལ་གྱི་ནུས་པ། |
| འཕྲུལ་སྣང |
1 འཕྲུལ་གྱི་རྣམ་འགྱུར། ཕྱིའི་འཕྲུལ་སྣང་སྣ་ཚོགས་ཀྱིས་རང་མགོ་འཁོར་བ། 2 སྤྲུལ་པ། |
| འཕྲུལ་སྣང་གཙུག་ལག་ཁང |
ལྷ་ལྡན་གཙུག་ལག་ཁང་གི་མིང་གི་རྣམ་གྲངས། |
| འཕྲུལ་སྣང་གི་ཇོ་བོ |
རྒྱ་བཟའ་ཀོང་ཇོ་སྲོང་བཙན་སྒམ་པོའི་བཙུན་མོར་ཕེབས་སྐབས་ལྷན་དུ་གདན་དྲངས་པའི་ཇོ་བོ། |
| འཕྲུལ་སློབ་པ |
འཕྲུལ་ཐབས་སྣ་ཚོགས་ཤེས་སུ་འཇུག་པ། |
| འཕྲེང་ཐག |
ཕྲེང་ཐག་དང་འདྲ། |
| འཕྲེང་བ |
1. ཐ་མི་དད་པ མི་དང་དངོས་པོའི་རྗེས་སུ་སེམས་སོང་བ། གྲོངས་པོ་ལ་སེམས་འཕྲེང་བ། ཕྲུ་གུ་ལ་སེམས་འཕྲེང་ནས་སྨྱོ་གྲབས་བྱེད་པ། ཞལ་གྱེས་སྐབས་ཐུགས་འཕྲེང་བའི་སྐྱོ་ཤས། གསུང་འཕྲེང་བའི་སྙིང་གཏམ། སྐུ་འཕྲེང་བའི་རྣམ་འགྱུར་མཛད་པ། 2. ཕྲེང་བ་དང་འདྲ། |
| འཕྲེང་རྒྱུད |
ཕྲེང་རྒྱུད་དང་འདྲ། |
| འཕྲེང་རྡོག |
ཕྲེང་རྡོག་དང་འདྲ། |
| འཕྲེང་སྟོད་བདེ་ཆེན |
བོད་རང་སྐྱོང་ལྗོངས་ཀྱི་ལྷ་ས་གྲོང་ཁྱེར་ཁོངས་སྟོད་ལུང་བདེ་ཆེན་རྫོང་གི་ས་ཆ་ཞིག |
| འཕྲེད |
ལམ་སོགས་ས་གཞིའི་ངོས་དང་མཉམ་གཤིབ་ཏུ་ཡོད་པ་ རི་བོའི་འཕྲེད་ལམ་ཞེས་པ་ལྟ་བུ། དབྱིབས་རིང་བོ་ཅན་གྱི་དངོས་རྫས་སོགས་རྩེ་རྟིང་གཡས་ནས་གཡོན་ནམ་གཡོན་ནས་གཡས་ལ་བསྟན་པ་ ཡི་གེ་འཕྲེད་བྲིས། དབྱུག་པ་སྒོ་ཁར་འཕྲེད་དུ་བཞག་ལྟ་བུ། ０སའི་གོ་ལར་ཤར་ནུབ་ཏུ་ཡོད་པ་ ཞི་བདེ་རྒྱ་མཚོར་འཕྲེད་དུ་བརྒལ་ལྟ་བུ། １སྲིད་ཞེང་གཉིས་ཀྱི་ཞེང་ ལམ་འཕྲེད་ལ་བཅད། ཆུ་བོ་འཕྲེད་གཅོད་བྱས། ཤིང་སྡོང་འཕྲེད་ལ་གཏུབ་ལྟ་བུ། |
| འཕྲེད་ཀོ |
ཆུ་བོའི་ཐད་ཀར་གཏོང་བའི་ཀོ་གྲུ། གཙང་པོའི་བྱང་ཕྱོགས་ནས་ལྷོ་ཕྱོགས་ལ་འཕྲེད་ཀོ་བཏང་སྟེ་འགྲུལ་པ་སྒྲོལ་འདོན་བྱེད་པ། |
| འཕྲེད་གཅོད |
1 ཤིང་སོགས་ཐད་ཀར་འབྲེག་པ། ཤིང་སྡོང་འཕྲེད་གཅོད་བྱས་ནས་དུམ་བུར་བཟོ་བ། 2 ཆུ་བོ་སོགས་ཐད་ཀར་བརྒལ་བ། རི་ཀླུང་འཕྲེད་གཅོད་བྱས་པ། རྩྭ་ཐང་ཆེན་པོ་འཕྲེད་གཅོད་ཀྱི་གཞུང་ལམ་ཞིག་གསར་དུ་བཟོས་པ། |
| འཕྲེད་གཏན |
སྒོ་འགོག་བྱེད་དམ་གནོན་བྱེད་ཀྱི་ཤིང༌། |
| འཕྲེད་གདུང |
འཕྲེད་དུ་གཏོང་རྒྱུའི་གདུང་མ། |
| འཕྲེད་གཞུང |
ཞེང་དང་དཀྱུས། འཕྲེད་གཞུང་བསྣོལ་བ། |
| འཕྲེད་གཟེར |
འཕྲེད་ལ་རྒྱག་པའི་གཟེར། |
| འཕྲེད་གླིང |
འཕྲེད་དུ་བཟུང་སྟེ་འབུད་རྒྱུའི་གླིང་བུ། |
| འཕྲེད་ཉལ |
1 ལུས་ཀྱི་རྩ་ལམ་ཞིག་གི་མིང༌། 2 གཞུང་མིན་པར་འཕྲེད་དུ་ཉལ་ཚུལ། ཉལ་ཁྲིའི་སྟེང་དུ་འཕྲེད་ཉལ་གྱིས་ངལ་གསོ་བ། |
| འཕྲེད་ཐིག |
འཕྲེད་དུ་བརྒྱབ་པའི་ཐིག |
| འཕྲེད་བསྙལ |
གཞུང་མིན་པར་འཕྲེད་དུ་བཞག་པ ཤིང་སྡོང་བཅད་དེ་གཞུང་ལམ་དུ་འཕྲེད་བསྙལ་བཏང་ནས་འགྲོ་ས་བཀག་པ། |
| འཕྲེད་ལམ |
བར་སྐེད་ལ་འགྲོ་བའི་ལམ། རི་དེའི་ངོས་ལ་འཕྲེད་ལམ་གཅིག་མི་འདུག་གམ། |
| འཕྲེད་ལྕམ |
ཁང་པའི་ལྕམ་ཤིང༌། |
| འཕྲེད་ཤིང |
སྒོ་དང་སྐར་ཁུང་སོགས་ལ་འཕྲེད་དུ་གཏོང་རྒྱུའི་ཤིང༌། |
| འཕྲེད་ཤོལ |
ཡུལ འབོལ་གདན་ཆ་གཅིག་གི་སྟེང་ཁེབས་པའི་ཁ་གདན་རིང་པོའི་མིང༌། |
| འཕྲེད་སྐུད |
1 རྒྱུ་དང་སྤུན་གཉིས་ཀྱི་སྤུན་ཏེ། སྣམ་བུ་སོགས་ཀྱི་འཕྲེད་དུ་གཏོང་བའི་སྲད་བུ། 2 གོས་དང་ཐང་ག་སོགས་ཀྱི་མཐའ་སྐོར་དུ་གཏོང་རྒྱུའི་སྐུད་པ། |
| འཕྲེས་པ |
ཡུལ སྙེ་བའི་དོན། ཀ་བར་འཕྲེས་པ། འཕྲེས་པ་མ་ཡིན་པར་ལུས་ཙོག་ཙོག་པུར་འདུག་པ། གདན་ལ་ལུས་གཞོགས་ཕབ་ནས་འཕྲེས་ཏེ་ཉལ་བཞིན་ཡོད། |
| འཕྲོ |
1.སྔ་ཕྱི་གཉིས་ཀྱི་ཕྱི་མའི་མིང་ ངའི་འཕྲོ་ན་བྱིས་པ་ཞིག་ཡོད། དཔྱིད་ཀྱི་འཕྲོ་ན་དབྱར་ཡོད་ལྟ་བུ། ལྷག་མའི་མིང་ ཟ་འཕྲོ་འཐུང་འཕྲོ། སྐད་ཆའི་འཕྲོ་མཐུད། ཟས་ཀྱི་ཁ་འཕྲོ་བཅད་ལྟ་བུ། 2.(བྱེད་མེད་ལས་ཚིག་མ་འོངས་པ་དང་ད་ལྟ་བ)འོད་ཤར་བའི་དོན་ཏེ། ཉི་མ་ལས་འོད་ཟེར་འཕྲོ། ཟླ་འོད་འཕྲོ་ལྟ་ |
| འཕྲོ་ཅན |
མཇུག་མ་བསྒྲིལ་བར་ལུས་པའི་རིགས། |
| འཕྲོ་ཆ |
ལྷག་མ། ལྟོ་གོས་འཕྲོ་ཆ། ལས་འགན་གྱི་འཕྲོ་ཆ། |
| འཕྲོ་ཆགས་པ |
ལྷག་མ་ལུས་པ། |
| འཕྲོ་ཆོད་པ |
སྔ་མའི་རྒྱུན་ཆོད་པ། རང་གཤིས་ངན་པ་མ་འགྱུར་བར་བྱ་ངན་གྱི་འཕྲོ་ཆོད་མི་ཡོང༌། |
| འཕྲོ་བ |
ཐ་མི་དད་པ འཕྲོས་པ། འཕྲོ་བ།། 1 སྤྲོས་ནས་འཚེར་བ། ཉི་མ་ནས་ཚ་ཟེར་ཆེམ་ཆེམ་དུ་འཕྲོས་པ། བདེ་སྐྱིད་ཀྱི་འོད་ཟེར་ཕྱོགས་ཀུན་ཏུ་འཕྲོས། 2 གཡེང་བ། སེམས་གཞན་དུ་འཕྲོས་ནས་བལྟས་ཀྱང་མ་མཐོང༌། |
| འཕྲོ་བཅད་པ |
བར་མཚམས་བཞག་པ། ལས་ཀ་གཅིག་གི་འཕྲོ་བཅད་ནས་གཞན་ཞིག་གསར་འཛུགས་བྱེད་པ། |
| འཕྲོ་བཞག་པ |
བར་མཚམས་བཞག་པའམ་མཇུག་བསྐྱུར་བ། |
| འཕྲོ་བརླག |
ཆུད་ཟོས། སྤྱོད་མཁས་མ་བྱུང་བས་རྒྱུ་དངོས་འཕྲོ་བརླག་ཏུ་བཏང་བ། འཆར་གཞིའི་རྐྱེན་གྱིས་མི་ཤུགས་འཕྲོ་བརླག་ཏུ་འགྲོ་བ། འབྲུ་རིགས་འཕྲོ་བརླག་ཏུ་མ་གཏོང༌། |
| འཕྲོ་བཤོལ་བ |
མཚམས་བཞག་པ། གནས་སྐབས་ལས་དོན་བྱེད་འཕྲོ་བཤོལ་ནས་གྲོས་སྡུར་བྱེད་དགོས། |
| འཕྲོ་བླངས་པ |
བྱ་བའི་འཕྲོ་སླར་ཡང་ལག་ཏུ་བླངས་པ། ལས་ཀའི་འཕྲོ་བླངས་ཏེ་མ་ཚར་བར་དུ་བྱས་པ། |
| འཕྲོ་མ |
མ་ཚར་བའི་ལྷག་མ། ཟ་འཕྲོ། འཐུང་འཕྲོ། རྩོམ་འཕྲོ། |
| འཕྲོ་འཇོམས |
མངོན ཐོག |
| འཕྲོ་འདུ་ཕྲིན་ལས་ཀྱི་གཟེར |
སྲོག་སྡོམ་གཟེར་བཞིའི་ཡ་གྱལ་མཆོག་ཐུན་གྱི་ཕྲིན་ལས་སྒྲུབ་པའི་བྱེ་བྲག་འདིས་མར་འཁོར་བའི་དུས་ཀྱི་སྒོ་གསུམ་གྱི་བྱ་བའི་ཆ་དག་པར་བྱེད། ཡར་སངས་རྒྱས་ཀྱི་དུས་སུ་ཕྲིན་ལས་བསམ་གྱིས་མི་ཁྱབ་པའི་འབྲས་བུ་གཞི་ལ་རྫོགས། བར་ལམ་དུས་སུ་དོན་གཉིས་ལྷུན་གྲུབ་ཀྱི་བྱ་བ་ལ་བསླབས་པས་རྫོགས་རིམ་དམིགས་བཅས་ཐུན་མོང་གི་ལམ་དང༌། དམིགས་མེད་ཡེ་ཤེས་ཀྱི་དགོངས་པ་མངོན་སུམ་འོད་གསལ་གྱི་རྣལ་འབྱོར་སྣང་སྲིད་འོད་སྐུར་སྦྱོང་བའི་སྨིན་བྱེད་དུ་འགྲོ་བའོ། |
| འཕྲོ་ཡེ་མ་ཐོད་པ |
རྙིང འཕྲོ་མ་གཏན་ནས་མ་དོད་པ་སྟེ་མ་བྱུང་བ། |
| འཕྲོ་རྒོད |
སེམས་རྩེ་གཅིག་ཏུ་མི་གནས་པར་ཕྱི་ཡུལ་གང་ས་གང་དུ་གཡེང་བ། |
| འཕྲོ་ལུས་པ |
ལྷག་མ་ལུས་པ། |
| འཕྲོ་ལྷག |
སྔར་གྱི་འཕྲོས་ལུས་སམ། ལྷག་མ། |
| འཕྲོག |
ད་ལྟ་བ་ གྲུ་གུ་འཕྲོག་མཁན་ཞེས་པ་ལྟ་བུ། བཙན་གྱིས་བདག་ཏུ་བཟུང་བ་ གཞན་གྱི་མངའ་ཁོངས་འཕྲོག་པར་ངོ་རྒོལ་བྱེད་ལྟ་བུ། ０ཡིད་དྲངས་པའི་དོན་ཏེ། གླུ་དབྱངས་སྙན་མོས་བདག་ཡིད་ཕྲོགས། སེམས་ཕྲོགས། མིག་ཕྲོགས་ལྟ་བུ། |
| འཕྲོག་པ |
1. ཐ་དད་པ ཕྲོགས་པ། འཕྲོག་པ། ཕྲོགས།། དབང་དང་བཙན་ཐབས་ཀྱིས་ལེན་པ་དང་འཇོམས་པ། གཞན་གྱི་ལུས་སྲོག་དང་ལོངས་སྤྱོད་འཕྲོག་པ། སྲོག་འཕྲོག་པ། ཡིད་འཕྲོག་པ། 2. འཕྲི་རྩིས། |
| འཕྲོག་བཅོམ |
གཞན་ནོར་འཕྲོག་ཅིང༌། བཅོམ་པ། བཅའ་ཁྲིམས་ལ་བརྟེན་ནས་འཕྲོག་བཅོམ་བྱེད་མཁན་ལ་ཉེས་ཆད་གཅོད་པ། བཙན་རྒྱལ་རིང་ལུགས་པས་མི་སེར་སྤེལ་ཡུལ་གྱི་རྒྱུ་དངོས་ཐོན་ཁུངས་འཕྲོག་བཅོམ་བྱེད། |
| འཕྲོག་བྱེད |
མངོན 1 ཁྱབ་འཇུག 2 བརྒྱ་བྱིན། 3 དངུལ་ཆུ། 4 ཉི་མ། 5 ན་ལེ། 6 དཔའ་བོ། 7 ཕྱོགས། 8 ཙན་དན་དཀར་པོ། 9 རི་དྭགས། 10 རླུང༌། 11 རླུང་ལྷ། 12 གཤིན་རྗེ། 13 སེང་གེ། 14 ཨ་རུ་ར། 15 ལྷ་དབང་ཕྱུག་ཆེན་པོའི་མིང་ལ་བདེ་བྱེད་དང༌། བདེ་འབྱུང༌། དྲག་པོ་སོགས་བཅུ་གཅིག་ཡོད་པས་གྲངས་བཅུ་གཅིག་མཚོན། |
| འཕྲོག་བྱེད་མིག |
མངོན 1 འུག་པ། 2 སྡིག་སྲིན། |
| འཕྲོག་མ |
གནོད་སྦྱིན་མོ་ཞིག |
| འཕྲོད |
(བྱེད་མེད་ལས་ཚིག) བསྐུར་བའི་དངོས་རྫས་བསྐུར་ཡུལ་གྱི་ལག་ལ་འབྱོར་བའི་དོན་ཏེ། འཕྲིན་ཡིག་ལག་ཏུ་འཕྲོད། རྒྱུ་ནོར་བསྐུར་བ་བདག་པོ་ལ་འཕྲོད་ལྟ་བུ། འོས་ཤིང་མཚམས་པའི་དོན་ཏེ། སྐྱེས་སའི་ས་ཆུ་ལུས་ལ་འཕྲོད། ཟས་བཅུད་ཅན་ལུས་ལ་འཕྲོད་ལྟ་བུ། |
| འཕྲོད་གཤིས |
འཕྲོད་མི་འཕྲོད་ཀྱི་གཤིས་ལུགས། འབྲོག་ཁུལ་གྱི་ནོར་ཕྱུགས་ཚ་བ་ཆེ་སར་འཕྲོད་གཤིས་ཡག་པོ་མི་ཡོང༌། |
| འཕྲོད་པ |
1. ཐ་མི་དད་པ 1 སྤྲད་ནས་འབྱོར་བ་དང༌། ལག་ཏུ་སོན་པའམ་ཐོབ་པ། ཁྲལ་དང་བུ་ལོན་སྤྲོད་སྤྲོད་ཇི་ཙམ་བྱས་ཀྱང་འཕྲོད་རྒྱུ་མེད། འཕྲིན་བསྐུར་ནས་འཕྲོད་པ། སྐད་ཆའི་གོ་བརྡ་མ་འཕྲོད་པ། 2 མཐུན་པའམ། འོས་པ་དང་ཕན་པ། ལུང་པ་གསར་པ་ཞིག་ཏུ་ཐོག་མར་འབྱོར་བས་ས་ཆུ་མི་འཕྲོད་པ། སྔོན་གྱི་བཤད་ལུགས་དང༌། ད་ལྟའི་གནས་ཚུལ་ཕན་ཚུན་ར་འཕྲོད་པ། བཟའ་ཚང་འཕྲོད་པ། སྨན་འདི་ནད་དེ་ལ་འཕྲོད་ཡོང༌། ནོར་མི་འཕྲོད་པ། ཤིང་གི་ཡོ་བྱད་ཀྱི་ལྷུ་འཕྲོད་པ། བློ་ལ་འཕྲོད་པ། 3 རྙིང ཚོགས་པ། 2. ནག་རྩིས་ནང་གི་ལྷ་ཞིག |
| འཕྲོད་པ་ཉེར་བརྒྱད |
ཀུན་དགའ་དང༌། དུས་ཀྱི་དབྱིག་དུལ་བ། སྐྱེ་དགུ། གཞོན། བྱ་རོག་རྒྱལ་མཚན། དཔལ་བེའུ། རྡོ་རྗེ། ཐོ་བ། གདུགས། གྲོགས། ཡིད། འདོད་བྱ། མགལ་མེ། རྩ་བཏོན། འཆི་བདག་མདའ། གྲུབ་པ། མདུང༌། བདུད་རྩི། གཏུན་ཤིང༌། གླང་པོ། སྟག་མྱོས། ཟད། གཡོ། བརྟན། འཕེལ་བ་རྣམས་སོ། དེ་ཡང་རེས་གཟའ་བདུན། རྒྱུ་སྐར་ཉེར་བརྒྱད་གང་རུང་དང་འགྲོགས་པ་ལ་བསྟུན་ནས་བཞག་པ་ཡིན་ཏེ། དེ་ཡང་ཉི་མ་དང་ཐ་སྐར་འགྲོགས་པ་ལ་ཀུན་དགའ་ཞེས་བརྗོད་པ་བཞིན་གཞན་ལ་རིགས་འགྲེ་སྦྱར། |
| འཕྲོད་པོ |
རན་པོའམ་མཐུན་པོ། ཨ་རག་འདི་ཁ་ལ་འཕྲོད་པོ་མི་འདུག་གམ། གནམ་གཤིས་འགྱུར་ལྡོག་ཆེ་དྲགས་པས་ལུས་ལ་འཕྲོད་པོ་བྱུང་ངམ། |
| འཕྲོད་བཞེས |
ལུས་ལ་འཕྲོད་པའི་བཟའ་བཏུང་དང༌། ཀུན་སྤྱོད་རྣམས་ལག་ཏུ་ལེན་པ། སྐུ་གཟུགས་ལ་འཕྲོད་བཞེས་གནང་རོགས་ཞུ། |
| འཕྲོད་བསྟེན |
མིའི་ལུས་ཁམས་བདེ་བ་ལ་འབྲེལ་བ་ཡོད་པའི་བྱ་བའི་སྤྱི་མིང་ འཁོར་ཡུག་གི་འཕྲོད་བསྟེན། ཟས་ཀྱི་འཕྲོད་བསྟེན་ཞེས་པ་ལྟ་བུ། ０བློ་ལ་ངེས་པའི་དོན་ཏེ། དཔེ་ཆའི་ནང་དོན་ངོ་འཕྲོད་ལྟ་བུ། |
| འཕྲོད་འཛིན |
འབྱོར་བྱུང་ཟེར་བའི་ཡི་གེ། |
| འཕྲོད་ལམ |
ལམ་འགྲོའམ་མཐུན་པ། མི་ལ་ལ་ས་མཐོ་སར་སྡོད་པ་ལས་ས་དམའ་སར་བསྡད་ན་འཕྲོད་ལམ་ཆེ་བ་ཡོང༌། |
| འཕྲོད་སྦྱོར |
གཟའ་དང་རྒྱུ་སྐར་རྣམས་ཀྱི་འབྱུང་བ་བཞིའི་ཁམས་གང་འཕྲོད་སྦྱོར་བ་ས་གཉིས་འཕྲད་པ་དངོས་གྲུབ་སྦྱོར། ཆུ་གཉིས་འཕྲད་པ་བདུད་རྩི་སྦྱོར། མེ་གཉིས་འཕྲད་པ་འཕེལ་འགྱུར་སྦྱོར། རླུང་གཉིས་འཕྲད་པ་ཕུན་ཚོགས་སྦྱོར། ས་ཆུ་འཕྲད་པ་ལང་ཚོ་སྦྱོར། མེ་རླུང་འཕྲད་པ་སྟོབས་ལྡན་སྦྱོར། ས་རླུང་འཕྲད་པ་མི་འཕྲོད་སྦྱོར། ཆུ་རླུང་འཕྲད་པ་མི་མཐུན་སྦྱོར། ས་མེ་འཕྲད་པ་བསྲེག་སྦྱོར། མེ་ཆུ་འཕྲད་པ་འཆི་སྦྱོར་རྣམས་ལ་བཟང་པོ་གསུམ་དང༌། གསོ་ཐུབ་གསུམ། ངན་གསུམ། ཐ་ཆད་གཅིག་དང་བཅུ་ཞེས་གྲགས། |
| འཕྲོས |
འཕྲོ་ཡི་འདས་པ། བཤད་བྱ་གཙོ་བོའི་ཞོར་ལ་དོན་གཞན་བཤད་པའི་དོན་ཏེ། མཚན་ཉིད་རིག་པ་བཤད་པ་ལས་འཕྲོས་ནས་གཏན་ཚིག་རིག་པ་བཤད། ལུས་ཀྱི་ཆགས་ཚུལ་ལས་འཕྲོས་ནས་ནད་གསོ་ཚུལ་བཤད་ལྟ་བུ། |
| འཕྲོས་གཏམ |
1 མོལ་གཏམ། 2 དོན་རྩ་ལས་འཕྲོས་པའི་སྐད་ཆ་གཞན། |
| འཕྲོས་གཏམ་བན་བུན |
གཞན་ལས་འཕྲོས་པའི་སྐད་ཆ་ཟར་ཟིར། འཕྲོས་གཏམ་བན་བུན་ཚིག་ལ་ཡིད་བརྟན་མེད། |
| འཕྲོས་དོན |
གཞི་ལས་འཕྲོས་པའི་དོན། |
| འཕྲོས་པ |
འཕྲོ་བའི་འདས་པ། |
| འཕྲོས་བཤད |
དངོས་གཞིའི་ཞོར་ལ་གླེང་བའི་འཕྲོས་དོན་བཤད་པ། གཏམ་རྒྱུད་ལོ་རྒྱུས་འདི་ཚོ་གཞུང་དོན་ལ་གོ་རྟོགས་ཀྱི་བློ་སྐྱེད་ཡོང་བའི་ཆེད་དུ་འཕྲོས་བཤད་ལ་བརྗོད་པ་ཡིན། |
| འཕྲོས་མོལ |
ཕན་ཚུན་འཕྲོས་གཏམ་གླེང་བརྗོད། |
| འཕྲོས་འཛར |
སྔ་མའི་ལྷག་ལུས། དངུལ་གྱི་འཕྲོས་འཛར་སློག་པ། |
| འཕྲོས་འོས་ཀྱང་འཚལ |
འཕྲིན་གཏམ་གླེང་འོས་རིགས་བྱུང་ན་གཏོང་དགོས་ཞེས་པའི་དོན། |
| འཕྲོས་ལུས |
ལྷག་ལུས། |
| འབ |
(བྱེད་མེད་ལས་ཚིག) ཁྱི་ཟུག་པའི་དོན་ཏེ། ཁྱི་ཟུག་པ་ལ་ཁྱི་འབ་ཟེར་བ་ལྟ་བུ། |
| འབ་པ |
ཡུལ ཁྱིས་རྨུག་པའམ་ཟུག་པ། |
| འབ་བེ་འོབ་བེ |
ཡུལ ཧང་རྒྱག་གི་ལས་ཀ་བྱེད་སྟངས། ལས་ཀ་འབ་བེ་འོབ་བེ་བྱས་ན་གྲ་འགྲིག་པོ་མི་ཡོང༌། |
| འབ་འུབ |
(རྒྱན་ཚིག) གཅིག་ཆོད་མིན་པ་འབ་འུབ་ཀྱི་ངང་ནས་སོང་ན་ལམ་མགོ་འཁོར་ལྟ་བུ། ཁ་སྐད་དུ་འ་བེ་འུབ་བེ་ཟེར་བ་དང་འདྲ། |
| འབ་སུ |
ཡུལ ལས་ཀའི་ཁྱོན་ནམ་གཞི་རྒྱ། མི་གཅིག་གིས་ཕྱི་ནང་གི་ལས་དོན་སྣེ་མང་འབ་སུ་འདུས་པ་དཀའ། |
| འབ་སྒྲ |
མ་གུས་པའི་སྐད་སྒྲ་རྩུབ་པོ། སྐད་ཆ་འབ་སྒྲ་ཚ་པོ། མི་འབ་སྒྲ་ཆེ་བ། |
| འབག |
འཇིམ་པའམ་རས་བསེ་དང༌། ཀོ་བསེ། ཤོག་བསེ་སོགས་ལས་བཟོས་པའི་གདོང་གི་འདྲ་གཟུགས། ཁྱི་མགོར་མི་འབག་གཡོགས་ཀྱང་ཁྱིའི་ངོ་བོ་འགྱུར་མི་ཡོང༌། འབག་ཕར་གཡོགས། རྫིག་ཚུར་སྐུལ། |
| འབག |
འཇིམ་པས་བཟོས་པའི་མི་ཕྱུགས་ཀྱི་འདྲ་གཟུགས་ཀྱི་མིང་ འབག་སྐུ། འབག་བཟོ། མགོ་ལ་འབག་གྱོན་ལྟ་བུ། (རྒྱན་ཚིག) སྙི་མོ་ས་འདམ་མམ་དེ་དང་མཚུངས་པའི་རྣམ་པ་ འདམ་འབག ཕྱེ་འབག ཐུག་པ་ཧ་ཅང་འབག་ལྟ་བུ། 2.(བྱེད་མེད་ལས་ཚིག་མ་འོངས་པ་དང་ད་ལྟ་བ)ཟས་སོགས་ལ་དངོས་རྫས་མི་གཙང་བ་གཞན་འདྲེས་པའི་དོན་ཏེ། འབག་པར་བྱ། འབག་བཙོག་ཅེས་པ་ལྟ་བུ། |
| འབག་གེ་འབུག་གེ |
ཚིག་ཆེར་མི་གསལ་བའི་ཤབ་ཤུབ་ཏུ་སྨྲ་ཚུལ། ལྐོག་ལབ་འབག་གེ་འབུག་གེས་གཞན་ཡིད་སུན། |
| འབག་གྱོན་པ |
1 ངོ་འབག་གདོང་ལ་གྱོན་པ། 2 ཡིན་ཁུལ་དུ་བརྫུས་པ། འདྲེ་འབག་གྱོན་ནས་མི་ལ་སྐྲག་སྣང་སྐུལ། |
| འབག་ཆས |
གདོང་གི་དབྱིབས་དང་འདྲ་བའི་ཆས། |
| འབག་པ |
1.ཐ་མི་དད་པ འབགས་པ། འབག་པ།། 1 འགོ་བ་དང༌། ཉམས་པ། ལུས་ལ་དྲི་མས་འབགས་པ། དུག་ཅན་གྱི་རླངས་པ་བཏང་ནས་སྡོད་ཁང་དང་འགྲོ་ལམ་རྩྭ་ཤིང་སོགས་འབག་ཡོང༌། ངན་གོམས་ཀྱིས་འབག་པ། 2 ལོངས་སུ་སྤྱད་ནས་ཟད་པ། 2 1 བཙོག་པ། ཕྱི་བདར་བྱས་ནས་དྲི་མའི་འབག་པ་སེང་བ། 2 འབག་གྱོན་ནས་འཆམ་རྒྱག་མཁན། |
| འབག་པོ |
གསོན་འདྲེ། |
| འབག་བཟོ་བ |
1 ངོ་འབག་གསར་དུ་བཟོ་བ། 2 ངོ་འབག་བཟོ་མཁན། |
| འབག་མགོ |
མགོར་གྱོན་ཆོག་པའི་གདོང་བརྙན། |
| འབག་མོ |
གསོན་འདྲེ་མ་སྟེ་བུད་མེད་ཀྱི་ངན་མིང་ཞིག |
| འབག་འཆམ |
འབག་གྱོན་ཏེ་རྒྱག་པའི་འཆམ། |
| འབག་འབུག |
འབག་གེ་འབུག་གེའི་བསྡུས་ཚིག་ |
| འབག་སྐུ |
1 འཇིམ་པའི་སྐུ། 2 འབག་གཡོགས་པའི་གསོབ་ཀྱི་སྐུ། |
| འབགས |
འདས་པ་ ཟས་ལ་དྲི་མས་འབགས་ལྟ་བུ། རྒྱུ་ནོར་སོགས་འབྱོར་བའི་དོན་ཏེ། རྒྱུ་ནོར་ལ་འབག། རྒྱུ་ནོར་ལ་འབགས་ནའང་དབུལ་སྡུག་མ་བརྗེད་ལྟ་བུ། |
| འབགས་གོད |
གཟན་རྒྱག རྒྱུ་ཆ་རྣམས་འབགས་གོད་དུ་མི་འགྲོ་བ། |
| འབགས་པ |
འབག་པའི་འདས་པ། |
| འབགས་ལྷག |
ཟས་ཟོས་པའི་ལྷག་མ། ལྟོ་ཆས་འབགས་ལྷག་བྱས་ན་ཆུད་ཟོས་འགྱུར། |
| འབང་བ |
ཐ་མི་དད་པ བངས་པ། འབང་བ།། རང་བཞིན་གྱིས་རློན་པ། ཉལ་ཆས་བངས་བཞག |
| འབངས |
‘མི་དམངས’སམ‘མི་སེར’དང་དོན་འདྲ་ རྒྱལ་འབངས། རྒྱལ་འབངས་དཔལ་འབྱོར་ཞེས་པ་ལྟ་བུ། བཀས་བཀོད་རྒྱུད་འཛིན་སྤྱི་ཚོགས་སུ་དབང་བསྒྱུར་བྱའི་མི་ལ་འབངས་ཟེར། |
| འབངས་གཉུག་མ |
གཏན་འཇགས་ཀྱི་བྲན་ནམ། འཁོར་གཡོག |
| འབངས་གྱེན་ལོག |
འབངས་ཀྱིས་དཔོན་ལ་བསྡོ་བའམ་རྒོལ་བ། |
| འབངས་མི |
བྲན་འཁོར་གྱི་མི། |
| འབངས་མོ |
བྲན་མོ། |
| འབངས་འཁོར |
འཁོར་གཡོག |
| འབངས་འཁོར་གཡོག་རིགས |
སྔར་བོད་ཀྱི་མངའ་བདག་ཚོའི་ཕྱིའི་མི་སེར་དང༌། ནང་གི་བྲན་གཡོག་གི་བསྡུས་མིང༌། |
| འབངས་རིགས |
བྲན་གཡོག་མི་སེར་གྱི་རིགས། |
| འབངས་སུ་འཁོལ་བ |
གཡག་ཏུ་བཀོལ་ཐུབ་པ། |
| འབད |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ་དང་འདས་པ)དམིགས་ཡུལ་ཞིག་གི་དོན་དུ་ལུས་ངག་གི་ཤུགས་ཆེན་པོ་འབྱིན་པའི་དོན་ཏེ། ཐུན་མོང་གི་དོན་དུ་འབད། སློབ་སྦྱོང་ལ་འབད་དགོས། ཞིང་ལས་ལ་འབད་ཀྱིན་འདུག འབད་མེད་ལྷུན་འགྲུབ་ཅེས་པ་ལྟ་བུ། |
| འབད་པ |
1.ཐ་དད་པ འབད་པ། འབད་པ། འབོད།། རྩོལ་བ་དང་བརྩོན་པ། སློབ་གསོའི་ལས་དོན་ལ་འབད་པ། སློབ་སྦྱོང་ལ་འབོད་ཅིག 2.བརྩོན་འགྲུས། སྤྱི་ཚོགས་རིང་ལུགས་འཛུགས་སྐྲུན་གྱི་བྱ་བ་འབད་པ་ཆེན་པོས་སྒྲུབ་པ། ལས་དོན་ལ་འབད་པ་བརྟན་པོ་བརྩམས་པའི་རྐྱེན་གྱིས་དཀའ་ངལ་ཚང་མ་བསལ་བ། སྦྱངས་འབྲས་བཟང་པོ་འཐོབ་པར་འབད་པ་སྔོན་དུ་འགྲོ་དགོས། བརྟག་དཔྱད་འབད་པ་དུ་མས་འཕྲུལ་འཁོར་དཔེ་གསར་ཞིག་བཟོ་སྐྲུན་བྱས་པ། |
| འབད་པ་དོན་མེད |
བྱས་པ་རྗེས་མེད། སྟག་མགོ་སྦྲུལ་མཇུག་བྱས་པ་ནི་འབད་པ་དོན་མེད་རེད། |
| འབད་པས་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་ཡིད་དུ་མི་འོང་བའམ། མི་འདོད་པའི་དོན་ཞིག་འགོག་བྱེད་ཕ་རོལ་པོ་དགའ་བྱེད་ཀྱི་ཚིག་བརྗོད་པར་འདོད་ཀྱང༌། རང་ཉིད་དགའ་བྱེད་ཀྱི་ཟློག་ཚིག་དབང་མེད་དུ་ཐལ་ཚུལ་གྱིས་འགོག་པའི་རྒྱན་ཞིག |
| འབད་བརྩོན |
འབད་པ་དང་བརྩོན་པ་ཞེས་པའི་ཚིག་བསྡུས་པ་ དེང་རབས་ཀྱི་འཚོ་བ་མངོན་དུ་འགྱུར་བར་འབད་བརྩོན་བྱེད་དགོས་ལྟ་བུ། |
| འབད་བརྩོན་ལྷོད་མེད |
ཧུར་བརྩོན་མ་ཡེངས་པ། |
| འབད་མེད་ངང་འབྱུང |
རྩོལ་ཤུགས་མ་བཏོན་པར་རང་བཞིན་གྱིས་འགྲུབ་པ། བདེ་སྐྱིད་ཕུན་སུམ་ཚོགས་པའི་འཚོ་བ་དེ་འབད་མེད་ངང་གིས་འབྱུང་མི་སྲིད་པས་འབད་རྩོལ་སྙིང་རུས་ཀྱིས་འཛུགས་སྐྲུན་བྱེད་དགོས། |
| འབད་མེད་ལྷུན་གྲུབ |
རྩོལ་མེད་རང་ཆས་སུ་གྲུབ་པ། |
| འབད་འབད |
འབུང་འབུང་ངམ། རེམ་རེམ་སྟེ་ཧུར་བརྩོན་གྱི་བྱེད་སྟངས། ཉིན་མཚན་ཀུན་ཏུ་སློབ་སྦྱོང་ལ་འབད་འབད་བྱེད་པ། |
| འབད་འབད་དུང་དུང |
འབད་བརྩོན་ཧུར་ཐག ལས་དོན་ལ་འབད་འབད་དུང་དུང་བྱེད་པ། |
| འབད་འབད་འབུང་འབུང |
འབད་བརྩོན་ཧུར་སྐྱེད། རིགས་པའི་གཞུང་ལུགས་སློབ་སྦྱོང་འབད་འབད་འབུང་འབུང་བྱེད་པ། |
| འབད་འབུང |
འབད་འབད་འབུང་འབུང་གི་བསྡུས་ཚིག་ |
| འབད་འབུང་ཆེ་སྐྱེད |
འབད་བརྩོན་ཆེན་པོ། |
| འབད་འབུངས |
འབད་པ་མང་བོའམ་ཆེན་པོ་ ཐུན་མོང་གི་དོན་ལ་འབད་འབུངས་བྱས་ལྟ་བུ། |
| འབད་རྩོམ |
བརྩོན་འགྲུས་ཀྱིས་ལས་དོན་རྩོམ་པ། མི་དམངས་ལ་ཕན་པའི་བྱ་བ་ལ་འབད་རྩོམ་བྱེད་པ། |
| འབད་རྩོལ |
འབད་པ་དང་རྩོལ་བ་བྱས་པའི་ཚིག་བསྡུས་པ་ འབད་རྩོལ་བྱས་ན་ཟས་གོས་འཛོམ་ལྟ་བུ། |
| འབབ |
‘བབས’ཀྱི་ད་ལྟ་བ། ‘བབས’ཀྱི་མ་འོངས་པ་ལ་ཡུལ་སྐད་དུ‘འབབ’ཟེར། ０འཐོབ་པའམ་འོས་པའི་དོན་ཏེ། ཉེས་པ་ཅན་ལ་ཆད་ཁྲིམས་འབབ། དྲིན་ཅན་ལ་དྲིན་ལོག་མི་འབབ་ལྟ་བུ། |
| འབབ་ཁ |
1 འབྱུང་ཁུངས། ཆུ་སྐོར་གྱི་ཆུའི་འབབ་ཁ་གཟར་ཙམ་ལེགས། 2 ཡུལ ལག་རྟགས། |
| འབབ་ཁུངས |
ཡོང་ཁུངས། |
| འབབ་ཁོངས |
1 ཡོང་འབབ་ཀྱི་གྲས། 2 རང་རང་གི་ཐོབ་ས་ཐོབ་ཁུངས། |
| འབབ་གཞི |
ཡོང་ཁུངས། ཞོར་ལས་འཛུགས་པའི་ཐབས་ཤེས་ལ་བརྟེན་ནས་འབབ་གཞི་གསར་གཏོད་བྱེད་པ། |
| འབབ་ཆུ |
1 རྒྱུག་ཆུ། འབབ་ཆུ་ཆེན་པོ། འབབ་ཆུ་དྲག་པོ། འབབ་ཆུའི་རྒྱུན་ཆད་པ་མེད། མིང་གི་རྣམ་གྲངས་ལ་འཁྱོག་འགྲོ། གྱ་གྱུ་འགྲོས། གླིང་ལྡན། བགས་ཀྱིས་གཞོལ། བཅུད་འཛིན་མ། ཆུ་ཀླུང༌། ཆུ་རྒྱུན། འཇིག་རྟེན་ཤིང་རྟ་མ། ཉལ་འགྲོ། དལ་འབབ། དབང་ཆེན་གྲོང་གི་ཕྲེང་ལྡན་མ། འབབ་ལྡན། མཚོར་འབབ། གཞོལ་འགྲོ། ཟླ་བའི་ལག་ལྷུང་ལྷུང་སྒྲ་འབྱིན་བཅས་སོ། 2 རྦབ་ཆུ་སྟེ་གྱེན་གཟར་པོ་ནས་ཐུར་དུ་འབབ་པའི་ཆུ། |
| འབབ་དེབ |
ཡོང་འབབ་སྡུད་དེབ། |
| འབབ་པ |
1.ཐ་མི་དད་པ 1)བབ་པ། འབབ་པ།། 1 སྟེང་ངམ་གོང་ནས་མར་ལྷུང་བ། ཁ་ཆར་འབབ་པ། ཁ་བ་རི་ལ་བབ་ནས་གངས་ཆུ་ཀླུང་ལ་བབ་བྱུང༌། བྱ་ཤིང་རྩེར་བབ་པ། 2 སླེབ་པ། དུས་ལ་བབ་པ། ཡིད་ལ་མི་འབབ་པ། ཆུ་རགས་གསར་བསྐྲུན་ཡོད་ན་ཆུ་ལོག་བབ་ཀྱང་མི་སྟོ། ལས་གླ་འབྲུ་ལ་བབ་པ། 2)བབ་པ། འབབ་པ། བོབ།། བཤོལ་བ། འགྲུལ་པ་ཚུགས་བབ་པ། རྟ་ལས་བབ་པ། རླངས་འཁོར་ལས་བབ་པ། ལ་རེ་ཐུར་རེ་མ་བརྒྱབ་ན། བདེ་མོའི་ཐང་ལ་འབབ་མི་ཐུབ། ང་གར་འགྲོ་ནམ་མཁའི་བྱ་རེད། བྱ་གར་འབབ་རང་གི་ལག་ཡིན། 2.ཡོང་སྒོ་དང་ཐོབ་ཆ། ཁྲལ་འབབ། ཡོང་འབབ། དངུལ་འབབ། འབྲུ་འབབ། |
| འབབ་ཕྱོགས |
1 ཐུར་དུ་ལྷུང་བའི་ཕྱོགས། 2 ཡོང་སྒོ། |
| འབབ་བྱེད་ལུས་ལྡན |
མངོན བ་དྲུས་མ། |
| འབབ་མ |
ཡུལ གཤོལ་གྱི་ཡུ་བ། |
| འབབ་ཚུགས |
ཕྱོགས་མགྲོན་གྱི་འབབ་ཡུལ། མེ་འཁོར་འབབ་ཚུགས། རླངས་འཁོར་འབབ་ཚུགས། |
| འབབ་ཞིབ་ལས་ཁུངས |
སྔར་བོད་ས་གནས་སྲིད་གཞུང་ཁོངས་ས་སྟོང་གསར་སྦོལ་ཁག་གི་བོགས་མ་སོགས་ཁྲལ་འབབ་གསར་པ་བསྡུ་དམ་བྱེད་མཁན་ལས་ཁུངས་ཤིག |
| འབབ་ཡོང |
གཏན་ཕེབས་ཀྱི་ཡོང་སྒོ། |
| འབབ་རྟེན |
བོད་སྲོལ་ལྟར་བག་མ་ལེན་མཁན་ནས་བག་མ་རྟ་འབབ་ཀྱི་སྟེགས་སུ་བསྒྲིགས་པའི་དངོས་པོ། |
| འབབ་ལྡན |
མངོན 1 འབབ་ཆུ། ཐུགས་ནང་དགེ་བའི་ཕེབས་ཚོགས་ཀྱང་འབབ་ལྡན་གྱི་རྒྱུན་བཞིན་དུ་ཡོད་པ་མཁྱེན། 2 ལུས་ཀྱི་རྩ། |
| འབབ་ས |
མཐོ་ས་ནས་མར་འབབ་ས། གནམ་གྲུ་འབབ་ས། གྲུ་གཟིངས་འབབ་ས། ཞབས་བྲོ་གནམ་ལ་བཏེག་ཀྱང་འབབ་ས་ས་ལས་མེད། |
| འབབ་སྒོ |
ཡོང་སྒོ། དཔལ་འབྱོར་ཐད་ལ་འབབ་སྒོ་གསར་གཏོད་དང༌། འགྲོ་སྒོ་མཁས་གཏོང་གི་བྱ་གཞག་ལག་ལེན་བསྟར་བ། |
| འབབ་སྟེགས |
རྟ་ལས་འབབ་སའི་སྟེགས་བུ། རྟ་ལས་འབབ་དུས་འབབ་སྟེགས་ཀྱི་སྟེང་དུ་བབས་པ། |
| འབབ་སྤྲོད་པ |
ཁྲལ་འབབ་སོགས་སྤྲོད་པ། |
| འབབ་སྨྱུག |
སྔར་བོད་དུ་ཁྲ་ཤོག་འབྲི་མཁན་དྲུང་ཡིག་གི་ཐོབ་ཐང༌། |
| འབམ |
ནད་རིགས་ཤིག་ཡིན་ཞིང་དེའི་ནད་རྟགས་ནི་རྐང་བ་ན་ཞིང་ལུས་སྟོད་སྨད་རེས་མོས་སུ་ན། སོ་རྙིལ་སྐྲངས་ཤིང་ཁྲག་འཛག། རྐང་བ་སྐྲངས་ཤིང་དམར་ཐིག་ནག་ཐིག་འབྱུང་། |
| འབམ་ནད |
ངན་ཁྲག་དང་ཆུ་སེར་སྨད་ལ་བབས་ནས་རྐང་པ་སྐྲངས་ཤིང་མདོག་སྔོ་ནག་ཏུ་འགྱུར་བའི་ནད་དེ། ནང་གསེས་སུ་དབྱེ་ན་དཀར་ནག་ཁྲ་གསུམ་མཆིས། |
| འབམ་པོ |
ཐང་སྨན་གྱི་རིགས་ཤིག་རོ་ཁ་ལ་ཚ། ཞུ་རྗེས་སྙོམས། ནུས་པས་ཕྱིར་བྱུགས་ན་སྐྲངས་པ་འཇོམས། ཁོག་པར་བཏང་ན་ཁོང་འབྲས་བཤིག |
| འབམ་ཚོང |
དངོས་པོ་ངན་ངོན་ལ་རིན་ཐང་ཆེན་པོ་བརྒྱབ་སྟེ་མི་འདོད་བཞིན་དུ་བཙན་དབང་གིས་ཉོ་རུ་འཇུག་པ་ཞིག |
| འབམ་ཚོང་སྤུས་སྒྱུར |
ཡུལ སྔར་མངའ་བདག་ཚོས་མི་དམངས་ལ་བཙན་ཤེད་ཀྱིས་ཚོང་ཟོག་གམ། དངུལ་བཀྲམ་ནས་ཁེ་བཟང་ཆེན་པོ་ཟ་བའི་བཤུ་གཞོག་བྱེད་ཐབས་ཤིག |
| འབའ |
1 ལུག་སྐད། 2 ཁས་བླངས་མི་འགྱུར་བའི་རྟེན། གན་རྒྱ་འབའ་ཅན་བཞག་ཡོད། གན་དོན་དང་འགལ་ན་འབའ་ཉེས་བཀའ་གང་གནང་སྒྲུབ་རྒྱུ། |
| འབའ་ཁུག |
དངུལ་བླུག་སྣོད་ཀྱི་ཁུག་མ་རྒྱས་སྤྲོས་ཅན་ཞིག |
| འབའ་ཁུག་ཁབ་ཤུབས |
སྔར་བོད་ཀྱི་ལྷ་ལྕམ་གྱི་གཟབ་རྒྱན་བྱེ་བྲག་ཅིག |
| འབའ་གན |
ཁ་དན་ནམ་ཁྲིམས་དང་འགལ་ན་ཉེས་ཆད་འདི་ཙམ་འབུལ་གྱི་ཡིན་ཞེས་འབའ་བཞག་པའི་གན་རྒྱ། |
| འབའ་ཆ |
1 ཡུངས་ཀར་ནག་དང་ཏིལ་སོགས་འབྲུ་ལས་སྣུམ་བཏོན་ཚར་བའི་རྗེས་ཀྱི་སྙིགས་མ་དེ་རས་ཐུམ་བྱས་ནས་མེར་བསྲོས་པའི་དུགས་ཀྱིས་རླུང་སྐྲངས་དང༌། ཚིགས་འགྲམས་པ་སོགས་ལ་ཕན། 2 རོལ་ཆ། རྒྱ་གར་སྐད་ཡིན། |
| འབའ་ཆའི་ལུད |
འབའ་ཆ་ལས་བཟོས་པའི་ལུད་ཅིག |
| འབའ་ཆི |
ཡུལ འབྲས་སྲུས་བཙོས་ནས་བརྡུངས་པའི་ལེབ་ཆགས། |
| འབའ་ཇི |
འབའ་ཆི་དང་འདྲ། |
| འབའ་ཐང |
བོད་ཁམས་ཕྱོགས་ཀྱི་ས་ཆ་ཞིག་གི་མིང་། |
| འབའ་དངུལ |
འབའ་བཞག་པའི་ཉེས་ཆད་ཀྱི་དངུལ། |
| འབའ་བ |
ཐ་མི་དད་པ ལུག་སྐད་འདོན་པ། རྩྭ་ཐང་སྟེང་དུ་ལུག་འབའ་བཞིན་ཡོད་པ། |
| འབའ་ཞིག |
ཁོ་ནའམ་རྐྱང་རྐྱང༌། རྒྱ་ཡིག་འབའ་ཞིག བོད་སྐད་འབའ་ཞིག་ལས་མི་ཤེས། ཕན་སེམས་འབའ་ཞིག་བཅངས་པ། |
| འབའ་ཞིག |
(རྒྱན་ཚིག) གཅིག་པུ་དང་རྐྱང་བའམ་སླད་མེད་པ་སོགས་ཀྱི་དོན་ཏེ། རྡོ་འབའ་ཞིག་གིས་རྩིག་པ་བརྒྱབ་ནས་རྩྭ་ར་བརྩིགས། ལུག་འབའ་ཞིག་འཚོ། བདེ་སྐྱིད་ཀྱི་འཚོ་བ་འབའ་ཞིག་སྤྱད་ལྟ་བུ། |
| འབའ་འགལ |
འབའ་གན་གྱི་ནང་དོན་དང་འགལ་བ། |
| འབའ་འདེད་གཙང་སྒྲུབ |
གན་རྒྱའི་འབབ་འགལ་གྱི་ཉེས་པ་གྲངས་ཚང་འཇལ་བ། |
| འབའ་ཡིག |
འབའ་བཞག་པའི་ཡི་གེ། |
| འབའ་རོམ་དགོན་པ |
བོད་རང་སྐྱོང་ལྗོངས་ཁོངས་ནག་ཆུ་རྫོང་གི་གསང་གཞུང་དུ་དུས་རབས་བཅུ་གཉིས་པར་དྭགས་པོ་ལྷ་རྗེའི་སློབ་མ་འབའ་རོམ་པ་དར་མ་དབང་ཕྱུག་གིས་བཏབ་པའི་དགོན་སྡེ་རྙིང་པ་ཞིག |
| འབའ་རོམ་པ་དར་མ་དབང་ཕྱུག |
འཕན་ཡུལ་དུ་རུས་མདའ་ཁར་བར་འཁྲུངས། རྗེ་སྒམ་པོ་བའི་སློབ་མ་ཡིན། ལ་སྟོད་བྱང་དུ་འབའ་རོམ་གྱི་དགོན་པ་བཏབ། གནས་ལུགས་ཕྱག་རྒྱ་ཆེན་པོ་དང་བདེ་སྟོང་ཕྱག་རྒྱ་ཆེན་པོ་མདོ་སྔགས་ཟུང་འབྲེལ་གྱིས་སློབ་མ་མང་པོ་ལ་ཁྲིད་བཏབ་ཅིང་འབའ་རོམ་བཀའ་བརྒྱུད་ཀྱི་སྲོལ་ཕྱེ། གདན་ས་དེ་ཁོང་གི་གདུང་བརྒྱུད་ཀྱིས་བསྐྱངས་ཀྱང་ནང་མ་འཆམས་པས་རིམ་གྱིས་ཉམས་པར་གྱུར། |
| འབའ་རོམ་བཀའ་བརྒྱུད |
འབའ་རོམ་པ་དར་མ་དབང་ཕྱུག་ནས་བརྒྱུད་པའི་བཀའ་བརྒྱུད། |
| འབའ་རྒུན |
འབའ་ཡུལ་ནས་ཐོན་པའི་རྒུན་འབྲུམ། |
| འབའ་རྒྱ |
འབའ་བཞག་པའི་གན་རྒྱ། |
| འབའ་རྒྱུག |
རྙིང རང་ཉིད་གཅིག་པུར་འགྲོ་བ། |
| འབའ་ལ་དཀར་འཛོམས |
ལ་ཞིག་ཡུན་ནན་ཞིང་ཆེན་གྱི་བདེ་ཆེན་བོད་རིགས་རང་སྐྱོང་ཁུལ་ཁོངས་རྒྱལ་ཐང་རྫོང་གི་བྱང་རྒྱུད་དུ་ཡོད། |
| འབའ་ལུང |
འཇང་སྐད་དུ་ཉི་ནག་ཟེར། ཡུན་ནན་ཞིང་ཆེན་གྱི་བདེ་ཆེན་བོད་རིགས་རང་སྐྱོང་ཁུལ་ཁོངས་ཀྱི་རྫོང་ཞིག་ཟླ་ཆུ་རྫོང་འདི་དཀྱིལ་བཤགས་བཏང་ནས་འབབ། |
| འབའ་ཤ |
དབུས་གཙང་མངའ་རིས་ཀྱི་ཕྱོགས་ནས་འོངས་པའི་རྒུན་འབྲུམ་གྱི་རིགས་ཤིག |
| འབའ་སེལ |
འབའ་འགལ་གྱི་ཉེས་ཆད་ཕྲ་མོ། |
| འབའ་སྐད |
ལུག་གི་སྐད་སྒྲ། |
| འབའ་སྒྲ |
ལུག་གི་སྐད་རྒྱག་སྟངས། |
| འབར |
(བྱེད་མེད་ལས་ཚིག) <ཀ>དངོས་རྫས་མེས་ཚིག་ནས་མེ་ལྕེ་འབྱུང་བ་ མེ་འབར། ཤིང་ལ་མེ་འབར་ལྟ་བུ། |
| འབར་ཁམས |
1 འབར་ཁམས་གྲོང་རྡལ། རྔ་བ་བོད་རིགས་རང་སྐྱོང་ཁུལ་གྱི་སྲིད་གཞུང་གནས་ཡུལ། 2 རྫོང་ཞིག་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་དཀྱིལ་ཁུལ་དང་རྒྱལ་རོང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། |
| འབར་གཏག |
བཤད་བཤད་དམ། རྫིག་རྫིག རང་སྣང་གང་ཤར་གྱིས་གཞན་ལ་འབར་གཏག་བཏང་བ། |
| འབར་གཏོར |
མེ་རྫས་འབར་ནས་བྲག་སོགས་གཏོར་བ། |
| འབར་གཤག |
རྫས་མེ་འབར་ནས་བྲག་རྡོ་སོགས་གཤག་པ། དགྲ་ཕྱོགས་ཀྱི་མཁར་རྫོང་རྫས་མེས་འབར་གཤག་གཏོང༌། |
| འབར་གས |
རྫས་མདེལ་འབར་ཞིང་ཁ་གས་པ། |
| འབར་བ |
ཐ་མི་དད་པ 1 དངོས་རྫས་མེས་ཚིག་ནས་མེ་ལྕེ་འབྱུང་བ། མེ་དཔུང་འབར་བ། ཁོང་ཁྲོའི་མེ་ལྕེ་འབར་བ། འོད་ཟེར་འབར་བ། ཞུན་མར་འབར་བ། འོད་སྟོང་འབར་བའི་རྒྱལ་ཁ་ཐོབ་པ། 2 རྒྱས་པ། སྟོབས་འབར་བ། སྙན་གྲགས་འབར་བ། གློ་བུར་ཁ་འབར་བའི་དུད་ཚང༌། 3 གཤེ་གཤེ་གཏོང་བ། ཡུལ་མི་རྣམས་ཀྱིས་མི་ངན་དེར་མང་པོ་འབར་དུ་བྱུང༌། |
| འབར་བ་ལྡན |
མངོན གཟའ་ཕུར་བུ། |
| འབར་བའི་མིག |
མངོན ཞུམ་བུ། |
| འབར་བའི་རལ་པ་ཅན |
མངོན སྒྲོན་མེ། |
| འབར་བའི་རོ་འཛིན |
མངོན མེ་ལྕེ། |
| འབར་བའི་ལྕེ་ལྡན |
མངོན མེ། |
| འབར་བའི་སྒྲ་ཅན |
མངོན མེ་ལྷ། |
| འབར་བྱེད |
མངོན མེ། |
| འབར་མདེལ |
མེ་རྫས་ལས་བཟོས་པའི་མཚོན་ཆ་ཞིག |
| འབར་མེ |
1 གྱེན་འབར་གྱི་མེ། 2 ཕན་ཚུན་མཆེད་པའི་མེ། |
| འབར་ཚག |
འབྲུམ་ཐོར་གྱི་རྗེས་ཤུལ། གདོང་ལ་འབར་ཚག་གིས་གང་འདུག |
| འབར་ཞུན |
སྣེ་ལ་མུ་ཟི་སོགས་འབར་རྫས་བྱུགས་པའི་ཤིང་ཐུར་ཕྲ་མོའི་མིང་། <ཁ>འོད་འཕྲོ་བའི་དོན་ཏེ། འོད་སྟོང་འབར། གཟི་བརྗིད་འབར་ཞེས་པ་ལྟ་བུ། <ག>དར་བའམ་རྒྱས་པ་ ཕྱུགས་འབར། རྡོ་འབར་ཞེས་པ་ལྟ་བུ། སྡིགས་མོ་བྱས་པའི་བརྡ་རྙིང་ ‘ཨ་མས་ང་ལ་མང་བོ་འབར་བྱུང’ལྟ་བུ། |
| འབར་འབར |
1 གཤེ་ཚིག་གམ་སྨོད་ཚིག་གིས་ལབ་ལབ། ཁོང་ཁྲོ་ལངས་ནས་འབར་འབར་བྱེད། 2 མེ་ཡང་ཡང་ངམ་རྒྱུན་རིང་འབར་བ། མེ་ཤུགས་ཞེ་དྲག་འབར་འབར། |
| འབར་འབུར |
1 འབར་རི་འབུར་རིའི་བསྡུས་ཚིག 2 པགས་ནད་ཀྱི་བྱེ་བྲག |
| འབར་འབུར |
(རྒྱན་ཚིག) ངོས་མི་མཉམ་པ་ ས་འབར་འབུར། རི་འབར་འབུར་ཞེས་པ་ལྟ་བུ། ཡུལ་སྐད་དུ‘འབར་རེ་འབུར་རེ’ཟེར་ཏེ། ས་འབར་རེ་འབུར་རེ། རྡོ་འབར་རེ་འབུར་རེ་ཞེས་པ་ལྟ་བུ། |
| འབར་རི་འབུར་རི |
1 ས་གཞི་རང་རོང་གི་ཚུལ། འབར་རི་འབུར་རིའི་ས་ཆ་ཁོད་སྙོམས་བཟོས་ནས་ལོ་ཏོག་འདེབས་པ། 2 སྐྲང་སྦོས། རྐང་པ་འབར་རི་འབུར་རིར་སྐྲངས་པ། |
| འབར་རེ་འབུར་རེ |
‘འབར་འབུར’ལ་ལྟོས། |
| འབར་རྫས |
མེ་འབར་བྱེད་ཀྱི་རྫས། |
| འབར་ཤ |
འུད་སྒྲོག་པའམ་ཁུངས་མེད་པའི་འཆལ་གཏམ་གྱི་མིང་ འབར་གཏམ་དང་ཁ་འབར་སོགས་དང་དོན་འདྲ། |
| འབལ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)འཐེན་ནས་རྩ་བ་འབྱིན་པ་ ལ་ཕུག་འབལ་དགོས། རྩྭ་འབལ་མཁན་ཞེས་པ་ལྟ་བུ། |
| འབལ་གྲོ |
ཡུལ འབྲུ་རིགས་གྲོ་སྲན་བསྲེས་པའི་མིང༌། |
| འབལ་བ |
ཐ་དད་པ འབལ་བ། འབལ་བ། འབོལ།། འཐོག་པ་དང༌། གསེད་པ། བཤིག་པ། བྱ་སྤུ་འབལ་བ། བལ་འཛིངས་པ་རྣམས་ལེགས་པར་འབལ་བ། སྐྲའི་ལན་བུ་འབལ་བ། |
| འབལ་འབོལ |
1 མི་དཀོན་པ། ཐོན་ཁུངས་འབལ་འབོལ། དཔལ་འབྱོར་འབལ་འབོལ། ས་འོག་གི་གཏེར་ཁ་འབལ་འབོལ། 2 སྲ་མཁྲེགས་ཀྱི་ལྡོག་ཟླ། ས་འབབ་འབོལ། |
| འབལ་ལེ་བ |
སྤུ་སོགས་མང་པོ་ཐུར་འཕྱང་ངམ་ཟིང་ངེ་བ། རྩིད་པ་འབལ་ལེ་བའི་གཡག་འགོ་ཅན། |
| འབལ་ལེ་འབོལ་ལེ |
‘འབལ་འབོལ’ལ་ལྟོས། |
| འབི་འབི |
དབྱིབས་ནར་མོ་ཅན་ཆུང་ངུའི་རྡོག་པོའི་མིང་ བལ་གྱི་འབི་འབི། གོ་རེ་འབི་འབི་ཞེས་པ་ལྟ་བུ། ‘ཚ་ཚ’ཡི་མིང་གཞན། |
| འབིག |
བུ་ག་འབིགས་བྱེད་ཀྱི་ཡོ་བྱད་ཀྱི་མིང་ ཁབ་བསོགས་ནས་འབིག་བརྡུངས་ལྟ་བུ། ‘ཕུག’གི་ད་ལྟ་བར་འབིག་འབྲི་བའང་ཡོད། |
| འབིགས |
ད་ལྟ་བ་ རྡོ་ལ་བུ་ག་འབིགས་མཁན། རྡོ་ལ་བུ་ག་འབིགས་ཀྱིན་འདུག་ལྟ་བུ། |
| འབིགས་པ |
ཐ་དད་པ ཕུག་པ། དབུག་པ། ཕུག། རྟོལ་བ། ཤིང་ལ་བུ་ག་འབིགས་པ། རྩིག་པར་ཁུང་བུ་ཕུག་པ། མཚོན་གྱིས་དབུག་པ། རི་བོ་ཕུག་ནས་འགྲོ་ལམ་བཏོན་པ། |
| འབིགས་བྱེད |
1 རྒྱ་གར་གྱི་རི་བོ་ཞིག 2 མངོན 1)ཐོག 2)བྱི་བ། 3)མདའ། |
| འབིབས་པ |
འབུབས་པའི་འབྲི་སྲོལ་གཞན་ཞིག་ |
| འབུ |
སྲོག་ཆགས་ཕྲ་མོའི་རིགས་ཀྱི་སྤྱི་མིང༌། དབྱར་རྩྭ་དགུན་འབུ། གྱོན་ཆས་འབུས་ཟོས་པས་འཕྲོ་བརླག་ཏུ་ཕྱིན་པ། འབུ་ཚེ་ཟད་གྲོག་མའི་སྒོ་རྩར་སླེབས། |
| འབུ |
མ་འོངས་པ་དང་ད་ལྟ་བ་ མྱུ་གུ་འབུ་རན། ལོ་མ་འབུ་ཁ་ཞེས་པ་ལྟ་བུ། |
| འབུ་ཁྲུ |
སྔ་དུས་བོད་པའི་སྐུ་དྲག་གི་ཞྭ་མོའི་བྱེ་བྲག་ཅིག |
| འབུ་ཆེས་ཆུང་ཟོས |
དབང་ཆེ་བས་ཆུང་བར་བཙན་གནོད་བྱེད་པའི་དཔེ། |
| འབུ་དཀར |
1 འབུ་རས་དཀར་པོ། 2 མར་ཁུར་བཙོས་པའི་ཁ་ཟས་དཀར་པོ། 3 སྲིན་བུ་དཀར་པོ། |
| འབུ་དམར |
1 འབུའི་བྱེ་བྲག་ཅིག 2 འབུ་རས་དམར་པོའི་བསྡུས་མིང༌། |
| འབུ་ཕྲ་མོ |
འབུ་ཆུང་བའི་རིགས། མིང་གི་རྣམ་གྲངས་ལ་སྐྱེ་བ་ཕྲ་མོ་དང་མདུང་ཅན་ནོ། |
| འབུ་བལ |
1 དར་འབུ་ལས་བྱུང་བའི་བལ། 2 ཡུལ སྲིང་བལ། |
| འབུ་བྱང་པ |
སྲོག་ཆགས་སྨན་གྱི་ནང་ཚན་གཡའ་ཤག་སོགས་སུ་གནས་པའི་འབུ་ནང་གསེས་སུ་དམར་པོ་དང༌། ཁྲ་བོ། ནག་པོ་བཅས་རིགས་གསུམ་མཆིས། ནུས་པས་རྩ་ནད་དང༌། ཆུ་འགག་སྦྱོང་བར་བྱེད། |
| འབུ་རས |
འབུ་བལ་གྱི་རྒྱུ་སྤུན་ལས་བཏགས་པའི་རས། |
| འབུ་རས་དམར་པོ |
འབུ་བལ་གྱི་སྐུད་ལས་བཏགས་པའི་རས་ཁ་དོག་དམར་པོ། |
| འབུ་རས་ལ |
བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| འབུ་རུ་རུ |
(རྒྱན་ཚིག) འོག་ནས་སྟེང་ངོས་སུ་ཡར་འཕགས་པའི་རྣམ་པ་ཞིག་ ས་འབུ་རུ་རུ། ཆུ་ངོས་འབུ་རུ་རུ་ཞེས་པ་ལྟ་བུ། |
| འབུ་སི |
རྒྱ འབུའི་ཁ་ནས་བྱུང་བའི་སྐུད་པ་སི་ཤན། |
| འབུ་སུ་ཧང |
རྒྱ སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རྨ་གསོ། གློ་ཚད་འཇོམས། མིང་གི་རྣམ་གྲངས་ལ་ཅོ་ག་ཀླད་སྨན་དང༌། ནི་ལེ་གང་བུ། བི་ཤུ་ཀ། བྱིའུ་ཀླད་འཚོ། ཤིང་མ་ལེབ་གཅིག་སང་མ་སིང་མ། སྲོ་མོང་རྩི། གསེར་གྱི་ཅོད་པན་བཅས་སོ། |
| འབུ་སྐྱོག |
ཤུན་པ་སྲ་མོ་དུང་ལྟར་འཁྱིལ་བའི་འབུ་སྲིན་རིགས་ཤིག ‘འབུས’ཀྱི་མ་འོངས་པ་དང་ད་ལྟ་བ། ０བོད་ཀྱི་རུས་ཤིག |
| འབུ་སྐྱོགས |
སྲོག་ཆགས་ཀྱི་སྨན་གྱི་རིགས་ཤིག་རོ་མངར་ལ་ཚ། ཞུ་རྗེས་དྲོད། ནུས་པས་སྲིན་ནད་གསོད། དམུ་ཆུ་སྦྱོང༌། |
| འབུ་སྐྱོན |
ཚལ་དང་ལོ་ཏོག་སོགས་ལ་འབུ་རིགས་ཀྱིས་ཟོས་པའི་གནོད་སྐྱོན། |
| འབུ་སྡོམ |
སྲོག་ཆགས་སྡོམ། |
| འབུ་སྨུག |
མར་ཁུར་བཙོས་པའི་ཁ་ཟས་སྨུག་པོ་ཞིག |
| འབུ་སྲིན |
སྲིན་བུ་སྤྱི་མིང༌། གནམ་གཤིས་གྲང་མོ་ཆགས་དུས་འབུ་སྲིན་རྣམས་ས་འོག་ཏུ་ཡིབ་པ། |
| འབུག |
1.‘ཕུག’གི་ད་ལྟ་བར་འབུག་འབྲི་བའང་ཡོད། 2.སྙུང་བུ་ཡི་ཡུལ་སྐད། |
| འབུག་པ |
འབིགས་པའི་ད་ལྟ་བའི་འབྲི་ཚུལ་གཞན་ཞིག་ |
| འབུག་པའི་ཟླ་བ |
ཁྲུམས་སྟོད་ཟླ་བ་སྟེ་ཧོར་ཟླ་བརྒྱད་པ། |
| འབུག་ཨ་ལོང་ཅན |
ཡུ་བའི་ལྕགས་རང་གྲུབ་ཨ་ལོང་ལྟར་བཀུག་པའི་སྙུང་བུ། |
| འབུགས |
‘འབིགས’ཀྱི་འབྲི་ཚུལ་གཞན། |
| འབུང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)བརྩོན་པ་རྒྱུན་ཆགས་པ་བྱེད་པ་ སློབ་སྦྱོང་ལ་འབུང་དགོས། འབུང་མཁན་ཞེས་པ་ལྟ་བུ། |
| འབུང་གསུམ་འདོན་པ |
སྒོ་གསུམ་གྱིས་འབད་པ་བྱེད་པ། ངལ་རྩོལ་ལ་འབུང་གསུམ་བཏོན་ཏེ་སྤྱི་ཚོགས་ལ་རྒྱུ་ནོར་སྐྲུན་པ། |
| འབུང་བ |
ཐ་དད་པ འབུངས་པ། འབུང་བ། འབུངས།། འབད་པ་དང༌། བརྩོན་པ། གཞོལ་པ། ཚན་རིག་ཞིབ་འཇུག་ལ་གཡོ་ཟོལ་མེད་པར་འབུང་བ། |
| འབུང་བདོ |
རྙིང ཤིན་ཏུའམ། ངེས་པར་རམ། ཏེ་པོར། |
| འབུངས |
འདས་པ་དང་སྐུལ་ཚིག་ སློབ་སྦྱོང་ལ་འབུངས་ནས་ཡོན་ཏན་ཐོབ། སློབ་སྦྱོང་ལ་འབུངས་ཤིག་ལྟ་བུ། |
| འབུངས |
འཛོམས་པ་དང་མང་བ་ གྲོ་ཕྱར་མགོ་བཏགས་ན་ཕྱེ་འབུངས་ལྟ་བུ། ‘འབུང’ལ་ལྟོས། |
| འབུངས་པ |
འབུང་བའི་འདས་པ། |
| འབུད |
1.མ་འོངས་པ་དང་ད་ལྟ་བ ཕྱི་ལ་འབུད་དགོས། ཕྱི་ལ་འབུད་མཁན་ཞེས་པ་ལྟ་བུ། <ཁ>ལོན་པའམ་འཛེག་པའི་དོན་ཏེ། བྱིས་པ་ལོ་བདུན་ལ་བུད་ན་སློབ་གྲྭར་འགྲོ། ཁྲི་ལ་བུད་ལྟ་བུ། <ག>གསལ་བར་མངོན་པའི་དོན་ཏེ། ལྷང་ལ་བུད། གོས་ཕུད་ནས་ཤ་རྗེན་ལ་བུད། ལུས་ལ་རྨ་བུད་ལྟ་བུ། ས་སྨུགས་ཀྱི་མིང་ མཁའ་ལ་བུད་འཐིབས་ལྟ་བུ། 2.མ་འོངས་པ་དང་ད་ལྟ་བ་ དམག་དུང་འབུད་པར་བྱ། དམག་དུང་འབུད་ཀྱིན་ཡོད་ལྟ་བུ། ཐབ་ལ་མེ་བཏང་བའི་དོན་ཏེ། མེ་བུས་ནས་ཇ་བསྐོལ། མེ་འབུད་མཁན་ཞེས་པ་ལྟ་བུ། |
| འབུད་གྲི |
ལྕགས་ལས་བཟོས་པའི་རྐོ་སྤྱད་ཅིག |
| འབུད་དུང |
ཁས་འབུད་རྒྱུའི་དུང་དཀར། |
| འབུད་པ |
ཐ་དད་པ 1)བུད་པ། འབུད་པ། བུད།། མཐར་སྐྲོད་པ་དང༌། འབྱིན་པའམ། འདོན་པ། ཁང་པའི་ནང་ནས་སྦྲང་བུ་ཕྱིར་འབུད་པ། བཙན་རྒྱལ་གྱི་ཤུགས་ངན་ཕར་བུད་པ། ལོ་ན་ཕྲ་བ་རེ་ཟུང་གོང་དུ་བུད་དེ་བྱིངས་ཚང་མ་དར་མ་རེད། 2)བུས་པ། འབུད་པ། བུས།། 1 གཏོང་བ། དུང་བུས་ཏེ་འཛོམ་བརྡ་གཏོང་བ། རྒྱ་གླིང་འབུད་པ། 2 མེ་གཏོང་བ། ལྕི་ཤིང་འབུད་པ། |
| འབུད་ཤིང |
མེར་འབུད་བྱའི་ཤིང༌། ལུང་པ་དེར་འབུད་ཤིང་ལྕི་བ་ལས་གཞན་མེད། |
| འབུན |
1 སྔ་དུས་བུ་ལོན་གྱི་མ་རྩའི་ཕྱེད་ཆ་ཞིག་སྐྱེད་དམ་ཁེ་བཟང་དུ་རྩི་ལུགས། 2 བུ་ལོན། |
| འབུན་ཚོང |
སྔ་དུས་མ་རྩའི་ཕྱེད་ཐོབ་ཀྱི་ཁེ་སྐྱེད་ལོན་པའི་ཚོང་སྒོར་བཅུའི་ཚོང་བརྒྱབ་ནས་མ་བུ་ཁྱོན་བསྡོམས་སྒོར་བཅོ་ལྔ་ཡོང་བ། |
| འབུན་རྩིས |
སྔ་དུས་ཕྱེད་དང་གཉིས་ཏེ་གཉིས་གསུམ་དུ་སྒྱུར་བའི་རྩིས་གཞི། |
| འབུན་སྐྱེད |
སྐྱེད་ཁ་མ་རྩའི་ཕྱེད་ཀ་འཇལ་དགོས་པ་ཞིག འབུན་སྐྱེད་གཏོང་མཁན། |
| འབུབ་མེད་པ |
རྙིང 1 ནོར་འཁྲུལ་མེད་པ། 2 ཐོགས་པ་མེད་པ། |
| འབུབས |
ད་ལྟ་བ་ ཁང་བ་འབུབས་མཁན་ཞེས་པ་ལྟ་བུ། |
| འབུབས་པ |
ཐ་དད་པ ཕུབ་པ། དབུབ་པ། ཕུབ།། 1 ཁྱིམ་གསར་དུ་འབུབས་པ། སྦྲ་གུར་ལེགས་པར་ཕུབ་པ། གདུགས་ཕུབ་པ། གཞུང་དོན་གྱི་ཁོག་ཕུབ་པ། 2 འགེབས་པ། ཁང་པའི་ཐོག་འབུབས་པ། |
| འབུམ |
1 ཁྲི་བཅུ་ཐམ་པའི་གྲངས་གནས། 2 འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ཞེས་བྱ་བ་སངས་རྒྱས་ཤཱཀྱ་ཐུབ་པས་བྱ་རྒོད་ཕུང་པོའི་རི་དང་རྒྱལ་པོའི་ཁབ་སོགས་སུ་བྱང་ཆུབ་སེམས་དཔའི་དགེ་འདུན་རྣམས་ལ་ཟབ་མོ་སྟོང་ཉིད་ཀྱི་ཆོས་རྣམས་ཤཱ་རིའི་བུ། རབ་འབྱོར། བརྒྱ་བྱིན་སོགས་ལ་དྲིས་ལན་གྱི་ཚུལ་དུ་གསུངས་པའི་ཤེར་ཕྱིན་གྱི་མདོ་སྡེ་རྒྱས་པ་ཤོ་ལོ་ཀ་འབུམ་ཡོད་པའོ། |
| འབུམ་གསེར་ཐོག་ཤ་བ་ཅན་གྱི་ཁྲིམས |
སྲོང་བཙན་སྒམ་པོས་བོད་དུ་ལག་བསྟར་བྱས་པའི་རྩ་བའི་ཁྲིམས་ཡིག་གཉིས་པ་སྟེ་བྲེ་སྲང་སོགས་བཀའ་ལ་བཏགས་པའི་ཁྲིམས། |
| འབུམ་ཆེན་སྡེ་ལྔ |
འབུམ་རྒྱས་པ་དང༌། ཕལ་པོ་ཆེ། དཀོན་བརྩེགས། ལངྐར་གཤེགས་མདོ། མྱ་ངན་འདས་མདོ་སྟེ་ལྔ། |
| འབུམ་ཐེར |
ཁྲི་ཚོ་བཅུ་ཐམ་པ། |
| འབུམ་པ |
མཆོད་རྟེན། |
| འབུམ་ཕྲག |
ཁྲི་ཕྲག་བཅུ། |
| འབུམ་བསྡུས་པ |
ཆོས་བཀའ་འགྱུར་གྱི་ནང་གསེས་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་བསྡུས་མིང༌། |
| འབུམ་ཟུར |
གྲངས་ཀ་འབུམ་ཕྲག་གཅིག་གི་ཟུར་གཅིག་གམ་ཆ་གཅིག |
| འབུམ་འགྲེལ |
ཁ་ཆེའི་སློབ་དཔོན་དྷརྨ་ཤྲིས་མཛད་པར་གྲགས་པའི་འབུམ་གྱི་འགྲེལ་བཤད་ཅིག |
| འབུམ་འབྲིང་བ |
ཆོས་བཀའ་འགྱུར་གྱི་ནང་གསེས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པ་སྟེ་ཡོངས་གྲགས་སུ་ཉི་ཁྲི་ཞེས་ཟེར། |
| འབུམ་རྒྱས་པ |
ཆོས་བཀའ་འགྱུར་གྱི་ནང་གསེས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པའི་བསྡུས་མིང༌། |
| འབུམ་སྡེ་ལྔ |
འབུམ་ཆེན་སྡེ་ལྔ་དང་དོན་གཅིག་ |
| འབུར |
(བྱེད་མེད་ལས་ཚིག) ངོས་མཉམ་པའི་གཞི་ལས་ཡར་འཕགས་པ་ རི་བོ་ཡར་འབུར། ཆུ་མགོ་གཏིང་ནས་འབུར། བྱ་ལ་གྲག་རྒྱུ་དང་བྱི་ལོང་ལ་འབུར་རྒྱུ་མེད་པ་ཞིག་བྱས་ཞེས་པ་ལྟ་བུ། ‘འབུར་བོ’ཞེས་པའི་ཚིག་བསྡུས་པ། ０‘འབུར་མ’ཞེས་པའི་ཚིག་བསྡུས་པ། |
| འབུར་ཀ |
འབུར་པོའམ་སྒང༌། |
| འབུར་ཀོང |
སྒང་གཤོང༌། ས་བབས་མཐོ་དམའ་འབུར་ཀོང༌། |
| འབུར་ཀྱོང |
སྒང་གཤོང༌། |
| འབུར་གཤོང |
སྒང་གི་འབུར་དང༌། ཀོང་གི་གཤོང༌། |
| འབུར་དུ་ཐོན |
ངོས་མཉམ་པ་ལས་འཕགས་པའི་དོན་ཏེ། རྩིག་ངོས་ཀྱི་རི་མོ་འབུར་དུ་ཐོན་ལྟ་བུ། |
| འབུར་དོད |
གཞི་ལས་མཐོ་བར་ཐོན་པ། རི་མོ་འབུར་དོད་བྱེད་པ། ཡི་གེ་འབུར་དོད་ཀྱི་ཤིང་པར། ས་ཁོད་སྙོམས་ནས་རྡེའུ་འབུར་དོད་ཀྱི་བྱ་བ་བྱས་མི་ཆོག |
| འབུར་པོ |
སྒང་དུ་ཐོན་ཚུལ། མཁུར་ཚོས་འབུར་པོ། ས་འབུར་པོ། |
| འབུར་བ |
ཐ་མི་དད་པ རང་བཞིན་གྱིས་མཐོ་ཙམ་དུ་ཐོན་པ། མགོ་འབུར་ཏེ་ཐོན་པ། རི་མོ་འབུར་བ། |
| འབུར་བརྐོས |
རི་མོ་འབུར་དུ་བརྐོས་པ། དཔའ་བོའི་གཟུགས་བརྙན་གཅིག་འབུར་བརྐོས་རྒྱག་པ། |
| འབུར་བོ |
(རྒྱན་ཚིག) ཡར་འཕགས་པའི་དབྱིབས་ཏེ། རི་འབུར་བོ་བརྐོས་ནས་བདེ་ཐང་བྱས་ལྟ་བུ། ཚིག་བསྡུས་ན‘འབུར’ཞེས་འབྲི་ཆོག་ སྐྲངས་འབུར། རི་འབུར། ས་འབུར་ཞེས་པ་ལྟ་བུ། |
| འབུར་མ |
འབུར་དུ་ཐོན་པའི་དངོས་རྫས་ཀྱི་མིང་ རི་མོ་འབུར་མ། ཡི་གེ་འབུར་མ་ཞེས་པ་ལྟ་བུ། ཚིག་བསྡུས་ན‘འབུར’ཞེས་འབྲི་ཆོག་ རི་མོ་འབུར་མ་ལ་འབུར་རིས་ཟེར་བ་ལྟ་བུ། |
| འབུར་ཚག |
མགར་བའི་ཚན་རིས་འབུར་དོད། |
| འབུར་ཚུགས |
མིག་ཆེན་པོས་དྲག་ཏུ་ལྟ་སྟངས། མདུན་ཕྱོགས་ལ་འབུར་ཚུགས་སུ་ལྟ་བ། |
| འབུར་འཇོམས |
མགོ་ཚུར་དོན་མ་ཐག་ཏུ་ཕར་འཕྲལ་ལ་འགེམས་པ། བསམ་ངན་འབུར་འཇོམས། |
| འབུར་འཐོན་པ |
གཞི་ལས་མངོན་གསལ་དུ་དོན་པ། སྐེ་ལ་ཝ་བ་འབུར་འཐོན་པ། ལག་པར་ཆུ་གོང་འབུར་འཐོན་པ། བྱས་རྗེས་བཟང་པོ་འབུར་ཐོན་པ། |
| འབུར་འབུར |
གཞི་ལས་འཕར་དུ་འབུར་བ། ཆུ་འབུར་འབུར་དུ་ཐོན་པ། རི་བོང་སུག་པ་ཐུང་རུང་ས་འབུར་འབུར་ལ་མི་ཐོགས། |
| འབུར་འཚངས |
རྙིང ཨུ་ཚུགས་ཀྱིས་འཚངས་ཏེ་ཡོང་བ། |
| འབུར་རིས |
གཞི་ལས་མཐོ་བའི་རི་མོ། ཤིང་བཟོ་བས་ཤིང་ཆ་ལ་འབུར་རིས་རྒྱག་པ། |
| འབུར་རྡུང |
མགོ་བཏེག་ཙམ་བྱས་མ་ཐག་མར་གནོན་པ། མི་རུང་བའི་བསམ་པ་ཐོན་མ་ཐག་ཏུ་འབུར་རྡུང་གཏོང་བ། |
| འབུར་རྩེ་ལ |
བོད་རང་སྐྱོང་ལྗོངས་ཀྱི་དིང་རི་རྫོང་གི་ལྷོ་རྒྱུད་དུ་ཡོད། |
| འབུར་ལེན |
ཤིང་བཟོ་བའི་ལག་ཆ་ཤིང་གི་འབར་འབུར་སྙོམ་བྱེད་ཅིག ཤིང་པང་ལ་འབུར་ལེན་རྒྱག་པ། |
| འབུར་ལེན་ཁ་རིལ |
ཤིང་བཟོ་བའི་ལག་ཆ་ཞིག |
| འབུར་ལེན་ཐེ་འབེ |
རྒྱ ལག་ཤུགས་ཆེན་པོ་བརྒྱབ་སྟེ་འབུར་ཀོང་སྙོམ་བྱེད་ཤིང་བཟོ་བའི་ལག་ཆ་ཞིག |
| འབུར་ལེན་རིང་བ |
འབུར་ལེན་གྱི་རིགས་ཤིག |
| འབུར་ལེན་སྣ་རིང |
ཤིང་བཟོ་བའི་ལག་ཆ་ཞིག |
| འབུར་ཤེལ |
འབུར་དུ་དོད་པའི་ཤེལ་མིག |
| འབུར་ཤོག |
ཡུལ འབུར་ལེན་བརྒྱབ་པའི་ཤིང་ཤོག་སྲབ་མོ། |
| འབུལ |
‘ཕུལ’གྱི་ད་ལྟ་བ། ‘འབུལ་བ’ཡི་ཚིག་བསྡུས་པ། |
| འབུལ་གཏོར |
ཡི་དམ་ཆོས་སྐྱོང་སོགས་ལྷ་ལ་འབུལ་རྒྱུའི་གཏོར་མ། |
| འབུལ་ཆས |
འབུལ་རྒྱུའི་དངོས་ཆས། |
| འབུལ་ཐོ |
འབུལ་རྒྱུའི་དངོས་རྫས་ཀྱི་ཐོ། |
| འབུལ་དམིགས་ས་ཞིང |
བུ་ལོན་གཡར་བ་འཇལ་རྒྱུའི་དམིགས་རྟེན་ས་ཞིང༌། |
| འབུལ་དེབ |
དངོས་རྫས་འབུལ་ཐོ་འགོད་སའི་དེབ། |
| འབུལ་བ |
1. ཐ་དད་པ ཕུལ་བ། དབུལ་བ། ཕུལ།། སྟེར་བ་དང༌། སྦྱིན་པ་དང༌། སྐུར་བའི་ཞེ་ས། མཇལ་དར་ཕུལ་བ། གཞོན་ནུའི་ལང་ཚོ་མེས་རྒྱལ་ལ་འབུལ་བ། སྔོན་གཤེགས་དཔའ་བོའི་སྐུ་གདུང་ལ་མེ་ཏོག་གི་ཕྲེང་བ་འབུལ་བ། 2 1 དབུལ་བྱའི་དངོས་རིགས། འབུལ་བ་ཕུལ་བ། མིང་གི་རྣམ་གྲངས་ལ་སྐྱེས་དང༌། གུས་རྫས། མདུན་འཇོག་རྣམ་གཞག་ཕྱག་རྟེན། ཞུ་རྟེན་བཅས་སོ། 2 སྣོན་རྩིས། |
| འབུལ་མཚོན |
དངོས་འབུལ་མཚོན་བྱེད། |
| འབུལ་ཡིག |
འབུལ་རྒྱུའི་ཡི་གེ། |
| འབུལ་རྒྱ |
གོང་ལ་འབུལ་བའི་ཡི་གེ་རྒྱ་ཐེལ་ཅན། |
| འབུལ་རྟེན |
འབུལ་བྱའི་དངོས་པོ། |
| འབུལ་རྫས |
འབུལ་བའི་དངོས་རྫས། |
| འབུལ་རྫོངས |
ཕྱོགས་འགྲོའི་སྐྱེས་རྫོངས། |
| འབུལ་ལན |
མཇལ་སློག་གནང་ཆ། |
| འབུལ་སྐྱེས |
སྟེར་བྱའི་དངོས་པོ། ཕན་ཚུན་འབུལ་སྐྱེས་སྐུར་རེས་གནང་བ། འབུལ་སྐྱེས་ཀྱི་དངོས་པོ་ཟད་མི་ཤེས་པ། |
| འབུལ་སྡུད |
དགོན་པའི་ལྷ་ཁང་དང་དགེ་འདུན་པའི་འཚོ་བའི་མཐུན་རྐྱེན་ལ་རྒྱུ་ནོར་སྡུད་པའི་སྔོན་མའི་ལུགས་སྲོལ་ཞིག |
| འབུལ་སྡུད་པ |
སྔར་དགོན་སྡེ་ཁག་གིས་དད་འབུལ་བསྡུ་ལེན་བྱེད་པར་ཆེད་དུ་བཏང་བའི་མི། |
| འབུས |
(བྱེད་མེད་ལས་ཚིག་འདས་པ)ས་བོན་ལས་མྱུ་གུ་ཐོན་པ་ མྱུ་གུ་འབུས་ནས་ལོ་མ་ཐོགས། ཤིང་སྡོང་ལ་ལོ་མ་འབུས་ལྟ་བུ། |
| འབུས་པ |
ཐ་མི་དད་པ ཐོག་མའི་ཁ་གསར་འབྱེ་བ། མེ་ཏོག་གི་འདབ་ཁ་འབུས་པ། བྱིས་པ་ཆུང་ངུའི་ཁ་འབུས་པ། ཤིང་ལོའི་ཁ་འབུས་སོང༌། |
| འབེ་ཏ |
‘བེ་ཏ’ཡི་འབྲི་ཚུལ་གཞན། |
| འབེ་ལོག |
ཀ་མགོའི་བྲེ་དང་གཞུ་རིང་གི་བར་དུ་འཇུག་པའི་གཞུ་ཐུང༌། |
| འབེན |
མདའ་སོགས་འཕེན་སའི་དམིགས་ཡུལ་གྱི་རྟེན། འབེན་བཙུགས་ནས་མདའ་འཕེན་པ། འབེན་ལ་གཏོད་པ། སྡང་དགྲ་བོ་བཙན་ཡང་འོག་ཏུ་གནོན། སྲོག་དམར་པོ་གཉན་ཡང་འབེན་ལ་འཇོག |
| འབེན་མདའ་ལ |
བོད་རང་སྐྱོང་ལྗོངས་ཀྱི་ལྷ་རི་རྫོང་ཁོངས་ལྷ་རི་མགོ་དང་ཨར་རྩའི་བར་དུ་ཡོད། |
| འབེན་མཛད་པ |
རྙིང 1 དཔེར་མཛད་པ། 2 ཐུགས་དགོངས་གཏད་པ། |
| འབེན་མིག |
མདའ་སོགས་རྒྱག་ཡུལ་འབེན་དཀྱིལ་གྱི་ཐིག་ལེ། |
| འབེན་མེད་མདའ་འཕེན |
འབེན་མ་བཙུགས་པར་མདའ་རྒྱག་པ་ལྟར་དམིགས་ཡུལ་མེད་པར་ལས་དོན་བྱེད་པའི་དཔེ། གཏད་སོ་འདི་ཡིན་མེད་པར་བྱ་བ་རྩོམ་པ་ནི་འབེན་མེད་མདའ་འཕེན་ལྟར་སྙིང་པོ་གང་ཡང་མེད། |
| འབེན་ར |
མདའ་མེ་རྡོ་སོགས་འཕེན་སའི་ར་བ། |
| འབེན་ས |
མདའ་རྡོ་སོགས་རྒྱག་སའི་དམིགས་ཡུལ་གྱི་རྟེན། |
| འབེབ |
ད་ལྟ་བ་ བཀའ་འབེབ་མཁན་ཞེས་པ་ལྟ་བུ། འདི་ལ་འབེབས་འབྲི་སྲོལ་ཡང་ཡོད། |
| འབེབས |
‘འབེབ’ཀྱི་འབྲི་ཚུལ་གཞན། བསྐུར་ཡིག་འབྲི་ཚེ་ཡི་གེ་བསྐུར་ཡུལ་གྱི་མིང་དང་ཡི་གེ་དངོས་གཞི་གཉིས་བར་གྱི་ཤོག་སྟོང་། |
| འབེབས་པ |
ཐ་དད་པ ཕབ་པ། དབབ་པ། ཕོབ།། 1 འབབ་ཏུ་འཇུག་པ། ལས་འགན་ཕབ་པ། གོ་གནས་ཕབ་པ། ཁལ་ཕོབ་ཅིག དམའ་འབེབས་པ། གུར་ཕབ་པ། ལྟོ་བ་ས་ལ་འབེབས་པ། དཔྱ་ཁྲལ་ཕབ་པ། ཟོག་རིགས་ཚོང་རར་ཕབ་པ། 2 དོན་ལ་གནས་པར་བྱེད་པ། གཏན་ལ་འབེབས་པ། |
| འབེབས་བཤད |
ཡུལ བོད་ཀྱི་ཡུལ་སྲོལ་ལྟར་བག་མ་རྟ་ལས་མ་བབ་གོང་གི་བཤད་པ། |
| འབེབས་མཚོན |
འབེབས་རྟེན་མཚོན་བྱེད་དེ་གཟིགས་རྟེན། |
| འབེབས་རྟེན |
སྤྱན་འབེབས་ཞུ་བའི་གཟིགས་རྟེན་ཏེ་སྔ་སྲོལ་ལྟར་ཞུ་ཡིག་དང་སྦྲགས་པའི་འབུལ་རྫས། |
| འབེམ |
1 ཡུལ འབེན། མེ་མདའ་འབེམ་ལ་གཏོད་པ། 2 རྙིང ཆུ་སྣོད། |
| འབེར |
བཤད་བཤད་བཏང་བའི་བརྡ་རྙིང་། |
| འབེར་བ |
རྙིང གཏམ་སྨྲ་བ། |
| འབེལ |
(རྒྱན་ཚིག) མང་བའི་དོན་ཏེ། ཁ་ཟས་འབེལ་བོ་འབྲུ་རིགས་འབེལ་བོ་ཞེས་པ་ལྟ་བུ། |
| འབེལ་གཏམ |
1.དོན་གཅིག་རྩལ་དུ་བཏོན་ཏེ་བཤད་པ་མིན་པར་བཤད་བྱའི་རྣམ་གྲངས་སྣ་ཚོགས་པ་ནས་གླེང་བའི་གཏམ།…2.ཡང་དག་པའི་གཏམ་ རྒན་པོའི་འབེལ་གཏམ་ཞེས་པ་ལྟ་བུ། |
| འབེལ་ཉོ་དཀོན་འཚོང |
ཚོང་ཟོག་འབེལ་དཀོན་གྱི་དུས་སྐབས་དང་བསྟུན་ཏེ་ཉོ་འཚོང་གི་ཐབས་ཇུས་སྤེལ་སྟངས། ཚོང་པ་གཡོ་ཁྲམ་ཅན་གྱིས་འབེལ་ཉོ་དཀོན་འཚོང་བྱས་ནས་ཁེ་བཟང་ཟ་བའི་སྤྱོད་ངན་བྱེད། |
| འབེལ་དཀོན |
མང་བ་དང་ཉུང་བའམ་འཛོམས་པོ་དང་རྙེད་དཀའ་བ། ཚོང་རའི་ནང་དུ་ཟོག་རིགས་འབེལ་དཀོན་ཆ་སྙོམས་བྱེད་པ། |
| འབེལ་པོ |
མོད་པོའམ་མང་པོ། ཆར་ཆུ་འབེལ་པོ། ལྟོ་གོས་འབེལ་པོ། ཚོང་ཟོག་འབེལ་པོ། |
| འབེལ་བ |
འབེལ་པོ་དང་འདྲ། |
| འབེལ་མཆིད |
1 ཕན་ཚུན་ལྷུག་པོར་བཤད་པའི་གཏམ། 2 འཕྲིན་ཡིག |
| འབེལ་འབེལ་ལྷུག་ལྷུག |
ཟས་གོས་སོགས་ཀྱི་ཡོ་བྱད་གང་དགོས་མཁོ་འདོན་བྱ་རྒྱུ་ཡོད་པའི་དོན། ཐོན་སྐྱེད་གོང་འཕེལ་ལ་བརྟེན་ནས་མི་དམངས་ཚང་མར་འཚོ་བ་འབེལ་འབེལ་ལྷུག་ལྷུག་བྱུང་བ། |
| འབོ |
འབྲུ་རིགས་འཇལ་བྱེད་ཀྱི་བྲེ་ཞིག་གི་མིང་། ‘ཕོ’ཡི་ད་ལྟ་བ། |
| འབོ་ཁ་བ |
འབོ་ལ་འབྲུ་གཤོར་མཁན། |
| འབོ་བ |
ཐ་དད་པ ཕོས་པ། དབོ་བ། ཕོས།། འདོར་བ་དང་གཤོ་བ། བཙོག་ཆུ་དང་གད་སྙིགས་ཚང་མ་ཕྱིར་ཕོས་ཤིག |
| འབོ་བྲེ |
འབྲུ་རིགས་འཇལ་བྱེད་འབོ་དང་བྲེ། འབྲུ་མང་ཉུང་འབོ་བྲེར་བཅལ་ན་ཤེས། |
| འབོ་བྲེ་ལ |
སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་བཙན་ལྷ་རྫོང་གི་ལ་ཞིག |
| འབོ་བྲེའི་འཁྲོལ་འཛིན |
སྔར་ལྷ་ལྡན་སྨོན་ལམ་གྱི་དུས་སུ་མི་དམངས་སོ་སོའི་ཁྱིམ་དུ་ཡོད་པའི་འབོ་དང་བྲེ་ལ་འཇལ་གཤོར་བེད་གཅོད་བཏང་འཐུས་ཚོགས་ཆེན་ཞལ་ངོའི་ས་ནས་ཉོས་པའི་འཁྲོལ་འཛིན། |
| འབོ་ལོ |
ཡུལ གསོམ་ཤིང༌། |
| འབོ་ལོག་བྲེ་ལོག |
ཚད་ལས་བརྒལ་བའི་འབོ་དང་བྲེ་ཆེན། སྔར་འབོ་ལོག་བྲེ་ལོག་གི་ཐོག་ནས་འབྲུ་བུན་གཏོང་སྡུད་ཀྱིས་བཤུ་གཞོག་བྱེད་མཁན་བྱུང༌། |
| འབོག |
1(བྱེད་མེད་ལས་ཚིག) བརྒྱལ་བའམ་མྱོས་པའི་དོན་ཏེ། དཔའ་བོས་རང་གི་ཁྲག་མཐོང་ན། དཔའ་ངར་ལྷག་པར་སྐྱེ་བར་འགྱུར། སྡར་མས་གཞན་གྱིས་ཁྲག་མཐོང་ན། འབོག་ཀྱང་བརྒྱལ་བར་འགྱུར་བ་ཡོད། སྨྱོ་འབོག་ཆང་གིས་བཟི་ནས་འབོག་ཅེས་པ་ལྟ་བུ། འདི་ལ‘བོག’ཀྱང་འབྲི། ཀོ་པགས་དང་རས་ཀྱིས་བཟོས་པའི་སྣོད་ཀྱི་མིང་ ཀོ་འབོག རྟ་འབོག འབོག་ཆ་ཞེས་པ་ལྟ་བུ། 2.རས་སྣམ་སོགས་ལས་བཟོས་པའི་ཅ་ལག་སྒྲིལ་བྱེད། ན་བཟའ་རྣམས་འབོག་ཏུ་བསྒྲིལ་ནས་ཁྱེར་སོང༌། |
| འབོག་ཆེན |
སྔར་བོད་ས་གནས་སྲིད་གཞུང་གི་ཤོད་དྲུང་ཚོས་གྱོན་རྒྱུའི་ཞྭ་མོ་ཞིག |
| འབོག་ཏོ |
འབོག་ཐོ་དང་འདྲ། |
| འབོག་ཐོ |
1 ཨར་པོ་བས་ཞལ་བ་འཆག་བྱེད་རྡོ་ལེབ་སྒོར་མོ་ཤིང་ཡུ་ཅན་ཞིག 2 སྔར་བོད་ས་གནས་སྲིད་གཞུང་གི་ལས་ཚན་སྐྱ་བོ་སྤྱིའི་ཞྭ་མོ་སེར་ལེབ་ཅིག |
| འབོག་པ |
1. ཐ་དད་པ 1) འབོགས་པ། འབོག་པ། འབོགས།། རྒལ་བ། གཙང་ཆུ་འབོགས་ནས་ཕ་རོལ་ཏུ་སླེབས་པ། 2) ཕོག་པ། དབོག་པ། ཕོག། 1 སྦྱིན་པ། སྡོམ་པ་ཕོག་པ། གདམས་ངག་འབོག་པ། 2 རྙིང བརྩོན་པ། 2. ཐ་མི་དད་པ བོག་པ། འབོག་པ།། 1 བརྒྱལ་བ། ཡུན་རིང་དྲན་མེད་དུ་བོག་པ། སྡར་མ་སྟག་དང་ཐུག་དུས་སྐྲག་ནས་འབོག་ཅིང་བརྒྱལ་བ། 2 ལྷུང་བ་དང༌། བྲུལ་བ། ཟགས་པ། ཁམ་བུ་སྨིན་ནས་སར་བོག་པ། ཆུ་ལ་བོག་པ། མེ་ཏོག་གི་ཐིའུ་བོག་པ། |
| འབོག་ཚང་གཙང་པོ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་ཤན་རྩ་རྫོང་གི་ནུབ་རྒྱུད་ནས་བྱུང་ཞིང་ཤར་ངོས་སུ་བརྒྱུགས་ཏེ་སྟག་རྩེ་མཚོའི་ནང་དུ་འབབ། |
| འབོག་འཇོལ |
གྱོན་འབོག་ཕྱོགས་འགྲོའི་སྐབས་མལ་གཟན་སོགས་འཇུག་སྣོད། |
| འབོག་རས |
ཅ་ལག་སྒྲིལ་བྱེད་ཀྱི་རས། |
| འབོག་རྭ |
ཤ་བའི་རྭ་གསར་ལ་ཡལ་ག་གཉིས་སྐྱེས་པའི་དུས་ཀྱི་རྭ། |
| འབོག་ལྕག |
སྔར་ཏཱ་ལའི་བླ་མ་དང༌། སྲིད་སྐྱོང་གཉིས་ཀྱི་གཟིམས་སྒོའི་ཆེ་རྟགས་དང༌། སྒོ་སྲུང་གཟིམས་འགག་གིས་འཁྱེར་རྒྱུའི་ལག་ཆ་ཞིག |
| འབོག་སྒྲིལ |
རས་སྣམ་གང་རུང་གིས་བཟོས་པའི་སྒྲིལ་རྫས་ཀྱི་ནང་དུ་མཁོ་དངོས་བསྒྲིལ་བ་ཞིག |
| འབོག་སྡིག |
བྱིས་པ་ཆུང་ངུ་རྒྱབ་འཁྱེར་གྱི་སྒྲིལ་རྫས་སྒྲོག་བྱེད་ལྕགས་ཀྱུ་སྡིག་རྭའི་བཟོ་དབྱིབས་ཅན། |
| འབོགས |
ད་ལྟ་བ་ ཁལ་འབོགས་ཀྱིན་ཡོད། ཁལ་འབོགས་མཁན་ཞེས་པ་ལྟ་བུ། |
| འབོགས་ཆོག |
སྡོམ་པ་འབོགས་པའི་ཆོ་ག། |
| འབོགས་པ |
ཐ་དད་པ 1 ཕོག་པ། དབོག་པ། ཕོག། སྦྱིན་པའམ་སྟེར་བ། ཉམས་མྱོང་འབོགས་པ། བཀའ་སློབ་ཕོག་པ། བྱ་དགའ་འབོགས་པ། ལས་འགན་དབོག་པ། 2 འབོག་པའི་འདས་པ། |
| འབོང་བ |
ཡུལ རང་བཞིན་གྱིས་བརླན་པ། བཞའ་ཚན་ཆེ་སར་བཞག་པས་འབོང་འདུག |
| འབོངས་པ |
རྙིང ཐུབ་པའམ། ནུས་པ། |
| འབོད |
འབད་པའི་སྐུལ་ཚིག་ |
| འབོད |
མ་འོངས་པ་དང་ད་ལྟ་བ་ ཟླ་བོ་འབོད། འབོད་བྱའི་ཟླ་བོ། འབོད་མཁན་ཞེས་པ་ལྟ་བུ། 2.འབད་པའི་སྐུལ་ཚིག་ |
| འབོད་པ |
ཐ་དད་པ བོས་པ། འབོད་པ། བོས།། གཞན་ལ་སྐད་ཀྱིས་སྦྲོན་པའམ་མགྲོན་དུ་གདན་འདྲེན་པ། འདིར་ཤོག་ཅེས་བོས། ཁོའི་མིང་ལ་ཇི་ལྟར་འབོད། ངུ་འབོད། འགྲུལ་པ་གསོལ་ཚིགས་ལ་བོས་པ། ཁང་པའི་ནང་དུ་འབོད་པ། |
| འབོད་བརྡ |
སྐད་གཏོང་བའི་བརྡ། |
| འབོད་ལན |
སྐད་གཏོང་བའི་ལན། ཕ་རོལ་ཚུ་རོལ་ནས་འབོད་ལན་སློག་རེས་བྱེད་པ། |
| འབོད་སྐད |
མི་ལ་སྐུལ་བརྡ་གཏོང་བའི་སྐད། གློ་བུར་ཉེན་དོགས་བྱུང་ཚེ་གྲོང་པ་ཁྱིམ་མཚེས་ལ་འབོད་སྐད་བརྒྱབ་ནས་ར་མདའ་སྦྲན་པ། |
| འབོད་སྐུལ |
བརྡ་གཏོང་རྒྱུད་སྐུལ། |
| འབོད་སྒྲ |
1 སྐད་གཏོང་བའི་སྒྲ། 2 རྣམ་དབྱེ་བརྒྱད་པ། |
| འབོད་སྒྲོག |
མངོན སྲིན་པོ། |
| འབོབ |
རྐང་བར་གྱོན་པའི་ཤུབས་ཀྱི་མིང་ རས་འབོབ། ཕྱིང་འབོབ། དར་འབོབ་ལྟ་བུ། |
| འབོར |
ད་ལྟ་བ་ ཐུན་མོང་གི་རྒྱུ་ནོར་འབོར་མི་ཉན་ལྟ་བུ། <ཁ>ཡལ་བར་དོར་བའི་དོན་ཏེ། སྨན་པས་བོར་བའི་ནད་པ་སོས་པ་དཀའ་ལྟ་བུ། <ག>བཤད་པའམ་བྱས་པའི་དོན་ཏེ། མནའ་བོར—མནའ་བསྐྱལ་ལྟ་བུ། བོ་རུ་ཞེས་པའི་རུ་ཡིག་བསྡུས་པ་ ཟླ་བོ་རུ་གླེང་མོ་བྱས—ཟླ་བོར་གླེང་མོ་བྱས་ལྟ་བུ། 2.གཏོས་སམ་ཁྱོན། གྲངས་འབོར། ལས་འབོར། མི་འབོར་མང་ཉུང༌། བསྡོམས་འབོར། ཚོང་ཟོག་འབོར་ཆེ། མ་དངུལ་འབོར་ཆེན། |
| འབོར་གྲངས |
འབོར་བསྡོམས་ཀྱི་གྲངས་ཀ། ལས་མིའི་འབོར་གྲངས་སྤོར་བ། |
| འབོར་བ |
ཐ་དད་པ བོར་བ། འབོར་བ། བོར།། སྐྱུར་བའམ་འདོར་བ་དང༌། གཡུག་པ། ཕན་མི་ཐོགས་པའི་ཅ་ལག་ཚང་མ་ཕྱིར་བོར་ཅིག རྫབ་དོང་ནང་དུ་སྨན་སྙིགས་བོར་བ། རོགས་གསར་པ་ཡོད་དུས་རྙིང་པ་བོར། གཡུ་བྱུ་རུ་ཡོད་དུས་སྤོས་ཤེལ་བོར། |
| འབོར་བསྡོམས |
ཆེ་ཆུང་ངམ་མང་ཉུང་སྤྱི་བསྡོམས། མི་གྲངས་འབོར་བསྡོམས། གཏོང་ཡོང་གི་དངུལ་གྲངས་འབོར་བསྡོམས། |
| འབོར་ཚད |
མང་ཉུང་གི་ཚད། |
| འབོར་ཤོབ |
ཡུལ འུར་ཤོབ་བམ་ཁ་རྦད། སྐད་ཆ་འབོར་ཤོབ་ཚ་པོ། |
| འབོར་སྤོམ |
ཡུལ ཁྱོན་བསྡོམས་ཀྱི་འབོར་ཚད། མང་ཉུང་གི་འབོར་སྤོམ། རྒྱལ་ཡོངས་ཀྱི་མིའི་འབོར་སྤོམ་དུང་ཕྱུར་བཅུ་ཡོད། |
| འབོལ |
(རྒྱན་ཚིག) སྙི་ཞིང་ནེམ་པའི་དོན་ཏེ། ས་འབོལ་འབོལ། གདན་འབོལ་བོ་ཞེས་པ་ལྟ་བུ། |
| འབོལ་གདན |
འཇམ་པའམ་མཉེན་པའི་སྟན་མཐུག་པོ། |
| འབོལ་གོང |
རྐང་མགོའི་ཐོག་ངོས་ཀྱི་མིང་ ‘བོལ་གོང’ཞེས་ཀྱང་འབྲི། མོད་པའི་དོན། |
| འབོལ་ཉོ་དཀོན་ཚོང |
འབོལ་དུས་ཚུར་ཉོ་ཞིང༌། དཀོན་དུས་ཕར་འཚོང་བ། |
| འབོལ་པོ |
1 སྲ་མཁྲེགས་མིན་པའི་འཇམ་པོའམ་མཉེན་པོ། རྩྭ་གདན་འབོལ་པོ། ཁམ་བུ་འབོལ་པོ། 2 མང་པོའམ་མོད་པ། ཉོ་ཆ་འབོལ་པོ། སྤྱི་ཚོགས་ནང་དུ་རྒྱུ་ནོར་ལོངས་སྤྱོད་འབོལ་པོ་ཡོང་ཐབས་བྱེད་པ། |
| འབོལ་བ |
འབོལ་པོ་དང་འདྲ། |
| འབོལ་འབོལ |
སྙི་པོ། ས་ཆ་འབོལ་འབོལ། ཤིང་འབྲས་འབོལ་འབོལ། བག་ལེབ་འབོལ་འབོལ། |
| འབོལ་འབོལ་ལྷུག་ལྷུག |
ཡུལ རབ་ཏུ་མོད་པའམ་ཐོགས་པ་མེད་པ། འཚོ་བ་འབོལ་འབོལ་ལྷུག་ལྷུག་ཡོད་དུས་ཐོན་སྐྱེད་སྔར་ལས་ཤུགས་ཆེ་བ་བྱེད་དགོས། |
| འབོལ་རྩོམ |
ཚིག་དམ་པོའམ་མཁྲེགས་པོ་མིན་པའི་རྩོམ། ཚིག་སྦྱོར་དམ་པོས་མ་བཅིངས་པར་འབོལ་རྩོམ་གྱི་སྒོ་ནས་བསྒྲིགས་ན་ཚང་མས་གོ་བདེ།…2.གོ་སླ་བའི་རྩོམ་ཚིགས་བཅད་ཀྱི་རྣམ་པ་ཞིག་གི་མིང་ དམངས་ཁྲོད་ཀྱི་གླུ་ཚིག་དང་མགུར་གླུ་སོགས་ལྟ་བུ། |
| འབོལ་ལེ་བ |
ལྷོད་ལྷོད། བྱ་སྤྱོད་འབོལ་ལེ་བ་བྱེད་པ། གཏམ་འབོལ་ལེ་བ་སྨྲ་བ། སྨན་བཏུངས་པས་ལུས་བདེ་འབོལ་ལེ་བ་ཞིག་བྱུང༌། |
| འབོལ་ལྷུག |
འབོལ་འབོལ་ལྷུག་ལྷུག་གི་བསྡུས་ཚིག་ |
| འབོལ་ས |
1 མཁྲེགས་པོ་མིན་པའི་ས། མཁྲེགས་སར་ཁང་པ་རྒྱག་འབོལ་སར་ལོ་ཐོག་འདེབས། 2 ཐོན་ཁུངས་བཟང་བའི་ཡུལ་ལུང༌། ཤིང་བལ་འབོལ་སར་འཁལ་འཐག་བཟོ་གྲྭ་འཛུགས་པ། |
| འབོལ་སྐྱིད |
1 ཆ་རྐྱེན་འཛོམས་ཤིང༌། སེམས་བག་ཕེབས་པ། འཚོ་བ་འབོལ་སྐྱིད། 2 མཉེན་ཞིང་བདེ་བ། མལ་སྟན་འབོལ་སྐྱིད། |
| འབོལ་སྟན |
འཇམ་པའམ་མཉེན་པའི་གདན་མཐུག་པོ། |
| འབོས |
རྙིང སྦས་ནས་མི་གསལ་བ། |
| འབྱང |
མ་འོངས་པ་དང་ད་ལྟ་བ་ འབྱང་དཀའ་བའི་ཉེས་སྤྱོད་ཅེས་པ་ལྟ་བུ། ཟས་བཞུས་ནས་ཕོ་བ་དང་རྒྱུ་མ་སྟོང་བར་གྱུར་པའི་དོན་ཏེ། ཁོག་པ་བྱང་། ཆུ་སྐོལ་འཐུངས་ན་ལྟོ་བ་བྱང་ལྟ་བུ། |
| འབྱང་བ |
1. ཐ་མི་དད་པ བྱང་བ། འབྱང་བ།། 1 དག་པ་དང༌། ཞི་བ། སྐྱོན་ཆ་རིམ་གྱིས་བྱང་བ། ནད་དུག་རྩ་བ་ནས་བྱང་བ། 2 གོམས་པ་མཐར་ཕྱིན་གྱི་མཁས་པ། ལག་རྩལ་ལ་བྱང་བ། ཡོན་ཏན་ལ་བྱང་བ། 3 འཁྲུ་བ་དང༌། བཤལ་བ། བཤལ་སྨན་བཏང་ནས་ཁོག་པ་བྱང་དུ་བཅུག་པ། 2. རྙིང ཕྱིར་འབྱམས་པ། |
| འབྱངས |
(བྱེད་འབྲེལ་ལས་ཚིག་འདས་པ)ཧུབ་ཆེན་པོ་བྱས་ནས་བཏུང་བའི་རིགས་འཐུངས་པའི་དོན་ཏེ། ཇ་དཀར་ཡོལ་གང་འབྱངས་ཚར་ལྟ་བུ། |
| འབྱངས་པ |
བཤལ་བའི་དོན་དུ་གོ་བའི་འབྱོང་བའི་འདས་པའི་འབྲི་ཚུལ་གཞན་ཞིག་ |
| འབྱམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཁྱབ་ཆེ་རུ་བཀྲམ་པ་ སྨན་ལུས་ལ་འབྱམ་རྒྱུ་རེད། ནད་གཞི་ལུས་ལ་འབྱམ་དུ་མ་འཇུག་ལྟ་བུ། |
| འབྱམ་པ |
ཐ་མི་དད་པ འབྱམས་པ། འབྱམ་པ།། 1 འཕེལ་བའམ། མཆེད་པ། ཁྱབ་པ། གཏམ་བཟང་ཕྱོགས་ཀུན་ཏུ་འབྱམ་པ། སྲོལ་ངན་མ་དག་རྒྱུན་འབྱམས་སུ་འགྲོར་མི་འཇུག 2 ཡོལ་བ། འགོར་བ། ལས་དོན་ཆུང་བ་སྣ་གཅིག་ལ་ཟླ་ཞག་མང་པོ་འབྱམས་པ། |
| འབྱམ་པོ |
སྟན་ནང་ཚངས་ཅན། |
| འབྱམས |
(རྒྱན་ཚིག) རྒྱ་ཆེ་བའི་དོན་ཏེ། རབ་འབྱམས་འཇིག་རྟེན། རབ་འབྱམས་རྒྱ་མཚོ་ཞེས་པ་ལྟ་བུ། 2.འདས་པ་ ལུག་ཁྱུ་རི་ལ་འབྱམས་ནས་འོང་ལྟ་བུ། |
| འབྱམས་ཀླས་པ |
མཐའ་མེད་པའམ་ཧ་ཅང་མང་བའི་དོན་ཏེ། མི་འབྱམས་ཀླས་པ། ཡོན་ཏན་འབྱམས་ཀླས་པ་ཞེས་པ་ལྟ་བུ། ‘འབྱམ’ལ་ལྟོས། |
| འབྱམས་པ |
1. འབྱམ་པའི་འདས་པ། 2. མཐའ་མེད་པ་དང༌། ཧ་ཅང་མང་པོ། གནས་ལུགས་རབ་འབྱམས་ཁོང་དུ་ཆུད་པ། |
| འབྱར |
(བྱེད་མེད་ལས་ཚིག་འདས་པ) དངོས་པོ་ཕན་ཚུན་ཐུག་པའི་བར་འབྱེད་དཀའ་བར་གྱུར་པའི་དོན་ཏེ། གྲོག་མ་ཐང་ཆུ་ལ་འབྱར། ཤིང་ལེབ་སྤྱིན་གྱིས་སྦྱར་ནས་འབྱར་ལྟ་བུ། |
| འབྱར་ཁུ |
འབྱར་བྱེད་ཀྱི་ལྡེ་གུ། |
| འབྱར་བ |
ཐ་མི་དད་པ ཕན་ཚུན་འབྲེལ་བ། མེ་ཏོག་ཟེའུ་འབྲུའི་ངོས་ལ་རྡུལ་མང་པོ་འབྱར་བ། ཤ་རུལ་ལ་སྦྲང་བུ་མང་པོ་འཐུམས་ནས་འབྱར། སྐྱོ་མས་ཤོག་བུ་འབྱར་བ། ཕར་ཐལ་བ་མ་བཏབ་ན་ཚུར་རྡུལ་མི་འབྱར། གྲོག་མ་འགྲོ་རྒྱ་ཆེ་ན་རྐང་ལག་ཐང་ཆུ་འབྱར་ཡོང༌། |
| འབྱར་བག |
དངོས་རྫས་འབྱོར་བྱེད་ཀྱི་ནུས་པའམ་གཤིས་ཀའི་མིང་ ས་འབྱར་བག་ཅན། མཆིལ་མ་འབྱར་བག་ཅན་ཞེས་པ་ལྟ་བུ། ཕན་ཚུན་འཆང་བའི་དོན་ཏེ། བྱིས་པ་མ་ལ་འབྱར་ལྟ་བུ། |
| འབྱར་བཅོས |
ནད་གཞི་ལ་སྨན་འདམ་གླན་པའི་བཅོས་ཐབས། |
| འབྱར་བྱེད |
འབྱར་ཚི་སྤྱིན། |
| འབྱར་མ |
འབྲེལ་བའི་དངོས་པོ། ཡི་གེ་རྟགས་འབྱར་མ། གཟིམས་སྒོ་མཚན་བྱང་འབྱར་མ། རྟ་དྲེལ་སྒ་འབྱར་མ། སྒོ་ཁྱི་ཐག་འབྱར་མ། འབྲི་མ་བེའུ་འབྱར་མ། མ་བུ་ལྟོ་འབྱར་མ། |
| འབྱར་ཚི |
སྤྱིན་སོགས་ཚི་སྣ་དམ་པོ། |
| འབྱར་འབྱར |
ཡུལ དགའ་དགའ་ཉེ་ཉེ། ངོ་སྲུང་གིས་འབྱར་འབྱར་བྱེད་པ། ཇ་ཆང་དང་དངོས་པོ་བྱིན་ནས་འབྱར་འབྱར་བྱེད་པ། |
| འབྱར་རྩི |
དངོས་རྫས་སྦྱོར་བྱེད་ཀྱི་རྫས་བག་ཆུ་དང་སྤྱིན་སོགས་ཀྱི་སྤྱི་མིང་། |
| འབྱི |
མ་འོངས་པ་དང་ད་ལྟ་བ་ ལུག་གི་བལ་འབྱི་རྒྱུ་རེད། ལུག་གི་བལ་འབྱི་སྐབས་འབྲེག་དགོས་ལྟ་བུ། |
| འབྱི་བ |
འདག་པར་བྱེད་པའི་དོན་དུ་གོ་བའི་འབྱིད་པའི་མ་འོངས་པའི་འབྲི་སྲོལ་གཞན་ཞིག་ |
| འབྱིང |
ནི་མ་འོངས་པ་དང་ད་ལྟ་བ་ རྐྱལ་མི་ཤེས་ཆུ་ལ་འབྱིང་ཉེན་ཆེ་ལྟ་བུ། |
| འབྱིང་བ |
ཐ་མི་དད་པ བྱིང་བ། འབྱིང་བ།། 1 ནུབ་པ། འདམ་གྱི་ནང་དུ་བྱིང་བ། མི་དམངས་དམག་འཁྲུག་གི་རྒྱ་མཚོའི་གཏིང་དུ་བྱིང་བ། 2 ཉོག་པ། རིག་པ་གཉིད་བྲོ་བ་ལྟར་འབྱིང་བ། སེམས་བྱིང་བ། |
| འབྱིང་རྡུལ |
གྲངས་གནས་ཤིག |
| འབྱིང་རྡོ |
ཆུའི་གཏིང་དུ་འབྱིང་བྱེད་ཀྱི་གཏིང་རྡོ། |
| འབྱིད |
ད་ལྟ་བ་ རྡུལ་འབྱིད་མཁན་ཞེས་པ་ལྟ་བུ། རི་མོ་དང་ཡི་གེ་སོགས་བསུབས་པའི་དོན་ཏེ། ཡི་གེ་དབྱི་བར་བྱའོ། །ན་རོ་ཕྱིས་ནས་ཀི་གུ་སྦྱར་ལྟ་བུ། 2.(བྱེད་མེད་ལས་ཚིག) འགྲེད་པའི་དོན་ཏེ། རི་གཟར་ནས་རྐང་བ་འབྱིད་ལྟ་བུ། ‘ཕྱིད’ཀྱི་མ་འོངས་པ་དང་ད་ལྟ་བ། ０‘ཕྱིས’ཀྱི་ད་ལྟ་བ། |
| འབྱིད་པ |
1. ཐ་དད་པ ཕྱིས་པ། དབྱི་བ། ཕྱིས།། འདག་པར་བྱེད་པའམ་ཆེད་གཉེར་གྱིས་སུབ་པ། ཐལ་རྡུལ་འབྱིད་བཞིན་པ། མིག་ཆུ་འབྱིད་པ། སྣོད་ཆས་གཙང་མར་འབྱིད་པ། 2. ཐ་མི་དད་པ 1) བྱིད་པ། འབྱིད་པ།། 1 རང་བཞིན་གྱིས་ཟུབ་པའམ་དག་པ། རི་མོ་བྱིད་པ། ཐལ་རྡུལ་འབྱིད་པ། 2 ཡན་ལག་དང་མིག་དབང་སོགས་གདུང་བར་འགྱུར་བ། ཀོ་ལྷམ་གྱོན་མེད་པས་རྐང་པ་བྱིད་པ། གངས་རིར་འཛེག་དུས་མིག་ཤེལ་ནག་པོ་མ་གྱོན་པས་གངས་ཀྱིས་མིག་བྱེད་པ། དུ་བས་མིག་བྱིད་པ། 3 འདྲེད་པ། འདམ་བག་ནང་ནས་རྐང་པ་འབྱིད་ཡོང༌། 2) ཕྱིད་པ། འབྱིད་པ།། ལྡེང་བ་དང༌། འཕྱོང་བ། འཁྱོལ་བ། ལྟོ་གོས་ཀྱི་འཚོ་བ་འབྱིད་པ། མི་ཚེ་དོན་ལྡན་དུ་ཕྱིད་པ། |
| འབྱིན |
ད་ལྟ་བ་ རལ་གྲི་ཤུབས་ནས་འབྱིན་མཁན། འབྱིན་གྱིན་འདུག་ལྟ་བུ། |
| འབྱིན་པ |
ཐ་དད་པ ཕྱུང་བ། དབྱུང་བ། ཕྱུང༌།། འདོན་པ། རྐང་པར་ཚེར་མ་ཟུག་པ་དེ་དབྱུང་རོགས་གནང༌། དུག་རྩྭ་རྩད་ནས་འབྱིན་པ། དབུལ་ཕོངས་ཀྱི་རྩ་བ་དྲུང་ནས་ཕྱུང༌། མཚང་འབྲུའི་ཚིག་རྩུབ་འབྱིན་པ། རྣ་བ་སུན་འབྱིན་པ། མི་ཡིད་ཕྱུང་བ། གྲལ་ནས་ཕྱུང་བ། ཁྲག་འབྱིན་པ། ཟུག་རྔུ་འབྱིན་པ། བྱ་སྐད་འབྱིན་པ། རྐུན་པོ་འབྱིན་པ་དང་སྒོ་གཅོད་པ། |
| འབྱིན་མཐུ |
འབྱིན་པའི་ནུས་པ། ཉི་མའི་འོད་ཟེར་གཅིག་ཤར་བས། སྐར་ཚོགས་འོད་སྣང་འབྱིན་མཐུ་བྲལ། |
| འབྱིན་རྔུབ |
དབུགས་ཕར་འབྱིན་པ་དང་ཚུར་རྔུབ་པ། མིའི་ཐབས་ཀྱིས་དབུགས་འབྱིན་རྔུབ་བྱེད་པ། |
| འབྱིབ |
‘བྱིབས’ཀྱི་འབྲི་ཚུལ་གཞན། |
| འབྱིལ |
མ་འོངས་པ་དང་ད་ལྟ་བ་ མར་འབྱིལ་ཉེན་ཆེ་ལྟ་བུ། |
| འབྱིལ་བ |
1. ཐ་དད་པ བྱིལ་བ། འབྱིལ་བ། བྱིལ།། 1 འབྱུག་པ། རྩིག་པའི་ལོགས་ལ་འདག་པ་བྱིལ་བ། 2 ཞུལ་བ་དང་འབྱུལ་བ། ཕྲུ་གུའི་མགོ་བོར་བྱམས་སྟངས་ཀྱིས་འབྱིལ་བ། སྨ་ར་འབྱིལ་བཞིན་པའི་ངང་ནས་འཛུམ་མུལ་མུལ་བྱེད་པ། 2. རྙིང ལྷུང་བ། |
| འབྱུག |
ད་ལྟ་བ་ སྣུམ་འབྱུག་གིན་འདུག འབྱུག་མཁན་ཞེས་པ་ལྟ་བུ། |
| འབྱུག་པ |
ཐ་དད་པ བྱུགས་པ། བྱུག་པ། བྱུགས།། སྐུད་པ། ཤིང་སྒམ་གསར་པར་བཀྲག་རྩི་བྱུགས་པ། ཚོན་འབྱུག་པ། རྨ་ཁར་སྨན་བྱུག་དགོས། |
| འབྱུང |
མ་འོངས་པ་དང་ད་ལྟ་བ་ བདེ་སྐྱིད་ཕྱིས་ནས་འབྱུང་། སོ་ནམ་འབད་པས་བྱས་ན། ལོ་བརྒྱར་མུ་གེ་མི་འབྱུང་ལྟ་བུ། ཐོན་པའི་དོན་ཏེ། གཏེར་ཁ་ནས་རྡོ་སོལ་བྱུང་། ཁ་ནས་དྲང་གཏམ་བྱུང་། རྒྱ་མཚོའི་ནང་ནས་རིན་ཆེན་བྱུང་ལྟ་བུ། ０སྐྱེས་པའི་དོན་ཏེ། རྒྱུ་ལས་འབྲས་བུ་བྱུང་། ས་བོན་ལས་མྱུ་གུ་བྱུང་། མེ་ལས་དུ་བ་བྱུང་ལྟ་བུ། １ཕྱི་ལ་ཐོན་པའམ་རྗེན་པར་ཐོན་པའི་དོན་ཏེ། ཆུ་ལས་ཉ་བྱུང་། ནགས་ནས་གཅན་གཟན་བྱུང་། ཁང་བ་ནས་མི་གཉིས་བྱུང་ལྟ་བུ། |
| འབྱུང་ཁམས |
ས་ཆུ་མེ་རླུང་སོགས་འབྱུང་བ་དང༌། ནམ་མཁའ་རྣམ་ཤེས་སོགས་ཕྱི་ནང་གི་ཁམས།…2.དངོས་གཟུགས་ཀྱི་གྲུབ་ཆའི་གཤེར་གཟུགས་སོགས་ཀྱི་མིང་། |
| འབྱུང་ཁུངས |
1 ཡོང་སའི་གཞི། 2 རྣམ་དབྱེ་ལྔ་པ། |
| འབྱུང་ཁུངས་ཀྱི་སྒྲ |
འབྱུང་སའི་ཁུངས་དང༌། བྱུང་བའི་ཆོས་གཉིས་སོ་སོར་འབྱེད་ཅིང༌། གང་ནས་བྱུང་བའི་ཡུལ་དང༌། གང་ནས་དགར་བའི་དངོས་པོ། གང་ནས་དབྱེ་མཚམས་འཛིན་ཞིང་སྡུད་པ་བཅས་ཉེ་བར་སྟོན་པའི་རྐྱེན་ནས་དང་ལས་གཉིས་ཡིན་པ་འདི་ལ་རྣམ་དབྱེ་ལྔ་པའང་ཟེར་ཏེ། དཔེར་ན། ལུག་ནས་བལ་བྱུང༌། སྐས་ནས་བབ། དུ་བ་ལས་མེ་ཡོད་པར་ཤེས། སྲོག་ལས་རང་དབང་གལ་ཆེ། པེ་ཅིན་ནས་ལྷ་སའི་བར་ཞེས་པ་ལྟ་བུ། ནས ལས |
| འབྱུང་ཁུངས་ཆ་འདྲ |
རྣམ་དབྱེ་ལྔ་པ་དང་ཆ་འདྲ་བ་སྟེ་དངོས་པོ་གང་ཡང་རུང་བ་ལས་དངོས་པོ་གཞན་ཞིག་དངོས་སུ་བྱུང་བ་མིན་ནའང་གནས་སྐབས་དེ་ལས་བྱུང་བ་ལྟར་སྣང་བ་ཞིག ཤར་ནས་ཉི་མ་ཤར། རི་ལས་བབ། |
| འབྱུང་ཁུངས་དངོས |
རྣམ་དབྱེ་ལྔ་པ་དངོས་ཏེ་འབྱུང་ཁུངས་དང་དེ་ལས་བྱུང་བའི་དངོས་པོ་གཉིས་ཐ་དད་དུ་སྟོན་པ་ཞིག འོ་མ་ལས་མར་བྱུང༌། ལུག་ནས་བལ་བྱུང༌། |
| འབྱུང་གནས |
ཡོན་ཏན་དང་བདེ་སྡུག་སོགས་བྱ་དངོས་སྤྱི་མཚན་པ་འབྱུང་བྱེད་ཀྱི་རྒྱུ་རྐྱེན་སོགས་ཀྱི་མིང་ ཡོན་ཏན་གྱི་འབྱུང་གནས་ལག་ལེན་ཡིན། བདེ་སྐྱིད་ཀྱི་འབྱུང་གནས་ཞེས་པ་ལྟ་བུ། ‘འབྱུང་བ’ཡི་ཚིག་བསྡུས་པ། |
| འབྱུང་གཞི |
ཡོང་སའི་ཁུངས། རྩོད་གླེང་འབྱུང་གཞི། བཟའ་བཅའི་འབྱུང་གཞི་ཞིང་ལས། |
| འབྱུང་གྱུར |
འབྱུང་བ་ལས་གྱུར་པའི་དངོས་པོ། |
| འབྱུང་པོ |
1 འབྱུང་བཞིའི་ཁམས་ལས་གྲུབ་པའི་གཟུགས་ཅན་སྲོག་ཆགས། 2 བྷཱུཏཿ གནོད་བྱེད་གཟུགས་མེད་གདོན་བགེགས། |
| འབྱུང་པོ་འཇིགས |
མངོན ཡུངས་དཀར། |
| འབྱུང་པོ་འཛིན་བྱེད |
མངོན ས་གཞི། |
| འབྱུང་པོའི་གདོན |
མི་མིན་གྱི་བྱེ་བྲག་ཅིག |
| འབྱུང་པོའི་གནས |
བ་རུ་རའི་ཤིང༌། |
| འབྱུང་པོའི་དབང་པོ |
མངོན ལྷ་དབང་ཕྱུག་ཆེན་པོ། |
| འབྱུང་པོའི་བྱ |
མངོན སྲིན་བྱ་འུག་པ། |
| འབྱུང་པོའི་མགོན |
མངོན ལྷ་དབང་ཕྱུག་ཆེན་པོ། |
| འབྱུང་པོའི་མཆོད་སྦྱིན་དུས |
མངོན ཚེས་ཉེར་དགུ། |
| འབྱུང་བ |
1.ཐ་མི་དད་པ བྱུང་བ། འབྱུང་བ།། འཐོབ་པ་དང༌། ཡོང་བ། སྐྱེ་བ། འབབ་པ། ཞལ་མཇལ་གྱི་གོ་སྐབས་འབྱུང་བ། ལས་དོན་ལ་སྐུལ་ལྕག་ཐེབས་པ་དང༌། བསམ་བློ་ལ་ཡར་ཐོན་ལྷན་ཅིག་ཏུ་བྱུང་བ། བྱས་རྗེས་ཆེན་པོ་སྔར་བྱུང་མ་མྱོང་བ་ཞིག་བཞག་པ། གནས་ཚུལ་བྱུང་ནས་མ་འགགས་པ་རྣམས་ལ་བརྟག་དཔྱད་བྱེད་པ། 2 1 དངོས་པོ་ཐམས་ཅད་ཀྱི་གཞི། 2 མངོན འབྱུང་བ་ལ་ས་ཆུ་མེ་རླུང་ནམ་མཁའ་སྟེ་ལྔ་ཡོད་པས་གྲངས་ལྔ་མཚོན། |
| འབྱུང་བ་ཆེན་པོ |
ས་ཆུ་མེ་རླུང་རྣམས་ཏེ། དེ་དག་ལས་འབྲས་བུའི་གཟུགས་རྣམས་འབྱུང་བ་དང༌། རྒྱུར་བྱས་པའི་གཟུགས་ཐམས་ཅད་ཀྱི་རྟེན་ཡིན་པས་བརྟེན་པ་གཏོས་ཆེ་བ་དང༌། གཟུགས་འདུས་པ་ཐམས་ཅད་ལ་སྲ་བ་ལ་སོགས་པ་ཡོད་པས་ཁྱབ་པ་རྒྱ་ཆེ་བ་དང༌། གནས་པ་ཐ་གྲུ་ཆེ་བས་ཆེན་པོའོ། |
| འབྱུང་བ་ཐིམ་རིམ |
འཆི་བའི་ཚེ་ཤ་ཁྲག་དྲོད་དབུགས་ཀྱི་ཁམས་རྣམས་གཅིག་ལ་གཅིག་ཐིམ་པ་རགས་པ་འབྱུང་བཞིའི་ཐིམ་རིམ་ས་ཁམས་ཆུ་ལ་ཐིམ་པས་ཕྱི་རྟགས་སུ་ལུས་འགུལ་སྐྱོད་མི་ནུས་ཤིང་མིག་གིས་གཟུགས་མི་མཐོང༌། ནང་རྟགས་སུ་དུ་བ་འབྱུང་བ་ལྟ་བུའི་སྣང་བ་འཆར། ཆུ་ཁམས་མེ་ལ་ཐིམ་པས་ཕྱི་རྟགས་སུ་ལུས་ཀྱི་གཤེར་བའི་ཆ་ཐམས་ཅད་སྐམ་ཞིང་རྣ་བས་སྒྲ་མི་ཐོས། ནང་རྟགས་སུ་སྨིག་རྒྱུ་ལྟ་བུའི་སྣང་བ་འཆར། མེ་ཁམས་རླུང་ལ་ཐིམ་པས་ཕྱི་རྟགས་སུ་ལུས་ཀྱི་དྲོད་ཡལ་ཞིང་སྣས་དྲི་མི་ཚོར། ནང་རྟགས་སུ་སྲིན་བུ་མེ་ཁྱེར་ལྟ་བུའི་སྣང་བ་འབྱུང༌། རླུང་རྣམ་ཤེས་ལ་ཐིམ་པས་ཕྱི་རྟགས་སུ་དབུགས་ནང་དུ་སྡུད་མི་ནུས་ཤིང་ལུས་ཀྱིས་རེག་བྱ་མི་ཚོར། ནང་རྟགས་སུ་མར་མེ་རླུང་གིས་བསྐྱོད་པ་ལྟ་བུའི་སྣང་བ་འབྱུང་བའོ། |
| འབྱུང་བ་བཞི |
ས། ཆུ། མེ། རླུང་སྟེ་བཞི། ལུས་ལ་འབྱུང་བཞིའི་གནོད་པ་མེད། |
| འབྱུང་བ་ལྔ |
1 ས་ཆུ་མེ་རླུང་ནམ་མཁའ་དང་ལྔའོ། 2 ལྕགས་དང་ཤིང་ཆུ་མེ་ས་དང་ལྔའོ། |
| འབྱུང་བ་སྙོམས་པ |
ཕྱི་ནང་གི་འབྱུང་བཞིའི་ཁམས་ནུས་ཤུགས་མཉམ་པ། |
| འབྱུང་བཞི་སྙོམས་པ |
1 ཕྱི་ནང་གི་འབྱུང་བཞིའི་ཁམས་ཀྱི་ནུས་པ་སྙོམས་པ། 2 སྐྱེ་བོ་ནད་མེད་གཅོང་མེད། |
| འབྱུང་བཞིའི་གཏོར་མ |
ལུས་ཀྱི་འབྱུང་ཁམས་འཁྲུགས་སེལ་གྱི་གཏོར་མ་སྟེ་ཕ་དམ་པ་སངས་རྒྱས་ཀྱིས་གསུངས་པའི་ཞི་གཅོད་ཀྱི་མན་ངག་ཅིག |
| འབྱུང་བའི་གཙུག་ལག |
ནག་རྩིས་སམ་ནག་རྩིས་ཀྱི་བསྟན་བཅོས། |
| འབྱུང་བའི་རེག་བྱ་བཞི |
རེག་བྱའི་སྐྱེ་མཆེད་ཀྱི་གྲས་ཤིག་འབྱུང་བ་ས་ཆུ་མེ་རླུང་བཞི། |
| འབྱུང་བོ |
མི་དང་དུད་འགྲོ་སོགས་སེམས་ཅན་ཀྱི་སྤྱི་མིང་། འདྲེ་གདོན་ཞིག་གི་མིང་། |
| འབྱུང་བྱེད |
མངོན མ། |
| འབྱུང་མོ |
མི་མིན་འབྱུང་པོ་མོ། |
| འབྱུང་འཁྲུགས |
ཕྱི་ནང་གི་འབྱུང་བཞིའི་ཁམས་འཁྲུགས་པའམ། མི་བདེ་བ། ཕྱིའི་འབྱུང་འཁྲུགས་ཀྱི་གནོད་འཚེ། ནང་གི་འབྱུང་འཁྲུགས་ཀྱི་ན་ཚ། |
| འབྱུང་འགྱུར |
1འཇམ་པ་དང་རྩུབ་པ། ལྕི་བ་དང་ཡང་བ། གྲང་བ་དང་བཀྲེས་པ། སྐོམ་པ་བདུན་ལ་འབྱུང་འགྱུར་བདུན་ནམ་འབྱུང་འགྱུར་གྱི་རེག་བྱ་བདུན་ཟེར། 2མ་འོངས་པའི་བྱ་དངོས་ཀྱི་མིང་ འབྱུང་འགྱུར་གྱི་དོན་བྱ་ཞེས་པ་ལྟ་བུ། གཤེར་གཟུགས་དང་སྲ་གཟུགས། དྲོད་དང་དབུགས་གཟུགས་བཅས་ལའང་འབྱུང་བ་བཞི་ཟེར། ཚིག་བསྡུས་ན‘འབྱུང’ཞེས་འབྲི་ཆོག |
| འབྱུང་འགྱུར་གྱི་རེག་བྱ་བདུན |
རེག་བྱའི་སྐྱེ་མཆེད་ཀྱི་གྲས། འཇམ་པ་དང༌། རྩུབ་པ་དང༌། ལྕི་བ་དང༌། ཡང་བ་དང༌། གྲང་བ་དང༌། བཀྲེས་པ་དང༌། སྐོམ་པ་སྟེ་བདུན་ནོ། |
| འབྱུང་འགྱུར་འགོག་པ |
འགོག་པའི་རྒྱན་གྱི་ནང་གསེས་ཤིག་མ་འོངས་འབྱུང་འགྱུར་གྱི་ཉེན་དོགས་གང་རུང་ཞིག་དགག་བྱར་བྱས་ནས། དེ་ལས་ཚབས་ཆེ་བའི་ཉེན་ཁ་ཞིག་འགོག་བྱེད་དུ་བཀོད་པའི་རྒྱན་ཞིག |
| འབྱུང་འགྲོས |
གཟའ་ལྔའི་འགྲོ་ལུགས་འཁྱོག་འགྲོས་མིན་པ། |
| འབྱུང་འགྲོས་བྱང |
གཟའ་རྣམས་རིམ་མིན་གྱི་ཕྱི་རྐང་ཐོག་མའི་ས་ནས་ཁ་བྱང་དུ་ཕྱོགས་ཏེ་དལ་བའི་ངོས་སུ་བྱང་དུ་རྒྱུ་བ་ལ་འབྱུང་འགྲོས་བྱང་ཞེས་བྱའོ། |
| འབྱུང་རྐྱེན |
གནས་ཚུལ་ཡོང་ལུགས་ཡོང་སྟངས་ཀྱི་རྒྱུ་མཚན། གསར་བརྗེའི་གནས་ལུགས་འབྱུང་རྐྱེན། ཐོན་སྐྱེད་དར་འཕེལ་འབྱུང་རྐྱེན། རྒྱལ་ཁ་བླངས་ཚུལ་གྱི་འབྱུང་རྐྱེན་སྙན་ཞུ་ཞུ་བ། ལོ་ལེགས་བྱུང་ལུགས་ཀྱི་འབྱུང་རྐྱེན་སྙན་ཞུ། |
| འབྱུང་རྩ |
འབྱུང་ཁུངས་སམ་འབྱུང་སའི་གཞི། སྤྱི་ཚོགས་ཀྱི་རྒྱུ་ནོར་ལོངས་སྤྱོད་ཀྱི་འབྱུང་རྩ་ཐོན་སྐྱེད་ངལ་རྩོལ་ཡིན། |
| འབྱུང་རྩིས |
ཤིང་མེ་ས་ལྕགས་ཆུ་སྟེ་འབྱུང་བའི་ཁམས་ལ་བརྟེན་ནས་ལོ་ཟླ་ཞག་དུས་དང༌། སྲོག་ལུས་དབང་ཐང་ཀླུང་རྟ་སོགས་བརྩི་ལུགས། |
| འབྱུང་རྩིས་ཀྱི་གབ་རྩེ་ཐང་ག |
ནག་རྩིས་ཀྱི་གཞི་སྟོན་པའི་བྲིས་ཐང༌། |
| འབྱེ |
ནི་མ་འོངས་པ་དང་ད་ལྟ་བ་ མཚོན་རྨ་སྐྲངས་ནས་ཤ་པགས་འབྱེ་བར་བྱེད། སོ་སོར་འབྱེ་བར་འགྱུར་ལྟ་བུ། བྱེ་མ་ཞེས་པའི་ཚིག་བསྡུས་པ། |
| འབྱེ་བ |
ཐ་མི་དད་པ བྱེ་བ། འབྱེ་བ།། ངང་གིས་ཐ་དད་དུ་འགྱུར་བ་དང༌། ཁ་འབྱེད་པ། སྒོ་འབྱེ་བ། སྣོད་ཁ་ཕྱེ་ནས་བྱེ་བ། སྲོལ་བྱེ་བ། མེ་ཏོག་འབྱེ་བ། ཤིང་ཆས་ཀྱི་སྤྱིན་ཁ་བྱེ་བ། མཛའ་བཤེས་བྱེ་བ། ཕན་ཚུན་མ་མཐུན་པར་བྱེ་བ་བསྡུམ་ཐབས་བྱེད་པ། |
| འབྱེད |
ད་ལྟ་བ་ སྒོ་མ་འབྱེད། སྒོ་འབྱེད་ཀྱིན་ཡོད་ལྟ་བུ། |
| འབྱེད་ཁྲ |
སྔ་དུས་སྲིད་གཞུང་ནས་སྤྲད་པའི་དབང་རིས་བདག་ཐོབ་ཀྱི་བཀའ་ཤོག |
| འབྱེད་གཏན |
སྔར་བོད་ས་གནས་སྲིད་གཞུང་སྐབས། མངའ་བདག་དང༌། འབྱོར་ལྡན་སོ་སོའི་དབང་རིགས་ཀྱི་ས་མཚམས་སོགས་ཀྱི་འབྱེད་ཁྲ་དང་འབྱེད་པའི་བཀའ་གཏན། |
| འབྱེད་པ |
ཐ་དད་པ ཕྱེ་བ། དབྱེ་བ། ཕྱེས།། 1 ཁ་འཕྲལ་བ། གཞུང་སྒོ་འབྱེད་པ། ཁ་གཅོད་ཕྱེ་ནས་བཏོན་པ། ས་དྲོད་འཁོར་དུས་ས་ཁ་ལུད་ཁ་འབྱེད་པ། ས་འོག་གཏེར་མཛོད་རྣམས་ཀྱི་ཐོན་སྒོ་ཕྱེ་བ། མཛའ་གྲོགས་ཀྱི་འབྲེལ་ལམ་ཕྲ་མས་འབྱེད་པ། 2 འགྲོལ་བ། དགྲ་གཉེན་གྱི་ཤན་འབྱེད་པ། བཟང་ངན་བདེན་རྫུན་གང་ཡིན་ཞིབ་ཚགས་ཀྱིས་འབྱེད་པ། གཞུང་ཆེན་གྱི་ཚིག་དོན་ཚང་མ་གསལ་པོར་འབྱེད་པ། སྐྱིད་རེ་སྡུག་རེ་མ་མཐོང་ན། སྐྱིད་སྡུག་གང་ཡིན་འབྱེད་མི་ཤེས། ལ་རེ་ཐུར་རེ་མ་བརྒྱབ་ན། ལ་ཐུར་གང་ཡིན་འབྱེད་མི་ཤེས། |
| འབྱེད་བྱེད་ཀྱི་རྒྱན |
ལྡོག་པ་ཅན་གྱི་རྒྱན། |
| འབྱེད་སྒྲ |
ཚིག་དོན་སོ་སོར་འབྱེད་པའི་ཚིག་ཕྲད་གཞན་དབང་ཅན་གྱི་གམ་སོགས་བཅུ་གཅིག་དང༌། ཕྲད་རང་དབང་ཅན་གྱི་དང་བཅས། གམ དང |
| འབྱེད་སྡུད |
དབྱེ་གཞི་གཅིག་ལས་དབྱེ་བྱའི་རྣམ་གྲངས་སོ་སོར་འབྱེད་པ་དང༌། བསྡུ་གཞི་གཅིག་ཏུ་བསྡུ་བྱ་ཇི་ཡོད་ཚུར་སྡུད་པ་གཉིས་ཀྱི་བསྡུས་ཚིག ལུས་རྩལ་སྦྱོང་དུས་སྐད་ཅིག་རེར་ཡང་རུ་ཁག་འབྱེད་སྡུད་བྱེད། |
| འབྱེད་སྡུད་ཀྱི་སྒྲ |
1 ཚིག་དོན་རྣམས་སོ་སོར་འབྱེད་པ་དང༌། གཅིག་ཏུ་སྡུད་པ། འབྱེད་པའི་ཁོངས་གཏོགས་ཀྱི་འདམ་ང་ཅན་དང༌། ཐེ་ཚོམ་གྱིས་དྲི་བའི་དོན་དུ་འཇུག་པའི་ཕྲད་གཞན་དབང་ཅན་འདིའི་ཕྲད་ལ་གམ་སོགས་བཅུ་གཅིག་ཡོད། གམ་ངམ་དམ་ནམ་བམ་མམ་འམ་རམ་ལམ་སམ་ཏམ ཕྱོགས་ལ་བཞི་ཤར་རམ། ལྷོའམ། ནུབ་བམ། བྱང༌། བདེ་བའམ། སྡུག་བསྔལ་ལམ། བཏང་སྙོམས་ནི་ཚོར་བའོ། ཐེངས་ལྔས་མ་འགྲིགས་ན་ཐེངས་དྲུག་གམ། བདུན་ནམ། བརྒྱད་ཀྱང་རུང༌། 2 ཕྲད་རང་དབང་ཅན་དང་སྒྲའི་འཇུག་ཚུལ་ཞིག དང 1 2 དབང་པོ་ལྔ་ནི། མིག་དང༌། རྣ་བ་དང༌། སྣ་དང༌། ལྕེ་དང༌། ལུས་སོ། གང་དང་མཚུངས་པ་དེ་དང་ལྷན་ཅིག་འགྲོགས། |
| འབྱེར |
‘བྱེར’གྱི་མ་འོངས་པ་དང་ད་ལྟ་བ། |
| འབྱེར་བ |
ཐ་མི་དད་པ བྱེར་བ། འབྱེར་བ། བྱེར།། 1 འབྲོས་པ་དང༌། འཐོར་བ། ཁྲ་ཆེན་འབབ་དུས་བྱེའུ་ཚང་མ་ཕྱོགས་སོ་སོར་བྱེར་བ། བཙན་འཛུལ་དམག་ལ་རྒོལ་ལན་བྱུང་སྟེ་བྱེར་བ། རས་ཀྱི་བཅད་ཁ་བྱེར་བ། ཡུལ་ཕྱོགས་གཞན་དུ་བྱེར་བ་རྣམས་སླར་འདུས་འདུག 2 ཧྲལ་ཧྲལ་དུ་གྱུར་པའམ་ཁ་གྲམ་པ། ལུས་ལ་རྨ་ཤུ་བྱེར་བ། ནད་རིམས་སྔོན་འགོག་བྱས་ནས་རྒྱ་ཆེར་བྱེར་དུ་མི་འཇུག |
| འབྱེས |
མཐོངས་ཏེ། གཞི་བྱིངས་དང་མི་འདྲ་བའི་མཛེས་རྒྱན། ཐང་གའི་གོང་གཤམ་གྱི་འབྱེས། གོས་ཆེན་སྟོད་འགག་གི་འབྱེས།…2 (བྱེད་མེད་ལས་ཚིག) མཚམས་གསལ་བོ་ཡོད་པའི་བརྡ་རྙིང་ དཔྲལ་བ་ལེགས་པར་འབྱེས་པ་ཞེས་པ་ལྟ་བུ། |
| འབྱེས་པ |
རྙིང 1 མཚམས་ཕྱེད་པ། 2 མཛེས་པ། |
| འབྱོ |
མ་འོངས་པ་དང་ད་ལྟ་བ་ འབྱོ་བྱའི་ཆུ། ཆུ་འབྱོ་བར་བྱེད་ཅེས་པ་ལྟ་བུ། བླུགས་པ་དང་རྣམ་པ་འདྲ་བའི་དོན་ཏེ། ཆར་བྱོ་ལྟ་བུ། |
| འབྱོ་བ |
ཐ་དད་པ བྱོས་པ། བྱོ་བ། བྱོས།། སྣོད་གཅིག་ནས་གཅིག་ཏུ་བླུག་པའམ་འཕོ་བ། ཆང་འབྱོ། ཕྱེ་འབྱོ། བུམ་པ་གང་བྱོ། ཆུ་དེ་ཚུར་བྱོས་ཤིག |
| འབྱོ་ལ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་སྡེ་དགེ་རྫོང་གི་ལ་ཞིག |
| འབྱོག |
ལྕེས་བལྡག་པའི་བརྡ་རྙིང་། |
| འབྱོག་པ |
ཐ་དད་པ འབྱོགས་པ། འབྱོག་པ། འབྱོགས།། ལྡག་པ། ཞོ་འབྱོག་པ། སྐྱོ་མ་འབྱོག་པ། ཐུག་པ་འབྱོག་པ། |
| འབྱོགས |
འབྱོག་པའི་སྐུལ་ཚིག་ |
| འབྱོགས་པ |
འབྱོག་པའི་འདས་པ། |
| འབྱོང |
མ་འོངས་པ་དང་ད་ལྟ་བ་སྐུལ་ཚིག་བཅས་ལ་འཇུག་ འབྱོང་བྱའི་ཇ། ཇ་འབྱོང་མཁན། ཇ་འབྱོང་ཞིག་ལྟ་བུ། |
| འབྱོང་བ |
ཐ་མི་དད་པ འབྱོངས་པ། འབྱོང་བ།། 1 སྦྱངས་ནས་མཐར་ཕྱིན་པ་དང་གོམས་པ། ལག་རྩལ་འབྱོང་བ། ཡོན་ཏན་འབྱོངས་པ། ཡི་གེ་སྦྱངས་འབྲས་འབྱོང་བ། བསམ་བློ་འབྱོངས་པ། 2 ལྟོ་ནད་འཁྲུ་བའམ་བཤལ་བ། བཤལ་སྨན་འཐུངས་པས་འབྱོངས་པ། ལྟོ་ནད་འདིའི་གྲས་འབྱོངས་ན་དྲག་པར་འགྱུར། |
| འབྱོངས |
འདས་པ་ ནད་གསོ་བའི་མན་ངག་ལ་ཉམས་རྟོགས་འབྱོངས་ནས་ནད་གསོ་བར་མཁས། བརྡ་སྤྲོད་ཀྱི་གཞུང་ལ་ངེས་པ་འབྱོངས་ནས་གཞན་ལ་ལེགས་པར་ཁྲིད་ལྟ་བུ། ‘འབྱངས’ཀྱི་མ་འོངས་ད་ལྟ་སྐུལ་ཚིག་བཅས་ལ་འཇུག |
| འབྱོངས་པ |
འབྱོང་བའི་འདས་པ། |
| འབྱོན |
‘བྱོན’གྱི་མ་འོངས་པ་དང་ད་ལྟ་བ། |
| འབྱོན་པ |
ཐ་མི་དད་པ བྱོན་པ། འབྱོན་པ། བྱོན།། ཕེབས་པ་དང༌། འབྱུང་བ། སྐུ་མགྲོན་ཚང་མ་བཞུགས་གྲལ་དུ་བྱོན་པ། དཔེ་ཆའི་ཤོག་གྲངས་ལྔ་བཅུ་ཐམ་པ་བྱོན། ཁོང་འདིར་ནམ་འབྱོན་མི་ཤེས། |
| འབྱོན་པོ |
འཕེར་པོ་སྟེ་ལས་དོན་བྱེད་པའི་ནུས་པ་དང་ལྡན་པ། མི་འབྱོན་པོ། ལས་བྱེད་འབྱོན་པོ། |
| འབྱོན་བཞུད |
འགྲོ་འོང༌། བཞུགས་ན་ཐུགས་བག་གྲོ་བ། ཕེབས་ན་འབྱོན་བཞུད་བདེ་བ། |
| འབྱོར |
(བྱེད་མེད་ལས་ཚིག) <ཀ>འཕྲོད་པའི་དོན་ཏེ། འཕྲིན་ཡིག་ལག་ལ་འབྱོར་ལྟ་བུ། <ཁ>སླེབས་པའི་དོན་ཏེ། ཁ་སང་པེ་ཅིན་ལ་འབྱོར་ལྟ་བུ། ‘འབྱར’གྱི་མ་འོངས་པ་དང་ད་ལྟ་བ། ０‘འབྱོར་བ’ལ་ལྟོས། |
| འབྱོར་ཆུང་གྲལ་རིམ |
ཐོན་སྐྱེད་རྒྱུ་ཆས་དང་རྒྱུ་ནོར་ཉུང་ཙམ་ལས་མེད་ཅིང༌། གཙོ་བོ་རང་ཉིད་ཀྱིས་ངལ་རྩོལ་བྱེད་པར་བརྟེན་ནས་འཚོ་བ་བྱེད་པ་དང༌། ཕལ་ཆེར་གཞན་དག་ལ་བཤུ་གཞོག་མི་བྱེད་པའི་གྲལ་རིམ་ཞིང་འབྲིང་དང༌། ལག་ཤེས་བཟོ་ལས་པ། ཚོང་པ་ཆུང་བ། རང་མོས་ལས་རིགས་པ་རྣམས་སོ། |
| འབྱོར་ཐོ |
སླེབས་མཚམས་སུ་རང་མིང་བཀོད་པའི་ཐོ་དེབ། དེ་རིང་འབྱོར་ཐོ་འགོད་རྒྱུ་དང༌། སང་ཉིན་ཚོགས་འདུ་དངོས་སུ་འཚོག་རྒྱུ། |
| འབྱོར་ཐོན |
ཚུར་འབྱོར་བ་དང་ཕར་ཐོན་པ། མགྲོན་ཁང་སོ་སོར་འགྲུལ་པ་འབྱོར་ཐོན་ཟམ་མི་འཆད་པ། |
| འབྱོར་པ |
1 ནོར་དང་ལོངས་སྤྱོད། 2 ཕུན་ཚོགས། འབྱོར་པར་གྱུར་ཚེ་ཀུན་ཀྱང་གཉེན། ཁྱིམ་གྱི་འབྱོར་པ་རྒྱས་པ། 3 རང་ཕྱོགས་གཞན་ཕྱོགས་བཅས་ཁྱོན་བསྡོམས་བཅུ་ཡོད་པས་གྲངས་བཅུ་མཚོན། |
| འབྱོར་པ་བཅུ |
མི་ཡིན་པ་དང༌། ཡུལ་དབུས་སུ་སྐྱེས་པ། དབང་པོ་ཚང་བ། ལས་མཐའ་མ་ལོག་པ། སངས་རྒྱས་ཀྱི་བསྟན་པ་ལ་དད་པ་སྟེ་རང་འབྱོར་ལྔ་དང༌། སངས་རྒྱས་བྱོན་པ་དང༌། དེས་ཆོས་གསུངས་པ། བསྟན་པ་གནས་པ། བསྟན་པའི་རྗེས་སུ་འཇུག་པ། མཐུན་རྐྱེན་དགེ་བའི་བཤེས་གཉེན་ཡོད་པ་སྟེ་གཞན་འབྱོར་ལྔ་བཅས་བསྡོམས་པས་བཅུའོ། |
| འབྱོར་པ་རྒྱ་ཆེ་བ |
1 ལོངས་སྤྱོད་སྟོབས་ཆེ་བ། 2 རྒྱ་ཆེ་བའི་རྒྱན་གྱི་ནང་གསེས་ཤིག་ཕལ་གྱི་བློ་ཡུལ་ལས་འདས་པའི་དཔལ་འབྱོར་ཕུན་ཚོགས་རྒྱ་ཆེ་བ་སྟོན་པའི་རྒྱན་ཞིག |
| འབྱོར་པོ |
1.ཡོ་བྱད་འཛོམས་པོ། 2.ལུས་ཀྱི་ཤ་སྟོབས་བཟང་བ་དང་རྒྱགས་པ། མི་ཤ་འབྱོར་པོ། |
| འབྱོར་ཕྱག |
རང་གནས་སུ་འཁོར་ནས་གུས་འདུད་ཞུ་བའི་ཕྱག |
| འབྱོར་བ |
1.ཐ་མི་དད་པ 1 སླེབས་པ་དང་འཕྲོད་པ། ཡི་གེ་འབྱོར་བྱུང༌། དངོས་པོ་ལག་ཏུ་འབྱོར་བ། ཚོང་ཟོག་འབྱོར་རྒྱུ་ཡོད། འགྲུལ་པ་འབྱོར་མི་འདུག 2 འབབ་པ། རྣལ་མར་འབྱོར་བ། 2.འབྱོར་པ་དང་འདྲ། |
| འབྱོར་བྱེད་བད་ཀན |
རྩ་བའི་བད་ཀན་ལྔའི་ཡ་གྱལ་ཞིག་ཚིགས་མིག་གི་བར་ན་གནས་ཤིང༌། བྱེད་ལས་སུ་ཚིགས་ཕན་ཚུན་འབྱོར་བ་དང༌། རྐང་ལག་བརྐྱང་བསྐུམ་སོགས་བྱེད་པའོ། |
| འབྱོར་མེད་གྲལ་རིམ |
བཟོ་པའི་གྲལ་རིམ་ལ་ཟེར་ཞིང་དེ་ནི་ཐོན་སྐྱེད་རྒྱུ་ཆས་དབང་རྒྱུ་མེད་པའི་ངལ་རྩོལ་པའི་གྲལ་རིམ་ཞིག་ཡིན། |
| འབྱོར་མེད་གྲལ་རིམ་གྱི་སྲིད་དབང་སྒེར་འཛིན |
འབྱོར་མེད་གྲལ་རིམ་གྱིས་དྲག་པོའི་གསར་བརྗེས་འབྱོར་ལྡན་གྲལ་རིམ་གྱི་རྒྱལ་ཁབ་འཕྲུལ་འཁོར་གཏོར་རྗེས་བཙུགས་པའི་རྒྱལ་ཁབ་ཀྱི་སྲིད་དབང་གསར་པ་ཞིག |
| འབྱོར་མེད་གྲལ་རིམ་ཕྱེད་ཙམ་པ |
ཐོན་སྐྱེད་རྒྱུ་ཆས་ཉུང་ཙམ་ལས་མེད་པ་དང་གླ་པ་ཡུན་གང་འཚམས་ཤིག་བྱེད་པར་བརྟེན་ནས་འཚོ་བ་སྐྱེལ་མཁན། |
| འབྱོར་མེད་པ |
འབྱོར་ལྡན་གྲལ་རིམ་གྱི་སྤྱི་ཚོགས་ནང་ཐོན་སྐྱེད་རྒྱུ་ཆས་དབང་རྒྱུ་མེད་པར་རང་གི་ངལ་རྩོལ་འཚོང་བར་བརྟེན་ནས་འཚོ་བ་སྐྱེལ་མཁན་བཟོ་པ་གླ་པ་རྣམས་ལ་ཟེར། |
| འབྱོར་ཚོགས |
1 དཔལ་འབྱོར་ཕྱུག་པོ། འགྲོ་བ་ཡོངས་ལ་འབྱོར་ཚོགས་སྨིན་གྱུར་ཅིག 2 རྙིང མཉམ་པར་གྱུར་ཅིག་ཅེས་པ་མཉམ་པ་ནི་དུག་མེད་པའི་དོན་ནོ། |
| འབྱོར་འཁོས |
དཔལ་འབྱོར་གྱི་འཁོས་ཀ། |
| འབྱོར་འབྱིན |
རྙིང གཡོ་སྒྱུ། |
| འབྱོར་འབྲིང་གྲལ་རིམ |
རང་རྒྱལ་ལ་ཆ་མཚོན་ན་མི་རིགས་འབྱོར་ལྡན་གྲལ་རིམ་ལ་ཟེར། |
| འབྱོར་འབྲེལ་བ |
རྒྱུ་དང་འབྲས་བུ་རྗེས་སུ་མཐུན་པ་ལྡན་མིན་འདུ་བྱེད་ཀྱི་ནང་གསེས་ཤིག |
| འབྱོར་འཛིན |
ཡི་གེ་སོགས་འཕྲོད་པའི་འཛིན། |
| འབྱོར་རྒུད |
ཕྱུག་པ་དང་དབུལ་བའམ། དར་བ་དང་ཉམས་པ། ཆ་རྐྱེན་འབྱོར་རྒུད། རྒྱལ་སྟོབས་འབྱོར་རྒུད། ཕྱུགས་རིགས་འབྱོར་རྒུད། |
| འབྱོར་རྒུད་འདུ་འབྲལ |
ལོངས་སྤྱོད་ཕྱུག་དབུལ་དང་གཉེན་གྲོགས་འཛོམ་བྱེ། |
| འབྱོར་ལན |
འཕྲོད་པའི་ལན། |
| འབྱོར་ལྕག |
སྔར་མི་བསད་ཀྱི་གྱོད་དོན་བྱུང་ཕྱིན་གསོད་མཁན་འཛིན་གཟུང་བྱས་ནས་ཁྲིམས་ཁང་དུ་འབྱོར་མ་ཐག་འབྱོར་ལྕག་བརྒྱ་ཉིས་བརྒྱ་རེ་གཏོང་སྲོལ་ཡོད། |
| འབྱོར་ལྡན |
1རྒྱུ་ནོར་ཡོད་པའི་མི། 2ཐོན་སྐྱེད་རྒྱུ་ཆ་སོགས་བེད་སྤྱད་ནས་མི་གཞན་ལ་བཤུ་གཞོག་བྱེད་མཁན་གྱི་མི་ འབྱོར་ལྡན་གྲལ་རིམ་ཞེས་པ་ལྟ་བུ། |
| འབྱོར་ལྡན་གྲལ་རིམ |
ཐོན་སྐྱེད་རྒྱུ་ཆས་གཙོ་བོ་རྣམས་བདག་གིར་བཟུང་ཞིང༌། བཟོ་པ་རྣམས་ཀྱི་ངལ་རྩོལ་ལྷག་མར་བཤུ་གཞོག་གཏོང་མཁན་གྱི་གྲལ་རིམ། |
| འབྱོར་ལྡན་མ |
མངོན མཚན་མོ། |
| འབྱོར་ལྡན་ཧྲུལ་པོ |
དབུལ་ཆས་སུ་ཞུགས་པའི་ཕྱུག་པོ། |
| འབྱོལ |
ད་ལྟ་བ་ ཉི་མ་འཆར་ནུབ་དུས་ལས་འབྱོལ་མི་སྲིད། མདའ་སྐྱེན་པོར་ལུས་པོ་འབྱོལ་བར་དཀའ་ལྟ་བུ། |
| འབྱོལ་བ |
ཐ་མི་དད་པ བྱོལ་བ། འབྱོལ་བ། བྱོལ།། གཡོལ་བ་དང༌། འབྲོས་པ། ལམ་བྱོལ་ནས་ཕྱིན་པ། ལམ་དོག་ས་ནས་ཕར་ཚུར་བྱོལ་བ། རང་འཁྲིས་འགན་ཁུར་ལས་འབྱོལ་ཐབས་མེད། |
| འབྲ |
མ་འོངས་པ་དང་ད་ལྟ་བ་ སྒ་གོང་ལ་ཐག་པ་འབྲ་དགོས། ཐག་པ་འབྲ་མཁན་ཞེས་པ་ལྟ་བུ། |
| འབྲ་གོ |
1 ཤིང་ཐོག་ཨ་མྲ་ཞེས་པའི་འབྲས་བུ་རོ་མངར། ཞུ་རྗེས་སྙོམས། ནུས་པས་བད་ཀན་སྨུག་པོ་དང༌། བད་ཀན་སེར་པོ། ཕོ་ནད་ཀྱིས་དང་ག་འགགས་པ་སོགས་ལ་ཕན། 2 ཤིང་ཐོག་ཆི་བི་ཁ། |
| འབྲ་གོ་ཁཎྜ |
ཤིང་ཐོག་འབྲ་གོ་བཙོས་གདུས་ཀྱི་ཁུ་བ་གར་པོ། |
| འབྲག |
མར་སོགས་སྣུམ་འཇོག་བྱེད་ཀྱི་སྣོད། འབྲུ་མར་གྱི་འབྲག |
| འབྲང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)རྗེས་སུ་འགྲོ་བའི་དོན་ཏེ། ཕྲུ་གུ་མ་ཡི་རྗེས་སུ་འབྲང་ལྟ་བུ། 2.ཡུལ འབྲོག་པའི་སྡོད་ས་སྦྲ་ཁྱིམ་གྱི་ཡུལ་སྐད། |
| འབྲང་གཅེས་པ |
རྙིང སྤྱད་ལག་རྩ་བ་ཆེ་བ། |
| འབྲང་བ |
ཐ་དད་པ འབྲངས་པ། འབྲང་བ། འབྲོངས།། རྗེས་སུ་འགྲོ་བ་དང༌། སྙེག་པའམ། འཇུག་པ། སྔོན་སྐྱོད་པའི་རྗེས་སུ་འབྲངས་ནས་མདུན་དུ་འགྲོ་བ། རང་ཚུགས་མི་འཛིན་པར་གཞན་གྱི་ཁའི་རྗེས་སུ་མ་འབྲང་ཞིག |
| འབྲང་བཏབ་པ |
1 གུར་ཕུབ་པ། 2 དྲོ་བཏབ་པའམ་ཚ་ཕོགས་བརྒྱབ་པ། |
| འབྲང་རྒྱས |
བཟོ་ལྟ་མིའི་སྙིང་ཁ་ལྟ་བུའི་གཏོར་མ་ཟླུམ་པོ། |
| འབྲང་ས |
འབྲོག་པའི་སྡོད་སའམ། ཚོགས་ས།…2.འདས་པ་ ལུ་གུ་མ་མོའི་རྗེས་སུ་འབྲངས་ནས་འགྲོ་ལྟ་བུ། |
| འབྲངས་པ |
འབྲང་བའི་འདས་པ། |
| འབྲད |
ད་ལྟ་བ་ ས་འབྲད་མཁན། ས་འབྲད་ཀྱིན་འདུག་ལྟ་བུ། |
| འབྲད་པ |
ཐ་དད་པ བྲད་པ། དབྲད་པ། བྲོད།། ཤད་པའམ་རྡར་བ། སྣོད་སྤྱད་ཀྱི་གཡའ་དྲེག་ཐུར་མས་འབྲད་པ། སོ་ཡིས་རུས་པ་འབྲད་པ། སོར་མོས་ཟ་ཕྲུག་ལངས་སར་བྲད་པ། རྟའི་རྔོག་མ་ལྕགས་ཤད་ཀྱིས་བྲད་པ། |
| འབྲད་འབྲད |
ཟ་ཕྲུག་ཡང་ཡང་ཤད་པའམ། སོས་ཡང་ཡང་རྡར་བ། རུས་པ་འབྲད་འབྲད་བྱས་ན་རོ་བཅུད་མེད། ཟ་ཕྲུག་འབྲད་འབྲད་བྱས་ན་སྐྱིད་པོ་ཡོང༌། |
| འབྲན |
ད་ལྟ་བ་ རྡོ་ཞུན་ལ་ཆུ་འབྲན་མཁན། ཕྱིང་བ་ལ་ཆུ་འབྲན་གྱིན་དབུར། གྲི་ལ་ཆུ་འབྲན་གྱིན་བརྡར་ལྟ་བུ། |
| འབྲབ |
ད་ལྟ་བ་ རྟ་ལ་ལྕག་གིས་འབྲབ་ཀྱིན་འདུག འབྲབ་བྱེད་ཀྱི་ལྕག་ཅེས་པ་ལྟ་བུ། |
| འབྲབ |
‘ཕྲོབས’ཀྱི་ད་ལྟ་བ། ལྕག་གིས་བྲབས་པ་ལྟ་བུའི་ན་ཟུག་ ཕོ་བ་ཚ་ཞིང་འབྲབ་སྙམ་བྱེད་པ་ཞེས་པ་ལྟ་བུ། |
| འབྲབ་པ |
ཐ་དད་པ བྲབས་པ། བྲབ་པ། བྲོབས།། གཏོར་བ་དང༌། སྣུན་པ། རྡུང་བ། གཞུ་བ། ས་ལ་བྱེ་མ་བྲབས་པ། རྟ་ལ་ལྕག་ཚན་གྱིས་བྲབས་ཏེ་མགྱོགས་པོ་སྐུལ་བ། |
| འབྲབ་ལྕག |
རྟ་དྲེལ་སོགས་ལ་གཞུ་བྱེད་ཀྱི་ལྕག་ཚན་རིགས། |
| འབྲམ |
འབྲུ་རྡོག་ལྟ་བུའི་མིང་ འབྲུ་འབྲམ་གཅིག གྲོ་འབྲམ་གཅིག་ཅེས་པ་ལྟ་བུ། |
| འབྲམ་ཟེར |
རྙིང ཟས་ཀྱི་དུམ་བུ་ཧྲལ་ཧྲུལ། |
| འབྲལ |
ད་ལྟ་བ་ ཉ་མོ་ཆུ་དང་འབྲལ་ཐབས་མེད་ལྟ་བུ། མེད་པའི་དོན་ཏེ། གོས་དྲི་མ་དང་བྲལ་བ། སྐྱོན་བྲལ། དྲི་བྲལ་ཞེས་པ་སོགས་ལྟ་བུ། |
| འབྲལ་བ |
ཐ་མི་དད་པ བྲལ་བ། འབྲལ་བ།། 1 སོ་སོར་འཐོར་བ་དང༌། ཁ་འགྱེས་པ། འགྲོགས་པའི་ཐ་མ་འབྲལ་བ་ཆོས་ཉིད་ཡིན། གྲོགས་པོ་ཁ་འབྲལ་མི་ཕོད་པ། བཟའ་ཚང་བྲལ་བ། དབུལ་ཞིང་ཕོངས་པའི་གནས་ལས་འབྲལ་བ། ལུས་དང་གྲིབ་མ་བཞིན་དུ་མི་འབྲལ་བ། 2 དག་པའམ། མེད་པར་གྱུར་པ། སྐྱོན་ཆ་བྲལ་བ། མི་འགྲོ་ཐབས་བྲལ། |
| འབྲལ་བའི་སྤང་བ |
སྤང་ལྟུང་སུམ་ཅུའི་ནང་གསེས། ཆོས་གོས་གསུམ་གང་རུང་ཉིན་ཞག་ཕྲུགས་གཅིག་གི་བར་དུ་འབྲལ་བའོ། |
| འབྲལ་སྤང |
1 འབྲལ་མེད་བྱ་རྒྱུར་ངེས་པའི་རིགས། ལག་པ་དང་དཔེ་ཆ་འབྲལ་སྤང༌། དམག་མི་དང་གོ་མཚོན་འབྲལ་སྤང༌། 2 འབྲལ་བའི་སྤང་བའི་བསྡུས་ཚིག་ |
| འབྲལ་སྤང་སྐུ |
དགེ་སློང་གིས་འབྲལ་མེད་བཅང་རྒྱུའི་ཐུབ་དབང་གི་སྐུ་བརྙན། |
| འབྲས |
1 སལུ འབྲུ་རིགས་ཤིག མོན་འབྲས། ཤ་འབྲས། འབྲུ་རིགས་ལ་མཐོང་ཆེན་བྱས་ནས་འབྲས་ཉག་མ་གཅིག་ཀྱང་འཕྲོ་བརླག་མི་གཏོང་བ། མིང་གི་རྣམ་གྲངས་ལ་གྲ་མ་མེད་པ་དང༌། དུང་གི་མུ་ཏིག། པ་ཌ། འབྲུ་དཀར་བཅས་སོ། 2 འགྲམ་འཁྲུགས་དང་ཁ་ཟས་མ་སྨིན་པ་སོགས་ཀྱིས་ངན་ཁྲག་རྒྱས་ཏེ་རླུང་གིས་བསྒྲིལ་ནས་ཤིང་བི་ད་ར་ཡི་འབྲས་བུ་ལྟར་སྲ་མཁྲེགས་ལྡན་པར་གྱུར་པས་ན་འབྲས་ཞེས་ཟེར་ཏེ་ལྷན་སྐྱེས་རྨ་ཡི་ནང་ཚན་ཞིག |
| འབྲས་ཁང |
1 འབྲས་འཇོག་སའི་ཁང་པ། 2 སྔར་བོད་ས་གནས་སྲིད་གཞུང་སྐབས་མཚོ་སྣ་རྫོང་སོགས་ལ་མངགས་ནས་མོན་ཡུལ་གྱི་འབྲས་ཕར་གཏོང་ཚུར་ལེན་བྱེད་མཁན། |
| འབྲས་ཁུ |
འབྲས་བཙོས་པའི་ཁུ་བ། |
| འབྲས་ཁོག |
ཡུལ འབྲས་བཙོ་སའི་ཁོག་མ། |
| འབྲས་གནས |
འབྲས་བུ་ལ་གནས་པའི་བསྡུས་མིང༌། |
| འབྲས་གནས་བཞི |
རྒྱུན་ཞུགས་འབྲས་གནས་དང༌། ཕྱིར་འོང་འབྲས་གནས། ཕྱིར་མི་འོང་འབྲས་གནས། དགྲ་བཅོམ་འབྲས་གནས་བཅས་བཞི། |
| འབྲས་གཟུགས |
འབྱུང་བ་ཆེན་པོ་བཞི་དག་རྒྱུར་བྱས་པ་ལས་བྱུང་བའི་གཟུགས་ཏེ། དབང་ལྔ་སོགས་ནང་གི་གཟུགས་དང༌། དོན་ལྔ་སོགས་ཕྱིའི་གཟུགས་རྣམས་སོ། |
| འབྲས་གྲུགས་པ |
འབྲས་འབྲུ་ཆག་གྲུམ་སོང་བ། |
| འབྲས་ཆག |
འབྲས་འབྲུ་སིལ་བུར་གྱུར་པ། |
| འབྲས་ཆང |
འབྲས་ལས་བཅོས་པའི་ཆང༌། |
| འབྲས་ཆན |
འབྲས་བཙོས་མའི་མིང་། |
| འབྲས་ཆོས་ཉེར་ལྔ |
རྙིང་མའི་རྒྱུད་སྡེ་ལས་གསལ་བའི་སངས་རྒྱས་ཀྱི་སྐུ་ལྔ། གསུང་ལྔ། ཐུགས་ལྔ། ཡོན་ཏན་ལྔ། ཕྲིན་ལས་ལྔ་སྟེ་ཉེར་ལྔའོ། |
| འབྲས་ཆོས་ལྔ |
འབྲས་བུ་སངས་རྒྱས་ཀྱི་ཆོས་ལྔ་སྐུ་གསུང་ཐུགས་ཡོན་ཏན་ཕྲིན་ལས་རྣམས་སོ། |
| འབྲས་ཐུག |
འབྲས་ཀྱི་ཐུག་པ། |
| འབྲས་དཀར |
1 ཤུན་པ་མེད་པའི་འབྲས་གཙང༌། 2 ལོ་གསར་སྐབས་རྟེན་འབྲེལ་གྱི་ཤིས་ཚིག་རྗོད་མཁན། |
| འབྲས་དུས |
འབྲས་བུ་སྨིན་པའི་དུས། |
| འབྲས་དུས་ཀྱི་འོད་གསལ |
གཞི་གདོད་མའི་འོད་གསལ་རང་རྒྱུད་ལ་ཇི་ལྟར་གནས་པ་དེ་ཉིད་བླ་མས་ངོ་སྤྲད་དེ་ཉིན་མཚན་གྱི་འོད་གསལ་གྱིས་ལམ་དུ་བྱས་པས། དོན་འབྲས་གནས་ལུགས་ཀྱི་རྟོགས་པ་མཐར་ཕྱིན་པའོ། |
| འབྲས་དུས་ཀྱི་འོད་གསལ་ཆོས་སྐུ |
སངས་རྒྱས་ཀྱི་སའི་བདེ་སྟོང་གི་ཡེ་ཤེས། |
| འབྲས་དུས་ཀྱི་རྣམ་ཤེས |
འཕེན་བྱེད་ཀྱི་ལས་ཀྱི་དབང་གིས་བདེ་འགྲོ་དང་ངན་འགྲོ་གང་རུང་གི་སྐྱེ་གནས་སུ་ཉིང་མཚམས་སྦྱོར་བའི་སྐབས་ཀྱི་རྣམ་ཤེས། |
| འབྲས་དུས་ཀྱི་ལོངས་སྐུ |
སངས་རྒྱས་ཀྱི་སའི་སྒྱུ་ལུས། |
| འབྲས་དོར་མ |
ཤིང་ཞིག་དེའི་སོན་དང་པགས་པ་སྨན་དུ་བཀོལ་རུང༌། |
| འབྲས་དོས |
སྔར་ཕྱི་ཁྲལ་ཐོག་ནས་སྐྱེལ་བའི་འབྲས་ཀྱི་དོ་པོ། |
| འབྲས་ནད |
སྐྲང་ནད་ཀྱི་བྱེ་བྲག་ཅིག |
| འབྲས་བགྲུས |
འབྲས་ཀྱི་སྦུན་པའམ་ཤུན་པ་ཕུད་པ། ཆུ་འཁོར་ལ་བརྟེན་ནས་འབྲས་བགྲུས་རྒྱག་པ། |
| འབྲས་བརྔོས |
འབྲས་ཀྱི་ཡོས། |
| འབྲས་བརྟོལ་བ |
འབྲུམ་བུ་ཆེན་པོ་ཡོད་པའི་རྨའི་རྣག་བཏོན་པ། |
| འབྲས་བུ |
1 རྒྱུས་བསྐྱེད་པར་བྱ་བའི་དངོས་པོ། ས་བོན་ལས་མྱུ་གུ་འབྱུང་བ་ལྟ་བུའོ། ལོ་འབྲས། ཤིང་འབྲས། དགེ་བར་འབྲས་བུ་བཟང་པོ་ཡོད་ལ། སྡིག་པར་འབྲས་བུ་ངན་པ་ཡོད་པ། ཁམ་བུ་བཙུགས་པའི་ལོ་གསུམ་པར་འབྲས་བུ་ཆགས་པ། མིང་གི་རྣམ་གྲངས་ལ་གང་བུ་དང༌། སྙེ་མ། སྦུབས། མཛོད་བཅས་སོ། 2 གཞག་བྱའམ། དགོས་པའི་གྲུབ་འབྲས་དང་བྱས་རྗེས། ངལ་རྩོལ་གྱི་འབྲས་བུ། ལམ་ཕྱོགས་ནོར་བས་ངལ་བ་ཆེ་ཡང་འབྲས་བུ་མེད་པ། 3 རླིག་རྡོག ཕག་པའི་འབྲས་བུ་ཕྱུང་བ། 4 གཉན་འབུར་ལྟ་བུའི་ཕོལ་མིག |
| འབྲས་བུ་ཁྱད་པར་ཅན་གྱི་ལམ |
མཆོག་གི་འབྲས་བུ་ཟུང་འཇུག་རྡོ་རྗེ་འཆང་གི་གོ་འཕང་མངོན་དུ་བརྙེས་པར་བྱེད་པའི་གསང་སྔགས་ཀྱི་མྱུར་ལམ། |
| འབྲས་བུ་གཉིས |
དངོས་འབྲས་དང༌། བརྒྱུད་འབྲས་སོ། |
| འབྲས་བུ་གཡུར་དུ་ཟ་བ |
འབྲས་བུས་ཕྱུག་པ། |
| འབྲས་བུ་གསང་སྔགས་ཀྱི་བསྟན་པ |
འབྲས་དུས་ཀྱི་རྒྱལ་བའི་སྐུ་འཐོབ་པའི་ལམ་མྱུར་བའི་ཟབ་ཆོས། |
| འབྲས་བུ་གསུམ |
ཨ་རུ་བ་རུ་སྐྱུ་རུ་གསུམ། ０རླིག་རིལ་གྱི་མིང་གཞན། |
| འབྲས་བུ་ཅན |
འབྲས་བུ་ཐོགས་རྒྱུ་ཡོད་པའི་རྩི་ཤིང་སྤྱི། མིང་གི་རྣམ་གྲངས་ལ་སྙེ་མ་ཅན་དང༌། ནགས་མཆོག་འབྲས་ལྡན། འབྲས་བུ་འཛིན། འབྲུ་ལྡན། མེ་ཏོག་འབྲས་ལྡན། བཟའ་ཤིང༌། ཤིང་ཐོག་ཅན་བཅས་སོ། |
| འབྲས་བུ་ཆེ་བ |
བསམ་གཏན་བཞི་པའི་གནས་རིས་གསུམ་པ་གནས་འདིར་སྐྱེས་པའི་ལྷ་རྣམས་ནི་སོ་སྐྱེས་བསོད་ནམས་ཆ་མཐུན་གྱི་དགེ་བའི་འབྲས་བུ་གཞན་འོག་མ་རྣམས་ལས་ཆེ་བས་འབྲས་བུ་ཆེ་བ་ཞེས་བྱ། |
| འབྲས་བུ་ཆོས་སྐུ |
ཚོགས་གཉིས་བསགས་སྟོབས་ཀྱིས་ཐོབ་པའི་མཐར་ཐུག་གི་ཡོན་ཏན། |
| འབྲས་བུ་དང་འགལ་བའི་ཁྱབ་བྱ་དམིགས་པ |
འགལ་བའི་ཁྱབ་བྱ་དམིགས་པ་བཞིའི་ནང་གསེས། གནོད་བྱེད་ཀྱི་ཁྱབ་བྱ་རྟགས་སུ་བཀོད་ནས། གནོད་བྱའི་འབྲས་བུ་འགོག་པ་དཔེར་ན། ཙནྡན་གྱི་མེས་ཁྱབ་པར་ནོན་པའི་གཞིར་ཆོས་ཅན། གྲང་འབྲས་སྤུ་ལོང་བྱེད་མེད་དེ། ཙནྡན་གྱི་མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་ཙན་དན་གྱི་མེས་གྲང་བའི་འབྲས་བུ་མེད་པར་སྒྲུབ་པའོ། |
| འབྲས་བུ་དང་འགལ་བའི་འབྲས་བུ་དམིགས་པ |
འགལ་བའི་འབྲས་བུ་དམིགས་པ་བཞིའི་ནང་གསེས། གནོད་བྱེད་ཀྱི་འབྲས་བུ་རྟགས་སུ་བཀོད་ནས། གནོད་བྱའི་འབྲས་བུ་འགོག་པ་དཔེར་ན་དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། གྲང་འབྲས་སྤུ་ལོང་བྱེད་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེ་འབྲས་ཀྱིས་གྲང་བའི་འབྲས་བུ་མེད་པར་སྒྲུབ་པའོ། |
| འབྲས་བུ་དང་འགལ་བའི་རང་བཞིན་དམིགས་པ |
འགལ་བའི་རང་བཞིན་དམིགས་པ་བཞིའི་ནང་གསེས། གནོད་བྱེད་ཀྱི་ངོ་བོ་རྟགས་སུ་བཀོད་ནས། གནོད་བྱའི་འབྲས་བུ་འགོག་པ་དཔེར་ན། མེས་ཁྱབ་པར་ནོན་པའི་ཤར་གཞིར་ཆོས་ཅན། གྲང་འབྲས་སྤུ་ལོང་བྱེད་མེད་དེ། མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེའི་རང་བཞིན་གྱིས་གྲང་བའི་འབྲས་བུ་མེད་པར་སྒྲུབ་པའོ། |
| འབྲས་བུ་དམིགས་པའི་ཐལ་འགྱུར |
གཞན་རིགས་འཕེན་པའི་ཐལ་འགྱུར་བཅུ་བཞིའི་ནང་གསེས། འབྲས་བུ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་རྒྱུ་མ་དམིགས་པའི་རང་རྒྱུད་འཕེན་པ་དཔེར་ན། མེ་མེད་དུས་ཀྱི་རྒྱ་མཚོར་ཆོས་ཅན། མེ་ཡོད་པར་ཐལ། དུ་བ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། དུ་བ་མེད་དེ། མེ་མེད་པའི་ཕྱིར། ཞེས་བཟློག་པ་རང་ལས་གཞན་པའི་རིགས་འཕེན་པའོ། |
| འབྲས་བུ་དུད་པ |
འབྲས་བུ་ཐུར་དུ་འཕྱང་བ། འབྲས་བུ་དུད་པའི་ཤིང་གི་ཡལ་ག། |
| འབྲས་བུ་ནག |
མངོན སོ་མ་རཱ་ཛཱ། |
| འབྲས་བུ་བཞི |
དགེ་སྦྱོང་གི་འབྲས་བུ་བཞི་དང་དོན་གཅིག་ |
| འབྲས་བུ་འགལ་དམིགས་ཀྱི་རྟགས |
སྣང་རུང་གི་འགལ་ཟླ་དམིགས་པའི་རྟགས་ཀྱི་ནང་གསེས། འབྲས་བུ་རྟགས་སུ་བཀོད་ནས་དེ་དང་འགལ་བའི་རྒྱུའི་ནུས་པ་ཐོགས་མེད་འགོག་པ། དཔེར་ན། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། གྲང་འབྲས་སྤུ་ལོང་བྱེད་ཀྱི་གྲང་རྒྱུའི་ནུས་པ་ཐོགས་མེད་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེ་འབྲས་རྟགས་སུ་བཀོད་ནས། དེ་དང་འགལ་བའི་གྲང་རྒྱུའི་ནུས་པ་ཐོགས་མེད་དུ་འབྱུང་བ་འགོག་པའོ། |
| འབྲས་བུ་འགལ་བའི་གཏན་ཚིགས |
འགལ་བའི་གཏན་ཚིགས་གསུམ་གྱི་ཡ་གྱལ། རྟགས་དང་བསྒྲུབ་བྱ་གཉིས་ཀྱི་རྒྱུ་འབྲས་འགལ་བའི་གཏན་ཚིགས་ལྟར་སྣང༌། དཔེར་ན་དུང་སྒྲ་ཆོས་ཅན། རྟག་རྩོལ་བྱུང་ཡིན་པའི་ཕྱིར་ཞེས་པ་ལྟ་བུའོ། |
| འབྲས་བུ་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་འབྲས་བུའི་དངོས་པོ་ཞིག་འགོག་བྱེད་རྒྱུ་མང་པོ་ཉེ་བར་ཚོགས་ཀྱང་འབྲས་བུ་སྐྱེད་པའི་ནུས་ཤུགས་མ་ཐོན་པ་སྟོན་པའི་རྒྱན་ཞིག |
| འབྲས་བུ་འབྱིན་པ |
1 རྒྱུས་འབྲས་བུ་འབྱུང་བར་བྱེད་པ། 2 ཕོའི་རླིག་འབྲས་གཅོད་པ། |
| འབྲས་བུ་འབྱུང |
མངོན ཉུག་རུམ་པ། |
| འབྲས་བུ་རང་གི་ངོ་བོ་ཙམ་སྟོན་པའི་སྲིད་པ་ཅན |
སྲིད་པ་ཅན་གྱི་རྒྱན་གྱི་ནང་གསེས་ཤིག་གྲགས་པ་དང་མ་གྲགས་པའི་རྒྱུ་གཉིས་ཀ་བཀག་ནས་རྒྱུ་མེད་པ་ཙམ་ལས་བྱུང་བའི་འབྲས་བུ་རང་གི་ངོ་བོ་ཉིད་སྟོན་པའི་རྒྱན་ཞིག |
| འབྲས་བུ་རྟག |
མངོན བེ་ཏའི་ཤིང༌། |
| འབྲས་བུ་རྡོ་རྗེ་འཛིན་པ |
སྔགས་ལམ་ཡི་དམ་གཟུགས་སྐུ། བསྐྱེད་རིམ་བསྒོམ་པའི་རྣལ་འབྱོར་ཞིག |
| འབྲས་བུ་རྣམ་དག་རང་བཞིན་གྱི་དཀྱིལ་འཁོར |
བརྡའི་དཀྱིལ་འཁོར་དུ་ཞུགས་ནས། དོན་ཏིང་ངེ་འཛིན་གྱི་དཀྱིལ་འཁོར་སྤྲོས་བཅས་ཞི་ཁྲོའི་བསྐྱེད་བཟླས་དང༌། སྤྲོས་མེད་རྫོགས་རིམ་ཆོས་ཉིད་མངོན་སུམ་དོན་གྱི་དཀྱིལ་འཁོར་ལ་བལྟས་པས་སྣང་བཞི་ཚད་དུ་ཕྱིན་ཏེ། གཞོན་ནུ་བུམ་སྐུའི་དཀྱིལ་འཁོར་མངོན་དུ་བྱེད་པའོ། |
| འབྲས་བུ་རྣམ་པར་སྨིན་པ |
དགེ་སྡིག་གི་འབྲས་བུ་བདེ་སྡུག་གི་རྣམ་པར་དངོས་སུ་ཉམས་སུ་མྱོང་བའོ། |
| འབྲས་བུ་རྫོགས་པ་ཆེན་པོ |
སྔགས་རྙིང་མའི་གཞུང་ལུགས་ལ་རིག་པའི་ཡེ་ཤེས་ཉིད་སྒྲིབ་བྱེད་ཀྱི་དྲི་མ་བག་ཆགས་དང་བཅས་པ་དག་པའི་གནས་སྐབས་ཏེ་དེ་ཉིད་སྐུ་དང་ཡེ་ཤེས་ཐམས་ཅད་ཀྱི་འཆར་གཞི་ཡིན་པས་རྫོགས་པ་དང༌། དེ་ཡང་ངོ་བོ་ཡེ་དག་ཡིན་པས་སྤང་བ་ཕུན་ཚོགས་དང༌། རང་བཞིན་གསལ་བའི་ཆ་ནས་སྟོབས་སོགས་རྒྱལ་བའི་ཡོན་ཏན་མ་ལུས་པ་ལྷུན་གྱིས་གྲུབ་པས་རྟོགས་པ་ཕུན་ཚོགས་དང༌། དེ་གཉིས་ཟུང་དུ་ཚོགས་པ་ལས་ལྷུན་གྲུབ་རྟེན་འབྱུང་གི་སྣང་བ་འགྲོ་བའི་དཔལ་དུ་ཤར་བ་ཕྲིན་ལས་ཕུན་ཚོགས་ཏེ་སྤང་རྟོགས་ཕྲིན་ལས་གསུམ་གྱི་བདག་ཉིད་ཅན་ཡིན་པས་ཆེན་པོའོ། |
| འབྲས་བུ་ལ་གནས་པ |
རྒྱུན་ཞུགས་སོགས་དགེ་སྦྱོང་གི་འབྲས་བུ་བཞི་པོ་གང་རུང་ལ་གནས་ཤིང་འབྲས་བུ་གཞན་ཐོབ་པ་ལ་མི་བརྩོན་པའོ། |
| འབྲས་བུ་ལ་ཉེ་བར་སྤྱོད་པ |
ཐོན་འབྲས་ལ་བེད་སྤྱོད་པ། |
| འབྲས་བུ་ལ་ཞུགས་པ |
རྒྱུན་ཞུགས་སོགས་དགེ་སྦྱོང་གི་འབྲས་བུ་བཞི་གང་རུང་ཐོབ་པའི་ཆེད་རང་སྐལ་གྱི་ཉོན་མོངས་པ་མ་སྤངས་པ་སྤོང་བ་ལ་བརྩོན་པའམ་སྦྱོར་བ་ཅན་ནོ། |
| འབྲས་བུ་ལ་རྒྱུ་མིང་བཏགས་པ |
རྒྱུའི་མིང་འབྲས་བུ་ལ་བཏགས་པ། |
| འབྲས་བུ་ལ་སྐུར་བ་འདེབས་པ |
རྒྱུ་སྡིག་པ་བྱས་པས་འབྲས་བུ་སྡུག་བསྔལ་དང༌། རྒྱུ་དགེ་བ་བྱས་པས་འབྲས་བུ་བདེ་བ་དང༌། ཐར་བ་དང༌། ཐམས་ཅད་མཁྱེན་པ་སོགས་མེད་དོ་ཞེས་སྐུར་བ་འདེབས་པའོ། |
| འབྲས་བུ་ལྔ |
རྒྱུ་མཐུན་གྱི་འབྲས་བུ་དང༌། བདག་པོའི་འབྲས་བུ་དང༌། སྐྱེས་བུ་བྱེད་པའི་འབྲས་བུ་དང༌། རྣམ་སྨིན་གྱི་འབྲས་བུ་དང༌། བྲལ་བའི་འབྲས་བུ་སྟེ་ལྔའོ། |
| འབྲས་བུ་ཤེར་ཕྱིན |
འཁོར་བ་ཕྲ་རགས་ཀྱི་ཕ་རོལ་ཏུ་ཕྱིན་ཟིན་པའི་ཡེ་ཤེས་ཁྱད་པར་ཅན། |
| འབྲས་བུ་སྐྱེད་པ |
གྲུབ་འབྲས་ཐོན་པར་བྱེད་པ། |
| འབྲས་བུ་སྔ་བའི་རྒྱུ |
རྒྱུའི་རྒྱན་གྱི་ནང་གསེས་ཤིག་རྒྱུ་ལས་འབྲས་བུ་སྔ་བར་སྟོན་པའི་རྒྱུའི་རྒྱན་ཞིག |
| འབྲས་བུ་སྨིན་པ |
1 ཤིང་ཐོག་སོགས་སྨིན་པ། 2 ལས་དོན་ལ་གྲུབ་འབྲས་ཐོན་པ། |
| འབྲས་བུའི་གཟུགས་གཉིས |
ཕྱིའི་གཟུགས་དང༌། ནང་གི་གཟུགས་སོ། |
| འབྲས་བུའི་ཆོས |
ཕུང་པོ་ལྷག་མ་དང་བཅས་པ་དང༌། ཕུང་པོ་ལྷག་མ་མ་ལུས་པའི་མྱ་ངན་ལས་འདས་པ་དང༌། ཡང་ན་སྐུ་བཞི་དང༌། རྣམ་པ་ཐམས་ཅད་མཁྱེན་པའི་ཡེ་ཤེས། |
| འབྲས་བུའི་ཐེག་པ |
གཞལ་ཡས་ཁང་དང་ལྷ་དང་དེ་དག་གི་ལོངས་སྤྱོད་སོགས་འབྲས་བུའི་རྣམ་པ་ད་ལྟ་ནས་ལམ་དུ་བྱེད་པས་སྔགས་ལ་འབྲས་བུའི་ཐེག་པ་ཞེས་བྱའོ། |
| འབྲས་བུའི་དབང |
བླ་ན་མེད་པའི་བྱང་ཆུབ་མངོན་དུ་བྱེད་པ་ལ་བརྡའི་དབང་འོད་ཟེར་ཆེན་པོའི་དབང་གི་མཐར་འབྲས་བུ་མཆོག་ཐོབ་པ་འབྲས་བུའི་དབང་ངོ། |
| འབྲས་བུའི་ཕུང་པོ |
མངོན བེ་ཏའི་ཤིང༌། |
| འབྲས་བུའི་བོན |
བོད་རྒྱལ་པུ་དེ་གུང་རྒྱལ་སྐབས་དར་བའི་བོན་གྱི་བྱེ་བྲག་ཚེ་ཕྱི་མར་བསོད་ནམས་འབྱུང་བར་སྨོན་ལམ་འདེབས་པའི་ཆོས་ལུགས་འཛིན་མཁན་ཞིག |
| འབྲས་བུའི་རྒྱུད |
ཉེར་ལེན་གྱི་རྒྱུ་དེ་ཉིད་གློ་བུར་གྱི་དྲི་མ་ཐམས་ཅད་དང་བྲལ་བ་ལས་གནས་གྱུར་པའི་ཚུལ་གྱིས་དག་པ་གཉིས་ལྡན་གྱི་སྐུར་མངོན་པར་རྫོགས་པར་བྱང་ཆུབ་པ། |
| འབྲས་བུའི་རྟགས |
རྟགས་ཡང་དག་གི་ནང་གསེས། ཡོད་པ་སྒྲུབ་ལ་ཚུལ་གསུམ་ཚང་བ་དཔེར་ན་དུ་ལྡན་གྱི་ལ་ལ་ཆོས་ཅན། མེ་ཡོད་དེ་དུ་བ་ཡོད་པའི་ཕྱིར་ཞེས་པ་ལྟ་བུ་དེ་བྱུང་གི་འབྲེལ་བ་ལ་བརྟེན་ནས་འབྲས་བུའི་རྟགས་ཀྱིས་རྒྱུ་དཔོག་པའོ། |
| འབྲས་བུའི་རྟགས་ལྔ |
འབྲས་བུའི་རྟགས་ཡང་དག་ལ་སྦྱོར་བ་འགོད་ཚུལ་གྱིས་དབྱེ་ན་ལྔ་རྒྱུ་དངོས་སྒྲུབ་ཀྱི་འབྲས་རྟགས་དང༌། རྒྱུ་སྤྱི་སྒྲུབ་ཀྱི་འབྲས་རྟགས་དང༌། རྒྱུ་སྔོན་སོང་སྒྲུབ་ཀྱི་འབྲས་རྟགས་དང༌། རྒྱུ་ཁྱད་པར་སྒྲུབ་ཀྱི་འབྲས་རྟགས་དང༌། རྒྱུ་ཆོས་རྗེས་དཔོག་གི་འབྲས་རྟགས་བཅས་སོ། |
| འབྲས་བུའི་རྟེན་འབྲེལ་དྲུག |
ཕྱིའི་རྟེན་འབྲེལ་གྱི་ཆར་གཏོགས་འབྲས་བུའི་རྟེན་འབྲེལ་ལ་དབྱེ་ན་རྩ་བ་དང༌། སྡོང་བུ་དང༌། ཡལ་ག་དང༌། ལོ་མ་དང༌། མེ་ཏོག་དང༌། འབྲས་བུ་སྟེ་དྲུག་གོ། |
| འབྲས་བུའི་ཤིང |
བཟའ་བྱའི་འབྲས་བུ་སྐྱེ་བའི་ཤིང་སྤྱི། |
| འབྲས་བུའི་སྙིང |
ཤིང་ཐོག་གི་ཚི་གུ། |
| འབྲས་མོ་གཞོངས |
འབྲས་མོ་གཤོངས་དང་འདྲ། |
| འབྲས་མོ་གཤོངས |
འབྲས་ལྗོངས། |
| འབྲས་མོ་ལྗོངས |
འབྲས་མོ་གཤོངས་དང་འདྲ། |
| འབྲས་ཚ |
འབྲས་ཐུག |
| འབྲས་ཞིང |
འབྲས་བཏབ་པའི་ཞིང༌། |
| འབྲས་ཟན |
1 འབྲས་རླངས་བཙོས་སམ། འབྲས་རྩམ་བརྫིས་པའི་སྤགས། 2 འབྲས་ཟ་མཁན། |
| འབྲས་ཟན་སྤགས་བཙོས་མ |
འབྲས་ཐུག་གར་པོ། |
| འབྲས་ཟླ |
མངོན དབོ་ཟླ་བ་སྟེ་ཧོར་ཟླ་གཉིས་པ། |
| འབྲས་ཡུལ |
1 འབྲས་ཐོན་སའི་ཡུལ། 2 འབྲས་ལྗོངས་ཀྱི་ཡུལ། |
| འབྲས་ཡོས |
བརྔོས་པའི་འབྲས། |
| འབྲས་རྗེན་པ |
མ་བཙོས་པའི་འབྲས། |
| འབྲས་རྟོགས |
ཚད་མའི་འབྲས་བུ་རང་ཡུལ་ཡང་དག་པར་རྟོགས་པའོ། |
| འབྲས་རྟོགས་གཉིས་པ |
འབྲས་རྟོགས་གསུམ་གྱི་ཡ་གྱལ། རང་རིག་གི་ཚད་འབྲས་ཏེ། འཛིན་རྣམ་གྱི་ཤེས་པས་རང་རྟོགས་པའི་ཆ། གཟུང་རྣམ་གཞལ་བྱ། འཛིན་རྣམ་ཚད་མ། རང་རིག་འབྲས་བུར་འཇོག་པ་ནི་སེམས་ཙམ་པའི་ཐུན་མོང་མ་ཡིན་པའི་ཚད་འབྲས་ཀྱི་རྣམ་གཞག་གོ། |
| འབྲས་རྟོགས་གསུམ |
ཚད་མའི་འབྲས་བུ་ལ་ནང་གསེས་སུ་འབྲས་རྟོགས་དང་པོ་དང༌། འབྲས་རྟོགས་གཉིས་པ། འབྲས་རྟོགས་གསུམ་པ་བཅས་གསུམ་མོ། |
| འབྲས་རྟོགས་གསུམ་པ |
འབྲས་རྟོགས་གསུམ་གྱི་ཡ་གྱལ། མདོ་སྡེ་པའི་ཐུན་མོང་མིན་པའི་ལུགས་ཀྱི་ཚད་འབྲས་འཇོག་ཚུལ་ཞིག་ཕྱི་དོན་གྱི་གཟུགས་གཞལ་བྱ། གཟུགས་དེ་ལ་རང་ཡུལ་གྱི་རྣམ་པ་ཤར་བའི་སྒོ་ནས་གསར་དུ་མི་བསླུ་བའི་ཤེས་པ་ཚད་མ། ཚད་མ་རང་ཉིད་གཟུགས་ཀྱི་རྣམ་པར་ཤར་བའི་སྒོ་ནས་རང་གི་བདག་ཉིད་དུ་མ་གྱུར་པའི་གཟུགས་རྟོགས་པ་ཚད་འབྲས་ཡིན་ནོ། |
| འབྲས་རྟོགས་དང་པོ |
འབྲས་རྟོགས་གསུམ་གྱི་ཡ་གྱལ། གཞན་རིག་གི་ཚད་འབྲས་ཏེ། གཟུང་རྣམ་གྱི་ཤེས་པ་རྣམས་ཀྱིས་རང་ཡུལ་རྟོགས་པའི་ཆ། གཟུང་བྱའི་ཡུལ་གཞལ་བྱ། འཛིན་བྱེད་ཀྱི་བློ། ཡུལ་དེའི་རྣམ་པར་ཤར་ནས་ཡུལ་དེ་ལ་གསར་དུ་མི་བསླུ་བའི་ཤེས་པ་ཚད་མ། རང་ཡུལ་དངོས་སུ་རྟོགས་པ་འབྲས་བུར་འཇོག་པ་སྟེ་མདོ་སེམས་ཐུན་མོང་བའི་ཚད་འབྲས་ཀྱི་རྣམ་གཞག་གོ། |
| འབྲས་རྨེན |
རྨ་འབྲས་ཀྱི་རྗེས་ཤུལ། |
| འབྲས་རྩམ |
འབྲས་བཏགས་པའི་ཕྱེ། |
| འབྲས་ལྗང |
ཆུ་འབྲས་ཀྱི་མྱུ་གུ། འབྲས་ལྗང་རྩ་སྤོ་རྒྱག་པ། |
| འབྲས་ལྗོངས |
ཡ་གླིང་གི་ལྷོ་རྒྱུད་དང་ཧི་མ་ལ་ཡའི་རི་རྒྱུད་ཀྱི་ལྷོ་ལྡེབས་སུ་ཆགས་པའི་རྒྱལ་ཁབ་ཅིག་ཡིན་ཞིང༌། རང་རྒྱལ་གྱི་བོད་ལྗོངས་དང༌། འབྲུག་ཡུལ། ནཻ་པཱ་ལ། ཧིན་རྡུ་བཅས་ཀྱི་བར་དུ་གནས་ཡོད། རྒྱལ་ས་ནི་སྒང་ཐོག་ཡིན་ལ། རྒྱུད་འཛིན་གྱི་རྒྱལ་པོའི་རྒྱལ་ཁབ་ཡིན། 1975 ལོར་ཧིན་རྡུའི་ཁོངས་སུ་ཟླ་སྒྲིལ་བཏང་བ་རེད། |
| འབྲས་ལྟང |
ཀོ་བཏུམས་ཀྱི་འབྲས་དོ་པོ། |
| འབྲས་ལྡན |
མངོན 1 སྟོན་དུས། 2 ཧོར་ཟླ་གཉིས་པ། |
| འབྲས་ལྡན་ནགས |
མངོན བཟའ་ཤིང་གི་ར་བ། |
| འབྲས་ལྤགས |
འབྲས་ཀྱི་ཤུན་པ། འབྲས་ལྤགས་བགྲུས་པ། |
| འབྲས་ས་ལུ |
མ་རྨོས་མ་བཏབ་རོ་མཆོག་ལྡན་པའི་འབྲས་ཤིག |
| འབྲས་སིལ |
འབྲས་བཙོས་མའི་ནང་ལ་གྲོ་མ་དང་ཀ་ར་མར་སོགས་བསྲེས་པའི་བོད་ཀྱི་ཟས་ཤིག |
| འབྲས་སོ་བ |
པགས་པ་མ་བཤུས་པའི་འབྲས། |
| འབྲས་སོག |
འབྲས་ཀྱི་སོག་མ། |
| འབྲས་སོན |
འབྲས་ཀྱི་ས་བོན། |
| འབྲས་སོབ |
ཤུན་པ་མ་ཕུད་པའི་འབྲས། |
| འབྲས་སྙིགས |
འབྲས་ཀྱི་ཤུན་པའམ་ཕུབ་མ། |
| འབྲས་སྟོང |
1 སྙེ་ལོང༌། 2 དོན་མེད་ཀྱི་བྱ་བ། |
| འབྲས་སྣ་གསུམ |
སྨན་ཨ་འབྲས་སྲ་འབྲས་འཇམ་འབྲས་ཏེ་གསུམ། |
| འབྲས་སྤུངས |
བོད་ཀྱི་གདན་ཆེན་པོ་གསུམ་གྱི་ཡ་གྱལ་དགོན་ཆེན་ཞིག་གི་མིང་། རྨ་ཞིག་གི་མིང་ ཡུལ་སྐད་དུ་བྱི་འབྲས་ཀྱང་ཟེར། ０‘འབྲས་བུ’ཞེས་པའི་ཚིག་བསྡུས་པ། |
| འབྲས་སྤུངས་ཀླུ་འབུམ |
ཧོར་ཟླ་བདུན་པའི་ཚེས་བརྒྱད་ཉིན་འབྲས་སྤུངས་དགོན་ནང་གི་མཆོད་རྟེན་ཀླུ་འབུམ་ལ་དུས་མཆོད་བྱེད་པའི་དགའ་སྟོན་ཞིག |
| འབྲས་སྤུངས་དགོན་པ |
དབུས་ཕྱོགས་དགེ་ལུགས་དགོན་ཆེན་གསུམ་གྱི་ཡ་གྱལ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་གྱིས་བཏབ་པ་ཞིག་ཏཱ་ལའི་བླ་མ་སྐུ་ཕྲེང་ལྔ་པའི་སྐབས་རི་བོ་དགེ་ལུགས་པའི་ཆོས་དང༌། བོད་ས་གནས་སྲིད་གཞུང་གི་ཆབ་སྲིད་ལུགས་གཉིས་ཟུང་འབྲེལ་གྱི་སྒོ་ནས་བོད་ལྗོངས་ཡོངས་ལ་ཁ་ལོ་སྒྱུར་བའི་ལམ་ལུགས་དེ་དགོན་པ་འདིའི་དགའ་ལྡན་ཕོ་བྲང་དུ་ཐོག་མར་བཙུགས། དགོན་པ་དེ་ལྷ་སའི་ནུབ་རྒྱུད་དགེ་འཕེལ་དབུ་རྩེར་ཡོད། |
| འབྲས་སྤུངས་རྡོ་ཁང་སྔོན་མོ |
འབྲས་སྤུངས་དགོན་པའི་དགའ་ལྡན་ཕོ་བྲང་གི་མིང་རྙིང་པ། |
| འབྲས་སྤྱི |
1 འབྲས་སྤུངས་དགོན་པའི་སྤྱི་སོའི་བསྡུས་མིང༌། 2 སྔར་དབྱིན་ཇིས་རྒྱ་གར་དབང་སྒྱུར་སྐབས་འབྲས་ལྗོངས་སུ་བཏང་བའི་གཞུང་ཚབ་བློན་ཆེན། |
| འབྲས་སྨིན་སར་ལྷུང |
དུས་ལ་བབས་ན་འགོག་ཏུ་མེད་པའི་དཔེ། |
| འབྲས་སྲུས |
ཆེར་མ་སྨིན་པའི་འབྲས། |
| འབྲི |
1 འདྲུ་ཞེས་པའི་འབྲི་ཚུལ་གཞན་ཞིག 2 ཕ་གཡག་དང༌། མ་འབྲི་འདུས་པ་ལས་བྱུང་བའི་མོ་ཕྱུགས་ཆེ་གྲས།…3.ད་ལྟ་བ་ ཡི་གེ་འབྲི་མཁན། རི་མོ་འབྲི་བཞིན་འདུག་ལྟ་བུ། |
| འབྲི་གཡག |
འབྲི་དང་གཡག |
| འབྲི་གུང |
ས་མིང་ཞིག་བོད་རང་སྐྱོང་ལྗོངས་ཀྱི་མལ་གྲོ་གུང་དཀར་རྫོང་གི་བྱང་རྒྱུད་ཞོལ་རོང་གཙང་པོའི་འགྲམ་དུ་ཡོད། |
| འབྲི་གུང་བ |
མལ་གྲོ་གུང་དཀར་རྫོང་གི་ས་ཆ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| འབྲི་གུང་བཀའ་བརྒྱུད |
སྐྱོབ་པ་འཇིག་རྟེན་མགོན་པོ་རིན་ཆེན་དཔལ་གྱིས་རབ་བྱུང་གསུམ་པའི་ས་ཕག་ལ་འབྲི་གུང་མཐིལ་གྱི་དགོན་པ་བཏབ། དེ་ནས་བཟུང་གདན་ས་དེའི་ཆོས་བརྒྱུད་ནི་ས་མིང་ཆོས་ལ་ཐོགས་པས་འབྲི་གུང་བཀའ་བརྒྱུད་ཅེས་པའོ། |
| འབྲི་གུང་མཐིལ་དགོན་པ |
བོད་རང་སྐྱོང་ལྗོངས་ཀྱི་མལ་གུང་རྫོང་ཁོངས་སུ་ཡོད་པ་རབ་བྱུང་གསུམ་པའི་ས་ཕག་ལོར་རིན་ཆེན་དཔལ་གྱིས་བཏབ་པའི་བཀའ་བརྒྱུད་དགོན་པ་ཞིག |
| འབྲི་ཆུ |
རང་རེའི་ཆུ་བོ་ཆེན་པོ་ཨང་དང་པོ་དང་འཛམ་གླིང་གི་ཆུ་བོ་ཆེན་པོ་ཨང་གསུམ་པ་ཡིན། |
| འབྲི་ཏ |
‘འབྲི་ཏ་ས་འཛིན’ཡང་ཟེར། ལོ་མང་སྐྱེ་བའི་རྩྭ་ལྡུམ་རིགས་ས་ལ་བཏིངས་ནས་སྐྱེ་ཞིང་། ཚིགས་མཚམས་ནས་རྩ་བ་ཐོན་ཏེ་མྱུ་གུ་གསར་བ་སྐྱེ་བ། ལོ་མ་རལ་གྲིའི་དབྱིབས་ཅན། མེ་ཏོག་ཡལ་རྗེས་འབྲས་བུ་དམར་བོ་ཐོགས་པ་ཞིག་ཡིན། རྩ་ལོ་མེ་འབྲས་བཅས་སྨན་བྱེད་ཆོག |
| འབྲི་ཏ་ས་འཛིན |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་བྱང་ཁོག་གི་རྣག་ཁྲག་ཆུ་སེར་སྐེམ། གློ་རྣག་དང༌། རྩ་དཀར་གྱི་ནད་ལ་ཕན། |
| འབྲི་དེབ |
བརྗེད་ཐོ་སོགས་འགོད་སའི་ཤོག་དེབ། |
| འབྲི་བ |
1. ཐ་དད་པ བྲིས་པ། བྲི་བ། བྲིས།། འགོད་པ། ཡི་གེ་འབྲི་བ། རི་མོ་འབྲི་བ། བསྟོད་མི་ཤེས་བསྟོད་ར་བྱེད་པ་དེ། འབྲི་མི་ཤེས་མེ་ཏོག་འབྲི་བ་འདྲ། 2. ཐ་མི་དད་པ བྲི་བ། འབྲི་བ།།འགྲིབ་པ་དང་ཉམས་པ། གཙང་ཆུ་བྲི་བ། དགུན་དུས་དཀར་ཆུ་ཕལ་ཆེར་འབྲི་ཡོང༌། སྙུན་བབ་ལྕི་བས་ལུས་ཀྱི་ཤ་ནི་བྲི་ཞིང་སྲབ་མོར་གྱུར། |
| འབྲི་མ་བེལ་འབྱར་མ |
བེའུ་དང་འབྲེལ་བའི་འབྲི། |
| འབྲི་མཁན |
ཡི་གེའམ་རི་མོ་འབྲི་བ་པོ། |
| འབྲི་མར |
འབྲིའི་འོ་མ་ལས་བྱུང་བའི་མར། |
| འབྲི་མོག |
ལོ་མང་སྐྱེ་བའི་རྩྭ་ལྡུམ་རྩ་བ་ཁམ་ནག་མར་ཁུ་ལ་བཅོས་ན་མར་ཁུ་ཁྲག་མདོག་ལྟ་བུར་འགྱུར་བ་ཞིག་ཡིན་ཞིང་། རྩ་བ་སྨན་དུ་བཀོལ་ཆོག |
| འབྲི་ཚེར་མ |
ཤིང་སྨན་ཞིག་དེའི་འབྲས་བུས་ལུས་པོ་གསོ་བར་ཕན། |
| འབྲི་ཞོ |
འབྲིའི་འོ་མ་བསྙལ་བའི་ཞོ། |
| འབྲི་འོ |
འབྲི་ཡི་འོ་མ། |
| འབྲི་རུ |
རྫོང་ཞིག་ནག་ཤོད་འབྲི་རུའང་ཟེར། བོད་རང་སྐྱོང་ལྗོངས་ཀྱི་བྱང་ཤར་རྒྱུད་དང་རྒྱལ་མོ་རྔུལ་ཆུའི་སྟོད་རྒྱུད་ན་ཡོད། རྫོང་མི་དམངས་སྲིད་གཞུང་དེ་འབྲི་རུ་གཞུང་དུ་ཡོད། |
| འབྲི་ལ |
ལ་ཞིག་བོད་རང་སྐྱོང་ལྗོངས་ཀྱི་སྣེ་གདོང་རྫོང་ཁོངས་སུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5645 ཡོད། |
| འབྲི་ཤུག |
ཡུལ བོངས་ཚད་རིང་ཞིང་ཚེར་མ་མེད་པའི་ཤུག་པ། |
| འབྲི་ཤོག |
ཡིག་རིས་འབྲི་སའི་ཆ་རྐྱེན་ཤོག་བུ། གཞུང་ཡིག་འབྲི་ཤོག འདྲ་པར་འབྲི་ཤོག |
| འབྲི་སྐམ |
བེའུ་སྐྱེ་རྒྱུན་ཆད་པའི་འབྲི། |
| འབྲི་སྟོད |
རྫོང་ཞིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ནུབ་རྒྱུད་དུ་ཡོད། རྫོང་མི་དམངས་སྲིད་གཞུང་དེ་རྒྱལ་རྗེ་ཕོ་བྲང་སྐེད་ན་ཡོད། |
| འབྲིང |
(རྒྱན་ཚིག) རབ་འབྲིང་ཐ་གསུམ་གྱི་འབྲིང་ སྨན་པ་འདི་ལག་རྩལ་འབྲིང་ཙམ་ཡིན་ལྟ་བུ། བར་མ་ བུ་འབྲིང་བོ། གཟུགས་འབྲིང་ཙམ་ཡིན། དཔྱིད་ཟླ་འབྲིང་བོ—ཟླ་བ་གཉིས་པ་ཞེས་པ་ལྟ་བུ། |
| འབྲིང་གི་ཆུང་བ |
འབྲིང་ལ་ཆ་གསུམ་དུ་ཕྱེ་བའི་ཆ་ཆུང་ངུ། |
| འབྲིང་གི་ཆེན་པོ |
འབྲིང་ལ་ཆ་གསུམ་དུ་ཕྱེ་བའི་ཆ་ཆེ་བ། |
| འབྲིང་གི་འབྲིང་བ |
འབྲིང་ལ་ཆ་གསུམ་དུ་ཕྱེ་བའི་ཆ་བར་པ། |
| འབྲིང་གྲས |
བར་མའི་གྲས། |
| འབྲིང་ངེ་བ |
འབྲིང་ཙམ་པ། སྦྱངས་འབྲས་འབྲིང་ངེ་བ། སྤུས་ཀ་འབྲིང་ངེ་བ། |
| འབྲིང་པོ |
འབྲིང་བ་དང་འདྲ། |
| འབྲིང་བ |
བར་མ་དང༌། དཀྱིལ་མ། ཆེ་འབྲིང་ཆུང་གསུམ། རབ་འབྲིང་ཐ་གསུམ། སློབ་གྲྭ་འབྲིང་བ། ཞིང་པ་འབྲིང་བ། |
| འབྲིང་རིམ |
བར་མའི་གྲས། |
| འབྲིང་སོན |
ལྕི་ཡང་དང་མང་ཉུང་སྙོམས་པའི་སོན། |
| འབྲིད |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)དངོས་རྫས་དང་ཐབས་ཀྱིས་བསླུས་ནས་ཚུར་འགུག་པའི་དོན་ཏེ། ཉ་འཛིན་ན་ཁ་འབྲིད་དགོས། ཁ་འབྲིད་མཁན་ཞེས་པ་ལྟ་བུ། |
| འབྲིད་པ |
1.ཐ་དད་པ 1 ཕྲིས་པ། དབྲི་བ། ཕྲིས།། ཉུང་དུ་གཏོང་བ། བཅུའི་ནང་ནས་གཉིས་ཕྲིས་ན་བརྒྱད་ཡོད། བརྒྱ་ནས་བཅུ་ཕྲིས་ན་དགུ་བཅུ་རེད། འཁྲི་ཆ་མང་དྲགས་ན་ཕྲན་བུ་འབྲིད་དགོས། 2 འདྲིད་པའི་ད་ལྟ་བའི་འབྲི་ཚུལ་གཞན་ཞིག 2 1 འཕྲི་རྩིས། 2 མགོ་སྐོར་བ། མགོ་སྐོར་སླུ་འབྲིད། |
| འབྲིད་ཟས |
རི་དྭགས་དང་བྱ་སོགས་ཁ་འབྲིད་བྱེད་ཀྱི་ཟས་ཀྱི་མིང་། ‘ཕྲི’ཡི་ད་ལྟ་བ། |
| འབྲིམ |
ད་ལྟ་བ་ ཟས་འབྲིམ་མཁན་ཞེས་པ་ལྟ་བུ། |
| འབྲིམ་པ |
ཐ་དད་པ བྲིམས་པ། བྲིམ་པ། བྲིམས།། འགྱེད་པ་དང༌། འདྲེན་པ་དང༌། སྟོབ་པ། ཟས་བྲིམས་པ། འཁྲབ་སྟོན་ཚར་ནས་ཟློས་གར་བ་རེ་རེ་བཞིན་ལ་མེ་ཏོག་ཆུན་པོ་རེ་འབྲིམ་པ། སློབ་གྲྭ་བ་ཚོར་དཔེ་དེབ་འབྲིམ་པ། ཞིང་ལས་བུན་དངུལ་བྲིམས་པ། ཆང་ཞིམ་པོས་གང་བའི་བུམ་པ་ཁོང་ལ་ནན་གྱིས་འབྲིམ་པར་བྱས་པ། |
| འབྲུ |
1 གྲོ་ནས་སྲན་སོགས་ཀྱི་སྤྱི་མིང་ཡིན་ཞིང༌། ཕྱིས་སུ་རྩམ་རྒྱུར་མཁོ་བེད་སྤྱོད་ཤས་ཆེ་སྟབས་བྱེ་བྲག་ཏུ་ནས་ཀྱི་མིང་ལ་ཡང་རྗོད་པར་བྱེད། གཡུལ་ལས་བྱེད་དུས་ཉིད་ལ་འབྲུ་གཙང་མར་བཙགས་ཏེ་འཇལ་བ། རྩམ་རྒྱུའི་འབྲུ་ཆུ་སིང་རྒྱག་པ། 2 རྡོག་མའམ་ཉག་མ་རེ་རེ་བ་མཚོན་བྱེད། ནས་འབྲུ་གཅིག ཡིག་འབྲུ་གཉིས། ཚིག་འབྲུ་གསུམ། 3.ད་ལྟ་བ་ ཁུང་འབྲུ་མཁན། ས་འབྲུ་བཞིན་འདུག་ལྟ་བུ། |
| འབྲུ་ཁང |
འབྲུ་རིགས་འཇོག་སའི་ཁང་པ། |
| འབྲུ་ཁལ |
འབྲུ་འཇལ་སྣོད་བྲེ་ཉི་ཤུ་འགྲོ་བའི་འབོ། |
| འབྲུ་ཁྲུ |
བོད་ཀྱི་ཤོད་དྲུང་གི་ཞྭ་མོ་ཞིག |
| འབྲུ་ཁྲེ |
འབྲུའི་རིགས་ཤིག |
| འབྲུ་གཉིས |
བཟང་ཇའི་བྱེ་བྲག་ཅིག |
| འབྲུ་གད་གཙང |
འབྲུའི་ནང་དུ་རྡོ་དང་གད་སྙིགས་གང་ཡང་མེད་པ། |
| འབྲུ་གནོན |
ཡི་གེ་ཀློག་སྐབས་འབྲུ་རེ་རེ་བཞིན་ཆད་ལྷག་ཡོད་མེད་ཞིབ་ཚགས་ཀྱིས་བརྟག་དཔྱད་བྱེད་པ། ཡིག་ཆའི་འབྲུ་གནོན་བྱས་པའི་སྒོ་ནས་དོན་སྙིང་གོ་རྟགས་ནན་ཏན་བྱེད་པ། |
| འབྲུ་གསུམ་རྡོར་བཟླས |
སངས་རྒྱས་ཀྱི་སྐུ་གསུང་ཐུགས་རྡོ་རྗེ་མཚོན་པར་བྱེད་པའི་ཨོཾ་ཨཱཿ ཧཱུཾ༌༈ གསུམ་བཟླ་བའོ། ཨོཾ་ཨཱཿ ཧཱུཾ |
| འབྲུ་གུ |
1 ཤིང་འབྲས་ཀྱི་ནང་སྙིང་ངམ་ཚི་གུ། 2 རྩི་ཤིང་གི་སོན་ནམ་འབྲས་བུ། རྩྭའི་འབྲུ་གུ། |
| འབྲུ་ཆང |
འབྲུ་བཙོས་པར་ཕབ་རྩི་སྦྱར་ཏེ་བཟོས་པའི་བཏུང་བ། |
| འབྲུ་ཆན |
བཙོས་པའི་འབྲུ། |
| འབྲུ་ཆར |
ཧོར་ཟླ་གསུམ་པའི་སྒང་ནས་འབྲུ་རིགས་ལོ་ཏོག་ལ་ཕན་པའི་ཆར་འབེབས་པའི་དུས་ཚིགས། |
| འབྲུ་ཆེན |
ཡུལ སྨྱུག་ཁ་སྦོམ་པོས་བྲིས་པའི་ཡི་གེ་ཤ་ཆེན། |
| འབྲུ་དཀར་ནག་ཁྲ་གསུམ |
བོད་ཀྱི་ཡུལ་སྲོལ་ལྟར་དཀར་པོ་འབྲུ་དང༌། ནག་པོ་སྲན་མ། ཁྲ་བོ་ནས་དང་སྲན་མ་མཉམ་བསྲེས་འདི་ལ་འབལ་སྲན་དང༌། གྲོ་དང་སྲན་མ་བསྲེས་པ་ལ་གྲོ་སྲན་ཟེར། |
| འབྲུ་དང |
འབྲུ་དང་པོ་ཟེར་བའི་ཇ་ལེགས་ཤོས་ཤིག |
| འབྲུ་དཔྱ |
འབྲུའི་ཁྲལ། |
| འབྲུ་དོན |
ཡིག་འབྲུ་རེ་རེའི་དོན། ཆོད་ཡིག་གི་འབྲུ་དོན་ལྟར་སོར་གནས་བྱེད་པ། |
| འབྲུ་དོན་རས་བོར |
ཡི་གེའི་འབྲུ་དོན་ལ་སྣང་བ་མ་བཞག་པར་མཐོང་ཆུང་བྱས་པའི་དོན། |
| འབྲུ་དོས |
1 འབྲུ་དོ་པོ། 2 སྔར་ཕྱི་ཁྲལ་ཐོག་ནས་འབྲུ་སྐྱེལ་བའི་ཁྲལ། |
| འབྲུ་ཕན |
མངོན ཆུ། |
| འབྲུ་ཕུང |
འབྲུ་རིགས་སྤུངས་པའི་ཕུང་པོ། |
| འབྲུ་ཕུད |
འབྲུ་རིགས་མིས་བེད་སྤྱོད་མ་བྱས་གོང་དུ་དཀོན་མཆོག་ལ་མཆོད་པ་འབུལ་བའི་འབྲུ། |
| འབྲུ་ཕོགས |
འབྲུ་རིགས་ཐོག་ནས་སྤྲོད་པའི་ཕོགས་ཐོབ། |
| འབྲུ་ཕོགས་ལས་ཁུངས |
1 སྔར་བོད་ས་གནས་སྲིད་གཞུང་སྐབས་འབྲུ་རིགས་དོ་དམ་བྱེད་པའི་ལས་ཁུངས། 2 སྔར་བོད་ས་གནས་སྲིད་གཞུང་སྐབས་འབྲུ་ཕོགས་རྒྱག་མཁན་ལས་ཁུངས། |
| འབྲུ་བ |
ཐ་དད་པ བྲུས་པ། འབྲུ་བ། བྲུས།། 1 འདོན་པ། སྐྱོན་མཚང་འབྲུ་བ། 2 སྔོག་པ་དང༌། འདྲུ་བ། རྐོ་བ། ཤིང་ལ་གཟོང་གིས་ཁུང་བུ་འབྲུ་བ། ས་ལ་ཁུང་བུ་ཆུང་ངུ་ཞིག་བྲུས་པ། ཆུ་ཡུར་བྲུས་ནས་ཆུ་གཏོང་བ། |
| འབྲུ་བང |
འབྲུ་འཇོག་སའི་བང་བ། |
| འབྲུ་བུན |
འབྲུའི་བུ་ལོན། |
| འབྲུ་བོགས |
སྔར་བོད་ཀྱི་ཞིང་བདག་ལ་ཞིང་བོགས་འབྲུ་འཇལ་སྲོལ་ཞིག |
| འབྲུ་མ |
1 ཡུལ རྡོག་པོའམ་ཉག་མ། ལས་ཀ་འབྲུ་མ་གཅིག རྒྱ་སྲན་འབྲུ་མ་གཅིག ཡི་གེ་འབྲུ་མ་གསུམ། 2 ཡི་གེ་དབུ་ཆེན། |
| འབྲུ་མང |
1 འབྲུ་ཕོན་ཆེ་བ། 2 མོང ས་སྟག་ལོ། |
| འབྲུ་མང་པོའི་བསྡུ་བ |
ཁྱད་པར་གྱི་ཆོས་ཤིག་ཁྱད་གཞི་གང་ལ་ལྡན་པའི་དོན་བསྡུ་བ་ཟླ་བ་དང་འདྲ་བའི་བྱད་བཞིན་ཅན་ལ་ཟླ་བའི་གདོང་ཅན་ཟེར་བ་བཞིན་ནོ། |
| འབྲུ་མཛོད |
འབྲུ་འཇོག་སའི་བང་མཛོད། |
| འབྲུ་མར |
སྣུམ་འབྲུ་ལས་བཏོན་པའི་སྣུམ་རིགས་ཀྱི་སྤྱི་མིང་ ཡུལ་སྐད་དུ‘གཡིས’ཟེར། རེ་རེ་བའི་མིང་ ཡིག་འབྲུ། ཚིག་འབྲུ་ཞེས་པ་ལྟ་བུ། |
| འབྲུ་ཙ |
ཚུགས་མ་ཟུར་དོད་ཀྱི་ཉམས་ཐོན་པའི་ཡིག་གཟུགས་ཤིག |
| འབྲུ་ཚ |
འབྲུ་ཙ་དང་འདྲ། |
| འབྲུ་ཚད |
1 འབྲུ་རིགས་ལེགས་ཉེས་ཀྱི་དཔེ་ཚད། 2 ཆེ་ཆུང་འབྲུ་ཚད་ཙམ་པ། རིང་ཚད་ལ་འབྲུ་ཚད་གསུམ་ཙམ་ཡོད། |
| འབྲུ་ཚུགས |
1 མིག་ཧྲིག་གེར་ཐད་ཀར་ལྟ་ཚུལ་ཞིག མིག་འབྲུ་ཚུགས་སུ་ལྟ་བ། 2 ཡིག་འབྲུའི་བཟོ་ལྟ། |
| འབྲུ་ཞིང |
འབྲུ་རིགས་བཏབ་པའི་ཞིང་ཁ། |
| འབྲུ་ཟན |
འབྲུ་རིགས་གང་རུང་གི་ཕྱེ་མས་བརྫིས་པའི་སྤགས། |
| འབྲུ་འགྲེལ |
ཡིག་འབྲུ་རེ་རེ་ལྟར་འགྲེལ་བཤད་བྱས་པའི་འགྲེལ་བའི་མིང་། དེ་ལ‘འབྲུ་སྣོན’ཡང་ཟེར། ０‘བྲུ’ཡི་ད་ལྟ་བ། １བོད་ཀྱི་རུས་ཤིག |
| འབྲུ་འདེད |
1 སྔོན་རྗེས་མིང་གསུམ་དུ་གྱུར་པའི་གསལ་བྱེད་ཡི་གེ་དབྱངས་དང་བཅས་པ་རིམ་གྱིས་སྦྱར་ནས་འདོན་པའི་སྦྱོར་ཀློག་དང༌། དེ་ལ་གོམས་ནས་མིང་ཚིག་གཉིས་གསུམ་བསྡོམས་ཏེ་འདོན་པའི་སྡུད་ཀློག 2 སྔར་འབྲུ་བུན་འདེད་སྦྱང་བྱེད་པའི་མིང༌། |
| འབྲུ་འདེབས་སྐར་མ |
ཟླ་བ་གཉིས་པ་དང་བརྒྱད་པའི་དབུགས་ཐོབ་དར་འགྲོ་ནས། ས་ཕོ་གཉིས་པའི་ཉིན་མགོ་སྒང་ཞེས་པ་འབྲུ་འདེབས་སྐར་མ་ཡིན། |
| འབྲུ་འབབ |
འབྲུའི་ཐོན་སྐྱེད་ཡོང་སྒོ། |
| འབྲུ་རིགས |
འབྲུ་སྤྱིའི་མིང༌། |
| འབྲུ་རྡོག |
1 ཤུན་པ་མེད་པའི་འབྲུ་རྡོག་པོ། 2 རྡོག་མའམ་ཉག་མ་རེ་རེ་བ་མཚོན་བྱེད། |
| འབྲུ་རྩམ |
1 འབྲུ་དང་རྩམ་པ། 2 འབྲུ་རིགས་བཏགས་པའི་ཕྱེ་མ། |
| འབྲུ་ལྤགས |
འབྲུའི་པགས་པ། |
| འབྲུ་ལྷག |
ལྟོ་སོན་སོགས་ལ་མཁོ་བའི་འབྲུ་འབོར་ཕུད་པའི་ལྷག་འཕྲོ། |
| འབྲུ་ཤས |
སྔར་བུན་བདག་ཁག་གིས་གཡུལ་སྟེང་ནས་ཞིང་པའི་སྟོན་འབྲས་འབྲུ་རྐྱང་ཕྱེད་ཕྱེད་སོགས་སུ་བགོ་སྡུད་བྱེད་པའི་ལུགས་ཤིག |
| འབྲུ་ས |
མངོན ཞིང་ག། |
| འབྲུ་སོག |
གྲོ་ནས་སོགས་ཀྱི་སོག་མ། |
| འབྲུ་སོན |
ས་བོན་གདབ་བྱའི་འབྲུ་རིགས། |
| འབྲུ་སྐྱེད |
འབྲུའི་སྐྱེད་ཁ། |
| འབྲུ་སྒྱེ |
འབྲུ་བླུག་སྣོད་ཕད་བུ་ཆེན་པོ། |
| འབྲུ་སྒྱེ་ཚུགས་བཙུགས་པ |
འབྲུས་བཀང་བའི་སྒྱེ་མོ་ཙོག་ཙོག་བྱས་ཏེ་བཞག་པ། |
| འབྲུ་སྙིགས |
འབྲུ་བཟང་ཕྱེ་བའི་སྙིགས་ངན། |
| འབྲུ་སྡུད་མཁན |
འབྲུ་རིགས་སྡུད་པ་པོ། |
| འབྲུ་སྣ |
འབྲུ་རིགས་སྣ་ཚོགས། |
| འབྲུ་སྣ་ལྔ |
ནས་དང༌། འབྲས། གྲོ། སྲན་མ། ཏིལ་ཏེ་ལྔ། ཡང་ན་གྲོ། ནས། སྲན་མ། བྲ་བོ། སོ་བ་ལྔ་ཞེས་འདྲེན་ཚུལ་སོ་སོར་ཡོད། |
| འབྲུ་སྣོན |
1 ཚིག་ཁ་སྐོང་དུ་བསྣན་པ། 2 བཟའ་འབྲུ་ཁ་སྣོན། |
| འབྲུ་སྨར |
འབྲུ་ལྷད་མེད་སྤུས་དག |
| འབྲུག |
རང་རེའི་གནའ་བོའི་ངག་རྒྱུན་ལ་གྲགས་པའི་སྲོག་ཆགས་གཟུགས་དབྱིབས་ནར་རིང་སྦྲུལ་དང་འདྲ་ཞིང་རྭ་དང་ཁྲབ་རིས་ཡོད་པ། ཡན་ལག་བཞི་ཅན། འགྲོ་ནུས་ཤིང་ཆུ་ལ་རྐྱལ་ཤེས་ལ་ནམ་མཁར་འཕུར་ཡང་ཐུབ་པ་ཞིག་ཡིན་ཟེར། ད་ལྟ་ཚན་རིག་དར་བས་སྲོག་ཆགས་དེ་འདྲ་ཞིག་མེད་པར་ཤེས། ཉེ་རབས་སུ་གནའ་དུས་ཀྱི་སྲོག་ཆགས་རིག་པའི་དཔེ་ཆའི་ནང་ན‘འབྲུག’ཟེར་བ་ཞིག་ཡོད་པ་དེ་ནི་རྐང་ལག་དང་མཇུག་མ་ཡོད་པའི་གནའ་བོའི་སྲོག་ཆགས་གོག་ནས་འགྲོ་བ། མིང་ལ‘ཁུང་ལུང’ཟར་བ་དེ་རེད། ལོ་སྐོར་བཅུ་གཉིས་ཀྱི་ནང་གི་ལྔ་པའི་མིང་། |
| འབྲུག་གོས |
འབྲུག་རིས་ཡོད་པའི་གོས་ཆེན། |
| འབྲུག་གྲགས |
འབྲུག་གི་སྒྲ་གྲགས་པ། གཟི་བརྗིད་མཚན་སྙན་འབྲུག་གྲགས་ལྟར་ཡོངས་སུ་ཁྱབ་པ། |
| འབྲུག་གྲི |
འབྲུག་ཡུལ་ནས་ཐོན་པའི་གྲི། |
| འབྲུག་ཆར |
འབྲུག་སྒྲ་སྒྲོག་བཞིན་དུ་འབབ་པའི་ཆར་པ། |
| འབྲུག་ཆུ |
1 རྫོང་ཞིག་ཀན་སུའུ་ཞིང་ཆེན་ཁོངས་ཀན་ལྷོ་བོད་རིགས་རང་སྐྱོང་ཁུལ་གྱི་ཤར་ལྷོ་ཕྱོགས་དང་འབྲུག་ཆུའི་སྟོད་རྒྱུད་ན་ཡོད། 2 འབབ་ཆུ་ཞིག་ཆུའི་འགོ་སི་ཁྲོན་དང་ཀན་སུའུ་ཞིང་ཆེན་གྱི་མཐའ་མཚམས་ས་ཁུལ་གྱི་རྨིན་ཧྲན་རི་བོའི་བྱང་ཕྱོགས་ནས་བྱུང་སྟེ་མཐར་སི་ཁྲོན་ཞིང་ཆེན་གྱི་བྱང་ཕྱོགས་ནས་ཅ་ལིང་ཅང་གཙང་པོར་འབབ། |
| འབྲུག་དགོན་པ |
རབ་བྱུང་གསུམ་པའི་ཤིང་གླང་ལོར་ཆོས་རྗེ་གཙང་པ་རྒྱ་རས་ཡེ་ཤེས་རྡོ་རྗེས་སྐྱིད་སྨད་གནམ་གྱི་ཕུར་བཏབ་པའི་དགོན་པ་ཞིག་དེའི་དགོན་གཞི་ཐོག་མར་འཛུགས་སྐབས་འབྲུག་སྐད་དྲག་པོ་ཐེངས་གསུམ་བསྒྲགས་པས་འབྲུག་དགོན་པ་ཞེས་པའི་མིང་ཐོགས། 1205 |
| འབྲུག་དབྱངས |
འབྲུག་སྐད། |
| འབྲུག་པ |
འབྲུག་ཡུལ་གྱི་མི། |
| འབྲུག་པ་ཀུན་ལེགས |
རབ་བྱུང་དགུ་པའི་དུས་སུ་གནས་ངེས་མེད་དུ་བཞུགས་པའི་འབྲུག་པ་བཀའ་བརྒྱུད་པའི་བྱ་བྲལ་གྱི་རྣལ་འབྱོར་པ་ཞིག་དེའི་ལོ་རྒྱུས་ཀྱི་རྣམ་ཐར་གཙང་རྣམ་དང༌། བཙོག་རྣམ་གཉིས་ཡོད་པར་གྲགས། |
| འབྲུག་པ་བཀའ་བརྒྱུད |
གྲུབ་ཆེན་གླིང་རས་པ་དང༌། གཙང་པ་རྒྱ་རས་ནས་བརྒྱུད་པའི་བཀའ་བརྒྱུད་པ་འདིའི་ནང་གསེས་ལ་སྟོད་སྨད་བར་གསུམ་དུ་ཕྱེ་བའི་བར་འབྲུག་ནི་རྒྱ་རས་ཀྱི་དབོན་བརྒྱུད། སྨད་འབྲུག་ནི་ལོ་རས་པ། སྟོད་འབྲུག་ནི་རྒོད་ཚང་པ་ནས་བརྒྱུད་དེ་བྱུང་ཞིང༌། འབྲུག་ཅེས་པའི་ཆོས་བརྒྱུད་ཀྱི་མིང་ནི། རྒྱ་རས་པས་གནམ་གྱི་ཕུར་འབྲུག་དགོན་པ་བཏབ་པ་ནས་བཟུང་སྟེ་བྱུང་བས་བརྒྱུད་འཛིན་དེ་ཐམས་ཅད་ཀྱི་རྩ་བའི་གདན་ས་མཐར་ཐུག་ནི་འབྲུག་དགོན་པ་ཡིན་པས་མིང་དེ་ལྟར་གྲགས། |
| འབྲུག་པའི་ཆོས་འབྱུང |
ཆོས་འབྱུང་བསྟན་པའི་པད་མ་རྒྱས་པའི་ཉིན་བྱེད་ཅེས་བྱ་བ། འབྲུག་པད་མ་དཀར་པོས་རབ་བྱུང་བཅུ་པའི་ལྕགས་འབྲུག་ལོར་བརྩམས་པ་འདིའི་ནང་དུ་བསྟན་པ་ཕྱི་དར་གྱི་ལོ་པཎ་རྣམས་ཀྱི་མཛད་པ་དང་ལོ་རྒྱུས་མང་དུ་འཁོད་ཡོད། ལྷ་སའི་པར་མ་ཤོག་ལྡེབ་སུམ་བརྒྱ་བཅུ་ཐམ་པ་ཡོད། 15261592 1580 301 |
| འབྲུག་ཕྲུག |
འབྲུག་ཡུལ་ནས་ཐོན་པའི་སྣམ་ཕྲུག |
| འབྲུག་བརྒྱབ་ཆུང |
འབྲུག་རིས་ཆུང་བ་ཡོད་པའི་གོས་ཆེན། |
| འབྲུག་བརྒྱབ་ཆེན་པོ |
འབྲུག་རིས་ཆེ་བ་ཡོད་པའི་གོས་ཆེན། |
| འབྲུག་མགོ་སྦྲུལ་མཇུག |
གཏམ་དོན་སྔ་ཕྱི་མི་མཐུན་པའི་དཔེ། |
| འབྲུག་མེ་ཏོག |
འབྲུག་མགོའི་དབྱིབས་ཅན་གྱི་མེ་ཏོག |
| འབྲུག་མེ་རིས་མ |
འབྲུག་དང་མེ་གཉིས་ཀྱི་རི་མོ་ཡོད་པའི་གོས་ཆེན་ཞིག |
| འབྲུག་ཚང་འཁོར་མ |
འབྲུག་རིས་འཁོར་མོར་ཡོད་པའི་གོས་ཆེན་ཞིག |
| འབྲུག་ཟླ་བ |
ཧོར་ཟླ་གསུམ་པ། |
| འབྲུག་འགྲོས་མ |
འབྲུག་རིས་ཆེན་པོ་ཡོད་པའི་གོས་ཆེན། |
| འབྲུག་ཡས |
གྲངས་གནས་ཤིག |
| འབྲུག་ཡུལ |
རང་རྒྱལ་བོད་ཀྱི་ཤར་ལྷོའི་མཐའ་མཚམས་སུ་ཆགས་པའི་རྒྱལ་ལྡན་རྒྱལ་ཁབ་ཅིག |
| འབྲུག་ཡུལ |
བོད་ཀྱི་ལྷོ་དང་རྒྱ་གར་གྱི་མཚམས་ན་ཡོད་པའི་རྒྱལ་ཁབ་ཅིག་ འབྲུག་ཡུལ་གྱི་མི་ལ‘འབྲུག་པ’ཟེར། |
| འབྲུག་རང་མདངས་མ |
གོས་ཆེན་གྱི་བྱེ་བྲག་ཅིག |
| འབྲུག་རིས་མ |
འབྲུག་གི་རི་མོ་ཡོད་པའི་གོས་ཆེན་སོགས། |
| འབྲུག་རུས |
གནའ་དུས་ཀྱི་སྲོག་ཆགས‘ཁུང་ལུང’ཟེར་བའི་རུས་པ་རྡོར་གྱུར་པ་ཡིན་ཞིང་སྨན་བྱེད་ཆོག |
| འབྲུག་ལོ |
ལོ་སྐོར་བཅུ་གཉིས་ཀྱི་གྲས་ཤིག |
| འབྲུག་ལྕེ |
མངོན གློག་ལྕེ། |
| འབྲུག་ཤིང |
ཡལ་ག་ཐུར་དུ་འཕྱང་བའི་ལྕང་མའི་རིགས་ཤིག་གི་མིང་། 2.ཤིང་སྨན་གྱི་རིགས་ཤིག་འབྲས་བུ་རོ་བསྐ། ནུས་པས་ཀླུ་ནད་སེལ། ཆར་འབེབས་པར་བཤད།… |
| འབྲུག་ཤོག |
འབྲུག་ཡུལ་ནས་ཐོན་པའི་ཤོག་བུ། |
| འབྲུག་སྐད |
ནམ་མཁར་ཕོ་གློག་དང་མོ་གློག་ཕན་ཚུན་འཐབས་ནས་བྱུང་བའི་སྒྲ་ཆེན་པོ། གནམ་དྭངས་པོའི་སྐབས་གློ་བུར་ཉིད་དུ་འབྲུག་སྐད་དྲག་པོ་གཅིག་གྲག་བྱུང༌། མེ་སྒྱོགས་ཀྱི་སྒྲ་དེ་འབྲུག་སྐད་རྒྱག་པ་དང་འདྲ། |
| འབྲུག་སྒྲ |
གློག་གདགས་སྲིབ་བམ་ཕོ་མོའི་རིགས་ལྡན་པའི་སྤྲིན་ཕུང་གཉིས་ཉེ་བར་གྱུར་སྐབས་སུ་གློག་འཁྱུགས་པ་ལ་བརྟེན་ནས་བྱུང་བའི་སྒྲ་ཆེན་པོ་དེའི་མིང་། དེ་ལ་ཡུལ་སྐད་དུ‘འབྲུག་གྲགས’ཟེར་ཞིང་། འབྲུག་སྒྲ་མྱུར་ཞིང་དྲག་པ་ལ་ཐོག་བརྒྱབ་ཟེར། |
| འབྲུག་སྒྲའི་གར |
མངོན རྨ་བྱ། |
| འབྲུག་སྒྲའི་མངལ་འཛིན |
མངོན རྨ་བྱ། |
| འབྲུག་སྒྲའི་རྗེས་སུ་སྒེག |
མངོན |
| འབྲུད |
‘བྲུ’ཡི་ད་ལྟ་བ་ལ་འབྲུད་འབྲི་བའང་ཡོད། |
| འབྲུད་པ |
ཐ་དད་པ བྲུས་པ། བྲུ་བ། བྲུས།། སྔོག་པའམ་འདྲུ་བ། ཁུང་བུ་འབྲུད་པ། ཆུ་སྦུབས་བྲུས་པ། གཏེར་ཁ་བྲུ་བ། སྐྱོན་མཚང་འབྲུད་པ། |
| འབྲུབ |
‘བྲུབ’ལ་ལྟོས། |
| འབྲུབ་ཁུང |
1 བྲག་དང་ཆུ་རགས་ལ་ཡོད་པའི་ཁུང་བུ། 2 སྲི་དང་གདོན་སོགས་བཅུག་སའི་ཧོམ་ཁུང་ངམ། དོང་ཁུང༌། |
| འབྲུབ་ཆུ |
འཕེལ་བའམ་རྒྱས་པའི་ཆུ། བྲུབས་ཆུ་ལའང་སྣང༌། |
| འབྲུབ་པ |
1.ཐ་དད་པ བྲུབས་པ། བྲུབ་པ། བྲུབས།། 1 སྦེད་པ། དོང་དུ་འབྲུབ་པ། མི་གསོན་པོར་བྲུབས་པ། 2 རྙིང དོ་དམ་བྱེད་པ། 2.ཐ་མི་དད་པ བྲུབས་པ། འབྲུབ་པ།། འཕྱུར་བ་དང༌། རྒྱས་པ། འཕེལ་བ། ཆུ་ཆེན་གློ་བུར་རྦ་རླབས་འཕྱུར་བཞིན་དུ་འབྲུབ་པ། ཆུ་ལོང་ལོང་འཁོལ་བ་ལྟར་འབྲུབ་པ། དཔྱིད་ཀ་ཆུ་བྲུབས་ན་ཆར་བབ་ཡོང༌། |
| འབྲུམ |
འགོས་ནད་དྲག་པོ་ཞིག་ དེ་ལ‘འབྲུམ་བུ’དང‘ལྷ་འབྲུམ’ཡང་ཟེར། རྡོག་པོ་ཟླུམ་པོའི་མིང་ རྨ་འབྲུམ་རྒུན་འབྲུམ་ཞེས་པ་ལྟ་བུ། |
| འབྲུམ་ངོ |
འབྲུམ་བུའི་ནད་ཀྱི་ཕྱི་རྟགས། |
| འབྲུམ་ཐོར |
ལྷ་འབྲུམ་གྱི་ཐོར་པ། |
| འབྲུམ་དཀར |
འབྲུམ་ནད་ཡང་བ། |
| འབྲུམ་ནག |
ཉེན་ཁ་ཆེ་བའི་འབྲུམ་ནད། |
| འབྲུམ་ནད |
གཉན་རིམས་འབྲུམ་པའི་ནད་དེ། ནང་གསེས་སུ་དབྱེ་ན། དཀར་པོ་ལ་རིགས་གསུམ་དང༌། ནག་པོ་ལ་རིགས་གསུམ་བཅས་དྲུག་མཆིས། མིང་གི་རྣམ་གྲངས་ལ་ཕོལ་མིག་དང་འབྲུམ་བུའོ། |
| འབྲུམ་པ |
རེག་ན་འགོ་བའི་ཐོར་ནད་ཅིག |
| འབྲུམ་པ་གླང་གཉའ |
འབྲུམ་ནག་རིགས་ཤིག་གླང་གི་གཉའ་བ་ལྟར་འབྲུམ་པ་འཐུག་པོར་འབྱུང་བ་ཞིག |
| འབྲུམ་བུ |
འབྲུམ་པ་དང་འདྲ། |
| འབྲུམ་བུ་རྩེལ་ཏེ |
འབྲུམ་ནག་རིགས་གསུམ་གྱི་ནང་ཚན་འབྲུམ་བུའི་དབྱིབས་ལུས་ལ་ཤིག་འབྱར་བ་དང་འདྲ་ཞིང༌། མདོག་དམར་ནག་འཐུག་པོར་འབྱུང་བ་ཞིག |
| འབྲུམ་འཛུགས་གཙག་བུ |
ལྷ་འབྲུམ་ནག་པོ་ཟེར་བ་དེ་སྔོན་འགོག་གི་འབྲུམ་སྨན་འདེབས་བྱེད་ཀྱི་ཡོ་བྱད་ཅིག |
| འབྲུམ་ཡང |
འབྲུམ་ནད་ཡང་པོ། |
| འབྲུམ་ཤུལ |
འབྲུམ་ནད་ཀྱི་རྨ་རྗེས། |
| འབྲུམ་སྐོགས |
ལྷ་འབྲུམ་གྱི་ཐོར་པའི་ཤུན་སྐོགས། |
| འབྲུམ་སྨན |
ལྷ་འབྲུམ་ལ་ཕན་པའི་སྨན། |
| འབྲུམ་སྲབ |
ལྷ་ཐོར་གྱི་ནད་ཡང་བ། |
| འབྲུའི་ཆན |
བཙོས་པའི་འབྲུ། |
| འབྲུའི་ཚྭ |
འདུལ་བ་ལས་བཤད་པའི་བཅས་ལྡན་དགེ་སློང་གིས་བཏུང་དུ་རུང་བའི་ནས་ཆང་སོགས་ཀྱི་སིང་པོ། |
| འབྲུལ |
‘བྲུལ’གྱི་འབྲི་ཚུལ་གཞན། དངོས་རྫས་ཐུར་དུ་ལྷུང་བ་ ཤིང་ལོ་ས་ལ་འབྲུལ་ལྟ་བུ། |
| འབྲུལ་བ |
ཐ་མི་དད་པ བྲུལ་བ། འབྲུལ་བ།། ལྷུང་བ་དང༌། ཟག་པ། སྟོན་ཀ་ལོ་འདབ་ས་ལ་བྲུལ། འབྲས་བུ་སྨིན་ན་ངང་གིས་འབྲུལ་ཡོང༌། རི་གཟར་པོའི་སྟེང་ནས་རྡོ་བྲུལ་བ། སྤགས་གོང་ས་ལ་བྲུལ་བ་གྲོག་མས་ཟ། སྤྱན་ཆབ་ལོ་མའི་ཟིལ་པ་བྲུལ་བ་ལྟར་བསིལ་བ། |
| འབྲུས |
‘འབྲུ་ཡིས’ཞེས་པའི་བྱེད་སྒྲ་བསྡུས་པ་ འབྲུ་ཡིས་ཕྱེ་བཏགས—འབྲུས་ཕྱེ་བཏགས་ལྟ་བུ། བརྩོན་པ་བྱས་པའི་བརྡ་རྙིང་ ‘འབྲུས་འགོགས’ཀྱང་ཟེར། |
| འབྲུས་འགོགས |
རྙིང བརྩོན་འགྲུས། |
| འབྲུས་འབོགས |
རྙིང བརྩོན་འགྲུས། |
| འབྲེག |
ད་ལྟ་ ཞིང་འབྲེག་མཁན། རྩྭ་འབྲེག་བྱེད་ཅེས་པ་ལྟ་བུ། |
| འབྲེག་གཅོད |
གཞར་བ་དང༌། གཅོད་པ། ཤིང་གི་ཡལ་ག་འབྲེག་གཅོད་བྱེད་པ། ལུག་བལ་འབྲེག་གཅོད་བྱེད་པ། |
| འབྲེག་པ |
ཐ་དད་པ བྲེགས་པ། འབྲེག་པ། བྲེགས།། གཅོད་པ། སྐྲ་འབྲེག་པ། ཤིང་འབྲེག་པ། རྩྭ་འབྲེག་པ། སྐེ་བྲེགས་པ། རས་བྲེགས་ནས་གྱོན་ཆས་བཟོ་བ། |
| འབྲེང |
1 ཀོ་བ་དྲས་ནས་བཟོས་པའི་ཐག་པ། 2 ཀོ་ཐག་བསྒྲིམས་ནས་ཕར་ཚུར་བཏང་བའི་ཟམ་པ། 3 རྙིང རྒྱུན། |
| འབྲེང་ཐག |
ཀོ་བའི་ཐག་པ། |
| འབྲེང་པ |
ཀོ་པགས་ཀྱི་ཐག་པའི་མིང་ འབྲེང་ལེབ། འབྲེང་རིལ་ཞེས་པ་ལྟ་བུ། རྒྱུན་དང་མཚམས་ཀྱི་བརྡ་རྙིང་ རྒྱུན་མ་ཆད་པ་ལ་འབྲེང་མ་ཆད་པ་ཞེས་པ་ལྟ་བུ། |
| འབྲེང་བ |
འབྲང་བའི་ད་ལྟ་བའི་འབྲི་ཚུལ་གཞན་ཞིག་ |
| འབྲེང་བུ |
ཀོ་ཐག་རྒྱུན་བུ་དང༌། ཀོ་སྐུད། |
| འབྲེང་མ་ཆད་པ |
རྙིང རྒྱུན་མ་ཆད་པ། |
| འབྲེང་ཞགས |
ཀོ་ཐག་ལས་བཟོས་པའི་ཞགས་པ། འབྲོག་པས་འབྲེང་ཞགས་འཕངས་ནས་རྟ་རྒོད་བཟུང་བ། |
| འབྲེང་འབྲེང |
གཅིག་རྗེས་གཅིག་མཐུད་ཀྱིས་འགྲོ་སྟངས། ཁྲོམ་སྐོར་འགྲོ་མཁན་གཅིག་གི་རྗེས་སུ་གཅིག་འབྲེང་འབྲེང་དུ་སྐྱོད་པ། |
| འབྲེང་ལྕག |
ཀོ་ཐག་གིས་བཟོས་པའི་ལྕག་ཚན། |
| འབྲེང་ཧྲིལ |
ཀོ་ཐག་ཧྲིལ་མོ། |
| འབྲེལ |
(བྱེད་མེད་ལས་ཚིག) ཕན་ཚུན་མཐུད་པའམ་བརྟེན་པ་ལ་སོགས་པའི་དོན་ཏེ། དམག་དམངས་སེམས་འབྲེལ། མཚོ་སྔོན་དང་ཞིན་ཅང་ས་མཚམས་འབྲེལ། ཤིང་གི་ཡལ་ག་གཞུང་རྟར་འབྲེལ་ལྟ་བུ། |
| འབྲེལ་གཏམ |
1 སྔོན་གྱི་ལོ་རྒྱུས་ཀྱི་གཏམ། 2 ཡང་དག་པའི་གཏམ། |
| འབྲེལ་གཏུག |
1 ཕར་ཚུར་ཐུག་འཕྲད་ཀྱི་མཐུན་འབྲེལ། ལས་དོན་ཐོག་ཕན་ཚུན་འབྲེལ་གཏུག་གིས་གོ་སྡུར་བྱས་པ། མི་ངན་དང་འབྲེལ་གཏུག་བྱེད། 2 རྒྱུན་མཐུད། འཛུགས་སྐྲུན་གྱི་ལས་གྲྭ་ཁག་མང་འབྲེལ་གཏུག་བྱས་ནས་འགོ་འཛུགས་པ། |
| འབྲེལ་ཆགས་པ |
སྔ་ཕྱི་འབྲེལ་བ་ཡོད་པའམ། འགལ་བ་མེད་པ། སྐད་ཆ་འབྲེལ་ཆགས་པ་བཤད་པ། རྩོམ་ཡིག་ལ་སྤྱི་ཁོག་འབྲེལ་ཆགས་པ་ཞིག་འབུབས་པ། |
| འབྲེལ་ཐག |
ཕན་ཚུན་འབྲེལ་བའི་རྒྱུན། མི་ངན་དང་འབྲེལ་ཐག་བཅད་པ། མང་ཚོགས་དང་འབྲེལ་ཐག་ཆད་ན་དཔོན་ངན་རིང་ལུགས་ཀྱི་གྲས་སུ་འགྱུར་བ་ལས་འོས་མེད། |
| འབྲེལ་ཐུག |
ཕན་ཚུན་འཕྲད་འདུས། ཕན་ཚུན་འབྲེལ་ཐུག་ཡུན་རིང་བྱས་ནས་མཛའ་གྲོགས་སུ་གྱུར་པ། |
| འབྲེལ་ཐོགས་པ |
འབྲེལ་བ་འཇོག་རྒྱུ་བྱུང་བ། ལུགས་དང་མི་མཐུན་པའི་འབྲེལ་ཐོགས་པ། ཕར་ཚུར་ཕན་གནོད་ཀྱི་འབྲེལ་ཐོགས་པ། |
| འབྲེལ་བ |
1.ཐ་མི་དད་པ ཕན་ཚུན་མཐུད་པའམ་བརྟེན་པ། ཤ་ཁྲག་གཅིག་འབྲེལ། ཕན་ཚུན་སེམས་དང་སེམས་འབྲེལ་བ། ལུས་འབྲེལ་བ། གྲོགས་སུ་འབྲེལ་བ། 2 1 ཕན་ཚུན་མཐུད་པའི་རྒྱུན་ཆ། ཉེ་འབྲེལ། མཐུན་འབྲེལ། འགལ་འབྲེལ། རྒྱུ་འབྲས་ཀྱི་འབྲེལ་བ། དགེ་སློབ་ཀྱི་འབྲེལ་བ། བློ་མཐུན་པའི་འབྲེལ་བ། 2 ཐ་དད་པའི་ཆོས་གང་ལས་གཅིག་དེ་བཀག་ན་ཆོས་དེ་དངོས་སུ་ཁེགས་པ། དཔེར་ན་མེ་དང་དུ་བ། བུམ་པ་དང་དངོས་པོ་ལྟ་བུའི་ཐ་དད་པའི་ཆོས་གཉིས་ལས་ཐ་དད་བྱ་མེ་དང་དངོས་པོ་ལྡོག་ན་དུ་བ་དང་བུམ་པ་ལྡོག་པར་འགྱུར་བ་ལྟ་བུ་ཕན་ཚུན་ངོ་བོ་བདག་ཉིད་གཅིག་པའམ་རྒྱུ་དང་འབྲས་བུ་དང༌། རྟེན་དང་བརྟེན་པའི་ཚུལ་གྱིས་གནས་པའི་ཆོས་སོ། |
| འབྲེལ་བ་གྲུབ་པ |
རྒྱ་གར་གྱི་སློབ་དཔོན་ཤངྐ་རཱ་ནནྡས་བརྩམས་པའི་ཚད་མའི་གཞུང་ཞིག |
| འབྲེལ་བ་ཅན་གྱི་རྟེན་འབྲེལ |
ཡན་ལག་བཅུ་གཉིས་པོ་རྒྱུ་དང་འབྲས་བུར་འབྲེལ་ནས་འབྱུང་བས་དེ་ལྟར་བརྗོད་དོ། |
| འབྲེལ་བ་བརྟག་པ |
འབྲེལ་བ་བརྟག་པའི་རབ་ཏུ་བྱེད་པ་ཞེས་པ། ཁྱབ་པའམ་ལྟག་ཆོད་ཀྱི་འབྲེལ་བ་གཏན་ལ་འབེབས་པའི་གཞུང༌། སློབ་དཔོན་ཆོས་ཀྱི་གྲགས་པས་མཛད་པའི་ཚད་མ་སྡེ་བདུན་ལས་འཕྲོས་པ་ཡན་ལག་ལྟ་བུའི་བསྟན་བཅོས་བཞིའི་གྲས་ཤིག |
| འབྲེལ་བ་བརྟག་པའི་རང་འགྲེལ |
དཔལ་ལྡན་ཆོས་གྲགས་ཀྱིས་མཛད་པ། |
| འབྲེལ་བ་བརྟག་པའི་རྒྱ་ཆེར་བཤད་པ |
རྒྱ་གར་གྱི་སློབ་དཔོན་དུལ་བ་ལྷས་བརྩམས། |
| འབྲེལ་བ་འབྲུ་འགྲེལ་གྱི་ཆིངས |
རྩ་བའི་འབྲུ་དོན་འབྲེལ་ཆགས་པར་འགྲོལ་བའི་ས་བཅད། |
| འབྲེལ་བའི་དགེ་བ |
དད་སོགས་དགེ་བའི་སེམས་བྱུང་དང་མཚུངས་ལྡན་གྱི་ཆོས་རྣམས། |
| འབྲེལ་བའི་མི་དགེ་བ |
རྩ་བའི་ཉོན་མོངས་པ་དང་ཉེ་ཉོན་དག་དང་མཚུངས་ལྡན་ཐམས་ཅད། |
| འབྲེལ་བའི་སྒྲ |
གང་དང་འབྲེལ་བའི་ཡུལ་དང་འབྲེལ་ཆོས་སམ། རྟེན་དང་བརྟེན་པའམ། ཡན་ལག་ཅན་དང་ཡན་ལག་རྣམས་སོ་སོར་འབྱེད་ཅིང༌། འབྲེལ་ཆོས་དེ་ཉིད་འབྲེལ་ཡུལ་གང་གི་ཡིན་པ་ཉེ་བར་སྟོན་པ་དང༌། ནང་གསེས་ཕྱི་ཚིག་འགལ་བའམ། མི་མཐུན་པའི་དོན་སྟོན་པའི་རྐྱེན། ཀྱི། གི། གྱི། འི། ཡི་བཅས་ཡིན་པ་འདི་ལ་རྣམ་དབྱེ་དྲུག་པའམ་ཟེར་ཏེ། དཔེར་ན། མིག་གི་འབྲས་བུ། ཁྱོད་ཀྱི་དཔེ་ཆ། མདའི་རྩེ་མོ། སྐྱེད་ཚལ་གྱི་གཞུང་སྒོ། དེ་ཡི་ནུས་སྟོབས། ནང་ཉིན་ཡོང་གི། དེ་རིང་མི་ཡོང༌། དེ་ལྟར་བྱས་ན་འགྲིགས་མོད་ཀྱི། འོན་ཀྱང་ཕྲན་བུ་ཐལ་དྲགས་སོང༌། ཞེས་པ་ལྟ་བུ། ཀྱི། གི། གྱི། འི ཡི |
| འབྲེལ་མཐུད |
ཕན་ཚུན་སྦྱོར་བའམ་སྣེ་མཐུད་པ། ལས་དོན་སྔ་ཕྱི་འབྲེལ་མཐུད་བྱེད་པ། གློག་སྐུད་འབྲེལ་མཐུད་བྱེད་པ། ཕྱི་ཚུལ་ལ་འབྲེལ་མཐུད་དམ་མདོག་བྱེད་ཀྱང་དོན་དུ་ཕན་ཚུན་ནང་འགལ་གྱི་རྙོག་འཛིང་སངས་རྒྱུ་མེད་པ་ཞིག་ཡོད། |
| འབྲེལ་མཚམས |
ཕན་ཚུན་འབྲེལ་བའི་བར། ས་ཆའི་འབྲེལ་མཚམས། ཆུ་ཀླུང་གི་འབྲེལ་མཚམས། འགྲོ་ལམ་གྱི་འབྲེལ་མཚམས། ཉོ་ཚོང་གི་འབྲེལ་མཚམས། |
| འབྲེལ་མཚུངས་པ |
ཕན་ཚུན་འབྲེལ་བ་བྱ་ཚུལ་བདེ་བའམ་ཉེ་བ། འབྲེལ་མཚུངས་པའི་གྲོང་གསེབ། ཟ་ཁང་འབྲེལ་མཚུངས་པ། སྨན་ཁང་འབྲེལ་མཚུངས་པ། ལས་དོན་ལ་གྲོས་སྡུར་བྱ་ཡུལ་འབྲེལ་མཚུངས་པ། |
| འབྲེལ་མེད |
ཕན་ཚུན་བར་དང༌། སྔ་ཕྱིའི་སྦྱོར་མཚམས་མཐུད་པའི་རྒྱུན་དང་བྲལ་བ། དོན་འབྲེལ་མེད་བྱས་ན་འཆར་གཞི་འཁྲུག་གཏམ་འབྲེལ་མེད་བཤད་ན་བསམ་པ་འཁྲུག |
| འབྲེལ་ཚུལ |
འབྲེལ་བ་བྱེད་སྟངས་དང་རྒྱུན་མཐུད་ལུགས། ས་མཚམས་འབྲེལ་ཚུལ། ཚོང་དོན་འབྲེལ་ཚུལ། |
| འབྲེལ་ཟླ་མ་དམིགས་པའི་རྟགས |
སྣང་རུང་མ་དམིགས་པའི་རྟགས་ཡང་དག་གི་བྱེ་བྲག་ཅིག་རྩོད་གཞིའི་སྟེང་དུ་དགག་བྱའི་ཆོས་མེད་ངེས་སུ་སྒྲུབ་པའི་མེད་དགག་རྟགས་སུ་སྦྱར་བ། དཔེར་ན། ཤིང་མེད་ཀྱི་བྲག་རྫོང་ན་ཆོས་ཅན། ཤིང་ཤ་པ་མེད་དེ། ཤིང་མེད་པའི་ཕྱིར། ཞེས་པ་ལྟ་བུའོ། |
| འབྲེལ་ཟླ་མ་དམིགས་པའི་རྟགས་སྦྱོར་བཞི |
སྣང་རུང་གི་འབྲེལ་ཟླ་མ་དམིགས་པའི་རྟགས་ཡང་དག་ལ་ནང་གསེས་ཀྱི་སྦྱོར་བ་བཞི་རྒྱུ་མ་དམིགས་པའི་རྟགས་དང༌། ཁྱབ་བྱེད་མ་དམིགས་པའི་རྟགས་དང༌། རང་བཞིན་མ་དམིགས་པའི་རྟགས་དང༌། དངོས་འབྲས་མ་དམིགས་པའི་རྟགས་རྣམས་སོ། |
| འབྲེལ་འདྲིས |
ཕན་ཚུན་འབྲེལ་བ་བྱེད་པ་དང་འགྲོགས་འདྲིས་བྱེད་པ། མང་ཚོགས་དང་འབྲེལ་འདྲིས་དམ་པོ་བྱེད་པ། |
| འབྲེལ་ཡོད |
ཕན་ཚུན་བར་ལ་འབྲེལ་བ་ཡོད་པ། གཏན་འབེབས་མ་བཟོས་གོང་ནས་འབྲེལ་ཡོད་གནས་ལུགས་ཚང་མར་བསམ་གཞིག་བྱེད་དགོས། |
| འབྲེལ་ལམ |
མཐུན་འབྲེལ་གྱི་རྒྱུན། སྤུན་ཟླ་མི་རིགས་དབར་གྱི་འབྲེལ་ལམ་དམ་པོ། |
| འབྲེལ་སྒྲ |
བོད་ཡིག་གི་ཚིག་ཕྲད་གི་ཀྱི་གྱི་འི་ཡི་ལྔའི་མིང་སྟེ‘ཀྱི’ལ་ལྟོས། |
| འབྲོ |
‘བྲོས’ཀྱི་མ་འོངས་པ། བོད་ཀྱི་ས་ཆ་ཞིག་གི་མིང་དང་རུས་ཤིག |
| འབྲོ་ཆུང་བཟང་འོར་མང |
ཁྲི་ལྡེ་གཙུག་བརྟན་སྐབས་ཀྱི་བློན་ཆེན་ཞིག་གི་མིང༌། |
| འབྲོག |
གྲོང་ཁྱེར་དང་གྲོང་སྡེ་མེད་པའི་ས་ཆའི་མིང་ འབྲོག་སྟོང་། འབྲོག་དགོན་པ་ཞེས་པ་ལྟ་བུ། ཕྱུགས་འཚོ་སའི་རྩྭ་ས་དང་ཕྱུགས་ལས་གཙོ་བོར་བྱེད་པའི་ས་ཆའི་མིང་ རོང་འབྲོག་གཉིས་འཛོམས། གམ་འབྲོག་རྒྱང་འབྲོག་རྩྭ་ཡི་དགེ་ཞེས་པ་ལྟ་བུ། |
| འབྲོག་ཁྱི |
འབྲོག་པའི་ཁྱི། |
| འབྲོག་ཆས |
འབྲོག་པའི་ཆ་ལུགས། |
| འབྲོག་ཐང |
རྩྭ་ཐང༌། |
| འབྲོག་དགོན་པ |
གྲོང་དང་གྲོང་ཁྱེར་མེད་པའི་དགོན་གནས་སམ་དབེན་པའི་ས། འབྲོག་དགོན་པའི་ལམ་ལས་བདེ་བར་བརྒལ་བར་གྱུར། |
| འབྲོག་དུད |
སྦྲ་ཁྱིམ། |
| འབྲོག་པ |
འབྲོག་ཁུལ་དུ་ཕྱུགས་རིགས་གསོས་ཏེ་འཚོ་བ་སྐྱེལ་མཁན། མིང་གི་རྣམ་གྲངས་ལ་རྐང་བཞིའི་ནོར་ལྡན་དང༌། ལྕགས་ཐགས། ཕྱུགས་ཀྱིས་ཕྱུག་ཕྱུགས་སྐྱོང༌། ཕྱུགས་ལྡན། བ་འཇོ་མཁན། བ་ལང་བགྲང༌། བ་ལང་དབང་ཕྱུག་བཅས་སོ། |
| འབྲོག་བལ |
འབྲོག་པའི་ས་ཁུལ་ནས་ཐོན་པའི་ལུག་བལ། |
| འབྲོག་མཁོས་བགྱིས |
རྙིང འབྲོག་ཁུལ་གྱི་བདག་གཉེར་ལས་དོན་བྱས་པ། |
| འབྲོག་མཚེར |
འབྲོག་པའི་སྦྲ་གུར་འབུབས་ས། |
| འབྲོག་མི་ལོ་ཙཱ་བ་ཤཱཀྱ་གཞོན་ནུ |
གླང་དར་མ་ནས་བརྩིས་པའི་གདུང་རབས་གསུམ་པ་ཁྲི་བཀྲ་ཤིས་བརྩེགས་པ་དཔལ་གྱིས་རྒྱ་གར་དུ་བཏང༌། ལྷོ་བལ་དུ་ལོ་བཅུ་གསུམ་བསྡད་ནས་སླར་བོད་དུ་ལྡོག་སྟེ་མ་རྒྱུད་གཙོ་བོར་གྱུར་པའི་བཤད་སྒྲུབ་ཀྱི་བསྟན་པ་དར་བར་མཛད། གསང་སྔགས་གསར་མ་སྒྱུར་བའི་ལོ་ཙཱ་བ་ཆེན་པོ་ཞིག་ཡིན། རབ་བྱུང་དང་པོའི་ཤིང་འབྲུག་ཙམ་ལ་འདས། 1064 |
| འབྲོག་མོ |
འབྲོག་པའི་བུད་མེད། |
| འབྲོག་མོའི་ཆས |
ཧོར་འབྲོག་གི་བུད་མེད་ཀྱི་ཆ་ལུགས། |
| འབྲོག་མོའི་སྐྲ་ཞྭ |
འབྲོག་མོའི་སྐྲའི་ལན་བུའི་ཞྭ་མོ་ལྟ་བུ། |
| འབྲོག་ཡུལ |
འབྲོག་པ་ཡོད་པའི་ས་གནས། |
| འབྲོག་ར |
འབྲོག་ལས་ཀྱི་ར་བའམ་ཐང༌། |
| འབྲོག་རུ |
འབྲོག་པའི་སྡེ་ཚོ། |
| འབྲོག་རྐྱང |
འབྲོག་ལས་ཁོ་ན། འབྲོག་པ་འབྲོག་རྐྱང་གི་ས་ཁུལ། འབྲོག་རྐྱང་གི་དཔལ་འབྱོར། |
| འབྲོག་རྟ |
འབྲོག་ཁུལ་ནས་ཐོན་པའི་རྟ། |
| འབྲོག་ལས |
འབྲོག་པའི་ཐོན་སྐྱེད་ལས་ཀ། |
| འབྲོག་ལྷས |
འབྲོག་པའི་སྒོ་ཕྱུགས་བཙུད་སའམ་འདོགས་ས། |
| འབྲོག་ས |
1 དབེན་སའམ་དགོན་གནས། 2 འབྲོག་ཁྱིམ་སྟེ་སྦྲ་གུར་དུ་ཁྱིམ་གཞིས་བཟུང་སྟེ་ཕྱུགས་སྐྱོང་བའི་ས། |
| འབྲོག་སྐད |
འབྲོག་པའི་སྐད། |
| འབྲོག་སྟོང |
དབེན་པའི་ས་ཆ་སྟོང་པའི་མིང༌། |
| འབྲོག་སྡེ |
འབྲོག་པའི་རུ་བའམ་སྡེ། |
| འབྲོག་སྣམ |
འབྲོག་ཁུལ་དུ་བཏགས་པའི་སྣམ་བུ། |
| འབྲོང |
རི་དྭགས་འབྲོང་ ལུས་དབྱིབས་འབྲི་གཡག་དང་འདྲ་ཞིང་དེ་ལས་ལྡབ་གཉིས་གསུམ་ཙམ་ཆེ་བའི་མདོ་དབུས་མཐོ་སྒང་གི་སྲོག་ཆགས་ཤིག །དེ་ལ‘གངས་གཡག’ཀྱང་ཟེར། ‘འབྲང’གི་ད་ལྟ་བར་འབྲོང་འབྲི་བའང་ཡོད། |
| འབྲོང་ཁྲག |
སྲོག་ཆགས་སྨན་གྱི་རིགས་ཤིག་རོ་མངར་ལ་བསྐ། ཞུ་རྗེས་སྙོམས། ནུས་པས་སྙིང་རླུང་གི་ནད་དང༌། ཟུངས་ཁྲག་ཟད་པ་སོགས་ལ་ཕན། |
| འབྲོང་གཉན་ལྡེ་རུ |
འབྲོང་ཞེས་པ་འབྲོ་ཡང་སྣང༌། ཁྲི་གཉན་གཟུངས་བཙན་དང་འབྲོང་བཟའ་མོ་དུར་ཡངས་གཞེར་གཉིས་ཀྱི་སྲས། བོད་རྒྱལ་གདུང་རབས་སུམ་ཅུ་པ་ཡིན་ལ། སྦལ་བའི་རོ་མར་ཁུར་བཙོས་པའི་ཟ་མའི་རིགས་མཐོང་བས་རྣམ་པར་རྟོག་པའི་དབང་དུ་གྱུར་ནས་སྙུན་དུ་ཀླུ་ནད་ཀྱིས་ཐེབས་ཤིང༌། སྲས་ཀྱང་དམུས་ལོང་ཞིག་བལྟམས་པས། གདུང་རྒྱུད་ལ་སྙུན་མི་འབྱུང་བའི་ཕྱིར་གསོན་བཞིན་བང་སོར་བཞུགས་སྐད་དོ། དེབ་དམར་དང་མཁས་པའི་དགའ་སྟོན་དུ། འདི་དང་སྟག་རི་གཉན་གཟིགས་གཉིས་བར་གྱི་སྟེང་གཉིས་ཡིན་ཞེས་གསུངས། |
| འབྲོང་གསོབ |
འབྲོང་ལྤགས་ཀྱི་འདྲ་གསོབ། |
| འབྲོང་པ |
རྫོང་ཞིག་བོད་རང་སྐྱོང་ལྗོངས་ཀྱི་ནུབ་རྒྱུད་དང་ཡར་ཀླུངས་གཙང་པོའི་སྟོད་རྒྱུད་དུ་ཡོད་ཅིང༌། སྔར་འབྲོང་པ་ལྷོ་བྱང་ཟེར། རྫོང་མི་དམངས་སྲིད་གཞུང་དེ་སྐྲ་བདུན་དུ་ཡོད། |
| འབྲོང་པ་ལྷོ་བྱང |
འབྲོང་པའི་མིང་གཞན། |
| འབྲོང་མགོ |
1 འབྲོང་གི་མགོ། 2 ཤེལ་རོང་འབྲོང་རྩེད་ལ་མཁོ་བའི་འབྲོང་གི་འབག་མགོ། |
| འབྲོང་མཚོ |
མཚོ་ཞིག་བོད་རང་སྐྱོང་ལྗོངས་ཀྱི་ནག་ཆུ་རྫོང་དང་དཔལ་མགོན་རྫོང་གི་མཚམས་སུ་ཡོད། |
| འབྲོང་ཞེར་ལེགས |
སྔར་བོད་རྒྱལ་བཅུ་བཞི་པ་སའི་ལེགས་དྲུག་གི་ཡ་གྱལ་ཞིག |
| འབྲོང་འབྲི |
འབྲོང་མོ། |
| འབྲོང་རྩེད |
འབྲོང་གི་འབག་གྱོན་པའི་རྩེད་སྣ་ཞིག |
| འབྲོང་རྩེའི་བེ་བུམ |
འབྲོང་རྩེ་ལྷ་སྲས་རྒྱ་མཚོས་མཛད་པའི་ནད་སྨན་སྤྲོད་པའི་ཉམས་ཡིག་སྣ་ཚོགས་བཀོད་པའི་སྨན་གྱི་བསྟན་བཅོས་ཤིག |
| འབྲོང་སྙིང |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་སྙིང་དང་སྲོག་རྩར་རླུང་ཞུགས་ནས་ཤེས་པ་འཆོལ་བ་དང༌། སྙིང་ལ་ན་ཟུག་གཏོང་བ། སྨྱོ་བ་སོགས་ལ་ཕན། |
| འབྲོངས |
སྐུལ་ཚིག་ རྗེས་སུ་འབྲོངས་ཤིག་ལྟ་བུ། རང་གི་སྔར་གྱི་ལྟ་ཚུལ་དང་འདོད་ཚུལ་དོར་ནས་གཞན་གྱི་ལྟ་ཚུལ་དང་འདོད་ཚུལ་ཁས་བླངས་པའི་དོན་ཏེ། ལྟ་ཚུལ་ཡང་དག་པའི་རྗེས་སུ་འབྲང་། |
| འབྲོངས་པ |
རྙིང ཉེ་བར་བསྟེན་པ། སློབ་ཕྲུག་གིས་དགེ་རྒན་བཟང་པོ་འབྲོངས་པ། |
| འབྲོབ་པ |
འབྲབ་པའི་འབྲི་ཚུལ་གཞན་ཞིག་ |
| འབྲོམ |
བོད་ཀྱི་རུས་ཤིག་དང་ཡུལ་ཞིག་གི་མིང་། |
| འབྲོམ་རྒྱལ་བའི་འབྱུང་གནས |
རབ་བྱུང་དང་པོའི་མེ་ཡོས་གོང་གི་ལོ་གྲངས་ཉེར་གཉིས་པ་ཤིང་མོ་སྦྲུལ་ལ་སྟོད་ལུང་ཕུར་འཁྲུངས་ཤིང༌། ཇོ་བོ་རྗེ་བསྟེན་ནས་བཀའ་གདམས་པའི་བསྟན་པའི་བདག་པོར་གྱུར་ཏེ་རབ་བྱུང་དང་པོའི་མེ་སྤྲེལ་ལ་རྭ་སྒྲེང་དགོན་བཏབ། དགུང་ལོ་དྲུག་ཅུ་པ་ཤིང་མོ་འབྲུག་ལ་འདས། 10051064 1056 |
| འབྲོམ་སྟོན་པ |
འབྲོམ་གྱི་རུས་འཛིན་བཀའ་གདམས་པའི་སྲོལ་གཏོད་མཁན་རྒྱལ་བའི་འབྱུང་གནས། |
| འབྲོས |
ད་ལྟ་བ་ འབྲོས་མཁན་སྤྱང་ཀི་འབྲོས་ཀྱིན་ཕྱི་མིག་བལྟས་ལྟ་བུ། |
| འབྲོས་པ |
ཐ་མི་དད་པ བྲོས་པ། འབྲོས་པ། བྲོས།། འབྱོར་བ་དང་གཡོལ་ཐབས་སུ་རྒྱུག་པ། ཉེས་ཆད་བཟེད་པར་ཞེད་ནས་གཞན་དུ་བྲོས། དམག་ཕམ་ནས་འབྲོས་པ། ཡུན་རིང་ན་ནས་མིག་ཁུང་དུ་བྲོས་པ། སྐྱིད་ན་ནམ་མཁའི་བྱ་ཡང་འཁོར། སྡུག་ན་རང་གི་བུ་ཡང་འབྲོས། ར་བསད་ན་ལུག་འདར། ཁྱི་བརྡུངས་ན་ཕག་འབྲོས། |
| འབྲོས་འདེད |
འབྲོས་འབྱོལ་དུ་འགྲོ་མཁན་གྱི་རྗེས་སུ་སྙེག་པ། |
| འབྲོས་འབྱོལ |
བྲོས་བྱོལ་དང་འདྲ། |
| འབྲོས་ཤ |
ལུས་ཀྱི་སོག་རུས་འོག་ཏུ་ཡོད་པའི་ཤ། |
| འབྲོས་ཤ་ཁྲ་བོ |
ལུས་ཀྱི་སོག་རུས་ལྟག་ཏུ་ཡོད་པའི་ཤ། |
| འམ |
1. མིང་མཐའ་འ་དང༌། མཐའ་མེད་ཀྱི་རྗེས་སུ་སྦྱོར་བའི་འབྱེད་སྡུད་སྒྲའི་རྐྱེན་ཞིག འ དགའམ། མགུའམ། ཡི་རང་བའམ། འཆད་པའམ། རྩོད་པའམ། རྩོམ་པ། 2. མིང་མཐའ་འ་དང་མཐའ་མེད་ཀྱི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག འ མཛད་བྲེལ་ཆེའམ། ཁྱོད་ལ་གསར་དུ་བཀུམས་པའི་ཤ་རློན་པ་སྦྱིན་ན་ཟའམ། |
| འཚག |
(བྱེད་མེད་ལས་ཚིག) གྲ་སྒྲིག་བྱས་ཚར་བའི་དོན་ཏེ། རྟ་ལ་སྒ་སྲབ་འཚག མི་ལ་འཁོར་གསུམ་འཚག དཔྱིད་རྨོད་ཀྱི་སྟ་གོན་རྣམས་འཚག་ཡོད་ལྟ་བུ། བཙགས་ཀྱི་ད་ལྟ་བ། ０མཚག་གི་འབྲི་ཚུལ་གཞན། 2.ད་ལྟ་བ་ངས་སྣུམ་འཚག་གིན་ཡོད། སྣམ་འཚག་མཁན་ཞེས་པ་ལྟ་བུ། |
| འཚག་པ |
1.ཐ་དད་པ 1)འཚགས་པ། འཚག་པ། འཚོགས།། གསོག་པ་དང་གཉེར་བ། མ་དངུལ་འཚག་པ། ཡིག་རིགས་རྣམས་སྒམ་གྱི་ནང་དུ་འཚགས་པ། 2)བཙགས་པ། བཙག་པ། ཚོགས།། དྭངས་སྙིགས་འབྱེད་པ། ཇ་བཙགས་པ། རྫ་མའི་ཐིམ་བུ་བརྟོལ་ནས་ཆང་བཙགས་པ། སྨན་ཁུ་བཙག་པ། ཆུ་དར་ལ་འཚག་པ། 2.རྒྱགས་པ། ལུག་ཤ་འཚག་པ། གཟུགས་སྟོབས་འཚག་པ། 3.རྙིང འཛོམ་པ། |
| འཚག་བཟང |
ལུས་ཀྱི་ཉམས་བརྗིད་པའམ་ཤ་རྒྱགས་པ། ལུས་འཚག་བཟང་པོ། |
| འཚག་རྒྱས |
ལུས་ཀྱི་ཤ་རྒྱགས་པའམ་ཉམས་རྒྱས་པ། ཕྲུ་གུ་རྣམས་འཚག་རྒྱས་ལུས་མདངས་བཟང༌། |
| འཚགས་པ |
གསོག་པའི་དོན་དུ་གོ་བའི་འཚག་པའི་འདས་པ། |
| འཚང |
གོས་སོགས་ཀྱི་བར་སྲུབ་ཏུ་གཞུག་བྱ། དགུན་ཆས་ནང་དུ་སྲིན་བལ་བར་འཚང་བཅུག་པ།…2.(བྱེད་མེད་ལས་ཚིག་མ་འོངས་པ་དང་ད་ལྟ་བ)མང་བོའི་གྲལ་དུ་ནན་གྱིས་འཇུག་པ་གྲལ་དུ་འཚང་། ཁང་བར་འཚང་གིན་འདུག་ལྟ་བུ། |
| འཚང་ཁ |
འཚང་ག་དང་འདྲ། |
| འཚང་ག |
མི་མང་གཞི་གཅིག་ཏུ་སྡེབ་འཚང་གི་ཚུལ། འཚང་ག་བརྒྱབ་ནས་མ་འགྲོ། མི་ཚང་མས་འཚང་ག་ཤིག་ཤིག་གིས་གཞུང་འབྲུ་སྐྱེལ་བ། |
| འཚང་བ |
1.ཐ་དད་པ བཙངས་པ། བཙང་བ། ཚོངས།། བར་གསེབ་ཏུ་དབང་ཤེད་ཀྱིས་འཇུག་པའམ། ཤུགས་ཀྱིས་འཛུད་པ། རྩིག་པའི་གསེབ་ཏུ་ས་རྡོ་བཙངས་ནས་ལྷགས་པ་བཀག་པ། མི་མང་པོའི་དཀྱིལ་དུ་འཚང་བ། 2.ཐ་མི་དད་པ 1)འཚངས་པ། འཚང་བ། འཚོངས།། ཉུལ་བ་དང༌། འཛུལ་བ། གོ་སྐབས་བྱུང་འཕྲལ་དུ་དགྲ་བོ་འཚངས་ཡོང༌། གོ་སར་འཚངས་པ། 2)འཚངས་པ། འཚང་བ།། དབུགས་སོགས་གྱེན་དུ་རྒྱོང་བ། ཆམ་པ་ཕོག་པས་སྣ་ཁུང་འཚང་བ། རི་བོ་མཐོན་པོར་འཛེག་སྐབས་དབུགས་འཚང་ཡོང་ངམ་མི་ཡོང༌། |
| འཚང་ར |
ཚང་ར་ཡི་འབྲི་ཚུལ་གཞན། |
| འཚང་རྒྱ་བ |
སངས་རྒྱས་པའི་མ་འོངས་ད་ལྟ་གཉིས། མངོན་པར་རྫོགས་པར་འཚང་རྒྱ་བར་འགྱུར་རོ། འདི་རུ་འདུག་ནས་འཚང་རྒྱ་བར་བྱའོ་དགོངས་སོ། |
| འཚངས |
འདས་པ་ནང་དུ་འཚངས་ནས་སོང་ལྟ་བུ། བཙང་གི་ད་ལྟ་བ། ０ཚང་གི་མ་འོངས་པ་དང་ད་ལྟ་བ། |
| འཚངས་པ |
ཐ་མི་དད་པར་འཇུག་པའི་འཚང་བའི་འདས་པ། |
| འཚབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ལྷུན་ཆགས་པའི་ལྡོག་ཟླ་མེ་མདའ་འཕེན་དུས་འཚབ་མི་ཉན། ཚོགས་ཐོག་ཏུ་གཏམ་བཤད་ན་འཚབ་མི་དགོས་ལྟ་བུ། 2.མ་འོངས་པ་དང་ད་ལྟ་བ་འཚབ་བྱའི་དངོས་རྫས། སྐྱིན་པ་འཚབ་མཁན་ཞེས་པ་ལྟ་བུ། |
| འཚབ་པ |
ཐ་དད་པ འཚབས་པ། འཚབ་པ། འཚོབས།། 1 འཇལ་བ་དང༌། གསོབ་པ། དངུལ་སྐྱིན་ལྷག་མེད་འཚབས་པ། 2 བྲེལ་བའམ་རྟབ་པ། སེམས་འཚབས་ནས་ཡིག་རིགས་བྲིས་ནོར་བྱུང་བ། 3 སྣོན་པ། ཕན་ཚུན་བརྗེ་ཚོང་གི་སྣོན་པ་འཚབ་པ། |
| འཚབ་འཚབ |
སེམས་བྲེལ་རྟབ་བྱུང་བའི་རྣམ་པ། སྔོན་ཚུད་ནས་གྲ་སྒྲིག་བྱས་ཡོད་ན་སྐབས་འཕྲལ་དུ་འཚབ་འཚབ་བྱེད་མི་དགོས། |
| འཚབ་འཚུབ |
ལྷུན་ཆགས་མིན་པའི་དོན་ཏེ། འཚབ་འཚུབ་མ་བྱེད། འཚབ་འཚུབ་ཀྱི་ངང་ནས་སོང་ཞེས་པ་ལྟ་བུ། |
| འཚབས |
འདས་པ་སློབ་ཕྲུག་རྣམས་མ་འཚབས་པར་གཏམ་བཤད། བཟུང་དམག་འཚབས་ནས་སྐད་འདར་ལྟ་བུ། ཚབ་ལ་ལྟོས། |
| འཚབས་པ |
འཚབ་པའི་འདས་པ། |
| འཚབས་པོ |
ལྷིང་ལྷིང་མིན་པ། ཁོ་བྲེལ་ཞིང་འཚབས་པོར་རང་ཁྱིམ་དུ་ལོག་སོང༌། |
| འཚམ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)འགྲིག་པའམ་འོས་པ་དང་མཐུན་པ་སོགས་ཀྱི་དོན་ཏེ། བློ་དང་འཚམ་པའི་སློབ་ཁྲིད་བྱས། ལུས་དང་འཚམ་པའི་ལྭ་བ་བཟོས། གང་ལ་གང་འཚམ་ཞེས་པ་ལྟ་བུ། |
| འཚམ་པ |
1.ཐ་དད་པ བཙམས་པ། བཙམ་པ། ཚོམས།། ཅོ་འདྲི་བའམ་བརྙས་བཅོས་བྱེད་པ། གནོད་བྱེད་དགྲ་ལ་མཐོ་འཚམ་པ། 2.ཐ་དད་པ འཚམས་པ། འཚམ་པ།། རན་པའམ་མཐུན་པ། བློ་དང་འཚམ་པ། གང་ལ་དེ་འཚམས། ཆེ་ཆུང་འཚམ་པ། |
| འཚམ་པོ |
1 འོས་པོ། བློ་དང་འཚམ་པོ། 2 བདེ་པོ། གཟུགས་ཁམས་འཚམ་པོ། ཡུལ་ལུང་འཚམ་པོ། |
| འཚམ་ཚོད |
རན་འཚམ། གཏོང་ཡོང་ཚང་མའི་འཚམ་ཚོད་འཛིན་པ། |
| འཚམ་འདྲི |
ལུས་ཀྱི་འབྱུང་ཁམས་སམ་ཡུལ་གྱི་བདེ་དོག་སོགས་འཚམ་པོ་ཡིན་མིན་འདྲི་བ། ཐག་རིང་ནས་ཕེབས་པའི་མགྲོན་པོར་འཚམ་འདྲི་ཞུ་བ། |
| འཚམས |
(རྒྱན་ཚིག) བདེ་འཇགས་སུ་གནས་པའི་དོན་ཏེ། མི་ཕྱུགས་ཐམས་ཅད་འཚམས་ཤིང་བདེ། བདེ་འཚམས་ཡིན་ལྟ་བུ། སྲོག་འཚོ་བའི་དོན་ཏེ། ཁོའི་མ་རྒན་མ་འཚམས་པར་ངས་སེམས་གསོ་ཞུས་ལྟ་བུ། 2.འདས་པ་ཚིག་བཤད་པ་ཉན་མཁན་གྱི་བློ་དང་མ་འཚམས་ན་གོ་དཀའ། ཟས་ཕོ་བ་དང་མ་འཚམས་ན་འཇུ་དཀའ་ལྟ་བུ། |
| འཚམས་པ |
ཐ་མི་དད་པར་འཇུག་པའི་འཚམ་པའི་འདས་པ། |
| འཚམས་པོ |
འཚམ་པོ་དང་འདྲ། |
| འཚམས་ཞུ |
གུས་འདུད་ཞུ་བ། འཚམས་ཞུའི་མཇལ་དར། འཚམས་ཞུའི་སྙན་སེང༌། |
| འཚམས་ཞུའི་འབུལ་མཚོན |
འཚམས་འདྲི་ཞུ་སྐབས་འབུལ་བའི་དངོས་པོ། ཁོང་ལ་དར་དཀར་སྲིད་དུ་རིང་བ་ཞིག་འཚམས་ཞུའི་འབུལ་མཚོན་དུ་ཕུལ། |
| འཚམས་འདྲི |
འཚམ་འདྲི་དང་འདྲ། |
| འཚམས་ལན |
འཚམས་འདྲི་ཞུས་པའི་ལན། འཐུས་མི་རྣམས་ཀྱིས་ཚུར་འཚམས་ལན་གནང་བ། |
| འཚར |
མ་འོངས་པ་དང་ད་ལྟ་བ། |
| འཚར་བ |
ཐ་མི་དད་པ ཆེར་སྐྱེ་བ་དང༌། འཕེལ་བ། སྐྱེད་ཐོན་པ། ཕྲུ་གུ་འདིའི་གཟུགས་པོ་མྱུར་དུ་འཚར་བ། |
| འཚར་ལོངས |
ཆེར་ལོངས་པའམ་ཆེར་འགྲོ་བ། ལོ་ཕྱུགས་ཀྱི་ཐོན་སྐྱེད་འཚར་ལོངས་ལེགས་པོ་བྱུང་འདུག འཚར་ལོངས་སྟོབས་འཕེལ། ཕྲུ་གུ་རྣམས་སྐྱེ་སྟོབས་ཀྱི་དཔལ་འབར་བའི་ངང་ནས་འཚར་ལོངས་བྱུང་འདུག |
| འཚལ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཕྱག་གི་མཐར་སྦྱར་ན་གུས་པ་བྱེད་པ་ཕྱག་འཚལ་ལྟ་བུ། འདས་པ་ལ་བཙལ་དང་སྐུལ་ཚིག་ལ་འཚོལ་འབྲི། 2.(ལས་ཚིག་རྗེས་མཐུན་པ)བྱེད་འབྲེལ་ལས་ཚིག་ད་ལྟ་བའི་མཐར་སྦྱར་ན་བྱ་བ་དེ་བྱེད་པར་སྐུལ་བའི་དོན་ལ་འཇུག་རིག་པའི་གནས་ལ་སློབ་སྦྱོང་བྱེད་པར་འཚལ་ལྟ་བུ། ཤེས་པའི་བརྡ་རྙིང་གར་སོང་ཆ་མ་འཚལ་ལྟ་བུ། ０ཟས་སོགས་ལོངས་སྤྱོད་པའི་བརྡ་རྙིང་། |
| འཚལ་བ |
1.ཐ་དད་པ བཙལ་བ། བཙལ་བ། འཚོལ།། བྱེད་པ། ཕྱག་འཚལ་བ། 2.ཐ་མི་དད་པ 1 རུང་བའམ་ཆོག་པ། ཆུའི་ཕ་རོལ་ཏུ་ཕྱིན་ན་འཚལ་ལམ། 2 འདོད་པ། ནད་གཞི་མགྱོགས་པོ་དྲག་ཡོང་བར་འཚལ་ལགས། 3 དགོས་པ། ཁ་སྐོམ་དུས་བཏུང་བྱ་ཆུ་འཚལ། ཚམ་ཚོམ་མི་འཚལ་བ། 4 མཁྱེན་པའམ་ཤེས་པ། ཅི་ཡིན་ཆ་མི་འཚལ་བ། དེ་དོན་དགོངས་དབྱིངས་སུ་འཇགས་པར་འཚལ་བ། ལས་ཀ་ཚགས་སུ་འཛུགས་སྟངས་ལེགས་པར་འཚལ་བ། 5 རྙིང 1)ཞེན་པ། 2)འཆད་པ། 3)ཟ་བ། ལྟོ་མྱུར་དུ་འཚལ་ཅིག |
| འཚལ་མ |
ཟས་སྤྱིའི་མིང༌།…2.ཐུན་གཅིག་ལ་ཟ་བའི་ཟས་ཀྱི་མིང་། |
| འཚལ་མ་ནར་མ |
དུས་རྒྱུན་གྱི་ཟས། |
| འཚལ་མ་མི་འཚལ |
རྙིང ཟས་མི་ཟ། |
| འཚས་ཚེར |
སྔོ་ཞིག |
| འཚིག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཤིང་སོགས་ལ་མེ་འབར་ནས་ངོ་བོ་གཞན་དུ་འགྱུར་བའི་དོན་ཏེ། ནགས་ཚལ་མེས་འཚིག་པ་འགོག ཤིང་སྐམ་མེར་འཚིག་ཉེན་ཆེ་ལྟ་བུ། 2.(བྱེད་མེད་ལས་ཚིག) སེམས་བག་མི་འབེབ་པའི་དོན་ཏེ། སེམས་འཚིག་མི་དགོས། སེམས་འཚིག་ནས་བཟོད་གླགས་མེད་ལྟ་བུ། |
| འཚིག་པ |
1.ཐ་མི་དད་པ ཚིག་པ། འཚིག་པ།། རང་བཞིན་གྱིས་སྲེག་པར་འགྱུར་བ། ཉི་མས་ལོ་ཏོག་འཚིག་པ། མེས་བུད་ཤིང་འཚིག་པ། ཆགས་པས་རྟ་བོང་འཚིག་པ། ཁོང་ཁྲོས་སེམས་རྒྱུད་འཚིག་པ། མེས་འཚིག་མེར་གཏུག 2.ཁྲོ་བ་དང་འཁོན་འཛིན་གྱི་རྒྱུ་ལས་མི་བཟོད་པར་ཚིག་རྩུབ་སྨྲ་བར་འདོད་པ་ཉེ་བའི་ཉོན་མོངས་པ་ཉི་ཤུའི་ནང་གསེས་ཤིག ནད་ཚིག ལྟོགས་ཚིག |
| འཚིགས་པ |
འཚིག་པའི་འདས་པ་འབྲི་ཚུལ་གཞན་ཞིག་ |
| འཚིགས་མ |
རྙིང ཚིག་རོ། |
| འཚིར |
ད་ལྟ་བ་སྟེ་སྐམ་པས་འཚིར་མཁན་ཞེས་པ་ལྟ་བུ། |
| འཚིར་བ |
ཐ་དད་པ བཙིར་བ། བཙིར་བ། ཚིར།། 1 བར་གསེབ་ཏུ་གནོན་པ། ཏིལ་བཙིར་ནས་སྣུམ་འདོན་པ། 2 ནན་ཏན་གྱིས་རྩད་ཞིབ་གཅོད་པ། མི་དོགས་ཅན་ནན་པོར་བཙིར་བ། |
| འཚུད |
(བྱེད་མེད་ལས་ཚིག་མ་འོངས་པ་དང་ད་ལྟ་བ)གྲས་སུ་ཆུད་པའི་དོན་ཏེ། མི་གྲལ་དུ་འཚུད་དགོས། མཁས་པའི་གྲས་སུ་མི་འཚུད་ལྟ་བུ། |
| འཚུབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) <ཀ>དུ་བ་དང་དྲི་སོགས་འཁྲིགས་པའི་དོན་ཏེ། ཁང་བར་དུ་བ་འཚུབ་དགུན་ཁ་བུ་ཡུག་འཚུབ་ལྟ་བུ། |
| འཚུབ་ཆ |
རྐྱེན་གོད་བར་ཆད་ཡོང་བའི་སྔ་ལྟས། བཀྲ་མི་ཤིས་པའི་འཚུབ་ཆ། དམག་འཁྲུག་ལང་བའི་འཚུབ་ཆ། |
| འཚུབ་པ |
1.ཐ་མི་དད་པ འཚུབས་པ། འཚུབ་པ།། ཟིང་ལོང་ངེར་གཡོ་ཞིང་འཁྲུག་པ། ཐལ་རླུང་འཚུབས་པ། གངས་ཆར་བུ་ཡུག་འཚུབས་པ། 2 1 མ་དུལ་བའི་སྤྱོད་པ་རྩིང་བ། ཕྲུ་གུ་དེ་དེ་འདྲའི་འཚུབ་པ་ལ། 2 བར་གཅོད་ཆེ་བ། འགལ་རྐྱེན་གྱི་འཚུབ་པ་མེད་པར་ལས་དོན་གྲ་འགྲིག་བྱུང་སོང༌། |
| འཚུབ་པོ |
ངན་པོ་དང་འཁྲུག་པོ། རྨི་ལམ་འཚུབ་པོ། གནམ་གཤིས་འཚུབ་པོ། ཕྱི་ཚུལ་འཚུབ་པོ་ལྟར་སྣང་བ། |
| འཚུབ་མ |
1 ཐལ་རླུང་ངམ་ཁ་རླུང་འཚུབ་ལོང་ངེ་བ། 2 གེགས་བར་ཆད་ཀྱི་རྩུབ་ཆ། |
| འཚུབ་འཚུབ |
གཡོ་བའི་རྣམ་པ་ཞིག མཚོན་རྣོ་བུ་ཡུག་འཚུབ་འཚུབ་རེད། |
| འཚུབ་ལྷོང |
འཚུབ་ཆའམ་གེགས་ཀྱི་སྔ་ལྟས། |
| འཚུབ་སྐོར |
རླུང་འཚུབ་འཁོར་བའམ་འདྲེ་རླུང༌། |
| འཚུབས |
འདས་པ་བུ་ཡུག་འཚུབས་ནས་བར་སྣང་ཁེངས་ལྟ་བུ། <ཁ>དབུགས་འཚང་བའི་དོན་ཏེ། རྒྱུག་དྲགས་ན་སྣ་དབུགས་འཚུབ། ཆམ་པ་བྱུང་ནས་སྣ་འཚུབས་ལྟ་བུ། འཚུབ་མ་ཡི་ཚིག་བསྡུས་པ། |
| འཚུབས་པ |
འཚུབ་པའི་འདས་པ། |
| འཚུམ |
ད་ལྟ་བ་ཁ་འཚུམ་མཁན། ཁ་འཚུམ་བཞིན་འཛུམ་སྟོན་ལྟ་བུ། |
| འཚུར་ངས |
རྙིང ཕོག་ཐུག་ཆེ་བ། |
| འཚུལ་བ |
མཚུལ་བ་ཡི་འབྲི་ཚུལ་གཞན། |
| འཚུས |
རྙིང ཟས་སམ་ཞལ་ཟས། |
| འཚེ |
གཙེ་ཡི་ད་ལྟ་བ་ལ་འཚེ་འབྲི་བའང་ཡོད། འཚེ་བ་སྟེ་གནོད་པའི་མིང་། དཔེར་ན། ཉེ་བར་འཚེ་བ། ཉེར་འཚེ། གནོད་འཚེ། གཞན་ལ་འཚེ་བ་མ་བྱེད་ལྟ་བུ། |
| འཚེ་བ |
གནོད་པ། བར་གཅོད་ཀྱི་འཚེ་བ། གནོད་འཚེ། |
| འཚེ་བའི་དབང་ཕྱུག |
མངོན གཤིན་རྗེ། |
| འཚེག |
བཙགས་ཀྱི་ད་ལྟ་བར་འཚེག་འབྲི་བའང་ཡོད། |
| འཚེག་པ |
རྙིང གཤག་པ། |
| འཚེང་བ |
ཐ་མི་དད་པ འཚེངས་པ། འཚེང་བ།། 1 ཚིམ་པའམ་དགའ་བ། འདོད་པ་འཚེངས་པ། བློ་འཚེང་བ། 2 ཁེ་བཟང་ཐོབ་པ་དང༌། རྒྱལ་བ། དགྲ་བོ་ཕམ་པས་རང་ཕྱོགས་འཚེངས་པར་གྱུར། ཆེ་འབགས་ཆེ་འཚེངས་དང༌། ཆུང་འབགས་ཆུང་འཚེངས། |
| འཚེངས |
(བྱེད་མེད་ལས་ཚིག) རེ་བ་བཞིན་གྲུབ་པའམ་ངོམས་པ། རྒྱལ་བ་དང་སྤྲོ་བའི་དོན་ཏེ། བློ་གཅིག་སེམས་གཅིག་གིས་འཚེངས། བློ་མང་སེམས་མང་གིས་འཕོངས། མང་མང་རིན་ཆེན་རྒྱན་ཡང་བཏགས་པས་འཚེངས་ཞེས་པ་ལྟ་བུ། |
| འཚེངས་པ |
འཚེང་བའི་འདས་པ། |
| འཚེད |
བཙོ་ཡི་ད་ལྟ་བར་འཚེད་འབྲི་བའང་ཡོད། |
| འཚེད་གནས |
ཐབ་ཚང༌། |
| འཚེད་པ |
ཤ་དང་ཚལ་སོགས་སྨིན་པར་བྱེད་པ། |
| འཚེད་པ་མ |
ལུས་ཀྱི་རྩའི་བྱེ་བྲག་ཅིག |
| འཚེད་མཁན |
ལྟོ་ཆས་བཟོ་མཁན། རུང་ཁང་དུ་འཚེད་མཁན་མཁས་པ་མང་པོ་ཡོད། |
| འཚེད་ཤིང |
མེ་ཤིང༌། |
| འཚེད་སྣུམ |
འཚོད་སྣུམ་དང་འདྲ། |
| འཚེམ |
བཙེམ་གྱི་ད་ལྟ་བ་ལ་འཚེད་འབྲི་བའང་ཡོད། |
| འཚེམ་ཁབ |
གོས་སོགས་འཚེམ་བྱེད་ཀྱི་ཁབ། |
| འཚེམ་དྲུབ |
ཕར་ཆིན། འདྲ་སྐུ་འཚེམ་དྲུབ་མ། ཐང་ག་འཚེམ་དྲུབ་མ། |
| འཚེམ་པ |
1.ཐ་དད་པ བཙེམས་པ། བཙེམ་པ། ཚེམས།། འདྲུབ་པ། གྱོན་ཆས་འཚེམ་པ། དམག་ཆས་བཙེམས་པ། 2.ཐ་མི་དད་པ འཚེམས་པ། འཚེམ་པ།། གྲངས་འབོར་མ་ཚང་བ། མི་གྲངས་བརྒྱ་ཐམ་པའི་ནང་ནས་མི་གཅིག་འཚེམས་པ། |
| འཚེམ་ཞུ |
རྙིང རྨོག |
| འཚེམ་སྐུད |
གོས་སོགས་འཚེམ་བྱེད་ཀྱི་སྐུད་པ། |
| འཚེམས་པ |
ཐ་མི་དད་པར་འཇུག་པའི་འཚེམ་པའི་འདས་པ། |
| འཚེམས་ལུས |
གྲངས་འབོར་མ་ཚང་བའམ་ཆད་པ། ཡོ་བྱད་ཚང་མ་འཚེམས་ལུས་མེད་པ་གྲ་བསྒྲིགས་ཟིན། |
| འཚེར |
(བྱེད་མེད་ལས་ཚིག) འགྱོད་པ་དང་སྐྲག་པ་སྐྱོ་བ་སོགས་སྐྱེས་པའི་དོན་ཏེ། ཞེ་འཚེར། འཚེར་སྣང་ཞེས་པ་ལྟ་བུ། རྟ་སོགས་ཀྱིས་སྐད་འབྱིན་པའི་དོན་ཏེ། རྟ་འཚེར། འོལ་བ་འཚེར། དྲེལ་འཚེར་ལྟ་བུ། ０འོད་འཁྱུག་པའམ་འོད་ཀྱི་དབང་གིས་མིག་ལ་ཟུག་རེག་སྐྱེས་པའི་དོན་ཏེ། འོད་འཚེར། མིག་འཚེར་ལྟ་བུ། 2.ཁྱིམ་གྱི་བརྡ་རྙིང་།.ཕ་འཚེར། |
| འཚེར་བ |
ཐ་མི་དད་པ 1 སྐད་སྒྲོག་པ། འོལ་བ་འཚེར། དྲེལ་འཚེར། མཚན་ལ་རྟ་སྐད་འཚེར་ནས་གཉིད་དཀྲོགས་བྱུང༌། 2 འབར་བའམ་བཀྲག་འཐོན་པ། བཀྲག་མདངས་འཚེར་བ། ཉི་འོད་འཚེར་བ། 3 མཚེར་བ་དང་དོན་གཅིག 4 རྙིང བག་འཁུམས་པ། |
| འཚེར་མོ |
ལོ་གསུམ་ནས་ཁ་གང་རེག་གི་མ་མོའི་མིང་། |
| འཚེར་འགྲིབ |
རྙིང སེམས་འཚེར་བ། |
| འཚེར་སྐད |
རྟ་འཚེར་བའི་སྐད། |
| འཚེར་སྣང |
མཚེར་སྣང་དང་འདྲ། |
| འཚེལ་བ |
འཚོལ་བའི་ད་ལྟ་བའི་འབྲི་ཚུལ་གཞན་ཞིག་ |
| འཚོ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)སྒོ་ཕྱུགས་འཚོ་སྐྱོང་བྱེད་པའི་དོན་ཏེ། འཚོ་བྱའི་ལུག ཕྱུགས་འཚོ་བའི་ལས་ཀ འབྲོག་པས་ཕྱུགས་འཚོ་བཞིན་འདུག་ལྟ་བུ། 2.(བྱེད་མེད་ལས་ཚིག) ཚེ་སྲོག་གནས་པའི་དོན་ཏེ། འཚོ་ཐབས། ཆུ་ནང་དུ་འཚོ་བའི་སྲོག་ཆགས། ཟས་སྲོག་འཚོ་ཙམ་ཞེས་པ་ལྟ་བུ། གསོ་ཡི་ད་ལྟ་བའི་འབྲི་ཚུལ་གཞན། |
| འཚོ་ཁམས |
ལུས་སྲོག་འཚོ་བྱེད་འབྱུང་བཞིའི་ཁམས། མི་རྒན་འཁོགས་དེ་འཚོ་ཁམས་བདེ་པོ་འདུག ཕྱུགས་རིགས་ཀྱི་འཚོ་ཁམས་རྒྱས་པ། |
| འཛག་བྱེད་ཤིང |
མངོན ཨ་མྲའི་ཤིང་ངམ་ཙཱུ་ཏའི་ཤིང༌། |
| འཛག་འཛོག |
(རྒྱན་ཚིག) གོང་འོག་འཁྲུགས་པའམ་འཆོལ་བའི་དོན་ཏེ། ཡུལ་སྐད་དུ་ས་གེ་སོག་གེ་ཞེས་པ་དང་དོན་གཅིག་ཅ་ལག་ས་གེ་སོག་གེ དཔེ་ཆ་ས་གེ་སོག་གེ་ཞེས་པ་ལྟ་བུ། |
| འཛག་སྣོད |
1 ཐིགས་པ་བཟེད་སའི་སྣོད་སྤྱད། 2 ཐིག་ལེའི་འཛག་སྣོད། |
| འཛགས |
བཙགས་ཀྱི་ད་ལྟ་བའི་འབྲི་ཚུལ་གཞན། |
| འཛང་འཛང |
ཡུལ དངུལ་སོགས་དཀོན་པོ་བྱུང་སྟེ་ལག་ཐོགས་པ། དེང་སང་འཚོ་ཆས་གང་ཅིའི་ཐད་ནས་ལག་འཛང་འཛང་མེད། |
| འཛང་སེ་བ |
ཡུལ དཀོན་ཙམ། དེང་སང་ངེད་ལ་དངུལ་ལག་འཛང་སེ་བ་ཞིག་ཡོད། |
| འཛངས |
(རྒྱན་ཚིག)དཔའ་བའམ་རྟུལ་ཕོད་ཀྱི་དོན་ཏེ། དཔའ་འཛངས་ལྡན་ལྟ་བུ། |
| འཛངས་པ |
རྙིང ཟད་པ་དང་གཏུགས་པ། |
| འཛད |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཚར་བའམ་རྫོགས་པའི་དོན་ཏེ། རྒྱ་མཚོའི་ཆུ་ལ་འཛད་མཐའ་མེད། ཞིང་བྲན་གྱི་སྡུག་ལ་འཛད་དུས་ཡོད་ལྟ་བུ། |
| འཛད་པ |
ཐ་མི་དད་པ ཟད་པ། འཛད་པ།། རྫོགས་པ་དང་གཏུགས་པ། དངོས་པོ་རྣམས་ཟད་པ། སྣུམ་ཟད་མར་མེ། ཐབས་ཟད་པ། ཟད་མི་ཤེས་པ། དེ་ཙམ་གྱིས་ཟད། དེར་མ་ཟད། |
| འཛད་མཐའ་མེད་པ |
ཟད་རྒྱུ་མེད་པ། རྒྱུ་དངོས་གང་དགོས་འཛད་མཐའ་མེད་པ་འདོན་རྒྱུ་ཡོད། རྙོག་གྲ་འཛད་མཐའ་མེད་པ། |
| འཛད་མེད་རིམ་འབྱུང |
རྒྱུན་མི་འཆད་པར་འབྱུང་བ། བཙན་འཛུལ་ལ་ངོ་རྒོལ་བྱེད་པའི་འཐབ་འཛིང་འཛད་མེད་རིམ་འབྱུང་དུ་ཡོད་པ། |
| འཛད་སྤྱོད |
བསྲི་ཚགས་མི་དམ་པའི་བེད་སྤྱོད། |
| འཛན |
སྤྱོད་ཀྱི་བརྡ་རྙིང་སྤྱོད་དཀའ་བ་ལ་འཛན་དཀའ་བ་ཟེར་བ་ལྟ་བུ། |
| འཛན་དཀའ |
རྙིང སྦྱོར་དཀའ་བ། |
| འཛན་པ |
རྙིང མཛའ་བ། |
| འཛན་ཕོ |
རྙིང བགྲོད་བྱེད་དམ་སྐྱེས་པ།…2.ཕོ་མོའི་འབྲེལ་བ་འཆོལ་བའི་ཕོ་སྐྱེས། |
| འཛན་མོ |
རྙིང བགྲོད་བྱའམ་བུད་མེད།…2.ཕོ་མོའི་འབྲེལ་བ་འཆོལ་བའི་བུད་མེད། |
| འཛབ |
རྒྱན་ཆའི་ཕྲེང་བའི་བར་མཚམས་ཀྱི་ཨ་ལོང་གི་མིང་། ཚིག་བཟླས་པའི་བརྡ་རྙིང་། ལེགས་སྦྱར་སྐད་ཛཱཔཱའི་ཟུར་ཆག་བཟླས་པ།.. |
| འཛབ་བཟླས |
སྔགས་བཟླས་པ། |
| འཛབས |
གོས་རིང་ཐུང་གི་དཀྱུས། ཕྱུ་པ་འཛབས་རིང་བ། |
| འཛམ་གྲགས |
བོད་མདའ་ཐུང་ལ་སྦོམ་པ་ཞིག |
| འཛམ་གླིང |
འཛམ་བུའི་གླིང་ཞེས་པའི་ཚིག་བསྡུས་པ། 1རྒྱལ་ཁབ་ཐམས་ཅད་ཀྱི་དོན་ཏེ། འཛམ་གླིང་ཡོངས་ཀྱི་འབྱོར་མེད་པ་རྣམས་མཉམ་འབྲེལ་གྱིས་ཤིག་ལྟ་བུ། 2རྒྱ་གར་ཕྱེད་གླིང་གི་མིང་གཞན། 3《དུས་འཁོར》ནས་བཤད་པའི་སའི་གོ་ལའི་མིང་འཛམ་གླིང་སའི་འདབ་མ་བཅུ་གཉིས་ཞེས་པ་ལྟ་བུ། |
| འཛམ་གླིང་ཆུང་ངུ |
ལྷོ་གླིང་དབུས་མ་དེའི་བྱང་མ། གངས་ལྡན། ཤམ་བྷ་ལ། རྒྱ་ནག་ལི་ཡུལ། བོད། རྒྱ་གར་བཅས་ཡུལ་དྲུག་གཞན་ཡང་རྒྱ་གར། བོད། ལི་ཡུལ། རྒྱ་ནག་རྒྱ་ནག་ཆེན་པོ། ཤམ་བྷ་ལ་ཞེས་བརྩི་ལུགས་ཀྱང་ཡོད། |
| འཛམ་གླིང་ཆེན་པོ |
བསིལ་རིའི་ཕྱི་རོལ་གྱི་གླིང་བདུན་པ། ཤར་ལྷོ་ནུབ་བྱང་གི་ཕྱོགས་རེར་ཤར་དབུས་ནུབ་གསུམ་ཕྱེ་བས་བཅུ་གཉིས་སུ་ཡོད་དོ། |
| འཛམ་གླིང་རྒྱན་དྲུག་མཆོག་གཉིས |
རྒྱན་དྲུག་མཆོག་གཉིས་དང་དོན་གཅིག་ |
| འཛམ་གླིང་ལས་ཀྱི་ས་པ |
སྔོན་བསགས་ལེགས་ཉེས་ཀྱི་འབྲས་བུ་བདེ་སྡུག་འཚོལ་བ་མེད་པར་རང་གིར་ལོངས་སྤྱོད་པའི་རྒྱུ་སྟོབས་ཤིན་ཏུ་ཆེ་ཞིང་མྱུར་བས་ན་ལས་ཀྱི་ས་ཞེས་བཤད། |
| འཛམ་གླིང་སེང་ཆེན་རྒྱལ་པོ |
གླིང་རྗེ་གེ་སར་རྒྱལ་པོའི་མཚན་གྱི་ཆེ་བ་བརྗོད་པ། |
| འཛམ་གླིང་སྤྱི་བསང |
མཆོད་པ་ཆེན་པོ་བཞིའི་ཡ་གྱལ། ལྷ་སར་བོད་ཟླ་ལྔ་པའི་ཚེས་བཅོ་ལྔའི་ཉིན་གཏོང་བའི་དུས་ཆེན་ཞིག |
| འཛམ་བུ |
ལྷ་སྒྲུང་དུ་བཤད་པའི་ཤིང་ཏོག་ཅིག་གམ་ཤིང་ཏོག་གི་སྡོང་བོ་ཞིག ཚིག་བསྡུས་ན་འཛམ་ཞེས་འབྲི་ཆོག |
| འཛམ་བུ་གླིང |
ཛམྦུདྭཱཔཿ གླིང་བཞིའི་ཡ་གྱལ་ཞིག་རི་རབ་ལྷོ་ངོས་སུ་ཡོད་པའི་གླིང་ཆེན། |
| འཛམ་བུ་ན་ད |
ཛམྦུའི་ཆུ་གསེར་ཏེ་གསེར་མདོག་ལེགས་ཤོས་ཤིག |
| འཛམ་བུའི་ཆུ་གསེར |
གསེར་ལེགས་ཤོས། |
| འཛམ་བུའི་ཤིང |
ཤིང་འཛམ་བུ་དང་དོན་གཅིག་ |
| འཛའ |
(བྱེད་འབྲེལ་ལས་ཚིག་ད་ལྟ་བ)ཆུད་ཟོས་སུ་བཏང་བའི་དོན་ཏེ། ཆུད་འཛའ་བ་ཆུད་མི་འཛའ་བ་ཞེས་པ་ལྟ་བུ། 2.ཡུལ དངུལ་དང་དངུལ་བར་གྱི་ཐང་གཞིའི་ཁྱད་པར་གྱི་འཛའ།… |
| འཛའ་བ |
ཐ་མི་དད་པ ཟོས་པ། འཛའ་བ།། འཕྲོ་བརླག་ཏུ་འགྲོ་བ། ཆུད་མི་འཛའ་བ། དོན་མེད་ཆུད་འཛའ་རུ་མ་འཇུག ལོ་ཏོག་ལ་བྱི་བ་དང་འབུ་རིགས་ཀྱིས་འཛའ་བ་འགོག་སྲུང་བྱེད་པ། |
| འཛར |
སྐུད་པ་སོགས་ཀྱི་སྣེ་ནར་ནར་དུ་འཕྱང་བ། གོས་འཛར། དར་འཛར། རས་འཛར། སྣམ་འཛར། གཤམ་འཛར། འཛར་དམར་པོ། |
| འཛར་པང |
ཡུལ བུད་མེད་ཀྱི་པང་ཁེབས་འཛར་ལྡན་དང༌། ལྷ་མོ་འཁྲབ་དུས་ཀྱི་པང་གདན་ཞིག |
| འཛར་བ |
1. ཐ་མི་དད་པ ཐུར་དུ་འཕྱང་བ། གྱོན་པ་འཛར་བ། འགྲམ་ཆུ་འདོམ་པ་གང་འཛར་བ། 2. ལམ་རྒྱགས། 3. རིང་བའམ་འཇོལ་བ། སྐྲ་མ་བཅིངས་པར་འཛར་བ།…4.(བྱེད་མེད་ལས་ཚིག་ད་ལྟ་བ)ལྭ་བ་རློན་པ་དཔྱང་ནས་ཆུ་དལ་མོར་ཐུར་དུ་འཛག་པའི་དོན་ཏེ། ལྭ་བའི་ཐོག་གི་ཆུ་མར་འཛར་ལྟ་བུ། མ་འོངས་པ་ལ་གཟར་དང་། འདས་པ་ལ་བཟར་འབྲི། |
| འཛར་འཛར |
ནར་སྟབས་སུ་འཕྱང་བའི་ཚུལ། གོས་ཀྱི་སྣེ་མོ་འཛར་འཛར། སྐེད་རགས་འཛར་འཛར། དཔྱང་ཐག་འཛར་འཛར། ཁ་ཆུ་འཛར་འཛར། |
| འཛི |
ཕྱུགས་ཀྱི་མདོངས་ཆུང་ཆུང༌།…2.(བྱེད་འབྲེལ་ལས་ཚིག) འགོག་སྡོམ་བྱེད་པ་ནད་པས་ཆང་དང་དུ་བ་འཛི། ཁ་འཛི་ལྟ་བུ། |
| འཛི་ཆུ |
གསེར་ཆུའི་སྟོད་རྒྱུད་ཀྱི་མིང་བོད་རང་སྐྱོང་ལྗོངས་ཀྱི་རི་བོ་ཆེ་རྫོང་ཁོངས་སུ་ཡོད། |
| འཛི་བོ |
དཔྲལ་བར་དཀར་ཐིག་ཡོད་པའི་འབྲི་གཡག་སོགས། |
| འཛིང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཕན་ཚུན་ཚིག་རྩུབ་བཤད་རེས་བྱས་པའམ་འཐབ་འཛིང་བྱས་པའི་དོན་ཏེ། འཛིང་ཁ་བྱས། དགྲ་ལ་འཛིང་མཁན་ཞེས་པ་ལྟ་བུ། |
| འཛིང་ག |
སྟོབས་ཤུགས་འགྲན་པ། མི་སྟོབས་ལྡན་གྱིས་འཛིང་ག་འགྱེད་པ། |
| འཛིང་བ |
1. ཐ་དད་པ འཛིངས་པ། འཛིང་བ། འཛིངས།། འཐབ་པ། དགྲ་དང་འཛིངས་ནས་རྒྱལ་ཁ་ཐོབ་པ། ལག་འཛིང༌། དམར་འཛིང༌། འཐབ་འཛིང༌། དྲག་ཐབས་ཀྱིས་འཛིང་བ། 2. ཐ་མི་དད་པ འཛིངས་པ། འཛིང་བ།། འཁྲུགས་པ་དང་འདྲེས་པ། སྐྲ་འཛིངས་པ། སྣེ་མོ་འཛིངས་པ། སྣ་མང་འཚང་འཛིངས། |
| འཛིང་ར |
དམག་འཐབ་སའི་ར་བའམ། མཁར་རྫོང་གི་མཐའ་སྐོར་དུ་བསྐོངས་པའི་ར་བ། |
| འཛིང་རགས |
དམག་འཐབ་སྐབས་དགྲ་བོ་འགོག་སྲུང་བྱེད་པའི་རགས། |
| འཛིངས |
(བྱེད་མེད་ལས་ཚིག) <ཀ>ཕན་ཚུན་འདྲེས་པ་དང་བསྣོལ་བའི་དོན་ཏེ། སྣེ་འཛིངས་པ། ཕན་ཚུན་མ་འཛིངས་པར་དགར་བ་ཞེས་པ་ལྟ་བུ། <ཁ>ཡར་གཟེངས་པའི་དོན་ཏེ། སྐྲ་གྱེན་དུ་འཛིངས་པ་ཞེས་པ་ལྟ་བུ། འཛིང་ལ་ལྟོས། 2.འདས་པ་དང་སྐུལ་ཚིག་དགྲ་ལ་འཛིངས་ནས་རྒྱལ་ཁ་བླངས་ལྟ་བུ། |
| འཛིངས་པ |
འཛིང་བའི་འདས་པ། |
| འཛིངས་རྙོགས |
འཁྲུགས་ནས་དབྱེ་སེལ་བྱེད་དཀའ་བ། ཡིག་ཆ་མང་པོ་འཛིངས་རྙོགས་ཐེབས་པ། ལས་དོན་ཁག་མང་འཛིངས་རྙོགས་ཐེབས་པ། ཕན་ཚུན་འཛིངས་རྙོགས་སུ་གྱུར་པ། |
| འཛིད |
རྙིང དོ་པོའི་སྣོན་མ། |
| འཛིན |
(བྱེད་འབྲེལ་ལས་ཚིག་ད་ལྟ་བ) ལག་པའམ་སྡེར་མོ་སོགས་ཀྱིས་དངོས་པོ་ལེན་པའི་དོན་ཏེ། ལག་པས་སྨྱུ་གུ་འཛིན། མཚོན་ཆ་ལག་ལ་འཛིན། ཞི་ལས་བྱི་བ་འཛིན། ཁྲས་བྱིའུ་འཛིན། འཛིན་མཁན། འཛིན་སྤྱད་ཅེས་པ་ལྟ་བུ། 2.བདེན་དཔང་གི་ཡིག་ཛར། བྱུང་འཛིན། དངུལ་འཛིན། གཡར་འཛིན།… |
| འཛིན་ཁྲི |
མངོན ཆུ་སྲིན། |
| འཛིན་གཏོར |
དགོས་གལ་ཆེ་དུས་འཕྲལ་དུ་འབུལ་བའི་གཏོར་མ། |
| འཛིན་གཟུང |
ནང་འཛིན་བྱེད་སེམས་དང་ཕྱི་གཟུང་བྱ་ཡུལ། |
| འཛིན་གཟེབ |
བྱ་བྱེའུ་སོགས་འཇུག་ས་རྩ་དང་སྨྱུག་མའི་གཟེབ། |
| འཛིན་གྲྭ |
སློབ་མས་སློབ་སྦྱོང་བྱེད་སྐབས་སློབ་ཁྲིད་ཀྱི་ཆེད་དུ་ཁག་བགོས་པའི་མི་སྐོར་ཞིག་གི་མིང་སློབ་སྦྱོང་འཛིན་གྲྭ། འཛིན་གྲྭ་གཅིག་པའི་སློབ་གྲོགས་ཞེས་པ་ལྟ་བུ། ３སྔོན་ལ་འགོ་སྦྱར་ན་ལས་ཀ་ལས་སྐབས་ཐོག་མར་སྣ་དྲངས་ནས་ལས་པ་སྲོལ་ངན་བསྣུབ་པར་བཟོ་པ་རྣམས་ཀྱིས་འགོ་འཛིན་དགོས། འགོ་བཟུང་། འགོ་ཟུངས་ཤིག་ལྟ་བུ། |
| འཛིན་ཆ |
སྒྲ་གཅན་གྱིས་ཉི་ཟླའི་དཀྱིལ་འཁོར་འཛིན་ཆ་སྟེ་རིལ་འཛིན་ནམ་ཆ་འཛིན་ཆེ་ཆུང་གི་ཚད། |
| འཛིན་ཆགས |
ཞེན་ཆགས་སམ་སེར་སྣ། སྒེར་དོན་ལ་འཛིན་ཆགས་ཆེ་བ། རྒྱུ་དངོས་ལ་འཛིན་ཆགས་ཆེ་དྲགས་པ། |
| འཛིན་ཆས |
ཁང་པའི་ནང་གི་ཡོ་བྱད་དངོས་པོ། |
| འཛིན་ཆུ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དཔལ་ཡུལ་རྫོང་གི་འབབ་ཆུ་ཞིག |
| འཛིན་ཆོས |
བློ་ལ་འཛིན་པའི་ཆོས། དགེ་འདུན་པའི་ཚོགས་དབུས་སུ་འཛིན་ཆོས་རྣམས་ཐོགས་མེད་དུ་སྐྱོར་ཐུབ་པ། |
| འཛིན་ཐབས |
1 བློ་ལ་འཛིན་ཚུལ། 2 ལག་ཏུ་འཛིན་པའི་ཐབས་ཤེས། |
| འཛིན་ཐམ |
དངུལ་དང་དངོས་པོ་ཕར་ཚུར་སྤྲད་པ་དེ་བྱུང་ཞེས་པ་ར་སྤྲོད་ཡི་གེ། |
| འཛིན་དངོས་ནང་རྫས |
ཁྱིམ་དུ་མཁོ་བའི་དངོས་ཟོག འཛིན་དངོས་ནང་རྫས་ཆ་འགྲིག་ཙམ་ཡོད་པ། |
| འཛིན་དབང |
སྤྱི་དང་སྒེར་ལ་དབང་བའི་ས་ཁང་ནོར་རྫས་སོགས། ཉེས་ཅན་གྱི་འཛིན་དབང་ཡོངས་རྫོགས་གཞུང་བཞེས་བཏང་བ། འཛིན་དབང་རྩ་འབུལ། |
| འཛིན་དམ |
བུན་འཛིན་སོགས་ལ་བརྒྱབ་པའི་ཐེལ་ཙེ། |
| འཛིན་པ |
1. ཐ་དད་པ བཟུང་བ། གཟུང་བ། ཟུང༌།། 1 འཆང་བ། ཁས་བླངས་ནས་དམ་པོར་འཛིན་པ། ཁྱོད་ཀྱི་ལག་པས་བཟུང་བ་དེ་དམ་པོར་ཟུང་ཞིག ཉི་འཛིན་དང་ཟླ་འཛིན། བདག་གིར་འཛིན་པ། 2 བློ་ལ་ལེན་པའམ་འཇོག་པ། ཚིག་དོན་ཚང་མ་བློ་ལ་འཛིན་པ། ཉིན་རེར་དཔེ་ཆ་ཤོག་ལྷེ་ལྔ་རེ་བཟུང་ཡོད། 3 ལེན་པ། མིག་གིས་གཟུགས་འཛིན་པ་དང་རྣ་བས་སྒྲ་འཛིན་པ། རེའུ་མིག་འཛིན། ཐོབ་ནོར་གྱིས་ཉི་རྐང་འཛིན་དགོས། 2 1 ཆགས་པ་དང་ཞེན་པ། ཁོ་ལ་ཕ་ཡུལ་གྱི་འཛིན་པ་ཆེན་པོ་འདུག 2 ཁ་སྟོད་སྤང་ལ་སྐྱེ་བའི་བོང་ང་ནག་པོ་མེ་ཏོག་དཀར་ཤས་ཅན་འཆར་བ་ཞིག་ནང་གསེས་སུ་དབྱེ་ན་ལོ་རྐང་མེ་ཏོག་གསུམ་ལ་ཕྱི་འཛིན་དང༌། རྩ་བ་ནང་འཛིན། འབྲས་བུ་དང་མྱུ་གུར་གསང་འཛིན་བཅས་བཞེད། ནུས་པས་རིམས་ནད་དང༌། གཉན་ཚད། གག་ལྷོག་བཅས་འཇོམས། 3 དབང་ལག 4 སེམས་པ། |
| འཛིན་པའི་རྩ |
ལུས་རྩའི་བྱེ་བྲག་ཅིག |
| འཛིན་ཕྱོགས |
ཉི་ཟླ་གཟས་འཛིན་ཕྱོགས་ཏེ། ཟླ་བ་གཙོ་བོ་ཤར་གྱི་ཕྱོགས་དང༌། ཉི་མ་གཙོ་བོ་ནུབ་ཀྱི་ཕྱོགས་ནས་འཛིན། |
| འཛིན་བཟུང |
ལག་པར་ཐེབས་ཐབས་བྱེད་པ། ཉེས་ཅན་འཛིན་བཟུང་བྱེད་པ། འཛིན་བཟུང་དམག་མི། |
| འཛིན་བཤར |
ཚིག་དོན་བློར་འཛིན་པ་དང་བཤར་སྦྱོང་བྱེད་པ། སློབ་དེབ་འཛིན་བཤར་བྱེད་པ། |
| འཛིན་བུ |
སྔོ་འཛིམ། |
| འཛིན་བྱེད |
མངོན 1 ལག་པ། 2 སྐམ་པ། 3 མེ་བྱི་ལོ། 4 ལྕགས་ཀྱུ། 5 ཚངས་པ། 6 ཁྱབ་འཇུག 7 ཉི་མ། 8 རི། |
| འཛིན་མ |
མངོན 1 མ་མ། 2 ས་གཞི། 3 ཆུང་མ། |
| འཛིན་མ་མཁན |
མངོན རྒྱལ་རིགས། |
| འཛིན་མཐུ |
གཟུང་བྱ་དེ་དང་དེ་འཛིན་པའི་ནུས་པའམ་སྟོབས། |
| འཛིན་ཡིག |
གན་འཛིན་གྱི་ཡི་གེ། འཛིན་ཡིག་ཁག་ལ་ཞིབ་བཤེར་དང་སྦྲགས་ཞིབ་རྩིས་རྒྱག་པ། |
| འཛིན་རེས |
བདག་པོ་རྒྱག་རེས་བྱེད་པ། |
| འཛིན་རྣམ |
ཁ་ནང་དུ་ཁོ་ནར་ཕྱོགས་ནས་འཛིན་པའི་རྣམ་པ་ཡུལ་ཅན་གྱི་ཤེས་པ་རང་གི་བདག་ཉིད་དུ་གྱུར་པ། མིག་ཤེས་ཉམས་མྱོང་གི་རང་རིག་ལྟ་བུའོ། |
| འཛིན་ཤོག |
གན་འཛིན་ཤོག་ལྷེ། |
| འཛིན་སྐྱོང |
བདག་ཏུ་འཛིན་པ་དང༌། སྲུང་ཞིང་སྐྱོང་བ། བདག་སྤྲོད་འཛིན་སྐྱོང༌། |
| འཛིན་སྟངས |
1 ཡུལ་ཅན་གྱིས་ཡུལ་ཇི་ལྟར་འཛིན་པའི་ཚུལ། དམིགས་པ་འཛིན་སྟངས་ཀྱི་ཁྱད་པར། 2 ལག་ཏུ་འཛིན་པའི་ཐབས་ཤེས། |
| འཛིན་སྟངས་ཀྱི་ཡུལ |
བློས་ཇི་ལྟར་བཟུང་བ་ལྟར་གྱི་ཡུལ་ཏེ། དཔེར་ན་བུམ་པ་ལྟ་བུ་ནི་བུམ་འཛིན་མིག་ཤེས་དང༌། བུམ་འཛིན་རྟོག་པའི་འཛིན་སྟངས་ཀྱི་ཡུལ་ཡིན་པ་ལྟ་བུའོ། |
| འཛིན་སྤྲས |
བདག་གཅེས། འཛིན་སྤྲས་ལྷོད་མེད་བྱེད་པ། |
| འཛིམ་བུ |
1 རི་བཙོང་གི་བྱེ་བྲག་ཅིག 2 རྫིང་བུ། 3 པད་མ། |
| འཛིར |
(བྱེད་མེད་ལས་ཚིག) གཤེར་ཁུའི་རིགས་ཁུང་བུའམ་སྲུབས་ནས་མར་འཛག་པའི་དོན། |
| འཛིར་བ |
ཐ་མི་དད་པ འཛག་པ། རྫ་སྣོད་ནས་ཆུ་ཕྲུམ་ཕྲུམ་དུ་འཛིར་བ། སྣུམ་རྐྱལ་བཙིར་བས་ཁ་ནས་འབུར་འབུར་འཛིར་བ། |
| འཛུགས |
ད་ལྟ་བ་ཤིང་སྡོང་འཛུགས་མཁན། ཤིང་སྡོང་འཛུགས་བཞིན་པའི་སྐབས་ཞེས་པ་ལྟ་བུ། |
| འཛུགས་གཏོར |
རྒྱུན་དུ་འཇོག་རྒྱུའི་ཕུགས་གཏོར། |
| འཛུགས་གཞི |
གསར་དུ་འཛུགས་རྒྱུའི་ལས་ཀའི་གཞི་རྩའམ་རྨང་གཞི། ལས་གྲྭའི་འཛུགས་གཞི། ནག་ཉེས་འཛུགས་གཞི། |
| འཛུགས་པ |
ཐ་དད་པ བཙུགས་པ། གཟུགས་པ། ཚུགས།། 1 ཤིང་སོགས་འདེབས་པ་དང༌། ཡར་སློང་བ། འབྲས་ཤིང་བཙུགས་པ། དར་ཤིང་བཙུགས་པ། ས་ལ་བཙུགས་པ། པུས་མོ་ས་ལ་བཙུགས་པ། 2 འཇོག་པ། མི་རེར་དཀར་ཡོལ་རེ་འཛུགས་དགོས། སྐས་འཛུགས་པ། རྐང་པ་འཛུགས་པ། རྒྱན་བཙུགས་པ། འབེན་འཛུགས་པ། 3 སྣུན་པ། གྲི་འཛུགས་པ། ནག་བཙུགས་པ་དང་བསྙོན་བཙུགས་པ། 4 གཏོད་པ། མཛུབ་མོ་འཛུགས་པ། སྐྱོན་བཙུགས་པ། 5 འབྱེད་པ། ལས་ཁུངས་བཙུགས་པ། སྲོལ་བཟང་འཛུགས་པ། |
| འཛུགས་ཞིང |
ཡུལ སྔར་འབྲུ་བུན་ལེན་དུས་གཏའ་མར་འཛུགས་པའི་ཞིང་ཁ། |
| འཛུགས་ཤིང |
ཡུལ 1 ལྷ་མོ་འཁྲབ་སྟེགས་ཀྱི་དཀྱིལ་དུ་འཛུགས་པའི་ཤིང་སྡོང༌། 2 ཆེད་དུ་འཛུགས་པའི་ཤིང༌། |
| འཛུགས་སྒྲིག |
ཉེར་མཁོའི་ཡོ་བྱད་སོགས་གཤོམ་སྒྲིག གློག་ཆས་འཛུགས་སྒྲིག་བྱེད་པ། ཆུ་འདྲེན་ལྕགས་མདོང་འཛུགས་སྒྲིག་ཟིན་པ། |
| འཛུགས་སྟོན |
ལས་དོན་གང་རུང་འགོ་འཛུགས་སྐབས་གཏོང་བའི་སྟོན་མོ། |
| འཛུད |
ད་ལྟ་བ་རྟ་རྒོད་དཀྱུས་ལ་འཛུད་མཁན། འཛུད་པར་མཛད་ལྟ་བུ། |
| འཛུད་པ |
ཐ་དད་པ བཙུད་པ། གཟུད་པ། ཚུད།། ནང་དུ་ཚུད་པར་བྱེད་པ། གཞུང་དོན་གྱི་ཁོངས་སུ་སྒེར་དོན་འཛུད་པ་མི་རུང༌། བཙོན་རར་བཙུད་པ། དཔེ་ཆ་རྣམས་ལྕགས་སྒམ་གྱི་ནང་དུ་གཟུད་དགོས། བཙན་དབང་གིས་བཙུད་པ། རྟ་དྲེལ་རྣམས་ར་བར་བཙུད་ཡོད། གཏེ་བར་འཛུད་པ། |
| འཛུམ |
ཅུང་ཟད་དགོད་པའི་རྣམ་པའི་མིང་ཞལ་འཛུམ་པ་མཛད། འཛུམ་བསྟན། འཛུམ་དམུལ་ཏེ་མདངས་ཕྱུང་ལྟ་བུ། (བྱེད་མེད་ལས་ཚིག) ཅུང་ཟད་བགད་པའི་དོན་ཏེ། ངོ་འཛུམ་སྟེ་གླུ་བླངས་ལྟ་བུ། |
| འཛུམ་ཆུང |
ཅུང་ཟད་དགའ་བའི་རྣམ་འགྱུར། ཕན་ཚུན་འཛུམ་ཆུང་སྟོན་རེས་བྱེད་པ། |
| འཛུམ་དཀར |
1 བཞིན་གྱི་ངོ་འཛུམ། དགའ་ཞིང་མགུ་ནས་འཛུམ་དཀར་སྟོན་པ། ཕན་ཚུན་འཛུམ་དཀར་གྱི་ཕྲེང་བ་སྔོན་དུ་འགྲོ་བའི་གཏམ་འདྲེས་པ་དང་བག་ཕེབས་པར་སྨྲ་བ། 2 མངོན ཆུའི་ལྦུ་བ། |
| འཛུམ་དམུལ |
གད་མོ་དགོད་ཉམས། འཛུམ་དམུལ་ཏེ་ལག་པ་གཏོང་རེས་བྱེད་པ། ཡིད་རབ་ཏུ་དགའ་ནས་འཛུམ་དམུལ་བ། |
| འཛུམ་དམུལ་དམུལ |
ཧ་ཅང་དགའ་བའི་འཛུམ་སྟོན་ཚུལ། ཕན་ཚུན་འཛུམ་དམུལ་དམུལ་གྱི་ངང་ནས་འཚམས་འདྲི་བྱེད་པ། |
| འཛུམ་དམུལ་ལེ |
གད་མོ་ཆུང་ངུ་དགོད་པའི་རྣམ་འགྱུར། ཐུགས་མཉེས་ནས་འཛུམ་དམུལ་ལེར་བཞུགས་པ། |
| འཛུམ་དྲུག |
གཅན་གཟན་སྟག་གི་རི་མོ། སྟག་ལ་འཛུམ་དྲུག་རྒྱས་པ། ཝ་རྔ་མ་ཤ་ལེར་བྲོས་པ་ལས། སྟག་འཛུམ་དྲུག་ཉིལ་ལེར་ཤི་ན་དགའ། |
| འཛུམ་པ |
ཐ་དད་པ 1) བཙུམས་པ། བཙུམ་པ། ཚུམས།། ཁ་མིག་ཟུམ་པར་བྱེད་པ། མིག་བཙུམས་པ། མིག་མི་འཛུམ་པར་གཉིད་ཉལ། 2) འཛུམས་པ། འཛུམ་པ། འཛུམས།། དམུལ་བའམ་ཅུང་ཟད་དགོད་པ། ཞལ་འཛུམ་བཞིན་པར་བསླབ་བྱ་གནང་བ། |
| འཛུམ་བག |
འཛུམ་པའི་ཉམས། དགྱེས་ཞལ་འཛུམ་བག་དང་ལྡན་པ། འཛུམ་བག་སྟོན་པ། |
| འཛུམ་བཞད |
གད་མོ་དགོད་པའི་རྣམ་འགྱུར། དཀའ་ཚེགས་གཙང་སེལ་བྱས་ནས་འཛུམ་བཞད་ཤོར་བ། |
| འཛུམ་མདངས |
གད་མོ་དགོད་པའི་ཉམས། བཞིན་ལས་འཛུམ་མདངས་རྒྱས་པ། ཞལ་གྱི་འཛུམ་མདངས་ཕྱུང་བ། དགྱེས་པའི་འཛུམ་མདངས་མངོན་པར་བཞད་པ། མེ་ཏོག་སྣ་ཚོགས་འཛུམ་མདངས་བཞད་པ། |
| འཛུམ་མུལ་མུལ |
དགའ་བའམ་སྒེག་ཉམས་ཀྱི་གད་མོ་ཆུང་ཆུང་དགོད་པའི་རྣམ་པ། བཞིན་རས་འཛུམ་མུལ་མུལ། |
| འཛུམ་མེར་མེར |
དགོད་པའི་རྣམ་འགྱུར། དགའ་ནས་ངོ་གདོང་འཛུམ་མེར་མེར་བྱེད་ཀྱི་འདུག |
| འཛུམ་མོལ |
ཅུང་ཟད་དགོད་ཙམ་གྱི་ངང་ནས་སྐད་ཆ་ཤོད་པ། འཛུམ་མོལ་གྱིས་གྲོས་ཐག་བཅད་པ། |
| འཛུམ་ཝང་ཝང |
དགོད་པའི་རྣམ་འགྱུར། ཞལ་འཛུམ་ཝང་ཝང་གནང་ནས་ཕེབས་པ། |
| འཛུམ་འཛུམ |
དགའ་བའི་གད་མོ་ཅུང་ཟད་རྒོད་པའི་རྣམ་འགྱུར། |
| འཛུམ་ཡལ་ཡལ |
དགའ་འཛུམ་སྟོན་སྟངས། ཞལ་རས་འཛུམ་ཡལ་ཡལ། |
| འཛུམ་ལྟག་དགྱེ |
གཉན་ནད་རིགས་བཅོ་བརྒྱད་ཀྱི་ནང་ནས་ཁ་མིག་འཛུམ་པ་ལྟར་དང་ལྟག་པ་དགྱེ་བོར་འགྲོ་བའི་གཉན་ནད་རྒྱུངས་པར་བབས་པའི་ནད་ཅིག |
| འཛུམ་ཤོར་བ |
གད་མོ་ཅུང་ཟད་ཤོར་བ། ཁོ་དགའ་ནས་འཛུམ་ཤོར་བ། |
| འཛུམས |
དམུལ་བའི་དོན་དུ་གོ་བའི་འཛུམ་པའི་སྐུལ་ཚིག་ |
| འཛུམས་པ |
དམུལ་བའི་དོན་དུ་གོ་བའི་འཛུམ་པའི་འདས་པ། |
| འཛུར |
(བྱེད་མེད་ལས་ཚིག) དུས་ཚོད་ཡོལ་བའམ་འདས་པའི་དོན་ཏེ། ལོ་ཏོག་འདེབས་པའི་དུས་འཛུར་མི་རུང་། ནམ་གུང་འཛུར་ནས་ཉལ། ཉིན་གུང་འཛུར་ནས་ཡུལ་དུ་བསླེབས། དུས་ཆུང་བརྒྱད་པ་མ་འཛུར་བར་སློབ་གྲྭར་བསླེབས་ལྟ་བུ། གཟུར་གྱི་ད་ལྟ་བ། |
| འཛུར་བ |
ཐ་དད་པ བཟུར་བ། གཟུར་བ། ཟུར།། འབྱོལ་བ་དང་གཡོལ་བ། མཚོན་ཆ་ལས་ཟུར་ཅིག ལས་འགན་ལས་བཟུར་བ། གཞུང་ལམ་ནས་བཟུར་ཏེ་བྲོས་སོང༌། མགོ་གཟུར་བ། རི་མཐོན་པོས་མགོ་སྒུར། ཆུ་ཆེན་པོས་ལམ་བཟུར། |
| འཛུལ |
(བྱེད་མེད་ལས་ཚིག) ནང་དུ་སོང་ནས་མི་མངོན་པར་གྱུར་པའི་དོན་ཏེ། བྱི་བ་ཁུང་ལ་འཛུལ། རི་དྭགས་ནགས་གསེབ་ཏུ་འཛུལ། ཁང་བར་འཛུལ་ནས་བསྡད་ལྟ་བུ། ནང་དུ་ནུབ་པའི་དོན་ཏེ། མདེའུ་ས་འོག་ལ་ཁྲུ་གང་འཛུལ། མཚོ་དམག་ཆུར་འཛུལ་ལྟ་བུ། |
| འཛུལ་ཁུང |
ཡིབ་སའི་སྦུབས་ཁུང༌། |
| འཛུལ་ཇ |
སློབ་གྲྭ་སོགས་ཀྱི་སྒྲིགས་ལ་ཐོག་མར་ཞུགས་དུས་གཏོང་བའི་སྟོན་ཇ། |
| འཛུལ་བ |
ཐ་མི་དད་པ ཞུགས་པ། ས་ཕུག་ཏུ་འཛུལ་སོང༌། ཕོ་རོག་གི་ཚང་ལ་ལྕུང་ཀ་མ་འཛུལ། རུམ་དུ་འཛུལ་བ། |
| འཛེག |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དམའ་ས་ནས་མཐོ་སར་འགྲོ་བའི་དོན་ཏེ། སྐས་ལ་འཛེག་དགོས། སྤྲེའུ་ཤིང་སྡོང་ལ་འཛེག་གིན་འདུག གྱེན་དུ་འཛེག་པ་པོ་ཞེས་པ་ལྟ་བུ། |
| འཛེག་པ |
ཐ་དད་པ འཛེགས་པ། འཛེག་པ། འཛེགས།། གྱེན་དུ་འགྲོ་བ། རི་བོར་འཛེགས་ཏེ་རི་རྩེར་སློབས། སྤྲེའུ་ཤིང་རྩེར་འཛེགས་པ། |
| འཛེག་སྐས |
ཡར་འཛེག་མར་འབབ་བྱེད་སའི་སྐས། |
| འཛེགས |
འདས་པ་དང་སྐུལ་ཚིག་རི་ལ་འཛེགས་ནས་རྩྭ་སྨན་བརྐོས། ཤིང་སྡོང་ལ་འཛེགས་ནས་ཤིང་ཏོག་མང་བོ་བཏོགས། སྐས་ལ་འཛེགས་ཤིག་ཅེས་པ་ལྟ་བུ། |
| འཛེགས་པ |
འཛེག་པའི་འདས་པ། |
| འཛེང |
1 རྡོའི་ཚིགས་སམ། ཕལ་ལམ་ལྟར་ཤིན་ཏུ་མཁྲེགས་པའི་རྡོ་ཞིག་སྟེ་དེས་གཡུ་དང་བྱུ་རུ་རྣམས་རྡར་ཐུབ་པ་དང༌། སྨན་ལའང་འགྲོ། 2 སྔར་བོད་ཀྱི་རིགས་རུས་ཤིག |
| འཛེངས་རིང |
རྙིང དཀྱུས་སམ་སྲིད་རིང་བ། |
| འཛེད |
(བྱེད་འབྲེལ་ལས་ཚིག་ད་ལྟ་བ)སྣོད་ཁའམ་ལག་མཐིལ་ཡར་བསྟན་ནས་དངོས་རྫས་ལེན་པའི་དོན། ཁ་སྐད་ལ་བཟེད་ཟེར་ཏེ། སྒྱེ་ཁ་བཟེད་མཁན་ཞེས་པ་ལྟ་བུ། |
| འཛེད་པ |
ཐ་དད་པ བཟེད་པ། བཟེད་པ། ཟེད།། སྣོད་ཁ་ལུག་སའི་ཕྱོགས་སུ་སྟོན་པ། ཕད་བུའི་ཁ་ལེགས་པར་བཟེད་ནས་འབྲུ་བླུག ཨམ་ཕྲག་བཟེད་ནས་ལུ་གུ་བཅུག ཞལ་དཀར་བཟེད་དེ་འབྲས་བླུག ལག་པ་གཉིས་འཛེད་པ། དགྲ་བྱུང་ན་མདུང་རྩེ་མཉམ་གཏད་དང༌། གྲོགས་བྱུང་ན་ཕོར་པ་མཉམ་འཛེད་རེད། |
| འཛེད་ཞལ |
ཇའི་ཞག་བླུག་སྣོད་བཟེད་ཞལ། |
| འཛེམ |
(བྱེད་འབྲེལ་ལས་ཚིག་ད་ལྟ་བ) རང་ལ་ཚོད་འཛིན་བྱེད་པའི་དོན་ཏེ། ངོ་ཚ་ལ་འཛེམ་དགོས། འདོད་པ་ལ་འཛེམ་དགོས་ལྟ་བུ། 2.(བྱེད་མེད་ལས་ཚིག་མ་འོངས་པ་དང་ད་ལྟ་བ)ཕྱོགས་གཅིག་ཏུ་ཚོགས་པའི་དོན་ཏེ། ཚང་འཛོམ། གྲོས་ཚོགས། ལྷན་འཛོམ་ཞེས་པ་ལྟ་བུ། |
| འཛེམ་པ |
ཐ་དད་པ འཛེམས་པ། འཛེམ་པ། འཛེམས།། 1 བག་ཟོན་ནམ་དོགས་ཟོན་བྱེད་པ། འགོ་ནད་ལ་འཛེམ་པ། མི་ཁ་ལ་འཛེམ་པ། ལྷགས་པར་འཛེམ་པ། སྤྱོད་ངན་ལ་འཛེམ་པ། ཞག་ཚིལ་ལ་འཛེམ་པ། གཏམ་དོན་ལ་རྒྱ་ལ་གནོད་པར་འཛེམ་པ། 2 ངོ་ཚའམ་བག་ཚ། མི་མང་གི་དཀྱིལ་དུ་གཏམ་སྨྲ་བ་ལ་འཛེམ་པ། |
| འཛེམ་བག |
ངོ་ཚ་མཚེར་སྣང༌། |
| འཛེམ་བག་ཅན |
ངོ་ཚ་ཤེས་མཁན་དང༌། སྤྱོད་ངན་བྱེད་པ་ལ་མཚེར་སྣང་ཅན། |
| འཛེམ་མ་གནང |
མཚེར་སྣང་མ་བྱེད། གསོལ་ཚིགས་ལ་འཛེམ་མ་གནང༌། |
| འཛེམ་མདོག |
འཛེམ་པའམ་བག་ཟོན་བྱེད་པའི་ཁུལ། ཆང་འཐུང་བར་འཛེམ་མདོག་བྱེད་པ། |
| འཛེམ་ཟོན |
རང་ཟོན། སྐད་ཆ་གང་བྱུང་འཛེམ་ཟོན་སྤུ་ཙམ་མེད་པར་བཤད་པ། འཛེམ་ཟོན་མེད་པ། |
| འཛེམ་འཛེམ |
མཚེར་སྣང་ཆེ་བ། སྐད་ཆ་བཤད་པར་འཛེམ་འཛེམ་བྱེད་པ། འཁྱག་ལྟོགས་ཅི་རིགས་འཛེམ་འཛེམ་མང་བ། |
| འཛེམས |
འདས་པ་དང་སྐུལ་ཚིག་དཀའ་སྡུག་ལ་མ་འཛེམས་པར་དམངས་དོན་བསྒྲུབས་ལྟ་བུ། མ་འོངས་པ་ལ་གཟེམ་འབྲི། རང་ལ་སྲུང་བ་བྱེད་པའམ་བྱོལ་བའི་དོན་ཏེ། ནད་ཡམས་ལ་འཛེམ་དགོས། གྲོགས་ངན་ལ་འཛེམ་དགོས་ལྟ་བུ། ０དོགས་པ་བྱས་པའི་དོན་ཏེ། བསམ་འཆར་འཛེམ་མེད་དུ་བཤད་ལྟ་བུ། |
| འཛེམས་པ |
འཛེམ་པའི་འདས་པ། |
| འཛེམས་མེད |
འཚེར་སྣང་མེད་པ། མངོན་སུམ་འཛེམས་མེད། སྐད་ཆ་འཛེམས་མེད་དུ་བཤད་པ། |
| འཛེར |
(རྒྱན་ཚིག) སྐད་གདངས་དྲག་པའམ་སྐད་འགགས་པའི་དོན་ཏེ། སྐད་འཛེར་འཛེར་དུ་བོས་ཞེས་པ་ལྟ་བུ། (བྱེད་འབྲེལ་ལས་ཚིག) ཡུལ་སྐད་དུ་འཛེར་མ་གདབ་པའམ་གྲི་མདུང་སོགས་བསྣུན་པའི་དོན་ཏེ། ཐུར་མས་འཛེར། མདུང་མགོར་འཛེར་ལྟ་བུ། ０མཛེར་གྱི་འབྲི་ཚུལ་གཞན། １ཟེར་བའི་བརྡ་རྙིང་། |
| འཛེར་དུམ |
མཛེར་དུམ་དང་འདྲ། |
| འཛེར་པ |
མཛེར་པ་དང་འདྲ། |
| འཛེར་བ |
1. ཐ་མི་དད་པ སྐད་འགག་པའམ་མི་ཐོན་པ། སྐད་འཛེར་བ། གྲེ་བ་ཧ་ཅང་འཛེར་བས་སྐད་ཇི་བཞིན་མི་ཐོན། 2. རྙིང 1 ཟེར་བ། ཁོ་ཡོང་གི་ཡིན་འཛེར་བ། འདི་སྐད་འཛེར་བ་ཐོས། 2 འགེལ་བ། ཕུར་གདང་ལ་འཛེར་བ། 3 ཡུལ འབིགས་པ། བུ་ག་འཛེར་བ། |
| འཛེར་བུ |
ཤིང་གི་གཟེར་བུའམ་ལྕགས་གཟེར་ཆུང་ཆུང༌། |
| འཛེར་མ |
གཟེར་བུའམ་གཟེར་ག། |
| འཛེར་འཛེར་པོ |
གྲེ་སྐད་འགགས་པའི་སྒྲ་ངར་ངར་པོ། སྐད་འཛེར་འཛེར་པོ། |
| འཛེར་རྡོ |
ཡུལ ཉ་འཛིན་དྲ་བའི་མས་ཀྱི་རྡོ། |
| འཛོག་པ |
ཁུ་ཚུར་གྱི་བརྡ་རྙིང་། |
| འཛོག་སྦྱོར |
ཡུལ རྙོག་སྦྱོར། ར་གན་གསེར་བརྫུས་ཀྱིས་འཛོག་སྦྱོར་བྱས་པ། |
| འཛོང་འཛོང |
(རྒྱན་ཚིག) རྩ་བ་ཆེ་ལ་རྩེ་མོ་ཕྲ་བའི་དབྱིབས་ཏེ། ཞྭ་འཛོང་འཛོང་། རི་འཛོང་འཛོང་། ཁ་འཛོང་འཛོང་བྱས་ལྟ་བུ། |
| འཛོད |
རྒྱུ་ནོར་གསོག་འཇོག་བྱས་ཡོད་པའི་གནས་དང་ཁང་བའི་མིང་རྒྱལ་ཁབ་ཀྱི་འབྲུ་མཛོད། བང་མཛོད། མཛོད་ཁང་ཞེས་པ་ལྟ་བུ། མཛོད་ཁང་དང་ཆ་མཚུངས་པའི་གནས་སོགས་ཀྱི་མིང་རྩྭ་མཛོད། ཆུ་མཛོད་ཅེས་པ་ལྟ་བུ། ０མང་བོ་འཛོམས་པའི་དོན་ཏེ། ཚིག་མཛོད། མིང་མཛོད། ཡོན་ཏན་གྱི་མཛོད་ཅེས་པ་ལྟ་བུ། |
| འཛོམ་པ |
ཐ་མི་དད་པ འཛོམས་པ། འཛོམ་པ། འཛོམས།། 1 འདུ་བ། མི་མང་འཛོམས་ནས་གྲོས་སྡུར་བྱས། ད་ལན་སོ་སོར་གྱེས་ན་ཡང༌། ཕྱིན་ཆད་འཛོམས་པའི་སྨོན་ལམ་ཞུ། 2 ཚང་བ། རྫས་སྣ་ཚང་མ་འཛོམས་འདུག |
| འཛོམ་པོ |
ཕུན་སུམ་ཚོགས་པ། མཐུན་རྐྱེན་འཛོམ་པོ། འཚོ་བ་འཛོམ་པོ། |
| འཛོམས |
འདས་པ་འཐུས་མི་རྣམས་ལྷན་དུ་འཛོམས་ནས་གྲོས་བྱས་ལྟ་བུ། ཡོད་པའམ་ཚང་བའི་དོན་ཏེ། རང་གིས་འབད་རྩོལ་བྱས་ན་ཟས་གོས་འཛོམ། མཐུན་རྐྱེན་འཛོམས། བཟའ་ཁ་འཛོམས་ཞེས་པ་ལྟ་བུ། ０ཕྲད་པའི་དོན་ཏེ། ངེད་གཉིས་ལྷན་དུ་འཛོམ་ཞེས་པ་ལྟ་བུ། |
| འཛོམས་པ |
འཛོམ་པའི་འདས་པ། |
| འཛོམས་པོ |
ཆ་ཚང་བའི་དོན་ཏེ། ལོངས་སྤྱོད་འཛོམས་པོ་བྱུང་ལྟ་བུ། |
| འཛོམས་བཀག |
ཕྲེང་བའམ་དོ་ཤལ་གྱི་མདུད་འཛིན། |
| འཛོམས་འཁྲབ |
ཟློས་གར་ཚོགས་ཁག་མཉམ་སྦྲེལ་གྱིས་འཁྲབ་པ། འཛོམས་འཁྲབ་གཟིགས་ཕུལ། |
| འཛོམས་རྒྱན |
རྒྱན་ཆའི་ཆ་ལག་ཅིག |
| འཛོལ་བ |
ཐ་མི་དད་པ ནོར་བའམ་འཁྲུལ་བ་དང་འགལ་བ། གོ་འཛོལ། ཁར་སང་བཤད་པ་དེ་འཛོལ་འདུག ལམ་འཛོལ་ཏེ་ཐུག་མ་བྱུང༌། རི་དང་ཟོར་བ་ག་འཛོལ་བ། |
| འར |
ཤོའམ་རྒྱན་གྱི་བརྡ་རྙིང་ཤོ་བརྒྱབ་པ་ལ་འར་བརྒྱབ་པ་ཞེས་པ་ལྟ་བུ། ཞེ་སྡང་གི་བརྡ་རྙིང་ཁོང་ཁྲོ་ལངས་པ་ལ་འར་ལངས་པ་ཟེར་བ་ལྟ་བུ། |
| འར་པོ |
ཡུལ རྩུབ་སྤྱོད། འར་པོ་བྱས་ན་གཞན་རྣམས་དགའ་མི་འགྱུར། |
| འར་འདེད |
ཡུལ ཁྲལ་དང་བུ་ལོན་སོགས་ཚ་འདེད་བྱེད་པའི་བཙན་ཤེད། |
| འར་འུར |
འ་འུར་གྱི་འབྲི་ཚུལ་གཞན། |
| འལ་འོལ |
(རྒྱན་ཚིག) གཡེང་ཞིང་བག་མེད་པའི་རྣམ་པ་འལ་འོལ་ངང་ནས་ལམ་ནོར་ལ་མ་འགྲོ་ལྟ་བུ། ཁ་སྐད་དུ་འ་ལེ་འོལ་ལེ་ཟེར་བ་དང་དོན་འདྲ་སློབ་སྦྱོང་བྱེད་ན་དཔེ་ཆར་འ་ལེ་འོལ་ལེ་ཙམ་བལྟས་པས་མི་ཆོག་ལྟ་བུ། |
| འལ་འོལ་ཕར་འགྱངས |
འདི་བྱས་མེད་པར་དུས་ཚོད་འཕྲོ་བརླག་བཏང་བ། ལས་རྗེས་སྟོན་རྒྱུ་མེད་པའི་འལ་འོལ་ཕར་འགྱངས་བྱེད་པ། |
| འལ་ལེ་འོལ་ལེ |
རབ་རིབ་བམ་གསལ་ལ་མ་གསལ་གྱི་ཚུལ། གོ་བ་འལ་ལེ་འོལ་ལེ་ཙམ་གྱིས་དོན་གྱི་གཏིང་རྟོགས་པར་དཀའ། མཚན་དུས་འལ་ལེ་འོལ་ལེ་ལས་མི་མཐོང་བ། |
| འས་འཕུལ |
སྔོན་འཇུག་འ་ཡིག་འཇུག་རུང་བའི་ཡི་གེ། |
| འི |
རྣམ་དབྱེ་དྲུག་པའི་རྐྱེན་ཞིག་སྟེ་འ་དང་མཐའ་མེད་ལ་འཐོབ་པའི་འབྲེལ་སྒྲ། དེ་ལྟ་བུའི་སྐྱེད་མོས་ཚལ་དེ་ན་བུང་བའི་ཚོགས་དུ་མ་འཕུར་ལྡིང་གཡོ་ཞིང་རྩེ་བ། |
| འིས |
རྣམ་དབྱེ་གསུམ་པའི་རྐྱེན་ཞིག་སྟེ་འ་དང་མཐའ་མེད་ལ་འཐོབ་པའི་བྱེད་སྒྲ། འ |
| འུ |
1. མིང་མཐར་སྦྱར་ན་ཆུང་ངུའམ་དམན་པའི་དོན་སྟོན་པའི་སྒྲ་ཞིག རྟེའུ། བེའུ། རྡེའུ 2. འདི་ཞེས་པའི་བརྡ་རྙིང།…3.བོད་ཀྱི་རུས་ཤིག |
| འུ་གུ |
ཡུལ ང། དེ་རིང་ཁྱོད་དང་འུ་གུ་གཉིས་ལྷན་ཅིག་ཏུ་འགྲོ། |
| འུ་གུ་ཆུང |
སྲིན་བུ། |
| འུ་ཅག |
རང་རེ་ཞེས་པའི་ཡུལ་སྐད། |
| འུ་ཐུག་པ |
ཅི་བྱ་གཏོལ་མེད་དུ་གྱུར་པའམ་ཐབས་ཟད་པ། འུ་ཐུག་ཀ་མེད། འུ་ཐུག་ཐབས་ཟད། འུ་ཐུག་པའི་མཐར་ལྷུང༌། འུ་ཐུག་བཟོད་བྲལ། འུ་ཐུག་པའི་ཁྱི་རྒན་གྱང་ལ་མཆོང༌། ཕོ་རྒོད་ནས་བྱས་པ་མིན། འུ་ཐུག་ནས་བྱས་པ་ཡིན། སོས་དལ་དུས་མཆོད་པ་མི་འབུལ་བར། འུ་ཐུག་དུས་ལྷ་འབོད་ཀླུ་འབོད་བྱེད། |
| འུ་དུམ |
ཚག་གྲུམ། |
| འུ་དུམ་བཙན |
རྒྱལ་པོ་གླང་དར་མ། |
| འུ་ནི |
(ཚབ་ཚིག)ཕ་ཀིའམ་དེ་ཞེས་པའི་བརྡ་རྙིང་བུ་ཁྱོད་འུ་ནི་ར་མ་འདུག་པར་འདིར་ཤོག་ཅེས་པ་ལྟ་བུ། |
| འུ་བུ |
རྙིང རང༌། ངེད། |
| འུ་བུ་ཅག |
རང་ཅག་གམ་བདག་ཅག |
| འུ་ཚོ |
རང་རེ་ཞེས་པའི་ཡུལ་སྐད་དམ་བརྡ་རྙིང་། |
| འུ་ཟི |
ཇའི་རིགས་ཤིག |
| འུ་རང |
རང་རེ། |
| འུ་རུ |
བོད་ཀྱི་རུས་ཤིག |
| འུ་རུ་རུ |
རླུང་སྒྲ་དང་ཆུ་སྒྲ་སོགས་སྒྲོག་སྟངས་ཤིག ལྷགས་འཚུབ་འུ་རུ་རུ་བརྒྱབ་ནས་སྤྲིན་ནག་གཏོར་བ། མེ་འུ་རུ་རུ་འབར། རླུང་སྒྲ་འུ་རུ་རུ་གྲགས། |
| འུ་ལག |
སྤྱི་ཚོགས་རྙིང་བར་མི་སེར་གྱིས་གླ་མེད་པར་དཔོན་གཞུང་ངམ་འགོ་པ་ལ་ངལ་རྩོལ(གཙོ་བོ་སྐྱེལ་འདྲེན་གྱི་ལས་ཀ)བྱེད་པའི་ལས་ཀ་རིགས་ཤིག་གི་མིང་། |
| འུ་ལུ |
སྔོན་སྨན་ཞིག་སྟེ་གཅིན་འབབ་བྱེད་དང་ཚད་འཇགས་བྱེད་ཀྱི་ནུས་པ་ཡོད། |
| འུ་ཤ |
རྙིང འབྲས་བཙོས་པའི་ཁུ་བ། |
| འུ་ཤ་ཁུ་ཚན |
རྙིང འབྲས་བཙོས་པའི་ཁུ་བ་ཚ་པོ། |
| འུ་ཤང་རྡོའི་ལྷ་ཁང |
འུ་ཤང་རྡོ་དཔེ་མེད་བཀྲ་ཤིས་དགེ་འཕེལ་གྱི་གཙུག་ལག་ཁང༌། བོད་རྗེ་ཁྲི་རལ་པ་ཅན་གྱིས་བཏབ་པའི་ལྷ་ཁང་ལྷ་སའི་ལྷོ་ནུབ་སྐྱིད་ཆུའི་ཉེ་འགྲམ་དུ་ཡོད་པ་ཞིག |
| འུ་སུ |
སྔོ་སྨན་གྱི་རིགས་ཤིག་རོ་མངར་ལ་ཚ། ཞུ་རྗེས་སྙོམས། ནུས་པས་བད་ཀན་སྨུག་པོ་དང༌། ཚ་ཆུའི་ཁ་ལྕེ་སྐམ་པ། སིབ་ཐོར་མ་སྨིན་པ་བཅས་ལ་ཕན། |
| འུག་ཆུང |
སྲིན་བྱ། |
| འུག་པ |
མཚན་མོ་འཕུར་བའི་བྱ་ཞིག་སྤུ་མདོག་སེར་སྐྱ་ཁྲ་ཐིག་ཅན། མགོ་བྱི་ལ་དང་དབྱིབས་མཚུངས་ཤིང་། ཨ་བྲ་དང་བྱི་བའི་རིགས་ཟ་བའི་ཕན་བྱ་ཞིག་ཡིན། རིགས་མང་བོ་ཞིག་ཡོད་དེ། ཆེ་བའི་རིགས་ལ་འུག་རྒན་དང་། ཆུང་བའི་རིགས་ལ་འུག་ཆུང་ཟེར། |
| འུག་པ་ཁ་གཅིག |
སྐད་ཆ་ཤོད་ཐེངས་གཅིག་གིས་ཐག་གཅོད་པའི་དཔེ། |
| འུག་པ་མཆོད་བྱེད |
མངོན སྲམ། |
| འུག་པ་ལུང་པ |
སྔགས་རྙིང་མའི་བླ་མ་ཞིག་འུག་བྱ་ལུང་པ་ཡང་ཟེར། ཟུར་པོ་ཆེ་ཤཱཀྱ་འབྱུང་གནས་ཀྱི་མཚན་གྱི་བྱེ་བྲག་ཅིག |
| འུག་པའི་བདག་པོ |
མངོན བྱ་ཁྱུང༌། |
| འུག་བྱ་ལུང་པ |
འུག་པ་ལུང་པ་དང་དོན་གཅིག་ |
| འུག་སྒྲོ |
1 བྱ་འུག་པའི་སྒྲོ། 2 འུག་པའི་སྒྲོ་དེ་མེར་བསྲེགས་པའི་ཐལ་བས་དམུ་ཆུ་སྐེམ་པ་དང༌། གློ་རྣག་ཕྱིར་འདྲེན་པར་བྱེད། |
| འུང་ཏེ |
རྙིང འོན་ཀྱང༌། |
| འུང་ཏེང |
འུང་ཏེ་དང་འདྲ། |
| འུང་ནས |
རྙིང འདི་ནས། |
| འུང་སྟེ |
འུང་ཏེ་དང་འདྲ། |
| འུད |
1 ཁ་ཤོབ་བམ་ཆུང་ངུ་ཆེར་སྤྲོས་ཏེ་ཚད་ལས་བརྒལ་བ་དང་དངོས་དོན་དང་མི་མཐུན་པའི་གཏམ། འུད་ཆེར་སྨྲ་བ། འཆལ་གཏམ་འུད་སྒྲོག་བྱེད་པ། བྱས་རྗེས་ཆུང་ལ་བྱས་ཡུས་ཀྱི་གཏམ་འུད་ཆེན་པོ་བཤད་པ། གྲུབ་འབྲས་འུད་བརྗོད། 2 ཡུད་ཙམ། 3 ཤུགས། |
| འུད་གཏམ |
དོན་ངོ་བོའི་གནས་ཚུལ་ལས་འདས་པའི་སྐད་ཆ། |
| འུད་པོ་ཆེ |
ཧ་ཅང་ཐལ་ཆེ་བའི་གཏམ། |
| འུད་བརྗོད་པ |
1སྔར་གྱི་ཚད་ལས་བརྒལ་བར་བྱེད་པ་གྲུབ་འབྲས་འུད་བརྗོད་ནས་མ་བཤད་ལྟ་བུ། 2ཚིག་རྒྱན་གྱི་རྣམ་པ་ཞིག་ཉན་པ་པོ་དང་ཀློག་པ་པོའི་བློ་ལ་འཆར་བདེ་བ་དང་། སྐད་ཆའི་ནུས་པ་ཇེ་ཆེར་གཏོང་བའི་ཆེད་དུ་ཚད་ལས་འདས་པའི་ཚིག་གིས་བྱ་དངོས་མཚོན་པ་ཞིག་ཡིན། དཔེར་ན། ཁོ་རང་གི་སྐད་ནི་ཅོང་སྒྲ་དང་འདྲ་བར་ལེ་བར་བཅུ་ཡི་ལམ་ནས་ཀྱང་ཐོས་ཐུབ་ཅེས་པ་ལྟ་བུ། |
| འུད་བསྟོད |
རབ་བཏགས་དང་ཟོལ་བསྟོད་ཀྱི་སྒོ་ནས་བསྟོད་པ། སྤྲེལ་ལད་འུད་བསྟོད། |
| འུད་ཤོབ |
ཁ་ཤོབ་བམ་ཐལ་ཆེ་བའི་གཏམ། ཁྲེལ་མེད་འུད་ཤོབ། འུད་ཤོབ་ཆེན་པོ་ཤོད་པ། འུད་ཤོབ་དཔེ་མི་སྲིད་པ་ཤོད་པ། |
| འུན་ཤིང་ཀོང་ཇོ |
རྒྱ སྲོང་བཙན་སྒམ་པོའི་བཙུན་མོ་སྟེ་རྒྱ་བཟའ་སྔ་མ། |
| འུབ |
འདུ་བའི་བརྡ་རྙིང་། |
| འུབ་ཀྱིས |
(བསྣན་ཚིག) རིལ་བོའམ་ཆ་ཚང་བ་ལམ་འཕྱག་འཁྲུལ་འཁོར་གྱིས་ས་རྡུལ་རྣམས་འུབ་ཀྱིས་བསྡུས། མི་རྣམས་ཁང་བར་འུབ་ཀྱིས་འདུས་ལྟ་བུ། འདི་ལ་འུབས་ཀྱིས་འབྲི་བའང་ཡོད། |
| འུབ་པ |
ཡུལ འདུ་བ། མི་མང་པོ་འུབ་སྟེ་དབང་དུ་བསྡུས་པ། བུད་ཤིང་ཕུང་པོ་ཆེན་པོ་ཞིག་འུབ་སྟེ་བཞག་འདུག ཉི་མར་བཀྲམ་པའི་ཅ་ལག་རྣམས་འུབ་སྟེ་བསྡུས་སོ། |
| འུབས |
གྲུ་ཁུག་ཏུ་བཅིངས་པའམ་བྲང་ལ་སྦྱར་ནས་ལག་པས་བཅིངས་ཏེ་ཡར་འགྱོགས་པའི་འགུལ་སྟངས་ཀྱི་མིང་ཨ་མས་བུ་ཆུང་འུབས་བཏབ། འུབས་འདེབས། འུབས་ཐོབ་ཅེས་པ་ལྟ་བུ། འདི་ལ་འུབས་པས་བཏབ་དང་། འུབས་པ་བཏབ་ཟེར་བའང་ཡོད། |
| འུབས་པ |
འུབ་པ་དང་འདྲ། |
| འུབས་བསྡུས |
ཕྱོགས་གཅིག་ཏུ་བསྡུས་པའམ་བཅུམས་པ། བརྔས་པའི་ལོ་ཐོག་ཚང་མ་ལོགས་ཤིག་ཏུ་འུབས་བསྡུས་ནས་རྩིག་པ། གོས་ལ་ཚེམ་བུ་འུབས་བསྡུས་བརྒྱབ་སྟེ་བཙེམས་པ། |
| འུར |
1 སྒྲ་སྒྲོག་ཚུལ་ཞིག ཁྲོམ་དཀྱིལ་དུ་མི་མང་འུར་རྒྱག་བཞིན་འགྲོ་བ། ལམ་གྱི་གསུམ་མདོར་འཚོགས་ནས་འུར་སྒྲ་སྒྲོག་པ། 2 སྒྲོ་འདོགས་པ་སྟེ་ཆུང་ཆུང་ཆེན་པོ་བཟོ་བ། ལས་དོན་སྣ་གཅིག་ལས་མེད་པར་མང་པོ་ཡོད་ཅེས་འུར་ཤོད་པ། 3 གློ་བུར། རྟ་འུར་འདྲོག་གིས་རྒྱུག་པ། |
| འུར་གཏམ |
དོན་མེད་སྟོང་པའི་གཏམ། རྒྱུ་མཚན་མེད་པའི་འུར་གཏམ་ཤོད་པ། |
| འུར་ཆ |
ཕྱུགས་རྫིས་རྡོ་འཕེན་བྱེད་ཐག་པ་དང་འདྲ་བའི་ཡོ་བྱད་ཅིག་གི་མིང་། |
| འུར་ཆིལ་ལེ |
སྒྲ་སྒྲོག་ཚུལ་ཞིག དམག་བརྒྱ་ཚོ་མང་པོ་འུར་ཆིལ་ལེར་འབྱོར་བ། |
| འུར་ཆོམ |
སྒྲ་སྐད་ཆེན་པོ། འུར་ཆོམ་གྱི་སྒྲ་དང་བཅས་ཏེ་ས་གཡོ་བ། |
| འུར་ཐིང་ངེ |
སྒྲ་སྐད་འུར་དིང་དིང༌། ཚོགས་ཁང་ནང་དུ་སྐད་ཆ་འུར་ཐིང་ངེ་ཤོད་ཀྱིན་འདུག |
| འུར་དིར་དིར |
མི་མང་པོའི་སྐད་སྒྲ། མི་མང་པོས་སྐད་སྒྲ་འུར་དིར་དིར་འདོན་བཞིན་པ། |
| འུར་པ |
1 འབུ་ཆ་ག་པ། 2 བྱེའུ་ཅོ་ག། |
| འུར་པོ |
ཡུལ མྱུར་ལ་ངར་ཆེ་བ། ཚང་མས་ལས་ཀ་འུར་པོ་བྱས་སོང༌། |
| འུར་བ |
ཡུལ འདྲོག་པའམ་མི་མང་པོ་སྡེབ་གཅིག་ཏུ་འགྲོ་བ། ཁྲོམ་གློ་བུར་དུ་འུར་བ། དུད་འགྲོའི་ཁྱུ་འདྲོགས་ཏེ་འུར་བ། ཕྱོགས་ཐམས་ཅད་ནས་རླུང་འུར་བ།…2.ཅུང་ཟད་མཐོན་པོར་འཕུར་ཐུབ་ཅིང་འཕུར་ཚེ་གཤོག་སྒྲ་ཆེན་པོ་འབྱིན་པའི་འབུ་ཆ་ག་བའི་རིགས་ཤིག་བྱིའུ་འུར་བ་ཡང་ཟེར། |
| འུར་བསྐྱོད |
འུར་ལངས་ཏེ་ཕྱིན་པའི་དོན། ཁྱུག་ཙམ་ཞིག་བསྡད་ནས་འཕྲལ་དུ་འུར་བསྐྱོད་བྱས་པ། |
| འུར་མ |
ནམ་མཁར་འཐིབས་པའི་ས་རྡུལ་དང་ན་བུན་ལྟ་བུའི་མིང་འདི་ལ་ལྷོ་འུར་མ་ཡང་ཟེར། |
| འུར་ཞོགས |
དཀྲོག་གཏམ། འུར་ཞོགས་བཤད་དེ་འདྲོག་མགོ་བསླངས་པ། |
| འུར་ཟིང |
མི་མང་པོའི་ཅ་ཅོའམ་ཀུ་ཅོ། སློབ་ཁང་དུ་འུར་ཟིང་བྱེད་པ། |
| འུར་འགྲོས |
འུར་ལངས་ཏེ་བྲེལ་ཚུབ་ཀྱི་འགྲོ་སྟངས་ཤིག རྟ་ཁྱུ་འུར་འགྲོས་སུ་བརྒྱུགས་སོང༌། |
| འུར་འུར |
ཆུ་རླུང་སོགས་ལས་བྱུང་བའི་འུར་སྒྲ། བྱང་ལྷགས་འུར་འུར་སྒྲོག་པ། ཚ་ཚ་འུར་འུར། |
| འུར་འུར་ཆིལ་ཆིལ |
ཆུ་རླུང་འཐབ་པའི་སྒྲ། |
| འུར་འུར་ཆེམ་ཆེམ |
རྔ་རོལ་མང་པོ་དཀྲོལ་རྡུང་གི་སྒྲ་གདངས། རྔ་སྦུབ་ཀྱི་སྒྲ་དང་བཅས་ཏེ་བྲོ་གར་འུར་འུར་ཆེམ་ཆེམ་དུ་འཁྲབ་པ། |
| འུར་འུར་སིལ་སིལ |
འུར་སིལ་གྱི་སྒྲ་སྒྲོག་ཚུལ། རོལ་མོའི་སྒྲ་དབྱངས་མང་པོ་འུར་འུར་སིལ་སིལ་དུ་སྒྲོག་གིན་འདུག |
| འུར་རུ་མཚོ |
བོད་རང་སྐྱོང་ལྗོངས་ཀྱི་ཤན་རྩ་རྫོང་གི་དབུས་ཁུལ་དུ་ཡོད། |
| འུར་རུ་རུ |
འུ་རུ་རུ་དང་འདྲ། |
| འུར་རྒྱག་པ |
འཚངས་ཀ་བརྒྱབ་སྟེ་ཅ་ཅོ་སྒྲོག་པ། |
| འུར་རྒྱུག |
བྲེལ་ཚུབ་ཀྱིས་འུར་ལངས་ཏེ་འགྲོ་བ། |
| འུར་རྡོ |
ཐག་པའི་མཐིལ་དུ་རྡོ་བཞག་ནས་འཕེན་བྱེད་ཀྱི་ལག་ཆ་ཞིག རྫི་བོ་འུར་རྡོ་འཕེན་ལ་མཁས། |
| འུར་རྡོ་ཆུ་མིག་དགུ་སྒྲིལ |
སྐུད་པ་ཚོན་ཁྲས་བསླས་པའི་འུར་རྡོ་རིས་མིག་དགུ་ཡོད་པ་ཞིག་སྟེ་བྱིས་པའི་རྩེད་ཆས་དང་ཕྱུགས་རྫིའི་ཡོ་བྱད་ཅིག |
| འུར་རྡོའི་ཁྲལ |
བོད་ཀྱི་རབ་བྱུང་བཅོ་ལྔ་པའི་ཤིང་འབྲུག་ལོར་དབྱིན་དམག་གིས་བོད་ལ་བཙན་འཛུལ་བྱེད་སྐབས་བོད་ས་གནས་སྲིད་གཞུང་གིས་བོད་དམན་གི་ལག་ཆར་འུར་རྡོ་དང་རྡོ་ཁུག་གི་ཁྲལ་བསྐུལ་བ་ལྟ་བུ་ལ་ཟེར། |
| འུར་ལངས |
ཞོགས་ལངས་པའི་དོན་ཏེ། མི་མང་འུར་ལངས་ལྟ་བུ། |
| འུར་ལངས་པ |
1 གློ་བུར་དུ་བྲེལ་འཚབ་ལངས་པ། ལས་ཀ་བྲེལ་བ་ཆེ་བས་འུར་ལངས་པ། 2 དཀྲོག་དཀྲོག་བྱེད་པ། |
| འུར་ཤོབ |
ཧར་ཆེ་བའི་གཏམ་མམ་འབོར་ཤོབ། |
| འུར་སིལ |
འུར་འུར་སིལ་སིལ་གྱི་བསྡུས་ཚིག་ |
| འུར་སྐད |
1 ཅ་ཅོ་སྒྲོག་པའི་སྐད། 2 ལྷགས་འུར་སོགས་ཀྱི་སྒྲ། |
| འུར་སྒྲ |
འུར་འུར་ཟེར་བའི་སྒྲ། འབྲུག་གི་འུར་སྒྲ། རྣ་བའི་འུར་སྒྲ། ཆར་སྤྲིན་འཁྲིགས་ཏེ་འབྲུག་གིས་འུར་སྒྲ་སྒྲོག་པ། འུར་སྒྲ་རྒྱག ཆུ་བོ་ཆུང་ཆུང་འུར་སྒྲ་ཆེ། ཡོན་ཏན་ཆུང་ཆུང་ང་རྒྱལ་ཆེ། རླུང་ལ་རྩ་བ་མེད་ཀྱང་ནམ་མཁའ་འུར་སྒྲས་གང༌། ཚིག་ལ་མཚོན་ཆ་མེད་ཀྱང་མི་སེམས་ཚལ་བར་གཏོང༌། |
| འུར་སྒྲ་ཅན |
མངོན མདའ། |
| འུར་སྒྲོག |
རྫུན་ནམ་ཐལ་ཆེ་བའི་གཏམ་སྒྲོག་པ། ཁ་བཤད་སྟོང་པའི་འུར་སྒྲོག་ལ་ཡིད་བརྟན་མེད། |
| འུལ་བུ |
སྣམ་བུའི་འཇུར་མདུད། |
| འུལ་མི |
སྔ་དུས་ཁྲལ་རྒྱུག་མཁན་གྱི་མི། |
| འེ་ཅག |
འུ་ཅག་དང་དོན་འདྲ། |
| འོ |
1. མཐའ་མེད་ལ་སྦྱར་རྒྱུའི་སླར་བསྡུའི་ཕྲད་ཅིག 2. འབོད་པའི་སྒྲ་ཞིག འོ་ཡོང་ངོ། འོ་ལགས་སོ། འོ་ཡག་པོ་བྱུང༌། 3. རྙིང འདི། |
| འོ |
མི་གཞན་པའི་ལུས་ཕུང་གི་ཆ་ཤས་ལ་ཁ་སྦྱར་ནས་བརྩེ་དུང་གི་རྣམ་པ་སྟོན་པའི་བྱ་སྤྱོད་ཅིག་གི་མིང་ཨ་མས་བུ་ཕྲུག་ལ་འོ་བྱས། བྱིས་པས་མ་ལ་འོ་ཞིག་བྱས་ལྟ་བུ། 2.(གྲོགས་ཚིག) ཚིག་གི་ཐོག་མར་སྦྱར་ན་ངོ་མཚར་བ་དང་གླེང་བསླངས་པའི་སྒྲ་འོ་ཡ། འོ། ད་ངས་གནད་དོན་དེ་ཧ་གོ་བྱུང་ལྟ་བུ། |
| འོ་ཁྲུས |
འོ་མས་གདོང་འཁྲུད་པ། མཛེས་འདོད་གདོང་ལ་འོ་ཁྲུས་བྱས། མི་མཛེས་མིག་ལ་ལིང་ཏོག་སྐྱེས། |
| འོ་གསར |
1 བཞོས་མ་ཐག་པའི་འོ་མ། 2 ལྷའི་བདུད་རྩི། |
| འོ་ཅག |
ངེད་ཅག་གི་ཡུལ་སྐད་དམ་བརྡ་རྙིང་། |
| འོ་ཅོག |
རྙིང ཐམས་ཅད་དམ་མ་ལུས་པ། དགའོ་ཅོག མདའོ་ཅོག |
| འོ་ཆུ |
འོ་མ་དང་ཆུ། འོ་ཆུ་འདྲེས་པ་ལྟར། མི་རིགས་ཕན་ཚུན་འོ་ཆུ་གཅིག་འདྲེས་ལྟར་གྱུར་པ། |
| འོ་ཆུ་མཉམ་འདྲེས |
དབྱེར་མེད་དུ་འདྲེས་པ་སྟེ་ཕན་ཚུན་བར་འབྲེལ་བ་དམ་ཟབ་ཏུ་གྱུར་པའི་དཔེ། |
| འོ་ཇ |
འོ་མ་བླུག་པའི་ཇ། |
| འོ་ཐག་གཅོད་པ |
ཕྲུ་གུ་ལ་ཨ་མས་ནུ་ཞོ་སྟེར་མཚམས་འཇོག་པ། |
| འོ་ཐང་མཚོ |
ལྷ་ས་ཆགས་ཡུལ་ས་ཆ་དེའི་སྔར་གྱི་མིང་ལ་འོ་མ་ཐང་ཟེར་ཞིང༌། དེར་མཚོ་ཞིག་ཡོད་པ་དེའི་མིང་ངོ། རྗེས་སུ་བལ་བཟའ་ཁྲི་བཙུན་གྱིས་མཚོ་དེ་བསུབས་ཏེ་དེའི་སྟེང་དུ་ད་ལྟའི་གཙུག་ལག་ཁང་འདི་བཞེངས་པར་གྲགས། |
| འོ་ཐུག |
འོ་མ་ལས་བཟོས་པའི་ཐུག་པ། |
| འོ་ད |
སོག ད་ལྟ། |
| འོ་དེ་གུང་རྒྱལ |
ལྷོ་རྒྱུད་འོལ་དགའི་ཕྱོགས་ཀྱི་གངས་རིའམ་གཞི་བདག་ཅིག |
| འོ་དོད |
སྨྲེ་སྔགས་འདོན་པའམ་སྐྱབས་འཚོལ་བར་ཞུས་པའི་སྒྲ་ཡི་མིང་ཉམ་ཐག་ང་རོས་འོ་དོད་འབོད་ལྟ་བུ། |
| འོ་ན |
(སྦྲེལ་ཚིག) ཚིག་གི་འགོར་སྦྱར་ན་སླར་དྲི་བ་སྟོན་པ་དྲིས་པ། ཁྱོད་ཞིང་ཁ་ལ་འགྲོ་བ་ཡིན་ནམ། ལན། མིན། དྲིས་པ། འོ་ན་ཁྱོད་གང་ལ་འགྲོ་རྒྱུ་ཡིན་ལྟ་བུ། |
| འོ་ནི |
རྙིང 1 འདི་ནི། 2 ཁོ་བོ་ནི། |
| འོ་ཕྱེ |
འོ་མའི་རླན་གཤེར་མེད་པར་བཟོས་ནས་བྱུང་བའི་ཕྱེ་མ། |
| འོ་བཟེ |
རྙིང 1 བྱ་བར་བསྒྲིན་ཅིང་མྱུར་བ། 2 སྤྱོད་ལམ་ཆ་ལུགས་མཛེས་པ། |
| འོ་བརྒྱལ |
1 དཀའ་ལས་ཁག་པོ་དང་ཐང་ཆད་པ། འོ་བརྒྱལ་འཚམས་འདྲི་ཞུ། འཚོ་བའི་འོ་བརྒྱལ་མི་འདུག ལམ་ཐག་རིང་པོར་འོ་རེ་བརྒྱལ། ནར་ནར་ལྕེ་ལ་བདག་པོ་མ་བརྒྱབ་ན། རིལ་རིལ་མགོ་ལ་འོ་བརྒྱལ་བཟོས་ཡོང་ངོ། 2 ལམ་ཞུགས་ཀྱི་མགྲོན་པོ་སླེབས་པར་ཁམས་བདེ་ཞུ་བའི་ཞེ་ཚིག་གམ་ཐུགས་རྗེ་ཆེ་ཞུ་བ། ཁྱེད་འོ་བརྒྱལ་ཆེ་བྱུང་ངམ། ངས་ཁྱེད་ལ་འོ་བརྒྱལ་ཞིག་ཞུ་རྒྱུ་ཡོད། རོགས་གནང་བ་ལ་འོ་བརྒྱལ་ཆེ་ཞུ་བ་ཡིན། |
| འོ་བརྒྱལ་ཞུ |
1ལས་བཅོལ་བྱེད་པའི་ཞེ་ས་ཁྱེད་ཚོང་ཁྲོམ་ལ་ཕེབས་ན་ངར་ཁྱེད་ལ་འོ་བརྒྱལ་ཞིག་ཞུ་རྒྱུ་ཡོད་ལྟ་བུ། 2ལས་བཅོལ་བ་བསྒྲུབས་ནས་གྲུབ་པར་ཐུགས་རྗེ་ཆེ་ཞུ་བ་རོགས་རམ་ཆེན་པོ་གནང་བ་འོ་བརྒྱལ་ཞུ་བ་ཡིན་ལྟ་བུ། |
| འོ་བསུ |
ཡུལ བག་མ་གཏོང་ཡུལ་གྱི་ཨ་མས་སྐས་མགོར་བག་མ་ལ་འོ་ཕུད་མཆོད་བཅུག་ནས་འོ་མ་དེ་གཉེར་ཚང་དུ་འཇོག་པ། |
| འོ་བྱམས་པ |
ཡུལ གཅེས་པར་བྱ་བ། |
| འོ་བྱེད་པ |
ཁ་དང་ཁ་སྦྱོར་བ། |
| འོ་བྲན |
བོད་ཀྱི་རུས་ཤིག |
| འོ་མ |
བ་སོགས་ལས་བཞོས་པའི་འོ་མ། འོ་མ་འཇིབ་པ། འོ་མ་འཇོ་བ། འོ་མ་སྙོལ་བ། འོ་མ་དཀྲོག་པ། འོ་མ་སྟེར། ཁ་འོ་མ་ལས་དཀར། ཁོག་ཚེར་མ་ལས་ནག འོ་མའི་རྒྱ་མཚོའི་ནང་ལ། ཁྲག་གི་ཐིགས་པ་མ་འཕེན། མིང་གི་རྣམ་གྲངས་ལ་ནུ་སྐྱེས་དང༌། ནུ་ཞོ། བཞོས་པ་བཅས་སོ། |
| འོ་མ་ཐང |
འོ་ཐང་མཚོའི་མིང་གཞན་ཞིག་ |
| འོ་མ་དང་པོ |
མངོན འོ་སྤྲིས། |
| འོ་མ་བཞུར་བ |
ཡུལ རྐྱལ་བའམ་མདོང་མོའི་ནང་དུ་འོ་མ་དཀྲོགས་ཏེ་མར་དང་དར་བ་དབྱེ་བསལ་བྱེད་པ། |
| འོ་མ་འཆིང |
མངོན བ་དྲུས་མའམ་བཞོན་མ། |
| འོ་མ་འཕེལ་བ |
མངོན བ་དྲུས་མའམ་བ་བཞོན་མ། |
| འོ་མ་འཛིན |
མངོན 1 ནུ་མ། 2 བུར་ཤིང༌། 3 བ་ཕྱུགས། |
| འོ་མ་རུལ་བ |
འོ་མ་ཤི་ནས་ཕྱུར་བར་གྱུར་པ། |
| འོ་མ་ཤིང |
བཅད་ཁ་ནས་འོ་མ་ལྟ་བུ་ཞིག་འབྱུང་བའི་ཤིང་ཞིག |
| འོ་མ་སྤེལ་པོ |
མངོན བ་དྲུས་མའམ་བ་བཞོན་མ། |
| འོ་མངར |
ཡུལ མར་མ་བཏོན་པའི་འོ་མ། |
| འོ་མདོང |
ཤིང་ལས་བཟོས་པའི་འོ་མ་དཀྲོག་སྣོད། |
| འོ་མཚོ |
འོ་མ་མང་པོ་མཚོ་ཡི་གཟུགས་སུ་བཀོད་པ། |
| འོ་མའི་མགྲིན་ཅན |
མངོན སྐྱེས་མ་ཐག་པའི་ཕྲུ་གུ། |
| འོ་མའི་རྒྱ་མཚོ |
1 རི་རབ་ཀྱི་ཕྱིའི་རྒྱ་མཚོ་ཞིག 2 འོ་མ་རྒྱ་མཚོའི་གཟུགས་སུ་བཀོད་པ་སྟེ་སེམས་དཀར་པོ། |
| འོ་མའི་སྙིང་པོ |
མངོན མར། |
| འོ་ཚབས |
མོ་ནད་ཁྲག་ཚབས་རིགས་ཤིག་ཟླ་མཚན་འོ་ཁའི་ཆུ་དང་འདྲ་བ་འཛག་ཅིང༌། ཆུ་སོ་ན་ཞིང་སྐྱུག་སྙམ་བྱེད་པ་ཞིག |
| འོ་ཞོ |
1 མར་མ་བཏོན་པའི་འོ་མ་བསྙལ་བའི་ཞོ། 2 འོ་མ་དང་ཞོ་གཉིས། |
| འོ་ཟི |
རྙིང སྐྱ་རེངས་ཐ་མའི་དུས་ཙམ་གྱི་འོད་ཟེར་ཆུང་ངུ། |
| འོ་ཟོ |
འོ་མ་བླུག་སྣོད་ཀྱི་ཟོ་བ། |
| འོ་ཟོམ |
འོ་མ་བླུག་སྣོད་ཀྱི་ཟོ་བ་ཆེ་གྲས། |
| འོ་འཐུང |
མངོན ཕྲུ་གུའམ་བྱིས་པའི་མིང༌། |
| འོ་འཛིན་གྱི་ཏོག |
མངོན ནུ་མའི་རྩེ། |
| འོ་འཛིན་ཅན་མ |
མངོན བུད་མེད། |
| འོ་ཡ |
(འབོད་སྒྲ)སྐད་ཆ་བཤད་པའི་ཚིག་སྟེགས་ཤིག་འོ་ཡ་ད་ཁྱོད་ཀྱིས་ཉོན་དང་ངས་ཁྱོད་ལ་བཤད་ལྟ་བུ། གཞན་གྱིས་ལས་བཅོལ་བ་དང་དུ་བླངས་པ་སྟོན་པའི་སྒྲ་དགེ་རྒན་གྱིས་སློབ་མ་ལ་སང་ཉིན་ཁྱོད་སློབ་གྲྭར་འོངས་དུས《མི་དམངས་ལ་ཞབས་འདེགས་ཞུ་དགོས》ཁྱེར་ཡོང་དགོས་ཟེར་བ་ལ། སློབ་མས་འོ་ཡ་ཟེར་བ་ལྟ་བུ། |
| འོ་རྐྱལ |
ཀོ་བས་བཟོས་པའི་འོ་མ་དཀྲོག་སྣོད། |
| འོ་རྒྱང |
བོད་ཀྱི་རུས་ཤིག |
| འོ་རྗེན |
འོ་གསར་རམ་མ་བསྐོལ་བའི་འོ་མ། |
| འོ་རྡོག |
ཡུལ ནུ་མའི་རྩེ་རྡོག |
| འོ་རྩམ |
འོ་མའི་རླན་གཤེར་མེད་པར་བཟོས་ནས་བྱུང་བའི་འོ་ཕྱེ། |
| འོ་ལགས་སོ |
གཏམ་བཤད་པ་དང་དཔེ་ཆ་འཁྲིད་སྐབས་ཐོག་མར་ཉན་པ་པོ་རྣམས་ལ་བརྡ་སྟོན་པའི་ཚིག་འོ་ལགས་སོ། ད་ཐེངས་ལ་དོན་གྱི་རྣམ་དབྱེ་འཆད་རྒྱུ་ཡིན་པས། སློབ་མ་རྣམས་ཀྱིས་ལེགས་པར་ཉོན་ཅིག་ལྟ་བུ། གོ་ལ་ལྟོས། ０འོ་མ་ཡི་ཚིག་བསྡུས་པ། |
| འོ་ཤི |
རུལ་བའམ་ཤི་བའི་འོ་མ། |
| འོ་སེ |
ཤིང་སྨན་གྱི་རིགས་ཤིག་འབྲས་བུ་རོ་མངར། ཞུ་རྗེས་སྙོམས། ནུས་པས་གློ་ནད་སེལ། ལུད་པ་ཕྱིར་འདྲེན། |
| འོ་སེ་ཤིང |
ཤིང་ཞིག |
| འོ་སྐོལ |
ང་ཚོ་ཡི་ཡུལ་སྐད་དམ་བརྡ་རྙིང་། |
| འོ་སྙིགས |
འོ་མའི་སྙིགས་མ། |
| འོ་སྡེ |
བོད་ཀྱི་རུས་ཤིག |
| འོ་སྣོད |
འོ་མ་བླུག་སྣོད། |
| འོ་སྤྲིས |
འོ་མའི་ཁར་ཆགས་པའི་སྤྲིས་མ། |
| འོག |
1 ཤོད་དང༌། གཤམ། ཆུ་འོག ས་འོག གདན་འོག རྐང་འོག གཤམ་འོག འོག་ཁང༌། འོག་ངོས། མི་ས་འོག་ལ་ཕྱིན་ཀྱང་གཏམ་ས་སྟེང་དུ་སྡོད། ཆུ་ཆེ་ཡང་ཟམ་པའི་འོག་རེད། ལ་ཆེ་ཡང་རྐང་པའི་འོག་རེད། 2 ལྐོག་དང༌། མངོན་ཆུང་བ། འོག་གྲབས། འོག་འགྲིམ། འོག་བསྡོགས། 3 ལུས་ཀྱི་སྨད་ཆ། འོག་སྒོ། འོག་འཁྲུ་བ། འོག་ཅན། འོག་ཕྱུང༌། འོག་རླུང༌། 4 ཁོངས། མངའ་འོག སྐྱབས་འོག འགོ་ཁྲིད་འོག གནས་ཚུལ་དེའི་འོག ཁྲིམས་འོག་ཏུ་མ་ཚུད་པ། |
| འོག་ཁྲིམས |
ལྐོག་ཏུ་བཟོས་པའི་ཁྲིམས། |
| འོག་གཅིན |
དྲི་ཆུ། གཅིན་པ། |
| འོག་གདན |
1 སྡོད་གནས་སམ་འཇོག་གནས་ཀྱི་འོག་གཞི། 2 འོག་རྡོ། |
| འོག་གདོན |
ཀླུ་གདོན་གྱི་མིང་གཞན་ཞིག |
| འོག་གནོན |
འོག་ཏུ་གནོན་པར་བྱེད་པ། |
| འོག་གཞི |
1 ས་གཞི། 2 རྟེན་གནས་འཆའ་སའི་འོག་གི་གཞི། |
| འོག་གཞི་མི་རིག |
མངོན ཆུ་གཏིང་ཟབ་པ། |
| འོག་གཞིའི་དཀྱིལ་འཁོར་བཞི |
ས་ཆུ་མེ་རླུང་གི་དཀྱིལ་འཁོར་བཞིའོ། |
| འོག་གཟུ |
རྙིང 1 ཡུལ་མིའི་ཚོགས་ས། 2 ཡུལ་དཔོན། |
| འོག་གཤམ |
སྟེང་ངམ་གོང་གི་ལྡོག་ཟླ། |
| འོག་གོས |
གོས་ནང་མ། འཇམ་ཞིང་སྲབ་པའི་འོག་གོས། |
| འོག་གྲབས |
སྟ་གོན་ནམ་གྲ་སྒྲིག ལས་གྲ་གསར་འཛུགས་ཀྱི་འོག་གྲབས་བྱེད་པ། |
| འོག་ཅན |
རླིག་འབྲས་མ་ཕྱུང་བའི་རྟ་གསེབ་དང་ལུག་ཐུག་སོགས། |
| འོག་ཏུ་རྒྱུ |
འོག་རྒྱུ་བ་དང་དོན་གཅིག་ |
| འོག་དབང |
ཕོ་མཚན་ནམ་མོ་མཚན། |
| འོག་དབང་སྐྱེས |
མངོན ཁྱབ་འཇུག |
| འོག་པག |
སྐ་རགས་ཀྱི་རྒྱན་ནམ་རྐེད་པ་ལ་འཕྱང་བའི་ཚར་ཚར། |
| འོག་ཕྱུང་པ |
རླིག་འབྲས་བཏོན་པ། |
| འོག་ཕྱོགས |
ཕྱོགས་བཅུའི་ནང་གསེས་ཤིག |
| འོག་བརྩེགས |
ལྕགས་རྡུང་སའི་འོག་གི་ལྕགས་གདན་ནམ་འོག་རྡོ། |
| འོག་བསྡོགས |
མངོན་ཆུང་བའི་གྲ་སྒྲིག འཐབ་འཛིང་བྱེད་རྒྱུའི་འོག་བསྡོགས་བྱས་པ། |
| འོག་མ |
1 རྗེས་མ་དང༌། མཇུག་མ། མི་རབས་འོག་མ། དོན་ཚན་འོག་མ་གསུམ། ས་བཅད་འོག་མ་རྣམས། ཞིབ་གསལ་འོག་མར་འཁོད་པ། 2 གཤམ་མ་དང༌། ཐ་མ། རིམ་པ་འོག་མ། ཕྱོགས་སྟེང་འོག་དང་ཐད་ཀ་ཐམས་ཅད། ཁམས་འོག་མ། ས་གོང་འོག ཞིང་འབྲིང་འོག་མ། ཁང་པ་སྟེང་འོག་བར་གསུམ། 3 དམན་པ་དང༌། ཞན་པ། དབང་རིག་འོག་མ། སྤུས་ཀ་འོག་མ། |
| འོག་མའི་ཁམས |
འདོད་ཁམས། |
| འོག་མའི་ཆ་མཐུན་ལྔ |
འདོད་ཁམས་ཀྱི་འདོད་ཆགས་དང༌། ཞེ་སྡང༌། འཇིག་ཚོགས་ལ་ལྟ་བ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ། ཐེ་ཚོམ་བཅས་ལྔའོ། |
| འོག་མིག་ལྟ་བ |
གདོང་ཕབ་ནས་ཡར་ལྟ་བ། |
| འོག་མིན |
1 བསམ་གཏན་བཞི་པའི་གནས་རིས་བརྒྱད་པའམ་གོང་མ་གནས་འདིར་སྐྱེས་པའི་ལྷ་ནི་གཟུགས་ཁམས་ཀྱི་མཐར་ཐུག་ཅིང༌། དེ་ཡན་ཆད་གཟུགས་ཅན་གཞན་མེད་པས་ཀུན་གྱི་གོང་དུ་གྱུར་པའི་ཕྱིར་འོག་མིན་ཞེས་བྱ་སྟེ་གཙང་མའི་གནས་ལྔའི་ཡ་གྱལ་ཞིག 2 འོག་མིན་སྟུག་པོ་བཀོད་པའི་ཞིང༌། |
| འོག་མིན་གྱི་མཐར་ཐུག་པར་འགྲོ་བ |
གོང་དུ་འཕོ་བ་གང་འོག་མིན་གྱི་རྟེན་ལ་མྱང་འདས་འཐོབ་པའི་རིགས་ཅན་ནོ། |
| འོག་མེད |
མངོན རྟ་སོགས་རླིག་འབྲས་བཏོན་ཟིན་པ། མིང་གི་རྣམ་གྲངས་ལ་ཉུག་རུམ་དང་རལ་གུ་ཅན་ནོ། |
| འོག་ཚ |
ཡུལ གསེར་སྤྱད་རྡུང་གཞིའི་ཐོ་བའི་རྟེན་ཞིག་སྟེ་མགར་བ་སོགས་ཀྱི་ཡོ་བྱད་ཅིག |
| འོག་འཁྲུ་བ |
གྲོད་ཁོག་བཤལ་བ། |
| འོག་འགྱུ |
1 རང་གིས་ཀྱང་མ་ཚོར་བར་ཤེས་པ་རྒྱ་ཡན་དུ་འཕྲོ་བའི་རྣམ་རྟོག རྟོག་པ་འོག་འགྱུ། 2 གཡོ་སྒྱུ། |
| འོག་འགྱུ་དམར་པོ |
དོགས་པ་ཟ་པོ། |
| འོག་འཇུག |
ཕྱུ་པའི་འོག་ཏུ་གྱོན་རྒྱུ་ཞིག |
| འོག་འདྲི |
ཚོད་བགམ་པའམ་གཞན་གྱི་བསམ་ཚུལ་ལ་མངོན་ཆུང་གི་སྒོ་ནས་བརྟག་པ། |
| འོག་རོལ |
རྗེས་དང༌། སླད་དང༌། གཤམ། དམངས་གཙོའི་བཅོས་བསྒྱུར་གྱི་འོག་རོལ་ཏུ་རྒྱ་ཆེའི་ས་ཁུལ་མང་པོར་ཐོན་སྐྱེད་འཛུགས་སྐྲུན་སྤེལ་བ། |
| འོག་རྒྱུ་བ |
མངོན རྐུན་མ། |
| འོག་རྟ |
བཞོན་རྟ། |
| འོག་རྡོ |
1 ལྕགས་བཟོ་བའི་ལྕགས་དམར་པོ་རྡུང་གཞིའི་འོག་གདན། 2 རང་ཐག་གི་འོག་རྡོ། 3 རྩིག་རྡོ་འོག་མ། སྟེང་རྡོ་མནན་ན་འོག་རྡོ་འཕར། |
| འོག་རླུང |
རྟུག་དྲི། |
| འོག་ལམ |
བཤང་ལམ། |
| འོག་ལུད |
ཞིང་ག་མ་རྨོས་གོང་དུ་རྒྱག་པའི་ལུད། |
| འོག་ལེན་པ |
1 ཚོད་བགམ་པར་བྱེད་པ། 2 རྟ་གསེབ་སོགས་ཀྱི་རླིག་འབྲས་འདོན་པ། |
| འོག་ལྡན |
རླིག་འབྲས་མ་བཏོན་པའི་རྟ་གསེབ་དང་ཕ་གླང་སོགས། |
| འོག་ཤག |
ཤོད་ཀྱི་ཁང་མིག |
| འོག་ཤལ |
1 བྱ་དེའི་ཨོག་མའི་ཤ་ཕྲུལ་ཕྲུལ། 2 བ་ལང་གི་ལྐོག་ཤལ། |
| འོག་སོ |
ཁའི་མས་སོ། |
| འོག་སྐས |
ཤོད་ཀྱི་སྐས་འཛེག |
| འོག་སྒོ |
བཤང་ལམ་མམ་རྐུབ་ཀྱི་བུ་ག། |
| འོག་སྒོ་གཉིས |
ལུས་ཀྱི་འོག་ངོས་སུ་སྒོ་དང་འདྲ་བའི་གསང་གཉིས་ཏེ། དྲི་ཆེན་དང༌། དྲི་ཆུ་འབབ་པའི་ལམ་གཉིས། |
| འོག་སྟན |
རྨང་གཞིའམ་རྩ་བ་འཇོག་སའི་གདན། ཁང་པ་གསར་པ་རྒྱག་རྒྱུར་འོག་སྟན་འདིང་བ། |
| འོང |
འབྲུ་མ་བཏོན་པའི་སྟོན་ཐོག འོང་སྲུང༌། འོང་སྤུངས། |
| འོང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)འགྲོ་འོང་གི་འོང་ཁོ་རང་ངེད་ཀྱི་ཁྱིམ་ལ་འོང་རྒྱུ་རེད་ལྟ་བུ། 2.བོད་ཀྱི་རུས་ཤིག |
| འོང་ཁ |
ཞིང་ག་མང་པོ་ཡོད་པའི་ས་ཆའི་མིང༌། |
| འོང་ག |
འོང་ཁ་དང་འདྲ། |
| འོང་དབྱུག |
ཡུལ གཡུལ་ལས་གཏོང་སྐབས་སྙེ་མ་རྡུང་བྱེད་ཀྱི་ཡོ་བྱད་ཅིག |
| འོང་བ |
1. ཐ་མི་དད་པ འོངས་པ། འོང་བ།། ཡོང་བ། འོང་དོན། རང་ཁྱིམ་དུ་འོང༌། ཕར་འགྲོ་ཚུར་འོང༌། མ་འོངས་པ། འདིར་མ་འོང༌། ཕྱིར་མི་འོང༌། མིག་ལམ་ལ་འོང་བ། 2 1 འབྱུང་འགྱུར་སྟོན་བྱེད་ཀྱི་ཚིག་གྲོགས་ཤིག སླེབ་འོང༌། ལན་གཏང་འོང༌། ཡིད་ཆེས་མི་འོང༌། གཅིག་མིན་ཀྱང་གཅིག་ཡིན་ཏེ་འོང༌། 2 རུང་བ་དང༌། འགྲིག་པ། ཡུལ་དུ་ལོག་པ་མི་འོང༌། ཡང་ཡང་འགྲོ་བར་མི་འོང༌། དེ་ལ་བཞག་ན་འོང༌། |
| འོང་ཞིང |
སྟོན་ཐོག་ཡོང་ཁུངས་ཀྱི་ས་ཞིང༌། |
| འོང་ར |
1 དབྱར་དུས་ཞིང་གསེབ་ཀྱི་འོང་རའམ་ཞིང་ར། 2 གཡུལ་ཁའི་ནང་འབྲུ་འདོན་སའི་འོང་ར། |
| འོང་ཤིང |
བོང་མཇུག་ཏུ་བཏགས་པའི་ཕྲེད་ཤིང༌། |
| འོང་སྐོར |
དབྱར་དུས་ཞིང་པའི་སྐྱེ་བོ་ཕོ་མོས་རྒྱན་གོས་བཟང་པོ་སྤྲས་ཤིང་མདའ་དར་རྔ་རོལ་སོགས་ཐོགས་ཏེ་གླུ་གཞས་དང་བཅས་འོང་ཞིང་གི་མཐའ་ནས་བསྐོར་ཏེ་རྟེན་འབྲེལ་དགའ་སྟོན་བྱེད་པའི་ཡུལ་སྲོལ་ཞིག |
| འོངས |
འདས་པ་དཔྱར་ཁ་འོངས་ནས་བདེ་སྐྱིད་ཐོབ་ལྟ་བུ། བྱུང་བ་དང་ཐོབ་པའི་དོན་ཏེ། བདེ་སྐྱིད་འོངས། རླུང་འོངས། རྐ་ནང་དུ་ཆུ་འོངས། ལོ་ཡག་འོངས་ལྟ་བུ། |
| འོངས་པ |
འོང་བའི་འདས་པ། |
| འོད |
ཉི་ཟླ་སྒྲོན་མེ་གློག་ཞུ་སོགས་ལས་འཕྲོས་པའི་འོད་སྣང༌། ཉི་འོད། ཟླ་འོད། མེ་འོད། གློག་འོད། སྤྲིན་མེད་ནམ་མཁར་ཉི་མའི་འོད་ཆེན་སྣང་བ། འོད་སྟོང་འབར་བ། འོད་སྤྲོ་བ། འོད་བཀྱེ་བ། འོད་འཚེར་བ། ཤེལ་སྤྱད་ཀྱི་དངོས་པོ་འོད་ཁྲོམ་ཁྲོམ། དངུལ་འོད་ཆེམ་ཆེམ་འཕྲོ་བ། མིའི་བྱད་བཞིན་འོད་ཚིར་ཚིར། གསེར་ས་འོག་ཡོད་ན་འོད་ནམ་མཁའ། མིང་གི་རྣམ་གྲངས་ལ་འགྲོ་སྣང་དང༌། འཇལ་འགྲོ། འདེད་བྱེད། གནས་བྱེད། སྣང་བ། ཕྱོགས་འགྲོ། འོད་མདངས། འོད་འབར། འོད་ཟེར། སྲིན་བུ་འཇོམས་བཅས་སོ། |
| འོད་ཀོར |
འོད་ཀྱི་ཐིག་ལེ། |
| འོད་ཀྱི་ཆར་པ |
མངོན ཉི་མའི་འོད་ཟེར། |
| འོད་ཀྱི་ནོར་ཅན |
མངོན 1 ཉི་མ། 2 མེ། 3 མེ་ལྷ། |
| འོད་ཀྱི་ཕུང་པོ |
1 འོད་ཀྱི་ཀློང་ངམ་གོང་བུ། 2 མངོན ཉི་མ། |
| འོད་ཀྱི་བདག་པོ |
མངོན ཉི་མ། |
| འོད་ཀྱི་མཚན་མ |
1 འོད་ཀྱི་སྣང་བ། 2 འོད་བཟང་ངན་གྱི་རྟགས་མཚན། |
| འོད་ཀྱི་རྒྱུན |
མངོན ཉི་མ། |
| འོད་ཀྱི་ཤིང་རྟ |
མངོན 1 མེ། 2 མེ་ལྷ། |
| འོད་ཀྱི་ས་བོན |
མངོན སྲིན་བུ་མེ་ཁྱེར། |
| འོད་ཀྱི་སྐྲ་ཅན |
མངོན 1 ཉི་མ། 2 མེ། 3 མེ་ལྷ། |
| འོད་ཀྱི་སྡེ |
མངོན ཁྱིམ་བྱ། |
| འོད་ཁྱུག་ཁྱུག |
འོད་ཀྱི་ཐག་པ་ལྟ་བུ་ཕར་གཡོ་ཚུར་གཡོ་བྱེད་པ། སྤྲིན་གསེབ་ནས་གློག་གི་འོད་ཁྱུག་ཁྱུག་གཡོ་བ། |
| འོད་གཙང་བ |
མངོན ཉི་མ། |
| འོད་གཟེར |
རྙིང འོད་ཟེར། |
| འོད་གསལ |
བསམ་གཏན་གཉིས་པའི་གནས་རིས་གོང་མ་གནས་འདིར་སྐྱེས་པའི་ལྷ་ནི་ལྷ་གཞན་གྱི་གནས་སུ་ཡང་འོད་གསལ་བར་བྱེད་པས་འོད་གསལ་གྱི་གནས་ཞེས་བྱ། 1ནམ་མཁའི་མིང་གཞན། 2རྣམ་པར་དག་པ་མཚོན་པའི་ཚིག་འོད་གསལ་གྱི་ལམ་ཆེན་ཞེས་པ་ལྟ་བུ། |
| འོད་གསལ་བ |
མུན་པ་སེལ་ཐུབ་པའི་འོད། |
| འོད་གསལ་སྒྱུ་མ |
སྒྱུ་ལུས་ཀྱི་ནང་གསེས་ཤིག་རྫོགས་རིམ་སྒོམ་སྟོབས་ལས་བྱུང་བའི་སྟོང་གཟུགས་པྲ་ཕབ་པ་ལྟ་བུ། |
| འོད་གུར |
འོད་ཀྱི་གུར་ཁང༌། |
| འོད་ཅན |
1 བཀྲག་མདངས་དང་ལྡན་པ། 2 མངོན 1)གཟའ་པ་སངས། 2)སྐར་མ་སྤྱི། 3)སྲིན་བུ་མེ་འཁྱེར། |
| འོད་ཆགས |
མངོན ཉི་མའི་འོད་ཟེར། འོད་ཆགས་པ། མདངས་མཛེས་པ་དང་ལྡན་པ། ཁང་པའི་ནང་གློག་གི་འོད་ཆགས་པ། |
| འོད་ཆུ |
འབབ་ཆུ་ཞིག་ཆུ་འགོ་ཡིག་དྲུག་ལ་ནས་བྱུང་ཞིང་ཚ་བ་སྤང་མདའ་དང་ཚ་བ་མཛོ་སྒང་བརྒྱུད་ནས་རྫ་ཡུལ་དུ་སླེབས་དུས་རྒྱལ་མོ་རྔུལ་ཆུར་འབབ། |
| འོད་ཆུང |
བསམ་གཏན་གཉིས་པའི་གནས་རིས་འོག་མ་གནས་འདིར་སྐྱེས་པའི་ལྷ་ནི་རང་ས་གོང་མ་གཉིས་ལས་གཟི་བྱིན་དང་འོད་མདངས་ཆུང་བས་འོད་ཆུང་གི་གནས་ཞེས་བྱ། |
| འོད་ཆེམ་ཆེམ |
འོད་ཁྲ་ལམ་ལམ་དུ་འཕྲོ་ཚུལ་ཞིག ཤེལ་ལ་ཉི་མ་ཕོག་པས་འོད་ཆེམ་ཆེམ་བྱེད་པ། |
| འོད་དཀར་ཅན |
མངོན 1 ཟླ་བ། 2 ག་བུར། |
| འོད་དཔག་མེད |
1འོད་ཚད་མེད་པ། 2སངས་རྒྱས་ཤིག |
| འོད་དཔག་མེད་ཀྱི་གཙུག་ཏོར |
སྲོང་བཙན་གྱི་དབུའི་གཙུག་ཏོར། |
| འོད་དཔག་མེད་ཀྱི་ཐོད་ཅན |
མངོན སྤྱན་རས་གཟིགས། |
| འོད་དམར |
1 འོད་དམར་པོ། 2 སྐྱ་རེངས་བར་མ་ཤར་བ། |
| འོད་ནོར་ཅན |
འོད་ཀྱི་ནོར་ཅན་དང་དོན་གཅིག་ |
| འོད་པ |
1 ཤྭ་འོད་དང་ཆུ་ལོག དྲག་ཆར་བཏང་བའི་རྗེས་སུ་རི་ནས་འོད་པ་རྒྱུག་པ། 2 རྙིང 1)ཡོད་པ། 2)ཡུར་བ། |
| འོད་པོ་ཆེ |
འོད་ཆེ་བ། |
| འོད་ཕྲེང་ཅན |
མངོན ཉི་མ། |
| འོད་བཀྲ་བ |
འོད་གསལ་བའམ་འཚེར་བ། |
| འོད་བཀྲག |
བཀྲག་མདངས། མིག་གིས་བལྟ་བར་མི་བཟོད་པའི་འོད་བཀྲག ཉི་མའི་འོད་བཀྲག་ཕྱོགས་ཀུན་ཏུ་འཚེར་བ། |
| འོད་བཀྲའི་ཡན་ལག |
མངོན མེ་ལྕེ། |
| འོད་བདག |
མངོན འོད་ཀྱི་བདག་པོའི་བསྡུས་མིང་ཉི་མ། |
| འོད་བདུན་པ |
མངོན 1 མེ། 2 མེ་ལྷ། |
| འོད་བྱེད |
མངོན 1 ཉི་མ། 2 གསེར། |
| འོད་བྱེད་པའི་ས |
བྱང་ཆུབ་སེམས་དཔའི་ས་བཅུའི་གསུམ་པ། ས་འདིར་གནས་པའི་བྱང་ཆུབ་སེམས་དཔའ་རྣམས་ཏིང་ངེ་འཛིན་གྱི་སྟོབས་ཀྱིས་ཆོས་ཚད་མེད་པ་འཚོལ་ཞིང༌། གཞན་དག་ལ་ཆོས་ཀྱི་སྣང་བ་ཆེན་པོ་བྱེད་པས་ས་གསུམ་པ་འོད་བྱེད་པ་ཞེས་བྱའོ། |
| འོད་མ |
རྙིང 1 ཤིང་སྨྱུག་མ། 2 སྦ། |
| འོད་མདངས |
འོད་ཟེར་གྱི་བཀྲག་མདངས། མཚམས་སྤྲིན་གྱི་འོད་མདངས་ཕྱོགས་བཞིར་འཕྲོ་བ། |
| འོད་མཛེས |
གྲངས་གནས་ཤིག |
| འོད་མཛེས་ཆེན་པོ |
གྲངས་གནས་ཤིག |
| འོད་མའི་མྱུ་གུ |
1 སྨྱུག་མའི་ལྗང་པ། 2 སྦའི་ལྗང་པ། |
| འོད་མའི་ཚལ |
1 སྨྱུག་མའི་ནགས་ཚལ། 2 སྦའི་ནགས་ཚལ། 3 སྔར་རྒྱ་གར་གྱི་ཡུལ་བེ་ཊུ་བ་ནཾ་ཞེས་པ། |
| འོད་མིག |
མངོན སྐར་ཁུང༌། |
| འོད་ཞགས |
ཞགས་པའི་གཟུགས་སུ་བཀོད་པའི་འོད་ཟེར། ནམ་མཁར་གློག་གི་འོད་ཞགས་འཁྱུགས་སེ་འཁྱུག |
| འོད་ཞུ |
འོད་དུ་འགྱུར་བ། |
| འོད་ཟེར |
ཉི་མ་སོགས་མུན་པ་སེལ་ནུས་པའི་དངོས་པོ་ལས་འཕྲོས་པའི་མདངས་ཀྱི་མིང་སྣང་ཞིང་མུན་པ་སེལ་བ་ལ་འོད་དང༌། འཕྲོ་ཞིང་སྡུད་པ་ལ་ཟེར། འོད་ཟེར་སྤྲོ་བ། འོད་ཟེར་ལྷམ་ལྷམ་འཕྲོ། འོད་ཟེར་འབར་བ། འོད་ཟེར་སྟོང་ལྡན། འོད་ཟེར་དཔག་མེད། |
| འོད་ཟེར་ཅན |
མངོན ཉི་མ། |
| འོད་ཟེར་དགུ་པ |
མངོན གཟའ་མིག་དམར། |
| འོད་ཟེར་བདུན་པ |
མངོན གཟའ་སྤེན་པ། |
| འོད་འཁྱིམས་པ |
ཉི་མ་དང་ཟླ་བའི་མཐའ་སྐོར་དུ་འོད་ཀྱི་གུར་ཁྱིམ་བྱུང་བ། |
| འོད་འགྱེད |
མངོན ཉི་མ། |
| འོད་འགྲོ་བ |
མངོན ཉི་མ། |
| འོད་འཕུར་བྱེད |
མངོན ཉི་མ། |
| འོད་འཕྲོ |
1 སྐུ་འདྲའི་རྒྱབ་ཡོལ་གྱི་ནང་གི་འོད་ཟེར་གྱི་རི་མོ། 2 འོད་མདངས་འཕྲོ་བ། 3 སངས་རྒྱས་ཤིག་གི་མཚན། |
| འོད་འཕྲོ་བའི་ས |
བྱང་ཆུབ་སེམས་དཔའི་ས་བཅུའི་བཞི་པ། ས་འདིར་གནས་པའི་བྱང་ཆུབ་སེམས་དཔའ་རྣམས་བྱང་ཆུབ་ཕྱོགས་མཐུན་གྱི་ཤེས་རབ་ཀྱི་མེས་སྒྲིབ་གཉིས་སྲེག་པར་བྱེད་པས་ས་བཞི་པ་འོད་འཕྲོ་བ་ཞེས་བྱའོ། |
| འོད་འབར |
འོད་ཟེར་འཕྲོ་བ། |
| འོད་འབར་མ |
མངོན སྨན་རུ་རྟ། |
| འོད་འབྱིན |
མངོན ཉི་མ། |
| འོད་འཚེར་འཚེར |
འོད་ལྷམ་ལྷམ། ཕྱག་ཏུ་ཤེལ་དཀར་གྱི་ཕྲེང་བ་འོད་འཚེར་འཚེར་ཞིག་ཐོགས་པ། |
| འོད་ཡངས |
དྲང་སྲོང་ཞིག |
| འོད་ཡངས་ཚ་བོ |
མངོན རྣམ་སྲས། |
| འོད་ཡངས་སྐྱེས |
མངོན སྲིན་པོའི་རྒྱལ་པོ། |
| འོད་ལ་དགའ |
མངོན 1 བྱ་ཙ་ཀོ་ར། 2 ལྷ་བྱ་གོང་མོ། |
| འོད་ལམ་མེ |
འོད་འཚེར་བ། |
| འོད་ལྔ་པ |
མངོན འཇའ་ཚོན། |
| འོད་ལྔས་བསྐོར་བ |
མངོན ཉི་མའི་མཐའ་ལ་འོད་ཀྱི་གུར་ཁྱིམ་བྱུང་བ། |
| འོད་ལྔས་ཡོངས་སྐོར |
མངོན ཉི་ཁྱིམ། |
| འོད་ལྡན |
1 འོད་ཟེར་དང་ལྡན་པ། 2 འདོད་ཆགས་ཅན། 3 མངོན 1)གཟའ་པ་སངས། 2)ཉི་མ། 3)སྐར་མ། |
| འོད་ལྡན་འཁྲི་ཤིང |
སྨན་ལ་འགྲོ་བའི་སྔོ་ཞིག |
| འོད་ལྷག་གེ |
འོད་ལྷམ་ལྷམ་ལྟར་འཕྲོ་ཚུལ་ཞིག མཚན་མོ་ཟླ་འོད་ལྷག་གེ་བ། |
| འོད་ལྷག་ལྷག |
འོད་ལྷམ་ལྷམ་དུ་འཚེར་སྟངས་ཤིག དུག་སྦྲུལ་ཆེན་པོ་འོད་ལྷག་ལྷག་པ་ཞིག་དེར་བྱུང་ངོ། |
| འོད་ལྷབ་ལྷབ |
འོད་ཁྲ་ལམ་ལམ་དུ་འཕྲོ་ཚུལ་ཞིག |
| འོད་སྐོར |
ཉི་ཟླ་སོགས་ཀྱི་མཐར་འོད་ཟེར་ཟླུམ་པོར་འཁྱིལ་བ། ཉི་ཟླའི་མཐའ་ལ་འཇའ་ཚོན་གྱི་འོད་སྐོར་འཁྱིལ་འདུག |
| འོད་སྐྱེས་མ |
མངོན ཉི་མའི་ཆུང་མ། |
| འོད་སྔོན |
1 འོད་ཟེར་སྔོན་པོ། 2 སྐྱ་རེངས་སམ་སྐྱ་རེངས་དང་པོ་ཤར་བ། |
| འོད་སྟོང |
འོད་ཟེར་དཔག་ཏུ་མེད་པ། འོད་སྟོང་རབ་ཏུ་འབར་བ། མདུན་ལམ་འོད་སྟོང་འབར་བ། གཟུགས་བརྙན་འོད་སྟོང་འབར་བ། |
| འོད་སྟོང་ཅན |
མངོན ཉི་མའི་མིང༌། |
| འོད་སྟོང་ཅན |
ཉི་མའི་མིང་གཞན། |
| འོད་སྟོང་འཛིན་པ |
མངོན ཉི་མའི་མིང༌། |
| འོད་སྟོང་ལྡན |
མངོན ཉི་མའི་མིང༌། |
| འོད་སྣང |
མངོན 1 ཉི་མ། 2 སྐར་མ། |
| འོད་སྲུང |
1 ཀཱཤྱཔཿ བསྐལ་བཟང་སངས་རྒྱས་གསུམ་པ་མར་མེ་མཛད་དམ་སངས་རྒྱས་དཔའ་བོ་བདུན་གྱི་དྲུག་པ། 2 འོད་སྲུང་ཆེན་པོའི་བསྡུས་མིང༌། 3 དྲང་སྲོང་ཞིག 4 ཉི་མའི་ཁ་ལོ་པ་སྟེ་སྐྱ་རེངས། |
| འོད་སྲུང་གསུམ |
སྔར་རྒྱ་གར་གྱི་མ་གྷ་དྷ་རུ་མེ་ལྷར་བསྟེན་པའི་མུ་སྟེགས་གཅེན་གཅུང་གསུམ་པོ་དེ་དག་འཁོར་དང་བཅས་པས་ཤཱཀྱ་ཐུབ་པའི་ཞབས་ལ་གཏུགས་ནས་ཉན་ཐོས་སུ་གྱུར་པ། |
| འོད་སྲུང་ཆེན་པོ |
མཧཱཀཱཤྱཔཱཿ སངས་རྒྱས་ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་ནང་གསེས། སྦྱངས་པའི་ཡོན་ཏན་གྱི་མཆོག་ཏུ་གྱུར་པ་ཞིག་དང༌། ཆོས་མངོན་པའི་སྡེ་སྣོད་ཀྱི་བཀའ་བསྡུ་དང་པོ་བྱེད་མཁན་གཙོ་བོ། གཏད་རབས་བདུན་གྱི་དང་པོ། |
| འོད་སྲུང་བའི་སྡེ |
གཞི་ཐམས་ཅད་ཡོད་པར་སྨྲ་བ་བདུན་གྱི་ཡ་གྱལ་ཞིག |
| འོད་སྲུང་བྱིན |
མངོན ས་གཞི། |
| འོད་སྲུང་རྒྱུད |
མངོན སྐྱ་རེངས། |
| འོད་སྲུང་སྐྱེས |
མངོན བྱ་ཁྱུང༌། |
| འོན |
(བྱེད་མེད་ལས་ཚིག) སྒྲ་ཐོས་པའི་དབང་བོ་ཉམས་པའི་དོན་ཏེ། རྣ་བ་འོན་སོང་ལྟ་བུ། |
| འོན་ཀྱང |
ཡིན་ཡང་ངམ་ཡིན་ནའང༌། དེ་མ་ཐག་ཏུ་མི་ཡོང་མོད། འོན་ཀྱང་བརྩོན་པ་བསྐྱེད་ན་རིམ་གྱིས་འགྲུབ་ཡོང༌། |
| འོན་གསེང |
འོན་སེང་དང་འདྲ། |
| འོན་གོག |
ཡུལ འོན་པ་རྣ་བའི་དབང་པོ་ཉམས་པའི་མི། འོན་ཏོའང་ཟེར། |
| འོན་ཅིག |
རྙིང 1 བྱོན་ཅིག 2 བྱིན་ཅིག 3 ཁྱེར་ཤོག |
| འོན་ཏང |
འོན་ཏེ་དང་འདྲ། |
| འོན་ཏེ |
རྙིང འོན་ཀྱང་ངམ་ཡིན་ནའང་ཞེས་པའི་དོན། |
| འོན་པ |
1.ཐ་མི་དད་པ སྒྲ་ཐོས་མི་ཐུབ་པ། མེ་སྒྱོགས་ཀྱི་སྒྲས་རྣ་བ་འོན་པ། 2.རྣ་བ་མི་གསང་བ། 3.རྙིང སྟོན་པ་དང་ལེན་པ། བུམ་པ་འོན་གྱིས། |
| འོན་པ |
རྣ་དབང་ཉམས་པའི་མིའམ་སྲོག་ཆགས། |
| འོན་རྫུ |
རྣ་བ་མ་འོན་ཀྱང་འོན་ཁུལ་བྱེད་པ། སྐད་ཆ་ཉན་འདོད་མེད་པས་འོན་རྫུ་བྱེད་པ། |
| འོན་ལོང |
རྣ་བ་འོན་པ་དང་མིག་ལོང་བ་གཉིས་བསྡུས་པའི་མིང༌། |
| འོན་སངས |
རྣ་བ་འོན་ནས་བསྐྱར་དུ་གསོས་པ། |
| འོན་སེང |
ཉན་རྣའམ་རྩད་གཅོང༌། དགྲ་བོ་ཡོང་མིན་ལྟ་རྟོག་འོན་སེང་ནན་ཏན་བྱེད་པ། |
| འོབ་ཆེན |
ཡོབ་ཆེན་གྱི་འབྲི་སྲོལ་གཞན། |
| འོབས |
1.དོང་ངམ་ས་ཤུར། འོབས་སུ་ལན་གཅིག་ལྷུང་ན་ཤེས་རབ་ལན་གཅིག་འཕེལ། ཆུ་འགྲོའི་འོབས། མིང་གི་རྣམས་གྲངས་ལ་མཐའི་མུ་ཁྱུད་དང༌། འོབས་ཚལ། འོབས་རིང༌། ཡོངས་བརྐོས་བཅས་སོ། 2.རགས་པའམ་ཧ་ལམ། འཆར་གཞི་འོབས་ཙམ་བཀོད་པ། |
| འོབས་རྩིག |
ཡུལ རོབས་ཙམ་བརྒྱབ་པའི་ར་བ། |
| འོབས་ལྕགས |
ཞིང་ག་དང་ལྕང་གླིང་སོགས་ཀྱི་མཐའ་ལ་ཡོད་པའི་འོབས་དང་ལྕགས་རི། |
| འོམ་བུ |
ཤིང་ཕྲན་ཞིག་གི་མིང་གཞུང་རྟའི་ཤུན་པ་དམར་ལ་ཁོག་སྟོང་བ། མེ་ཏོག་དམར་སྨུག་ཅན་ཞིག་ཡིན། མེ་ཏོག་དང་ལྕུག་མ་སྨན་བྱེད་ཆོག |
| འོམ་བུ་གླ་སྒང |
སྔར་བོད་རྒྱལ་གཉའ་ཁྲི་བཙན་པོའི་སྐབས་རྒྱལ་པོའི་ཕོ་བྲང་ལྷོ་ཁའི་ཡར་ཀླུངས་སུ་ཐོག་མར་བཏབ་པ་དེ་འོམ་བུ་དང་གླ་སྒང་མང་པོ་སྐྱེས་པའི་ས་ཆ་ཞིག་གི་དཀྱིལ་དུ་ཡོད་པས་མིང་དེ་ལྟར་ཐོབ། |
| འོར |
ནད་ཅིག་གི་མིང་ཆུ་སྐྲངས་ཀྱི་སྐབས་ཐོག་མར་འོར་ཟེར། (བསྣན་ཚིག) སླར་ཡང་གི་དོན་ཏེ། འོར་བཀལ་བྱས། ཚིག་འོར་བཤད་བྱས་ལྟ་བུ། ０འོར་མ་ལ་ལྟོས། １བོར་བའི་བརྡ་རྙིང་། |
| འོར་ཁུང |
ཆུ་འགྲོ་སའི་བུ་ག། འོར་ཁུང་བརྟོལ་བས་འཁྱིལ་ཆུ་ཤ་ར་རར་རྒྱུག་པ། |
| འོར་ཆེ་བ |
རྙིང སྐུ་དྲིན་ནམ་བཀའ་དྲིན། |
| འོར་ཆེ་མ་འདོད |
བཀའ་དྲིན་ཆེ་ཟེར་བའམ་ལེགས་སོ་ཟེར་ཡོང་སྙམ་པའི་རེ་བ་མི་བྱེད་པ། |
| འོར་ཏེ |
རྙིང མ་གཏོགས། |
| འོར་ནད |
ཁ་ཟས་མ་ཞུ་བ་དྭངས་སྙིགས་འདྲེས་པ་དྭངས་མའི་ལམ་དུ་ཤོར་བས་དེས་ཁྲག་ངན་རྒྱས་ཏེ་ཤ་ལྤགས་ལ་བྱེར་བས་ཆུ་སེར་འཕེལ་བར་གྱུར་པ་དང༌། ཆུ་སེར་དེ་ཉིད་ཐུར་དུ་བབས་ནས་ལུས་གཡོ་བར་འགྱུར་བའི་ཆུ་ནད་ཅིག |
| འོར་བ |
1.ཐ་དད་པ སྐྱེལ་འདྲེན་བྱེད་པའམ་དབོར་བ། དངོས་ཟོག་འོར་བ། ཅ་ལག་འོར་མཁན། 2.རྙིང 1 བོར་བ། 2 སྐྱོབ་པ། |
| འོར་མ |
ཡུལ ཐེངས་སམ་ལན། འོར་ཅིག འོར་ལོག་རྒྱག་པ། ང་ལུང་པ་དེར་འོར་མ་གཅིག་ལས་འགྲོ་མ་མྱོང༌། |
| འོར་འགའ |
རྙིང རེས་འགའ། |
| འོར་འདྲེན |
དབོར་འདྲེན་ཡང་ཟེར། ཅ་ལག་སོགས་ཕར་ཚུར་སྐྱེལ་འདྲེན། |
| འོར་ལྷུང |
1 འོར་ནད་རྒྱུ་མའི་ནང་དུ་བབ་པ། 2 གསོ་དཀའ་བའམ་ཉམ་ཐག་པ། |
| འོལ་ཀ |
ཆུ་འགྲོའི་རྐ། འོང་འགོའི་འོལ་ཀ། |
| འོལ་ཁ |
1 བྱ་འོལ་བའི་ཁ་དོག་གམ་ཁམ་ནག 2 དབུས་ཀྱི་ལྷོ་ཁའི་ས་གནས་ཤིག |
| འོལ་ཆུང |
རྙིང རྩོལ་བ་ཆུང་བ། |
| འོལ་ནད |
གཅོང་ནད་ཀྱི་གྲས་ཤིག |
| འོལ་ཕྱོད |
གྲངས་གནས་ཤིག་གྲངས་གནས་དྲུག་ཅུའི་གྲས་ལ་མེད། |
| འོལ་བ |
བྱ་ཁྲ་ཞིག་གི་མིང་ཡུལ་སྐད་དུ་འོས་སེར་ཡང་ཟེར་ཞིང་། མཁའ་དབྱིངས་སུ་ལྡིང་འཁོར་བརྒྱབ་ནས་མར་གཞོལ་ཏེ། ཁྱིམ་བྱའི་ཕྲུ་གུ་དང་བྱ་གཞན་པའི་ཕྲུ་གུ་བཟུང་ནས་འཕུར་ཞོར་ལ་ཟ་བ་ཞིག་ཡིན། |
| འོལ་མ་མཆིས་པ |
སྤྱོད་ཡུལ་དུ་མ་གྱུར་པ། |
| འོལ་མདུད |
ཨོལ་མདུད་དང་འདྲ། |
| འོལ་མདུད |
ཨོལ་མདུད་ཀྱི་འབྲི་ཚུལ་གཞན། |
| འོལ་མོ |
1 འོལ་མོ་ལུང་རིང་གི་བསྡུས་མིང༌། 2 སྔོ་སྨན་ཞིག་དེའི་རྩ་བས་དྲི་ཆུ་འབབ་པ་དང་རྩ་ཁམས་རྒྱུ་བ་ལ་ཕན། |
| འོལ་མོ་ལུང་རིང |
བོན་གྱི་སྟོན་པ་གཤེན་རབ་འཁྲུངས་ཡུལ། |
| འོལ་མོ་སེ |
ལོ་མང་སྐྱེ་བའི་རྩྭ་ལྡུམ་ཞིག་ལོ་མ་རྩྭ་པད་མའི་ལོ་མ་དང་དབྱིབས་མཚུངས་ཤིང་། འབྲས་བུ་གཞོན་ཚེ་མདོག་ལྗང་ལ་སྨིན་ཚེ་མདོག་དམར་ཞིང་དབྱིབས་ཁུག་མ་ལྟ་བུ། ནང་ན་ཁུ་བ་ཡོད་ཅིང་ཟ་ཆོག རྩ་བ་ལ་ཕུག་གཞོན་ནུ་ལྟ་བུ་མང་བོ་ཡོད་པས་སྨན་གཞུང་དུ་རྩ་བརྒྱ་བ་ཡང་ཟེར་ལ། རྩ་བ་ལ་དུག་ཡོད་ཟེར། དེའི་འབྲས་བུ་དང་རྩ་བ་སྨན་བྱེད་ཆོག |
| འོལ་ཚོད |
རགས་རྩིས་སམ་སྤོམ་ཚོད། ཁུངས་ལུང་འཛིན་ས་མེད་པར་འོལ་ཚོད་ཀྱིས་ཐག་གཅོད་མི་བྱེད། ལྕི་ཡང་གང་ཡིན་འདེགས་རྒྱར་བཏེག་མེད་པར་འོལ་ཚོད་ཀྱིས་བྱས་པ་ཡིན། |
| འོལ་ཚོད་མུན་པའི་མདའ་འཕེན |
གདེང་ཚོད་མེད་པར་དགག་པ་བརྒྱབ་པའི་དོན། |
| འོལ་རྔམས |
ཆུ་རྐའི་ཆུ་འབབ་སའི་ཐེམ་པའི་མིང་ཡུལ་སྐད་དུ་ཡོལ་རྔམས་ཀྱང་ཟེར། |
| འོལ་སེ |
བོད་ཀྱི་རུས་ཤིག |
| འོལ་སྤྱི |
རགས་རིམ་དང་ཧ་ལམ། འོལ་སྤྱི་ཙམ་དུ་དུས་མཉམ་ཡིན། སློབ་སྦྱོང་ཡང་ཡང་བྱས་པས་ནང་དོན་འོལ་སྤྱི་ཙམ་གོ་བ། |
| འོལ་སྤྱོད |
བརྟག་དཔྱད་ཞིབ་འཇུག་མ་བྱས་པར་བྱས་པའི་ལས་ཀ་དང་བྱ་སྤྱོད། རང་མཚམས་འོལ་སྤྱོད། |
| འོས |
(ལས་ཚིག་རྗེས་མཐུན་པ)ལས་ཚིག་གི་མཐར་སྦྱར་ན་རུང་བའམ་ཆོག་པའི་དོན་ཏེ། བསྟོད་པར་འོས་པའི་ལས་དོན་བཟང་བོ། བསྔག་འོས་པའི་གྲུབ་འབྲས། གཅེས་པར་འོས་པའི་མེས་རྒྱལ། དགའ་བར་འོས་པའི་གཏམ་སྙན་ཞེས་པ་ལྟ་བུ། (བྱེད་མེད་ལས་ཚིག) མིང་ཚིག་གི་མཐར་སྦྱར་ན་འཚམས་པའི་དོན་ཏེ། ལུས་ལ་འོས་པའི་ལྭ་བ། མགོ་ལ་འོས་པའི་ཞྭ་ཞེས་པ་ལྟ་བུ། |
| འོས་ཁོངས |
བབས་འོས་ཡོད་པའི་གྲས། |
| འོས་ཐང |
འོས་པའི་རིན་ཚད། ཅ་ལག་དེའི་རིན་གོང་རྒྱལ་ཁབ་ཀྱིས་གཏན་ལ་ཕབ་པ་ལྟར་འོས་ཐང་ཞིག་རེད། |
| འོས་ཐོ |
1 བབས་འོས་ཡོད་པའི་མིའི་མིང་ཐོ། 2 འོས་ཁོངས་འཁོད་པའི་མིང་ཐོ། |
| འོས་ཐོབ |
བབས་འོས་ཀྱི་ཐོབ་ཐང༌། |
| འོས་དང་པོ |
བསྐོ་གཞག་བྱེད་རྒྱུའི་མིང་ཐོའི་དང་པོ། |
| འོས་པ |
1.རུང་བ་དང་འཐད་པ། ཟ་འོས་པ། བྱེད་འོས་པ། འོས་ཤིང་འཚམས་པ། འོས་ཚོད་བྱས། དེ་ལྟར་འོས་མིན་བཀའ་གསལ་ཡོད་པ་ཞུ། སྐྱབས་སུ་འོས་པ། ཆད་པ་ཕོག་པ་ལས་འོས་མེད། གཅེས་པར་འོས་པ། སྐྱེ་བོ་མི་བསྲུན་པ་དག་ལ། འཇམ་པོ་བྱ་བ་འོས་མ་ཡིན། རི་ལ་འོས་པ་རྫོང་དང༌། ཐང་ལ་འོས་པ་ཞིང༌། 2.ཕྱི་རོལ་གཅེར་བུ་བ། |
| འོས་པའི་ཆ |
ཆའི་རྒྱན་གྱི་ནང་གསེས་ཤིག་བསྒྲིབ་བྱ་གང་ཡང་རུང་བ་ཞིག་སྒྲིབ་བྱེད་འོས་པས་སྒྲིབ་པར་སྟོན་པའི་ཆའི་རྒྱན་ཞིག |
| འོས་པའི་དོན་གཞན་བཀོད་པ |
དོན་གཞན་བཀོད་པའི་རྒྱན་གྱི་ནང་གསེས་ཤིག་འོས་པའི་རྒྱུས་འབྲས་བུ་མི་འོས་པ་སྐྱེད་པ་བསྒྲུབ་བྱར་བཀོད་ནས་དེའི་སྒྲུབ་བྱེད་དུ་འོས་པའི་བྱེད་ལས་དང་ལྡན་པའི་དོན་གཞན་ཞིག་བཀོད་པའི་རྒྱན། |
| འོས་པར་དཀའ་བ |
འབྱུང་མི་སྲིད་པའི་དོན། ཚིག་ཕྲད་ཀྱི་ནའི་འཇུག་ཚུལ་ཞིག ན ཆུ་ཅི་ཙམ་བསྐོལ་ནའང་མེ་རུ་འབར་བ་ནི་དཀའ་བའོ། མི་རྒན་པ་ཡང་ངུ་ན་ཕྲུ་གུ་ལྟ་ཅི་སྨོས། |
| འོས་བབ |
འོས་འཚམས། ཁོང་འཐུས་མིར་འདམ་རྒྱུའི་འོས་བབ་ཡོད་ངེས་རེད། |
| འོས་ཚོད |
ཕལ་ཆེར་འགྲིག་ཡོང་བསམ་པའི་ཚོད་དཔག་བྱེད་པ། |
| འོས་འགན |
1 འོས་བབས་ཀྱི་ལས་ཀའི་འགན། 2 ཕོགས་ཐོབ་མི་དགོས་པར་རང་མོས་ཀྱིས་དང་དུ་བླང་བ། འོས་འགན་གྱི་ངལ་རྩོལ། |
| འོས་འགབ |
འོས་ཤིང་འཚམས་པའི་དོན་ཏེ། ས་འོས་འགབ་ཅིག་ཏུ་བཟོ་གྲྭ་བཙུགས་ཞེས་པ་ལྟ་བུ། |
| འོས་འཆར |
ལས་ཚན་བསྐོ་རྒྱུ་སོགས་ཀྱི་འོས་མིང་གི་འཆར་གཞི། |
| འོས་འབབ |
ཐོབ་འོས། ཐོབ་ཐང་གི་ཡོང་འབབ། |
| འོས་འབུལ |
འོས་ཐོ་འབུལ་བ་ལས་བྱེད་པ་བསྐོ་གཞག་བྱེད་སྐབས་གོང་ལ་འོས་མིའི་མིང་ཐོ་འབུལ་བ། |
| འོས་འཚམས |
ཚད་རན་པའི་དོན་ཏེ། ཟས་འོས་འཚམས་ཟ། ངལ་རྩོལ་འོས་འཚམས་བྱེད་ཅེས་པ་ལྟ་བུ། |
| འོས་ལངས |
ལོག་སྤྱོད་དབང་སྒྱུར་ལ་རྒོལ་བའི་ཆེད་དུ་དྲག་ཆས་ཀྱི་གསར་བརྗེ་སློང་བ། སྐབས་རེར་ལོག་སྤྱོད་ཚོགས་ཁག་གི་དྲག་པོའི་སྟོབས་ཤུགས་ཀྱིས་རང་ཉིད་ཀྱི་ཚོགས་ཁག་དེ་ལ་ངོ་ལོག་བྱས་ནས་གསར་བརྗེའི་ཕྱོགས་སུ་ལངས་པར་ཡང་ཟེར། |
| འོས་ཤིང་མི་འོས་པའི་དོན་གཞན་བཀོད་པ |
དོན་གཞན་བཀོད་པའི་རྒྱན་གྱི་ནང་གསེས་ཤིག་བསྒྲུབ་བྱ་འོས་པ་དང་མི་འོས་པའི་དངོས་པོ་བྱེ་བྲག་པ་གཉིས་བཀོད་ནས། དེའི་སྒྲུབ་བྱེད་དུ་འོས་པ་དང་མི་འོས་པའི་དོན་སྤྱི་ཁྱབ་པ་གཞན་ཞིག་བཀོད་པའི་རྒྱན། |
| འོས་ཤོག |
འདམ་ཤོག་གམ་འདེམས་ཤོག ཚོགས་ཆེན་ཐོག་འོས་ཤོག་འཕངས་ཏེ་འཐུས་མི་བདམས་པ། |
| འོས་སུ་ཆེ |
1 འོས་བབས་ཆེན་པོ་ཡོད་པ། 2 ངེས་པར་དུ་བྱེད་དགོས་པ། |
| འོས་སུ་འཐད |
འོས་བབས་ཡོད་པ། |
| འོས་སྦྱོར |
མི་དང་དངོས་པོ་གང་རུང་འོས་ཁོངས་སུ་ངོ་སྤྲོད་བྱེད་པ། |
| ཡ |
བོད་ཡིག་གསལ་བྱེད་ཉེར་བཞི་པ་འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་རྐན་ལྕེ་ཅུང་ཟད་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 1. 1 མིང་གཞིའི་མོ་ཡིག་ཅིག 2 མིང་གཞི་འགའ་ཤས་ཀྱི་མས་ནས་གདགས་བྱའི་སྨད་འདོགས་བཞིའི་ཡ་གྱལ་ཞིག 2 1 གོང་དང་སྟེང༌། ཡ་སོ། ཡ་མཆུ། ཡ་རྐན། ཡ་མགལ། ཡ་གི་གངས་རི་དཀར་པོ། 2 ཆ་མིན་པ། ལྷམ་ཡ་གཅིག དོ་པོ་ཡ་གཅིག 3 ཟླ། དགྲ་ཡ། འཐབ་ཡ། འགྲན་ཡ། གཉེན་ཡ། ཡ་མེད་པ། 3 1 འགྱོད་ཉམས་ཀྱི་ཚིག ཡ། དེ་འདྲ་མ་བྱས་ན་ཆོག་པ་ལ། ཡ། དེ་འདྲའི་ཕངས་པ་ལ། ཡ། དོན་དག་གཅོད་རྒྱུ་གཅིག་བརྗེད་བཞག 2 གོ་རྟོགས་ཤར་བའི་ཚིག ཡ། ཚིག་དེའི་དོན་འདི་འདྲ་ཡིན་པ་རེད་ཨང༌། |
| ཡ་ཁ |
1 ཡ་རྐན་ཡོད་ཕྱོགས། 2 ཡས་ཕྱོགས། འགྲམ་པའི་ཡ་ཁ། མཆིག་གི་ཡ་ཁ། |
| ཡ་ཁུང |
མིག་དང་རྣ་བའི་བར་གྱི་སྲིན་ཚང་ཤ་ཀོང་ཀོང་ཡོད་ས། |
| ཡ་ཁོག |
མི་དང་ཕྱུགས་སོགས་ཀྱི་ཁོང་པའི་སྟོད་ཀྱི་ཆ་སྟེ་གློ་བ་དང་སྙིང་ཡོད་ས། ཡ་ཁོག་ནང་ལ་གློ་བ་མེད། བརླ་རུས་ནང་ལ་རྐང་མར་མེད། ཡ་ཐོད་ནང་གི་མིག་འདྲ་འདྲ། ཡ་ཁོག་ནང་གི་སྙིང་འདྲ་འདྲ། |
| ཡ་ག |
1 འཕྱ་ལད། ཡ་ག་སྒྲོག་པ། ཡ་ག་ངན་པ། 2 ངན་སྨྲས་སམ་ཚིག་རྩུབ་པོ། མི་ཡ་ག་ཅན། |
| ཡ་གང |
གྲངས་ཀྱི་གནས་ཤིག |
| ཡ་གཉག |
ཡུལ རིའི་ཡ་གཉག |
| ཡ་གཉིས་མ་གཉིས |
ལོ་བཞི་ལོན་པའི་རྟ་དྲེལ། |
| ཡ་གད |
རྙིང སྐས་སམ་རྐང་རྟེན། |
| ཡ་གི |
ཡས་ཀྱི་སྟོད་ཕྱོགས་སམ་སྟེང་མ། རི་འགོ་ཡ་གིར་རྫོང་གཅིག་འདུག ཡ་གིའི་སྟེང་ཕྱོགས་ལྷ་ལ། སྐྱིད་པོ་རང་དང་ཨེ་ཡོད། |
| ཡ་གྱལ |
ནང་ཚན་ནམ་ནང་གསེས་དང་བྱེ་བྲག་ཅིག་དཔེར་ན་རིག་པའི་གནས་ལྔའི་ཡ་གྱལ་ཞེས་པ་ནི་རིག་པའི་གནས་ལྔའི་གྲས་ཀྱི་གཅིག་ལ་ཟེར། ཀརྐ་ཌ་ནི་ཁྱིམ་བཅུ་གཉིས་ཀྱི་ཡ་གྱལ། |
| ཡ་གྲངས |
ཆ་མིན་པའི་གྲངས་ཀ། གཅིག་གསུམ་ལྔ་བདུན་སོགས་ཆ་མིན་གྱི་གྲངས་ཀ་གང་ཡིན་ཡ་གྲངས་རང་རེད། ཡ་གྲངས་ཀྱི་ཚེས་པ་ནམ་ཤར། |
| ཡ་ང་བ |
(རྒྱན་ཚིག) འཇིགས་སུ་རུང་བའི་དོན་ཏེ། ཡ་ང་བའི་སྒྲ་ཆེན་པོ། ཡ་ང་བའི་ཆུ་འཇིགས། ལོག་སྤྱོད་པས་དམར་གསོད་ཡ་ང་བ་བྱས་ལྟ་བུ། འཛེམ་པའི་དོན་ཏེ། རྒྱུས་མེད་ཁྱིམ་ལ་འགྲོ་བར་ཡ་རེ་ང་ལྟ་བུ། |
| ཡ་ཉག་པ |
1 མཐོ་ས་དམའ་རུ་ཉག་པ། 2 ཕྱུག་པོ་དབུལ་པོར་གྱུར་པ། |
| ཡ་ཏོག |
1 རྩེ་མོ། 2 རྙིང འབྲས་བུ། |
| ཡ་ཐེམ |
སྒོའི་ཡ་ཐེམ། |
| ཡ་ཐོག |
1 བསྐལ་པ་ཐོག་མའི་དུས། 2 ཆེས་སྔ་བའི་དུས། བསྐལ་པ་ཡ་ཐོག |
| ཡ་ཐོག་རིང་མོའི་དུས |
གནས་བསྐལ་གྱི་ཡ་ཐོག་གམ་བར་བསྐལ་དང་པོ་ཚེ་ལོ་དཔག་མེད་ནས་ཚེ་ལོ་བཅུ་པའི་བར་དུ་བྲི་བའི་བར་བསྐལ། |
| ཡ་ཐོད |
1 མགོའི་ཐོད་པ། 2 སྒོའི་ཡ་ཐོད། |
| ཡ་དཀན |
ཡ་རྐན་དང་འདྲ། |
| ཡ་དཀྲིས་ལྕགས་ཟམ |
ཡུན་ནན་ཞིང་ཆེན་གྱི་འབའ་ལུང་རྫོང་ཁོངས་སུ་ཟླ་ཆུའི་ཐོག་ལ་བཙུགས་པའི་ལྕགས་ཟམ་ཞིག |
| ཡ་པ |
ལེགས་སྦྱར་གསལ་བྱེད་ཡ་ནས་པ་བར་གྱི་ཡི་གེ་དྲོ་བ་བཞི་སྤངས་པའི་སྡེ་པ་དང༌། མཐར་གནས་ཀྱི་ཡི་གེ་ཡ་ར་ལ་ཝ་རྣམས་སོ། ཡ་པ ཧ་ས ཤ་ཥ་ས་ཧ |
| ཡ་པད |
པདྨ་ཡ་ལོག་འདབ་རྩེ་གྱེན་ལྟའི་པད་དབྱིབས། |
| ཡ་པོ |
1 འགྲན་ཟླ། མི་དམངས་ལ་ཡ་པོ་གཏན་ནས་བྱེད་མི་ཉན། ཁོ་རང་གི་ཡ་པོ་མ་ཡིན་པ། 2 རི་དྭགས་སོགས་བསད་ནས་འཚོ་བ་སྐྱེལ་མཁན། 3 འཁྱམས་པོ། |
| ཡ་ཕུབ |
1 ཁང་ཐོག་གཡོག་བྱེད་ཀྱི་འདམ་རྩྭ་སོགས། 2 མངོན ཁང་པའི་ཡང་ཐོག |
| ཡ་ཕུབས |
ཡ་ཕུབ་དང་འདྲ། |
| ཡ་བ་ཏི |
སྲུང་མ་ཆོས་རྒྱལ་གྱི་འཁོར་ཞིག |
| ཡ་བཀཥ༈ ར |
ལེགས འགྱུར་བྱེད་ཐལ་བ་སྟེ་ས་སྨན་གྱི་རིགས་ཤིག་རོ་ལན་ཚྭ། ཞུ་རྗེས་དྲོད། ནུས་པས་སྐྲན་ནད་བཤིག་མ་ཞུ་བ་འཇུ། དྲོད་སྐྱེད། |
| ཡ་བཏགས |
ཡི་གེ་སྨད་འདོགས་བཞིའི་ཡ་གྱལ་ཞིག་ཀྱ་ཁྱ་གྱ་པྱ་ཕྱ་བྱ་མྱ་བདུན་ནོ། ཡ་བཏགས་ཅན་གྱི་ཡི་གེའང་ཟེར། ཡ ཀྱ་ཁྱ་གྱ་པྱ་ཕྱ་བྱ་མྱ ཀཱ་ལིའི་ནང་ནས་སྡེ་ཚན་དང་པོའི་ཡི་གེ་སྔ་མ་གསུམ་དང༌། སྡེ་ཚན་བཞི་པའི་ཡི་གེ་ཧྲིལ་པོ་བཅས་གསལ་བྱེད་བདུན་པོ་ཁོ་ནར་ཡ་བཏགས་སྦྱར་ཆོག ཡ |
| ཡ་བཟུང |
དགྲ་ཡར་ལྟ་བའམ་ཁ་གཏད་དུ་འཛིན་པ། ཚུར་རྒོལ་ལ་ཡ་བཟུང་བྱེད་པ། |
| ཡ་བཤའ་བ |
རྙིང བཞད་གད་དང་རྫུན་སོགས། |
| ཡ་བེ་ཡོ་བེ |
ཡུལ དོ་དོ་ཏན་ཏན་མེད་པ། ལས་ཀ་ལ་སེམས་ཤུགས་ཧུར་སྐྱེད་མེད་པའི་ཡ་བེ་ཡོ་བེ་བྱེད་མི་རུང༌། ལག་རྩལ་སློབ་སྦྱོང་ཡ་བེ་ཡོ་བེ་བྱས་ན་དུས་ཡུན་རིང་པོ་སོང་ཡང་ཤེས་མི་ཡོང༌། |
| ཡ་བོ |
1 ཡ་པོ་དང་འདྲ། 2 རྙིང ཡ་གྱལ།…3.ཕོ་རྐྱང་འཁྱམས་པོའམ་སྤྱོད་པ་འཆལ་བའི་སྐྱེས་པ། |
| ཡ་བྱེད |
ལན་བྱེད་པ། ཡ་མི་བྱེད། ཡ་མ་བྱེད། གཏམ་བཟང་ཤོད་པའི་ཡ་བྱེད་གཏམ་སྙན་ཤོད། གཏམ་ངན་ཤོད་པའི་ལན་དུ་རྩོད་ཡ་བྱེད། |
| ཡ་བྲལ |
ཁ་བྲལ་བ། ཐ་དད་དུ་འགྱུར་བ། རིགས་པའི་གཞུང་ལུགས་དང་དོན་དངོས་ཀྱི་གནས་ལུགས་གཉིས་ཡ་བྲལ་དུ་སོང་བ། སོ་སོར་ཡ་མ་བྲལ་བའི་མཐུན་སྒྲིལ་དམ་པོ་གྱིས་ཤིག མ་བུ་ཕན་ཚུན་ཡ་མ་བྲལ། |
| ཡ་མ |
1 མིག་དང་རྣ་བའི་བར་གྱི་སྲིན་ཚང༌། 2 ཁྲག་རྩའི་ནང་དུ་གནས་ཏེ་ལུས་ཀྱི་ཆ་ཤས་ཀུན་ཏུ་རྒྱུ་བར་བྱེད་པའི་སྲིན་བུ་ཕྲ་མོ་ཞིག་གི་མིང༌། 3 ཧ་ས་ཟེར་བའི་སྡུད་ཡིག་ནང་ཡ་ནས་མ་བར་གྱི་ཡི་གེ་ཟེར་བའི་སྡུད་ཚིག་སྟེ་ལེགས་སྦྱར་གྱི་གསལ་བྱེད་ནས་མཐར་གནས་ཀྱི་ཡི་གེ་ཡ་ར་ལ་ཝ་བཞི་དང༌། སྡེ་བ་སོ་སོའི་ལྔ་པ་ཉ་ཎ་ན་ང་མ་ལྔ་བཅས་ཡི་གེ་དགུ། ཡ་མ ཧ་ས ཡ་ཝ་ར་ལ ཉ་ཎ་ན་ང་མ |
| ཡ་མ་གནྡེའི་འབག |
ལྷ་མོ་འཁྲབ་དུས་གྱོན་རྒྱུའི་བུད་མེད་ཀྱི་འབག་ཕྱེད་དཀར་ཕྱེད་ནག་ཅིག |
| ཡ་མ་གཟུགས |
ཆ་ལུགས་རིགས་མི་མཐུན་པའམ་བཟོ་ལྟ་ཐུན་མོང་དང་མི་འདྲ་བ། འཕེལ་རྒྱས་ཡ་མ་གཟུགས། ཡ་མ་གཟུགས་སུ་འགྱུར་བ། |
| ཡ་མ་དཀར་པོ |
རླུང་དང་བད་ཀན་གྱི་སྡོང་ཟླ་ལྡན་པའི་སྲིན་ནད་ཟུག་རྔུ་ཅུང་ཆུང་ཞིང་གྲང་བ་ཤས་ཆེ་བ་ཞིག |
| ཡ་མ་ནག་པོ |
ཁྲག་དང་མཁྲིས་པའི་སྡོང་ཟླ་ལྡན་པའི་སྲིན་ནད་ཟུག་རྔུ་ཤིན་ཏུ་ཆེ་བ་འབྱུང་ཞིང་ཚ་བ་ཤས་ཆེ་བ་ཞིག |
| ཡ་མ་བརླ |
རྙིང སྙིང་པོ་མེད་པའམ་མི་བདེན་པ། |
| ཡ་མ་ཟིན |
འགྲན་པའམ་རྒོལ་བའི་ཡ་བྱས་ཀྱང་མ་ཐུབ་པ། མདའ་མདུང་མཚོན་གྱིས་རྒོལ་ཡང་ཡ་མ་ཟིན། |
| ཡ་མ་ཟུང |
ཕན་ཚུན་ཆ་མི་སྙོམ་པའམ་རྒྱུན་དང་མི་མཐུན་པའི་དོན་ཏེ། སྒྱུ་མ་མཁན་གྱི་རྩེད་མོ་ཡ་མ་ཟུང་སྣ་ཚོགས་བསྟན་ཞེས་པ་ལྟ་བུ། ０ཐོག་གམ་མཐོ་ས་ཡ་སོ། ཡ་མཆུ། རི་རྩེ་ཡ་གི་ལ་དར་བཙུགས་ལྟ་བུ། |
| ཡ་མཁལ |
མི་ཕྱུགས་ཀྱི་ཡ་སོ་སྐྱེ་སའི་རུས་པའི་མིང་ཡ་མགལ་ཡང་ཟེར། |
| ཡ་མགལ |
ཡ་རྐན་ཡོད་ཕྱོགས། |
| ཡ་མཆུ |
ཁའི་ཡ་མཆུ། |
| ཡ་མཆོག |
གཞུ་ཡི་ཡ་མཆོག |
| ཡ་མཐའ |
མཐོ་བའི་མཐར་ཐུག་པའི་གནས་ཏེ། དེ་རིང་ཉི་མའི་ཡ་མཐའ་ནས་མ་མཐའི་བར་ཞེས་པ་ལྟ་བུ། ２འབོད་སྒྲ་ཡ། ཁྱོད་གང་ལ་འགྲོ། ཡ་ལགས། འོ་ཡ་ལྟ་བུ། ３ལས་ཚིག་ལ་ལའི་མཐར་སྦྱར་བས་ལས་ཀ་དེ་བྱེད་པར་སྐུལ་བ་བྱེད་པ་ད་འགྲོ་ཡ། སོང་ཡ། རྐོས་ཡ་ལྟ་བུ། |
| ཡ་མཚན |
(རྒྱན་ཚིག) ངོ་མཚར་བ་དང་ཧ་ལས་པའི་དོན་ཏེ། ལྟད་མོ་ཡ་མཚན་ཅན། རྒྱ་མཚོའི་ནང་གི་སྲོག་ཆགས་ཡ་མཚན་ཅན། རི་དྭགས་ཡ་མཚན་པོ་ཞིག་མཐོང་ལྟ་བུ། |
| ཡ་མཚན་ཅན |
1 སྤྱིར་བཏང་དང་མི་མཐུན་པའི་ཁྱད་མཚར་ཅན་ནམ་ཕུལ་བྱུང་གི་དངོས་པོ། ལྟ་བ་ཡ་མཚན་ཅན། ཡ་མཚན་ཅན་གྱི་སྤྱོད་པ། ཐབས་འཕྲུལ་ཡ་མཚན་ཅན། 2 རྙིང མུ་སྟེགས་པའི་རབ་བྱུང་སྤྱིའི་མིང༌། |
| ཡང་ཆས |
ཡང་བའི་ཡོ་བྱད། ཡང་ཆས་སྤྲས་ནས་ཕྱོགས་ལ་འགྲོ་བ། |
| ཡང་ཆིན |
རྒྱ སྒྲ་སྙན་གྱི་བྱེ་བྲག་ཅིག |
| ཡང་ཏིག |
1 སྙིང་པོའི་སྙིང་པོ། 2 ངེས་གཏན་ནམ་ཏན་ཏན། རིན་གོང་ཡང་ཏིག ཡང་ཏིག་ཡོད་དམ། ཡང་ཏིག་བསྒྲིག་རྒྱུ་ཕྲན་བུ་ཡོད། ཡང་ཏིག་ཕར་ཚུར་བསྒྲིག་པ། 3 མཚོ་སྔོན་ཧྭ་ལུང་རྫོང་ན་ཡོད་པའི་གྲུབ་པའི་གནས་ཆེན་ཞིག་དན་ཏིག་དང་ཁད་ཉེ་བའི་ས་ན་སློབ་དཔོན་པདྨ་འབྱུང་གནས་དང་ཏཱ་ལའི་སྐུ་ཕྲེང་གསུམ་པ་རྒྱལ་བ་བསོད་ནམས་རྒྱ་མཚོ་ཕེབས་མྱོང་བ་ཞིག 4 ཟབ་པའི་ཟབ་པ་སྟེ་རྙིང་མའི་ཆོས་སྐོར་ཞིག |
| ཡང་ཏིག་སྙིང་པོ |
དོན་དག་ཡང་སྙིང༌། སྐད་ཆ་མང་པོ་བཤད་ཀྱང་ཡང་ཏིག་སྙིང་པོ་འདི་ལས་མེད། |
| ཡང་ཐ |
ཐ་མའི་ཐ་མ། |
| ཡང་ཐོག |
1 ཁང་པའི་ཐོག་བརྩེགས་སྟེང་མ། 2 ཁང་པ་ཐོག་བརྩེགས་དུ་མ་ཅན། |
| ཡང་དག་ཀུན་རྫོབ |
ཀུན་རྫོབ་གསུམ་གྱི་ནང་གསེས་ཤིག་ཕྱི་ནང་གི་རྟེན་འབྲེལ་ལ་ཡང་དག་པར་བརྟགས་ཏེ་དགེ་བ་བཅུ་ལ་སོགས་པས་བསྐྱེད་པའི་རྒྱུ་དང་འབྲས་བུ་རྣམས་སོ། |
| ཡང་དག་ཐོས |
1 ལེགས་པར་ཐོས། 2 མངོན 1) གྲུབ་མཐའ། 2) ཁས་ལེན། |
| ཡང་དག་པ |
1 དག་པའི་དག་པ་བདེན་ཐོག་དྲང་བཞག་དང༌། དམ་པ་མཐར་ཕྱིན་པ། རྒྱུ་མཚན་ཡང་དག་པ། བསམ་ཚུལ་ཡང་དག་པ། འགྲོ་ལམ་ཡང་དག་པ། ཡང་དག་པའི་རེ་འདོད། ཡང་དག་པའི་གནས་ཚུལ། ཡང་དག་པར་སྨྲ་བ། ཡང་དག་པར་ལྟ་བ། ལྟ་སྟངས་ཡང་དག་པ་འཛིན་པ། ཡང་དག་པ་ཇི་ལྟ་བ་བཞིན་དུ་ཞུས་པ། 2 མཆོག་དང་རབ། ཡང་དག་པར་འགོག་པ། ཡང་དག་རྒྱས་པ། ཡང་དག་པར་མགུ་བ། ཡང་དག་པ་ཆགས་པ། |
| ཡང་དག་པ་མ་ཡིན་པའི་ཀུན་རྫོབ |
ཕྱི་ནང་གི་རྟེན་ཅིང་འབྲེལ་བར་འབྱུང་བའི་ཆོས་ལ་ཕྱིན་ཅི་ལོག་ཏུ་བརྟགས་ཤིང་བསྒྲུབས་ཏེ་བསྐྱེད་པ་རྣམས་སོ། |
| ཡང་དག་པའི་ཀུན་རྫོབ |
ཡང་དག་ཀུན་རྫོབ་དང་དོན་གཅིག་ |
| ཡང་དག་པའི་ངག |
རྒོལ་བ་དང་ཐེ་ཚོམ་འདྲི་བའི་ལན་མ་ནོར་བར་འབྲེལ་བའི་གཏམ་སྨྲ་བས་ན་འདི་ནི་ཤེས་རབ་རྣམ་པར་དག་པ་ཡིན་ནོ་ཞེས་ཡིད་ཆེས་པར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་ཏིང་ངེ་འཛིན |
མངོན་ཤེས་སོགས་ཡོན་ཏན་ཁྱད་པར་ཅན་སྒྲུབ་པ་ལ་གེགས་བྱེད་པའི་སྒྲིབ་པའི་གཉེན་པོར་སྒོམ་པར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་དགེ་སློང |
བསྙེན་པར་རྫོགས་པའི་དགེ་སློང་ངོ། |
| ཡང་དག་པའི་དྲན་པ |
ཞི་གནས་དང་རབ་ཏུ་འཛིན་པ་དང་བཏང་སྙོམས་ཀྱི་རྒྱུ་མཚན་རྣམས་མ་བརྗོད་པས་ན་ཞི་ལྷག་གི་ལམ་མངོན་དུ་བྱ་བའི་སྒྲིབ་པའི་གཉེན་པོར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་འཚོ་བ |
ཚུལ་འཆོས་ལ་སོགས་པ་ལུས་ངག་གཉིས་ཀའི་ལས་རྣམ་པར་དག་པར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་རྟོག་པ |
མདོ་སྡེ་ལ་སོགས་པ་གསུང་རབ་ཀྱི་དོན་ལ་འཇུག་པར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་རྩོལ་བ |
ཡུན་རིང་པོར་མི་སྐྱོ་བར་ཤེས་སྒྲིབ་བམ་སྒོམ་སྤང་གི་གཉེན་པོར་སྒོམ་པར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་ལས་ཀྱི་མཐའ |
སྲོག་གཅོད་པ་ལ་སོགས་པ་མི་དགེ་བའི་ལས་རྣམས་ཅུང་ཟད་མི་བྱེད་པར་སྤངས་པས་འདི་ཚུལ་ཁྲིམས་རྣམ་པར་དག་པ་ཡིན་ནོ་ཞེས་ཡིད་ཆེས་པར་བྱེད་པ་འཕགས་ལམ་ཡན་ལག་བརྒྱད་ཀྱི་ནང་ཚན་ཞིག |
| ཡང་དག་པའི་ལྟ་བ |
འཕགས་ལམ་ཡན་ལག་བརྒྱད་ཀྱི་ནང་གསེས་ས་གཉིས་པ་ཡན་ཆད་ཀྱི་རྣམ་པར་མི་རྟོག་པའི་ཡེ་ཤེས་རྗེས་ལས་ཐོབ་པ་དག་པའི་འཇིག་རྟེན་པའི་ཡེ་ཤེས་ཏེ། དེ་ཆོས་ཀྱི་དབྱིངས་ལ་རྣམ་པར་མི་རྟོག་པའི་ཡེ་ཤེས་ཀྱིས་འདི་ལྟར་མཐོང་ངོ་སྙམ་དུ་དམིགས་ཤིང་གཅོད་པས་ན་ཡོངས་སུ་གཅོད་པའི་ཡན་ལག་གོ། |
| ཡང་དག་པར་བསླབ་པའི་གཞི |
ཆོས་འདུལ་བའི་སྤང་བླང་གི་ཁྲིམས། |
| ཡང་དག་པར་བླངས་པ་ལས་བྱུང་བའི་གཟུགས |
ཆོས་ཀྱི་སྐྱེ་མཆེད་པའི་གཟུགས་ལྔའི་གྲས། རྣམ་པར་རིག་བྱེད་མ་ཡིན་པའི་གཟུགས་སོ། |
| ཡང་དག་པར་རྫོགས་པའི་བྱང་ཆུབ |
ཡང་དག་པར་རྫོགས་པའི་སངས་རྒྱས་དང་དོན་གཅིག་ |
| ཡང་དག་པར་རྫོགས་པའི་སངས་རྒྱས |
སམྱཀྶཾབུདྡྷཿ སངས་རྒྱས་ཀྱི་ཆེ་བའི་ཡོན་ཏན་ཞིག་ཚུལ་ཇི་ལྟ་བ་བཞིན་ཕྱིན་ཅི་མ་ལོག་པ་དང༌། མཐའ་གཉིས་ལ་མི་གནས་པའི་མྱང་འདས་ཆེན་པོ་ཐོབ་པ། སྒྲིབ་གཉིས་ཀྱི་མུན་པ་སངས་ཤིང༌། མཁྱེན་པའི་པད་མོ་རྣམ་པར་རྒྱས་པའོ། |
| ཡང་དག་པར་སྤོང་བ |
དགེ་བའི་ཆོས་རྣམས་གཉེན་པོར་བསྟེན་ནས་མི་དགེ་བ་རྣམས་སྤོང་བའོ། |
| ཡང་དག་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག་བར་ཆད་ཀྱི་ཆོས་བཞི་སོགས་དང་མི་ལྡན་ཞིང་དེ་བཞིན་དགེ་འདུན་གྱིས་ཀྱང་ཁོང་དུ་ཆུད་པའོ། |
| ཡང་དག་མཐའ |
ཁྱབ་པ་འདུ་བྱེད་ཀྱི་སྡུག་བསྔལ་ཉེ་བར་ཞི་བའི་དབྱིངས་དེ་ཉིད་དམ་སྟོང་ཉིད། |
| ཡང་དག་འགྲོ |
1 མངོན དུས། 2 ཕར་ཕྱིན་པ། 3 གཞུང་ལམ། |
| ཡང་དག་འགྲོགས་དུས |
མངོན ཚེས་གནམ་གང༌། |
| ཡང་དག་རིག་པ |
1 ལེགས་པར་མཐོང་བ། 2 སྟོང་ཉིད་རྟོགས་པ། 3 སངས་རྒྱས། |
| ཡང་དག་རྒྱུ་བ |
མངོན རླུང༌། |
| ཡང་དག་ལྷག་ལྡན |
ལྷག་ལྡན་གྱི་མ་ངེས་པའི་རྟགས་གང་ཞིག་གང་ལ་རྟགས་སུ་སོང་བའི་རྒོལ་བས་མཐུན་ཕྱོགས་ལ་མཐོང༌། མི་མཐུན་ཕྱོགས་ལ་མ་མཐོང་ཡང་མེད་པར་མ་ངེས་པ། དཔེར་ན་སྐྱེས་བུ་འདི་ཆོས་ཅན། ཀུན་མཁྱེན་མ་ཡིན་ཏེ། ངག་སྨྲ་བའི་ཕྱིར། ཞེས་པ་ལྟ་བུའོ། |
| ཡང་དག་སྤོང་བ་བཞི |
བྱང་ཕྱོགས་སོ་བདུན་གྱི་ནང་གསེས་སྡེ་ཚན་ཞིག་མི་དགེ་བ་སྐྱེས་པ་སྤོང་བ་དང༌། མི་དགེ་བ་མ་སྐྱེས་པ་མི་བསྐྱེད་པ། དགེ་བ་མ་སྐྱེས་པ་བསྐྱེད་པ། དགེ་བ་སྐྱེས་པ་སྤེལ་བ་སྟེ་བཞི། |
| ཡང་དང་ཡང |
ཡང་ཡང་དང་དོན་འདྲ། |
| ཡང་ན |
(སྦྲེལ་ཚིག) འདམ་ང་བྱེད་པ་རླངས་འཁོར་ལ་སྡོད་པའམ་ཡང་ན་རྟ་ལ་ཞོན་ནས་སོང་ཡང་ཆོག་ལྟ་བུ། |
| ཡང་ནས་ཡང |
ཡང་ཡང་དང་དོན་འདྲ། |
| ཡང་པོ |
ལྕི་བའི་ལྡོག་ཕྱོགས་ཀྱི་དོན་དུ་གོ་བའི་ཡང་བ་དང་འདྲ། |
| ཡང་ཕྱི |
རང་གི་མེས་མོའི་མ་ཡིན། |
| ཡང་ཕྱི་ཡང་མེས |
ཨ་མའི་ཨ་མའི་རབས་དང༌། མེས་པོའི་རབས་གཉིས་བསྡུས་པའི་མིང༌། |
| ཡང་བ |
1. ལེགས་སྦྱར་སྐད་ཀྱི་རབ་སྦྱོར་དང་རྣམ་བཅད་དང་ང་རོ་མེད་པའི་ཡི་གེ་ཐུང་ངུ། 2. ལྕི་བའི་ལྡོག་ཕྱོགས། ཁུར་པོ་ཡང་བ། ཁུར་པོ་ཡང་དུ་གཏོང་བ། གཟུགས་པོ་ཡང་བ། སྨན་ནུས་ཡང་བ། སྨན་གྱི་ཡོན་ཏན་ཡང་བ། ཡང་མོ་ཕྲག་ལ་མི་ལོན། འཇམ་པོ་གྲི་ཡིས་མི་ཆོད། |
| ཡང་བཟོས |
ཉེས་ཆད་ཡང་དུ་གཏོང་བ། |
| ཡང་བའི་འོད་ཅན |
རྙིང སྨན་ག་བུར། |
| ཡང་བསྐྱར |
ལན་གྲངས་གཉིས་པ་ཡན་ཏེ། ཡང་བསྐྱར་སློབ་གསོ་བཏང་། ཡང་བསྐྱར་ཐེངས་གཅིག་བཤད་ལྟ་བུ། |
| ཡང་བྲན |
ཡང་གཡོག་དང་དོན་གཅིག་ |
| ཡང་མ་གངས་ལ |
ལ་ཞིག་བོད་རང་སྐྱོང་ལྗོངས་ཀྱི་གཏིང་སྐྱེས་རྫོང་གི་ལྷོ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5182 ཡོད། |
| ཡང་མིག |
རྙིང 1 ཨ་ལོང༌། 2 སྒོའི་རུ། |
| ཡང་མེས |
མེས་པོའི་ཕ། |
| ཡང་མོ |
ཡུལ ཡང་བ་དང་འདྲ། |
| ཡང་ཚ |
1 རང་གི་བུ་བརྒྱུད་ཀྱི་མི་རབས་བཞི་པ། 2 རང་གི་སྤུན་བརྒྱུད་ཀྱི་མི་རབས་གསུམ་པ། 3 སློབ་མའི་སློབ་མ་དེའི་སློབ་མ། |
| ཡང་ཞིང་གཡོ་བ |
རླུང་གི་མཚན་ཉིད། |
| ཡང་ཟབ |
ཟབ་མོ་ལས་ཀྱང་ཟབ་མོ་སྟེ་ཤིན་ཏུ་ཟབ་མོ། |
| ཡང་ཟོར |
ཡར་མཆོང་བའི་རྩལ་དང་ནུས་པའི་མིང་གཞོན་དུས་ལུས་པོ་ཡང་ཟོར་ཆེ། མི་ཡང་འོར་ཅན་ཞེས་པ་ལྟ་བུ། <ཁ>ཚད་ཆུང་བའམ་གྲངས་ཉུང་བ་རྨས་ཡང་མོ། ནད་ཡང་བ། ལས་ཀ་ཧ་ཅང་ཡང་ཞེས་པ་ལྟ་བུ། ０(བསྣན་ཚིག) བསྐྱར་ཟློས་ལ་འཇུག་པའི་ཕྲད་རང་དབང་ཅན་ཏེ། ད་ཐེངས་ཡང་རྒྱལ་ཁ་གསར་བ་ཞིག་བླངས། ད་ལོ་ཡང་ལོ་ཡག་བྱུང་། དེ་རིང་ཡང་ཆར་བ་བབས་ཞེས་པ་ལྟ་བུ། |
| ཡང་ཟོར་ཅན |
ཡང་རྩལ་ཅན། སྐྱེས་བུ་ཡང་ཟོར་ཅན། |
| ཡང་འགྲེལ |
འགྲེལ་པ་བསྐྱར་བཟློས། མཁས་པའི་མྱོང་ཁྲིད་གདམས་ངག་དང༌། རྗེས་ཟློས་ཡང་ནས་ཡང་འགྲེལ་གཉིས། འདྲ་དང་འདྲ་སྟེ་ནོར་དོགས་ཡོད། |
| ཡང་འཇུག |
རྗེས་འཇུག་ན་ར་ལ་གསུམ་གྱི་མཐར་འཐོབ་པའི་ད་དྲག་དང༌། རྗེས་འཇུག་ག་ང་བ་མའི་མཐར་འཐོབ་པའི་ས་ཡིག་གཉིས་ལ་ཟེར། རབ་བྱུང་དང་པོའི་འགོ་མ་བཙུགས་པའི་གོང་གི་ལོ་ཉིས་བརྒྱ་བཅུ་མེད་གཅིག་བརྩིས་པའི་མེ་སྤྲེལ་ལོར་རྒྱལ་པོ་ཁྲི་རལ་པ་ཅན་གྱིས་ཡིག་ཟོར་ཡང་པོ་བཟོ་ཆེད་ད་དྲག་འབྲི་མི་དགོས་པར་གཏན་འབེབས་བྱས་པ། ན་ར་ལ ད ག་ང་བ་མ ས ད ས |
| ཡང་འདུལ་གཙུག་ལག་ཁང |
བོད་རྗེ་སྲོང་བཙན་སྒམ་པོའི་སྐབས་བོད་ཆགས་ཡུལ་གྱི་ས་དགྲ་སྲིན་མོ་གན་རྐྱལ་དུ་ཉལ་བ་ལྟ་བུའི་གྲུ་མོ་གཡས་གཡོན་དང༌། པུས་མོ་གཡས་གཡོན་གྱི་ཁ་གནོན་དུ་བཞེངས་པ་ཀོང་པོ་བུ་ཆུ། ལྷོ་བྲག་མཁོ་མཐིང༌། བྱམས་སྤྲིན་དགེ་རྒྱས། བྱང་པྲ་དུམ་རྩེ་སྟེ་ལྷ་ཁང་བཞི། |
| ཡང་འབད་བསྐྱར་འབད |
སྔར་འབད་པར་མ་ཟད་ད་དུང་བསྐྱར་སྐོར་ཡང་སྐོར་དུ་འབད་པ། |
| ཡང་ཡང |
ཐེངས་མང་ངམ། རྒྱུན་དུ། བརྟག་དཔྱད་ཡང་ཡང་བྱེད་པ། སྐུལ་ལྕག་ཡང་ཡང་གཏོང་བ། ཡང་ཡང་བསམ་བློ་གཏོང་བ། བསམ་བློ་ཡང་ཡང་མ་བཏང་ན། གཏམ་བཤད་ཆུ་ཁའི་ལྦུ་བར་འགྱུར། |
| ཡང་ཡང་གི་སྡེ་ཚན་བཅུ |
ལྟུང་བྱེད་འབའ་ཞིག་པ་དགུ་བཅུ་ལས། བཅུ་ཚན་བཞི་པ་ལ། ཡང་ཡང་ཟ་བའི་ལྟུང་བྱེད་དང༌། ཟས་ཟ་བའི་ལྟུང་བྱེད་དང༌། ལྷག་པ་ལེན་པའི་ལྟུང་བྱེད་དང༌། སྤངས་པ་ཟ་བའི་ལྟུང་བྱེད་དང༌། སྤངས་པ་སྟོབ་པའི་ལྟུང་བྱེད་དང༌། འདུས་ཤིང་ཟ་བའི་ལྟུང་བྱེད་དང༌། དུས་མ་ཡིན་པར་ཟ་བའི་ལྟུང་བྱེད་དང༌། གསོག་འཇོག་བྱས་པ་ཟ་བའི་ལྟུང་བྱེད་དང༌། བྱིན་ལེན་མ་བྱས་པར་ཟ་བའི་ལྟུང་བྱེད་དང༌། ཟས་བསོད་པ་སློང་བའི་ལྟུང་བྱེད་དེ་བཅུའོ། |
| ཡང་ཡང་ཉིང་མཚམས་སྦྱོར་བའི་སྡུག་བསྔལ |
སྲིད་པར་ཡང་དང་ཡང་དུ་སྐྱེ་བ་ལེན་པའི་སྡུག་བསྔལ་ཏེ་སྡུག་བསྔལ་དྲུག་གི་ནང་ཚན་ཞིག |
| ཡང་ཡང་མཐོ་དམན་དུ་འགྱུར་བའི་སྡུག་བསྔལ |
སྲིད་པར་མཐོ་དམན་རེས་མོས་སུ་འགྱུར་བའི་སྡུག་བསྔལ་ཏེ་སྡུག་བསྔལ་དྲུག་གི་ནང་ཚན་ཞིག |
| ཡང་ཡང་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་ཁྱིམ་པ་ལ་དུས་རུང་གི་ཁ་ཟས་ཀྱི་བསོད་སྙོམས་ཉིན་གཅིག་ལ་གཉིས་གསུམ་བསླངས་ཏེ་ཟ་བའོ། |
| ཡང་ཡེང |
ཡང་ངེ་ཡེང་ངེའི་བསྡུས་ཚིག་ |
| ཡང་རྒོད |
རྒོད་པ་ལས་ཀྱང་རྒོད་པ་རྟ་རྒོང་པོ་ཡང་རྒོད། བློ་རྒོད་པོ་དང་ཡང་རྒོད་ཅེས་པ་ལྟ་བུ། |
| ཡང་རྒྱུའི་ཆུ་ཚོད |
ཡང་དག་རྒྱུ་བའི་ཆུ་ཚོད་དེ་རྐང་ལོངས་བརྩི་བའི་སྐབས་མདའ་ཡོན་ཟླས་ཐོབ་པའི་ཆུ་ཚོད་རྗེས་འབྲང་དང་བཅས། |
| ཡང་རྒྱུའི་དབྱུག |
ཡང་རྒྱུའི་ཆུ་ཚོད་དང་འདྲ། |
| ཡང་རྩལ |
ཡར་མཆོང་བའི་རྩལ་ཁྱད་པར་བའི་མིང་བྱ་དང་བྱིའུས་གཤོག་རྩལ་བསྒྱུར། སྤྲ་དང་སྤྲེའུས་ཡང་རྩལ་སྟོན་ལྟ་བུ། |
| ཡང་རྩེ |
རྩེ་མོའི་རྩེ་མོ། རིའི་ཡང་རྩེ། མཁས་པའི་ཡང་རྩེར་སོན་པ། ཡང་རྩེ་ལྷུར་ལེན། |
| ཡང་ལཱ |
རྒྱ ཚིལ་སོགས་ལས་བཟོས་པའི་ཞུགས་སྒྲོན། |
| ཡང་ལྕི |
ཡང་བ་དང་ལྕི་བ་གཉིས་བསྡུས་པའི་མིང༌། ཡང་ལྕི་བཀྱག་པ། ཡང་ལྕི་མེད་པ། ཡང་ལྕི་ཤོར་བ། མང་ཉུང་བྲེ་ལ་འཇལ། ཡང་ལྕི་སྲང་ལ་འདེགས། |
| ཡང་ལྗིད |
ཡང་ལྕི་དང་འདྲ། |
| ཡང་ཤིག་ཤིག |
ལྗིད་པོ་མེད་པ་ཆགས་ཚུལ་ཞིག བསམ་དོན་འགྲུབ་ནས་སྣང་བ་ཡང་ཤིག་ཤིག་བྱུང་བ། |
| ཡང་སོན |
སྟོན་འབྲས་སྨིན་མྱུར་བའི་སོན། |
| ཡང་སོས |
ཚ་དམྱལ་བརྒྱད་ཀྱི་ནང་གསེས་ཤིག་ལྕགས་བསྲེགས་ཀྱི་ས་གཞིའི་སྟེང་ལ་མདག་མེ་འབར་བའི་ཀློང་དུ་དམྱལ་བའི་སེམས་ཅན་གྲངས་མེད་དུ་འདུས་ནས་ཕན་ཚུན་ཁོང་ཁྲོའི་སེམས་ཀྱིས་མཚོན་ཆ་སྣ་ཚོགས་པས་གཅིག་ལ་གཅིག་བརྡེགས་ནས་ཤི་བ་དང༌། ནམ་མཁའ་ལས་ཡང་སོས་པར་གྱུར་ཅིག་ཅེས་པའི་སྒྲ་གྲག་མ་ཐག་ཡང་སོས་ཏེ་སྔར་བཞིན་འཐབ་པ་སོགས་ཤི་སོས་རེས་མོས་བྱེད་པས་སྡུག་བསྔལ་བའོ། |
| ཡང་སྐོར་བསྐྱར་སྐོར |
ལན་གྲངས་མང་པོ། སྦང་གླུམ་ལ་ཆུ་ཡང་སྐོར་བསྐྱར་སྐོར་རྒྱག་པ། |
| ཡང་སྒོས |
ཁྱད་པར་དང༌། ལྷག་པར་ཏེ། སྤྱིའི་ཟླས་དབྱེ། སྤྱིར་ཇ་འཐུང་བ་དང༌། ཡང་སྒོས་བོད་ཇ་འཐུང་བར་དགའ་བ། |
| ཡང་སྒོས་སུ |
(བསྣན་ཚིག) ལྷག་པར་ནན་ཏན་བྱེད་པའི་དོན་ཏེ། ཕོ་ནད་ཅན་གྱིས་ཟས་འཁྱགས་པའི་རིགས་ལ་འཛེམ་དགོས། ལྷག་པར་དུ་ཟས་སྣུམ་ཅན་འཁྱགས་པའི་རིགས་ལ་འཛེམ་དགོས། ཡང་སྒོས་སུ་ཟས་རུལ་སྐྱུར་ལ་འཛེམ་དགོས་ཞེས་པ་ལྟ་བུ། |
| ཡང་སྙིང |
1 སྙིང་པོའི་སྙིང་པོའམ་ལྟེ་བའི་ལྟེ་བ། 2 དོན་སྙིང་ངོ་མ། གཡུལ་འགྱེད་བྱས་པའི་མཐའ་མ་ལ། ཡང་སྙིང་སུ་ཡིས་རྒྱལ་ཁ་ལོན། |
| ཡང་སྤྲུལ |
སྤྲུལ་པའི་སྤྲུལ་པ། |
| ཡང་སྲིད |
1 སྐྱེ་སྲིད་དམ་སྐྱེ་བ། 2 བླ་མའི་སྤྲུལ་སྐུ། |
| ཡང་སྲིད་ཅན |
མངོན 1 སེན་མོ། 2 འཁོར་བ། |
| ཡང་སྲིད་ཕྱི་མ |
སྐྱེ་བ་ཕྱི་མ། ཡང་སྲིད་མེད། མངོན ཐར་པ། |
| ཡང་སློབ |
སློབ་མའི་སློབ་མ། |
| ཡངས |
(རྒྱན་ཚིག) རྒྱ་ཁྱོན་ཆེ་བའི་དོན་ཏེ། ཁང་བ་ཡངས་མོ། རབ་ཡངས་ནམ་མཁའ། མི་ཁོག་ཡངས་ཞེས་པ་ལྟ་བུ། |
| ཡངས་དོག |
1 གུ་ཡངས་པོ་དང་དོག་པོ། 2 རྒྱ་ཁྱོན་གྱི་ཚད། ཁང་པའི་ཡངས་དོག ཁོག་པ་ཡངས་དོག |
| ཡངས་པ |
ཡངས་པོ་དང་འདྲ། |
| ཡངས་པ་ཅན |
1 དགའ་ལྡན་དགོན་པའི་ལྷ་ཁང་ཞིག 2 བཻཤཱལི རྒྱ་གར་གྱི་གྲོང་ཁྱེར་ཞིག 3 ས་མིང་ཞིག་བོད་རང་སྐྱོང་ལྗོངས་ཀྱི་འདམ་གཞུང་རྫོང་གི་ནུབ་རྒྱུད་དུ་ཡོད། |
| ཡངས་པ་དང་དྲི་མ་མེད་པ་ལྡན་པ |
ཡངས་པ་དང་དྲི་མ་མེད་པ་ལྡན་པ་ཞེས་བྱ་ཚད་མ་ཀུན་ལས་བཏུས་པའི་འགྲེལ་བཤད་ཅེས་པའི་བསྡུས་མིང༌། རྒྱ་གར་གྱི་རྒྱལ་བའི་དབང་པོ་བློ་གྲོས་ཀྱིས་བརྩམས་པའི་ཚད་མའི་གཞུང་ཞིག |
| ཡངས་པོ |
རྒྱ་ཆེ་བ། ས་ཆ་གུ་ཡངས་པོ། བློ་རྒྱ་ཡངས་པོ། ཁོག་ཡངས། སྤྱན་ཡངས་པོ། སྐུ་ཁོ་ལག་ཡངས་ཤིང་བཟང་བ། ཡངས་པའི་བསམ་པ། བག་ཡངས་པོ། བློ་ཡངས་ཁོག་གསལ། མི་སེམས་བདེ་ན་བཟང༌། མེ་ཁོག་ཡངས་ན་བཟང༌། སྡེ་དོན་ཤོད་ན་ཁོག་པ་ཡངས་དགོས། རྟ་རྒོད་ཁྲིད་ན་མཐུར་མདའ་རིང་དགོས། |
| ཡངས་མ |
མངོན ས་གཞི། |
| ཡངས་འཇོ་མ |
མངོན བ་དྲུས་མའམ་བཞོན་མ། |
| ཡངས་ལྡན |
མངོན ས་གཞི། |
| ཡད་དེ་ཡུད་དེ |
1 གསལ་པོ་མེད་པ། སྔར་གྱི་གནས་ལུགས་ཡད་དེ་ཡུད་དེ་དྲན་པ། བསམ་བློ་ཡད་ཡུད་ཙམ་ལས་མ་བཏང་བ། 2 ཁེ་ཉེན་ལ་མི་ལྟ་བའི་གཏམ་དང་བྱ་བ་རྔམ་ཆེན། ཁེ་ཉེན་ཇི་བྱུང་མི་བརྩི་བར་ཡད་ཡུད་བྱ་རྒྱུ། |
| ཡད་ཡུད |
ཡད་དེ་ཡུད་དེའི་བསྡུས་ཚིག་ |
| ཡན |
བྱ་དངོས་ལ་རང་དགར་མཚམས་བཟུང་བའི་སྟོད་ཀྱི་ཆའམ་སྔོན་གྱི་ཆའི་མིང་རྐེད་པ་ཡན། མགྲིན་པ་ཡན་ཆད། དེ་རིང་ཡན། ད་ལོའི་ཡན། མཐོན་པོའི་ཡན་ན་མཐོན་པོ་ཡོད། མཁས་པའི་ཡན་ན་མཁས་པ་ཡོད་ཅེས་པ་ལྟ་བུ། ཡན་པ་ལ་ལྟོས། ０བོད་ཀྱི་རུས་ཤིག |
| ཡན་ཁྱར་བ |
ཟུར་དུ་ཁ་འཐོར་བའམ། ཐོར་བུ་བའམ། ཡན་གར་བ། དཀར་ཡོལ་ཡན་ཁྱར་བ། |
| ཡན་གར |
སོ་སོ་བའམ་རེ་རེ་བའི་དོན་ཏེ། མི་ཡན་གར་པ། ཁྱིམ་ཡན་གར་བྱས་ལྟ་བུ། |
| ཡན་ཆད |
ཡ་ཚད་དམ་ཡས་མཚམས་འཛིན་པའི་ཚིག བསམ་འཆར་འདིར་ཡིད་མཐུན་པ་བརྒྱ་ཆ་དགུ་བཅུ་ཡན་ཆད་ཟིན་འདུག |
| ཡན་ཆོད |
ཡན་ཆད་དང་དོན་གཅིག་ |
| ཡན་པ |
1. ཐ་མི་དད་པ 1 འཁྱམ་པ། གང་ས་གང་ལ་ཡན་དུ་མ་འཇུག གཞན་ཡུལ་དུ་ཡན་ནས་ཕྱིན་པ། 2 བརླག་པ། དངོས་པོ་འདི་མ་ཡན་པ་ཞིག་གནང་དགོས། 3 སྣང་མེད། ཡན་པར་བཞག་པ། ཡན་པར་གཏོང་བ། བདག་མེད་རྒྱ་ཡན་དུ་འཇོག་པ། 2. གཞན་པ། འདི་མིན་ཡན་པ་ཅི་ཞིག་ཡོད། 3. བདག་ཏུ་མ་བཟུང་བ་དང་བདག་པོ་མེད་པ། ཁྱི་ཡན། ས་ཞིང་ཡན་པ། |
| ཡན་པ་བ |
བྱེ་བྲག་པའམ་ལོགས་གར་བ། ལག་ཆ་ཡན་པ་བ། མི་རིགས་ཡན་པ་བ། |
| ཡན་མན |
ཡན་ཆད་དང་མན་ཆད་དེ། ཧ་ལམ་མམ་རགས་ཙམ། རྒྱ་མ་ལྔ་བཅུ་ཡན་མན་ཙམ། ལོ་ཉི་ཤུ་ཡན་མན། |
| ཡན་ལག |
1 ལུས་ལས་ཡན་པར་གྱེས་པའི་ལག་པ་གཉིས་དང༌། རྐང་པ་གཉིས། མགོ་བཅས་ལྔའི་སྤྱིའི་མིང༌། ལུས་ཀྱི་ཡན་ལག ཡན་ལག་ཉམས་པ། 2 ཆ་ཤས་སམ། ལེ་ལག ཚུལ་ཁྲིམས་ཀྱི་ཡན་ལག ལུས་དང་ཡན་ལག རྩ་བ་དང་ཡན་ལག གཙོ་བོ་དང་ཡན་ལག ཡན་ལག་དང་ཉིང་ལག ཡན་ལག་དང་ཉེ་བའི་ཡན་ལག ཡན་ལག་དངུལ་ཁང༌། ཡན་ལག་ཚོང་ཁང༌། ཡན་ལག་མ་ཚང་བ། |
| ཡན་ལག་གཅིག་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་ཡན་ལག་གཅིག་ཁོ་ན་དཔེའི་ཡན་ལག་གཅིག་གི་གཟུགས་ཅན་དུ་བྱས་ཤིང༌། ཡན་ལག་ལྷག་མ་དང༌། ཡན་ལག་ཅན་གཟུགས་སུ་མ་བཀོད་པའི་རྒྱན་ཞིག་སྟེ་འདིས་ཡན་ལག་གཉིས་གཟུགས་སོགས་ཀྱང་མཚོན། |
| ཡན་ལག་གི་ཁ་དོག |
སྤྲིན་དང་དུ་བ་སོགས་ཡན་ལག་ཏུ་གྱུར་པའི་མདོག་གོ། |
| ཡན་ལག་གི་ཁ་དོག་བརྒྱད |
སྤྲིན་དང༌། དུ་བ། རྡུལ། ཁུག་རྣ། གྲིབ་མ། ཉི་འོད། སྣང་བ། མུན་པ་བཅས་སོ། |
| ཡན་ལག་གི་རླུང |
འབྱུང་འགྱུར་གྱི་ཆོས་ལྔ་བསྐྱེད་པ་ལས་གྱུར་པ། |
| ཡན་ལག་གི་རླུང་ལྔ |
ལུས་ལ་གནས་པའི་འབྱུང་གྱུར་གྱི་རླུང་ཀླུའི་རླུང་ས་ཁམས། རུས་སྦལ་གྱི་རླུང་རླུང་ཁམས། རྩངས་པའི་རླུང་མེ་ཁམས། ལྷས་བྱིན་གྱི་རླུང་ཆུ་ཁམས། ནོར་རྒྱལ་གྱི་རླུང་ས་ཁམས་རྣམས་སོ། |
| ཡན་ལག་ངན |
མངོན རྐུན་པོའམ་ཇག་པ། |
| ཡན་ལག་ཅན |
1 ཆ་ཤས་འདུས་པའི་ཚོགས་པ། 2 མངོན ཟླ་བ། |
| ཡན་ལག་དང་ཡན་ལག་ཅན་གྱི་འབྲེལ་པ |
རྣམ་དབྱེ་དྲུག་པ་འབྲེལ་སྒྲའི་ནང་གསེས། ཤིང་གི་ཡལ་ག། ལག་པའི་སོར་མོ། མེ་ཏོག་གི་འདབ་མ། |
| ཡན་ལག་དམར |
མངོན གཟའ་མིག་དམར། |
| ཡན་ལག་དྲུག་པ |
མངོན བྱ་སྤྱིའི་མིང༌། |
| ཡན་ལག་བཅུ་ཆོག |
བྱ་རྒྱུད་ཀྱི་བསྙེན་སྦྱོར་ཡན་ལག་བཅུའི་ཆོ་ག་གང་དུ་སྒྲུབ་པའི་གནས་དང༌། དེ་ཉིད་གསུམ། བསམ་གཏན་གསུམ། སྔགས་སྒྲུབ་པ་ལ་འཇུག་པའི་ཆོ་ག། སྦྱིན་སྲེག་གི་ཆོ་ག། དབང་བསྐུར་གྱི་ཆོ་ག་སྟེ་བཅུའོ། |
| ཡན་ལག་བདུན་པ |
ཆོས་བསྒྲུབ་པའི་སྔོན་འགྲོའི་སྦྱོར་བའི་ཆོས་བདུན་ཏེ་ཚོགས་བསགས་ཡན་ལག་བདུན་པ་དང༌། རྒྱུན་བཤགས་ཡན་ལག་བདུན་པ་དང༌། སྔགས་ཕྱོགས་ཀྱི་ཡན་ལག་བདུན་པ་ལྟ་བུའོ། |
| ཡན་ལག་བཞི་པ |
མངོན དམག་དཔུང་བཞི། |
| ཡན་ལག་བཞི་པའི་དཔུང |
རྟ་དམག་དང༌། གླང་པོ་ཆེའི་དམག་ཤིང་རྟའི་དམག་རྐང་ཐང་གི་དམག་བཅས་བཞི་ཡོད་པའི་དམག་དཔུང༌། |
| ཡན་ལག་བརྒྱད |
དཔལ་ལྡན་གསོ་བ་རིག་པའི་ལུས་ཅན་ནད་གསོ་བའི་སྐབས་ལ་ཡན་ལག་མི་འདྲ་བ་བརྒྱད་མཆིས་ཏེ་ལུས་སྤྱིའི་ནད་ཀྱི་ཡན་ལག་བྱིས་ནད་ཀྱི་ཡན་ལག་མོ་ནད་ཀྱི་ཡན་ལག་གདོན་གྱི་ཡན་ལག་མཚོན་གྱི་ཡན་ལག་དུག་གི་ཡན་ལག་རྒས་པ་གསོ་བའི་ཡན་ལག་རོ་ཙའི་ནད་གསོ་བར་བྱ་བའི་ཡན་ལག་བཅས་བརྒྱད་དོ། |
| ཡན་ལག་བརྒྱད་པའི་ཁྲིམས |
ཡན་ལག་བརྒྱད་ལྡན་གྱི་བསྙེན་གནས་དང་དོན་གཅིག་ |
| ཡན་ལག་བརྒྱད་པའི་རང་འགྲེལ |
འཕགས་ཡུལ་གྱི་སློབ་དཔོན་ཆེན་པོ་དཔའ་བོ་རང་ཉིད་ཀྱིས་མཛད་པའི་ཡན་ལག་བརྒྱད་པ་ལ། སླར་རང་ཉིད་ཀྱིས་འགྲེལ་པ་མཛད་པའི་སྨན་གྱི་བསྟན་བཅོས་ཚད་མ་ཞིག |
| ཡན་ལག་བརྒྱད་པའི་སྙིང་པོ་བསྡུས་པ |
འཕགས་ཡུལ་གྱི་སློབ་དཔོན་ཆེན་པོ་དཔའ་བོས་མཛད་པའི་སྨན་གྱི་བསྟན་བཅོས་ཚད་མ་ཞིག |
| ཡན་ལག་བརྒྱད་ལྡན |
མངོན ཆུ་བོ་གངྒཱ། |
| ཡན་ལག་བརྒྱད་ལྡན་གྱི་ཆུ |
མངར་བ་དང༌། བསིལ་བ། འཇམ་པ། ཡང་བ། དྭངས་པ། གཙང་བ། མགྲིན་པ་ལ་མི་གནོད་པ། ལྟོ་བ་ལ་ཕན་པ་སྟེ་བརྒྱད། |
| ཡན་ལག་བརྒྱད་ལྡན་གྱི་བསྙེན་གནས |
བསྙེན་གནས་ཡན་ལག་བརྒྱད་པ་སྲོག་གཅོད་པ་དང༌། མ་བྱིན་པར་ལེན་པ། འདོད་པས་ལོག་པར་གཡེམ་པ། རྫུན་དུ་སྨྲ་བ། ཆང་འཐུང་བ། དུས་མ་ཡིན་པའི་ཁ་ཟས་ཟ་བ། ཕྲེང་སོགས་གར་སོགས་གཅིག་ཏུ་བྱས་པ། མལ་སྟན་ཆེ་མཐོ་བཅས་སྤོང་བའོ། |
| ཡན་ལག་མཆོག |
མངོན མགོ། |
| ཡན་ལག་མཆོག་ལྡན་མ |
མངོན བུད་མེད་མཛེས་མ། |
| ཡན་ལག་འཇུག |
ཀར་མྱང་རྩིས་སུ་ཡན་ལག་འཇུག་གི་རི་མོ་སྟེ་གཉིས་ཤར་ན་ཡུལ་གྲུ་ལ་ལར་ཆར་འབབ་ཅིང༌། ལ་ལར་མི་འབབ། འབྲུ་ཚོགས་ཉམས། |
| ཡན་ལག་འབྱུང |
གནས་བརྟན་བཅུ་དྲུག་གི་ཡ་གྱལ་ཞིག་སྟོན་པའི་བཀའ་བསྒོས་ལྟར་རི་བོ་གངས་ཅན་ན་གནས་ནས་བསྟན་པའི་གཉེར་འཛིན་པ། |
| ཡན་ལག་ལྔ |
1 རྐང་ལག་བཞི་དང་མགོ། ཡན་ལག་ལྔ་ས་ལ་གཏུགས་ནས་ཕྱག་བྱ་བ། 2 སྐར་རྩིས་སྐབས་ཀྱི་ལྔ་བསྡུས། |
| ཡན་ལག་ལྔ་པ |
མངོན རུས་སྦལ། |
| ཡན་ལག་ལྔ་ལྡན་གྱི་སྦྱོར་བ |
འབྲི་གུང་བཀའ་བརྒྱུད་པའི་ལུགས་ཀྱི་ཕྱག་ཆེན་ཁྲིད་པའི་སྔོན་འགྲོའི་སྦྱོར་བ་ཡན་ལག་ལྔ་བྱང་ཆུབ་ཀྱི་སེམས་བསྒོམ་པ་དང༌། རང་ལུས་ལྷར་བསྒོམ་པ། བླ་མ་ལ་མོས་གུས་བསྒོམ་པ། མི་རྟོག་པའི་ལྟ་བ་བསྒོམ་པ། བསྔོ་སྨན་གྱིས་རྒྱས་འདེབས་པ་བཅས་སོ། |
| ཡན་ལག་ལྔ་ས་ལ་ཕབ་པའི་ཕྱག |
དཔྲལ་བ། ལག་མཐིལ་གཉིས་པུས་མོའི་ལྷ་ང་གཉིས་བཅས་ས་ལ་གཏུགས་ནས་ཕྱག་འཚལ་བ། |
| ཡན་ལག་ལྔ་སྦས་པ |
མངོན རུས་སྦལ། |
| ཡན་ལག་ཤིན་ཏུ་རྣམ་པར་འབྱེས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་རྟེན་ཅིང་འབྲེལ་བར་འབྱུང་བ་ཤིན་ཏུ་རྣམ་པར་ཕྱེ་བ་སྟོན་པར་མཛད་པ་ཉིད་ཀྱིས་ཡན་ལག་དང་ཉིང་ལག་ཤིན་ཏུ་རྣམ་པར་འབྱེས་པ། |
| ཡབ |
1 ཕའི་ཞེ་ས། 2 སྐྱིབས། བསིལ་ཡབ། མདའ་ཡབ། 3 ཕོ་རྒྱུད་ཀྱི་ལྷ། |
| ཡབ་ཀྱི་ཕྱག་རྒྱ་དྲུག |
དབུ་རྒྱན་དང༌། རྣ་རྒྱན། མགུལ་རྒྱན། གདུ་བུ། མཆོད་ཕྱིར་ཐོགས། ཐལ་ཆེན་གྱི་ཚོམ་བུ་དྲུག་གོ། |
| ཡབ་ཀྱི་འབག |
ཡབ་རྒྱལ་པོའི་འབག |
| ཡབ་གཅིག |
རང་གི་ཕའི་ཞེ་སའམ་བརྩི་བཀུར་ཆེ་བའི་མིང༌། |
| ཡབ་གཞིས |
བོད་ཀྱི་སྤྱི་ཚོགས་རྙིང་པའི་སྐབས་ཏཱ་ལའི་དང༌། པཎ་ཆེན་སོགས་བླ་ཆེན་ཁག་འཁྲུངས་སའི་ཁྱིམ་ཚང༌། |
| ཡབ་ཆེན |
སྔ་དུས་མི་དྲག་སྐུ་དྲག་གི་ཕྲུ་གུའི་ཕ་ཡི་ཆེ་མིང་ངམ་ཞེ་ས། |
| ཡབ་པ |
རྙིང རྟོགས། |
| ཡབ་མེས |
1 ཕ་དང་མེས་པོ། 2 མེས་པོ་སྔ་རབས། |
| ཡབ་འབངས |
ཕ་ཕྱོགས་ཀྱི་མི་སེར། |
| ཡབ་འབངས་རུས་དྲུག |
སྔར་བོད་རྒྱལ་གཉའ་ཁྲི་བཙན་པོས་བོད་ལ་དབང་སྒྱུར་སྐབས་རྒྱལ་རིགས་སུ་གཏོགས་པའི་རུས་ཏེ། ལྷོ། གཉགས། ཁྱུང༌། སྣུབས། སེ། སྤོ་བཅས་དྲུག |
| ཡབ་ཡབ |
(རྒྱན་ཚིག) བརྟན་པོ་དང་རྣལ་མོ་མིན་པ་མི་ཡབ་ཡབ་པོ། ཤོག་བུ་རླུང་གིས་ཡབ་ཡབ་ཁུར་ལྟ་བུ། |
| ཡབ་ཡབ་པོ |
སེམས་རང་སར་གནས་མི་ཐུབ་པ། |
| ཡབ་ཡུམ |
1 ཕ་མ་གཉིས། 2 ཁྱོ་ཤུག་གཉིས། |
| ཡབ་ཡོབ |
ཡ་བེ་ཡོ་བེའི་བསྡུས་ཚིག་ |
| ཡབ་རྒྱལ་པོ |
ཡབ་ཀྱང་ཡིན་ལ་རྒྱལ་པོའང་ཡིན་པ། |
| ཡབ་རྗེ |
རང་གི་བུ་སོགས་ཉེ་འཁོར་གྱིས་རྒྱལ་པོ་ལ་འབོད་པའི་ཞེ་ས། ས་སྐྱོང་ཡབ་རྗེ་རྒྱལ་པོ། |
| ཡབ་སྲས |
1 ཕ་དང་བུ། 2 སློབ་དཔོན་དང་སློབ་མ། |
| ཡབ་སྲས་མཇལ་བའི་མདོ |
ཡབ་སྲས་མཇལ་བ་དེ་ཁོ་ན་ངེས་པར་བསྟན་པའི་བམ་པོ་བཅོ་ལྔ་པ་ལེའུ་ཉེར་དྲུག་དང༌། ཤོ་ལོ་ཀ་བཞི་སྟོང་ལྔ་བརྒྱ་ཡོད་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང༌། ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པའོ། |
| ཡམ |
ཡམས་དང་འདྲ། 2.བོད་ཀྱི་རུས་ཤིག |
| ཡམ་བུ |
བལ་ཡུལ་རྒྱལ་ཁབ་ཀྱི་རྒྱལ་ས་ག་ཐ་མན་ཊུའི་མིང་གཞན། |
| ཡམ་མེ་བ |
ཧ་ལམ་མམ་རགས་ཙམ། སློབ་སྦྱོང་ཡམ་མེ་བ་ཞིག་ལས་བྱེད་རྒྱུ་མ་བྱུང༌། |
| ཡམ་མེ་ཡོམ་མེ |
1 འགུལ་སྟངས་སམ་གཡོ་ཚུལ་ཞིག ཤིང་འགོ་རླུང་གིས་བསྐྱོད་དེ་ཡམ་མེ་ཡོམ་མེ་བྱེད། ཟམ་པ་ཡམ་ཡོམ་བྱེད་པ། 2 ཚིག་དོན་རགས་རིམ་ཙམ། ཡམ་ཡོམ་ལ་ལུས་པ། གསལ་པོ་མེད་པའི་འགྲེལ་བཤད་ཡམ་མེ་ཡོམ་མེ་ཞིག་གིས་གོ་རྟོགས་ལ་ཕན་མི་ཐོགས། |
| ཡམ་ཡོམ |
ཕར་གཡོ་ཚུར་གཡོའི་དོན་ཏེ། ཤིང་སྡོང་ཡམ་ཡོམ་བྱེད་ལྟ་བུ། ཡིད་བརྟན་མེད་པའི་དོན་ཏེ། བཤད་ཡམ། ཁ་ཡམ་ཞེས་པ་ལྟ་བུ། འདི་ལ་བཤད་ཡམས་དང་ཁ་ཡམས་འབྲི་བའང་ཡོད། |
| ཡམ་ཤིང |
སྔགས་ཀྱི་སྦྱིན་སྲེག་གི་རྫས་འོམ་བུ། མིང་གི་རྣམ་གྲངས་ལ་ཕྲ་མོའི་ཤིང་དང༌། བུད་ཤིང༌། བྱིན་ཟའི་ཤིང༌། སྦྱིན་སྲེག་ཤིང༌། ཚིམ་བྱེད་ཤིང༌། ཞུགས་ཀྱི་ཤིང༌། ཤིང་བུ། སྲེག་ཤིང༌། ཧོམ་ཤིང་བཅས་སོ། |
| ཡམས |
1 རིམས་ནད། དལ་ཡམས། 2 རྒྱུ་མཚན་ཏན་ཏན་བཤད་རྒྱུ་མེད་པའི་ཚོད་བཤད། མཁས་རློམ་བཤད་ཡམས། ན་ཡམས་སུ་བཤད་པ། བཤད་ཡམས་འབྱམས་པ། |
| ཡམས་ནད |
འགོ་བའི་རིམས་ནད། ཡམས་ནད་ཀྱིས་ལུས་ཅན་གྱི་སྲོག་ཕྲོགས་པ། |
| ཡར |
1 ཡས་མས་གཉིས་ཀྱི་ཡས། ཡར་འཁྱམ་མར་མྱུལ། ཡར་བཤད་མར་བཤད། ཡར་རླངས་ཤོར་དང༌། མར་ཐིགས་ཤོར་མེད་པ། 2 འཕར་བའམ་འཐོར་བ། ཁོང་གི་མགོ་ལ་ཡར་རྡོ་ཕོག་ནས་རྨ་བཟོས་འདུག |
| ཡར་ཀླུངས |
བོད་རང་སྐྱོང་ལྗོངས་ཀྱི་སྣེ་གདོང་རྫོང་ཁོངས་ཡར་ལྷ་ཤམ་པོའི་ཆུ་རྒྱུད་ཀྱི་སྤྱི་མིང༌། |
| ཡར་ཀླུངས་ཁ་རིལ |
ཡུལ་ཡར་ཀླུངས་ནས་བཟོས་པའི་ལྷམ་ཟོན་པའི་མཐིལ་ཞིག |
| ཡར་ཀླུངས་གཙང་པོ |
བོད་དུ་ཡོད་པའི་གཙང་པོ་ཆེ་ཤོས་ཤིག་གི་མིང༌། གཙང་པོ་དེ་བོད་རང་སྐྱོང་ལྗོངས་ལྷོ་རྒྱུད་ན་ཡོད། ཆུ་འགོ་ནི་རི་བོ་ཧི་མ་ལ་ཡའི་རྗེ་མ་གཡང་འཛོམས་ཡིན་ཞིང༌། དེའི་སྟོད་རྒྱུད་ལ་རྟ་མཆོག་ཁ་འབབ་ཟེར། དེ་ནས་གཙང་གི་ས་ཆ་བརྒྱུད་ལྷོ་ཁ་ས་ཁུལ་ཁོངས་སྣེ་གདོང་རྫོང་གི་ཡར་ཀླུངས་ཡུལ་དུ་འབབ་སྐབས་ཡར་ཀླུངས་གཙང་པོ་ཟེར། དེ་ནས་མུ་མཐུད་ཀྱིས་ཤར་ཕྱོགས་སུ་བབ་ཀོང་པོ་ཉིང་ཁྲི་ས་ཁུལ་ཁོངས་མེ་ཏོག་རྫོང་གི་ཉེ་འདབས་ནས་ཁ་ལྷོ་ཕྱོགས་ལ་གཏད་ནས་ཧིན་རྡུ་དང༌། བྷང་ག་ལ་བརྒྱུད་ཧིན་རྡུ་རྒྱ་མཚོར་འབབ་གྱིན་ཡོད། གཙང་པོ་འདིའི་རྒྱུད་ཀྱི་བོད་ཡུལ་ས་ཁུལ་ཁག་ལ་ཐོན་ཁུངས་ཕུན་སུམ་ཚོགས་ཤིང་གནམ་གཤིས་ཡག་པོ་ཡོད་པས། བོད་ཀྱི་མི་རིགས་ཐོག་མར་ས་ཁུལ་དེ་ནས་འཕེལ་རྒྱས་བྱུང་བ་དང༌། གཉའ་ཁྲི་བཙན་པོ་ནས་སྲོང་བཙན་སྒམ་པོའི་བར་གྱི་སྲིད་དོན་ལྟེ་གནས་ཤིག་རེད། རྟ་མཆོག་ཁ་འབབ། གཙང་པོ། ཡར་ཀླུངས |
| ཡར་ཀླུངས་བཀྲ་ཤིས་ཞོལ་པ |
སྔར་འཕྱོངས་རྒྱས་བཀྲ་ཤིས་ཞོལ་པའི་རྗེས་སུ་བཙུགས་པའི་བོད་ཀྱི་ཟློས་གར་ཚོགས་པ་ཞིག་གི་མིང༌། |
| ཡར་ག |
གནས་མཐོ་སའི་ཕྱོགས་ཀྱི་མིང་ཡར་གའི་རི་ཁྱིམ། ཡར་ག་མར་ག་ཞེས་པ་ལྟ་བུ། |
| ཡར་གཏོག |
ཡུལ་སྐད་ལ་ལར་ལེགས་པའི་རིགས་བྱེད་པར་སྐུལ་བའི་བྱ་སྤྱོད་ཀྱི་མིང་རང་ཉིད་ལོ་རྒས་ཀྱང་ན་གཞོན་ཚོར་རིག་གནས་སློབ་པར་ཡར་གཏོག་བརྒྱབ་པ་ཡིན་ཞེས་པ་ལྟ་བུ། |
| ཡར་ངོ |
ཟླ་བའི་དཀར་ཆ་ཡར་འཕེལ་བ་དང༌། དཀར་ཕྱོགས་ཀྱི་དུས་ཚེས་གཅིག་ནས་བཅོ་ལྔའི་བར། ཡར་ངོའི་ཚེས་བརྒྱད། ཡར་ངོའི་ཟླ་བ་ལྟར་གོང་ནས་གོང་དུ་འཕེལ་བ། མིང་གི་རྣམ་གྲངས་ལ་དཀར་ཕྱོགས་དང༌། གང་ཕྱོགས། རྒྱས་ཕྱོགས། ཕྱོགས་སྔ་མ། འཕེལ་ཕྱོགས། ཞི་ཕྱོགས་བཅས་སོ། |
| ཡར་ངོ་སྔོན་འགྲོ |
ནག་པ་ཟླ་བའི་ཡར་ངོ་ལ་ཁྱིམ་དུ་སླེབས་ན་ཡར་ངོ་སྔོན་འགྲོ་ཞེས་བྱ། |
| ཡར་ཆབ་གཙང་པོ |
ཡར་ཀླུངས་གཙང་པོ་སྟེ་འཕྱོངས་རྒྱས་རྫོང་དང་སྣེ་གདོང་རྫོང་བརྒྱུད་སྐབས་ཀྱི་མིང༌། |
| ཡར་ཆོབ་ཆོབ |
1 ཡར་འཕར་བ། 2 སྤུང་བ། |
| ཡར་ཐོན |
སྔོན་ལས་གོང་དུ་འཕགས་པའི་ཆ་ལག་རྩལ་ཡར་ཐོན་བྱུང་། ཡར་ཐོན་པ་ཞེས་པ་ལྟ་བུ། ལེགས་པའི་ཕྱོགས་ཀྱི་མིང་ཁ་མིག་ཡར་ལྟ། ཡར་འགོ། ཡར་འཐེན། བསམ་པ་ཡར་སེམས། སྤྱི་དོན་ལ་ཡར་གཏོག རིགས་རྒྱུད་འཆར་བཀོད་ལྟར་སྤེལ་བར་ཡར་བཤོལ་ཞེས་པ་ལྟ་བུ། |
| ཡར་དཀན |
གྱེན་གཟར་པོ། |
| ཡར་དར |
གོང་ནས་གོང་དུ་འཕེལ་བཞིན་པའི་དུས་ཏེ། ཡར་དར་མར་འགྲིབ། བདེ་སྐྱིད་ཡར་དར་དང་སྡུག་བསྔལ་མར་འགྲིབ་ཅེས་པ་ལྟ་བུ། |
| ཡར་ནང |
ལུང་པའམ་གྲོང་ཚོའི་ཡར་ཕྱོགས། རི་ཆེན་པོ་དེའི་ཡར་ནང་ན་གྲོང་ཚོ་མང་པོ་ཡོད་ཅིང་མར་ནང་ན་ནགས་ཚལ་སྟུག་པོ་ཡོད། |
| ཡར་བ |
ཐ་མི་དད་པ འཁྱར་བ། ཁ་འཐོར་བ། ཁྱུ་ནས་ཡར་བ། རྡོ་བཅག་པའི་དུམ་བུ་རྣམས་རིང་དུ་ཡར་བ། མེ་སྟག་ཡར་བ། |
| ཡར་བཅད་པ |
གོང་དུ་ཕུད་པ་སྟེ་དམིགས་བསལ་བཏང་བ། ལོ་ན་རྒན་པོ་དང་བྱིས་པ་ནད་པ་ཉམ་ཆུང་བ་བཅས་ཡར་བཅད་ནས་ཚང་མ་ལས་ཀར་ཞུགས་པ། |
| ཡར་བཟེད |
ཡུལ 1 ཡས་སྒྲོན་དང་དོན་གཅིག 2 སྣོད་ཀྱི་ཁ་གྱེན་དུ་ཡར་བཟེད་པ། |
| ཡར་བེའུ |
སྐྱེས་ནས་ལོ་འཁོར་ལོན་པའི་བེའུའི་མིང་ཡུལ་སྐད་ལ་ལར་ཡ་རུ་ཟེར་བ་དང་དོན་གཅིག |
| ཡར་མ |
བེའུ་བཙས་ནས་ལོ་འཁོར་བའི་བཞོན་མའི་མིང་འབྲི་ཡར་མ་ཞེས་པ་ལྟ་བུ། |
| ཡར་མཆོད་མར་སྦྱིན |
ཡར་དཀོན་མཆོག་ལ་མཆོད་པ་འབུལ་བ་དང༌། མར་ངན་སློང་ལ་སྦྱིན་པ་གཏོང་བ་དཀོན་མཆོག་སྲི་ཞུའི་མགྲོན་དང་མགོན་པོ་ཡོན་ཏན་མགྲོན་ཏེ། ཡར་མགྲོན་གཉིས་དང༌། རིགས་དྲུག་སྙིང་རྗེའི་མགྲོན་དང་གདོན་བགེགས་ལན་ཆགས་མགྲོན་ཏེ། མར་མགྲོན་གཉིས་བཅས་མགྲོན་ཚན་བཞི་ལ་མཆོད་འབུལ་སྦྱིན་གཏོང༌། |
| ཡར་མར |
1 ཡར་མའི་འོ་མ་ལས་བཏོན་པའི་མར། 2 སྟེང་འོག་གམ་ཕར་ཚུར། ཡར་མར་འགྲོ་བ། ཡར་རྒྱུ་མར་རྒྱུ། ཡར་རྒྱུག་མར་རྒྱུག ཡར་མཆོང་མར་མཆོང༌། ཡར་བསྐུམས་མར་བརྐྱངས། ཡར་སྐྱུག་མར་བཤལ། རྒན་གཞོན་རྣམས་ཡར་བུད་མར་བུད་བྱས་པ། ཡར་རླངས་མར་ཐིགས་མེད། ཡར་ཞུ་མར་གནང༌། ཡར་བཞག་མར་བཞག ཡར་བཤད་མར་བཤད། ཡར་བསྟོད་མར་སྨད། རིན་གོང་ཡར་སྤར་མར་བཅག་ངེས་གཏན་མེད་པ། ཚོང་ལ་ཁེ་གྱོང་མི་འདུག་ཡར་ལང་མར་བསྡད་ཁྱད་པར་མེད། |
| ཡར་མོ་ཀླུངས |
ཡར་ཀླུངས་ཀྱི་མིང་རྙིང༌། |
| ཡར་ཚེས |
ཟླ་བ་ཡར་ངོའི་ཚེས་གྲངས། ཆུ་སྟོད་ཟླ་བའི་ཡར་ཚེས་བཅོ་ལྔ། |
| ཡར་ཞོ |
འབྲི་སོགས་ཡར་མའི་འོ་མས་བཟོས་པའི་ཞོ། |
| ཡར་ཟ་མར་ལུག |
ཟས་མ་ཞུ་བར་ཐུར་དུ་འབྱུང་བ། |
| ཡར་འགོ |
ལས་དོན་ལེགས་པའི་རིགས་ཀྱི་སྣ་འདྲེན་པ་རུ་ཁག་ཏུ་ལས་བྱེད་ཚོས་ཡར་འགོ་ཡར་འཐེན་བྱས་ནས་ན་གཞོན་ཚོས་ལས་མཚམས་སུ་ཚན་རིག་སྦྱང་ལྟ་བུ། |
| ཡར་འཕགས་པ |
1 སྟེང་དུ་ཐོན་པའམ་མཐོན་པོར་གྱུར་པ། 2 ཁྱད་པར་དུ་འཕགས་པ། |
| ཡར་འཕར་བ |
1 མང་དུ་སོང་བ། མཚོ་ཆུ་ཡར་འཕར་བ། ཁྲོམ་གོང་ཡར་འཕར། 2 གྱེན་དུ་འཕར་བ། ས་ནས་ཡར་འཕར་བ། སྤྲེའུ་ཤིང་གི་ཡལ་ག་ལ་ཡར་འཕར་བ། |
| ཡར་འབྲོག |
རྒྱལ་རྩེ་ས་ཁུལ་ཁོངས་སྣ་དཀར་རྩེ་རྫོང་གི་ས་ཆ་ཞིག |
| ཡར་འབྲོག་གཡུ་མཚོ |
བོད་རང་སྐྱོང་ལྗོངས་ཀྱི་ལྷོ་རྒྱུད་དང་གཙང་པོའི་ལྷོ་ངོས། སྣ་དཀར་རྩེ་རྫོང་གི་བྱང་རྒྱུད་དུ་ཡོད། དེའི་འཁོར་རྒྱ་སྤྱི་ལེ་གྲུ་བཞི་678 དང་མཚོའི་ངོས་མཐོ་ཚད་རྒྱ་མཚོའི་ངོས་ལས་སྨི་4441 ཡིན་པ། གཏིང་ཟབ་ཤོས་ཀྱི་སར་སྨི་59 ཡོད་པ། མཚོའི་ནང་དུ་ཉ་རིགས་འབེལ་བ། མཚོ་འགྲམ་དུ་རྩྭ་སྣ་ཆུ་སྣ་འཛོམས་པས་འབྲོག་ས་ཡག་པོ་ཞིག་རེད། མཚོ་དེའི་ནུབ་བྱང་གི་མཚོ་སྣེར་མཚོ་ཆུ་ཡར་ཀླུངས་གཙང་པོར་རྒྱུག་སའི་ལམ་ཞིག་ཡོད་ཀྱང༌། ད་ལྟ་བྱེ་འདམ་གྱིས་བཀག་ནས་ཆུ་རྒྱུག་ས་མེད་པའི་སྐམ་སའི་ནང་ཁུལ་གྱི་མཚོ་ཞིག་ཏུ་གྱུར། |
| ཡར་འབྲོག་སྟག་ལུང |
སྣ་དཀར་རྩེ་རྫོང་གི་ས་ཆ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| ཡར་ཡར |
1 གོང་ནས་གོང་དུ་འགྲོ་བ། ང་ཚོ་ཡར་ཡར་འགྲོ་དུས། ཁ་བ་མར་མར་བབ་བྱུང༌། 2 ཆད་པའམ་འཕར་བ། མདུང་ཁྲ་རིང་སྐར་མདའ་ཡར་ཡར་རེད། |
| ཡར་རེ་ཡོར་རེ |
ཁྱར་ཁྱོར། གོམ་པ་ཡར་རེ་ཡོར་རེ་སྤོས་པ། གོམ་པ་ཡར་རེ་ཡོར་རེ་སྤོས་ཏེ་འགྲོ་བ། |
| ཡར་རྡོ |
དམིགས་སར་མ་ཕོག་པར་གཞན་དུ་འཁྱོགས་པའི་རྡོ། དམིགས་པའི་གནད་ལ་མ་ཐེབས་པར་ཡར་རྡོ་གཞན་ལ་ཕོག་ནས་བསྣད་སྐྱོན་བཟོས་པ། |
| ཡར་ལངས་པ |
1 ཉལ་བ་དང་བསྡད་པ་ལས་ལྡང་བ། ཡར་ལངས་ནས་བྱ་རྨྱང་བྱེད། 2 ལོག་སྤྱོད་དབང་སྒྱུར་གྱི་འོག་ནས་ཐར་གྲོལ་ཐོབ་པ། ངལ་རྩོལ་མི་དམངས་རྣམས་ཡར་ལང་ཟིན། |
| ཡར་ལུར་ཇོ་བོའི་ཆོས་འབྱུང |
བོད་ཀྱི་རྒྱལ་རབས་དེབ་ཐེར་འདི་ཡར་ཀླུངས་རྗེ་རྒྱུད་ཤཱཀྱ་རིན་ཆེན་སྡེས་རབ་བྱུང་དྲུག་པའི་མེ་འབྲུག་ལོར་བརྩམས། མཇུག་ཏུ་རྔོག་ལོ་དང་ས་སྐྱའི་གདན་རབས་འཁོད་ཡོད། |
| ཡར་ལོག་པ |
1 གྱེན་ལོག་བྱེད་པ། 2 ཁ་ཡར་ཕྱོགས་པ། མེ་ཏོག་གི་འདབ་མ་ཡར་ལོག་པ། 3 ཐུར་ནས་གྱེན་དུ་ཡོང་བ། ལུང་པའི་མདའ་ནས་ཕུ་ལ་ཡར་ལོག་པ། |
| ཡར་ལོག་བླ་མ |
གྲྭ་པ་སྐྱ་སར་བབས་ནས་སླར་ཡང་གྲྭ་པ་བྱས་པ། |
| ཡར་ལྟ |
ལེགས་པའི་ཕྱོགས་ལ་སློབ་པའི་བྱ་སྤྱོད་ཀྱི་མིང་མི་བཟང་བོར་ཁ་མིག་ཡར་ལྟ་གྱིས་ཞེས་པ་ལྟ་བུ། |
| ཡར་ལྟོས |
ལེགས་པའམ་བཟང་བར་མིག་དཔེ་ལྟ་བ། |
| ཡར་ལྡང |
ཉལ་ས་སོགས་ནས་ཡར་ལང་བ། |
| ཡར་ལྡིང |
སྟེང་དུ་འཕྱོ་བའམ་འཕུར་བ། ལྒང་བུ་ཚོན་ཁྲ་རྣམས་མཁའ་ལ་ཡར་ལྡིང་བ། |
| ཡར་ལྡོག |
གྱེན་ལྡོག བཀའ་ལ་ཡར་ལྡོག |
| ཡར་ལྷ་ཤམ་པོ |
ཡར་ཀླུངས་ཕུར་ཡོད་པའི་གངས་རེ་ཞིག |
| ཡར་ལྷ་ཤམ་པོའི་ཆུ |
བོད་རང་སྐྱོང་ལྗོངས་ཀྱི་སྣེ་གདོང་རྫོང་ཁོངས་ཡར་ཀླུངས་ནས་འབབ་པའི་འབབ་ཆུ་ཞིག་སྟེ་ཆུ་འགོ་མཚོ་སྨད་རྫོང་ཁོངས་ཁ་གྲོད་ཀྱི་ཕུ་ནས་བྱུང་ཞིང་ཡར་ཀླུངས་གཙང་པོའི་ཡན་ལག་ཅིག་ཡིན། མི་ཁ་ཤས་ཀྱིས་ཡར་ཀླུངས་ཆུའམ་ཤམ་པོ་ཆུའང་ཟེར། |
| ཡར་ས་མར་སྐྱེལ |
ཡར་དཀྲུག་མར་དཀྲུག་གམ་གོང་འོག་བརྗེ་བ། |
| ཡར་སེམས |
ལེགས་པའི་ཕྱོགས་ལ་བརྩོན་པའི་སེམས་ཏེ། བསམ་པ་ཡར་སེམས་དྲན། མི་ཡར་སེམས་ཅན་ཞེས་པ་ལྟ་བུ། |
| ཡར་སྐྱེད |
གཟུགས་དང་ཡོན་ཏན་དང་བློ་ཁ་སོགས་དམའ་བ་ལས་མཐོ་བར་སོང་བ་བྱིས་པ་ཡར་སྐྱེད་བྱུང་། ཡོན་ཏན་ཡར་སྐྱེད་བྱུང་། བློ་ཁ་ཡར་སྐྱེད་བྱུང་ཞེས་པ་ལྟ་བུ། |
| ཡར་སྣེ |
ཡས་ཀྱི་རྩེ་མོ། |
| ཡལ |
(བྱེད་མེད་ལས་ཚིག) <ཀ>མེད་པར་གྱུར་པའམ་མི་མངོན་པར་གྱུར་པའི་དོན་ཏེ། སྤྲིན་ནམ་མཁའི་དབྱིངས་སུ་ཡལ། འཇའ་ཁ་དོག་ལེགས་ཀྱང་ཡལ་ནས་འགྲོ། མེ་ཏོག་ཡལ། དྲི་ཡལ། རྟ་བརྒྱུགས་ནས་རྡུལ་ཡལ་ལྟ་བུ། <ཁ>གྱོང་གུད་དུ་སོང་བའི་དོན་ཏེ། རྒྱུ་ནོར་དགྲ་ལ་མ་ཡལ། སྒོ་ཕྱུགས་རང་ཡལ་དུ་མ་སོང་ལྟ་བུ། |
| ཡལ་ག |
རྩི་ཤིང་གི་སྡོང་བོ་ལས་གྱེས་པའི་ཆ་ཤས་ཀྱི་མིང་ཤིང་གི་ཡལ་ག་ཞེས་པ་ལྟ་བུ། ཚིག་བསྡུས་ན་ཡལ་ཞེས་འབྲི་ཆོག་ཤིང་གི་ཡལ་ག་དང་འདབ་མ་ལ་ཤིང་གི་ཡལ་འདབ་ཟེར་བ་ལྟ་བུ། |
| ཡལ་ག་ཅན |
མངོན ལྗོན་ཤིང༌། |
| ཡལ་ག་བྲེས |
མངོན ལྗོན་ཤིང༌། |
| ཡལ་ག་འཆང |
མངོན སྡོང་པོ། |
| ཡལ་ག་ལྔ་པ |
མངོན ལག་པ། |
| ཡལ་གའི་མེ་ཏོག |
མངོན མེ་ཏོག་ཅིག་གི་མིང༌། |
| ཡལ་གའི་རལ་པ |
མངོན འཁྲི་ཤིང༌། |
| ཡལ་གའི་རི་དྭགས |
མངོན སྤྲེའུ། |
| ཡལ་གས་ལྷག |
མངོན ལྗོན་ཤིང༌། |
| ཡལ་ཕྱོང |
གྲངས་ཀྱི་གནས་དྲུག་ཅུའི་རྩི་སྟངས་གཞན་ཞིག་གི་ནང་ཡོད་པའི་གྲངས་ཀའི་མིང༌། |
| ཡལ་བ |
ཐ་མི་དད་པ མཐོང་རྒྱུ་མེད་པར་གྱུར་པ། ཚོན་མདོག་ཡལ་བ། དྲོད་ཡལ་བ། སྤྲིན་ནག་ཡལ་ནས་གནམ་གཤིས་དྭངས་པོར་གྱུར་པ། ལྷགས་པ་བརྒྱབ་ནས་ན་བུན་ཡལ་བ། དུ་བ་ཡལ་བ་ལྟར་མེད་པར་གྱུར་བ། ཁ་གཏམ་གཡུ་འབྲུག་སྐད་ལས་ཆེ་ལག་ལེན་ནམ་མཁའི་འཇའ་ལྟར་ཡལ། |
| ཡལ་བར་དོར(འདོར) |
གཅེས་སྤྲས་མི་བྱེད་པར་དོར་བའི་དོན་ཏེ། སྒེར་དོན་ཡལ་བར་དོར་ནས་དམངས་དོན་བསྒྲུབས། ཐུབ་མོང་གི་རྒྱུ་ནོར་ཡལ་བར་འདོར་མི་ཉན་ལྟ་བུ། ཡལ་ག་ཞེས་པའི་ཚིག་བསྡུས་པ། |
| ཡལ་བར་འདོར་བ |
གཅེས་སྤྲས་མི་བྱེད་པའམ་དང་ལེན་མི་བྱེད་པ། ཉམ་ཆུང་ཡལ་བར་འདོར་བ་མི་རིགས་སོ། |
| ཡལ་མ་ཡོལ |
ཐལ་མ་ཐལ། ཉིན་ཕྱེད་ཡལ་མ་ཡོལ་ཙམ། ན་ཚོད་ཡལ་མ་ཡོལ། |
| ཡལ་མེ |
མངོན 1 མེ་སྟག 2 མེ་ལྕེ། |
| ཡལ་ཟུག |
རྙིང རྒྱལ་བཙུགས་པ། |
| ཡལ་འདབ |
ཡལ་ག་དང་ལོ་མ། |
| ཡལ་འདབ་ཅན |
མངོན ལྗོན་ཤིང༌། |
| ཡལ་འཛུགས་པ |
རྙིང 1 རྒྱལ་ལམ་སྐུགས་འཛུགས་པ། 2 ནག་བཙུགས་པ། |
| ཡལ་ཡལ |
1 གྲངས་གནས་ཤིག 2 དགའ་བའི་རྣམ་འགྱུར་སྟོན་ཚུལ་ཞིག སྤྲོ་སྣང་དགའ་ཡལ་ཡལ། ཁ་འཛུམ་ཡལ་ཡལ། |
| ཡལ་ཡུལ |
ཡུད་ཙམ་མམ་དུས་ཐུང་ངུ། ཉི་མ་ཤར་ནས་སྨུགས་པ་འཐུག་པོ་རྣམས་ཡལ་ཡུལ་དུ་མེད་པར་གྱུར་སོང༌། |
| ཡལ་ཡོལ |
ཡ་ལེ་ཡོ་ལེ་དང་ཡལ་ལེ་ཡོལ་ལེའི་བསྡུས་ཚིག་ |
| ཡལ་ཡོལ |
(རྒྱན་ཚིག) རྣལ་མོ་མིན་པ་ཡལ་ཡོལ་མེད་པར་ངལ་རྩོལ་བྱས་ལྟ་བུ། |
| ཡལ་ལེ་ཡོལ་ལེ |
དུས་དང༌། བྱ་བ། དངོས་པོ་སོགས་དོན་མེད་དུ་འདའ་བའམ་སྙིང་པོ་མེད་པར་འཛད་པ། ཡལ་ཡོལ་དོར་བ། ཡལ་ལེ་ཡོལ་ལེའི་ངང་ནས་ཉི་མ་གང་འཁྱོལ་བྱེད་པ། ཁག་འདོགས་ཅི་རིགས་ཀྱིས་ཡལ་ཡོལ་ཕར་འགྱངས་བྱེད། ནད་ཀྱི་ཡོང་རྐྱེན་ཐམས་ཅད་ཡལ་ཡོལ་ཆ་མེད་དུ་ཐལ། སྔར་གྱི་གྲགས་པ་ཅལ་ཅོལ་ཐམས་ཅད་ཡལ་ཡོལ་ཆ་མེད་དུ་ཐལ། |
| ཡལ་སྡོང |
ཡལ་ག་དང་སྡོང་པོ། |
| ཡས |
1 སྟོད་དང་ཡན། མིག་བཙུམ་སྐབས་པགས་པས་སྟེང་ནས་ཡས་འགེབས་བྱེད་པ། 2 བོན་པོའི་གླུད་རྫས་མདོས་གཏོར་སོགས།…3.(བྱེད་མེད་ལས་ཚིག) མེད་པའམ་བྲལ་བའི་དོན་ནམ་མཁའ་མཐའ་ཡས་པ། སྐར་ཚོགས་བགྲང་ཡས་པ། མཐའ་ཡས། བགྲང་ཡས་ཞེས་པ་ལྟ་བུ། |
| ཡས་ཁོད |
1 རང་འཐག་གི་ཡས་རྡོ། 2 ཡས་གཏུན། |
| ཡས་གཉིས་མས་གཉིས |
ལོ་བཞི་ལོན་པའི་རྟ་དྲེལ། |
| ཡས་གཏུན |
1 རང་འཐག་གི་ཡས་རྡོ། 2 སྒོག་གཏུན་གྱི་ཡས་རྒྱག |
| ཡས་གུང |
སྟོད་གོས་སམ་སྟོད་ཐུང༌། |
| ཡས་གླུད |
གླུད་རྫས་དང་གླུད། |
| ཡས་ཐགས |
ཡས་སྟགས་དང་འདྲ། |
| ཡས་ཐིག |
ཡུལ ཉ་འཛིན་བྱེད་ཀྱི་ཐག་པ་ཞིག |
| ཡས་ཐེམ |
སྒོའི་རུ་བཞིའི་ཐོད་ཀྱི་འཕྲེད་ཤིང༌། |
| ཡས་པ |
ཀླས་པ་དང་འདས་པ་དང་མེད་པ། མཐའ་ཡས་པ། བགྲང་ཡས་པ། དཔག་ཡས་པ། གཞལ་ཡས་པ། |
| ཡས་ཕྱིན |
གོང་འོག |
| ཡས་བབ |
1 ཆུ་སོགས་སྟེང་ནས་མར་བབས་པ། 2 ཉམས་པ། |
| ཡས་བབ་ཀྱི་དགའ་བཞི |
བླ་མེད་མ་རྒྱུད་ཀྱི་རྫོགས་རིམ་ལས་བཤད་པའི་རླུང་གནད་དུ་ཚུད་པའི་གཏུམ་མོའི་རྟོགས་པ་ཞིག་བྱང་སེམས་སྤྱི་བོ་ལས་བབ་པས་དགའ་བ་དང༌། མགྲིན་པར་བབ་པས་མཆོག་དགའ་དང༌། སྙིང་གར་དགའ་བྲལ་དང༌། ལྟེ་བར་ལྷན་ཅིག་སྐྱེས་དགའ་སོགས་འཁོར་ལོ་བཞིར་བབ་པ་ལས་སྐྱེས་པའི་དགའ་བ་བཞིའོ། |
| ཡས་བབ་མས་བརྟན |
བྱང་སེམས་སྤྱི་བོ་ནས་གསང་གནས་སུ་ཡས་ནས་མར་བབ་པ་ལ་ཡས་བབས་དང༌། ནོར་བུ་ནས་ལྟེ་བ་སོགས་གནས་བཞིར་ཡར་བཟློག་པ་ལ་མས་བརྟན་ཞེས་བྱའོ། |
| ཡས་བཟེད |
ཡས་སྒྲོན་དང་དོན་གཅིག་ |
| ཡས་བསུ་མས་འགེབས |
ཡས་བསུ་མས་སྐྱེལ་དང་དོན་གཅིག་ |
| ཡས་བསུ་མས་སྐྱེལ |
མང་ཉུང༌། བཟང་ངན། ལེགས་ཉེས། མཐོ་དམན་སོགས་མགོ་སྙོམས་པའམ་ཆ་མཉམ་པར་བྱེད་པ། རིང་ཐུང་ཡས་བསུ་མས་སྐྱེལ་གྱིས་གཅིག་པ་བཟོ་བ། མི་གྲངས་མང་ཉུང་ཡས་བསུ་མས་སྐྱེལ་བྱེད་པ། |
| ཡས་མ |
སྔོན་མ་དང་གོང་མ་ཀ་ཁ་སྡེ་བ་དང་པོའི་ཡི་གེ་ཡས་མ་གཉིས་ཞེས་པ་ལྟ་བུ། |
| ཡས་མཆིག |
1 རང་འཐག་གི་ཡས་རྡོ། 2 ཡས་གཏུན། |
| ཡས་མཆུ |
སྟེང་གི་མཆུ་ཏོ། |
| ཡས་མཚམས |
ཡས་ཀྱི་མཚམས་སམ་ལྟག་མའི་བར་མཚམས། |
| ཡས་མར་ཞུང་གིས་བྱུང་བ |
རྙིང སྟེང་ནས་མར་ཤར་ཏེ་བྱུང་བ། |
| ཡས་མས |
སྟོད་སྨད་དམ་གོང་འོག གྲོང་ཡས་མས། མི་གྲངས་སུམ་ཅུ་ཡས་མས་ཙམ། ཚེས་པ་ལྔའི་ཡས་མས། |
| ཡས་འགེམ |
ཡ་ཁས་མ་ཁ་འཇོམས་པའམ་གནོན་པ། |
| ཡས་འགྲམ |
ཡ་མགལ་གྱི་འགྲམ་པ། |
| ཡས་རྒྱག |
ཡུལ སྒོག་གཏུན་གྱི་ཡས་རྡོ། |
| ཡས་རྡོ |
ཆུ་འཁོར་གྱི་ཡས་རྡོ། ཆུ་འཁོར་ཡས་རྡོ་འཁོར་ཡོང༌། མས་རྡོ་བྲེལ་བ་མ་བྱེད། |
| ཡས་རྫོང |
མདོས་གླུད་གཏོང་བ། |
| ཡས་ལ |
རྙིང ཉིད་ལའམ་ཁྱེད་ལ། |
| ཡས་སོ |
ཁའི་སྟེང་གི་སོ། |
| ཡས་སྒྲོན |
བོད་ལུགས་རྟེན་འབྲེལ་བྱེད་སྐབས་ཆང་སྣོད་སོགས་ཀྱི་ཁར་མར་རྩམ་གྱི་མཛེས་རྒྱན་སྦྱར་བའི་མིང༌། ཡང་རྩེའི་སྒང་ལ་ཡས་སྒྲོན། |
| ཡས་སྟགས |
བོན་ལུགས་ལས་བཤད་པའི་ལྷ་འདྲེ་ལ་བརྔན་པའི་གླུད་གཏོར་ཆ་ཞིག |
| ཡས་སྣོད |
མར་མེ་ཀོང་བུའི་བྱེ་བྲག་ཅིག |
| ཡཱ་ས |
ལེགས གཟེ་མ་ར་མགོ། |
| ཡི |
1.ཡིད། ཡི་རང་བ། ཡི་གུ་དོག ཡི་བྲེལ་བ། 2.རྣམ་དབྱེ་དྲུག་པའི་རྐྱེན་ཏེ་འ་དང་མཐའ་མེད་ལ་འཐོབ་པའི་འབྲེལ་སྒྲ། འ |
| ཡི་ག |
1 སེམས། 2 ཟས་ཀྱི་དང་ག། ཡི་ག་གྱེན་དུ་འཕྱུར་བ། ཡི་ག་འཆུས་པ། ཡི་ག་འགགས་པ། ཡི་ག་འབྱེད་པ། |
| ཡི་གཅོད་པ |
སེམས་སྐྱོ་རུ་འཇུག་པའམ་སེམས་ཕམ་དུ་འཇུག་པ། |
| ཡི་གར་འཕྲོད་པ |
1 དང་ག་དང་འཕྲོད་པ། ནད་པས་ཡི་གར་འཕྲོད་པའི་ལྟོ་ཆས་བཟའ་དགོས། ཚྭ་མང་བས་ཡི་གར་མི་འཕྲོད་པ། 2 ཡིད་ལ་འོང་བའམ། སེམས་ལ་བབ་པ། བསམ་འཆར་དེ་ངའི་ཡི་གར་འཕྲོད་བྱུང༌། |
| ཡི་གར་འོང་བ |
1 ཟས་ལ་དང་ག་ཡོད་པ། 2 ཡིད་དུ་འོང་བ། 3 མངོན ཆུ་དྭངས་མ། |
| ཡི་གེ |
1 མིང་དང༌། ཚིག་དང༌། རྗོད་པ་ཐམས་ཅད་ཀྱི་གཞིར་གྱུར་པ་ཞིག་སྐད་ཀྱི་སྒྲ་གདངས་ཀྱི་གཞི་རྩ་མཚོན་བྱེད་ཀྱི་བརྡ། དབྱངས་ཀྱི་ཡི་གེ། གསལ་བྱེད་ཀྱི་ཡི་གེ། རྐྱེན་གྱི་ཡི་གེ། མིང་གཞིའི་ཡི་གེ། སྔོན་འཇུག་གི་ཡི་གེ། རྗེས་འཇུག་གི་ཡི་གེ། ཡི་གེ་ཨཱ་ལི་ཀཱ་ལི་གཉིས། ཡི་གེ་སུམ་ཅུ་ཐམ་པ། ཡི་གེའི་ཁོངས་ནས་མིང་འབྱུང་བ། 2 ཚེག་བར་གྱི་དབར་དུ་ཡོད་པའི་མིང་དང་ཕྲད་དང་རྣམ་དབྱེ་སོ་སོར་སྟོན་བྱེད་ཀྱི་ཡིག་འབྲུ། ཡི་གེ་སྦྱོར་ཀློག ཡི་གེའི་དག་ཆ། ཡི་གེ་དག་པ། ཡི་གེ་མ་དག་པ། ཡི་གེའི་རིག་པ། 3 རྗོད་པ་ཡིག་འབྲུ་དུ་མ་སྦྱར་ནས་གྲུབ་པའི་ཡིག་ཚོགས། རྒྱའི་ཡི་གེ། བོད་ཀྱི་ཡི་གེ། ཡི་གེ་རྩོམ་པ། ཡི་གེ་འབྲི་བ། ཡི་གེ་ཀློག་པ། ཡི་གེར་བཀོད་པ། 4 ཡིག་ཆའམ། ཡིག་རིགས་སྤྱི། གཞུང་སའི་ཡི་གེ། ཁུངས་སྐྱེལ་ཡི་གེ། དཔང་རྒྱའི་ཡི་གེ། ཁ་དན་ཡི་གེ། ལག་འཛིན་ཡི་གེ། གྲོས་ཆོད་ཡི་གེ། གོ་བསྡུར་ཡི་གེ། 5 གཏོང་ཡིག ཡི་གེ་བསྐུར་བ། ཡི་གེ་བསྲིངས་པ། ཡི་གེའི་འབུལ་རྟེན། ཡི་གེ་སྐྱེལ་བ། ཡི་གེའི་ལན། 6.སྐད་ཆ་ཐོ་ལ་འགོད་བྱེད་ཀྱི་རྟགས་ཏེ། རྒྱའི་ཡི་གེ། བོད་ཀྱི་ཡི་གེ། ཡི་གེ་འབྲི་ལྟ་བུ། སྐད་ཆའི་སྐད་གདངས་ཀྱི་མིང་ཡི་གེ་ཨཱ་ལི་ཀཱ་ལི་གཉིས་ཞེས་པ་ལྟ་བུ། ０ཡི་གེར་བྲིས་པའི་འཕྲིན་གྱི་མིང་ཡུལ་ལ་ཡི་གེ་བསྐུར་ལྟ་བུ། |
| ཡི་གེ་ཀེ་ཤ་ཅན |
ལེགས་སྦྱར་གྱི་ཡི་གེ་འགྲེང་བུ་དང་རྣ་རུ་ཉིས་བརྩེགས་ཅན། འགྲེང་བུ རྣ་རུ |
| ཡི་གེ་གཉིས |
དབྱངས་དང༌། གསལ་བྱེད་གཉིས། |
| ཡི་གེ་དཔོད་རྩོམ |
ཡིག་ཚིག་གཞན་ལ་དཔོད་བཞིན་དུ་རྩོམ་པ། |
| ཡི་གེ་དབུ་ཅན |
ཡིག་དཀར་རམ་གཟབ་མ། |
| ཡི་གེ་དབུ་ཆེན |
ཡི་གེ་དབུ་ཅན། |
| ཡི་གེ་དབུ་མེད |
ཡིག་ནག་གམ་གཤར་མ་འདིའི་ཁོངས་སུ་ཡིག་གཟུགས་ཀ་ཁ་དང༌། ཟློས་ཧྲལ། ཚུགས་རིང༌། ཚུགས་ཐུང༌། ཚུགས་ཆུང་ངམ་འཁྱུག་མ་ཚུགས། འཁྱུག་ཡིག་བཅས་ཆེ་ཆུང་མི་འདྲ་བ་ཁག་དྲུག་ཡོད། |
| ཡི་གེ་དྲུག་མ |
1 ཨོཾམཎིཔདྨེཧཱུཾ། ཞེས་པའི་གཟུངས། 2 སྤྱན་རས་གཟིགས་ཀྱི་མཚན་གྱི་བྱེ་བྲག་ཅིག |
| ཡི་གེ་དྲུག་མའི་རིག་སྔགས |
སྤྱན་རས་གཟིགས་ཀྱི་གཟུངས་ཀྱི་སྙིང་པོ། |
| ཡི་གེ་པ |
1 ཡིག་མཁན། 2 མངོན ཤིང་གི་སྲིན་བུ་ཞིག |
| ཡི་གེ་བརྒྱ་པ |
ཡིག་འབྲུ་བརྒྱ་ཐམ་པ་ཡོད་པའི་གཟུངས་སྔགས། རྡོར་སེམས་ཀྱི་ཡི་གེ་བརྒྱ་པ། ཧེ་རུ་ཀའི་ཡི་གེ་བརྒྱ་པ། གཤིན་རྗེ་གཤེད་ཀྱི་ཡིག་བརྒྱ། དེ་བཞིན་གཤེགས་པའི་ཡིག་བརྒྱ། ཡི་གེ་བརྒྱ་པའི་འགྲེལ་པ། |
| ཡི་གེ་བསྣོལ་བ |
སྔ་མའི་གསལ་བྱེད་ཕྱི་མར་སྤོས་ལ་ཕྱི་མའི་གསལ་བྱེད་སྔ་མར་སྤོས་པ། ཧིད྄་(+)་ས། ཧ྄ཨིད྄་(+)་ས྄ཨ། ས྄ཨིད྄་(+)་ཧ྄ཨ། སིདྷ། སིདྷེ། སེངྒེ་ |
| ཡི་གེ་བྲལ་བ |
མངོན སྟོང་ཉིད་ཀྱི་དོན། |
| ཡི་གེ་མཁན |
ཡི་གེ་པ་དང་དོན་གཅིག་ |
| ཡི་གེ་མཆན་བཀོད |
གོ་དཀའ་བ་བཀྲལ་བའི་ཡིག་ཆུང་བཀོད་པ། |
| ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་སྙིང་པོ |
གཟུངས་ཀྱི་སྡེ་ཚན་ཞིག |
| ཡི་གེ་འཇུག་པའི་གནས་བརྒྱད |
སྒྲ། སྐད། མིང༌། མཚན་མ། བརྡ། ཐ་སྙད། ཚིག་དོན་བཅས་བརྒྱད། |
| ཡི་གེ་རྐྱང་པ |
1 ཡིག་འབྲུ་རེ་རེ་བ། 2 མགོ་ཅན་གསུམ་དང་འཕུལ་མེད་ཀྱི་ཡི་གེ། |
| ཡི་གེ་རྟགས་འབྱར་མ |
ཐེའུ་བརྒྱབ་པའམ་ཕབ་ཡོད་པའི་ཡི་གེ། |
| ཡི་གེ་ཤ་ཆེན |
ཡིག་རུས་ཡག་པོའམ། ཡིག་གཟུགས་སྦོམ་ཤས་ཆེ་བ། |
| ཡི་གེ་སྦྱོར་བ |
མིང་གཞིར་རྗེས་སྔོན་དབྱངས་སོགས་སྒྲིག་པ། |
| ཡི་གེའི་གནས་ཚད |
སྤྱིར་བཏང་ཡི་གེ་རེ་རེ་བའི་སྒྲ་འབྱིན་པའི་ཡུན་ཚད་མིག་འཛུམ་གྱི་ཚད་དུ་བཤད། |
| ཡི་གེའི་གཞི |
1 དབྱངས་དང་གསལ་བྱེད་ཀྱི་ཡིག་གཟུགས་དང་སྒྲ། 2 ཤོག་བུ་དང་ཤིང་བྱང་སོགས། |
| ཡི་གེའི་གཞི་ཅན |
མངོན ཤིང་སྟག་པ། |
| ཡི་གེའི་གཟུངས |
སྔགས་ཀྱི་ཡིག་འབྲུ། |
| ཡི་གེའི་དབྱངས |
ཨ་སོགས་དབྱངས་ལྔ། |
| ཡི་གེའི་ཕྱི་མོ |
1 ཡི་གེའི་རྩ་བའམ། ཀ་སོགས་སུམ་ཅུ། ཀ 2 ཡི་གེ་འབྲི་ཀློག་གང་བྱེད་ཀྱི་མ་དཔེ། |
| ཡི་གེའི་མ་དཔེ |
1 མ་གཞིའི་ཟིན་བྲིས། 2 ཀ་དེབ་བམ་ཡི་གེ་གཟབ་གཤར་གྱི་མ་ཡིག་ཡག་པོ་དཔེར་ལྟ་ས། |
| ཡི་གེའི་ཚོགས་པ |
སྔོན་རྗེས་མིང་གསུམ་འདུས་པའི་མིང་ཚིག་གཉིས་ཀྱི་རྩོམ་གཞིར་གྱུར་པའི་ཡི་གེ་ཐམས་ཅད་ཀྱི་ཕྱི་མོ་ཨ་དང་ཀ་ལ་སོགས་པ་མང་པོ་འདུས་པ་ལྡན་མིན་འདུ་བྱེད་ཀྱི་ནང་གསེས་ཤིག ཨ་ཀ |
| ཡི་གེའི་རྒྱུ་ལྔ |
སྒྲ་རིག་པ་ལས་གསལ་བའི་སྒྲའི་གཞི་ཡི་གེའི་རྒྱུ་ལྔ་སྟེ་བརྗོད་འདོད་དང༌། རླུང༌། གནས། བྱེད་པ། རྩོལ་བ་བཅས་སོ། |
| ཡི་གེའི་རྟགས་གསུམ |
ཕོ་དང༌། མོ། མ་ནིང་གི་རྟགས་སོ། |
| ཡི་གེའི་རྣམ་གཞག |
1 སྤྱིར་བཏང་ཡི་གེ་ལ་ཨཱ་ལི་དང་ཀཱ་ལི་གཉིས་ཀྱི་དབྱེ་བ་དང་ཀཱ་ལིའི་ནང་གསེས་ཀྱི་དབྱེ་བ་མཐའ་དག 2 ཡི་གེ་སྦྱོར་ཚུལ་སོགས་བཤད་པའི་གཞུང༌། |
| ཡི་གེའི་ལྷ |
སྟོང་ཉིད་དེ་ཀུན་རྫོབ་ཟླ་དཀྱིལ་གྱི་རྣམ་པར་བསྒྱུར་ནས་སྔགས་ཀྱི་ཡིག་འབྲུ་ས་བོན་བསྒོམ་པ། བྱ་རྒྱུད་ལྷ་དྲུག་གི་ནང་གསེས་ཤིག |
| ཡི་གེའི་སྦྱོར་བ |
མིང་ཚིག་ཡི་གེ་སོགས་ཀྱི་སྡེབ་སྦྱོར་གྱི་བྱ་བ། |
| ཡི་ཆད |
རེ་བ་མེད་པར་གྱུར་པའི་བསམ་པའམ་བྱ་སྤྱོད་ཀྱི་མིང་ཡིད་ཆད་སྒྱིད་ལུག་མ་བྱེད་ཅེས་པ་ལྟ་བུ། |
| ཡི་ཆད་པ |
སེམས་སྐྱོ་བ་དང་ཞུམ་པ། ལན་བརྒྱར་ཕམ་ཡང་ཡིད་ཐང་མི་འཆད་པ། བཟང་བསྟོད་ངན་སྨད་མེད་པ་དང༌། གོ་ལྡོག་བྱས་ཚེ་བཟང་པོ་རྣམས་ཀྱང་ཡི་ཆད་པར་འགྱུར། |
| ཡི་ཐང་ཆད་པ |
ཡི་ཆད་པ་དང་དོན་གཅིག་ |
| ཡི་དམ |
1 རྒྱུད་སྡེ་ལས་བཤད་པའི་ཐུན་མོང་མིན་པའི་བསྟེན་བྱའི་ལྷ་སངས་རྒྱས་བྱང་སེམས་རྣམས། ཡི་དམ་གྱི་ལྷ། 2 དམ་བཅའ་དང༌། ཁས་ལེན། ཡི་དམ་བཅའ་བ། ཡི་དམ་བརྟན་པ། |
| ཡི་དམ་གྱི་སྔགས |
རྒྱུད་སྡེ་རང་རང་གི་ལྷའི་རྩ་སྔགས་དང་ཉེ་སྙིང་སོགས། |
| ཡི་དྭགས |
པྲེཏཱ ངན་འགྲོ་གསུམ་གྱི་ནང་ཚན་ཞིག་ཟས་སྐོམ་ཡིད་ལ་བཏགས་པས་ན་ཡི་དྭགས། ཡི་དྭགས་ཀྱི་འཇིག་རྟེན། ཡི་དྭགས་ནང་སྒྲིབ་ཅན། ཡི་དྭགས་ཕྱི་སྒྲིབ་ཅན། ཡི་དྭགས་ཝ་བ་ཅན། མིང་གི་རྣམ་གྲངས་ལ་ངན་ཁྱབ་དང༌། ཆུ་བོ་རབ་མེད། དཔལ་མིན། ཕུན་ཚོགས་མིན་བཅས་སོ། |
| ཡི་དྭགས་གཏེར་སྲུང |
རྒྱུ་ནོར་ཡོད་ཀྱང་བེད་སྤྱོད་མི་ནུས་པའི་དཔེ། |
| ཡི་དྭགས་གསུམ |
ཕྱིའི་སྒྲིབ་པ་ཅན་དང༌། ནང་གི་སྒྲིབ་པ་ཅན། གཉིས་ཀའི་སྒྲིབ་པ་ཅན་ཏེ་གསུམ། |
| ཡི་དྭགས་གྲོང་ཁྱེར |
ཡི་དྭགས་ཀྱི་འཇིག་རྟེན་ནམ་སྐྱེ་གནས། |
| ཡི་དྭགས་ནང་གི་སྒྲིབ་པ་ཅན |
ཡི་དྭགས་ཁ་དང་མིད་པ་ཧ་ཅང་ཕྲ་ཞིང་ལྟོ་བ་ཆེ་བའི་རིགས་ཤིག |
| ཡི་དྭགས་ཕྱིའི་སྒྲིབ་པ་ཅན |
ཡི་དྭགས་ཟས་སྐོམ་མི་རྙེད་པའམ། རྙེད་ཀྱང་ལོངས་སྤྱོད་མི་ནུས་པའི་རིགས་ཤིག |
| ཡི་དྭགས་ཟུང |
བྱིངས་ན་གནས་པ་དང༌། ཁ་འཐོར་བ་གཉིས་སོ། |
| ཡི་དྭགས་རྫུ་འཕྲུལ་ཆེ་བ |
ཡི་དྭགས་སྟོབས་ཆེན། |
| ཡི་དྭགས་ལ |
ལ་ཞིག་བོད་རང་སྐྱོང་ལྗོངས་ཀྱི་ལྷོ་རྫོང་ཁོངས་རྒྱལ་མོ་རྔུལ་ཆུའི་འགྲམ་དུ་ཡོད། |
| ཡི་ཕྱ་དུང་ངེ |
སེམས་སྐྱོ་ལྷང་ངེ། |
| ཡི་མུག་པ |
སེམས་སྡུག་པའམ་སེམས་ཕམ་པ། |
| ཡི་ཙི |
རྒྱ དྲེག་པ་འཁྲུད་བྱེད་འདག་རྫས་ཤིག |
| ཡི་འཕྲིག་པ |
རྙིང དོགས་པའམ་རྣམ་རྟོག་ཟ་བ། |
| ཡི་རང |
གཞན་གྱི་བྱ་སྤྱོད་ལ་དགའ་སྤྲོ་སྐྱེས་པའི་བསམ་པ་དང་སྤྱོད་པའི་མིང་བྱ་སྤྱོད་བཟང་པོ་ལ་ཡི་རང་བྱེད། སྤྱོད་ངན་ལ་ཡི་རང་མ་བྱེད་ལྟ་བུ། |
| ཡི་རང་བ |
སེམས་དགའ་བ་དང་མོས་པ། གཞན་གྱི་བདེ་བ་ལ་ཡི་རང་བ། གཞན་གྱི་གསུངས་པ་ལ་ཡི་རང་བ། ཡི་མི་རང་བ། ལས་འགན་ཁུར་དུ་ལེན་པར་ཡི་རང་བ། དགའ་མགུ་ཡི་རང༌། ཡི་རང་གོང་བཀུར། |
| ཡི་རངས་པ |
ཡི་རང་བ་དང་འདྲ། |
| ཡི་རེ་མུག |
ཡི་མུག་པ་དང་དོན་གཅིག་ |
| ཡི་རྨོ |
རྙིང དགའ་བ། |
| ཡི་ཤི་བ |
ཡི་ཆད་པ་སྟེ་སྲོ་ཤི་བའང་ཟེར། ཡུལ་དགེ་མི་དགེ་ལུང་མ་བསྟན་ཅི་རིགས་ལ་དམིགས་ནས་ངས་མི་ནུས་སོ་སྙམ་སྟེ་སེམས་ཀྱི་སྲོ་ཤི་བའམ་ཆག་ནས་སེམས་ཤུགས་ཉམས་པ། དཀའ་ལས་བྱུང་ཡང་ཡི་མི་ཤི་བ། |
| ཡིག |
ཡི་གེའི་བསྡུས་མིང༌། ཡི་གེ ཀ་ཡིག་ཀ ག་ཡིག་གིས་འཕུལ། ག རྩོམ་ཡིག ཆད་ཡིག ཆིངས་ཡིག བསྐུར་ཡིག བཏང་ཡིག ལམ་ཡིག འཁྱུག་ཡིག དྲུང་ཡིག ཡིག་ཁག ཡིག་བསྟར། |
| ཡིག་ཁྲ |
རྩོད་པ་ཐག་བཅད་ཀྱི་དཔྱད་མཚམས་ཡི་གེ། |
| ཡིག་གཉེར |
ཡིག་ཆ་དོ་དམ་བྱེད་མཁན། |
| ཡིག་གདང |
ཡི་གེ་འགེལ་སའི་གདང་བུ། |
| ཡིག་གཟུགས |
ཡི་གེའི་བཟོ་དབྱིབས། ཡིག་གཟུགས་མཛེས་ཀྱང་དག་ཆ་མེད་ན་ཕན་ཐོགས་ཆུང༌། |
| ཡིག་ཆ |
1 དཔེ་ཆ་དང་ཡིག་རིགས་སྣ་ཚོགས། ཚད་ལྡན་ཡིག་ཆ། ཀྲུང་གུང་ཀྲུང་དབྱང་གི་ཡིག་ཆ། མི་རིགས་སྲིད་ཇུས་ཀྱི་ཡིག་ཆ། 2 མཚན་ཉིད་ཡིག་ཆ།…1གྲོས་ཚོགས་ཀྱིས་ཐག་བཅད་པའི་དོན་དང་གོང་རིམ་ནས་ཐག་བཅད་པའི་དོན་ཡི་གེར་བཀོད་པའི་དཔེ་ཆའི་མིང་ཚོགས་ཆེན་གྱི་ཡིག་ཆ་ཞེས་པ་ལྟ་བུ། 2སངས་རྒྱས་ཆོས་ལུགས་ཀྱི་དོན་སོ་སོར་ཕྱེ་ནས་བཀོད་པའི་ཆོས་ལུགས་བསླབ་བྱའི་དཔེ་ཆའི་མིང་ལའང་ཡིག་ཆ་ཟེར། |
| ཡིག་ཆས |
ཡི་གེའི་ཡོ་བྱད། |
| ཡིག་ཆུང |
1 ཚུགས་ཐུང་ལས་ཅུང་ཟད་ཆུང་བ་གི་གུ་གྱེན་དུ་བསླངས་པའི་ཡིག་གཟུགས། གི་གུ 2 སྲིད་གཞུང་རྙིང་པའི་སྐབས་བརྡ་གཏོང་གི་ཡིག་ཆུང༌། 3 དཔེ་ཆའི་ཡིག་ཆེན་མཚམས་ཀྱི་མཆན་བུ་ཡི་གེ་ཆུང་བ། 4 གླུ་གཞས་ཀྱི་ནང་དུ་འཕྲིན་ཡིག་ལ་གོ་རྒྱུ། |
| ཡིག་ཆེན |
1 རྩ་བའི་ཡིག་འབྲུ། 2 ཡིག་གཟུགས་ཆེན་པོ། |
| ཡིག་ཉོག |
ཕན་མི་ཐོགས་པའི་ཡི་གེ། |
| ཡིག་ཐོག |
ཡིག་གེར་བཀོད་པ། ཡིག་ཐོག་འཁྱོལ་པོ། ཡིག་ཐོག་རྒྱུགས་སྤྲོད། ཡིག་ཐོག་གཏམ་བཤད། ཡིག་ཐོག་བསམ་འཆར། |
| ཡིག་དཀར |
བོད་ཡིག་གི་པར་ཡིག་གི་གཟུགས་ཤིག་དབུ་ཅན་ཡང་ཟེར། |
| ཡིག་དཀྱུས |
1 ཡིག་ཕྲེང་གི་དཀྱུས་ཚད། 2 རྩ་བ་དང་མཆན་བུ་གཉིས་ཀྱི་རྩ་བ། 3 ཡིག་གཟུགས་ཕལ་པ། |
| ཡིག་དན |
1 གཉིས་མོས་ཀྱིས་བཞག་པའི་ཡི་གེ། 2 ཚགས་ཡིག |
| ཡིག་དཔར |
ཡིག་པར་དང་འདྲ། |
| ཡིག་དཔེ |
འབྲི་ཀློག་སྦྱང་གཞིའི་མ་དཔེ། |
| ཡིག་དཔོད |
མི་གཅིག་གིས་བཀླགས་ཏེ་མི་གཞན་ཞིག་གིས་འབྲི་བའི་མིང༌། ཁྱོད་ཀྱིས་ཡིག་དཔོད་གནང་དང༌། ངས་བྲིས་ཆོག |
| ཡིག་དུག |
ཡུལ མི་མངོན་པར་ཚིག་དོན་ལ་སྐྱོན་གཏོང་བའི་ཡིག་དུག |
| ཡིག་དྲུག |
ཡི་གེ་དྲུག་མའི་བསྡུས་ཚིག་ |
| ཡིག་དྲུག་ལ |
ལ་ཞིག་བོད་རང་སྐྱོང་ལྗོངས་ཀྱི་རི་བོ་ཆེ་རྫོང་གི་ལྷོ་རྒྱུད་དང༌། ལྷོ་རྫོང་གི་བྱང་ཤར་མཚམས། དཔལ་ཤོད་རྫོང་གི་བྱང་ངོས་བཅས་ཀྱི་བར་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་4998 ཡོད། |
| ཡིག་ནག |
བོད་ཡིག་གི་སུག་བྲིས་བྱེད་པའི་ཡིག་གཟུགས་ཤིག་དབུ་མེད་ཀྱང་ཟེར། |
| ཡིག་ནག་ཆུ་བཤལ |
གཉིས་མོས་ཀྱིས་བཞག་པའི་ཡིག་རིགས་རྩི་མེད་རྡོག་རོལ་དུ་བཏང་བའི་དཔེ། |
| ཡིག་ནོར |
ཡི་གེ་མ་དག་པ། |
| ཡིག་པར |
ཤིང་སོགས་ལ་ཡི་གེ་བརྐོས་པའི་པར་གཞི། |
| ཡིག་ཕུད |
སྔར་ཐུ་མི་སམ་བྷོ་ཊས་བོད་ཡིག་གསར་དུ་བརྩམས་རྗེས་ཆོས་རྒྱལ་སྲོང་བཙན་སྒམ་པོར་ཚིགས་སུ་བཅད་པའི་སྒོ་ནས་ཡིག་ཕུད་ཕུལ་བའི་ཚིག་རྐང་དང་པོ་བཞིར་གུག་ཀྱེད་ཀྱི་དབྱངས་བཞི་མ་འབྲེལ་བའི་ཨ་ངེས་རྐྱང་པ་དང༌། ཚིག་རྐང་ལྔ་པར་འགྲེང་བུ། ཚིག་རྐང་དྲུག་པར་གི་གུ། ཚིག་རྐང་བདུན་པར་ན་རོ། ཚིག་རྐང་བརྒྱད་པར་ཞབས་ཀྱུའི་ངེས་པ་བཅས་སྙན་ངག་གི་གཞུང་བཞིན་སྦྱར་ཏེ་ཕུལ་བའི་སྒྲ་རྒྱན་ངོ་མཚར་ཅན་ཞིག འགྲེང་བུ གི་གུ ན་རོ ཞབས་ཀྱུ |
| ཡིག་ཕྲེང |
ཡི་གེའི་ཕྲེང་སྟར། |
| ཡིག་བར |
1 ཡིག་འབྲུ་དང་ཡིག་འབྲུ་བར་གྱི་སྟོང་ཆ། 2 ཡིག་ཕྲེང་དང་ཡིག་ཕྲེང་བར་གྱི་སྟོང་ཆ། ཡིག་བར་ཧྲལ་པོ། |
| ཡིག་བརྐོས་པ |
ཡི་གེའི་པར་བརྐོས་རྒྱག་མཁན། |
| ཡིག་བརྒྱ |
ཡི་གེ་བརྒྱ་པའི་བསྡུས་ཚིག་ |
| ཡིག་བསྐུར |
བསྐུར་ཡིག ཡིག་བསྐུར་གཏོང་བ། ཡིག་བསྐུར་ཐོག་གི་སློབ་ཁྲིད། |
| ཡིག་བསྐུར་རྣམ་གཞག |
འཕྲིན་ཡིག་འབྲི་བའི་ཐབས་ལམ་དང་བསྐུར་ལུགས་ཀྱི་བཤད་པ། |
| ཡིག་བསྐྱུར |
ཡུལ འབྲི་མཁན་རང་མིང་འགོད་མི་ནུས་པའི་གཏམ་འཆལ་ཡི་གེ། |
| ཡིག་བསྒྲིལ |
རས་དང་ཤོག་བུ་སོགས་ཀྱི་ཁུད་དུ་བསྒྲིལ་བའི་ཡི་གེ། |
| ཡིག་མཁན |
1 ཡི་གེ་པའམ་དྲུང་ཡིག མིང་གི་རྣམ་གྲངས་ལ་དྲུང་ཡིག་དང༌། འབྲི་མཁན། སྨྱིག་ཅན། སྨྱུ་གུ་ཅན། ཡི་གེ་པ། ཡི་གེའི་མཁན་པོ་བཅས་སོ། 2 མངོན ཤིང་གི་སྲིན་འབུ་ཞིག |
| ཡིག་མགོ |
དབུ་མེད་ཀྱི་ཡི་གེའི་ཐོག་མར་བྲི་རྒྱུའི་མགོ་རིས་༄༅། འདི་དང༌། དབུ་ཅན་གྱི་ཡི་གེའི་ཐོག་མར་བྲི་རྒྱུའི་མགོ་རིས་༄༅། འདི་ལྟ་བུའི་མིང༌། |
| ཡིག་མཇུག |
ཡི་གེའི་གཤམ་མམ་མཐའ། |
| ཡིག་མཛོད |
ཡིག་རིགས་མང་པོ་འཇོག་སའི་ཁང་པ། |
| ཡིག་ཚགས |
ཡིག་རིགས་བདག་གཉེར། |
| ཡིག་ཚང |
1 ཡིག་ཚང་ལས་ཁུངས་ཀྱི་བསྡུས་མིང༌། 2 ཡིག་རིགས་ཉར་ཚགས་བྱེད་ས། |
| ཡིག་ཚང་གཉེར་པ |
སྔར་བོད་ས་གནས་སྲིད་གཞུང་སྐབས་ཡིག་ཚང་ལས་ཁུངས་ཀྱི་དྲུང་ཡིག་ཆེན་མོ་བཞིའི་འོག་གི་ལས་བྱེད་གཙོ་ཆེ་བ་ཞིག |
| ཡིག་ཚང་ལས་ཁུངས |
སྔར་བོད་ས་གནས་སྲིད་གཞུང་གི་ལས་ཁུངས་ཤིག་དེའི་ལས་འགན་ནི་དགོན་པ་ཁག་གི་ཆོས་ཁྲིམས་གནོན་རྒྱུ་དང༌། དགོན་པའི་འགོ་བྱེད་བསྐོ་འཐེན། རྩེ་དྲུང་གི་གོ་གནས་སྤོར་གཅོག་སོགས་ཡིན་ཞིང༌། དེའི་ནང་སྙན་ཞུ་འབུལ་མི་རྣམས་ཀྱི་གནད་དོན་རྣམས་ཡར་ཞུ་མར་ལན་བྱེད་མཁན་ཡིག་ཚང་གཉེར་པ་གཅིག་ལས་བྱེད་པ་རྩེ་དྲུང་དཀྱུས་མ་བཅུ་གཉིས། རི་མོ་བ་གཅིག་ཡིག་ཚང་སློབ་ཕྲུག་ཅེས་པ་ཡིག་ཚང་འཚོགས་སྐབས་དྲུང་ཡིག་ཆེན་མོ་བཞི་ལ་གསོལ་ཇ་འབུལ་མི་བཞི། ཨེ་པ་ཡོན་བདག་ཟེར་བ་གཅིག་བཅས་ཡོད། |
| ཡིག་ཚངས |
སྔར་ཆོས་རྒྱལ་སྲོང་བཙན་གྱིས་བློན་པོ་རྣམས་ལ་བྱ་དགའ་གནང་བའི་ཡིག་ལམ། |
| ཡིག་ཚངས་དྲུག |
བློན་པོ་རབ་ལ་གསེར་གཡུ་གཉིས་ཀྱི་ཡི་གེ་དང༌། བློན་པོ་འབྲིང་བར་དངུལ་དང་ཕྲ་མེན་གཉིས་ཀྱི་ཡི་གེ། བློན་པོ་ཐ་མར་ཟངས་དང་ལྕགས་གཉིས་ཀྱི་ཡི་གེ་སྤྲད་པ་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་གཞག་རིགས་གཅིག |
| ཡིག་ཚད |
1 ཡིག་གཟུགས་སྦྱངས་འབྲས་ཆུ་ཚད། 2 ཡིག་རྒྱུགས། ཡིག་ཚད་རྫུས་མ། ཡིག་ཚད་ལེན་པ། |
| ཡིག་ཚོགས |
ཡི་གེའི་ཚོགས་པའི་བསྡུས་ཚིག་ |
| ཡིག་ཟམ |
འཕྲིན་ཡིག་སྐྱེལ་འདྲེན། |
| ཡིག་ཟོར |
ཡིག་ཚོགས་མང་ཉུང་གི་འབོར་གྲངས། ཡིག་ཟོར་ཡང་བ། ཡིག་ཟོར་རྫོབ་དོགས་ཀྱིས་རེ་ཞིག་བཞག་པ། |
| ཡིག་འཕྲིན |
ཡིག་ཐོག་ཏུ་བཀོད་ནས་བཏང་བའི་གནས་ཚུལ། |
| ཡིག་འབྲུ |
དབྱངས་གསལ་གྱི་ཡི་གེ་སོ་སོ་གཟུགས་ཞེས་པར་ཡིག་འབྲུ་བཞི་ཡོད་པ་ལྟར་རོ། གཟུགས ཡིག་འབྲུ་ |
| ཡིག་འཛིན |
ནོར་སྤྲོད་ལེན་སོགས་བྲིས་ཏེ་ཐེལ་ཙེ་བཏབ་པའི་ཡི་གེ། ཡིག་འཛིན་བཞག་པ། |
| ཡིག་རིགས |
རྗོད་པ་སྣ་ཚོགས་བཀོད་པའི་ཡི་གེ་རྣམས། ཡིག་རིགས་ཉར་སྐོགས། ཡིག་རིགས་འདྲ་གཉིས། |
| ཡིག་རིས |
ཡིག་རུས་དང་དོན་གཅིག་ |
| ཡིག་རུས |
ཡི་གེ་འབྲི་ཚུལ་ལག་རྒྱུན་གྱི་རིགས། ཡིག་རུས་ལ་དབུས་རུས། གཙང་རུས། ཁམས་རུས། གཞུང་རུས། ཨེ་རུས་སོགས་ཡོད། |
| ཡིག་རྐྱང |
1 སྔོན་འཇུག་རྗེས་འཇུག་མགོ་ཅན་གང་ཡང་མེད་པའི་ཡིག་འབྲུ་རྐྱང་པ། 2 འབུལ་རྟེན་དངོས་པོ་སོགས་མེད་པའི་བསྐུར་ཡིག |
| ཡིག་རྒྱ |
1 ཡི་གེ་འཇུག་སའི་ཕྱིའི་རྒྱ། 2 སྒོ་ཐེལ་ལྟ་བུའི་བཀག་ཡིག 3 ཡིག་སྐོགས་ལ་བརྒྱབ་པའི་ཐེལ། |
| ཡིག་རྒྱུགས |
ཡི་གེ་བྲིས་གཟུགས་ལེགས་ཉེས་ཀྱི་ཚད་གཞི། ཡིག་རྒྱུགས་ལེན་པ། |
| ཡིག་རྙིང |
སྔ་རབས་ཀྱི་དཔེ་ཆ་དང༌། ཡིག་རིགས་རྙིང་པ། |
| ཡིག་རྟེན |
ཡི་གེ་དང་མཉམ་དུ་འབུལ་རྒྱུའི་དངོས་རིགས། |
| ཡིག་རྨོངས |
ཡི་གེ་མི་ཤེས་མཁན། |
| ཡིག་རྩིས |
1 ཡི་གེ་དང་རྩིས། ཡིག་རྩིས་ལ་མཁས་པ། 2 ཡིག་ཐོག་ནས་བརྒྱབ་པའི་རྩིས། |
| ཡིག་ལན |
ཡིག་ཐོག་ནས་བཏང་བའི་འཕྲིན་ལན། ཡིག་ལན་སློག ཡིག་ལན་འབྱོར་བ། |
| ཡིག་ལམ |
1 བྱ་དགའི་ཡི་གེ། 2 ཡི་གེ་ལམ་གྱི་གཟུགས་སུ་བཀོད་པ་སྟེ་དོན་དུ་ཡིག་ཐོག་དང་འདྲ། ཁོང་ལ་ཡིག་ལམ་ནས་ལན་བཏང་བ་ཡིན། |
| ཡིག་ལོང |
1 ཡི་གེ་མི་ཤེས་མཁན། 2 དཀར་ཆ་ཟུབ་པའི་ཡི་གེ། |
| ཡིག་ལྷད |
1 ཡིག་ནོར་རམ་ཡིག་སྐྱོན། 2 ཡི་གེའི་ཚིག་དོན་གྱི་ལྷད། |
| ཡིག་ཤུབས |
འཕྲིན་ཡིག་བསྐུར་བར་ཕྱིར་གཡོག་བྱེད་ཤོག་བུའི་ཁུག་མ། |
| ཡིག་ཤོག |
ཡི་གེ་འབྲི་སའི་ཤོག་བུ། |
| ཡིག་སྐད |
ཡི་གེ་འབྲི་སྲོལ་ལྟར་གྱི་སྐད་ཆའམ་ཡིག་ཐོག་གི་སྐད་ཆ། |
| ཡིག་སྐུར་རྣམ་བཞག |
འཕྲིན་ཡིག་འབྲི་ཚུལ་བཤད་པའི་དཔེ་ཆའི་མིང་། ཡི་གེར་བཀོད་པའི་སྐད་ཆ་དང་དོན་ཡི་གེར་བཀོད་པའི་དཔེ་ཆའི་མིང་སྨན་ཡིག ཆིངས་ཡིག འཛིན་ཡིག་ཅེས་པ་ལྟ་བུ། |
| ཡིག་སྐོགས |
འཕྲིན་ཡིག་འཇུག་སྣོད་ཀྱི་ཕྱི་ཤུབས། |
| ཡིག་སྐྱོན |
1 ཡི་གེ་མ་དག་པ། 2 ཡིག་གཟུགས་མ་ལེགས་པ། 3 ཚིག་དང་དོན་ལ་སྐྱོན་ཡོད་པའི་ཡི་གེ། |
| ཡིག་སྒྱུར |
1 ཡིག་རིགས་མི་འདྲ་བ་ཕར་ཚུར་དུ་སྒྱུར་བ། 2 ཡིག་རིགས་གཅིག་ནས་གཅིག་ཏུ་སྒྱུར་མཁན། |
| ཡིག་ཧྲུལ |
1 ཕན་མི་ཐོགས་པའི་ཡི་གེ་ཧྲུལ་ཧྲུལ། 2 ཤོག་བུ་རལ་བའི་ཡི་གེ་རྙིང་ཧྲུལ། |
| ཡིད |
1 ཡུལ་ཤེས་པའི་ཆ་ནས་བཞག་པའི་རྣམ་ཤེས་ཏེ། སེམས་རྣམས་སོ། ཡིད་འཐད་པ། ཡིད་ལ་བབ་པ། ཡིད་ཀྱི་དོགས་པ། ཡིད་འཕྱོ་བ། ཡིད་འཁྲུལ་བ། ཡིད་འཁྲུགས་པ། ཡིད་དཔའ་ཞུམ་པ། ཡིད་ཀྱི་ཟུག་རྔུ། ཡིད་ཀྱིས་གྲངས་བཤེར་བྱེད་པ། ཡིད་ལ་སྐོར་བ། ཡིད་ལ་སོང་བ། ཡིད་ལ་ལྷག་གེར་སྣང་བ། ཡིད་ལ་འཚེར་སྣང་ཡོད་པ། 2 མངོན ཡིད་ཅན་ནམ་སེམས་ཅན་གྱི་སྲིད་པ་བཅུ་བཞི་ཡོད་པས་གྲངས་བཅུ་བཞི་མཚོན། ཡིད |
| ཡིད་ཀྱི་ཁམས |
ཡིད་ཀྱི་དབང་པོའོ། |
| ཡིད་ཀྱི་ཉེ་བར་རྒྱུ་བ |
ཚོར་བ་བདེ་སྡུག་བཏང་སྙོམས་ཀྱི་དབང་གིས་ཡིད་གཟུགས་སྒྲ་སོགས་ལ་ཡང་དང་ཡང་དུ་རྒྱུ་བར་བྱེད་པའོ། |
| ཡིད་ཀྱི་ཉེས་པ |
བརྣབ་སེམས། གནོད་སེམས། ལོག་ལྟ་བཅས་ཡིད་ཀྱི་ཉེས་པར་སྤྱོད་པ་གསུམ། |
| ཡིད་ཀྱི་དགུ |
ཡིད་ཀྱི་གཏིང་ངམ་ཡིད་ཀྱི་ཀུན་སློང༌། |
| ཡིད་ཀྱི་དབང་པོ |
ཡིད་དབང་དང་དོན་གཅིག་ |
| ཡིད་ཀྱི་མངོན་སུམ |
1 མངོན་སུམ་བཞིའི་ནང་གསེས། རང་འདྲེན་བྱེད་ཀྱི་དབང་མངོན་ལས་བྱུང་ཞིང་དེའི་གཟུང་དོན་སྐད་ཅིག་གཉིས་པ་འཛིན་པའི་ཆ་ནས་བཞག་པའི་རྟོག་བྲལ་མ་འཁྲུལ་བའི་གཞན་རིག་དཔེར་ན། བུམ་འཛིན་མིག་ཤེས་འགག་མ་ཐག་ཏུ་དེའི་རྒྱུ་ལས་བྱུང་བའི་ཡིད་མངོན་དུས་མཐའི་སྐད་ཅིག་མའི་ཡུན་ཚད་སྐྱེ་བ་ལྟ་བུ། དབང་མངོན་སྐད་ཅིག་ཕྱི་མའོ། 2 རང་གི་བདག་རྐྱེན་ཡིད་དབང་ལ་བརྟེན་ནས་བྱུང་བའི་རྟོག་བྲལ་མ་འཁྲུལ་བའི་གཞན་རིག་དཔེར་ན་གཞན་སེམས་ཤེས་པའི་མངོན་ཤེས་ལྟ་བུའོ། |
| ཡིད་ཀྱི་ཟེའུ་འབྲུ |
1 སྙིང་གི་དཀྱིལ། 2 མཐུན་པའི་སྙིང་གྲོགས་སམ་མཛའ་གྲོགས། |
| ཡིད་ཀྱི་ཟླ་གསར |
གྲོགས་པོ། |
| ཡིད་ཀྱི་འཆར་སྒོ |
བསམ་ཚུལ། |
| ཡིད་ཀྱི་འདུ་བྱེད |
སེམས་ཀྱི་ལས་སམ་བྱ་བ་ |
| ཡིད་ཀྱི་འདུས་ཏེ་རེག་པ |
ཡིད་ཚོར་བསྐྱེད་པའི་རྐྱེན། |
| ཡིད་ཀྱི་རྣམ་ཤེས |
ཡིད་ཤེས་དང་དོན་གཅིག་ |
| ཡིད་ཀྱི་རྩལ་གསུམ |
ཕོ་རྩལ་སྣ་དགུའི་ནང་གསེས། མཛངས་ལ་བློ་འགྱུ་བ་དང༌། དཔའ་ལ་བསྲན་ཚུགས་པ། ཁ་གསལ་ཞིང་གཏིང་མི་དཔོག་པ་སྟེ་གསུམ། |
| ཡིད་ཀྱི་ལས |
ཡིད་ཀྱི་སྒོ་ནས་བསགས་པའི་ལས་ཏེ། བརྣབ་སེམས་སོགས་ཡིད་ཀྱི་ལས་མི་དགེ་བ་དང༌། བརྣབ་སེམས་སྤངས་པ་སོགས་ཡིད་ཀྱི་ལས་དགེ་བ་ལྟ་བུའོ། |
| ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ |
ཐུགས་ཀྱི་ཕྲིན་ལས་ཏེ། རྣམ་པར་རྟོག་པ་དང་སྤྲོས་པ་ཐམས་ཅད་ཡེ་ཤེས་ཀྱི་སྔོན་དུ་སྤངས་ནས་དོན་དམ་པའི་རྗེས་སུ་ཞུགས་ཤིང་ཆོས་ཀྱི་དབྱིངས་ལ་ཡིད་འཇུག་པ་སྟེ་མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| ཡིད་ཀྱི་ལུས |
སྦྱང་གཞི་བར་དོའི་ལུས་གསུམ་གྱི་ནང་གསེས་ཤིག་ཤི་ནས་སྐྱེ་བ་མ་བླངས་བར་གྱི་སྲིད་པ་བར་དོ་ནི་ཟས་སུ་དྲི་ཟ་ཞིང་སེམས་སྒྱུ་མ་ལྟ་བུ་དབང་པོ་ཚང་ཞིང་ཐོགས་པ་མེད་པས་ཡིད་ཀྱི་ལུས་ཞེས་བྱའོ། |
| ཡིད་ཀྱི་ཤིང་རྟ |
1 སངས་རྒྱས་ཤིག་གི་མཚན། 2 མངོན འདོད་ཆགས། |
| ཡིད་ཀྱི་ཤེས་པ |
ཐུན་མོང་མ་ཡིན་པའི་བདག་རྐྱེན་ཡིད་དབང་ལས་བྱུང་བའི་རིག་པ། |
| ཡིད་ཀྱི་སྐྱེ་མཆེད |
རང་རང་གི་ཡུལ་འཛིན་བྱེད་ཀྱི་རྣམ་པར་ཤེས་པ་རྣམ་ཤེས་ཁམས་བདུན་པོའོ། |
| ཡིད་ཀྱི་སྡོམ་པ |
ཡིད་ཀྱི་མི་དགེ་བ་ཉེ་བར་སྤོང་བའི་སེམས་པ། |
| ཡིད་ཀྱི་སྤྱོད་ཡུལ |
ཡིད་ཀྱི་ཡུལ་ཏེ་སྐྱེ་མཆེད་བཅུ་གཉིས་ཀྱིས་བསྡུས་པའི་ཆོས་ཐམས་ཅད། |
| ཡིད་ཀྱི་སྲུབ་ཤིང |
མངོན བདུད་དགའ་རབ་དབང་ཕྱུག |
| ཡིད་ཁམས |
མིག་གི་རྣམ་ཤེས་ལ་སོགས་པ་དྲུག་པོ་དེ་དག་ཉིད་འདས་མ་ཐག་པའི་གནས་སྐབས་ཀྱི་རྣམ་ཤེས་གཞན་གྱིས་བར་དུ་མ་ཆོད་པའི་རྣམ་པར་ཤེས་པ་སྐྱེད་པའི་དབང་པོ་སྟེ་ཡིད་ཀྱི་དབང་པོའོ། |
| ཡིད་ཁེངས་པ |
1 འདོད་པ་ཚིམས་པ། 2 ང་རྒྱལ་སྐྱེས་པ། |
| ཡིད་གཅུགས་པ |
མཛའ་བའམ་ཡིད་མཐུན་པ། སེམས་མཐུན་པ། ཆོག་ཏུ་ཡིད་གཅུགས་པ། ཡིད་གཅུགས་གྲོགས་པོ་ལྷན་ཅིག་འདུས་ཏེ་ཕན་ཚུན་སྙིང་ལ་འབབ་པའི་གཏམ་གླེང་བྱས། |
| ཡིད་གཉིས |
ཐེ་ཚོམ་མམ་སོམ་ཉི། ཡང་དག་ཡིན་མིན་ལ་ཡིད་གཉིས་བྱེད་པ། |
| ཡིད་གཏད་པ |
1 མི་གཞན་ལ་བློས་བཀལ་བ། 2 དམིགས་ཡུལ་ལ་བསམ་བློ་གཏད་པ། |
| ཡིད་གཞུང |
མངོན ནེ་ཙོ། |
| ཡིད་གཞུངས |
1 བློ་གསལ་བའམ་མཁས་པ། ཡིད་མི་གཞུངས་པ། 2 དྲན་སྐྱེན་པ། |
| ཡིད་གཞོ་བ |
རྙིང སེམས་གསོ་བ། |
| ཡིད་གསོད་པ |
སེམས་སྐྱོ་རུ་འཇུག་པའམ། ཕམ་དུ་འཇུག་པ། མིའི་ཡིད་གསོད་པ། |
| ཡིད་ངོ |
སེམས་ཀྱི་ནང་ངམ་བློ་ཡུལ། ཡིད་ངོར་གང་སྣང༌། ཡིད་ངོར་གསལ་ལེར་དྲན་པ། |
| ཡིད་ངོམས་པ |
བློ་ཚིམས་པའམ་འདོད་པ་གང་བ། ཕྱོགས་གཉིས་ཀ་ཡིད་ངོམས་པ་བྱུང་བ། |
| ཡིད་ཅན |
སེམས་ཅན་སྤྱིའི་མིང༌། |
| ཡིད་ཆགས་པ |
ཡུལ་ཡིད་འོང་ལ་སེམས་ཆགས་པ། འཚོ་བ་སྐྱིད་པོར་ཡིད་ཆགས་པ། གཞན་གྱི་འབྱོར་པ་ལ་ཡིད་ཆགས་པ། |
| ཡིད་ཆེས |
1ལས་དོན་ལ་ཐེ་ཚོམ་མི་སྐྱེ་བར་བདེན་པར་འཛིན་པའི་བློའི་མིང་མི་ཡིད་ཆེས་བློ་ཐུབ། མི་དམངས་ལ་ཡིད་ཆེས་ལྡོག་མེད་བྱེད་ལྟ་བུ། 2ཐེ་ཚོམ་མེད་པར་བདེན་པར་འཛིན་པའི་དོན་ཏེ། གནས་ལུགས་ཡོད་པའི་ཚིག་ལ་ཡིད་ཆེས་ལྟ་བུ། |
| ཡིད་ཆེས་ཀྱི་དད་པ |
དད་པ་བཞིའི་ཡ་གྱལ་ཞིག་ལས་འབྲས་ཀྱི་རྣམ་གཞག་དང་དཀོན་མཆོག་ལ་ཡིད་ཆེས་པའོ། |
| ཡིད་ཆེས་ཀྱི་ཚད་མ |
ཡིད་ཆེས་རྗེས་དཔག་དང་དོན་གཅིག་ |
| ཡིད་ཆེས་ཀྱི་རྟགས |
རྟགས་ཡང་དག་གསུམ་གྱི་ནང་གསེས། དཔྱད་པ་གསུམ་གྱིས་དག་པའི་ལུང་སྒྲུབ་བྱེད་དུ་བཀོད་ནས་བསྒྲུབ་བྱ་སྒྲུབ་པར་བྱེད་པ་དཔེར་ན། སྦྱིན་པས་ལོངས་སྤྱོད་ཁྲིམས་ཀྱིས་བདེ་ཞེས་པའི་ལུང་ཆོས་ཅན། རང་གི་བསྟན་དོན་ལ་མི་བསླུ་བ་ཡིན་ཏེ། དཔྱད་པ་གསུམ་གྱིས་དག་པའི་ལུང་ཡིན་པའི་ཕྱིར། ཞེས་པ་ལྟ་བུ་ས་འོག་གི་གཏེར་དང༌། ཞིང་ཁམས་ལས་འབྲས་ཀྱི་རྣམ་བཞག་སོགས་གཞལ་བྱ་ཤིན་ཏུ་ལྐོག་གྱུར་འཇལ་བྱེད་ཀྱི་རྟགས་སོ། |
| ཡིད་ཆེས་པ |
བློ་འཁེལ་བའམ་ཡིད་བརྟན་ཐོབ་པ། |
| ཡིད་ཆེས་པའི་ལུང |
གཞལ་བྱ་ཤིན་ཏུ་ལྐོག་གྱུར་དཔོག་པར་བྱེད་པའི་གཞི་དཔྱད་པ་གསུམ་གྱིས་དག་པའི་ལུང༌། |
| ཡིད་ཆེས་རྗེས་དཔག |
རྗེས་དཔག་གསུམ་གྱི་ནང་གསེས། རང་གི་རྟེན་ཡིད་ཆེས་ཀྱི་རྟགས་ཡང་དག་ལ་བརྟེན་ནས་གཞལ་བྱ་ཤིན་ཏུ་ལྐོག་གྱུར་ལ་མི་བསླུ་བའི་ཤེས་པ་དཔྱད་པ་གསུམ་གྱིས་དག་པའི་ལུང་ལ་བརྟེན་ནས་རྟོགས་པའི་རྗེས་དཔག་ལྟ་བུའོ། |
| ཡིད་ཉེ |
མངོན མཛའ་བོ། |
| ཡིད་དཀྱེལ |
ཁོག་པའམ་བློ་རྒྱ། |
| ཡིད་དགའི་ལྗོན་པ |
ལྷ་ཤིང༌། |
| ཡིད་དཔྱོད |
བློ་རིག་བདུན་གྱི་ནང་གསེས། མྱོང་སྟོབས་དང་གཏན་ཚིགས་གང་རུང་ལ་བརྟེན་ནས་དངོས་སུ་སྒྲོ་འདོགས་གཅོད་པའི་ངེས་པ་དང་བྲལ་ཞིང་རང་ཡུལ་བདེན་པ་ལ་མཐའ་གཅིག་ཏུ་གསར་དུ་ཞེན་པའི་རྟོག་པ་དཔེར་ན། སྒྲ་སྤྱི་ཙམ་གྱིས་ངེས་པ་རྙེད་པའི་ཐོས་བྱུང་གི་བློ་ལྟ་བུ་རྒྱུ་མཚན་མི་ཤེས་བཞིན་དུ་རང་ཡུལ་དོན་མཐུན་དུ་འཛིན་པའི་ཡིད་ཀྱིས་རྣམ་པར་དཔྱོད་པའི་རྟོག་པ་ཐམས་ཅད་དོ། |
| ཡིད་དབང |
1 ཡིད་ཤེས་ཀྱི་བདག་རྐྱེན་ནམ། སེམས་ཀྱི་རྩོལ་བ་ནུས་ལྡན། བརྩེ་བ་ཆེན་པོས་ཡིད་དབང་འཕྲོག་པ། ལྟད་མོ་ངོ་མཚར་ཅན་གྱིས་ཡིད་དབང་འཕྲོག་པ། 2 ཡིད་ཀྱི་དབང་པོ་རྣམ་ཤེས་ཚོགས་དྲུག་གང་ཡང་རུང་བ་འགག་མ་ཐག་པ་ཡིད་ཤེས་སྐྱེ་བའི་རྟེན་དུ་གྱུར་པ། དཔེར་ན་བུམ་འཛིན་མིག་ཤེས་སོགས་གང་ཡང་རུང་བ་འགག་མ་ཐག་པ་ནི་བུམ་འཛིན་ཡིད་ཤེས་སྐད་ཅིག་དང་པོའི་ཡིད་དབང་ཡིན་ཞིང༌། ཡིད་ཤེས་སྐད་ཅིག་དང་པོ་འགག་མ་ཐག་པ་ནི་སྐད་ཅིག་གཉིས་པའི་ཡིད་དབང་ཡིན་པ་ལྟ་བུའོ། |
| ཡིད་དལ་བ |
སེམས་ལྷོད་པ། |
| ཡིད་དུང་ངེ་བ |
བརྩེ་གདུང་རྩེ་གཅིག་ཏུའམ་རྩོལ་མེད་ཤུགས་འབྱུང༌། སྐོམ་པས་གཟིར་བ་རྣམས་ཆུ་འདོད་ཀྱིས་ཡིད་དུང་ངེ་བར་སྡོད། |
| ཡིད་དུང་དུང |
སེམས་སྡུག་པའམ་སེམས་སྐྱོ་བ། ཡིད་དུང་དུང་ངང་ནས་ངུས་པ། |
| ཡིད་དུངས་པ |
1 སྙིང་བརྩེ་བ། 2 འདོད་ཡོན་ལ་ཞེན་པ། ཡིད་གདུངས་པ། སེམས་སྡུག་པ། རང་གི་འདོད་དོན་མ་འགྲུབ་ནས་ཡིད་གདུངས་པ། |
| ཡིད་ནང་དུ་ཆུད་པ |
1 སེམས་སྐྱོ་བ། སྡུག་བསྔལ་བྱུང་ནས་ཡིད་ནང་དུ་ཆུད་པ། 2 མངོན སྡུག་བསྔལ། |
| ཡིད་ཕངས་པ |
གཅེས་སྤྲས་བྱེད་པ། སྤྱི་ནོར་ལ་ཡིད་ཕངས་བྱེད་པ། |
| ཡིད་ཕངས་པོ |
གཅེས་སེམས་ཀྱི་བློ། |
| ཡིད་ཕམ་པ |
ཡི་ཆད་པའམ་ཡི་མུག་པ། |
| ཡིད་ཕེབས |
ཡིད་ཆེས་སུ་རུང་བ་དང༌། བློ་དང་འཚམ་པ། གཞན་ལ་གཏམ་ཡིད་ཕེབས་པར་སྨྲས་ཏེ་བློ་འགུགས་པ། |
| ཡིད་ཕྱུང་བ |
སྐྱོ་བ་བསྐྱེད་པ། |
| ཡིད་བག་ཕེབས་པ |
སེམས་ཀྱི་ཚུགས་ཀ་ལྷོད་པོར་གནས་པ། |
| ཡིད་བཅད་པ |
ཡིད་ཆད་པར་བྱེད་པའམ་བློ་ཞུམ་པར་བྱེད་པ། དགྲ་མ་ཐུབ་གོང་ལ་ཚིག་ངན་གྱིས་ཡིད་བཅད་པ་དེར་དགོས་པ་ཅི་ཡོད། |
| ཡིད་བདེ་བ |
1 སེམས་སིམ་པ། ཡིད་མི་བདེ་བ། 2 བག་ཕེབས་པ། |
| ཡིད་བདེ་བའི་དབང་པོ |
དབང་པོ་ཉེར་གཉིས་ཀྱི་ནང་གསེས་ཤིག་སེམས་ཀྱི་ཚོར་བ་བདེ་བའོ། |
| ཡིད་བཞིན |
བསམ་པ་ནང་བཞིན། དོན་ཀུན་ཡིད་བཞིན་འགྲུབ་པ། |
| ཡིད་བཞིན་དབང་གི་རྒྱལ་པོ |
ནོར་བུའི་མཆོག་ཏུ་གྲགས་པ་ཞིག |
| ཡིད་བཞིན་ནོར་བུ |
1དམངས་ཁྲོད་ཀྱི་ངག་རྒྱུན་ལ་གྲགས་པའི་རིན་པོ་ཆེ་ཞིག 2དགོས་མཁོ་ཐམས་ཅད་འབྱུང་བའི་ཁུངས་ཡིན་པའི་དཔེ་ས་གཞི་ཆེན་པོ་ཡིད་བཞིན་ནོར་བུ་འདྲ་ཞེས་པ་ལྟ་བུ། |
| ཡིད་བཞིན་ནོར་བུ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་བརྒྱད་པ་བའི་རྒྱུད་ཀྱི་སྨོན་ལམ་གྱི་ཕར་ཕྱིན་དང་ལྡན་པའི་སེམས་བསྐྱེད་ནི་གནས་ཀྱི་དབང་དུ་བྱས་པའི་ཡིད་ལ་ཇི་ལྟར་སྨོན་པའི་འབྲས་བུ་འགྲུབ་པས་ཡིད་བཞིན་གྱི་ནོར་བུ་ལྟ་བུའོ། |
| ཡིད་བཞིན་མཛོད |
ཀློང་ཆེན་མཛོད་བདུན་གྱི་ཡ་གྱལ་ཞིག་རྒྱུ་འབྲས་ཐེག་པའི་གནས་རྣམས་གསལ་བར་སྟོན་པ་ལེའུ་ཉེར་གཉིས་ཀྱི་བདག་ཉིད་ཅན་རྩ་འགྲེལ་གཉིས་ལྡན་གྱི་གཞུང༌། དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། |
| ཡིད་བཞིན་སྩོལ་བའི་ནོར་བུ |
ནོར་བུ་རིན་པོ་ཆེ་དབང་གི་རྒྱལ་པོ། |
| ཡིད་བཞོ་བ |
སེམས་གསོ་བྱེད་པ། |
| ཡིད་བཞོས་ཏེ་སྨྲ་བ |
རྙིང སྙིང་གཏམ་མ་ལུས་པར་སྨྲ་བ། |
| ཡིད་བཟང |
མངོན 1 ལྷ། 2 མེ་ཏོག 3 ཟེའུ་འབྲུ། 4 མེ་ལྷ། 5 གྲོ། |
| ཡིད་བཟང་མ |
1 བསམ་པ་བཟང་བའི་བུད་མེད། 2 བདག་འཛིན་སོགས་སེམས་ཀྱི་དྲན་པའི་དབང་པོ་གསལ་བར་བྱེད་པའི་རྩ་ཐམས་ཅད་ཀྱི་རྟེན་ལྟ་བུ་བྱེད་པའི་སྙིང་གི་རྩ་ཞིག |
| ཡིད་བཟང་སྐྱེས |
མངོན ཛཱ་ཏིའི་ཤིང༌། |
| ཡིད་བརྟན |
ཡིད་ཆེས་དང༌། བློས་བཀལ་བ། ཡིད་བརྟན་འཁེལ་བ། ཡིད་བརྟན་འཕེར་བ། ཡིད་བརྟན་བྱེད་པ། ཡིད་བརྟན་པ་ལ་མ་འཁུ་བ། ཡིད་བརྟན་དུ་མི་རུང་བ། མཆོག་ཏུ་ཡིད་བརྟན་པར་གྱུར་པའི་གྲོགས་པོ། |
| ཡིད་བསྟུན་པ |
གཞན་བློ་དང་མཐུན་པར་བྱེད་པ། ཕན་ཚུན་ཡིད་བསྟུན་མི་བྱེད་པ། ནོར་འཁྲུལ་གྱི་ཤོད་སྟངས་ལ་ཡིད་བསྟུན་ཐབས་མེད་པ། |
| ཡིད་བསྲུང་བ |
སེམས་བསྲུང་བ། |
| ཡིད་བྱེད |
དམིགས་པར་བྱ་བའི་ཡུལ་ལ་སེམས་གཏོད་ཅིང་མངོན་དུ་ཕྱོགས་པར་བྱེད་པའི་ཤེས་པའོ། |
| ཡིད་བྱེད་བཞི |
ཏིང་ངེ་འཛིན་སྒོམ་སྐབས་སེམས་དམིགས་པར་འཇུག་པའི་ཡིད་ལ་བྱེད་པ་བཞི་བསྒྲིམས་ཏེ་འཇུག་པ་དང༌། ཆད་ཅིང་འཇུག་པ། ཆད་པ་མེད་པར་འཇུག་པ་དང༌། ལྷུན་གྱིས་གྲུབ་པར་འཇུག་པའི་ཡིད་བྱེད་དེ་བཞི། |
| ཡིད་བློང་བློང་བ |
1 བློ་རིག་མི་གསལ་བ། 2 སེམས་མི་བདེ་ཞིང་བརྟན་པོར་མི་གནས་པ། 3 སེམས་ཅི་བྱ་གཏོལ་མེད་དུ་གྱུར་པ། |
| ཡིད་མ་བློང་བ |
རྙིང ཡིད་མ་མུག་པའམ་ཡི་མ་ཆད་པ། |
| ཡིད་མགུ་བ |
ཡིད་ཚིམས་པའམ་ཡི་རངས་པ། མི་རྣམས་ཀྱི་ཡིད་མགུ་ཐུབ་པ། |
| ཡིད་མགྱོགས |
མངོན ཉི་མའི་ཤིང་རྟ་འདྲེན་པའི་རྟ་བདུན་གྱི་ཡ་གྱལ་ཞིག |
| ཡིད་མངོན |
ཡིད་ཀྱི་མངོན་སུམ་གྱི་བསྡུས་མིང༌། |
| ཡིད་མངོན་ཚད་མ |
ཚད་མ་གསུམ་གྱི་ནང་གསེས། རང་གི་ཐུན་མོང་མ་ཡིན་པའི་བདག་རྐྱེན་ཡིད་དབང་ལ་བརྟེན་ནས་བྱུང་བའི་རྟོག་བྲལ་མ་འཁྲུལ་བའི་གསར་དུ་མི་བསླུ་བའི་ཤེས་པ། དཔེར་ན། མངོན་ཤེས་སྐད་ཅིག་དང་པོ་ལྟ་བུའོ། |
| ཡིད་མངོན་ལྔ |
ཡིད་ཀྱི་མངོན་སུམ་ལ་རྟེན་གྱི་སྒོ་ནས་དབྱེ་ན། གཟུགས་འཛིན་ཡིད་མངོན་དང༌། སྒྲ་འཛིན་ཡིད་མངོན་དང༌། དྲི་འཛིན་ཡིད་མངོན་དང༌། རོ་འཛིན་ཡིད་མངོན་དང༌། རེག་འཛིན་ཡིད་མངོན་ཏེ་ལྔའོ། |
| ཡིད་མཐུན་པ |
1 ཕན་ཚུན་བློ་མཐུན་པ། 2 བློ་དང་མཐུན་པའི་གཉེན་ཉེ། ཡིད་མཐུན་རོགས་རམ། |
| ཡིད་མི་ནུར |
རྙིང ཡི་མི་ཞུམ། |
| ཡིད་མི་བདེ་བ |
1 སེམས་ལ་སྡུག་བསྔལ་ཡོད་པ། 2 སེམས་སྨྱོས་པ། |
| ཡིད་མི་བདེ་བའི་དབང་པོ |
དབང་པོ་ཉེར་གཉིས་ཀྱི་ནང་གསེས་ཤིག་སེམས་ཀྱི་ཚོར་བ་སྡུག་བསྔལ་བ། |
| ཡིད་མུག་པ |
ཡིད་རྨུགས་པ་དང་འདྲ། |
| ཡིད་མོས |
མངོན 1 ལྷའི་ལྗོན་ཤིང༌། 2 ཀུ་མུད། |
| ཡིད་མོས་པ |
1 སེམས་འཐད་པ། 2 ཨུཏྤལ་དཀར་པོ། |
| ཡིད་མོས་ཚལ |
ཀུ་མུད་ཚལ། |
| ཡིད་མྱོས་པ |
སེམས་མྱོས་པ། དགའ་བས་ཡིད་མྱོས་པ། ང་རྒྱལ་གྱིས་ཡིད་མྱོས་པ། སེམས་སྡུག་པས་ཡིད་མྱོས་པ། |
| ཡིད་ཚིམ |
བློ་ངོམས་པའམ་འདོད་པ་གང་བ། ཡིད་ཚིམ་བློ་དགའ། ཡིད་ཚིམ་བློ་བབ། གནས་སྐབས་ཡིད་ཚིམ་པ། དགའ་མགུ་ཡིད་ཚིམ། |
| ཡིད་ཚོད |
ཚོད་དཔག དོན་གསལ་པོ་མ་རྟོགས་པར་ཡིད་ཚོད་མ་བྱེད། དཀའ་ངལ་ལ་ཡིད་ཚོད་བྱེད་རྒྱུ་མང་དྲགས་པ། |
| ཡིད་ཞུམ་པ |
1 སེམས་དཔའ་འཁུམས་པ། ཡིད་ཞུམ་ནས་མདུན་སྐྱོད་མི་ཐུབ་པ། 2 སེམས་སྡུག བཀའ་བཀྱོན་འཁེལ་བས་ཡིད་ཞུམ་པ། |
| ཡིད་འཁུལ་པ |
སེམས་རྒྱུད་འབྱོངས་པའམ་ཐུལ་བ། སེམས་འཁུལ་ཐེབས་པ། |
| ཡིད་འཁོལ་བ |
1 སེམས་འཚབ་པ། 2 སེམས་དགའ་བ། |
| ཡིད་འགྲོགས |
སྙིང་གྲོགས། |
| ཡིད་འཆུས་པ |
སེམས་གཞན་དུ་འཁྱོགས་པའམ་བློ་ཁ་འགྱུར་བ། སེམས་གཅིག་ཏུ་བརྟན་པས་ཡིད་མི་འཆུས་པ། |
| ཡིད་འཇགས |
ཡིད་ལ་ངེས་པ། དེ་དོན་ཡིད་འཇགས་ཡོད་པ་འཚལ། |
| ཡིད་འཇོག |
བློའམ་སེམས་ལ་འཇོག་པ། ལས་ཀ་བྱེད་སྟངས་ཡིད་འཇོག་བྱེད། |
| ཡིད་འདུན |
སེམས་ཀྱི་མོས་པ། བདེན་དོན་འཐོབ་པར་ཡིད་འདུན་བྱེད། |
| ཡིད་འདོམས |
ཡིད་ལ་བརྗེད་མེད་དུ་འཇགས་པ། གོང་གསལ་བཀའ་དགོངས་རྣམས་ཡིད་འདོམས་གྱིས། |
| ཡིད་འཕྱོ |
གྲངས་གནས་ཤིག |
| ཡིད་འཕྲེང་བ |
སེམས་ཆགས་པའམ་དུང་སེམས་ཀྱིས་འདོར་མི་བྲ་བ། ཕ་ཡུལ་ལ་ཡིད་འཕྲེང་བ། ཡུམ་སྲས་གཉིས་ལ་ཡིད་འཕྲེང་སྟེ་སྲོག་གི་ཐག་པས་སྦྲེལ་བ་ལྟར་གྱུར་ཏེ་གོམ་རེའི་མཚམས་ནས་ཕྱི་མིག་རེ་ལྟ། |
| ཡིད་འཕྲོག་པ |
སེམས་འགུགས་པར་བྱེད་པ། ཡིད་འཕྲོག་པའི་སྐྱེད་མོས་ཚལ། ཡོན་ཏན་གྱིས་ཡིད་འཕྲོག་པ། མཐོང་བ་ཙམ་གྱིས་ཡིད་འཕྲོག་པ། |
| ཡིད་འཕྲོག་མ |
བུད་མེད་མཛེས་མ། ཡིད་འཕྲོག་ལྷ་མོ། |
| ཡིད་འཕྲོས་པ |
སེམས་མ་གནས་པ། |
| ཡིད་འབོད་མ |
མངོན ལྡོང་རོས། |
| ཡིད་འབྱུང |
1 ལུས་དང་ལོངས་སྤྱོད་དེ་དག་ལ་སྤྱོད་ཅིང་གནས་པའི་མཐའ་སྐྱེ་བ་དང༌། རྒ་བ་དང༌། ན་བ་དང༌། འཆི་བ་ལ་སོགས་པའི་སྡུག་བསྔལ་སྣ་ཚོགས་འབྱུང་ཞིང་འཕེལ་བར་རིག་ནས་སྤོང་ཞིང་དེ་ལ་མི་འཇུག་པའོ། 2 སེམས་སྐྱོ་བ། |
| ཡིད་འོང |
1 སེམས་ལ་བབ་པ། ཡུལ་ལུང་ཡིད་འོང༌། མཛེས་ཤིང་ཡིད་དུ་འོང་བ། ཡིད་འོང་ལྗོན་ཤིང་འདབ་མའི་རྩེ་ལ། སྙན་སྙན་སྒྲོག་པའི་གཡུ་བྱ་ཁུ་བྱུག་ཆར་སྤྲིན་འབོད་པའི་སྐད་གཏོང་ཡིན་སྐད། འདི་ལ་བརྔན་ན་གསུང་ངག་བསྡམ་འགྲོ། 2 ས་མིང་ཞིག་སྤོ་བོ་ཡིད་འོང་བོད་རང་སྐྱོང་ལྗོངས་སྤོ་བོ་རྫོང་གི་ནུབ་རྒྱུད་དུ་ཡོད། 3 མངོན གསེར། |
| ཡིད་འོང་གཙང་པོ |
འབབ་ཆུ་ཞིག་ཆུ་འགོ་ཤར་གངས་ལ་དང་ནུབ་གངས་ལ་ནས་འབབ་ཅིང༌། སྟོད་རྒྱུད་ལ་ཤར་ཆུ་ཟེར། ཕར་ལུང་གཙང་པོ་དང་འདྲེས་རྗེས་ལྷོ་ངོས་ཡར་ཀླུངས་གཙང་པོའི་ནང་དུ་འབབ། |
| ཡིད་འོང་མ |
1 བུད་མེད་མཛེས་མ། 2 ལྷ་མོའི་རིགས། |
| ཡིད་ཡུལ་དུ་འདོམས་པ |
སེམས་ལ་ངེས་པ། |
| ཡིད་རེ |
ཡིད་ཀྱི་རེ་བ། ཡིད་རེ་སྐོང་བ། |
| ཡིད་རྒོད་པོ |
སེམས་ལ་སྣ་ཚོགས་དྲན་ནུས་པའམ་བློ་གཡེར་པོ། |
| ཡིད་རྟོན |
ཆ་འཇོག ཐབས་ལམ་ཡིད་རྟོན་རུང་བ། གང་བཤད་ཚང་མར་ཡིད་རྟོན་ཐུབ་པ། གཡོ་ཅན་ངག་འཇམ་སྨྲ་བ་ལ། མཁས་པས་ཡིད་རྟོན་ཅི་ལ་བྱེད། དྲང་ཞིང་ཡིད་རྟོན་རུང་བ། འདྲ་སྐུ་ལ་ཡིད་རྟོན་པ། |
| ཡིད་རྨུགས་པ |
སེམས་མི་གསལ་བ། ཆང་གིས་བཟི་ནས་ཡིད་རྨུགས་པར་གྱུར། |
| ཡིད་རྨུས་པ |
ཡིད་སུན་པའམ་སེམས་སྐྱོ་བ། ཡིད་རྨུས་ཏེ་མཆི་མ་ཤོར་བ། |
| ཡིད་རྩལ |
སེམས་ཀྱི་ནུས་ཤུགས། |
| ཡིད་ལ་ཉལ |
མངོན འདོད་ལྷ། |
| ཡིད་ལ་བརྗོད་པ |
ཡིད་ལ་བརྗོད་འདོད་ཡོད་པ། |
| ཡིད་ལ་བརྣགས་པ |
ཡིད་ལ་བཟོད་པའམ་བསམ་པ། |
| ཡིད་ལ་བྱེད་པ |
1 སེམས་ལ་དྲན་པར་བྱེད་པ། 2 བསམ་གཞིགས། |
| ཡིད་ལ་བྱེད་པའི་གཡེང་བ |
རྣམ་གཡེང་དྲུག་གི་ནང་ཚན་ཞིག་ཐེག་པ་ཆེན་པོའི་རིགས་ཅན་དག་འཁོར་བའི་སྡུག་བསྔལ་གྱིས་སྐྱོ་ཞིང་མི་བཟོད་ཅིང༌། ཉན་ཐོས་ཀྱི་ཐེག་པ་ཡིད་ལ་བྱེད་ན་ཐེག་པ་ཆེན་པོ་ལས་ཉམས་པར་འགྱུར་ཏེ། དེའི་ཕྱིར་སེམས་རྣམ་པར་འཕྲོ་བ་ཞིག |
| ཡིད་ལ་མནགས་པ |
ཡིད་ལ་བརྣགས་པ་དང་འདྲ། |
| ཡིད་ལ་འཆང་བ |
སེམས་ལ་འཇོག་པ། བཀའ་ཤོག་ལག་ཏུ་འཆང༌། བཀའ་མངགས་ཡིད་ལ་འཆང༌། |
| ཡིད་ལ་འཐད་པ |
ཡིད་ལ་འགྲོ་བའམ་ཡིད་ལ་འབབ་པ། |
| ཡིད་ལས་བྱུང |
1 བར་སྲིད་ཀྱི་མིང་སྟེ་འབྱུང་བ་ལ་མི་ལྟོས་པར་ཡིད་ཙམ་ནས་བྱུང་བ། 2 ཡིད་ལས་སྐྱེས་དང་དོན་གཅིག་ |
| ཡིད་ལས་སྐྱེས |
མངོན 1 མི། 2 བདུད་དགའ་རབ་དབང་ཕྱུག |
| ཡིད་ལེགས་པ |
མངོན གྲོ། |
| ཡིད་ལོག་པ |
བློ་འགྱུར་བ། |
| ཡིད་ལྡན |
མངོན མི། |
| ཡིད་ལྡོག |
སེམས་ལོག་པའམ་འགྱུར་བ། བསམ་སྦྱོར་རྩུབ་པས་གཞན་ཡིད་ལྡོག |
| ཡིད་ཤི་བ |
ཡི་ཐང་ཆད་པ་དང༌། ཁོང་ཁྲོ་ཞི་བ། |
| ཡིད་ཤེས |
ཡིད་ཀྱི་རྣམ་པར་ཤེས་པ་རང་གི་ཐུན་མོང་མ་ཡིན་པའི་བདག་རྐྱེན་ཡིད་དབང་ལ་བརྟེན་ནས་བྱུང་བའི་རང་ཡུལ་དུ་གྱུར་པའི་ཆོས་ཀྱི་སྐྱེ་མཆེད་ཀྱི་ངོ་བོ་རང་སྟོབས་ཀྱིས་མཐོང་བའི་རིག་པ། དཔེར་ན་བུམ་འཛིན་ཡིད་ཀྱི་རྣམ་ཤེས་ལྟ་བུའོ། |
| ཡིད་ཤེས་ལོག་ཤེས |
རྟོག་མེད་ལོག་ཤེས་ཀྱི་ནང་གསེས། ཡིད་ཤེས་སུ་གྱུར་པའི་ལོག་ཤེས། དཔེར་ན་རྨི་ལམ་གྱི་རྟ་དེ་རྟ་ཡིན་པར་སྣང་བའི་རྨི་ལམ་གྱི་ཡིད་ཀྱི་ཤེས་པ་ལྟ་བུའོ། |
| ཡིད་སྐྱེས |
མངོན 1 འདོད་ལྷ། 2 མི། |
| ཡིད་སྐྱོ་བ |
སེམས་སྡུག་པའམ་བློ་ཕམ་པ། ཡིད་སྐྱོ་བའི་ལམ་ལ་མ་སོང་ན། སེམས་དགའ་བའི་གྲོགས་དང་མི་འཕྲད་དོ། |
| ཡིད་སྨོན |
ལེགས་ཚོགས་རང་ལ་འཐོབ་པར་རེ་བའི་བློ་ཡོན་ཏན་ལ་ཡིད་སྨོན་སྐྱེས། གླུ་སྙན་པོ་ཐོས་ན་ཡིད་སྨོན་འཆོར་ལྟ་བུ། |
| ཡིད་སྨོན་པ |
དགའ་ཞིང་གུས་བཀུར་རམ་རེ་འདུན་ཡོད་པ། སྔོན་གཤེགས་དཔའ་བོ་རྣམས་ལ་ཡིད་སྨོན་པ། |
| ཡིད་སྲུབ་པ |
སེམས་དཀྲུགས་པ། |
| ཡིད་སྲུབས |
མངོན 1 བདུད། 2 འདོད་ལྷ། 3 ཧོར་ཟླ་གསུམ་པ། |
| ཡིད་སྲུབས་བདག་པོ |
མངོན འདོད་ལྷ། |
| ཡིན |
1 གཏན་འཁེལ་བའི་ཚིག སང་ཉིན་འགྲོ་རེས་ང་རང་ཡིན། ཁྱོད་སུ་ཡིན། པད་མ་དཀར་པོ་ནི་འདམ་རྫབ་ལས་སྐྱེས་ཀྱང་འདམ་གྱི་དྲི་མས་མ་གོས་པས་པད་མའི་མཆོག་ཡིན། 2 འ་དང་མཐའ་མེད་ཀྱི་རྗེས་སུ་སྦྱར་རྒྱུ་དང་བཞིན་ཞེས་པ་དང་གཅིག་པའི་ད་ལྟ་བའི་ལས་སྟོན་བྱེད་ཕྲད་གཞན་དབང་ཅན་ཞིག འ བཞིན ཁ་ཤས་དགའ་ཡིན་འདུག གནས་འཆའ་ཡིན་འདུག སྡོད་ས་བཟོ་ཡིན་འདུག |
| ཡིན |
(ལས་ཚིག་རྗེས་མཐུན་པ)སྒྲ་ཅན་གྱི་ཚིག་སྦྱོར་གྱི་མཐར་ཡིན་དང་རེད་གང་རུང་སྦྱར་ན། ནི་སྒྲའི་སྔོན་རྗེས་ཀྱི་ཚིག་གི་བརྗོད་བྱ་གཉིས་དོན་གཅིག་ཡིན་པའམ་སྔོན་མ་ཕྱི་མར་གཏོགས་པའི་དོན་སྟོན་ཞིང་ནི་སྒྲ་བསྡུས་ཀྱང་ཆོག ཡིན་དང་རེད་འཇུག་ཚུལ་གྱི་ཁྱད་པར་གཤམ་གསལ་ལྟར། སྨྲ་བ་པོ་རང་དང་སྨྲ་ཡུལ་གྱི་དོན་ལ་ཡིན་འཇུག་ང་ནི་བཟོ་པ་ཡིན། འདི་ནི་ངའི་བྱིས་པ་ཡིན། སྐམ་པ་འདི་ནི་ངའི་ཡིན། ཁྱོད་འབྲོག་པ་ཡིན་ནམ། བྱིས་པ་འདི་ནི་ཁྱོད་ཀྱི་བྱིས་པ་ཡིན་ནམ། འུར་ཆ་འདི་ནི་ཁྱོད་ཀྱི་ཡིན་ནམ་ལྟ་བུ། སྨྲ་བ་པོ་དང་སྨྲ་ཡུལ་ལས་གཞན་པའི་དོན་ལ་རེད་འཇུག་ཁོང་ནི་ཞིང་པ་རེད། བུ་མོ་འདི་ནི་ཁོའི་བུ་མོ་རེད། ལྕགས་ཁེམ་འདི་ནི་ཁོའི་རེད། ཕྱོགས་བརྟག་འཁོར་ལོ་ཐོག་མར་སྐྲུན་མཁན་ནི་ཚན་རིག་པ་ཞིག་རེད། 《སུམ་ཅུ་པའི་རྩ་བ》ནི་ཐོན་མིས་བརྩམས་པ་རེད་ལྟ་བུ། 2.(གྲོགས་ཚིག) རྗེས་འཇུག་འ་ཅན་ནམ་རྗེས་འཇུག་མེད་པའི་ལས་ཚིག་ད་ལྟ་བའི་མཐར་སྦྱར་ན་ད་ལྟ་བའི་ཚིག་གྲོགས་ཏེ། ཟས་བཟའ་ཡིན་འདུག—ཟས་ཟ་བཞིན་འདུག གཏེར་རྐོ་ཡིན་གདའ—གཏེར་རྡོ་རྐོ་བཞིན་ཡོད་ལྟ་བུ། |
| ཡིན་ཁུལ |
མ་ཡིན་ཡང་ཡིན་པ་ལྟར་བྱས་པའི་ཟོལ་ཉམས། དཔའ་བོ་ཡིན་ཁུལ་གྱིས་གཡུལ་སར་ཕྱིན་པ། རང་ཉིད་ནི་མཆོག་ཏུ་གྱུར་པའི་མི་ཞིག་ཡིན་ཁུལ་བྱེད་པ། |
| ཡིན་ཁྱབ་མཉམ |
ཕན་ཚུན་གཅིག་ཡིན་ན། ཅིག་ཤོས་ཀྱང་ཡིན་དགོས་པའི་དོན་དེ། དཔེར་ན། བྱས་པ་དང་དངོས་པོ་གཉིས་ཡིན་ཁྱབ་མཉམ་ཡིན་པས། བྱས་པ་ཡིན་ན་དངོས་པོ་ཡིན་པས་ཁྱབ། དངོས་པོ་ཡིན་ན་བྱས་པ་ཡིན་པས་ཁྱབ་པ་ལྟ་བུའོ། |
| ཡིན་གཅིག་མིན་གཅིག |
ཅི་ནས་ཀྱང་ངམ་ངེས་པར། ང་གཉིས་ཡིན་གཅིག་མིན་གཅིག་མཉམ་དུ་འགྲོ་དགོས། |
| ཡིན་གཤིས |
ཡིན་པས་ནའམ་ཡིན་ཕྱིར། |
| ཡིན་གོ་ལེ་ཤོག |
ཡུལ ཡིན་པར་ཤོག |
| ཡིན་གྱི་རེད |
ཡུལ ཕལ་ཆེར་ཡིན་ཏེ་འོང༌། ཡི་གེ་དེ་ཚོ་ཁོས་བྲིས་པ་ཡིན་གྱི་རེད། |
| ཡིན་གྲང |
ཡིན་རུང༌། ལོ་རྒྱུས་བདེན་པ་ཡིན་གྲང༌། ཨེ་བདེན་མི་ཤེས། |
| ཡིན་གྲང་ན |
ཡིན་ན་ནི། དེ་ལྟར་ཡིན་གྲང་ན་ང་ཚོའི་བར་བསམ་འཆར་མི་མཐུན་པ་མི་འདུག |
| ཡིན་ཐག་ཆོད |
ཡིན་པར་ཐེ་ཚོམ་མེད་པ། ཁྱེད་ཀྱིས་གསུངས་པ་དེ་ཡིན་ཐག་ཆོད་རེད། |
| ཡིན་ཐང |
ཡིན་འོས་པའམ་ཡིན་མདོག་ཁ་པོ། ཁོའི་བྱས་རྗེས་དགའ་མོ་ཡིན་ཐང་སྙམ། |
| ཡིན་དགོས་བྱུང |
1 ཡིན་ཤག་གམ་ཡིན་བདེན་རེད། མཁས་པ་ཡིན་དགོས་བྱུང༌། ཡོན་ཏན་ཚང་མ་ཤེས་པས་སོ། བདེན་པ་ཡིན་དགོས་བྱུང༌། རྫུན་པ་སྤངས་པའི་ཕྱིར་རོ། 2 ངོ་མ་མིན་ཡང༌། ཐབས་མེད་ཀྱིས་ཡིན་ཟེར་དགོས་བྱུང་བ། ཁོ་དེའི་བུ་མིན་ཡང་རྒྱལ་པོས་དེའི་བུ་ཡིན་པ་གཞིར་བཞག་གིས་བཀའ་བབས་སྟབས། དེའི་བུ་ཡིན་དགོས་བྱུང་བ་རེད། |
| ཡིན་དུ་གཤའ་བ |
ཡིན་ཚོད་རེད་དམ། ཡིན་མདོག་ཁ་པོ་རེད། ཁྱེད་རང་སྐུ་ཁམས་བདེ་པོ་ཡིན་དུ་གཤའ་བ་ལ་རབ་ཏུ་སྤྲོ། |
| ཡིན་དུ་ཆུག |
ཡིན་ཁུལ་དུ་ཆ་ཞོག ཁོས་དེ་ལྟར་བཤད་པ་ལྟར་ཡིན་དུ་ཆུག་ཀྱང༌། བདེན་པ་རང་ཨེ་ཡིན་མི་ཤེས། ཁོས་བཤད་པ་ལྟར་བདེན་མིན་མི་ཤེས་ཀྱང༌། ད་རེས་ཡིན་དུ་ཆུག |
| ཡིན་ན་མིན་ན |
གང་ལྟར་ཡང༌། |
| ཡིན་ནམ་མིན་ནམ |
ཡིན་མིན་འདྲི་བའམ་ཐེ་ཚོམ་གྱི་ཚིག དེང་སང་གཟུགས་པོ་བདེ་ཐང་ཡིན་ནམ་མིན་ནམ། |
| ཡིན་ནའང |
འོན་ཏེ། རྒད་པོ་ཡིན་ནའང་གཟུགས་པོ་ཐང་པོ་འདུག |
| ཡིན་ནོ་ཅོག |
ཡིན་པ་ཐམས་ཅད། སྐྱེས་པ་ཡིན་ནོ་ཅོག གཞུང་དོན་ཡིན་ནོ་ཅོག |
| ཡིན་པ |
ཡིན་དང་འདྲ། |
| ཡིན་པ་མི་སྲིད་པའི་ཤེས་བྱ |
ཡིན་པ་མི་སྲིད་པའི་བློའི་ཡུལ་དུ་བྱ་རུང༌། ཀ་བུམ་གཉིས་ཀ་ཡིན་པ་ལྟ་བུའོ། |
| ཡིན་པ་འདྲ |
ཡིན་མདོག་ཁ་པོའམ་ཕལ་ཆེར་ཡིན་པ། མདང་དགོང་གཉིད་ཡག་པོ་མ་ཁུག་པ་ཡིན་པ་འདྲ། དེ་རིང་ཆར་འབབ་རྒྱུ་ཡིན་པ་འདྲ། |
| ཡིན་པ་ཡོད |
ཡུལ ཕལ་ཆེར་ཡིན། ཁྱེད་རང་ཞལ་ལག་མཆོད་རྒྱུ་ཡིན་པ་ཡོད། |
| ཡིན་པ་རེད |
ཡུལ ཡིན་པར་གོ་བའི་ཚིག དེ་ག་རང་ཡིན་པ་རེད། |
| ཡིན་པ་སྲིད་པའི་ཤེས་བྱ |
ཡིན་པ་སྲིད་པའི་བློའི་ཡུལ་དུ་བྱ་རུང༌། ཀ་བ་ལྟ་བུའོ། |
| ཡིན་པར་སྒྲུབ་པ |
ཡིན་པའི་ཁུངས་སྐྱེལ་བའམ་རྒྱུ་མཚན་རྗོད་པ། |
| ཡིན་བརྒྱ་མིན་སྟོང |
ཡིན་པ་བརྒྱ་དང་མིན་པ་སྟོང་ཞེས་སྐད་ཆ་བདེན་མི་བདེན་སྣ་ཚོགས་བཤད་པ། |
| ཡིན་མདོག་ཁ་པོ |
1 མིན་ཡང་ཡིན་ཁུལ། མཁས་པ་ཡིན་མདོག་ཁ་པོ་བྱས་པ། 2 ཕལ་ཆེར་ཡིན་གྱི་རེད། མི་འདི་མཁས་པ་ཡིན་མདོག་ཁ་པོ་རེད། |
| ཡིན་མདོག་ཁ་མོ |
ཡིན་མདོག་ཁ་པོ་དང་འདྲ། |
| ཡིན་མིན |
ཡིན་པ་དང་མ་ཡིན་པ། ཡིན་མིན་གོ་ལྡོག ཡིན་མིན་མཉམ་བསྲེ། ཡིན་མིན་གསལ་འབྱེད། |
| ཡིན་མོད |
ཡིན་ནའང་ངམ་ཡིན་རུང༌། ཁོ་འཕྲད་པར་ཕྱིན་པ་ཡིན་མོད་ཐུག་མ་སོང༌། ལྟ་བར་ཕྱིན་པ་ཡིན་མོད་ཀྱང་གསལ་པོ་མཐོང་མ་བྱུང༌། ཁྱོད་ཀྱིས་མངོན་སུམ་དུ་མཐོང་ཞིང་ཐོས་ན་དེ་ཉིད་ཁོ་ན་ཚད་མ་ཡིན་མོད་ཀྱི། འོན་ཀྱང་ད་དུང་ཅུང་ཟད་བརྟག་དཔྱད་བྱའོ། |
| ཡིན་མོད། ཡིན་ན། ཡིན་ཡང |
རང་གཞན་ཀུན་ལ་ཁྱད་མེད་དུ་འཇུག་ཁོ་ནི་རྒྱ་རིགས་ཡིན་ཡང་བོད་སྐད་ཤེས། ཁོ་ནི་བོད་རིགས་ཡིན་མོད་རྒྱ་ཡིག་ཤེས། ལུག་ནི་སྒོ་ཕྱུགས་བཟང་བོ་ཞིག་ཡིན་མོད་ཀྱང་འཚོ་སྐྱོང་བྱེད་པ་ལས་སླ་བོ་ཞིག་མ་རེད་ལྟ་བུ། |
| ཡིན་ཚད |
ཐམས་ཅད། མི་ཡིན་ཚད་སྤྱང་པོ་ཡིན་པའི་ངེས་པ་མེད། |
| ཡིན་ཚུལ |
མ་ཡིན་ཡང་ཡིན་པ་ལྟར་བྱས་པའི་ཟོལ་ཉམས། |
| ཡིན་ཟོལ་བྱེད་པ |
མ་ཡིན་ཡིན་ཁུལ་བྱེད་པ། |
| ཡིན་འགྲོ |
ཡུལ ཕལ་ཆེར་ཡིན་ཏེ་འོང༌། ཡི་གེ་འདི་ཕལ་ཆེར་ཁོས་བྲིས་པ་ཡིན་འགྲོ། |
| ཡིན་ཡང |
འོན་ཏེ། ཚིག་ལ་དེ་ལྟར་ཡིན་ཡང་དོན་ལ་ངེས་པ་མེད། |
| ཡིན་ཡིན་པ |
མ་གཞི་ནས་ཡིན་པ། |
| ཡིན་རེ་ཤི |
མནའ་ཚིག་ཅིག |
| ཡིན་རེ་སྐན |
དེ་ལྟར་མིན་ཞེས་དམ་བཅའ་བའམ་མནའ་སྐྱེལ་བ། བྱ་བ་ངན་པ་བྱེད་མཁན་དེ་ང་ཡིན་རེ་སྐན། |
| ཡིན་རྒྱུ་དག |
ཡུལ ཡིན་པ་དག་གམ་ཡིན་པ་སྟེ་དོན་ངོ་མ་ནི། ཡིན་རྒྱུ་དག་ཚོང་པ་རེད་དེ་དེང་སང་ཞིང་ལས་བྱེད་ཀྱི་ཡོད་པ་རེད། མི་དེ་ཡིན་རྒྱུ་དག་ཡག་པོ་ཞིག་མ་རེད། འོན་ཀྱང་ཉེ་ཆར་ཁོས་བྱ་བ་ངན་པ་གང་ཡང་བྱས་མེད། |
| ཡིན་ལ་མིན་ལ |
ཡིན་མིན་ཐེ་ཚོམ་གྱི་གཞི། |
| ཡིན་ལུགས |
1 རྒྱུ་མཚན། ཡིན་ལུགས་མིན་ལུགས། 2 སྟོང་པའི་གཤིས་ལུགས། |
| ཡིན་ལུགས་ངོ་ཐོག |
རང་བཞིན་ནམ་གནས་ཚུལ་དངོས་གནས། |
| ཡིན་ལོ |
ཡིན་ཁུལ། ཡིན་ལོ་མིན་ལོ་བྱས་ཀྱང་ཡིད་མི་ཆེས། |
| ཡིན་ལོག |
ཡིན་པ་ལས་ལོག་པ་ཞེས་པ་ཡིན་པའི་ལྡོག་ཟླ་མ་ཡིན་པའོ། དཔེར་ན། ཀ་བ་ཡིན་པ་ལས་ལོག་པ་ཀ་བ་མ་ཡིན་པ་ལྟ་བུའོ། |
| ཡིན་ཤག |
ཡིན་པར་ངེས། ཁོང་གིས་ཟེར་བ་དེ་ག་ཡིན་ཤག་རེད། ལས་དོན་ལེགས་གྲུབ་ཡིན་ཤག |
| ཡིན་ཤས་ཆེ |
ཡིན་ལས་ཆེའམ་ཡིན་འགྲོ་སྙམ། ཁྱེད་རང་གིས་བཤད་པ་ལྟར་ཡིན་ཤས་ཆེ། |
| ཡིན་ས་མིན་སྐྱེལ |
བདེན་རྫུན་གཉིས་ཀྱི་རྒྱུ་མཚན་མཐའ་སྐྱེལ། |
| ཡིན་སྐད |
ཡིན་ཟེར། གནའ་རབས་ཀྱི་ལོ་རྒྱུས་ལ་དེ་ལྟར་ཡིན་སྐད། མཚེར་སྐད་སྒྲོག་པའི་འོལ་བ་སྨུག་ཆུང༌། མཁའ་ལྡིང་རྒྱལ་པོའི་ཕོ་ཉ་ཡིན་སྐད། |
| ཡིབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)སྦས་པའམ་བཞའ་བའི་དོན་ཏེ། སྟག་མོ་ནགས་གསེབ་ཏུ་ཡིབ། རྩིག་པའི་ཕག་ལ་ཡིབ་ལྟ་བུ། འདས་པ་དང་སྐུལ་ཚིག་ལ་ཡིབས་འབྲི་དམག་མི་རྣམས་བཙན་རྫོང་དུ་ཡིབས་ནས་མེ་མདའ་འཕེན། ཁྱོད་ཁང་བར་ཡིབས་ཤིག་ལྟ་བུ། |
| ཡིབ་པ |
ཐ་མི་དད་པ ཡིབས་པ། ཡིབ་པ། ཡིབས།། གབ་པ། གཞན་གྱིས་མི་མཐོང་བའི་ས་ཁུང་དུ་ཡིབས་ནས་བསྡད་པ། ས་ཆ་ཀྱོང་པོར་ཉལ་ནས་ཡིབ་པ། |
| ཡིབ་ཞུ |
མགོ་ནས་གཟུགས་པོར་མར་བསྐོན་རྒྱུའི་ཀོང་ཡུལ་དང་སྤོ་ཡུལ་གྱི་ཕོ་མོའི་གོས་ཆས་ཕུ་མེད་ཅིག་སྟེ་མགོ་ཤུབས་ཀྱང་ཟེར། |
| ཡིབ་ཤིང |
སྒྲིབ་ཤིང་འུག་པའམ་སྐྱ་གའི་ཚང་གི་ཤིང་སོགས་ལུས་ལ་བཏགས་ན་ཕ་རོལ་པོས་མི་མཐོང་བར་སྒྲིབ་ནུས་པ་ཞིག |
| ཡིབ་ས |
གབ་ས། |
| ཡིབས |
1.ཡིབ་པའི་སྐུལ་ཚིག 2 1 སྐྱིབས། ཆར་ཡིབས། 2 རྙིང དབྱིབས། |
| ཡིབས་པ |
ཡིབ་པའི་འདས་པ། |
| ཡིས |
རྣམ་དབྱེ་གསུམ་པའི་རྐྱེན་ཞིག་སྟེ་འ་དང་མཐའ་མེད་ལ་འཐོབ་པའི་བྱེད་སྒྲ། འ |
| ཡུ་ཁུ |
ཡུ་ག་དང་དོན་གཅིག་ |
| ཡུ་ག |
གཙུབ་ཤིང་སྟེ་ཕན་ཚུན་བརྡར་ནས་མེ་འབར་བའི་ཤིང་ཞིག |
| ཡུ་གུ |
རྩྭའི་ལྗང་པ་འབྲུ་ལྡན་ཞིག་སྟེ་ཡུག་པོའང་ཟེར། ཞིང་ནང་གི་ཡུ་གུ་འདྲ་འདྲ། ལུག་ནང་གི་སྤྱང་ཀི་འདྲ་འདྲ། |
| ཡུ་གུ་ཤིང |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། ལོ་འདབ་བྱ་སྒྲོ་འདྲ་བ་ཡ་སྡེབ་ཏུ་སྐྱེས། སྟོན་གར་མེ་ཏོག་བཞད། རྩ་བ་དང་ལོ་མ་ཁྲག་གཅོད་ཀྱི་སྨན་ཞིག་ཡིན། རྒྱ་སྐད་དུ(ཟན་ཆི)ཟེར་བར་ངོས་འཛིན་པའང་ཡོད། |
| ཡུ་གུ་ཤིང་དཀར་པོ |
སྔོ་ཞིག |
| ཡུ་གུ་ཤིང་ནག་པོ |
སྔོ་ཞིག |
| ཡུ་གུར |
1 བོད་དང༌། ཞིན་ཅང༌། ཨ་མདོའི་ས་འབྲེལ་ཡུལ་ལུང་གི་མིང་རྙིང༌། 2 རང་རྒྱལ་གྱི་གྲངས་ཉུང་མི་རིགས་ཤིག་མང་ཆེ་བ་ཞིན་ཅང་ཡུ་གུར་རང་སྐྱོང་ལྗོངས་སུ་གནས་ཡོད། 1982 ལོའི་སྡོམ་རྩིས་ལྟར་མི་གྲངས་ཁྲི་ཕྲག 594 ལྷག་ཙམ་ཡོད། |
| ཡུ་བ |
1 ལུང་དང་རྐང་པ་སྟེ་འཆང་ཟུངས། གྲིའི་ཡུ་བ། ལྷམ་གྱི་ཡུ་བ། གདུགས་ཡུ། རྒྱལ་མཚན་གྱི་སྲོག་ཤིང་ལ་རྒྱལ་མཚན་གྱི་ཡུ་བ་ཟེར། སྟ་ཡུ་བྱས་ན་སྟ་ཡུ་མི་ལོ། འཇོར་ཡུ་བྱས་ན་འཇོར་ཡུ་མི་ལོ། 2 རྩྭའི་ཆུ་བ། པད་མའི་ཡུ་བ། ལོ་ཏོག་གི་རྐང་ཡུ། |
| ཡུ་བ་ཅན |
1 ཡུ་བ་ཅན་གྱི་དངོས་པོ་སྤྱི། 2 མངོན བརྒྱ་བྱིན་རྡོ་རྗེ། |
| ཡུ་བུ |
རྙིང ང་རང༌། ཡུ་བུ་ཅག |
| ཡུ་བོ |
རྭ་ཅོ་མེད་པའི་གནག་ཕྱུགས་ཕོ་དང་ར་ལུག་ཕོ། གཡག་ཡུ་བོ། |
| ཡུ་མ |
གནག་ཕྱུགས་རྭ་ཅོ་མེད་པ་ཨ་ཡུ་མའི་བསྡུས་མིང༌། |
| ཡུ་མགོ |
ཡུ་བ། |
| ཡུ་མེད |
རྩ་མེད། སྡང་དགྲ་ཡུ་མེད་བཟོས་པ། འབུ་གནོད་ཡུ་མེད་གཏོང་བ། |
| ཡུ་མོ |
1 རྭ་ཅོ་མེད་པའི་གནག་ཕྱུགས་མོ་དང་ར་ལུག་མོ། 2 ཤ་བ་མོ། 3 ཁ་ཤ་མོ། |
| ཡུ་མོ་མདེའུ་འབྱིན |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་བུ་དང་ཤ་མ་མ་ཐོན་པ་དང༌། ཁོང་པའི་ནང་ལོགས་སུ་མདེའུ་སོགས་ཟུག་རྔུ་ལུས་པ་ཕྱིར་འབྱིན་པར་བྱེད། |
| ཡུ་མོ་མི་བསྐྱོད་རྡོ་རྗེ |
རབ་བྱུང་དང་པོའི་དུས་སུ་བྱོན། དང་པོ་རྣལ་འབྱོར་པ། ཕྱིས་རབ་ཏུ་བྱུང་ནས་མཚན་དད་པ་རྒྱལ་པོར་བཏགས། ཁ་ཆེ་པཎ་ཆེན་ཟླ་བ་མགོན་པོ་ནས་དུས་འཁོར་རྒྱུད་འགྲེལ་ཞིབ་ཏུ་གསན་ཏེ་བསྒོམས་པས་རྟོགས་པ་བརྙེས། གཞན་སྟོང་གི་ལྟ་བའི་སྲོལ་ཕྱེ། ཡིག་ཆ་འགའ་ཞིག་མཛད་པས་ལུགས་དེའི་བླ་མ་གོང་མར་བཀུར། དགུང་ལོ་བརྒྱད་ཅུ་གྱ་གཉིས་པར་འདས། དེའི་སློབ་བརྒྱུད་ཐུགས་རྗེ་བརྩོན་འགྲུས་དང་དོལ་བུ་བས་ཇོ་ནང་དགོན་པ་བཏབ་སྟེ་གྲུབ་མཐའ་རྒྱ་ཆེར་སྤེལ། དེ་ནས་བཟུང་བརྒྱུད་འཛིན་རྣམས་ལ་ཇོ་ནང་པ་ཞེས་གྲགས། |
| ཡུ་མོ་རུ་རྟ |
རུ་རྟ་ཕོ་མོ་རིགས་གཉིས་སུ་དབྱེ་བའི་ནང་ཚན་མོ་རིགས་ལའོ། |
| ཡུ་རིང |
འཆང་ཟུངས་རིང་པོ། ལྷམ་ཡུ་རིང༌། དཀར་ཡོལ་ཡུ་རིང༌། |
| ཡུ་ལུ་མ |
ཡུལ རྭ་ཅོ་མེད་པའི་གནག་ཕྱུགས་དང་ར་ལུག རྭ་ཅན་བརྒྱ་ཐར་སར་ཡུ་ལུ་མ་གཅིག་མི་ཐར་བ་མེད། |
| ཡུ་ཤ |
ཐུག་པ་སླ་པོའི་མིང༌། |
| ཡུག |
1 དར་གོས་རས་སོགས་མ་བཅད་པའི་ཁ་ཚར་ཚང་བའི་བུབས་གཅིག རས་ཡུག་གཅིག 2 ཁྱོན་ནམ་མུ་ཁྱུད། གྲོང་ཁྱེར་གྱི་ཁོར་ཡུག ར་བའི་ཁོར་ཡུག ཡུག་གཅིག་ཏུ་འབྲེལ་བ། |
| ཡུག་གཡུང་བ |
རྙིང ཞེན་པ། |
| ཡུག་པ |
རྙིང 1 ཞེན་པའམ་ཆགས་པ། 2 རྐང་པ། |
| ཡུག་པ་ཅིག་སྟོན |
རྙིང རིབ་ཙམ་ཞིག་སྟོན། |
| ཡུག་པོ |
ལོ་གཅིག་གམ་ལོ་གཉིས་སྐྱེ་བའི་འཚོ་རྩྭ་བཟང་བོ་ཞིག་ཡིན་ལ། འབྲུ་མིས་ཟོས་ཀྱང་ཆོག |
| ཡུག་ཕོ |
རང་གི་བཟའ་ཟླ་བུད་མེད་ཤི་བའི་ཁྱོ་ག། |
| ཡུག་ཕྲན |
ཡུག་ཆུང་ངམ་ལྟེབ་ཧྲིལ་ཆུང་བ། |
| ཡུག་ཚང |
བུབས་ཚང༌། |
| ཡུག་ཚར |
གོས་ཆེན་དང༌། དར་ཁ། རས། ཐེར་སྣམ་སོགས་ཡུག་ཚང་ཁ་ཚར་ཅན། |
| ཡུག་ཟ |
རང་གི་བཟའ་ཟླ་ཤི་བའི་མོ་ཧྲེང༌། ཁྱོ་ག་ཤི་སྟེ་ཡུག་ཟར་གྱུར་པ། |
| ཡུག་ཟ་མ |
ཁྱོ་ག་ཤི་བའི་བུད་མེད། |
| ཡུག་ཟ་མོ |
ཡུག་ཟ་མ་དང་འདྲ། |
| ཡུག་ཟའི་བུ |
ཁྱོ་ག་ཤི་རྗེས་སྐྱེས་པའི་བུ། |
| ཡུག་ཡུག |
ཕར་ཚུར་གཡོ་བར་བྱེད་ཚུལ་ཞིག ལག་པ་ཡུག་ཡུག་བྱས་ནས་ཕྱིན་སོང༌། |
| ཡུག་རྡོག |
ཡུལ ལྷམ་མཐིལ་ཁེབས་པའི་རྡོག་པ། |
| ཡུག་ཤུད |
སོག གོ་སའི་ཆོ་ལོ་ཞིག |
| ཡུག་ས་མའི་ཟླ་བ |
ཆུ་སྟོད་ཟླ་བ་སྟེ་ཧོར་ཟླ་དྲུག་པ། རྡོ་རྗེ་མཁའ་འགྲོའི་རྒྱུད་སོགས་ནས་ཡུག་ས་མའི་ཟླ་བ་ཞེས་བརྗོད། |
| ཡུག་སྣམ |
1 སྣམ་བུ་བུབས་ཚང༌། 2 རྙིང བཙག་རྡོ། |
| ཡུགས |
རྡོ་ཚོན་དམར་བོ་ཞིག་རྡོ་ཙག་ཀྱང་ཟེར། ཡུགས་མོ་ལ་ལྟོས། |
| ཡུགས་མོ |
བཟའ་ཟླ་ཤི་བའི་བུད་མེད། ས་ཆ་ལ་ལའི་ཡུལ་སྐད་དུ་བཟའ་ཟླ་ཤི་བའི་ཕོ་ལ་ཡུགས་ཕོ་ཟེར། ཚིག་བསྡུས་ན་ཡུགས་ཞེས་འབྲི་ཡུགས་མོའི་ཁྱིམ་ལ་ཡུགས་ཚང་ཟེར་བ་ལྟ་བུ། |
| ཡུགས་རྡོ |
རྡོ་སྨན་གྱི་རིགས་བཙག་དང་ཆ་འདྲ་བའི་མདོག་སྨུག་པོ་ཞིག་ནུས་པས་ཆུ་སེར་སྐེམ་པར་བྱེད། མིང་གི་རྣམ་གྲངས་ལ་རྡེའུ་ཁྲག་ལྡག་དང་སྨུག་རྡོའོ། |
| ཡུགས་ས་མ |
ཡུག་ཟ་མ་དང་འདྲ། |
| ཡུང་ང |
ཡུང་བ་དང་འདྲ། |
| ཡུང་བ |
སྒ་སེར་གྱི་མིང་གཞན། |
| ཡུང་བ་དང་རྨ |
རྙིང འཕན་པོ་ཡུང་བ་དང་རྨ་ཟེར་བའི་ལུང་པ་ཁག་གཉིས། |
| ཡུང་མ |
སྔོ་ཚོད་ཀྱི་རིགས་ཤིག་ཡིན་ཞིང་དཔྱིད་ཀ་མེ་ཏོག་སེར་བོ་བཞད། ལོ་མ་ཆེ་ལ་རྩ་བ་དབྱིབས་ཟླུམ་ཞིང་ལེབ་མོ་ཡིན། ཉུངས་མ་ཡང་ཟེར། |
| ཡུང་མདོག |
ཡུང་བ་སྟེ་སྒ་སེར་གྱི་མདོག |
| ཡུང་རྡོག |
ཡུང་མའམ་ཉུངས་མ་དང་འདྲ། |
| ཡུངས |
སྣུམ་འཚིར་ཆོག་པའི་འབྲུ་སྐེ་ཚེའི་རིགས་ཤིག་འབྲུ་ཤུན་དཀར་བོ་ཅན་ལ་ཡུངས་དཀར་དང་། འབྲུ་ཤུན་ནག་པོ་ཅན་ལ་ཡུངས་ནག་ཟེར། |
| ཡུངས་ཀར |
འབྲུའི་རིགས་ཤིག མིང་གི་རྣམ་གྲངས་ལ་དོན་གྲུབ་དང༌། འབྱུང་པོ་འཇིགས་བྱེད། ཟས་གཙང་བཅས་སོ། |
| ཡུངས་ཀར་རྒྱལ་པོ |
མངོན སྐེ་ཚེ། |
| ཡུངས་ཐུན |
ཡུངས་ཀར་ལ་སྔགས་བརྒྱབ་སྟེ་འབྲབ་བྱེད་ཀྱི་ཐུན་རྫས། |
| ཡུངས་དཀར |
ཡུངས་ཀར་དང་འདྲ། |
| ཡུངས་ནག |
སྣུམ་ནག་འབྱུང་བའི་འབྲུ་རིགས་པད་ཁ། མིང་གི་རྣམ་གྲངས་ལ་པད་ཁང་དང༌། ཚ་བའི་སྣུམ་ཅན། ཚོགས་མ་ཅན་བཅས་སོ། |
| ཡུངས་མར |
ཡུངས་དཀར་ནག་གི་སྣུམ། |
| ཡུངས་ཟོར |
ཡུངས་དཀར་གྱི་གང་བུ་བཙུགས་པའི་གཏོར་ཟོར། |
| ཡུངས་འབྲུ |
ཡུངས་དཀར་ནག་གི་འབྲུ། ཡུངས་འབྲུ་ཙམ། |
| ཡུད |
དབུགས་ཐེངས་གཅིག་གི་ཡུན་ཚད། ཁོ་ཚུར་སླེབས་ནས་ཡུད་ཀྱིས་ཕར་སོང༌། |
| ཡུད་ཅིག |
ཡུད་ཙམ་ཞིག |
| ཡུད་པ |
རྙིང ལྗིད་དང་ལྕི་བ། |
| ཡུད་ཙམ |
1 སྔར་རྒྱ་གར་གྱི་དུས་ཡུན་བརྩི་ལུགས་སུ་ཉིན་ཞག་གཅིག་གི་ཆ་སུམ་ཅུའི་ཟུར་གཅིག 2 འཁྱུག་ཙམ་དུས་ཡུན་ཧ་ཅང་ཐུང་ངུ་ཞིག གློག་འོད་ཡུད་ཙམ་གྱིས་གསལ་བ། སྤྲིན་གསེབ་ནས་ཟླ་དཀར་ཡུད་ཙམ་འཆར་བ། ནར་འགྱངས་ཡུད་ཙམ་ཡང་མེད་པ། |
| ཡུད་ཡུད་པ |
ཡུལ བསྟོད་བསྔགས་བྱེད་པ། བཟོ་པ་དང་ཞིང་པ་དམག་མི་རྣམས་ལ་ཡུད་ཡུད་བྱེད་པ། |
| ཡུན |
དུས་ཚོད་ཀྱི་རིང་ཐུང༌། ཡུན་རིང༌། ཡུན་ཐུང༌། ཡུན་གཏན། ཡུན་འགོར་བ། ཡུན་ནས་ཡུན་དུ། ཡུན་ཅི་སྲིད་བར་དུ་གནས་པ། ཡུན་ནས་ཡུན་རིང་པོ། ཡུན་དུ་ཐོགས་མི་དགོས་པ། འཆི་མེད་ཡུན་གནས། |
| ཡུན་གྱིས |
དུས་རིམ་གྱིས། ཕྲུ་གུའི་ལུས་སྟོབས་ཡུན་གྱིས་རྒྱས་པ། ཡུན་གྱིས་དམིགས་ཡུལ་བཟང་པོར་འཇུག་པ། |
| ཡུན་ཅིག |
དར་ཅིག་གམ་ཡུད་ཙམ། ལམ་ཁར་ཡུན་ཅིག་འགོར་བ། |
| ཡུན་ཐུང |
དུས་ཡུན་མི་རིང་བ། |
| ཡུན་བརྟན |
དུས་ཡུན་རིང་པོའི་བར་དུ་བརྟན་པ། རྒྱལ་སྲིད་ཡུན་བརྟན། |
| ཡུན་ཚད |
1 དུས་རིང་ཐུང་གི་ཚད། 2 མིག་འཛུམ་གྱི་ཡུན་ཚད། ལེགས་སྦྱར་སྐད་ཀྱི་སྒྲ་རིང་ཐུང་གི་དབྱེ་ཚུལ་བཞི་ཡོད་པ་མིག་འཛུམ་ཡུན་ཕྱེད་ལ་གསལ་བྱེད་དང༌། མིག་འཛུམ་ཡུན་གཅིག་ལ་དབྱངས་ཐུང་ངུ། མིག་འཛུམ་ཡུན་གཉིས་ལ་དབྱངས་རིང་པོ། མིག་འཛུམ་ཡུན་གསུམ་ལ་དབྱངས་ཤིན་ཏུ་རིང་པོའོ། |
| ཡུན་རིང |
དུས་ཡུན་རིང་པོ། ལམ་ཐག་རིང་ན་རྟ་ཤུགས་ཤེས། ཡུན་རིང་གཤིབས་ན་མི་རྒྱུས་ལོན། |
| ཡུན་རིང་ནད་པ |
ན་ནས་དུས་རིང་སོང་བའི་ནད་པ། ཐག་རིང་གི་མགྲོན་པོ་དང༌། ཡུན་རིང་གི་ནད་པ། |
| ཡུམ |
1 མའི་ཞེ་ས། 2 ཡི་དམ་གྱི་ཤེས་རབ་མཚོན་པའི་ཆ། 3 བུད་མེད་ཀྱི་ཞེ་ས། གསང་ཡུམ། ཡུམ་ཁབ་ཏུ་བཞེས་པ། 4 ཤེས་རབ་ཀྱི་ཕ་རོལ་ཏུ་ཕྱིན་པའི་མདོ། ཡུམ་འབུམ་པ། |
| ཡུམ་ཀ |
རྡོ་རྗེ་རྣལ་འབྱོར་མ་རྒྱུད་ཡུམ་རྐྱང་པ་སྒྲུབ་ཐབས། |
| ཡུམ་གྱི་འབག |
ཟློས་གར་འཁྲབ་དུས་ཡུམ་ཨ་མས་གྱོན་རྒྱུའི་གདོང་འབག |
| ཡུམ་དུམ་པ་བཅུ་དྲུག |
1 ཡུམ་རྒྱས་འབྲིང་བསྡུས་གསུམ། 2 ཨ་མདོ་དང་བར་ཁམས་སོགས་ཀྱི་མནའ་ཚིག་ཅིག |
| ཡུམ་བཙུན་མོ |
1 རྒྱལ་པོའི་བཙུན་མོ། 2 མ་ཡུམ་ཡང་ཡིན་ལ་བཙུན་མོའང་ཡིན་མཁན། |
| ཡུམ་བསྡུས་པ |
ཤེས་རབ་ཀྱི་ཕ་རོལ་ཏུ་ཕྱིན་པ་ཤོ་ལོ་ཀ་སྟོང་ཕྲག་བརྒྱད་ཡོད་པ་ཞིག |
| ཡུམ་བུ་བླ་སྒང |
ཡུམ་བུ་ལྷ་མཁར་ཡང་ཟེར། བོད་རྗེ་གཉའ་ཁྲི་བཙན་པོ་བཞུགས་ས་བོད་རྒྱལ་པོའི་ཕོ་བྲང་གི་སྔ་ཤོས་ཤིག་དེང་སང་གི་ལྷོ་ཁ་ས་ཁུལ་ཁོངས་སྣེ་གདོང་རྫོང་གི་ཉེ་འདབས་སུ་ཡོད། |
| ཡུམ་མདོ |
ཤེས་རབ་ཀྱི་ཕ་རོལ་ཏུ་ཕྱིན་པའི་མདོ། |
| ཡུམ་འབངས |
ཡུམ་གྱི་ཕྱོགས་སུ་ཡོད་པའི་མི་སེར། |
| ཡུམ་འབུམ་པ |
ཤེར་ཕྱིན་གྱི་མདོ་རྒྱས་པ་ཞིག |
| ཡུམ་འབྲིང་བ |
ཤོ་ལོ་ཀ་སྟོང་ཕྲག་ཉེར་ལྔའམ་ཉི་ཁྲི་ལྔ་སྟོང་ཡོད་པ་ཞིག |
| ཡུམ་རྒྱས་པ |
ཤེས་རབ་ཀྱི་ཕ་རོལ་ཏུ་ཕྱིན་པ་ཤོ་ལོ་ཀ་སྟོང་ཕྲག་བརྒྱ་པའམ་འབུམ་ཞེས་བྱ་བའོ། |
| ཡུམ་རྒྱས་བསྡུས |
ཤེར་ཕྱིན་གྱི་མདོ་འབུམ་དང་བརྒྱད་སྟོང་བ། |
| ཡུམ་རྒྱས་འབྲིང་བསྡུས་གསུམ |
ཤེར་མདོ་འབུམ་དང༌། ཉི་ཁྲི། བརྒྱད་སྟོང་པ་སྟེ་གསུམ། |
| ཡུམ་སྲས |
ཨ་མ་དང་བུ། |
| ཡུར |
(བྱེད་འབྲེལ་ལས་ཚིག) ཞིང་ནང་གི་རྩྭ་ལྡུམ་འབལ་བའི་དོན་ཏེ། ཞིང་ལ་ཡུར་མ་ཡུར་ཞིག་ལྟ་བུ། (བྱེད་མེད་ལས་ཚིག) གཉིད་ལོག་པའི་དོན་ཏེ། བྱིས་པ་གཉིད་དུ་ཡུར་ལྟ་བུ། ０ཡུར་བ་ཡི་ཚིག་བསྡུས་པ། １ཡུལ་མ་ཡི་ཚིག་བསྡུས་པ། |
| ཡུར་ཆུ |
ཆུ་རྐའམ་ས་ཤུར་ནས་ཞིང་ལ་དྲངས་པའི་ཆུ། ཡུར་ཆུ་འཁྲི་ཤིང་དམུས་ལོང་སོགས་གར་འཁྲིད་དུ་འགྲོ། |
| ཡུར་བ |
1.ཐ་མི་དད་པ གཉིད་ཁུག་པ། གཉིད་ལ་ཡུར་བ། ཕྲུ་གུ་གཉིད་ཡུར་དུ་འཇུག་པ། 2.ཞིང་ལ་ཆུ་འདྲེན་བྱེད་ཀྱི་ས་ཤུར། སྦུབས་ཡུར། ཡུར་པོ་ཆེ། མ་ཡུར། ཡུར་ཕྲན། |
| ཡུར་བུ |
ཆུ་ཡུར་ཆུང་ཆུང༌། ཡུར་ཕྲན་ཡང་ཟེར། ཆུ་ཆེན་ཡུར་བུར་མི་ཤོང༌། |
| ཡུར་མ |
ལོ་ཏོག་གི་ནང་དུ་འདྲེས་ནས་སྐྱེས་པའི་རྩྭ་ལྡུམ་རིགས་ཀྱི་མིང་ཞིང་ཡུར་མས་ཁྱེར་ལྟ་བུ། ཚིག་བསྡུས་ན་ཡུར་ཞེས་འབྲི་ཆོག་ཡུར་རྩྭ་ཞེས་པ་ལྟ་བུ། |
| ཡུར་མའི་སྐབས |
1 ཡུར་མ་རྒྱག་པའི་དུས་ཆེན། 2 ཡུར་མ་རྒྱག་རན་པའི་དུས། |
| ཡུར་རྩྭ |
1 ལོ་ཏོག་གི་ལྷད་འདོན་ཡུར་མ་བརྒྱབ་པའི་རྩྭ་ངན། 2 ཡུར་ཆུའི་འགྲམ་གྱི་རྩྭ་སོགས། |
| ཡུལ |
1 ས་ཆའམ་ལུང་པ། སྐྱེ་ཡུལ། སྡོད་ཡུལ། ལས་ཡུལ། ཕ་ཡུལ། ཡུལ་ག་ཤེད། ཡུལ་གྱི་ཡས་མས། ཡུལ་ཁྱད་པར་ཅན། ཡུལ་གྱི་མཐིལ། ཡུལ་གྱི་ལྟེ་བ། ཡུལ་གྱི་གཤེད་མ། ཡུལ་རྒྱང་རིང་བ། ཡུལ་གྱིས་བསྐལ་བ། ཡུལ་འཁྱམས། ཡུལ་གྱར། ཡུལ་བྱོལ། ཡུལ་ཐོན་པ། ཡུལ་བུད་པ། གནས་མེད་ཡུལ་འཁྱར་དུ་འགྱུར་བ། ཡུལ་ཕྱུང་བ། ཡུལ་འབུད་གཏོང་བ། ཡུལ་གཞན་དུ་མཐར་སྐྲོད་གཏོང་བ། རང་ཡུལ་ན་རྟ་བརྒྱ་ཡོད་ཀྱང༌། མི་ཡུལ་ལ་འགྲོ་དུས་རྐང་ཐང་རེད། 2 རྒྱ་ཁྱོན། མཐོང་ཡུལ། བསམ་ཡུལ་ལས་འདས་པ། ཡུལ་ལས་འགོང་བ། 3 ཞིང་ལས་ས་ཁུལ། རོང་ཡུལ། ཡུལ་འབྲོག ཡུལ་མ་འབྲོག ཡུལ་རྟ། ཡུལ་བལ། 4 བློས་རིག་པར་བྱ་བ་བློས་མཐོང་བར་བྱ་བའམ་རྟོགས་པར་བྱ་བ། དཔེར་ན། བེམ་ཤེས་ལྡན་མིན་གྱི་དངོས་པོ་དང༌། ནམ་མཁའ་ལ་སོགས་པའི་དངོས་མེད་ཀྱི་ཆོས་རྣམས་ཏེ། ཤེས་བྱ་དང་དོན་གཅིག་པའོ། དམིགས་ཡུལ། བྱ་བའི་ཡུལ། སྐྱེ་བོ་སྟོང་གིས་སྡིགས་པའི་ཡུལ། ནད་མེད་རང་བཞིན་འཆི་བར་འགྱུར། 5 དབང་པོ་དང་ཤེས་པའི་གཟུང་བྱ། དཔེར་ན། གཟུགས་སྒྲ་དྲི་རོ་རེག་ཆོས་ལྟ་བུ་ཡུལ་ཅན་རྣམས་ལས་གཞན་པའི་ཆོས་ཏེ། ཡུལ་ཡུལ་ཅན་གཉིས་ཀྱི་ཟླས་ཕྱེ་བའི་ཡུལ་ལོ། ཕྱི་རོལ་གྱི་ཡུལ། གཟུང་ཡུལ། རྣ་བའི་ཡུལ་སྒྲ། སྣའི་ཡུལ་དྲི། མངོན་གྱུར་གྱི་ཡུལ། ལྐོག་གྱུར་གྱི་ཡུལ། ཡུལ་ལྐོག་ཏུ་གྱུར་པ། 6 མངོན ཕྱི་ནང་གི་ཡུལ་སོ་སོར་ཉེར་བཞི་རེ་ཡོད་པས་གྲངས་ཉེར་བཞི་མཚོན། |
| ཡུལ་ཀེག |
བབས་སྨེ་གཉིས་ནག་ལ་བབས་ན་ཡུལ་ཀེག་ཟེར། |
| ཡུལ་ཁམས |
ལུང་པ། བཀྲ་ཤིས་སྣང་བས་ཡུལ་ཁམས་ཀུན་ཏུ་ཁྱབ། |
| ཡུལ་ཁལ |
ཡུལ སྔར་གཙང་ཁུལ་དུ་འབྲུ་རིགས་སོགས་འཇལ་བྱེད་ཀྱི་འབོ་ཞིག་སྟེ་ཆེ་ཆུང་རུའི་ཁལ་གྱི་ཕྱེད་ཙམ་ཞིག |
| ཡུལ་ཁྲིམས |
ལུང་པ་སྤྱིའི་ཡུལ་སྲོལ་གྱི་ཁྲིམས། ཡུལ་ཆུ་བཏུངས་ནས་ཡུལ་ཁྲིམས་འཁྲུ་དགོས། ཡུལ་ཁྲིམས་སྤྱི་ཁུར་གྱིས་འགྲོ་བཟོ་སྡོད་མཁས་བྱེད་པ། |
| ཡུལ་གངས་ཅན |
བོད་ཀྱི་ཡུལ། ཡུལ་གངས་ཅན་པའི་བརྡ། |
| ཡུལ་གནོན་པ |
1 བཙན་འཛུལ་གྱིས་གཞན་ཡུལ་ལ་དབང་སྒྱུར་བ། 2 སྡོད་གནས་སྐྱས་སྤོས་ཀྱིས་ཡུལ་གཞིས་འཛིན་པ། |
| ཡུལ་གཞིས |
ལུང་པ་དེར་ཡོད་པའི་ཁྱིམ་གཞིས། |
| ཡུལ་གཞོངས |
རྙིང ཡུལ་ལྗོངས། |
| ཡུལ་གསུམ |
སྣང་ཡུལ་དང༌། ཞེན་ཡུལ། དམིགས་ཡུལ་ཏེ་གསུམ། |
| ཡུལ་གོང |
ས་གནས་སོ་སོར་ཡོད་པའི་དངོས་ཟོག་གི་རིན་ཐང༌། |
| ཡུལ་གོམས་གཤིས་ལུགས |
ཡུལ་ལུང་སོ་སོར་སྔར་ནས་དར་ཞིང་ཆགས་པའི་ལུགས་སྲོལ། |
| ཡུལ་གྱི་ཆུ་ཚོད |
རྒྱུ་སྐར་ཉེར་བདུན་རེ་རེའི་ས་ཁྱོན་ཆ་མཉམ་དྲུག་ཅུར་བྱས་པའི་ཆ་གཅིག་ལ་ཡུལ་གྱི་ཆུ་ཚོད་གཅིག་ཅེས་བཏགས། རྒྱུ་སྐར་ཉེར་བདུན་གྱི་སྐར་ཁྱོན་རེ་ལ་ཡུལ་གྱི་ཆུ་ཚོད་ཆིག་སྟོང་དྲུག་བརྒྱ་ཉི་ཤུ་ཐམ་པ། 1620 |
| ཡུལ་གྱི་དགེ་བཅུ |
ཁང་ས་ཞིང་ས་ས་ཡི་དགེ། འཐུང་ཆུ་ཞིང་ཆུ་ཆུ་ཡི་དགེ། གམ་འབྲོག་རྒྱང་འབྲོག་རྩྭ་ཡི་དགེ། ཁང་ཤིང་འབུད་ཤིང་ཤིང་གི་དགེ། ཁང་རྡོ་ཐབ་རྡོ་རྡོ་ཡི་དགེ། |
| ཡུལ་གྱི་དབང་རིས |
སྲོང་བཙན་སྒམ་པོའི་སྐབས་བོད་ཀྱི་ས་མི་དང་བཅས་པ་བློན་པོ་ཆེ་ཁག་རྣམས་ལ་བགོ་བཤའ་བརྒྱབ་སྟེ་སྤྲད་པའི་མངའ་ཁོངས་དབྱེ་མཚམས། དབུ་རུ་ཤོད་ཆེན། ཕོ་བྲང་སྣེ་ཆེ། ཡར་ཀླུངས། འཆིང་ང། བྱ་འུག་བྲད་དང་ཞོང་པ། བྲག་རུམ་སྟོད་སྨད། གཙང་སྟོད་སྨད། ཀླུང་ཤོད་ནམ་པོ། འཕན་ཡུལ། ཉང་རོ་གྲམ་པ། ཤངས་དང་གླེ་ཕྱི། ཡུང་བ་ཆེ་ཆུང༌། ཞ་ག་སྡེ་གསུམ། ནམ་ར། ཆག་གོང༌། འདམ་ཤོད་དཀར་མོ། མདོ་ཁམས་བཅས་བཅོ་བརྒྱད། |
| ཡུལ་གྱི་བསྐལ་དོན |
བསྐལ་དོན་གསུམ་གྱི་ནང་གསེས། ཡུལ་ཐག་རིང་པོས་བར་དུ་ཆོད་པས་རྟོགས་མི་ཐུབ་པ། དཔེར་ན། བྱང་སྒྲ་མི་སྙན་གྱི་འབྲས་སཱ་ལུ་ལྟ་བུའོ། |
| ཡུལ་གྱི་ཚུགས་པ |
ཤོ་གམ་པའམ་སྒོ་ཁྲལ་སྡུད་མཁན། |
| ཡུལ་གྱི་འོད་གསལ |
འདུས་མ་བྱས་ཆོས་སྐུ། |
| ཡུལ་གྱི་རྟག་ལོངས |
གཟའ་སོ་སོས་རྒྱུ་སྐར་གྱི་ཡུལ་ལ་སྤྱོད་སའི་ཡུན་ཚད། |
| ཡུལ་གྱིས་བསྐལ་པ |
ཕན་ཚུན་རྒྱང་ཐག་རིང་པོར་གནས་པ།.. |
| ཡུལ་གྲུ |
ལུང་པ། ཡུལ་གྲུ་སོ་སོའི་སྐད་མི་འདྲ་བ། |
| ཡུལ་གྲོང |
ཡུལ་གྱི་གྲོང་ཁྱིམ། |
| ཡུལ་གླུ |
ལུང་པར་གྲགས་པའི་གླུ་དབྱངས་ཏེ། དམངས་ཁྲོད་ཀྱི་གླུ་གཞས། |
| ཡུལ་ངན |
1 ཡུལ་ལུང་དབུལ་ཕོངས། 2 ཉིན་མོར་ཐལ་ཆར་སོགས་ཀྱིས་མུན་འཐིབས་པའི་གནམ་གཤིས། དེ་རིང་ཡུལ་ངན་བསྟན་པས་ཕྱི་རོལ་ཏུ་འགྲོ་ཐུབ་མ་སོང༌། 3 མུ་གེ། ཡུལ་ངན་ཆེན་པོ་བྱུང་བས་བཟའ་འབྲུ་ཆད་པ། |
| ཡུལ་ངན་འབོད |
མངོན བྱ་སྐྱུང་ཀ། |
| ཡུལ་ངེས་ལྔ |
སེམས་བྱུང་ང་གཅིག་གི་ནང་གསེས། ཡུལ་ངེས་བྱེད་ཀྱི་ཤེས་པ་ལྔ་འདུན་པ་དང༌། མོས་པ་དང༌། དྲན་པ་དང༌། ཏིང་འཛིན་དང༌། ཤེས་རབ་རྣམས་སོ། |
| ཡུལ་ཅང་ཅང |
སྟོང་ཧང་ཧང་ངམ་སྐྱོ་ལྷང་ལྷང༌། མི་ནོར་གང་ཡང་མེད་སར་ཡུལ་ཅང་ཅང་ཞིག་ཡོང་གི་འདུག |
| ཡུལ་ཅན |
རང་ཡུལ་ལ་འཇུག་པའི་ཆོས་ཏེ། རང་ཡུལ་ཅི་རིགས་དང་ལྡན་པའི་དངོས་པོ། རྗོད་བྱེད་ཀྱི་སྒྲ་དང༌། བློ་དང༌། དབང་པོ། གང་ཟག་རྣམས་སོ། |
| ཡུལ་ཅན་གསུམ |
རྗོད་བྱེད་ཀྱི་སྒྲ་དང་དབང་པོ་གཟུགས་ཅན་པ་ལྟ་བུ་གཟུགས་སུ་གྱུར་པའི་ཡུལ་ཅན་དང༌། སེམས་དང་སེམས་བྱུང་ལྟ་བུ་ཤེས་པར་གྱུར་པའི་ཡུལ་ཅན་དང༌། གང་ཟག་ལྟ་བུ་ལྡན་མིན་འདུ་བྱེད་དུ་གྱུར་པའི་ཡུལ་ཅན་ཏེ་གསུམ་མོ། |
| ཡུལ་ཅན་གྱི་འོད་གསལ |
བདེ་བ་ཆེན་པོའི་ཡེ་ཤེས་ཀྱི་སྐུ། |
| ཡུལ་ཅན་དབང་པོ་ལྔ |
ཡུལ་ལྔ་འཛིན་པར་བྱེད་པའམ། ཡུལ་ལྔར་འཇུག་པར་བྱེད་པའི་རྟེན་གྱི་དབང་པོ་ལྔ་མིག་དང༌། རྣ་བ། སྣ། ལྕེ། ལུས་ཀྱི་དབང་པོའོ། |
| ཡུལ་ཅན་མི་བསླུ་བ |
ཡུལ་མི་བསླུ་བ་དེ་བློས་ཡིད་དཔྱོད་ཙམ་མིན་པར་ཚད་མས་ངེས་པའི་ཤེས་པ་དང༌། དེ་ལྟར་རྟོགས་པའི་གང་ཟག་དང༌། མ་འཁྲུལ་བའི་དབང་པོ་རྣམས་སོ། |
| ཡུལ་ཆོས |
མི་རིགས་འདུས་སྡོད་ས་ཁུལ་དུ་དར་བའི་གོམས་འདྲིས་དང་ལུགས་སྲོལ་གྱི་མིང་། |
| ཡུལ་ཉེར་བཞིའི་རྩ |
ལུས་ཀྱི་གནས་ཉི་ཤུ་རྩ་བཞིའི་རྩ་མིང་མི་འདྲ་བ། |
| ཡུལ་ཐང |
ཡུལ་ལུང་སོ་སོའི་དངོས་ཟོག་གི་རིན་ཐང༌། |
| ཡུལ་ཐབས |
ཡུལ་སྲོལ་གྱི་ཐབས་ཤེས། |
| ཡུལ་དཔོན |
ཡུལ་གྱི་དཔོན་པོ། |
| ཡུལ་དབུས |
1 ཡུལ་གང་རུང་གི་མཐའ་མིན་དབུས། 2 བོད་ཀྱི་ལྷ་སའི་ཕྱོགས་སམ་དབུས་ཆུའི་རྒྱུད་ཀྱི་ས་གནས། 3 རྒྱ་གར་རྡོ་རྗེ་གདན། |
| ཡུལ་དབུས་སུ་སྐྱེས |
མངོན 1 པི་པི་ལིང༌། 2 སྔར་རྒྱ་གར་མ་ག་དྷར་སྐྱེས་པའི་མི། |
| ཡུལ་དུས |
ས་ཡུལ་དང་དུས་སྐབས། |
| ཡུལ་དུས་རང་བཞིན་མ་འདྲེས་པ |
གཞི་གཅིག་ལ་གནས་དང་དུས་ངོ་བོ་བཅས་ལྡོག་པའི་ཁྱད་པར་སོ་སོར་ཡོད་པ། དཔེར་ན་ཡུལ་བུམ་པ་ལྟ་བུ་ཤར་ནུབ་གཉིས་ཀ་ན་ཡོད་ཀྱང་ཤར་ལ་ཡོད་པའི་ཆ་དེ་ནི་ནུབ་ལ་ཡོད་པ་མིན་ལ་ནུབ་ལ་ཡོད་པའི་ཆ་དེ་ཤར་ལ་ཡོད་པ་མ་ཡིན་པ་ནི་ཡུལ་མ་འདྲེས་པའི་དོན་དང༌། བུམ་པ་དེ་སྔ་དྲོ་ཕྱི་དྲོ་གཉིས་ཀ་ན་ཡོད་ཀྱང་བུམ་པ་སྔ་དྲོ་ཡོད་པའི་ཆ་དེ་ཉིད་ཕྱི་དྲོ་ཡོད་པ་མ་ཡིན་པ་ནི་དུས་མ་འདྲེས་པའི་དོན་དང༌། བུམ་པ་དེ་གསེར་བུམ་ཟངས་བུམ་གཉིས་ཀ་ལ་རྗེས་སུ་སོང་བ་ཡིན་ཀྱང་གསེར་བུམ་ལ་རྗེས་སུ་སོང་བའི་ཆ་དེ་ཉིད་ཟངས་བུམ་ལ་རྗེས་སུ་སོང་བ་མ་ཡིན་པ་དང་ཟངས་བུམ་ལ་རྗེས་སུ་སོང་བའི་ཆ་དེ་ཉིད་གསེར་བུམ་ལ་རྗེས་སུ་སོང་བ་མ་ཡིན་པ་ནི་རང་བཞིན་མ་འདྲེས་པའི་དོན་ཡིན། |
| ཡུལ་དུས་སྐྱ་ཕམ |
ཡུལ་འགའ་ཞིག་ལ་ལོ་ཉེས་བྱུང་བའི་དུས། |
| ཡུལ་དྲུག |
གཟུགས་སྒྲ་དྲི་རོ་རེག་བྱ་ཆོས་ཏེ་དྲུག |
| ཡུལ་པ |
1 ཞིང་ལས་བྱར་རུང་བའི་ས་ཆར་གཞིས་ཆགས་པའི་མི། 2 བྱེས་པ་དང་ཡུལ་པ་གཉིས་སུ་ཕྱེ་བའི་ཡུལ་པ། |
| ཡུལ་པོ |
སེམས་སྟོང་ལྷང་ལྷང༌། ཚོགས་སྤྱི་དང་བྲལ་ན་མི་གཅིག་པུར་འཚོ་བ་ཧ་ཅང་ཡུལ་པོ་ཡོང༌། |
| ཡུལ་ཕག |
གྲོང་ནང་དུ་སྡོད་པའི་ཕག་པ། མིང་གི་རྣམ་གྲངས་ལ་གྲོང་པའི་ཕག་པ་དང༌། བཤང་བ་ཟའོ། |
| ཡུལ་ཕྱོགས |
1 རང་རང་སྡོད་གནས་སམ་ལྷོ་བྱང་ཤར་ནུབ་ཀྱི་ཡུལ་ཕྱོགས། 2 ཕ་ཡུལ། ཡུལ་ཕྱོགས་གཅིག་པ། |
| ཡུལ་ཕྲ་བ |
དངོས་པོ་ཕྲ་ཞིབ། |
| ཡུལ་བཀོད |
ཡུལ་ལྗོངས་ཀྱི་ཆགས་དབྱིབས། |
| ཡུལ་བདག |
ཡུལ་ལྷ་ཁྱིམ་ཚང་དང༌། སྡེ་བ་སོགས་ཀྱིས་སྲུང་མར་བསྟེན་པའི་གཞི་བདག |
| ཡུལ་བབས |
ལུང་པའི་གནས་བབས། ཡུལ་བབས་དང་བསྟུན་པ། ཡུལ་བབས་ཀྱི་རོགས་རམ། |
| ཡུལ་བཟང |
རྩྭ་ཆུ་ཤིང་གསུམ་སོགས་འཛོམས་པའི་ས་གནས་སྐྱིད་པོ། |
| ཡུལ་བལ |
ཞིང་པའི་ལུག་ལས་ཐོན་པའི་བལ།.. |
| ཡུལ་བཤད་པ |
རང་བདེན་ཚུལ་དང་ཡིན་ཚུལ་བཤད་པའི་དོན། |
| ཡུལ་མཐའ་འཁོབ |
1 འཁོར་བཞི་མ་ཚང་བའི་ས་ཆ། 2 སྲོལ་བཟང་ངམ་ཆོས་ལུགས་མ་དར་བའི་ལུང་པ། |
| ཡུལ་མི |
1 ལུང་པ་དེར་སྐྱེས་པའི་མི། ཡུལ་མིའི་སྐད། 2 ལུང་པ་དེར་གཞིས་ཆགས་པའི་མི། ཡུལ་མི་ལས་པ། ཡུལ་དམག |
| ཡུལ་མི་བསླུ་བ |
རང་འཛིན་གྱི་བློས་ཇི་ལྟར་བཟུང་བ་ལྟར་དོན་དུ་ཡོད་པ། དཔེར་ན་བུམ་པ་དང་བུམ་པས་ཆུ་སྐྱོར་བ་ལྟ་བུ་དོན་རང་མཚན་དུ་གྲུབ་པའོ། |
| ཡུལ་མེད |
1 ཤུལ་མེད་དང༌། གཏན་ནས་མེད་པ། 2 གནས་སམ་གོ་སྐབས་མེད་པ། |
| ཡུལ་མོ་ངན |
ས་གཤིས་ཞན་པ་སོགས་ཀྱི་ཡུལ་སྐྱོ་པོ། ཕུ་དབྲག་ཡུལ་མོ་ངན་རྣམས་ཞིང་ལས་ཐོན་ཚད་དམའ། |
| ཡུལ་ཚོ |
གྲོང་ཚོ། |
| ཡུལ་ཟོག |
ཡུལ་རྫས་དང་དོན་གཅིག་ |
| ཡུལ་འཁོར |
1 གྲོང་འབུམ་ཕྲག་ཡོད་པའི་ས་གནས། ཤེས་རབ་མེད་ན་བྱམས་པ་ཙམ་གྱིས་ཡུལ་འཁོར་སྐྱོང་མི་ནུས། 2 ས་ཆའམ་ལུང་པ། ཡུལ་འཁོར་གཞན་གྱི་སྐྱེ་བོ་ཡང༌། གང་འཚམ་ཐབས་ཀྱིས་བསྐྱང་བར་བྱ། |
| ཡུལ་འཁོར་དབང་པོ |
རྒྱལ་ཕྲན་གྱི་བདག་པོ། |
| ཡུལ་འཁོར་འཛིན |
མངོན 1 ངང་པའི་རྒྱལ་པོ། 2 ཀླུ་རྒྱལ་ཞིག |
| ཡུལ་འཁོར་སྐྱོང |
1 རྒྱལ་པོ། 2 སངས་རྒྱས་བཞུགས་དུས་ཀྱི་འཕགས་པ་ཞིག |
| ཡུལ་འཁོར་སྐྱོང་གིས་ཞུས་པ |
མདོ་སྡེ་བམ་པོ་གསུམ་དང་ལེའུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་སོགས་དང་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པའོ། |
| ཡུལ་འཁོར་སྲུང |
ཌྷྲྀཏརཥྚཿ རྒྱལ་ཆེན་རིགས་བཞིའི་ནང་གསེས་ཤིག་སྟེ་རི་རབ་ཀྱི་བང་རིམ་བཞི་པའི་ཤར་ཕྱོགས་སྐྱོང་བའི་རྒྱལ་ཆེན་ཞིག |
| ཡུལ་འགུགས་ཁུངས་འཇུག |
སྔར་མི་རྩ་གཞན་འཁྱར་རང་ཡུལ་དུ་བཀུག་སྟེ་ཁྲལ་ཁུངས་སུ་འཇུག་པ། |
| ཡུལ་འཛིན |
1 ཡུལ་ཅན་གྱིས་ཡུལ་འཛིན། 2 ཡུལ་འཁོར་སྲུང་བ། 3 ངང་པའམ་ངང་པའི་རྒྱལ་པོ། |
| ཡུལ་ཡུལ་པོ |
1 ངོ་ཚ་བའམ་མཚེར་མཚེར་པོའམ་ཞུམ་ཞུམ་པོ། རྩོད་ལན་མ་ཐེབས་པས་ཡུལ་ཡུལ་པོར་གྱུར། 2 གང་ལ་གཅེས་པ་དེ་དང་བྲལ་བས་སེམས་འཕྲེང་འཕྲེང་པོར་གྱུར་པ། མཁོ་གནད་ཆེ་བའི་ཡོ་བྱད་དེ་བརླག་སོང་བས་སེམས་ཡུལ་ཡུལ་པོ་བྱེད་པ། |
| ཡུལ་ཡོངས་སུ་གཅོད་པ |
ཡུལ་གཞལ་བ། |
| ཡུལ་རགས་པ |
དངོས་པོ་རགས་པ། |
| ཡུལ་རྟ |
ལུང་པ་སོ་སོ་རང་གི་ས་གནས་སུ་སྐྱེས་པའི་རྟ། |
| ཡུལ་རྨུས |
གནམ་གཤིས་ངན་པ། |
| ཡུལ་རྫས |
རང་ཡུལ་ནས་ཐོན་པའི་དངོས་རྫས། |
| ཡུལ་ལ་ཐོགས་པ |
མིག་གིས་སྔོན་པོ་ལྟ་བུ་གཅིག་ཡུལ་དུ་བྱས་པ་ན་དེ་ལ་ཐོགས་ནས་ཆོས་གཞན་ཡུལ་དུ་བྱེད་པ་ལ་གེགས་བྱེད་པའོ། |
| ཡུལ་ལ་བསྙོན་པ |
བསྙོན་དོར་གྱི་རྒྱན་གྱི་ནང་གསེས་ཤིག་དབང་ཡུལ་སོ་སོའི་རང་གི་བྱེད་ལས་དངོས་ལ་བསྙོན་ནས་དེ་མིན་བྱེད་ལས་གཞན་ཞིག་སྟོན་པའི་རྒྱན། |
| ཡུལ་ལག |
ཡུལ་ཆུང་ངུ། |
| ཡུལ་ལུ་ལུ་རྒྱུ་བ |
རྙིང འཕྲལ་འཕྲལ་དུ་འགྲོ་བ། |
| ཡུལ་ལུགས |
ཡུལ་རང་རང་གི་གོམས་སྲོལ། |
| ཡུལ་ལུང |
ལུང་པའམ་ཡུལ་གྲུ། |
| ཡུལ་ལྔ |
གཟུགས་སྒྲ་དྲི་རོ་རེག་བྱ་སྟེ་ལྔ། |
| ཡུལ་ལྔ་འབབ་པའི་རྩ |
སྙིང་ཁའི་རྩ་འདབས་ཤིག |
| ཡུལ་ལྗོངས |
1ས་ཁོངས་ཀྱི་མིང་། 2ས་ཁོངས་ཀྱི་དགེ་མཚན་གྱི་མིང་། １གང་ལ་བྱ་བ་བྱེད་པའི་གཞིའི་མིང་མཐར་ཐུག་གི་དམིགས་ཡུལ། སློབ་གསོ་གཏོང་ཡུལ། དྲིལ་བསྒྲགས་བྱ་ཡུལ། སྒྲ་ནི་རྣ་བའི་ཡུལ་ཡིན་ཞེས་པ་ལྟ་བུ། ２མིའི་བློ་དང་དབང་བོས་ཚོར་བའི་ཁོངས་ཀྱི་མིང་རྣ་བའི་ཡུལ་དུ་སྒྲ་སྙན་པོ་ཞིག་གྲགས། སེམས་ཡུལ་དུ་དོན་ཚན་ཞིག་ཤར། མིག་ཡུལ་དུ་རི་མོ་ཞིག་སྣང་ལྟ་བུ། |
| ཡུལ་ལྷ |
ཡུལ་སོ་སོར་གནས་པའི་ལྷ། |
| ཡུལ་སོ་གཉིས་ཀྱི་རྩ |
བྱང་ཆུབ་སེམས་རྩ་སུམ་ཅུ་སོ་གཉིས། |
| ཡུལ་སྐད |
སྐད་རིགས་གཅིག་གི་ནང་གསེས་ལ་ས་ཆ་མི་འདྲ་བས་དབྱེ་བའི་སྐད་ཆ་ཨ་མདོའི་ཡུལ་སྐད། ལྷ་སའི་ཡུལ་སྐད་ཅེས་པ་ལྟ་བུ། |
| ཡུལ་སྐབས |
ཡུལ་དང་སྐབས་ཏེ། གནས་དང་དུས། |
| ཡུལ་སྐོར |
ཡུལ་ལུང་ཉུལ་བ། ཡུལ་སྐོར་བརྗེད་ཐོ། |
| ཡུལ་སྐྱོང |
རྒྱལ་པོའི་དོན་དུ་གོ་བའི་ཡུལ་འཁོར་སྐྱོང་གི་བསྡུས་ཚིག་ |
| ཡུལ་སྡུད་པ |
རྣམ་དབྱེ་ལྔ་པའི་ནང་གསེས། ལྷ་ས་ནས་བེ་ཅིན་བར། |
| ཡུལ་སྡེ |
1 ལུང་པའི་མི་གྲོང༌། 2 ལུང་པ་སོ་སོའི་སྡེ་བའམ་ཚོ་བ། ཡུལ་སྡེ་འཁྱོམས་པ། |
| ཡུལ་སྲུང |
ཡུལ་སྲུང་བ་པོ། |
| ཡུལ་སྲོལ |
ཡུལ་ལུང་སོ་སོར་དར་བའི་ལམ་ལུགས། |
| ཡུས |
བྱས་དྲིན་ནམ་བདེན་པ། ལྟོ་ཡུས་འདྲེན་པ། བྱས་ཡུས་ཧམ་ཆེ་བཤད་པ། ཧམ་ཡུས་ཤོད་པ། སྡུག་ཡུས་ཤོད་པ། ཡུས་ཀྱིས་བརྣངས་པ། གཞན་ལ་ཕན་མ་བཏགས་པར་ཡུས་བྱེད་པ། ང་བདེན་ང་ཡུས། བདེན་ཡུས་ཤོད་པ། ཆོས་འདོད་ན་ཡུས་མ་ཆེ་བར་མཁར་ལས་ཀྱི་འཕྲོ་གྱིས། སྡིག་པོ་ཆེ་ཡིན་པའི་ཡུས་ང་ལ་མི་འགྲོ། བླ་མ་ལ་གཟིགས་ཕུལ་རུང་བཀྱོན་པ་ལས་མི་འོང༌། ཡུམ་ལ་གཟིགས་ཕུལ་རུང་ལས་ཡུས་སུ་འགྲོ་བར་འདུག ཇི་ལྟར་གསུངས་པ་དེ་དེ་བཞིན་དུ་ཐུགས་ཡུས་ལགས། བྱས་རྗེས་ཡུས་པ། བྱས་ཡུས་རང་ཁེངས། དྲིན་གྱིས་བསྐྱངས་ཞེས་ཡུས་བཤད་པ། གནམ་ལ་ཡུས་ཤོད་པ་དང་མི་ལ་ཁ་གཏོང་བ། ལས་ལ་བྱས་ཡུས་ཆེ་ན་ངོ་སོ་ཆུང༌། |
| ཡུས་བཤད་པ |
1 རང་བདེན་ཚུལ་བརྗོད་པ། 2 ངོ་སོ་བཏང་བ། |
| ཡུས་ཧྲུའུ་བོད་རིགས་རང་སྐྱོང་ཁུལ |
མཚོ་སྔོན་ཞིང་ཆེན་ཁོངས་ཀྱི་ལྷོ་ནུབ་རྒྱུད་དུ་ཡོད། 1952 ལོའི་ཟླ་2 ཚེས་12 ཉིན་རང་སྐྱོང་ས་ཁོངས་བཙུགས་ཤིང༌། 1955 ལོར་རང་སྐྱོང་ཁུལ་དུ་བསྒྱུར། དེའི་ཁོངས་སུ་ནང་ཆེན་དང༌། ཆུ་དམར་ལེབ། ཡུས་ཧྲུའུ། ཁྲི་འདུ། རྫ་སྟོད། འབྲི་སྟོད་བཅས་རྫོང་དྲུག་ཡོད། རང་སྐྱོང་ཁུལ་མི་དམངས་སྲིད་གཞུང་དེ་ཡུས་ཧྲུའུ་རྫོང་ཁོངས་ཀྱི་སྐྱེ་རྒུར་ཡོད། |
| ཡེ |
1 ཐོག་མ་དང༌། གདོད་མ། རྩ་བ། ཡེ་ནས་བཟང་པོ། ཡེ་ནས་མེད་པ། ཡེ་ནས་དག་པ། ཡེ་ནས་ཡོད་པའི་ཡོན་ཏན། ཡེ་ནས་ལྷུན་གྱིས་གྲུབ་པ། 2 གཏན་དང༌། ནམ་རྒྱུན། ཡེ་མི་བྱེད་པ། ཡེ་མིག་མི་ཡེངས་པ། 3 ངེས་པར་དང༌། མཐའ་གཅིག ཡོངས་ཡེ། ཡོད་ཡེ། ཡེ་མི་ཡོང་བ། |
| ཡེ་གཤེན |
སངས་རྒྱས་ཏེ་བོན་ལུགས་ཀྱི་ཐ་སྙད་ཅིག |
| ཡེ་གཤེན་བཀོད་པ་དོན་གྱི་འབུམ |
བོན་གྱི་སྤྱོད་པའི་སྐོར་གྱི་གཞུང་ལུགས་ཤིག |
| ཡེ་གྲོལ |
གྲོལ་ལུགས་ཆེན་པོ་བཞིའི་ནང་གསེས། རང་བྱུང་གི་རིག་པ་དེ་ཉིད་ཐོག་མ་མེད་པ་ནས་རང་ངོ་ལ་འཁོར་བའི་ཆོས་གང་གིས་ཀྱང་མ་གོས་པས་སྲིད་པའི་ཉེར་ལེན་གྱི་རྒྱུ་ཟད་པས་ཡེ་གྲོལ་ཞེས་བྱའོ། |
| ཡེ་ཆུ |
བོད་རང་སྐྱོང་ལྗོངས་ཀྱི་སྦྲ་ཆེན་རྫོང་ཁོངས་ཡེ་ཐ་ཁུལ་དུ་འབབ་པའི་ཆུ་བོ་ཞིག་དང་སོག་ཆུའི་ཡན་ལག་ཅིག |
| ཡེ་ཐིག |
དཀྱིལ་འཁོར་གྱི་སྟེང་གི་བར་སྣང་ལ་བཏེགས་པའི་ཡེ་ཤེས་ཀྱི་ཐིག་ཐིག་སྐུད་ཀྱི་རྒྱུ་དང་གྲངས་དང་ཁ་དོག་དང་བྱིན་རླབས་དང་སྡོད་པ་དང་རྐང་སྟབས་དང་སྐོར་ཕྱོགས་ལ་སོགས་པའི་ཁྱད་པར་ཆོ་གའི་ཚུལ་བཞིན་གདབ་པའོ། |
| ཡེ་ནས |
ཐོག་མ་ནས། ཡེ་ནས་མ་བཅོས་མཛེས་སྡུག་ལྷ་མོའི་གཟུགས། |
| ཡེ་བཟང་རྩེ་བ |
འགོས་ལོ་གཞོན་ནུ་དཔལ་གྱི་མཚན་གཞན་ཞིག |
| ཡེ་མཁྱེན |
1 ཐོག་མ་ནས་ཤེས་པ། 2 བོན་གྱི་ལྷ་ཞིག 3 མངོན སྐར་རྩིས་མཁན། |
| ཡེ་མི་བྲ་བ |
གཏན་ནས་མི་ཕོད་པ། |
| ཡེ་འདྲོག |
ལེགས་ལམ་ལ་བར་དུ་གཅོད་ཅིང་མི་འདོད་པ་ལ་སྦྱོར་བར་བྱེད་པའི་མི་མ་ཡིན་ཞིག |
| ཡེ་འབྱམས |
རྙིང སྟོང་ཉིད། |
| ཡེ་འབྲོག |
ཡེ་འདྲོག་གི་འབྲི་ཚུལ་གཞན་ཞིག་ |
| ཡེ་རང |
བལ་ཡུལ་ལམ་ནེ་པ་ལའི་གྲོང་ཁྱེར་རྙིང་པ་ཞིག |
| ཡེ་རེ |
ཐེངས་གཅིག་གམ་ཚར་གཅིག ལུང་པ་དེར་ཡེ་རེ་ལས་འགྲོ་མ་མྱོང༌། |
| ཡེ་རེ་བུད |
མང་པོའི་ནང་ན་ལྷང་ངེར་མངོན་ཚུལ་ལམ་གསལ་ཚུལ་ཞིག དཔའ་བོ་མི་བརྒྱའི་ནང་ནས་ཡེ་རེ་བུད། |
| ཡེ་རེ་རེ |
(རྒྱན་ཚིག) དངོས་གཟུགས་ཆེན་པོ་གཡོ་འགུལ་བྱེད་པའི་རྣམ་པ་མེ་འཁོར་སོང་ན་ས་གཞི་ཡེ་རེ་རེ་བྱེད་ལྟ་བུ། |
| ཡེ་རེ་ལྷོད་དེ |
མངོན་གསལ་ཆེ་ཞིང་བྲེལ་བ་མེད་པའི་རྣམ་འགྱུར། ཆིབས་གྲལ་བསྟར་ལ་བསྒྲིགས་ཏེ་ཡེ་རེ་ལྷོད་དེ་བག་ཕེབས་བརྗིད་ཆགས་པར་བཞུད་དོ། |
| ཡེ་རྒྱ |
ཡེ་ཤེས་ཀྱི་ཕྱག་རྒྱ་ཟབ་གསལ་གཉིས་མེད་ཀྱི་ཡེ་ཤེས། |
| ཡེ་རྫོགས |
ཐོག་མ་ནས་འབད་རྩོལ་ལ་ལྟོས་མ་དགོས་པར་ཚང་བ། |
| ཡེ་ཤེས |
1 ཡེ་ནས་གནས་པའི་ཤེས་པ་སྟེ་སེམས་ཅན་ཐམས་ཅད་ཀྱི་རྒྱུད་ལ་རང་བཞིན་གྱིས་གནས་པའི་སྟོང་གསལ་གྱི་རིག་པ། 2 འཕགས་པའི་མཁྱེན་པ། |
| ཡེ་ཤེས་ཀྱི་ཐིག་ལེ |
སྙིང་དབུས་མི་ཤིག་པའི་ཐིག་ལེ། |
| ཡེ་ཤེས་ཀྱི་ཕ་རོལ་ཏུ་ཕྱིན་པ |
ཕར་ཕྱིན་བཅུའི་ཡ་གྱལ་ཞིག་ཆོས་རྣམས་ཀྱི་མཚན་ཉིད་སྟོང་པར་ཐུགས་སུ་ཆུད་པའོ། |
| ཡེ་ཤེས་ཀྱི་ཕྱག་རྒྱ |
ཡེ་རྒྱ་དང་དོན་གཅིག་ |
| ཡེ་ཤེས་ཀྱི་མཁའ་འགྲོ་མ |
ཡེ་ཤེས་མཁའ་འགྲོ་དང་དོན་གཅིག་ |
| ཡེ་ཤེས་ཀྱི་ཚོགས |
ཚོགས་གཉིས་ཀྱི་ཡ་གྱལ། དམིགས་པ་མེད་པའི་ཡེ་ཤེས་ཀྱི་ཚོགས་ཏེ་སྟོང་ཉིད་བྱང་ཆུབ་སེམས་ཀྱི་རྩིས་ཟིན་པའི་འབྲས་བུ་ཡེ་ཤེས་ཆོས་སྐུ་ཐོབ་པར་བྱེད་པའི་ཟག་མེད་ཀྱི་དགེ་བའི་ཚོགས། |
| ཡེ་ཤེས་ཀྱི་རྡོར་དྲིལ |
ནང་གི་ཐབས་ཤེས་སམ་བདེ་སྟོང་དང༌། དེ་མཚོན་བྱེད་ཀྱི་རྡོ་རྗེ་རྭ་དགུ་དང་དྲིལ་བུ། |
| ཡེ་ཤེས་ཀྱི་རླུང |
དབུས་ནས་མཉམ་དུ་རྒྱུ་བའི་རླུང་དྲུག་བརྒྱ་དང་བདུན་ཅུ་རྩ་ལྔ་ནི་སྒྲ་གཅན་ལྟར་སྟོབས་དང་ལྡན་པས་སྒྲ་གཅན་གྱི་ཁམས་དང༌། ནམ་མཁའ་ལྟར་གོ་འབྱེད་པས་ནམ་མཁའི་རླུང་ཐབས་ཤེས་གཉིས་སུ་མེད་པའི་རང་བཞིན་ཐུགས་རྡོ་རྗེའི་ངོ་བོ་ཉིད་དོ། |
| ཡེ་ཤེས་ཀྱི་སྣང་བ |
སྐུ་དང་ཞིང་ཁམས་སོགས་དག་པའི་སྣང་བའོ། |
| ཡེ་ཤེས་ཀྱི་སྤྱན |
ཇི་ལྟ་ཇི་སྙེད་ཀྱི་ཆོས་ཐམས་ཅད་རྣམ་པ་ཐམས་ཅད་དུ་མངོན་དུ་ཕྱོགས་པར་བྱང་ཆུབ་པ་སྟེ་རྟོགས་པའི་ཡེ་ཤེས། |
| ཡེ་ཤེས་ཁོང་དུ་ཆུད་པའི་ལེའུ་གསུམ |
དགྲ་བཅོམ་པའི་ལེའུ་དང་ཕྱིར་མི་འོང་བའི་ལེའུ། རྒྱུན་ཞུགས་ཀྱི་ལེའུ་བཅས་སོ། |
| ཡེ་ཤེས་གཉིས |
མཉམ་བཞག་གི་ཡེ་ཤེས་དང་རྗེས་ཐོབ་ཀྱི་ཡེ་ཤེས་གཉིས། |
| ཡེ་ཤེས་གཙུག་ཕུད |
བོན་སྟོན་པ་གཤེན་རབས་ཀྱི་སློབ་མ་ཞིག |
| ཡེ་ཤེས་ཆོས་སྐུ |
སངས་རྒྱས་ཀྱི་སྐུའི་བྱེ་བྲག་ཅིག་སྟེ་སངས་རྒྱས་ཀྱི་སའི་གནས་ཡོངས་སུ་གྱུར་པའི་མཐར་ཐུག་པའི་ཡེ་ཤེས་གང་ཞིག་ཟག་མེད་ཡེ་ཤེས་སྡེ་ཚན་ཉེར་གཅིག་གི་རྟེན་དུ་གྱུར་པ་ཇི་ལྟ་ཇི་སྙེད་ཀྱི་ཤེས་བྱའི་རྣམ་པ་ཐམས་ཅད་པ་འདྲེས་པར་མཁྱེན་པའི་ཡེ་ཤེས། |
| ཡེ་ཤེས་དག་པ |
དག་པ་བཞིའི་ནང་གསེས། ཤེས་བྱའི་ཆོས་ཀུན་ལ་ཆགས་ཐོགས་མི་མངའ་བར་མཁྱེན་པའོ། |
| ཡེ་ཤེས་དབབ་པ |
ནང་འཇུག་གི་བྱེ་བྲག་ཅིག་སློབ་མའི་རྒྱུད་ལས་རུང་དུ་དངོས་སུ་སྨིན་ཕྱིར་མ་དག་པའི་སྣོད་བཅུད་རྣམས་མི་དམིགས་པར་སྦྱངས་ནས་དག་པ་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པར་གསལ་བའི་གནས་གསུམ་ལས་འོད་ཟེར་འཕྲོས་པས་རང་བཞིན་གྱི་གནས་ནས་ཡེ་ཤེས་པ་སྤྱན་དྲངས་ཏེ་རང་ལ་བསྟིམས་པས་དམ་ཡེ་དབྱེར་མེད་དུ་རྒྱས་འདེབས་པའོ། |
| ཡེ་ཤེས་པ |
1 མདུན་དུ་བསྐྱེད་ཅིང་བསྒོམ་པའི་ལྷ་ཡེ་ཤེས་སེམས་དཔའ། 2 གདོད་ནས་གྲུབ་པའི་ལྷ་སྤྱན་དྲངས་ནས་བསྟིམས་པའི་འཇིག་རྟེན་ལས་འདས་པའི་ལྷ། |
| ཡེ་ཤེས་པའི་དཀྱིལ་འཁོར |
ཡེ་ཤེས་རང་སྣང་ལས་གྲུབ་པའི་དཀྱིལ་འཁོར། |
| ཡེ་ཤེས་བཞི |
ཡེ་ཤེས་ལྔའི་ནང་ཆོས་དབྱིངས་ཡེ་ཤེས་ལས་གཞན་པའི་ཡེ་ཤེས་བཞིའོ། |
| ཡེ་ཤེས་མཁའ་འགྲོ |
ཡེ་ཤེས་ཀྱི་མཁའ་འགྲོ་མ་འཇིག་རྟེན་ལས་འདས་པའི་མཁའ་འགྲོ་མའམ། འཕགས་མའམ་རྡོ་རྗེ་རྣལ་འབྱོར་མ། |
| ཡེ་ཤེས་མཆོད་རྟེན |
ཆོས་འཁོར་མཆོད་རྟེན། |
| ཡེ་ཤེས་མེ་ལོང |
མངོན འཇམ་དབྱངས། |
| ཡེ་ཤེས་ཞབས་ལུགས |
འདུས་པ་ལུགས་གཉིས་ཀྱི་ནང་གསེས་ཤིག་སློབ་དཔོན་སངས་རྒྱས་ཡེ་ཤེས་ཞབས་ནས་བརྒྱུད་པའི་གསང་བ་འདུས་པ།.. |
| ཡེ་ཤེས་འཇུག་པ |
ཡེ་ཤེས་ལ་འཇུག་པ་དང་འདྲ། |
| ཡེ་ཤེས་འབེབས་པའི་སྔགས |
ཡེ་ཤེས་པ་སྤྱན་འདྲེན་པའི་སྔགས། |
| ཡེ་ཤེས་འོད |
གླང་དར་མ་ནས་བརྩིས་པའི་རྒྱལ་བརྒྱུད་ཀྱི་མི་རབས་ལྔ་པ་སྟེ་ཇོ་བོ་རྗེ་བོད་དུ་གདན་འདྲེན་གྱི་གྲབས་གཤོམ་བྱས་པའི་རྐྱེན་ལ་བརྟེན་ནས་གར་ལོག་གིས་བཀྲོང་པའི་སྟོད་མངའ་རིས་ཀྱི་ལྷ་བླ་མའི་མིང༌། |
| ཡེ་ཤེས་རྡོ་རྗེ |
སྙིང་གའི་མི་འཇིག་པའི་ཐིག་ལེ། |
| ཡེ་ཤེས་ལ་དབང་བ |
བྱང་ཆུང༌༈ སེམས་དཔའི་དབང་བཅུའི་ནང་ཚན་ཞིག་དེ་བཞིན་གཤེགས་པའི་སྟོབས་དང༌། མི་འཇིགས་པ་དང༌། སངས་རྒྱས་ཀྱི་ཆོས་མ་འདྲེས་པ་དང༌། མཚན་དང༌། དཔེ་བྱད་བཟང་པོ་དང༌། མངོན་པར་རྫོགས་པར་བྱང་ཆུབ་པ་ཀུན་ཏུ་སྟོན་པའོ། |
| ཡེ་ཤེས་ལ་འཇུག་པ |
བསྟན་བཅོས་ཤིག་མངོན་པ་སྡེ་བདུན་གྱི་ནང་གསེས། འཕགས་པ་ཀ་ཏ་ཡ་ནས་མཛད་པའི་མངོན་པའི་གཞུང༌། |
| ཡེ་ཤེས་ལ་རྟོན་པ |
རྟོན་པ་བཞིའི་ཡ་གྱལ་ཞིག་ཆོས་ཐམས་ཅད་ཀྱི་གནས་ལུགས་དོན་དམ་པར་སྐྱེ་འགག་ལ་སོགས་པའི་སྤྲོས་པའི་མཐའ་ཐམས་ཅད་དང་བྲལ་བར་ཤེས་པ་དང༌། བདག་མེད་པ་གཉིས་ཇི་བཞིན་མཁྱེན་པ་ནི་ཡེ་ཤེས་ཏེ། དེ་ལ་ཡིད་རྟོན་པར་བྱ་བའོ། |
| ཡེ་ཤེས་ལྔ |
མེ་ལོང་ལྟ་བུ་དང༌། མཉམ་ཉིད། སོར་རྟོག་བྱ་གྲུབ། ཆོས་དབྱིབས་ཏེ་ལྔའོ། |
| ཡེ་ཤེས་སེམས་དཔའ |
བསྐྱེད་རིམ་སེམས་དཔའ་སུམ་བརྩེགས་ཀྱི་ནང་གསེས་ཤིག་དམ་ཚིག་པའི་ཐུགས་ཀར་པད་ཉི་ལ་སོགས་པའི་གདན་ལ་དམ་ཚིག་པ་དང་འདྲ་བའི་ལྷ་བསྒོམ་པ་དང༌། དམ་ཚིག་པ་དང་སྐུ་མདོག་ཞལ་ཕྱག་མི་འདྲ་བ་བསྒོམ་པ་དང༌། ས་བོན་ལས་བྱུང་བའི་ཕྱག་མཚན་བསྒོམ་པ་སོགས་སོ། |
| ཡེ་ཤེས་སྐུ |
མངོན འཇམ་དབྱངས། |
| ཡེ་ཤེས་སྒྱུ་མ |
སྒྱུ་ལུས་ཀྱི་ནང་གསེས་ཤིག་དེ་བཞིན་གཤེགས་པ་རྣམས་ཀྱི་གསང་གསུམ་མི་ཟད་རྒྱན་གྱི་འཁོར་ལོ་རྣམས་ནི་ཡེ་ཤེས་ཀྱིས་སྤྲུལ་པའི་སྒྱུ་མའོ། |
| ཡེ་ཤེས་སྙིང་པོ |
སྤྱི་ལོའི་དུས་རབས་བདུན་ནམ་བརྒྱད་ཙམ་ལ་འཁྲུངས་པའི་རྒྱ་གར་གྱི་སློབ་དཔོན་ཞིག་ཡིན་པ་དེས་དབུ་མ་བདེན་གཉིས་མཛད་ཅིང་དབུ་མ་རང་རྒྱུད་པའི་ལུགས་འཛིན་མཁན་ཞིག་ཡིན། |
| ཡེ་སང་དཀར་པོ |
1 བོད་ཀྱི་གནའ་རབས་པའི་རུས་རྒྱུད་ཅིག 2 བོན་པོའི་ལྷ་ཞིག |
| ཡེ་སྟོང |
ཡེ་ནས་སམ་གདོད་མ་ནས་སྟོང་པ། |
| ཡེ་སྨོན་ནག་པོ |
སྔར་བོད་ཀྱི་རིགས་རྒྱུད་ཅིག་གི་མིང༌། |
| ཡེག |
ཡེགས་ཀྱི་འབྲི་ཚུལ་གཞན། |
| ཡེགས |
སྐྲ་སོགས་འཛིངས་པའི་བརྡ་རྙིང་། |
| ཡེགས་པ |
ཟིང་པ། སེང་སེང་པོ། སྐྲ་ཡེགས་པ། |
| ཡེང |
ཡེངས་ཀྱི་འབྲི་ཚུལ་གཞན། |
| ཡེང་ངེ་བ |
སེམས་ཡང་ངེ་ཡེང་ངེ་བ། བློ་ཡེང་ངེ་བ་བྱས་ན་སྟོབས་ཤུགས་གཅིག་ཏུ་སྒྲིལ་མི་ཐུབ། |
| ཡེང་བ |
ཐ་མི་དད་པ ཡེངས་པ། ཡེང་བ།། རིག་པ་སོར་མི་གནས་པར་གཞན་དུ་འཕྲོ་བ། རིག་པ་མི་ཡེང་བ། བློ་གཞན་དུ་ཡེངས་ནས་བལྟས་ཀྱང་མི་མཐོང་བ། ཁ་ཡེངས་མིག་ཡེངས། |
| ཡེང་ཡེང |
སེམས་གཞི་གཅིག་ཏུ་མི་གནས་པར་དབང་མེད་དུ་གཡོ་ཚུལ། དོན་མེད་ཡེང་ཡེང་ངང་ནས་ཉི་མ་འཕུལ། |
| ཡེང་ཡེང་བཏིབ་བཏིབ |
རྙིང སེམས་གཡེང་གཡེང་དང་བརྟབ་བྲེལ་ཆེ་བ། |
| ཡེངས |
(རྒྱན་ཚིག) གཡོ་བའི་རྣམ་པ་ཞིག་བྱ་རྒོད་ཡེངས་ཡེངས་འཕུར། བྱ་སྒྲོ་ཡེངས་ཡེངས་རླུང་གིས་བསྐྱོད་ལྟ་བུ། |
| ཡེངས་པ |
ཡེང་བའི་འདས་པ། |
| ཡེངས་མ་ལམ |
རྣམ་གཡེང་གི་ངང་ཚུལ། ཡེངས་མ་ལམ་དུ་མི་ཚེ་སྟོང་པར་ཟད། |
| ཡེན |
(རྒྱན་ཚིག) བཅུད་མེད་པའི་དོན་ཏེ། ཟས་ཡེན་ལ་གཏད་ན་ལུས་ཁམས་ཉམས་ལྟ་བུ། |
| ཡེན་པ |
གཡེང་བ། གླུ་སྐད་ཡེན་ཞིང་ལམ་དུ་འགྲོ་བ། |
| ཡེའུ |
རྙིང ཡི་མུག |
| ཡེར |
(བྱེད་མེད་ལས་ཚིག) ཡར་འཕར་བའི་དོན་ཏེ། ཆུ་ཟེགས་ཡེར། གྲུ་གུ་ས་ལ་བརྒྱབ་ན་གནམ་ལ་ཡེར་ལྟ་བུ། |
| ཡེར་གྱིས |
མགྱོགས་པོས་སམ། མངོན་གསལ་ཆེན་པོས། གློག་ཞུ་ཡེར་གྱིས་གསལ་བ། དར་དམར་ཡེར་གྱིས་བཏེག་པ། རི་རྩེ་ནས་ཡེར་གྱིས་བྱོན་པ། |
| ཡེར་པ་གསང་སྔགས་གླིང |
ལྷ་སའི་བྱང་ཤར་མཚམས་སུ་ཡེར་པ་ལྷ་རི་སྙིང་པོར་ཡོད་པའི་རི་ཁྲོད་ཅིག་སྔར་ཆོས་རྒྱལ་སྲོང་བཙན་སྒམ་པོའི་བཙུན་མོ་མོང་བཟའ་ཁྲི་ལྕམ་གྱིས་བཏབ་པ་ཞིག་དེ་སྐབས་ཀྱི་རྡོ་རིང་དང་ཅོང་ཆེན་ད་ལྟའི་བར་བཞུགས། བྲག་ཡེར་པའམ་ཟེར། |
| ཡེར་བ |
1. ཐ་དད་པ འདེགས་པ། ལག་པས་ཕོར་པ་བཀྱག་སྟེ་གྱེན་དུ་ཡེར་བ། 2. ཐ་མི་དད་པ 1 དྭངས་པ་དང་སད་པ། རྨི་ལམ་འཚུབ་པོ་བཏང་ནས་གཉིད་ཡེར་བ། 2 སྐྲག་པ། 3 1 མྱུར་བ། གཉིད་ཡེར་ཏེ་སད་པ། ཡེར་ཏེ་ལོག་པ། 2 གཡེར་བ་དང་འདྲ། 2བོད་ཀྱི་ས་ཆ་ཞིག་གི་མིང་། |
| ཡེར་བུ |
རླུང་རིམས་ཤིག་ནད་རྟགས་སུ་གཉིད་ཡེར་ཞིང་ལུས་སྔངས་པ་སོགས་འབྱུང་བ་ཞིག |
| ཡེར་མོ |
ཆུ་རླབས་ཆུང་ངུའམ་ཆུའི་ཟེགས་མའི་མིང་། གཉིད་སངས་པའི་དོན་ཏེ། གཉིད་ཡེར་ལྟ་བུ། |
| ཡེར་ཡེར |
ཡར་འཕར་མར་འགུལ་བྱས་ནས་འགུལ་བའི་རྣམ་པ་མེ་སྒྱོགས་སྒྲ་ཡིས་དགྲ་རྫོང་ཡེར་ཡེར་འགུལ། ས་འགུལ་གྱིས་ས་གཞི་ཡེར་ཡེར་བྱེད་ལྟ་བུ། ཡུལ་སྐད་དུ་ཡ་རེ་ཡེར་རེ་ཞེས་པ་དང་དོན་འདྲ་སེམས་ཡ་རེ་ཡེར་རེ་ཞེས་པ་ལྟ་བུ། |
| ཡེར་ཡེར་བ |
གྱེན་དུ་གཡོ་བའི་རྣམ་པ་ཞིག མེ་སྒྱོགས་སྒྲས་ས་གཞི་ཡེར་ཡེར་དུ་བསྒུལ་སོང༌། |
| ཡེར་རེ |
ལྷང་ངེར་མངོན་པའི་རྣམ་པ་རི་རྩེ་མཐོ་ཡེར་རེ་འདུག སེམས་འཇིགས་ཡེར་རེ། སྟག་ཅིག་མཐོང་ནས་འཇིགས་ཡེར་རེ་སོང་ལྟ་བུ། |
| ཡེར་རེ་སེང་ངེ་བ |
1 རིག་པ་གསལ་ཞིང་དྭངས་པ། གཉིད་སད་དེ་བློ་ཡེར་རེ་སེང་ངེ་བར་གྱུར་སོང༌། 2 ཡང་བ། |
| ཡེལ |
(རྒྱན་ཚིག) ཚད་ཆུང་བའམ་ཡུན་ཐུང་བ་དགའ་སྣང་ཡེལ་ཡེལ་ཙམ་ཞིག་སྐྱེས། སྐྱོ་བ་ཡེལ་ལེ་བ་ཞིག་སྐྱེས་ལྟ་བུ། གཡེལ་གྱི་འབྲི་ཚུལ་གཞན། |
| ཡེལ་པ་བཀའ་བརྒྱུད |
བཀའ་བརྒྱུད་པའི་ནང་གསེས་ཤིག་ཡེལ་པ་གྲུབ་ཐོབ་ཡེ་ཤེས་བརྩེགས་པས་ཡེལ་ཕུག་དང༌། བྱ་རྟ་རྣ་སོགས་ཆག་བཏབ། ཕྱིས་སུ་རྟ་རྣ་ཀཾ་ཚང་གི་ཆོས་བརྒྱུད་ཅེས་སུ་གྲགས། |
| ཡེལ་བ |
གཡེལ་བ་དང་འདྲ། |
| ཡེལ་འཕྱོས |
རྙིང 1 ཟུང་འཇུག 2 སེམས་པ་གནམ་ལ་བཀྱག་པ་ལྟ་བུ། |
| ཡོ |
1. ཀྱོག་ཀྱོག 2. རྙིང ཚང་མའམ་ཐམས་ཅད། |
| ཡོ་ཀྱོག |
འཁྱོག་པོ། རྒྱུག་ཆུ་ཡོ་ཀྱོག ལམ་ཀ་ཡོ་ཀྱོག བསམ་བློ་ཡོ་ཀྱོག |
| ཡོ་ག |
ལེགས རྣལ་འབྱོར། |
| ཡོ་ག་པ |
ལེགས རྣལ་འབྱོར་པ། |
| ཡོ་ག་མ |
ལེགས རྣལ་འབྱོར་མ། |
| ཡོ་གའི་རྒྱུད |
ནང་གི་སྒོམ་པ་གཙོ་བོར་སྟོན་པ་སྟེ་རྣལ་འབྱོར་གྱི་རྒྱུད། |
| ཡོ་གཱི |
ལེགས རྣལ་འབྱོར་པ། |
| ཡོ་གི་ནི |
ལེགས རྣལ་འབྱོར་མ། |
| ཡོ་ཆས |
མཁོ་བའི་ཡོ་བྱད། |
| ཡོ་བ |
1. ཐ་མི་དད་པ ཕྱོགས་སུ་ལྷུང་བ། གཏམ་ཅི་བཤད་ཀྱང་རང་གི་ཉེ་ཕྱོགས་སུ་མི་ཡོ་བ། 2. ཡོན་པོ། ཀ་བ་ཡོ་བ། གཏམ་ཡོ་བ། འགྲོ་ལམ་ཡོ་བ། མགོ་ཡོ་བ། |
| ཡོ་བཏང |
རྙིང ཐམས་ཅད་བློས་བཏང་བའམ་སྟེར་བ། |
| ཡོ་བསྲང |
འཁྱོག་པོ་འདྲོང་པོ་བཟོ་བ། ཡོད་ན་ཡོ་བསྲང་དང་མེད་ན་དོགས་ཟོན་བྱེད་དགོས། སྐྱོན་དང་ནོར་འཁྲུལ་ཡོ་བསྲང་བྱེད་པ། ཡོ་བསྲང་ཐལ་ཆེ་བ། ཡོ་བསྲང་ལེགས་བཅོས། |
| ཡོ་བྱད |
མཁོ་ཆས་ཀྱི་ནོར་རྫས། ཡོ་བྱད་ཀྱིས་མི་དབུལ་བ། ཡོ་བྱད་བསར་བ། ཡོ་བྱད་ལྷག་པ། ཐོན་སྐྱེད་ཡོ་བྱད། ཟས་སྐོམ་ཡོ་བྱད། ཡོ་བྱད་གྱ་ནོམ་པ་བསྟབས་པ། |
| ཡོ་བྱད་དྲུག |
དགེ་སློང་གི་འཚོ་བའི་ཡོ་བྱད་དྲུག་ཆོས་གོས་རྣམ་གསུམ་དང༌། ལྷུང་བཟེད། ཆུ་ཚགས། གདིང་བ་སྟེ་དྲུག |
| ཡོ་བྱད་བཅུ་གསུམ |
དགེ་སློང་གི་འཚོ་བའི་ཡོ་བྱད་བཅུ་གསུམ་སྟེ་སྣམ་སྦྱར་དང༌། བླ་གོས་དང༌། མཐང་གོས་དང༌། ཤམ་ཐབས་དང༌། ཤམ་ཐབས་ཀྱི་གཟན་དང༌། རྔུལ་གཟན་དང༌། རྔུལ་གཟན་གྱི་གཟན་དང༌། གདོང་ཕྱིས་དང༌། རྣག་གཟན་དང༌། གཡན་དགབ་དང༌། སྐྲ་གཟེད་དང༌། གདིང་བ་དང༌། དབྱར་གྱི་གོས་རས་ཆེན་རྣམས་སོ། |
| ཡོ་བྱད་བྱིན་རླབས |
འདུལ་བ་ལས་བཤད་པའི་འཚོ་མཁོ་ལྷག་གསུམ་གྱི་ཡོ་བྱད་རྣམས་འཆང་འཇོག་གི་ལྟུང་བ་སེལ་ཕྱིར་བྱིན་གྱིས་བརླབ་པར་བྱ་བ་ཡོ་བྱད་རྣམས་ལག་ཏུ་ཐོགས་ཏེ། དགེ་སློང་ཞིག་གི་སྤྱན་སྔར་ཡོ་བྱད་གསུམ་པོའི་བྱིན་རླབས་ཀྱི་སྔགས་ཚིག་ལན་གསུམ་བརྗོད་པ་དང༌། དགེ་སློང་གིས་ཐབས་ལེགས་བྱ་བའོ། |
| ཡོ་བྱད་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ། སྐྲ་དང་ཁ་སྤུ་བྲེགས་ཤིང་ཁྲུས་བྱས་པ་ལུས་ཀྱི་བྱི་བྱད་ཀྱི་རྟགས་ཁྱད་པར་འཕགས་པ་དང༌། ཆོས་གོས་རྣམ་གསུམ་མཁན་པོས་བྱིན་གྱིས་བརླབས་ནས་གནང་བ་དེ་ཉིད་རྒྱུན་ཆགས་སུ་འཆང་ཞིང༌། གདིང་བ་མཁན་པོས་གནང་བ་ལྟར་དུ་འཆང་བ་གོས་ཀྱི་རྟགས་ཁྱད་པར་འཕགས་པ་དང༌། རུང་བ་ཚད་ལྡན་གྱི་ལྷུང་བཟེད་དང་ཆུ་ཚགས་མཁན་པོས་གནང་བ་འཆང་བ་སྣོད་སྤྱད་ཀྱི་རྟགས་ཁྱད་པར་འཕགས་པ་སྟེ་ཁྱིམ་པ་དང་མུ་སྟེགས་པ་ལས་ཁྱད་པར་འཕགས་པའི་རྟགས་གསུམ་དང་ལྡན་པའོ། |
| ཡོ་བྱད་འཚོག་ཆས |
མཁོ་ཆས་ཀྱི་མཐུན་རྐྱེན། |
| ཡོ་བྱད་ལ་ཆགས་པའི་ལྷག་མ་གཉིས |
དགེ་འདུན་ལྷག་མ་བཅུ་གསུམ་གྱི་ནང་གསེས། ཁང་པའི་ལྷག་མ་དང༌། ཁང་ཆེན་གྱི་ལྷག་མ་གཉིས་ནི་ཡོ་བྱད་ལ་ཆགས་པ་ལས་གྱུར་པའི་ལྷག་མའོ། |
| ཡོ་བྱད་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་གསེས་ཤིག་འཇིག་རྟེན་གྱི་ཁམས་ཐམས་ཅད་རྒྱན་བཀོད་པ་དུ་མས་རབ་ཏུ་བརྒྱན་པའི་བྱིན་གྱིས་བརླབས་ནས་ཀུན་ཏུ་སྟོན་པའོ། |
| ཡོ་འཁྱོག |
ཡོ་ཀྱོག་སྟེ་འཁྱོག་པོར་གྱུར་པ། དོན་དངོས་ཡོ་འཁྱོག་བྱས་པ། ཤེལ་སྦུབས་ཡོ་འཁྱོག་ཏུ་གྱུར་པ། ཡོ་འཁྱོག་འདུག་ན་དྲང་པོར་བསྲང༌། སྒང་གཤོང་འདུག་ན་ཁོད་ལ་སྙོམས། རིང་ཐུང་འདུག་ན་རྩ་རྩེ་བསྒྲིག |
| ཡོ་འཁྱོམས |
འཁྲུགས་པའམ་གནོད་རྐྱེན། མི་ངན་དེ་ཚོས་སྤྱོད་ངན་བྱས་ཏེ་མང་ཚོགས་ཁྲོད་དུ་ཡོ་འཁྱོམས་ཆེན་པོ་བཟོས་སོང༌། |
| ཡོ་འཇུག |
རྙིང ཀུན་འཇུག |
| ཡོ་འབོག |
ཤིང་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་རྙིང་ཚད་དང༌། རྨ་ཚད་ལ་ཕན། |
| ཡོ་རེ |
(རྒྱན་ཚིག) མངོན་ཚད་ཆེ་བ་རི་བོ་ནག་ཡོ་རེ། དགྲ་རྫོང་ནག་ཡོ་རེ་འདུག་པ་མཐོང་ལྟ་བུ། མངོན་སུམ་དུ་ཤེས་ཐུབ་པ་དམངས་དོན་སེམས་ན་ལྕི་ཡོ་རེ་འདུག མྱ་ངན་གྱིས་སེམས་ལྕི་ཡོ་རེ་མནན་ལྟ་བུ། |
| ཡོ་རེ་བ |
གཟུགས་དབྱིབས་ཁྱད་པར་སྟོན་བྱེད་ཀྱི་ཚིག་གྲོགས་ཤིག མགོ་སྐྱ་ཡོ་རེ་བ། མི་ནག་ཡོ་རེ་བ། ལྕི་ཡོ་རེ་བ། མཐོ་ཡོ་རེ་བ། |
| ཡོ་ལང |
1 ཟང་ཟིང་ངམ་ལང་ལོང༌། འགྲིམ་འགྲུལ་ཡོ་ལང་ཆེ་བ། ཡོ་བྱད་དང་བྱ་བྱེད་མང་པོའི་སྤྲོས་པའི་ཡོ་ལང་མཐའ་ཡས་པ་འདུག 2 མང་པོའམ་རྣམ་པ་སྣ་ཚོགས། ཚོང་ར་དར་རྒྱས་ཕུན་སུམ་ཚོགས་པ་ཡོད་པ་དང༌། དངོས་རྫས་མི་འདྲ་བ་ཡོ་ལང་འདུག རྒྱུ་ནོར་གཏོང་ཡོང་ཡོ་ལང་ཆེ་བ། 3 རྙིང གཤོམ་ཆེ་བ། |
| ཡོ་ལང |
དགའ་བ་སྐྱེད་པའི་ཟང་ཟིང་གི་བྱ་བའི་མིང་དགའ་བའི་ཡོ་ལང་། ཚོང་འདུའི་ཡོ་ལང་སྣ་ཚོགས་ལ་ལྟད་མོ་བལྟས་ལྟ་བུ། འདི་ལ་ཡོ་ལངས་འབྲི་བའང་ཡོད། |
| ཡོ་ལེ |
(རྒྱན་ཚིག) ལ་ལེ་ཡོལ་ལེ་འགྲོ་ཐབས་འདུག་ཐབས་བྱེད་པའི་དོན། |
| ཡོ་ལེ་ཕྱོད་དེ |
1 ཀྱོག་པོའམ་ཟོལ་ཟོག་གི་སྤྱོད་པ། གཞན་ལ་འཁྱོག་སྤྱོད་ཡོ་ལེ་ཕྱོད་དེ་བྱས་པ། 2 འགྲོ་ཐབས་འདུག་ཐབས། |
| ཡོ་ལོ |
རྙིང ཐམས་ཅད་ཕན་ཐོགས་སམ་གོ་ཆོད་པ། |
| ཡོ་ལོག |
མི་དགའ་བ། བོད་འབངས་རྣམས་ཡོ་ལོག་ནས་ཨཱ་ཙརྻ་བལ་པོར་བཏང༌། |
| ཡོ་ལྕགས |
བོད་ཀྱི་རུས་ཤིག |
| ཡོ་སྣང |
རྙིང 1 ཐམས་ཅད་འདུག 2 ཐམས་ཅད་མཐོང༌། |
| ཡོ་སྤྱད |
ཡོ་བྱད་དང་འདྲ། |
| ཡོག་ག |
ཡུལ སྐུད་པ་སྒྲིམ་བྱེད་ཀྱི་ཤིང་ཐུར། |
| ཡོག་ཆུང |
སྔོ་ཞིག |
| ཡོག་ཆེན |
སྔོ་སྨན་ཞིག་སྟེ་ཚད་པ་སེལ་བ་དང་དྲི་ཆུ་འབབ་པར་ཕན། |
| ཡོག་ཐོད |
ཡོས་རྔོད་བྱེད་ཀྱི་ཡོག་པ། |
| ཡོག་པ |
1. ཐ་དད་པ ཡོགས་པ། ཡོག་པ། ཡོགས།། འཁལ་བའམ་སྒྲིམ་པ། སྐུད་པ་ཡོགས་ནས་ཐག་པ་བཟོ། 2 1 དབྱུག་པ། 2 ཡུལ རྩྭའི་འབྲས་བུ་སྟེ་ནོར་ཕྱུགས་ཀྱིས་ཟ་ཆས་ཤིག…2.མེ་དཀྲུག་བྱེད་ཀྱི་དབྱུག་པའི་མིང་། ཚིག་བསྡུས་ན་ཡོག་ཅེས་འབྲི་མེ་ཡོག་ཅེས་པ་ལྟ་བུ། |
| ཡོག་པ་གཟན་བསྒྲིལ |
རྩྭ་འབྲུ་ཅན་གྱི་ཡོག་པ་དེ་གཟན་པ་འབྲུ་མེད་ཀྱི་ནང་དུ་ཟླ་བསྒྲིལ་བཏང་ན་གཟན་པ་དང་ཆག་གཉིས་ཀྱི་གོ་ཆོད་པ་ལྟར་དོན་ཚན་ཁག་གཉིས་ཁག་གཅིག་ཏུ་བསྒྲིལ་བའི་དོན། གླ་དང་ལྟོ་དོད་ཡོག་པ་གཟན་བསྒྲིལ་གྱིས་སྤྲད་པ། |
| ཡོག་པོ |
1 མེ་དཀྲུག་བྱེད་ཤིང་རྒྱུག 2 འཕང་ལོའི་སྲོག་ཤིང་དང་སྐུད་པ་དཀྲི་སའི་ཤིང་རྒྱུག |
| ཡོག་མགོ |
ཡུལ 1 རྒྱུ་སྤུན་སྐུད་པ་སོགས་སྒྲིམ་བྱེད་ཡོག་ཤིང་གི་མགོ། 2 མགོ་ཡང་པོ། 3 ཕན་ཚུན་དཀྲུག་ཤིང་བྱེད་པའི་མིའི་མིང་འདོགས། མི་དེ་ཡོག་མགོ་ཚ་པོ་འདུག |
| ཡོག་མོ |
ལྡུམ་བུའི་སྨན་གྱི་རིགས་ཤིག་རོ་ཁ་ཚ། ཞུ་རྗེས་དྲོད། ནུས་པས་རྨ་འབྲས་འདུལ། རྣག་ཆུ་སྐེམ། |
| ཡོག་ཡོག |
ཡུལ མང་ཞིང་མཐུག་པའི་ཁྱབ་ཚུལ། ཤིང་ལ་འབྲས་བུ་ཡོག་ཡོག་བཏགས་པ། ནང་ལ་རྩམ་པ་མེད་ཀྱང་སྒེའུ་ཁུང་རྩམ་རལ་ཡོག་ཡོག |
| ཡོག་ལི |
རང་ཚུགས་མི་ཟིན་པར་གཞན་ལ་ངོ་དགའ་བྱེད་པའི་བྱ་སྤྱོད་ཀྱི་མིང་ཡོག་ལི་ཤ་དར་ཁྲག་དར་གྱི། འཕུར་མ་ལྡིང་ཁྱོད་ང་ལ་ཉོན། མི་ཡོག་ལི། བཙན་པོ་ལ་ཡོག་ལི་མ་བྱེད་ལྟ་བུ། |
| ཡོག་ཤིང |
ལག་པ་སྐོར་གཡུག་གིས་སྲད་བུ་སྒྲིམ་བྱེད་ཀྱི་ཤིང༌། |
| ཡོགས |
ཡོག་པའི་སྐུལ་ཚིག་ |
| ཡོགས་པ |
1. ཡོག་པའི་འདས་པ། 2. རྙིང ཁྱབ་པ་དང་ཁེབས་པ། |
| ཡོང |
(བྱེད་མེད་ལས་ཚིག) འོང་དང་འོངས་ཀྱི་ཡུལ་སྐད་དེ། ཚུར་ཡོང་། འདིར་ཡོང་ལྟ་བུ། (ལས་ཚིག་རྗེས་མཐུན་པ) <ཀ>འབྱུང་བའམ་ནུས་པ་མཐུན་སྒྲིལ་ཡོང་བར་བྱེད། ལག་ལེན་མ་བྱས་ན་ཡོན་ཏན་ཐོབ་མི་ཡོང་ལྟ་བུ། <ཁ>འདང་བའི་དོན་ཏེ། ལུག་ལྤགས་བདུན་གྱིས་སློག་པ་ཞིག་ཡོང་ལྟ་བུ། |
| ཡོང་ཁུངས |
འབྱུང་ཁུངས། རྩ་བ་ཡོ་བསྲང་བྱེད་ཅིང་ཡོང་ཁུངས་གཙང་མ་བཟོ་བ། ཡོང་ཁུངས་གསར་གཏོད། དཔལ་འབྱོར་ལོངས་སྤྱོད་ཀྱི་ཡོང་ཁུངས་ཕུན་སུམ་ཚོགས་པ། |
| ཡོང་གཞི |
ཡོང་རྐྱེན་དང་འབྱུང་ཁུངས། འཁྲུག་རྐྱེན་ཡོང་གཞི། |
| ཡོང་ཐང |
འབབ་སྒོ། ལོ་ལེགས་བྱུང་སྟེ་འབྲུ་རིགས་ཀྱི་ཡོང་ཐང་འཕར་བ། |
| ཡོང་དེབ |
ཡོང་སྒོའི་རྩིས་དེབ། |
| ཡོང་བ |
1. ཐ་མི་དད་པ 1 ཚུར་འོང་བ། ཡོང་རན་པ། ཡོང་ཉེ་བ། ཡོང་འདོད་མེད་པ། ཡོང་ཁུལ་བྱེད་པ། ཁོ་རང་ཡོང་དང་མི་ཡོང༌། གཞས་ལ་ཡོང་རྒྱུ་ཞོ་གང༌། གཞས་གོས་གཡར་གླ་སྲང་གང༌། 2 འབྱུང་བ་དང༌། འགྱུར་བ། བརྩོན་འགྲུས་མ་བྱས་པར་གྲུབ་འབྲས་བཟང་པོ་ཡོང་མི་སྲིད། ལག་པ་གཅིན་པས་བཀྲུས་པའི་གཙང་མ་ཡོང་མི་ཤེས། གནས་ཚུལ་ཡག་པོ་ཡོང་བཟོ་འདུག 2.དུས་སྐབས་མ་འོངས་པ་སྟོན་བྱེད་ཀྱི་ཚིག་ཕྲད་ཅིག དེ་ལྟར་བྱས་ན་འགྲིག་མི་ཡོང༌། རྗེས་མ་མཇལ་ཡོང༌། ཆར་པ་འབབ་ཡོང༌། འདྲེད་བརྡབ་ཤོར་ཡོང༌། |
| ཡོང་མདོག་ཁ་པོ |
1 སླེབ་རྒྱུའི་བཟོ་ཐོན་པོ། 2 ཕན་ཐོགས་པའི་གནས་ཡོད་པ། ཁང་པ་དེ་ཡོང་མདོག་ཁ་པོ་འདུག |
| ཡོང་འབབ |
ཚུར་ཡོང་སྒོའི་འབབ། ཡོང་འབབ་ཁེར་གཙང༌། |
| ཡོང་ཡེ |
རྙིང 1 ངེས་པར། 2 རྣམ་པ་ཀུན་ཏུ། 3 རྩ་བ་ནས་སམ་གཏན་ནས། |
| ཡོང་རྐྱེན |
འབྱུང་གཞི། ན་ཚའི་ཡོང་རྐྱེན། གྱོད་གཞིའི་ཡོང་རྐྱེན། |
| ཡོང་རྩིས |
1 ཚུར་ཡོང་སྒོའི་རྩིས། 2 ཚུར་འོང་རྒྱུའི་གྲབས་སམ་འདུན་པ། |
| ཡོང་ལས་ཆེ |
འབྱོར་ཤས་ཆེའམ་འཐོབ་ཤས་ཆེ་བ། སློབ་མ་མང་ཤོས་འདིར་ཡོང་ལས་ཆེ། |
| ཡོང་སྒོ |
དཔལ་འབྱོར་ཐོག་གི་རྒྱུ་ནོར་གྱི་ཐོབ་ཆའི་མིང་ལོ་གཅིག་གི་ཡོང་སྒོ། ཕྱུགས་ལས་ཀྱི་ཡོང་སྒོ་ཞེས་པ་ལྟ་བུ། |
| ཡོང་སྡུད |
ཚུར་ཡོང་རྒྱུའི་དངོས་པོའི་སྡུད་ཚགས། |
| ཡོང་སྡུད་པ |
སྔ་དུས་བཀར་རྒྱའི་ཡོང་འབབ་ལེན་མཁན། |
| ཡོངས |
1.ཀུན་ནམ་ཐམས་ཅད། དམངས་ཡོངས། རྒྱལ་ཡོངས། འཛམ་གླིང་ཡོངས། མི་དམངས་ཡོངས་ལ་དབང་བའི་ལམ་ལུགས། 2.ཡི་གེ་འདིའི་མཐར་སུ་སྦྱར་ན་ཐམས་ཅད་དུའམ་ཚང་མར་ཞེས་པ་དང་མཚུངས་པའི་དོན་སྟོན་པའི་ཚིག་རྒྱན་ཞིག སུ ཡོངས་སུ་བསྐོར་བ། ཡོངས་སུ་ཁྱབ་པ། ཡོངས་སུ་གྱུར་པ། ཡོངས་སུ་གྲགས་པ། ཡོངས་སུ་གྲུབ་པ། ཡོངས་སུ་མཐུན་པ། ཡོངས་སུ་སྨིན་པ། ཡོངས་སུ་བདག་བཟུང་མ་བྱས་པ། ཡོན་ཏན་ཡོངས་སུ་རྫོགས་པ། མིང་ཡོངས་སུ་གྲགས་པ། མིང་ངན་ཡོངས་སུ་གྲགས་པ། ས་ཆེན་པོ་ནོར་དང་སྐྱེ་བོས་ཡོངས་སུ་གང་བ། ཡོངས་སུ་དག་པའི་འཇིག་རྟེན་གྱི་ཁམས། |
| ཡོངས |
(བསྣན་ཚིག) ལེགས་པར་རམ་ཆད་པ་མེད་པའི་དོན་ཏེ། ད་ལོའི་འཆར་གཞི་ཡོངས་སུ་གྲུབ། ལས་འགན་ཡོངས་སུ་གྲུབ་ལྟ་བུ། |
| ཡོངས་ཁྱབ |
ཚང་མའམ་རྒྱ་ཁྱབ། ཡོངས་ཁྱབ་བདེན་དོན། ཡོངས་ཁྱབ་འདེམས་བསྐོ། ཡོངས་ཁྱབ་བརྡ་ཡིག |
| ཡོངས་གཅོད |
བློས་རྟོགས་ཚུལ་གྱི་ཁྱད་པར་ཞིག་གཞི་དེ་ཆོས་དེ་ཡིན་པར་ཡོངས་སུ་གཅོད་པ་སྟེ་ཚུར་སྒྲུབ་པའི་སྒོ་ནས་རྟོགས་པའམ་དགག་བྱ་བཀག་པའི་ཤུལ་དུ་ཆོས་གཞན་སྒྲུབ་པ། དཔེར་ན། གཞི་བུམ་པ་ལྟ་བུ་དེ་བློས་རྟག་པ་ཡིན་པ་ཕར་རྣམ་པར་བཅད་པའམ་རྟག་པ་མ་ཡིན་པར་ངེས་པའི་སྟོབས་ཀྱིས། དེ་མི་རྟག་པ་ཡིན་པ་ཚུར་ཡོངས་སུ་གཅོད་པའམ་གྲུབ་པ་ལྟ་བུ། ཡང་དཔེར་ན། ཐག་ཁྲ་སྦྲུལ་འཛིན་ལ་མཚོན་ན། ཐག་ཁྲ་སྦྲུལ་ཡིན་པ་བཀག་པ་རྣམ་བཅད། ཐག་ཁྲག་ཐག་ཁྲར་སྒྲུབ་པ་ཡོངས་གཅོད་དོ། རྣམ་བཅད རྣམ་བཅད ཡོངས་གཅོད |
| ཡོངས་གྲགས |
1 ཐུན་མོང་དུ་ཟེར་བའི་རིགས། 2 ཀུན་གྱིས་ཤེས་པའམ་ཐམས་ཅད་ཀྱིས་ཤེས་པ། |
| ཡོངས་གྲུབ |
1 ཕུན་སུམ་ཚོགས་པར་གྲུབ་པ། 2 ཡོངས་སུ་གྲུབ་པའི་མཚན་ཉིད་ཀྱི་བསྡུས་མིང༌། |
| ཡོངས་གྲུབ་ཀྱི་ངོ་བོ་ཉིད |
ཡོངས་སུ་གྲུབ་པའི་མཚན་ཉིད་དང་དོན་གཅིག་ |
| ཡོངས་གྲུབ་གཉིས |
འགྱུར་མེད་ཡོངས་གྲུབ་དང༌། ཕྱིན་ཅི་མ་ལོག་པའི་ཡོངས་གྲུབ་སྟེ་གཉིས་སོ། |
| ཡོངས་ཐོས |
མངོན ཆང༌། |
| ཡོངས་དག་བཞི |
དག་པ་བཞི་དང་དོན་གཅིག་ |
| ཡོངས་དག་འབུལ་བ |
གསོ་སྦྱོང་སོགས་ཀྱི་ལས་གྲལ་དེར་དངོས་སུ་ཞུགས་མ་ཐུབ་ཀྱང་བདག་ཉིད་ཀྱིས་གསོ་སྦྱོང་ཉམས་སུ་མྱོང་བར་བྱ་བའི་ཕྱིར་རམ། བདག་ཉིད་ཡོངས་སུ་དག་པར་བྱ་བའི་ཕྱིར། ཡུལ་ལས་བྱེད་པའི་དགེ་འདུན་དང༌། དགེ་འདུན་གྱིས་ཡོངས་སུ་དག་པ་ལེན་པ་ལ་བསྐོས་པའི་དགེ་སློང་ལ། ལས་གྲལ་དེར་འདུ་བའི་རྐྱེན་མ་ཚང་ཞིང་ལྟུང་བས་རྒྱུད་ཡོངས་སུ་དག་པའི་གང་ཟག་གིས་གསོ་སྦྱོང་དང་དགག་དབྱེའི་ལས་ཁོ་ནར་ཡོངས་དག་འབུལ་བའི་སྔགས་ཚིག་ལན་གསུམ་བརྗོད་པའོ། |
| ཡོངས་དབང |
མངོན སེང་གེ། |
| ཡོངས་ཕྱོགས |
མངོན ཤིང་རྟ། |
| ཡོངས་ཕྲོགས |
གང་དུ་ཚིག་སྦྱོར་མང་པོའི་ཕྲེང་བ་སྔ་མ་སྔ་མའི་དོན་ཕྱི་མ་ཕྱི་མས་ཕྲོགས་པ་ལྟར་དུ་གབ་པའི་བདག་ཉིད་ཙམ་དེ་ནི་ཡོངས་སུ་ཕྲོགས་པ་ཞེས་བྱ་བའི་གབ་ཚིག |
| ཡོངས་བགྲང |
མངོན ལོ། |
| ཡོངས་བཟང་ཅན |
མངོན ཤུག་པ། |
| ཡོངས་བརྗེས་ཀྱི་རྒྱན |
དོན་རྒྱན་གྱི་ནང་གསེས་ཤིག་བརྗོད་འདོད་ཀྱི་དངོས་པོ་གང་རུང་གི་ཡོན་ཏན་དང་བྱ་བ་ལ་སོགས་པ་ཕར་ཚུར་བསྣོལ་ཏེ་གོ་བརྗེས་བྱས་པའི་རྒྱན་ཞིག |
| ཡོངས་བསྔོ |
དགེ་བ་ཡོངས་སུ་བསྔོ་བ། |
| ཡོངས་ཟླུམ་མིག |
མངོན ཁྱིམ་བྱ། |
| ཡོངས་འགྲིབ |
མངོན ཟླ་བ། |
| ཡོངས་འཇོ་མ |
མངོན བཞོན་མའམ་འོ་མ་བཞོ་རྒྱུ་ཡོད་པའི་མོ་ཕྱུགས། |
| ཡོངས་འཇོམས |
མངོན བསྐལ་པ། |
| ཡོངས་འཐོར |
མངོན མོན་ལུག་གླ་སྒང༌། |
| ཡོངས་འདུ |
1 ཐམས་ཅད་འདུ་བའམ་འཛོམས་པ། 2 མངོན དཔག་བསམ་ཤིང༌། 3 ལྷའི་རྩེད་ས། |
| ཡོངས་འདུ་ཅན |
མངོན རི་བོ་སྤོས་ངད་ལྡན། |
| ཡོངས་འདུ་ས་བརྟོལ་ལྗོན་ཤིང |
གྲོང་ཁྱེར་ལྟ་ན་སྡུག་དེའི་ཕྱི་རོལ་གྱི་བྱང་ཤར་མཚམས་ན་དཔག་བསམ་གྱི་ཤིང་ཡོངས་འདུ་ས་བརྟོལ་ཞེས་བྱ་བ། རྩ་བ་དཔག་ཚད་ལྔ་བཅུ་ཐུར་དུ་ཟུག་པ། སྟེང་དུ་དཔག་ཚད་བརྒྱ་འཕགས་པ། ཡལ་ག་དང་ལོ་འདབ་ཀྱིས་དཔག་ཚད་ལྔ་བཅུར་ཁྱབ་པས་ཆུ་ཞེང་དུ་དཔག་ཚད་བརྒྱ་ལྔ་བཅུ་སྟེ་མཐའ་སྐོར་དུ་དཔག་ཚད་བཞི་བརྒྱ་ལྔ་བཅུ་ཡོད་པ། དེའི་མེ་ཏོག་དང་འདབ་མ་རྒྱས་པའི་དྲི་དཔག་ཚད་ལྔ་བཅུར་ལྡང་བ། |
| ཡོངས་འདྲེན |
མངོན 1 རྒྱན་འཇོག་གི་རྩེད་མོ། 2 སངས་རྒྱས། 3 བརྒྱ་བྱིན། |
| ཡོངས་འདྲེས |
གབ་ཚིག་གི་རྒྱན་གྱི་ས་བཅད་དང་པོ་ནས་བཅོ་ལྔ་བར་གྱི་མཚན་ཉིད་སྣ་ཚོགས་འདྲེས་པའི་གབ་ཚིག |
| ཡོངས་འབབ |
མངོན ཆང༌། |
| ཡོངས་འཛིན |
1 སྲིད་ཞིའི་མཐའ་གཉིས་ལས་ཡོངས་སུ་སྐྱོབ་པའམ་འཛིན་པའི་སློབ་དཔོན་ཏེ། བླ་སྤྲུལ་ཆེ་ཁག་གི་དགེ་རྒན། 2 ཡོངས་སུ་འཛིན་པའི་དངོས་པོ། 3 མངོན ཆུ་བྱི་ལོ། |
| ཡོངས་རྟོགས |
དོན་ཡོངས་རྫོགས་ཤེས་པ། དམ་པའི་དོན་གནད་ཡོངས་རྟོགས་བྱེད་པ། |
| ཡོངས་རྫོགས |
ཚང་མའམ་ཆ་ཚང༌། སྐྲ་རྐང་གཅིག་འཐེན་ན་གཟུགས་པོ་ཡོངས་རྫོགས་འགུལ་བ། བྱ་བ་ཕྲ་མོ་དག་ཀྱང་ཡོངས་རྫོགས་གྲུབ། |
| ཡོངས་རྫོགས་དགེ་བསྙེན |
རྩ་བ་བཞི་དང་ཆང་བཅས་ལྔ་གང་སྲུང་བའི་དགེ་བསྙེན། |
| ཡོངས་རྫོགས་རབ་དགའི་ལྷ་ཁང |
སྔར་ཆོས་རྒྱལ་སྲོང་བཙན་སྒམ་པོའི་སྐུ་དུས་རྒྱ་ཕྱོགས་སུ་སྒོ་མིག་བསྟན་ཏེ་ལྷ་ཁང་བརྒྱ་རྩ་བརྒྱད་ཕྱག་བཏབ་པའི་མཐའ་མ་མདོ་སྨད་མི་ཉག་ས་ཁུལ་དུ་ཡོད་པའི་ལྷ་ཁང་ཞིག་ད་ལྟ་མི་ཉག་ལྷ་སྒང་དགོན་པ་ཞེས་སུ་འབོད་པ་དར་མདོ་རྫོང་ཁོངས་སུ་ཡོད། |
| ཡོངས་ལྡན་མ |
མངོན ས་གཞི། |
| ཡོངས་ལྷུངས |
མངོན དྲག་ཆར། |
| ཡོངས་ཤེས |
1 ཐམས་ཅད་ཤེས་པ། 2 མཐོང་སྤང་སྤངས་པའི་ཡོངས་ཤེས། |
| ཡོངས་སུ་གྲུབ་པའི་མཚན་ཉིད |
མཚན་ཉིད་གསུམ་གྱི་ནང་གསེས། གནས་ལུགས་སུ་གྱུར་པའི་ཆོས་ཉིད། དོན་དམ་པར་ཡོད་པ་བཏགས་ཡོད་ཀྱི་དགག་བྱ་ཀུན་བཏགས་ཀྱིས་སྟོང་པའི་འདུས་མ་བྱས་དང༌། གཟུང་འཛིན་གཉིས་སྟོང་གི་ཤེས་པ་རྣམ་པར་མི་རྟོག་པ་རྣམ་པར་དག་པའི་དམིགས་པ་དེ་ལས་གཞན་དུ་མེད་པར་ཡོངས་སུ་གྲུབ་པའོ། |
| ཡོངས་སུ་ཉམས་པའི་ཆོས་ཅན |
དགྲ་བཅོམ་པ་དྲུག་གི་ནང་གསེས། གང་དབང་པོ་རྟུལ་པོ་འདོད་ཡོན་གྱིས་མྱོས་ཀྱང་རུང་མ་མྱོས་ཀྱང་རུང་མཐོང་བའི་ཆོས་ལ་བདེ་བར་གནས་པ་ལས་ཡོངས་སུ་ཉམས་པར་འགྱུར་བའི་སྐལ་བ་ཅན་ནོ། |
| ཡོངས་སུ་ཐོས |
མངོན ཆང༌། |
| ཡོངས་སུ་དག་པ་གསུམ |
དགེ་བའི་རྩ་བ་དང་སྨོན་ལམ་དང་ལྟ་བ་སྟེ་གསུམ་པོ་དག་པ། |
| ཡོངས་སུ་བསྔོ་བའི་འཁོར་ལོ |
འཕགས་པ་ཡོངས་སུ་བསྔོ་བའི་འཁོར་ལོ་ཞེས་བྱ་བ་ཐེག་པ་ཆེན་པོའི་མདོ། ལིའི་དགེ་སློང་ཤཱིལ་དྷརྨ་དང༌། བོད་ཀྱི་བན་དེ་རྣམ་པར་མི་རྟོག་པས་བོད་ཡིག་ཏུ་བསྒྱུར་པ་རྣམས་སོ། |
| ཡོངས་སུ་མ་ཤེས་པ་ཤེས་པའི་དབང་པོ |
ཀུན་ཤེས་བྱེད་པའི་དབང་པོ་དང་དོན་གཅིག་ |
| ཡོངས་སུ་མྱ་ངན་ལས་འདའ་བ |
སྲིད་ཞི་གཉིས་ཀྱི་མཐའ་ལས་ཡོངས་སུ་མྱ་ངན་ལས་འདའ་བའོ། |
| ཡོངས་སུ་མྱ་ངན་ལས་འདས་པ་ཆེན་པོའི་མདོ |
མདོ་སྡེ་ཞིག་བམ་པོ་ལྔ་བཅུ་རྩ་དྲུག་དང་ལེའུ་བཅོ་ལྔ་པ་རྒྱ་ནག་གི་མཁན་པོ་ཝང་ཕན་ཞུན་དང༌། དྷརྨའི་གཞི་འཛིན་དགེ་བའི་བློ་གྲོས། ལོ་ཙཱ་བ་རྒྱ་མཚོའི་སྡེ་བཅས་ཀྱིས་བསྒྱུར་པའོ། |
| ཡོངས་སུ་འཛིན་པའི་དགེ་བ |
བསོད་ནམས་བྱ་བའི་དངོས་པོས་མཐོ་རིས་དང་བྱང་གྲོལ་སྐྱེད་པ། |
| ཡོངས་སུ་འཛིན་པའི་མི་དགེ་བ |
སྒོ་གསུམ་གྱི་ཉེས་སྤྱོད་ཀྱི་འབྲས་བུ་མི་འདོད་པ་འབྱིན་པའོ། |
| ཡོངས་སུ་འཛིན་པའི་ལུང་མ་བསྟན |
བཟོ་གནས་གོམས་པས་སླད་མའི་ཚེ་དེ་ལ་གོམས་པ་མྱུར་དུ་རྫོགས་པ་ལྟ་བུའོ། |
| ཡོངས་སུ་ཤེས་པ་རྟོགས་པའི་དབང་པོ |
ཀུན་ཤེས་ལྡན་པའི་དབང་པོ་དང་དོན་གཅིག་ |
| ཡོངས་སུ་ཤེས་པའི་དབང་པོ |
ཀུན་ཤེས་པའི་དབང་པོ་དང་དོན་གཅིག་ |
| ཡོངས་སུ་སྤྱོད་པ |
ཡོངས་སྤྱོད་པ་དང་དོན་གཅིག་ |
| ཡོངས་སྐྱོབ |
མངོན ཤིང་རྟ། |
| ཡོངས་སྤྱོད་པ |
1 ལོངས་ཡོངས་སུ་སྤྱོད་པ། 2 མངོན བྲན་གཡོག |
| ཡོད |
(ལས་ཚིག་རྗེས་མཐུན་པ) <ཀ>གཏོགས་པ་དང་དབང་བའི་དོན་ཏེ། ང་ལ་ལྕགས་རྟ་གཅིག་ཡོད་ལྟ་བུ། <ཁ>འཛོམས་པའམ་མང་བའི་དོན་ཏེ། ཞིང་པ་ལ་ཞིང་འདེབས་པའི་ཉམས་མྱོང་ཡོད། ཁོ་ལ་ཡོན་ཏན་ཡོད་ལྟ་བུ། <ག>གནས་པའི་དོན་ཏེ། ནགས་ན་རི་དྭགས་ཡོད། མཚོ་ན་ཉ་མང་བོ་ཡོད་ལྟ་བུ། (གྲོགས་ཚིག) ལས་ཚིག་འདས་པའི་མཐར་སྦྱར་ན་ཚིག་ཐག་བཅད་པའི་དོན་ཏེ། ལག་ལ་མེ་མདའ་བཟུང་ཡོད། སེམས་ལ་མི་དམངས་བཅངས་ཡོད་ལྟ་བུ། |
| ཡོད་ཐང |
1 ཡོད་ལས་ཆེ། ཡོད་དགོས་སམ་ཡོད་ཆོག ཁོ་ལ་བསམ་འཆར་ཡོད་ཐང༌། 2 ཡོད་སྟངས་སམ་ཡོད་པའི་འཁོས་ཀ། ང་རང་གི་ཡོད་ཐང་ནི་ད་ལྟའི་དཔལ་འབྱོར་འདི་རང་ཡིན། བདག་གཉེར་དོ་དམ་ལེགས་བཅོས་བྱས་རྐྱེན་ཐོན་སྐྱེད་ཀྱི་འཁོས་ཀ་ཡར་རྒྱས་ཡོད་ཐང་འདུག |
| ཡོད་དགུ |
གང་ཡོད་ཐམས་ཅད། |
| ཡོད་དགུ་རྩལ་སྤྲུག |
ནུས་པའམ་ལོངས་སྤྱོད་སོགས་ཡོད་ཚད་འདོན་པ། ལས་དོན་ལ་ཐབས་ཤེས་ཡོད་དགུ་རྩལ་སྤྲུག་གིས་འབད་པ། ནུས་ཤུགས་ཡོད་དགུ་རྩལ་སྤྲུག་གིས་ལས་རྩོལ་བྱས་པ། སྟོབས་ཤུགས་ཡོད་དགུ་རྩལ་སྤྲུག་གིས། ནམ་འཚོའི་བར་དུ་ཞབས་ཞུར་བརྩོན། |
| ཡོད་དོ་ཅོག |
གང་ཡོད་ཚང་མ། |
| ཡོད་ན་མེད་ན |
རྩ་བ་ཆེ་ཤོས། རྒྱུ་མཚན་ཡོད་ན་མེད་ན་འདི་རེད། མཁས་པ་ཡོད་ན་མེད་ན་ཁོ་རང་ཡིན། |
| ཡོད་པ |
1 མཆིས་པ་སྟེ་མེད་པའི་ལྡོག་ཕྱོགས། ཡོད་པར་ངེས་པ། ཡོད་པའི་དངོས་པོ། དངོས་སུ་ཡོད་པ། ནམ་མཁར་ཉི་ཟླ་སྐར་གསུམ་ཡོད། 2 འདས་ཚིག་གི་རྗེས་སུ་སྦྱར་ནས་བྱུང་ཟིན་པའམ། བྱུང་ནས་གནས་བཞིན་པའི་དོན་སྟོན་པའི་ཚིག་གྲོགས་ཤིག ལྕོག་རྩེ་འདི་ངས་འོད་ཐིང་ཐིང་དུ་ཕྱིས་ཡོད། ངས་ཁམ་བུ་ཉོས་ཡོད། ཁོ་ལ་ལན་བཞག་ཡོད། 3 ཚད་མས་དམིགས་པ་ཀ་བུམ་ལ་སོགས་པའི་ཆོས་རྣམས་བློ་ཚད་མས་ཡོད་པར་དམིགས་པའོ། |
| ཡོད་པའི་ཀུན་བཏགས |
རྣམ་གྲངས་པའི་ཀུན་བརྟགས་སོ། |
| ཡོད་པའི་དངོས་པོ་ལ་ལོག་ལྟ |
དགྲ་བཅོམ་པ་སོགས་མེད་པར་ལྟ་བ་ལྟ་བུའི་སྐུར་འདེབས་སོ། |
| ཡོད་པའི་སྟོང་པ་ཉིད |
ཇོ་ནང་པའི་གསུང་སྒྲོས་སུ། གཟུང་འཛིན་གྱི་དངོས་པོར་སྣང་བའི་རྣམ་པར་ཤེས་པ་ཙམ་མ་རིག་པའི་བག་ཆགས་ཀྱི་གཞན་དབང་དུ་གྱུར་པའི་སྣང་བ་རྣམས་ཀུན་རྫོབ་ཏུ་ཡོད་པས་གཞན་དབང་ནི་ཡོད་པའི་སྟོང་པ་ཉིད་དོ། |
| ཡོད་པར་སྨྲ་བའི་སྡེ |
ཉན་ཐོས་ཀྱི་རྩ་བའི་སྡེ་པ་བཞིའི་ནང་གསེས། གཞི་ཐམས་ཅད་ཡོད་པར་སྨྲ་བ་ཞེས་བྱ་བ་ནི་སྡེ་པ་ཐམས་ཅད་ཀྱི་གཞི་ཡིན་པ་དང་ཤེས་བྱའི་གཞི་ལྔ་རྫས་ཡོད་དུ་སྨྲ་བས་དེ་ལྟར་གྲགས་ལ། མདོ་འདོན་པའི་ཚེ་སཾ་སྐྲྀ་ཏའི་སྐད་དུ་འདོན། མཁན་པོ་རྒྱལ་རིགས་སྒྲ་གཅན་འཛིན་ལས་བརྒྱུད། སྣམ་སྦྱར་སྣམ་ཕྲན་དགུ་ཡན་ཉེར་ལྔ་མན་ལ་རྟགས་འཁོར་ལོ་དང་པད་མ། དགེ་སློང་གི་མིང་དཔལ་དང་བཟང་པོ་དང་སྙིང་པོའི་མཐའ་ཅན། གྲུབ་མཐའ་དུས་གསུམ་རྫས་སུ་ཡོད་པ་དང༌། འདུས་བྱས་ཐམས་ཅད་སྐད་ཅིག་མ་དང༌། གང་ཟག་གི་བདག་མེད་པ་དང་གྲངས་མེད་གསུམ་གྱིས་འཚང་རྒྱ་བར་འདོད་པའི་སྡེ་པའོ། |
| ཡོད་མཐའ |
དོན་དམ་པའམ་རང་གི་མཚན་ཉིད་ཀྱིས་ཡོད་པར་འཛིན་པའོ། |
| ཡོད་མདོག་ཁ་པོ |
1 མེད་བཞིན་དུ་ཡོད་ཁུལ་བྱེད་པ། 2 ཕལ་ཆེར་ཡོད་འགྲོ། |
| ཡོད་མིན་མེད་མིན |
གཟུགས་མེད་བཞིའི་ནང་གསེས། འདུ་ཤེས་མེད་འདུ་ཤེས་མེད་མིན་ཏེ་སྲིད་པའི་རྩེ་མོའོ། |
| ཡོད་མིན་མེད་མིན་སྐྱེ་མཆེད |
ཅི་ཡང་མེད་པའི་སྐྱེ་མཆེད་ལས་ལངས་ནས་འདུ་ཤེས་འདི་ནི་ནད་དང་ཤུ་བ་དང་ཟུག་རྔུ་ལྟ་བུའོ་ཞེས་བརྟགས་ཏེ་འདུ་ཤེས་བཀག་ནས་ཇེ་ཕྲ་ཇེ་ཕྲར་གྱུར་པ་དང༌། འདུ་ཤེས་ཤིན་ཏུ་ཕྲ་བ་ལ་སྙོམས་པར་ཞུགས་པ་འདུ་ཤེས་རགས་པ་ཡོད་པ་ཡང་མ་ཡིན་ལ་གཏན་ནས་མེད་པའང་མ་ཡིན་པ་ཞིག |
| ཡོད་མེད |
ཡོད་པ་དང་མེད་པའི་བསྡུས་མིང༌། |
| ཡོད་མེད་སྐྱེ་འགོག་གི་གཏན་ཚིགས |
གཏན་ཚིགས་ཆེན་པོ་ལྔའི་ནང་གསེས། འབྲས་བུ་ལ་དཔྱོད་པ་ཡོད་མེད་སྐྱེ་འགོག་རྣམ་པར་ཐར་པའི་སྒོ་སྨོན་པ་མེད་པ་སྟོན་པའི་གཏན་ཚིགས་ཏེ། མྱུ་གུ་ལྟ་བུའི་དངོས་པོ་ཆོས་ཅན། བདེན་པར་མེད་དོ། རང་རྒྱུའི་དུས་ན་ཡོད་པ་དང་མེད་པ་དང་གཉིས་ཀ་དང་གཉིས་མིན་ལས་མི་སྐྱེ་བའི་ཕྱིར། ཞེས་མི་སྣང་བའི་འབྲེལ་ཟླ་རྒྱུ་མ་དམིགས་པའི་རྟགས་སོ། |
| ཡོད་མོད་ཀྱི |
ཡོད་ཀྱང་ངམ་ཡོད་ནའང༌། སྔར་ལོ་རྒྱུས་མང་པོ་ཡོད་མོད་ཀྱི། ད་ལྟ་གྲགས་ཆུང༌། ཕྱི་རོལ་རྫིག་པོ་ཡོད་མོད་ཀྱི་ནང་དོན་སྟོང་པ་རེད། |
| ཡོད་ཚད |
གང་ཡོད་ཐམས་ཅད། སེམས་ཤུགས་ཡོད་ཚད་འདོན་པ། མི་ཤུགས་ཡོད་ཚད་མཐའ་དག་ཕྱོགས་གཅིག་ཏུ་འཛོམས། ལྟད་མོ་ཡོད་ཚད་ཚང་མ་བསྟན་སོང༌། |
| ཡོད་ཞན་འདྲ |
ཡོད་པ་འདྲ། སྣང་ཚུལ་མི་འདྲ་བ་འགའ་ཤས་ཡོད་ཞན་འདྲ། |
| ཡོད་འགྲོ |
ཡོད་པའི་བཟོ། ཁོ་ལ་ལས་ཀའི་བསམ་འཆར་ཡོད་འགྲོ། |
| ཡོད་འདུག |
མེད་པའི་ལྡོག་ཕྱོགས། ད་ལོ་ལྷག་པར་དུ་ལོ་ཐོག་ཡག་པོ་ཡོད་འདུག |
| ཡོད་རེ་ཤི |
མནའ་ཚིག་སྟེ་མེད་ངེས་ཡིན་ཟེར་བ། |
| ཡོད་རེ་སྐན |
ཡོད་པའི་རེ་བ་མེད་དེ་མེད་ངེས་ཡིན་ཟེར་བའི་མནའ་ཚིག |
| ཡོད་རྒུ |
ཡོད་དགུ་དང་འདྲ། |
| ཡོད་རྒྱུའི་ཀུན་བརྟགས |
སེམས་ཙམ་པའི་ལུགས་ཀྱི་ཡོད་པ་ཡིན་པའི་ཀུན་བཏགས་ཏེ་གཟུང་འཛིན་རྫས་གཞན་དུ་སྒྲོ་འདོགས་པའོ། |
| ཡོད་རྟོགས |
ཡོད་པར་རྟོགས་པའི་ཚད་མ་མེད་པར་འཛིན་པའི་སྒྲོ་འདོགས་བཅད་དེ། ཡོད་པ་ལ་ཡོད་པར་ངེས་པའི་ཡང་དག་པའི་ཤེས་པའོ། |
| ཡོད་ཤག |
ཡུལ ཡོད་པ་གཞིར་བཅས། རང་བཞིན་དུ་སྐྱེས་པའི་རྩི་ཤིང་གི་རིགས་ལ་སྐྱེ་སྟོབས་ཆེན་པོ་ཞིག་ཡོད་ཤག་རེད། |
| ཡོད་སྐད |
ཡོད་པ་རེད་ཟེར། ལུང་པ་འདིར་གཏེར་ཁ་མང་པོ་ཡོད་སྐད་འདུག་ |
| ཡོད་སྨྲ |
ཐམས་ཅད་ཡོད་པར་སྨྲ་བའི་སྡེ། |
| ཡོད་སྨྲའི་སྡེ་པ་བདུན |
ཉན་ཐོས་སྡེ་པ་བཅོ་བརྒྱད་ཀྱི་ནང་གསེས། ཡོད་པར་སྨྲ་བའི་སྡེ་པ་ལ་གཞི་ཀུན་པའི་སྡེ་པ་དང༌། འོད་སྲུང་གི་སྡེ་པ་དང༌། ས་སྲུང་གི་སྡེ་པ་དང༌། ཆོས་སྲུང་གི་སྡེ་པ་དང༌། མང་ཐོས་ཀྱི་སྡེ་པ་དང༌། གོས་དམར་བའི་སྡེ་པ་དང༌། རྣམ་པར་ཕྱེ་སྟེ་སྨྲ་བའི་སྡེ་པ་དང་བདུན་ནོ། |
| ཡོན |
1 རིན་ནམ་གླ་ཆའི་ཞེ་ས། ཡོན་འབུལ་བ། སྨན་ཡོན། བླུ་ཡོན། མིང་གི་རྣམ་གྲངས་ལ་གླ་རྔན་དང་བྱ་དགའོ། 2 སྦྱིན་བའམ་གཏོང་སྒོ། ཡོན་སྟོབ་པ། མིང་གི་རྣམ་གྲངས་ལ་མཆོད་པ་དང་མེ་ཏོག་གོ། 3 ཡོན་ཏན་ཞེས་པའི་བསྡུས་མིང༌། |
| ཡོན་ཀྱོག |
ཡོན་པོའམ་ཀྱོག་པོ། ཀ་བ་ཡོན་ཀྱོག གདུང་མ་ཡོན་ཀྱོག མིང་གི་རྣམ་གྲངས་ལ་ཀྱོག་ཀྱོག་དང༌། ཀྱོག་པོ། འཁྱོག་པོ། སྒུར་པོ། སྒྱེ་སྒུར་ཅན། གཅུ་པོ། འཆུས་པོ། མི་དྲང་བ། ཡོན་པོ་བཅས་སོ། |
| ཡོན་ཁར |
རྙིང ཡང་དག་མིན་པ། |
| ཡོན་གནས |
1 མཆོད་ཡུལ་གྱི་གནས་ཏེ་དཀོན་མཆོག་གསུམ་ལྟ་བུ། 2 ཡོན་བདག་དང་མཆོད་གནས། 3 ཡོན་ཏན་ཅན། |
| ཡོན་གནས་རྣམ་བཞི |
ཡོན་ནམ་མཆོད་པ་འབུལ་བའི་གནས་བཞི་བླ་མ་དང༌། འཇམ་པའི་དབྱངས། དབྱངས་ཅན་མ། སྲུང་མ་བཅས་སོ། |
| ཡོན་ཆབ |
ཆུའི་མཆོད་པ། མིང་གི་རྣམ་གྲངས་ལ་མཆོད་ཡོན་དང་འཐོར་འཐུང་ངོ། |
| ཡོན་ཏན |
1 རིག་གནས་ཤེས་པའི་ཁྱད་ཆོས། ཡོན་ཏན་ཁྱད་པར་ཅན། ཡོན་ཏན་གྱི་ནུས་པ། ཡོན་ཏན་སློབ་པ། ཡོན་ཏན་སྦྱོང་བ། ཡོན་ཏན་ལ་མངའ་བརྙེས་པ། དྲན་རྒྱ་ཆེ་ཡང་ཡོན་ཏན་ཆུང་བ། ཡོན་ཏན་ཡོད་ཀྱང་མེད་མདོག་བྱེད་པ། ཡོན་ཏན་ཡོད་པས་མ་སྤྱད་ན། ཞིང་ལ་སོ་ནམ་མ་བྱས་འདྲ། 2 མངོན རྡུལ་དང༌། མུན་པ། སྙིང་སྟོབས་ཀྱི་ཡོན་ཏན་གསུམ་ཡོད་པས་གྲངས་གསུམ་མཚོན། 3.ཤེས་བྱ་རིག་པའི་གནས་ཅི་རིགས་བསླབས་ནས་ངེས་པའི་བློའམ་ནུས་པའི་མིང་མི་ཡོན་ཏན་ཅན། མཁས་པའི་ཡོན་ཏན་ཞེས་པ་ལྟ་བུ། ནུས་པ་དང་ཁྱད་ཆོས་ཀྱི་མིང་སྨན་གྱི་ཡོན་ཏན། ཕན་པའི་ཡོན་ཏན། ཅོང་ཞི་ལ་བཞུ་བ་གསོ་བའི་ཡོན་ཏན་ཡོད་ལྟ་བུ། ０ཚིག་བསྡུས་ན་ཡོན་ཞེས་འབྲི་ཆོག་སྐྱོན་དང་ཡོན་ཏན་ལ་སྐྱོན་ཡོན་དང་། ཕན་བའི་ཡོན་ཏན་ལ་ཕན་ཡོན། ཡོན་ཏན་གྱི་ཚད་ལ་ཡོན་ཚད་ཟེར་བ་ལྟ་བུ། |
| ཡོན་ཏན་ཀུན་རྫོགས |
སངས་རྒྱས་ཤིག་གི་མཚན། |
| ཡོན་ཏན་གྱི་རང་བཞིན་བརྗོད་པ |
རང་བཞིན་བརྗོད་པའི་རྒྱན་གྱི་ནང་གསེས་ཤིག་དངོས་པོ་གང་རུང་གི་ཡོན་ཏན་གྱི་ཁྱད་ཆོས་ཀྱིས་གཞན་རྒྱུད་ལ་ནུས་པ་སྐྱེད་ཚུལ་དྲང་པོར་བརྗོད་པའི་རྒྱན་ཞིག |
| ཡོན་ཏན་ཅན |
1 རིག་གནས་མཁས་པའི་གང་ཟག 2 སྐྱེས་བུ་དམ་པ། |
| ཡོན་ཏན་དྲུག |
ལེགས་པའི་ཡོན་ཏན་དྲུག་དང་དོན་གཅིག་ |
| ཡོན་ཏན་བརྒྱ་ཕྲག་བཅུ་གཉིས |
མཐོང་ལམ་གྱི་སྐབས་སུ་ཐོབ་པའི་ཡོན་ཏན་བརྒྱ་ཕྲག་བཅུ་གཉིས་ཏེ། དུས་སྐད་ཅིག་མ་གཅིག་ལ་སངས་རྒྱས་བརྒྱའི་ཞལ་མཐོང་བ་དང༌། སངས་རྒྱས་བརྒྱས་བྱིན་གྱིས་བརླབ་པར་ཤེས་པ་དང༌། སྤྲུལ་པ་བརྒྱ་འགྱེད་པ་དང༌། དུས་སྐད་ཅིག་མ་གཅིག་ལ་བསྐལ་པ་བརྒྱར་སྟོན་པ་དང༌། སྔོན་དང་ཕྱི་མའི་མཐའ་བརྒྱ་ལ་ཡེ་ཤེས་ཀྱི་གཟིགས་པ་འཇུག་པ་དང༌། ཏིང་ངེ་འཛིན་བརྒྱ་ལ་སྙོམས་པར་འཇུག་ཅིང་ལྡང་བ་དང༌། སེམས་ཅན་བརྒྱ་སྨིན་པར་བྱེད་པ་དང༌། ཞིང་ཁམས་བརྒྱ་གཡོ་བར་བྱེད་པ་དང༌། ཞིང་ཁམས་བརྒྱ་འོད་ཀྱིས་གསལ་བར་བྱེད་པ་དང༌། ཆོས་ཀྱི་སྒོ་མོ་བརྒྱ་འགྱེད་པ་དང༌། རང་གི་ལུས་བརྒྱར་སྟོན་པ་དང༌། ལུས་རེ་རེ་ལ་ཡང་འཁོར་ཕུན་སུམ་ཚོགས་པ་བརྒྱས་བསྐོར་བར་སྟོན་པའོ།། |
| ཡོན་ཏན་བརྗོད་པ་ཐོག་མའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་ཐོག་མར་བཀོད་པའི་ཡོན་ཏན་གྱི་གསལ་བྱེད་དེས། ཕྱི་མའི་ཡོན་ཏན་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| ཡོན་ཏན་མ་ཚང་བའི་ཁྱད་པར་བརྗོད་པ |
ཁྱད་པར་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཞིག་གི་ཡོན་ཏན་ཆ་ལག་མ་ཚང་ཡང༌། བྱེད་ལས་ཁྱད་འཕགས་སྟོན་པའི་རྒྱན་ཞིག |
| ཡོན་ཏན་མངོན་པར་བསྒྲུབ་པའི་བསམ་གཏན |
དཔའ་བར་འགྲོ་བ་ལ་སོགས་པའི་ཏིང་ངེ་འཛིན་གྱིས་སངས་རྒྱས་ཀྱི་ཆེ་བའི་ཡོན་ཏན་ཐམས་ཅད་ཐོབ་པར་བྱེད་པ། |
| ཡོན་ཏན་མཛོད |
ཡོན་ཏན་རིན་པོ་ཆེའི་མཛོད་དགའ་བའི་ཆར་ཞེས་བྱ་བ་རྩ་བ་དང༌། འགྲེལ་པ་སྔ་དུམ་བདེན་གཉིས་ཤིང་རྟ་དང༌། ཕྱི་དུམ་རྣམ་མཁྱེན་ཤིང་རྟ་ཞེས་བྱ་བ། དལ་འབྱོར་རྙེད་དཀའ་དང༌། འཆི་བ་མི་རྟག་ལས་རྒྱུ་འབྲས། འཁོར་བ་སྡུག་བསྔལ། འཁོར་ལོ་ཆེན་པོ་བཞི། སྐྱབས་སུ་འགྲོ་བ། ཚད་མེད་བཞི། བྱང་སེམས་ཡོངས་བཟུང༌། སྨོན་འཇུག་གི་བསླབ་བྱ། རིག་པ་འཛིན་པའི་སྡེ་སྣོད། གཞིའི་བཞུགས་ཚུལ། རྫོགས་པ་ཆེན་པོའི་ལམ་ཐུན་མོང་མ་ཡིན་པ། འབྲས་བུ་སྐུ་དང་ཡེ་ཤེས་ཐེ་ཚོམ་བཅུ་གསུམ་གླེགས་བམ་གཉིས་ལྡན་གྱི་གཞུང་འདི་ནི། དུས་རབས་བཅུ་དགུ་པར་རྙིང་མའི་སློབ་དཔོན་རིག་འཛིན་འཇིག་མེད་གླིང་པས་མཛད་པའོ། |
| ཡོན་ཏན་འོད |
སྔར་རྒྱ་གར་གྱི་འདུལ་བའི་སློབ་དཔོན་ཞིག་ཡུལ་བཅོམ་བརླག་གི་བྲམ་ཟེའི་རིགས་ཀྱི་ཁྱིམ་ཞིག་ཏུ་འཁུངས་ཤིང་གཞི་ཐམས་ཅད་ཡོད་པར་སྨྲ་བའི་སྡེ་ལས་རབ་ཏུ་བྱུང་ཞིང་བསྙེན་པར་རྫོགས། དབྱིག་གཉེན་བཤེས་གཉེན་དུ་བསྟེན་ནས་སྡེ་སྣོད་གསུམ་དང་ལྷག་པར་འདུལ་བ་ལ་མཁས་པར་གྱུར་ཏེ་འདུལ་བ་རང་ལས་མཁས་པར་གྲགས་པའི་སློབ་དཔོན་ཞིག |
| ཡོན་ཏན་རྒྱ་མཚོ |
ཏཱ་ལའི་བླ་མ་སྐུ་ཕྲེང་བཞི་པ་འདི་རབ་བྱུང་བཅུ་པའི་ས་གླང་ལོར་ནང་སོག་ཏུ་འཁྲུངས། ལོ་བཅོ་ལྔ་པར་བོད་དུ་ཕེབས། པཎ་ཆེན་བློ་བཟང་ཆོས་ཀྱི་རྒྱལ་མཚན་ནས་བསྙེན་པར་རྫོགས། སེ་འབྲས་ཀྱི་ཁྲི་པ་མཛད། རབ་བྱུང་བཅུ་པའི་མེ་འབྲུག་ལོར་འདས། 15891616 |
| ཡོན་ཏན་རྒྱས་པའི་དྲི་ཆུ |
བྱིས་པ་ལོ་བརྒྱད་ལོན་པའི་སྐབས་ཡོན་ཏན་སྦྱོང་བའི་རིག་པའི་རྩལ་རྒྱས་པའི་དུས་ཡིན་པས་དེའི་སྐབས་ཀྱི་དྲི་ཆུ་ལའོ། |
| ཡོན་ཏན་ལྔ |
སངས་རྒྱས་ཀྱི་འབྲས་ཆོས་ཉེར་ལྔའི་ནང་གསེས་ཤིག་རྙིང་མའི་གཞུང་དུ། རྣམ་པར་དག་པའི་ཞིང་ཁམས། རྒྱ་ཚད་བྲལ་བའི་གཞལ་ཡས་ཁང༌། གསལ་ཞིང་དག་པའི་འོད་ཟེར། ཁྱད་དུ་འཕགས་པའི་གདན་ཁྲི། དགྱེས་རྒུར་སྤྱོད་པའི་ལོངས་སྤྱོད་དེ་སངས་རྒྱས་ཉིད་ལ་རྫོགས་པའི་ཡོན་ཏན་ལྔའོ། |
| ཡོན་ཏན་ལྷན་ཅིག་བརྗོད་པ |
ལྷན་ཅིག་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཡང་རུང་བའི་དཔེ་དོན་གྱི་ཡོན་ཏན་རྣམས་སྔ་ཕྱི་མེད་པར་དུས་མཉམ་དུ་སྟོན་པའི་རྒྱན་ཞིག |
| ཡོན་པོ |
ཀྱོག་ཀྱོག་གམ་དྲང་པོ་མིན་པ། དབུ་ཡོན། མཇིང་ཡོན། སྐད་ཆ་ཡོན་པོ། མགོ་ཡོན་པོ། ཡོན་པོར་འགྲོ། ཡོན་པོར་ལྟ་བ། ཡོན་པོར་དཔྱོད་པ། |
| ཡོན་བདག |
1 སྦྱིན་བདག་སྟེ་ལས་ཀ་བྱས་པར་གླ་ལྟོའམ་ཡོན་སྟེར་མཁན། 2 ཟས་ནོར་སྦྱིན་པར་གཏོང་མཁན། 3 ཡུལ ཡིག་འབྲི་མཁན། སྙེ་མོ་ཡོན་བདག ཨེ་པ་ཡོན་བདག |
| ཡོན་བདག |
1གླ་ཆ་སྟེར་མཁན། 2ཆོས་ལུགས་པར་ཟས་ནོར་སྟེར་མཁན། ０ཡོན་ཏན་ཞེས་པའི་ཚིག་བསྡུས་པ། １(རྒྱན་ཚིག) དྲང་བོ་མིན་པའི་དོན་ཏེ། མཇིང་ཡོན། དབུ་ཡོན། ལུས་ཡོན་པོར་མ་འདུག་ལྟ་བུ། |
| ཡོན་བཤད |
མཆོད་སྦྱིན་གྱི་ཕན་ཡོན་བཤད་པ་དང་དགེ་རྩ་བསྔོ་བའི་སྨོན་ཚིག་བཤད་པ། |
| ཡོན་བསྔོ་བ |
ནོར་སྤྲད་པའི་དོན་དུ་བསྔོ་སྨོན་བྱེད་པ། |
| ཡོན་མཆོད |
ཡོན་བདག་དང་མཆོད་གནས། |
| ཡོན་ཚད |
1 ཤེས་ཡོན་གྱི་ཆུ་ཚད། ཡོན་ཚད་ལ་བལྟས་ནས་ལས་ཀ་སྤྲོད་པ། 2 གླའམ་ལས་དོན་གྱི་ཐོབ་ཚད། |
| ཡོན་ཟོང |
དགེ་འདུན་པ་སོགས་ལ་འབུལ་རྒྱུའི་དངོས་རྫས། |
| ཡོན་སློབ |
ཡོན་བདག་དང་སློབ་མ། |
| ཡོབ |
རྟ་སྒའི་གཡས་གཡོན་དུ་བསྒར་བའི་རྐང་པ་འཇོག་རྟེན། ཡོབ་གནོན་པ། རྟ་རྒྱུག་དུས་ཡོབ་རྡེབ་བྱེད། རྟ་བཟང་ཡོབ་ཀྱིས་བསྐྱོད་ནས་བྱེའུ་འཕུར་བ་ལྟར་ཤར་གྱིས་རྒྱུག་པ། རྟ་ཅང་ཤེས་ཡོབ་ཀྱིས་བརྡུངས་ཏེ་བསྐུལ། |
| ཡོབ་གོང |
རྐང་པའི་བོལ་གོང་ནས་འཕྲེད་དུ་རྒྱུག་པའི་མཁལ་མ་དང་འབྲེལ་བའི་གཏར་རྩ་ཞིག་དེ་གཏར་ན་བོལ་སྐྲངས་པ་དང༌། རུས་ཚིགས་ན་བ། མཁལ་ཚད་སོགས་ལ་ཕན། |
| ཡོབ་ཆེན |
རྟ་སྒའི་ཡོབ་ཆེན་ཏེ་རྐང་པ་འཇོག་ཡུལ། |
| ཡོབ་ཐག |
ཡོབ་ཀྱི་ལུང་ཐག |
| ཡོབ་མཐིལ |
ཡོབ་ཆེན་ཞབས་ཀྱི་རྐང་པ་འཇོག་ས། |
| ཡོབ་ཡོབ |
རྙིང 1 གང་བ། 2 རྐང་པ། 3 ཡམ་ཡོམ། |
| ཡོབ་རྒྱན |
ཡོབ་ཀྱི་སྟེང་གི་རི་མོ་སོགས། |
| ཡོབ་ལང |
རྐང་པ་ཡོབ་ལ་བརྟེན་ནས་རྟ་ཐོག་ཏུ་ལང་པ། ཡོབ་ལང་བརྒྱབ་སྟེ་དཔའ་ངོམ་གྱི་གཏམ་བཤད། |
| ཡོབ་ལུང |
1 ཡོབ་ཐག 2 ཡོབ་ཀྱི་ཨ་ལུང༌། |
| ཡོབ་སྟན |
རྟ་སྒའི་ཡོབ་གཉིས་ཀྱི་ཐད་དུ་རྟའི་སྤུ་སྲུང་བྱེད་ཕྱིང་པ་སོགས། |
| ཡོམ |
(རྒྱན་ཚིག) གཡོ་འགུལ་གྱི་རྣམ་པ་ཞིག་རྟའི་རྔོག་མ་ཡོམ་ཡོམ་འགུལ། རུ་དར་མང་བོ་ཡོམ་ཡོམ་གཡོ། ས་ཡོམ་ཡོམ་འགུལ་ལྟ་བུ། |
| ཡོམ་པ |
འགུལ་སྟངས། དར་ཆ་དམར་པོ་གཡས་གཡོན་ཡོམ་པར་བྱེད། རླུང་ཆེན་ལངས་པས་ལྗོན་ཤིང་ཡོམ་པར་བྱེད། འ་ |
| ཡོམ་འབོག |
ཡུལ ཤུན་པས་འདག་རྫས་ཡོང་བའི་ཤིང་ཞིག |
| ཡོམ་ཡོམ |
ཆལ་ཆིལ་གྱིས་འགུལ་སྟངས་ཤིག མཚོ་ཆེན་ཡོམ་ཡོམ་དུ་འཁྱོམ། ས་ཡོམ་ཡོམ་བྱས་པ། ཤིང་སྡོང་བསེར་བུས་བསྐྱོད་དུས་མགོ་ལིང་ཡོམ་ཡོམ་དུ་གཡོ་བ། སྙིང་རྩ་ཡོམ་ཡོམ་བྱེད་པ། |
| ཡོར |
(རྒྱན་ཚིག) <ཀ>བོངས་ཆེ་བའི་དངོས་པོ་གཡོ་བའི་རྣམ་པ་བལ་ཁལ་ཡོར་ཡོར་བྱེད་ལྟ་བུ། <ཁ>བོངས་ཆེ་ཞིང་མཐོ་བའི་རྣམ་པ་རྟ་གཟུགས་ཡོར་ཡོར་བོ་ཞིག ཁང་རལ་ཡོར་ཡོར་བོ་ཞིག་ཅེས་པ་ལྟ་བུ། དབྱུག་པ་སོགས་ཀྱི་སྟེང་ལ་རྩྭ་དང་རས་སོགས་བཏགས་ནས་མི་གཟུགས་ལྟ་བུ་བཅོས་པའི་ཐོའི་མིང་གྲིབ་ཡོར། ཐོ་ཡོར་ཞེས་པ་ལྟ་བུ། |
| ཡོར་པོ |
ཡོར་ཡོར་པོའི་བསྡུས་ཚིག་ |
| ཡོར་བ |
ཐ་མི་དད་པ ཡོ་བ། དོན་ངོ་མ་ཕར་ཚུར་ཡོར་ནས་བཤད་པ། ཁང་པ་ཡོར་བ་ལ་འཇའ་བརྒྱབ་སྟེ་དྲང་པོར་སྲོང་བ། |
| ཡོར་ཡོར་པོ |
འགུལ་ཚུལ། དར་ཆེན་ཡོར་ཡོར་བ། རྐང་པ་ཡོར་ཡོར་འགྲོ་བ། |
| ཡོར་ཤིང |
1 རྒྱ་ལྕང༌། 2 འོམ་བུ། |
| ཡོལ |
(བྱེད་མེད་ལས་ཚིག) འདས་ཚར་བའི་དོན་ཏེ། ནམ་གུང་ཡོལ། དུས་ཡོལ། ཉི་མ་ཕྱེད་ཡོལ། ན་ཚོད་ཡོལ་ལྟ་བུ། ཡོལ་བ་ཡི་མིང་བསྡུས་པ། |
| ཡོལ་གོ |
སྣོད་སྤྱད། དཀར་ཡོ། བཟའ་བཏུང་གི་ཡོལ་གོ་གཏིང་ཟབ་པ་ཞིག་བསྩལ། |
| ཡོལ་བ |
1.ཐ་མི་དད་པ འདའ་བ། དུས་ཚོད་ཡོལ་བ། ན་ཚོད་ཡོལ་བ། ཉིན་གུང་ཡོལ་བ། དབྱར་ཕ་མ་འདྲ་བ་དེ་གར་སོང་མི་ཤེས། དགུན་དགྲ་ནག་འདྲ་བ་དེ་ཡོལ་རྒྱུ་མི་འདུག 2 1 སྒྲིབ་བྱེད་ཀྱི་རས་སོགས། དར་ཡོལ། སྒོ་ཡོལ་རྒྱོབ། རས་ཡོལ་འཐེན། ཡོལ་ནག ཡོལ་དཀར། ཡོལ་བ་བྲེས་པ། ཡོལ་བས་གཅོད་པ། ཡོལ་བས་འབྲེལ་བ། མིང་གི་རྣམ་གྲངས་ལ་སྒྲིབ་བྱེད་དང་མི་སྣང་བྱེད་དོ། 2 ཡུལ སེམས་ཅན་གྱི་ཡས་ཁོག་དང་མས་ཁོག་བར་གྱི་ཤའི་ཡོལ་བ། |
| ཡོལ་བ་ཅན |
མངོན སྔོ་སྨན་ལ་ལ་ཕུད། |
| ཡོལ་བ་འཐེན་པ |
1 རས་སོགས་ཀྱི་སྒྲིབ་བྱེད་བྲེ་བའམ་བཀལ་བ། 2 རས་སོགས་ཀྱི་སྒྲིབ་བྱེད་ཡར་མར་རམ་ཕར་ཚུར་འཐེན་ནས་ཁ་འབྱེད་སྡུད་བྱེད་པ། |
| ཡོལ་ལེ་ཕྱོད |
གཡེལ་བ། གཅིག་ཏུ་མི་གནས་པ། |
| ཡོས |
1 བརྔོས་པའི་འབྲུ། གྲོ་ཡོས། ནས་ཡོས། འབྲས་ཡོས། སྲན་ཡོས། ཡོས་རྔོ་བ། ཡོས་འཐག་པ། ཡོས་རྡོག་སྒྲུག་པར་ཕྱིན། སྤགས་གོང་རྦབ་ལ་རིལ། མིང་གི་རྣམ་གྲངས་ལ་བརྔོས་པ་དང༌། མཛེས་པའི་རྨ་ཅན། ཡོས་བཀྲ་བཅས་སོ། 2 རི་བོང་གི་མིང་དོད། 3 ལོ་འཁོར་བཅུ་གཉིས་ཀྱི་ཡ་གྱལ་ཞིག མེ་མོ་ཡོས། ཡོས་ལོ་པ། |
| ཡོས་ཁུར |
ཡུལ ཤིང་གི་ལྕུག་མས་བསླས་པའི་ཡོས་ལྤགས་བགྲུས་རྒྱག་པའི་སྣོད་ཅིག |
| ཡོས་ཆང |
ནས་བརྔོས་མ་ལ་ཆང་རྩི་བཏབ་སྟེ་བསྙལ་བའི་ཆང༌། |
| ཡོས་ཐུག |
གྲོ་སོགས་བརྔོས་ཏེ་བསྐོལ་བའི་ཐུག་པ། |
| ཡོས་དཀྲུག |
ཡོས་རྔོད་བྱེད་ཀྱི་ལག་ཆ་ཞིག |
| ཡོས་དུགས |
བརྔོས་པའི་ཡོས་ཀྱི་ཚ་ངད། |
| ཡོས་བཀྲ |
མེའི་ཚ་ངད་ཀྱིས་ཁ་གས་པའི་འབྲུ་རིགས། |
| ཡོས་བུ |
1 ཁྱིམ་ཕྱུགས་རི་བོང༌། 2 ལོ་རྟགས་རི་བོང༌། |
| ཡོས་ཟླ |
ཧོར་ཟླ་གཉིས་པ། |
| ཡོས་འགྲོ |
ཡུལ ཆུ་འཁོར་གྱི་ཡོས་འགྲོ་སའི་ཁུང་བུའི་མིང༌། |
| ཡོས་རྔོ |
སླ་ངའི་ནང་དུ་ནས་སོགས་རྔོ་བ། |
| ཡོས་སྒྱེ |
ཡོས་བླུག་སའི་སྒྱེ་མོ། |
| ཡོས་ཧྲལ |
ཧྲོབ་རྩམ་བཏགས་པའི་ཡོས། |
| ར |
བོད་ཡིག་གསལ་བྱེད་ཉེར་ལྔ་པ་འདིའི་ང་རོ་འདོན་ཚུལ་ལ་སྐྱེ་གནས་ལྕེ་སྟེང་དང༌། བྱེད་པ་ལྕེ་རྩེ་དང་ཉེ་བ། ནང་གི་རྩོལ་བ་ལྕེའི་སྟེང་རྩེ་ཅུང་ཟད་ཕྲད་པ། ཕྱིའི་རྩོལ་བ་སྲོག་ཆུང་སྒྲ་ལྡན། 1. 1 མིང་གཞིའི་མོ་གཤམ་གྱི་ཡི་གེ་ཞིག 2 རྗེས་འཇུག་མ་ནིང་གི་ཡི་གེ་ཞིག 3 མིང་གཞི་འགའ་ཞིག་གི་ཡས་ནས་སམ། མས་ནས་གདགས་བྱའི་ཡི་གེ་ཞིག་དཔེར་ན་ར་མགོ་དང་ར་བཏགས་ལྟ་བུ། ར ར་4 མིང་འགའ་ཞིག་གི་སྔོན་དུ་སྦྱར་རྒྱུའི་ཚིག་གྲོགས་ཤིག ར་སྤྲོད། ར་མདའ། ར་ཐུག་པ། ར་བཟི་བ། བདེན་རྫུན་གྱི་ར་གཏུགས་པ། དངོས་ར་སྤྲོད་པ། 2.སྒོ་ཕྱུགས་ར་ལུག་གཉིས་ཀྱི་ནང་ནས་ར། ར་དགའ་བ་རྫ་རི་དང༌། ལུག་དགའ་བ་སྤང་རི། ར་བསད་ལུག་འདར། ཁྱི་བརྡུངས་ཕག་བྲོས། མིང་གི་རྣམ་གྲངས་ལ་སྐྱེས་སྒྲ་ཅན་དང༌། དྲི་འཛིན། ལྦ་འཆང་བཅས་སོ། 3. ལ་དོན་གྱི་ཕྲད་ཅིག ལ |
| ར |
སྒོ་ཕྱུགས་ར་ལུག་གཉིས་ཀྱི་ནང་གི་ར། |
| ར་ཀླད |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་རྐང་ལག་གི་ཆུ་རྒྱུས་རྨས་པ་དང༌། རེངས་འཁུམས་གྱུར་པ་སོགས་ལ་ཕན། |
| ར་ཁྲག |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་རེག་དུག་དང༌། འབྲུམ་ནག་ཟུངས་ཁྲག་ཉམས་པ། གྲུམ་བུ། ཆུ་སེར་སོགས་ལ་ཕན། |
| ར་གཏུགས |
ར་འཕྲོད་པར་བྱས་པ། བདེན་རྫུན་ར་གཏུགས་པ། |
| ར་གདང |
ར་རྡང་དང་འདྲ། |
| ར་གན |
1 ལྕགས་རིགས་སེར་པོ་ཞིག ར་གན་སེར་པོ་མདོག་ལེགས་ཀྱང༌། རིན་ཆེན་གསེར་གྱི་དོ་ཟླ་མིན། མིང་གི་རྣམ་གྲངས་ལ་དྲི་མེད་དང༌། རྩིབས་བརྩེགས། བཞུ་བྱ། རི་རི་ཀཱ། གསེར་ཅན་བཅས་སོ། 2 རིན་པོ་ཆེའི་རིགས་ཤིག་ནང་གསེས་སུ་ཕོ་རག་སྐྱ་བོ་དང༌། མོ་རག་ལྗང་སེར་གཉིས་མཆིས། ནུས་པས་མིག་ནད་སེལ། ཤུ་བ་དང༌། འབྲས་ནད་འཇོམས། |
| ར་གན་གསེར་བརྩི |
ངན་པའི་དོན་ཡིན་པ་མ་ཤེས་པས་བཟང་པོར་བརྩི་བའི་དཔེ། |
| ར་གན་གསེར་བརྫུས |
བཟང་ངན་དང་ལེགས་ཉེས་ཀྱི་དབྱེ་བ་ཤེས་ཀྱང་མ་ཤེས་པའི་ཁུལ་བྱས་པའི་དཔེ། |
| ར་གསུམ |
ཨ་རུ་ར་དང༌། བ་རུ་ར། སྐྱུ་རུ་ར་གསུམ་གྱི་བསྡུས་མིང༌། |
| ར་གསུམ་པ |
མངོན ལྕགས་རི། |
| ར་གུ |
ར་ཕྲུག |
| ར་ཆེན |
1 ར་བ་ཆེན་པོ། 2 ར་ཆེན་པོ། |
| ར་ཐུག |
ཕྱ་མ་བྱས་པའི་ཕོ་ར་ར་ཕོ་འམ་ར་བོ་ཡང་ཟེར། |
| ར་ཐུག་ཁྲབ་མ |
ར་ཐུག་གི་རྨོངས་སྤུའི་དྲི་མ། |
| ར་ཐུག་པ |
མགོ་ཐུག་པ། འཆར་གཞི་དང་དོན་དངོས་ར་ཐུག་པ། |
| ར་ཐུག་སྦྲེ |
ར་ཐུག་གི་རྨོངས་སྤུའི་དྲི་མ། |
| ར་ཐུལ |
ར་ལྤགས་ཀྱི་ཐུལ་པ། |
| ར་ཐོང |
ལོ་གསུམ་ལོན་པའི་ར། བུ་ཆུང་མངག་བདེ། ར་ཐོང་བཤའ་བདེ། |
| ར་དམར |
གཞན་གྱི་ནོར་ཕྱུགས་བརྡུངས་བསད་ཀྱི་རྭ་ཅན་སྒོ་ཕྱུགས། |
| ར་དུག་དམར་པོ |
བཙན་དུག་གི་རིགས་མེ་ཏོག་དམར་པོ་འཆར་བ་ཞིག་རོ་ཁ། ཞུ་རྗེས་བསིལ། ནུས་པས་གཉན་སྲིན་འཇོམས། |
| ར་དུག་པ |
ཁ་སྨད་ཞིང་མུ་སོགས་སུ་སྐྱེ་བའི་བཙན་དུག་མེ་ཏོག་སྔོ་ནག་འཆར་བ་ཞིག་ནུས་པ་བོང་ང་ནག་པོ་དང་མཚུངས། |
| ར་ནད་ལུག་དཀྲི |
མི་ཞིག་གི་ཉེས་པ་མི་གཞན་ཞིག་ལ་འགེལ་བའི་དཔེ། གྱོད་གཞི་ཁག་མང་ལ་ར་ནད་ལུག་དཀྲི་ལྟར་བྱུང་བ། དེའི་སྐོར་མི་མང་པོ་ལ་ར་ནད་ལུག་དཀྲི་བྱས། |
| ར་ཕོ |
ར་ལ་ཕོ་མོ་གཉིས་སུ་ཕྱེ་བའི་ཕོ། |
| ར་ཕྱར |
རྙིང ར་སྤུ་ལས་བྱས་པའི་ཕྱར་བ། |
| ར་ཕྲུག |
རེའུ། |
| ར་ཕྲོད |
ཡུལ་སྐད་དེ་ཕན་ཚུན་བསྡུར་ནས་ངོ་ཕྲོད་པའི་དོན། འདི་ལ་ར་སྤྲོད་ཀྱང་འབྲི། |
| ར་བ |
1 ལྕགས་རི། གངས་རིའི་ར་བ། གླིང་གའི་ར་བ། ཁྱམས་ར། ལྕགས་རིའི་ར་བ། ཤིང་ར། 2 ལྕགས་རིའམ་ཁང་པ་སོགས་ཀྱིས་མཐའ་ནས་བསྐོར་བའི་ནང་ལོགས་སམ་ཁྱམས། རྟ་ར། ལུག་ར། སྒོ་ར། ཆོས་ར། འཁྲབ་ར། ཚོང་ར། བཤས་ར། བང་མཛོད་འབྲུ་ཡིས་གང༌། ར་བ་ཕྱུགས་ཀྱིས་གང༌། |
| ར་བ་བསྲུང |
མངོན སྨད་འཚོང་མའི་གཙོ་མོ། |
| ར་བ་སྐྱེས |
མངོན བུ་རམ་ཤིང༌། |
| ར་བ་སྟོད |
བོད་རང་སྐྱོང་ལྗོངས་ཁོངས་ཆུ་ཤུར་རྫོང་གི་ས་ཆ་ཞིག |
| ར་བཏགས |
སྨད་འདོགས་ཀྱི་ཡི་གེ་བཞིའི་ཡ་གྱལ་ཞིག་སྟེ་ཀྲ་ཁྲ་གྲ་ཏྲ་དྲ་པྲ་ཕྲ་བྲ་མྲ་སྲ་ཧྲ་བཅུ་གཅིག་གོ། དེ་དག་ལ་ར་བཏགས་ཅན་གྱི་ཡི་གེའང་ཟེར། ར ཀྲ་ཁྲ |
| ར་བཏགས་ཅན་གྱི་ཡི་གེ |
ཀྲ་ཁྲ་གྲ་ཏྲ་ཐྲ་དྲ་པྲ་ཕྲ་བྲ་མྲ་སྲ་ཧྲ་བཅས་བཅུ་གཉིས་ཡིན། ０ར་བ་ཡི་ཚིག་བསྡུས་པ། １རྣམ་དབྱེ་རུ་ཡིག་བསྡུས་པ་འདི་རུ—འདིར། ཆུ་རུ་བརྐྱལ—ཆུར་བརྐྱལ་ལྟ་བུ། རྣམ་དབྱེ་རུ་ཡིག་བསྡུས་པའི་ར་དང་རྗེས་འཇུག་ར་གཉིས་ལ་ཁྱད་པར་འདི་ཡོད་དེ། རྗེས་འཇུག་ར་ཡི་རྗེས་སུ་རྣམ་དབྱེ་དུ་དང་ལ་སྦྱོར་ཆོག དཔེར་ན། མཁར་དུ་སོང་ལྟ་བུ། རྣམ་དབྱེ་བསྡུས་པའི་ར་མཐར་སླར་རྣམ་དབྱེ་སྦྱར་དུ་མེད། དཔེར་ན། ནམ་མཁར་འཕུར་ལ་ནམ་མཁར་དུ་འཕུར་ཞེས་འབྲི་མི་རུང་ལ་ལྟ་བུ། རྒྱས་པར་ལ་ལ་ལྟོས། |
| ར་བཟི་བ |
ཆང་གིས་བཟི་བ། ར་གཏིང་ནས་བཟི་བ། |
| ར་བསྐོར་ཁང་པ |
1 རྩིག་པའི་ར་བས་བསྐོར་བའི་ཁང་ཆུང་ངམ། ཁང་ལེབ། 2 མཐའ་སྐོར་དུ་ཆགས་པའི་ཁང་པ་རྣམས། |
| ར་མ |
1སྒོ་ཕྱུགས་རའི་རིགས་ཀྱི་མོའི་མིང་། 2སྒོ་ཕྱུགས་ར་སྤྱིའི་མིང་། |
| ར་མ་དཀར་མོའི་འབག |
ལྷ་མོ་འཁྲབ་དུས་གྱོན་རྒྱུའི་ར་སྤུས་བརྒྱན་པའི་འབག་ཅིག |
| ར་མ་ལུག |
གཞི་མི་མཚུངས་པ། ཚོན་མདངས་ར་མ་ལུག གྱོན་པ་ར་མ་ལུག སྐད་ཆ་ར་མ་ལུག སྣོད་སྤྱད་ཟངས་རག་ར་མ་ལུག |
| ར་མགོ |
1 ཡི་གེ་མགོ་ཅན་གསུམ་གྱི་ནང་གསེས་ཤིག་རྐ་རྒ་རྔ་རྗ་རྙ་རྟ་རྡ་རྣ་རྦ་རྨ་རྩ་རྫ་བཅས་བཅུ་གཉིས་སོ། ར རྐ་རྒ 2 སྒོ་ཕྱུགས་རའི་མགོ་བོ། ར་མགོ་ལུག་སྦྱར། |
| ར་མགོ་ཅན་གྱི་ཡི་གེ |
རྐ་རྒ་རྔ་རྗ་རྙ་རྟ་རྡ་རྣ་རྦ་རྨ་རྩ་རྫ་བཅས་བཅུ་གཉིས་ཡིན། |
| ར་མགོ་མ |
སྔོ་སྨན་ལྕགས་ཏིག་གི་མིང་གཞན་ཞིག |
| ར་མཉེ |
ལོ་མང་སྐྱེ་བའི་རྩྭ་ལྡུམ་རྩྭ་བར་རྡོག་པོ་དཀར་བོ་ཡོད་པ་ཞིག་ཡིན། རྩ་བའི་རྡོག་པོ་ནི་བོད་སྨན་རྩ་བ་ལྔའི་ནང་གི་ཡ་གྱལ་ཞིག་ཡིན། |
| ར་མཉེ་གཡུང་བ |
སྔོ་ཞིག |
| ར་མཉེ་དམན་པ |
སྔོ་ཞིག |
| ར་མཉེའི་རིགས |
སྔོ་ཞིག |
| ར་མདའ |
1 དཔུང་རོགས་སམ་ཟླ་བོ། ར་མདའ་སྦྲོན་པ། ར་མདའ་འཚོལ་བ། 2 རྗེས་འདེད། ཤ་ཤོར་གྱི་ཤ་ལན། རྒྱུ་ཤོར་གྱི་ར་མདའ། |
| ར་མཚེ |
ཤིང་སྨན་ཞིག་གློ་འཇགས་པ་དང་རྔུལ་ཆུ་འབྱིན་པར་ཕན། ཡོངས་རྫོགས་སྨན་དུ་འགྲོ། |
| ར་མར |
རའི་འོ་མ་ལས་བྱུང་བའི་མར། |
| ར་མོ |
ར་ལ་ཕོ་མོ་གཉིས་སུ་ཕྱེ་བའི་མོ། |
| ར་མོ་ཆེ |
བོད་རང་སྐྱོང་ལྗོངས་ཁོངས་ལྷ་སའི་གྲོང་ཁྱེར་དུ་ཡོད་པའི་ལྷ་ཁང་རྙིང་པ་ཞིག་སྔར་བོད་རྒྱལ་སྲོང་བཙན་སྒམ་པོའི་དུས་རྒྱ་བཟའ་ཀོང་ཇོས་རྒྱ་ནག་གི་ལྷ་ཁང་གི་བཟོ་བཀོད་དང་མཐུན་པར་སྒོ་འཕར་ཤར་ཕྱོགས་སུ་བསྟན་ཏེ་བཞེངས་ནས་བར་སྐབས་མེ་སྐྱོན་ཐེངས་འགའ་ཤོར་བའི་རྐྱེན་གྱིས་རྒྱ་ལུགས་ཀྱི་ཁང་དབྱིབས་ཞིག་ཚབ་བོད་ཁང་གི་རྣམ་པ་གསར་བསྐྲུན་གྱི་རྟེན་གཙོར་བལ་བཟའ་ཁྲི་བཙུན་གྱི་རྟེན་སྐལ་དུ་བྱུང་བའི་ཤཱཀྱ་ཐུབ་པ་དགུང་ལོ་བརྒྱད་པའི་སྐུ་ཚད་དང་མཚུངས་པའི་ཇོ་བོ་མི་བསྐྱོད་རྡོ་རྗེ་གཙོ་འཁོར་རྣམས་བཞུགས་ཤིང༌། ཕྱིས་སུ་རྒྱུད་སྟོད་དགེ་འདུན་གྱི་ཚོགས་ཁང་དུ་གྱུར་པའི་གཙུག་ལག་ཁང་ཞིག |
| ར་མོ་ཤ |
རྟ་སྦྲང་དང་ཤ་སྦྲང་གི་མིང་གཞན། |
| ར་མོ་ཤག |
ར་མཉེའི་རིགས་ཀྱི་ནང་ཚན་མེ་ཏོག་དམར་པོ་འཆར་བ་ཞིག་ནུས་པ་ར་མཉེ་དང་མཚུངས། |
| ར་མོ་ཤག་འདྲ་མཆོག |
སྔོ་ཞིག |
| ར་མོ་ཤེལ་སྨན |
རབ་བྱུང་བཞི་པའི་ནང་ཡར་སྟོད་ར་མོ་སྨན་ཆུར་སྐུ་འཁྲུངས། དགུང་ལོ་ཆུང་ངུའི་དུས་ནས་རྫོགས་པ་ཆེན་པོའི་ཆོས་ལ་ཐུགས་གཞོལ་ཏེ་རིམ་བཞིན་ཐོས་བསམ་དཔྱིས་ཕྱིན་པར་འཛད། སྨན་ཆུའི་རྫོང་བྲག་རིའི་ཕུག་པ་ནས་བླ་རྫོགས་ཐུགས་གསུམ་དང༌། གསོ་བ་རིག་པ། སྐར་རྩིས་སོགས་ཀྱི་སྐོར་སྣ་ཚོགས་གཏེར་ནས་བཏོན་ཏེ་འགྲོ་དོན་བསྐྱངས། གསང་སྨན་སོགས་ཆུ་བཅོས་ཀྱི་སྐོར་དང༌། འབམ་བཅོས་སྨན་དཀར་སྨན་ནག་སོགས་ལ་མན་ངག་ཁ་ཚར་དང་བཅས་མཛད་པས་ད་ལྟའི་བར་དུ་ཕྱག་ལེན་མ་ཉམས་པར་མཆིས། |
| ར་ཚ |
རྡོ་སྨན་ཞིག |
| ར་ཚང |
ཡུལ ར་འཛུད་སའི་ཁང་པ། ར་ཚང་ནང་དུ་གཟིག་དང༌། སྨན་ཁུག་ནང་དུ་དུག |
| ར་འཕྲོད་པ |
མཐུན་པ། ཁ་བཤད་དང་ལག་ལེན་གཉིས་དངོས་སུ་ར་འཕྲོད་པ། སྔ་ཕྱི་ར་མི་འཕྲོད་པ། འཆར་གཞི་ལག་བསྟར་བྱས་ན་ཡང་དག་ཡིན་མིན་ར་འཕྲོད་ཡོང༌། |
| ར་འོག་མཚོ |
བོད་རང་སྐྱོང་ལྗོངས་ཀྱི་དཔའ་ཤོད་རྫོང་ཁོངས་སུ་ཡོད། |
| ར་ཡི་མཆིན་པ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་སྲོད་ལོང་གི་ནད་དང༌། སྲིན་ནད། རྐང་འབམ་སོགས་ལ་ཕན། |
| ར་ཡིག་གཉིས་པ |
མངོན ལེགས་སྦྱར་གྱི་སྐད་དུ་སྦྲང་མ་ལ་བྷྲ་མ་ར་ཟེར། བྷྲ་མ་ར་ཞེས་པའི་བྷྲའི་ར་འདོགས་དང༌། མ་ར་ཞེས་པའི་ར་སྟེ་ར་ཡིག་གཉིས་ཡོད་པས་དེ་ལྟར་བཏགས། ར བྷྲ་མ་ར ར |
| ར་ར |
ཡུལ ཐེར་ཐེར། ཕོར་པའི་ཁ་ར་ར། ཇ་དམ་ཁ་ར་ར། |
| ར་རི |
ནག་ཐིག་གམ་དྲི་མའི་མིང་དཀར་གསལ་ཟླ་བ་ར་རི་གཟུགས་ཀྱིས་སྦགས་ལྟ་བུ། སྐྱོན་ཆའི་མིང་ལ་འཇུག་པ་ནི། སེམས་ལ་འཁྲུལ་སྣང་གི་ར་རི་མང་བོ་ཤར་ལྟ་བུ། |
| ར་རུ |
རའི་རྭ་ཅོ། |
| ར་རོ |
ཆང་གིས་བཟི་བའི་བྱ་སྤྱོད་ཀྱི་མིང་ར་རོ་དང་པོ་བག་མེད་པ། ར་རོ་གཉིས་པ་གླང་ཆེན་སྨྱོན་པ་འདྲ། ར་རོ་གསུམ་པ་ཤི་བའི་རོ་དང་འདྲ་ཞེས་པ་ལྟ་བུ། འདི་ལ་ར་བཟི་བ་ཡང་ཟེར། |
| ར་རོ་བ |
ཆང་གིས་མྱོས་པར་གྱུར་པ་སྟེ་ར་བཟི་བ། ཨ་རག་བཏུངས་ཏེ་ར་རོ་བ། ཆང་གིས་ར་རོ་བ། |
| ར་རྐྱལ |
ར་ལྤགས་ལས་བཟོས་པའི་རྐྱལ་སྣོད། |
| ར་རྒན |
ར་ལོ་ཆེ་བ། ར་རྒན་འདྲོགས་ནས་ཀ་བ་ལོག་པ་དང༌། བྱ་དེ་སྨྱོས་ནས་ཁང་ཐོག་བརྡིབས་པ་མེད། |
| ར་རྒོད |
རི་དྭགས་ཤིག |
| ར་རྡང |
ར་འདོགས་བྱེད་ཀྱི་ཐག་པ། |
| ར་རྩག |
ར་ལྤགས་ཀྱིས་བཟོས་པའི་སློག་པ། |
| ར་རྫི |
རའི་རྫི་བོ། མིང་གི་རྣམ་གྲངས་ལ་བུད་མེད་ཀྱིས་འཚོ་དང༌། བུད་མེད་བསྐྱངས། ར་སྐྱོང་བཅས་སོ། |
| ར་ལ་གཡུང་དྲུང་གླིང |
བོད་རང་སྐྱོང་ལྗོངས་ཀྱི་རིན་སྤུངས་རྫོང་ཁོངས་སུ་ཡོད་པའི་བོན་པོའི་དགོན་རྙིང་ཆེ་བ་ཞིག |
| ར་ལ་བཞོན་པ |
མངོན མེ་ལྷ། |
| ར་ལང་ཆ་ལང |
ཡུལ མགོ་མཇུག་གམ་སྒྲིགས་ཁྲིམས་མེད་པ། ཚུལ་མིན་ར་ལང་ཆ་ལང་བྱེད་པ། |
| ར་ལུག |
ར་དང་ལུག རྟ་དང་ར་ལུག ར་ལུག་སྲེ་བ། ར་ལུག་རྡུང་ཁ་བརྒྱབ། མགོ་ཁྲག་ཝ་མོས་ལྡག |
| ར་ས |
ལྷ་སའི་མིང་རྙིང་པ་སྟེ་ཐོག་མར་འོ་ཐང་གི་མཚོ་བསུབ་སྐབས་ར་ལ་ས་བཀལ་ཏེ་བསུབས་པས་མིང་དེ་ལྟར་གྲགས། |
| ར་ས་ནཱ |
ཉི་མའི་ཁམས་རྒྱུ་བར་བྱེད་པའི་རྩ་རོ་མའི་མིང་གཞན་ཞིག |
| ར་ས་འཕྲུལ་སྣང |
ལྷ་སའི་གཙུག་ལག་ཁང་གི་མིང་གཞན་ཞིག་སྟེ་སྔར་ལྷ་སའི་ཇོ་ཁང་ཐོག་མར་རྒྱག་སྐབས་ར་ལ་ས་བཀལ་ནས་མཚོ་བསུབས་པའི་སྟེང་དུ་བརྒྱབ་པ་ཡིན་ཟེར་སྲོལ་ལ་བརྟེན་ནས་མིང་དེ་ལྟར་གྲགས། |
| ར་སའི་སྲོག་ཤིང |
ལྷ་སའི་བྱང་ཤར་དུ་ཡོད་པའི་བྲག་ཡེར་པ་ཟེར་བའི་བྲག་ཕུག་གི་མིང༌། |
| ར་སུག |
1 རའི་རྐང་ལག ར་སུག་སྐེ་ལ་བཏགས་ནས་རྐུན་མ་ང་མིན། 2 སྔོ་ཞིག |
| ར་སྐོར |
1 ཁང་པའི་ཉེ་ཀོར་དུ་ལྕགས་རིས་བསྐོར་བའི་ས་སྟོང༌། 2 ར་བའམ་ལྕགས་རི། |
| ར་སྐྱེས |
སྒོ་ཕྱུགས་ར། |
| ར་སྐྱོང |
མངོན རའི་རྫི་བོ། |
| ར་སྐྱོར |
ཆུ་སྐྱོར་ས་སྐྱོར་སོགས་ཀྱི་ར་བ། |
| ར་སྒོ |
ལྕགས་རི་སོགས་ཀྱི་སྒོ། |
| ར་སྒོག |
ཡུལ རི་ལ་སྐྱེས་པའི་སྒོག་པ་ཞིག |
| ར་སྟོད་བདེ་བ་ཅན |
ལྷ་ས་དང་ཐག་ཉེ་བའི་སྙེ་ཐང་དུ་རབ་བྱུང་གསུམ་པའི་ཤིང་གླང་ལོར་རྒྱ་འཆིང་རུ་བ་ཟེར་བས་བཏབ་པའི་དགོན་རྙིང་འདི་སྐབས་དེའི་དབུས་གཙང་གདན་ས་ཆེན་པོ་དྲུག་གི་གྲས་ཤིག་ཏུ་གྲགས་ཤིང༌། རྔོག་ལོ་བློ་ལྡན་ཤེས་རབ་ཀྱིས་གདན་ས་མཛད། ཕྱིས་མཚན་ཉིད་རིག་པ་བསྡུས་ཚད་ཀྱི་རྩོད་གྲྭ་ཞིག་ཏུ་གྱུར། |
| ར་སྡེ |
བོད་ཡིག་གསལ་བྱེད་ཀྱི་སྡེ་པ་བདུན་པ་སྟེ་ར་ལ་ཤ་ས། ར་ལ་ཤ་ས. |
| ར་སྤྲགས |
ཡུལ ངོ་སྤྲོད་པ། ནག་ཉེས་ཀྱི་རྣམ་གྲངས་ར་སྤྲགས་གཏོང་བ། |
| ར་སྤྲོད |
དངོས་སུ་མཚོན་པ། བདེན་དོན་ར་སྤྲོད་བྱུང་བ། གནས་ཚུལ་ར་སྤྲོད། ཉམས་མྱོང་གིས་ར་སྤྲོད་གཏོང་བ། |
| ར་སྤྲོད་ཁུངས་འཚོལ |
ར་སྤྲོད་ཐུབ་པའི་ཁུངས་འཚོལ་བའམ་བཙལ་བ། ཡིད་ཆེས་ཀྱི་ར་སྤྲོད་ཁུངས་འཚོལ་བྱས་པ། |
| ར་སློག |
ར་ལྤགས་ཀྱིས་བཟོས་པའི་གོས། |
| ར་ཧ་མ་ཡིན་པའི་ཧ་ས |
ལེགས་སྦྱར་སྐད་ཀྱི་གསལ་བྱེད་སོ་བཞི་ལས་ཀྵ་ཡིག་ཕུད་པའི་སོ་གསུམ་ཡོད་པ་རྣམས་ཚིག་སྦྱོར་གྱི་འགྲོ་ལུགས་ལ་གཞིགས་ནས་གོ་རིམ་གསར་པ་ཧ་ས་ཟེར་བར་བསྒྲིགས་པ་དེའི་ནང་ར་ཧ་ཡིག་གཉིས་མ་གཏོགས་པའི་ཚིག་སྦྱོར་འགྲོ་ལུགས་ཀྱི་མིང༌། ར་ཧ ཧ་ས ཀྵ ཧ་ས ར་ཧ ར་ཧ ཧ་ས |
| ར་ཧུ་ལ |
རཱ་ཧུ་ལ་དང་འདྲ། |
| ར་ཨ་ཏ |
ཡུལ ར་རྣ་བ་ཐུང་ཐུང་གི་རིགས་ཤིག |
| རཀྟ |
ལེགས ཁྲག |
| རཀྴ |
ལེགས རག་ཤ་དང་འདྲ་སྟེ་ཤིང་ཚེར་མ་ཅན་ཞིག་གི་འབྲས་བུ། |
| རཀྴ་མིག་མེད |
འབུ་གྲོག་མའི་མིང་ནུས་པས་རྩ་ལམ་འབྱེད། དམུ་ཆུ་སྦྱོང༌། |
| རག |
ཟངས་སེར་རིགས་ཀྱི་སྤྱི་མིང་ཟངས་སེར་གྱི་དུང་ལ་རག་དུང་དང་། ཟངས་སེར་རིགས་ཀྱི་ཟངས་ང་ལ་རག་ཟངས་ཟེར་བ་ལྟ་བུ། རགས་ཀྱི་འབྲི་ཚུལ་གཞན། ０རག་ལས་ཀྱི་ཚིག་བསྡུས་པ། １རག་རག་གི་ཚིག་བསྡུས་པ་རྟ་རྐྱང་རག རྟ་རག་སེར་ཞེས་པ་ལྟ་བུ། |
| རག་གེ་རོག་གེ |
ཁ་དོག་ནག་པོའི་སྣང་བའི་ཚུལ་ཞིག རྫ་ཁོག་རག་གེ་རོག་གེ་ཞིག ཁང་པ་རག་གེ་རོག་གེའི་ནང་དུ་བསྡད་པ། ཤིང་ནགས་རག་རོག་ཅིག་གིས་རི་ཁྱབ་པ། |
| རག་དུང |
རག་ལས་བཟོས་པའི་མཆོད་རྫས་དུང་ཆེན། |
| རག་པ |
1. ཐ་མི་དད་པ རྙེད་པའམ་ཐོབ་པ། ཁེ་རག་པ། གྱོང་རག་པ། བཙལ་ཏེ་རག་པ། 2. རྟ་དྲེལ་སྤུ་རིས་རག་གི་མདོག་ཅན། རྟ་རག་པ། དྲེལ་རག་པ། |
| རག་བཏུལ |
རག་ཞིབ་མོ་བཟོས་པའི་ཕྱེ་མ། |
| རག་མ |
སྤུ་རིས་རག་གི་མདོག་ཅན་གྱི་རྒོད་མ་དང་དྲེལ་མོ། |
| རག་མོ |
སྤུ་མདོག་དཀར་ལ་སེར་ཤས་ཅན་གྱི་རྒོད་མ་དང་དྲེལ་མོ། |
| རག་ཙེ |
ཤིང་ཏོག་གི་ཚི་གུའི་མིང་གཞན། |
| རག་འདན |
ཡུལ ཨ་རག་དང་མར་ཁུ་ལ་རྩམ་པ་བཏབ་སྟེ་མཉམ་དུ་བསྐོལ་བའི་བཏུང་བ། |
| རག་རག |
རྟ་བོང་སོགས་ཀྱི་སྦུ་ཁ་སེར་ལ་ནག་ཞད་ཅན་ཏེ། ཚིག་བསྡུས་ན་རག་ཅེས་འབྲི། |
| རག་རོག |
རག་གེ་རོག་གེའི་བསྡུས་ཚིག་ |
| རག་རྡོ |
རྡོ་སྨན་གྱི་རིགས་ལྕི་ཞིང་སེར་ཉམས་ཡོད་པ་ཞིག་ནུས་པས་མིག་ནད་རབ་རིབ་བྱེད་པ་ལ་ཕན། |
| རག་ལས |
(བྱེད་མེད་ལས་ཚིག) ངེས་པར་རྟེན་པའི་དོན་ཏེ། ཡོན་ཏན་ཡང་དག་པ་འཐོབ་པ་ནི་ལག་ལེན་ལ་རག་ལས། ལག་ལེན་ལ་རག་མ་ལས་པར་ཡོན་ཏན་འཐོབ་མི་སྲིད་ལྟ་བུ། ཚིག་བསྡུས་ན་རག་ཅེས་འབྲི་ཆོག་རྩི་ཤིང་སྐྱེ་བ་ཉི་མའི་འོད་ལ་རག བདེ་སྐྱིད་འབྱུང་བ་རང་གི་རྩོལ་བར་རག་ལྟ་བུ། |
| རག་ལས་པ |
ལྟོས་དགོས་པའམ་བརྟེན་དགོས་པ། ཡོན་ཏན་ཆེ་ཆུང་སྦྱང་བརྩོན་ལ་རག་ལས་པ། མཐུན་རྐྱེན་ལ་རག་ལས་པ། གཞན་ལ་རག་མི་ལས་པ། མང་ཚོགས་ལ་རག་ལས་པ། |
| རག་ལུས་པ |
རག་ལས་པ་དང་འདྲ། |
| རག་ཤ |
ལེགས་སྦྱར་སྐད་དྲཱཀྴ་ཞེས་པའི་ཟུར་ཆག་སྟེ་ཤིང་ཚེར་མ་ཅན་ཞིག་གི་འབྲས་བུ། ཤིང་ཏོག་ཁམ་བུའི་རིགས་ཤིག་གི་མིང་མཚོ་སྔོན་ཡུལ་སྐད་དུ་ཁམ་བུ་རག་ཤ་ཟེར། དེ་ལ་རུ་རག་ཤ་དང་། ཚེར་རག་ཤ ཁམ་རག་ཤ་བཅས་རིགས་གསུམ་ཡོད། དེའི་ཚི་གུ་ལའང་རག་ཤ་ཟེར། |
| རག་ཤོག |
རག་ལྷེབ་ཤོག་བུ་ལྟ་བུ་ཞིག |
| རག་སྐུད |
རག་ལས་བཟོས་པའི་སྐུད་པ། |
| རག་སྐྱོགས |
རག་ལས་བཟོས་པའི་སྐྱོགས། |
| རག་སྟེགས |
རག་ལས་བཟོས་པའི་དཀར་ཡོལ་སོགས་ཀྱི་སྟེགས། |
| རག་སྡེར |
རག་ལས་བཟོས་པའི་སྡེར་མ། |
| རགས |
ཆུ་ལོན་ཏེ། ཆུ་འགོག་པའི་རྡོ་རྩིག ཆུ་རགས་རིང་པོ། རགས་ཟླུམ། རགས་འཁྱོག རགས་ཐིག་ལེན་པ། ཆུ་མ་ཤོར་གོང་ནས་རགས་དང༌། རྐྱེན་མ་བྱུང་གོང་ནས་བཟློག་ཐབས། |
| རགས་ཁ |
ཆུ་འགོག་བྱེད་རགས་རྩིག་གི་སྒང་ངམ་འགྲམ། |
| རགས་དབྱིབས |
ཞིབ་ཕྲ་མིན་པའི་དབྱིབས་གཟུགས། ཁང་པའི་རགས་དབྱིབས། |
| རགས་པ |
ཕྱོགས་ཆ་ཡོད་པའམ་ཞིབ་ཕྲ་མ་ཡིན་པ། ཕྱེ་མ་རགས་པ། རི་མོ་རགས་པ། ལས་དོན་ཕྲ་རགས་མེད་པ་ཚང་མ་མི་གཅིག་གི་ལག་ཏུ་ལེན་པ། |
| རགས་པ་ཆེ་ལོང |
གཙོ་ཆེ་བ། གནས་ཚུལ་རགས་པ་ཆེ་ལོང་ཞིག་ངོ་སྤྲོད་བྱེད་པ། ནང་དོན་རགས་པ་ཆེ་ལོང་དུ་རྟོགས་པ། |
| རགས་པའི་དཔངས་ཚད |
རྙིང སོར་བཞི་ཡན་ཆད། |
| རགས་བྲིས |
ཧྲོབ་ཙམ་བྲིས་པ། རི་མོ་རགས་བྲིས། མ་ཟིན་རགས་བྲིས། |
| རགས་མོ |
རགས་པ་དང་དོན་འདྲ་ཕྱེ་རགས་མོ། ཟེགས་མ་རགས་མོ་ཞེས་པ་ལྟ་བུ། |
| རགས་ཙམ |
ཕྲ་ཞིབ་མིན་པ། རགས་ཙམ་བཤད་པ། བརྟག་དཔྱད་རགས་ཙམ་བྱས་པ། གནས་ཚུལ་རགས་ཙམ་ཞུ་བ། |
| རགས་ཞིབ |
རྩིང་བ་དང་ཞིབ་མོ། རྩམ་པ་རགས་ཞིབ། ལས་སྟངས་རགས་ཞིབ་དབྱེ་བ་འབྱེད་པ། |
| རགས་རིམ |
ཞིབ་མོ་མིན་པའི་དོན་ཏེ། ནང་དོན་རགས་རིམ་ཞིག་བཤད། གནས་ཚུལ་རགས་རིམ་ཙམ་ཤེས། རི་མོ་རགས་རིམ་ཞིག་བྲིས་ལྟ་བུ། |
| རགས་རོབ |
ཞིབ་ཆ་མ་ཡིན་པའི་ལམ་རོབ། ལག་རྩལ་རགས་རོབ། གནས་ཚུལ་རགས་རོབ། |
| རགས་རྒྱབ་དཔོན་པ |
རགས་རྒྱབ་པའི་འགོ་པ། |
| རགས་རྒྱབ་པ |
སྔར་ལྷ་ས་གྲོང་ཁྱེར་ནང་གི་མིའི་རོ་དུར་ཁྲོད་དུ་སྐྱེལ་མཁན་གྱི་ཚོགས་པ་ཞིག་མི་དེའི་གྲས་རྣམས་སྔར་ལྷ་སའི་ཆུ་རགས་ཀྱི་རྒྱབ་ཏུ་སྡོད་པས་མིང་དེ་ལྟར་གྲགས། |
| རགས་རྒྱབ་ཨ་ཕ |
ལྷ་སའི་མིའི་རོ་སྐྱེལ་མཁན་རགས་རྒྱབ་པའི་སྐྱེས་པ་རྣམས། |
| རགས་རྒྱབ་ཨ་མ |
ལྷ་སའི་མིའི་རོ་སྐྱེལ་མཁན་རགས་རྒྱབ་པའི་བུད་མེད་རྣམས། |
| རགས་རྡོ |
རགས་རྩིག་བྱེད་ཀྱི་རྡོ། |
| རགས་རྩིས |
ཞིབ་ཕྲ་མ་བྱས་པའི་རྩིས། ཐོན་འབོར་རགས་རྩིས་བྱས་པ། གཏོང་ཡོང་རགས་རྩིས་བྱེད་པ། |
| རགས་ལས |
ལས་ཀ་ལམ་རོབ་ཙམ། ལས་ཀ་བྱེད་དུས་ཞིབ་ལས་བྱེད་པ་ལས་རགས་ལས་བྱེད་མི་རུང༌། |
| རང |
1.ཉིད། ང་རང༌། ཁོ་རང་ཚོ། ཁྱེད་རང་ཉིད། རང་ཅག རང་རེ། རང་གིས་རང་ཉིད་མེད་པར་བཟོ་བ། 2 1 དེ་ཁོ་ན། དམར་པོ་རང༌། གསལ་པོ་རང་མི་འདུག ཆེན་པོ་རང་མིན་པ། 2 དེ་ཉིད་སྟོན་པའི་ཚིག་ཕྲད་ཅིག དེ་རང༌། བཀའ་གནང་རང༌། སློབ་གྲྭ་དེ་རང་ལ་ཡོད། དེ་ཁོའི་ཁྱིམ་རང་ཡིན། 2.(བསྣན་ཚིག) མིའི་རྩོལ་བར་མ་བརྟེན་པ་མ་བསྒྲུབས་རང་གྲུབ། མ་བསྐྱིལ་རང་འཁྱིལ། མ་བསྒྱེལ་རང་འགྱེལ། ནད་རང་ཞིར་སོང་། འུར་སྒྲ་རང་འཇགས་སུ་ཞི་ལྟ་བུ། |
| རང་ཁག་གཞན་འགེལ |
རང་སྐྱོན་གྱི་ཁག་ངན་གཞན་ལ་དཀྲི་བ། |
| རང་ཁུངས |
ཐོག་མ་རང་གི་འབྱུང་གནས། འཚོ་ཐབས་རང་ཁུངས། |
| རང་ཁུལ |
སོ་སོ་རང་གི་ས་ཕྱོགས། |
| རང་ཁེ་བློ་མང |
རང་གི་ཁེ་བཟང་སྒྲུབ་འདོད་ཀྱི་བསམ་བློ་མང་པོ། |
| རང་ཁོངས |
སོ་སོའི་ཆར་གཏོགས་སམ་མངའ་འོག རང་ཁོངས་དཔུང་སྡེ། རང་ཁོངས་ལས་ཁུངས། རང་ཁོངས་སློབ་གྲྭར་འབྱོར་ཐོ་འགོད་པ། |
| རང་ཁྲིམས་ཐེག་པ་ཁུར་ལེན |
གཞན་གྱི་སྐུལ་ལྕག་ལ་མ་ལྟོས་པར་རང་ཁྲིམས་རང་གིས་སྲུང་བ། |
| རང་ག་བ |
1 ཕལ་པ། སྐྱེ་བ་རང་ག་བ། བྱས་རྗེས་རང་ག་བ་མ་ཡིན་པ་ཞིག་བཞག་པ། ལས་ཡུལ་རང་གར་གནས་པ། 2 མ་བརྟགས་གང་བྱུང་ངམ་ཅིའང་རུང་བ། གཏམ་རང་ག་བར་སྨྲ་བ། |
| རང་ག་མ |
རང་ག་བ་དང་འདྲ། |
| རང་གནས |
1 རང་གི་སྡོད་གནས། རང་གནས་སུ་གཤེགས་པར་གྱུར། 2 རང་ཉིད་བསྡད་པ། རང་ས་རང་གནས། 3 སྔར་རྒྱུན་རང་འཇགས། མི་གྲངས་སྤར་བཅག་མེད་པར་རང་གནས་སུ་བཞག་པ། |
| རང་གནས་པ |
མངོན རྐུན་མ། |
| རང་གནོང་ངོས་ལེན |
རང་གི་བྱས་ཉེས་རང་གིས་ངོས་ལེན་པ། |
| རང་གཞན |
རང་དང་གཞན་གཉིས་བསྡུས་པའི་ཚིག རང་གཞན་གཉིས་ཕན། |
| རང་གཟུགས |
1 རང་གི་ལུས། རང་གཟུགས་རང་བདག 2 ངོ་བོ། རང་གཟུགས་དམར་རྗེན་དུ་གསལ་བ། |
| རང་གཤིས |
མི་དང་སྲོག་ཆགས་ལ་ལྷན་སྐྱེས་སུ་ཡོད་པའི་གཤིས་ཀའི་མིང་མིའི་རང་གཤིས། ཤ་ཁྲག་ཟ་བ་གཅན་གཟན་གྱི་རང་གཤིས་ཡིན་ལྟ་བུ། |
| རང་གསང |
ལུས་ལ་རང་བཞིན་ནས་ཡོད་པའི་གསང་མིད་པ་ནས་ཕོ་བའི་བར་དང༌། ཨོལ་ཀྲོང་ནས་གློ་བའི་བར། རྒྱུ་མ་ནས་གཞང་ཁའི་བར། མཁལ་མ་ནས་ཆུ་སོ་ལ་ཐུག་གི་བར་གྱི་སྟོང་པའི་གསང༌། |
| རང་གི་གྲུབ་མཐའ |
ཆོས་ལུགས་ཁག་རང་རང་གི་འདོད་ཚུལ་ལམ་ལྟ་བ། |
| རང་གི་ངང |
རང་ཤུགས། མྱུ་གུ་རང་གི་ངང་གིས་སྐྱེ་བ། རང་གི་ངང་ཉིད་ཀྱིས་འཕེལ་བ། |
| རང་གི་ངོ་བོ |
རང་གི་མཚན་ཉིད་དམ་རང་བཞིན། |
| རང་གི་བདག་ཉིད |
རང་རང་སོ་སོའི་ངོ་བོ། |
| རང་གི་མཚན་ཉིད |
རང་གི་ཐུན་མོང་མིན་པའི་བྱེད་ལས་སམ་ཁྱད་ཆོས། ཀ་བ་རང་གི་མཚན་ཉིད་ནི་གདུང་འདེགས་བྱེད་པའོ། |
| རང་གི་མཚན་ཉིད་སྟོང་པ་ཉིད |
ཀུན་བྱང་གི་ཆོས་རྣམས་ཀྱི་རང་རང་གི་མཚན་ཉིད་སྟོང་གཞི་ཆོས་ཅན་དུ་བྱས་པ་དེའི་ཆོས་ཉིད་དོ། |
| རང་གི་ས་པ |
བསམ་གཏན་རང་རང་གི་ས། |
| རང་གིར་བྱེད་པ |
བདག་སྤྲོད་དམ། དབང་དུ་བྱེད་པ། བདག་གཅིག་པུས་རང་གིར་བྱེད་མི་རུང༌། |
| རང་གྲུབ |
རང་བཞིན་གྱིས་གྲུབ་པ། |
| རང་གྲོན་རང་གཏོང |
འགྲོ་སོང་ཚང་མ་སོ་སོས་འདོན་པ། |
| རང་གྲོལ |
གྲོལ་ལུགས་ཆེན་པོ་བཞིའི་ནང་གསེས། རང་བྱུང་གི་རིག་པ་དེ་ཉིད་རང་ངོ་ལ་གཉེན་པོ་གང་གིས་ཀྱང་མ་བཅོས་པར་གང་ཤར་ཐམས་ཅད་སྦྲུལ་མདུད་རང་ཞིག་པ་བཞིན་འགྲོལ་བྱེད་གཞན་ལ་མ་ལྟོས་པས་རང་གྲོལ་ཞེས་བྱའོ། |
| རང་གྲོལ་སྐོར་གསུམ |
རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའི་རྫོགས་པ་ཆེན་པོའི་ཆོས་སྐོར་གསུམ་སེམས་ཉིད་རང་གྲོལ། ཆོས་ཉིད་རང་གྲོལ། མཉམ་ཉིད་རང་གྲོལ་འགྲེལ་ཌིཀ་དང་བཅས་པ་རྣམས་སོ། |
| རང་ངེ་རོང་ངེ |
ས་བབ་ཁོད་སྙོམས་པོ་མེད་པའི་ཚུལ། འགྲོ་ལམ་རང་ངེ་རོང་ངེ། ས་ཡུལ་རང་ངེ་རོང་ངེ་རྣམས་ཁོད་སྙོམས་བྱས་པ། |
| རང་ངོས |
1 རང་ཕྱོགས། 2 རང་སྣང༌། |
| རང་ཅག |
བདག་ཅག་དང་དོན་འདྲ། |
| རང་ཆ |
རང་རང་གི་སྐལ་བའམ་ཐོབ་ཆ། |
| རང་ཆགས |
1 རང་བཞིན་གྱིས་གྲུབ་པ། ཞོ་བསྙལ་ན་རང་ཆགས་བྱུང་འདུག ཆུ་ལ་དར་རང་ཆགས་བྱུང་བ། 2 རྙིང ཕུན་ཚར་གྱི་མཐའ་བཙེམས་པ། |
| རང་ཆས |
1 རང་བྱུང་ངམ་རང་གྲུབ། མ་བཟོས་རང་ཆས་སུ་གྲུབ་པའི་རྩྭ་ཐང༌། འགྲེལ་བཤད་རང་ཆས། 2 རང་ཉིད་འགྲོ་བ། ཆུ་རྒྱུན་རང་ཆས་སུ་རྒྱུག་པ། 3 རང་གི་ཟས་གོས་ཡོ་བྱད། |
| རང་ཆས་སུ |
གཤིས་དང་ལྷན་སྐྱེས་ཀྱི་དོན་ཏེ། མ་བྲིས་རང་ཆས་སུ་རྡོ་ལ་རི་མོ་བཀྲ། མ་བྱུག་རང་ཆས་སུ་ཡོད་པའི་མཁུར་ཚོས་ཞེས་པ་ལྟ་བུ། |
| རང་ཆེ་རང་མཐོ |
ང་རྒྱལ་ཁེངས་དྲེགས་བྱེད་པའི་དཔེ། |
| རང་ཇུས |
རང་བྱུས་ཀྱང་ཟེར། རང་དོན། |
| རང་ཉམས |
1 རང་གི་རྒྱུད། རང་ཉམས་ལ་སྦྱར་བ། 2 རང་ཉིད་ཉམས་དམས་པ། 3 རང་བཞིན། |
| རང་ཉིད |
རང་དངོས་དང་རང་གཅིག་པུ་ཁོང་རང་ཉིད། ཞིང་པ་རྒན་པོ་དེ་རང་ཉིད་ཀྱིས་ཞིང་བཏབ་ལྟ་བུ། |
| རང་ཉེས |
རང་ཉིད་ཀྱིས་བྱས་པའི་ཉེས་སྐྱོན། རང་ཉེས་ཁས་ལེན། རང་ཉེས་གཞན་གཡོགས། རང་ཉེས་རང་འཚོལ། རང་ཉེས་རང་ཞུ། རང་ཉེས་གསལ་ཞུ། |
| རང་ཐག་བཅད་པ |
གཞན་ལ་མ་དྲིས་པར་རང་ཐག་རང་གིས་བཅད་པ། |
| རང་དགའ་བ |
1 རང་གི་ཡིད་དགའ་བ། རང་དགའ་བའི་ལུས་རྩལ། 2 རང་ག་བ་དང་འདྲ། |
| རང་དགའ་མ |
མངོན ཁྱིམ་བདག་མོ། |
| རང་དགར |
(བསྣན་ཚིག) ཚོད་འཛིན་མེད་པ་རང་དགར་སྐྱེད་ཚལ་དུ་འཁྱམས་ལྟ་བུ། |
| རང་དགར་ལུས་པ |
བདག་སྤྲོད་མེད་པར་ལུས་པ། ནོར་འཁྲུལ་རང་དགར་ལུས་སུ་མ་འཇུག དཀྲོག་གཏམ་རང་དགར་ལུས་ན་གང་ས་གང་དུ་ཁྱབ་ཡོང༌། |
| རང་དཔེ་གཞན་སྟོན |
རང་གི་སྤྱོད་བཟང་གཞན་གྱི་མིག་དཔེ་བལྟ་སར་སྟོན་པ། |
| རང་དབང |
1ཁྲིམས་ལུགས་སུ་གཏན་ལ་ཕབ་པའི་མཚམས་ལས་མ་འདས་པར་རང་དགའི་བྱ་སྤྱོད་བྱེད་པའི་དབང་ཆའི་མིང་རང་དབང་ཡོད་ལ་སྒྲིག་ཁྲིམས་ཀྱང་ཡོད་པ་ཞེས་པ་ལྟ་བུ། 2རང་གིས་རང་ལ་ཚོད་འཛིན་པའི་ནུས་པའི་མིང་དགའ་ནས་རང་དབང་མེད་པར་གད་མོ་བགད། སྐྱོ་ནས་རང་དབང་མེད་པར་མཆི་མ་ཤོར་ལྟ་བུ། |
| རང་དབང་མེད་པ |
1 གཞན་ལ་ལྟོས་དགོས་པ་དང་བརྟེན་དགོས་པ། ཁྱིམ་ཚང་གར་སྐྱེས་འདམ་ཀའི་རང་དབང་མེད། 2 རང་གིས་བདག་སྤྲོད་མི་ཐུབ་པའམ་ཚོད་འཛིན་མི་ཐུབ་པ། གད་མོ་རང་དབང་མེད་པར་ཤོར་བ། ཐལ་མོ་རང་དབང་མེད་པར་རྡེབ་པ།..3བྱ་སྤྱོད་ཐམས་ཅད་གཞན་ལ་བསྟུན་མི་དགོས་པ། མི་ལུས་ཀྱི་རང་དབང༌། འགྲོ་སྤྱོད་ཀྱི་རང་དབང༌། རང་དབང་རང་བདག རང་དབང་རང་བཙན། རང་དབང་རང་འཛིན། རང་དབང་རང་ལ་མེད་པ། མིང་གི་རྣམ་གྲངས་ལ་འགོག་པ་མེད་པ་དང༌། ང་ཡིར་བ། ལྟོས་པ་མེད་པ། བདག་གིར་བ། བདག་དབང་བ། གཞན་གྱིས་མ་བཟུང་བ། གཞན་ལ་མ་རག་པ། རང་གར་སྤྱོད། རང་གིར་བྱེད། རང་དགའ་བཅས་སོ།. |
| རང་དམག་ཐུག་འཛོམས |
རང་ཕྱོགས་དམག་དཔུང་ཕྱོགས་སོ་སོ་ནས་འཛོམས་པ། |
| རང་དོན |
1 རང་ཉིད་དམ་སྒེར་གྱི་དོན། རང་དོན་དགོངས་ཞུ། རང་དོན་རྩྭ་ཡི་གྲིབ་མ་འདྲ། སྤྱི་དོན་མཐོན་པོ་གནམ་དང་འདྲ། 2 རང་ལ་ཕན་པའི་དོན། རང་དོན་ཁོ་ན་གཉེར་བ། |
| རང་དོན་གྱི་རྟགས |
རྟགས་ཡང་དག་གང་ཞིག་སྔ་རྒོལ་གྱིས་ཕྱི་རྒོལ་གྱི་དོན་དུ་མ་བཀོད་པ། དཔེར་ན། ཕྱི་རྒོལ་མེད་པའི་གང་ཟག་རང་ཉིད་ལ་དུ་བས་ལ་ལ་མེ་ཡོད་པར་སྒྲུབ་པའི་ཚེ་དུ་བ་ལྟ་བུ། |
| རང་དོན་རྒྱབ་བསྐྱུར |
རང་དོན་བློས་བཏང་བ། |
| རང་དོན་རྗེས་དཔག |
གཏན་ཚིགས་ཡང་དག་གི་སྒོ་ནས་ལྐོག་གྱུར་གྱི་གནས་གང་ཡིན་པ་ལ་ལེགས་པར་བརྟགས་པས་རང་གིས་དོན་དེ་ཚུལ་བཞིན་རྟོགས་པའི་རྗེས་དཔག་གོ། |
| རང་དོན་སྒྲུབ་ཕྱོགས |
གཞུང་གིས་སྤྲད་པའི་ལས་འགན་ཕར་བཞག་ནས་རང་གི་དོན་དག་ཁོ་ན་སྒྲུབ་པའི་ཕྱོགས་སུ་སོང་བ། |
| རང་དོན་སྦུག་འདྲེན |
སྒེར་དོན་གཉེར་བ། |
| རང་དོན་སྦུག་འཚང |
སྒེར་ཕན་སེམས་ནང་ལ་བཅང་བ། རང་དོན་སྦུག་འཚང་གི་མིས་སྤྱི་དོན་གཤའ་མ་ཞིག་བྱེད་མི་ཐུབ། རང་དོན་སྦུག་འཚང་གི་གཡོ་ལྷད་བྱས་པ། |
| རང་ཕན་གཞན་གནོད |
རང་ཉིད་ལ་ཕན་པའི་ཆེད་དུ་མི་ལ་གནོད་སྐྱེལ་བ། ཁེ་སྤོགས་འདོད་རྔམ་གྱིས་རང་ཕན་གཞན་གནོད་བྱེད་པ། |
| རང་ཕྱོགས |
1 རང་དང་ཐག་ཉེ་བའི་ས་ཕྱོགས། 2 རང་སྡོད་སའི་ཕྱོགས། 3 རང་གི་གཉེན་ཕྱོགས་སམ་མཐུན་ཕྱོགས། མིང་གི་རྣམ་གྲངས་ལ་ཁོན་མེད་དང༌། གྲོགས་པོ། བློ་ཉེ། མཛའ་བཤེས། ཟུན། ཡིད་གཅུགས་བཅས་སོ། 4 རང་གི་རིང་ལུགས། |
| རང་བ |
ཐ་མི་དད་པ མོས་པའམ་དགའ་བ། རྗེས་སུ་ཡི་རང་བ། ཡི་མི་རང་བ། ཤིན་ཏུ་རང་བའི་རྣམ་འགྱུར་བསྟན། |
| རང་བདག |
རང་ལ་དབང་བ། རང་བཙན་རང་བདག |
| རང་བབ |
1 རང་གི་གནས་ཚུལ། གཟུགས་སྟོབས་ཀྱི་རང་བབ། འཁོས་ཀའི་རང་བབ། 2 རང་བཞིན་གྱིས་བབས་པའམ་ལྷུང་བ། འབྲས་བུ་སྨིན་ནས་རང་བབ་ཏུ་ལྷུང་བ། 3 རང་སོའམ་རང་འཇགས། སྤྱོད་པ་རང་བབ་ཏུ་གནས་པ། |
| རང་བབས |
རང་བབ་དང་འདྲ། |
| རང་བཙན |
གཞན་ལ་བརྟེན་མི་དགོས་པ། རང་བཙན་རྒྱལ་ཁབ། རང་བཙན་རང་དབང༌། |
| རང་བཞིན |
1 ངང་ཚུལ་དང༌། ངོ་བོ། གཤིས་ཀ། ཞི་བའི་རང་བཞིན། རང་བཞིན་བཟང་པོ། རང་བཞིན་བརྟན་པོ། རང་བཞིན་འགྱུར་བ། མིང་གི་རྣམ་གྲངས་ལ་ངོ་བོ་དང༌། ཡང་དག་གྲུབ། རང་གི་ངོ་བོ། རང་གཟུགས་བཅས་སོ། 2 བཅོས་མིན་དང༌། འབད་རྩོལ་མེད་པ། རང་བཞིན་གྱི་དུག རང་བཞིན་གྱི་དགྲ་བོ། རང་བཞིན་གྱིས་མེད་པར་འགྱུར་བ། 3 མངོན ཆོས་ཐམས་ཅད་ཀྱི་རང་བཞིན་བདག་མེད་པར་གཅིག་ཡིན་པས་གྲངས་གཅིག་མཚོན། |
| རང་བཞིན་གནས་རིགས |
སེམས་ཅན་ཐམས་ཅད་འཚང་རྒྱ་རུང་བའམ། ངོ་བོ་ཉིད་སྐུར་འགྱུར་རུང་བ་རང་གི་རྟེན་ཆོས་སུ་འགྱུར་བའི་དྲི་མ་དང་བཅས་པའི་སེམས་ཀྱི་ཆོས་ཉིད། |
| རང་བཞིན་གྱི་ཁ་ན་མ་ཐོ་བ |
སྲོག་གཅོད་པ་སོགས་སངས་རྒྱས་ཀྱིས་བཅས་པའི་བསླབ་ཁྲིམས་མིན་པར་རང་བཞིན་གྱི་སྡིག་པ། |
| རང་བཞིན་གྱི་གཏན་ཚིགས |
1 བསྒྲུབ་བྱ་དང༌། སྒྲུབ་བྱེད་གཉིས་ངོ་བོ་གཅིག་ཡིན་པའི་རྒྱུ་མཚན། 2 རང་གར་གྱི་སྒྲུབ་བྱེད་དམ་སྒྲུབ་བྱེད་ལྟར་སྣང༌། |
| རང་བཞིན་གྱི་གནས |
1 ཆོས་སྐུའི་ཞིང༌། 2 ཆོས་དབྱིངས། |
| རང་བཞིན་གྱི་བསྐལ་དོན |
བསྐལ་དོན་གསུམ་གྱི་ནང་གསེས། དངོས་པོ་གང་ཞིག་རང་བཞིན་གྱིས་བར་དུ་ཆོད་དེ་མཐོང་མི་ནུས་པ། དཔེར་ན། ཤ་ཟ་དང་བར་སྲིད་ལྟ་བུའོ། |
| རང་བཞིན་གྱི་མྱང་འདས |
སེམས་ཅན་གྱི་རྒྱུད་ཀྱི་སེམས་བདེན་གྲུབ་ཀྱིས་སྟོང་པའོ། |
| རང་བཞིན་གྱི་ཚུལ་ཁྲིམས |
སྲོག་གཅོད་པ་དང༌། མ་བྱིན་པར་ལེན་པ། ལོག་པར་གཡེམ་པ། རྫུན་དུ་སྨྲ་བ་བཅས་བཞི་སངས་རྒྱས་ཀྱི་བཅས་ཁྲིམས་ལ་མ་ལྟོས་པར་སྤངས་ན་རང་བཞིན་གྱིས་བསོད་ནམས་ཀྱི་ལས་སུ་གྱུར་པའི་ཚུལ་ཁྲིམས་སོ། |
| རང་བཞིན་གྱི་ཡན་ལག |
ཆོས་རབ་རྣམ་འབྱེད་ཡང་དག་བྱང་ཆུབ་ཀྱི་ཡན་ལག་གོ། |
| རང་བཞིན་གྱི་རྟགས |
རྟགས་ཡང་དག་གི་ནང་གསེས། ཡིན་པ་སྒྲུབ་ལ་ཚུལ་གསུམ་ཚང་བ་དཔེར་ན། སྒྲ་ཆོས་ཅན། མི་རྟག་བྱས་པའི་ཕྱིར། ཞེས་པ་ལྟ་བུ་ངོ་བོ་བདག་གཅིག་གི་འབྲེལ་བ་ལ་བརྟེན་ནས་རྟགས་དེ་ཡིན་ན་བསྒྲུབ་བྱེད་དེ་ཡིན་པར་སྒྲུབ་པའོ། |
| རང་བཞིན་གྱི་རྟགས་གཉིས |
ཁྱད་པར་ལྟོས་པ་བའི་རྟགས་དང༌། ཁྱད་པར་དག་པ་བའི་རྟགས་ཏེ་གཉིས་སོ། |
| རང་བཞིན་གྱི་སྐད |
པྲཀྲྀཏི |
| རང་བཞིན་གྱིས་གཡེང་བ |
རྣམ་གཡེང་དྲུག་གི་ནང་ཚན་ཞིག་སྒོ་ལྔའི་རྣམ་པར་ཤེས་པ་རྣམས་རང་བཞིན་གྱིས་ཁ་ཕྱིར་བལྟས་པས་ནང་དུ་མཉམ་པར་འཇོག་མི་ནུས་པའོ། |
| རང་བཞིན་གྱིས་མ་གྲུབ་པ |
རང་གི་མཚན་ཉིད་ཀྱིས་མ་གྲུབ་པ། |
| རང་བཞིན་དང་འགལ་བའི་ཁྱབ་བྱ་དམིགས་པ |
འགལ་བའི་ཁྱབ་བྱ་དམིགས་པ་བཞིའི་ནང་གསེས། གནོད་བྱེད་ཀྱི་ཁྱབ་བྱ་རྟགས་སུ་བཀོད་ནས། གནོད་བྱའི་ངོ་བོ་འགོག་པ་དཔེར་ན། ཙན་དན་གྱི་མེས་ཁྱབ་པར་ནོན་པའི་གཞིར་ཆོས་ཅན། གྲང་རེག་རྒྱུན་ཆགས་སུ་གནས་པ་མེད་དེ། ཙན་དན་གྱི་མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་ཙན་དན་གྱི་མེས་གྲང་རེག་གི་དངོས་པོ་མེད་པར་སྒྲུབ་པའོ། |
| རང་བཞིན་དང་འགལ་བའི་ཁྱབ་བྱ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་རང་བཞིན་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་ཁྱབ་བྱ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་ཁྱབ་བྱེད་དང་འགལ་བའི་རང་བཞིན་དམིགས་པའི་རང་རྒྱུད་འཕེན་པ་དཔེར་ན། མེ་ཚད་མའི་སྟོབས་ཀྱི་ངེས་པའི་ཤར་གཞིར་ཆོས་ཅན། མེ་ཚད་མའི་སྟོབས་ཀྱི་ངེས་པ་མ་ཡིན་པར་ཐལ། ཁ་བའི་རེག་པ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། ཁ་བའི་རེག་པ་མེད་དེ། མེ་ཚད་མའི་སྟོབས་ཀྱིས་ངེས་པའི་ཕྱིར་ཞེས་བཟློག་པ་གཞན་རིགས་འཕེན་པའོ། |
| རང་བཞིན་དང་འགལ་བའི་འབྲས་བུ་དམིགས་པ |
འགལ་བའི་འབྲས་བུ་དམིགས་པ་བཞིའི་ནང་གསེས། གནོད་བྱེད་ཀྱི་འབྲས་བུ་རྟགས་སུ་བཀོད་ནས་གནོད་བྱའི་ངོ་བོ་འགོག་པ་དཔེར་ན་དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། གྲང་རེག་རྒྱུན་ཆགས་སུ་འབྱུང་བ་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེ་འབྲས་ཀྱིས་གྲང་རེག་གི་དངོས་པོ་མེད་པར་སྒྲུབ་པའོ། |
| རང་བཞིན་དང་འགལ་བའི་འབྲས་བུ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་རང་བཞིན་དམིགས་པའི་ཐལ་འགྱུར་གསུམ་གྱི་ནང་གསེས། འགལ་འབྲས་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་རྒྱུ་དང་འགལ་བའི་རང་བཞིན་དམིགས་པའི་རང་རྒྱུད་འཕེན་པ་དཔེར་ན། མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་འབྲས་སྤུ་ལོང་བྱེད་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་འབྲས་སྤུ་ལོང་བྱེད་མེད་དེ། མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའོ། |
| རང་བཞིན་དང་འགལ་བའི་རང་བཞིན་དམིགས་པ |
འགལ་བའི་རང་བཞིན་དམིགས་པའི་རྟགས་བཞིའི་ནང་གསེས། གནོད་བྱེད་ཀྱི་ངོ་བོ་རྟགས་སུ་བཀོད་ནས་གནོད་བྱའི་ངོ་བོ་འགོག་པ་དཔེར་ན། མེས་ཁྱབ་པར་ནོན་པའི་ཤར་གཞིར་ཆོས་ཅན། གྲང་རེག་རྒྱུན་ཆགས་སུ་གནས་པ་མེད་དེ། མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེའི་རང་བཞིན་གྱིས་གྲང་རེག་གི་དངོས་པོ་མེད་པར་སྒྲུབ་པའོ། |
| རང་བཞིན་དང་འགལ་བའི་རང་བཞིན་དམིགས་པའི་ཐལ་འགྱུར |
རང་རིགས་འཕེན་པའི་ཐལ་འགྱུར་བཞིའི་ནང་གསེས། འགལ་བའི་རང་བཞིན་རྟགས་སུ་བཀོད་ནས་ཐལ་བ་འཕངས་པ་བཟློག་ན་རང་བཞིན་འགལ་དམིགས་ཀྱི་རང་རྒྱུད་དེ་ཉིད་འཕེན་པ་དཔེར་ན་མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་རེག་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་རེག་མེད་དེ། མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་རང་གི་རིགས་གཅིག་པའི་རང་རྒྱུད་འཕེན་པའོ། |
| རང་བཞིན་དང་འགལ་བའི་རྒྱུ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་རང་བཞིན་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་རྒྱུ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་འབྲས་བུ་དང་འགལ་བའི་རང་བཞིན་དམིགས་པའི་རང་རྒྱུད་འཕེན་པ་དཔེར་ན། མེ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། མེ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་རེག་གི་དངོས་རྒྱུ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན་གྲང་རེག་གི་དངོས་རྒྱུ་མེད་དེ། མེ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། |
| རང་བཞིན་དམིགས་པའི་ཐལ་འགྱུར |
གཞན་རིགས་འཕེན་པའི་ཐལ་འགྱུར་བཅུ་བཞིའི་ནང་གསེས། རང་བཞིན་དམིགས་པ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་ཁྱབ་བྱེད་མ་དམིགས་པའི་རང་རྒྱུད་འཕེན་པ་སྟེ་དཔེར་ན། ཤིང་མེད་ཀྱི་བྲག་རྫོང་ན་ཆོས་ཅན། ཤིང་ཡོད་པར་ཐལ། ཤ་པ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། ཤ་པ་མེད་དེ། ཤིང་མེད་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། |
| རང་བཞིན་དུ་གནས་པ |
རྣལ་དུ་གནས་པའམ་རང་སོར་གནས་པ། ནད་མེད་རང་བཞིན་དུ་གནས་པ། |
| རང་བཞིན་པ |
ཕལ་པའམ་དཀྱུས་མ། ཡུལ་མི་རང་བཞིན་པ། |
| རང་བཞིན་བརྗོད་པ |
དྲང་པོར་བརྗོད་པ། |
| རང་བཞིན་བརྗོད་པའི་རྒྱན |
དོན་རྒྱན་གྱི་ནང་གསེས་སེམས་ལྡན་གཙོ་བོར་བྱས་པའི་ཕྱི་ནང་དངོས་པོ་གང་རུང་གི་རིགས། བྱ་བ། ཡོན་ཏན། རྫས་བཞིའི་རང་བཞིན་དྲང་པོ་བརྗོད་པའི་རྒྱན་ཞིག |
| རང་བཞིན་མ་དམིགས་པའི་རྟགས |
སྣང་རུང་གི་འབྲེལ་ཟླ་མ་དམིགས་པའི་རྟགས་ཀྱི་ཡ་གྱལ། སྒྲུབ་བྱེད་དངོས་པོ་རང་ཉིད་ཀྱི་རང་བཞིན་སྣང་དུ་རུང་བའི་ཆོས་གང་མངོན་སུམ་ཚད་མས་མ་དམིགས་པའི་རྟགས་ཀྱིས་གཞི་དེར་དངོས་པོ་དེ་ཡོད་པ་བཀག་པ། དཔེར་ན། བུམ་པ་ཚད་མས་མ་དམིགས་པའི་ཤར་གཞིར་ཆོས་ཅན། བུམ་པ་མེད་དེ། བུམ་པ་ཚད་མས་མ་དམིགས་པའི་ཕྱིར་ཞེས་པ་ལྟ་བུའོ། |
| རང་བཞིན་འགལ་དམིགས་ཀྱི་རྟགས |
སྣང་རུང་གི་འགལ་ཟླ་དམིགས་པའི་རྟགས་ཀྱི་ནང་གསེས། སྒྲུབ་ཆོས་དང་འགལ་བའི་རང་བཞིན་རྟགས་སུ་བཀོད་ནས་དགག་བྱ་འགོག་པ་དཔེར་ན། མེ་སྟོབས་ཆེན་པོས་ཁྱབ་པར་ནོན་པའི་ས་ཕྱོགས་སུ་ཆོས་ཅན། གྲང་རེག་རྒྱུན་ཆགས་སུ་འབྱུང་བ་མེད་དེ། མེ་སྟོབས་ཆེན་པོས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་སྒྲུབ་བྱེད་ཚ་བ་མེ་རྟགས་སུ་བཀོད་ནས་དགག་ཆོས་ཚ་བ་དང་ལྷན་ཅིག་མི་གནས་འགལ་དུ་གྱུར་པའི་གྲང་རེག་འགོག་པའམ་མེད་ངེས་སུ་སྒྲུབ་པའོ། |
| རང་བཞིན་འགལ་བའི་གཏན་ཚིགས |
འགལ་བའི་གཏན་ཚིགས་གསུམ་གྱི་ཡ་གྱལ། རྟགས་དང་བསྒྲུབ་བྱ་གཉིས་ཀྱི་ངོ་བོ་ཕྱིན་ཅི་ལོག་ཏུ་གྱུར་པའི་གཏན་ཚིགས་ལྟར་སྣང༌། དཔེར་ན། སྒྲ་ཆོས་ཅན། རྟགས་བྱས་པའི་ཕྱིར། ཞེས་པ་ལྟ་བུའོ། |
| རང་བཞིན་རྣམ་དག |
གཤིས་ལ་དྲི་མས་མ་གོས་པའི་སེམས་ཀྱི་ཆོས་ཉིད། |
| རང་བཞིན་ལ་བསྙོན་པ |
བསྙོན་དོར་གྱི་རྒྱན་གྱི་ནང་གསེས་ཤིག་དངོས་པོའི་རང་གི་ངོ་བོའི་རང་བཞིན་གང་ཡིན་པ་ལ་བསྙོན་ནས་དེ་ལས་གཞན་པའི་རང་བཞིན་དུ་བསྒྱུར་ནས་སྟོན་པའི་རྒྱན་ཞིག |
| རང་བཞིན་ལྷུན་གྲུབ |
1 འབད་རྩོལ་གྱིས་མ་བཅོས་པར་གྲུབ་པ། 2 རྫོགས་པ་ཆེན་པོའི་ལུགས་ལ་སེམས་ཀྱི་རང་བཞིན་ལ་སྐུ་གསུམ་གྱི་ཡོན་ཏན་ཐམས་ཅད་ཡེ་ནས་ལྷུན་གྱིས་གྲུབ་པར་རྫོགས་པའི་དོན་ནོ། |
| རང་བཞིན་སྒྱུར |
མངོན ཟླ་བ་གཟས་བཟུང་བ། |
| རང་བཞིན་སྟོང་པ་ཉིད |
འདུས་བྱས་དང་འདུས་མ་བྱས་ཀྱི་ཆོས་ཐམས་ཅད་ཡེ་ནས་སྟོང་པ་ཉིད་ཀྱིས་ཁྱབ་པ་རང་བཞིན་གྱིས་སྟོང་པར་གནས་པ། སྟོང་ཉིད་བཅུ་དྲུག་གི་ནང་གསེས་ཤིག |
| རང་བཞིན་ཨོ་ཚོད་དུ་བསྡད་པ |
ཡུལ རང་འཚམ་དུ་བསྡད་པ། |
| རང་བཟོ |
རྟེན་ཁུངས་མེད་པར་རང་གིས་དྲན་པ་ལྟར་གྱི་བཤད་ཚུལ་སོགས་ཀྱི་མིང་ཆོས་ཉིད་ནི་སུས་ཀྱང་རང་བཟོ་བྱེད་མི་ཐུབ། རང་བཟོ་བྱེད་པའི་ཐ་སྙད་ནི་ཧ་མི་གོ་ལྟ་བུ། |
| རང་བརྒྱུད |
རང་གི་ཤ་ཁྲག་གི་འབྲེལ་བའི་བརྒྱུད་པའི་མིང་། |
| རང་བསགས་གཞན་འཁྱེར |
རང་གིས་བསགས་པའི་ནོར་རྫས་གཞན་གྱིས་འཁྱེར་བ། |
| རང་བསགས་རང་མྱོང |
རང་བྱས་རང་མྱོང་ཡང་ཟེར། རང་ཉིད་ཀྱིས་བྱས་པའི་དོན་ནོར་བའམ་བསགས་པའི་འབྲས་ངན་རང་གིས་མྱོང་བ། |
| རང་བསྟོད |
རང་གིས་རང་ལ་བསྟོད་བསྔགས་བྱེད་པ། རློམ་སེམས་ཀྱིས་རང་བསྟོད་བྱེད་མི་ཉན། |
| རང་བསྟོད་གཞན་སྨད |
རང་ལ་བསྟོད་ཅིང་གཞན་ལ་སྨོད་པ། |
| རང་བུ |
ཆིག་རྐྱང་ངམ་ཧྲེང་བུ། མོ་རྒན་རང་བུ། |
| རང་བྱང་ཆུབ |
1 རང་སངས་རྒྱས་ཀྱི་བྱང་ཆུབ། 2 རང་སངས་རྒྱས། |
| རང་བྱན་ཆུད་པ |
ཁོང་དུ་ཆུད་པའམ་སྦྱངས་པ་མཐར་ཕྱིན་པ། རིག་གནས་ལྔ་ལ་རང་བྱན་ཆུད་པ། ལག་རྩལ་རང་བྱན་ཆུད་པ། བཟོ་ཞིང་དམག་ལས་ཀྱི་ཤེས་ཡོན་ཚང་མ་རང་བྱན་ཆུད་པ། |
| རང་བྱན་ཚུད་པ |
རང་བྱན་ཆུད་པ་དང་འདྲ། |
| རང་བྱས་རང་མྱོང |
རང་གིས་བྱས་པའི་ལས་ཀྱི་འབྲས་བུ་རང་ལ་སྨིན་པ། |
| རང་བྱུང |
1མིའི་རྩོམ་བར་མ་བརྟེན་པར་བྱུང་བའི་དངོས་པོ་རང་བྱུང་བྲག་ཕུག རང་བྱུང་འབབ་ཆུ་ཞེས་པ་ལྟ་བུ། 2རང་བྱུང་ཁམས་ཀྱི་མིང་བསྡུས་པ་རང་བྱུང་ཚན་རིག—རང་བྱུང་ཁམས་དཔྱད་པའི་ཚན་རིག་ཅེས་པ་ལྟ་བུ། 2 ཆོས་ཀྱི་དབྱིངས། 3 མངོན ཚངས་པ |
| རང་བྱུང་ཁམས |
འཇིག་རྟེན་ན་ཡོད་པའི་སྲོག་ཆགས་དང་སྲོག་ཆགས་མིན་པ་ཡོད་ཚད་ཐམས་ཅད་ལ་ཟེར་ཞིང༌། དངོས་པོའི་ཁམས་ཧྲིལ་པོའོ། རང་བྱུང་ཁམས་ལ་དབང་སྒྱུར་མཁན། མི་དང་མི་ཡི་ལག་པ་ཡིན། |
| རང་བྱུང་གནོད་པ |
ས་ཆུ་སོགས་རང་བྱུང་གི་ཁམས་ལས་བྱུང་བའི་གནོད་འཚེ་དཔེར་ན་ས་གཡོ་དང་ཆུ་ལོག་ལོ་ཉེས་སོགས་ལྟ་བུ། |
| རང་བྱུང་ཚན་རིག |
རང་བྱུང་ཁམས་ཀྱི་དངོས་རྫས་དང་སྣང་ཚུལ་རྣམས་ལ་ཞིབ་འཇུག་བྱེད་པའི་ཚན་རིག་ཅིག་ཡིན། དེའི་ཁོངས་སུ་དངོས་ཁམས་རིག་པ་དང༌། རྫས་འགྱུར་རིག་པ། སྲོག་ཆགས་རིག་པ། རྩི་ཤིང་རིག་པ། གཏེར་རྫས་རིག་པ། གཟུགས་ཁམས་ཆགས་ཚུལ་རིག་པ། རྩིས་རིག་སོགས་ཡོད། |
| རང་བྱུང་ཟངས |
ས་འོག་ཏུ་རང་བཞིན་གྱིས་ཆགས་པའི་ཟངས། |
| རང་བྱུང་ཡེ་ཤེས |
སེམས་ཅན་གྱི་རྒྱུད་ལ་ཡེ་ནས་གནས་པའི་དབྱིངས་དང་ཡེ་ཤེས་གཉིས་སུ་མེད་པའི་རིག་པའོ།.. |
| རང་བྱུང་རགས |
ཆུ་འགོག་བྱེད་རང་གྲུབ་ཀྱི་རགས། |
| རང་བྱུང་ལྔ་ལྡན |
ལྷ་སའི་གཙུག་ལག་ཁང་དུ་ཡོད་པའི་སྐུ་རྟེན་ཞིག་སྔར་གྱི་ཤོད་སྲོལ་ལ་ཕྱིའི་སྐུ་ཐུགས་རྗེ་ཆེན་པོ་བཅུ་གཅིག་ཞལ་ཕྱག་སྟོང་སྤྱན་སྟོང་རང་བྱུང་གཅིག་ནང་ཙན་དན་སྦྲུལ་སྙིང་གི་སྡོང་པོ་ལས་བྱུང་བའི་འཕགས་པའི་སྐུ་རང་བྱུང་གཅིག་སྲོང་བཙན་སྒམ་པོ། རྒྱ་བཟའ་ཀོང་ཇོ། བལ་བཟའ་ཁྲི་བཙུན་ཏེ་གསུམ་ཐིམ་པ་བཅས་ལ་རང་བྱུང་ལྔ་ལྡན་ཞེས་གྲགས་ཤིང༌། རང་བྱོན་ལྔ་ལྡན་ཡང་ཟེར། |
| རང་བྱུང་སོལ་རླངས |
ས་སྣུམ་དང༌། རྡོ་སོལ་སོགས་ཀྱི་གཏེར་ཁ་ནས་ཐོན་པའི་འབར་རྫས་ཀྱི་རླངས་པ་ཞིག |
| རང་བྱུང་སྣོད་ཀྱི་འཇིག་རྟེན |
འབད་རྩོལ་གྱིས་མ་བཅོས་པར་རང་བཞིན་གྱིས་ཆགས་པའི་འཇིག་རྟེན་ཁམས། |
| རང་བྱོན |
རྩོལ་བ་ལ་མ་བརྟེན་པར་བྱུང་བ། ལྷ་སྐུ་རང་བྱོན། མ་ཎི་རང་བྱོན། |
| རང་བྱོན་ལྔ་ལྡན |
རང་བྱུང་ལྔ་ལྡན་དང་དོན་གཅིག་ |
| རང་མཁོ་རང་འདང |
རང་གིས་ངལ་རྩོལ་བྱས་ཏེ་རང་མཁོ་རང་ལ་འདང་བ། |
| རང་མཁོ་རང་སྒྲུབ |
རང་ལ་མཁོ་བ་རང་གིས་སྒྲུབ་པ། |
| རང་མགོ |
གཞན་ལ་རག་ལས་མི་དགོས་པའི་ནུས་པ་ཆུ་རྐྱལ་རང་མགོ་ཐོན། བྱིས་པ་ཆེར་སྐྱེས་ནས་རང་མགོ་འཁྱོངས་ལྟ་བུ། |
| རང་མགོ་ཆུ་འདྲེན |
རང་མགོ་ཆུ་བླུག་ཀྱང་ཟེར། རང་གིས་རང་ལ་གནོད་སྐྱོན་བྱེད་པའི་དཔེ། |
| རང་མགོ་ཐོན་པ |
རང་ཚུགས་འཕེར་བའམ། རང་དོན་རང་གིས་བྱེད་ཐུབ་པ། མི་རབས་གསར་པ་རང་མགོ་ཐོན་པ། འཚོ་བའི་རང་མགོ་ཐོན་ཐུབ་པ་བྱུང་བ། |
| རང་མགོ་འདོན་པ |
རང་མགོ་རང་གིས་ཐོན་ཐབས་བྱེད་པ། ཐོན་སྐྱེད་བྱས་ནས་རང་མགོ་འདོན་པ། |
| རང་མགོ་རང་ཐོན |
རང་གི་མགོ་གཞན་ལ་རག་མ་ལས་པར་རང་ཉིད་ཀྱིས་ཐོན་པ། ལང་ཚོ་དར་ལ་བབས་ཤིང་རང་མགོ་རང་ཐོན་ཐུབ་པ། |
| རང་མགོ་རང་འདོན |
གཞན་ལ་མ་བརྟེན་མ་ལྟོས་པར་རང་དོན་རང་གིས་བསྒྲུབས་ནས་རང་ཚུགས་འཛིན་པ། རང་མགོ་རང་འདོན་གྱིས་རང་རྒྱལ་འཛུགས་སྐྲུན་བྱེད་པ། |
| རང་མགོ་རང་ལྤགས་ཀྱིས་འཐུམ་པ |
གཞན་ལ་རེ་མ་དགོས་པར་རང་གི་རྒྱུ་ནོར་གྱིས་རང་གི་ཁ་གསོ་ཐུབ་པའི་དཔེ། |
| རང་མཐོང |
རང་གི་ལྟ་ཚུལ་དང་དྲན་ཚུལ་སོགས་འགྲིག་པར་རློམ་པའི་ང་རྒྱལ་གྱི་རིགས་ཤིག་གི་མིང་མི་རང་མཐོང་ཆེ་བ། རང་མཐོང་མ་ཆེ་ལྟ་བུ། |
| རང་མཚན |
རང་གི་མཚན་ཉིད་ཀྱིས་གྲུབ་པའི་དངོས་པོ་རྟོག་པས་བཏགས་པ་ཙམ་མ་ཡིན་པར་ཡུལ་རང་ངོས་ནས་གྲུབ་པའི་དངོས་པོ། ཀ་བ་དང་བུམ་པ་ལ་སོགས་པ་དགག་བྱ་བཅད་པ་དང་དོན་སྤྱི་འཆར་བ་ལ་མི་ལྟོས་པར་མངོན་སུམ་གྱི་ངོར་རང་ཉིད་འཆར་དུ་ཡོད་པའི་འདུས་བྱས་ཀྱི་ཆོས་རྣམས་སོ། འདུས་བྱས་ཐམས་ཅད་རང་མཚན་ཡིན། བུམ་པའི་མི་རྟག་པ་དེ་བུམ་པའི་རང་མཚན་དུ་འཇོག གདུང་འདེགས་ཀྱི་དོན་བྱེད་ནུས་པ་དེ་ཀ་བའི་རང་མཚན་ཡིན། |
| རང་མལ |
རང་སའམ་རང་གནས། ཉི་མ་ཤར་ནས་བ་མོ་རང་མལ་དུ་ཡལ་བ། ནམ་ལངས་པ་དང་མུན་པ་རང་མལ་དུ་ཡལ་བ། ཟབ་སྨན་བཏང་བས་ན་ཟུག་རང་མལ་དུ་འཇོམས་པ། |
| རང་མི |
ཁྱིམ་ཚང་ངམ། རྒྱལ་ཁབ་བམ། ཕྱོགས་གཏོགས་སོ་སོ་རང་གི་མི། ཕྱིར་སྡོད་རང་མི། རང་མི་ནང་ཚགས། |
| རང་མིང |
རང་གི་མིང་རྟགས། རང་མིང་འགོད་པ། རང་མིང་མ་བཀོད་པའི་འོས་ཤོག་བླུག་པ། རང་མིང་འབོད་པ། རང་མིང་ཆེ་གེ་མོ། ཁྱོད་ཀྱི་རང་མིང་ལ་ཅི་ཟེར། |
| རང་མེད་གཞན་འཚོལ |
རང་ལ་མེད་ཀྱང་གཞན་ལ་འཚོལ་བ། |
| རང་མོས |
རང་རང་གི་འདོད་མོས། རང་མོས་ཀྱིས་ཞུགས་པ། མ་བསྐུལ་རང་མོས། རང་མོས་རང་འགུལ་གྱིས་ལས་དོན་སྒྲུབ་པ། རང་མོས་ལས་རིགས། |
| རང་ཚགས |
རང་གིས་བདག་སྤྲོད་ཀྱིས་ཉར་བ། |
| རང་ཚིག |
རང་གིས་བཤད་པའི་ཚིག |
| རང་ཚིག་གིས་གནོད་པ |
ཁས་བླངས་ཀྱིས་བསལ་བའོ། |
| རང་ཚིག་གིས་བསལ་བ |
ཁས་བླངས་ཀྱིས་བསལ་བའོ། |
| རང་ཚིས |
རང་ཁོ་ན་འཚོ་ཐབས་བྱེད་པ། |
| རང་ཚུགས |
རང་རྐྱ། འཚོ་ཐབས་རང་ཚུགས། སྒྱེ་མོ་སྟོང་པས་རང་ཚུགས་མི་ཐུབ། བསམ་སྤྱོད་གཞན་དྲིང་མི་འཇོག་པར་རང་ཚུགས་ཟིན་པ། |
| རང་ཚུགས |
གཞན་ལ་མ་བརྟེན་པར་གནས་པའི་ནུས་སྟོབས་ཀྱི་མིང་བྱིས་ཆུང་གི་ལུས་པོས་རང་ཚུགས་ཐུབ། རྒྱལ་ཁབ་ཀྱི་རང་ཚུགས། མི་རང་ཚུགས་ཐུབ་པ་ཞེས་པ་ལྟ་བུ། |
| རང་ཚོད |
རང་གི་བབས་ཚད། ཕོ་རང་ཚོད་ཟིན་ན་མཁས་པ་ཡིན། རང་ཚོད་རང་གིས་མ་བཟུང་ན། ཁ་ལ་ཀོ་ལྕག་ཉོས་ཡོང་ངོ། |
| རང་ཞབས |
རང་གི་མངའ་འོག |
| རང་ཞལ |
1 རང་གི་ངོའི་ཞེ་ས། 2 ཆོས་ཉིད་དང་གཉུག་སེམས། |
| རང་ཞི་དོན་གཉེར |
1 རང་དོན་ཞི་བདེ་དོན་གཉེར། 2 མངོན རང་སངས་རྒྱས། |
| རང་ཞིག |
རང་བཞིན་གྱིས་ཞིག་པ། སྦྲུལ་བདུད་རང་ཞིག |
| རང་ཟོན་ངོ་བསྟོད |
རང་ལ་གནོད་ཡོང་དོགས་ཀྱིས་བག་ཟོན་བྱས་ནས་གཞན་ལ་ངོ་བསྟོད་བྱེད་པ། |
| རང་ཟོན་འཛེམ་མེད |
རང་ཉིད་ལ་ཉེན་ཁ་ཇི་ཡོང་མི་སེམས་པ། |
| རང་འཁོར |
1 འཁོར་ལོ་རང་བཞིན་གྱིས་འཁོར་བ། 2 རང་གི་ལས་འབྲས་རང་ལ་སྨིན་པ། |
| རང་འགུལ |
1 གཞན་གྱིས་སྒུལ་སྐྱོད་མ་བཏང་བར་རང་ཉིད་འགུལ་བ། འཕྲུལ་འཁོར་རང་འགུལ། 2 མ་བསྐུལ་རང་མོས། |
| རང་འགྲེལ |
རྩོམ་གཞུང་ལ་རྩོམ་པ་པོ་རང་གིས་བརྩམས་པའི་འགྲེལ་བའི་མིང་། |
| རང་འགྲོས |
1 རང་གཤིས་ཀྱི་འགྲོ་སྟངས། 2 གཟའ་སྐར་རྣམས་རང་སྟོབས་ཀྱིས་འགྲོ་བའི་མིང༌། ཉི་ཟླ་སྐར་གསུམ་གྱི་རང་འགྲོས་མི་འདྲ་བ། 3 གཟའ་བདུན་དང་དུ་བ་མཇུག་རིང་རྣམས་རང་རང་སྐྱེས་སྐར་སྟེང་ནས་ཁ་ཤར་དུ་ཕྱོགས་ཏེ་ལྷུན་པོ་ལ་གཡོན་བསྐོར་ཚུལ་གྱིས་སྐར་ཁྱིམ་ལ་སྤྱོད་པས། མཉམ་ལམ་དབུས་ནས་བརྩམས་པའི་ལྷོ་བགྲོད་ཁྱིམ་དྲུག་དང༌། བྱང་བགྲོད་ཁྱིམ་དྲུག་སྟེ་བགྲོད་གཉིས་ཀྱི་སྐར་དབྱུག་ཆིག་སྟོང་དྲུག་བརྒྱ་ཉི་ཤུ་འདི་མངོན་པར་སྤྱོད་ཅིང༌། དེ་ལྟར་བགྲོད་གཉིས་འགྲོས་བཞིས་རྒྱུ་སྐར་འཁོར་ལོ་རང་དབང་གི་འགྲོས་ཀྱིས་རྫོགས་པར་སྤྱོད་པའི་ཡུན་ཚད་ནི་གཟའ་དེའི་དཀྱིལ་འཁོར་ཡིན། 1620 |
| རང་འཇགས |
1 རང་སོར་གནས་པའམ་བསྡད་པ། གནས་ཤུལ་རྙིང་མ་རང་འཇགས་སུ་བཞག་པ། སྲོལ་བཟང་རང་འཇགས། 2 རང་བཞིན་གྱིས་ཞི་བ། ཆུ་ལོག་རང་འཇགས་སུ་སོང་བ། |
| རང་འཇགས་ཕྱིར་ལོག |
སྔར་གྱི་སྡོད་སར་ཕྱིར་ལོག་པ། |
| རང་འཇིགས་རང་སྐྱོབ |
རང་ཐོག་ཏུ་དཀའ་ངལ་གང་བྱུང་རང་གིས་སྐྱོབ་ཐབས་བྱེད་པ། ཐོན་སྐྱེད་གོང་དུ་སྤེལ་ནས་རང་འཇིགས་རང་སྐྱོབ་བྱེད་པ། |
| རང་འཐག |
1 རྩམ་པ་སོགས་ཕྱེ་འཐག་བྱེད་མཆིག་གམ་ཆུ་འཁོར། 2 ཇ་དང་ཆུ་སོགས་རང་བཞིན་གྱིས་སྐམ་པ། ཡུར་ཆུ་རང་འཐག་ཏུ་འགྱུར་བ། ཤ་ཁུ་རང་འཐག |
| རང་འདོད |
1 རང་གི་འདོད་པའམ་མོས་པ། 2 གཞན་ལ་མི་བསྟུན་པའི་རང་མཐོང༌། རང་འདོད་གང་བྱུང་མ་བྱེད། རང་སྣང་རང་འདོད། |
| རང་འདོད་ངན་རྒྱབ |
རང་གི་འདོད་པ་ལྟར་ངན་པའི་རྒྱབ་ལངས་བྱེད་པ། |
| རང་འདོད་དགོས་དབང |
གང་དྲན་ཆེད་དུ་བྱེད་པ། ཁོས་རང་འདོད་དགོས་དབང་གིས་མི་དེ་ལ་འུད་བསྟོད་བྱེད་པ། དེ་ལྟར་བྱས་པའི་རང་འདོད་དགོས་དབང་ཅི། རང་འདོད་དགོས་དབང་གང་ཡིན་ཅང་མི་ཤེས། |
| རང་འདོད་བཙན་བཀོལ |
རང་གི་འདོད་པ་གཞན་ལ་བཙན་བསྐུལ་བྱེད་པ། |
| རང་འདོད་རང་འཐད |
རང་གིས་གང་དྲན་བདེན་དོན་ཡིན་བསམ་པ། རང་འདོད་རང་འཐད་བྱེད་པ། |
| རང་འདོད་སྦུག་བཅུག |
རང་དོན་ཁོག་བཅུག ལས་དོན་དྲང་པོ་དྲང་བཞག་གིས་བསྒྲུབས་པ་མ་ཡིན་པར་རང་འདོད་སྦུག་བཅུག་བྱས་ཡོད་པ་ཐག་ཆོད། ཕྱི་ནང་མི་མཚུངས་པའི་རང་འདོད་སྦུག་བཅུག་བྱེད་པ། |
| རང་འབབ |
རང་བཞིན་གྱིས་འབྱུང་བའམ། ཐོན་པ། བྲག་གསེབ་ནས་ཆུ་ཚན་རང་འབབ། འོ་མ་རང་འབབ། གཙང་པོ་རང་འབབ་རྒྱུན་མི་འཆད། |
| རང་འབྱོར་ལྔ |
འབྱོར་བ་བཅུའི་ནང་གསེས་རང་ངོས་ལ་ལྟོས་ཏེ་ཚང་དགོས་པའི་མཐུན་རྐྱེན་ལྔ་མི་ཉིད་ཡིན་པ་དང༌། ཡུལ་དབུས་སུ་སྐྱེས་པ། དབང་པོ་ཚང་བ། ལས་མཐའ་མ་ལོག་པ། སྡེ་སྣོད་གསུམ་ལ་དད་པ་བཅས་ལྔའོ། |
| རང་འཚམ |
འོལ་ཚོད་དམ་ཁུངས་སམ་རྒྱུ་མཚན་མེད་པ། རང་འཚམ་ཁྲིམས་རྐུན། རང་འཚམ་གྱིས་བཟོ་བཅོས་རྒྱག་པ། དམངས་ཀྱིས་གྲོས་བསྡུར་བྱས་པ་ལས་རང་འཚམ་གྱིས་ཐག་བཅད་མེད། |
| རང་འཛིན་ཚད་མ |
གཟུགས་སྒྲ་དྲི་རོ་རེག་བྱ་ལྔ་འཛིན་པའི་དབང་པོ་སྒོ་ལྔའི་ཤེས་པ་མ་འཁྲུལ་བའོ། |
| རང་ཡུ |
ཡུལ རང་འཐག་གམ། ལག་མཆིག་གི་ཡུ་བ། |
| རང་ཡུལ |
རང་གི་སྐྱེ་ཡུལ་ལམ་ཕ་ཡུལ། བུ་མོ་རང་ཡུལ་དུ་འགྲོ་བར་གཟའ་དང་སྐར་མ་བརྩི་མི་དགོས། འགྲུལ་པ་རང་ཡུལ་དུ་ལོག་པ་ལྟར་ཡོང་བ། |
| རང་རང |
(ཚབ་ཚིག) མི་རེ་རེ་བའི་དོན་ཏེ། ཀུན་གྱིས་རང་རང་ས་ནས་ལས་ལ་འབད། རང་རང་སོ་སོའི་གནས་སུ་འཁོད་ལྟ་བུ། སོ་སོར་དགར་བའི་དོན་ཚན་དང་དངོས་པོའི་དོན་ཏེ། དོན་སྣོད་ནད་རྣམས་རང་རང་གི་ལེའུར་གསོ་ཚུལ་མདོར་བསྡུས་རེ་བཤད་ཡོད་ལྟ་བུ། |
| རང་རིག |
འཛིན་རྣམ་གྱི་ཤེས་པ་བློ་རང་གིས་རང་མྱོང་བའམ་གསལ་བར་མཐོང་བ། དཔེར་ན་བུམ་འཛིན་མིག་ཤེས་ཀྱི་སྟེང་གི་རང་གིས་རང་མྱོང་བའི་ཡུལ་ཡུལ་ཅན་གཉིས་སུ་མེད་པའམ་རང་ཡུལ་གྱི་རྣམ་པ་མེད་པའི་ཤེས་པའོ།…2.རང་གི་སྐྱོན་དཔྱོད་པའི་རིག་པའི་མིང་། སངས་རྒྱས་ཆོས་ལུགས་ཀྱི་གྲུབ་མཐའ་སྨྲ་པ་བཞིའི་ཡ་གྱལ་སེམས་ཙམ་པའི་འདོད་པའི་བློ་རིག་གི་རྣམ་གྲངས་ཤིག |
| རང་རིག་མངོན་སུམ |
མངོན་སུམ་བཞིའི་ནང་གསེས། རྟོག་བྲལ་མ་འཁྲུལ་བའི་འཛིན་རྣམ་རང་གི་བདག་ཉིད་དུ་གྱུར་པའི་ཡུལ་ལ་ཁ་ནང་ཁོ་ནར་ཕྱོགས་ནས་འཛིན་པའི་ཤེས་པ། དཔེར་ན་བུམ་འཛིན་མིག་ཤེས་ཀྱི་སྟེང་གི་རང་གིས་རང་མྱོང་བའི་ཆ་ལྟ་བུའོ། |
| རང་རིག་མངོན་སུམ་ཚད་མ |
མངོན་སུམ་ཚད་མའི་ནང་གསེས། རྟོག་བྲལ་མ་འཁྲུལ་བའི་གསར་དུ་མི་བསླུ་བའི་འཛིན་རྣམ། དཔེར་ན། རྣམ་མཁྱེན་མྱོང་བའི་རང་རིག་དང༌། བུམ་འཛིན་མིག་ཤེས་དང་རྟོག་པ་སྐད་ཅིག་དང་པོ་མྱོང་བའི་རང་རིག་ལྟ་བུའོ། |
| རང་རིགས |
རང་གི་རིགས་སམ་རུས། |
| རང་རིགས་ཀྱི་མྱུ་གུ |
རང་གི་རིགས་རྒྱུད་ལས་བྱུང་བའི་བུ་དང་བུ་མོ། |
| རང་རིགས་འཕེན་པའི་ཐལ་འགྱུར |
སྒྲུབ་བྱེད་འཕེན་པའི་ཐལ་འགྱུར་གང་ཞིག་བཟློག་པ་རང་རྒྱུད་རང་དང་རིགས་གཅིག་པ་འཕེན་པ་དཔེར་ན། གྲང་རེག་ཡོད་པས་མེ་མེད་པར་ཐལ་ཞེས་པའི་རང་བཞིན་དང་འགལ་བའི་རང་བཞིན་དམིགས་པའི་ཐལ་འགྱུར་གྱིས། གྲང་རེག་མེད་དེ། མེ་ཡོད་པའི་ཕྱིར་ཞེས་རང་བཞིན་འགལ་དམིགས་ཉིད་འཕེན་པའོ། |
| རང་རིགས་འཕེན་པའི་ཐལ་འགྱུར་བཞི |
བཟློག་པ་རང་རིགས་འཕེན་པའི་ཐལ་འགྱུར་ལ་དབྱེ་ན། རང་བཞིན་དང་འགལ་བའི་རང་བཞི་དམིགས་པའི་ཐལ་འགྱུར་དང༌། རྒྱུ་དང་འགལ་བའི་འབྲས་བུ་དམིགས་པའི་ཐལ་འགྱུར་དང༌། ཁྱབ་བྱེད་དང་འགལ་བའི་ཁྱབ་བྱ་དམིགས་པའི་ཐལ་འགྱུར་དང༌། འགལ་བའི་ཁྱབ་བྱ་དམིགས་པའི་ཐལ་འགྱུར་ཏེ་བཞིའོ། |
| རང་རེ |
རང་དང་རང་གི་བཤད་ཡུལ་དང་དང་བཅས་པ་རང་རེའི་རྒྱལ་ཁབ། རང་རེའི་སློབ་གྲྭ་ཞེས་པ་ལྟ་བུ། |
| རང་རོང |
(རྒྱན་ཚིག) ས་ཁུལ་མི་སྙོམ་པ་ས་རང་རོང་མི་སྙོམ་པ་ཞེས་པ་ལྟ་བུ། |
| རང་རྐྱ |
གཞན་ལ་བརྟེན་མི་དགོས་པར་རང་ཚུགས་ཐུབ་པ། ལས་ཀ་རང་རྐྱ་ཐུབ་པ་བྱེད་མཁན། བསམ་བློ་རང་རྐྱ་འཕེར་བར་གཏོང་བ། ཕོ་སྐྱེས་རང་རྐྱ་བ། ཟབ་སྨན་ཆིག་ཐུབ་རང་རྐྱ་བ། |
| རང་རྐྱ་འཛིན་ཐུབ་པའི་རྫས་ཡོད |
རྫས་ཡོད་ཀྱི་བྱེ་བྲག་སྒོ་ལྔའི་ཤེས་པ་ལྟ་བུ་ཤེས་པ་རྣམས་ནི་རང་གི་ངོ་བོ་ངེས་པ་དོན་གཞན་ལ་ལྟོས་མི་དགོས་པར་རང་རྐྱ་འཛིན་ནུས་པའི་ཆ་ནས་རྫས་སུ་ཡོད་པའོ། |
| རང་རྒྱལ |
1 རང་རེའི་རྒྱལ་ཁབ། 2 རང་ཉིད་གཞན་ལས་རྒྱལ་བ། རང་རྒྱལ་ཞིང་གཞན་ཕམ་པ། 3 རང་སངས་རྒྱས། |
| རང་རྒྱལ་གསུམ |
ཉན་ཐོས་ཀྱི་ལམ་སྔོན་དུ་མ་སོང་གི་དབྱེ་ན་བསེ་རུ་ལྟ་བུའི་རང་རྒྱལ་དང༌། ཚོགས་སྤྱོད་ཀྱི་རང་རྒྱལ་དང༌། གནས་པའི་རང་རྒྱལ་ཏེ་གསུམ་མོ། |
| རང་རྒྱལ་གྱི་ཐེག་པ |
འཇུག་སྒོ་ཉན་ཐོས་དང་འདྲ་ལ། ལྟ་བ་གང་ཟག་གི་བདག་མེད་རྟོགས་པའི་སྟེང་གཟུང་བ་རང་བཞིན་མེད་པར་རྟོགས་པས་བདག་མེད་ཕྱེད་དང་གཉིས་རྟོགས་ཤིང༌། སྒོམ་པ་དགོས་ཆོས་རྟེན་འབྲེལ་བཅུ་གཉིས་ལུགས་འབྱུང་བཀག་ནས་ལུགས་ལྡོག་སྟོང་པ་བཅུ་གཉིས་ཁྲིགས་ཆགས་སུ་བསྒོམ་ཞིང་སྤྱོད་པ་ཉན་ཐོས་དང་འདྲ་ལ། འབྲས་བུ་དབང་རྣོན་བསེ་རུ་ལྟ་བུ་དང༌། དབང་རྟུལ་ནེ་ཙོ་ལྟ་བུ་གཉིས་ཐོབ་པར་འདོད་དོ། |
| རང་རྒྱལ་གྱི་མཐོང་ལམ་མཉམ་བཞག་ཡེ་ཤེས |
རང་རྒྱལ་མཐོང་ལམ་མཉམ་བཞག་པའི་རྒྱུད་ཀྱི་བདག་མེད་རྟོགས་པའི་མཁྱེན་པའོ། |
| རང་རྒྱལ་གྱི་རིགས |
རང་རྒྱལ་སློབ་ལམ་པའི་རྒྱུད་ཀྱི་རང་རྒྱལ་གྱི་བྱང་ཆུབ་ཐོབ་རུང་གི་ནུས་པ། |
| རང་རྒྱལ་གྱི་རིགས་ཅན |
རང་རྒྱལ་གྱི་བྱང་ཆུབ་ཐོབ་པའི་བག་ཆགས་ཅན་གྱི་གང་ཟག |
| རང་རྒྱལ་གྱི་རྣལ་འབྱོར་མངོན་སུམ |
རྟེན་འབྲེལ་ལུགས་འབྱུང་ལྡོག་གི་ཆོས་རྣམས་མངོན་སུམ་དུ་རྟོགས་པའི་རང་རྒྱལ་མཐོང་སྒོམ་གྱི་མཉམ་བཞག་ཡེ་ཤེས་དང་རང་སངས་རྒྱས་ཀྱི་མཁྱེན་པ་རྣམས་སོ། |
| རང་རྒྱལ་གྱི་ལམ |
རང་རྒྱལ་གྱི་ཐར་པར་བགྲོད་པའི་གོ་སྐབས་ཕྱེད་ཤུལ་དུ་གྱུར་པའི་རང་རྒྱལ་གྱི་མངོན་རྟོགས། |
| རང་རྒྱལ་གྱི་ལམ་ལྔ |
རང་རྒྱལ་གྱི་ཚོགས་ལམ་དང༌། སྦྱོར་ལམ། མཐོང་ལམ། སྒོམ་ལམ། མི་སློབ་ལམ་བཅས་ལྔའོ། |
| རང་རྒྱལ་གྱི་ལམ་ཤེས་པའི་ལམ་ཤེས |
སེམས་བསྐྱེད་བསྔོ་བ་སྟོང་ཉིད་རྟོགས་པའི་ཤེས་རབ་གང་རུང་གིས་ཟིན་པའི་སྒོ་ནས་གདུལ་བྱ་རང་རྒྱལ་གྱི་རིགས་ཅན་རྗེས་སུ་བཟུང་བའི་ཕྱིར་དུ་ཤེས་པར་བྱ་བའི་མངོན་རྟོགས་ཀྱི་རིགས་སུ་གནས་པའི་ཐེག་ཆེན་འཕགས་པའི་མཁྱེན་པ། |
| རང་རྒྱལ་དགྲ་བཅོམ་པ |
རང་སངས་རྒྱས་དང་དོན་གཅིག་ |
| རང་རྒྱལ་མི་སློབ་པ |
རང་རྒྱལ་དགྲ་བཅོམ་པ། |
| རང་རྒྱལ་འཕགས་པ |
བདེན་པ་མངོན་སུམ་དུ་མཐོང་བའི་རང་རྒྱལ། |
| རང་རྒྱལ་སློབ་པ |
རང་རྒྱལ་གྱི་དགྲ་བཅོམ་མ་ཐོབ་བར་གྱི་རང་རྒྱལ། |
| རང་རྒྱུད |
1 རང་གི་སེམས་རྒྱུད་དམ་བསམ་བློ། རང་རྒྱུད་ཐུལ་བ། སློབ་སྦྱོང་ལ་འབད་པའི་སྒོ་ནས་རང་རྒྱུད་ལེགས་བཅོས་བྱེད་པ། 2 རང་རང་གི་བུ་རྒྱུད་དམ་རིགས་རྒྱུད། |
| རང་རྒྱུད་ཀྱི་གཏན་ཚིགས |
རང་དོན་རྗེས་དཔག་གིས་ལེགས་པར་རྟོགས་པའི་ངེས་ཤེས་ལ་བརྟེན་ནས་གང་ཟག་ཕ་རོལ་པོ་གཞན་ལ་གཞལ་བྱའི་དོན་གང་ཡིན་པ་དེ་དེའི་བློ་ངོར་འཐད་པ་སྒྲུབ་པའི་ཚུལ་གསུམ་རང་ངོས་ནས་གྲུབ་པའི་གཏན་ཚིགས་ཡང་དག་དཔེར་ན། སྒྲ་རྟག་པར་འདོད་པའི་ཕྱི་རོལ་པ་སུན་འབྱིན་པའི་ཕྱིར་དུ། སྒྲ་ཆོས་ཅན། མི་རྟག་བྱས་པའི་ཕྱིར། ཞེས་པ་ལྟ་བུའོ། |
| རང་རྒྱུད་ཆུད་ཟོས |
འདིར་སྣང་འཁོར་བའི་ཆོས་ལ་གཡེངས་ནས་དལ་འབྱོར་སྙིང་པོ་མི་ལེན་པར་རང་རྒྱུད་ཐ་མལ་དུ་ལུས་པ། |
| རང་རྒྱུད་པ |
ཚུལ་གསུམ་རང་ངོས་ནས་གྲུབ་པའི་རྟགས་ཡང་དག་ལ་བརྟེན་ནས་བདེན་དངོས་འགོག་པར་བྱེད་པ་དབུ་མ་པའི་ཡ་གྱལ་ཞིག |
| རང་རྒྱུད་འཕེན་པ |
ཚུལ་གསུམ་ཚང་བའི་གཏན་ཚིགས་འཕེན་པའོ། |
| རང་རྒྱུད་ཤར་གསུམ |
སྔར་རྒྱ་གར་ཤར་ཕྱོགས་ཀྱི་དབུ་མ་རང་རྒྱུད་པའི་སློབ་དཔོན་གསུམ་སྟེ་ཞི་བ་འཚོས་དབུ་མ་རྒྱན་དང༌། ཡེ་ཤེས་སྙིང་པོས་དབུ་མ་བདེན་གཉིས། ཀ་མ་ལ་ཤཱི་ལས་དབུ་མ་སྣང་བ་བཅས་མཛད་པར་བརྟེན་དེ་ལྟར་གྲགས། |
| རང་རྒྱུས་རང་ལོན |
རང་ཉིད་ཇི་འདྲ་ཡིན་རང་གིས་རྟོགས་ཐུབ་པ། |
| རང་རྟ |
1 རང་གི་རྟ། རང་རྟ་རང་ཞོན། རང་ཟས་རང་ཟ། 2 སོ་སོས་བཟོས་པའི་གཞས་གདངས། |
| རང་རྟགས |
ངོ་བོ་གང་ཡིན་མཚོན་པའི་རྟགས། རང་རྟགས་ཐོན་པ། རྫུན་མའི་རང་རྟགས་གསལ་རྗེན་དུ་སྟོན་པ། |
| རང་རྣམ |
རང་གིས་རང་ལ་བརྩམས་པའི་རྣམ་ཐར་གྱི་མིང་། |
| རང་རྩིས |
རང་གི་རང་ལ་བརྩི་འཇོག་བྱེད་ཅིང་། མི་གཞན་ལ་ངོ་གཡོག་ལ་རྒྱ་འཆོར་བའི་བྱ་སྤྱོད་མི་བྱེད་པ་དང་། གཞན་གྱིས་བརྙས་སྨོད་དང་དམའ་འབེབ་བྱེད་པར་ངོ་རྒོལ་བྱེད་པའི་བྱ་སྤྱོད་ཀྱི་མིང་རང་རྩིས་ཀྱི་བསམ་པ་ཡོད་པའི་མི་ཞེས་པ་ལྟ་བུ། |
| རང་ལམ་རང་འགོག |
ད་ལྟའི་གནས་ཚུལ་ལ་ཡིད་ཚིམ་ནས་ཡར་ཐོན་ཡོང་བའི་བརྩོན་ལེན་མི་བྱེད་པའི་དཔེ། |
| རང་ལམ་རང་འགྲོ |
འགྲོ་ལམ་ཐ་དད་ཅེས་པའི་དཔེ། |
| རང་ལས་ངེས་ཀྱི་ཚད་མ |
ཚད་མ་གང་ཞིག་རང་ཉིད་ཚད་མ་ཡིན་པར་རང་སྟོབས་ཀྱིས་ངེས་པ་འདྲེན་པ། དཔེར་ན། སྒྲ་མི་རྟག་རྟོགས་ཀྱི་རྗེས་དཔག་ཚད་མ་དང༌། ཨུཏྤལ་ངོ་ཤེས་པའི་གང་ཟག་གི་རྒྱུད་ཀྱི་ཉེ་བའི་ཨུཏྤལ་འཛིན་པའི་དབང་མངོན་ཚད་མ་དང༌། ཚད་མའི་བརྡ་ལ་བྱང་བའི་སྐྱེས་བུའི་རྒྱུད་ཀྱི་ཚད་མའི་ཤེས་པ་ལྟ་བུའོ། |
| རང་ལས་སྐྱེས |
མངོན ཁྱབ་འཇུག |
| རང་ལུགས |
1 རང་གི་རིང་ལུགས། རང་ལུགས་སྒྲུབ་པ་དང་གཞན་ལུགས་འགོག་པ། 2 རང་གི་ལྟ་ཚུལ། |
| རང་ལོ |
1 མི་སོ་སོ་རང་ཉིད་སྐྱེས་པའི་ལོ་རྟགས། ནག་རྩིས་ལས་རང་ལོ་ནམ་ཤར་ལ་ལོ་ཀེག་ཡིན་ཟེར། 2 རང་ཉིད་ཀྱི་ལོ་གྲངས། རང་ལོ་བརྒྱད་ཅུར་སོན་པའི་བགྲེས་པོ། |
| རང་ལྕེབས |
རང་གིས་རང་སྲོག་བཅད་པ། |
| རང་ལྡོག |
རང་དང་ཐ་དད་ལས་ལོག་པའི་ཆོས་ཏེ། མཚོན་བྱ་རང་ཉིད་དམ་རང་རང་གི་ལྡོག་ཆ་རྟོག་ངོར་ཤར་བ། བུམ་པའི་རང་ལྡོག་བུམ་པ་རང་ཉིད་ཡིན་པ་ལྟ་བུའོ། |
| རང་ལྡོག་གཅིག་པ |
རང་ལྡོག་སོ་སོ་བ་མ་ཡིན་པ། དཔེར་ན། ཡོད་པ་དང་ཡོད་པ་གཉིས་དང་བུམ་པ་དང་བུམ་པ་གཉིས་ལྟ་བུ་གཅིག་པ་གཅིག་རྐྱང་ལས་བློ་ངོར་ཐ་དད་པ་འཆར་རྒྱུ་མེད་པའོ། |
| རང་ལྡོག་ཐ་དད་པ |
རང་ལྡོག་སོ་སོ་བའི་ཆོས། དཔེར་ན། བྱས་པ་དང་མི་རྟག་གཉིས། ཤེས་བྱ་དང་ཡོད་པ་གཉིས་ལྟ་བུའོ། |
| རང་ཤུགས |
1 རང་གི་ནུས་སྟོབས། རང་ཤུགས་རང་ལ་བརྟེན་པ་ན། ལྷ་ཡི་ལག་པ་ལས་ཀྱང་བཟང༌། 2 རང་བཞིན། རང་ཤུགས་སུ་བྱུང་བའི་འཐབ་རྩོད། རང་ཤུགས་ཀྱིས་རྟོགས་པ། |
| རང་ཤེད |
རང་འདོད་དམ། རང་མཐོང༌། |
| རང་ཤེད་ཚ་པོ |
རང་གིས་གང་བྱས་གང་བཤད་བདེན་པ་ཡིན་ཞེས་མཐར་སྐྱེལ་བྱེད་པ། |
| རང་ཤེད་ཨུ་ཚུགས |
རང་འདོད་ཁ་ཤེད་མཁྲང་པོ། རང་ཤེད་ཨུ་ཚུགས་ཀྱིས་རང་གི་ལྟ་བ་ཁོ་ན་འཛིན་པ། |
| རང་ས |
1 རང་གི་ཕ་ཡུལ། མཉམ་དུ་ཚུར་ཡོང་ནས་སོ་སོའི་རང་སར་གྱེས་པ། རང་སར་བཞག་པ། 2 རང་ཕྱོགས་ཀྱི་ས་ཁུལ། 3 ས་དང་ལམ་བགྲོད་རིང་དུ་རང་ཉིད་གནས་པའི་ས། |
| རང་སངས་རྒྱས |
པྲཏྱེཀ སྲིད་པ་ཐ་མའི་ཚེ་སློབ་དཔོན་ལ་མ་ལྟོས་པར་རྟེན་ཅིང་འབྲེལ་བར་འབྱུང་བའི་ཆོས་ཉིད་བརྟགས་ནས་གང་ཟག་བདག་མེད་དང་ཆོས་ཀྱི་བདག་མེད་ཕྱེད་ཙམ་རྟོགས་ཏེ་རང་བྱང་ཆུང་མངོན་དུ་བརྙེས་པའི་དགྲ་བཅོམ་པ། མིང་གི་རྣམ་གྲངས་ལ་རྐྱེན་གཅིག་རྟོགས་དང༌། ཉི་ཚེའི་སངས་རྒྱས། རྟེན་འབྲེལ་སྒོམ། རང་རྒྱལ་སངས་རྒྱས། རང་བྱང་ཆུབ། རང་ཞི་དོན་གཉེར། སངས་རྒྱས་འབྲིང་པོ། བསེ་རུའི་རྒྱལ་བ་བཅས་སོ། |
| རང་སངས་རྒྱས་ཀྱི་ཐེག་པ |
དགེ་བའི་བཤེས་གཉེན་ལ་མ་བརྟེན་པར་རྟེན་ཅིང་འབྲེལ་བར་འབྱུང་བ་ལུགས་བཞིན་འབྱུང་བ་དང༌། ལུགས་ལས་བཟློག་པའི་མཚན་ཉིད་རྟོགས་ནས་གང་ཟག་ལ་བདག་མེད་པར་རྟོགས་ཏེ་ཉོན་མོངས་པའི་སྒྲིབ་པ་སྤངས་པའི་ལམ། |
| རང་སངས་རྒྱས་ཀྱི་བྱང་ཆུབ |
རང་རྒྱལ་གྱི་མི་སློབ་ལམ་དང་འགོག་བདེན། |
| རང་སངས་རྒྱས་ཀྱི་ས |
རང་རྒྱལ་གྱི་མངོན་རྟོགས་ཏེ། སྲིད་པ་མཐའ་མའི་ཚེ་སློབ་དཔོན་གཞན་ལ་བརྟེན་མི་དགོས་པའི་ཡོན་ཏན་དང་ལྡན་པའི་མཁྱེན་པ། དམན་པ་ས་བརྒྱད་ཀྱི་ནང་ཚན་ཞིག |
| རང་སངས་རྒྱས་ཐེག་པའི་མཆོད་རྟེན |
རང་རྒྱལ་ཐེག་དམན་ལུགས་ཀྱི་མཆོད་རྟེན་དེའི་རྨང་གཞི་གྲུ་བཞི་དང༌། བུམ་པ་ཟླུམ་པོ། བང་རིམ་བཅུ་གཉིས་རྩེ་མོར་འཁོར་ལོ་རྩིབས་བརྒྱད་དང་ལྡན་པ་ཞིག |
| རང་སར་མི་བཞག |
རང་ཉིད་ལ་དཔེ་བཞག་ནས་གཞན་གྱི་ཁེ་ཕན་ལའང་བསམ་དགོས་པའི་དོན། རང་སར་མི་བཞག་མི་སར་རང་བཞག་ |
| རང་སེམས |
རང་གི་ཡིད་ཤེས། རང་སེམས་དབང་དུ་འདུས་པ། རང་སེམས་རང་གསོ། རང་སེམས་གསོ་གླུ། རང་སེམས་རང་བྱེད། རང་སེམས་ལ་འགྱོད་པ་མེད་ན། བར་དོ་ལ་འཇིགས་མི་དགོས། |
| རང་སོ |
1 སྔར་གྱི་གནས། 2 སྔར་རྒྱུན། སྔར་རྒྱུན་བཞིན་དུ་རང་སོ་རང་ལ་བབས་པ། རང་སོར་གནས་པ། རང་སོར་བཞག་པ། 3 རང་ཚུགས། རང་སོ་བཟུང་བ། |
| རང་སོར |
མི་རང་རང་གི་སོར་མོའི་ཞེང་ཚད། |
| རང་སྐལ |
སོ་སོའི་ཐོབ་ཆའམ་བགོ་སྐལ། |
| རང་སྐྱ |
གཞན་ལ་མ་བརྟེན་པར་གནས་པ་དང་བྱ་འགུལ་བྱེད་པའི་ནུས་པའི་མིང་ནད་གསོ་བར་རང་སྐྱ་ཐུབ་པའི་སྨན་པ། ཆུ་ལ་རྐྱལ་བར་རང་སྐྱ་ཐུབ་པའི་ཆུ་པ་ཞེས་པ་ལྟ་བུ། |
| རང་སྐྱིད་གཞན་སྨོན |
རང་གི་སེམས་སྐྱིད་ཅིང་གཞན་གྱིས་ཡིད་སྨོན་བྱེད་པ། |
| རང་སྐྱེངས |
རང་ཉིད་ངོ་ཚ་བའམ་བག་འཁུམས་པ། མིས་ཁྲེལ་རང་སྐྱེངས། |
| རང་སྐྱེས |
1 རང་བཞིན་གྱིས་སྐྱེས་པ། རང་སྐྱེས་ཀྱི་ནགས་ཚལ་སྟུག་པོ། 2 རང་ལས་བྱུང་བ། རང་སྐྱེས་ཀྱི་བུ་ཕྲུག |
| རང་སྐྱོང |
མི་རིགས་དང༌། ཚོགས་པ། ས་ཁུལ་སོགས་ཀྱིས་རྒྱལ་ཁབ་དང་སྲིད་གཞུང་གོང་རིམ་གྱི་བཀའ་ལ་ཉན་དགོས་པ་ཕུད་རང་ཉིད་ཀྱི་ལས་དོན་བྱེད་པར་དབང་ཆ་ངེས་ཅན་ཞིག་ཡོད་པ། རང་སྐྱོང་ལྗོངས། མི་རིགས་ས་ཁོངས་རང་སྐྱོང༌། |
| རང་སྐྱོང་ལྗོངས |
ཞིང་ཆེན་གྱི་རིམ་པ་དང་འདྲ་བའི་མི་རིགས་རང་སྐྱོང་གི་ས་གནས་ཤིག ནང་སོག་རང་སྐྱོང་ལྗོངས། བོད་རང་སྐྱོང་ལྗོངས། |
| རང་སྐྱོན |
མི་སོ་སོའི་ཉེས་པའམ་མི་ལེགས་པ། རང་སྐྱོན་རང་ཞིབ། རང་སྐྱོན་རང་གིས་མཐོང་བ་དཀའ། རང་སྐྱོན་ལག་པས་བཀབ་ནས་གཞན་སྐྱོན་མཛུབ་མོས་སྔོག་པ། རང་སྐྱོན་འབྲོང་ལྤགས་ལ་ཁབ་རྩེ་མི་ཟུག་གཞན་སྐྱོན་རྟ་རྔ་ཙམ་ཡང་ནམ་མཁར་འཕྱར། |
| རང་སྐྱོན་བརྗོད་པ |
མི་རང་ཉིད་དམ་སྡེ་ཁག་རང་ཉིད་ཀྱི་བསམ་བློ་དང༌། ལས་ཀ། འཚོ་བ་བཅས་ཀྱི་ཐད་ལ་སྐྱོན་དང་ནོར་འཁྲུལ་ཇི་བྱུང་རང་ཉིད་ཀྱིས་ཞིབ་བཤེར་བྱས་ཐོག་ཕུགས་རྩ་འདེད་རྒྱུ་དེ་ཡིན། |
| རང་སྒེར |
རང་ཉིད་ཁེར་རྐྱང༌། |
| རང་སྟོང |
ཇོ་ནང་པའི་ལུགས་ཀྱི་ཀུན་རྫོབ་ཀྱི་ཆ་ནས་ཆོས་ཐམས་ཅད་རང་ངོས་སུ་བདེན་པས་སྟོང་པའི་ལྟ་བའོ། |
| རང་སྟོབས་ཀྱིས་བགྲོད་པ |
1 རང་གི་ནུས་ཤུགས་ཀྱིས་འགྲོ་བའམ་སོང་བ། 2 མངོན རྐང་དམག |
| རང་སྟོབས་གཤེན་རབས |
བོན་ལུགས་ཀྱི་རང་རྒྱལ། |
| རང་སྡུག་རང་ཉོ |
རང་གིས་རང་ལ་སྡུག་པོ་གཏོང་བ། ཁྲིམས་ལུགས་ཤེས་བཞིན་འགལ་ནས་རང་སྡུག་རང་ཉོ་བྱས་པ། |
| རང་སྡེ |
རང་ཕྱོགས། |
| རང་སྣང |
1 སེམས་ལ་ཤར་བའི་ཚོར་སྣང༌། གཏིང་ཟབ་ཀྱི་རང་སྣང༌། ཕྱི་རོལ་གྱི་ཡུལ་ཀུན་རང་སྣང་ཡུལ་ཅན་དུ་གསལ་པོར་འཆར་བ། རང་སྣང་གང་དྲན་ཙམ་ལ་ཆ་མི་འཇོག་པ། 2 རང་གི་མཐོང་སྣང༌། རང་སྣང་གང་ཤར་གྱིས་བཙན་ཐག་གཅོད་པ། རང་སྣང་གང་ཤར། |
| རང་སྣང་དག་པོ |
རང་ཉིད་ཀྱིས་གང་བྱས་འགྲིག་ཡོད་བསམ་པ། ཁོང་གིས་བྱས་པའི་ལས་ཀ་འདི་དག་དོན་ལ་ནོར་བ་ཡིན་རུང༌། འགྲིག་ཡོད་སྙམ་པའི་རང་སྣང་དག་ནས་བསྡད་འདུག |
| རང་སྲོག |
སེམས་ཅན་སོ་སོའི་བླ་སྲོག་གམ་རླུང་སེམས་ཀྱི་རྟེན་གནས། རང་སྲོག་བློས་གཏོང༌། རང་སྲོག་རང་གཅོད། དགོས་མེད་དུ་རང་སྲོག་དོར་བ། |
| རངས |
(བྱེད་མེད་ལས་ཚིག) ཧ་ཅང་དགའ་བའི་དོན་ཏེ། ང་ནི་དམངས་དོན་སྒྲུབ་ལ་རངས་ཞེས་པ་ལྟ་བུ། |
| རངས་པ |
རང་བ་དང་འདྲ། |
| རངས་པོ |
(རྒྱན་ཚིག) ཧྲིལ་བོའི་མིང་ལུས་རངས་པོ། ལུག་ཤ་རངས་པོ་གཅིག་ཅེས་པ་ལྟ་བུ། |
| རངས་བྱེད་ཀྱི་བུ་ལྷག་སྤྱོད |
སྔར་རྒྱ་གར་དུ་བྱུང་བ་ཕྱི་རོལ་པའི་དྲང་སྲོང་ཞིག |
| རངས་མ |
ལུས་རྩའི་བྱེ་བྲག་ཅིག |
| རཏྣ |
ལེགས རིན་པོ་ཆེ། |
| རཏྣབྷདྲ |
ལེགས རིན་ཆེན་བཟང་པོ། |
| རད་པ |
1.སྐམ་རྙིད། ཤིང་འབྲས་རད་པ། ཤ་རད་པ། 2.རྙིང གོས། |
| རད་རོད |
བ་ལང་སོགས་ཀྱི་རྨིག་པས་བརྫིས་པའི་འདམ་སྐམ་པ་ས་འབའ་འབུར་རྩུབ་པོ། |
| རད་སྲབ |
གོས་སྲབ་མོ། |
| རན |
(བྱེད་མེད་ལས་ཚིག) <ཀ>འཚམས་པ་དང་འོས་པའི་དོན་ཏེ། ལུས་ལ་རན་པའི་ལྭ་བ། ལྷམ་འདི་ངའི་རྐང་བ་ལ་རན་པ་རེད། གཏམ་ཁ་ལ་མི་རན་པ་མ་བཤད། མི་ཀུན་གྱི་མིག་ལ་མི་རན་པའི་བྱ་བ་མ་བྱེད་ཅེས་པ་ལྟ་བུ། <ཁ>གཏན་ཁེལ་གྱི་དུས་བསླེབས་པའི་དོན་ཏེ། ཚོགས་འདུའི་དུས་ཚོད་རན་སོང་། ཚོགས་འདུར་འགྲོ་རན་སོང་། ཞིང་འདེབས་རན། ལུག་བལ་འབྲེག་རན་ལྟ་བུ། རན་པ་ཡི་ཚིག་བསྡུས་པ། |
| རན་པ |
1.རྩྭ་ཞིག 2 1 འཚམས་པོ། གོས་ཆས་ལུས་ལ་ཆ་ཚད་རན་པ། ལྟོ་ཟ་ཚོད་རན་པ། ཚད་རན་པོ་ཞིག་ལ་བར་མཚམས་འཇོག་པ། འོ་མ་དྲོ་གྲང་རན་པར་བསྲོས་ཏེ་དཀྲོགས་ནས་མར་འདོན་པ། 2 དུས་ལ་སླེབས་པའི་དོན། འགྲོ་རན་པ། ཚོགས་འདུ་འཚོག་རན་སོང༌། |
| རན་པའི་འཇུག་ཚུལ |
སྔོན་འཇུག་གི་མ་ནིང་ག་ད་གཉིས་དང་རྗེས་འཇུག་གི་མ་ནིང་ན་ར་ལ་བཅས་རང་རང་འཇུག་ཡུལ་གྱི་མིང་གཞི་དག་ལ་སྒྲ་དན་རྩོལ་བ་རན་པར་འཇུག་པ། ག་ད ན་ར་ལ |
| རན་པོ |
འཚམས་པོ་དང་དུས་ལ་སླེབས་པའི་དོན་དུ་གོ་བའི་རན་པ་དང་འདྲ། |
| རན་མ |
ཐགས་ཀྱི་རྒྱུའམ། གཞུང་སྐུད། |
| རན་མ་བྲན་པ |
ཐགས་མ་བཏགས་པའི་སྔོན་དུ་འགོ་མཇུག་གཉིས་ལ་ཕུར་པ་རེ་བཏང་ནས་རྒྱུ་སྐུད་བྲན་པ། |
| རན་ཙམ |
1 ཉེ་བའི་སྐབས་ཙམ། ཁ་ལག་ཟ་རན་ཙམ་འདུག 2 འཚམས་པའམ་འོས་པ་ཙམ། |
| རབ |
1.གཙང་པོའི་ནང་ཆུ་གཏིང་ཐུང་ཞིང་གྲམ་རྡོ་མང་ལ་རྐང་འགྲོས་ཀྱིས་བརྒལ་ཐུབ་པའི་ལམ། ཆུ་རབ། ཆུ་བོ་རབ་མེད། ཀོ་གྲུ་མེད་སར་རབ་བརྒྱབ་ནས་བརྒལ། རབ་བརྒལ་གཅིག་ལ། བརྫེ་བཅངས་གཉིས། 2.མཆོག་དང༌། བླ་ན་མེད་པ་སྤྱིར་བཏང་གི་ཚད་ལས་འདས་པའི་ལེགས་ཤོས། ཤེས་རབ། རི་རབ། ཐུགས་རབ། རིམ་པ་རབ་འབྲིང་ཐ་གསུམ། སྤུས་ཀ་རབ། རབ་ཏུ་དུས་སྒོ་སྔོན་བཀག་གོང་ནས་ལེགས་པར་བསྒྲུབ་ཐུབ་པ། རབ་ལ་བྱུང་ན་དུས་ཐོག་ཏུ་ཡོང་ཐུབ་པ། 3.ཡི་གེ་འདིའི་མཐར་ཏུ་ཞེས་སྦྱར་ན་ཧ་ཅང་གི་དོན་སྟོན་པར་བྱེད་པའི་ཚིག་གྲོགས་ཤིག ཏུ རབ་ཏུ་ཁྲོ་བ། ཁོང་ཁྲོ་རབ་ཏུ་འབར་བ། རབ་ཏུ་མང་བ། རབ་ཏུ་དམར། གླུ་གཞས་ལེན་པར་རབ་ཏུ་དགའ་བ། རྟ་རབ་ཏུ་རྒྱུགས་པ། མར་མེ་རབ་ཏུ་གསལ་བ། ཡིད་རབ་ཏུ་དང་བ། |
| རབ་ཀ་ལ |
ལ་ཞིག་བོད་རང་སྐྱོང་ལྗོངས་ཀྱི་གཏིང་སྐྱེས་རྫོང་གི་ལྷོ་རྒྱུད་དུ་ཡོད་ཅིང་དེའི་མཐོ་ཚད་རྒྱ་མཚོའི་ངོས་ནས་སྨི་4972 ཡོད། |
| རབ་གནས |
རྟེན་གསུམ་སོགས་ཡེ་ཤེས་ཀྱི་དཀྱིལ་འཁོར་དུ་མངོན་པར་དབང་བསྐུར་བའམ་བརྟན་པོར་གནས་བྱེད་ཀྱི་ཆོ་ག། དཔེ་མེད་ཀྱི་མཆོད་རྟེན་ལ་ལུང་མེད་ཀྱི་རབ་གནས།…2.སངས་རྒྱས་ཆོས་ལུགས་པས་ལྷ་རྟེན་དང་ལྷ་ཁང་སོགས་བཞེངས་ནས་གྲུབ་རྗེས་དེ་རྣམས་བརྟན་པོ་འོང་བར་བཀྲ་ཤིས་པའི་ཚིག་བརྗོད་པའི་ཆོས་ལུགས་ཀྱི་ཆོ་ག་ཞིག་གི་མིང་། |
| རབ་གནོན |
ལྷ་མིན་གྱི་གྲོང་ཁྱེར་བརྟན་པ་ཞེས་པའི་གཙོ་བོའི་མིང༌། |
| རབ་གཡོ |
མངོན རྨ་བྱ། |
| རབ་གསལ |
1 དཀར་གསལ་མཐོང་རྒྱ་ཆེ་བའི་སྒེ་ཁུང་ཆེན་པོ། བླ་བྲང་གི་རབ་གསལ། 2 ཧ་ཅང་གསལ་བ། 3 སངས་རྒྱས་ཤིག་གི་མཚན། 4 མངོན ཉི་མ། |
| རབ་ཆགས |
མངོན ཞོའི་མིང༌། |
| རབ་ཉི |
རབ་བྱུང་བཅུ་གཉིས་པའི་མིང༌། |
| རབ་ཏུ |
(བསྣན་ཚིག) རྒྱན་ཚིག་གི་འགོར་སྦྱར་ན་ཚད་ཆེ་བ་དང་ཟབ་པའི་དོན་ཏེ། རབ་ཏུ་མཛེས་པའི་ཁང་བཟངས། རབ་ཏུ་མཐོ་བའི་རི་བོ་ཞེས་པ་ལྟ་བུ། ཚིག་བསྡུས་ན་རབ་ཅེས་འབྲི་ཆོག་རབ་མཛེས། རབ་མཐོ། རབ་དམར་ཞེས་པ་ལྟ་བུ། |
| རབ་ཏུ་གཡོ |
ས་གཡོ་སྟངས་ཤིག |
| རབ་ཏུ་ཆེམ་ཆེམ |
1 འོད་ཆེན་པོ་འཚེར་སྟངས། ཉི་མའི་འོད་ཟེར་རབ་ཏུ་ཆེམ་ཆེམ་འཚེར་བ། 2 ས་གཡོ་སྟངས་ཤིག |
| རབ་ཏུ་དགའ་བའི་ས |
བྱང་ཆུབ་སེམས་དཔའི་ས་བཅུའི་དང་པོ། ས་འདིར་གནས་པའི་བྱང་ཆུབ་སེམས་དཔའ་རྣམས་ཀྱིས་སྔར་མ་མཐོང་བའི་ཆོས་ཉིད་ཀྱི་དོན་མཐོང་བས་རང་དོན་བྱང་ཆུབ་མཆོག་ལ་ཉེ་བ་དང༌། གཞན་དོན་སེམས་ཅན་གྱི་དོན་རླབས་པོ་ཆེ་འགྲུབ་པར་མཐོང་ནས་རབ་ཏུ་དགའ་བ་སྐྱེས་པའི་ཕྱིར་ས་དང་པོ་རབ་ཏུ་དགའ་བ་ཞེས་བྱའོ། |
| རབ་ཏུ་བྱུང་བ |
1 གྲྭ་པ་སྤྱིའི་མིང༌། 2 ཁྱིམ་ནས་ཁྱིམ་མེད་པར་ཕྱིན་པ། |
| རབ་ཏུ་བྱུང་བའི་གཞི |
རབ་བྱུང་གི་བཞིའོ། |
| རབ་ཏུ་བྱེད་པ |
1 ལེའུའི་མིང༌། རབ་ཏུ་བྱེད་པ་དང་པོ། རབ་ཏུ་བྱེད་པ་བར་མ། 2 སློབ་དཔོན་དབྱིག་གཉེན་གྱིས་མཛད་པའི་བསྟན་བཅོས་ཤིག་གི་ལེའུའི་མིང༌། |
| རབ་ཏུ་མི་གནས་པའི་དབུ་མ་པ |
དབུ་མ་ཐལ་འགྱུར་བ། |
| རབ་ཏུ་ཚ་བ |
1 ཚ་བའི་མྱོང་ཚོར་ཤིན་ཏུ་ཆེ་བ། 2 ཚ་དམྱལ་བརྒྱད་ཀྱི་ནང་གསེས་ཤིག་གསལ་ཤིང་རྩེ་གསུམ་མེ་འབར་བས་དམྱལ་བའི་སེམས་ཅན་གྱི་རྐང་མཐིལ་དང་འོག་སྒོ་ནས་འབིགས་པའི་སྡུག་བསྔལ་ཏེ་ཚ་དམྱལ་བདུན་པའོ། |
| རབ་ཏུ་འཁྲུག |
ས་གཡོ་སྟངས་ཤིག |
| རབ་ཏུ་འགུལ |
ས་གཡོ་སྟངས་ཤིག |
| རབ་ཏུ་འཕྱང་བའི་རྨ |
མཚོན་གྱིས་རྨས་ནས་ཤ་པགས་ཐུར་དུ་ཕྲུལ་ཕྲུལ་འཛར་བའི་རྨ། |
| རབ་ཏུ་འབར་བའི་དམྱལ་བ |
ཚ་དམྱལ་བརྒྱད་ཀྱི་ནང་གསེས་རབ་ཏུ་ཚ་བའོ། |
| རབ་ཏུ་འབྱིན་པ |
རབ་ཏུ་བྱུང་བ་དང་འདྲ། |
| རབ་ཏུ་འུར་འུར |
1 སྒྲ་ཤིན་ཏུ་ཆེ་བའི་དོན་ཙམ། གློ་བུར་ཉིད་དུ་ས་གཡོ་རི་གཡོ་བྱེད་ཅིང་སྒྲ་རབ་ཏུ་འུར་འུར་སྒྲོག་པ། 2 ས་གཡོ་ཚུལ་དྲུག་གི་ཡ་གྱལ་ཞིག |
| རབ་ཏུ་རྣམ་པར་འབྱེད་པ |
སོ་སོའི་ཁྱད་པར་རབ་ཏུ་རྣམ་པར་འབྱེད་པ། ཡིན་མིན་བདེན་རྫུན་རབ་ཏུ་རྣམ་པར་འབྱེད་པ། |
| རབ་ཏུ་ལྡེག |
ས་གཡོ་སྟངས་ཤིག |
| རབ་ཐིམ |
མངོན འཇིག་པའི་བསྐལ་པ། |
| རབ་དཀར |
ཧ་ཅང་དཀར་པོ། ཁ་བཏགས་རབ་དཀར། རབ་དཀར་ལྷ་རྫས། |
| རབ་དཀར་སྙིང |
མངོན དོམ། |
| རབ་དགའ |
1 ཧ་ཅང་མགུ་བ། 2 མངོན 1)གཟའ་ལྷག་པ། 2)བྱ་རོག 3 དྲི་ཟའི་རྒྱལ་པོ་ཞིག 4 རབ་ཏུ་དགའ་བའི་སའི་བསྡུས་མིང༌། |
| རབ་དགའ་བྱེད |
མངོན འདོད་ལྷ། |
| རབ་དགོད |
མངོན ལྷ་དབང་ཕྱུག |
| རབ་དང |
མངོན ཆང༌། |
| རབ་དང་བྱེད |
མངོན 1 བཟའ་བྱ་སྤྱི། 2 ལྷ་དབང་ཕྱུག |
| རབ་དང་རིམ་པ |
རྣམ་གྲངས་མི་གཅིག་པ་ལན་མང་པོར་བྱུང་བ། |
| རབ་དབེན་ཡིད་བྱེད |
ཞི་ལྷག་གཉིས་རེས་མོས་སུ་བསྒོམས་པས་གོམས་པ་ལ་བརྟེན་ནས་འདོད་པའི་ཉོན་མོངས་ཆེན་པོའི་གཉེན་པོ་སྐྱེས་པའོ། |
| རབ་དྭངས་བཏུང་བ |
མངོན བཟའ་ཤིང་གི་ར་བ། |
| རབ་དྲག |
མངོན རབ་བྱུང་བཅུ་གཅིག་པའི་མིང༌། |
| རབ་ནུབ |
མངོན འཇིག་པའི་བསྐལ་པ། |
| རབ་བཀྲམ |
གྲངས་ཀྱི་གནས་དྲུག་ཅུའི་ནང་གི་གཅིག |
| རབ་བཀྲམ་ཆེན་པོ |
གྲངས་ཀྱི་གནས་དྲུག་ཅུའི་ནང་གི་གཅིག |
| རབ་བཏགས |
སྙན་ངག་གི་རྒྱན་གྱི་རིགས་ཤིག་རབ་བཏགས་ཀྱི་རྒྱན་ཟེར། |
| རབ་བཏགས་ཀྱི་རྒྱན |
རབ་རྟོག་གི་རྒྱན་དང་དོན་གཅིག་ |
| རབ་བཏགས་དཔེ |
དཔེའི་རྒྱན་གྱི་ནང་གསེས་ཤིག་དཔེ་ལ་སེམས་ལྡན་དང་འདྲ་བའི་ཀུན་སློང་གི་བསམ་པ་མེད་བཞིན་དུ་ཡོད་པར་སྒྲོ་བཏགས་ཀྱི་སྒོ་ནས་མཚུངས་དཔེ་གཞན་འདྲེན་པའི་རྒྱན་ཞིག |
| རབ་བསྒོས་སྐྱེས |
མངོན གངས། |
| རབ་བི་རིབ་བི |
1 གསལ་ལ་མི་གསལ་བའི་ཚུལ། ཡིག་གཟུགས་རབ་བི་རིབ་བི་ཞིག་ལས་མཐོང་མི་ཐུབ་པ། 2 སེམས་རྒྱུད་མི་དྲང་བའམ་ཁྲམ་པའི་སྤྱོད་པ། མི་དེ་རབ་བི་རིབ་བི་ཚ་པོ་རེད། |
| རབ་བེ་དགའ་བ |
རྙིང ཚུགས་སེ་ཡོད་པ། |
| རབ་བེ་རིབ་བེ |
རབ་རིབ་དང་དོན་འདྲ། |
| རབ་བེ་རོབ་བེ |
རགས་པའམ་ཕྱོགས་ཙམ་པའི་རྣམ་པ། བརྟག་དཔྱད་རབ་བེ་རོབ་བེ་མིན་པར་ཞིབ་ཚགས་བྱས་པ། ཚིག་དོན་རབ་བེ་རོབ་བེ་ཞིག་ཤེས་པ། |
| རབ་བྱུང |
1 མེ་ཡོས། 2 ལོ་རྒན་དྲུག་ཅུ་སྐོར་གཅིག་གི་མིང་བོད་ཀྱི་རབ་བྱུང་དང་པོ་འགོ་ཚུགས་མཚམས་ནི་སྤྱི་ལོ་1027 ཡིན་པ་དང༌། གྱི་ཇོ་ལོ་ཙཱ་བ་ཟླ་བའི་འོད་ཟེར་གྱིས་རྩིས་སྲོལ་བཏོད་པ། 3 ཁྱིམ་ནས་ཁྱིམ་མེད་པར་རབ་ཏུ་བྱུང་བ་སྟེ་དགེ་ཚུལ་སློང་གི་སྡོམ་པ་བླངས་པའི་གྲྭ་པ་དང་བཙུན་མ། |
| རབ་བྱུང |
1བོད་པའི་ལོ་རྩིས་ཀྱི་ཤིང་ཕོ་བྱི་བའི་ལོའི་མིང་ལ་བོད་རྩིས་ཀྱི་ནང་དུ་རབ་བྱུང་ཟེར། 2ཤིང་ཕོ་བྱི་བའི་ལོ་ནས་མེ་ཕོ་ཡོས་ཀྱི་ལོའི་བར་ལོ་འཁོར་དྲུག་ཅུ་རེ་ལ་རབ་བྱུང་གཅིག་ཟེར། རབ་བྱུང་གི་འགོ་ནི1027ལོ་ནས་ཚུགས་པ་རེད། 3སངས་རྒྱས་ཆོས་ལུགས་ཀྱིས་ཁྱིམ་ཐབ་སྤངས་ནས་དེར་ཞུགས་པའི་མི་རྣམས་ལ་རབ་ཏུ་བྱུང་བ་ཟེར་ཞིང་། ཚིག་བསྡུས་ན་རབ་བྱུང་ཟེར། |
| རབ་བྱུང་གི་གཞི |
རབ་ཏུ་བྱུང་བའི་གཞི་འདུལ་བ་གཞི་བཅུ་བདུན་གྱི་ནང་གསེས། དགེ་ཚུལ་སློང་གི་སྡོམ་པ་མ་ཐོབ་པ་ཐོབ་པར་བྱེད་པའི་གཞི་སྔོན་ཆོག་དང་ད་ཆོག་གི་སྡོམ་པ་ནོད་པའི་རིམ་པའོ། |
| རབ་བྱུང་གི་སྡོམ་ལྡན་ལྔ |
དགེ་སློང་ཕ་མ་དང༌། དགེ་སློབ་མ། དགེ་ཚུལ་ཕ་མ་བཅས་ལྔའོ། |
| རབ་བྱུང་མ |
སྡོམ་ལྡན་བཙུན་མ། |
| རབ་བྱུང་མཁན་པོ |
རབ་བྱུང་གི་སྡོམ་པ་འབོག་མཁན་གྱི་མཁན་པོ། |
| རབ་བྱེད |
རབ་ཏུ་བྱེད་པའི་བསྡུས་ཚིག་ |
| རབ་མཆོག |
ཕུལ་དུ་བྱུང་བ། མདུན་ལམ་རབ་མཆོག ཐབས་ཇུས་རབ་མཆོག འབྲས་བུ་རབ་མཆོག་ཐོབ་པ། |
| རབ་མཆོག་ས |
རི་རབ་ལྷུན་པོའི་འགྲམ་སྟེགས། |
| རབ་མཆོད་ལྡན |
མངོན མེ་ལྷ། |
| རབ་མེད |
ཆུའི་འགྲོ་ལམ་མམ་འཇུག་ངོགས་མེད་པ། |
| རབ་མྱོས |
1 ཆང་ངམ་དགའ་བདེས་ཡིད་གཡོས་པའམ་ཤིན་ཏུ་བཟི་བ། དགའ་སྤྲོའི་ངང་ནས་རབ་མྱོས་པ། ཨ་རག་འཐུངས་ཚབས་ཆེ་བས་རབ་མྱོས་པ། 2 མངོན ལྕགས་རྟ་ལོ། |
| རབ་མྱོས་མ |
མངོན བུད་མེད་མཛེས་མ། |
| རབ་ཚེས |
རབ་བྱུང་བཅོ་ལྔ་པའི་མིང༌། |
| རབ་འཇོམས་བདག་པོ |
མངོན ལྷ་དབང་ཕྱུག་ཆེན་པོ། |
| རབ་འཇོམས་མ |
མངོན ལྷའི་བུ་མོ། |
| རབ་འདོད |
མངོན རབ་བྱུང་བཅུ་གསུམ་པའི་མིང༌། |
| རབ་འཕྲུལ |
འཕྲུལ་དགའ་སྟེ་འདོད་ལྷ་རིས་དྲུག་གི་ནང་ཚན་ཞིག |
| རབ་འཕྲོ |
མངོན མེ་སྟག་སྟེ་མེའི་ཟེགས་མ། |
| རབ་འབྱམས |
1 མཐའ་མེད་དང་ཤིན་ཏུ་མང་བ། རབ་འབྱམས་ཕྱོགས་བཅུའི་འཇིག་རྟེན། གཞུང་ལུགས་རབ་འབྱམས། 2 གྲངས་གནས་དྲུག་ཅུའི་རྩི་སྟངས་ནང་དུ་ཡོད་པའི་གྲངས་གནས་ཆེ་བ་ཞིག |
| རབ་འབྱམས |
རྒྱ་ཧ་ཅང་ཆེ་བའི་དོན་ཏེ། གཞུང་ལུགས་རབ་འབྱམས། རབ་འབྱམས་རྒྱ་མཚོ་ཞེས་པ་ལྟ་བུ། |
| རབ་འབྱམས་པ |
1 གཞུང་ལུགས་མཐའ་དག་ལ་སྦྱངས་པ་མཐར་སོན་པའི་མཁས་པ། 2 དགེ་བཤེས་མཐོ་གྲས་ཀྱི་གོ་མིང༌། |
| རབ་འབྱམས་རྒྱ་མཚོ |
ཤིན་ཏུ་མང་བ། ཤེས་བྱ་རབ་འབྱམས་རྒྱ་མཚོ་བགྲང་ལས་འདས་པ། |
| རབ་འབྱོར |
སུབྷཱུཏི ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་གྲས་སྟོང་ཉིད་སྟོན་པའི་མཆོག་ཏུ་གྱུར་པའོ། |
| རབ་འབྲིང་ཐ་གསུམ |
མཆོག་དམན་བར་གསུམ། |
| རབ་འཛག |
མངོན གཅིན། |
| རབ་འོག |
རབ་ཀྱི་འོག་མ་སྟེ་འབྲིང་བ། |
| རབ་ཡས |
གྲངས་གནས་དྲུག་ཅུའི་རྩི་སྟངས་གཞན་ཞིག་ནང་ཡོད་པའི་གྲངས་ཀའི་མིང་ཞིག |
| རབ་ཡིད |
རབ་བྱུང་བཅུ་བཞི་པའི་མིང༌། |
| རབ་རབ |
ཡུལ རྐང་ལག་ཀྲབ་ཀྲབ་ཏུ་འགུལ་སྟངས་ཤིག |
| རབ་རིབ |
1 མིག་ནད་ལིང་ཏོག རབ་རིབ་སྔོན་པོ། རབ་རིབ་མིག་གིས་སྐྲ་ཤད་མཐོང་བ་ལྟར། 2 རབ་བི་རིབ་བིའི་བསྡུས་ཚིག་(རྒྱན་ཚིག) དངོས་རྫས་སོགས་བསྒྲིབས་ནས་གསལ་བོ་མིན་པའི་དོན་ཏེ། གནམ་རབ་རིབ། མུན་རབ་རིབ། མིག་རབ་རིབ་ཅེས་པ་ལྟ་བུ། བར་སྣང་ལ་འཐིབས་པའི་རྡུལ་དང་སྨུགས་ལོང་སོགས་ཀྱི་མིང་རབ་རིབ་འཐིབས་ལྟ་བུ། |
| རབ་རིབ་པ |
1 མུན་པ། གཟུགས་དབྱིབས་རབ་རིབ། ཟླ་འོད་རབ་རིབ་པའི་ནང་དུ་འགྲོ་བ། 2 མིག་ནད་ལིང་ཏོག་ཡོད་མཁན། |
| རབ་རིབ་འཇོམས |
མངོན ཉི་མ། |
| རབ་རིབ་སེལ |
1 ནམ་ལངས་པའི་མིང༌། 2 མིག་ནད་ཀྱི་རབ་རིབ་སེལ་བ། |
| རབ་རོབ |
རབ་བེ་རོབ་བེའི་བསྡུས་ཚིག་ |
| རབ་རྒྱན |
རབ་བྱུང་བཅུ་བདུན་པའི་མིང༌། |
| རབ་རྒྱལ |
རབ་བྱུང་བཅུ་དྲུག་པའི་མིང༌། |
| རབ་རྟོག་གི་རྒྱན |
དོན་རྒྱན་གྱི་ནང་གསེས་ཤིག་སེམས་ལྡན་ནམ། སེམས་མེད་ཀྱི་དངོས་པོའི་གནས་ལུགས་རང་བཞིན་ཇི་ལྟར་གནས་པ་དེ་ཉིད་དགོས་དབང་གི་འདོད་པས་རྣམ་པ་གཞན་ཞིག་ཏུ་སྒྲོ་བཏགས་ནས་བརྗོད་པའི་རྒྱན་ཞིག་ནང་གསེས་རྣམ་གྲངས་གསུམ་ནི། སེམས་ལྡན་རབ་རྟོག་སེམས་མེད་རབ་རྟོག་ཏིང་འཛིན་རབ་རྟོག་བཅས་སོ། |
| རབ་སད |
མངོན ནམ་ལངས་པ། |
| རབ་སོན |
ས་རབ་ཀྱི་སོན། |
| རབ་སྐྱེ |
རང་རང་གི་རྒྱུད་ཐ་དད་དུ་ངེས་པར་འབྱུང་བ་དང་འགྲོ་བ་དང་སྐྱེ་གནས་ལ་སོགས་པ་རྣམ་པ་ཐ་དད་དུ་འབྱུང་བ་དང་འགྲོ་བའི་མཆོག་ཏུ་སྲིད་པའི་རྩེ་མོར་འབྱུང་བའི་བྱེད་རྒྱུ་ཡིན་པས་རབ་ཏུ་སྐྱེ་བ་བདེན་བཞིའི་རྣམ་པ་བཅུ་དྲུག་གི་ནང་གསེས་ཤིག |
| རབ་སྐྱེས |
མངོན བུད་མེད་མཛེས་མ། |
| རབ་སྐྲུན |
མངོན མ། |
| རབ་སྔ་གསལ |
མངོན ནམ་ལྔས་པ། |
| རབ་སྟོད་ཚར་སྒང |
ཁམས་ཀྱི་ས་ཆ་ཞིག་ད་ལྟ་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་དར་རྩེ་མདོ་དང༌། བརྒྱད་ཟིལ། མུ་ལི་རྒྱུད་བཅས་ཀྱི་ས་མིང་རྙིང་པ། |
| རབ་སྟོབས |
མངོན བདུད། |
| རབ་སྤེལ་གྱི་རྒྱན |
དོན་རྒྱན་གྱི་ནང་གསེས་ཤིག་ཚིག་སྦྱོར་གཅིག་ལ་དཔེ་རྒྱན་དང༌། གཟུགས་རྒྱན། འགོག་རྒྱན་སོགས་རྒྱན་གསུམ་ལས་མི་ཉུང་བ་ཞིག་མཉམ་དུ་བསྲེས་པའི་རྒྱན་ཞིག་ནང་གསེས་རྣམ་པ་གཉིས་ནི། གཅིག་ལ་གཅིག་ལྟོས་ཀྱི་རབ་སྤེལ་དང༌། སྟོབས་མཚུངས་ཀྱི་རབ་སྤེལ་ལོ། |
| རབས |
རྒྱུད་དམ་ལོ་རྒྱུས། སྐྱེས་རབས། རྒྱལ་རབས། གདུང་རབས། མཁན་རབས། བླ་རབས། ཡ་རབས། མ་རབས། རབས་དང་རིམ་པ། ཁྭ་ཏ་ནག་པོའི་ཚང་ནང་ན། སྐྱ་ག་ཁྲ་ཆུང་སྐྱེས་རབས་མེད། |
| རབས་གཅིག་པ |
མངོན དྲེལ། |
| རབས་གཅོད |
མི་ཕྱུགས་ཀྱི་སྐྱེ་རྒྱུན་གཅོད་པ། |
| རབས་ཆད་པ |
རིགས་རྒྱུད་ཀྱི་རྒྱུན་ཆད་པ། རབས་ཆད་ཀྱི་སྒོ་རྩར། གཅེས་ཕྲུག་གི་རྩེད་བྲོ། |
| རབས་ཆད་མ |
1 ཕྲུ་གུ་མི་སྐྱེ་བའི་བུད་མེད། 2 མོ་གཤམ། |
| རམ |
1.རམས་དང་འདྲ། 2.མིང་མཐའ་རའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག ར གསེར་རམ་དངུལ། དར་དམར་རམ་དར་དཀར། 3.མིང་མཐའ་རའི་རྗེས་སུ་སྦྱོར་བའི་ཐེ་ཚོམ་སྟོན་བྱེད་ཀྱི་སྒྲའི་རྐྱེན་ཞིག ར ཧ་ཅང་གིས་ངོ་མི་མཚར་རམ། ད་དུང་གསལ་པོར་མ་ཤར་རམ། |
| རམ་པ |
རན་པ་ཡི་འབྲི་ཚུལ་གཞན། |
| རམ་བུ |
རོགས། རམ་བུ་གཏོང་བ། རམ་བུ་རྗེས་ཟློས། ལས་ཀར་རམ་བུ་བྱེད་པ།…2.ལོ་མང་སྐྱེ་བའི་རྩྭ་ལྡུམ་ཞིག་ཡིན་ལ། ས་བོན་ནང་དུ་ཕྱེ་ཡོད་པས་ཕྱུགས་ཀྱི་འཚོ་རྩྭ་བཟང་བོ་ཞིག་ཡིན། རྩ་བ་རྡོག་པོ་སྨན་བྱེད་ཆོག |
| རམ་བུ་འདེགས་པ |
1 གཞོགས་འདེགས་པའམ་རོགས་བྱེད་པ། 2 གླུ་ལེན་ལ་རམ་བུ་འདེགས་པ། |
| རམ་འདེགས |
1 རོགས་རམ། རྐུ་འཕྲོག་རམ་འདེགས། ལག་དམར་རམ་འདེགས། རྐུན་རྗེས་རྩད་གཅོད་ཀྱི་རམ་འདེགས་བྱེད་པ། 2 གཞན་གྱིས་གླུ་དབྱངས་འཐེན་པར་རྗེས་ནས་ལད་ཟློས་བྱས་པའི་རོགས་རམ། སྙན་ཚིག་རམ་འདེགས། གཅིག་གི་གླུ་ལ་བརྒྱ་ཡིས་རམ་འདེགས་བྱེད། ཁྱོད་ཀྱིས་རྣམ་ཐར་ཐོངས་དང༌། ངས་རམ་འདེགས་བྱས་ཆོག རོལ་མོས་རམ་འདེགས། |
| རམ་ཤག |
རྙིང 1 འབྱོར་པ། 2 འགྱོད་པ། |
| རམས |
ཚོན་སྔོན་པོ་རིགས་ཤིག་གི་མིང་རམས་དོང་ནི་གཏེར་ནས་ཐོན་པ་ཞིག་ཡིན། སྟོན་མེ་ཏོག་བཞད་ཅིང་། མེ་ཏོག་ཡལ་རྗེས་འབྲས་བུ་གླིང་གསུམ་པ་ཆགས་པའི་རྩི་ཤིང་གི་རིགས་ཤིག་ཡིན། དེའི་ལོ་མ་ལས་ཚོན་སྔོན་པོ་ཞིག་བླངས་ནས་རས་སོགས་ཁ་དོག་སྒྱུར་ཆོག་པ་དེ་ལའང་རམས་ཟེར། |
| རམས་ཀྱོང |
རམས་ཚོས་འདུལ་ས་རྡོ་གཞོང༌། |
| རམས་ཁོག |
རམས་སྐོལ་སྣོད་ཀྱི་མིང༌། |
| རམས་པ |
རབ་འབྱམས་པའི་བསྡུས་ཡིག་མཁས་པ་ཆེན་པོའམ་དགེ་བའི་བཤེས་གཉེན་གྱི་གོ་མིང༌། སྔགས་རམས་པ། ལྷ་རམས་པ། ཚོགས་རམས་པ། |
| རམས་ཕྱིས |
རྙིང སྣག་བུམ། |
| རམས་ཚོས |
ཚོས་སྔོ་ལྗང་ཞིག |
| རམས་རྡེལ |
རམས་ཚོས་འདུལ་བྱེད་རྡོ་རིལ། |
| རམས་ཤིང |
རམས་ཚོས་འབྱུང་བའི་ཤིང༌། |
| རལ |
(བྱེད་མེད་ལས་ཚིག) ཞིག་པའམ་ཐོར་བའི་དོན་ཏེ། ལྭ་བ་རལ། ཁང་བ་རལ་ལྟ་བུ། |
| རལ་ཀླུང |
མངོན ཆུ་བོ་གང་གཱའི་མིང༌། |
| རལ་ཁ |
1 རལ་གྲིའི་ཁ། རལ་ཁ་བརྡར་བ། རལ་ཁ་འགྱེད་པ། རལ་ཁ་སྤྲོད་པ། 2 རྙིང དགེ་སློང་མའི་ཤིང་ང་དཔུང་བཅད་དང་རྣམ་པ་ཅུང་མི་འདྲ་བའི་སྟོད་གོས་ཤིག |
| རལ་ཁ་དཔུང་ཆད |
མཐང་གོས་ཀྱིས་མ་ཡོགས་པར་ལྷན་བྱེད་དམ་ཁ་གསབ་བྱེད་སྲིད་ཞེང་གཉིས་ཀར་ཁྲུ་དོ་ཡོད་པའི་གོས་གྲུ་བཞི་མ་ཞིག |
| རལ་ཁ་དཔུང་བཅད |
དགེ་སློང་གི་རྔུལ་གཟན་ནང་གོས་ཕུ་དུང་མེད་པ་ཞིག |
| རལ་ཁ་སྤྲད |
1ཕན་ཚུན་ལག་ཐུག་ནས་འཐབ་པའི་དོན། 2དངོས་སུ་ཐུག་ནས་རིགས་པའི་གཞུང་ལུགས་ཀྱི་རྩོད་པ་བྱས་པའི་དོན། 3གཡུལ་འགྱེད་པའམ་མཚོན་གྱིས་འཐབ་པའི་དོན། |
| རལ་ཁུར་ཅན |
མངོན 1 ལྷ་དབང་ཕྱུག་ཆེན་པོ། 2 སེང་གེ། |
| རལ་ག |
སྡོང་བོ་དང་རྩི་ཤིང་གི་ཡལ་གའི་མིང་། སྟོད་གོས་རིགས་ཤིག་གི་མིང་གི་བརྡ་རྙིང་ཡུལ་སྐད་དུ་ཚི་ལེན་ཟེར། |
| རལ་གཅིག་མ |
སྔགས་སྲུང་ཨེ་ཀ་ཛ་ཏྲི་སྟེ་སྙིང་ཐིག་གི་བཀའ་སྲུང་ཞིག |
| རལ་གུ |
ལེགས་སྦྱར་སྐད་ཀྱི་རལླཀ་ཡི་ཟུར་ཆག 1 སྟོད་ཀོར། 2 བེར། 3 སྣམ་གོས། |
| རལ་གུ་ཅན |
རྙིང ཉུག་རུམ་པ་སྟེ་བཙུན་མོའི་འཁོར་རླིག་འབྲས་བཏོན་པའི་སྐྱེས་པ། |
| རལ་གྱི |
རྙིང རལ་གྲི། |
| རལ་གྲི |
སྔ་དུས་ཀྱི་མཚོན་ཆ་ཞིག རལ་གྲི་སྐོར་བ། རལ་གྲི་གདེང་བ། རལ་གྲི་རྣོ་དབལ་དང་ལྡན་པ། རལ་གྲི་ལག་ཏུ་མེད་གྱུར་ན། དེ་ལ་གཞན་གྱིས་ཐུབ་ཚོད་བྱེད། མིང་གི་རྣམ་གྲངས་ལ་སྐེད་གྲི་དང༌། གྲི་ཐུང༌། གྲི་རིང༌། གཅོད་བྱེད། རྗེས་སུ་གཅོད། འདེབས་བྱེད། རྡེག་ཆ། དཔལ་གྱི་སྙིང་པོ། ལག་སྐྱོང༌། ལག་ཆ། ལག་སྲུང༌། ཤང་ལང་བཅས་སོ། |
| རལ་གྲི་གནམ་གཡུག |
ཧ་ཅང་བཙན་ཤེད་ཆེ་བའི་དཔེ། རལ་གྲི་གནམ་གཡུག་གིས་འཇིགས་སྣང་བསྐུལ་བ། བཀའ་རལ་གྲི་གནམ་གཡུག་ལྟར་འབེབས་པ། |
| རལ་གྲི་ཅན |
མངོན 1 རྩངས་པ། 2 འཇམ་དབྱངས། |
| རལ་གྲི་འཛིན་པ |
མངོན 1 དམག་དཔོན། 2 འཇམ་དཔལ་དབྱངས། |
| རལ་གྲི་རྒྱུན་འཛིན |
མངོན 1 དམག་དཔོན། 2 ལྷ་གཞོན་ནུ་གདོང་དྲུག་ |
| རལ་གྲི་ལོ་མའི་ནགས་ཚལ |
ཉེ་འཁོར་གྱི་དམྱལ་བ་ཞིག |
| རལ་གྲིའི་གཉེན |
མངོན དམག་དཔོན། |
| རལ་གྲིའི་ཐབས |
གྲི་རྩལ་ཏེ་སྒྱུ་རྩལ་དྲུག་ཅུ་རྩ་བཞིའི་ནང་ཚན་ཞིག |
| རལ་གྲིའི་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། བསྒྲུབས་པས་གྲུབ་པའི་རལ་གྲི་ནི་གང་གིས་ལག་ཏུ་བཟུང་བས་ནམ་མཁའ་དང་མཁའ་སྤྱོད་ཀྱི་གནས་སུ་བགྲོད་ནུས་པ། |
| རལ་གྲིའི་ཕྲེང |
མངོན ཉི་མའི་རྟ། |
| རལ་གྲིའི་མཇུག |
མངོན ཆུ་སྲིན། |
| རལ་གྲིའི་ལོ་མ་ཅན |
1 མངོན བུ་རམ་ཤིང༌། 2 རལ་གྲི་ལོ་མའི་ནགས་ཚལ་དང་དོན་གཅིག་ |
| རལ་གྲིའི་སོ་ཅན |
མངོན ཆུ་སྲིན་ཆེན་པོ། |
| རལ་གྲུམ |
ཆག་གྲུམ། ཤོག་བུ་རལ་གྲུམ། ཁང་པ་རལ་གྲུམ། |
| རལ་ཅོག |
སྐྲ་རིང་གི་ཐོར་ཚུགས། |
| རལ་ཆུང་དཔུང་བཅད |
དགེ་སློང་གི་གྱོན་རྒྱུའི་ནང་གོས། |
| རལ་པ |
1 སྐྲ་རིང་པོ། སེང་གེའི་རལ་པ། དྲེད་མོང་གི་རལ་པ། རལ་པ་ཉིལ་ལེ་བ། མགོ་སྤུ་མེད་ལ་རལ་པའི་ཁྲལ་འགེལ། 2 འཁྲབ་ཆས་ཤིག 3 རྔ་དང་སིལ་སྙན་རྡུང་བཞིན་དུ་སྐྱེས་པ་དང་བུད་མེད་རྣམས་མཉམ་དུ་འཁྲབས་པའི་ཞབས་བྲོ་ཞིག |
| རལ་པ་ཅན |
1 སྔར་བོད་རྒྱལ་ཞེ་གཅིག་པ་ཁྲི་གཙུག་ལྡེ་བཙན་གྱི་མིང༌། 2 སྐྲ་འཛིངས་པ་ལན་བུ་ལྟར་མང་པོ་ཡོད་མཁན། 3 མངོན 1)སེང་གེ། 2)མ་ཧེ། 3)ཤིང་གི་བ་ཐག |
| རལ་པ་ས་ལ་བསླགས་པ |
རྙིང རལ་པ་ས་ལ་བཏིང་བའམ་སྤུངས་པ། |
| རལ་པའི་ཁུར་ཅན |
མངོན ལྷ་དབང་ཕྱུག་ཆེན་པོ། |
| རལ་པའི་གདེངས་ཀ |
སྐྲ་སྤྱི་བོར་བཅིངས་པའི་མིང༌། |
| རལ་པའི་ཟུར་ཕུད |
རལ་པའི་ཐོར་ཅོག |
| རལ་པོ |
1.ཧྲུལ་པོ། དར་ཆ་རལ་པོ། ཕྱིང་ཞྭ་རལ་པོ། གྱོན་པ་རྙིང་རལ། ཀོ་ལྷམ་རྩབ་རལ། སྡོད་ཁང་ཞིག་རལ། 2.གོས་སོགས་ཧྲུལ་ཧྲུལ་ཅན། རལ་པོ་ལྷན་པས་མི་འདུམ་པ། རལ་པོ་རལ་རྐྱང་ཆད་པོ་ཆད་རྐྱང༌། |
| རལ་བ |
ཐ་མི་དད་པ ཞིག་པ་དང༌། ཆག་པ་དང༌། གས་པ། ཤོག་ཆ་རལ་བ། གནམ་རལ་བ་དང་ས་གྲུམ་པ། དཀར་ཡོལ་ཞབས་རལ། སྟག་ཁ་རལ། སེང་གེ་སྣ་རལ། ཁ་ཆག་སྣ་རལ།…2.སྐྲ་རིང་བོའམ་སྐྲ་རིང་བོ་སླེས་པའི་གཙུག་ཕུད་ཀྱི་མིང་། ཚིག་བསྡུས་ན་རལ་ཞེས་འབྲི་ཆོག་གཡུ་རལ། རལ་ཅོག་ཅེས་པ་ལྟ་བུ། |
| རལ་བཙེམས |
གོས་སོགས་རལ་བ་བཙེམས་པ། |
| རལ་བུ་ཅན |
རྙིང ཉུག་རུམ་པ། |
| རལ་བོ |
ཞིག་རལ་གྱི་དོན་ཏེ། ཁང་རྙིང་རལ་བོ། གྱང་རལ་བོ་ཞེས་པ་ལྟ་བུ། རལ་བ་ཡི་ཚིག་བསྡུས་པ། ０བོད་ཀྱི་རུས་ཤིག |
| རལ་རུལ |
རལ་ལེ་རུལ་ལེའི་བསྡུས་ཚིག་ |
| རལ་རྡོལ |
རལ་པ་དང་ཨི་ཁུང་རྡོལ་བ། གྱོན་པ་རལ་རྡོལ། ལྷམ་རལ་རྡོལ། |
| རལ་ལེ་རུལ་ལེ |
ཧྲུལ་པོ། དངོས་པོ་རལ་རུལ་སྡུད་པ། གྱོན་པ་རལ་ལེ་རུལ་ལེ། |
| རལ་ལྕང |
སྐྲ་ལྷས་མའི་ལན་བུ། |
| རལ་ལྕོག |
རལ་ཅོག་དང་འདྲ། |
| རལ་སྐོར་མཁན |
རལ་གྲིས་གཅོད་པ་ལ་ཤིན་ཏུ་མཁས་པའི་མི། |
| རས |
1 སྲིང་སྐུད་ཀྱི་བཏགས་མ་ཤིང་བལ་ལས་བཟོས་པའི་གོས་རྒྱུ། ཚོས་མདོག་སྣ་ཚོགས་བཀྲ་བའི་རས་ཁྲ། རས་བུབས། རས་དམར་ཤར། རས་རྩིང༌། རས་ཚགས་ཞིབ་པོ། རས་སེང་སེང༌། རས་སྲབ་སྲབ། ཟར་མའི་རས། 2 གཏུམ་བྱེད་དང༌། འགེབས་བྱེད་རས་ཚལ། ལག་རས། ཐོད་རས། ཕྱི་རས། ཁ་རས། 3 སྲིང་བལ་ལས་བཟོས་པའི་གྱོན་ཆ། རས་རྐྱང༌། རས་པ། |
| རས་ཁུག |
རས་ཀྱི་ཁུག་མ། |
| རས་གཅོད |
1 ཁྱད་གསོད་བྱེད་པ། གཞན་གྱི་བསླབ་བྱ་བཟང་པོར་རས་གཅོད་བྱེད་པ། ཉེས་སྐྱོན་ཆུང་གྲས་ལ་ཡང་རས་གཅོད་བྱས་ན་མི་འགྲིག 2 གདུག་རྩུབ་བྱེད་པ། གཅན་གཟན་གྱིས་རས་གཅོད་བྱས་པ། མི་མཐུན་པའི་བསམ་འཆར་ལ་རས་གཅོད་མ་བྱེད། |
| རས་གཞི |
ཐང་ག་སོགས་འབྲི་སའི་རས་གཞི། |
| རས་གཟན |
རས་ལས་བཟོས་པའི་གཟན། |
| རས་གཡབ |
རས་ལས་བཟོས་པའི་གཡབ། |
| རས་གུར |
རས་ཀྱིས་བཟོས་པའི་སྡོད་གནས་གྱི་མིང་། |
| རས་གོས |
རས་ལས་བཟོས་པའི་གྱོན་པ། རས་གོས་དཀར་པོ་གཤོག་པའི་ཚུལ་དུ་བརྒྱངས། |
| རས་ཆ |
སྲིང་སྐུད་ཀྱིས་བཏགས་པའི་རིགས། རས་ཆ་ཚོས་སྣ། འཁུམས་གཉེར་ཅན་གྱི་རས་ཆ། |
| རས་ཆ་འཁུམས་གཉེར་ཅན |
འཕུར་སུལ་མང་པོ་ཆགས་པའི་རས། |
| རས་ཆུང་རྡོ་རྗེ་གྲགས་པ |
ལ་སྟོད་གུང་ཐང་དུ་རབ་བྱུང་དང་པོའི་ཤིང་བྱི་ལོར་འཁྲུངས། དགུང་ལོ་བཅུ་གཅིག་ནས་རྗེ་བཙུན་མི་ལ་བསྟེན་ནས་ཆོས་ཀྱི་རྐང་ཚུགས། རྒྱ་གར་དུ་ལན་གཉིས་བྱོན་ནས་ན་རོ་པ་དང་མེ་ཏྲི་གཉིས་ཀྱི་དངོས་སློབ་ཏི་ཕུ་པ་དང༌། མ་ཅིག་གྲུབ་རྒྱལ་སོགས་བླ་མ་མང་པོ་བསྟེན། ལུས་མེད་མཁའ་འགྲོའི་ཆོས་སྐོར་ཡོངས་རྫོགས་གསན་ནས་བོད་དུ་མི་ལ་ལ་ཕུལ། དེ་ནས་གཙང་གི་ལྷོ་བྱང་ས་ཕྱོགས་སྤྱི་དང་ལྷག་པར་གཉལ་དང་ལོ་རོ་གཉིས་སུ་བཞུགས་ནས་སྒོམ་སྒྲུབ་བྱས་ཏེ་ཉམས་མགུར་མང་པོ་དང་མི་ལ་རས་པའི་རྣམ་ཐར་གསུངས། ཞལ་སློབ་མང་དུ་བསྐྲུན། དགུང་ལོ་དོན་བརྒྱད་པ་རབ་བྱུང་གསུམ་པའི་ལྕགས་སྦྲུལ་ལོར་འདས། |
| རས་ཆེན |
1 འཚོ་བའི་ཡོ་བྱད་བཅུ་གསུམ་གྱི་ནང་གསེས། དབྱར་ཆར་ཆུ་བསྐྱབ་པའི་ཕྱིར་དུ་གྱོན་པར་བྱ་བ། ཚད་སྲིད་དུ་ཁྲུ་དགུ་དང་ཞེང་དུ་ཁྲུ་གསུམ་དང་སོར་བཅོ་བརྒྱད་ཡོད་པའི་དབྱར་གྱི་གོས་རས་ཆེན་ནམ་ཆར་གོས་ཤིག 2 མི་ལ་རས་པའི་ཆེ་མིང༌། མི་ལས་དཀའ་སྤྱད་སྐབས་སུ་ན་བཟའ་རས་དཀར་ཙམ་ལས་མི་གསོལ་བས་རས་པར་གྲགས་ཤིང༌། སློབ་མ་རྣམས་ཀྱང་དེའི་རྗེས་སུ་འབྲངས་ནས་རས་གོས་གྱོན་པའི་བླ་མ་ལ་རས་ཆེན་ཞེས་ཞེ་ས་ཁྱད་པར་བ་བྱས་པའོ། |
| རས་ཆེན་གྱི་སྤང་བ |
སྤང་ལྟུང་སུམ་ཅུའི་ནང་གསེས། དབྱར་ཁས་ལེན་གྱི་སྔ་རོལ་ཟླ་གཅིག་ཡན་དང༌། དགག་དབྱེ་གྲོལ་ནས་ཟླ་ཕྱེད་ཕན་འདས་པར་རས་ཆེན་བཙལ་བ་དང་བཅངས་པའོ། |
| རས་ཆེན་ཚད་ལས་ལྷག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དབྱར་གྱི་རས་ཆེན་སྲིད་དུ་ཁྲུ་དགུ་དང༌། ཞེང་དུ་ཁྲུ་གསུམ་དང་སོར་བཅོ་བརྒྱད་ཀྱི་ཚད་ལས་ལྷག་པ་འཆང་བའོ། |
| རས་ཐག |
རས་ཕྲ་མོ་བསྒྲིལ་ཏེ་བཟོས་པའི་ཐག་པ། |
| རས་ཐུམ |
རས་ཀྱིས་བཏུམས་པའི་ཐུམ་བུ། དངུལ་རས་ཐུམ་གཅིག |
| རས་པ |
རས་གོས་རྐྱང་པར་བརྟེན་པའི་རྣལ་འབྱོར་པ།…2. བོད་ཀྱི་གར་རྩེད་པའི་རིགས་ཤིག |
| རས་ཕད |
རས་ཀྱིས་བཟོས་པའི་ཕད་བུ། |
| རས་ཕྱར |
རས་ལས་བཟོས་པའི་སླེའུ། |
| རས་ཕྲན |
ལུས་ལ་སྦྱར་ནས་གོན་པའི་ནང་འཇམ། |
| རས་བལ |
1 ཤིང་བལ། རས་བལ་ཤིང༌། 2 རས་ཆ་དང་བལ་གྱི་བསྡུས་མིང༌། |
| རས་བསེ |
སྐྱོ་མས་བྱར་བའི་རས་བརྩེགས་པའམ་རྩི་བཏང་བའི་རས། |
| རས་བྱང |
རས་ལས་བཟོས་པའི་གདོང་འཛར། |
| རས་བྲིས |
རས་ལ་བྲིས་པའི་རི་མོ། |
| རས་མ |
1 རས་བཟོ་བྱེད་ཀྱི་རྒྱུ། 2 གོས་ཀྱི་དུམ་བུའམ་ཚལ་བུ་ཕྲ་མོ། |
| རས་མ་སེང |
རས་ངོ་མ་ཡང་མིན་ལ་སེང་རས་ཀྱང་མིན་པའི་རས་ཤིག |
| རས་མཐིལ |
རས་སྐུད་དང་རས་ལས་བཟོས་པའི་ལྷམ་མཐིལ། |
| རས་ཚགས |
ཇ་དང་ཆུ་སོགས་འཚག་བྱེད་ཀྱི་རས། |
| རས་ཟོམ |
སྔར་བོད་ཀྱི་སྐུ་དྲག་སེར་མོ་བ་དང་བླ་སྤྲུལ་འགས་གྱོན་པའི་ལྷམ་ཞིག |
| རས་ཟོམ་རྒྱོང་འགོ |
ལྷམ་རས་ཟོམ་གྱི་མགོའི་ནང་རྒྱོང་བྱེད་ཤིང༌། |
| རས་འགའ |
སོ་མ་ར་ཙ་ལས་བཏགས་པའི་རས་མཐུག་པོ། |
| རས་འཐག་འཕྲུལ་འཁོར |
རས་འཐག་བྱེད་ཀྱི་འཕྲུལ་འཁོར། |
| རས་འབྲས |
རས་བལ་གྱི་སྐྱེ་གནས་ཏེ། ཤིང་ཕྲན་གླང་མ་ལྟ་བུ་རང་བྱུང་དུ་སྐྱེས་པ་ཞིག་དང༌། ཞིང་ཁར་འདེབས་འཛུགས་ཀྱིས་སོ་ནམ་བྱེད་དགོས་པའི་ལོ་ཐོག་རིགས་ཤིག་དང་གཉིས་མཆིས་པས་སྔ་མས་སྲིན་ནད་སེལ། ཕྱི་མས་མདེའུ་སོགས་བྱང་ཁོག་སྨད་ཀྱི་ཟུག་རྔུ་ལུས་པ་ཕྱིར་འབྱིན། |
| རས་འཛར |
1 རས་ཡུག་བཅད་འཕྲོ་ལྷག་མ། 2 རས་ཀྱི་སྣེ་འཛར། |
| རས་ཡུག |
རས་ཀྱི་ཚད་ཅིག་གི་མིང་ཡུལ་སྐད་དུ་རས་ཐགས་མགོ་ཟེར། |
| རས་ཡོལ |
རས་ཀྱི་ཡོལ་བ། |
| རས་རྐྱང |
རས་གོས་རྐྱང་མ། རས་རྐྱང་ཐུབ་པ། |
| རས་ལྷེ |
རས་དུམ་བུ། |
| རས་སང |
ཐགས་མི་ཞིབ་པའི་རས། |
| རས་སུ་བོར་བ |
རྙིང རྩིས་མེད་བྱེད་པ་དང༌། ཁྱད་དུ་གསོད་པའམ། ཡལ་བར་དོར་བ། |
| རས་སེ་རིས་སེ་བྱས་པ |
རྙིང མིག་བགྲད་སེ་བགྲད་སེ་བྱས་པ། |
| རས་སྐུད |
རས་བལ་གྱི་སྲད་བུ། |
| རས་སྒྱེ |
རས་ཀྱི་སྣོད་ཆེ་བ། |
| རས་སྟོད |
རས་ཀྱི་སྟོད་གོས། |
| རས་སྤུ་མ |
སྤུ་ཡོད་པའི་རས། |
| རས་སྦྱར་མ |
རས་མང་པོ་སྐྱོ་མས་སྦྱར་ཏེ་བརྩེགས་པ། |
| རས་ཧྲུག |
རས་ཀྱི་ཚལ་བུ་ཆུང་ཆུང༌། |
| རཱ་ཧུ་ལ |
ལེགས སྒྲ་གཅན། |
| རི |
1 ས་འཛིན་ཏེ། ས་སྟེང་སྤོ་མཐོ་མ། གངས་རི། ནགས་རི། སྤང་རི། བྲག་རི། གཡའ་རི། ཉིན་རི། སྲིབ་རི། རི་ལ་སྤྱི་བོས་རྡུང་བ། མིང་གི་རྣམ་གྲངས་ལ་གྱེན་འཕྱུར་དང༌། མགྲིན་པ་ཅན། འགྲོ་མེད། ཆུ་སྐྱོབ། སྤོ་མཐོ། སྤྲིན་གྱི་སོ་ཅན། སྤྲིན་འཛིན། མི་གཡོ། ལ། ས་སྐྱོབ། ས་འཛིན། ས་གཞི་འཆང༌། སའི་ཕུར་བུ་བཅས་སོ། 2 ལག་སོར་གྱི་རྩེ་མོའི་ཤ་རིས་ནར་མོ། 3 ལྷམ་གྱི་ཡུ་བ་དང༌། མཐིལ་གཉིས་དབར་དུ་ཡོད་པའི་ཆ་ཤས་དེའི་མིང༌། |
| རི་ཀླུང |
རི་བོ་དང་། ཆུ་ཀླུང་ངམ། རི་བོ་དང་ལུང་བའི་དོན། |
| རི་ཀླུང་རྒྱ་སྡོམ |
བདག་ཏུ་མ་བཟུང་བའི་སྲོག་ཆགས་རི་ཀླུང་སྐམ་གཤེར་དུ་གནས་པ་རྣམས་གང་བྱུང་དུ་བསད་མི་ཆོག་པའི་བཀག་རྒྱ་བཀྲམ་པ། |
| རི་ཀླུང་རྩ་ཚིག |
བྱི་སྤྱང་ཕུད་དེ་བྱིངས་རི་ཀླུང་སྐམ་གཤེར་ལ་གནས་པའི་སྲོག་ཆགས་ཆེ་ཕྲའི་སྲོག་ལ་གནོད་འཚེ་བྱས་མི་ཆོག་པའི་བསྒྲགས་ཡིག |
| རི་ཁ་བ་ཅན |
རི་བོ་གངས་ཅན། |
| རི་ཁམ |
རི་ལས་སྐྱེས་པའི་ཁམ་བུ། |
| རི་ཁུག |
རིའི་ཁུག་ཀྱོག |
| རི་ཁུད |
རི་སུལ། |
| རི་ཁུལ |
རི་མང་པོ་ཡོད་པའི་ས་ཁུལ། |
| རི་ཁོག་སྦུག་ལམ |
རི་ཁོག་ཕུག་ནས་བཟོས་པའི་ལམ། |
| རི་ཁྱི |
སྤྱང་ཀི། |
| རི་ཁྱི་སྔོན་པོ |
སྤྱང་ཀི་སྔོན་པོ། |
| རི་ཁྱིམ |
རི་ལ་ཆགས་པའི་དུད་ཚང༌། |
| རི་ཁྲ |
1 ཚོན་མདངས་སྤེལ་བའི་རི་མོ་ཁྲ་ཁྲ། 2 མངོན སྟག་མོ། |
| རི་ཁྲོད |
1 རིའི་གསེབ། 2 རི་གསེབ་ཀྱི་དགོན་པ་ཆུང་ངུ། |
| རི་ཁྲོད་པ |
1 རི་གསེབ་དགོན་ཆུང་དུ་སྡོད་མཁན། 2 རྔོན་པ། 3 མངོན བདེ་མཆོག |
| རི་ཁྲོད་ལོ་མ་གྱོན་མ |
ནད་ཐམས་ཅད་ཞི་བར་བྱེད་པའི་ལྷ་མོ་ཞིག |
| རི་གཉན |
མི་མིན་གདུག་ཅན་ཡོད་སའི་རི། |
| རི་གཉའ |
རིའི་ལྷག་གམ་རི་རྩེའི་འོག་ཙམ། |
| རི་གཏོས |
རི་ཆེ་ཆུང་གི་བོངས་ཚད། རི་གཏོས་ཙམ་དུ་སྤུངས་པ། |
| རི་གདོང |
རི་སྣེའམ་རི་ཟུར། |
| རི་གནས་མ |
མངོན བྱི་བ། |
| རི་གཟར |
རི་ངོས་དཀན་གཟར་གྱི་མིང་། |
| རི་གཟར་རྦབ་རྡོ |
ཟློག་ཐབས་མེད་པའི་དཔེ། འཆི་བ་བཟློག་མེད་རི་གཟར་རྦབ་རྡོ་འདྲ། |
| རི་གསེབ |
རིའི་ཁྲོད་དམ་ནང༌། |
| རི་གྲིབ |
1 ཉི་མ་མི་ཕོག་པའི་རིའི་ལྡེབས། 2 རིའི་གྲིབ་ནག |
| རི་གྲོང |
1 རི་ལ་ཆགས་པའི་གྲོང་པ། 2 རི་དང་གྲོང་ཁྱེར། |
| རི་གླག |
བྱ་གླག |
| རི་ངུར |
རིས་སྐད་རྒྱག་པ། |
| རི་ངོས |
རེ་ལོགས་སམ་རི་ལྡེབས། |
| རི་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་གོ་འཇོ་རྫོང་གི་ནུབ་བྱང་རྒྱུད་ནས་འབབ་ཅིང༌། སྨར་ཆུའི་ཡན་ལག་ཅིག་ཡིན། |
| རི་ཉག |
རིའི་སྒལ་ཉག་གཤོང་བུ། |
| རི་ཉལ |
མངོན ལྷ་དབང་ཕྱུག |
| རི་ཏོག་ཏོག |
1 རི་ཙོག་ཙོག 2 རི་ཆུང་ཙམ་པ། |
| རི་ཐང |
རི་དང་གཤོངས། |
| རི་ཐང་མཚམས |
1 རི་བོ་དང་ཐང་གི་བར་མཚམས། 2 ཚད་ནད་དྲག་མ་དྲག་གི་དུས་མཚམས་ལྟ་བུ། |
| རི་ཐོད |
རི་ཡི་རྩེ་མོ། |
| རི་དགུ |
ཆོས་མངོན་པའི་ལུགས་སུ་ལྷུན་པོ་དང༌། གསེར་གྱི་རི་བདུན། ཁོར་ཡུག་གི་ལྕགས་རི་བཅས་དགུའོ། |
| རི་དབང |
རིའི་དབང་པོ་སྟེ་རི་རྒྱལ་ལྷུན་པོ། |
| རི་དབྲག |
རི་ཕན་ཚུན་གྱི་བར། |
| རི་དེའུ |
རི་ཆུང་ངུ། |
| རི་དྭགས |
རི་ལ་གནས་ནས་རྩྭ་ཆུས་འཚོ་བའི་དུད་འགྲོ། རི་དྭགས་བདས་ཏེ་འཛིན་པ། འཕྱོ་དགུའི་རི་དྭགས། རྒྱ་ཡིས་བཅིངས་པའི་རི་དྭགས་བཞིན། བདེ་བའི་གོ་སྐབས་ནམ་ཡང་མེད། མིང་གི་རྣམ་གྲངས་ལ་ཁྲི་གཉན་དང༌། པགས་པའི་སྐྱེ་གནས། འཕྲོག་བྱེད། རླུང་གི་སྲོག་ས་འདྲེས་བཅས་སོ། |
| རི་དྭགས |
མིའི་འཚོ་སྐྱོང་ལ་མ་བརྟེན་པའི་རི་སྐྱེ་སྲོག་ཆགས་རྩྭ་གཟན་རིགས་ཀྱི་སྤྱི་མིང་། |
| རི་དྭགས་ཁྲམ་པ |
མངོན ཝ། |
| རི་དྭགས་གསོད |
མངོན རྔོན་པ། |
| རི་དྭགས་གྲིབ་མས་མཚན་པ |
མངོན ཟླ་བ། |
| རི་དྭགས་ཅན་མ |
བུད་མེད་ཀྱི་རིགས་ཤིག |
| རི་དྭགས་ཆོས་འཁོར |
ལྷ་ཁང་སོགས་ཀྱི་རྩེ་ཏོག |
| རི་དྭགས་ཐེད་རོ |
གཅན་གཟན་སོགས་ཀྱིས་རི་དྭགས་བཟས་པའི་ཤ་རུས་ལྷག་འཕྲོ། |
| རི་དྭགས་དགྲ |
མངོན རྔོན་པ། |
| རི་དྭགས་དབང་པོ |
མངོན སེང་གེ། |
| རི་དྭགས་དྲ་བ |
རི་དྭགས་འཛིན་བྱེད་ཀྱི་དྲ་བ། |
| རི་དྭགས་པ |
རྔོན་པ། |
| རི་དྭགས་མགོ |
མངོན 1 སྐར་མ་མགོ། 2 ཧོར་ཟླ་བཅུ་གཅིག་པ། |
| རི་དྭགས་མཐར་བྱེད |
མངོན རྔོན་པ། |
| རི་དྭགས་མཚན་མ |
མངོན ཟླ་བ། |
| རི་དྭགས་མིག |
མངོན 1 མཚན་མོ། 2 བུད་མེད་མཛེས་མ། |
| རི་དྭགས་མིག་ཅན་མ |
མངོན བུད་མེད་མཆོག |
| རི་དྭགས་ཚེ་རིང |
ཚེ་རིང་རྣམ་དྲུག་གི་ཡ་གྱལ་ཞིག |
| རི་དྭགས་ཟ |
མངོན དྲེད་མོ། |
| རི་དྭགས་ཟས་ཅན |
མངོན སེང་གེ། |
| རི་དྭགས་འཆང |
མངོན གླ་རྩི། |
| རི་དྭགས་འཆིར་འཇུག |
མངོན སྨིག་རྒྱུ། |
| རི་དྭགས་འཚེ |
མངོན སེང་གེ། |
| རི་དྭགས་རུ་རུ |
རི་དྭགས་ཤྭ་བ། |
| རི་དྭགས་རྒྱལ་པོ |
མངོན སེང་གེ། |
| རི་དྭགས་རྔོན་པ |
རི་དྭགས་འཛིན་པའམ་གསོད་པ། |
| རི་དྭགས་རྙི་ཐག |
རི་དྭགས་འཛིན་བྱེད་རྒྱའི་ཐག་པ། |
| རི་དྭགས་རྟགས་ཅན |
མངོན ཟླ་བ། |
| རི་དྭགས་རྣ་བ |
མངོན གཟུངས་མོ་བྱའི་ཐུར། |
| རི་དྭགས་རྨན་མ་ཅན |
རྙིང རི་དྭགས་མཚོན་གྱིས་རྨས་པའི་རྨ་ཅན་ལ་ཟེར། |
| རི་དྭགས་རྩི |
མངོན གླ་རྩི། |
| རི་དྭགས་ལྟེ་བ |
མངོན གླ་རྩི། |
| རི་དྭགས་ཤ་ར་བྷ |
སེང་གེ་རྐང་པ་བརྒྱད་པ། མིང་གི་རྣམ་གྲངས་ལ་གྱེན་མིག་ཅན་དང༌། སྟེང་རྐང་ཅན། ནགས་ན་སྤྱོད། སེང་གེ་འཇོམས་བཅས་སོ། |
| རི་དྭགས་སྐྱེས |
མངོན གླ་རྩི། |
| རི་དྭགས་སྣ་འཛིན |
མངོན ཟླ་བ། |
| རི་དྭགས་སྲེད་སྐྱེད |
མངོན སྨིག་རྒྱུ། |
| རི་དྭགས་ཨེ་ན་ཡ |
ཨེ་ན་ཡ་ལ་ལྟོས། |
| རི་དྲུག |
འོད་སྔོན་དང༌། མན་ད་ར་དང༌། ནི་ཥ་ཌ་དང༌། ནོར་བུའི་འོད་དང༌། ཏྲོ་ཎ་དང༌། བསིལ་རི་སྟེ་དུས་འཁོར་ལུགས་ནས་བཤད་པའི་རི་རབ་ཀྱི་མཐར་ཡོད་པའི་རི་དྲུག |
| རི་པ |
1 རི་ཁྲོད་དུ་ཆོས་བྱེད་མཁན། 2 རྔོན་པ། 3 རི་ལ་གཞིས་ཆགས་ཏེ་སྡོད་མཁན། |
| རི་ཕག |
1 རིའི་རྒྱབ། 2 ཕག་རྒོད། མིང་གི་རྣམ་གྲངས་ལ་འཁོར་ལོའི་གདོང་དང༌། ངུར་སྒྲ་ཅན། མཆུ་བ་རིང༌། མཆེ་བ་ཅན། ནགས་ཀྱི་ཧི་ར། སྣ་ཅན། སྤུ་རེངས། ཕག་རྒོད། ས་འཇོམས། ས་སློག་བཅས་སོ། |
| རི་ཕུག |
1 རིའི་ནང༌། 2 བྲག་ཕུག |
| རི་བ |
(བྱེད་མེད་ལས་ཚིག) རིན་ལ་བྲིན་པའི་དོན་ཏེ། རྟ་དངུལ་སྲང་བརྒྱ་རི་བ། ལུས་ལ་རྟ་བརྒྱ་རི་བའི་གོས་མ་གྱོན། གནམ་གྲུ་ཞིག་ལ་རྟ་བརྒྱ་ཕྲག་དུ་མ་རི། རླངས་འཁོར་ཞིག་ལ་མཛོ་བརྒྱ་རི་ཞེས་པ་ལྟ་བུ། |
| རི་བཀྲ |
1 རི་མོ་ཁྲ་ཁྲ། 2 རི་མོ་མཛེས་པོ། |
| རི་བདག |
མངོན ལྷ་དབང་ཕྱུག |
| རི་བདུན |
དུས་འཁོར་ལུགས་ནས་བཤད་པའི་རི་རབ་ཀྱི་འཁོར་ཡུག་ཏུ་བསྐོར་བའི་རི་བདུན་ནི་འོད་སྔོན་དང༌། མན་ད་ར། ནི་ཥ་ཌ། ནོར་བུའི་འོད། ཏྲོ་ཎ། གངས་རི། རྡོ་རྗེའི་རི་རྣམས་སོ། |
| རི་བཙོང |
རི་ལ་སྐྱེས་པའི་བཙོང༌། |
| རི་བསང |
རི་རྩེ་ལ་བཏང་བའི་བསང༌། |
| རི་བསང་ཀླུང་སྐྱེད |
དབང་ཐང་ཀླུང་རྟ་ཡར་ལྡན་དུ་གསོ་ཕྱི་གནས་རི་སོགས་གྲགས་ལྡན་གྱི་རི་མགོ་མཐོ་སར་བསངས་གསུར་གསེར་སྐྱེམས་སོགས་གཏོང་བ་དང་ཀླུང་སྐྱེད་ཅོད་པན་དར་ཅོག་འཛུགས་པའི་ཡུལ་སྲོལ་ཞིག |
| རི་བོ |
1 རི་ཆེན་པོ། རི་བོ་པང་ལེན། རི་བོ་ཆེན་པོ་རླུང་གིས་འཁུར་མི་ཐུབ། རྒྱ་མཚོ་ཆེན་པོ་མེ་ཡིས་བསྐམ་མི་ཐུབ། 2 མངོན གཉའ་ཤིང་འཛིན་དང༌། གཤོལ་མདའ་འཛིན། སེང་ལྡེང་ཅན། རྟ་རྣ། ལྟ་ན་སྡུག་རྣམ་འདུད། མུ་ཁྱུད་ཅན་ཏེ་གསེར་གྱི་རི་བདུན་ཡོད་པས་གྲངས་བདུན་མཚོན། |
| རི་བོ་གངས་ཅན |
གངས་ཏེ་སེ་སོགས། མིང་གི་རྣམ་གྲངས་ལ་ཀེ་ལ་ཤའི་རྒྱལ་པོ་དང༌། དཀའ་བཟློག་བླ་མ། ཁ་བའི་ལྷུན་པོ། གངས་ཅན། གངས་ལྡན། གངས་རིའི་དབང༌། མེ་ནའི་བདག་པོ། བསིལ་རི་བཅས་སོ། |
| རི་བོ་གྲུ་འཛིན |
རི་བོ་པོ་ཏ་ལའི་བོད་སྐད། |
| རི་བོ་ཆེ |
1 རི་ཆེན་པོ། 2 རྫོང་ཞིག་བོད་རང་སྐྱོང་ལྗོངས་ཁོངས་བྱང་ཤར་མཚམས་སུ་ཡོད་ཅིང༌། འདིའི་བྱང་ངོས་མཚོ་སྔོན་ཞིང་ཆེན་དང་འབྲེལ་ནས་ཡོད། རྫོང་མི་དམངས་སྲིད་གཞུང་དེ་ར་ཚྭ་ཁར་ཡོད། |
| རི་བོ་ཏི་རྩེ |
རི་བོ་ཏེ་སེ་དང་འདྲ། |
| རི་བོ་ཏི་སེ |
འཕགས་ཡུལ་གྱི་བྱང་ཕྱོགས་རི་དཔག་ཚད་བརྒྱ་བ། མདོག་དཀར་བ། དངུལ་གྱི་རང་བཞིན་རྭ་ལྔ་ཡོད་པའི་གསུམ་དངུལ་དང༌། གཉིས་ཤེལ་དང་གསེར་ལས་གྲུབ་པ། |
| རི་བོ་དགའ་ལྡན་པ |
དགེ་ལུགས་པའི་དགོན་པ་དང་པོ་དགའ་ལྡན་རྣམ་པར་རྒྱལ་བའི་གླིང་དེ་འབྲོག་རི་བོ་ཆེར་བཏབ་ཡོད་པས་མིང་དེ་ལྟར་གྲགས། |
| རི་བོ་དགེ་ལུགས་པ |
དགེ་ལུགས་དགོན་པའི་དང་པོ་དགེ་ལྡན་རྣམ་རྒྱལ་གླིང་ཆགས་སའི་འབྲོག་རི་བོ་ཆེའི་མིང་ཟུར་ཐོགས་པའི་ཆོས་ལུགས་འཛིན་མཁན། |
| རི་བོ་དྭངས་བསིལ |
མདོ་ཕལ་པོ་ཆེ་ལས་བསྟན་པའི་ཧྲན་ཞི་ཞིང་ཆེན་གྱི་རྗེ་བཙུན་འཇམ་དབྱངས་ཀྱི་ཞིང་ཁམས་རྒྱ་ནག་རི་བོ་རྩེ་ལྔ། |
| རི་བོ་པོ་ཏ་ལ |
1 རྒྱ་གར་ལྷོ་ཕྱོགས་རི་བོ་གྲུ་འཛིན། 2 ཕོ་བྲང་དམར་པོ་རི། 3 ལྷོ་མཚོའི་གླིང་ཕྲན་ལ་ཡོད་པའི་གནས་རི་པོ་ཏ་ལ། |
| རི་བོ་བྱ་རྐང |
ཞིང་ཆེན་ཡུན་ནན་དང་རྒྱ་གར་ལྷོ་ཕྱོགས་གཉིས་སོ་སོར་ཡོད་པའི་གནས་རི་ཞིག |
| རི་བོ་མཆོག་རབ |
རི་རབ། |
| རི་བོ་འཇོམས |
ཉི་མའི་རྟ་བདུན་གྲས་ཤིག |
| རི་བོ་འབིགས་བྱེད |
རྒྱ་གར་གྱི་ལྷོ་ཕྱོགས་སུ་ཡོད་པའི་རི་འདིའི་ཉེ་འཁོར་དཔག་ཚད་བརྒྱ་ཡོད་པ་ལས་ཆུ་ཀླུང་ན་ར་མ་ངཱ་དང༌། རླབས་ལྡན་དང༌། ཤུགས་ལྡན་དང༌། ནག་པོ་འཁྱིལ་བ་བཞི་འབབ། |
| རི་བོ་རྩེ་ལྔ |
ཧྲན་ཞི་ཞིང་ཆེན་དུ་ཡོད་པའི་འཇམ་དཔལ་དབྱངས་ཀྱི་གནས་རི་ཞིག |
| རི་བོ་ལྷུན་སྟུག |
ཆེ་ཞིང་བརྗིད་པའི་རི་བོ། |
| རི་བོ་སྤོ་མཐོ |
རི་མཐོན་པོ། |
| རི་བོ་སྤོས་ངད་ལྡན |
སྨན་གྱི་གྲོང་ཁྱེར་ལྟ་ན་སྡུག་གི་ཤར་ཕྱོགས་སུ་ཡོད་པའི་ནད་རིགས་མཐའ་དག་སེལ་བའི་ཨ་རུ་ར་སོགས་སྐྱེ་བའི་རི་བོ་ཞིག |
| རི་བོགས |
སྔ་དུས་འཇལ་དགོས་པའི་རི་ལ་སྐྱེས་པའི་རྩྭ་ཤིང་སོགས་ཀྱི་བོགས་མ། |
| རི་བོང |
ནུ་མ་ནུ་བའི་རི་སྐྱེ་སྲོག་ཆགས་རྣ་རིང་ལ་ཡན་ལག་སྔོན་མ་གཉིས་ཐུང་ཞིང་ཕྱི་མ་གཉིས་རིང་བ་དེའི་མིང་། མིས་གསོས་པའི་རི་བོང་རིགས་དེ་ལ་ཡོས་བུ་ཟེར། |
| རི་བོང་ཀླད་པ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་རྒྱུ་གཟེར་འཇོམས། འཁྲུ་བ་གཅོད། རྒྱུ་རྩི་སྲུང༌། |
| རི་བོང་ཅན |
1 མངོན ཟླ་བ། 2 ཟླ་བ་ལ་རི་བོང་གི་གཟུགས་བརྙན་གཅིག་ཡོད་པས་གྲངས་གཅིག་མཚོན། |
| རི་བོང་ཅལ་འདྲོགས |
ཤིང་གི་འབྲས་བུ་ཆུ་ལ་ལྷུང་བའི་སྒྲ་ཅལ་ཞེས་བྱུང་བ་དེར་དོགས་སྐྲག་སྐྱེས་པའི་རི་བོང་གི་སྐད་ཆ་ལ་བརྟེན་ནས་རི་དྭགས་ཐམས་ཅད་བྲོས་དགོས་བྱུང་བའི་སྔོན་གྱི་གཏམ་རྒྱུད་ཅིག |
| རི་བོང་མཚན་ཅན |
མངོན ཟླ་བ། |
| རི་བོང་མིག |
1 སྲོག་ཆགས་རི་བོང་གི་མིག 2 ཤིང་སྨན་ལུང་ཏོང་མིག་གི་མིང་གཞན་ཞིག |
| རི་བོང་ཚང་ལོག |
སྔར་གྱི་རང་གནས་དེ་རང་དུ་ལོག་པའི་དཔེ། སྔར་གྱི་ཡུལ་འཁྱར་པ་རྣམས་ད་ལྟ་རི་བོང་ཚང་ལོག་ཏུ་སླེབས་འདུག |
| རི་བོང་ཟ |
མངོན བྱ་གླག |
| རི་བོང་འཛིན |
མངོན 1 ཟླ་བ། 2 ཐིག་ལེ། |
| རི་བོང་རྡུལ |
ཆུ་རྡུལ་བདུན་བསྒྲིལ་བའི་ཚད། |
| རི་བོང་རྡོ་བརྫུས |
རང་བཞིན་གཡོ་སྒོམ་དུ་སྡོད་པའི་དཔེ། ས་གནས་མི་དམངས་ཀྱི་བདེ་སྡུག་ཇི་ཡོད་སྐབས་འཕྲལ་དུ་གོང་རིམ་ལ་སྙན་སེང་ཞུ་དགོས་པ་ལས་རང་བཞིན་རི་བོང་རྡོ་བརྫུས་སུ་སྡོད་མི་རུང༌། |
| རི་བོང་རྭ |
ཡོད་མི་སྲིད་པའི་དཔེ། རི་བོང་རྭ་དང་སྒོ་ངའི་སྤུ། |
| རི་བོང་སྙིང |
སྲོག་ཆགས་ཀྱི་སྨན་རིགས་ཤིག་རོ་མངར། ཞུ་རྗེས་སྙོམས། ནུས་པས་སྲོག་རླུང་གི་ནད་དང༌། སྨྱོ་བྱེད། སྙིང་ནད། བརྒྱལ་གཟེར་བཅས་ལ་ཕན། |
| རི་བོའི་དབང་ཕྱུག |
མངོན རི་རབ། |
| རི་བོའི་བུ་མོ |
མངོན ཆུ་བོ་སིན་དྷུ། |
| རི་བོའི་རྣ་བ |
མངོན ས་གཞི། |
| རི་བོའི་རྣ་རྒྱན |
མངོན སྤང་རྒྱན་མེ་ཏོག |
| རི་བྱ |
རི་ལ་གནས་པའི་བྱ་རིགས། |
| རི་བྱི |
1 སྐར་མའམ་དྲང་སྲོང་རི་ཥི། མིང་གི་རྣམ་གྲངས་ལ་བུམ་སྐྱེས་དང༌། ཆུ་ལྷའི་བུ། མདོངས་སེལ། ཨ་གསྟྱཿ བཅས་སོ། 2 རི་ལ་གནས་པའི་བྱི་བ། |
| རི་བྲག |
1 རི་བྲགས་དང་འདྲ། 2 བྲག་རི་དང་འདྲ། |
| རི་བྲག་པ |
མཐའ་འཁོབ་རི་བྲག་ཏུ་གནས་པའི་གྲོང་མི། |
| རི་བྲགས |
རྙིང དབེན་གནས་སམ་མཐའ་འཁོབ་ཀྱི་གྲོང༌། |
| རི་མ་ཐང |
རི་འབུར་མང་པོ་སྡེབ་གཅིག་ཏུ་ཆགས་པའི་ཡུལ་ལུང༌། ཡུལ་རི་མ་ཐང༌། |
| རི་མ་འདབས |
རི་མིན་ཐང་མིན་གྱི་ས་ཆ། |
| རི་མགུལ |
རིའི་རྩེ་མོ་ལ་མ་སླེབས་ཙམ། |
| རི་མགོ |
རི་རྩེ། |
| རི་མཐོ་ས་གཙང |
རི་མགོ་འཕང་མཐོ་ལ་ས་གཞི་དངོས་གཙང་བ། |
| རི་མཐོའི་ན་ཚ |
ས་མཐོ་བའི་སྟེང་དུ་ཡོད་པའི་ནད་རིགས་དམིགས་བསལ་ཅན། |
| རི་མདུང་མདུང |
ཡུལ རི་ཙོག་ཙོག |
| རི་མཚེ |
རི་ལ་སྐྱེས་པའི་རྩྭ་མཚེ། |
| རི་མཱ་ལ་ཡ |
རྒྱ་གར་གྱི་ལྷོ་ཕྱོགས་སུ་ཙན་དན་ནགས་ཚལ་གྱི་རང་བཞིན་དཀྱུས་སམ་སྲིད་ལ་དཔག་ཚད་ལྔ་བརྒྱ་དང་འཕངས་དཔག་ཚད་སུམ་བརྒྱ་ཡོད་པ་ལས་རླབས་ཆེན་ཞེས་བྱ་བའི་ཆུ་ཀླུང་དང་བེ་ཏྲ་ཅན་ཞེས་བྱ་བའི་ཆུ་ཀླུང་འབབ་པ། |
| རི་མོ |
1 ལག་པས་བྲིས་པའི་གཟུགས་ཀྱི་དབྱིབས། རི་མོའི་ལམ་དུ་སྤེལ་བ། སྟག་གི་རི་མོ་ཕྱི་ལ་ཡོད། མིའི་རི་མོ་ནང་ལ་ཡོད། ཁ་ཤོབ་ཤོབ་ཤོག་བུའི་དར་ལྕོག་རེད། དོན་སྣག་ཚའི་རི་མོ་འབྲི་དོགས་མེད། 2 ཨང་གྲངས། རི་མོའི་ལམ་ནས་རོགས་མི་འགྱུར། |
| རི་མོ་ནག་བྲིས |
སྣག་ཚ་སོགས་ཚོན་མདོག་ནག་པོས་བྲིས་པའི་རི་མོ། |
| རི་མོ་བ |
རི་མོ་འབྲི་མཁན། |
| རི་མོ་བསྐྱུངས |
རྙིང གུས་ཞབས་དོར་བ། |
| རི་མོ་བྱེད་པ |
1 རི་མོ་འབྲི་བའི་བྱ་བ་བྱེད་པ། 2 བཀུར་སྟི་བྱེད་པའམ་རིམ་གྲོ་བྱེད་པ། དམ་པ་རྣམས་ལ་མཆོད་པ་དང་རི་མོར་བྱེད་པ། |
| རི་མོ་མཁན |
1 ལྷ་བྲིས་པ། 2 རི་མོ་འབྲི་མཁན། མིང་གི་རྣམ་གྲངས་ལ་བཀྲ་བྱེད་དང༌། པིར་ཐོགས། ཚོན་གྱིས་འཚོ་བ། རི་མོ་བ་བཅས་སོ། |
| རི་མོ་ཚོན་ཁྲ་ཅན |
ཚོས་རིགས་སྣ་ཚོགས་ཡོད་པའི་རི་མོ། |
| རི་མོ་རགས་པ |
རི་མོ་ཧྲོབ་བྲིས། |
| རི་མོའི་བཤད་པ |
ས་བཀྲའི་དཔེ་རིས་སོགས་ཀྱི་བཤད་པ། |
| རི་མོའི་འགྲེལ་བཤད |
རི་མོའི་རྒྱུ་མཚན་འགོད་བཤད། |
| རི་ཚད |
རི་ཆེ་ཆུང་དང་མཐོ་དམན་གྱི་ཚད། |
| རི་ཚིག་ལྷ་དཔང |
རི་དང་ལྷ་དཔང་དུ་བཙུགས་ནས་མནའ་སྐྱེལ་བ། |
| རི་ཚེར |
མངོན བརྒྱ་བྱིན་གྱི་རྡོ་རྗེ། |
| རི་ཚོས |
སྔོ་སྨན་གྱི་རིགས་འབྲི་མོག་གི་མིང་གཞན་ཞིག |
| རི་ཞིང |
རིའི་ངོས་ལ་ཡོད་པའི་ཞིང་ག། |
| རི་ཞུམ |
རི་ལ་གནས་པའི་ཞུམ་བུའམ་བྱི་ལ། |
| རི་ཟུར |
རིའི་ངོས་ནས་འབུར་དུ་ཐོན་པའི་སྣེ་མོ། རི་ཟུར་སྤྱང་ཀིའི་འགྲོ་ལམ་ལ། གཡང་དཀར་བྲོས་ཀྱང་ཐར་ས་མེད། |
| རི་ཟེ |
རིའི་རྩེ་མོའམ། བྲག་མཐའ། |
| རི་ཟོམ |
1 རིའི་རྩེ་མོ། 2 རིའི་ཁོང་གསེང་ངམ་བྲག་སྐྱིབས། |
| རི་ཟོར |
བརྔ་བྱའི་རི་རྩྭ་དང༌། རྔ་བྱེད་ཀྱི་ཟོར་ཆུང་གི་བསྡུས་ཚིག |
| རི་ཟོར་ག་འཛོལ |
མི་སོ་སོའི་ནུས་པ་དང་བྱ་བ་ག་ཕྱི་ལོག་པའི་དཔེ། |
| རི་འགག |
རི་གཉིས་བར་གྱི་ས་གུ་དོག་པོ། |
| རི་འགེམས |
མངོན ནམ་མཁའི་ཐོག |
| རི་འཇོམས |
མངོན 1 བརྒྱ་བྱིན་གྱི་མཚོན་ཆ། 2 ནམ་མཁའི་ཐོག |
| རི་འདབས |
རི་གཤམ་མམ་རི་འགྲམ། |
| རི་འདོར |
མངོན སྐར་མ་རི་བྱི། |
| རི་འཕེན |
མངོན སྐར་མ་རི་བྱི། |
| རི་འབུར |
རི་ཆུང་ངུ། རི་འབུར་རང་རོང༌། |
| རི་ཡི་ཁུ་བ |
མངོན རི་རྩེ་ནས་ཀླུང་ལ་བབ་པའི་འབབ་ཆུ། |
| རི་ཡི་ཁྱི་སེར |
མངོན གཅན་གཟན་འཕར་བ། |
| རི་ཡི་གཙུག་ཏོར |
མངོན རི་ཡི་རྩེ་མོ། |
| རི་ཡི་གཞུ་སྐྱེས |
མངོན ལྷ་དབང་ཕྱུག |
| རི་ཡི་ཐོད་ཅན |
མངོན རྒྱ་མཚོ་ཆེན་པོ། |
| རི་ཡི་ཕུར་བུ་ཅན |
མངོན ས་གཞི། |
| རི་ཡི་མཆོག |
མངོན རི་རྒྱལ་ལྷུན་པོ། |
| རི་ཡི་རུས་སྦལ |
མངོན ཚོན་རྩི་ཞིག |
| རི་ཡི་རྐང་པ |
མངོན རི་ཆུང་ཆུང༌། |
| རི་ཡི་རྒྱལ་པོ |
མངོན རི་རབ་ལྷུན་པོ། |
| རི་ཡི་རྣ་བ་ཅན |
མངོན ས་གཞི། |
| རི་ཡི་སྙིང་པོ |
མངོན ལྕགས། |
| རི་ཡི་སྤོ |
1 རི་ཡི་རྩེ་མོ། 2 རིའི་སྒང་ངམ་སྟེང༌། |
| རི་ཡི་སྲས་མོ |
མངོན ལྷ་མོ་ཨུ་མ། |
| རི་ཡིག་བུ |
མངོན ལྷ་སྤྱིའི་མིང༌། རི |
| རི་ཡིག་སྐྱེས |
མངོན ལྷ་སྤྱིའི་མིང༌། རི |
| རི་རབ |
རི་རབ་ལྷུན་པོའི་བསྡུས་ཚིག་ |
| རི་རབ་ལྷུན་པོ |
སུམེརུཿ གསེར་གྱི་ས་གཞི་དེ་ལ་ལྷུན་པོའི་རི་ཆགས་ཏེ། བརྗིད་ཆེ་བས་ན་ལྷུན་པོ་དང༌། རིའི་རྒྱལ་པོ་ཡིན་པས་ན་རི་རབ་བོ། དེ་ཡང་ཤར་དངུལ་དང་ལྷོ་བཻཌཱུརྻ་དང་ནུབ་ཤེལ་དམར་པོ་དང་བྱང་གསེར་ཏེ་རིན་ཆེན་གཞིའི་རང་བཞིན་ཅན། རི་རབ་ཀྱི་ངོས་རིན་པོ་ཆེ་གང་གི་རང་བཞིན་ཡིན་པ་དེའི་འོད་ཀྱི་ནམ་མཁའ་ཡང་དེའི་ཁ་དོག་ཏུ་སྣང་ལ། དེའི་འོད་ཀྱི་རྒྱ་མཚོའང་དེའི་ཁ་དོག་ཏུ་སྣང་ཞིང༌། ཚད་ནི་ཆུའི་ནང་དུ་དཔག་ཚད་བརྒྱད་ཁྲིར་ནུབ་ཅིང༌། ཆུའི་སྟེང་དུའང་དཔག་ཚད་བརྒྱད་ཁྲིར་ནུབ་ཅིང༌། ཆུའི་སྟེང་དུའང་དཔག་ཚད་བརྒྱད་ཁྲི་འཕགས་པའོ། མིང་གི་རྣམ་གྲངས་ལ་རི་རྒྱལ་ལྷུན་པོ་དང༌། རི་བོའི་དབང་ཕྱུག་རི་ཡི་མཆོག་རིན་ཆེན་བརྩེགས་པ། རིའི་རྒྱལ་པོ། ས་འཛིན་དབང་པོ། ལྷའི་རི་བོ་བཅས་སོ། |
| རི་རི་ཀཱ |
ལེགས ར་གན། |
| རི་རྐང |
རྙིང རི་ཕྲན། |
| རི་རྐེད |
རིའི་རྩེ་གཤམ་མ་ཡིན་པའི་བར་མཚམས། |
| རི་རྒྱ |
རི་དྭགས་བསད་མི་ཆོག་པའི་ཁྲིམས། རི་རྒྱ་སྡོམ་པ། རི་རྒྱ་བསྡམས་ནས་ནགས་ཚལ་སྐྱོང་བ། རི་རྒྱ་ཀླུང་རྒྱ་གཉིས་ཀ་བསྡམས་པ། |
| རི་རྒྱབ |
རིའི་རྒྱབ་ལོགས། |
| རི་རྒྱལ |
རི་རབ་ལྷུན་པོ། རི་རྒྱལ་ལ་སྦྲང་བུས་གཤོག་ལྕག་རྡེག་པ། |
| རི་རྒྱལ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས་ས་ལྔ་པ་བའི་རྒྱུད་ཀྱི་བསམ་གཏན་གྱི་ཕར་ཕྱིན་དང་ལྡན་པའི་སེམས་བསྐྱེད་ནི་མཚན་མར་དམིགས་པའི་རྣམ་པར་གཡེང་བས་ཏིང་ངེ་འཛིན་ལས་མི་བསྐྱོད་པས་ན་རིའི་རྒྱལ་པོ་ལྟ་བུའོ། |
| རི་རྒྱུད |
རིའི་རྒྱུན་ནམ་རིའི་དཀྱུས། ཧི་མ་ལ་ཡ་རི་རྒྱུད། |
| རི་རྡོ་ཀླུང་འབེབས |
དགོས་མེད་དུ་གནས་ཡུལ་སོགས་སྒྱུར་བའི་དཔེ། ས་གནས་ཀྱི་འཛུགས་སྐྲུན་ལ་ཡུལ་གྱི་ལས་མིའི་མཐུན་རྐྱེན་འཛོམས་སར་ཐག་རིང་ནས་ལས་མི་སྐོང་འགུགས་རི་རྡོ་ཀླུང་འབེབས་བྱེད་མི་རུང༌། |
| རི་རྡོག་རྡོག |
རི་འབུར་ཆུང་ཆུང༌། |
| རི་རྩ |
རི་གཤམ་མམ་རི་ཡི་གཤམ་འོག |
| རི་རྩིབས |
རི་ལྡེབས་སུ་གྱེན་ཐུར་དུ་ཆགས་པའི་རི་ལག་མང་པོ། རི་དྭགས་མང་པོ་རི་རྩིབས་ཀྱི་བར་དུ་གནས་པ། མདའ་འཕངས་པ་རི་རྩིབས་བརྒྱུད་ནས་སོང༌། |
| རི་རྩེ |
རིའི་མགོ། རི་རྩེའི་ཉག་ཁ། རི་རྩེའི་ཤུར་གཤོང༌། |
| རི་རྩྭ |
རི་ལ་སྐྱེས་པའི་རྩྭ། |
| རི་རྫོང |
རི་རྩེར་ཡོད་པའི་མཁར་རྫོང༌། |
| རི་ལ་གནས་པ |
མངོན 1 བྱ་ཁྱུང༌། 2 ཀླུ། |
| རི་ལས་སྐྱེས |
མངོན 1 གསེར། 2 ཚོན་ཞིག 3 ལྷ་མོ་ཨུ་མ། |
| རི་ལུ |
གོང་བུ་ཆུང་ཆུང་ངམ་རིལ་བུ། |
| རི་ལུང |
རི་དང་ལུང་པ། |
| རི་ལྟས |
1 རི་འུར་སོགས་བཟང་ངན་གྱི་སྔོན་ལྟས། 2 རི་དཔྱད་དང༌། ས་དཔྱད་སོགས་ཀྱི་མཚན་མ། |
| རི་ལྡེབས |
རི་གྱེན་ཐུར་གྱི་ངོས་སམ་རིའི་ལོགས། རི་ལྡེབས་སྐས་ཞིང༌། |
| རི་ཤའི་ལྕེ་འདྲ |
ཤ་རོ་དབུས་དམའ་ཞིང་མཐའ་མཐོ་བ་སྲོག་ཆགས་རི་ཤའི་ལྕེ་འདྲ་བར་འབྱུང་བའི་མཛེ་ནད་ཅིག |
| རི་ཤོ |
ཐང་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་སྣོད་མཁྲིས་ཕོ་བར་ལྷུང་བ་གྱེན་དུ་དྲངས་ནས་སྐྱུག་པར་བྱེད། མིང་གི་རྣམ་གྲངས་ལ་དཀར་པོ་ཡར་འདྲེན་དང༌། དགེ་འདུན་སྐྱེས། གྱེན་དུ་འདྲེན་བྱེད། ཉ་དུག་དཀར་མོ། བོང་རྣམ་བ། ཡ་ལ་ལ། ཡི་ལི་ཡ་ལ་བཅས་སོ། |
| རི་ཤོ་བ |
རྫ་རི་མཐོ་སར་སྐྱེ་བའི་རྩྭ་ལྡུམ་ཞིག་གི་མིང་སྨན་གཞུང་དུ་ཤོ་རིགས་བདུན་བཤད་པའི་རིགས་གཅིག་ཡིན། མིས་གསོ་སྐྱོང་བྱེད་པར་མ་བརྟེན་པའི་དོན་ལ་འཇུག་པ་ནི། རི་བྱ། རི་ལྕང་། རི་སྐྱེ་རྩི་ཤིང་ཞེས་པ་ལྟ་བུ། |
| རི་ཥ་བྷ |
ལེགས ཧོར་ཟླ་ལྔ་པ། |
| རི་ཥི |
ལེགས སྐར་མའམ་དྲང་སྲོང༌། |
| རི་སུག |
སྔོ་ཞིག |
| རི་སུག་གི་རིགས |
སྔོ་ཞིག |
| རི་སུལ |
1 རི་གསེབ། 2 རང་གྲུབ་མ་ཡིན་པར་ཤྭ་འོད་སོགས་ཀྱིས་བཟོས་པའི་གད་པ་དོག་མོའམ་གྲོག་ཤུར་གྱི་མིང༌། |
| རི་སྐེགས |
རྒྱ་སྐད་དུ་པ་ཀོ་ཟེར་བའི་བྱ་ཞིག་ཡོད་པ་དེ་ལ་ངོས་འཛིན་པ་ཡོད། འདི་ལ་རི་སྐྱེགས་ཞེས་འབྲི་བའང་ཡོད། |
| རི་སྐྱེགས |
སྒྲོ་ནག་པོ་དང༌། མགོ་ལ་སྒྲོའི་ཅོད་པན་ཡོད་པ། འབུ་སྲིན་དང་རྩི་ཐོག་ཟ་ཞིང༌། མིའི་སྐད་རེ་གཉིས་ལད་མོ་བྱེད་ཐུབ་མཁན་གྱི་བྱ་ཞིག |
| རི་སྐྱེས |
1 རི་ཀླུང་གང་སར་རང་བཞིན་གྱིས་སྐྱེས་པའི་རྩི་ཤིང་སོགས། རི་སྐྱེས་སྒོག་པ། རི་སྐྱེས་ཚི་སྣ། 2 མངོན 1)ལྷ་མོ་ཨུ་མ། 2)ལྷང་ཚེར། 3)སྦྲང་མ། |
| རི་སྐྱེས་དགའ་བྱེད |
མངོན གདོང་དྲུག |
| རི་སྐྱེས་བྱ་རྐང |
སྔོ་ཞིག |
| རི་སྐྱེས་རྟ་རྨིག་དཀར་པོ |
སྔོ་ཞིག |
| རི་སྐྱེས་སྐྲ་བཟང |
སྔོ་སྨན་ཁམས་ལུགས་བ་ཤ་ཀའི་མིང་གི་རྣམ་གྲངས། |
| རི་སྒུལ་མཚོ་སྐྱོམ |
སྒུལ་སྐྱོད་ཧ་ཅང་ཆེ་བའི་དཔེ། |
| རི་སྒོག |
རི་ལ་སྐྱེས་པའི་སྒོག་པ། |
| རི་སྟོང |
1 མི་ཕྱུགས་སོགས་མེད་པའི་རི་སྟོང་པ། 2 རི་སྟོང་ཕྲག་གམ་མང་པོ། |
| རི་སྣ |
རིའི་སྣ་གདོང་ངམ་སྣེ་མོ། |
| རི་སྨན |
རི་ལ་སྐྱེས་པའི་སྨན། |
| རི་སྲུང་བ |
1 རིའི་བཙན་ས་སྲུང་བའམ། སྲུང་མཁན། 2 དུར་ཁོར་སྲུང་མཁན། |
| རིག |
(བྱེད་འབྲེལ་ལས་ཚིག) མིག་གིས་མཐོང་བའི་དོན་ཏེ། མིག་གིས་དངོས་སུ་རིག ཐུང་བོ་མིག་གིས་མ་རིག་ཀྱང་རིང་བོ་རྣ་བས་གོ་ཞེས་པ་ལྟ་བུ། |
| རིག་གནས |
1རིག་པའི་གནས་ཞེས་པའི་ཚིག་བསྡུས་པ་གནའ་དཔེར་རིག་གནས་ཞེས་པ་ནི། བཟོ་རིག་པ་དང་གསོ་བ་རིག་པ། སྒྲ་རིག་པ། གཏན་ཚིགས་རིག་པ། ནང་དོན་རིག་པ(ཆོས་ལུགས་ཀྱི་མཚན་ཉིད་རིག་པ)སྟེ་རིག་གནས་ཆེ་བ་ལྔ་དང་། སྐར་རྩིས་དང་སྙན་ངག མངོན་བརྗོད། སྡེབ་སྦྱོར། ཟློས་གར་སྟེ་རིག་གནས་ཆུང་བ་ལྔ་བ་བཅས་བསྡོམས་པའི་བཅུ་ཕྲག་རིག་པའི་གནས་ཞེས་པ་དེ་རྣམས་ཀྱི་སྤྱི་མིང་ཡིན། 2ཆབ་སྲིད་དང་དཔལ་འབྱོར། རིག་གནས་གསུམ་གྱི་ནང་གི་རིག་གནས་ནི། སྤྱི་ཚོགས་འཕེལ་བའི་ལོ་རྒྱུས་ཀྱི་ནང་དུ་མིའི་རིགས་ཀྱིས་གསར་དུ་བསྐྲུན་པའི་དངོས་རྫས་ཀྱི་ལོངས་སྤྱོད་དང་། སློབ་གསོ་དང་ཚན་རིག །རྩོམ་རིག །སྒྱུ་རྩལ་སོགས་བསམ་པའི་ལོངས་སྤྱོད་ཀྱི་སྤྱི་འདུས་ལ་ཟེར། གྲལ་རིམ་སྤྱི་ཚོགས་སུ་རིག་གནས་ནི་གྲལ་རིམ་འཐབ་རྩོད་བྱེད་པའི་མཚོན་ཆ་ལྟ་བུ་ཞིག་ཡིན། རིག་གནས་ངེས་ཅན་ཞིག(འདུ་ཤེས་འཛིན་སྟངས་ཡིན་པའི་རིག་གནས)ནི་སྤྱི་ཚོགས་ངེས་ཅན་ཞིག་གི་ཆབ་སྲིད་དང་རིག་གནས་མཚོན་བྱེད་ཡིན་ཞིང་། སྤྱི་ཚོགས་ངེས་ཅན་གྱི་ཆབ་སྲིད་དང་རིག་གནས་ལ་ཤན་ཧ་ཅང་ཆེན་པོ་ཞིག་ཞུགས་ཀྱིན་ཡོད། 3ཡི་གེ་དང་བརྡ་སྤྲོད་ཀྱི་ཤེས་ཡོན་སོགས་ཀྱི་མིང་རིག་གནས་བསླབས། རིག་གནས་མང་བོ་ཤེས། རིག་གནས་ཀྱི་ཆུ་ཚད་མཐོ་ལྟ་བུ། 4.ཤེས་པར་བྱ་བའི་གནས། གནམ། གྱི་རིག་གནས། ནང་གི་རིག་གནས། རིག་གནས་ཀྱི་མངའ་བདག རིག་གནས་པ། |
| རིག་གནས་གཉིས་པ |
རིག་གནས་ཆེ་བ་ལྔའི་ནང་ཚན། རིམ་པ་གཉིས་པ་གསོ་བ་རིག་པ་ལ་ཟེར། |
| རིག་གནས་ཆུང་བ་ལྔ |
སྙན་ངག་དང༌། མངོན་བརྗོད། སྡེབ་སྦྱོར། ཟློས་གར། སྐར་རྩིས་ཏེ་ལྔའོ། |
| རིག་གནས་ཆེ་བ་ལྔ |
བཟོ་རིག་པ་དང༌། གསོ་བ་རིག་པ། སྒྲ་རིག་པ། གཏན་ཚིགས་རིག་པ། ནང་དོན་རིག་པ་སྟེ་ལྔའོ། |
| རིག་གནས་བཅུ |
རིག་གནས་ཆེ་བ་ལྔ་དང་ཆུང་བ་ལྔ་སྟེ་བཅུ། |
| རིག་གཞུང |
རིག་གནས་ཀྱི་གཞུང༌། |
| རིག་པ |
1.ཐ་མི་དད་པ 1 མཐོང་བ། མདུན་ལམ་རིག་པ། མུན་ནང་གང་ཡང་མི་རིག་པ། མིག་གིས་དངོས་སུ་རིག་པ། ཡིད་མི་དགའ་བར་རིག་པ། རང་གི་ངོ་ཡི་གཡག་མི་རིག་གཞན་གྱི་མགོ་ཡི་ཤིག་རིག་པ། 2 རྟོགས་པའམ་ཤེས་པ། གནས་ཚུལ་རིག་པ། ནང་དོན་རིག་པ། ཐམས་ཅད་སོ་སོར་རིག་པ། ཡང་དག་པར་རིག་པ། ཇི་བཞིན་དུ་རིག་ནས་ལག་ལེན་བསྟར་བ། 2 1 བློའམ་ཤེས་པ་རང་ཡུལ་མཐོང་བ། རང་རིག་དང་གཞན་རིག་ལྟ་བུའོ། རིག་པའི་ནག་དུ་མ་ཤར་བ། རིག་པ་འཛོལ་བ། རིག་པ་རྟེ་གཅིག་ཏུ་བསྒྲིམས། རིག་པ་རྒྱན་ཡན་དུ་གཏོང་བ། 2 བློ་གྲོས། རིག་པ་བཀྲ་བ། རིག་པ་གྲུང་པོ། རིག་པ་གྲིམས་པོ། རིག་པ་ཉོག་པོ། རིག་པ་ཉམས་པ། 3 བསླབ་པར་བྱ་བའི་གཞི། ནང་རིག་པ། ཕྱི་རིག་པ། ཐུན་མོང་མ་ཡིན་པའི་རིག་པ། གསོ་བའི་རིག་པ། 4 ཆོས་ལུགས་ཁག་གིས་བཤད་པའི་རྣམ་ཤེས། རིག་པ་རྟེན་དང་བྲལ་བ། |
| རིག་པ་གསལ་ལ་མ་གསལ |
རིག་པ་དྭངས་པོ་རང་མེད་པ། |
| རིག་པ་གསུམ |
མི་སློབ་ལམ་པའི་རྒྱུད་ཀྱི་མངོན་པར་ཤེས་པ་གསུམ་སྔོན་གྱི་གནས་སམ་སྔོན་གྱི་མཐའ་རིག་པ་དང༌། འཆི་འཕོ་བ་དང་སྐྱེ་བའམ་ཕྱི་མའི་མཐའ་རིག་པ། ཟག་པ་ཟད་པ་རིག་པ་བཅས་སོ། |
| རིག་པ་ཅན |
1 སྔར་རྒྱ་གར་གྱི་ཕྱི་རོལ་བའི་སྟོན་པ་དྲང་སྲོང་རྐང་མིག་གི་གྲུབ་མཐའ་སྨར་བ། 2 ཤེས་རབ་དང་ལྡན་པའི་མི། |
| རིག་པ་ཐོལ་སྐྱེས |
དགོངས་པའི་ཡེ་ཤེས་ཐོལ་བྱུང་དུ་སྐྱེ་པའམ་གློ་བུར་དུ་བརྡོལ་བ། |
| རིག་པ་དང་ཞབས་སུ་ལྡན་པ |
བིཏྱཱཙརཎསམྤནྣཿ སྔས་རྒྱས་ཀྱི་ཆེ་བའི་ཡོན་ཏན་ཞིག་རིག་པ་ནི་མངོན་པར་རྫོགས་པར་བྱང་ཆུབ་པ་དང༌། ཞབས་སུ་ལྡན་པ་ནི་བསླབ་པ་གསུམ་དང་ལྡན་པའི་དོན་གྱིས་བསླབ་པ་གསུམ་གྱི་ཞབས་ལ་བརྟེན་ནས་བྱང་ཆུབ་བརྙེས་པའོ། |
| རིག་པ་དབྱིངས་ཀྱི་སྒྲོན་མ |
སྒྲོན་མ་བཞིའི་ནང་གསེས། ནང་དབྱིངས་ཕྱི་རུ་གསལ་བའི་གདངས་འཆར་གཞིའོ། |
| རིག་པ་དྭངས་གསལ |
རིག་པ་ཤིན་ཏུ་གསལ་བ། |
| རིག་པ་ཚད་ཕེབས་ཀྱི་སྣང་བ |
སྣང་བ་བཞིའི་ནང་གསེས། འོད་ཀྱི་ཐིག་ལེ་སྐུ་རུ་སྨིན་པ་རིག་པ་ཚད་དུ་ཕེབས་པས་སྐུ་གསུམ་རྟོགས་པའི་ལམ་སྣང་འདས་པའོ། |
| རིག་པ་ཟབ་པོ |
དོན་གནད་ལ་བསམ་བློ་གཏིང་ཟབ་གཏོང་ཐུབ་པའམ། གཞན་གྱིས་དཔག་པར་དཀའ་བའི་རིག་པ། |
| རིག་པ་འཛིན་པ |
ལྷ་སྔགས་བདེ་བ་ཆེན་པོའི་ཡི་ཤེས་ནི་རིག་པ་ཡིན་ལ། དེ་ཉིད་ཐབས་ཟབ་མོས་འཛིན་པ་རིག་པ་འཛིན་པ། |
| རིག་པ་འཛིན་པ་གསུམ |
རིག་འཛིན་གསུམ་དང་དོན་གཅིག |
| རིག་པ་འཛིན་པའི་ཐེག་པ |
སྔགས་སྤྱོད་པའི་ཆོ་གས་ཚེ་འདི་ཉིད་ལ་རིག་འཛིན་གྱི་འབྲས་བུ་ཐོབ་པར་བྱེད་པས་སྔགས་ཀྱི་ཐིག་པ་ལ་རིག་པ་འཛིན་པའི་ཐིག་པ་ཞེས་བྱའོ། |
| རིག་པ་འཛིན་པའི་སྡེ་སྣོད |
དུག་གསུམ་ཆ་མཉམ་དུ་འདུས་པའམ་སྟོན་པའི་སྡེ་སྣོད་གསུ་ཆ་མཉམ་འདུས་པའམ་སྟོན་པའི་སྡེ་སྣོད་དེ། སྡེ་སྣོད་གཞི་པའམ་གསང་བ་སྔགས་ཀྱི་སྡེ་སྣོད་དོ། |
| རིག་པ་སྒྱུ་རྩལ་སྤྱོད་པ |
མངོན ན་ཚོད་དར་ལ་བབས་པའི་མིང༌། |
| རིག་པའམ་མ་ཡིན་མ་རིག་པའམ་མ་ཡིན་པའི་རིག་པ |
དགེ་བ་ཟག་བཅས་དང་མ་བསྒྲིབས་ལུང་བསྟན་དང་མཚུངས་པར་ལྡན་པའི་རེག་པའོ། |
| རིག་པའི་གནས |
རིག་གནས་དང་འདྲ། |
| རིག་པའི་དཔའ་བོ |
མངོན མཁས་པ། |
| རིག་པའི་དབང |
མ་རིག་པའི་རང་བཞི་ལྔ་ཡོངས་སུ་གྱུར་པའི་ངོ་བོ་རིག་པའི་ཆོས་ཉིད་སངས་རྒྱས་ལྔ་དང་ཡེ་ཤེས་ལྔའི་བདག་ཉིད་དུ་པར་བྱེད་པའི་དབང༌། |
| རིག་པའི་དབང་ལྔ |
སྤྱོད་རྒྱུད་ཀྱི་འཇུག་སྒོའི་དབང་ལྔ་ཞེ་སྡང་མེ་གསོད་ཆུ་ཡི་དབང༌། ང་རྒྱལ་རི་བསྙིལ་དབུ་རྒྱན་དབང༌། འདོད་ཆགས་དགུ་འཇོམས་རྡོ་རྗེའི་དབང༌། ཕྲག་དོག་ལྕགས་སྒྲོལ་དྲིལ་བུའི་དབང༌། ཕྲག་དོག་ལྕགས་སྒྲོལ་དྲིལ་བུའི་དབང༌། གཏི་མུག་མུན་སེལ་མིང་གི་དབང་རྣམས་སོ། |
| རིག་པའི་འགྲོས |
རིག་པའི་འགྲོ་སྟངས་སམ་འགྲོ་བའི་ཚུལ་ཞིག ཚད་མའི་འགྲོས། སུམ་རྟགས་ཀྱི་འགྲོས། |
| རིག་པའི་རྒྱན |
ཉན་ཐོས་སྡེ་པ་དགེ་སློང་བདེ་བྱད་ཟེར་བས་བརྩམས་པའི་ཐེག་ཆེན་སུན་འབྱིན་པའི་གཞུང་འབུམ་ཕྲག་བཅུ་གཉིས་པ་ཞིག |
| རིག་པའི་རྒྱལ་པོ |
ཁྲོ་རྒྱལ་ཞིག |
| རིག་པའི་རྩལ་དབང་བཞི |
རྫོག་ཆེན་ཨ་ཏི་ཡོ་གའི་འཇུག་སྒོ་བཞི་སྤྲོས་བཅས་བུམ་པའི་དབང་དང༌། སྤྲོས་མེད་གསང་བའི་དབང་དང༌། ཤིན་ཏུ་སྤྲོས་མེད་ཤེས་རབ་ཡེ་ཤེས་ཀྱི་དབང་དང༌། རབ་ཏུ་སྤྲོས་མེད་ཚིག་གི་དབང་རྣམས་སོ། |
| རིག་བཅོས |
རང་བཟོ། ཁུངས་མེད་ཏུ་བཅོས། |
| རིག་བྱེད |
1 བློ་གྲོས། 2 བེདཿ སྔར་རྒྱ་གར་དུ་དར་བའི་ཆོས་ལུགས་དང་སྙན་ངག་སོགས་ཀྱི་ཡིག་ཆའམ་གཞུང༌། 3 མངོན 1)ཚངས་པ། 2)མཆོད་སྦྱིན་དང༌། ངེས་བརྗོད། སྲིད་སྲུང༌། སྙན་དངགས་བཅས་བཞི་ཡོད་པས་གྲངས་བཞི་མཚོན། |
| རིག་བྱེད་ཀློག |
མངོན དྲང་སྲོང༌། |
| རིག་བྱེད་གདོང |
མངོན ཚངས་པ། |
| རིག་བྱེད་གསུམ |
མཆོད་སྦྱིན་དང༌། ངེས་བརྗོད། སྙན་ཚིག་སྟེ་གསུམ། |
| རིག་བྱེད་དབང་པོ |
མངོན ཚངས་པ། |
| རིག་བྱེད་དྲན་པ |
མངོན ཚངས་པ། |
| རིག་བྱེད་པ |
སྔོན་གྱི་རྒྱ་གར་གྱི་གྲུབ་མཐའ་ཞིག་མངོན་རྗེས་ལུང་གི་ཚད་མ་དང་དཔེ་ཉེར་འཇལ་གྱི་ཚད་མ་བཅས་བཞིར་འདོད་པའི་ཐོག་རྟགས་ཡང་དག་དང་ལྟར་སྣང་སྐོར་གྱི་ཚུལ་སྨྲ་མཁན་ཞིག |
| རིག་བྱེད་བདག་པོ |
མངོན གཟའ་ཕུར་བུ། |
| རིག་བྱེད་བཞི |
སྔར་རྒྱ་གར་གྱི་བྲམ་ཟེའི་ཆོས་ལུགས་ཀྱི་གཞུང་བཞི་མཆོད་སྦྱིན་དང༌། སྲིད་སྲུང༌། ངེས་བརྗོད། སྙག་ཚིག་སྟེ་བཞི། |
| རིག་བྱེད་མཁན |
སྔར་རྒྱ་གར་དུ་ཚངས་པར་མཆོད་ཅིང་རིག་བྱེད་ཀྱི་གཞུང་རྣམས་སྟོན་པའམ་འཆད་པའི་སློབ་དཔོན། |
| རིག་བྱེད་མཁས |
མངོན དྲང་སྲོང༌། |
| རིག་བྱེད་མཐའ་པ |
མུ་སྟེགས་ཚངས་པ་བའི་ནང་གསེས་གྲུབ་མཐའ་མཁན་ཞིག |
| རིག་བྱེད་མིན་པའི་ལས |
གནོད་པ་དང་ཕན་པའི་སྟོབས་རེ་ལ་རྒྱུན་དང་ལྡན་པར་གནས་པ་སྡོམ་པ་དང་མིན་དང༌། བར་སྡོམ་རྣམས་སོ། |
| རིག་བྱེད་འདོན་པ |
མངོན ལྷ་དབང་ཕྱུག |
| རིག་བྱེད་འདོན་མ |
མངོན ལྷ་མོ་ཨུ་མ། |
| རིག་བྱེད་འབྱུང |
མངོན ཉི་མ། |
| རིག་བྱེད་ལམ་པ |
རིག་བྱེད་ཀྱི་གཞུང་འཛིན་མཁན། |
| རིག་བྱེད་ལྷ་མོ |
ལྷ་མོ་ཀུ་རུ་ཀུལླེ། |
| རིག་བྱེད་སྐྱེས |
མངོན མེ་ལྷ། |
| རིག་བྱེད་སྙིང་པོ |
མངོན ཚངས་པ། |
| རིག་མ |
གསང་ཡུམ་མམ་ཕྱག་རྒྱ་མ། |
| རིག་མོ་གཞུང |
ས་གནས་ཤིག་མཚོ་སྔོན་པོའི་ལྷོ་འགྲམ་ན་ཡོད། ཟི་ལིང་ནས་མཚོ་ནུབ་དང༌། མགོ་ལོག་བོད་རང་སྐྱོང་ལྗོངས་སོགས་སུ་འགྲོ་སའི་འགྲིམ་འགྲུལ་གྱི་ལྟེ་གནས་ཤིག |
| རིག་མྱོང |
1 ཤེས་པ་དང༌། ཉམས་མྱོང་བྱུང་བ། 2 མཐོང་མྱོང༌། |
| རིག་འདེད |
དོན་གནད་གཅིག་ལ་བརྟེན་ནས་འབྲེལ་ཡོད་དོན་གནད་གཞན་ཞིག་དྲན་ཏེ་བསམ་བློ་གཏོང་པ། |
| རིག་འཕྲུལ |
བློའི་ནུས་རྩལ། འགྲན་ཟླ་དང་བྲལ་བའི་རིག་འཕྲུལ་གྱིས་ཕ་རོལ་གྱི་རྒོལ་བ་རྩོད་པས་ཕམ་པར་བྱས་པ། |
| རིག་འཛིན |
རིག་པ་འཛིན་པའི་བསྡུས་ཚིག་ |
| རིག་འཛིན་གསུམ |
རྫས་ཀྱི་རིག་འཛིན། ལོངས་སྤྱོད་ཀྱི་རིག་འཛིན། ལུས་ཀྱི་རིག་འཛིན་བཅས་གསུམ། |
| རིག་འཛིན་བརྡ་བརྒྱུད |
གསང་སྔགས་རྙིང་མ་བའི་ཐུན་མོང་མིན་པའི་མན་ངག་རྣམས་བརྡ་ཐབས་ཀྱིས་ངོ་སྤྲོད་པའི་བླ་བརྒྱུད་དོ། |
| རིག་འཛིན་རྒོད་ལྡེམ |
མཚན་གཞན་དངོས་གྲུབ་རྒྱལ་མཚན་ཡང་ཟེར། རབ་བྱུང་དྲུག་པའི་མེ་གླང་ལོར་གཙང་ངམ་རིང་དུ་འཁྲུངས་ཤིང་རབ་བྱུང་བདུན་པའི་ས་བྱི་ལོར་གཤེགས་པའི་རྙིང་མའི་གཏེར་ཆེན་ཞིག 13371408 |
| རིག་འཛིན་རྣམ་པ་བཞི |
རྙིང་མའི་ཆོས་སྐད་དུ། སློབ་ལམ་ནས་མི་སློབ་པའི་བར་གྱི་སའི་རིག་འཛིན་བརྙེས་པ་རྣམ་སྨིན་རིག་འཛིན། ཚེ་དབང་རིག་འཛིན། ཕྱག་ཆེན་རིག་འཛིན། ལྷུན་གྲུབ་རིག་འཛིན་བཅས་བཞིའོ། |
| རིག་འཛིན་སྒྲུབ་པ་པོ |
རིག་པ་འཛིན་པའི་དངོས་གྲུབ་སྒྲུབ་མཁན། |
| རིག་འཛིན་སྡོམ་པ |
རིག་འཛིན་སྔགས་ཀྱི་སྡོམ་པ་ཞེས་པ་གཟུང་འཛིན་གཉིས་མེད་མཆོག་ཏུ་མི་འགྱུར་བའི་བདེ་བ་ཆེན་པོའི་ཡེ་ཤེས་ནི་རིག་པ་ཡིན་ལ། དེ་ཉིད་གཞི་གདོད་མ་ནས་གྲུབ་པ་སླར་གསལ་གདབ་པའི་ཚུལ་གྱིས་འཛིན་པ་དང༌། དེའི་ཐབས་ལྷའི་རྣམ་པའམ་ཡེ་ཤེས་ཀྱི་བྱིན་གྱིས་བརླབས་པ་ལ་སྡོམ་པར་བཞག་པའོ། |
| རིག་རིག |
མིག་འབྲས་མྱུར་དུ་འགུལ་བའི་རྣམ་པ་མིག་རིག་རིག་བྱེད། མིག་གིས་རིག་རིག་བལྟས་ལྟ་བུ། བོད་ཀྱི་རུས་ཤིག ０རིག་པ་ཡི་མིང་མཐའ་བསྡུས་པ། |
| རིག་རྒྱུད |
1 སེམས་ཀྱི་རྒྱུན། 2 སེམས་ཀྱི་གཤིས་ཀའམ་རང་བཞིན། |
| རིག་རྩལ |
བློ་གྲོས་ཀྱི་རྩལ། རིག་རྩལ་གྱིས་ཐུབ་པ། |
| རིག་ལྡན |
མངོན མཁས་པ། |
| རིག་ཤེས |
1 ཚོར་བའི་ནུས་པ། 2 རང་སྟོབས་ཀྱི་ཤེས་རྟོགས། |
| རིག་སྔགས |
ལྷའི་འཕྲིན་ལས་དང་ཐུགས་རྡོ་རྗེ་ཤེས་རབ་ཀྱི་ཆ་གཙོ་བོར་སྒྲུབ་པའི་སྔགས་ཏེ་བུད་མེད་ཀྱི་གཟུགས་དབྱིབས་ཀྱི་ལྷ་དང༌། དེ་སྟོང་པའི་སྒྲ་དང་ཕྱག་རྒྱལ་སོགས་པའོ། |
| རིག་སྔགས་འཛིན་པ |
1 སྔགས་ཀྱི་ལམ་བདག་ཏུ་འཆང་བ། 2 སྔགས་ཀྱི་ཡི་གེ་བློར་འཛིན་པ། |
| རིག་སྟོང་དབྱེར་མེད |
སེམས་དང་སྟོང་པ་ཉིད་གཅིག་ཏུ་འདྲེས་པ། |
| རིག་སྟོབས |
ཤེས་རབ་ཀྱི་སྟོབས། |
| རིག་སྡོམ |
1 ཚད་མ་བློ་རིག་གི་སྡོམ་ཚིག 2 གྲངས་གནས་ཤིག་གི་མིང༌། |
| རིགས |
1 ཁྱིམ་གྱི་རྒྱུད་དང་རུས། ཆོ་རིགས་བཙན་པོ། ཕའི་རིགས། མའི་རིགས། མི་རིགས། བོད་རིགས། རྒྱ་རིགས། ཐེག་ཆེན་གྱི་རིགས། ཐེག་ཆུང་གི་རིགས། 2 གྲལ་རིམ་དང༌། རིམ་པ། དཔོན་རིགས། འབངས་རིགས། འགྲོ་བ་རིགས་དྲུག རིགས་མི་མཐུན་པ། 3 སྐོར་དང༌། ཁོངས། སྐད་རིགས། ཡིག་རིགས། འབྲུ་རིགས། ཕྱུགས་རིགས། སངས་རྒྱས་རིགས་ལྔ། རྒྱལ་ཆེན་རིགས་བཞི། རིགས་སུ་གཏོགས་པ། 4 ཚིགས་བཅད་རྩོམ་ཚུལ་ཞིག་ཤོ་ལོ་ཀ་དུ་མ་ཡོད་པ་དེ་བྱ་བའི་ཚིག་གཅིག་གིས་ཐམས་ཅད་གསལ་ནུས་པ། |
| རིགས་ཀུན་ཁྱབ་བདག |
མངོན རྡོ་རྗེ་འཆང༌། |
| རིགས་ཀྱི་གཙོ་བོ |
རིགས་གཙོའི་ཆེ་མིང༌། |
| རིགས་ཀྱི་ཅོད་པན |
ཐོད་དུ་བཀུར་འོས་ཀྱི་རིགས་ཏེ་གུས་ཞབས་བྱེད་པའི་ཡུལ། དགེ་རྒན་མཁས་པ་རིགས་ཀྱི་ཅོད་པན་དུ་བཀུར་བ། |
| རིགས་ཀྱི་ཐ་མ |
སྔར་རྒྱ་གར་གྱི་གདོལ་པའི་རིགས། |
| རིགས་ཀྱི་ཐུ་བོ |
སྔར་རྒྱ་གར་གྱི་བྲམ་ཟེའི་རིགས། |
| རིགས་ཀྱི་བདག་པོ |
གསང་སྔགས་རྒྱུད་སྡེ་སོ་སོའི་ལྷ་གཙོ་བོ། |
| རིགས་ཀྱི་བུ |
སློབ་དཔོན་གྱིས་རང་གི་སློབ་མ་རྣམས་ལ་འབོད་པའི་གཅེས་མིང༌། |
| རིགས་ཀྱི་བུ་མོ |
སློབ་དཔོན་གྱིས་རང་གི་སློབ་མ་མོ་རྣམས་ལ་འབོད་པའི་གཅེས་མིང༌། |
| རིགས་ཀྱི་མ |
བག་མའམ་ཁྱིམ་བདག་མོའི་ཆེ་མིང༌། |
| རིགས་ཀྱི་རང་བཞིན་བརྗོད་པ |
རང་བཞིན་བརྗོད་པའི་རྒྱན་གྱི་ནང་གསེས་ཤིག་དངོས་པོ་གང་རུང་ཞིག་གི་ཁྱད་ཆོས་དྲང་པོར་བརྗོད་པས་དེ་འདྲའི་རིགས་ཀུན་ལ་ཁྱབ་པར་གོ་བའི་རྒྱན་ཞིག |
| རིགས་ཀྱི་རྒན་རབས |
རིགས་རྒྱུད་གཅིག་པའི་ནང་ནས་ལོ་ན་རྒན་པ། |
| རིགས་ཀྱི་ས |
ཉན་ཐོས་ཀྱི་སྦྱོར་ལམ་སྟེ་རང་གི་རིགས་ལ་མི་འཁྲུལ་བ་དེ་ནས་ཐོབ་པའི་ལམ། དམན་པ་ས་བརྒྱད་ཀྱི་ནང་ཚན་ཞིག |
| རིགས་གཅིག |
1 ཁག་གཅིག 2 རིགས་མཐུན་པ། 3 རིགས་རུས་གཅིག་པ། |
| རིགས་གཅིག་པ |
རིགས་ཀྱི་སྒོ་ནས་སོ་སོ་བ་མ་ཡིན་པ། གསེར་བུམ་དང་ཟངས་བུམ་གཉིས་ལྟ་བུའོ། |
| རིགས་གཅིག་པ་གཉིས |
རིགས་གཅིག་པ་ལ་དབྱེ་ན། ལྡོག་པ་རིགས་གཅིག་པ་དང༌། རྫས་རིགས་གཅིག་པ་སྟེ་གཉིས་སོ། |
| རིགས་གཉིས་པ |
མངོན དྲེལ། |
| རིགས་གཏེར་མཆན་འགྲེལ |
ཚད་མ་རིགས་པའི་གཏེར་གྱི་མཆན་འགྲེལ་སྡེ་བདུན་གསལ་བའི་སྒྲོན་མེ་ཞེས་བྱ་བ། དུས་རབས་བཅུ་དགུ་པར་ཁམས་སྡེ་དགེ་འཇམ་དབྱངས་བློ་གཏེར་དབང་པོས་མཛད་པ། |
| རིགས་གསུམ |
1 དེ་བཞིན་གཤེགས་པའི་རིགས། རྡོ་རྗེའི་རིགས། པད་མའི་རིགས་ཏེ་སྔགས་ལུགས་ཀྱི་རིགས་གསུམ། 2 ཉན་ཐོས་ཀྱི་རིགས། རང་རྒྱལ་གྱི་རིགས། ཐེག་ཆེན་གྱི་རིགས་ཏེ་མདོ་ལུགས་ཀྱི་གསུམ། |
| རིགས་གསུམ་གཞི་གཅིག |
དོན་གསུམ་དངོས་པོ་གཅིག་ཏུ་འདུས་པ། |
| རིགས་གསུམ་མགོན་པོ |
འཇམ་དབྱངས་དང༌། ཕྱག་ན་རྡོ་རྗེ། སྤྱན་རས་གཟིགས་ཏེ་སྔགས་ལུགས་བྱ་རྒྱུད་ཀྱི་མགོན་པོ་གསུམ། |
| རིགས་གསུམ་རྡོ་རྗེ་འཛིན་པའི་ས |
བྱ་རྒྱུད་དུ། ལྷའི་སྐུ་གསུང་ཐུགས་དང་མཉམ་པར་སྦྱོར་བས་སྐུའི་རིགས་རྣམ་པར་སྣང་མཛད། གསུང་གི་རིགས་འོད་དཔག་མེད། ཐུགས་ཀྱི་རིགས་རྡོ་རྗེ་མི་སྐྱོད་པ་སྟེ་རིགས་གསུམ་རྡོ་རྗེ་འཛིན་པའི་ས་མི་ཚེ་བདུན་ན་ཐོབ་པར་འདོད་དོ། |
| རིགས་ངན |
རིགས་རྒྱུད་དམན་པའམ་ཞན་པ། མིང་གི་རྣམ་གྲངས་ལ་གདོལ་པ་དང་གཡུང་པོའོ། |
| རིགས་ཅན |
འཕོ་བའི་བྱེད་པ་བདུན་གྱི་ནང་གསེས་ཤིག |
| རིགས་ཅན་གསུམ |
ཉན་ཐོས་ཀྱི་རིགས་ཅན་དང༌། རང་རྒྱལ་གྱི་རིགས་ཅན། ཐེག་ཆེན་གྱི་རིགས་ཅན་ཏེ་གསུམ། |
| རིགས་ཅན་བཞི |
ཉན་ཐོས་ཀྱི་རིགས་ཅན་དང༌། རང་རྒྱལ་གྱི་རིགས་ཅན། ཐེག་ཆེན་གྱི་རིགས་ཅན། མ་ངེས་པའི་རིགས་ཅན་བཅས་བཞིའོ། |
| རིགས་ཆེན |
1 རིགས་བཟང་པོ། 2 འཕགས་པའི་རིགས། 3 གསེར་བཟང་པོའི་བྱེ་བྲག་ཅིག |
| རིགས་ཆེན་འབྱེད་པའི་རྣལ་འབྱོར |
རྣལ་འབྱོར་ལྔའི་ཡ་གྱལ་ཞིག་རྙིང་གཞུང་རྣམས་སུ། སྦྱོར་ལམ་ཐོབ་ཚེ་ཟག་པ་ཡོད་ཀྱང་ལྡོག་པ་མེད་པས་རིགས་ངེས་པའི་ཕྱིར་རིགས་ཆེན་འབྱེད་པའི་རྣལ་འབྱོར་ཞེས་བྱའོ། |
| རིགས་ཉམས་པ |
རིགས་རྒྱུད་འཆལ་བ། |
| རིགས་ཐ་དད་པ |
རིགས་སོ་སོ་བའི་ཆོས། དཔེར་ན། ཀ་བུམ་གཉིས་ལྟ་བུའོ། |
| རིགས་ཐིགས |
རིགས་པའི་ཐིགས་པ་ཞེས་བྱ་བའི་རབ་ཏུ་བྱེད་པ་ཞེས་པ་དཔལ་ལྡན་ཆོས་གྲགས་ཀྱིས་མཛད་པའི་ཚད་མ་སྡེ་བདུན་གྱི་ནང་ཚན་ཞིག |
| རིགས་ཐིགས་འགྲེལ་པ |
ཚད་མ་རིགས་ཐིགས་ཀྱི་འགྲེལ་པ་ལེགས་བཤད་སྙིང་པོའི་གཏེར་ཞེས་བྱ་བའི་བསྡུས་མིང༌། རྒྱལ་ཚབ་དར་མ་རིན་ཆེན་གྱིས་བརྩམས། |
| རིགས་དམན |
གདོལ་པའི་རིགས། |
| རིགས་པ |
1.ཐ་མི་དད་པ འཐད་པ་དང༌། འགྲིགས་པའམ། འོས་པ། དེ་ལྟར་བྱེད་མི་རིགས། ཤིན་ཏུ་རིགས་པ། 2 1 ཡིན་ལུགས་རྒྱུ་མཚན། རིགས་པ་དང་འགལ་བ། རིགས་པ་དང་ལྡན་པ། རིགས་པ་མ་ཡིན་པ། རིགས་པས་གྲགས་པ། རིགས་པས་སྒྲུབ་པ། 2 ཉོན་མོངས་པའི་གཉེན་པོར་གྱུར་པ། བདེན་བཞིའི་རྣམ་པ་བཅུ་དྲུག་གི་ནང་གསེས་ཤིག |
| རིགས་པ་གྲུབ་པའི་སྒྲོན་མེ |
རྒྱ་གར་གྱི་སློབ་དཔོན་ཙནྡྲ་གོ་མིས་བརྩམས་པའི་ཚད་མའི་གཞུང་ཞིག |
| རིགས་པ་དང་མི་ལྡན་པའི་གཏན་ཚིགས |
མི་འོས་པའི་རྒྱུ་མཚན། |
| རིགས་པ་དྲུག་ཅུ་པ |
རིགས་པ་དྲུག་ཅུ་པའི་ཚིག་ལེའུར་བྱས་པ་ཞེས་བྱ་བ་དབུ་མ་རིགས་ཚོགས་ལྔའི་ཡ་གྱལ་ཞིག་དངོས་སྨྲའི་འདོད་པ་བྱེ་བྲག་ཏུ་དགག་པའི་བསྟན་བཅོས་མགོན་པོ་ཀླུ་སྒྲུབ་ཀྱིས་མཛད་པའོ། |
| རིགས་པ་བཞི |
འཇིག་རྟེན་ན་ཆོས་རྣམས་ཀྱི་ཚུལ་ཇི་ལྟར་སྲིད་པ་བཞིན་དུ་འབྱུང་བའི་རིགས་པ་བཞི་ལྟོས་པའི་རིགས་པ་དང༌། བྱ་བ་བྱེད་པའི་རིགས་པ་དང༌། ཚད་མའི་རིགས་པ་དང༌། ཆོས་ཉིད་ཀྱི་རིགས་པ་བཅས་སོ། |
| རིགས་པ་མིན་པའི་གཏན་ཚིགས |
མི་འོས་པའི་རྒྱུ་མཚན། |
| རིགས་པ་ལ་འཇུག་པ |
ཚད་མའི་བསྟན་བཅོས་རིགས་པ་ལ་འཇུག་པ་ཞེས་བྱ་བ། སྒྲུབ་ངག་ཡང་དག་དང་ལྟར་སྣང༌། སུན་འབྱིན་ཡང་དག་དང་ལྟར་སྣང་བཅས་ཀྱི་རིགས་ལམ་རྣམས་གསལ་བར་སྟོན་པའི་གཞུང༌། སློབ་དཔོན་ཕྱོགས་གླང་གིས་མཛད་པ། རྒྱའི་ལོ་ཙཱ་བ་ཐང་ཟན་ཙང་གིས་རྒྱ་ཡིག་ཏུ་བསྒྱུར་ཅིང་སླད་ཀྱི་རྒྱའི་དགེ་བཤེས་སིང་ཀྱང་ཇུས་དང༌། བོད་ཀྱི་དགེ་བཤེས་སྟོན་གཞོན་གྱིས་བོད་ཡིག་ཏུ་བསྒྱུར། ཕྱིས་རྒྱ་ནག་ལྷ་བཙུན་ཆོས་ཀྱི་རིན་ཆེན་གྱིས་བསྒྱུར་ཞུས་བྱས་པའོ། |
| རིགས་པའི་ཐིགས་པའི་དོན་བསྡུས་པ |
རྒྱ་གར་གྱི་སློབ་དཔོན་ཛི་ན་མི་ཏྲས་བཙམས་པ། |
| རིགས་པའི་ཐིགས་པའི་ཕྱོགས་སྔ་མ་མདོར་བསྡུས་པ |
རྒྱ་གར་གྱི་སློབ་དཔོན་ཀ་མ་ལ་ཤཱི་ལས་བརྩམས་པ། |
| རིགས་པའི་དབང་ཕྱུག |
རིགས་པ་སྨྲ་བའི་སློབ་དཔོན་མཆོག་ཏུ་གྱུར་པ། |
| རིགས་པའི་ཚོགས་དྲུག |
དབུ་མ་རིགས་ཚོགས་དྲུག་ཀླུ་སྒྲུབ་ཀྱིས་བརྩམས་པའི་རྩ་བ་ཤེས་རབ་དང༌། རིན་ཆེན་ཕྲེང་བ། རྩོད་ཟློག་སྟོང་ཉིད་བདུན་ཅུ་པ། ཞིབ་མོ་རྣམ་འཐག་རིགས་པ་དྲུག་ཅུ་པ་བཅས་སོ། |
| རིགས་པའི་རྒྱུ |
རྒྱུའི་རྒྱན་གྱི་ནང་གསེས་ཤིག་མཐུན་པའི་རྒྱུ་ལས་འབྲས་བུ་རིགས་མཚུངས་ཀྱི་དངོས་པོ་བསྐྱེད་པ་སྟོན་པའི་རྒྱུའི་རྒྱན་ཞིག |
| རིགས་པའི་རྗེས་དཔག |
ལྐོག་གྱུར་རམ་མངོན་དུ་གྱུར་མེད་པའི་གནས་ཚུལ་ལ་དཔྱོད་བྱེད་ཀྱི་རིགས་པ། |
| རིགས་པའི་རྗེས་འབྲང |
ཚད་མ་སྡེ་བདུན་གྱི་རྗེས་འབྲང་མདོ་སྡེ་པ་དང་སེམས་ཙམ་པ། |
| རིགས་པའི་རྗེས་འབྲང་གི་སེམས་ཙམ་པ |
ཚད་མ་སྡེ་བདུན་གྱི་རྗེས་སུ་འབྲང་མཁན་གྱི་སེམས་ཙམ་པ། |
| རིགས་པའི་ཤེས་པ |
དངོས་པོའི་གནས་ལུགས་དཔྱོད་བྱེད་རིགས་ཤེས། |
| རིགས་པའི་སྦྱོར་བ |
རྒྱ་གར་གྱི་སློབ་དཔོན་རིན་ཆེན་རྡོ་རྗེས་བརྩམས་པའི་ཚད་མའི་གཞུང་ཞིག |
| རིགས་པས་གྲུབ་པའི་རྫས་ཡོད |
རྫས་ཡོད་བཞིའི་ནང་གསེས། ཤེས་བྱ་ལྟ་བུ་རིགས་པས་གྲུབ་པའི་ཆ་ནས་རྫས་སུ་ཡོད་པའོ། |
| རིགས་བཙུན་པ |
རིགས་བཟང་བའམ་རིགས་མ་འཆོལ་བ། |
| རིགས་བཞི |
སྔར་རྒྱ་གར་གྱི་མིའི་རིགས་རིམ་པ་བཞི་བྲམ་ཟེའི་རིགས་དང༌། རྒྱལ་རིགས། རྗེ་རིགས། དམངས་རིགས་སམ་གདོལ་རིགས་རྣམས་སོ། རིགས་སོ་སོའི་བར་གྱི་དབྱེ་མཚམས་ཧ་ཅང་གསལ་བས་ཕན་ཚུན་བར་མཉམ་དུ་བཟའ་བཏུང་དང༌། འགྲོ་འོང༌། སྡོད་གནས། གཉེན་སྒྲིག་སོགས་བྱས་མི་ཆོག་པ་དང༌། རིགས་འོག་མའི་མི་རྣམས་ཀྱིས་རིགས་གོང་མའི་ལས་ཀ་དོན་གཉེར་བྱས་མི་ཆོག |
| རིགས་བཞི་རྡོ་རྗེ་འཛིན་པའི་ས |
སྤྱོད་རྒྱུད་དུ་བསྒོམ་བཟླས་ཚུལ་བཞིན་བྱས་པའི་མཐར་འབྲས་མི་ཚེ་ལྔ་ན་རིགས་གསུམ་རྡོ་རྗེ་འཛིན་པའི་སྟེང་དུ་རིན་པོ་ཆེའི་རིགས་བསྣན་པས་རིགས་བཞི་རྡོ་རྗེ་འཛིན་པའི་ས་ཐོབ་པར་འདོད་པའོ། |
| རིགས་བཟང |
འཕགས་རིགས། |
| རིགས་བརྒྱ |
ཡོ་ག་ལྟར་ན་རིགས་ལྔ་རེ་རེར་ལྔ་ལྔ་ཉེར་ལྔ་དང་དེ་རེ་རེར་སྐུ་གསུམ་ཡེ་ཤེས་བཞིའི་གྲངས་ཀྱིས་བསྒྱུར་པའོ། |
| རིགས་བརྒྱའི་བདག |
རྡོ་རྗེ་འཆང༌། |
| རིགས་བརྗོད་ཀྱི་སྒྲ |
རྗོད་བྱེད་ཀྱི་སྒྲ་གང་ཞིག་རང་གི་དངོས་ཀྱི་བརྗོད་བྱར་གྱུར་པའི་རིགས་སྤྱི་ཡོད་པ་རང་གི་རིགས་དུ་མ་ལ་ཁྱབ་པར་བྱེད་པ། དཔེར་ན། བེམ་པོ་ཞེས་པ་གཟུགས་སྒྲ་དྲི་རོ་ཐམས་ཅད་ཀྱི་སྤྱི་ཡིན་པ་ལྟ་བུའོ། |
| རིགས་བརྗོད་པ་ཐོག་མའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་ཐོག་མར་བཀོད་པའི་རིགས་ཀྱི་གསལ་བྱེད་དེས་ཕྱི་མའི་ཚིག་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| རིགས་བརྗོད་པ་བར་གྱི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་བར་དུ་བཀོད་པའི་རིགས་ཀྱི་གསལ་བྱེད་དེས་རང་གི་སྔ་ཕྱིའི་ཚིག་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| རིགས་བརྗོད་པ་མཐའ་མའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་མཐའ་མར་བཀོད་པའི་རིགས་ཀྱི་གསལ་བྱེད་དེས་རང་གི་སྔོན་ལ་ཡོད་པའི་ཚིག་ཀུན་ལ་ཕན་ཞིང་གསལ་བར་བྱེད་པའི་རྒྱན་ཞིག |
| རིགས་བསྒྲེ |
རིགས་འགྲེ་ཞེས་པའི་ལས་ཚིག་གི་འབྲི་སྟངས་ཤིག་མཁའ་དབུགས་གྲང་ན་འཁུམས་ཤིང་དྲོས་ན་དབོས་པའི་ཆོས་ཉིད་དེ་དངོས་རྫས་གཞན་ལའང་རིགས་བསྒྲེ་བར་བྱ་ཞེས་པ་ལྟ་བུ། མ་དཔེ་ལྟར་ལད་མོ་བྱེད་པའི་དོན་ཏེ། ལས་ཚིག་ལ་འདས་མ་འོངས་ད་ལྟ་སྐུལ་ཚིག་བཅས་ཡོད་པ་དེ་མིང་ཚིག་ལ་རིགས་འགྲེ་སྦྱོར་མི་རུང་ཞེས་པ་ལྟ་བུ། |
| རིགས་མ་ཚང་བའི་ཁྱད་པར་བརྗོད་པ |
ཁྱད་པར་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཞིག་རིགས་ཀྱི་ཆ་ལག་མ་ཚང་ཡང༌། ཚང་བ་དང་ཁྱད་མེད་ཀྱི་བྱེད་ལས་ཁྱད་པར་ཅན་སྟོན་པའི་རྒྱན་ཞིག |
| རིགས་མང |
སྣ་ཚོགས། |
| རིགས་མཆོག |
མངོན 1 བྲམ་ཟེ། 2 རྟ་མཆོག |
| རིགས་མཉམ་པ |
རིགས་རུས་མཐོ་དམན་འདྲ་བ། |
| རིགས་མཐུན་གྱི་བག་ཆགས |
སྔོན་འཛིན་མིག་ཤེས་སྔོན་པོ་སྔོན་པོར་སྣང་བ་ལ་དབང་བར་བྱེད་པའི་བག་ཆགས་ལྟ་བུའོ། |
| རིགས་མཐུན་པ |
1 རིགས་འདྲ་བའམ་མཉམ་པ། 2 བློ་སེམས་མཐུན་པའམ་སྤྱོད་པ་མཐུན་པ། |
| རིགས་མཐུན་འབྱེད་པའི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་དཔེ་དོན་གཉིས་རིགས་མཐུན་ཞིང་བྱེད་ལས་ཕྱོགས་གཅིག་ནས་མཚུངས་ཀྱང༌། ཕྱོགས་འགའ་ཞིག་ནས་མི་མཚུངས་པར་བསྟན་ནས་སོ་སོར་འབྱེད་པའི་རྒྱན་ཞིག |
| རིགས་མཐོ་བ |
རིགས་རུས་ཀྱི་ཁུངས་བཙུན་པའམ་བཟང་བ། |
| རིགས་མཚུངས |
རིགས་འདྲ། |
| རིགས་མཚུངས་སྦྱར་བ |
མཚུངས་ཆོས་སྦྱར་བ། |
| རིགས་མི་མཐུན་པ |
1 རིགས་རུས་མི་འདྲ་བ། 2 བསམ་པ་དང་སྤྱོད་པ་མི་གཅིག་པ། |
| རིགས་མིན་གྱི་རྒྱུ |
རྒྱུའི་རྒྱན་གྱི་ནང་གསེས་ཤིག་མཐུན་པའི་རྒྱུ་ལས་འབྲས་བུ་རིགས་པ་མིན་པ་ཕྱིན་ཅི་ལོག་བསྐྱེད་པ་སྟོན་པའི་རྒྱུའི་རྒྱན་ཞིག |
| རིགས་མེད |
1 རིགས་དམན། 2 སྲོག་ཆགས་ཤིག |
| རིགས་མྱུག |
རིགས་མྱུ་གུའི་གཟུགས་སུ་བཀོད་པ་སྟེ་རིགས་རྒྱུད་བཟང་བའི་བྱིས་པ། |
| རིགས་འགྲེ |
རང་གིས་ཤེས་པའི་རྩ་བའི་རིགས་པ་ཞིག་ལ་བརྟེན་ནས་མ་ཤེས་པའི་དོན་ལ་དཔྱད་པ་བཏང་ནས་ཤེས་པའི་ཐབས་ཏེ། ཆུ་མཐོ་ས་ནས་དམའ་སར་འབབ་པའི་ཆོས་ཉིས་དེ་གཤེར་ཁུ་གཞན་ལའང་རིགས་འགྲེ་སྦྱོར་ཆོག་ལྟ་བུ། |
| རིགས་འདྲ |
ཕན་ཚུན་མཚུངས་པ། དེ་མིན་ཚང་མ་རིགས་འདྲར་བཏང་ཆོག |
| རིགས་འབྱུང |
མངོན བྱ་ཚང༌། |
| རིགས་འཚོབ་པ |
རིགས་རྒྱུད་འཛིན་མཁན་གྱི་བུ། |
| རིགས་རམས་པ |
གཞུང་པོད་ལྔ་ཡི་གོ་བ་མཐར་ཕྱིན་པ་མ་ལོན་པའི་དགེ་བཤེས། |
| རིགས་རུས |
མིའི་རྒྱུད་པ། རིགས་རུས་ཀྱི་རྒྱུད། རིགས་རུས་མཐུན་པ། |
| རིགས་རུས་སྐྱེ་རྒྱུད |
མི་རྒྱུད་ཀྱི་བྱུང་རབས། |
| རིགས་རྒྱུད |
མི་སོ་སོའི་རིགས་ཀྱི་གདུང་རྒྱུད། རིགས་རྒྱུད་སྐྱོང་བ། རིགས་རྒྱུད་འཕེལ་བ། མིང་གི་རྣམ་གྲངས་ལ་རྒྱུད་པ་དང༌། ཆོ་འབྲང༌། གདུང༌། སྣག་ལས་སྐྱེས། བྱུང་རིགས། རྩ་ཁྲིད། རིགས། རིགས་བྱུང༌། རུས། ཤ་ཉེ། ས་བོན་ལས་བྱུང་བཅས་སོ། |
| རིགས་ལམ |
རིགས་པའི་གཞུང་ལུགས་ཀྱི་སྲོལ། རིགས་ལམ་དཔྱོད་ལུགས། རིགས་ལམ་བཤད་ལུགས། |
| རིགས་ལྔ |
1 གང་ཟག་རིགས་ཅན་ལྔ་ཉན་ཐོས་ཀྱི་ཐེག་པའི་རིགས་དང༌། རང་སངས་རྒྱས་ཀྱི་ཐེག་པའི་རིགས། དེ་བཞིན་གཤེགས་པའི་རིགས། མ་ངེས་པའི་རིགས། རིགས་མེད་པ་བཅས་སོ། 2 མི་བསྐྱོད་པ་དང༌། རིན་འབྱུང༌། འོད་དཔག་མེད། དོན་གྲུབ། རྣམ་སྣང་སྟེ་ལྔའོ། |
| རིགས་ལྔ་ཅོད་པན |
ལྷའི་དབུ་རྒྱན་ཅོད་པན་དང༌། གཙུག་ཏོར། དར་འཕན་བཅས། |
| རིགས་ལྔ་སྟུག་པོ་བཀོད་པ |
རྣལ་འབྱོར་རྒྱུད་དུ་བསྒོམ་བཟླས་ཚུལ་བཞིན་ཉམས་སུ་བླངས་པས་མི་ཚེ་གསུམ་ན་རིགས་བཞིའི་སྟེང་དུ་དོན་གྲུབ་ཕྲིན་ལས་ཀྱི་རིགས་བསྣན་པས་རིགས་ལྔ་སྟུག་པོ་བཀོད་པ་སྟེ་འོག་མིན་ཆེན་པོར་འཚང་རྒྱ་བར་འདོད་དོ། |
| རིགས་ལྔའི་དབུ་རྒྱན |
དེ་བཞིན་གཤེགས་པ་རིགས་ལྔ་མཚོན་པའི་དབུ་རྒྱན། |
| རིགས་ལྡན |
1 རིགས་མཐོན་པོ། 2 ཤམ་བྷ་ལའི་རྒྱལ་པོའི་སྤྱི་མིང་དྲང་སྲོང་ཉི་མའི་ཤིང་རྟ་ལ་སོགས་པའི་ཚངས་པའི་དྲང་སྲོང་རྡོ་རྗེའི་རིགས་གཅིག་ཏུ་མཛད་ནས་དབང་བསྐུར་བས་རིགས་ལྡན་འཇམ་དཔལ་གྲགས་པ་ལ་རིགས་ལྡན་ཞེས་མཚན་གསོལ་བ་དེ་ནས་བཟུང་རིམ་བཞིན་རིགས་ལྡན་ཉེར་ལྔ་བྱོན། 3 མངོན རྟ་མཆོག 4 ཀླུ་རྒྱལ་གྱི་བྱེ་བྲག་ཅིག |
| རིགས་ལྡན་ཉེར་ལྔ |
རིགས་ལྡན་འཇམ་དཔལ་གྲགས་པ་དང༌། པདྨ་དཀར་པོ། བཟང་པོ། རྣམ་རྒྱལ། བཤེས་གཉེན་བཟང་པོ། རིན་ཆེན་ཕྱག་ཁྱབ་འཇུག་སྦས་པ། ཉི་མ་གྲགས། ཤིན་ཏུ་བཟང༌། རྒྱ་མཚོ་རྣམ་རྒྱལ། རྒྱལ་དཀའ། ཉི་མ། སྣ་ཚོགས་གཟུགས། ཟླ་བའི་འོད། མཐའ་ཡས། ས་སྐྱོང༌། དཔལ་སྐྱོང༌། སེངྒེ། རྣམ་པར་གནོན། སྟོབས་པོ་ཆེ། མ་འགག་པ། མི་ཡི་སེངྒེ། དབང་ཕྱུག་ཆེ། མཐའ་ཡས་རྣམ་རྒྱལ། རིགས་ལྡན་དྲག་པོ་འཁོར་ལོ་ཅན་ཏེ་ཉེར་ལྔའོ། |
| རིགས་ལྡན་དྲག་པོ་འཁོར་ལོ་ཅན |
རིགས་ལྡན་ཉེར་ལྔ་པ་དེའི་སྐབས་རབ་བྱུང་ཉེར་གཉིས་པའི་ཆུ་ལུག་སྟེ་སྤྱི་ལོ་1424 བར། དུས་བཞི་ཕྱི་མ་འཆར་བ་ཞེས་གསུངས། |
| རིགས་ལྡན་པདྨ་དཀར་པོ |
རིགས་ལྡན་ཉེར་ལྔའི་གཉིས་པ་དེས་སྤྱི་ལོའི་སྔོན་གྱི་177 ཏེ་ཤིང་བྱི་ལོར་དུས་འཁོར་བསྡུས་རྒྱུད་ཀྱི་རྒྱ་ཆེར་བཤད་པ་འགྲེལ་ཆེན་དྲི་མེད་འོད་མཛད། 177 |
| རིགས་ལྡན་མཆོད་པའི་འོད་སྣང |
བྲག་དགོན་བསྟན་པ་རབ་རྒྱས་ཀྱིས་རབ་བྱུང་བཅོ་ལྔ་པའི་མེ་ཡོས་ལོར་བརྩམས་པའི་སྐར་རྩིས་ཀྱི་གཞུང་ཞིག |
| རིགས་ལྡན་འཇམ་དཔལ་གྲགས་པ |
རིགས་ལྡན་ཉེར་ལྔའི་ཐོག་མ་དེ་སྤྱི་ལོའི་སྔོན་གྱི་177 ཤིང་སྤྲེལ་ལོར་ཁྲིར་འཁོད། དུས་འཁོར་རྩ་རྒྱུད་སྟོང་ཕྲག་བཅུ་གཉིས་པ་ལས་བཏུས་པའི་བསྡུས་རྒྱུད་མཛད། 177 |
| རིགས་ལྡན་རྒྱ་མཚོ་རྣམ་རྒྱལ |
རིགས་ལྡན་ཉེར་ལྔའི་བཅུ་པ་དེ་ཁྲིར་ཕེབས་པ་དང༌། ཁ་ཆེའི་ཆོས་ལུགས་ཚུགས་པ། མེ་མཁའ་རྒྱ་མཚོའི་འགོ་འཛིན་པ་གསུམ་དུས་མཉམ་ཡིན་པར་བཤད། 403 624 |
| རིགས་ལྡན་རྒྱལ་དཀའ |
སྤྱི་ལོ་806 སྟེ་མེ་ཁྱིའི་ལོར་ཁྲིར་ཕེབས་པ་དང་བྱེད་པའི་རྩིས་འགོ་བཟུང༌། དེ་ནས་ལོ་ཉིས་བརྒྱ་ཉེར་གཅིག་པ་མེ་མཁའ་རྒྱ་མཚོ་འདས་ལོ་རྫོགས་པའི་མེ་སྟག་སྟེ་སྤྱི་ལོ་1026 ལོའི་བར་ཁྲིར་བཞུགས་པར་བཤད། 806 1026 |
| རིགས་ལྡན་སྙིང་ཐིག |
བསྟན་བཅོས་བཻཌཱུརྻ་དཀར་པོ་དང་ཉིན་བྱེད་སྣང་བའི་དགོངས་དོན་གསལ་བར་སྟོན་པ་རྩིས་གཞིའི་མན་ངག་རིགས་ལྡན་སྙིང་གི་ཐིག་ལེ་ཞེས་བྱ་བ། ཕྱག་མཛོད་གསུང་རབ་ཀྱིས་རབ་བྱུང་བཅུ་བཞི་པའི་མེ་ཕག་ལོར་བརྩམས་ཤིང༌། ཕྱིས་སུ་བླ་སྨན་པ་མཁྱེན་རབ་ནོར་བུས་རྩིས་འགོ་བསྟུངས་པ་དང༌། རྒྱ་རྩིས་དབུགས་སྒང་གླང་རྩིས་སོགས་ཉེར་མཁོའི་ཁ་སྐོང་མཛད་པའི་རྩིས་གཞུང་ཞིག 1827 |
| རིགས་སད་པ |
ཐེག་པ་ཆེ་ཆུང་གང་རུང་གི་བག་ཆགས་སད་པ། |
| རིགས་སྐྱོང |
མངོན བག་མའམ་ཁྱིམ་བདག་མོ། |
| རིགས་སྒོ |
ཚད་མ་རིགས་པར་འཇུག་པའི་སྒོ་ཞེས་བྱ་བའི་རབ་ཏུ་བྱེད་པ་ཞེས་བྱ་བ། སློབ་དཔོན་ཕྱོགས་ཀྱི་གླང་པོས་མཛད་ཅིང༌། ཁ་ཆེའི་པཎྜི་ཏ་ཆེན་པོ་དཔལ་བསྲུང་བ་དང་བོད་ཀྱི་ཤཱཀྱའི་དགེ་སློང་གྲགས་པ་རྒྱལ་མཚན་གཉིས་ཀྱིས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་པའོ། |
| རིགས་སྤྱི |
སྤྱིའི་ནང་གསེས་ཤིག་རང་གི་རིགས་ཅན་དུ་མའི་རྗེས་སུ་འགྲོ་བ་ཅན་གྱི་ཆོས་དཔེར་ན། བེམ་པོ་ཞེས་པ་གཟུགས་སྒྲ་དྲི་རོ་ཐམས་ཅད་བེམ་པོའི་རིགས་སུ་གནས་ཤིང་རང་གི་རིགས་ཅན་དུ་མའི་རྗེས་སུ་འགྲོ་བས་རིགས་སྤྱི་ཡིན་པ་ལྟ་བུའོ། |
| རིགས་སྲས |
1 གདུང་རྒྱུད་ལས་སྐྱེས་པའི་སྔགས་རིགས་ཀྱི་བུ། 2 རྒྱལ་པོ་སོགས་མི་ཆེན་གྱི་བུའི་ཆེ་མིང༌། |
| རིང |
(རྒྱན་ཚིག) <ཀ>དབྱིབས་རིང་བོ་ཀ་བ་རིང་བོ་ཀ་རིང་ལྭ་བ་ཧ་ཅང་རིང་བ་ཞེས་པ་ལྟ་བུ། <ཁ>ཐག་ཉེ་རིང་གི་རིང་རྒྱང་རིང་བོ་། རྒྱང་རིང་ས། ཁ་ཐག་རིང་བོ། བར་ཐག་ཧ་ཅང་རིང་བ་ཞེས་པ་ལྟ་བུ། དུས་སྐབས་ངེས་ཅན་ཞིག་གི་མིང་ལོ་གཅིག་གི་རིང་ལ། ཟླ་གཉིས་ཀྱི་རིང་། ཉིན་གསུམ་གྱི་རིང་ལ། རྒྱལ་རིང་། སྐུ་རིང་། ཕ་རིང་བུ་རིང་ཞེས་པ་ལྟ་བུ། |
| རིང་ཆ |
1 གཅིག་ལས་གཅིག་རིང་བའི་ཆ་ཤས། 2 རིང་ཚད། |
| རིང་ཐུང |
1 རིང་པོ་དང་ཐུང་ངུ་བསྡུས་པའི་ཚིག 2 རིང་ཚད། ཐག་རིང་ཐུང༌། ཐག་པའི་རིང་ཐུང༌། རིང་ཐུང་མི་མཉམ་པ། |
| རིང་དུ་ཁྱབ |
1 ཁྱབ་གདལ་དུ་གྱུར་པ། 2 མངོན དྲི་ཞིམ་པོ། |
| རིང་དུ་གཏོང་བ |
1 ཚད་རིང་དུ་གཏོང་བ། 2 ཐག་རིང་པོའི་སར་གཏོང་བ། |
| རིང་དུ་འདུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྦྱིན་བདག་གིས་དུས་ཇི་ཙམ་མགྲོན་དུ་བོས་པ་ལས་ལྷག་པར་འདུག་པའམ། ཞག་གྲངས་མེད་ན་ཟླ་བ་བཞི་ལས་ལྷག་པར་བསྡད་དེ་བསྙེན་བཀུར་ལོངས་སྤྱོད་པའོ། |
| རིང་དུ་སོང་བའི་ས |
བྱང་ཆུབ་སེམས་དཔའི་ས་བཅུའི་བདུན་པ། ས་འདིར་གནས་པའི་བྱང་ཆུབ་སེམས་དཔའ་རྣམས་བགྲོད་པ་གཅིག་པའི་ལམ་ས་བརྒྱད་པ་ཐོབ་རྒྱུ་ཉེ་བས་དེ་དང་འབྲེལ་ཞིང་རྩོལ་བཅས་ཀྱི་སྦྱོར་བའི་མཐར་སོང་བས་ས་བདུན་པ་རིང་དུ་སོང་བའོ། |
| རིང་དུ་སྤངས་པ |
1 རྒྱང་དུ་བསྐྱུར་བ། 2 རྦད་དེ་བཅད་པ། |
| རིང་ནས་འགུག |
མངོན དྲི་ཞིམ་པོ། |
| རིང་པོ |
སྔ་ཕྱིའམ་ཕར་ཚུར་གྱི་བར་ཁྱད་ཆེན་པོ། དུས་ཡུན་རིང་པོ། རྒྱང་ཐག་རིང་པོ། ཚེ་རིང་པོ། ལྕགས་རི་རིང་པོ། དབུགས་རིང་གཏོང་བ། རིང་དུ་དོར་བ། རིང་དུ་བསྣར་བ། རིང་ནས་བཀའ་དྲིན་གྱིས་བསྐྱངས་པ། རིང་ནས་བརྩེ་བ། རིང་ནས་འདྲིས་པའི་གྲོགས་མཆོག རིང་པོར་མི་ཐོགས་པ། རིང་པོར་མ་ལོན་པ། རིང་པོར་མཐོང་བ། ངང་རྒྱུད་རིང་པོ། བསམ་བློ་རིང་པོ་གཏོང་བ། རྣ་ཅོག་རིང་པོ། |
| རིང་བ |
རིང་པོ་དང་འདྲ། |
| རིང་བའི་གཞི་ཤེས |
ཤེར་ཕྱིན་དོན་བདུན་ཅུའི་ནང་གསེས་གཞི་ཤེས་གང་ཞིག་སྙིང་རྗེ་དང་བྲལ་ཞིང་བདེན་འཛིན་གྱིས་བཅིངས་པ་འབྲས་བུ་ཤེར་ཕྱིན་བསྐྱེད་པའི་ཐབས་མ་ཡིན་པའོ། |
| རིང་བའི་འཆི་ལྟས |
ཡུན་རིང་པོའི་སྔོན་ནས་འཆི་བ་འབྱུང་བའི་སྔ་ལྟས་སུ་ཕོ་ཉ་སོགས་ཀྱི་ལྟས་མི་བཟང་བ་དང༌། རྨི་ལམ་མི་བཟང་བ། ལུས་ཀྱི་རྣམ་འགྱུར་མི་བརྟན་པར་འགྱུར་བ་ལྟ་བུའོ། |
| རིང་བརྒྱུད་བཀའ་མ |
གསང་སྔགས་རྙིང་མ་བའི་ལུགས་ཀྱི་མདོ་སྒྱུ་སེམས་གསུམ་སོགས་རྒྱ་གར་གྱི་པཎ་གྲུབ་རྣམས་ནས་བོད་ཀྱི་ལོ་ཙཱ་བ་རྣམས་ལ་བཤད་ཅིང་བསྒྱུར་ནས་རིམ་བཞིན་བརྒྱུད་དེ་བྱུང་བའི་ཆོས་བཀའ་རྣམས་སོ། |
| རིང་བསྲེལ |
1 ཤརཱིརཾ སྐུ་གདུང་སོགས་ལས་བབ་པའི་རིལ་བུ་ཁྱད་པར་ཅན་ཞིག 2 ལྷའི་གཟུགས་གཞུག |
| རིང་བསྲེལ |
སངས་རྒྱས་ཆོས་ལུགས་པས་སངས་རྒྱས་ཀྱི་གདུང་རུས་ལ་རིང་བསྲེལ་ཟེར། སངས་རྒྱས་དང་བྱང་སེམས་སོགས་སྐྱེས་བུ་དམ་པའི་གདུང་རུས་ལས་གྲུབ་པའི་རིལ་བུ་ཞིག་གི་མིང་། འཕེལ་གདུང་ཡང་ཟེར། |
| རིང་བསྲེལ་གསུམ |
ཆོས་སྐུའི་རིང་བསྲེལ་དང༌། སྐུ་བལ་གྱི་རིང་བསྲེལ། སྐུ་གདུང་གི་རིང་བསྲེལ་བཅས་གསུམ་མོ། |
| རིང་མ་ཐུང |
རིང་ཚད་དང་ཐུང་ཚད་གཉིས་ཀ་དང་མི་མཐུན་པ། པར་ཤིང་རིང་མ་ཐུང༌། དཔེ་ཤོག་རིང་མ་ཐུང༌། |
| རིང་མཐོང |
མངོན མཁས་པ། |
| རིང་མིན |
ཐུང་ངུ། |
| རིང་མོ |
རིང་པོ་དང་འདྲ། |
| རིང་མོ |
1མིང་བྱེ་བྲག་པའི་མཐར་སྦྱར་ན་རིང་བའི་ཁྱད་ཆོས་ཁྱད་པར་བ་ཞིག་ཡིན་པའི་དོན་ཏེ། མདོ་དབུས་གཞུང་ལམ་རིང་མོ། དར་ཤིང་རིང་མོ་ཞེས་པ་ལྟ་བུ། 2དུས་ཡུན་རིང་བོ་རིང་མོ་ཞིག་ནས《བརྡ་སྤྲོད་མདོར་བསྡུས》ཤིག་སྒྲིག་རྒྱུའི་འདུན་པ་ཡོད་ལྟ་བུ། |
| རིང་ཚད |
རིང་ཐུང་གི་ཚད། |
| རིང་ཞིག་ལོན་པ |
1 ཡུན་རིང་འགོར་བ། 2 ཡུན་རིང་ཙམ་སོང་བ། |
| རིང་འགག |
ཕུ་དུང་མེད་པའི་གྲྭ་པའི་གོས་རིང་བ་ཞིག |
| རིང་འཕུར |
1 ཐག་རིང་དུ་འཕུར་བ། 2 རྒྱུ་སྐར་ཞིག་གི་མིང༌། 3 རྒྱ་གར་དུ་སྟོན་པ་མ་བྱོན་སྔོན་གྱི་ཕྱི་པའི་གྲུབ་མཐའ་སྨྲ་བའི་སློབ་དཔོན་ཞིག 4 མངོན བྱ་རྒོད། |
| རིང་འབྲས་ཀྱི་རྒྱུ |
རྒྱུའི་རྒྱན་གྱི་ནང་གསེས་ཤིག་རིང་པོར་གནས་པའི་རྒྱུས། རིང་བའི་འབྲས་བུ་བསྐྱེད་པ་སྟོན་པའི་རྒྱུའི་རྒྱན་ཞིག |
| རིང་རྒྱུག |
ཐག་རིང་བར་དུ་རྒྱུག་པ། |
| རིང་ལུགས |
1 རིང་དུ་གནས་པའི་ལུགས་སྲོལ་ལམ་རིང་ནས་ཆགས་པའི་ལུགས་སྲོལ། 2 ལྟ་བ་སྟེ་གོ་རིམ་ལྡན་ཞིང་ཆ་ལག་ཚང་བའི་བསམ་རྒྱུན་དང་བཞེད་སྲོལ། དཔལ་ལྡན་འབྲུག་པའི་རིང་ལུགས། 3 ཆོས་ལུགས་ཀྱི་གོ་མིང་ཞིག 4 བསམ་པའི་འཁྱེར་སོ། རང་གནས་རིང་ལུགས། རང་མོས་རིང་ལུགས། རང་ཤེད་རིང་ལུགས། 5 སྤྱི་ཚོགས་ཀྱི་ལམ་ལུགས་ངེས་ཅན་ཞིག་གམ་ཆབ་སྲིད་དཔལ་འབྱོར་གྱི་མ་ལག་ངེས་ཅན་ཞིག སྤྱི་ཚོགས་རིང་ལུགས། མ་རྩ་རིང་ལུགས། |
| རིང་ལུགས |
རང་བྱུང་ཁམས་དང་མིའི་རིགས་ཀྱི་སྤྱི་ཚོགས། རིག་གནས་སྒྱུ་རྩལ་བཅས་ཀྱི་སྐོར་མི་རྣམས་ཀྱི་རྒྱུད་རིམ་དང་ལྡན་པའི་ངོས་འཛིན་དང་འདོད་ཚུལ་ཏེ། དམངས་གཙོའི་རིང་ལུགས་ཞེས་པ་ལྟ་བུ། |
| རིང་སེ་བ |
རིང་ཙམ། དབྱིབས་རིང་སེ་བ། ས་ཐག་རིང་སེ་བ། དུས་ཡུན་རིང་སེ་བ། |
| རིང་སྐྱེལ |
1 སྔར་རྫོང་དང་རྫོང་གི་བར་དུ་ཁྲལ་འུལ་སྐྱེལ་དགོས་པའི་དོན། 2 ཐག་རིང་སྐྱེལ་མ་བྱེད་པ། |
| རིང་སྐྱོད |
ལམ་ཐག་རིང་བར་དུ་འགྲོ་བ། རིང་སྐྱོད་མཚོ་གྲུ། རིང་སྐྱོད་དཔུང་འཇུག |
| རིངས་པ |
1 བྲེལ་བ་དང་འཚབ་པ། རིངས་གལ་ཛ་དྲག་ཆེ་བ། རིངས་པའི་ཚུལ་གྱིས་ལྟ་བ། དེ་རིང་དོན་གཅོད་དུ་འགྲོ་བར་རིངས་པོ་ཡོད། 2 མྱུར་བའམ་མགྱོགས་པ། རིངས་པར་རྒྱུག་པ། ད་ལྟ་རིངས་པར་ཚུར་ཤོག |
| རིངས་པའི་བསོད་སྙོམས |
མྱུར་བར་སློང་བའི་བསོད་སྙོམས། |
| རིངས་པོ |
1 རྙིང རིང་པོའི་བརྡ་རྙིང་པ་ཐུང་བའི་ལྡོག་ཟླ། རྡོ་རིངས། 2 རིངས་པ་དང་འདྲ། |
| རིངས་སྟབས |
བྲེལ་བ་བྱེད་པའི་ཚུལ། ཞྭ་མོ་ཁྱེར་ནས་རིངས་སྟབས་སུ་ཕྱིན་སོང༌། |
| རིད |
ཀོ་རྡར། |
| རིད་པ |
ཤ་སྐམ་མིན་རློན་མིན་ནམ་རྗུད་པ་དང་དངོས་ངན། ཤིང་སྦ་བཞིན་དུ་གཟུགས་རིད་པ། སྐམ་རློན་རིད་གསུམ། ཤ་སྐམ་ཞིང་རིད་པ། ཡུན་རིང་ནད་ཀྱིས་གདུངས་ཏེ་ལུས་ཀྱི་ཤ་ཀུན་རིད་པ། |
| རིན |
ཚོང་རྫས་ཉོ་བ་ལ་སྟེར་འོས་པའི་དོང་ཙེའི་གྲངས་ཀའི་མིང་རྟ་ཉོས་པའི་རིན། རས་ཉོས་པའི་རིན། རས་རིན་ཞེས་པ་ལྟ་བུ། |
| རིན་གཉིས་འཁོར་ལོ |
མངོན དངུལ་སྒོར་མོ། |
| རིན་གོང |
ཐང་གཞི་དངོས་རིགས་ཀྱི་གོང་ཚད། རིན་གོང་ཁེ་པོ། རིན་གོང་ཆག་པ། རིན་གོང་གཏན་འབེབས། རིན་གོང་སྤར་བ། རིན་གོང་སྤོར་གཅོག རིན་གོང་ཆེན་པོ། |
| རིན་གོང |
ཚོང་རྫས་ཀྱི་རྩ་ཆེ་ཆུང་དོང་ཙེ་ལ་བཀུག་ནས་བརྩིས་པའི་ཚད་ཀྱི་མིང་། |
| རིན་ཅན |
རིན་ཐང་ལྡན་པ། |
| རིན་ཅེན |
རིན་ཆེན་གྱི་འབྲི་ཚུལ་གཞན། |
| རིན་ཆེན |
1 རིན་ཐང་ཆེ་བ། 2 རིན་པོ་ཆེའི་བསྡུས་ཚིག 3 མངོན འཁོར་ལོ་དང༌། ནོར་བུ། བཙུན་མོ། བློན་པོ། གླང་པོ། རྟ་མཆོག་དམག་དཔོན་ཏེ་རྒྱལ་སྲིད་རིན་ཆེན་ལ་བདུན་ཡོད་པས་གྲངས་བདུན་མཚོན། 7 |
| རིན་ཆེན་གཉིས་པ |
མངོན དངུལ། |
| རིན་ཆེན་གཏེར་མཛོད |
1 རིན་ཆེན་ཡོད་པའི་གཏེར་ཁ་དང་བང་མཛོད། 2 ཀོང་སྤྲུལ་ཡོན་ཏན་རྒྱ་མཚོས་སྔ་འགྱུར་རྙིང་མའི་གཏེར་སྟོན་སངས་རྒྱས་བླ་མ་ནས་མཆོག་གྱུར་བདེ་ཆེན་གླིང་པའི་བར་གྱི་གཏེར་སྟོན་བརྒྱ་རྩའི་གཏེར་གཞུང་རྣམས་ཕྱོགས་གཅིག་ཏུ་བསྒྲིགས་པའི་པོ་ཏི་དྲུག་ཅུ་རེ་གཉིས་ཅན། |
| རིན་ཆེན་གླིང |
1 སྔ་དུས་ཀྱི་སྒྲུང་དཔེ་ལས་རྒྱ་མཚོའི་ཕ་རོལ་ལ་རིན་པོ་ཆེ་ཡོད་པའི་གླིང༌། 2 ས་མིང་ཞིག་བོད་རང་སྐྱོང་ལྗོངས་ཀྱི་མལ་གྲོ་གུང་དཀར་རྫོང་ཁོངས་མལ་གྲོ་མ་ཆུའི་ལྷོ་འགྲམ་དུ་ཡོད། |
| རིན་ཆེན་ཆེ་བ |
མངོན གསེར། |
| རིན་ཆེན་དང་པོ |
མངོན གསེར། |
| རིན་ཆེན་དབང་སྔོན |
ཨིནྡྲ་ནིའ་ལའམ་ཨནྡ་སྙིལ་ཏེ་རིན་ཆེན་སྔོན་པོ། |
| རིན་ཆེན་དམར་པོ |
མངོན པདྨ་རཱག |
| རིན་ཆེན་དྲ་བ་ཅན་གྱིས་ཞུས་པ |
འཕགས་པ་རིན་ཆེན་དྲ་བ་ཅན་གྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་གཅིག་དང་ཤོ་ལོ་ཀ་དྲུག་ཅུ་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང༌། ལོ་ཙཱ་བ་བནྡེ་ཡེ་ཤེས་སྙིང་པོས་བསྒྱུར་ཅིང༌། བེནྡེ་དཔལ་བརྩེགས་ཀྱིས་ཞུས་པའོ། |
| རིན་ཆེན་པགས་པའི་སྐྱེ་གནས |
མངོན རི་དྭགས་གསེར་གྱི་མདོག་ཅན། |
| རིན་ཆེན་ཕྲེང་བ |
རྒྱལ་པོ་ལ་གཏམ་བྱ་བའི་ཕྲིན་ཡིག་འཕགས་པ་ཀླུ་སྒྲུབ་ཀྱིས་མཛད་པའོ། |
| རིན་ཆེན་བང་མཛོད |
རིན་ཆེན་ཡོད་སའི་བང་མཛོད། |
| རིན་ཆེན་བཟང་པོ |
1 ལོ་ཆེན་རིག་ཆེན་བཟང་པོ་རབ་བྱུང་དང་པོ་མ་ཤར་སྔོན་གྱི་ལོ་དྲུག་ཅུ་རེ་དགུ་ས་རྟ་ལོར་ལྷ་ཡེ་ཤེས་འོད་ཀྱི་སྲས་སུ་མངའ་རིས་གུ་གེའི་ཆ་ཝཾ་རཏྣ་རུ་སྐུ་འཁྲུངས། དགུང་ལོ་གསུམ་པར་རབ་ཏུ་བྱུང༌། བཅུ་བདུན་ཐོག་འཕགས་ཡུལ་དུ་བྱོན་ནས་ལོ་བཅུ་བཞུགས། ཇོ་བོ་ན་རོ་ཏ་པ་སོགས་པཎྜི་ཏ་བདུན་ཅུ་རྩ་ལྔ་བསྟེན་ནས་མདོ་རྒྱུད་སོགས་རིག་གནས་གང་ལ་འཆད་རྩོད་རྩོམ་བསྒྱུར་ཐོགས་པ་མེད་པར་གྱུར་ཏེ་བསྟན་པ་ཕྱི་དར་གྱི་སྐབས་སུ་གསར་མའི་ལོ་ཙའ་བ་ཐམས་ཅད་ཀྱི་ཐོག་མར་གྱུར། སངས་རྒྱས་སྐར་རྒྱལ་བཏུལ། མདོ་སྡེའི་སྐོར་གཞུང་གྲངས་བཅུ་བདུན་དང་མངོན་པའི་གཞུང་སོ་གསུམ། རྒྱུད་ཀྱི་ལེ་ཚན་བརྒྱ་རྩ་བརྒྱད་སོགས་རྒྱ་གཞུང་བོད་དུ་བསྒྱུར་བ་དང་འགྱུར་བཅོས་མཛད་པ་ཤིན་ཏུ་མང་ཞིང༌། ཁྱད་པར་དུ་གསོ་བ་རིག་པའི་སྐོར་ལ་སློབ་དཔོན་དཔའ་བོས་མཛད་པའི་ཡན་ལག་བརྒྱད་པའི་སྙིང་པོ་བསྡུས་པ་དང༌། དེའི་འགྲེལ་པ་ཁ་ཆེ་པཎ་ཆེན་ཟླ་བ་མངོན་དགས་མཛད་པའི་ཟླ་ཟེར་སོགས་ལེགས་པར་བསྒྱུར་ཅིང་གཏན་ལ་ཕབ་པས་བོད་ཡུལ་དུ་དར་རྒྱས་གྱུར་པས་མ་ཚད། དཔལ་ཕག་མོ་གྲུ་པའི་དུས་རྒྱ་ནག་ཏུའང་དར་བས་རྒྱལ་པོ་ཧྭང་ཐེའི་ཧུའི་ཨི་ཅིའི་དུས་ཡར་ཀླུངས་མཆིག་སྨན་གྱིས་བསྐུལ་ནས་ཕོ་བྲང་ཏའི་ཏུང་དུ་ཡེ་ཤེས་དཔལ་གྱིས་ཞུས་དག་མཛད་དེ་བརྐོས་པའི་རྒྱ་པར་ཡང་ཡོད། ལོ་ཆེན་འདི་ཉིད་ལ་གསོ་རིག་གི་བརྒྱུད་པ་འཛིན་པའི་སློབ་མའི་ཐུ་བོ་རུ་གྱུར་པ་སྤུ་རེངས་ཀྱི་སྨན་པ་མི་བཞིའི་གཙོས་བོད་ཡུལ་ཀུན་ཏུ་ཁྱབ་པར་གྱུར་ཏེ་མཛད་རྗེས་ཤིན་ཏུ་ཆེ། 9581055 2 མངོན གསེར། |
| རིན་ཆེན་བརྩེགས་པ |
མངོན རི་རབ། |
| རིན་ཆེན་མང |
མངོན 1 བརྒྱ་བྱིན། 2 བདེ་གཤེགས་བྱེ་བྲག་པ་ཞིག |
| རིན་ཆེན་མདོག་བཟང |
མངོན གསེར། |
| རིན་ཆེན་མེ |
དེ་བཞིན་གཤེགས་པ་ཞིག |
| རིན་ཆེན་ཟླ་བས་ཞུས་པ |
འཕགས་པ་རིན་ཆེན་ཟླ་བས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། ཤོ་ལོ་ཀ་ཉིས་བརྒྱ་ཉེར་བདུན་པ། རྒྱ་གར་གྱི་མཁན་པོ་བིཤུདྡྷ་སིངྷའ་དང་ལོ་ཙཱ་བ་དགེ་སློང་དཔལ་གྱིས་བསྒྱུར་ཏེ། སླད་ཀྱི་པཎྜི་ཏ་བིཏྱཱ་ཀ་ར་སིངྷ་དང་ལོ་ཙཱ་བ་བནྡེ་དེ་བ་ཙནྟྲས་ཞུས་པའོ། |
| རིན་ཆེན་འཁྲུངས་དཔེའམ་སྨན་ངོ་གསལ་བྱེད |
རབ་བྱུང་བདུན་པའི་མཇུག་ཏུ་ཟུར་མཁར་མཉམ་ཉིད་རྡོ་རྗེས་དྭགས་ཀོང་ཕྱོགས་ཀྱི་སྨན་པ་རྣམས་བསྡུས་ཏེ་བཀའ་བགྲོས་ནས་བརྩམས་པའི་སྨན་གྱི་འཁྲུངས་དཔེ་གསལ་བར་འཁོད་པའི་གཞུང་ཞིག |
| རིན་ཆེན་འགྱུར་བྱེད |
མངོན མཆིང་བུ། |
| རིན་ཆེན་འབྱུང་གནས |
1 མངོན རྒྱ་མཚོ། 2 ས་གཞི། 3 སངས་རྒྱས་ཀྱི་མཚན་ཞིག |
| རིན་ཆེན་འབྱུང་གནས་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་གཉིས་པ་བའི་རྒྱུད་ཀྱི་ཚུལ་ཁྲིམས་ཀྱི་ཕར་ཕྱིན་དང་ལྡན་པའི་སེམས་བསྐྱེད་ནི་སྟོབས་ལ་སོགས་པའི་ཡོན་ཏན་སེམས་བསྐྱེད་པའི་རྟེན་གྱི་དངོས་པོ་ཉིད་ཀྱིས་རིན་པོ་ཆེའི་འབྱུང་གནས་ལྟ་བུའོ། |
| རིན་ཆེན་འབྱུང་ལྡན |
རྒྱལ་བ་རིགས་ལྔའི་ནང་ཚན་ཞིག |
| རིན་ཆེན་རི་གསུམ |
རི་བོ་གངས་ཅན་དང༌། རི་བོ་འབིགས་བྱེད། རི་བོ་མན་དྷ་ར་བཅས་གསུམ། |
| རིན་ཆེན་རྒྱལ་པོ |
མངོན གཡུ། |
| རིན་ཆེན་རྡུལ་བརྩེགས |
མངོན རི་རྒྱལ་ལྷུན་པོ། |
| རིན་ཆེན་རྣམ་གསུམ |
1 དཀོན་མཆོག་གསུམ། 2 རིགས་ལམ་ཕྲ་མོ་འབྱེད་པའི་རྣམ་དཔྱོད། གཞུང་ལུགས་གདམས་པར་ཤར་བའི་ཉམས་ལེན། ཚིག་སྦྱོར་ཚུལ་ལ་མཁས་པའི་ངག་བཅས་གསུམ། |
| རིན་ཆེན་སྒང་བླ་བྲང |
ས་སྐྱའི་བླ་བྲང་ཞིག |
| རིན་ཆེན་སྔོན་པོ |
མངོན དངུལ་ཆུ། |
| རིན་ཆེན་སྙག་གི་འབྲུ |
ཐང་སྨན་གྱི་ནང་ཚན་རྩད་ཀྱི་མིང་གི་རྣམ་གྲངས་ཤིག |
| རིན་ཆེན་སྙིང་པོ |
མངོན 1 ས་གཞི། 2 རྣམ་ཐོས་སྲས། |
| རིན་ཆེན་སྡོང་པོ |
མངོན བྱུ་རུའི་མིང༌། |
| རིན་ཆེན་སྣ་བདུན |
རྒྱལ་སྲིད་སྣ་བདུན་ཏེ་འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ་བཅས་སོ། |
| རིན་ཆེན་སྣ་ལྔ |
1 བུད་མེད་ཀྱི་རྒྱབ་ཏུ་གྱོན་རྒྱུའི་པང་གདན་དང་འདྲ་བ་ཞིག 2 གསེར་དང༌། དངུལ། གཡུ། བྱུ་རུ། མུ་ཏིག་སྟེ་ལྔ་ལ་རིན་ཆེན་སྣ་ལྔ་ཟེར། ཡང་གསེར་དངུལ་ཟངས་ལྕགས་གཤའ་ཚེ་སྟེ་ལྔ་ལའང་རིན་ཆེན་སྣ་ལྔ་ཟེར། |
| རིན་ཆེན་སྤུངས་ཤད |
དབུ་ཅན་གཞིར་བཞག་པའི་ཡིག་ཕྲེང་གཡོན་ཕྱོགས་ཀྱི་མགོར་ཡིག་འབྲུ་གསུམ་མ་ཚང་ན༑ འདི་ལྟ་བུ་འབྲི་དགོས་པའི་མིང་དེ་ཡང་རྫོགས་ཚིག་གི་ན་རོ་ཅན་དང༌། ཚིགས་བཅད་ཀྱི་རྐང་མཐའ་འཁེལ་ཚེ་སྤུངས་ཤད་གཉིས་རེ་དང༌། གཞན་ལ་རེ་རེ་འབྲི་དགོས་ཤིང༌། འདི་ལ་ཀྱོག་ཤད་ཀྱང་ཟེར། |
| རིན་ཆེན་སྤུངས་ཤད |
བོད་ཡིག་གི་ཚིག་མཚམས་གཅོད་བྱེད་ཀྱི་ཤད༈འདིའི་མིང་། |
| རིན་ཆེན་སྦྱོར་བ |
རིན་པོ་ཆེའི་རིགས་སྨན་ལ་སྲེ་སྐབས་དུག་སེལ་བྱེད་པ། |
| རིན་ཆེན་སྨྱུག |
ཤིང་སྨན་ཞིག |
| རིན་ཐང |
1ཆབ་སྲིད་དཔལ་འབྱོར་རིག་པའི་ནང་དུ་བཤད་པའི་རིན་ཐང་ནི་ཚོང་ཟོང་ནང་གི་ཚོང་ཟོང་ཐོན་སྐྱེད་བྱེད་མཁན་གྱི་སྤྱི་ཚོགས་ངལ་རྩོལ་མཚོན་བྱེད་ལ་ཟེར་བ་རེད། 2ཡོངས་གྲགས་ལ་རིན་ཐང་ཞེས་པ་ནི་རྩ་ཆེ་ཆུང་གི་དོན་ཏེ། རིན་ཆེན་རིན་ཐང་མེད་པ། རིན་ཐང་ཆེ་བ་ཞེས་པ་ལྟ་བུ། 3.གོང་གཞིའི་གནས་ཚད། རིན་ཐང་འཇལ་བ། རིན་ཐང་མེད་པ། རིན་ཐང་བྲལ་བ། རིན་ཐང་ཚོད་རྩིས། ཁ་དན་ཚིག་གནས་གསེར་ལས་རིན་ཐང་ཆེ། |
| རིན་དངུལ |
རིན་ཐང་དངུལ་འབབ། |
| རིན་པ |
1 གོང་གི་ཚད་གཞི། དངོས་རིན། ཟོག་རིན། རས་ཆའི་རིན་པ། རིན་པ་སྤོར་གཅོག རིན་པ་གཅོད་པ། རིན་པ་སྙོམ་པ། རིན་གྱིས་ཉོ་བ། 2 ཉོ་བྱེད་ཀྱི་དངུལ། ཤ་རིན། ཆང་རིན། འོ་རིན། |
| རིན་པོ་ཆེ |
1གསེར། དངུལ། ཟངས། ལྕགས། རག ཞ་ཉེ་སོགས་བཞུ་ཐུབ་པའི་ལྕགས་རིགས་དང་། གཡུ་བྱི་རུ་སོགས་བཞུ་མི་ཐུབ་པའི་དངོས་རྫས་རིན་ཐང་ཆེ་བ་རྣམས་ཀྱི་སྤྱི་མིང་། 2རྩ་ཆེན་འགངས་ཆེན་ཡིན་པའི་དོན་ཏེ། འབྲུ་རིགས་ནི་རིན་པོ་ཆེ་ལས་ཀྱང་རིན་པོ་ཆེ་ཡིན་ཞེས་པ་ལྟ་བུ། 3 མི་ཆེན་གྱི་ཞེ་ས་སྐུ་རིན་པོ་ཆེ། ཁོང་རིན་པོ་ཆེ་ཞེས་པ་ལྟ་བུ། |
| རིན་པོ་ཆེ་རྒྱལ་ཚ |
ཕག་མོ་གྲུ་པ་རྡོ་རྗེ་རྒྱལ་པོའི་སློབ་མ་ཁྲོ་ཕུ་བཀའ་བརྒྱུད་པའི་གཙོ་བོ་ཞིག་རབ་བྱུང་གཉིས་པའི་ས་ཕོ་ཁྱི་ལ་གཙང་གི་ཤབ་སྨད་དུ་འཁྲུངས། ཞང་པོ་གནུབས་ཀྱི་རྒྱལ་ཕྲན་ཞིག་ཡིན་པས་རྒྱལ་བའི་ཚ་བོར་གྲགས། རབ་བྱུང་གསུམ་པའི་ལྕགས་ཡོས་ལོར་ཁྲོ་ཕུར་ལྷ་ཁང་དང་གྲྭ་ཤག་བཞེངས་ཏེ་སློབ་མ་འདུས་ནས་ཁྲིད་བཏབ། ཤིང་ཡོས་ལོ་ལ་འདས། 11181195 |
| རིན་པོ་ཆེ་ལ་རེག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རྒོད་བག་གི་བསམ་པས་རང་ལ་མི་དབང་བའི་ནོར་དང་མུ་ཏིག་ལ་སོགས་པའི་རིན་པོ་ཆེའམ་རིན་པོ་ཆེའི་མིང་གིས་སྨྲོས་པ་དང༌། དུང་དང༌། རྔ་བོ་ཆེ་དང༌། མཚོན་ཆར་རེག་པའོ། |
| རིན་པོ་ཆེ་ལ་རེག་པའི་སྤང་བ |
སྤང་ལྟུང་སུམ་ཅུའི་ནང་གསེས། ཆགས་སེམས་ཀྱི་སྒོ་ནས་རུང་བ་མ་བྱས་པའི་གསེར་ལ་སོགས་པའི་རིན་པོ་ཆེ་ལ་རེག་གམ་རེག་ཏུ་བཅུག་ནས་བདག་གིར་བྱས་པའོ། |
| རིན་པོ་ཆེ་སྣ་བདུན |
པདྨ་རཱ་ག་དང༌། ཨིནྡྲ་ནིའ་ལ། བཻཌཱུརྻ། མརྒད། རྡོ་རྗེ་ཕ་ལམ། མུ་ཏིག་བྱུ་རུ་བཅས་བདུན། ཡང༌། བཻཌཱུརྻ་དང༌། གསེར། དངུལ། རྡོ་ཤེལ། སྤུག་མུ་ཏིག་དམར་པོ། རྡོའི་སྙིང་པོ་བཅས་བདུན། |
| རིན་པོ་ཆེའི་གདུགས |
བཀྲ་ཤིས་རྟགས་བརྒྱད་ཀྱི་ནང་གསེས་ཤིག |
| རིན་པོ་ཆེའི་རྒྱན་བརྒྱད |
དབུ་རྒྱན་དང༌། སྙན་རྒྱན། མགུལ་རྒྱན། ཕྱག་གདུབ། ཞབས་གདུབ། སྐེད་རགས། དོ་ཤལ། སེ་མོ་དོ་བཅས་བརྒྱད་དོ། |
| རིན་པོ་ཆེའི་རྒྱལ་པོ |
མངོན གཡུ། |
| རིན་པོ་ཆེའི་སྨན |
རིན་གོང་ཆེ་བའི་ནོར་བུའི་རིགས་ཀྱི་སྨན་ཏེ། དེ་ལ་ནང་གསེས་སུ་དབྱེ་ན་མེར་བསྲེགས་པའི་ཚེ་མི་ཞུ་བ་གཡུ་བྱུར་ལྟ་བུ་མི་ཞུ་བའི་ཁམས་ཀྱི་རིགས་དང༌། མེར་བསྲེགས་པའི་ཚེ་ཞུ་བ་གསེར་དངུལ་ལྟ་བུ་ཞུ་བའི་ཁམས་དང་གཉིས་མཆིས། |
| རིན་བྱིན |
རིན་གོང་སྤྲད་པ། |
| རིན་མཉམ་བརྗེ་འཚོང |
ཕན་ཚུན་དྲང་བཞག་གིས་ཚོང་རྒྱག་པ། |
| རིན་ཚད |
གོང་ཐང་གནས་ཚད། རིན་ཚད་འོས་པ། |
| རིན་འབབ |
རིན་གོང་གི་འབོར་ཚད། |
| རིན་འབེབས་པ |
1 རིན་གཅོག་པ། 2 རིན་གོང་རྒྱག་པ། |
| རིན་འབྱུང |
རིན་ཆེན་འབྱུང་ལྡན་ཏེ། རྒྱལ་བ་རིགས་ལྔའི་ཡ་གྱལ་ལྷོའི་དེ་བཞིན་གཤེགས་པ། |
| རིན་སྐྱིན་ཚབ་གསུམ |
ཉོས་རིན། གཡར་སྐྱིན། བོར་ཚབ་གསུམ། རིན་སྐྱིན་ཚབ་གསུམ་མི་དགོས་པ། |
| རིམས་སྨྱོན |
གཉན་ནད་དང་འདོམས་པའི་རིམས་ཤིག |
| རིའི་ཀུ་ཤུ |
ཤིང་ཞིག |
| རིའི་ཉིན་སྲིབ |
རིའི་ལྷོ་བྱང༌། |
| རིའི་དཔུང་པ |
རིའི་དབུས་ལ་ལྟོས་པའི་གཡས་གཡོན་གྱི་ཕྲག་པ། |
| རིའི་ཕར་རྒྱབ |
རིའི་རྒྱབ་ལོགས། |
| རིའི་ཕུར་བུ |
མངོན ས་གཞི། |
| རིའི་ཡོམ་འབོག |
རི་ལ་སྐྱེས་པའི་འདག་རྫས་ཀྱི་ཤིང་བྱེ་བྲག་ཅིག |
| རིའི་རུས་སྦལ |
མངོན རི་ལས་འོང་བའི་ཚོན་རྩི། |
| རིའི་རྒྱལ་པོ |
མངོན རི་རབ། |
| རིའི་རྣ་བ་ཅན |
མངོན ས་གཞི། |
| རིལ |
(རྒྱན་ཚིག) དབྱིབས་ཟླུམ་པོ་རྡོ་རིལ། རྡོ་རིལ་རིལ། གྲུག་རིལ། སྐུད་པ་གྲུག་རིལ་གཅིག གྲུ་གུ་རིལ་མོ་ཞེས་པ་ལྟ་བུ། རིལ་བུ་ཡི་ཚིག་བསྡུས་པ། ０རིལ་མ་ཡི་ཚིག་བསྡུས་པ། |
| རིལ་གཟུགས |
གཟུགས་དབྱིབས་རིལ་པོ། |
| རིལ་གསོག |
ཡུལ རིལ་ཚང༌། |
| རིལ་གྲངས |
གྲངས་ཀ་ཧྲིལ་པོ། |
| རིལ་ཆ |
ཟླ་རྐང་ལ་རིལ་པོ་དང་ཆ་ཤས་ཞེས་གནས་གཉིས་ཡོད་པའི་བསྡུས་ཚིག་གནས་གོང་མ་ཟླ་རྐང་རིལ་པོའི་གྲངས་ཡིན། འོག་མ་ཟླ་རྐང་རིལ་པོ་གཅིག་ཆ་སུམ་སྟོང་བདུན་བརྒྱ་བརྒྱད་ཅུར་ཕྱེ་བའི་ཆ་སུམ་ཅུའི་གྲངས་ཡིན། དེ་ཡང་ཚེས་ཞག་གཅིག་ལ་རྐང་པ་རིལ་པོ་གཅིག་དང༌། རྐང་པ་རིལ་པོ་གཅིག་གི་ཆ་སུམ་སྟོང་བདུན་བརྒྱ་བརྒྱད་ཅུར་ཕྱེ་བའི་ཆ་རེར་ལོངས་སྤྱོད་པའོ། 3780༽30(=)126 27 125༼126 (=)27.55 |
| རིལ་པོ |
1.ཟླ་རྐང་ཡོངས་རྫོགས། 2 1 ཐམས་ཅད་དམ་ཧྲིལ་པོའམ་ཆ་ཚང༌། རིལ་པོ་གཡོགས་པ། རིལ་པོ་འཕྲོག་པ། རིལ་པོ་མིད་པ། 2 ཟླུམ་པོ། ཇ་རིལ། མར་གྲོད་རིལ། |
| རིལ་བ |
1.ཐ་མི་དད་པ ཐུར་དུ་འགྲིལ་ནས་ལྷུང་བ། རྦབ་ཏུ་རིལ་བ། གཡང་ས་ནས་རིལ་གྲབས་བྱས་པ། 2.ཆབ་བླུག་བུམ་པ་ཆུང་ཆུང༌། |
| རིལ་བ་ཆབ་ཚགས་ཅན |
བུམ་པ་ཆུ་ཚགས་ཅན། |
| རིལ་བ་ཆུ་སྙིང་ཅན |
བུམ་པ་ཆུ་བླུག་ཡོད་པ། |
| རིལ་བ་ཞབས་ཚགས་ཅན |
ཞབས་མཐིལ་ནས་ཆུ་ཚགས་ཐུབ་པའི་བུམ་པ། |
| རིལ་བ་སྤྱི་བླུགས |
ཤེཥ དགེ་སློང་ཚོས་ཁ་འཁྲུད་བྱེད་ཆུ་བླུག་སྣོད་བུམ་ཆུང་ཏོག་ཅན་ཞིག་སྟེ་རྗེས་སུ་པང་དུ་འདོགས་རྒྱུའི་ཆབ་བླུགས་ཀྱང་བཟོས་ཡོད། |
| རིལ་བུ |
དབྱིབས་ཟླུམ་པོ་སྲན་ནག་ལྟ་བུའི་རྡོག་པོ་ཆུང་ངུའི་མིང་སྨན་གྱི་རིལ་བུ་ཞེས་པ་ལྟ་བུ། ཚིག་བསྡུས་ན་རིལ་ཞེས་འབྲི་ཆོག་སྨན་རིལ་ཞེས་པ་ལྟ་བུ། |
| རིལ་བུའི་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། བསྒྲུབས་པས་གྲུབ་པའི་རིལ་བུ་ཁར་བཅུག་པས་སུས་ཀྱང་མི་མཐོང་ཞིང༌། གནོད་སྦྱིན་ལྟར་གང་འདོད་པའི་གཟུགས་སུ་སྒྱུར་ནུས་པ། |
| རིལ་བུའི་སྦྱོར་བ |
ཞི་བྱེད་ཀྱི་སྨན་གྱི་ནང་གསེས་ཤིག |
| རིལ་བོ |
(རྒྱན་ཚིག) ཆ་ཤས་ཀུན་ཚང་བའི་དོན་ཏེ། ལུས་རིལ་བོ། ཉིན་རིལ་བོ། ལོ་རིལ་བོ། རིལ་བོ་དང་ཆ་ཤས། ལས་དོན་རིལ་བོ་ཞེས་པ་ལྟ་བུ། |
| རིལ་མ |
ར་ལུག་སོགས་ཀྱི་བྲུན་དབྱིབས་རིལ་མོའི་མིང་ལུག་གི་རིལ་མ། གླ་བའི་རིལ་མ་ཞེས་པ་ལྟ་བུ། ཚིག་བསྡུས་ན་རིལ་ཞེས་འབྲི་ཆོག་རིལ་ལུད། རིལ་སྤུངས་ཞེས་པ་ལྟ་བུ། |
| རིལ་མོ |
ཆ་ཚང་བའམ་ཟླུམ་པོའི་དོན་དུ་གོ་བའི་རིལ་པོ་དང་འདྲ། |
| རིལ་ཚང |
གླ་བ་སོགས་ཀྱིས་རིལ་མ་གཏོང་ཡུལ། དེ་དག་གིས་ནམ་རྒྱུན་དུ་ཡུལ་གཅིག་རང་དུ་རིལ་མ་གཏོང་གི་ཡོད་སྟབས་རྔོན་པས་དེར་གཞིགས་ནས་རྙིའམ་དོང་བཟོས་ཏེ་འཛིན་ཐབས་བྱེད་པ། |
| རིལ་འཛིན |
སྒྲ་གཅན་གྱིས་ཉི་ཟླའི་དཀྱིལ་འཁོར་རིལ་པོ་འཛིན་པ། |
| རིལ་ལེ་ཕྱིན་པ |
རྙིང ཐོགས་རྡུགས་མེད་པར་ཐལ་བྱུང་དུ་ཕྱིན་པ། |
| རིས |
1 རི་མོ། པར་རིས། དཔེ་རིས། ལག་རིས། ཆུ་རིས། ཟླ་རིས། རིས་སུ་བྲིས་པ། ཁྱི་དང་ཝ་མོ་ཁ་རིས་གཅིག 2 ཕྱོགས་དང་སྡེ་ཚན། རིས་མཐུན་པ། ཕྱོགས་རིས་སུ་མ་ལྷུང་བ། རིས་མེད་པ། རིས་སུ་བཅད་པ། རིས་སུ་མ་ཆད་པ། 3 བྲིས་ཞེས་ཟུར་ཆག་བྲིས ཕྱག་རིས། ས་རིས། ཤོག་རིས། |
| རིས་ཁྲ |
རིས་བཀྲ་དང་འདྲ། |
| རིས་ཆད |
1 རིས་སུ་ཆད་པ་སྟེ་ཕྱོགས་སུ་ལྷུང་བ། 2 ཆོས་ཀྱི་སྐལ་པ་མེད་པ། |
| རིས་ཆད་བློ་ཡི་མི་ཁོམ་པ་བརྒྱད |
ཉོན་མོངས་པའི་འཆིང་བ་དམ་པོ་ཡོད་པ་དང༌། ཀུན་སྤྱོད་ཤིན་ཏུ་ངན་པ། འཁོར་བ་ལ་ཡིད་མི་སྐྱོ་བ། དད་པ་ཅུང་ཟད་ཀྱང་མེད་པ། མི་དགེའི་སྡིག་པ་སྤྱོད་པ། ཆོས་ལ་མི་སེམས་པ། སྡོམ་པ་ཉམས་པ། དམ་ཚིག་འཆལ་བ་བཅས་མི་ཁོམ་པ་བརྒྱད་དོ། |
| རིས་བཀྲ |
1 རི་མོ་གསལ་བ། 2 མངོན སྟག |
| རིས་བཤད |
རི་མོའི་འགྲེལ་བཤད། |
| རིས་བྲལ |
ཉེ་རིང་ཕྱོགས་རིས་མེད་པ། |
| རིས་མཐུན་པ |
གང་སེམས་ཅན་རྣམས་ཀྱི་ལུས་འདྲ་བ་མི་དང་ལྷ་དང་དུད་འགྲོ་ལ་སོགས་པ་ལམ་རྒྱུད་ལྔར་སྐྱེས་པ་རྣམས་སོ་སོ་ནང་འདྲ་བའོ། |
| རིས་ཚན |
སྡེ་ཚན། |
| རིས་སུ་བོར་བ |
1 ཕྱོགས་རིས་བྱེད་པའམ་མཐོང་ཆུང༌། ཉེ་རིང་ཆགས་སྡང་གིས་རིས་སུ་བོར་བ། 2 ཡལ་བར་དོར་བ། བསླབ་བྱ་རིས་སུ་མ་བོར་བ། རང་འགན་རིས་སུ་བོར་བ། |
| རུ |
1 1 ཤོག་དང་སྡེ། གཡས་རུ། གཡོན་རུ། རུ་འདྲེན་པ། རུ་སྒྲིག་པ། 2 རྭ་ཅོ། གླང་རུ། ཤྭ་རུ། 2.འ་དང་མཐའ་མེད་ཀྱི་རྗེས་སུ་སྦྱར་རྒྱུའི་ལ་དོན་གྱི་རྐྱེན་ཞིག འ ལ |
| རུ་ཁག |
1 མི་མང་པོའི་ཚོགས་པའམ། སྡེ་ཚན། སྐོར་སྐྱོད་སྨན་བཅོས་རུ་ཁག 2 འབྲོག་པའི་ཚོ་ཁག |
| རུ་གནོན་གཙུག་ལག་ཁང |
བོད་རྗེ་སྲོང་བཙན་སྒམ་པོའི་སྐབས་བོད་ཆགས་ཡུལ་གྱི་ས་དགྲ་སྲིན་མོ་གན་རྐྱལ་དུ་ཉལ་བ་ལྟ་བུའི་ལག་མཐིལ་གཡས་གཡོན་དང༌། རྐང་མཐིལ་གཡས་གཡོན་གྱི་ཁ་གནོན་དུ་བཞེངས་པ་ཁམས་གློང་ཐང་སྒྲོལ་མ། སྤ་གྲོ་སྐྱེ་ཆུ། ཚལ་རིགས་ཤེས་རབ་སྒྲོལ་མ། ཚངས་པ་རླུང་གནོན་ཏེ་ལྷ་ཁང་བཞི། |
| རུ་གུ |
རེའུ་མིང་གཞན། |
| རུ་ང |
1 མི་དགའ་བའམ་སྡང་བ། རུ་ང་ཕྲག་དོག 2 རུ་ངར་པོ་དང་དོན་གཅིག་ |
| རུ་ངར་གད་གཙང |
ལས་ཀ་ཞིབ་ཚགས་འཐུས་ཚང༌། |
| རུ་ངར་ཏན་ཏིག |
ལས་ཀ་སོགས་ཞིབ་ཚགས་ལ་ཏན་ཏན་ཏིག་ཏིག་ཡིན་པ། |
| རུ་ངར་པོ |
1 ཞིབ་ཚགས་པོ། ལས་སྟབས་རུ་ངར་པོ། སློབ་སྦྱོང་རུ་ངར་པོ་བྱེད་པ། 2 ཁོང་ཁྲོ་སྐྱེ་སླ་བ། གཤིས་ཀ་རུ་ངར་མདོག་ཁ་པོ། 3 སེར་སྣ་ཅན། |
| རུ་ངར་ཞིབ་ཚགས |
ཞིབ་དཔྱད་གཙང་མ། བསམ་བློ་རུ་ངར་ཞིབ་ཚགས་སུ་བཏང་བ། སྐད་ཆ་ཤོད་སྐབས་རུ་ངར་ཞིབ་ཚགས་མེད་པ། |
| རུ་ཆེན་ལྔ |
སྲོང་བཙན་སྒམ་པོས་བོད་ཡུལ་གཙང་ལ་གཡས་རུ་དང༌། རུ་ལག་དབུས་ལ་དབུ་རུ་དང༌། གཡོ་རུ། དེ་མིན་རྣམས་ཡན་ལག་གསུམ་པའི་རུ་སྟེ་རུ་ཆེན་ཁག་ལྔར་ཕྱེ་བ་དེ་དག་གི་སྤྱི་མིང་ཡིན་ཞིང༌། སྔ་མ་གཉིས་ལ་བར་དབུས་གཙང་རུ་བཞིའང་ཟེར། |
| རུ་ཐུང |
གྲུ་མོའི་གཞུ་མཆོག་སྣ་ནས་ལག་ངར་ཕྱོགས་སུ་སོར་བཞིར་གཞལ་བའི་གནས་སུ་ཡོད་པའི་གཏར་རྩ་ཞིག་དེ་གཏར་ན་མཆིན་ནད་དང༌། བད་ཀན་སྨུག་པོ་ཚ་བ་རྒྱས་པ་ལ་ཕན། |
| རུ་ཐུར |
རྭ་ཅོ། མགོ་རུ་ཐུར་ཟུག་ཚད་འབྲོང་སེར་མིན། |
| རུ་ཐོག |
རྫོང་ཞིག་བོད་རང་སྐྱོང་ལྗོངས་ཀྱི་ནུབ་བྱང་ངོས་སུ་ཡོད། བྱང་ངོས་ཞིན་ཅང་ཡུ་གུར་རང་སྐྱོང་ལྗོངས་དང་འདབས་འབྲེལ་ཡིན། |
| རུ་དཔོན |
1 སྔར་བོད་ས་གནས་སྲིད་གཞུང་གི་དམག་དཔོན་གྱི་གོ་གནས་ཤིག་དེའི་འོག་ཏུ་དམག་མི་ཉིས་བརྒྱ་དང་ལྔ་བཅུ་ཐམ་པ་ཡོད། དེ་ནི་མདའ་དཔོན་གྱི་འོག་མ་ཡིན། 2 དམག་དཔོན་སྤྱི། |
| རུ་དམག |
1 རུ་སྟར་བསྒྲིགས་པའི་དམག 2 རུ་ཤོག་གི་ཁོངས་སུ་གཏོགས་པའི་དཀྱུས་དམག |
| རུ་དམར |
མི་དང་རྟ་དྲེལ་སོགས་བརྡུངས་ཏེ་བསད་པའི་སྒོ་ཕྱུགས་རྭ་ཅན། |
| རུ་དར |
སྔར་བོད་ཀྱི་ཡུལ་ཚན་ཁག་གི་དམག་སྡེ་སོ་སོའི་དམག་དར་ཚོན་རིས་ཚང་མ་ངེས་པ་ཅན་ཞིག |
| རུ་པ |
དམག་དཔུང༌། |
| རུ་བ |
འབྲོག་པའི་ཐེམ་དུད་དང་ཤོག་ཁག གཞུང་རུ། སྒེར་རུ། གྲྭ་རུ། རུ་བ་སྤོ་བ། རུ་བ་མགོ་ཐོན་ན། རུ་དཔོན་སུས་བྱས་ཁྱད་པར་མེད། |
| རུ་བ་སྐྱས་སྤོ |
འབྲོག་པའི་རུ་ཁག་ས་ཆ་གཅིག་ནས་གཅིག་ཏུ་སྤོས་པ། |
| རུ་བརྒྱ་ལྡིང་གསུམ |
སྔར་བོད་ས་གནས་སྲིད་གཞུང་གི་དམག་དཔོན་གྱི་གོ་གནས་ཤིག |
| རུ་མ |
1 ཞོའི་རུ་རྩི། 2 གྲོ་ཞིབ་ཀྱི་སྐྱུར་རྩི། 3 ཆང་ཕབ། |
| རུ་མཚོན |
1 དམག་གི་དར་ཆ། དཔུང་ཚོགས་ཆེན་པོའི་རུ་མཚོན་གྱིས་ནམ་མཁའ་གང་བ། གཡོ་སྒྱུའི་རུ་མཚོན་འཕྱར་བ། 2 དམག་གི་མཚོན་ཆ། 3 དམག་གི་རུ་དར་དང་མཚོན་ཆའི་བསྡུས་མིང༌། |
| རུ་ཚན |
སྡེ་ཚན། |
| རུ་ཚོགས |
སྡེ་ཚན་ནམ་ཚོགས་པ། |
| རུ་འདྲེན |
དམག་དཔུང་ལ་བཀོད་འདོམས་བྱེད་མཁན་ནམ་དམག་སྣ་འཁྲིད་མཁན། |
| རུ་འདྲེན་པ |
དཔུང་སྣ་འཁྲིད་མཁན་ནམ་དམག་གི་རུ་སྣ་འདྲེན་པ་པོ། |
| རུ་འདྲེན་སྡེ་བཞི |
སྔར་རྒྱལ་པོའི་གཡས་གཡོན་མདུན་རྒྱབ་ཏུ་འགྲོ་བའི་དམག་གི་སྐོར་ཚོའི་ཐོག་མར་འགྲོ་མཁན། |
| རུ་འཛིངས |
1 ལས་ཀ་མང་པོ་མཉམ་དུ་འདོམས་པ། རྐྱེན་ངན་རུ་འཛིངས། 2 དུད་འགྲོ་ཕན་ཚུན་རྭ་ཅོས་འཐབ་པ། |
| རུ་འཛིངས་པ |
མི་མཐུན་པའི་རྐྱེན་མང་བའི་དོན་ཏེ། རྐྱེན་ངན་རུ་འཛིངས་པ་རྣམས་སེལ་ཞེས་པ་ལྟ་བུ། ０རྩྭ་ཆུའི་རྗེས་འབྲངས་ནས་གནས་སྤོར་བའི་འབྲོག་ཁྱིམ་མམ་འབྲོག་སྡེའི་མིང་རུ་བ། རུ་བབས། རུ་འགེལ་ཞེས་པ་ལྟ་བུ། |
| རུ་འཛིན |
དམག་དཔུང་རུ་ཁག་གི་འགོ་གཙོ། ཕར་རྒོལ་དམག་དཔུང་རུ་འཛིན་ལ། གོ་ཆོད་བཙན་ལྷ་དཔའ་བོ་ཡོད། |
| རུ་ཡོང་བཟའ |
སྲོང་བཙན་སྒམ་པོའི་བཙུན་མོའི་གྲས་མི་ཉག་རྒྱལ་པོའི་བུ་མོ་གུང་རི་གུང་བཙན་གྱི་སྐྱེད་མ། འདིས་མིག་མང་ཚལ་གྱི་ལྷ་ཁང་བཞེངས་སོ། |
| རུ་རུ |
1 རི་དྭགས་ཤ་བ་སྟེ་སྒྲ་སྒྲོག་ཀྱང་ཟེར། 2 ཤ་བའི་སྐད་འབྱིན་པའི་སྒྲ། |
| རུ་རྟ |
1 ལེགས ཁ་ལོ་ཡིད་འོང་སྟེ་ཐང་སྨན་གྱི་རིགས་ཤིག་རོ་ཚ་ལ་མངར་ཞིང་ཁ་བ། ཞུ་རྗེས་སྙོམས། ནུས་པས་རླུང་ཁྲག་འཁྲུགས་པའི་ནད་དང༌། ཕོ་བ་སྤོས་པ། གློ་ནད། གག་པ། ཤ་རོ། ཆུ་སྲི། ཟླ་མཚན་འཁྱིལ་བ། བད་ཀན་སྨུག་པོ། གླང་ཐབས་བཅས་ལ་ཕན། མིང་གི་རྣམ་གྲངས་ལ་ཁྱབ་བྱེད་དང༌། དབྱུག་པས་མཚན། སྨིན་ལྡན། འོད་འབར་མ་བཅས་སོ། 2 སྔར་བོད་ཀྱི་ཡུལ་ཚན་སོ་སོའི་རུ་དམག་གིས་བཞོན་པའི་རྟ་སྤུ་མདོག་ངེས་པ་ཅན་ཞིག |
| རུ་རྩི |
ཞོ་ཆང་གི་ཕབ། |
| རུ་ལག |
ལྟེ་བ་བྲད་ཀྱི་དུར་བ་སྣ་ལ་བཞག་ནས་ཤར་འཇམ་ན་བཀྲ་དང༌། ལྷོ་བལ་པོ་གླང་སྣ། ནུབ་ལ་ཀེམ་གཡག་མིག་བྱང་བྱེ་མ་ལ་སྔོན་བཅས་སོ་སོའི་བར་དུ་སོང་བའི་ས་ཡུལ་གྱི་མིང་རྙིང༌། བར་དབུས་གཙང་རུ་བཞིའི་ནང་གསེས་ཤིག |
| རུ་ལས་སྐྱེས |
བོད་རྗེ་དགུ་པ་པུ་དེ་གུང་རྒྱལ་གྱི་བློན་པོ་ཞིག་གི་མིང༌། ཕལ་ཆེར་ཧན་ཤར་མའི་རྒྱལ་རབས་ཀྱི་གོང་མ་ཧྲུན་ཏིས་དང་དུས་མཉམ། བོད་ཀྱི་ལོ་རྒྱུས་ཐོག་བློན་པོ་འདིས་ཤིང་གི་གཤོལ་དང༌། ལྕགས་དང་ཟངས་བཞུ་བ། སྤང་ཐང་ལ་ས་ཞིང་གསར་སྦོལ། ཆུ་ཡུར་བཟོ་བ། ཤིང་གི་ཟམ་པ་འཛུགས་པ། སོལ་བ་སྲེག་པ། ཀོ་བའི་སྤྱིན་བཟོ་བ་བཅས་ཀྱི་ལག་རྩལ་གསར་གཏོད་བྱས་པས། འཕྲུལ་བློན་མཛངས་མི་བདུན་གྱི་ནང་གསེས་ཤིག |
| རུ་ལེབ |
སེམས་ཅན་གྱི་རྭ་ཅོ་ལེབ་ལེབ། |
| རུ་ས |
འབྲོག་པ་སྡོད་པའི་སའམ་གནས། འབྲོག་པའི་རུ་ས། |
| རུ་སྐོར |
1 འབྲོག་དུད་ཁ་ཤས་ཚོགས་པའི་མིང༌། སྤང་ལྗོངས་ཀྱི་རུ་སྐོར། 2 ཡུལ འབྲོག་དུད་ཀྱི་ཁྱིམ་མཚེས། |
| རུ་སྐྱ |
གྲུ་སྒུལ་བྱེད་ཀྱི་གྲུ་ཁེམ་ཀྱི་མིང་། རུས་སྐྱ་ཞེས་བྲིས་པའང་ཡོད། |
| རུ་སྡེ |
གྲོང་སྡེ། དང་དོན་འདྲ། １ལ་ལ་ལྟོས། |
| རུག |
(རྒྱན་ཚིག) རྡོག་པོ་མང་བོ་མཉམ་དུ་འདུས་པའི་རྣམ་པ་མི་མང་གི་མགོ་བོ་ནག་རུག་རུག་བྱེད། ནག་རུག་གེ་འདུག ལོ་ཡག་གི་སྙེ་མ་མགོ་རུག་རུག་བྱེད། བྱིའུ་སྐྱ་རུག་རུག་བྱེད་ལྟ་བུ། |
| རུག་གིས |
(བསྣན་ཚིག) མྱུར་བའི་དོན་ཏེ། མི་མང་རུག་གིས་འདུས་ལྟ་བུ། |
| རུག་གུ་མཚོ |
མཚོ་སྔོན་ཞིང་ཆེན་གྱི་མགོ་ལོག་བོད་རིགས་རང་སྐྱོང་ཁུལ་གྱི་རྨ་སྟོད་རྫོང་ཁོངས་ཀྱི་མཚོ་ཞིག |
| རུག་གེ་བ |
འཛོམས་ལུགས་སམ་ཚང་ཚུལ་ཞིག མི་ཚང་མ་རུག་གེར་ཡོང་བ། གྲོ་ནས་སྲན་གསུམ་རུག་གེ་བར་སྨིན་པས་གཡུལ་ལས་བྲེལ་བ་ཆེན་པོ་བྱུང་བ། ལུག་གུ་མང་པོ་རུག་གེར་ཚང་བ། |
| རུག་པ |
1.ཐ་དད་པ ཕྱིར་བཀྲམ་པ་རྣམས་ཚུར་སྡུད་པ། ས་རུབ་སྐབས་ནོར་ཕྱུགས་རང་གནས་སུ་རུག་པ། 2.སྒོག་པའི་རིགས་ཤིག་རོ་ཚ། ཞུ་རྗེས་དྲོད། ནུས་པས་མཁྲིས་པ་གྲང་མཁྲིས་སེལ། གྲང་འཁྲུ་གཅོད། |
| རུག་པ་དར་བཟང |
སྔོ་ཞིག |
| རུག་འཚོགས |
འདུས་ཏེ་འཚོགས་པའི་དོན། དམག་མི་རུག་འཚོགས། རུག་འཚོགས་ཀྱི་ས་ཆ། རུག་འཚོགས་སྡོད་ཁུལ། |
| རུག་རུག |
མཉམ་དུ་འཛོམས་པ། ཤིང་ལོ་སྐམ་པོ་རུག་རུག་བྱས་པ། དཔེ་ཆ་འཐོར་བ་རྣམས་རུག་རུག་བཟོས་པ། ཁྱིམ་མི་ཚང་མ་རུག་རུག་གིས་སྡོད་པ། |
| རུག་སྒོག |
སྲིབ་སོགས་གསོམ་ནགས་སུ་སྐྱེ་བའི་སྒོག་རིགས་ཤིག |
| རུང |
ཚིག་ཕྱི་མ་དང་མི་མཐུན་པར་སྟོན་པའི་རྒྱན་སྡུད་ཀྱི་སྒྲའི་ཕྲད་རང་དབང་ཅན་ཞིག མི་ཉུང་རུང་ལས་ཕྱོད་ཆེ། རོགས་པ་ཡོད་རུང་མེད་རུང་ང་རང་འགྲོ་རྐྱང་ཡིན། ཁ་ཆེ་རུང་སྣ་ཡི་འོག་ན་ཡོད། ཆུ་ཆེ་རུང་ཟམ་པའི་འོག་ན་ཡོད།…2.ལས་ཚིག་རྗེས་མཐུན་པ)ལས་ཚིག་ད་ལྟ་བའི་མཐར་སྦྱར་ན་འོས་པའམ་ཆོག་པའི་དོན་ཏེ། ཐུན་མོང་གི་རྒྱུ་ནོར་ཆུད་ཟོས་སུ་གཏོང་མི་རུང་། བྱ་ངན་བྱེད་མི་རུང་། ཟས་རུལ་བ་ཟ་མི་རུང་། ཤེལ་དམ་འདི་སྨན་གྱི་སྣོད་དུ་རུང་། ས་བོན་ལས་སུ་རུང་། ག་ལ་རུང་། ཅི་མ་རུང་ལྟ་བུ། (སྦྲེལ་ཚིག) ཚིག་ལ་ལའི་མཐར་སྦྱར་ན་རྒྱན་སྡུད་ཀྱང་ཡང་འང་གསུམ་དང་དོན་འདྲ་རྒྱལ་ཁ་ཐོབ་རུང་ང་རྒྱལ་མ་སྐྱེས། ལོ་ཡག་རུང་འབྲུ་རིགས་གྲོན་ཆུང་བྱེད་དགོས་ལྟ་བུ། |
| རུང་ཁང |
དགེ་འདུན་གྱི་ཟས་ཐམས་ཅད་ཞག་ཏུ་འཇོག་རུང་བའི་ཁང་པ་ཞིག |
| རུང་ཁུས་ཟ་བ |
རྙིང གཏུམ་པོ། |
| རུང་ཆུ |
རབ་བྱུང་གིས་ཟས་ལ་རུང་བ་བྱེད་པའི་ཆུ། |
| རུང་བ |
1.ཐ་མི་དད་པ འགྲིག་པའམ་ཆོག་པ། འཇིགས་སུ་རུང་བ། ལས་སུ་རུང་བ། ཅི་མ་རུང༌། ཤི་རུང་གསོན་རུང༌། ཡོད་ཀྱང་རུང་མེད་ཀྱང་རུང༌། བྱས་རུང་དང་མ་རུང༌། གང་འདོད་ལྟར་བྱེད་མི་རུང༌། 2.ཚུལ་མཐུན་དང༌། ཁ་ན་མ་ཐོ་བ་མེད་པ། རུང་བའི་དངོས་པོ། རུང་བ་མ་ཡིན་པ། རུང་བའི་བྱ་བ། རུང་བ་བྱེད་པ། |
| རུང་བའི་བཟའ་བ་ལྔ |
རབ་ཏུ་བྱུང་བའི་ལོངས་སྤྱོད་རུང་བའི་འབྲས་ཆན་དང༌། ཟན། དག་པའི་ཤ། ཕྱེ། འཁུར་བ་བཅས་ལྔའོ། |
| རུང་བའི་ཚོན་གསུམ |
འདུལ་བ་ལས་བཤད་པའི་བཅས་ལྡན་དགེ་སློང་གིས་གྱོན་དུ་རུང་བའི་གོས་ཀྱི་ཚོན་མདོག་རམ་ལྟ་བུའི་སྔོན་པོ། བཙག་ལྟ་བུའི་དམར་པོ། ཤིང་ཤུན་ལྟ་བུའི་ངུར་སྨྲིག་བཅས་གསུམ་མོ། |
| རུང་མིན་གཞི་བཅུ |
སངས་རྒྱས་ཤཱཀྱ་ཐུབ་པ་མྱ་ངན་ལས་འདས་ནས་ལོ་བརྒྱ་དང་བཅུ་ལོན་ཚེ་ཡངས་པ་ཅན་གྱི་དགེ་སློང་རྣམས་ཀྱིས་སྤྱད་དུ་རུང་བར་འདོད་པའི་ལས་བཅུ་དེ་ཕྱིས་བསྡུ་བ་གཉིས་པའི་སྐབས་སུ་རུང་བ་མ་ཡིན་པར་བཅས་པ་མཛད་པའི་གཞི་བཅུ་ཆོས་མིན་གྱི་ལས་བྱས་ན་མཇུག་ཏུ་ཧུ་ལུ་ཧུ་ལུ་ཞེས་བརྗོད་པ་དང༌། དགེ་འདུན་ལྷག་མ་རྣམས་རྗེས་སུ་ཡི་རང་བྱས་པས་དག་པར་འདོད་པ། ནད་པས་སྲིན་བུ་པད་མའི་འཇིབ་ལུགས་ལྟ་བུས་གཞིབ་ནས་ཆང་བཏུང་རུང་བར་འདོད་པ། ས་གཞི་འདི་ཀུན་གྱིས་སྤྱོད་རུང་བས་སྲོག་ཆགས་ལ་གནོད་པ་མེད་པར་ལག་པས་ས་བརྐོ་རུང་བར་འདོད་པ། ལན་ཚྭ་བཏབ་ན་ཟས་ཀྱི་རོ་འགྱུར་བས་དུས་མིན་གྱི་ཁ་ཟས་ཟ་རུང་བར་འདོད་པ། ཟས་སྤངས་ཟིན་ནས་ལམ་རྒྱང་གྲགས་ཕྱེད་ཙམ་བརྒལ་ནས་སླར་ཡང་ཟ་རུང་བ་དང༌། ཟས་སྤངས་ནས་ལྷག་པོར་བྱེད་མི་དགོས་པར་སླར་སོར་མོ་གཉིས་ཀྱིས་རེག་ནས་ཟ་རུང་བར་འདོད་པ། དུས་རུང་དང་དུས་མ་ཡིན་པར་རུང་བ་གཉིས་བསྲེས་ཏེ་དཀྲུགས་ན་ཕྱི་དྲོར་བཏུང་རུང་བར་འདོད་པ། གདིང་བ་རྙིང་པ་ནས་བདེ་བར་གཤེགས་པའི་མཐོ་གང་ལྷན་མི་དགོས་པར་འདོད་པ། དགེ་ཚུལ་གྱི་མགོ་སྟེང་དུ་ཁྲིའུ་སྟན་དང་བཅས་པའི་སྟེང་མེ་ཏོག་གི་ཕྲེང་བས་བརྒྱན་པའི་ལྷུང་བཟེད་བཞག་གསེར་དངུལ་སོགས་འབུལ་བ་དེར་བླུགས་པ་ཕྱིས་དགེ་སློང་རང་ཉིད་ཀྱིས་རེག་ཆོག་པར་འདོད་པ་རྣམས་སོ། |
| རུད |
བྲུལ་བ་དང་སྙིལ་བའི་བརྡ་རྙིང་། |
| རུད་པ |
ཐ་མི་དད་པ ཉིལ་བ། གངས་རི་རུད་པ། ས་རུད་པ། |
| རུད་རུད་པོ |
གས་པའམ་ཉིལ་བ། གངས་རུད་ས་རུད་བརྒྱབ་པས་འགྲོ་ལམ་རུད་རུད་པོ་ཆགས་པ། |
| རུབ |
(བྱེད་མེད་ལས་ཚིག) <ཀ>སྤྲིན་དང་མུན་པ་སོགས་འཐིབས་ནས་བསྒྲིབས་པའི་དོན་ཏེ། གནམ་རུབ། གནམ་ཐང་རུབ། ས་རུབ་ནས་མུན་པ་འཐིབས་ཞེས་པ་ལྟ་བུ། <ཁ>གས་སྲུབས་སོགས་ཀྱི་བར་དམ་པོར་གྱུར་པའི་དོན་ཏེ། ཤིང་གི་གས་སྲུབས་རུབ། རྨ་ཁ་རུབ་སོང་ལྟ་བུ། <ག>མང་བོ་བྱ་དངོས་གཅིག་གི་ཐོག་ལ་འདུས་པའི་དོན་ཏེ། མེ་ཏོག་ཚལ་དུ་སྦྲང་མ་རུབ། ཚོང་ཁང་སྒོ་ཁར་མི་མང་རུབ། ལས་ཀ་གཅིག་ལ་ལག་མ་རུབ་ཅེས་པ་སོགས་ལྟ་བུ། བོད་ཀྱི་རུས་ཤིག |
| རུབ་ཆས |
འགྲོ་ཆས། |
| རུབ་ཆོས |
འགྲོ་ཆས་གྲ་སྒྲིག |
| རུབ་པ |
1.ཐ་དད་པ རུབས་པ། རུབ་པ། རུབས།། མཉམ་སྡེབ་ཀྱིས་རོགས་བྱེད་པ། ཁ་རུབ། ལག་རུབ། རུབ་སྟེ་འཕྲོག་པ། 2.ཐ་མི་དད་པ རུབས་པ། རུབ་པ།། ཟུམ་པའམ་འཛུམ་པ། མུན་རུབ། ས་རུབ། རྨ་ཁ་རུབ་པ། མེ་ཏོག་ཁ་རུབ་པ། |
| རུབ་བཅོམ |
དགྲ་བོ་སོགས་བསྐོར་ནས་བཅོམ་པ། ཕྱི་ནང་གཉིས་ནས་རུབ་བཅོམ་བྱེད་པ། |
| རུབ་འཛོམས |
ཚང་མ་འཛོམས་པ། ཕྱོགས་བཞི་མཚམས་བརྒྱད་ཀྱི་མི་རྣམས་རུབ་འཛོམས་ཀྱིས་ལྟད་མོ་ལྟ་བར་ཡོང་བ། |
| རུབ་རུབ |
སྡེབ་གཅིག་ཏུ་འཛོམས་པའམ་སྡུད་པའི་ཚུལ་ཞིག རུབ་རུབ་ཏུ་སྤུངས་པ། ཐར་ཐོར་དུ་ལུས་པ་རྣམས་རུབ་རུབ་བཟོ་བ། |
| རུབས |
ཐ་དད་པར་འཇུག་པའི་རུབ་པའི་སྐུལ་ཚིག་ |
| རུབས་པ |
རུབ་པའི་འདས་པ། |
| རུམ |
1.རུམ་པའི་སྐུལ་ཚིག 2 1 མངལ། རུམ་དུ་ཞུགས་པ། གཟུགས་པོ་འཁོར་བས་རུམ་མི་བདེ་བ། 2 ནང་དང་གསེབ། སྤྲིན་རུམ། སྨག་རུམ། 3 ཨམ་ཕྲག དངོས་པོ་རྣམས་རུམ་དུ་འཇུག་པ། མགོ་རུམ་རྒྱག་པ། 4 བཏགས་པའི་གདན། རྒྱ་རུམ། གཙང་རུམ། 5 ཕག |
| རུམ་དུ་འཇུག་པ |
1 ཨམ་ཕྲག་ཏུ་འཇུག་པ། 2 མངལ་དུ་འཇུག་པ། |
| རུམ་པ |
ཐ་དད་པ ཤའི་དྲོད་ལ་སྦྱར་བ། བྱ་མོས་སྒོ་ང་རུམ་ནས་བྱ་ཕྲུག་ལངས་པ། |
| རུམ་པོ |
རྙིང འཁྱོག་པའམ་དཔུང་པ། |
| རུམ་མ |
མངལ་ལྡན་མ། |
| རུའི་ཁལ |
གཏན་ཚིགས་མཁར་རུའི་ཁལ་ཏེ། སྤྱི་ལོའི་དུས་རབས་བཅུ་བདུན་པའི་འགོར་ཀརྨ་བསྟན་སྐྱོང་དབང་པོས་བོད་ཀྱི་འབོ་ཉག་རྣམས་ཀྱི་ཚད་གཞི་གཅིག་གྱུར་བཟོས་ནས་གཏན་ལ་ཕབ་པའི་ཁལ། |
| རུའི་ཕུལ |
མཁར་རུའི་ཕུལ། རུའི་ཁལ་གཅིག་གི་བརྒྱ་དང་ཉི་ཤུ་ཐམ་པའི་ཆ་གཅིག |
| རུའི་བྲེ |
མཁར་རུའི་བྲེ། རུའི་ཁལ་གཅིག་གི་ཉི་ཤུ་ཐམ་པའི་ཆ་གཅིག |
| རུལ |
(བྱེད་མེད་ལས་ཚིག) སྐྱེ་ལྡན་གྱི་དངོས་གཟུགས་ནང་དུ་སྐྱེ་དངོས་ཕྲ་མོ་བྱུང་ནས་ཉམས་པར་གྱུར་པ་རྩི་ཤིང་ས་ནང་དུ་རུལ་ན་ལུད་དུ་འགྱུར་ལྟ་བུ། |
| རུལ་དྲི |
སུངས་དྲི། |
| རུལ་པ |
རུལ་པོ་དང་འདྲ། |
| རུལ་པོ |
འདྲུལ་པོ། ཤ་རུལ་པོ། གྱང་རུལ། ཁང་རུལ། རྩྭ་རུལ་པོ། |
| རུལ་བ |
ཐ་མི་དད་པ འདྲུལ་བ། ཤིང་བཟང་པགས་པའི་འོག་ན་རུལ། འོ་མ་རུལ་བ་འཐུང་མི་ཉན། རྩ་བ་མ་རུལ་ན་ལོ་མ་མི་སྐམ། |
| རུལ་བཟོས |
བསླད་པའམ་རུལ་ལྷད་ཞུགས་པ། |
| རུལ་མྱགས |
རུལ་བའི་འདག་པ་སླ་པོ། |
| རུལ་མྱགས |
རུལ་ནས་ལྡེ་གུ་ལྟ་བུར་གྱུར་པའི་དངོས་རྫས། |
| རུལ་ལད |
སྐྱོན་ཆ། |
| རུལ་སུངས |
རུལ་ནས་དྲི་ངན་བྲོ་བ། (རྒྱན་ཚིག) རུལ་བའི་རྣམ་པ་དང་གཟུགས་ཏེ། ཤ་རུལ་བ། ཤིང་རུལ་ཞེས་པ་ལྟ་བུ། ０སྒྱིད་ལུག་པ་དང་ལ་རྒྱ་ཉམས་པ་སོགས་ཀྱི་དོན་ཏེ། ནང་རུལ། རུལ་མ། རྙིང་རུལ་ཞེས་པ་ལྟ་བུ། |
| རུལ་སྐྱུར |
རུལ་བ་དང་སྐྱུར་བའི་བསྡུས་མིང༌། དབྱར་དུས་བཙོ་ཟན་མགྱོགས་པོར་རུལ་སྐྱུར་དུ་འགྲོ་བ། |
| རུལ་སྐྱོན |
བམ་ཞིང་རུལ་བའི་སྐྱོན། ས་བོན་ཉར་ཚགས་ཡག་པོ་བྱས་ན་རུལ་སྐྱོན་མི་ཡོང༌། |
| རུས |
རུས་པ་མི་ཕྱུགས་སོགས་ཀྱི་ལུས་ཁོག་གི་ལུས་རང་ལྕོགས་ཐུབ་བྱེད་ཀྱི་ཆ་ཤས་ཀྱི་མིང་ཡིན། དཔེར་ན་སྒལ་ཚིགས་ཀྱི་རུས་པ—སྒལ་རུས། རྩིབ་མའི་རུས་པ—རྩིབ་རུས་ཞེས་པ་ལྟ་བུ། |
| རུས་ཀྲང |
ཤ་མེད་རུས་པའམ་ཀེང་རུས། |
| རུས་ཁུ |
1 རུས་པ་བསྐོལ་བའི་ཐང༌། 2 རྙིང རུང་ཁུས་ཟ་བ། |
| རུས་གདོང |
རྐང་ངར་སོགས་ཀྱི་རུས་པའི་ཟུར་གདོང༌། |
| རུས་གཟེབ |
1 རུས་པའི་བར་མཚམས། 2 མངོན པགས་པ། |
| རུས་གསེབ |
རུས་པའི་ནང༌། |
| རུས་གོང |
ཞག་ཚིའི་དྲི་ཙམ་ཡང་མེད་པའི་རུས་པ། |
| རུས་གོང་དུས |
བསྐལ་པ་ཐ་མར་རུས་པ་བསྐོལ་ནས་འཚོ་བའི་དུས། |
| རུས་ཆག |
1 རུས་པ་ཆག་དུམ། 2 ལུས་ཀྱི་རུས་པ་བརྡབས་ཏེ་ཆག་པ། |
| རུས་ཆང |
རུས་པ་སྦངས་པའི་ཆང༌། |
| རུས་ཆེན |
1 རུས་པ་ཆེན་པོ། 2 རིགས་མཐོ་བ། |
| རུས་ཆོད |
རྩ་བ་ཆོད་པ། སྨན་བཏུངས་ཏེ་ནད་ཀྱི་རུས་ཆོད་པ། |
| རུས་ཏྲེམ |
རླུང་ཤས་ཆེ་ཞིང་རུས་པར་ཚ་ཟུག་ཆེ་ལ་འགུལ་མི་ནུས་པའི་གྲུམ་བུ་རུས་ལ་ཞེན་པའི་ནད། |
| རུས་ཐང |
རུས་པ་བཙོས་པའི་ཁུ་བ། |
| རུས་ཐོན་པ |
རྟགས་མཚན་གསལ་པོ་ཐོན་པ། དགྲ་གཉེན་གང་ལའང་ཆགས་སྡང་གི་རུས་ཐོན་པ། |
| རུས་པ |
1 1 ལུས་ཚུགས་བསྲང་བར་བྱེད་ཅིང༌། དོན་སྣོད་རྣམས་སྐྱོབ་པར་བྱེད་པའི་སྲ་འཐས་ཀྱི་རང་བཞིན་ཅན་གྱི་ལུས་ཀྱི་ཆ་ཤས་ཤིག ཤ་རུས། ཀེང་རུས། རུས་པ་མཁྲེགས་པོ། མིང་གི་རྣམ་གྲངས་ལ་ཀེང་རུས་དང༌། གདུང༌། རུས་བུ་བཅས་སོ། 2 ཕའི་རྒྱུད་དམ་རིགས། རུས་པ་མཐོ་དམའ། 2.རྙིང བྲུས་པ། |
| རུས་པ་ཅན |
1 སྙིང་རུས་ཆེན་པོ། 2 ལ་རྒྱ་ཆེན་པོ་དང་ཁ་ཕོ་རུས་ཆེན་པོ། |
| རུས་པ་དཀར་པོ |
1 རུས་མདོག་དཀར་པོ། 2 རིགས་རུས་གཙང་མ། |
| རུས་པ་འཆིང་བྱེད |
མངོན ལུས་ཀྱི་རྩ། |
| རུས་པའི་ཐལ་ཚོམ |
གསང་སྔགས་ཀྱི་རྣལ་འབྱོར་པའི་ལུས་ལ་བཏབ་པའི་མི་རུས་ཀྱི་ཐལ་བའི་རྒྱན་ཆ། |
| རུས་པའི་དྲ་ཕྱེད |
རུས་ཕྲེང་བརྒྱུས་པའི་དྲ་བ་ཕྱེད་པ། |
| རུས་པའི་དྲ་བ |
རུས་ཕྲེང་བརྒྱུས་པའི་དྲ་བ། |
| རུས་པའི་པ་ཊ |
རུས་པ་ལས་བཟོས་པའི་པ་ཊའམ་དཔལ་བེའུ། |
| རུས་པའི་རྒྱན་དྲུག |
མགུལ་རྒྱན་དང༌། གདུ་བུ། རྣ་ཆ། དབུ་རྒྱན། མཆོད་ཕྱིར་ཐོགས། ཐལ་ཆེན་ཏེ་གསང་སྔགས་ཀྱི་རྣལ་འབྱོར་པས་སྤྲས་པའི་རུས་རྒྱན་དྲུག |
| རུས་པའི་རླུང་ཚབས |
རླུང་ཚབས་ཀྱི་རིགས་ཤིག་རུས་པ་ཁོལ་བུ་ན་ཞིང་གྲང་ལ་ཚིགས་པ་དང༌། མཚང་ར་སོགས་ལ་ཚོར་བ་མེད་པར་གྱུར་པའི་རླུང་ཤས་ཆེ་བའི་མོ་ནད་ཅིག |
| རུས་པའི་སྙིང་པོ |
རྐང་མར། |
| རུས་བཀྲ |
མི་ཕྱུགས་ཀྱི་ལུས་ཀྱི་རུས་པའི་ཆགས་ཚུལ་མཚོན་པའི་རི་མོའམ་དཔེ་གཟུགས་ཀྱི་མིང་། |
| རུས་བུ |
རུས་རྡོག་ཆུང་ཆུང༌། |
| རུས་བྱང |
རུས་པ་ལས་བཟོས་པའི་བྱང་བུ། |
| རུས་མགོ་ལྤགས་གཡོགས |
ཤ་ཧ་ཅང་རིད་པའི་དོན། |
| རུས་མིག |
1 རུས་པ་ཀོང་ཀོང༌། 2 རུས་པའི་མཚམས་ཚིགས། རུས་མིག་ཁོལ་བ། |
| རུས་ཚིགས |
རུས་པའི་སྣེ་གཉིས་འབྲེལ་མཚམས། མི་རྒྱུད་དམ་རིགས་རྒྱུད་དེ། རིགས་རུས། རུས་མིང་། རུས་ཆེན་བཞི་ཞེས་པ་ལྟ་བུ། ０སྙིང་སྟོབས་དང་སྤོབས་པ་སོགས་ཀྱི་དོན་ཏེ། མི་སྡུག་རུས་ཅན། མི་སྙིང་རུས་ཅན་ཞེས་པ་ལྟ་བུ། |
| རུས་ཚུགས |
ལུས་ཀྱི་རུས་པའི་དབྱིབས། |
| རུས་ཚོ |
1 ཕ་ཕྱོགས་ཀྱི་གཉེན་ཚན། 2 རྙིང པུས་མོའི་མིང༌། |
| རུས་ཞེན |
དགྲ་གཉེན་དབྱེ་འབྱེད་ཀྱི་ལ་རྒྱ། |
| རུས་ཟོང |
མངོན འགྲོན་བུ། |
| རུས་འཆིང |
མངོན ལུས་ཀྱི་རྩ། |
| རུས་འཕྲེད་ཉལ |
མགོ་རུས་ཤིག་གི་མིང༌། |
| རུས་འབྲས |
རུས་པའི་མདོག་འགྱུར་ཞིང་ཆུ་སེར་དང་རྣག་ཆུའི་ནང་ཁུ་ཚིག་སྲོ་མ་ལྟ་བུ་འབྱུང་བའི་འབྲས་ཀྱི་ནད་རུས་པ་ལ་ཞེན་པ་ཞིག |
| རུས་འཛེར |
རུས་པ་ཆག་འབྱོར་སོགས་ཀྱི་རུས་འབུར། |
| རུས་རིགས |
རུས་རྒྱུད་དམ་རིགས་རྒྱུད། རུས་རིགས་རྒྱུད། རུས་རིགས་འཁེལ་བ། |
| རུས་རིགས་ཉི་ཤུ་རྩ་གསུམ |
ཐོད་པ་དང༌། ལྟག་པ། སྣའི་ཕྲུམ་རུས། སོ། མ་མགལ་ཏེ་མགོ་ལ་ལྔ། སྒལ་ཚིགས་དང༌། བྱ་འདབ། གཞུག་ཏོ། དཔྱི་རུས། སོག་པ། སྒྲོག་རུས། བྲང་རུས། རྩིབ་མ། ལྷ་རུ་རྩེ་ལུས་སྤྱི་ལ་དགུ། དཔུང་རྐང་དང༌། རྗེ་ངར། ལག་མགོའི་རུས་པ་སྟེ་ལག་པ་ལ་གསུམ། བརླ་རྐང་དང༌། ལྷ་ང། རྗེ་ངར། སྲེ་ལོང༌། རྐང་མགོའི་རུས་པ་སྟེ་རྐང་པ་ལ་ལྔ། རྐང་ལག་གཉིས་ཀའི་སེན་མོ་དང་བཅས་ཉི་ཤུ་རྩ་གསུམ་མོ། |
| རུས་རྐང |
1 རུས་པའི་ནང་གི་རྐང་མར། 2 རུས་པའི་རྐང་གླིང༌། |
| རུས་རྐྱང |
ཤ་ཚིལ་མེད་པའི་རུས་པ། |
| རུས་རྒྱན |
སྔགས་ཀྱི་ཡོ་བྱད་རུས་པ་ལས་བྱས་པའི་རྒྱན་ཆ། |
| རུས་རྩ་སྒྱེད་པུ |
པུས་མོ་ནས་གྱེན་དུ་སོར་བཞི་གཞལ་མཚམས་སུ་ཡོད་པའི་རྩ་དཀར་ཞིག |
| རུས་ཤིང |
1 སྲོག་ཤིང༌། 2 རྙིང སྙིང་རུས། |
| རུས་སྐྱ |
གྲུ་སྒུལ་བྱེད་ཀྱི་ཤིང་ཁྱེམ། |
| རུས་སྒྲོམ |
ཤ་མེད་རུས་ཁོག |
| རུས་སྡོར |
གཡག་ལུག་སོགས་ཀྱི་རུས་པའི་ཐུག་སྡོར། |
| རུས་སྦལ |
རྒྱབ་ངོས་དང་ལྟོ་ངོས་གཉིས་ཀར་སྐོགས་ཤུན་ཡོད་ཅིང་། མགོ་རྔ་རྐང་ལག་བཅས་སྐོགས་ཤུན་ནང་ལ་བསྐུམ་ཐུབ་པའི་སྲོག་ཆགས་ཤིག་ཡིན། ལྟོགས་སྐོམ་ལ་བཟོད་བསྲན་ཆེ་ཞིང་། ཚེ་ཐག་ཧ་ཅང་རིང་། སྐོགས་ཤུན་སྨན་བྱེད་ཆོག 2.སྲོག་ཆགས་ཀྱི་སྨན་གྱི་རིགས་རུས་པའི་གོང་བུར་གནས་པའི་སྦལ་པ་ཞིག་ནུས་པས་མཛེ་ནད་དང༌། གཉན་ནད་ལ་ཕན། རུས་སྦལ་ཁོག་པ། ངང་པ་ཡུལ་འཁྱར་མི་དགོས་པ་དང་རུས་སྦལ་སྐམ་ལ་ཐོན་མི་དགོས་པ་བྱུང་ན་ལེགས། རུས་སྦལ་འཁུམས་པ་ལྟར་གྱུར་པ། མིང་གི་རྣམ་གྲངས་ལ་ཁོག་པ་ཅན་དང༌། གློས་འཐུང༌། འགྲམ་རྐྱོང༌། ངན་པའི་ཤུབས་ལྡན། དམ་དུ་འཛིན། བུལ་འགྲོ། ཡན་ལག་ལྔ་པ། ཡན་ལག་ལྔ་སྦས་བཅས་སོ། |
| རུས་སྦལ་གྱི་ཟླ་བ |
རུས་སྦལ་ཅན་དང་དོན་གཅིག་ |
| རུས་སྦལ་ཅན |
སྐར་མ་ས་ག་ཟླ་བ་སྟེ་ཧོར་ཟླ་བཞི་པ། |
| རུས་སྦལ་མ |
རུས་སྦལ་གྱི་དབྱིབས་དང་འདྲ་བའི་སྨན་དན་དའི་རིགས་མདོག་ནག་པོ་ཞིག |
| རུས་སྦལ་ཞབས་ཀྱི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྡོམ་པ་ཡང་དག་པར་བླངས་པ་ལ་བརྟེན་པ་ཉིད་ཀྱིས་རུས་སྦལ་བཞིན་དུ་ཞབས་ཤིན་ཏུ་གནས་པ། |
| རུས་སྦལ་འཁོར་ལོ |
ནག་རྩིས་ལས་འབྱུང་བའི་ས་བདག་གི་འཁོར་ལོ་ཞིག |
| རུས་སྦལ་སྐྱེས་མ |
སྙིང་ཁའི་རྩ་འདབ་ཅིག |
| རུས་སྨྱོ |
རུས་སྟེང་ཤའུ་མཛེར་ཐབས་སྐྱེ་བའི་རྨ་སྐྱོན་རུས་ལ་ཁྱབ་པ་ཞིག |
| རེ |
1.རྐྱང་པ་དང་སྡེ་ཚན་གཅིག་མཚོན་བྱེད་ཅིག ནང་རེ་དགོང་རེ། གཅིག་རེ་གཉིས་རེ། མི་རེ་ངོ་རེ། 2 1 བྱ་བྱེད་ཀྱི་ལས་དང༌། སྐན་ནམ་ཤི་གཉིས་གང་རུང་ཞིག་གི་བར་དུ་སྦྱོར་བའི་དགག་སྒྲ་དང་མཚུངས་པའི་རྣམ་གཅོད་ཀྱི་ཕྲད་ཅིག སྐན ཤི བྱེད་རེ་སྐན། བྱེད་རེ་ཤི། ཡོད་རེ་སྐན། ཡོད་རེ་ཤི། ཡིན་རེ་སྐན། ཡིན་རེ་ཤི། འགྲོ་རེ་སྐན། འགྲོ་རེ་ཤི། 2 མིང་ཚིག་འགའ་ཞིག་གི་བར་དུ་སྦྱར་ནས་ཧ་ཅང་ངམ་ཤིན་ཏུའི་དོན་ཉམས་སྟོན་པའི་སྒྲ་ཞིག རྒོད་རེ་བྲོ། བརྗིད་རེ་ཆེ། འདྲ་རེ་ཆགས། རྒྱ་རེ་ཆེ། རིའི་དཔངས་རེ་མཐོ། སྟོབས་རེ་ཆེ། ལག་རེ་ཡངས། ཐུགས་རེ་བཟང༌། དཔའ་རེ་ཆེ། ཕན་རེ་ཐོགས། གནོད་རེ་འཁྱོལ། འུ་རེ་ཐུག འོ་རེ་བརྒྱལ། ཉམས་རེ་དགའ། བག་རེ་དྲོ། ཤ་རེ་ཚ། ངོ་རེ་ཚ། ཡ་རེ་ང། ངོ་རེ་གནོང༌། 3 བྱ་བྱེད་ཀྱི་ལས་དང་རན་ཞེས་པའི་བར་དུ་སྦྱར་ནས་རན་ཞེས་པའི་དོན་མཚོན་བྱེད་ཅིག རན བྱེད་རེ་རན། ཟ་རེ་རན། སྐམ་རེ་རན། 4 ཨང་གྲངས་དྲུག་ཅུ་དང༌། དེའི་གཅིག་གནས་བར་ལ་སྦྱར་བའི་ཕྲད་ཅིག དྲུག་ཅུ་རེ་དགུ། 2(བྱེད་འབྲེལ་ལས་ཚིག) དོན་བྱ་ཞིག་འགྲུབ་འདོད་པའམ་ལས་དོན་ཞིག་འབྱུང་འདོད་པ་རང་གིས་ངལ་རྩོལ་བྱས་ན། ཟས་གོས་མི་ལ་རེ་མི་དགོས། སྐོམ་པས་ཆུ་ལ་རེ། ལོ་ཡག་བསྐལ་བཟང་འབྱུང་བར་རེ་ལྟ་བུ། (ཚབ་ཚིག)<ཀ>རྐྱང་བའམ་སོ་སོ་བའི་དོན་ཏེ། ཁྱིམ་རེ་ནས་མི་རེ་འོངས། མི་རེའི་ཁ་ནས་གཏམ་རེ་བཤད། ལུག་ཁྱུ་གཅིག་རེ་ལ་ལུག་སུམ་བརྒྱ་རེ་ཡོད་ལྟ་བུ། |
| རེ་ཁ |
ལེགས རི་མོ། བཀྲ་ཤིས་རེ་ཁ། |
| རེ་ཁའི་འདབ |
མངོན ཤིང་སྟག་པ། |
| རེ་ཁེ |
ལེགས མུ་ཁྱུད། |
| རེ་གཅིག |
1 རེ་བ་བཅོལ་རྐྱང༌། 2 དྲུག་ཅུ་རེ་གཅིག |
| རེ་གཉིས |
1 ཁ་ཤས་སམ་འགའ་ཞིག ལོ་རེ་གཉིས། ཡུལ་རེ་གཉིས། 2 དྲུག་ཅུ་རེ་གཉིས། |
| རེ་གནས |
རེ་བ་བྱེད་སའི་ཡུལ། |
| རེ་གུར |
སྦྲ་གུར། |
| རེ་གྲོན |
1 རེ་དོན་སྟོང་ཟད། 2 དོན་མེད་ཀྱི་འགྲོ་སོང༌། རེ་གྲོན་མེད་པ། |
| རེ་ངན |
མ་རུང་བའི་རེ་བ། རེ་ངན་ནང་འཆང༌། རེ་ངན་བྱས་པ། |
| རེ་ཏ |
ཡུལ རེ་ལྡེ་སྟེ་རྩིད་པས་བཟོས་པའི་རེ་བ། |
| རེ་ཐག |
1 རེ་བ། ན་ཚ་དྲག་རྒྱུའི་རེ་ཐག་ཆད་པ། 2 ཡུལ བོད་མདའི་རྫས་ལ་མེ་སྦར་བྱེད་ཀྱི་ཐི་གུ། |
| རེ་ཐག་ཆད |
རེ་བའི་བསམ་པ་དོར་བའི་དོན་ཏེ། དགྲ་དམག་རེ་ཐག་ཆད་ནས་ཕྱོགས་བཞིར་བྲོས་ལྟ་བུ། |
| རེ་ཐགས |
རེ་ལྡེའི་ཐགས་རིས། |
| རེ་དོགས |
རེ་བའང་ཡོད་ལ་དོགས་པའང་ཡོད་པའི་བསམ་པ་ཉིས་འགལ་ཞིག་གི་མིང་རྔོན་པས་རི་དྭགས་རྨས་མ་བདས། ལ་ལ་བདའ་དུས་ཟིན་པར་རེ། ཐུར་ལ་བདའ་དུས་འཆོར་བར་དོགས། རེ་དོགས་ངང་ནས་ལ་ལུང་བརྒལ་ལྟ་བུ། |
| རེ་དོན |
རང་གི་འདོད་པའི་དོན། རེ་དོན་ཞུ་བ། རེ་དོན་ཞུ་ཡིག |
| རེ་ནག |
སྦྲ་གུར་བཟོ་རྒྱུའི་རེ་ལྡེ་ནག་པོ། |
| རེ་ནས་ཙམ |
གཅིག་རེ་ཙམ་མམ་རེ་རེ་ཙམ། བསམ་བཞིན་དུ་གྲུབ་པའི་ལས་ཀ་རེ་ནས་ཙམ། གྲོགས་པོ་རེ་ནས་ཙམ། |
| རེ་ཕད |
རེ་བ་ལས་བཟོས་པའི་ཕད་བུ། |
| རེ་ཕྱར |
རེ་ལྡེ་ལས་བཟོས་པའི་ཕྱར་བ། |
| རེ་ཕྲུག |
རྙིང ཕྲུག་བཟང་པོ། |
| རེ་བ |
1.ཐ་མི་དད་པ འདོད་པ་བྱེད་པ། ཡུན་ནས་ཞལ་མཇལ་དུ་རེ་བ། ཡིད་ལ་རེ། རེ་ངན་ཁོག་བཅངས། ལེགས་པར་བསྒྲུབ་ཐུབ་པར་རེ་བ། གཅིག་ཐོབ་གཉིས་རེ། ལྷ་བཞག་ནས་འདྲེ་ལ་རེ་བ། བུ་ཁྱོད་ལ་དེ་ཙམ་ཞིག་རེ་ཡང་རེ་སྟེ་བྱུང་འདུག 2 1 དམིགས་པའི་ཡུལ་དང༌། བསམ་པའམ་འདུན་པ། རང་གི་འབད་བརྩོན་ལ་རེ་བ་བཅོལ་བ། རེ་བ་མ་ཁེངས་པ། རེ་བ་མི་འདུག ཤིང་སྡོང་སྐམ་པོར་ཤིང་འབྲས་ཀྱི་རེ་བས་ཕུང༌། སོ་ནམ་ཧུར་པོ་མ་བྱས་པར་ལོ་ལེགས་ཀྱི་རེ་བས་ཕོངས། ཆུ་དཀྲོགས་ནས་མར་ཐོན་རྒྱུའི་རེ་བས་བསླུ། 2 གཡག་གི་སྤུ་རྩིད་ལས་བཏགས་པ་ཞིག རེ་ནག རེ་སྦྲ། |
| རེ་བ་རྫོགས་པ |
1 རེ་བ་ལྟར་གྲུབ་པའམ་ཡིད་ཚིམ་པ། 2 རེ་བ་ཆད་པ། |
| རེ་མང |
འདོད་པ་ཆེན་པོའམ་བསམ་རྒྱུ་མང་པོ། |
| རེ་མིག |
རེའུ་མིག་གི་འབྲི་སྲོལ་གཞན། |
| རེ་མོས |
བརྗེ་ལེན། རེ་མོས་བརྗེ་བ། རེ་མོས་བྱས་ནས་ངལ་གསོ་བ། རེ་མོས་བྱས་ནས་འགན་འཁུར་བ། |
| རེ་ཙམ |
གཅིག་ཙམ། སྣ་རེ་ཙམ། |
| རེ་ཞིག |
དུས་ཅུང་ཟད་དམ་གནས་སྐབས། ཁྱོད་རེ་ཞིག་སྡོད་དང་ཁོ་སླེབས་ཡོང༌། རེ་ཞིག་བཞག རེ་ཞིག་དར་སྲོལ་ཆེ་བ། རེ་ཞིག་ལ་སྐད་གྲགས་ཡོངས་སུ་ཁྱབ་པ། མི་གང་ཁྲིམས་ལས་གང་འདས་པ། རེ་ཞིག་རྒྱལ་ཡང་ཕམ་པ་ཡིན། |
| རེ་ཟུང |
རེ་གཉིས་ཙམ་གྱི་དོན། མི་རེ་ཟུང་གིས་བཤད་པར་ཆ་འཇོག་མི་རུང༌། |
| རེ་འཁང |
རེ་བ་མ་གྲུབ་ནས་སྡང་བ་དང་ཁྲོ་བ། |
| རེ་འགའ |
འགའ་ཞིག་གམ་ཁ་ཤས་དང༌། སྐབས་འགའ། དངོས་པོ་རེ་འགའ། མི་རེ་འགའ་ཕྱིན་པ། དུས་རེ་འགར་བྲེལ་བ་ཡོད་པ། |
| རེ་འདུན |
རེ་བ། རེ་དོན་སྟོང་ཟད་དུ་གྱུར་པ། ཐུན་མོང་གི་རེ་འདུན། རེ་འདུན་ཞུ་བ། རེ་འདུན་འདོན་པ། |
| རེ་འདོད |
རེ་བ་དང་འདོད་པ། |
| རེ་འབྱམས |
ཡུལ ཆུར་གནས་ཀྱི་ལྟོ་འགྲོའི་རིགས་ཤིག |
| རེ་འབྲས |
དམིགས་ཡུལ། རེ་འབྲས་ཡོངས་སུ་གང་བ། |
| རེ་འབྲས་དོན་སྨིན |
རེ་བ་ལྟར་གྱི་དོན་དེ་འགྲུབ་པའམ་སོན་པ། |
| རེ་རལ |
ལྡུམ་བུའི་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཤ་དུག་དང༌། སྦྱར་དུག་སོགས་དུག་རིགས་སྡུད་གསོད་བྱེད། མིང་གི་རྣམ་གྲངས་ལ་དུར་མོ་འབྲི་ལྕེ་དང༌། ལྡུམ་བུ། སྤྲེའུ་མཇུག་པ། རྩ་ལག་པ། རྩངས་པ་རལ་གྲི། གཡུ་འབྲུག་འཁྱིལ་པ། ཧང་འབག་ལག་པ་བཅས་སོ། |
| རེ་རེ |
གཅིག་རེའམ་ཆིག་རྐྱང༌། ཐམས་ཅད་དང་རེ་རེ། གོམ་པ་རེ་རེ་སྤོས་ནས་ལམ་བགྲོད་དགོས། རེ་རེ་བཞིན་དུ་ལྟ་བ། |
| རེ་རེ་གཉིས་གཉིས |
གཅིག་རེ་གཉིས་རེ་ཙམ། བསམ་འཆར་རེ་རེ་གཉིས་གཉིས་ཀྱིས་མི་ཚད་པ། |
| རེ་རེ་གཉིས་རེ |
གྲངས་ཀ་ཧ་ཅང་ཉུང་བའི་དོན་ཏེ། མི་མང་ཆེ་བ་ནི་བཟང་བོ་ཡིན། ངན་པ་ནི་རེ་རེ་གཉིས་རེ་ཡིན་ལྟ་བུ། <ཁ>དྲུག་ཅུའི་མཚོན་བྱེད་དེ། རེ་གཅིག……རེ་དགུ་ཞེས་པ་ལྟ་བུ། ０གེ་ལ་ལྟོས། １རེ་བ་ཡི་ཚིག་བསྡུས་པ། ２རེའུ་ཞེས་པ་བསྡུས་ནས་བྲིས་པ། |
| རེ་རྨ |
རྙིང བུད་མེད། |
| རེ་ལྕག་པ |
ཐང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་རུལ་གཅོད། སྐྲན་བཤིག་འབྲས་འདུལ། གཉན་ནད་རྣམས་ཐུར་དུ་བཤལ་བར་བྱེད། མིང་གི་རྣམ་གྲངས་ལ་རྒྱལ་པོ་ལ་ཐོད་ཅན་དང༌། གཏུམ་པོ། དར་ཐོད་ཅན། དུ་དུ་ཤག་བདུད་རྩི་བལ་ཅན། གནམ་གྱི་རལ་ཆེན། བོང་དུག་ནག་པོ། བྷའི་བྱི་ལ། ཡན་ལག་ཁྲག་གཅོད། ར་དུག་རེ་ལྕག་ཤོག་ལྡུམ་པ། ཤོག་ཤིང་པ་བཅས་སོ། |
| རེ་ལྟ |
རྙིང ཡུན་རིང་དང༌། རྣམ་པ་མང་བའམ་ལན་གྲངས་དུ་མ། |
| རེ་ལྟར |
རྙིང ཇི་ཙམ་མམ་ཇི་ལྟར། |
| རེ་ལྟར་ཐོགས་ཀྱང |
རྙིང ཇི་ཙམ་ཐོགས་ཀྱང༌། |
| རེ་ལྟར་ཐོགས་ན |
རྙིང དུས་ཡུན་ཇི་ལྟར་ཐོགས་ནའམ་ཇི་ཙམ་རིང་ན། |
| རེ་ལྟོས |
གཞན་ལ་བློ་གཏད་ནས་རེ་བའི་བསམ་པའི་མིང་གཉའ་གནོན་བཤུ་གཞོག་མྱངས་པའི་མི་རིགས་ཀྱིས། མི་རིགས་བཅིངས་འགྲོལ་ཐོབ་པར་རེ་ལྟོས་འཆའ་ལྟ་བུ། |
| རེ་ལྡེ |
1 རྩིད་པས་བཟོས་པའི་རེ་བ། རེ་ལྡེ་ནག་པོ། རེ་ལྡེའི་གུར། 2 རྙིང སྨྱུག་མའི་ལྷས་མ། |
| རེ་ཤིག |
རེ་ཞིག་དང་འདྲ། |
| རེ་ས |
རེ་བ་བྱེད་ཡུལ་ཏེ། ཞིང་པ་དབུལ་བོས་སྐྱབས་རེ་ས། དུས་ཀྱི་ཆར་ལས་གཞན་སུ་ཞིག |
| རེ་སེམས |
རེ་བ། གཞན་ལ་རེ་སེམས་ནན་པོ་བཅོལ་བ། |
| རེ་སྐན |
(གྲོགས་ཚིག) བྱེད་རྒྱུ་མིན་པ་དང་མི་སྲིད་པ་སོགས་ཐག་བཅད་པའམ་དམ་བཅས་པའི་དོན་ཏེ། ཕྱིན་ཆད་བྱ་ངན་བྱེད་རེ་སྐན། ཡོད་རེ་སྐན། ཐུབ་རེ་སྐན་ལྟ་བུ། |
| རེ་སྐོང |
བསམ་དོན་སྒྲུབ་པ། རེ་སྐོང་ཡིད་བཞིན་ནོར་བུ། |
| རེ་སྐོན |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཁྲག་ངན་སྐེམ། བད་ཀན་སྨུག་པོ་འཇོམས། རྩའི་ཚད་པ་སེལ། ཚ་འཁྲུ་གཅོད། མིང་གི་རྣམ་གྲངས་ལ་རྒྱ་རི་མཐོན་པོ་དང༌། ཕུག་རོན་རྐང༌། རྩི་དམར་རྐང་གཅིག་རྩི་དམར་ཟིལ་པ། རྩི་མིན་རྩིའི་མིང་ཅན། ཟླ་བའི་དུག་བཅས་སོ། |
| རེ་སྒུག |
རེ་བའི་ངང་ནས་སྒུག་པ། ཆར་པར་རེ་སྒུག་བྱེད་མི་དགོས། གཞན་ལ་རེ་སྒུག་ཁོ་ན་མ་བྱེད། ཉིན་མཚན་མེད་པར་རེ་སྒུག་བྱེད། |
| རེ་སྟེས |
རྙིང རེ་ལེགས་སམ་ཧ་ཅང་ལེགས། |
| རེ་སྟོང |
འགྲུབ་ཐབས་མེད་པའི་རེ་བ། རེ་སྟོང་དོར་བ། |
| རེ་སྣམ |
རྩིད་པས་བཏགས་པའི་རེ་བ་དང༌། བལ་གྱི་སྣམ་བུ། |
| རེ་སྨ |
རེ་རྨ་དང་འདྲ། |
| རེ་སྨོན |
རེ་འདོད་ལྟར་ཡོང་བའི་སྨོན་འདུན། |
| རེག |
(བྱེད་འབྲེལ་ལས་ཚིག) ཐད་ཀར་ཐུག་པའི་དོན་ཏེ། ལག་པ་མི་གཙང་བས་མིག་ལ་མ་རེག་ཅེས་པ་ལྟ་བུ། |
| རེག་དུག |
1 ཕོ་མོའི་མཚན་མ་རེག་པའི་ཚེ་གཅིག་ནས་གཅིག་ཏུ་འགོ་བར་བྱེད་པའི་ནད་དུག་ཅིག 2 ལག་པས་ཐུག་རེག་བྱས་པའི་ཚེ་དུག་ཕོག་པ་བསེ་ཤིང་ལྟ་བུ་དུག་དང་ལྡན་པའི་རྫས། |
| རེག་པ |
1.ཐ་དད་པ ཐུག་པ་དང༌། འཐོབ་པ། ལག་པས་རེག་ནས་འཇམ་རྩུབ་ཚོར། ཤིང་གི་ཡལ་ག་མགོ་བོར་རེག་པ། རྐང་པ་སར་མ་རེག་པ། སངས་རྒྱས་ཀྱི་ས་ལ་རེག་པ། 2.ཀུན་འགྲོ་ལྔའི་ཡ་གྱལ་ཞིག་སྟེ་ཡུལ་དབང་སེམས་གསུམ་འདུས་ནས་ཡུལ་ལ་ཕྲད་ཅིང་རང་ཡུལ་དཔྱོད་པར་བྱེད་པའི་ཤེས་པའོ། |
| རེག་པ་གསུམ |
1 རིག་པའི་རེག་པ་སྟེ་ཟག་པ་མེད་པའི་རེག་པ་དང༌། མ་རིག་པའི་རེག་པ་ཞེས་པ་ཉོན་མོངས་པ་ཅན་གྱི་རེག་པ་དང༌། རིག་པ་དང་མ་རིག་པ་གཉིས་ཀ་མ་ཡིན་པའི་རེག་པ་ཞེས་པ་དགེ་བ་ཟག་བཅས་དང་མ་བསྒྲིབས་ལུང་མ་བསྟན་དང་མཚུངས་པར་ལྡན་པའི་རེག་པ་རྣམས་སོ། 2 འབྲས་བུའི་སྒོ་ནས་དབྱེ་བའི་རེག་པ་གསུམ་བདེ་བ་མྱོང་འགྱུར་གྱི་རེག་པ་དང༌། སྡུག་བསྔལ་མྱོང་འགྱུར་གྱི་རེག་པ། བཏང་སྙོམས་མྱོང་འགྱུར་གྱི་རེག་པ་བཅས་གསུམ་མོ། |
| རེག་པ་དཀའ |
མངོན གཟེ་མ་ར་མགོ། |
| རེག་པ་དྲུག |
བདག་རྐྱེན་གྱི་སྒོ་ནས་དབྱེ་ན་དྲུག་ཡོད་དེ། མིག་གི་འདུས་ཏེ་རེག་པ་དང༌། དེ་བཞིན་དུ་རྣ་བའི་འདུས་ཏེ་རེག་པ་དང༌། སྣའི་འདུས་ཏེ་རེག་པ་དང༌། ལྕེའི་འདུས་ཏེ་རེག་པ་དང༌། ལུས་ཀྱི་འདུས་ཏེ་རེག་པ་དང༌། ཡིད་ཀྱི་འདུས་ཏེ་རེག་པ་དང་དྲུག་གོ། |
| རེག་པ་ཟླ་བ |
ཉི་མས་འཁྲིག་ཁྱིམ་སྤྱོད་པའི་ཟླ་བ་སྟེ་ཧོར་ཟླ་ལྔ་པ། |
| རེག་པའི་ཟས |
ཟས་བཞིའི་གྲས་ཤིག་ཆོས་ཀྱི་བཤད་སྲོལ་དུ་ཡིད་འོང་གི་ཡུལ་ལ་རེག་ནས་ལུས་སེམས་འཚོ་བར་བྱེད་ཐུབ་པ་དཔེར་ན་ལྟད་མོ་ལ་མགོ་འཁོར་བས་ལྟོགས་སྣང་མི་ཚོར་བ་ལྟ་བུའོ། |
| རེག་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། ཡུལ་དབང་ཤེས་གསུམ་འདུས་ནས་མིག་གི་འདུས་ཏེ་རེག་པ་སོགས་དྲུག་འབྱུང་བ་ཡུལ་ཡོངས་སུ་གཅོད་པར་བྱེད་པའོ། |
| རེག་པའི་ལྷག་མ |
དགེ་འདུན་ལྷག་མ་བཅུ་གསུམ་གྱི་ནང་གསེས། སེམས་ཅན་ལ་ཆགས་པ་ལས་གྱུར་པའི་ལྷག་མ་ལྔའི་ཡ་གྱལ། ཆགས་པའི་སེམས་ཀྱིས་བུད་མེད་ཀྱི་ཤ་རྗེན་པ་ལ་རེག་པའམ་ལུས་ཀྱི་ཆ་ཤས་འཛིན་པའོ། |
| རེག་བྱ |
ལུས་ཀྱི་དབང་བོའི་སྤྱོད་ཡུལ་དུ་གྱུར་པའི་འཇམ་རྩུབ་ཚ་གྲང་སོགས་ཀྱི་སྤྱི་མིང་ཚ་གྲང་ནི་ལུས་ཀྱི་རེག་བྱ་ཡིན་ཞེས་པ་ལྟ་བུ། |
| རེག་བྱ་ངན |
མངོན གཟེ་མ་ར་མགོ། |
| རེག་བྱ་དྲུག |
འཇམ་པ་དང༌། རྩུབ་པ། ལྕི་བ། ཡང་བ། གྲང་བ། བཀྲེས་སྐོམ་བཅས་དྲུག་གོ། |
| རེག་བྱ་བཅུ་གཅིག |
ས་དང༌། ཆུ། མེ། རླུང༌། འཇམ་པ། རྩུབ་པ། ལྕི་བ། ཡང་བ། གྲང་བ། བཀྲེས་པ། སྐོམ་པ་བཅས་བཅུ་གཅིག་གོ། |
| རེག་བྱའི་སྐྱེ་མཆེད |
ལུས་ཤེས་ཀྱིས་གཟུངས་བྱ། ཚ་བ་དང༌། གྲང་བའི་རེག་བྱ་ལྟ་བུའོ། |
| རེག་བྱེད |
མངོན 1 རླུང༌། 2 རླུང་ལྷ། |
| རེག་མྱོང |
1 ལག་པས་རེག་མྱོང་བ། 2 ལུས་ལ་ཐུག་སྟེ་འཇམ་རྩུབ་ཚོར་བ། |
| རེག་ཚོར་གསུམ |
བདེ་བ་དང༌། སྡུག་བསྔལ། བཏང་སྙོམས་བཅས་གསུམ་འདུས་ཏེ་རེག་ནས་བྱུང་བའི་ཚོར་བ་གསུམ་སྟེ་བདེ་བའི་རེག་ཚོར་དང༌། སྡུག་བསྔལ་གྱི་རེག་ཚོར། བཏང་སྙོམས་ཀྱི་རེག་ཚོར་བཅས་སོ། |
| རེག་ཟིག |
མཐོང་ཐོས་ཀྱི་དོན་བཀོད་པའི་ཐོ་ཡིག་གི་མིང་། |
| རེག་ཟིག་ནེའུ་ལེའི་རྐྱལ་པ |
དུས་རབས་བཅོ་བརྒྱད་པའི་ནང་ཀོང་རོང་སྨན་བླ་དོན་གྲུབ་ཀྱིས་མཛད་པའི་ཁ་འཐོར་སྣ་ཚོགས་དང༌། ཁྱད་པར་དུ་ཕྱི་མ་རྒྱུད་ཀྱི་ལྷན་ཐབས་ཚུལ་དུ་བཀོད་པའི་ཟིན་བྲིས་ཤིག |
| རེག་ཟིན |
རེག་ཟིག་དང་འདྲ། |
| རེག་འཛིན་དབང་མངོན |
རེག་བྱ་འཛིན་པའི་དབང་པོའི་མངོན་སུམ་རང་གི་བདག་རྐྱེན་ལུས་ཀྱི་དབང་པོ་ལས་དངོས་སུ་སྐྱེས་པའི་གཞན་རིག་ཤེས་པ་རྟོག་བྲལ་མ་འཁྲུལ་བ། |
| རེག་འཛིན་ཡིད་མངོན |
རེག་བྱ་འཛིན་པའི་ཡིད་ཀྱི་དབང་པོའི་མངོན་སུམ་རང་གི་བདག་རྐྱེན་རེག་བྱ་འཛིན་པའི་ཡིད་ཀྱི་དབང་པོ་ལས་དངོས་སུ་སྐྱེས་པའི་གཞན་རིག་གི་ཤེས་པ་རྟོག་བྲལ་མ་འཁྲུལ་བ་དེ། རེག་འཛིན་དབང་མངོན་སྐད་ཅིག་ཕྱི་མ་ལྟ་བུ། རང་གི་གཟུང་དོན་གྲོགས་སུ་ཡོད་པའི་དབང་མངོན་གཅིག་གིས་དེ་མ་ཐག་རྐྱེན་བྱས་པ་ལས་བྱུང་བའི་གཞན་རིག་གི་ཤེས་པ་རྟོག་བྲལ་མ་འཁྲུལ་བའི་ཕྱིར། |
| རེག་ལྡན |
མངོན 1 རླུང༌། 2 ཆུ་ལྷ། |
| རེགས |
བྲེག་པའི་བརྡ་རྙིང་མགོའི་སྐྲ་བྲེགས་ཡོད་པའི་མི་ལ་མགོ་རེགས་ཟེར་བ་ལྟ་བུ། |
| རེགས་པ |
བྲེགས་པའི་དོན། མགོ་རེགས། |
| རེང |
བཟའ་ཟླ་མེད་པའི་མི་རྐྱང་ཕོ་རེང་མོ་རེང་ཞེས་པ་ལྟ་བུ། |
| རེང་བ |
ཐ་མི་དད་པ རེངས་པ། རེང་བ།། 1 ཧྲེང་བ་དང་མཁྲང་པོར་འགྱུར་བ། རྐང་ལག་རེངས་ནས་བརྐྱང་བསྐུམ་བྱེད་མི་བདེ་བ། 2 འཁྱགས་ནས་སྲ་བར་འགྱུར་བ། ཆུ་རེངས་ནས་ཆབ་རོམ་ཆགས་པ། མར་ཁུ་རེང་ཡོང༌། |
| རེང་བུ |
དབྱིབས་ནར་མོ་ཅན་གྱི་དངོས་རྫས་རིགས་ཤིག་གི་མིང་སྟེ་སྤྲ་བའི་རེང་བུ། སྤོས་ཀྱི་རེང་བུ། སྨན་གྱི་རེང་བུ་ཞེས་པ་ལྟ་བུ། |
| རེངས |
(རྒྱན་ཚིག) མཉེན་འགུག་བྱེད་དཀའ་བའི་དོན་ཏེ། གྲང་ནས་ལུས་པོ་ཤིང་ལྟར་རེངས་པར་གྱུར་ཅེས་པ་ལྟ་བུ། |
| རེངས་པ |
རེང་བའི་འདས་པ། |
| རེངས་པོ |
མཉེན་འགུག་མེད་པ་ཤིང་རེངས་པོ་དགུག་དཀའ་ལྟ་བུ། ཞེ་གྱོང་བོའི་དོན་ཏེ། དགྲ་བོ་གཉའ་རེངས་པ། སེམས་རྒྱུད་རེངས་པོ་ཞེས་པ་ལྟ་བུ། |
| རེངས་འཁུམས |
རྐང་ལག་སོགས་རེངས་པ་དང་འཁུམས་པ། |
| རེད |
ཡིན་པ་གཏན་འཁེལ་བའི་ཚིག་ཅིག འདི་ཅི་རེད། ཁོ་སྨན་པ་རེད། དེ་མ་རེད། མང་ཉུང་རེད་འདུག |
| རེད |
(ལས་ཚིག་རྗེས་མཐུན་པ)ཐག་ཆོད་པའི་དོན་ལ་འཇུག་ཅིང་། གཙོ་བོར་རང་དང་རང་གི་སྐད་ཆ་བཤད་ཡུལ་ལས་གཞན་པའི་བྱ་དངོས་ཀྱི་མཐར་སྦྱོར་ཏེ། མེ་ཏོག་དེ་དམར་བོ་རེད། ཤིང་འདི་ཙན་དན་རེད། ཐོན་མི་སམ་བྷོ་ཊ་ནི་བོད་ཡིག་སྲོལ་བཏོད་མཁན་རེད། ཁོ་མོ་དགེ་རྒན་རེད་ཅེས་པ་ལྟ་བུ། རྒྱས་པར་ཡིན་ལ་ལྟོས། (གྲོགས་ཚིག) ཚིག་མཐའ་ཙམ་ལ་འཇུག་པ་ནི། ངལ་རྩོལ་ལ་སོང་བ་རེད། ཁོ་རང་ལུག་རྫི་བྱེད་དུ་སོང་བ་རེད། ཟས་ཟོས་ཟིན་པ་རེད་ལྟ་བུ། 2.(བྱེད་མེད་ལས་ཚིག) མཚོན་རྨ་ལ་སྐྱེ་དངོས་ཕྲ་མོ་ཞུགས་ནས་མ་རུང་བར་འགྱུར་དུ་བཅུག་པ་མཚོན་རྨ་རླུང་གིས་རེད་ན་ཨ་སས་དུགས། ཁོང་རྨ་ཟས་ཀྱིས་རེད་ན་ཁོང་སྨན་གཏོང་ཞེས་པ་ལྟ་བུ། |
| རེད་པ |
ཐ་མི་དད་པ 1 རྐྱེན་གཞན་དང་འདྲེས་ནས་མ་རུང་བར་འགྱུར། རྨ་རེད་པ། ཟས་སྐོམ་གྱིས་རེད་པ། སྤྱོད་པ་ངན་པས་རེད་པ། འཇིགས་སྐྲག་གིས་རེད་དེ་བློ་མི་བདེ་བ། 2 འགྲིག་པ་དང༌། འགྲུབ་པ། ད་རེད་པ་འདུག་ཁོ་འཇམ་ཐིང་ངེར་ཉལ་འདུག ད་ཆང་རེད་སོང་འཐུང་གི་མིན། སྔོན་ལ་གྲ་སྒྲིག་མ་བྱས་པས་རེ་མི་འདུག 3 རྙིད་པ་རྩི་ཤིང་སོགས་ཀྱི་བཞའ་རླན་ཕྱེད་ཙམ་སྐམ་ཟིན་ཏེ་གསོན་ཤུགས་ཉམས་པ། ལྕང་མ་རེད་པའི་ཡལ་ག་གུག་ནས་བསྡད་འདུག |
| རེད་མདའ་བ |
ས་སྐྱའི་བླ་མ་ཞིག་སྟེ་མཚན་ལ་གཞོན་ནུ་བློ་གྲོས་ཟེར། རབ་བྱུང་དྲུག་པའི་ས་གླང་ལོར་གཙང་ས་སྐྱ་དགོན་པའི་ཉེ་འདབས་སུ་འཁྲུངས། དབུ་མ་ལ་འཇུག་པ་དང་ཚིག་གསལ་སོགས་ལས་ཐལ་འགྱུར་བའི་ལྟ་བའི་གནད་རྣམས་རིགས་ལམ་ཡང་དག་པས་འདོམས་པར་མཛད་ཅིང་དར་སྤེལ་བཏང༌། ཙོང་ཁ་པ་དང༌། རྒྱལ་ཚབ་དར་མ་རིན་ཆེན། མཁས་གྲུབ་དགེ་ལེགས་དཔལ་བ་སོགས་སློབ་མར་གྱུར། རབ་བྱུང་བདུན་པའི་ཆུ་འབྲུག་ལོར་འདས། |
| རེབ |
བྱ་དངོས་བསྐྱར་ཟློས་བྱས་པའི་རིམ་པའི་མིང་ད་རེབ། རེབ་ཐེངས། རེབ་དང་པོ་ཞེས་པ་ལྟ་བུ། |
| རེབ་ཀོང་དགོན |
གསེར་སྨུག་ལྗོངས་ཀྱང་ཟེར། མདོ་སྨད་ཨ་མདོའི་ས་ཁུལ་དུ་གོས་དཀར་ལྕང་ལོ་ཅན་གྱི་སྔགས་པ་རྙིང་མ་པའི་དགོན་པ་ཞིག |
| རེབ་གཅིག |
ཡུལ 1 སྡེབ་གཅིག་གམ་ལྷན་ཅིག ང་ཚོ་རེབ་གཅིག་ལ་ཡོང་བ་ཡིན། 2 ཐེངས་གཅིག་གམ་ཚར་གཅིག ལྷ་སར་གནས་སྐོར་རེབ་གཅིག་ལས་འགྲོ་མ་མྱོང༌། |
| རེབ་པ |
རྙིང སྐམ་རྙིད། |
| རེམ |
(བྱེད་མེད་ལས་ཚིག) བྱ་སྤྱོད་མྱུར་མོ་བྱེད་པར་སྐུལ་བའི་ཚིག་དཔྱིད་རྨོད་ཀྱི་ལས་ཀ་ལ་རེམ། ཟ་ལ་མ་རེམ་ལས་ལ་རེམ། ཁྱོད་ཀྱིས་རེམ་ཞིག རེམ་རེམ་མགྱོགས་མགྱོགས་ཞེས་པ་ལྟ་བུ། |
| རེམ་པ |
ཐ་དད་པ རེམས་པ། རེམ་པ། རེམས།། 1 རིག་པ་སྒྲིམ་པ། གཟབ་ནན་གྱིས་རེམ་པ། རེམས་ནས་ལངས་པ། 2 འབད་པ། ལེགས་པར་རེམས་ཤིག |
| རེམ་པོ |
ཧུར་པོའམ་འབད་བརྩོན་ཆེན་པོ། ཁྱོད་ལས་རེམ་པོ་རང་ཞིག་འདུག |
| རེམ་རེམ |
ཧུར་བརྩོན་ཆེ་སྐྱེད་དམ་གང་ཐུབ་ཅི་ཐུབ། ཁྱེད་ཀྱིས་བཀའ་མངགས་ཇི་གནང་སྐོར་ངས་རེམ་རེམ་ཞུས་པ་ཡིན། |
| རེམས |
རེམ་པའི་སྐུལ་ཚིག་ |
| རེམས་པ |
རེམ་པའི་འདས་པ། |
| རེའུ |
རའི་ཕྲུ་གུ། རེའུ་ཚར། |
| རེའུ་མིག |
དྲ་མིག་གི་དབྱིབས་ཅན་གྱི་རི་མོའི་མིང་། གྲངས་ཀ་སྣ་ཚོགས་མཚོན་བྱེད་ཀྱི་ཨང་ཀིའི་མིང་། |
| རེའུ་ལུག |
ར་ཕྲུག་དང་ལུག་ཕྲུག་གི་བསྡུས་མིང༌། |
| རེས |
1 རེ་མོས་ཀྱི་བསྡུས་ཚིག འགྲོ་རེས། བརྗེ་རེས། སྡོད་རེས། ཟ་རེས་འགྲམ་པ་དང༌། འགྲོ་རེས་པུས་མོ། 2 རེ་འགའ་ཡི་བསྡུས་ཚིག རེས་འཕེལ་རེས་འགྲིབ། རེས་དགོད་རེས་ངུ། རེས་ཆེ་རེས་ཆུང༌། རེས་ཡོང་རེས་མི་ཡོང༌། |
| རེས་གཅིག |
དུས་གཅིག་གམ་ཐེངས་གཅིག |
| རེས་གཟའ |
1 རེས་འཁོར་གྱི་གཟའ་སྤྱིའི་མིང་སྟེ་གཟའ་ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ་བཅས་བདུན། 2 རེས་གཟའ་ལ་བདུན་ཡོད་པས་གྲངས་བདུན་མཚོན། |
| རེས་མ |
1 རྙིང བུད་མེད། 2 མངོན སྨད་འཚོང་མ། |
| རེས་མའི་གཙོ |
མངོན སྨད་འཚོང་མའི་གཙོ་མོ། |
| རེས་མོ |
ཕན་ཚུན་བརྗེ་རེས། རེས་མོ་བྱས་ནས་བཤད་པ། ངའི་རེས་མོ་བྱས་ཚར་བ། |
| རེས་འགའ |
མཚམས་མཚམས་སམ་སྐབས་རེ། རེས་འགའ་དགའ་ནས་གླུ་དབྱངས་ལེན། རེས་འགའ་སྐྱོ་ནས་ངུ་ལབ་རྒྱག ཆང་ཕོར་ཐོགས་ནས་རེས་འགའ་འགྲུལ་པ་ལ་འདྲེན་ཞིང་རེས་འགའ་རང་གིས་ཀྱང་ལོངས་སྤྱོད། |
| རེས་འགྲོགས་ཟླ་སྐར |
ཟླ་བ་ལ་ཞག་རེ་རེ་མོས་ཀྱིས་འགྲོགས་པའི་སྐར་མ་སྐར་མ་དེའི་སྟེང་ཟླ་བས་སྔ་མའི་ཉིན་ཞག་ལ་སྤྱད་ཟིན་འཆར། དེ་ཡིས་མཁའ་རོར་ཕྲི་བའི་ལྷག་མ་ནི། ནམ་ལངས་ནས་བརྩམས་ཏེ་དེ་ཡུན་སྡོད་ཅིང༌། དེ་ཟད་ཚེ་ཕྱི་མའི་སྐར་སྟེང་སླེབ་བོ། |
| རེས་འཇོག |
སྐབས་རེ་བྱེད་པ་དང༌། སྐབས་རེ་མི་བྱེད་པ། རྨོད་འདེབས་རེས་འཇོག འགྲོ་འོང་རེས་འཇོག |
| རེས་སྟབས |
རེས་མོས་ཀྱི་ཚུལ། |
| རོ |
1 1 ལྕེས་མྱོང་བྱའི་བྲོ་བ། ལྕེ་ལ་བརྟེན་ནས་རོ་ལ་དམིགས་པ། རོ་མངར་མོ། རོ་སྐྱུར་མོ། 2 སྲོག་བྲལ་བའི་ལུས། མི་རོ། རྟ་རོ། མིང་གི་རྣམ་གྲངས་ལ་མཐར་གྱུར་དང༌། དབུགས་བྲལ། སྲོག་བྲལ་ཕུང་པོ་བཅས་སོ། 3 རོ་ལ་མངར་བ་དང༌། སྐྱུར་བ། ཁ་བ། བསྐ་བ། ཚ་བ། ལན་ཚྭ་བ་བཅས་དྲུག་ཡོད་པས་གྲངས་དྲུག་མཚོན། 4 སྙིང་པོ་བཏོན་ཟིན་པའམ་བེད་མེད་དུ་གྱུར་པའི་དངོས་པོ། ཟས་ཀྱི་སྙིགས་རོ། ཁང་པའི་གྱང་རོ། ས་རོ། རྡོ་རོ། 2.ར་མཐར་སྦྱར་རྒྱུ་སླར་བསྡུའི་ཕྲད་ཅིག ར |
| རོ་ཁ་བ |
རོ་དྲུག་གི་གྲས་ཤིག སྨན་བཟང་རོ་ཁ་བས་ནད་ལ་ཕན། གཏམ་བཟང་རྣ་སུན་པོས་སྤྱོད་པར་ཕན། |
| རོ་ཁང |
རོ་འཇོག་སའི་ཁང་བུའམ་བང་སོ། |
| རོ་ཁེབས |
རོ་ལ་གཡོག་པའི་གོས་ཆས། |
| རོ་གཅིག་པ |
1 བྲོ་བ་མཚུངས་པ། 2 དབྱེར་མེད། བདེ་སྟོང་རོ་གཅིག |
| རོ་གནས |
དུར་ཁྲོད། |
| རོ་གཟན |
རོ་གཏུམ་བྱེད་ཀྱི་ཉལ་གཟན། |
| རོ་གོས |
1 མི་ཤི་བའི་རོ་ལས་བཤུས་པའི་གོས། 2 གོས་ཀྱི་དམོད་ཚིག |
| རོ་གྲིབ |
མི་ཤི་བའི་རོ་ལས་བྱུང་བའི་བཙོག་གནོད། |
| རོ་ཉལ |
ཉལ་བའི་དམོད་ཚིག |
| རོ་ཉེ |
1 ཞ་ཉེ། 2 ཞ་ཉེ་དཀར་པོ། |
| རོ་ཏོ |
སྙིགས་མ། ཆང་གི་རོ་ཏོ། སྨན་གྱི་རོ་ཏོ། |
| རོ་ཐག |
1 རོ་འཆིང་བྱེད་ཀྱི་ཐག་པ། 2 ཐག་པའི་དམོད་ཚིག |
| རོ་ཐབ |
རོ་སྲེག་སའི་ཐབ། |
| རོ་ཐོ |
མི་བསད་པའི་སྟོང་དུ་སྤྲོད་རྒྱུའི་ཞིང་ཁར་བཙུགས་པའི་རྡོ་ཕུར། |
| རོ་དྲུག |
མངར་བ་དང་སྐྱུར་བ། ཁ་བ། བསྐ་བ། ཚ་བ། ལན་ཚ་བ་དྲུག་ཡིན། སྲོག་ཆགས་ཤི་བའི་ལུས་ཀྱི་མིང་ཁྱི་རོ། སྤྱང་རོ་ཞེས་པ་ལྟ་བུ། |
| རོ་བཅུད |
བྲོ་བ་དང་བཅུད། རོ་བཅུད་ལྡན་པའི་ཟས་ཀྱིས་གསོ་བ། |
| རོ་བདག |
མི་བསད་པའི་ཕུང་པོའི་བདག་པོ་ཁྱིམ་དང་བཟའ་ཚང་སོགས། མི་ལ་མི་བདག་མེད་ཀྱང་རོ་ལ་རོ་བདག་ཡོད། |
| རོ་བམ་པ |
རོ་རུལ་བ། |
| རོ་བཙའ་བ |
རྙིང 1 ཆགས་པ་རྒོད་པོ། 2 ཁུ་བ་འཕེལ་བར་བྱེད་པ། |
| རོ་བརྒྱ |
བྲོ་བ་ཧ་ཅང་ཞིམ་ཞིང་བཅུད་ཕུན་སུམ་ཚོགས་པ། |
| རོ་བརྒྱ་དང་བརྒྱད |
རོ་སོ་དྲུག་པོ་ལ་ལྕེ་ཤེས་ལ་ཕན་པའི་རོ་དང༌། འཇུ་བར་མངོན་དུ་ཕྱོགས་པའི་ཚེ་ལུས་སེམས་ལ་མི་གནོད་པའི་རོ་དང༌། ཞུ་ཚེ་ལུས་སེམས་ལ་ཕན་པའི་རོ་སྟེ་རེ་རེ་ལ་གསུམ་གསུམ་ཕྱེ་བས་བརྒྱ་དང་བརྒྱད་ཡོད་པ། |
| རོ་བསྐམས |
མྱ་ངམ་ཐང༌། |
| རོ་བུམ |
རོ་འཇོག་སྣོད་ཀྱི་བུམ་པ། |
| རོ་མ |
དངོས་རྫས་ཀྱི་སྙིགས་མའི་མིང་ཇའི་རོ་མ་ཞེས་པ་ལྟ་བུ། ནད་ཀྱི་རིགས་ཤིག་གསོས་ནས་སོས་རྗེས་ཀྱི་ནད་ལྷག་གི་མིང་ནད་ཀྱི་རོ་མ་ཞེས་པ་ལྟ་བུ། ０ཁྲག་རྩའི་རིགས་ཤིག་གི་མིང་། １ཚིག་བསྡུས་ན་རོ་ཞེས་འབྲི་ཆོག་ཇ་རོ། ནད་རོ་ཞེས་པ་ལྟ་བུ། |
| རོ་མངར |
1 བུར་ཤིང༌། 2 བྲོ་བ་མངར་མོ། |
| རོ་མངར་ཤིང |
1 བུར་ཤིང༌། 2 རྒུན་འབྲུམ་ཤིང༌། |
| རོ་མཆོག |
བྲོ་བ་ཕུལ་བྱུང༌། ཟས་ཀྱི་རོ་མཆོག་ལྕེ་ཡིས་མྱོང༌། ཆུ་བོའི་གཏིང་ཚད་ཉ་མོས་རྟོགས། |
| རོ་མི་ཞིམ་པ་རོ་མཆོག་སྣང་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྐྱེ་བོ་ནད་པའི་གཡོག་བྱས་པས་རོ་བྲོ་བའི་མཆོག་སྣང་བ། |
| རོ་མྱགས |
1 རོ་རུལ་ནས་འདམ་བག་ལྟར་ཆགས་པ། 2 འདམ་རྫབ། |
| རོ་མྱགས་འདམ |
ཚ་དམྱལ་གྱི་གནས་ཤིག |
| རོ་མྱང |
མངོན སྦྲང་མ། |
| རོ་མྱོང་བ |
1 བྲོ་བ་ལྟ་བ། 2 མངོན ལྕེ། |
| རོ་ཙ |
བོད་ཀྱི་སྨན་གཞུང་དུ་མའི་ཁམས་ཀྱི་མིང་ལ་རོ་ཙ་ཟེར། གསོ་རིག་ཏུ་འདོད་པ་སྤྱོད་པའི་ནུས་པའི་མིང་རོ་ཙ་གསོ་བའི་སྨན། སྨན་འདིས་རོ་ཙ་གསོ་བར་བྱེད་ལྟ་བུ། |
| རོ་ཙ་གསོ |
རིགས་རྒྱུད་མི་འབྱུང་བ་དང༌། འཁྲིག་པ་སྤྱད་མི་ནུས་པ། ཁུ་སྟོབས་ཉམས་པ་རྣམས་གསོ་བར་བྱ་བའི་དོན། |
| རོ་ཙ་ཉམས |
འཁྲིག་པ་སྤྱོད་མི་ནུས་པ་དང༌། ཁུ་བ་ཉམས་པར་གྱུར་པའི་དོན། |
| རོ་ཙ་འཕེལ |
ཁུ་བ་རྒྱས་ཏེ་འཁྲིག་པ་སྤྱད་རྒྱུའི་ཆགས་པ་འཕེལ་བ། |
| རོ་ཙ་ཡོན་ཏན་རྒྱ་མཚོ |
རབ་བྱུང་བདུན་པའི་ནང་ཟུར་མཁར་མཉམ་ཉིད་རྡོ་རྗེས་མཛད་པའི་ལུས་སྟོབས་སྐྱེད་པ་དང༌། ཁུ་བ་གསོ་བ། འདོད་པ་འཕེལ་བ་སོགས་ཀྱི་ཐབས་སྟོན་པའི་སྨན་གྱི་བསྟན་བཅོས་ཤིག… |
| རོ་ཚོགས |
རོ་ཕུང་ཚོགས་སུ་བྱིན་གྱིས་བརླབས་ནས་བསྔོ་བའི་སྦྱིན་པ་ཞིག |
| རོ་ཞིམ་པ |
བྲོ་བ་ཞིམ་པ། |
| རོ་ཟན |
རོ་ཟས་དང་འདྲ། |
| རོ་ཟས |
1 གཤིན་པོའི་ཤུལ་ཟས། 2 སྲིན་པོ། 3 རོ་ཟ་བའི་བྱ། |
| རོ་འཇམ་པོ |
ཟས་ཀྱི་བྲོ་བ་འཇམ་པོ། |
| རོ་འབྱོར་པ |
རྣལ་འབྱོར་པ་ལ་གཤེ་གཤེ་གཏོང་བའི་སྨོད་ཚིག |
| རོ་འཛིན |
མངོན ལྕེ། |
| རོ་འཛིན་དབང་མངོན |
རོ་འཛིན་པའི་དབང་པའོ་མངོན་སུམ་རང་གི་བདག་རྐྱེན་ལྕེའི་དབང་པོ་ལས་དངོས་སུ་སྐྱེས་པའི་གཞན་རིག་ཤེས་པ་རྟོག་བྲལ་མ་འཁྲུལ་བ། |
| རོ་འཛིན་ཡིད་མངོན |
རོ་འཛིན་པའི་ཡིད་ཀྱི་དབང་པོའི་མངོན་སུམ་རང་གི་བདག་རྐྱེན་རོ་འཛིན་ཡིད་ཀྱི་དབང་པོ་ལས་དངོས་སུ་སྐྱེས་པའི་གཞན་རིག་གི་ཤེས་པ་རྟོག་བྲལ་མ་འཁྲུལ་བ་རོ་འཛིན་དབང་མངོན་སྐད་ཅིག་ཕྱི་མ་ལྟ་བུ། རང་གི་གཟུང་དོན་གྲོགས་སུ་ཡོད་པའི་དབང་མངོན་གཅིག་གིས་དེ་མ་ཐག་རྐྱེན་བྱས་པ་ལས་བྱུང་བའི་གཞན་རིག་གི་ཤེས་པའོ། |
| རོ་འོག་རྨ་ཞི |
མི་ཞིག་བསད་ཚེ་གསོད་པ་པོའི་ལུས་ལ་རྨས་སྐྱོན་ཡོད་ཀྱང་རྩིས་མེད་དུ་གཏོང་བ། |
| རོ་ཡི་གེ་སར |
མངོན ག་བུར། |
| རོ་རས |
རོ་སྒྲིལ་བྱེད་ཀྱི་རས། |
| རོ་རྐྱང |
རྩ་རོ་མ་དང་རྐྱང་མའི་བསྡུས་ཚིག |
| རོ་ལངས |
1 ངག་རྒྱུན་ལ་བཤད་པའི་མི་རོ་སླར་ལངས་པ། 2 སྲོལ་ངན་སོགས་བསྣུབས་རྗེས་སླར་གསོ་བྱེད་པ་སྲོལ་རྙིང་སླར་ལངས་པར་སྔོན་འགོག་བྱེད་དགོས་ལྟ་བུ། ０ལུས་ཕུང་གི་མིང་ལུས་སྟོད་སྨད་ལ། རོ་སྟོད་རོ་སྨད་ཟེར་བ་ལྟ་བུ། １ངོ་བོའམ་རང་བཞིན་གྱི་མིང་རོ་གཅིག་པ། ཆུ་ཀུན་བརླན་ཞིང་གཤེར་བར་རོ་གཅིག་པ་ཡིན་ལྟ་བུ། ２རོ་མ་ཡི་ཚིག་བསྡུས་པ། ３གོ་ལ་ལྟོས། མིའི་རོ་བཀྲ། 1 མགོ། 2 སྐེ། 3 བྲང་ག 4 ལག་པ། 5 མཁྲིག་མ། 6 ལག་མགོ། 7 རྐང་བ། 8 ཕྲག་མགོ། 9 ལྟོ་བ། 10 པུས་མོ། 11 ལུང་བུ། 12 རྐང་མགོ། 13 རྒྱབ། 14 གྲུ་མོ། 15 རྐེད་པ། 16 འཕོངས་ཚོས། 17 བརླ། 18 སྒྱིད་ཁུང་། |
| རོ་ལངས་ཀྱི་གདོན |
གདོན་ཆེན་གྱི་ནང་ཚན་རོ་ལངས་ཞེས་པས་བཏང་བར་གྲགས་པའི་གདོན་ནད་ཅིག་ནད་རྟགས་སུ་གཉིད་ལ་དགའ་བ་དང༌། རྒྱན་འདོགས་པ། ལུས་འདར་བ་བཅས་འབྱུང་བ་ཞིག |
| རོ་ལངས་རྒྱག་པ |
1 ཕུང་པོའི་ནང་དུ་རྐྱེན་ཞུགས་ནས་བསྐྱར་དུ་ལངས་པ། 2 ལམ་ལུགས་རྙིང་པ་སོགས་རྩ་མེད་བཟོས་ནས་སླར་གསོ་བ། |
| རོ་ལས |
གཤིན་འདོན་གྱི་བྱ་བ་རྣམས། |
| རོ་ལས་པ |
རོ་ལས་བྱེད་མཁན། |
| རོ་ལྡན |
1 ཟས་བྲོ་ཞིམ་ནུས་ལྡན། 2 དུར་ཁྲོད། 3 མངོན 1)སྒོག་པ། 2)ལྕེ། 3)ཨ་མྲ། |
| རོ་ལྡན་གནས |
དུར་ཁྲོད། |
| རོ་ལྡན་མ |
མངོན རྒྱ་མཚོའི་མིང༌། |
| རོ་ལྡན་ཤིང |
1 རྒུན་འབྲུམ་ཤིང༌། 2 བུ་རམ་ཤིང༌། |
| རོ་ཤེས |
མངོན ལྕེ། |
| རོ་སོ་དྲུག |
མངར་བའི་མངར་བ། མངར་བའི་སྐྱུར་བ། མངར་བའི་ཁ་བ། མངར་བའི་བསྐ་བ། མངར་བའི་ཚ་བ། མངར་བའི་ལན་ཚ་བ་དྲུག་ཡོད་པ་བཞིན་དུ་ལན་ཚ་བའི་བར་རེ་རེ་ལ་དྲུག་དྲུག་ཕྱེ་བས་སོ་དྲུག་གོ། |
| རོ་སྐོར་ལྕགས་ཀྱི་ཕྲེང་བ |
རབ་བྱུང་བདུན་པའི་མཇུག་ཏུ་ཟུར་མཁར་མཉམ་ཉིད་རྡོ་རྗེས་དྭགས་ཀོང་ཕྱོགས་ཀྱི་སྨན་པ་རྣམས་བསྡུས་ཏེ་བཀའ་བགྲོས་ནས་བརྩམས་པའི་སྨན་གྱི་རོ་ནུས་ཞུ་རྗེས་སོགས་གསལ་བར་འཁོད་པའི་གཞུང་ཞིག |
| རོ་སྐྱུར |
1 བྲོ་བ་སྐྱུར་མོ། 2 རོ་གཡུག་པའི་བྱེད་སྐུལ། |
| རོ་སྒམ |
རོ་འཇོག་སའི་སྒམ། |
| རོ་སྒྲུང |
རོ་ལངས་གསེར་སྒྲུབ་ཀྱི་སྒྲུང་ཞིག་དངོས་གྲུབ་ཅན་གྱི་སྒྲུང་དགོས་འདོད་ཆར་འབེབས་ཞེས་བྱ་ཞིང་སློབ་དཔོན་ཀླུ་སྒྲུབ་དང་རྒྱལ་པོ་བདེ་སྤྱོད་བཟང་པོ་གཉིས་ཀྱིས་མཛད་པའི་མི་རོ་དངོས་སྒྲུབ་ཅན་གྱི་གཏམ་རྒྱུད། རྒྱལ་པོ་བདེ་སྤྱོད་བཟང་པོས་དཀའ་པ་སྤྱད་པའི་མི་རོ་གསེར་འགྱུར་གྱི་ལོ་རྒྱུས་ལེའུ་ཚན་ཉེར་གཅིག་པ། དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་རོ་ལངས་གསེར་འགྱུར་གྱི་ཆོས་སྒྲུང་ལེའུ་ཉི་ཤུ་རྩ་གཅིག་པ་རྣམས་སོ། |
| རོ་སྒྲོམ |
རོ་འཇུག་སའི་སྒམ། |
| རོ་སྙོམ |
མཉམ་ཉིད། |
| རོ་སྙོམ |
སྙན་ངག་གི་ཚིག་གིས་གཞན་ཡིད་འགུག་པའི་ནུས་པའི་མིང་སྙན་ངག་གི་རོ་སྙོམ་ཕུན་སུམ་ཚོགས་པས་གཏམས་པའི་གསུང་རྩོམ་ཞེས་པ་ལྟ་བུ། ངོ་བོ་གཅིག་པའི་དོན་ལའང་འཇུག |
| རོ་སྙོམས་པ |
ནུས་པ་དང་རང་བཞིན་སྙོམས་པ། |
| རོ་སྙོམས་སྐོར་དྲུག |
རྣམ་རྟོག་ལམ་འཁྱེར་དང༌། ཉོན་མོངས་ལམ་འཁྱེར། ན་ཚ་ལམ་འཁྱེར། ལྷ་འདྲེ་ལམ་འཁྱེར། སྡུག་བསྔལ་ལམ་འཁྱེར། འཆི་བ་ལམ་འཁྱེར་བཅས་དྲུག |
| རོ་སྟོད |
ལུས་ཀྱི་སྟོད། |
| རོ་སྟོད་སེང་གེ་འདྲ་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་རྣམ་པ་ཐམས་ཅད་དུ་ཁ་དྲག་གི་ཚིག་གིས་ཁྱད་དུ་མ་བསད་པས་རོ་སྟོད་སེང་གེ་འདྲ་བ། |
| རོ་སྦེད་ས |
དུར་ཁྲོད། |
| རོ་སྨད |
ལུས་ཀྱི་སྨད། |
| རོ་ཧི་ཏ |
ལེགས ཧོར་ཟླ་གཉིས་པ། |
| རོག |
(རྒྱན་ཚིག) <ཀ>གནག་སོགས་ཀྱི་སྦུ་མདོག་ནག་པོའམ་ནག་ཞད་ཆེ་བ་གཡག་རོག་པོ། མཛོ་རོག་རོག་ཅེས་པ་ལྟ་བུ། <ཁ>སྤྲོ་ཉམས་མེད་པའི་རྣམ་པ་ངོ་ནག་རོག་གེ་འདུག་ལྟ་བུ། བོད་ཀྱི་རུས་ཤིག |
| རོག་གེ་བ |
མདོག་ནག་པོའི་མངོན་ཚུལ་ཞིག ཁ་ནག་རོག་གེ་བ། |
| རོག་གོང |
བོད་ཀྱི་རུས་ཤིག |
| རོག་པོ |
དུད་འགྲོ་སྤུ་མདོག་ནག་པོ། གཡག་རོག་པོ། བྱ་རོག ཕོ་རོག ཁ་རོག གླང་རྒན་རོག་པོ། |
| རོག་པོ་འཇོམས་སྐྱེས |
སྔོ་སྨན་གྱི་རིགས་ཤིག་ནུས་པས་གློ་ནད་སེལ་བ་དང༌། མགོ་བོའི་རུས་ཆག་གསོ། |
| རོག་མ |
བྱིས་པ་བཙས་པའི་ཕྲུ་མའམ་བུ་རོགས་ཀྱི་མིང་། |
| རོག་རོག |
ཁ་དོག་ནག་པོའི་མངོན་ཚུལ་ཞིག མཚན་མོར་མི་ནག་རོག་རོག་ཅིག་མཐོང་བ། |
| རོག་སྟོན་དཀོན་ཅོག་སྐྱབས |
རབ་བྱུང་གཉིས་པའི་ནང་མང་མཁར་ཚ་ལུང་དུ་གདུང་རྒྱུད་མིང་ལ་རོག་ཅེས་པའི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་ཐུགས་བརྩོན་ཆེན་པོས་མདོ་རྒྱུད་སོགས་ཐུན་མིན་དང་ཐུན་མོང་གི་རིག་གནས་རྣམས་གསན། ཁྱད་པར་དུ་དབུས་སུ་བྱོན་ནས་གྲྭ་པ་མངོན་ཤེས་ཅན་གྱི་སློབ་མ་དགེ་བཤེས་ཁུ་སྟོན་དབུས་པ་དར་གྲགས་ཀྱི་ཞབས་ལ་གཏུགས་ཏེ་གསོ་བ་རིག་པའི་དཔལ་ལྡན་རྒྱུད་བཞི་རྫོགས་པར་ཞུས། འཕགས་ཡུལ་དུ་ཐེངས་གཅིག་ཕེབས་ནས་ཐམས་ཅད་མཁྱེན་པ་ཤནྟི་པ་ཕྱི་མ་ལས་གསོ་དཔྱད་ཡན་ལག་བརྒྱད་པ་གསན། གཞུང་གི་ས་བཅད་བསྡུས་དོན་རིན་པོ་ཆེའི་དྲ་བ་ཞེས་བརྩམས་པ་བཅས་རང་གི་སློབ་མའི་ཐུ་བོ་གངས་རིའི་ཁྲོད་ཀྱི་སྨན་པའི་རྒྱལ་པོ་གཉིས་པ་གཡུ་ཐོག་གསར་མ་ཡོན་ཏན་མགོན་པོ་ལ་བཀའ་བབས་སོ། |
| རོགས |
1.ཟླ་བོའམ་ཕན་ཆ། རོགས་མེད་གཅིག་པུ། ལས་ཀའི་རོགས་བྱེད་པ། 2 1 བྱ་ཚིག་གི་རྗེས་སུ་སྦྱར་ན་སྐུལ་ཚིག་གི་ནུས་པ་ཐོན་པའི་ཚིག་གྲོགས་ཤིག ཕེབས་རོགས། གཟིགས་རོགས། 2 བྱ་ཚིག་འགའ་ཞིག་གི་རྗེས་སུ་སྦྱར་ན་དེའི་རྒྱུ་ཡིན་པར་སྟོན་པའི་ཚིག་གྲོགས་ཤིག དོན་མེད་ཀྱི་བྱ་བ་ཁོ་ན་བྱས་ན་དཀའ་ལས་ཆེ་རོགས་ལས་གཞན་གང་ཡང་མེད། |
| རོགས་གྲོགས |
ཟུར་དུ་ཕན་འདོགས་པའི་དོན་ཏེ། སློབ་ཕྲུག་ཚོས་ཞིང་པར་རོགས་གྲོགས་བྱས་ལྟ་བུ། |
| རོགས་དངུལ |
རོགས་རམ་གྱི་ཆེད་དུ་སྤྲད་པའི་དངུལ། |
| རོགས་དན |
རོགས་རམ། |
| རོགས་པ |
1 གྲོགས་པོ། 2 ཟླ་བོ། ལག་རོགས། ངན་རོགས། ལམ་རོགས། ཤག་རོགས། 3 རྙིང བྱིས་པ། |
| རོགས་ཟླ |
རོགས་ཡ། |
| རོགས་རམ |
བསམ་པ་དང་དངོས་རྫས་སོགས་ཀྱིས་ཕན་པ་བསྒྲུབས་པའི་བྱ་བའི་མིང་བློ་མཐུན་ཚོས་ང་ལ་རོགས་རམ་བྱས། ཕན་ཚུན་རོགས་རམ་བྱས་ལྟ་བུ། |
| རོགས་རེས |
གཅིག་གིས་གཅིག་ལ་ཕན་ཐོགས་བྱེད་པ། ཕན་ཚུན་རོགས་རེས། |
| རོགས་སྐྱོར |
རོགས་རམ་དང་རྒྱབ་སྐྱོར། |
| རོགས་སྣོན |
གང་ཞིག་གིས་མི་འདང་བར་རྒྱབ་སྐྱོར་དཔུང་སྣོན་བྱེད་པ། |
| རོང |
དམའ་སའི་གཤོངས་ཀྱི་མིང་ས་རོང་། གཅོང་རོང་། རོང་ས་ཞེས་པ་ལྟ་བུ། ཞིང་ལས་ས་ཁུལ་གྱི་མིང་རོང་འབྲོག རོང་མ་འབྲོག རོང་པ་ཞེས་པ་ལྟ་བུ། |
| རོང་ཁུང |
རོང་དོག་པོ། |
| རོང་ཁུལ |
ས་བབ་དམའ་ཞིང་གུ་དོག་པོའི་ཡུལ་ལུང༌། |
| རོང་ངེ |
1 ཙོག་གེའམ་ཟིང་ངེ། པུས་མོ་གཉིས་གྱེན་དུ་རོང་ངེ་བསླངས་ནས་ཉལ་བ། 2 ལོ་ཏོག་སོགས་སྐྱེ་འཚར་ལེགས་པ། སྨྱུག་གླིང་རོང་ངེར་སྐྱེས་པ། |
| རོང་ཆ་ག་པ |
འབུ་ཞིག |
| རོང་ནང |
ས་མིང་ཞིག་བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| རོང་པ |
སོ་ནམ་པའམ་ཞིང་པ། རོང་འབྲོག རོང་མ་འབྲོག |
| རོང་པོ |
བོད་ཀྱི་རུས་ཤིག |
| རོང་བོ་དགུ་ཆུ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག་མཚོ་སྔོན་ཞིང་ཆེན་ཁོངས་རྨ་ལྷོ་བོད་རིགས་རང་སྐྱོང་ཁུལ་གྱི་ཐུང་རེན་རྫོང་དུ་ཡོད། |
| རོང་བོ་རྒྱ་མཁར |
གྲོང་རྡལ་ཞིག་མཚོ་སྔོན་ཞིང་ཆེན་གྱི་ཤར་རྒྱུད་དུ་ཡོད། ད་ལྟ་རྨ་ལྷོ་བོད་རིགས་རང་སྐྱོང་ཁུལ་དང་ཐུང་རེན་རྫོང་མི་དམངས་སྲིད་གཞུང་གནས་ཡུལ་ཡིན། |
| རོང་བོའི་དགོན་ཆེན |
མཚོ་སྔོན་ཞིང་ཆེན་ཐུང་རེན་རྫོང་རེབ་ཀོང་ས་ཁུལ་གྱི་དགོན་པ་ཞིག་ཤར་སྐལ་ལྡན་རྒྱ་མཚོས་རྒྱ་བསྐྱེད་གནང་བའི་དགེ་ལུགས་པའི་དགོན་པ་ཞིག |
| རོང་བྱམས་ཆེན |
གཙང་རོང་གི་ཡུལ་དུ་སྔར་བླ་མ་གཞོན་ནུ་རྒྱལ་མཆོག་གིས་བཞེངས་སྐྲུན་བྱས་པའི་བྱམས་པའི་སྐུ་བརྙན་ཆེན་པོའི་མིང༌། |
| རོང་བྱམས་ཆེན་དགོན་པ |
རབ་བྱུང་དྲུག་པའི་མེ་ལུག་ལོར་རིན་སྤུངས་ནོར་བུ་བཟང་པོས་རིན་སྤུངས་རྫོང་ཁོངས་སུ་བཏབ་པའི་དགོན་པ་ཞིག |
| རོང་བྲག |
རྫོང་ཞིག་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་ཤར་ངོས་དང་རྒྱལ་རོང་རྒྱལ་མོའི་རྔུལ་ཆུའི་སྟོད་རྒྱུད་དུ་ཡོད་པའི་རོང་མིའི་བྲག་འགོ་ཞེས་པ་དེའོ། |
| རོང་མ་འབྲོག |
ཡུལ་མ་འབྲོག་གམ་ས་མ་འབྲོག |
| རོང་ཡུལ |
1 ཚ་བ་ཆེ་བའི་ཡུལ་ལུང་དམའ་ས། 2 ཡུལ་འབྲོག་གཉིས་ཀྱི་ཡུལ་པའི་ས། རོང་འབྲོག་འདྲེས་མ། |
| རོང་རོང |
ཙོག་ཙོག་གམ་ཟིང་ཟིང༌། ཤ་ཁྱིའི་རྣ་བ་རོང་རོང་དུ་ལངས་པ། ཕྲག་པ་རོང་རོང་དུ་སྒྲེང་བ། |
| རོང་རྟ |
རོང་ཡུལ་གྱི་རྟ། |
| རོང་ལོ་ཙཱ་བ་ཆོས་བཟང |
གཙང་གི་ཁུངས་རོང་དུ་འཁྲུངས། ཟུར་པོ་ཆེ་དང་ཧ་ལམ་དུས་མཉམ། པཎྜི་ཏ་སྨྲི་ཏི་དང་མཉམ་དུ་བོད་དུ་འོངས་པའི་པཎྜི་ཏ་ཕྲ་ལ་རིང་བས་གྲོང་འཇུག་བྱས་པས་རོང་པས་ཆོས་མང་པོ་རྡོལ་ཤེས་སུ་བྱུང་སྐད། གང་ལྟར་མདོ་རྒྱུད་དང༌། ཚད་མ། རིག་བྱེད། རིག་གནས་ཕྱི་ནང་ཀུན་ལ་མཁས་པ་ཆེན་པོ་ཞིག་ཡིན་ལ། རྒྱུད་སྡེ་རྩ་འགྲེལ་མང་པོ་བསྒྱུར། རང་ཉིད་ཀྱིས་ཀྱང་གསང་སྔགས་ཀྱི་བསྟན་བཅོས་དང་སྨྲ་སྒོ་མཚོན་ཆའི་འགྲེལ་པ་སོགས་བརྩམས། མདོ་སྒྱུ་སེམས་གསུམ་ཀའི་གསན་པ་དང་ཉམས་བཞེས་གཞན་ལ་ལེགས་འདོམས་ཀྱི་ཕྲིན་ལས་སྤེལ་ཏོ། |
| རོང་ལྕང |
རོང་ཡུལ་གྱི་ལྕང་མ། |
| རོང་ཤར |
ས་མིང་ཞིག་བོད་རང་སྐྱོང་ལྗོངས་ཀྱི་དིང་རི་རྫོང་གི་ལྷོ་རྒྱུད་དུ་ཡོད། |
| རོང་སྐོར |
ཙ་རི་ལ་གནས་སྐོར་དུ་འགྲོ་སྐབས་རྩེ་སྐོར་དང༌། བར་སྐོར། རོང་སྐོར་ཞེས་སྐོར་ལམ་གསུམ་ཡོད་པའི་རོང་སྐོར། |
| རོང་སྐྱེས་ཤང་ཚེ |
སྔོ་ཞིག |
| རོད |
ལུས་ཀྱི་སྟོབས་དང་གཟི་མདངས་ཀྱི་བརྡ་རྙིང་ངམ་ཡུལ་སྐད་དེ། ལུས་མདངས་ཉམས་པ་ལ་རོད་ཉམས་པ་ཟེར་བ་དང་། བཞིན་གྱི་འཛུམ་མདངས་བསྡུས་ནས་ཁྲོ་ཉམས་བསྟན་པ་ལ། ངོ་རོད་རོ་བྱས་ཟེར་བ་ལྟ་བུ། |
| རོད་པ |
རྙིང གོས། |
| རོད་རོད་པོ |
1 རྟབ་རྟབ་པོའམ་བྲེལ་བ་ཚབ་ཚུབ། ཁོ་རོད་རོད་པོར་ཕྱིན་སོང༌། 2 ཉོབ་ཉོབ་པོ། རིག་པ་རོད་རོད་པོ། |
| རོད་ལྕི་བ |
1 གཞི་བབས་ཆེ་བ། ཟུངས་ཟད་ཀྱི་ནད་པ་རོད་ལྕི་བ། 2 ངན་ལང་ཤོར་བ། གཉའ་རེངས་ཀྱི་མི་རོད་ལྕི་བ། |
| རོབ་ཙམ |
རགས་ཙམ་དང༌། ཞིབ་ཆ་མིན་པ། རོབ་ཙམ་མཐོང་བ། |
| རོམ་པོ |
སྦོམ་པོ་ཡི་ཡུལ་སྐད། |
| རོའི་སྐྱེ་མཆེད |
ལྕེ་ཤེས་ཀྱིས་གཟུང་བྱ། ལན་ཚྭའི་རོ་ལྟ་བུའོ། |
| རོལ |
1.རོལ་བའི་སྐུལ་ཚིག 2 1 ཞིང་ཁ་རྨོས་པའི་རྗེས་ཤུལ། ཞིང་རོལ་འཆོས་པ། 2 ཕྱོགས། ཕ་རོལ། ཚུ་རོལ། ནང་རོལ། གཙང་པོའི་ཤར་རོལ། གཡས་གཡོན་རོལ་གཉིས།…3.(བྱེད་འབྲེལ་ལས་ཚིག) <ཀ>དགའ་བར་ལོངས་སྤྱོད་པ་མི་དམངས་ཀྱིས་བདེ་སྐྱིད་ལ་རོལ་བ། མགྲོན་པོ་ཚོས་བཟའ་བཏུང་ལ་རོལ་གྱིན་འདུག་ལྟ་བུ། <ཁ>སྤྲུལ་བ་དང་རྫུ་བའི་དོན་ཏེ། གར་པ་ལྷ་མོའི་རྣམ་པར་རོལ་ནས་གར་འཁྲབ་ལྟ་བུ། <ག>གར་གྱི་ཉམས་སྟོན་པ་གར་སྟབས་ཀྱི་རྣམ་པར་རོལ་བ་ཞེས་པ་ལྟ་བུ། |
| རོལ་ཁ |
རྨོད་སློག་རྒྱག་པའི་ལས་འགོ། དཔྱིད་ཀྱི་རོལ་ཁ་ཚུགས་པ། རོལ་ཁ་གཏོང་བ། |
| རོལ་གནས |
1 ཟློས་གར་དང་རྩེད་མོ་རྩེ་ཡུལ། 2 སྤྲོ་སྐྱིད་གཏོང་སའི་སྐྱེད་ཚལ། 3 མངོན ནམ་མཁའ། |
| རོལ་གར |
རོལ་མོ་དང་ཞབས་བྲོ། |
| རོལ་ཆ |
རོལ་མོའི་སྒྲ་འབྱིན་ཞིང་རོལ་དབྱངས་ལ་ཉེར་མཁོའི་ཡོ་བྱད་ཀྱི་མིང་དཔེར་ན་པི་ཝང་དང་། གླིང་བུ། རྔ་སྦུབ་སོགས་ལྟ་བུ། |
| རོལ་ཆས |
རོལ་མོའི་ཡོ་བྱད། |
| རོལ་ཆས་རྐྱང་དཀྲོལ |
མི་གཅིག་པུ་ཞིག་གིས་རོལ་ཆ་སྣ་གཅིག་རྡུང་དཀྲོལ་བྱེད་པ། |
| རོལ་པ |
1 བཀོད་པ། གཟུགས་དབྱིབས་ཀྱི་རོལ་པ། 2 སྤྲུལ་པ། དེ་སངས་རྒྱས་ཀྱི་རོལ་པ་ཡིན། ལྷའི་རོལ་པ། རོལ་པ་བཀོད་པ། |
| རོལ་པའི་ནགས |
1 བཙུན་མོའི་སྐྱེད་ཚལ། 2 སྐྱེད་མོས་ཚལ། |
| རོལ་པའི་རྡོ་རྗེ |
ཀྱེ་རྡོ་རྗེ། |
| རོལ་པའི་ས |
མངོན མཐོ་རིས། |
| རོལ་པོ |
རྡོ་མཆིང་བུ། |
| རོལ་བ |
ཐ་དད་པ 1 ལོངས་སུ་སྤྱོད་པ། བདེ་སྐྱིད་ལ་རོལ་བ། དགའ་བར་རོལ་བ། 2 ཟ་བ། རོ་བརྒྱ་རོལ་བ། ཤ་ཆང་ལ་མི་རོལ་བ། སྟོན་མོར་རོལ་བ། ཚོགས་རོལ་བ། 3 རྩེ་བ་དང༌། བཞད་པ། རྒྱ་ཆེར་རོལ་བ། རྩེད་འཇོར་རོལ་བ། པད་མོར་རོལ་བ། འཁོར་བར་རོལ་ནས་བྱང་སེམས་ཀྱི་སྤྱོད་པར་སློབ་པ། འཇིག་རྟེན་དུ་རོལ་བ། 4 སྤྲུལ་པ། རྫུ་འཕྲུལ་རོལ་བ། མིའི་གཟུགས་སུ་རོལ་བ། |
| རོལ་མཚོ |
ཡན་ལག་བརྒྱད་ལྡན་གྱི་ཆུས་གང་བས་ཀླུའི་རྒྱལ་པོ་རྣམས་རྩེ་ཞིང་རོལ་བའམ་སྤྱོད་པའི་མཚོ་རི་རབ་ཀྱི་མཐའ་སྐོར་གྱི་གསེར་གྱི་རི་བདུན་དང་སྤེལ་ནས་ཡོད་པར་གྲགས་པའི་མཚོ་དྲུག་གོ། |
| རོལ་མཚོ་བདུན |
ཚྭའི་མཚོ་དང༌། ཆང་གི་མཚོ། ཆུའི་མཚོ། འོ་མའི་མཚོ། ཞོའི་མཚོ། མར་གྱི་མཚོ། སྦྲང་རྩིའི་མཚོ་དུས་འཁོར་ལུགས་ནས་བཤད་པ་ལྟར་རི་རབ་ཀྱི་འཁོར་ཡུག་ཏུ་བསྐོར་བའི་མཚོ་བདུན་ནོ། |
| རོལ་མོ |
རོལ་ཆ་འབུད་རྡུང་དཀྲོལ་གསུམ་བྱས་པའི་སྒྲའམ་དེ་དང་སྦྲགས་པའི་དབྱངས་ཀྱིས་མི་རྣམས་ཀྱི་བསམ་པའི་སྣང་བ་དང་འཚོ་བ་མཚོན་པའི་སྒྱུ་རྩལ་གྱི་རྣམ་པ་ཞིག་གི་མིང་། རོལ་ཆའི་མིང་ལ་རོལ་མོ་ཟེར་སྐབས་ཀྱང་ཡོད་དེ། རོལ་མོ་འབུད་རྡུང་ཞེས་པ་ལྟ་བུ། ཚིག་བསྡུས་ན་རོལ་ཞེས་འབྲི་ཆོག་གླུ་དང་རོལ་མོ་ལ་གླུ་རོལ་ཟེར་བ་ལྟ་བུ། |
| རོལ་མོ་བ |
རོལ་མོ་མཁན་དང་འདྲ། |
| རོལ་མོ་མཁན |
1 རོལ་ཆ་དཀྲོག་མཁན། 2 རོལ་ཆ་བཟོ་མཁན། |
| རོལ་མོའི་གནས |
གླུ་གར་རོལ་མོའི་བྱ་བ་བྱེད་ས། |
| རོལ་མོའི་དཔོང་ས |
རྙིང རོལ་མོ་བསླབ་པའི་གནས། |
| རོལ་མོའི་སྒྱུ་རྩལ་བཅོ་བརྒྱད |
སྒྱུ་རྩལ་དྲུག་ཅུ་རེ་བཞིའི་ནང་གསེས་ཀྱི་རིགས་ཤིག་གར་དང༌། བྲོ། རྔ་བོ་ཆེ། རྫ་རྔ། རྔ་ཕྲན། རྔ་ཆེན་པོ། འཁར་རྔ། པི་ཝང་རྒྱུད་གཅིག་པ། རྫ་རྔ་གཅིག་པ། ལྕགས་ཀྱི་སིལ་ཁྲོལ། འཁར་བའི་སིལ་ཁྲོལ། པི་ཝང་རྒྱུད་གསུམ་པ། རྔ་མུ་ཀུནྡ། སིལ་སྙན་གླུ་དབྱངས་དང་བསྟུན་པ། ཕེག་རྡོབ། རོལ་མོའི་སྒྲ། པི་ཝང༌། གླིང་བུ་དང་བཅོ་བརྒྱད་དོ། |
| རོལ་མོའི་སྡེ |
རོལ་ཆ་སྣ་ཚོགས་དཀྲོལ་མཁན་གྱི་ཚོགས་པ། |
| རོལ་འགྲོ |
མངོན གཟའ་མིག་དམར། |
| རོལ་འགྲོས |
རོལ་མོའི་གདངས་དང་བསྟུན་པའི་གར་གྱི་གོམ་སྟབས། |
| རོལ་འདེབས |
རོལ་སོན་འདེབས་པའི་བསྡུས་མིང༌། |
| རོལ་རིས |
ཞིང་ག་རྨོས་པའི་རོལ་ཤུལ། |
| རོལ་རྙེད |
རྩེད་མོ། |
| རོལ་རྩེད |
བྲོ་གར་དང་གླུ་དབྱངས་ལ་སོགས་པའི་རྩེད་མོའི་མིང་། ས་ཕྱོགས་ཀྱི་མིང་རྨ་ཆུའི་ཕ་རོལ། འབྲི་ཆུའི་ཚུ་རོལ། ཁང་བའི་ཕྱི་རོལ་ཞེས་པ་ལྟ་བུ། ０ཐོང་གཤོལ་གྱིས་ཞིང་རྨོས་པའི་ཤུལ་གྱི་མིང་ཡུལ་སྐད་དུ་སྲོལ་ཟེར། １ཕྱི་རྗེས་ཀྱི་མིང་རྔོན་པས་ཤ་ཁྱི་རོལ་དུ་ཁྲིད་ཅེས་པ་ལྟ་བུ། ２རོལ་ཆ་ཞེས་པའི་ཚིག་བསྡུས་པ། ３རོལ་མོ་ལ་ལྟོས། |
| རོལ་རྩེད་མ |
1 ཟློས་གར་འཁྲབ་མཁན་བུ་མོ། 2 སྨད་འཚོང་མ། |
| རོལ་སོན་འདེབས་པ |
རྨོན་པ་བརྒྱབ་པའི་རོལ་ཤུལ་དུ་ས་བོན་འདེབས་པ། |
| རོལ་སྒལ |
ཞིང་རྨོས་པའི་རོལ་བར་གྱི་ས་འབུར། |
| རོལ་སྒེག |
ལུས་ཀྱི་སྒེག་པའི་ཉམས། |
| རོལ་སྒེག་མ |
1 གར་མཁན་མ། 2 མཆོར་སྒེག་མ། |
| རྐ |
མིས་བཟོས་པའི་ཆུ་འདྲེན་སའི་མིང་ཆུ་རྐ། རྐ་ཆེན། ཨོལ་རྐ་(རྐ་ཆེན་ལས་གྱེས་པའི་རྐ་ཆུང་གི་མིང)རྐ་ཕྲན་ཞེས་པ་ལྟ་བུ། |
| རྐ་ཆུ |
ཡུར་བའི་ནང་དུ་འགྲོ་བའི་ཆུ། |
| རྐ་དེབ |
རྐ་ཆུ་འདྲེན་ཐོ་ཆུ་རྐ་བཟོ་མཁན་གྱི་མི་གཏོང་སྟངས་དང༌། ཆུ་བགོ་བཤའ་རྒྱག་སྟངས་སོགས་འཁོད་པའི་ཐོ། |
| རྐ་མགོ |
ཆུ་འདྲེན་སའི་ཡུར་བའི་མགོ། ཆུའི་རྐ་མགོ་གཙང་པོ་ལ་ཐུག་ཡོད། |
| རྐ་ཙམ |
རྙིང སྐད་ཅིག་ཙམ་མམ་སྐ་ཅིག་ཙམ། |
| རྐ་ཞིང |
ཆུ་རྐ་དང་ལྡན་པའི་ཞིང༌། |
| རྐ་འབའ་སུམ་མདོ |
ས་མིང་ཞིག་ད་ལྟ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གྱི་ཁོངས་ཐུང་ཏེ་རྫོང་མི་དམངས་སྲིད་གཞུང་གནས་ཡུལ་ཡིན། |
| རྐ་རུ་ལྷུང་པ |
རྙིང ལུས་ཟུངས་ཟད་པ། |
| རྐང |
1 རུས་པའི་ནང་གི་རྐང་མར། 2 རྩ་བ་དང་རང་བཞིན་ནམ་སྤུས་ཀ། ལས་འགན་གྱི་རྐང་འཁྲིས་པ། གོ་སྐབས་རྐང་ནས་མེད། མི་རྐང་ངན་པ། རས་རྐང་ལེགས་པ། 3 ཆ་ཤས། ཚོང་རྐང༌། སྐར་རྐང༌། 4 སྔར་བོད་ས་གནས་སུ་ཁྲལ་ཞིང་རྩི་སྟངས་ཤིག་སྟེ་སྤྱིར་བཏང་རྐང་གཉིས་ལ་འདོན་རེ་བརྩི་རྒྱུ། 5 ཉག་མ། ཤིང་རྐང་གཅིག སྐྲ་རྐང་གསུམ། སྐུད་པ་རྐང་གཅིག 6. རྩ་བའམ་གཞིའི་མིང་ལ་འཇུག་པ་ནི། སྤྱི་ཚོགས་ཡར་རྒྱས་ཀྱི་གཞི་རྐང་ཤེས་རིག་ཡིན། ཡོན་ཏན་གྱི་རྐང་བཙུགས་ལྟ་བུ།０རྐང་བ་ཞེས་པའི་ཚིག་བསྡུས་པ།１སའི་གོ་ལས་ཉི་མར་སྐོར་ཐེངས་གཅིག་བྱེད་པའི་འགྲོ་ལམ་དེ་ལ་ཆ་སུམ་བརྒྱ་དང་རེ་ལྔ་བགོས་པའི་ཆ་རེ་ལ་སྐར་རྐང་གཅིག་ཟེར། ２དབྱུ་གུ་དང་ཞ་སྨྱུག་སོགས་རྩི་ཚེ་དབྱུ་གུ་རྐང་གཅིག་དང་ཞ་སྨྱུག་རྐང་གཅིག་ཟེར། |
| རྐང་ཀོར |
རྐང་རྒྱན་གདུ་བུ། |
| རྐང་ཀྱོག |
རྐང་པ་ལ་སྐྱོན་ཤོར་བ། མི་རྐང་ཀྱོག |
| རྐང་ཀྲབ |
1 ཐགས་མཁན་གྱི་རྐང་པས་རྒྱུའི་སྣལ་མའི་བཀད་འདེགས་འཇོག་རེ་མོས་བྱེད་པའི་ཐགས་ཆས་ཤིག 2 ཚེམ་བུའི་འཁོར་ལོའི་རྐང་ཤིང༌། |
| རྐང་ཁྲ |
སྔར་རྒྱ་གར་དུ་བྱུང་བའི་རྒྱལ་པོ་རྐང་བཀྲའམ། སོར་མོའི་ཕྲེང་བ་ཅན་ཟེར་བ་དེས་མི་ཇི་སྙེད་ཅིག་བསད་དེ་མི་དེ་དག་གི་སོར་མོའི་སྐེ་ཕྲེང་ཅན་ཞིག |
| རྐང་ཁྲི |
རྐང་སྟེགས། |
| རྐང་གཅིག་པ |
མངོན ཆུ་སྐྱར། |
| རྐང་གཉིས་གཙོ་བོ |
མངོན སངས་རྒྱས་ཀྱི་མཚན། |
| རྐང་གཉིས་པ |
མངོན མི། |
| རྐང་གཉིས་མཆོག |
མངོན སངས་རྒྱས་ཀྱི་མཚན། |
| རྐང་གདན |
སྒོའི་ཕྱི་ལ་འཇོག་པའི་ལྷམ་རྡོག་འབྱིད་བྱེད། |
| རྐང་གདུབ |
རྐང་རྒྱན་གདུ་བུ། མིང་གི་རྣམ་གྲངས་ལ་རྐང་ཀོར་དང༌། རྐང་པའི་རྒྱན། རྐང་པའི་རིན་ཆེན། ཞབས་གདུབ་བཅས་སོ། |
| རྐང་གདོང |
རྐང་སྔོན་དང་དོན་གཅིག་ |
| རྐང་གདོས |
ཉེས་ཅན་གྱི་རྐང་པར་རྒྱག་པའི་ལྕགས་སྒྲོག |
| རྐང་གསུམ |
1 ལྕགས་སོགས་ལས་བཟོས་པའི་སྟེགས་རྐང་པ་གསུམ་ལྡན། 2 མངོན དྲེའུ། |
| རྐང་གོས |
མངོན 1 ལྷམ། 2 དོར་མ། |
| རྐང་གྱོག |
རྐང་པ་འཐེང་པོ། |
| རྐང་གྱོལ་པོ |
རྐང་པ་ཀྱོག་ཀྱོག |
| རྐང་གྲ་འགྲིག་པོ |
དམག་དཔུང་རུ་བསྒྲིགས་ཏེ་འགྲོ་སྐབས་ཀྱི་རྐང་འགྲོས་གཅིག་མཚུངས། |
| རྐང་གླ |
བང་ཆེན་སོགས་ལ་སྤྲོད་པའི་གླ་ཆ། |
| རྐང་གླིང |
སྔགས་ཀྱི་མཆོད་རྫས་བྱེ་བྲག་མའི་བརླ་རྐང་རུས་ཀྱི་གླིང་བུ། |
| རྐང་ངར |
རྐང་པའི་ངར་གདོང་པུས་མོ་ནས་ལོང་ཚིགས་བར་གྱི་མདུན་ངོས་ཀྱི་རུས་པ། |
| རྐང་ཆེན |
ཁྲལ་རྐང་ཆེ་བ་ས་ཞིང་མང་བས་ཁྲལ་འབབ་ལྕི་བའམ་མང་བ་རྒྱུག་དགོས་མཁན། |
| རྐང་ཉྭ |
རྐང་པའི་བྱིན་པའམ་ཉྭ་རིལ། |
| རྐང་ཏོན་བགྱིས |
རྙིང བདམ་པ། |
| རྐང་ཐང |
གོམ་པ་སྤོས་ནས་འགྲོ་བའི་མིང༌། རྐང་ཐང་དུ་འགྲོ། ཕ་ཡུལ་ན་རྟ་བརྒྱ་ཡོད་ཀྱང༌། ཚུར་ཡོང་དུས་རྐང་ཐང་རེད། མིང་གི་རྣམ་གྲངས་ལ་རྐང་འགྲོ་དང༌། རྐང་འགྲོས་པ། རྐང་རྒྱུ་བཅས་སོ། |
| རྐང་ཐོ |
1 རྡོག་ཐོའམ། རྡོག་ཚན། 2 ཁྲལ་རྐང་གི་ཐོ། |
| རྐང་དཀྲིས |
རྐང་པར་དཀྲི་བྱའི་རས། |
| རྐང་དངུལ |
1 མ་རྐང་གི་དངུལ། 2 རྐང་ལ་འཁྲི་བའི་དངུལ་ཁྲལ། |
| རྐང་དམག |
དམག་དཔུང་གི་རིགས་ཤིག སྙན་ངག་ཚིགས་བཅད་གཅིག་ལ་ཚིག་རྐང་བཞི་ཡོད་པས། ཚིག་རྐང་རེ་ལ་རྐང་བ་གཅིག་ཟེར། |
| རྐང་དུང |
མིའི་རྐང་རུས་ལས་བཟོས་པའི་གླིང་བུ། |
| རྐང་དྲུག |
མངོན སྦྲང་མ། གཡུ་འབྲུག་ངར་སྐད་གྲག་ལམ་ན། བུང་ཆུང་རྐང་དྲུག་ཟིར་སྒྲ་འཐེན། |
| རྐང་དྲུག་ཚེས |
མངོན ཨ་མྲའི་ཤིང༌། |
| རྐང་པ |
1 འགྲོ་བྱེད། མིའི་རྐང་པ། རྐང་བོལ། རྟ་དྲེལ་གྱི་རྐང་པ་དང་ལག་པ། རྒད་པོ་རྐང་འཁྱོག་པ། ཡི་གེ་རྐང་པ་ཅན། ཀ་ཁ་ག་ཏ་ད་ན་ཞ་ཤ་ཧ མིང་གི་རྣམ་གྲངས་ལ་བགྲོད་བྱེད་དང༌། རྒྱུ་བྱེད། ཞབས་བཅས་སོ། 2 འདེགས་བྱེད། ཟམ་པའི་རྐང་པ། རྐུབ་སྟེགས་ཀྱི་རྐང་པ། 3 ཚིགས་བཅད་ཀྱི་བར་མཚམས། ཚིགས་བཅད་ཀྱི་རྐང་པ་དང་པོ། 4 མངོན ཁྲུམས་ཀྱི་ཟླ་བ། 5 བཞི་ཆའི་དོན་ནམ་རྐང་པ་བགྲོད་པའི་གོམ་པ་ལྟ་བུ། 1༼4ཿ རྐང་པའི་འཕེལ་འགྲིབ། སྔ་རྐང་ཕྱི་རྐང༌། རྒྱུ་སྐར་གྱི་རྐང་པ། |
| རྐང་པ་ཁ་སྐོང་གི་ཡི་གེ |
ཚིགས་བཅད་ཀྱི་རྐང་པའི་ཚེག་ཁྱིམ་ཁ་སྐོང་བའི་ཚིག་ཕྲད་ཅིག་རུ་དང༌། ཡི། ཡང་དང༌། གཞན་ཡང་འོ་དང༌། འུ། འམ་བཅས་ཀྱི་གོང་དུ་ཚེག་ཡོད་པ་རྣམས། ར རུ འི ཡི འང ཡང འོ འམ འུ |
| རྐང་པ་གསུམ་ལྡན |
མངོན རྣམ་ཐོས་སྲས། |
| རྐང་པ་ཚ་བ |
1 ས་རྩུབ་མོའི་སྟེང་དུ་རྐང་རྗེན་མར་ཕྱིན་ཏེ་རྐང་པ་ཚ་བ། 2 རྐང་པ་ཚ་བའི་རླུང་ནད་དེ། རྐང་པ་གཉིས་ཀ་དྲོད་ཆེ་བ་འུར་འུར་པོ་དང་བཅས་འགྲོ་བའི་ཚེ་ལྷག་པར་དུ་ཚ་བའི་རླུང་ནད་ཅིག |
| རྐང་པ་ཞ་བོ |
རྐང་པ་འཁྱོག་པོའམ། བརྐྱང་བསྐུམ་མི་ཐུབ་པ། |
| རྐང་པ་ཞ་རིལ |
རྐང་པའི་རྩ་རྒྱུས་འཁུམས་ཏེ་ཞ་བ། |
| རྐང་པ་འཛིན་བྱེད |
ཉི་མ་ལ་མཚོན་ན་རྐང་སྡོམ་འཛིན་བྱེད་ཀྱི་ཁྱིམ་གྲངས། རྐང་ལོངས་དང༌། ཉི་རྐང༌། ཟླ་རྐང་སོགས་ཀྱི་ཐད་ལའང་ལྟོས། |
| རྐང་པ་ཡང་པོ |
ཕར་ཚུར་འགྲོ་བཞུད་ཧུར་པོ་དང་མྱུར་པོ། ཁོ་རང་རྐང་པ་ཡང་པོ་ཡིན་པས་དེ་རིང་ཚུར་འཁོར་ཐུབ། |
| རྐང་པ་རྒོད་པ |
གར་ཡང་འགྲོ་ཐུབ་མཁན་གྱི་རྐང་པ། མི་འགྲོ་དགུ་འགྲོའི་རྐང་པ་རྒོད་པ་དོན་མེད་ངལ་དུབ་ཀྱི་རྒྱུ་རེད། |
| རྐང་པའི་མཚོན་ཅན |
མངོན ཁྱིམ་བྱ། |
| རྐང་པའི་རིན་ཆེན |
མངོན རྐང་གདུབ། |
| རྐང་པའི་ཤིང་རྟ |
མངོན ལྷམ། |
| རྐང་བ |
མི་ཕྱུགས་ཀྱི་ཡན་ལག་ཕྱི་མའམ་སྨད་མ་གཉིས་ཀྱི་མིང་། ཚིག་བསྡུས་ན་རྐང་ཞེས་འབྲི་ཆོག་རྐང་རྗེས་ཞེས་པ་ལྟ་བུ། |
| རྐང་བཀྲ་མ |
མངོན བྱ་རྐང་པ་ཁྲ་ཁྲ་རི་སྐེགས། |
| རྐང་བམ |
རྐང་བ་སྐྲངས་པའི་ནད་རིགས་ཤིག་གི་མིང་། |
| རྐང་བཙུགས |
1 གཞི་རྩ་བཙུགས་པ། 2 ཆེད་དུ། ད་རེས་ང་ཚོ་རྐང་བཙུགས་ནས་ཁྱེད་རང་གི་དྲུང་དུ་བཀའ་ལན་ཞུ་བར་ཡོང་བ་ཡིན། |
| རྐང་བཞག |
རྐང་པའི་བརླ་ཤ། |
| རྐང་བཞི |
མངོན 1 རྐང་པ་བཞི་ཡོད་པའི་དུད་འགྲོ་སྤྱིའི་མིང༌། 2 བྱེད་པ་བཅུ་གཅིག་ནང་གི་བཞི་མདོའི་མིང༌། |
| རྐང་བཞིའི་ནོར་ལྡན |
མངོན འབྲོག་པ། |
| རྐང་བརྒྱ་མ |
འབུ་ཕྲ་ལ་རིང་བ་རྐང་ལག་མང་པོ་ཡོད་པ་ཞིག |
| རྐང་བརྒྱ་ལག་བརྒྱ |
འབུ་ཕྲ་ལ་རིང་བ་རྐང་ལག་མང་པོ་ཡོད་པ་ཞིག |
| རྐང་བརྡབ |
རྐང་པ་སར་བརྡབ་པ། ཁོང་ཁྲོ་ལངས་ཏེ་རྐང་བརྡབ་ལག་བརྡབ་བྱེད་པ། |
| རྐང་བརྩེ |
རླུང་ནད་རིགས་ཀྱི་ནང་ཚན་རྐང་མར་ཞུགས་པའི་རླུང་ནད་དེ། ནད་རྟགས་སུ་རྐང་པ་སར་བཙུགས་པའི་ཚེ་བརྩེ་ཞིང་ཚ་ཚེག་ཚེག་ཏུ་ན་བ་ཞིག |
| རྐང་བརླག་པ |
རྩ་བ་བརླག་པ། ཚོང་ཉེས་བྱུང་སྟེ་མ་རྩའི་རྐང་བརླག་པ། |
| རྐང་བསྣོལ |
རྐང་པ་གཅིག་གི་སྟེང་དུ་གཅིག་འཇོག་པ། |
| རྐང་བོལ |
རྐང་པའི་རྒྱབ། |
| རྐང་བོལ་རྒྱ་ཆིངས |
ལུས་ཀྱི་རྩ་ཞིག |
| རྐང་བྲོ |
རྐང་སྟབས་སྒྱུར་བའི་གར་ཞིག ལག་གདང་སྦྲེལ་ནས་རྐང་བྲོ་འཁྲབ། |
| རྐང་བྲོ་གླུ་གར |
རྐང་སྟབས་སྒྱུར་བའི་གར་དང༌། གཞས་སམ་རྣམ་ཐར་གཏོང་བའི་གླུ་དབྱངས། ཆས་གོས་སྣ་ཚོགས་སྤྲས་ནས་རྐང་བྲོ་གླུ་གར་ལ་རོལ། |
| རྐང་བྲོའི་འཁྲོལ་འཛིན |
སྔར་ལྷ་སའི་སྨོན་ལམ་ཆེན་མོ་ཚུགས་སྐབས་མི་དམངས་ཚོས་ཚོགས་ཆེན་ཞལ་ངོར་ཞབས་བྲོ་རྒྱག་ཆོག་པའི་དགོངས་པ་ཞུས་པའི་འཁྲོལ་འཛིན། |
| རྐང་མགོ |
རྐང་པའི་སྐེ་ནས་སེན་མོའི་བར་གྱི་ཆ། |
| རྐང་མགོའི་རུས་པ |
ལོང་ཚིགས་ནས་སོར་མོའི་བར་གྱི་རྐང་མགོའི་རུས་པ། |
| རྐང་མགྱོགས་ཀྱི་དངོས་གྲུབ |
ཐུན་མོང་བའི་དངོས་གྲུབ་བརྒྱད་ཀྱི་ནང་གསེས། བསྒྲུབས་པའི་རྫས་རྐང་པ་ལ་བྱུག་པས་འཛམ་གླིང་ཡུད་ཀྱིས་བསྐོར་ནུས་པ། |
| རྐང་མང |
མངོན སྡིག་སྲིན་ནམ། རྐང་པ་མང་བའི་འབུ་རིགས། |
| རྐང་མཐིལ |
རྐང་པའི་འོག་གམ། རྐང་འོག་གི་དཀྱིལ། རྐང་མཐིལ་དུ་ཚེར་མ་ཟུག་བྱུང༌། |
| རྐང་མཛེས |
མངོན མྱ་ངན་མེད་པའི་ཤིང༌། |
| རྐང་མར |
སེམས་ཅན་གྱི་བརླ་རྐང་དང༌། དཔུང་རྐང་རྣམས་ལས་བྱུང་བའི་རྐང་སྦུབས་ཀྱི་མར། མིང་གི་རྣམ་གྲངས་ལ་ཁུ་བ་བྱེད་དང༌། མདངས་སོ། |
| རྐང་མིག་པ |
སྔར་རྒྱ་གར་གྱི་གྲུབ་མཐའ་སྨྲ་བའི་སྟོན་པ་ཞིག་སྔོན་གྱི་གཏམ་རྒྱུད་དུ་སངས་རྒྱས་ཤཱཀྱ་ཐུབ་པ་འཇིག་རྟེན་དུ་མ་བྱོན་གོང་རྒྱ་གར་གྱི་དྲང་སྲོང་མཛེས་པ་ཞེས་བྱ་བ་ཞིག་ལྷ་དབང་ཕྱུག་གིས་ལྷ་མོ་ཨུ་མའི་སྲུང་མར་བཞག་པ་ན། ཨུ་མ་དྲང་སྲོང་ལ་ཆགས་པས་སྒེག་པའི་རྣམ་འགྱུར་མང་དུ་བསྟན་ཀྱང༌། ཁོང་གིས་རྐང་པར་མིག་ཕབ་སྟེ་བརྟུལ་ཞུགས་བསྲུངས་པས་ལྷ་དབང་ཕྱུག་མཉེས་ཏེ་བསྟན་བཅོས་རྩོམ་པའི་མཆོག་སྦྱིན་ནས་དྲང་སྲོང་རྐང་མིག་པ་ཞེས་ཕྱི་རོལ་པའི་སྟོན་པར་གྱུར་ནས་ཕྱོགས་ཆོས་ཀྱི་ཚིགས་དགུ་སོགས་གཏན་ཚིགས་རིག་པའི་སྲོལ་བཏོད་ཅེས་གྲགས། |
| རྐང་མེད |
མངོན སྦྲུལ། |
| རྐང་ཚད་དངུལ་འཛིན |
མ་རྐང་བཙུགས་པའི་འཛིན་ཤོག |
| རྐང་ཚུགས |
གཞིའམ་རྩ་བ་ཚུགས་པ། |
| རྐང་ཚེགས |
རྐང་ཐང་དུ་འགྲོ་བའི་དཀའ་ངལ། གྲོང་ཡུལ་འགྲིམ་རྒྱུ་རྐང་ཚེགས་ཆེ། |
| རྐང་ཞ་ལག་འཐེང |
1 རྐང་ལག་གཉིས་ཀར་སྐྱོན་ཤོར་བ། 2 ཁག་འདོགས། རང་འཁྲིས་ལས་འགན་སྒྲུབ་སྐབས་རྐང་ཞ་ལག་འཐེང་བྱས་ན་མི་འགྲིག |
| རྐང་ཟམ |
1 རྐང་ཐང་བགྲོད་པའི་ཟམ་པ། 2 བང་མི། |
| རྐང་འཁྲབ |
བྲོ་གར་འཁྲབ་པ། |
| རྐང་འཁྲབ་ལག་གཡོབ |
རྐང་པས་འཁྲབ་ཅིང༌། ལག་པས་གཡབ་གཡོབ་བྱེད་པ་བྲེལ་བ་ཆེན་པོའི་དཔེ། དུས་མཉམ་དུ་ལས་དོན་ཁག་མང་བྱ་དགོས་པས་རྐང་འཁྲབ་ལག་གཡོབ་ལྟ་བུ་བྱུང༌། |
| རྐང་འཁྲབ་ལག་འཁྲབ |
1 འབད་བརྩོན་གང་ཐུབ་ཐུབ་བྱེད་པ། 2 ལུས་ཀྱིས་ཟུག་རྔུ་མ་བཟོད་པའི་རྣམ་འགྱུར། 3 སེམས་དགའ་དྲགས་པའི་རྣམ་འགྱུར། |
| རྐང་འགྲོ |
1 མི་ཕྱུགས་དངོས་སུ་འགྲོ་དགོས་པའི་ཁྲལ་གྱི་མིང༌། 2 ཡུལ་ཀུན་ཏུ་འགྲོ་བ་པོ། 3 མངོན 1.དུད་འགྲོ། 2.རྐང་དམག |
| རྐང་འགྲོ་བོགས་སྒྱུར |
རྐང་འགྲོའི་ཁྲལ་ངོ་རྒྱུག་མ་དགོས་པར་བོགས་མར་སྒྱུར་བ། |
| རྐང་འགྲོ་ལག་འདོན |
རྐང་འགྲོ་ནི་མི་ཕྱུགས་དངོས་སུ་ཕྱིན་ནས་སྒྲུབ་དགོས་པའི་ཁྲལ་དང༌། ལག་འདོན་ནི་དངུལ་དངོས་འཇལ་བའི་ཁྲལ་ཏེ་སྔར་བོད་ཀྱི་ཁྲལ་ཁག་གཉིས་ཀྱི་སྤྱི་མིང༌། |
| རྐང་འགྲོའི་ཁྲལ་འུལ |
རྟ་ཁལ་མི་གསུམ་གྱི་ཁྲལ་མིང༌། |
| རྐང་འགྲོས |
རྐང་པའི་འགྲོ་སྟངས། |
| རྐང་འཇབ་ལག་འཇབ |
གཞན་གྱིས་མི་ཚོར་བར་བྱས་ཏེ་འཇབ་སྟངས་ཤིག |
| རྐང་འཐུང |
མངོན ལྗོན་ཤིང༌། |
| རྐང་འཐེང་པ |
རྐང་ཀྱོག་པ། |
| རྐང་འཐེང་ལག་ཞ |
རྐང་ཞ་ལག་འཐེང་དང་དོན་གཅིག་ |
| རྐང་འདོན |
སྔར་ཁྲལ་འཁྲིའི་ས་རྟེན་བརྩི་སྟངས་རྐང་ཞེས་པ་དང་འདོན་ཞེས་པ་གཉིས་ཀྱི་མིང༌། |
| རྐང་འདྲེད |
རྐང་པ་འབྱིད་པ། རྐང་འདྲེད་ཤོར་ཏེ་སར་འགྱེལ། |
| རྐང་འདྲེན་པ |
ཞབས་འདྲེན་ཞུ་མཁན་ཏེ་རང་ཕྱོགས་ཀྱི་ལ་རྒྱར་གནོད་པའི་མིང་ཤས་བཟོ་མཁན། བུ་ངན་ཕ་མ་བཟང་པོའི་རྐང་འདྲེན་པ། མི་ངན་རང་ཡུལ་གྱི་རྐང་འདྲེན་པ། |
| རྐང་འཕྲ |
རྟ་དྲེལ་སོགས་ཀྱིས་རྐང་པ་གཞུ་སྟངས། རྟ་རྒོད་ཀྱིས་རྐང་འཕྲ་བརྒྱབ་བྱུང༌། |
| རྐང་འབམ |
ལྷན་སྐྱེས་རྨ་རིགས་བརྒྱད་ཀྱི་ཡ་གྱལ། ངན་ཁྲག་ཆུ་སེར་རྒྱས་པའི་སྟོད་ནད་རྐང་པར་བབ་པའི་ནད་དེ། ནད་རྟགས་སུ་རྐང་པའི་སྒྱིད་ཆུ་འཁུམ་ཞིང་ཤ་མདོག་སྔོ་ནག་ཏུ་འགྱུར་བ་དང༌། ལུས་སྐྲངས་ཤིང་ན་ཟུག་ལྡང་ལ་རྨ་འབྱུང་བ་ཞིག |
| རྐང་འཛིན |
ལས་འགན་གཙོ་བོ་འཁུར་མཁན། |
| རྐང་འོག |
མངོན 1 ས་གཞིའམ། ས་ཆ། 2 ས་འོག་གམ། ཀླུའི་འཇིག་རྟེན། |
| རྐང་འོག་རྡེའུ |
རྐང་འོག་གི་རྡེའུ་ལྟ་བུ་ཞེས་མཐོང་ཆུང་བྱེད་པའི་དཔེ། |
| རྐང་ཡོན |
རྐང་པ་སྐྱོན་ཅན་ནམ། རྐང་འཁྱོག |
| རྐང་རྐྱང་འདུར་སྒྲུབ |
འདོན་གྲངས་རྐང་ལ་ཕབ་སྟེ་ཁྲལ་འདྲ་མཉམ་རྒྱུག་པ། |
| རྐང་རྒྱན |
རྐང་གདུབ་སོགས་རྐང་པའི་རྒྱན་ཆ། |
| རྐང་རྒྱུ |
རྐང་ཐང་དུ་འགྲོ་བ། |
| རྐང་རྗེན |
རྐང་པ་ལ་ལྷམ་མེད་པ། |
| རྐང་རྗེན་མ |
1 རྐང་པར་ལྷམ་མ་གྱོན་མཁན། 2 རྐང་རྗེན་དང་དོན་གཅིག་ |
| རྐང་རྗེས |
རྐང་པའི་རྗེས་རིས་སམ། རྐང་ཤུལ། བྱེ་མའི་ནང་དུ་མིའི་རྐང་རྗེས་འདུག གངས་ཀྱི་སྟེང་དུ་རྐང་རྗེས་ལུས། |
| རྐང་རྗེས་ལག་བསུབས |
སྔར་གྱི་བྱས་རྗེས་བཟང་པོ་རྗེས་སུ་སྤྱོད་ངན་གྱིས་མེད་པར་བཟོས་པ། རྐང་རྗེས་ལག་བསུབས་ཀྱི་བྱ་སྤྱོད་དེ་བྱེད་མི་རུང༌། |
| རྐང་རྟེང་རོང་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| རྐང་རྟེན |
རྐང་པ་འཇོག་སའི་རྟེན་གནས། |
| རྐང་རྡུམ་པ |
ལོང་ཚིགས་མན་གྱི་རྐང་མགོ་ཆད་པའི་མི། |
| རྐང་རྡོག |
ལྷམ་གྱི་རྡོག་པ། |
| རྐང་རྩ |
1 ལུས་ཀྱི་རྐང་པའི་ཁྲག་རྩ། 2 གཞི་རྐང་ངམ། མ་རྩ། |
| རྐང་རྩེ |
རྐང་པའི་མདུན་གྱི་སྣེ་མོ། |
| རྐང་ལག |
རྐང་པ་དང་ལག་པའི་བསྡུས་མིང༌། རྐང་ལག་བཞི། རྐང་ལག་བཀྱིགས་པ། ལུས་རྩ་ཚང་མ་ཧྲེངས་ཏེ་རྐང་ལག་བརྐྱང་བསྐུམ་མི་ཐུབ། |
| རྐང་ལག་ཀྲབ་ཀྲབ |
རྐང་ལག་གི་འགུལ་སྐྱོད་བྱེད་སྟངས། ཁོང་ཁྲོ་ལངས་ཏེ་རྐང་ལག་ཀྲབ་ཀྲབ་བྱེད། དབུགས་ཆད་ཁར་རྐང་ལག་ཀྲབ་ཀྲབ་བྱེད། |
| རྐང་ལག་འགྱུས་པ |
པྲཥཱཁཱཿ མངལ་གྱི་གནས་སྐབས་ལྔའི་ལྔ་པའམ། མི་ལུས་མངལ་དུ་ཆགས་པའི་བདུན་ཕྲག་ལྔ་པ་སྟེ་ཁུ་ཁྲག་གཉིས་ཡོངས་སུ་སྨིན་པ་ལས་ལུས་ཀྱི་ཡན་ལག་ལྔ་སོ་སོར་གྲུབ་པའི་དུས་སྐབས་འདི་ནས་བཟུང་བདུན་ཕྲག་སོ་བརྒྱད་པའི་བར་སྨིན་པས་སས་འཛིན་པ་དང༌། ཆུས་སྡུད་པ། མེས་མ་རུལ་པར་སྨིན་པ། རླུང་གིས་རྒྱས་པར་བྱེད་པ་བཅས་ཀྱི་སྒོ་ནས་ལུས་པོ་ཡོངས་སུ་ཚང་བར་འགྱུར། |
| རྐང་ལམ |
རྐང་ཐང་ཐར་ཐུབ་ཙམ་གྱི་ལམ་ཆུང༌། |
| རྐང་ལོགས |
རྐང་པའི་ངོས་སམ་ལྡེབས། |
| རྐང་ལོངས |
གཟའི་རྐང་པ་སྣོན་ཕྲིའི་ལོངས་སྤྱོད་དེ། ཉི་རྐང་དང༌། ཟླ་རྐང༌། སྔ་རྐང༌། ཕྱི་རྐང༌། གཟའ་ལྔའི་དལ་རྐང་དང༌། མྱུར་རྐང་སོགས། |
| རྐང་ལྕགས |
1 རྐང་པར་རྒྱག་པའི་ཁྲིམས་ཆས་ཤིག 2 རྟ་དྲེལ་གྱི་རྐང་པའི་རྨིག་པར་རྒྱག་པའི་ལྕགས། |
| རྐང་ཤར་བ |
མངོན རྐང་དམག |
| རྐང་ཤིང |
ཕོར་པ་སོགས་དཀྲུག་བྱེད་ཀྱི་འཁོར་ལོའི་འོག་གི་རྐང་པས་མནན་བྱའི་པང་ལེབ་གཉིས་ཀྱི་མིང༌། |
| རྐང་ཤུ |
1 རྐང་པར་སྐྱེས་པའི་ཤུ་བའམ། ཐོར་པ། 2རྐང་ནད་བྱེ་བྲག་པ་ཞིག |
| རྐང་ཤུབས |
1 ལྷམ། 2 ཨོ་མོ་སུ་ལུ། |
| རྡུལ་འཆང |
མངོན སྦྲང་མ། |
| རྡུལ་འཐུལ་བ |
ཐལ་བ་དང་རྡུལ་ལངས་པ། ཆུ་མ་གཏོར་བར་གད་བརྒྱབ་ན་རྡུལ་འཐུལ་ཡོང༌། |
| རྡུལ་འཕྱགས་པ |
ཐལ་རྡུལ་འཕྱགས་པ། སྡོད་ཁང་ཕྱི་ནང་གི་རྡུལ་འཕྱགས་པ། |
| རྡུལ་འཚུབ་པ |
ཐལ་བ་ལངས་པ། རྟ་ཕོ་ཐང་ལ་རྒྱུག་དུས་རྡུལ་འཚུབ་པ། རླུང་དམར་ལང་དུས་བར་སྣང་ལ་རྡུལ་འཚུབ་པ། |
| རྡུལ་རགས་པ |
རྡུལ་རྫས་བརྒྱད་འདུས་ཀྱི་གོང་བུ་རགས་པ། ཀ་བ་དང༌། བུམ་པ་ལ་སོགས་པའི་གཟུགས་རགས་པ་རྣམས་སོ། |
| རྡུལ་རྫས |
ས་ཆུ་མེ་རླུང་སོགས་ཀྱི་རྡུལ་ཕྲ་རབ་ཀྱི་རྫས་སམ་དངོས་པོ། |
| རྡུལ་རྫས་དྲུག་འདུས |
གཟུགས་ཁམས་ཀྱི་རྡུལ་ཕྲ་རབ་ཀྱི་གོང་བུ་ལ་གཟུགས་རེག་གཉིས་དང་འབྱུང་བ་བཞི་བཅས་འདུས་པའོ། |
| རྡུལ་རྫས་བརྒྱད |
གནའ་བོའི་དངོས་གཙོ་སྨྲ་པ་ཚོས་འཇིག་རྟེན་གྱི་དངོས་གཟུགས་རྣམས་ས་རྡུལ་ཆུ་རྡུལ་མེ་རྡུལ་རླུང་རྡུལ་བཅས་རྡུལ་བཞི་དང་། ས་རྫས་ཆུ་རྫས་མེ་རྫས་རླུང་རྫས་བཅས་རྫས་བཞི་འདུས་ནས་གྲུབ་པར་འདོད་ཅིང་། བརྒྱད་པོ་དེ་ལ་རྡུལ་རྫས་བརྒྱད་ཟེར། མེ་ཏོག་གི་ཟེ་འབྲུའི་ཐོག་གི་ཟེགས་མ་ལྟ་བུ་དེ་ལ་མེ་ཏོག་གི་རྡུལ་ཟེར། ０ཟླ་མཚན་གྱི་མིང་གཞན། |
| རྡུལ་རྫས་བརྒྱད་འདུས |
འདོད་ཁམས་ཀྱི་གོང་བུ། རྡུལ་ཕྲ་རབ་ལྟ་བུའི་གཞི་གཅིག་ལ། ས་ཆུ་མེ་རླུང་དང༌། གཟུགས་སྒྲ་དྲི་རོ་རེག་བཅས་བཞི་ཡོད་པའོ། |
| རྡུལ་ལོང་ལོང |
རྡུལ་འཚུབ་ལང་སྟངས། རླངས་འཁོར་ཕྱིན་ཤུལ་དུ་རྡུལ་ལོང་ལོང་དུ་ལྡང་བ། |
| རྡུལ་ལྡན |
མངོན མཚན་མོ། |
| རྡུལ་ལྡན་མིག |
མངོན མ་ཧེ། |
| རྡུལ་སྤྲུགས་པ |
ཐལ་རྡུལ་སྤྲུག་སྤྲུག་བཏང་བ། མལ་གོས་སོགས་ལ་འགོས་པའི་རྡུལ་སྤྲུགས་པ། |
| རྡེ་འགག |
ལྒང་པའི་གནས་སུ་རྡོ་སྐྲན་ཆགས་ནས་དྲི་ཆུ་འགག་པར་གྱུར་པའི་ནད། |
| རྡེག |
(བྱེད་འབྲེལ་ལས་ཚིག་ད་ལྟ་བ)རྒྱག་པ་ ཁྱི་ལ་དབྱུག་པས་རྡེག བྱིས་པ་ལ་རྡུང་རྡེག་མ་བྱེད་ལྟ་བུ། |
| རྡེག་ཅིང་སྤྱོད་པ |
བུད་མེད་ལ་བཙན་པོ་དབང་ཡོད་ཀྱིས་སྤྱོད་པ། |
| རྡེག་ཆ |
མངོན གྲི་སྤྱི། |
| རྡེག་ཆ་མཁན |
མངོན མགར་བའམ་ལྕགས་བཟོ་བ། |
| རྡེག་པ |
ཐ་དད་པ བརྡེགས་པ། བརྡེག་པ། རྡེགས།། རྒྱག་པ་དང༌། རྡུང་བ། མགོ་བོར་དབྱུག་པ་བརྡེགས་པ། བྲང་ཁོག་ལ་གྲི་བརྡེགས་པ། རྡོ་བ་རྡེག་པར་གཟས་པ། |
| རྡེག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཁྲོས་པས་དགེ་སློང་གཞན་ལ་རྡེག་གམ་བརྡེག་ཏུ་འཇུག་པའོ། |
| རྡེག་འཆའ་བ |
1 གོམ་ཚུགས་མི་བརྟན་པར་ཁྱར་ཁྱོར་འགྲོ་བ། རང་ཚོ་མ་ཟིན་པར་རྡེག་འཆོས་ཏེ་འགྲོ་བ། 2 འདྲེད་བརྡབ། ས་ལ་རྡེག་འཆའ་འགྱེལ་བ། 3 ཁ་བུབ་ལོག་ཅིང་འགྱེལ་བ། |
| རྡེག་འཆོས་པ |
རྡེག་འཆའ་བ་དང་འདྲ། |
| རྡེག་འཚོག |
ཉེས་གཏག ཞིང་པ་བྲན་གཡོག་རྣམས་རྟག་ཏུ་རྡེག་འཚོག་གི་སྡུག་བསྔལ་མྱོང་བ། |
| རྡེགས |
རྡེག་པའི་སྐུལ་ཚིག་ |
| རྡེབ |
(བྱེད་འབྲེལ་ལས་ཚིག་ད་ལྟ་བ) ཕན་ཚུན་ཐོགས་གཏུགས་བྱས་པའམ་ཐུག་པའི་དོན་ཏེ། ལག་པས་ཐལ་མོ་རྡེབ་ཀྱིན་འདུག ཐལ་མོ་རྡེབ་མཁན། ཁ་རྡེབ། མིག་རྡེབ། གནམ་ས་ཁ་རྡེབ་ལྟ་བུ། |
| རྡེབ་པ |
ཐ་དད་པ བརྡབས་པ། བརྡབ་པ། རྡོབས།། རྡུང་བའམ་རྒྱག་པ། ཆ་ལང་རྡོབས་ཤིག ཐལ་མོ་རྡེབ་པའི་སྒྲ་འབྲུག་ལྟར་སྒྲོག ཧ་ལས་ཏེ་ལག་པ་རྡེབ་པར་བྱེད། ཡར་ལངས་ན་མགོ་བརྡབས། མར་བསྡད་ན་རྐུབ་བརྡབས། ཁོང་ཁྲོ་མེ་ལྟར་འབར་ནས་ཅ་ལག་དེ་ཚོ་ས་ལ་བརྡབས་སོང༌། |
| རྡེབ་རྡེབ |
སྤྲུག་སྤྲུག་གཏོང་བ། ཉལ་གཟན་རྡེབ་རྡེབ་བྱས་ནས་ཉི་མར་བཀྲམ་པ། |
| རྡེབས |
རྡེབ་པའི་སྐུལ་ཚིག་གི་འབྲི་ཚུལ་གཞན་ཞིག་ |
| རྡེའུ |
1 རྡོ་ཆུང༌། ཆུ་གཏིང་གི་རྡེའུ། 2 གྲངས་རྩིས་འདྲེན་རྡེལ། ལོ་མང་བར་དུ་རྩིས་བསླབས་ཀྱང་ད་དུང་རྡེལ་རྩིས་གཏོང་ཤེས་ཀྱི་མི་འདུག 3 ནད་བྱེ་བྲག་པ་ཞིག ཕོ་རྡེའུ། མོ་རྡེའུ། |
| རྡེའུ་གསུམ་དོར་བ |
སྔ་དུས་ཀྱི་མནའ་ཚིག་ཅིག་རྡེའུ་གསུམ་ཤུགས་ཀྱིས་གཡུགས་ན་རུབ་རུབ་ཏུ་མི་སྡོད་པ་བཞིན་དུ་བཟའ་ཚང་གཉིས་ཀྱང་མཉམ་རུབ་ཏུ་མི་སྡོད་ཅེས་མནའ་བསྐྱལ་བའི་དོན། |
| རྡེའུ་ཆང་བྲན་པ |
ཆང་བསྙལ་བ་མ་ལངས་ན་སྔགས་བརྒྱབ་པའི་རྡེའུ་ཞིག་གླུམ་གྱི་ནང་དུ་བཅུག་སྟེ་ཡང་བསྐྱར་བསྙལ་བས་མགྱོགས་པོ་ལང་ཡོང་ཟེར་བའི་ཐབས་བཅོས་ཤིག |
| རྡེའུ་བཅུད་ལེན |
རྡེའུ་ལ་སྔགས་བཏབ་ནས་བཟས་ཏེ་ཟས་ཀྱི་ཚབ་བྱེད་པ། |
| རྡེའུ་ཞོ་བྲན་པ |
ཞོ་བསྙལ་བ་མ་ལངས་ན་སྔགས་བརྒྱབ་པའི་རྡེའུ་ཞིག་འོ་མའི་ནང་དུ་བཅུག་སྟེ་ཡང་བསྐྱར་བསྙལ་བས་མགྱོགས་པོ་ལང་ཡོང་ཟེར་བའི་ཐབས་བཅོས་ཤིག |
| རྡེའུ་འབུར་ཐོན |
སྤྱི་བྱིངས་དང་མི་འདྲ་བ། |
| རྡེལ |
རྡོ་ཆུང་ངུའི་མིང་། |
| རྡེལ་དཀར |
རྡོ་སོགས་ཀྱི་རྡེའུ་དཀར་པོ། |
| རྡེལ་བུ |
རྡོའི་རྡེའུ་ཆུང་ངུ། |
| རྡེལ་མདའ |
ཐག་པའི་ཁུག་པར་རྡེའུ་བླུགས་ནས་མདའ་ལྟར་འཕེན་པ། |
| རྡེལ་རྩིས |
གྲངས་བརྩི་སྟངས་ཤིག་རྡེའུ་དང་ཤིང་ཐུར་སོགས་ལ་བརྟེན་ནས་རྩིས་རྒྱག་པ། |
| རྡོ |
1 ས་དང་རྡོ་ཞེས་པའི་རྡོ། རྒྱ་རྡོ། མེ་རྡོ། སྤྲ་རྡོ། ཉག་རྡོ། རྡོ་ཆུང་ཆུང་ལྷགས་པས་འཁྱེར་དོགས་མེད། རི་ཆུང་ཆུང་པང་ཁས་ཐེག་དོགས་མེད། མིང་གི་རྣམ་གྲངས་ལ་གོར་མ་དང༌། ཇུ་བོ། གཏུན། རྡོ་བ། སྦེད་བྱེད། བཙོག་པོ་བཅས་སོ། 2 རྩ་བའམ་སྙིང་པོ། སྙན་ཞུའི་རྡོ་ཚིག རྡོ་ཚིག་ཁོ་ནའི་ཐོག་ནས་མ་གཏོགས་ཚིག་ལོ་མང་པོ་མ་ཤོད། |
| རྡོ་ཀ་མ་རུ་པ |
གཡང་ཊི་དང་འདྲ་བའི་རྡོ་དཀར་པོ་ཞིག |
| རྡོ་ཀ་ཤུ་ཁ |
གསེར་གྱི་སྤུས་ཀ་ལྟ་བྱེད་ཀྱི་རྡོ་ནག་པོ་ཞིག་གསེར་ཞིག་རྡོ་ཀ་ཤུ་ཁ་ལ་བརྡར་ཙམ་བྱས་ན་གསེར་གྱི་སྤུས་ཀ་ལེགས་ཉེས་བརྟག་ཐུབ། |
| རྡོ་ཀོ་བྱེ |
རྡོ་ཕག་མགོ་དང་དོན་གཅིག་ |
| རྡོ་ཀླད |
རྡོ་སྨན་གྱི་རིགས། དབྱིབས་ཀླད་པ་དང་འདྲ་བ་ཞིག་རོ་བསྐ། ཞུ་རྗེས་སྙོམས། ནུས་པས་ཀླད་པ་འཛག་པ་སྡོམ་ཞིང༌། རྨའི་ཤུའ་སྐྱེད། |
| རྡོ་ཁ |
སྙིང་པོའམ་རྩ་བ་གཟུང་ས། སྐད་ཆ་རྡོ་ཁ་མེད་པའི་སྐྱེ་རྒྱུས་ཁ་ཐག་རིང་པོ་མི་དགོས། |
| རྡོ་ཁང |
རྡོ་བརྩེགས་པའི་ཁང་པ། |
| རྡོ་ཁབ་ལེན |
ལྕགས་ལེན་གྱི་རྡོ་ཁྱད་པར་བ་ཞིག རྡུལ་དང་འདྲེས་པའི་ལྕགས་ཕྱེ་རྣམས། ཁབ་ལེན་རྡོ་ཡིས་ལེན་པར་ཤེས། མིང་གི་རྣམ་གྲངས་ལ་སྐུད་འདྲེན་ལེན་པོ་དང་ལྕགས་ཕྱེ་ལེན་ནོ། |
| རྡོ་ཁེབས |
རྡོ་ལས་བཟོས་པའི་ཁེབས་གཅོད། |
| རྡོ་ཁོག |
རྡོའི་ཁོག་མ། |
| རྡོ་ཁོག་ལ |
བོད་རང་སྐྱོང་ལྗོངས་ཁོངས་མཚོ་སྣ་རྫོང་གི་ལ་ཞིག་རྡོ་ཡི་ཁོག་མ་བཟོ་བའི་ལག་རྩལ་དེ་ནས་དར་འགོ་བཙུགས་པ་ཡིན་ཟེར། |
| རྡོ་ཁྲ་མགོ |
རྡོ་སྨན་བྱེའུ་མགོ་མཆོག་དམན་རིགས་གཉིས་ཀྱི་ནང་ཚན་དམན་པ་དབྱིབས་ཁྲའི་མགོ་དང་འདྲ་བ་ཞིག་ནུས་པ་བྱེའུ་མགོ་དང་མཚུངས། |
| རྡོ་གཅལ |
རྡོ་བཅོས་ཏེ་གཅལ་མར་བཀྲམ་པའི་ས་གཞི། |
| རྡོ་གཏུན |
རྡོའི་གཏུན་ཀོང༌། |
| རྡོ་གད་རྒྱག་པ |
ཡུལ འབྲུའི་ནང་ནས་རྡོ་དབྱེ་བ་འབྱེད་པ། |
| རྡོ་གཞོང |
རྡོའི་གཞོང་པ། |
| རྡོ་གཞོང་ལ |
ལ་ཞིག་བོད་རང་སྐྱོང་ལྗོངས་ཀྱི་སྨིན་གླིང་རྫོང་གི་ཤར་རྒྱུད་དུ་ཡོད། |
| རྡོ་གཟོང |
རྡོ་གཤག་བྱེད། མིང་གི་རྣམ་གྲངས་ལ་རྡོ་བ་འཇོམས་བྱེད་དོ། |
| རྡོ་གཡམ |
རྡོ་ལེབ་སྲབ་མོ་སྟེ་མདོག་ནག་ཅིང་དབྱིབས་ལེབ་པ་ཁང་པའི་ཐོག་ཁེབས་དང་ར་སྐྱོར་བྱེད་ཐུབ་པ་ཞིག |
| རྡོ་གསེག |
རྡོ་ཆུང་ཆུང༌། |
| ལྕགས་ཞུ |
1 ལྕགས་ཀྱི་ཞྭ་མོའམ་རྨོག 2 ལྕགས་ལས་བཟོས་པའི་ཞུན་མར་གྱི་སྣོད། |
| ལྕགས་ཞྭ |
ལྕགས་ཀྱི་ཞྭ་མོའམ་རྨོག |
| ལྕགས་ཟངས |
1 ལྕགས་ལས་བཟོས་པའི་ཆུ་སྣོད་སོགས། 2 ལྕགས་དང་ཟངས། |
| ལྕགས་ཟམ |
ལྕགས་ཐག་གིས་བཟོས་པའི་ཟམ་པ། |
| ལྕགས་ཟམ་ཁ |
1 གཙང་པོའི་སྟེང་དུ་ལྕགས་ཟམ་བཙུགས་ཡོད་པའི་ཆུ་འགྲམ་གྱི་ས་ཆའི་སྤྱི་མིང༌། 2 རྫོང་ཞིག་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་ཤར་ངོས་དང་རྒྱལ་རོང་རྒྱལ་མོའི་རྔུལ་ཆུའི་ཤར་འགྲམ་དུ་ཡོད། |
| ལྕགས་ཟོམ |
ལྕགས་ཀྱི་ཟོམ་སྣོད། |
| ལྕགས་འགུ |
ཡུལ ལྕགས་སྣོད་ཀོང་མོ། |
| ལྕགས་འབྱེད |
མངོན སྒོ་ལྕགས་ཀྱི་ལྡེ་མིག |
| ལྕགས་རི |
1ཡུལ་དང་སྡེ་མཐའི་གྱང་རའི་མིང་ལྕགས་རི་རིང་མོ་ཞེས་པ་ལྟ་བུ།2གྱང་ར་དང་དབྱིབས་མཚུངས་པའི་རི་རྒྱུད་ལའང་ལྕགས་རི་ཟེར། |
| ལྕགས་རི་ར་བ |
རྒྱ་མཚོའི་ཕྱིའི་ལྕགས་རི། |
| ལྕགས་རིགས |
གསེར་དངུལ་ཟངས་ལྕགས་ཞ་ཉེ་འཁར་བ་སོགས་ཀྱི་སྤྱི་མིང་། |
| ལྕགས་རིགས་བྱེ་བྲག་བརྒྱད |
འཁར་བ་དང༌། དངུལ། ལྕགས། ཞ་ཉེ། ཟངས། ར་གན། གཤའ་ཚེ། གསེར། |
| ལྕགས་རྒྱུག |
ལྕགས་ཀྱི་རྒྱུག་པའམ། དབྱུག་པ། |
| ལྕགས་རྡར་མཉམ་ཟད |
ཕན་ཚུན་གཉིས་ཀ་གུད་པའམ་ཐ་ཞན་པར་གྱུར་པའི་དཔེ། |
| ལྕགས་རྡུལ |
རྡུལ་ཕྲན་བདུན་གྱི་ཚད། |
| ལྕགས་རྡོ |
ལྕགས་འབྱུང་བའི་རྡོ། |
| ལྕགས་རྨོག |
ལྕགས་ཀྱི་རྨོག |
| ལྕགས་རྩི |
ལྕགས་རིགས་ལ་འབྱུག་རྒྱུའི་རྩི། རྐང་འཁོར་རྙིང་པ་ལ་ལྕགས་རྩི་བྱུགས་པ། |
| ལྕགས་ལམ |
མེ་འཁོར་འགྲོ་ལམ། |
| ལྕགས་ལུང |
ལྕགས་ཀྱི་འཇུ་ལུང༌། |
| ལྕགས་ལོང |
ལྕགས་ཀྱི་ཨ་ལོང༌། |
| ལྕགས་ཤད |
ལྕགས་ཀྱི་སྤུ་ཤད། |
| ལྕགས་ཤན |
ལྕགས་ཀྱི་འཆིང་བྱེད་ཤན། |
| ལྕགས་ཤོག |
ལྕགས་ཆས་བཟོ་བྱེད་ཀྱི་རྒྱུ་ཆ་ལྕགས་ལེབ་སྲབ་པོ་ཞིག |
| ལྕགས་སག |
ལྕགས་དང་ཤིང་སོགས་འཇམ་པོ་བཟོ་བྱེད་ཀྱི་ཡོ་བྱད་ཅིག |
| ལྕགས་སང |
ལྕགས་སྐུད་ཕྲ་མོ་ཐགས་སུ་བཏགས་པའི་དྲ་བ་སྲབ་མོ། |
| ལྕགས་སེག |
ལྕགས་སག་དང་འདྲ། |
| ལྕགས་སོ |
འབྲུའི་སྙེ་མགོ་གཅོད་བྱེད་ལྕགས་ཀྱི་སོ་མང༌། |
| ལྕགས་སོལ |
ལྕགས་མགར་བའི་ཐབ་ཀྱི་ངོས་སུ་ཆགས་པའི་ཞུན་ཏེ། ནུས་པས་མཁྲིས་ནད་མིག་སེར་དང་ཚད་རྙིང་རུས་པར་ཞེན་པ་ལ་ཕན། |
| ལྕགས་སྐམ |
ལྕགས་ཀྱི་སྐམ་པ། |
| ལྕགས་སྐུད་སྒྲིམ་པ |
1 ལྕགས་སྐུད་ཕྲ་བ་མང་པོ་སྡེབ་གཅིག་ཏུ་སྒྲིམ་པ། 2 ནོར་རྫས་ལོངས་སྤྱོད་གསོག་སྲུང་ལ་རེམ་པའམ་སེར་སྣ་བྱེད་པའི་དཔེ། |
| ལྕགས་སྐོར |
སྒོའི་དཀྲི་ལྕགས། |
| ལྕགས་སྐྱོགས |
ལྕགས་ལས་བཟོས་པའི་སྐྱོགས། |
| ལྕགས་སྒམ |
ལྕགས་ཀྱི་སྒམ། |
| ལྕགས་སྒམ་པར་བུ |
ལྕགས་སྒམ་ཆུང་ངུ། |
| ལྕགས་སྒོ |
ལྕགས་ལས་བཟོས་པའི་སྒོ། |
| ལྕགས་སྒོར |
ལྕགས་ཟླུམ་པོའམ་སྒོར་མོ། |
| ལྕགས་སྒྱེད |
1 ལྕགས་ཀྱི་ཐབ་རྡོ་སུམ་ཚོམ་ལྟ་བུ། 2 རྐང་པ་གསུམ་ཡོད་པའི་ལྕགས་ཐབ། |
| ལྕགས་སྒྲོག |
1 སྡོམ་བྱེད་ལྕགས་ཀྱི་སྒྲོག 2 ཡུལ ལྷམ་གྱི་རྟིང་པའི་འཇའ་གསུ་པའི་ཕར་ཕྱིན། |
| ལྕགས་སྒྲོག་མ |
སྒོ་མ་བཞིའི་ཡ་གྱལ་ཞིག |
| ལྕགས་སྒྲོག་མའི་ལུགས |
འཕྱུགས་པར་འདོད་པའི་ལུགས་ནང་གསེས་གླིང་གཉིས་དབྱར་དུ་གཅིག་གཞན་གཉིས་དགུན་དུ་གཅིག་པར་འདོད་པའི་ལུགས། |
| ལྕགས་སྒྲོམ |
ལྕགས་ཀྱི་སྣོད་སྒྲོམ། |
| ལྕགས་སྙིགས |
ལྕགས་བཞུས་ཚར་བའི་སྙིགས་མ། |
| ལྕགས་སྟག |
ལོ་རྒན་དྲུག་ཅུའི་ནང་གསེས་ཤིག |
| ལྕགས་སྟེགས |
ཆུ་འཁོར་གྱི་སྲོག་ཤིང༌། |
| ལྕགས་སྦར |
ལྕགས་ལས་བཟོས་པའི་རྩྭ་སོགས་སྡུད་བྱེད་སྦར་མོའི་དབྱིབས་ཅན་ཞིག |
| ལྕགས་སྦུག |
ལྕགས་ཀྱི་སྦུ་གུ། |
| ལྕགས་སྦྲུལ |
1 སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་མིག་གསལ་བར་བྱེད། 2 ལོ་ཁམས་ཀྱི་བྱེ་བྲག་ཅིག |
| ལྕགས་སྨྱུག |
ལྕགས་ལས་བཟོས་པའི་སྨྱུ་གུ། |
| ལྕགས་སླང |
ལྕགས་ཀྱི་སླ་ང། |
| སོ་འཛིན |
1 ས་མཚམས་འཛིན་པ། 2 སོ་ལྟ་བའམ། སོ་སྲུང་བ། 3 མེ་མདའི་སོ་བ། |
| སོ་འོན |
དགྲ་རྐུན་སོགས་ཡོང་མིན་ལྟ་རྟོག་བྱེད་པའམ། གསང་མྱུལ་བྱེད་པ། སོ་འོན་དམག་མི། |
| སོ་ར |
ཡུལ རྫ་སྣོད་ལ་སོ་གཏོང་ཡུལ་གྱི་ར་བ། |
| སོ་རས |
སོ་མ་ར་ཙས་བཏགས་པའི་རས། སོ་རས་ཚོས་མ། སོ་རས་སྲབ་མོ། སོ་རས་ཉལ་གུར། |
| སོ་རོང |
སོ་སྟོ་སྟེ་སོ་ཕྱིར་ཟིང་བ། |
| སོ་རྒྱག་པ |
ཡུལ སོ་འདེབས་པ། |
| སོ་རྙིལ |
1 སོ་རྩའི་ཤ། 2 སོ་ནད་བྱེ་བྲག་ཅིག |
| སོ་རྟ་སྐྲ་ལུག |
བོད་སྔ་རབས་ཀྱི་ཁྲིམས་སྲོལ་ལ། མི་གཉིས་འཛིངས་ཏེ་ཕ་རོལ་པོའི་ཁ་སོ་གཅིག་བཀོག་པའི་འཇལ་དུ་རྟ་གཅིག་སྤྲོད་པ་དང༌། སྐྲ་རྐང་གསུམ་ཡན་གྱི་ཆུན་པོ་གཅིག་བཏོགས་པའི་འཇལ་དུ་ལུག་གཅིག་སྤྲོད་སྲོལ། |
| སོ་རྩ |
1 འགྲམ་པ་གཡས་གཡོན་དུ་ཡོད་པའི་སོའི་རྩ་ལམ། 2 སོའི་རྩ་བ། |
| སོ་རྩམ |
འབྲུ་རིགས་སོ་བའི་རྩམ་པ། |
| སོ་རྩི |
1 སོ་ཡུན་དུ་བརྟན་པའི་རྩི་སྨན་དུང་དང་མགྲོན་བུ་སོགས་བསྲེགས་པའི་ཐལ་བའི་རྫས། 2 ཏམ་བུ་ལའི་གཏོར་མ། |
| སོ་ལུག |
རླན་ཕོག་ནས་མྱུ་གུ་འབུས་པའི་འབྲུ་རིགས་ཀྱི་མིང་སྟེ། གྲོ་སོ་ལུག ཕྱེ་སོ་ལུག་ཅེས་པ་ལྟ་བུ། (བྱེད་མེད་ལས་ཚིག) འབྲུ་རིགས་ལ་མྱུ་གུ་འབུས་པའི་དོན་ཏེ། སྟོན་ཆར་ཞོད་ཆེ་བས་འབྲུ་རིགས་མང་བོ་སོ་ལུག་ལྟ་བུ། |
| སོ་ལོ་སྔོན་པོ |
ཡུལ སི་པན་སྔོན་པོ། |
| སོ་ལྕིབས |
ཁའི་ཡས་མཆུ་མས་མཆུ། |
| སོ་ལྟ་བ |
1 ཕྱོགས་ནས་དགྲ་སོགས་ཡོང་མིན་བྱ་ར་བྱེད་པ། སོ་ལྟ་དམག་མི། 2 མདའ་འབེན་ལ་འཁེལ་མིན་ལྟ་བའམ། ཚོད་ལྟ་བ། |
| སོ་ལྡན |
མངོན གླང་པོ་སྤྱི། |
| སོ་ལྷུ |
ཁའི་སོ་གྲལ། |
| སོ་ཤད |
ཁའི་སོ་འཁྲུད་བྱེད་ཀྱི་ཕག་ཟེ། |
| སོ་ཤིང |
དགེ་སློང་གི་སོའི་དྲི་མ་འཁྲུད་བྱེད་ཀྱི་ཤིང༌། སོ་ཤིང་འཆའ་བ། |
| སོ་ཤིང་གི་ཡོན་ཏན་ལྔ |
ཁ་ནང་དུ་ཆུ་སྐྱེ་བ། མཁྲིས་མཆིན་ཆ་སྙོམས་པར་བྱེད་པ། བད་ཀན་ཟིལ་གྱིས་གནོན་པ། ཁ་ནང་གི་དྲི་མ་སེལ་བར་བྱེད་པ། མིག་ལ་ཕན་པ་སྟེ་ལྔ། |
| སོ་ཤུན |
སོ་སྒྲིབ་བྱེད་ཀྱི་མཆུ། |
| སོ་ཤོ |
མདུན་སོ་སྟེང་མ་གཉིས་ཀྱི་བར་སྟོང་ཆེ་བ། |
| སོ་ཤྭ |
མདུན་སོ་སྟེང་མ་གཉིས་ཀྱི་བར་སྟོང་ཆེ་བ། |
| སོ་སངས |
རྟ་དྲེལ་སོགས་ཀྱི་སོ་ཡི་བར་སངས་པ། |
| སོ་སུམ་ཅུ་རྩ་གཉིས |
གཅོད་བྱེད་མདུན་སོ་བརྒྱད། མཛེས་བྱེད་མཆེ་བ་བཞི། ཟ་བྱེད་དམ་གཅོད་བྱེད་འགྲམ་སོ་ཉི་ཤུ་བཅས་སུམ་ཅུ་རྩ་གཉིས་སོ། |
| སོ་སོ |
1 ཕན་ཚུན་མི་འདྲ་བ་དང༌། གཅིག་པ་མིན་པ། ཟླ་དུས་སོ་སོ། རྒྱལ་ཁབ་སོ་སོ། ཉལ་ས་གཅིག་ལ་རྨི་ལམ་སོ་སོ། མིང་གཅིག་ལ་དོན་སོ་སོ། བླང་དོར་གྱི་གནས་སོ་སོ་མི་རྟོགས་པ། 2 ཕན་ཚུན་འབྲེལ་བ་མེད་པ། སོ་སོའི་ཡུལ། སོ་སོའི་བསམ་ཚུལ། སོ་སོ་རང་གིས་མྱོང་བ། སོ་སོར་བཤད་པ། སོ་སོའི་འགྲོ་ལམ་ལ་སོ་སོ་འགྲོ་བ། སེམས་དང་ལུས་གཉིས་ཁག་ཁག་སོ་སོ་རེད། |
| སོ་སོ་ཅི་རིགས་པ |
1 ཐ་དད་པའི་དངོས་པོ་གང་ཡང་རུང་བ། ཁ་དོག་ནག་པོ་མིན་ཚེ། དེ་བྱིངས་ཁ་དོག་སོ་སོ་ཅི་རིགས་པ་ཞིག་བྱུང་ན་འགྲིག 2 སུ་ཡིན་ཡང་རུང་བ། ལམ་རོགས་ཕོ་མོ་རྒན་གཞོན་སོ་སོ་ཅི་རིགས་པ་ཞིག་ཡོད་ན་ཆོག |
| སོ་སོ་ནས་སྤགས་པ་སློང་བའི་སྤང་བ |
སྤང་ལྟུང་སུམ་ཅུའི་ནང་གསེས། ཁྱིམ་བདག་ཕོ་མོ་སོ་སོ་ནས་གོས་མང་པོའམ་རེ་རེ་དགེ་སློང་རང་ལ་འབུལ་བར་སྤགས་པ་སློང་བའོ། |
| སོ་སོ་བ |
ཁག་ཁག་དང་རེ་རེ་བ། མི་སོ་སོ་བ། གནས་ཚུལ་སོ་སོ་བ། བཟོ་དབྱིབས་སོ་སོ་བ། སྔར་དང་མི་འདྲ་བའི་བྱེད་སྟངས་སོ་སོ་བ་ཞིག་གསར་དུ་བྱུང་བ། |
| སོ་སོ་ཡང་དག་པར་རིག་པ་བཞི |
བྱང་ཆུབ་སེམས་དཔས་ཆོས་སྣ་ཚོགས་ཐ་དད་པའི་མཚན་ཉིད་མ་ནོར་བར་ཤེས་པའི་ཕྱོགས་བཞི་སྟེ། ཆོས་སོ་སོ་ཡང་དག་པར་རིག་པ་དང༌། དོན་སོ་སོ་ཡང་དག་པར་རིག་པ་དང༌། ངེས་པའི་ཚིག་སོ་སོ་ཡང་དག་པར་རིག་པ་དང༌། སྤོབས་པ་སོ་སོ་ཡང་དག་པར་རིག་པ་དང་བཞིའོ། |
| སོ་སོ་རང་རིག |
མཉམ་གཞག་སོ་སོ་རང་གིས་རིག་པའི་ཡེ་ཤེས་ཀྱི་ཡུལ་ཡིན་པ་མ་གཏོགས་སྒྲ་རྟོག་གི་སྤྲོས་པའི་ཡུལ་མ་ཡིན་པ་ཞིག |
| སོ་སོ་སྐྱེ་བོ |
སངས་རྒྱས་ཆོས་ལུགས་ཀྱིས་འཕགས་པ་མ་ཡིན་པའི་སེམས་ཅན་ལ་སོ་སོ་སྐྱེ་བོའམ་སོ་སྐྱེ་ཟེར། |
| སོ་སོ་སྐྱེ་བོའི་ཚུལ་ཁྲིམས |
སོ་སྐྱེས་རྒྱུད་ཀྱིས་བསྡུས་པའི་སོ་ཐར་རིས་བདུན་གང་ཡང་རུང་བའི་ཚུལ་ཁྲིམས་སོ། |
| སོ་སོར་གསལ་བ |
1 གཟུགས་བརྙན་མ་འདྲེས་པར་གསལ་བའམ་མཐོང་བ། 2 ཚིག་དོན་གཞུང་རང་རང་དུ་བཤད་པ། 3 ལས་དོན་སོ་སོ་བློར་ངེས་པ། |
| སོ་སོར་ངེས་པ |
1 ཚིག་དོན་སོ་སོ་མ་ནོར་བར་ཤེས་པ། 2 བྱ་བ་དང་ས་གནས་སོགས་གཏན་འཁེལ་བ། 3 རྒྱུ་དང་འབྲས་བུ་ཐ་དད་པ། ལྡན་མིན་འདུ་བྱེད་ཀྱི་ནང་གསེས་ཤིག |
| སོ་སོར་ཆ་བ |
1 ལོགས་ལོགས་སུ་འགྲོ་བ། 2 སོ་ཆ་སྟེ་སྐྱུག་སྨན་ཞིག |
| སོ་སོར་ཐར་པ |
ཚུལ་ཁྲིམས་སྲུང་མཁན་རང་ཉིད་ངན་སོང་དང་འཁོར་བ་ནས་ཐར་པ། |
| སོ་སོར་ཐར་པའི་མདོ |
སངས་རྒྱས་ཤཱཀྱ་ཐུབ་པས་གསུངས་པའི་འདུལ་བ་རྩ་བའི་ལུང་སྟེ། གླེང་གཞི་དང༌། ལྟུང་རྐང་ཉིས་བརྒྱ་ལྔ་བཅུ་རྩ་གསུམ། རྩོད་པ་ཞི་བྱེད་ཀྱི་ཆོས་བདུན་གཙོ་བོར་སྟོན་པ་དགེ་སློང་ཕའི་སོ་ཐར་གྱི་མདོ་དང༌། ལྟུང་རྐང་སུམ་བརྒྱ་དྲུག་ཅུ་རྩ་བཞིའི་རྣམ་གཞག་གཙོ་བོར་སྟོན་པ་དགེ་སློང་མའི་སོ་ཐར་གྱི་མདོའོ། |
| སོ་སོར་ཐར་པའི་སྡོམ་པ |
དགེ་སྦྱོང་གི་རྒྱུད་ཀྱི་ངེས་འབྱུང་གིས་ཀུན་ནས་བསླངས་པའི་གཞན་གནོད་གཞིར་བཅས་སྤོང་བའི་སེམས་པ་མཚུངས་ལྡན་དང་བཅས་པ། འདོད་པའི་སས་བསྡུས་ཀྱི་འདི་པའི་ཚུལ་ཁྲིམས། |
| སོ་སོར་བཟློག |
མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| སོ་སོར་བརྟགས་མིན་འགོག |
རང་གི་དགག་བྱའི་ཆོས་མ་འོངས་པ་སྐྱེ་བ་ལ་གཏན་དུ་གེགས་སུ་གྱུར་ཅིང་བྲལ་བ་ལས་གཞན་པའི་འགོག་པ། |
| སོ་སོར་བརྟགས་འགོག |
བདེན་བཞི་ལ་བར་ཆད་མེད་ལམ་གྱིས་སོ་སོར་བརྟགས་པས་ཐོབ་པའི་བྲལ་བའི་འབྲས་བུ། སྡུག་བསྔལ་མཐོང་སྤང་སོགས་བཞི་སྤངས་པའི་བརྟགས་འགོག་བཞི་ལྟ་བུའོ། |
| སོ་སོར་མ་བརྟགས་པའི་བཏང་སྙོམས་མི་མངའ་བ |
ཉན་ཐོས་དག་སེམས་ཅན་ལ་འདུལ་བའི་སྐལ་བ་ཅི་ཡོད་པ་ཡང་སོ་སོར་མ་བརྟགས་ལ་དེ་དག་གི་ཡང་དོན་ཡང་མི་བྱེད་པར་འདོར་བས་ན་མ་བརྟགས་པའི་འདུ་ཤེས་བཏང་སྙོམས་མི་མངའ་བར། སངས་རྒྱས་ནི་སེམས་ཅན་འདུལ་བའི་སྐལ་བ་ཅི་ཡོད་བརྟགས་ནས་སྐལ་བ་མེད་པ་དོན་བྱས་ཀྱང་དོན་དུ་མི་འགྱུར་བ་ཉི་ཚེ་བཏང་སྙོམས་སུ་འཇོག་ཅིང༌། སྐལ་བ་ཅན་རྣམས་ཡལ་བར་བཏང་སྙོམས་སུ་མི་འཇོག་པ་སངས་རྒྱས་ཀྱི་ཆོས་མ་འདྲིས་པ་བཅོ་བརྒྱད་ཀྱི་ནང་གསེས་ཤིག |
| སོ་སོར་འབྲང་བ་ཆེན་མོ |
འཕགས་པ་རིག་པའི་རྒྱལ་མོ་སོ་སོར་འབྲང་བ་ཆེན་མོ། རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་ཀྱིས་བསྒྱུར་ཅིང༌། སྐད་གསར་བཅད་ཀྱིས་བཅོས་པའོ། |
| སོ་སོར་འབྲང་མ |
གཟུགས་གྲྭ་ལྔའི་ནང་ཚན་ཞིག་ |
| སོ་སོར་རྟོགས་པའི་ཡེ་ཤེས |
ཡིད་ཀྱི་རྣམ་པར་ཤེས་པ་འདོད་ཆགས་ལ་སོགས་པའི་དྲི་མ་དག་སྟེ་གནས་གྱུར་པ། |
| སོ་སྐུད |
སོ་མ་རཱ་ཛཱ་ལས་བཟོས་པའི་སྐུད་པ། |
| སོ་སྐྱེ |
1 ཁ་ལ་སོ་སྐྱེ་བ། 2 སོ་སོ་སྐྱེ་བོའི་བསྡུས་ཚིག་ |
| སོ་སྐྱེས་དྲི |
སོའི་དྲི་མ། |
| སོ་སྐྱོབ |
མངོན མཆུ། |
| སོ་སྒོ |
ཁའི་སོ། གཏམ་སོ་སྒོ་ཕན་ལ་མ་བུད་དགོས། བུད་ཚར་ན་དེ་ཡི་རྗེས་གནོན་ལེགས། |
| སོ་སྒྲ |
སོ་དང་སོ་བརྡར་བའི་སྒྲ། སོ་སྒྲ་འཆའ་བ། |
| སོ་སྒྲ་འདེབས་པ |
1 ཡ་སོ་དང་མ་སོ་བརྡར་བའི་སྒྲ་སྒྲོག་པ། 2 སོའི་བར་ནས་སི་སྒྲ་རྒྱག་པ། |
| སོ་སྒྲིབ |
མངོན མཆུ་ཏོ། |
| སོ་སྟོ |
སོ་ཕྱིར་ཟིང་བ། སོ་སྟོ་བ། སོ་སྟོ་མོ། |
| སོ་སྨན |
1 སོ་ནད་ལ་ཕན་པའི་སྨན། 2 སོ་འཁྲུད་བྱེད་ཀྱི་རྫས། |
| སོ་སྲིན |
ཁའི་སོ་ལ་ཞུགས་པའི་སྲིན་ནད་ཀྱི་རིགས་ཤིག་ཡིན་པར་བཤད་ཀྱང༌། དོན་དམ་དུ་ཁའི་ནང་གི་ཟས་རོ་རྣམས་སོ་སྲུབས་སུ་ལུས་པ་ཞོ་བསྙལ་བ་ལྟར་ལངས་ཏེ་སོ་རྩིར་གནོད་པར་བརྟེན་སོ་ཁོག་སྟོང་དུ་བྱུང་བའི་དབང་གིས་སོ་ན་བ་དང་སོ་རྙིལ་སྐྲངས་པ་སོགས་ཀྱི་ནད་ཅིག་ཡིན་ནོ། |
| སོ་སྲུང |
1 སོ་ལྟ་དང་འགོག་སྲུང༌། 2 མྱུལ་ཞིབ་བྱེད་མཁན། |
| སོ་སྲུབས |
སོའི་བར་སྟོང༌། |
| སོ་ཧྲུག |
1 སོག་སྐད་སོ་རུག་གི་སྒྲ་འགྱུར་བ། ཕྱུགས་འབྲོག་རུ་བ། 2 མཉེས་པའི་ཀོ་བ་རྩི་ལྡན་ཞིག |
| སྐྱེལ་དར |
སྐྱེལ་མ་བྱེད་སྐབས་སྐེ་ལ་གཡོག་རྒྱུའི་ཁ་བཏགས། |
| སྐྱེལ་བ |
ཐ་དད་པ བསྐྱལ་བ། བསྐྱལ་བ། སྐྱོལ།། 1 ས་གནས་གཞན་དུ་གཏོང་བ། སྐུ་མགྲོན་སྐྱེལ་བ། ཕེབས་སྐྱེལ། གཤེགས་སྐྱེལ། 2 དབོར་བའམ། འདྲེན་པ། འགྲོ་ཆས་བསྐྱལ། ཚོང་ཟོག་སྐྱེལ་བ། ནང་གཏམ་ཕྱིར་སྐྱེལ། ལན་སྐྱེལ། ཐུང་སྐྱེལ། རི་རྡོ་ཀླུངས་སྐྱེལ། 3 བྱེད་པའམ་ལག་ལེན་བསྟར་བ། ཁ་སྐྱེལ། མནའ་བསྐྱལ། གནོད་བསྐྱལ། གནོད་པ་སྤུ་ཙམ་ཡང་མི་སྐྱེལ། 4 ཡོལ་བར་བྱེད་པ། དོན་མེད་དུས་བསྐྱལ། མི་ཚེ་དོན་དང་ལྡན་པར་བསྐྱལ། ཟ་མ་རྒྱགས་ཚད་བཟས་ནས་ཉི་མ་སྐྱེལ། |
| སྐྱེལ་བཅོལ |
སྐྱེལ་རོགས་ཞེས་བཅོལ་གཏམ་བྱས་པ། |
| སྐྱེལ་བདར |
སྐྱེལ་བའི་བདལ་གླ། |
| སྐྱེལ་མ |
བསྐྱལ་ནས་སྲུང་སྐྱོབ་བྱེད་མཁན་གྱི་མིང་། དངོས་རྫས་སོགས་གནས་ཤིག་ནས་གནས་གཞན་ཞིག་ལ་སྤོར་བའི་དོན་ཏེ། ཞིང་ལ་ལུད་བསྐྱལ། རྡོ་བསྐྱལ་ནས་ཆུ་རགས་བརྩིགས། ལུད་སྐྱེལ་རན། སྐྱེལ་མཁན་ཞེས་པ་ལྟ་བུ། |
| སྐྱེལ་མདོས |
དམིགས་ཡུལ་གྱི་གནས་སུ་སྐྱེལ་བའི་མདོས་ཀྱི་དངོས་རྫས། |
| སྐྱེལ་འདྲེན |
དངོས་རྫས་སོགས་གནས་གཅིག་ནས་གཅིག་ལ་སྤོར་བའི་བྱ་བའི་མིང་། ０ལག་ལེན་བྱེད་པའི་དོན་ཏེ། གནོད་པ་བསྐྱལ་མནའ་བསྐྱལ་ལྟ་བུ། １མཐར་ཕྱིན་ཏུ་བཅུག་པའི་དོན་ཏེ། གསར་བརྗེ་བྱས་ནས་མི་ཚེ་བསྐྱལ་ཞེས་པ་ལྟ་བུ། |
| སྐྱེལ་རིང |
ཐག་རིང་དུ་སྐྱེལ་བ། |
| སྐྱེས |
ཡིག་རྟེན་དང༌། ལག་རྟགས་སོགས་བསམ་པ་དཀར་བ་མཚོན་བྱེད་དུ་སྤྲོད་པའི་དངོས་རིགས། ཕེབས་སྐྱེས། འབྱོན་སྐྱེས། གནང་སྐྱེས། ཐག་རིང་ནས་དངོས་རིགས་ཕྲན་ཙམ་ཞིག་སྐྱེས་སུ་བསྐུར། སྙིང་ཉེ་བས་དུས་དང་དུས་སུ་བཟའ་བཏུང་གི་སྐྱེས་ཕུལ།…2.འདས་པ་སྟེ། གྲོ་སྐྱེས་ནས་སྙེ་མ་ཐོན། རྩྭ་སྐྱེས་ནས་འབྲས་བུ་ཐོགས་ལྟ་བུ། |
| སྐྱེས་ཀྱི་མཆོག |
སྐྱེས་ནི་རྫོང་བ་སྟེ། རང་གི་གྲོགས་བཤེས་ལྟ་བུ་ཐག་རིང་དུ་འགྲོ་བའམ། ཚུར་འོང་བའི་ཚེ་ཕན་ཚུན་ཡིད་དགའ་བའི་མཚོན་བྱེད་དུ་སྟེར་བའི་རྒྱུ་དངོས། |
| སྐྱེས་ཀྱི་མཚན་མ |
རྙིང དྲན་རྟེན། |
| སྐྱེས་ཁྱིམ |
ཤར་གླིང་དབུས་མའི་ཚངས་ཐིག་སྟེང་དུ་ཀ(RtA)འི་ཐོག་མར་ཉི་མ་སྐྱེས་མ་ཐག་ཏུ་རང་འགྲོས་གཡོན་འཁོར་གྱིས་གཟའ་སོ་སོའི་སྐྱེས་སྐར་སྟེང་དུ་སླེབས་ཏེ་རླུང་འགྲོས་ཀྱིས་ཤར་གླིང་དབུས་མའི་ཚངས་ཐིག་ཐད་དུ་སླེབས་པ་དང་ལྷན་ཅིག་ཏུ་གཟའ་རྣམས་སྐྱེས་པའི་རྒྱུ་སྐར། དེ་ལ་སྐྱེས་སྐར་ཡང་ཟེར། ཉི་མ་ནབས་སོའི་ཆུ་ཚོད་45) ཟླ་བ་ཐ་སྐར་ཆུ་ཚོད་0) མིག་དམར་མཆུའི་ཆུ་ཚོད་30) ལྷག་པ་ལྷ་མཚམས་ཆུ་ཚོད་30) ཕུར་བུ་མེ་བཞིའི་ཆུ་ཚོད་30) པ་སངས་ནབས་སོའི་ཆུ་ཚོད་0) སྤེན་པ་སྣྲུབས་ཀྱི་ཆུ་ཚོད་0) སྐར་18) སྒྲ་གཅན་ནག་པའི་ཆུ་ཚོད་0) མཇུག་རིང་ཆུ་སྨད་ཆུ་ཚོད་0 སྟེང་དུ་སྐྱེས་པའོ། 45 0 30 30 0 0 0 0 0 |
| སྐྱེས་གཟུགས |
མིའི་གཟུགས་པོའི་མིང་སྟེ། སྐྱེས་གཟུགས་ལེགས་པ་ཞེས་པ་ལྟ་བུ། |
| སྐྱེས་ཆང |
གཞན་ལ་ལག་རྟགས་སུ་འབུལ་རྒྱུའི་ཆང༌། |
| སྐྱེས་ཆེན |
1 གཞན་ལ་སྤྲོད་རྒྱུའི་ལག་རྟགས་ཆེན་པོ། 2 གཞན་དོན་སྒྲུབ་འདོད་ཀྱི་སྙིང་སྟོབས་ཕུལ་དུ་བྱུང་ཞིང་སྐྱོ་དུབ་མེད་པ་ཐེག་པ་ཆེན་པོའི་གང་ཟག |
| སྐྱེས་ཆེན་དམ་པ |
སྐྱེས་བུ་མཆོག་ཏུ་གྱུར་པ། |
| སྐྱེས་ཐོབ |
ཐོག་མ་ནས་ཡོད་པའམ། རང་བཞིན་དུ་ཡོད་པ། |
| སྐྱེས་ཐོབ་ཀྱི་དགེ་བ |
སྔོན་གོམས་པའི་རྒྱུས་ཚེ་འདིར་རང་གིས་དགེ་བ་བྱེད་པ་ཐོབ་པ། |
| སྐྱེས་ཐོབ་ཀྱི་མི་དགེ་བ |
སྐྱེ་བ་སྔོན་མི་དགེ་བར་གོམས་པས་ཚེ་འདིར་མི་དགེ་བ་འབྱུང་བ། |
| སྐྱེས་ཐོབ་ལུང་མ་བསྟན |
མི་དགེ་བ་དང་དགེ་བ་ཟག་བཅས་ཀྱི་རྣམ་སྨིན་རྣམས་སོ། |
| སྐྱེས་ཐོབ་ཤེས་རབ |
སྐྱེ་དུས་ནས་ཡོད་པའི་ཤེས་རབ། |
| སྐྱེས་ནག |
ཁྱིམ་པ་ཕོ་མོ་སྟེ་སྐྱེས་པ་དང་ནག་མོ། |
| སྐྱེས་ནས་མ་ནིང |
སྐྱེས་མ་ཐག་ནས་མཚན་བཅས་མ་ནིང་དང་མཚན་མེད་མ་ནིང་གཉིས་གང་རུང་ངམ། ཕོ་མིན་མོ་མིན་དུ་གྱུར་པ། |
| སྐྱེས་ནས་མྱོང་འགྱུར་གྱི་ལས |
སྐྱེ་བ་ཕྱི་མ་ལ་ངེས་པར་མྱོང་བར་འགྱུར་བའི་ལས། |
| སྐྱེས་ནས་འདའ་བ |
གཟུགས་སུ་ཉེ་བར་འགྲོ་བ་གསུམ་གྱི་ནང་གསེས། གཟུགས་ཁམས་ཀྱི་ལྷ་གནས་བཅུ་དྲུག་གང་ཡང་རུང་བར་དང་པོར་སྐྱེས་པའི་རྟེན་དེ་ཉིད་ལ་མྱ་ངན་ལས་འདའ་བ་སྟེ། དགེ་འདུན་ཉི་ཤུའི་ནང་གསེས་ཤིག |
| སྐྱེས་ནས་འདའ་བ་གསུམ |
དགེ་འདུན་ཉི་ཤུ་ལས། སྐྱེས་ནས་མྱ་ངན་ལས་འདའ་བ་ལ་སྐྱེས་ཙམ་ནས་འདའ་བ་དང༌། འདུ་བྱེད་དང་བཅས་ཏེ་འདའ་བ་དང༌། འདུ་བྱེད་མེད་པར་འདའ་བ་སྟེ་གསུམ་མོ། |
| སྐྱེས་ནས་ཡོངས་སུ་མྱ་ངན་ལས་འདའ་བ |
སྐྱེ་བ་ཕྱི་མར་མྱང་འདས་འཐོབ་ངེས། |
| སྐྱེས་པ |
1. སྐྱེ་བའི་འདས་པ། 2. མི་ཕོའམ་ཁྱོ་ག། སྐྱེས་པ་དར་མ། སྐྱེས་པའི་སྒྲ། སྐྱེས་པའི་དབང་པོ། མིང་གི་རྣམ་གྲངས་ལ་སྐྱེ་རྒྱལ་དང༌། སྐྱེ་བས་རྒྱལ། སྐྱེ་བས་མཐོ། ཁུ་བའི་བདག་ཉིད། བགོད་བྱེད། ལྔ་སྐྱེས། མི་ཕོ་བཅས་སོ། |
| སྐྱེས་པ་དོང་བཏགས |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་གློ་བ་སོགས་བྱང་ཁོག་ནང་གི་རྣག་ཁྲག་སྐེམ། རྨ་གསོ། |
| སྐྱེས་པ་ཕོ |
ཁྱོ་ག། |
| སྐྱེས་པ་ཕོ་ལུས |
ཁྱོ་གའི་ལུས། |
| སྐྱེས་པ་འབྲས་བུ་ཕྱུང་བ |
མངོན རླིག་རིལ་བཏོན་ཟིན་པའི་ཁྱོ་ག་དེ་ལ་ཉུག་རུམ་པའང་ཟེར། |
| སྐྱེས་པའི་གནས་སྐབས་ལྔ |
བྱིས་པ། གཞོན་ནུ། དར་ལ་བབ་པ། དར་ཡོལ། རྒན་པོ་སྟེ་ལྔ། |
| སྐྱེས་པའི་གྲོང་ཁྱེར |
མངོན སྨད་འཚོང་མའི་ཁང་པ། |
| སྐྱེས་པའི་རབས་ཀྱི་རྒྱུད |
སངས་རྒྱས་ཀྱི་འཁྲུངས་རབས་གཏམ་རྒྱུད། |
| སྐྱེས་པའི་རབས་ཀྱི་སྡེ |
གསུང་རབ་ཡན་ལག་བཅུ་གཉིས་ཀྱི་དགུ་པ་བྱང་ཆུབ་སེམས་དཔའི་སྐྱེས་པའི་རབས་སྟོན་པ་དཔེར་ན། སྐྱེས་རབས་སོ་བཞི་པ་ལྟ་བུ་སྟེ་འདུལ་བའི་སྡེ་སྣོད་དུ་གཏོགས། |
| སྐྱེས་པའི་སྲོག་ཆགས |
སེམས་ཅན། |
| སྐྱེས་ཕྲན |
1 ན་ཚོད་ཆུང་བའམ། དར་མ། 2 ལག་རྟགས་ཆུང་ངུ། |
| སྐྱེས་བདག |
མངོན ལྕགས་ལུག་ལོ། |
| སྐྱེས་བུ |
མི། སྐྱེས་བུ་ངན་པ། སྐྱེས་བུ་སྟོབས་ལྡན། སྐྱེས་བུ་ཆེ་འབྲིང་ཆུང་གསུམ། སྐྱེས་བུ་ཐ་ཤལ། སྐྱེས་བུ་བློ་མིག་དང་ལྡན་པ། |
| སྐྱེས་བུ་ཁྱུ་མཆོག |
མངོན སངས་རྒྱས་ཀྱི་མཚན། |
| སྐྱེས་བུ་གང་ཟག |
མི། |
| སྐྱེས་བུ་གང་ཟག་རབ་རིབ་ཅན |
1 མིག་རབ་རིབ་ཅན་གྱི་མི། 2 ཤེས་རིག་རྨོངས་པའི་མི། |
| སྐྱེས་བུ་གཙོ |
མངོན བདག་ཉིད་ཆེན་པོ། |
| སྐྱེས་བུ་གསལ་ཤིང་ལ་བཙུགས་པ |
སྔ་དུས་ཁྲིམས་གཏོང་ལུགས་ངན་པ་ཞིག |
| སྐྱེས་བུ་གསུམ |
སྐྱེས་བུ་ཆུང་ངུ་དང༌། འབྲིང་བ། ཆེན་པོ་སྟེ་གསུམ། |
| སྐྱེས་བུ་གསུམ་གྱི་ལམ་རིམ |
སྐྱེས་བུ་ཆེ་འབྲིང་ཆུང་གསུམ་གྱི་ལམ་གྱི་རིམ་པ་དང་དེ་སྟོན་པའི་གཞུང༌། |
| སྐྱེས་བུ་ཅང་ཤེས་བཟང་པོ |
ཤེས་རབ་ཅན་གྱི་མི་བཟང་པོ། |
| སྐྱེས་བུ་ཆུང་ངུ |
སྐྱེས་བུ་ཆུང་བ་དང་འདྲ། |
| སྐྱེས་བུ་ཆུང་བ |
ངན་སོང་ལ་སྐྲག་ཅིང་མཐོ་རིས་ཙམ་དོན་དུ་གཉེར་བའི་སྐྱེས་བུ། |
| སྦུབས་ཁོང |
ནང་ངམ་ཁོག་སྟོང༌། ལྕགས་དོང་གི་སྦུབས་ཁོང་ནས་ཆུ་དྲངས་པ། |
| སྦུབས་གྲོལ་བ |
1 ནང་ནས་ཐར་བ། 2 ཁ་ཕྱེ་བ། མེ་ཏོག་གི་སྦུབས་གྲོལ་ཏེ་ཞལ་ཁ་ཕྱེ་བ། |
| སྦུབས་ཅན |
མངོན ཛཱ་ཏི་ཕ་ལ། |
| སྦུབས་ཅན་མོ |
སྦུབས་ཅན་ཨི་ཁུང་ནང་དུ་གཞང་འབྲུམ་གཅུར་བྱེད་ཀྱི་ཡོ་བྱད་ཅིག |
| སྦུབས་ཅན་སོག་ལེ་ཁ |
རུས་པ་ལ་ཨི་ཁུང་འབིགས་བྱེད་ཀྱི་ཡོ་བྱད་ཅིག |
| སྦུབས་ཅོག |
ཤུར་སྒམ་མེད་པའི་ཅོག་ཙེ། |
| སྦུབས་ཆུང |
1 ཁོག་པ་ཆུང་ངུ། 2 སྦུ་གུ་ཕྲ་མོ། |
| སྦུབས་ཐུར |
ནང་སྟོང་པ་ཡིན་པའི་ཐུར་མ། |
| སྦུབས་ཐུར་སྨྱུ་གུ་ཁ |
ལུས་སྟོད་ཀྱི་རྣག་གསང་དབྱེ་བ་འབྱེད་བྱེད་ཡོ་བྱད་ཅིག |
| སྦུབས་ཐོ |
ཡུལ ལྕགས་སོགས་ཀོང་ཀོང་བཟོ་བྱེད་ཀྱི་ཐོ་བ། |
| སྦུབས་དོང |
ཀོང་དོང༌། རི་ཁོག་སྦུབས་དོང༌། ས་འོག་སྦུབས་དོང༌། |
| སྦུབས་པ |
སྦུབ་པའི་འདས་པ། |
| སྦུབས་བརྟོལ་བ |
1 སྨྱུག་སྦུག་སོགས་འགགས་པ་བཤངས་པ། 2 སྒོ་ང་སོགས་ཁ་ཕྱེ་བ། བྱེའུས་སྒོང་སྦུབས་བརྟོལ་ནས་ཕྱིར་ཐོན་པ། |
| སྦུབས་བཤངས |
བྲག་ཕུག་སོགས་སྦུབས་བཤངས་ཏེ་ཆེ་རུ་བཏང་བ་ལྟ་བུ། |
| སྦུབས་བཤད |
རྣ་བ་ནས་རྣ་བར་བརྒྱུད་པའི་གསང་གཏམ། |
| སྦུབས་མ |
ཕྲ་ཞིང་རིང་ལ་ཁོག་སྟོང་ཡིན་པའི་དངོས་པོ། ཁུང་བུའི་སྦུབས། རྩའི་སྦུབས། སོག་སྦུབས། ལྕགས་སྦུབས། རླིད་སྦུབས། རྣ་སྦུབས། པད་སྦུབས། མེ་ཏོག་སྦུབས་དབྱིབས་ཅན། རྩ་སྦུབས་ཕྲ་བ། |
| སྦུབས་འབྱར |
གཅིན་པ་འགགས་པའི་ནད་ཅིག |
| སྦུབས་འབྲས |
མངོན ཛཱ་ཏི་ཕ་ལ། |
| སྦུབས་ཡུར |
ས་འོག་ཆུ་འགྲོ་སའི་སྦུབས་ཤུར། |
| སྦུབས་རྒྱ |
ཕྱི་བཏུམས་པའི་ཤུན་སྐོགས་ཀྱི་མིང་སྟེ། སྒོ་ངའི་སྦུབས་རྒྱ་གྲོལ་ནས་བྱ་ཕྲུག་ཐོན་ཞེས་པ་ལྟ་བུ། |
| སྦུབས་ལྡན |
མངོན སྨྱུག་མ། |
| སྦུབས་སྐྱེས |
མངོན ཛཱ་ཏི་ཕ་ལ། |
| སྦུབས་སྟོང |
ནང་སྟོང་ངམ་ཁོག་སྟོང༌། |
| སྦུར |
སྐོགས་ཤུན་ཅན་གྱི་འབུའི་སྤྱི་མིང་སྟེ། བསེ་སྦུར། སྦུར་མགྱོགས་སོགས་ལྟ་བུ། |
| སྦུར་ནག |
སྲིན་བུའི་བྱེ་བྲག་སྦུར་གོག་ནག་པོ། |
| སྦུར་པ |
སྐོགས་ཤུན་ཅན་གྱི་འབུའི་སྤྱི་མིང༌། བསེ་སྦུར། གྲོག་སྦུར། |
| སྦུར་བ |
སྦུར་མ་དང་འདྲ། |
| སྦུར་མ |
རྩྭ་སྙིགས་སམ། གཟན་སྙིགས་དང༌། སྤུ་རྡུལ་སོགས་ཉལ་ཉིལ་དུ་སྤུངས་པའི་རིགས། སྒོ་རའི་ནང་གི་སྦུར་མ་ཕྱགས་ནས་ལུད་སྦྱོར་བྱེད་པ། |
| སྦུར་མེ |
རྩྭའམ་སོག་མ་སོགས་ཀྱི་མེ་ཕྲ་མོ། |
| སྦུར་ལེན |
སྤོས་ཤེལ། ཐང་ཆུའི་རིགས་ཀྱི་འགྱུར་རྡོ་འཇམ་པོ་ཞིག་སྟེ། བརྡར་ཙམ་བྱས་ན་རྡུལ་ཕྲན་ནམ་སྦང་རྡུལ་འཐེན་ལེན་བྱེད་ཐུབ་པ། ནམ་རྒྱུན་དུ་རྒྱན་ཆར་བྱེད། |
| སྦུར་ལོང |
ཡུལ གསེར་རམ་དངུལ་ལས་བཟོས་པའི་ཁམས་ཕྱོགས་ཀྱི་རྣ་རྒྱན་ཞིག |
| སྦུས་རུ |
བར་དབུས་གཙང་རུ་བཞིའི་ནང་གསེས། དབུ་རུའི་མིང་གསར། |
| སྦེ་ཀ |
སྦེ་ག་དང་འདྲ། |
| སྦེ་ཁ |
སྦེ་ག་དང་འདྲ། |
| སྦེ་ག |
མི་གཉིས་ཕན་ཚུན་དབྱུག་རེས་རྡབ་རེས་བྱེད་པའི་ལུས་རྩལ་ཞིག་སྟེ་རྒྱ་གར་སྐད་བྷེཀཿ ཟེར་བ་ལས་ཟུར་ཆག་པ་འདྲ། བྷེཀཿ |
| སྦེ་ག་འཆང་བ |
ཕན་ཚུན་གཅིག་ལ་གཅིག་འཐམས་ནས་ཤེད་ཚད་པ། |
| སྦེ་ག་རྒྱག་པ |
ཕན་ཚུན་འཐམས་ཏེ་ཤེད་ཚད་པ། |
| སྦེ་ག་རྡོ་འགྱོགས |
ཤེད་རྩལ་གྱི་གྲས་སྦེ་ག་དང་རྡོ་འགྱོགས་གཉིས། སྦེ་ག་རྡོ་འགྱོགས་ཀྱི་འགྲན་སྡུར་བྱེད་པ། |
| སྦེ་ག་སྦྱོར་བ |
ཕན་ཚུན་འཛིང་ཚུལ་གྱིས་ཤེད་སྟོབས་ཚད་པ། |
| སྦེ་མཁར |
བོད་རང་སྐྱོང་ལྗོངས་ཁོངས་མཚོ་སྣ་རྫོང་འོག་མོན་ཡུལ་ཁུལ་གྱི་ས་ཆ་དེ་ཐོག་སྔར་ཏཱ་ལའི་བླ་མ་སྐུ་ཕྲེང་དྲུག་པ་ཚངས་དབྱངས་རྒྱ་མཚོའི་ཨ་ཞང་སྡེ་པ་ཞིག་གི་གཞིས་ཀའི་ས་ཁང་ཡོད་སྐད། |
| སྦེག |
ལུས་རིད་པའི་བརྡ་རྙིང་། ཡུལ་སྐད་དུ་འབུར་བའམ་སྐྲངས་པའི་དོན་ཏེ། འགྲམ་པ་སྦེག་སྦེག་ཅིག་རེད་ལྟ་བུ། |
| སྦེག་པ |
རྙིང 1 དངོས་ངན་ཤ་ཆུང་བ། 2 ཤ་སྐེམ་པ། |
| སྦེག་སྦེག |
ཡུལ གཟུགས་ཐུང་ལ་སྦོམ་པ། |
| སྦེད |
ད་ལྟ་བ་སྟེ། སྦེད་མཁན། བྱིས་པ་སྦེད་ཀྱིན་འདུག་ལྟ་བུ། |
| སྦེད་པ |
ཐ་དད་པ སྦས་པ། སྦ་བ། སྦོས།། མི་མངོན་པར་བྱེད་པ། སའི་འོག་ཏུ་འབར་མདེལ་སྦས་པ། རང་སྐྱོན་སྦེད་པ། དཔེ་ཆ་གཏེར་དུ་སྦས་ནས་མི་ལོ་བདུན་བརྒྱ་སོང་བ། དཔུང་ཚོགས་ནགས་ཚལ་དུ་སྦས་པ། ས་ཁུང་བྲུས་ཏེ་ཁ་ཟས་སྦེད་པ། |
| སྦེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཐོ་འཚམ་པའི་བསམ་པས་དགེ་སློང་གི་གོས་དང་ལྷུང་བཟེད་སོགས་ཡོ་བྱེད་སྦེད་པའོ། |
| སྦེད་བྱེད |
མངོན 1 རྡོ། 2 སྨད་འཚོང་མ། |
| སྦེད་བྱེད་པ |
སུཔིནྟྲ གནས་བརྟན་བཅུ་དྲུག་ལས་རི་རྒྱལ་བི་ཧུ་ལར་བཞུགས་པའི་གནས་བརྟན་ཞིག |
| སྦེན |
ཡང་དག་མ་ཡིན་པའི་བརྡ་རྙིང་སྟེ། སྦེན་ཞ་ཏ་ཡང་འབྲི། |
| སྦེན་ཞ་ཏ |
རྙིང ཡང་དག་མིན་པ། |
| སྦེབ་པ |
1 ཡུལ སྐྲངས་པ། 2 རྙིང ཉེན་པ། |
| སྦོ |
1 ལུས་ཀྱི་བྲང་ཁོག་དཀྱིལ་གྱི་མིང༌། སྦོ་ཆུ་ལ་སྦང་མ་དགོས་པར། རྐྱལ་ཉ་འདྲ་པོ་རྒྱག་འདོད། 2 དབོ་དང་འདྲ། |
| སྦོ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)མི་ཕྱུགས་ཀྱི་ཕོ་བ་དང་རྒྱུ་མའི་ནང་དབུགས་འཕེལ་ནས་ཇེ་ཆེར་སོང་བའི་དོན་ཏེ། ཕོ་བ་སྦོ་འཁྲོག་བྱེད་ལྟ་བུ། |
| སྦོ་གཞོགས |
སྦོ་ཡི་ཟུར། |
| སྦོ་དགྱེད་དགྱེད |
བྲང་ཁོག་གི་སྦོ་ལྡིར་ལྡིར་བྱེད་ཚུལ། ལས་འགན་ལྕི་པོ་ཡིན་པར་ཤེས་ནས་སྦོ་དགྱེད་དགྱེད་བྱས་ཏེ་ལེན་ཕོད་པ། |
| སྦོ་བལ |
ལུག་གི་ལྟོ་བའི་ངོས་ཀྱི་བལ། |
| སྦོ་མ |
མིག་གི་ལིང་ཐོག་ཡོས་སྦོ་གས་པ་ལྟ་བུ། |
| སྨུག་པོ |
(རྒྱན་ཚིག) མཆིན་པའི་མདོག་འདྲ་བ་དམར་ལ་ནག་ཞད་ཆེ་བའི་མདོག་སྟེ། རས་སྨུག་པོ་ཞེས་པ་ལྟ་བུ། ཚིག་བསྡུག་ན་སྨུག་ཅེས་འབྲི་ཆོག་སྟེ། དམར་སྨུག ནག་སྨུག་ཅེས་པ་ལྟ་བུ། |
| སྨུག་པོ་གབ |
བད་ཀན་སྨུག་པོ་ཁྲག་མཁྲིས་ཚ་བའི་སྟོབས་དེ་བད་རླུང་གྲང་བས་མགོ་མནན་ནས་འོག་ཏུ་ཚ་བ་གནས་ཀྱང་ཕྱིར་གྲང་རྟགས་སྟོན་པའི་དོན། |
| སྨུག་པོ་གྲང་རྐྱེན |
འཇུ་དཀའ་བ་དང་མི་འཕྲོད་པའི་ཟས་བསྟེན་པས་མ་ཞུ་གྲང་བའི་རྐྱེན་གྱིས་སློང་བའི་སྨུག་པོ་གྲང་ཤས་ཆེ་བའི་མིང་སྟེ་སྨུག་པོ་མས་ཆགས་ཀྱང་ཟེར། |
| སྨུག་པོ་གླང་འཐབ |
བད་ཀན་སྨུག་པོ་ཚ་གྲང་འཐབ་སྟེ་ནད་རྟགས་གླང་བུའི་རྭས་བསྣུན་པ་ལྟར་ཕོ་ལོང་རྒྱུ་མའི་གནས་སུ་ནད་ཟུག་དྲག་པོ་འབྱུང་བ་ཞིག |
| སྨུག་པོ་ཆིག་ཐུབ |
རྡོ་སྨན་མདུང་རྩེ་སྨུག་པོའི་མིང་གི་རྣམ་གྲངས་ཤིག |
| སྨུག་པོ་བྱེར |
སྨུག་པོའི་ནད་དེ་ཁྲག་ནང་ཞུགས་ནས་སྲོག་རྩ་ནག་པོར་བརྒྱུད་ལུས་ཀྱི་གནས་ཀུན་ཏུ་བྱེར་བར་གྱུར་པའི་དོན། |
| སྨུག་པོ་ཚ་རྐྱེན |
ལུས་འགྲམས་པ་དང༌། ཚ་སྐྱུར་ཟས་སོགས་ཁྲག་མཁྲིས་རྒྱས་པའི་རྐྱེན་གྱིས་སློང་བའི་སྨུག་པོ་ཚ་ཤས་ཆེ་བའི་མིང་སྟེ། སྨུག་པོ་ཡས་བབས་ཀྱང་ཟེར། |
| སྨུག་པོ་འགྱིངས་པ |
བད་ཀན་སྨུག་པོ་ཕོ་བར་འགྱིངས་ཏེ་ཡར་སྐྱུག་པ་དང༌། མར་བཤལ་བ་བྱེད་མི་ཐུབ་པ་ཕོ་བ་ཁེངས་ཤིང་ཧྲེམ་མེར་ན་བ་ཞིག |
| སྨུག་པོ་འཐབ་པ |
བད་ཀན་སྨུག་པོ་དུས་གསུམ་གྱི་ནང་ཚན་ཚ་གྲང་འཐབ་པའི་སྐབས་ཏེ། ནད་རྟགས་སུ་ཟས་མི་འཇུ་ཞིང༌། ཤ་སྐེམ་པ། གླང་ཐབས་ཡང་ཡང་ལྡང་བ་བཅས་འབྱུང་བ་ཞིག |
| སྨུག་པོ་འདྲིལ |
སྨུག་པོ་མ་ཞུ་བ་ལས་བྱུང་བ་དྭངས་མ་དང་སྙིགས་མ་རྒྱུ་བའི་གནས་སུ་སྐྲན་དུ་འདྲིལ་བའི་དོན། |
| སྨུག་པོ་འོར་ལྷུང |
བད་ཀན་སྨུག་པོ་ཆུ་གཞི་དང་བསྡོངས་ནས་སྐྲང་པ་འོག་ཏུ་ལྷུང་བའི་མིང༌། |
| སྨུག་པོ་རལ་བ |
བད་ཀན་སྨུག་པོ་རྒྱས་པའི་སྐབས་སུ་ཁྲག་ཐུར་དུ་བཤལ་བའི་དོན། |
| སྨུག་པོ་རྒྱས་པ |
བད་ཀན་སྨུག་པོ་ཁྲག་མཁྲིས་སྟོབས་རྒྱས་པའི་སྐབས་ཏེ། ནང་གསེས་སུ་དབྱེ་ན་གྱེན་དུ་རྡོལ་བ་དང༌། ཐུར་དུ་རལ་བ་གཉིས་མཆིས་སོ། |
| སྨུག་པོ་རྡོལ་བ |
བད་ཀན་སྨུག་པོ་རྒྱས་པའི་སྐབས་སུ་ཁྲག་གྱེན་དུ་སྐྱུགས་པའི་དོན། |
| སྨུག་པོ་སྦལ་རྒྱབ |
རྡོ་སྨན་གྱི་རིགས་ཤིག་སྟེ། རོ་བསྐ། ཞུ་རྗེས་བསིལ། ནུས་པས་རུས་ཆག་གསོ། ཆུ་སེར་སྐེམ། ཀླད་སྐྱོན་སེལ། |
| སྨུག་ཕུང་ངེ |
མདོག་དབྱིབས་མངོན་ཚུལ་ཞིག གོས་དམར་ནག་གྱོན་པའི་ཚོགས་པ་ཞིག་ཐག་རིང་ནས་མཐོང་དུས་སྨུག་ཕུང་ངེར་མངོན་པ། |
| སྨུག་ཚོས |
མདོག་སྨུག་པོའི་ཚོས། སྣམ་རས་ལ་སྨུག་ཚོས་རྒྱག་པ། |
| སྨུག་ཞག |
སྨུག་པ། གྲོང་ཁྱེར་གྱི་སྟེང་དུ་སྨུག་ཞག་འཁྲིགས་པ། |
| སྨུག་རྩི |
འབྲི་མོག་སྟེ། རོ་མངར་ལ་ཁ། ཞུ་རྗེས་སྙོམས། ནུས་པས་གློ་ནད་འཇོམས། ཁྲག་ངན་སྐེམ། |
| སྨུག་ཤིག་གེ་བ |
ཚོས་མདངས་སྨུག་ཙམ་གྱི་རྣམ་འགྱུར། མེ་ཏོག་སྨུག་ཤིག་གེ་བར་ཤར་བཞག |
| སྨུག་སེར |
ཁ་དོག་སྨུག་པོ་སེར་ཤས་ཆེ་ཙམ་ཞིག གོས་ཆེན་སྨུག་སེར་གྱི་ལྭ་བ་གྱོན། |
| སྨུགས་པ |
སྨུག་པ་ཡི་འབྲི་ཚུལ་གཞན། |
| སྨེ |
1. སྡུག་བསྔལ་གྱི་བརྡ་རྙིང།…2.ལུས་ཀྱི་སྨེ་བ་སྟེ། མིའི་སྐྱི་མོ་ན་ཡོད་པའི་ནག་ཐིག་ལྟ་བུའི་མིང་། |
| སྨེ་གབ |
རྙིང གསང་གནས་འགེབས་པའི་གོས། |
| སྨེ་གཙང |
བཙོག་པ་དང་གཙང་བ། |
| སྨེ་ཐིག |
ལུས་ཀྱི་སྨེ་བ། |
| སྨེ་བ |
1 1 ལུས་ཀྱི་ཤ་མཚན་ནག་ཐིག་གམ། ཤའི་འཛེར་པ། 2 ནག་རྩིས་ཀྱི་སྨེ་བ་སྐོར་དགུ། 2. དམེ་དང་འདྲ། |
| སྨེ་བ་དགུ |
གཅིག་དཀར་སྨན་གྱི་མེ་ལོང་དང༌། གཉིས་ནག་བདུད་ཀྱི་མེ་ལོང༌། གསུམ་མཐིང་མཚོ་ཡི་མེ་ལོང༌། བཞི་ལྗང་ཀླུ་ཡི་མེ་ལོང༌། ལྔ་སེར་དགྲ་ལྷའི་མེ་ལོང༌། དྲུག་དཀར་རྒྱལ་པོའི་མེ་ལོང༌། བདུན་དམར་བཙན་གྱི་མེ་ལོང༌། བརྒྱད་དཀར་ཡུལ་ལྷའི་མེ་ལོང༌། དགུ་སྨུག་གཡང་གི་མེ་ལོང༌། ཁམས་ལ་སྦྱར་ན་དཀར་གསུམ་ལྕགས། ནག་མཐིང་ཆུ། བཞི་ལྗང་ཤིང༌། ལྔ་སེར་ས། དམར་སྨུག་མེའོ། |
| སྨེ་བ་ནག་པོ |
ལུས་ཀྱི་ཤ་མཚན་ནག་པོ། |
| སྨེ་བ་སྤར་ཁ |
སྨེ་བ་དགུ་དང་སྤར་ཁ་བརྒྱད། |
| སྨེ་བདུན |
རྒྱུ་སྐར་ཞིག་སྟེ་སྐར་མ་ཨ་བརྟན་དང་ཉེ་བའི་སྐར་ཚོགས་ཤིག |
| སྨེ་བའི་དཔྱད |
1 རྩིས་ཀྱི་སྨེ་བ་བརྩི་ཐབས་དང་བཅོས་ཐབས། 2 ལུས་ཀྱི་ཤ་མཚན་གྱི་བརྟག་ཐབས་ཤིག |
| སྨེ་བརྩེགས |
ལྷ་ཁྲོ་བོ་ཞིག |
| སྨེ་ལ་རི |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དཔལ་ཡུལ་རྫོང་གི་རི་བོ་ཞིག |
| སྨེ་ཤ་ཅན |
1 ལུས་ལ་སྨེ་བའི་ཤ་མཚན་ཡོད་མཁན། 2 སྡིག་པ་རྭ་ཙ། 3 རྒྱ་གར་དུ་རིགས་ངན་ཟེར་བའི་རིགས་རུས་ཤིག |
| སྨེག |
རྨེག་གི་འབྲི་ཚུལ་གཞན། |
| སྨེག་པ |
སྨྲེག་པ་དང་འདྲ། |
| སྨེང་བ |
རྙིང མྱ་ངན་ནམ། སྡུག་བསྔལ་གྱི་ཚིག་འདོན་པ། |
| སྨེད |
རྨེད་དང་འདྲ། |
| སྨེད་པ |
རྨེད་པ་དང་འདྲ། |
| སྨེན |
སྡུག་བསྔལ་གྱི་བརྡ་རྙིང་། |
| སྨེའུ |
རྙིང རྨེའུ་ཡང་ཟེར། ནས། |
| སྨེའུ་ཟན |
རྩམ་པ་ལ་ཕྱུར་བ་བུ་རམ་མར་བཅས་བསྲེས་ནས་མཉམ་དུ་བརྫིས་པའི་མར་ཟན། |
| སྨོད |
མ་འོངས་ད་ལྟ་སྐུལ་ཚིག་གསུམ་གར་འཇུག་སྟེ། བདག་བསྟོད་གཞན་སྨོད་མ་བྱེད། གཞན་ལ་མ་སྨོད་ལྟ་བུ། ཇེ་དམའ་རུ་བཏང་བའི་དོན་ཏེ། མགོ་སྨད། མགོ་སྨོད་ཅིག་ལྟ་བུ། |
| སྨོད་པ |
1. ཐ་དད་པ སྨད་པ། སྨ་པ། སྨོད།། 1 ཚིག་རྩུབ་རྗོད་པ་དང༌། འཕྱ་ཚིག་ལབ་པ། དམའ་འབེབས་བྱེད་པ། མི་གཞན་གྱི་སྤྱོད་ངན་ལ་སྨོད་པ། ཁ་ངན་གྱིས་སྨོད་པ། གདོང་ཐུག་གིས་སྨོད་པ། 2 མར་འབེབས་པ། ལུས་ས་ལ་སྨད་པ། གདོང་པ་སྨོད་ཅིག 2. ཚིག་ངན་དང༌། ངན་བརྗོད། མིང་གི་རྣམ་གྲངས་ལ་ཀུན་སྨོད་དང༌། སྐུར་པ། ཁ་ངན། ཁ་འཆིངས་པ། ངན་བརྗོད། ངན་སྤྱོད་ཚིག་ངན་སྨྲ། ངེས་རྒོལ། རྔན་ཕྱར། ཉེས་བརྗོད། བསྟོད་པའི་ཅིག་ཤོས། གནོད་ཚིག་མི་བསྔགས་པ། སྨོད་ཚིག་སྨྲ་ངན། ཚིག་ངན། ཡོངས་སྨོད། གཤེ་བ། སུན་འབྱིན་བཅས་སོ། |
| སྨོད་བྱེད |
1 སྨོད་པར་བྱེད་པ་པོ། 2 མངོན ཁྱབ་འཇུག |
| སྨོད་ཚིག |
སྐྱོན་འཛུགས་པའི་ཚིག |
| སྨོད་འདྲིན |
རྙིང འདྲིས་ཆེ་བའི་གྲོགས། |
| སྨོན |
(བྱེད་འབྲེལ་ལས་ཚིག) རེ་བ་ཧ་ཅང་བཟང་བོ་བྱེད་པའི་དོན་ཏེ། སྐུ་ཁམས་བདེ་བར་སྨོན་ཞེས་པ་ལྟ་བུ། |
| སྨོན་གནས་མཁྱེན་པ |
ཉན་ཐོས་རྣམས་ཀྱི་གཞལ་བྱའི་དོན་ལྐོག་ཏུ་གྱུར་པ་དང༌། གཞན་གྱིས་དྲིས་པའི་ལན་གང་དང་གང་ཡིན་པ་ཤེས་པར་བྱའོ་ཞེས་སྔོན་གྱི་སྨོན་ལམ་གྲུབ་པས་དེ་དང་དེ་ཤེས་པར་བྱེད་པའི་ཏིང་ངེ་འཛིན་དང་ཤེས་རབ་སྟེ། ཟག་མེད་ཡེ་ཤེས་ཀྱི་སྡེ་ཚན་ཉེར་གཅིག་གི་ནང་གསེས་ཤིག |
| སྨོན་དཀར་ལས་ཤོག |
སྙེ་མོ་ནས་ཐོན་པའི་ཤོག་བུ་ཞིག |
| སྨོན་པ |
1. ཐ་དད་པ འཐོབ་པར་འདོད་པ། དམིགས་ཡུལ་འགྲུབ་པར་སྨོན་པ། 2. འཐོབ་འདོད་ཀྱི་སེམས། ཡིད་ཀྱིས་སྨོན་པ་ལྟར་གྲུབ་པ། སྨོན་པ་དོར་བ། |
| སྨོན་པ་མེད་པའི་རྣམ་པར་ཐར་པའི་སྒོ |
རྣམ་ཐར་སྒོ་གསུམ་གྱི་ནང་གསེས། གཞན་དབང་འདུས་བྱས་ཀྱི་ཆོས་དང་ཇི་སྲིད་འགྲོགས་པ་དེ་སྲིད་དུ་སྡུག་བསྔལ་ཡིན་ནོ་ཞེས་སྤོང་བར་བྱེད་པའོ། |
| སྨོན་མདའ་ལ |
བོད་རང་སྐྱོང་ལྗོངས་ཀྱི་སྣ་དཀར་རྩེ་རྫོང་གི་ལྷོ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5266 ཡོད། |
| སྨོན་ཚིག |
སྨོན་ལམ་འདེབས་པའི་ཚིག བཀྲ་ཤིས་བདེ་ལེགས་ཀྱི་སྨོན་ཚིག་བརྗོད་པ། |
| སྨོན་ཚོགས |
ལྷ་ལྡན་སྨོན་ལམ་དང་ཚོགས་མཆོད་ཀྱི་བསྡུས་མིང༌། |
| སྨོན་འགྲིན |
སྨོན་འདྲིན་དང་འདྲ། |
| སྨོན་འདྲིན |
རྙིང འདྲིས་ཆེ་བའི་གྲོགས་པོ། ཡིད་གཅུགས་མཛའ་བཤེས་སྨོན་འདྲིན་ལྟ་བུ་ཡིན། |
| སྨོན་རྔོད |
སྔར་བོད་ས་གནས་སྲིད་གཞུང་གི་དུས། ལོ་ལྟར་ལྷ་ས་སྨོན་ལམ་སྐབས་གྲྭ་པར་འབུལ་རྒྱུའི་རྩམ་པ་མི་སེར་གྱི་རྔོད་འཐག་བྱེད་དགོས་པའི་ཁྲལ་ཞིག |
| སྨོན་རྟ |
སྔར་ལྷ་སར་སྨོན་ལམ་གཏོར་རྒྱག་གི་རྗེས་འགྲོ་རྟ་པའི་བསྡུས་མིང༌། |
| རྐང་སུག |
1 རྐང་པ་དང་ལག་པའི་བསྡུས་མིང༌། 2 རྐང་པས་གཞན་ལ་བཏང་བའི་བརྡ། ཁ་ནས་ལབ་མི་བདེ་སྟབས་རྐང་སུག་ཅིག་བརྒྱབ་བྱུང༌། |
| རྐང་སོར |
རྐང་པའི་སོར་མོ་སྟེ་མཛུ་གུ། |
| རྐང་སྐས |
ཤིང་སྡོང་གཅིག་ལ་ཨི་ཁུང་མང་པོ་བཏོན་པ་དེ་དག་གི་ནང་དུ་ཤིང་བུ་རིང་ཙམ་རེ་རེ་བཙུགས་ནས་བཟོས་པའི་བོད་སྐས། |
| རྐང་སྐྱེས |
མངོན དམངས་རིགས། |
| རྐང་སྐྱོབ |
མངོན ལྷམ། |
| རྐང་སྒྲོག |
རྐང་པར་རྒྱག་རྒྱུའི་སྒྲོག |
| རྐང་སྔུན |
རྐང་སྔོན་དང་འདྲ། |
| རྐང་སྔོན |
རྐང་ལོངས་རེའུ་མིག་ནང་དུ་རྐང་སྡོམ་ཆུ་ཚོད་གང་དུ་ཡོད་པའི་བྱ་ར་དེའི་འོག་ན་གནས་པའི་སྒྱུར་བྱེད་ཀྱི་རི་མོ་དེ་ནི་ཁྱིམ་རེའམ་སྐར་མ་རེའི་རྐང་པའི་ནོར་དང་བུ་ལོན་གྱི་ཚད་ཡིན། རྐང་སྡོམ་མ་ཟིན་ན་བྱ་ར་དང་པོ་དེས་འཛིན་དགོས། |
| རྐང་སྟབས |
གོམ་སྟབས། |
| རྐང་སྟེགས |
རྐང་པ་འཇོག་སའི་སྟེགས། མིང་གི་རྣམ་གྲངས་ལ་རྐང་ཁྲི་དང༌། རྐང་རྟེན། ཞབས་སྟེགས་བཅས་སོ། |
| རྐང་སྟེང་བུ |
མངོན སྐར་མ་བརྟན་པ། |
| རྐང་སྡོམ |
གཟས་རྐང་ལོངས་ལོངས་སྤྱད་ཟིན་པ་དང་མ་ཟིན་པ་གང་རུང་སྡོམ་པའི་ཆུ་ཚོད། |
| རྐང་སྣམ |
དོར་མའམ་གོས་ཐུང༌། |
| རྐང་སྣམ |
འདོམས་ལ་གྱོན་པའི་དོར་མའི་མིང་(ཨ་མདོའི་ཡུལ་སྐད།) |
| རྐང་སྣམ་ནང་ཚངས་ཅན |
གོས་ཐུང་བར་ཚངས་ཅན། |
| རྐང་སྦས |
མངོན སྦྲུལ། |
| རྐན |
མི་ཕྱུགས་ཀྱི་ཁའི་ཡ་མགལ་གྱི་ནང་ངོས་ཀྱི་མིང་། |
| རྐན་གྱི་སུམ་མདོ |
ཁའི་ནང་གི་རྩ་ཞིག |
| རྐན་དབུས |
ཡ་རྐན་གྱི་དབུས་སམ་དཀྱིལ།.. |
| རྐན་ཕུག |
ཡ་རྐན་གྱི་སྦུག |
| རྐན་མར |
བྱིས་པ་དང་རྟེའུ་སོགས་བཙས་མ་ཐག་ཏུ་ཁས་འཇིབ་རྒྱུ་གོམ་ཆེད་རྐན་ལ་སྦྱོར་བའི་མར་འཇམ་པོ། |
| རྐན་འདེབས |
1 ལྕེ་རྐན་གཉིས་འཐབ་པ། 2 སོ་མེད་རྐན་གྱིས་རྨུར་བ། |
| རྐན་འབྲུམ |
རྐན་ལ་སྐྱེས་པའི་ཐོར་པ། |
| རྐན་རྙིལ |
རྐན་མཐའི་རྙིལ་ཏེ། སོ་རྙིལ། |
| རྐན་རྡེབ |
རྐན་སྒྲ་སྒྲོག་པ། |
| རྐན་རྨེན |
རྐན་ལ་སྐྱེས་པའི་ཐོར་པ། |
| རྐན་སྒྲ |
ལྕེ་རྐན་ལ་རྡེབ་པའི་སྒྲའི་མིང་ངོ་མཚར་སྐྱེས་ནས་རྐན་སྒྲ་བཏོགས་ལྟ་བུ། |
| རྐམ |
(བྱེད་མེད་ལས་ཚིག་ད་ལྟ་བ）རྐམ་ཆགས་བྱེད་པའམ་སྲེད་པ་སྐྱེས་པའི་དོན་ཏེ། ཆང་ལ་མ་རྐམ། བྱིས་པ་མངར་ཟས་ལ་རྐམ་ཞེས་པ་ལྟ་བུ། |
| རྐུ |
(བྱེད་འབྲེལ་ལས་ཚིག་ད་ལྟ་བ)བདག་པོས་མི་ཤེས་པའི་གོ་སྐབས་དང་བསྟུན་ནས་གཞན་གྱི་རྒྱུ་ནོར་བླངས་པའི་དོན། |
| རྐུ་ཐབས་སུ་གནས་པ |
འདུལ་བའི་བརྡ་ཆད་ཅིག་གྲུབ་མཐའ་སྨྲ་བ་གཞན་པའི་གང་ཟག་ཅིག་སངས་རྒྱས་ཀྱི་དགེ་སྦྱོང་དུ་བརྫུ་བ་སོགས་རབ་བྱུང་མིན་ཀྱང་ཡིན་པའི་ཟོལ་གྱིས་གནས་པ། |
| རྐུ་བ |
ཐ་དད་པ བརྐུས་པ། བརྐུ་བ། རྐུས།། མ་བྱིན་པ་དང༌། རིན་མ་སྤྲད་པར་གཞན་ནོར་ཐབས་ཀྱིས་ལེན་པ། གཞན་ནོར་རྐུ་བ། འཇབ་བུས་རྐུ་བ། བརྣོགས་ཏེ་རྐུ་བ། |
| རྐུ་བ་བཅུ |
མ་བྱིན་པར་ལེན་པའི་ཐབས་ཚུལ་བཅུ་མཐུས་རྐུ་བ་དང༌། སྒྱུ་ཐབས་ཀྱིས་རྐུ་བ། འབྲིད་པས་རྐུ་བ། གཏམ་པས་རྐུ་བ། སླར་བྱིན་ཟེར་ནས་རྐུ་བ། ཕྱིར་བསབ་ཟེར་ནས་རྐུ་བ། ནན་དགུག་པའི་རྐུ་བ། དངན་འཐེན་གྱིས་རྐུ་བ། འཇམ་པོས་རྐུ་བ། ཆོས་ཀྱིས་རྐུ་བ་རྣམས་སོ། |
| རྐུ་བའི་ལས |
མ་བྱིན་པར་ལེན་པའི་སྤྱོད་ངན། |
| རྐུ་འཕྲོག |
གཞན་ནོར་ཐབས་ཀྱིས་རྐུ་བ་དང༌། སྟོབས་ཀྱིས་འཕྲོག་པ། |
| རྐུ་རྡོ |
རྙིང རྡབ་དཀྲུགས་སམ། དབྱེན་སྦྱོར་ཕྲ་མ། |
| རྐུ་ཤས |
བརྐུས་པའི་རྫས་ཀྱི་ཆ་ཤས། |
| རྐུ་སེམས |
གཞན་ནོར་རྐུ་བའི་སེམས། |
| རྐུན |
ནོར་རྫས་རྐུ་བའི་བྱ་ངན་བྱེད་མཁན་ཏེ། རྟ་རྐུན། ནོར་རྐུན། རྐུན་པོ། རྐུན་མོ། རྐུན་མ། རྐུན་བུ་ཞེས་པ་སོགས་ལྟ་བུ། |
| རྐུན་ཇག |
རྐུན་མ་དང་ཇག་པ། |
| རྐུན་ཐོ |
ཁྱིམ་ནང་གི་ཅ་དངོས་རྐུན་མས་བརྐུས་རྗེས་ཁྲིམས་ཁང་དུ་ཕུལ་བའི་དངོས་ཐོ། |
| རྐུན་དཔོན |
རྐུན་མའི་འགོ་བྱེད། |
| རྐུན་དོང |
རྐུན་པོས་བརྐུས་ནོར་སྦེད་ཡུལ་གྱི་དོང་ཁུང༌། |
| རྐུན་ནོར |
རྐུན་པོའི་ནོར་རྫས། མིང་གི་རྣམ་གྲངས་ལ་བརྐུ་དངོས་དང༌། རྐུན་རྫས་སོ། |
| རྐུན་པོ |
1 རྐུ་མཁན། རྐུན་པོ་ཕ་མར་འཛིན་པ། མིང་གི་རྣམ་གྲངས་ལ་རྐུན་མ་དང༌། ཆོམ་རྐུན། ཆོམ་པོ། འཇབ་རྐུན། འཇབ་བུ་བ། འཇབ་ལེན། མཚམས་ཀྱི་བྱེད་པོ། གཞན་འཚེ། འོག་ཏུ་རྒྱུ། ཡན་ལག་ངན། གཡས་མ། རང་གནས་པ། ཨར་པ་བཅས་སོ། 2 མངོན བྱི་བ། |
| རྐུན་པོ་དང་ལྷན་ཅིག་ཏུ་འགྲོ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། རྐུན་པོ་དང༌། ཆོམ་པོ་དང༌། ཤོ་གམ་མ་བྱིན་པའི་མགྲོན་པོ་བཅས་དང་ལྷན་ཅིག་ཏུ་རྒྱང་གྲགས་ལས་འདས་པར་འགྲོ་བ། |
| རྐུན་བུ |
1 རྐུན་ཆུང་ངམ་མཐེབ་དྲས་པ། 2 རྐང་པ་གྲང་བ་དང༌། རོ་སྟོད་གཟེར་ཞིང་མིག་ཟུམ་མི་ཐུབ་པ་སོགས་ཀྱི་མཆིན་ནད་ཅིག 3 མངོན བྱི་བ། |
| རྐུན་བྱི |
གཞན་གྱི་རྒྱུ་ནོར་མ་བྱིན་པར་ལེན་པ་པོ་དང༌། གཞན་གྱི་ཆུང་མར་གསང་ཐབས་ཀྱིས་ལོག་གཡེམ་བྱེད་པ་པོ་གཉིས་ཀྱི་བསྡུས་མིང༌། |
| རྐུན་མ |
1 གཞན་ནོར་རྐུ་མཁན། རྟ་རྐུན། ནོར་རྐུན། རྐུན་མས་རྐུན་རྗེས་གཅོད་ཁུལ་གྱིས་རམ་འདེགས་བྱེད། རྐུན་མ་ནང་ལ་བཞག་ནས་སྒོ་ལྕགས་ཕྱི་ལ་བརྒྱབ་པ། 2 ཡུལ རྐུ་བྱེད་ཀྱི་བྱ་སྤྱོད། རྐུན་མ་རྐུ་བ། |
| རྐུན་མ་ཇག |
རྐུན་ཇག་གཉིས་ཀ་བྱེད་པའི་མི་ངན། |
| རྐུན་མ་ཚབས་ཆེན |
ཁྲིམས་ལ་མི་འཇིགས་པར་གཞན་ནོར་མང་པོ་རྐུ་བའི་རྐུན་མ། རྐུན་མ་ཚབས་ཆེན་ལ་ཁྲིམས་ཐག་ནན་པོ་གཅོད་པ། |
| རྐུན་མ་རྫབ་ཆེན |
རྐུན་མ་ཚབས་ཆེན་དང་འདྲ། |
| རྐུན་མོ |
རྐུ་བྱེད་མཁན་བུད་མེད། |
| རྐུན་ཚང |
རྐུན་མ་སྡོད་ས་དང་རྐུན་རྫས་སྦེད་སའི་མི་ཚང༌། |
| རྐུན་རོགས |
རྐུན་མའི་རོགས་པ། |
| རྐུན་རྒྱབ་རྫུན་ལངས |
ཚུལ་དང་མི་མཐུན་པ་ལ་ཚུལ་དང་མི་མཐུན་པས་རྒྱབ་རྩ་བྱས་པ། |
| རྐུན་རྫས |
བརྐུས་པའི་ནོར་རྫས། |
| རྐུན་སྲུང |
རྐུན་མའི་ཉེན་ཁ་སྲུང་མཁན། |
| རྐུབ |
1 འཕོངས། 2 བཤང་ལམ། རྐུབ་ཚུམས། མིང་གི་རྣམ་གྲངས་ལ་འཕོངས་དང༌། འོག་སྒོའོ། 3 མཐིལ་ལམ་ཞབས། སྣོད་ཀྱི་རྐུབ་རྡོལ་བ། |
| རྐུབ་བཀྱག |
རྐུབ་སྐྱགས་ཀྱང་ཟེར། ཁྲིའུ་ཤིང་ངམ། འཕོངས་སྟེགས། |
| རྐུབ་བཅད |
རྙིང 1 མཇུག་འགྲིལ་བ། 2 ཐག་བཅད་པ། |
| རྐུབ་ཙོས |
རྐུབ་ཚོས་དང་འདྲ། |
| རྐུབ་ཚོས |
འཕོངས་ཤའམ་ཨོང་དོ། |
| རྐུབ་འཕག་བརྒྱབ་པ |
རྟ་སོགས་ཀྱིས་རྐུབ་འཕག་འཕག་བྱས་པ། |
| རྐུབ་སུལ |
བོད་ཆས་གྱོན་སྐབས་རྒྱབ་གཤམ་གྱི་སུལ་མིང༌། |
| རྐུབ་སྟེགས |
ཁྲིའུ་ཤིང་ངམ། འཕོངས་སྟེགས། |
| རྐུབ་སྡོད |
གྲལ་གྱི་མཐའ་མར་སྡོད་པའམ། མཇུག་མཐར་ལུས་པ། |
| རྐུས |
རྐུ་བའི་སྐུལ་ཚིག་ |
| རྐུས |
རྐུ་ཡི་སྐུལ་ཚིག |
| རྐེ་བ |
ལུས་ཀྱི་ཤ་ལྤགས་སྐམ་པའམ་རིད་པ། ལུས་ཀྱི་པགས་པ་ཤིང་ལོ་རྐེ་བ་ལྟ་བུར་གྱུར་པ། |
| རྐེད |
མིའམ་སྲོག་ཆགས་ཀྱི་ལུས་སྟོད་སྨད་ཀྱི་མཚམས། རྩེ་མོ་དང་རྟིང་གཞིའི་དཀྱིལ་མཚམས་ཀྱི་མིང་ལ་འཇུག་པ་ནི། རི་རྐེད། བྲག་རྐེད་ཅེས་པ་ལྟ་བུ།０བར་མཚམས་ཀྱི་མིང་ལ་འཇུག་པ་ནི། ལམ་རྐེད་ནས་ཕྱིར་འོངས། ཆུ་ཆེན་རྐེད་ནས་བཅད་ལྟ་བུ། |
| རྐེད་དུ་བཅད |
རྙིང མྱུར་ལམ་དུ་འགྲོ་བ། |
| རྐེད་པ |
སྐེད་པ་དང་འདྲ། |
| རྐེད་མ |
མངོན སེ་འབྲུའི་ཤིང༌།.. |
| རྐེད་མེད་མ |
མངོན བུད་མེད་མཛེས་མ། |
| རྐེད་སྐབས་ཕྱེད་པ |
རྐེད་སྐབས་ཕྲ་མོ། |
| རྐོ |
（བྱེད་འབྲེལ་ལས་ཚིག་ད་ལྟ་བ）ས་དོང་སོགས་དྲུས་པའི་དོན་ཏེ། ས་དོང་རྐོ་བྱེད་ཀྱི་ལྕགས་ཁེམ། རྐོ་བཞིན་ཡོད་ལྟ་བུ། |
| རྐོ་བ |
ཐ་དད་པ བརྐོས་པ། བརྐོ་བ། རྐོས།། 1 འབྲུ་བ་དང༌། འདོན་པ། ས་རྐོ་བ། ཁྲོན་པ་བརྐོས། ཡུར་བུ་བརྐོ་བཤང༌། རྩ་བ་ནས་བརྐོས་པ། 2 རྡོ་ཤིང་སོགས་ལ་ཡི་གེ་དང་རི་མོ་རྐོ་བ། ཤིང་པར་རྐོ་བ། རྡོ་རིང་བརྐོས་བཙུགས། པར་རྐོ་བ། བརྐོས་ཕོར། |
| རྐོ་བྱེད |
1 རྐོ་སྤྱད། 2 མངོན 1) བྱི་བ། 2) ཕག་པ། |
| རྐོ་མ |
ཞིང་ནང་གི་རྩྭ་ངན་འདོན་བྱེད་སོ་ནམ་པའི་ལག་ཆ་ཞིག རྐོ་མས་རྩྭ་ངན་ཡུར་རྒྱག རྐོ་མ་རྒྱག་པ། |
| རྐོ་མའི་མཆུ་འདྲ |
རུས་ཆག་འདོན་བྱེད་ཀྱི་ཡོ་བྱད་ཅིག |
| རྐོ་འདོན |
ཁུང་བུ་འབྲུ་ཞིང་ནང་རྫས་འདོན་ལེན། |
| རྐོ་སྤྱད |
སའམ་པར་རྐོ་བྱེད་ཀྱི་ཡོ་བྱད། |
| རྐོང་པ |
1 པགས་པར་ཟ་འཕྲུག་སྐྱེ་བའི་ནད་ཅིག 2 རའི་རྔོ་ནད། |
| རྐོང་བུ |
ཀོང་བུ་དང་དོན་གཅིག་སྟེ་ཀོང་ལ་ལྟོས། |
| རྐོང་འབྲས |
ཟ་འཕྲུག་སྐྱེ་བའི་རྨ་འབྲས། |
| རྐོན་པ |
རྙི། རྐོན་པ་བཙུགས་ནས་རི་དྭགས་འཛིན། |
| རྐོན་བུ |
བྱ་དང་རི་དྭགས་འཛིན་བྱེད་ཀྱི་རྙི་ཐིག་གི་མིང་། |
| རྐོམ་ཚུགས |
ལག་པ་གཉིས་འཁར་བ་ལ་བརྟེན་ནས་ཡར་འགྲེང་བའི་འདུག་སྟངས་ཀྱི་མིང་། |
| རྐོམས |
རྐམ་གྱི་སྐུལ་ཚིག |
| རྐོས |
1. རྐོ་བའི་སྐུལ་ཚིག 2. ལྕགས་ཤིང་རྡོ་སོགས་ཡིག་རིས་རྐོ་བའི་ལས་ཀ། རྐོས་མཁན། |
| རྐོས |
རྐོ་ཡི་སྐུལ་ཚིག |
| རྐོས་གྲི |
རི་མོ་དང་ཡི་གེ་རྐོ་བྱེད་ཀྱི་ཡོ་བྱད་ཀྱི་མིང་། |
| རྐོས་རྒྱག་པ |
ཟངས་ལྕགས་ཤིང་སོགས་ལ་རི་མོ་དང༌། ཡི་གེ་རྐོ་བ། |
| རྐྱ |
1 ཆ་མིན་པའི་ཡ། ཆིག་རྐྱ། རང་རྐྱ། 2 སྐུད་པའི་རྐྱ་དང་ཐག་པའི་རྐྱ། སྐུད་པ་རྐྱ་གཅིག་མ། ཐག་པ་སུམ་རྐྱ་མ། སྐུད་པའི་རྐྱ་བཤིག་པ། ཐག་པའི་རྐྱ་བཀལ་བ། སྣམ་བུ་རྐྱ་ཡ་མ། 3 མངོན ཟམ་པ། |
| རྐྱ་ཀ |
སྐྱ་ཀ་ཡི་འབྲི་ཚུལ་གཞན། |
| རྐྱ་པ |
སྐྱ་མི་དང་འདྲ། |
| རྐྱ་བ |
སྐྱ་བ་དང་འདྲ། |
| རྐྱ་བར |
དྲང་ཐིག་གི་སྐུད་པའི་བར་ཏེ། རྩིག་པ་རྩིག་སྐབས་དྲང་པོ་ཡོང་བའི་ཆེད་དུ་གཡས་གཡོན་གཉིས་ཀྱི་བར་དུ་འཐེན་པའི་སྐུད་པ། ལུང་རིགས་ཀྱི་རྐྱ་བར་ལས་ཡོ་འཁྱོག་མེད་པར་དམ་ཆོས་བཤད་སྒྲུབ་བྱེད་པ། |
| རྐྱ་མ |
སྐྱ་མ་དང་འདྲ། |
| རྐྱ་མི |
སྐྱ་མི་དང་འདྲ། |
| རྐྱ་འཐབ |
1 ཕན་ཚུན་སྣོལ་བའམ་འབྲེལ་བ། ཐག་པ་གཉིས་རྐྱ་འཐབ་རྒྱག་པ། 2 ངན་པ་ལག་སྦྲེལ། མི་ངན་རྐྱ་འཐབ་བྱེད་པ། |
| རྐྱ་རགས |
རྟ་རགས། |
| རྐྱ་རྒྱག |
ཕན་ཚུན་སྣོལ་བའམ་འབྲེལ་བ། ཐག་པ་གཉིས་རྐྱ་རྒྱག |
| རྐྱག་པ |
སྐྱག་པ་ཡི་འབྲི་ཚུལ་གཞན། |
| རྐྱང |
1. ལུས་པོ་དྲེལ་དང་འདྲ་བའི་རི་དྭགས་ཤིག 2. ཁོ་ན་དང༌། དེ་ཉིད་དེ་ངེས་པ་མཐར་ཐུག་གི་དོན་སྟོན་བྱེད་ཀྱི་ཚིག་གྲོགས་ཤིག འགྲོ་རྐྱང༌། བྱེད་རྐྱང༌། ལས་མེད་ཟ་རྐྱང༌། མ་ཤོད་བྱས་ཀྱང་མི་ཉན་པར་བཤད་རྐྱང་བྱེད་པ། |
| རྐྱང་ཁུག |
ཡ་དང་ཆ། |
| རྐྱང་གོས |
གོས་གཅིག་རྐྱང༌། |
| རྐྱང་ངེ་རྐྱོང་ངེ |
ཤེས་རྒྱུད་གྱང་ངེ་གྱོང་ངེའམ། ལས་ཀ་བྱེད་སྙིང་མི་འདོད་པའི་གཤིས་རྒྱུད། ལས་ཀ་ཧུར་བརྩོན་མིན་པར་རྐྱང་ངེ་རྐྱོང་ངེ་འབའ་ཞིག་བྱེད། |
| རྐྱང་ཆུ |
མཚོ་སྔོན་ཞིང་ཆེན་ཁོངས་མགོ་ལོག་བོད་རིགས་རང་སྐྱོང་ཁུལ་གྱི་རྨ་སྟོད་རྫོང་གི་ལྷོ་རྒྱུད་དུ་ཡོད་པའི་རྨ་ཆུའི་ཆུ་ལག་ཅིག |
| རྐྱང་ཐག |
ཐག་པ་རིང་བ། |
| རྐྱང་ཐང |
རི་དྭགས་རྐྱང་སྡོད་སའི་མི་མེད་རྩྭ་ཐང༌། |
| རྐྱང་དཀར |
རྟ་དང་དྲེའུ་སྤུ་མདོག་དཀར་དམར་འདྲེས་པ། |
| རྐྱང་པ |
1 ལྷད་མ་མེད་པའི་གཙང་མ། གསེར་རྐྱང༌། དངུལ་རྐྱང༌། བལ་རྐྱང༌། ཁེ་བཟང་རྐྱང་པ། གཅིག་པ་གཅིག་རྐྱང༌། ནང་མི་རྐྱང་པ། 2 ཉག་གཅིག་གམ། གཅིག་པུ། མི་སོ་སོ་རྐྱང་པ། ཕོ་མོ་རྐྱང་པ། མི་རྐྱང་རྟ་རྐྱང༌། གྲྭ་པ་གྲྭ་རྐྱང༌། ང་རྐྱང་པས་ལས་འགན་བསྒྲུབ་ཐུབ་པ། 3 མིང་རྐྱང༌། འཕུལ་དང༌། བརྩེགས་མེད་པའི་མིང་གཞི་རྐྱང་པ། |
| རྐྱང་པའི་གྲངས་ཀ |
གཅིག་གནས་ནས་དུང་ཕྱུར་གནས་ཀྱི་བར་དུ་ཡོད་པའི་གྲངས་གནས་སོ་སོའི་མིང་ཚང་མ་རྐྱང་པ་ཡིན་པས་དེ་རྣམས་ལ་རྐྱང་པའི་གྲངས་ཀ་ཟེར། |
| རྐྱང་པོ |
རི་དྭགས་རྐྱང་གི་སྤུ་རིས་ཅན་ནམ། སྤུ་མདོག་ཅན། རྟ་རྐྱང་པོ། རྐྱང་དཀར། རྐྱང་སེར། |
| རྐྱང་ཕུག |
རྙིང ཆུ་རྐྱན། |
| རྐྱང་བ |
བཟའ་ཟླ་མེད་པའི་མིའི་སྤྱི་མིང་མི་རྐྱང་བ། མི་རྐྱང་། མོ་རྐྱང་ཞེས་པ་ལྟ་བུ། གྲོགས་ཀྱིས་དོར་བའི་དོན་ཏེ། གྲོགས་མེད་ཁེར་རྐྱང་། མི་རྐྱང་རྟ་རྐྱང་། མི་ཁེར་རྐྱང་ཞེས་པ་ལྟ་བུ།０གཞན་དང་མ་འདྲེས་པའི་དོན་ཏེ། ཆུ་རྐྱང་ཇ་རྐྱང་། གསེར་རྐྱང་དངུལ་རྐྱང་ཞེས་པ་ལྟ་བུ།１རྩེག་མ་མེད་པའི་དོན་ལ་འཇུག་པ་ནི། རས་ལྭ་ཐར་རྐྱང་། མེ་ཏོག་འདབ་མ་ཆིག་རྐྱང་ཞེས་པ་ལྟ་བུ།２རྟའི་སྤུ་མདོག་དམར་པོ། |
| རྐྱང་བགོད |
བགོད་བྱེད་ཀྱི་གྲངས་གནས་གཅིག་ལས་མེད་པའི་བགོ་རྩིས། |
| རྐྱང་བོ |
(རྒྱན་ཚིག) དམར་ཤས་ཆེ་བའི་རྟ་དྲེལ་གྱི་སྤུ་ཁའི་མིང་རྟ་རྐྱང་བོ་ཞེས་པ་ལྟ་བུ། ཚིག་བསྡུས་ན་རྐྱང་ཞེས་འབྲི་ཆོག་རྟ་རྐྱང་དམར་ཞེས་པ་ལྟ་བུ། |
| རྐྱང་མ |
ཁམས་དཀར་ཆ་སོགས་ཆུ་ཁམས་ཀྱི་རྟེན་བྱེད་པའི་ལུས་ཀྱི་རྩའི་གཙོ་བོ་ཞིག་སྐྱེས་པའི་གཡས་དང་བུད་མེད་ཀྱི་གཡོན་དུ་ཡོད་པའི་ཀུན་རྫོབ་ཀྱི་ཐིག་ལེ་དཀར་པོ་འགྱུ་བར་བྱེད་ལ་ཐབས་ཀྱི་རང་བཞིན་ཅན་རྩའི་ཁ་དོག་དཀར་པོའོ། |
| རྐྱང་མོ |
རྟ་རྒོད་མ་སྤུ་མདོག་དམར་སྨུག་ཅན། རྟ་རྐྱང་མོ་མཐའ་བཞི། |
| རྐྱང་ཝོ་གཉའ་བ་ཅན |
རྙིང སྤྱི་བླུགས་འཇུ་ལུང་ཅན། |
| རྐྱང་ཟླ |
མངོན མཚན་མོ། |
| རྐྱང་འདེད |
ཕྱོགས་གཅིག་ཙམ་ལ་ཞེན་ནས་དེ་ཁོ་ན་རྩད་གཅོད་པ། མན་ངག་དེ་ཙམ་ལ་ཉམས་ལེན་ཆིག་དྲིལ་གྱིས་རྐྱང་འདེད་བྱེད་པ། |
| རྐྱང་འཕུལ |
གུག་ཀྱེད་བརྩེགས་འདོགས་མེད་པའི་མིང་གཞི་སྔོན་འཇུག་ཅན། དགའ མདའ |
| རྐྱང་རྐྱང |
1 གཅིག་པུ། ཆུ་རྐྱང་རྐྱང་འཐུང་བ། 2 སྤུ་མདོག་རྐྱང་པོ། |
| རྐྱང་རྐྱོང |
རྐྱང་ངེ་རྐྱོང་ངེའི་བསྡུས་ཚིག་ |
| རྐྱང་ཤད |
ཆིག་ཤད། དབུ་ཅན་འབྲི་སྐབས་མིང་དང་ཚིག་གི་རྗེས་སུ་བཀོད་པའི་མཚམས་རྟགས། |
| རྐྱང་སེར |
རྟ་དྲེལ་སྤུ་མདོག་རྐྱང་པོ་སེར་ཤས་ཆེ་བ། |
| རྐྱན |
ཇ་ཆང་སོགས་བཏུང་བ་འདྲེན་པའི་སྣོད་ཀྱི་བྱེ་བྲག་ཅིག ཟངས་རྐྱན། དངུལ་རྐྱན། |
| རྐྱན་བུ |
ཟངས་རྐྱན་དངུལ་རྐྱན་ཆུང་བའམ། ཁོག་ལྟིར་ཆུང་བ། |
| རྐྱལ |
ཆུ་ཀླུང་རྒལ་བའི་རྩལ། རྐྱལ་རྒྱག་པ། རྐྱལ་རྫིང༌། རྐྱལ་རྩལ། མིང་གི་རྣམ་གྲངས་ལ་ཆུ་རྩལ་དང་འཕྱན་འཛིན་ནོ། |
| རྐྱལ་གོག་མཐིལ་རྡོལ |
1 ཀོ་ཁུག་ཞབས་རྡོལ། རྐྱལ་གོག་མཐིལ་རྡོལ་ནང་དུ་རྩམ་པ་བླུག་དོགས་མེད། 2 རྒུད་པའམ་ཉམས་པའི་དཔེ། མི་ཚང་རྐྱལ་གོག་མཐིལ་རྡོལ་ཞིག |
| རྐྱལ་ཆེན |
མངོན ཉ་པ། |
| རྐྱལ་པ |
ཚེམ་བུ་བརྒྱབ་པའི་པགས་པའི་སྒྲོ་བ་དང༌། བྲང་ཁོག་སོགས་ནས་མ་གཤགས་པར་ཧྲིལ་པོར་བཤུས་པའི་རླིད་བུ། ཆང་རྐྱལ། ཕྱེ་རྐྱལ། དངུལ་རྐྱལ་པར་བླུག |
| རྐྱལ་པ་ཆུ་ཐུབ |
བོད་ལྗོངས་ཡོངས་ཀྱི་རིའི་ལྡེབས་སུ་སྐྱེ་བའི་སྔོ་སྨན་ཞིག་རང་བཞིན་བསིལ་ཆེ་བ་དང༌། ནུས་པ་དུག་སེལ། སྐྲང་པས་འཇགས། གཅིན་པ་འབབ་བདེ་བ་བཅས་བྱེད། |
| རྐྱལ་བ |
ཐ་དད་པ རྐྱལ་བ། རྐྱོལ་བ། རྐྱོལ།། ཆུའི་ནང་དུ་འཕྱོ་བཞིན་དུ་འགྲོ་བ། ཆུ་ཀླུང་རྐྱལ་བ། ཆུ་བོའི་ཚུ་རོལ་ནས་རྐྱལ་ཏེ་ཕ་རོལ་ཏུ་འགྲོ་བ།…2.ཕྱུགས་ཀྱི་པགས་པས་བཟོས་པའི་ཁུག་མའི་མིང་ར་ལྤགས་ཀྱི་རྐྱལ་བ་ཞེས་པ་ལྟ་བུ། ཚིག་བསྡུས་ན་རྐྱལ་ཞེས་འབྲི་ཆོག་ར་རྐྱལ། སྨན་རྐྱལ། ནོར་རྐྱལ་ཞེས་པ་ལྟ་བུ། |
| རྐྱལ་བུ |
རྐྱལ་པ་ཆུང་ངུ། རའི་རྐྱལ་བུའི་ནང་དུ་སྣུམ་བླུག་པ། |
| རྐྱལ་བྱེད |
མངོན མོན་ལུག་གླ་སྒང༌། |
| རྐྱལ་འགྲོ |
མངོན མོན་ལུག་གླ་སྒང༌། |
| རྐྱལ་རྩེད |
ཆུ་ལ་རྐྱལ་རྒྱག་པའི་རྩེད་མོ། ཆུ་རྫིང་ནང་དུ་རྐྱལ་རྩེད་བྱེད་པ། |
| རྐྱལ་སྟོང |
1 སྒྲོ་བ་སྟོང་པ། 2 ཕྱི་རྫིག་ནང་སྟོང་ཞེས་པའི་དཔེ། |
| རྐྱེན |
1 འབྲས་བུ་སྨིན་པར་བྱེད་པའི་གྲོགས་སུ་གྱུར་པའམ་འབྲས་བུའི་ཁྱད་པར་སྐྱེད་བྱེད། འགལ་རྐྱེན། མཐུན་རྐྱེན། ནད་རྐྱེན། འཆི་རྐྱེན། ཤུགས་རྐྱེན། རྨས་རྐྱེན་གྱིས་ཤི་བ། རྐྱེན་མང་འཛོམས་པ། རྐྱེན་མི་ལྡན་པ། རྐྱེན་ཟད་པ། བཟང་ངན་གྱི་རྐྱེན་དང་ཕྲད་ན་བདེ་སྡུག་གང་ཡང་འབྱུང༌། 2 རྙིང 1) ༈ མིང་གྲགས་སམ། སྐད་གྲགས། 2)༈ ཁྲལ་དགལ་ཡུལ་གྱི་ཀེར་ལེབ་སྒུར་གསུམ་སྟེ་མི་དང་ས་ཞིང་དང་ཕྱུགས་བཅས་གསུམ་ལ་ཟེར། |
| རྐྱེན་གཅིག་རྟོགས |
1 རྐྱེན་གཅིག་གིས་རྟོགས་པ་སྟེ་ཕྱིའི་ཡུལ་གང་རུང་གཅིག་དང་ཕྲད་པས་དོན་གནད་ཤེས་པ། 2 མངོན རང་སངས་རྒྱས། |
| རྐྱེན་གསུམ |
1 གཡོ་བ་མེད་པའི་རྐྱེན། མི་རྟག་པའི་རྐྱེན། ནུས་པའི་རྐྱེན་ནོ། 2 དམིགས་རྐྱེན་དང༌། བདག་རྐྱེན། དེ་མ་ཐག་རྐྱེན་ནོ། |
| རྐྱེན་གོད |
བར་ཆད་དང་གོད་ཀ། |
| རྐྱེན་གྱི་ཡི་གེ |
ལེགས་སྦྱར་གྱི་ཨ་ག་མ་དང༌། བོད་ཡིག་དབུ་དང་ཤད་ཀྱི་ཡི་གེ། ༄༅ ༈༈།('')༌༈ |
| རྐྱེན་ངན |
གེགས་དང་བར་ཆད། རྐྱེན་ངན་སྡུག་འཁུར་མི་ཐུབ་པ། གློ་བུར་གྱི་རྐྱེན་ངན་བྱུང་བ། |
| རྐྱེན་ངན་གྲོགས་ཤར |
འགལ་རྐྱེན་མཐུན་རྐྱེན་དུ་གྱུར་པ། |
| རྐྱེན་ཆགས |
གེགས་དང་བར་ཆད། རྐྱེན་ཆགས་བྱུང་བ། བར་ལམ་ནད་གཞིའི་རྐྱེན་ཆགས་སྣེ་འདོམས་ཀྱིས་གཟུགས་པོ་མི་བདེ་བ་བྱུང༌། |
| རྐྱེན་ཐུབ་པ |
སྲན་ཐུབ་པའམ། བཟོད་ཐུབ་པ། ལས་ཀའི་རྐྱེན་ཐུབ་པ་ལ་སྙིང་རུས་ཆེ་དགོས། |
| རྐྱེན་ཐེག་པ |
སྲན་ཐུབ་པའམ། བཟོད་ཐུབ་པ། ངན་པའི་ནད་རྐྱེན་མི་ཐེག་པ། དཀའ་ཚེགས་སྡུག་བསྔལ་གྱི་རྐྱེན་ཐེག་པ། |
| རྐྱེན་དྲུག |
དཔའ་བོའི་རྐྱེན་དུ་གུང་དང་སྟག་དང༌། སྔར་མའི་རྐྱེན་དུ་ཝ་ཞུ། ཡ་རབས་ཀྱི་རྐྱེན་དུ་ལྷ་ཆོས། གཡུང་པོའི་རྐྱེན་དུ་ཐགས་དང་བོན། མཛངས་པའི་རྐྱེན་དུ་ཡིག་ཚང༌། ངན་པའི་རྐྱེན་དུ་རྐུན་མ་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་གཞག་རིགས་གཅིག |
| རྐྱེན་དྲུང |
རྙིང ས་མི་ཕྱུགས་གསུམ་གྱི་བདག་གཉེར། |
| རྐྱེན་བཞི |
1 ནད་གང་སློང་བར་བྱེད་པའི་རྐྱེན་རྣམ་པར་བཞི་དུས་དམན་ལྷག་ལོག་པ་དང༌། གདོན་གྱིས་བློ་བུར་དུ་འཚེ་བ། ཟས་དམན་ལྷག་ལོག་པ། སྤྱོད་ལམ་དམན་ལྷག་ལོག་པ་བཅས་སོ། 2 རྒྱུའི་རྐྱེན་དང༌། དེ་མ་ཐག་རྐྱེན། དམིགས་རྐྱེན། བདག་རྐྱེན་ཏེ་བཞི། |
| རྐྱེན་བསྟུན་འཕྲོག་བཅོམ |
གཞན་ནོར་ལེན་བདེའི་གོ་སྐབས་བཙལ་ནས་རྙེད་མཚམས་འཕྲོག་བཅོམ་བྱེད་པ། |
| རྐྱེན་ཟློག |
བར་ཆད་སེལ་བ། འགལ་རྐྱེན་ཟློག་པའི་ཐབས་ལ་འབད། |
| རྐྱེན་འབབ |
སྐབས་དང་འཚམ་པར་འབྱུང་བ། རྐྱེན་འབབ་ཡོ་བྱད། |
| རྐྱེན་རིས |
ཆ་རྐྱེན། |
| རྐྱེན་རྙེད |
རྐྱེན་དང་ཕྲད་པ། བཟང་རྐྱེན་རྙེད་པ། ངན་རྐྱེན་རྙེད་པ། |
| རྐྱེན་རྩི |
རྐྱེན་སྨན་དང་དོན་གཅིག་ |
| རྐྱེན་ལམ |
མཚོན་འོག་ཏུ་འཆི་བ། རྐྱེན་ལམ་དུ་འདས་པ། རྒྱལ་པོ་རྐྱེན་ལམ་དུ་བཏང་བ། མི་མང་པོ་རྐྱེན་ལམ་དུ་གྱུར་པ། |
| རྐྱེན་ས |
རྙིང ས་གཞིས། |
| རྐྱེན་སེལ |
བར་ཆད་མེད་པ་བཟོ་བ། |
| རྐྱེན་སྨན |
ནད་གསོ་བྱེད་ཀྱི་སྨན། |
| རྐྱོང |
(བྱེད་འབྲེལ་ལས་ཚིག་ད་ལྟ་བ) རྐང་ལག་སོགས་སྲིང་བའི་དོན་ཏེ། ལག་པ་རྐྱོང་གིན་ཡོད། རྐང་བ་རྐྱོང་མཁན་ཞེས་པ་ལྟ་བུ། |
| རྐྱོང་གདན |
བར་ཚངས་སྲབ་ཅིང་ལྟེབ་བརྩེགས་བརྒྱབ་ཆོག་པའི་གདན་རིང་ཙམ་ཞིག |
| རྐྱོང་བ |
ཐ་དད་པ བརྐྱངས་པ། བརྐྱང་བ། རྐྱོངས།།སྣར་བ། རྐང་ལག་བརྐྱངས་ཏེ་ཉལ། ལག་པ་ཡར་རྐྱོངས། ཉལ་ས་བྱུང་ན་རྐྱོང་ས་དྲན། ལྷ་ལུང་ལ་འདྲེ་ལག་བརྐྱངས། བརྐྱང་བསྐུམ་གཉིས་ཐུབ། བརྐྱངས་ཕྱག |
| རྐྱོང་རིང |
རྐྱོང་གདན་དང་དོན་གཅིག་ |
| རྐྱོང་ཤད |
བྱ་རྨྱང་ངམ་རྐང་ལག་རྐྱོང་བ། |
| རྐྱོངས |
སྐུལ་ཚིག་ལག་པ་རྐྱོངས་ཤིག་ལྟ་བུ། |
| རྐྱོལ |
སྐུལ་ཚིག་རྨ་ཆུ་ལ་རྐྱོལ་ཅིག་ལྟ་བུ། རྐྱལ་བ་ཡི་ཚིག་བསྡུས་པ། |
| རྐྱོལ |
རྐྱལ་ལ་ལྟོས། |
| རྒ |
(བྱེད་མེད་ལས་ཚིག་མ་འོངས་པ་དང་ད་ལྟ་བ) མི་ཕྱུགས་ཀྱི་ན་ཚོད་ཡོལ་བའི་དོན་ཏེ། སྐྱེ་རྒ་ན་འཆི་ཞེས་པ་ལྟ་བུ། |
| རྒ་བ |
ཐ་མི་དད་པ རྒས་པ། རྒ་བ།། ལོ་ན་སོན་པ་དང་ན་ཚོད་ཡོལ་བ་ཤིང་ཏོག་སྨིན་ནས་རྙིང་པ་དང་འདྲ་བར་ལུས་ཀྱི་ཕུང་པོ་ལྔ་པོ་དེ་དག་རྒྱུན་གཞན་དང་གཞན་དུ་འགྱུར་ནས་ཐ་མ་སྐྲ་དཀར་དང་གཉེར་མ་ཅན་ལ་སོགས་པའི་བར་དུ་འགྱུར་བའོ། ལུས་རྒས་པ། ལོ་རྒས་ཀྱང་སྙིང་སྟོབས་ཆེ། ཡུན་རིང་ན་ནས་གདོང་རིས་ཧ་ཅང་རྒས་འདུག ཁྱི་རྒས་རིམ་བཞིན་ཞེ་སྡང་ཆེ། གོས་ཆེན་རྒས་ཀྱང་རི་མོའི་གཞུང༌། |
| རྒ་བའི་སྡུག་བསྔལ |
སྡུག་བསྔལ་བརྒྱད་ཀྱི་ཡ་གྱལ་ཞིག་གཟུགས་དང་ལང་ཚོ་ཡོངས་སུ་རྒུད་དེ་འདོད་པའི་ཡོན་ཏན་ལ་ཇི་བཞིན་ལོངས་སུ་སྤྱོད་པའི་མཐུ་དང་བྲལ་བས་སྡུག་བསྔལ་བའོ། |
| རྒ་བུ |
ཡུལ ཕ་གླང་དང་མ་འབྲི་ལས་སྐྱེས་པའི་བེའུ་ཕོ་མོ། |
| རྒ་ཤི |
1 རྒ་བ་དང་ཤི་བ། 2 རྟེན་འབྲེལ་ཡན་ལག་བཅུ་གཉིས་ཀྱི་ཡ་གྱལ་ཞིག |
| རྒ་ཤི་ཟླ་བ |
ཉི་མས་གཞུ་ཁྱིམ་སྤྱོད་པའི་ཟླ་བའམ་ཧོར་ཟླ་བཅུ་གཅིག་པ། |
| རྒ་ཤིའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། སྐྱེ་བ་དེ་ལས་ཕུང་རྒྱུན་འགྱུར་བའི་རྒ་བ་དང༌། རྒྱུན་འགགས་པའི་ཤི་བ་ན་ཚོད་དང་སྲོག་འགྱུར་བར་བྱེད་པའོ། |
| རྒང |
སྲོག་ཆགས་རྒང་ དེ་ལ་རྒང་གཟུགས་དང་རྒང་མོ་དང་ཟེར་མོ་ཡང་ཟེར་ཞིང་། མངལ་སྐྱེས་སྲོག་ཆགས་སྤུ་ཁ་ཤས་ཚེར་མ་ལྟར་གཟེངས་ཤིང་སྲ་བ་ཞིག་ཡིན། དེའི་སྤུ་ལ་རྒང་གི་སྤུ་ཐུར་ཟེར། |
| རྒད་པོ |
ལོ་ན་ཆེ་བའི་མི། གཞོན་པའི་ཤེད་ལས་རྒད་པོའི་ཇུས་བཟང༌། མི་ཚོས་རྒད་པོ་སྐྱོར་ཞིང་ཕྲུ་གུ་ཁྲིད་དེ་ཕྱིན་པ། མིང་གི་རྣམ་གྲངས་ལ་འཁོགས་པ་དང༌། རྒན་པོ། རྒས་པ། ན་ཚོད་སོང་བ། གནས་བརྟན། སྨིན་པ་བཞི་པའི་གནས་སྐབས། ལང་ཚོ་ཡོལ། ལོ་མང་ཁུར་ལྡན། ལོའི་ཐེག་པ་བཅས་སོ། |
| རྒད་པོ |
ཚོད་ཡོལ་བའི་སྐྱེས་པའི་སྤྱི་མིང་ ཞིང་པ་རྒད་པོ། འབྲོག་པ་རྒད་པོ་ཞེས་པ་ལྟ་བུ། |
| རྒད་མོ |
ལོ་ན་མཐོ་བའི་བུད་མེད། |
| རྒན |
(རྒྱན་ཚིག) ལོ་ན་ཆེ་བའི་མི་དང་སྲོག་ཆགས་ཀྱི་སྤྱི་མིང་ མི་རྒན། རྟ་རྒན་ཞེས་པ་ལྟ་བུ། |
| རྒན་གཞོན |
1 ལས་ལམ་དུ་འཛུལ་དུས་སྔ་ཕྱི། 2 ལོ་ན་ཆེ་ཆུང༌། |
| རྒན་གོག |
ལོ་ན་མཐོ་ཞིང་ལུས་སྟོབས་ཉམས་པའི་མི། རྒན་གོག་ལ་བརྙས་བཅོས་དང་མཐོང་ཆུང་མ་བྱེད། |
| རྒན་གྲས |
1 ལས་ལམ་དུ་ཞུགས་སྔ་བའི་མི་རྣམས། 2 ལོ་ན་རྒན་གྲས། |
| རྒན་ཆག |
སྔར་གཙོ་རྒན་བྱེད་པའི་ཁྲལ་ཆག |
| རྒན་ཆོས་བྱེད་པ |
ན་ཚོད་རྒས་ནས་ཆོས་སྒོར་ཞུགས་ཏེ་ཁ་འདོན་དགེ་སྦྱོར་བྱེད་པ། |
| རྒན་ཉམས |
ན་ཚོད་སོང་བའི་རྒས་ཚུགས། ལོ་ཆུང་རྒན་ཉམས་ཅན། |
| རྒན་དམངས |
རྒན་པོ་དང་མི་སེར་དམངས་ཀྱི་བསྡུས་མིང༌། |
| རྒན་པ |
1 སྔོན་དུ་སྐྱེས་པ། ཇོ་ལགས་རྒན་པ། ཕ་རྒན། མ་རྒན། བུ་རྒན་པ། བུ་མོ་རྒན་པ།..མི་རྒན་པ། སྡོང་རྒན། རྡོ་རྒན། 2 ལས་ལམ་དུ་འཛུལ་སྔ་བ། ཀྲུའུ་ཞི་རྒན་པ། དགེ་རྒན་རྒན་པ། གཉེར་བ་རྒན་པ། སློབ་ཕྲུག་རྒན་པ། འཛིན་གྲྭ་རྒན་པ། སྐྱེས་པའི་ལོ་གྲངས་རྒན་ན་རྒན་རྒྱུ་མེད། རྣམ་རིག་ཤེས་པ་རྒན་ན་རྒན་པ་ཡིན། |
| རྒན་པོ |
1 ལོ་ན་སྨིན་པ། རྒན་པོ་སྐྲ་དཀར། རྒན་པོའི་སོ་དཀར་གཏིང་ནས་ཐོན། མགོ་སྐྱེས་གནག་པ་དཀར་པོར་གྱུར། 2 ཁྲལ་འགོ་འཚོ་མཁན། སྔར་ཁྲལ་འུལ་གྱི་བརྡ་གཏོང་མཁན་ནམ་ཐད་ཀར་ཆ་གསེད་བྱེད་མཁན་ཡིན་ཞིང༌། འགན་དེ་མི་རྒྱུད་ཀྱི་འཛིན་མཁན་ཡོད་ལ་རེས་མོས་བྱེད་མཁན་ཡང་ཡོད། རྒན་པོ་ལས་ཐོག |
| རྒན་པོ་དང་རྒན་པ |
ན་ཚོད་རྒས་པའི་མི། |
| རྒན་པོའི་ཐིག |
མངོན འཇའ་དྲང་པོ། |
| རྒན་བཀུར |
མི་རྒན་རྒོན་ལ་བཀུར་སྟི་བྱེད་པ། |
| རྒན་བདག |
སྔར་སློབ་ཕྲུག་གི་གྲས་ནས་མི་གཅིག་བསྐོས་ཏེ་འཛིན་གྲྭ་དེའི་འགན་འཁུར་མཁན། |
| རྒན་བཟོ་དོད་པོ |
ལོ་གཞོན་ཡིན་ཀྱང་རྒན་འཁོགས་ཀྱི་བཟོ་ལྟ་དོད་པོ་ཡོད་པ། |
| རྒན་བྱིས |
རྒད་པོ་དང་ཕྲུ་གུའི་མིང༌། |
| རྒན་མོ |
ལོ་ན་མཐོ་བའི་བུད་མེད། རྐུ་འཕྲོག་གི་ཉེན་ཁ་མེད་པས་རྒན་མོས་གསེར་ཁུར་ལམ་བགྲོད་ཀྱི་དུས་བཟང་ཤར། མིང་གི་རྣམ་གྲངས་ལ་སྐྲ་དཀར་མ་དང༌། མགོ་སྐྱ་མ། རྒན་འཁོགས་མ། ན་རྒས་མ་བཅས་སོ། |
| རྒན་ཞུགས |
ལོ་ན་རྒས་ནས་ཆོས་ལ་ཞུགས་པ། |
| རྒན་འཁོགས |
ན་ཚོད་མཐོ་བའི་རྒད་པོ་དང་རྒད་མོ། རྒན་འཁོགས་རྣམས་ལ་གཟིགས་སྐྱོང་བྱེད་པ། |
| རྒན་འགོ |
1 རྒན་པོའམ་འགོ་བྱེད། 2 ཕྲུ་གུའི་དཀྱིལ་ནས་རྒན་ཤོས། |
| རྒན་འཆལ |
རྒན་པོའི་བློ་བྱིས་པ་ལྟར་འཆལ་བ། རྒས་འཁོགས་རྒན་འཆལ་ལངས་ནས་ཕྲུ་གུའི་སྤྱོད་པ་བྱེད། |
| རྒན་རབས |
རང་ལས་ན་ཚོད་ཆེ་བའི་མི་རབས། བོངས་ཚོད་ཆེ་བའམ་ཡུན་རིང་ལོན་པའི་དོན་ཏེ། སྡོང་རྒན། རྡོ་རྒན་ཞེས་པ་ལྟ་བུ། |
| རྒན་རིགས |
ལོ་རྒན་པའི་རིགས། བཀུར་བསྟི་འོས་པའི་རྒན་རིགས། |
| རྒན་རྒོན |
ན་ཚོད་རྒས་པའི་ཁྱོ་བོ་དང་ཆུང་མ་ རྒན་པོ་དང་རྒན་མོ་ཞེས་པའི་ཚིག་བསྡུས་པ། |
| རྒན་ལས་ཉན |
མངོན བརྒྱ་བྱིན། |
| རྒན་ལྡིང |
མི་སེར་གྱི་རྒན་པོ་དང༌། དམག་མིའི་ལྡིང་དཔོན་གྱི་བསྡུས་མིང་ཡིན་ཞིང༌། ས་གནས་ཁ་ཤས་ལ་རྒན་པོའི་ལས་འགན་འཁུར་མཁན་ལ་ཡང་ལྡིང་དཔོན་ཟེར། |
| རྒལ |
(བྱེད་མེད་ལས་ཚིག་ད་ལྟ་བ) ལ་ལུང་ཆུ་བོ་སོགས་ཀྱི་ཕ་རོལ་ཚུ་རོལ་ལ་འགྲོ་བའི་དོན་ཏེ། ཡར་ཀླུང་གཙང་པོར་བརྒལ་ནས་ཕར་ལ་སོང་ལྟ་བུ། |
| རྒལ་གྲུ |
ཆུ་ལས་རྒལ་བྱེད། |
| རྒལ་བ |
ཐ་དད་པ བརྒལ་བ། བརྒལ་བ། རྒོལ།། སྒྲོལ་བ་དང་འདའ་བ། ལ་མཐོན་པོ་བརྒལ་ཏེ་ཀླུང་ལ་བབས། ཆུ་ཆེན་པོ་བརྒལ་ཏེ་ཕ་རོལ་ཕྱིན། ཚད་ལས་རྒལ་བ། བཞོན་པ་རྟ་བཟང་པོ་ཆིག་སྟོང་དྲུག་བརྒྱ་བརྒལ་བ། རྐང་ལག་ཡོད་ཀྱང་སྙིང་རྩལ་མེད་ན་ལ་ལུང་དང་ཆུ་ཆེན་རྒལ་དཀའ་བ། |
| རྒལ་རབ |
ཆུ་བོ་ཆེན་པོར་བརྒལ་སའི་མིང་ རྨ་ཆུའི་རྒལ་རབས་ཞེས་པ་ལྟ་བུ། ཚད་ལས་འདས་པའི་དོན་ཏེ། གསོ་རིག་ཡོན་ཏན་གཡུ་ཐོག་པ་ལས་བརྒལ། དཔའ་ངར་ཆེ་བ་རྒྱ་ཚ་ལས་ཀྱང་བརྒལ་ལྟ་བུ། ０ཆུའི་ནང་ལ་སོང་བའི་དོན་ཏེ། རྟ་བོ་ཆུ་ནང་དུ་བརྒལ་ལྟ་བུ། |
| རྒལ་རབས |
ཆུ་བོ་ཆེན་པོ་བརྒལ་ས། རྨ་ཆུའི་བརྒལ་རབས། |
| རྒས |
འདས་པ་ ན་ཚོད་རྒས། ལུས་རྒས། རྒས་ཀྱང་ངར་ཤུགས་ཆེ་ལྟ་བུ། རྙིང་བར་གྱུར་པའམ་ཡུན་ལོན་པའི་དོན་ཏེ། ཤིང་རྒས་ན་ཤུན་པ་མཐུག་ལྟ་བུ། |
| རྒས་ཀ |
རྒས་ཁ། ལང་ཚོ་མ་ཡོལ་གོང་ནས་ཧུར་བརྩོན་བྱས་ན་རྒས་ཀ་ལ་སླེབས་དུས་འགྱོད་པ་མེད། བློ་བག་ཕེབས་ཤིང༌། སེམས་གུ་ཡངས་ན་རྒས་ཀ་སྲ་བ་ཡོང༌། |
| རྒས་ཉམས |
རྒས་པའི་བཟོ་ལྟ། ལོ་བདུན་ཅུ་དོན་གྲངས་ཀྱི་རྒས་ཉམས་དོད་པ་རང་མི་འདུག གཟུགས་པོ་བདེ་པོ་མེད་པས་རང་ལོ་ཆུང་ཡང་རྒས་ཉམས་གསལ་པོ་ཐོན་འདུག |
| རྒས་པ |
1. རྒ་བའི་འདས་པ། 2. རྒུད་པའམ་རྙིང་པ། ན་ཚོད་རྒས་པ། ཉི་མ་རྒས་པ། མི་རྒས་པ་དང་འབྲས་བུ་སྨིན་པ་འདྲ། ན་ཚོད་གཞོན་དུས་ནས་རྒས་རྒས་སུ་མ་སླེབས་བར་སློབ་སྦྱོང་བྱེད་དགོས། |
| རྒས་པ་སྲ་བ |
ལང་ཚོ་ཉམས་དཀའ་བ། ལུས་ནད་སེམས་གཅོང་མེད་པའི་མི་རྣམས་རྒས་པ་སྲ་བ་ཡོང༌། |
| རྒས་པའི་དུས |
དུས་བརྒྱད་ཀྱི་ནང་གསེས་ཤིག་སྟེ་ལོ་ལྔ་བཅུ་ནས་བདུན་ཅུ་མན་ཆད། |
| རྒས་པོ |
ལུས་སྟོབས་གུད་པའམ། ཉམས་པའི་མི་ཕྱུགས། རྒས་པོ་མགོ་བོ་དུང་ལྟར་དཀར་བ། |
| རྒས་མེད |
མངོན ལྷ། |
| རྒས་འཁོགས |
ལོ་ན་ཤིན་ཏུ་མཐོ་ལ་ལུས་སྟོབས་ཉམས་ཤིང་གོག་པ། མི་དེ་སྔར་ཐང་བཟོ་དོད་ཅིང༌། བདེ་ཅག་འཁྱུག་ཀྱང་ད་ནི་རྒས་འཁོགས་དེ་འདྲ་ཞིག་ཆགས་འདུག |
| རྒས་འཁྱོམས |
རྒས་ཏེ་རིག་པ་མི་གསལ་བ། |
| རྒས་འཆོལ |
རྒས་འཁོགས་ཆགས་ནས་སྒོ་གསུམ་མི་བརྟན་པར་འཆོལ་བའི་དོན། |
| རྒས་རབ་ཆག་ཆེན |
བློ་གྲོས་དང་ལྡན་པའི་རྒས་འཁོགས། རྒས་རབ་ཆག་ཆེན་གྱི་མི་ལ་བློ་འདྲི་བ། |
| རྒུ |
མང་བའི་དོན་ཏེ་དགུའང་སྣང༌། མི་བྱེད་རྒུ་བྱེད། ཡོད་རྒུ་རྩལ་སྤྲུག |
| རྒུ་དྲུས |
སྔོ་སྨན་གྱི་རིགས་ཤིག་རོ་ཚ་ལ་ཁ། ཞུ་རྗེས་བསིལ། ནུས་པས་རྨ་འདྲུབ། རྩ་ཆད་པ་མཐུད། རྒྱུ་གཟེར་དང་རིམས་ཚད་འཇོམས། |
| རྒུ་ཚིགས |
དགུ་ལ་ལྟོས། |
| རྒུད |
(བྱེད་མེད་ལས་ཚིག) སྟོབས་ཤུགས་སོགས་མར་ཆག་པའི་དོན་ཏེ། ལུས་རྒུད་ཀྱང་སེམས་མ་རྒུད། འཁྱོད་བརྗོད་དང་རྫུན་གྱིས་སྐྱོང་བའི་སྤྱི་ཚོགས་རྒུད་ཅིང་དྲང་བདེན་དང་གནས་ལུགས་ལ་གཞི་བཅོལ་བའི་སྤྱི་ཚོགས་དར་རྒྱས་སུ་སོང་ལྟ་བུ། (རྒྱན་ཚིག) དར་བའི་ལྡོག་ཟླ་སྟེ་ལུས་རྒུད་པོ་དར་བ་དང་རྒུད་པ་ཁྱིམ་ཚང་གི་དར་རྒུད་ཅེས་པ་ལྟ་བུ། |
| རྒུད་པ |
ཐ་མི་དད་པ ནུས་ཤུགས་སོགས་ཆག་པའམ་ཉམས་པ། དར་རྒུད། སྲིད་དབང་རྒུད་པ། སྡུག་བསྔལ་གྱིས་ལུས་སེམས་རྒུད་པ། སྟོབས་འབྱོར་རྒུད་པ། |
| རྒུད་པོ |
གུད་པོ་དང་འདྲ། |
| རྒུད་མུན |
ཉམས་པའམ་རྒུད་པ་མུན་པའི་གཟུགས་སུ་བཀོད་པ། |
| རྒུད་སྐྱོབ |
དབུལ་ཕོངས་ཀྱི་དཀའ་སྡུག་སེལ་བར་མཛད་པ། |
| རྒུན་གྲོག |
རྙིང གད་པ་དང་སའི་གྲོག་ཕུག |
| རྒུན་ཆང |
རྒུན་འབྲུམ་ལས་བཟོས་པའི་ཆང༌། |
| རྒུན་ཆུ |
རྒུན་འབྲུམ་གྱི་ཁུ་བ། |
| རྒུན་ཚང |
ས་མིང་ཞིག་བོད་རང་སྐྱོང་ལྗོངས་ཀྱི་ཉིང་ཁྲི་རྫོང་གི་ནུབ་རྒྱུད་དུ་ཡོད། |
| རྒུན་འབྲུ |
རྒུན་འབྲུམ་གྱི་འབྲས་བུ། |
| རྒུན་འབྲུམ |
ཤིང་ཏོག་གི་རིགས་ཤིག་དང་ཤིང་སྨན་གྱི་རིགས་ཤིག་རོ་མངར། ཞུ་རྗེས་བསིལ། གློ་གཅོང་དང་གློ་ཚད་སེལ། དབུགས་མི་བདེ་བ་དང༌། སྐད་འགག་པ། བྱིས་པའི་གློ་འཁུན་སོགས་ལ་ཕན། མིང་གི་རྣམ་གྲངས་ལ་བ་ཡི་ནུ་མ་དང༌། སྦྲང་གི་རོ། རོ་ལྡན། རོ་ཞིམ་བཅས་སོ། |
| རྒུན་འབྲུམ་མདོག |
ཚོས་གཞི་རྒྱ་སྨུག་ཅིག |
| རྒུན་འབྲུམ་ཨ་རག |
རྒུན་འབྲུམ་བསྙལ་བ་ལས་བཟོས་པའི་ཨ་རག |
| རྒུན་སྐྱེམས |
རྒུན་འབྲུམ་ལས་བཟོས་པའི་ཆང༌། |
| རྒུམ་བུ |
བྱས་ཟ་བའི་དངོས་རྫས་སམ་བྱ་གསོ་བྱེད་ཀྱི་ཟན་ཆས། རྒུམ་བུ་འཐུ་བའི་མཆུ་རིང་མ། |
| རྒུམ་འབུ |
ས་སྟེང་གི་འབུ་ཕྲ་མོ། |
| རྒུར |
སྒུར་གྱི་འབྲི་ཚུལ་གཞན། |
| རྒེའུ |
རི་དྭགས་རྒོ་བའི་ཕྲུ་གུ། སྤང་ལྗོངས་ཡངས་པོར་རྒེའུ་རྩེ་ཞིང་འཕྱོ། |
| རྒོ་བ |
དགོ་བ་ཡི་འབྲི་ཚུལ་གཞན། |
| རྒོ་བ་ར་ཅ |
ཡུལ དགོ་བའི་སྤུ་དང་འདྲ་བའི་བལ། |
| རྒོ་ལྤགས |
རི་དྭགས་རྒོ་བའི་པགས་པ། |
| རྒོ་སློག |
རི་དྭགས་རྒོ་བའི་པགས་གོས། |
| རྒོངས |
དགོང་གི་འབྲི་ཚུལ་གཞན། |
| རྒོངས་མོ |
རྙིང དགོང་མོ། |
| རྒོད |
1 བྱ་རྒོད། 2 བོད་བྲན་གཡོག་སྤྱི་ཚོགས་ཀྱི་ཐོག་མར་འབངས་ལ་རྒོད་གཡུང་གཉིས་སུ་ཕྱེ་ཞིང༌། རྒོད་ཅེས་པ་འབངས་རབ་ཀྱི་སྡེ་ཚན་ཡིན་པས་དམག་ལས་ཀྱི་གྲས་སུ་བཞག |
| རྒོད་ཀྱི་ཕོ་བ |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་ཟས་འཇུ། ཕོ་བའི་དྲོད་སྐྱེད་པར་བྱེད། |
| རྒོད་ཀྱི་ཤ་མིག |
བྱ་རྒོད་ཀྱི་བྲང་ཁོག་གཡས་གཡོན་གྱི་སྤུ་མེད་པར་གྱུར་པའི་དམར་ཐིག་གཉིས། |
| རྒོད་ཀྱི་སྟོང་སྡེ |
སྲོང་བཙན་སྒམ་པོའི་སྐབས་བོད་ཀྱི་ཡུལ་གྲུ་སོ་སོར་བཙུགས་པའི་དམག་སྡེ། དེ་ལ་དབུས་གཙང་རུ་བཞི་རེ་རེར་སྟོང་སྡེ་བཅུ་བཅུ། ལོགས་སུ་ཞང་ཞུང་དུ་སྟོང་སྡེ་བཅུ། སུམ་པར་བཅུ་གཅིག་བཅས་ཁྱོན་བསྡོམས་རྒོད་ཀྱི་སྟོང་སྡེ་དྲུག་ཅུ་རེ་གཅིག་བྱུང་ཡོད། |
| རྒོད་གཏམ |
བཞད་གད་རྣམ་གཡེང་གི་གཏམ། |
| རྒོད་གཡུང |
1 གྱོང་པོ་དང་དུལ་པོ། 2 སྨན་གྱི་ནུས་པ་དྲག་ཞན། |
| རྒོད་ཐང་སྨུག |
སྲོག་ཆགས་ཀྱི་རོ་ཟན་བྱ་རྒོད། རྒོད་ཐང་སྨུག་གི་སྒྲོ་གུར་ཕུབ་པ་འདྲ། |
| རྒོད་ཐལ |
བྱ་རྒོད་ཀྱི་བྲུན། |
| རྒོད་དཀར་ལ |
རྒོད་བཀག་ལ་ཡང་ཟེར་ཞིང༌། བོད་རང་སྐྱོང་ལྗོངས་ཀྱི་སྟག་རྩེ་རྫོང་གི་བདེ་ཆེན་དང་གྲ་ནང་རྫོང་གི་བསམ་ཡས་བར་དུ་ཡོད། |
| རྒོད་པ |
1. དགོད་པའི་ད་ལྟ་བའི་འབྲི་སྲོལ་གཞན་ཞིག 2. ཉེ་ཉོན་ཉི་ཤུའི་ནང་གསེས་ཆགས་སྡང་གི་ཡུལ་ལ་འཕྲོ་ཞིང་སེམས་ནང་དུ་གནས་པར་མི་བྱེད་པའི་ཤེས་པ་ཞིག སེམས་རྒོད་པར་དོགས་ནས་རིག་པ་ནང་དུ་བསྒྲིམས་པ། བྱིང་རྒོད་ཀྱི་སྐྱོན་དང་བྲལ་བ། 3. མཚུངས་པ་གསལ་བྱེད་ཀྱི་སྒྲ་ཞིག |
| རྒོད་པོ |
1 བློ་སྣ་ཚོགས་དྲན་ནུས་པའམ་གྲུང་པོ་དང་སྐྱེན་པོ། དྲན་རྒྱུ་རྒོད་པོ། 2 མ་ཐུལ་བ། ཚལ་རྒོད་པོ། མི་རྒོད། རྟ་རྒོད་པོ་ཁྲིད་ན་མཐུར་མདའ་ཐུང་དགོས། ཤིང་སྡོང་རྒན་གཅད་ན་སྟར་ཡུ་རིང་དགོས། 3 ཧུར་པོ་དང་འཕེར་པོ། མི་རྒོད་རྟ་རྒོད། མི་དེ་ལས་ཀ་རྒོད་པོ་ཞིག་འདུག མི་དེ་གར་བཏང་གོ་ཆོད་རྒོད་པོ་ཞིག་རེད། |
| རྒོད་པོ་དཔུང་སྒྲིག |
དཔའ་བོ་ཕྱོགས་སྒྲིག རྒོད་པོ་དཔུང་སྒྲིག་བྱས་ཏེ་གཡུལ་དུ་ཆས། |
| རྒོད་བག |
1 ཡོན་ཏན་མེད་ཅིང་སེམས་དཔངས་མཐོ་བ། 2 སེམས་རྣམ་པར་མ་ཞི་བ། |
| རྒོད་བྱེད་མདའ |
མདའ་ལྔའི་གྲས་ཀྱི་སྐེམ་བྱེད་མདའི་མིང་གཞན་ཞིག |
| རྒོད་བྲུན |
སྲོག་ཆགས་ཀྱི་སྨན་གྱི་ནང་ཚན་བྱ་རྒོད་ཀྱི་བྲུན་ཏེ། ནུས་པས་ཕོ་བའི་མེ་དྲོད་སྐྱེད་པ་དང༌། སྐྲན་ནད་བཤིག་པར་བྱེད། |
| རྒོད་མ |
ཕ་མ་གཉིས་ཀ་རྟ་ལས་སྐྱེས་པའི་མོ། རྟ་གསེབ་ཆགས་པ་ལངས་ནས་རྒོད་མ་འདེད་པ། རྟ་རྒོད་མ་དེ་ལ་རྟེའུ་གཅིག་སྐྱེས། མིང་གི་རྣམ་གྲངས་ལ་ཅང་ཤེས་མ་དང༌། རབ་སྐྱེད་མའོ། |
| རྒོད་མ་ཁ |
མཐའི་རྒྱ་མཚོའི་ལྷོ་ཕྱོགས་ཀྱི་རྟ་གདོང་རི། མིང་གི་རྣམ་གྲངས་ལ་རྒྱ་མཚོ་འཐུང་དང༌། ཆུ་མཁྲིས། ཉལ་ལྡན་མེ་རི། རྟ་གདོང་མེ། བྲང་སྐྱེས། བརླ་སྐྱེས་བཅས་སོ། |
| རྒོད་མ་ཁའི་མེ |
ལྷོ་ཕྱོགས་རྟ་གདོང་རིའི་མེ། |
| རྒོད་མ་ཅན་གྱི་ཟླ་བ |
མངོན ཐ་སྐར་གྱི་ཟླ་བའམ་ཧོར་ཟླ་དགུ་པ། |
| རྒོད་མ་སྐྱེས |
མངོན 1 རྟ་གདོང་གི་མེ། 2 བྲམ་ཟེ། 3 ལྷའི་སྨན་པ། |
| རྒོད་མདོག་མདོག |
རྒོད་པོ་གྲུང་པོ་ཡོད་ཁུལ། ངོ་ཚ་ཁྲེལ་མེད་ཀྱིས་མི་མང་གི་ཁྲོད་དུ་འུད་གཏམ་བཤད་ནས་རྒོད་མདོག་མདོག་བྱེད་པ། |
| རྒོད་ཚང |
བྱ་རྒོད་ཀྱི་ཚང༌། |
| རྒོད་འཕྲུ |
རྒོད་ཀྱི་ལྡེམ་འཕྲུ། |
| རྒོད་ཡས |
གྲངས་གནས་ཤིག |
| རྒོད་ལྡེམ |
རྒོད་ཀྱི་ལྡེམ་འཕྲུ་ཞྭ་མོ་སོགས་ཀྱི་ཏོག་ཏུ་འཛུགས་རྒྱུའི་བྱ་རྒོད་ཀྱི་སྒྲོ། |
| རྒོད་སེམས |
རྣམ་པར་མ་ཞི་བའི་སེམས། |
| རྒོད་སྐམ་མ |
རྟེའུ་མ་འཁོར་བའི་རྟ་རྒོད་མ། |
| རྒོད་སྲན |
གད་མོ་མི་འཆོར་བའི་སྡུག་རུས། ཧར་ཆེན་གྱིས་ཧར་གཏམ་བཤད་པས་མི་ཐམས་ཅད་རྒོད་སྲན་མི་ཚུགས་པར་ཤོར་སོང༌། གད་སྲིན་ལངས་ནས་རྒོད་སྲན་བྱས་ཀྱང་མི་ཚུགས་པ། |
| རྒོལ |
(བྱེད་འབྲེལ་ལས་ཚིག) <ཀ>དམག་བརྒྱབ་པའི་དོན་ཏེ། དགྲ་ལ་རྒོལ་བ། དགྲའི་བཙན་རྫོང་ལ་ཕར་རྒོལ་བ་ཞེས་པ་ལྟ་བུ། <ཁ>དགག་པ་རྒྱག་པའི་དོན་ཏེ། རྒོལ་ལན་བྱེད་པ། ཕས་རྒོལ། སྔ་རྒོལ། ཕྱི་རྒོལ། ངོ་རྒོལ་ཞེས་པ་ལྟ་བུ། རྒལ་གྱི་སྐུལ་ཚིག ０རྒལ་གྱི་འབྲི་ཚུལ་གཞན། |
| རྒོལ་གཏམ |
རྩོད་པའམ། འཐབ་པའི་གཏམ། |
| རྒོལ་ཕྱིར་རྒོལ |
རྩོད་པ་པོ་དང་ལན་འདེབས་པོ། |
| རྒོལ་བ |
1. ཐ་དད་པ བརྒལ་བ། བརྒལ་བ། རྒོལ།། རྩོད་པའམ་འཐབ་པ། ཚིག་གིས་རྒོལ་བ། དཔུང་སྟོབས་ཀྱིས་རྒོལ་བ། ཕར་རྒོལ་བ། ཚུར་རྒོལ་བ། དགྲ་བོས་རྒོལ་བར་རྔོ་མ་ཐོགས་པར་བྲོས། 2. རྩོད་པའི་མིང༌། སྔ་རྒོལ། ཕྱི་རྒོལ། རྒོལ་བ་བདག་ཉིད་ལ་མ་གྲུབ་པ། |
| རྒོལ་བར་ལྟོས་ཏེ་མ་གྲུབ་པ |
མ་གྲུབ་པའི་གཏན་ཚིགས་གསུམ་གྱི་ནང་གསེས། རྟགས་སུ་བཀོད་ཀྱང་སྔ་རྒོལ་ལམ་ཕྱི་རྒོལ་གང་རུང་ལ་མཐུན་སྣང་དུ་མ་གྲུབ་པ་དགེར་ན། གྲངས་ཅན་པའི་ངོར་བློ་དང་བདེ་བ་སེམས་མེད་ཡིན་ཏེ། སྐྱེས་འཇིག་ཅན་ཡིན་པའི་ཕྱིར་ཞེས་བཀོད་པ་ལྟ་བུ། |
| རྒོལ་བར་ལྟོས་ཏེ་མ་གྲུབ་པ་གསུམ |
སྔ་རྒོལ་ལ་ལྟོས་ཏེ་མ་གྲུབ་པ་དང༌། ཕྱི་རྒོལ་ལ་ལྟོས་ཏེ་མ་གྲུབ་པ་དང༌། སྔ་རྒོལ་ཕྱི་རྒོལ་གཉིས་ཀ་ལ་ལྟོས་ཏེ་མ་གྲུབ་པ་སྟེ་གསུམ། |
| རྒོལ་ཚིག |
འཐབ་པའམ་རྩོད་པའི་ཚིག |
| རྒོལ་ལན |
1 རྩོད་པའི་ལན། 2 དམག་ལན། |
| རྒོལ་ལན་སྤྲོད་པ |
1 རྩོད་ལན་འདེབས་པ། 2 དམག་ལན་རྒྱག་པ། |
| རྒོལ་ལན་སློག་པ |
རྒོལ་ལན་སྤྲོད་པ་དང་དོན་གཅིག་ |
| རྒྱ |
1 ཐེའུ་ཚེ་དང་རྟགས། དམ་རྒྱ་འདེབས་པ། གསང་རྒྱ། དངོས་པོ་རྒ་ཅན་གྱི་རིགས། ཐག་རིང་དུ་གཏོང་རྒྱུའི་ཡི་གེར་རྒྱ་བཏབ་པ། 2 རི་དྭགས་སོགས་འཛིན་བྱེད་ཀྱི་རྙི། བྱ་རྒྱ། ཉ་རྒྱ། རི་རྒྱ་ཀླུང་རྒྱ་སྡོམ་པ། ལྟད་མོ་གྲོལ་མཚམས་ཐག་རྒྱ་གློད་པ། ཉེས་པའི་རྒྱར་ཚུད་པ། ཐེ་ཚོམ་གྱི་རྒྱར་ཚུད་པ། རྒྱ་བཅས་ནས་རི་དྭགས་གློད་པ། ཉ་རིགས་འཛིན་པའི་ཆེད་དུ་རྒྱ་བཙུགས་པ། རྔོན་པ་རྣམས་ཀྱིས་རི་དྭགས་རྒྱས་གཤོར་བ། རི་དྭགས་སྦྱང་པོ་འགའ་ཞིག་རྔོན་པའི་རྒྱ་ལས་འཆོར་བ། མིང་གི་རྣམ་གྲངས་ལ་ངན་པའི་འཕྲུལ་འཁོར་དང༌། འཆིང་བྱེད། དྲ་བ་ཅན། རི་དྭགས་རྒྱ། རི་དྭགས་དྲ་བ། རི་དྭགས་འཛིན་བཅས་སོ། 3 ཁྱོན། ཤེས་རྒྱ་ཆེན་པོ། ས་ཞིང་རྒྱ་ཆེན་པོ། འཁོར་རྒྱ་ཆེན་པོ། ལས་ཁུངས་རྣམས་ཀྱི་རྒྱ་བསྐུམས་པ། 4 འགྲམ་པའི་སྤུ། མི་རྒྱ་པོ། 5 ཡུལ་གྱི་མིང་ཞིག རྒྱ་ནག རྒྱ་གར། རྒྱ་སེར། 6 ཤིང་རིགས་ཤིག་གི་མིང༌། 7 རི་དྭགས་ཤིག་གི་མིང༌། 8 ཕྱི་ཐུམ་མམ་སྐོགས། ཡིག་རྒྱ། གསང་རྒྱ། |
| རྒྱ་ཁ་ཆེ |
མེས་རྒྱལ་ནང་ཁུལ་ནས་ཡོང་བའི་ལྷ་སྡོད་ཁ་ཆེ། |
| རྒྱ་ཁབ |
ཁབ་ཕྲ་མོ། |
| རྒྱ་ཁུར |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཕོ་བའི་ཚད་པ་དང༌། བད་ཀན་སྨུག་པོ། གློ་བུར་དུག་ཐབས་ཀྱི་ཚ་གྲང་འཐབ་པ། ཚད་པ་རྙིང་པ་བཅས་ལ་ཕན།…2.སྐེད་པར་འདོགས་རྒྱུའི་ཁུག་མ་ཆུང་ངུ་ཞིག… |
| རྒྱ་ཁོག |
ཧོ་ཁོག་ཙེའམ་རྟ་ཐབ། |
| རྒྱ་ཁྱབ |
ཡུལ་གྲུ་སྤྱིའམ་ཡོངས་རྫོགས། སྨན་ཁུག་ཁྱེར་ནས་རྒྱ་ཁྱབ་གྲོང་གསེབ་ཁག་ལ་ཕྱིན་པ། རྒྱལ་ཁབ་ཀྱི་སྲིད་ཇུས་རྒྱ་ཁྱབ་མི་དམངས་རྣམས་ལ་དྲིལ་བསྒྲགས་བྱེད་པ། ཉམས་མྱོང་བཟང་པོ་རྣམས་རྒྱ་ཁྱབ་ཀུན་ཏུ་སྤེལ་བ། འབྲུ་རིགས་ཀྱི་སོན་བཟང་ཡུལ་གྲུ་རྒྱ་ཁྱབ་ཏུ་སྤེལ་བ། |
| རྒྱ་ཁྱི |
གཟུགས་ཆུང༌། སྤུ་རིང༌། རྐང་ལག་ཐུང་བའི་ཁྱི་རིགས་ཤིག |
| རྒྱ་ཁྱོན |
ས་ཁོངས་སོགས་ཀྱི་མཐའ་ནས་མཐའི་བར་གྱི་ངོས་ཆེ་ཆུང་གི་ཚད་ཀྱི་མིང་ རྒྱ་ནག་གི་མངའ་ཁོངས། མངའ་ཁོངས་ཀྱི་རྒྱ་ཁྱོན། ཁང་བའི་རྒྱ་ཁྱོན་ཞེས་པ་ལྟ་བུ། |
| རྒྱ་ཁྲག |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་ཟླ་མཚན་འགགས་པ་དང༌། མངལ་དུ་ཁྲག་སྐྲན་འདྲིལ་བ། བུ་དང་ཤ་མ་མ་ཐོན་པ། སྐྱེ་རྒྱུན་གཅོད་པ་སོགས་ལ་ཕན། |
| རྒྱ་གད |
ཚིག་རྩུབ་བམ་གཤེ་ཚིག |
| རྒྱ་གར |
ད་ལྟའི་རྒྱ་གར་སྤྱི་མཐུན་རྒྱལ་ཁབ་ལ་བོད་སྐད་ཀྱི་གོམས་སྲོལ་ལ་རྒྱ་གར་ཟེར། མིང་བསྡུས་ན་རྒྱ་ཞེས་འབྲི་སྲོལ་ཡང་ཡོད་དེ། གནའ་དུས་རྒྱ་གར་ནས་བསྒྱུར་བའི་དཔེ་ཆར་རྒྱ་གཞུང་ཟེར་བ་ལྟ་བུ། |
| རྒྱ་གར་གྱི་གྲོང་ཁྱེར་ཆེན་པོ་དྲུག |
སྔོན་རབས་སུ་མཉན་ཡོད། གནས་བཅས། ཙམ་པ་ཀ། ཝ་ར་ཎཱ་སི། ཡངས་པ་ཅན། རྒྱལ་པོའི་ཁབ་བཅས་སོ། |
| རྒྱ་གར་གྱི་ཆུ་ཆེན་བཞི |
གངྒཱ། སིནྡྷུ། སི་ཏཱ། པཀྵུ་བཅས་སོ། |
| རྒྱ་གར་ནུབ་ལི |
སྔར་རྒྱ་གར་ནུབ་ཕྱོགས་ནས་ལུགས་བརྒྱབ་པའི་སྐུ་འདྲ། |
| རྒྱ་གར་ཤར་ལི |
སྔར་རྒྱ་གར་ཤར་ཕྱོགས་ནས་ལུགས་བརྒྱབ་པའི་སྐུ་འདྲ། |
| རྒྱ་གསར |
གསར་དུ་ཐོན་པའི་རྒྱ་ཚོས་ཤིག |
| རྒྱ་གསེར |
གསེར་སྐུད་དང༌། དངུལ་སྐུད་ཀྱིས་བཏགས་པའི་གོས་ཆེན། |
| རྒྱ་གསོས |
སྔར་མན་ཇུ་གོང་མའི་སྐབས་བོད་སྡོད་ཨམ་བན་དཔོན་འཁོར་ལ་ལོ་ལྟར་འབུལ་དགོས་པའི་ཁྲལ་གྱི་གྲས་ཤིག་རྗེས་སུ་བོད་ཀྱི་བཀའ་བློན་ཚོས་སྐུ་མགྲོན་ལ་གསོལ་སྟོན་གཤོམ་བྱེད་གྲོན་དངུལ་ཡོང་ཁུངས་ཤིག་བྱས་སོ། |
| རྒྱ་གྲམ |
ལྟེ་བ་གཅིག་ལས་ཕྱོགས་བཞིར་སྣེ་མོ་བཞི་གྱེས་པའི་དཔེ་རིས་དང་དབྱིབས་ཀྱི་མིང་ ལམ་རྒྱ་གྲམ། རི་མོ་རྒྱ་གྲམ། ཤིང་རྒྱ་གྲམ། རྒྱ་གྲམ་དམར་པོའི་ཚོགས་པ་ཞེས་པ་ལྟ་བུ། |
| རྒྱ་གྲི |
རྒྱ་ནག་ནས་ཐོན་པའི་གྲི། |
| རྒྱ་གྲི་ཕོར་ཤུབས |
སྔར་བོད་ཀྱི་སྐུ་དྲག་ཚོའི་རྐེད་རྒྱབ་ཏུ་འདོགས་རྒྱུའི་རྒྱ་གྲི་དང༌། ཁོལ་ཙེ། རྒྱ་ཁུག་ཕོར་ཤུབས་བཅས་ཀྱི་སྤྱི་མིང༌། |
| རྒྱ་གྲུ་གུ |
རི་སྒོག་གི་རིགས་ཤིག |
| རྒྱ་གྲོ |
གྲ་མ་མེད་པའི་གྲོ་དཀར་མདངས་ཅན་ཞིག |
| རྒྱ་གྲོ་མ |
དབུས་ཁུལ་དུ་ཞོག་ཁོག་ཟེར། |
| རྒྱ་གྲོལ་བ |
1 ཁ་བྱེ་བ། མེ་ཏོག་རྒྱ་གྲོལ་བ། 2 བཅིངས་པ་ལྷོད་པ། མདུད་པ་རྒྱ་གྲོལ་བ། |
| རྒྱ་གླིང |
འབུད་པའི་རོལ་མོ་ཞིག་ སྦུབ་ཤིང་གླིང་བུ་དང་འདྲ་ཞིང་མར་སྣེ་ན་འདབས་ར་གཡེར་ཁ་ཅན་ཡོད་ལ། ཡར་སྣེ་ལ་འདམ་བུའི་སྦུ་གུ་ཕྲ་མོ་བཙུགས་ནས་འབུད་ཆོག |
| རྒྱ་གླིང་ཁ |
སྣོད་ཀྱི་ཁ་དབྱིབས་ཐེར་ཐེར་རམ་གཡེལ་གཡེལ། |
| རྒྱ་གླིང་པ |
རྒྱ་གླིང་གཏོང་མཁན། |
| རྒྱ་གླིང་མདའ |
མཐེབ་རྒྱག་གི་བུག་མིག་འཁོད་སའི་གཞུང་ངམ་རྒྱུད། |
| རྒྱ་ཅང |
སྐ་རགས་ཀྱི་གོ་ཆོད་པའི་ཁུག་མ་ཞིག འདི་ལ་རྒྱ་ཆང་ཡང་འབྲི། |
| རྒྱ་ཆང |
རྒྱ་ཅང་དང་འདྲ། |
| རྒྱ་ཆད |
ཆ་མ་སྙོམས་པའམ་ཕྱོགས་ལྷུང་ཅན། |
| རྒྱ་ཆས |
རྒྱ་རིགས་ཀྱི་ཆས་གོས། |
| རྒྱ་ཆུང་བ |
1 གུ་དོག་པ་དང༌། ཚད་གཞལ་སླ་བ། 2 ཁྱབ་ཆུང་བ་དང༌། གྲངས་འབོར་ཉུང་བ། |
| རྒྱ་ཆེ་གཟབ་རྒྱས |
ཁྱོན་འབོར་ཆེ་ལ་རྣམ་གྲངས་མང་བ། ཚོགས་འདུ་རྒྱ་ཆེ་གཟབ་རྒྱས་འཚོགས་ཏེ་བཀྲ་ཤིས་བདེ་ལེགས་ཞུ་བ། |
| རྒྱ་ཆེ་བ |
1 ཐ་གྲུ་ཡངས་པ་དང༌། ཚད་གཞི་གཞལ་དཀའ་བ། རྒྱ་ཆེ་མུ་མེད། མེས་རྒྱལ་གྱི་མངའ་ཁོངས་ས་ཆའི་ཁོར་ཡུག་རྒྱ་ཆེ་བ། ས་དང་གནམ་ཡངས་ཤིང་ཤིན་ཏུ་རྒྱ་ཆེ་བ། 2 ཁྱབ་ཆེ་བ་དང༌། འབོར་གྲངས་མང་བ། ངལ་རྩོལ་མི་དམངས་རྒྱ་ཆེ་བ། སྲིད་ཇུས་གསར་པ་རྒྱ་ཆེར་སྤེལ་བ། 3 རྒྱས་པ་དང་ཞིབ་གསལ། གསུང་རབ་ལ་མཁས་པར་སྦྱངས་ཏེ་དགོངས་དོན་རྒྱ་ཆེར་འགྲེལ་བ། དཔེ་ཆའི་ནང་གི་དོན་སྙིང་རྒྱ་ཆེར་འཆད་པ། |
| རྒྱ་ཆེ་བའི་རྒྱན |
གཞན་གྱི་བློ་ཡུལ་དུ་མི་ཤོང་བའི་བསམ་བློ་རྒྱ་ཆེ་བ་དང༌། དཔལ་འབྱོར་ཕུན་ཚོགས་རྒྱ་ཆེ་བ་སྟོན་པའི་རྒྱན་ཞིག |
| རྒྱ་ཆེ་བའི་རྒྱན་གཉིས |
རྒྱ་ཆེ་བའི་རྒྱན་གྱི་ནང་གསེས་རྣམ་གྲངས་གཉིས་ནི། བསམ་པ་རྒྱ་ཆེ་བ་དང༌། འབྱོར་པ་རྒྱ་ཆེ་བའོ། |
| རྒྱ་ཆེན་དཔངས་མཐོ |
1 གཞི་ཁྱོན་ཆེ་ལ་མཐོ་བའི་ཁང་ཆེན། 2 ཁྱོན་ཆེ་ཞིང་འབོར་མང་བ། གསོལ་སྟོན་རྒྱ་ཆེན་དཔངས་མཐོ་ཞིག་བཤམས་ཏེ་གལ་ཆེའི་སྐུ་མགྲོན་རྣམས་ལ་སྣེ་ལེན་གཟབ་རྒྱས་ཞུ། |
| རྒྱ་ཆེན་པོ |
ཚད་མཐའ་ཡངས་པ། ས་ཆ་རྒྱ་ཆེན་པོ། སེམས་རྒྱ་ཆེན་པོ། |
| རྒྱ་ཆེན་མ |
མངོན ས་གཞི། |
| རྒྱ་ཆེན་སྤྱོད་བརྒྱུད |
རྗེ་བཙུན་བྱམས་པ་ནས་ཐོགས་མེད་སྐུ་མཆེད་སོགས་བརྒྱུད་ནས་བྱུང་བའི་ལམ་རིམ་གྱི་བརྒྱུད་པའོ། |
| རྒྱ་ཆེར་འགྲེལ་བ |
རྩ་བ་ལུས་དང་འཕྲོས་པ་ཡན་ལག་དང་བཅས་པ་རྣམས་ཆ་ཚང་བ་རྒྱས་པར་བཀྲལ་བའི་གཞུང༌། |
| རྒྱ་ཆེར་རོལ་པའི་མདོ |
འཕགས་པ་རྒྱ་ཆེར་རོལ་པ་བམ་པོ་བཅོ་བརྒྱད་དང་ལེའུ་ཉེར་བདུན་པ། རྒྱ་གར་གྱི་མཁན་པོ་ཛི་ན་མི་ཏྲ་སོགས་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་ཀྱང་བཅོས་པའི་འཁོར་ལོ་ཐ་མའི་མདོ་དཀོན་བརྩེགས་ཀྱི་གླེགས་བམ་ཁ་པའོ། |
| རྒྱ་ཇ |
རྒྱ་ནག་ནས་ཐོན་པའི་ཇ། |
| རྒྱ་ཏིག |
1 རྒྱ་གར་ནས་བྱུང་བའི་ཏིག་ཏའི་རིགས་ཤིག 2 ས་མིང་ཞིག་མཚོ་སྔོན་ཞིང་ཆེན་ཁོངས་ཧུའུ་ཀྲུའུ་ཧོར་རིགས་རང་སྐྱོང་རྫོང་གི་རྒྱ་ཏིག་བོད་རིགས་རང་སྐྱོང་ཞང་གི་གནས་ཡུལ། |
| རྒྱ་ཐིག |
སྣམ་བུ་ཐིག་མ་སྣམ་བུ་གང་རུང་གི། ཐོག་ཚོས་གཞི་གཞན་ཞིག་གི་ཐིག་རིས་ཡོད་པ། |
| རྒྱ་ཐུག |
གྲོ་ཞིབ་ཀྱི་ཟན་འཇིམ་དྲིལ་ནས་བཟོས་པའི་ཐུག་པ་ཕྲ་ལ་རིང་བ་ཞིག |
| རྒྱ་ཐུར |
གསེར་དངུལ་སོགས་ཡང་ལྕི་འདེགས་བྱེད་ཀྱི་སྲང༌། |
| རྒྱ་ཐེར |
རྒྱ་གར་རམ་རྒྱ་ནག་ནས་ཐོན་པའི་ཐེར་མ། |
| རྒྱ་ཐེལ |
རྟགས་ཐེལ་ལམ་ཐེལ་ཚེ། |
| རྒྱ་ཐོར |
ཤུ་བའི་མིང་གི་རྣམ་གྲངས་ཤིག |
| རྒྱ་དཀར |
1 དཀར་རག་ལི་ཁྲི་སྐྱེར་ཁ་སྣག་ཚ་བཅས་བསྲེས་པའི་མདོག 2 རྒྱ་གར་གྱི་བརྡ་ཟུར་ཆག |
| རྒྱ་དཀར་ནག |
རྒྱ་གར་དང་རྒྱ་ནག |
| རྒྱ་དངུལ |
རྒྱ་ནག་ནས་ཐོན་པའི་དངུལ་རྟ་རྨིག་མ་ལྟ་བུའོ། |
| རྒྱ་དཔང |
བར་དཔངས་ངམ་བར་མི། |
| རྒྱ་དཔངས |
ཞིང་དང་སྲིད། རྒྱ་དཔངས་གྲུ་བཞི་མ། |
| རྒྱ་དཔེ |
རྒྱ་གར་གྱི་ཡི་གེ་དཔེ་ཆ། |
| རྒྱ་དམར |
ཚོས་གཞི་རྒྱ་སྨུག་དམར་ཤས་ཆེ་བ། |
| རྒྱ་དར |
རྒྱ་ནག་ནས་ཐོན་པའི་དར་གོས། |
| རྒྱ་དོར |
ཡུལ རྒྱ་ཆས་ཀྱི་དོར་མ། |
| རྒྱ་ནག |
ཡུལ་གྲུ་རྒྱ་ཆེ་ཞིང་ཆས་གོས་ནག་པོ་གཙོ་བོ་བྱེད་པ་རང་རིའི་རྒྱལ་ཁབ་ནང་གཙོ་ཆེར་རྒྱ་རིགས་འདུས་སྡོད་ཀྱི་ས་ཁུལ་རྣམས་ལ་ཟེར། མིང་གི་རྣམ་གྲངས་ལ་སྟོང་ཁུན་དང༌། མ་ཧ་ཙི་ནའོ། |
| རྒྱ་ནག་གོང་མ |
སྔར་གྱི་ཀྲུང་གོའི་གོང་མ་རིམ་བྱུང༌། |
| རྒྱ་ནག་དོང་ཀུན |
1 སྒྲ་བཤད་མི་འདྲ་བ་ཁ་ཤས་ཡོད་ཀྱང༌། དོན་དངོས་ནི་རྒྱ་ནག་གི་སྐད་ཏཱུང་ཀུས་ཞེས་པ་ཡིན་ཏེ། ཏཱུང་ནི་ཤར་དང་ཀུས་ནི་རྒྱལ་བློན་སོགས་ལ་ཞེ་སའི་ཆེ་འབོད་ཡིན་པས། དོན་ལ་རྒྱ་ནག་ཤར་ཕྱོགས་རྒྱལ་པོ་ཞེས་པ་ཡིན། 2 རྒྱ་ནག་ཤར་ཕྱོགས་རྒྱལ་ཁམས། |
| རྒྱ་ནག་རྒྱལ་པོ |
1 རྒྱ་ནག་གོང་མ། 2 ཉྭ་ལྷོག་སྐེ་སྐྲངས་སོགས་གཉན་ནད་ལ་ཕན་པའི་སྨན་སྦྱོར་ཞིག |
| རྒྱ་ནག་ལྕགས་རི |
1 ཤར་ཧྲན་ཧའེ་ཀོན་འགག་སྒོ་ནས་ནུབ་ཅ་ཡུས་ཀོན་འགག་སྒོའི་བར་རིང་ཚད་སྤྱི་ལེ་དྲུག་སྟོང་བདུན་བརྒྱ་ཙམ་ཡོད་པའི་ལྕགས་རི་རིང་པོ། 2 དཀར་ཡོལ་དང་གོས་ཆེན་སོགས་ལ་ལྕགས་རི་རིང་པོའི་རི་མོ་ཡོད་པ་ཞིག |
| རྒྱ་ནག་སྐག་ཟློག |
རྒྱ་ནག་ནས་དར་བའི་ལོ་ཟླ་ཞག་དུས་ཀྱི་སྐག་ངན་བར་ཆད་ཕྱིར་ཟློག་གི་ཆོ་ག་ཞིག |
| རྒྱ་ནག་སྟོང་ཁུན |
རྒྱ་ནག་དོང་ཀུན་དང་དོན་གཅིག་ |
| རྒྱ་ནད |
1 རྒྱ་གར་ནག་ཏུ་འབྱུང་བའི་ཚ་ནད། 2 རེག་དུག་གམ་བསེ་མོག 3 རྒྱ་ནད་མིག་སེར་ཞེས་པའི་གཉན་ནད། |
| རྒྱ་པ |
1 ཡུལ མི་ཁྲམ་པ། 2 རྙིང ཚོང་པ། |
| རྒྱ་ཕིབས |
ཁང་བའི་ཀླད་ཡར་འབུར་བའི་ཆའམ་གུར་ཁང་གི་ཁང་ཀླད་ཀྱི་མིང་། |
| རྒྱ་ཕིབས་གནས་འཆའ |
མངོན ཕུག་རོན། |
| རྒྱ་ཕུབས |
རྒྱ་ཕིབས་དང་འདྲ། |
| རྒྱ་ཕྲུག |
རྒྱ་རིགས་ཀྱི་ཕྲུ་གུ། |
| རྒྱ་ཕྲུག་གར་མཁན |
རྒྱ་བཟའ་ཀོང་ཇོ་ཕྱི་མའི་སྲས་ཁྲི་སྲོང་ལྡེའུ་བཙན་གྱི་རྩེད་ཟླ་རུ་རྒྱ་རྗེས་བཏང་བའི་རྒྱ་རིགས་བྱིས་པ་ཞིག་ཕྱིས་བོད་ཀྱི་སྐད་ཡིག་ལ་མཁས་པར་གྱུར་ཏེ་སྨན་གཞུང་སོ་མ་ར་ཙ་རྒྱ་ཡིག་ནས་བོད་ཡིག་ཏུ་བསྒྱུར། |
| རྒྱ་ཕྲུག་ཕོ་མོ |
1 རྒྱ་རིགས་ཀྱི་ཕྲུ་གུ་ཕོ་མོ། 2 མི་ཚེ་རིང་འཁྲབ་དུས་གཡས་གཡོན་དུ་འཁྲིད་པའི་ཕྲུ་གུ་ཕོ་མོ་གཉིས། |
| རྒྱ་བ |
1. ཐ་མི་དད་པ རྒྱས་པ། རྒྱ་བ།། མང་དུ་འཕེལ་བ་དང༌། རྗེ་ཆེར་དར་བ། ཆུ་བོ་རྒྱས་པ། ཡར་རྒྱས། ཡོན་ཏན་འཕེལ་ཞིང་རྒྱས་པ། འཛུམ་མདངས་རྒྱས་པ། གཟི་མདངས་རྒྱས་པ། འཚང་རྒྱ་བ། འཕྲིན་ལས་རྒྱས་པ། 2.སྒོག་པ་བྱེ་བྲག་པ་ཞིག |
| རྒྱ་བཅད་རྒྱག་པ |
1 མཚལ་དང༌། ལི་ཁྲི་སེར་པོ། ལི་སྐྱ། རྣ་རོས་དམར་སྐྱ་སོགས་ལ་རྒྱ་ཚོས་ཀྱིས་བཅད་རྒྱག་པ། 2 གཏོང་ཡིག་སྐོགས་ནང་དུ་བཅུག་སྟེ་ཐེལ་ཚེ་རྒྱག་པ། |
| རྒྱ་བཙུན |
རྒྱ་ནག་གི་གྲྭ་པ། |
| རྒྱ་བཟའ |
རྒྱ་མོ་བཟའི་བསྡུས་ཚིག་ |
| རྒྱ་བཟའ་ཀོང་ཇོ |
སྔར་བོད་ཀྱི་རྒྱལ་པོ་སྲོང་བཙན་སྒམ་པོའི་བཙུན་མོར་ཕེབས་པ་ཐང་ཐའི་ཙུང་གི་སྲས་མོ་ཝུན་ཤིང་ཀོང་ཇོའམ། ཁྲི་ལྡེ་གཙུག་བརྟན་གྱི་བཙུན་མོར་ཕེབས་པ་ཐང་ཀྲུང་ཙུང་གི་སྲས་མོ་གྱིམ་ཤང་ཀོང་ཇོ། |
| རྒྱ་བཟའ་བལ་བཟའ |
སྲོང་བཙན་སྒམ་པོའི་རྒྱ་བལ་བཙུན་མོ་གཉིས། |
| རྒྱ་བརྩོན་འགྲུས་སེང་གེ |
དུས་རབས་བཅུ་གཅིག་པའི་ཐོག་མར་ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་གདན་འདྲེན་ཞུ་མཁན་ལོ་ཙའ་བ་ཞིག |
| རྒྱ་བོ |
1 འགྲམ་པའི་མཐར་སྤུ་སྐྱེས་པའི་མི། 2 གཞི་སྤུ་མདོག་ནག་པོར་སྤུ་སེར་གྱི་བཅད་ཡོད་པའི་མདོག ཁྱི་རྒྱ་བོ། དྲེལ་རྒྱ་མོ་ |
| རྒྱ་བོད |
1 རྒྱ་ནག་དང་བོད་ཀྱི་བསྡུས་མིང༌། 2 རྒྱ་གར་དང་བོད་ཀྱི་བསྡུས་མིང༌། |
| རྒྱ་བྲ |
མངར་ཤས་ཅན་གྱི་འབྲུ་རིགས་བྲའུ། |
| རྒྱ་མ |
1 འཇལ་བྱེད་སྲང་དང་འདེགས་རྒྱ། རྒྱ་མར་བཀྱག་པ། 2 ཡི་གེའི་རྒྱ་མ། ཞུ་ཡིག་རྒྱ་མ། བཀའ་ཡིག་རྒྱ་མ། བཀའ་རྒྱ་མ། |
| རྒྱ་མ་བ |
སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག་དེང་སྐབས་མལ་གྲོ་གུང་དཀར་རྫོང་ཁོངས་ཀྱི་རྒྱ་མ་ཁྲི་ཁང་དུ་ཡོད། |
| རྒྱ་མ་བོད |
རྒྱ་རིགས་དང་བོད་རིགས་འདྲེས་པའི་རིགས་རྒྱུད། |
| རྒྱ་མཁན |
མངོན འབུ་སྡོམ། |
| རྒྱ་མཐོངས |
1 ཁང་པའི་དབུས་ཀྱི་གསེང་ཡངས། 2 ཁང་པ་རྩེག་ཐོག་ཅན་རིམ་པ་གཉིས་པ་ཡན་གྱི་བར་ཁྱམས། |
| རྒྱ་མདའ |
རྒྱ་ནག་ནས་ཐོན་པའི་རྙིང་ལུགས་མེ་མདའ། |
| རྒྱ་མདའ་བརྒྱད་བཞོག |
བོད་མདའ་བྱེ་བྲག་པ་ཞིག་གི་མིང༌། |
| རྒྱ་མདུད |
མདུད་པ་ལྷས་མ་ཅན་ཞིག |
| རྒྱ་མཚལ |
རྡོ་སྨན་གྱི་རིགས་ཤིག་མདོག་སྨུག་ཤས་ཅན་རྒྱ་ཁབ་གཤིབ་པ་འདྲ་བ་ཞིག་ནུས་པས་རྩ་དཀར་གྱི་ནད་དང༌། རུས་ཆག་གསོ། |
| རྒྱ་མཚལ་ལྕོག་ལ |
རྒྱ་མཚལ་གྱི་མིང་གཞན་ཞིག |
| རྒྱ་མཚོ |
1 ཆུ་གཏེར། རྒྱ་མཚོ་ཆེན་པོ། རྒྱ་མཚོ་འགྲམ་ལ་བཞག་ཀོ་སྐམ་མཆིལ་མས་སྦང༌། རྒྱ་མཚོ་སྐམ་ནུས་ན་སྦལ་བ་ཤི་ནུས། མིང་གི་རྣམ་གྲངས་ལ་གང་གཱ་འཛིན་དང༌། བརྒལ་དཀའ་བ། ཆུ་བདག་ཆུ་སྤེལ། ཆུ་སྲིན་གྲོང་ཁྱེར། ཆུ་སྲིན་རྒྱལ་མཚན་ཅན། ཆུ་སྲིན་འབྱུང་གནས། ཆུའི་ཕུང་པོ། ཉལ་འགྲོའི་གཏེར། དལ་འབབ་མཛོད། དུག་ཅན་གནས། ཕ་རོལ་མི་མངོན། ཟླ་བའི་གྲོགས། ཟླ་བའི་མ་མ། ཟླ་བས་འཕེལ། རི་ཡི་ཐོད་ཅན། རིན་ཆེན་འབྱུང་གནས། རོ་ལྡན་མ། ས་མཆོད་མ་བཅས་སོ། 2 མངོན རྒྱ་མཚོ་ཆེན་པོ་ལ་ཁ་དོག་གིས་ཕྱེ་ན་དཀར་སྔོ་དམར་སེར་བཞི་ཡོད་པས་གྲངས་བཞི་མཚོན། |
| རྒྱ་མཚོ་ཁམ་ཟས་ཅན |
མངོན ཆུ་སྲིན་ཆེན་པོ། |
| རྒྱ་མཚོ་དགའ |
མངོན ཟླ་བ། |
| རྒྱ་མཚོ་འཐུང |
མངོན རྒོད་མ་ཁའི་མེ། |
| རྒྱ་མཚོ་རྡོ་བ |
རྡོ་སྨན་གྱི་རིགས་ཤིག་མཚོ་རྡེའུ་ཁ་དོག་མ་ངེས་པ་དབྱིབས་ཟླུམ་པོ་དང༌། འབུ་འདྲ་བ་སོགས་འབྱུང༌། ནུས་པས་ཚ་བའི་སྲིན་ལ་ཕན། |
| རྒྱ་མཚོ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་གསུམ་པ་བའི་རྒྱུད་ཀྱི་བཟོད་པའི་ཕར་ཕྱིན་དང་ལྡན་པའི་སེམས་བསྐྱེད་ནི་མེ་མཚོན་ལ་སོགས་པའི་མི་འདོད་པ་ཐམས་ཅད་ཐོག་ཏུ་བབ་པས་ཡིད་མི་འཁྲུག་པས་ན་རྒྱ་མཚོ་ཆེན་པོ་ལྟ་བུའོ། |
| རྒྱ་མཚོ་སྐྱེས |
མངོན 1 བརྒྱ་བྱིན་གྱི་བཞོན་པ། 2 ཟླ་བ། 3 ལྷ་ཡི་ཤིང༌། |
| རྒྱ་མཚོའི་གོས་ཅན |
མངོན ས་གཞི། |
| རྒྱ་མཚོའི་བུ་མོ |
མངོན ལྷ་མོ་དབྱངས་ཅན་མ། |
| རྒྱ་མཚོའི་བླ་མ |
ཏཱ་ལའི་བླ་མ། |
| རྒྱ་མཚོའི་མཆིང |
རྒྱ་མཚོའི་འཇིང་ངམ་རྒྱ་མཚོའི་ཀློང༌། |
| རྒྱ་མཚོའི་མཐའ་ཅན |
མངོན 1 གཟེ་མ་ར་མགོ། 2 རས་བལ་ཤིང༌། |
| རྒྱ་མཚོའི་མར་གསར |
མངོན ཟླ་བ། |
| རྒྱ་མཚོའི་རྒྱལ་པོ |
རྒྱ་མཚོ་ཆེན་པོ། |
| རྒྱ་མཚོའི་ལྦུ་བ |
མཐའི་རྒྱ་མཚོའི་རླབས་ཀྱི་ལྦུ་དྲེག་བྲག་ལ་ཆགས་པ་སྲབ་ལེབ་དཀར་པོ་ཉ་ཕྱིས་ཀྱི་རྒྱུ་འདྲ་བ་ཞིག་རོ་ཁ་ལ་བསྐ། ཞུ་རྗེས་སྙོམས། ནུས་པས་མཁལ་ཚད་དང༌། ཀླད་པའི་ནད་ལ་ཕན |
| རྒྱ་མཚོའི་ལྷ་མོ |
མངོན ལྷ་མོ་དབྱངས་ཅན་མ། |
| རྒྱ་མཚོར་རྡོ་དབྱུག |
ལན་དང་འབྲས་བུ་གང་ཡང་མེད་པའི་དཔེ། བྱ་བ་བསྒྲུབས་པ་དེས་རྒྱ་མཚོར་རྡོ་དབྱུག་ལྟར་ཕན་གནོད་གང་ཡང་མ་བྱུང༌། |
| རྒྱ་མའི་འཁྲོལ་འཛིན |
སྔར་ལྷ་ལྡན་སྨོན་ལམ་ཚུགས་དུས་མི་དམངས་ཀྱི་ནང་ལ་རྒྱ་མ་ཡོད་རིགས་ནས་འདེགས་འགྱོགས་བེད་གཅོད་བྱས་ཆོག་པ་ཞེས་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| རྒྱ་མི |
རྒྱ་རིགས་ཡིན་པའི་མི། |
| རྒྱ་མིག |
འཇལ་བྱེད་སྲང་དང་རྒྱ་མའི་སྟེང་གི་སྒོར་མིག |
| རྒྱ་མེན |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། ལོ་མ་རྟིང་བར་ཚོམ་བུར་སྐྱེས་པའི་ཁྲོད་ནས་མེ་ཏོག་གི་ཡུ་བ་རིང་པོ་ཐོན་པའི་རྩེ་ལ་མེ་ཏོག་སེར་པོ་དང་དམར་པོ་དཀར་པོ་སོགས་མདོག་སྣ་ཚོགས་བཞད། འབྲས་བུ་གང་བུའི་ནང་ན་ས་བོན་ཟླུམ་པོ་ཧ་ཅང་ཞིབ་པ་མང་པོ་ཞིག་ཡོད། |
| རྒྱ་མོ |
1 རྒྱ་རིགས་བུད་མེད། 2 སྤུ་མདོག་ནག་ལ་ཁ་མིག་གི་མཐའ་དཀར་བའི་དྲེལ་མོ། |
| རྒྱ་མོ་བཟའ |
1 རྒྱ་རིགས་བུད་མེད། 2 སྲོང་བཙན་གྱི་བཙུན་མོ་དང༌། མེས་ཨག་ཚོམ་གྱི་བཙུན་མོ་རྒྱ་བཟའ། |
| རྒྱ་མོ་མཆུ་ཟློག |
རྒྱ་ནག་ནས་དར་བའི་རྐྱེན་ངན་ཕྱིར་ཟློག་གི་ཆོ་ག་ཞིག |
| རྒྱ་མོ་ཨོང་ཇོ |
སྲོང་བཙན་སྒམ་པོའི་བཙུན་མོ་རྒྱ་བཟའ་ཀོང་ཇོའི་མཚན། |
| རྒྱ་ཚ |
1 རྒྱ་རིགས་དང་བོད་རིགས་འདྲེས་པའི་ཕྲུ་གུ། 2 རྫོང་ཞིག་བོད་རང་སྐྱོང་ལྗོངས་ཀྱི་ཤར་ལྷོའི་ཁུལ་ཡར་ཀླུངས་གཙང་པོའི་ཆུ་རྒྱུད་དུ་ཡོད། རྫོང་མི་དམངས་སྲིད་གཞུང་དེ་བྲུམ་པར་ཡོད། |
| རྒྱ་ཚད |
1 རྒྱ་ཁྱོན། 2 རྒྱ་གར་ནག་སོགས་ཡུལ་དྲོད་ཆེ་སར་འབྱུང་བའི་ཚ་བའི་ནད། |
| རྒྱ་ཚིགས |
བོལ་གོང་ཚིགས་ཀྱི་མིང་གཞན་ཞིག |
| རྒྱ་ཚུགས |
སྔར་མན་ཇུ་གོང་མའི་སྐབས་བཙུགས་པའི་ཉིན་གཅིག་ལ་སླེབས་པའི་ལམ་གྱི་བབ་ཚུགས། |
| རྒྱ་ཚེམ |
རྒྱ་རིགས་ཀྱི་ཚེམ་བཟོ་བྱེད་སྟངས་ཤིག |
| རྒྱ་ཚོས |
1 རྒྱ་སྐྱེགས་ཚོས་ཀྱི་བསྡུས་མིང༌། 2 སྤུ་ཕྲུག་རྒྱ་ཚོས། |
| རྒྱ་ཚྭ |
ལན་ཚྭའི་རིགས་ཤིག་རོ་ལན་ཚྭ་ལ་ཚ་བ། ཞུ་རྗེས་དྲོད། ནུས་པས་ཕོ་བ་སོགས་ཀྱི་སྐྲན་ནད་དང༌། ཟླ་མཚན་འགགས་པ། བུ་དང་ཤ་མ་མ་ཐོན་པ། དྲི་ཆུ་འགགས་པ། ཁོང་སྲིན་གླང་ཐབས་ཀྱི་ནད། རྩའི་ནད། གག་པ། མིག་ལ་ཤ་མཛེར་རྒྱས་པ། ལིང་ཐོག་སོགས་ལ་ཕན། |
| རྒྱ་ཚྭ་ལྕེ་འབིག |
རྒྱ་ཚྭའི་མིང་གཞན། |
| རྒྱ་ཟས |
ཚལ་སྣ་བསྒྲིགས་པའི་ཟས། |
| རྒྱ་ཟོག |
1 རྒྱ་ནག་ནས་ཐོན་པའི་ཚོང་ཟོག 2 རྒྱ་གར་ནས་ཐོན་པའི་ཚོང་ཟོག |
| རྒྱ་ཟོང |
རྒྱ་ཟོག་དང་འདྲ། |
| རྒྱ་འགྲེལ |
རྒྱ་གཞུང་གི་རྩ་བ་ཁག་ལ་རྒྱ་གར་བའི་མཁས་པ་ཚོས་བརྩམས་པའི་འགྲེལ་བཤད། |
| རྒྱ་འགྲོལ་བ |
1 ཐེལ་ཚེ་འགོག་པའམ་བཤིག་པ། 2 གསང་རྒྱ་འགྲོལ་བ། |
| རྒྱ་འདོན |
ཆིང་རྒྱལ་རབས་སྐབས་སུ་གསར་དར་རྒྱ་སྦྱོང་དམག་འཁྲིའི་ས་རྟེན། |
| རྒྱ་འདྲ |
གོས་རྒྱ་གསེར་གྱི་འདྲ། |
| རྒྱ་འདྲེ |
འཁྲུག་རྩོད། ཡིན་མིན་བདེན་རྫུན་གྱི་དབྱེ་བ་འབྱེད་རྒྱུར་རྒྱ་འདྲེ་བརྒྱབ་ན་མི་ཕན། ཁ་ཕོག་སྣ་ཕོག་གི་ཚིག་རྩུབ་གོ་འཕྲལ་དུ་རྒྱ་འདྲེ་རྒྱག་སྙིང་བྲོ་བ། མི་ལ་མི་དགོས་རྒྱ་འདྲེ་དང༌། ཤིང་ལ་མི་དགོས་འཛེར་པ། |
| རྒྱ་འབྱམས |
ཁུ་མ་འདུས་པའམ་རྒྱ་འུབས་མི་འདུས་པ། |
| རྒྱ་འབྲས |
རྒྱ་ནག་དང་ཧིན་དུ་ནས་ཐོན་པའི་འབྲས། |
| རྒྱ་འུབས་མི་འདུས་པ |
ལས་ཀའི་གཞི་ཁྱོན་ཆེ་དྲགས་ནས་ལག་ལེན་དུ་མི་འཁྱོལ་བ། ལས་ཀ་རྒྱ་འུབས་འདུས་མི་ཐུབ་པ། ཕྱི་ནང་གི་ལས་དོན་མང་པོ་མི་གཅིག་ལག་གཅིག་གིས་རྒྱ་འུབས་མ་འདུས་པ་རེད། |
| རྒྱ་ཡན |
ལྷོད་ཡེངས། དོགས་ཟོན་བྱེད་དགོས་སར་སྣང་བ་རྒྱ་ཡན་དུ་གཏོང་མི་རིགས། རང་སེམས་རྣམ་གཡེང་རྒྱ་ཡན་དུ་གཏོང་བ། |
| རྒྱ་ཡིག |
རྒྱ་རིགས་ཀྱི་ཡི་གེ། |
| རྒྱ་ཡིས་འཚོ་བ |
མངོན བཤན་པའམ། རྔོན་པ། |
| རྒྱ་ཡུལ |
1 རྒྱ་ནག་ཡུལ། 2 རྒྱ་གར་ལུང་པ། |
| རྒྱ་ར |
1 རི་དྭགས་ཀྱི་བྱེ་བྲག་ཅིག 2 རྒྱ་གར་ནག་གང་རུང་གི་ར། |
| རྒྱ་རག |
1 རྒྱ་ནག་དང་རྒྱ་གར་ནས་ཐོན་པའི་ཨ་རག 2 རྒྱ་ནག་དང་རྒྱ་གར་ནས་ཐོན་པའི་ལྕགས་རིགས་རག |
| རྒྱ་རིགས |
རང་རྒྱལ་ནང་མི་འབོར་མང་ཤོས་ཡིན་ཞིང༌། རྒྱལ་ཡོངས་གང་ས་གང་དུ་གནས་ཡོད་པའི་མི་རིགས་ཤིག |
| རྒྱ་རིམ་པ་བདུན |
རིག་པའི་གནས་གང་ཡང་རུང་བའི་གཞུང་གི་དོན་མི་འཁྲུག་པའི་ཆེད་དུ་གདབ་པའི་རྒྱ་བདུན་ཏེ། དོན་མི་འཁྲུག་པ་ཚེག་གི་རྒྱ་དང༌། ཚིག་རྐང་མི་འཁྲུག་པ་ཤད་ཀྱི་རྒྱ། ཚིག་དོན་མི་འཁྲུག་པ་ལེའུའི་རྒྱ། ཤོ་ལོ་ཀ་མི་འཁྲུག་པ་བམ་པོའི་རྒྱ། བམ་པོ་མི་འཁྲུག་པ་བམ་པོའི་གྲངས་ཀྱི་རྒྱ། མཐའ་མི་འཆོལ་བ་སྣེ་ཐིག་གི་རྒྱ། གླེགས་བམ་མི་འཁྲུག་པ་གདོང་ཡིག་གམ་སྤྱན་ཁྱེར་གྱི་རྒྱ་བཅས་སོ། |
| རྒྱ་རུ |
རི་དྭགས་རྒྱའི་རྭ་ཅོ། |
| རྒྱ་རུམ |
རྒྱ་ནག་ནས་ཐོན་པའི་རུམ། |
| རྒྱ་རྒྱག |
ཐེལ་ཚེ་རྒྱག་པ། |
| རྒྱ་རྙི |
བྱ་དང་རི་དྭགས་སོགས་འཛིན་བྱེད་ཀྱི་ལག་ཆ། |
| རྒྱ་རྙིང |
རྒྱ་ཚོས་རྙིང་པ། |
| རྒྱ་རྟགས |
1 ཡིག་སྐོགས་ཀྱི་ཁར་འབྲི་བའི་ཐེལ་ཚབ་ཀྱི་ཡི་གེ། 2 གྲངས་གནས་ཤིག |
| རྒྱ་རྟགས་ཆེན་པོ |
གྲངས་གནས་ཤིག |
| རྒྱ་རྡོ |
1 རྡོ་དཀྲུགས་མ་ཟུར་ཅན་རིང་པོ། 2 འཇལ་བྱེད་རྒྱ་མའི་རྡོ། |
| རྒྱ་རྣ་རུ |
རྙིང འཁྲིག་སྤྱོད། |
| རྒྱ་རྩ |
འཕར་རྩ་ཆེན་པོའི་མིང་། |
| རྒྱ་རྩི |
ལོ་མང་སྐྱེ་བའི་རྩྭ་ལྡུམ་ཞིག་ མཐོ་ཚད་ལིས་སྨིས་གཉིས་ནས་དགུ་བར་ཡོད། ལོ་མའི་ངར་བ་རིང་ཞིང་བྱ་སྒྲོ་ལྟར་ཆ་མཉམ་དུ་གྱེས་ཡོད། མེ་ཏོག་སྔོ་སྐྱ་འདབ་མ་བརྒྱད་ཅན། ཟེའུ་འབྲུ་སེར་སྐྱ་ཡིན། རྟའི་རྔོ་ནད་ལ་བསྐུས་ན་ཕན་པའི་སྨན་ཞིག་ཡིན་ཞིང་། རྒྱ་རྩི་དུག་ལོ་ཡང་ཟེར། སྨན་གཞུང་དུ་གྱི་ལིང་རྟ་ལ་རྔོ་བྱུང་ན། རྒྱ་རྩི་དུག་ལོ་གསེར་གྱིས་ཉོས་ཞེས་བཤད་ཡོད། ཚི་བ་དང་ཧྭགས་སོགས་བསྲེས་ནས་གྲུབ་པའི་རྩི་ཤིག་གི་མིང་། 2.རྒྱ་ནག་ནས་ཐོན་པའི་ཤིང་ལ་གཏོང་རྒྱུའི་རྩི། |
| རྒྱ་རྩི་དུག་ལོ |
ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཤུ་བ་དང་རྔོ་འཇོམས། འབྲས་སྐྲན་འདུལ། དུག་ཤས་ཤིན་ཏུ་ཆེ། |
| རྒྱ་རྩིས |
རྒྱ་ནག་ཡུལ་ནས་བོད་དུ་དར་བའི་སྐར་རྩིས་དང་འབྱུང་རྩིས། |
| རྒྱ་ལ |
1 ནམ་ཞིག་གམ། ལན་འགའ། རྒྱ་ལ་བརྗེད་ངས་པས་ལས་ཀ་འཐུས་ཤོར་དུ་གཏོང་བ། 2 གལ་ཏེའམ། གལ་སྲིད་དམ་བརྟག་པ་མཐའ་བཟུང་གི་དོན། རྒྱ་ལ་དེ་ལྟར་ཡིན་ནའང༌། |
| རྒྱ་ལབ |
རྒྱ་ལ་ཕུག |
| རྒྱ་ལམ |
མང་པོ་འགྲོ་སའི་ལམ་ཆེན། ཁོང་ཚོ་རྒྱ་ལམ་དུ་ཞལ་འཛོམས་པ། རི་ཀླུང་བཅད་ནས་རྒྱ་ལམ་གསར་དུ་བཟོས་པ། ཁལ་བོང་བུས་འཁུར་བར་རྒྱ་ལམ་སྐེད་པ་ན་དོན་མེད། |
| རྒྱ་ལུ |
རྒྱལ་པོའི་སྲས། |
| རྒྱ་ལུ་ཆས |
སྔར་བོད་ས་གནས་སྲིད་གཞུང་གི་མཛད་སྒོའི་སྐབས་དྲུང་འཁོར་ཚོས་གྱོན་རྒྱུའི་ཆས་ཤིག་དེར་རྒྱལ་སྲིད་སྣ་བདུན་ཚང་ལུགས་ནི། གཟན་གྱིས་གླང་ཆེན། ཀོང་རྣས་འཁོར་ལོ། པན་ཏོག་གིས་བཙུན་མོ། སྐེད་གྲིས་དམག་དཔོན། ཁུག་ཁྲ་ཐིག་ཤུབས་ཀྱིས་རྟ་མཆོག་ཨར་ཀོང་གིས་བློན་པོ། རིན་ཆེན་སྤྱིས་ནོར་བུ་རིན་པོ་ཆེ་བཅས་མཚོན། འདིའི་སྲོལ་གཏོད་པ་པོ་ནི་དུས་རབས་བཅུ་བཞི་པར་སྣེའུ་གདོང་མི་དབང་གྲགས་པ་རྒྱལ་མཚན་ཡིན། |
| རྒྱ་ལུ་ཆས་ཀྱི་གཟན |
རྒྱ་ལུ་ཆས་སྤྲོས་སྐབས་གྱོན་རྒྱུའི་གཟན་ཁྲ། |
| རྒྱ་ལུ་བ |
བོད་ཀྱི་ཟློས་གར་ལྷ་མོ་འཁྲབ་མཁན་ནང་གི་གཙོ་བོའི་ཆ་ལུགས་ཅན་ཞིག |
| རྒྱ་ལུགས |
རྒྱ་རིགས་ཀྱི་ལུགས་སྲོལ། |
| རྒྱ་ལུའི་གྲི |
རྒྱ་ལུ་ཆས་ཀྱི་སྐེད་གྲི། |
| རྒྱ་ལུའི་རྣམ་ཐར |
བོད་ཀྱི་ཟློས་གར་ཨ་ལྕེ་ལྷ་མོ་འཁྲབ་མཁན་ཞིག་གི་གླུ་དབྱངས། |
| རྒྱ་ལུའི་སྟོད་གོས |
སྔར་བོད་ས་གནས་སྲིད་གཞུང་གི་དྲུང་འཁོར་སྐྱ་རིགས་དང་ལྷ་མོ་འཁྲབ་མཁན་བཅས་ཀྱི་རྒྱ་ལུའི་སྟོད་གོས། |
| རྒྱ་ལུས་བྱིན་འབེབས |
བོད་ཀྱི་ཟློས་གར་ལྷ་མོ་བའི་གཙོ་བོས་འཁྲབ་ཡུལ་གྱི་ས་གཞི་བྱིན་གྱིས་རློབ་པའི་སྟངས་ཀ་བྱེད་ཚུལ། |
| རྒྱ་ལོ |
མདོང་མོའི་སྲུབ་ཤིང༌། |
| རྒྱ་ལྕགས |
རྒྱ་ནག་ལྕགས་རིའི་རི་མོའི་བསྡུས་མིང༌། |
| རྒྱ་ལྕང |
1 སྔར་གྱི་བཤད་སྲོལ་དུ་རྒྱ་ཟ་ཀོང་ཇོ་བོད་དུ་ཕེབས་སྐབས་ཤིང་སོན་བསྣམས་པ་བཙུགས་སྐྱེས་ཀྱི་ཤིང་ཞིག 2 ཡལ་ག་ཐུར་དུ་དུད་པའི་ལྕང་མའི་རིགས་ཤིག |
| རྒྱ་ལྕོག |
ཅོག་ཙེ་གྲུ་བཞི་མ། |
| རྒྱ་ཤིང |
ཤིང་ཞིག |
| རྒྱ་ཤིང་རྔོད་གསུམ |
རྒྱ་གསོས་དང༌། ཤིང་དངུལ། སྨོན་རྔོད་དེ་སྔར་བོད་ས་ཁུལ་གྱི་ཁྲལ་ཆེན་གསུམ། ཆིང་རྒྱལ་རབས་སྐབས་སུ་བོད་མི་དམངས་ཀྱིས་ཨམ་བན་དང་བཅས་པའི་དཔོན་རིགས་ལ་འབུལ་དགོས་པའི་འབྲུ་དངུལ་དང༌། སྨོན་ལམ་ཚོགས་ཆེན་ལ་འབུལ་དགོས་པའི་འབུད་ཤིང་དང་རྩམ་པ་བཅས་སོ། |
| རྒྱ་ཤུག |
1 ཤུག་པའི་བྱེ་བྲག་ཅིག 2 ཤིང་འབྲས་ཆི་བི་ཁའི་སྡོང་པོ། རྒྱ་ཤུག་ཚི་གུ། |
| རྒྱ་ཤུག་འབྲས་བུ |
1 ཆི་བི་ཁ། 2 ཤུག་པ་ཁྲོ་ཞལ་ཅན་གྱི་འབྲས་བུ་རོ་མངར་ཁ་ཚ་ལ་བསྐ་བ། ཞུ་རྗེས་སྙོམས། ནུས་པས་གཅིན་འགགས་ཀྱི་ནད་དང༌། བུད་མེད་ཀྱི་ཚབས་ནད། དྲེག་ནད། གློ་ཚད། མཆིན་ཚད། སྣོད་མཁྲིས་ཀྱི་ཚ་བ་སོགས་ལ་ཕན། |
| རྒྱ་ཤུགས |
མངོན རས་བལ་ཤིང༌། |
| རྒྱ་ཤོ |
ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རྨ་གསོ། རུས་པའི་ཚ་བ་འཇོམས། |
| རྒྱ་ཤོག |
རྒྱ་ནག་གམ་རྒྱ་གར་ནས་ཐོན་པའི་ཤོག་བུ། |
| རྒྱ་སེའི་མེ་ཏོག |
མེ་ཏོག་ཚེར་མ་ཅན་ཞིག |
| རྒྱ་སེར |
1 ཨུ་རུ་སུ། 2 རྒྱ་བོ་དང་སེར་པོ་གཉིས་འདུས་ཀྱི་མིང༌།…3.རྒྱུད་དཀར་པོའི་སྤྱི་མིང་ངམ་ཡོ་རུབ་གླིང་གི་མི། རྒྱ་སེར་རམ་རྒྱ་སེ་ཞེས་པའི་སྲིན་བལ་དང་ཟངས་སྐུད་བསྲེས་ནས་བཏགས་པའི་ཐགས་དངོས་ཤིག་གི་མིང་། |
| རྒྱ་སོག |
རྒྱ་དང་སོག་པོ། |
| རྒྱ་སྐག |
རྒྱ་སྐྱེགས་ཀྱི་ཟུར་ཆག་ |
| རྒྱ་སྐད |
1 རྒྱ་ནག་གི་སྐད། 2 རྒྱ་གར་གི་སྐད། |
| རྒྱ་སྐར |
རྒྱ་མཐོངས་སམ་སྐར་ཁུང་ལྟ་བུ་ལུས་ཀྱི་དོན་སྣོད་གང་དང་མ་འབྲེལ་བའི་སྟོང་པའི་གསང་ཞིག་ལུས་སྟོད་ཀྱི་ཕུག་རོན་གསང་ལྟ་བུའོ། |
| རྒྱ་སྐས |
འཛེགས་སྐས། |
| རྒྱ་སྐོགས |
ཡི་གེ་བླུག་སའི་སྐོགས། |
| རྒྱ་སྐྱེགས |
ཤིང་སྨན་གྱི་རིགས་ཤིག་རོ་ཁ། ཞུ་རྗེས་སྙོམས། ནུས་པས་གློ་ཚད་དང༌། མཁལ་ཚད། འགྲམས་ཚད་བཅས་ལ་ཕན། ཤིང་འདིར་བརྟེན་པའི་འབུ་སྲིན་རིགས་ཤིག་ནས་བྱུང་བའི་ཆུའི་དྭངས་མས་ཚོས་དམར་དང་སྙིགས་མས་ལ་ཆ་བྱེད། མིང་གི་རྣམ་གྲངས་ལ་སྐྱེ་ལྡན་དང༌། ཁྱབ་མཇུག་རིལ་མ། རྒྱ་སྐགས། ཕོ་ཚོས། ཚོས། སྲིན་པོའི་ཁྲག་ལྷ་མོའི་ཟླ་མཚན་བཅས་སོ། |
| རྒྱ་སྐྱེགས་ཚིགས་མ |
ལ་ཆ་བཟོ་བྱེད། |
| རྒྱ་སྐྱེགས་ཚོས |
རྒྱ་སྐྱེགས་ཤིང་ལས་བྱུང་བའི་ཚོས་དམར། |
| རྒྱ་སྐྱེགས་ཤིང |
རྒྱ་ཚོས་སམ་རྒྱ་སྐྱེགས་ཚོས་གསོག་མཁན་འབུ་སྲིན་ཞིག་གི་རྟེན་ས་ཤིང་ཞིག |
| རྒྱ་སྐྱེད |
རྒྱ་ཆེ་རུ་གཏོང་བ། རང་གི་སྟོབས་ཤུགས་རྒྱ་སྐྱེད་གཏོང་ཐབས་ཁོ་ན་བྱེད་པ། མགྲོན་ཁང་གི་རྒྱ་ཇེ་ཆེར་སྐྱེད་པ། |
| རྒྱ་སྒ |
རྒྱ་ནག་ནས་ཐོན་པའི་རྟ་སྒ། |
| རྒྱ་སྒོ |
ཁང་བའི་སྒོ་ལ་ནང་སྒོ་དང་ར་བའི་སྒོ་ལ་རྒྱ་སྒོ་ཟེར། |
| རྒྱ་སྒོག |
རྒྱ་ནག་ནས་ཐོན་པའི་སྒོག་པ། |
| རྒྱ་སྟག་ར་མོ་ཆེ |
ར་མོ་ཆེའི་གཙུག་ལག་ཁང་ཐོག་མར་འདེབས་དུས་ལྷ་ཁང་གི་རྒྱ་ཕུབ་སྟག་ལྟར་བཀྲ་བས་མིང་དེ་ལྟར་བཏགས་པ། |
| རྒྱ་སྣག |
རྒྱ་ནག་ནས་བྱུང་བའི་སྣག་ཚ། |
| རྒྱ་སྣེའུ |
སྔོ་ཞིག་གི་མིང༌། |
| རྒྱ་སྤོས |
1 རྒྱ་ནག་ནས་བྱུང་བའི་སྤོས། 2 སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཚད་པ་རྙིང་པ་སེལ། རྨ་གསོ། རྣག་སྐེམ། |
| རྒྱ་སྤྲེལ |
སྤྲེའུ་ཆུང་ཆུང༌། |
| རྒྱ་སྦུག |
རྒྱ་ནག་ནས་ཐོན་པའི་སྦུག་ཆལ། |
| རྒྱ་སྦྱོང་དམག་སྒར |
སྔར་མན་ཇུ་གོང་མའི་སྐབས་བོད་ཀྱི་ཨམ་བན་གྱིས་ལྷ་སར་བཙུགས་པའི་རྒྱ་མིས་སྦྱོང་བརྡར་བྱས་པའི་བོད་ཀྱི་དམག་སྒར་ཞིག་དེ་དང་འདྲ་བའི་དམག་སྒར་རྒྱལ་རྩེ་རྫོང་དང༌། དིང་རི་རྫོང༌། རྩེད་ཐང་སོགས་ཀྱི་ས་ཆ་ལའང་ཡོད། |
| རྒྱ་སྨུག |
མདོག་སྨུག་ལ་ནག་ཞད་ཆེ་བ། |
| རྒྱ་སྲང |
1 འདེགས་རྒྱ། 2 རྒྱ་མ་དང་ཉ་ག། |
| རྒྱ་སྲན་མ |
སྲན་མ་ཆེན་པོ། |
| རྒྱ་ཨ་རུ་ར |
ཨ་རུ་རའི་མིང་གཞན་ཞིག་ |
| རྒྱག |
(བྱེད་འབྲེལ་ལས་ཚིག་ད་ལྟ་བ) <ཀ>རྡེག་པའི་དོན་ཏེ། དབྱུག་པས་རྒྱག་པ། གྲིས་རྒྱག་མཁན་ཞེས་པ་ལྟ་བུ། |
| རྒྱག་གཅིག་མཆོངས་གཅིག |
བློ་གཅིག་རྩེ་གཉིས་མིན་པ། ལས་དོན་འདི་ལ་ང་གཉིས་རྒྱག་གཅིག་མཆོངས་གཅིག་ཡིན། |
| རྒྱག་གཏམ |
བསྐོར་ནས་བཤད་པའི་སྐད་ཆའམ་ཟུར་ཟའི་གཏམ། |
| རྒྱག་ཇ |
འདེབས་ཇ། |
| རྒྱག་ཐོ |
ལྕགས་རྡུང་བྱེད་དང་གཏུབ་བྱེད་ཀྱི་ཐོ་བ། |
| རྒྱག་དབྱུག |
དབྱུག་མགོའི་འཕྲུལ་མིག་འཁོར་ཏེ་སྙེ་མ་རྡུང་བྱེད་ཅིག |
| རྒྱག་པ |
1. ཐ་དད་པ བརྒྱབ་པ། བརྒྱག་པ། རྒྱོབ།། ཕྱིར་འཕེན་པ་དང་གཏོང་བ། ནང་དུ་འཇུག་པ་དང་འཇོག་པ། བྱེད་པ། བཟོ་བ། རྡུང་བ་སོགས་ཀྱི་དོན་དུ་འཇུག་པའི་ཚིག་ཅིག མེ་མདའ་རྒྱག་པ། མཚོན་ཆ་རྒྱག་པ། ཆུ་རྒྱག་པ། མེ་རྒྱག་པ། ལན་རྒྱག་པ། ཤུ་རྒྱག་པ། ཤོ་རྒྱག་པ། ས་ལུད་རྒྱག་པ། སི་རྒྱག་པ། ཁ་སྣོན་རྒྱག་པ། སྒོ་རྒྱག་པ། སྒོ་ལྕགས་རྒྱག་པ། བཅད་རྒྱག་པ།..ལྕགས་རྒྱག་པ། རྡོག་པ་རྒྱག་པ། བསྡུ་ཆ་རྒྱག་པ། ཕུ་རྒྱག་པ། མར་རྒྱག་པ། ཚོས་རྒྱག་པ། ཚྭ་རྒྱག་པ། ལྷན་པ་རྒྱག་པ། དཀྲུག་རྒྱག་པ། སྐོར་བ་རྒྱག་པ། ཁ་རྩོད་རྒྱག་པ། ཁང་པ་རྒྱག་པ། གད་རྒྱག་པ། གུར་རྒྱག་པ། གོང་རྒྱག་པ། གྲངས་ཀ་རྒྱག་པ། བགོ་བཤའ་རྒྱག་པ། འགྲེལ་བཤད་རྒྱག་པ། དགྲ་རྒྱག་པ། ཆང་ས་རྒྱག་པ། ཇག་པ་རྒྱག་པ། རྟགས་རྒྱག་པ། ལྟེབ་རྩེག་རྒྱག་པ། ཐིག་རྒྱག་པ། པར་རྒྱག་པ། ཕྱིར་འཐེན་རྒྱག་པ། འཕྱ་སྨོད་རྒྱག་པ། དམག་འཁྲུག་རྒྱག་པ། བཙས་མ་རྒྱག་པ། རྩིས་རྒྱག་པ། རྩོམ་རྒྱག་པ། ཚེམ་བུ་རྒྱག་པ། ཚོང་རྒྱག་པ། འཚང་ག་རྒྱག་པ། ཡིག་སྐོགས་རྒྱག་པ། ཡུར་མ་རྒྱག་པ། ལས་བགོས་རྒྱག་པ། ཁབ་རྒྱག་པ། ཁྱི་ར་རྒྱག་པ། རྒྱ་འདྲེ་རྒྱག་པ། ཕུར་པ་རྒྱག་པ། མེ་མདའ་རྒྱག་པ། ཞབས་བྲོ་རྒྱག་པ། གཟེར་རྒྱོབ། རྡོས་རྒྱོབ། ལ་རྒྱག་པ། 2. ཐ་མི་དད་པ བརྒྱབ་པ། རྒྱག་པ།། ལང་བ་དང༌། འཚེར་བ་སོགས་ཀྱི་དོན་དུ་འཇུག་པའི་ཚིག གྲང་ཞུམ་རྒྱག་པ། གློ་རྒྱག་པ། སྒག་ཐུད་རྒྱག་པ། ཆམ་པ་རྒྱག་པ། ན་ཟུག་རྒྱག་པ། འོད་མདངས་རྒྱག་པ། ལྷགས་པ་རྒྱག་པ། |
| རྒྱག་མར |
རང་གི་འཐུང་ཇར་རྒྱག་རྒྱུའི་མར། |
| རྒྱག་རེས |
འཁྲུག་རྩོད་དམ་རྡུང་རེས། རྒྱག་རེས་རྒོད་པོའམ་རྒྱག་རེས་ཚ་པོ། |
| རྒྱག་རྡུང |
རྡེག་འཚོག་གམ་རྡུང་རྡེག གཞན་ལ་དབང་ཤེད་ཀྱིས་རྒྱག་རྡུང་གཏོང་བ། བཟང་པོའི་ཞོར་ལ་ཇ་ཆང༌། ངན་པའི་ཞོར་ལ་རྒྱག་རྡུང༌། |
| རྒྱག་སྐོར |
1 སྐད་ཆ་བསྐོར་ནས་ཟུར་ཟ་བྱེད་པ། ཕྲག་དོག་གི་སྒོ་ནས་རྒྱག་སྐོར་གྱི་འདོད་གཏམ་མ་ཤོད། 2 དོན་གཅིག་ཡང་ཡང་བསྐྱར་ནས་བཤད་པ། དོན་མེད་ཀྱི་སྐད་ཆ་སྣ་གཅིག་ཡང་ཡང་རྒྱག་སྐོར་གྱིས་ཤོད་ཀྱིན་འདུག 3 ཆང་རྒྱག་སྐོར་རྒྱག་པ། ཡང་ཡང་རྒྱག་སྐོར་བྱས་པའི་ཆང་རོ་བཅུད་ཆེ། |
| རྒྱག་སྟེའུ |
སྟེའུ་རྩག་ཆེ་བ། |
| རྒྱགས |
བཟའ་བཅའི་རིགས། ལམ་རྒྱགས། ཕུགས་རྒྱགས། དབྱར་རྒྱགས། དགུན་རྒྱགས། འཚོ་བའི་རྒྱགས། རྒྱགས་རང་འཁུར། རྡོག་ཐོན་གོང་ནས་བཟའ་བཅའི་གྲ་སྒྲིག་འཐུས་ཚང་ཞིག་མ་བྱས་ན་ལམ་རྒྱགས་འཆད་ཡོང༌། |
| རྒྱགས་ཆས |
ཉེར་མཁོའི་བཟའ་བཅའི་རིགས། |
| རྒྱགས་ཆུ |
བཟའ་བཏུང༌། རྒྱགས་ཆུ་རྣམས་རྫོགས་པ། |
| རྒྱགས་པ |
1. ཐ་མི་དད་པ བརྒྱགས་པ། བརྒྱག་པ།། ཟས་ཀྱིས་ངོམས་པ། གྲོད་ཁོག་བརྒྱགས་སོང༌། ལྟོ་ཆས་ཚོད་མེད་ཟོས་པས་གྲོད་ཁོག་རྒྱགས་ཆེས་པ་རེད། རྒྱ་མཚོ་བཏུངས་ཀྱང་མི་ངོམ། རི་བོ་བཟས་ཀྱང་མི་རྒྱགས། རང་ཉིད་མཐོ་བར་སེམས་པ་བདག་གི་གཟུགས་དང་རིགས་རུས་གཉེན་བཤེས་ལོངས་སྤྱོད་སོགས་ཕུན་སུམ་ཚོགས་པ་ལ་རབ་ཏུ་དགའ་ཞིང་ཆགས་པའི་སེམས་ཀྱིས་རང་མགུ་བས་འགྱིངས་པ་ཉེ་ཉོན་ཉི་ཤུའི་ནང་གསེས་ཤིག ཡོན་ཏན་གྱིས་རྒྱགས་པ། སྟོབས་འབྱོར་དབང་ཐང་གིས་རྒྱགས་པ་རྣམས། 2. ལུས་ཀྱི་ཤ་སྟོབས་འཕེལ་བའམ་ཚོན་པོ། རྒྱགས་རིལ་རིལ། སྐུ་ཤ་རྒྱགས་པ་བྱས་ཡོང༌། 3.ཁེངས་དྲེགས་ཀྱི་མིང་ རྒྱགས་པའི་བསམ་པ་སྤང་ལྟ་བུ། ཚིག་བསྡུས་ན་རྒྱགས་ཞེས་འབྲི་ཆོག་ རྒྱགས་སེམས་སྤང་ལྟ་བུ། |
| རྒྱགས་པ་བརྒྱད |
རིགས་བཟང་བས་རྒྱགས་པ། གཟུགས་ཀྱིས་རྒྱགས་པ། ལང་ཚོས་རྒྱགས་པ། ནད་མེད་པས་རྒྱགས་པ། ནོར་གྱིས་རྒྱགས་པ། དབང་ཡོད་པས་རྒྱགས་པ། བཟོ་རིག་ཤེས་པས་རྒྱགས་པ། མང་དུ་ཐོས་པས་རྒྱགས་པ་བཅས་བརྒྱད་དོ། |
| རྒྱགས་ཕྱེ |
ཕྱོགས་འགྲོའི་སྐབས་ཀྱི་ཟས་རིགས། |
| རྒྱགས་ཚད |
གྲོད་པ་འགྲངས་པའི་ཚད། |
| རྒྱགས་ཟོང |
ཕྱོགས་འགྲོའི་སྐབས་ཀྱི་ཟས་རིགས། |
| རྒྱགས་རྔན |
ཕོ་ཉའམ་འགྲུལ་ལ་འགྲོ་མི་སོགས་ལ་སྟེར་རྒྱུའི་ལམ་རྒྱགས་དང་བྱ་དགའི་རྔན་པ། |
| རྒྱགས་རྔན་ལྷ་བསང |
འཇིག་རྟེན་པའི་ལྷ་ལ་བསྔོ་བའི་བསང་དུད་སོགས་ཀྱི་མཆོད་པ། |
| རྒྱགས་རྟེན |
འཚོ་བའི་མཐུན་རྐྱེན། |
| རྒྱགས་ལྟོགས |
གྲོད་ཁོག་འགྲངས་པ་དང༌། ལྟོགས་པ། ལྟོ་ཆས་མང་ཉུང་རན་པོ་ཟོས་ན་རྒྱགས་ལྟོགས་གཉིས་ཀའི་སྐྱོན་ཆ་མི་ཡོང༌། |
| རྒྱགས་ཤ |
སྐྱིད་ལང༌། རྒྱགས་ཤ་ལངས་ནས་སྤྱོད་པ་གང་བྱུང་བྱས་པ། |
| རྒྱགས་སྤྱོད |
སྐྱིད་ལང་ཤོར་བའི་སྤྱོད་པ། |
| རྒྱགས་སྦྱངས |
ལྟོ་ནར་མར་སྟེར་བ། གོས་ཧྲུལ་གྱོན། ལྟོ་ངན་ཟོས་ནས་བུའི་རྒྱགས་སྦྱངས་པ། |
| རྒྱང |
1 བར་ཐག་གི་ཚད། མིག་རྒྱང་ཐུང་བ། རྒྱང་ཧ་ཅང་རིང་པོ་མ་ཡིན་པ། 2 ཐག་རིང་བ། ལམ་ཐག་རིང་པོ་རྒྱང་གིས་ཆོད་པ། རྒྱང་དུ་འཕེན་པ། གྲོང་པ་ཕན་ཚུན་གྱི་བར་ལ་མདའ་རྒྱང་གང་ཙམ་རེ་ཡོད། དངོས་པོ་ཧྲལ་ཧྲུལ་རྣམས་རྒྱང་དུ་བསྐྱུར་བ། གནམ་གྲུ་འཕུར་ཡོང་བ་རྒྱང་ནས་མཐོང་བ། དགྲ་མཁར་ལ་མེ་སྒྱོགས་ཀྱི་མདེའུ་ཞིག་རྒྱང་ནས་ཕོག་པ། ཕན་ཚུན་མི་མཐུན་པ་རྣམས་ཁག་ཁག་སོ་སོར་རྒྱང་བསྲིངས་ནས་བསྡད་པ། རྒྱང་གི་གཉེན་ལས་རྒྱུད་ཀྱི་ཁྱིམ་མཚེས་དགའ། |
| རྒྱང་གཞས |
འཁྲབ་སྟངས་ཤིན་ཏུ་དལ་ལ་གཞས་ཀྱང་ཤིན་ཏུ་དལ་བའི་བྲོ་གར་གྱི་རིགས་ཤིག |
| རྒྱང་གཡེར་ཆེ་བ |
རྒྱང་ནས་མིང་གྲགས་ཆེ་བ། མ་མཐོང་རྒྱང་གཡེར་ཆེ་བ། |
| རྒྱང་གྲགས |
1 ཀྲོཤ སྔར་རྒྱ་གར་གྱི་རིང་ཚད་ཅིག་ཚེ་ལོ་བརྒྱ་པའི་མིའི་གཞུ་འདོམ་ལྔ་བརྒྱ། 2 ཐག་རིང་གི་སྐད་གྲགས། དཔའ་བོ་རྒྱང་གྲགས་ཆེ། མི་མ་མཐོང་རྒྱང་གྲགས་གཡེར་པོ་ཆེ། འགྲམ་བཅར་ན་ཝ་མོ་ཁུང་འཛུལ་རེད། 3 རྫ་མཁན་གྱིས་རྫ་ཆས་འཇམ་པོ་བཟོ་བྱེད་ལག་ཆ་ཞིག |
| རྒྱང་གྲགས་ཅན |
ས་ཐག་རིང་པོར་སྙན་གྲགས་ཁྱབ་པའི་མི། |
| རྒྱང་ངེ |
སྔོན་ལ་རྒྱང་རིང་དུ་ཐོན་ཚུལ་ཞིག རྟ་པ་མང་པོའི་ནང་ནས་ཁོ་སྔོན་ལ་རྒྱང་ངེར་ཤོར་སོང༌། |
| རྒྱང་ཆོད |
སྔ་རྟིང་བར་ཐག་ཆོད་པ། |
| རྒྱང་ཐུང་བ |
ཐག་ཉེ་བ། |
| རྒྱང་པན |
གནའ་བོའི་རྒྱ་གར་གྱི་ལྷ་མེད་སྨྲ་བའི་གྲུབ་མཐའ་ཞིག་གི་མིང་། |
| རྒྱང་ཕུགས |
ཕུགས་རྒྱང་རིང་པོ། ཕོ་གསར་རྒྱང་ཕུགས་ཅན། བླུན་པོའི་ལས་ལ་རྒྱང་ཕུགས་མེད། |
| རྒྱང་ཕུད |
རྒྱང་འབུད་དང་དོན་གཅིག་ |
| རྒྱང་བལྟས |
མིག་རྒྱང་རིང་པོ་བལྟས་པ། མཛེས་རྒྱན་རྣམས་རྒྱང་བལྟས་ལ་འོད་བཀྲག་འཚེར་པོ་འདུག གློ་བུར་ཕྱོགས་མི་སུ་ཡོང་ཟུར་ནས་རྒྱང་བལྟས་བྱེད་པ། མ་འོངས་མདུན་ལམ་ལ་རྒྱང་བལྟས་བྱེད་དུས་སྣང་བ་ཧ་ཅང་སྐྱིད་པོ་འདུག |
| རྒྱང་བསྐུར་རྩིས་མེད |
ལས་ཀར་དོ་འཁུར་མི་བྱེད་པ། |
| རྒྱང་བུ |
མདོས་ཀྱི་ཕྱོགས་བཞིར་བཙུགས་པའི་སྨྱུག་དྲ། |
| རྒྱང་མ |
1 ཐག་རིང་བ། རྒྱང་མ་ནས་ལག་བརྡ་བྱེད་པ། 2 ཐག་རིང་དུ་འཕེན་རྒྱུའི་མདའ་ཕྲ་པོ་ཞིག |
| རྒྱང་མཁར་རྫོང |
བོད་རང་སྐྱོང་ལྗོངས་ཁོངས་མཚོ་སྣ་རྫོང་གི་ས་ཆ་ཞིག་འགྲོ་བ་བཟང་མོའི་གཏམ་རྒྱུད་ལས་འབྱུང་བ་རྒྱལ་པོ་ཀཱ་ལ་དབང་པོའི་བཙུན་མོ་བདུད་མོ་ཧ་ཤང་གི་སྐྱེད་མོས་ཚལ་ཡོད་ས་ཡིན་པར་སྐད། |
| རྒྱང་མཆོངས |
རྒྱང་རིང་པོར་མཆོངས་པ། |
| རྒྱང་མཇལ |
ཐག་རིང་ནས་མཇལ་ཁ་ཞུ་བ། |
| རྒྱང་མཐོང |
རྒྱང་རིང་པོའི་དངོས་གཟུགས་ལ་ལྟ་བྱེད་ཀྱི་དཔྱད་ཆས་ཤིག་ རྒྱང་ཤེལ་ཡང་ཟེར། བར་ཐག་གི་ཚད་ཀྱི་མིང་ རྒྱང་ཧ་ཅང་རིང་པོ། མིག་རྒྱང་ཐུང་མི་རུང་ལྟ་བུ། |
| རྒྱང་མདའ |
ཐག་རིང་དུ་འཕེན་པའི་མདའ། |
| རྒྱང་མིག |
1 རྒྱང་རིང་གསལ་པོར་མཐོང་བའི་མིག 2 རྗེས་ཡོང་སྔོན་དྲན་གྱི་བསམ་མནོ་གཏོང་ཤེས་པ། རྒྱང་མིག་རིང་པོ། རྒྱང་མིག་མི་མཐོང་མཁན། |
| རྒྱང་ཞགས་ཆུ་ཡི་སྒྲོན་མ |
རིག་ཆའི་གདངས་ཕྱི་རོལ་གྱི་ལམ་ལ་མཐོང་བ་འཆར་བྱེད་ཀྱི་སྒོ། |
| རྒྱང་འགོ |
ལྷམ་ཁོག་རྒྱོང་བྱེད་ཤིང་ལས་བཟོས་པ་ཞིག |
| རྒྱང་འཕེན་པ |
སྔར་རྒྱ་གར་གྱི་དྲང་སྲོང་འཇིག་རྟེན་མིག་གི་གྲུབ་མཐའ་འཛིན་མཁན་ཚེ་འདི་ཕྱི་དང་ལས་འབྲས་མེད་པར་སྨྲ་བའི་ཆད་ལྟ་བ། |
| རྒྱང་འབུད |
གནས་ནས་རྒྱང་རིང་དུ་སྐྲོད་པ། སྔ་དུས་ཇག་རྐུན་ཚབས་ཆེན་རྣམས་ས་ཐག་རིང་པོར་རྒྱང་འབུད་གཏོང་སྲོལ་ཡོད། |
| རྒྱང་འབེན |
རྒྱང་རིང་དུ་བཙུགས་པའི་མདའ་རྡོ་འཕེན་ཡུལ། |
| རྒྱང་འབོད |
ཐག་རིང་ནས་སྐད་གཏོང་བ། ཕྲུ་གུས་ཕ་མ་ལ་རྒྱང་འབོད་བྱེད་པ། |
| རྒྱང་འབྲོག |
རོང་ས་དང་ཐག་རིང་བའི་བྱང་འབྲོག་ཁུལ། |
| རྒྱང་རིང |
ཐག་རིང༌། རྡོ་བ་སྔོན་པོས་ཁེབས་པའི་ལྗོངས་རྒྱང་རིང་ནས་བལྟས་ན་ཆུ་བོར་འཁྲུལ། |
| རྒྱང་རིང་ཆུ |
མངོན སྨིག་རྒྱུ། |
| རྒྱང་ལྟ |
རྒྱང་བལྟས་དང་དོན་གཅིག་ |
| རྒྱང་ཤིང |
1 རི་མོ་བྲི་སའི་རས་གཞི་རྒྱོང་བའ་ཤིང༌། 2 བཙོན་པའི་ལག་གཉིས་གཡས་གཡོན་དུ་རྒྱོང་བའི་ཁྲིམས་ཆས་ཤིག |
| རྒྱང་ཤེལ |
ཐག་རིང་མཐོང་བའི་སྦུབས་ཤེལ། |
| རྒྱང་སོ |
ཐག་རིང་ནས་སོ་ལྟ་བའི་མིང༌། རྒྱང་ཤེལ་བཙུགས་ནས་དོགས་གནས་ཡོད་སར་རྒྱང་སོ་ལྟ་བ། མངོན་མཚན་མེད་པར་དགྲ་ཕྱོགས་ལ་རྒྱང་སོ་བཙུགས་པ། |
| རྒྱང་སྒྲོམ |
ལྷ་འབྲི་མཁན་གྱི་ཡོ་སྤྱད་ཅིག |
| རྒྱངས་ཀྱིས |
རྙིང ལིངས་ཀྱིས། རྒྱངས་ཀྱིས་བསྒྱུར་བ། རྒྱངས་ཀྱིས་འཕར་བ། |
| རྒྱངས་ཤ |
རྒྱུ་མའི་ནང་དུ་བརྒྱངས་པའི་ཤ། |
| རྒྱངས་ཤིང |
རས་དང་ཀོ་བ་སོགས་རྒྱོང་བྱེད་ཀྱི་ཡོ་བྱད་ཀྱི་མིང་ ཀོ་བ་རྒྱངས་ཤིང་ལ་བརྒྱངས། རས་དཀར་རྒྱངས་ཤིང་ལ་བརྒྱངས་ནས་རི་མོ་འབྲི་ལྟ་བུ། |
| རྒྱངས་སེ |
ལྷང་ངེ་བའམ་མངོན་གསལ་ཆེ་བ། དཔའ་བོ་ཚོགས་པའི་དཀྱིལ་ནས་རྒྱངས་སེ་ཐོན། |
| རྒྱན |
1. རྒྱན་པའི་སྐུལ་ཚིག 2 1 མཛེས་ཆས། མཛེས་བྱེད་ཀྱི་རྒྱན། རང་བཞིན་གྱི་རྒྱན། བཅོས་མའི་རྒྱན། རྟ་ནོར་ལུག་གསུམ་རི་བོའི་རྒྱན་དུ་མཛེས། འབྲུ་སྣ་ལྔ་པོ་ཞིང་གི་རྒྱན་དུ་མཛེས། ཁང་བཟང་གི་ནང་དུ་འཕན་གདུགས་དྲ་བ་དྲ་ཕྱེད་ལ་སོགས་པའི་རྒྱན་སྣ་ཚོགས་བཀོད་པ། འཕྲིན་ཡིག་ལ་སྙན་ངག་གི་ཚིག་རྒྱན་བཀོད་པ། གཞོན་ནུ་ལང་ཚོ་ཅན་ལ་ཡོན་ཏན་གྱི་རྒྱན་གྱིས་སྤུད་པ། དཔའ་བོས་རྨ་རྗེས་རྒྱན་དུ་འཛིན། མགོ་དང་སྐེ་ལ་མེ་ཏོག་ཕྲེང་བའི་རྒྱན་འདོགས་པ། གཡུ་བྱུར་སྤེལ་མའི་སྤ་ཕྲུག་གི་རྒྱན་སྤྲས་པ། མིང་གི་རྣམ་གྲངས་ལ་རྒྱན་ཆ་དང༌། རྣམ་རྒྱན། མཛེས་བྱེད། ལེགས་བྱེད་བཅས་སོ། 2 རྒྱལ་དང་སྐུགས། ཤོ་སྦག་བརྒྱབ་ནས་རྒྱན་རྒྱལ་བ། དངུལ་ཟོང་ཅི་རིགས་ཀྱི་རྒྱན་འགྱེད་པ། ཤིང་བུ་དང༌། རྡེའུ་སོགས་བསྒྲུགས་ཏེ་རྒྱན་རྒྱག་པ། རྒྱལ་ཕམ་ཐོབ་ཤོར་གྱི་ཆེད་དུ་རྒྱན་འཕེན་པ། རྩེད་མོ་ཐོབ་ཤོར་གྱི་ཆེད་དུ་དངུལ་འབོར་ཆེན་རྒྱན་དུ་བཙུགས་པ། 3 མངོན ཀླུ་སྒྲུབ་དང༌། སརྻཱ་དེ་བ། ཐོགས་མེད། དབྱིག་གཉེན། ཕྱོགས་གླང༌། ཆོས་གྲགས་ཏེ་འཛམ་གླིང་རྒྱན་ལ་དྲུག་ཡོད་པས་གྲངས་དྲུག་མཚོན།...(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) རྒྱན་ཆ་སྤྲས་པའི་དོན་ཏེ། རྟ་མཆོག་སྒ་སྲབ་ཀྱིས་རྒྱན་གྱིན་ཡོད། རྟ་ལ་སྒ་སྲབ་རྒྱན་མཁན། གར་མཁན་གོས་ཀྱིས་རྒྱན་ཅིག་ལྟ་བུ། ཤོ་རྒྱན་གྱི་རྣམ་པ་ཞིག་གི་མིང་། རྒྱན་ཆ་ཞེས་པའི་མིང་མཐའ་བསྡུས་པ། ０སྙན་ངག་གི་རྒྱན་གྱི་མིང་ དོན་རྒྱན། སྒྲ་རྒྱན། གཟུགས་རྒྱན་ཞེས་པ་ལྟ་བུ། |
| རྒྱན་ཀླུབས |
རྒྱན་གྱིས་བརྒྱན་པའམ་སྤྲས་པ། རྟ་མཆོག་ལ་སྒ་སྲབ་ཀྱི་རྒྱན་ཀླུབས་པ། དགེ་སྦྱོང་ལ་ཚུལ་ཁྲིམས་ཀྱི་རྒྱན་ཀླུབས་པ། |
| རྒྱན་ཁ |
སྐུགས། རྒྱན་ཁ་བཙུགས་ནས་རྩེད་མོ་རྩེ་བ། |
| རྒྱན་གནས |
མངོན དཔྲལ་བ། |
| རྒྱན་གཡེར |
རྒྱན་ཆ་གཡེར་ཁ། |
| རྒྱན་གོས |
རྒྱན་ཆ་དང་གྱོན་པ། རྒྱན་གོས་གཟབ་མཆོར། རྒྱན་གོས་འཇའ་ཚོན་སྣ་ལྔ་འདྲ། |
| རྒྱན་གྱི་རྡོ་རྗེ |
རྡོ་རྗེའི་དབྱིབས་ཅན་གྱི་རི་མོའི་བྱེ་བྲག་ཅིག |
| རྒྱན་ཆ |
མི་ལུས་དང་རྩིག་དངོས་ཡོ་བྱད་སོགས་མཛེས་པར་བྱེད་པའི་ཆས་ཀྱི་མིང་ གར་པའི་རྒྱན་ཆ། བུད་མེད་ཀྱི་རྒྱན་ཆ། རྟ་ལ་རྒྱན་ཆ་སྤྲས་ལྟ་བུ། མིང་མཐའ་བསྡུས་ན་རྒྱན་ཞེས་འབྲི་ཆོག་ མགྲིན་པའི་རྒྱན་ཆ། མགྲིན་རྒྱན། མཛེས་པའི་ཆ། མཛེས་རྒྱན་ཞེས་པ་ལྟ་བུ། |
| རྒྱན་ཆས |
རྒྱན་གྱི་ཡོ་བྱད། |
| རྒྱན་དོར་བ |
1 རྒྱལ་བཙུགས་པ། 2 རྒྱན་ཆ་སྤངས་པ། |
| རྒྱན་དྲུག |
འཛམ་གླིང་མཛེས་པར་བྱེད་པའི་རྒྱན་དྲུག་དབུ་མའི་རྒྱན་ཀླུ་སྒྲུབ་དང་འཕགས་པ་ལྷ། མངོན་པའི་རྒྱན་ཐོགས་མེད་དང་དབྱིག་གཉེན། ཚད་མའི་རྒྱན་ཕྱོགས་གླང་དང་ཆོས་གྲགས་བཅས་སྔར་རྒྱ་གར་དུ་བྱོན་པའི་སློབ་དཔོན་ཆེན་པོ་དྲུག་གོ། |
| རྒྱན་དྲུག་ཕྱག་མཚན |
རུས་པའི་དབུ་རྒྱན། མགུལ་རྒྱན། སྙན་རྒྱན། གདུ་བུ། སེ་རལ་ཁ། འོག་པག་སྟེ་དྲུག |
| རྒྱན་དྲུག་མཆོག་གཉིས |
ཀླུ་སྒྲུབ་དང༌། འཕགས་པ་ལྷ། ཐོགས་མེད། དབྱིག་གཉེན། ཕྱོགས་གླང༌། ཆོས་གྲགས་བཅས་རྒྱན་དྲུག་དང༌། བསྟན་པའི་རྩ་བ་མཆོག་ཏུ་གྱུར་པ་འདུལ་བའི་སྡེ་སྣོད་ལ་ཤིན་ཏུ་མཁས་པའི་སློབ་དཔོན་ཤཱཀྱ་འོད་དང་ཡོན་ཏན་འོད་རྣམ་གཉིས་ནི་མཆོག་གཉིས་སོ། |
| རྒྱན་པ |
ཐ་དད་པ བརྒྱན་པ། བརྒྱན་པ། རྒྱན།། མཛེས་ཆས་ཀྱིས་སྤྲས་པ། རྒྱན་ཆ་སྣ་ཚོགས་ཀྱིས་བརྒྱན་པ། རིན་པོ་ཆེའི་རྒྱན་གྱིས་བརྒྱན་པ། |
| རྒྱན་པོ |
རྒྱན་ནམ་སྐུགས། མིང་གི་རྣམ་གྲངས་ལ་སྐུགས་འཇོག་དང༌། རྒྱན་འགྱེད། ཤོ་ཅན་བཅས་སོ། |
| རྒྱན་པོ་བ |
ཤོ་རྩེ་མཁན། |
| རྒྱན་བཞི |
1 ཆུ་བྲག་སྤྲིན་པ་འབྲུག་བཅས་རི་མོ་ཁག་བཞི་ཡོད་པའི་གོས་ཆེན་ཞིག 2 ཚུལ་ཁྲིམས་ཀྱི་རྒྱན་དང༌། ཏིང་ངེ་འཛིན་གྱི་རྒྱན། ཤེས་རབ་ཀྱི་རྒྱན། གཟུངས་ཀྱི་རྒྱན་བཅས་བཞིའོ། |
| རྒྱན་བཟང་མ |
ལུས་ལ་རྒྱན་བཟང་བཏགས་པའི་བུད་མེད། |
| རྒྱན་མཁན་པོ |
སྙན་ངག་མཁན་པོ། |
| རྒྱན་འཕྲེང |
1 རྒྱན་ཆ་དང་འཕྲེང་བ། 2 རྒྱན་གྱི་འཕྲེང་བ། |
| རྒྱན་ཤོར |
རྒྱན་བཞག་ནས་ཕམ་པའམ་ཤོར་བ། དེ་རིང་ཁྱིམ་སྲུང་དུ་སུ་སྡོད་རྒྱན་ཤོར་ཁྱོད་རང་ཡིན། རྒྱན་ཤོར་ངུས་པས་མི་དག |
| རྒྱན་སྐོར |
སྒ་འབོལ་སྒྲོག་བྱེད་གསེར་དངུལ་ལྕགས་སོགས་ཀྱིས་བཟོས་པའི་གཟེར་ཆེན་མགོ་ལེབ་ཅིག |
| རྒྱན་སྟུག་པོ་བཀོད་པའི་མདོ |
བམ་པོ་བཞི་དང་ལེའུ་དགུ་གཤམ་མ་ཚང་བར་བཞེད་པ། ཛི་ན་མི་ཏྲ་དང༌། ཤཱི་ལེནྡྲ་བོ་དྷི་དང༌། བནྡེ་ཡེ་ཤེས་སྡེས་བསྒྱུར་བའོ། |
| རྒྱན་སྡུད |
ཚིག་ཕྲད་ཀྱང་ཡང་འང་གསུམ་གྱི་མིང་ གཉེན་ལ་བྱམས་ཀྱང་དགྲ་ལ་སྡང་ལྟ་བུ། |
| རྒྱན་སྡུད་ཀྱི་སྒྲ |
ཚིག་ཕྱི་མ་དང་མཐུན་པའམ། མི་མཐུན་པར་སྟོན་པ་དང༌། གཞིའམ་དོན་གཞན་ཞིག་ལ་སྡུད་ཅིང་སྦྱོར་བའི་ཕྲད་གཞན་དབང་ཅན་ཞིག་འདི་ལ་ཀྱང་ཡང་འང་གསུམ་ཡོད། ཀྱང་ཡང་འང རྨ་བྱའི་སྤུ་མདོག་མཛེས་ཀྱང་མཛེས། གདོང་གི་རྣམ་འགྱུར་གུས་ཀྱང་ཁྲོ། རླུང་དམར་ལངས་པར་མ་ཟད། དྲག་ཆར་ཡང་བཏང་སོང༌། |
| རྒྱབ |
1 ལྟག་པའམ་རྒྱབ་མདུན་གཉིས་ཀྱི་ནང་ནས་རྒྱབ། རི་རྒྱབ། ལུས་རྒྱབ། ཉ་རྒྱབ། ཕ་ཡུལ་རྒྱབ་ཏུ་བསྐྱུར་བ། བཀའ་དོན་རྒྱབ་ཏུ་བསྐྱུར་ནས་རྩི་འཇོག་མི་བྱེད་པ། སྔར་གྱི་ལུགས་ངན་རྙིང་པ་མཐའ་དག་ལས་རྒྱབ་ཀྱིས་ཕྱོགས་པ། རྒྱབ་ཏུ་རི་འགུལ་བ་མི་ཤེས། མདུན་དུ་སྤུ་འགུལ་བ་མཐོང༌། 2 དངོས་རིགས་དོ་པོ་གཉིས། རྒྱབ་གཅིག ཁལ་རྒྱབ། བོང་རྒྱབ། བལ་རྒྱབ། དྲེལ་རྒྱབ་གསུམ། 3 སྙེ་ས་དང་རྟེན་ས། ཉམ་ཆུང་གིས་རྟེན་སའི་རྒྱབ་འཆའ་བ། བདེན་པའི་རྒྱབ་དྲང་པོས་བྱེད་པ། |
| རྒྱབ་ཀྱི་ཐེག་པ |
ཁྲེས་ཀྱི་ཁུར། |
| རྒྱབ་ཀྱི་བརྒྱུད་འཛིན |
མངོན དྲུག་མདོའམ་སྒལ་རུས་མཐའ་མ། |
| རྒྱབ་ཁལ |
ལྗིད་ཚད་ལོངས་ངེས་ཀྱི་དོ་པོ་ཆ། |
| རྒྱབ་གཉེར |
རོགས་རམ། |
| རྒྱབ་གཉེར་བབ་བཀོད |
ཉེས་མེད་ཀྱི་རྒྱབ་གཉེར་བྱས་ནས་ཉེས་ཅན་ལ་བཀོད་འདོམས་བྱེད་པ། |
| རྒྱབ་གཏོད |
ངོ་ལོག རྒྱབ་གཏོད་ངོ་རྒོལ། |
| རྒྱབ་གནོན |
རོགས་བྱེད། |
| རྒྱབ་གནོན་ཐམ་ཀ |
རྒྱབ་སྐྱོར་བྱེད་པའི་བཀའ་ཤོག་ཐེའུ་འབྱར་མ། |
| རྒྱབ་གཞུང |
སྒལ་གཞུང༌། |
| རྒྱབ་ཆ |
དགལ་བྱའི་དོ་པོ། |
| རྒྱབ་ཆོས |
ཕུང་པོ་བཏོན་ཚར་ནས་ཀློག་པའི་ཆོས་གང་རུང༌། |
| རྒྱབ་ཇ |
གྲྭ་སའི་ནང་དུ་ཉིན་གུང་རྒྱབ་ཀྱི་ཇ་ལ་ཟེར། དགོང་ཇ་དང་དོན་གཅིག |
| རྒྱབ་ཏུ་བསྙེས་པ |
1 གཟུགས་པོ་རྒྱབ་ཕྱོགས་སུ་བརྟེན་པ། གཉིད་བྲོ་ནས་རོ་སྟོད་རྒྱབ་ཏུ་བསྙེས་པ། 2 སྐྱབས་བཅོལ་བ། རང་གི་མེས་རྒྱལ་ལ་རྒྱབ་བསྙེས་པ། |
| རྒྱབ་དཀར |
དུར་བྱ་ཀང་ཀའི་མིང༌། |
| རྒྱབ་དཔུང |
རྒྱབ་རྟེན་དཔུང་སྡེ། |
| རྒྱབ་དམག |
རྒྱབ་ཕྱོགས་སུ་ཡོད་པའི་དམག |
| རྒྱབ་དམག |
གཡུལ་ངོའི་རྒྱབ་ཕྱོགས་ནས་རོགས་རམ་བྱེད་མཁན་གྱི་དམག ０ཁང་བའི་སྒོ་དང་སྒེའུ་ཁུང་ཡོད་སའི་ལྡོག་ཕྱོགས་ཀྱི་ངོས་ཀྱི་མིང་ རྒྱབ་རི་། རྒྱབ་གྱང་ལྟ་བུ། |
| རྒྱབ་དར |
རྔོན་པ་འཁྲབ་དུས་རྒྱབ་ཏུ་འདོགས་རྒྱུའི་ཀ་འཕན་ལྟ་བུའི་གོས་ཆེན་འཛར་ལྡན་གྱི་མིང༌། |
| རྒྱབ་དྲོས |
ཡུལ གོས་འཛོམས་པའི་མིང༌། དེང་སང་ང་རྒྱབ་དྲོས་ཀྱིན་ཡོད། |
| རྒྱབ་ཕྱོགས |
རྒྱབ་ཀྱི་ཕྱོགས། མདུན་ཕྱོགས་ཀྱི་དགྲ་མ་མཐོང་བར་རྒྱབ་ཕྱོགས་ཀྱི་དཔུང་ངོམ་མ་བྱེད། |
| རྒྱབ་བཤུལ |
སྒལ་གཞུང༌། |
| རྒྱབ་མ |
1 རྒྱབ་ཏུ་ཡོད་པའམ་རྗེས་མ། 2 རྙིང བརྒྱ་ལམ་མམ་གལ་ཏེ། |
| རྒྱབ་མདུན |
ལུས་ཀྱི་རྒྱབ་དང་མདུན། རྒྱབ་རི་དང༌། མདུན་མཚོ། |
| རྒྱབ་འགལ |
མི་མཐུན་པ། ཕན་ཚུན་བྱ་སྤྱོད་ཚང་མ་རྒྱབ་འགལ་དུ་ཕྱིན་པ། |
| རྒྱབ་འགྲོས |
གུས་ཞབས་ཀྱི་འགྲོ་སྟངས། དགོངས་པ་ཞུས་ཏེ་ཕྱག་འབུལ་ཞུ་བཞིན་རྒྱབ་འགྲོས་ཀྱིས་ལོག་སོང༌། གནང་བ་ཐོབ་ནས་རྒྱབ་འགྲོས་བྱེད་ཀྱིན་ཕྱིར་ལོག་འགྲོ་བ། |
| རྒྱབ་འདྲེ |
རྒྱ་འདྲེ་དང་འདྲ། |
| རྒྱབ་འབོལ |
རྒྱབ་སྙེས། |
| རྒྱབ་འཛིན |
མངོན རྟ་སྤྱི་ཡི་མིང༌། |
| རྒྱབ་ཡོལ |
རྒྱབ་ཕྱོགས་ཀྱི་ཡོལ་བ། |
| རྒྱབ་རིང |
མངོན ཉ། |
| རྒྱབ་རུས |
སྒལ་རུས། |
| རྒྱབ་རོགས |
ཤུགས་སྣོན་རྒྱག་པའི་རམ་འདེགས། རང་ལ་དཔའ་རྩལ་དང་སྤྱང་གྲུང་མེད་ན་རྒྱབ་རོགས་མང་ཡང་མི་ཕན། |
| རྒྱབ་རོལ |
རྒྱབ་ཕྱོགས། |
| རྒྱབ་རྟེན |
1ཡིད་རྟོན་བྱེད་ཆོག་པའི་རོགས་རམ་བྱེད་མཁན་ཏེ། འཛམ་གླིང་མི་དམངས་ཀྱིས་གཉའ་གནོན་མྱོང་བའི་མི་རིགས་ཀྱི་རྒྱབ་རྟེན་བྱེད་ངེས་ཡིན་ལྟ་བུ། 2རྟེན་སའི་གཞིའི་མིང་ ལོ་རྒྱུས་ཀྱི་བདེན་དོན་ནི་ང་ཚོའི་ཡིད་རྟོན་རུང་བའི་རྒྱབ་རྟེན་ཡིན་ལྟ་བུ། |
| རྒྱབ་རྡུ |
ཡུལ རྐང་པའི་ཉྭ་ཐད་ཀྱི་ལྷམ་ཡུ་ཁ་དབྲག་གི་མཐའ་རྒྱན་ཀོ་བ། |
| རྒྱབ་རྨ |
ལུས་རྒྱབ་ཀྱི་རྨ། |
| རྒྱབ་རྩ |
1 རྒྱབ་ལངས་རོགས་རམ། བདེན་དོན་ལ་རྒྱབ་རྩ་བྱེད་པ། ཕན་ཚུན་རྒྱབ་རྩ་བྱེད་པ། 2 རྒྱབ་ལ་ཡོད་པའི་རྩ་ལམ། |
| རྒྱབ་རྩ་དྲུག་འདུས |
མཁྲིག་མའི་ཚིགས་ནས་སྲིན་ལག་ངོས་སུ་སོར་བཞི་གཞལ་བའི་གནས་སུ་ཡོད་པའི་གཏར་རྩ་དེ་གཏར་ན་གློ་མཆིན་དང་ཕོ་ལོང་གཉན་ནད་སོགས་ལ་ཕན། |
| རྒྱབ་རྫི |
ལས་ཀའི་རྒྱབ་རྫིའམ་དོ་དམ་པ། |
| རྒྱབ་ལངས |
ཤུགས་སྣོན་རོགས་རམ། གཉའ་གནོན་འོག་ཏུ་སྡོད་མཁན་གྱི་རྒྱབ་ལངས་བྱས་པ། |
| རྒྱབ་ལོག |
ཕྱིན་ཅི་ལོག་པའམ་ག་ཕྱི་ག་ལོག ཁ་ནས་འདྲ་ཆགས་མཛེས་མཛེས་ལྟར་བཤད་ཀྱང་སྤྱོད་པ་རྒྱབ་ལོག་བྱེད་པ། |
| རྒྱབ་ལོགས |
རྒྱབ་ཕྱོགས། ཁང་པའི་རྒྱབ་ལོགས། རིའི་རྒྱབ་ལོགས། |
| རྒྱབ་ལྟོས |
བློ་སེམས་ལྟ་ཕྱོགས་ཕྱིན་ཅི་ལོག་པའི་མིང༌། |
| རྒྱབ་ལྷགས |
རྒྱབ་ཕྱོགས་ནས་བརྒྱབ་པའི་ལྷགས་པའམ་རླུང༌། |
| རྒྱབ་ལྷས |
ཞྭ་མོ་ལྕགས་མདའ་དང༌། འབུ་ཁྲུ་གཉིས་ཀྱི་རྒྱབ་ཀྱི་ལྷས་མའི་མིང༌། |
| རྒྱབ་ཤ |
དཔེ་དེབ་དང་གོས་ཀྱི་ཕྱི་ཤ། འགོ་ཤོག་གི་རྒྱབ་ཤ། མཇུག་ཤོག་གི་རྒྱབ་ཤ། པགས་རྩག་གི་རྒྱབ་ཤ། |
| རྒྱབ་ཤོག |
དཔེ་དེབ་སོགས་ཀྱི་ཤོག་ལྷེའི་རྒྱབ་ངོས། |
| རྒྱབ་སྐྱོར |
1 རྒྱབ་གནོན་རོགས་རམ། ཁོང་གིས་ཟས་གོས་གནས་མལ་སོགས་གང་ས་ཅི་ཐད་ནས་རྒྱབ་སྐྱོར་རོགས་རམ་གནང་བྱུང༌། 2 རྒྱབ་སྙེ་སའམ། རྟེན་ས། |
| རྒྱབ་སྐྱོར |
1མི་དང་རྒྱུ་ནོར་སོགས་ཀྱི་སྟོབས་ཤུགས་ལ་བརྟེན་ནས་གཞན་ལ་རོགས་རམ་བྱས་པའི་དོན་ཏེ། བཙན་གནོན་མྱོང་བའི་རྒྱལ་ཁབ་ལ་ང་ཚོས་རྒྱབ་སྐྱོར་བྱེད་དགོས་ལྟ་བུ། 2མི་མངོན་པའི་ས་ན་ཡོད་པའི་རྒྱབ་རོགས་བྱེད་མཁན། |
| རྒྱབ་སྒུར་པོ |
སྒལ་པ་སྒུར་སྒུར་རམ་སྟོད་སྒུར་པོ། |
| རྒྱབ་སྔས |
རྒྱབ་ཏུ་སྙེ་སའི་སྔས། |
| རྒྱབ་སྙེ |
རྒྱབ་ཏུ་སྙེ་སའི་སྔས་འབོལ། |
| རྒྱབ་སྟན |
སླེལ་པོ་འཁུར་སྐབས་ཀྱི་རྒྱབ་གདན། |
| རྒྱབ་སྟོན་པ |
1 ལུས་རྒྱབ་སྟོན་པ། 2 མི་མཐུན་རྒྱབ་འགལ་བྱེད་པ། ཁ་བལྟ་ས་ལ་རྒྱབ་སྟོན་པ། |
| རྒྱབ་སྣོན |
རྒྱབ་ནས་རོགས་མགོན་བྱེད་པ། |
| རྒྱབ་སྤྱོད |
རྒྱབ་འགལ། བསམ་སྦྱོར་མི་མཚུངས་པས་རྒྱབ་སྤྱོད་དུ་གྱུར། |
| རྒྱབ་སྦྱོར |
གཤོལ་གྱི་པུས་གུག་གི་རྒྱབ་ཏུ་སྦྱར་བྱའི་ཤིང༌། |
| རྒྱབ་སྲུང |
1 རྒྱབ་ནས་སྲུང་སྐྱོབ་བྱེད་པ། 2 རྒྱབ་ནས་སྲུང་སྐྱོབ་བྱེད་མཁན། |
| རྒྱམ་ཚྭ |
ལན་ཚྭའི་རིགས་ཤིག་རོ་ལན་ཚ། ཞུ་རྗེས་སྙོམས། ནུས་པས་ཁ་ཟས་མ་ཞུ་བ་འཇུ། བད་རླུང་གྲང་བ་སེལ། ཚ་བ་ཁྲག་མཁྲིས་ལ་མི་གནོད། |
| རྒྱམ་ཚྭ |
ཚྭ་རིགས་ཤིག་གི་མིང་ ཚྭ་རྡོག་གི་དབྱིབས་ཕལ་ཆེ་བ་གྲུ་བཞི་ཡིན་ཞིང་། ཅུང་ཟད་དྭངས་ལ་མདོག་དཀར་བ་ཡིན། ཟས་ལ་བཏབ་ན་བྲོ་བ་བཟང་ཞིང་སྨན་ཡང་བྱེད་ཆོག ཀོ་བ་སྲུལ་བྱེད་ཀྱི་རྫས་ཤིག་ཀྱང་ཡིན། |
| རྒྱལ |
1 1 རྩེད་མོའི་ཆེད་དུ་འཇོག་རྒྱུའི་སྐུགས། རྩེད་མོ་ཐོབ་ཤོར་གྱི་དོན་དུ་རྒྱུ་ནོར་རྒྱལ་འཇོག་པ། གསེར་དངུལ་མང་པོ་སྦག་ཆེན་གྱི་རྒྱལ་ལ་བཙུགས་པ། 2 རྒྱུ་སྐར་ཉི་ཤུ་རྩ་བརྒྱད་ཀྱི་ནང་ཚན་ཞིག མིང་གི་རྣམ་གྲངས་ལ་གྲུབ་པ་དང༌། བླ་མའི་ལྷ་ལྡན། སྦྱོར་ལྡན་མ། ཚིམ་བྱེད་བཅས་སོ། 2. མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། |
| རྒྱལ་ཁ |
འཐབ་རྩོད་བྱས་པ་ལ་བརྟེན་ནས་ཐོབ་པའི་འབྲས་བུའི་མིང་ གསར་བརྗེའི་དམག་འཁྲུག་གི་རྒྱལ་ཁ་ཆེན་པོ་ཞེས་པ་ལྟ་བུ། <ཁ>གཞན་ལས་ཁྱད་དུ་འཕགས་པའི་དོན་ཏེ། དཔའ་ངར་ནགས་རྫོང་སྟག་ལས་རྒྱལ་ལྟ་བུ། རྒྱལ་ཁབ་ཅེས་པའི་ཚིག་བསྡུས་པ། |
| རྒྱལ་ཁང |
1 རྒྱལ་པོའི་ཕོ་བྲང༌། 2 རྒྱལ་པོ་སྐུ་ལྔ་སོགས་རྒྱལ་པོའི་རིགས་ཀྱི་སྲུང་མའི་ལྷ་ཁང༌། |
| རྒྱལ་ཁབ |
1 རྒྱལ་པོ་ཞིག་གི་མངའ་འོག་ཏུ་འདུ་བའི་ས་མི་སྤྱིའི་མིང༌། རྒྱལ་པོའི་རྒྱལ་ཁབ། 2 ཡུལ་ཁམས་ཆེན་པོ། 3 རྒྱལ་པོའི་ཁྱིམ། 4 དབང་སྒྱུར་བྱེད་མཁན་གྲལ་རིམ་གྱིས་དབང་སྒྱུར་དྲག་པོ་བྱེད་པའི་རྩ་འཛུགས་ཤིག་ཡིན་ཞིང༌། དེ་ནི་དམག་དཔུང་དང༌། ཉེན་རྟོག་པ། ཁྲིམས་ཁང༌། བཙོན་ཁང་སོགས་ལས་གྲུབ་པའོ། 1དབང་སྒྱུར་མཁན་གྲལ་རིམ་གྱིས་དབང་སྒྱུར་བྱེད་ཀྱི་རྩ་འཛུགས་སྟོབས་དང་ལྡན་པ་ དེ་ནི་དམག་དཔུང་དང་། ཉེན་རྟོག་པ། ཁྲིམས་ཁང་། བཙོན་ར་སོགས་ཀྱིས་གྲུབ་པ་ཞིག་ཡིན། 2རྒྱལ་ཁབ་ཅིག་གི་མངའ་ཁོངས་ཀྱི་མིང་ མེས་པོའི་རྒྱལ་ཁབ་སྲུང་སྐྱོབ་བྱེད་ཅེས་པ་ལྟ་བུ། |
| རྒྱལ་ཁབ་ཀྱི་མ་རྩའི་རིང་ལུགས |
རྒྱལ་ཁབ་ལ་དབང་བའི་མ་རྩའི་རིང་ལུགས་ཀྱི་དཔལ་འབྱོར་གྱི་རིགས་ཤིག |
| རྒྱལ་ཁབ་དབུ་བརྙེས |
རྒྱལ་ཁབ་གསར་པའི་སྲིད་དབང་ཐོག་མར་ཚུགས་པ། |
| རྒྱལ་ཁམས |
1ཡུལ་གྲུ་ཆེན་པོའི་མིང་། 2རྒྱལ་ཁབ་ཅིག་གི་དབང་བསྒྱུར་བའི་མངའ་ཁོངས། |
| རྒྱལ་ཁམས་དཔེར་བླངས་ཀྱི་ཁྲིམས |
སྲོང་བཙན་སྒམ་པོས་བོད་དུ་ལག་བསྟར་བྱས་པའི་རྩ་བའི་ཁྲིམས་ཡིག་གསུམ་པ་སྟེ་ཆོས་ཁྲིམས་ལྔར་བརྟེན་ནས་བྱ་བར་འོས་དང་མི་འོས་དང༌། མི་ཆོས་གཙང་མ་བཅུ་དྲུག་གཏན་ལ་ཕབ་པའི་ཁྲིམས། |
| རྒྱལ་ཁམས་པ |
རྒྱལ་ཁམས་ཀུན་ཏུ་འགྲོ་བ་པོ། རྒྱལ་ཁམས་པའི་ཁ་ལ་ངེས་གཏན་མེད། |
| རྒྱལ་ཁོངས |
རྒྱལ་ཁབ་ཀྱི་ཐོབ་ཁོངས། |
| རྒྱལ་ཁྲི |
རྒྱལ་པོའི་བཞུགས་ཁྲི་རྒྱལ་པོའི་གོ་འཕང༌། སྲས་རྒན་པ་དེ་ལོ་ན་ཆུང་དུས་ནས་རྒྱལ་ཁྲིར་འཁོད་པ། ཕྲུ་གུ་བསམ་མེད་ཅིག་རྒྱལ་ཁྲིར་བསྐོས་པ། |
| རྒྱལ་ཁྲིམས |
མི་ཆོས་ཀྱི་ཁྲིམས། རྒྱལ་པོ་བྱིས་པ་ཡིན་ཀྱང༌། རྒྱལ་ཁྲིམས་རྩེད་མོ་མིན། དྲང་ལྡན་ཚད་ཐུབ་ཀྱི་རྒྱལ་ཁྲིམས་བཅའ་བ། རྒྱལ་ཁྲིམས་དྲང་པོར་སྲོངས། མིང་གི་རྣམ་གྲངས་ལ་ཁྲིམས་དང༌། ཁྲིམས་ལུགས། འཇིག་རྟེན་ཁྲིམས། ཡུལ་ཆོས། ལུགས་བཅས་སོ། |
| རྒྱལ་གཅེས |
རང་གི་རྒྱལ་ཁབ་ལ་ཤ་ཞེན། |
| རྒྱལ་གཉེར |
རྒྱལ་ཁབ་ཀྱིས་མ་རྩ་བཞག་ནས་བདག་གཉེར་བྱས་པ། |
| རྒྱལ་གཞིས |
རྒྱལ་པོའི་ཕོ་བྲང་མི་སེར་ས་ཞིང་དང་བཅས་པ། རང་རེའི་རྒྱལ་གཞིས་སྔར་ལས་དར་ཞིང་རྒྱས། |
| རྒྱལ་གསུང |
རྒྱལ་བའི་གསུང་གི་བསྡུས་ཚིག་ |
| རྒྱལ་གསུང་རྗེས་འགྲོ |
མངོན བྱ་ཀ་ལ་པིང་ཀ། |
| རྒྱལ་གླུ |
1 རྒྱལ་ཁབ་ཀྱིས་གཏན་ལ་ཕབ་ནས་སོ་སོའི་རྒྱལ་ཁབ་མཚོན་བྱེད་ཀྱི་གླུ། 2 རྒྱལ་ཁའི་གླུ། |
| རྒྱལ་ཆས |
རྒྱལ་པོའི་ཆས། |
| རྒྱལ་ཆེན |
རྒྱལ་པོ་ཆེན་པོ། |
| རྒྱལ་ཆེན་བཞི |
རྒྱལ་ཆེན་རིགས་བཞིའི་བསྡུས་ཚིག་ |
| རྒྱལ་ཆེན་བཞིའི་རིས |
འདོད་ལྷ་རིགས་དྲུག་གི་དང་པོ་རྒྱལ་ཆེན་བཞི་དང་དྲི་ཟ་སོགས་ཀྱི་གནས། |
| རྒྱལ་ཆེན་རིགས་བཞི |
འདོད་ལྷ་དང་པོའི་རིགས་སུ་གཏོགས་པའི་ལྷའམ་གནོད་སྦྱིན་ཏེ། རི་རབ་ཀྱི་ཆུ་མཚམས་རྩ་བ་ནས་ཡར་བརྩིས་པའི་བང་རིམ་དང་པོར་གནོད་སྦྱིན་ལག་ན་གཞོང་ཐོགས། གཉིས་པར་གནོད་སྦྱིན་ལག་ན་ཕྲེང་ཐོགས། གསུམ་པར་རྟག་མྱོས། བཞི་པར་སྡེ་དཔོན་ཆེན་པོའམ། རྒྱལ་ཆེན་གཙོ་བོ་ཡུལ་འཁོར་སྲུང་དང༌། འཕགས་སྐྱེས་པོ། སྤྱན་མི་བཟང༌། རྣམ་ཐོས་སྲས་བཅས་སོ་སོར་གནས་སོ། |
| རྒྱལ་ཆེན་རིས་བཞི |
རྒྱལ་ཆེན་རིགས་བཞི་དང་དོན་གཅིག་ |
| རྒྱལ་ཆེན་སྡེ་བཞི |
རྒྱལ་ཆེན་རིགས་བཞི་དང་དོན་གཅིག་ |
| རྒྱལ་ཐང |
རྫོང་ཞིག་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་དུ་ཡོད། ཤར་དང༌། ལྷོ། ནུབ་བཅས་ངོས་གསུམ་དུ་འབྲི་ཆུས་བསྐོར་ནས་ཡོད་ཅིང༌། རྫོང་མི་དམངས་སྲིད་གཞུང་དེ་རྒྱལ་ཐང་སྟེང་དུ་ཡོད། |
| རྒྱལ་ཐང་སྲོང་བཙན་གླིང |
ཡུན་ནན་ཞིང་ཆེན་གྱི་རྒྱལ་ཐང་རྫོང་དུ་ཡོད་པའི་དགེ་ལུགས་པའི་དགོན་པ་ཞིག |
| རྒྱལ་དཔོག་པ |
དཔྱོད་པ་བའི་མིང་གཞན་ཞིག |
| རྒྱལ་དབང |
བདུད་བཞིའི་གཡུལ་ལས་རྒྱལ་བའི་སངས་རྒྱས་ཀྱི་གཙོ་བོ་བླ་མ་ཆེ་ཁག་རེ་གཉིས་ཀྱི་མཚན་བསྟོད་ལའང་དེ་ལྟར་བརྗོད་སྲོལ་ཡོད། |
| རྒྱལ་དམ |
རྒྱལ་ཐང་དང་དོན་གཅིག་ |
| རྒྱལ་དར |
རྒྱལ་ཁབ་ཀྱིས་གཏན་ལ་ཕབ་ནས་སོ་སོའི་རྒྱལ་ཁབ་མཚོན་བྱེད་ཀྱི་དར་ཆ། |
| རྒྱལ་པོ |
1 ས་སྐྱོང༌། མིའི་རྒྱལ་པོ། མི་ནོར་ཡག་རིགས་ཡག་ཚད་རྒྱལ་པོས་བཀྲབས་པ། ཡབ་རྒྱལ་པོ་ཐུགས་མུག་སྟེ་ཞལ་ནག་རོག་གེ་སྤྱན་དམར་འཚུབ་འཚུབ་ཏུ་བཞུགས། མིང་གི་རྣམ་གྲངས་ལ་སྐྱེ་དགུའི་བདག་པོ་དང༌། འཁོར་ལོས་སྒྱུར་བ། འགྲོ་བའི་དབང་པོ། འཇིགས་སེལ་བྱེད། གནམ་བསྐོས། གནམ་གྱི་རྒྱལ། རྣམ་པར་སྐྱེས། དཔུང་ལས་སྐྱེས། སྤྱི་བོར་དབང་སྐུར། མི་རྗེ། མི་བདག་མི་དབང༌། མིའི་འདྲེན་པ། མིའི་དབང་ཕྱུག་མིའི་ལྷ། ལག་ལས་སྐྱེས། ས་སྐྱོང༌། ས་བདག་ས་དབང༌། སའི་དབང་ཕྱུག་ས་འཚོ། ས་གཞི་འཛིན། ས་གཞི་སྲུང་བཅས་སོ། 2 མངོན སྔར་རྒྱ་གར་དུ་མ་ག་དྷ་སོགས་ཡུལ་ཆེན་ཏེ་རྒྱལ་ཕྲན་བཅུ་དྲུག་ལ་རྒྱལ་པོ་རེ་ཡོད་པ་རྣམས་ཁྱོན་བསྡོམས་རྒྱལ་པོ་བཅུ་དྲུག་ཡོད་པས་གྲངས་བཅུ་དྲུག་མཚོན། 3 འབྱུང་པོའི་བྱེ་བྲག་ཅིག |
| རྒྱལ་པོ་གཟུགས་ཅན་སྙིང་པོ |
སྔར་ཤཱཀྱ་མུ་ནེའི་སྐབས་མ་ག་དྷ་རྒྱལ་ཁབ་ཀྱི་རྒྱལ་པོ་དེས་བཅོམ་ལྡན་འདས་སྐྱབས་སུ་བསྟེན་ཏེ་དགེ་བསྙེན་བསྒྲུབས་པ། |
| རྒྱལ་པོ་གསལ་རྒྱལ |
སྔར་རྒྱ་གར་མཉན་ཡོད་ཀྱི་རྒྱལ་པོ་ཞིག་ཡིན་པ་དེ་ཤཱཀྱ་མུ་ནེ་འཁྲུངས་པའི་ལོ་དང་ཟླ་ཚེས་འདྲ་ཞིང༌། ཁྲིར་ཕེབས་རྗེས་རྟག་ཏུ་བཅོམ་ལྡན་འདས་ལ་ཆོས་ཞུས་པས། དེའི་བློན་པོས་རྒྱལ་པོ་གནས་དབྱུང་བཏང་ནས་རྒྱལ་པོ་མ་སྐྱེས་དགྲར་དཔུང་རོགས་སུ་སྦྲན་པར་བསྐྱོད་པའི་ལམ་བར་དུ་ཤི། |
| རྒྱལ་པོ་གྲོ་ཁྲལ |
སྔར་ལོ་གསར་ནམ་ཤར་མི་དམངས་ཚོས་སྲིད་གཞུང་ལ་འཇལ་རྒྱུའི་གྲོ་ཁྲལ་ཞིག |
| རྒྱལ་པོ་ཆེན་པོ |
1 མིའི་རྒྱལ་པོ་ཆེ་རིགས། 2 ལྷའམ་མི་མིན་འབྱུང་པོའི་བྱེ་བྲག |
| རྒྱལ་པོ་དབུ་གཉིས་པ |
སྤྱན་རས་གཟིགས་ཀྱི་རྣམ་འཕྲུལ་བོད་རྗེ་སྲོང་བཙན་སྒམ་པོའི་དབུ་གཙུག་ཏུ་རྒྱལ་བ་འོད་དཔག་མེད་ཀྱི་དབུ་རང་ཆས་སུ་ཡོད་པས་རྒྱལ་པོ་དབུ་གཉིས་པར་གྲགས། |
| རྒྱལ་པོ་དམག་བརྒྱ་པ |
སྔར་རྒྱ་གར་ཇབ་ས་སྨི་རྒྱལ་ཁབ་ཀྱི་རྒྱལ་པོ་ཞིག་ཡིན་པ་དེའི་སྲས་ཤར་བ་རྒྱལ་པོ་ནི་ཤཱཀྱ་མུ་ནེ་དང་དུས་མཉམ། |
| རྒྱལ་པོ་དོ་ཧ |
དོ་ཧ་གསུམ་གྱི་ཡ་གྱལ་ཞིག |
| རྒྱལ་པོ་མང་པོས་བཀུར་བ |
སསྨཊཿ སྔར་འཇིག་རྟེན་དུ་ཐོག་མར་བྱུང་བའི་རྒྱལ་པོ་ཞིག |
| རྒྱལ་པོ་མདོ་བཅུ |
རྒྱལ་པོ་མདོ་ལྔའི་སྟེང་དུ་དཔག་ཏུ་མེད་པ་ཚེ་རིང་མདོ་དང༌། གོས་སྔོན་ཅན་ནི་གཟུངས་ཀྱི་མདོ། གཙུག་ཏོར་གདུགས་དཀར་བཟློག་པའི་མདོ། ནོར་རྒྱུན་མ་ནི་ནོར་གྱི་མདོ། ཡི་གེ་གཅིག་མ་སྙིང་པོའི་མདོ་བཅས་བསྣན་པས་བཅུའོ། |
| རྒྱལ་པོ་མདོ་ལྔ |
བཟང་པོ་སྤྱོད་པའི་སྨོན་ལམ་གྱི་མདོ་དང༌། རྡོ་རྗེ་རྣམ་འཇོམས་ཁྲུས་ཀྱི་མདོ། ཤེས་རབ་སྙིང་པོ་ལྟ་བའི་མདོ། འདའ་ཀ་ཡེ་ཤེས་སྒོམ་པའི་མདོ། བྱ་བ་ལྟུང་བཤགས་བཤགས་པའི་མདོ་བཅས་ལྔའོ། |
| རྒྱལ་པོ་མྱ་ངན་མེད |
ཆོས་རྒྱལ་མྱ་ངན་མེད་དང་དོན་གཅིག་ |
| རྒྱལ་པོ་ཚང |
རྒྱལ་པོའི་ཁྱིམ། |
| རྒྱལ་པོ་ཟས་གཙང |
ཤཱཀྱ་མུ་ནེའི་ཡབ། |
| རྒྱལ་པོ་འཁྱིལ་པ |
མངོན དུང་དཀར་གཡས་འཁྱིལ། |
| རྒྱལ་པོ་རབ་སྣང |
སྔར་ཤཱཀྱ་མུ་ནེ་ཞལ་བཞུགས་སྐབས་ཀྱི་རྒྱལ་པོ་ཞིག |
| རྒྱལ་པོ་རེ་རལ |
ལྡུམ་སྨན་གྱི་རིགས་ཤིག་རོ་ཅུང་མངར་བ། ཞུ་རྗེས་བསིལ། ནུས་པས་ཤ་དུག་དང་སྦྱར་དུག་སེལ། |
| རྒྱལ་པོ་རོལ་སྟབས |
ཞབས་གཡས་བརྐྱངས་གཡོན་བསྐུམས་ཀྱི་འདུག་ཚུལ། |
| རྒྱལ་པོ་རྒྱན་འདེབས |
རྒྱལ་པོ་གཅིག་གམ་གཉིས་དང༌། དམག་མི་ཁ་གྲངས་མང་པོ་བྱས་ནས་རྡེལ་རྩེད་རྩེ་སྟངས་ཤིག |
| རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ |
དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་དབུ་མའི་གཞུང་རིགས་ཚོགས་དྲུག་གི་ཡ་གྱལ་ཞིག |
| རྒྱལ་པོ་ལ་གདམས་པ |
རྒྱལ་པོ་གསལ་རྒྱལ་ལ་གདམས་པའི་མདོ་མི་རྟག་པ་སྟོན་པའི་མདོ་ཞིག |
| རྒྱལ་པོ་ལུགས་ཀྱི་བསྟན་བཅོས |
འཇིག་རྟེན་གྱི་ཁྲིམས་ལུགས་སྐྱོང་བའི་གཞུང་ཞིག་འཇུ་མི་ཕམ་པས་བརྩམས་པའི་ལུགས་ཀྱི་བསྟན་བཅོས་ས་གཞི་སྐྱོང་བའི་རྒྱན་ཞེས་པ་ལྟ་བུ། |
| རྒྱལ་པོ་ལྟ་བུའི་སེམས་བསྐྱེད |
1 སེམས་བསྐྱེད་ཉེར་གཉིས་ཀྱི་ནང་གསེས། དག་པ་ས་གསུམ་ལ་གནས་པའི་སེམས་དཔའི་རྒྱུད་ཀྱི་མངོན་པར་ཤེས་པ་དང་ལྡན་པའི་སེམས་བསྐྱེད་ནི་མཐུ་ཐོགས་པ་མེད་པས་གཞན་གྱི་དོན་སྒྲུབ་པའི་རྒྱལ་པོ་ཆེན་པོ་ལྟ་བུ། 2 སེམས་བསྐྱེད་གསུམ་གྱི་ནང་གསེས། རང་ཐོག་མར་སངས་རྒྱས་ནས་སེམས་ཅན་རྣམས་སྒྲོལ་བར་བྱའོ་སྙམ་པའི་སེམས་བསྐྱེད་དོ། |
| རྒྱལ་པོ་ལྡེ་བརྒྱད |
སྔར་བོད་རྒྱལ་བཅུ་དྲུག་པ་ཟ་ནམ་ཟིན་ལྡེ་དང༌། བཅུ་བདུན་པ་འཕྲུལ་ནམ་གཞུང་བཙན་ལྡེ། བཅོ་བརྒྱད་པ་སེ་སྣོལ་གནམ་ལྡེ། བཅུ་དགུ་པ་སེ་སྣོལ་པོ་ལྡེ། ཉི་ཤུ་པ་ལྡེ་སྣོལ་ནམ། ཉེར་གཅིག་པ་ལྡེ་སྣོལ་པོ། ཉེར་གཉིས་པ་ལྡེ་རྒྱལ་པོ། ཉེར་གསུམ་པ་ལྡེ་སྤྲིན་བཙན་ཏེ་རྒྱལ་རབས་བརྒྱད་པོ་སྤྱིའི་མིང༌། ལྡེ |
| རྒྱལ་པོ་ཤིང |
ལྗོན་ཤིང་གི་བྱེ་བྲག་ཅིག |
| རྒྱལ་པོའི་ཁབ |
1 རྒྱལ་པོའི་ཕོ་བྲང་ངམ་ཁྱིམ། 2 སྔར་རྒྱ་གར་གྱི་གྲོང་ཁྱེར་ཆེན་པོ་དྲུག་གི་གྲས་ཤིག |
| རྒྱལ་པོའི་གདུང |
རྒྱལ་པོའི་རིགས་རྒྱུད། |
| རྒྱལ་པོའི་གཟའ |
ལོ་གཟའ་བརྩི་ཚུལ་ཞིག་ལོ་རེ་བཞིན་རེས་གཟའ་བདུན་པོ་གང་རུང་ཞིག་འཆར། |
| རྒྱལ་པོའི་དཀོར་མཛོད |
རྒྱལ་པོའི་བང་མཛོད། |
| རྒྱལ་པོའི་དཔྱ |
རྒྱལ་པོའི་ཁྲལ། |
| རྒྱལ་པོའི་ཕོ་བྲང |
རྒྱལ་པོ་བཞུགས་སའི་ཁང་པ། མིང་གི་རྣམ་གྲངས་ལ་ཀུན་ནས་བཟང་དང༌། རྒྱལ་ཁབ། རྒྱལ་པོའི་ཁབ། བ་གམ་ཅན། གཡུང་དྲུང་འཁྱིལ་བ། ས་བདག་ཁྱིམ། བསོད་ནམས་ཁང་པ་བཅས་སོ། |
| རྒྱལ་པོའི་ཕོ་བྲང་དུ་འདུག་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགོས་པ་ཁྱད་པར་ཅན་མེད་བཞིན། རྒྱལ་པོ་དང་བཙུན་མོ་རྩེ་བའི་ཕོ་བྲང་གི་ནང་དུ་མཚན་མོར་འདུག་པའོ། |
| རྒྱལ་པོའི་བུ |
མངོན གཟའ་ལྷག་པ། |
| རྒྱལ་པོའི་མྱུ་གུ |
མངོན རྒྱལ་པོའི་རིགས་སྲས། |
| རྒྱལ་པོའི་རྒྱལ |
མངོན རྣམ་ཐོས་སྲས། |
| རྒྱལ་པོའི་རྒྱལ་ཁབ |
རྒྱལ་པོས་རྒྱལ་ཁབ་ཀྱི་གཙོ་བོ་བྱེད་པའི་རྒྱལ་ཁབ། |
| རྒྱལ་པོའི་རྣམ་ཐར |
1 རྒྱལ་པོའི་ལོ་རྒྱུས། 2 བོད་ཀྱི་ཟློས་གར་ཨ་ཅེ་ལྷ་མོའི་ནང་རྒྱལ་པོ་འཁྲབ་མཁན་གྱི་གླུ་དབྱངས། |
| རྒྱལ་པོའི་ལོ་ཁྲལ |
ལོ་ལྟར་རྒྱལ་པོ་ལ་འཇལ་དགོས་པའི་ཁྲལ། |
| རྒྱལ་པོའི་སྐྱེད་ཚལ |
རྒྱལ་པོའི་གླིང་ག། |
| རྒྱལ་ཕམ |
1 རྒྱལ་བ་དང་ཕམ་པ། 2 རྒྱལ་བཙུགས་པ་ཤོར་བ། |
| རྒྱལ་ཕྲན |
1རྒྱལ་ཁབ་ཆུང་ངུའི་མིང་། 2བཀས་བཀོད་རྒྱུད་འཛིན་གོང་མ་རྒྱལ་པོའི་མངའ་འོག་གི་རྒྱལ་ཕྲན། |
| རྒྱལ་བ |
1རྒྱལ་དང་དོན་འདྲ་ དགྲ་ལས་རྒྱལ་བ་ཞེས་པ་ལྟ་བུ། 2སངས་རྒྱས་བཅོམ་ལྡན་འདས་མཚན་ལ་རྒྱལ་བ་ཟེར། |
| རྒྱལ་བ་ཐུ་བོ |
མངོན རྩངས་པ། |
| རྒྱལ་བ་དམ་པ |
སྔར་རྒྱ་གར་གྱི་གྲུབ་མཐའ་སྨྲ་བ་རྒྱལ་བ་པའི་སྟོན་པ། |
| རྒྱལ་བ་པ |
གཅེར་བུ་བ་དང་དོན་གཅིག་ |
| རྒྱལ་བ་མཆོག་དབྱངས |
སྔར་ཆོས་རྒྱལ་ཁྲི་སྲོང་ལྡེའུ་བཙན་སྐབས་བོད་ཀྱི་སད་མི་མི་བདུན་གྱི་ཡ་གྱལ་ཞིག |
| རྒྱལ་བ་རིགས་དྲུག |
རྣམ་སྣང་དང༌། མི་བསྐྱོད་པ། རིན་འབྱུང༌། འོད་དཔག་མེད། དོན་གྲུབ། རྡོ་རྗེ་འཆང་བཅས་དྲུག་གོ། |
| རྒྱལ་བ་རིགས་ལྔ |
རྣམ་པར་སྣང་མཛད་དང༌། མི་བསྐྱོད་པ། རིན་ཆེན་འབྱུང་ལྡན། སྣང་བ་མཐའ་ཡས། དོན་ཡོད་གྲུབ་པ་བཅས་ལྔའོ། |
| རྒྱལ་བ་རིགས་ལྔའི་གནས |
ཡུན་ནན་ཞིང་ཆེན་གྱི་རྒྱལ་ཐང་རྫོང་ཁོངས་སུ་ཡོད་པའི་གནས་རི་ཞིག |
| རྒྱལ་བ་རིན་པོ་ཆེ |
ཏཱ་ལའི་བླ་མ་སྐུ་ཕྲེང་སོ་སོའི་ཞེ་ས། |
| རྒྱལ་བ་རྡོ་རྗེ་འཆང |
འོག་མིན་དུ་གསང་སྔགས་ཀྱི་ཆོས་འཁོར་སྐོར་བའི་སྐབས་ཀྱི་སྟོན་པའི་མཚན། |
| རྒྱལ་བའི་གསུང |
སངས་རྒྱས་ཀྱི་གསུང༌། |
| རྒྱལ་བའི་གསུང་རབ |
སངས་རྒྱས་ཀྱིས་གསུངས་པའི་ཆོས་པོ་ཏི། |
| རྒྱལ་བའི་ཐུགས་སྲས |
བྱང་ཆུབ་སེམས་དཔའ། |
| རྒྱལ་བའི་བཀའ |
སངས་རྒྱས་ཀྱི་གསུང༌། |
| རྒྱལ་བའི་མཛད་ཆེན་བརྒྱད |
སྟོན་པ་ཤཱཀྱ་ཐུབ་པའི་མཛད་ཆེན་བརྒྱད་དེ། ལྷ་ལས་བབས་པ་དང༌། ལྷུམས་སུ་ཞུགས་པ། སྐུ་བལྟམས་པ། རབ་ཏུ་བྱུང་བ། སངས་རྒྱས་པ། ཆོས་འཁོར་བསྐོར་བ། ཆོ་འཕྲུལ་བསྟན་པ། མྱ་ངན་ལས་འདས་པ་བཅས་སོ། |
| རྒྱལ་བའི་མྱུ་གུ |
མངོན བྱང་སེམས་སྤྱི། |
| རྒྱལ་བའི་རིང་བསྲེལ |
སངས་རྒྱས་ཀྱི་སྐུ་གདུང་ལས་མཆེད་པའི་རུས་པ་རིལ་པོ་ཆུང་ངུ་ཞིག |
| རྒྱལ་བརྒྱུད |
རྒྱལ་པོའི་ཁྲི་ཐོག་གམ། རབས། |
| རྒྱལ་བརྡ |
རྒྱལ་ཁ་ཐོབ་པའི་བརྡ། |
| རྒྱལ་བརྫུས |
རྒྱལ་ཐང་ལས་ཐོན་པའི་ཀོ་བ་དཔེར་བླངས་ནས་བོད་དུ་བཟོས་པའི་ཀོ་བ་ནག་པོའི་རིགས་ཤིག |
| རྒྱལ་བསེན |
གདུག་འདྲེ་ཕོ་མོ། |
| རྒྱལ་བསྟན |
རྒྱལ་བའི་བསྟན་པའམ་སངས་རྒྱས་ཀྱི་བསྟན་པ། |
| རྒྱལ་བུ |
རྒྱལ་པོའི་སྲས། མིང་གི་རྣམ་གྲངས་ལ་རྒྱལ་པོའི་གདུང༌། རྒྱལ་པོའི་མྱུ་གུ། རྒྱལ་རིགས་ཐིག་ལེ། རྒྱལ་སྲས། ནོར་འཛིན་བདག་པོའི་སྲས། ཟིལ་གནོན་བུ། བསོད་ནམས་སྟོབས་བཅས་སོ། |
| རྒྱལ་བུ་དོན་གྲུབ |
ཟས་གཙང་སྲས། |
| རྒྱལ་བུ་དོན་གྲུབ་ཀྱི་མདོ |
མདོ་སྡེ་ཞིག་བམ་པོ་གཅིག་སྔར་རྒྱ་གར་སྐད་ནས་རྒྱ་ཡིག་ཏུ་བསྒྱུར། དེ་ནས་རྒྱ་ཡིག་ནས་བོད་ཡིག་ཏུ་བསྒྱུར། བོད་ཡིག་སྒྱུར་མཁན་ལོ་ཙཱ་བའི་མིང་མ་རྙེད་དོ། |
| རྒྱལ་བོ |
1བཀས་བཀོད་རྒྱུད་འཛིན་རྒྱལ་ཁབ་ཀྱི་དབང་འཛིན་པ་མཐོ་ཤོས། 2རྒྱལ་ཕྲན་གྱི་དབང་འཛིན་པ་མཐོ་ཤོས། 3སྲོག་ཆགས་ཀྱི་ནང་གི་དྲག་ཤོས་ཀྱི་མིང་ གཅན་གཟན་གྱི་རྒྱལ་བོ། སྤྲེའུའི་རྒྱལ་བོ་ཞེས་པ་ལྟ་བུ། འདི་ལ་རྒྱལ་པོ་ཞེས་འབྲི་བའང་ཡོད། |
| རྒྱལ་བྱེད |
མངོན ཆུ་སྐྱར། |
| རྒྱལ་བྱེད་ཚལ་ན་གནས་པའི་སྡེ |
སངས་རྒྱས་མྱ་ངན་ལས་འདས་ནས་ལོ་བརྒྱ་སོང་མཚམས་སུ་གནས་བརྟན་པ་ལས་གྱེས་པའི་གནས་བརྟན་སྡེ་པ་གསུམ་གྱི་ཡ་གྱལ་ཞིག |
| རྒྱལ་བློན |
རྒྱལ་པོ་དང་བློན་པོ། |
| རྒྱལ་བློན་གྱི་ཡོན་ཏན་དྲུག |
ཆས་དང༌། འཐབ་པ། བསྡུམས། ནོར་གཏོང་བ། གནས། ཞེན་བརྟེན་བཅས་སོ། |
| རྒྱལ་མ |
1 སྒྲོལ་མ། 2 ལྷ་མོ་ཨུ་མ། |
| རྒྱལ་མཁར་གཞུང་ཆུ |
བོད་རང་སྐྱོང་ལྗོངས་ཀྱི་པ་སྣམ་རྫོང་ཁོངས་སུ་ཡོད། |
| རྒྱལ་མཁར་ཆོས་རྫོང་བ |
བོད་དམངས་ཁྲོད་ཀྱི་ཟློས་གར་ལྷ་མོ་བའི་ཚོགས་པ་ཞིག་ཡིན་པ་དེ་ཐོག་མར་འཛུགས་ཡུལ་གཞིས་ཀ་རྩེ་ས་ཁུལ་ཁོངས་རིན་སྤུངས་རྫོང་གི་ཆོས་རྫོང་དགོན་པ་ཡིན་ཞིང༌། དགོན་པ་དེ་སྟོད་སྨད་ཁག་གཉིས་སུ་ཕྱེ་བའི་སྟོད་གསེར་སྐྱེམས་དགོན་ནས་ཡོང་མཁན་ལྷ་མོ་བ་ཚོས་གཙོ་ཆེར་ལྷ་མོ་འཁྲབ་ཅིང༌། སྨད་ཐུབ་པ་དགོན་ནས་ཡོང་མཁན་ཚོས་གཙོ་ཆེར་སྒྲུང་དང༌། བླ་མ་མ་ཎིའི་ཤོད་སྲོལ་འཛིན། |
| རྒྱལ་མཆོག |
སངས་རྒྱས། |
| རྒྱལ་མཆོག་རིན་ཆེན |
རྣལ་འབྱོར་རྒྱུད་ཀྱི་ལྷོ་ངོས་སངས་རྒྱས། |
| རྒྱལ་མདོས |
འཇིག་རྟེན་གྱི་ལྷ་རྒྱལ་པོར་བསྔོ་བའི་ཡས་མདོས། |
| རྒྱལ་མཚན |
1གནའ་དུས་སུ་གཡུལ་ལས་རྒྱལ་བ་མཚོན་པའི་དར་ཆ་ཞིག 2ཆོས་ལུགས་ཀྱི་དར་ཆའམ་རྟགས་མཚན་ཞིག |
| རྒྱལ་མཚན་གྱི་རྩེ་མོའི་དཔུང་རྒྱན |
1 གཟུངས་ཀྱི་ནང་གསེས་ཤིག་པཎྜིཏ་ཛི་ན་མི་ཏྲ་དང༌། དཱ་ན་ཤཱི་ལ། ལོ་ཙཱ་བ་བནྡེ་ཡེ་ཤེས་སྡེ་རྣམས་ཀྱིས་བསྒྱུར་བ། 2 ལྷ་མོ་བྱེ་བྲག་པ་ཞིག |
| རྒྱལ་མཚན་ཏོག |
རྒྱལ་མཚན་གྱི་རྩེ་མོར་བརྒྱན་པའི་ནོར་བུ་སོགས་ཀྱི་ཏོག |
| རྒྱལ་མཚན་བཀྲ་ཤིས་དགུ་རྩེག |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མགོའི་རུས་ཆག་གསོ་བ་དང༌། ཆུ་སེར་ལ་ཕན། |
| རྒྱལ་མཚན་འཆང |
མངོན ལྷ་དབང་ཕྱུག་ཆེན་པོ། |
| རྒྱལ་མཚམས |
རྒྱལ་ཁབ་ཀྱི་ས་མཚམས། |
| རྒྱལ་མའི་བུ |
མངོན གཟའ་སྤེན་པ། |
| རྒྱལ་མོ |
1 བཙུན་མོ། 2 མིག་འབྲས་ཀྱི་དབུས། |
| རྒྱལ་མོ་ག་གོན |
ཉུང་མ་ཆེ་ལེགས་ཤིག |
| རྒྱལ་མོ་ཚ་བ་རོང |
སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་མདོ་སྨད་ཀྱི་རོང་ཆེན་གསུམ་མམ་བཞིར་གྲགས་པའི་ནང་ཚན་རྒྱལ་རོང་རྒྱལ་ཁག་བཅོ་བརྒྱད་དུ་གྲགས་པའི་ས་ཆ་སྤྱིའི་མིང༌། |
| རྒྱལ་མོ་རོང |
རྒྱལ་མོ་ཚ་བ་རོང་གི་བསྡུས་མིང༌། |
| རྒྱལ་མོ་རྔུལ་ཆུ |
1 རང་རྒྱལ་ལྷོ་ནུབ་ས་ཁུལ་གྱི་ཆུ་བོ་ཆེན་པོ་ཞིག་ཡིན། སྟོད་རྒྱུད་ཀྱི་ནག་ཆུ་དང༌། ཤག་ཆུ། སོག་ཆུ་བཅས་གདང་ལ་རི་རྒྱུད་ཀྱི་ནུབ་ངོས་ནས་བྱུང་ཞིང༌། བོད་རང་སྐྱོང་ལྗོངས་ཀྱི་འབྲི་རུ་རྫོང་ཁུལ་དུ་ནག་ཆུ་དང་སོག་ཆུ་འཛོམས་རྗེས་རྒྱལ་མོ་རྔུལ་ཆུ་ཞེས་འབོད། དེ་ནས་སོག་དང༌། དཔལ་འབར། སྟེང་ཆེན། ལྷོ་རྫོང༌། དཔའ་ཤོད། མཛོ་སྒང༌། ཚ་བ་རོང༌། ཡུན་ནན་ཞིང་ཆེན་གྱི་ནུབ་རྒྱུད་བཅས་བརྒྱུད་དེ་རྒྱལ་མཚམས་ཀྱི་ཕྱི་རོལ་ཏུ་འབབ་དུས་མིང་ལ་སར་ཝུན་གཙང་པོ་ཟེར་ཞིང༌། འབར་མ་རྒྱལ་ཁབ་ནས་ཧིན་རྡུ་རྒྱ་མཚོ་ཆེན་མོར་འབབ་པ་རེད། 2 རྒྱལ་རོང་རྒྱལ་མོ་རྔུལ་ཆུ་སྟེ་ཆུ་མགོ་སྨར་ཁོག་དང་རྡོ་སྟོད་ཀྱི་ཡུལ་ནས་འབབ་ཅིང༌། ཛམ་ཐང༌། ཁྲོ་སྐྱབས། ཆུ་ཆེན། བཙན་ལྷ། རོང་བྲག་སོགས་རྒྱལ་མོ་རོང་བརྒྱུད་དེ་ལུའོ་ཧྲན་བྱམས་ཆེན་མདུན་རྨིན་ཅང་དང་འདྲེས་པའི་གཙང་པོ་ཞིག |
| རྒྱལ་ཚབ |
1 རྒྱལ་པོའི་རྒྱལ་ཚབ་རྒྱལ་པོའི་ཚབ་བྱས་ནས་སྲིད་དབང་འཛིན་མཁན། 2 རྒྱལ་བའི་རྒྱལ་ཚབ་འབྱོན་པར་འགྱུར་བའི་སངས་རྒྱས་བྱམས་མགོན་ལྟ་བུའོ། རྒྱལ་ཚབ་བྱམས་པ་མགོན་པོ། ཆོས་ཀྱི་རྒྱལ་ཚབ། རྒྱལ་ཚབ་ཀྱི་གོ་འཕང༌། |
| རྒྱལ་ཚབ་དམ་པ |
1 ཆོས་ཀྱི་རྒྱལ་ཚབ། 2 བྱམས་མགོན། |
| རྒྱལ་ཚབ་དར་མ་རིན་ཆེན |
རྗེ་ཙོང་ཁ་པའི་ཐུགས་སྲས་གཙོ་བོ་གཉིས་ཀྱི་བགྲེས་པ་རབ་བྱུང་དྲུག་པའི་ཤིང་འབྲུག་ལོར་འཁྲུངས། རབ་བྱུང་བདུན་པའི་ལྕགས་ཕག་ལོ་ལ་འདས། རབ་བྱུང་བདུན་པའི་ས་ཕག་ལོ་ལ་དགའ་ལྡན་ཁྲི་པའི་གདན་རབས་དང་པོར་གྱུར། 13641431 1419 |
| རྒྱལ་ཚབ་རྗེ |
རྒྱལ་ཚབ་དར་མ་རིན་ཆེན་གྱི་བསྡུས་མིང༌། |
| རྒྱལ་ཟླ |
བོད་རྩིས་ཀྱི་ཟླ་བ་བཅུ་གཉིས་པའི་མིང་། |
| རྒྱལ་ཟླ་བ |
1 ཧོར་ཟླ་བཅུ་གཉིས་པ། 2 དགུན་ཟླ་འབྲིང་པོ་ཧོར་ཟླ་བཅུ་གཅིག་པའི་ཚེས་བཅུ་དྲུག་ནས་བཅུ་གཉིས་པའི་ཚེས་བཅོ་ལྔའི་བར་དུ་རྒྱལ་ཟླ་བ་ཡིན། སྔར་བོད་ཀྱི་རྒྱལ་པོའི་ལམ་ལུགས་ལྟར་ན་འདི་ཟླའི་ཡར་ངོའི་ཚེས་པ་གཅིག་ལ་ལོ་འགོ་འཛིན་པར་བཞེད། |
| རྒྱལ་འགོང |
གདོན་འདྲེ་ཞིག |
| རྒྱལ་འགྲན |
1 རྒྱལ་ཁ་སུར་ཐོབ་ཀྱི་འགྲན་བསྡུར། 2 རྒྱལ་བཙུགས་ཏེ་འགྲན་པ། |
| རྒྱལ་འབག་དམར་པོ |
བོད་ཀྱི་ཟློས་གར་ཨ་ཅེ་ལྷ་མོ་འཁྲབ་དུས་རྒྱལ་པོས་གྱོན་རྒྱུའི་འབག་དམར་པོ། |
| རྒྱལ་འབྲས |
མངོན སྐྱུ་རུ་རའི་ཤིང༌། |
| རྒྱལ་ཡབ |
1 རྒྱལ་པོའི་ཡབ། 2 བླ་སྤྲུལ་ཆེ་ཁག་གི་ཡབ། 3 རྒྱལ་བའི་ཡབ། |
| རྒྱལ་ཡུམ |
1 རྒྱལ་པོའི་ཨ་མ། 2 བླ་སྤྲུལ་ཆེ་ཁག་གི་ཨ་མ། 3 ཤེར་ཕྱིན་འབུམ། 4 མངོན སྒྲོལ་མ། |
| རྒྱལ་རབས |
རྒྱལ་པོའམ་རྒྱལ་སྲིད་བྱུང་རིམ། རྒྱལ་རབས་རིམ་བྱུང༌། |
| རྒྱལ་རབས་གསལ་བའི་མེ་ལོང |
རྒྱལ་རབས་རྣམས་ཀྱི་བྱུང་ཚུལ་གསལ་བའི་མེ་ལོང་ཞེས་བྱ་བ། སྤྱིར་སྣོད་བཅུད་ཀྱི་ཆགས་ཚུལ་དང༌། རྒྱ་གར་གྱི་རྒྱལ་རབས། སྟོན་པ་བྱོན་ཚུལ། བསྟན་པ་དར་ཚུལ་མདོ་ཙམ་སྨྲས་ནས། བྱེ་བྲག་ཏུ་བོད་དུ་རྒྱལ་རབས་རིམ་པར་བྱོན་ཚུལ་དང༌། བསྟན་པ་དར་ཚུལ་སྐོར་ནས་ཡར་ལུང་ཇོ་བོའི་རྒྱལ་བརྒྱུད་བར་གྱི་ལོ་རྒྱུས་ཞིབ་མོར་བཀོད་པ་འདི་ནི་ས་སྐྱ་པ་བསོད་ནམས་རྒྱལ་མཚན་གྱིས་རབ་བྱུང་བདུན་པའི་ས་འབྲུག་ལོར་བརྩམས་པའོ། |
| རྒྱལ་རིགས |
ཀྵཏྲིལ 1 སྔར་རྒྱ་གར་གྱི་མི་རིགས་བཞིའི་ནང་ནས་གཅིག 2 རྒྱལ་པོའི་རིགས་རུས། མིང་གི་རྣམ་གྲངས་ལ་གྲོས་བདག་དང༌། འགྲོ་བའི་དབང༌། ནོར་གྱི་བློ། རྣམ་པར་རྒྱལ། དཔུང་པ་སྐྱེས། མི་རྗེ། མི་བདག་མིའི་མགོན་པོ། མིའི་དབང་ཕྱུག་མི་ཡི་འདྲེན། མི་ཡི་དབང་པོ། དམའ་སྐྱོབ། འཛིན་མ་འཛིན། ས་སྐྱོང༌། ས་བདག་ས་དབང༌། ས་འཚོ། ས་འཛིན། ས་གཞི་སྐྱོང༌། ས་སྲུང༌། སའི་དབང་ཕྱུག་ས་ལ་སྤྱོད་བཅས་སོ། |
| རྒྱལ་རིགས་ཆུང་མ |
མངོན བཙུན་མོ། |
| རྒྱལ་རིགས་མ |
མངོན བཙུན་མོ། |
| རྒྱལ་རོང |
རྒྱལ་མོ་ཚ་བ་རོང་གི་བསྡུས་མིང༌། |
| རྒྱལ་རྒྱུད |
རྒྱལ་པོའི་རིགས་རྒྱུད། |
| རྒྱལ་རྔ |
རྒྱལ་ཁ་ཐོབ་དུས་རྡུང་བའི་རྔ། |
| རྒྱལ་རྟགས |
རྒྱལ་ཁབ་ཀྱིས་གཏན་ལ་ཕབ་ནས་སོ་སོའི་རྒྱལ་ཁབ་མཚོན་བྱེད་ཀྱི་རྟགས་མཚན། |
| རྒྱལ་རྩེ་རྫོང |
བོད་རང་སྐྱོང་ལྗོངས་ཀྱི་གཞིས་ཀ་རྩེ་ས་ཁུལ་ཁོངས་མྱང་ཆུ་སྟོད་རྒྱུད་ཀྱི་རྫོང་ཞིག་1904 ལོར་བོད་མི་དམངས་ཀྱིས་དབྱིན་ཇིའི་བཙན་འཛུལ་འགོག་པའི་དམག་འཐབ་བྱེད་ས་རྫོང་རི་ཞེས་པ་འདིར་ཡོད། |
| རྒྱལ་ལམ |
མངོན གྲོང་ཁྱེར་སྤྱི། |
| རྒྱལ་ས |
1 རྒྱལ་ཁབ་ཀྱི་སྲིད་དབང་ལས་ཁུངས་མཐོ་ཤོས་ཡོད་ས་སྟེ་རྒྱལ་ཡོངས་ཀྱི་ཆབ་སྲིད་ལྟེ་གནས། 2 རྒྱལ་པོའི་གོ་འཕང༌། 3 སངས་རྒྱས་ཀྱི་གོ་འཕང༌།…4.རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་ སྐར་མ་རྒྱལ་ཡང་ཟེར། |
| རྒྱལ་སྒོ |
རྒྱ་སྒོའི་འབྲི་སྲོལ་གཞན་ཞིག་ |
| རྒྱལ་སྟོན |
1 རྒྱལ་ཁ་ཐོབ་པའི་སྟོན་མོ། 2 རྒྱལ་ཁབ་དབུ་བརྙེས་པའི་དུས་སྟོན། |
| རྒྱལ་སྡེ |
རྒྱལ་པོའི་མངའ་འབངས། |
| རྒྱལ་སྤྱི |
རྒྱལ་ཁབ་སོ་སོའི་བར་དང་འཛམ་གླིང་གི་རྒྱལ་ཁབ་རྣམས་ཀྱི་བར་གྱི་དོན་ཏེ། རྒྱལ་སྤྱིའི་ཆིངས་ཡིག རྒྱལ་སྤྱིའི་གོ་གནས་ཞེས་པ་ལྟ་བུ། |
| རྒྱལ་སྤྱིའི་རིང་ལུགས |
འབྱོར་མེད་གྲལ་རིམ་གྱིས་རྒྱལ་ཁབ་བར་གྱི་འབྲེལ་བར་ངོས་འཛིན་བྱེད་སྟངས་དང་མི་རིགས་ཀྱི་གནད་དོན་ཐག་གཅོད་བྱེད་སྟངས་སྐོར་གྱི་ལྟ་ཚུལ་ཞིག་རྒྱལ་ཁབ་ཁག་གི་འབྱོར་མེད་གྲལ་རིམ་གྱི་གསར་བརྗེའི་ཁེ་ཕན་རྣམས་ཕན་ཚུན་གཅིག་མཐུན་ཡིན་པར་ངོས་འཛིན་དང༌། ཐུན་མོང་གི་དགྲ་བོར་ངོ་རྒོལ་བྱེད་ཆེད་རྒྱལ་སྤྱིའི་འཐབ་ཕྱོགས་གཅིག་གྱུར་ཞིག་འཛུགས་དགོས་པར་བཞེད་པ། |
| རྒྱལ་སྲས |
1 རྒྱལ་བུ། 2 མངོན བྱང་སེམས། |
| རྒྱལ་སྲས་ཐོགས་མེད་བཟང་པོ |
ས་སྐྱའི་བླ་མ་ཞིག་སྟེ་རབ་བྱུང་ལྔ་པའི་ཤིང་ལུག་ལོར་འཁྲུངས། རབ་བྱུང་དྲུག་པའི་ས་བྱ་ལོར་འདས། |
| རྒྱལ་སྲས་མ |
སློབ་དཔོན་དབྱིག་གཉེན་གྱི་སློབ་མ་རྒྱལ་པོའི་སྲས་གྲགས་པ་བཤེས་གཉེན་གྱིས་བརྩམས་པའི་མངོན་པ་མཛོད་ཀྱི་འགྲེལ་བཤད་དོན་གསལ་ཞེས་བྱ་བའི་མིང་གཞན་ཞིག |
| རྒྱལ་སྲས་སེམས་དཔའ་ཆེན་པོ |
བྱང་ཆུབ་སེམས་དཔའ་སེམས་དཔའ་ཆེན་པོ། |
| རྒྱལ་སྲིད |
1 རྒྱལ་ཁབ་ཀྱི་ཆབ་སྲིད། མི་དམངས་སྐྱིད་ལ་རྒྱལ་སྲིད་རྒྱས་པ། 2 མངོན མཐོ་རིས། |
| རྒྱལ་སྲིད་སྣ་བདུན |
འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ་སྟེ་བདུན། |
| རྒྱལ་སྲིད་སྤྱི་ཁྱབ་ཁང |
རང་རེའི་རྒྱལ་ཁབ་ཀྱི་སྲིད་འཛིན་ལས་ཁུངས་མཐོ་ཤོས་ཏེ། ཀྲུང་དབྱང་མི་དམངས་སྲིད་གཞུང༌། |
| རྒྱལ་སྲུང |
རྒྱལ་ཁབ་ཅིག་གིས་སོ་སོའི་མངའ་ཁོངས་དང་བདག་དབང་སྲུང་སྐྱོབ་བྱེད་པའི་བཀོད་སྒྲིག་གི་བྱ་བ་མཐའ་དག |
| རྒྱས |
(བྱེད་མེད་ལས་ཚིག) ཆེར་འཕེལ་བ་དང་མང་དུ་འཕེལ་བའི་དོན་ཏེ། རིག་གནས་དར་ཞིང་རྒྱས། ཆུ་བོ་རྒྱས། ཡར་རྒྱས། འཕེལ་རྒྱས་ཞེས་པ་ལྟ་བུ། (རྒྱན་ཚིག) ཞིབ་པའམ་མང་པའི་དོན་ཏེ། གཞུང་དོན་གྱི་འགྲེལ་བཤད་རྒྱས་པ། སྐད་ཆ་ཧ་ཅང་མ་རྒྱས། ཚིག་རྒྱས་བསྡུས་རན་པ། སྐུར་ཡིག་རྒྱས་པ་ཞེས་པ་སོགས་ལྟ་བུ། |
| རྒྱས་དཔྱད་བཟོ་བ |
གཏན་འབེབས་བཟོ་བ། |
| རྒྱས་པ |
1. རྒྱ་བའི་འདས་པ། 2. ཆ་ལག་ཚང་བ་དང༌། ཕུན་སུམ་ཚོགས་པ། འགྲེལ་བཤད་རྒྱས་པར་བཤད་པ། བསམ་འཆར་གང་དྲན་ཚང་མ་རྒྱས་ཤིང་རྒྱས་པའི་སྒོ་ནས་བཤད་ཟིན་པ། གནས་ལུགས་རྒྱས་པ་སྔར་བསྟན་པ་བཞིན། ད་ཕན་ལོ་ཤས་ནང་དུ་ལས་དོན་བྱས་ལུགས་རྒྱས་པར་བརྗོད་ལོང་མ་བྱུང་བ། |
| རྒྱས་པ་བ |
སྔར་རྒྱ་གར་དུ་བྱུང་བའི་དྲང་སྲོང་རྒྱས་པ་བའི་རྗེས་སུ་འབྲང་མཁན་གྲུབ་མཐའ་སྨྲ་བ་གཅེར་བུ་བའི་མིང་གཞན་ཞིག |
| རྒྱས་པའི་རྒྱུ |
སྐལ་མཉམ་གྱི་རྒྱུ། |
| རྒྱས་པའི་ལས |
ཚེ་བསོད་དཔལ་འབྱོར་རྒྱས་པར་བྱེད་པའི་ལས། |
| རྒྱས་པའི་སྦྱིན་སྲེག |
ཚོ་བསོད་དཔལ་འབྱོར་ལོངས་སྤྱོད་རྣམས་རྒྱས་ཐབས་ཀྱི་སྲེག་ཆོག |
| རྒྱས་པོ |
མང་ལ་ལེགས་པ། གསོལ་ཚིགས་རྒྱས་པོ། |
| རྒྱས་ཕྱོགས |
མངོན ཟླ་བ། |
| རྒྱས་བཅད |
གཏན་འབེབས་བྱས་ནས་ཐག་བཅད་པ། |
| རྒྱས་བཏབ་པ |
1 ཐེལ་ཙེས་མནན་པ། 2 རྙིང ཐ་མི་དད་དུ་བྱས་པ། |
| རྒྱས་བཏབ་ར་མོ་ཆེ |
ར་མོ་ཆེའི་གཙུག་ལག་ཁང་ཐོག་མར་རྒྱ་བཟའ་ཀོང་ཇོའི་འཆར་བཀོད་ལྟར་རྒྱ་རིགས་བཟོ་པས་བརྒྱབ་པ་ཡིན་པས་མིང་འདི་ལྟར་ཐོབ། |
| རྒྱས་བཤད |
འགྲེལ་བཤད་ཆ་ཚང༌། |
| རྒྱས་བཤད་འདྲེན་པ |
དམ་བཅས་པའི་ཚིག་ལ་གོ་དོན་གྱི་འགྲེལ་བཤད་འདྲེན་པའི་ལྷག་བཅས་ཀྱི་སྒྲ་ཞིག འགྲིམ་འགྲུལ་འཕྲུལ་ཆས་ཏེ། གནམ་གྲུ། མེ་འཁོར། རླངས་འཁོར་སོགས་སོ། |
| རྒྱས་བསེད |
ཡུལ འབྲུ་དང་ཕུབ་མ་རླུང་ལ་འཕྱར་བྱེད་ཀྱི་ལག་ཆ་ཞིག |
| རྒྱས་བྱེད |
མངོན ཉི་མ། |
| རྒྱས་ཚད |
དྲོད་རྒྱས་པ་ལས་བྱུང་བའི་ཚད་ནད། |
| རྒྱས་འཁྲུགས |
ཚ་བ་ཁྲག་ལ་རྒྱས་པའི་འཁྲུགས་ཚད་ཀྱི་མིང་རོ་སྟོད་གཟེར་ཞིང༌། ལུད་པ་ཁྲག་ཏུ་འབྱུང་བ་ཞིག |
| རྒྱས་འགེབས |
1 གཞུང་ཐམ་ཕབ་པ། 2 རིགས་འགྲེ་བཏང་བ། ཚང་མར་རྒྱས་འགེབས་བྱས་ན་མི་འགྲིག |
| རྒྱས་འགྱུར་གྱི་རིགས |
སངས་རྒྱས་ཀྱི་རིགས་གང་ཞིག་འདུས་བྱས་ཀྱིས་སངས་རྒྱས་ཀྱི་སྐུར་འགྱུར་རུང་བ་ཐོས་བསམ་སྒོམ་པའི་རྐྱེན་གྱིས་གསོས་བཏབ་ནས་རྒྱས་པར་འགྱུར་བའི་རིགས་སོ། |
| རྒྱས་འགྲེལ |
རྒྱས་པར་བཤད་པའི་འགྲེལ་པ། |
| རྒྱས་འབྲིང་བསྡུས་གསུམ |
མང་པོ་དང༌། འཚམ་པ། ཉུང་བ་སྟེ་གསུམ། གཞུང་རྒྱས་འབྲིང་བསྡུས་གསུམ། འབུམ་རྒྱས་པ་དང༌། འབུམ་འབྲིང་བ། འབུམ་བསྡུས་པ། |
| རྒྱས་ཡས |
གྲངས་གནས་ཤིག |
| རྒྱས་སྤྲོས |
གཟབ་ཅིང་རྒྱ་ཆེ་བའི་བཀོད་པ་བཤམས་པ། འགྲོ་སོང་གང་རུང་གཏོང་དུས་རྒྱས་སྤྲོས་གུ་དོག་གཉིས་སུ་མ་ལྷུང་བ་ཞིག་བྱེད་དགོས། སྒེར་གྱི་ལྟོ་གོས་རྒྱས་སྤྲོས་སྤོང་གང་ཐུབ་བྱེད་པ། |
| རྒྱས་སྤྲོས་དངོས་རིགས |
དང་དོད་དམ། མཆོར་ཆས་དངོས་ཆས། |
| རྒྱས་སྤྲོས་འཕྲོ་བརླག |
མཆོར་ཉམས་ཆུད་ཟོས། |
| རྒྱུ |
1 1 དངོས་པོ། ཆང་རྒྱུ། སྣུམ་རྒྱུ། རས་རྒྱུ། འཐུང་རྒྱུ། བཟའ་རྒྱུ། བསམ་རྒྱུ། འགྲོ་རྒྱུ། འཁྱེར་རྒྱུ། བཤད་རྒྱུ། མཐོང་རྒྱུ། གོ་རྒྱུ། ཡ་མཚན་རྒྱུ་མེད། ཧ་ལས་རྒྱུ་ཅི། གཞན་ལས་ལེགས་རྒྱུ་མེད། 2 ནོར་རྫས། ལྐོག་ཏུ་རྒྱུ་སྟེར་བ། 3 སྣམ་བུ་སོགས་ཀྱི་གཞུང་ངམ་དཀྱུས་སུ་གཏོང་རྒྱུའི་སྐུད་པ། 4 འབྲས་བུའི་ངོ་བོ་སྐྱེད་བྱེད་ཀྱི་ས་བོན་ནམ། རྩ་བ། ཉེ་བའི་རྒྱུ། རིང་བའི་རྒྱུ། ཆར་པ་བབས་པ་ཙམ་གྱིས་རྒྱ་མཚོ་འཕེལ་བའི་རྒྱུར་མི་འགྲོ། ཤིང་བཟོ་བ་དཀྱུས་མ་ལ་ཆེན་མོ་ཟེར་བ་ནི་རྒྱུ་ལ་འབྲས་བུའི་མིང་བཏགས་པ་རེད། རྒྱུ་ཡོད་བཞིན་པར་ཁས་མི་ལེན་པ་དེ་རྒྱུ་ལ་སྐུར་པ་འདེབས་པ་རེད། རྒྱུ་ལས་འབྲས་བུ་འབྱུང་བ། 5 ལས་དང་ཉོན་མོངས་པ་དེ་དག་གིས་སྲིད་པ་སྐྱེ་བ་ཕྱི་མ་འགྲུབ་པའི་བག་ཆགས་ས་བོན་འཇོག་པས་རྒྱུ་ཞེས་ཏེ། བདེན་བཞི་རྣམ་པ་བཅུ་དྲུག་གི་ནང་གསེས་ཤིག 2. མ་འོངས་སྟོན་བྱེད་ཀྱི་ཚིག་གྲོགས་ཤིག སང་ཉིན་འགྲོ་རྒྱུ་ཡིན། རྨན་གཏོང་རྒྱུ་བསྡད་འདུག ལས་འགོ་འཛུགས་རྒྱུ་རེད། ཁ་ལག་ཟ་རྒྱུ་ཡིན། 3.(བྱེད་མེད་ལས་ཚིག) འགྲོ་བའམ་སོང་བའི་དོན་ཏེ། རི་དྭགས་རྒྱུ་བའི་ལམ། རླུང་གི་རྒྱུ་ལམ། དབུགས་ཀྱི་རྒྱུ་བ་མ་ཆད་བར་དུ་རིག་པ་སློབ་ཅེས་པ་ལྟ་བུ། 4.ད་ལྟ་བ་ ཁབ་མིག་ལ་སྐུད་པ་རྒྱུ་མཁན་ཞེས་པ་ལྟ་བུ། |
| རྒྱུ་ཁྱད་པར་ཅན |
རྒྱུ་ལེགས་པོའམ་རྒྱུ་ཡག་པོ། དུས་བཞིའི་སོ་ནམ་ལ་ཧུར་བརྩོན་བྱེད་པ་ནི་ལོ་ཏོག་བཟང་པོ་འབྱུང་བའི་རྒྱུ་ཁྱད་པར་ཅན་ཞིག་ཡིན། |
| རྒྱུ་ཁྱད་པར་སྒྲུབ་ཀྱི་འབྲས་རྟགས |
འབྲས་བུའི་རྟགས་ལྔའི་ནང་གསེས། རྐྱེན་གཞན་ལ་ལྟོས་པའི་རྟགས་ཀྱིས་རང་རྒྱུ་ཁྱད་པར་བ་གཞན་ཡོད་པར་སྒྲུབ་པ་དཔེར་ན། དབང་པོའི་མངོན་སུམ་ཆོས་ཅན། དབང་ཡིད་ལས་གཞན་པའི་རང་རྒྱུ་ཡོད་དེ། རང་གི་དམིགས་རྐྱེན་མེད་ན་མི་སྐྱེ་བའི་ཕྱིར། ཞེས་པ་ལྟ་བུ་དབང་ཤེས་སྐྱེ་བ་ལ་དབང་ཡིད་དེ་མ་ཐག་རྐྱེན་ཡོད་དགོས་པར་མ་ཟད། ཕྱི་རོལ་གྱི་ཡུལ་མེད་ན་མི་སྐྱེ་བས་རྒྱུ་ཁྱད་པར་བའམ་བྱེ་བྲག་པ་དམིགས་རྐྱེན་ཡོད་པར་སྒྲུབ་བྱེད་ཀྱི་འབྲས་རྟགས་ཡིན་ནོ། |
| རྒྱུ་གཉིས |
ངོ་བོའི་སྒོ་ནས་དབྱེ་ན། ཉེར་ལེན་གྱི་རྒྱུ་དང༌། ལྷན་ཅིག་བྱེད་རྐྱེན་དང་གཉིས། སྐྱེད་ཚུལ་གྱིས་དབྱེ་ན། དངོས་རྒྱུ་དང༌། བརྒྱུད་རྒྱུ་གཉིས་སོ། |
| རྒྱུ་གཙང་སྤུན་གཙང |
སྒོ་ཀུན་ནས་སྐྱོན་མེད་པའམ་དངོས་པོར་ལྷད་མེད་པའི་དཔེ། |
| རྒྱུ་གཟུགས |
གཟུགས་ཐམས་ཅད་ཀྱི་སྐྱེད་བྱེད་དམ་རྩོམ་གཞིར་གྱུར་པ། ས་སོགས་འབྱུང་བར་གྱུར་པའི་གཟུགས། |
| རྒྱུ་གཟུགས་བཞི |
ས། ཆུ། མེ། རླུང་སྟེ་བཞི། |
| རྒྱུ་གཟེར |
རྒྱུ་མ་ལ་ན་ཟུག་ཆེ་ཞིང་འཁྲུ་བའི་འགོ་ནད་རིགས་ཤིག་གི་མིང་། |
| རྒྱུ་གསང |
རྒྱུ་མའི་གསང་སྟེ་རྒྱབ་ཀྱི་སྒལ་ཚིགས་བཅུ་བདུན་པ་རྒྱུ་མ་དང་འབྲེལ་བའི་གསང་དེར་མེ་བཙའ་བཞག་ན་རྒྱུ་མའི་སྐྲན་དང༌། གྲང་རླུང་གིས་ལྦུ་བ་བེ་སྣབས་ཅན་འཁྲུ་བ་ལ་ཕན། |
| རྒྱུ་གསུམ |
1སྐྱེས་ཐོབ་ཤེས་རབ། མང་དུ་ཐོས་པ། བརྩོན་འགྲུས་ཆེན་པོ། 2ནད་རླུང་མཁྲིས་བད་ཀན་འབྱུང་བའི་རྣམ་པ་གསུམ་འདོད་ཆགས་ལས་རླུང་གི་ནད་དང༌། ཞེ་སྡང་ལས་མཁྲིས་པའི་ནད། གཏི་མུག་ལས་བད་ཀན་གྱི་ནད་འབྱུང་བ་བཅས་སོ། |
| རྒྱུ་ངན་སྤུན་རྩུབ |
གཤིས་ཀ་དང་སྤྱོད་པ་གཉིས་ཀ་ངན་པའི་དཔེ། |
| རྒྱུ་ངོམས |
རྒྱུ་ཆེན་པོ་ཡོད་པའི་ཉམས་སྟོན་པ། |
| རྒྱུ་ཅ་ལག |
ནོར་ལོངས་སྤྱོད། |
| རྒྱུ་ཅན |
1 རྒྱུ་ནོར་དང་ལྡན་པའི་མི། 2 རྒྱུ་ཕྱུག་པོ་ཡོད་པ། |
| རྒྱུ་ཆ |
བཟོ་བྱེད་ཀྱི་དངོས་པོ། ཐེར་མའི་རྒྱུ་ཆ་བལ་རེད། |
| རྒྱུ་ཆད |
ནོར་རྫས་ཀྱི་ཐོག་ནས་བཏང་བའི་ཉེས་ཆད། |
| རྒྱུ་ཆས |
1 ནོར་ལོངས་སྤྱོད། 2 བཟོ་བྱེད་ཀྱི་དངོས་པོ། |
| རྒྱུ་ཆོས་རྗེས་དཔོག་གི་འབྲས་རྟགས |
འབྲས་བུ་རྟགས་ལྔའི་ནང་གསེས། སྒྲུབ་བྱེད་རོ་ཡོད་པའི་རྟགས་ཀྱིས་བསྒྲུབ་ཆོས་གཟུགས་ཡོད་པར་སྒྲུབ་པ་དཔེར་ན། ཁ་ནང་གི་བུ་རམ་གོང་བུའི་སྟེང་ན་ཆོས་ཅན། བུར་གཟུགས་ད་ལྟ་བ་ཡོད་དེ། བུར་རོ་ད་ལྟ་བ་ཡོད་པའི་ཕྱིར། ཞེས་པ་ལྟ་བུའོ། |
| རྒྱུ་དཀར |
1 ནང་ཁྲོལ་རྒྱུ་མ་དཀར་པོ། 2 ཐགས་ཀྱི་རྒྱུ་སྐུད་དཀར་པོ། |
| རྒྱུ་དཀྲིས |
སྣམ་བུ་སོགས་ཀྱི་རྒྱུ་དཀྲི་སའི་ཤིང༌། |
| རྒྱུ་དག |
1 གཤིས་ཀ། སྔར་འདྲིས་ཀྱི་མཛའ་གྲོགས་དེ་རྒྱུ་དག་བཟང་པོ་ཡིན། 2 སྤུས་ཀ། ཚོང་ཟོག་དེ་ཚོ་ཚོས་གཞི་ལེགས་ཀྱང་རྒྱུ་དག་ཁྲིག་ཁྲིག་ཅིག་ལས་མི་འདུག རས་འདིའི་རྒྱུ་དག་ཧ་ཅང་ལེགས་པོ་འདུག |
| རྒྱུ་དང་འགལ་བའི་ཁྱབ་བྱ་དམིགས་པ |
འགལ་བའི་ཁྱབ་བྱ་དམིགས་པ་བཞིའི་ནང་གསེས། གནོད་བྱེད་ཀྱི་ཁྱབ་བྱ་རྟགས་སུ་བཀོད་ནས་གནོད་བྱའི་རྒྱུ་འགོག་པ་དཔེར་ན། ཙན་དན་གྱི་མེས་ཁྱབ་པར་ནོན་པའི་གཞིར་ཆོས་ཅན། གྲང་རྒྱུ་ནུས་པ་ཐོགས་མེད་མེད་དེ། ཙན་དན་གྱི་མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་ཙན་དན་གྱི་མེས་གྲང་རེག་གི་རྒྱུ་མེད་པར་སྒྲུབ་པའོ། |
| རྒྱུ་དང་འགལ་བའི་ཁྱབ་བྱ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་འབྲས་བུ་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་ཁྱབ་བྱ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་ཁྱབ་བྱེད་དང་འགལ་བའི་འབྲས་བུ་དམིགས་པའི་རང་རྒྱུད་འཕེན་པ་དཔེར་ན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། ཁ་བའི་རེག་པ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། ཁ་བའི་རེག་པ་མེད་དེ། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཕྱིར། ཞེས་པའི་བཟློག་པ་གཞན་རིགས་འཕེན་པའི་ཐལ་འགྱུར་རོ། |
| རྒྱུ་དང་འགལ་བའི་འབྲས་བུ་དམིགས་པ |
འགལ་བའི་འབྲས་བུ་དམིགས་པ་བཞིའི་ནང་གསེས། གནོད་བྱེད་ཀྱི་འབྲས་བུ་རྟགས་སུ་བཀོད་ནས། གནོད་བྱའི་རྒྱུ་འགོག་པ་དཔེར་ན། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། གྲང་རྒྱུ་ནུས་པ་ཐོགས་མེད་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེ་འབྲས་ཀྱིས་གྲང་བའི་རྒྱུ་མེད་པར་སྒྲུབ་པའོ། |
| རྒྱུ་དང་འགལ་བའི་འབྲས་བུ་དམིགས་པའི་ཐལ་འགྱུར |
རང་རིགས་འཕེན་པའི་ཐལ་འགྱུར་བཞིའི་ནང་གསེས། འགལ་བའི་འབྲས་བུ་རྟགས་སུ་བཀོད་ནས་ཐལ་བ་འཕངས་པ་གང་ཞིག་བཟློག་ན་རྒྱུ་དང་འགལ་བའི་འབྲས་བུ་དམིགས་པའི་རང་རྒྱུད་འཕེན་པ་དཔེར་ན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་འབྲས་སྤུ་ལོང་བྱེད་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་འབྲས་སྤུ་ལོང་བྱེད་མེད་དེ། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་རང་གི་རིགས་གཅིག་པའི་རང་རྒྱུད་འཕེན་པའོ། |
| རྒྱུ་དང་འགལ་བའི་འབྲས་བུ་དམིགས་པའི་རྟགས |
སྣང་རུང་གི་འགལ་ཟླ་དམིགས་པའི་རྟགས་ཀྱི་ནང་གསེས། རང་རྒྱུ་དང་འགལ་བའི་འབྲས་བུ་རྟགས་སུ་བཀོད་ནས། དགག་བྱ་འགོག་པ་དཔེར་ན། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་གཞིར་ཆོས་ཅན། གྲང་འབྲས་སྤུ་ལོང་བྱེད་རྒྱུན་ཆགས་སུ་གནས་པ་མེད་དེ། དུ་བ་དྲག་ཏུ་འཕྱུར་བས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ། མེ་འབྲས་རྟགས་སུ་བཀོད་ནས་གྲང་འབྲས་འགོག་པའོ། |
| རྒྱུ་དང་འགལ་བའི་རང་བཞིན་དམིགས་པ |
འགལ་བའི་རང་བཞིན་དམིགས་པ་བཞིའི་ནང་གསེས། གནོད་བྱེད་ཀྱི་ངོ་བོ་རྟགས་སུ་བཀོད་ནས། གནོད་བྱའི་རྒྱུ་འགོག་པ་དཔེར་ན། མེས་ཁྱབ་པར་ནོན་པའི་ཤར་གཞིར་ཆོས་ཅན། གྲང་རྒྱུ་ནུས་པ་ཐོགས་མེད་མེད་དེ། མེས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་མེའི་རང་བཞིན་གྱིས་གྲང་བའི་རྒྱུ་མེད་པར་སྒྲུབ་པའོ། |
| རྒྱུ་དང་འགལ་བའི་རང་བཞིན་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འབྲས་བུ་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་རང་བཞིན་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་རང་བཞིན་དང་འགལ་བའི་འབྲས་བུ་དམིགས་པའི་རང་རྒྱུད་འཕེན་པ་དཔེར་ན། དུ་བ་དྲག་ཏུ་འཕྱུར་བ་ཚད་མས་ངེས་པའི་ཤར་གཞིར་ཆོས་ཅན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་རེག་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་རེག་མེད་དེ། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། |
| རྒྱུ་དང་འགལ་བའི་རྒྱུ་དམིགས་པའི་ཐལ་འགྱུར |
ལྷན་ཅིག་མི་གནས་འགལ་གྱི་འགལ་བའི་འབྲས་བུ་དམིགས་པའི་ཐལ་འགྱུར་གསུམ་གྱི་ནང་གསེས། འགལ་བའི་རྒྱུ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་འབྲས་བུ་དང་འགལ་བའི་འབྲས་བུ་དམིགས་པའི་རང་རྒྱུད་འཕེན་པ་དཔེར་ན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཤར་གཞིར་ཆོས་ཅན། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པ་མ་ཡིན་པར་ཐལ། གྲང་རེག་གི་དངོས་རྒྱུ་ཡོད་པའི་ཕྱིར། ཞེས་པའི་ཐལ་འགྱུར་གྱིས། དེ་ཆོས་ཅན། གྲང་རེག་གི་དངོས་རྒྱུ་མེད་དེ། དུ་བ་དྲག་ཏུ་འཕྱུར་བ་ཚད་མའི་སྟོབས་ཀྱིས་ངེས་པའི་ཕྱིར། ཞེས་བཟློག་པ་གཞན་རིགས་འཕེན་པའི་ཐལ་འགྱུར་རོ། |
| རྒྱུ་དངོས |
ལོངས་སྤྱོད་ནོར་རྫས། མི་དང༌། རྒྱུ་དངོས་ཀྱི་ནུས་ཤུགས་གཉིས་འཛོམས་པ། |
| རྒྱུ་དངོས་པོ |
ནོར་རྫས་ལོངས་སྤྱོད། |
| རྒྱུ་དངོས་སྒྲུབ་ཀྱི་འབྲས་རྟགས |
འབྲས་བུའི་རྟགས་ལྔའི་ནང་གསེས། འབྲས་བུ་རང་ཉིད་རྟགས་སུ་བཀོད་ནས། དེས་རང་གི་རྒྱུ་དངོས་སུ་དཔོག་པ། དཔེར་ན། དུ་ལྡན་གྱི་ལ་ལ་ཆོས་ཅན། མེ་ཡོད་དེ། དུ་བ་ཡོད་པའི་ཕྱིར། ཞེས་པ་ལྟ་བུ་དུ་བའི་རྒྱུ་མེ་དངོས་སུ་སྒྲུབ་པའི་འབྲས་རྟགས་ཀྱི་སྦྱོར་བའོ། |
| རྒྱུ་དུས |
མྱུ་གུ་མ་སྐྱེས་པའི་ས་བོན། |
| རྒྱུ་དུས་ཀྱི་རྣམ་ཤེས |
དགེ་བ་དང་མི་དགེ་བའི་ལས་གསོག་དུས་ཀྱི་ལས་ཀྱི་བག་ཆགས་བསྒོ་ཡུལ་ཡིད་ཀྱི་རྣམ་ཤེས། |
| རྒྱུ་དྲུག |
བྱེད་རྒྱུ་དང༌། ལྷན་ཅིག་བྱུང་བའི་རྒྱུ། སྐལ་མཉམ་གྱི་རྒྱུ། མཚུངས་ལྡན་གྱི་རྒྱུ། ཀུན་འགྲོའི་རྒྱུ། རྣམ་སྨིན་གྱི་རྒྱུ་སྟེ་དྲུག |
| རྒྱུ་ནག |
ཚི་ལུ་མེད་པའི་རྒྱུ་མ་ནག་པོ། རྒྱུ་ནག་བདའ་བདའ། |
| རྒྱུ་ནད |
རྒྱུ་མའི་ནད། རྒྱུ་ནད་གྲང་བ། |
| རྒྱུ་ནོམ |
ནོར་རྫས། ཟས་གོས་ལ་སོགས་པའི་མཐུན་རྐྱེན་རྒྱུ་ནོམ་ཕུན་སུམ་ཚོགས་པ། |
| རྒྱུ་ནོར |
ནོར་ལོངས་སྤྱོད། རྒྱུ་ནོར་ལོངས་སྤྱོད། གཞན་གྱི་རྒྱུ་ནོར། རང་རང་གིས་འབད་རྩོལ་གྱིས་བསྒྲུབས་པའི་རྒྱུ་ནོར། ས་འོག་གཏེར་ཁ་དང༌། ས་སྟེང་གི་ཤིང་ནགས། གཙང་པོ། རྒྱ་མཚོ་སོགས་ཚང་མ་རྒྱལ་ཁབ་ཀྱི་རྒྱུ་ནོར་འབྱུང་ཁུངས་ཡིན། |
| རྒྱུ་ནོར་ལྐོག་ཟ |
གཞན་ནམ་སྤྱི་ལ་དབང་བའི་རྒྱུ་དངོས་ལྐོག་ཏུ་བདག་ཉར་སྒེར་བེད་སྤྱོད་པ། |
| རྒྱུ་བ |
1. རྒྱུད་པའི་ད་ལྟ་བའི་འབྲི་ཚུལ་གཞན་ཞིག 2.ཐ་མི་དད་པ འགྲོ་བ། ལྗོངས་སུ་རྒྱུ་བ། དབུགས་ཕྱི་ནང་དུ་རྒྱུ་བ། ཤིན་ཏུ་ངལ་ངལ་ལྟར་རྒྱུ་བ། ཡུལ་ཕྱོགས་གང་ས་གང་དུ་རྒྱུ་ཞིང་འགྲོ་བ། 3. བཅུད་ཀྱི་འཇིག་རྟེན། |
| རྒྱུ་བ་གཅིག |
ཉེས་བྱས་ཀྱི་སྡེ་ཚན་དགུ་པ་རྒྱུ་བའི་བསླབ་བྱ་གཅིག་སྟག་ལ་སོགས་པའི་གནོད་པ་མེད་པར་ཤིང་ལ་མི་གང་ཙམ་ལས་མཐོ་བར་འཛེག་པར་མི་བྱ་བའོ། |
| རྒྱུ་བཟས་ཕྱོགས་ལྷུང |
གཞན་རྒྱུ་བཟས་ནས་ཕྱོགས་ལྷུང་བྱེད་པ། |
| རྒྱུ་བྱེད |
མངོན བཞོན་པ་སྤྱི། |
| རྒྱུ་མ |
མི་ལུས་ཀྱི་བྱང་ཁོག་སྨད་ཀྱི་ཆར་ཡར་སྣེ་ཕོ་བ་དང་མར་སྣེ་ལོང་ག་རུ་འབྲེལ་བའི་སྣོད་དྲུག་གི་ཡ་གྱལ་ཞིག་དེའི་བྱེད་ལས་ནི་ཟས་སྐོམ་རྣམས་འཇུ་ཞིང་དྭངས་མ་རྣམས་རང་རང་གནས་སུ་འདྲེན་ཞིང་རྒྱུ་བར་བྱེད་པ་ཡིན་ནོ། རྒྱུ་མ་ཆད་ཀྱང་གསོན་རེ། ཉིན་ཞག་པོ་ཏི་རྩེག་རྩེག་ལས་བྲེལ་རྒྱུ་མ་རྒྱོང་རྒྱོང༌། མིང་གི་རྣམ་གྲངས་ལ་གང་བ་ཅན་ནོ། |
| རྒྱུ་མ་དམིགས་པའི་ཐལ་འགྱུར |
གཞན་རིགས་འཕེན་པའི་ཐལ་འགྱུར་བཅུ་བཞིའི་ནང་གསེས། རྒྱུ་རྟགས་སུ་བཀོད་པའི་ཐལ་འགྱུར་གང་ཞིག་བཟློག་ན་འབྲས་བུའི་གཏན་ཚིགས་འཕེན་པ་དཔེར་ན། དུ་ལྡན་གྱི་ལ་ལ་ཆོས་ཅན། དུ་བ་མེད་པར་ཐལ། མེ་མེད་པའི་ཕྱིར། ཞེས་རྒྱུ་མ་དམིགས་པའི་ཐལ་འགྱུར་གྱིས་དེ་ཆོས་ཅན། མེ་ཡོད་དེ། དུ་བ་ཡོད་པའི་ཕྱིར། ཞེས་བཟློག་པ་གཞན་རིགས་འཕེན་པའོ། |
| རྒྱུ་མ་དམིགས་པའི་རྟགས |
སྣང་རུང་གི་འབྲེལ་ཟླ་མ་དམིགས་པའི་རྟགས་ཀྱི་ཡ་གྱལ། དེ་བྱུང་གི་འབྲེལ་བ་ལ་བརྟེན་ནས་འགོག་བྱེད་རྒྱུ་མེད་པའི་རྟགས་ཀྱིས་དགག་ཆོས་འབྲས་བུ་ཡོད་པ་འགོག་པ། དཔེར་ན། མཚན་དུས་ཀྱི་རྒྱ་མཚོར་ཆོས་ཅན། དུ་བ་མེད་དེ། མེ་མེད་པའི་ཕྱིར། ཞེས་པ་ལྟ་བུའོ། |
| རྒྱུ་མ་ཕུ་འདེད |
རྩད་མ་ཆོད་པའི་གནད་དོན་རྣམས་ལེ་འཁྲི་རིམ་བརྒྱུད་དུ་རྩད་གཅོད་བྱེད་པ། |
| རྒྱུ་མ་ཚང་བའི་ཁྱད་པར་བརྗོད་པ |
ཁྱད་པར་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཞིག་གི་རྒྱུའི་ཆ་ལག་མ་ཚང་ཡང༌། ཚང་བ་དང་མཉམ་པའི་འབྲས་བུ་ཁྱད་པར་ཅན་སྟོན་པའི་རྒྱན་ཞིག |
| རྒྱུ་མ་རིང་པོ |
མི་བློ་རྒྱུ་རིང་པོའམ་གཤིས་རྒྱུད་དལ་པོ། |
| རྒྱུ་མ་ལུགས་པ |
ནད་ཅིག |
| རྒྱུ་མཁྲིས |
སྔོ་སྨན་གྱི་རིགས་ཤིག་རོ་མངར་ལ་ཅུང་ཁ། ཞུ་རྗེས་སྙོམས། ནུས་པས་ཚ་བ་དང་དུག་སེལ། |
| རྒྱུ་མཐུན་གྱི་འབྲས་བུ |
འབྲས་བུ་ལྔའི་ནང་གསེས། རང་རྒྱུ་རང་དང་གཅིག་པ་དང་རྣམ་པ་མཐུན་པར་འབྱུང་བ་དགེ་བ་ལས་དགེ་བ་སྐྱེས་པ་ལྟ་བུ་སྐལ་མཉམ་དང་ཀུན་འགྲོའི་རྒྱུ་གཉིས་ཀྱི་འབྲས་བུའོ། |
| རྒྱུ་མཐུན་གྱི་འབྲས་བུ་གཉིས |
བྱེད་པ་རྒྱུ་མཐུན་གྱི་འབྲས་བུ་དང༌། མྱོང་བ་རྒྱུ་མཐུན་གྱི་འབྲས་བུ་གཉིས་ཏེ། དང་པོ་ནི་ཚེ་སྔ་མར་སྡིག་པ་བྱས་ན་ཚེ་འདིར་ཡང་སྡིག་པ་བྱེད་འདོད་པ་དང༌། གཉིས་པ་ནི་ཚེ་འདིར་སྦྱིན་པ་བཏང་བས་ཚེ་ཕྱི་མར་ལོངས་སྤྱོད་ཕུན་སུམ་ཚོགས་པའི་འབྲས་བུ་མྱོང་བར་འགྱུར་བ་ལྟ་བུའོ། |
| རྒྱུ་མཐུན་པ |
སྙེ་མ་དང་སྡོང་བུ་སོགས་འབྲས་བུ་དང་མཐུན་པའི་རྒྱུ། |
| རྒྱུ་མཐུན་པའི་དགེ་བ |
ཉེར་ཞི་མྱ་ངན་ལས་འདས་པ་ཐོབ་པ་དེའི་དབང་གིས་འཇིག་རྟེན་དང་འཇིག་རྟེན་ལས་འདས་པའི་མངོན་ཤེས་སོགས་ཡོན་ཏན་འགྲུབ་པ་དེའོ། |
| རྒྱུ་མཐུན་པའི་ལུང་མ་བསྟན |
སྤྲུལ་པའི་སེམས་དང་ལྷན་ཅིག་སྐྱེས་པའོ། |
| རྒྱུ་མཚན |
1གནས་ལུགས་སམ་ནུས་པ་སོགས་ཀྱི་མིང་ ལུད་མེད་ན་ལོ་ཏོག་མི་ལེགས་པའི་རྒྱུ་མཚན་ཅི་རེད་ལྟ་བུ། 2གནས་ལུགས་སམ་གནས་ཚུལ་གྱི་མིང་ ད་ཐེངས་ཚོགས་འདུ་འཚོགས་པའི་རྒྱུ་མཚན་རྣམས་ཞིབ་པར་བཤད་ལྟ་བུ། |
| རྒྱུ་མཚན་གྱིས |
ཚིག་སྔ་ཕྱི་གཉིས་ཀྱི་མཚམས་ལ་སྦྱོར་བའམ་ནི་སྒྲ་དང་སྦྲེལ་ན་བསྒྲུབ་བྱ་དང་སྒྲུབ་བྱེད་ཀྱི་འབྲེལ་བ་དང་རྒྱུ་དང་འབྲས་བུའི་འབྲེལ་བ་སོགས་མཚོན་ཏེ། སློབ་སྦྱོང་མ་བྱས་པའི་རྒྱུ་མཚན་གྱིས་བསམ་པ་རྗེས་སུ་ལུས། བསམ་པ་རྗེས་སུ་ལུས་པ་ནི་སློབ་སྦྱོང་ལེགས་པར་མ་བྱས་པའི་རྒྱུ་མཚན་གྱིས་རེད་ལྟ་བུ། ནོར་རྫས་ཀྱི་མིང་ སྤྱི་རྒྱུ། གཞུང་རྒྱུ། རྒྱུ་ནོར། རྒྱུ་རྫས་ཞེས་པ་ལྟ་བུ། ０དངོས་རྫས་བཟོ་བྱེད་ཀྱི་ལས་སྣོན་མ་བྱས་པའི་དངོས་རྫས་ཀྱི་མིང་ རས་ཁྲ་ལྭ་རྒྱུ་གཅིག པགས་པ་སློག་རྒྱུ་གཉིས། རྒྱུ་ཆ་ཞེས་པ་ལྟ་བུ། １སྲིད་དམ་དཀྱུས་ལ་དྲངས་པའི་ཐགས་སྐུད་ཀྱི་མིང་ རས་རྒྱུ་སྤུན་གཉིས་བཟང་། རྒྱུ་སྐུད་དང་སྤུན་སྐུད་ཅེས་པ་ལྟ་བུ། ２སྤུས་ཀའི་མིང་ རས་འདི་རྒྱུ་བ་བཟང་། རྒྱུ་སྤུས་བཟང་ལྟ་བུ། ３ལས་ཚིག་མ་འོངས་པ་སྟོན་པའི་ཚིག་གྲོགས་ཏེ། ལྭ་བ་བཟོ་རྒྱུའི་དོན། ཆུ་རྐ་བརྐོ་རྒྱུའི་དོན་ཞེས་པ་ལྟ་བུ། ４ལས་ཚིག་ད་ལྟ་བ་དང་མ་འོངས་པའི་མཐར་སྦྱར་ན་བྱ་དངོས་ཤིག་སྟོན་པ་ནི། བཟའ་རྒྱུ། འཐུང་རྒྱུ་ལྟ་བུ། |
| རྒྱུ་མཚན་ཉིད་ཀྱི་བསྟན་པ |
མདོ་སྔགས་གཉིས་ཀྱི་བསྟན་པའི་ནང་ནས་མདོ་ཕ་རོལ་ཏུ་ཕྱིན་པའི་ཐེག་པའོ། |
| རྒྱུ་མཚན་མ་ངེས་པའི་ཡིད་དཔྱོད |
ཡིད་དཔྱོད་ཀྱི་ནང་གསེས། རྒྱུ་མཚན་མ་ངེས་པ་ལ་བརྟེན་པའི་རང་ཡུལ་དོན་མཐུན་དུ་འཛིན་པའི་རྟོག་པ་དཔེར་ན། ཡོད་པའི་རྒྱུ་མཚན་གྱིས་སྒྲ་མི་རྟག་པ་འཛིན་པའི་ཡིད་དཔྱོད་ལྟ་བུ། ཡོད་པ་ཡིན་ན་མི་རྟག་པ་ཡིན་པའི་ཁྱབ་པ་མ་ངེས་པའི་རྒྱུ་མཚན་མ་ངེས་པའོ། |
| རྒྱུ་མཚན་མེད་པའི་ཡིད་དཔྱོད |
ཡིད་དཔྱོད་ཀྱི་ནང་གསེས། རྒྱུ་མཚན་གང་གི་སྒོ་ནས་ཀྱང་མི་སེམས་པར་རང་ཡུལ་དོན་མཐུན་དུ་འཛིན་པའི་རྟོག་པ། དཔེར་ན། རྒྱུ་མཚན་མ་ངེས་པར་སྒྲ་མི་རྟག་པ་ཡིན་ནོ་སྙམ་པ་ལྟ་བུའོ། |
| རྒྱུ་མཚན་འགལ་བའི་ཡིད་དཔྱོད |
ཡིད་དཔྱོད་ཀྱི་ནང་གསེས། རྒྱུ་མཚན་འགལ་བ་ལ་བརྟེན་པའི་རང་ཡུལ་དོན་མཐུན་དུ་འཛིན་པའི་རྟོག་པ་དཔེར་ན། མཉན་བྱ་ཡིན་པའི་རྒྱུ་མཚན་གྱིས་སྒྲ་མི་རྟག་པར་འཛིན་པའི་བློ་ལྟ་བུ། སྒྲ་ཡིན་པའི་རྒྱུ་མཚན་གྱིས་སྒྲ་མི་རྟག་པ་ཡིན་པར་དཔྱོད་པ་རྒྱུ་མཚན་འགལ་བའོ། |
| རྒྱུ་མཚན་ཡང་དག |
གཏན་ཚིགས་སམ་སྒྲུབ་བྱེད་རྣམ་དག |
| རྒྱུ་མའི་གསང |
ལུས་ཀྱི་གསང་གནད་ཅིག |
| རྒྱུ་མའི་གླང་འཐབ |
ནད་ཅིག |
| རྒྱུ་མའི་རླུང་ཚབས |
མོ་ནད་རླུང་ཚབས་རིགས་དྲུག་གི་ནང་ཚན་རྒྱུ་ཞབས་བསྡམས་ཤིང་ཟླ་མཚན་དུས་མིན་དུ་འབབ་པ་ཞིག |
| རྒྱུ་མི་མཐུན་པ |
འབྲས་བུ་སྐྱེ་བར་མི་རུང་བའི་ས་བོན། |
| རྒྱུ་མེད་པ |
1 ས་བོན་མེད་པ། 2 རྒྱུ་དངོས་མེད་པ། |
| རྒྱུ་མེད་རྐྱེན་མེད |
དོན་དག་མེད་པ། རྒྱུ་མེད་རྐྱེན་མེད་ཀྱི་འབྲས་བུ་སྐྱེ་མི་ཡོང༌། |
| རྒྱུ་ཚད |
མི་འཕྲོད་པའི་ཟས་སྐོམ་བསྟེན་པ་སོགས་ལས་བྱུང་བའི་རྒྱུ་མར་ཚ་བ་ཞུགས་པའི་ནད་ཅིག་ནད་རྟགས་སུ་རྒྱུ་མ་མི་བདེ་ཞིང་བེ་སྣབས་དང་ཁྲག་འདྲེས་པ་བཤལ་བ་ཞིག |
| རྒྱུ་ཚིལ |
རྒྱུ་དཀར་གྱི་ཚིལ། |
| རྒྱུ་ཞགས |
ནང་ཁྲོལ་རྒྱུ་མ་ཞགས་སྒོར་མོ། |
| རྒྱུ་འཁོར |
རྒྱུ་གཟེར་ནད་ཀྱི་ནང་ཚན་ཞིག་ནད་རྟགས་སུ་བུངས་ཆེན་འཁྲུ་ཞིང་འཁྲུ་བའི་སྐབས་སུ་ན་ཟུག་དྲག་པོ་ལྡང་བ་དང༌། འཁྲུ་བའི་རྗེས་སུ་ཅུང་བདེ་བ་ཞིག |
| རྒྱུ་འཁྲིལ |
རྒྱུ་མའི་ནད་ཅིག་རྒྱུ་མ་རླུང་གིས་གཅུས་ནས་འོག་རླུང་མི་ཐོན་པ་དང༌། ལྡང་དུབ་བྱས་ནས་གཟེར་བ་ཞིག |
| རྒྱུ་འགགས |
རྒྱུ་མའི་ནད་ཅིག་ཁྲག་དང་མཁྲིས་པས་རྐྱེན་བྱས་ཏེ་རྒྱུ་མ་འགགས་ནས་དྲི་ཆེན་མི་འབྱུང་བ་ཞིག |
| རྒྱུ་འགལ་དམིགས་ཀྱི་རྟགས |
སྣང་རུང་གི་འགལ་ཟླ་དམིགས་པའི་རྟགས་ཀྱི་ནང་གསེས། རང་རྒྱུ་དང་འགལ་བའི་དངོས་པོ་རྟགས་སུ་བཀོད་ནས། དགག་ཆོས་རང་འབྲས་འབྱུང་བ་འགོག་པའམ་མེད་ངེས་སུ་སྒྲུབ་པ་དཔེར་ན། མེ་སྟོབས་ཆེན་པོས་ཁྱབ་པར་ནོན་པའི་གཞིར་ཆོས་ཅན། གྲང་འབྲས་སྤུ་ལོང་བྱེད་རྒྱུན་ཆགས་སུ་གནས་པ་མེད་དེ། མེ་སྟོབས་ཆེན་པོས་ཁྱབ་པར་ནོན་པའི་དངོས་པོ་ཡིན་པའི་ཕྱིར། ཞེས་པ་ལྟ་བུ་རྒྱུ་གྲང་རེག་དང་འགལ་བའི་དངོས་པོ་མེ་རྟགས་སུ་བཀོད་ནས། གྲང་འབྲས་བ་སྤུ་ལྡང་བ་འགོག་པའོ། |
| རྒྱུ་འགོག་པ |
འགོག་པའི་རྒྱན་གྱི་ནང་གསེས་ཤིག་དགག་བྱ་ཕྱི་ནང་གི་དངོས་པོ་གང་ཡང་རུང་བའི་འབྲས་བུ་སྐྱེད་བྱེད་ཀྱི་རྒྱུ་ཕལ་པ་དག་འགོག་བྱེད་རང་འབྲས་སྐྱེད་བྱེད་ཀྱི་རྒྱུའི་གཙོ་བོ་མེད་ལུགས་བརྗོད་པས་འགོག་པའི་རྒྱན་ཞིག |
| རྒྱུ་འགྱིངས |
རྒྱུ་མར་གྲང་བ་ཞུགས་ནས་བེ་སྣབས་རྒྱས་པས་དྲི་ཆེན་དུས་ཐོག་ཏུ་མི་འབབ་པ་འགྱིངས་པའི་ནད་ཅིག་ནད་རྟགས་རྒྱུ་མ་ན་ཞིང་དྲི་ཆེན་མི་འབབ་པར་འགག་པ་དང༌། སྐབས་སུ་བེ་སྣབས་ཅན་འཁྲུ་བ་ཞིག |
| རྒྱུ་འགྲུལ |
ཕྱོགས་ལ་འགྲོ་བའི་འགྲུལ་བཞུད། ཡུལ་ལུང་དེར་བདེ་འཇགས་མེད་པས་མཚན་མོར་རྒྱུ་འགྲུལ་བཅད་ནས་ཟླ་བ་གཉིས་ཙམ་སོང་འདུག |
| རྒྱུ་འགྲོ་རང་གཤོམས |
འགྲོ་ཆ་རང་ཉིད་ཀྱིས་གྲ་སྒྲིག་བྱེད་པ། ལམ་རྒྱགས་རྒྱུ་འགྲོ་རང་གཤོམས་ཀྱི་སྒོ་ནས་སློབ་སྦྱོང་དུ་འགྲོ་བ། |
| རྒྱུ་འགྲོའི་བྱེ་མ |
ཕར་ཚུར་འགྲོ་བའི་བྱེ་མ། |
| རྒྱུ་འཕྲི་སླ་བཅོས |
རྒྱུ་ཆ་བསྐུམས་ནས་ཐོན་རྫས་སླ་བཅོས་ཀྱིས་བྱེད་པ། |
| རྒྱུ་འབྲས |
སྐྱེད་བྱེད་རྒྱུ་དང་བསྐྱེད་བྱ་འབྲས་བུ་ས་བོན་དང་མྱུ་གུ་ལྟ་བུ། |
| རྒྱུ་འབྲས་ཀྱི་ཐེག་པ |
རྒྱུ་མཚན་ཉིད་ཀྱི་ཐེག་པ་དང༌། འབྲས་བུ་གསང་སྔགས་རྡོ་རྗེའི་ཐེག་པ། |
| རྒྱུ་འབྲས་ཀྱི་འབྲེལ་བ |
རྒྱུ་འབྲས་ཕན་ཚུན་གཅིག་ལ་གཅིག་ལྟོས་པའི་རྟེན་འབྱུང་འབྲེལ་བ། |
| རྒྱུ་འབྲས་མན་ངག་བདུན |
ཐེག་པ་ཆེན་པོའི་བྱང་ཆུབ་ཀྱི་སེམས་སྐྱེད་པར་བྱེད་པའི་ཐབས་ཟབ་མོ་བཅུན་ཏེ། མར་ཤེས་པ། དྲིན་དྲན་པ། དྲིན་གཟོ་བ། ཡིད་འོང་གི་བྱམས་པ། སྙིང་རྗེ་ཆེན་པོ། ལྷག་བསམ་རྣམ་དག་སེམས་བསྐྱེད་བཅས་བདུན་ནོ། |
| རྒྱུ་འབྲས་ལྷན་ཅིག་པའི་རྒྱུ |
རྒྱུའི་རྒྱན་གྱི་ནང་གསེས་ཤིག་སྔ་ཕྱིའི་རིམ་པ་མེད་པར་ལྷན་ཅིག་པའི་རྒྱུས། ལྷན་ཅིག་པའི་འབྲས་བུ་བསྐྱེད་པ་སྟོན་པའི་རྒྱུའི་རྒྱན་ཞིག |
| རྒྱུ་རིག |
གྲངས་གནས་ཤིག |
| རྒྱུ་རིག་ཆེན་པོ |
གྲངས་གནས་ཤིག |
| རྒྱུ་རྐྱེན |
ངོ་བོ་སྐྱེད་བྱེད་ཀྱི་རྒྱུ་དང༌། ཁྱད་པར་སྐྱེད་བྱེད་ཀྱི་རྐྱེན། རྒྱུ་རྐྱེན་ཞུ་བ། ཕྱི་ནང་གི་རྒྱུ་རྐྱེན་འཚོགས་ནས་འབྲས་བུ་དེ་ལྟར་བྱུང་བ། མེད་དུ་མི་རུང་བའི་རྒྱུ་རྐྱེན་མ་འཛོམས་པས་མ་སྐྱེས། རྒྱུ་རྐྱེན་མེད་པར་གཞན་ལ་ཁོང་ཁྲོ་ལངས་པ། དེའི་རྒྱུ་རྐྱེན་ཤོད་རོགས་གནང༌། |
| རྒྱུ་རྐྱེན་མི་རྟག་པ |
འབྲས་བུ་འབྱུང་བའི་ཆ་རྐྱེན་འགྱུར་སླ་བ། |
| རྒྱུ་རྒན |
ཚ་བ་རྒྱུ་མར་བབས་པའམ་མ་ཞུ་བ་སོགས་ཀྱིས་བསྐྱེད་པའི་རྒྱུ་ནད་རྙིང་པ་ཞིག་སྡོང་ཟླའི་དབང་གིས་དབྱེ་བ་བདུན་མཆིས་སོ། |
| རྒྱུ་རྒྱུ་བ |
ཕར་ཚུར་རམ་ཡར་མར་ཡང་ཡང་འགྲོ་འགྲོ་བ། དོན་མེད་དུ་རྒྱུ་རྒྱུ་བ། དབུགས་རྒྱུ་རྒྱུ་བ། ཕྱོགས་ནས་ཕྱོགས་སུ་རྟག་པར་རྒྱུ་རྒྱུ་བ། |
| རྒྱུ་རྒྱུ་ར |
མངོན འབུ་གྲོག་མ། |
| རྒྱུ་རྔན |
ནོར་རྫས་ཀྱི་རྔན་པ། བཀའ་ཁྲིམས་ཀྱི་ཞལ་ལྕེ་གཅོད་དུས་རྒྱུ་རྔན་སྤྲོད་ལེན་གྱི་རྗེས་འབྲངས་མི་ཆོག ལྐོག་ཏུ་རྒྱུ་རྔན་སྟེར་སྦྱིན་བྱེད་པ། |
| རྒྱུ་རྡོ་རྗེ་འཛིན་པ |
སེམས་ཅན་གྱི་ཁམས་ལ་ཡེ་ནས་གནས་པའི་དེ་བཞིན་ཉིད་འགྱུར་བ་མེད་པ། སོ་སོ་རང་རིག་པ། མཆོག་ཏུ་མི་འགྱུར་བའི་བདེ་བ་ཆེན་པོ་སྟེ་ཆོས་གསུམ་གྱི་རང་བཞིན་དང་ལྡན་པ། |
| རྒྱུ་རྩ |
རྐང་པའི་མཐིལ་ཁུག་ཏུ་རྒྱུ་མ་ཁུག་ཅེས་ཟེར་བས་དེར་ཡོད་པའི་སྙིང་དང་འབྲེལ་བའི་གཏར་རྩ་ཞིག་དེ་གཏར་ན་སྙིང་ནད་ལ་ཕན། |
| རྒྱུ་རྫས |
ནོར་ལོངས་སྤྱོད་དམ་དངོས་པོ་གང་ཞིག་བཟོ་བྱེད་ཀྱི་རྒྱུ་ཆ། |
| རྒྱུ་རླུགས |
ནད་ཅིག |
| རྒྱུ་ལ |
1 སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དར་མདོ་རྫོང་གི་ལ་ཞིག 2ལ་ཞིག་བོད་རང་སྐྱོང་ལྗོངས་ཀྱི་རུ་ཐོག་རྫོང་གི་ནུབ་རྒྱུད་དུ་ཡོད། |
| རྒྱུ་ལང |
ནོར་ཕྱུགས་ཀྱི་ཕོ་བར་ཟུག་རྔུ་དྲག་པོ་འབྱུང་ཞིང་ཉལ་ལང་དུ་མ་བྱེད་དགོས་པའི་ནད་ཅིག |
| རྒྱུ་ལམ་བཅོ་ལྔ |
ལུས་ཀྱི་གནས་ཕྱི་ནང་དུ་རླུང་མཁྲིས་བད་ཀན་རྒྱུ་བར་བྱེད་པའི་ལམ་བཅོ་ལྔ་རུས་པ་དང༌། རྣ་བ། རེག་བྱའི་སྒོ་བ་སྤུ། སྙིང་དང་ཞར་བྱུང་སྲོག་རྩ་ལོང་ག་བཅས་རླུང་གི་རྒྱུ་ལམ་ལྔ། ཁྲག་དང༌། རྔུལ། མིག་མཆིན་པ། སྣོད་མཁྲིས་རྒྱུ་མ་བཅས་མཁྲིས་པའི་རྒྱུ་ལམ་ལྔ། དྭངས་མ་ཤ་ཚིལ་རྐང་ཁུ་བ་དང༌། གཤང་གཅི། སྣ་ལྕེ། གློ་བ་མཆེར་པ་མཁལ་མ། ཕོ་བ་ལྒང་པ་བད་ཀན་གྱི་རྒྱུ་ལམ་ལྔ་བཅས་བཅོ་ལྔའོ། |
| རྒྱུ་ལྐུགས |
རྒྱུ་གཟེར་ནད་ཀྱི་ནང་ཚན་ཞིག་ནད་རྟགས་སུ་རྒྱུ་མ་གྲིས་གཏུབ་པ་ལྟ་བུའི་ན་ཟུག་ལྡང་ཞིང་འཁྲུ་མི་ཐུབ་པ་ཞིག |
| རྒྱུ་ལྔ |
འབྱུང་བ་ཆེན་པོ་བཞིར་བརྟེན་ནས་གཟུགས་སུ་འགྱུར་བའི་རྒྱུ་ལྔ་སྟེ་འབྱུང་བའི་རྒྱུ། འདུག་པའི་རྒྱུ། རྗེས་སུ་འགྱུར་བའི་རྒྱུ། གནས་པར་བྱེད་པའི་རྒྱུ། འཕེལ་བར་བྱེད་པའི་རྒྱུ་བཅས་སོ། |
| རྒྱུ་ལྷག |
རྒྱུ་མ་དང་ལོང་ག་གཉིས་འབྲེལ་མཚམས་ནས་ལོགས་སུ་ནར་བའི་ཟས་སྐོམ་མི་རྒྱུ་བའི་རྒྱུ་མ་ཕྲ་ལ་ཐུང་ངུ་ཞིག |
| རྒྱུ་ཤ |
ནང་ཁྲོལ་གཉེ་མ། |
| རྒྱུ་ས |
འགྲོ་སའི་ལམ་ག། |
| རྒྱུ་སྐར |
1འཇིག་རྟེན་ན་ཡོངས་སུ་གྲགས་པའི་སྐར་མ་ཐམས་ཅད་ལ་རྒྱུ་སྐར་ཟེར་ཏེ། རྒྱུ་སྐར་ཉེར་བརྒྱད་ཟེར་བ་ལྟ་བུ། 2ཚན་རིག་གིས་གསར་དུ་ཤེས་པ་ནི་སྐར་མ་ལ་བརྟན་སྐར་དང་རྒྱུ་སྐར་གཉིས་ཡོད་པས། ཉི་མ་ནི་བརྟན་སྐར་ཞིག་ཡིན་ལ། སའི་གོ་ལ་ནི་རྒྱུ་སྐར་ཞིག་ཡིན་ཞིང་། ཉི་མའི་མཐའ་ན་རྒྱུ་སྐར་ཆེན་པོ་བརྒྱད་ཡོད་པ་ལས། གཟའ་མིག་དམར་དང་པ་སངས་གཉིས་རང་རེའི་མིག་གིས་དངོས་སུ་མཐོང་བ་མ་གཏོགས་རྒྱུ་སྐར་གཞན་མི་མཐོང་། རང་རེའི་མིག་གིས་མཐོང་བའི་སྐར་མ་ཕལ་ཆེ་བ་ནི་ཉི་མ་ཡིན་མོད། རང་རེ་དང་རྒྱང་ཧ་ཅང་ཧ་ཅང་རིང་བའི་དབང་གིས་འོད་ཀྱི་ཐིག་པ་ཆུང་ངུ་ཙམ་ལས་མ་མཐོང་བ་ཡིན། རྒྱུ་མ་ཡི་མིང་བསྡུས་པ། ０བརྒྱུ་ཡི་ད་ལྟ་བ། |
| རྒྱུ་སྐར་གཙོ |
མངོན ཟླ་བ། |
| རྒྱུ་སྐར་གྱི་རྐང་པ |
འདིར་རྐང་པ་ནི་བཞི་ཆ་རྒྱུ་སྐར་གཅིག་ཆ་བཞིར་ཕྱེ་བའི་ཆ་རེ་ལ། ཡུལ་གྱི་ཆུ་ཚོད་བཅོ་ལྔ་རེ་ཡོད་པ་དེ་ལ་རྒྱུ་སྐར་གྱི་རྐང་པ་ཟེར། དེ་ལྟར་རྐང་པ་དགུ་རེ་ལ་ཁྱིམ་གཅིག་གི་ཚད་ཡིན། ཁྱིམ་རེ་ལ་ཡུལ་གྱི་ཆུ་ཚོད་བརྒྱ་དང་སོ་ལྔ་རེ་ཡོད། 60 15 |
| རྒྱུ་སྐར་ངན་པ |
སྐར་མ་ངན་པ། |
| རྒྱུ་སྐར་ཆུ་ཚོད |
རྒྱུ་སྐར་ཉེར་བདུན་དྲུག་ཅུའི་ཆར་བྱས་པའི་ཡུལ་གྱི་ཆུ་ཚོད་མཁའ་མིག་རྒྱལ་ཏེ་1620 ལ་རྒྱུ་སྐར་ཆུ་ཚོད་ཟེར། |
| རྒྱུ་སྐར་ཉི་ཤུ་རྩ་བརྒྱད |
རྒྱུ་སྐར་ཉེར་བདུན་ནང་གི་གྲོ་བཞིན་ཞེས་པའི་མཐར་བྱི་བཞིན་ཞེས་པ་སྦྱར་ནས་ཉེར་བརྒྱད་འབྱུང༌། འོན་ཀྱང་གྲོ་བཞིན་དང་བྱི་བཞིན་གཉིས་ལ་སྐར་ཁྱོན་གཅིག་ལས་མེད་པས་ཉེར་བདུན་ཉིད་དུ་བརྩི། |
| རྒྱུ་སྐར་ཉེར་བདུན |
ཐ་སྐར་དང༌། བྲ་ཉེ། སྨིན་དྲུག་སྣར་མ། མགོ། ལག་ནབས་སོ། རྒྱལ། སྐག་མཆུ། གྲེ། དབོ། མེ་བཞི། ནག་པ། ས་རི། ས་ག། ལྷ་མཚམས། སྣྲོན། སྣྲུབས། ཆུ་སྟོད། ཆུ་སྨད། གྲོ་བཞིན། མོན་གྲེ། མོན་གྲུ། ཁྲུམས་སྟོད། ཁྲུམས་སྨད། ནམ་གྲུ་བཅས་རི་མོར་ཐིག་ཤར་ན་ཐ་སྐར། གཅིག་ཤར་ན་བྲ་ཉེ། ཉེར་དྲུག་ཤར་ན་ནམ་གྲུའོ། |
| རྒྱུ་སྐར་ཏོག |
མངོན སྐར་མ་བརྟན་པ། |
| རྒྱུ་སྐར་བདག་པོ |
མངོན ཟླ་བ། |
| རྒྱུ་སྐར་བཟང་བ |
སྐར་མ་ཡག་པོ། |
| རྒྱུ་སྐར་མུ་ཁྱུད |
མངོན ཟླ་བ། |
| རྒྱུ་སྐར་འཁོར་ལོ |
གཟའ་རྣམས་ཀྱིས་བགྲོད་བྱའི་གཞི། |
| རྒྱུ་སྐར་ལམ |
མངོན ནམ་མཁའ། |
| རྒྱུ་སྔོན་སོང་སྒྲུབ་ཀྱི་འབྲས་རྟགས |
འབྲས་བུའི་རྟགས་ལྔའི་ནང་གསེས། སྒྲུབ་བྱེད་འབྲས་བུ་མཐོང་བའི་རྟགས་ཀྱིས། བསྒྲུབ་ཆོས་རྒྱུ་སྔོན་དུ་སོང་བར་སྒྲུབ་པ་དཔེར་ན། བར་སྣང་གི་དུ་བ་སྔོ་ལོང་པོ་ཆོས་ཅན། རང་རྒྱུ་མེ་སྔོན་སོང་ཅན་ཡིན་ཏེ། དུ་བ་ཡིན་པའི་ཕྱིར། ཞེས་པ་ལྟ་བུའོ། |
| རྒྱུ་སྟོང |
ནང་ཁྲོལ་རྒྱུ་མ་སྟོང་པ། |
| རྒྱུ་སྟོད་གསང |
ལྟེ་བའི་འོག་ཏུ་ཚོན་གང་གཞལ་བའི་གནས་སུ་རྒྱུ་སྟོད་ཀྱི་ཆ་ཤས་དང་འབྲེལ་བའི་མེ་བཙའི་གསང་དེར་མེ་བཙའ་བཞག་ན་རྒྱུ་མར་གྲང་རླུང་ཞུགས་ནས་ཝུ་བ་དང་བེ་སྣབས་ཅན་འཁྲུ་བ་ལ་ཕན། |
| རྒྱུ་སྤུན |
སྣམ་བུའི་དཀྱུས་དང་འཕྲེད་དུ་གཏོང་བའི་སྐུད་པ། |
| རྒྱུ་སྤྱི་སྒྲུབ་ཀྱི་འབྲས་རྟགས |
འབྲས་བུ་རྟགས་ལྔའི་ནང་གསེས། སྒྲུབ་བྱེད་རེས་འགའ་བའི་རྟགས་ཀྱིས་བསྒྲུབ་ཆོས་རང་ཉིད་རྒྱུ་དང་བཅས་པའམ་ཡོད་པར་སྒྲུབ་པ་དཔེར་ན། ཉེར་ལེན་གྱི་ཕུང་པོ་ཆོས་ཅན། རང་རྒྱུ་དང་བཅས་པ་ཡིན་ཏེ། རེས་འགའ་བའི་དངོས་པོ་ཡིན་པའི་ཕྱིར། ཞེས་པ་ལྟ་བུའོ། |
| རྒྱུ་སྦྱོར་བ |
ཡོན་གྱི་བདག་པོའམ་རྒྱུ་གཏོང་མཁན། |
| རྒྱུ་སྨད་གསང |
ལྟེ་བའི་འོག་ཏུ་ཚོན་དོ་གཞལ་བའི་གནས་སུ་རྒྱུ་སྨད་ཀྱི་ཆ་ཤས་དང་འབྲེལ་བའི་མེ་བཙའི་གསང་ཞིག་དེར་མེ་བཙའ་བཞག་ན་རྒྱུ་མར་གྲང་རླུང་ཞུགས་ནས་ཝུ་བ་དང་བེ་སྣབས་ཅན་འཁྲུ་བ་ལ་ཕན། |
| རྒྱུ་སྲང |
འགྲོ་ས་དོག་པོའི་སྲང་ལམ། |
| རྒྱུ་སྲིན |
རྒྱུ་མའི་ནང་དུ་སྐྱེས་པའི་འབུ་སྲིན། |
| རྒྱུག |
(བྱེད་མེད་ལས་ཚིག་ད་ལྟ་བ) སྔོན་ལ་མྱུར་དུ་བསྐྱོད་པའི་དོན་ཏེ། རྟ་རྒྱུག་འགྲན། མི་རྒྱུག་འགྲན། རྒྱུག་མཁན་ཞེས་པ་ལྟ་བུ། |
| རྒྱུག་ཁྱི |
ངན་ལས་བྱེད་མཁན་ལ་རོགས་བྱེད་མཁནཏེ བཙན་རྒྱལ་རིང་ལུགས་ཀྱི་རྒྱུག་ཁྱི ཞིང་བདག་གི་རྒྱུག་ཁྱི་ཞེས་པ་ལྟ་བུ |
| རྒྱུག་ཁྲ |
ཁང་པའི་རྒྱ་མཐོངས་སོགས་ཀྱི་མཐའ་སྐོར་སྒྲོམ་སྐྱོར། |
| རྒྱུག་གུག |
རྐང་ཐང་ཐག་རིང་འགྲུལ་པའི་རྡོག་ཁྲེས་འཁྱེར་སྤྱད་ཅིག་སྟེ་ཁུར་ཤིང་ཡང་ཟེར། |
| རྒྱུག་ཆུ |
འབབ་འགྲོ་བའི་ཆུ་རྒྱུན། |
| རྒྱུག་ཆེ་བ |
1མགྱོགས་དྲགས་པ། 2ཚོང་བྲིན་བདེ་བ། |
| རྒྱུག་ཐིག |
གླ་བ་སོགས་རྒྱུན་དུ་འགྲོ་སའི་ལམ་ཆུང་ལ་ཟེར་ཞིང༌། རྔོན་པ་རྣམས་ཀྱིས་ལམ་ཐིག་དེར་བརྟེན་ནས་འཛིན་ཐབས་བྱེད། |
| རྒྱུག་དུས |
ཚོང་ཟོག་སོགས་འགྲོ་རྒྱུག་ཆེ་བའི་དུས། |
| རྒྱུག་པ |
1.ཐ་དད་པ བརྒྱུགས་པ། བརྒྱུག་པ། རྒྱུགས།། འགྲོས་མགྱོགས་པོར་གཏོང་བ། མི་འདི་རྟ་རྒྱུག་མཁས་པོ་འདུག རྟ་བརྒྱུགས་ཏེ་མདའ་འཕངས་པ། 2.ཐ་མི་དད་པ རྒྱུགས་པ། རྒྱུག་པ། རྒྱུགས།། 1མགྱོགས་པར་འགྲོ་བ། ཕུ་རྒྱུག་མདའ་རྒྱུག ང་མགྱོགས་པར་རྒྱུགས་ནས་རྗེས་ཟིན་ཐུབ་ཙམ་བྱུང༌། ཁྱོད་ཕར་རྒྱུགས་ཤིག སུ་རྒྱུག་མགྱོགས་པ་འདུག་ལྟོས་དང༌། 2འབབ་པ། གཙང་པོའི་ཆུ་མི་རྒྱུག་པ། 3ཚོང་ཟོག་བྲིན་པ་དང༌། འགྲོ་བ། དེང་སང་ཚོང་ཟོག་རྒྱུག་དཀའ་བའི་སྒང་རེད། 3.དབྱུག་པ། |
| རྒྱུག་པ་འཁྲོག་ལངས |
འཁྲུག་རྐྱེན་བཟོ་བའི་དཔེ། ཕན་ཚུན་མཐུན་པའི་བར་དུ་རྒྱུག་པ་འཁྲོག་ལངས་མ་བྱེད། |
| རྒྱུག་པ་ལེབ་འདུར |
དམིགས་བསལ་གང་ཡང་མེད་པར་ཆ་སྙོམས་བྱེད་པའི་དཔེ། ད་ལམ་གྱི་ཁྲལ་འདིར་གཞུང་སྒེར་ཆོས་གསུམ་ཚང་མ་རྒྱུག་པ་ལེབ་འདུར་དུ་བསྐུལ་དགོས། |
| རྒྱུག་བྱེད |
མངོན རྐང་པ། |
| རྒྱུག་མཆོང |
1རྒྱུག་པ་དང་མཆོང་བ། 2མངོན སྤྲེའུ། |
| རྒྱུག་འགྲན |
གོམ་རྒྱུག་སུ་མགྱོགས་འགྲན་སྡུར། ས་བདེ་མོར་མི་རྟའི་བང་རྩལ་རྒྱུག་འགྲན་བྱས་པ། |
| རྒྱུག་ཡིག |
དབུ་མེད་འཁྱུག་ཡིག |
| རྒྱུག་རྟ |
རྟ་རྒྱུག་འགྲན་བསྡུར་བྱེད་པའི་རྟ། |
| རྒྱུག་ལམ |
1མི་ཕྱུགས་ཆུ་སོགས་འགྲོ་སའི་ལམ་ཤུར། 2གླ་བ་སོགས་རི་དྭགས་འགའ་ཞིག་རྒྱུན་དུ་འགྲོ་འགྲོ་བས་གོམས་བྱང་གི་ལམ་ཞིག 3བང་འགྲོས་གཏོང་སའི་ལམ། |
| རྒྱུག་ཤད |
སྐྲ་ཤད། སྐྲ་ལ་རྒྱུག་ཤད་བརྒྱབ་སྟེ་ལན་བུར་བསླས། |
| རྒྱུག་ཤར |
ཞར་འཕེན་ནམ་བང་རྒྱུག སློབ་ཕྲུག་མང་པོ་ལུས་རྩལ་ཐང་དུ་རྒྱུག་ཤར་གློད་དེ་འགྲོ་བ། |
| རྒྱུག་ཤུར |
བཙུགས་ཕྲུག་གི་ཕྲུག་སྐུད་གཏུབ་སའི་ཤིང༌། |
| རྒྱུག་ཤེད |
བང་རྩལ་འགྲོ་རྒྱུག་གི་ཤེད་ཤུགས། རྟ་ལ་རྒྱུག་ཤེད་ཡོད་ན་བྱང་ཐང་སྟོང་པ་རེད། |
| རྒྱུག་སུག |
དབྱུག་པ་ཐུག་ཐུག་བྱེད་པའི་བརྡ། སྒོ་ལ་རྒྱུག་སུག་གཏོང་བ། |
| རྒྱུག་ཧྲིལ |
དབྱུག་པ་ཧྲིལ་ཧྲིལ་ལམ་ཀན་ཁྲང༌། |
| རྒྱུགས |
1.རྒྱུག་པའི་སྐུལ་ཚིག 2 1སྐལ་བ། ཇ་རྒྱུགས། ཐུག་རྒྱུགས། 2གོམས་འདྲིས་ཀྱི་ཚད་གཞི། དཔེ་རྒྱུགས། ཡིག་རྒྱུགས། དཔེ་ཚིག་བློ་འཛིན་གྱི་རྒྱུགས་ཆད་པ། སློབ་སྦྱོང་གི་གོ་རྟོགས་བློ་རྒྱུགས་འགྲན་པ།…3. ཚོང་རྫས་ཉོ་མཁན་མང་བ་དང་དངུལ་ལོར་སོགས་ཐུན་མོང་དུ་བཀོལ་བའི་དོན་ཏེ། ཚོང་བརྒྱུགས། རྒྱལ་ཁབ་སོ་སོའི་བར་ལ་བརྒྱུགས་པའི་དངུལ་ལོར་ཞེས་པ་ལྟ་བུ། ０སྔོན་ལ་ཁར་སྦྱར་ན་གཞན་གྱིས་བཤད་པའི་ཚིག་རྗེས་སུ་འོལ་ཚོད་ཀྱིས་འབྲངས་པ་ མི་ངན་གྱི་ཁར་རྒྱུག་མི་རུང་། ངན་པའི་ཁར་བརྒྱུགས་ན་མཐའ་མཇུག་ཕུང་ལ་སྦྱོར་ལྟ་བུ། |
| རྒྱུགས་པ |
ཐ་མི་དད་པར་འཇུག་པའི་རྒྱུག་པའི་འདས་པ། |
| རྒྱུགས་འཕྲོད |
དཔེ་ཆ་སོགས་རྒྱུགས་སྤྲད་ནས་འཕྲོད་པ། |
| རྒྱུགས་ཡིག |
རྒྱུགས་སྤྲོད་རྒྱུའི་ཡི་གེ། |
| རྒྱུགས་ལེན |
གོམས་འདྲིས་ཀྱི་ཚད་གཞི་ལྟ་བ། |
| རྒྱུགས་ལེན་འདེམས་སྒྲུག |
ལེགས་ཉེས་བལྟས་ཏེ་འདེམས་སྒྲུག |
| རྒྱུགས་སྤྲོད |
དཔེ་ཆ་བློ་ནས་རྒྱུགས་སྤྲོད་པའི་མིང༌། |
| རྒྱུང |
(བྱེད་འབྲེལ་ལས་ཚིག་ད་ལྟ་བ)ལྟོ་བ་འཁྲུ་བར་བྱེད་པའི་དོན་ཏེ། སྦྱོང་སྨན་གྱིས་ནད་རྒྱུང་དགོས་ལྟ་བུ། མ་འོངས་པར་བརྒྱུང་དང་། འདས་པར་བརྒྱུངས། སྐུལ་ཚིག་ལ་རྒྱུངས་འབྲི། |
| རྒྱུངས |
མི་ཕྱུགས་ཀྱི་སྒལ་ཚིགས་ཀྱི་སྦུ་གུ་ཧྲིལ་བོའི་ནང་ལ་ཆགས་ནས་ཡར་སྣེ་ཀླད་པ་དང་འབྲེལ་ཡོད་པའི་དངོས་པོ་དཀར་པོའི་མིང་ ཕལ་སྐད་དུ་སྒལ་རྣག་ཀྱང་ཟེར། དེ་ནི་ལུས་ཀྱི་རེག་ཚོར་ཀླད་པར་སྐྱེལ་ཞིང་། ཀླད་པའི་ངར་སྣང་ལུས་ཀྱི་ཆ་སོ་སོར་སྐྱེལ་བའི་ལམ་གལ་ཆེན་ཞིག་ཡིན། རྒྱུང་ལ་ལྟོས། |
| རྒྱུངས་པ |
སྒལ་ཚིགས་ཀྱི་སྦུབས་སུ་གནས་པའི་སྒལ་ཀླད་ཀྱང་ཟེར་བའི་སྲོག་རྩ་དཀར་པོའི་མིང་གཞན་ཞིག |
| རྒྱུད |
1སྔ་ཕྱི་བར་མི་འཆད་པའི་དཀྱུས་གཅིག་གམ་སྟར་གཅིག ཕའི་རྒྱུད་བུས་འཛིན། སྐྱེ་རྒྱུད། ལུས་རྒྱུད། སེམས་རྒྱུད། ཤེས་རྒྱུད། ལུ་གུ་རྒྱུད། 2སྐུད་པ། གཞུའི་རྒྱུད། སྒྲ་སྙན་རྒྱུད་གསུམ་པ། ཕྲེང་རྒྱུད། 3ཡུལ་ཕྱོགས་སམ་ས་ཁུལ། ཆུ་རྒྱུད། རི་རྒྱུད། ས་རྒྱུད། གྲོང་ཁྱེར་གྱི་ཉེ་རྒྱུད། 4རིགས་རུས། རུས་རྒྱུད། ཁྲག་རྒྱུད། མིའི་རྒྱུད། རྟ་རྒྱུད། སོན་རྒྱུད་བཟང་པོ། 5ཏནྡྲཿ གསང་སྔགས་དང་དེའི་གཞུང་རྣམས། མདོ་རྒྱུད། ཕ་རྒྱུད། མ་རྒྱུད། སྨན་གྱི་རྒྱུད་བཞི། |
| རྒྱུད་ཀྱི་འཆད་ཐབས་བཞི |
དོན་གྱི་ཁོག་ཁྱུང་གིས་ནམ་མཁའི་དབྱིངས་འཇལ་བ་ལྟར་ཕུབ། དཀྱུས་ཀྱི་ས་སྟག་མོ་ནགས་ལ་མཆོང་བ་ལྟར་བཅད། ཚིག་གི་དོན་རུས་སྦལ་དལ་གྱིས་འགྲོ་བ་ལྟར་བཤད། མན་ངག་གི་དོན་མུ་ཏིག་བསྟར་ལ་བརྒྱུས་པ་བཞིན་བསྡུ་བ་སྟེ་རྒྱུད་ཀྱི་འཆད་ཐབས་བཞིའོ། |
| རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ |
རྒྱུད་གསང་བ་སྙིང་པོ། |
| རྒྱུད་ཀྱི་སྟོན་པ |
རྒྱུད་སྡེ་བཞི་གསུང་བ་པོ་རྒྱལ་བ་རྡོ་རྗེ་འཆང༌། |
| རྒྱུད་གཅིག་པ |
1པི་ཝང་རྒྱུད་སྐུད་གཅིག་པ། 2རིགས་རྒྱུད་གཅིག་པ། |
| རྒྱུད་གཉིས |
ཕ་རྒྱུད་དང་མ་རྒྱུད་གཉིས་སོ། |
| རྒྱུད་གཞན་གྲུབ་པ |
རྒྱུད་གཞན་གྲུབ་པ་ཞེས་བྱ་བའི་རབ་ཏུ་བྱེད་པ། ངག་ལས་གཞན་བློ་རྟོགས་པ་ཐ་སྙད་དུ་སེམས་ཙམ་ལའང་མི་འགལ་བར་སྟོན་པ། སློབ་དཔོན་ཆོས་ཀྱི་གྲགས་པས་མཛད་པའི་ཚད་མ་སྡེ་བདུན་ལས་འཕྲོས་པ་ཡན་ལག་ལྟ་བུའི་བསྟན་བཅོས་བཞིའི་གྲས་ཤིག |
| རྒྱུད་གསང་བ་སྙིང་པོ |
རྒྱུད་སྒྱུ་འཕྲུལ་དྲ་བའོ། |
| རྒྱུད་གསུམ |
1རྒྱུན་ཆགས་གསུམ་པ་དང་དོན་གཅིག 2ས་སྐྱ་པའི་ལམ་འབྲས་ཀྱི་ཉམས་ལེན་དངོས་གཞི་གསང་སྔགས་རྡོ་རྗེ་ཐེག་པའི་གཞི་ལམ་འབྲས་བུ་རྣམས་རྒྱུད་གསུམ་དུ་དྲིལ་ནས་ཉམས་སུ་ལེན་པ་ཀུན་གཞི་རྒྱུ་རྒྱུད་ལ་འཁོར་འདས་དབྱེར་མེད་ཀྱི་ལྟ་བ་སྐྱོང་བ། ལུས་ཐབས་རྒྱུད་ལ་དབང་བཞི་དང་འབྲེལ་བའི་ལམ་བསྒོམ་པ། མཐར་ཐུག་འབྲས་བུའི་རྒྱུད་ལ་སྐུ་ལྔ་ཡེ་ཤེས་ལྔའི་ཡོན་ཏན་འཆར་བའོ། |
| རྒྱུད་གྱོང་པོ |
ལས་སླ་པོར་འདུལ་མི་ཐུབ་པའི་སེམས་མཁྲེགས་པོའམ་གཏུམ་པོ། བག་མེད་ཀྱི་སྤྱོད་པ་ལ་གོམས་ཤུགས་ཆེ་བའི་རྒྱུད་གྱོང་པོ། |
| རྒྱུད་གྲྭ |
གསང་སྔགས་འཆད་ཉན་བྱེད་སའི་གྲྭ་ཚང༌། |
| རྒྱུད་གྲྭ་སྟོད་སྨད |
རབ་བྱུང་བདུན་པའི་ཆུ་གླང་ལོར་རྗེ་ཙོང་ཁ་པའི་སློབ་མ་སྲད་རྗེ་བཙུན་ཤེས་རབ་སེང་གེས་ལྷ་སར་ཕྱག་བཏབ་པ་རྒྱུད་སྨད་དང༌། དེའི་སློབ་མ་གནས་རྙིང་བ་རྗེ་བཙུན་ཀུན་དགའ་དོན་གྲུབ་ཀྱིས་རབ་བྱུང་བརྒྱད་པའི་ཤིང་རྟ་ལོར་ཕྱག་བཏབ་པ་ལ་རྒྱུད་སྟོད་ཟེར། |
| རྒྱུད་ཆགས |
ཕྲུ་གུ་མངལ་དུ་ཆགས་པ། |
| རྒྱུད་པ |
1.ཐ་དད་པ བརྒྱུས་པ། བརྒྱུ་བ། རྒྱུས།། ཨི་ཁུང་ནང་དུ་སྐུད་པ་སོགས་འཇུག་པ། ཕྲེང་རྒྱུད་མཁན་གྱིས་གསེར་གྱི་སྐུད་པར་མུ་ཏིག་གི་ཕྲེང་རྡོག་རྣམས་རྒྱུ་བཞིན་འདུག ཁབ་མིག་ལ་སྐུད་པ་རྒྱུས་ཤིག 2 1རྒྱུད་གྲྭའི་སྒྲིགས་ལ་ཡོད་པའི་གྲྭ་པ། བླ་མ་རྒྱུད་པ། 2རིགས་རུས། རྒྱལ་རྒྱུད། རྒྱའི་རྒྱུད་པ། རིགས་ཀྱི་རྒྱུད་པ། གདུང་རྒྱུད། སྐུའི་རྒྱུད་པ། རིགས་ཀྱི་རྒྱུད་པ་ཆད་པ། རྟའི་རྒྱུད་པ། |
| རྒྱུད་བཞི |
སྨན་གྱི་རྒྱུད་བཞིའི་བསྡུས་ཚིག་ |
| རྒྱུད་བཞིའི་དཀའ་མཆན་འདོད་འབྱུང་ནོར་བུའི་མེ་ལོང |
དུས་རབས་བཅུ་དགུ་པའི་ནང་འཇུ་མི་ཕམ་རྣམ་རྒྱལ་རྒྱ་མཚོས་མཛད་པའི་དཔལ་ལྡན་རྒྱུད་བཞིའི་དཀའ་གནད་རྣམས་གསལ་བར་བཀྲོལ་བའི་མཆན་འགྲེལ་ཞིག |
| རྒྱུད་བཞིའི་དཀའ་འགྲེལ་མུན་སེལ་སྒྲོན་མེ |
རབ་བྱུང་བདུན་པའི་ནང་བྱང་པ་རྣམ་རྒྱལ་གྲགས་བཟང་གིས་མཛད་པའི་དཔལ་ལྡན་རྒྱུད་བཞིའི་དཀའ་གནད་རྣམས་གསལ་བར་འགྲེལ་པ་ཞིག |
| རྒྱུད་བཞིའི་དཀའ་འཕྲང་མུན་སེལ |
རབ་བྱུང་བདུན་པའི་ནང་བྱང་པ་རྣམ་རྒྱལ་གྲགས་བཟང་གིས་མཛད་པའི་དཔལ་ལྡན་རྒྱུད་བཞིའི་དཀའ་གནད་རྣམས་གསལ་བར་འགྲེལ་བའི་སྨན་གྱི་བསྟན་བཅོས་ཤིག |
| རྒྱུད་བཞིའི་བཤད་པ་གཞན་ལ་ཕན་པའི་གཏེར |
རབ་བྱུང་དགུ་པའི་ནང་འབྲུག་པ་པདྨ་དཀར་པོས་མཛད་པའི་དཔལ་ལྡན་རྒྱུད་བཞིའི་འགྲེལ་པ་ཞིག |
| རྒྱུད་བརྟག་གཉིས |
ཀྱེ་རྡོ་རྗེའི་རྒྱུད་དེ་ལེའུ་གཉིས་ཀྱི་གཞུང་ཚད་ཅན། |
| རྒྱུད་བླ་མ |
དེ་བཞིན་གཤེགས་པའི་སྙིང་པོའི་མདོའི་དོན་དང་མཐུན་པར་ཐེག་ཆེན་གྱི་ལྟ་བ་སྟོན་པའི་གཞུང༌། འཕགས་པ་བྱམས་པས་མཛད་པའི་བྱམས་ཆོས་སྡེ་ལྔའི་ཡ་གྱལ་ཞིག |
| རྒྱུད་མང |
པི་ཝང་དང་ཏམ་བུ་ར་སོགས་རོལ་མོ་རྒྱུད་ཅན་གྱི་སྤྱི་མིང་། １མིའི་སེམས་ཀྱི་ཁོངས་སམ་དུད་འགྲོས་མྱོང་ཚོར་བྱེད་པའི་ནུས་པའི་མིང་ མི་ཤེས་རྒྱུད་དྲང་པོ། བྱིས་པ་སེམས་རྒྱུད་དྲང་པོ། ངན་པ་སེམས་རྒྱུད་འཁྱོག་པོ་ཤེས་རྒྱུད་ཀྱིས་བསྡུས་པ་ཞེས་པ་ལྟ་བུ། ２གཞུང་ལུགས་ཀྱི་མིང་ གསོ་བ་རིག་པའི་རྒྱུད། སྨན་གྱི་རྒྱུད་བཞི་ཞེས་པ་ལྟ་བུ། ３གཅིག་ནས་གཅིག་ཏུ་འབྲེལ་བའི་དངོས་པོའི་མིང་ རྫ་རྒྱུད། རི་རྒྱུད། ཁང་རྒྱུད་ཅེས་པ་ལྟ་བུ། ４སངས་རྒྱས་ཆོས་ལུགས་ཀྱི་ནང་གི་གསང་སྔགས་ཞེས་པའི་ཆོས་ཀྱི་དཔེ་ཆའི་མིང་ མདོ་རྒྱུད་ཅེས་པ་ལྟ་བུ། |
| རྒྱུད་མངས |
རྒྱུད་མང་དང་འདྲ། |
| རྒྱུད་ཚིག་པ |
སེམས་ཁྲོ་བའམ་མི་དགའ་བའི་རིགས་ཤིག རྒྱུད་ཚིག་པར་ནི་མི་བྱ་དེ་རྣམས་ཉེས་པས་རྨོངས་ཕྱིར་རོ། |
| རྒྱུད་ཚོགས་སུ་མ་ཚང་བ |
འདུལ་བ་ལས་བཤད་པའི་མཐུན་རྐྱེན་ལྔའི་ནང་ནས་བསམ་པའི་མཐུན་རྐྱེན་ཞིག་བསྒྲུབ་བྱ་ལ་དགེ་བསྙེན་བར་མ་རབ་བྱུང་དགེ་ཚུལ་བསྙེན་རྫོགས་ཀྱི་སྡོམ་པ་འབོགས་པ་ལ། གསུམ་མན་ཆད་དུ་གནས་པ་དགོས་ཀྱི། དེ་ལས་ལྷག་པ་ལ་ལྷན་ཅིག་ཏུ་སྡོམ་པ་ཕོག་ཀྱང་མི་སྐྱེ་བ། |
| རྒྱུད་འཛིན |
1རིགས་རྒྱུད་འཛིན་པ། 2རིགས་རྒྱུད་དམ་རིང་ལུགས་འཛིན་མཁན། |
| རྒྱུད་ཡས |
གྲངས་གནས་ཤིག |
| རྒྱུད་རབས |
རིགས་རུས་ཀྱི་རྒྱུད་རིམ། |
| རྒྱུད་རྣམས་འཛིན |
མངོན ཆུ་ཤིང༌། |
| རྒྱུད་ལས་འཕོས |
མངོན མདའ་འཕངས་པ། |
| རྒྱུད་ལས་སུ་རུང་བ |
ལུས་སེམས་ལས་སུ་བཀོལ་རུང་བ། |
| རྒྱུད་ལས་སྐྱེས་པའི་དབྱངས |
སྒྲ་སྙན་སོགས་རྒྱུད་སྐུད་བརྡུངས་པ་ལས་བྱུང་བའི་སྒྲ་དབྱངས། |
| རྒྱུད་ལྔ |
འགྲོ་བ་རྒྱུད་ལྔ་དང་དོན་གཅིག་ |
| རྒྱུད་སྒྱུ་འཕྲུལ་དྲ་བ |
རྒྱུད་གསང་བ་སྙིང་པོ་དཔལ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཅེས་བྱ་བ། རྙིང་རྒྱུད་ཀྱི་གཙོ་བོ་རྡོ་རྗེ་སེམས་དཔའ་སྒྱུ་འཕྲུལ་དྲ་བ་ལེའུ་རྩ་གཉིས་ཀྱི་རང་བཞིན་ཅན། བི་མ་ལ་དང་གཉགས་ཛྙཱ་ན་ཀུ་མའ་ར། རྨ་རིན་ཆེན་མཆོག་གསུམ་གྱིས་བསྒྱུར་པ། |
| རྒྱུད་སྟོད་གྲྭ་ཚང |
ལྷ་ས་ཁུལ་དུ་ཡོད་པའི་དགེ་ལུགས་པའི་རྒྱུད་པ་གྲྭ་ཚང་སྟོད་སྨད་གཉིས་སུ་ཕྱེ་བའི་རྒྱུད་སྟོད་པ་འདིས་བར་སྐབས་རྒྱས་བཏབ་ར་མོ་ཆེ་ཚོགས་ཡུལ་དུ་བྱས། |
| རྒྱུད་སྡེ |
ཐེག་པ་ཆེན་པོ་གསང་སྔགས་རྡོ་རྗེ་ཐེག་པའི་དབང་དང༌། ལམ་གྱི་རྣམ་གཞག་སྒྲུབ་ཐབས། ལས་ཚོགས་སོགས་ཅི་རིགས་སྟོན་པའི་ཆོས་ཀྱི་སྡེ་ཚན། |
| རྒྱུད་སྡེ་གོང་མ |
རྣལ་འབྱོར་རྒྱུད་དང༌། རྣལ་འབྱོར་བླ་མེད་ཀྱི་རྒྱུད་གཉིས། |
| རྒྱུད་སྡེ་དྲུག |
བྱ་རྒྱུད། སྤྱོད་རྒྱུད། རྣལ་འབྱོར་རྒྱུད་དེ་ཕྱི་རྒྱུད་སྡེ་གསུམ་དང༌། ཕ་རྒྱུད། མ་རྒྱུད། གཉིས་མེད་རྒྱུད་དེ་ནང་རྒྱུད་སྡེ་གསུམ་སྟེ་དྲུག |
| རྒྱུད་སྡེ་བདུན |
ཇོ་བོ་རྗེའི་ལམ་སྒྲོན་རང་འགྲེལ་ལས། བྱ་བའི་རྒྱུད་དང༌། སྤྱོད་པའི་རྒྱུད། རྟོག་པའི་རྒྱུད། གཉིས་ཀའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་ཆེན་པོའི་རྒྱུད། རྣལ་འབྱོར་བླ་ན་མེད་པའི་རྒྱུད་དོ། ཞེས་གསུངས་སོ། |
| རྒྱུད་སྡེ་བཞི |
བྱ་བའི་རྒྱུད་དང༌། སྤྱོད་པའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་བླ་ན་མེད་པའི་རྒྱུད་དེ་བཞི། |
| རྒྱུད་སྡེ་འོག་མ |
བྱ་རྒྱུད་དང་སྤྱོད་རྒྱུད་གཉིས། |
| རྒྱུད་སྨད་གྲྭ་ཚང |
ལྷ་ས་ཁུལ་དུ་ཡོད་པའི་དགེ་ལུགས་པའི་རྒྱུད་པ་གྲྭ་ཚང་སྟོད་སྨད་གཉིས་སུ་ཕྱེ་བའི་རྒྱུད་སྨད་པ། འདིས་བར་སྐབས་ཤིག་ལྷ་ས་རྨེ་རུ་དགོན་ཚོགས་ཡུལ་དུ་བྱས། |
| རྒྱུན |
1རང་གི་བདག་ཉིད་དུ་གྱུར་པའི་སྐད་ཅིག་སྔ་ཕྱི་དུ་མ་ཡོད་པའི་དངོས་པོ། དཔེར་ན། ལོ་དང༌། ཟླ་བ། ཞག་དང༌། དུས་ཚོད་རྣམས་སོ། དུས་རྒྱུན། ནམ་རྒྱུན། ལས་རྒྱུན་རིང་པོ་འགོར། ཆུ་རྒྱུན་རྟག་ཏུ་འབབ། རིག་རྒྱུན་བར་མ་ཆད་དུ་མཐུད། ཐོན་སྐྱེད་ལག་རྩལ་གྱི་རྒྱུན་འཇགས་པ། སྨན་དཔྱད་ལག་ལེན་གྱི་རྒྱུན་བསྟར་བ། གོམས་སྲོལ་བཟང་པོའི་རྒྱུན་ཆགས་པ། ལས་ཀའི་འགོ་ནས་གཞུག་བར་ཧུར་བརྩོན་རྒྱུན་འཁྱོངས་པ། རྒྱུན་དུ་སློབ་སྦྱོང་བྱས་པ། སྔར་སྲོལ་ངན་པའི་རྒྱུན་བཅད་པ། ལྕགས་ལམ་དུ་མེ་འཁོར་རྒྱུན་མི་འཆད་པར་འགྲོ་འོང་བྱེད་པ། 2རྗེས་འབྲང་གི་གྲངས་རྣམས། རྒྱུན་བཅས་ལོངས་སྤྱོད་དག་བརྟག་པ། |
| རྒྱུན་ཁྲིགས |
བར་མ་ཆད་པ་དང་དུས་རྟག་པ། ཡུལ་ལུང་རྒྱ་ཁྱབ་ཚང་མར་ཤིང་ནགས་མཐུག་པོ་རྒྱུན་ཁྲིགས་སུ་ཆགས་ཡོད་པ། |
| རྒྱུན་གཅིག |
1རྒྱུད་གཅིག 2དཀྱུས་གཅིག |
| རྒྱུན་གཏན |
དུས་རྒྱུན། རྒྱུན་གཏན་ལམ་ལུགས། |
| རྒྱུན་གཏོར |
རྒྱུན་དུ་གཏོང་བའམ་འཇོག་པའི་གཏོར་མ། |
| རྒྱུན་གཟན |
རབ་བྱུང་གི་རྒྱུན་དུ་དཀྲི་བྱའི་གཟན། |
| རྒྱུན་གསུམ་པ |
མངོན ཆུ་བོ་གང་གཱ། |
| རྒྱུན་གོས |
དུས་རྒྱུན་དུ་གྱོན་རྒྱུའི་གོས། |
| རྒྱུན་གྱི་མྱུ་གུ |
མངོན ཆར་ཟིམ། |
| རྒྱུན་ཆགས |
མཚམས་མི་འཆད་པའམ་བར་མི་འཆད་པ། |
| རྒྱུན་ཆགས་གསུམ་པ |
གསོ་སྦྱོང་གི་སྦྱོར་ཆོག་ཅིག་དང་པོར་གཙུག་ལག་ཁང་གི་བདག་པོ་དང་ལྷ་རྣམས་ཀྱི་དོན་དུ་མདོ་བསྐུལ་ནས་མདོ་འདོན་པ་དང༌། གཞི་བདག་སོགས་ལ་གཏོར་མ་བྱིན་ནས་དཀོན་མཆོག་ལ་ཕྱག་བྱས་ཏེ་རྒྱུན་བཤགས་བྱེད། དེ་ནས་ལྷ་མི་ལ་སོགས་པའི་སྐྱེ་བོ་མང་པོ་ཆོས་ཉན་པ་ལ་བསྐུལ་བའི་དོན་དུ་ཆོས་བསྒྲགས་ཀྱི་མདོ་ཚིགས་སུ་བཅད་པ་བཞི་བསྟན་ནས་ཕྱག་འཚལ་བའི་རྒྱུད། མདོ་འདོན་པའི་རྒྱུད། བསྔོ་བའི་རྒྱུད་དེ་རྒྱུད་གསུམ་དང་ལྡན་པའི་སྒོ་ནས་ཚུལ་ཁྲིམས་རྣམ་དག་གི་མདོ་ལ་སོགས་པའི་ཆོས་བཤད་ཅིང་ཉན་པར་བྱེད་པའོ། |
| རྒྱུན་ཇ |
1དུས་རྒྱུན་འཐུང་ཇ། 2དགོན་སྡེ་ཁག་གི་དུས་རྒྱུན་འཆར་ཅན་མང་ཇ། |
| རྒྱུན་དུ་ཞུགས་པའི་འབྲས་བུ |
ཤྲོཏཱཡནྣན དགེ་སྦྱོང་གི་འབྲས་བུ་བཞིའི་ནང་གསེས། མཐོང་སྤང་སྤངས་ནས་སྒོམ་སྤང་མ་སྤངས་པའོ། |
| རྒྱུན་དུ་འཇོག་པ |
སེམས་གནས་དགུའི་གཉིས་པ། དང་པོར་གཏད་པའི་སེམས་དེ་ཉིད་གཞན་དུ་མི་གཡེང་བར་དམིགས་པ་དེ་ལ་རྒྱུན་དུ་འཇོག་པའོ། |
| རྒྱུན་ནུ |
ཡུལ ཀོ་བའི་རྒྱུན་བུ། |
| རྒྱུན་པ |
1རྟག་པ། 2མི་ཤི་བའི་ཕུང་པོ་ཁྱིམ་ནང་དུ་ཉིན་ཅི་ཙམ་བཞག་པ་དེའི་རིང་ཞལ་འདོན་གནང་མཁན་གྱི་བླ་གྲྭ། |
| རྒྱུན་ཕྱོགས |
ཆུ་རྒྱུག་སའི་གཞུང་ཕྱོགས། ཤྭ་འོད་ཀྱི་ཆུ་ལོག་ཆེན་པོ་རྒྱུན་ཕྱོགས་མ་ཡིན་པར་ཤོར་བ། ཐོག་བརྩེགས་ཅན་གྱི་གྲུ་གཟིངས་ལ་འཛུལ་ནས་གཙང་ཆུ་ཆེན་པོའི་རྒྱུན་ཕྱོགས་སུ་ཞུགས་པ། གྲུ་གཟིངས་ཆུ་གཞུང་གི་རྒྱུན་ཕྱོགས་ལས་བཟློག་སྟེ་གཏོང་བ། རྩྭ་ཤིང་མང་པོ་ཆུ་ཀླུང་གི་རྒྱུན་ཕྱོགས་སུ་ཁྱེར་བ། |
| རྒྱུན་བཙུགས |
བར་མི་འཆད་པའི་སྲོལ་བཏོད། དཀར་མེ་རྒྱུན་བཙུགས། སྐུ་ཚབ་རྒྱུན་བཙུགས་བསྐོས་པ། |
| རྒྱུན་བཟང |
རྒྱུན་སྲོལ་བཟང་པོ། |
| རྒྱུན་བཤགས་ཀྱི་ཡན་ལག་བདུན་པ |
སྡིག་པ་བཤགས་པ། རྗེས་སུ་ཡི་རང་བ། དོན་དམ་བྱང་ཆུབ་ཀྱི་སེམས་བསྐྱེད་པ། སྐྱབས་སུ་འགྲོ་བ། སྨོན་སེམས་བསྐྱེད་པ། འཇུག་སེམས་བསྐྱེད་པ། བསྔོ་བ་རྣམས་སོ། |
| རྒྱུན་བསྲིངས |
རྒྱུན་སྲིང་དང་འདྲ། |
| རྒྱུན་བུ |
ཀོ་བའི་སྐུད་པ། ཀོ་བ་གཅིག་ནས་དྲས་པའི་རྒྱུན་བུ། |
| རྒྱུན་བུ་ཀོ་འབྲེག |
རྒྱུ་དངོས་གང་ཡོད་པའི་ཐོག་ནས་གང་དགོས་གཏོང་བ། གཤིན་པོའི་འཛིན་ཆས་གང་ཡོད་ཀྱི་སྟེང་ནས་རྒྱུན་བུ་ཀོ་འབྲེག་གིས་མཆོད་འབུལ་བྱེད་པ། |
| རྒྱུན་མཁོ |
རྟག་ཏུ་དགོས་པའམ་རྟག་པར་མེད་དུ་མི་རུང་བ། རྒྱུན་མཁོའི་ཤེས་ཡོན། |
| རྒྱུན་མཆོད |
དུས་ནར་མའམ་རྣམ་ཀུན་འབུལ་བའི་མཆོད་པ། |
| རྒྱུན་མཐའ |
རྫས་རྒྱུན་མཐའ་མ་དང༌། སེམས་རྒྱུན་མཐའ་མ་སྐད་ཅིག་གཉིས་པར་འཚང་རྒྱ་ངེས་ཀྱི་རྒྱུན་མཚམས། |
| རྒྱུན་མཐུད |
མུ་མཐུད། |
| རྒྱུན་ཚུགས |
རྟག་ཏུ་གནས་པའམ་བར་མ་ཆད་པར་ཡོད་པ། ལས་གྲྭ་རྒྱུན་ཚུགས་བྱེད་པ། གསར་འགྱུར་ཁྱབ་སྤེལ་བྱེད་པའི་ལས་དོན་རྒྱུན་ཚུགས་སུ་ཡོད་པ། |
| རྒྱུན་ཞུགས |
རྒྱུན་དུ་ཞུགས་པའི་འབྲས་བུའི་བསྡུས་མིང༌། |
| རྒྱུན་ཞུགས་ཞུགས་པ |
ཞུགས་གནས་བརྒྱད་ཀྱི་ནང་གསེས། རྒྱུན་དུ་ཞུགས་པའི་འབྲས་བུ་ལ་ཞུགས་པ་གང་ངེས་པར་འབྱེད་པའི་ཆ་དང་མཐུན་པ་ལ་གནས་པ་དང་མཐོང་བའི་ལམ་གྱི་སེམས་ཀྱི་སྐད་ཅིག་བཅོ་ལྔ་ལ་གནས་པའི་གང་ཟག་གོ། |
| རྒྱུན་ཞུགས་ཞུགས་པ་གཉིས |
རྒྱུན་དུ་ཞུགས་པའི་འབྲས་བུ་ལ་ཞུགས་པ་གཉིས་ཏེ། ཆོས་ཀྱི་རྗེས་འབྲང་དང༌། དད་པའི་རྗེས་འབྲང་ངོ། |
| རྒྱུན་ཞུགས་འབྲས་གནས |
ཞུགས་གནས་བརྒྱད་ཀྱི་ནང་གསེས། འདོད་པའི་སྒོམ་སྤང་དྲུག་པོ་མ་སྤངས་ཤིང་བཅུ་དྲུག་པའི་རྟོགས་པ་ལ་གནས་པའི་ཐེག་དམན་པའོ། |
| རྒྱུན་ཞུགས་འབྲས་གནས་ཁྱད་པར་ཅན |
རྒྱུན་དུ་ཞུགས་པའི་འབྲས་བུ་ལ་གནས་པ་གང་འདོད་པའི་སྒོམ་སྤང་དང་པོ་ནས་དྲུག་པའི་བར་གང་ཡང་རུང་བ་སྤོང་བའི་སྦྱོར་བ་ཅན་ནོ། |
| རྒྱུན་ཞུགས་འབྲས་གནས་ཁྱད་པར་ཅན་གཉིས |
ལྷའི་རིགས་ནས་རིགས་སུ་སྐྱེ་བ་དང༌། མིའི་རིགས་ནས་རིགས་སུ་སྐྱེ་བ་སྟེ་གཉིས་སོ། |
| རྒྱུན་ཞུགས་འབྲས་གནས་གསུམ |
རྒྱུན་དུ་ཞུགས་པའི་འབྲས་བུ་ལ་གནས་པ་གསུམ་རྒྱུན་ཞུགས་འབྲས་གནས་ཙམ་པོ་བ་དང༌། རྒྱུན་ཞུགས་འབྲས་གནས་ཁྱད་པར་བ་གཉིས་བཅས་གསུམ་མོ། |
| རྒྱུན་ཞུགས་འབྲས་གནས་ཙམ་པོ་བ |
དགེ་འདུན་ཉི་ཤུའི་ནང་གསེས། རྒྱུན་དུ་ཞུགས་པའི་འབྲས་བུ་ལ་གནས་པ་གང་ཞིག་འདོད་པའི་སྒོམ་སྤང་གཏན་མ་སྤངས་པ་ད་ལྟ་སྤོང་བའི་སྦྱོར་བ་ལ་མི་བརྩོན་པའམ་གཅིག་ནས་ལྔའི་བར་གང་ཡང་རུང་བ་སྤངས་ཀྱང་ད་ལྟ་སྤོང་བའི་སྦྱོར་བ་ལ་མི་བརྩོན་པའོ། |
| རྒྱུན་ཞུགས་འབྲས་བུ |
བཟོད་པ་དང༌། ཡེ་ཤེས་བཅུ་དྲུག་གི་མཐོང་བས་སྤང་བར་བྱ་བའི་ཉོན་མོངས་པ་བརྒྱད་ཅུ་རྩ་བརྒྱད་སྤངས་པ། |
| རྒྱུན་ཞུགས་རིགས་ནས་རིགས་སྐྱེ |
རྒྱུན་ཞུགས་འབྲས་གནས་ཁྱད་པར་གསུམ་ལྡན་གྱི་འཕགས་པ་སྤངས་པའི་ཁྱད་པར་འདོད་ཉོན་གསུམ་པའམ་བཞི་པ་སྤངས་པ། དབང་པོའི་ཁྱད་པར་དེའི་གཉེན་པོ་ཟག་མེད་ཀྱི་དབང་ཐོབ་པ། སྐྱེ་བའི་ཁྱད་པར་འདོད་པའི་ལྷའམ་མི་ཚེ་གཅིག་གམ་གཉིས་སུ་ལུས་པ་བཅས་སོ། |
| རྒྱུན་ཞུགས་ལྔ |
དགེ་འདུན་ཉི་ཤུ་ལས་རྒྱུན་ཞུགས་ལྔ་རྒྱུན་ཞུགས་ཞུགས་པ་གཉིས་དང༌། རྒྱུན་ཞུགས་འབྲས་གནས་གསུམ་བཅས་སོ། |
| རྒྱུན་ཞུགས་སྲིད་པ་ལན་བདུན་པ |
སྒོམ་སྤང་ཉོན་མོངས་གཅིག་ཀྱང་མ་སྤངས་པའི་རྒྱུན་ཞུགས་འབྲས་གནས་ཡིན་ལ། རིས་མཐུན་གྱི་སྐྱེ་བ་བདུན་ཚུན་ཆད་དུ་དགྲ་གཅོམ་པའི་འབྲས་བུ་ཐོབ་ངེས་ཀྱི་འཕགས་པའོ། |
| རྒྱུན་འཇགས |
བྱ་བ་བཟང་ངན་གང་བརྩམས་པའི་སྲོལ་རྒྱུན་རིང་དུ་ཆགས་པ། |
| རྒྱུན་འབབ |
1འབབ་ཆུ། 2མངོན དྲག་ཆར། |
| རྒྱུན་འབྱམས |
ཁྱབ་གདལ་དུ་ཕྱིན་པའམ་མུ་མཐུད་ནས་ལུས་པ། སྐྱོན་རྒྱུན་འབྱམས། ཡི་གེ་འབྲི་སྲོལ་མ་དག་རྒྱུན་འབྱམས་སུ་གྱུར་པ། རྩེད་མོའི་ངང་དུ་དུས་ཚོད་རྒྱུན་འབྱམས་པ། |
| རྒྱུན་རིང་བ |
ཡུན་རིང་བ། ལས་རྒྱུན་རིང་བ། དུས་རྒྱུན་རིང་བ། གཙང་པོའི་ཆུ་རྒྱུན་རིང་བ། |
| རྒྱུན་རྩ |
ནད་མེད་པའི་མིའི་རྩ་འཕར་སྟངས་ཤིག་སྨན་པའི་དབུགས་ཕྱིར་རྒྱུ་བའི་ཚེ་རྩ་ལན་གཉིས་དང༌། དབུགས་ནང་དུ་རྔུབས་པའི་ཚེ་ལན་གཉིས། བར་དུ་གཅིག་བཅས་ལྔ་འཕར་བ་ལ་ཟེར་རོ། |
| རྒྱུན་ལས |
རྒྱུན་གྱི་ལས་ཀ། |
| རྒྱུན་ལུགས |
1 རྒྱུན་ཆགས་པའི་ལུགས་སྲོལ། ཀུན་སྤྱོད་ངན་པ་ཐམས་ཅད་ཀྱི་རྒྱུན་ལུགས་བཅད་པ། 2 རྙིང རྒྱུ་འགྲུལ། |
| རྒྱུན་ལྕག |
ཀོ་རྒྱུན་གྱིས་བཟོས་པའི་ལྕག་ཚན། |
| རྒྱུན་ལྟར |
1 བར་མི་འཆད་པའི་མུ་བཞིན། ཉིན་མཁོའི་ཡོ་ཆས་ཆུ་བོའི་རྒྱུན་ལྟར་འཐོན་པ། 2 སྔར་སྲོལ་ནང་བཞིན། ལས་དོན་རྒྱུན་ལྟར་བྱེད་བཞིན་དུ་ཡོད་པ། |
| རྒྱུན་ཤིང |
དུས་རྒྱུན་དུ་བུད་བྱའི་མེ་ཤིང༌། |
| རྒྱུན་ཤིང་ཤིང་གཉེར |
སྔར་བོད་ཀྱི་གསོལ་ཐབ་ཁག་གི་རྒྱུན་ཤིང་དོ་དམ་ལས་ཚན་ཞིག |
| རྒྱུན་སྐྱོང |
མུ་མཐུད། ལས་དོན་རྒྱུན་སྐྱོང་མཐར་སྐྱེལ་བྱེད་པ། |
| རྒྱུན་སྡོད |
ས་གནས་གཅིག་ཏུ་གཏན་སྡོད། སློབ་གྲྭའི་ནང་དུ་རྒྱུན་སྡོད་ཀྱི་སློབ་གྲྭ་བ་ཅི་ཙམ་འདུག |
| རྒྱུན་སྲིང |
རྒྱུན་མཐུད་པ། |
| རྒྱུའི་ཀུན་སློང |
དགེ་ཚུལ་སློང་བསྒྲུབ་པར་བྱ་བ་ལ། བསམ་པའི་མཐུན་རྐྱེན་རྒྱུའི་ཀུན་སློང་ཐོབ་འདོད་དགོས་པ་སྐོམ་པ་ཆུ་འདོད་ལྟར་ཞེ་ཐག་པ་ནས་སྡོམ་པ་ལེན་འདོད་དགོས་ཀྱི། དབང་མེད་དང༌། བཞད་གད་བསམ་པས་བླངས་ཀྱང་མི་ཆགས་པ། |
| རྒྱུའི་གཟུགས |
འབྱུང་བར་གྱུར་པའི་གཟུགས། དབྱེ་ན་ས། ཆུ། མེ། རླུང་བཞི་ཡོད་པ་དེ་ལ་འབྱུང་བ་བཞི་ཟེར། |
| རྒྱུའི་གཟུགས་ཅན |
གཟུགས་ཅན་གྱི་རྒྱན་གྱི་ནང་ཚན་ཞིག་དཔེ་ཅན་ལ་ཡོད་པའི་ཁྱད་ཆོས་རྣམས་ཀྱི་རྒྱུ་མཚན་ལ་བརྟེན་ནས་རང་དང་ཆོས་མཚུངས་པའི་དཔེ་རྣམས་ཀྱི་གཟུགས་སུ་བཀོད་པའི་རྒྱན་ཞིག |
| རྒྱུའི་ཐེག་པ |
བྱང་ཕྱོགས་སོ་བདུན་སོགས་རྫོགས་པའི་སངས་རྒྱས་ཐོབ་པའི་རྒྱུ་ལམ་དུ་བྱེད་པས་མཚན་ཉིད་ཐེག་པའམ་ཕ་རོལ་ཏུ་ཕྱིན་པའི་ཐེག་པ་ལ་རྒྱུའི་ཐེག་པ་ཞེས་བྱའོ། |
| རྒྱུའི་དཔེ |
དཔེ་རྒྱན་སོ་གཉིས་ཀྱི་ནང་གསེས་ཤིག་དཔེ་ཅན་གྱི་སྟེང་གི་ཁྱད་ཆོས་མི་འདྲ་བ་དག་གི་རྒྱུས་དཔེ་མི་འདྲ་བ་དག་དང་མཚུངས་པར་སྟོན་པའི་རྒྱན་ཞིག |
| རྒྱུའི་དབང |
སློབ་དཔོན་གྱིས་སློབ་མ་ལ་སྐུར་བར་བྱེད་པའི་སྨིན་བྱེད་ཀྱི་དབང་གི་རིམ་པ་རྣམས་ཏེ། མ་སྨིན་པ་སྨིན་པར་བྱེད་པ་རྒྱུའི་དབང་ངོ། |
| རྒྱུའི་དབྱངས |
ལེགས་སྦྱར་སྐད་ཀྱི་དབྱངས་གཞན་དག་གི་རྒྱུར་གྱུར་པའི་ཨ་ཨི་ཨུ་ར་ལ་བཅས། ཨ་ཨི་ཨུ་ར་ལ |
| རྒྱུའི་ཡི་གེ |
སྒྲ་དོན་གང་རུང་མ་ཚང་བའི་ཡི་གེ། |
| རྒྱུའི་རྐྱེན |
རྐྱེན་བཞིའི་ནང་གསེས། འབྲས་བུའི་ངོ་བོ་སྐྱེད་བྱེད་དེ། བྱེད་རྒྱུ་མ་གཏོགས་པའི་གཞན་རྒྱུ་ལྔ་པོ་དེ་རྒྱུ་ཡང་ཡིན་ལ་རྐྱེན་ཡང་ཡིན་པས། རྒྱུའི་རྐྱེན་ཞེས་བྱའོ།.. |
| རྒྱུའི་རྒྱན |
བྱེད་པོ་གང་ཡང་རུང་བ་ཞིག་གིས་རྒྱུ་བྱས། འབྲས་བུ་དངོས་ཤུགས་གང་རུང་ལས་གོ་ཞིང་ཤེས་པར་བྱེད་པའི་རྒྱན་ཞིག |
| རྒྱུའི་རྒྱན་བཅུ་དྲུག |
རྒྱུའི་རྒྱན་གྱི་ནང་གསེས་རྣམ་གྲངས་བཅུ་དྲུག་ནི། སྐྱེད་བྱེད་ཀྱི་རྒྱུ། ཉམས་བྱེད་ཀྱི་རྒྱུ། རྣམ་འགྱུར་གྱི་རྒྱུ། འཐོབ་བྱའི་རྒྱུ། ཕྱི་ཤེས་བྱེད་ཀྱི་རྒྱུ། ནང་ཤེས་བྱེད་ཀྱི་རྒྱུ། སྔ་ན་མེད་པའི་བྱེད་རྒྱུ། ཞིག་ནས་མེད་པའི་བྱེད་རྒྱུ། ཕན་ཚུན་མེད་པའི་བྱེད་རྒྱུ། སྤངས་ནས་མེད་པའི་བྱེད་རྒྱུ། བཟློག་པ་སྐྱེད་བྱེད་ཀྱི་རྒྱུ། རིང་འབྲས་ཀྱི་རྒྱུ། རྒྱུ་འབྲས་ལྷན་ཅིག་པའི་རྒྱུ། འབྲས་བུ་སྔ་བའི་རྒྱུ། རིགས་མིན་གྱི་རྒྱུ། རིགས་པའི་རྒྱུ་བཅས་སོ། |
| རྒྱུའི་རྒྱུད |
སེམས་ཅན་ནས་སངས་རྒྱས་ཀྱི་བར་དུ་སེམས་ཀྱི་རང་བཞིན་གྱི་ཚུལ་ནམ་མཁའ་ལྟར་འགྱུར་བ་མེད་པར་གནས་པ་དེ་ཉིད་ཡིན་ལ། དེ་ལ་མདོ་སྡེ་རྣམས་སུ་ཁམས་བདེ་བར་གཤེགས་པའི་སྙིང་པོ་རང་བཞིན་གནས་རིགས་སོགས་དང༌། རྒྱུད་སྡེ་འོག་མ་རྣམས་སུ་བདག་གི་དེ་ཁོ་ན་ཉིད་དང༌། བྱང་ཆུབ་ཀྱི་སེམས་དང༌། ཀུན་ཏུ་བཟང་པོའི་སེམས་སོགས་མིང་ཇི་སྙེད་ཡོད་ལ། རྣལ་འབྱོར་བླ་མེད་ཀྱི་རྒྱུད་དུ་ཨེ་ཝཾ་ཟུང་འཇུག་ཅེས་བྱའོ། |
| རྒྱུའི་རྟེན་འབྲེལ་དྲུག |
ཕྱིའི་རྟེན་འབྲེལ་གྱི་ཆར་གཏོགས་པའི་རྒྱུའི་རྟེན་འབྲེལ་ལ་དབྱེ་ན། ས་དང༌། ཆུ་དང༌། མེ་དང༌། རླུང་དང༌། ནམ་མཁའ་དང༌། དུས་ཏེ་དྲུག་གོ། |
| རྒྱུས |
1.རྒྱུད་པའི་སྐུལ་ཚིག 2.གོམས་འདྲིས། འགྲོ་སའི་ལམ་གྱི་རྒྱུས་སྟོན་པ། མཁས་པ་ཡིན་ན་རྒྱུས་ཆེ་བ་ཞིག་ཡིན་པ་ཐག་ཆོད། ཕྲ་ཞིབ་ཀྱི་སྒོ་ནས་རྒྱུས་བཤད་པ། མི་རྒྱུས་ཡོད་ཀྱིས་གཏམ་རྒྱུས་མེད་བཤད། |
| རྒྱུས་གནད |
ལུས་ཀྱི་རྒྱུས་པའི་ནང་ནས་གནད་ཆེ་བ་རྣམས་ཏེ། མཇིང་པའི་ཆུ་ལེབ་སོགས་བཅུ་དྲུག་མཆིས་སོ། |
| རྒྱུས་པ |
ཤ་གནད་ཀྱི་སྣེ་མོའི་རུས་པ་དང་འབྲེལ་བའི་ཁག་མདོག་སེར་སྐྱ་སྲ་མོ་དེའི་མིང་ ཡུལ་སྐད་དུ་རྒྱུས་རྐ་ཡང་ཟེར། |
| རྒྱུས་མངའ |
གོམས་འདྲིས། ནང་དོན་གང་ཡིན་རྒྱུས་མངའ་མེད་པ། ལས་དོན་བྱེད་སྟངས་ལ་རྒྱུས་མངའ་མེད་ན་དཀའ། ཡུལ་ལུང་གི་གནས་ཚུལ་ལ་རྒྱུས་མངའ་ཡོད་ན་མགོ་འཐོམ་མི་ཡོང༌། |
| རྒྱུས་མེད |
གོམས་འདྲིས་ཡོད་པ། ས་ཆ་ཡུལ་མི་ལམ་ལུགས་སོགས་རྒྱུས་མེད་ཀྱི་མི་གསར། |
| རྒྱུས་འགོག་པ |
འགོག་པའི་རྒྱན་གྱི་ནང་ཚན་ཞིག་དགག་བྱ་བསྟོད་བསྔགས་འོས་པའི་དོན་གང་ཡང་རུང་བ་ཞིག་འགོག་བྱེད་དངོས་པོའི་རང་བཞིན་གྱི་གཤིས་ལུགས་སམ་རང་གི་ངང་ཚུལ་ཡིན་པའི་རྒྱུ་མཚན་གྱིས་འགོག་པའི་རྒྱན་ཞིག |
| རྒྱུས་ཡོད |
གོམས་འདྲིས་ཡོད་པ། གདོང་ངོ་ཤེས་པ་ཙམ་གྱིས་སེམས་ལ་རྒྱུས་ཡོད་ཆེ་བ་རང་མི་ཡོང༌། |
| རྒྱུས་སྐུད |
རྒྱུས་པ་ལས་བཟོས་པའི་སྐུད་པ། |
| རྒྱོ |
འཁྲིག་པ་སྤྱོད་པའི་ཡུལ་སྐད་ཀྱི་བརྡ་ མ་འོངས་པ་ལ་བརྒྱོ་དང་འདས་པར་བརྒྱོས། སྐུལ་ཚིག་ལ་རྒྱོས་འབྲི། |
| རྒྱོ་བ |
རྙིང འཁྲིག་པ། |
| རྒྱོགས |
བརྒྱག་གི་སྐུལ་ཚིག |
| རྒྱོང |
(བྱེད་མེད་ལས་ཚིག་ད་ལྟ་བ)ཀོ་པགས་དང་རས་སོགས་སྲིད་ཞེང་ཅི་ཙམ་ཡོད་པ་དེ་ཙམ་འཐེན་པའི་དོན་ཏེ། ཀོ་བཟོ་པས་ཀོ་བ་རྒྱོང་གིན་འདུག ཀོ་བ་རྒྱོང་མཁན་ཞེས་པ་ལྟ་བུ། |
| རྒྱོང་ཁང |
རས་གཞི་རྒྱོང་བྱེད་མཐའི་ཤིང་སྒྲོམ། |
| རྒྱོང་གཤར |
གོས་སོགས་འཚེམ་སྐབས་ཁམ་ཁུམ་བསང་ཐབས་ཐང་ཤ་གཅོད་བྱེད་ཀྱི་རྒྱོང་བྱས་པའི་ཐོག་བརྒྱབ་པའི་གནོན་ཚེམ་གྱི་ཧབ་གཤར། |
| རྒྱོང་བ |
ཐ་དད་པ བརྒྱངས་པ། བརྒྱང་བ། རྒྱོངས།། 1འཐེན་པ། ཐག་པ་འདི་རྒྱོངས་ཤིག རྒྱང་ཤིང་གི་ཁར་བརྒྱངས་པ། བྱང་སེམས་ཀྱི་གཤོག་པ་བརྒྱངས། ཞེ་སྡང་གི་སྡེར་མོ་བསྐུམས། 2ཁེངས་པར་བྱེད་པ། ས་ཀོང་ཀོང་ཚང་མ་རྒྱོངས་ཤིག རྩམ་ཁུག་ནང་ལ་རྩམ་པ་བརྒྱངས་པ། ཤ་བ་འཛིན་རྒྱུ་མེད་པར། ལུང་ཆུང་ཁྱི་སྒྲས་བརྒྱངས་སོང༌། ཇ་དམ་གྱི་ནང་དུ་ཆུ་ཁོལ་མས་བརྒྱངས་པ། |
| རྒྱོང་འགོ |
ལྷམ་གྱི་སྔ་རྟིང་རྒྱོང་བྱེད་ཀྱི་ཤིང༌། |
| རྒྱོང་ཤིང |
ཐང་གའི་རས་གཞི་སོགས་རྒྱོང་བྱེད་ཀྱི་མཐའི་ཤིང༌། |
| རྒྱོང་སྐུད |
རས་གཞི་རྒྱོང་བྱེད་ཀྱི་སྐུད་པ། |
| རྒྱོང་སྒྲོམ |
རས་གཞི་རྒྱོང་བྱེད་མཐའི་ཤིང་སྒྲོམ། |
| རྒྱོངས |
སྐུལ་ཚིག་ ཀོ་བ་རྒྱོངས་ཤིག་ལྟ་བུ། |
| རྒྱོབ |
སྐུལ་ཚིག་ རྡོས་རྒྱོབ། དབྱུག་པས་རྒྱོབ་ལྟ་བུ། <ཁ>ཁང་བ་དང་རྩིག་པ་སོགས་གསར་བཟོ་བྱས་པའི་དོན་ཏེ། དམག་སྒར་རྒྱག་བཞིན་འདུག རྩིག་པ་རྒྱག་མཁན་ཞེས་པ་ལྟ་བུ། <ག>འཕེན་པའི་དོན་ཏེ། མདའ་བརྒྱབ། མེ་མདའ་བརྒྱབ་ལྟ་བུ། བརྒྱག་གི་ད་ལྟ་བ། ０ཡུལ་སྐད་ལ་དོན་མང་པོ་ཞིག་ལ་འཇུག་ ལ་བརྒྱབ། སྒོ་ལ་ཟྭ་རྒྱག སྐད་བརྒྱབ་སོགས་ལྟ་བུ། |
| རྒྱོབས |
རྒྱོབ་ཀྱི་འབྲི་ཚུལ་གཞན། |
| རྒྱོས |
རྒྱོ་ཡི་སྐུལ་ཚིག |
| རྔ |
རོལ་ཆའི་ནང་གསེས་ཤིག རྫ་རྔ། ལག་རྔ། ཁྲིམས་ཀྱི་རྔ་བོ་ཆེ། རྔ་བརྡུངས། རྔ་ལ་དཔགས་པའི་འཆམ། རྔ་གོག་བརྡུངས་ན་གཟེར་གོག་ལངས། རྔ་ལ་དབྱུ་གུས་མ་བསྣུན་ན། དེ་སྲིད་གཞན་དང་ཁྱད་ཅི་ཡོད།…2.ད་ལྟ་བ་ཞིང་རྔ་མཁན། རྩྭ་རྔ་བྱེད་ཅེས་པ་ལྟ་བུ། |
| རྔ་ཁང |
རྔ་འཇོག་སའི་ཁང་པ། |
| རྔ་ཁོག |
སི་ཁྲོན་ཞིང་ཆེན་ཁོངས་རྔ་པ་ས་ཁུལ། |
| རྔ་ཁྲི |
རྔ་འཇོག་སྟེགས། |
| རྔ་གཡབ |
རྔ་མ་ལས་བཟོས་པ་འབུ་སྐྲོད་བྱེད་ཀྱི་གཡབ། མིང་གི་རྣམ་གྲངས་ལ་བུང་བ་སྐྲོད་དང༌། གཡོ་བྱེད། རླུང་གཡབ། བསིལ་བ་སྟོབ། བསིལ་བྱེད། བསིལ་ཡབ་བཅས་སོ། |
| རྔ་གཡོག |
1 རྔ་རྡུང་བྱེད་ཀྱི་དབྱུ་གུ། 2 རྔ་གཡོག་བྱེད་ཀྱི་པགས་པ། |
| རྔ་གཤང |
རྔ་ནི་བརྡུང་བྱའི་རྔ་དང༌། གཤང་ནི་དྲིལ་བུའི་དབྱིབས་དང་ཅུང་ཟད་འདྲ་བ་ཁ་ཡངས་ཤིང་ཐེར་ཐེར་དུ་ཡོད་པའི་བོན་པོའི་རོལ་མོ་ཞིག |
| རྔ་གསང |
རྔའི་སྒྲ་ཆེན་པོ། ཕ་རོལ་གནོན་པར་བྱེད་པའི་རྔ་གསང་ཤུགས་ཆེར་སྒྲོག་པ། |
| རྔ་གསེབ |
རྔ་མོང་རླིག་རིལ་དང་ལྡན་པ། |
| རྔ་ཆད་རྔོག་རྡུམ |
རྔ་མ་དང་རྔོག་མ་མི་ཚང་བ་ཆ་མ་ཚང་བའི་དཔེ། |
| རྔ་ཆིངས |
སྔགས་ཆོག་སྐབས་རྔ་རྡུང་ཚིགས་ཀྱི་འགྲོ་སྟངས། |
| རྔ་ཆེན |
1 རྔ་བོ་ཆེ། 2 མངོན ཆུ་ཁྱི་ལོ། |
| རྔ་དབྱུག |
རྔ་རྡུང་བྱེད་ཀྱི་དབྱུ་གུ། |
| རྔ་དམར |
ཚོས་བརྒྱབ་པའི་རྔ་མ་དམར་པོ། |
| རྔ་ཕྱགས |
རྔ་མས་བཟོས་པའི་ཕྱགས་མ། |
| རྔ་ཕྲུག |
རྔ་མོང་གི་ཕྲུ་གུ། |
| རྔ་བ |
1 རྔ་རྡུང་མཁན། 2 སི་ཁྲོན་ཞིང་ཆེན་བོད་རིགས་ས་ཁུལ་རྔ་ཁོག་དང༌། དེར་སྡོད་མི། |
| རྔ་བ |
1. ཐ་དད་པ བརྔས་པ། བརྔ་བ། རྔོས།། ཟོར་བས་གཅོད་པ། བཙས་མ་བརྔས་ཏེ་གཡུལ་ལས་བཏང༌། 2. ས་མིང་ཞིག་སྟེ་རྔ་བ་བོད་རིགས་རང་སྐྱོང་ཁུལ་ལ་གསལ། |
| རྔ་བ |
ཨ་མདོའི་ཡུལ་ལུང་ཞིག་གི་མིང་ད་ལྟའི་འབར་ཁམས་བོད་རིགས་རང་སྐྱོང་ཁུལ། |
| རྔ་བ་བོད་རིགས་རང་སྐྱོང་ཁུལ |
སི་ཁྲོན་ཞིང་ཆེན་ཁོངས་ཀྱི་ནུབ་བྱང་རྒྱུད་དུ་ཡོད། 1953 ལོར་སི་ཁྲོན་ཞིང་ཆེན་བོད་རིགས་རང་སྐྱོང་ལྗོངས་བཙུགས་ཤིང༌། 1955 ལོར་རྔ་བ་བོད་རིགས་རང་སྐྱོང་ཁུལ་དུ་བསྒྱུར། དེའི་ཁོངས་སུ་འབར་ཁམས་དང༌། རྔ་བ། མཛོད་དགེ། ཁྲོ་ཆུ། ཟུང་ཆུ། བཙན་ལྷ། ཆུ་ཆེན། ཛམ་ཐང༌། ཧུང་ཡོན། ནན་ཕིང༌། ལི་ཞན། ཝུན་ཁྲོན་བཅས་རྫོང་ཁག་བཅུ་གཉིས་དང་མའོ་ཝུན་ཆའང་རིགས་རང་སྐྱོང་རྫོང་བཅས་ཡོད། རང་སྐྱོང་ཁུལ་མི་དམངས་སྲིད་གཞུང་དེ་འབར་ཁམས་སུ་ཡོད། |
| རྔ་བག |
འབྲི་གཡག་སོགས་ཀྱི་རྔ་རྩའི་ཐད་ཀྱི་ཤ། |
| རྔ་བརྡ |
1 རྔ་བརྡུངས་ནས་གཏོང་བའི་བརྡ། 2 ལྷ་མོ་འཁྲབ་རན་གྲབས་ཡོད་དུས་ཀྱི་རྔ་རོལ་གྱི་བརྡ་གཏོང༌། |
| རྔ་བརྡར |
གླ་བ་ཕོས་མཇུག་མ་བརྡར་བ། གླ་བ་འདོད་ཆགས་ལངས་དུས་རྟག་པར་ས་ཆ་ངེས་ཅན་ཞིག་ལ་རྔ་མ་རྡར་གྱི་ཡོད་སྟབས་རྔོན་པ་རྣམས་ཀྱིས་བརྡར་ཤུལ་དེར་བརྟེན་ནས་རྙི་བཙུགས་ཏེ་འཛིན་ཐབས་བྱེད་པ་རེད། |
| རྔ་བོ་ཆེ |
1 བརྡུང་བྱའི་རྔ་ཆེན་པོ། སྔར་མི་རྡུང་བའི་རྔ་བོ་ཆེན་ཕོ་བྲང་རྩེ་ནས་བརྡུངས། 2 མངོན འབྲུག་སྒྲའི་མིང༌། |
| རྔ་བོ་ཆེ་ཆེན་པོའི་མདོ |
འཕགས་པ་རྔ་བོ་ཆེ་ཆེན་པོའི་མདོ་བམ་པོ་ལྔ་པ། རྒྱ་གར་གྱི་མཁན་པོ་བིཏྱཱ་ཀ་ར་པྲ་བྷ་དང་ལོ་བནྡེ་དཔལ་གྱི་ལྷུན་པོས་བསྒྱུར་ཅིང་ལོ་ཙའ་བ་བནྡེ་དཔལ་བརྩེགས་ཀྱིས་ཞུས་པའོ། |
| རྔ་བོང |
རྔ་མོ་དང་བོང་བུ། |
| རྔ་བྲན |
འབྲི་གཡག་དང་བ་ལང་བསྡེབས་པའི་གནག་མཛོ་དང་མཛོ་མོའི་སྤྱི་མིང་། དག་ཡིག་ལ་ལར་བེའུའི་མིང་དུ་བཤད་པའང་ཡོད། |
| རྔ་མ |
སྲོག་ཆགས་ཀྱི་མཇུག་མའི་མིང་རྟའི་རྔ་མ། གཡག་གི་རྔ་མ་ཞེས་པ་ལྟ་བུ། ཚིག་བསྡུས་ན་རྔ་ཞེས་འབྲི་ཆོག་གཡག་རྔ་ཞེས་པ་ལྟ་བུ། |
| རྔ་མཇུག་ལ |
བོད་རང་སྐྱོང་ལྗོངས་དཔའ་ཤོད་རྫོང་ཁོངས་ཀྱི་ལ་ཞིག་ཡིན་ཞིང༌། མཐོ་ཚད་རྒྱ་མཚོའི་ངོས་ནས་སྨི་4468 ཡོད། |
| རྔ་མོ |
སྒོ་ཕྱུགས་རྔ་མོ་གཟུགས་ཆེ་ཞིང་སྐེ་རིང་བ། ནོག་གཅིག་ཅན་དང་ནོག་གཉིས་ཅན་རིགས་གཉིས་ཡོད། སྤུ་མདོག་ཁམ་སེར་ཡིན་ཞིང་། ཁལ་ལྕི་མོ་ཐེག་ལ་ཞོན་པ་ཡང་བྱེད་ཆོག་པའི་སྒོ་ཕྱུགས་བཟང་བོ་ཞིག་ཡིན། དེ་ལ་རྔ་མོང་ཡང་ཟེར་ཞིང་ཚིག་བསྡུས་ན་རྔ་འབྲི་ཆོག་རྔ་ཁུལ། རྔ་འཁྲིད། རྔ་གསེབ་ཅེས་པ་ལྟ་བུ། 2.འོ་མའི་བརྡ་རྙིང། |
| རྔ་མོང |
1 ཕྱུགས་རིགས་སྐེ་རིང་པོ་ཞིག མིང་གི་རྣམ་གྲངས་ལ་འཁོར་ལོའི་མགྲིན་པ་དང༌། དགའ་བྱེད། མཆུ་འཕྱང༌། མང་པོ་སྦྲེལ། རླུང་གཉིས་འཐུང༌། རླུང་ལ་དགའ་བ། ལུས་ཅན་བཅས་སོ།2 རི་བོ་ཞིག་བོད་རང་སྐྱོང་ལྗོངས་ཀྱི་དཔལ་མགོན་རྫོང་ཁུལ་རྩ་སྐྱ་གཙང་པོའི་བྱང་ངོས་སུ་ཡོད། འདིའི་མཐོ་ཚད་རྒྱ་མཚོའི་ངོས་ནས་སྨི་5194 ཡོད། |
| རྔ་འཆམ |
རྔ་ཁྱེར་ཏེ་རྡུང་བཞིན་པའི་ངང་ནས་རྒྱག་པའི་འཆམ། |
| རྔ་ཡབ |
1 རྔ་མ་ལས་བཟོས་པའི་རླུང་གཡབ་2 ཙཱམརཿ ལྷོ་འཛམ་བུའི་གླིང་གི་ནུབ་ལ་ཡོད་པའི་གླིང་གཡོག་སྟེ་གླིང་ཕྲན་བརྒྱད་ཀྱི་ཡ་གྱལ་ཞིག། 3ནུབ་ཕྱོགས་ཨོ་རྒྱན་གྱི་ཡུལ། |
| རྔ་ཡབ་གཞན |
བརཙཱམརཿ ལྷོ་འཛམ་བུའི་གླིང་གི་ཤར་ན་ཡོད་པའི་གླིང་གཡོག་གླིང་ཕྲན་བརྒྱད་ཀྱི་ཡ་གྱལ་ཞིག། |
| རྔ་ཡབ་གླིང |
སྲིན་པོ་གནས་པའི་ཡུལ། |
| རྔ་ཡབ་ཅན |
མངོན ཤིང་ཡོངས་འདུ་ས་བརྟོལ། |
| རྔ་ཡབ་མཇུག་མ་ཅན |
མངོན རྟ། |
| རྔ་ཡུ |
ལག་རྔའི་ཡུ་བ། |
| རྔ་རོལ་འཁྲོལ་འཛིན |
སྔར་གདན་ས་ཆེ་ཁག་གི་གླིང་ནང་དུ་རྔ་རྡུང་སྦུག་དཀྲོལ་ཆོག་པ་དང༌། སྨོན་ལམ་ཚུགས་དུས་གྲྭ་པ་ཚོས་ལྷ་སའི་མི་དམངས་ཀྱི་རིམ་གྲོ་སྒྲུབ་སྐབས་རོལ་ཆ་འབུད་དཀྲོལ་བྱས་འཐུས་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| རྔ་རྔོག |
རྟ་དྲེལ་བོང་བུ་སོགས་ཀྱི་རྔ་མ་དང༌། རྔོག་མ། |
| རྔ་རྡུང་དར་འཕྱར |
1 རྔ་རྡུང་བ་དང་དར་ཆ་འཕྱར་བ། 2 ཚང་མས་མཐོང་ཐོས་ཐུབ་པའི་མངོན་གསལ་ཆེན་པོའི་དཔེ། |
| རྔ་རྩིད |
ཕྱུགས་ཀྱི་འཇུག་མའི་སྤུ་རྩུབ་པོ། དབྱར་དུས་འབྲོག་སྡེའི་ཕྱུགས་རིགས་ལ་རྔ་རྩིད་ཞོལ་ཞོལ་ཆགས་ཡོང༌། |
| རྔ་ལྕག |
རྔ་རྡུང་བྱེད་རྔ་གཡོག |
| རྔ་ལྤགས |
རྔ་ལ་གཡོགས་པའི་པགས་པ། |
| རྔ་ཤོན |
རྔ་ཁུར་ནས་བརྡུངས་ཏེ་འཁྲབ་རྒྱུའི་གར། |
| རྔ་སྒྲ |
1 རྔའི་སྒྲ། 2 སངས་རྒྱས་ཤིག་གི་མཚན། |
| རྔ་སྦུག |
བརྡུང་བའི་རྔ་དང་སྦུག་ཆལ། |
| རྔད་མོ |
རྙིང དམོད་མོ། |
| རྔན་ཅན |
རྔན་ཆན་དང་འདྲ། |
| རྔན་ཆན |
རྙིང བརྙས་ཐབས། |
| རྔན་ཆེན |
བརྙས་བཅོས་སམ་མཐོང་ཆུང༌། |
| རྔན་པ |
1. ཐ་དད་པ བརྔན་པ། བརྔན་པ་རྔོན།།བསླུ་བའི་ཆེད་དུ་རྒྱུ་དངོས་སྤྲོད་པ། རྒྱུ་ནོར་གྱིས་བརྔན་པ། 2. བྱ་དགའ་མ་གསོལ་རས། ཁྱོད་བློན་པོ་རྣམས་ཀྱི་རྔན་པ་ལ། འདོད་ཡོན་ལོངས་སྤྱོད་གང་དགོས་སྟེར། ཕྲུ་གུ་ལ་ཨ་མས་རྔན་པ་སྦྱིན་པ། 3. ཉིང 1) མཆོད་པ། 2)གླ། |
| རྔན་བསྒྲང་བ |
མངན་བགྲང་བ་དང་དོན་གཅིག་ |
| རྔན་འཐེན |
རྙིང 1 གཞན་གྱི་ནོར་གཡར་བ་ཕྱིར་མི་སྤྲོད་པ། 2 ལེ་ལོ། |
| རྔན་འཕྱར་བ |
རྙིང སྨོད་པའམ། སུན་འབྱིན་པ། |
| རྔབ |
ལྟོགས་པའི་བརྡ་རྙིང་། སྔབ་ལ་ལྟོས། |
| རྔབ་པ |
ཐ་མི་དད་པ བརྔབས་པ། བརྔབ་པ།།1 ལྟོགས་པ། གྲོད་པ་རྔབ་པ། 2 ཆགས་པ། ཟས་ལ་རྔབ་པ། ཆང་ལ་རྔབ་པ། |
| རྔབ་རྔུབ |
1 དབུགས་འཐེན་པ། 2 ཇ་སོགས་ཧུབ་རྒྱག་པ། |
| རྔབས་རྭ |
སྐྲངས་ནད་ཀྱི་རྣག་ཁྲག་སོགས་འདྲེན་བྱེད་ཀྱི་སྨན་གྱི་ཡོ་བྱད་ཅིག་གི་མིང་རྔབ་རུ་ཡང་ཟེར། གླང་དམར་པོ་འོག་ཅན་གྱི་རྭ་གཡས་པ་ལ་འཆོས་པའི་དཔངས་སུ་སོར་ལྔ་དང༌། ཁ་སོར་གསུམ་ཅན་ཁྲག་རྣག་ཆུ་སེར་འཇིབ་པར་བྱེད་པའི་དཔྱད་ཀྱི་ཡོ་བྱད་ཅིག… |
| རྔམ |
1 ཟིལ་ལམ་གཟི་བརྗིད། རྔམ་ཆེ་བ། 2 འདོད་ཞེན་ཆེན་པོ། |
| རྔམ་པ |
ཐ་མི་དད་པ བརྔམས་པ། བརྔམ་པ།།1 ཆགས་པའམ། ཧམ་པ། རྒྱུ་དངོས་ལ་བརྔམས་པ། ཟས་ནོར་ཡིད་དུ་འོང་བ་ལ་རྔམ་པ། ཚ་གྲང་ངལ་དུབ་ཀྱིས་གདུངས་ནས་སྐོམ་ཞིང་རྔམ་པ། ལྟད་མོ་ལྟ་འདོད་ཀྱིས་འཚབ་ཅིང་རྔམ་པ། 2 སྡང་བ་དང༌། ཁྲོ་བ། དགྲ་ལ་རྔམ་པ། རྔམ་པའི་ང་རོ་སྒྲོག་པ། རྔམ་པའི་ཞལ། |
| རྔམ་པའི་ཆ་བྱད |
འཇིགས་སུ་རུང་བའི་ཆས་ཏེ་ཟློས་གར་འཁྲབ་པ་དང་འཆམ་རྒྱག་པའི་སྐབས་སུ་འཁྲབ་བྱའི་མི་སྣའི་འཇིགས་སུ་རུང་བའི་ཆ་ལུགས། |
| རྔམ་པོ་ཆེ |
འཇིགས་ཉམས་ཆེན་པོ། ཕ་རོལ་གྱི་རྒོལ་བ་ཟིལ་གྱིས་ནོན་པའི་དམག་གི་དཔུང་ཚོགས་རྔམ་པོ་ཆེ་བཤམས་འདུག |
| རྔམ་བརྗིད |
འཇིགས་སུ་རུང་བའི་ཉམས། གོ་མཚོན་ཐོགས་ཏེ་རུ་སྟར་བསྒྲིགས་ནས་འགྲོ་དུས་རྔམ་བརྗིད་ཆེན་པོ་འདུག |
| རྔམ་འཇིགས |
ཁྲོ་ཉམས། དགྲ་ལ་འཛིང་དུས་རྔམ་འཇིགས་ཆེན་པོ་ཡོད། |
| རྔམ་རྔམ |
འཇིགས་སུ་རུང་བའི་ཁྲོ་ཉམས། གཞན་སྡེ་གཞོམ་ཕྱིར་ལུས་ངག་གི་རྣམ་འགྱུར་རྔམ་རྔམ་གྱི་ཚུལ་དུ་སྟོན་པ། |
| རྔམ་རྔམ་རྫིག་རྫིག |
འཇིགས་ཉམས་དང་ཆེ་ཉམས། |
| རྔམ་སེམས |
ཧམ་སེམས། གཞན་གྱི་རྒྱུ་ནོར་འཕྲོག་འདོད་ཀྱི་རྔམ་སེམས་བྱེད་པ། |
| རྔམ་སྟབས |
དྲག་པོའི་རྣམ་འགྱུར། ཕ་རོལ་གྱི་རྒོལ་ངན་ཚང་མ་རྔམ་སྟབས་ཆེན་པོས་གཏོར་ཕམ་གཏོང་བ། ཕ་རོལ་ཟིལ་གྱིས་གནོན་པའི་རྔམ་སྟབས་སྟོན་པ། |
| རྔམ་སྟོན |
འཇིགས་རྔམ་ངོམ་སྟོན། རྔམ་སྟོན་ཁྲོམ་སྐོར། |
| རྔམས |
1 མཐུག་ཚས་དང་མཐོ་ཚད མཐུག་རྔམས། ཕོ་བྲང་ཁང་བརྩེགས་བཀོད་པ་ཁྱད་པར་འཕགས་ཤིང་རྔམས་མཐོ་བ། 2 རྔམ་གྱི་འབྲི་སྲོལ་གཞན། |
| རྔུ |
ན་ཟུག་གི་མིང་ ཟུག་རྔུ་ཞེས་པ་ལྟ་བུ། |
| རྔུ་མ |
མིག་སྐྱོའམ་མིག་སྐྱག སྤྱན་གྱི་རྔུ་མ་ལེགས་བཀྲུས་ཏེ། རྩ་འགྲེལ་ཡོངས་ལ་གཟིགས་ན་མཁྱེན། |
| རྔུ་མ |
མིག་ནས་བྱུང་བའི་དྲི་མའི་མིང་ཁ་སྐད་དུ་མིག་སྐྱག་ཟེར། |
| རྔུབ |
(བྱེད་འབྲེལ་ལས་ཚིག་ད་ལྟ་བ)དབུགས་དང་དུ་བ་སོགས་ཁ་ནས་ཁོང་ལ་དྲངས་པའི་དོན་ཏེ། དབུགས་འབྱིན་རྔུབ། དུ་བ་རྔུབ་ཀྱིན་འདུག དབུགས་རྔུབ་བྱེད་ཀྱི་སྣ་ཁུང་ཞེས་པ་ལྟ་བུ། |
| རྔུབ་གཏོང |
དབུགས་གཏོང་རྔུབ། དབུགས་ནང་དུ་རྔུབ་པ་དང་ཕྱིར་གཏོང་བ་གཉིས་ཀ་རྒྱུན་ལྡན་ཞིག་བྱེད། |
| རྔུབ་པ |
ཐ་དད་པ བརྔུབས་པ། བརྔུབ་པ། རྔུབས།། འཇིབ་པ་སྟེ་ཧུབ་ཀྱིས་འཐུང་བ་དང༌། དབུགས་ནང་དུ་འཐེན་པ། དབུགས་ཐེངས་གཅིག་རྔུབ། ཇ་ཧུབ་གང་བརྔུབས། ཆང་ཧུབ་གང་རྔུབ། |
| རྔུབ་ར |
བརྡབས་འགྲམས་རིགས་དང༌། ཆུ་སེར་འདྲེན་འཐེན་བྱེད་པའི་ཡོ་བྱད་ཅིག |
| རྔུབས |
རྔུབ་པའི་སྐུལ་ཚིག་ |
| རྔུར |
རྙིང གཉིད་ལོག་སྟེ་སྔུར་སྒྲ་འདོན་པ། |
| རྔུལ |
ལུས་ཀྱི་བ་སྤུའི་ཁུང་ནས་ཐོན་པའི་ཆུ་དྲི་མ་ཅན། གོས་ཚང་མ་རྔུལ་གྱིས་བངས་སོང༌། རྔུལ་ཞམ་མེ་བ། ངོ་ཚ་ནས་གདོང་རྔུལ་ཞམ་མེ་བ་ཞིག་ཆགས་སོང༌། མལ་ཆས་ལ་རྦད་དེ་རྔུལ་འབྱམས་པ། གདོང་ནས་རྔུལ་ཐོན་པ། དྲོད་སྨན་བཏང་ནས་ལུས་ཀྱི་རྔུལ་འདོན་པ། |
| རྔུལ་ཁྲག |
རྔུལ་ནག་དང་ཁྲག |
| རྔུལ་གཟན |
འཚོ་བའི་ཡོ་བྱད་བཅུ་གསུམ་གྱི་ནང་གསེས། ལུས་ཀྱི་རྔུལ་ཆུ་ལེན་བྱེད་ཀྱི་སྟོད་གོས། ཚད་བླ་གོས་དང་འདྲ་ལ། ཉིན་མོར་བླ་གོས་ཀྱི་ནང་དུ་གྱོན་པའི་གོས་ཤིག |
| རྔུལ་གཟན་གྱི་གཟན |
འཚོ་བའི་ཡོ་བྱད་བཅུ་གསུམ་གྱི་ནང་གསེས། ཚད་བླ་གོས་དང་འདྲ། མཚན་མོ་བླ་གོས་ཀྱི་ནང་དུ་གྱོན་པའི་སྟོད་གོས་ཤིག |
| རྔུལ་ཆུ |
ལུས་ཀྱི་རྔུལ་ཆུ། གཟུགས་པོ་རྔུལ་ཆུས་སྦངས་འདུག བང་རྩལ་རྒྱུག་ཐག་རིང་བས་རྔུལ་ཆུ་ཐོན་པ། ཁུར་པོ་ཧ་ཅང་ལྕི་བས་རྔུལ་ཆུའི་ཐིགས་པ་རྒྱག་གི་འདུག མིང་གི་རྣམ་གྲངས་ལ་ཆད་སྐྱེས་དང༌། ལུས་རྔུལ། ལུས་ཆུ། ལུས་འབབ་བཅས་སོ། |
| རྔུལ་དབྱུང |
ལུས་ལ་གོས་དྲོ་བས་བྱིབས་ཏེ་དྲོད་ཁམས་ཀྱི་སྙིགས་མ་རྔུལ་ནག་བ་སྤུའི་བུ་ག་ནས་ཕྱིར་འདོན་བྱེད་ཀྱི་ཐབས་ཤིག |
| རྔུལ་དྲི |
རྔུལ་ནག་གི་དྲི་མ། ལུས་རྔུལ་དྲིས་གང་སོང༌། |
| རྔུལ་ནག |
ལུས་ཀྱི་རྔུལ་ཆུ། དབྱར་དུས་ཉི་མ་ཚ་དྲགས་པས་ལུས་པོ་ནས་རྔུལ་ནག་ཐོན་པ། |
| རྔུལ་བ |
ཐ་མི་དད་པ ངལ་དུབ་ཀྱིས་ལུས་གཤེར་བ། ངལ་དུབ་ཀྱིས་ལུས་རྔུལ་བ། |
| རྔུལ་ཞམ་མེ་བ |
ལུས་ཅུང་ཟད་རྔུལ་བའི་རྣམ་པ། |
| རྔུལ་ལེན |
ལུས་ཀྱི་རྔུལ་ཆུ་ལེན་པའི་ནང་གོས། |
| རྔེ་ཅན |
རྙིང བརྐམ་ཆགས་ཅན། |
| རྔེ་ཆེན |
རྙིང རྔེ་ཅན་དང་འདྲ། |
| རྔེགས |
རུས་རྒྱུད་ཀྱི་མིང་ངམ་ས་ཆའི་མིང་ཞིག |
| རྔེད་མོ |
རྙིང དམོད་མོ། |
| རྔེན་ཅན |
རྙིང འདོད་ཆགས་ཅན། |
| རྔེའུ |
1 རྔ་ཆུང༌། 2 རྔ་མོང་གི་ཕྲུ་གུ། |
| རྔེའུ་ཆུང |
རྔ་ཆུང་ངུ། |
| རྔོ |
གཞན་ལ་འགོ་ཐུབ་པའི་པགས་ནད་ཅིག་གི་མིང་མི་ལ་ནད་དེ་བྱུང་ན་ལུས་ལ་རྨ་འབྲུམ་ཁྱབ་ཅིང་ཟ་འཕྲུག་ཧ་ཅང་ཆེ། སྒོ་ཕྱུགས་ལའང་ནད་རིཊ་དེ་འབྱུང་སྲིད། ནད་འདི་ལ་རྔོ་ཤུ་ཡང་ཟེར། |
| རྔོ་ཐོགས་པ |
1 ཕན་ཐོགས་པ། གང་བཤད་ཚང་མ་ལེགས་སྒྲུབ་རྔོ་ཐོགས་ལགས། 2 ནུས་པ་འམ་ཕན་པ། ཁོས་གཏམ་བྱ་བ་འང་རྔོ་མི་ཐོགས་པར་ཉག་ཉོག་ཏུ་གྱུར། |
| རྔོ་ནད |
ཟ་ཕྲུག་ལངས་ཏེ་སྤུ་བུད་ནས་པགས་པ་འང་ཕན་ཐོགས་མེད་པར་འགྱུར་བའི་དུད་འགྲོའི་འགོ་ནད་ཅིག |
| རྔོ་པག |
རྙིང འདོད་ཆགས། |
| རྔོ་བ |
ཐ་དད་པ བརྔོས་པ། བརྔོ་བ། རྔོས།། ཟས་སོགས་སླ་ངར་བཞག་ནས་དྲོད་ཚད་ཇེ་མཐོར་བཏང་སྟེ་ཚོས་པར་བྱེད་པ། ཚལ་རྔོ་བ། ཤ་རྔོ་བ། |
| རྔོ་བཟོ |
ཀོ་ལྤགས་འཚེམ་བཟོ། རྔོ་བཟོ་བ། རྔོ་བཟོ་བའི་སྐྱིད་སྡུག |
| རྔོ་མི་ཐོགས་པ |
1 ཕན་མི་ཐོགས་པ། 2 མི་ནུས་པ། ཡིད་ལ་མི་བདེའི་ཟུག་རྔུས་ཟིན་གྱུར་ནས། དེ་ལྟར་ཁས་ལེན་བགྱི་བའི་རྔོ་མི་ཐོགས། ཤིན་ཏུ་ཉམ་ཆུང་རྣམས་ཀྱིས་མི་བདག་ལ་ཞུ་བར་རྔོ་མི་ཐོགས་པ་མང༌། |
| རྔོ་ཡས |
གྲངས་གནས་ཤིག |
| རྔོ་རྔོ་སྲེག་སྲེག |
སླ་ངའི་ནང་དུ་ཚལ་སོགས་རྔོ་རྔོ་དང༌། བག་ལེབ་སོགས་སྲེག་སྲེག་བྱེད་པ། རྔོ་རྔོ་སྲེག་སྲེག་གི་ཁ་ལག། |
| རྔོ་ཤུ |
རྔོ་ནད་ཟ་ཕྲུག་ཅན། |
| རྔོག |
བོད་ཀྱི་རུས་ཤིག་གམ་གནའ་དུས་ཀྱི་ཚོ་བ་ཞིག་གི་མིང་། རྔོག་མ་ཡི་ཚིག་བསྡུས་པ། |
| རྔོག་ཆོས་སྐུ་རྡོ་རྗེ |
མར་པའི་སློབ་མ་ཀ་ཆེན་བཞིའི་ནང་གསེས། གཞུང་བཤད་ཆུ་བོའི་རྒྱུན་ལྟ་བུའི་བཀའ་བབ་ཡིན། ཁོང་རབ་བྱུང་དང་པོའི་མེ་བྱི་ལོར་འཁྲུངས། རབ་བྱུང་གཉིས་པའི་ཆུ་སྟག་ལོར་འདས། |
| རྔོག་དཀར |
རྟ་དྲེལ་གྱི་རྔོག་མ་དཀར་པོ། རྔ་ནག་རྔོག་དཀར་ཅན་གྱི་རྟ། |
| རྔོག་བློ་ལྡན་ཤེས་རབ |
རྔོག་ལོ་ཡབ་སྲས་ལ་སྟོས། |
| རྔོག་མ |
རྟ་བོང་རིགས་ཀྱི་གཉའི་སྤུ་རིང་བོའི་མིང་། ཚིག་བསྡུས་ན་རྔོག་ཀྱང་འབྲི་ཆོག་རྟ་རྔོག་ཅེས་པ་ལྟ་བུ། |
| རྔོག་མ་ཅན |
མངོན རྟ། |
| རྔོག་ལེགས་པའི་ཤེས་རབ |
རྔོག་ལོ་ཡབ་སྲས་ལ་ལྟོས། |
| རྔོག་ལོ་ཡབ་སྲས |
ངོག་ལོ་ཙའ་བ་ལེགས་པའི་ཤེས་རབ་དང་བློ་ལྡན་ཤེས་རབ་ཁུ་དབོན་གཉིས་ཏེ། ཁུ་བོ་ལེགས་པའི་ཤེས་རབ་ཀྱིས་དང་པོར་སེ་བཙུན་བསྟེན་ནས་ཆོས་གསན། ཕྱིས་སུ་ནག་གསོ་ལོ་ཙའ་བ་དང་ལྷན་དུ་ཇོ་བོ་རྗེ་བོད་དུ་གདན་དྲངས་ཏེ་དེའི་ཐུགས་སྲས་སུ་གྱུར། དབུ་མ་སྙིང་པོའི་ཊི་ཀ་སོགས་བསྟན་བཅོས་དུ་མ་བསྒྱུར། རབ་བྱུང་དང་པོའི་ཆུ་གླང་ལོར་གསང་ཕུ་ནེའུ་ཐོག་དགོན་པ་བཏབ། དེའི་སློབ་མ་དང་དབོན་གཉིས་ཀ་ཡིན་པ་བློ་ལྡན་ཤེས་རབ་ནི་རབ་བྱུང་དང་པོའི་ས་ཕག་ལོར་འཁྲུངས། ཇོ་བོའི་ཆོས་རྣམས་ཁུ་བོ་ལས་གསན་པར་མ་ཟད། ཁ་ཆེར་ལོ་གྲངས་བཅུ་བདུན་རིང་ལ་ལོ་པཎ་དུ་མ་བསྟེན་ནས་ཚད་མ་རྒྱན་སོགས་བསྟན་བཅོས་མང་དུ་བསྒྱུར་ཅིང༌། འགྱུར་རྙིང་མང་པོར་ཞུས་དག་མཛད། འཁོར་དུ་སློབ་མ་ཉིས་ཁྲི་ལྷག་ཙམ་འདུས། རབ་བྱུང་གཉིས་པའི་ས་གླང་ལོར་འདས། རྔོག་ལོ་ཡབ་སྲས་ཀྱིས་ཚད་མ་རྣམ་ངེས་དང་བྱམས་ཆོས་གཞིར་བཞག་གིས་གསང་ཕུར་རིགས་ལམ་ནས་དྲངས་པའི་བཤད་ཉན་ཤིན་ཏུ་དར་པོ་བྱུང༌། |
| རྔོག་ཤད |
རྟ་དྲེལ་གྱི་ཟེ་རྔོག་ལ་འཕུར་ཤད་རྒྱག་པ། རྟ་དྲེལ་གཉིས་ཕན་ཚུན་མཇིང་པ་བསྣོལ་ཏེ་སོས་རྔོག་ཤད་རྒྱག་རེས་བྱེད། ལྕགས་ཤད་ཁྱེར་ཏེ་རྟ་དྲེལ་ལ་རྔོག་ཤད་རྒྱག་པ། |
| རྔོག་སྟན |
གདན་གྲུམ་ཟེ། |
| རྔོག་སྟན་གྲུམ་ཟེ |
རྔོག་སྟན་གྲུམ་རྩེ་དང་འདྲ། |
| རྔོག་སྟན་གྲུམ་རྩེ |
གདན་གྱི་བྱེ་བྲག་ཅིག |
| རྔོད |
(བྱེད་འབྲེལ་ལས་ཚིག་ད་ལྟ་བ)ཟས་སོགས་སླ་ངར་བཞག་ནས་དྲོད་ཚད་ཇེ་མཐོར་བཏང་སྟེ་ཚོས་པར་བྱེད་པའི་དོན་ཏེ། ཚོད་མ་རྔོད་མཁན། ཚོད་མ་རྔོད་ཀྱིན་ཡོད་ལྟ་བུ། 2.འདྲིད་པའམ་སླུ་བའི་དོན་དུ་གོ་བའི་རྔོད་པའི་སྐུལ་ཚིག་ |
| རྔོད་པ |
ཐ་དད་པ 1) བརྔོས་པ། བརྔོད་པ། རྔོས།།སླ་ང་སོགས་སུ་རྔོ་བ། ནས་བརྔོས་ཏེ་རྩམ་པ་འཐག 2) བརྔོད་པ། བརྔོད་པ། རྔོད།།འདྲིད་པའམ། སླུ་བ། ཐབས་མཁས་ཀྱིས་དགྲ་བོ་བརྔོད། |
| རྔོད་འཐག |
ནས་སླ་ངའི་ནང་དུ་རྔོད་པ་དང༌། ཡོས་ཆུ་འཁོར་དུ་འཐག་པ། |
| རྔོད་འཐག་འུ་ལག |
སྔར་ཞིང་པ་བྲན་གཡོག་གིས་མངའ་བདག་རྣམས་ལ་འབྲུ་རིགས་རྔོད་འཐག་བྱེད་དགོས་པའི་ཁྲལ་འུལ་ཞིག |
| རྔོད་རྫ |
ཡོས་དང་ཟས་རྔོད་སའི་རྫ་སྣོད། |
| རྔོད་སྟེགས |
ཡོས་རྔོད་སའི་སྟེགས་བུ། |
| རྔོད་སླང |
ཡོས་དང་ཟས་རྔོད་སའི་སླ་ང། |
| རྔོན |
1. རྔོན་པའི་སྐུལ་ཚིག 2. རི་དྭགས་རྒྱག་པའི་མིང༌། རྒྱ་རྙི་བཙུགས་ཏེ་རྔོན་རྒྱག་པ། མེ་མདའ་ཁྱེར་ཅིང་ཤ་ཁྱི་ཁྲིད་ནས་རྔོན་རྒྱག་པར་ཕྱིན་པ། ལོ་ན་མཐོ་ཞིང་རྔོན་ལ་སྒྲིན་པ།…3.ད་ལྟ་བ་དང་སྐུལ་ཚིག ལྷ་མཆོད་པའི་དོན་ཏེ། གཞི་བདག་བརྔན་པ་ལྷ་ཆོས་མིན་ལྟ་བུ། |
| རྔོན་དོར |
རྔོན་པ་འཁྲབ་དུས་གྱོན་རྒྱུའི་དོར་མ། |
| རྔོན་པ |
1. ཐ་དད་པ བརྔོན་པ། བརྔོན་པ། རྔོན།།རི་དྭགས་གསོད་པ།..རི་ལ་རི་དྭགས་རྔོན་པ་དང༌། ཆུ་ལ་ཉ་མོ་འཛིན་པ། 2 1 རི་དྭགས་གསོད་པ་པོ། ཁྱོད་ཤྭ་བ་དུང་རྭ་ཅན་ལ་འགྲོ་ལུགས་བཅོ་བརྒྱད་ཡོད་ན། ང་རྔོན་པ་དུག་མདའ་ཅན་ལ་སྒུག་ལུགས་ཉི་ཤུ་ཡོད། 2 བོད་ཀྱི་ཟློས་གར་འཁྲབ་པའི་སྔོན་དུ་ཡོང་མཁན་ཞིག |
| རྔོན་པའི་བྱ་འགྲོས |
བོད་ཀྱི་ལྷ་མོའི་ཟློས་གར་འཁྲབ་པའི་ཐོག་མར་རྔོན་པས་འགྱིང་སྟབས་སུ་རྩེ་བའི་བྱ་འགྲོས། |
| རྔོན་པའི་འབག |
ལྷ་མོ་འཁྲབ་དུས་གྱོན་རྒྱུའི་འབག་ཅིག |
| རྔོན་པའི་རྣམ་ཐར |
བོད་ཀྱི་ལྷ་མོའི་ཟློས་གར་འཁྲབ་དུས་རྔོན་པས་གཏོང་བའི་གླུ་དབྱངས། |
| རྔོན་པའི་ས་འདུལ |
བོད་ཀྱི་ལྷ་མོའི་ཟློས་གར་འཁྲབ་པའི་སྔོན་འགྲོར་རྔོན་པས་འཁྲབ་ཡུལ་གྱི་ཉེས་སྐྱོན་སེལ་བའི་ས་འདུལ། |
| རྔོན་པས་འདོན་རྒྱག་པ |
ལྷ་མོ་འཁྲབ་དུས་ཐོག་མར་རྔོན་པས་མདའ་དར་དང་བཅས་ཏེ་ལུས་སྟབས་འགྱིང་ཉམས་ཀྱིས་འདོན་རྒྱག་པ། |
| རྔོམ་པ |
རྔམ་པའི་ད་ལྟ་བའི་འབྲི་ཚུལ་གཞན་ཞིག་ |
| རྔོམ་བག |
1 འཇིགས་རུང་གི་ཉམས། 2 རྙིང འདོད་ཆགས། |
| རྔོམ་བརྗིད |
རྔམ་བརྗིད། |
| རྔོམས |
བརྔམ་གྱི་སྐུལ་ཚིག |
| རྔོས |
1 རྔ་བ་དང་རྔོ་བའི་སྐུལ་ཚིག 2 སླ་ང་སོགས་སུ་རྔོ་བའི་དོན་དུ་གོ་བའི་རྔོད་པའི་སྐུལ་ཚིག་ |
| རྔོས་ཁྱེར |
རྙིང 1 ངན་ཤུགས་ཧམ་ཁྱེར། 2 ཅེ་སྤྱང༌། |
| རྗང་བ |
འབྲུ་རིགས་གསོག་འཇོག་བྱེད་པའི་སྒམ་འབྲུའི་རྗང་བ་ལ་རྗང་མ་ཡང་ཟེར། |
| རྗང་བུ |
འབྲུ་འཇོག་སའི་བང་བ། ཏིལ་གྱི་རྗང་བུ། |
| རྗི |
གྲངས་གནས་ཤིག |
| རྗིད་པ |
རྗུད་པ་ཡི་འབྲི་ཚུལ་གཞན། |
| རྗུད་ཏོ |
ཤེད་སྟོབས་ཞན་པའི་ལུས་སྐེམ་པོའམ་ཤ་རིད་པོ། |
| རྗུད་པ |
(རྒྱན་ཚིག) ལུས་ཀྱི་ཚིལ་ཉུང་ཞིང་ཤ་ཉམས་པ་ལུག་རྗུད་པ། ཤ་རྗུད་པ་ཞེས་པ་ལྟ་བུ། |
| རྗེ |
ཚོགས་པ་སོགས་ཀྱི་འགོ་འཛིན་མཁན་ཏེ། རྗེ་བོ། རྗེ་མོ། རྗེ་དཔོན་ཞེས་པ་ལྟ་བུ། 2.ད་ལྟ་བ་ཉམས་མྱོང་རྗེ་བཞིན་འདུག། བསམ་འཆར་རྗེ་མཁན་ཞེས་པ་ལྟ་བུ། |
| རྗེ་ཁོལ |
གཙོ་བོ་དང་བྲན་ནམ་གཙོ་འཁོར། |
| རྗེ་གོང་མ |
སྔར་འདས་ཟིན་པའི་བླ་དཔོན། |
| རྗེ་ངར |
ཡན་ལག་གི་རུས་པའི་ནང་ནས་རྗེ་བོ་ལྟར་གཉན་ཞིང་དབྱིབས་རལ་གྲིའི་སོ་ལྟར་ངར་བའི་རུས་པ་ལག་པའི་མཁྲིག་ཚིགས་ནས་གྲུ་ཚིགས་བར་དང༌། རྐང་པའི་ལོང་ཚིགས་ནས་པུས་ཚིགས་བར་གྱི་རུས་རྐང་ཆེ་ཆུང་གཉིས་གཉིས་ཡོད་པ་དེའོ། |
| རྗེ་དཔོན |
གཙོ་བོའམ་དཔོན་པོ། |
| རྗེ་དྲུང |
1 ཞབས་དྲུང༌། 2 སྐུ་དྲག་ཆེ་གྲས་ཀྱི་ཕྲུ་གུ་སེར་མོ་བ། |
| རྗེ་བ |
ཐ་དད་པ བརྗེས་པ། བརྗེ་བ། རྗེས།། ཕན་ཚུན་སྤྲོད་ལེན་གྱིས་སྒྱུར་བ། གསར་རྙིང་རྗེ་བ། ས་གནས་བརྗེ་བ། བདག་གཞན་མཉམ་བརྗེ། སྤྱི་ཚོགས་ལམ་ལུགས་རྩ་བ་ནས་བརྗེས་པ། |
| རྗེ་བཙན |
རྙིང རྗེ་བཙུན། |
| རྗེ་བཙུན |
གཙོ་བོའམ་མཆོག་སྟེ་གཞན་ཐར་ལམ་དུ་འཁྲིད་མཁན་གྱི་དེད་དཔོན་ལྟ་བུ་ཡིན་པས་ན་རྗེ་དང༌། སྒོ་གསུམ་གྱི་མི་དགེ་བས་གཏན་ནས་མ་གོས་པས་ན་བཙུན་པ་ཟེར། རྗེ བཙུན |
| རྗེ་བཙུན་གྲགས་པ་རྒྱལ་མཚན |
གྲགས་པ་རྒྱལ་མཚན་གྱི་ཞེ་མིང༌། |
| རྗེ་བཙུན་དམ་པ |
1 སྐྱབས་ཡུལ་གྱི་ཆེ་བ་བརྗོད་པའི་བྱེ་བྲག་ཅིག 2 སོག་པོ་ཁལ་ཁའི་བླ་ཆེན་ཞིག་ཇོ་ནང་པ་ཏཱ་ར་ན་ཐའི་སྐྱེ་སྲིད་དུ་གྲགས། |
| རྗེ་བཙུན་བྱམས་པ |
མ་འོངས་པའི་སངས་རྒྱས་རྣམ་འདྲེན་ལྔ་པ་དང༌། ད་ལྟ་བྱང་ཆུབ་སེམས་དཔའི་ཚུལ་བཟུང་བ་ཉེ་བའི་སྲས་ཆེན་བརྒྱད་ཀྱི་ནང་གསེས་ཤིག |
| རྗེ་བཙུན་བླ་མ |
རྗེ་བོར་གྱུར་ཅིང་ཀུན་སྤྱོད་བཙུན་པོའི་བླ་མ། |
| རྗེ་བཙུན་མ |
1 གཙོ་མོའམ་བདག་མོ། 2 སྐུ་དྲག་རིགས་ཀྱི་རབ་བྱུང་མ། 3 ལྷ་མོ། |
| རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་བརྒྱད་པ་ཞེས་བྱ་བ |
ཐར་ལོའི་འགྱུར། རྒྱུད་ཀྱི་གླེགས་བམ་ཚ་པར་བཞུགས། |
| རྗེ་བཙུན་འཇམ་དཔལ |
ཤེས་རབ་ཀྱི་ལྷ་མཆོག་འཕགས་པ་འཇམ་པའི་དབྱངས། |
| རྗེ་བཙུན་རྡོ་རྗེ་རྣལ་འབྱོར་མ |
མཁའ་སྤྱོད་མ། |
| རྗེ་བཙུན་སྐུ་ཞབས |
སྐུ་དྲག་རིགས་ཀྱི་བཙུན་མོ། |
| རྗེ་བཙུན་སྒྲོལ་མ |
སྒྲོལ་མ་དཀར་ལྗང་སོགས་འཁོར་བའི་འཇིགས་པ་ལས་སྒྲོལ་བར་མཛད་པའི་ལྷ་མོ། |
| རྗེ་བོ |
གཙོ་བོའམ་མགོན་པོ། མི་རྗེ། ཡུལ་རྗེ། རྗེ་དབུ་འཕང་མཐོ་དུས་དལ་ན་དགའ། མིང་གི་རྣམ་གྲངས་ལ་ཁྱབ་བདག་དང༌། མགོ་འདྲེན། མགོ་དཔོན། བདག་པོ། འདྲེན་པ། དཔོན་པོ། དབང་ཕྱུག་དབང་བྱེད་བཅས་སོ། |
| རྗེ་བྲན |
གཙོ་བོ་དང་བྲན་གཡོག |
| རྗེ་བླ་མ |
བླ་མ་མཆོག་གམ་དམ་པ། |
| རྗེ་བློན |
རྒྱལ་པོ་དང་བློན་པོ། རྗེ་བློན་དེ་གཉིས་གཅིག་གི་གཅིག་གི་བཞིན་ལ་མངོན་པར་བལྟས་ནས་འབྲལ་མི་བཟོད་པ། |
| རྗེ་བློན་འབངས་བཅས |
རྒྱལ་པོ་བློན་པོ་མི་སེར་དང་བཅས་པ། |
| རྗེ་མོ |
གཙོ་མོའམ་བཙུན་མོ། |
| རྗེ་ཞབས |
ངོ་གཡོག |
| རྗེ་འབངས |
གཙོ་བོ་དང་མི་སེར། |
| རྗེ་འབངས་གྲོགས་གསུམ |
ཆོས་རྒྱལ་ཁྲི་སྲོང་ལྡེའུ་བཙན་དང༌། ལོ་ཆེན་བཻ་རོ་ཙ་ན། མཁའ་འགྲོ་ཡེ་ཤེས་མཚོ་རྒྱལ་བཅས་གསུམ། |
| རྗེ་འབངས་ཉེར་ལྔ |
བོད་རྒྱལ་ཁྲི་སྲོང་ལྡེའུ་བཙན་གྱི་དུས་སློབ་དཔོན་པདྨ་འབྱུང་གནས་བོད་དུ་གདན་དྲངས་ཏེ་རྒྱལ་པོ་དང་གཞན་འབངས་མང་པོར་གསང་སྔགས་ཀྱི་ཆོས་གསུངས་ཏེ་གྲུབ་པ་ཐོབ་པའི་རྗེ་འབངས་ཉེར་ལྔ་ཁྲི་སྲོང་ལྡེའུ་བཙན། ནམ་མཁའི་སྙིང་པོ། སངས་རྒྱས་ཡེ་ཤེས། རྒྱལ་བ་མཆོག་དབྱངས། མཁར་ཆེན་བཟའ། དཔལ་གྱི་ཡེ་ཤེས། དཔལ་གྱི་སེང་གེ། བཻ་རོ་ཙ་ན། གཉགས་ཛྙཱ་ན་ཀུ་མ་ར། གཡུ་སྒྲ་སྙིང་པོ། རྡོ་རྗེ་བདུད་འཇོམས། ཡེ་ཤེས་དབྱངས། སོག་པོ་ལྷ་དཔལ། ཞང་ཡེ་ཤེས་དཔལ་གྱི་དབང་ཕྱུག་ལྡན་མ་རྩེ་མང༌། སྐ་བ་དཔལ་བརྩེགས། ཤུད་བུ་དཔལ་གྱི་སེང་གེ། རྒྱལ་བའི་བློ་གྲོས། ཁྱེའུ་ཆུང་ལོ། འོ་བྲན་དཔལ་གྱི་དབང་ཕྱུག་རྨ་རིན་ཆེན་མཆོག་ལྷ་ལུང་དཔལ་གྱི་རྡོ་རྗེ། ལང་གྲོ་དཀོན་མཆོག་འབྱུང་གནས། ལ་གསུམ་རྒྱལ་བ་བྱང་ཆུབ་བཅས། |
| རྗེ་ཡབ་སྲས་གསུམ |
རྗེ་ཙོང་ཁ་པ་དང༌། རྒྱལ་ཚབ་དར་མ་རིན་ཆེན། མཁས་གྲུབ་དགེ་ལེགས་དཔལ་བཟང་སྟེ་གསུམ། |
| རྗེ་རིགས |
དཔོན་རིགས་སམ་སྐུ་དྲག མིང་གི་རྣམ་གྲངས་ལ་སྐུ་དྲག་དང༌། ཇོ་བོ། རྗེའུ་རིགས། མི་དྲག་བརླ་སྐྱེས། བརླ་བྱུང༌། ས་རེག་བཅས་སོ། |
| རྗེ་རིགས |
གནའ་བོའི་རྒྱ་གར་གྱི་མི་ལ་མཆོག་དམན་རིགས་བཞིར་ཕྱེ་བའི་རིམ་པ་གཉིས་པའི་མིང་། |
| རྗེ་རིགས་མ |
རྗེ་རིགས་ཀྱི་བུད་མེད། མིང་གི་རྣམ་གྲངས་ལ་སྐྱེ་དགུ་མ་དང༌། སྐྱེ་དགུའི་བདག་མོ། ཇོ་མོ། རྗེ་མོ་བཅས་སོ། |
| རྗེ་རིན་པོ་ཆེ |
གྲུབ་མཐའ་སོ་སོས་རང་རང་གི་བླ་མ་མཚན་ཉིད་དང་ལྡན་པར་འབོད་པའི་མཚན། |
| རྗེ་ས |
ཞེ་ས། |
| རྗེད |
(བྱེད་འབྲེལ་ལས་ཚིག་ད་ལྟ་བ)སྔར་ཤེས་པ་རྣམས་ཡིད་ལ་མི་དྲན་པར་གྱུར་པའི་དོན་ཏེ། ནད་པ་དྲག་ན་སྨན་པ་རྗེད་ཀྱིན་འདུག སྤྱི་ཆོགས་རྙིང་བའི་སྡུག་བསྔལ་རྗེད་མི་རུང་ལྟ་བུ། 2.(བྱེད་འབྲེལ་ལས་ཚིག) བཀུར་གཟོ་བྱས་པའི་བརྡ་རྙིང་ལ་འཇུག་ཆོད་པར་བྱེད—རྗེད་པར་བྱེད་ཟེར་བ་ལྟ་བུ། |
| རྗེད་པ |
ཐ་དད་པ བརྗེད་པ། བརྗེད་པ། རྗེད།། གུས་འདུད་དམ་བརྩི་བཀུར་བྱེད་པ། ཁོང་གི་མཛད་སྤྱོད་བཟང་པོ་ནི་བསྟོད་ཅིང་རྗེད་པར་འོས་པ་ཞིག་གོ། |
| རྗེན |
(རྒྱན་ཚིག) སྒྲིབ་གཡོག་མེད་པའི་དོན་ཏེ། ལུས་དམར་རྗེན། མགོ་རྗེན། ས་རྗེན། རྐང་རྗེན། ཉེས་སྐྱོན་རྗེན་པར་བཏོན་ལྟ་བུ། མ་བཙོས་པའི་ཟས་ཏེ། ཤ་རྗེན་ཟ་མི་རུང་། གཅན་གཟན་ཤ་རྗེན་ཟ་མཁན་ཞེས་པ་ལྟ་བུ།０ཚྭ་སྡོར་སོགས་མེད་པའི་ཟས་ཏེ། རྗེན་ཐུག། རྗེན་ཆུ་ཞེས་པ་ལྟ་བུ། |
| རྗེན་གཅེར |
1 མངོན་གསལ་ལམ་དངོས་དངོས་རྗེན་རྗེན། གནས་ཚུལ་ཚང་མ་རྗེན་གཅེར་དུ་མཐོང་བ། འགྲེལ་བཤད་རྗེན་གཅེར་དུ་བརྒྱབ་པ། 2 གོས་མེད་གཅེར་བུ། |
| རྗེན་ཆེར |
གཅེར་བུ། |
| རྗེན་ནེ་བ |
1 གཅེར་བུ་ཧྲང་ངེ་བ། སྒྲིབ་གཡོགས་མེད་པའི་རྗེན་ནེ་བ། 2 གསལ་ལེ་བ། དོན་རྗེན་ནེ་བར་བློ་ལ་ཤར་ན་བརྗེད་དཀའ། |
| རྗེན་པ |
1 ཁེབས་གཡོགས་མེད་པ། རྐང་རྗེན་མ། སྟོད་རྗེན་མ། ལུས་རྗེན་པར་འདོན་པ། ས་རྗེན་པ། གནས་ལུགས་རྗེན་པར་མཐོང་བ། 2 མ་ཚོས་པ། ཤ་རྗེན་པ། འབྲུ་རྗེན་པ། འབྲས་རྗེན་པ། 3 ཚྭ་སྡོར་སོགས་མེད་པའི་ཟས། རྗེན་ཐུག རྗེན་ཆུ། |
| རྗེན་ཕྱེ |
རྗེན་པར་བཏགས་པའི་ཕྱེ་མ། |
| རྗེན་བཏགས |
འབྲུ་རིགས་མ་བརྔོས་པར་བཏགས་པ། དུད་འགྲོར་རྗེན་བཏགས་སྟེར་ན་ཤ་ཤེད་སླེབས། |
| རྗེན་བཙོས |
རྗེན་པ་དང་བཙོས་མ། |
| རྗེན་ཞོན |
རྟ་སོགས་ཀྱི་སྒལ་པར་སྒ་སྟན་མེད་པར་ཞོན་པ། བྱིས་པ་མང་པོས་རྟ་རྗེན་ཞོན་བརྒྱབ་ནས་བང་རྩལ་གློད་པ། |
| རྗེན་ཟས |
མ་བཙོས་མ་བསྲེགས་མ་བརྔོས་པའི་ཟས་ཀུན། |
| རྗེན་རིགས |
མ་བཙོས་མ་བསྲེགས་མ་བརྔོས་པའི་ཟས་ཀྱི་རིགས། |
| རྗེན་ལོག |
བཟའ་ཆས་བཙོས་ནས་མ་ཚོས་པ། |
| རྗེའུ |
གནའ་བོའི་རྒྱ་གར་གྱི་བྲམ་ཟེའི་ཆོས་ལུགས་ལ་མི་ལ་མཆོག་དམན་བཞིར་ཕྱེ་བའི་ནང་གི་རྗེ་རིགས་ལས་ཅུང་ཟད་དམན་པའི་རིགས་ཤིག་གི་མིང་། 2.དཔོན་ཆུང༌།… |
| རྗེའུ་རིགས |
བཻཤྱཿ སྔར་རྒྱ་གར་གྱི་མི་རིགས་བཞིའི་ཡ་གྱལ་ཞིག |
| རྗེས |
1. རྗེ་བའི་སྐུལ་ཚིག 2. ཤུལ། རྐང་རྗེས། རྨ་རྗེས། བྱས་རྗེས། རྗེས་མེད་ཤུལ་མེད། |
| རྗེས་ཁྱབ |
རྟགས་གསལ་གྱི་སྦྱོར་བ་འགོད་པའི་ཚུལ་གཉིས་པ། དེ་སྒྲུབ་ཀྱི་མཐུན་ཕྱོགས་ཁོ་ན་ལ་ཡོད་པ་ཉིད་དུ་ཚད་མས་ངེས་པ་བྱས་པ་ཡིན་ན་མི་རྟག་པ་ཡིན་པས་ཁྱབ་པ་དང༌། དུ་བ་ཡོད་པས་མེ་ཡོད་པར་ངེས་པ་ལྟ་བུ་མཐུན་པའི་ཕྱོགས་ལ་ཡོད་པའམ་རྟགས་ཀྱི་རྗེས་སུ་བསྒྲུབ་བྱ་འགྲོ་བའོ། |
| རྗེས་ཁྱབ་ཕྱིན་ཅི་ལོག |
རྟགས་གསལ་ཁྱབ་པ་སྒོ་བརྒྱད་ལས་ཁྱབ་པ་ཕྱིན་ཅི་ལོག་པ་བཞིའི་ནང་གསེས། རྟགས་དེ་ཡིན་ན་གསལ་བ་དེ་མ་ཡིན་པས་ཁྱབ་པ། དཔེར་ན། བྱས་པ་ཡིན་ན་རྟག་པ་མ་ཡིན་པས་ཁྱབ་པ་ལྟ་བུ་འགལ་ཁྱབ་རྣལ་མ་དང་མཚུངས་པའོ། |
| རྗེས་ཁྱབ་རྣལ་མ |
རྟགས་གསལ་ཁྱབ་པ་སྒོ་བརྒྱད་ལས་རྣལ་མ་བཞིའི་ནང་གསེས། རྟགས་དེ་ཡིན་ན་གསལ་བ་དེ་ཡིན་པས་ཁྱབ་པ། དཔེར་ན། བྱས་པ་ཡིན་ན་མི་རྟག་པ་ཡིན་པས་ཁྱབ་པ་ལྟ་བུའོ། |
| རྗེས་ཁྲིད |
སྙན་དངགས་ལེའུ་དང་པོ་ནས་འབྱུང་བའི་རྗེས་ཁྲིད་ཀྱི་རྒྱན། |
| རྗེས་གནང |
1 བྱས་ཆོག་པའི་དགོངས་པ། 2 ལྷའི་སྒོམ་བཟླས་དང་འཆད་ཉན་བྱེད་པར་དབང་བའི་བྱིན་རླབས་གནང་བ། |
| རྗེས་གནང་གིས་འགོག་པ |
འགོག་པའི་རྒྱན་གྱི་ནང་གསེས་ཤིག་སྟེ་དགག་བྱ་ཡིད་ལ་མི་འདོད་པའི་བྱ་བ་ཞིག་འགོག་བྱེད་རྗེས་གནང་གི་ཚིག་འཇམ་པོའི་སྒོ་ནས་དེའི་གྲུབ་འབྲས་ཡིད་དུ་མི་འོང་བ་འཕྲལ་ལ་འབྱུང་བ་ཟུར་གྱིས་བསྟན་ཏེ་འགོག་པའི་རྒྱན་ཞིག |
| རྗེས་གནོན་མཐར་སྐྱེལ |
གཅིག་འཕྲོ་གཅིག་མཐུད་མཐའ་འཁྱོངས་བྱེད་པ། བཀའ་ཁྲིམས་ཀྱི་བརྡ་འདེད་རྗེས་གནོན་མཐར་སྐྱེལ་བྱེད་པ། སྔར་བཏིང་འཆར་གཞི་ཚང་མ་བར་ལྡིང་འཕྲོ་ཅན་དུ་མ་ལུས་པར་རྗེས་གནོན་མཐར་སྐྱེལ་བཏང་སྟེ་འཇུག་འཁྱོངས་རྗེས་གཙང་ཡོང་བ་བྱེད་དགོས། |
| རྗེས་གནོན་ཚ་ནན |
འགལ་འཛོལ་ལ་གཞིགས་པའི་ཉེས་པ་དྲག་པོ་གཏོང་རྒྱུ། |
| རྗེས་གཞིག |
བསྐྱེད་རིམ་སྒོམ་སྐབས་ལྷའི་གཞལ་ཡས་ཁང་འོད་གསལ་དུ་བསྡུས་པའི་རྗེས་སུ་རང་ལུས་འོད་གསལ་དུ་བསྡུ་བའི་རིམ་པ། |
| རྗེས་གྲབས |
མ་འོངས་པའི་གྲ་སྒྲིག རྗེས་གྲབས་དཔུང་སྡེ། |
| རྗེས་གྲུབ |
མིང་བརྡ་འདོགས་ཚུལ་ཞིག་དངོས་པོ་བྱུང་བའི་རྗེས་སུ་འདྲ་འབྲེལ་གང་རུང་གི་རྒྱུ་མཚན་ལ་བརྟེན་ནས་བཏགས་པའི་མིང༌། དཔེར་ན། ཁྱི་གུ་ཁ་ཆེ་སྣ་ཉག་ལ་སེང་གེ་ཞེས་བཏགས་པ་ལྟ་བུ་འདྲ་བ་རྒྱུ་མཚན་དུ་བྱས་ནས་བཏགས་པ་དང༌། ཉི་མའི་འོད་ཟེར་ལ་ཉི་མ་ཞེས་བཏགས་པ་ལྟ་བུ་འབྲེལ་བ་རྒྱུ་མཚན་དུ་བྱས་ནས་བཏགས་པའོ། |
| རྗེས་གྲུབ་ཀྱི་མིང |
ངེས་ཚིག་གམ་རྒྱུ་མཚན་ལ་བརྟེན་ནས་བཏགས་པའི་མིང༌། |
| རྗེས་གྲུབ་སྒྲ |
རྗེས་གྲུབ་ཀྱི་མིང་དང་དོན་གཅིག་ |
| རྗེས་ཆགས |
1 བརྩེ་བའམ་སྙིང་རྗེ། 2 འདོད་ཆགས། |
| རྗེས་ཆོག |
དཀྱིལ་འཁོར་གྱི་རྗེས་ཀྱི་ཆོ་ག་ཆོ་ག་ལྷག་ཆད་ཀྱི་ཉེས་པ་ཞི་བ་དང་ལྷ་ཚིམ་པའི་ཕྱིར་ཞི་རྒྱས་ཀྱི་སྦྱིན་སྲེག་བྱ་བ་དང༌། དཀྱིལ་འཁོར་མཆོད་བསྟོད་དང་ཕྱོགས་སྐྱོང་ལ་གཏོར་མ་དབུལ་བ་དང༌། དཀྱིལ་འཁོར་ལ་ཕྱག་བྱས་ཏེ་བཟོད་གསོལ་བྱ་བ་དང༌། ཡེ་ཤེས་པ་གཤེགས་ནས་དམ་ཚིག་པ་རང་ལ་བསྡུས་ཏེ་རྡུལ་ཚོན་ཆུར་གཤེགས་དང༌། དགེ་བསྔོ་དང་བཀྲ་ཤིས་ཀྱིས་མཐའ་བརྒྱན་པར་བྱ་བའོ། |
| རྗེས་ཆོད |
1 རྩད་བཅད་ནས་རྙེད་པ། 2 རྗེས་ཟིན། རྐང་ཐང་གིས་རྟ་བའི་རྗེས་མི་ཆོད། |
| རྗེས་ཉུལ་བ |
1 རྗེས་ཤུལ་བཙལ་བ། 2 མདུན་བསྐྱོད་དཔུང་སྡེའི་རྒྱབ་ནས་དགྲ་ཉེན་ཡོང་མིན་གྱི་རྟོག་ཞིབ་བྱེད་མཁན། |
| རྗེས་ཐོགས |
མཇུག་དེ་མ་ཐག ཞོགས་པ་ལངས་པའི་རྗེས་ཐོགས་སུ་ལུས་རྩལ་སྦྱོང་བ། |
| རྗེས་ཐོབ |
མཉམ་པར་བཞག་པ་ལས་ལྡང་བའི་སྐབས། |
| རྗེས་ཐོབ་པ |
རྗེས་ཐོབ་ཀྱི་རྣལ་འབྱོར་པ། |
| རྗེས་ཐོབ་ཡེ་ཤེས |
མཉམ་གཞག་གི་སྟོབས་ཀྱིས་ཐོབ་པའི་ཡེ་ཤེས་ཤེས་བྱ་ཇི་སྙེད་པ་ཐམས་ཅད་ལ་འཇུག་པ། |
| རྗེས་ཐོབ་སྒྱུ་མ་ལྟ་བུའི་སྟོང་ཉིད |
མཉམ་བཞག་ལས་ལྡང་སྐབས་དབང་པོ་ལྔའི་ཡུལ་དུ་མཐོང་ཐོས་གང་བྱུང་ཡང་སྒྱུ་མའི་ལྟད་མོ་བཞིན་དུ་མཐོང་བ། |
| རྗེས་དཔག |
ཨནུམཎ རྟགས་མཐོང་ཞིང་འབྲེལ་བ་ངེས་པའི་རྗེས་སུ་བསྒྲུབ་བྱ་དཔོག་པའམ་གཞལ་བྱ་ལྐོག་གྱུར་འཇལ་བ་དུ་བ་དང་ཆུ་སྐྱར་གྱི་རྟགས་ལས་མེ་དང་ཆུ་ཡོད་པར་དཔོག་པ་ལྟ་བུའོ། |
| རྗེས་དཔག་གཉིས |
1 སྒྲས་བརྗོད་ཀྱིས་དབྱེ་ན། རང་དོན་རྗེས་དཔག་དང༌། གཞན་དོན་རྗེས་དཔག་སྟེ་གཉིས། 2 རྟགས་སྦྱོར་གྱིས་དབྱེ་ན། རྗེས་དཔག་ཡང་དག་དང༌། རྗེས་དཔག་ལྟར་སྣང་སྟེ་གཉིས་སོ། |
| རྗེས་དཔག་གསུམ |
དངོས་སྟོབས་རྗེས་དཔག་དང༌། གྲགས་པའི་རྗེས་དཔག་དང༌། ཡིད་ཆེས་རྗེས་དཔག་སྟེ་གསུམ་མོ། |
| རྗེས་དཔག་གི་བཅད་ཤེས |
བཅད་ཤེས་ཀྱི་ནང་གསེས། རང་འདྲེན་བྱེད་ཀྱི་རྗེས་དཔག་ཚད་མས་རྟོགས་ཟིན་པ་དེ་སླར་ཡང་རྟོགས་པའི་ཤེས་པ་སྒྲ་མི་རྟག་རྟོགས་པའི་རྗེས་དཔག་སྐད་ཅིག་གཉིས་པ་ལ་སོགས་པ་རྗེས་དཔག་སྐད་ཅིག་གཉིས་པ་ཐམས་ཅད་དོ། |
| རྗེས་དཔག་གི་ཚད་འབྲས |
རྟགས་སྟོབས་ཀྱིས་རང་ཡུལ་ཇི་བཞིན་རྟོགས་པ་དཔེར་ན། སྒྲ་མི་རྟག་རྟོགས་ཀྱི་རྗེས་དཔག་ལ་མཚོན་ན། སྒྲ་མི་རྟག་པ་གཞལ་བྱ། སྒྲ་མི་རྟག་པར་སྒྲུབ་པའི་ཚུལ་གསུམ་ཚང་བའི་གཏན་ཚིགས་ལས་སྒྲ་མི་རྟག་པའི་རྣམ་པར་ཤར་ནས་སྒྲ་མི་རྟག་པ་ལ་གསར་དུ་མི་བསླུ་བའི་ཤེས་པ་ཚད་མ། སྒྲ་མི་རྟག་པར་དངོས་སུ་རྟོགས་པ་རྗེས་དཔག་གི་ཚད་འབྲས་ཡིན་པ་ལྟ་བུ། |
| རྗེས་དཔག་གི་ཤེས་པ |
རྗེས་དཔག་ཚད་མ་དང་དོན་གཅིག་ |
| རྗེས་དཔག་གིས་བསལ་བ |
དངོས་སྟོབས་ཀྱིས་བསལ་བའོ། |
| རྗེས་དཔག་ཚད་མ |
ཚད་མ་གཉིས་ཀྱི་ནང་གསེས། རང་གི་རྟེན་རྟགས་ཡང་དག་ལ་བརྟེན་ནས་རང་གི་གཞལ་བྱ་ལྐོག་གྱུར་ལ་གསར་དུ་མི་བསླུ་བའི་ཞེན་རིག་དཔེར་ན། དངོས་སྟོབས་རྗེས་དཔག་ལ་སོགས་པ་ལྟ་བུའོ། |
| རྗེས་དཔག་ཡང་དག |
རྒོལ་ཕྱི་རྒོལ་གཉིས་ཀས་ཁས་ལེན་པའི་དོན་གཞིར་བཟུང༌། གཏན་ཚིགས་རིག་པའི་སྦྱོར་བ་བཀོད་ནས་ཕྱི་རྒོལ་གྱིས་སྔར་དོགས་པ་མ་ཆོད་པའི་བསྒྲུབ་བྱ་ཇི་བཞིན་རྟོགས་པའི་ཞེན་རིག |
| རྗེས་དཔག་ལྟར་སྣང |
རང་ཉིད་ཀྱི་དམ་བཅའ་སྒྲུབ་པར་སྦྱོར་བ་སྐྱོན་ཅན་བཀོད་ནས་འགལ་བའི་རིག་པ་བྱུང་བ། |
| རྗེས་དྲན |
ཕྱིས་སུ་མི་བརྗེད་པའི་སེམས་པ། སྔོན་གཤེགས་དཔའ་བོ་རྣམས་ཀྱི་བྱས་རྗེས་རྗེས་དྲན་བྱད་པ། རྗེས་དྲན་ཚོགས་འདུ། |
| རྗེས་དྲན་དྲུག |
སངས་རྒྱས་པ་ཚོས་རྟག་ཏུ་མི་བརྗེད་པར་དྲན་བྱའི་ཡུལ་དྲུག་སྟེ་བླ་མ་དང༌། སངས་རྒྱས། ཆོས། དགེ་འདུན། ཚུལ་ཁྲིམས། གཏོང་བ་བཅས་སོ། |
| རྗེས་དྲན་ལྔ |
བཀའ་གདམས་པའི་མན་ངག་ལྔ་སྐྱབས་གནས་བླ་མ་དྲན་པ་དང༌། ལུས་ལྷའི་རང་བཞིན་དྲན་པ། ངག་བཟླས་བརྗོད་ཀྱི་རང་བཞིན་དྲན་པ། འགྲོ་བ་ཐམས་ཅད་ཕ་མར་ཤེས་པ། སེམས་ཀྱི་གནས་ལུགས་སྟོང་པར་ཤེས་པ། |
| རྗེས་བཅད་པ |
1 རྐང་རྗེས་རྩད་བཅད་པ། རྐུན་མ་ནགས་སུ་ཕྱིན་ཀྱང་རྗེས་སྤང་ལ་བཅད་པ། 2 ན་ཚ་རྩ་བ་ནས་བཅད་པ། |
| རྗེས་བཞིན |
ཕྱི་བཞིན། ལམ་རྒྱུས་པའི་རྗེས་བཞིན་མ་འབྲངས་ན་འགྲོ་ལམ་ནོར་ཡོང༌། |
| རྗེས་བཟུང |
ཐུགས་རྗེས་བསྐྱངས་པ། དགེ་རྒན་གྱིས་སློབ་ཕྲུག་རྗེས་བཟུང་ཐོག་ཡོན་ཏན་མཐར་ཕྱིན་བསླབས་པ། |
| རྗེས་བཟོད |
རྗེས་ལ་རྟོགས་པའི་བཟོད་པ་ཁམས་གཉིས་ཀྱིས་བསྡུས་པའི་ཆོས་ལ་བདེན་བཞི་ཇི་ལྟར་མཐོང་བས་མཐོང་སྤང་དངོས་སུ་སྤོང་བའི་གཉེན་པོ་བར་ཆད་མེད་ལམ་མོ། |
| རྗེས་བསྔོ |
མཇུག་བསྔོ་དང་དོན་གཅིག་ |
| རྗེས་བསྙེགས |
རྗེས་སུ་བསྙེགས་པ་སྟེ་རྗེས་ཟིན་པར་བྱེད་པ། ཕྲུ་གུས་ཕ་མའི་རྗེས་བསྙེགས་ནས་ཕྱིན་པ། དགྲ་བོ་བྲོས་པའི་རྗེས་སུ་བསྙེགས་པ། |
| རྗེས་མ |
ཕྱི་མའམ་འཇུག་མ། མི་རབས་རྗེས་མ། གོམ་རིམ་རྗེས་མ། |
| རྗེས་མཐུན་གྱི་ཆོས་དྲུག |
དགེ་སློབ་མའི་བསྲུང་བྱ་གསེར་ལ་སོགས་པའི་རིན་པོ་ཆེ་བཟུང་བ་དང༌། འདོམས་ཀྱི་སྤུ་འབྲེག་པ་དང༌། ས་རྐོ་བ་དང༌། རྩྭ་སྔོན་གཅོད་པ་དང༌། བྱིན་ལེན་མ་བྱས་པར་ཟ་བ་དང༌། གསོག་འཇོག་བྱས་པ་ཟ་བ་སྤོང་བ་སྟེ་དྲུག |
| རྗེས་མཐུན་པ |
ཆ་འདྲ་བའམ་ཕྱོགས་མཐུན་པ། ཁྱེད་ཀྱིས་བྱས་པའི་རྗེས་མཐུན་ཙམ་ཡང་ཁོ་བོས་མི་ཐུབ། ཞི་གནས་རྗེས་མཐུན་པ། ལྷག་མཐོང་རྗེས་མཐུན་པ། |
| རྗེས་མའི་རྗེས་མ |
ཕྱི་མའི་ཡང་ཕྱི་མའམ་མཇུག་མའི་ཡང་མཇུག་མ། |
| རྗེས་མར་ལུས |
ལམ་བགྲོད་སྐབས་གཞན་པའི་རྗེས་སུ་ལུས་པའམ། ལས་ཀའི་བྱེད་ཚད་མགྱོགས་པོ་མ་ཡིན་པ། |
| རྗེས་མར་ལྡས |
རྙིང ལམ་བགྲོད་སྐབས་གཞན་པའི་རྗེས་སུ་ལུས་པ། |
| རྗེས་མེད |
ཤུལ་མེད་པ། རྗེས་མེད་དུ་གཏོང་བ། ཁང་པ་རྙིང་པ་རྗེས་མེད་དུ་གྱུར་སོང༌། |
| རྗེས་ཟིན་པ |
རྗེས་སུ་སླེབས་པ། ད་ལྟ་ལམ་སང་ཕྱིན་ན་ཁོའི་རྗེས་ཟིན་གྱི་རེད། རྟ་རྒྱུག་བྱས་རུང་རླངས་འཁོར་གྱི་རྗེས་མི་ཟིན། |
| རྗེས་ཟློས |
ལད་ཟློས། གཞན་གྱི་རྗེས་ཟློས་བྱས་ནས་བཤད་ན་མི་ལེགས། དགེ་རྒན་གྱི་གསུང་དབྱངས་ཇི་བཞིན་རྗེས་ཟློས་བྱེད་པ། |
| རྗེས་འགྲོ |
1 ཕྱིས་སམ་སྔ་མའི་རྒྱབ་ནས་འགྲོ་མཁན། 2 འདྲ་བའམ་མཚུངས་པ། |
| རྗེས་འགྲོ་གང་བ |
མངོན ཚེས་བཅོ་ལྔའི་ཟླ་བ། |
| རྗེས་འཇུག |
1 མིང་གཞིའི་རྗེས་སུ་འཇུག་རུང་བའི་གསལ་བྱེད་ག་སོགས་བཅུ། ག་ང་ད་ན་བ་མ་འ་ར་ལ་ས 2 རྗེས་འགྲོ། མཁས་དབང་རྒན་པས་རྗེས་འཇུག་གསར་པ་སྐྱོང༌། |
| རྗེས་འཇུག་གི་ཡི་གེ |
བོད་ཡིག་ག་ང་ད་ན་བ་མ་འ་ར་ལ་ས་བཅུའི་སྤྱི་མིང་།０བརྗེ་ཡི་སྐུལ་ཚིག |
| རྗེས་འཇུག་ཕོ་ཡིག |
ག་ད་བ་ས་བཞི། ག་ད་བ་ས |
| རྗེས་འཇུག་བུ་སློབ |
རྗེས་འཛིན་པ་བུའམ་སློབ་མ། |
| རྗེས་འཇུག་མ་ནིང |
ན་ར་ལ་གསུམ། ན་ར་ལ |
| རྗེས་འཇུག་མོ་ཡིག |
ང་མ་འ་གསུམ། ང་མ་འ |
| རྗེས་འདེད |
རྗེས་ཟིན་པར་བྱེད་པའི་ཐབས། རྗེས་འདེད་དམག |
| རྗེས་འབྲང་པ |
ཕྱག་ཕྱིར་འགྲོ་མཁན་ལས་བྱེད་པ། |
| རྗེས་འབྲས |
མཐའ་མའི་འབྲས་བུའམ། རྗེས་སུ་ཡོང་རྒྱུའི་འབྲས་བུ། |
| རྗེས་འབྲེལ |
རྗེས་སུ་འབྲེལ་བའི་བསྡུས་ཚིག་ |
| རྗེས་འབྲེལ་གྱི་དགེ་བ |
དད་སོགས་དགེ་བའི་སེམས་བྱུང་གི་བག་ཆགས། |
| རྗེས་འབྲེལ་གྱི་མི་དགེ་བ |
རྩ་ཉོན་དང་ཉེ་ཉོན་རྣམས་ཀྱི་བག་ཆགས། |
| རྗེས་འཚོལ |
རྗེས་ཤུལ་འཚོལ་བ། ལག་རྗེས་བཟང་པོ་གང་བཞག་གི་རྗེས་འཚོལ་བྱེད་པ། |
| རྗེས་འཛིན |
ཤུལ་འཛིན། མི་རབས་སྔ་མའི་རྗེས་འཛིན་ཕྱི་མས་བྱེད་པ། |
| རྗེས་འོང་སྔོན་དྲན |
ཕྱིས་སུ་ཡོང་རྒྱུ་སྔོན་ཚུད་ནས་དྲན་པ། རྗེས་འོང་སྔོན་དྲན་གྱིས་བསམ་གཞིགས་བྱེད་པ། |
| རྗེས་ཡི་རང |
རྗེས་སུ་ཡི་རང་བའི་བསྡུས་ཚིག་ |
| རྗེས་ཡོང་སྔོན་ཤེས |
ཕྱིས་སུ་ཡོང་རྒྱུ་སྔོན་ཚུད་ནས་ཤེས་རྟོགས། |
| རྗེས་ལ་མངོན་རྟོགས |
སྒོམ་ལམ་སྟེ་མཐོང་ལམ་གྱི་རྗེས་ལ་བདེན་པ་མངོན་སུམ་དུ་རྟོགས་པའི་ལམ། |
| རྗེས་ལུས |
རྗེས་མ་ཟིན་པ། ཤེས་རིག་ཡོན་ཏན་རྗེས་ལུས་ཐེབས་པ། ལག་རྩལ་རྗེས་ལུས་ཐེབས་དོགས་ཀྱིས་སྦྱང་བརྩོན་ཧུར་སྐྱེད་བྱེད་པ། |
| རྗེས་ཤུལ |
སྔར་གྱི་བཟོ་དབྱིབས་སམ་ས་མལ། |
| རྗེས་ཤེས |
རྗེས་སུ་རྟོགས་པའི་ཤེས་པ་ཁམས་གོང་མ་གཉིས་ཀྱིས་བསྡུས་པའི་ཆོས་ལ་བདེན་བཞི་ཇི་ལྟར་མཐོང་བས་མཐོང་སྤང་སྤངས་ཏེ་བྲལ་འབྲས་ཉམས་སུ་མྱོང་བའི་རྣམ་གྲོལ་ལམ་མོ། |
| རྗེས་སུ་གཅགས་པ |
འགྱོད་པ་སྐྱེས་པ། |
| རྗེས་སུ་གདུངས་པ |
རྗེས་སུ་གཅགས་པ་སྟེ་འགྱོད་པའི་དོན། |
| རྗེས་སུ་གནང་བ |
བྱས་ཆོག་པའི་དགོངས་པ་འཁྲོལ་བ། |
| རྗེས་སུ་གནང་བའི་བཀའ |
སངས་རྒྱས་ཀྱི་བཀའ་གསུམ་གྱི་ཡ་གྱལ་ཞིག་གླེང་གཞི་དང༌། མཚམས་སྦྱོར་དང༌། མཐུན་འགྱུར་ཡི་རང་བཅས། |
| རྗེས་སུ་ང་རོ |
ཡི་གེའི་སྟེང་དུ་འབྲི་བའི་ཐིག་ཀོར། |
| རྗེས་སུ་དཔག་པ |
རྗེས་དཔག་དང་དོན་གཅིག་ |
| རྗེས་སུ་དཔག་པས་གནོད་པ |
རྗེས་དཔག་གིས་བསལ་བའོ། |
| རྗེས་སུ་དྲན་པ |
སྔ་མའི་གནས་ཚུལ་སེམས་ལ་ཡོངས་སུ་ཤར་བའམ་བསམ་པ། སྔོན་དུས་སུ་སྡུག་བསྔལ་བྱུང་ལུགས་རྗེས་སུ་དྲན་པ། བཀའ་དྲིན་རྗེས་སུ་དྲན་པ། |
| རྗེས་སུ་དྲན་པའི་མཐར་གྱིས་སྦྱོར་བ་དྲུག |
ཤེར་ཕྱིན་དོན་བདུན་ཅུ་ལས་མཐར་གྱིས་སྦྱོར་བའི་ཆོས་བཅུ་གསུམ་གྱི་ནང་ཚན། སངས་རྒྱས་རྗེས་སུ་དྲན་པའི་མཐར་གྱིས་པ་དང༌། ཆོས་རྗེས་སུ་དྲན་པའི་མཐར་གྱིས་པ་དང༌། དགེ་འདུན་རྗེས་སུ་དྲན་པའི་མཐར་གྱིས་པ་དང༌། ཚུལ་ཁྲིམས་རྗེས་སུ་དྲན་པའི་མཐར་གྱིས་པ་དང༌། གཏོང་བ་རྗེས་སུ་དྲན་པའི་མཐར་གྱིས་པ་དང༌། ལྷ་རྗེས་སུ་དྲན་པའི་མཐར་གྱིས་པ་སྟེ་དྲུག་གོ། |
| རྗེས་སུ་བརྩེ་བ |
1 སྙིང་རྗེ་བྱེད་པ། 2 གར་སྟབས་ཤིག |
| རྗེས་སུ་བཤད་པ |
1 ཕྱིས་སུ་སྨྲས་པ། 2 མཇུག་ཏུ་བཤད་པ། |
| རྗེས་སུ་བསྟན་པའི་ཆོ་འཕྲུལ |
སེམས་ཀྱི་རྒྱུད་ལ་ཉོན་མོངས་པའི་ཤས་གང་ཆེ་བ་བརྟགས་ནས་གཉེན་པོ་དེ་དང་དེ་སྟོན་པ། |
| རྗེས་སུ་བསྲུང་བའི་ཆོས་ཅན |
དགྲ་བཅོམ་པ་དྲུག་གི་ནང་གསེས། གང་དབང་པོ་རྟུལ་པོ་འདོད་ཡོན་གྱིས་མྱོས་ན་མཐོང་བའི་ཆོས་ལ་བདེ་བར་གནས་པ་ལས་ཉམས་པའི་སྐལ་བ་ཅན་ཡིན་ལ་མ་མྱོང་ན་མ་ཡིན་པའོ། |
| རྗེས་སུ་བྱེད་པའི་སྒྲ |
ཚིག་གཅིག་ལན་གཉིས་བརྗོད་པ་ཟློས་སྐྱོན་དུ་མི་འགྱུར་བར་དོ་གལ་གྱིས་བརྣན་པའི་སྒྲ་ཀྱེ་མ་ཀྱེ་མ། དགེའོ་དགེའོ་ཞེས་པ་རྣམས་སོ། |
| རྗེས་སུ་མཐུན་པ |
1 ཡོངས་སུ་འགྲིགས་པའམ་འཆམས་པ། 2 ཕྱོགས་འདྲ་བའམ་མཚུངས་པ། |
| རྗེས་སུ་མྱ་ངན་བྱེད་པ |
སྔར་བྱུང་མི་ལེགས་པ་དྲན་ནས་སྐྱོ་སྣང་བྱེད་པ། |
| རྗེས་སུ་མྱོང་བ |
རང་གིས་དངོས་སུ་ཚོར་བ། |
| རྗེས་སུ་འགྲོ་བ |
1 ཕྱི་ལ་བགྲོད་པ། སྔོན་ཐོན་པ་རྣམས་ཀྱི་རྗེས་སུ་འགྲོ་བ། 2 མཚུངས་གསལ་གྱི་སྒྲ་ཞིག་སྟེ་འདྲ་བ། |
| རྗེས་སུ་འཆིང |
མཚུངས་གསལ་གྱི་སྒྲ་ཞིག་སྟེ་འདྲ་བ། |
| རྗེས་སུ་འདེད་པ |
སྔོན་ལ་སོང་བ་དེའི་རྗེས་ཟིན་ཐབས་བྱེད་པ། སྔོན་དུ་འགྲོ་མཁན་གྱི་རྗེས་སུ་འདེད་པ། |
| རྗེས་སུ་འབྲང་བ |
1 ཕྱི་རྗེས་སུ་འགྲོ་བ། གཞན་གྱིས་བཤད་པའི་ཁ་རྗེས་སུ་འབྲང་བ། བུ་ཕྲུག་ཕ་མའི་རྗེས་སུ་འབྲང་བ། 2 གྲངས་ཀྱི་རྒྱུན། ཆུ་ཚོད་རྗེས་འབྲང་བཅས། |
| རྗེས་སུ་འབྲེལ་བ |
ཕྱི་མ་སྔ་མ་ལ་བརྟེན་པའམ་རག་ལས་པ། བཟའ་ལས་རྗེས་འབྲེལ། ད་ལྟའི་གནས་ལུགས་གང་ཅི་སྔ་མའི་ལོ་རྒྱུས་ཀྱི་རྗེས་སུ་འབྲེལ་བ་ཞིག་རེད། |
| རྗེས་སུ་འཚོལ་བ |
རིམ་གྱིས་འཚོལ་ཉུལ་བྱེད་པ། སྔ་མའི་ལོ་རྒྱུས་ཀྱི་ཤུལ་རྙིང་རྗེས་སུ་འཚོལ་བ། |
| རྗེས་སུ་འཛིན་པ |
ཐུགས་རྗེས་སྐྱོང་བ། |
| རྗེས་སུ་ཡི་རང་བ |
ཡིད་ལ་བབ་པའམ་མོས་པ། གཞན་གྱི་དགེ་བ་ལ་རྗེས་སུ་ཡི་རང་བ། ཁོས་དམངས་ལ་ཕན་ཐོགས་ཡོད་པའི་བྱ་བ་བྱེད་པར་ཚང་མས་རྗེས་སུ་ཡི་རང་བྱས། |
| རྗེས་སུ་ཡི་རང་སྒོམ་ལམ |
ཤེར་ཕྱིན་དོན་བདུན་ཅུའི་ནང་གསེས། ཟག་བཅས་སྒོམ་ལམ་གང་ཞིག་རང་གཞན་གྱི་དགེ་བ་ལ་མངོན་པར་དགའ་བའོ། |
| རྗེས་སུ་རྐང་པ་འཇོག་པ |
མཚུངས་པ་གསལ་བྱེད་ཀྱི་སྒྲ་ཞིག་སྟེ་འདྲ་བ། ཁྱོད་གདོང་པད་མའི་རྗེས་སུ་རྐང་པ་འཇོག |
| རྗེས་སུ་རྟོགས་པའི་ཤེས་པ |
བདེན་བཞི་ལ་དམིགས་པའི་མཐོང་ལམ་སྐད་ཅིག་བཅུ་དྲུག་གི་ནང་གསེས་ཤིག |
| རྗེས་སུ་ཤེས་པ |
1 རྟོགས་པ། 2 ཤེས་པ་བཅུའི་ཡ་གྱལ་ཞིག |
| རྗེས་སུ་སྟོན་པ |
1 བཤད་པ། 2 མིག་སྟོན་བྱེད་པ་དང་བསླབ་བྱ་བྱེད་པ། |
| རྗེས་སུ་སློབ་པ |
1 རྗེས་འབྲང་ངམ་རྗེས་སུ་འཇུག་པ། 2 ཤེས་ཐབས་བྱེད་པ། |
| རྗེས་སོར |
རྗེས་མའམ་མཇུག ཅ་ལག་འདི་རྗེས་སོར་མཁོ་ཆེ། |
| རྗེས་སྐྱེས |
མངོན 1 ནུ་བོ། 2 གཟའ་སྤེན་པ། |
| རྗེས་སྒྲུབ་ཀྱི་མིང |
འདོད་རྒྱལ་གྱི་ཐ་སྙད་གཉིས་ཡན་མཉམ་དུ་སྦྱར་ནས་གྲུབ་པའི་ཐ་སྙད་ཀྱི་མིང་དཔེར་ན་ཤིང་ལོ། གྲོ་ཕྱེ། ཤིང་ཁང་ཞེས་པའི་ཐ་སྙད་འདི་རྣམས་ནི་རྗེས་སྒྲུབ་ཀྱི་ཐ་སྙད་ཡིན་ཞིང་། ཤིང་། གྲོ། ཁང་བ་ཞེས་པ་སོགས་ནི་འདོད་རྒྱལ་གྱི་ཐ་སྙད་ཡིན་པ་ལྟ་བུ། |
| རྗེས་སྤྲོད |
ཕྱིས་ཀྱི་འཇལ་སྤྲོད། |
| རྗེས་སློབ |
སློབ་མ། |
| རྗོད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བཤད་པའི་དོན་ཏེ། ཡོན་ཏན་རྗོད་ཀྱིན་འདུག་བསྔགས་པ་རྗོད་མཁན། སྐྱོན་ཡོད་ན་རྗོད་ཅིག་ལྟ་བུ། |
| རྗོད་པ |
ཐ་དད་པ བརྗོད་པ། བརྗོད་པ། རྗོད།། སྨྲ་བ། སྐྱོན་ཆ་བརྗོད་པ། སྐད་ཆ་རྗོད་པ། ལོ་རྒྱུས་རྗོད་པ། བརྗོད་བྱའི་དོན་དང་རྗོད་བྱེད་ཀྱི་ཚིག |
| རྗོད་བྱེད |
དོན་སྟོན་པའི་ཚིག་གི་མིང་། |
| རྗོད་བྱེད་ཀྱི་སྒྲ |
བརྡའི་དབང་གིས་རང་ཡུལ་གོ་བྱེད་ཀྱི་མཉན་བྱའམ་སྒྲ། མིང་དང་ཚིག་ལྟ་བུའོ། |
| རྗོད་ཚིག |
དོན་སྟོན་བྱེད་ཀྱི་ཚིག |
| རྗོད་ལུགས |
ཤོད་སྟངས། |
| རྙ |
(བྱེད་འབྲེལ་ལས་ཚིག་ད་ལྟ་བ) གཡར་བའམ་བསྐྱི་བའི་བརྡ་རྙིང་ མ་འོངས་པར་བརྙ་དང་། འདས་པ་ལ་བརྙས། སྐུལ་ཚིག་ལ་རྙོས་ཞེས་འབྲི། |
| རྙ་ངེ་རྙིང་ངེ |
རྙང་རྙིང་ལ་ལྟོས། |
| རྙ་བ |
ཐ་དད་པ བརྙས་པ། བརྙ་བ། རྙོས།། 1 ཕར་ཚུར་གཡར་བ། རང་ལ་ཡོན་ཏན་མེད་ན་གཞན་ནས་བརྙ་རྒྱུ་མེད། རྒྱུ་ནོར་བརྙ་བསྐྱི་གཏོང་བ། 2 ཐུབ་ཚོད་གཏོང་བ། |
| རྙ་ལོ |
སྙ་ལོ་དང་འདྲ། |
| རྙང |
(བྱེད་འབྲེལ་ལས་ཚིག་ད་ལྟ་བ)སྐྱག་པ་དང་ལྕི་བ་སོགས་སླ་མོ་བཏང་བའི་དོན་ཏེ། མ་འོངས་པར་བརྙང་དང་། འདས་པ་ལ་བརྙངས། སྐུལ་ཚིག་ལ་རྙོངས་འབྲི། |
| རྙང་ནད |
བཤལ་ནད། |
| རྙང་བ |
གཉང་བ་ཡི་འབྲི་ཚུལ་གཞན། |
| རྙང་མ |
དྲི་ཆེན་སླ་མོ། བ་མ་ཤི་བར་དུ་རྙང་མ་མི་ཟད། |
| རྙང་རྙང་བ |
མི་གཙང་བ་ཡང་ཡང་བཤལ་བ། |
| རྙང་རྙིང |
ཡུན་རིང་ལོན་པའི་དངོས་རྫས་ཏེ། ལྭ་བ་རྙང་རྙིང་ལྷམ་རྙང་རྙིང་ཞེས་པ་ལྟ་བུ། ཁ་སྐད་དུ་རྙ་ངེ་རྙིང་ངེ་ཞེས་པ་དང་དོན་འདྲ་ ལྭ་བ་རྙ་ངེ་རྙིང་ངེ་། ཞྭ་རྙ་ངེ་རྙིང་ངེ་ཞེས་པ་ལྟ་བུ། |
| རྙན |
རི་དྭགས་གཉན་གྱི་འབྲི་ཚུལ་གཞན། |
| རྙན་པ |
ཐ་དད་པ བརྙན་པ། བརྙན་པ། རྙོན།། གཡར་བ། ཁོང་གིས་ང་ལ་དངུལ་བརྙན་བྱུང༌། |
| རྙབ |
(བྱེད་འབྲེལ་ལས་ཚིག་ད་ལྟ་བ)ལག་པ་བརྐྱངས་ནས་འཛིན་པ་ ལས་ཀ་ལྕི་མོར་ལག་པ་རྙབ་མཁན་ཞེས་པ་ལྟ་བུ། |
| རྙབ་བི་རྙིབ་བི |
ཤིང་འབྲས་དང་མེ་ཏོག་སོགས་རྙིད་པའི་རྣམ་པ། ཤིང་ཏོག་རྙབ་བི་རྙིབ་བི་བྲོ་བ་ཞན། |
| རྙབ་རྙབ |
ལག་པ་བརྐྱངས་ནས་ཅ་ལག་ལེན་ཚུལ་ཞིག ཤིང་འབྲས་སྨིན་པ་རྣམས་ལག་པས་རྙབ་རྙབ་ཀྱིས་འཐོག་པ། |
| རྙབ་རྙིབ |
རྙབ་བི་རྙིབ་བིའི་བསྡུས་ཚིག་ |
| རྙི |
རི་དྭགས་དང་བྱ་སོགས་འཛིན་བྱེད་ཀྱི་ཡོ་བྱད་ཅིག་གི་མིང་ བྱ་རྙི་ལས་ཤོར་བ་ཞེས་པ་ལྟ་བུ། |
| རྙི་ཁོག་ཆུ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དཀར་མཛེས་དང་གསེར་ཐར་བར་གྱི་འབབ་ཆུ་ཞིག་བྱང་ནས་ལྷོ་རུ་བརྒྱུགས་ཏེ་ཉག་ཆུར་འབབ། |
| རྙི་ཐག |
རྒྱའམ་རྙིའི་ཐག་པ། |
| རྙི་ཐིག |
རྭ་རྙིའི་ལྷུ་ལག་རི་དྭགས་ཀྱི་རྐང་པ་འཛིན་བྱེད་ཐག་པ། |
| རྙི་བཙུགས |
རི་དྭགས་སོགས་འཛིན་ཆེད་ས་འོས་སར་རྒྱ་རྙི་བཞག་པའི་དོན་ཏེ། ཝ་ལ་རྙི་གཟུག་རྒྱུ། རྙི་འཛུགས་ཀྱིན་ཡོད། རྙི་ཚུགས་ཤིག་ཅེས་པ་ལྟ་བུ། |
| རྙི་མདེལ |
རྭ་རྙིའི་ལྷུ་ལག་རི་དྭགས་ལ་གཞུ་བྱེད་དབྱུག་པ། |
| རྙི་རྭ |
རྭ་རྙི། |
| རྙི་ཤིང |
རྙིའི་ཡན་ལག་མདའ་ཤིང༌། |
| རྙིང |
(རྒྱན་ཚིག) <ཀ>དུས་ཡོལ་བའི་དོན་ཏེ། བསམ་པ་རྙིང་བས་བྱ་བཞག་གསར་བར་མ་བལྟ། ལུགས་སྲོལ་རྙིང་བ་བསྣུབས་ནས་གསར་བ་བཙུགས་ཞེས་པ་ལྟ་བུ། <ཁ>ཡུན་རིང་བོ་ལོན་པ་ ར་ཤ་གསར་བས་ནད་རོ་རྙིང་བ་བསླངས། གོས་རྙིང་བ་ལ་ལྷན་པ་གསར་བ་གླན་ཞེས་པ་ལྟ་བུ། |
| རྙིང་ཁུངས |
སྔར་ནས་བྱུང་བའི་གྲས། |
| རྙིང་ཆོས |
གསང་སྔགས་སྔ་འགྱུར་གྱི་ཆོས་ལུགས། |
| རྙིང་དྲི་ཁ |
ཤ་སོགས་ལ་རྙིང་དྲི་བྲོ་བ། |
| རྙིང་པ |
དུས་ཡོལ་བ་དང༌། དུས་ཡུན་རིང་པོར་ལོན་པའི་རྣམ་པ་གསར་པའི་ལྡོག་པ། སྐད་ཆ་རྙིང་པ། གྲོགས་པོ་རྙིང་པ། ཡི་གེ་རྙིང་པ། བརྡ་རྙིང་པ། མི་རྙིང་པ་དང༌། གོས་གསར་པ། མེ་ཏོག་རྙིང་པ། གོས་རྙིང་པ་ལ་ལྷན་པ་གསར་པ། |
| རྙིང་བསྟན |
གསང་སྔགས་རྙིང་མ་བའི་བསྟན་པ། |
| རྙིང་མ |
བོད་ཀྱི་སངས་རྒྱས་ཆོས་ལུགས་ཀྱི་སྔགས་རྙིང་མའི་མིང་། (བྱེད་མེད་ལས་ཚིག་མ་འོངས་པ་དང་ད་ལྟ་བ)ཡུན་རིང་ལོན་ནས་རྣམ་པ་དང་ངོ་བོ་འགྱུར་བ་ ལྭ་བ་རྙིང་རྒྱུ་ཡོད། ཤ་འཁོན་བརྗེད་རྒྱུ་མེད་ཅེས་པ་ལྟ་བུ། འདས་པ་ལ་རྙིངས་འབྲི། 2. སྔོན་དུས་ཐོན་པའི་རྒྱུ་རྙིང་པ་རིན་ཐང་ཅན། དཀར་ཡོལ་རྙིང་མ། དཔེ་ཆ་རྙིང་མ། |
| རྙིང་མ་བ |
ཐེག་པ་རིམ་དགུར་གྲགས་པ་གསང་སྔགས་སྔ་འགྱུར་བའི་ཆོས་ལུགས་ཞེས་ཆོས་རྒྱལ་ཁྲི་སྲོང་ལྡེའུ་བཙན་སྐུ་དུས་བོད་སྐད་དུ་ཐོག་མར་འགྱུར་ཞིང༌། སློབ་དཔོན་པད་མ་འབྱུང་གནས་ཀྱིས་དར་རྒྱས་སུ་སྤེལ་བའི་རིང་ལུགས་འཛིན་མཁན་རྗེས་འབྲང་དང་བཅས་པ། |
| རྙིང་ཚད |
རྙིངས་ཚད་དང་འདྲ། |
| རྙིང་ཞེན |
རྙིང་པའི་ལུགས་ལ་ཆགས་པ། |
| རྙིང་རུལ |
ཡུན་རིང་སོང་ནས་རུལ་བ། |
| རྙིང་རྒྱུད་དཀར་ཆག |
སྔ་འགྱུར་རྒྱུད་འབུམ་རིན་པོ་ཆེའི་རྟོགས་བརྗོད་འཛམ་གླིང་ཐ་གྲུ་ཁྱབ་པའི་རྒྱན་ཞེས་བྱ་བ། སྟོན་པ་འཇིག་རྟེན་དུ་བྱོན་ཚུལ་དང༌། འཕགས་ཡུལ་དུ་བསྟན་པ་དར་ཚུལ་ཏེ་རྒྱན་དྲུག་མཆོག་གཉིས་ཀྱི་རྣམ་ཐར། བོད་ཡུལ་དུ་བསྟན་པ་དར་ཚུལ། ཁྲི་སྲོང་ལྡེའུ་བཙན་གྱི་དུས་སུ་གསང་སྔགས་ནང་རྒྱུད་བྱུང་ཚུལ། རྙིང་མའི་མཁས་གྲུབ་ཀྱི་སྐྱེས་བུ་རྣམས་ཀྱི་ལོ་རྒྱུས་དང་བསྟན་པའི་བབ་སོ། དམ་པའི་ཆོས་ཀྱི་རྣམ་གཞག་སྤྱི་དང་བྱེ་བྲག་ཏུ་བཤད་པ། བྱ་བ་ལས་ཀྱི་འཁོར་ལོ་ཇི་ལྟར་བརྩམས་ཚུལ། རྙིང་རྒྱུད་གླེགས་བམ་གྱི་བཞུགས་བྱང༌། ཡོངས་སུ་བསྔོ་བ་བཅས་རབ་བྱེད་དགུའི་བདག་ཉིད་ཅན་གྱི་གཞུང་འདི་ནི་དུས་རབས་བཅོ་བརྒྱད་པར་རིག་འཛིན་འཇིགས་མེད་གླིང་པས་མཛད་པ། |
| རྙིང་ལུགས་ཐེག་པ་རིམ་པ་དགུ |
ཉན་ཐོས། རང་རྒྱལ། བྱང་སེམས་ཏེ་སྤྲུལ་སྐུ་ཤཱཀྱ་ཐུབ་པས་གསུངས་པའི་ཐུན་མོང་གི་ཐེག་པ་གསུམ། ཀྲི་ཡ། ཨུ་པ། ཡོ་ག་སྟེ་ལོངས་སྐུ་རྡོ་རྗེ་སེམས་དཔས་གསུངས་པའི་གསང་སྔགས་ཀྱི་ཕྱིའི་ཐེག་པ་གསུམ། བསྐྱེད་པ་མ་ཧཱ་ཡོ་ག། ལུང་ཨ་ནུ་ཡོ་ག། རྫོགས་པ་ཆེན་པོ་ཨ་ཏི་ཡོ་ག་སྟེ་ཆོས་སྐུ་ཀུན་ཏུ་བཟང་པོས་གསུངས་པའི་ནང་གི་ཐེག་པ་བླ་ན་མེད་པ་གསུམ་བཅས་དགུའོ། |
| རྙིང་ཤུལ |
རྙིང་པའི་རྗེས་ཤུལ། |
| རྙིང་ཧྲུལ |
ཤིན་ཏུ་རྙིང་པ་རྩབ་རལ། ཅ་ལག་རྙིང་ཧྲུལ་ཚང་མ་ཁང་པ་འདིའི་ནང་ལ་བཅུག་འདུག |
| རྙིངས |
རྙིང་ལ་ལྟོས། |
| རྙིངས་པ |
1 རྙིང་དྲགས་པ། ཁ་ཟས་ཧ་ཅང་རྙིངས་པ་བཟས་ན་ཕོ་བ་ན་ཡོང༌། 2 རྙིང་པ་དང་འདྲ། |
| རྙིངས་ཚད |
ཟླ་བ་གཅིག་ཕན་ཆད་འདས་པའི་ཚད་པ་རྙིང་པར་གྱུར་ནས་ལུས་ཟུངས་དང་འདྲེས་ཏེ་ལྕགས་ལ་བཙའ་དང་རས་ལ་སྣུམ་ཞེན་པ་ལྟར་གྱུར་པའི་ཚ་བའི་མིང༌། |
| རྙིད |
(བྱེད་མེད་ལས་ཚིག) རྩི་ཤིང་བརླན་དང་བྲལ་ནས་སྐམ་པ་ལ་ཕྱོགས་པའི་དོན་ཏེ། ཤིང་ལོ་རྙིད། ལ་ཕུག་རྙིད་ལྟ་བུ། མ་འོངས་པ་ལ་བརྙིད་དང་འདས་པར་བརྙིས་འབྲི་བ་ཡང་ཡོད། |
| རྙིད་པ |
1. ཐ་མི་དད་པ 1 སྐམ་མིན་རློན་མིན་དུ་འགྱུར་བ། དགུན་དུས་རྩྭ་ཤིང་རིགས་ཕལ་ཆེར་རྙིད་ནས་སྐམ་ཡོང༌། 2 སྙིང་སྟོབས་ཤོར་བ་དང༌། ཉམས་པའི་ཚུལ། བསམ་དོན་མ་གྲུབ་པ་ཙམ་གྱིས་རྙིད་ནས་སྡོད་པ་སྙིང་སྟོབས་མེད་པའི་རྟགས་རེད། 2. སྐམ་མ་རློན། ཤ་རྙིད། ཤིང་ཏོག་རྙིད་པ། མེ་ཏོག་རྙིད་པ། |
| རྙིལ |
སོ་རྟིང་གི་ཤ་སྐྱིའི་མིང་། |
| རྙིལ་ནད |
སོ་རྙིལ་ལ་ཕོག་པའི་ནད། |
| རྙེད |
(བྱེད་འབྲེལ་ལས་ཚིག)བཙལ་ནས་ལག་ལ་ཐོབ་པའི་དོན་ཏེ། བོར་བའི་རྟ་བཙལ་ན་རྙེད་ཐུབ། རྙེད་དཀའ་བའི་གཏེར་ཁ་ཞིག་རྙེད་ཅེས་པ་ལྟ་བུ། |
| རྙེད་ཐོབ |
ལྡན་མིན་འདུ་བྱེད་ལས་ཐོབ་པའི་བྱེ་བྲག་སྔར་མེད་གསར་དུ་རྙེད་པ་སྡོམ་པ་གསར་དུ་ཐོབ་པ་ལྟ་བུ། |
| རྙེད་པ |
1. ཐ་མི་དད་པ སྔོན་མེད་གསར་དུ་ཐོབ་པ། རྙེད་དཀའ་བ། རྙེད་སླ་བ། བཙལ་ཏེ་རྙེད་པ། ངེས་པ་རྙེད་པ། བདེན་དོན་རྙེད་པ། སྨན་པ་དོར་བའི་ནད་པ་དེར། སྨན་བཟང་རྙེད་པ་ག་ལ་སྲིད། རྒྱ་མཚོའི་གླིང་དུ་མ་ཕྱིན་ན། ཡིད་བཞིན་ནོར་བུ་ག་ལ་རྙེད། 2 1 དངོས་པོའམ་ནོར་རྫས། 2 ཐོབ་ནོར། |
| རྙེད་པའི་མ་ཐོབ་པ |
བྱེ་བྲག་སྨྲ་བའི་ལུགས་ལ་ཆོས་དེ་སྔར་མ་ཐོབ་པའམ་ཉམས་པ་གང་རུང་སླར་རྙེད་པ་ལ་གེགས་བྱེད་ཀྱི་རྫས་ཤིག |
| རྙེད་པས་ཆོག་པའི་བསོད་སྙོམས་པ |
གང་རྙེད་དེས་ཆོག་གི་བསོད་སྙོམས་ཙམ་ལ་བརྟེན་པ། |
| རྙེད་པས་རྙེད་པ་སྒྲུབ་པ |
རྙེད་པས་རྙེད་འཚོལ་དང་དོན་གཅིག་ |
| རྙེད་པས་རྙེད་འཚོལ |
ལོག་འཚོ་ལྔའི་ནང་གསེས་ཤིག་རྙེད་པ་ཆུང་ངུ་ཕར་བསྟབས་ནས་རྙེད་པ་ཆེན་པོ་ཚུར་དོན་དུ་གཉེར་བ་ལ་ཟེར། |
| རྙེད་བཀུར |
རྙེད་པ་དང་བཀུར་སྟི་ནོར་རྫས་འབུལ་མཚོན་དང༌། བཀུར་སྟི་གུས་འདུད། |
| རྙེད་བརྩོན |
རྙིང གཏའ་མའི་ཚུལ་གྱིས་སྦྱིན་པ། |
| རྙེད་རློམ |
རང་ལ་རྒྱུ་ནོར་མང་པོ་ཡོད་པའི་ཁེངས་སེམས། |
| རྙོག |
ཆུ་སོགས་སྙོག་ལ་རྙོག་འབྲི་སྲོལ་ཡང་ཡོད། |
| རྙོག་གྲ |
མགོ་རྙོག་གམ་གྱོད་ཆགས། ཕན་ཚུན་ཁ་རྩོད་ཐུག་སྟེ་གཅིག་རྒྱབ་གཉིས་ལངས་ཀྱིས་རྙོག་གྲ་གང་མིན་བཟོས་སོང༌། མི་འགྲུབ་ཁས་ལེན་བྱས་པས་རྙོག་གྲ་མང་པོ་བྱུང༌། རྙོག་གྲ་བསླངས་པ། དོན་མེད་དཀྲོག་གཏམ་བཤད་ནས་རྙོག་གྲ་མ་སློང་ཞིག |
| རྙོག་པ |
1. འདམ་སྙིགས་ཅན། གྱོད་ཡ་ཕན་ཚུན་གཉིས་ཀར་དགེ་བཤད་སྡིག་བཀྲོལ་གྱི་བབས་གསེད་བྱས་པས་ད་ཆ་འཁོན་རྩོད་ཀྱི་རྙོག་པ་རྩ་བ་ནས་དྭངས་པ། 2. རྙོག་པོ་དང་འདྲ། |
| རྙོག་པའི་སེམས |
འཁྲུགས་པའི་སེམས། |
| རྙོག་པོ |
དྭངས་པོ་མེད་པ། ཆང་རྙོག་པོ། རྫིང་བུ་རྙོག་པོ། སྐད་ཆ་རྙོག་པོ། རྩོད་གླེང་རྙོག་པོ་གཙང་བསངས་བྱེད་དགོས། |
| རྙོག་མ |
1. སྙིགས་མ། ཆུ་སྣོད་དུ་དྭངས་རྫས་བཏབ་ནས་རྙོག་མ་བགྲུངས་ཏེ་གཙང་མར་བྱས་པ། 2. དྭངས་པོ་མེད་པ། ཆུ་རྙོག་མ་བཏུངས་ན་ན་ཐག་ཆོད་རེད། |
| རྙོག་མ་གཏིང་སློང |
ཁ་མཆུ་རྙིང་པ་བསྐྱར་སློང་གི་དཔེ། རྙོག་མ་གཏིང་སློང་གིས་རྩོད་གཤགས་བྱེད་པ། |
| རྙོག་འཛིང |
སྣེ་མང་འདྲེས་འཛིང༌། |
| རྙོག་རྡུལ |
གད་སྙིགས། |
| རྙོག་སེ་བ |
རྙོག་ཙམ་ཞིག དྲག་ཆར་བཏང་བའི་རྗེས་སུ་རྫིང་ཆུ་རྙོག་སེ་བ་ཞིག་འཁྱིལ་འདུག རྩོད་པ་དེ་རྙོག་སེ་བ་ཞིག་རེད། |
| རྙོགས |
སྙོག་གི་སྐུལ་ཚིག་གི་འབྲི་ཚུལ་གཞན། |
| རྙོགས་པ |
འདམ་སྙིགས་ཅན་དུ་གོ་བའི་རྙོག་པ་དང་འདྲ། |
| རྙོགས་ཚད |
བྱེ་མ་དང་ཆུ་གཉིས་ལྷན་དུ་གཡོས་ཏེ་རྙོགས་པ་ལྟར་ཚ་བ་ཆུ་སེར་དང་བསྡོངས་ནས་ལུས་ཟུངས་རྙོགས་པར་བྱེད་པའི་ཚད་པའི་མིང༌། |
| རྙོགས་རྫོབ |
བྱ་དཀའ་བྱེད་གཏད་ཀྱི་གནས། |
| རྙོང |
1 རྙིའམ། གལ་ལམ། རྒྱ། ཤ་བ་རི་པ་རྣམས་ཀྱིས་རི་དྭགས་གང་དུ་འཁོར་སའི་གནས་བརྟགས་ཏེ་རྙོང་བཙུགས་ནས་གསོད་པ། 2 ཞལ་བ།…3.(བྱེད་འབྲེལ་ལས་ཚིག་ད་ལྟ་བ) བརྟག་པ་བྱེད་པའམ་མྱལ་རྟོག་བྱེད་པའི་དོན་ཏེ། གཞན་གྱི་ཁ་རྙོང་མཁན། ཚིག་རྙོང་གིན་འདུག་ལྟ་བུ། |
| རྙོང་བ |
ཐ་དད་པ བརྙངས་པ། བརྙང་བ། རྙོངས།། རྐྱོང་བ། རྐང་པ་ཡར་མ་བསྐུམས་པར་མར་རྙོངས་ཤིག ཤིང་ནགས་ནང་དུ་རྒྱ་རྙི་བརྙངས་ནས་རི་དྭགས་འཛིན། |
| རྙོངས |
སྐུལ་ཚིག་ ཁ་རྙོངས་ཤིག རྩ་རྙོངས་ཤིག་ལྟ་བུ། རྐྱོང་བའི་དོན་ཏེ། རྐང་ལག་རྙོང་ལྟ་བུ། |
| རྙོངས་པ |
ཀོང་ཀོང༌། ལུས་ཀྱི་དཀུའམ་དཔྱི་མ་རྙོངས་པ། |
| རྙོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) གཡར་བའམ་བསྐྱི་བའི་དོན་ཏེ། མ་འོངས་པ་དང་འདས་པ་ལ་བརྙན་འབྲི། |
| རྙོབ་པ |
ཐ་མི་དད་པ 1 རིང་ཚད་ཀྱིས་སླེབས་པའམ་འདང་བ། ལག་པས་བསྙབས་ཀྱང་མ་རྙོབ། 2 ལག་པས་ལེན་པ། མགོ་མ་ཚོས་གོང་དུ་ལྕེ་ལ་རྙོབ། |
| རྙོབས |
སྐུལ་ཚིག་ ལས་ཀར་ལག་པ་རྙོབས་ཤིག་ལྟ་བུ། |
| རྙོས |
རྙ་ཡི་སྐུལ་ཚིག |
| རྟ |
1 ཕྱུགས་ཀྱི་བྱེ་བྲག་ཅིག གྱི་ལིང་རྟ། ཟིང་རྟ། རྟ་ཞོན་པ། རྟ་རྒྱབ་ལ་སྒལ་རྨ་མ་བཟོས་ན། སྒ་ཤིང་ལ་རྨ་བཟོ་དོགས་མེད། མིང་གི་རྣམ་གྲངས་ལ་སྐལ་ལྡན་དང༌། མགྱོགས་འགྲོ། རྒྱ་མཚོ་སྐྱེས། རྒྱབ་འཛིན། རྔ་ཡབ་མཇུག་མ་ཅན། རྔོག་མ་ཅན། རྟག་ཏུ་ཟ། འདྲེན་བྱེད། རྣམ་པར་གནོན། དཔལ་གྱི་བུ། བང་ལྡན། བློ་གསལ། མྱུར་འགྲོ། རྨིག་པ་ཅན། རླུང་གི་ཤིང་རྟ། རླུང་ལས་སྐྱེས། གསེར་ལྡན་བཅས་སོ། 2 སྐད་ཀྱི་དབྱངས་གདངས། དབྱངས་རྟ། གླུ་རྟ། 3 སྨན་འདེད་བྱེད་ཀྱི་བཏུང་བ། སྨན་རྟ་ཆང་ལ་བྱེད། 4 ལོ་འཁོར་བཅུ་གཉིས་ཀྱི་ཡ་གྱལ་ཞིག ཤིང་རྟ། 5 དོར་མའི་རྟ། རྟ་ཡོད། རྟ་མེད། 6 མངོན ཉི་མ་ལ་རླུང་དང༌། ཡིད་མགྱོགས། མདོག་ལྔ་པ། ཐིག་ལེ་ཅན། ངེས་བརྗོད། ཤིན་ཏུ་རྒྱལ་མཚན། རི་འཇོམས་ཏེ་རྟ་བདུན་ཡོད་པས་གྲངས་བདུན་མཚོན། |
| རྟ་ཀླད |
1 རྟའི་ཀླད་པ། 2 མ་ན་ཧོ་སྟེ་རྡོ་རིན་པོ་ཆེའི་རིགས་ཤིག |
| རྟ་ཁ་བསྒྱུར་བ |
རྟ་ཁ་གཡས་གཡོན་དུ་བསྒྱུར་བ། |
| རྟ་ཁ་རྒོད་པོ |
སྲབ་ཀྱིས་བཀག་ཀྱང་མི་ཐུབ་པར་ངར་ཏེ་ཤོར་འགྲོ་བའི་རྟ། |
| རྟ་ཁ་ལོ་བདེ་པོ |
རྟ་ཁ་སླ་པོའམ་ཁ་ལོ་སྒྱུར་བདེ་པོ། |
| རྟ་ཁམ་པ |
རྟ་སྤུ་མདོག་སེར་ནག་ཅན། |
| རྟ་ཁལ་ཁྲལ་འུལ |
རྟ་དང་ཁལ་མ་སྐུལ་འདེད་ཀྱི་འུ་ལག |
| རྟ་ཁལ་མི་གསུམ་གྱི་ཁྲལ |
རྟ་དང་ཁལ་མ་མི་གསུམ་ག་གཏོང་དགོས་པའི་ཁྲལ། |
| རྟ་ཁལ་འགོ་པ |
རྟ་ཁལ་འུ་ལག་གཏོང་མཁན་གྱི་འགོ་པ། |
| རྟ་ཁེབས |
རྟ་ལ་གཡོག་རྒྱུའི་ཁེབས། |
| རྟ་ཁྲ་ཐིག |
རྟའི་སྤུ་མདོག་ལ་ཐིག་ལེའམ་སྒོར་ཐིག་ཡོད་པ། |
| རྟ་ཁྲལ |
རྟ་རྐྱང་པ་སྐུལ་གཏོང་གི་ཁྲལ། |
| རྟ་གཅིག་སྒ་གཉིས |
མི་གཅིག་ལ་ལས་འགན་གཉིས་འཁྲི་བའི་དཔེ། གཅིག་ཐོག་གཉིས་བརྩེགས་ཀྱི་ལས་ཁུར་རྟ་གཅིག་སྒ་གཉིས་མི་དགོས་པ། |
| རྟ་གཏུམ་པོ |
རྟ་རྒྱུད་གྱོང་པོའམ། གཤིས་ཀ་རྩུབ་པོ། |
| རྟ་གཏོང་བ |
1 སྔར་བོད་ས་གནས་སྲིད་གཞུང་སྐབས་མི་སེར་ལ་རྟ་ཁྲལ་སོགས་གཏོང་དགོས་ཞེས་བརྡ་གཏོང་མཁན། 2 རྟ་ཞོན་ཏེ་ཞར་འཕེན་གཏོང་བ། |
| རྟ་གད |
རྟ་འཚེར་བ་ལྟ་བུའི་གད་མོ། གད་མོ་རྟ་གད་དུ་བགད། ཡ་མཚན་སྐྱེས་ཏེ་རྟ་གད་བགད་པ། |
| རྟ་གདོང་མེ |
ལྷོ་ཕྱོགས་རྒྱ་མཚོའི་ནང་ན་ཡོད་པའི་རྒོད་མ་ཁའི་མེ། རྡོ་རྗེའི་རིའང་ཟེར། |
| རྟ་གཙང་མཆོད་སྦྱིན |
སྔར་རྒྱ་གར་གྱི་མཆོད་སྦྱིན་བྱེ་བྲག་པ་ཞིག |
| རྟ་གཞོང |
རྟ་ལ་ཆུ་སྟེར་སའི་གཞོང་པ། |
| རྟ་གཡག་མགོ་སྦྲེལ |
མི་མཐུན་མཉམ་སྡེབ་ཀྱི་དཔེ། གནས་གཞི་གཅིག་ཏུ་མི་མཐུན་རྟ་གཡག་མགོ་སྦྲེལ་གྱི་ཚུལ་དུ་འཇོག་མི་རུང༌། |
| རྟ་གཡུང་མོ |
རྟ་རྒྱུད་འཇམ་པོའམ། ལྷིང་པོ། |
| རྟ་གཡོག |
སྔར་ལམ་ཡིག་ཡོད་མཁན་རྣམས་ལ་རྟ་གཡོག་གཏོང་དགོས་པའི་ཁྲལ། |
| རྟ་གཡོག་ཐབ་གཡོག |
སྔར་ལམ་ཡིག་ཡོད་མཁན་མི་སྣའི་རྟ་ལ་ཟན་པ་སྟེར་མཁན་དང་མེ་གཏོང་ཆུ་ལེན་བྱེད་མཁན་གྱི་ཁྲལ་པ། |
| རྟ་གསར |
སྒ་བརྒྱབ་མ་ཐག་པའི་རྟ་ན་ཆུང༌། |
| རྟ་གསིར་པོ |
སྐུལ་ལྕག་ལ་མ་བལྟོས་པར་རང་བཞིན་གྱིས་མགྱོགས་པོར་འགྲོ་བའི་རྟ། |
| རྟ་གསེབ |
རྟ་རྒྱུད་སྤེལ་ཕྱིར་དུ་ཕྱ་མ་བྱས་པའི་རྟའི་མིང་། གླུ་དབྱངས་ཀྱི་སྐད་གདངས་ཀྱི་མིང་ དབྱངས་རྟ། རྟ་དབྱངས། བོད་ཀྱི་གླུ་རྟ་ཞེས་པ་ལྟ་བུ། ０སྨན་འཐུང་བྱེད་ཆུ་ཁོལ་དང་ཤ་ཁུ་ཆང་སོགས་ཀྱི་མིང་ སྨན་རྟ་ཆང་ལ་བྱེད་ལྟ་བུ། １རྫས་གཞན་ལ་མེ་སྒོ་བྱེད་ཀྱི་ཉེར་སྤྱད་ཀྱི་མིང་ འགས་སྨན་ཐུམ་པོའི་མེ་རྟ་ཞེས་པ་ལྟ་བུ། ２ལོ་འཁོར་བཅུ་གཉིས་ཀྱི་ནང་གི་བདུན་པ། |
| རྟ་གསེབ་གཏོང་བ |
རྟ་རྒོད་མ་ལ་ཕོ་རྟ་སྦྱོར་བ། རྟ་སྐྱེ་འཕེལ་གྱི་ཆེད་དུ་རྟ་གསེབ་གཏོང་དགོས། |
| རྟ་གསོར་པོ |
སྐུལ་ལྕག་ལ་མ་བལྟོས་པར་རང་བཞིན་གྱིས་མགྱོགས་པོར་འགྲོ་བའི་རྟ། |
| རྟ་གྭ་པ |
གདོང་གཞུང་གི་སྤུ་མདོག་དཀར་པོ་ཡིན་པའི་རྟ། |
| རྟ་གྲལ |
གྲལ་བསྟར་བསྒྲིགས་པའི་རྟ་པ། |
| རྟ་གྲི |
རྟས་བརྡབས་པའི་ཤི་རྐྱེན། |
| རྟ་གྲོ་དཀར |
རྟ་འབྲུ་གྲོའི་མདོག་ཅན་དཀར་ཤས་ཆེ་བ། |
| རྟ་གྲོ་དམར |
རྟ་འབྲུ་གྲོའི་མདོག་ཅན་དམར་ཤས་ཆེ་བ། |
| རྟ་གློ |
1 རྟ་སྒའི་གློ་ཐག་གམ། གློ་ལེན། 2 རྟའི་གློ་བ། |
| རྟ་གློད |
1 རྟ་ཁ་གློད་དེ་བརྒྱུགས་པ། 2 ཐག་པས་བཏགས་ཡོད་པའི་རྟ་བཏང་བ། |
| རྟ་ངང་པ་གསེར་ལྡན |
རྟ་སྤུ་མདོག་དམར་སེར་ཅན་གྱི་ཆེ་མིང༌། |
| རྟ་ངར་པོ |
ཁ་དགག་དཀའ་བའི་རྟ། རྟ་ངར་པོ་ཞོན་མཁན་མི་རྩལ་ཅན་དགོས། |
| རྟ་ཅང་ཤེས |
ཅི་ཡང་ཤེས་པའི་རྟ་མཆོག རྟ་ཅང་ཤེས་བཞོན་ན་ལམ་དུ་བདེ་པོ་ཡོང༌། |
| རྟ་ཅན |
མངོན 1 བྲམ་ཟེ། 2 ཤིང་རྟ། |
| རྟ་ཆག |
རྟའི་བཟའ་ཆས་ནས་སྲན་སོགས། |
| རྟ་ཆས |
རྟ་སྒ་གློ་རྨེད་སྲབ་མཐུར་སོགས་རྟ་ལ་རྒྱག་རྒྱུའི་ཡོ་བྱད། |
| རྟ་ཆུང |
1 སྐར་མ་གྲེ། 2 རྟ་ཆུང་ཆུང༌། མི་ཆུང་སྐུལ་བདེ། རྟ་ཆུང་ཞོན་བདེ། |
| རྟ་ཉོབ་ཏོ |
ཡུལ མགྱོགས་པོ་མི་འགྲོ་བའི་རྟ། |
| རྟ་ཏོག |
གསེར་ཟངས་ལས་བཟོས་པའི་རྟའི་མགོ་བོའི་ཏོག |
| རྟ་ཐ་ལི |
རྟ་སྤུ་མདོག་ངན་ཤོས་ཐལ་བའི་མདོག |
| རྟ་ཐུལ |
ཨཤྭཛིཏྲཿ ཤཱཀྱ་ཐུབ་པའི་འཁོར་ལྔ་སྡེ་བཟང་པོའི་གྲས་ཤིག |
| རྟ་ཐོ་ལོག |
ཡུལ གཟུགས་བོང་ཆུང་བའི་རྟ། |
| རྟ་ཐོག་གྲོག་གཟིགས |
མི་ཆེ་བས་ཆུང་བར་མཐོང་ཆེན་བྱེད་པའི་དཔེ། ཉམ་ཆུང་རྣམས་ལ་རྟ་ཐོག་གྲོག་གཟིགས་ཀྱིས་ཐུགས་ཁུར་ཆེ་བཞེས་གནང་བ། |
| རྟ་དཀར་འགྲོ་བཟང་མ |
ཧི་མ་ལ་ཡའི་རི་རྒྱུད་ཀྱི་རི་རྩེ་ཞིག་བོད་རང་སྐྱོང་ལྗོངས་ཀྱི་དིང་རི་རྫོང་གི་ལྷོ་ངོས་སུ་ཡོད། |
| རྟ་དཀྲོགས |
རྟ་འདྲོག་འགོ་བསླངས་པ། བྱིས་པས་རྟ་དཀྲོགས་ནས་རྩྭ་བཟར་མི་འཇུག་པ། |
| རྟ་དཔྱད |
རྟའི་གཟུགས་དབྱིབས་སམ་མཚན་ཉིད་ལ་བརྟག་པའི་ཐབས། |
| རྟ་དབང |
གྲོང་ཞིག་བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| རྟ་དབང་དགོན་པ |
ཏཱ་ལའི་བླ་མ་སྐུ་ཕྲེང་ལྔ་པའི་སློབ་མ་མེ་རག་བླ་མ་བློ་གྲོས་རྒྱ་མཚོས་མོན་ཡུལ་དུ་ཕྱག་བཏབ་པའི་དགོན་པ་ཞིག |
| རྟ་དབྱངས |
1 གདངས་རིང་པོར་འདོན་པའི་ངག་གི་དབྱངས། 2 སློབ་དཔོན་དཔའ་བོའི་མཚན་གཞན་ཞིག |
| རྟ་དམག |
རྟ་བཞོན་པའི་དམག་ཚོགས། |
| རྟ་དམར་ཅན |
མངོན མེ་ལྷ། |
| རྟ་དམུ་རྒོད |
མ་དུལ་བའི་རྟ་གྱོང་པོ། |
| རྟ་དར |
སྔར་རྒྱལ་པོ་དང་བླ་མ་སོགས་ཕྱིར་འགྲོ་སྐབས་སྐུ་སྲུང་རྟ་པ་རྣམས་ཀྱིས་སྒྲེང་བའི་དར་ཆ། |
| རྟ་དྲེལ |
རྟ་དང་དྲེའུ། |
| རྟ་དྲེལ་འཁྲོལ་འཛིན |
སྔར་ལྷ་ལྡན་སྨོན་ལམ་གྱི་དུས་སུ་ཁྱིམ་གྲོང་སོ་སོའི་ནང་དུ་རྟ་དྲེལ་ཉར་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| རྟ་དྲེལ་སྒ་འབྱར |
རྟ་དང་དྲེའུ་སྒ་བརྒྱབ་བརྒྱབ་པ། |
| རྟ་ནག་ཕུ་ཆུ |
བོད་རང་སྐྱོང་ལྗོངས་ཀྱི་བཞད་མཐོང་སྨོན་རྫོང་གི་ཤར་རྒྱུད་དུ་ཡོད་པའི་འབབ་ཆུ་ཞིག་དང་ཡར་ཀླུངས་གཙང་པོའི་ཡན་ལག་ཅིག་ཡིན། |
| རྟ་ནག་རིན་ཆེན་རྩེ |
ས་མིང་ཞིག་བོད་རང་སྐྱོང་ལྗོངས་ཀྱི་བཞད་མཐོང་སྨོན་རྫོང་གི་ཁོངས་སུ་ཡོད། |
| རྟ་པ |
རྟ་བཞོན་ནས་འགྲོ་བའི་མི། མིང་གི་རྣམ་གྲངས་ལ་སྐྱ་པ་དང༌། སྐྱེས་བུ་ཅན། རྟ་ལ་ཞོན་པ། རྣམ་པར་གནོན་བཅས་སོ། |
| རྟ་ཕོ |
ཕོ་མོའི་ཟླས་ཕྱེ་བའི་རྟ་ཕོ། |
| རྟ་ཕོ་ཆེན |
1 རྟ་ཕོ་ལུས་རྩལ་རྫོགས་པ། 2 འབྲས་བུ་ཕྱུང་བའི་རྟ། |
| རྟ་ཕོ་དྲུག་ཕྲོམ |
རྟ་མོག་རོ་དྲུག་སྟེང་ཁྲ་ཐིག་ཅན་ཏེ། དེའི་རྐན་གྱི་ཁྲག་གིས་རྨ་ལ་ཕན། |
| རྟ་ཕྱིང |
བླ་ཆེན་གྱི་མཆོར་གོས་ཤིག |
| རྟ་ཕྱུགས |
རྟ་དང༌། འབྲི་གཡག་བ་མཛོ་སོགས། རྟ་ཕྱུགས་འདོགས་གདང༌། |
| རྟ་ཕྲུག |
རྟ་གསར། མིང་གི་རྣམ་གྲངས་ལ་རྟ་ཕྲན་དང༌། རྟ་ཡི་བུ། རྟེན་ཐུར། རྟེའུ། ཐུ་རུ་བཅས་སོ། |
| རྟ་བང་ཅན |
རྟ་མགྱོགས་པོ། |
| རྟ་བདུན་དབང་པོ |
མངོན ཉི་མ། |
| རྟ་བདུན་པ |
མངོན ཉི་མ། |
| རྟ་བབས |
ཕོ་བྲང་སོགས་ཀྱི་སྒོ་ཆེན་ཕྱི་རོལ་ཏུ་སྒོ་ཆེན་དང་བར་ཐག་རིང་ཙམ་ཡོད་སར་ཁང་རྩེག་གི་དབྱིབས་ཅན་གྱི་སྒོ་ལྟ་བུ་དང་། ཡང་ན་ས་མཚམས་དེར་རྡོ་རིང་བསླངས་ཡོད་པ་དེའི་མིང་། སྤྱི་ཚོགས་རྙིང་བར་བཀས་བཀོད་རྒྱུད་འཛིན་གྱི་དཔོན་ཆེན་སོགས་ཀྱི་མདུན་དུ་འགྲོ་ཚེ་ས་མཚམས་འདིར་བསླེབས་ན་ཚང་མ་རྟ་ལས་འབབ་དགོས་པའི་རྒྱུ་མཚན་གྱིས་འདི་ལ་རྟ་བབས་ཀྱི་མིང་བཏགས་པ་ཡིན། |
| རྟ་བབས་ཀྱི་སྣམ་བུ |
ལྷའི་གཞལ་ཡས་ཁང་གི་སྒོའི་མཛེས་རྒྱན་ཞིག |
| རྟ་བསུ་མཛུབ་སྐྱེལ |
ཚུར་རྟ་ཡིས་བསུ་བ་དང༌། ཕར་མཛུབ་བརྡས་སྐྱེལ་བ་སྟེ་བསུ་སྐྱེལ་གྱི་བྱ་བ་མི་མཐུན་པ། མགྲོན་རིགས་ལ་རྟ་བསུ་མཛུབ་སྐྱེལ་མིན་པར་དགའ་བསུ་དགའ་སྐྱེལ་བབས་འབྲེལ་ལུགས་མཐུན་བྱེད་དགོས། |
| རྟ་བོང་རིས་མེད |
སོའི་རི་མོ་ཡལ་བའི་རྟ་བོང་རྒས་སོང༌། ན་གྲངས་བརྩི་རྒྱུ་མེད་པའི་རྟ་བོང་རིས་མེད་བཀོལ་སྤྱོད་མི་བྱེད། |
| རྟ་བོན |
རྟ་བོང་གི་དཔུང་བའི་ནང་ངོས་ན་ཝ་དྲེག་ཅིག་ཡོད་པ་དེའི་མིང་། |
| རྟ་བོན་པ |
རྟའི་ལག་པའི་ནང་ལྡེབས་ཀྱི་རྭ་ལྟར་འབུར་པོ་ཅན་ཏེ། ནུས་པས་ཉྭ་ལྷོག་གམ་ཉྭ་ལོག་འཇོམས། |
| རྟ་བྱ |
གསེར་རྡོའི་མིང་གི་རྣམ་གྲངས་ཤིག |
| རྟ་བྱང་མ |
ལྟོ་བཀག་པའི་རྟ། རྟ་བྱང་མའི་བང་ལ་བསྡུར་ཡ་མེད། |
| རྟ་བྲ་བོ |
འབྲུ་རིགས་བྲ་བོའི་མདོག་ཅན་གྱི་རྟ། ལུས་ནག་ཅིང་ཁ་མིག་གི་མཐའ་ཡི་སྤུ་མདོག་དཀར་བ་ཞིག |
| རྟ་བྲེས |
རྟ་ལ་རྩྭ་གཟན་སྟེར་སའི་བྲེས་ར། |
| རྟ་བླ |
སྲིན་བུ་རིང་བོ་རྐ་ལག་མང་བ་ཐོག་ན་ཁྲ་ཐིག་ཡོད་པ་ཞིག་ སྨན་བྱེད་ཆོག |
| རྟ་མ་ཆད་ཙམ |
རྒྱུན་མ་ཆད་ཙམ། འཚོ་བ་རྟ་མ་ཆད་ཙམ་ལ་བརྟེན་ནས་སྒྲུབ་པ་བྱེད་དགོས་སྙམ། |
| རྟ་མ་བུ |
ལྷ་གཅིག་རྒྱ་བཟའ་འཁྲབ་དུས་རྟེན་འབྲེལ་མཚོན་བྱེད་ཀྱི་རྟ་མ་བུ། |
| རྟ་མགོ་ཅན |
1 གྲུ་ཤན་གྱི་བྱེ་བྲག 2 དྲི་ཟའི་རྒྱལ་པོ་ཞིག 3 ཀླུའི་རྒྱལ་པོ་ཞིག |
| རྟ་མགོ་ལུག་གཞུག |
རྟ་ལ་ལུག་གི་རྔ་མ་སྦྱར་བ་ལྟར་ཆ་མི་འགྲིག་པའི་དཔེ། ཞྭ་ལྷམ་སོགས་ཆ་ལུགས་མི་མཐུན་པ་རྟ་མགོ་ལུག་གཞུག་ལྟ་བུ་མཐོང་ན་ཡ་མཚན་ཞིང་དགོད་བྲོ། |
| རྟ་མགྲིན |
ཡི་དམ་ཞིག |
| རྟ་མགྲིན་ཡང་གསང་ལྷ་དགུ |
རྙིང་མ་བའི་ལུགས་ཀྱི་ཡི་དམ་ལྷ་ཚོགས་ཤིག |
| རྟ་མཆོག |
རྟ་མགྱོགས་ཤིང་གཟུགས་བཟང་བ། མིང་གི་རྣམ་གྲངས་ལ་གྱི་ལིང་དང༌། རྟ་ཅང་ཤེས། རྣམ་པར་དུལ། རིགས་ལྡན། རླུང་ལས་རྒྱལ། རླུང་གཤོག་ཅན། ལེགས་འགྲོ་བཅས་སོ། |
| རྟ་མཆོག་ཁ་འབབ |
ཁ་འབབ་བཞིའི་ནང་གསེས། བོད་རང་སྐྱོང་ལྗོངས་ཁོངས་གངས་ཏེ་སེའི་ལྷོ་ངོས་ནས་བྱུང་ཞིང༌། འབྲོང་པ་རྫོང་བརྒྱུད་ནས་འབབ་པའི་ཆུ་ཞིག་ཡར་ཀླུངས་གཙང་པོའི་ཆུ་འགོའམ་སྟོད་རྒྱུད་དེ། རྟ་མཆོག་གཙང་པོ་ཡང་ཟེར། |
| རྟ་མཆོག་གཙང་པོ |
རྟ་མཆོག་ཁ་འབབ་དང་དོན་གཅིག་ |
| རྟ་མཆོག་ཅང་ཤེས |
རྟ་བཟང་པོ་ཅི་ཡང་ཤེས་པ། |
| རྟ་མཆོག་རིན་པོ་ཆེ |
རྒྱལ་སྲིད་སྣ་བདུན་གྱི་ཡ་གྱལ་ཞིག |
| རྟ་མཐུར |
རྟའི་མགོ་ལ་གཡོག་པའི་མཐུར། |
| རྟ་མདའ་འཕེན |
རྟ་རྒྱུག་བཞིན་དུ་མདའ་འཕེན་པ། དབྱར་ཁ་འོང་སྐོར་གཏོང་དུས་རྟ་མདའ་འཕེན། |
| རྟ་མདོངས་ཅན |
རྟའི་དཔྲལ་བའི་དཀྱིལ་དུ་སྤུ་དཀར་གྱི་ཐིག་ཚོམ་ཡོད་པ། |
| རྟ་མཚའ་ལུ |
རྟ་དམར་རྟིང་དཀར། |
| རྟ་མེད་དོར་མ |
གོས་ཐུང་བྱེ་བྲག་པ་ཞིག |
| རྟ་ཚག་མངགས་བཏགས |
དུས་རབས་བཅོ་བརྒྱད་པར་བོད་ཀྱི་སྲིད་སྐྱོང་རྟ་ཚག་སྐབས་ཆེད་དུ་མངགས་ནས་བཏགས་པའི་གོས་ཆེན་ཞིག |
| རྟ་ཚུགས་པོ |
རྟ་འགྲོས་མ་བང་མི་རྒྱུག་པར་འགྲོས་ཚུགས་པོར་འགྲོ་མཁན། |
| རྟ་ཞྭ |
སྔར་བོད་ས་གནས་སྲིད་གཞུང་སྐབས་བླ་སྤྲུལ་རྩེ་དྲུང་སོགས་ཀྱིས་རྟ་ཐོག་ཏུ་གྱོན་རྒྱུའི་དགུན་ཞྭ། |
| རྟ་ཟམ |
1 རྒྱལ་ཁབ་ཀྱི་ཡིག་འཕྲིན་སྐྱེལ་མཁན་རྟ་ཤད་བང་ཆེན། 2 རྟའི་བབས་ཚུགས། |
| རྟ་ཟམ་པ |
གཞུང་གི་ཡིག་འཕྲིན་སྐྱེལ་མཁན་རྟ་ཤད་བང་ཆེན་པ། |
| རྟ་ཟེག་པ |
རྟ་སྤུ་མདོག་དམར་པོ། |
| རྟ་ཟོག |
སྒོ་ཕྱུགས། |
| རྟ་ཟླ |
1 སྐར་མ་རྟ་པའི་ཟླ་བའམ། ཆོ་འཕྲུལ་ཟླ་བ་སྟེ་ཟླ་བ་དང་པོ། 2 ལོ་སྐོར་བཅུ་གཉིས་དབང་དུ་བྱས་ན་ཧོར་ཟླ་ལྔ་པ། ཉ་སྐར་གྱི་དབང་དུ་བྱས་ན་མཆུ་ཟླ། |
| རྟ་འགྲོས |
རྟའི་འགྲོ་སྟངས། |
| རྟ་འཐེང |
རྟ་རྐང་ཀྱོག |
| རྟ་འདུར |
1 རྟའི་འགྲོ་སྟངས་ཤིག 2 དབྱངས་ག་ལེར་འཐེན་པ་རྟ་དང༌། མགྱོགས་མྱུར་འཐེན་པ་འདུར། |
| རྟ་འདྲོགས་པ |
རྟ་ལ་གློ་བུར་ཞེད་སྣང་སྐྱེས་པ། ལམ་དུ་འགྲོ་དུས་འུར་སྒྲ་ཐོས་པས་རྟ་འདྲོགས་པ། |
| རྟ་འཕྱགས་བརྒྱབ་པ |
རྟ་གར་ཡོད་ཁྲལ་དུ་བཙན་བསྐུལ་བྱས་པ། |
| རྟ་འཚུབ་པོ |
རྟ་དམུ་རྒོད་དམ་གྱོང་པོ། |
| རྟ་འཚེར |
རྟ་ཡིས་སྐད་འདོན་པ། རང་ཁྱིམ་དུ་སླེབ་ཁར་རྟས་འཚེར་སྐད་བཏོན་ཡོང༌། |
| རྟ་འུལ |
སྔར་བོད་ས་གནས་སྲིད་གཞུང་གི་མི་སྣ་སྐྱེལ་བར་རྫོང་སྐྱེལ་ལམ་ས་ཚིགས་སུ་བརྗེ་བའི་རྟ་ཁྲལ་གཏོང་དགོས་པ་དེར་ཟེར། |
| རྟ་འུལ་བསྐུལ་ཆོག་པའི་ལམ་ཡིག |
སྔར་བོད་ས་གནས་སྲིད་གཞུང་སྐབས། བཞོན་རྟ་སྐུལ་འདེད་ཆོག་པའི་ངོས་སྦྱོར་ལག་འཁྱེར། |
| རྟ་འོ་ལ |
རྟ་འོལ་བ་དང་འདྲ། |
| རྟ་འོལ་བ |
རྟ་སྤུ་མདོག་ནག་པོ་བྱ་འོལ་བའི་མདོག་ཅན་ཏེ་ཝ་ལ་ཡང་ཟེར། |
| རྟ་ཡན་སྲབ་མེད |
རྟ་ཁ་འཐེན་བྱེད་སྲབ་མདའ་མེད་པར་གང་འདོད་དུ་བཏང་བའི་རྟ། |
| རྟ་ཡི་དགྲ |
མངོན 1 མ་ཧེ། 2 གཡག |
| རྟ་ཡོད་དོར་མ |
གོས་ཐུང་བྱེ་བྲག་པ་ཞིག |
| རྟ་ར |
རྟ་འཇུག་སའི་ར་བའམ། ཁང་པ། |
| རྟ་རག་པ |
རྟ་སྤུ་མདོག་སེར་སྐྱ་ལ་དམར་མདངས་ཕྲན་བུ་ཡོད་པ་སྟེ་མདོག་དཀར་དམར་སེར་གསུམ་བསྲེས་པ་ལྟ་བུ་ཞིག |
| རྟ་རགས |
རྟ་ཞོན་པའི་མི་ཚོགས་ཀྱི་གྲལ་ཕྲེང༌། |
| རྟ་རིང |
རྣམ་ཐར་གཏོང་བའི་དབྱངས་རིང་བ། |
| རྟ་རྐང |
1 རྟའི་རྐང་རུས་ནང་གི་རྐང་མར། 2 རྟའི་རྐང་གླིང་ངམ། རྐང་དུང༌། |
| རྟ་རྐྱང་ནག |
རྟ་སྤུ་མདོག་དམར་ནག་ཅན། |
| རྟ་རྐྱང་པོ |
རི་དྭགས་རྐྱང་གི་སྤུ་མདོག་ཅན་གྱི་རྟ། |
| རྟ་རྐྱང་མི་རྐྱང |
རོགས་ཟླ་མེད་པའི་དཔེ། |
| རྟ་རྒན |
ན་སོ་རྒས་པའི་རྟ། ལས་ཀ་མེད་ན་རྟ་རྒན་གསོས། བུ་ལོན་མེད་ན་ཁག་ཐེག་བྱེད། |
| རྟ་རྒན་ལམ་རྒྱུས |
ཉམས་མྱོང་ཡོད་པའི་དཔེ། |
| རྟ་རྒོད |
མ་དུལ་བའི་རྟ་གྱོང་པོ། སེམས་རྟ་རྒོད་འཕྱོ་འཕྱོ། |
| རྟ་རྒོད་དཀྱུས་འཛུད |
རྟ་རྒོད་ལམ་གཞུང་ལ་འཇུག་པ་མི་རྒོད་ཁྲིམས་གཞུང་ལ་འཇུར་བའི་དཔེ། ཚུལ་མིན་ལོག་ཞུགས་ཀྱི་མི་རྣམས་ལ་སློབ་གསོ་བཏང་སྟེ་རྟ་རྒོད་དཀྱུས་འཛུད་བྱེད་པ། |
| རྟ་རྒོད་མ |
མོ་རྟ། |
| རྟ་རྒྱབ |
1 རྟའི་སྒལ་པ། 2 རྟ་ལ་འགེལ་རྒྱུའི་ཁལ། |
| རྟ་རྒྱུག |
རྟ་བང་རྒྱུག་པ། གནམ་གང་ཉིན་མོར་རྟ་གསོས་ནས། ཚེས་པ་གཅིག་ལ་རྟ་རྒྱུག་བྱེད། |
| རྟ་རྒྱུག་མི་རྒྱུག |
སྔར་ཧོར་ཟླ་དང་པོའི་ཚེས་ཉེར་ལྔ་ཉིན་ལྷ་སར་མི་རྟ་རིང་རྒྱུག་གི་བང་རྩལ་འགྲན་པའི་དུས་སྟོན་རྩེད་སྣ་ཞིག |
| རྟ་རྒྱུག་ཞར་འཕེན |
བོད་ཕྱོགས་ཀྱི་ཡུལ་ལུང་ཕལ་ཆེར་དབྱར་དུས་འོང་སྐོར་སོགས་རྟེན་འབྲེལ་དུས་སྟོན་དང་འབྲེལ་རྩལ་ལྡན་རྣམས་ཀྱིས་རྟའི་བང་རྩལ་རྒྱུག་པའི་ཞོར་ལ་མདའ་རྩལ་འགྲན་བསྡུར་བྱེད་པའི་རྩེད་སྣ་ཞིག |
| རྟ་རྒྱུག་འགྲན་བསྡུར |
རྟ་རྒྱུག་བཏང་བའི་བང་རྩལ་འགྲན་བསྡུར། |
| རྟ་རྒྱུད |
1 རྟའི་གཤིས་ཀ། 2 རྟའི་རིགས་རྒྱུད། |
| རྟ་རྔ |
1 རྟའི་མཇུག་མ། 2 རྟའི་རྔ་མའི་སྤུ་རྐང༌། ལམ་བུ་རྟ་རྔའི་ཉག་ལས་ཕྲ། ཐུགས་རྗེ་རི་རབ་ཙམ་ཡོད་ཀྱང་མངོན་མཁྱེན་རྟ་རྔ་ཙམ། |
| རྟ་རྡང |
རྟ་འདོགས་སའི་ཐག་རྡང་སྟེ་རྟ་གདང་ཡང་ཟེར། |
| རྟ་རྣ |
1 རྟའི་རྣ་བ། 2 ཨཤྭཀཎཿ གསེར་གྱི་རི་བདུན་གྱི་ནང་གསེས་ལྔ་པ་རིའི་རྩེ་མོ་ན་རྟའི་རྣ་བ་ལྟ་བུ་ཡོད་པ་ངོས་སུ་དཔག་ཚད་ལྔ་འབུམ་བཞི་ཁྲི་ལྔ་སྟོང་རེ་དང་མཐའ་སྐོར་དུ་ས་ཡ་གཉིས་དང་ཆིག་འབུམ་བརྒྱད་ཁྲི་ཡོད་པ་ཞིག |
| རྟ་རྨིག |
1 རྟ་ཡི་རྨིག་པ། 2 སྔོ་སྨན་གྱི་རིགས་དབྱིབས་རྟའི་རྨིག་པ་དང་འདྲ་བ་ཞིག་རོ་ཁ། ཞུ་རྗེས་བསིལ། ནུས་པས་རྨ་གསོ། རྩའི་སྒོ་འགེགས། |
| རྟ་རྨིག་མ |
རྟའི་རྨིག་པ་དང་དབྱིབས་མཚུངས་པའི་དངུལ་ལུགས་མ་ཞིག |
| རྟ་རྨུ་རྒོད |
རྟ་དམུ་རྒོད་དང་འདྲ། |
| རྟ་རྩལ |
རྟ་ཞོན་རྒྱུག་བྱེད་པའི་ལུས་རྩལ། གཞོན་ནུ་རྟ་རྩལ་ཅན་རྣམས་རྟ་རྒོད་ལ་བཞོན་ནས་སྤང་ཐང་ཡངས་པོར་རྒྱུག་རྩལ་འགྲན་པ། |
| རྟ་རྫི |
རྟ་འཚོ་མཁན། |
| རྟ་ལ |
ལ་ཞིག་བོད་རང་སྐྱོང་ལྗོངས་ཀྱི་གཏིང་སྐྱེས་རྫོང་གི་ལྷོ་རྒྱུད་དུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་3375 ཡོད། |
| རྟ་ལུད |
རྟའི་སྦངས། |
| རྟ་ལོ |
ལོ་སྐོར་གྱི་ནང་ཚན་རྟ་ཡི་ལོ། |
| རྟ་ལོ་པ |
རྟ་ལོར་སྐྱེས་པའི་མི། |
| རྟ་ལྕག |
རྟ་སྐུལ་བྱེད་ལྕག་ཚན། |
| རྟ་ལྕག་གི་དངོ |
སྐུལ་བྱེད་རྟ་ལྕག་གི་འབྲེང་རྒྱུན། |
| རྟ་ལྕགས |
1 རྟའི་རྨིག་པ་སྐྱོབ་བྱེད་ཀྱི་ལྕགས། 2 རྟའི་རྐང་ལག་ལ་རྒྱག་པའི་ལྕགས་སྒྲོག |
| རྟ་ལྗང |
ཉི་མའི་ཁང་བཟང་འདྲེན་བྱེད་ཀྱི་རླུང་གི་རྟ་ཞིག |
| རྟ་ལྗང་ཅན |
མངོན 1 བརྒྱ་བྱིན། 2 ཉི་མ། |
| རྟ་ལྤགས་པ |
སྔོ་སྨན་གྱི་རིགས་ཤིག་རོ་མངར་ལ་ཁ། ཞུ་རྗེས་བསིལ། ནུས་པས་སྲིན་གསོད། ལྷ་བའི་ནང་ཁྲག་རྒྱུ་བར་བྱེད། ཆུ་སེར་སྐེམ། |
| རྟ་ལྷིང་པོ |
འདྲོག་མགོ་མེད་པའི་རྟ་བརླིང་པོ། |
| རྟ་ཤ |
1 དཔྱི་རུས་ཀྱི་ཤ། 2 རྟའི་ཤ། |
| རྟ་ཤད |
1 རྟའི་སྤུ་ཤད་བྱེད་ལག་ཆ། 2 རྟ་ཞོན་བང་ཆེན་རྟ་རྐྱང་མི་རྐྱང་འགྲོ་མཁན། |
| རྟ་ཤར |
མི་ཧྲེང་དང་ཁལ་མ་སོགས་འགྲུལ་རོགས་མེད་པར་ཤར་རྒྱག་འགྲོ་བའི་རྟ་པ། |
| རྟ་ཤས |
ཡུལ ཐུན་མོང་དུ་བདག་པའི་རྟ། |
| རྟ་ཤུ |
ཡུལ རྟ་སྒ་མེད་དུ་བཞོན་ནས་རྐུབ་ལ་བཟོས་པའི་རྨ། |
| རྟ་ཤུགས |
འཕྲུལ་འཁོར་སྒུལ་ཤུགས་ཀྱི་ཚད་གཞི། |
| རྟ་སོ |
1 རྟའི་སོ། 2 རི་ལྡེབས་སུ་ཡོད་པའི་དགོན་པ་སོགས་ཀྱི་ལྕགས་རི་ཐུར་དུ་བང་རིམ་བྱས་ནས་ཁྲིད་པའི་དབྱིབས། |
| རྟ་སོ་མ |
ཤེལ་ཀ་རའི་བྱེ་བྲག་ཅིག |
| རྟ་སྐྱ་བ |
ཡུལ རྟ་ཞོན་པ། |
| རྟ་སྒ |
རྟའི་སྒ། རྟ་སྒ་བསྟད་པ། རྟ་སྒ་སྟོང༌། |
| རྟ་སྒྲོ |
རྟ་སྒའི་ཐོག་གཟར་རྒྱུའི་ལམ་ཆས་བླུག་སྣོད། |
| རྟ་སྒྲོག |
རྟ་རྒོད་ཡན་པོར་མི་འཆོར་བའི་ཆེད་དུ་དེའི་རྐང་ལག་སྒྲོག་བྱེད་ཀྱི་ཀོ་ཐག |
| རྟ་སྟན |
རྟ་སྒའི་འོག་ཏུ་རྒྱག་པའི་སྟན། |
| རྟ་སྤྱི |
རྟ་ཁལ་སྐུལ་གཏོང་ལས་འགན་གྱི་སྤྱི་འདོམས། |
| རྟ་སྦངས |
རྟའི་ཨོང་རིལ། |
| རྟ་སྲབ |
རྟའི་ཁ་ལོ་སྒྱུར་བྱེད་སྲབ། |
| རྟ་ཧྲག |
རྟ་བཟང་བའམ་འཕེར་བ། མི་ཧྲག་རྟ་ཧྲག་བརྒྱ་ཕྲག་བཅས་སོང༌། |
| རྟ་ཧྲེངས |
རྟ་རྒོད། |
| རྟག |
(རྒྱན་ཚིག) གནས་པའི་དུས་ཡུན་རིང་བའམ་འགྱུར་ལྡོག་མེད་པའི་དོན་ཏེ། གྲོགས་བཟང་བོར་ངོ་རྟག ཁང་བ་ལྷོ་ལྟར་ཉི་མ་རྟག འཇའ་ཚོན་མི་རྟག་སྐད་ཅིག་ཉིད་ལ་ཡལ་ལྟ་བུ། འཇིག་པ་དང་འགྱུར་བ་མེད་པ་ དངོས་པོ་ཐམས་ཅད་མི་རྟག་པ་ཡིན་ལྟ་བུ། |
| རྟག་གཅིག་རང་དབང་ཅན་གྱི་བདག |
མི་འཇིག་པའི་རྟག་པ་དང༌། ཆ་མེད་པའི་གཅིག་པུ། ཚུགས་ཐུབ་ཏུ་གྲུབ་པའི་རང་དབང་ཅན་དུ་འཛིན་པ་སྟེ་སྔར་རྒྱ་གར་དུ་བྱུང་བའི་གྲུབ་མཐའ་སྨྲ་བ་ཞིག་གིས་འདོད་པའི་གང་ཟག་གི་བདག |
| རྟག་གཏུག |
རྒྱུན་དུ་ཕར་ཚུར་ཐུག་འཕྲད། དགའ་པོ་ཉེ་པོ་དང་ཕན་ཚུན་རྟག་གཏུག་བྱེད། |
| རྟག་གཏོར |
རྒྱུན་གཏོར་ཏེ་དུས་རྒྱུན་དུ་འཇོག་པའི་གཏོར་མ། |
| རྟག་ཆད |
བདེན་གྲུབ་ཏུ་འཛིན་པའི་རྟག་ལྟ་དང་གཏན་མེད་དུ་འདོད་པའི་ཆད་ལྟ་གཉིས། |
| རྟག་ཏུ |
(བསྣན་ཚིག) དུས་ཡུན་རིང་བའམ་འགྱུར་ལྡོག་མེད་པའི་དོན་ཏེ། ཉི་འོད་རྟག་ཏུ་གསལ། ཡི་གེ་རྟག་ཏུ་སྦྱང་ལྟ་བུ། |
| རྟག་ཏུ་ངུ |
བྱང་ཆུབ་སེམས་དཔའ་ཆོས་འཕགས་ཀྱི་སློབ་མ་ཞིག |
| རྟག་ཏུ་ཟ |
མངོན རྟ་སྤྱི། |
| རྟག་ཏུ་འབབ |
མངོན ཆུ་བོ་སི་ཏཱ། |
| རྟག་ཏུ་རྒྱུན་མི་འཆད་པ |
རྒྱུན་གཏན་བར་མི་འཆད་པ། རྟག་ཏུ་རྒྱུན་མི་འཆད་པར་སློབ་སྦྱོང་བྱེད། |
| རྟག་ཐུབ་པ |
འགྱུར་ལྡོག་མེད་པ། |
| རྟག་པ |
1 1 རྒྱུ་རྐྱེན་གྱིས་མ་བསྐྱེད་ཅིང་འཕོ་འགྱུར་མེད་པ། ནམ་མཁའ་ལྟ་བུའོ། 2 མཉམ་ཉིད། 2. བརྟན་པ་དང༌། འགྱུར་བ་མེད་པ། རྒྱུན་དུ་མི་ཉམས་པའམ། རྒྱུན་མི་འཆད་པ། དགུན་དུས་རྟག་པར་ཉི་མ་འཆར་རྒྱུ་ཡོད། |
| རྟག་པ་གཉིས |
རྣམ་པ་ཐམས་ཅད་ཀྱི་རྟག་པ་དང༌། རེ་འགའ་བའི་རྟག་པ་གཉིས། |
| རྟག་པ་གསུམ |
འགོག་པ་གཉིས་དང༌། ནམ་མཁའ་བཅས་གསུམ། |
| རྟག་པ་ཉིད |
འགྱུར་མེད་ཁོ་ན། |
| རྟག་པ་ཐེར་ཟུག |
འགྱུར་ལྡོག་མེད་པའི་རང་བཞིན། བསྒྱུར་བཅོས་མི་ཐུབ་པའི་རྟག་པ་ཐེར་ཟུག་གི་དངོས་པོ་གང་ཡང་མེད། |
| རྟག་པ་དང་ཆད་པའི་མཐའ |
མེད་པ་ལ་ཡོད་པར་འཛིན་པ་རྟག་པའི་མཐའ་དང༌། ཡོད་པ་ལ་མེད་པར་འཛིན་པ་ཆད་པའི་མཐའ། |
| རྟག་པ་བཞི |
ནམ་མཁའ་དང༌། འགོག་པ་གཉིས། དེ་བཞིན་ཉིད་བཅས་བཞི། |
| རྟག་པའི་བྱེད་པ་བཞི |
ཚེས་ཉེར་དགུའི་ཕྱི་ཆར་བཀྲ་ཤིས་དང༌། གནམ་སྟོང་སྔ་ཆར་རྐང་བཞིའམ་བཞི་མདོ། གནམ་སྟོང་ཕྱི་ཆར་བྱེད་པ་ཀླུ། ཚེས་གཅིག་སྔ་ཆར་མི་སྡུག་པ་འདི་རྣམས་རྟག་ཏུ་ངེས་པས་ན་རྟག་པའི་བྱེད་པ་ཞེས་བྱའོ། |
| རྟག་པའི་མཐའ |
ཆོས་རྣམས་རང་ངོས་ནས་བདེན་པར་གྲུབ་པར་ལྟ་བ། |
| རྟག་པར |
(བསྣན་ཚིག) རྟག་ཏུ་ཞེས་པ་དང་དོན་འདྲ་ ཐུན་མོང་གི་དོན་རྟག་པར་སེམས་ལ་ཟུངས་ལྟ་བུ། |
| རྟག་པར་རེ་བཞིན |
དུས་དང་རྣམ་པ་ཀུན་ཏུ། |
| རྟག་པར་སྨྲ་བ |
སྔོན་རྒྱ་གར་དུ་བྱུང་བའི་གྲངས་ཅན་པ་དང༌། ཚངས་པ་བ། ཁྱབ་འཇུག་པ། དཔྱོད་པ་བ། དབང་ཕྱུག་པ། བྱེ་བྲག་པ། རིག་པ་ཅན་པ། གཅེར་བུ་པ་བཅས་ཀྱི་གྲུབ་མཐའ། |
| རྟག་བདེ་བྱེད |
མངོན རྣམ་ཐོས་སྲས། |
| རྟག་མཐའ |
རྟག་པའི་མཐའི་བསྡུས་མིང༌། |
| རྟག་མྱོས |
རྒྱལ་ཆེན་རིགས་བཞིའི་གནས་རིས་ཤིག |
| རྟག་ཞི་བ |
མངོན 1 ལྷ་དབང་ཕྱུག 2 སངས་རྒྱས། 3 སྤྱན་རས་གཟིགས། |
| རྟག་འཁྱོངས |
རྒྱུན་མི་འཆད་པར་སྐྱོང་ཐུབ་པ། |
| རྟག་འགྲུས |
རྒྱུན་ཆད་མེད་པའི་བརྩོན་འགྲུས། རྟག་འགྲུས་ཀྱི་ནུས་ཤུགས་འདོན་པ། |
| རྟག་འགྲོ |
མངོན རླུང་སྤྱི། |
| རྟག་འགྲོས |
སྒྲ་གཅན་སྐྱེས་སྐར་སྟེང་ནས་ཁ་ནུབ་ཏུ་ཕྱོགས་ཏེ་གཡས་བསྐོར་གྱིས་སྐར་ཁྱིམ་སྤྱོད་ཅིང༌། དེའི་ཚེ་རྟག་ལོངས་ལ་རྐང་པའི་འཕེལ་འགྲིབ་མེད་པས་རྟག་འགྲོས་ཅན་དུ་གྲགས། |
| རྟག་ཡས |
གྲངས་གནས་ཤིག |
| རྟག་རེས་འཁོར་བ |
མངོན རྟག་ཏུ་སྦྱོར་བའི་ཟས། |
| རྟག་རྟོགས |
རྟག་པར་རྟོགས་པའི་ཚད་མ་ནམ་མཁའ་སོགས་དངོས་མེད་ཀྱི་ཆོས་རྣམས་རྟག་པ་ལ་རྟག་པར་ངེས་པའི་ཡང་དག་པའི་ཤེས་པའོ། |
| རྟག་ལོངས |
རྟག་པའི་ལོངས་སྤྱོད་དེ། གཟའ་རྣམས་ཀྱི་ཞག་གསུམ་ལོངས་སྤྱོད་དེར་རྟག་ཏུ་ངེས་པས་ན་རྟག་ལོངས་ཞེས་བརྗོད། |
| རྟག་ལྟ |
བདེན་གྲུབ་ཀྱིས་རྟག་པར་ལྟ་བ། |
| རྟག་སྨྲ་བཞི |
སྔར་རྒྱ་གར་དུ་བྱུང་བའི་གྲངས་ཅན་པ་དང༌། དབང་ཕྱུག་པ། ཁྱབ་འཇུག་པ། གཅེར་བུ་པ་བཅས་བཞིའི་སྤྱི་མིང༌། |
| རྟགས |
1 མཚོན་བྱེད། མིང་རྟགས། རྒྱལ་རྟགས། གླེན་རྟགས། རང་རྟགས། འཆི་རྟགས། ཞིང་ལ་ས་རྟགས་བཙུགས། མཚལ་རྟགས་བརྒྱབ་པ། 2 གཏན་ཚིགས་སམ་རྒྱུ་མཚན་ཏེ། བྱས་པའི་རྟགས་ཀྱིས་སྒྲ་མི་རྟག་པར་བསྒྲུབ་པ་ན། བྱས་པ་རྟགས་སུ་བཀོད་པའམ་རྒྱུ་མཚན་དུ་བཀོད་པ་ལྟ་བུའོ། རྟགས་གསལ་བཏང་ཡང་རྟགས་མ་གྲུབ། མིང་གི་རྣམ་གྲངས་ལ་དེ་སྒྲུབ་ཀྱི་སྒྲུབ་པའི་ཆོས་དང༌། ཕྱོགས་ཀྱི་ཆོས། སྒྲུབ་བྱེད། གཏན་ཚིགས། རྒྱུ་མཚན་རྣམས་སོ། 3 རྒྱ། བཀའ་ཤོག་ལ་ཕྱག་རྟགས་ཕབ་པ། ལུག་གི་རྣ་རྟགས། ནོར་གྱི་རྭ་རྟགས། 4 ཕོ་མོའི་མཚན་མ། ཕོ་རྟགས། མོ་རྟགས། |
| རྟགས་ཀྱི་ངོ་བོ་མ་གྲུབ་པ |
དོན་ལ་མ་གྲུབ་པའི་རྟགས་དྲུག་གི་ནང་གསེས། རྟགས་ཀྱི་ངོ་བོ་མི་སྲིད་ནས་མ་གྲུབ་པ་དཔེར་ན། སྐྱེས་བུ་འདི་ཆོས་ཅན། བདག་དང་བཅས་པ་ཡིན་ཏེ། བདག་གི་ཡོན་ཏན་དང་ལྡན་པའི་ཕྱིར། ཞེས་པ་ལྟ་བུ་སྒྲུབ་བྱེད་རང་ཉིད་ཤེས་བྱ་ལ་མི་སྲིད་པ་སྟེ་གཞི་མ་གྲུབ་པའོ། |
| རྟགས་ཀྱི་ཕྱོགས་གཅིག་ཆོས་ཅན་ལ་མ་གྲུབ་པ |
དོན་ལ་མ་གྲུབ་པའི་རྟགས་དྲུག་གི་ནང་གསེས། རྟགས་ཀྱི་ཕྱོགས་གཅིག་ཆོས་ཅན་ལ་མི་སྲིད་ནས་མ་གྲུབ་པ་དཔེར་ན། ཟླ་བ་གཉིས་སྣང་གི་དབང་ཤེས་ཆོས་ཅན། མངོན་སུམ་ཡིན་ཏེ། རྟོག་བྲལ་མ་འཁྲུལ་བ་ཡིན་པའི་ཕྱིར། ཞེས་པ་ལྟ་བུ་ཟླ་བ་གཉིས་སྣང་ལ་རྟོག་བྲལ་གྲུབ་ཀྱང་མ་འཁྲུལ་བ་མ་གྲུབ་པའོ། |
| རྟགས་ཀྱི་འཇུག་པ |
སྔོན་འཇུག་དང་རྗེས་འཇུག་རྣམས་ཀྱི་འཇུག་ཚུལ་ཏེ་གང་ལ་འཇུག་པ་དང༌། གང་གིས་འཇུག་པ། ཇི་ལྟར་འཇུག་པ། ཅི་ཕྱིར་འཇུག་པ་རྣམས་ཀྱི་དོན་གསལ་བའི་བསྟན་བཅོས་ཐུ་མི་སམ་བྷོ་ཊས་བརྩམས་པ་དེ་ཡིན། |
| རྟགས་ཀྱི་རྡོར་དྲིལ |
དྲང་དོན་གྱི་རྡོར་དྲིལ་ལམ། མཚན་མའི་རྡོར་དྲིལ། |
| རྟགས་ཀྱི་སྦྱོར་བ |
རང་གི་དམ་བཅའ་སྒྲུབ་འདོད་ཀྱི་བསམ་པས་གཞན་ལ་རྟགས་ཆོས་དོན་གསུམ་དངོས་སུ་སྦྱོར་བའི་ངག |
| རྟགས་ཀྱིས་བསལ་བ |
དངོས་སྟོབས་ཀྱིས་བསལ་བའོ། |
| རྟགས་ཁོ་ན་མ་གྲུབ་པ |
ཐལ་འགྱུར་ལ་བཀོད་ཚོད་ཀྱི་སྒོ་ནས་རྟགས་ཁོ་ན་མ་གྲུབ་པ། དཔེར་ན། སངས་རྒྱས་པའི་ངོར། སྒྲ་ཆོས་ཅན། མ་བྱས་པ་ཡིན་པར་ཐལ། རྟག་པ་ཡིན་པའི་ཕྱིར་ཞེས་པའི་ཐལ་འགྱུར་ལྟ་བུ། |
| རྟགས་ཁྱབ་གཉིས་ཀ་ཁས་བླངས་ཀྱིས་གྲུབ་པ |
སྒྲ་མིག་ཤེས་ཀྱི་གཟུང་བྱ་དང་མིག་ཤེས་ཀྱི་གཟུང་བྱ་ལ་རྟག་པས་ཁྱབ་པར་ཁས་ལེན་པའི་གང་ཟག་གི་ངོར། སྒྲ་ཆོས་ཅན། རྟག་པ་ཡིན་པར་ཐལ། མིག་ཤེས་ཀྱི་གཟུང་བྱ་ཡིན་པའི་ཕྱིར། ཞེས་བཀོད་པ་ལྟ་བུ། |
| རྟགས་ཁྱབ་གཉིས་ཀ་གྲུབ་པ |
ཐལ་འགྱུར་དགོད་ཡུལ་གྱི་བློ་ངོར། ཚད་མའམ་ཁས་བླངས་ཀྱིས་རྟགས་ཁྱབ་གཉིས་ཀ་གྲུབ་པའོ། |
| རྟགས་ཁྱབ་གཉིས་ཀ་གྲུབ་པའི་ཐལ་འགྱུར་བཞི |
རྟགས་ཁྱབ་གཉིས་ཀ་ཚད་མས་གྲུབ་པ་དང༌། རྟགས་ཁྱབ་གཉིས་ཀ་ཁས་བླངས་ཀྱིས་གྲུབ་པ་དང༌། རྟགས་ཚད་མས་གྲུབ་ཅིང་ཁྱབ་པ་ཁས་བླངས་ཀྱིས་གྲུབ་པ་དང༌། ཁྱབ་པ་ཚད་མས་གྲུབ་ཅིང་རྟགས་ཁས་བླངས་ཀྱིས་གྲུབ་པའི་ཐལ་འགྱུར་ཏེ་བཞིའོ། |
| རྟགས་ཁྱབ་གཉིས་ཀ་མ་གྲུབ་པ |
ཐལ་འགྱུར་ལ་བཀོད་ཚོད་ཀྱི་སྒོ་ནས་རྟགས་གསལ་གཉིས་ཀ་མ་གྲུབ་པ། དཔེར་ན། སངས་རྒྱས་པ་ལ་འཕངས་པའི་སྒྲ་ཆོས་ཅན། གཞལ་བྱ་མ་ཡིན་པར་ཐལ། རྟག་པ་ཡིན་པའི་ཕྱིར། ཞེས་པའི་ཐལ་འགྱུར་ལྟ་བུ། |
| རྟགས་ཁྱབ་གཉིས་ཀ་ཚད་མས་གྲུབ་པ |
སྒྲ་ཆོས་ཅན། མི་རྟག་པ་ཡིན་པར་ཐལ། བྱས་པ་ཡིན་པའི་ཕྱིར། ཞེས་པ་ལྟ་བུ། དེ་ཡང་སྔར་སྒྲ་རྟག་པར་ཁས་བླངས་ན་ཁྱབ་རྟགས་ཚད་མས་གྲུབ་ཅིང་དམ་བཅའ་ལ་ཁས་བླངས་ཀྱི་བསལ་བ་འབབ་པའི་ཐལ་འགྱུར་ཡང་དག་དང༌། སྒྲ་རྟག་པར་ཁས་མ་བླངས་ན་ཁྱབ་རྟགས་ཚད་མས་གྲུབ་ཅིང་དམ་བཅའ་ལ་བསལ་བ་མེད་པས་རྒོལ་བ་དེ་ལ་ཐལ་འགྱུར་ལྟར་སྣང་དུ་འགྱུར་བའོ། |
| རྟགས་གསལ |
སྒྲུབ་བྱེད་ཀྱི་གཏན་ཚིགས་དང་བསྒྲུབ་བྱའི་ཆོས། |
| རྟགས་གསལ་གཏོང་བ |
1 རྩོད་པའི་སྐབས་དབྱེ་ནས་ཐལ་བ་འཕེན་པའོ། 2 མཚན་ཉིད་བགྲོ་གླེང༌། ཡིན་མིན་བདེན་རྫུན་གྱི་སྐོར་ལ་རྟགས་གསལ་མ་གཏོང་ཞིག |
| རྟགས་གསལ་གྱི་ཁྱབ་པ་སྒོ་བརྒྱད |
རྟགས་གསལ་ཕན་ཚུན་གྱི་ཁྱབ་པ་རྣལ་མ་བཞི་དང༌། ཕྱིན་ཅི་ལོག་བཞི་སྟེ་བརྒྱད་དོ། |
| རྟགས་གསལ་གྱི་སྦྱོར་བ |
གཏན་ཚིགས་རིགས་པའི་བསྒྲུབ་བྱ་སྒྲུབ་བྱེད་ཀྱི་བྱ་བ་ལག་ལེན་གྱི་རྣམ་གཞག |
| རྟགས་གསུམ |
མངོན གྲུ་ཤན། |
| རྟགས་ཅན་མ |
མངོན སྨད་འཚོང་མ། |
| རྟགས་ཆོས |
གཏན་ཚིགས་རིག་པའི་སྦྱོར་བའི་རྟགས་དང་བསྒྲུབ་བྱའི་ཆོས་གཉིས་ལ་ཟེར། དཔེར་ན། སྒྲ་ཆོས་ཅན། མི་རྟག་བྱས་པའི་ཕྱིར་ཞེས་པའི་སྦྱོར་བ་ལ་མཚོན་ན། བྱས་པ་དང་མི་རྟག་པ་གཉིས་སོ། |
| རྟགས་ཆོས་གཅིག་པ |
ལྡོག་པ་གཅིག་པས་མ་གྲུབ་པ་གསུམ་གྱི་གྲས། རྟགས་ཆོས་ཐ་དད་མེད་ནས་མ་གྲུབ་པ་དཔེར་ན། སྒྲ་ཆོས་ཅན། མི་རྟག་མི་རྟག་པའི་ཕྱིར། ཞེས་པ་ལྟ་བུའོ། |
| རྟགས་ཆོས་དོན་གསུམ |
རྟགས་ཞེས་པ་སྒྲུབ་བྱེད་དང༌། ཆོས་ཞེས་པ་བསྒྲུབ་བྱའི་ཆོས་དང༌། དོན་ཞེས་པ་བསྒྲུབ་གཞིའམ་རྩོད་གཞི་བཅས་གསུམ་མོ། |
| རྟགས་ཐེལ |
རྒྱའམ་ཐེལ་ཙེ། |
| རྟགས་ཐོན་པ |
ལས་གང་ཞིག་བྱས་རུང་དེའི་རྟགས་སམ་མཚན་མ་ཐོན་པ། |
| རྟགས་དཔེ་ཕྱོགས་གསུམ |
གཏན་ཚིགས་རིག་པའི་སྦྱོར་བ་འགོད་ཚུལ་ལ་ཆ་ཤས་གསུམ་ལྡན་གྱི་དང་པོ་ཕྱོགས་ནི་རང་གིས་བསྒྲུབ་པར་བྱ་བར་འདོད་པ་བསྒྲུབ་བྱའམ་ཕྱོགས་ཡིན་པ་དང༌། གཉིས་པ་དཔེ་ནི་མངོན་སུམ་གྱིས་མཐོང་བའི་དངོས་པོ་དཔེ་རུ་འཇོག་པ། གསུམ་པ་རྟགས་ནི་རྒྱུ་མཚན་ཡང་དག་པ་བཀོད་པར་བརྟེན་ནས་ཕ་རོལ་པོར་དམ་བཅས་པའི་དོན་ཁས་ལེན་བྱེད་དུ་འཇུག་པའོ། |
| རྟགས་དམ |
ཐམ་གའམ་དམ་ཕྲུག |
| རྟགས་བརྒྱད |
བཀྲ་ཤིས་རྟགས་བརྒྱད་ཀྱི་བསྡུས་མིང༌། |
| རྟགས་བརྒྱད་བུམ་གཟུགས |
བཀྲ་ཤིས་རྟགས་བརྒྱད་ཀྱི་རི་མོ་ཚང་བའི་རི་མོ་བུམ་པའི་གཟུགས་དབྱིབས་ཅན་ཞིག |
| རྟགས་བརྒྱད་མ |
ཉིན་མོ་བདེ་ལེགས་ཀྱི་ནང་གསེས་ཁ་བཏག་ལེགས་གྲས་ཤིག |
| རྟགས་བརྒྱད་སྤྲིན་རིས |
1 རུམ་འཐགས་ཀྱི་རི་མོའི་རྣམ་གྲངས་ཤིག 2 གོས་ཆེན་གྱི་བྱེ་བྲག་ཅིག |
| རྟགས་མ |
ངོ་བོ་མཚོན་བྱེད་ཀྱི་མཚན་མ། |
| རྟགས་མ་གྲུབ་པ |
ཐལ་འགྱུར་ལྟར་སྣང་བཞིའི་ནང་གསེས། སྒྲུབ་བྱེད་ཀྱི་རྟགས་ཁས་བླངས་སམ་ཚད་མས་མ་གྲུབ་པ། དཔེར་ན། སྒྲ་ཆོས་ཅན། རྟག་པར་ཐལ། མཉན་བྱ་མ་ཡིན་པའི་ཕྱིར། ཞེས་པ་ལྟ་བུ་གཏན་ཚིགས་མ་གྲུབ་པས་ཐལ་ལན་རྟགས་མ་གྲུབ་ཅེས་བརྗོད་པའོ། |
| རྟགས་མཚན |
རྟགས་དང་མཚན་མ། རིགས་ལམ་ཁོང་དུ་ཆུད་པའི་རྟགས་མཚན་བསྟན་པ། |
| རྟགས་མཚུངས་འདྲེན་པ |
མིང་གང་རུང་གི་མཐར་སྦྱར་བའི་རྗེས་འཇུག་དེས། རང་མིང་གི་ཆ་ཤས་སུ་འདྲེན་རྒྱུའི་མིང་གཞིའི་ཡི་གེ་དེ། ངག་ཐོག་ནས་བརྗོད་བདེའི་དགོས་པ་གཙོ་བོར་མ་བྱས་པར་རྗེས་འཇུག་རང་དང་ཕོ་མོ་མ་ནིང་སོགས་ཀྱི་རྟགས་མཐུན་པའི་མིང་གཞིའི་ཡི་གེ་འདྲེན་ཚུལ་ཏེ། དཔེར་ན། སོས་ཀ། ཞིང་ག། དབྱར་ཁ་ལྟ་བུའོ། སོས་ཀ ཀ། ཞིང་ག ག། དབྱར་ཁ ཁ ས་ང་ར |
| རྟགས་ཙམ་འཛིན་པའི་དགེ་སློང |
ནང་རྒྱུད་ལ་བསྙེན་རྫོགས་ཀྱི་སྡོམ་པ་མི་ལྡན་པར་ཕྱི་དགེ་སློང་གི་ཆ་ལུགས་འཛིན་པའོ། |
| རྟགས་ཙམ་འཛིན་པའི་ལེའུ |
སྟོན་པ་མྱ་ངན་ལས་འདས་ནས་བསྟན་པའི་གནས་ཚད་ལོ་ལྔ་བརྒྱ་ཕྲག་བཅུའི་ཐ་མ་ལྔ་བརྒྱ་ཕྲག་གཅིག་ལ་རབ་ཏུ་བྱུང་བའི་རྟགས་ཙམ་ལས་མི་འབྱུང་བར་བཤད་པ་དེའོ། |
| རྟགས་ཚད་མས་གྲུབ་ཅིང་ཁྱབ་པ་ཁས་བླངས་ཀྱིས་གྲུབ་པ |
བྱས་ན་རྟག་པས་ཁྱབ་པ་ཁས་ལེན་པའི་གང་ཟག་གི་ངོར། སྒྲ་ཆོས་ཅན། རྟག་པ་ཡིན་པར་ཐལ། བྱས་པའི་ཕྱིར་ཞེས་བཀོད་པ་ལྟ་བུ། |
| རྟགས་ཟུར |
རྟགས་སམ་གཏན་ཚིགས་ཀྱི་སྦྱོར་བ་འགོད་པ་ན། རྒྱུ་མཚན་དུ་མ་བཀོད་པའི་ཆ་ཤས་སམ་ཟུར། དཔེར་ན། བུམ་པ་ཆོས་ཅན། དངོས་པོའི་བྱེ་བྲག་ཡིན་ཏེ། བུམ་པ་དངོས་པོ་ཡིན། བུམ་པ་དངོས་པོ་དང་བདག་གཅིག་ཏུ་འབྲེལ། བུམ་པ་མ་ཡིན་ཞིང་དངོས་པོ་ཡིན་པ་དུ་མ་གྲུབ་པའང་ཡོད་པའི་གཞི་མཐུན་དུ་དམིགས་པ་ཡིན་པའི་ཕྱིར་ཞེས་རྟགས་ཟུར་གསུམ་ཡོད་པ་ལྟ་བུའོ། |
| རྟགས་འཇུག |
རྟགས་ཀྱི་འཇུག་པའི་བསྡུས་མིང༌། |
| རྟགས་འཛིན་སེམས |
རྗེས་དཔག་གི་རྒྱུ། རྟགས་ཀྱི་ཚུལ་འཛིན་པའི་བློ་ཚུལ་གསུམ་དུས་གཅིག་ལ་དྲན་པའི་བློ། དཔེར་ན། བྱས་རྟགས་ཀྱིས་སྒྲ་མི་རྟག་པར་རྟོགས་ཁ་མའི་གང་ཟག་གི་རྒྱུད་ལ་དེ་སྒྲུབ་ཀྱི་རྗེས་སུ་དཔག་པར་བྱ་བའི་གཞི་ཡོད་པ་དང༌། དེ་སྒྲུབ་ཀྱི་མཐུན་ཕྱོགས་ལ་ཡོད་པ་དང༌། མི་མཐུན་ཕྱོགས་ལ་མེད་པར་ངེས་པའི་བློ་སྐྱེ་བ་ལྟ་བུའོ། |
| རྟགས་འཛིན་སེམས་གཉིས |
ཕྱོགས་ཆོས་འཇལ་བའི་རྟགས་འཛིན་སེམས་དང༌། ཁྱབ་པ་འཇལ་བའི་རྟགས་འཛིན་སེམས་ཏེ་གཉིས་སོ། |
| རྟགས་ཡང་དག |
ཚུལ་གསུམ་ཚང་བ་ཕྱོགས་ཆོས་གྲུབ་ཅིང་འབྲེལ་བ་ངེས་པ། དཔེར་ན། བྱས་རྟགས་ཀྱིས་སྒྲ་མི་རྟག་པར་སྒྲུབ་པ་ལ། རྟགས་བྱས་པ་རྩོད་གཞི་ཆོས་ཅན་གྱི་སྟེང་དུ་གྲུབ་པ་དང༌། གང་བྱས་ན་མི་རྟག་པས་ཁྱབ་པ་མཐུན་ཕྱོགས་ལ་ཡོད་པ་ཉིད་དང༌། གང་རྟག་ན་མ་བྱས་པས་ཁྱབ་པ་མི་མཐུན་ཕྱོགས་ལ་མེད་པ་བཅས་ཀྱི་རྗེས་སུ་འགྲོ་ལྡོག་གི་འབྲེལ་བ་ངེས་པའོ། |
| རྟགས་ཡང་དག་གཉིས |
1 བསྒྲུབ་བྱའི་ཆོས་ཀྱི་སྒོ་ནས་དབྱེ་ན། དགག་རྟགས་ཡང་དག་དང༌། སྒྲུབ་རྟགས་ཡང་དག་གཉིས། 2 རྟགས་སྒྲུབ་ཚུལ་གྱི་སྒོ་ནས་དབྱེ་ན། དོན་སྒྲུབ་ཀྱི་རྟགས་དང༌། ཐ་སྙད་སྒྲུབ་ཀྱི་རྟགས་ཏེ་གཉིས། 3 ཕྱོགས་ཆོས་གཏན་ཚིགས་དགུའི་གྲས་ཀྱི་རྟགས་ཡང་དག་གཉིས་ཏེ། མི་མཐུན་ཕྱོགས་ལ་གཏན་མེད་མཐུན་ཕྱོགས་ལ་ཁྱབ་བྱེད་དུ་འཇུག་པ་དང༌། མི་མཐུན་ཕྱོགས་ལ་གཏན་མེད་མཐུན་ཕྱོགས་ལ་རྣམ་གཉིས་སུ་འཇུག་པའོ། |
| རྟགས་ཡང་དག་གསུམ |
1 རྟགས་ཡང་དག་ལ་སྦྱོར་བའི་སྒོ་ནས་དབྱེ་ན། འབྲས་བུའི་རྟགས་དང༌། རང་བཞིན་གྱི་རྟགས་དང༌། མ་དམིགས་པའི་རྟགས་བཅས་གསུམ་མོ། 2 སྒྲུབ་བྱེད་ཀྱི་སྒོ་ནས་དབྱེ་ན། དངོས་སྟོབས་ཀྱི་རྟགས་དང༌། གྲགས་པའི་རྟགས་དང༌། ཡིད་ཆེས་ཀྱི་རྟགས་ཏེ་གསུམ་མོ། |
| རྟགས་རིག |
གཏན་ཚིགས་རིག་པའི་མིང་གཞན། |
| རྟགས་རིགས |
ཚད་མའི་རིགས་ལམ་གྱི་ནང་ནས་རྟགས་སམ་གཏན་ཚིགས་ཡང་དག་དང་ལྟར་སྣང་སྐོར་གྱི་རྣམ་གཞག་སྟོན་པའི་གཞུང་ཞིག |
| རྟགས་ལ་ཐེ་ཚོམ་ཟ་ནས་མ་གྲུབ་པ |
བློ་ངོར་མ་གྲུབ་པའི་རྟགས་གསུམ་གྱི་ཡ་གྱལ། རྟགས་དེ་ཡོད་མེད་མ་ངེས་པའི་རྐྱེན་གྱིས་མ་གྲུབ་པ་དཔེར་ན། དུ་བ་དང་རླངས་པ་གང་ཡིན་མ་ངེས་པའི་ངོར། སྐྱ་རྫས་དང་ལྡན་པའི་ལ་ལ་ཆོས་ཅན། མེ་ཡོད་དེ། དུ་བ་ཡོད་པའི་ཕྱིར། ཞེས་པ་ལྟ་བུའོ། |
| རྟགས་ལྟར་སྣང |
གཏན་ཚིགས་ལྟར་སྣང་ངོ། |
| རྟགས་ལྟར་སྣང་གསུམ |
འགལ་བ་དང༌། མ་ངེས་པ། མ་གྲུབ་པ་བཅས་ཀྱི་རྟགས་ཡང་དག་མིན་པ་གསུམ་མོ། |
| རྟགས་སྟོབས |
སྒྲུབ་བྱེད་རྟགས་སུ་བཀོད་པའི་ཤུགས་སམ་ནུས་པ། |
| རྟགས་སྤུངས་ཀྱི་ཐལ་འགྱུར |
རྟགས་སམ་སྒྲུབ་བྱེད་དུ་མ་སྤུངས་ཤིང༌། ཆོས་ཅན་དང༌། གསལ་བ་རེ་རེ་ལས་མེད་པ། དཔེར་ན། རྣམ་མཁྱེན་ཆོས་ཅན། གཞལ་བྱ་ཡིན་པར་ཐལ། ཚད་མས་རྟོགས་པར་བྱ་བ་ཡིན་པའི་ཕྱིར། ཡོད་པ་ཡིན་པའི་ཕྱིར། གཞི་གྲུབ་པའི་ཕྱིར། ཞེས་པ་ལྟ་བུའོ། |
| རྟགས་སྦྱོར |
རྟགས་ཀྱི་སྦྱོར་བའི་བསྡུས་མིང༌། |
| རྟབ |
(བྱེད་མེད་ལས་ཚིག་ད་ལྟ་བ)བྲེལ་འཚུབ་སྐྱེས་པའི་དོན་ཏེ། མ་རྟབ། མི་རྟབ། ཁྱོད་མ་རྟབ། ང་མི་རྟབ་ལྟ་བུ། མ་འོངས་པ་ལ་བརྟབ་དང་། འདས་པ་ལ་བརྟབས། སྐུལ་ཚིག་ལ་རྟོབས་འབྲི། |
| རྟབ་པ |
1. ཐ་མི་དད་པ བརྟབས་པ། བརྟབ་པ།།སྐྲག་པ་དང༌། བྲེད་པ། མདུན་དུ་སྤྱང་ཀི་དང༌། རྒྱབ་ཏུ་སྟག་མོ་ཡོད་པར་བརྟབས་པས་གོམ་པ་གཅིག་ཀྱང་ཡར་སྤོ་ཕྱིར་འཐེན་བྱེད་མི་ནུས་པ། 2. མགྱོགས་པ་དང༌། བྲེལ་ཚབས་ཆེ་བ། བྱི་ལས་ཟིན་ཉེར་ཡོད་སྟབས་བྱིའུ་རྟབ་པར་འཕུར་སོང༌། སྐད་ཆ་རྟབ་པར་སྨྲ་བ། |
| རྟབ་བེ་རྟོབ་བེ |
1 བྲེལ་ཟིང་གི་རྣམ་འགྱུར། འགྲོ་འོང་རིངས་པའི་རྟབ་རྟོབ་བྲེལ་ཟིང་བྱེད། 2 འཇིགས་སྐྲག བློ་རྟབ་རྟོབ་གྱུར་པ། |
| རྟབ་རྟབ་པོ |
མྱུར་བའི་བྲེལ་ཟིང་ཚབ་ཚུབ་པོ། དགྲ་བོ་ཕམ་ནས་རྟབ་རྟབ་པོར་བྲོས་སོང༌། འཕྲལ་དུ་ཟིན་དགོས་པའི་ལས་ཀ་རྟབ་རྟབ་པོར་བྱེད། རྟབ་རྟབ་པོས་སོང་ནས་ཇི་ལྟར་གྱུར་པའི་གཏམ་སྨྲས་པ། |
| རྟབ་རྟོབ |
རྟབ་བེ་རྟོབ་བེའི་བསྡུས་ཚིག་ |
| རྟབ་ཤོར་བ |
རྙིང ཚབ་ཚུབ་ལངས་པ། |
| རྟའི་ཆོལ་ཁ |
ཆོལ་ཁ་གསུམ་གྱི་ནང་གསེས། རྨ་ཆུའི་ཁུག་པ་མན་ཆད་མདོ་སྨད་རྟའི་ཆོལ་ཁ། |
| རྟའི་ཉིན་ལམ |
རྟས་ཉིན་གཅིག་ལ་བགྲོད་ཐུབ་པའི་ལམ་ཐག |
| རྟའི་མཆོད་སྦྱིན |
སྔར་རྒྱ་གར་དུ་བྱུང་བའི་ཕྱི་རོལ་པའི་ལུགས་ཀྱི་ཐར་པ་འཐོབ་བྱེད་ཀྱི་ཆོ་ག་ཞིག་སྟེ་རྟ་སྟོང་གིས་མཆོས་སྦྱིན་བྱེད་པ་ལྟ་བུ། |
| རྟའི་མཐུར |
རྟའི་མགོ་ལ་གཡོག་པའི་མཐུར་མགོ། |
| རྟའི་འཛིན |
རྟའི་ཡིག་འཛིན། |
| རྟའི་རྔོག་མ |
རྟའི་མཇིང་སྟེང་དུ་སྐྱེས་པའི་ཟེ་སྤུ། |
| རྟའི་རྭ་ཅོ |
རྟ་ལས་སྐྱེས་པའི་རྭ་ཅོ་ཁྱད་ནོར་དུ་རྩི་བ་ཞིག |
| རྟའི་ཤིང་རྟ |
རྟས་འདྲེན་པའི་ཤིང་རྟ། |
| རྟའི་སྒ་འཁོར |
སྒ་ཆས། |
| རྟའི་སྲབ་སྐྱོགས |
བཞོན་རྟ་བཞོན་དྲེལ་གྱི་ཁ་ལོ་སྒྱུར་བྱེད་སྲབ། |
| རྟའུ |
རྫོང་ཞིག་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དབུས་ཁུལ་དང༌། ཉག་ཆུའི་སྟོད་རྒྱུད་དུ་ཡོད། |
| རྟས |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ལུས་དང་ཁམས་སོགས་རྒྱས་པའམ་དར་བར་བྱེད་པ་ ལུས་རྟས་བྱེད་ཀྱི་ཟས་ཞེས་པ་ལྟ་བུ། |
| རྟས་པ |
བརྟས་པ་དང་འདྲ། |
| རྟས་འཕྲ་བརྒྱབ་པ |
རྟའི་རྐང་པས་བསྣུན་པ། |
| རྟིང |
དངོས་རྫས་གྱེན་འགྲེང་གི་མར་སྣེའམ་རྨང་གཞིའི་མིང་ ཀ་རྟིང་། རྩིག་རྟིང་། རྐང་བའི་ཕྱི་རྟིང་། སྡོང་རྟིང་ཞེས་པ་ལྟ་བུ། མཇུག་མའམ་རྗེས་མའི་མིང་ ཚིག་རྟིང་དོན་གྱིས་གནོན། ཚིག་རྟིང་གནོན་བྱས་ལྟ་བུ། ０ཕྱུགས་ཀྱི་ཕྲུ་གུའི་མིང་ བེའུ་རྟིང་། རྟེའུ་རྟིང་ཞེས་པ་ལྟ་བུ། |
| རྟིང་གནོན |
ཡུལ ལྷམ་གྱི་ནང་ཤའི་རྟིང་པའི་ཐད་ཀྱི་ཁ་ཐུམ། |
| རྟིང་ཆུ |
རྟིང་པའི་ཆུ་བ། |
| རྟིང་དཀར |
དུད་འགྲོའི་རྐང་པའི་རྟིང་པ་དཀར་པོ། |
| རྟིང་དོག |
ཡུལ བལ་གྱི་རྩ་བའི་ཆ་བལ་ངན། |
| རྟིང་པ |
1 རྩ་བ་དང༌། རྨང་གཞི། ཀ་རྟིང༌། རྩིག་པའི་རྟིང་པ། རྐང་པའི་རྟིང་པ། 2 ཕྱི་མ་དང་རྗེས་མ། ཚིག་གི་རྟིང་པར་དོན་གྱིས་གནོན། 3 སྒོ་ཕྱུགས་ཀྱི་ཕྲུ་གུ། བེའུ་རྟིང༌། རྟེའུ་རྟིང༌། |
| རྟིང་པ་ཚུགས་པ |
རྟིང་པ་ས་ལ་བརྟན་པོར་ཚུགས་པ། རྐང་པའི་རྟིང་པ་ཚུགས་པ་བྱུང་ན་འགྱེལ་བརྡབས་མི་ཡོང༌། |
| རྟིང་པ་ཡངས་པའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་ཚན་ཞིག་འཚོ་བ་ལ་ཕན་བཏགས་པའམ་སྲོག་བསྲུངས་པ་ཉིད་ཀྱིས་རྟིང་པ་ཡངས་པ། |
| རྟིང་པོ |
མ་འོངས་པ། རྟིང་པོ་ལ་བདག་སླེབ་ཡོང༌། |
| རྟིང་མ |
1 རྗེས་མའམ་ཕྱི་མ། ཟླ་བ་རྟིང་མ། ཞག་རྟིང་མ། 2 མཐའ་མ། དེ་ནི་རང་ཅག་མཇལ་ཐེངས་རྟིང་མ་ཡིན། |
| རྟིང་མ་ལེན་པ |
དམག་འཐབ་ཀྱི་རྒྱལ་ཁ་ལེན་པ། དེ་བྱས་ཀྱི་རྟིང་མ་མ་བླངས་ན། ང་དཔའ་བོ་མིན་པའི་རྟགས་ལ་ཞོག |
| རྟིང་རྡོག |
ལྷམ་གྱི་རྟིང་པའི་རྡོག་པ། ལྷམ་ལ་རྟིང་རྡོག་རྒྱག་པ། |
| རྟིང་ལས་སྐྱེས |
མངོན ནུ་བོ། |
| རྟིང་ལྕགས |
1 རྟ་དྲེལ་གྱི་རྐང་པའི་རྨིག་ལྕགས། 2 ཀོ་ལྷམ་གྱི་རྟིང་ལྕགས། |
| རྟིང་ལྷན |
ལྷམ་གྱི་རྟིང་པའི་ཐད་ཀྱི་མཐིལ་ལྷན། |
| རྟིང་ལྷམ |
འགྲམ་སྐྱོར་མེད་པའི་ལྷམ་གྱི་མིང༌། |
| རྟིང་ཤིང |
ཡུལ 1 དཀྲུག་བྱེད་འཁོར་ལོའི་རྐང་ཤིང་གི་མར་སྣེ་གཉིས་རྟེན་ས། 2 ལྷམ་གྱི་རྟིང་པ་རྒྱོང་བྱེད་ཤིང༌། |
| རྟིང་སོ |
རྗེས་དང༌། ཕྱི་མ། དཀའ་བའི་ལས་རྣམས་སྔོན་ལ་ཚར་ན་རྟིང་སོར་བྱ་རྒྱུ་ལས་སླ་བ་ཡོང༌། |
| རྟིང་སྐུལ |
དྲན་སྐུལ་ལམ་སྐུལ་ལྕག ལས་ཀར་རྟིང་སྐུལ་གཏོང་མི་དགོས་པ། |
| རྟིབ |
(བྱེད་འབྲེལ་ལས་ཚིག་ད་ལྟ་བ)དངོས་རྫས་ལ་ཤུལ་ཀོང་བོ་བཏོད་པའི་དོན་ཏེ། ཟངས་དེམ་རྟིབ་མི་རུང་ལྟ་བུ། |
| རྟིབ་གཟོང་གསེག་ཁ |
ཡུལ གཟོང་གི་བྱེ་བྲག་ཅིག |
| རྟིབས |
སྐུལ་ཚིག་ རྟིབས་ཤིག་ལྟ་བུ། |
| རྟུག་དྲི |
འོག་རླུང༌། རྟུག་དྲི་ཁ། རྟུག་དྲི་གཏོང་བ། རྟུག་དྲི་ངན་པོ་ང་མིན་ཁོ་ཡིན། སྤོས་དྲི་ཞིམ་པོ་ང་ཡིན་ཁོ་མིན། |
| རྟུག་པ |
སྲོག་ཆགས་ཀྱི་བྲུན་ནམ་སྐྱག་པའི་མིང་ བྱའི་རྟུག་པ། བྱ་རྟུག་ཅེས་པ་ལྟ་བུ། |
| རྟུག་འགགས |
སྲིན་དང་ཐུར་སེར་ལོག་པ་སོགས་ཀྱི་རྐྱེན་ནས་རྟུག་པ་སྟེ་དྲི་ཆེན་མི་འབབ་པར་འགགས་པའི་དོན། |
| རྟུག་སྐམ |
དྲི་ཆེན་ནམ། སྐྱག་པ་སྐམ་པོ། |
| རྟུན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བརྩོན་པ་དང་འབད་རྩོལ་གྱི་དོན་ཏེ། མ་འོངས་པ་དང་འདས་པ་ལ་བརྟུན་འབྲི། |
| རྟུན་པ |
བརྟུན་པ་དང་འདྲ། |
| རྟུན་བུ |
རྙིང རྡོ་བ། |
| རྟུལ |
རྟུལ་བའི་སྐུལ་ཚིག་ |
| རྟུལ་པོ |
མི་རྣོ་བའམ་ཞན་པའི་དོན་དུ་གོ་བའི་རྟུལ་བ་དང་འདྲ། |
| རྟུལ་ཕོད |
སྙིང་སྟོབས་ཆེ་བ། དཔའ་མཛངས་རྟུལ་ཕོད། རྟུལ་ཕོད་ཆེ་བ། |
| རྟུལ་བ |
1. ཐ་དད་པ བརྟུལ་བ། བརྟུལ་བ། རྟུལ།།1 མཇུག་སྡུད་པ་དང༌། ཕྱོགས་གཅིག་ཏུ་སྡུད་པ་དང༌། ཁུ་སྡུད་པ། བཀྲམ་པའི་དངོས་པོ་རྣམས་ཕྱིར་རྟུལ་བ། རྩིང་སྤྱོད་བརྟུལ་བ། 2 འདུལ་བ། རྟ་རྒོད་ཐག་སྒྲོག་གིས་བཅིངས་ཏེ་རྟུལ་བར་བྱེད། 3 རྙིང རྩོལ་བ་དང༌། འབད་པ། 2 1 མི་རྣོ་བ་དང༌། ཞན་པ། བརྩོན་འགྲུས་རྟུལ་བས་ལས་དོན་མི་འགྲུབ། དབང་པོ་རྟུལ་བས་ཚིག་དོན་ཇི་བཞིན་གོ་མི་ཐུབ། མཚོན་ཆ་རྟུལ་བས་དགྲ་བོ་འཇོམས་མི་ཐུབ། སྨན་གྱི་ཡོན་ཏན་རྟུལ་བ། སྨན་ནུས་རྟུལ་བ། 2 དཔའ་བ། དགྲ་བོ་ཐལ་བར་རློག་པའི་སྙིང་སྟོབས་རྟུལ་ཕོད་དང་ལྡན་པ། 3 རྙིང འཇམ་པ། |
| རྟུལ་བོ |
(རྒྱན་ཚིག) རིག་པ་མི་གསལ་བའམ་རིག་པ་རྣོན་པོ་མ་ཡིན་པའི་དོན་ཏེ། རིག་པ་རྟུལ་བོ། བློ་རྟུལ་བོ། དབང་བོ་རྟུལ་བོ་ཞེས་པ་ལྟ་བུ། གྲི་སོགས་རྣོན་པོ་མ་ཡིན་པའི་དོན་ཏེ། གྲི་རྟུལ་བོ། རྩེ་མོ་རྟུལ་བོ་ཞེས་པ་ལྟ་བུ། |
| རྟུལ་ཞུགས |
ལུས་ཀྱི་ཆ་བྱད་དམ་སྤྱོད་པའི་མིང་ འཇིགས་པ་མེད་པའི་རྟུལ་ཞུགས། གར་པ་དམག་དཔོན་གྱི་རྟུལ་ཞུགས་ཅན་ཞེས་པ་ལྟ་བུ། |
| རྟེན |
1. རྟེན་པའི་སྐུལ་ཚིག 2 1 གཞིའམ། གནས་ས། འཚོ་རྟེན། ཁྲལ་རྟེན། དམག་རྟེན། དམིགས་རྟེན། མིའི་ལུས་རྟེན། ལྷ་རྟེན། 2 སྐྱེས་ཀྱི་རྟེན། སྐྱབས་རྟེན། མཇལ་རྟེན། ཞུ་རྟེན། |
| རྟེན |
(བྱེད་མེད་ལས་ཚིག་ད་ལྟ་བ་དང་སྐུལ་ཚིག) རག་ལས་པའམ་ཁེན་པའི་དོན་ཏེ། ལག་རྟེན་ས། དབྱུག་པར་རྟེན་མཁན། མང་ཚོགས་ལ་རྟེན་ཅིག་ལྟ་བུ། |
| རྟེན་ཁེབས |
རྟེན་ལ་གཡོག་རྒྱུའི་དར་གོས་ཀྱི་ཁེབས་གྲུ་བཞི་ཞིག |
| རྟེན་ཁྲི |
སྐུ་གསུང་ཐུགས་རྟེན་སོགས་འཇོག་སའི་མཆོད་ཁྲི། |
| རྟེན་གདན |
སྐུ་བརྙན་བཞེངས་དུས་ཐོག་མར་ལྷ་བཟོ་བར་འབུལ་བའི་དངོས་རྫས། |
| རྟེན་གནས |
1 རྟེན་སའི་གནས། 2 རྣམ་དབྱེ་བདུན་པ། |
| རྟེན་གནས་ཀྱི་སྒྲ |
རྟེན་པའི་གཞི་དང༌། བརྟེན་པའི་ཆོས་གཉིས་སོ་སོར་འབྱེད་ཅིང༌། བརྟེན་པའི་ཆོས་གང་རྟེན་གཞི་གང་ལ་གནས་ཡོད་མེད་སྟོན་པར་བྱེད་པའི་རྣམ་དབྱེ་བདུན་པའི་ལ་དོན་གྱི་ཕྲད་ཅིག་དཔེར་ན། རྒྱ་མཚོའི་ནང་དུ་ཉ་ཡོད། ཐབ་ན་མེ་ཡོད། མིག་ལ་སྐྱོན་མེད་ལྟ་བུའོ། |
| རྟེན་གཞི |
1 ཁང་པ། 2 གནས་འཆའ་བའི་གཞི། |
| རྟེན་གསུམ |
སྐུའི་རྟེན་སངས་རྒྱས་ཀྱི་གཟུགས། གསུང་གི་རྟེན་ཆོས་ཀྱི་དཔེ་ཆ། ཐུགས་ཀྱི་རྟེན་མཆོད་རྟེན་བཅས་གསུམ་མོ། |
| རྟེན་གྱི་ཁམས |
ནང་གི་ཁམས། |
| རྟེན་གྱི་གཙོ་བོ |
རྟེན་གྲལ་གྱི་དབུས་སུ་བསྒྲིགས་པའི་རྟེན་འགངས་ཆེ་བ་དེའོ། |
| རྟེན་གྱི་དངོས་པོ |
སྐུ་གཟུགས་དང་གླེགས་བམ་མཆོད་རྟེན་སོགས། |
| རྟེན་གྱི་དབང་པོ་བདུན |
སེམས་གནས་པའི་རྟེན་བྱེད་པའི་དབང་པོ་དབང་པོ་གཟུགས་ཅན་པ་ལྔ་དང༌། ཡིད་དབང་དང༌། སྲོག་དབང་བཅས་བདུན་ནོ། |
| རྟེན་གྱི་ཡན་ལག |
གནས་ཀྱི་ཡན་ལག་དང་དོན་གཅིག་ |
| རྟེན་གྱི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་བརྟེན་པའི་ཡོན་ཏན་གྱི་སྒོ་ནས་དཔེ་དོན་གཉིས་མཚུངས་ཀྱང༌། རྟེན་ས་གནས་ཀྱི་སྒོ་ནས་མི་འདྲ་བར་སོ་སོར་ལྡོག་པའི་རྒྱན། |
| རྟེན་ངོ་མཚར་ཅན |
སྐུ་གསུང་ཐུགས་ཀྱི་རྟེན་ཁྱད་པར་ཅན། |
| རྟེན་ཅན་གྱི་དབང་པོ་གཉིས |
ཕོ་མོ་སོ་སོར་རྟོག་པའི་རྟེན་ཅན་དུ་བྱེད་པའི་དབང་པོ་ཕོ་དབང་དང༌། མོ་དབང་ངོ། |
| རྟེན་ཅིང་འབྲེལ་བར་འབྱུང་བ |
རྒྱུ་རྐྱེན་དུ་མ་འདུས་པ་ལ་བརྟེན་ནས་འབྲས་བུ་འབྱུང་བའམ། ཕན་ཚུན་ལྟོས་འཇོག་གི་ཚུལ་གྱིས་མེད་ན་མི་འབྱུང་བའི་འབྲེལ་བ། དཔེར་ན། ས་བོན་ལས་མྱུ་གུ་དང་སྐྱེ་བ་ལས་རྒ་ཤི། ཕ་རི་ལ་བལྟོས་ནས་ཚུ་རི་ལྟ་བུའོ། |
| རྟེན་ཆས |
སྐུ་གསུང་ཐུགས་རྟེན་དང་མཆོད་པའི་ཡོ་ཆས། |
| རྟེན་དང་བརྟེན་པ |
གནས་པ་དང་གནས་མཁན་ཏེ། རྟེན་གཞལ་ཡས་ཁང་དང༌། བརྟེན་པ་ལྷ་ལྟ་བུའོ། |
| རྟེན་དང་བརྟེན་པའི་དཀྱིལ་འཁོར |
རྟེན་གཞལ་ཡས་ཁང་དང་བརྟེན་པ་ཡི་དམ་ལྷའི་དཀྱིལ་འཁོར། |
| རྟེན་དང་བརྟེན་པའི་འབྲེལ་བ |
རྣམ་དབྱེ་དྲུག་པ་འབྲེལ་བའི་སྒྲའི་ནང་གསེས་ཤིག ཁང་པའི་སྟེང་གི་རྒྱལ་མཚན། གདན་སྟེང་གི་མི། |
| རྟེན་དབང་པོའི་ཁམས་དྲུག |
ཁམས་བཅོ་བརྒྱད་ཀྱི་ནང་གསེས། མིག་གི་དབང་པོ། རྣ་བའི་དབང་པོ། སྣའི་དབང་པོ། ལྕེའི་དབང་པོ། ལུས་ཀྱི་དབང་པོ། ཡིད་ཀྱི་དབང་པོ་སྟེ་དྲུག |
| རྟེན་དམན་པ |
ལུས་རྟེན་དམའ་བ། མི་ལས་དུད་འགྲོ་རྟེན་དམན་པ་རེད། |
| རྟེན་པ |
ཐ་མི་དད་པ བརྟེན་པ། བརྟེན་པ། རྟེན།།1 ལྟོས་པ། འཁར་རྒྱུག་ལ་བརྟེན་ནས་ག་ལེར་འགྲོ་བ། རྒྱུ་དང་རྐྱེན་ལ་བརྟེན་ནས་འབྲས་བུ་བྱུང༌། 2 གནས་པ། ཉ་དང་སྦལ་ལྕོང་ཆུ་ཀླུང་རྫིང་བུར་བརྟེན། |
| རྟེན་བཅས་ཀྱི་དབང་པོ |
རང་འབྲས་དབང་ཤེས་ཀྱི་ཐུན་མོང་མིན་པའི་རྟེན་ནམ་བདག་རྐྱེན་དུ་གྱུར་པའི་དབང་པོ། དབང་ཤེས་ཡུལ་ལ་དངོས་སུ་ཉེ་བར་སྤྱོད་པའམ་དངོས་སུ་འཇུག་བཞིན་པའི་སྐབས་ཀྱི་མིག་རྣ་སྣ་ལྕེ་ལུས་ཀྱི་དབང་པོ་རྣམས་སོ། |
| རྟེན་བརྗེས་པ |
1 ལུས་བརྗེས་པ། 2 རྟགས་སམ། ཆ་ལུགས་བསྒྱུར་བ། |
| རྟེན་བྱེད |
མངོན ས་གཞི། |
| རྟེན་བྱེད་བད་ཀན |
ལུས་ཀྱི་རྩ་བའི་བད་ཀན་ལྔའི་ཡ་གྱལ་ཞིག་བད་ཀན་གཞན་རྣམས་ཀྱི་རྟེན་གཞི་བྱེད་ཅིང༌། བྱེད་ལས་ཆུའི་བྱེད་ལས་དང་འདྲ་བ། |
| རྟེན་མཁར |
1 རྟེན་གསུམ་གནས་པའི་ཁང་པ། 2 འདྲེ་བཙན་སོགས་གནས་པའི་ཁང་པ། |
| རྟེན་མཇལ |
སྐུ་གསུང་ཐུགས་ཀྱི་རྟེན་མཐོང་བ། |
| རྟེན་མཇལ་ཕྱག་མཆོད |
ལྷ་རྟེན་མཇལ་བ། ཕྱག་འཚལ་བ། མཆོད་མེ་འབུལ་བ། |
| རྟེན་མདུང |
ཆོས་སྐྱོང་སོགས་ཀྱི་ཕྱག་མཚན་མདུང༌། |
| རྟེན་འགངས་ཅན |
རྟེན་གནད་ཆེ་བའམ། གཙིགས་ཆེ་བ། |
| རྟེན་འགྲོ |
རྙིང རོལ་མོ་མཁན་གྱི་བྱེ་བྲག་ཅིག |
| རྟེན་འབུལ |
གཟིགས་རྟེན་འབུལ་བ། ལོ་ལྟར་རྒྱལ་པོ་ལ་རྟེན་འབུལ་ཞུ་དགོས། མེ་ཏོག་གི་ཕྲེང་བས་དགའ་བསུའི་རྟེན་འབུལ་བྱེད། |
| རྟེན་འབྱུང |
རྟེན་ཅིང་འབྲེལ་བར་འབྱུང་བའི་བསྡུས་ཚིག་ |
| རྟེན་འབྲེལ |
1 སྔ་ལྟས་སམ་འབྱུང་འགྱུར་གྱི་རྟགས་མཚན། རྟེན་འབྲེལ་ལོག་པ། རྟེན་འབྲེལ་འཕྱུགས་པ། 2 མཛད་སྒོ། རྟེན་འབྲེལ་ཞུ་ཚིག རྟེན་འབྲེལ་ཞུ་བ། ལོ་གསར་གྱི་རྟེན་འབྲེལ། 3 རྟེན་ཅིང་འབྲེལ་བར་འབྱུང་བའི་བསྡུས་ཚིག 4 རྟེན་འབྲེལ་ལ་ཡན་ལག་བཅུ་གཉིས་ཡོད་པས་གྲངས་བཅུ་གཉིས་མཚོན། |
| རྟེན་འབྲེལ་གཉིས |
1 ཕྱི་ནང་གི་རྟེན་འབྲེལ་གཉིས། 2 འདུས་བྱས་འདུས་མ་བྱས་ཀྱི་རྟེན་འབྲེལ་གཉིས། |
| རྟེན་འབྲེལ་གྱི་གཏན་ཚིགས |
གཏན་ཚིགས་ཆེན་པོ་ལྔའི་ནང་གསེས། ཆོས་ཐམས་ཅད་བདེན་མེད་དུ་སྒྲུབ་པའི་རིགས་པའི་རྒྱལ་པོ་རྟེན་འབྲེལ་ཆེན་པོའི་གཏན་ཚིགས་ཏེ། དངོས་པོ་རྣམས་ཆོས་ཅན། བདེན་པར་མ་གྲུབ་རྟེན་འབྲེལ་ཡིན་པའི་ཕྱིར། ཞེས་པ་ཕན་ཚུན་སྤངས་འགལ་གྱི་འགལ་དམིགས་ཀྱི་རྟགས་སོ། |
| རྟེན་འབྲེལ་གྱི་ཡན་ལག་བཞི |
རྟེན་འབྲེལ་བཅུ་གཉིས་ཡན་ལག་བཞིར་བསྡུས་པའི་འཕེན་པའི་ཡན་ལག་དང༌། འཕངས་པའི་ཡན་ལག་མངོན་པར་འགྲུབ་པར་བྱེད་པའི་ཡན་ལག་མངོན་པར་གྲུབ་པའི་ཡན་ལག་བཅས་བཞིའོ། |
| རྟེན་འབྲེལ་གྱི་རང་བཞིན་གསུམ |
འཕྲད་པའི་རང་བཞིན་དང༌། ལྟོས་པའི་རང་བཞིན། བརྟེན་པའི་རང་བཞིན་ཏེ་གསུམ། |
| རྟེན་འབྲེལ་གྱི་རིགས་པ |
མ་རིག་པ་ལ་ལྟོས་ནས་འདུ་བྱེད་སོགས་རྟེན་འབྲེལ་འབྱུང་བར་རིགས་པ་སྟེ་ལྟོས་གྲུབ་ཀྱི་རིགས་པ། |
| རྟེན་འབྲེལ་བསྒོམ |
མངོན རང་སངས་རྒྱས། |
| རྟེན་འབྲེལ་བསྒྲིགས་པ |
བཀྲ་ཤིས་པའི་རྟགས་མཚན་བཟང་པོ་ཆེད་དུ་སྤེལ་ཞིང་འདུ་བྱས་པ། བཀྲ་ཤིས་བདེ་ལེགས་ཡོང་བའི་རྟེན་འབྲེལ་བསྒྲིགས་པ། |
| རྟེན་འབྲེལ་ཡན་ལག་བཅུ་གཉིས |
ནང་གི་རྟེན་འབྲེལ་ཏེ་བཅུད་ཀྱི་སེམས་ཅན་རྣམས་འབྱུང་བའི་ཚུལ་གྱི་རྟེན་འབྲེལ་ཡན་ལག་བཅུ་གཉིས་ཏེ། འཕེན་པའི་ཡན་ལག་གསུམ་དང༌། འཕངས་པའི་ཡན་ལག་བཞི་དང༌། འགྲུབ་པའི་ཡན་ལག་གསུམ་དང༌། གྲུབ་པའི་ཡན་ལག་གཉིས་བཅས་བཅུ་གཉིས་སོ། |
| རྟེན་འབྲེལ་ལུགས་འབྱུང |
1 མ་རིག་པའི་རྐྱེན་གྱིས་འདུ་བྱེད་འབྱུང་བ་དང་འདུ་བྱེད་ཀྱིས་རྣམ་ཤེས་སོགས་རྟེན་འབྲེལ་བཅུ་གཉིས་གོ་རིམ་བཞིན་འབྱུང་བའོ། 2 རྟེན་འབྲེལ་ཡན་ལག་བཅུ་གཉིས་གོ་རིམ་བཞིན་འབྱུང་བ། |
| རྟེན་འབྲེལ་ལུགས་ལྡོག |
1 མ་རིག་པ་འགག་པས་འདུ་བྱེད་འགག་འདུ་བྱེད་འགག་པས་རྣམ་ཤེས་འགག་པ་སོགས་རྟེན་འབྲེལ་བཅུ་གཉིས་རིམ་བཞིན་འགག་པ། 2 རྟེན་འབྲེལ་ཡན་ལག་བཅུ་གཉིས་ཀྱི་གོ་རིམ་ལྡོག་པ། |
| རྟེན་ས |
རག་ལས་པའི་གནས་ཡུལ། མགོ་ནག་རྟེན་ས་སྤུ་ནག་རེད། སྤུ་ནག་རྟེན་ས་སྤང་རྩྭ་རེད། |
| རྟེན་སྐལ |
སྐུ་གསུང་ཐུགས་རྟེན་གྱི་སྐལ་བ། |
| རྟེམ་ཤུར |
ཡུལ ཤིང་ལ་ཤུར་འདོན་བྱེད་ཀྱི་འབུར་ལེན་ཞིག |
| རྟེའུ |
ད་ལོ་སྐྱེས་པའི་རྟེའུ། མི་གཅིག་ཡོང་ན་ཆུང་ནས་ཡོང༌། རྟ་གཅིག་ཡོང་ན་རྟེའུ་ནས་ཡོང༌། མིང་གི་རྣམ་གྲངས་ལ་རྟ་ཕྲན་དང༌། རྟ་ཡི་བུ། རྟེན་ཐུར། ཐུ་རུ་བཅས་སོ། |
| རྟེའུ་ལོ |
གཅན་གཟན་ཆུང་ངུ་ཞིག་ཡིན། |
| རྟེའུ་ལོ་གཉིས |
སྐྱེས་ནས་ལོ་གཉིས་སོང་བའི་རྟའི་ཕྲུ་གུ། |
| རྟོག |
ད་ལྟ་བ་ གཞུང་དོན་ལ་རྟོག་མཁན། རྟོག་བྱེད་ཀྱི་ཐབས་ཞེས་པ་ལྟ་བུ། |
| རྟོག་གེ |
གཏན་ཚིགས་རིག་པ་སོགས་བརྟགས་ཤིང་དཔྱད་པའི་བསམ་གཞིག་གི་བྱ་སྤྱོད་ཀྱི་མིང་། |
| རྟོག་གེ་པ |
དངོས་པོའི་གནས་ལུགས་ཅི་བཞིན་མ་མཐོང་བར་རྟོག་དཔྱོད་ཀྱི་རྗེས་སུ་འབྲང་མཁན་གྱི་རིག་པ་སྨྲ་བ་པོ། |
| རྟོག་གེ་མགོ་མཁྲེགས |
རང་ལྟ་མཆོག་འཛིན་ཤས་ཆེ་བའི་རྟོག་གེ་པ། |
| རྟོག་གེ་སྡེ་ལྔ |
ཕྱི་རོལ་པའི་གྲུབ་མཐའ་སྨྲ་བའི་རྟོག་གེ་སྡེ་ལྔ་གྲངས་ཅན་པ་དང༌། རྒྱང་འཕེན་པ། བྱེ་བྲག་པ། རིག་པ་ཅན་པ། གཅེར་བུ་པ་རྣམས་སོ། |
| རྟོག་གེའི་གཞུང |
དངོས་པོ་དེ་ཁོ་ན་ཉིད་དོན་སྤྱི་ཙམ་དུ་རྟོག་བཏགས་ཀྱི་སྒོ་ནས་གཏན་ལ་ཕབ་པའི་བསྟན་བཅོས་སོ། |
| རྟོག་གེའི་བསྟན་བཅོས |
གཏན་ཚིགས་རིག་པའི་བསྟན་བཅོས། |
| རྟོག་གེའི་ཚིག་དོན་བརྒྱད |
ཚད་མའི་གཞུང་གི་བསྟན་དོན་བརྒྱད་དེ། མངོན་སུམ་དང༌། རྗེས་དཔག་གཉིས་པོ་རེ་རེ་ལ་ཡང་དག་དང་ལྟར་སྣང་གཉིས་སུ་ཕྱེ་བའི་བཞི་ནི་བདག་ཉིད་ཀྱིས་རིག་པའམ་གོ་བར་བྱེད་པའི་ཐབས་དང༌། སྒྲུབ་ངག་དང༌། སུན་འབྱིན་གཉིས་པོ་རེ་རེ་ལ་ཡང་དག་དང་ལྟར་སྣང་གཉིས་སུ་ཕྱེ་བའི་བཞི་ནི་གཞན་གྱིས་རྟོགས་པར་བྱེད་པའི་ཐབས་བཅས་ཤེས་པའི་ཆར་གཏོགས་བཞི་དང༌། རྗོད་བྱེད་ཀྱི་སྒྲའི་ཆར་གཏོགས་བཞི་སྟེ་བརྒྱད་དོ། |
| རྟོག་གེའི་སྤྱོད་ཡུལ |
མཚན་ཉིད་པ་ལྟ་བུ་རྟོག་དཔྱོད་མཁན་གྱིས་ཤེས་པར་བྱ་བའི་གནས། |
| རྟོག་གེར་རྟོགས་པའི་ས |
རྟོག་དཔྱོད་ཀྱི་ས་སྟེ་བསམ་གཏན་དན་པོའོ། |
| རྟོག་ཆེན་པ |
སོ་པ། |
| རྟོག་དཔྱོད |
རྒྱུ་མཚན་ལ་བརྟེན་ནས་ཞིབ་དཔྱོད་བྱེད་པའི་བསམ་བློ། ལས་དོན་གང་རུང་ལ་འཇུག་པའི་ཐོག་མར་རྟོག་དཔྱོད་ནན་ཏན་བྱེད་དགོས། |
| རྟོག་པ |
1. ཐ་དད་པ བརྟགས་པ། བརྟག་པ། རྟོགས།། རགས་པར་དཔྱོད་པ། བརྒལ་བརྟགས། རང་སྐྱོན་ལ་རྟོག་པ། གནས་ཚུལ་ལ་ལེགས་པར་བརྟགས་པ། ལས་བྱ་བའི་སྔོན་དུ་མ་བརྟགས་ན། མཐར་འགྱོད་པ་སྐྱེས་པས་ཅི་ལ་ཕན། ཁྱོད་ཅག་གིས་རྟོག་པར་གྱིས་ཤིག 2 1 ལེའུ་དང་སྐབས། 2 བསམ་པའམ་རྣམ་རྟོག 3 རྟོག་བཅས་རྟོག་མེད་ཀྱི་ཟླས་ཕྱེ་བའི་རྟོག་པ་སྒྲ་དོན་འདྲེས་རུང་དུ་འཛིན་པའི་ཞེན་རིག་དཔེར་ན་བུམ་འཛིན་རྟོག་པ་ལྟ་བུ། བུམ་པའི་མིང་གི་ཆ་འདྲ་བློ་ལ་སྣང་བ་དང༌། བུམ་པའི་ཆ་འདྲ་སྣང་བ་གཉིས་ཀ་བུམ་པའི་སྒྲ་སྤྱི་དང་དོན་སྤྱི་གཉིས་པོ་འདྲེས་པའམ་འདྲེས་ཆོག་ཆོག་གི་ཚུལ་དུ་འཛིན་པ་སྟེ་སྣང་བའི་སྒོ་ནས་རང་ཡུལ་ལ་ཞེན་པའི་ཤེས་པའོ། 4 རྟོག་དཔྱོད་གཉིས་ཀྱི་ཟླས་ཕྱེ་བའི་རྟོག་པ་གཞན་འགྱུར་བཞིའི་ནང་གསེས། སེམས་པ་དང་ཤེས་རབ་ལ་བརྟེན་ནས་དམིགས་པའི་དངོས་པོའི་དོན་འོལ་སྤྱི་ཙམ་འཛིན་པ་རྩིང་བའི་རྣམ་པ་ཅན་གྱི་ཤེས་པའོ། |
| རྟོག་པ་ཆེ་བ |
1 བསམ་པ་ཆེ་བ། གཞན་ལ་ཕན་པའི་རྟོག་པ་ཆེ་བ་ཞིག 2 རྣམ་རྟོག་ཆེ་བ། ཁང་སྟོང་རྐུན་མའི་རྣམ་རྟོག་ཆེ། |
| རྟོག་པ་དང་བཅས་པ |
གཟུང་འཛིན་གྱི་རྣམ་པར་རྟོག་པ་དང་བཅས་པ། |
| རྟོག་པ་དོན་མཐུན |
རང་ཡུལ་ཡོད་པ་ཅན་གྱི་རྟོག་བཅས་ཀྱི་ཤེས་པ་དཔེར་ན་བུམ་འཛིན་རྟོག་པ་དང༌། སྒྲ་མི་རྟག་པར་རྟོག་པ་ལྟ་བུ་དོན་དང་མཐུན་པའོ། |
| རྟོག་པ་དོན་མི་མཐུན |
རང་ཡུལ་མེད་པའི་རྟོག་པ། དཔེར་ན། སྒྲ་རྟག་འཛིན་རྟོག་པ་དང༌། རི་བོང་རྭ་འཛིན་རྟོག་པ་ལྟ་བུའོ། |
| རྟོག་པ་མེད་པ |
གཟུང་འཛིན་གྱི་རྣམ་པར་རྟོག་པ་མེད་པ། |
| རྟོག་པ་མེད་པ་དང་དཔྱོད་པ་མེད་པའི་ཏིང་ངེ་འཛིན |
བསམ་གཏན་གཉིས་པ་ཡན་ཆོད་ཀྱི་ཏིང་ངེ་འཛིན། |
| རྟོག་པ་འཁྲུལ་ཤེས |
རྟོག་པ་ལོག་ཤེས་དང་དོན་གཅིག་ |
| རྟོག་པ་འོག་འགྱུ |
བསམ་པ་དངོས་གཞིའི་ཟུར་ནས་གཞན་མང་པོ་ལ་འཕྲོ་བའི་དྲན་པ། སྒེར་གྱི་ཁེ་ཕན་འཚོལ་འདོད་ཀྱི་རྟོག་པ་འོག་འགྱུ་སྤངས་པ། |
| རྟོག་པ་ལོག་ཤེས |
ལོག་ཤེས་ཀྱི་ནང་གསེས། རང་གི་འཛིན་སྟངས་ཀྱི་ཡུལ་ལ་འཁྲུལ་བའི་ཞེན་རིག་དཔེར་ན་སྒྲ་རྟག་འཛིན་རྟོག་པ་དང༌། གང་ཟག་བདག་འཛིན་གྱི་རྟོག་པ་དང༌། རི་བོང་རྭ་འཛིན་རྟོག་པ་ལྟ་བུ་མིན་པ་ལ་ཡིན་པ་དང༌། མེད་པ་ལ་ཡོད་པར་འཛིན་པའི་རྟོག་པའོ། |
| རྟོག་པའི་དམིགས་པ |
རྣམ་པར་རྟོག་པའི་གཏད་སོའམ་ཡུལ། |
| རྟོག་པའི་དྲ་བ |
རྣམ་རྟོག་གི་སྤྲོས་པའམ་འཆིང་རྒྱ། |
| རྟོག་བཅས་འདུ་ཤེས |
ཡིད་ཀྱི་འདུ་ཤེས་ལྟ་བུ་བཀྲ་བར་འཛིན་པ། |
| རྟོག་བཟོ |
རང་འདོད་བློ་བཟོའམ་རིག་བཟོ། རྟོག་བཟོ་རང་དགར་མི་བྱེད། |
| རྟོག་བྲལ |
རྟོག་པ་དང་བྲལ་བ་རྟོག་མེད་དོ། |
| རྟོག་མེད་ཀྱི་ཤེས་པ |
སྒྲ་དོན་འདྲེས་རུང་དུ་འཛིན་པའི་ཞེན་རིག་དང་བྲལ་བའི་ཤེས་པ་མངོན་སུམ་གྱི་ཤེས་པ་རྣམས་དང༌། མངོན་སུམ་ལྟར་སྣང་གི་ཤེས་པ་རྣམས་སོ། |
| རྟོག་མེད་འཁྲུལ་ཤེས |
རྟོག་མེད་ལོག་ཤེས་དང་དོན་གཅིག་ |
| རྟོག་མེད་ཡིད་ཤེས་འཁྲུལ་བ |
རྨི་ལམ་གསལ་སྣང་གི་ཤེས་པ་ལྟ་བུ། |
| རྟོག་མེད་ལོག་ཤེས |
ལོག་ཤེས་ཀྱི་ནང་གསེས། རང་གི་འཛིན་སྟངས་ཀྱི་ཡུལ་ལ་འཁྲུལ་བའི་གསལ་སྣང་ཅན་གྱི་ཤེས་པ། དཔེར་ན། དུང་སེར་སྣང་གི་དབང་ཤེས་ལྟ་བུ་དུང་དཀར་པོ་དེ་སེར་པོར་སྣང་ཡང་དོན་ལ་ཕྱིན་ཅི་ལོག་ཏུ་སྣང་བའི་ཤེས་པའོ། |
| རྟོག་ཞིབ |
རྟོག་དཔྱོད་ཞིབ་འཇུག དངོས་ཡོད་ཀྱི་གནས་ཚུལ་ལ་རྟོག་ཞིབ་ནན་ཏན་བྱས་པ། རྟོག་ཞིབ་འཕྱུགས་མེད། |
| རྟོགས |
(བྱེད་འབྲེལ་ལས་ཚིག) དཔྱད་པ་བཏང་བར་བརྟེན་ནས་དོན་ཤེས་པའི་དོན་ཏེ། སློབ་སྦྱོང་བྱས་ནས་གཞུང་དོན་རྟོགས། བདེན་དོན་མ་རྟོགས་བར་དུ་སློབ་སྦྱོང་བྱེད་ལྟ་བུ། རྟོགས་པ་ཡི་ཚིག་བསྡུས་པ། ０བརྟག་གི་སྐུལ་ཚིག |
| རྟོགས་ཆེན |
བློ་གྲོས་ཆེན་པོ། |
| རྟོགས་དཀའ |
ཁོག་ཏུ་ཚུད་པར་དཀའ་བ། ཤེས་ཡོན་རྟོགས་དཀའ་བ་རྣམས། |
| རྟོགས་པ |
1. ཐ་མི་དད་པ ཤེས་པ། གོ་རྟོགས། རང་རྟོགས། ཤེས་རྟོགས། བཟང་ངན་དབྱེ་བ་རྟོགས་པ། 2. ཤེས་པའི་མིང་ཙམ། |
| རྟོགས་པ་ཕུན་ཚོགས |
རང་དོན་ཤེས་བྱ་རྟོགས་པའི་ཡོན་ཏན་ཕུན་སུམ་ཚོགས་པ་གང་ཟག་དང་ཆོས་ལ་བདག་མེད་པའི་སྟོང་པ་ཉིད་འཕགས་པ་རྣམས་ཀྱི་མཉམ་བཞག་སོ་སོ་རང་གིས་མངོན་སུམ་དུ་རིག་པ། |
| རྟོགས་པ་ཕུན་ཚོགས་ལ་མི་འཇིགས་པ |
མི་འཇིགས་པ་བཞིའི་ཡ་གྱལ་ཞིག་ཆོས་ཐམས་ཅད་མཁྱེན་ཅིང་ཐུགས་སུ་ཆུད་པ་ཡིན་པས་དེ་ལ་འཇིག་རྟེན་ན་མཐུ་ཆེ་བ་སུས་ཀྱང་དེ་ལྟར་མ་ཡིན་ཞེས་རྒོལ་བའི་གནས་མེད་པའོ། |
| རྟོགས་པ་བརྗོད་པའི་སྡེ |
ཨབདཱནཾ གསུང་རབ་ཡན་ལག་བཅུ་གཉིས་ཀྱི་བདུན་པ་མ་རྟོགས་པའི་དོན་དཔེ་དང་བཅས་གསལ་བར་སྟོན་པ་སྟེ་དཔེར་ན། རྒྱལ་པོ་ཚངས་བྱིན་གྱི་སྔོན་གྱི་བྱུང་བ་སྟོན་པའི་མདོ་ལྟ་བུ་འདུལ་བའི་སྡེ་སྣོད་དུ་གཏོགས་པའོ། |
| རྟོགས་པ་མ་འདྲེས་པ་དྲུག |
རྟོགས་པས་བསྡུས་པ་དྲུག་དང་དོན་གཅིག་ |
| རྟོགས་པ་ཟུང་འཇུག |
དག་པའི་སྒྱུ་ལུས་དང་དོན་གྱི་འོད་གསལ་གཉིས་སྐུ་ཐུགས་སུ་ངོ་བོ་གཅིག་ཏུ་འདྲེས་པའི་ཟུང་འཇུག་སྟེ་སློབ་པའི་ཟུང་འཇུག་ཁྱད་པར་ཅན་ནོ། |
| རྟོགས་པའི་ཆོས |
གང་གི་ཆགས་པ་དང་བྲལ་བར་བྱེད་པ་ལམ་བདེན་གྱི་ཆོས་དང༌། གང་ཞིག་ཆགས་པ་དང་འགོག་བདེན་གཉིས་བསྡུས་པའི་ཆོས། |
| རྟོགས་པའི་བསྟན་པ |
རྟོགས་པའི་ཆོས་དང་དོན་གཅིག་ |
| རྟོགས་པའི་བློ |
བློའི་བྱེད་པ་ལ་བརྟེན་ནས་ཡུལ་ལ་ངེས་པ་འདྲེན་པའི་ནུས་པ། དཔེར་ན། བུམ་འཛིན་མིག་ཤེས་ཀྱིས་བུམ་པ་རྟོགས་པ་དང༌། སྒྲ་མི་རྟག་རྟོགས་པའི་རྗེས་དཔག་གིས་སྒྲ་མི་རྟག་པར་རྟོགས་པ་ལྟ་བུ་རང་ཡུལ་གྱི་ཆོས་གང་ཡིན་པ་དེ་ཡང་དག་པར་ཤེས་པའོ། |
| རྟོགས་པའི་འོས་སུ་གྱུར་པའི་ཆོས་ཅན |
དགྲ་བཅོམ་པ་དྲུག་གི་ནང་གསེས། གང་དབང་པོ་རྟུལ་པོ་འདོད་ཡོན་གྱིས་མྱོས་ཀྱང་རུང་མཐོང་བའི་ཆོས་བདེ་བར་གནས་པ་ལས་ཡོངས་སུ་ཉམས་པའི་སྐལ་བ་ཅན་མ་ཡིན་ལ་དབང་པོ་རྣམས་སྦྱང་བའི་སྐལ་བ་ཅན་ཡིན་པའོ། |
| རྟོགས་པའི་ཡོན་ཏན |
བསླབ་པ་གསུམ་གྱིས་བསྡུས་པའི་ཡོན་ཏན། |
| རྟོགས་པའི་སྐལ་བ་ཅན |
རྟོགས་པའི་འོས་སུ་གྱུར་པའི་ཆོས་ཅན་དང་དོན་གཅིག་ |
| རྟོགས་པའི་སྟོབས |
ཤེས་རྟོགས་ཀྱི་ནུས་རྩལ། |
| རྟོགས་པས་བསྡུས་པ་དྲུག |
སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་ཚན། འདུན་པ་ཉམས་པ་མི་མངའ་བ། བརྩོན་འགྲུས་ཉམས་པ་མི་མངའ་བ། དྲན་པ་ཉམས་པ་མི་མངའ་བ། ཤེས་རབ་ཉམས་པ་མི་མངའ་བ། ཏིང་ངེ་འཛིན་ཉམས་པ་མི་མངའ་བ། རྣམ་པར་གྲོལ་བ་ཉམས་པ་མི་མངའ་བ་སྟེ་དྲུག |
| རྟོགས་བརྗོད |
1 སྐྱེས་རབས་དང་རྣམ་ཐར། 2 རྟོགས་པ་བརྗོད་པའི་སྡེའི་བསྡུས་ཚིག་ |
| རྟོགས་འགྲོ |
གཏིཿ གྲངས་གནས་ཤིག |
| རྟོགས་འགྲོ་ཆེ་བ |
གྲངས་གནས་ཤིག |
| རྟོགས་ཡས |
པདྨཿ གྲངས་གནས་ཤིག |
| རྟོགས་ལྡན |
1 ཆོས་ཀྱི་ཉམས་རྟོགས་ཅན། 2 མངོན 1) མཁས་པ། 2) སངས་རྒྱས། |
| རྟོགས་སླ་བ |
ཤེས་སླ་བ། སྦྱངས་པ་ཙམ་གྱིས་རྟོགས་སླ་བ་ཞིག་བྱུང་བ། |
| རྟོད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) རྩྭ་སར་ཐག་པ་རིང་བོས་ཕྱུགས་བཏགས་ནས་རྩྭ་ཟ་རུ་འཇུག་པའི་དོན་ཏེ། རྟ་རྟོད་མཁན། རྟ་རྟོད་ཅིག་ལྟ་བུ། |
| རྟོད་ཁ |
རྟ་སོགས་སྤང་ལ་བརྟོད་དེ་རྩྭ་ཟ་རུ་འཇུག་པའི་འཁོར་རྒྱ། རྟོད་ཁ་སྤོ་བ། |
| རྟོད་ཐག |
རྟ་དྲེལ་རྟོད་བྱེད་ཐག་པ་ཕུར་པ་ཅན། |
| རྟོད་པ |
ཐ་དད་པ བརྟོད་པ། བརྟོད་པ། རྟོད།། རྩྭ་སར་རྟོད་ཐག་རིང་པོས་སྒོ་ཕྱུགས་བཏགས་ནས་རྩྭ་ཟ་རུ་འཇུག་པ། སྒོ་ཕྱུགས་རྣམས་རྩྭ་ཁར་བརྟོད། |
| རྟོད་ཕུར |
1 རྟོད་ཐག་གི་ཕུར་པ། 2 དྲང་སྲོང་ཕུར་བུ། |
| རྟོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཡིད་ཆེས་པའི་དོན་ཏེ། གཡོ་ཅན་ལ་ཡིད་མ་རྟོན། བདེན་དོན་ལ་ཡིད་རྟོན་ཅིག་ལྟ་བུ། |
| རྟོན་པ |
1. ཐ་དད་པ བརྟན་པ། བརྟན་པ། རྟོན།། བློ་འགེལ་བའམ་ཡིད་གཏོད་པ་དང༌། ཆ་འཇོག་པ། མི་ངན་ལ་ཡིད་རྟོན་མི་རུང༌། 2. ཡིད་རྟོན་ཡུལ་ལམ་རྟོན་ས། རྟོན་པ་མེད་པ་རྣམས་ཀྱི་ཕ་དང་མར་གྱུར། |
| རྟོན་པ་བཞི |
ལམ་དུ་འཇུག་སྐབས་ཀྱི་བླང་བྱའམ་ཡིད་ཆེས་པར་བྱ་བའི་ཆོས་བཞི་གང་ཟག་ལ་མི་རྟོན་ཆོས་ལ་རྟོན། ཚིག་ལ་མི་རྟོན་དོན་ལ་རྟོན། རྣམ་ཤེས་ལ་མི་རྟོན་ཡེ་ཤེས་ལ་རྟོན། དྲང་དོན་ལ་མི་རྟོན་ངེས་དོན་ལ་རྟོན་པའོ། |
| རྟོབས |
རྟབ་ཀྱི་སྐུལ་ཚིག |
| རྟོལ |
1. 1 རྟོལ་བའི་སྐུལ་ཚིག 2 རྙིང ཕྱིན་པའམ་སླེབས་པ། 2. མཛོ་མོ་དང་གཡག་འདུས་པ་ལས་སྐྱེས་པའི་ཕྱུགས། |
| རྟོལ་གཟོང |
ཡུལ འབིགས་གཟོང་གི་བྱེ་བྲག་ཅིག |
| རྟོལ་གཡག |
ཀོ་ཀོ་གཡག་སྟེ་ཕ་གཡག་དང་མ་མཛོ་མོ་བསྡེབས་པ་ལས་སྐྱེས་པའི་ཕོ། |
| རྟོལ་གོག |
ཡུལ མ་མཛོ་མོ་དང་ཕ་གཡག་བསྡེབས་པ་ལས་སྐྱེས་པའི་བེའུ། |
| རྟོལ་དྭ |
མཛོ་མོ་ཤི་བའི་རྟོལ་གོག |
| རྟོལ་ཕོ |
ཡུལ ཕ་གླང་དང༌། མ་མཛོ་མོ་འདུས་པ་ལས་སྐྱེས་པའི་ཕོ་ཕྱུགས་ཤིག |
| རྟོལ་བ |
1. ཐ་དད་པ བརྟོལ་བ། བརྟོལ་བ་རྟོལ།།འབིགས་པའམ་ཕྱུང་བ། རྣག་ཁྲག་རྟོལ་བ། བུག་པ་བརྟོལ་བ། སྐྱོན་མཚང་བརྟོལ་བ། 2. ཐ་མི་དད་པ བརྟོལ་བ། བརྟོལ་བ།།སླེབས་པ། ཡུལ་གཞན་དུ་བརྟོལ། ཕྱིན་ཕྱིན་པའི་མཐར་གྲོང་ཁྱེར་ཆེན་པོ་ཞིག་ལ་བརྟོལ་སོང༌། སྡོད་གནས་སུ་བརྟོལ། |
| རྟོལ་བོ |
མཛོ་མོའི་ཕྲུ་གུའི་མིང་། ཚིག་བསྡུས་ན་རྟོལ་ཞེས་འབྲི་ཆོག་ རྟོལ་ཤ། རྟོལ་ལྤགས་ཞེས་པ་ལྟ་བུ། |
| རྟོལ་མཛོ |
ཕ་གླང་དང༌། མ་མཛོ་མོ་བསྡེབས་པ་ལས་སྐྱེས་པའི་ཕོ་ཕྱུགས་ཤིག |
| རྟོལ་མཛོ་མ |
ཕ་གླང་དང༌། མ་མཛོ་མོ་བསྡེབས་པ་ལས་སྐྱེས་པའི་མོ་ཕྱུགས་ཤིག |
| རྟོལ་མེད |
1 ཆ་མེད་དམ་སྣང་མེད། རྟོལ་མེད་སེམས་ཀྱིས་གནས་འདིར་འོངས། 2 ངེས་པ་མེད་པ། 3 ཐབས་མེད་པ། |
| རྟོལ་མོ |
ཕ་གླང་དང༌། མ་མཛོ་མོ་བསྡེབས་པ་ལས་སྐྱེས་པའི་མོ་ཕྱུགས་ཤིག |
| རྟོལ་ལེ |
མ་མཛོ་མོ་དང་ཕ་གཡག་བསྡེབས་པ་ལས་སྐྱེས་པའི་བེའུ། |
| རྡ་དབན |
རྒྱ དཀར་ཡོལ་ཆེ་བ། |
| རྡ་དུ་ར |
ལེགས ཐང་ཕྲོམ་གྱི་མིང་གི་རྣམ་གྲངས་ཤིག |
| རྡ་ལབ་ལྕེ |
སོག དགུན་དུས་ཁལ་ཁ་ཟུག་ཕྱུ་པའི་སྟོད་དུ་གྱོན་རྒྱུའི་པགས་པའི་སྟོད་ཁེབས། |
| རྡག་གེ་རྡོག་གེ |
གོང་བུ་ཆེན་པོ་རང་མིན་པ། ལམ་ལ་རྡེའུ་རྡག་གེ་རྡོག་གེ་མང་པོ་ཡོད་པས་འགྲོ་མི་བདེ། |
| རྡག་སྒྲ་རྡིག་སྒྲ |
རྐང་པའི་རྡིག་སྒྲ། ཐོག་ཁར་རྡག་སྒྲ་རྡིག་སྒྲ་བྱས་ན་ཤོད་དུ་འདུག་བཟོད་མི་བདེ། |
| རྡང |
ཐག་རྡང་ འབྲོག་པས་ཕྱུགས་ཟོག་འདོགས་སའི་ཐག་པ་འཕྲེད་འཐེན་གྱི་མིང་ རྟ་རྡང་མཛོ་རྡང་ཞེས་པ་ལྟ་བུ། དངོས་རྫས་འགེལ་སའི་ཤིང་དབྱུག་འཕྲེད་བཞག་དང་ཐག་པ་འཕྲེད་འཐེན་གྱི་མིང་ སྐས་རྡང་གོས་རྡང་ཞེས་པ་ལྟ་བུ། |
| རྡང་ཐག |
དུད་འགྲོ་འདོགས་སའི་གདང་ཐག |
| རྡང་བུ |
1 གདང་ཐག་གི་ཕུར་བ། 2 སྐས་འཛེག་གི་གདང་བུ། |
| རྡང་འཕེན་པ |
ཕྱོགས་འགྲུལ་སྐབས་རྟ་དྲེལ་འདོགས་སའི་རྡང་རྒྱག་པ། |
| རྡབ་ཆལ |
འགྱེལ་བའི་བརྡ་རྙིང་། |
| རྡབ་བེ་རྡོབ་བེ |
1 རྡབ་རྡོབ་དང་དོན་གཅིག 2 རང་ལོ་བཅུ་བཞི་ཙམ་ནས་བཅུ་དྲུག་བཅུ་བདུན་བར་སླེབས་པའི་གཞོན་ནུ་ཕོ་མོ། ཕྲུ་གུ་རྡབ་བེ་རྡོབ་བེ་མང་པོས་ངལ་རྩོལ་བྱེད་ཀྱི་འདུག |
| རྡབ་ཞོགས |
འུར་ལངས་པ། |
| རྡབ་རྡོབ |
ཡུལ སྔར་དགོན་པའི་ནང་གི་གྲྭ་པ་གཞོན་ནུ་ཉུང་ཤོས་ཤིག་ལས་འགན་ནི་ཇ་འདྲེན་སོགས་གཞོན་ཁྲལ་རྒྱུག་དགོས་ཤིང༌། ཆས་གོས་དང་སྤྱོད་ལམ་འདུལ་ཁྲིམས་དང་ཅུང་ཟད་མི་མཐུན་པ། བག་གཡེང་དང་འཁྲུག་འཛིང་ལ་དགའ་བ་ཞིག་ཡིན་ཞིང༌། གྲྭ་ས་ཆེན་པོ་ཁ་ཤས་སུ་རྡབ་རྡོབ་ཀྱི་ཚོགས་པའང་ཡོད། |
| རྡར |
གྲི་སོགས་རྡོར་བྱེད་ཀྱི་ཡོ་བྱད་ཀྱི་མིང་ རྡོ་རྡར། འཇམ་རྡར། སག་རྡར། རྩུབ་རྡར་ཞེས་པ་ལྟ་བུ། |
| རྡར་བ |
ཐ་དད་པ བརྡར་བ། བརྡར་བ། རྡོར།། གྲི་སོགས་རྣོན་པོར་བྱེད་པའམ། རྡར་ཤ་གཅོད་པ། གྲི་ཤོབ་ཤོབ་ཏུ་བརྡར་བ། དགྲ་བོས་གྲི་རྡར་གྱི་ཡོད་པས་ང་ཚོས་ཀྱང་གྲི་བརྡར་དགོས། |
| རྡར་རྡོ |
གྲི་སོགས་རྡར་སའི་རྡོ། འཇམ་རྡར། རྩུབ་རྡར། |
| རྡར་རྡོ་རྒྱག་པ |
ཡུལ 1 གཟོང་སོགས་རྡར་བ། གྲི་ལ་རྡར་རྡོ་རྒྱག་པ། 2 ངག་འཇམ་གྱི་སྒོ་ནས་སླུ་འདྲིད་བྱེད་པའི་དཔེ། |
| རྡལ |
བརྡལ་གྱི་ད་ལྟ་བ་ལ་རྡལ་བྲིས་ན་ཁ་སྐད་དང་མཐུན། |
| རྡལ་གླ |
དངོས་པོ་སྐྱེལ་འདྲེན་བྱས་པའི་གླ་ཆ། ལྷ་ས་ནས་ཕག་རི་བར་གྱི་རྡལ་གླ་རྣམས་གྲངས་ཚང་སྤྲད་པ། |
| རྡལ་ཆུ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དཀར་མཛེས་རྫོང་གི་འབབ་ཆུ་ཞིག |
| རྡལ་བ |
ཐ་དད་པ བརྡལ་བ། བརྡལ་བ། རྡོལ།། འགྲིམས་པ། རྡོ་ཆལ་མར་བརྡལ་བ། རས་ཀྱི་སྟེང་དུ་འབྲུ་བརྡལ་ནས་ཉི་མར་སྐེམ་པ། ས་རྣམས་འབར་འབུར་མ་ཡིན་པར་སྙོམས་པོར་བརྡལ་དགོས། |
| རྡི་རང་རྫོང |
གྲོང་ཞིག་བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| རྡི་རྡི་གུ་གུ |
ཡུལ བྱ་རིགས་ཤིག |
| རྡིག |
1 ཕུགས་ནོར། ཕུགས་རྡིག 2 ཇ་སྐོལ་སྣོད་ཟངས་རྡིག་ལྟ་བུའི་སྣོད་སྤྱད་སོགས། |
| རྡིག་ར |
བུད་མེད་ཀྱི་རྐེད་པར་འཆིང་རྒྱུའི་དངུལ་གྱི་སྐ་རགས་རྒྱན་ཅན་ཞིག |
| རྡིག་སྒྲ |
1 གོམ་ཤུགས་ཀྱི་སྒྲ། ཁང་པའི་ཐོག་ཁར་འགྲོ་མཁན་ཡོད་དུས་རྡིག་སྒྲ་གྲག་ཡོང༌། 2 དངོས་པོ་ལྷུང་བའི་སྒྲའི་ཁྱད་པར་ཞིག |
| རྡིབ |
(བྱེད་མེད་ལས་ཚིག་ད་ལྟ་བ)ཕྱི་ངོས་སུ་ཀོང་བོ་བྱུང་བ་ སོལ་གཏེར་གྱི་དོང་མི་རྡིབ་པའི་ཆེད་དུ་ཀ་བ་བཙུགས་ལྟ་བུ། |
| རྡིབ་པ |
ཐ་མི་དད་པ ཕྱི་ནས་ནང་དུའམ་སྟེང་ནས་མར་ཀོང་ཀོང་དུ་གྱུར་པ། མེ་སྒྱོགས་ཕོག་ནས་ཁང་པའི་ཐོག་རྡིབ་སོང༌། མིག་ཁུང་གཉིས་གཏིང་དུ་རྡིབ་པ། |
| རྡིབ་སྐྱོན |
མར་ལྷུང་བ། ཁང་པ་འདི་ས་ཡོམ་བརྒྱབ་པའི་རྐྱེན་གྱིས་རྡིབ་སྐྱོན་བྱུང་སོང༌། |
| རྡིབས |
རྡིབ་ལ་ལྟོས། |
| རྡུ་བ |
ཁྲག་གཅོད་པར་ཕན་པའི་སྔོ་སྨན་ཞིག |
| རྡུགས |
(རྒྱན་ཚིག) གྲི་སོགས་རྣོ་ངར་ཉམས་པ་ གྲི་རྡུགས། མདུང་རྡུགས་ལྟ་བུ། ཐབས་ཟད་པ་ ཐབས་རྡུགས་ལྟ་བུ། |
| རྡུགས་པ |
1.ཐ་མི་དད་པ 1 ཟད་པ་དང༌། ཐུག་པའམ་ཐོགས་པ། གྲི་རྣོ་རྡུགས་པ། ཀུན་ཤེས་གཅིག་རྡུགས། ངས་གང་ཐུབ་ཐུབ་བྱས་པ་ཡིན་རུང་ད་ནི་ཐབས་རྡུགས་སོང༌། འཆད་རྩོད་རྩོམ་གསུམ་ལ་ཐོགས་རྡུགས་མེད། གནམ་གྲུ་ནམ་མཁའ་ལ་ཐོགས་རྡུགས་མེད་པར་འགྲོ། 2 མཚེར་བ། འཇིགས་པ། སུན་པ། ཡུལ་གྱར་གྱི་འཚོ་བར་སྣ་རྡུགས་པ། དུག་སྦྲུལ་གྱིས་ཟ་ཉེན་བྱུང་བས་ཐི་གུ་ཁྲ་བོ་སྒྲུག་པར་འགྲོ་རྒྱུ་ལ་སྣ་རྡུགས་པ། 2.མ་རབས། དྲིན་ལན་ངན་འཇལ་བྱེད་མཁན་མི་དེ་ཐབས་རྡུགས་པ་ལགས། |
| རྡུང |
(བྱེད་འབྲེལ་ལས་ཚིག་ད་ལྟ་བ) རྔ་སོགས་རོལ་ཆ་ལ་དབྱུ་གུས་བསྣུན་པའམ་ཕན་ཚུན་ཐོགས་གཏུགས་བྱས་ནས་སྒྲ་འབྱིན་པ་ རྔ་རྡུང་གིན་ཡོད། རྔ་རྡུང་མཁན། ཅོང་རྡུང་། སྦུབ་ཆ་རྡུང་། སྒོ་རྡུང་ལྟ་བུ། |
| རྡུང་ཁ |
རྡུང་ག་དང་འདྲ། |
| རྡུང་ག |
ཕན་ཚུན་དཔྲལ་བ་གཏུག་ནས་འཛིང་ཚུལ། གཡག་གཉིས་རྡུང་ག་རྒྱག་པ། ར་དང་ལུག་གཉིས་རྡུང་ག་ཚད་པ། ཀ་བ་ལགས་དང་རྡུང་ཁ་མ་རྒྱག་དགེ་བཤེས་ལགས་དང་རྩོད་པ་མ་རྒྱག |
| རྡུང་གཏག |
རྒྱག་རྡུང༌། ཕ་མ་ལག་སག་གིས་ཕྲུ་གུར་རྡུང་གཏག་ཡང་ཡང་བཏང་ཡོང༌། |
| རྡུང་བ |
ཐ་དད་པ བརྡུངས་པ། བརྡུང་བ། རྡུངས།། 1 འཚོག་པ་དང༌། རྒྱག་པ་དང༌། སྣུན་པ། ལྕགས་རྡུང་བ། སྒོ་རྡུང་བ། སྙེ་མ་བརྡུངས་ནས་འབྲུ་འདོན། རྡོག་པས་རྡུང་བ། ཆག་རྡུང་ཉག་རྡུང་བཟོ་བ། རི་ལ་སྤྱི་བོས་རྡུང་བ། རྔ་བརྡུངས་ཏེ་གར་འཁྲབ་པ། 2 འཁྲབ་པ། ཐང་ཆེན་ལ་གླུ་དབྱངས་གཏོང་བཞིན་པར་བྲོ་རྡུང་བ། |
| རྡུང་འཐག |
རྫོག་ཅིང་ཕྱེ་མར་འཐག་པ། སྨན་ཧྲོབ་ཧྲོབ་རྣམས་རྡུང་འཐག་བྱས་ནས་ཕྱེ་མ་བཟོ་བ། |
| རྡུང་འཚོག |
ཉེས་གཏག |
| རྡུང་རྡེག |
ཉེས་གཏག ཕན་ཚུན་རྡུང་རྡེག་གཏོང་བ། |
| རྡུང་རྫོག |
ཉེས་གཏག རྡུང་རྫོག་ཧ་ཅང་ཆེན་པོ་ཕོག་འདུག |
| རྡུངས |
སྐུལ་ཚིག་ རྔ་རྡུངས་ཤིག་ལྟ་བུ། གཅར་རྡུང་ ཕྱུགས་ལ་དབྱུག་པས་མ་རྡུང་། ཁྱི་ལ་དབྱུག་པས་བརྡུངས་ནས་བཏུལ་ལྟ་བུ། ０གཏུན་གྱིས་སིལ་བུར་བྱས་པ་ སྨན་རྡུང་། ས་རྡོག་རྡུང་ལྟ་བུ། １མགོས་ཐོད་གཏུགས་བྱས་པ་ གཡག་གིས་རྡུང་ལྟ་བུ། ２འཁྲབ་པ་ བྲོ་རྡུང་ལྟ་བུ། |
| རྡུམ |
(རྒྱན་ཚིག) ཡན་ལག་མེད་པའམ་ཉམས་པའི་དོན་ཏེ། མགོ་མེད་མཇུག་རྡུམ། རྐང་རྡུམ་ལག་རྡུམ་ཞེས་པ་ལྟ་བུ། (བྱེད་འབྲེལ་ལས་ཚིག) འཕྲེད་གཅོད་བྱས་པའི་དོན་ཏེ། ཤིང་གི་རྩེ་མོ་རྡུམ། ཤིང་སྡོང་རྐེད་ནས་རྡུམ། ཐག་པ་རྡུམ་ལྟ་བུ། |
| རྡུམ་པ |
ཐུང་བའམ་ཆད་པ། ཁྱི་མཇུག་མ་རྡུམ་པ། རྭ་རྡུམ། ལག་རྡུམ་རྐང་རྡུམ། དེང་སྐབས་ངའི་ལག་པ་རྡུམ་རྡུམ་ཡིན་སྟབས་ཁྱེད་རང་ལ་རོགས་རམ་གང་ཡང་ཞུ་ཐུབ་མ་སོང༌། |
| རྡུམ་པོ |
རྡུམ་པ་དང་འདྲ། |
| རྡུལ |
1 ཕྲ་བའི་གཟུགས། ཉི་རྡུལ། ཆུ་རྡུལ། ཐལ་རྡུལ། རྡུལ་ཕྲན་ཕྲ་མོ། མེ་ཏོག་གི་རྡུལ། ས་རྡུལ། རྡོ་རྗེའི་རྡུལ། སྡོད་མཁན་མེད་པའི་ཁང་པའི་ནང་དུ་རྡུལ་ཆགས་ཡོང༌། ཕྱི་བདར་མ་བཏང་བའི་སྤྱད་དངོས་རྣམས་རྡུལ་གྱིས་ཁེབས་པ། བཙན་འཛུལ་བྱེད་པར་ཡོང་མཁན་སུ་ཡིན་ཀྱང་རྡུལ་དུ་རློག་དགོས། 2 ཟླ་མཚན། 3 ཉེས་སྐྱོན། ཉོན་མོངས་པའི་རྡུལ་གྱིས་མ་གོས་པ། |
| རྡུལ་ཁྲོད་ཀྱི་ཤ་ཟ |
1 ཕྱག་དར་ཁྲོད་ཀྱི་འདྲེ། 2 གདོན་འདྲེ་རླུང་འཁོར་ཚུབ་མའི་ནང་གི་འདྲེ། |
| རྡུལ་གྱི་ཁ་དོག |
ཡན་ལག་གི་ཁ་དོག་བརྒྱད་ཀྱི་ནང་གསེས་ཤིག |
| རྡུལ་གྱི་ཁ་ལོ་བ |
མངོན རླུང༌། |
| རྡུལ་གྱི་ཆུ |
མངོན བ་མོ། |
| རྡུལ་གྱི་རྩ |
ལུས་རྩའི་བྱེ་བྲག་ཅིག |
| རྡུལ་གྱི་ལམ |
མངོན མོ་མཚན། |
| རྡུལ་ཉལ |
མངོན སྦྲང་མ། |
| རྡུལ་དམར |
མངོན ལི་ཁྲི། |
| རྡུལ་ཕྲ་མོ |
རྡུལ་ཆུང༌། |
| རྡུལ་ཕྲ་རགས |
རྡུལ་གྱི་ཕྲ་མོ་དང་རགས་པ་ནི་བོངས་ཚོད་ཆེ་ཆུང་གིས་འཇོག་པ། |
| རྡུལ་ཕྲ་རབ |
དངོས་རྫས་རྣམས་རྫས་སྦྱོར་གྱི་སྒོ་ནས་སོ་སོར་ཕྱེ་བའི་རྡུལ་གཟུགས་ཧ་ཅང་ཕྲ་མོ་ཞིག་དང་དངོས་རྫས་གྲུབ་བྱེད་ཀྱི་ཆ་ཤས་ཕྲ་མོ་ཞིག་ཡིན། དུས་རབས་སྔོན་མའི་མི་རྣམས་ཀྱི་བསམ་པ་ལ་རྡུལ་ཕྲ་རབ་ནི་སོ་སོར་འབྱེད་མི་ནུས་པའི་གཟུགས་ཀྱི་ཆུང་ངུའི་མཐར་ཐུག་ཡིན་སྙམ་པ་རེད། ད་ལྟ་ཚང་མས་ཤེས་པ་ལྟར་རྡུལ་ཕྲ་རབ་ཀྱང་རྡུལ་རྫས་ཧ་ཅང་ཕྲ་མོ་མང་བོ་འདུས་ནས་གྲུབ་པ་ཞིག་རེད། |
| རྡུལ་ཕྲ་རབ་ལུས་མེད |
མིག་གིས་མཐོང་རྒྱུ་མེད་པའི་རྡུལ་ཕྲ་མོ། |
| རྡུལ་ཕྲན |
རྡུལ་ཕྲ་རབ་བདུན་ཙམ་འདུས་པའི་གོང་བུའོ། |
| རྡུལ་ཕྲན་གཅིག |
རྡུལ་ཕྲ་རབ་བདུན་ཚོགས་པ་གཅིག |
| རྡུལ་ཕྲན་ཕྱོགས་ཀྱི་ཆ་མེད |
བྱེ་སྨྲས་འདོད་པའི་རྡུལ་གྱི་ཆུང་མཐའ། |
| རྡུལ་ཕྲན་ཕྲ་མོ |
མིག་གིས་མི་ཟིན་པའི་རྡུལ་ཕྲ་མོ། |
| རྡུལ་བཅས་མ |
མངོན བུད་མེད་དར་མ། |
| རྡུལ་བརྩེགས |
མངོན རི། |
| རྡུལ་བྱབ་པ |
ཐལ་རྡུལ་ཕྱིས་པ། གྱོན་ཆས་ལ་ཆགས་པའི་རྡུལ་བྱབ་པ། |
| རྡུལ་བྲལ |
1 ཐལ་བ་མེད་པ། 2 མངོན 1)སངས་རྒྱས། 2)ཐར་པ། |
| རྡུལ་བྲལ་དྲི་མེད |
1 ཐལ་བ་མེད་པ་དང༌། དྲི་མ་མེད་པ། ནམ་མཁའ་གཡའ་དག་རྡུལ་བྲལ་དྲི་མེད་རེད། ཕན་ཚུན་རྩོད་མེད་རྡུལ་བྲལ་དྲི་མེད་ཀྱི་རང་བཞིན་དུ་གྱུར་སོང༌། 2 སངས་རྒྱས་ཤིག་གི་མཚན། |
| རྡུལ་མེད |
མངོན ཐར་པ། |
| རྡུལ་ཚོན |
འབུར་རིས་སོགས་བཟོ་བྱེད་ཚོས་བྱུག་པའི་བྱེ་མ། |
| རྡུལ་ཚོན་གྱི་དཀྱིལ་འཁོར |
ཚོན་ཕྱེ་སྣ་ཚོགས་ཀྱིས་ཐིག་བཟོ་བའི་ལྷའི་གཞལ་ཡས་ཁང་གི་དབྱིབས། |
| རྡོ་གསོབ་གསོབ |
མཁྲེགས་པོ་མིན་པའི་རྡོ་གསོབ། |
| རྡོ་གུ |
1 རྡོ་ཆུང་ཆུང༌། རྡོ་གུ་དེ་བྱིས་པའི་རྩེད་རྡོ་ཡིན། 2 རྙིང གཏུན་ཆུང༌། |
| རྡོ་གྲུབ་ཆེན་དགོན་པ |
གྲུབ་ཆེན་དགོན་གྱི་གདན་སའི་ཐོག་མར་ཡར་ལུང་པདྨ་བཀོད་ཅེས་པ་ཁམས་ཀྱི་བྱང་ཝ་ཤུལ་གསེར་ཐའི་སྟོད་ཡར་ལུང་གི་ས་ཆར་རབ་བྱུང་བཅུ་བཞི་པའི་ལྕགས་རྟ་ལོར། རྡོ་གྲུབ་ཆེན་འཇིགས་མེད་ཕྲིན་ལས་འོད་ཟེར་གྱིས་ཕྱག་བཏབ། ཕྱེས་སུ་རྡོ་གྲུབ་རིན་པོ་ཆེ་སྐུ་ཕྲེང་གཉིས་པ་འཇིགས་མེད་ཕུན་ཚོགས་འབྱུང་གནས་ཀྱིས། རབ་བྱུང་བཅུ་བཞི་པའི་དཀྱིལ་དུ་རྡོ་སྟོད་ཀྱི་ས་ཆར་གཙང་ཆེན་དངོས་གྲུབ་དཔལ་འབར་གླིང་ཞེས་པའི་དགོན་པ་བཏབ། དེ་རྗེས་སྐུ་ཕྲེང་གསུམ་པ་འཇིགས་མེད་བསྟན་པའི་ཉི་མས་གསར་རྙིང་རིས་མེད་ཀྱི་མདོ་སྔགས་བཤད་སྒྲུབ་ཀྱི་ཆོས་གྲྭར་བཙུགས་ཏེ། མཁས་གྲུབ་ཀྱི་སློབ་མ་མང་དུ་བྱོན། སྙིང་ཐིག་དུམ་གཉིས་དང༌། མཛོད་བདུན། རྡོ་གྲུབ་ཆེན་འཇིགས་མེད་བསྟན་པའི་ཉི་མའི་གསུང་འབུམ་སོགས་ཀྱི་པར་ཤིང་ཡང་སྣ་ཚོགས་ཡོད་པའི་རྙིང་མའི་དགོན་པ་གྲགས་ཅན་ཞིག་གོ། 1810 |
| རྡོ་ཆར |
མངོན 1 སེར་བ། 2 ཐོག |
| རྡོ་ཆས |
རྡོ་ལས་བཟོས་པའི་ཡོ་བྱད། |
| རྡོ་ཆུ |
1 བྲག་དང་རྡོ་གསེབ་ནས་བཞུར་བའི་ཆུ། རྡོ་ཆུ་དྭངས་མོ་ལྟོ་ལ་ཕན། 2 ཆུ་ཚན་སོགས་ཀྱི་གཏིང་དྲོད་ཀྱི་རྡོ་ཞུ་ནས་ཆུ་རུ་བབས་པ་ཆུ་དང་བསྡོངས་ནས་ཕྱི་རུ་ཐོན་པས་རླངས་པ་ཡལ་བ་དང་ཆུ་ལས་བྱེ་ནས་རྡོ་གཞན་གྱི་ངོས་སུ་ཆུ་དྲེག་ལྟར་ས་མིན་རྡོ་མིན་སྐྱ་སོབ་ཅན་ཆགས་པ་དེ་ལ་ཟེར་ཏེ། ནུས་པས་རུས་པ་ཆག་པ་སྦྱོར། དངུལ་གྱི་དུག་ལ་ཕན། 3 བོད་རང་སྐྱོང་ལྗོངས་ཀྱི་འཇོ་མདའ་རྫོང་ཁོངས་ཀྱི་འབབ་ཆུ་ཞིག་ཆུ་འགོ་ཁྲ་བོ་ཐང་ནས་བྱུང་ཞིང་སྤོ་ལོར་འབྲི་ཆུའི་ནང་དུ་འབབ། |
| རྡོ་ཇ |
ཤིང་ཞིག |
| རྡོ་ཉི་མ |
རི་བོ་ཞིག་མཚོ་སྔོན་ཞིང་ཆེན་ཁོངས་མཚོ་ལྷོ་བོད་རིགས་རང་སྐྱོང་ཁུལ་གྱི་ཀུང་ཧོ་རྫོང་ཁོངས་སུ་ཡོད། |
| རྡོ་ཏིང |
མཚམས་པ་དང་དགོན་པ་གྲྭ་ཚང་གི་བརྡ་གཏོང་བྱེད་ཀྱི་རྡོ་རྔ་ཞིག |
| རྡོ་ཐ |
ཁ་སྣར་འཐེན་རྫས། རྡོ་ཐ་དབུར་ནས་སྣ་ཐ་བཟོ་བ། |
| རྡོ་ཐལ |
1 རྡོའི་ཕྱེ་མ། 2 ཁང་རྩི་གཏོང་བྱེད་ས་དཀར་རམ། དཀར་རག 3 རྡོ་སྨན་གྱི་རིགས་ཏེ། རོ་ཚ། ཞུ་རྗེས་དྲོད། ནུས་པས་དྲོད་སྐྱེད། ཟས་འཇུ། སྐྲན་བཤིག་བེ་སྣབས་འཇོམས། མིང་གི་རྣམ་གྲངས་ལ་རྡོ་དཀར་དང༌། བྱ་རྡོ། བྲག་རྡོ། ཚོས་རྡོ། ཞུན་རྡོ་བཅས་སོ། |
| རྡོ་ཐལ |
རྡོ་ཐལ་རྡོ་བསྲེགས་པའི་ཐལ་བ་དེ་ཡིན། |
| རྡོ་ཐལ་རིགས་ལྔ |
དཀར་པོ་འོ་མ་ཁ་དང༌། སྔོ་སྐྱ་ཕུག་རོན་སྐེ། སྐྱ་བོ་གོ་བོའི་རྒྱབ། དམར་སྐྱ་རྟ་གློ་ཁ། སྔོ་ནག་ཆར་སྤྲིན་མདོག་བཅས་ལྔ། |
| རྡོ་ཐེའུ |
1 རྡོ་བཟོ་བའི་རྡོ་གཅིག་བྱེད་ཀྱི་ཐོ་ཆུང༌། 2 རྡོ་ལས་བཟོས་པའི་ཐེལ་རྩེ། |
| རྡོ་ཐོ |
1 རྡོ་གཅོག་བྱེད་ཀྱི་ཐོ་བ། 2 ས་མཚམས་སོགས་ལ་འཛུགས་རྒྱུའི་རྡོ་ཐོ། རྡོ་ཐོ་བཙུགས་ནས་ས་མཚམས་དབྱེ་བ། |
| རྡོ་དཀར་གོང |
རྡོ་དཀར་པོ་ཞིག |
| རྡོ་དཀར་པོ |
མངོན ཤེལ། |
| རྡོ་དུགས |
མེར་བསྲོས་ཏེ་ནད་ལ་གཏུག་པའི་སྨན་བཅོས་ཀྱི་བྱེ་བྲག |
| རྡོ་དུམ |
རྡོའི་དུམ་བུ། རྡོ་དུམ་ཞིག་བསྒྲུགས་ཏེ་ཁྱི་ལ་བཞུས་པ། |
| རྡོ་དོན |
དོན་གྱི་སྙིང་པོ། བསམ་འཆར་ཞུ་རྒྱུའི་རྡོ་དོན་སྙིང་པོ་ཡིག་ཐོག་ཏུ་བཀོད་ཡོད། |
| རྡོ་དྲིལ་བ |
རྡོ་ཐུར་དུ་རིལ་བ། སྒང་ནས་ཐུར་དུ་རྡོ་དྲིལ་བ། |
| རྡོ་དྲེག |
1 རྡོ་ལ་ཆགས་པའི་དྲེག་པ། 2 རྡོ་ཕ་བོང་དང༌། བྲག་གི་ངོས་སོགས་སུ་ཆགས་པའི་དྲེག་པ་ནང་གསེས་སུ་དབྱེ་ན་དཀར་པོ་དང༌། སེར་པོ། དམར་པོ། ལྗང་གུ། ནག་པོ་བཅས་ལྔ་མཆིས། ནུས་པས་དུག་ནད་དང༌། ཚད་པ་རྙིང་པ་ལ་ཕན། |
| རྡོ་དྲེག་དམར་པོ |
ཕ་བོང་དང་བྲག་གི་ངོས་སོགས་ལ་ཆགས་པའི་རྡོ་དྲེག་དམར་པོ་མེ་ཏོག་རིས་སུ་ཆགས་པ་རོ་བསྐ། ནུས་པ་སྙོམས། དུག་ནད་དང༌། ཚད་པ་རྙིང་པ་སེལ། |
| རྡོ་ནག |
ལུགས་ཀོང་བཟོ་བྱེད་ཀྱི་རྒྱུ་ཆ་རྡོ་ཞིག |
| རྡོ་ནར་མོ |
རྡོ་དཀྱུས་རིང་པོ། |
| རྡོ་ཕ་བོང |
རྡོ་ཆེན་པོ། རྡོ་ཕ་བོང་གཤགས་ནས་རྩིག་རྡོ་བཟོ་བ། |
| རྡོ་ཕག་མགོ |
རྡོ་སྨན་གྱི་རིགས་དབྱིབས་ཕག་གི་མགོ་དང་འདྲ་བ་ཞིག་རོ་བསྐ། ཞུ་རྗེས་སྙོམས། ནུས་པས་རུས་པ་སྦྱོར། ཆུ་སེར་སྐེམ། |
| རྡོ་ཕུང |
ལྷ་རྟེན་ཡོད་སར་མཆོད་པའི་ཚུལ་དུ་སྤུངས་པའི་རྡོ་རིལ་གྱི་ཕུང་པོ། |
| རྡོ་བ |
རྡོ། ཡིད་ལ་རྡོ་བར་རི་མོ་བརྐོས་པ་ཇི་བཞིན་དུ་ངེས། |
| རྡོ་བཀྱག |
རྡོ་ལས་བཟོས་པའི་སྐས་འཛེག |
| རྡོ་བཟོ་བ |
རྡོའི་བཟོ་ལས་པ། |
| རྡོ་བའི་ནད |
མངོན བྲག་ཞུན། |
| རྡོ་བའི་བུ |
མངོན རི་ལས་འོང་བའི་ཚོན་རྩི། |
| རྡོ་བརྐོས |
རྡོར་བརྐོས་པའི་རི་མོ་དང༌། ཡི་གེ་སོགས། |
| རྡོ་བྱེའུ་མགོ |
རྡོ་སྨན་གྱི་རིགས་དབྱིབས་བྱེའུའི་མགོ་དང་འདྲ་བ་ཞིག་རོ་བསྐ། ཞུ་རྗེས་དྲོད། ནུས་པས་རྨ་གསོ། རུས་ཆག་སྦྱོར། རྨའི་ཆུ་སེར་ཕྱིར་འདྲེན། |
| རྡོ་བྲག |
རྡོ་ཆེན་པོའམ་བྲག་གོང༌། |
| རྡོ་མཁན |
རྡོ་བཟོའི་ལག་ཤེས་པ། |
| རྡོ་མཁར |
རྡོ་ལས་བཟོས་པའི་ཁང་པ། |
| རྡོ་མཁྲིས |
རྡོ་སྨན་གྱི་རིགས་ཏེ། རོ་ཁ། ཞུ་རྗེས་བསིལ། ནུས་པས་རྨ་འབྲུབ། ཤའུ་སྐྱེ། ཆུ་སེར་འདྲེན་པར་བྱེད། |
| རྡོ་མཆོད |
རྡེའུ་མང་པོ་ཕུང་པོར་སྤུངས་པའི་མཆོད་པའི་ཚུལ་དུ་བཤམས་པ། |
| རྡོ་མཉེན |
སྣོད་སྤྱད་སོགས་བཟོ་རུང་བའི་རྡོ་སྙི་མོ་ཞིག |
| རྡོ་མལ |
རྡོ་ཚུར་བླངས་པའི་རྗེས་ཤུལ། |
| རྡོ་ཙོག |
རྡོ་ཙོག་ཙོག |
| རྡོ་ཚད |
སྔོན་སྤྱི་ཚོགས་རྙིང་བར་དངུལ་སྲང་ལྔ་བཅུ་ལ་རྡོ་ཚད་གཅིག་ཟེར། |
| རྡོ་ཚན |
རྡོ་ཚ་པོ་སྟེ་མེར་བསྲེགས་ནས་ཚ་པོར་གྱུར་པ་དང༌། ཉི་མར་བཞག་ནས་ཚ་པོར་གྱུར་པ། ཆུ་ཚན་ནང་གི་རྡོ་ལྟ་བུ། |
| རྡོ་ཚིག |
1 དོན་གནད་སྙིང་པོའི་ཚིག སྐྱིད་སྡུག་སྙན་ཞུའི་རྡོ་ཚིག 2 མི་འགྱུར་བའི་ཚིག |
| རྡོ་ཚུགས |
ཧ་ཤིག་ལྟ་བུ་རྡོ་མཉེན་གྱི་རིགས་ལས་བཟོས་པའི་རྡོ་ཚུགས་མར་མེའི་དྲོད་ལ་བསྲོས་ནས་ནད་དམིགས་སྟེང་བརྡེག་དགོས་པ་ཞིག |
| རྡོ་ཞུན |
རྡོ་བཞུས་པའི་ཁུ་བ། |
| རྡོ་ཞོ |
རྡོ་ཐལ། ཀོ་བ་མཉེན་པོ་བཟོ་ཆེད་རྡོ་ཞོ་བཏུལ་མ་བྱུགས་ཏེ་མཉེས་པ། |
| རྡོ་ཞྭ |
སྔར་མིའི་མགོ་ལ་རྡོ་ཞྭ་གཡོགས་ནས་མིག་རིལ་ཕྱིར་འབུར་བའི་ཚེ་སྐམ་པས་འཐེན་ནས་འདོན་པའི་ཁྲིམས་ཆས་ཤིག |
| རྡོ་ཟན |
རྡོ་སྦལ། |
| རྡོ་ཟམ |
རྡོ་བསྒྲིགས་པའི་ཟམ་པ། |
| རྡོ་འཁྱམས |
འཕེན་མཁན་སུ་ཡིན་རྩད་མི་ཆོད་པའི་ལག་རྡོ། |
| རྡོ་འགྱོགས |
རྡོ་ཡར་པང་པར་འདེགས་པའི་རྩེད་མོ། རྡོ་འགྱོགས་བྱས་ནས་ཤུགས་འགྲན་པ། |
| རྡོ་འབུམ |
མ་ཎི་སོགས་བརྐོས་པའི་རྡོའི་ཕུང་པོ། |
| རྡོ་ཡི་ཆར |
མངོན སེར་བ། |
| རྡོ་ཡི་ཟས་ཅན |
མངོན ཕུག་རོན། |
| རྡོ་ཡི་རྒྱལ་པོ |
མངོན གཡུ། |
| རྡོ་རམས་པའི་དགེ་བཤེས |
གདན་ས་སོ་སོའི་ཚོགས་ཆེན་རྡོ་གཅལ་དུ་མཚན་ཉིད་དམ་བཅའ་འཇོག་པའི་དགེ་བཤེས། |
| རྡོ་རིང |
ལོ་རྒྱུས་སམ་མི་མིང་སོགས་བྲིས་ཏེ་བཙུགས་པའི་རྡོ་རིང་པོ། གྲུ་བཞི་དང༌། ཧྲིལ་མོ། རྡོ་ལེབ། ཡི་གེ་ཡོད་མེད་བཅས་ཚང་མ་འདུས། རྡོ་རིང་གི་ངོས་ཆུང་བ། རྡོ་རིང་གི་ངོས་ཆེ་བ། རྡོ་རིང་གི་རུས་སྦལ། |
| རྡོ་རིང |
1རྗེས་དྲན་གྱི་རྟགས་མཚན། 2ས་མཚམས་ཀྱི་རྟགས་མཚན། |
| རྡོ་རིང་པཎྜི་ཏའི་རྣམ་ཐར |
དགའ་བཞི་པའི་ཡབ་མེས་གོང་མ་རྣམས་ཀྱི་ལེགས་མཛད་རང་བློར་གཏོགས་པ་ཕྱོགས་བསྒྲིགས་སུ་བཀོད་པའི་མཇུག་མཐུད་དུ་རང་གི་བྱུང་བ་ཅུང་ཟད་ཙམ་བརྗོད་པ་ཟོལ་མེད་གཏམ་གྱི་རོལ་མོ་ཞེས་བྱ་བ། རྡོ་རིང་པཎྜི་ཏས་རབ་བྱུང་བཅུ་གསུམ་པའི་དུས་སུ་བརྩམས་པ་འདིའི་ནང་དུ་གོང་མ་ལ་ཡར་ཞུས་མར་ཕེབས་ཀྱི་ཡིག་ཆ་ཤིན་ཏུ་མང་བས་ལོ་རྒྱུས་བརྟག་དཔྱད་བྱེད་པའི་དཔྱད་གཞི་རྩ་ཆེན་ཞིག་ཡིན། |
| རྡོ་རིང་པད་མ་ཅན |
སྔར་ཆོས་རྒྱལ་ཁྲི་སྲོང་ལྡེ་བཙན་སྐབས་བསམ་ཡས་གཙུག་ལག་ཁང་དུ་བཙུགས་པ་རྒྱལ་པོའི་བཀའ་གཙིགས་ཀྱི་ཡི་གེ་འཁོད་པའི་རྡོ་རིང་ཞིག |
| རྡོ་རིལ |
རྡོ་རིལ་རིལ། |
| རྡོ་རུས་གཏུག་པ |
རྐང་གཅོག་ཚེ་རྡོ་དང་རུས་པ་གཏུག་དགོས་པ་ལྟར་ལག་ལེན་ནན་ཏན་བྱེད་དགོས་པའི་དོན། |
| རྡོ་རུས་སྤྲོད་པ |
རྡོ་དང་རུས་པ་ཐུག་ཏུ་འཇུག་པ། ལམ་ལུགས་རྙིང་པ་བསྒྱུར་བཅོས་རྡོ་རུས་སྤྲོད་པ་བཞིན་བྱེད་དགོས། |
| རྡོ་རྐོ་བ |
རྡོ་ལ་མ་ཎི་སོགས་གཟུངས་སྔགས་དང༌། ཆོས་དཔེ་སྣ་ཚོགས་རྐོ་མཁན། |
| རྡོ་རྒོད |
རྡོ་མཁྲེགས་པོ། |
| རྡོ་རྒྱུས |
བསེད་ན་སྤུ་ལྟར་འབྱུང་བ། བལྡད་ན་རྒྱུས་པ་འདྲ་བ། གོས་འཐག་བྱེད་ཀྱི་རྒྱུར་རུང་བའི་གཏེར་ཐོན་དངོས་རྫས་ཤིག |
| རྡོ་རྒྱུས་བྱ་བལ་མ |
རྡོ་སྨན་རིགས་བརྡུངས་ན་བྱ་རྒོད་ཀྱི་སྤུ་ལྟར་འབྱུང་བ་ཞིག་རོ་བསྐ། ཞུ་རྗེས་དྲོད། ནུས་པས་ཆུ་རྒྱུས་རེངས་འཁུམས་གྱུར་པ་དང༌། ཆུ་རྒྱུས་རྨས་པ་ལ་ཕན། |
| རྡོ་རྔ་རོང |
གྲོང་རྡལ་ཞིག་ཡུན་ནན་ཞིང་ཆེན་གྱི་ས་དམ་འཇང་རིགས་རང་སྐྱོང་རྫོང་གི་ནུབ་རྒྱུད་འབྲི་ཆུའི་འགྲམ་དུ་ཡོད། གྲོང་རྡལ་འདིའི་འགྲམ་དུ་གྲུ་ཁ་ཞིག་ཡོད། |
| རྡོ་རྗེ |
བཛྲ 1 མི་ཕྱེད་པ་དང༌། མི་ཤིགས་པ། 2 སྔར་རྒྱ་གར་གྱི་མཚོན་ཆ་ཞིག་ཐབས་ཤེས་རབ་གཉིས་ལས་ཐབས་ཀྱི་མཚོན་བྱེད། 3 སྦྱོར་བ་ཉེར་བདུན་གྱི་ནང་གསེས་ཤིག 4 རྡོ་རྗེ་ཕ་ལམ་གྱི་བསྡུས་མིང༌། |
| རྡོ་རྗེ་གཅོད་པ |
ཤེས་རབ་ཀྱི་ཕ་རོལ་ཏུ་ཕྱིན་པ་རྡོ་རྗེ་གཅོད་པ། རྒྱ་གར་གྱི་སློབ་དཔོན་ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར། |
| རྡོ་རྗེ་གདན |
རྒྱ་གར་ཡུལ་དབུས་ཀྱི་ས་ཆ་ཞིག་གི་མིང་། སྟོན་པ་བཅོམ་ལྡན་སངས་རྒྱས་པའི་གནས། |
| རྡོ་རྗེ་གདན་པ |
མངོན ཤཱཀྱ་ཐུབ་པ། |
| རྡོ་རྗེ་གདན་བཞི |
བདག་དང༌། གཞན་དང༌། སྦྱོར་བ་དང༌། གསང་བ་བཅས་བཞི། |
| རྡོ་རྗེ་གཞོན་ནུ |
བླ་མེད་རྒྱུད་ཀྱི་ཡི་དམ་ཕུར་པའི་མིང་གི་རྣམ་གྲངས་ཤིག |
| རྡོ་རྗེ་གཟེགས་མའི་གཏན་ཚིགས |
གཏན་ཚིགས་ཆེན་པོ་ལྔའི་ནང་གསེས། རྒྱུ་ལ་དཔྱོད་པ་དངོས་སྨྲའི་ལོག་རྟོག་གི་བྲག་རི་འཇིག་པ་རྡོ་རྗེ་གཟེགས་མ་ལྟ་བུ་རྣམ་པར་ཐར་བའི་སྒོ་མཚན་མ་མེད་པ་སྟོན་པའི་གཏན་ཚིགས་ཏེ། མྱུ་གུ་ལྟ་བུའི་དངོས་པོ་རྣམས་ཆོས་ཅན། བདེན་པར་སྐྱེ་བ་མེད་དེ། བདག་དང་གཞན་དང་གཉིས་ཀ་དང་གཉིས་མིན་ཏེ་རྒྱུ་མེད་ལས་མི་སྐྱེ་བའི་ཕྱིར། ཞེས་པ་མི་སྣང་བའི་འབྲེལ་ཟླ་རྒྱུ་མ་དམིགས་པའི་རྟགས་སོ། |
| རྡོ་རྗེ་གྲི་གུ |
མངོན ཀྱེ་རྡོ་རྗེ། |
| རྡོ་རྗེ་གྲོ་ལོད |
གུ་རུ་མཚན་བརྒྱད་ཀྱི་ཡ་གྱལ་ཞིག |
| རྡོ་རྗེ་ཅན |
མངོན 1 རྡོ་རྗེ་འཆང༌། 2 ཕྱག་ན་རྡོ་རྗེ། |
| རྡོ་རྗེ་ཉི་མ |
1 མདོ་ཞིག་གི་མིང༌། 2 བྱང་ཆུབ་སེམས་དཔའ་རྡོ་རྗེ་འོད། 3 སངས་རྒྱས་ཤིག་གི་མཚན། |
| རྡོ་རྗེ་ཐེག་པ |
མངོན གསང་སྔགས་ཀྱི་ཐེག་པ། |
| རྡོ་རྗེ་ཐེག་པའི་རྩ་བའི་ལྟུང་བ |
སྔགས་ལུགས་ཀྱི་བསྲུང་བྱའི་རྩ་ལྟུང་བཅུ་བཞི། |
| རྡོ་རྗེ་ཐེག་པའི་སྦོམ་པོའི་ལྟུང་བ |
སྔགས་ལུགས་ཀྱི་བསྲུང་བྱའི་སྦོམ་པོ་བརྒྱད། |
| རྡོ་རྗེ་དབང་ཕྱུག |
མངོན ཕྱག་ན་རྡོ་རྗེ། |
| རྡོ་རྗེ་དབྱིངས |
1 རྣལ་འབྱོར་རྒྱུད་ཀྱི་དཀྱིལ་འཁོར་གྱི་གཙོ་བོ་རྡོར་དབྱིངས། 2 སྟོང་པ་ཉིད། |
| རྡོ་རྗེ་དབྱིངས་ཀྱི་དབང་ཕྱུག་མ |
རྒྱུད་སྡེ་ལས་བཤད་པའི་གཤེགས་མ་ཞིག |
| རྡོ་རྗེ་ཕ་ལམ |
རིན་པོ་ཆེའི་མཆོག མིང་གི་རྣམ་གྲངས་ལ་རྡོ་རྗེའི་རིགས་དང༌། ནོར་བུའི་མཆོག་ཤེལ་རིགས་བཅས་སོ། |
| རྡོ་རྗེ་ཕག་མོ |
བདེ་མཆོག་གི་ཡུམ་བཀའི་ལྷ་མོ་ཞིག |
| རྡོ་རྗེ་ཕུར་པ |
1 སྔར་རྒྱ་གར་གྱི་མཚོན་ཆ་ཞིག 2 ལྷའི་ཕྱག་མཚན་ཞིག 3 བླ་མེད་རྒྱུད་ཀྱི་ཡི་དམ་ཞིག |
| རྡོ་རྗེ་ཕྲ་མོ་ཐོགས་པ་མེད་པ་ཞེས་བྱ་བའི་གཟུངས |
རིགས་ཀྱི་ཁྲོ་བོ་ཁྲོ་མོའི་རྒྱུད་ཀྱི་གྲས་ཤིག་འགྱུར་བྱང་མེད་པ། རྒྱུད་འབུམ་གླེགས་བམ་ཝ་པར་བཞུགས་པའོ། |
| རྡོ་རྗེ་བཞི་བསྐྱེད |
ལྷ་བསྐྱེད་ཚུལ་ཞིག་སྟོང་ཉིད་བསྒོམས་ནས་པད་ཉི་ལ་སོགས་པའི་གདན་གྱི་སྟེང་དུ་ཟླ་ཉི་ས་བོན་ལས་འོད་ཟེར་འཕྲོས་སླར་འདུས་པ་ལས་ལྷའི་སྐུ་རྫོགས་པར་བསྐྱེད་དེ་གནས་གསུམ་དུ་ཡི་གེ་གསུམ་དགོད་པ། |
| རྡོ་རྗེ་བྲག་དགོན་པ |
རབ་བྱུང་བཅུ་པའི་དུས་སུ་རྙིང་མའི་བླ་མ་བཀྲ་ཤིས་སྟོབས་རྒྱལ་གྱིས་བཏབ་ཅིང༌། སྨིན་གྲོལ་གླིང་ལས་བཏབ་སྔ་བ། རྙིང་མ་བྱང་རྒྱུད་ལུགས་ཀྱི་དགོན་པའི་གཙོ་བོ་ཞིག་ཇུན་གར་དམག་གིས་མེ་བརྒྱབ་ནས་བསྲེགས་ཀྱང་སླར་ཡང་ཉམས་གསོ་བྱས་ཡོད། |
| རྡོ་རྗེ་མོའི་བུ |
གནས་བརྟན་བཅུ་དྲུག་ལས་སིང་ག་ལའི་གླིང་ན་བཞུགས་པའི་གནས་བརྟན་ཞིག |
| རྡོ་རྗེ་ཟམ་པ |
གསང་སྔགས་རྙིང་མའི་རྒྱུད་སྡེ་ཞིག |
| རྡོ་རྗེ་འཁོར་ལོ |
མངོན བདེ་མཆོག |
| རྡོ་རྗེ་འཆང |
བཛྲདྷཱར རིགས་ཀུན་གྱི་ཁྱབ་བདག་རྒྱུད་ཀྱི་སྟོན་པ། མདོ་ལས་ཤཱཀྱ་ཐུབ་པས་གསང་སྔགས་ཆོས་གསུང་སྐབས་ཀྱི་སྐུའི་རྣམ་པར་ཟེར། མིང་གི་རྣམ་གྲངས་ལ་ཁ་སྦྱོར་བདུན་ལྡན་དང༌། ངེས་པ་ལྔ་ལྡན། རྡོ་རྗེ་ཅན། རྡོ་རྗེ་འཆང་ཆེན། རིགས་ཀུན་ཁྱབ་བདག་རིགས་བརྒྱའི་བདག་གསང་སྔགས་རྒྱལ་བཅས་སོ། |
| རྡོ་རྗེ་འཆང་ཆེན |
མངོན རྡོ་རྗེ་འཆང༌། |
| རྡོ་རྗེ་འཇིགས་བྱེད |
གྲུབ་ཆེན་ལ་ལི་ཏས་ཨོ་རྒྱན་ཡུལ་ནས་སྤྱན་དྲངས་པའི་ཡི་དམ་ཞིག |
| རྡོ་རྗེ་འབར་བ་ཅན |
དུར་ཁྲོད་ཆེན་པོ་བརྒྱད་ཀྱི་ཡ་གྱལ་ཞིག |
| རྡོ་རྗེ་འཛིན |
མངོན 1 རྡོ་རྗེ་འཆང་ཆེན། 2 ཕྱག་ན་རྡོ་རྗེ། 3 གསང་སྔགས་ཀྱི་སློབ་དཔོན། 4 བརྒྱ་བྱིན། |
| རྡོ་རྗེ་རི་རབ་ཆེན་པོའི་རྩེ་མོའི་ཁང་པ་བརྩེགས་པའི་གཟུངས |
རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང༌། པྲཛྙཱ་སིདྡྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པའོ། |
| རྡོ་རྗེ་རིན་པོ་ཆེ |
རྡོ་རྗེ་ཕ་ལམ། |
| རྡོ་རྗེ་རོ་ལངས་མ |
ལྷ་མོ་དབྱངས་ཅན་མ་དྲག་ཏུ་ཁྲོས་པའོ། |
| རྡོ་རྗེ་རྒྱ་གྲམ |
ལས་བཞི་སོགས་མཚོན་བྱེད་སྣ་ཚོགས་རྡོ་རྗེའམ། ལྷའི་ཕྱག་མཚན་གྱི་བྱེ་བྲག་ཅིག |
| རྡོ་རྗེ་རྣམ་པར་འཇོམས་པའི་གཟུངས་ཞེས་བྱ་བའི་རིམ་པར་ཕྱེ་བའི་རྒྱ་ཆེར་འགྲེལ་པ་གསལ་བའི་སྒྲོན་མེ |
སློབ་དཔོན་ཡེ་ཤེས་རྡོ་རྗེས་མཛད་པ། རྒྱ་གར་གྱི་མཁན་པོ་བུདྡྷ་གུ་ཧྱ་དང༌། བོད་ཀྱོ་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་ཅིང༌། ཕྱིས་རིན་ཆེན་བཟང་པོས་འགྱུར་བཅོས་བྱས་པའོ། |
| རྡོ་རྗེ་རྣོན་པོ |
མངོན འཇམ་དབྱངས། |
| རྡོ་རྗེ་རྩེ་གཅིག་པ |
དབུས་སུ་རྭ་གཅིག་གྱེན་དུ་འགྲེང་བའི་རྡོ་རྗེ། |
| རྡོ་རྗེ་རྩེ་དགུ་པ |
དབུས་སུ་རྭ་གཅིག་ཕྱི་རོལ་ཏུ་རྭ་བརྒྱད་ཀྱིས་བསྐོར་བའི་རྡོ་རྗེ་ཞིག |
| རྡོ་རྗེ་རྩེ་བརྒྱ་པ |
ལྷ་བརྒྱ་བྱིན་གྱི་ཕྱག་མཚན། |
| རྡོ་རྗེ་རྩེ་ལྔ་པ |
དབུས་དང་ཕྱོགས་བཞིར་རྭ་ལྔ་པ་ཅན་གྱི་རྡོ་རྗེ། |
| རྡོ་རྗེ་ལྕགས་ཀྱུ་མ |
སྒོ་མ་བཞིའི་ནང་ཚན་ཞིག |
| རྡོ་རྗེ་ལྟ་བུའི་ཏིང་ངེ་འཛིན |
ཐེག་པ་ཆེ་ཆུང་སོ་སོའི་སྒོམ་ལམ་གྱི་འབྲས་བུ་མཐར་ཐུག་ཐོབ་པའི་གེགས་སུ་གྱུར་པའི་སྤང་བྱ་ཕྲ་བའི་མཐར་ཐུག་པ་དེ་ཉིད་འཛོམས་པ་ལ་ཐོགས་པ་མེད་པའི་མཐུ་དང་ལྡན་པ་གཉེན་པོ་བར་ཆད་མེད་ལམ་མོ། |
| རྡོ་རྗེ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་བཞི་པ་བའི་རྒྱུད་ཀྱི་བརྩོན་འགྲུས་ཀྱི་ཕར་ཕྱིན་དང་ལྡན་པའི་སེམས་བསྐྱེད་ནི་བླ་ན་མེད་པའི་བྱང་ཆུབ་ལ་ཡིད་ཆེས་པ་བརྟན་པས་བདུད་ཀྱིས་མི་ཕྱེད་པས་ན་རྡོ་རྗེ་ལྟ་བུའོ། |
| རྡོ་རྗེ་སེམས་དཔའ |
བཛྲསཏྭ ཕྱག་གཡས་རྡོ་རྗེ་སྙིང་ཁར་གསོར་ཞིང༌། གཡོན་པས་དྲིལ་བུ་དཀུ་ལ་བརྟེན་པ། ཞབས་གཉིས་སྐྱིལ་མོ་ཀྲུང་གིས་བཞུགས་པ། སྐུ་མདོག་དཀར་གསལ་ཟླ་བའི་མདོག་ཅན་གྱི་ཡི་དམ་རིགས་བརྒྱའི་ཁྱབ་བདག |
| རྡོ་རྗེ་སེམས་དཔའི་དྲིལ་བུ |
དྲིལ་བུའི་རྣམ་གྲངས་ཤིག |
| རྡོ་རྗེ་སེམས་མ |
རྡོ་རྗེ་སེམས་དཔའི་ཡུམ། |
| རྡོ་རྗེ་སྐྱིལ་ཀྲུང |
ཏིང་ངེ་འཛིན་ལ་སྙོམ་པར་འཇུག་དུས་ཀྱི་འདུག་སྟངས་ཤིག་རྐང་གཡོན་ནང་དང༌། རྐང་གཡས་ཕྱིར་བསྟན་པའི་བཞུགས་སྟངས། |
| རྡོ་རྗེ་སྐྱིལ་ཀྲུང་གསུམ |
རྩ་རླུང་ཐིག་ལེའི་རྡོ་རྗེའི་སྐྱིལ་ཀྲུང་གསུམ། |
| རྡོ་རྗེ་སྙིང་པོ |
གསང་སྔགས་ཀྱི་སྙིང་བཅུད། |
| རྡོ་རྗེ་སྙིང་པོའི་གཟུངས |
འཕགས་པ་རྡོ་རྗེའི་སྙིང་པོའི་མདོའི་གཟུངས་བམ་པོ་གཅིག་པ། རྒྱ་གར་གྱི་སློབ་དཔོན་ཤཱི་ལེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་ཞུས་ཏེ་སྐད་གསར་བཅད་ཀྱིས་བཅོས་པའོ། |
| རྡོ་རྗེ་སྙིང་འགྲེལ |
སེམས་འགྲེལ་སྐོར་གསུམ་གྱི་ནང་ཚན། དགྱེས་པ་རྡོ་རྗེའི་རྒྱུད་བརྟག་པ་གཉིས་པ་དུས་འཁོར་ལྟར་དུ་འགྲེལ་བ། ཕྱག་ན་རྡོ་རྗེས་བརྩམས། |
| རྡོ་རྗེ་སྤུན |
རྡོ་རྗེ་སྤུན་གྲོགས་ཀྱི་བསྡུས་ཚིག་ |
| རྡོ་རྗེ་སྤུན་གྲོགས |
བླ་མ་གཅིག་གི་མདུན་ནས་སྔགས་ཀྱི་དབང་མཉམ་དུ་ཞུས་པའི་མཆེད་གྲོགས། |
| རྡོ་རྗེ་སྤུན་སྲིང |
གསང་སྔགས་ཀྱི་དབང་ཁྲིད་མཉམ་དུ་ཞུས་པའི་མཆེད་གྲོགས་ཕོ་མོ། |
| རྡོ་རྗེ་སློབ་དཔོན |
གསང་སྔགས་ཀྱི་དཀྱིལ་འཁོར་དུ་མངོན་པར་དབང་བསྐུར་བའམ་གྲོལ་བྱེད་ཀྱི་གདམས་པ་སྟོན་པའི་བླ་མ། |
| རྡོ་རྗེའི་གསུང |
བདེན་པ་མི་འགྱུར་བའི་གསུང༌། |
| རྡོ་རྗེའི་གླུ |
བདེ་སྟོང་གི་ཉམས་སྣང་བརྗོད་བྱར་སྟོན་པའི་གླུ། |
| རྡོ་རྗེའི་ཆར |
མངོན 1 སེར་བ། 2 ཐོག |
| རྡོ་རྗེའི་ཐེག་པ |
ཐབས་ཤེས་དབྱེར་མི་ཕྱེད་པའི་རྡོ་རྗེའི་ལམ་གྱིས་རྡོ་རྗེ་གསུམ་མངོན་དུ་བྱེད་པས་སྔགས་ཀྱི་ཐེག་པ་ལ་རྡོ་རྗེའི་ཐེག་པ་ཞེས་བྱའོ། |
| རྡོ་རྗེའི་དབང་བསྐུར |
གསང་སྔགས་རྡོ་རྗེ་ཐེག་པའི་དཀྱིལ་འཁོར་དུ་མངོན་པར་དབང་བསྐུར་བ་རྡོ་རྗེ་ལག་ཏུ་གཏད་ཅིང༌། གསང་བའི་མིང་འདོགས་པ་སོགས་སོ། |
| རྡོ་རྗེའི་དམ་ཚིག |
སྔགས་ཀྱི་བསྲུང་བྱའི་དམ་ཚིག |
| རྡོ་རྗེའི་དམྱལ་བ |
གསང་སྔགས་ཀྱི་བརྡ་ཆད་ཅིག་དམྱལ་བ་མནར་མེད། |
| རྡོ་རྗེའི་བརྟུལ་ཞུགས |
ཐ་མལ་གྱི་ལས་སྤྱོད་དང་རྣམ་པར་རྟོག་པ་བརྟུལ་ནས་སྒོ་གསུམ་རྡོ་རྗེ་སེམས་དཔའི་ཚུལ་ལ་ཞུགས་པ་གསང་སྔགས་ཀྱི་བརྟུལ་ཞུགས་སམ་སྤྱོད་པ། |
| རྡོ་རྗེའི་མཆུ་ཅན |
མངོན 1 ཁྱབ་འཇུག་བཞོན་པ། 2 བྱ་ཁྱུང༌། 3 བྱ་རོག 4 ཚོགས་བདག་གླང་སྣ། |
| རྡོ་རྗེའི་མཆེད |
བླ་མ་གཅིག་གི་སློབ་མ། |
| རྡོ་རྗེའི་མཇུག་མ |
མངོན ཁྱི། |
| རྡོ་རྗེའི་ཚིག |
གསང་སྔགས་ཀྱི་ཚིག་སོགས་ཟབ་ཅིང་བརླིང་བའི་ཚིག |
| རྡོ་རྗེའི་ཟིལ་བ |
མངོན ཁུ་བ། |
| རྡོ་རྗེའི་ཟེགས་མ |
མངོན ཐོག |
| རྡོ་རྗེའི་འདུག་སྟངས |
རྡོ་རྗེ་སྐྱིལ་ཀྲུང༌། |
| རྡོ་རྗེའི་རི |
1 མངོན ལྕགས་རི། 2 རི་བདུན་པ་སྟེ་ཁོར་ཡུག་གི་མེ་རི། རྟ་གདོང་མེའང་ཟེར། |
| རྡོ་རྗེའི་རིགས |
རིགས་གསུམ་གྱི་ཡ་གྱལ་ཞིག |
| རྡོ་རྗེའི་རྭ |
གཞལ་ཡས་ཁང་གི་ཕྱོགས་བཞིའི་ཆུ་སྲིན་མེད་པའི་རྡོ་རྗེའི་དབུས་རྭ་དང༌། ཆུ་སྲིན་ཁ་ནས་ཐོན་པའི་ཕྱོགས་རྭ། |
| རྡོ་རྗེའི་རྭ་གུར |
རྡོ་རྗེའི་ར་བས་བསྐོར་བའི་སྲུང་འཁོར། |
| རྡོ་རྗེའི་སོར་གདུབ |
རྡོ་རྗེ་ཡོད་པའི་མཛུབ་མོའི་རྒྱན། |
| རྡོ་རྗེའི་སྒྲ |
མངོན 1 ཐོག་དང་བཅས་པའི་འབྲུག་སྒྲ། 2 སྟོང་ཉིད་ཀྱི་གཏམ། |
| རྡོ་རྗེའི་སྡེ |
སངས་རྒྱས་ཤིག |
| རྡོ་རྗེའི་སྨོན་ལམ |
གསང་སྔགས་ཀྱི་སྨོན་ལམ། |
| རྡོ་རྩི |
1 གཡུ་རྩི། རྫ་ཁོག་ལ་རྡོ་རྩི་གཏོང་བ། 2 རྡོ་ཞོའམ་རྡོ་ཐལ། གྱང་གི་ཕྱི་ངོས་དང་ནང་ངོས་གཉིས་ལ་རྡོ་རྩི་ལེགས་པར་བཏང་བ། |
| རྡོ་རྩིག |
རྡོ་ཡི་རྩིག་པ། ཁང་པའི་ལྕགས་རིར་རྡོ་རྩིག་བརྒྱབ་པ། |
| རྡོ་རྭ |
རྡོ་བརྩིགས་པའི་རྭ་སྐོར། |
| རྡོ་ལག་བརྒྱུད |
རྡོ་མི་གཅིག་གི་ལག་ནས་གཅིག་གི་ལག་པ་བརྒྱུད་དེ་རིམ་གྱིས་སྤྲོད་པ་ལྟར་སྲོལ་རྒྱུན་ནམ་དངོས་རིགས་འགའ་ཞིག་སྔ་མ་ནས་ཕྱི་མར་བརྒྱུད་དུ་སྤྲོད་དགོས་པའི་དཔེ། རྒྱལ་ཁ་ཐོབ་པའི་གསར་འགྱུར་རྡོ་ལག་བརྒྱུད་ལྟར་བྱུང་བ། གཞུང་ཆས་རྣམས་རྡོ་ལག་བརྒྱུད་ཀྱིས་རྩིས་སྤྲོད་བྱེད་པ། |
| རྡོ་ལས |
རྡོའི་ལས་ཀ། |
| རྡོ་ལེབ |
རྡོ་དབྱིབས་ལེབ་མོ། ལུང་པ་ཆུས་ཁེངས་ན་རྡོ་ལེབ་སྐམ་པོར་མི་སྡོད། |
| རྡོ་ལེབ་ལེབ |
རྡོ་ལེབ་མོ། |
| རྡོ་ཤིང་སྤྱི་པ |
ཡུལ སྔར་རྡོ་བཟོ་ཤིང་བཟོའི་སྤྱི་པ། |
| རྡོ་ཤེལ |
ཤེལ་དང་འདྲ་བའི་རྡོ། |
| རྡོ་ཤོ |
1 རང་བྱུང་གི་རྡེལ་བུ་གྲུ་བཞི་རྩིས་རྡེལ་གཏོང་བྱེད་ཅིག 2 རྡོ་ལས་བཟོས་པའི་མོ་ཕྱྭ་འདེབས་སྤྱད་ཅིག |
| རྡོ་སོལ |
1 མེ་གཏོང་བྱེད་གཏེར་རྡོ་ནག་པོ་ཞིག 2 ཆུ་ཚན་འཁོལ་བྱེད་ཀྱི་རྡོ་རོ་བསྐ་ལ་ཚ། ཞུ་རྗེས་དྲོད། ནུས་པས་རྡོ་སྨན་གྱི་རིགས་འཇུ། ཁྲག་ཤོར་གཅོད་པ་སོགས་རྩ་ཁ་སྡོམ། |
| རྡོ་སྐས |
རྡོ་ལས་བཟོས་པའི་སྐས་འཛེག རྡོ་སྐས་ཐོག་འཛེགས་ནས་འགྲོ་བ། |
| རྡོ་སྐྱུར |
རྡོ་སྨན་གྱི་རིགས་མཚུར་ལྟར་རོ་སྐྱུར་བ་ཞིག་ནུས་པས་ཕོ་བའི་བད་ཀན་འཇོམས་པ་དང༌། ཕོ་ནད་མ་ཞུ་བ་སེལ། མེ་དྲོད་སྐྱེད། |
| རྡོ་སྐྱེས |
མངོན བྲག་ཞུན། |
| རྡོ་སྐྲན |
ཁ་ཟས་ཀྱི་དྭངས་མ་མ་ཞུ་བ་ལྒང་པའི་རྩ་མིག་ཏུ་ཤོར་བ་དེ་འདྲིལ་ནས་རྡོ་ལྟར་སྲ་བར་གྱུར་པའི་སྐྲན་ནད་ཅིག |
| རྡོ་སྒང |
སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་འཛམ་ཐང་རྫོང་གི་ལ་ཞིག |
| རྡོ་སྒམ |
རྡོ་ལས་བཟོས་པའི་སྒྲོམ་སྣོད། |
| རྡོ་སྒྱོགས |
རྒྱང་དུ་འཕེན་པའི་རྡོའི་སྒྱོགས་མདའ། རྡོ་སྒྱོགས་འཕེན་པ། |
| རྡོ་སྙིང |
1 སྐད་ཆའི་དོན་གནད་སྙིང་པོ། 2 རྡོའི་སྙིང་པོ། 3 མངོན |
| རྡོ་སྟེགས |
རྡོ་ལས་བཟོས་པའི་སྟེགས་བུ། |
| རྡོ་སྣུམ |
ས་འོག་གི་གཏེར་ཁ་ནས་ཐོན་པའི་སྣུམ་ ས་སྣུམ་ཡང་ཟེར་ཞིང་དེང་རབས་ཀྱི་བཟོ་ལས་དང་སྐྱེལ་འདྲེན་སོགས་ལ་མེད་མི་རུང་བ་ཡིན། |
| རྡོ་སྤུངས |
མཆོད་པའི་ཚུལ་དུ་རྡོ་རིལ་མང་པོ་ཕུང་པོར་སྤུངས་པ། |
| རྡོ་སྤོས |
རྡོ་སྨན་གྱི་རིགས་དབྱིབས་ཧ་ཤིག་དང་འདྲ་བ་སྤོས་ཀྱི་དྲི་མནམ་པ་ཞིག་ནུས་པས་རུས་ཆག་དང་ཆུ་རྒྱུས་རེངས་འཁུམས་གསོ། འདུ་བའི་ནད་ལ་ཕན། |
| རྡོ་སྤྱིལ |
རྡོ་ལས་བཟོས་པའི་ཁང་ཆུང༌། |
| རྡོ་སྦལ |
སྦལ་པ་རྡོ་ཟན། ཕོ་བར་རྡེལ་ཆགས་ཡོད་པས་དེའི་ཟས་སུ་རྡོ་ཟ་བར་གྲགས། |
| རྡོ་སྦོམ |
རྡོ་ཆེ་བ། |
| རྡོ་སྨན |
སའི་ལོགས་སམ་འོག་ཏུ་གནས་པའི་དངོས་པོ་སྲ་ཞིང་རྡོག་པོ་འདྲིལ་བ་ཞིག་ནང་གསེས་སུ་དབྱེ་ན་གསེར་རྡོ་དང༌། ཟངས་རྡོ་ལྟ་བུ་མེར་བསྲེགས་པའི་ཚེ་བཞུ་བཏུབ་པའི་རྡོའི་རིགས་ཤིག་དང༌། སྦལ་རྒྱབ་དཀར་སྨུག་ལྟ་བུ་མེར་བསྲེགས་པའི་ཚེ་བཞུ་མི་བཏུབ་པའི་རིགས་ཤིག་དང་གཉིས་མཆིས་སོ། |
| རྡོ་ཧྲུག |
རྡོ་ཆུང་ཆུང་ངམ་རྡོ་ཧྲུག་ཧྲུག |
| རྡོ་ཧྲུབ |
རྡོ་ཧྲུག་དང་འདྲ། |
| རྡོ་ཧྲོག |
རྡོ་ཧྲུབ་ལས་ཅུང་ཟད་ཆེ་བའི་རྡོ། |
| རྡོག |
རྡོག་པ་ཡི་ཚིག་བསྡུས་པ། རྡོག་པོ་ཡི་ཚིག་བསྡུས་པ། |
| རྡོག་ཁྲེས |
ཁུར་པོ། རྐང་པ་ཕྲ་མོར་རྡོག་ཁྲེས་ལྗིད་པོ། རྡོག་ཁྲེས་ཁྱེར་ནས་སྟོད་གསིག་རྒྱག་པ། |
| རྡོག་ཐོ |
མི་ཕྱུགས་ཀྱིས་རྐང་པ་བཀྱགས་ཏེ་རྡེག་པའི་མིང༌། དྲེལ་གྱིས་རྡོག་ཐོ་བརྒྱབ་སྟེ་རྐང་པ་སྐྲངས་སོང༌། |
| རྡོག་ཐོན་པ |
འགྲུལ་པ་ཐོན་པ། ཕྱོགས་ལ་རྡོག་ཐོན་པ། རང་གི་ལས་སར་རྡོག་ཐོན་བྱེད་རྒྱུའི་ཚེས་གྲངས་གཏན་འཁེལ་བ། |
| རྡོག་དྲིལ |
དོན་སྙིང་པོ་བསྡུ་བ། གང་གསུངས་པའི་དགོངས་དོན་སྙིང་པོ་རྡོག་དྲིལ་བྱེད་པ། |
| རྡོག་པ |
ལྷམ་མཐིལ་ལ་གླན་པའི་ཀྲད་པ། རྡོག་པ་རྙིང་པ། རྟིང་རྡོག་རྒྱག་པ། ལྷམ་རྡོག་རྒྱག་པ། མི་ལ་ངོ་ཚ་དང༌། ལྷམ་ལ་རྡོག་པ་དགོས། ལག་པའི་ཁུ་ཚུར་གཞུས། ལྷམ་གྱི་རྡོག་པས་བརྡུངས། |
| རྡོག་པ་རྒྱག་པ |
1 ལྷམ་ལ་རྡོག་པ་རྒྱག་པ། 2 ལྷམ་གྱི་རྡོག་པས་རྡེག་པ། |
| རྡོག་པོ |
1 རྡོག་རྡོག མི་རྡོག་པོ་གཅིག ཤིང་རྡོག་པོ་བཞི། འབྲུ་རྡོག་པོ་གསུམ། 2 ལུས་སྟོབས། འབུ་གྲོག་མ་རྡོག་པོ་ཆུང་ན་ཡང༌། ཤུགས་ཆེ་བས་འབུ་ཆེན་རྣམས་ཀྱང་བཟུང༌། |
| རྡོག་ཕྱིས |
ཞལ་བ་འབྱིད་བྱེད། ཨར་ཀའི་ཞལ་བར་རྡོག་ཕྱིས་རྒྱག་པ། |
| རྡོག་ཕྲེས |
ཁུར་བོའི་མིང་གཞན། |
| རྡོག་བཀྲོལ་བ |
དོན་གསལ་པོ་བཟོས་པ། |
| རྡོག་བརྫིས |
1 ལྷམ་རྡོག་གིས་བསྣུར་བ། ཞིང་བཏབ་ལོ་ཏོག་རྡོག་བརྫིས་བཏང་མི་ཆོག 2 རྩི་མེད་བྱས་པ། རྩ་འཛིན་ཡིག་རིགས་རྡོག་བརྫིས་བཏང་ན་ཆ་འཇིག་གང་ལ་བྱེད། |
| རྡོག་མ |
1 རྩིས་ཀྱི་རྡེལ་རྫས། 2 ཡུལ རྡོག་པོ། མི་རྡོག་མ་གཅིག་ཀྱང་བསྡད་མི་འདུག |
| རྡོག་མཐིལ |
ལྷམ་མཐིལ། |
| རྡོག་ཙམ |
ཅུང་ཟད་ཙམ་མམ། ཆུང་ཙམ། ཤ་རྡོག་ཙམ་རྡོག་ཙམ་བཅད་དེ་ལྡུར་ལྡུར་མ་ཆགས་བར་དུ་བཙོས་པ། |
| རྡོག་ཚིག |
རྡོ་ཚིག་དང་འདྲ། |
| རྡོག་འཕུལ |
རྡོག་ཐོའམ་རྐང་ཐོ། འཕོངས་ལ་རྡོག་འཕུལ་བརྒྱབ། |
| རྡོག་རོལ |
1 རྐང་པའི་འོག་ཏུ་བརྫི་བ། གླང་ཆེན་གྱིས་ཕག་ཕྲུག་ཆུང་ཆུང་རྣམས་རྡོག་རོལ་གཏོང་དུ་མ་འཇུག 2 རྩི་འཁུར་མི་བྱེད་པ། ཕན་ཚུན་གྲོས་དན་ཆོད་ཡིག་རྡོག་རོལ་མ་གཏོང༌། |
| རྡོག་རྒྱག |
མི་དང་རྟ་དྲེལ་སོགས་ཀྱིས་རྐང་པ་བཏེག་སྟེ་གཞུ་བའི་མིང༌། འགྱེལ་བའི་སྒང་ལ་རྡོག་རྒྱག་བཞུས། |
| རྡོག་རྡོག |
1 སྙིང་པོ། དོན་དག་རྡོག་རྡོག་སྙིང་པོར་འདྲིལ་ཐུབ་པ་དགོས། 2 རིལ་རིལ། གསེར་རྡོག་རྡོག་གཅིག སྤགས་རྡོག་རྡོག་གཅིག 3 ལྷམ་གྱི་སྣ་མགོའི་ཡར་ཙམ་གྱི་ཕར་ཕྱིན། |
| རྡོག་རྩ |
གནད་གཅིག་ཏུ་དྲིལ་བའི་དོན། བསམ་འཆར་རྡོག་རྩ་གཅིག་དྲིལ་བྱེད་པ། ནུས་ཤུགས་རྡོག་རྩ་གཅིག་ཏུ་དྲིལ་བ། |
| རྡོག་སྒྲ་རྒྱག་པ |
རྐང་པ་ས་ལ་རྡེབ་པ། ངར་ནས་རྡོག་སྒྲ་རྒྱག་པ། |
| རྡོག་སྣ |
ལྷམ་གྱི་རྡོག་པའི་སྣ། རྡོག་སྣ་ཐོགས་པ། |
| རྡོབ་རྡོབ |
རྡབ་རྡོབ་དང་འདྲ། |
| རྡོབས |
སྐུལ་ཚིག་ ཐལ་མོ་རྡོབས་ཤིག་ལྟ་བུ། གཡོ་འགུལ་བྱས་པའི་དོན་ཏེ། གཤོག་པ་བརྡབས། གཤོག་རྡེབ་བྱས་ལྟ་བུ། ０བརྒྱབ་པའི་དོན་ཏེ། ཁོས་དགྲ་དམག་ཅིག་ཡར་བཀྱགས་ནས་ས་ལ་བརྡབས་ལྟ་བུ། |
| རྡོའི་གསེག་མ |
རྡོ་ཧྲུག་གམ་རྡོ་ཞིབ། |
| རྡོའི་ཐུབ་པ |
རྡོ་ལས་བཞེངས་པའི་ཐུབ་པའི་སྐུ་བརྙན། |
| རྡོའི་རྩ་རིས |
རྡོ་སྲུབས། |
| རྡོའི་སྙིང་པོ |
མངོན མརྒད། |
| རྡོར |
རྡོ་རུ་ཞེས་པའི་རུ་ཡིག་བསྡུས་པ་ རྡོར་རི་མོ་བརྐོས་ལྟ་བུ། བརྡར་གྱི་ད་ལྟ་བ་དང་སྐུལ་ཚིག |
| རྡོར་ཏིང |
རྡོ་རྗེ་ལྟ་བུའི་ཏིང་ངེ་འཛིན་གྱི་བསྡུས་མིང༌། |
| རྡོར་དྲིལ |
ཐབས་ཀྱི་རང་བཞིན་རྡོ་རྗེ་དང༌། ཤེས་རབ་ཀྱི་རང་བཞིན་དྲིལ་བུ་སྟེ་གསང་སྔགས་ཀྱི་ཡོ་བྱད་ཅིག |
| རྡོར་ཕུར་བཙུགས |
ཨུ་ཚུགས་ཚ་པོའི་དོན། རང་འདོད་མཐར་སྐྱེལ་རྡོར་ཕུར་བཙུགས་ཀྱི་ཨ་འཐས་བྱས་པ། |
| རྡོར་རྭ |
རྡོ་རྗེའི་རྭ། |
| རྡོར་སེམས་བསྒོམ་བཟླས |
གསང་སྔགས་ལུགས་ཀྱི་སྡིག་སྒྲིབ་སྦྱོང་བའི་ཆོ་ག་ཞིག |
| རྡོར་སྨིན་གཉིས |
རྡོ་རྗེ་བྲག་དང༌། སྨིན་གྲོལ་གླིང་གཉིས་ཀྱི་བསྡུས་མིང༌། |
| རྡོལ |
(བྱེད་མེད་ལས་ཚིག་ད་ལྟ་བ) <ཀ>དངོས་པོ་ལ་བུ་ག་བྱུང་བ་ སྣོད་ཞབས་རྡོལ། ལྷམ་མཐིལ་རྡོལ་ལྟ་བུ། མ་འོངས་པ་དང་འདས་པ་ལ་བརྡོལ་འབྲི། <ཁ>གློ་བུར་དུ་བྱུང་བའམ་མང་བོ་བྱུང་བ་ ཆུ་ལས་ཆུ་བུར་རྡོལ། སྤང་ལས་ཤ་མོ་རྡོལ། ཁོང་ནས་བློ་རིག་རྡོལ་ལྟ་བུ། བརྡལ་གྱི་ད་ལྟ་བ་དང་སྐུལ་ཚིག |
| རྡོལ་གཏམ |
མ་བརྟགས་གང་བྱུང་ཤོད་པའི་འཆལ་གཏམ། |
| རྡོལ་ཆོས |
གང་བྱུང་བབ་ཅོལ་དུ་སྤྱོད་པའི་རྩིང་སྤྱོད། ལུགས་དང་མི་མཐུན་པའི་རྡོལ་ཆོས་རང་སྣང་གང་དྲན་བྱེད་པ། |
| རྡོལ་ཐབས་སྨྲ་བ |
1 སྐད་ཆ་བྱུང་རྒྱལ་རིངས་སྟབས་སུ་སྨྲ་བ། 2 རྙིང ཚིག་ཉོག་ལྡབ་ལྡིབ་སྨྲ་བ། |
| རྡོལ་བ |
ཐ་མི་དད་པ གྲུམས་པའམ་ཞིག་པ། ཁོག་ལྟིར་ཞབས་རྡོལ་བ། ཆུ་མིག་ཅིག་རྡོལ་བ། རྨ་བརྟོལ་ནས་རྣག་རྡོལ་བ། སྒོ་ང་རྡོལ་ནས་བྱིའུ་ཐོན་པ། བྱས་ཉེས་ཀྱི་སྐྱོན་མཚང་རྡོལ་བ། རྡོལ་བའི་ཁྱིམ། རྡོལ་བའི་བུ་ག། |
| རྡོལ་བུག |
རྡོལ་བའི་བུ་ག། |
| རྡོལ་བོན |
བརྡོལ་བོན་དང་འདྲ། |
| རྡོས |
བོངས་ཚད། རྡོས་ཆེ་བ། ལུས་རྡོས་ཆུང་ཆུང་ཞིག་ལས་མེད་ཀྱང་སྙིང་སྟོབས་ཆེན་པོ་འདུག…2.(བྱེད་མེད་ལས་ཚིག) དབུ་བ་འཕྱུར་བའི་དོན་ཏེ། སྤྲིན་དཀར་དབུ་བ་རྡོས་པ་འདྲ་ཞེས་པ་ལྟ་བུ། |
| རྡོས་པ |
ཐ་མི་དད་པ སྟེང་དུ་འཕྱུར་བའམ། ཐོན་པ། ཆུའི་ནང་ནས་དབུ་བ་རྡོས་པ། |
| རྡོས་བཅས |
1 ཐོགས་རེག་བྱར་རུང་བ་བེམ་པོའི་རྣམ་པ་ཅན། 2 ལུས་ཕུང༌། རྡོས་བཅས་ཤ་ཁྲག་ལུས་ནི་མི་བརྟན་པ། |
| རྣ |
ཉན་བྱེད་ཀྱི་དབང་བོའི་མིང་། |
| རྣ་ཀོར |
ཨམ་ཅོག་གི་རྒྱན་ཆ། |
| རྣ་ཁུང |
ཨམ་ཅོག་གི་བུ་ག། གོ་རྒྱུའི་སྐད་ཆ་རྣ་ཁུང་དུ་བླུག་པ། |
| རྣ་ཁེབས |
བོད་མདའི་རྣ་བ་དང་རྣ་རྫས་འགེབས་བྱེད། |
| རྣ་ག་བཀང |
རྙིང མདའ་འཕེན་པ། |
| རྣ་གཅོད་པ |
རྣ་ཅོག་འབྲེག་པ། |
| རྣ་གཏམ |
གཅིག་ནས་གཅིག་ཏུ་བརྒྱུད་པའི་གཏམ། ཐག་རིང་གི་རྣ་གཏམ་ཐོས་པ་ཙམ་གྱིས་དགའ་སྡུག་བྱེད་དོན་ཅི་ཡོད། |
| རྣ་གཡག |
གནའ་གཡག་དང་འདྲ། |
| རྣ་གཤོག |
རྣ་བའི་མཐའི་ཕྲུམ་རུས་གཤོག་པ་ལྟ་བུའི་མིང་ཡུལ་སྐད་ལ་ལར‘ཨ་འབྱོག’གམ‘རྣ་འབྱོག’ཟེར་བའང་ཡོད། རི་དྭགས‘གནའ’ཡི་འབྲི་ཚུལ་གཞན། |
| རྣ་ཅོག |
རྣ་ལྕོག་དང་འདྲ། |
| རྣ་ཆ |
1 ཨམ་ཅོག་གི་རྒྱན་ཆ། 2 ཉི་ཟེར་དང་འབྲེལ་བའི་འཇའ་དུམ་བུ། 3 མངོན ཉི་ཁྱིམ། |
| རྣ་ཆ་གདུབ་ཀོར |
རྣ་ལོང་སྒོར་མོ། |
| རྣ་ཆེན |
1 རྣ་ཅོག་ཆེན་པོ། 2 མངོན བོང་བུའི་མིང༌། |
| རྣ་ཉན་པ |
སོ་པ། |
| རྣ་ཐེག་ཅན |
གཏམ་གང་བྱུང་གིས་གཡོ་འགུལ་མི་ཐུབ་པ། |
| རྣ་ཐོས་ལ |
བོད་རང་སྐྱོང་ལྗོངས་ཀྱི་གྲོ་མོ་རྫོང་གི་ལྷོ་རྒྱུད་དུ་ཡོད། |
| རྣ་དབང |
རྣ་བའི་དབང་པོའི་བསྡུས་ཚིག་ |
| རྣ་བ |
1 ཉན་བྱེད་ཀྱི་དབང་པོ། རྣ་བ་འགེབས་པ། རྣ་ཐོས་བརྒྱ་ལས་མིག་མཐོང་གཅིག་དགའ། ཇི་ལྟར་བསྒོ་ཡང་རྣ་བར་ཉན་པ། མིང་གི་རྣམ་གྲངས་ལ་སྒྲ་འཛིན་དང༌། སྒྲ་ཡི་གནས། ཉན་བྱེད། སྙན། ཐོས་པ་འཛིན། ཐོས་དབང༌། ཐོས་བྱེད་བཅས་སོ།2 རི་དྭགས་གནའ་བ། |
| རྣ་བ་ཀྲོང་ཀྲོང |
1 ཨམ་ཅོག་གྱེན་དུ་འགྲེང་ཚུལ། 2 རེ་བ་བྱེད་པ། དོན་སྨིན་ཐོབ་ཤག་གིས་ད་ལྟའི་བར་དུ་རྣ་བ་ཀྲོང་ཀྲོང་བྱས་ནས་སྒུག་འདུག |
| རྣ་བ་གཏོད་པ |
ཨམ་ཅོག་ཉན་པ། |
| རྣ་བ་གཙེར་སུན |
ཞེ་སུན་པ། ནད་པའི་འཁྲིས་སུ་རྣ་བ་གཙེར་སུན་གྱི་སྐད་ཅོར་མ་རྒྱག |
| རྣ་བ་གསང་པོ |
1 སྐད་སྒྲ་གོ་སླ་བ། 2 ཐོས་རྒྱ་ཆེ་བ། |
| རྣ་བ་ཅན |
མངོན སྤོས་དཀར་ཤིང༌། |
| རྣ་བ་དྲེགས་བྱེད |
མངོན རྣ་རྒྱན། |
| རྣ་བ་བརྒྱད་པ |
མངོན ཚངས་པ། |
| རྣ་བ་བྱོ་བ |
རྙིང ཨམ་ཅོག་ཉན་པ། |
| རྣ་བ་བླགས་པ |
རྙིང སྐད་ཆ་ལ་ཨམ་ཆོག་གཏད་པ། |
| རྣ་བ་མཁྲེགས་པོ |
1 གཏམ་གང་བྱུང་གིས་གཡོ་འགུལ་མི་ཐུབ་པ། 2 རྣ་བ་མི་གསང་བའམ་འོན་སྐྱོན་ཡོད་པ། |
| རྣ་བ་མེད་པ |
1 བསླབ་བྱ་མི་ཉན་པ། 2 རྣ་བའི་དབང་པོ་ཉམས་པ། |
| རྣ་བ་ཚ་པོ |
ཞེ་སུན་པོ། སྒེར་དོན་ཡང་ཡང་གླེང་རྗོད་ཀྱིས་རྣ་བ་ཚ་པོ་བྱེད་པ། |
| རྣ་བ་འཛིན |
མངོན མཉན་པ། |
| རྣ་བ་ལྗིད་པོ |
གཏམ་གང་བྱུང་གིས་འགུལ་མི་ཐུབ་པ། |
| རྣ་བ་སུན་འབྱིན་པ |
ཞེ་སུན་གཏོང་བ། |
| རྣ་བ་སྲ་བ |
1 རྣ་བ་གསང་པོ་མིན་པ། 2 གཏམ་གང་བྱུང་མི་ཉན་པ། |
| རྣ་བ་སྲབ་པོ |
གང་བཤད་ལ་ཉན་ཅིང་ཡིད་ཆེས་བྱེད་པ། གཞན་གྱིས་གང་བཤད་ཀྱི་རྗེས་སུ་འབྲང་བའི་རྣ་བ་སྲབ་པོ། |
| རྣ་བ་སླ་པོ |
གཏམ་གང་བྱུང་ཉན་པར་དགའ་བ། འཆལ་གཏམ་གང་བཤད་གང་ཟེར་ཉན་པའི་རྣ་བ་སླ་པོ་བྱེད་པ། |
| རྣ་བའི་ཁམས |
སྒྲ་འཛིན་བྱེད་ཀྱི་རྒྱུའམ་རིགས་ཏེ་རྣ་བའི་དབང་པོ། |
| རྣ་བའི་དབང་པོ |
དབང་པོ་ལྔའི་ནང་གསེས། རང་འབྲས་རྣ་ཤེས་ཀྱི་ཐུན་མོང་མ་ཡིན་པའི་རྟེན་ནམ། བདག་རྐྱེན་དུ་གྱུར་པའི་རིགས་སུ་གནས་པའི་ནང་གི་གཟུགས་ཅན་དྭངས་པ། དབྱིབས་ཤིང་གྲོ་ག་གཅུས་པ་ལྟ་བུའོ། |
| རྣ་བའི་དབང་པོ་གཟུགས་ཅན |
རྣ་བའི་དབང་པོ་དང་དོན་གཅིག་ |
| རྣ་བའི་དབང་མངོན |
དབང་མངོན་ལྔའི་ནང་གསེས། རང་གི་བདག་རྐྱེན་རྣ་བའི་དབང་པོ་ལས་བྱུང་ཞིང་རྟོག་བྲལ་མ་འཁྲུལ་བའི་གཞན་རིག་དཔེར་ན། གླིང་བུའི་སྒྲ་འཛིན་པའི་རྣ་ཤེས་ལྟ་བུའོ། |
| རྣ་བའི་བདུད་རྩི |
ཡིད་ལ་འབབ་པའི་གཏམ་བཟང་པོའམ་སྙན་པོ། |
| རྣ་བའི་བུ་རམ |
ཉན་འདོད་པའི་གཏམ་སྙན་པོའམ་སྐད་ཆ་ཡག་པོ། |
| རྣ་བའི་མངོན་ཤེས |
ལྷའི་རྣ་བའི་མངོན་ཤེས་དང་དོན་གཅིག་ |
| རྣ་བའི་ཚེར་མ |
ཨམ་ཅོག་ཉན་མི་འདོད་པའི་སྐད་ཆ། དོན་མེད་རྣ་བའི་ཚེར་མ་འདེབས་མི་རུང༌། |
| རྣ་བའི་ཡུལ |
1 སྒྲའམ་སྐད་ཆ། 2 རྣ་བའི་ལམ་མམ་ཐོས་རྒྱ། སྐད་ཆ་དེ་འདྲ་ད་བར་རྣ་བའི་ཡུལ་དུ་ཐོས་མ་མྱོང༌། |
| རྣ་བའི་རྣམ་ཤེས |
རྣ་ཤེས་དང་དོན་གཅིག་ |
| རྣ་བའི་སྐྱེ་མཆེད |
རྣ་བའི་རྣམ་ཤེས་སྐྱེ་ཞིང་མཆེད་པའི་དབང་པོ། |
| རྣ་བར་གཟན་པ |
རྣ་བར་གནོད་པ། མི་མང་ཁ་མང་རྣ་བར་གཟན་ཆེ། སྙིང་ཉེའི་གཏམ་རྣ་བར་གཟན་པ། |
| རྣ་བར་གཟོན་པ |
བསྒོ་བ་རྣར་གཟོན་ཏེ་མི་ཉན་པ། ཕན་ཚིག་བསླབ་བྱ་རྣ་བར་གཟོན་པར་བྱས་པ་ཕངས་པ་ལ། |
| རྣ་བར་བཟློས |
མངོན གཡོ་ཅན། |
| རྣ་བར་མི་འགྲོ་བ |
བློ་ལ་མི་འབབ་པ། གཏམ་རྣ་བར་མི་འགྲོ་བ་དང༌། ཆུ་ཨོར་པར་མི་ཤོང་བ། |
| རྣ་བར་འཇེབས་པ |
ཡིད་དུ་འོང་བའི་གཏམ་མམ་སྒྲ། |
| རྣ་བར་འཇོ་བ |
བློ་ལ་འཐད་པ། |
| རྣ་བར་འཇོག་པ |
ཉན་པ། |
| རྣ་བར་འབབ་པ |
གཏམ་ཡིད་པ་འཕྲོད་པ། |
| རྣ་བར་ལྷུང་བ |
ཨམ་ཅོག་ལ་ཐོས་པ། |
| རྣ་བུག |
ཨམ་ཅོག་གི་བུ་ག། |
| རྣ་མཆོག |
རྣ་ཅོག་སྟེ་ཨམ་ཅོག་ཀྱང་ཟེར། |
| རྣ་ཞབས |
ཨམ་ཅོག་གི་མར་སྣེ། |
| རྣ་འདབ |
ཨམ་ཅོག་གི་ཤུན་ལྤགས་ཀྲོང་ཀྲོང༌། |
| རྣ་འཕྱང |
རྣ་ཅོག་གི་མར་སྣེའི་ཤ་ལེབ། |
| རྣ་འུར |
རྣ་བའི་ནང་ནས་གྲག་པའི་སྒྲ། |
| རྣ་རུ |
1 གནའ་གཡག་གི་རྭ་ཅོ། 2 ན་རོ་དང་འདྲ། 3 རྙིང འཁྲིག་པ། |
| རྣ་རོས |
ཡུལ དཀར་རག་དང་རྒྱ་ཚོས་བསྲེས་པའི་ཚོན་མདོག |
| རྣ་རྒྱངས |
ཨམ་ཅོག་གི་རྒྱན་ཞིག |
| རྣ་རྒྱན |
རྣ་བའི་རྒྱན་ཆ། མིང་གི་རྣམ་གྲངས་ལ་འཁྱིལ་བ་ཅན་དང༌། སྙན་རྒྱན། ཐོས་འཛིན་རྒྱན། རྣ་བ་དྲེགས་བྱེད། རྣ་བ་མཛེས་བྱེད། རྣ་བར་འཁྱིལ་བཅས་སོ། |
| རྣ་རྒྱན་གཅིག་པ |
མངོན རྣམ་ཐོས་སྲས། |
| རྣ་རྒྱན་ཅན |
མངོན རྨ་བྱ། |
| རྣ་རྒྱན་ཨ་ལོང |
གསེར་དངུལ་སོགས་ལས་བཟོས་པའི་རྣ་བའི་རྒྱན། |
| རྣ་རྒྱབ |
ཨམ་ཅོག་གི་རྒྱབ་ལོགས། |
| རྣ་རྒྱབ་ལྷགས་པ |
ཨམ་ཅོག་གི་རྒྱབ་ནས་རྒྱག་པའི་རླུང་ལྟར་བསླབ་བྱ་སོགས་དོན་ལྡན་གྱི་སྐད་ཆ་ལ་མི་ཉན་པའམ། སྐད་ཆར་རྩི་འཇོག་མི་བྱེད་པར་རྒྱབ་སྐྱུར་བྱེད་པའི་དཔེ། བཀའ་སློབ་བཟང་པོ་གནང་བ་རྣམས་རྣ་རྒྱབ་ལྷགས་པ་ལྟར་རྩིས་མེད་དུ་མ་སྐྱུར་ཅིག |
| རྣ་རྩ |
1 རྣ་བའི་རྩ། 2 རྣ་བའི་འཁྲིས། |
| རྣ་རྩ་ཕུས་འདེབས |
གཉན་ནད་རིགས་ཤིག་ནད་རྟགས་སུ་རྣ་བའི་རྩའི་འཁོར་དུ་ཕུས་འདེབས་པ་ལྟར་སྐྲངས་པ་ཞིག |
| རྣ་རྩེ |
ཨམ་ཅོག་གི་རྩེ་མོ། |
| རྣ་རྫས |
མེ་མདའི་རྣ་རྫས། |
| རྣ་ལམ |
རྣ་བ་ལམ་གྱི་གཟུགས་སུ་བཀོད་པ་སྟེ་རྣ་བའམ་ཐོས་རྒྱ། རྣ་ལམ་དུ་མི་འགྲོ་བའི་གཏམ་ལའང་ཉན་དགོས། རྣ་ལམ་བརྒྱུད་དེ་སེམས་ལ་བབས་ནས་དགའ་བ་སྐྱེས་པ། |
| རྣ་ལམ་དུ་སོང་བ |
1 ཨམ་ཅོག་ལ་གོ་བའམ་ཐོས་པ། 2 སྐད་ཆ་སེམས་ལ་འཕྲོད་པའམ་རྣ་བར་བབས་པ། |
| རྣ་ལོང |
རྣ་རྒྱན། |
| རྣ་ལྕོག |
རྣ་བ། རྣ་ལྕོག་བཀོག་ནས་རྐུབ་ཀྱི་ལྷན་པ། |
| རྣ་ལྟག་བསེར་བུ |
རྣ་རྒྱབ་ལྷགས་པ་དང་དོན་གཅིག་ |
| རྣ་ལྷོང་སྒྲོག་སྦྱངས |
ཡིག་ཆ་སོགས་རྣ་བར་གོ་ངེས་ཀྱི་སྒྲོག་སྦྱངས་བྱེད་པ། |
| རྣ་ཤལ |
རྣ་བའི་འོག་གི་པགས་འཛར། |
| རྣ་ཤེས |
རྣ་བའི་རྣམ་པར་ཤེས་པ་རྐྱེན་རང་གི་ཐུན་མོང་མ་ཡིན་པའི་བདག་རྐྱེན་རྣ་དབང་ལ་བརྟེན་ནས་བྱུང་བའི་རང་ཡུལ་དུ་གྱུར་པའི་སྒྲའི་སྐྱེ་མཆེད་ཀྱི་ངོ་བོ་རང་སྟོབས་ཀྱིས་མཐོང་བའི་རིག་པ། དཔེར་ན། གཏམ་སྐད་ཆ་ཉོན་བྱེད་ཀྱི་ཤེས་པ་ལྟ་བུ། |
| རྣ་སྐྱག |
ཨམ་ཅོག་ནང་གི་རྡུལ་སྤབས། |
| རྣ་སྤབས |
རྣ་ཁུང་གི་རྡུལ། མིང་གི་རྣམ་གྲངས་ལ་རྣ་སྐྱག་དང༌། རྣ་བའི་དྲི་མ། རྣ་དྲེག་བཅས་སོ། |
| རྣ་སྦུག |
རྣ་བའི་ཁུང་བུ། |
| རྣ་སྦུབས |
རྣ་ཁུང་གི་སྦུབས་སྟོང༌། |
| རྣ་སྦྲང |
རྙིང མདེའུ། |
| རྣག |
ལུས་ལ་ནད་བྱུང་བའམ་ལུས་རྨས་ནས་རྨ་ཁ་ནས་འཛག་པའི་གཤེར་ཁུ་སེར་སྐྱའི་མིང་ཡིན་ཞིང་། དེ་ནི་ཁྲག་རྡུལ་དཀར་བོ་རུལ་བ་དང་རླམ་ཕྲ་མོ། ཚིལ་བཅས་འདྲེས་པ་ལས་གྲུབ་པ་ཞིག་ཡིན། |
| རྣག་ཁུག་པ |
རྣག་ཆགས་པ། རྨ་ལ་རྣག་ཁུག་པ། |
| རྣག་ཁྲག |
ཤ་ཁྲག་རུལ་ནས་དཀར་པོར་གྱུར་པའི་རྣག་དང་ལུས་ཀྱི་ཁྲག་དམར་པོ་གཉིས་ཀྱི་བསྡུས་ཚིག |
| རྣག་གཙག་པ |
རྨ་ཁར་གཏར་བརྒྱབ་སྟེ་རྣག་འདོན་པ། |
| རྣག་གཟན |
འཚོ་བའི་ཡོ་བྱད་བཅུ་གསུམ་གྱི་ནང་གསེས། དགེ་སློང་རྣག་ཅན་གྱི་ཤ་ལ་སྦྱར་ཏེ་བགོ་བའི་ཚད་བླ་གོས་དང་མཉམ་པའི་ཡོ་བྱད་ཅིག |
| རྣག་ཏུ་འགུག་པ |
སྐྲངས་པ་སོགས་རྣག་ཏུ་བཅུག་ནས་རྣག་བཏོན་ཏེ་གསོ་བའི་ཐབས་ཤིག |
| རྣག་ཐོག་གཙག་འཁེལ |
གནད་ལ་འཁེལ་བའི་དཔེ། |
| རྣག་བརྟོལ་བ |
རྣག་བཏོན་པ། |
| རྣག་འདོན་གཙག་བུ |
རྣག་ཁུག་པ་གཙག་བྱེད་ཀྱི་ཡོ་བྱད་ཅིག |
| རྣག་འདྲེན་པ |
རྨའི་རྣག་འཐེན་པའམ་འདོན་པ། |
| རྣག་འབྱམས |
རྣག་ནས་རུལ་བར་གྱུར་པའི་དོན་ཏེ། རྟ་རྒྱབ་རྣག་འབྱམས་སུ་འགྲོ་མི་རུང་ལྟ་བུ། (བྱེད་མེད་ལས་ཚིག) རྨ་དང་སྐྲངས་པ་སོགས་རྣག་ཏུ་འགྱུར་བའི་དོན་ཏེ། སྐྲངས་པ་རྣག་ནས་བརྡོལ་ལྟ་བུ། |
| རྣག་འབྱམས་པ |
རྣག་ཁྱབ་པ། |
| རྣག་འཛག་པ |
1 རྣག་རང་བཞིན་གྱིས་འབབ་པ། 2 སྣ་ནད་བྱེ་བྲག་ཅིག |
| རྣག་ལུད |
རྣག་དང་ཁ་ལུད། |
| རྣག་སུངས |
རུལ་རྣག་དྲི་ང་བ། རོ་རུལ་རྣག་སུངས། རྣག་སུངས་སུ་གྱུར་པའི་རྨ་རྙིང༌། |
| རྣག་སྨིན་པ |
རྡོལ་རན་པའི་རྣག་རྙིངས་པ། |
| རྣགས་པ |
རྙིང རྣག་ཏུ་གྱུར་པ། |
| རྣང |
ས་ཞིང་ལ་ཆུ་གཏོང་བའི་ཆེད་དུ་ཞིང་ས་དུམ་བུར་བགོས་པའི་ཆ་ཤས་ཀྱི་མིང་ཡུལ་སྐད་དུ‘ཞིང་གི་ཆོད་མ’ཟེར་ཞིང་། རྒྱ་སྐད་དུ‘ཞི་ཙི’ཟེར། |
| རྣང་མ |
ཞིང་གི་ཆོད་མའི་བར་བཅད་པའི་ས་འབུར་གྱི་མིང་ཡུལ་སྐད་ལ་ལར‘ཞིང་ཚིགས’ཟེར། |
| རྣང་མིག |
ཞིང་གའི་རྣང་བཅད་བར་གྱི་ས་ཁོངས། |
| རྣང་རྒལ |
ཞིང་ཆུ་སྙོམས་ཆེད་དུ་བཅོས་པའི་ས་འབུར་གྱི་སྒང༌། |
| རྣབ |
(བྱེད་འབྲེལ་ལས་ཚིག་ད་ལྟ་བ)ཧམ་པ་བྱེད་པའི་དོན། |
| རྣབ་པ |
ཐ་མི་དད་པ བརྣབས་པ། བརྣབ་པ།། ཆགས་སེམས་ཀྱིས་འཐོབ་འདོད་པའམ་གཞན་རྒྱུར་བརྔམ་པ། སྒེར་གྱི་ཕན་བདེ་ཁོ་ནར་བརྣབས་པ་ནི་ངོ་ཚའི་གནས་རེད། |
| རྣམ |
(བསྣན་ཚིག) རྒྱན་ཚིག་དང་ལས་ཚིག་གི་སྔོན་ལ་སྦྱར་ན‘ཧ་ཅང’དང‘ཤིན་ཏུ’སོགས་དང་འདྲ་རྣམ་དག བསམ་པ་རྣམ་དག རྣམ་གསལ། ཉི་འོད་རྣམ་གསལ། དགྲ་ལས་རྣམ་རྒྱལ་ཞེས་པ་སོགས་ལྟ་བུ། |
| རྣམ་ཀུན |
རྣམ་པ་ཀུན་ཏེ་དུས་སོགས་ཤེས་བྱ་མཐའ་དག |
| རྣམ་ཀུན་མངོན་རྫོགས་རྟོགས་པ |
རྣམ་ཀུན་མངོན་རྫོགས་སྦྱོར་བའོ། |
| རྣམ་ཀུན་མངོན་རྫོགས་སྦྱོར་བ |
མཁྱེན་གསུམ་གྱི་རྟོགས་པ་ལ་རང་དབང་ཐོབ་པར་བྱ་བའི་ཕྱིར་མཁྱེན་པ་གསུམ་སྐྱེ་མེད་སྤྲོས་པ་དང་བྲལ་བའི་རང་བཞིན་དུ་བསྡུས་ཏེ་མཁྱེན་གསུམ་གྱི་རྣམ་པ་བརྒྱ་དང་དོན་གསུམ་སྒོམ་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར། ཤེར་ཕྱིན་དངོས་པོ་བརྒྱད་ཀྱི་ཡ་གྱལ། |
| རྣམ་ཀུན་མཆོག་ལྡན |
སྣང་སྟོང་དབྱེར་མེད། |
| རྣམ་གཅོད་ཀྱི་སྒྲ |
ཁོ་ན་དང༌། ཉིད་ལྟ་བུའི་ཚིག་ཕྲད། སྦྱོར་ཚུལ་གྱི་དབང་གིས་གཞི་གང་ལ་ཆོས་གང་མི་ལྡན་པའམ། གཞན་ལ་ལྡན་པ་རྣམ་པར་གཅོད་པའི་སྒྲའོ། |
| རྣམ་གན |
རྣམ་སྲས་གན་མཛོད་ཀྱི་བསྡུས་ཚིག་ |
| རྣམ་གནས |
མངོན ཉི་མ། |
| རྣམ་གནོན |
མངོན ལྕགས་འབྲུག་ལོ། |
| རྣམ་གཞག |
1 ཚུལ་ལམ་ལུགས་སྲོལ་གསར་གཏོད་དང༌། སྒྲིག་འཇོག 2 མངོན འབུལ་བ། |
| རྣམ་གཡེང |
ལེ་ལོའམ་བག་ཡངས། བྱས་རྗེས་གང་ཡིན་རྣམ་གཡེང་ངང་ནས་བྱུང་བ་གཅིག་ཀྱང་མེད། མིང་གི་རྣམ་གྲངས་ལ་མི་བརྟན་དང༌། གཡོ་བ། སེམས་མི་གནས། སོ་མི་བསོད་བཅས་སོ། 2.བག་མི་ཕེབས་པའི་སེམས་ཀྱི་སྣང་བ་དང་བྱ་སྤྱོད་སོགས་ཀྱི་མིང་སེམས་རྣམ་གཡེང་མི་བྱེད་པར་སློབ་སྦྱོང་བྱེད་ལྟ་བུ། |
| རྣམ་གཡེང་གི་རྟོག་པ་བཅུ |
དངོས་པོ་མེད་པར་རྟོག་པ་དང༌། དངོས་པོ་ཡོད་པར་རྟོག་པ། སྒྲོ་འདོགས་པའི་རྟོག་པ། སྐུར་བ་འདེབས་པའི་རྟོག་པ། གཅིག་ཏུ་རྟོག་པ། ཐ་དད་དུ་རྟོག་པ། ངོ་བོ་ཉིད་དུ་རྟོག་པ། ཁྱད་པར་དུ་རྟོག་པ། མིང་ཇི་ལྟ་བ་བཞིན་དུ་དོན་རྟོག་པ། དོན་ཇི་ལྟ་བ་བཞིན་དུ་མིང་རྟོག་པ་བཅས་བཅུའོ། |
| རྣམ་གཡེང་དྲུག |
འདོད་པའི་ཡོན་ཏན་དག་ལ་སེམས་རྣམ་པར་འཕྲོ་བ་རང་བཞིན་གྱིས་གཡེང་བ་དང༌། ཕྱི་རོལ་ཏུ་གཡེང་བ་དང༌། ནང་གི་གཡེང་བ་དང༌། མཚན་མའི་གཡེང་བ་དང༌། གནས་ངན་ལེན་གྱི་གཡེང་བ་དང༌། ཡིད་ལ་བྱེད་པའི་གཡེང་བ་སྟེ་དྲུག་ཡོད། |
| རྣམ་གཡེང་བག་མེད |
དོན་མེད་དུ་གཡེང་བ་དང་སྤྱོད་ཚུལ་བག་མེད་པ། |
| རྣམ་གསལ |
མངོན 1 མཁས་པ། 2 གློག |
| རྣམ་གསལ་བྱེད |
མངོན ཉི་མ། |
| རྣམ་གསུམ་དག་པའི་ཤ |
རང་གི་ཆེད་དུ་བསད་པར་མཐོང་ཐོས་དོགས་གསུམ་མེད་པའི་ཤའོ། |
| རྣམ་གྲངས |
1 མི་འདྲ་བའི་དབྱེ་བའམ་རྣམ་པ། མིང་གི་རྣམ་གྲངས། དུས་ཀྱི་རྣམ་གྲངས། ཡུལ་གྱི་རྣམ་གྲངས། དོན་གྱི་རྣམ་གྲངས། མིང་གི་རྣམ་གྲངས་ལ་མིང་གཞན་དང༌། རྣམ་པ་ཐ་དད་ཚུལ། རྣམ་པ་སྣ་ཚོགས། རྣམ་པ་མང༌། སོ་སོ་བཅས་སོ། 2 བརྩི་བྱའི་གྲངས་ཀ། |
| རྣམ་གྲངས་ཀྱི་ཀུན་བཏགས |
ངོ་བོ་དང་ཁྱད་པར་གྱི་གཞི་རང་མཚན་གྱིས་གྲུབ་པར་སྣང་ཡང་རང་གི་མཚན་ཉིད་ཀྱིས་མ་གྲུབ་པའི་ཀུན་རྫོབ་འདུས་མ་བྱས་ཀྱི་ཆོས་རྣམས་སོ། |
| རྣམ་གྲངས་ཅན་པ |
གྲངས་ཅན་པ་དང་དོན་གཅིག་ |
| རྣམ་གྲངས་ཐ་དད་པ |
དོན་གཅིག་ལ་མིང་གི་རྣམ་གྲངས་སོ་སོ་ཡོད་པ་སྟེ་དཔེར་ན། རྟ་བདུན་དབང་པོ་དང༌། སྣ་ཚོགས་ཤིང་རྟ་དང༌། ཚ་ཟེར་ཅན་དང༌། ཉི་མ་ཞེས་པ་ལྟ་བུ་མིང་གི་མངོན་བརྗོད་རྣམས་སོ། |
| རྣམ་གྲངས་པའི་ཀུན་བཏགས |
ཀུན་བཏགས་ཀྱི་ནང་གསེས། རྟོག་པ་ལ་སྣང་བའི་དོན་སྤྱི་རྣམས་དང་མེད་པ་གསལ་སྣང་ལྟ་བུ། |
| རྣམ་གྲངས་བརྗོད་པའི་རྒྱན |
དོན་རྒྱན་གྱི་ནང་གསེས་ཤིག་འདོད་པའི་དོན་བསྒྲུབ་བྱ་གང་ཞིག་དངོས་སུ་མ་བརྗོད་པར་དེ་ཉིད་འགྲུབ་ཕྱིར་ཐབས་མཁས་ཀྱིས་རྣམ་པ་གཞན་ཞིག་སྟོན་པའི་རྒྱན་ཞིག |
| རྣམ་གྲངས་བསྡུ་བ |
ཐོགས་མེད་ཀྱིས་མཛད་པའི་ས་སྡེ་ལྔའི་ནང་ཚན་མིང་བརྡ་སྣ་ཚོགས་བསྡུ་བའི་བམ་པོ་ཞིག |
| རྣམ་གྲོལ |
རྣམ་པར་གྲོལ་བའི་བསྡུས་ཚིག་ |
| རྣམ་གྲོལ་མིག |
མངོན ཞུམ་བུ། |
| རྣམ་གྲོལ་ཡེ་ཤེས |
སྒྲིབ་གཉིས་སྤངས་པའི་གཟིགས་པ་མཐར་ཐུག་སྟེ་ཐམས་ཅད་མཁྱེན་པའི་ཡེ་ཤེས། |
| རྣམ་གྲོལ་ལམ |
རང་རྒྱུ་བར་ཆད་མེད་ལམ་གྱི་མཇུག་ཐོགས་སུ་བྱུང་བའི་མཁྱེན་པ། |
| རྣམ་གྲོལ་སྡེ |
རྒྱ་གར་གྱི་པཎྜི་ཏ་ཞིག་ཕར་ཕྱིན་གྱི་གཞུང་འགྲེལ་མཁན་གཙོ་བོ་ཞིག་སྟེ་ཉི་ཁྲི་སྣང་བ་རྩོམ་པ་པོ་དང་དབྱིག་གཉེན་གྱི་སློབ་མ་རང་ལས་མཁས་པ་བཞིའི་ཡ་གྱལ་ཞིག |
| རྣམ་གླིང |
ཤངས་རྣམ་གླིང་སྟེ་རྫོང་ཞིག་གཙང་གཞིས་ཀ་རྩེའི་བྱང་ཤར་ངོས་དང་ཡར་ཀླུངས་གཙང་པོའི་བྱང་ངོས་སུ་ཡོད། རྫོང་མི་དམངས་སྲིད་གཞུང་དེ་རི་སྔོན་དུ་ཡོད། |
| རྣམ་ངེས་ཊི་ཀ |
ཚད་མ་རྣམ་ངེས་ཀྱི་ཊི་ཀ་རྒྱལ་བའི་དགོངས་པ་རབ་གསལ་ཞེས་པའི་བསྡུས་མིང༌། རྒྱལ་ཚབ་དར་མ་རིན་ཆེན་གྱིས་བརྩམས། |
| རྣམ་ཐར |
1 སྐྱེས་བུ་དམ་པའི་མཛད་སྤྱོད་ལོ་རྒྱུས་ཀྱི་གཞུང་ངམ། རྟོགས་པ་བརྗོད་པའི་བསྟན་བཅོས། 2 རྣམ་གྲོལ། |
| རྣམ་ཐར་གཏོང་བ |
སྐྱེས་བུ་དམ་པའི་མཛད་རབས་ལོ་རྒྱུས་ཀྱི་གཞུང་ནས་བྱུང་བའི་ཚིགས་བཅད་དབྱངས་སུ་ལེན་པ། |
| རྣམ་ཐར་དད་པའི་འཇུག་ངོགས |
རྗེ་བཙུན་ཙོང་ཁ་པ་ཆེན་པོའི་རྣམ་ཐར། དུས་རབས་བཅོ་ལྔ་པར་མཁས་གྲུབ་དགེ་ལེགས་དཔལ་བཟང་གིས་མཛད་པའོ། |
| རྣམ་ཐར་བརྒྱད |
སྤྲུལ་བསྒྱུར་བྱེད་པའི་སྒྲིག་པ་ལས་རྣམ་པར་ཐར་པ་བརྒྱད་དེ། གཟུགས་ཅན་གཟུགས་ལ་ལྟ་བའི་རྣམ་ཐར་དང༌། གཟུགས་མེད་གཟུགས་ལ་ལྟ་བའི་རྣམ་ཐར་དང༌། སྡུག་པའི་རྣམ་ཐར་དང༌། གཟུགས་མེད་ཀྱི་རྣམ་ཐར་བཞི་དང༌། འགོག་པའི་རྣམ་ཐར་ཏེ་བརྒྱད་དོ། |
| རྣམ་ཐར་སྒོ་གསུམ |
རྣམ་པར་ཐར་པའི་སྒོ་གསུམ་གྱི་བསྡུས་ཚིག་ |
| རྣམ་ཐོས |
མང་པོ་ཐོས་པའམ་རྒྱ་ཆེར་ཐོས་པ། |
| རྣམ་ཐོས་ཀྱི་བུ |
རྣམ་ཐོས་སྲས་དང་དོན་གཅིག་ |
| རྣམ་ཐོས་སྲས |
བཻཤྲབཎཿ རྒྱལ་ཆེན་རིགས་བཞིའི་ནང་གསེས་རི་རབ་ཀྱི་བྱང་ངོས་ཀྱི་རྒྱལ་ཆེན་ནམ་བྱང་གི་ཕྱོགས་སྐྱོང༌། མིང་གི་རྣམ་གྲངས་ལ་རྐང་པ་གསུམ་ལྡན་དང༌། རྒྱལ་པོའི་རྒྱལ། ངལ་བསོས་པོ། གཏེར་གྱི་བདག་རྟག་བདེ་བྱེད། ནོར་གྱི་བདག་ནོར་སྦྱིན་རྒྱལ། ནོར་སྦྱིན་འདྲེན་པ། ནོར་རྩེན། གནས་སྲུང་པོ། གནོད་སྦྱིན་རྒྱལ། རྣ་རྒྱན་གཅིག་པ། རྣམ་སྲས། དཔལ་གཏེར། བྱང་གི་ཕྱོགས་སྐྱོང༌། བྱང་ཕྱོགས་བདག་པོ། དབྱིག་གི་ཆར་འབེབས། མི་ལ་ཞོན། མིག་སྐྱ། མིག་ཡ། མིག་གསུམ་གྲོགས་པོ། མིའི་ཆོས་ལྡན། རྩ་གསུམ་པ། འོད་ཡངས་ཚ་བོ། རིན་ཆེན་སྙིང་པོ། ལུས་ངན། གསང་བདག་བཅས་སོ། |
| རྣམ་དཀར |
1 དགེ་བའི་ལས། 2 ཁ་དོག་ཤིན་ཏུ་དཀར་བ། |
| རྣམ་དག |
(རྒྱན་ཚིག) སྐྱོན་དང་དྲི་མ་མེད་པའམ་ནོར་བ་མེད་པའི་དོན་ཏེ། སྤྱོད་པ་རྣམ་དག བསམ་པ་རྣམ་དག གཞུང་རྣམ་དག་ཅེས་པ་ལྟ་བུ། |
| རྣམ་དག་ཚུལ་ཁྲིམས་འདུལ་བའི་འབུམ |
བོན་གྱི་སྤྱོད་པའི་སྐོར་གྱི་གཞུང་ལུགས་ཤིག |
| རྣམ་དག་སྒོམ་ལམ |
ཐེག་ཆེན་ཟག་མེད་སྒོམ་ལམ་གང་ཞིག་སྤངས་པ་མཐར་ཐུག་གི་རྒྱུར་གྱུར་པའོ། |
| རྣམ་དཔྱོད |
ལེགས་ཉེས་དང་ཡིན་མིན་སོགས་ཀྱི་ཁྱད་པར་འབྱེད་པའི་བློ་དང་ནུས་པའི་མིང་ལེགས་ཉེས་འབྱེད་པའི་རྣམ་དཔྱོད། མི་རྣམ་དཔྱོད་ཅན་ཞེས་པ་ལྟ་བུ། |
| རྣམ་དཔྱོད་མིག |
ཤེས་རབ་ཀྱི་མིག |
| རྣམ་དབྱེ |
བོད་སྐད་ཀྱི་བརྡ་སྤྲོད་རྣམ་དབྱེ་བརྒྱད་ཀྱི་མིང་ངོ་བོ་ཙམ་བརྗོད་པ། ལས་སུ་བྱ་བ། བྱེད་པ། དགོས་ཆེད། འབྱུང་ཁུངས། འབྲེལ་སྒྲ། གནས་གཞི། བོད་པ་བཅས་བརྒྱད་ཡིན། ཁྱད་པར་གྱི་མིང་བཟང་ངན་གྱི་རྣམ་དབྱེ་འབྱེད་ཤེས་པ། བདེན་རྫུན་གྱི་རྣམ་དབྱེ་འབྱེད་མཁས་པ་ཞེས་པ་ལྟ་བུ། |
| རྣམ་དབྱེ་གཉིས་པ |
ལས་སུ་བྱ་བའི་སྒྲ། |
| རྣམ་དབྱེ་གསུམ་པ |
བྱེད་པའི་སྒྲ། |
| རྣམ་དབྱེ་དང་པོ |
ངོ་བོ་སྟོན་པའི་སྒྲ། |
| རྣམ་དབྱེ་དྲུག་པ |
འབྲེལ་བའི་སྒྲ། |
| རྣམ་དབྱེ་བདུན |
ངོ་བོ་བརྗོད་པ་དང༌། ལས་སུ་བྱ་བ། བྱེད་པ་པོ། དགོས་ཆེད། འབྱུང་ཁུངས། འབྲེལ་བ། གནས་གཞི་བཅས་བདུན། |
| རྣམ་དབྱེ་བདུན་པ |
རྟེན་གནས་ཀྱི་སྒྲ། |
| རྣམ་དབྱེ་བཞི་པ |
དགོས་ཆེད་ཀྱི་སྒྲ། |
| རྣམ་དབྱེ་བརྒྱད་པ |
འབོད་པའི་སྒྲ། |
| རྣམ་དབྱེ་རྗེས་མཐུན་པ |
ལ་དོན་གྱི་རྣམ་དབྱེ་ལ་དགག་སྒྲ་སྦྱར་བ་རྣམས་ཀྱི་མིང་དཔེར་ན་བྱང་དུ་མི་འགྲོ། ཕྲུ་གུ་ལ་ཆང་མི་སྟེར། རིང་དུ་མ་གྱུར་ཅེས་སོགས་ལྟ་བུ། ལ ལ ལ |
| རྣམ་དབྱེ་ལྔ་པ |
འབྱུང་ཁུངས་ཀྱི་སྒྲ། |
| རྣམ་དབྱེའི་ཕྲད |
རྣམ་དབྱེའི་རྐྱེན་གྱི་ཡི་གེ། |
| རྣམ་དབྱེའི་རྐྱེན |
ལ་དོན་དང༌། བྱེད་པ་དང༌། འབྲེལ་བ་རྣམས་དང༌། མཁས་པ་ལ་ལས་རྣམ་དབྱེ་ལྔ་པའང་ཡིན་པར་བཤད། ལ ནས་ལས |
| རྣམ་པ |
1 1 རིགས་སམ་དབྱེ་བ། ལྟ་ཚུལ་གྱི་རྣམ་པ་མི་འདྲ་བར་བསམ་བློའི་འཁྱེར་སོ་མི་མཐུན་པ་ཡོང༌། ལས་ཀ་བྱེད་སྟངས་རྣམ་པ་སྣ་ཚོགས། མཚོན་ཆ་རྣམ་པ་བཅོ་བརྒྱད། ཤེས་བྱའི་རྣམ་པ། མིང་གི་རྣམ་གྲངས་ལ་རྣམ་གྲངས་དང༌། རྣམ་པ་ཐ་དད་ཚུལ། མིང་གཞན། སོ་སོ་བཅས་སོ། 2 ཚུལ་དང་སྟངས་ཀ། སྐད་ཆ་ཤོད་པའི་རྣམ་པ། རྒྱུན་གཏན་གྱི་རྣམ་པ། འཐབ་རྩོད་བྱེད་པའི་རྣམ་པ། བསམ་པའི་རྣམ་པ། 3 དབྱིབས་གཟུགས་དང་བཟོ་ལྟ། གྲུ་བཞིའི་རྣམ་པ་ཅན། སྒོར་སྒོར་གྱི་རྣམ་པ། རྣམ་པ་གསར་པ། རྣམ་པ་མཛེས་པ། ངལ་རྩོལ་ལ་བརྟེན་ནས་ལུས་སེམས་གཉིས་ཀ་བདེ་ཐང་གི་རྣམ་པ་ཆགས་པ། 4 རས་སྣམ་ཡུག་བཅད་ཀྱི་དུམ་བུ། ཕྱུ་པའི་ཁོག་ལ་རྣམ་པ་དྲུག་བཏང་བ། 2.མིང་གི་མཐར་སྦྱར་ནས་མི་གཉིས་སོགས་ཀྱི་ཚོགས་སྡེ་ལ་འབོད་པའི་ཞེ་ས། ཁྱེད་རྣམ་པ་གཉིས། ཁོང་རྣམ་པ་བཞི། སྐུ་ཚབ་རྣམ་པ། སྐུ་མགྲོན་རྣམ་པ། 3.འདིའི་མཐར་ར་སྦྱར་ན་ཚིག་གི་རྒྱན་དུ་འགྲོ་བའི་རབ་ཏུ་དང་ཤིན་ཏུ་སོགས་ཧ་ཅང་གི་དོན་ཞིག ར མཁྱེན་དཔྱོད་རྣམ་པར་ཡངས་པ། ཚོན་རིས་རྣམ་པར་བཀྲ་བ། རྣམ་པར་འགྲེལ་བ། སེང་གེ་རྣམ་པར་བསྒྱིངས་ཏེ་ང་རོ་སྒྲོག་པ། བསམ་སྦྱོར་རྣམ་པར་དག་པ། ལྷག་བསམ་རྣམ་པར་དག་པ། |
| རྣམ་པ་ཀུན |
དུས་སོགས་ཤེས་བྱ་མཐའ་དག |
| རྣམ་པ་ཐམས་ཅད |
དུས་སོགས་ཕྱི་ནང་གི་ཤེས་བྱ་ཚང་མ། |
| རྣམ་པ་ཐམས་ཅད་མཁྱེན་པ |
སངས་རྒྱས་ཀྱི་ཐུགས། |
| རྣམ་པ་སྣ་ཚོགས |
མི་འདྲ་བ་ཅི་རིགས་པ། |
| རྣམ་པའི་ཕྲ་མོ |
ཕྲ་མོའི་རྒྱན་གྱི་ནང་གསེས་ཤིག་བསམ་བློ་སྔོན་བཏང་མེད་པར་ལུས་ཀྱི་རྣམ་འགྱུར་གསར་པ་ཞིག་ངང་གིས་གསལ་བའི་སྒོ་ནས་སེམས་ཀྱི་འཆར་སྒོ་མཚོན་པར་བྱེད་པའི་ཕྲ་མོའི་རྒྱན་ཞིག |
| རྣམ་པར |
(བསྣན་ཚིག) རྒྱན་ཚིག་དང་ལས་ཚིག་ཁ་ཤས་ཀྱི་ཐོག་མར་སྦྱར་ན་ཚད་ཆེ་བ་སོགས་ཀྱི་དོན་ཏེ། རྣམ་པར་དཀར་བ། རྣམ་པར་དཀར་བའི་གངས་རི། རྣམ་པར་གནོན་པ། རྣམ་པར་གཡོ་བ། དགྲ་སྡེ་རྣམ་པར་གནོན་དམག་དཔུང་། རྣམ་པར་གཡོ་བྱེད་མེ་སྒྱོགས་སྒྲ་ཞེས་པ་ལྟ་བུ། ཚིག་བསྡུས་ན‘རྣམ’འབྲི་ཆོག་རྣམ་པར་དཀར་བ་ལ་རྣམ་དཀར་ཟེར་བ་ལྟ་བུ། |
| རྣམ་པར་གཏན་ལ་དབབ་པ་བསྡུ་བ |
འཕགས་པ་ཐོགས་མེད་ཀྱིས་མཛད་པའི་ས་སྡེ་ལྔའི་ནང་ཚན་ཞིག |
| རྣམ་པར་གནོན |
མངོན 1 རྟ། 2 རྟ་པ། 3 སེང་གེ། |
| རྣམ་པར་གཞག་པ |
བཤད་སྲོལ་དང༌། ལམ་ལུགས་སོགས་གསར་དུ་གཏོད་པའམ་ལེགས་པར་འཛུགས་པ། |
| རྣམ་པར་གཟིགས་པ |
བིཔཤྱཱི སངས་རྒྱས་རབས་བདུན་གྱི་ཡ་གྱལ་ཞིག |
| རྣམ་པར་གྲོལ་བ |
སྒྲིབ་པ་གཉིས་ལས་རྣམ་པར་གྲོལ་བའོ། |
| རྣམ་པར་གྲོལ་བ་ཉམས་པ་མི་མངའ་བ |
ཉན་ཐོས་དག་ནི་ཞི་བ་ཕྱོགས་གཅིག་ཏུ་ཐིམ་ཞིང་ཉོན་མོངས་པའི་སྒྲིབ་པ་ཙམ་ཞིག་ཉི་ཚེ་ལས་གྲོལ་བ་ནི་ཉམས་པ་ཞེས་བྱ། སངས་རྒྱས་ནི་ཉོན་མོངས་པ་དང་ཤེས་བྱའི་སྒྲིབ་པ་གཉིས་ཀ་ལས་གྲོལ་ཏེ་མི་གནས་པའི་མྱ་ངན་ལས་འདས་པ་ཐོབ་ཅིང་འཁོར་བ་ཇི་སྲིད་པ་དེ་སྲིད་དུ་སེམས་ཅན་གྱི་དོན་མཛད་པ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་ནང་གསེས་ཤིག |
| རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ |
ཡེ་ཤེས་བཞི་མངོན་དུ་གྱུར་ནས། རྣམ་པར་གྲོལ་བ་ལ་བདག་རྣམ་པར་གྲོལ་བའོ་སྙམ་པའི་ཡེ་ཤེས་མཐོང་བའོ། |
| རྣམ་པར་ཐར་པ་བརྒྱད |
རྣམ་ཐར་བརྒྱད་དང་དོན་གཅིག་ |
| རྣམ་པར་ཐར་པའི་སྒོ |
མྱ་ངན་ལས་འདས་པ་ཐོབ་པར་བྱེད་པའི་ཐབས་སམ་ཏིང་ངེ་འཛིན། |
| རྣམ་པར་ཐར་པའི་སྒོ་གསུམ |
རྣམ་པར་ཐར་པ་ཐོབ་པར་བྱེད་པའི་ཏིང་ངེ་འཛིན་གསུམ་སྟོང་པ་ཉིད་ཀྱི་རྣམ་པར་ཐར་པའི་སྒོ་དང༌། མཚན་མ་མེད་པའི་རྣམ་པར་ཐར་པའི་སྒོ།སྨོན་པ་མེད་པའི་རྣམ་པར་ཐར་པའི་སྒོ་སྟེ་གསུམ། |
| རྣམ་པར་དག་པ |
རྣམ་དག་དང་དོན་གཅིག་ |
| རྣམ་པར་དག་པ་ས་གཞན་ན་གནས་པ |
སྤྱོད་པ་ས་གཞན་ན་གནས་པའི་ནང་གསེས་ཤིག་སྤོ་བ་གསུམ་དང༌། མགུ་བ་གསུམ་དང༌། སྤོ་ལྡན། མགུ་ལྡན། སྤོ་མགུ་དབྱུང་བ་བཅས་སོ། |
| རྣམ་པར་དག་པའི་རྒྱུ་ལྔ |
ལམ་དངོས་ཡོངས་སུ་དག་པ་དང༌། ཉེར་བསྡོགས་ཡོངས་སུ་དག་པ།རྣམ་པར་རྟོག་པས་མ་སྨས་པ། དྲན་པས་ཡོངས་སུ་ཟིན་པ། མྱ་ངན་ལས་འདས་པར་བསྔོས་པ་བཅས་ལྔའོ། |
| རྣམ་པར་དག་པའི་ལྷ |
རྒྱུན་དུ་ཞུགས་པ་ནས་སངས་རྒྱས་ཀྱི་བར། |
| རྣམ་པར་དག་པའི་ས |
བྱང་ཆུབ་ཀྱི་ས། |
| རྣམ་པར་དཔྱོད་པ |
བསམ་བློ་ཞིབ་མོར་གཏོང་བ། |
| རྣམ་པར་དབྱེ་བ |
སྒྲའི་གནས་བརྒྱད་ཀྱི་དྲུག་པ། སྒྲ་གཅིག་ཀུན་ཏུ་བཏུབ་པ་ཞེས་སྒྲ་གཅིག་དོན་ཀུན་ལ་འཇུག་ཏུ་རུང་བའི་ཚུལ་སྟོན་པ་དཔེར་ན། ཆོས་ཞེས་པའི་སྒྲ་གཅིག་པོ་དེ་སྐྱེ་བའི་ཆོས་དང༌། གནས་པའི་ཆོས། མི་རྟག་པའི་ཆོས་ཞེས་ཀུན་ལ་སྦྱར་རུང་བ་དང༌། སྒྲ་དེ་ཤེས་བྱ། ལམ། གསུང་རབ། ཚེ་སོགས་དོན་བཅུ་དང༌། ཡོད་པ་ཐམས་ཅད་ལ་འཇུག་ཏུ་རུང་བ་ལྟ་བུ། ཆོས ཆོས |
| རྣམ་པར་དུལ |
མངོན རྟ་མཆོག |
| རྣམ་པར་ཕྱེ་སྟེ་སྨྲ་བའི་སྡེ |
ཉན་ཐོས་སྡེ་པ་བཅོ་བརྒྱད་ཀྱི་ནང་གསེས་ཤིག |
| རྣམ་པར་བཀྲ་བ |
1 རབ་ཏུ་མཛེས་པ། རྒྱན་གོས་རྣམ་པར་བཀྲ་བ། 2 གསལ་པོར་སྣང་བ་དང་སོ་སོར་གསལ་བ། ཁ་དོག་རྣམ་བཀྲ། ཉི་མའི་མཐའ་སྐོར་དུ་འཇའ་གུར་རྣམ་པར་བཀྲ་བ་ཞིག་ཕུབ་འདུག 3 མི་དྲན་དགུ་དྲན་ནམ་བསམ་བློ་མི་འཆར་དགུ་འཆར། རང་འདོད་རྣམ་བཀྲ། |
| རྣམ་པར་བམ་པའི་འདུ་ཤེས |
མི་སྡུག་པ་སྒོམ་པའི་རྣལ་འབྱོར་ཞིག |
| རྣམ་པར་བཤད་པའི་སྒོ་བསྡུ་བ |
འཕགས་པ་ཐོགས་མེད་ཀྱིས་མཛད་པའི་བསྟན་བཅོས་ས་སྡེ་ལྔའི་བམ་པོ་ཞིག |
| རྣམ་པར་བྱང་བ |
1 གཙང་སྦྲ་དག་པའམ་གོམས་བྱང་སོང་བ། 2 རྣམ་པར་གྲོལ་བ། |
| རྣམ་པར་མི་འཚེ་བ |
དགེ་བའི་སེམས་བྱུང་བཅུ་གཅིག་གི་ནང་གསེས། དམིགས་པ་སེམས་ཅན་ལ་དམིགས་ནས་རྣམ་པ་བཟོད་པའམ་བརྩེ་བའི་རྣམ་པ་ཅན་བྱེད་ལས་གནོད་འཚེ་སྤོང་བར་བྱེད་ཅིང༌། ཞེ་སྡང་མེད་པའི་ཆར་གཏོགས་ཀྱི་སེམས་བྱུང༌། |
| རྣམ་པར་མི་རྟོག་པ |
བསམ་བློ་མི་གཏོང་བ། |
| རྣམ་པར་མི་རྟོག་པའི་གཟུགས་བརྙན |
རྣམ་པར་རྟོག་པ་མེད་པའི་གཟུགས་བརྙན། |
| རྣམ་པར་མི་རྟོག་པའི་ཡེ་ཤེས |
སྟོང་ཉིད་མངོན་སུམ་དུ་རྟོགས་པའི་ཡེ་ཤེས། |
| རྣམ་པར་ཞི་བར་བྱེད་པ |
སེམས་གནས་དགུའི་བདུན་པ། ཆགས་སེམས་དང་ཡིད་མི་བདེ་སོགས་ཞི་བར་བྱེད་པའོ། |
| རྣམ་པར་འཐོར་བའི་འདུ་ཤེས |
མི་སྡུག་པ་སྒོམ་པའི་རྣལ་འབྱོར་ཞིག |
| རྣམ་པར་འདྲེན་པ |
1 འཁྲིད་པའམ་འཐེན་པ། 2 མངོན 1)ཤིང་རྟ་འཁོར་ལོ། 2)སངས་རྒྱས། |
| རྣམ་པར་འབུས་གཞིག་པའི་འདུ་ཤེས |
མི་སྡུག་པ་སྒོམ་པའི་རྣལ་འབྱོར་ཞིག |
| རྣམ་པར་འཚེ་བ |
ཉེ་ཉོན་ཉི་ཤུའི་ནང་གསེས། གསོད་སྤྱུགས་དང་བརྡེག་འཚོག་ལ་སོགས་པ་གནོད་པ་སྣ་ཚོགས་བྱེད་པ། |
| རྣམ་པར་རིག་པ |
1 རྟོགས་པ། 2 བློའམ་ཤེས་པ། |
| རྣམ་པར་རིག་པ་ཙམ་ཉིད་དུ་གྲུབ་པ |
རྒྱ་གར་གྱི་སློབ་དཔོན་རིན་ཆེན་འབྱུང་གནས་ཞི་བས་བརྩམས་པའི་ཚད་མའི་གཞུང་ཞིག |
| རྣམ་པར་རིག་བྱེད |
1 བློའམ་སེམས། 2 ལུས་ངག་གི་ལས། |
| རྣམ་པར་རིག་བྱེད་ཀྱི་གཟུགས |
ཕྱིའི་གཟུགས་དང་ནང་གི་གཟུགས། |
| རྣམ་པར་རིག་བྱེད་ཀྱི་གཟུགས་བཅུ |
དབང་པོ་ལྔ་དང་དོན་ལྔ། |
| རྣམ་པར་རིག་བྱེད་མ་ཡིན་པའི་གཟུགས |
རང་ཀུན་ནས་སློང་བྱེད་ཀྱི་ཀུན་སློང་ནི་རང་གི་ཡིད་ཤེས་ཁོ་ནའི་ཡུལ་དུ་སྣང་ཞིང་གཞན་གྱི་བློ་ཡུལ་དུ་རིག་པར་མི་བྱེད་པའི་ཀུན་བཏགས་ཀྱི་གཟུགས་ཏེ། སོ་ཐར་གྱི་སྡོམ་པ་དང༌། བསམ་གཏན་གྱི་སྡོམ་པ། ཟག་མེད་ཀྱི་སྡོམ་པ། སྡོམ་མིན། བར་མའི་དགེ་བ་ལུས་ངག་གི་སྡོམ་པ་ལྟ་བུ། |
| རྣམ་པར་རུལ་བའི་འདུ་ཤེས |
མི་སྡུག་པ་སྒོམ་པའི་རྣལ་འབྱོར་ཞིག |
| རྣམ་པར་རྒྱལ་བ |
1 མི་མཐུན་ཕྱོགས་ལས་རབ་ཏུ་རྒྱལ་བ། 2 ཁྱད་པར་འཕགས་པ། |
| རྣམ་པར་རྒྱལ་བྱེད |
མངོན རྒྱལ་མཚན། |
| རྣམ་པར་རྟོག་པ |
1 བསམ་བློ་གཏོང་བ། 2 ཡིད་ཀྱིས་སྣ་ཚོགས་དྲན་པ། |
| རྣམ་པར་རྟོག་པ་དང་བཅས་པའི་གཟུགས་བརྙན |
ཁྱབ་པའི་དམིགས་པ་བཞིའི་ནང་ཚན་ཞིག་དམིགས་པ་རང་མཚན་པ་དངོས་མིན་པར་དེའི་རྣམ་པ་བློ་ལ་སྣང་བ་ལ་གཟུགས་བརྙན་ཞེས་བྱ་ལ། དེ་ལ་དམིགས་ནས་དཔྱོད་ཚེ་དཔྱོད་བྱེད་ཀྱི་རྣམ་རྟོག་ཡོད་སྐབས་རྣམ་པར་རྟོག་པ་དང་བཅས་པའི་གཟུགས་བརྙན་ཞེས་བྱའོ། |
| རྣམ་པར་རྟོག་པ་མེད་པའི་གཟུགས་བརྙན |
ཁྱབ་པའི་དམིགས་པ་བཞིའི་ཡ་གྱལ་ཞིག་དམིགས་པ་དང་མཚན་པ་དངོས་མིན་པར་དེའི་རྣམ་པ་བློ་ལ་སྣང་བ་ལ་གཟུགས་བརྙན་ཞེས་བྱ་ལ། དེ་ལ་དམིགས་ནས་མི་དཔྱོད་པར་སེམས་འཇོག་པའི་ཚེ་དཔྱོད་བྱེད་ཀྱི་རྟོག་པ་མེད་པས་རྣམ་པར་རྟོག་པ་མེད་པའི་གཟུགས་བརྙན་ཞེས་བྱའོ། |
| རྣམ་པར་ཤེས་པ |
1 ཡུལ་གྱི་ངོ་བོ་རྣམ་པར་རིག་ཅིང་ཤེས་པར་བྱེད་ཅིང༌། རང་གི་དམིགས་པའི་ངོ་བོ་སོ་སོར་རྟོག་པའི་བདག་ཉིད་ཅན་གྱི་སེམས་ཏེ། མིག་གི་རྣམ་པར་ཤེས་པ་ནས་ཡིད་ཀྱི་རྣམ་པར་ཤེས་པའི་བར་གྱི་རྣམ་ཤེས་ཚོགས་དྲུག་རྣམས་སོ། 2 བར་དོའི་ཡིད་ལུས། རྣམ་ཤེས་གྱེན་སྤོར། རྣམ་ཤེས་འགུགས་པ། རྣམ་ཤེས་མར་འབེབས། |
| རྣམ་པར་ཤེས་པ་དྲུག |
རྣམ་ཤེས་ཚོགས་དྲུག་དང་དོན་གཅིག་ |
| རྣམ་པར་ཤེས་པའི་ཁམས་དྲུག |
ཁམས་བཅོ་བརྒྱད་ཀྱི་ནང་གསེས་ཤིག་མིག་གི་རྣམ་པར་ཤེས་པའི་ཁམས་དང༌། དེ་བཞིན། རྣ། སྣ། ལྕེ། ལུས། ཡིད་ཀྱི་རྣམ་པར་ཤེས་པའི་ཁམས་རྣམས་སོ། |
| རྣམ་པར་ཤེས་པའི་ཁམས་བདུན |
ཁམས་བཅོ་བརྒྱད་ལས་རྣམ་ཤེས་ཀྱི་ཕུང་པོའི་ཆར་གཏོགས་པ་བདུན་ཏེ། མིག་གི་རྣམ་པར་ཤེས་པའི་ཁམས་ནས་ཡིད་ཀྱི་རྣམ་པར་ཤེས་པའི་ཁམས་བར་དྲུག་དང༌། ཡིད་ཀྱི་ཁམས་བཅས་བདུན་ནོ། |
| རྣམ་པར་ཤེས་པའི་ཕུང་པོ |
ཕུང་པོ་ལྔའི་ཡ་གྱལ་ཞིག་མིག་ཤེས་སོགས་ཡུལ་གྱི་ངོ་བོ་རྣམ་པར་རིག་ཅིང་ཤེས་པར་བྱེད་པས་རང་རང་གི་དམིགས་པའི་ངོ་བོ་སོ་སོར་ཤེས་པའི་བདག་ཉིད་ཅན་གྱི་སེམས་དུ་མ་སྤུངས་པའོ། |
| རྣམ་པར་ཤེས་པའི་ཟས |
མ་སྐྱེས་པ་སྐྱེད་པ་དང་སྐྱེས་ཟིན་གནས་པ་རྣམ་ཤེས་ཀྱིས་བྱེད་པ། |
| རྣམ་པར་སུན་འབྱིན་པའི་གཉེན་པོ |
གཉེན་པོ་བཞིའི་ཡ་གྱལ་ཞིག་བདེན་པ་དང་པོ་གཉིས་ལ་དམིགས་པའི་ལམ་གང་གིས་དམིགས་པ་དེ་མི་རྟག་པ་ལ་སོགས་པའི་རྣམ་པར་སུན་འབྱིན་པའོ། |
| རྣམ་པར་སྣང་བྱེད |
མངོན ཉི་མ། |
| རྣམ་པར་སྣང་མཛད |
1 མངོན 1)ཉི་མ། 2)ཟླ་བ། 2 བཻརོཙནཿ རྒྱལ་བ་རིགས་ལྔའི་ཡ་གྱལ་ཞིག |
| རྣམ་པར་སྨིན་པ |
1 ལེགས་པར་སྨིན་པའམ་རབ་ཏུ་སྨིན་པ། 2 ལས་ཀྱི་འབྲས་བུ། དགེ་བའི་རྣམ་པར་སྨིན་པ། སྡིག་པའི་རྣམ་པར་སྨིན་པ། ཉེས་བྱས་རྣམ་སྨིན་རང་གིས་མྱོང་བར་འགྱུར། |
| རྣམ་པར་སྨིན་པ་མ་ཡིན་པའི་སྐད་ཅིག་མའི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། རྣམ་པར་སྨིན་པ་མ་ཡིན་པའི་ཟག་མེད་ཀྱི་ཡོན་ཏན་གྱི་རིགས་རྣམས་སྐད་ཅིག་མ་གཅིག་ལ་མངོན་དུ་བྱེད་ནུས་པའི་སེམས་དཔའི་རྣལ་འབྱོར་མཐར་ཐུག |
| རྣམ་པར་སྨིན་པའི་འབྲས་བུ |
སྨིན་གྱི་འབྲས་བུ་དང་དོན་གཅིག་ |
| རྣམ་པར་སྨིན་པའི་རྒྱུ |
རྣམ་སྨིན་གྱི་རྒྱུ་དང་དོན་གཅིག་ |
| རྣམ་པར་སྨིན་པའི་སེམས་བསྐྱེད |
དག་པ་ས་གསུམ་ཐོབ་སྐབས་ཀྱི་བྱང་ཆུབ་སེམས་བསྐྱེད། |
| རྣམ་པར་སྨིན་པའི་སེམས་བསྐྱེད་དགུ |
སེམས་བསྐྱེད་ཉེར་གཉིས་ལས་རྣམ་པར་སྨིན་པའི་སེམས་བསྐྱེད་དགུ་ཡིད་བཞིན་ནོར་བུའི་སེམས་བསྐྱེད་དང༌། ཉི་མ་ལྟ་བུའི་སེམས་བསྐྱེད་དང༌། གླུ་དབྱངས་ལྟ་བུའི་སེམས་བསྐྱེད་དང༌། རྒྱལ་པོ་ལྟ་བུའི་སེམས་བསྐྱེད་དང༌། བང་མཛོད་ལྟ་བུའི་སེམས་བསྐྱེད་དང༌། ལམ་པོ་ཆེ་ལྟ་བུའི་སེམས་བསྐྱེད་དང༌། བཞོན་པ་ལྟ་བུའི་སེམས་བསྐྱེད་དང༌། བཀོད་མའི་ཆུ་ལྟ་བུའི་སེམས་བསྐྱེད་དང༌། སྒྲ་སྙན་ལྟ་བུའི་སེམས་བསྐྱེད་རྣམས་སོ། |
| རྣམ་པར་སྨིན་པའི་སྐད་ཅིག་མའི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། རྣམ་པར་སྨིན་པའི་ཟག་མེད་ཀྱི་སྦྱིན་སོགས་ནས་དཔེ་བྱད་བརྒྱད་ཅུའི་བར་གྱི་ཡོན་ཏན་གྱི་རིགས་རྣམས་སྐད་ཅིག་མ་གཅིག་ལ་མངོན་དུ་བྱེད་ནུས་པའི་སེམས་དཔའི་རྣལ་འབྱོར་མཐར་ཐུག |
| རྣམ་པར་སྨིན་པའི་སྒྲིབ་པ |
ངན་འགྲོ་རྣམ་པ་གསུམ་དང་འདུ་ཤེས་མེད་པའི་སེམས་ཅན་དང་བྱང་གི་སྒྲ་མི་སྙན་དུ་སྐྱེས་པ་རྣམས་ནི་རྣམ་པར་སྨིན་པའི་སྒྲིབ་པ་སྔར་གྱི་ལས་ཀྱིས་རྒྱུད་ངན་པར་འཕངས་པའོ། |
| རྣམ་ཕྱིང |
སྣམ་ཕྱིང་དང་འདྲ། |
| རྣམ་ཕྱིས |
སྣམ་ཕྱིས་དང་འདྲ། |
| རྣམ་བཀྲ |
རྣམ་པར་བཀྲ་བའི་བསྡུས་ཚིག་ |
| རྣམ་བཅད |
1 མྱ་ངན་ལས་འདས་པའི་ཐིག་ཀོར་ཏེ། ལེགས་སྦྱར་གྱི་ཐིག་ཀོར་ཉིས་བརྩེགས། 2 བློས་རྟོགས་ཚུལ་གྱི་ཁྱད་པར་ཞིག་གཞི་དེ་ཆོས་དེ་ཡིན་པར་ཕར་རྣམ་པར་བཅད་ཅིང་མ་ཡིན་པར་རྟོགས་པའི་དོན། དཔེར་ན། གཞི་བུམ་པ་ལྟ་བུ་དེ་བློས་དངོས་སུ་མི་རྟག་པར་ཡིན་པར་རྟོགས་པ་ན། བློ་དེའི་ངོར་རྟག་པ་ཡིན་པ་ཕར་རྣམ་པར་བཅད་པ་ལྟ་བུའོ། 3 མངོན ཉི་མ། 4.ལན་ཛ་དང་གནའ་དུས་བོད་ཡིག་གི་ཚིག་མཚམས་ཀྱི་མཚོན་རྟགསཿ’འདིའི་མིང་། འདི་ལ‘ཚེག་དྲག’དང‘གཏེར་ཚེག’ཀྱང་ཟེར། |
| རྣམ་བཅད་ཀྱི་མཚམས་སྦྱོར |
སྒྲ་རིགས་པ་ལས་བྱུང་བའི་ཚེག་དྲག་གི་མཚམས་སྦྱོར། |
| རྣམ་བཅུ་དབང་ལྡན |
ཧོཾ་ཀྵ་མ་ལ་ཝ་ར་ཡོཾ་ཞེས་པ་ལཉྫའི་ཡི་གེ་(HKshMLW++R++YOm)་བརྩེགས་མ་འདི་འདྲ་ཞིག་རྟེན་གཞལ་ཡས་ཁང་གི་འོག་གཞི་རླུང་མེ་ཆུ་སའི་དཀྱིལ་འཁོར་བཞི་ཡ་ར་ཝ་ལ། རི་རབ་གཞལ་ཡས་ཁང་བཅས་པ་མ། བརྟེན་པ་སྐུ་གསུང་ཐུགས་ཀྱི་ལྷ་རྣམས་ཀྵ། ཐུགས་དཀྱིལ་གྱི་ལྷ་རྣམས་ཧ། བདེ་ཆེན་འཁོར་ལོའི་ལྷའི་སྐུ་གསུང་ཐུགས་ཟླ་ཚེས་ཐིག་ལེ་ནཱ་ད་སྟེ་རྟེན་བརྟེན་པའི་ལྷ་རྣམས་མཚོན་པར་བྱེད་པའོ། ཡ་ར་ཝ་ལ མ ཀྵ ཧ |
| རྣམ་བདུན་གྱི་རིགས་པ |
བདག་དང་ཤིང་རྟ་དཔེ་དོན་སྦྱར་བའི་སྒོ་ནས་བཤད་དེ། ཤིང་རྟ་དེ་ཤིང་རྟའི་ཡན་ལག་རྣམས་དང་དོན་གཅིག་དང་ཐ་དད་རྟེན་དང་བརྟེན་པ་བཅས་བཞི་དང༌། ལྡན་པ་དང་ལྔ། ཚོགས་པ་དང་དབྱིབས་གཉིས་ཏེ་བདུན་གྱིས་གང་ཟག་གི་བདག་མེད་གཏན་ལ་ཕབ་པའོ། |
| རྣམ་བདེན་པ |
སེམས་ཙམ་པའི་གྲུབ་མཐའི་ནང་གསེས། ཕྱི་དོན་བདེན་དངོས་སུ་མ་གྲུབ་ཀྱང་དབང་ཤེས་ལ་སྣང་བ་ལྟར་སེམས་སུ་བདེན་པར་འདོད་པའོ། |
| རྣམ་བཞག |
རིགས་པའི་གཞུང་ལུགས་ཀྱི་སྟེང་ནས་གསལ་བར་བཤད་པའི་གནས་ལུགས་དང་རྒྱུ་མཚན་སོགས་དང་དེ་སྟོན་པའི་དཔེ་ཆའི་མིང་བརྡ་སྤྲོད་ཀྱི་རྣམ་བཞག གསོ་བ་རིག་པའི་རྣམ་བཞག་རྩིས་རིག་གི་སྒྱུར་བགོ་སྣོན་ཕྲི་བཞིའི་རྣམ་བཞག་བཤད་པ་ཞེས་པ་ལྟ་བུ། |
| རྣམ་བཤད |
འབྲེལ་བཤད། |
| རྣམ་བཤད་སྙིང་པོའི་རྒྱན |
དུས་རབས་བཅུ་བཞི་པར་རྗེ་བློ་བཟང་གྲགས་པས་ཤེར་ཕྱིན་མངོན་རྟོགས་རྒྱན་གསུངས་པའི་ཞལ་ལུང་བཞིན་རྒྱལ་ཚབ་དར་མ་རིན་ཆེན་གྱིས་མཛད་པའི་ཕར་ཕྱིན་གྱི་འགྲེལ་པ་ཞིག |
| རྣམ་བྱང |
ཀུན་ནས་ཉོན་མོངས་རྣམ་པར་བྱང་བ་མྱ་ངན་ལས་འདས་པའོ། |
| རྣམ་བྱང་གི་ཆོས |
ཉོན་མོངས་པ་དག་སྤོང་བའི་གཉེན་པོ་མི་གཙང་བ་དང་བྱམས་པ་དང་རྟེན་ཅིང་འབྲེལ་བར་འབྱུང་བ་ལ་སོགས་པའོ། |
| རྣམ་བྱང་གི་སྟོབས་ལྔ |
བྱང་ཕྱོགས་སོ་བདུན་གྱི་ནང་གསེས་ཤིག་དད་པ་དང༌། བརྩོན་འགྲུས། དྲན་པ། ཏིང་ངེ་འཛིན། ཤེས་རབ་སྟེ་ལྔ། |
| རྣམ་བྱང་དབང་པོ་ལྔ |
བྱང་ཕྱོགས་སོ་བདུན་གྱི་ནང་གསེས་ཤིག་དད་པ་དང༌། བརྩོན་འགྲུས། དྲན་པ། ཏིང་ངེ་འཛིན། ཤེས་རབ་སྟེ་ལྔ། |
| རྣམ་བྱང་བཞི |
རང་བཞིན་གྱི་རྣམ་བྱང་དང༌། དམིགས་པའི་རྣམ་བྱང༌། རྣམ་དག་གིའམ་སྒྲུབ་པའི་རྣམ་བྱང༌། ཐོབ་པའི་རྣམ་བྱང་བཅས་བཞི། |
| རྣམ་བྱུང |
མངོན ས་འབྲུག་ལོ། |
| རྣམ་བྱེད |
མངོན ཚངས་པ། |
| རྣམ་མཁས་མ |
བུད་མེད་ཤེས་ལྡན་མ། |
| རྣམ་མཁྱེན |
1 སངས་རྒྱས་ཁོ་ན་ལ་མངའ་བའི་རྣམ་པ་ཐམས་ཅད་མཁྱེན་པའི་ཡེ་ཤེས་ཏེ་ཇི་ལྟ་ཇི་སྙེད་ཀྱི་རྣམ་པ་མ་ལུས་པ་སྐད་ཅིག་མ་གཅིག་ལ་མངོན་སུམ་དུ་རྟོགས་པའི་མཐར་ཐུག་གི་མཁྱེན་པ། ཤེར་ཕྱིན་དངོས་པོ་བརྒྱད་ཀྱི་ཡ་གྱལ་ཞིག 2 སེམས་ཀྱི་ཞེ་ས། རྣམ་མཁྱེན་ཆོས་ཀློང་ཆེན་པོར་ཡུལ་ཙམ་མངའ་བ་མཁྱེན། |
| རྣམ་མཁྱེན་གྱི་ཆོས་བཅུ |
ཤེར་ཕྱིན་དོན་བདུན་ཅུ་ལས་མཁྱེན་པ་གསུམ་གྱི་ཆོས་སུམ་ཅུའི་ནང་ཚན། རྣམ་མཁྱེན་མཚོན་བྱེད་ཀྱི་ཆོས་བཅུ་ཐེག་ཆེན་སེམས་བསྐྱེད་དང༌། གདམས་ངག་དང༌། ངེས་འབྱེད་ཡན་ལག་དང༌། སྒྲུབ་པའི་རྟེན་དང༌། སྒྲུབ་པའི་དམིགས་པ་དང༌། སྒྲུབ་པའི་ཆེད་དུ་བྱ་བ་དང༌། གོ་སྒྲུབ་དང༌། འཇུག་སྒྲུབ་དང༌། ཚོགས་སྒྲུབ་དང༌། ངེས་འབྱུང་སྒྲུབ་པ་བཅས་བཅུའོ། |
| རྣམ་འགྱུར |
མིའི་སེམས་སྣང་ཕྱི་ལ་མངོན་པའི་རྟགས་དང་ཉམས་ཀྱི་མིང་དགའ་བའི་རྣམ་འགྱུར། ཁྲོས་པའི་རྣམ་འགྱུར། མིག་གི་རྣམ་འགྱུར། ལག་པའི་རྣམ་འགྱུར་ཞེས་པ་ལྟ་བུ། ལྕགས་ཕོ་སྟག་གི་ལོའི་མིང་། |
| རྣམ་འགྱུར་གྱི་དཔེ |
དཔེའི་རྒྱན་གྱི་ནང་གསེས་ཤིག་དཔེ་ཅན་དོན་གྱི་དངོས་པོ་གང་ཞིག་དཔེའི་ནང་ནས་གསར་དུ་བཏོན་པའམ་ཕྱུང་བ་བཞིན་དུ་རྣམ་འགྱུར་ཡིད་དུ་འོང་བར་སྟོན་པའི་རྒྱན་ཞིག |
| རྣམ་འགྱུར་གྱི་རྒྱུ |
རྒྱུའི་རྒྱན་གྱི་ནང་གསེས་ཤིག་རྒྱུའི་སྔོས་པོ་ཡིད་དུ་འོང་བ་ལས་འབྲས་བུ་མི་འདོད་པའི་དངོས་པོར་འགྱུར་བ་སྟོན་པའི་རྒྱན་ཞིག |
| རྣམ་འགྱུར་མཛེས་པ |
1 མདོག་དབྱིབས་ལེགས་པ། 2 བྱ་སྤྱོད་ལེགས་པ། |
| རྣམ་འགྱུར་སྟོན་པ |
ལེགས་ཉེས་སམ་དགའ་སྡུག་གི་བཟོ་ལྟ་སྟོན་པ། དཔའ་བོའི་རྣམ་འགྱུར་སྟོན་པ། མཁས་པ་ཡིན་ཁུལ་གྱི་རྣམ་འགྱུར་སྟོན་པ། གདུང་སེམས་མཉམ་སྐྱེས་ཀྱི་རྣམ་འགྱུར་སྟོན་པ། |
| རྣམ་འགྲེལ |
1 འགྲེལ་བཤད། 2 ཚད་མ་རྣམ་འགྲེལ། |
| རྣམ་འཇོམས |
1 ལྷག་མེད་དུ་གཏོར་བ། 2 ལྷག་པའི་ལྷ་ཞིག |
| རྣམ་འདལ |
རྙིང རྣམ་པར་འདུད་པ། |
| རྣམ་འདུད |
1 རབ་ཏུ་གུས་པ། 2 བིནཏཀ གསེར་གྱི་རི་བདུན་གྱི་ཡ་གྱལ། རིའི་རྩེ་དབུས་ཀྱི་ཕྱོགས་ལ་འདུད་པར་ཡོད་པས་རྣམ་འདུད་དང༌། ངོས་རེར་དཔག་ཚད་ལྔ་འབུམ་ལྔ་ཁྲི་ཉིས་སྟོང་ལྔ་བརྒྱ་རེ་དང༌། མཐའ་སྐོར་དུ་ས་ཡ་གཉིས་དང་ཉིས་འབུམ་ཆིག་ཁྲི་ཡོད། |
| རྣམ་འདྲེན |
མཐོ་རིམ་སློབ་གྲྭའམ་ཞིབ་འཇུག་ལས་ཁོངས་སུ་སློབ་གཉེར་དང་ལེགས་སྦྱང་བྱེད་པ་དང་། བཤད་རྩོམ་འབྲི་བ་སོགས་ལ་འཁྲིད་སྟོན་མཛད་མཁན་གྱི་མིང་‘སློབ་དཔོན’ཡང་ཟེར། ལས་དོན་ཆེན་པོ་དང་ལས་འགུལ་ཆེན་པོའི་ཁྲོད་དུ་ཁ་ཕྱོགས་སྟོན་མཁན་གྱི་མིང་གསར་བརྗེའི་རྣམ་འདྲེན་ཞེས་པ་ལྟ་བུ།０སངས་རྒྱས་ཆོས་ལུགས་པས་སངས་རྒྱས་ཀྱི་མིང་ལའང་རྣམ་འདྲེན་ཟེར། |
| རྣམ་འདྲེན་བཞི་པ |
མངོན སངས་རྒྱས་ཤཱཀྱ་ཐུབ་པ། |
| རྣམ་འདྲེན་ལྔ་པ |
མངོན བྱམས་པ་མགོན་པོ། |
| རྣམ་འཕྱང |
མངོན ས་ཁྱི། |
| རྣམ་འཕྱོ |
མངོན ཉ། |
| རྣམ་འཕྲུལ |
མིག་སོགས་དབང་བོར་ནད་དང་རྫས་སོགས་ཀྱིས་ཤན་ཞུགས་པའི་འཕྲུལ་སྣང་སྒྱུ་མའི་རྣམ་འཕྲུལ་སྟོན་པ། མིག་རྣམ་པར་འཕྲུལ་བ་ཞེས་པ་ལྟ་བུ། ལྷ་སྒྲུང་ནང་དུ་བཤད་པའི་སྤྲུལ་སྒྱུར་སྣ་ཚོགས་ཀྱི་མིང་། |
| རྣམ་འབྱེད |
ཤེས་རབ། རྣམ་འབྱེད་གསལ་བས་དོན་ཀུན་བདེ་བླག་ཉིད་དུ་གྲུབ་པ། |
| རྣམ་འབྱེད་བུ |
མངོན ལྷའི་སྨན་པ། |
| རྣམ་འཛིན་གཟུགས |
མངོན ལུས། |
| རྣམ་རིག |
བློ་རིག་དང་ཤེས་རབ་སོགས་ཀྱི་མིང་མི་རྣམ་རིག་ཅན། བྱིས་པ་རྣམ་རིག་ཅན་ཞེས་པ་ལྟ་བུ། |
| རྣམ་རིག་པ |
སེམས་ཙམ་པ་དང་དོན་གཅིག་ |
| རྣམ་རྒྱལ |
1 མི་མཐུན་ཕྱོགས་ཐམས་ཅད་ཟིལ་གྱིས་མནན་ནས་བླངས་པའི་རྒྱལ་ཁ། 2 མངོན ཆུ་སྦྲུལ་ལོ། |
| རྣམ་རྒྱལ་ཁང་བཟང |
གྲོང་ཁྱེར་ལྟ་ན་སྡུག་པའི་དབུས་ན་ཡོད་པའི་ལྷའི་དབང་པོ་བརྒྱ་བྱིན་གྱི་ཕོ་བྲང༌། |
| རྣམ་རྒྱལ་བུམ་པ |
བུམ་པའི་དཀྱིལ་འཁོར་དུ་དབང་བསྐུར་སྐབས་བུམ་པ་ལྔའི་ནང་གསེས་སངས་རྒྱས་ཀྱི་བུམ་པའི་བུམ་པ། |
| རྣམ་རྒྱལ་མ |
ལྷ་ཞིག |
| རྣམ་རྒྱལ་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ཞིག་ཡངས་པ་ཅན་དུ་སྟོན་པ་ཐུབ་པའི་དབང་པོས་སྐུ་ཚེའི་འདུ་བྱེད་ཟླ་བ་གསུམ་དུ་བྱིན་གྱིས་བརླབས་པའི་ཚེ་བཞེངས་པའི་མཆོད་རྟེན་ཟླུམ་པོ་བང་རིམ་གསུམ་པ་ཅན། |
| རྣམ་རྒྱལ་ཚེ་ཆོག |
བྱ་རྒྱུད་རྣམ་རྒྱལ་ལྷ་དགུ་ལ་བརྟེན་ནས་ཚེ་སྤེལ་བའི་ཆོ་ག་ཞིག |
| རྣམ་རྒྱས |
མངོན ལྗོན་ཤིང༌། |
| རྣམ་རྟོག |
1 སེམས་ཀྱི་འཆར་སྒོ། 2 དོགས་པ་དང༌། ཐེ་ཚོམ། རྣམ་རྟོག་ཚ་པོ། རྣམ་རྟོག་ཅན་ལ་འདྲེ་དགུ་འཁོར། དྲང་བདེན་གྱི་ལས་དོན་ལ་ཧུར་བརྩོན་ཆེ་བསྐྱེད་བྱས་ན་འགྲུབ་མིན་གྱི་རྣམ་རྟོག་མི་དགོས། མིང་གི་རྣམ་གྲངས་ལ་ཀུན་རྟོག་དང༌། རྟོག་པ། རྟོག་དཔྱོད། དྲན་པ། ཡང་དག་རྟོག་ཡིད་ཀྱི་ལས། ཡིད་གཞུངས། ཡིད་ལ་བྱེད་པ། སེམས་ཀྱི་ལོངས་སྤྱོད། བསམ་མནོ་བཅས་སོ། |
| རྣམ་རྟོག་རྩ་བ |
གཏི་མུག་གམ་མ་རིག་པ། |
| རྣམ་རྟོག་ལངས་པ |
རེ་དོགས་སོགས་ཀྱི་བསམ་བློ་ཤར་བ། ཕོ་རོག་གི་གྲོག་སྐད་ཐོས་ནས་རེ་བའི་རྣམ་རྟོག་ལངས་པ་དང༌། འུག་པའི་ཐན་སྐད་ཐོས་ནས་དོགས་པའི་རྣམ་རྟོག་ལངས་པ། |
| རྣམ་རྟོག་སློང་བ |
བར་ཆད་སོགས་ཀྱི་ཉེན་ཁ་སྐུལ་བའམ་དོགས་པ་ཟ་རུ་འཇུག་པ། སྐད་ཆ་ངན་པ་བཤད་ནས་མི་ལ་དོན་མེད་རྣམ་རྟོག་སློང་བ། |
| རྣམ་རྫུན་པ |
སེམས་ཙམ་པའི་གྲུབ་མཐའི་ནང་གསེས་ཤིག་ཕྱི་དོན་བདེན་དངོས་སུ་མ་གྲུབ་པར་མ་ཟད། དབང་ཤེས་ལ་སྣང་བ་ལྟར་མ་གྲུབ་པས་སེམས་སུའང་མི་བདེན་པར་འདོད་པའོ། |
| རྣམ་རྫོགས་སྦྱོར་བ |
རྣམ་ཀུན་མངོན་རྫོགས་སྦྱོར་བའི་བསྡུས་མིང༌། |
| རྣམ་རྫོགས་སྦྱོར་བའི་ཆོས་བཅུ་གཅིག |
ཤེར་ཕྱིན་དོན་བདུན་ཅུ་ལས་སྦྱོར་བ་བཞིའི་ཆོས་སོ་དྲུག་གི་ནང་ཚན། རྣམ་རྫོགས་སྦྱོར་བ་མཚོན་བྱེད་ཀྱི་ཆོས་བཅུ་གཅིག་ནི་སྦྱོར་བའི་རྣམ་པ་དང༌། སྦྱོར་བ་དང༌། སྦྱོར་བའི་ཡོན་ཏན་དང༌། སྦྱོར་བའི་སྐྱོན་དང༌། སྦྱོར་བའི་མཚན་ཉིད་དང༌། ཐེག་ཐེན་ཐར་པ་ཆ་མཐུན་དང༌། ཐེག་ཆེན་ངེས་འབྱེད་ཆ་མཐུན་དང༌། སློབ་པ་ཕྱིར་མི་ལྡོག་པ་དང༌། སྲིད་ཞི་མཉམ་ཉིད་ཀྱི་སྦྱོར་བ་དང༌། ཞིང་དག་པའི་སྦྱོར་བ་དང༌། ཐབས་མཁས་སྦྱོར་བ་སྟེ་བཅུ་གཅིག |
| རྣམ་ཤེས |
སེམས་དང་འདུ་ཤེས་ཀྱི་མིང་རྣམ་ཤེས་སྒྲིམས། རྣམ་ཤེས་གཏོད། རྣམ་ཤེས་མ་གཡེང་ལྟ་བུ། སེམས་ཅན་རྣམས་ཤི་རྗེས་རྣམ་ཤེས་མི་འཇིག་པར་སླར་གང་ཟག་ཏུ་སྐྱེ་བར་བཤད་པའི་ཆོས་ལུགས་ཀྱི་བཤད་ཚུལ་ཞིག |
| རྣམ་ཤེས་ཀྱི་ཁམས |
མིང་དང་གཟུགས་སྐྱེ་བའི་བྱ་བ་བྱེད་པའི་ཟག་པ་དང་བཅས་པའི་རྣམ་ཤེས་ཏེ་སྲིད་པར་སྐྱེ་བའི་རྟེན། |
| རྣམ་ཤེས་ཀྱི་ཁམས་བདུན |
མིག་དང༌། རྣ། སྣ། ལྕེ། ལུས། ཡིད་བཅས་ཀྱི་རྣམ་ཤེས་ཀྱི་ཁམས་དྲུག་དང༌། ཡིད་ཀྱི་ཁམས་དང་བདུན་ནོ། |
| རྣམ་ཤེས་ཀྱི་གནས་པ |
རྣམ་པར་ཤེས་པས་ཞེན་འཛིན་བྱ་ཡུལ། |
| རྣམ་ཤེས་ཀྱི་གནས་པ་བདུན |
མི་རྣམས་དང་ལྷ་ཁ་ཅིག་ཚངས་རིས་ཀྱི་ལྷ་གང་དག་དང་པོར་བྱུང་བ་དེ་དག་དང༌། འོད་གསལ་གྱི་ལྷ་རྣམས་དང༌། དགེ་རྒྱས་ཀྱི་ལྷ་རྣམས་དང༌། ནམ་མཁའ་མཐའ་ཡས་དང༌། རྣམ་ཤེས་མཐའ་ཡས་དང༌། ཅི་ཡང་མེད་པ་བཅས་ཀྱི་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་སོ། |
| རྣམ་ཤེས་ཀྱི་གནས་པ་བཞི |
ཟག་པ་དང་བཅས་པའི་གཟུགས་ལ་ཉེ་བར་སྤྱོད་པ་དང༌། དེ་བཞིན་དུ་ཚོར་བ་དང་འདུ་ཤེས་དང་འདུ་བྱེད་བཅས་བཞི་ལ་ཉེ་བར་སྤྱོད་པའོ། |
| རྣམ་ཤེས་ཀྱི་ཕུང་པོ |
བློའི་ཡུལ་དུ་དུ་མ་སྤུངས་པ་ལྟར་སྣང་ཞིང༌། རང་སྟོབས་ཀྱིས་ཡུལ་གྱི་ངོ་བོ་སོ་སོར་རྣམ་པར་རིག་པའི་སེམས། |
| རྣམ་ཤེས་ཀྱི་ཟས |
རྣམ་ཤེས་དྲུག་གམ་བརྒྱད་ཀྱིས་ལུས་སྲོག་ལ་ཕན་འདོགས་པའི་རྣམ་པར་ཤེས་པ་སྟེ་ཟས་བཞིའི་ནང་ཚན་ཞིག |
| རྣམ་ཤེས་ཀྱི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། འདུ་བྱེད་ཀྱིས་སྲིད་པའི་སྐྱེ་གནས་རྣམས་སུ་ཡང་སྲིད་ཕྱི་མ་འཕེན་པར་བྱེད་པ་སྟེ་ས་བོན་དང་མཐུན་པར་སྐྱེ་གནས་སུ་ཁྲིད་པར་བྱེད་པའི་རྣམ་པར་ཤེས་པའོ། |
| རྣམ་ཤེས་དྲུག |
རྣམ་ཤེས་ཚོགས་དྲུག་དང་དོན་གཅིག་ |
| རྣམ་ཤེས་བརྒྱད |
རྣམ་ཤེས་ཚོགས་བརྒྱད་དང་དོན་གཅིག་ |
| རྣམ་ཤེས་མཐའ་ཡས་སྐྱེ་མཆེད |
གཟུགས་མེད་སྐྱེ་མཆེད་མུ་བཞིའི་ནང་གསེས། ཆོས་ཐམས་ཅད་ནམ་མཁའ་ལྟར་མཐའ་ཡས་པ་དེ་ལ་དམིགས་པའི་རྣམ་པར་ཤེས་པ་དེ་ཡང་མཐའ་ཡས་སོ་སྙམ་དུ་སེམས་པའི་སའོ། |
| རྣམ་ཤེས་མཐའ་ཡས་སྐྱེ་མཆེད་ཀྱི་རྣམ་ཐར |
གཟུགས་མེད་རྣམ་ཐར་བཞིའི་ནང་གསེས། ནམ་མཁའ་དེ་མཐའ་ཡས་པར་མ་ཟད་ཀྱི་ནམ་མཁའ་མཐའ་ཡས་སོ་སྙམ་དུ་དམིགས་པའི་འདུ་ཤེས་དང་འགྲོགས་པའི་རྣམ་པར་ཤེས་པ་དེ་ཡང་ནམ་མཁའ་བཞིན་དུ་མཐའ་ཡས་སོ་སྙམ་དུ་སྙོམས་པར་ཞུགས་པ་སྟེ་རྣམ་ཤེས་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་པའོ། |
| རྣམ་ཤེས་མཐའ་ཡས་སྙོམས་འཇུག |
གཟུགས་མེད་སྙོམས་འཇུག་བཞིའི་ཡ་གྱལ། རྣམ་ཤེས་མཐའ་ཡས་སྐྱེ་མཆེད་ལ་དམིགས་པ་རྩེ་གཅིག་ཏུ་འཇུག་པའི་ཏིང་ངེ་འཛིན་ནོ། |
| རྣམ་ཤེས་ཙམ་པ |
སེམས་ཙམ་པ་དང་དོན་གཅིག་ |
| རྣམ་ཤེས་ཚོགས་དྲུག |
མིག་གི་རྣམ་ཤེས་དང༌། རྣ་བའི་རྣམ་ཤེས། སྣའི་རྣམ་ཤེས། ལྕེའི་རྣམ་ཤེས། ལུས་ཀྱི་རྣམ་ཤེས། ཡིད་ཀྱི་རྣམ་ཤེས་ཏེ་དྲུག་གོ། |
| རྣམ་ཤེས་ཚོགས་བརྒྱད |
རྣམ་ཤེས་ཚོགས་དྲུག་དང༌། ཉོན་ཡིད་ཀྱི་རྣམ་ཤེས་དང་ཀུན་གཞིའི་རྣམ་ཤེས་ཏེ་བརྒྱད་དོ། |
| རྣམ་ཤེས་ཟླ་བ |
མངོན ཉི་མས་ཉ་ཁྱིམ་སྤྱོད་པའི་ཟླ་བའམ་ཧོར་ཟླ་གཉིས་པའི་མིང༌། |
| རྣམ་ཤེས་འཕོ་བའི་བུ་ག་དགུ |
ཚངས་བུག་སྨིན་མཚམས། མིག་རྣ་བ། སྣ། ཁ། ལྟེ་བ། ཆུ་ལམ། བཤང་ལམ་བཅས་དགུའོ། |
| རྣམ་ཤེས་རྟེན |
མངོན སྙིང༌། |
| རྣམ་ཤེས་ལ་མི་རྟོན་པ |
མི་རྟོན་པ་བཞིའི་ཡ་གྱལ་ཞིག་ཚུ་རོལ་བདེན་པར་ལྟ་བ་དང༌། བདག་དང་ཕུང་པོ་ལ་སོགས་པ་མཚན་མར་རྟོག་པ་དང༌། འདོད་པའི་ཡོན་ཏན་ལྔའི་བདེ་བ་ལ་དེར་འཛིན་གྱི་བློའི་གཞན་དབང་དུ་གྱུར་པ་ལ་སོགས་པ་ནི་རྣམ་པར་ཤེས་པ་སྟེ་དེ་ལ་ཡིད་རྟོན་པར་མི་བྱའོ། |
| རྣམ་སད |
མངོན ལྷ། |
| རྣམ་སྒེག་མ |
རྣམ་འགྱུར་བརྗིད་པའམ་ཁེངས་ཉམས་ཅན་མ། |
| རྣམ་སྣང |
རྣམ་པར་སྣང་མཛད་ཀྱི་བསྡུས་ཚིག་ |
| རྣམ་སྣང་གངས་ཆེན་མཚོ |
སངས་རྒྱས་ཤིག་གི་མཚན། |
| རྣམ་སྣང་ཆོས་བདུན |
རྐང་པ་སྐྱིལ་ཀྲུང༌། ལག་པ་མཉམ་གཞག་སྒལ་ཚིགས་དྲང་པོ་བསྲང་བ། མགྲིན་པ་ཅུང་ཟད་གུག་པ། དཔུང་པ་རྒོད་གཤོག་ལྟར་བརྒྱང་བ། མིག་སྣ་རྩེར་ཕབ་པ། ལྕེ་རྩེ་ཡ་རྐན་ལ་སྦྱར་བ་སྟེ་བདུན་ནོ། |
| རྣམ་སྤྲོ |
མངོན སྒྲ་སྙན། |
| རྣམ་སྨིན |
དགེ་བའི་རྣམ་སྨིན་བདེ་བ་དང་སྡིག་པའི་རྣམ་སྨིན་སྡུག་བསྔལ་འབྱུང་ཞེས་པའི་ཆོས་ལུགས་ཀྱི་བཤད་ཚུལ་ཞིག ནང་གི་རྒྱུ་རྐྱེན་ཚང་བ་ལས་བྱུང་བའི་འབྲས་བུའི་མིང་རྣམ་སྨིན། ཤིང་ཏོག་གཡུར་དུ་ཟ་བའི་ལྗོན་ཤིང་། ཤིང་ཏོག་རྣམ་པར་སྨིན་པ་ཞེས་པ་ལྟ་བུ། |
| རྣམ་སྨིན་གྱི་འབྲས་བུ |
འབྲས་བུ་ལྔའི་ནང་གསེས། ཟག་བཅས་ཀྱི་དགེ་བ་དང་མི་དགེ་བ་གང་རུང་གི་རྣམ་པར་སྨིན་པའི་རྒྱུ་ལས་སྐྱེས་པ་ཟག་བཅས་ཉེར་ལེན་གྱི་ཕུང་པོ་ལྟ་བུ། |
| རྣམ་སྨིན་གྱི་རྒྱུ |
རྒྱུ་དྲུག་གི་ནང་གསེས་ཤིག་རང་འབྲས་རྣམ་པར་སྨིན་པ་སྐྱེད་པར་བྱེད་པ། ཟག་བཅས་ཀྱི་དགེ་བ་དང༌། མི་དགེ་བ་གང་རུང་གིས་བསྡུས་པའི་ཆོས་རྣམས་སོ། |
| རྣམ་སྨིན་གྱི་ལུས |
སྦྱང་གཞི་བར་དོའི་ལུས་གསུམ་གྱི་ནང་གསེས་ཤིག་སྐྱེ་ནས་མ་ཤིའི་བར་དུ་སྐྱེ་ཤི་བར་དོ་ནི་དགེ་སྡིག་དུ་མའི་ལས་བསགས་པས་བདེ་སྡུག་སྣ་ཚོགས་སུ་སྨིན་ཞིང་མྱོང་བས་རྣམ་པར་སྨིན་པའི་ལུས་ཞེས་བྱའོ། |
| རྣམ་སྨིན་གྱི་ཤན |
ལྟུང་བའི་ཤན་ནོ། |
| རྣམ་སྨིན་རིག་འཛིན |
སྔགས་རྙིང་མའི་ས་ལམ་བགྲོད་ཚུལ་རིག་འཛིན་རྣམ་པ་བཞིའི་ཡ་གྱལ་ཞིག་མཐོང་ལམ་གྱི་གནས་སྐབས་སུ། དང་པོ་བསྐྱེད་རིམ་ལ་བརྟན་པ་ཐོབ་ནས་སེམས་ཉིད་ལྷར་སྨིན་ཡང༌། འབྱུང་བའི་སྙིགས་མ་སྦྱང་མ་ནུས་པའོ། |
| རྣམ་སྲས |
རྣམ་ཐོས་སྲས་ཀྱི་བསྡུས་ཚིག་ |
| རྣམ་སྲས་གན་མཛོད |
སྔར་བོད་ས་གནས་སྲིད་གཞུང་སྐབས་རྩེ་པོ་ཏ་ལར་ཡོད་པའི་ནང་གི་བང་མཛོད་ཅིག |
| རྣམས |
ཚང་མའམ་ཐམས་ཅད། རྒྱལ་ཁབ་རྣམས། ཚོགས་འདུར་ཡོང་མཁན་རྣམས། འཛུགས་སྐྲུན་གྱི་བྱ་གཞག་རྣམས། འཛམ་གླིང་ཡོངས་ཀྱི་འབྱོར་མེད་པ་རྣམས་མཉམ་འབྲེལ་གྱིས་ཤིག རྒྱུ་དངོས་དེ་རྣམས་ལ་བདག་སྤྲོད་གཟབ་ནན་བྱེད་དགོས། |
| རྣམས |
(གྲངས་ཚིག) མང་ཚིག་མི་རྣམས། བཟོ་པ་རྣམས་ཞེས་པ་ལྟ་བུ། |
| རྣར་སྙན་ཡིད་འབབ |
གཏམ་རྣ་བར་སྙན་པ་དང་དོན་ཡིད་ལ་འབབ་པ། |
| རྣལ |
‘མནལ’གྱི་འབྲི་ཚུལ་གཞན་ཏེ། རྨི་ལམ་ལ་རྣལ་ལམ་ཟེར་བ་ལྟ་བུ། (བྱེད་མེད་ལས་ཚིག) བག་ཕབ་པ་དང་འཚབ་འཚུབ་མེད་པ་ཡོན་ཏན་སྦྱང་ན་སེམས་རྣལ་དགོས། མེ་མདའ་འཕེན་ན་ལག་རྣལ་དགོས་ཞེས་པ་ལྟ་བུ། |
| རྣལ་དུ |
(བསྣན་ཚིག) གཏན་ཆགས་པའམ་འཚབ་འཚུབ་མེད་པ་སེམས་རྣལ་དུ་ཕབ་ནས་སློབ་སྦྱོང་བྱས། བློ་རྣལ་དུ་ཕབ་ནས་བསམ་བློ་བཏང་ལྟ་བུ། ‘རྣལ་ལ’ཞེས་བྲིས་ཀྱང་ཆོག་སེམས་རྣལ་ལ་བབས། བློ་རྣལ་ལ་མི་འབབ་པ་ཞེས་པ་ལྟ་བུ། |
| རྣལ་མ |
1 ཡང་དག་པ་དང་བདེན་པའམ་ཡིན་ལུགས་དངོས། གཏམ་རྣལ་མ། གོ་བསྡུར་རྣལ་མ། གནས་ལུགས་རྣལ་མ། 2 གཉུག་མ་དང་ཚུལ་བཞིན་ནམ། གནས་ལུགས་གཤའ་མ་དང་མཐུན་པ། ཉེན་ཚབས་ཆེ་བའི་གནས་ཚུལ་བྱུང་སྐབས་སེམས་རྣལ་དུ་ཕབ་སྟེ་བརྟག་དཔྱད་བྱེད་དགོས། དྲན་པ་རྣལ་དུ་བཞག་ནས་རྩོད་པ་རྒྱག་པ། ཤེས་པ་རྣལ་དུ་མི་གནས་པ། |
| རྣལ་མའི་དོན |
ཆོས་ཉིད་ཀྱི་དོན། |
| རྣལ་མའི་རླུང་སེམས |
ལུས་ལ་རང་ཆས་སུ་ཡོད་པའི་རླུང་སེམས་ཏེ། ཡེ་ཤེས་ཀྱི་རླུང་དང་རིག་པའོ། |
| རྣལ་མའི་ལུས |
གཉུག་མའི་ལུས། |
| རྣལ་མའི་སེམས |
གཉུག་མའི་སེམས་ཏེ་རང་བྱུང་གི་ཡེ་ཤེས། |
| རྣལ་མིན་གྱི་བསམ་པ |
རྒྱུན་ལུགས་དང་མི་མཐུན་པའི་བསམ་པ། |
| རྣལ་མོ |
(རྒྱན་ཚིག) བརྟན་བརླིང་བག་ཕབ་པ་སེམས་རྣལ་མོ་བྱས་ནས་སྡོམ་རྩིས་བརྒྱབ་ལྟ་བུ། |
| རྣལ་འབྱོར |
སྒོམ་རྒྱག་པ་སོགས་ཆོས་ལུགས་ཀྱི་ཆོ་ག་རིགས་ཤིག་གི་མིང་། |
| རྣལ་འབྱོར་ཆེན་པོའི་རྒྱུད |
རྒྱུད་སྡེ་བཞིའི་བཞི་པ་སྟེ་བླ་མེད་ཀྱི་རྒྱུད། |
| རྣལ་འབྱོར་པ |
ཆོས་ལུགས་ཀྱི་རྣལ་འབྱོར་ལ་བརྩོན་པའི་མི། |
| རྣལ་འབྱོར་བཞི |
བཀའ་བརྒྱུད་པས་ཕྱག་རྒྱ་ཆེན་པོ་བསྒོམ་པའི་ལམ་ཞིག་སེམས་ལ་དམིགས་པ་རྩེ་གཅིག་ཏུ་གཏད་པས་རྩེ་གཅིག་དང༌། སེམས་སྤྲོས་བྲལ་དུ་རྟོགས་པས་སྤྲོས་བྲལ་དང༌། སྣང་སེམས་རོ་གཅིག་ཏུ་རྟོགས་པས་རོ་གཅིག་དང༌། མཚན་བཅས་ཀྱིས་སྒོམ་དུ་མེད་པས་སྒོམ་མེད་བཅས་བཞིའི། |
| རྣལ་འབྱོར་བླ་ན་མེད་པའི་རྒྱུད |
བིཏཱནྟནྟྲ ཐབས་དང་ཤེས་རབ་དབྱེར་མེད་དུ་སྦྱོར་བས་རྒྱུད་ཐམས་ཅད་ཀྱི་མཆོག་ཏུ་གྱུར་པ། དེའི་གོང་ན་རྒྱུད་གཞན་མེད་པས་ན་རྣལ་འབྱོར་བླ་མེད་ཀྱི་རྒྱུད་ཅེས་བྱའོ། |
| རྣལ་འབྱོར་མ |
ཡོགིནཱི 1 ཡང་དག་པའི་ལམ་སྒྲུབ་པ་མོ། 2 མོ་རྒྱུད་ཀྱི་ལྷ་ཞིག |
| རྣལ་འབྱོར་མ་གསུམ |
ལྷན་སྐྱེས་དང༌། ཞིང་སྐྱེས་དང༌། སྔགས་སྐྱེས་ཀྱི་རྣལ་འབྱོར་མ་སྟེ་གསུམ། |
| རྣལ་འབྱོར་མངོན་སུམ |
མངོན་སུམ་བཞིའི་ནང་གསེས། རང་གི་ཐུན་མོང་མ་ཡིན་པའི་བདག་རྐྱེན་ཞི་ལྷག་ཟུང་འབྲེལ་གྱི་ཏིང་ངེ་འཛིན་ལ་བརྟེན་ནས་བྱུང་བའི་རང་ཡུལ་ཡང་དག་པའི་དོན་ལ་རྟོག་བྲལ་མ་འཁྲུལ་བའི་མཁྱེན་པ། དཔེར་ན། བུམ་པ་མི་རྟག་པ་མངོན་སུམ་དུ་རྟོགས་པའི་བློ་དང༌། མཐོང་སྒོམ་མཉམ་བཞག་དང༌། མི་སློབ་པའི་མཁྱེན་པ་ལྟ་བུའོ། |
| རྣལ་འབྱོར་མངོན་སུམ་ཚད་མ |
མངོན་སུམ་ཚད་མའི་ནང་གསེས། རང་གི་ཐུན་མོང་མ་ཡིན་པའི་བདག་རྐྱེན་ཞི་ལྷག་ཟུང་འབྲེལ་གྱི་ཏིང་ངེ་འཛིན་ལས་བྱུང་ཞིང་རང་ཡུལ་ཡང་དག་པའི་དོན་ལ་རྟོག་བྲལ་མ་འཁྲུལ་བའི་གསར་དུ་མི་བསླུ་བའི་ཤེས་པ། དཔེར་ན། རྣམ་མཁྱེན་དང༌། མཐོང་སྒོམ་མཉམ་བཞག་སྐད་ཅིག་དང་པོ་ལྟ་བུའོ། |
| རྣལ་འབྱོར་རྒྱུད |
ཡོགཿཏནྡྲ ནང་ཐབས་ཤེས་ཀྱི་རྣལ་འབྱོར་སྒོམ་པ་གཙོ་བོར་གྱུར་པས་སམ། ཟབ་པ་དོན་དམ་པའི་བདེན་པ་དང་རྒྱ་ཆེ་བ་ཀུན་རྫོབ་ཀྱི་བདེན་པ་ཀུན་ཤེས་ཤིང་རིག་ནས་དེ་གཉིས་དབྱེར་མེད་དུ་སྦྱོར་བའི་ཏིང་ངེ་འཛིན་ལ་གཙོར་བྱེད་པས་རྣལ་འབྱོར་གྱི་རྒྱུད་ཅེས་བྱའོ། |
| རྣལ་འབྱོར་རྒྱུད་ཀྱི་ཐེག་པ |
སྔགས་རྙིང་མའི་ཐེག་པ་རིམ་དགུའི་ཡ་གྱལ་ཞིག་འཇུག་སྒོ་རིག་པའི་དབང་ལྔ་དང༌། སློབ་དཔོན་གྱི་དབང་སྟེ་དྲུག་ཐོབ་པར་བྱས་ནས་ལྟ་བ་དོན་དམ་པར་ཆོས་ཐམས་ཅད་མཚན་མ་མེད་པར་རྟོགས་པའི་བྱིན་རླབས་ལས་ཀུན་རྫོབ་རྡོ་རྗེ་དབྱིངས་ཀྱི་ལྷར་བལྟ་བ། སྒོམ་པ་མངོན་བྱང་ལྔ་དང༌། ཆོ་འཕྲུལ་བཞི། ཕྱག་རྒྱ་བཞི་སོགས་བསྒོམ་པ་ཐབས་ཀྱི་རྣལ་འབྱོར་དང༌། ལྟ་བའི་ངང་ལ་འཇོག་པ་ཤེས་རབ་ཀྱི་རྣལ་འབྱོར་བསྒོམ་ཞིང༌། སྤྱོད་པ་ཁྲུས་དང་གཙང་སྦྲ་སོགས་གྲོགས་ཙམ་དུ་བསྟེན་ནས། འབྲས་བུ་རིགས་ལྔ་སྟུག་པོ་བཀོད་པར་འཚང་རྒྱ་བར་འདོད་དོ། |
| རྣལ་འབྱོར་རྒྱུད་ཀྱི་དབང་བདུན |
མེ་ཏོག་ཕྲེང་དང༌། ཆུ་དང༌། ཅོད་པཎ་དང༌། རྡོ་རྗེ་དང༌། དྲིལ་བུ་དང༌། མིང་དང༌། རྡོ་རྗེ་སློབ་དཔོན་གྱི་དབང་བཅས་བདུན། |
| རྣལ་འབྱོར་རྒྱུད་ཀྱི་དམ་ཚིག་བཅུ་བཞི |
མཆོག་གསུམ་ལ་སྐྱབས་སུ་བརྟེན་པ་དེ་བཞིན་གཤེགས་པའི་རིགས་ཀྱི་དམ་ཚིག་གསུམ། རྡོ་རྗེ་དང༌། དྲིལ་བུའི་ཕྱག་རྒྱ་དང༌། སློབ་དཔོན་བཟུང་བ་སྟེ་རྡོ་རྗེའི་རིགས་ཀྱི་དམ་ཚིག་གསུམ། ཆོས་དང༌། ཟང་ཟིང་དང༌། མི་འཇིགས་པ་དང༌། བྱམས་པའི་སྦྱིན་པ་སྟེ་རིན་ཆེན་རིགས་ཀྱི་དམ་ཚིག་བཞི། ཕྱི་བྱ་སྤྱོད་དང༌། ནང་རྣལ་འབྱོར་རྒྱུད་དང༌། ཐེག་པ་གསུམ་གྱི་ཆོས་འཛིན་པ་སྟེ་པད་མའི་རིགས་ཀྱི་དམ་ཚིག་གསུམ། མཆོད་པའི་ལས་ལ་བརྩོན་པ་ལས་ཀྱི་རིགས་ཀྱི་དམ་ཚིག་གཅིག་སྟེ་སྒྲུབ་ཕྱོགས་ཀྱི་དམ་ཚིག་བཅུ་བཞིའོ། |
| རྣལ་འབྱོར་རྒྱུད་ཀྱི་དུམ་བུ་བཞི |
རྡོར་དབྱིངས་ཀྱི་དུམ་བུ་དང༌། ཁམས་གསུམ་རྣམ་རྒྱལ་གྱི་དུམ་བུ། འགྲོ་འདུལ་གྱི་དུམ་བུ། དོན་གྲུབ་ཀྱི་དུམ་བུ་བཅས་བཞི། |
| རྣལ་འབྱོར་རྒྱུད་གསུམ |
རྩ་བའི་རྒྱུད་དེ་ཉིད་འདུས་པ། བཤད་རྒྱུད་རྡོ་རྗེ་རྩེ་མོ། ཆ་མཐུན་གྱི་རྒྱུད་དཔལ་མཆོག་དང་པོ་སྟེ་གསུམ། |
| རྣལ་འབྱོར་རྒྱུད་རིགས་ལྔ |
སངས་རྒྱས་དང༌། རྡོ་རྗེ་དང༌། རིན་ཆེན་དང༌། པད་མ་དང༌། ལས་ཀྱི་རིགས་རྣམས་སོ། |
| རྣལ་འབྱོར་ལྔ |
གསང་སྔགས་རྙིང་མའི་ཨ་ནུ་ཡོ་གའི་ལུགས་སུ་ལམ་ལྔའི་ངོ་བོར་གྱུར་པའི་རྣལ་འབྱོར་ལྔ་ཚོགས་ལམ་འདུན་པ་སེམས་ཀྱི་རྣལ་འབྱོར། སྦྱོར་ལམ་རིགས་ཆེན་འབྱེད་པའི་རྣལ་འབྱོར། མཐོང་ལམ་དབུགས་ཆེན་འབྱིན་པའི་རྣལ་འབྱོར། བསྒོམ་ལམ་ལུང་ཆེན་ཐོབ་པའི་རྣལ་འབྱོར། མི་སློབ་ལམ་རྩལ་ཆེན་རྫོགས་པའི་རྣལ་འབྱོར་ཏེ་ལྔ། |
| རྣལ་འབྱོར་ས་གསུམ |
གང་ཟག་གི་བདག་མེད་རྟོགས་པའི་རྣལ་འབྱོར་གྱི་ས་དང༌། གཟུང་འཛིན་གཉིས་སྟོང་རྟོགས་པའི་རྣལ་འབྱོར་གྱི་ས། བདེན་སྟོང་རྟོགས་པའི་རྣལ་འབྱོར་གྱི་ས་བཅས་གསུམ། |
| རྣལ་འབྱོར་སྤྱོད་པ |
1 དབུ་མ་རང་རྒྱུད་པའི་བྱེ་བྲག་ཅིག 2 རྣལ་འབྱོར་པ། |
| རྣལ་འབྱོར་སྤྱོད་པའི་དབུ་མ་པ |
དབུ་མ་རང་རྒྱུད་པའི་ནང་གསེས་ཤིག་ཀུན་རྫོབ་ཙམ་དུ་ཤེས་པ་ཞིག་ཁས་ལེན་ཞིང་ཕྱི་དོན་ཁས་མི་ལེན་པའོ། |
| རྣལ་ལན |
རྣལ་མའི་ལན་ཏེ། རྩོད་པའི་སྐབས་དབྱེ་བ་ན། ཐལ་ལན་རྣམ་ཐར་སྒོ་བཞིར་འདེབས་པའམ། དྲི་བ་དང་རྩོད་པ་སྤོང་བའི་ལན་དངོས་བརྗོད་པའོ། |
| རྣལ་ལམ |
རྙིང རྨི་ལམ། |
| རྣིལ |
‘རྙིལ’གྱི་འབྲི་ཚུལ་གཞན། |
| རྣིལ་ནད |
རྙིང སོ་རྙིལ་ནད། |
| རྣུ |
(བྱེད་འབྲེལ་ལས་ཚིག་ད་ལྟ་བ)མདུན་དུ་འཐེན་པའི་བརྡ་རྙིང་སྟེ། (དཔེར་ན།) |
| རྣུར |
‘རྣུ’ལ་ལྟོས། |
| རྣོ |
ཞིབ་སྦྱང་བྱས་ཏེ། བྱེ་མ་སོགས་སྙིགས་རོ་མི་འདྲེས་པའི་ལྕགས་ཀྱི་མིང་ལྕགས་དཀྱུས་མ་ལས་སྲ་ཞིང་ལྡེམ་གཤིས་ཡོད་པས་བཟོ་ལས་ཀྱི་རྒྱུ་ཆ་ཧ་ཅང་གལ་ཆེན་ཡིན། ‘ངར་ལྕགས’ཀྱང་ཟེར། (རྒྱན་ཚིག) <ཀ>གྲི་སོགས་ལ་དངོས་རྫས་གཅོད་གཞོག་བྱེད་པའི་དབལ་དང་ལྡན་པ་གྲི་འདི་ཧ་ཅང་རྣོ་ཟོར་བ་རྣོ་ན་འབྲེག་སླ་ལྟ་བུ།<ཁ>མྱུར་བའམ་གསལ་བའི་དོན་ཏེ། མིག་རྣོ། རིག་པ་རྣོ། བློ་རྣོ་ལྟ་བུ། |
| རྣོ་དབལ |
མཚོན་རྩེའི་རྣོ་ངར། |
| རྣོ་པོ |
རྣོ་བ་དང་འདྲ། |
| རྣོ་ཕྱུང་བ |
བརྡར་ནས་རྣོན་པོ་བཟོས་པ། ལག་ཏུ་ཡོད་པའི་མཚོན་ཆར་རྣོ་ཕྱུང་སྟེ་དགྲ་བོའི་གདོང་ལེན་དུ་སྒུག་པ། |
| རྣོ་བ |
1 འབིགས་བྱེད་དམ་གཅོད་བྱེད་ཀྱི་ནུས་པ་ཆེ་བ། མཚོན་ཆ་རྣོ་བ། མདུང་རྩེ་རྣོ་བ། སྨན་ནུས་རྣོ་བ། སྨན་གྱི་ཡོན་ཏན་རྣོ་བ། ཤ་མ་ཚོས་པ་མ་ཤེས་པར་གྲི་མི་རྣོ་བའི་མགོ་ལ་གཏོང༌། 2 རིག་པ་གསལ་བ། རིག་པ་རྣོ་བ། |
| རྣོ་བའི་ཤེས་རབ |
དཀའ་གནད་ཀྱི་གཏིང་འབིགས་ནུས་པའམ་ལས་སླ་པོར་ཤེས་ཐུབ་པའི་བློ་གྲོས། |
| རྣོ་འདོན་པ |
བརྡར་ཏེ་རྣོན་པོ་བཟོ་བ། སྐེད་གྲི་ལ་རྣོ་འདོན་པ། |
| རྣོ་རྟུལ |
1 མཚོན་ཆའི་རྩེའམ་སོ་རྣོན་པོ་དང་རྟུལ་པོའི་བསྡུས་ཚིག 2 རིག་པའམ་དབང་པོ་གསལ་དང་མི་གསལ། |
| རྣོ་རྡུགས་པ |
གྲིའི་རྩེའམ་སོ་ཟད་པ། |
| རྣོ་ལེན་པ |
མཚོན་བརྡར་ཏེ་རྣོན་པོར་བྱེད་པ། དཔའ་དམ་ངར་མེད་རྣོ་ལེན་པ་སླ་ལ་རྣོ་རྡུགས་པའང་སླ། |
| རྣོ་ལོག་པ |
མཚོན་གྱི་རྣོ་རྡུགས་པ། གདུག་རྩུབ་དགྲ་ནག་འདུལ་བ་ལ། སྙིང་སྟོབས་རལ་གྲི་རྣོ་མ་ལོག |
| རྣོག |
(བྱེད་འབྲེལ་ལས་ཚིག་ད་ལྟ་བ) སྔར་གྱི་རྣམ་པ་མི་མངོན་པར་བྱེད་པ་རི་མོ་རྣོག་གིན་ཡོད། ཡི་གེ་རྣོན་མཁན་ཞེས་པ་ལྟ་བུ། མ་འོངས་པ་ལ‘བརྣོག’དང་། འདས་པ་ལ‘བརྣོགས’། སྐུལ་ཚིག་ལ‘རྣོགས’འབྲི། གཞན་འཕྲུལ་བར་བྱེད་ཆེད་སྔར་གྱི་རྟགས་བཅོས་པ་མྱུལ་དཔྱོད་པས་རྟགས་བརྣོགས་ནས་དགྲ་སར་སོང་ལྟ་བུ། 2,.(བྱེད་འབྲེལ་ལས་ཚིག་ད་ལྟ་བ)བཟོད་བསྲན་བྱེད་པའི་དོན། མ་འོངས་པ་ལ‘བརྣག’དང་། འདས་པ་ལ‘བརྣགས’། སྐུལ་ཚིག་ལ‘རྣོགས’འབྲི་བརྣག་དཀའི་སྡུག་བསྔལ་ཞེས་པ་ལྟ་བུ། |
| རྣོག་པ |
ཐ་དད་པ 1)བརྣགས་པ། བརྣག་པ། རྣོགས།། 1 དྲན་པ་དང༌། སེམས་པ། ཡིད་ལ་བརྣགས། སྔར་གྱི་སྡུག་བསྔལ་རྣོག་བཞིན་པར་ད་ལྟའི་བདེ་སྐྱིད་ལ་སྲུང་སྐྱོབ་བྱེད། 2 བཟོད་པ། ན་ཚ་བརྣག་དཀའ་བ། གསར་བརྗེའི་དམག་འཁྲུག་ནང་དཀའ་ཚེགས་ཇི་བྱུང་ཚང་མ་བརྣགས་ཐུབ་པ། 2)བརྣོགས་པ། བརྣོག་པ། རྣོགས།། སྦེད་སྐུང་བྱེད་པའམ་གསང་བ་བྱེད་པ། སྤྱི་ནོར་སྒེར་དུ་བརྣོགས་པ། ན་ཚ་ཇི་ཙམ་བརྣོགས་པ་དེ་ཙམ་སྡུག་བྱས་ཉེས་ཇི་ཙམ་བརྣོགས་པ་དེ་ཙམ་ཆེ། |
| རྣོག་ཟན |
སྣུམ་བཙོས་ཀྱི་འཁུར་བ། |
| རྣོགས |
‘རྣོག1’གི་སྐུལ་ཚིག ‘རྣོག2’གི་སྐུལ་ཚིག０‘བརྣག’ལ་ལྟོས།１ཁ་རྣོགས་པ་‘ཁ་རྙོགས’དང་དོན་འདྲ། |
| རྣོགས་པ |
རྙིང བོས་པ། |
| རྣོང |
(བྱེད་འབྲེལ་ལས་ཚིག་ད་ལྟ་བ)ཟས་མིད་པ་ནས་ཐར་དཀའ་བ་བྱུང་བ་སྟེ། (དཔེར་ན།) |
| རྣོངས |
སྐུལ་ཚིག །ད་ལྟ་བརྣངས་ཙམ་འབྲི་མིད་པ་བརྣངས། ཟས་ཀྱིས་བརྣངས་ལྟ་བུ། |
| རྣོན |
‘བརྣན’གྱི་ད་ལྟ་བ་དང་སྐུལ་ཚིག ‘རྣོན་པོ’ཡི་ཚིག་ཚིག་བསྡུས་པ། |
| རྣོན་པོ |
1 1 འབིགས་བྱེད་དམ་གཅོད་བྱེད་ཀྱི་ནུས་པ་ཆེ་བ། གྲི་རྣོན་པོ། མདའ་རྣོན་པོ། ཁབ་རྩེ་རྣོན་པོ། ཕོ་རྒོད་པོ་རང་གིས་མ་བྱུང་ན། མཚོན་རྣོན་པོ་མི་ཡི་ལག་ཆ་རེད། 2 རིག་པ་གསལ་བ། བློ་རིག་རྣོན་པོས་དོན་གནད་རྣམ་པར་འབྱེད། 2. མངོན ལྕགས། |
| རྣོབས |
‘རྣབ’ཀྱི་སྐུལ་ཚིག |
| རྣོར་བ |
རྙིང བརྗེ་བ། |
| རྦ |
ཆུ་བོ་ཆེན་པོ་ཡར་འཕྱུར་མར་འབབ་ཀྱི་གཡོ་འགུལ་གྱི་མིང་ རྨ་ཆུའི་རྦ་རླབས་ཞེས་པ་ལྟ་བུ། |
| རྦ་ཀློང |
1 རྦ་རླབས། 2 ཆུ་འཁོར་བཞིན་གཏིང་དུ་ནུབ་པའི་ཀློང་འཁོར། |
| རྦ་ཆུ |
རྦ་རླབས་ཅན་གྱི་ཆུ། |
| རྦ་བཞེད |
སྦ་བཞེད་དང་འདྲ། |
| རྦ་རླབས |
1ཆུ་བོ་ཆེན་པོའི་རླབས་དང་རྒྱ་མཚོའི་རླབས་ཆེན་པོའི་མིང་ རླུང་གིས་རྒྱ་མཚོར་རྦ་རླབས་བསླངས་ལྟ་བུ། 2ཉི་ཟླ་གཉིས་ཀྱི་འདྲེན་ཤུགས་ལ་བརྟེན་ནས་རྒྱ་མཚོའི་ཆུ་ཡར་འཕགས་པ་དང་མར་འབབ་པའི་སྣང་ཚུལ་དུས་ངེས་པ་ཅན་ཞིག་འབྱུང་བ་དེའི་མིང་ ‘རྒྱ་མཚོའི་རླབས་བཞིན་དུས་ལས་ཡོལ་མེད་པ’། ‘ཤར་ཕྱོགས་རྒྱ་མཚོའི་རྦ་རླབས་མཁའ་ལ་འཕྱུར’ལྟ་བུ། |
| རྦ་རླབས་སྐྱེས |
མངོན ཆུའི་ཟེགས་མ། |
| རྦག་རྦག |
ཡུལ 1 མེ་མདའ་ཞིག 2 འཁོར་ལོ་ཞིག |
| རྦད |
1.འུད་དང་ཤོབ། ཁ་རྦད་ཆེ་བའི་གཏམ་ལ་ཡིད་བརྟན་མེད། 2.ཐམས་ཅད་དང༌། རིལ་པོ། མཐུན་རྐྱེན་གང་ཡོད་རྦད་ཀྱིས་སྤྱད་པ། བློ་ཐག་རྦད་ཀྱིས་བཅད་དེ་མི་ངན་སྤྱོད་ངན་ལ་ངོ་རྒོལ་བྱེད་པ། དགྲ་བོ་ལས་རྦད་དེ་རྣམ་པར་རྒྱལ་ཐུབ་པ། |
| རྦད་ཁམ |
ཁ་ཧམ་དང་འུད་ཤོབ། མི་ཤེས་ཤེས་རློམ་གྱི་རྦད་ཁམ་ཆེ་བའི་ཁ་རྗེས་སུ་འབྲང་མི་ཉན། |
| རྦད་དེ |
ཡུལ རྩ་བ་ནས། སྤྲོ་སེམས་རྦད་དེ་ཉམས་པ། གནད་དོན་རྦད་དེ་ཐག་གཅོད་པ། |
| རྦད་དེ་ཁ་ལ |
ཡུལ རྩ་བ་ནས་ཞེས་པ་དང་འདྲ། མི་འདི་རྦད་དེ་ཁ་ལ་སྨྱོ་འདུག སྐད་ཆ་ཚང་མ་རྦད་དེ་ཁ་ལ་བཤད་ཚར། གྲོང་ཁྱེར་དེ་ཆུ་ལོག་གིས་རྦད་དེ་ཁ་ལ་བསྣུབས་འདུག |
| རྦད་པ |
རྦོད་པའི་འདས་པ་དང་མ་འོངས་པ། |
| རྦད་མགོ |
ཡུལ དཔྲལ་བ་ཁེབས་པའི་སྐྲ་རྦད་ལིང༌། |
| རྦད་མགོ་ལིང་ལིང |
སྐྲ་རྦད་རྦད་དུ་བཅད་པའི་མགོ། |
| རྦད་རྦད |
སྐྲ་སོགས་རིང་མིན་ཐུང་མིན་དུ་ཡོད་པ། |
| རྦད་རྦོད |
འཛིངས་ནས་ཕྱིང་པ་ལྟར་གྱུར་པ། སྐྲ་རྦད་རྦོད། བལ་རྦད་རྦོད། |
| རྦད་ལིང |
རྦད་མགོ་ལིང་ལིང་གི་བསྡུས་ཚིག་ |
| རྦབ |
1 རིའི་ཐུར་གཟར་པོ། གྱེན་དུ་འཛེག་ཐབས་བྱས་ཀྱང་འཛེག་མ་ཐུབ་པར་རྦབ་ཏུ་ཤོར་བ། 2 རི་གཟར་པོ་ནས་འགྲིལ་བའི་རྡོ། |
| རྦབ་གྲི |
གྱེན་གཟར་ནས་ཐུར་དུ་ལྷུང་བའམ། རི་རྡོ་ཐོག་བབ་ཏུ་ཕོག་པའི་ཤི་རྐྱེན། གོམ་འགྲེད་ཤོར་ནས་རྦབ་གྲིར་ཤི། རི་སྐེད་དུ་འགྲོ་བཞིན་པར་ཕ་བོང་འགྲིལ་ནས་རྦབ་གྲིར་གྲོངས། |
| རྦབ་ཆུ |
དཀན་གཟར་པོ་ནས་འབབ་པའི་ཆུ། |
| རྦབ་འདྲིལ |
ཐུར་དུ་ལྷུང་བ། ལུག་མ་མོ་ཞིག་རྦབ་འདྲིལ་ཤོར་ཏེ་ཤི་སོང༌། |
| རྦབ་རྡོ |
ཐུར་དུ་འདྲིལ་བའི་རྡོ། གནམ་ལྕགས་ཐོག་དང༌། རི་གཟར་གྱི་རྦབ་རྡོ་ལྟར་བཟློག་ཏུ་མེད་པའི་སེམས་ཐག་བཅད་པ། རྦབ་རྡོ་གྱེན་དུ་ལྡོག་པ་ཅི་ལ་སྲིད། |
| རྦབ་སྒྲིལ་བ |
རྡོ་སོགས་རྦབ་ཏུ་སྒྲིལ་བ། ཕྲུ་གུ་རྣམས་རྦབ་སྒྲིལ་གྱི་རྩེད་མོ་ལ་དགའ། |
| རྦིད་རྒྱག |
ཡུལ འཕུལ་རྡེག་གམ་འཕུལ་འདེད། མི་མང་འཚང་ག་ཡོད་དུ་རྦིད་རྒྱག་མ་གཏོང༌། |
| རྦུད་རྒྱག |
ཡུལ རྐང་ལག་དང་དབྱུག་པ་སོགས་ཀྱིས་འཕུལ་རྡེག་གཏོང་བ། |
| རྦོ |
‘སྦོ’ཡི་འབྲི་ཚུལ་གཞན། |
| རྦོད |
མ་འོངས་པ་དང་ད་ལྟ་བ་ དམག་རྦོད་པར་བྱ། དམག་རྦོད་མཁན་ཞེས་པ་ལྟ་བུ། (བསྣན་ཚིག) གློ་བུར་གྱི་དོན་ཏེ། ཐག་པ་རྦད་ཀྱིས་བཅད། ཚིག་མཚམས་རྦད་དེ་ཆད། བློ་ཐག་རྦད་ཀྱིས་བཅད། གྲོས་ཐག་རྦད་དེ་བཅད་ལྟ་བུ། ０ངག་རྒྱུན་ལ་གྲགས་པའི‘བྱ་པང་ཀ’ཟེར་བའི་མིང་། |
| རྦོད་གཏོང |
མཐུ་དང་ངན་སྔགས་སོགས་གཏོང་བ། |
| རྦོད་པ |
ཐ་དད་པ རྦད་པ། རྦད་པ། རྦོད།། གཏོང་བ་དང་སྐུལ་བ་དང་འགྱེད་པ། རི་དྭགས་ལ་ཁྱི་རྦད་པ། དགྲ་ཐོག་ལ་དཔུང་ཆེན་རྦད་ནས་རྩ་གཏོར་བཏང་བ། |
| རྦོད་མ |
1 མཐུ་བྱད་དམ། ཐན་ལྟས། 2 དཔྱ་ཁྲལ། |
| རྦོད་མ་སྐྱེལ་བ |
1 ཁྲལ་འུལ་སྐྱེལ་བ། 2 མཐུ་བྱད་གཏོང་བ་དང༌། གནོད་པ་སྐྱེལ་བ། |
| རྦོས |
སྦོས་ཀྱི་འབྲི་ཚུལ་གཞན། |
| རྨ |
1 ལུས་ཀྱི་པགས་པ་སོགས་རལ་ནས་ཁྲག་དང་ཆུ་སེར་འཛགས་ཤིང་ལུས་ཉམས་དམའ་བར་གྱུར་པས་ན་རྨ་ཞེས་ཟེར་ཏེ། དེ་ལ་ནང་གསེས་སུ་དབྱེ་ན་མདའ་མཚོན་སོགས་ཕོག་པ་ལས་བྱུང་བའི་གློ་བུར་གྱི་རྨ་དང༌། ནད་རང་ཉིད་དང་ལྷན་ཅིག་ཏུ་འབྱུང་བའི་ལྷན་སྐྱེས་ཀྱི་རྨ་དང་གཉིས་མཆིས་སོ། རྨ་ལ་ཕན་ན་ཁྱི་ཚིལ་ཡིན་ཡང་དགོས། རྨ་དགའ་རབ་སོས་པ། 2 སྐྱོན། ལྷག་བསམ་རྨ་མེད་པའི་སྒོ་ནས་བསླབ་བྱ་བརྒྱབ། ལས་དོན་ལ་རྨ་སྐྱོན་མེད་པར་འཐུས་ཚང་བྱུང་བ། |
| རྨ་ཁ |
1རྨས་ཕོག་ནས་བཅད་པའི་རྨའི་མིང་། 2ལྷན་སྐྱེས་ཀྱི་རྨ་བྱུང་ནས་ཤ་པགས་རལ་བའི་བུ་གའི་མིང་། |
| རྨ་ཁ་མཐེབ་གནོན |
རྨ་སྐུང་ཆེད་མཐེབ་མོས་གནོན་པ་སྟེ་སྐྱོན་མཚང་འགེབས་པའི་དཔེ། |
| རྨ་ཁྲག་སྨིན་པ |
རྨའི་རྣག |
| རྨ་ཁྲོས་པ |
རྨ་སྡུག་ཏུ་སོང་བ། |
| རྨ་ག་ཆད |
རྙིང རྨག་ཆད་དམ་རྨད་ཆད་ཀྱང་ཟེར། 1 མདོ་སྙན་གྱི་གོང་རྒྱན་ནམ་ཕལ་པོ་ཆེ། 2 ཡང་དག་པ། |
| རྨ་གཡང་ཕྱུག་མོ |
རྨ་ཆུའི་ཆུ་འགོའི་ཉེ་འདབས་ཀྱི་ལུང་པ་ཞིག |
| རྨ་གསོས་པ |
རྨ་དྲག་ཐབས་བྱས་པ། |
| རྨ་གོས |
སྔ་དུས་འཐབ་འཛིང་གི་རྐྱེན་གྱིས་ཕ་རོལ་གྱི་ལུས་ལ་རྨ་ཁ་ཁྲག་ཤོར་བྱུང་ཚེ་འཇལ་དུ་སྤྲོད་རྒྱུའི་གོས། དུས་སྐབས་བཅུ་བདུན་པའི་དུས་སྐེད་དུ་གཙང་པ་ཀརྨ་བསྟན་སྐྱོང་དབང་པོའི་རིང་ལ་རྨས་སྐྱོན་གཏོང་མཁན་གྱིས་རྨས་པོར་སྨན་ཡོན་སྤྲོད་དགོས་པར་མ་ཟད། གོས་གསར་ཆ་ཚང་བ་ཞིག་ཀྱང་སྤྲོད་དགོས་པའི་ཁྲིམས་སྲོལ་བཏོད་ཡོད། |
| རྨ་ཆས |
རྨ་གསོ་བྱེད་ཀྱི་ཡོ་བྱད། |
| རྨ་ཆུ |
1. རང་རྒྱལ་གྱི་ཆུ་བོ་ཆེན་པོ་ཞིག་ཆུ་འགོ་བ་ཡན་ཧ་རིའི་ཤར་ལྡེབས་ནས་བྱུང་སྟེ་རིམ་བཞིན་སི་ཁྲོན་དང་ཀན་སུའུ་སོགས་ཞིང་ཆེན་དང་རང་སྐྱོང་ལྗོངས་བརྒྱད་བརྒྱུད་ནས་མཐར་ཧྲན་ཏུང་ཞིང་ཆེན་ནས་པོ་ཧའེ་རྒྱ་མཚོར་འབབ། 2. རྫོང་ཞིག་ཀན་སུའུ་ཞིང་ཆེན་ཁོངས་ཀན་ལྷོ་བོད་རིགས་རང་སྐྱོང་ཁུལ་གྱི་ལྷོ་ནུབ་རྒྱུད་ན་ཡོད། རྫོང་མི་དམངས་སྲིད་གཞུང་དེ་མཛོད་དགེ་ཉི་མར་ཡོད། |
| རྨ་ཆུ་ཁུག་དགུ |
མདོ་ཁམས་རྨ་ཆུའི་བར་བར་དུ་ཡོད་པའི་ཁུག་པའི་གྲངས། |
| རྨ་ཆུ་སེར་ཅན |
ཆུ་སེར་ཐོན་བཞིན་པའི་རྨ། |
| རྨ་ཆུའི་ཁུག་པ |
མདོ་ཁམས་རྨ་ཆུའི་བར་གྱི་ཁུག་པ། |
| རྨ་ཆེན |
རྫོང་ཞིག་མཚོ་སྔོན་ཞིང་ཆེན་ཁོངས་མགོ་ལོག་བོད་རིགས་རང་སྐྱོང་ཁུལ་གྱི་བྱང་རྒྱུད་དང་རྨ་ཆུའི་ནུབ་འགྲམ་དུ་ཡོད། རང་སྐྱོང་ཁུལ་དང་རྫོང་མི་དམངས་སྲིད་གཞུང་ནི་རྫོང་དེའི་རྟ་བོར་ཡོད། |
| རྨ་ཆེན་གངས་རི |
མཚོ་སྔོན་ཞིང་ཆེན་ཁོངས་མགོ་ལོག་བོད་རིགས་རང་སྐྱོང་ཁུལ་གྱི་ས་ཆར་ཡོད་པའི་ཨ་མྱེས་རྨ་ཆེན་གངས་རི། |
| རྨ་ཐོན་པ |
རང་བཞིན་གྱིས་ལུས་ལ་ཐོར་པ་སོགས་ཐོན་པ། གཙང་སྦྲ་མེད་པས་ལུས་ལ་རྨ་ཐོན་པ། |
| རྨ་དཀྲིས |
རྨའི་སྟེང་དུ་དཀྲི་བྱེད་ཀྱི་རས། |
| རྨ་དྲུབ་པ |
1 རྨ་ཁ་བཙེམས་པ། 2 རྨ་ཁ་དྲག་པ། |
| རྨ་ནད |
རྨ་ལས་བྱུང་བའི་ན་ཚའི་རིགས། |
| རྨ་ནད་རྩ་བྱེར |
རྨའི་ཉེ་འགྲམ་གྱི་རྩ་ལ་ཆུ་སེར་གྲམ་ནས་འཁྱུག་ཅིང་སྐྲངས་ལ་ཟུག་རྔུ་འབྱུང་བ་ཞིག |
| རྨ་བ |
རྙིང དྲི་བ། |
| རྨ་བཏོད་པ |
རྨ་བཟོས་པ། |
| རྨ་བྱ |
དྲོ་སར་ཁྱུར་བྱས་ནས་གནས་ཤིང་ཟས་སུ་འབྲུ་སྣ་དང་ཤིང་ཏོག་སོགས་ཟ་བའི་བྱ་རིགས་ཤིག་གི་མིང་། དེར་ལྗང་གུ་དང་དཀར་བོ་རིགས་གཉིས་ཡོད། ལྗང་གུའི་ཕོ་བྱའི་མགྲིན་པ་ལ་ལྗང་མདོག་ལྡན་ཞིང་འོད་འཁྱུགས་པ། མགོ་ན་གཙུག་ཕུད་ལྡན་པ། མཇུག་སྒྲོ་རིང་ཞིང་མདངས་མཛེས་ལ་སྒྲོ་སྣེ་རེ་རེ་ན་ལྗང་མདོག་གི་ཐིག་ལེ་རེ་ཡོད་པ་ཤིན་ཏུ་མཛེས་ཤིང་སྡུག་པ་ཡིན་པས་རྒྱན་ཆ་བྱེད་ཆོག མོ་བྱ་ནི་ཕོ་བྱ་ལས་ཆུང་ལ་སྤུ་མདོག་ནག་སྐྱ་ཐོང་འོག་དཀར་བོ་མཇུག་སྒྲོ་རིང་བོ་མེད་པ་ཞིག་ཡིན། |
| རྨ་བྱ་ཁ་འབབ |
ཁ་འབབ་བཞིའི་ནང་གསེས། བོད་ལྗོངས་ཁོངས་སྤུ་ཧྲེང་རྫོང་གི་ཆུ་བོ་ཞིག་ཆུ་བོ་གང་གཱའི་ཆུ་འགོའམ་སྟོད་རྒྱུད། |
| རྨ་བྱ་གཙང་པོ |
ཆུ་བོ་ཞིག་ཆུ་འགོ་ཧི་མ་ལ་ཡའི་རི་རྒྱུད་ཀྱི་བྱང་ངོས་ནས་བྱུང་ཞིང་བོད་རང་སྐྱོང་ལྗོངས་ཀྱི་སྤུ་ཧྲེང་རྫོང་གི་ནུབ་རྒྱུད་ནས་བལ་ཡུལ་དུ་འབབ་ཅིང༌། མཐར་རྒྱ་གར་གྱི་ཆུ་བོ་གངྒཱ་ལ་འབབ། |
| རྨ་བྱ་ཅན |
མངོན ཚོན་སྤང་མ། |
| རྨ་བྱ་ཆེན་མོ |
གཟུངས་ཆེན་གྲྭ་ལྔའི་ཡ་གྱལ་ཞིག |
| རྨ་བྱའི་མདོངས |
རྨ་བྱའི་སྒྲོ་མདོངས་ཏེ་སྒྲོའི་སྟེང་དུ་ཡོད་པའི་རི་མོ་སྒོར་མོ། |
| རྨ་བྱའི་ཟློས་གར |
འབྲུག་གྲག་སྐབས་རྨ་བྱས་སྒྲོ་གུར་ཕུབ་སྟེ་དགའ་བའི་གར་བྱེད་ཚུལ། |
| རྨ་བྱའི་ཤ |
སྲོག་ཆགས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་མཁྲིས་ནད་དང༌། སྦྱར་དུག་སོགས་ལ་ཕན། |
| རྨ་བྱས་དབྱར་རྔ་ཐོས་པ |
ཧ་ཅང་དགའ་བའི་དཔེ། |
| རྨ་མདུད |
རྨ་ཤུལ་ཆེན་པོ། སྐྱོན་དང་སླད་ཀྱི་མིང་གཞུང་དོན་རྨ་མེད་པ་ཞེས་པ་ལྟ་བུ། ０རྨ་ཆུའི་ཚིག་བསྡུས་པ་རྨ་ཕ་རོལ་ཚུར་རོལ། རྨ་ལྷོ། རྨ་སྟོད་ཅེས་པ་ལྟ་བུ། １རྨེད་ཀྱི་མ་འོངས་པ། |
| རྨ་མཚན |
རྨ་ཤུལ་ལམ་རྨ་རྗེས། དཔའ་བོའི་རྨ་མཚན་རྒྱན་དུ་འགྲོ། སྡར་མའི་རྨ་མཚན་སྡུག་གྱོང་རེད། |
| རྨ་ཚ་ལ |
ལ་ཞིག་བོད་རང་སྐྱོང་ལྗོངས་ཀྱི་རི་བོ་ཆེ་རྫོང་གི་ཤར་རྒྱུད་དུ་ཡོད། |
| རྨ་ཚད |
རྨ་ལ་ཚད་པ་ཞུགས་པའི་དོན། |
| རྨ་འཇལ |
སྔ་དུས་གཞན་ལ་རྨ་བཟོས་པའི་རྨས་འཇལ། དུས་སྐབས་བཅུ་བདུན་པའི་དུས་སྐེད་དུ་གཙང་པ་ཀརྨ་བསྟན་སྐྱོང་དབང་པོས་རྨ་ཁ་ཆེ་ཆུང་ལ་གཞིགས་ཏེ་སྨན་ཡོན་སྤྲོད་དགོས་པའི་ཁྲིམས་སྲོལ་བཏོད་ཡོད། |
| རྨ་འབར་བ |
རྨ་ནད་ཆེ་རུ་སོང་བ། |
| རྨ་འབྱིན་པ |
1 རྨ་བཟོས་པ། 2 ཞེ་སུན་གཏོང་བ། གཞན་ལ་ཁ་ངན་ཚིག་རྩུབ་ཀྱིས་རྨ་འབྱིན་པ་མི་རུང༌། |
| རྨ་འབྲས |
མདའ་རྡོ་ལ་སོགས་ཕོག་པ་ལས་བྱུང་བའི་མཚོན་རྨ་དང༌། ལྷན་སྐྱེས་ཀྱི་རྨ་རིགས་འབྲས་ནད་གཉིས་འདོམས་ཏེ་གསོ་དཀའ་བར་གྱུར་པའི་རྨ་རིགས་ཤིག |
| རྨ་འབྲས་སྒོར་མོ |
རྨའི་བྱེ་བྲག་ཅིག |
| རྨ་འོག་གཤགས་ཞི |
རྨ་ལོག་ཏུ་གཏམ་ཤི་བ་སྔ་དུས་བོད་ཀྱི་ཁྲིམས་སྲོལ་དུ་ཁ་གཏད་ཀྱི་ལུས་ལ་རྨས་པའི་རྨ་ཡོད་ན་རྨས་འཇལ་སྤྲོད་ལེན་བྱས་པའི་རྗེས་སུ་དེ་གོང་ཕན་ཚུན་གཤགས་བཀྱེས་པ་ལ་རྩད་གཅོད་མི་དགོས། རྨ་འོག་དུ་གཏམ་ཤི། རོ་འོག་ཏུ་རྨ་ཤི། |
| རྨ་ཡི་རུས་ཟན |
རྨ་ཡི་ཁར་སྨན་བཏབ་པ་དྲོད་དང་བྲལ་ནས་མི་འཇུ་བའམ་རྨ་ཡི་ཁ་ཕྱིད་ནས་ཤིན་ཏུ་རློན་པར་གྱུར་ཏེ་རྨ་རྐྱེན་རུས་ལ་ཁྱབ་ནས་རྣག་ཆུས་རུས་པ་ཟ་བར་གྱུར་པའི་དོན། |
| རྨ་རིན་ཆེན་མཆོག |
ཁྲི་སྲོང་ལྡེ་བཙན་སྐབས་སད་མི་མི་བདུན་ནང་གསེས་གཞོན་གསུམ་གྱི་གྲ་དང༌། ལོ་ཙཱ་བ་རབ་དགུའི་ནང་གསེས་བར་བ་གསུམ་གྱི་གྲས་སོ། གླང་དར་མས་ཆོས་བསྣུབས་པའི་དུས་སུ་བཀྲོངས། |
| རྨ་རོ |
ཁ་དྲག་ཀྱང་ནང་དུ་མ་དྲག་པའི་རྨ། |
| རྨ་རྒན |
རྨ་རྙིང་པ། |
| རྨ་རྒོད |
རྨ་དྲག་པོ། |
| རྨ་རྒྱལ |
རྨ་ཆེན་གངས་རིའི་མིང་རྨ་རྒྱལ་སྦོམ་ར་དང་ཨ་མེས་རྨ་ཆེན་ཡང་ཟེར་ཞིང་། མཚོ་སྔོན་མགོ་ལོག་ས་ཁུལ་གྱི་ཁོངས་ན་ཡོད། གངས་རི་དེ་ལས་བབས་པའི་ཆུ་རྒྱུན་རྨ་ཆུ་དང་འདྲེས་ཡོད། |
| རྨ་རྒྱལ་སྤོམ་ར |
མཚོ་སྔོན་ན་ཡོད་པའི་རི་བོ་ཨ་མྱེས་རྨ་ཆེན་གྱི་མིང་གཞན་ཞིག |
| རྨ་རྗེས |
རྨ་སོས་རྗེས་ལུས་པའི་ཤུལ་གྱི་མིང་རྨ་ཤུལ་ཡང་ཟེར། |
| རྨ་རྡོལ་བ |
རྨ་རང་བཞིན་དུ་རྡོལ་བ། སྐྲངས་པ་སྨིན་ཏེ་རྨ་རྡོལ་ནས་རྣག་ཁྲག་ཐོན་པ། |
| རྨ་རྩི |
རྨ་སྨན། |
| རྨ་ལྷོ་བོད་རིགས་རང་སྐྱོང་ཁུལ |
མཚོ་སྔོན་ཞིང་ཆེན་ཁོངས་ཀྱི་ཤར་ལྷོའི་རྒྱུད་དང་རྨ་ཆུའི་འགྲམ་ངོགས་ལྷོ་རྒྱུད་དུ་ཡོད་པས་མིང་དེ་ལྟར་བཏགས། 1953 ལོའི་ཟླ་བ་12 ཚེས་22 ཉིན་རང་སྐྱོང་ས་ཁོངས་བཙུགས་ཤིང༌། 1955 ལོར་རང་སྐྱོང་ཁུལ་དུ་བསྒྱུར། དེའི་ཁོངས་སུ་ཐུང་རེན་དང༌། གཅན་ཚ། རྩེ་ཁོག་བཅས་རྫོང་གསུམ་ཡོད། རང་སྐྱོང་ཁུལ་མི་དམངས་སྲིད་གཞུང་དེ་ཐུང་རེན་རྫོང་ཁོངས་ཀྱི་རོང་པོ་རྒྱ་མཁར་དུ་ཡོད། |
| རྨ་ཤུ |
ཟ་ཕྲུག་ལངས་ཏེ་ཆུ་སེར་ཐོན་པའི་ཤུ་ཐོར། |
| རྨ་ཤུལ |
རྨ་རྗེས། |
| རྨ་ཤོ |
སྔོ་ཞིག |
| རྨ་སོས་པ |
རྨ་རང་བཞིན་གྱིས་དྲག་པ། |
| རྨ་སྐོགས |
རྨའི་ཤུན་ལྤགས། |
| རྨ་སྐྱེས |
མངོན ཁྲག |
| རྨ་སྐྱོབ |
1 རྨ་དཀྲི་བྱེད་ཀྱི་རས། 2 རྨ་གསོ་བྱེད། |
| རྨ་སྒོ |
ལུས་ཀྱི་བུ་ག། |
| རྨ་སྒོ་གསུམ |
ཁ་དང༌། བཤང་ལམ། མོ་མཚན་ཏེ་གསུམ། |
| རྨ་སྒོ་དགུ |
མི་ལུས་ཀྱི་སྣ་ཁུང་གཉིས་དང༌། རྣ་ཁུང་གཉིས། མིག་གཉིས། ཁ། གཅིན་ལམ། བཤང་ལམ་བཅས་དགུ་ནས་རྒྱུན་དུ་མི་གཙང་བ་ཐོན་རྒྱུ་ཡོད་པས་མིང་ལ་རྨ་སྒོ་ཟེར། |
| རྨ་སྒྲོས |
ལུས་ཀྱི་རྨ་སྲོལ། |
| རྨ་སྟོད |
1 རྫོང་ཞིག་མཚོ་སྔོན་ཞིང་ཆེན་ཁོངས་མགོ་ལོག་བོད་རིགས་རང་སྐྱོང་ཁུལ་གྱི་ནུབ་བྱང་ངོས་དང་རྨ་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་རྨ་ཆུ་ཁར་ཡོད། 2 རང་རྒྱལ་གྱི་རྨ་ཆུའི་སྟོད་རྒྱུད། |
| རྨ་སྨད |
རང་རྒྱལ་གྱི་རྨ་ཆུའི་སྨད་རྒྱུད། |
| རྨ་སྨན |
རྨ་གསོ་བྱེད་ཀྱི་སྨན། |
| རྨ་སྨན་ཨཱུ་ཙི |
སྔོ་སྨན་གྱི་རིགས་ཤིག་ནུས་པས་རྨ་གསོ་ཆུ་སེར་སྐེམ། |
| རྨག་ཆད |
རྨ་ག་ཆད་དང་འདྲ། |
| རྨང |
རྩིག་པའི་འོག་རིམ་དམའ་ཤོས་ཀྱི་མིང་རྩིག་པའི་རྨང་གཞི། རྨང་རྡོ་ཞེས་པ་ལྟ་བུ། གཞིའམ་རྩ་བའི་མིང་རྨང་གཞིའི་དཔལ་འབྱོར། ཡོན་ཏན་གྱི་རྨང་གཞི། སྲོལ་ངན་རྨང་ནས་བསྒྱེལ་ཞེས་པ་ལྟ་བུ། |
| རྨང་གཞི |
རྩ་བའམ་འོག་གཞི། སོ་ཕག་བཏིང་བའི་རྨང་གཞི། གནམ་གྲུ་འབབ་ལམ་གྱི་རྨང་གཞི་འདིང་བ། ཡར་རྒྱས་སུ་འགྲོ་བའི་རྨང་གཞི། |
| རྨང་གི་བུ |
རྙིང བུ་གཅིག་པུ། |
| རྨང་བ |
རྙིང གཅིག་པུའམ་རྐྱང་པ། |
| རྨང་ཚེར |
རྙིང སྣ་སྤུ་འཐོག་སྤྱད། |
| རྨང་རྡོ |
རྩིག་གདན་གྱི་རྡོ། ཆུ་རགས་ཀྱི་རྨང་རྡོ། ཁང་པའི་རྨང་རྡོ། |
| རྨང་ལམ |
རྙིང རྨི་ལམ། |
| རྨངས་པ |
རྙིང ཤེས་པ། |
| རྨངས་ཚེར |
སྨང་ཚེར་དང་འདྲ། |
| རྨངས་འཇབ |
ཨ་ར་འཐོག་བྱེད་ཀྱི་འཇབ་རྩེ། |
| རྨད |
(རྒྱན་ཚིག) ཧ་ཅང་བཟང་བ་དང་ངོ་མཚར་བའི་དོན་ཏེ། ལོ་ཡག་བསྟུད་མར་བྱུང་བ་ཨེ་མ་རྨད་ཅེས་པ་ལྟ་བུ། |
| རྨད་ཆད |
རྨ་ག་ཆད་དང་འདྲ། |
| རྨད་དུ་བྱུང་བ |
ཁྱད་པར་དུ་འཕགས་ཤིང་ཡིད་དུ་འོངས་པ་གསུང་རྩོམ་རྨད་དུ་བྱུང་བ། སྤྱོད་པ་རྨད་དུ་བྱུང་བ་ཞེས་པ་ལྟ་བུ། ཚིག་བསྡུས་ན་རྨད་བྱུང་ཞེས་འབྲི་ཆོག་རྨད་བྱུང་སྤྱོད་པ་ཀུན་གྱི་མིག་དཔེར་འོས་ཞེས་པ་ལྟ་བུ། |
| རྨད་དུ་བྱུང་བའི་སྡེ |
གསུང་རབ་ཡན་ལག་བཅུ་གཉིས་ཀྱི་ནང་གསེས་ཤིག་ཉན་ཐོས་དང་བྱང་སེམས་སངས་རྒྱས་རྣམས་ཀྱི་ཡོན་ཏན་དང་ཞིང་གི་བཀོད་པ་བསམ་གྱིས་མི་ཁྱབ་པ་ངོ་མཚར་རྨད་དུ་བྱུང་བ་བསྟན་པའི་མདོ་རྣམས་སོ། |
| རྨད་པ |
ལེགས་པ་དང༌། ངོ་མཚར་བ། མཆོག་ཏུ་རྨད་པའི་གྲུབ་འབྲས། གཏམ་བཟང་རྨད་པོ་ཆེ་ཞིག་ཐོས་པ། |
| རྨད་པོ |
རྨད་པ་དང་འདྲ། |
| རྨད་བྱུང |
ངོ་མཚར་རམ། ཕུལ་དུ་བྱུང་བ། གྲུབ་འབྲས་རྨད་བྱུང༌། ལག་རྩལ་རྨད་བྱུང༌། རྨད་དུ་བྱུང་བའི་ལྟད་མོ། |
| རྨད་བྱུང་གི་ཉམས |
ཉམས་ལྡན་གྱི་རྒྱན་གྱི་ནང་གསེས་ཤིག་སྔོན་མེད་པའི་ངོ་མཚར་ཅན་གྱི་ཡུལ་མཐོང་བའི་རྐྱེན་གྱིས་ནང་དུ་ཡ་མཚན་གྱི་ཉམས་རྨད་བྱུང་སྐྱེས་ཚུལ་སྟོན་པའི་རྒྱན་ཞིག |
| རྨད་བྱུང་གི་དཔེ |
དཔེའི་རྒྱན་གྱི་ནང་གསེས་ཤིག་འབྱུང་བར་དཀའ་བའི་དཔེ་རྨད་བྱུང་ཞིག་བཀོད་ནས་དཔེ་ཅན་དོན་ཡང་དེ་དང་མཚུངས་པར་སྟོན་པའི་རྒྱན་ཞིག |
| རྨན |
རྨ་ཆུང་བ། |
| རྨན་པ |
རྙིང རྨ་སྐྱེ་བ། |
| རྨམ་གཤོང་ལ |
བོད་རང་སྐྱོང་ལྗོངས་ཁོངས་མལ་གྲོ་གུང་དཀར་དང་ཀོང་པོ་རྒྱ་མདའ་བར་གྱི་ལ་ཞིག་ཡིན་ཞིང་མཐོ་ཚད་རྒྱ་མཚོའི་ངོས་ནས་སྨི་5000 ཡོད། |
| རྨའི་ཕྱྭ་མཁར |
མཁར་རྩེ་ཟེར་བ་དེང་སང་འཕན་ཡུལ་ལྷུན་གྲུབ་རྫོང་ཟེར་བ་དེ་ཡིན། |
| རྨར་ཁམས |
སྨར་ཁམས་དང་འདྲ་སྟེ་གནའ་དུས་ཀྱི་འབྲི་ཚུལ་ཞིག་ |
| རྨར་ལུད |
རུལ་ཞིང་སྨིན་པའི་ལུད་ཚོན་པོ། |
| རྨས |
(བྱེད་འབྲེལ་ལས་ཚིག) ལུས་ལ་མཚོན་ཆ་ཕོག་ནས་རྨ་བཏོད་པའི་དོན་ཏེ། རི་དྭགས་རྨས་ནས་བྲོས། སྤྱང་ཀི་ལ་མེ་མདའ་ཕོག་ནས་རྨས་ལྟ་བུ། མཚོན་ཆ་ཕོག་པའི་རྨ་ཡི་མིང་རྨས་ལྕི་མོ་བྱུང་། རྨས་ཧ་ཅང་ལྕི་ལྟ་བུ། |
| རྨས་པ |
ཐ་མི་དད་པ སྣད་པ་དང་ཉམས་པ། གྲི་གཟབ་གཟབ་བྱས་ཏེ་མ་བརྡར་ན་ལག་པའི་སོར་མོ་རྨས་ཡོང༌། མཚོན་གྱིས་རྨས་ནས་རྨ་བྱུང་བ། |
| རྨས་པ་ཁྲག་གི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་ཤིག་སྔ་དུས་བསམ་བཞིན་ལག་རེག་གི་རྐྱེན་གྱིས་ཕ་རོལ་གྱི་ལུས་ལ་རྨས་ཁྲག་ཆེ་ཆུང་གང་བྱུང་ལ་དཔགས་པའི་ཉེས་ཆད་གཅོད་ལུགས་ཀྱི་ཁྲིམས། |
| རྨས་མ |
མཚོན་ཆ་ཕོག་པའི་མི་ཕྱུགས་ཏེ། རི་དྭགས་རྨས་མ། མི་རྨས་མ་ཞེས་པ་ལྟ་བུ། ０རྨེད་ཀྱི་འདས་པ། |
| རྨས་འགྲམས |
རྨ་འབྲས་རྒྱ་མཆེད་པ། |
| རྨས་རོགས |
རྨས་པའི་སྟེང་དུ་རྨས་སྐྱོན་བཟོ་བ། |
| རྨས་སྐྱོན |
ལུས་ལ་མཚོན་ཆ་སོགས་ཀྱིས་སྐྱོན་བཏང་བའི་ས། |
| རྨི |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)གཉིད་ལོག་པའི་སྐབས་སུ་ལུས་ཕྱི་ནང་གི་རྐྱེན་སྣ་ཚོགས་ཀྱི་ནུས་པའམ་ཕྱི་རྐྱེན་གྱིས་ཀླད་པའི་ནང་དུ་བཞག་པའི་རྐྱེན་སྣ་ཚོགས་ལ་བརྟེན་ནས་བྱུང་བའི་འཕྲུལ་བའི་སྣང་བ་སྣ་ཚོགས་ཤར་བ་གཉིད་ལོག་ནས་རྨི་ལམ་རྨི་བཞིན་འདུག་ལྟ་བུ། |
| རྨི་བ |
ཐ་མི་དད་པ རྨིས་པ། རྨི་བ།། རྨི་ལམ་འཆར་བ། གཉིད་ལམ་རྨིས་པ། རྗེས་འབྲས་དེ་འདྲ་ཞིག་དང་ཐུག་ཡོང་བསམ་པ་རྨི་ལམ་དུའང་རྨི་མ་མྱོང༌། |
| རྨི་ལམ |
གཉིད་ཁུག་སྐབས་མནལ་ལམ་དུ་ཤར་བའི་འཁྲུལ་སྣང༌། ཉལ་ས་གཅིག་ཀྱང་རྨི་ལམ་མི་གཅིག རྨི་ལམ་མི་བདེན་འཁྲུལ་བ་ཡིན། |
| རྨི་ལམ་གཏོང་བ |
རྨི་ལམ་རྨི་བ། རོ་ལངས་རྒྱག་རྒྱུའི་རྨི་ལམ་གཏོང་བ། མཛེས་དགུའི་རྨི་ལམ་གཏོང་བ། |
| རྨི་ལམ་གྱི་ཟླ་བ |
མངོན སྨིན་དྲུག་ཟླ་བ་སྟེ་ཧོར་ཟླ་བཅུ་པ། |
| རྨི་ལམ་ངན་པ |
གཉིད་དུས་བྱུང་བའི་མཚན་མ་རྩུབ་པོ། |
| རྨི་ལམ་བན་བུན |
གཉིད་ཀྱི་འཁྲུལ་སྣང་བན་ནེ་བུན་ནེའམ་གསལ་ལ་མི་གསལ། |
| རྨི་ལམ་བཟང་པོ |
གཉིད་ལམ་གྱི་རྟགས་མཚན་ལེགས་པོ། |
| རྨི་ལམ་བརྟག་པ |
རྨི་ལྟས་ལ་དཔྱད་པ། |
| རྨི་ལམ་བཤད་པ |
རྨི་ལམ་བྱུང་ཚུལ་བཤད་པ། དངོས་དོན་དང་མི་མཐུན་པའི་སྟོང་བཤད་གླེན་པས་རྨི་ལམ་ཤོད་པ་ལྟར་མ་བྱེད། |
| རྨི་ལམ་མེད |
མངོན ལྷ། |
| རྨི་ལམ་ཟ་ཟི |
གསལ་པོ་མེད་པའི་རྨི་ལམ་གྱི་ཉིང་འཁྲུལ། |
| རྨི་ལམ་འཁྲུགས་པ |
རྨི་ལམ་ངན་པ་རྨིས་པ། ཉིན་མོར་མི་དྲན་དགུ་དྲན་བྱས་ན་མཚན་ལ་རྨི་ལམ་འཁྲུགས་ཡོང༌། ཉལ་རྨི་ལམ་འཁྲུགས་ན་བཤད་ས། རྐང་ཚེར་མ་ཟུག་ན་སྟོན་ས། |
| རྨི་ལམ་འཇམ་པོ |
གཉིད་ལམ་གྱི་སྣང་བ་སྐྱིད་པོ། |
| རྨི་ལམ་འཚུབ་པོ |
གཉིད་ཀྱི་སེམས་སྣང་རྩུབ་མོ། |
| རྨི་ལམ་ཤར་བ |
གཉིད་ཁུག་སྐབས་ཀྱི་འཁྲུལ་སྣང་བྱུང་བ། |
| རྨི་ལམ་སྒྱུ་མ |
སྒྱུ་ལུས་ཀྱི་ནང་གསེས་ཤིག་བག་ཆགས་ལས་བྱུང་བའི་རྨི་ལམ་གྱི་ལུས་སེམས་ཕྲ་བ་ལས་གྲུབ་པ་གང་ལའང་ཐོགས་པ་མེད་པའོ། |
| རྨི་ལྟས |
རྨི་ལམ་བཟང་ངན་གྱི་མཚན་མ། |
| རྨིག་གཅིག་མ |
རྟ་དྲེལ་སོགས་རྨིག་པ་ཁ་དབྲག་མིན་པའི་དུད་འགྲོའི་རིགས། |
| རྨིག་གཉིས་མ |
ར་ལུག་སོགས་རྨིག་པ་ཁ་དབྲག་ཅན་གྱི་དུད་འགྲོའི་རིགས། |
| རྨིག་གཟེར |
རྨིག་ལྕགས་སྡོམ་བྱེད་ཀྱི་གཟེར་བུ། |
| རྨིག་ཆགས |
རྨིག་པ་ཅན་གྱི་དུད་འགྲོའི་རིགས། |
| རྨིག་པ |
1 དུད་འགྲོའི་རྐང་ལག་གི་རྨིག་པ། 2 མངོན ན་གི། |
| རྨིག་པ་ཁ་དབྲག |
གཡག་ལུག་སོགས་རྨིག་པ་ཁ་གཉིས་སུ་གྱེས་པའི་དུད་འགྲོ། |
| རྨིག་པ་ཁ་བྲག་ཅན |
བ་ལང་དང་ར་ལུག་གི་རྨིག་པ་ལྟ་བུ། |
| རྨིག་པ་ཅན |
མངོན རྟ། |
| རྨིག་པ་བརྩེ་བ |
རྟ་དྲེལ་སོགས་ཀྱི་རྨིག་པ་ས་ལ་འཛུགས་མི་བཟོད་པ། |
| རྨིག་མཐིལ |
རྨིག་པའི་འོག་གི་དཀྱིལ། |
| རྨིག་ཚ |
ཕྱུགས་ཀྱི་རྨིག་པ་ན་བའི་འགོ་ནད་ཅིག |
| རྨིག་ཟླུམ |
རྟ་དྲེལ་དང་བོང་བུ་སོགས་ཀྱི་རྨིག་པ། |
| རྨིག་འདྲ |
རྨིག་པར་རྨིག་ལྕགས་རྒྱག་སྐབས་རྨིག་པ་འདྲ་བྱེད་ཀྱི་གྲི། |
| རྨིག་རལ |
རྨིག་པར་ནད་ཕོག་ནས་རྡོལ་བ། |
| རྨིག་ལྕགས |
རྟའི་རྨིག་པར་འདེབས་པའི་ལྕགས། |
| རྨིག་ཤ |
རྨིག་པའི་ནང་གི་ཤ་རྒྱུས། |
| རྨིག་སྒ |
རྨིག་པ་འདྲ་བའི་རྟ་སྒ་ཞིག |
| རྨིགས་པ |
སྲོག་ཆགས་ལྟོ་འགྲོ་ཞིག་ཡིན་ཞིང་། ཡུལ་སྐད་དུ་ས་རྨིགས་ཟེར། ལུས་པོ་སྦྲུལ་དང་མཚུངས་ནའང་རྐང་ལག་བཞི་ཡོད། ལུས་ན་ཁྲབ་རིས་ཞིབ་མོ་ཡོད་ལ། མཇུག་མ་རིང་ཞིང་སུག་བཞིའི་སྣེ་ན་སྡེར་མོ་ལྕགས་ཀྱུ་ལྟ་བུ་ཡོད། རྩྭ་གསེབ་དང་བྱེ་མའི་ནང་དུ་འཚོ་བ་ཡིན། |
| རྨིགས་བུ |
བྱེ་མ་མྱུ་གུ་ཞེས་པའི་སྦལ་ཆུང་སེར་ཁྲ་མཇུག་མ་ཅན་ཏེ། རོ་ལན་ཚ། ཞུ་རྗེས་དྲོད། ནུས་པས་མཁལ་རྐེད་ཀྱི་དྲོད་ཉམས་པ་གསོ། རོ་ཙ་བར་བྱེད། |
| རྨིས |
འདས་པ་གཉིད་ལོག་ནས་རྨི་ལམ་རྨིས་ལྟ་བུ། |
| རྨིས་པ |
རྨི་བའི་འདས་པ། |
| རྨུ |
བོད་ཀྱི་མི་བུ་རིགས་བཞིའི་ཡ་གྱལ་ཞིག་དམུ་ཡང་ཟེར། |
| རྨུ་ཐག |
སྔར་གྱི་བཤད་སྲོལ་ལ་བོད་རྗེ་གཉའ་ཁྲི་བཙན་པོ་ནས་བཟུང་རྒྱལ་རབས་བདུན་པ་བར་གྲོངས་སྐབས་ལག་པས་འཇུས་ཏེ་ནམ་མཁར་འགྲོ་སའི་དཔྱང་ཐག་ལྟ་བུ་ཞིག་དེའི་རྗེས་སུ་ཕུང་པོ་བྱ་ལ་འགྲེམས་སྲོལ་བྱུང་ཞེས་གྲགས། |
| རྨུག |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)སྲོག་ཆགས་ཆུང་ངུས་སོ་བཏབ་པའི་དོན་ཏེ། ཁྱིས་རྨུག་ཉེན་ཆེ་ལྟ་བུ། |
| རྨུག་པ |
ཐ་དད་པ རྨུགས་པ། རྨུག་པ། རྨུགས།། ཁྱི་སོགས་ཀྱིས་སོ་འདེབས་པ། རྐང་པར་ཁྱིས་རྨུགས་པ། བྱི་བས་འཕྱི་བར་རྨུགས་པ། |
| རྨུགས |
(རྒྱན་ཚིག) སེམས་བྱིང་ཞིང་འཐིབས་པ་སེམས་ཀྱི་བྱིང་རྨུགས་སངས། དབྱར་ཚ་རྨུགས་འཐིབས་ལྟ་བུ། རྨུག་ལ་ལྟོས། 2.འདས་པ་དང་སྐུལ་ཚིག་སྒྱེ་ལ་ཙི་གུས་རྨུགས་ནས་རལ་ལྟ་བུ། |
| རྨུགས་པ |
1. རྨུག་པའི་འདས་པ། 2. ཉེ་ཉོན་ཉི་ཤུའི་ནང་གསེས་རིག་པ་མི་གསལ་བ་ལུས་སེམས་ལས་སུ་མི་རུང་བར་བྱེད་པའི་ལས་ཅན་གྱི་སེམས་བྱུང་མུན་ནག་འཐིབས་པ་ལྟ་བུ་ཞིག ཡིད་རྨུགས་པ། བྱིང་རྨུགས། |
| རྨུགས་ཚིག |
རིག་པ་གསལ་པོ་མེད་པའི་སྐབས་སུ་བཤད་པའི་ཚིག |
| རྨུགས་འཛིན |
མངོན ཛམྦྷ་ལ། |
| རྨུགས་འཛིན་འབྱོར་པ |
རྨུགས་འཛིན་ནི་ཛམྦྷ་ལའི་མིང་དང་དེའི་འབྱོར་པ་ཞེས་ཏེ་ཛམྦྷ་ལའི་དཔལ་འབྱོར་ལྟ་བུའི་རྒྱུ་ནོར་ཆེན་པོར་ཟེར། |
| རྨུགས་སེ་བ |
རིག་པ་འཐོམས་པ་ལྟ་བུར་ཉོབ་ཐིབས་སེ་བ། ཆམ་ཚད་ཕོག་ནས་རིག་པ་རྨུགས་སེ་བ་བྱས་བྱུང༌། |
| རྨུན |
དམུན་གྱི་འབྲི་ཚུལ་གཞན། |
| རྨུན་པ |
རྨུན་པོ་དང་འདྲ། |
| རྨུན་པོ |
རྙིང བླུན་པོ། |
| རྨུར |
དམུར་གྱི་འབྲི་ཚུལ་གཞན། |
| རྨུར་བ |
ཐ་དད་པ སོ་རྒྱག་པ། ཤ་ཁྱིས་རི་དྭགས་རྨུར་བ། ཁྱི་འཛིང་ཤོར་ནས་རྨུར་རེས་བྱེད་པ། |
| རྨུས |
(བྱེད་མེད་ལས་ཚིག) སེམས་སྐྱོ་ཞིང་ཡིད་ཆད་པའི་དོན་ཏེ། ཞེ་རྨུས་ནས་མཆི་མ་བཀུ་ལྟ་བུ། |
| རྨུས་པ |
རྙིང 1 སྐྱོ་བ་དང༌། ཡི་ཆད་པ། སུན་པ། མཚེར་བ། 2 མུན་པར་འགྱུར་བ། |
| རྨེ |
བཤད་པའི་བརྡ་རྙིང་། སྨེ་ཡི་འབྲི་ཚུལ་གཞན། |
| རྨེ་ངན |
རྙིང ལྟས་ངན། |
| རྨེ་ཆུ |
སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་མཛོད་དགེ་རྫོང་དུ་ཡོད་པའི་འབབ་ཆུ་ཞིག་མཐར་སི་ཁྲོན་དང་ཀན་སུའུ་ཞིང་ཆེན་གྱི་མཐའ་མཚམས་ནས་རྨ་ཆུར་འབབ། |
| རྨེ་བ |
རྙིང 1 འདྲི་བ་དང༌། སྨྲ་བ། 2 བསྲི་བ། |
| རྨེ་བའི་ཟླ་བ |
གྲོ་བཞིན་ཟླ་བ་སྟེ་ཧོར་ཟླ་བདུན་པ། |
| རྨེ་བུ |
རྙིང རྨ་བཟོས་པའི་རྗེས། |
| རྨེ་བོ |
དམེ་བོ་དང་འདྲ། |
| རྨེ་རུ |
1 སྔར་ཆོས་རྒྱལ་ཁྲི་རལ་སྐབས་རྒྱ་བོད་ས་མཚམས་ཀྱི་ལུང་པ་ཞིག་གི་མིང༌། 2 ལྷ་སའི་རྨེ་རུ་དགོན། ཁྲི་སྲོང་ལྡེ་བཙན་གྱིས་བཏབ་པར་གྲགས་པ་ལྷ་སའི་གཙུག་ལག་ཁང་གི་བྱང་ཤར་ན་ཡོད། ཕྱིས་རྒྱུད་སྨད་གྲྭ་ཚང་ཚུགས་ཡུལ་དུ་གྱུར། |
| རྨེ་ཤ་ཅན |
རིགས་ངན་པ། |
| རྨེག |
(རྒྱན་ཚིག) གཡོ་འགུལ་དང་འུར་སྒྲ་སོགས་མེད་པར་འཇམ་ཐིང་ངེར་སོང་བའི་རྣམ་པ་ཞིག་དལ་རྨེག་རྨེག་བྱེད། དབུགས་རྨེག་གེ་སོང་ཞེས་པ་ལྟ་བུ། རྩ་བའམ་ལྷག་མའི་དོན། |
| རྨེག་གཏའ |
རྨེག་བཏའ་དང་འདྲ། |
| རྨེག་བཏའ |
རྙིང བརླག་པ། |
| རྨེག་མེད |
གཏན་མེད་དང་རྩ་བ་ནས་མེད་པའི་དོན་ཏེ། དགྲ་བོ་རྨེག་མེད་དུ་བཅོམ་ཞེས་པ་ལྟ་བུ། |
| རྨེད |
1. སྒའི་ཕྱི་རུར་འདོགས་པའི་ཐག་པ། གོང་རྨེད། ཐུར་དུ་འགྲོ་དུས་རྨེད་ལ་དོ་སྣང་བྱེད་དགོས། 2. རྨོད་པའི་སྐུལ་ཚིག་གི་འབྲི་ཚུལ་གཞན་ཞིག་ |
| རྨེད |
སྒའི་རྨེད་ཐག་གི་མིང་རྐྱང་རྨེད—རྐྱང་པགས་ཀྱིས་བཟོས་པའི་རྨེད་ཅེས་པ་ལྟ་བུ། 2.རྒྱུ་མཚན་བཤད་པའམ་དྲི་བའི་བརྡ་རྙིང་དེ་ལྟར་རྨེད་ལྟ་བུ། མ་འོངས་པར་རྨ་དང་། འདས་པ་ལ་རྨས། སྐུལ་ཚིག་ལ་རྨོས་འབྲི། |
| རྨེད་གདན |
རྨེད་ཀྱི་འོག་གཞིའི་གདན། |
| རྨེད་ཐག |
སྒའི་རྨེད། |
| རྨེད་པ |
རྙིང འདྲི་བ་དང༌། ཞུ་བ་དང༌། སྨྲ་བ། |
| རྨེད་ཕྱིང |
རྨེད་གདན་གྱི་ཕྱིང་པ། |
| རྨེད་སྒྲོགས |
སྒའི་རྨེད། |
| རྨེད་ཧྲིལ |
རྟ་དྲེལ་བོང་བུ་སོགས་ཀྱི་སྒའི་མཇུག་ཏུ་བཏགས་ནས་དུད་འགྲོའི་གཞུག་རྩའི་འོག་ཏུ་འཇུག་རྒྱུའི་ཕྱིང་པའམ་སྣམ་རས་སོགས་ཀྱིས་བཟོས་པའི་ཐུམ་ཧྲིལ་ཞིག |
| རྨེན |
སྲོག་ཆགས་ཀྱི་ལུས་ཕུང་གི་གྲུབ་ཆ་ཞིག་ཡིན་ཞིང་། དེ་ལ་ཆེ་ཆུང་དང་རིགས་མང་བོ་ཞིག་ཡོད། དེ་ལས་རྫས་སྦྱོར་གྱི་ངོ་བོ་དང་ལྡན་པའི་རྫས་ཤིག་ཟག་གིན་ཡོད་པ་དེས་ལུས་ཕུང་ལ་བྱེད་ནུས་སྣ་ཚོགས་ཤིག་འབྱིན་གྱིན་ཡོད། དཔེར་ན། འགྲམ་རྨེན་ལས་མཆིལ་མ་ཟག་པ་དང་། མིག་རྨེན་ལས་མཆི་མ་ཟག་པ། རྔུལ་རྨེན་ལས་རྔུལ་ཆུ་ཟག་པ། ཕོ་བ་རྒྱུ་མའི་རྨེན་ལས་ཟས་འཇུ་བྱེད་ཀྱི་བད་ཀན་མྱགས་བྱེད་ཟག་པ་སོགས་ལྟ་བུའོ། |
| རྨེན་ཁྲོས |
ལུས་ཀྱི་རྨ་ཁ་སོགས་ནས་ཕྱི་རྐྱེན་ལུས་ནང་ལ་ཞུགས་ཚེ་ཐོག་མར་མཆན་རྨེན་དང་བརླ་རྨེན་སྐེ་རྨེན་སོགས་ཀྱིས་དེ་བཀག་ནས་སྐྲངས་པ་ལ་རྨེན་ཁྲོས་པ་ཟེར། |
| རྨེན་ངན |
རྙིང ལྟས་ངན། |
| རྨེན་པ |
ལུག་ཕག་སོགས་ཀྱི་ཤ་ཚིལ་ནང་དུ་སྐྱེས་པའི་རྨ་འབྲས་ནག་པོ་ཞིག |
| རྨེན་བུ |
1 རྨ་ཁ་སོས་པའི་པགས་པ་སྲ་མོ། 2 རྐེ་མཇིང་དང༌། མཆན་འོག་སོགས་སུ་ཡོད་པའི་ཤ་རིགས་མདོག་ནག་ཅིང་རིལ་པོར་གྲུབ་པ་ཞིག་དེའི་ཆ་ཤས་ནི་ལུས་ཀྱི་ཕྱི་ནང་ཀུན་ཏུ་གནས་ཤིང་ནུས་པས་ལུས་ཀྱི་ཆུ་ཁམས་སྲུང་བར་བྱེད་དོ། |
| རྨེན་བུའི་ནད |
ལྷན་སྐྱེས་རྨའི་ནང་ཚན་རྐེ་མཇིང་དང༌། མཆན་འོག་སྣེ་ས་བཅས་སུ་ཡོད་པའི་རྨེན་བུ་རྣམས་དྲག་ཤུལ་གྱིས་འགྲམས་པ་དང༌། རླུང་ཁྲག་འཁྲུགས་པ་སོགས་ཀྱིས་སྐྲངས་ཤིང་རྣག་པ་ཞིག |
| རྨེན་འབྲས |
ཤ་རིགས་མདོག་ནག་ཅིང་རིལ་པོར་གྲུབ་པ་ཞིག་གི་དོན་དུ་གོ་བའི་རྨེན་བུ་དང་དོན་གཅིག་ |
| རྨེན་རྨེན |
ཡུལ འབྲུ་དང་ཤིང་འབྲས་སོགས་གསར་སྨིན་ནེམ་ནེམ་པ། འབྲུ་རྡོག་སོ་མ་རྨེན་རྨེན། རྒུན་འབྲུམ་གསར་པ་རྨེན་རྨེན། ལོ་ཐོག་གི་གང་སྲུས་རྨེན་རྨེན། |
| རྨེན་སྐྲན |
བུད་མེད་ལོ་ན་གཞོན་པ་ལ་སྐྱེས་པ་དར་མས་འཁྲིག་པ་སྤྱད་ནས་མངལ་འགྲམས་ཏེ་རྨེན་བུ་ལྟར་སྐྲན་ཆགས་པའི་མོ་ནད་ཚབས་སྐྲན་ཞིག |
| རྨེའུ |
སྨེའུ་དང་འདྲ། |
| རྨེའུ་ཟན |
སྨེའུ་ཟན་དང་འདྲ། |
| རྨེལ |
(བྱེད་འབྲེལ་ལས་ཚིག) སྐུད་པ་འཁེལ་སྐབས་སྐུད་པའི་རྒྱུ་ཇེ་རིང་དུ་སྨྱུགས་པའི་དོན་ཏེ། བལ་རྨེལ། གསོ་མ་རྨེལ་ལྟ་བུ། ཐག་པ་སོགས་ཇེ་རིང་དུ་བཏང་བའི་དོན་ཏེ། ཐག་པ་རྨེལ། རྟའི་རྟོད་ཐག་རྨེལ་ལྟ་བུ། |
| རྨེལ་བ |
ཐ་དད་པ གསེད་པ་དང༌། འཁལ་བ། བལ་མ་རྨེལ་ན་འཛིངས་ཤིང་འཁལ་དུ་མི་རུང་བ། བལ་སྐུད་རྨེལ་བ། |
| རྨོ |
(བྱེད་འབྲེལ་ལས་ཚིག་མ་འོངས་པ)ཐོང་གཤོལ་གྱིས་ས་ཞིང་སློག་པའི་དོན་ཏེ། རྨོ་བྱའི་ཞིང་། ཞིང་རྨོ་དགོས་ལྟ་བུ། |
| རྨོ་ཕྱུགས |
ཞིང་ས་རྨོ་བྱེད་ཀྱི་གནག་ཕྱུགས། |
| རྨོ་བ |
རྨོད་པའི་མ་འོངས་པ། |
| རྨོ་བོ |
རྨོ་མོ་དང་འདྲ། |
| རྨོ་མོ |
1 རྒན་མོ་སྤྱི། 2 ཨ་ཕྱིའམ་མ་ཕྱི། |
| རྨོ་ཞིང |
ཞིང་ས། |
| རྨོ་འདེབས |
1 ཞིང་ཁ་རྨོ་སློག་རྒྱག་པ་དང་ས་བོན་འདེབས་པ། རྨོ་འདེབས་ལག་རྩལ། 2 ཧོར་ཟླ་ལྔ་པའི་དབུགས་ཐོབ་ལ་རྨོ་འདེབས་སམ་བྲེལ་འདེབས་ཀྱི་དུས་ཚིགས་ཀྱང་ཟེར། |
| རྨོ་རྐོ |
ཐོང་གཤོལ་གྱིས་རྨོ་ཞིང༌། སྦྱག་མ་དང་འཇོར་སོགས་ཀྱིས་རྐོ་བ། ས་ཆ་རྨོ་རྐོ་བྱས་ནས་ཞིང་ག་བཟོ་བ། |
| རྨོ་རྨོད་པ |
ཞིང་ས་རྨོ་བ། |
| རྨོ་ལགས |
1 ཕ་དང་མའི་མ། 2 བུད་མེད་རྒན་མོ་སྤྱི། |
| རྨོ་སློག |
གཤོལ་དང་སྦྱག་མས་ས་སྦོལ་ཞིང་ཁ་གཏིང་སློག་པ། ཞིང་ག་རྨོ་སློག་བྱས་ནས་འབྲུ་སོན་འདེབས་པ། |
| རྨོ་སློག་ཕྲུ་གསུམ |
ཞིང་ག་རྨོ་བ་དང༌། སློག་པ། འདུལ་བ་གསུམ། ཞིང་ག་རྨོ་སློག་ཕྲུ་གསུམ་གྱི་སོ་ནམ་ཞིབ་ཚགས་བྱས་ནས་ལོ་ཏོག་གི་ཐོན་འབོར་སྤེལ་བ། |
| རྨོག |
གོ་ཆའི་བྱེ་བྲག་མགོ་སྐྱོབ། ལྕགས་རྨོག ཁྲབ་རྨོག རྨོག་རྟགས་ཀྱི་ཅོད་པན་འགྱེལ་ཞིང་ལག་གི་མཚོན་ཆ་ལྷུངས་ནས་རྟབ་རྟོབ་པོར་བྲོས། མིང་གི་རྣམ་གྲངས་ལ་མགོ་སྐྱོབ་དང༌། ལྕགས་ཞུ། རྨོག་ཞུ། ཡ་ལད་བཅས་སོ། |
| རྨོག་ཐུར |
རྨོག་གི་དར་འཕྲུའི་སྲོག་ཐུར། |
| རྨོག་ཐོད |
དམག་ཆས་ལྕགས་ཞྭའི་མདུན་ཕྱོགས། |
| རྨོག་དར |
རྨོག་རྩེའི་དར་ཆ་ཆུང་ངུ། |
| རྨོག་བརྩེགས་མའི་ལུགས |
ཁྱིམ་ཅན་གཟའ་རྣམས་ཀྱང་ཁྱིམ་སྐར་བཞིན་དུ་ལྷོ་བྱང་བགྲོད་གཉིས་མི་བྱེད་པར་སྟེང་ནས་སྟེང་དུ་བརྩེགས་ཏེ་འཕྱུག་མེད་དུ་འདོད་ཚུལ། |
| རྨོག་མགོ་སྤྱི་ཟླུམ |
འབྲུམ་བུ་རིགས་ཀྱི་ནང་ཚན་འབྲུམ་དཀར་གྱི་རིགས་ཤིག་ནད་རྟགས་སུ་འབྲུམ་ཐོར་གྱི་དབྱིབས་རྨོག་གི་མགོ་བོ་ལྟར་ཟླུམ་པོར་འབྱུང་བ་ཞིག |
| རྨོག་ཞུ |
སྔར་རྒྱ་ལུགས་ཀྱི་ཞྭ་མོ་སྲུབ་ཟན་གསུམ་བརྩེགས། |
| རྨོག་རིལ |
རྨོག་གམ་ཞྭ་མོ། |
| རྨོག་རིལ་ཨམ་ཅོག་ཅན |
བོད་ཞྭའི་བྱེ་བྲག་ཅིག |
| རྨོག་རྒྱན |
རྨོག་གི་གཙུག་ཏོར་རམ་རྒྱན་ཆའི་མིང༌། |
| རྨོག་སྟན |
རྨོག་གི་འོག་ཏུ་གྱོན་རྒྱུའི་ཞྭ་མོ། |
| རྨོང |
འདོམས་ཀྱི་མིང་། |
| རྨོང་བུ |
རྙིང འཇབ་རྩེ། |
| རྨོང་འཇབ |
རྨངས་འཇབ་དང་འདྲ། |
| རྨོང་སྤུ |
སྲོག་ཆགས་ཀྱི་ཕོ་རྟགས་དང་མོ་རྟགས་ཉེ་འཁོར་གྱི་སྤུའི་མིང་། |
| རྨོངས |
(བྱེད་མེད་ལས་ཚིག) <ཀ>མ་ཤེས་པའི་དོན་ཏེ། རིགས་པའི་གཞུང་ལུགས་ཀྱི་དོན་ལ་མི་རྨོངས། རིག་པའི་གནས་ལ་མི་རྨོངས། ཚན་རིག་ལ་མི་རྨོངས་ཞེས་པ་ལྟ་བུ། <ཁ>མགོ་འཐོམས་པའི་དོན་ཏེ། མགོ་རྨོངས། མགོ་རྨོངས་པར་བྱས་ལྟ་བུ། |
| རྨོངས་ཁ |
ལུས་ཀྱི་དྲི་ཆུའི་སྒོ། |
| རྨོངས་གཉིད |
གཉིད་ཁུག་པ་དང་འདྲ་བའི་ཤེས་རིག་བླུན་པོ། མི་གསར་ལ་སློབ་གསོ་བཏང་ནས་རྨོངས་གཉིད་བསངས་པ། ལུགས་རྙིང་ལ་ཞེན་པའི་རྨོངས་གཉིད་སད་ནས་འགྲོ་ལམ་བཟང་པོ་རྙེད་པ། |
| རྨོངས་གཏམ |
བླུན་པོའི་སྐད་ཆ། |
| རྨོངས་དད |
གནས་ལུགས་སམ་རྒྱུ་མཚན་མ་རྟོགས་པའི་དད་པ། གནའ་རབས་ཀྱི་མི་ལ་རྨོངས་དད་བྱེད་པ། རྨོངས་དད་སེལ་བ། |
| རྨོངས་དྲེག |
འདོམས་ཀྱི་དྲེག་པ། |
| རྨོངས་པ |
1. ཐ་མི་དད་པ མི་ཤེས་པ། མིང་དོན་འཐོབ་འདོད་ཀྱིས་རང་བློ་རྨོངས་པ། རང་ཉིད་རང་གི་གནས་ཚུལ་ལ་རྨོངས་མི་ཡོང༌། བླང་དོར་རྨོངས་པ། 2. མི་བླུན་པོ། མིང་གི་རྣམ་གྲངས་ལ་གླེན་པ་དང༌། ལྡོངས་པ། བླུན་པོ། མ་བསླབས་པ། མི་མཚོན་པ། མི་རིག་པ། མི་ཤེས་པ། ལུག་ལྟར་ལྐུགས་བཅས་སོ། 3. མ་རིག་པ། ཕྲུ་གུ་རྨོངས་པ། རིག་རྩལ་རྨོངས་པ། |
| རྨོངས་པའི་གྲོགས་པོ |
མངོན གཉིད་ལོག་འདོད་པ། |
| རྨོངས་པའི་དཔེ |
དཔེའི་རྒྱན་གྱི་ནང་གསེས་ཤིག་དཔེ་དོན་ཕན་ཚུན་འདྲ་དྲགས་པས་དབྱེ་བ་མ་ཕྱེ་བར་དཔེ་ཅན་དཔེ་དང་ནོར་ཏེ་རྨོངས་པའི་དབང་གིས་དཔེའི་རྗེས་སུ་འབྲང་བར་སྟོན་པའི་རྒྱན་ཞིག |
| རྨོངས་པར་བྱེད |
མངོན མོ་མཚན། |
| རྨོངས་བསམ |
བླུན་པོའི་བསམ་བློ། |
| རྨོངས་བྱེད་མདའ |
མདའ་ལྔའི་ནང་གསེས་ཤིག |
| རྨོངས་བྱེད་འཕྲུལ་འཁོར |
གཞན་མགོ་འཐོམ་བྱེད་ཀྱི་གཡོ་སྒྱུ། |
| རྨོངས་བློ |
བླུན་པོའི་བསམ་བློ། |
| རྨོངས་བློ་འབྱེད་པ |
བྱིས་པ་དང་བླུན་པོའི་ཤེས་རིག་རྒྱས་ཐབས་བྱེད་པ། |
| རྨོངས་མཚམས |
1 གསང་གནས་ཀྱི་ཐད་མཚམས། 2 ལུས་ཀྱི་གསང་ཞིག |
| རྨོངས་ཚོད |
1 བློ་དམན་གྱི་བསམ་ཚོད། 2 མ་བརྟགས་མ་དཔྱད་པའི་འོལ་ཚོད། 3 ཁེངས་སྐྱུང་གི་ཚིག་ཅིག |
| རྨོངས་ཞེན |
བླུན་པོའི་ཞེན་པ། |
| རྨོངས་ཞེན་ཕྱོགས་ལངས |
གཏི་ཐུག་ཨ་འཐས་ཀྱི་ཞེན་པས་ཉེ་ཕྱོགས་གང་ཡིན་གྱི་རྒྱབ་སྐྱོར། |
| རྨོངས་འཆར |
བློ་རྨོངས་ཀྱི་བསམ་འཆར། ངའི་རྨོངས་འཆར་ལྟར་བྱས་ན། གོང་དུ་ཞུས་པ་དེ་དག་ངའི་རྨོངས་འཆར་ཡིན། |
| རྨོངས་འདོད |
བླུན་པོའི་རེ་འདོད། |
| རྨོངས་རྒན |
གོ་མཐོང་རིག་གསུམ་གྱི་ཉམས་མྱོང་མེད་པའི་བློ་རྨོངས་ཆེན་པོ། |
| རྨོངས་རྟུལ |
བླུན་མོ། ཤེས་རིག་རྨོངས་རྟུལ། |
| རྨོངས་རྨོངས་ཚོད་ཚོད |
མི་ཤེས་བཞིན་དུ་བྱེད་པའི་འོལ་ཚོད། དམངས་དང་གྲོས་སྡུར་མ་བྱས་པར་རང་ཉིད་གཅིག་པུས་རྨོངས་རྨོངས་ཚོད་ཚོད་ཀྱིས་བྱས་པའི་ལས་ཀ་ཁུངས་དག་མི་ཡོང༌། |
| རྨོངས་སྤུ |
འདོམས་ཀྱི་སྤུ། |
| རྨོངས་སྦྲེ |
དྲི་ཆུའི་སྣོད་ཀྱི་ཁ་སྒོའི་མི་གཙང་བའི་དྲི། |
| རྨོད |
ད་ལྟ་བ་ཞིང་རྨོད་མཁན། ཞིང་རྨོད་ཀྱིན་འདུག་ལྟ་བུ། |
| རྨོད་པ |
ཐ་དད་པ རྨོས་པ། རྨོ་བ། རྨོས།། ས་ཞིང་སྦོལ་བ་དང༌། ཕྲུ་སློག་པ། སྟོན་རྨོད། དཔྱིད་རྨོད། ཞིང་ག་མ་རྨོས་མ་བཏབ་པར་ལོ་ཐོག་གང་ནས་ཡོང༌། |
| རྨོན |
ཞིང་རྨོད་པའི་ལས་ཀའི་མིང་ཞིང་རྨོད་བྱེད་ཀྱི་ཡོ་བྱད་ལ་རྨོན་ཆས་དང་། ཞིང་རྨོད་བྱེད་ཀྱི་གནག་ཕྱུགས་ཟུང་ལ་རྨོན་དོར་ཟེར་བ་ལྟ་བུ། རྨོ་ཡི་ད་ལྟ་བ་ལ་རྨོན་འབྲི་བའང་ཡོད། |
| རྨོན་གླང |
རྨོན་པ་རྒྱག་བྱེད་ཀྱི་གླང་གོག |
| རྨོན་ཆས |
ཞིང་རྨོ་བྱེད་ཀྱི་ཡོ་བྱད། |
| རྨོན་དོར |
རྨོན་པ་རྒྱག་བྱེད་མཛོ་སོགས་ཆ་སྦྲེལ་གྱི་མིང༌། |
| རྨོན་དོར་གཅིག་གི་ས |
རྨོན་ཕྱུགས་གཉིས་ཀྱིས་ཉིན་གཅིག་ལ་རྨོ་སློག་རྒྱག་ཐུབ་པའི་ས་ཞིང༌། |
| རྨོན་དོར་བསྡེབས |
མཛོ་གཡག་གླང་སོགས་རྨོན་ཕྱུགས་གཉིས་གཉིས་ཆ་རུ་སྦྲེལ་བ། |
| རྨོན་པ |
ས་ཞིང་རྨོ་བའི་མིང༌། བཙས་མ་བརྔས་འཕྲལ་དུ་རྨོན་པ་རྒྱག་དགོས། |
| རྨོན་མཛོ |
ཞིང་རྨོད་བྱེད་ཀྱི་མཛོ། |
| རྨོན་མཛོ་དོར་སྦྲེལ |
ཞིང་ཁ་རྨོ་སྐབས་རྨོན་མཛོ་གཉིས་གཉའ་ཤིང་གཅིག་གིས་སྦྲེལ་པ། |
| རྨོན་མཛོའི་རྔ་དམར |
རྨོན་པ་རྒྱག་བྱེད་ཀྱི་མཛོའི་མགོ་རྒྱན། |
| རྨོན་འདེབས |
ཧོར་ཟླ་ལྔ་པའི་དབུགས་ཐོབ་ལ་རྨོན་འདེབས་སམ་བྲེལ་འདེབས་ཀྱི་དུས་ཚིགས་ཀྱང་ཟེར། |
| རྨོན་ལྕགས |
གཤོལ་ལྕགས། |
| རྨོའོ་ལགས |
རྨོ་ལགས་དང་འདྲ། |
| རྨོས |
རྨོད་པའི་སྐུལ་ཚིག་ |
| རྨོས |
འདས་པ་དང་སྐུལ་ཚིག་ཞིང་རྨོས་ནས་ལོ་ཏོག་བཏབ། ཞིང་རྨོས་ཤིག་ལྟ་བུ། |
| རྨོས་པ |
རྨོད་པའི་འདས་པ། |
| རྨྱ |
(བྱེད་མེད་ལས་ཚིག) ལུས་སེམས་བྱིང་ཞིང་འཐིབས་པའམ་ཐང་ཆད་པའི་དོན། |
| རྨྱ་བ |
རྙིང ཉོབ་པའམ་གྲུང་ཤ་ཉམས་པ། ལུས་རྨྱ་ཞིང་སྒྱིད་ལུག་པར་གྱུར། |
| རྨྱང |
བྱ་རྨྱང་གླལ་རྒྱང་གི་མིང་། |
| རྨྱང་བ |
རྨྱོང་བའི་མ་འོངས་པ། |
| རྨྱང་ཤད |
རྐང་ལག་སོགས་ནར་བརྐྱང་གི་རྐྱོང་ཤད། གནག་ཕྱུགས་ལྷས་རྭའི་ནང་དུ་ཡུན་རིང་ཉལ་ནས་ལངས་འཕྲལ་རྨྱང་ཤད་བྱེད་པ། |
| རྨྱངས་པ |
རྨྱོང་བའི་འདས་པ། |
| རྨྱི་ལམ |
རྙིང རྨི་ལམ། |
| རྨྱོང་བ |
ཐ་དད་པ རྨྱངས་པ། རྨྱང་བ། རྨྱོངས།། རྐྱོང་བ། རྐང་ལག་རྨྱངས་ནས་མལ་དུ་ཉལ་འདུག |
| རྨྱོངས |
རྨྱོང་བའི་སྐུལ་ཚིག་ |
| རྩ |
1 1 སྲོག་གནས་པའི་རྩ་བ་ལྟར་གྱུར་པས་ན་རྩ་ཞེས་ཟེར་ཏེ། དེ་ལ་ནང་གསེས་སུ་དབྱེ་ན། རླུང་ཁྲག་གཉིས་འདོམས་ཀྱི་འཕར་རྩ་དང༌། མི་འཕར་བའི་སྡོད་རྩ། རྩ་དཀར་རམ་ཆུ་རྩ་སོགས་མཆིས་སོ། ནད་པའི་རྩ་ལ་རེག་པ། མིང་གི་རྣམ་གྲངས་ལ་འདབ་ལྡན་དང་རུས་འཆིང་ངོ། 2 ཉེ་འགྲམ། ཁང་པའི་རྩ་ལ་ཤིང་བཙུགས། རིའི་རྩ་ལ་ཆུ་ཞིག་ཡོད། ཁོའི་རྩ་ལ་སླེབས་པ། 3 དྲི་ཆེན་ནམ་ཕྱི་ས། 4 རྒྱུད་ལས་གསུངས་པའི་རྩ་ཐིག་རླུང་གསུམ་གྱི་ཟླས་ཕྱེ་བའི་རྩ་ནི་གཙོ་བོ་དང་འདབ་མའི་ཚུལ་གྱིས་སྤྱི་བོ་ནས་གསང་གནས་སོགས་སུ་འཁོར་ལོའི་རྣམ་པར་གནས་པའོ། 5 མངོན མིའི་གཟུགས་པོར་རྩ་གསུམ་དང་འཁོར་ལོ་དྲུག་སྟེ་རྩ་ལ་དགུ་ཡོད་པས་གྲངས་དགུ་མཚོན། 2. གྲངས་ཀ་ཉེར་གཅིག་ནས་ཉེར་དགུའི་བར་སོ་སོའི་མཚམས་སྦྱོར་བའི་ཚིག་གྲོགས་ཤིག ཉི་ཤུ་རྩ་བཞི། |
| རྩ་ཁ |
ལུས་ཀྱི་རྩ་ཁ། |
| རྩ་ཁབ |
རྙིང གཏར་ཁ་འབྱེད་པའི་ཁབ། |
| རྩ་ཁུངས |
རྩ་བའི་ཁུངས། གཏམ་བཤད་ན་རྩ་ཁུངས་འཁྱོལ་བ་བྱ་དགོས། |
| རྩ་ཁོག |
ལུས་ཁྲག་རྒྱུག་ལམ། |
| རྩ་ཁྲག་སྡོམ་པ |
རྩ་ནང་ནས་རྒྱུ་བའི་ཁྲག་ལམ་འགོག་པ། རྩ་ཁའི་སྟོད་ཆ་དམ་པོར་བསྡམས་ནས་རྩ་ཁྲག་སྡོམ་པ། |
| རྩ་ཁྲིད |
1 རྩ་གཞུང་རྐྱང་པའི་བཤད་ཁྲིད། 2 ནད་པའི་རྩ་ལྟ་ཚུལ་གྱི་ཁྲིད། |
| རྩ་ཁྲིམས |
རྒྱལ་ཁབ་ཀྱི་རྩ་བར་གྱུར་པའི་ཁྲིམས་ལུགས་ཤིག་དེ་ལ་ཁྲིམས་ལུགས་ཀྱི་ནུས་པ་བླ་ན་མེད་པ་ཞིག་ཡོད་པས། བཅའ་ཁྲིམས་གཞན་དག་གཏན་འབེབས་བྱེད་རྒྱུའི་གཞི་འཛིན་ས་དེ་ཡིན། |
| རྩ་གཏོར |
རྦད་དེ་མེད་པ་བཟོ་བ། དགྲ་དཔུང་རྩ་གཏོར་དུ་བཏང་བ། བཤུ་གཞོག་ལམ་ལུགས་རྩ་གཏོར་བྱེད་པ། |
| རྩ་གདོང་མཇུག་གསུམ |
སྒྲ་གཅན་གྱི་རྩ་བ་ནི་གོ་ལའི་གཞིར་རང་འགྲོས་གཡས་སྐོར་ཚུལ་གྱིས་སྤྱོད་པའི་དབང་དུ་བྱས་པ་ཡིན་ལ། གདོང་ནི་གོ་ལའི་གཞིར་གཡོན་སྐོར་གྱི་ཚུལ་དུ་སྤྱོད་པ་སྟེ་ཉི་ཟླ་གཟའ་འཛིན་ཤེས་པའི་ཆེད་ཉི་ཟླའི་སྤྱོད་ཚུལ་དང་བསྟུན་པ་ཡིན་པས་རྩ་གདོང་གཉིས་དོན་ལ་ཁྱད་མེད་དོ། མཇུག་ནི་གཟའ་དུས་མེ་ལ་དེ་ལྟར་བརྗོད། |
| རྩ་གནད |
གནད་ཆེན་པོར་ཐུག་པའི་དོན་རྩ། ལུས་ཀྱི་རྩ་གནད། ལས་དོན་གྱི་རྩ་གནད། |
| རྩ་གནས་འཁོར་ལོ |
དབུ་མ་ལ་བརྟེན་པའི་རྩ་འདབ་རྣམས་ཀྱི་དབྱིབས་འཁོར་ལོ་ལྟར་ཡོད་པའོ། |
| རྩ་གནས་འཁོར་ལོ་བཞི |
གསང་སྔགས་སུ་གསལ་བ་ལྟར་རྩའི་གཙོ་བོ་གསུམ་ལས་གྱེས་པའི་རྩ་འདབ་རྣམས་ཏེ། སྤྱི་བོ་བདེ་ཆེན་གྱི་འཁོར་ལོ་རྩ་འདབ་སུམ་ཅུ་རྩ་གཉིས་དང༌། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་བའི་འཁོར་ལོ་རྩ་འདབ་དྲུག་ཅུ་རྩ་བཞི་བཅས་ཀྱི་བདག་ཉིད་ཅན་ནོ། |
| རྩ་གནས་འཁོར་ལོ་ལྔ |
རྩ་གནས་འཁོར་ལོ་བཞིའི་སྟེང་དུ་གསང་གནས་བདེ་སྐྱོང་གི་འཁོར་ལོ་རྩ་འདབ་སུམ་ཅུ་རྩ་གཉིས་ཅན་བསྣན་པའོ། |
| རྩ་གཞུང |
ཚིག་དོན་འགྲེལ་གཞིའི་རྩ་གཞུང༌། |
| རྩ་གཡོག |
1 སྔར་མངའ་བདག་གི་བུ་དང་བུ་མོ་མནའ་མ་དང་མག་པར་གཏོང་དུས་སྟེར་བའི་གཡོག་པོ་གཡོག་མོ། 2 སྔ་དུས་བྲན་གཡོག་བདག་པོས་རང་ཁོངས་མི་སེར་གྲས་ནས་བཀུག་སྟེ་ཉར་བའི་གཡོག་པོ། |
| རྩ་གསུམ |
1 ལུས་ཀྱི་རྩ་རོ་མ་དང༌། རྐྱང་མ། དབུ་མ་གསུམ། 2 ཆོས་བྱེད་པ་ལ་རྩ་བ་གསུམ་ཡོད་དེ། བྱིན་རླབས་ཀྱི་རྩ་བ་བླ་མ་དང༌། དངོས་གྲུབ་ཀྱི་རྩ་བ་ཡི་དམ་ལྷ། བར་གཅོད་སྲུང་བའི་རྩ་བ་མཁའ་འགྲོ་ཆོས་སྐྱོང་བཅས་སོ། |
| རྩ་གསུམ་ཀུན་འདུས |
བླ་མ་དང༌། ཡི་དམ། མཁའ་འགྲོ་གཅིག་ཏུ་འདུས་པའི་རང་གི་རྩ་བའི་བླ་མ། |
| རྩ་གསུམ་པ |
མངོན རྣམ་ཐོས་སྲས། |
| རྩ་གུད་པ |
འཕར་རྩ་སྟོབས་ཆུང་བ། ལུས་སྟོབས་ཤོར་ནས་རྩ་གུད་པ། |
| རྩ་གེ་རྩིག་གེ |
རྩིག་པོ་དང་དོན་འདྲ། |
| རྩ་གྲུམ |
ནད་ཅིག |
| རྩ་ངེ་རྩིང་ངེ་། |
རྩིང་བོ་ལ་ལྟོས། |
| རྩ་ཆག |
རྦད་དེ་ཆག་པའམ་རྩ་བ་ནས་ཆག་པ། ཁྲལ་རིགས་རྩ་ཆག་གཏོང་བ། བོགས་མ་རྩ་ཆག་ཕྱིན་པ། སྐྱེད་ཀ་རྩ་ཆག་བྱས་པ། ཉེས་ཆད་རྩ་ཆག་བཏང་བ། |
| རྩ་ཆུ |
1 བཤང་གཅི། ནད་ཀྱིས་རྐྱེན་པས་རྩ་ཆུ་འགགས་པ། 2 སྨན་པས་ནད་བརྟག་ཐབས་ཀྱི་ནང་ཚན་ལག་པའི་མཁྲིག་མའི་འཕར་རྩ་དང༌། ཆུ་ཁམས་ཀྱི་སྙིགས་མ་དྲི་ཆུ། |
| རྩ་ཆེན |
1 རྩ་བ་ཆེན་པོའམ་རྩ་འགང་ཆེན་པོ། དངོས་པོ་འདི་རྩ་ཆེན་ཡིན་པས་བདག་སྤྲོད་ཡག་པོ་བྱེད་དགོས། 2 ལུས་ཀྱི་རྩ་ཆེ་ཆུང་ནང་གི་ཆེ་བ། |
| རྩ་ཆེན་ཉེར་བཞི |
དོན་སྣོད་ནང་འབྲེལ་གྱི་སྦས་པ་ལྟ་བུའི་རྩ་ཆེན་བརྒྱད་དང༌། ཡན་ལག་ཕྱི་འབྲེལ་གྱི་མངོན་པའི་རྩ་ཆེན་བཅུ་དྲུག་བཅས་དྲིལ་བས་ཉེར་བཞིའོ། |
| རྩ་ཉོན |
རྩ་བའི་ཉོན་མོངས་པ་ཉོན་མོངས་ཀྱི་རྟེན་གཞིའམ་རྩ་བར་གྱུར་པ། |
| རྩ་ཉོན་དྲུག |
སེམས་བྱུང་ང་གཅིག་གི་ནང་གསེས། མ་རིག་པ་དང༌། འདོད་ཆགས་དང༌། ཁོང་ཁྲོ་དང༌། ང་རྒྱལ་དང༌། ཐེ་ཚོམ་དང༌། ལྟ་བ་སྟེ་དྲུག་གོ། |
| རྩ་ཉོན་བཅུ |
ཉོན་མོངས་ཅན་གྱི་ལྟ་མིན་ལྔ་དང༌། ལྟ་བ་ལྔ་བཅས་བཅུའོ། |
| རྩ་ཏྲེམ |
གྲུམ་བུ་རིགས་ཤིག་རྩར་བབས་པའི་གྲུམ་ནད་ཅིག་ནད་རྟགས་སུ་གློ་སྙིང་མི་བདེ་བ་དང་དཔྱི་ཡི་སྟ་ཟུར་གྱི་ཤ་ཆད་སྙམ་བྱེད་པ། རྩ་རྣམས་སྦོས་ལ་སྲ་ཞིང་ན་བ་ཞིག |
| རྩ་ཐིག |
1 ཐོག་མར་བཀོད་པའི་ཐིག་བཅད། 2 རྩ་རླུང་དང་ཐིག་ལེའི་བསྡུས་མིང༌། |
| རྩ་དཀར |
སྨན་དཔེར་ཀླད་པ་ལས་བྱུང་རྩ་དཀར་ཐུར་དུ་ཟུག ནང་རྩ་དོན་སྣོད་ཕྱི་རྩ་ཡན་ལག་འབྲེལ་ཞེས་བཤད་པ་ལྟར་ལུས་ཀྱི་མྱོང་ཚོར་གྱི་དབང་བོའི་རྟེན་ཡིན། དེ་ལ་དབང་རྩ་ཡང་ཟེར། |
| རྩ་དཀར་ནད |
སྨན་དཔེར་རྣ་རྒྱབ་འཇིང་བ་སྐྲངས་ཤིང་ཞ་རེངས་དང་། ལག་པའི་མཐེབ་སྲིན་སྦྲིད་ཅིང་གློ་ཆུང་ལུ། ཁ་སྣ་གཡོ་ཞིང་ལུས་འགུལ་བསྐྱོད་མི་ཐུབ། དྲི་ཆུ་རླུགས་སམ་སྡོམ་དང་དྲན་ཉམས་ལྐུགས། དེ་སོགས་ངོ་མཚར་ནད་རྟགས་དུ་མ་སྟོན། ཞེས་བཤད་པ་ལྟར་གྱི་ནད་རིགས་ཤིག་གི་མིང་། སྨན་གཞུང་དུ་སྐབས་འགར་སྐྱག་པ་ལའང་རྩ་ཟེར་སྲོལ་ཡོད་དེ། ནད་པའི་རྩ་ཆུ་བརྟག—ནད་པའི་གཅིན་སྐྱག་བརྟག་ལྟ་བུ། ０གྲངས་ཀ་མཚོན་པའི་ཚིག་ཕྲད་ལ་འཇུག་པ་ནི། ཉི་ཤུ་རྩ་གཅིག སྟོང་རྩ་གཅིག བརྒྱ་རྩ་བརྒྱད་ཅེས་པ་ལྟ་བུ། １གཉེན་དང་ཉེ་དུའི་མིང་མི་རྩ། མི་རྩ་མང་ལྟ་བུ། |
| རྩ་དགོངས |
རྩ་བ་ནས་དགོངས་འཁྲོལ། ལས་བྱེད་པ་དེ་གཟུགས་ཁམས་ཧ་ཅང་ཞན་པས་རྩ་དགོངས་ཞུ་དགོས་བྱུང་བ། |
| རྩ་དགོན |
རྩ་བའི་མ་དགོན། རྩ་དགོན་འབྲས་སྤུངས་སུ་གྲྭ་པ་བདུན་སྟོང་བདུན་བརྒྱ་ཡོད། |
| རྩ་དཔོན |
རྩ་བའི་དཔོན་པོ་བྲན་གཡོག་སོགས་རང་བདག་གི་དབང་ཆ་འཛིན་མཁན། |
| རྩ་དཔྱད་ཉི་འོད་རབ་གསལ |
རབ་བྱུང་བདུན་པའི་ནང་ཟུར་མཁར་བ་མཉམ་ཉིད་རྡོ་རྗེས་མཛད་པའི་རྩ་བརྟག་ཐབས་ཀྱི་སྐོར་བཤད་པའི་སྨན་གྱི་བསྟན་བཅོས་ཤིག |
| རྩ་དབང |
མངོན རྩྭ་ཀུ་ཤ། |
| རྩ་དབུ་མ |
ལུས་ཀྱི་རྩ་ལམ་གཙོ་བོ་ཡར་སྣེ་ལུས་ཀྱི་སྤྱི་བོའི་ཚངས་བུག་ནས་མར་སྣེ་གསང་གནས་བར་ཡོད་པའི་དཀྱིལ་གྱི་རྩ་ཞིག |
| རྩ་དོན |
རྩ་བའི་དོན་གནད། |
| རྩ་དྲ |
མིག་འགྲིབ། |
| རྩ་ནག |
1 ནང་དུ་ཁྲག་རྒྱུ་བའི་ལུས་ཀྱི་རྩ་སྤྱི་ལ་ཟེར་ཏེ། དེ་ལ་ནང་གསེས་སུ་དབྱེ་ན་སྙིང་ནས་ཐུར་དུ་རྒྱུ་བའི་འཕར་རྩ་དང༌། སྙིང་ལ་ཕྱོགས་ནས་གྱེན་དུ་རྒྱུ་བའི་མི་འཕར་བའི་སྡོད་རྩ་དང་གཉིས་མཆིས་སོ། 2 རྩ་ལམ་ལ་སྐྱོན་ཞུགས་ནས་བྱུང་བའི་ནད་ཀུན། |
| རྩ་ནད་བཅུ་དྲུག |
བུད་མེད་ཀྱི་ཟླ་མཚན་རྒྱུན་ལྡན་ལྟར་ཐུར་དུ་མ་བབས་པ་རླུང་དང་ཆུ་སེར་ལྷན་དུ་བསྡོངས་ནས་ལུས་ཀྱི་རྩའི་ནང་བྱེར་བ་ལ་རྩ་ནད་ཅེས་ཟེར་ཏེ། དེ་ཡང་གློ་བ་དང༌། སྙིང༌། མཆིན་པ། མཚེར་པ། མཁལ་མ། མཁྲིས་པ། རྒྱུ་མ། འོ་ཚབས། ནུ་ཚབས། ཁྲག་ཚབས་གོར་པ་བཅས་ཁྲག་ཚབས་བཅུ་དང༌། མགོ་དང༌། རུས་པ། སྙིང༌། མཁལ་མ། ཕོ་བ། རྒྱུ་མ་བཅས་ཀྱི་རླུང་ཚབས་དྲུག་བཅས་བསྡོམས་པས་བཅུ་དྲུག་གོ། |
| རྩ་ཕྲན |
ལུས་ཀྱི་རྩ་ཕྲ་མོ། |
| རྩ་བ |
1 རྩྭ་དང་ཤིང་སོགས་ཀྱི་རྐང་པའམ་ས་འོག་ཏུ་ཡོད་པའི་སྡོང་བུ། ཤིང་གི་རྩ་བ་སྤོམ་ཕྲ་ཚང་མ་ས་འོག་ཏུ་བརྒྱུགས་ནས་ཡོད། དུག་རྩྭའི་རྩ་བ་བཀོག་པ། སྡོང་པོ་ཁོག་ནང་ནས་རུལ་ན། རྩ་བ་རང་བཞིན་གྱིས་གོག་ཡོང༌། 2 རྟེན་གཞིའམ་རྨང་གཞི། སྤྱི་ཚོགས་རིང་ལུགས་ཀྱི་རྩ་བ་བརྟན་པོ་ཚུགས་ཞིན་པ། ཐོན་སྐྱེད་རྒྱུ་ཆས་སྒེར་ལ་དབང་བའི་ལམ་ལུགས་དེ་བཤུ་གཞོག་དར་བའི་རྩ་བ་རེད། 3 གཞི་མའམ་འབྱུང་གཞི། ཆུའི་རྩ་བ། དམག་འཁྲུག་གི་རྩ་བ། ནོར་འཁྲུལ་རྣམས་རྩ་བ་ནས་ལེགས་བཅོས་གཏོང་བ། ནད་རོ་རྙིང་པ་རྩ་བ་ནས་འབྱིན་པ། 4 གཙོ་བོ་དང༌། ལྟེ་བའམ། གནད། བཟོ་ལས་ཀྱི་རྩ་བའི་འཛུགས་སྐྲུན། རྒྱལ་ཕམ་གྱི་རྩ་བ། འཆར་གཞིའི་རྩ་བ། 5 བཤད་བྱའི་རྩ་གཞུང༌། གཞུང་རྙིང་གི་རྩ་བ་ཕལ་ཆེར་གོ་ཁག་པོ་འདུག |
| རྩ་བ་གསུམ |
རྩ་བ་གསུམ་བླ་མ་དང༌། ཡི་དམ། མཁའ་འགྲོ་སྟེ་གསུམ། |
| རྩ་བ་ཆེན་པོ |
གལ་ཆེན་ནམ་འགངས་ཆེན། ལས་དོན་རྩ་བ་ཆེན་པོ། དངོས་ནོར་རྩ་བ་ཆེན་པོ། |
| རྩ་བ་བཞི |
སོར་སྡོམ་གྱི་རྩ་བའི་བསླབ་བྱ་སྲོག་གཅོད་པ་དང༌། མ་བྱིན་ལེན་པ། མི་ཚངས་སྤྱོད་པ། མི་ཆོས་བླ་མའི་རྫུན་སྨྲ་བ་བཅས་བཞི་ནི་རབ་བྱུང་གི་སྡོམ་པའི་རྩ་བ་ཡིན་ལ། དེ་ཉམས་ན་སྡོམ་པ་རྩ་བ་ནས་འཇིག་པས་རྩ་བ་བཞི་ཞེས་བྱའོ། |
| རྩ་བ་བརྒྱ་པ |
མངོན གུར་གུམ། |
| རྩ་བ་ཤེས་རབ |
དབུ་མ་རྩ་བའི་ཚིག་ལེའུར་བྱས་པ་ཤེས་རབ་ཅེས་བྱ་བ། ཤེར་ཕྱིན་དངོས་བསྟན་གྱི་སྟོང་ཉིད་དེ། ཟབ་མོ་དབུ་མའི་ལྟ་བ་རྣམ་དཔྱོད་རིགས་ལམ་གྱིས་སྟོན་པའི་གཞུང༌། རྒྱ་གར་གྱི་སློབ་དཔོན་ཀླུ་སྒྲུབ་ཀྱིས་མཛད་པའོ། |
| རྩ་བ་སུམ་ཅུ་པ |
སུམ་ཅུ་པ་དང་དོན་གཅིག་ |
| རྩ་བའི་ཁ་དོག |
དཀར་པོ་དང་དམར་པོ་སོགས་རྩ་བར་གྱུར་པའི་མདོག་གོ། |
| རྩ་བའི་ཁ་དོག་བཞི |
སྔོ། སེར། དཀར། དམར་བཅས་བཞིའོ། |
| རྩ་བའི་ཆོས་དྲུག |
དགེ་སློབ་མའི་བསྲུང་བྱ་དྲུག་གཅིག་པུར་ལམ་དུ་འགྲོ་བ་དང༌། ཆུར་རྐྱལ་བ་དང༌། སྐྱེས་པ་ལ་རེག་པ་དང༌། དེ་དང་ལྷན་ཅིག་འདུག་པ་དང༌། ཕོ་མོ་ཕན་ཚུན་སྨྱན་བྱས་པ་དང༌། ཟླ་མོའི་ཉེས་པ་འཆབ་པ་སྤོང་བ་སྟེ་དྲུག་གོ། |
| རྩ་བའི་ཉོན་མོངས་པ་དྲུག |
རྩ་ཉོན་དྲུག་དང་དོན་གཅིག་ |
| རྩ་བའི་དཀྱིལ་འཁོར |
གཞི་ལྷུན་གྲུབ་རྩ་བའི་དཀྱིལ་འཁོར་ཏེ། ཡེ་ཤེས་འོད་གསལ་གྱི་འཁོར་ལོ། |
| རྩ་བའི་དབྱངས་དགུ |
ལེགས་སྦྱར་སྐད་ཀྱི་རྩ་བའི་དབྱངས་ཨ་ཨི་ཨུ་རྀ་ལྀ་ཨེ་ཨཻ་ཨོ་ཨཽ་བཅས་དགུ། ཨ་ཨི་ཨུ་རྀ་ལྀ ཨེ་ཨཻ་ཨོ་ཨཽ |
| རྩ་བའི་དམ་ཚིག་བཞི |
རྒྱུད་སྡེ་གོང་འོག་ཐམས་ཅད་ཀྱི་ཐུན་མོང་བའམ་རྩ་བར་གྱུར་པའི་སྔགས་ཀྱི་སྡོམ་པ་བཞི་འཇིག་རྟེན་པའི་ཡང་དག་པའི་ལྟ་བ་དང༌། དཀོན་མཆོག་གསུམ་ལ་སྐྱབས་སུ་འགྲོ་བ་དང༌། བྱང་ཆུབ་ཆེན་པོར་སེམས་བསྐྱེད་པ་དང༌། དཀྱིལ་འཁོར་དུ་དབང་བསྐུར་བ་རྣམས་སོ། |
| རྩ་བའི་ནད་དྲུག |
རླུང་དང༌། མཁྲིས་པ། བད་ཀན། ཁྲག་ཆུ་སེར། སྲིན་བུ་བཅས་དྲུག |
| རྩ་བའི་ཕ་མ |
རང་ཉིད་ཀྱི་ཕ་མ་དངོས། |
| རྩ་བའི་བད་ཀན་ལྔ |
བད་ཀན་ལྔ་དང་དོན་གཅིག་ |
| རྩ་བའི་བླ་མ |
རང་ལ་དབང་ཁྲིད་མན་ངག་གནང་བའི་ཐུན་མིན་གྱི་བླ་མ། |
| རྩ་བའི་མ |
ཨ་མ་དངོས། |
| རྩ་བའི་མཁྲིས་པ་ལྔ |
མཁྲིས་པ་ལྔ་དང་དོན་གཅིག་ |
| རྩ་བའི་རོ་དྲུག |
མངར་བ་དང༌། སྐྱུར་བ་དང༌། ཁ་བ་དང༌། བསྐ་བ་དང༌། ཚ་བ་དང༌། ལན་ཚྭ་སྟེ་དྲུག |
| རྩ་བའི་རླུང |
འབྱུང་ལྔའི་རང་བཞིན་ཅན་གྱི་རླུང༌། |
| རྩ་བའི་རླུང་ལྔ |
མིའི་ལུས་ལ་རྒྱུ་བའི་འབྱུང་བ་ལྔའི་རང་བཞིན་ཅན་གྱི་རླུང་སྲོག་འཛིན་གྱི་རླུང་དང༌། ཐུར་སེལ་གྱི་རླུང༌། གྱེན་རྒྱུའི་རླུང༌། མཉམ་གནས་ཀྱི་རླུང༌། ཁྱབ་བྱེད་ཀྱི་རླུང་བཅས་སོ། |
| རྩ་བའི་ས |
མངོན སྐྱེད་མོས་ཚལ། |
| རྩ་བའི་སྡུག་བསྔལ་གསུམ |
སྡུག་བསྔལ་གྱི་སྡུག་བསྔལ་དང༌། འགྱུར་པའི་སྡུག་བསྔལ། ཁྱབ་པ་འདུ་བྱེད་ཀྱི་སྡུག་བསྔལ་བཅས་གསུམ་མོ། |
| རྩ་བའི་སྡེ་པ་བཞི |
ཉན་ཐོས་ཀྱི་རྩ་བའི་སྡེ་པ་འོད་སྲུངས་ནས་བརྒྱུད་པ་ཕལ་ཆེན་སྡེ་པ་དང༌། སྒྲ་གཅན་འཛིན་ནས་བརྒྱུད་པ་གཞི་ཐམས་ཅད་ཡོད་པར་སྨྲ་བའི་སྡེ་པ། ཀ་ཏྱཱ་ཡ་ན་ནས་བརྒྱུད་པ་གནས་བརྟན་པའི་སྡེ་པ། ཉེ་བར་འཁོར་ནས་བརྒྱུད་པ་མང་བཀུར་བའི་སྡེ་པ་བཅས་བཞི། |
| རྩ་བརྟག་པ |
རྩ་འཕར་སྟངས་ལྟ་བ། ཨེམ་ཆིས་རྩ་བརྟག་པ། |
| རྩ་བརྡར་གཅོད་པ |
རྩད་གཅོད་པ། བདེན་རྫུན་གྱི་རྩ་བརྡར་གཅོད་པ། འཐུས་ཤོར་གྱི་ཁག་འགན་སུར་འཁྲི་རྩ་བརྡར་གཅོད་པ། |
| རྩ་བརླག |
1 གཞི་འཐོར་བ་དང༌། མེད་པར་འགྱུར་བ། བཤུ་གཞོག་ལམ་ལུགས་རྩ་བརླག་གཏོང་བ། 2 སྙིང་དོན་ཤོར་བ། དོན་མེད་ཚིག་ལོ་ལ་ཡེངས་ནས་གཙོ་དོན་རྩ་བརླག་ཏུ་སོང་བ། |
| རྩ་བཤད |
1 རྩ་བའི་འགྲེལ་པ། 2 རྩ་བ་དང་འགྲེལ་པའི་བསྡུས་མིང༌། |
| རྩ་བཤིག |
རྩ་བ་ནས་བཤིག་པ། དགྲ་མཁར་རྩ་བཤིག་བཏང་བ། ལོག་སྤྱོད་པའི་སྒྲིག་འཛུགས་རྩ་བཤིག་བཏང་བ། |
| རྩ་མཁྲིས |
སྔོ་ཞིག |
| རྩ་མཁྲིས་དམན་པ |
སྔོ་ཞིག |
| རྩ་མཁྲིས་མཆོག |
སྔོ་ཞིག |
| རྩ་མགྱོགས་རྩ་མགྱོགས |
ཡུལ ལྷ་མོ་བས་རྣམ་ཐར་གཏོང་དུས་མགྱོགས་པོར་ཐོང་ཞེས་པ་དང༌། མདོར་བསྡུས་ཐོང་ཞེས་པའི་གབ་ཚིག |
| རྩ་མདའ |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་ནུབ་ངོས་དང་གླང་ཆེན་ཁ་འབབ་ཀྱི་ཆུ་རྒྱུད་ན་ཡོད། རྫོང་མི་དམངས་སྲིད་གཞུང་དེ་མཐོ་ལྡིང་དུ་ཡོད། |
| རྩ་མདུད |
མདུད་པ་ལྟར་གྱུར་པའི་རྩ། རྩ་མདུད་ཐེབས་ནས་ན་བ། |
| རྩ་མདུད་མེད་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཉོན་མོངས་པའི་མདུད་པ་འགྲོལ་བ་ཉིད་ཀྱིས་རྩ་མདུད་པ་མེད་པ། |
| རྩ་མདོ |
1 རྩ་རྒྱུ་སའི་མདོ་འགག 2 རྩ་ལྟ་སྟངས་ཀྱི་གཞུང༌། |
| རྩ་མི་མངོན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ལུས་ལ་སོགས་པའི་ལས་དང་འཚོ་བ་རབ་ཏུ་བསྲུངས་པ་ཉིད་ཀྱིས་རྩ་མི་མངོན་པ། |
| རྩ་མིག |
ལུས་ཀྱི་རྩ་ལམ་མམ་རྩ་སྒོ། གཟུགས་པོའི་ཁྲག་རྒྱུན་ཁོག་སྟོད་ཁོག་སྨད་ཀྱི་རྩ་མིག་འགྲིམས་པ། |
| རྩ་མེད |
རྨེག་མེད་དམ་གཏན་མེད། རྩ་མེད་གཙང་དག་བཟོ་བ། རྩ་མེད་ཤུལ་མེད་གཏོང་བ། གཉའ་གནོན་བཤུ་གཞོག་རྩ་མེད་དུ་བཏང་བ། ནང་འཛུལ་བྱེད་པའི་དགྲ་བོ་རྩ་མེད་བཟོས་པ། |
| རྩ་ཚིག |
1 ཀུན་གྱི་མཐོང་ཡུལ་དུ་འགྲེམས་ཡིག སྒྲིགས་ཁྲིམས་བླང་དོར་གྱི་རྩ་ཚིག..དམངས་སེམས་བདེ་བར་བྱེད་པའི་རྩ་ཚིག 2 རྩ་འགྲེལ་ཞེས་པའི་རྩ་བའི་ཚིག |
| རྩ་ཚེམ་གློན་ཚེམ |
ཡུལ ཉིས་སྲུབ་བམ་ཉིས་ཚེམ་སྦྱོར་ཚེམ་དང་གནོན་ཚེམ་གཉིས། |
| རྩ་ཞིབ |
རྩ་བ་ནས་ཞིབ་འཇུག་ནན་ཏན་བྱེད་པ། གནད་དོན་རྣམས་ལ་རྩ་ཞིབ་ནན་ཏན་བྱེད་པ། |
| རྩ་ཟླ་ལ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དཀར་མཛེས་རྫོང་གི་ལ་ཞིག |
| རྩ་འཁུམས་པ |
ལུས་རྩ་རེངས་པ། གྲུམ་བུའི་ནད་ཀྱིས་རྩ་འཁུམས་པ། |
| རྩ་འཁོར |
རྩ་གནས་འཁོར་ལོའི་བསྡུས་ཚིག་ |
| རྩ་འཁོར་གསུམ |
སྤྱི་བོ་བདེ་ཆེན་གྱི་འཁོར་ལོ། མགྲིན་པ་ལོངས་སྤྱོད་ཀྱི་འཁོར་ལོ། སྙིང་ག་ཆོས་ཀྱི་འཁོར་ལོ་སྟེ་གསུམ། |
| རྩ་འཁོར་དྲུག |
རྩ་གནས་འཁོར་ལོ་བཞིའི་སྟེང་དུ་གསང་གནས་བདེ་སྐྱོང་གི་འཁོར་ལོ་དང་ནོར་བུའི་དབུས་ཀྱི་འཁོར་ལོ་བསྣན་པས་དྲུག |
| རྩ་འཁོར་བཞི |
རྩ་གནས་འཁོར་ལོ་བཞི་དང་དོན་གཅིག་ |
| རྩ་འཁོར་ལྔ |
རྩ་གནས་འཁོར་ལོ་ལྔ་དང་དོན་གཅིག་ |
| རྩ་འགགས་པ |
སྐྱག་པ་འགགས་ནས་གཏོང་མི་ཐུབ་པ། ནད་གཞིའི་རྐྱེན་གྱིས་རྩ་འགགས་འདུག |
| རྩ་འགང |
རྩ་བའི་གལ་གནད། ལས་དོན་རྩ་འགང་ཆེ་བ། རྒྱལ་ཁ་སུ་ལ་འཐོབ་མིན་གྱི་འགག་གནད་རྩ་འགང་ཆེ་ཤོས་ཤིག་དང་ཐུག་པ། ཡིག་རིགས་རྩ་འགང་ཆུང་བ། |
| རྩ་འགངས |
རྩ་འགང་དང་འདྲ། |
| རྩ་འགོག |
1 རྩ་བ་ནས་འབྱིན་པ། ཤིང་སྡོང་རྩ་འགོག་བཏང་བ། 2 རྩ་བ་ནས་བཀག་པ། ཁྲིམས་ལུགས་དང་མི་མཐུན་པའི་མགོ་བདེ་གླགས་ཚོང་རྒྱག་རྒྱུའི་སྤྱོད་ངན་རྩ་འགོག་བྱེད་པ། |
| རྩ་འགྲེལ |
དཔེ་ཆའི་རྩ་བ་དང་འགྲེལ་པ། དེ་སྐོར་ཁྱོད་ཀྱིས་རྩ་འགྲེལ་ལ་ལྟོས། |
| རྩ་འཆུས་པ |
ལུས་ཀྱི་རྩ་ཡོ་བའམ་འཁྱོགས་པ། གཟུགས་པོ་འགྱེལ་བརྡབས་ཤོར་ནས་རྐང་རྩ་འཆུས་པ། |
| རྩ་འཇིང |
གཉེན་ཉེ་དུའི་སྤྱི་མིང་མི་རྩ་འཇིང་མང་བོ་ཅན་ཞེས་པ་ལྟ་བུ། |
| རྩ་འཇིང་ཆེན་པོ |
སེམས་བརྩེ་བའི་གཉེན་ཚན་དང་གྲོགས་པོ། |
| རྩ་འཇིང་སྡུག་པ་ཕུན་ཚོགས |
གཉེན་དང་ཉེ་དུ་སོགས་མང་ཞིང་རྒྱ་ཆེ་བ། རང་མགོ་རང་གིས་མི་འདོན་པར་རྩ་འཇིང་སྡུག་པ་ཕུན་ཚོགས་ལ་རེ་བས་ཅི་ཕན། |
| རྩ་འཇུག་བཞི་གསུམ |
དབུ་མ་རྩ་བ་ཤེས་རབ་དང༌། དབུ་མ་འཇུག་པ། དབུ་མ་བཞི་བརྒྱ་པ་བཅས་སོ། |
| རྩ་འཐོར |
ལྷག་མ་མེད་པར་འཐོར་ཟིན་པ། དགྲ་བོའི་བཙན་རྫོང་ལ་མེ་སྒྱོགས་ཕོག་ནས་རྩ་འཐོར་དུ་ཕྱིན་འདུག |
| རྩ་འདར་ཉག |
ཡུལ ལྷ་མོ་བས་རྣམ་ཐར་ཐོང་ཞིག་ཅེས་པའི་གབ་ཚིག |
| རྩ་འབོར |
རྩ་བའམ་མ་གཞིའི་ཁྱོན་འབོར། |
| རྩ་འབྲས |
1 རྩའི་ཐོག་གམ་ཉེ་སར་སྐྲངས་ཤིང་ཟུག་འབྱུང་བའི་འབྲས་ཀྱི་ནད་རིགས་ཤིག 2 སྨན་ཞིག |
| རྩ་འཛིན |
ཚད་དམ་གཞི་འཛིན་ས་སྟེ་མཛུབ་སྟོན་གྱི་ནུས་པ་ཐོན་པའི་ཡིག་ཆ་ལ་ཟེར། |
| རྩ་འཛིན་གཡོ་མེད |
རྩ་བར་བཟུང་ནས་འགྱུར་བ་མི་གཏོང་བ། རྩ་བའི་རྩ་དོན་རྣམས་རྩ་འཛིན་གཡོ་མེད་བྱེད་དགོས། |
| རྩ་འཛིན་རྒྱུན་འཁྱོངས |
རྩ་བར་བཟུང་ནས་དུས་གཏན་དུ་རྒྱུན་འཁྱོངས་བྱེད་པ། རྩ་ཚིག་གི་ནང་དོན་རྣམས་རྩ་འཛིན་རྒྱུན་འཁྱོངས་བྱེད་པ། |
| རྩ་འཛིན་རླུང་ནད |
རླུང་ནད་རིགས་ཤིག་སྤྱི་བོ་འཛིན་པ་ཞེས་པའི་རྩ་ལ་ཞུགས་པ་ཞིག་ནད་རྟགས་སུ་སྤྱི་གཙུག་གི་ཤ་མདོག་ནག་པོར་འགྱུར་བ་ཞིག |
| རྩ་འཛུགས |
སྒྲིག་འཛུགས་ཏེ། དམིགས་ཡུལ་དང་ཁོངས་གཏོགས་ངེས་ཅན་ཞིག་གཞིར་བཟུང་ནས་བཙུགས་པའི་ཚོགས་པ། |
| རྩ་ཡང |
གཏན་ནས་མི་དགོས་པར་ཆགས་པ། བུ་ལོན་རྙིང་པ་རྩ་ཡང་བཏང་བ། ཉེས་ཆད་རྩ་ཡང་བཏང་བ། |
| རྩ་ར |
1 རྩད་གཅོད། ཉེས་ཅན་སུ་ཡིན་རྩ་ར་གཅོད་པ། བོར་སྟོར་སོང་བའི་དངོས་པོ་རྩ་ར་གཅོད་པ། 2 ཙ་ར་དང་འདྲ། |
| རྩ་རོ་མ |
ལུས་ཀྱི་གཙོ་བོའི་རྩ་ལམ་གསུམ་གྱི་གཡས་པ། |
| རྩ་རྐྱང་མ |
ར་ས་ནཱ ལུས་ཀྱི་རྩ་གསུམ་གྱི་གཡོན་མ། |
| རྩ་རྒོད་པོ |
ཡུལ འདོད་ཆགས་ཆེན་པོ། |
| རྩ་རྒྱུད |
1 དཔལ་ལྡན་རྒྱུད་བཞིའི་ཡ་གྱལ་དུམ་བུ་དང་པོ་གསོ་བ་རིག་པའི་རྩ་བ་ལྟ་བུ་ཐུགས་ཀྱི་རྒྱུད་དེ་ལེའུ་དྲུག་ཡོད་པའི་སྨན་གཞུང་ཚད་ལྡན་ཞིག 2 གསང་སྔགས་བླ་མེད་རྒྱུད་སྡེའི་རྩ་རྒྱུད། |
| རྩ་རྒྱུད་ཀྱི་དུམ་བུ་བཞི |
རྣལ་འབྱོར་རྒྱུད་ཀྱི་རྩ་རྒྱུད་ཀྱི་དུམ་བུ་བཞི་རྡོར་དབྱིངས་དང༌། ཁམས་གསུམ་རྣམ་རྒྱལ་དང༌། ངན་སོང་སྦྱོང་བ་དང༌། དོན་གྲུབ་རྣམས་སོ། |
| རྩ་རྒྱུད་ཀྱི་འགྲེལ་པ་རྒྱུད་དོན་རབ་གསལ |
རབ་བྱུང་བཞི་པའི་ནང་བྲང་ཏི་དཔལ་ལྡན་འཚོ་བྱེད་ཀྱིས་མཛད་པའི་རྩ་རྒྱུད་ཀྱི་འགྲེལ་པ་ཤིན་ཏུ་རྒྱས་ཤིང་གོ་སླ་བ་ཞིག |
| རྩ་རྒྱུད་རྡེལ་འགྲེམས |
དཔལ་ལྡན་རྒྱུད་བཞིའི་ཡ་གྱལ་རྩ་བའི་རྒྱུད་ལ་རྩ་བ་དང༌། ཡལ་ག། སྡོང་པོ་རྣམས་ཤིང་ཐུར་དང༌། ལོ་མ་རྣམས་རྡེའུ་མདོག་མི་འདྲ་བ་བཀོད་ནས་འགྲེལ་བཤད་རྒྱག་ཐབས་ཤིག |
| རྩ་རྒྱུད་ལེའུ་འབུམ་པ |
བདེ་མཆོག་རྩ་རྒྱུད་རྒྱས་པ། |
| རྩ་རྒྱུད་སྡོང་འགྲེམས |
དཔལ་ལྡན་རྒྱུད་བཞིའི་ཡ་གྱལ་རྩ་བའི་རྒྱུད་ལ་རྩ་བ་གསུམ། སྡོང་པོ་དགུ། ཡལ་ག་ཞེ་བདུན། ལོ་འདབ་ཉིས་བརྒྱ་དང་རྩ་བཞི། མེ་ཏོག་གཉིས། འབྲས་བུ་གསུམ་བཅས་མྱ་ངན་མེད་པའི་ཤིང་གི་ཚུལ་དུ་བཀོད་ནས་འགྲེལ་བཤད་རྒྱག་ཐབས་ཤིག |
| རྩ་རྒྱུས |
ལུས་ཀྱི་རྩ་དང་རྒྱུས་པ། |
| རྩ་རྡོལ་བ |
ལུས་ཀྱི་རྩ་རལ་བ། |
| རྩ་རྨེན |
ཡུལ རྩ་ལ་ཆགས་པའི་རྨེན་ནད། |
| རྩ་རྩེ |
རྩ་བ་དང་རྩེ་མོ། ཤིང་གི་རྩ་རྩེ་རྒྱས་པ། ལོ་ཏོག་གི་རྩ་རྩེ་སྨིན་པ། གནས་ལུགས་ཡོང་རྐྱེན་གྱི་རྩ་རྩེ་ཁུངས་ཆོད་པ། |
| རྩ་རླུང་ཐིག་ལེ |
ཚེ་མི་འགྱུར་ཞིང་སྲོག་མི་འགག་པའི་རྣམ་པར་ཤེས་པའི་རྟེན་ཏེ། དེ་ཡང་རྩ་ཁྱིམ་ལྟ་བུ་དང༌། ཐིག་ལེ་ནོར་ལྟ་བུ། རླུང་སེམས་བདག་པོ་ལྟ་བུ་དང་གསུམ་མོ། |
| རྩ་ལག |
1 གཉེན་ཉེ་དུ། དགྲ་བོ་རྩ་ལག་དང་བཅས་པ་ཟིལ་གྱིས་མནན་པ། 2 རྩ་བ་དང་ཡན་ལག 3 རྩྭ་ཤིང་གི་རྩ་ལག |
| རྩ་ལངས་པ |
མཇེ་ལངས་པ། |
| རྩ་ལམ |
1 ལུས་ཀྱི་རྩ་ལམ། 2 བཤང་ལམ། |
| རྩ་ལྟ་བ |
ལག་པའི་རྩ་ལྟ་བ། ཨེམ་ཆིས་ནད་པའི་ལག་རྩ་བལྟས་ནས་ནད་གཞི་ཚ་གྲང་གང་ཡིན་དབྱེ་འབྱེད་བྱེད་པ། |
| རྩ་ལྟུང |
སྔགས་སྡོམ་གྱི་རྩ་བའི་ལྟུང་བ་ལྗོན་ཤིང་གི་རྩ་བ་ལྟར་བསྲུངས་ན་ལམ་དང་འབྲས་བུའི་ཡོན་ཏན་ཐམས་ཅད་བསྐྱེད་པའི་རྩ་བ་ཡིན་ཞིང༌། མ་བསྲུངས་ན་ངན་འགྲོའི་རྒྱུ་དང་སྡུག་བསྔལ་གྱི་རྩ་བར་གྱུར་པའི་དབང་གིས་ཕྱི་མ་གནས་འོག་ནས་འོག་ཏུ་ལྟུང་བར་འགྱུར་བས་རྩ་ལྟུང་ཞེས་བྱའོ། |
| རྩ་ལྟུང་བཅུ་བཞི |
སྔགས་སྡོམ་གྱི་རྩ་བའི་སྤང་བྱ་བཅུ་བཞི་རྡོ་རྗེ་སློབ་དཔོན་ལ་བརྙས་པ་དང༌། བདེ་གཤེགས་བཀའ་ལས་འདས་པ། རྡོ་རྗེའི་སྤུན་ལ་འཁུ་བ། བྱམས་པ་འདོར་བ། བྱང་སེམས་འདོར་བ། ཆོས་ལ་སྨོད་པ། གསང་བ་སྒྲོག་པ། ཕུང་པོ་ལ་བརྙས་པ། རང་བཞིན་དག་པའི་ཆོས་ལ་ཐེ་ཚོམ་ཟ་བ། མངོན་སྤྱོད་བྱ་བར་འོས་པའི་ཡུལ་ལ་བྱམས་པ། མིང་དང་བྲལ་བའི་ཆོས་ལ་རྟོག་གེས་བློས་འཇལ་བ། དད་ལྡན་སེམས་སུན་འབྱིན་པ། དམ་རྫས་ཇི་བཞིན་མི་བསྟེན་པ། ཤེས་རབ་མར་སྨོད་པ་བཅས་བཅུ་བཞིའོ། |
| རྩ་ལྟུང་བཅོ་བརྒྱད |
བྱང་སེམས་ཀྱི་རྩ་ལྟུང་བཅོ་བརྒྱད་དེ། བདག་བསྟོད་གཞན་སྨོད་དང༌། ཆོས་ནོར་མི་སྟེར་བ། ཤད་སྦྱངས་མི་ལེན་ཞིང་གཞན་ལ་འཚོག་པ། ཐེག་ཆེན་སྤོང་ཞིང་དམ་ཆོས་འདྲར་སྣང་སྟོན་པ། དཀོན་མཆོག་གི་དཀོར་མ་བྱིན་པར་ལེན་པ། དམ་པའི་ཆོས་སྤོང་བ། རབ་བྱུང་ལ་འཚེ་བ། མཚམས་མེད་བྱེད་པ། ལོག་ལྟ་འཛིན་པ། གནས་འཇིག་པ། སྣོད་མིན་ལ་ཟབ་མོ་བཤད་པ། ཐེག་ཆེན་ལས་བཟློག་པ། སོ་ཐར་སྤོང་བ། ཉན་ཐོས་ཀྱི་ཐེག་པ་ལ་སྐུར་བ་འདེབས་པ། མི་ཆོས་བླ་མའི་རྫུན་སྨྲ་བ། དཀོན་མཆོག་གི་དཀོར་བྱིན་པ་ལེན་པ། ཁྲིམས་ངན་འཆའ་བ། བྱང་ཆུབ་ཀྱི་སེམས་འདོར་བ་བཅས་བཅོ་བརྒྱད། |
| རྩ་ཤེ |
ཀླུ་སྒྲུབ་ཀྱིས་བརྩམས་པའི་རྩ་བ་ཤེས་རབ་ཀྱི་བསྡུས་མིང༌། |
| རྩ་ཤོར་བ |
སྐྱག་པ་ཤོར་བ། |
| རྩ་སྐྱ་གཙང་པོ |
གདང་ལའི་ལྷོ་རྒྱུད་ནས་བྱུང་བའི་འབབ་ཆུ་ཞིག་ཡིན་ཞིང༌། བོད་རང་སྐྱོང་ལྗོངས་ཁོངས་ཨ་མདོ་རྫོང་དང་དཔལ་མགོན་རྫོང་བརྒྱུད་ནས་སེར་གླིང་མཚོར་འབབ། |
| རྩ་སྐྲན་ལིང་པ |
ཕྲུ་གུ་སྐྱེས་རྗེས་ཀྱི་ནད་ཅིག |
| རྩ་སྒོ |
བཤང་ལམ། |
| རྩ་སྒྱེ་མོ |
བོད་རང་སྐྱོང་ལྗོངས་སྟོད་ལུང་ཕུའི་འབྲོམ་སྟོན་འཁྲུངས་ཡུལ། |
| རྩ་སྒྲུབ |
རྩ་བའི་ཆོ་ག་ནས་སྒྲུབ་པ། ཐོག་མར་རྩ་སྒྲུབ་གོང་བཞིན་བྱ། རེའུ་མིག་འདི་ལྟར་བཟུང་བས་རྩ་སྒྲུབ་བཞིན་འཁྲུལ་མེད་ཤེས། |
| རྩ་སྔགས |
ཡི་དམ་རང་རང་གི་རྩ་བའི་སྔགས། |
| རྩ་སྟོང་པ |
སྤྱོད་ལམ་དྲག་པོ་མ་བསྟེན་གོང་གི་རྩ་འཕར་སྟངས། |
| རྩ་སྟོངས |
མི་ཕྱུགས་དང་རྒྱུ་དངོས་ཚང་མ་ཟད་པ། འདི་གར་ཆུ་ལོག་ཧ་ཅང་ཆེན་པོ་བྱུང་ནས་ཡུལ་ལུང་རྩ་སྟོངས་སུ་གྱུར་པ། |
| རྩ་སྤོས |
རྩི་ཤིང་དང་སྔོ་ཚལ་གྱི་སོན་རྩ་སྤོས་པ། ཤིང་སོན་རྩ་སྤོས་རྒྱག་པ། མེ་ཏོག་བཀོག་ནས་གཞན་དུ་རྩ་སྤོས་རྒྱག་པ། |
| རྩ་སྦུག |
རྩ་སྦུབས་དང་དོན་གཅིག་ |
| རྩ་སྦུབས |
ལུས་ཁྲག་རྒྱུག་ལམ། |
| རྩ་སྦོས་པ |
རྩ་སྐྲངས་བ། |
| རྩ་སྦྱོང |
1 བཤལ་སྨན་བཏང་སྟེ་ཁོག་ནད་རྩ་མེད་བཟོ་བའི་སྨན་བཅོས་ཤིག 2 ཁྲག་དང༌། མཁྲིས་པ། དུག་ནད་སོགས་རྩ་ལ་ཞུགས་པའི་ནད་རྣམས་དྲི་ཆུའི་ལམ་ནས་ཕྱིར་སྦྱོང་བར་བྱེད་པའི་ཐབས་ཤིག |
| རྩ་སྦྲིད་པ |
རྩའི་ཚོར་བ་ཉམས་པ། རྐང་པ་ཡུན་རིང་བསྐུམས་ནས་བསྡད་པས་སྒྱིད་པའི་རྩ་སྦྲིད་པ། གཤགས་ལས་མ་བྱས་གོང་དུ་སྦྲིད་སྨན་བཏང་བས་རྩ་སྦྲིད་པ། |
| རྩ་སྨྱོ |
ཡུལ ཆགས་པ་སྤྱོད་ཡུལ་མ་རྙེད་པའི་རྐྱེན་གྱིས་སྨྱོ་བ། |
| རྩ་ཧྲལ |
སྤྱོད་པ་འཆོལ་ཉོག་ཏུ་གྱུར་པ་བག་མེད་ཀྱི་བྱ་བས་བཅས་ཁྲིམས་ལས་འདས་པའམ་རལ་བའོ། |
| རྩ་ཧྲེང |
ས་ཆ་ཞིག་བོད་རང་སྐྱོང་ལྗོངས་ཀྱི་རྩ་མདའ་རྫོང་ཁོངས་སུ་ཡོད། |
| རྩ་ཧྲེང་བ |
ལུས་ཀྱི་རྩ་གྱོང་པོ་ཆགས་པ། |
| རྩག་པ |
སློག་པ་སྟེ་ལུག་ཆེ་བའི་པགས་པས་བཟོས་པའི་གོས། དགུན་གྲང་བའི་སྒང་ཚ་རུ་ལས་རྩག་པ་དྲོད་ཆེ། |
| རྩག་རྩིག |
དངོས་པོ་ཆུང་ཆུང༌། ལས་དོན་རྩག་རྩིག ཚོང་ཟོག་རྩག་རྩིག |
| རྩང |
1 ཚེར་མ། 2 ཤིང་སྐྱེར་པ་ཕྲ་མོར་བཤགས་ནས་གཏོར་མའི་མཐའ་སྐོར་དུ་ཁྲ་མ་ལྟ་བུར་བཙུགས་པའི་ཐུར་མ་རྣམས་ཀྱི་མིང༌། 3 རྙིང 1) རྙི། 2) ཆང༌། |
| རྩང་ནན |
རྙིང བཏུང་བ། |
| རྩང་བ |
རྙིང གསང་བ། |
| རྩངས |
རྩང་གི་འབྲི་ཚུལ་གཞན། |
| རྩངས་པ |
1 འབུ་རྨིགས་པ། མིང་གི་རྣམ་གྲངས་ལ་བཀྲ་བ་དང༌། ཁྱིམ་ལྡན། རྒྱལ་བ་ཐུ་བོ། ཉིན་སོ་བ། ད་བྱིད། མདུང་ཅན། མིག་སྨན་རྩྭ། རལ་གྲི་ཅན། བཤོལ་ལྡན། སོག་ལེ་ཅན་བཅས་སོ། 2 ལུས་ནང་གི་ཡན་ལག་གི་རླུང་ལྔའི་ཆ་ཤས་ཤིག |
| རྩངས་པ་ཁ་རལ |
ཡུལ བྲག་ལ་གནས་པའི་སྲོག་ཆགས་རྨིགས་པ། |
| རྩངས་པ་རྒྱ་རྒན |
ཡུལ སྲོག་ཆགས་རྨིགས་པ། |
| རྩངས་པ་སྒལ་རལ |
ཡུལ སྲོག་ཆགས་རྨིགས་པ། |
| རྩད |
1 རྩ་བ། དུག་གི་སྡོང་པོ་རྩད་ནས་གཅོད། 2 ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཤ་དུག་དང༌། སྦྲུལ་དུག་སོགས་དུག་ཚད་ལ་ཕན། |
| རྩད་ཁུངས |
རྩ་བའི་ཕུགས། གནད་དོན་དེ་སྐོར་རྩད་ཁུངས་མ་ཆོད་པར་ད་བར་ལུས་སོང༌། |
| རྩད་གཅོད |
འཚོལ་བ་དང་རྗེས་སྙེགས་པ་རྒྱུ་མཚན་འདྲི་བ་སོགས་ཀྱི་དོན་ཏེ། ཕྱུགས་བོར་སྟོར་བྱུང་ན་རྩད་གཅོད་དགོས། ན་ནིང་བོར་བའི་རྟ་དེ་ད་ལོ་རྩད་ཆོད་སོང་། རྩད་ཆོད་ཅིག རྒྱུ་མཚན་རྩད་བཅད། གནས་ཚུལ་རྩད་ཆོད་ཅིག་ལྟ་བུ། |
| རྩད་གཡུང |
སྔོ་སྨན་ཞིག་དེའི་རྩ་བའི་ནུས་པས་ཟུག་གཟེར་ཞི་བ་དང༌། རྔུལ་ཆུ་འབྱིན་པ། དྲི་ཆུ་འབེབས་པ་སོགས་ལ་ཕན། |
| རྩད་པ |
རྩི་ཤིང་གི་ཆ་ཤས་ས་འོག་ན་ཡོད་པའི་ཁག་ལ་རྩད་པ་ཟེར་ཞིང་། རྩི་ཤིང་གི་རྩད་པས་ས་ནང་གི་ཆུ་དང་ལུད་རྫས་སོགས་བཞིབས་ནས་རྩི་ཤིང་ཆེར་སྐྱེ་བ་ལ་ཕན་འདོགས་ཤིང་། རྩི་ཤིང་བརྟན་པའང་བྱེད་པ་ཡིན། བྱ་དངོས་རྣམས་འབྱུང་བ་དང་གནས་པའི་རྒྱུ་རྐྱེན་ནམ་རྨང་གཞིའི་མིང་ནད་གཞི་རྩད་པ་ནས་བཏོན་ལྟ་བུ། ０ཚིག་བསྡུས་ན་རྩད་ཅེས་འབྲི་ཆོག་ཤིང་རྩད། རྩད་ནས་འབྱིན་ཞེས་པ་ལྟ་བུ། |
| རྩད་ཞིབ |
རྩད་གཅོད་ཞིབ་འཇུག ས་དབྱིབས་རྩད་ཞིབ་བྱེད་པ། རྩད་ཞིབ་བརྟག་དཔྱད། |
| རྩབ |
1 བར་སྲུབ་འགོག་བྱེད། འགུལ་སྐྱོད་བྱེད་པའི་ཅོག་རྩེའི་འོག་ཏུ་ཤིང་རྩབ་ཆུག་ཅིག 2 ཡུལ རྩ་བའི་བསྡུས་མིང༌། རྩ་བ། འབྲུ་དངུལ་ཚང་མ་འགྲོ་སོང་གིས་རྩབ་བཅད་འདུག |
| རྩབ་མོ |
འདུལ་བ་ལས་བཤད་པའི་བཅས་ལྡན་དགེ་སློང་གིས་ལོངས་སྤྱད་དུ་རུང་བ་འབྲས་ཁྲེ་སོགས་བཙོས་ནས་ཕབ་མ་བཏབ་པར་མནན་པའི་ཁུ་བའོ། |
| རྩབ་ཧྲལ |
1 རང་རྡོལ་ཚབས་ཆེན། གྱོན་པ་རྩབ་ཧྲལ། འདོམས་རས་རྩབ་ཧྲལ། སྒོ་ཡོལ་རྩབ་ཧྲལ། དཔེ་ཆ་རྩབ་ཧྲལ། 2 བཙུན་ཚུགས་ཉམས་ཏེ་སྤྱོད་པ་གང་བྱུང་བྱེད་མཁན་ལ་སྨོད་ཚིག གྲྭ་པ་རྩབ་ཧྲལ། བཙུན་མ་རྩབ་ཧྲལ། དགེ་སློང་རྩབ་ཧྲལ། |
| རྩབས |
ཞོའི་རུ་རྩིའམ་ཆང་གི་ཕབས་རྩི། |
| རྩབས་མོ |
རྩབ་མོ་དང་འདྲ། |
| རྩམ་ཁུག |
རྩམ་པ་བླུག་སྣོད་ཁུག་མ། |
| རྩམ་གཉེར |
སྔར་བོད་ས་གནས་སྲིད་གཞུང་གི་རྩམ་ཁྲལ་སྡུད་ལེན་བྱེད་མཁན་གྱི་ལས་ཁུངས་དང༌། དེའི་ལས་ཚན་པའི་གོ་མིང༌། |
| རྩམ་གཟར |
རྩམ་པ་འཇལ་བྱེད་ཀྱི་སྐྱོགས། |
| རྩམ་གསོག |
སྐམ་བརྔོས་ཀྱིས་བཏགས་པའི་རྩམ་པ་སྤུས་ཞན། |
| རྩམ་ཐུག |
རྩམ་པ་བཏབ་ནས་བསྐོལ་བའི་ཐུག་པ། |
| རྩམ་པ |
ནས་སོགས་འབྲུ་རིགས་ལ་ཆུ་བརྒྱབ་ནས་བརྔོས་ཏེ་བཏགས་པའི་ཕྱེ་མ། སྲན་རྩམ། དམངས་རྩམ་རྩིང་པོ། བར་རྩམ། མཆོད་རྩམ། རྩམ་པ་ཁག་ཐེག་བུལ་གྱིས་བྱེད། ལྷགས་པས་ཁྱེར་ན་ཁྱེར་མཉམ་ཡིན། |
| རྩམ་པ་གཤོ་བ |
1 རྩམ་པ་ཕྱི་ལ་གཤོ་བ། 2 ངོ་བསྟོད་བྱེད་པའི་དཔེ། མི་ལ་ངོ་བསྟོད་ཀྱི་རྩམ་པ་གཤོ་བའི་སྤྲེལ་ལད་བྱེད་པ། |
| རྩམ་པ་སྐམ་གསོབ |
འབྲུ་རིགས་ལ་ཆུ་མ་བརྒྱབ་པར་བཏགས་པའི་རྩམ་པ་སྤུས་ཞན། |
| རྩམ་ཕོགས |
སྔ་དུས་ཀྱི་རྩམ་པའི་ཕོགས། |
| རྩམ་ཕོར |
ཤིང་ལས་གྲུབ་པའི་རྩམ་སྣོད་པར་བུ། |
| རྩམ་བང |
རྩམ་པ་བླུག་སའི་བང་བ། |
| རྩམ་བཞེས་པ |
རྩམ་གཉེར། |
| རྩམ་བཞེས་ལས་ཁུངས |
སྔར་བོད་ས་གནས་སྲིད་གཞུང་གི་ལས་ཁུངས་ཤིག་དེར་དོ་དམ་པ་ལས་ཚན་རིམ་པ་ལྔ་པ་སེར་སྐྱ་གཉིས་དང༌། གཉེར་པ་གཉིས་བཅས་ཡོད། ལས་འགན་ནི། མཆོད་རྒྱུན་ཁག་ལ་རྩམ་པའི་དོད་དམ། རྩམ་པ་ངོ་གཏོང་བྱེད་རྒྱུ། གཞུང་གི་མཛད་སྒོ་ཆེ་ཁག་ལ་དཀར་སྤྲོ་གཏོང་རྒྱུ། ལྷ་ལྡན་སྨོན་ལམ་ཆེན་མོ་དང་ཚོགས་མཆོད་ལ་དགེ་འདུན་རྣམས་ཀྱི་ནང་ནས་རྩམ་པ་ལེན་མཁན་ལ་རྩམ་པ་དང་རྩམ་པ་མི་ལེན་མཁན་ལ་རྩམ་དོད་སྤྲོད་རྒྱུ་བཅས་ཡིན། ལས་རྒྱུན་ནི་ལོ་གསུམ་རེ་ཡིན། |
| རྩམ་ཟན |
1 རྩམ་པ་ཟ་མཁན། 2 རྩམ་པས་བཟོས་པའི་ཟན་གྱི་རིགས། |
| རྩམ་ཟོམ |
རྩམ་པ་བླུག་སའི་སྣོད་ཟོམ། |
| རྩམ་འབོལ |
འབྲུ་རིགས་སྣ་མི་འདྲ་བ་མང་བོ་བརྔོས་ཏེ་བསྲེས་ནས་བཏགས་པའི་ཕྱེའི་མིང་རྒྱུན་དུ་ནས་དང་ཟར་མ་ཙེ་བོ་བཅས་བརྔོས་རྗེས་སིལ་ཏོག་སྐམ་པོ་སོགས་བསྲེས་ནས་བཏགས་པ་ཞིག |
| རྩམ་རྒྱུ |
ནས་དང་སྲན་མ་སོགས། |
| རྩམ་རྩི |
1 ཐུག་པའི་ཁ་ཐལ། 2 རྩམ་པ་ཅུང་ཟད་ཙམ། གོས་ལ་རྩམ་རྩི་གོས་པ། |
| རྩམ་ལོང |
ལོང་ག་གཡས་གཡོན་དབུས་གསུམ་དུ་དབྱེ་བའི་དབུས་སམ་སྟེང་དུ་ཡོད་པའི་ཆ་ཤས། |
| རྩའི་གཙོ་བོ་གསུམ |
རྒྱུད་ལས་ལུས་ཀྱི་དབུས་ན་རྩའི་གཙོ་བོ་གསུམ་གནས་པར་གསུངས་པ་དེ་སྒལ་ཚིགས་ཀྱི་འདབས་འབྱོར་ན་ཡོད་དེ། རོ་མ། རྐྱང་མ། ཀུན་འདར་མའམ་དབུ་མ་ཞེས་བྱའོ། |
| རྩའི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་རྩ་མི་མངོན་པ་དང༌། རྩ་མདུད་མེད་པའོ། |
| རྩའི་འབྲོས་མཁྲང |
ནད་རྐྱེན་གྱིས་མཁྲང་པོར་གྱུར་པའི་རྩ། |
| རྩར་གཅོད |
རྩ་ར་གཅོད་པ་སྟེ་དྲི་རྩད་བྱེད་པ། |
| རྩལ |
ལུས་ཀྱི་ཤེད་ཤུགས་སམ་ནུས་པའི་མིང་མི་རྩལ་ཆེན། བྱ་ཡི་གཤོག་རྩལ། རྟའི་བང་རྩལ། སྟག་གི་མཆོངས་རྩལ་ཞེས་པ་ལྟ་བུ། ཡོན་ཏན་ཁྱད་པར་བའི་མིང་རིག་རྩལ། ལག་རྩལ། སྒྱུ་རྩལ་ཞེས་པ་ལྟ་བུ། ０སྦྱང་བའི་ནུས་མཐུ་ཁྱད་པར་བའི་མིང་རྩིས་རིག་ལ་སྦྱང་བ་རྩལ་ཐོན་པའི་ཤེས་ཡོན། སྨན་གཞུང་ལ་སྦྱང་བ་རྩལ་ཐོན་པ་ཞེས་པ་ལྟ་བུ། |
| རྩལ་ཆེན་རྫོགས་པའི་རྣལ་འབྱོར |
རྣལ་འབྱོར་ལྔའི་ཡ་གྱལ་ཞིག་རྙིང་གཞུང་རྣམས་སུ། མཐར་ལམ་དུ་སློབ་པའི་ཟུང་འཇུག་གི་ཡོན་ཏན་གྱི་རྩལ་མཐར་ཐུག་པ་རྫོགས་པའི་ཕྱིར་རྩལ་ཆེན་རྫོགས་པའི་རྣལ་འབྱོར་ཞེས་བྱའོ། |
| རྩལ་དུ་བཏོན |
ནན་ཏན་དང་གལ་ཆེ་བ་བྱས་ནས་བཤད་པའི་དོན་ཏེ། 《སུམ་རྟགས་རྩ་བ》ལ་རྣམ་དབྱེ་ཚིག་ཕྲད་དང་ལས་ཚིག་རྩལ་དུ་བཏོན་ཡོད། དེ་རིང་དགེ་རྒན་གྱིས་སློབ་ཁྲིད་བྱེད་སྐབས་ཐ་སྙད་ཀྱི་དབྱེ་བ་རྩལ་དུ་བཏོན་ནས་བཤད་ལྟ་བུ། |
| རྩལ་པོ་ཆེ |
ནུས་རྩལ་ཤིན་ཏུ་ཆེ་བ། མི་རྩལ་པོ་ཆེ་ལ་འགྲན་མི་ཐུབ། |
| རྩལ་བཏོན |
1 ནན་ཏན་ནམ་དམིགས་སུ་བཀར་བ། ཐ་སྙད་ཀྱི་དབྱེ་བ་རྣམས་རྩལ་བཏོན་གྱིས་བཤད་པ། ཡ་རབས་ཀྱི་བྱ་བ་རྩལ་འདོན་བྱེད། 2 ནུས་ཤུགས་འདོན་པ། མི་དམངས་ཀྱི་བདེ་དོན་དུ་རང་ནུས་གང་ཡོད་རྩལ་འདོན་ཞུ་བ། |
| རྩལ་འདོན |
རྩལ་བཏོན་དང་འདྲ། |
| རྩལ་ལག |
ལུས་རྩལ་གྱི་བྱེ་བྲག་དཔེར་ན། མཐོན་པོར་མཆོངས་པ། ཤིང་རྩེར་འཛེགས་པ། མགྱོགས་པོར་རྒྱུག་པ་ལྟ་བུ། |
| རྩལ་ཤུགས |
ལུས་སེམས་ཀྱི་ནུས་ཤུགས། རི་ཆེན་འཛེག་ཅིང༌། ཆུ་ཆེན་རྒལ་བའི་རྩལ་ཤུགས་ཆེ་བ། |
| རྩལ་སྟོབས |
ལུས་སེམས་ཀྱི་ནུས་རྩལ་དང༌། སྟོབས་ཤུགས། གཟུགས་སྟོབས་ཆེ་ཡང་རྩལ་སྟོབས་ཆུང༌། |
| རྩི |
1 ཁ་དོག་དང༌། རོ་བཅུད་སོགས་ལ་ཕན་བྱེད་ཀྱི་རྫས་ཤིག ཚོན་རྩི། བཀྲག་རྩི། རྒྱ་རྩི། ཞག་རྩི། ཆང་རྩི། བདུད་རྩི། སྦྲང་རྩི། དམར་རྩི། 2 མངོན སྨན།…3.ད་ལྟ་བ་ལུག་གི་ཁ་གྲངས་རྩི་མཁན་ཞེས་པ་ལྟ་བུ། |
| རྩི་ཀོར་ཐང |
ས་ཆ་ཞིག་ད་ལྟ་མཚོ་སྔོན་ཞིང་ཆེན་གྱི་མཚོ་ལྷོ་བོད་རིགས་རང་སྐྱོང་ཁུལ་གྱི་ཁོངས་ཞིན་ཧའེ་རྫོང་མི་དམངས་སྲིད་གཞུང་གནས་ཡུལ་ཡིན། |
| རྩི་གདན |
ཚོན་དང་སྲ་རྩི་སོགས་དངོས་གཞི་མ་བཏང་གོང་དུ་གཏོང་བའི་རྩི་ཞིག |
| རྩི་ཆུ |
1 ཚོན་རྩི་དང༌། བཀྲག་རྩི་སོགས་དངོས་རིགས་ཀྱི་ཁ་དོག་སྒྱུར་བ་དང༌། སྲ་བར་བྱེད་པའི་རྩི་རིགས་ཀྱི་ཁུ་བ། 2 རྫ་ཆུའི་ཡན་ལག་ཅིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་སྐྱེ་རྒུ་གྲོང་རྡལ་གྱི་ལྷོ་ནུབ་ཕྱོགས་སུ་ཡོད། |
| རྩི་ཆེན |
སྨན་ཤིང་ཀུན་གྱི་མིང་གཞན། ０རྩྭ་དང་དོན་གཅིག་རྩི་ཐོག རྩི་ཏོག རྩི་ཞྭ། རྩི་ཐག་ཅེས་པ་ལྟ་བུ། |
| རྩི་ཏི་ཛྭ་ལ |
ལེགས མཛེ་འབར་བ་མཛེ་ནད་ཀྱི་མིང་གཞན་ཞིག |
| རྩི་ཏོ |
རྩྭའི་སོག་མའི་མིང་ཡིན་ཞིང་། ཁྱད་པར་དུ་རྩྭ་ཀུ་ཤའི་སོག་མའི་མིང་། １བརྩི་ཡི་ད་ལྟ་བ། |
| རྩི་ཏོག |
རྩྭ་ལྡུམ་རིགས་ཀྱི་འབྲས་བུའམ་ས་བོན་གྱི་མིང་། |
| རྩི་ཐོག |
རྩྭ་དང་ལོ་ཏོག་སྔོ་ལྡུམ་སོགས་ཀྱི་འབྲས་བུའམ་ས་བོན། |
| རྩི་ཐོག་ཟླ་བ |
མངོན ཧོར་ཟླ་དགུ་པ། |
| རྩི་དཀར |
མངོན ནས། |
| རྩི་དམར |
1 ཚོན་རྩི་དམར་པོ། 2 བྱུ་རུའི་མིང༌། |
| རྩི་དམར་རྐང་གཅིག |
རེ་སྐོན་གྱི་མིང་གཞན་ཞིག |
| རྩི་དྲུད |
ཡུལ གླ་བ་ཕོའི་མཇུག་མ་བརྡར་བ། གླ་བ་ཕོ་འཁོར་ལངས་དུས་རྟག་ཏུ་ས་ཆ་ངེས་ཅན་ཞིག་གི་རྡོ་ལ་རྐུབ་བརྡར་བར་བརྟེན་རྔོན་པས་ཚུལ་དེའི་གཞིར་བཟུང་ནས་དོང་རྙི་བཙུགས་ཏེ་འཛིན་པའམ་གསོད་པ། |
| རྩི་བ |
ཐ་དད་པ བརྩིས་པ། བརྩི་བ། རྩིས།། 1 གྲངས་ཀ་རྒྱག་པ། བྱུང་སོང་བརྩི་བ། ཞིང་གའི་རྒྱ་ཁྱོན་ཞིབ་ཚགས་སུ་བརྩིས་པ། 2 ཆ་འཇོག་པ་དང༌། ལྟ་བ། རང་གི་སྐྱོན་ཆ་ཡོན་ཏན་དུ་བརྩིས་ན་མི་འགྲིག་པ་དང༌། མིའི་ཡོན་ཏན་སྐྱོན་དུ་བརྩིས་ནའང་མི་འགྲིག 3 འབྱུང་འགྱུར་བྱ་བྱེད་ཀྱི་བསམ་བློ་གཏོང་བ། གྲོང་གསེབ་ལ་འགྲོ་རྩིས་ཡོད། ལྟད་མོ་ལྟ་རྩིས་མེད། |
| རྩི་བཀུར |
བཟང་པོར་རྩི་ཞིང་གོང་དུ་བཀུར་བ། མི་ཀུན་གྱིས་རྗེ་བོར་རྩི་བཀུར་ཞུ་བ། |
| རྩི་བཅུད |
མངོན 1 མར། 2 སྦྲང་རྩི། |
| རྩི་བོ |
རྙིང སྟོན་ཐོག |
| རྩི་མ |
ཚོན་རྩི་བཏང་བའི་ལྕགས་དང་ཤིང་སོགས་ཀྱི་དངོས་སྤྱད་རིགས། ཕོར་པ་རྩི་མ། རྟ་སྒ་རྩི་མ། ཅོག་ཙེ་རྩི་མ། |
| རྩི་མཐོང |
མཐོང་ཆེན་པོ་བྱེད་པ། ངལ་རྩོལ་གྲུབ་འབྲས་ལ་རྩི་མཐོང་བྱེད་པ། སྒེར་གྱི་ཁེ་ཕན་ལའང་རྩི་མཐོང་བྱེད་དགོས། |
| རྩི་མར |
རྩྭ་དང་སྔོ་ལྡུམ་སོགས་རྩི་ཐོག་གི་བཅུད་མྱངས་པའི་ཕྱུགས་རིགས་ལས་བྱུང་བའི་མར། |
| རྩི་འཇོག |
རྩིས་འཇོག་སྟེ་མཐོང་ཆེན་བྱེད་པ། མི་གཞན་ཀྱི་བསམ་འཆར་ལ་རྩི་འཇོག་བྱེད་པ། |
| རྩི་ཤིང |
1 རྩྭ་དང༌། ཤིང་སོགས་སྐྱེ་དངོས། 2 འབྲས་བུ་ཅན་གྱི་ཤིང༌། |
| རྩི་ཤིང |
ལོ་ཏོག་དང་སྔོ་ཚོད་རྩྭ་ལྡུམ་ལྗོན་ཤིང་སོགས་ཀྱི་སྤྱི་མིང་། |
| རྩི་སྒམ |
ཡུལ གསར་དུ་སྤར་བའི་དཔེ་ཤོག་རྣམས་གཅིག་ཏུ་བསྡམས་ནས་ཁོད་སྙོམས་བྲད་བརྡར་བྱས་ཏེ་མཐའ་རྩི་གཏོང་རྒྱུའི་གླེགས་བམ། |
| རྩི་སྒམ་པང་ལེབ |
ཡུལ གླེགས་བམ་གྱི་མཐར་ཚོན་རྩི་གཏོང་དུས་གླེགས་བམ་སྡོམ་བྱེད་ཀྱི་པང་ལེབ། |
| རྩི་སྟག་མོ |
སྨན་ཞིག་སྟེ་ཆུ་མ་རྩིའི་མིང་གཞན་ཞིག |
| རྩི་སྦྲང |
སྦྲང་རྩི་འབྱུང་བའི་སྦྲང་བུ། |
| རྩི་སྨན |
སྤྱིར་བཏང་དུ་རང་བྱུང་གི་སྨན་རྫས་གླ་རྩི་དང་ཤ་རྭ། གི་ཝང་སོགས་སྲོག་ཆགས་ལས་བྱུང་བའི་སྨན་གྱི་མིང་། |
| རྩིག |
(བྱེད་འབྲེལ་ལས་ཚིག་ད་ལྟ་བ) རྡོ་སོགས་གཅིག་ཐོག་ཏུ་གཅིག་བཞག་ནས་ཇེ་མཐོར་གཏོང་བའི་དོན་ཏེ། རྡོ་རྩིག་གིན་འདུག རྡོ་རྩིག་མཁན་ཞེས་པ་ལྟ་བུ། 2.རྩིག་པ་ཡི་མིང་མཐའ་བསྡུས་པ། རྩིག་པོ་ཡི་ཚིག་བསྡུས་པ། ０རྩིག་མ་ཡི་མིང་མཐའ་བསྡུས་པ། |
| རྩིག་ཁུག |
ཁང་པའི་ཕྱི་ནང་གང་རུང་གི་རྩིག་པའི་ཟུར་ཁུག ཁྱི་རྩིག་ཁུག་ཏུ་བཀར་ན་ཁ་ལོག་བརྒྱབ་ཡོང༌། |
| རྩིག་གདོང |
རྩིག་པའི་ཟུར་གདོང༌། |
| རྩིག་གཞི |
རྩིག་པའི་རྨང་གཞི། |
| རྩིག་གུ |
རྙིང རྩིག་པ། |
| རྩིག་ངོས |
རྩིག་པའི་ལོགས། |
| རྩིག་པ |
1. ཐ་དད་པ བརྩིགས་པ། བརྩིག་པ། རྩིགས།། རྩིག་པ་རྒྱག་པ། རྡོ་གྲུ་བཞི་བརྩིགས་ནས་ཆུ་རགས་རྒྱག་པ། བྱ་རོག་ཚང་རྩིག 2. མཁར་ཁང་གི་རྩིག་པ། རྡོ་རྩིག ཕག་རྩིག གྱང་རྩིག |
| རྩིག་པའི་གློ་འབུར |
རྩིག་པའི་ཕྱི་ལོགས་ནས་འབུར་དུ་བཏོད་པའི་རྩིག་པ། |
| རྩིག་པའི་ངོས་སྣམ |
གཞལ་ཡས་ཁང་གི་འདོད་སྣམ། |
| རྩིག་པའི་ར་སྐོར |
རྩིག་པས་བསྐོར་བའི་ར་སྐྱོར། |
| རྩིག་པའི་སྐྱ |
ཁང་པའི་ནང་དུ་བཅད་རྒྱག་པའི་རྩིག་པ། |
| རྩིག་པོ |
(རྒྱན་ཚིག) གཤེར་ཁུ་བསྐ་བའི་དོན་ཏེ། ཐུག་པ་རྩིག་པོ་རེད་ལྟ་བུ། ཚིག་བསྡུས་ན་རྩིག་ཅེས་འབྲི་ཆོག་ཐུག་པ་ཧ་ཅང་རྩིག་ཅེས་པ་ལྟ་བུ། |
| རྩིག་བུག |
རྩིག་པའི་བུ་ག། |
| རྩིག་མ |
གཤེར་ཁུའི་ནང་གི་སྙིགས་མའམ་དངོས་རྫས་གཞན་ཏེ། ཐུག་པའི་དྭངས་དང་རྩིག་མ་མ་འདྲེས་པ། ཧུབ་ཀྱི་རྩིག་མ་ཞེས་པ་ལྟ་བུ། མིང་བསྡུས་ན་རྩིག་ཅེས་འབྲི་ཆོག་ཕྱེ་ཐུག་གི་རྩིག་མ་ལ་ཕྱེ་རྩིག་ཟེར་བ་ལྟ་བུ། |
| རྩིག་ཞལ |
རྩིག་པའི་ངོས་ཀྱི་ཞལ་བ། རྩིག་ཞལ་བརྒྱབ་ནས་འཇམ་པོ་བཟོ་བ། |
| རྩིག་ཟུར |
ཁང་པའི་ཕྱི་ནང་གང་རུང་དུ་འབུར་ལ་ཐོན་པའི་སྣེའམ་གྲུ། |
| རྩིག་འགྲམ |
རྩིག་པའི་ཉེ་འགྲམ། |
| རྩིག་ཡོལ |
རྩིག་པའི་ངོས་ཀྱི་ཡོལ་བ། |
| རྩིག་ར |
རྩིག་པའི་ར་བ། |
| རྩིག་རྡོ |
རྩིག་པ་རྩིག་བྱེད་ཀྱི་རྡོ། |
| རྩིག་རྨང |
རྩིག་གདན་ནམ་འགྲམ་གཞི། |
| རྩིག་ལྡེབས |
རྩིག་ངོས་སམ། རྩིག་ལོགས། |
| རྩིགས |
སྐུལ་ཚིག་བལ་དོ་རྩིགས་དང་ལྟ་བུ། མཁར་གྱང་སོགས་བཟོ་སྐྲུན་བྱེད་པའི་དོན་ཏེ། ཆུ་རགས་བརྩིག་དགོས། མཁར་རྫོང་བརྩིགས་ནས་དགྲ་བཀག་ལྟ་བུ། |
| རྩིགས་མ |
རྩིག་མ་ཡི་འབྲི་ཚུལ་གཞན། |
| རྩིང་ཆོས |
ཡང་དག་པའི་ཆོས་ལུགས་དང་མི་མཐུན་པའི་ལྟ་བ་དང་སྤྱོད་པ། |
| རྩིང་པོ |
ཞིབ་མིན་རགས་པ་དང༌། རྩུབ་པོ། གྱོང་པོ། གྲོ་ཞིབ་རྩིང་པོ། རིག་པ་རྩིང་པོ། གཤིས་རྒྱུད་རྩིང་པོ། |
| རྩིང་ཕྱེ |
ཞིབ་ཞིབ་མིན་པའི་རྩམ་པ་དང་གྲོ་ཕྱེ། |
| རྩིང་བ |
རྩིང་པོ་དང་འདྲ། |
| རྩིང་བཟོ |
རགས་ཙམ་བཟོས་པའི་དངོས་ཟོག |
| རྩིང་བོ |
(རྒྱན་ཚིག) སེམས་དང་བློ་རིག་སྤྱོད་པ་སོགས་ཞིབ་མོ་མིན་པའི་དོན་ཏེ། སེམས་རྩིང་བོ་ཞེས་པ་ལྟ་བུ། ཡུལ་སྐད་དུ་རྩ་ངེ་རྩིང་ངེ་ཟེར་བ་དང་དོན་གཅིག་རིག་པ་རྩ་ངེ་རྩིང་ངེ་མ་བྱེད་ཅེས་པ་ལྟ་བུ། ཚུལ་དང་མི་མཐུན་པའི་དོན་ལ་འཇུག་པ་ནི། སྤྱོད་པ་རྩིང་བོ་ཞེས་པ་ལྟ་བུ། ０ལས་སྣོན་བྱས་པ་ཞིབ་མོ་མིན་པའི་དོན་ཏེ། སྨན་ཕྱེ་རྩིང་བོ། རྩིང་ཕྱེ། རྩམ་པ་རྩིང་བོ་ཞེས་པ་ལྟ་བུ། |
| རྩིང་ཞད |
མ་ཐུལ་མ་ཞི་བའི་བྱ་སྤྱོད་རྩུབ་པོའི་གཡའ་འམ་བག མི་འདི་རྩིང་ཞད་ཆེ་ཙམ་འདུག |
| རྩིང་ཞིབ |
རྩིང་པོ་དང་ཞིབ་མོ། རྩམ་པ་རྩིང་ཞིབ། བློ་གྲོས་རྩིང་ཞིབ། |
| རྩིང་ཤོག |
ཤོག་བུ་རྩུབ་པོ། |
| རྩིང་སྤྱོད |
སྤྱོད་པ་གྱོང་པོའམ་མ་རབས་ཀྱི་སྤྱོད་པ། རྒྱུན་དུ་རྩིང་སྤྱོད་ཁོ་ན་བྱེད་མཁན་ཕྲུ་གུ་རྣམས་ལེགས་པར་གཅུན་དགོས། |
| རྩིད་གོག |
ཡུལ ལོ་གཉིས་ལོན་པའི་ར། |
| རྩིད་གྲི |
གཡག་སོགས་ཀྱི་རྩིད་པ་འབྲེག་བྱེད་ཀྱི་གྲི། |
| རྩིད་ཐག |
ཕྱུགས་རྩིད་ཀྱིས་བཟོས་པའི་ཐག་པ། |
| རྩིད་པ |
གནག་དང་ར་སོགས་ཀྱི་སྤུ་རྩུབ་པོའི་མིང་གཡག་གི་རྩིད་པ། ར་རྩིད། རྩིད་ཐག རྩིད་སྐུད་ཅེས་པ་ལྟ་བུ། |
| རྩིད་ཕྱར |
ཕྱུགས་ཀྱི་རྩིད་པའི་ཕྱར་བ། ཕྱུར་བ་རློན་པ་རྩིད་ཕྱར་གྱི་སྟེང་དུ་ཉི་མར་བསྐམས་པ། |
| རྩིད་ཕྱིང |
ཕྱུགས་ཀྱི་རྩིད་པའི་ཕྱིང་པ། |
| རྩིད་བུ |
ལོ་གཉིས་ཅན་གྱི་ཕོ་རའི་མིང་། མོ་ལ་རྩིད་མོ་ཟེར། |
| རྩིད་མོ |
ལོ་གཉིས་ལོན་པའི་མོ་ར། |
| རྩིད་འཇམ |
གྱོང་པོ་མིན་པའི་རྩིད་པ། རྩིད་འཇམ་ལས་བཟོས་པའི་ཐག་པ། |
| རྩིད་སྐུད |
རྩིད་པས་བཟོས་པའི་སྐུད་པ། རྩིད་སྐུད་ཀྱིས་རེ་ལྡེ་འཚེམ་པ། རྩིད་སྐུད་ཀྱིས་གཡག་རོ་དྲུད། |
| རྩིད་སྟན |
རྩིད་པའི་ནང་ཚངས་ཅན་གྱི་གདན། |
| རྩིབ |
རྩིབ་མ་མི་ཕྱུགས་ཀྱི་ལུས་ཁོག་གི་གཡས་གཡོན་ལོགས་གཉིས་ཀྱི་མིང་རྩིབ་གཡས་ས་ལ་ཕབ་ནས་ཉལ་ལྟ་བུ། ཉེ་ལོགས་སམ་འགྲམ་གྱི་མིང་ཁང་བའི་རྩིབ་གྱང་། ཕ་མའི་རྩིབ་ན་ཡོད་དུས་ལྟ་བུ། |
| རྩིབ་གཟེར |
རྩིབ་མ་ལ་ཟུག་གཟེར་རྒྱག་པ། |
| རྩིབ་གསེང |
རྩིབ་མའི་བར་གསེང༌། |
| རྩིབ་ཆུང |
ལུས་ཀྱི་རྩིབ་མ་ཕྲ་མོ། |
| རྩིབ་ཐུང |
1 བྲང་འདབས་ཀྱི་རྩིབ་མ་ཐུང་བའི་གྲས། 2 ལུས་ཀྱི་གསང་གནད་ཅིག |
| རྩིབ་མ |
གློ་གཡས་གཡོན་གྱི་རུས་ཐུར། |
| རྩིབ་མ་བཅག་པ |
1 རྩིབ་མ་དུམ་བུར་བཅག་པ། 2 ཡུལ ལྐོག་རྔན་སྤྲད་དེ་འདོད་དོན་འགྲུབ་ཐབས་བྱེད་པ། |
| རྩིབ་མ་ཧྲང་ཧྲང |
ལུས་ཀྱི་སྟོབས་ཤོར་ཤ་ཁྲག་སྐམ་སྟེ་རྩིབ་མ་འབུར་དུ་ཐོན་པ། ནད་ཀྱིས་མནར་ཏེ་ལུས་སྟོབས་ཤོར་ཞིང་རྩིབ་མ་ཧྲང་ཧྲང་དུ་ཕྱིར་མངོན་པ། |
| རྩིབ་མའི་གོ་བར |
རྩིབ་རུས་ཕན་ཚུན་གྱི་བར་མཚམས། |
| རྩིབ་རུས |
མི་ཕྱུགས་ཀྱི་བྲང་དང་སྒལ་ཚིགས་སྦྲེལ་བྱེད་ཀྱི་རུས་པ་ལེབ་ཤར་ཁ་ཤས་ཡོད་པའི་མིང་ཡིན་ཞིང་། དེ་ལ་རྩིབ་གུ་ཡང་ཟེར། |
| རྩིབ་ལོགས |
ལུས་ཀྱི་རྩིབ་མའི་གཡས་གཡོན་གྱི་འགྲམ་ལོགས། |
| རྩིབས |
འཁོར་ལོའི་མུ་ཁྱུད་ནང་མ་དང་ཕྱི་མའི་བར་སྦྲེལ་བྱེད་དབྱུག་གདང་གི་མིང་འཁོར་ལོའི་རྩིབས་དང་མུ་ཁྱུད་ཅེས་པ་ལྟ་བུ། གདུགས་རྒྱོང་བྱེད་ཀྱི་དབྱུ་གུའི་མིང་། |
| རྩིབས་ཀྱི་མུ་ཁྱུད |
འཁོར་ལོའི་རྩིབས་ཀྱི་ལྕགས་རིའམ། མཐའ་སྐོར། |
| རྩིབས་བརྩེགས |
མངོན ར་གན། |
| རྩིབས་མ |
འཁོར་ལོ་སོགས་ཀྱི་ལྟོ་བ་རྒྱོང་བར་བྱེད་པའི་ནང་སྒྲོམ། འཁོར་ལོའི་རྩིབས། ཉི་གདུགས་ཀྱི་རྩིབས་མ། ཀོ་གྲུའི་རྩིབས། |
| རྩིབས་ལྡན |
མངོན གཟའ་མིག་དམར། |
| རྩིབས་སྒོ |
ཡུལ 1 ཟུར་ཁུག་དོག་པོའི་སྒོ། 2 འཁོར་ལོའི་རྩིབས། |
| རྩིབས་སྟོང་འཁོར་ལོ |
རྩིབས་མ་སྟོང་ཡོད་པའི་འཁོར་ལོ། |
| རྩིའི་དབང་ཕྱུག |
མངོན ཟླ་བ། |
| རྩིའུ |
ལོ་མང་སྐྱེ་བའི་རྩྭ་ཞིག་གི་མིང་ཕོན་པོ་ཆེན་པོ་རེ་རེ་སྐྱེས། དེའི་སོག་མ་ལ་ཡུལ་སྐད་དུ་རྩི་ཏོ་ཟེར། དེས་སྡུད་མ་དང་སླེ་བོ། རྩི་ཐག་སོགས་བཟོ་ཆོག |
| རྩིས |
1. རྩི་བའི་སྐུལ་ཚིག 2 1 གྲངས་རྩི་བྱེད་ཀྱི་ཐབས་སམ་རིག་པ། སྔོན་ཐོན་མི་སྣ་རྩིས་ལས་འདས་པ་ཞིག་བྱུང་ཡོད་པ། ཞིང་ལས་ཐོན་སྐོར་གྱི་རྩིས་རྒྱག་པ། ཚོད་རྩིས་འདེབས་མི་དགོས། རྩིས་རྩི་བ། ལོ་རྩིས། འབྱུང་རྩིས། སྔོན་རྩིས། ངེས་རྩིས། 2 གྲངས་སུ་རྩི་བའམ་གཏོང་བའི་མིང༌། ད་ཡོད་གནས་ཚུལ་ལ་རྩིས་ཆེན་ཡང་བྱེད་དགོས་ལ་སྔར་བྱུང་ཉམས་མྱོང་ལའང་རྩིས་ཆུང་བྱེད་མི་ཉན། |
| རྩིས་ཀུན་ལས་བཏུས་པ |
ཀརྨ་རང་བྱུང་རྡོ་རྗེས་རབ་བྱུང་ལྔ་པའི་ས་རྟ་ལོར་བརྩམས་པའི་རྩིས་གཞུང་ཞིག |
| རྩིས་ཀྱི་ཡི་གེའི་ལས་ལྔ |
ཨངྒི། ཕྲི། བསྣན། བགོད། བསྒྱུར་བཅས། |
| རྩིས་ཀྱི་རིག་བྱེད |
རྩིས་ཀྱི་གཞུང་ལུགས་སམ་རྩིས་རིག་བསྒྱུར་བགོ་སྣོན་ཕྲི་བཞིའི་སྒོ་ནས་གྲངས་སྣ་ཚོགས་ཤེས་བྱེད་ཀྱི་ཐབས་སམ་ཤེས་ཡོན། |
| རྩིས་ཁང |
1 ནོར་རྫས་འགྲོ་འོང་རྩིས་རྒྱག་མཁན་ལས་ཁུངས། 2 སྔར་བོད་ས་གནས་སྲིད་གཞུང་གི་ས་མི་ནོར་ཕྱུགས་འབྲུ་དངུལ་ཁྲལ་བོགས་སོགས་གང་ཅིའི་གཏོང་ཡོང་རྩིས་རྒྱག་མཁན་ལས་ཁུངས་ཆེ་བ་ཞིག་དེར་རྩིས་དཔོན་རིམ་བཞི་བཞི། རྩིས་པ་བཞི། ཡིག་ཚགས་གཅིག་རྩིས་ཕྲུག་པ་བརྒྱད་བསྐོས་ཡོད། |
| རྩིས་ཁྲ |
རྩིས་བརྒྱབ་པའི་ཐོ་ཡིག རྩིས་ཁྲ་བཤེར་བ། |
| རྩིས་གདབ་གཏོང་བ |
འདོར་ལེན་བྱེད་པ། ཁེ་གྱོང་རྩིས་གདབ་མི་གཏོང་བ། |
| རྩིས་གཞི |
1 འབོར་གྲངས་བརྩི་རྒྱུའི་རྩིས་ཀྱི་དོན་གནད། 2 ཇི་བྱེད་ཀྱི་བསམ་བློ། འབྱུང་འགྱུར་གྱི་རྩིས་གཞི་ཅང་མེད། |
| རྩིས་གཞུང |
1 རྩིས་ཐབས་ཀྱི་དཔེ་ཆ། 2 རྩིས་པའི་ཡིག་ཆ་དང་ཁྲ་མ། |
| རྩིས་གཞུང་ཉིན་བྱེད་སྣང་བ |
སྨིན་གླིང་ལོ་ཆེན་དྷརྨ་ཤྲིས་རབ་བྱུང་བཅུ་གཉིས་པའི་ཤིང་རྟའི་ལོར་བརྩམས་པ་ཞིག |
| རྩིས་གཞུང་བཻ་དཀར |
སྡེ་སྲིད་སངས་རྒྱས་རྒྱ་མཚོས་རབ་བྱུང་བཅུ་གཉིས་པའི་མེ་ཡོས་ལོར་བརྩམས་པའི་རྩིས་གཞུང་ཞིག |
| རྩིས་གཞུང་མཁས་པ་དགའ་བྱེད |
བུ་སྟོན་རིན་ཆེན་གྲུབ་ཀྱིས་རབ་བྱུང་ལྔ་པའི་མེ་སྟག་ལོར་བརྩམས་པ་ཞིག |
| རྩིས་གཞོང |
རྩིས་རྡེལ་སྒྲིག་སྣོད་ཀྱི་གཞོང་པའི་མིང༌། |
| རྩིས་གྲངས་ལོངས་པ |
ཇི་ཙམ་དགོས་པའི་གྲངས་ཚད་ཁ་ཚང་བ། འབྲུ་རྩིས་གྲངས་ལོངས་པ་ཞིག |
| རྩིས་ཐབས |
གྲངས་ཀ་རྩིས་རྒྱག་པའི་ཐབས་སམ་ཚུལ། སྒྱུར་སྒྲིལ་གྱི་རྩིས་ཐབས། སྒྱུར་འཐེན་གྱི་རྩིས་ཐབས། |
| རྩིས་ཐོ |
རྩིས་བརྒྱབ་པའི་ཐོ་ཡིག |
| རྩིས་དག་ཕུད་པ |
རྩིས་རྒྱག་ལེགས་པར་ཟིན་པ། རྩིས་དག་ཕུད་པས་ད་ནི་བློ་ཧ་ཅང་བདེ་པོ་འདུག |
| རྩིས་དག་ཞུས་པ |
རྩིས་ལེགས་པར་བརྒྱབ་ཟིན་པ། ལོ་གཅིག་ཁྱུད་ཁོར་གྱི་བྱུང་སོང་རྩིས་དག་ཞུས་པ། གཞུང་དོན་དུ་འགྲོ་བའི་ལམ་དངུལ་རྩིས་དག་ཞུས་པ། |
| རྩིས་དཔེ |
རྩིས་རིགས་ཀྱི་དཔེ་ཆ། |
| རྩིས་དཔོན |
སྔར་བོད་ས་གནས་སྲིད་གཞུང་སྐབས་རྩིས་ཁང་གི་ལས་ཀའི་འགོ་དཔོན། |
| རྩིས་དེབ |
རྩིས་སྤྲོད་ལེན་གྱི་ཡིག་དེབ། |
| རྩིས་པ |
1 གྲངས་འབོར་རྩིས་རྒྱག་མཁན། 2 སྐར་རྩིས་འབྱུང་རྩིས་རྩི་མཁན། མིང་གི་རྣམ་གྲངས་ལ་སྐར་དཔྱད་པ་དང༌། བསྐལ་པ་ཤེས། གྲངས་རིག་གྲངས་ཤེས། ལྟས་མཁན། ལྟས་ཤེས། དུས་ཤེས། མཚན་མ་མཁན། གཟའ་སྐར་མཁན། ལོ་ཤེས་བཅས་སོ། |
| རྩིས་པོ་ཆེ |
གཙིགས་པོ་ཆེའམ་མཐོང་ཆེན་པོ། ཕ་ལམ་དང་གསེར་སོགས་དངོས་པོ་རྩིས་པོ་ཆེ་རྣམས་མཛོད་དུ་བདག་གཅེས་བྱས་ཡོད། |
| རྩིས་ཕྲུག |
སྔར་རྩིས་ཁང་གི་སློབ་གྲྭ་བ། དཔོན་རིགས་སྐྱ་བོ་རྣམས་སློབ་གྲྭ་འདི་ནང་སློབ་གཉེར་བྱས་ནས་སློབ་ཐོན་པ་བྱེད་དགོས། |
| རྩིས་བཤེར |
རྩིས་ཀྱི་སྐོར་ལ་བདར་ཤ་བཅད་པའམ་རྩིས་ཞུས་བཏང་བ། མཛོད་ཁང་དུ་ཡོད་པའི་དངོས་རིགས་ལ་རྩིས་བཤེར་གཏོང་བ། ཕྱིར་གཏོང་ནང་འདྲེན་གྱི་དངོས་ཟོག་ལ་རྩིས་བཤེར་བྱེད་པ། ཟླ་རེའི་འགྲོ་སོང་ལ་རྩིས་བཤེར་ཞིབ་འཇུག་བྱེད་པ། |
| རྩིས་མེད |
མཐོང་མེད་དམ་ཆ་འཇོག་མེད་པ། རྩིས་མེད་རྡོག་རོལ། རྩིས་མེད་སྣང་ཆུང༌། འདྲ་མཉམ་མིན་པའི་ཆིངས་ཡིག་རྩིས་མེད་དུ་གཏོང་བ། |
| རྩིས་འགོ་བསྟུང་བ |
རྩིས་འཕྲོ་དང་འདས་ལོ་མང་བའི་ཧོར་ཁོངས་མི་འབྱུང་བ་དང༌། རི་མོ་ཐུང་ན་སྟབས་བདེ་བའི་ཆེད་དུ་ཡིན། རྩིས་འཕྲོ་དང་འདས་ལོའི་ཐད་ལའང་ལྟོས། |
| རྩིས་འགོ་ཡན་ལག་ལྔ |
གཞུང་འཆད་ཐབས་ཤིག་བསྟན་བཅོས་རྣམས་འཆད་སྐབས། རྩོམ་པ་གང་གིས་མཛད་པ། ཁུངས་གང་ལས་བཏུས་པ། ཕྱོགས་གང་དུ་གཏོགས་པ། དགོས་ཆེད་གང་ཡིན་པ། དབུ་ནས་ཞབས་སུ་བསྡུ་བའི་དོན་གང་ཡིན་བཅས་ལྔའི་སྒོ་ནས་འཆད་པའོ། |
| རྩིས་འཇོག |
ཆ་འཇོག་གཙིགས་སུ་བྱེད་པ། ཐུན་མོང་གི་ཆོད་དོན་ལ་རྩིས་འཇོག་བྱེད་པ། དགེ་རྒན་ལ་ཕ་མ་ལྟར་གྱི་རྩིས་འཇོག་བྱེད་པ། |
| རྩིས་འདེབས་པ |
ཚོད་རྩིས་བྱེད་པ། ཁེ་གྱོང་ཚོད་རྩིས་འདེབས་པ། |
| རྩིས་འཕྲོ |
སྔར་གཟའ་ཚེས་ཀྱི་ལོངས་སྤྱོད་སྟོང་པར་ཞུགས་རྗེས་ངེས་པ་སླར་བརྩམས་པ་ནས་ད་ལྟའི་བར་གྱི་རྒྱུན་མི་འཆད་ཅིང༌། དུས་དང་ཡུལ་ལོངས་ལ་འདས་ལོ་མང་བའི་ཧོར་ཁོངས་མི་འབྱུང་བའི་ཆེད་དུ་བརྩི་བྱའི་ཟླ་ཚེས་གང་ཡིན་དེའི་ཐོག་མ་ཡན་གྱི་འཕྲོ་བྲལ་དྷྲུ་ཝའི་ལོངས་སྤྱོད་ཇི་ཙམ་འདས་པ་བསྡོམས་ཏེ་སྦྱིན་དགོས་ཤིང༌། རྒྱུད་ལས་མ་འོངས་རབ་བྱུང་རེ་རེའི་འགོར་རྩིས་འཕྲོ་སྤོ་དགོས་པར་གསུངས་སོ། རྩིས་མགོ་བསྟུང་བའི་ཐད་ལ་ལྟོས། |
| རྩིས་རིག |
རིག་གནས་ཆུང་བ་ལྔའི་ཡ་གྱལ་ཞིག་དེ་ལ་སྐར་རྩིས། བསྟན་རྩིས། དབྱངས་འཆར་གྱི་རྩིས། འབྱུང་རྩིས་སོགས་མང༌། |
| རྩིས་རིག་པ |
རྩིས་མཁན། |
| རྩིས་རྟ |
སྔར་བོད་ས་གནས་སྲིད་གཞུང་གིས་གཞིས་འབངས་སོགས་ལ་འཚོ་རྒྱུར་རྩིས་སྤྲད་པའི་རྟ། |
| རྩིས་རྡེལ |
གྲངས་ཀ་འཛིན་བྱེད་ཀྱི་རྡེའུ། |
| རྩིས་ལེན |
རྩིས་འཁྲིའི་དངོས་པོ་ཚུར་ལེན་པ། རྒྱུ་དངོས་རྩིས་ལེན། ལས་འགན་རྩིས་ལེན། རྩིས་ལེན་བདག་སྤྲོད། |
| རྩིས་སྒྲོམ |
ཟོན་ཕན། |
| རྩིས་སྤྲོད |
རྩིས་འཁྲིའི་དངོས་པོ་ཕར་སྤྲོད་པ། གཞུང་གི་ཅ་ལག་རྩིས་སྤྲོད་བྱེད་པ། ལས་འགན་རྩིས་སྤྲོད། |
| རྩིས་སྤྲོད་རྩིས་ལེན |
ཕར་རྩིས་སྤྲོད་པ་དང་ཚུར་རྩིས་ལེན་པ། སྔ་ཕྱི་འཁོར་རེས་རྩིས་སྤྲོད་རྩིས་ལེན་གྱི་གྲ་སྒྲིག་འཐུས་ཚང་བྱེད་དགོས། རྩིས་སྤྲོད་རྩིས་ལེན་གྱི་འགྲོ་ལུགས་གཙང་དག་བྱེད་པ། |
| རྩུབ |
(རྒྱན་ཚིག) འཇམ་པའི་ལྡོག་ཟླ། རྩུབ་མོ་དང་། རྩུབ་པོ། རྩུབ་པ་སོགས་ཀྱི་དོན་ཏེ། ཚིག་རྩུབ། གདུག་རྩུབ། རྩུབ་སྤྱོད། གདན་རྩུབ་མོ། ཚིག་རྩུབ་མོ། ཤིང་རྩུབ་པོ། སེམས་རྩུབ་པོ། ཧ་ཅང་རྩུབ་པའི་ཚིག ཤིན་ཏུ་རྩུབ་པའི་གདན་ཞེས་པ་ལྟ་བུ། |
| རྩུབ་ཆགས |
གེགས་འཚུབ། |
| རྩུབ་པ |
རྩུབ་པོ་དང་འདྲ། |
| རྩུབ་པོ |
1 འཇམ་པོའི་ལྡོག་ཕྱོགས། རས་རྩུབ་པོ། སྣམ་བུ་རྩུབ་པོ། རྩམ་པ་རྩུབ་པོ། མར་ཁ་རྩུབ་པོ། པང་ལེབ་རྩུབ་པོ། 2 ངན་པའམ་མི་བདེ་བ། འགྲོ་ལམ་རྩུབ་པོ། སྔ་ལྟས་རྩུབ་པོ། 3 གཏུམ་པོ་དང་ཡིད་དུ་མི་འོང་བ། སྐད་ཆ་རྩུབ་པོ། བྱ་སྤྱོད་རྩུབ་པོ། གཤིས་རྒྱུད་རྩུབ་པོ། རྩུབ་པོའི་ཚིག་གིས་བསྡིགས་པ། 4 སྐྱ་བ་དང༌། འབྱར་བག་མེད་པ། སྨན་གྱི་ནུས་པ་རྩུབ་པ། སྨན་གྱི་ཡོན་ཏན་རྩུབ་པོ། |
| རྩུབ་མོ |
རྩུབ་པོ་དང་འདྲ། |
| རྩུབ་མོས་འགོག་པ |
འགོག་པའི་རྒྱན་གྱི་ནང་ཚན་ཞིག་དགག་བྱ་མི་འདོད་པའི་བྱ་བའི་དངོས་པོ་ཞིག་འགོག་བྱེད་ཡུལ་ལ་ལྟོས་མེད་ཀྱི་ཚིག་རྩུབ་བརྗོད་པའི་སྒོ་ནས་འགོག་པའི་རྒྱན་ཞིག |
| རྩུབ་ཚིག |
རྣ་བར་གཟན་པའི་ཚིག |
| རྩུབ་འགྱུར་ཚལ |
གྲོང་ཁྱེར་ལྟ་ན་སྡུག་པའི་ལྷོ་ཕྱོགས་སུ་ཡོད་པའི་རྫིང་བུ་ལོ་མ་སོགས་ཀྱིས་བརྒྱན་པའི་གནས་སུ་སླེབ་པ་ཙམ་གྱིས་ཤེས་པ་རྩུབ་པར་འགྱུར་བའི་ཚལ་ཞིག |
| རྩུབ་རྡར |
ཡུལ རྡར་རྡོ་རྩུབ་པོ། |
| རྩུབ་ལྡན |
མངོན གཟའ་ཕུར་བུ། |
| རྩུབ་སྤྱོད |
བྱ་སྤྱོད་རྩུབ་པོ། |
| རྩེ |
རྩེ་མོ་དངོས་པོ་གྱེན་འགྲེང་དང་དངོས་རྫས་སྲ་མོ་རིང་བོའི་རིགས་ཀྱི་ཡར་སྣེའི་ཁག་གི་མིང་རིའི་རྩེ་མོ—རི་རྩེ། གྲིའི་རྩེ་མོ—གྲི་རྩེ་ཞེས་པ་ལྟ་བུ། 2.མ་འོངས་པ་དང་ད་ལྟ་བ་རྩེ་བྱའི་རྩེད་མ། རྩེ་མཁན་ཞེས་པ་ལྟ་བུ། |
| རྩེ་ཁོག |
རྫོང་ཞིག། མཚོ་སྔོན་ཞིང་ཆེན་ཁོངས་རྨ་ལྷོ་བོད་རིགས་རང་སྐྱོང་ཁུལ་གྱི་ལྷོ་རྒྱུད་ན་ཡོད། རྫོང་མི་དམངས་སྲིད་གཞུང་དེ་བྱ་དིར་དུ་ཡོད། |
| རྩེ་གཅིག |
བློ་རྩེ་གཉིས་མེད་པ། སེམས་རྩེ་གཅིག་ཏུ་བཞག་པ། བསམ་པ་རྩེ་གཅིག་གིས་བྱ་བ་སྒྲུབ་པ། |
| རྩེ་གཅིག་ཏུ་བྱེད་པ |
སེམས་གནས་དགུའི་བརྒྱད་པ། འབད་མེད་དུ་འཇུག་པའི་ཕྱིར་འབད་པ་རྩེ་གཅིག་ཏུ་བྱེད་པའོ། |
| རྩེ་གཉེར |
རྩེ་པོ་ཏ་ལའི་མཆོད་གཏོང་འདོན་གཤོམ་བྱེད་མཁན་གྱི་ལས་ཁུངས་ཤིག་དང༌། དེའི་ལས་ཚན་པའི་གོ་མིང༌། |
| རྩེ་གཞིལ་བ |
རྙིང མགོ་གནོན་པའམ་ནུས་པ་ཉམས་པར་བྱེད་པ། |
| རྩེ་གསུམ |
གནའ་བོའི་མཚོན་ཆ་མདུང་རྩེ་མོ་གསུམ་ཅན་ཞིག་ཡིན། སེམས་ཀྱི་བསམ་ཚུལ་གྱི་མིང་བློ་རྩེ་གཅིག་པ། བློ་རྩེ་གཉིས་ཀྱིས་དོན་མི་འགྲུབ། ཁབ་རྩེ་གཉིས་ཀྱིས་བཟོ་མི་ཐུབ་ལྟ་བུ། |
| རྩེ་གསུམ་ཅན |
མངོན ལྷ་དབང་ཕྱུག་ཆེན་པོ། |
| རྩེ་གསུམ་པ |
མངོན ལྕགས་རི། |
| རྩེ་གྲ |
མཆོག་གམ་རབ། བྱས་རྗེས་རྩེ་གྲ། མི་རྩེ་གྲ། ཤེས་རབ་རྩེ་གྲ། |
| རྩེ་གྲས |
རབ་ཀྱི་ཕྱོགས། ཚོང་ཟོག་རྩེ་གྲས། ས་ཞིང་རྩེ་གྲས། རས་ཆ་རྩེ་གྲས། |
| རྩེ་གྲི |
མེ་མདའི་རྩེ་ལ་བསྒར་བྱའི་གྲི། |
| རྩེ་ཅན་མགྲིན |
མངོན ཚོན་སྤང་མ། |
| རྩེ་ཆུ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག་ཆུ་འགོ་མཚོ་སྔོན་ཞིང་ཆེན་ཁོངས་རྨ་ལྷོ་བོད་རིགས་རང་སྐྱོང་ཁུལ་གྱི་རྩེ་ཁོག་རྫོང་ནས་བྱུང་སྟེ་ཧོ་ནན་སོག་རིགས་རང་སྐྱོང་རྫོང་བརྒྱུད་ནས་རྨ་ཆུར་འབབ། |
| རྩེ་ཆུང |
1 འཇིང་པའི་མིང༌། 2 སྒྲོག་རུས་ནས་གྱེན་དུ་སོར་བཞི་གཞལ་བའི་གནས་སུ་རྩ་གསུམ་མཐོང་ན་དབུས་མ་དང༌། གཉིས་མཐོང་ན་ཕྱི་མ་རྣ་ཤལ་གྱི་རྗེས་སུ་འབྲངས་པའི་གཏར་རྩ་ཞིག་དེ་གཏར་ན་ཀླད་སྲིན་དང༌། གློ་ཚད། སྙིང་ཚད། སོ་ན་བ། བྱང་ཁོག་སྟོད་དུ་ཁྲག་རྒྱས་པ་སོགས་ལ་ཕན། |
| རྩེ་ཏོག |
རྩེ་མོའི་ཏོག གདུགས་ཀྱི་རྩེ་ཏོག ཞྭ་མོའི་རྩེ་ཏོག |
| རྩེ་ཐོག |
ཁང་པའི་ཡང་ཐོག ཐོག་བརྩེགས་ཅན་གྱི་ཁང་པའི་རྩེ་ཐོག་ལ་སྡོད་པ། |
| རྩེ་དགའ |
རྩེད་མོ་རྩེ་བའི་དགའ་སྟོན། |
| རྩེ་དགའ་མ |
མངོན བུད་མེད་དར་མ། |
| རྩེ་དགའི་བླ་མ |
མངོན འདོད་ལྷ། |
| རྩེ་དགའི་རི་བོ |
མངོན ཤར་ཕྱོགས་རི། |
| རྩེ་དགུ་གཏོར |
སྔར་ཧོར་ཟླ་བཅུ་གཉིས་པའི་ཚེས་ཉེར་དགུ་ཉིན་རྩེ་རྣམ་གྲྭ་པས་གར་འཆམ་དང་འབྲེལ་ལོ་མཇུག་གཏོར་ཟོར་འཕེན་པའི་དུས་སྟོན། |
| རྩེ་དྲུང |
སྔར་བོད་ས་གནས་སྲིད་གཞུང་སྐབས་ཏཱ་ལའི་བླ་མའི་འཁོར་སེར་མོ་བ་སྤྱིའི་མིང༌། |
| རྩེ་དྲུང་མི་དྲག |
སྔར་བོད་ས་གནས་སྲིད་གཞུང་གི་རྩེ་དྲུང་ཕ་གཞིས་ཡོད་པའི་རིགས། |
| རྩེ་ནེ |
རྙིང ཙེ་ནེ་ཐམས་ཅད། |
| རྩེ་པོ་ཏ་ལ |
བོད་རང་སྐྱོང་ལྗོངས་ལྷ་སའི་རི་བོ་པོ་ཏ་ལའི་ཐོག་ཏུ་ཡོད་ཅིང༌། སྤྱི་ལོའི་དུས་རབས་བདུན་པར་ཆོས་རྒྱལ་སྲོང་བཙན་སྐབས་གནས་དེར་རྒྱལ་པོའི་ཕོ་བྲང་ཞིག་གསར་དུ་བཞེངས་ཏེ་ཕོ་བྲང་དམར་པོའི་རི་ཞེས་སུ་གྲགས། ཕྱིས་དུས་འཁྲུག་གི་རྐྱེན་གྱིས་གྱང་ཤུལ་ཙམ་དུ་ལུས། དེ་ནས་རབ་བྱུང་བཅུ་གཅིག་པའི་ཤིང་བྱ་ལོ་ནས་རབ་བྱུང་བཅུ་གཉིས་པའི་ཤིང་ཁྱི་ལོ་བར་ཧ་ལམ་ལོ་ལྔ་བཅུ་རིང་སྔ་རྟིང་དུ་བཞེངས་པའི་ད་ལྟའི་ཕོ་བྲང་འདི་རི་ངོས་ནས་གྱེན་དུ་བརྩེགས་པ་ཐོག་རྩེག་རིམ་པ་བཅུ་གསུམ་ཡོད་ཅིང༌། ཕོ་བྲང་དཀར་པོ་དང་དམར་པོ་ཁག་གཉིས་སུ་ཕྱེས། ཕོ་བྲང་དེའི་ནང་དུ་མནྫུ་གོང་མའི་སྐུ་རྟེན་བཞུགས་སའི་མཆོད་ཁང་དང༌། ཏཱ་ལའི་བླ་མའི་གཟིམས་ཤག་བོད་ཀྱི་རྒྱལ་པོ་དང༌། བཀའ་ཤག་ཡིག་ཚང་སོགས་སྔར་བོད་ས་གནས་སྲིད་གཞུང་གི་ལས་ཁུངས་ཁག་གི་གཞུང་དོན་ཁང༌། ཏཱ་ལའི་བླ་མ་སྐུ་ཕྲེང་ལྔ་པ་ནས་སྐུ་ཕྲེང་བཅུ་གསུམ་པའི་བར་གྱི་སྐུ་གདུང་མཆོད་རྟེན། ལྷ་ཁང༌། འདུ་ཁང་སོགས་མང་པོ་ཡོད། སྐུ་གདུང་ཁང་སོ་སོའི་ཡང་ཐོག་ཏུ་གསེར་ཟངས་ཀྱི་བ་གམ་མངོན་པར་མཐོ་བ། ལྷ་ཁང་རྣམས་སུ་རྩ་ཆེ་བའི་ཐང་ག་དང༌། མཆོད་རྟེན། དཀྱིལ་འཁོར་སོགས་མཛེས་པར་བཤམས་པ། བར་ཁྱམས་དང་ལྷ་ཁང་རྣམས་ཀྱི་རྩིག་ངོས་སུ་རྒྱ་བོད་འབྲེལ་བའི་སྐོར་གྱི་ལོ་རྒྱུས་དང༌། བོད་ཀྱི་རིགས་རུས་འབྱུང་ཁུངས། སྐྱེས་རབས་རྟོགས་བརྗོད་ལ་སོགས་པའི་ལྡེབས་རིས་ཀྱིས་བརྒྱན་པས་མི་རིགས་ཀྱི་ཁྱད་ཉམས་རྣམ་པར་བཀྲ། ཕོ་བྲང་དམར་པོའི་ནུབ་སྣེར་བླ་ཆེན་རྣམས་བཞུགས་སའི་གཟིམས་ཤག་མང་ཙམ་ཡོད་དོ། |
| རྩེ་ཕོ་བྲང |
རྩེ་པོ་ཏ་ལའི་ཕོ་བྲང༌། |
| རྩེ་ཕྱག |
འཕྲལ་བདེ་ཕྱག་མཛོད་དེ། སྔར་བོད་ས་གནས་སྲིད་གཞུང་སྐབས་བླ་ཕྱག་དང་རྩེ་ཕྱག་ཟེར་བའི་མཛོད་ཁང་ཆེན་པོ་གཉིས་ཡོད་པའི་ནང་གི་རྩེ་ཕྱག་འདི་ནི་རྩེ་ཕོ་བྲང་དུ་བཙུགས་ནས་ཏཱ་ལའི་བླ་མའི་ཉེར་མཁོ་འཕྲལ་དུ་གཏོང་མཁན་དང༌། བུ་ལོན་གཏོང་མཁན་ལས་ཁུངས་ཤིག་དང༌། དེའི་འགོ་བྱེད་མཛོད་པ་བཅས་ཀྱི་མིང༌། |
| རྩེ་ཕྲན |
དབུ་རྒྱན། |
| རྩེ་བ |
ཐ་དད་པ བརྩེས་པ། བརྩེ་བ། རྩེས།། རོལ་བ་དང༌། རྩེད་འཇོ་བྱེད་པ། མིག་མངས་རྩེ་བ། ཤོ་སྦག་བརྩེས་པ། ཆུ་ལ་བརྩེས་པས་ཆུ་གྲིར་ཤི་བ། མེ་ལ་མ་རྩེ། |
| རྩེ་བའི་མཚོ |
མངོན མཐོ་རིས་ཀྱི་རྒྱ་མཚོ། |
| རྩེ་བྲོ |
རྩེ་དགའི་ཆེད་དུ་འཁྲབ་པའི་བྲོ། རྩེ་བྲོ་མཐའ་ཀླས་པ་བརྩེས་པ། ལོ་ལེགས་བྱུང་བའི་བཀྲ་ཤིས་བདེ་ལེགས་ཞུ་བར་རྩེ་བྲོ་འཁྲབ་པ། |
| རྩེ་མ |
1 རབ་བམ་ཡག་ཤོས། སྣམ་བུ་རྩེ་མ། གྱོན་ཆས་རྩེ་མ། 2 མཐོ་ཤོས་སུ་ཡོད་པ། ཁང་པ་རྩེ་མ། གངས་རི་རྩེ་མ། |
| རྩེ་མགྲོན |
སྔར་བོད་ས་གནས་སྲིད་གཞུང་གི་རྩེ་འགག་གི་མགྲོན་གཉེར། |
| རྩེ་མཐུན |
ཕྱོགས་མཐུན་པ། ང་གཉིས་གྲོས་བསྡུར་མ་བྱས་ཀྱང་ཁ་རྩང་བཤད་པའི་བསམ་འཆར་རྩེ་མཐུན་རེད། |
| རྩེ་མོ |
1 སྣེ་མོ་དང་མཐོ་ཤོས་ཀྱི་འགོའམ་ཟུར། གྲིའི་རྩེ་མོ། ཁབ་ཀྱི་རྩེ་མོ། རྩྭའི་རྩེ་མོར་ཟིལ་པ་ཆགས། ཤིང་གི་རྩེ་མོར་བྱ་སྡོད་པ། རིའི་རྩེ་མོར་འཛེག་པ། རི་སོ་སོའི་རྩེ་མོ་མི་གཅིག་རུང༌། དེའི་རི་རྒྱུད་བཤད་ན་རི་གཅིག་ཡིན། རྩེ་མོ་དགུང་སྔོན་གནམ་ལ་ཟུག་རྩ་བ་རྒྱ་མཚོའི་གཏིང་ལ་ཆགས། 2 མཆོག་གམ་རབ། ཡང་རྩེར་སོན་པ། ལག་རྩལ་གྱི་རྩེ་མོར་སོན་པ། 3 མངོན སྔར་གྱི་མཚོན་ཆ་ཏྲི་ཤུ་ཟེར་བ་ཕལ་ཆེར་རྩེ་མོ་གསུམ་ཡོད་པས་གྲངས་གསུམ་མཚོན། 4 སྦྱོར་ལམ་ངེས་འབྱེད་ཆ་བཞིའི་ནང་གསེས། གཟུང་བ་རང་བཞིན་མེད་པར་རྟོགས་པའི་སྣང་བ་དེ་ཉིད་གོང་དུ་མཆེད་པའམ་འཕེལ་བའི་ཏིང་ངེ་འཛིན་དང་ཤེས་རབ་མཚུངས་ལྡན་དང་བཅས་པ་མི་མཐུན་པའི་ཕྱོགས་ཀྱིས་དགེ་རྩ་གཡོ་བ་རྣམས་ཀྱི་རབ་དང་མཆོག་ཏུ་གྱུར་པས་རྩེ་མོའོ། |
| རྩེ་མོ་ཅན |
མངོན 1 ལྗོན་ཤིང༌། 2 མེ། |
| རྩེ་མོ་ཐོབ་རྒྱལ |
གསང་སྔགས་ཀྱི་ཆོས་ཀྱི་ཆེ་བ་འདོན་པའི་ཆོས་སྐད་ཅིག |
| རྩེ་མོ་སྣང་བ་མཆེད་པའི་ཏིང་ངེ་འཛིན |
དྲོད་སྣང་བ་ཐོབ་པའི་ཏིང་ངེ་འཛིན་དེ་སླར་ཡང་བསྒོམས་པས་སྔར་གྱི་སེམས་གསལ་སྣང་ཆེས་ཆེར་མཆེད། སྔར་ལས་ཡིད་ཆེས་པའི་མྱོང་བ་གསལ་པོ་བྱུང་བ། |
| རྩེ་མོའི་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། བསྡུས་སྒོམ་རབ་ཏུ་གྱུར་པ་གོང་དུ་རྣམ་པར་འཕེལ་བའི་ཆ་གང་ཞིག་སྦྱོར་ལམ་རྩེ་མོས་བསྡུས་པའོ། |
| རྩེ་མོའི་སྦྱོར་བ |
རྩེ་མོར་ཕྱིན་པའི་སྦྱོར་བ་རྣམ་རྫོགས་སྦྱོར་བ་ལ་བརྟེན་ནས་མཁྱེན་གསུམ་གྱི་རྣམ་པ་བསྒོམ་པ་ལ་རང་དབང་ཐོབ་པའི་སྐབས་ཀྱི་སེམས་དཔའི་རྣལ་འབྱོར། ཤེར་ཕྱིན་དངོས་པོ་བརྒྱད་ཀྱི་ཡ་གྱལ་ཞིག |
| རྩེ་མོའི་སྦྱོར་བའི་ཆོས་བརྒྱད |
ཤེར་ཕྱིན་དོན་བདུན་ཅུ་ལས་སྦྱོར་བ་བཞིའི་ཆོས་སོ་དྲུག་གི་ནང་ཚན་རྩེ་མོའི་སྦྱོར་བ་མཚོན་བྱེད་ཀྱི་ཆོས་བརྒྱད་ནི། དྲོད་རྩེ་སྦྱོར་དང༌། རྩེ་མོའི་སྦྱོར་དང༌། བཟོད་པའི་རྩེ་སྦྱོར་དང༌། ཆོས་མཆོག་རྩེ་སྦྱོར་དང༌། མཐོང་ལམ་རྩེ་སྦྱོར་དང༌། སྒོམ་ལམ་རྩེ་སྦྱོར་དང༌། བར་ཆད་མེད་པའི་རྩེ་སྦྱོར་དང༌། བསལ་བྱ་ལོག་སྒྲུབ་བཅས་བརྒྱད་དོ། |
| རྩེ་ཚོགས་པའི་དགོན་པ |
བོད་རང་སྐྱོང་ལྗོངས་ཁོངས་སྣེ་གདོང་རྫོང་གི་དགོན་པ་ཞིག་རབ་བྱུང་དང་པོའི་དུས་སུ་བཞེངས་པ། |
| རྩེ་ཞབས |
གོང་འོག རི་བོའི་རྩེ་ཞབས། |
| རྩེ་ཞོལ |
1 སྟེང་གཤམ། ཁང་པའི་རྩེ་ཞོལ། 2 ལྷ་སའི་རྩེ་ཕོ་བྲང་དང༌། ཞོལ་ལྷ་ས་བཅས་ཀྱི་མིང༌། |
| རྩེ་ཞྭ |
གྲྭ་པའི་ཚོགས་ཞྭ་སྒྲོ་བཙེམས་མ། |
| རྩེ་འགག |
སྔར་རྩེ་པོ་ཏ་ལའི་གཟིམས་ཆུང་འགག་ནས་ཏཱ་ལའི་བླ་མའི་བཀའ་རྣམས་བརྒྱུད་བསྒྲགས་དང༌། གཤམ་འོག་གི་སྙན་སེང་ཞུ་འབུལ་བྱེད་མཁན་ལས་ཁུངས་ཤིག་དེར་མཁན་ཆུང་མི་གཅིག་དང་རྩེ་མགྲོན་ལས་ཚན་པ་མི་བཅུ་དྲུག་གཟིམས་འགག་མི་བཞི་བཅས་ཡོད། |
| རྩེ་འགོ |
རྩེ་མོའམ་ཐོག་མ། |
| རྩེ་འཇིལ་བ |
མགོ་གནོན་པ་དང༌། རྣོ་གཅོག་པའམ་ནུས་པ་ཉམས་པར་བྱེད་པ། སྟ་རེའི་རྩེ་འཇིལ་བ་བརྡེགས་པ། ཁོང་ཁྲོའི་རྩེ་འཇིལ་བ། ང་རྒྱལ་གྱི་རྩེ་བཅིལ་བ། |
| རྩེ་འོག |
1 རྩེ་གྲ་ཨང་དང་གི་འོག་མ། གོས་ཆེན་འདི་རྩེ་འོག་ཙམ་རེད། 2 ལུས་ཀྱི་གསང་གནད་ཅིག |
| རྩེ་རྒོད |
1 གད་མོ་དང་ལྷན་ཅིག་རྩེད་མོ་རྩེ་བའི་བག་ཡངས། ན་གཞོན་ཕོ་མོ་རྣམས་རྩེ་རྒོད་ལ་རོལ་བ། 2 རྙིང ལྷ་འབངས་དང་གཡོག་པོ། |
| རྩེ་རྣམ་གན་ལས་ཁུངས |
སྔར་བོད་ས་གནས་སྲིད་གཞུང་ནས་གཞུང་ཞབས་སེར་སྐྱ་དང༌། བླ་བྲང་ཁག་ཚོང་རིགས་ཆེ་ཁག་བཅས་ལ་དངུལ་བུན་གཏོང་ལེན་བྱེད་མཁན་ལས་ཁུངས་ཤིག |
| རྩེ་ལ་སྒང |
མིང་གཞན་རྩེ་སྒང་དང༌། ཀོང་པོ་རྩེ་སྒང༌། རྩེ་ལ་ཡང་ཟེར་བོད་རང་སྐྱོང་ལྗོངས་སྨན་གླིང་རྫོང་གི་མིང་རྙིང༌། |
| རྩེ་ཤོད |
1 གོང་འོག་དང༌། སྟེང་གཤམ། 2 སྔར་བོད་ཀྱི་ཏཱ་ལའི་བླ་མ་དང་རྒྱལ་ཚབ་གཉིས། |
| རྩེ་ཤོད་དྲུང་འཁོར |
སྔར་བོད་ས་གནས་སྲིད་གཞུང་སྐབས་དྲུང་འཁོར་གྲྭ་པ་དང༌། སྐྱ་བོ། |
| རྩེ་ཤོད་ལས་ཁུངས |
སྔར་བོད་ས་གནས་སྲིད་གཞུང་གི་ལས་ཁུངས་ཡོད་ཚད་ལ་ཟེར། |
| རྩེ་སོར་ལྔ |
ལག་སོར་བཞི་བསྐུམས་པའི་སྟེང་མཐེབ་རྩེ་གྱེན་འགྲེང་གི་ཚིགས་སྦྱར་བའི་རིང་ཚད། |
| རྩེ་སྐོར |
སྔར་བོད་ས་གནས་སྲིད་གཞུང་གི་རྩེ་དྲུང༌། |
| རྩེ་སྒྲོ |
ལོ་གསར་སྐབས་རྟེན་འབྲེལ་མཆོད་རྫས་གྲོ་སོ་ཕྱེ་མར་སྟེང་འཛུགས་རྒྱུའི་ཤིང་བྱང་གི་ངོས་སུ་མར་མཚོན་གྱི་བཀྲ་ཤིས་རི་མོས་བརྒྱན་པའི་རྩེ་སྒྲོ། |
| རྩེ་སྤྲོད |
1 རྩེ་མོ་དང་རྩེ་མོ་གཏུག་པ། རྩྭ་ཕན་ཚུན་རྩེ་སྤྲོད་དུ་བཀྲམ་པ། ལྕགས་མདུང་རྩེ་སྤྲོད་ཀྱིས་འཐབ་འཛིང་བྱེད་པ། 2 ཡུལ ཁ་བཏགས་སྣེ་བརྐྱངས་ཏེ་སྤྲོད་རེས་བྱེད་པ། ཕན་ཚུན་ཐུག་ཕྲད་སྐབས་ཁ་བཏགས་རྩེ་སྤྲོད་བྱེད་པ། |
| རྩེ་སྦྱོར |
རྩེ་མོའི་སྦྱོར་བའི་བསྡུས་མིང༌། |
| རྩེག |
(བྱེད་འབྲེལ་ལས་ཚིག་ད་ལྟ་བ)དངོས་རྫས་གཅིག་ཐོག་ཏུ་གཅིག་བཀབ་པའམ་བཞག་ནས་ཇེ་མཐུག་ཏུ་གཏོང་བའི་དོན་ཏེ། གདན་ཐོག་ཏུ་གདན་རྩེག་ལྟ་བུ། |
| རྩེག་པ |
1. ཐ་དད་པ བརྩེགས་པ། བརྩེག་པ། རྩེགས།། 1 གཅིག་གི་སྟེང་ལ་གཅིག་འཇོག་པ། སོ་ཕག་བརྩེགས་ནས་རྩིག་པ་བསླངས་པ། བྱས་རྗེས་གཅིག་ཐོག་ཉིས་བརྩེགས་ཀྱིས་བཞག་པ། ཡག་ཐོག་ཡག་བརྩེགས། 2 དམ་པོར་མཐུད་པ་དང༌། དབུགས་འཚང་བ་ལྟ་བུ། རི་མཐོན་པོར་འཛེག་དུས་དབུགས་རྩེག་པ། 3 སྣོན་པ་དང༌། སྤར་བ། རིན་དངུལ་ཁ་རྩེག་བྱེད་པ། འབོར་གྲངས་བརྩེགས་པ། 2. ཁང་པའི་ཐོག་རིམ། ཁང་པའི་ཐོག་རྩེག ཐོག་རྩེག་གསུམ་པ། |
| རྩེག་རྩེག་བྱེད་པ |
1 དངོས་པོ་ཉོ་ཚོང་གི་རིན་ཐང་ཆུང་ངུ་ལ་ཡང་རྩིས་ཆེ་ཆེ་བྱེད་པ། 2 ཁ་སྣོན་ཡང་ནས་ཡང་དུ་དགོས་པ། སྤོམ་ཚོད་ཀྱིས་ཉོ་ཆ་རྒྱག་དུས་རྩེག་རྩེག་ནན་ཏན་བྱས་ཡོང༌། |
| རྩེག་ལོག |
རྙིང 1 སྲེད་ཞེན་ཆེ་བ། 2 ཕྲན་ཚེགས། |
| རྩེགས |
སྐུལ་ཚིག་སྣོད་རྩེགས་ཤིག་ལྟ་བུ། འདི་ལ་ཡུལ་སྐད་དུ་རྩོགས་ཟེར། རིན་གོང་ཆེ་ཆུང་སོགས་ཀྱི་ཚད་བཤད་པ་ཚོང་ཟོང་གི་རིན་གོང་བརྩེགས། ཕྱུགས་གླས་པའི་གླ་བཙའ་རྩེག་མཁན་ཞེས་པ་ལྟ་བུ། |
| རྩེང |
(བྱེད་འབྲེལ་ལས་ཚིག་ད་ལྟ་བ) ཡར་ལང་བའམ་འགྲེང་དུ་བཅུག་པ་དར་ཤིང་རྩེང་མཁན་ཞེས་པ་ལྟ་བུ། |
| རྩེང་པོ |
ཐུང་ཐུང༌། གོས་རྩེང་པོར་བརྫེས་ཏེ་གྱོན་པ། |
| རྩེང་བ |
ཐ་དད་པ བརྩེངས་པ། བརྩེང་བ། རྩེངས།། རྫེ་བ། གོས་མཐོན་པོར་བརྩེངས་ཏེ་ཆུ་བོ་བརྒལ། ཕུ་ཐུང་རྩེང་བ། |
| རྩེངས |
སྐུལ་ཚིག་ལྭ་ཡི་གོང་བ་རྩེངས་ཤིག་ལྟ་བུ། ཡར་བརྫེ་བའི་དོན། |
| རྩེད |
(བྱེད་མེད་ལས་ཚིག) བརྩེ་ཡི་འབྲུ་ཚུལ་གཞན་ནམ་ཡུལ་སྐད། རྩེད་མོ་ཞེས་པའི་ཚིག་བསྡུས་པ། |
| རྩེད་གྲོགས |
རྩེད་མོ་རྩེ་རོགས། |
| རྩེད་ཅན |
མངོན ཤོ། |
| རྩེད་ཆས |
རྩེད་མོ་རྩེ་བྱེད་ཀྱི་ཡོ་བྱད། |
| རྩེད་ཐང |
ས་མིང་ཞིག་བོད་རང་སྐྱོང་ལྗོངས་ཀྱི་སྣེ་གདོང་རྫོང་གི་དབུས་ཁུལ་ཡར་ཀླུངས་གཙང་པོའི་ལྷོ་ན་ཡོད། འདི་ནི་ལྷོ་ཁ་ས་ཁུལ་གྱི་ལྟེ་གནས་གྲོང་ཁྱེར་ཡིན། |
| རྩེད་ཐང་དགོན་པ |
རབ་བྱུང་དྲུག་པའི་ལྕགས་ཡོས་ལོ་ལ་ཏཱའི་སི་ཏུ་བྱང་ཆུབ་རྒྱལ་མཚན་གྱིས་བཏབ་པ་ཞིག |
| རྩེད་ཐེར |
བོད་ལྷོ་ཁ་རྩེད་ཐང་ནས་ཐོན་པའི་ཐེར་མ། |
| རྩེད་མདའ |
རྩེད་མོ་རྩེ་བྱེད་ཀྱི་མདའ་དང་མེ་མདའ། |
| རྩེད་མོ |
1 རོལ་རྩེད་དང་ཀུ་རེ། བྱིས་པའི་རྩེད་མོ། གླུ་གར་རྩེད་མོ་བསམ་གྱིས་མི་ཁྱབ་པ། བག་མེད་རྩེད་མོར་རོལ་ནས་རང་འཁྲིའི་ལས་འགན་འཐུས་ཤོར་བྱུང་བ། ཙི་ཙི་ཀུ་རྩེད་རྐྱལ་པའི་མཐིལ་ལ་གཟན། མིང་གི་རྣམ་གྲངས་ལ་ཀྱལ་ཀ་དང༌། རྩེ་བ། རྩེ་ཚུལ། རྩེད་འཇོ། བཞད་གད། འཛག་པ་བཅས་སོ། 2 རྒྱན་བཞག་ནས་རྒྱལ་ཕམ་འགྲན་པའི་ལུགས་ངན། |
| རྩེད་ཟླ |
རྩེད་མོ་རྩེ་གྲོགས། |
| རྩེད་འགྲོས |
རྩེད་མོ་རྩེ་བའི་འགྲོ་སྟངས། |
| རྩེད་འཇོ |
རྩེད་མོ། རྩེད་འཇོའི་སྒྱུ་རྩལ་སྦྱོང་བ། མིང་གི་རྣམ་གྲངས་ལ་གར་དང༌། འཆམ་པ། བྲོ། ཟློས་གར། རོལ་རྩེད་བཅས་སོ། |
| རྩེད་འཇོའི་ཆུ་བོ |
མངོན ཆུ་བོ་སིནྡྷུ། |
| རྩེད་འདུན་པ |
རྩེད་མོར་དགའ་མཁན། |
| རྩེད་རྒྱན |
རྩེད་མོ་རྩེ་དུས་ཀྱི་རྒྱན། |
| རྩེད་སྟོན |
རྩེ་མོ་རྩེ་བའི་སྟོན་མོ། |
| རྩེད་སྣ |
རྩེད་མོའི་སྣ་ཁ། |
| རྩེད་སྤྱད |
རྩེད་མོ་རྩེ་བར་མཁོ་བའི་ཡོ་བྱད་ཀྱི་མིང་། |
| རྩེན |
(བྱེད་མེད་ལས་ཚིག) ཡར་འཕགས་པའམ་ལྡིང་བའི་དོན་ཏེ། རྒྱ་མཚོའི་རྦ་རླབས་མཁའ་ལ་རྩེན་ཞེས་པ་ལྟ་བུ། རྩེད་མོ་རྩེ་བའི་དོན་ཏེ། དགའ་བའི་གར་དུ་རྩེན་ཞེས་པ་ལྟ་བུ། |
| རྩེན་གནས |
1 རོལ་བའི་གནས་སམ་རྩེ་བའི་གནས། 2 འཁྲབ་སའི་སྟེགས་བུ། 3 མངོན ནམ་མཁའ། |
| རྩེན་དུས |
མངོན ཉིན་མོ། |
| རྩེན་པ |
རྙིང 1 རོལ་བའམ་རྩེ་བ། དོན་གནད་གལ་ཆེ་བའི་རིགས་བྱེད་སྐབས་རྩེད་མོ་ལ་རྩེན་ན་མི་འགྲིག 2 གནས་པ་དང་བསྟི་བ། བསྟི་གནས་སུ་རྩེན་པ། 3 ཡར་འཕག་པའམ་ལྡིང་བ། རྒྱ་མཚོའི་རྦ་རླབས་མཁའ་ལ་རྩེན། |
| རྩེན་མིན |
རྒྱ སྔར་ཁྲི་སྲོང་ལྡེའུ་བཙན་དུས་སློབ་དཔོན་ཀ་མ་ལ་ཤཱི་ལ་དང་ཧྭ་ཤང་མཧཱ་ཡ་ན་རྩོད་སྐབས་ཀ་ཤིས་སྤེལ་བའི་སངས་རྒྱས་པའི་གྲུབ་མཐའ་ཞིག |
| རྩེན་མུན |
རྩེན་མིན་དང་འདྲ། |
| རྩེབས་ཡོང |
ཡུལ སླེབས་ཡོང༌། འདི་གར་རྩེབས་ཡོང༌། |
| རྩེའུ |
རྩ་ལམ་ཕྲ་མོ། |
| རྩེར |
ཡུལ མཇིང་པ། རྩེར་འཆུས་པ། རྩེར་རྒྱག་པ། རྩེར་བསྒྲེངས་པ། རྩེར་ཤོར་བ། |
| རྩེར་ཕྱིབས |
རྙིང མཐར་ཕྱིན། |
| རྩེར་སོན་པ |
1 མཆོག་ཏུ་གྱུར་པ། བརྡ་སྤྲོད་རིག་པའི་ཤེས་ཡོན་རྩེར་སོན་པའི་སློབ་མ། 2 རྩེ་མོར་ཕྱིན་པ། ཚན་རིག་ལག་རྩལ་ཡང་རྩེར་སོན་པ། |
| རྩེལ |
སྩེལ་གྱི་འབྲི་ཚུལ་གཞན། |
| རྩེས |
(བྱེད་མེད་ལས་ཚིག་འདས་པ་དང་སྐུལ་ཚིག) རྩེད་མོ་དང་ཟློས་གར་སོགས་རྩེ་བ་དང་འཁྲབ་པ་རྩེད་མོ་རྩེས། གར་རྩེས་ཤིག་ལྟ་བུ། |
| རྩོགས་པ |
རྙིང འཕེལ་བ། |
| རྩོད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) <ཀ>ལྟ་ཚུལ་དང་བཤད་ཚུལ་མི་འདྲ་བ་བྱུང་ནས། རང་གི་རྟ་ཚུལ་སོགས་ཡང་དག་པ་ཡིན་པའི་རྒྱུ་མཚན་བཤད་པའམ་གཞན་གྱི་རྟ་ཚུལ་ལ་དགག་པ་རྒྱག་པའི་དོན་ཏེ། བདེན་རྫུན་རྩོད་མཁན། ཡིན་མིན་རྩོད་ཅིག་ལྟ་བུ། |
| རྩོད་གནས |
1 རྩོད་པའི་ས་གནས། 2 རྩོད་པའི་རྩ་བའམ་རྩོད་པའི་འབྱུང་གཞི། |
| རྩོད་གཞི |
1 རྩོད་པ་ཡོང་རྐྱེན། 2 རྟགས་གསལ་འགོད་སྐབས་ཀྱི་བསྒྲུབ་བྱའི་ཆོས་བསྒྲུབ་པའི་གཞི་ཆོས་ཅན་ནམ་རྒོལ་ཕྱི་རྒོལ་གཉིས་ཀྱིས་རྩོད་པའི་གཞི། དཔེར་ན། སྒྲ་ཆོས་ཅན། ཞེས་བརྗོད་པ་ལྟ་བུའོ། མིང་གི་རྣམ་གྲངས་ལ་རྗེས་སུ་དཔག་པར་བྱ་བའི་གཞི། དཔག་གཞི། བསྒྲུབ་གཞི། ཤེས་འདོད་ཆོས་ཅན་ཕྱོགས་ཆོས་ཀྱི་ཕྱོགས་རྣམས་སོ། |
| རྩོད་གྱར |
རྩོད་པའི་གནས་སུ་གྱར་བ། ཁྲིམས་ཁང་ལ་རྩོད་གྱར་བ། |
| རྩོད་གྲྭ |
རིགས་ལམ་རྩོད་པའི་འཛིན་གྲྭ། |
| རྩོད་གླེང |
1 གྱོད་ཁ་མཆུ། ད་རེས་ཀྱི་རྩོད་གླེང་འབྱུང་གཞི་ནི་རྩྭ་རའི་དོན་ཡིན། 2 དོན་གནད་སྐོར་ཕན་ཚུན་བདར་ཤ་གཅོད་པ། ཡིན་མིན་གྱི་དོན་གནད་སྐོར་ལ་ཕན་ཚུན་རྩོད་གླེང་བྱེད་པ། |
| རྩོད་ངག་དྲུག |
རྩོད་པའི་སྐབས་ཀྱི་ངག་གི་དབྱེ་བ་ལ། གང་ཟག་གསུམ་ལ་བརྗོད་ཚུལ་དྲུག་ཡོད་དེ། སྔ་རྒོལ་ལ་དོན་གྱི་དངོས་པོ་འཇོག་པ་དང༌། སྐྱོན་སྤོང་གི་ངག་གཉིས། ཕྱི་རྒོལ་ལ་འདོད་པ་འདྲི་བ་དང༌། སྐྱོན་བརྗོད་པའི་ངག་གཉིས། དཔང་པོ་ལ་རྗེས་སུ་བརྗོད་པ་དང༌། རྣམ་པར་དབྱེ་བའི་ངག་གཉིས་བཅས་དྲུག་གོ། |
| རྩོད་ཅན |
མངོན ཆུ་བོ་ཡ་མུ་ན། |
| རྩོད་དུས |
རྩོད་ལྡན་དུས་ཀྱི་བསྡུས་མིང༌། |
| རྩོད་པ |
1.ཐ་དད་པ བརྩད་པ། བརྩད་པ། རྩོད།། ཤགས་འགྱེད་པ་དང༌། རྒོལ་བ། བདེན་རྫུན་རྩོད་པ། ཕམ་རྒྱལ་བརྩད་ཀྱང་ཐག་མ་ཆོད་པ། 2.ཕན་ཚུན་རྒོལ་བའམ། ཁ་ཤགས་བྱེད་པའི་མིང༌། གསར་རྙིང་གི་རྩོད་པ། ཚད་མའི་རྩོད་པ། མི་སྙན་པའི་རྩོད་པ་རྒྱག་པ། |
| རྩོད་པ་ཕྱིར་བཅོས་ཀྱི་གཞི |
འདུལ་བའི་གཞི་བཅུ་བདུན་གྱི་ནང་གསེས། རྩོད་པ་ཕྱིར་བཅོས་ཀྱི་གཞི་གསུམ་གྱི་ཡ་གྱལ། དགེ་འདུན་གྱི་རྩོད་པ་ཕལ་ཆེར་ཆོས་ཕྱོགས་སུ་ཞི་བར་བྱེད་པའི་རིམ་པ་སྟེ་ཞི་བྱེད་ཀྱི་ཆོས་བདུན་རྣམས་སོ། |
| རྩོད་པ་ཕྱིར་བཅོས་ཀྱི་གཞི་གསུམ |
འདུལ་བ་གཞི་བཅུ་བདུན་ལས། ཕྱིར་བཅོས་ཀྱི་གཞི་བདུན་གྱི་ནང་གསེས་རྩོད་པ་ཕྱིར་བཅོས་ཀྱི་གཞི་གསུམ་ལས་ཀྱི་རྩོད་པ་ཞི་བྱེད་དང༌། འཁོར་ལོའི་རྩོད་པ་ཞི་བྱེད་དང༌། དེ་ལས་གཞན་པའི་རྩོད་པ་ཞི་བྱེད་དེ་གསུམ་མོ། |
| རྩོད་པ་བཞི |
འདུལ་བའི་ལུགས་ཀྱི་རྩོད་པ་བཞི་འགྱེད་ཕྱིར་རྩོད་པ་དང༌། མི་གདམས་པའི་ཕྱིར་རྩོད་པ། ལྟུང་བའི་ཕྱིར་རྩོད་པ། བྱ་བའི་ཕྱིར་རྩོད་པ་བཅས་སོ། |
| རྩོད་པ་མཛེས་པའི་རྒྱན་བདུན |
བཞིན་མདངས་གསལ་བ་དང༌། ངག་སྙན་འཇམ་པ། ཕ་རོལ་དམའ་འབེབས་ཀྱི་ཚིག་མདའ་མི་འཕེན་པ། ལུང་རིགས་གསལ་རྣོ། སྒྱིད་ལུག་དང་ང་རྒྱལ་མེད་པ། རིགས་ལམ་འདོར་བའི་གཡོ་སྒྱུ་ཆགས་སྡང་མེད་པ། རང་གཞན་གྱི་དོན་དང་ལྡན་པ་གཅེས་པར་འཛིན་པ་བཅས་སོ། |
| རྩོད་པ་ཞི་བྱེད་ཀྱི་ཆོས་བདུན |
འདུལ་བ་ལས་བཤད་པའི་རྩོད་པ་ཕྱིར་བཅོས་ཀྱི་བྱེ་བྲག་ཅིག་མངོན་སུམ་བརྒྱད་ཀྱིས་ཞི་བ་དང༌། དྲན་པས་འདུལ་བ་སྦྱིན་པ་དང༌། མ་མྱོས་པས་འདུལ་བ་སྦྱིན་པ་དང༌། གང་མང་གིས་ཞི་བ་དང༌། ལྟུང་བའི་ངོ་བོ་ཉིད་འཚོལ་བ་སྦྱིན་པ་དང༌། རྩྭ་བཀྲམ་པས་ཞི་བ་དང༌། ཁས་བླངས་པས་ཞི་བ་སྟེ་བདུན་ནོ། |
| རྩོད་པ་རིགས་པ |
རྩོད་པ་རིགས་པ་ཞེས་བྱ་བའི་རབ་ཏུ་བྱེད་པ། རྒོལ་ཕྱིར་རྒོལ་རྩོད་པ་དང༌། རྒྱལ་ཕམ་ཚར་བཅད་ཀྱི་གནས་སྟོན་པ། སློབ་དཔོན་ཆོས་ཀྱི་གྲགས་པས་བརྩམས་པའི་ཚད་མ་སྡེ་བདུན་ལས་འཕྲོས་པ་ཡན་ལག་ལྟ་བུའི་བསྟན་བཅོས་བཞིའི་ཡ་གྱལ་ཞིག |
| རྩོད་པ་ལྷུར་ལེན |
རྩོད་པ་དང་དུ་ལེན་པ། དོན་ལ་བདར་ཤ་མི་གཅོད་པར་ཚིག་འཁྲིའི་རྩོད་པ་ཁོ་ན་ལྷུར་ལེན་པ་ལ་སྙིང་པོ་རང་མེད། |
| རྩོད་པ་སྤོང་བ |
གཞན་གྱིས་རྒོལ་བའམ་དགག་པ་བཏང་བ་དེར་ལན་གྱིས་གནོད་པ་སེལ་བའོ། |
| རྩོད་པ་སྨྲ་བ་པོ་གསུམ |
སྔ་རྒོལ་དང༌། ཕྱི་རྒོལ་དང༌། དཔང་པོ་བཅས་གསུམ། |
| རྩོད་པའི་གཞི |
འདུལ་བའི་གཞི་བཅུ་བདུན་ལས་ཀཽ་ཤམྦྷིའི་གཞི་ཕན་ཚུན་མི་མཐུན་པར་སྨྲས་པའི་ཚིག་གི་རྗེས་སུ་སེམས་གཞོལ་བའི་འཁོན་འཛིན་གྱི་བློ་དང༌། བློ་དེས་ཀུན་ནས་བསླངས་པའི་ལུས་ངག་གི་རིག་བྱེད་དོ། |
| རྩོད་པའི་དུས |
རྩོད་ལྡན་གྱི་དུས་ཏེ་བསྐལ་པ་གསུམ་ལྡན་གྱི་དུས། |
| རྩོད་པའི་རྒྱུ་གསུམ |
ཤེས་རབ་ལྡན་པ་དང༌། བློ་སྦྱངས་པ་དང༌། གཞུང་ལུགས་ཤེས་པ་བཅས་གསུམ་མོ། |
| རྩོད་པའི་རྒྱུ་བཞི |
འདུལ་བ་ལས་བཤད་པའི་རྩོད་པའི་གཞིའི་བྱེ་བྲག་ཅིག་དེ་བཞིན་ཉིད་ལ་ལོག་པར་བསྒྲུབ་པ་དང༌། གདམས་ངག་སྤོང་བ་དང༌། ལྟུང་བ་དང་བཅས་པ་དང༌། ལས་ལ་མི་མཐུན་པ་སྟེ་བཞིའོ། རྒྱུ་དེ་དག་གིས་འདུས་བྱས་རྟག་མི་རྟག་ལ་སོགས་པ་རྩོད་པ་ལྟ་བུ་འགྱེད་ཕྱིར་རྩོད་པ་དང༌། གདམས་ངག་གསོ་དགག་བཞག་པ་ལ་འཇོག་པ་པོ་དང་གཞག་བྱ་རྩོད་པ་ལྟ་བུ་མི་གདམས་ཕྱིར་རྩོད་པ་དང༌། ལྟུང་བ་གླེངས་པས་ཁས་མི་ལེན་པ་གླེང་བྱ་གླེང་བྱེད་རྩོད་པ་ལྟ་བུ་ལྟུང་ཕྱིར་རྩོད་པ་དང༌། རྩོད་པ་དེ་གསུམ་གྱི་དབང་གིས་གསོ་སྦྱོང་སོགས་ཀྱི་ལས་ལ་མཐུན་པ་མི་སྦྱིན་པས་རྩོད་པར་གྱུར་པ་བྱ་ཕྱིར་གྱི་རྩོད་པ་བཅས་འབྱུང་བའོ། |
| རྩོད་པའི་རྩ་བ་ཉེར་ལེན་བཞི |
འདོད་པ་དང༌། ལྟ་བ། ཚུལ་ཁྲིམས་བརྟུལ་ཞུགས། བདག་སྨྲ་བཅས་བཞིའོ། |
| རྩོད་པའི་ཤིང |
མངོན བ་རུ་རའི་ཤིང༌། |
| རྩོད་པའི་སྐྱོན་གསུམ |
དོན་བློ་སྒྲ་སྐྱོན་ནམ། ངན་གཡོ་དང༌། ཁྱད་གསོད། ཡིད་འཁྲུགས་བཅས་གསུམ་མོ། |
| རྩོད་བཟློག |
མགོན་པོ་ཀླུ་སྒྲུབ་ཀྱིས་མཛད་པའི་དབུ་མ་རིགས་ཚོགས་དྲུག་གི་ཡ་གྱལ་ཞིག |
| རྩོད་བྲལ |
རྩོད་པ་མེད་པ། དྲང་བདེན་གྱི་ལས་དོན་ལ་རྒྱལ་ཁ་འཐོབ་རྒྱུ་རྩོད་བྲལ་རེད། |
| རྩོད་མེད |
བསྙོན་དུ་མེད་པ། ཕན་ཚུན་རྩོད་མེད་ཡིན། |
| རྩོད་ཟིང |
རྩོད་པ་མང་བའི་ཟང་ཟིང༌། མགོ་རྙོག་ཆེ་བའི་རྩོད་ཟིང་ཐག་གཅོད་དཀའ། |
| རྩོད་ཟླ |
རྩོད་པ་བྱེད་མཁན་གཉིས་ནི་ཕན་ཚུན་གྱི་རྩོད་ཟླ་ཡིན། <ཁ>དངོས་རྫས་སོགས་སུ་ལ་དབང་བར་རྩོད་གླེང་བྱུང་བ་དོན་དེ་རྩོད་དགོས་དོན་མེད་པས་མ་རྩོད། རྒྱལ་ཕམ་བརྩད་ལྟ་བུ། |
| རྩོད་འཛིང |
འཐབ་འཛིང༌། དྲག་པོའི་རྩོད་འཛིང༌། འཁྲུན་ཐག་གཅོད་དཀའ་བའི་རྩོད་འཛིང༌། |
| རྩོད་ཡིག |
1 ཕན་ཚུན་རྩོད་པ་བྱས་པའི་ཡི་གེ། 2 ཚད་མ་སོགས་རྩོད་སྒྲུབ་ཀྱི་ཡིག་ཆ། |
| རྩོད་རིགས |
རྩོད་གཤགས་འགྱེད་པའི་རིགས་པ། |
| རྩོད་ལན |
ཕ་རོལ་པོ་སུན་འབྱིན་བརྗོད་པ་ལ། རྟགས་མ་གྲུབ། མ་ཁྱབ། འདོད་སོགས་ཀྱི་ལན་འདེབས་པའོ། |
| རྩོད་ལྡན་དུས |
སངས་རྒྱས་པའི་བཤད་སྲོལ་ལྟར་འཛམ་གླིང་མི་རྣམས་ཀྱིས་ཆོས་དང༌། ནོར། འདོད་པ། བདེ་བ་བཞི་ལས་ཆ་གསུམ་ཉམས་ནས་ཆ་གཅིག་ལ་ལོངས་སུ་སྤྱོད་ཅིང༌། འཁྲུག་རྩོད་དར་བའི་དུས་ཏེ་དེའི་ཡུན་ཚད་ལ་ལོ་གྲངས་བཞི་འབུམ་སུམ་ཁྲི་ཉིས་སྟོང་ཡོད་པར་བཤད་དོ། |
| རྩོད་ཤགས |
ཁ་རྩོད་ཀྱི་ཤགས། གྱོད་ཡ་ཕན་ཚུན་རྩོད་ཤགས་རྒྱག་རེས་བྱེད་པ། |
| རྩོད་སྒྲུབ་ཀྱི་དངོས་གཙོ་རིང་ལུགས |
མར་ཁེ་སི་དང་ཨེན་ཀེ་སི་རྣམ་གཉིས་ཀྱིས་གསར་གཏོད་གནང་ཞིང༌། རྩོད་སྒྲུབ་ཀྱི་རིག་པ་སྤྱད་དེ་རང་བྱུང་ཁམས་དང༌། མིའི་རིགས་ཀྱི་སྤྱི་ཚོགས། བསམ་བློའི་འཕེལ་ཚུལ་བཅས་སྤྱིར་བཏང་གི་ཆོས་ཉིད་བརྟག་དཔྱད་བྱེད་པའི་ཚན་རིག་ཅིག |
| རྩོད་སྒྲུབ་རིག་པ |
རང་བྱུང་ཁམས་དང་སྤྱི་ཚོགས། བློ་རིག་བཅས་འཕེལ་རྒྱས་སུ་འགྲོ་བའི་ཆོས་ཉིད་ཡིན་ཞིང་། ཆོས་ཉིད་དེ་གསལ་བར་བཤད་པའི་ཚན་རིག་གི་མིང་ཡང་ཡིན། དངོས་གཙོའི་རྩོད་སྒྲུབ་རིག་པ་ནི་གཟུགས་འདས་རིག་པའི་འགལ་ཟླར་གྱུར་པའི་འབྱོར་མེད་གྲལ་རིམ་གྱི་འཇིག་རྟེན་ལྟ་ཚུལ་ཡིན། དངོས་གཙོའི་རྩོད་སྒྲུབ་རིག་པས། བྱ་དངོས་ཀུན་གཅིག་ལས་གཉིས་གྱེས་པ་ཞིག་ཡིན་པ་དང་། ཇི་སྲིད་བར་དུ་འགུལ་སྐྱོད་བྱེད་པ་དང་འཕེལ་རྒྱས་སུ་འགྲོ་བ་ཞིག་ཡིན་པ། ཕན་ཚུན་བར་འབྲེལ་བ་ཡོད་པ། བྱ་དངོས་རྣམས་འགུལ་སྐྱོད་བྱེད་པ་དང་འཕེལ་རྒྱས་སུ་འགྲོ་བའི་རྒྱུ་རྐྱེན་གྱི་རྩ་བ་ནི་བྱ་དངོས་ཀྱི་ནང་ཁུལ་གྱི་འགལ་བ་ཡིན་པ། འགལ་ཟླ་གཅིག་འདུས་ཀྱི་ཆོས་ཉིད་ནི་འཇིག་རྟེན་ཁམས་ཀྱི་རྩ་བའི་ཆོས་ཉིད་ཡིན་པ་བཅས་རྟོགས་ཡོད་པ་ཡིན། འགལ་ཟླ་གཅིག་འདུས་ཀྱི་ཆོས་ཉིད་ནི་དངོས་གཙོའི་རྩོད་སྒྲུབ་རིག་པའི་སྙིང་བོ་ཡིན་པར་རྟོགས་ཡོད་པ་ཡིན། རྩོད་པ་ལ་ལྟོས། |
| རྩོམ |
རང་གི་ངོས་ཟིན་དང་བློ་བཀོད། ཉམས་མྱོང་དང་ཤེས་རྟོགས། དོན་དངོས་གསར་བ་རྣམས་ལ་གོ་བ་ལེན་ཚུལ་སོགས་ཡི་གེར་བཀོད་པའི་དཔེ་ཆ་སོགས་ཀྱི་མིང་མཁས་པ་ཡིན་མིན་རྩོམ་གྱི་བཟང་ངན་གྱིས་ཤེས་ཐུབ། རྩོམ་ཡིག གསུང་རྩོམ། རྩོམ་བྲིས་ལྟ་བུ།་2.(བྱེད་འབྲེལ་ལས་ཚིག་ད་ལྟ་བ) བསྟན་བཅོས་མཛད་པའི་དོན་ཏེ། བསྟན་བཅོས་རྩོམ་མཁན་དཔེ་ཆ་རྩོམ་པའི་སྐབས། འཆད་རྩོད་རྩོམ་གསུམ་ཞེས་པ་སོགས་ལྟ་བུ། |
| རྩོམ་གཞི |
1 དཔེ་ཆ་དང་ལས་ཀ་སོགས་གསར་དུ་འགོ་རྩོམ་པའི་གཞི་བཅོལ་ས། བསྟན་བཅོས་རྩོམ་གཞིའི་བརྗོད་བྱའི་སྙིང་པོ། 2 ལས་དོན་བྱ་ཡུལ། བྱ་བ་རྩོམ་གཞིའི་ལས་གྲྭ། 3 ཆགས་པའི་གཞི་རྩ། རགས་པའི་རྩོམ་གཞི་རྡུལ་ཆ་མེད་པ་དང༌། རྒྱུན་གྱི་རྩོམ་གཞི་སྐད་ཅིག་ཆ་མེད་ཁས་བླངས་པ། |
| རྩོམ་པ |
1.ཐ་དད་པ བརྩམས་པ། བརྩམ་པ། རྩོམས།། 1 དཔེ་ཆ་སོགས་ཀྱི་ཚིག་སྦྱོར་སྒྲིག་པ། གཞུང་ཆེན་རྩོམ་པ། སྙན་ངག་བརྩམས་པ། འཆད་རྩོད་རྩོམ་གསུམ་ལ་མཁས་པ། 2 བྱ་སྤྱོད་སྦྱོར་བ། ལས་འགོ་རྩོམ་པ། དགྲ་བོ་འབྲོས་པར་བརྩམས་པ། 2.ཚིག་རྒྱན་གྱི་རྩོམ་པ། གསུང་རྩོམ་གཅེས་བསྡུས། གོ་བདེའི་ཆེད་དུ་རྩོམ་གསལ་པོ་ཞིག་བརྒྱབ་པ། |
| རྩོམ་པ་པོ |
1 དཔེ་ཆ་རྩོམ་རྒྱག་མཁན། 2 ལས་ཀ་སོགས་ཀྱི་འགོ་རྩོམ་པ་པོ། |
| རྩོམ་བྱེད་ཀྱི་སྐྱོན་གསུམ |
ཤེས་རབ་དམན་པ་དང༌། མང་དུ་ཐོས་པ་བྲལ་བ་དང༌། ལེ་ལོ་སྒྱིད་ལུག་བཅས་གསུམ་མོ། |
| རྩོམ་མཁན |
1 རྩོམ་ཡིག་གམ་དཔེ་ཆ་རྩོམ་རྒྱག་མཁན། 2 གྲོས་དང༌། ལས་ཀ་སོགས་ཀྱི་འགོ་རྩོམ་པ་པོ། |
| རྩོམ་འཕྲོ |
དཔེ་ཆ་བརྩམས་པའི་འཕྲོའམ་ལྷག་མ། |
| རྩོམ་ཡིག |
རྩོམ་པའི་ཡི་གེ། |
| རྩོམ་ཡིག་གཅེས་བསྡུས |
རྩོམ་ཡིག་གི་སྙིང་པོ་བསྡུས་པ། |
| རྩོམ་རིག |
ཡིག་རྩོམ་རྒྱག་བྱེད་ཀྱི་ཤེས་རིག་ཟློས་གར་དང༌། སྙན་ངག་སྒྲུང་དཔེ། ཚིག་ལྷུག་ལ་སོགས་པ་བརྩམ་བྱ་གང་ཡིན་པ་ཐམས་ཅད་ལ་འཇུག་པའི་རིག་པའི་གནས། |
| རྩོམ་རིག་པ |
ཡི་གེའི་ཚིག་སྦྱོར་སྒྲིག་མཁན། |
| རྩོམ་རྒྱུགས |
རྩོམ་ཚིག་ལེགས་ཉེས་རྟོག་བྱེད་ཀྱི་རྒྱུགས། རྩོམ་རྒྱུགས་ལེན་པ། |
| རྩོམ་རྙིང |
གནའ་བོའི་རྩོམ། |
| རྩོམ་སྒྱུར |
ཡི་གེ་རྩོམ་པ་དང་སྒྱུར་བ། རྩོམ་སྒྱུར་གཉིས་ཀར་མཁས་པ། |
| རྩོམ་སྒྲིག |
ཡི་གེ་རྩོམ་པ་དང་སྒྲིག་པ། ཚིག་མཛོད་རྩོམ་སྒྲིག་བྱེད་པ། |
| རྩོམས |
སྐུལ་ཚིག་《བརྡ་སྤྲོད་རིག་པ》ཞིག་རྩོམས་ཤིག་ལྟ་བུ། གྲ་སྒྲིག་བྱས་པའི་དོན་ཏེ། ཡི་གེ་འབྲི་བར་རྩོམ་སྐབས། ཟས་བཟའ་བར་བརྩམས་ཏེ་ལག་པ་བཀྲུས། ལམ་ལ་ཆས་པར་བརྩམས་ཏེ་ལམ་རྒྱགས་བསྒྲིགས་ལྟ་བུ། ０འགོ་འཛུགས་པའི་དོན་ཏེ། ལས་ཀ་ལས་འགོ་བརྩམས་དགོས། བྱ་བ་སྒྲུབ་པའི་འགོ་བརྩམས། འགོ་རྩོམས་ཤིག་ལྟ་བུ། |
| རྩོལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) འབད་པ་བྱས་པའི་དོན་ཏེ། ཐུན་མོང་གི་དོན་དུ་ལས་ཀར་རྩོལ་ཅིག་ལྟ་བུ། |
| རྩོལ་ཅག |
ཡུལ མགྱོགས་རྩལ། ལས་ཀའི་འཆར་གཞི་རྩོལ་ཅག་གིས་མགྱོགས་པོ་ཚར་ཐབས་བྱེད་པ། |
| རྩོལ་པོ |
མགྱོགས་པོའི་ཞེ་ས། ཕྱག་ལས་རྩོལ་པོ་གནང་རོགས་གནང༌། བཀའ་ལན་རྩོལ་པོ་ཡོད་པ་ཞུ། ད་རེས་རྩོལ་པོ་ཕེབས་བྱུང༌། |
| རྩོལ་བ |
1.ཐ་དད་པ བརྩལ་བ། བརྩལ་བ། རྩོལ།། བརྩོན་པ་དང་འབད་པ། ལས་དོན་ལ་རྩོལ་བ། བྱེད་སྟངས་ནོར་ན་ལས་ལ་བརྩལ་ཀྱང་མི་འགྲུབ། 2 1 བརྩོན་འགྲུས། མུ་མཐུད་རྩོལ་བ་ཆེན་པོས་དཀའ་ཚེགས་སེལ་བ། སྤྱི་ཚོགས་རིང་ལུགས་འཛུགས་སྐྲུན་བྱེད་པར་རྩོལ་བ་སྐྱེད་པ། 2 ཡི་གེ་སོ་སོར་ཀློག་སྐབས་ང་རོ་འདོན་པའི་འདུ་བྱེད། |
| རྩོལ་བ་མེད་པར་འཇུག་པའི་ཡིད་བྱེད |
ལྷུན་གྱིས་གྲུབ་པར་འཇུག་པའི་ཡིད་བྱེད་དང་དོན་གཅིག་ |
| རྩོལ་བྱུང |
རང་བྱུང་གི་ལྡོག་ཟླ་སྟེ་མིས་རྩོལ་བ་བྱས་ནས་བསྐྲུན་པ་རྩོལ་བྱུང་གི་དངོས་རྫས། རང་བྱུང་མ་ཡིན་རྩོལ་བྱུང་ཡིན་ལྟ་བུ། |
| རྩོལ་འདོན |
ལས་ཤུགས་སྐྱེད་པ། ཚན་རིག་གི་ཤེས་ཡོན་ཁོང་དུ་ཆུད་རྒྱུ་རྩོལ་འདོན་བྱེད་པ། དམག་དོན་རྩོལ་འདོན་གྱིས་བསླབ་པ། |
| རྩོལ་ཤུགས |
འབད་རྩོལ་གྱི་ཤུགས་ནུས། |
| རྩོལ་སྒྲུབ |
འབད་རྩོལ། ཐབས་ལམ་འགྲིག་ན་རྩོལ་སྒྲུབ་ཇི་ཙམ་བྱས་པ་དེ་ཙམ་གྱིས་དོན་འགྲུབ་པ་ཡོང༌། |
| རྩྭ |
སྤྱིར་བཏང་དུ་མཐོ་རིམ་རྩི་ཤིང་གི་ནང་ནས་ཤིང་སྡོང་དང་ལོ་ཏོག སྔོ་ཚོད་ལས་གཞན་པའི་གཞུང་རྟ་མཉེན་མོ་ཅན་གྱི་རྩི་ཤིང་གི་སྤྱི་མིང་། དེ་ལ་ཡུལ་སྐད་དུ་སྔོ་མ་ཟེར། |
| རྩྭ་ཀུན་ཏུ་བཟང་པོ |
སྔོ་སྨན་ལོ་མ་ལྗང་སྐྱ་ཆེ་ལ་མཐུག་པ། མེ་ཏོག་སེར་པོ་དྲི་ཞིམ་པ་ཞིག་ནུས་པས་ཕོ་ཚད་དང༌། མེ་དབལ། གཉན་རིམས་རྣམས་ལ་ཕན། |
| རྩྭ་ཀོ་ཏམ་པ |
ཀོཊྚམྦ་ཞེས་པའི་ཟུར་ཆག་ཀོཏྟམྦ་ཞེས་པའི་ཡུལ་དུ་སྐྱེས་པའི་རྩྭ་ཞིག |
| རྩྭ་ཁ |
1 གནག་ཕྱུགས་དང་ར་ལུག་སོགས་འཚོ་ཡུལ་རྩྭ་ཐང༌། ཕྱུགས་རིགས་རྣམས་རྩྭ་ཁ་བཟང་སར་འཚོ་བ། རྩྭ་ཁ་མཐོ་ལ་ཆུ་ཁ་དམའ། མཛོ་རྒན་སྡོད་པའི་གནས་མ་ཡིན། 2 རྩྭའི་རྩེ་མོ། |
| རྩྭ་ཁང |
1 རྩྭ་ལས་བཟོས་པའི་ཁང་པ། 2 རྩྭ་འཇོག་སའི་ཁང་པ། |
| རྩྭ་ཁའི་ཟིལ་པ |
རྩྭ་རྩེའི་ཆུ་རྡུལ། རྩྭ་ཁའི་ཟིལ་པ་ཕྲོམ་ཕྲོམ་དུ་ཆགས་པ། |
| རྩྭ་ཁུ་བྱུག |
རྩྭ་ཀུ་ཤ། |
| རྩྭ་ཁྲེས |
རྩའི་ཁྲེས་པོ། རྒྱབ་ལ་རྩྭ་ཁྲེས་ཁུར་བ། |
| རྩྭ་གཉེར་ལས་ཁུངས |
སྔར་བོད་ས་གནས་སྲིད་གཞུང་གི་ལས་ཁུངས་ཤིག་ལས་འགན་ནི་གཞུང་གི་རྟ་དྲེལ་ཁག་ལ་རྩྭ་གཟན་གཏོང་རྒྱུ་སོགས་ཡིན། |
| རྩྭ་གདན |
རྩྭ་ལས་བཟོས་པའི་གདན། |
| རྩྭ་གཞོན |
རྩྭ་ལྗང་གསར་པ། |
| རྩྭ་གཟན |
1 རྩྭ་དང་གཟན་པའི་བསྡུས་མིང༌། 2 ཕྱུགས་རིགས་ཀྱི་བཟའ་ཆས། |
| རྩྭ་གཡབ |
རྩྭ་ལས་བཟོས་པའི་ཐོག་གཡབ། |
| རྩྭ་གྲི |
རྩྭ་གཏུབ་བྱེད་ཀྱི་གྲི། |
| རྩྭ་ངན |
ལོ་ཐོག་སོགས་ལ་གནོད་པའི་རྩྭ། ཡུར་མ་རྒྱག་དུས་ཞིང་ནང་གི་རྩྭ་ངན་འགོག་པ། |
| རྩྭ་ཆག |
རྟ་སོགས་ཀྱི་གཟན་པ་དང་འབྲུ་རིགས་ཀྱི་ཆག |
| རྩྭ་ཆུ |
རྩྭ་དང་ཆུ། དབྱར་དུས་རྩྭ་ཆུ་འཛོམས་ལ་དགུན་དུས་གངས་ཆེར་མེད་པ། |
| རྩྭ་ཐག |
རྩྭ་ལས་བཟོས་པའི་ཐག་པ། རྟ་རྒོད་གྱོང་པོ་རྩྭ་ཐག་གིས་འདུལ་མི་ཐུབ། |
| རྩྭ་ཐང |
རྩྭ་སྐྱེས་ཡོད་པའི་ཐང༌། ནོར་ཕྱུགས་རྩྭ་ཐང་སྟེང་དུ་འཚོ། |
| རྩྭ་ཐུན་པ |
རྩྭ་རྔ་མཁན། |
| རྩྭ་དབྱི |
རྩྭ་ལ་གནས་པའི་གཅན་གཟན་གཡི། |
| རྩྭ་དབྱི་མོང |
རྩྭ་ཞིག |
| རྩྭ་དུག |
ནོར་ལུག་གིས་སོས་ཀ་རྩྭ་གསར་མི་འཕྲོད་པ་ཟོས་པ་ལས་བྱུང་བའི་དུག |
| རྩྭ་པདྨ |
སྔོ་སྨན་ཞིག་དེའི་རྩ་བས་ཁྲག་ཚད་སེལ་བ་སོགས་ལ་ཕན། |
| རྩྭ་པུ་ཤེལ་རྩེ |
སྔོ་ཞིག |
| རྩྭ་བཀག |
ཡུལ བཀག་རྩྭ་སྟེ་དབྱར་དང་སྟོན་གྱི་རྩྭ་ས་རང་རང་གི་བདག་ཐོབ་ཡིན་པས་མི་གཞན་གྱི་ཕྱུགས་རིགས་ལ་རྩྭ་ཟ་རུ་མི་འཇུག་པར་བཀག་ནས་སྲུང་བའི་རྩྭ་ཐང༌། |
| རྩྭ་བཀྲམ་པ |
དགག་དབྱེ་སོགས་ཀྱི་སྐབས་རྩྭ་ས་ལ་བཀྲམ་པ། འདུལ་བར་རྩྭ་ཕན་ཚུན་རྩེ་སྤྲོད་དུ་ཉལ་བ་འདྲ་བར་ཕྱོགས་གཉིས་ནས་ཕན་ཚུན་འདུད་པར་གྱུར་པའི་བརྡ་ཐབས་སུ་གནང་བའི་ཕྱག་ལེན་ཞིག |
| རྩྭ་བཀྲམ་པས་ཞིབ |
འདུལ་བ་ལས་བཤད་པའི་རྩོད་པ་ཞི་བྱེད་ཀྱི་ཆོས་བདུན་གྱི་ནང་གསེས་ཤིག་རྩྭ་བཀྲམ་པ་ལྟ་བུའི་སྒོ་ནས་ཞི་བར་བྱེད་པ་ཞེས་པ་དགེ་འདུན་ཕན་ཚུན་ཟིང་ཟིང་པོར་ཕྱག་བྱས་ཏེ་ལྟུང་བ་ཕྱིར་བཅོས་ནས་རྩོད་པ་ཞི་བར་བྱེད་པའོ། |
| རྩྭ་བརྔའི་འུལ་མི |
སྔར་མངའ་བདག་གི་བཀག་རྩྭ་བརྔ་དགོས་པའི་ཁྲལ་ཞིག |
| རྩྭ་བསེ་རུ |
སྔོ་ཞིག |
| རྩྭ་བྱི་འཛིན |
རྩྭ་ཞིག |
| རྩྭ་མཁྲིས |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་སྨན་བྱེད་ཆོག དེ་ལ་རིགས་གཉིས་ཡོད་པའི་ཞིང་སྐྱེས་རྩྭ་མཁྲིས་ནི་ཕུར་མོང་དང་དབྱིབས་འདྲ་ཞིང་ལོ་མ་དང་མེ་ཏོག་དེ་ལས་ཆུང་། རྩྭ་མཁྲིས་བ་མོ་ཁ་ནི་གཞུང་རྟ་ཁེར་སྐྱེས་ཁོག་སྟོང་གི་མགོར་མེ་ཏོག་གོར་མོ་བཞད་པ། རི་མཐོ་སར་སྐྱེ་བ་ཞིག་ཡིན། |
| རྩྭ་མཆོག |
མངོན རྩྭ་ཀུ་ཤ། |
| རྩྭ་མཆོག་གྲོང |
སངས་རྒྱས་མྱ་ངན་ལས་འདའ་སའི་གྲོང་ཁྱེར། |
| རྩྭ་མི་ཤིང་མི |
རྩྭ་ཤིང་འཐུ་མཁན་ཏེ་མི་དཀྱུས་མ་ལ་དམའ་འབེབས་བྱེད་པའི་ཚིག་ཅིག རྩྭ་མི་ཤིང་མི་ཁ་ཤས་བསད། |
| རྩྭ་མུན་ཛ |
རྙིང 1 དྲེས་མ། 2 སྐྱེར་མ། |
| རྩྭ་མེ |
རྩྭ་ལ་འབར་བའི་མེ། རི་ལ་རྩྭ་མེ་མཆེད་པ། |
| རྩྭ་ཞིབ |
རྩྭ་ཕུབ་མ། |
| རྩྭ་ཞྭ |
རྩྭ་ལས་བཟོས་པའི་ཞྭ་མོ། |
| རྩྭ་ཟན |
རྩྭ་ཟ་མཁན་གྱི་རིགས། |
| རྩྭ་ཟོར |
རྩྭ་རྔ་བྱེད་ཀྱི་ཟོར་བ། |
| རྩྭ་འཁོར་མ |
རྩྭས་དཀྲིས་པའི་བུ་རམ་ཞིག |
| རྩྭ་འདག་རྒྱུས |
སྔོ་ཞིག |
| རྩྭ་འབུ |
རྩྭའི་ཁྲོད་དུ་གནས་པའི་འབུ་སྲིན། |
| རྩྭ་འབོལ |
རྩྭའི་ནང་ཚངས་ཅན་གྱི་འབོལ་གདན། |
| རྩྭ་འབྲུ |
སྔོ་སྨན་ཞིག་གློ་གསུད་འཇགས་པ་དང༌། ལུད་པ་གོག་པ། དྲི་ཆུ་འབེབས་པ་སོགས་ལ་ཕན། |
| རྩྭ་ར |
1 རྩྭ་འཇོག་སའི་ར་བ། 2 སྔོ་རྩྭ་སྐྱེ་ཡུལ། རྩྭ་རའི་ནང་དུ་སེམས་ཅན་འཚོ་བ། |
| རྩྭ་རམ་པ |
སྔོ་ཞིག |
| རྩྭ་རམ་བུ |
རྩྭ་རམ་པ་དང་འདྲ། |
| རྩྭ་རས |
རྩྭ་ལས་བཟོས་པའི་རས། |
| རྩྭ་རས་སྐུད་པ |
སོ་མ་རཱ་ཛའི་སྐུད་པ། |
| རྩྭ་རྨ་མདོངས |
སྔོ་ཞིག |
| རྩྭ་རྩེ |
རྩྭའི་རྩེ་མོ། ནོར་མི་རྟག་རྩྭ་རྩེའི་ཟིལ་པ་འདྲ། |
| རྩྭ་ལྡུམ |
རྩྭ་དང་སྔོ་རིགས་གཞན་གྱི་བསྡུས་མིང༌། |
| རྩྭ་ལྡུམ་མཁན་པ |
བསང་ལ་འགྲོ་བའི་རྩྭ་ཞིག |
| རྩྭ་ལྷམ |
རྩྭ་ལས་བཟོས་པའི་ལྷམ། |
| རྩྭ་ཤིང |
རྩྭ་དང་ཤིང༌། |
| རྩྭ་སྒོར |
རྩྭ་དང་ཤིང་ལོས་དཀྲིས་པའི་བུ་རམ་སྒོར་སྒོར། |
| རྩྭ་སྒྱེ |
1 རྩྭ་ལས་བཟོས་པའི་སྒྱེ་མོ། 2 རྩྭ་བླུག་སའི་སྒྱེ་མོ། |
| རྩྭ་སྒྲོན |
1 རྩྭའི་སྒྲོན་མེ། 2 འདྲེ་མེ། |
| རྩྭ་སྔོ་ལྡུམ་བུ |
རྩྭ་སྔོན་པོ་དང་སྔོ་རིགས་གཞན་རྣམས། |
| རྩྭ་སྔོན |
རྩྭ་གསར་པ། |
| རྩྭ་སྙིགས |
ཕྱུགས་ཀྱིས་བཟས་ཟིན་པའི་ལྷག་རོའི་རྩྭ། |
| རྩྭ་སྤྱིལ |
རྩྭའི་ཁང་པ། |
| རྩྭ་སྦ་ལ |
སྔོ་ཞིག |
| རྩྭ་ཨ་ཀྲོང |
ཨ་ཀྲོང་རིགས་ཀྱི་ནང་ཚན་སྤང་ལ་སྐྱེ་བ་ཞིག་ནུས་པ་ཨ་ཀྲོང་དང་མཚུངས། |
| རྩྭ་ཨ་ཝ |
སྔོ་ཞིག |
| རྩྭ་ཨ་ཝའི་ཆོ་ག |
འཕགས་ཡུལ་གྱི་སློབ་དཔོན་ཆེན་པོ་མགོན་པོ་ཀླུ་སྒྲུབ་ཀྱིས་མཛད་པའི་རྩྭ་ཨ་ཝའི་ལས་ཆོག་སྣ་ཚོགས་བཀོད་པའི་སྨན་གྱི་བསྟན་བཅོས་ཤིག |
| རྩྭའི་ད་བྱིད |
རྩངས་པ། |
| རྫ |
རི་བོ་མཐོན་པོའི་མིང་རྫ་རི། བྲག་རི། རྫ་ཁའི་ཞིང་། རྫ་མགོ་ཞེས་པ་ལྟ་བུ། |
| རྫ་ཀོང |
རྫ་ལས་བཟོས་པའི་མར་མེའི་ཀོང་བུ། |
| རྫ་ཁང |
རྫ་ཆས་བཟོ་སའི་ཁང་པ། |
| རྫ་ཁུང |
རྫ་ས་འདོན་ཡུལ་ས་ཁུང༌། |
| རྫ་ཁོག |
སས་བཟོས་པའི་སྣོད་སྤྱད་སོ་བཏང་ཟིན་པ། རྫ་ཁོག་ཆག་ན་སྤྱི་གྱོང༌། ཕོར་པ་ཆག་ན་སྒེར་གྱོང༌། |
| རྫ་ཁྲལ |
སྔར་བོད་ས་གནས་སྲིད་གཞུང་ལ་རྫ་མཁན་གྱིས་འབུལ་དགོས་རྫ་སྣོད་ཀྱི་ཁྲལ། |
| རྫ་གཏུགས |
རྫ་སྣོད་ཀྱི་གས་ཆག་གསོ་བ། |
| རྫ་གཞོང |
རྫ་མའི་གཞོང་པ། |
| རྫ་གཟོང |
རྫ་ཁོག་བཟོ་བྱེད་ཀྱི་ལག་ཆ་ཞིག |
| རྫ་གཡམ |
སས་བཟོས་པའི་གཡམ་པ། |
| རྫ་གཡམ་གཡུ་རྩི་ཅན |
ཚོན་མདོག་གང་རུང་གི་རྩི་བཏང་བའི་རྫ་ལས་བཟོས་པའི་གཡམ་པ། |
| རྫ་གསར |
རྫ་ཆས་གསར་པ། |
| རྫ་གསེང |
རྫ་རིའི་བར་གསེང༌། |
| རྫ་གསེབ |
རྫ་རིའི་ཁྲོད། |
| རྫ་གྲི |
རྫ་མཁན་གྱི་ལག་ཆ་གྲི་ཞིག |
| རྫ་ཆས |
སས་བཟོས་པའི་ཡོ་བྱད། |
| རྫ་ཆུ |
1རང་རེའི་ཆུ་བོ་ཆེན་པོ་ཞིག་མཚོ་སྔོན་ཡུལ་ཤུལ་ཁུལ་གྱི་ནུབ་རྒྱུད་ནས་འགོ་ཐོན་ཏེ་ཡུན་ནན་ཞིང་ཆེན་བརྒྱུད་ནས་ཧིན་དུ་ཙི་ནར་འབབ། 2རྫ་རི་ནས་བབས་པའི་ཆུ་རྫ་ཆུ་གངས་ཆུ་གཡའ་ཆུ་གསུམ་ཞེས་པ་ལྟ་བུ། རྫ་མ་ཞེས་པའི་མིང་བསྡུས་པ། |
| རྫ་ཉུངས |
སྨན་ཨ་བྷི་ཥའི་མིང་གི་རྣམ་གྲངས་ཤིག |
| རྫ་དམ |
རྫ་མའི་དམ་བེ། |
| རྫ་དུག |
ལ་དུག་དང་དོན་གཅིག་ |
| རྫ་ནག་རི |
རྫ་རྡོ་ནག་ཐིབས་བེར་ཡོད་པའི་རི། |
| རྫ་པར |
སས་བཟོས་པའི་རྫ་ཁོག་གི་པར། |
| རྫ་ཕག |
སོ་བཏང་བའི་ས་ཕག |
| རྫ་ཕུར |
ཡུལ རྡོ་ལ་བཟོ་དབྱིབས་འདོན་བྱེད་ཀྱི་ལྕགས་ཕུར། |
| རྫ་ཕོར |
རྫའི་ཕོར་པའམ་ཁམ་ཕོར། |
| རྫ་བུམ |
རྫའི་བུམ་པ། |
| རྫ་བེ་རྫུབ་བེ |
རྫབ་ལ་ལྟོས། |
| རྫ་བེན |
རྫའི་ཆུ་སྣོད། |
| རྫ་བྲ |
རྫ་གསེབ་ཏུ་སྡོད་པའི་བྲ་བའམ་ཨ་བྲ། |
| རྫ་བྲག |
རྫ་རིའི་བྲག་རྡོ། |
| རྫ་མ |
ས་འདམ་གྱི་རིགས་ཤིག་གིས་བཟོས་ནས་སོ་བཏང་བའི་སྣོད་སྣ་ཚོགས་ཀྱི་སྤྱི་མིང་། རྫ་མ་བཟོ་བའི་ཐབས་ལྟར་བཟོས་པའི་དངོས་རྫས་གཞན་གྱི་མིང་རྫ་མའི་མི་གཟུགས་ཞེས་པ་ལྟ་བུ། ０མིང་བསྡུས་ན་རྫ་ཞེས་འབྲི་ཆོག་ཆང་རྫ། ཆུ་རྫ། རྫ་སྐུ། རྫ་རྩི་ཞེས་པ་ལྟ་བུ། |
| རྫ་མཁན |
རྫ་སྣོད་བཟོ་མཁན། རྫ་མཁན་གྱི་འཁོར་ལོ། མིང་གི་རྣམ་གྲངས་ལ་འཁོར་ལོས་འཚོ་དང༌། བུམ་མཁན། དབྱུ་གུ་སྒྱུར། ས་ཡི་ལས་བྱེད་བཅས་སོ། |
| རྫ་མདོག |
ཚོས་ལི་སྨུག་སྟེ་ལི་ཁྲི་དང༌། སྣག་ཚ། མཐིང༌། བ་བླ་བཅས་བསྲེས་པའི་མདོག |
| རྫ་མི |
རྫ་ཁྲོད་དུ་སྡོད་པའི་མི་ཆུང་གི་དབྱིབས་ཅན་སྲོག་ཆགས་ཤིག |
| རྫ་ཡུང |
སྨན་ཨ་བྷི་ཥའི་མིང་གི་རྣམ་གྲངས་ཤིག་ |
| རྫ་ཡུལ |
རྫོང་ཞིག་བོད་རང་སྐྱོང་ལྗོངས་ཀྱི་ཤར་ལྷོའི་མཚམས་ཡར་ཀླུངས་གཙང་པོའི་ཆུ་ལག་གསང་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་སྐྱིད་སྒང་དུ་ཡོད། |
| རྫ་ཡུལ་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་རྫ་ཡུལ་རྫོང་ཁུལ་གྱི་འབབ་ཆུ་ཆེ་ཤོས་ཤིག་ཡིན། དེའི་སྟོད་རྒྱུད་ལ་གསང་ཆུ་ཟེར། ལྷོ་ངོས་རྒྱ་གར་ཕྱོགས་ལ་འབབ། |
| རྫ་རི |
རྩྭ་ཤིང་མེད་པར་ཕ་བོང་ཆེ་ཆུང་གིས་ཁེངས་པའི་རི།…2.རྫ་བྲ་དང་དོན་གཅིག་ |
| རྫ་རི་ཁ་སྦྱོར |
དཀྲུག་ཤིང་བརྒྱབ་ནས་མཐུན་པ་མི་མཐུན་པ་བཟོ་བའི་དཔེ། |
| རྫ་རྔ |
མདུན་དུ་བཏགས་ཏེ་གཡས་གཡོན་ནས་དབྱུག་གུས་བརྡུང་རྒྱུའི་རྔ་ཞིག |
| རྫ་རྔ་ཁ་གཅིག་པ |
རྔའི་བྱེ་བྲག་ཅིག |
| རྫ་ལེབ་ལ |
བོད་རང་སྐྱོང་ལྗོངས་ཀྱི་གྲོ་མོ་རྫོང་གི་ལྷོ་རྒྱུད་གྲོ་མོར་ཡོད། |
| རྫ་ལྕུམ |
རྫ་ཁྲོད་ལ་སྐྱེས་པའི་ལྕུམ། |
| རྫ་ས |
རྫ་ཡི་སྣོད་སྤྱད་བཟོ་བྱེད་ཀྱི་ས། |
| རྫ་སོ་བཏང་བ |
མེར་བསྲེགས་པའི་གྱོ་མོ་དང་རྫ་ཆས། |
| རྫ་སོ་མ་བཏང་བ |
མེ་ལ་མ་བསྲེགས་པའི་རྫ་མ། |
| རྫ་སོའི་ར་སྐོར |
རྫ་སྣོད་སོ་གཏོང་སའི་ར་སྐོར། |
| རྫ་སྐུ |
སས་བཟོས་པའི་འདྲ་བརྙན། |
| རྫ་སྟོད |
རྫོང་ཞིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ལྷོ་རྒྱུད་དང་གདང་ལའི་བྱང་ཕྱོགས་སུ་ཡོད། རྫོང་མི་དམངས་སྲིད་གཞུང་དེ་བྱ་ཕུག་ཐང་དུ་ཡོད། |
| རྫ་སྡེར |
སས་བཟོས་པའི་སྡེར་མ། |
| རྫ་སྣོད |
སས་བཟོས་པའི་སྣོད་སྤྱད། |
| རྫ་སྤང |
རྫ་རི་དང་སྤང་རིའི་བསྡུས་མིང༌། |
| རྫ་སླང |
རྫ་ལས་བཟོས་པའི་སླ་ང། |
| རྫང |
སྒམ་དང་དོན་གཅིག |
| རྫབ |
འདམ་དོང་ངམ་འདམ་དོང་ནང་གི་འདམ་གྱི་མིང་འདམ་རྫབ། རྫབ་འདམ་ཞེས་པ་ལྟ་བུ། (རྒྱན་ཚིག) <ཀ>བརྫུས་མའི་དོན་ཏེ། སྐད་ཆ་རྫབ་རྫུབ་མ་བཤད་ལྟ་བུ། ཡུལ་སྐད་ལ་རྫ་བེ་རྫུབ་བེ་ཟེར་བ་དང་དོན་འདྲ། <ཁ>རྩི་ཤིང་སྟུག་པོར་སྐྱེས་པའི་དོན་ཏེ། ནགས་རྫབ་རྫུབས། རྩྭ་རྫབ་རྫུབས་ཞེས་པ་ལྟ་བུ། |
| རྫབ་ཆེ་བ |
1 འདམ་རྫབ་ཆེ་བ། 2 ཡུལ ཡ་མེད་ཚ་པོའམ་ཉེས་པའི་ལས་ཀར་མི་འཇིགས་པ། |
| རྫབ་ཆེན |
ཡུལ ཡ་མེད་ཚ་པོའམ་ཉེས་པའི་ལས་ལ་མི་འཇིགས་པ། མཁས་རློམ་རྫབ་ཆེན། རྐུན་མ་རྫབ་ཆེན། |
| རྫབ་དོང |
འདམ་རྫབ་ཀྱི་ས་དོང༌། |
| རྫབ་ཕག་སྤུ་མ |
རྫབ་ཡ་ཞེས་པ་ཕག་པའི་སྤུ་རིས་ལྟ་བུ་ཡོད་པའི་ཤིང་གི་ཝ་བ་ཞིག |
| རྫབ་ཕོར |
རྫབ་ཡའི་ཕོར་པ། རྫབ་ཕོར་དངུལ་ཤན་མ། |
| རྫབ་བི་རྫུབ་བི |
ངེས་པ་མེད་པའམ་གཡོ་སྒྱུ་ཟོལ་ཟོག་གི་ཚུལ། གཡོ་ཟོལ་རྫབ་རྫུབ། ལས་སྟངས་རྫབ་བི་རྫུབ་བི། |
| རྫབ་བེ་རྫོབ་བེ |
1 རྫུན་གྱི་རང་བཞིན། གཏམ་རྫབ་བེ་རྫོབ་བེ་མ་ཤོད། 2 མི་གཙང་ལྗན་ལྗིན་གྱི་ཚུལ། ལུད་སྙིགས་རྫབ་བེ་རྫོབ་བེ་ཞིང་གར་སྐྱེལ། |
| རྫབ་ཞལ |
ཤིང་རིགས་རྫབ་ལས་བཟོས་པའི་ཕོར་པ། |
| རྫབ་འཛིན |
སྔར་སྨོན་ལམ་ཚུགས་དུས་ལྷ་ལྡན་མི་དམངས་ཀྱི་གྲོང་ཁྱིམ་ཕྱི་ནང་དུ་རྫབ་ཆུ་རྫབ་ལུད་གསོག་ཉར་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| རྫབ་འུག་སྒྲོ་མ |
རྫབ་ཡ་རི་མོ་འུག་པའི་སྒྲོ་རིས་ལྟ་བུ་ཡོད་པ་ཞིག |
| རྫབ་ཡ |
ཕོར་པ་དཀྲུག་བྱེད་ཤིང་གི་ཝ་བ་ཞིག |
| རྫབ་ཡ་མེ་འབར་མ |
ཕོར་པ་དཀྲུག་བྱེད་ཤིང་གི་ཝ་བ་ཡག་ཤོས་རྫབ་ཡ་ལ་མཚན་མོ་མེ་འོད་འཕྲོ་སྐད། |
| རྫབ་ཡའི་ཕོར་པ |
ཤིང་རྫབ་ཡ་ལས་བཟོས་པའི་བཏུང་སྣོད། |
| རྫབ་རྟོལ་མཆིན་མ |
རྫབ་ཡ་ཞེས་པ་མཆིན་པའི་རི་མོ་ལྟ་བུ་ཡོད་པའི་ཤིང་གི་ཝ་བ་ཞིག |
| རྫབ་རྫུབ |
རྫབ་བི་རྫུབ་བིའི་བསྡུས་མིང༌། |
| རྫབ་རྫོབ |
རྫབ་བེ་རྫོབ་བེའི་བསྡུས་མིང༌། |
| རྫམ་ཤིང |
དྲེལ་ལ་སྒ་རྒྱག་སྐབས་བརླ་ཤའི་འཕྲེད་དུ་གཏོང་རྒྱུའི་ཤིང་ཧྲིལ། |
| རྫས |
1 ཀ་ཅ། ནོར་རྫས། དངོས་རྫས། 2 སྒྲ་དང་རྟོག་པས་བཏགས་པ་ཙམ་མིན་པར་དོན་དམ་པར་དོན་བྱེད་ནུས་པའམ་སྐྱེས་བུའི་དགོས་དོན་སྒྲུབ་ནུས་པ། གཟུགས་སྒྲ་ལྟ་བུའོ། 3 འབར་བྱེད་ཀྱི་རྫས། མེ་མདའི་རྫས། |
| རྫས་ཀྱི་ཐིག་ལེ |
རྒྱུད་ལས་གསུངས་པའི་ཁམས་དཀར་དམར་དེ་འཆིང་བྱེད་ཀྱི་ཐབས་དང་བཅས་པ། |
| རྫས་ཀྱི་དགག་དབྱེ |
དགག་དབྱེ་དངོས་ཀྱི་ཆོ་གའི་གྲས་ཤིག་དབྱར་ནང་གི་རྙེད་པ་བགོ་བའི་ཆེད་དུ། བསྐོས་པའི་དགེ་སློང་གིས་ཁབ་ལ་སོགས་པའི་རྫས་ཕྲན་ཚེགས་ཀྱིས་རྫས་ཀྱི་དགག་དབྱེའི་སྒོ་ཕྱེ་ནས་སྦྱིན་བདག་གཞན་གྱིས་རྙེད་པ་དང་བཀུར་སྟི་རྒྱ་ཆེན་པོས་མཆོད་པ་བྱེད་པའོ། |
| རྫས་ཀྱི་བླ |
རྙིང ཁང་སྐྱོང་ངམ་མཁོ་བའི་ཡོ་བྱད་སྲུང་མཁན། |
| རྫས་ཀྱི་རང་བཞིན་བརྗོད་པ |
རང་བཞིན་བརྗོད་པའི་རྒྱན་གྱི་ནང་གསེས་བདག་པོ་དང་འབྲེལ་བའི་རྫས་གང་རུང་གི་གནས་ལུགས་དྲང་པོར་བརྗོད་པའི་རྒྱན་ཞིག |
| རྫས་ཀྱི་རིག་འཛིན |
གསང་སྔགས་ཀྱི་སྤྱོད་འབྲས་ཐུན་མོང་བ་ཞིག་རལ་གྲི་དང་རིལ་བུ་སོགས་རྫས་ལ་བརྟེན་ནས་དངོས་གྲུབ་བསྒྲུབས་པས་ལྷ་དང་མིའི་གནས་རྣམས་སུ་ཐོགས་མེད་དུ་རྒྱུ་ཞིང༌། རིག་སྔགས་ཀྱིས་སེམས་ཅན་ལ་ཕན་འདོགས་ཤིང་ཚར་གཅོད་པར་ནུས་པའོ། |
| རྫས་ཀྱི་ཤན |
འདུལ་བ་ལས་བཤད་པའི་ཤན་གསུམ་གྱི་ནང་གསེས་ཤིག་ཡོ་བྱད་སྔ་མ་ལ་བདག་ཏུ་འཛིན་པ་ཞུགས་པའི་ནུས་པས་ཡོ་བྱད་ཕྱི་མ་ལ་ཡང་གོས་པར་བྱས་པའི་སྟོབས་ཀྱིས་ལྟུང་བ་གཞན་སྐྱེད་པར་བྱེད་པའི་རིགས་སུ་གནས་པའོ། དེ་ལ་ནང་གསེས་སུ་གོས་ཀྱི་ཤན་དང༌། སྨན་གྱི་ཤན་དང༌། ལྷུང་བཟེད་ཀྱི་ཤན་བཅས་གསུམ་ཡོད། |
| རྫས་ཁུག |
1 དངོས་རྫས་བླུག་སྣོད་ཁུག་མ། 2 བོད་མདའི་འབར་རྫས་བླུག་སྣོད། |
| རྫས་ཁུང |
1 བྲག་རྡོ་གཤག་སྐབས་རྫས་བླུག་སའི་མིག་ཁུང༌། 2 བོད་མདའི་སྣ་རྫས་བླུག་སའི་ལྕགས་ལྷེབ་ཨི་ཁུང་ཅན། |
| རྫས་གཅིག་པ |
རྫས་ཀྱི་སྒོ་ནས་སོ་སོ་བ་མ་ཡིན་པར་སྐྱེས་པའི་ཆོས། བུམ་པ་དང་བུམ་པའི་མཆུ་ལྟ་བུའོ། མེ་དང་མེའི་མཚན་ཉིད་ཚ་བ་གཉིས་རྫས་གཅིག་པ་རེད། |
| རྫས་གཞོང |
མེ་མདའི་རྫས་འདུལ་གཞོང༌། |
| རྫས་གྲི |
མེ་མདའི་རྫས་དབུར་དུས་དགོས་པའི་ཤིང་གི་གྲི་ཆུང་ཞིག |
| རྫས་ངན |
རྫས་དྲི་ངན་པའམ་དུག་ཡོད་པའི་རྫས་ཆ། རྫས་ངན་སྦྱོར་བ། རྫས་ངན་གཏོང་བ། |
| རྫས་ཆོས |
1 དོན་དམ་པར་དོན་བྱེད་ནུས་པའི་དངོས་གཟུགས་ལྟ་བུའོ། 2 རྫས་ཀྱི་བདག་ཉིད་དུ་གྱུར་པའི་གཟུགས་ཀྱི་ཡོན་ཏན། དཔེར་ན། གཟུགས་ཀྱི་མི་རྟག་པ་ལྟ་བུའོ། |
| རྫས་ཐ་དད་པ |
རྫས་ཀྱི་སྒོ་ནས་སོ་སོ་བར་སྐྱེས་པའི་ཆོས་གཟུགས་ཤེས་གཉིས་ལྟ་བུའོ། |
| རྫས་ཐུན |
མེ་མདའ་འཕེན་ཐེངས་གཅིག་རེའི་རྫས་འབོར་གྱི་ཚད་གཞི། |
| རྫས་དམ |
1 སྨན་དང་མངར་ཆ་སོགས་བླུག་སྣོད་ཅིག 2 མེ་མདའི་རྫས་བླུག་སྣོད་དམ་བེ། |
| རྫས་དྲི |
འབར་བྱེད་ཀྱི་རྫས་དྲི། |
| རྫས་ཕྲ་བ |
ཤ་མིག་གིས་མཐོང་མི་ཐུབ་པའི་རྫས་གཟུགས་ཕྲ་བ། |
| རྫས་བཟོའི་སྐོར་ཐང |
མེ་མདའི་རྫས་ལ་མུ་ཟི་སོགས་མང་ཉུང་སྲེ་ལུགས་ཀྱི་སྐོར་ཐང༌། |
| རྫས་བརྗོད་པ་ཐོག་མའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཐོག་མར་བཀོད་པའི་རྫས་ཀྱི་གསལ་བྱེད་དེས་ཕྱི་མ་ཀུན་གསལ་བར་བྱེད་པའི་རྒྱན་ཞིག |
| རྫས་མ་ཚང་བའི་ཁྱད་པར་བརྗོད་པ |
ཁྱད་པར་བརྗོད་པའི་རྒྱན་གྱི་ནང་གསེས་ཤིག་བརྗོད་འདོད་དངོས་པོ་གང་ཞིག་གི་རྫས་སམ། ཡོ་བྱད་ཀྱི་ཆ་ལག་མ་ཚང་ཡང༌། ཚང་བ་དང་འདྲ་བའི་རྫས་ཀྱི་བྱེད་ལས་ཁྱད་འཕགས་སྟོན་པའི་རྒྱན་ཞིག |
| རྫས་མ་ཡིན་པ |
གཟུགས་ཅན་གྱི་རྒྱུའམ་དངོས་པོ་མིན་པ། སེམས་དང་ནམ་མཁའ་གཟུགས་ཅན་གྱི་རྫས་མ་ཡིན་པ། |
| རྫས་མཚུངས་པ |
རྒྱུ་ཆ་འདྲ་བ། ཆང་དང་ཨ་རག་གཉིས་ཀྱི་རྫས་མཚུངས་པ། མར་དང་ཞོ་གཉིས་རྫས་མཚུངས་པ། |
| རྫས་འགྱུར་རིག་པ |
དངོས་པོ་ཆགས་བྱེད་ཀྱི་རྫས་དང་དངོས་པོ་འགྱུར་ལྡོག་བྱེད་པའི་ཆོས་ཉིད་ལ་བརྟག་དཔྱད་བྱེད་པའི་རིག་པའི་མིང་། |
| རྫས་ཡོད |
1 རྫས་སུ་གྲུབ་པ་སྟེ་དངོས་པོར་ཡོད་པ། བུམ་པ་ལྟ་བུའོ། 2 རང་ཉིད་ངོས་གཟུང་རྒྱུ་དེ་ཆོས་གཞན་ངོས་གཟུང་བ་ལ་བལྟོས་མི་དགོས་པའི་དངོས་པོ་ཞིག |
| རྫས་ཡོད་ཀྱི་ཆོས |
དངོས་སྨྲ་བས་དོན་བྱེད་ནུས་པའི་དངོས་པོ་ཐམས་ཅད་རྫས་ཡོད་དུ་འདོད་དོ། |
| རྫས་ཡོད་ཆོས་གསུམ |
མཚན་ཉིད་ཡིན་པའི་རྫས་སུ་ཡོད་པའི་ཆོས་གསུམ་མཚན་ཉིད་ཡིན་པ། རང་གི་མཚན་གཞིའི་སྟེང་དུ་གྲུབ་པ། རང་གི་མཚོན་བྱ་ལས་གཞན་པའི་མཚན་ཉིད་མི་བྱེད་པ་བཅས་གསུམ་མོ། |
| རྫས་ཡོད་བཞི |
རྫས་ཡོད་ལ་སྒྲས་བརྗོད་རིགས་ཀྱིས་དབྱེ་ན། རིགས་པས་གྲུབ་པའི་རྫས་ཡོད་དང༌། བརྟན་པ་མི་འགྱུར་བའི་རྫས་ཡོད་དང༌། དོན་བྱེད་ནུས་པའི་རྫས་ཡོད་དང༌། རང་རྐྱ་འཛིན་ཐུབ་པའི་རྫས་ཡོད་དེ་བཞིའོ། |
| རྫས་རགས་པ |
ཤ་མིག་གིས་མཐོང་ཐུབ་པའི་རྫས་གཟུགས་ཆེ་བ། |
| རྫས་རིགས་གཅིག་པ |
རིགས་གཅིག་པའི་ནང་གསེས། རང་གི་ཉེར་ལེན་གཅིག་ལས་སྐྱེས་པའི་ཐ་དད་པའི་དངོས་པོ། དཔེར་ན་འཇིམ་པ་གཅིག་ལས་གྲུབ་པའི་རྫ་བུམ་དཀར་ནག་གཉིས་དང༌། རང་རྒྱུ་སྔ་མའི་བློ་གཅིག་ལས་སྐྱེས་པའི་སེམས་སེམས་བྱུང་ལྟ་བུའོ། |
| རྫས་རིལ |
1 མེ་མདའི་རྫས་འདུལ་བྱེད་རྡོ་རིལ། 2 རྫས་ཀྱི་རིལ་བུ། |
| རྫས་རུ |
རྫས་རྭ་སྟེ་རྭ་ཅོ་ལས་བཟོས་པའི་རྫས་སྣོད། |
| རྫས་རྒྱུན |
རྫས་ཀྱི་རྒྱུན་ཏེ། དངོས་པོ་རང་ཉིད་ཀྱི་སྐད་ཅིག་དུ་མའི་ཡུན། དཔེར་ན། ནས་ཀྱི་ས་བོན་ལས་ནས་ཀྱི་མྱུ་གུ་སྐྱེ་བའི་བར་གྱི་རང་ཉིད་ཀྱི་རྒྱུན་ལ་ནས་ཀྱི་རྫས་རྒྱུན་ཞེས་པ་ལྟ་བུའོ། |
| རྫས་རྭ |
བོད་སོག་གི་མེ་མདའི་རྣ་རྫས་བླུག་བྱེད་རྭ་ཅོ་ལས་བཟོས་པ་ཞིག |
| རྫས་ལས་མིན་པ |
རྫས་ལས་བྱུང་བ་མ་ཡིན་པའི་གཟུགས་མེད་དངོས་པོ་སེམས་ལྟ་བུ། རྫས་ལས་མིན་པའི་དངོས་པོར་རྗེས་དཔག་གི་རིགས་པས་དཔྱད་དགོས། |
| རྫས་ལུས་ལོངས་སྤྱོད་ཀྱི་དངོས་གྲུབ |
དངོས་གྲུབ་བསྒྲུབ་པའི་སྤྱོད་པ་ཞིག་རྫས་རལ་གྲི་དང་མིག་སྨན་སོགས་ལ་བརྟེན་ནས་མཁའ་སྤྱོད་དུ་འགྲོ་བ་དང༌། ལུས་ཕུང་པོ་རགས་པ་སྦྱངས་ནས་ཕྲ་བ་དང་ཡང་བ་སོགས་ཀྱི་དབང་ཕྱུག་གི་ཡོན་ཏན་བརྒྱད་མངོན་དུ་བྱས་ཏེ་མཁའ་སྤྱོད་དུ་འགྲོ་བ་དང༌། ལོངས་སྤྱོད་མིའི་འཁོར་ལོས་བསྒྱུར་བ་ལྟ་བུ་ནས་མཁའ་སྤྱོད་དུ་འགྲོ་བའོ། |
| རྫས་སུ་གྲུབ་པ |
དངོས་སྨྲ་བས་དོན་བྱེད་ནུས་པའི་ཆོས་ཐམས་ཅད་རྫས་སུ་གྲུབ་པར་འདོད་དོ། |
| རྫས་སུ་མེད་པ |
དངོས་སུ་མེད་པའམ་གཟུགས་སུ་མེད་པ། |
| རྫས་སུ་ཡོད་པ |
དངོས་སུ་ཡོད་པ་སྟེ་རང་གི་འབྲས་བུ་སྐྱེད་པའི་ནུས་པ་ཡོད་པའི་དངོས་པོའོ། |
| རྫས་སྦྱོར |
སྨན་རྫས་སྣ་ཚོགས་སྦྱོར་བ་ལྟ་བུ། |
| རྫི |
1 1 རིག་ཤེས། ཁྱི་དེ་རྫི་ཡག་པོ་འདུག ལུས་སྟོབས་ཉམས་ནས་རྫིའང་རྡིབ་སོང༌། 2 རྙིང རླུང༌། 2. གྲངས་གནས་ཤིག |
| རྫི |
(བྱེད་འབྲེལ་ལས་ཚིག་ད་ལྟ་བ) དངོས་རྫས་ལ་ཆུ་དང་བརླན་གཤེར་གྱི་རིགས་སྲེ་བ་ཕྱེ་རྫི་མཁན། འཇིམ་པ་རྫི་བཞིན་པ་ཞེས་པ་ལྟ་བུ། 2.རླུང་གི་མིང་གཞན་ཏེ། རླུང་དང་འདྲེས་པའི་དྲག་ཆར་ལ་རྫི་ཆར་དང་། རླུང་ཕྱོགས་ལ་རྫི་ཕྱོགས་ཟེར་བ་ལྟ་བུ། གཞན་གྱི་ཟས་སོགས་ལོངས་སྤྱོད་པར་འཛེམ་དོགས་དང་ངོ་ཚ་བྱེད་པའི་བྱ་སྤྱོད་ཀྱི་མིང་རང་ཟས་རང་གིས་ཟ་བར་རྫི་མི་བྱེད། མི་རྫི་མེད། མི་རྫི་ཆེན་ཞེས་པ་ལྟ་བུ། ０རྫི་བོ་ཞེས་པའི་མིང་བསྡུས་པ། |
| རྫི་གསང |
1 སྣའི་རྫི། ནོར་སྲུང་རྫི་གསང་ཅན། 2 སྤྱང་གྲུང༌། |
| རྫི་གསང་དོད་པོ |
གྲུང་ཤ་དོད་པོ། མི་དེ་རྫི་གསང་དོད་པོ་ཞིག་འདུག |
| རྫི་གསང་བ |
1 སྤྱང་གྲུང་འཛོམ་པོ། 2 མངོན ཁྱི། |
| རྫི་ཆར |
རླུང་ཆར། རྫི་ཆར་ཟིམ་བུ། |
| རྫི་དུག |
རྫི་སྟེ་རླུང་གི་མིང་ཡིན་པས། སྦྱར་དུག་གི་ནང་ཚན་དུ་བ་རླུང་གི་རྫི་ལ་རྟ་བྱས་ནས་བསྐུར་བའི་དུག |
| རྫི་ཕྱོགས |
ལྷགས་པ་གང་ནས་ཡོང་བའི་ཕྱོགས། རྔོན་པས་རྫི་ཕྱོགས་ལ་བལྟས་ཏེ་རི་དྭགས་གསོད་པར་འཇབ་པ། |
| རྫི་བ |
ཐ་མི་དད་པ བརྫིས་པ། བརྫི་བ། རྫིས།། 1 སྣོ་བ་དང་སྦྲུ་བའམ་གཡོས་སྦྱོར་བྱེད་པ། ཟན་བརྫིས་པ། 2 གནོན་པ། རྐང་པས་བརྫིས་པ། མགོ་རྡོག་པས་བརྫིས་པ། 3 གནོད་པ། གཞན་གྱིས་མི་བརྫི། |
| རྫི་བོ |
ཕྱུགས་འཚོ་མཁན་ཏེ། ལུག་གི་རྫི་བོ། གནག་གི་རྫི་བོ་ཞེས་པ་ལྟ་བུ། མིང་མཐའ་བསྡུས་ན་རྫི་ཞེས་འབྲི་ཆོག་ཕྱུགས་རྫི། ལུག་རྫི། གནག་རྫི་ཞེས་པ་སོགས་ལྟ་བུ། |
| རྫི་བོ་མེ་ཏོག |
དཔྱིད་བསུ་མེ་ཏོག |
| རྫི་བོ་ལྟ་བུའི་སེམས་བསྐྱེད |
སྔོན་དུ་སེམས་ཅན་ཐམས་ཅད་སངས་རྒྱས་ཀྱི་གོ་འཕང་ལ་བཀོད་དེ་རྗེས་སུ་རང་ཉིད་འཚང་རྒྱ་བར་བྱ་སྙམ་པའི་སེམས་བསྐྱེད་དེ་དཔེ་མེད་པའི་སེམས་བསྐྱེད་ཅེས་ཀྱང་བྱ། |
| རྫི་མ |
མིག་ལྕིབས་ཀྱི་ཁར་སྐྱེས་པའི་སྤུ་ཕྲ་མོ་དེའི་མིང་། དེས་ས་རྡུལ་སོགས་མིག་ནང་དུ་འགྲོ་བ་འགོག་ཐུབ་ལ། འོད་ཟེར་དྲག་པོའང་སྒྲིབ་ཐུབ། |
| རྫི་མ་སྟུག་པའི་དཔེ་བྱད |
སངས་རྒྱས་ཀྱི་དཔེ་བྱད་བརྒྱད་ཅུའི་ནང་གསེས་ཤིག་སེམས་ཅན་གྱི་ཚོགས་དྲངས་པ་ཉིད་ཀྱིས་རྫི་མ་སྟུག་པ། |
| རྫི་མེད |
1 དྲི་ཚོར་རྒྱུ་མེད་པ། 2 སྤྱང་གྲུང་མེད་པ། 3 སྲུང་མཁན་མེད་པ། 4 མིག་གི་རྫི་མ་མེད་པ། |
| རྫི་ཡག་པོ |
རྫི་གསང་པོ། ཁྱི་རྫི་ཡག་པོས་གཅན་གཟན་ཡོང་བ་ཤེས་ཡོང༌། |
| རྫི་རིག་པ |
སྣའི་རྫི་ཡིས་ཤེས་པ་དོན་གནད་ཀྱི་ཟུར་ཙམ་ཧ་གོ་བ། |
| རྫི་རྣོན་པོ |
དྲི་ཚོར་སྐྱེན་པོ་དང་གསལ་པོ། སྒོ་ཁྱི་རྫི་རྣོན་པོ། |
| རྫི་རླུང |
རླུང་ངམ་ལྷགས་པ། རྫི་རླུང་འཇམ་པོ། རྫི་རླུང་དྲག་པ། |
| རྫི་ཤ་ལུག་པ |
བཤང་ལམ་ནས་རྒྱུ་མ་ཕྱིར་ལུག་པ། |
| རྫི་སྐོར |
ཡུལ 1 ཕྱུགས་རྫི་སྡོད་སའི་ར་སྐོར། 2 ཁྱི་དང་གཅན་གཟན་གྱིས་རྫི་སྣོམ་བཞིན་དུ་གང་སར་སྐོར་བ་རྒྱག་ཚུལ། |
| རྫིག་གཏམ |
གཞན་ལ་སྡིགས་མོ་བྱེད་པའི་སྐད་ཆ། |
| རྫིག་ཉམས |
འདྲ་ཆགས་མདོག་ཁ་པོ། ཁོག་ལ་དཔའ་མེད་ཕྱི་ལ་རྫིག་ཉམས་སྟོན། |
| རྫིག་པོ |
1 འདྲ་ཆགས་པོ། གཟུགས་སྟོབས་ཆེ་བའི་མི་རྫིག་པོ། ཕྱི་རྫིག་ནང་སྟོང༌། 2 ཕྱུག་པོ། མི་ཚང་རྫིག་པོ། |
| རྫིག་འཐེན |
ཉམས་ཀྱིས་འཐེན་པ། ཁྱིས་རྫིག་འཐེན་ཐག་པ་ཆད་ན་མེད། |
| རྫིག་རྫིག |
1འཇིགས་སུ་རུང་བ་དང་རྔམ་པའི་རྣམ་པ་གཅན་གཟན་ཁྲོས་ནས་རྫིག་རྫིག་བྱེད་ལྟ་བུ། 2འཇིགས་རྔམ་གྱི་མིང་རྫིག་རྫིག་ཆེ་མདོག་ཁ་བོ་མ་བྱེད་ལྟ་བུ། |
| རྫིང |
གཅིན་གྱི་མིང་གཞན་ཏེ། ར་རྫིང་། རྟ་རྫིང་། རྫིང་འདམ་ཞེས་པ་ལྟ་བུ། རྫིང་བུ་ཞེས་པའི་ཚིག་བསྡུས་པ། |
| རྫིང་དབོལ |
རྙིང རྫིང་བུ་དབྲལ་བའམ་རྫིང་ཆུ་ཕྱིར་འདོན་པ། |
| རྫིང་དྲུང་སྐྱེས |
མངོན གུར་ཀུམ། |
| རྫིང་བུ |
མཚོ་དང་མཚེའུ་ལས་ཆུང་བའི་ཆུ་འཁྱིལ་གྱི་མིང་པད་མའི་རྫིང་བུ། ཁྲུས་ཀྱི་རྫིང་བུ། ཆུ་རྐྱལ་གྱི་རྫིང་བུ། ཉ་གསོ་བའི་རྫིང་བུ་ཞེས་པ་སོགས་ལྟ་བུ། ཚིག་བསྡུས་ན་རྫིང་ཞེས་འབྲི་ཆོག་ཁྲུས་རྫིང་། ཉ་རྫིང་ཞེས་པ་ལྟ་བུ། |
| རྫིང་བུ་དལ་འབབ |
ཤིང་སཱ་ལ་རབ་བརྟན་དེའི་ཤར་ཕྱོགས་དཔག་ཚད་ཉི་ཤུ་འདས་པ་ན་རྫིང་བུ་དལ་འབབ་ཅེས་བྱ་བ་རྒྱ་ཁྱོན་མ་དྲོས་པ་ཇི་ལྟ་བ་བཞིན་དུ་ཡོད་པ་ལ་འཁོར་དུ་རྫིང་བུ་བརྒྱ་སྟོང་ཡོད་པ་དེ་ལ་ཨུདཔལ་ལ་སོགས་པའི་མེ་ཏོག་སྡོང་བུ་གཤོལ་མདའ་ཙམ་དང༌། མེ་ཏོག་ཤིང་རྟའི་འཕང་ལོ་ཙམ། ལོ་མ་བ་ལང་གི་ཀོ་བ་ཙམ། རྩ་བ་སྐྱེས་བུ་ཆེན་པོའི་བརླ་ཙམ་སོགས་ཡོད་པ་ཞིག |
| རྫིང་བུའི་མཚན་མ |
མངོན ཆུ་བྱའི་རིགས་ཤིག |
| རྫིང་བུར་འཇུག |
ཀར་མྱང་རྩིས་ལས་རྫིང་བུར་འཇུག་གི་རི་མོ་སྟེ་གཅིག་ཤར་ན་ཐན་པ་འབྱུང༌། |
| རྫིང་མནན་པ |
རྙིང རྫིང་དུ་ཆུ་བསྐྱིལ་བ། |
| རྫིང་སྐྱོར |
རྫིང་གི་ཁའི་མཐའ་སྐྱོར། རྡོ་དང་ཨར་འདམ་མཉམ་བསྲེས་ཀྱིས་བཟོས་པའི་རྫིང་སྐྱོར་བརྟན་པོ་འདུག |
| རྫིངས |
ཤིང་གདུང་མ་བསྒྲིགས་པའི་གཟིངས། |
| རྫིའུ |
ཕྱུགས་རྫི་ཆུང་ཆུང་། རྫ་མ་ཆུང་ཆུང་། ０ཉ་རྐྱལ་བྱེད་ཀྱི་ཡན་ལག་གི་མིང་ཉའི་མཇུག་རྫིའུ། ཉའི་ལོགས་རྫིའུ་ལྟ་བུ། |
| རྫིས |
སྐུལ་ཚིག་རྩམ་པ་རྫིས་ཤིག་ལྟ་བུ། མར་མནན་པའི་དོན་ཏེ། རྟ་རྨིག་གིས་རྩྭ་ཐང་བརྫིས། རྡོག་པས་བརྫིས་ལྟ་བུ། ０གནོད་པ་བྱས་པའི་དོན་ཏེ། བཙན་འཛུལ་མཁན་གྱིས་རང་རྒྱལ་མངའ་ཁོངས་རྡོག་པས་རྫི་མི་ཆོག་ལྟ་བུ། |
| རྫུ |
(བྱེད་མེད་ལས་ཚིག་ད་ལྟ་བ)སྔར་གྱི་རྣམ་པ་བསྒྱུར་ནས་གཞན་འཕྲུལ་བར་བྱེད་པའི་དོན་ཏེ། ཉུལ་མ་ཚོང་པར་རྫུ་མཁན་ཞེས་པ་ལྟ་བུ། |
| རྫུ་བ |
ཐ་དད་པ བརྫུས་པ། བརྫུ་བ། རྫུས།། སྒྱུར་བ་དང༌། མ་ཡིན་པ་ཡིན་པ་ལྟར་བྱེད་པ། རི་བོང་རྡོར་བརྫུས།…2.མི་གཡོ་ཅན་ཏེ། མིང་ངན་རྫུ་བ། མྱུལ་མ་རྫུ་བ་ཞེས་པ་ལྟ་བུ། |
| རྫུ་བག |
རྫུའི་ཉམས། མཁས་པའི་རྫུ་བག་བྱེད་པ། |
| རྫུ་བཟང |
གཡོ་ཐབས་བཟང་པོ། ངན་གཡོ་རྫུ་བཟང་གི་གདོང་འབག་ཡོངས་སུ་བཤུས་པ། |
| རྫུ་བྱེད་པ |
མ་ཡིན་ཡིན་ཁུལ་བྱེད་པ། ནད་རྫུ་བྱེད་པ། སྤམ་རྫུ་བྱེད་པ། ཟོག་རྫུ་བྱེད་པ། བཟང་རྫུ་བྱེད་པ། བཟང་རྫུ་བྱེད་པ། |
| རྫུ་འཕྲུལ |
ཁྱད་གཞི་སེམས་ཀྱི་འཕེན་པའི་ལུས་ཆོས་ནི་རྫུ་བ་དང༌། ཁྱད་ཆོས་ལུས་ཀྱི་སྤྱོད་པ་སེམས་ཆོས་ནི་འཕྲུལ་བ། རྫུ་འཕྲུལ་སྟོན་པ། རྫུ་འཕྲུལ་དུ་སྣང་བ། |
| རྫུ་འཕྲུལ་གྱི་ཆོ་འཕྲུལ |
སྐུ་རྫུ་འཕྲུལ་གྱི་ཆོ་འཕྲུལ་དང་དོན་གཅིག་ |
| རྫུ་འཕྲུལ་གྱི་བཀོད་པ |
མེ་དཔུང་མཚོ་རུ་བསྒྱུར་བ་དང༌། བསད་པ་གསོ་ནུས་པ་ལ་སོགས་པའི་སྤྲུལ་བསྒྱུར་གྱི་བཀོད་པ། |
| རྫུ་འཕྲུལ་གྱི་བྱ་བ་ཤེས་པའི་མངོན་ཤེས |
རྫུ་འཕྲུལ་གྱི་མངོན་ཤེས་དང་དོན་གཅིག་ |
| རྫུ་འཕྲུལ་གྱི་མངོན་ཤེས |
འབར་བ་དང༌། འཕུར་བ་དང༌། མང་ཉུང་དང༌། བཟང་ངན་དང༌། ཆུ་ལ་འགྲོ་ཞིང་ས་ལ་བྱིང་བ་དག་ཤེས་པ་སྟེ་མངོན་ཤེས་དྲུག་གི་ཡ་གྱལ་ཞིག |
| རྫུ་འཕྲུལ་གྱི་རྐང་པ |
རྫུ་འཕྲུལ་ནི་མངོན་ཤེས་ལྔ་དང༌། རྐང་པ་ནི་ཐོབ་པར་བྱེད་པའི་རྒྱུ་ལ་བྱ་སྟེ་དཀྱུས་ཀྱི་ཏིང་ངེ་འཛིན་ནོ། |
| རྫུ་འཕྲུལ་གྱི་རྐང་པ་བཞི |
བྱང་ཕྱོགས་སོ་བདུན་གྱི་ནང་གསེས། ཚོགས་ལམ་ཆེན་པོ་ནས་ཐོབ་པའི་ཆོས་ཤིག་འདུན་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང༌། སེམས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང༌། བརྩོན་འགྲུས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང༌། དཔྱོད་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་བཅས་བཞིའོ། |
| རྫུ་འཕྲུལ་ཡ་མ་ཟུང |
སྐུ་སྟོད་ལ་མེ་འབར་བ་དང་སྐུ་སྨད་ལ་ཆུ་འབྱིན་པ་ལྟ་བུའི་ཆོ་འཕྲུལ་ལོ། |
| རྫུ་འཕྲུལ་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་སྟེ་སངས་རྒྱས་ཀྱི་ཞིང་ཐམས་ཅད་དུ་འགྲོ་བ་སོགས་རྫུ་འཕྲུལ་གྱི་བཀོད་པ་སྣ་ཚོགས་སྟོན་པ་ལ་དབང་བའོ། |
| རྫུན |
མི་བདེན་པའི་སྐད་ཆའི་མིང་རྫུན་མ་བཤད་རྫུན་ཚིག་ལ་མ་ཉན་ཞེས་པ་ལྟ་བུ། |
| རྫུན་གཏམ |
སྐྱག་རྫུན་གྱི་སྐད་ཆ། མིག་གིས་མཐོང་བཞིན་དུ་རྫུན་གཏམ་བཤད་པ། རྫུན་གཏམ་ཐེར་འདོན། |
| རྫུན་གཏམ་བཟོས་པ |
མི་བདེན་པའི་སྐད་ཆ་རང་གར་བཟོས་པ། |
| རྫུན་གསོབ |
མ་ཡིན་ཡིན་ཁུལ། དྲང་མིན་རྫུན་གསོབ། |
| རྫུན་གྱི་ཆར་གཏོགས་བཅུ་གཉིས |
དགེ་ཚུལ་གྱི་བསླབ་བྱ་བླངས་འདས་སོ་གསུམ་གྱི་ནང་གསེས། རྫུན་གྱི་ཆར་གཏོགས་གཞི་མེད་དང༌། བག་ཙམ་གྱིས་སྐུར་འདེབས། དགེ་འདུན་དབྱེན། དེ་རྗེས་ཕྱོགས་པ། ཁྱིམ་སུན་འབྱིན་པ། ཤེས་བཞིན་རྫུན་སྨྲ། བཤེས་ངོར་འཕྱ་བ། ཞལ་ཏ་བར་འཕྱ་བ། ཟས་ཅུང་ཟད་ཀྱི་ཕྱིར་ཆོས་སྟོན་ཞེས་སྐུར་བ་འདེབས་པ། ལྷག་མའི་སྐུར་འདེབས། བསླབ་པ་ཁྱད་གསོད། ལྷག་པོ་ལེན་ཕྱིར་འབྲས་ཆན་འགེབས་པ་སྟེ་བཅུ་གཉིས་སོ། |
| རྫུན་ཆས |
གྱོན་ཆས་བརྫུས་མ། རྫུན་ཆས་སྤྲས་པ། |
| རྫུན་པ |
བདེན་པའི་ལྡོག་ཟླ་རྨི་ལམ་ཐམས་ཅད་རྫུན་པ་ཡིན་ཞེས་པ་ལྟ་བུ། |
| རྫུན་བཟོས |
རྫུན་མ་བཟོས་པ། རྫུན་བཟོས་དངོས་པོ། རྫུན་བཟོས་སྐད་ཆ། |
| རྫུན་བཟོས་བདེན་འགྱུར |
བཅོས་མར་བཟོས་པའི་གཏམ་དང་དངོས་པོ་བཅོས་མིན་བདེན་པར་འགྱུར་བ། གནས་སྐབས་རྫུན་བཟོས་བདེན་འགྱུར་དུ་འགྲོ་སྲིད་ཀྱང་མཐར་མཐའ་གསལ་བར་ངེས། |
| རྫུན་བསྒྲིགས |
མི་བདེན་པའི་སྐད་ཆ་མང་པོ་ལྷུ་བསྒྲིགས་ནས་བདེན་མདོག་ཁ་པོ་ལྟར་བཅོས་པ། མི་བདེན་རྫུན་བསྒྲིགས་ཀྱི་ལོ་རྒྱུས། |
| རྫུན་བསྔགས |
སྐྱག་རྫུན་གྱི་བསྔགས་བརྗོད། ངོ་བསྟོད་ཀྱི་རྫུན་བསྔགས། |
| རྫུན་མ |
ངོ་མའི་ལྡོག་ཟླ་སྨན་པ་རྫུན་མ། སྨན་རྫུན་མ་ཞེས་པ་ལྟ་བུ། |
| རྫུན་མཚང |
རྫུན་གྱི་ཉེས་མཚང༌། |
| རྫུན་ཚིག |
མི་བདེན་པའི་སྐད་ཆ། |
| རྫུན་འབག |
མ་ཡིན་ཡིན་བཟོ་བྱེད་པའི་རྣམ་འགྱུར། གདོང་ལ་རྫུན་འབག་གྱོན་པ། |
| རྫུན་རྐུབ |
རྫུན་གྱི་ཕུག རྫུན་རྐུབ་བརྟོལ་བ། རྫུན་རྐུབ་རྡོལ་བ། |
| རྫུན་རྐྱལ |
རྟག་ཏུ་རྫུན་ཤ་སྟག་ཤོད་མཁན་གྱི་ངན་མིང༌། མི་དེ་རྫུན་རྐྱལ་ཞིག་ཡིན་པ་གོ་བྱུང་བས་ཁོས་བཤད་པ་ལ་ཡིད་ཆེས་མ་བྱུང༌། |
| རྫུན་རྒྱབ་རྫུན་གནོན |
རྫུན་པའི་རྒྱབ་ལངས་རྫུན་པས་བྱས་པ། |
| རྫུན་སྨྲ |
དྲང་མིན་གཡོ་སྒྱུའི་ཚིག་མི་དགེ་བ་བཅུའི་ནང་གསེས་ཤིག |
| རྫུན་སྨྲ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཕམ་པ་བཞིའི་ནང་ཚན་གྱི་རྫུན་མ་ཡིན་པ་ཤེས་བཞིན་དུ་རྫུན་སྨྲ་བའོ། |
| རྫུབ |
རྫུབས་ཀྱི་འབྲི་ཚུལ་གཞན། ཟོག་པོའམ་གཡོ་ཟོལ་གྱི་དོན། |
| རྫུབ་པ |
རྙིང གཡོ་ཟོལ་ལམ་ཟོག་རྫུ་བྱེད་པ། སྲིན་པོ་མིར་རྫུབ། |
| རྫུབས |
(རྒྱན་ཚིག) རྩི་ཤིང་སོགས་མང་བའམ་སྟུག་པོ་ཡིན་པའི་དོན་ཏེ། ནགས་རྫུབས། རྩྭ་རྫུབས། རྫུབས་གསང་ཞེས་པ་ལྟ་བུ། |
| རྫུས |
སྐུལ་ཚིག་ལྐུགས་པར་རྫུས་ཤིག་ལྟ་བུ། |
| རྫུས་མ |
ངོ་མ་ལྟར་བཅོས་པའི་དངོས་རྫས་ཀྱི་མིང་གླ་རྩི་རྫུས་མ། གསེར་རྫུས་མ་ཞེས་པ་ལྟ་བུ། |
| རྫུས་སྐྱེས |
སྐྱེ་གནས་བཞིའི་ཡ་གྱལ་ཞིག་མཐོ་རིས་ཀྱི་ལྷ་རྣམས་དང་འདྲེ་སྲིན་ཡི་དྭགས་དམྱལ་བ་ལ་སོགས་པའོ། |
| རྫེ |
(བྱེད་འབྲེལ་ལས་ཚིག་ད་ལྟ་བ)གོས་འདབ་སོགས་ཡར་བཀྱགས་པའམ་དྲིལ་བའི་དོན་ཏེ། ཕུ་རུང་རྫེ་མཁན། ཕུ་ཐུང་རྫེ། ཉལ་ཐུལ་རྫེ་ལྟ་བུ། |
| རྫེ་བ |
ཐ་དད་པ བརྫེས་པ། བརྫེ་བ། རྫེས།། གྱེན་དུ་སྡོག་པ། གོས་བརྫེས་ཏེ་ཆུ་བརྒལ། ཕུ་ཐུང་བརྫེ་བ། སྐྲ་བརྫེས་པ། |
| རྫེ་མ |
ཡུལ ཆུ་འཁོར་གྱི་སྲོག་ཤིང་གི་ཤིང་ཤུབས་མིང༌། |
| རྫེ་མས |
ཕོ་བའི་ནང་ལྡེབས་སུ་ཡོད་པའི་ཟས་སྐོམ་མྱག་བྱེད་ཀྱི་སུལ་ལམ་གཉེར་མ་ལྟ་བུ་ཞིག |
| རྫེ་ལོ |
ཡུལ གོས་ཀྱི་གཤམ་ཐུང་ཐུང་དུ་རྫེ་བ། ཆུ་ཆེན་རྒལ་དུས་གོས་གཤམ་རྫེ་ལོ་བྱེད་པ། |
| རྫེམས |
གྲོད་པུའི་ཉག་གི་རྩ་སྐ་རགས་ལྟ་བུའི་མིང་། རྟ་ནོར་སོགས་ཀྱི་སྒའི་རྨེད་ཐག་རིགས་ཤིག་གི་མིང་། |
| རྫེའུ |
སྦུ་གུའི་དབྱིབས་ལྟ་བུའི་ཆུ་སྣོད་ཆུང་ཆུང་སྣ་ཚོགས་ཀྱི་སྤྱི་མིང་འོ་མའི་རྫེའུ། འོ་མ་རྫེའུ་གང་། ཞོ་རྫེའུ་ཞེས་པ་ལྟ་བུ། ཁ་སྐད་དུ་ཟེའུ་ཟེར། |
| རྫེའུ་བུམ |
རྫ་བུམ་ཆུང་ངུ། |
| རྫེའུ་ཚོས |
རྫེའུ་ཚོས་ཁ་ཟས་ཀྱི་བསྡུས་མིང༌། |
| རྫེའུ་ཚོས་ཁ་ཟས |
རྫ་སྣོད་ཆུང་ངུའི་ནང་དུ་བཙོས་པའི་ཁ་ཟས་བྲོ་བ་ཞིམ་པོ། |
| རྫེས |
སྐུལ་ཚིག་ཕུ་ཐུང་རྫེས་ཤིག་ལྟ་བུ། |
| རྫོག་ཁུང |
ཡུལ རྩིག་པའི་ཐོད་ནས་ཕྱིར་རྫོག་རྡོ་འཕེན་པའི་ཨི་ཁུང༌། |
| རྫོག་པ |
ཡུལ 1 རྡུང་བ། རུས་པ་རྫོག་པ། 2 སྒྱེལ་བ། ཤིང་སྡོང་ས་ལ་རྫོག་སོང༌། |
| རྫོག་མགོ |
ཡུལ ཁུ་ཚུར། |
| རྫོག་རྡུང |
ཡུལ ཞིབ་མོར་རྡུང་བ། ས་རྡོ་རྫོག་རྡུང་གཏོང་བ། |
| རྫོག་སྣོད |
ཡུལ གཏུན་ཀོང་ངམ་རྡུང་སྣོད། རྡོའི་རྫོག་སྣོད། ལྕགས་ཀྱི་རྫོག་སྣོད། |
| རྫོགས |
(བྱེད་མེད་ལས་ཚིག) མཐར་ཕྱིན་པ་དང་གྲུབ་པའི་དོན་ཏེ། དཔེ་ཆ་མཇུག་རྫོགས། བྱ་བ་ཡོངས་སུ་རྫོགས་ཞེས་པ་ལྟ་བུ། |
| རྫོགས་ཆེན |
རྫོགས་པ་ཆེན་པོའི་བསྡུས་མིང༌། |
| རྫོགས་ཆེན་དགོན་པ |
ཁམས་རྫོགས་ཆེན་དགོན་པ་ཨོ་རྒྱན་བསམ་གཏན་ཆོས་གླིང་ཞེས་རྙིང་མའི་དགོན་པ་སྐད་གྲགས་ཅན་དེ་ཁམས་སྡེ་དགེའི་ས་ཆར་རབ་བྱུང་བཅུ་གཅིག་པའི་ཤིང་མོ་གླང་གི་ལོར་གྲུབ་དབང་པདྨ་རིག་འཛིན་གྱིས་ཕྱག་བཏབ། རྫོགས་ཆེན་ཤྲཱི་སེངྷ་ཞེས་པར་གཞུང་ཆེན་བཅུ་གསུམ་རྒྱ་གཞུང་ཐོག་ནས་འཆད་ཉན་མཛད་པའི་བཤད་གྲྭའི་རྒྱུན་བཙུགས་ཏེ་མདོ་སྔགས་རིག་གནས་བཅས་ཤིན་ཏུ་དར། འཇུ་མི་ཕམ་དང༌། དཔལ་སྤྲུལ་སོགས་མཁས་གྲུབ་ཀྱི་སྐྱེས་བུ་མང་དུ་བྱོན། |
| རྫོགས་ཆེན་སྡེ་གསུམ |
སེམས་སྡེ་དང༌། ཀློང་སྡེ། མན་ངག་གི་སྡེ་སྟེ་གསང་སྔགས་རྫོགས་པ་ཆེན་པོའི་ཐེག་པའི་ནང་གསེས་སྡེ་གསུམ་མོ། |
| རྫོགས་པ |
1. ཐ་མི་དད་པ 1 གང་བ་དང་ཚང་བ། མཐུན་རྐྱེན་གང་དགོས་ཚང་མ་རྫོགས་པ། ཟླ་བའི་ཆ་ཐམས་ཅད་རྫོགས་པར་ཤར་བ། 2 ཚར་བ་དང་ཟད་པ། ལས་དོན་ཐག་གཅོད་བྱ་རྒྱུ་ཚང་མ་རྫོགས་སོང༌། ཡོ་བྱད་ཡོད་དགུ་བེད་བཅད་པས་རྫོགས་སོང༌། སྐད་ཆ་རྫོགས་རྒྱུ་མེད་པ། 2. ཡར་ངོའི་རྫོགས་པ་དང་པོ་ཚེས་ལྔ། གཉིས་པ་ཚེས་བཅུ། གསུམ་པ་ཚེས་བཅོ་ལྔ། མར་ངོའི་རྫོགས་པ་དང་པོ་ཚེས་ཉི་ཤུ། གཉིས་པ་ཚེས་ཉེར་ལྔ། གསུམ་པ་གནམ་སྟོང༌། |
| རྫོགས་པ་ཆེན་པོ |
སྔགས་རྙིང་མའི་ཆོས་སྐད་དེ། སེམས་ཀྱི་རང་བཞིན་ལ་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་ཀུན་ཁྱབ་སྤྲུལ་སྐུ་སྟེ་སྐུ་གསུམ་གྱི་ཡོན་ཏན་ཐམས་ཅད་ལྷུན་གྱིས་གྲུབ་པར་རྫོགས་པ་ནི་ཆོས་ཐམས་ཅད་ཀྱི་གནས་ལུགས་ཡིན་པས་ཆེན་པོའོ། |
| རྫོགས་པ་རིན་ཆེན་གསེར་གྱི་ཕྲེང་བ |
བོན་གྱི་ལྟ་བ་སྟོན་པའི་གཞུང་ཞིག |
| རྫོགས་པ་སྤྱི་ཆིབས་ཀྱི་ས |
སྔགས་རྙིང་མའི་གཞུང་དུ། རྣལ་འབྱོར་ལྔ་པའི་སྐབས་སུ་ཐོབ་པའི་ས་བཅུ་པ་མཐར་ལམ་དུ་རྩལ་སྣང་གཟུགས་སྐུའི་བཀོད་པ་ཐམས་ཅད་སྐྱེ་བ་མེད་པའི་དབྱིངས་སུ་འུབ་ཆུབ་པར་ཡོངས་སུ་རྫོགས་ཤིང་མཐར་ཕྱིན་པས། ས་བཅུ་པ་ལ་རྫོགས་པ་སྤྱི་ཆིབས་ཀྱི་ས་ཞེས་བྱའོ། |
| རྫོགས་པའི་བྱང་ཆུབ |
སཾབོདྷིཿ སངས་རྒྱས་ཀྱི་གོ་འཕང༌། |
| རྫོགས་པའི་སངས་རྒྱས |
སངས་རྒྱས་སྤྱི། |
| རྫོགས་བྱེད |
སྔར་རྒྱ་གར་མུ་སྟེགས་ཀྱི་སྟོན་པ་ཞིག |
| རྫོགས་བྱེད་ཀྱི་ལས |
སྐྱེ་བ་དེ་ལ་བདེ་བ་དང་སྡུག་བསྔལ་གྱི་མྱོང་བ་ཅི་ཙམ་ཡོད་པ་སྐྱེད་ཅིང་རྫོགས་པར་བྱེད་པ། |
| རྫོགས་མཐའ |
ཟད་པའི་མཚམས་སམ་མཐའ། རྙོག་གྲ་རྫོགས་མཐའ་མེད་པ། དུས་སྐབས་རྫོགས་མཐར་ཐུག་པ། |
| རྫོགས་མཚམས |
ཡུལ་དུས་དངོས་པོ་མིང་ཚིག་བྱ་བྱེད་སོགས་གང་དང་གང་གི་མཐའ་ཟད་མཚམས། |
| རྫོགས་ཚིག |
ཡིག་སྐད་ཀྱི་བརྡ་སྤྲོད་ཀྱི་ནང་དུ་གོ་ངོ་དོ་ནོ་བོ་མོ་འོ་རོ་ལོ་སོ་ཏོ་བཅས་ཡི་གེ་བཅུ་གཅིག་ལ་རྫོགས་ཚིག་ཟེར། དེའི་འཇུག་ཚུལ་ནི་གོ་ལ་ལྟོས། (རྒྱན་ཚིག) ཆད་ལྷག་མེད་པའི་དོན་ནམ་ཆ་ཚང་བའི་དོན་ཏེ། རྫོགས་པར་བཤད། རྩལ་རྫོགས། རྫོགས་པར་ཤེས། ལུས་ཀྱི་རྩལ་ཡོངས་སུ་རྫོགས། རྫོགས་པར་བསླབ་དགོས་ཞེས་པ་ལྟ་བུ། |
| རྫོགས་འཚང་རྒྱ་བ |
སངས་རྒྱས་པ། སླད་ནས་མངོན་པར་རྫོགས་པར་འཚང་རྒྱ་བར་འགྱུར་བའོ། |
| རྫོགས་རིམ |
རྡོ་རྗེའི་ལུས་ལ་གནད་དུ་བསྣུན་ཏེ་རྩ་ཐིག་རླུང་གསུམ་ལས་སུ་རུང་བ་ལ་བརྟེན་ནས་སྟོང་བཞིས་དྲངས་པའི་འོད་གསལ་དང༌། དགའ་བཞིས་དྲངས་པའི་ལྷན་སྐྱེས་ཡེ་ཤེས་མངོན་དུ་བྱེད་པའི་ཤེས་རབ་ཁྱད་པར་ཅན། |
| རྫོགས་རིམ་རྣལ་འབྱོར་བཞི |
ཡི་དམ་རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་བཞི་སྔགས་ཀྱི་རྣལ་འབྱོར་དང༌། དམ་ཚིག་གི་རྣལ་འབྱོར། དབྱིབས་ཀྱི་རྣལ་འབྱོར། ཡེ་ཤེས་ཀྱི་རྣལ་འབྱོར་བཅས་བཞིའོ། |
| རྫོགས་ལྡན་དུས |
འཛམ་གླིང་མི་རྣམས་ཀྱི་ཆོས་དང༌། ནོར། འདོད་པ། བདེ་བ་བཞི་ཡོངས་སུ་ཚང་བར་ལོངས་སྤྱོད་པའི་དུས་ཏེ། དེའི་ཡུན་ཚད་ལ་ལོ་གྲངས་ས་ཡ་གཅིག་དང༌། བདུན་འབུམ་ཉི་ཁྲི་བརྒྱད་སྟོང་ཡོད་པར་གྲགས། |
| རྫོགས་ཤོ |
རྙིང རྫོགས་སོ། |
| རྫོང |
1 མཁར། བྲག་རྫོང༌། བཙན་རྫོང༌། 2 བར་གསེང་གི་ཚགས། ཀོ་རྫོང༌། གྲུ་རྫོང༌། དོ་རྫོང༌། དཔེ་རྫོང༌། 3 སྲིད་འཛིན་ས་ཁུལ་ཞིག རྫོང་ཁག་སོ་སོ།…4.ད་ལྟ་བ་འགྲུལ་བ་རྫོང་བར་བྱེད། བུ་མོ་བག་མར་རྫོང་མཁན་ཞེས་པ་ལྟ་བུ། |
| རྫོང་ཁང |
རྫོང་སྡོད་ཀྱི་ཁང་པ། |
| རྫོང་གཙོ |
རྫོང་དཔོན་དང་འདུ་ཁོངས་ཀྱི་གཙོ་དྲག་གཉིས་ཀྱི་བསྡུས་མིང༌། |
| རྫོང་གཞིས |
སྔར་གྱི་ཡུལ་གྲུ་སོ་སོའི་རྫོང་དང་གཞིས་ཀ། |
| རྫོང་གཞིས་སྣེ་སྡོད |
རྫོང་དང་གཞིས་ཀའི་ལས་ཀྱི་སྣེ་མོར་སྡོད་མཁན། |
| རྫོང་གསར་དགོན་པ |
རྫོང་གསར་བཀྲ་ཤིས་ལྷ་རྩེའི་དགོན་པ་ནི་ཁམས་སྡེ་དགེའི་ཤར་ཕྱོགས་སྨན་ཤོད་ཅེས་པའི་ས་ཆར་རབ་བྱུང་བཞི་པའི་ཆུ་གླང་ལོར་འགྲོ་མགོན་ཆོས་རྒྱལ་འཕགས་པས་ཕྱག་བཏབ། འཇམ་དབྱངས་མཁྱེན་བརྩེ་དབང་པོས་གདན་ས་མཛད་པའི་ས་སྐྱའི་དགོན་པ་སྐད་གྲགས་ཅན་ཞིག |
| རྫོང་ཐུར |
ཡུལ ལྕགས་སམ་ཤིང་ལས་བཟོས་པའི་བོད་མདའི་མདེའུ་རྫོང་བྱེད་དང༌། འཕྲུལ་མདའི་མདེལ་ཁོག་འདོན་བྱེད་ཀྱི་གསོར་འབིགས། |
| རྫོང་དགའ |
ས་མིང་ཞིག་བོད་རང་སྐྱོང་ལྗོངས་ཀྱི་སྐྱིད་རོང་རྫོང་གི་མི་དམངས་སྲིད་གཞུང་གནས་ཡུལ་ཡིན། |
| རྫོང་དཔོན |
རྫོང་དུ་འགན་ཁུར་ནས་སྡོད་མཁན་དཔོན་པོ། |
| རྫོང་བ |
ཐ་དད་པ བརྫངས་པ། བརྫང་བ། རྫོངས།། 1 འབུད་པ། ནག་ཅན་ས་མཐར་རྫོང་བ། 2 མངགས་པ་དང་གཏོང་བ། ཐག་རིང་ཕྱོགས་སུ་མི་གཅིག་བརྫང་དགོས། 3 འཇུག་པ། སྒམ་གྱི་ནང་དུ་བརྫངས་པ། |
| རྫོང་བདའ |
འགྲོ་དགོས་པའི་བཀའ་ཕབ་སྟེ་གཏོང་བ། ཁོ་ཚོ་རྫོང་བདའ་བྱས་པ་ཡིན། རྒྱལ་བློན་འབངས་འཁོར་རྣམས་ཀྱིས་རྫོང་བདའ་བྱས་པ་ཡིན། |
| རྫོང་བདའ་རྒྱག་པ |
1 བང་ཆེན་གཏོང་བ། 2 མཐའ་འབུད་གཏོང་བ། |
| རྫོང་བཙན |
གཞོམ་གཞིག་དཀའ་བའི་མཁར་རྫོང་བཙན་པོ། |
| རྫོང་བརྡ |
རྫོང་བདའ་དང་འདྲ། |
| རྫོང་མཁར |
ས་རྡོ་བརྩིགས་པའི་མཁར་རྫོང༌། ཉིན་མང་པོའི་རིང་རྫོང་མཁར་བཙན་པོའི་ནང་དགྲ་དམག་དང་འཐབས་པ། |
| རྫོང་ཚགས |
དངོས་པོ་སྣོད་དུ་འཇུག་སྟངས་དམ་ལྷོད་ཀྱི་ཚགས། སྒམ་དུ་གྱོན་ཆས་རྫོང་ཚགས་འགྲིག་པོ་བྱུང་བ། དཔེ་སྣོད་དུ་དཔེ་ཆ་རྫོང་ཚགས་དམ་པོར་བཅུག་པ། |
| རྫོང་འདུ |
རྫོང་དང༌། རྫོང་དེའི་འདུ་ཁོངས་ཏེ་ཁྲལ་པའམ་མི་སེར་བཅས་ཀྱི་འདུས་མིང༌། |
| རྫོང་རྐང |
སྔར་བོད་ས་གནས་སྲིད་གཞུང་གི་ཁོངས་སུ་འདུ་དགོས་པའི་ཁྲལ་རྐང༌། |
| རྫོང་རྒྱབ་ཀླུ་ཁང |
ཏཱ་ལའི་སྐུ་ཕྲེང་དྲུག་པ་ཚངས་དབྱངས་རྒྱ་མཚོའི་སྐབས་བཏབ་པ་རྩེ་ཕོ་བྲང་རྒྱབ་ཀླུ་ཆེན་གཙོ་འཁོར་གནས་པའི་ཁང་པ། ཧོར་ཟླ་བཞི་པའི་ཚེས་བཅོ་ལྔ་ཉིན་ཀླུ་ཁང་མཇལ་མཆོད་ཀྱི་དགའ་སྟོན་བྱེད་སྲོལ་ཡོད། |
| རྫོང་རྒྱབ་ཞར་འཕེན |
སྔར་ཧོར་ཟླ་དང་པོའི་ཚེས་ཉེར་དྲུག་ཉིན་སྨོན་ལམ་གཏོར་མཇུག་དགའ་སྟོན་རྫོང་རྒྱབ་རྟ་རྒྱུག་གི་དུས་སྟོན། |
| རྫོང་སྐྱེལ |
སྔར་བོད་ས་གནས་སྲིད་གཞུང་སྐབས་རྫོང་ནས་རྫོང་དུ་འུ་ལག་ཐོག་དོས་དང་ཡི་གེ་སོགས་སྐྱེལ་བ། |
| རྫོང་སྡོད |
རྫོང་དཔོན་ནམ་དེའི་ངོ་ཚབ། |
| རྫོང་སྦྲེལ |
1 སྔ་དུས་རྫོང་ཁག་གཉིས་ཟུང་དུ་སྦྲེལ་བ། 2 སྔ་དུས་རྫོང་དཔོན་སེར་སྐྱ་གཉིས་ཟུང་དུ་སྤྲེལ་བ། |
| རྫོང་སྲུང |
རྫོང་མཁར་སྲུང་མཁན། |
| རྫོངས |
ཡུལ་གཞན་དང་གནས་གཞན་ལ་འགྲོ་མཁན་ལ་སྐྱེས་སུ་སྟེར་བའི་དངོས་རྫས་ཀྱི་མིང་བག་མའི་རྫོངས། ལམ་རྫོངས་ཞེས་པ་ལྟ་བུ། བརྫང་གི་སྐུལ་ཚིག |
| རྫོངས་ཆས |
ལམ་དུ་འགྲོ་བའི་རྒྱགས་ཕྱེའམ་འགྲུལ་པ་འགྲོ་ཁར་སྤྲོད་པའི་དངོས་རིགས། |
| རྫོངས་ཏ |
རྫོངས་སྟ་དང་འདྲ། |
| རྫོངས་པ |
སྐྱེས། སྐལ་རྫོངས། ཐོན་རྫོངས་སམ་འགྲོ་རྫོངས། |
| རྫོངས་བསྐུར་བ |
སྐྱེས་བསྐུར་བ། ཐག་རིང་གྲོགས་པོ་ལ་ཡུལ་མཁོའི་རྫོངས་བསྐུར་བ། |
| རྫོངས་སྟ |
སྐྱེས་རྫོངས་ཀྱི་དངོས་པོ་ཆེད་བསྐུར། ཕྱོགས་སུ་ཕེབས་སྐབས་རྫོངས་སྟ་གྱ་ནོམ་པ་ཞིག་ཕུལ་བ། |
| རྫོད |
རྫོད་པའི་སྐུལ་ཚིག་ |
| རྫོད་པ |
ཐ་དད་པ བརྫད་པ། བརྫད་པ། རྫོད།། སྐྱོན་ལྷད་གཏོང་བ། མི་ངན་གྱིས་བརྫད་པ། མར་ཁུས་གྱོན་ཆས་མ་རྫོད་ཅིག |
| རྫོབ |
(རྒྱན་ཚིག) སྤུས་གཙང་མིན་པའི་དོན་ཏེ། ཁང་བར་རྫོབ་མ་གཡོ། མི་རྫོབ་རོ་ཞེས་པ་ལྟ་བུ། མཁྲེགས་པོ་མིན་པའི་དོན་ཏེ། ཤིང་རྫོབ་ཐོ་ཞེས་པ་ལྟ་བུ། |
| རྫོབ་པ |
ཐ་དད་པ བརྫབས་པ། བརྫབ་པ། རྫོབས།། 1 སྣོན་པ། རྩམ་པ་རྫོབ་པ། ཇ་མར་རྫོབ་པ། དངུལ་གྱིས་མ་འདངས་ན་དེའི་ཁར་རྫོབ་ཆོག 2 སྒྲིབ་པ། ཉི་མའི་དཀྱིལ་འཁོར་སྦར་མོས་རྫོབ་མི་ཐུབ་པ། བདེན་པའི་གནས་ལུགས་རྫོབ་པ། ཀུན་ཏུ་རྫོབ་པ། |
| རྫོབ་པོ |
རྫུན་ཅན་ནམ་གཡོ་ཅན། |
| རྫོབ་མ |
རྫུན་ཤོད་མཁན་བུད་མེད། |
| རྫོབ་རྟགས |
བླུན་རྟགས། སྤང་བླང་ནོར་ན་རྫོབ་རྟགས་ཡིན། |
| རྫོབས |
རྫོབ་པའི་སྐུལ་ཚིག་ |
| རྭ |
རྭ་ཅོ་ནོར་ལུག་ཤ་བ་སོགས་ཀྱི་མགོ་ལ་སྐྱེས་པའི་ལུས་ཀྱི་ཆ་ཤས་སྲ་ཞིང་མཁྲེགས་པ་དེའོ། རྭ་རྩེར་རྡོ་བརྒྱབ་ན། ནུ་མ་ནས་ཁྲག་འབབ། |
| རྭ་ཀེར་མཇུག་རྩུབ |
རྭ་ཅོ་ཀེར་ཞིང་མཇུག་མ་རྩུབ་པ་དོན་ནི་མི་བྱིངས་དང་སྤྱོད་ཚུལ་མི་མཐུན་པའི་དཔེ། མི་རྭ་ཀེར་མཇུག་རྩུབ་དེ་ཚོར་ཁ་ཡ་མི་བྱེད། |
| རྭ་ཁ |
ཆུ་འཁོར་གྱི་སྟེང་ཡོས་བླུག་སྣོད་ཀྱི་རྐྱལ་པའམ་ལྡིང་གི་ཁ་ནས་ཡོས་སོགས་ཐོན་ས། |
| རྭ་གཅིག་མ |
མངོན 1 བསེ་རུའི་མིང༌། 2 ཁྱབ་འཇུག |
| རྭ་གཞུ |
རྭ་ཅོ་ལས་བཟོས་པའི་གཞུ། |
| རྭ་ཅན |
1 མཛོ་གཡག་དང་ཤ་བ་སོགས་རྭ་ཅོ་ཡོད་པའི་སྒོ་ཕྱུགས་སམ་རི་དྭགས་སྤྱི། རྭ་ཅན་ཐར་ས་ལ། དབུ་ཡུ་ཅི་མི་ཐར། 2 མངོན བོང་དཀར། |
| རྭ་ཅན་མ |
1 རུས་སྦལ། 2 མེ་ཏོག་ལུག་རུ། 3 བ་མོ། |
| རྭ་ཅོ |
ར་གཡག་སོགས་ཀྱི་མགོ་བོར་སྐྱེས་པའི་རུས་ཆ་འབུར་དུ་ཐོན་པ། རྟའི་མགོ་ལ་མཛོའི་རྭ་ཅོ། |
| རྭ་ཅོ་སྒྱེ་བླུག |
མཐུན་སྒྲིལ་མེད་པ་དང་སྒྲིགས་ཁྲིམས་མེད་པའི་དཔེ། |
| རྭ་ཆོས་རབ |
རྭ་ལོ་ཙཱ་བ་རྡོ་རྗེ་གྲགས་ཀྱི་ཚ་བོ་རྒྱ་གར་གྱི་པཎྜི་ཏ་ས་མནྟ་ཤྲི་སྤྱན་དྲངས་ཏེ། དུས་འཁོར་དང༌། ཕག་མོ་མངོན་འབྱུང་དང༌། མགོན་པོ་མངོན་འབྱུང་སོགས་བསྒྱུར་མཁན། |
| རྭ་ཐག |
རྨོན་མཛོའི་རྭ་ཅོ་ནས་གཉའ་ཤིང་བར་ལ་འཐེན་པའི་ཐག་པ། |
| རྭ་དཀྲི |
བ་ཕྱུགས་དང་མཛོ་གཡག་གི་ན་སོ་ཆེ་ཆུང་རྩིས་རྒྱག་ཐུབ་པའི་རྭ་ཅོའི་རིས་ཀྱི་མིང༌། རྭ་དཀྲི་གཅིག་རྭ་དཀྲི་གཉིས། རྭ་དཀྲི་གསུམ། |
| རྭ་དམ |
སྒོ་ཕྱུགས་ཀྱི་རྭ་ཅོ་ལ་ལྕགས་བསྲེགས་བཏབ་པའི་ཐེལ་ཙེ། |
| རྭ་དུང |
རྭ་ཅོས་བཟོས་པའི་འབུད་དུང༌། |
| རྭ་ཕོར |
རྭ་ཅོ་ལས་བཟོས་པའི་འཇིབ་བྱེད་སྨན་བཅོས་ཡོ་བྱད་ཅིག རྭ་ཕོར་རྒྱག་པ། |
| རྭ་བཅུ་པ |
མངོན རི་དྭགས་ཤ་བ། |
| རྭ་ཚ |
མདོག་རྭ་མདོག་ལྟར་ནག་པའི་ཚྭ་རིགས་ཤིག་ཡིན། |
| རྭ་ཚིགས |
རྭ་དཀྲི་དང་དོན་གཅིག་ |
| རྭ་ཚུགས |
སེམས་ཅན་གྱི་རྭ་ལས་བཅོས་པའི་ཏིལ་པ་ཤིང་ལ་བརྡར་ཏེ་རེག་མི་བཟོད་པར་གྱུར་པའི་ཚེ་ནད་དམིགས་སྟེང་བརྡེག་དགོས་པ་ཞིག |
| རྭ་ཚྭ |
ཕྱུགས་ཀྱི་རྭ་སྣ་ཚོགས་ལས་བཟོས་པའི་ཚྭ་རིགས་ཏེ། རོ་ལན་ཚྭ་ལ་ཚ་བ། ཞུ་རྗེས་དྲོད། ནུས་པས་ཕོ་བ་དང༌། ལོང་ག་སོགས་སྣོད་ཀྱི་གྲང་བ་སེལ། |
| རྭ་རྒྱ་དགོན་པ |
མཚོ་སྔོན་ཞིང་ཆེན་ཁོངས་མཚོ་ལྷོ་བོད་རིགས་རང་སྐྱོང་ཁུལ་གྱི་ཐུང་ཏེ་རྫོང་གི་དགོན་པ་ཞིག |
| རྭ་རྒྱག |
རྭ་ཅོས་ངན་ཁྲག་འཇིབས་པའི་སྨན་བཅོས་བྱེད་ཐབས། |
| རྭ་རྒྱན |
རྨོན་མཛོ་སོགས་ཀྱི་རྭ་ཅོར་བཏགས་པའི་རྩིད་པ་དམར་པོ། |
| རྭ་རྙི |
རི་དྭགས་འཛིན་བྱེད་ཕྱུགས་རྭ་ལས་བཟོས་པའི་ཡོ་བྱད་ཅིག་ཡིན་པ་འདིའི་ཆ་ཤས་སུ་ཁ་ཟུངས་དང༌། གོ་ལེབ། གོ་ཡུ། རྙི་མདེལ། རྙི་ཐིག་སྒ་རུ་བཅས་ཡོད། |
| རྭ་རྩ |
རྭ་ཅོའི་རྩ་བ། |
| རྭ་རྩེ |
སེམས་ཅན་གྱི་རྭ་ཅོའི་རྩེ། |
| རྭ་རྩེད |
སེམས་ཅན་གྱི་རྭ་ཡི་རྩེད་མོ། |
| རྭ་ལུགས |
རྭ་ལོ་ཙཱ་བ་རྡོ་རྗེ་གྲགས་པ་ནས་བརྒྱུད་པའི་སྔགས་ལུགས། |
| རྭ་ལོ |
རྭ་ཞེས་པའི་ཡུལ་ནས་བྱུང་བའི་རྭ་ལོ་ཙཱ་བ་རྡོ་རྗེ་གྲགས་པ། |
| རྭ་ཤེལ |
1 རྫས་སྦྱོར་གྱིས་བཟོས་པའི་སྤྱིན་ཤོག་མཉེན་མོའི་རིགས་ཀྱི་མིང་། 2 སྤྱིན་ཤོག་རིགས་མཉེན་མོའི་སྟེང་ལ་རྫས་ཁྱད་པར་བ་བྱུགས་པའི་དངོས་གཟུགས་དཔར་བྱེད་ཀྱི་མིང་། |
| རྭ་སྒ |
རྙི་འཛུགས་བྱེད་ཀྱི་རྭ་དུམ་ཞིག་རྭ་རྙི་ལ་ལྟོས། |
| རྭ་སྒྲེང |
བཀའ་གདམས་ཆོས་ལུགས་ཀྱི་དགོན་པ་དང་པོ། རབ་བྱུང་དང་པོའི་མེ་བྱ་ལོར་འབྲོམ་སྟོན་པས་བཏབ། རབ་བྱུང་བཅུ་གཉིས་པའི་ས་རྟ་ལོར་ཏཱ་ལའི་བདུན་པས་རང་གི་དགེ་རྒན་དགའ་ལྡན་ཁྲི་པ་ངག་དབང་མཆོག་ལྡན་དགོན་བདག་ཏུ་མངའ་གསོལ། དེ་ནས་བཟུང་ཁོང་གི་སྐུ་ཕྲེང་ཚང་མར་རྭ་སྒྲེང་སྤྲུལ་སྐུ་ཞེས་པའི་མཚན་ཐོགས། |
| རྭ་སྒྲེང་གཙང་པོ |
བོད་རང་སྐྱོང་ལྗོངས་ཀྱི་ལྷུན་གྲུབ་རྫོང་གི་བྱང་ཤར་རྒྱུད་ན་ཡོད་པའི་འབབ་ཆུ་ཞིག་ཡིན་ཞིང་འཕན་ཡུལ་ངན་ཆུའི་ནང་དུ་འབབ། སྐྱིད་ཆུའི་ཡན་ལག་ཅིག་ཡིན། |
| རྭ་སྦྲེལ |
1 སྒོ་ཕྱུགས་གསར་པ་གཞན་དུ་མི་འབྲོས་པའི་ཆེད་དུ་རྙིང་པ་དང་རྭ་འབྲེལ་བྱས་ནས་འདོགས་པ། 2 རྨོན་མཛོ་དང་རྨོན་གླང་དོར་གྱི་གཉའ་སྦྲེལ་བ། |
| རླག |
(བྱེད་འབྲེལ་ལས་ཚིག་ད་ལྟ་བ) རྒྱུ་ནོར་སོགས་དོན་མེད་དུ་བཏང་བའི་དོན་ཏེ། རྒྱུ་ནོར་རླག་མཁན། རྒྱུ་ནོར་རླག་མི་རུང་ཞེས་པ་ལྟ་བུ། |
| རླག་མོ |
1 དྲི་ཆེན་རྙང་མ། 2 རྙིང ཉོན་མོངས། |
| རླངས |
བོད་ཀྱི་རུས་ཤིག རླངས་པ་ཡི་ཚིག་བསྡུས་པ། |
| རླངས་ཀྱི་པོ་ཏི་བསེ་རུ |
བསམ་ཡས་རབ་གནས་མཛད་སྐབས་མཁན་སློབ་དང༌། རྒྱལ་བློན་རྣམས་གདན་འཛོམས་ཏེ་བཀའ་བགྲོས་གནང་བའི་ཚིག་རྣམས་ཐོར་བསྡུས་བྱས་པ་ཞིག |
| རླངས་ཆུ |
རླངས་པའི་ཟིལ་པ་བསགས་ནས་བྱུང་བའི་ཆུ། གཙང་ཞིང་དྲི་མ་མེད་པས་སྨན་དང་སྒྱུར་རྫས་ལ་མཁོ་བ་མང༌། |
| རླངས་དུག |
1 ཁ་རླངས་ཀྱི་དུག 2 དུག་ཆུའི་རླངས་པའི་དུག 3 སྦྱར་དུག་གི་ནང་ཚན་གོམ་པ་རྒྱག་སྐབས་ས་ཡི་རླངས་པ་ལ་རྟ་བྱས་ནས་བསྐུར་བའི་དུག |
| རླངས་པ |
1 ཚ་དྲོད་ལས་ཐོན་པའི་རླངས་པ། དྲོད་རླངས། ས་རླངས། ཁ་རླངས། རླངས་པ་ཐུལ་ལེ་བ། མེ་དུ་བ་མེད་པ་གཏོང་མི་ཤེས། ཆུ་རླངས་པ་མེད་པ་སྐོལ་མི་ཤེས། 2 བཤྱཿ འཁོར་ལྔ་སྡེའི་ཡ་གྱལ། |
| རླངས་པ་འཕྱུར་འཕྱུར |
དྲོད་ཀྱི་རླངས་པ་མང་པོ་འཐུལ་སྟངས། ཚ་པོ་ཁྱེར་ཤོག་ཟེར་དུས་རླངས་པ་འཕྱུར་འཕྱུར་དང་གྲང་མོ་ཁྱེར་ཤོག་ཟེར་དུས་འཁྱགས་པ་སིལ་སིལ་དགོས། |
| རླངས་བཙོས |
རླངས་པའི་ནང་དུ་བཙོས་པ། |
| རླངས་ཚགས |
རླངས་འཚོད་བྱེད་སའི་སྣོད། |
| རླངས་ཚོས་མ |
རླངས་བཙོས་བྱས་པའི་ཟས། |
| རླངས་འཁུར |
རླངས་བཙོས་བྱས་པའི་མོག་མོག |
| རླངས་འཁོར |
ནང་འབར་འཕྲུལ་འཁོར་ལ་བརྟེན་ནས་གཞུང་ལམ་ཐོག་ཏུ་གཏོང་བའི་འགྲིམ་འགྲུལ་ཡོ་བྱད་ཅིག |
| རླངས་ལུམས |
ནད་ཀྱི་བཅོས་ཐབས་ཤིག |
| རླན |
ས་དང་མཁའ་དབུགས་ནང་ལ་འདྲེས་པའི་ཆུའི་ཆ་ཤས་ཀྱི་མིང་ས་རླན། ཁང་བར་རླན་ཆེ། འབྲུ་རིགས་ལ་རླན་ཕོག་ཏུ་མ་འཇུག་ཅེས་པ་སོགས་ལྟ་བུ། |
| རླན་གཤར |
བརླན་ཞིང་གཤེར་བ་ཆུའམ་ཆུ་དང་རྣམ་པ་མཚུངས་པའི་དངོས་པོ། |
| རླན་གཤེར |
ཆུའི་རླན། མེ་ཤིང་རླན་གཤེར་ཆེ་བ། |
| རླན་གྲང |
རློན་པ་གྲང་མོ། |
| རླན་དུག |
གཤེར་བ་ལས་བྱུང་བའི་དུག |
| རླན་ནེ་རློན་ནེ |
བཞའ་རླན་ཆེན་པོའམ་བཞའ་ཚན་ཆེ་བའི་རྣམ་པ། ཆུའི་ནང་ནས་རླན་ནེ་རློན་ནེར་བཏོན་པ། |
| རླན་པ |
གཤེར་བ། གྱོན་པ་རླན་པ། ཤིང་རླན། རླན་སྤོང་བ། རླན་འབེབས། རླན་ཞུགས། རླན་མེད་སྐམ་པོ། |
| རླན་བཞའ |
བཞའ་ཚན། རླན་བཞའ་ཐེབས་པ། ས་གཞི་རླན་བཞའ་ཆེན་པོ། |
| རླན་ཚད |
བཞའ་རློན་ཆེ་ཆུང༌། རླན་ཚད་ཤིན་ཏུ་ཆེ་བའི་ས་ཆ། |
| རླན་འཛིན |
མངོན སྤྲིན་པ། |
| རླན་རློན |
1 ཇ་ཆང་སོགས་ཆུའི་རིགས་སྤྱིའི་མིང༌། ཕྲུ་གུར་རླན་རློན་སྟེར་དྲགས་ན་ཉལ་གཅིན་ཤོར་ཡོང༌། 2 རླན་ནེ་རློན་ནེའི་བསྡུས་ཚིག་ |
| རླན་ལས་སྐྱེས |
རླན་སྐྱེས་དང་དོན་གཅིག་ |
| རླན་སྐྱེས |
མངོན ལྗོན་ཤིང༌། |
| རླབས |
1 ཆུ་སོགས་འགུལ་སྐབས་བྱུང་བའི་གཉེར་མ། ཆུ་རླབས། རྦ་རླབས། རླབས་མཐོན་པོར་འཕྱུར་བ། རླབས་རིས་མེད་པ། 2 ནུས་པ་དང༌། མཐུ་སྟོབས་ཀྱི་ཚད། ནུས་རླབས་དང་ལྡན་པ། ཕན་རླབས་ཆུང་བ། འཕྲིན་ལས་རླབས་ཆེན། གོམ་པ་རླབས་ཅན། ལས་ཆོད་རླབས་ཆེ་བ། |
| རླབས་ཀྱི་རི་མོ |
ཆུ་རླབས་ཀྱི་གཉེར་མའི་རི་མོ། |
| རླབས་ཅན |
མངོན 1 ཆུ་བོ། 2 རྒྱ་མཚོ། |
| རླབས་ཆེ་བ |
1 ཆུའི་རྦ་རླབས་ཆེ་བ། 2 ནུས་སྟོབས་ཆེ་བ། 3 ལས་ཆོད་ཆེ་བ། |
| རླབས་ཆེན |
རླབས་པོ་ཆེ་ཞེས་པའི་ཚིག་བསྡུས་པ་རྒྱ་ཆེ་བ་དང་གཟི་བརྗིད་ཆེ་བ་མི་དམངས་ལ་བྱས་རྗེས་ཆེན་པོ་བཞག་པ་སོགས་ཀྱི་དོན་ཏེ། མེས་པོ་རྒྱལ་ཁབ་རླབས་པོ་ཆེ། རླབས་ཆེན་མེས་རྒྱལ་ཞེས་པ་ལྟ་བུ། |
| རླབས་ཆེན་སྤྱོད་རྒྱུད |
རྗེ་བཙུན་འཇམ་དབྱངས་ནས་རྒྱལ་སྲས་ཞི་བ་ལྷ་སོགས་ལ་བརྒྱུད་པ་ལ་ཟེར། |
| རླབས་པོ |
ནུས་པ། བྱ་བ་རླབས་པོ་ཆེ། ཕན་ཐོགས་རླབས་པོ་ཆེ་ཞིག་བྱུང་བ། ནུས་པ་རླབས་པོ་ཆེ་རང་མིན་པ། |
| རླབས་ཕྲེང |
ཆུའི་རྦ་རླབས་ཀྱི་རྒྱུན། རླབས་ཕྲེང་མཐོན་པོ། གཅིག་ལས་གཅིག་མཐོ་བའི་རླབས་ཕྲེང༌། |
| རླབས་ཡས |
1 གྲངས་གནས་ཆེ་བ་ཞིག 2 མེ་ཏོག་ཨུཏྤལ། |
| རླབས་ལྡན |
མངོན ཆུ་ཀླུང༌། |
| རླབས་ཤུགས |
རྦ་རླབས་ཀྱི་ཤུགས། རླབས་ཤུགས་བཅད་པ། རླབས་ཤུགས་དང་བསྟུན་པ། |
| རླམ |
ལྭ་བ་དང་ཟས་སོགས་ལ་རླན་ཕོག་ཅིང་དྲོས་པ་ལས་སྐྱེས་པའི་རྫས་རིགས་བལ་ལྟ་བུ་དེའི་མིང་ཡུལ་སྐད་དུ་བལ་མོ་ཟེར་དཔེར་ན། ཟས་ལ་རླམ་སྐྱེས—ཟས་ལ་བལ་མོ་སྐྱེས་ཞེས་པ་ལྟ་བུ། 2.ཀླམ་ཞེས་པ་སྟེ་སྣམ་བུ་འཐུག་པོའི་བརྡ་རྙིང། |
| རླམ་ཁྱེར |
རྙིང 1 ཧམ་པས་ཁྱེར་བ། 2 རླན་གྱིས་ཟིན་པ། |
| རླམ་པ |
1 ཧམ་པའམ་སྣོད་སོགས་ལ་ཆགས་པའི་སྤུ་སྔོན་ལྟ་བུའི་དྲེག་པ། 2 རྙིང བ་ཐག |
| རླིག་ཐང |
རླིག་འབྲས་ཀྱི་སྣོད། |
| རླིག་པ |
ཕོའི་སྐྱེ་འཕེལ་དབང་བོའི་ཆ་ཤས་ཤིག་གི་མིང་ཡིན་ཞིང་། དེ་ནི་རླིག་འབྲས་གཉིས་དང་རླིག་འབྲས་རྗེས་མཐུན་པ་གཉིས་དང་དེ་རྣམས་ཀྱི་སྐྱི་ཤུན་བཅས་འདུས་པའི་སྤྱི་མིང་ཡིན། |
| རླིག་ཕྱུང་བ |
1 རླིག་འབྲས་བཏོན་ཟིན་པའི་མི། 2 རླིག་རིལ་བཏོན་པ། |
| རླིག་འབྲས |
ཕོ་མཚན་གི་སྒོང་རྡོག |
| རླིག་རིལ |
གསོ་རིག་གིས་རླིག་འབྲས་ཟེར་བ་དང་དོན་གཅིག དེ་ནི་ཕོའི་ཁམས་ཏེ་ས་བོན་སྐྱེད་ཅིང་སྨིན་བྱེད་ཀྱི་རྨེན་བུ་ཞིག་ཡིན། |
| རླིག་རླུག |
རྒྱུ་མའི་ཆ་ཤས་ཤིག་རླིག་པའི་སྐྱི་ཤུན་གྱི་ནང་ལ་འོངས་པའི་ནད་ཅིག་གི་མིང་། |
| རླིག་རླུགས |
ལྷན་སྐྱེས་རྨ་རིགས་ཀྱི་ནང་ཚན། གསང་སྒྲོའི་འབྲས་བུ་སྐྲངས་པའི་ནད། |
| རླིག་རླུགས་པ |
1 རླིག་རིལ་ཐུར་དུ་ལྷུགས་པ། 2 རྒྱུ་མ་རླིག་ཐང་ནང་དུ་རླུགས་པ། |
| རླིག་སྐྲངས |
རླིག་འབྲས་སམ་རླིག་འབྲས་རྗེས་མཐུན་པ་བཅས་སྐྲངས་པའི་ནད་ཀྱི་མིང་། |
| རླིག་སྒོང |
རླིག་འབྲས། |
| རླིང |
བརྟན་པོ་བྱས་པའི་ལས་ཚིག་གི་བརྡ་རྙིང་མ་འོངས་པ་ལ་བརླིང་དང་། འདས་པ་ལ་བརླིངས། སྐུལ་ཚིག་ལ་རླིངས་འབྲི། |
| རླིངས |
(རྒྱན་ཚིག) རྒྱ་ཆེ་བ་དང་གྲངས་མང་བའི་དོན་ཏེ། གཞུང་དོན་ཟབ་ཅིང་རླིངས་པ། ཟབ་རླིངས་རྒྱ་མཚོ། ཟབ་རླིངས་དགོངས་པའི་དྲི་བསུང་ལེགས་འཁྱིལ་བ་ཞེས་པ་ལྟ་བུ། རླིང་ལ་ལྟོས། |
| རླིངས་པོ |
རྙིང རྒྱ་ཆེན་པོ། |
| རླིད་བུ |
གཅེར་བཤུས་སམ་སྦུབས་བཤུས་བརྒྱབ་ནས་བྱུང་བའི་པགས་པ་ཆ་ཚང༌།….2.རྐྱལ་བའི་བརྡ་རྙིང་། |
| རླིད་སྦུབས |
སྦུབས་བཤུས་བརྒྱབ་པའི་པགས་པ། |
| རླིབས |
རྙིང ཀླུབས་ཞེས་པ་སྟེ་གཡོགས་པ། |
| རླིབས |
(རྒྱན་ཚིག) རྒྱ་ཆེ་བའི་བརྡ་རྙིང་། |
| རླིབས་པ |
རྙིང རྒྱ་ཆེ་བ། |
| རླུག |
རླུགས་ལ་ལྟོས། |
| རླུག་པ |
1.ཐ་དད་པ བརླུགས་པ། བརླུག་པ། རླུགས།། 1 བློ་གཏོད་པ། དམངས་ལ་ཡིད་བརླུག་པ། གྲོགས་པོར་བློ་བརླུགས་ནས་བཅོལ་བ། 2 བཤིག་པ། རང་ལུས་རང་གིས་མ་རླུག ཁང་པ་བརླུགས། མངལ་བརླུག་པ། 3 སྐྱོན་མཚང་གཏོལ་བ། ནག་ཉེས་མཐར་ཕྱིན་བརླུགས་པ། ནོར་འཁྲུལ་བརླུགས་ནས་ཡོ་བསྲང་བྱེད་པ། 2.ཐ་མི་དད་པ རླུགས་པ། རླུག་པ།། 1 འབྱང་བ་དང༌། བཤལ་བ། ཟས་མ་ཞུ་བར་རླུག་པ། གྲོད་ཁོག་རླུག་པ། རླུགས་ནད་ངན་པ་ན་བ། 2 འཛག་པ། རགས་རྩ་ནས་ཆུ་རླུག་པ། ཁུ་བ་རླུགས་པ། |
| རླུགས |
(བྱེད་མེད་ལས་ཚིག་འདས་པ)ཐུར་དུ་འཕྱང་བའི་དོན་ཏེ། སྣབས་རླུགས། རྒྱུ་མ་རླུགས་ཞེས་པ་ལྟ་བུ། |
| རླུགས་པ |
1.ཐ་མི་དད་པར་འཇུག་པའི་རླུག་པའི་འདས་པ། 2.རྙིང ལུགས་པ་སྟེ་ཟས་མ་ཞུ་བ་ཕྱིར་འབྱང་བའི་ནད། |
| རླུང |
1 འབྱུང་བ་བཞིའི་ཡ་གྱལ་ཞིག་ཡང་ཞིང་གཡོ་བའི་མཚན་ཉིད་ཅན། དྲོད་རླུང༌། ཆར་རླུང༌། ཤར་རླུང༌། ལྷོ་རླུང༌། འཇམ་རླུང་གདོང་པར་རེག་པ། རེ་བ་རླུང་འཕྱར། དྲག་རླུང་ཚན་ཚན་དུ་ལངས་པ། དར་དམར་རླུང་འཕྱོ། ཤིང་སྡོང་ཆེན་པོ་རླུང་གིས་སྤྲུགས་པ། དར་ལྕོག་རླུང་བསྐྱོད། བྱ་སྒྲོ་རླུང་ཁྱེར། མིང་གི་རྣམ་གྲངས་ལ་ཀུན་འདུ་རྔ་དང༌། འགྲོ་བའི་ངང་ཚུལ། འགྲོ་བའི་སྲོག་རྟག་འགྲོ། དྲི་བཞོན། དྲི་ལེན། དྲིའི་ཤིང་རྟ། རྡུལ་གྱི་ཁ་ལོ་པ། ནམ་མཁའི་སྟོབས། ནམ་མཁའི་དབུགས། ནམ་མཁའི་སྲོག་གནས་མེད། མ་མོས་འཕེལ། གཡོ་བྱེད། རེག་ལྡན། བསིལ་བྱེད་བཅས་སོ། 2 འབྱུང་བ་རླུང་དང་ནམ་མཁའི་ཁམས་ལས་བྱུང་བའི་ལུས་ཀྱི་ཆ་ཤས་ཡོངས་ལ་ཟེར་ཞིང་ཁམས་ཀྱི་རང་བཞིན་དང་ཆོས་མཚུངས་པའི་མཚན་ཉིད་དྲུག་དང་ལྡན་པ། ཡུལ་ལུས་སྨད་ཀྱི་དཔྱི་སྐེད་ལ་གནས་ཤིང་རྣམ་པར་མ་གྱུར་ན་དབུགས་འབྱིན་རྔུབས་དང༌། ལས་ལ་བསྐྱོད་པ། ཤུགས་འབྱིན་པ། ཁྲག་ལ་སོགས་པའི་དྭངས་མ་རྣམས་རང་རང་གི་གནས་སུ་སྐྱེལ་བ། མིག་ལ་སོགས་པའི་དབང་པོ་གསལ་བ། སེམས་ཀྱི་བྱ་བ་རྗེས་སུ་འཛིན་པ་སོགས་ཀྱི་བྱ་བ་བྱེད་ཅིང་གཞན་དུ་རྣམ་པར་གྱུར་ན་སྲོག་རྩ་དཀར་ནག་གི་ཆར་གཏོགས་པའི་ནད་ཀུན་ཀྱང་འདི་ལས་བྱུང་བ་ཡིན་ནོ། ཕོ་རླུང༌། སྙིང་རླུང༌། འོག་རླུང༌། ཁྲག་རླུང༌། 3 རྩ་ཐིག་རླུང་གསུམ་གྱི་ཟླས་ཕྱེ་བའི་རླུང་ལུས་ཀྱི་རྩ་ཐམས་ཅད་དུ་ཁྱབ་པའི་འབྱུང་ལྔའི་རང་བཞིན་ཅན། མི་ཤིགས་པ། ཆ་ཤས་ཀུན་ཚང་བ། དེ་ཉིད་གཡོ་བའི་ཆ་ནས་རླུང་ཞེས་བྱའོ། རླུང་བསྒོམས་ནས་ནད་གཞིར་གསོ་བཅོས་བྱེད་པ། 4 འཚིག་པ་དང༌། ཁྲོ་བ། རླུང་ལངས་པོ། |
| རླུང་ཁམས |
དབུགས་གཟུགས་ཀྱི་མིང་། |
| རླུང་ཁྱབ་བྱེད |
ལུས་ཡོངས་སུ་ཁྱབ་པའི་རླུང་རྩ་བའི་རླུང་ལྔའི་ནང་གསེས་ཤིག |
| རླུང་གཉིས་འཐུང |
མངོན རྔ་མོང༌། |
| རླུང་གཟེར |
རླུང་ལས་བྱུང་བའི་ཟུག་གཟེར་གྱི་ནད། |
| རླུང་གཡབ |
མེ་སྦར་བ་ལ་རླུང་གཡོབ་བྱེད་ཀྱི་ཡོ་བྱད་ཅིག་གི་མིང་། ０བོད་ཀྱི་རུས་ཤིག |
| རླུང་གཡུག |
ཡུལ ལྷགས་པ་བརྒྱབ་པ། |
| རླུང་གཡོར |
རླུར་ཡོར་དང་འདྲ། |
| རླུང་གསང |
1 ཁོང་ཁྲོ་འཕར་ཆག་གི་བར་གསང༌། 2 རྒྱབ་ཀྱི་སྒལ་ཚིགས་དང་པོ་རླུང་དང་འབྲེལ་བའི་མེ་བཙའི་གསང་དམིགས་ཤིག་དེར་མེ་བཙའ་བཞག་ན་རླུང་གིས་འཕྱོ་འདར་བྱེད་པ་དང་སྙིང་མི་དགའ་བ་ལ་ཕན། |
| རླུང་གསང་བཀག |
སྤྱི་བོའི་གཙུག་རྒྱབ་ཀྱི་སྒལ་ཚིགས་དང་པོ་དང༌། དྲུག་པ། བདུན་པ། བྲང་གཞུང་དཀར་ནག་མཚམས་བཅས་སུ་མེ་བཙའ་བཞག་པའམ་དུགས་བརྒྱབ་སྟེ་རླུང་གི་རྒྱུ་ལམ་བཀག་པར་བྱ་བའི་བཅོས་ཐབས་ཤིག |
| རླུང་གསང་བསྡམས་པ |
རླུང་གསང་བཀག་པ་ཡང་ཟེར། ཕྲུ་གུ་སྐྱེས་རྗེས་ཀྱི་གསང་མི་ཤོར་བའི་ཆེད་དུ། ཡ་ཁུང་དང༌། མཚོག་མ། ཚང་ར་བཅས་ཀྱི་གསང་མིག་ལ་སྤགས་བཙོས་ཚ་པོའམ། ཡང་ན་མར་དང༌། སྤང་སྤོས། གོ་འབྲུ་གསུམ་བསྲེས་ནས་ཚ་པོ་བཟོས་ཏེ་སྦྱར་བའི་བཅོས་ཐབས་ཤིག |
| རླུང་གསེབ་ཀྱི་མར་མེ |
འཆི་རྐྱེན་མང་ཞིང་འཚོ་རྐྱེན་ཉུང་ལ། ནམ་འཆི་ཆ་མེད། འཆི་རྐྱེན་ངེས་མེད་ཀྱི་དཔེ། |
| རླུང་གི་ཁམས |
ཡང་ཞིང་གཡོ་བའི་རང་བཞིན་ཅན། |
| རླུང་གི་གཤོག་པ་ཅན |
མངོན རྟ་མཆོག |
| རླུང་གི་གྲུ |
རླུང་ཤུགས་ལ་བརྟེན་ནས་འགྲོ་བའི་གྲུ་རྫིངས། |
| རླུང་གི་དཀྱིལ་འཁོར |
མངོན་པ་མཛོད་ལས་བཤད་པ་ལྟར་འཇིག་རྟེན་འདིའི་འོག་གཞི། རླུང་གི་དཀྱིལ་འཁོར་ཡིན་པ་དེའི་མིང་འཇམ་པོ་ཞེས་བྱ་ལ། དབྱིབས་ཟླུམ་པོ་དང༌། ཁ་དོག་སྣ་ཚོགས་པའམ། ཁ་ཅིག་སྔོ་སྐྱར་འདོད་ལ། རྒྱར་གྲངས་མེད་ཅིང༌། རྔམས་སུ་དཔག་ཚད་ས་ཡ་གཅིག་དང་དྲུག་འབུམ་ཡོད་པའོ། |
| རླུང་གི་དབང་ཕྱུག |
མངོན 1 སྐར་མ་ས་རི། 2 རླུང་ལྷ། |
| རླུང་གི་ཕྱོགས |
མངོན ནུབ་བྱང་གི་ཕྱོགས། |
| རླུང་གི་བལ |
མངོན འཇའ་དྲང་པོ། |
| རླུང་གི་བུ་བརྒྱུད |
མངོན སྤྲེའུ། |
| རླུང་གི་འབྲས་བུ |
མངོན འཇའ་ཚོན། |
| རླུང་གི་རྒྱལ་མཚན |
མངོན འཇའ་ཚོན། |
| རླུང་གི་རྣལ་འབྱོར |
རླུང་ལས་སུ་རུང་བར་བྱེད་པའི་ཐབས། |
| རླུང་གི་རྫི་དུག |
རླུང་གིས་ཁྱེར་ནས་འགོས་པའི་དུག |
| རླུང་གི་ཤིང་རྟ |
མངོན 1 སྤྲིན་པ། 2 རྟ། |
| རླུང་གི་སོ་ནད |
སོ་ནད་བྱེ་བྲག་ཅིག |
| རླུང་གི་སྲོག |
མངོན རི་དྭགས་ཀྱི་སྤྱི་མིང༌། |
| རླུང་གིས་འཇིག་པའི་རྩེ་མོ |
རླུང་གིས་རི་སོགས་ཐམས་ཅད་བཤིག་ནས་ལྷག་མ་ཅུང་ཟད་ཀྱང་མི་མངོན་པ་མེ་འཇིག་བདུན་རེའི་རྗེས་སུ་ཆུ་འཇིག་རེ་བྱས་པའི་ཆུ་འཇིག་བདུན་ཐལ་བའམ་སོང་རྗེས་འབྱུང་ཞིང༌། དེས་བསམ་གཏན་གསུམ་པ་མན་ཆོད་འཇིག་གོ། |
| རླུང་གིས་སྒྲ་སྒྲོག |
མངོན སྨྱུག་མ། |
| རླུང་གིས་སླགས་པ |
རྙིང རླུང་གིས་དེད་པ། |
| རླུང་གྱེན་དུ་རྒྱུ་བ |
ལུས་ནང་གི་རླུང་ཁམས་གྱེན་དུ་འགྲོ་བ། |
| རླུང་གྲོགས |
མངོན 1 མེ། 2 མེ་ལྷ། |
| རླུང་ཆ་ཕྲ་མོ |
རླུང་གི་རྒྱུ་བ་ཤུགས་ཆུང་ངུ། |
| རླུང་དགའ |
མངོན 1 སྦྲུལ། 2 ཀླུ། |
| རླུང་དགུ་ཕྲུགས |
རོ་རྐྱང་དབུ་མ་གསུམ་གྱི་ནང་ནས་རླུང་ལན་གསུམ་གསུམ་ཕྱིར་གཏོང་བ། |
| རླུང་དམར |
ཐལ་རླུང་དྲག་པོ། རླུང་དམར་ཆེ་ལྡང༌། རླུང་དམར་གྱི་གསེབ་ནས་སེར་ཐ་ར་ར་འབེབས་ཤིང༌། གནམ་ལྕགས་ཀྱི་ཚག་སྒྲས་གནམ་ས་འགེངས་པ་ལྟར་བྱེད། |
| རླུང་དམར |
རླུང་ཆེན་གྱི་མིང་། |
| རླུང་ནག |
ཐལ་རླུང་ཆེན་པོ། རྩྭ་རྐང་མཁྲེགས་མིན་རླུང་ནག་བརྒྱབ་ན་ཤེས། |
| རླུང་ནད |
ལུས་ཀྱི་རླུང་འཁྲུགས་པ་ལས་བྱུང་བའི་སྲོག་རྩ་དཀར་ནག་གི་ཆར་གཏོགས་པའི་ནད་དེ། ནང་གསེས་སུ་དབྱེ་ན་སྙིང་རླུང་དང་སྲོག་རླུང་སོགས་དྲུག་ཅུ་རྩ་གསུམ་མཆིས། |
| རླུང་ནད་བརླ་རེངས |
རླུང་ནད་ཀྱི་ནང་ཚན་བརླ་ནང་རྩ་རྒྱུས་དང་རུས་པ་ལ་རླུང་ནད་ཞུགས་པ་ཞིག་ནད་རྟགས་སུ་ལུས་གྲང་ཞིང་ན་ཟུག་ཚོར་བ་མེད་པ་བེམ་པོར་གྱུར་པ་དང༌། འགྲོ་བའི་ཚེ་རྐང་པ་འདེགས་པར་དཀའ་ཞིང་ལྕི་བ་ཞིག |
| རླུང་ནད་བི་ཤ་ཙེ |
རླུང་ནད་ལག་པའི་རྩ་རྒྱུས་ལ་ཞུགས་ནས་ལག་པའི་འགུལ་བསྐྱོད་ཀྱི་བྱ་བ་ཉམས་པར་འགྱུར་བ་ཞིག |
| རླུང་ནད་ཚོར་མ་ཅན |
རླུང་ནད་ཀྱི་རིགས་ཤིག་སྟེ་རྐང་པའི་ལོང་མོར་ཞུགས་ནས་ནད་རྟགས་སུ་ཚེར་མ་ཟུག་པ་ལྟར་ཟུག་འབྱུང་བ་ཞིག |
| རླུང་ནད་རྩ་འཛིན |
རླུང་ནད་ཀྱི་རིགས་ཤིག་སྟེ་སྤྱི་བོ་འཛིན་པ་ཞེས་པའི་རྩ་ལ་ཞུགས་པ་ཞིག་ནད་རྟགས་སུ་སྤྱི་གཙུག་གི་ཤ་མདོག་ནག་པོར་འགྱུར་བ་ཞིག |
| རླུང་ནད་ཤིང་རེངས |
རླུང་ནད་ཀྱི་རིགས་ཤིག་སྟེ་རླུང་ནད་མ་ཞུ་བ་དང་བད་ཀན་བཅས་ཀྱིས་དྭངས་མའི་རྒྱུ་ལམ་བཀག་ནས་ལུས་ཤིང་ལྟར་རེངས་པས་དགྱེ་རྒུ་མི་ཤེས་པར་བརྐྱང་བསྐུམ་གྱི་བྱ་བ་ཉམས་པར་འགྱུར་བ་ཞིག |
| རླུང་ནད་སྲ་འཐེང |
རླུང་ནད་ཀྱི་ནང་ཚན་བརླའི་ནང་གི་ཆུ་བ་ལ་ཞུགས་པ་ཞིག་ནད་རྟགས་སུ་འགྲོ་བའི་ཚེ་རྐང་པ་འདར་ཞིང་ཚིགས་ཀྱི་མཚམས་ལྷོད་པ་དང༌། རྐང་པ་འཐེང་ཞིང་འཕྱེ་བར་བྱེད་པ་ཞིག |
| རླུང་ནད་ཨ་ཝརྟ |
རླུང་ནད་ཀྱི་རིགས་ཤིག་སྟེ་ལུས་རྒུར་པོར་འགྱུར་ཞིང་དྲན་པ་མི་གསལ་བ་དང༌། མིག་ཧར་ཞིང་དབུགས་འབྱིན་དཀའ་བ་ཞིག |
| རླུང་པོ |
ཡུལ ལྷགས་པ། |
| རླུང་པོས་བུར་གྱིས་ཁྱེར་བའི་གཏམ |
རྙིང རླུང་གིས་སྦུར་མ་ཁྱེར་བ་ལྟར་གར་འགྲོ་འདིར་འགྲོ་མེད་པའི་དོན་ནོ། |
| རླུང་ཕྱོགས |
1 རྫི་ཕྱོགས་སམ་རླུང་ཡོང་སའི་ཕྱོགས། 2 རླུང་ལྷ་སྡོད་ཡུལ་ནུབ་བྱང་གི་ཕྱོགས། |
| རླུང་བཞོན |
མངོན 1 གཟུགས་མོ་བྱི་ཐུར། 2 དྲི། |
| རླུང་བསེར་བུ |
རླུང་འཇམ་པོ་ཆུང་ངུ། |
| རླུང་བསྐམས |
ལྷགས་པས་སྐམ་པ། |
| རླུང་བུ |
ལྷགས་པ། |
| རླུང་བུ་དབང་པོ |
མངོན སྤྲེའུ། |
| རླུང་བུམ་པ་ཅན |
འོག་རླུང་ཡར་དྲངས། སྟོད་རླུང་མར་མནན་ཏེ་ལྟེ་བའི་ཐད་ཀྱི་རླུང་བུམ་པ་ཁ་སྦྱོར་ལྟ་བུའོ། |
| རླུང་མཚམས |
མངོན རླུང་ལྷ་གནས་པའི་ནུབ་བྱང་གི་མཚམས། |
| རླུང་ཙི |
རྒྱ འཇུག་སྣོད། བྱ་བྱེའུ་རླུང་ཙི། ཁྲིམས་ཆས་རླུང་ཙི། |
| རླུང་ཚ་བ |
1 ལྷགས་པ་ཆེན་པོ། 2 ཁོང་ཁྲོ་ཟ་ཆོག་ཆོག |
| རླུང་ཚབས |
1 ལྷགས་པ་ཚ་པོ། 2 རླུང་ནད་ན་སྟངས། རླུང་ཚབས་ཆེ་བ། 3 བུད་མེད་ཀྱི་ཟླ་མཚན་མི་སྙོམས་པ་ལས་བྱུང་ཞིང༌། མོ་ནད་རྙིང་པར་གྱུར་སྐབས་ཁྲག་སྟོབས་རྒུད་ནས་རླུང་ཤས་ཆེ་བར་གྱུར་པའི་ནད། |
| རླུང་ཚུབ |
རླུང་འཚུབ་དང་འདྲ། |
| རླུང་ཞི་བ |
1 ལྷགས་རླུང་འཇགས་པ། རླུང་ཞི་རླབས་འཇགས། 2 རླུང་ནད་དྲག་པ། 3 ཁོང་ཁྲོ་འཇགས་པ། |
| རླུང་ཟས་ཅན |
མངོན སྦྲུལ། |
| རླུང་ཟུག |
རླུང་གི་རྐྱེན་པས་ཟུག་གཟེར་བྱུང་བའི་ན་ཚ་ལངས་སྟངས་ཤིག |
| རླུང་འཁོར |
1 རླུང་འཚུབ་སྒོར་མོ། 2 རླུང་གིས་སྐོར་བའི་མ་ཎི་འཁོར་ལོ་སོགས། 3 རླུང་གཡོབ་བྱེད་ཀྱི་འཁོར་ལོ། |
| རླུང་འཁོར་བ |
1 རླུང་འཁྱིར་མོར་འཁོར་བ། 2 འཚིག་པ་ཟ་བ། |
| རླུང་འཁྱིལ |
རླུང་སྐོར་འཁྱིལ། |
| རླུང་འཁྲུགས་པ |
1 རླུང་དྲག་པོ་ལངས་པ། 2 ལུས་ཀྱི་རླུང་ཁམས་འཁྲུགས་པ། |
| རླུང་འགྲོ |
མངོན 1 དུ་བ། 2 མཁའ་རླུང་འགྲོ་སའི་ཨི་ཁུང༌། |
| རླུང་འགྲོས |
རྒྱུ་སྐར་ཉེར་བརྒྱད་གོ་ལ་ལ་ཕྲ་བཏབ་པ་བཞིན་དུ་གནས་པས་ཞག་རེར་གོ་ལ་རྫོགས་པ་རེ་འཁོར་བའི་ཤུགས་ཀྱིས་གཟའ་རྣམས་སྐར་མ་གང་དང་གང་ལ་སྤྱོད་བཞིན་པ་དང་མཉམ་དུ་གོ་ལ་གཡས་བསྐོར་རྫོགས་པ་རེ་འཁོར་བ་ལ་རླུང་འགྲོས་སམ་སྣང་འགྲོས་ཞེས་ཟེར་རོ། |
| རླུང་འཇིལ |
རླུང་འཇོམས་པར་བྱེད་པ། |
| རླུང་འཐུང |
མངོན 1 སྦྲུལ། 2 ཀླུ། |
| རླུང་འཕར་བ |
1 རླུང་གི་ན་ཚ་ཕོག་པ། 2 ཁོང་ཁྲོ་ལངས་པ། |
| རླུང་འབུད་ཅན |
མངོན སྨྱུག་མ། |
| རླུང་འབྱུང |
མངོན བུ་ག། |
| རླུང་འབྲས |
མངོན ཆར་པ། |
| རླུང་འཚང |
1 དབུགས་སྟོད་ལ་འཚང་བ། 2 བུག་སྒོ་ནས་རླུང་ནང་དུ་འཛུལ་བ། |
| རླུང་འཚུབ |
ལྷགས་པ་དྲག་པོ། རླུང་འཚུབ་ཆར་དྲག རླུང་འཚུབ་ཞི་བ། |
| རླུང་འཚུབ་པ |
ལྷགས་པ་ལངས་པ། རླུང་འཚུབ་སྤྲིན་འཕྱུར། |
| རླུང་འུར |
རླུང་གི་སྒྲའི་འུར་སྐད། |
| རླུང་ཡབ |
རླུང་གཡབ་དང་འདྲ། |
| རླུང་ཡོར |
རླུང་གི་ཁ་ཕྱོགས་ལ་བརྟེན་ནས་འགྲོ་བའི་གྲུའི་དར་ཆེན། ཤིང་གྲུ་རླུང་ཡོར་ཅན། རླུང་ཡོར་ཐོགས་པ། |
| རླུང་ཡོལ |
རླུང་འགོག་བྱེད་ཀྱི་ཡོལ་བ། |
| རླུང་རས |
1 ཀླུང་རྟའི་གཟུངས་ཡིག་པར་རྒྱག་ཡུལ་གྱི་རས། 2 རྩ་རླུང་སྒོམ་མཁན་གྱི་འདོམས་དཀྲིས། 3 ཁང་ཐོག་གི་དར་ཤིང་ལ་བཏགས་པའི་ཀླུང་སྐྱེད་ཀྱི་དར་ལྕོག |
| རླུང་རིམས་ཡེར་བུ |
རླུང་ལས་གྱུར་པའི་རིམས་ནད་གཉིད་མི་ཁུག་པ་ཡེར་ཞིང་སྨྱོ་འཆོལ་འབྱུང་བ་ཞིག |
| རླུང་རུས |
ས་ཆུ་མེ་རླུང་སྟེ་འབྱུང་བཞིའི་ཁམས་ཀྱིས་སྐྱེད་པའི་རུས་པ་རིགས་བཞིའི་ནང་ཚན་རླུང་གི་ཁམས་ཀྱིས་སྐྱེད་པའི་རུས་པ་མདོག་ནག་ལ་ཁམ་ཁོམ་ཆེ་བའི་རུས་པ་ཞིག |
| རླུང་རྒྱས |
མངོན ཕྱོགས། |
| རླུང་རྒྱུན |
རླུང་འགྲོ་འོང་གི་རྒྱུན། |
| རླུང་རྟ |
1 མིའི་སྟོབས་དང་མངའ་ཐང་སོགས་ཀྱི་མིང་། 2རྟའི་གཟུགས་རིས་དཔར་བའི་ཤོག་གུ་ལེབ་མོ་ཞིག་གམ་དེ་རླུང་ལ་སྐྱོད་དུ་བཅུག་ནས་སྟོབས་མངའ་ཐང་དར་བར་སྨོན་པ་བྱེད་པའི་ཆོ་ག་ཞིག་གི་མིང་། འདི་ལ་ཀླུང་རྟ་ཞེས་འབྲི་བའང་ཡོད། |
| རླུང་རྡོ་རྗེ་རྒྱ་གྲམ |
རླུང་གི་དཀྱིལ་འཁོར། |
| རླུང་རྩ |
ནང་དུ་རླུང་རྒྱུ་བའི་རྩ་སྤྱི་དང༌། ཁྱད་པར་དུ་ཀླད་པ་དང་འབྲེལ་བའི་རྩ་དཀར་རམ་དབང་རྩ། |
| རླུང་རྫི |
1 རླུང་དང་མཉམ་དུ་འདྲེས་པའི་དྲི་མ། 2 རླུང་དང་མཉམ་དུ་འདྲེས་པའི་དྲི་མ་ཚོར་བྱེད་ཀྱི་ཤེས་པ། |
| རླུང་ལ་བསྐུར་བ |
1 ལྷགས་པས་འཁྱེར་དུ་བཅུག་པ། 2 བློས་བཏང་བ། 3 མངོན་མེད་ཀྱིས་སྐད་ཆ་བཀྲམ་པ། |
| རླུང་ལངས་པ |
1 རླུང་ནད་འཕར་བ། 2 ཁོང་ཁྲོ་བཟས་པ། 3 ལྷགས་པ་ལངས་པའམ་འཕྱུར་བ། |
| རླུང་ལས་དགའ |
མངོན རྔ་མོང༌། |
| རླུང་ལས་རྒྱལ |
མངོན རྟ་མཆོག |
| རླུང་ལས་སྐྱེས |
མངོན རྟ། |
| རླུང་ལུམས |
ལུམས་ཀྱི་སྨན་སྦྱོར་རྣམས་རྒྱ་ཐབ་ལྟ་བུའི་ཁར་བསྐོལ་ནས་དེའི་ཁར་ལྡིང་ཁྲིའི་སྟེང་དུ་ནད་པ་བསྙལ་ཏེ་ལུམས་ཀྱི་རླངས་པ་ལུས་ལ་ཕོག་པར་བྱས་ན་རླུང་དང་གྲང་བ་སོགས་ལ་ཕན་པའི་བཅོས་ཐབས་ཤིག |
| རླུང་ལྔ |
སྨན་རྒྱུད་སོགས་ལས་བཤད་པའི་ལུས་ཀྱི་རྩ་བའི་རླུང་སྲོག་འཛིན་དང༌། ཐུར་སེལ། གྱེན་རྒྱུ། མཉམ་གནས། ཁྱབ་བྱེད་དེ་ལྔ། |
| རླུང་ལྡང་བ |
1 ལྷགས་པ་ལངས་པ། 2 འཚིག་པ་ཟ་སླ་བ། 3 སྙིང་རླུང་ན་བ། |
| རླུང་ལྷ |
ནུབ་བྱང་གི་ཕྱོགས་སྐྱོང༌། མིང་གི་རྣམ་གྲངས་ལ་སྟོབས་ཀྱི་ལྷ་དང༌། ནུབ་བྱང་ཕྱོགས་སྐྱོང༌། སྣ་ཚོགས་རྟ་ཅན། དབུགས་འབྱིན་བདག་གཡོ་བྱེད་མགོན། རླུང་གི་དབང་ཕྱུག་ལོངས་སྤྱོད་མཛེས་པ་བཅས་སོ། |
| རླུང་སེམས་རགས་པ |
རྣམ་རྟོག་རགས་པ་དང་དེའི་བཞོན་པའི་རླུང་ངོ། |
| རླུང་སྐར་བདུན |
མགོ་དང༌། མེ་བཞི། ནག་པ། ནབས་སོ། དབོ། ས་རི། ཐ་སྐར་རྣམས་སོ། |
| རླུང་སྐྲན |
ངོ་བོ་མི་བརྟན་པ་འཕྱོ་ལྡིང་འཕེལ་འབྲི་སོགས་བྱེད་པའི་རླུང་ལས་གྱུར་པའི་སྐྲན་ནད་ཅིག |
| རླུང་སྒོ |
1 ཁང་པའི་སྐར་ཁུང༌། 2 རླུང་ཡོང་སའི་བུ་ག། |
| རླུང་སྒོམ་པ |
ནང་རྒྱུའི་རླུང་གི་བྱེད་རྩོལ་ལ་བརྟེན་པའི་དམིགས་པ་ལ་སེམས་གཏོད་པ། |
| རླུང་སྒྲ |
རླུང་འགྲོ་འོང་གི་སྒྲ་སྐད། |
| རླུང་སྒྲིབ |
རླུང་འགོག་བྱེད་ཀྱི་ཡོལ་བ། |
| རླུང་སྤྱོད |
མངོན 1 བྱ་རྒོད། 2 ཕོ་རོག |
| རླུབས |
1 ཁུང་བུ་དང་དོང༌། 2 དམའ་ས། |
| རླུབས་པ |
རྙིང ལུག་པ་ཟས་མ་ཞུ་བར་ཕྱིར་བྱུང་བ། |
| རླུས་ལི |
རྒྱ སྔར་བྱས་ཀྱི་ཐོ་རིམ་བཀོད་པ། |
| རློ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)མར་འཕྱང་བའི་བརྡ་རྙིང་། འདས་པ་ལ་རློས་འབྲི། |
| རློ་བ |
རྙིང འཕྱང་བ། |
| རློག |
རློག་པའི་སྐུལ་ཚིག་2.རླག་གི་འབྲི་ཚུལ་གཞན། |
| རློག་པ |
ཐ་དད་པ བརླག་པ། བརླག་པ། རློགས།། 1 འཇོམས་པ་དང༌། ཕྱེ་མར་བཏགས་ནས་མེད་པར་བཟོ་བ། བཅོམ་བརླག རྩ་བརླག ཐལ་རྡུལ་དུ་བརླག་པ། ཤུལ་མེད་དུ་བརླག་པ། སྲོལ་ངན་ཡོངས་སུ་མ་བརླག་པ། གནས་སྐབས་རློག་པར་དཀའ་བ། 2 སྐྱོན་གྱིས་སློད་པ། ཁེ་འདོད་ཀྱིས་བསམ་པ་རློག་པ། དྲི་མས་བརླག་པ། མཚན་སྙན་བརླག་པ། |
| རློགས |
སྐུལ་ཚིག་རྡུལ་དུ་རློགས་ཤིག་ལྟ་བུ། རུག་རུག་ཏུ་བཅོམ་པའི་དོན་ཏེ། ཐལ་བའི་རྡུལ་དུ་བརླགས། དགྲ་ཡི་བཙན་རྫོང་ཕྱེ་མར་བརླགས་ལྟ་བུ། |
| རློང |
(བྱེད་འབྲེལ་ལས་ཚིག་ད་ལྟ་བ)ལོབས་པ་དང་བྱང་ཆུབ་པ། གོམས་པ་སོགས་ཀྱི་དོན་ལ་འཇུག་པར་བཤད། འདིའི་མ་འོངས་པ་ལ་བརློང་དང་འདས་པ་ལ་བརློངས། སྐུལ་ཚིག་ལ་རློངས་འབྲི། |
| རློང་དུ་གྱུར་པ |
རྙིང ཀློང་དུ་གྱུར་པ་སྟེ་བརྟན་པ་ཐོབ་པ། |
| རློངས |
རློང་ལ་ལྟོས། |
| རློན |
ད་ལྟ་བ་དང་སྐུལ་ཚིག་ས་རློན་བྱེད་ཀྱི་ཆར་ཆུ། ཆུས་རློན་ཅིག་ལྟ་བུ། |
| རློན་དོད |
གླ་པ་སོགས་ལ་སྟེར་རྒྱུའི་བཏུང་བའི་ཚབ་བམ་རིན་དོད། |
| རློན་པ |
1.ཐ་དད་པ བརླན་པ། བརླན་པ། རློན།། སྦང་བ། ས་གཞི་ཚང་མ་ཆུས་བརླན་པ། འདི་སུས་བརླན་པར་བྱས་པ། ཆར་པས་རློན་པ་ཆགས་པའི་མིར། རྩྭ་ཡི་ཟིལ་པས་ག་ལ་གནོད། 2 1 གཤེར་བ། ཤོག་བུ་རློན་པ། ས་ཆ་རློན་པ། 2 མ་ཚོས་པའམ་མ་སྨིན་པ། ཤ་རློན་པ། འབྲས་རློན་ཙམ། |
| རློན་ཕོགས |
བཏུང་བའི་རིགས་ཀྱི་ལས་གླ། |
| རློན་རྩྭ |
རྩྭ་སྔོ་རློན་ཅན། |
| རློན་སྡེབ |
གསེར་ཤོག་རློན་པ་སྦྱོར་བའི་དོན། |
| རློབ |
ད་ལྟ་བ་བྱིན་གྱིས་རློབ་མཁན་ཞེས་པ་ལྟ་བུ། |
| རློབ་པ |
ཐ་དད་པ བརླབས་པ། བརླབ་པ། རློབས།། གནང་བ་དང་སྒྱུར་བ། བྱིན་གྱིས་རློབ་པ། སྟོབས་ཤུགས་ཀྱིས་བརླབས་པར་འགྱུར་བ། |
| རློབས |
(བྱེད་འབྲེལ་སྐུལ་ཚིག) གཞན་དུ་བསྒྱུར་བ་སོགས་ཀྱི་དོན་ཡིན་ཞིང་རྒྱུན་དུ་བྱིན་གྱིས་ཞེས་པ་དང་འབྲེལ་ནས་འཇུག་པ་ཁྱབ་ཆེ་བྱིན་གྱིས་རློབས་ཤིག་ལྟ་བུ། |
| རློམ |
(བྱེད་མེད་ལས་ཚིག) <ཀ>ང་རྒྱལ་བྱེད་པའི་དོན་ཏེ། མཁས་པར་རློམ་པ། དཔའ་བར་རློམ་པ། རང་རློམ་ཆེ་བ། རློམ་སེམས་བྲལ་བའི་དགའ་བ་སྐྱེས་ཞེས་པ་ལྟ་བུ། <ཁ>ཡིད་ཆེས་པའི་དོན་ཏེ། བདག་གིས་ཁྱོད་ཀྱི་ཚིག་ལ་རློམ་ཡོད། ཟོག་པོའི་ཚིག་ལ་མ་རློམ་ཞེས་པ་ལྟ་བུ། བརླམ་ཀྱི་ད་ལྟ་བ། |
| རློམ་པ |
1.ཐ་དད་པ བརླམས་པ། བརླམ་པ། རློམས།། ངན་པར་སྐྱོད་པ་དང༌། སྐུལ་བ། ལྷ་འདྲེས་སེམས་རློམ། གཞན་གྱི་ཁོག་པར་བརླམས་པ། རྒྱབ་ནས་མ་རློམ། 2.ཐ་མི་དད་པ བརླམས་པ། བརླམ་པ།། 1 སློད་པའམ་མ་ཡིན་པ་ལ་ཡིན་པའི་འདུ་ཤེས་འཛིན་པ། མི་ཤེས་ཤེས་རློམ། སྟོབས་འབྱོར་ཕུན་སུམ་ཚོགས་པར་བརླམས་པ། རང་རློམ། རང་ཉིད་མཁས་རློམ། 2 ཧམ་པའམ་ང་རྒྱལ་བྱེད་པ། |
| རློམ་སེམས |
རང་ཉིད་མཆོག་ཏུ་གྱུར་པ་ཞིག་ཡིན་སྣང་ཤར་བ། |
| རློམས |
ཐ་དད་པར་འཇུག་པའི་རློམ་པའི་སྐུལ་ཚིག་ |
| རློས |
རློ་ཡི་འདས་པ། |
| ལ |
བོད་ཡིག་གསལ་བྱེད་ཉེར་དྲུག་པ་འདིའི་ང་རོ་འདོན་ཚུལ་ལ་སྐྱེ་གནས་སོ་དང༌། བྱེད་པ་ལྕེ་རྩེ། ནང་གི་རྩོལ་བ་སོ་དང་ལྕེ་རྩེ་ཅུང་ཟད་ཕྲད་པ་དང༌། ཕྱིའི་རྩོལ་བ་སྲོག་ཆུང་སྒྲ་ལྡན། 1. 1 མིང་གཞིའི་མོ་གཤམ་ཡི་གེ་ཞིག 2 རྗེས་འཇུག་གི་མ་ནིང་ཡི་གེ་ཞིག 3 མིང་གཞི་འགའ་ཞིག་གི་ཡས་ནས་སམ། མས་ནས་འདོགས་རྒྱུའི་ཡི་གེ་ཞིག 2.གྱེན་དུ་འགྲོ་སའི་རི་ལམ། ལ་བརྒལ་བ། ལ་བརྒྱབ་ཆུ་བརྒལ། ལ་ལ་འཛེག་པ། སྤྱང་ཀིས་ཤ་ཟ་བ་མཐོང་ཡང་ལ་བརྒྱབ་པ་མ་མཐོང༌། 3.མཚམས་སྦྱོར་དང་མཚམས་སྦྱོར་ལྷག་བཅས་ལ་འཇུག་པའི་ཚིག་ཕྲད་ཅིག 4.ལ་དོན་གྱི་ཕྲད་ཅིག ལ 5.རི་དང་རི་ངོས་ཀྱི་གྱེན་ལམ་གྱི་མིང་ལ་མགོའི་ཉི་མ། ལ་ལུང་མང་བོ་བརྒལ། ལ་ཐུར་མང་བོ་བརྒྱབ་ལྟ་བུ། |
| ལ་ཁ |
1རི་དང་སྒང་གི་ཐོག་གམ་ཀླད་ཀྱི་མིང་རི་མགོར་ཉི་མ་ཤར་བ་ལ། ལ་ཁར་ཉི་མ་ཤར་ཟེར་བ་ལྟ་བུ། 2མཚོ་སྔོན་ཡུལ་སྐད་ལ་ཐོག་ངོས་ཀྱི་མིང་ཁང་བའི་ལ་ཁ། ཁྲིའི་ལ་ཁ་ཞེས་པ་ལྟ་བུ། |
| ལ་ཁྱི |
1 ལུས་བོངས་དང་ཁ་ཆེ་ལ་སྤུ་རིང་བའི་ཁྱིའི་རིགས་ཤིག 2 ཤོ་ཁྱི། |
| ལ་ཁྲལ |
སྔར་རི་ཁུལ་དུ་སྨན་དང་མེ་ཤིང་སོགས་འཐུ་བར་འགྲོ་སྐབས་སྔོན་ནས་སྤྲད་དགོས་པའི་ཁྲལ་རིགས། |
| ལ་ག |
ལོ་གཉིས་ལོན་པའི་ལུག |
| ལ་གཅན |
རྒྱལ་ཁབ་ཀྱི་མཚམས་དང་ས་མཚམས་སུ་བསྡུས་པའི་ཚོང་ཁྲལ་རིགས་ཤིག་གི་མིང་། |
| ལ་གཅན་པ |
1 ལའི་ཤོ་གམ་པ་སྟེ་ལ་ཁྲལ་སྡུད་མཁན། 2 ལ་སྲུང་མཁན། |
| ལ་གཏམ་ལུང་གཏམ |
དོན་མེད་ཀྱི་སྐད་ཆའམ་ངག་འཁྱལ། ལ་གཏམ་ལུང་གཏམ་ཁོ་ནར་བརྟེན་ནས་ཉི་མ་སྐྱེལ་བ། |
| ལ་གཞས |
ཨ་མདོའི་དམངས་ཁྲོད་ཀྱི་གླུ་གཞས་རིགས་ཤིག་གི་མིང་དེ་ནི་ཚིག་སྦྱོར་ཕལ་ཆེ་བ་ཡིག་འབྲུ་བདུན་ཡིན་ཞིང་། ནང་དོན་ནི་འདོད་པའི་བརྩེ་དུང་སྟོན་པ་གཙོ་ཆེ། (སྦྱོར་ཚིག) ཚིག་དང་ཐ་སྙད་ལ་ལའི་མཐར་སྦྱར་ན་ལས་སུ་བྱ་བ་སོགས་ལ་འཇུག། |
| ལ་གོར |
མགྱོགས་པའམ་སྐྱེན་པ། ལམ་དུ་ལ་གོར་ཕྱིན་པ། |
| ལ་གླུ |
ལ་གཞས་དང་དོན་གཅིག་ |
| ལ་ངེ་ལིང་ངེ |
ལིང་ལིང་ལ་ལྟོས། |
| ལ་ཆ |
རྒྱ་སྐྱེགས་སྙིགས་མ་རོ་ཁ་ལ་བསྐ། ཞུ་རྗེས་སྙོམས། ནུས་པས་གློ་ནད་དང༌། མཁལ་ནད། འགྲམས་ཚད་སོགས་ལ་ཕན། |
| ལ་ཆུང |
ལ་ཞིག་བོད་རང་སྐྱོང་ལྗོངས་ཀྱི་སྐྱིད་རོང་རྫོང་གི་ལྷོ་ནུབ་མཚམས་སུ་ཡོད། |
| ལ་ཆེན |
མ་གཞི། ལ་ཆེན་ཡིན་ལུགས་བཤད་པ། |
| ལ་ཉག |
ལ་ཁ་དམའ་སའམ་ལ་རྩེའི་ཉག་ཀ། |
| ལ་ཉག་མཛོ་གཟེངས |
ལ་མོས་ཉག་ཙམ་དང་མཛོ་བོས་གཟེངས་ཙམ་མི་མཐུན་པའི་ཕྱོགས་གཉིས་ཀས་བསམ་ཤེས་བྱེད་དགོས་པའི་དཔེ། |
| ལ་ཉེ |
1 རྟགས་མཚན། 2 ཡུལ ནུས་མཐུ། མི་དེ་ལ་ལ་ཉེ་ཡོད། |
| ལ་ཊ |
ཡུལ དུང་ལས་བཟོས་པའི་ནད་པའི་ཆུ་རྟགས་བླུག་སྣོད། |
| ལ་ཋ |
ལ་ཊ་དང་འདྲ། |
| ལ་ཏ |
1 སྐུད་པའི་རིགས་ཤིག 2 དར་རས་སྲབ་པོ་ཞིག |
| ལ་ཐག |
རིའི་གྱེན་ཐུར་གྱི་བར་ཐག་གི་ཚད། ལ་ཐག་རིང་པོར་རྐང་པས་བགྲོད། |
| ལ་ཐིགས |
1 ལ་ཆ་མེས་བཞུས་པའི་ཐིགས་པ། 2 སྔར་མིའི་གཟུགས་པོར་ལ་ཐིགས་བརྒྱབ་སྟེ་ཁྲིམས་གཅོད་གཏོང་བའི་སྲོལ་ངན་ཞིག |
| ལ་ཐུ |
ལ་དུ་དང་འདྲ། |
| ལ་ཐུར |
ཡར་འགྲོའི་ལ་དང་མར་འབབ་ཀྱི་ཐུར། ལམ་དུ་ལ་ཐུར་མང་པོ་བརྒྱབ་སྟེ་ཕྱིན། |
| ལ་ཐེལ |
ལ་ཆའི་སྒང་ལ་བརྒྱབ་པའི་ཐེལ་རྩེ། |
| ལ་ཐོད |
མགོ་དཀྲི་བྱེད་ཀྱི་རས་སམ་ཞྭ་ཞིག་གི་མིང་། |
| ལ་ད |
ལ་ཏ་དང་འདྲ། |
| ལ་དགུ |
རི་བོ་ཞིག་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་རྔ་བ་རྫོང་ན་ཡོད། |
| ལ་དགུ་ལ |
བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| ལ་དགུ་ལུང་དགུ |
1 རིའི་ལ་དགུ་དང་ལུང་པ་དགུ་སྟེ་ལ་ལུང་འབྲེལ་མ་མང་བའི་དོན། 2 ཡུལ རས་ཀྱི་རིགས་ཤུར་མ། |
| ལ་དབྱངས |
ལ་གཞས་དང་དོན་གཅིག་ |
| ལ་དམག་གྲུ་ཁ |
ཡུན་ནན་ཞིང་ཆེན་གྱི་རྒྱལ་ཐང་རྫོང་ཁོངས་འབྲི་ཆུའི་འགྲམ་དུ་ཡོད། |
| ལ་དུ |
ལ་ཆེན་པོ་རྒྱག་སྐབས་ཟ་རྒྱུའི་ཟ་ཆས་རིགས་ཤིག་གི་མིང༌། འོ་མ། སྦྲང་རྩི། ཀ་ར། བུ་རམ། ཏིལ་སྣུམ། མར། ཕྱུར་བ། ཆིས་མེན་བཅས་སྣ་ཁ་བརྒྱད་གྲོ་ཞིབ་དང་སྦྱར་ནས་བཟོས་པའི་བག་ལེབ་ལྟ་བུ། |
| ལ་དུག |
ས་བབ་མཐོན་པོ་དང་ཚ་དུག་ཆེ་བ་སོགས་ཀྱི་ལ་ལམ་དུ་འགྲོ་སྐབས་མགོ་ན་བ་དང་སྐྱུག་པ་འཆོར་བ་སོགས་བྱེད་པའི་ཚ་རློན་ཞིག |
| ལ་དོན |
རྣམ་དབྱེའི་རྐྱེན་སུ་ར་རུ་དུ་ཏུ་ན་བཅས་ལ་དང་འཇུག་པ་ཕལ་ཆེར་འདྲ་བས་བདུན་པོའི་སྤྱི་མིང་དུ་ལ་དོན་བཏགས་པ་དང༌། དེ་དག་གི་སྒྲ་སྦྱོར་སྐབས་རྗེས་འཇུག་དང་ཡང་འཇུག་སའི་མཐར་སུ་དང༌། རྗེས་འཇུག་ག་བ་གཉིས་དང་ཡང་འཇུག་ད་དྲག་མཐར་ཏུ། རྗེས་འཇུག་ང་ད་ན་མ་ར་ལ་བཅས་ཀྱི་མཐར་དུ། རྗེས་འཇུག་འ་དང་མཐའ་མེད་མཐར་ར་དང་རུ་གཉིས་གང་བདེ་སྦྱོར་ལ། ལ་ན་གཉིས་རྗེས་འཇུག་དང་ཡང་འཇུག་ལ་ལྟོས་མི་དགོས་པར་སྐབས་ཐོབ་ཀྱིས་འཇུག་ཅིང༌། དེ་དག་གི་དོན་སྦྱོར་ནི་རྣམ་དབྱེ་གཉིས་པ་དང་བཞི་པ་བདུན་པ་དེ་ཉིད་ཚེ་སྐབས་ལྔ་ལའོ། ལ སུ་ར་རུ་དུ་ཏུ་ན ལ ལ ལ ས སུ་ག་བ ད་དྲག ཏུ་ང་ད་ན་མ་ར་ལ དུ་འ ར རུ་ལ་ན |
| ལ་དྭགས |
ཡུལ་ཞིག |
| ལ་དྭགས |
ས་ཆ་ཞིག་གི་མིང་། |
| ལ་ཕུག |
ལོ་གཉིས་སྐྱེ་བའི་རྩི་ཤིང་རིགས་ཤིག་སྣ་ཁ་ཧ་ཅང་མང་། མེ་ཏོག་གློ་ཁ་འཆར། རྩ་བ་དང་ལོ་མ་ནི་ཚོད་མའི་རིགས་བཟང་བོ་ཡིན། འབྲས་བུ་སྨན་ལ་འཇུག། |
| ལ་ཕུག་སྒོར་འཚོད |
ཡུལ ཤ་དང་ལ་ཕུག་རྡོག་རྡོག་ཏུ་གཏུབས་ཏེ་མཉམ་དུ་བཙོས་པའི་ཟས་རིགས་ཤིག |
| ལ་ཕྱི་གངས་ཀྱི་ར་བ |
དིང་རི་དང༌། བྲིན་གྱི་བར་དུ་ཡོད་པའི་གངས་རི་ཆེན་པོ་ཞིག་སྔར་རྗེ་བཙུན་མི་ལ་རས་པས་སྒྲུབ་པ་ཡུན་རིང་བརྒྱབ་པའི་གནས་རི་ཞིག |
| ལ་བ |
ལྭ་བ་དང་འདྲ། |
| ལ་བཏགས |
ཡི་གེའི་སྨད་འདོགས་བཞིའི་ཡ་གྱལ་ཞིག་ཀླ་གླ་བླ་ཟླ་རླ་སླ་དྲུག་ལྟ་བུ། ལ ཀླ་གླ་བླ་ཟླ་རླ་སླ |
| ལ་བཙས |
1 ལ་རྩེའི་བརྩེགས་ཐོ་དར་ལྕོག་ཅན། 2 ལ་ཡི་ཤོ་ཁྲལ། ལ་བཙས་པ། |
| ལ་བརྒྱབ་ལུང་བརྒྱབ |
ཡུལ དོན་མེད་ཀྱི་སྐད་ཆ་ལབ་ལབ་བྱས་པ། |
| ལ་བོ་ཆེ |
1 ལ་ཆེན་པོ་སྤྱི། 2 བོད་རང་སྐྱོང་ལྗོངས་ཀྱི་སྒར་རྫོང་གི་ནུབ་རྒྱུད་ན་ཡོད་པའི་ལ་ཞིག |
| ལ་མ |
འདམ་རྩྭའི་རྩ་བ་ལས་ཆགས་པའི་པོ་ཐོ་སྐམ་ཐག་ཆོད་ན་བུད་ཤིང་གི་དོད་དུ་རུང་བ་ཞིག ལ་མའི་མེ། |
| ལ་མ་ཀླུངས |
ལ་མིན་ཀླུངས་མིན་ཏེ་རི་མིན་ཐང་མིན། |
| ལ་མགོ |
1 རི་མགོའམ་ལ་རྩེ། 2 ལ་ཡིག་གི་མགོ་ཅན་ཏེ། ལྐོག་ལྒང༌། ལྤགས། ལྟ་སོགས་ལྟ་བུ། ལ ལྐོག་ལྒང་ལྤགས་ལྟ |
| ལ་མེད་ལ |
ལ་ཞིག་བོད་རང་སྐྱོང་ལྗོངས་ཀྱི་རུ་ཐོག་རྫོང་དང་སྒར་རྫོང་གི་མཚམས་སུ་ཡོད། |
| ལ་མོ |
1 1 ལ་ལམ། 2 རི་བོ། 3 ས་མིང་ཞིག་བོད་རང་སྐྱོང་ལྗོངས་ཀྱི་སྟག་རྩེ་རྫོང་ཁོངས་སུ་ཡོད། 2.མྱུར་པོའམ་རན་ཁ་མ། ལ་མོར་ཁ་ཕྱིར་འཁོར་ཏེ་བྲོས་པ། ལ་མོ་ལ་མོར་ཤོག་ཅིག ལ་མོ་འགྲོ་ཤོམ་གྱིས། ང་ལྷ་ས་ནས་ཐོན་ཁ་ལ་མོར་ཁོང་དང་མཇལ་བྱུང༌། |
| ལ་མོ་ཆོས་སྐྱོང |
འབྲོག་རི་བོ་དགའ་ལྡན་གྱི་ལ་གཤམ་དུ་གནས་པའི་ཆོས་སྐྱོང་ཞིག་གི་མིང༌། |
| ལ་ཚད |
ལ་རྩེ་མཐོ་དམའི་རྟགས་ཚད། ལ་གཉིས་བར་གྱི་ལ་ཚད་དང༌། ཆུ་གཉིས་བར་གྱི་ཟམ་པ། |
| ལ་ཚིགས |
ལ་སྟེང་ལ་ཡོད་པའི་རི་ཉག |
| ལ་ཚུགས་པ |
སྔ་དུས་ལ་ཐོག་ནས་ཚོང་པའི་ཤོ་ཁྲལ་སྡུད་པ་པོ། |
| ལ་ཟུར |
ལ་ཁའི་གཡས་གཡོན་ཉེ་འགྲམ། |
| ལ་ཟློ་བ |
རྙིང 1 ཐག་གཅོད་པ། 2 ལ་བརྒལ་ཟིན་པ། |
| ལ་འཇམ |
1 རྐུན་མ་དང་གཅན་གཟན་སོགས་ཀྱི་གནོད་འཚེ་མེད་པའི་ལ་ལམ་འགྲིམ་འགྲུལ་བདེ་པོ། 2 ལ་ལམ་བདེ་པོ། |
| ལ་འཇོར |
མེ་ཤིང་སྤང་འགོག་བྱེད་ཀྱི་འཇོར་ཞིག |
| ལ་འབོལ |
ལ་འབེར་ཡང་ཟེར། གསེར་དངུལ་ཡོ་བྱད་བཟོ་མཁན་གྱིས་གསེར་དངུལ་ལེབ་མོ་སྦྱར་ཏེ་རི་མོ་འདོན་སའི་ལ་ཆ། |
| ལ་འུར |
མགྱོགས་པོ། ལ་འུར་གཏོར་མ་ཞིག་ཤོམས། ད་ལྟ་ལ་འུར་འགྲོ་དགོས། ལ་འུར་གཟིགས་མོར་བྱོན་དང་ཀྱེ། |
| ལ་འོག |
1 ལ་ཁར་མ་སླེབས་ཙམ། 2 རིའི་གཤམ། |
| ལ་འོང |
ཡུལ ལགས་སོ་ཞེས་པ་ལྟ་བུ་ཡུལ་སྐད་ཞེ་ཚིག་ཅིག |
| ལ་ཡོགས |
ཡུལ གཞན་ལ་ཚུལ་མིན་གྱི་བྱ་བ་བྱས་པའི་ངན་འབྲས་རང་ཐོག་སྨིན་པའི་མིང༌། གཞན་དྲིན་མ་བཅལ་བའི་ལ་ཡོགས། |
| ལ་རྒྱ |
1 རང་ཕྱོགས་ཀྱི་ཤ་ཞེན། མི་རིགས་ཀྱི་ལ་རྒྱ། ལ་རྒྱ་ཆེ། ལ་རྒྱ་ཤོར་བ། དགའ་ཉེའི་ལ་རྒྱ་འཚོ་བ། རྒྱལ་ཁབ་ཀྱི་ལ་རྒྱ་དང་བདག་དབང་ཤོར་བ། མིའི་སྙིང་རུས་ཉམས་ན་ལ་རྒྱ་འཆོར། རྟའི་ཤ་ཤེད་ཉམས་ན་བང་རྩལ་འཆོར། 2 སྤྱིར་བཏང་ངམ་སྤྱིར་ན། ལ་རྒྱ་བཤད་ན། |
| ལ་རྩ |
རི་ལམ་གྱེན་དུ་འགྲོ་སའི་དམའ་ཤོས། |
| ལ་རྩེ |
1 རིའི་རྩེ་མོ། 2 རི་ལམ་གྱེན་དུ་འགྲོ་ས་མཐོ་ཤོས། |
| ལ་རྫབ |
ཡུལ ཤིང་ལ་ཁྲའི་རྫབ། |
| ལ་རྫས |
ལ་མཐོ་དམའི་རྟགས། ལ་རྫས་རྡོ་ཕུང༌། |
| ལ་ལ |
(ཚབ་ཚིག) མི་དང་བྱ་དངོས་གཅིག་གམ་ཁག་གཅིག་མི་ལ་ལ། རྟ་ལ་ལ། ས་ཆ་ལ་ལ་ཞེས་པ་སོགས་ལྟ་བུ། |
| ལ་ལ་ནཱ |
ལེགས ཟླ་བའི་ཁམས་རྒྱུ་བར་བྱེད་པའི་རྩ་རྐྱང་མའི་མིང་གཞན་ཞིག |
| ལ་ལ་ཕུད |
སྔོ་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་ཕོ་ནད་གྲང་བ་དང༌། མ་ཞུ་བ་སེལ། |
| ལ་ལི་ཏ |
སྔར་རྒྱ་གར་མ་གྷདྷར་གསང་སྔགས་ཉམས་སུ་ལེན་པའི་ཆོས་པ་དེ་ན་ལེནྡྲར་སློབ་གཉེར་མཛད་དེ་གྲུབ་པ་ཐོབ་པའི་པཎྜི་ཏར་གྱུར་པ་ཞིག |
| ལ་ལུང |
1 ལ་དང་ལུང་པ། 2 གང་ས་གང་ལ། ལ་བརྒྱབ་ལུང་བརྒྱབ། ལ་གཏམ་ལུང་གཏམ། ལ་དགུ་ལུང་དགུ། |
| ལ་ལོ |
གྲངས་གནས་ཤིག |
| ལ་ལྔ་མཚོ |
མཚོ་ཞིག་བོད་རང་སྐྱོང་ལྗོངས་ཀྱི་སྤུ་ཧྲེང་རྫོང་གི་དབུས་སུ་ཡོད། |
| ལ་ཤགས |
ནང་གོས་སྲབ་མོ་ཞིག |
| ལ་ཤན་དབྱེ་བ |
འདྲེས་ནས་ཡོད་པ་རྣམས་དབྱེ་བ་ཕྱེ་བ། |
| ལ་སོ |
ལ་རྩེ་སྲུང་མཁན་ནམ་སོ་པ། ལ་སོ་ལྟ་མཁན་གྱི་དམག་མི། |
| ལ་སོགས |
(གྲངས་ཚིག) དངོས་སུ་མ་བཤད་པའི་དོན་བསྡུས་པ་བོད་ཀྱི་ས་ཆ་ན་གཙོད་དང་དོམ་ཁྲ་ལ་སོགས་པ་རྩ་ཆེའི་སེམས་ཅན་མང་པོ་ཡོད་ལྟ་བུ། |
| ལ་སོགས་པ |
སྡུད་པའི་ཚིག་ཕྲད། བཟོ་གྲྭར་རྒྱ་དང་བོད་དང་སོག་པོ་ལ་སོགས་པའི་བཟོ་པ་མང་པོ་ཡོད། |
| ལ་སྐུད |
ཟར་མ་ལས་བཟོས་པའི་སྐུད་པ་ཞིག |
| ལ་སྒོ |
ལ་རྩེའི་ཉག་ཀ། |
| ལ་སྒྲ་མཚམས་སྦྱོར |
ཚིག་ཕྲད་ཀྱི་ལའི་འཇུག་ཚུལ། ལ ལ རི་བོ་མཐོ་ལ་རྩི་ཤིང་རྒྱས་པ། མགོ་ཆེ་ལ་མཇུག་མ་ཆུང་བ། མགོ་ཚོད་ལ་མ་ཚོད། |
| ལ་སྒྲ་ལྷག་བཅས |
མཚམས་སྦྱོར་ལྷག་བཅས་ལ་འཇུག་པའི་ལ་ཡིག་ལ སྟེ་ཏེ་དེ ལ ལག་པ་བཀྲུས་ལ་ལྟོ་བཟས། མིག་གིས་བལྟས་ལ་ཡི་གེ་བྲིས། |
| ལ་སྟོང |
རི་སྟོང་མི་ཕྱུགས་ཁང་གུར་སོགས་གང་ཡང་མེད་པའི་ལ། |
| ལ་སྟོད |
དིང་རི་རྫོང་གི་ས་ཆ་ཞིག |
| ལ་སྟོད་བྱང |
ས་སྐྱ་རྫོང་གི་ས་ཆ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| ལ་སྟོད་ལྷོ |
ས་སྐྱ་རྫོང་གི་ས་ཆ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག |
| ལ་སྨན |
1 མཁྲིས་སྨན་ཞིག 2 སྦྱར་བའི་སྨན། 3 བོད་དུ་མི་སྐྱེ་བའི་སྨན་ཨ་བར་སྐྱུར་གསུམ་ལྟ་བུ་རྒྱ་གར་ནག་སོགས་ནས་ལ་བརྒྱབ་སྟེ་ཁྱེར་ཡོང་བའི་སྨན་རྣམས་ལ་ཟེར། |
| ལ་སྩོགས་པ |
རྙིང ལ་སོགས་པ། |
| ལག |
1 རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག 2 མི་གཅིག་གིས་བདག་སྐུལ་བྱེད་པའི་རྟ་དྲེལ་བཅུ་རེའམ་བདུན་རེའི་མིང༌།…3.ལག་པ་མིའི་ཡན་ལག་སྟོད་མ་གཉིས་སམ་ལག་མགོའི་མིང་། དཔེར་ན། ལག་མཛུབ། ལག་མཐིལ་ཞེས་པ་ལྟ་བུ། |
| ལག་ཀོར |
ལག་པའི་རྒྱན་གྱི་བྱེ་བྲག་ཅིག |
| ལག་ཁུག |
ཡུལ ཇ་སོགས་བླུག་སྣོད་ཁུག་མ་ཆུང་ངུའི་མིང༌། |
| ལག་ཁོག |
ཡུལ ལག་པ་གཉིས་ཀ་འབྱར་བའི་ཕྱུགས་ཤ་སྟོད་ཁོག |
| ལག་ཁྱེར |
ངོ་སྤྲོད་དམ་ངོས་སྦྱོར་གྱི་ཡི་གེ། |
| ལག་ཁྱོར |
ལག་པ་ཡ་གཅིག་གི་ཁྱོར་བ། |
| ལག་ཁྲིད |
དངོས་ཁྲིད་དམ་དམར་ཁྲིད། ཞལ་ལུང་ལག་ཁྲིད། |
| ལག་གཏམ |
སྔ་དུས་ཚོང་པ་ཚོས་རིན་གོང་སྒྲིག་སྐབས་ཁ་ནས་མི་ཤོད་པར་ཕན་ཚུན་ལག་སོར་གཏོང་རེས་ཀྱིས་གོ་བསྡུར་བྱེད་ཚུལ། |
| ལག་གཏུབ |
རྙིང 1 མགྱོགས་པ། 2 ཐེག་ཐུབ་པ། |
| ལག་གདན |
ཡུལ ཕོར་པ་སོགས་དཀྲུག་བྱེད་ཀྱི་ལག་ཆ་རྟེན་སའི་པང་ལེབ། |
| ལག་གདུབ |
ལག་རྒྱན། མིང་གི་རྣམ་གྲངས་ལ་ལག་ཀོར་དང་ལག་དཀྲིས་སོ། |
| ལག་གནད |
ལག་འཛངས་སམ། ལག་ཐོགས། འགྲོ་སོང་གཏོང་བྱེད་ལག་གནད་ཆེན་པོ་འདུག |
| ལག་གཟུང |
1 སྒོ་གླེགས་འབྱེད་གཅོད་བྱེད་པའི་ལག་འཛིན་ཨ་ལུང༌། 2 སྐས་ཀྱི་ལག་འཇུ། |
| ལག་གཟེར་རྒྱག་པ |
སྔ་དུས་རྐང་ལག་གི་ཤ་སེན་བར་དུ་སྨྱུག་གཟེར་འཛུད་པའི་ཁྲིམས་ལུགས་ངན་པ་ཞིག |
| ལག་གཟོང |
རྡོ་བཟོ་བའི་ལག་ཆ་ཞིག |
| ལག་གཡོག |
1 ལག་རྩལ་མི་སྣའི་ལས་རོགས། 2 གཡོག་པོའི་ཡང་གཡོག |
| ལག་གཡོབ |
ཚུར་ཤོག་གམ་ག་ལེ་སྡོད་ཅེས་གོ་བྱེད་ཀྱི་ལག་བརྡ་ཞིག |
| ལག་གཡོར |
ལས་ཀའི་ལག་རོགས་བྱེད་པའི་མིང༌། རོགས་རེས་ལག་གཡོར། |
| ལག་གཤོར་རྩིས་སྤྲོད |
འབྲུ་སོགས་ལག་ཐོག་ཏུ་བཤར་ནས་རྩིས་སྤྲོད་བྱེད་པ། |
| ལག་གསག |
1 རྡེག་རྡུང་ངམ་ལག་འགྱོགས་སྐྱེན་པོ། 2 གཞན་ལ་ལག་པས་རྡུང་ལང་ཤོར་བ། |
| ལག་གསོས |
ཕྱུགས་རིགས་སྡོད་གནས་སུ་ཉར་ཞིང་གསོ་བའམ་ཆུང་དུས་ནས་རང་ཁྱིམ་དུ་གསོ་བ། |
| ལག་གི་བླ |
1 ལས་དཔོན། 2 དགོན་སྡེའི་ལས་ཀ་བྱེད་མི། |
| ལག་ངར |
མིའི་ལག་པ་དང་ཕྱུགས་ཀྱི་ཡན་ལག་སྟོད་མ་གཉིས་ཀྱི་མཁྲིག་མའི་མན་དང་གྲུ་མོའི་ཡན་གྱི་ལྷུའི་མིང་། |
| ལག་ཆ |
1ངལ་རྩོལ་ཡོ་བྱད་ཀྱི་སྤྱི་མིང་མགར་བའི་ལག་ཆ། ཤིང་བཟོའི་ལག་ཆ་ཞེས་པ་ལྟ་བུ། 2མཚོན་ཆའི་མིང་དམག་གི་ལག་ཆ་ཞེས་པ་ལྟ་བུ། |
| ལག་ཉ |
འདུལ་བའི་བརྡ་ཆད་ཅིག་བྱིན་ལེན་མ་བྱས་པར་གཡོས་སུ་སྦྱར་བའི་ཟས་ལ་རེག་པའོ། |
| ལག་ཉལ |
ལྷ་བརྒྱ་བྱིན་གྱི་ཕྱག་མཚན་རྡོ་རྗེ། |
| ལག་ཉེས་ཁུར་བ |
བྱ་བ་ངན་པ་བྱེད་པའི་ཀུན་སློང་མེད་ཀྱང་སྟེས་དབང་གིས་རྐྱེན་ངན་བྱུང་བ། རྟ་འདོ་བའི་སྟེང་གི་ཕོ་རྒོད་དེ། ཕོ་སྔར་མའི་ལག་ཉེས་འཁུར་ཡང་སྲིད། |
| ལག་ཏུ་ཚུད |
ལག་པར་ཐེབས་པ། ཝ་སྡར་མ་རྔོན་པའི་ལག་ཏུ་ཚུད། |
| ལག་ཏུ་ལེན་པ |
1 ལག་པར་འཛིན་པ། 2 ལས་ཀ་དངོས་སུ་བྱེད་པ། |
| ལག་ཐལ |
ལག་པ་སྡོད་མི་ཚུགས་པར་ཐལ་བ། |
| ལག་ཐུག་པ |
ཡུལ ལག་པས་རྒྱག་རེས་བྱེད་པ། |
| ལག་ཐུབ |
1 རྙིང མགྱོགས་པ། 2 ཐེག་ཐུབ་པ། |
| ལག་ཐེལ |
སྔར་བོད་ས་གནས་སྲིད་གཞུང་གི་དམག་མི་དཀྱུས་མ་ཚོའི་ལག་གདུབ་ལ་རྒྱག་པའི་ཐེའུ། |
| ལག་ཐོ |
རྡོ་དང་ལྕགས་སོགས་རྡུང་བྱེད་ཀྱི་ཐོ་བ། |
| ལག་ཐོག |
ད་ལྟ་ལག་པར་ཡོད་བཞིན་པ། ལག་ཐོག་ཚོང་ཟོག དངུལ་ལག་ཐོག་ཏུ་སྤྲོད་པ། ལག་ཐོག་ཏུ་ཡོད་པའི་ཟ་འབྲུ། |
| ལག་ཐོགས |
ཁ་ཚ་དགོས་གཏུགས། ཉེ་ཆར་དངུལ་ལག་ཐོགས་པོ་བྱུང༌། ཐུག་པ་འཐུང་ཁར་ཚྭས་ལག་ཐོགས། |
| ལག་དཀྲིས |
ལག་གདུབ། |
| ལག་དངུལ |
1 ལག་ཏུ་དངོས་སུ་ཡོད་པའི་དངུལ། 2 གནས་སྐབས་འགྲོ་སོང་བེད་སྤྱོད་གཏོང་བྱེད་ཀྱི་དངུལ། འཕྲལ་མཁོའི་ལག་དངུལ། |
| ལག་དཔོན |
1 ལག་ཤེས་ཅན་གྱི་དཔོན་པོའམ་འགོ་བྱེད། 2 ལས་འགོ་རྩོམ་མཁན། ཁེང་ལོག་གི་ལག་དཔོན། |
| ལག་དམ |
1 ལག་པ་དམ་པོ། 2 ཐེལ་རྩེ། |
| ལག་དམར |
1 བཤན་པ། བཤན་པ་ལག་དམར་གྱིས་སེམས་ཅན་ནོར་ལུག་གསོད། 2 མི་གསོད་མཁན། |
| ལག་དམར་བ |
དངོས་སུ་མི་གསོད་མཁན། |
| ལག་དར |
ཁ་བཏགས་མཇལ་དར། |
| ལག་དལ |
ལས་ཀ་མེད་པ། ལག་དལ་གྱིས་རི་མོ་འབྲི། |
| ལག་དེབ |
1 འཕྲལ་འཕྲལ་ལྟ་རྟོག་བྱ་རྒྱུའི་དེབ་ཐོག་ཡི་གེ། སྐབས་དོན་ལག་དེབ། གློག་འཁོར་ལག་དེབ། 2 ཉེར་མཁོའི་ཐོ་འབྲི་གཞིའི་དེབ། གཏོང་ཡོང་ལག་དེབ། ངལ་རྩོལ་ལག་དེབ། |
| ལག་དོ |
སྤྱི་ཚོགས་རྙིང་བར་ཕྱི་ལ་ཚོང་དུ་འགྲོ་མཁན་གྱི་སྦྱིན་བདག་ལ་གླ་བྱེད་པའི་མི། |
| ལག་དོ་བ |
རྟ་དྲེལ་སོགས་ལ་ཁལ་འགེལ་མཁན་གྱི་མིང༌། ལག་དོ་རྒྱུག |
| ལག་དོག |
སྐུད་པ་ལག་པར་དཀྲིས་པའི་དོག་པ། བལ་སྐུད་ལག་པར་དོག་རྒྱག་པ། |
| ལག་ན་གཞོང་ཐོགས |
རི་རབ་བྱང་ངོས་སུ་རྣམ་ཐོས་སྲས་ཀྱི་འཁོར་དུ་གྱུར་པའི་གནོད་སྦྱིན་ཞིག |
| ལག་ན་གཤོལ |
མངོན ལྷ་སྟོབས་བཟང༌། |
| ལག་ན་རིན་ཆེན |
བྱང་སེམས་ཤིག་གི་མཚན། |
| ལག་ན་རྡོ་རྗེ |
ཕྱག་ན་རྡོ་རྗེ་དང་དོན་གཅིག་ |
| ལག་ནས |
1 ལག་ཏུ་དངོས་སུ་ཡོད་པའི་འབྲུ་རིགས། 2 ཡུལ་འབྲོག་བར་དུ་ཇ་མར་དང་འབྲུ་རིགས་སོགས་ཕན་ཚུན་བརྗེ་འཚོང་བྱེད་སྐབས་ཀྱི་ལག་གཤོར་འབྲུ་རིགས། |
| ལག་ནོར |
1 རང་གི་ལག་པར་ཡོད་པའི་ནོར་རྫས། 2 ལག་པས་བྱེད་སྟངས་འཕྱུགས་པ། |
| ལག་པ |
1 ལུས་ཀྱི་ཡན་ལག་གི་མདུན་མ། ལག་ཚིགས། ལག་སྒྲོག ལག་པ་ཤོར་བ། ལག་གཉིས་རྒྱབ་ཏུ་བསྣོལ། ལག་པས་ལག་པ་བསྡམས་པ། ལག་གདངས་དཔུང་སྦྲེལ། རྐང་སྟབས་ལག་སྟབས། ཤིང་སྡོང་ལག་བཙུགས། ལག་པ་དམ་པོ། ལག་པ་བཀྲེན་པ། ལག་པ་ལྷོད་པོ། ལག་འཛངས། ལག་པ་མི་སྤོབས་པ། ལག་པ་གཡར་རོགས། ཟ་རྒྱུ་འཐུང་རྒྱུ་གནམ་གྱི་ལག་ཉལ་ས་དྲོ་པོ་རང་གི་ལག ལག་པར་ཤ་ཡོད་ན་ནམ་མཁའི་བྱ་འཁོར། ལག་པ་ཚ་དུས་སྐམ་པ། མིང་གི་རྣམ་གྲངས་ལ་གཅོད་བྱེད་དང༌། འཇུག་པར་བྱེད། ཐ་སྙད་སྟོན་བྱེད། དཔུང་པའི་འདབ། འབབ་བྱེད། འཛིན་བྱེད། ཡལ་ག་ལྔ་པ། སུག་པ་བཅས་སོ། 2 ཙ་ལག་དང་ཚ་ལག་ཛ་ལག་ཙ་ཚ་ཛ ཙ་ལྷག་ཚ་ལྷག ཛ་ལྷག 3 རྒྱུ་སྐར་ཞིག མིང་གི་རྣམ་གྲངས་ལ་ནག་མོ་དང༌། དྲག་མོ། དྲག་ཤུལ་མ། དམག་དཔོན་དགྲ་བཅས་སོ། 4 མངོན ལག་པ་ལ་གཡས་གཡོན་གཉིས་ཡོད་པས་གྲངས་གཉིས་མཚོན། |
| ལག་པ་ཀྱོག་པ |
རྙིང ལག་པ་ཡུག་ཡུག་བྱེད་པ། |
| ལག་པ་ཁ་སྦྱར |
ཐལ་མོ་སྦྱར་བ། ལག་པ་ཁ་སྦྱར་གྱིས་གུས་འདུད་ཞུ་བ། |
| ལག་པ་གཏོང་བ |
1 ལག་པ་གཏོང་རེས་བྱས་པ། 2 ཡུལ ལག་གཏམ་དང་འདྲ། |
| ལག་པ་བརྒྱ་པ |
མངོན བདུད་ཀྱི་བུ། |
| ལག་པ་བསྙལ |
རྙིང ལག་བཀྲུས་པ། |
| ལག་པ་མི་སྤོབས |
མངོན བག་ཡོད། |
| ལག་པ་འཛིན |
མངོན བག་མའམ་ཁྱིམ་བདག་མོ། |
| ལག་པ་ལྷུག་པོ |
སེར་སྣ་མེད་པའམ་ལག་པ་ཡངས་པོ། གཏོང་ཕོད་ཆེ་བའི་ལག་པ་ལྷུག་པོ། |
| ལག་པ་སྐྱོང |
མངོན གྲི། |
| ལག་པའི་ཆུ་བོ |
མངོན ཆུ་བོ་སི་ཏཱ། |
| ལག་པའི་ཕྱག་རྒྱ |
དོན་སྣ་ཚོགས་སྟོན་པར་བྱེད་པའི་བརྡ་རྟགས་ཀྱི་ཕྱག་རྒྱ། |
| ལག་པའི་ཚེར་མ |
མངོན སེན་མོ། |
| ལག་པའི་ཡལ་ག |
མངོན སོར་མོ། |
| ལག་པའི་རྡེག་ཆ |
མངོན མཚོན་ཆ། |
| ལག་པོད |
1 ལག་ཚབ་བམ། སྐྱིན་པའམ་ཕན་ཚུན་རོགས་རེས་བྱེད་པའི་ལས་ཀའི་ལན། ངལ་རྩོལ་ལག་པོད། ལག་པོད་ཚོགས་ཆུང༌། ལས་ཀ་ལག་པོད་ཀྱིས་བྱས་པ། 2 ཕན་ཚུན་གནོད་པ་བྱེད་པའི་ལན། ངན་ལན་ངན་འཇལ་གྱིས་ལག་པོད་སློག་པ། |
| ལག་ཕུབ |
ཕུབ་ཀྱི་མིང༌། ཤིང་གི་ལག་ཕུབ་ཀྱིས་མེ་མདའ་འགོག་མི་ཐུབ། |
| ལག་ཕྱི་བ |
རྣག་གཟན་ཏེ་དགེ་སློང་གི་གོས་ཀྱི་གྲས་ཤིག |
| ལག་ཕྱིས |
1 ལག་པ་འབྱིད་བྱེད་ཀྱི་རས་སོགས། 2 རང་སྐྱོན་གཞན་འགེབས། རང་སྐྱོན་གཞན་ལ་ཁ་འཕངས་ལག་ཕྱིས་བྱེད་མི་རུང༌། |
| ལག་བཅག |
ལག་ལྕག་དང་འདྲ། |
| ལག་བཅུད་ཆེ |
ལྟོ་ཆས་གང་བཟོས་ན་ཡང་བྲོ་བ་ཆེན་པོ་ཡོད་པ། |
| ལག་བདར་བ |
ལག་གིས་དངོས་སུ་བྱས་པ། |
| ལག་བདེ་བ |
1 ལག་པ་གཅོང་མེད། 2 ལག་རྩལ་མཁས་པ། ཁ་བདེ་པོས་ལག་བདེ་པོའི་གོ་མི་ཆོད། 3 གྲྭ་པ་ཚོགས་སྐབས་ཇ་ཐུག་འདྲེན་མཁན། |
| ལག་བཞག |
ལག་ལེན་བསྟར་བ། ཁ་ཐོག་ལག་བཞག དེ་ལྟར་འཕྲལ་དུ་ལག་བཞག་ཡོད་པ་གྱིས། |
| ལག་བཟང |
བྱང་སེམས་ཤིག་གི་མཚན། |
| ལག་བཟོ |
ལག་ཤེས་བཟོ་ལས། ལག་བཟོ་བ། |
| ལག་བརྟེན |
ལག་རྟེན་དང་འདྲ། |
| ལག་བརྡ |
ལག་པས་སྟོན་པའི་བརྡ། ལག་བརྡ་གཏོང་བ། ལག་བརྡ་སྟོན་པ། |
| ལག་བརྡུལ |
1 ལག་པས་གཡོབ་པ། 2 ལག་པས་ཕྱེ་མར་བཏུལ་བ། |
| ལག་བརྫེས |
ལག་པའི་ཕུ་ཐུང་ཡར་བསྡོགས་པ། |
| ལག་བཤད |
ཁ་རྩོད་རྒྱག་སྐབས་ཐལ་མོ་གཅིག་གི་ནང་ངོས་སུ་ཐལ་མོ་ཅིག་ཤོས་ཀྱི་རྒྱབ་ངོས་ཀྱིས་བརྡབས་ནས་ཤིན་ཏུ་ཁོང་ཁྲོ་བའི་རྣམ་འགྱུར་གྱི་བྱེ་བྲག་ཅིག |
| ལག་བསྙལ་བ |
རྙིང ལག་པ་བཀྲུས་པ། |
| ལག་བསྟར |
ལས་ཀ་དངོས་སུ་བྱས་པ། སྲིད་ཇུས་ལག་བསྟར། འཆར་གཞི་ལག་བསྟར། |
| ལག་བསྟར་མ |
1 རང་གི་ལག་པས་དངོས་སུ་བྲིས་པའི་ཡི་གེ། 2 རང་གི་ལག་པས་དངོས་སུ་བྱས་པའི་ལས་ཀ། |
| ལག་བསྡོགས |
1 ཡུལ སྣུམ་བཙོས་ཁ་ཟས་ཀྱི་བྱེ་བྲག་ཅིག 2 ལག་པས་གྲ་སྒྲིག་གམ་སྟ་གོན་བྱས་པ། |
| ལག་བྲིས |
རང་གིས་བྲིས་པའི་རི་མོ་དང་ཡི་གེ། |
| ལག་མགོ |
ལག་པའི་མཁྲིག་མ་མན་ཆད། |
| ལག་མགོ |
ལག་པའི་མཁྲིག་མ་ཡན་མཛུབ་མོ་དང་བཅས་པའི་མིང་། |
| ལག་མཐིལ |
ལག་པའི་ནང་གི་དབུས། ལག་མཐིལ་གྱེན་དུ་བསྟན་པ། ལག་མཐིལ་གྱི་རི་མོ་ལྟར་གསལ་ལེར་མངོན། ས་གནས་འདིའི་ཆ་རྒྱུས་ཤེལ་སྒོང་ལག་མཐིལ་དུ་བླངས་པ་འདྲ་བ། |
| ལག་མཐུ |
ལག་པའི་སྟོབས་ཤུགས། ལག་མཐུས་གླགས་མི་ཆ་བ། ལག་མཐུས་བསད་པ། |
| ལག་མདུང |
ལག་པར་འཁྱེར་བདེ་བའི་མདུང་ཐུང༌། |
| ལག་མཛོད |
མངོན སྒམ། |
| ལག་མར |
1 འབྲུ་རིགས་སོགས་བཙོངས་པའི་རིན་ལག་ཐོག་ཏུ་འཕྲལ་སྤྲོད་བྱེད་པའི་མར། 2 ལག་ཏུ་དངོས་ཡོད་ཀྱི་མར། |
| ལག་ཚབ |
1 ལག་པའི་ཚབ། 2 ལག་རོགས་བྱས་པའི་སྐྱིན་ཚབ། |
| ལག་ཚེམ |
འཕྲུལ་འཁོར་སོགས་ལ་མ་བརྟེན་པར་ལག་པས་རྒྱག་པའི་ཚེམ་བུ། |
| ལག་ཞ |
ལག་པ་ལ་སྐྱོན་ཤོར་བ། |
| ལག་ཞོར |
ཆེད་དུ་མ་ཡིན་པར་ལག་པའི་ཞར་ཞོར་དུ་ཁྱེར་སོང་བ། |
| ལག་ཟད་དཔུང་ཐུག |
ཆ་རྐྱེན་རྫོགས་པའམ་ཟད་པའི་དཔེ། |
| ལག་ཟན |
མངོན འོ་མ་འཇོ་མཁན། |
| ལག་ཟིན |
ལག་ཏུ་ཟིན་པ། མིག་མཐོང་ལག་ཟིན། |
| ལག་འཁར |
འཁར་རྒྱུག་གམ་བེར་ཀ། ལག་འཁར་བཙུགས་ནས་ཁྱར་ཁྱོར་དུ་འགྲོ་བ། |
| ལག་འཁོར |
1 ལག་པས་བསྐོར་བྱའི་མཆིག 2 ལག་པས་སྐོར་རྒྱུའི་མ་ཎིའི་འཁོར་ལོ། |
| ལག་འཁྱེར |
1བདེན་དཔང་བྱེད་ཐུབ་པའི་འཛིན་ཡིག་སོགས་ཀྱི་མིང་། 2ཡུལ་སྐད་ལ་ལར་སྐྱེས་སུ་འཁྱེར་བའི་དངོས་རྫས་ཀྱི་མིང་། |
| ལག་འཁྲུ |
མངོན སེན་མོ། |
| ལག་འགྱོག |
ཡུལ ལག་པ་བསྒུལ་ནས་གཞན་ལ་རྡུང་བཙོག་བྱེད་པ། དོན་རྐྱེན་ཕྲ་མོ་ཙམ་ཡང་མེད་པར་གཞན་ལ་ལག་འགྱོག་མི་རིགས། |
| ལག་འགྲིམ |
ལག་བརྒྱུད་དེ་མི་གཅིག་ནས་གཅིག་ལ་རིམ་བཞིན་སྤྲོད་པ། སྤྱི་གཉེར་གསར་རྙིང་ལག་འགྲིམ་གྱིས་སྤྱི་རྫས་སྤྲོད་ལེན་བྱེད་པ། མི་རེ་རེ་བཞིན་ལག་འགྲིམ་པ། |
| ལག་འགྲོ |
མངོན 1 སྦྲུལ། 2 ཀླུ། |
| ལག་འགྲོ་ཟ |
མངོན 1 རྨ་བྱ། 2 ཁྱུང༌། |
| ལག་འགྲོའི་མགོན་པོ |
མངོན ཀླུའི་རྒྱལ་པོ། |
| ལག་འགྲོའི་ཟས་ཅན |
མངོན 1 རྨ་བྱ། 2 ཁྱུང༌། |
| ལག་འགྲོའི་སྙིང་པོ |
མངོན ཙན་དན་སྦྲུལ་གྱི་སྙིང་པོ། |
| ལག་འཇམ |
ལག་པའི་བྱེད་སྟངས་འཇམ་པོ། ཁ་འཇམ་ལག་འཇམ། |
| ལག་འཇུ |
1 ཅ་ལག་སོགས་ལག་པས་འཇུ་བ། 2 འཛེག་སྐས་ཀྱི་གཡས་གཡོན་ལག་པ་འཇུ་སའི་རུ། 3 འཇུ་ལུང་ཡོད་པའི་སྣོད་སྤྱད་ཀྱི་སྤྱི་མིང༌། |
| ལག་འདེབས་ས་ཞིང |
སྔ་དུས་ཞིང་བདག་སྒེར་གྱིས་དོ་དམ་བྱས་ཏེ་འདེབས་པའི་ས་ཞིང༌། |
| ལག་འདོན |
1 རང་གི་ལག་པ་ནས་བཏང་བའི་འགྲོ་སོང༌། 2 སྔ་དུས་འབྲུ་དངུལ་སོགས་ལག་ཐོག་ནས་འཇལ་སྤྲོད་དགོས་པའི་རིགས་རྣམས། |
| ལག་འཕོས |
རྔན་ནམ་ཁོན་གྱི་ལན་འཇལ་བ། |
| ལག་འབབ |
ལག་ཐོག་ཏུ་འབབ་པ། ལག་འབབ་ཁེ་སྐྱེད། |
| ལག་འབྱོར |
ལག་པར་འཕྲོད་པའམ་བྱུང་བ། ཕྱག་བྲིས་ལག་འབྱོར། བརྡ་ཡིག་ལག་འབྱོར་བྱུང་བ། འབད་རྩོལ་བྱས་འབྲས་ལག་ཏུ་འབྱོར་བ། |
| ལག་འབྲས་གཙང་མ |
བཟོས་པའི་ཅ་ལག་སྤུས་ཀ་ལེགས་པ། ལག་རྩལ་ཅན་གྱིས་ག་རེ་བཟོས་ཀྱང་ལག་འབྲས་གཙང་མ་ཡོང་གི་རེད། |
| ལག་འབྲེག |
སྔ་དུས་མིའི་ལག་པ་གཅོད་པའི་ཁྲིམས་ལུགས་ཤིག |
| ལག་འབྲེལ |
བསམ་སྦྱོར་གཅིག་མཐུན་གྱི་འབྲེལ་བ་ཡོད་པ། ལག་འབྲེལ་དམ་ཟབ། ཕན་ཚུན་ལག་འབྲེལ་ཡོད་པ། |
| ལག་འཛངས |
ལག་ཏུ་རྒྱུ་ཆས་སོགས་དཀོན་པོ་ཆགས་པ། དེང་སྐབས་ཕྲན་ལ་དངུལ་ལག་འཛངས་ཆེན་པོ་འདུག |
| ལག་འཛིང |
གདོང་ཐུག་ཏུ་འཐབ་པ། ཤི་གསོན་ལག་འཛིང༌། ཕན་ཚུན་ལག་འཛིང་བྱེད་པ། དགྲ་བོ་དང་ལག་འཛིང་རྒྱག་པ། |
| ལག་འཛིན |
སྤྲོད་ལེན་གྱི་དཔང་རྒྱའི་ཡི་གེ། |
| ལག་འཛིན་མ |
མངོན 1 བག་མ། 2 ནང་གི་ཨ་མ། |
| ལག་འོག |
རང་གིས་བཀོད་གཏོང་བྱེད་ཡུལ། |
| ལག་ཡངས |
གཏོང་ཕོད། གཞན་གྱི་རྒྱུ་ནོར་ལག་ཡངས་བེད་སྤྱོད་མ་བྱེད། |
| ལག་ཡར |
འབྲི་ཡར་མའི་མིང༌། |
| ལག་ཡུ |
ལག་ངར། |
| ལག་ཡོད |
1 དངོས་སུ་ལག་ཐོག་ཡོད་པ། ལག་ཡོད་ཡོང་འབབ། 2 དཔའ་ཡོད་པ། བཤད་ན་ཁ་ཡོད་པ། འཛིངས་ན་ལག་ཡོད་པ། |
| ལག་རས |
ལག་ཕྱིས་ཀྱི་རས། |
| ལག་རིས |
1 ལག་པའི་རི་མོ། ལག་རིས་ལྟར་སེམས་ལ་ངེས་པ། 2 བྱས་རྗེས། |
| ལག་རུབ |
ལག་པ་མང་པོ་འདུས་པའི་དཔུང་རོགས། |
| ལག་རོགས |
ལས་རོགས། |
| ལག་རྐྱོང |
མངོན སྤྲང་པོ། |
| ལག་རྒྱན |
གྲུ་གདུབ་སོར་གདུབ་སོགས་ལག་པ་མཛེས་བྱེད་ཀྱི་རྒྱན། |
| ལག་རྒྱུན |
ལག་ལེན་གྱི་སྲོལ་རྒྱུན། ལག་རྒྱུན་ཆད་པ། ལག་རྒྱུན་རྙིང་པ། ལག་རྒྱུན་བཟང་པོ། |
| ལག་རྔ |
ལག་པས་བཟུང་སྟེ་བརྡུང་རྒྱུའི་རྔ་ཡུ་བ་རིང་བ། |
| ལག་རྗེས |
1བྱ་བ་བྱས་པའི་འབྲས་བུ་ཁྱད་པར་དུ་འཕགས་པའི་མིང་རྒྱལ་ཁབ་འཛུགས་སྐྲུན་ལ་ལག་རྗེས་འཇོག་དགོས་ལྟ་བུ། 2ལག་པས་དཔར་བའི་རྗེས་ཀྱི་མིང་། |
| ལག་རྟགས |
ལེགས་སྐྱེས། ལག་རྟགས་ཆུང་ཡང་སེམས་པའི་ཁྱད། |
| ལག་རྟེན |
1 འཁར་རྒྱུག 2 ཡུལ 1)སྐས་ཀྱི་ལག་འཇུའི་ཤིང༌། 2)རྫ་མཁན་གྱི་ལག་ཆ་ཞིག་གི་མིང༌། |
| ལག་རྡུགས |
ཉེ་བར་མཁོ་སྐབས་དགོས་མཁོ་ལ་ཕན་འདོགས་མི་ཐུབ་པ། |
| ལག་རྡུམ |
1 ལག་ཆད། བློ་གྲོས་མེད་པའི་ལས་ཀ་དེ། ལག་རྡུམ་བྲག་ལ་འཛེག་དང་མཚུངས། མིང་གི་རྣམ་གྲངས་ལ་ལག་འཁུམས་དང་ལག་རིལ་ལོ། 2 ས་བདག་མི་མིན་ཞིག |
| ལག་རྡོ |
ཡུལ ལྕགས་རྡུང་བྱེད་ཀྱི་ཐོ་བ་ཆུང་ངུ་ཞིག |
| ལག་རྩལ |
1རྒྱུ་རྫས་སྐྲུན་བྱེད་ཀྱི་ཐབས་སམ་ནུས་པའི་མིང་བཟོ་ལས་ཀྱི་ལག་རྩལ་སྦྱང་། ཞིང་ལས་ཀྱི་ལག་རྩལ་བསླབས་ལྟ་བུ། 2ནུས་རྩལ་ཁྱད་པར་བའི་མིང་སྨན་དཔྱད་ཀྱི་ལག་རྩལ། ཕོ་ལོང་རྒྱག་པའི་ལག་རྩལ་ཞེས་པ་ལྟ་བུ། 3ལག་པའི་ཤེད་ཤུགས་ཀྱི་མིང་ལག་རྩལ་ཆེ་ལྟ་བུ། |
| ལག་རྩིས |
མཛུབ་མོས་འདྲེན་པའི་གྲངས་རྩིས། |
| ལག་ལན |
རྡུང་རྡེག་གི་ཡ་ལན། ཁ་ལན་དང་ལག་ལན་སྤྲོད་པ། |
| ལག་ལེན |
1རང་གི་བསམ་ཚུལ་དང་ཁས་བླངས་པའི་ཚིག་སོགས་དངོས་སུ་བསྒྲུབས་པའི་བྱ་སྤྱོད་ཀྱི་མིང་ཚིག་དོན་ལག་ལེན་ལ་བཏབ། ཁ་བཤད་ཙམ་མིན་པར་ལག་ལེན་ལ་འདེབས་དགོས་ལྟ་བུ། 2མི་རྣམས་ཀྱིས་རང་བྱུང་ཁམས་དང་སྤྱི་ཚོགས་སྒྱུར་བཀོད་བྱེད་པའི་དམིགས་ཡུལ་ཡོད་པའི་བྱ་སྤྱོད་ཀྱི་དོན་ཏེ། ལག་ལེན་གྱིས་བདེན་དཔང་བྱས། གསར་བརྗེའི་ལག་ལེན་གྱི་ནང་ནས་བྱུང་བའི་རིགས་པའི་གཞུང་ལུགས་ཞེས་པ་ལྟ་བུ། ཆ་ཤས་གཙོ་བོའི་མིང་ཆུ་བོའི་གཙང་ལག ཤ་བའི་རྭ་ལག ལུས་ཀྱི་ཡན་ལག སྨན་གཞུང་གི་ཆ་ལག་ཅེས་པ་ལྟ་བུ། ０རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་སྐར་མ་ལག་པ་ཡང་ཟེར། |
| ལག་ལེན་གཅེས་བསྡུས་ཀུན་གསལ་སྣང་མཛོད |
རབ་བྱུང་བཅུ་གཉིས་པའི་ནང་དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་སྨན་གྱི་དུག་འདོན་དང༌། ངར་འདོན། རྣོ་འདོན་སོགས་སྨན་གྱི་ལས་སྣོན་སྐོར་གྱི་ལག་ལེན་རྣམས་གསལ་བར་སྟོན་པའི་སྨན་གྱི་བསྟན་བཅོས་ཤིག |
| ལག་ལེན་མན་ངག་གི་ཆིངས |
ཆིངས་ལྔའི་ནང་ཚན། ལག་ཏུ་ལེན་ཚུལ་གདམས་ངག་གི་ས་བཅད་ཅིག |
| ལག་ལྕག |
1 ཨར་པོ་བས་ཨར་ཀ་གཅོག་བྱེད་ཀྱི་ལག་ཆ་ཤིང་རྒྱུག་ལེབ་མོ་ཞིག 2 ལག་པར་གཞུ་བའི་རྡེག་ལྕག |
| ལག་ལྕགས |
ཉེས་ཅན་གྱི་ལག་གཉིས་སྡོམ་བྱེད་ཁྲིམས་ཆས་ཤིག |
| ལག་ལྕི |
མི་གཞན་ལ་ཟས་སོགས་ཆེར་སྟེར་མི་ནུས་པའི་ལག་པ་དམ་པོ། |
| ལག་ལྕིབས |
1 ལག་པ་སྐྱོབ་བྱེད་ཀྱི་ཤུབས། 2 ཐབ་ཕྱིས་ལྟ་བུ། |
| ལག་ལྡན |
1 ལག་ཏུ་ཡོད་པའི་དངོས་རིགས་འབྲུ་དངུལ་སོགས། 2 མངོན གླང་པོ་ཆེ། |
| ལག་ལྡན་མ |
མངོན གླང་མོ། |
| ལག་ཤུབས |
ལག་སྐྱོབ་བམ་ལག་ལྕིབས། |
| ལག་ཤེས |
བཟོ་ལས་བྱེད་ཤེས་པ། ལག་ཤེས་ཅན། ལག་ཤེས་བཟོ་ལས། |
| ལག་ཤོགས |
གཏོང་ཕོད། |
| ལག་སག |
ལག་གསག་དང་འདྲ། |
| ལག་སུག |
ལག་པས་མངོན་ཆུང་གི་བརྡ་གཏོང་བ། |
| ལག་སེན |
ལག་པའི་སེན་མོ། |
| ལག་སོག |
ཕྱོགས་གཅིག་ལ་འཆང་གཟུང་ཡོད་པའི་སོག་ལེ། |
| ལག་སོར |
1 ལག་པའི་མཛུག་གུ་སྤྱི། རང་གི་ལག་སོར་གྲངས་འདྲེན་བཞིན། བྱ་འོས་རྣམ་གྲངས་བློ་ལ་ངེས། 2 རྒྱུ་སྐར་ལྷ་མཚམས། |
| ལག་སྐམ |
ཡུལ 1 ལྕགས་སོགས་འཛིན་བྱེད་ཆུང་གྲས། 2 ཟས་ནོར་བཅུད་ཆུང་གོད་ཆེའི་གཉེར་པ་ལྟ་བུའི་མིང་ངན། 3 ལག་པ་དམ་པོའམ་སེར་སྣ་ཆེ་བ། |
| ལག་སྐོར |
1 ལག་པས་སྐོར་བའི་མཆིག 2 མ་ཎི་ལག་སྐོར། |
| ལག་སྐྱེས |
1 རང་གི་སྒོ་རྩར་སྐྱེས་པའི་རྟ་ཕྱུགས་སོགས། 2 རྒྱལ་རིགས། 3 མངོན སེན་མོ། |
| ལག་སྐྱོགས |
ལག་པ་ཡ་གཅིག་གིས་བེད་སྤྱོད་བྱེད་པའི་སྟབས་བདེའི་སྐྱོགས། |
| ལག་སྒམ |
ནམ་རྒྱུན་སྔོག་འདོན་བྱེད་རྒྱུའི་སྒམ་ཆུང༌། |
| ལག་སྒྲོ |
ཅ་ལག་ཙག་ཙིག་དང་ཟ་ཆས་སོགས་བླུག་སའི་ཀོ་བའི་སྒྲོ་བ་ཆུང་ངུ། |
| ལག་སྔ་བ |
ཕར་རྒོལ་ཚུར་རྒོལ་གྱི་ལག་འགྱོག་སྔ་བ། ཚུར་རྒོལ་ལག་སྔ་བ། |
| ལག་སྡོག |
ལག་དོག་དང་འདྲ། |
| ལག་སྣེ |
གནས་སྐབས་འགྲོ་སོང་གཏོང་བྱེད་ཀྱི་དངུལ་སོགས། ལག་སྣེ་རྫོགས། ཕྱོགས་འགྲོའི་ལམ་རྒྱགས་དང༌། ལག་སྣེ་འདང་ངེས་ཡོད། |
| ལག་སྣོད |
ཆང་དང་འོ་མ་སོགས་འཇལ་བྱེད་ཀྱི་སྣོད། |
| ལག་སྤྱད |
ལག་པའི་ཡོ་བྱད། བཟོ་པ་མཁས་ཀྱང་ལག་སྤྱད་དགོས། |
| ལག་སྤྲོད |
1 ཅ་ལག་སོགས་ལག་པས་ལག་པར་སྤྲོད་པ། 2 རིན་གོང་སོགས་ལག་ཐོག་ནས་སྤྲོད་པ། |
| ལག་སྦུབ |
རྟའི་ལག་པའི་ཚིགས་འཆུས་ཏེ་འགྱེལ་གྲབས་བྱེད་སྟངས་ཤིག རྟ་ལག་སྦུབ་བརྒྱབ་ན་མི་མདུན་ཕྱོགས་སུ་ལྷུང་ཡོང༌། |
| ལག་སྦྲེང |
མངོན སློང་མོ་བ། |
| ལག་སྦྲེལ |
1 ལས་ཀའི་རོགས་བྱེད་པ་པོ། རྫོང་སྡོད་སེར་སྐྱ་ལག་སྦྲེལ། 2 ལག་པ་གཉིས་སྦྲེལ་བ། འཕར་སྤྱང་ལག་སྦྲེལ། |
| ལག་སླེལ |
སླེལ་པོ་ཆུང་ངུ། |
| ལག་སློག |
བཟང་ངན་གྱི་ལག་པོད་སློག་པ། |
| ལགས |
1 ཡིན་ནམ་རེད་ཀྱི་ཞེ་ས། དེའི་རྒྱུ་མཚན་གང་ལགས། རྒྱུ་མཚན་དེ་ལྟར་ལགས་པ་ད་གཟོད་ཤེས། ཁྱེད་རང་ངལ་རྩོལ་བྱེད་པར་འགྲོ་བ་ཡིན་ནམ། ལགས་ཡིན། ཁྱེད་ཀྱི་དགོངས་འཆར་དེ་ལྟར་ལགས་མོད། ད་དུང་དེ་ལས་གསལ་བ་ཞིག་གསུང་རོགས། ཁྱེད་ཀྱིས་གསུངས་པ་དེ་ལྟར་དངོས་གནས་ལགས་མ་ལགས་དྲང་པོ་གསུངས་དང༌། 2 སྐུ་ཞབས་ལགས་སམ་དགེ་རྒན་ལགས་ཟེར་བ་ལྟ་བུའི་ཞེ་ས། |
| ལགས་སོ |
འགྲིག་པ་དང་འཐད་པ་དང་དང་དུ་བླངས་པ་སོགས་ཀྱི་དོན་སྟོན་པའི་ཞེ་ས། (གྲོགས་ཚིག) མིའི་མིང་དང་ལས་ཚིག་གི་མཐར་སྦྱར་ན་གུས་པ་བྱེད་པའི་ཚིག་དགེ་རྒན་རྡོ་རྗེ་ལགས། གྲོགས་པོ་ལགས་ལྟད་མོ་བལྟས་ལགས་སམ། བསྒྲུབས་ལགས་སོ། ཕེབས་ལགས་སམ་ལྟ་བུ། |
| ལང |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཡར་འགྲེང་བའི་དོན་ཏེ། ལྗང་མྱུག་གྱེན་དུ་ལང་། མལ་ལས་ལང་ཞེས་པ་ལྟ་བུ། |
| ལང་ཀ |
ལེགས 1 སིང་ག་ལའི་གནའ་བོའི་མིང༌། དེང་སང་སི་ལི་ལན་ཁ་ཟེར། 2 སྲིན་པོའི་ཡུལ་ཟེར། |
| ལང་ཀ་མགྲིན་བཅུ |
མངོན སྲིན་པོའི་རྒྱལ་པོ། |
| ལང་ཀར་གཤེགས་པ་རིན་པོ་ཆེའི་མདོ་སངས་རྒྱས་ཐམས་ཅད་ཀྱི་གསུང་གི་སྙིང་པོ |
འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོའི་ལེའུ་བམ་པོ་བརྒྱད་པ། རྒྱ་ནག་གི་སློབ་དཔོན་ཝེན་ཧཱི་ཡིས་མཛད་པའི་འགྲེལ་པ་དང་སྦྱར་ནས་བོད་ཀྱི་ལོ་ཙཱ་བ་འགོས་ཆོས་འགྲུབ་ཀྱིས་རྒྱ་ནག་གི་དཔེ་ལས་བསྒྱུར་པའོ། |
| ལང་ཀར་གཤེགས་པའི་མདོ |
འཕགས་པ་ལང་ཀར་གཤེགས་པ་ཐེག་པ་ཆེན་པོའི་མདོ། བམ་པོ་དགུ་དང་ལེའུ་ཉེར་བརྒྱད་པ། བོད་ཀྱི་ལོ་ཙཱ་བ་འགོས་ཆོས་འགྲུབ་ཀྱིས་རྒྱ་ནག་གི་དཔེ་ལས་བསྒྱུར་པའོ། |
| ལང་ངེ་ལིང་ངེ |
འཕྱོ་ལྡིང་ངམ་གཡོ་འགུལ་གྱི་རྣམ་འགྱུར་ཞིག སྤྲིན་དཀར་ལང་ངེ་ལིང་ངེར་འཁྲིགས་པ། ཀོ་གྲུ་ལང་ངེ་ལིང་ངེར་འགུལ་བ། ལྗོན་ཤིང་གི་ཡལ་འདབ་ལང་ལིང་དུ་བསྐྱོད། |
| ལང་ངེ་ལོང་ངེ |
1 ཇ་ཆུ་སོགས་འཁོལ་སྟངས་སམ་གྱེན་དུ་འཕྱུར་ཚུལ་ཞིག ཆུ་ལང་ངེ་ལོང་ངེར་ཁོལ་ཏེ་རླངས་པ་འཕྱུར། དུ་ནག་ལང་ངེ་ལོང་ངེར་འཕྱུར་བ། སྤྲིན་ནག་ལང་ལོང་དུ་གཡོ་བ། 2 ཁོད་མི་སྙོམས་པའི་འབར་འབུར་གྱི་རྣམ་པ། ས་ཆ་ལང་ངེ་ལོང་ངེ་ཚང་མ་བརྡལ་ནས་ཁོད་སྙོམས་པོ་བཟོས་པ། |
| ལང་ཐང་རྩེ |
ཐང་སྨན་གྱི་རིགས་ཤིག་རོ་ཁ་ལ་ཚ་བ། ཞུ་རྗེས་སྙོམས། སྲིན་གསོད། རྨ་འབྲས་ལ་ཕན། མིང་གི་རྣམ་གྲངས་ལ་རྒྱ་ཐང་ཕྲོམ། སེར་པོ་རྡ་དུ་ར་ཡང་ཟེར། |
| ལང་དང་པོ |
མངོན ལང་ཚོ་དང་པོ་དང་དོན་གཅིག་ |
| ལང་བ |
ཐ་མི་དད་པ 1)ལངས་པ། ལང་བ། ལོངས།། ལྡང་བ། ཡར་ལངས་ཏེ་བལྟས་པ། མི་ཕམ་པའི་གནས་སུ་ལངས་པ། ཞོགས་པ་ལང་མི་ཤེས་བ་དང་འདྲ། དགོང་མོ་ཉལ་མི་ཤེས་རྟ་དང་མཚུངས། 2)ལངས་པ། ལང་བ།། ནམ་ལང་བ། ད་ནམ་ལངས་སོང༌། 3)ལོངས་པ། ལང་བ།། ཚང་བ། གྲངས་ཀྱིས་མི་ལང་བ། བརྗོད་ཀྱིས་མི་ལང་བ། |
| ལང་མ་ལིང |
ལྡང་མ་ལྡིང༌། ཆུ་འཛིན་སྔོན་མོ་ལང་མ་ལིང༌། |
| ལང་ཚོ |
ན་ཚོད། ལང་ཚོ་ཅན། ལང་ཚོ་མ། ལང་ཚོ་སྤ་བ། ལང་ཚོ་དར་ལ་བབ་པ། ཕོ་མོ་ལང་ཚོ་གསར་པ། ལང་ཚོ་རྒྱས་པའི་ལུས། ལང་ཚོ་ཡོལ་བ། ཤ་དར་ཁྲག་དར་ལང་ཚོ་རྒྱས་པ། ལང་ཚོ་མི་རྟག་ནམ་མཁའི་འཇའ་ཚོན་འདྲ། ལང་ཚོ་ནར་མ་སོན་པ་ཉིད་ནས་དཔའ་ཞིང་རྟུལ་ཕོད་པའི་ཁོ་ལག་རྫོགས་པ། |
| ལང་ཚོ་དང་པོ |
མངོན བུ་མོ་གཞོན་ནུ་མ། |
| ལང་ཚོ་བརྟན་བྱེད |
མངོན སྐྱུ་རུ་རའི་ཤིང༌། |
| ལང་ཚོ་ཡོལ |
མངོན རྒད་པོ་རྒན་མོ། |
| ལང་ཚོ་སྨིན |
མངོན ན་ཚོད་དར་ལ་བབས་པ། |
| ལང་ཚོའི་དཔལ་ཡོན |
ན་གཞོན་པའི་མཛེས་སྡུག་གི་དོན། |
| ལང་ཚོའི་དུས |
འདོད་པ་སྤྱོད་ནུས་པ་ནས་ལོ་སུམ་ཅུ་མན་ཆད་ལའོ། |
| ལང་ཚོའི་མཚན་མ |
མངོན ནུ་མ། |
| ལང་རྐྱེན |
གསར་དུ་ལང་བའི་རྐྱེན། དམག་འཁྲུག་ལང་རྐྱེན། |
| ལང་ལིང |
ལིང་ལིང་དང་དོན་འདྲ། |
| ལང་ལོང |
(རྒྱན་ཚིག) མང་བོ་མཉམ་དུ་འདུས་ཤིང་གཡོ་བའི་རྣམ་པ་སྤྲིན་དཀར་ལང་ལོང་གཡོ། མི་ཚོགས་ལང་ལོང་བྱེད་ལྟ་བུ། |
| ལང་ཤོར |
སྤྱོད་ངན་བྱེད་པ་གོམས་འདྲིས་སུ་གྱུར་པ་བྱིས་པ་ལང་ཤོར་དུ་མ་གཏོང་། ངན་པ་ལང་ཤོར་དུ་གཏོང་མི་རུང་ཞེས་པ་ལྟ་བུ། |
| ལངས |
འདས་པ་དབུལ་བོ་ཡར་ལངས་ནས་རང་ཁྱིམ་རང་བདག་བྱས་ཞེས་པ་ལྟ་བུ། |
| ལངས་པ |
ལྡང་བ་སོགས་ཀྱི་དོན་དུ་གོ་བའི་ལང་བའི་འདས་པ། |
| ལངས་ཕྱོགས |
1 གནད་དོན་ངོས་འཛིན་དང་ཐག་གཅོད་བྱེད་སྐབས་ཀྱི་གནས་ཕྱོགས་དང་སྤྱོད་ཚུལ་འཛིན་སྟངས། 2 གྲལ་རིམ་གྱི་ལངས་ཕྱོགས། ལངས་ཕྱོགས་བརྟན་པོ། |
| ལངྐའི་གྲོང་ཁྱེར |
སྲིན་པོའི་གྲོང་ཁྱེར། |
| ལངྐའི་བདག་པོ |
མངོན སྲིན་པོའི་རྒྱལ་པོ། |
| ལཉྫ |
ལེགས སྔར་རྒྱ་གར་གྱི་སཾ་སྐྲྀ་ཏ་སྟེ་ལེགས་སྦྱར་སྐད་ཀྱི་ཡིག་གཟུགས་ཤིག་ཡིན་པ་འདི་དཔེར་བླངས་ནས་ཐོན་མིས་བོད་ཡིག་དབུ་ཅན་གསར་བཟོ་བྱས་པ། |
| ལད |
(བྱེད་མེད་ལས་ཚིག) བཟང་བ་ནས་ངན་པར་གྱུར་པའི་དོན་ཏེ། རལ་གྲི་ཕྱི་བརྡར་མ་བྱས་ན་ལད་འགྲོ། མིས་ལས་ཀ་མ་ལས་ན་ལད་འགྲོ། བྱ་བ་གལ་ཆེན་འདི་ལད་མི་ཉན་ལྟ་བུ། |
| ལད་པ |
ཐ་མི་དད་པ ཉམས་པའམ་ཞན་དུ་སོང་བ། སྤྱོད་ཚུལ་ལད་པ། སྒྲིག་ཁྲིམས་ལད་པ། ཚིག་དོན་ལད་པ། གྲི་ལད་པ། རལ་གྲི་ཕྱི་བརྡར་མ་བྱས་ན་ལད་འགྲོ། མིས་ལས་ཀ་མ་ལས་ན་ལད་འགྲོ། |
| ལད་པོ |
མི་འཁྱམ་མམ་སྤྱོད་པ་ཉམས་པའི་མི། མི་ལད་པོ་རྣམས་ལ་སློབ་གསོ་གཏོང་བ། |
| ལད་མོ |
གཞན་གྱི་དབྱིབས་དང་རྣམ་པ་ལྟར་བྱེད་པའི་རྣམ་འགྱུར་དང་བྱ་སྤྱོད་སོགས་ཀྱི་མིང་སྤྲེའུས་མིའི་ལད་མོ་བྱས། ཡ་རབས་ཀྱི་ལད་མོ་བྱོས་ལྟ་བུ། |
| ལད་ཟློས |
གཞན་གྱི་བྱ་སྤྱོད་ཀྱི་ལད་མོ། བྱེད་སྟངས་བཟང་པོར་ལད་ཟློས་བྱེད་པ། |
| ལད་འགྲོས |
གཞན་གྱི་འགྲོ་སྟངས་ཀྱི་ལད་མོ་བྱས་ཏེ་འགྲོ་བ། |
| ལད་སོད |
ཡུལ ལད་ཟློས་སམ་ལད་མོ། དོན་གྱི་གནས་ལུགས་མ་རྟོགས་པར། ལད་སོད་ཙམ་གྱིས་དོན་མི་ཕིགས། |
| ལན |
1 ཕར་དྲིས་ནས་ཚུར་བྱུང་བའི་འཕྲིན། ངག་ལན། ཡིག་ལན། གཏམ་ལན། དྲིས་ལན། ཞུས་ལན། ལན་སྨྲས་པ། ལན་ཞུ་བ། ལན་མི་འདེབས། ལན་ཐེབས་པ། ལན་མི་འཁྱོལ་བ། འཕྲིན་ལན་གཏོང་སྐྱེལ། ལྗགས་ལན་གནང་སྐྱོང་ཡོད་པ་ཞུ། གུས་ལན་ཞུ་བ། དྲིས་ལན་དྲི་བ་དང་མི་མཐུན་པ། 2 སྔར་བྱས་ཕྱིས་སུ་བྱུང་བའི་འབྲས་བུ། དྲིན་ལན། འཁོན་ལན། དགྲ་ལན། བཟང་ལན། ངན་ལན། སྐྱེས་ལན། ཕན་ལན་གནོད་པས་འཇལ། གནོད་ལན་དྲང་འཇལ། ཆང་ལན་ཆུས་འཇལ། ལན་དུ་ཕན་པར་བྱེད་པ། ཉེས་ལན་ལྡོག་པ། ལན་ལ་མི་ལྟ་བ། བཟང་པོར་བཟང་ལན་དང༌། ངན་པར་ངན་ལན། 3 ཐེངས་དང༌། ཚར། ལན་གྲངས། ལན་འགའ། ལན་དུ་མ། ལན་ཇི་ཙམ། སྨྲ་བ་ལན་གཅིག བུ་མོ་གཏོང་བ་ལན་གཅིག 4 མ་ལེགས་པའམ་ཉེས་པ། བདག་ཁོ་ནས་ལན་ནོ། འོ་བརྒྱལ་བ་དེ་བདག་གིས་ལན་པས་བཟོད་པར་གསོལ། བྱ་བ་འཕྱུགས་ཚར་ན་ངས་ལན་ཁྱོད་ལན་བཤད་པས་ཅི་ཕན། |
| ལན་ཀན |
ཁང་བའི་ཁྱམས་མཐའི་དྲ་མིག་དང་ཤིང་རའི་མིང་། |
| ལན་ཀའོ་པད་ཚལ |
རྒྱ སྔོ་ཚལ་གྱི་བྱེ་བྲག་ཅིག |
| ལན་ཁག |
ཉེས་གྱོད་སོགས་ཡོང་རྐྱེན་གྱི་རྩ་བ། |
| ལན་གཏོར |
ཆོས་ལུགས་པས་ལན་ཆགས་བུ་ལོན་སྦྱོང་ཆེད་དུ་གཏོང་བའི་གཏོར་མ། |
| ལན་གྱོག |
ལན་ཆགས། |
| ལན་གྲངས་གཞན་ལ་མྱོང་འགྱུར་གྱི་ལས |
སྐྱེ་བ་ཕྱི་མ་ཕན་ཆད་དུ་མྱོང་བར་འགྱུར་བའི་ལས། |
| ལན་གླན |
ལན་གློན་དང་འདྲ། |
| ལན་གློན |
1 དྲི་བ་ལ་ལན་འདེབས་པའམ་སློག་པ། དྲི་བའི་ལན་གློན་པ། དགག་ཚིག་གི་ལན་གློན་པ། 2 བཟང་ལན་དང་ངན་ལན་སློག་པ། |
| ལན་ཅིག་སྐྱེ |
མངོན བྱ་ཕོ་རོག |
| ལན་ཆགས |
1 གནོད་ལན་རེས་འཁོར་གྱི་རྒྱུན་གནས་པ། སྲོག་གི་ལན་ཆགས། ཚེ་སྔོན་གྱི་ལན་ཆགས། 2 ཡུལ 1)དཀའ་ཚེགས། 2)ཆགས་སྒོ།… 3.ཆད་པའི་བུ་ལོན་གྱི་མིང་ལན་ཆགས་བུ་ལོན་ཞེས་པ་ལྟ་བུ། ཡུལ་སྐད་ལ་ལར་དཀའ་ཚེགས་ཀྱི་མིང་ལན་ཆགས་ཆེན་པོ་མྱངས་ལྟ་བུ། |
| ལན་ཆགས་བུ་ལོན |
སྔར་བསགས་ལས་ངན་གྱི་སྐྱིན་ཚབ་ཕྱིས་འཇལ་དགོས་པའི་བུ་ལོན། |
| ལན་པ |
1 རྐྱེན་རྩ། ལོ་ཏོག་གྲུང་པོ་མི་སྐྱེ་བའི་ལན་པ་བཙའ་སད་ཐན་གསུམ་ལ་ཐུག ཉི་འོད་འགྲིབ་པའི་ལན་པ་སྤྲིན་ནག་འཐིབས་པ་ལ་ཐུག 2 ཉེས་པ་དང༌། ཁག སྟ་རེ་རྡོ་ལ་ཕོག་པའི་ལན་པ་ཤིང་ལ་བཀལ། ལན་མེད་ནག་བཀལ། |
| ལན་པོ |
བཟང་ངན་གྱི་ལན་པོ། དགྲ་ལན་པོ་མེད་ན་དཔའ་མེད་རེད། གཏམ་ལན་པོ་མེད་ན་ལྐུགས་པ་རེད། |
| ལན་བུ |
སྐྲའི་ལན་བུ་སྐུད་པ་ལྟར་སླས་ནས་ཐུར་དུ་འཕྱང་བའི་སྐྲ་རིང་བོའི་མིང་། |
| ལན་བུ་ཅན |
མངོན བུད་མེད། |
| ལན་བུ་མ |
མངོན བུད་མེད། |
| ལན་བོན |
རྙིང ལན་གློན་པ། |
| ལན་བླན |
ལན་གློན་དང་འདྲ། |
| ལན་ཚ |
བོད་སྨན་གྱི་རོ་དྲུག་གི་ཡ་གྱལ་ཞིག་ཚྭའི་བྲོ་བ་ལྟ་བུའི་རོའི་མིང་། འདི་ལ་ལན་ཚྭ་བྲིས་པའང་ཡོད། |
| ལན་ཚ་བ |
རོ་དྲུག་གི་ཡ་གྱལ་ཞིག |
| ལན་ཚར |
1 སྐྲའི་ལན་བུའི་སྣེ་མོའི་ཚར་ཕོན། 2 བུད་མེད་ཀྱི་ལན་བུ། |
| ལན་ཚྭ |
ཁ་ཟས་ལ་འདེབས་པའི་ཚྭ་རོ་ལན་ཚྭ། ཞུ་རྗེས་དྲོད། ནུས་པས་ཕོ་བའི་དྲོད་ཉམས་པ་དང༌། ཟས་མི་འཇུ་བ། བཤང་བ་འགག་པ། སྐྲན་ནད་བཅས་ལ་ཕན། མིང་གི་རྣམ་གྲངས་ལ་འགྱུར་བྱེད་དང༌། ཆུ་རོ། དཔྱིད་དུས་ཆགས་བཅས་སོ། |
| ལན་ཚྭའི་བཙབས |
རྙིང ལན་ཚྭའི་རྩབ་མོ་ཁ་ཅིག་པི་པི་ལིང་དཀར་པོའི་རྩབ་མོ་ལན་ཚྭ་ཅན་ཡིན་ཟེར། |
| ལན་ཚྭའི་རྒྱ་མཚོ |
དུས་འཁོར་ལུགས་སུ་འཛམ་གླིང་ཆེན་པོ་ལས་ཀྱི་ས་པའི་མཐའ་ལ་བསྐོར་བའི་བ་ཚྭ་ཅན་གྱི་རྒྱ་མཚོ་དེའོ། |
| ལན་འགའ |
1 ཐེངས་མ་ཁ་ཤས། 2 སྐབས་འགའ། ལན་འགའ་འབྱུང་ཞིང་ལན་འགའ་མི་འབྱུང་བ། |
| ལན་འཆོལ་བ |
ངག་ལན་ནོར་བ། |
| ལན་འཕྲིན |
ངག་ཐོག་ནས་བསྐུར་བའི་ལན། |
| ལན་ཡན |
ལད་ཟློས། |
| ལན་རྐྱེན |
གནོད་སྐྱོན་གང་ལས་འབྱུང་བའི་གཞི། ན་ཚ་ཕོག་པའི་ལན་རྐྱེན་ཟས་སྤྱོད་ཉེས་པ་ལ་ཐུག |
| ལན་རྩ |
རྐྱེན་རྩ། གྱོད་གཞིའི་ལན་རྩ། |
| ལན་ལྡོག |
གཞན་ལ་ཕན་གནོད་གང་བྱས་པའི་འབྲས་བུ་རང་ལ་འཁོར་བ། |
| ལན་ལྡོན |
ལན་འཇལ་བའམ་ལན་འདེབས་པ། དྲི་བའི་ལན་ལྡོན་པ། དྲིན་ལན་ལྡོན་པ། དགྲ་ལན་ལྡོན་པ། ཕན་བཏགས་ལན་ལྡོན། |
| ལན་སྒྲ |
བྲག་ཅའམ་སྒྲ་བརྙན། |
| ལན་སྤྲོད་པ |
1 གཏམ་སྐྱེལ་བ། ཁུངས་སོ་སོར་ལན་སྤྲོད་པ། 2 བཟང་ངན་གྱི་ལན་འཇལ་བ། |
| ལན་སློག |
1 ལན་འདེབས་པ། 2 བཟང་ངན་གྱི་ལན་འཇལ་བ། |
| ལབ |
(བྱེད་འབྲེལ་ལས་ཚིག) རང་དགར་སྐད་ཆ་བཤད་པའི་དོན་ཏེ། ལབ་གླེང་མང་བོ་བྱས། ཕར་གཅིག་ལབ་ན་ཚུར་གཉིས་རྒོལ་ལྟ་བུ། 2.ལ་ཕུག་གི་བསྡུས་ཚིག ལབ་སོན། ལབ་ཁུ། ལབ་བཅོས།… |
| ལབ་གཞི |
གླེང་གཞི། ལབ་གཞི་ཆུའི་གཉེར་མ། ལག་ལེན་གསེར་གྱི་ཐིགས་པ། |
| ལབ་གླེང |
བཤད་རྒྱུ་དང་གླེང་རྒྱུ། ཕྱིས་སུ་ལབ་གླེང་མི་ཡོང་བ་ཞིག་བྱེད་དགོས། |
| ལབ་པ |
ཐ་དད་པ ལབ་པ། ལབ་པ། ལོབ།། རྗོད་པ་དང་འཆད་པ། ལབ་ཙམ། ལབ་ལོང་མ་བྱུང༌། ལབ་བསྐྱོར། ལབ་རྒྱག་པ། ལབ་རྡོལ། ལབ་འཆོལ། ལབ་བརྗོད། ལབ་ཉེས་ཤོར་བ། ལབ་སྟངས། ལྐོག་ལབ། གྲོགས་ལ་དྲང་གཏམ་ལབ་པ། བུ་ལ་སྙིང་གཏམ་ལབ་པ། ཕར་ལ་གཅིག་ལབ་ན་ཚུར་གཉིས་ལབ། ལབ་རྒྱུ་གླེང་རྒྱུ་མེད་པ། |
| ལབ་བཅོས |
རྐང་འབམ་གྱི་ནད་ལ་བོད་ལ་ཕུག་བཙོས་ཏེ་ཁུ་བ་བསྟེན་ནས་བཅོས་པའི་ཐབས་ཤིག་ |
| ལབ་བརྗོད |
ལབ་རྒྱུ། བཟའ་རྒྱུ་གླ་མགོ་ལས་མ་བྱུང་བར་ལབ་བརྗོད་གླ་སྤུ་ལས་མང་བ། |
| ལབ་ཟླ |
1 གཏམ་ལབ་གྲོགས་པོ། 2 རམ་འདེགས་པ། |
| ལབ་འཆོལ |
གཉིད་དུས་ཁུངས་མེད་ཀྱི་སྐད་ཆ་ཤོད་པའི་བླ་འཆོལ། |
| ལབ་རྡར |
ལ་ཕུག་རྡར་བྱེད་ལྕགས་ཀྱི་ལག་ཆ་བུག་པ་ཅན། |
| ལབ་རྡོལ |
གཏམ་གང་བྱུང་ཤོད་པ། |
| ལབ་རྩེ |
རི་རྩེ་དང་ཉག་གར་ཤིང་གི་མདའ་མདུང་སོགས་བསླངས་པའི་ཆོས་ལུགས་ཀྱི་ལྷ་ཐོ་ཞིག་གི་མིང་། |
| ལབ་རྩེ་ལ |
ལ་ཞིག་བོད་རང་སྐྱོང་ལྗོངས་ཀྱི་སྤུ་ཧྲེང་རྫོང་གི་ལྷོ་རྒྱུད་དུ་ཡོད། |
| ལབ་ལབ |
1 ཕན་ཚུན་ལབ་རེས་བྱེད་པ། 2 ལྐོག་ནས་ཟུར་ཟ་བྱེད་པའི་སྐད་ཆ། |
| ལབ་ལེབ |
ལེབ་མོ། རྡོ་ལབ་ལེབ་མང་པོས་རྩིག་པ་བརྩིགས། |
| ལབ་ལོབ |
1 ངག་བཀྱལ། 2 ཁ་ལན་སྣ་ཚོགས། |
| ལབ་སོན |
ལ་ཕུག་གི་ས་བོན་ཞེས་པའི་ཚིག་བསྡུས་ནས་འབྲི་ཚུལ། ཆུ་སྐྲངས་ལ་ཕན་པའི་སྔོ་སྨན་རིགས་ཤིག་ཡིན་པར་བཤད་པའང་ཡོད། |
| ལམ |
1 1 འགྲོ་ས་དང༌། བགྲོད་བྱའི་བཤུལ། འགྲོ་ལམ། བཤུལ་ལམ། རྒྱ་ལམ། གཞུང་ལམ། སྟོང་ལམ། བགྲོད་ལམ། ཆུ་ལམ། སྐམ་ལམ། ཁྲོམ་ལམ། མགྱོགས་ལམ། དབྱར་ལམ། དགུན་ལམ། ལམ་ཀ་ཡངས་དོག ལམ་ཁ་གྱེན་ཐུར། ལམ་ག་བདེ་པོ། ལམ་གཏམ་ཉན་བཤད། ལམ་ཐག་རིང་ཐུང༌། ལམ་བརླག་པ། ལམ་སྟོར་བ། ལམ་འཕྱུག་པ། ལམ་ནོར་ལྡོག་ཤེས། ལམ་དོག་པོར་བཙིར་བ། མིང་གི་རྣམ་གྲངས་ལ་གོལ་ས་དང༌། བགྲོད་བྱ། འགོམ་བྱ། འགྲོ་བྱ། རྒྱུ་བའི་ས། འཇུག་བྱ། ཤུལ་ལམ་བཅས་སོ། 2 ཐབས་ཤེས་དང་ལས་སྟངས། རིགས་ལམ། བསམ་ལམ། སྒྲིགས་ལམ། 3 ལུགས་སྲོལ། སྔ་ལམ། རྙིང་ལམ། སྤྱི་ཚོགས་ཀྱི་ལམ། ངན་ལམ་སེལ་བ། 4 ཡུལ་དང་གནས། རྨི་ལམ། མིག་ལམ། གྲི་ལམ། ལྔ་ལམ། བར་ལམ། 5 བགྲོད་པར་བྱ་བའི་འཇུག་ངོགས་སམ་གཞིར་གྱུར་པ་གང་ལ་ཞུགས་ནས་འཇིག་རྟེན་དང་འཇིག་རྟེན་ལས་འདས་པའི་གོ་འཕང་མཆོག་ཏུ་བགྲོད་པར་བྱ་བའི་འཇུག་ངོགས་སུ་གྱུར་པའོ། བྱང་ཆུབ་ཀྱི་ལམ། མདོ་ལམ། སྔགས་ལམ། 2. མིང་མཐའི་ལའི་རྗེས་སུ་སྦྱོར་རྒྱུའི་འབྱེད་སྡུད་ཀྱི་ཕྲད་ཅིག ལ འཕྲལ་ལམ་ཕུགས། དཀའ་འགྲེལ་ལམ་རྣམ་བཤད་ལ་ལྟོས། 3. མིང་མཐའ་ལའི་རྗེས་སུ་སྦྱོར་བའི་དྲི་བའམ་ཐེ་ཚོམ་སྟོན་བྱེད་ཀྱི་སྒྲ་ཞིག ལ ཁོ་དེང་སང་དལ་ལམ་བྲེལ། |
| ལམ |
འགྲོ་འོང་གི་བགྲོད་ལམ་གྱི་མིང་རྐང་ལམ། གཞུང་ལམ། ལྕགས་ལམ། རྒྱ་ལམ་ཞེས་པ་ལྟ་བུ། 2,.(སྦྲེལ་ཚིག) འབྱེད་སྡུད་ཀྱི་སྒྲ་བལ་ལམ་གསོ་མ་གང་ཡིན་ཡང་སྐུད་པ་བཀལ་ཆོག་ལྟ་བུ། རྒྱས་པར་གམ་ལ་ལྟོས། |
| ལམ་ཀ |
ལམ་གྱི་ཉེ་འཁོར་གྱི་མིང་ལམ་ཀ་ན་མགྲོན་ཁང་ཡོད་ལྟ་བུ། |
| ལམ་ཁ |
1 འགྲོ་སའི་བཤུལ། ལམ་ཁ་གྱེན་ཐུར། ལམ་ཁ་དོག་པོ། ལམ་ཁ་བདེ་པོ། 2 ལམ་བར། ལམ་ཁར་ཐུག་བྱུང༌། |
| ལམ་ཁ་དབྲག |
ལམ་ག་གཉིས་གསུམ་དུ་གྱེས་མཚམས། འགྲོ་ལམ་ཁ་དབྲག་ལ་སོམ་ཉིར་ལུས་པ། |
| ལམ་ཁུག |
ལམ་གྱི་ཁུག་ཀྱོག |
| ལམ་ག |
ལམ་ཁ་དང་འདྲ། |
| ལམ་གཉིས |
འཇིག་རྟེན་དང་འཇིག་རྟེན་ལས་འདས་པའི་ལམ་དང༌། ཐེག་པ་གཉིས་ཀྱི་ལམ་དང༌། སྐྱེ་འཕགས་གཉིས་ཀྱི་ལམ་དང༌། མདོ་སྔགས་གཉིས་ཀྱི་ལམ་དང༌། ཐབས་ཤེས་རབ་ཀྱི་ལམ་གཉིས་དང༌། སྨིན་བྱེད་ཀྱི་ལམ་དང༌། གྲོལ་བྱེད་ཀྱི་ལམ་སོགས་སོ། |
| ལམ་གཙོ་རྣམ་གསུམ |
ལམ་གྱི་གཙོ་བོ་རྣམ་གསུམ་གྱི་བསྡུས་མིང༌། |
| ལམ་གཞི |
ལམ་གྱི་རྨང་གཞི། |
| ལམ་གསུམ་འགྲོ |
མངོན ཆུ་བོ་གངྒ། མཐོ་རིས་དང༌། མིའི་ཡུལ། ས་འོག་གི་ལམ་གསུམ་དུ་འགྲོ་བའམ་འབབ་པ། |
| ལམ་གོལ |
ལམ་ནོར། བློན་པོ་ཁ་ཅིག་ཤིང་རྟ་བདེ་བ་ལ་ཞོན་ནས་ལམ་གོལ་བར་འདོང་བ་ལ་སོགས་པ་རྨིས་སོ། |
| ལམ་གྱི་གཙོ་བོ་རྣམ་གསུམ |
ངེས་འབྱུང་དང༌། བྱང་སེམས། ཡང་དག་པའི་ལྟ་བ་སྟེ་གསུམ། |
| ལམ་གྱི་དབང |
བླ་མའི་རྣལ་འབྱོར་ལ་བརྟེན་ནས་གཞན་རྐྱེན་ལ་མ་ལྟོས་པར་རང་ཉིད་ཀྱིས་དབང་བཞི་ལེན་པ། |
| ལམ་གྱི་བདེན་པ |
བདེན་པ་བཞིའི་ནང་གསེས། རང་འབྲས་འགོག་པ་ཐོབ་པར་བྱེད་པའི་ལམ་ཀུན་འབྱུང་སྤོང་བྱེད་ཀྱི་གཉེན་པོར་ཟག་མེད་ཀྱི་ལམ་སྒོམ་པ་ནི་སྨན་ལྟ་བུ་བསྟེན་པར་བྱ་བ་ཡིན་པ་འཕགས་པའི་གཟིགས་ངོར་མི་བསླུ་བས་ལམ་གྱི་འཕགས་པའི་བདེན་པའོ། |
| ལམ་གྱི་བདེན་པའི་རྣམ་པ་བཞི |
བདེན་བཞི་རྣམ་པ་བཅུ་དྲུག་གི་ནང་ཚན་ཞིག་སོ་སོ་སྐྱེ་བོའི་ས་ནས་འཕགས་པའི་གནས་སུ་འགྲོ་བས་ལམ་དང༌། མི་རིགས་པ་ཉོན་མོངས་སྤོང་བའི་གཉེན་པོར་གྱུར་པས་རིགས་པ་དང༌། སེམས་ཕྱིན་ཅི་མ་ལོག་པར་ཡང་དག་པར་སྦྱོར་བས་སྒྲུབ་པ་དང༌། འཁོར་བ་དང་བྲལ་ནས་མྱང་འདས་ཀྱི་གནས་སུ་ཕྱིན་པར་བྱེད་པས་ངེས་འབྱིན་བཅས་བཞིའོ། |
| ལམ་གྱི་འབྲས་བུ |
ཐེག་གསུམ་རང་རང་གི་ལམ་ལ་བརྟེན་ནས་ཐོབ་པའི་བྱང་ཆུབ། |
| ལམ་གྱི་སྐུ་གསུམ |
འོད་གསལ་ཆོས་སྐུ། སྒྱུ་མ་ལོངས་སྐུ། སྣ་ཚོགས་སྤྲུལ་སྐུའོ། |
| ལམ་གྲོ |
ཕྱོགས་སུ་འགྲོ་དུས་འཁྱེར་རྒྱུའི་བཟའ་ཆས། |
| ལམ་གྲོགས |
ལམ་ལ་མཉམ་དུ་འགྲོ་མཁན། |
| ལམ་གྲོན |
ལམ་བར་གྱི་འགྲོ་སོང༌། |
| ལམ་ངན |
1 འགྲོ་ལམ་ངན་པའམ། མ་དག་སྲོལ་ངན། ལམ་ངན་མུ་འབྱམས། 2 ལྟ་བ་ངན་པའི་ལམ། |
| ལམ་ཆས |
འགྲུལ་པའི་ཡོ་ཆས། |
| ལམ་ཆེན་བསྟན |
མཧཱཔནྠཀཿ གནས་བརྟན་བཅུ་དྲུག་ལས་སུམ་ཅུ་རྩ་གསུམ་ལྷ་གནས་ན་བཞུགས་པའི་གནས་བརྟན་ཞིག |
| ལམ་ཆོས་བཟོད |
ལམ་ལ་ཆོས་ཤེས་པའི་བཟོད་པ་སྟེ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་འདོད་ཁམས་ཀྱི་ལམ་བདེན་ལ་དམིགས་ནས་བདག་མེད་དུ་རྟོགས་པའི་མཐོང་ལམ་བར་ཆད་མེད་ལམ་གྱི་ཡེ་ཤེས། |
| ལམ་ཆོས་ཤེས |
ལམ་ལ་ཆོས་ཤེས་པ་སྟེ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་ལམ་ཆོས་བཟོད་དེ་མ་ཐག་ཏུ་འདོད་ཁམས་ཀྱི་ལམ་བདེན་ལ་དམིགས་ནས་བདག་མེད་དུ་རྟོགས་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས། |
| ལམ་ཉེས |
ཚུལ་དང་མི་མཐུན་པའི་ལུགས་སྲོལ། |
| ལམ་ཐག |
ལམ་གྱི་བར་ཐག ལམ་ཐག་རིང་པོ་ལ་དཀའ་གསུམ་འཚེར་གསུམ། ལམ་ཐག་ལེ་དབར་ཁྲི་ཕྲག་གི་དཀའ་ངལ་ལ་མི་འཛེམས་པ། |
| ལམ་ཐོ |
འགྲུལ་པས་འགྲོ་ལམ་གྱི་གནས་ཚུལ་བཀོད་པའི་ཟིན་བྲིས། |
| ལམ་ཐོག་མི་ཁལ |
ལམ་འགྲུལ་གྱི་མི་དང་ཁལ་མ། |
| ལམ་དབུ་མ |
1 སེམས་བསྐྱེད་དང་སྟོང་ཉིད་རྟོགས་པའི་བློས་ཟིན་པའི་ཐེག་ཆེན་ཚོགས་ལམ་སོགས་ལམ་ལྔ། 2 དམིགས་བཅས་བསོད་ནམས་ཀྱི་ཚོགས་དང༌། དམིགས་མེད་ཡེ་ཤེས་ཀྱི་ཚོགས་གཉིས་ཟུང་དུ་འཇུག་པའི་ལམ་མོ། |
| ལམ་དུ་བལ་ཐོགས་པའི་སྤང་བ |
སྤང་ལྟུང་སུམ་ཅུའི་ནང་གསེས། ཆགས་སེམས་ཀྱིས་ཀུན་ནས་བསླངས་ཏེ་བལ་ལ་སོགས་པའི་ཁུར་ཆེན་པོ་ཁུར་ནས་ཉི་མ་གཅིག་གི་ནང་དུ་རྒྱང་གྲགས་ལས་འདས་པར་ཕྱིན་པའོ། |
| ལམ་དུ་འགྲོ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་མ་དང་ལྷན་ཅིག་རྒྱང་གྲགས་ལས་འདའ་བར་བྱེད་པའོ། |
| ལམ་དུ་འཇུག་ཉེས་པ |
1 འགྲོ་ལམ་ནོར་བའམ་འགྲོ་མི་འོས་པའི་ལམ་དུ་ཕྱིན་པ། 2 ལྟ་བ་ཡང་དག་མིན་པའི་ལམ་དུ་ཞུགས་པ། |
| ལམ་དུ་རྒྱུག་པ |
1 ལམ་དུ་ཕྱིན་པ། 2 བྱ་བ་ལམ་འགྲོ་ཡོད་པ། |
| ལམ་དུས་ཀྱི་འོད་གསལ |
རྟེན་རྡོ་རྗེའི་ལུས་ཀྱི་གནད་བཅིངས་ནས་ཡིད་མིག་རླུང་གསུམ་རྣམ་པར་མི་རྟོག་པའི་ངང་ལ་བཞག་པ་ན་ལུས་སེམས་རྟེན་འབྲེལ་ཁྱད་པར་ཅན་གྱིས་རོ་རྐྱང་གི་རྒྱུ་བ་འགགས་པས་རྣམ་པ་དང་བཅས་པའི་སྟོང་ཉིད་ཕྱག་རྒྱ་ཆེན་མོ་མངོན་དུ་བྱེད་པའོ། |
| ལམ་ནག |
མངོན 1 མེ། 2 མེ་ལྷ། 3 སྒྲ་གཅན། |
| ལམ་ནག་ཞུགས |
མངོན མེ། |
| ལམ་ནོར་ལྡོག་ཤེས |
ལམ་ནོར་ཟིན་པར་ངོས་འཛིན་བྱས་ནས་ལམ་ལེགས་པར་ཚུར་ལྡོག་ཤེས་པ་ནོར་འཁྲུལ་ངོས་ཟིན་ནས་ལེགས་བཅོས་བྱེད་ཤེས་པ། |
| ལམ་པ |
1 འགྲུལ་པ། 2 སྤྲང་པོ། 3 བ་ལང་དང་ར་ལུག་གི་ཁྱུ་མཆོག 4 ལམ་སྲུང་བ། 5 ལམ་འཁྲིད་མཁན། 6 མངོན ཚོང་པ། |
| ལམ་པོ |
འགྲོ་ལམ། ལམ་པོ་ཆེ། |
| ལམ་པོ་ཆེ་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས་དག་པ་ས་གསུམ་ལ་གནས་པའི་སེམས་དཔའི་རྒྱུད་ཀྱི་བྱང་ཕྱོགས་ཀྱི་ཆོས་སོ་བདུན་དང་ལྡན་པའི་སེམས་བསྐྱེད་ནི་འཕགས་པ་ཐམས་ཅད་གཤེགས་ཤིང་རྗེས་སུ་གཤེགས་པས་ན་ལམ་པོ་ཆེ་ལྟ་བུའོ། |
| ལམ་ཕྱོགས |
1 ས་ཕྱོགས་གཅིག་ནས་ས་ཕྱོགས་གཞན་ཞིག་ཏུ་འགྲོ་སའི་ལམ་ཀ། 2 བསམ་བློའི་ཐོག་དང༌། ཆ་སྲིད་ཀྱི་ཐོག་ལས་ཀའི་ཐོག་བཅས་ལ་བརྩི་སྲུང་བྱེད་རྒྱུའི་རྩ་བའི་འགྲོ་ལམ། |
| ལམ་ཕྱོད |
བགྲོད་པའི་མྱུར་ཚད་དམ་ས་ཕྱོད། རྟ་ལས་རླངས་འཁོར་ལམ་ཕྱོད་ཤུན་ཏུ་ཆེ། |
| ལམ་ཕྲན་བསྟན |
ཙཱུཏཔནྠཀཿ གནས་བརྟན་བཅུ་དྲུག་ལས་བྱ་རྒོད་ཕུང་པོའི་རི་ལ་བཞུགས་པའི་གནས་བརྟན་ཞིག |
| ལམ་བཀྲིས |
ལམ་དུ་ཁྲིད་པ། ཡང་དག་པའི་ལམ་དུ་བཀྲིས་པ། |
| ལམ་བགྲོད |
མངོན ཤིང་རྟ། |
| ལམ་བཅོ་ལྔ |
ཐེག་པའི་སྒོ་ནས་དབྱེ་ན། ཉན་ཐོས་དང༌། རང་སངས་རྒྱས། ཐེག་ཆེན་བཅས་ལམ་ལྔ་སོ་སོར་དབྱེ་བས་བཅོ་ལྔའོ། |
| ལམ་བདེན |
ལམ་གྱི་བདེན་པའི་བསྡུས་ཚིག་ |
| ལམ་བདེན་གྱི་རྣམ་པ་བཞི |
ལམ་གྱི་བདེན་པའི་རྣམ་པ་བཞིའི་བསྡུས་ཚིག་ |
| ལམ་བདེན་གྱི་སྤང་བྱ་བརྒྱད |
འདོད་པའི་ཁམས་འདིར་ལམ་བདེན་མཐོང་བས་སྤང་བར་བྱ་བ། མ་རིག་པ་དང༌། འདོད་ཆགས། ཁོང་ཁྲོ། ང་རྒྱལ། ཐེ་ཚོམ། ལོག་ལྟ། ལྟ་བ་མཆོག་འཛིན། ཚུལ་ཁྲིམས་བརྟུལ་ཞུགས་མཆོག་འཛིན་ཏེ་བརྒྱད། |
| ལམ་བཟང |
1 ལམ་ལུགས་བཟང་པོ། 2 འགྲོ་སའི་ལམ་བདེ་པོ། |
| ལམ་བར |
1 ལམ་གཉིས་ཀྱི་བར། 2 ཐོན་ཡུལ་ནས་སླེབས་ཡུལ་བར་གྱི་ལམ་ཐག ལམ་བར་དུ་བྲང་བཏབ་ནས་ངལ་གསོ་བ། |
| ལམ་བསྟན |
ལམ་ཆེན་བསྟན་དང་དོན་གཅིག་ |
| ལམ་མཁན |
ལམ་སྣ་འཁྲིད་མཁན། |
| ལམ་མཁྱེན་པ |
1 ལམ་རྒྱུས་ཡོད་པ། 2 ལམ་ཤེས་མཁན། |
| ལམ་མགྱོགས |
ལམ་བགྲོད་མྱུར་བ། |
| ལམ་མགྲོན |
ཕྱོགས་འགྲོའི་འགྲུལ་པ། |
| ལམ་མངོན་པ |
དོན་དམ་པའི་མངོན་པ་ཐོབ་བྱེད་ཀྱི་ཐོས་བསམ་སྒོམ་གསུམ་གང་རུང་གིས་བསྡུས་པའི་ཟག་བཅས་ཀྱི་མངོན་པ། |
| ལམ་མཆོག |
གཞུང་ལམ་བདེ་ཤོས། |
| ལམ་མཆོག་འགྲོ |
ཨུཏྟརམནྡྲིཎཿ གླིང་ཕྲན་བརྒྱད་ཀྱི་ནང་གསེས། ནུབ་བ་ལང་སྤྱོད་ཀྱི་ལྷོ་ན་ཡོད་པའི་གླིང་གཡོག་ཅིག |
| ལམ་མཐུན་པ |
1 འགྲོ་སའི་ལམ་ག་མཐུན་པ། 2 བྱ་བ་མཐུན་པ། |
| ལམ་མདོ |
འགྲོ་ལམ་ཁག་མང་འཛོམས་ས། ལམ་མདོ་ཁ། ལམ་སུམ་མདོ། ལམ་བཞི་མདོ། |
| ལམ་མི་ཟ |
མོ་མཚན། |
| ལམ་མི་ལུམ་མི |
ཤ་སོགས་ཚོས་ལྡུར་གྱི་ཚུལ། |
| ལམ་མེ |
(རྒྱན་ཚིག) འོད་མདངས་སོགས་ཧ་ཅང་གསལ་བའི་དོན་ཏེ། ཟླ་འོད་དཀར་ལམ་མེ། དར་ཆ་ཁྲ་ལམ་མེར་གསལ། སྐར་མ་ཁྲ་ལམ་མེར་ཤར་སོགས་ལྟ་བུ། |
| ལམ་མེ་བ |
འོད་ཀྱི་སྣང་བ་གསལ་ལེ་བའམ་མངོན་པར་བཀྲ་བ། མེའི་འོད་དམར་ལམ་མེ་བ། དཀར་བའི་འོད་ཀྱིས་ལམ་མེར་གསལ། |
| ལམ་ཙམ |
ཕྱོགས་འདྲ་ཙམ་མམ་ཧ་ལམ་ཙམ། ཚིག་དོན་ལམ་ཙམ་རྟོགས་བྱུང༌། ལོ་རྒྱུས་ཀྱི་གནས་ཚུལ་ལམ་ཙམ་བཤད། |
| ལམ་ཚད |
ལམ་ཐག་རིང་ཐུང༌། ལམ་ཚད་རྡོ་ཕུར། |
| ལམ་ཞལ |
ལམ་སྟེང་གི་ཞལ་བ། |
| ལམ་ཞོར |
འགྲོ་བའི་ཞོར། |
| ལམ་ཟན་པ |
སྤྲང་པོ། |
| ལམ་འཁེལ་རྫོང་གཞིས |
ལམ་ཁ་ཆེན་པོ་འཁེལ་སའི་རྫོང་དང་གཞིས་ཀ། |
| ལམ་འཁྱེར |
སྣང་བ་ལམ་འཁྱེར་གྱི་གདམས་པ། |
| ལམ་འགོར |
ལམ་དུ་འགྱངས་པ། དོན་དག་ཅུང་ཟད་ཡོད་རྐྱེན་ལམ་འགོར་བྱུང་སོང༌། |
| ལམ་འགོལ་ས |
དབེན་པའི་ལམ། |
| ལམ་འགྲུལ |
1 ཕྱོགས་འགྲོའི་འགྲུལ་པ། 2 ཚོང་པ། |
| ལམ་འགྲོ |
1ལམ་དུ་འགྲོ་བའི་འགྲུལ་བ་ལམ་འགྲོ་པ་ཞེས་པའི་ཚིག་བསྡུས་པ། 2ལས་དོན་ལ་བགེགས་དང་བར་ཆད་མེད་པའི་དོན་ཏེ། དེ་རིང་བྱ་བ་ལམ་འགྲོ་ཡོང་ལྟ་བུ། |
| ལམ་འདེགས |
1 ལམ་དུ་འཇུག་པའམ་ཕྱོགས་སུ་འགྲོ་བ། 2 མངོན བཞོན་པ། |
| ལམ་འཕྲང |
ལམ་དོག་པའི་ས། ལམ་འཕྲང་དོག་པོ། ལམ་འཕྲང་ཆུ་ཡི་འཇིགས་པ་བསམ་ལས་འདས། |
| ལམ་འབྲས |
ས་སྐྱ་པའི་ཟབ་ཆོས་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་ཐོག་མར་གྲུབ་ཆེན་བི(R+WA) པས་ཀྱཻ་རྡོ་རྗེའི་རྒྱུད་ལ་བརྟེན་ནས་ལམ་འབྲས་རྡོ་རྗེའི་ཚིག་རྐང་དང༌། རྒྱུད་ཀྱི་བཤད་བཀའ་བསྡུས་པ་དང༌། ལམ་འབྲས་བུ་དང༌། བཅས་པའི་གདམས་ངག་རྣམས་ནག་པོ་པ་དང་ཊོམ་བྷི་པ་ལ་གནང༌། དེ་ལས་རིམ་པར་བརྒྱུད་དེ་བོད་དུ་འབྲོག་མི་ལོ་ཙཱ་བ་དང༌། དེས་ས་ཆེན་ཀུན་དགའ་སྙིང་པོ་ལ་གནང༌། ཁྱད་པར་དུ་གྲུབ་ཆེན་བི(R+WA) པ་ཆོས་སྒོ་སྐྱེལ་གྱི་ཚུལ་དུ་ས་སྐྱར་བྱོན་ཏེ་ས་ཆེན་ཀུན་དགའ་སྙིང་པོ་ལ་ལམ་འབྲས་ཉེ་བརྒྱུད་སྦས་བཤད་བསྩལ། དེས་བསོད་ནམས་རྩེ་མོ་དང་གྲགས་པ་རྒྱལ་མཚན། དེ་ནས་ས་པཎ་དང༌། འགྲོ་མགོན་ཆོས་འཕགས་སོགས་ལས་རིམ་བཞིན་དར་བའོ། |
| ལམ་འབྲས་ཚོགས་བཤད |
ལམ་འབྲས་ཀྱི་ཆོས་སྐོར་རྣམས་ས་སྐྱ་གོང་མ་རྣམ་ལྔ་ལས་རིམ་གྱིས་བརྒྱུད་དེ་གྲུབ་ཆེན་བུདྡྷ་ཤྲཱི་ལས་ངོར་ཆེན་ཀུན་དགའ་བཟང་པོས་གསན། དེ་ནས་རིམ་པར་བརྒྱུད་པ་ལ་ངོར་ལུགས་ཚོགས་བཤད་ཅེས་སུ་གྲགས། |
| ལམ་འབྲས་སློབ་བཤད |
ལམ་འབྲས་ཀྱི་ཆོས་སྐོར་རྣམས་རྡོ་རིང་ཀུན་སྤངས་པ་ལས་ཚར་ཆེན་བློ་གསལ་རྒྱ་མཚོས་གསན། དེས་འཇམ་དབྱངས་མཁྱེན་བརྩེའི་དབང་ཕྱུག་དང་མང་ཐོས་ཀླུ་སྒྲུབ་རྒྱ་མཚོ་གཉིས་ལ་བསྩལ་བ་ནས་རིམ་པར་བརྒྱུད་པ་ལ་ཚར་ལུགས་སློབ་བཤད་ཅེས་གྲགས། |
| ལམ་འོད་སྲིན་བུ |
མེ་ཁྱེར་སྲིན་བུ། |
| ལམ་ཡིག |
1 འགྲོ་ཆོག་པའི་ལམ་ཡིག 2 སྔར་འགྲོ་མྱོང་བའི་ས་མིང་བཀོད་པའི་ལམ་ཡིག་དང་འགྲོ་ལམ་མི་ནོར་བའི་ལམ་ཡིག 3 སྔར་བོད་ས་གནས་སྲིད་གཞུང་སྐབས་སུ་རྟ་ཁལ་ཁྲལ་འུལ་སྐུལ་འདེད་ཆོག་པའི་ལམ་སོན། |
| ལམ་རིམ |
1 ལམ་བགྲོད་ཚུལ་གྱི་སྔ་ཕྱིའི་རིམ་པ། 2 རྗེ་ཙོང་ཁ་པས་བརྩམས་པའི་བྱང་ཆུབ་ལམ་གྱི་རིམ་པ་ཆེ་འབྲིང་ཆུང་གསུམ་གྱི་བསྡུས་མིང༌། |
| ལམ་རིམ་དམར་མཆན |
མཁས་གྲུབ་རྗེའི་གཅུང་བ་སོ་ཆོས་རྗེའི་སྐུ་ཕྲེང་ལྔ་པ་བ་སོ་ལྷ་དབང་ཆོས་ཀྱི་རྒྱལ་མཚན་གྱིས་ལམ་རིམ་ཆེན་མོར་མཆན་བཏབ་པ་ལ་ཟེར། |
| ལམ་རིམ་པ་ལྔ |
རྫོགས་རིམ་གྱི་རིམ་པ་ལྔ་སྟེ་ངག་དབེན་དང༌། སེམས་དབེན། འོད་གསལ། སྒྱུ་ལུས། ཟུང་འཇུག་བཅས་ལྔའོ། |
| ལམ་རོགས |
མཉམ་དུ་འགྲོ་མཁན། |
| ལམ་རྐེད |
གནས་གཅིག་ནས་གཅིག་ལ་འགྲོ་བའི་བར་མཚམས་ཀྱི་མིང་ལམ་རྐེད་དུ་གོང་འབབ་བྱས་ལྟ་བུ། |
| ལམ་རྐྱེན |
ལམ་བར་དུ་བྱུང་བའི་གནོད་ཆ། ལམ་རྐྱེན་སེལ་བ། |
| ལམ་རྒྱ |
ལམ་འཕྲང་སོགས་སུ་ཕྱིན་མི་ཆོག་པའི་ཁྲིམས། |
| ལམ་རྒྱགས |
འགྲུལ་པའི་ཟ་ཆས། བྱེས་སུ་འགྲོ་དུས་ལམ་རྒྱགས་ལྡང་བ་ཞིག་འཁྱེར་དགོས། |
| ལམ་རྒྱུད་ལྔ |
འཁོར་བར་འགྲོ་བའི་ལམ་དང་སྐྱེ་བའི་རྒྱུད་ཀྱིས་དབྱེ་ན་ལྔ་སྟེ་དམྱལ་བ་དང༌། ཡི་དྭགས། དུད་འགྲོ། ལྷ། མི་བཅས་ལྔའོ། |
| ལམ་རྒྱུས་པ |
1 འགྲོ་ལམ་སྟོན་མཁན། 2 ལམ་ཤེས་པ། དེ་ནས་འགྲོ་བའི་ལམ་རྒྱུས་ང་ལ་མེད། |
| ལམ་རྗེས་བཟོད |
ལམ་ལ་རྗེས་སུ་རྟོགས་པའི་ཤེས་པའི་བཟོད་པ་སྟེ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་ལམ་ཆོས་ཤེས་དེ་མ་ཐག་ཏུ་ཁམས་གོང་མའི་ལམ་བདེན་ལ་དམིགས་ནས་སྔར་བཞིན་བདག་མེད་དུ་རྟོགས་པའི་མཐོང་ལམ་བར་ཆད་མེད་ལམ་གྱི་ཡེ་ཤེས། |
| ལམ་རྗེས་ཤེས |
ལམ་ལ་རྗེས་སུ་རྟོགས་པའི་ཤེས་པ་སྟེ་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་ལམ་རྗེས་བཟོད་དེ་མ་ཐག་ཏུ་ཁམས་གོང་མའི་ལམ་བདེན་དེ་ཉིད་ལ་དམིགས་ནས་སྔར་བཞིན་བདག་མེད་དུ་རྟོགས་པའི་སྒོམ་ལམ་རྣམ་གྲོལ་ལམ་གྱི་ཡེ་ཤེས། |
| ལམ་རྙེད་པ |
འགྲོ་སའི་ལམ་ཀ་རྙེད་པ། |
| ལམ་རྟོག་པ |
1 འགྲོ་ལམ་ལ་རྟོག་དཔྱོད་བྱེད་པ། 2 འགྲོ་ལམ་ལ་རྟོག་དཔྱོད་བྱེད་མཁན། |
| ལམ་རྡུང |
ལམ་སྒུག་བྱས་ཏེ་གཞན་ནོར་འཕྲོག་པ་དང་ཉེས་རྡུང་བྱེད་པ། |
| ལམ་རྫོགས་པ་ཆེན་པོ |
སྔགས་རྙིང་མའི་གཞུང་ལས། སེམས་དང་སེམས་བྱུང་དབྱིངས་སུ་ཞི་བའི་སྤྲོས་བྲལ་རང་བྱུང་གི་ཡེ་ཤེས་བློ་འདས་ཆེན་པོར་རྩལ་སྣང་གློ་བུར་གྱི་དྲི་མ་རང་དྭངས་ལ་འགྲོ་བའི་ཐབས་ཏེ། དེ་ལ་འབྲས་བུའི་ཆོས་ཐམས་ཅད་ལྷན་གྱིས་གྲུབ་པར་རྫོགས་པ་དང༌། དེ་ཉིད་ཐེག་པ་དང་ལམ་ཐམས་ཅད་ཀྱི་མཐར་ཐུག་ཡིན་པས་ཆེན་པོའོ། |
| ལམ་ལམ |
1 གསལ་པོ། ཚིག་དོན་ལམ་ལམ་རྟོགས་པ། ཕྱི་ནང་ཚང་མ་ལམ་ལམ་དུ་མཐོང་བ། 2 འོད་སྣང་འཚེར་བ། གསེར་འོད་ལམ་ལམ་དུ་འཕྲོ་བ། |
| ལམ་ལུགས |
མི་རྣམས་ཀྱི་གོམས་འདྲིས་སུ་གྱུར་པའི་བྱ་སྤྱོད་ཀྱི་གཞི་འཛིན་ས། ２མིག་སོགས་དབང་བོས་ཤེས་ཐུབ་པའི་ཁོངས་གཏོགས་ཀྱི་མིང་གློག་བརྙན་མིག་ལམ་དུ་ཤར། རོལ་མོ་རྣ་ལམ་དུ་གྲགས་ལྟ་བུ། ３ཚིག་སྦྱོར་གྱི་རྣམ་པའི་མིང་སྙན་ངག་གི་ལམ་ནས་དྲངས་ཏེ་སྙན་ཞུ་ཕུལ། ཚིག་སྦྱོར་ཕུན་སུམ་ཚོགས་པའི་ལམ་ནས་དྲངས་ཏེ་མེས་རྒྱལ་ལ་བསྟོད་པ་བྱས་ལྟ་བུ། ４དམིགས་ཡུལ་དང་འཆར་བཀོད་ཀྱི་འབྲས་བུ་སོགས་ཀྱི་དོན་ཏེ། བྱ་བ་ལམ་འགྲོ་བྱུང་། གང་བྱས་ལམ་ལ་འགྲོ། ལས་ཀ་ལམ་ལ་སོང་ལྟ་བུ། ５ཆོས་ལུགས་ཀྱི་ཐར་བ་འཐོབ་པའི་ཐབས་ཀྱི་མིང་གཞི་ལམ་འབྲས་གསུམ་ཞེས་པ་ལྟ་བུ། |
| ལམ་ལུམ |
ལམ་མི་ལུམ་མིའི་བསྡུས་ཚིག་ |
| ལམ་ལོག |
1 ལྟ་བ་ཡང་དག་པ་མིན་པ། 2 ནོར་བའི་འགྲོ་ལམ། 3 ལམ་ག་འགྱེལ་བའམ་ཞིག་པ། |
| ལམ་ལྔ |
ཚོགས་ལམ་དང༌། སྦྱོར་ལམ། མཐོང་ལམ། སྒོམ་ལམ། མི་སློབ་པའི་ལམ་སྟེ་ལྔ། |
| ལམ་ལྕགས |
མེ་འཁོར་འགྲོ་ལམ་སྟེང་དུ་གདིང་རྒྱུའི་ལམ་ལྕགས། ལམ་ལྕགས་འདིང་བ། |
| ལམ་ལྟར་བཅོས་པ |
ལྟ་བ་ངན་པའི་ལམ་བཟང་པོར་བཅོས་པ། |
| ལམ་ལྷོང |
ལམ་དུ་ལྷུང་བ་བསམ་པ་དོན་ཐོག་ཏུ་ཁེལ་བ། |
| ལམ་ཤུལ |
གཞན་དག་ཕྱིན་པའི་རྗེས་ཀྱི་ལམ་ཤུལ། |
| ལམ་ཤེར་ཕྱིན |
རང་གི་འཐོབ་བྱར་གྱུར་པའི་འབྲས་བུ་ཤེར་ཕྱིན་ཐོབ་བྱེད་ཀྱི་ཐབས་སུ་གྱུར་པའི་ཞི་ལྷག་ཟུང་འབྲེལ་གྱི་སེམས་དཔའི་རྣལ་འབྱོར། |
| ལམ་ཤེས |
རྫོགས་སྨིན་སྦྱང་གསུམ་གྱི་སྒོ་ནས་ཡང་དག་པའི་མཐའ་མངོན་དུ་བྱེད་པའི་སློབ་ལམ་པའི་མཁྱེན་པ་ཤེར་ཕྱིན་དངོས་པོ་བརྒྱད་ཀྱི་ཡ་གྱལ་ཞིག |
| ལམ་ཤེས་ཀྱི་ཆོས་བཅུ་གཅིག |
ཤེར་ཕྱིན་དོན་བདུན་ཅུ་ལས་མཁྱེན་པ་གསུམ་གྱི་ཆོས་སུམ་ཅུའི་ནང་ཚན། ལམ་ཤེས་མཚོན་བྱེད་ཀྱི་ཆོས་བཅུ་གཅིག་ལམ་ཤེས་ཀྱི་ཡན་ལག་དང༌། སློབ་མ་ཉན་ཐོས་ཀྱི་ལམ་དང༌། བསེ་རུ་རང་རྒྱལ་གྱི་ལམ་དང༌། ཐེག་ཆེན་མཐོང་ལམ་དང༌། སྒོམ་ལམ་བྱེད་པ་དང༌། མོས་པ་སྒོམ་ལམ་དང༌། མོས་པ་སྒོམ་ལམ་གྱི་ཕན་ཡོན་དང༌། བསྔོ་བ་སྒོམ་ལམ་དང༌། རྗེས་སུ་ཡི་རང་སྒོམ་ལམ་དང༌། སྒྲུབ་པ་སྒོམ་ལམ་དང༌། རྣམ་དག་སྒོམ་ལམ་བཅས་བཅུ་གཅིག་གོ། |
| ལམ་ཤེས་ཀྱི་ཡན་ལག |
ཤེར་ཕྱིན་དོན་བདུན་ཅུའི་ནང་གསེས་ལམ་ཤེས་རྫོགས་བྱེད་ཀྱི་ཆ་ཤས་སུ་གྱུར་པའི་ཐེག་པ་ཆེན་པོའི་རིགས་སད་པའི་གང་ཟག་གི་རྒྱུད་ཀྱི་ཡོན་ཏན་ཁྱད་པར་ཅན། |
| ལམ་ཤེས་པ |
ཤེས་པ་བཅུའི་ནང་གསེས། ལས་ཉོན་སྤོང་བྱེད་ཟག་མེད་ཀྱི་ལམ་ཤེས་པའོ། |
| ལམ་ཤོག |
ལམ་བར་ལ་སྟོན་རྒྱུའི་བཀའ་ཤོག |
| ལམ་སང |
ཡུལ འཕྲལ་དུའམ་ད་ལྟ་ཉིད། |
| ལམ་སངས |
ལམ་སང་དང་འདྲ། |
| ལམ་སེ |
(རྒྱན་ཚིག) འོད་སོགས་གློ་བུར་དུ་འཁྱུགས་པའི་དོན་ཏེ། དཀར་ལམ་སེ་སོང་ལྟ་བུ། |
| ལམ་སེལ |
འགྲོ་ལམ་གྱི་གནོད་བྱེད་སེལ་ཐབས་བྱེད་པ། |
| ལམ་སོན |
སྔར་བོད་ས་གནས་སྲིད་གཞུང་སྐབས་རྟ་ཁལ་སོགས་ཀྱི་ཁྲལ་འུལ་སྐུལ་འདེད་ཆོག་པའི་ལམ་ཡིག |
| ལམ་སྐབས |
ལམ་དུ་འགྲོ་བཞིན་པའི་དུས་ཀྱི་མིང་ལམ་སྐབས་སུ་བདེ་བར་སྨོན་ལྟ་བུ། |
| ལམ་སྐོར |
བཤུལ་ལམ་ཐད་ཀར་མ་ཕྱིན་པར་ཕར་ཚུར་སྐོར་བ། གངས་རྡིབ་བྱུང་ནས་ལམ་སྐོར་རྒྱག་དགོས་པ། |
| ལམ་སྐྱེལ |
1 ལམ་དུ་སྐྱེལ་མ་བྱེད་པ། 2 ལམ་དུ་སྐྱེལ་བ་པོ། |
| ལམ་སྟོན་པ |
1 ལམ་རྒྱུས་སྟོན་པ། 2 ལམ་རྒྱུས་སྟོན་པ་པོ། 3 ཐབས་ཤེས་སྟོན་པ། 4 ལམ་ལུགས་གསར་པ་གཏོད་པ། |
| ལམ་སྟོན་སྒྲོན་མེད |
1 ཉི་མ། 2 མཚོ་ལམ་སྟོན་བྱེད་ཀྱི་བཞུ་མར། |
| ལམ་སྣ |
ལམ་གྱི་འགོའམ་ལམ་སྣེ། ལམ་སྣ་པ། དཔུང་སྡེའི་ལམ་སྣ་འདྲེན་པ། ལམ་སྣ་ལྡོག་པ། སྣ་རྒྱུག་ཕོག་ནས་ལམ་སྣ་ལྡོག་པ། |
| ལམ་སྣེ |
འགྲོ་ལམ་གྱི་འགོ། |
| ལམ་སྲང |
1 ས་གུ་ཡངས་པའི་རྒྱ་ལམ་ཆེན་པོ་དང༌། རྩིག་པ་སོགས་ཀྱི་བར་ས་གུ་དོག་པའི་ལམ་ཆུང་ཆུང༌། 2 ཁྲོམ་ལམ་ཆེ་ཆུང༌། ལམ་སྲང་མདོ། |
| ལམ་སྲོལ |
1ལམ་ཆེན་པོའི་མིང་། 2མི་རྣམས་ཀྱི་བྱ་སྤྱོད་ཀྱི་ཚད་གཞིར་གཏན་ལ་ཕབ་པའི་དོན་ཚན་སོགས་ཀྱི་མིང་། |
| ལམས་སེ་ལམ |
འོད་འཕྲོ་བའི་ཚུལ། |
| ལར |
1 གཞིའམ་རྩ་བ། བརྟག་དཔྱད་ཞིབ་འཇུག་མ་བྱས་ན་ལར་ནས་གསལ་པོར་གོ་ཤེས་མི་ཐུབ། 2 སྤྱིར། ལར་ན་ལས་དོན་གལ་ཆེའི་རིགས་ལ་ཤིན་ཏུ་སྒྲིམ་དགོས། མི་དེ་ད་རེས་ཙམ་མིན་པར་ལར་ནས་ཡག་པོ་མི་འདུག |
| ལས |
1 1 ཀརྨ བྱ་བའི་རང་བཞིན་ཏེ་རང་དང་མཚུངས་ལྡན་གྱི་སེམས་ཡུལ་ལ་གཡོ་ཞིང་སྐུལ་བར་བྱེད་པའི་སེམས་པ། བསྐོས་པའི་ལས། སྔོན་གྱི་ལས། ཚེ་རབས་ལས་རྩིས། ལས་དང་རྒྱུ་འབྲས། ལས་འབྲས། ལས་ཀྱི་བསྐོས་ཐང༌། ལས་ཅན། ལས་ཟད་པ། ལས་བསགས་པ། ལས་ཀྱིས་དེད་ན་གཡོལ་ཐབས་མེད། མིང་གི་རྣམ་གྲངས་ལ་སྐལ་བ་དང༌། བགོ་སྐལ། སྔོན་བྱས། སྔོན་ལས། ལྷས་བསྐོས། ལྷས་བསྟན་བཅས་སོ། 2 རྟགས་འཇུག་ལས་བཤད་པའི་བྱ་བྱེད་ལས་གསུམ་གྱི་ཡ་གྱལ་ཞིག 2.རྣམ་དབྱེ་ལྔ་པ་འབྱུང་ཁུངས་དང༌། དེའི་ནང་གསེས་མི་མཐུན་དགར་བ་ལ་འཇུག་པའི་སྒྲ་ཞིག རྒྱུན་གངས་རི་ལས་བབ། ས་ཕག་ལས་བརྩིགས་པའི་ལྕགས་རི། སྤྱོད་འཇུག་ལས་གསལ་བ། དེ་ལ་གསུམ་ལས་དང་པོ་ནི། གཅིག་ལས་གཅིག་ཆེ་བ། མེ་ལས་ཀྱང་ཚ་བ། ཁ་བུ་རམ་ལས་མངར་བ། གཏིང་ཚེར་མ་ལས་རྩུབ་པ། མྱ་ངན་ལས་འདས་པ། འདི་ལས་གཞན་པ་མེད། ཐོབ་པ་ལས་ཤོར་བ་མང༌། སྒོ་ང་མཁའ་ལ་འཕངས་གྱུར་ན། ཆག་པ་ཉིད་ལས་གཞན་ཅི་འབྱུང༌། 3.མིའི་རིགས་ཀྱི་དམིགས་ཡུལ་ཡོད་པའི་ལུས་ཤུགས་དང་ཀླད་པའི་ནུས་ཤུགས་ཀྱི་ལས་ཀ་མཐའ་དག་གི་མིང་ཟ་འདོད་ན་ལས་འདོད་དགོས། ཟ་འདོད་པ་མ་གཏོགས་ལས་མི་འདོད་པ་ནི་ངོ་ཚ་ཡིན། ཟས་ཟ་ན་ལས་བྱེད་དགོས། ས་ལས་རྡོ་ལས། མར་ལས་ཤ་ལས་ཞེས་པ་ལྟ་བུ། 4.(སྦྱོར་ཚིག) བྱ་དངོས་གང་ཞིག་གི་འབྱུང་ཁུངས་གང་ཡིན་པ་སྟོན་པ་ནི། ཆུ་ལས་ཆུ་བུར་བྱུང་། མཚོ་ལས་སྨུགས་པ་ལངས། བྲག་ལས་རྦབ་རྡོ་ཆད། གངས་ལས་ཆུ་རྒྱུན་འབབ་ལྟ་བུ། རྒྱུ་མཚན་སྟོན་པ་ནི། དུ་བ་མཐོང་བ་ལས་མེ་ཡོད་པར་ཤེས། སྐད་ཆའི་བཤད་ཚུལ་ལས་ནང་གི་ཀུན་སློང་ཤེས། ནད་རྟགས་ལས་ནད་གཞི་རྟོགས་ལྟ་བུ། ０བྱ་དངོས་ཤིག་བྱ་དངོས་གཞན་ལས་ཐ་དད་པའམ་ལོགས་སུ་དགར་བ་ནི། ཡུལ་ལུག་གི་བལ་ལས་ཤིན་ཅང་ལུག་གི་བལ་བཟང་། ཚོན་མདོག་དམར་པོ་མེ་ལས་དམར། ཇོ་མོ་གླང་མ་ནི་རི་བོ་ཀུན་ལས་མཐོ། འབྲི་ཆུའི་ཆུ་རྒྱུན་ནི་རྨ་ཆུ་ལས་ཀྱང་རིང་། ཁ་དོག་རྣམས་ལས་དམར་བོ་མངོན་པར་གསལ། ཟངས་ལྕགས་གཉིས་ལས་ཟངས་ལ་གློག་རྒྱུ་སླ། ཚིག་འདོན་ཤེས་པ་ཙམ་ལས་དོན་མ་གོ་ན་ཕན་པ་ཆུང་ཞེས་པ་ལྟ་བུ། |
| ལས་ཀ |
1མིའི་ལུས་སེམས་ཀྱི་རྩོལ་བ། 2གོང་རིམ་ནས་ཆེད་དམིགས་སུ་བགོས་པའི་བྱ་བའི་མིང་། |
| ལས་ཀ་པ |
ལས་པ་དང་དོན་འདྲ། |
| ལས་ཀྱི་གཞི |
འདུལ་བ་གཞི་བཅུ་བདུན་ལས། བསླབ་པ་བསྲུང་བའི་གཞི་དགུའི་ནང་གསེས་ཐམས་ཅད་ལ་ཁྱབ་པ་ལས་ཀྱི་གཞི་དགེ་སློང་གི་བྱ་བའི་ལས་རྣམས་རྒྱས་པར་དབྱེ་ན་བརྒྱ་རྩ་གཅིག་ཡོད་ཅིང༌། དེ་ཐམས་ཅད་བསྡུས་ན་གསོལ་བ་འབའ་ཞིག་གི་ལས་དང༌། གསོལ་བ་དང་གཉིས་ཀྱི་ལས་དང༌། གསོལ་བ་དང་བཞིའི་ལས་ཏེ་གསུམ་དུ་འདུའོ། |
| ལས་ཀྱི་གཤིན་རྗེ |
འཆི་བདག་གི་སྡེ་དཔོན་ཏེ་གཤིན་རྗེའི་རྒྱལ་པོ། ལས་ངན་སྡིག་པ་མ་བསགས་ན། ལས་ཀྱི་གཤིན་རྗེར་ཞེད་དོན་མེད། |
| ལས་ཀྱི་དབང་པོ |
མངོན ཉི་མ། |
| ལས་ཀྱི་དབང་པོ་དྲུག |
ཁ་དང༌། ལག་པ། རྐང་པ། བཤང་ལམ། གཅི་བའི་ལམ། ཁུ་བ་འབབ་པའི་དབང་པོ་བཅས་དྲུག |
| ལས་ཀྱི་དབང་པོའི་བྱ་བ་དྲུག |
སྨྲ་བ་དང༌། ལེན་པ། འགྲོ་བ། བཤང་བ། གཅི་བ། ཁུ་བ་འཕོ་བ་སྟེ་དྲུག |
| ལས་ཀྱི་ཕྱག་རྒྱ |
1 རིག་མ། 2 ཕྲིན་ལས་ཀྱི་ཕྱག་རྒྱའི་རྣལ་འབྱོར་རོ། |
| ལས་ཀྱི་བླ |
ལས་ཀའི་རྒྱབ་རྫི་བྱེད་མཁན། |
| ལས་ཀྱི་མཐའ |
1 ལས་ཀའི་མཇུག 2 མཚམས་མེད་ཀྱི་ལས། |
| ལས་ཀྱི་ཡན་ལག་བཞི |
གཞི་དང༌། ཀུན་སློང༌། སྦྱོར་བ། མཐར་ཐུག་བཅས་བཞི། ཡང་ལས་སོ་སོར་ངེས་པ་དང༌། འཕེལ་བ། མ་བྱས་པ་མི་འཕྲད་པ། བྱས་པ་ཆུད་མི་ཟ་བ་བཅས་བཞིའོ། |
| ལས་ཀྱི་རྣམ་དབྱེ |
ལས་སུ་བྱ་བའི་སྒྲ་དང་འདྲ། |
| ལས་ཀྱི་རྣམ་སྨིན་མཁྱེན་པའི་སྟོབས |
ལས་དགེ་བ་དང་མི་དགེ་བ་དཀར་ནག་འདྲེས་མའི་ལས་རྣམས་དང༌། དེ་རྣམས་ཀྱི་འབྲས་བུ་ཇི་ལྟ་བ་བཞིན་མཁྱེན་པའོ། |
| ལས་ཀྱི་རྩོད་པ་ཞི་བྱེད |
འདུལ་བ་གཞི་བཅུ་བདུན་ལས། རྩོད་པ་ཕྱིར་བཅོས་ཀྱི་གཞི་གསུམ་གྱི་ནང་གསེས་ཤིག་མི་མཐུན་པའི་ཉེས་དམིགས་དང་མཐུན་པའི་ཕན་ཡོན་ཤེས་པར་བྱས་ཏེ། དགེ་སྦྱོང་གི་ཆོས་བཞི་ལ་བརྟེན་ནས་རང་ལྟ་མཆོག་འཛིན་དང་གཞན་ལྟ་ཁྱད་གསོད་བྱེད་པ་སྤོང་བ་ནང་གི་གཉེན་པོ་དང༌། ལས་བྱེ་བའི་རྩོད་པ་བྱུང་ན་དགེ་འདུན་ལ་བཟོད་པ་གསོལ་ཏེ་དགེ་འདུན་གྱིས་གསོལ་བཞིའི་ལས་ཀྱིས་བཟོད་པ་བྱིན། དེ་ནས་དགེ་འདུན་ལ་མཐུན་པ་སྦྱིན་པར་གསོལ་བ་བཏབ་ནས་གསོལ་བཞིའི་ལས་ཀྱིས་མཐུན་པ་སྦྱིན། དེ་ནས་མཐུན་པའི་གསོ་སྦྱོང་བྱས་ཏེ་དགེ་འདུན་རྣམས་ཐུགས་དབྱེར་མེད་དུ་བྱེད་པའོ། |
| ལས་ཀྱི་རླུང་དམར |
བར་དོའི་སྐབས་ཀྱི་འཇིགས་སྐྲག་གི་སྣང་བ་ཞིག |
| ལས་ཀྱི་ས་པ |
ལས་བསགས་སྟོབས་ཆེ་ཞིང་རྣམ་སྨིན་ཡང་དེ་འདྲ་མྱོང་བའི་གནས། |
| ལས་ཀྱི་སྒྲ |
ལས་སུ་བྱ་བའི་སྒྲ་དང་འདྲ། |
| ལས་ཀྱི་སྒྲིབ་པ |
མཚམས་མེད་པ་ལྔའི་ལས་རྣམས་སོ། |
| ལས་ཀྱི་སྒྲིབ་པ་རྒྱུན་གཅོད་པ |
འཕགས་པ་ལས་ཀྱི་སྒྲིབ་པ་རྒྱུན་གཅོད་པ་ཞེས་བྱ་བའི་མདོ། ཤོ་ལོ་ཀ་ཉིས་བརྒྱ་སུམ་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་ཅིང་སྐད་གསར་བཅད་ཀྱིས་བཅོས་པའོ། |
| ལས་ཀྱི་སྒྲིབ་པ་རྣམ་པར་དག་པ |
འཕགས་པ་ལས་ཀྱི་སྒྲིབ་པ་རྣམ་པར་དག་པ་ཞེས་བྱ་བའི་མདོ། བམ་པོ་གཅིག་དང་ཤོ་ལོ་ཀ་བཞི་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་པའོ། |
| ལས་ཀྱི་སྣེ |
1 དགོན་སྡེ་ཁག་གི་ལས་ཀ་བྱེད་མཁན། 2 ལས་ཀའི་སྣེ་མོ། 3 ལས་ཀའི་ཆ་ཤས། |
| ལས་ཀྱི་སློབ་དཔོན |
འདུལ་བ་ལས་བཤད་པའི་སློབ་དཔོན་ལྔའི་ནང་གསེས། དགེ་འདུན་གྱི་དབུས་སུ་བསྒྲུབ་བྱ་ལ་གསོལ་བཞིའི་ཆོ་ག་བརྡ་སྤྲོད་པར་བྱེད་པའི་དགེ་སློང་ངོ། |
| ལས་ཁུངས |
ལས་དོན་བྱེད་མཁན་གྱི་སྒྲིག་འཛུགས། ལས་ཁུངས་འཛུགས་གནས། ལས་ཁུངས་གསར་བཙུགས། ལས་ཁུངས་འཚོགས་པ། ལས་ཁུངས་གྲོལ་བ། ལས་ཁུངས་ཁུ་བསྡུ། |
| ལས་ཁུར |
ལས་འགན། ལས་ཁུར་བཀལ་བ། ལས་ཁུར་འཕར་མ། |
| ལས་ཁྲི |
1 ཤིང་ཆའི་གྲས་གཞོག་དུས་དགོས་པའི་སྟེགས་བུ། 2 ཁང་པ་ཆེན་པོའི་ལྡེབས་ཞལ་སོགས་ཀྱི་སྐས་ཟམ། |
| ལས་གཉིས |
རྣམ་སྨིན་མྱོང་ངེས་མ་ངེས་ལས་དང༌། འཕེན་བྱེད་དང་རྫོགས་བྱེད་ལས་དང༌། སྦྱིན་པ་དང་ཚུལ་ཁྲིམས་ལས་དང༌། སེམས་པ་དང་བསམ་པའི་ལས་ལམ་གཉིས་རེ། ལུས་ངག་གི་ལས་ལ་རྣམ་པ་རིག་བྱེད་ཡིན་མིན་གཉིས་རེ་བཅས་སོ། |
| ལས་གཞུངས་པ |
1 ལས་ཀ་ལ་མཁས་པ། 2 ལས་ཀ་ལ་བློ་དཀར་བ། |
| ལས་གསུམ |
1 དུས་ཀྱི་སྒོ་ནས་ཕྱེ་བའི་ལས་གསུམ་མཐོང་ཆོས་མྱོང་འགྱུར་གྱི་ལས་དང༌། སྐྱེས་ནས་མྱོང་འགྱུར་གྱི་ལས། ལན་གྲངས་གཞན་ལ་མྱོང་འགྱུར་གྱི་ལས་སོ། 2 ངོ་བོའི་སྒོ་ནས་ཕྱེ་བའི་ལས་གསུམ་བསོད་ནམས་ཀྱི་ལས་དང༌། བསོད་ནམས་མ་ཡིན་པའི་ལས། མི་གཡོ་བའི་ལས་དང་གསུམ་མོ། 3 དགེ་མི་དགེ་བར་མའི་ལས། 4 ལུས་ངག་ཡིད་ཀྱི་ལས། 5 སྡོམ་པ་སྡོམ་མིན་བར་མའི་ལས། |
| ལས་གསེང |
ལས་ཀའི་བར་གསེང༌། |
| ལས་གྲི |
ཡུལ རོ་བཤའ་བྱེད་ཀྱི་གྲི། |
| ལས་གྲྭ |
1 ལས་ཀ་བྱེད་སའི་གནས་སམ་ར་བ། 2 ཐོན་སྐྱེད་འཛུགས་སྐྲུན་གྱི་ལས་དོན་གཞི་རྒྱ་ཆེ་བ། |
| ལས་གླ |
ལས་ཀ་ལས་པའི་གླ་བཙའི་མིང་། |
| ལས་ངན |
1ཆོས་ལུགས་ཀྱིས་བཤད་པའི་མི་དགེ་བའི་ལས་ཀྱི་འབྲས་བུ་སྡུག་བསྔལ་མྱོང་མཁན། 2ལས་སྐལ་དང་ལོངས་སྤྱོད་སོགས་སྡུག་པོ་སྤྱོད་པའི་དཔེ་འབུ་ལས་ངན་གྲོག་ཚང་ཁ་ལ་འོངས། མི་ལས་ངན་བདུད་ཚང་ཁ་ལ་འོངས་ཞེས་པ་ལྟ་བུ། |
| ལས་ཅན |
1ཆོས་ལུགས་ཀྱིས་བཤད་པའི་ལས་སྐལ་ཡག་པོར་ཐུག་མཁན། 2ལས་སྐལ་ལམ་གོ་སྐབས་ཡག་པོར་ཐུག་པའི་དཔེ་མི་ལས་ཅན་སྟོན་མོ་བྱེད་སར་འཕྲད་ལྟ་བུ། |
| ལས་ཆས |
1 ལས་ཞྭ་ལས་གོས་སོགས། 2 ལས་ཀ་བྱེད་པའི་ཡོ་བྱད། |
| ལས་ཆུང་བ |
1 སྐལ་བ་ཆུང་བའམ་བསོད་ནམས་ཆུང་བ། 2 ལས་ཆོད་ཆུང་བ། 3 ལས་ཀ་སྟབས་བདེ་བ། |
| ལས་ཆེ་བ |
1 སྐལ་བ་ཆེ་བའམ་བསོད་ནམས་ཆེ་བ། 2 ལས་ཆོད་ཆེ་བ། 3 ལས་ཀ་རྙོག་འཛིང་ཆེ་བ། |
| ལས་ཆོག |
སོ་ཐར་སྡོམ་པ་འབོགས་པའི་ཆོ་ག། |
| ལས་ཆོད |
ལས་ཀའི་ནུས་ཚད། |
| ལས་ཇུས |
ལས་ཀའི་ཐབས་ཤེས། |
| ལས་ཉེས |
བྱེད་སྟངས་ནོར་བ། ལས་ཉེས་ཁག་འགེལ། |
| ལས་ཐམ |
ལས་ཁུངས་ཀྱི་གཞུང་ཐེལ། |
| ལས་ཐིག |
དཀྱིལ་འཁོར་གྱི་སྟེང་དུ་གདབ་པའི་དམ་ཚིག་གི་ཐིག་ཐིག་སྐུད་ཀྱི་རྒྱུ་དང་ཚད། ཁ་དོག་སོགས་ཆོ་གའི་ཚུལ་བཞིན་གདབ་པའོ། |
| ལས་ཐོག |
ལས་འགན་འཁུར་བཞིན་ཡོད་པ། ལས་ཐོག་འཁྱུར་བ། ལས་ཐོག་ཡོལ་བ། ལས་ཐོག་པ། ལས་ཐོག་ལས་བྱེད་པ། |
| ལས་ཐོག་མ་པ |
ལས་དང་པོ་བ་དང་འདྲ། |
| ལས་ཐོགས་པ |
ལས་དོན་གྲ་འགྲིག་པོ་མ་བྱུང་བ། ལས་མཐའ་མ་ལོག་པ། རང་འབྱོར་ལྔའི་ནང་ཚན་ཞིག་མཚམས་མེད་པའི་ལས་བྱས་པའམ་བྱེད་དུ་བཅུག་པ་མ་ཡིན་པའོ། |
| ལས་དང་པོ་བ |
1 ཐོག་མར་སློབ་སྦྱོང་བྱེད་མཁན། 2 ལམ་ལ་ཐོག་མར་ཞུགས་པའི་སོ་སྐྱེའི་གང་ཟག |
| ལས་དཔོན |
1ལས་ཀ་པར་བཀོད་འདོམས་བྱེད་མཁན་གྱི་མི་རྐ་ཆེན་གྱི་ལས་དཔོན། ཆུ་རགས་ཀྱི་ལས་དཔོན་ཞེས་པ་ལྟ་བུ། 2མ་རྩ་ཅན་གྱིས་གླས་ནས་བཟོ་པར་ལྟ་རྟོག་བྱེད་མཁན་གྱི་མི། བྱ་བའམ་ལས་དོན་གྱི་མིང་ལས་འགན་ལས་བྱ་ཞེས་པ་ལྟ་བུ། |
| ལས་དབང |
ལས་ཀྱི་བསྐོས་ཐང༌། ལས་དབང་གང་ཕྲད། ལས་དབང་སྨྲ་བ། |
| ལས་དམ |
ལས་ཁུངས་ཀྱི་དམ་ག། ལས་དམ་གནང་བ། |
| ལས་དམག |
དམག་དཔུང༌། |
| ལས་དོན |
ལས་ཀའམ་བྱ་བ་དང་དེའི་བསྒྲུབ་གཞིའམ་དམིགས་ཡུལ། གལ་ཆེའི་ལས་དོན། ལས་དོན་གོ་འཕེར། ལས་དོན་ནང་མ། སྤྱི་ཕན་ལས་དོན། སྤྱི་སྤྱོད་ལས་དོན། |
| ལས་ནག |
1མིའི་རིགས་ཀྱི་བྱ་འགུལ་དང་འཇིག་རྟེན་དུ་འཕྲད་པའི་བྱ་དངོས་ཐམས་ཅད་ཀྱི་སྤྱི་མིང་། 2མིས་བསྒྲུབས་པའི་བྱ་བཞག་ནང་གི་ཁོངས་གཏོགས་དང་། རྒྱ་ཁྱོན་ངེས་ཅན་ཡོད་ཅིང་སྤྱི་ཚོགས་འཕེལ་རྒྱས་ལ་འབྲེལ་བ་ཡོད་པ་ཞིག་གི་མིང་གསར་བརྗེའི་ལས་དོན། སློབ་གསོའི་ལས་དོན། ཚན་རིག་གི་ལས་དོན་ཞེས་པ་ལྟ་བུ། |
| ལས་པ |
1.ཐ་དད་པ ལས་པ། ལས་པ། ལོས།།བྱེད་པ། འདོད་མོས་ལྟར་ལས་ཆོག དོན་ལས་ནུས་པ། ཅི་ལས་པ། ལས་ལོས་བྱེད་ཕོ་ལོ་བཅོ་ལྔ་ཡིན། རྟ་ལོས་རྒྱུག་ཐོར་མོ་རྔོག་བཅད་རེད། ལྟོ་ཁྱིའི་ལྟོ་ལ་ལས་བོང་ལས། 2.ཡུལ་གྲུ་ཁག་གི་འོང་སྐོར་སོགས་དགའ་སྟོན་གྱི་གཏོང་སྒོའི་དོ་དམ་པ། |
| ལས་ཕོགས |
དུས་སྐབས་ཤིག་ལ་ཆེད་དམིགས་ཀྱི་ལས་ཀ་བྱས་ནས་གླ་ལེན་མཁན་གྱི་མི་ས་ལས་པ། ལམ་ལས་པ་ཞེས་པ་ལྟ་བུ། |
| ལས་ཕྱོད |
ལས་ཆོད་དང་འདྲ། |
| ལས་ཕྲན |
1 ལས་ཀ་ཆུང་ངུ། 2 ལས་འགན་ཆུང་ངུ། |
| ལས་བཞི |
ཞི་བའི་ལས་དང༌། རྒྱས་པའི་ལས། དབང་གི་ལས། དྲག་པོའི་ལས་སོ། |
| ལས་བཞིའི་སྣེ་འཛིན |
ལས་བཞི་ནི་ཞི་རྒྱས་དབང་དྲག་བཞི་པོ་ཡིན། ཞི་སྟེ་སྲིད་ཀྱི་ལས་དོན་བྱེད་མཁན། རྒྱས་ཏེ་དཔལ་འབྱོར་འཛུགས་སྐྲུན་བྱེད་མཁན། དབང་སྟེ་ཁྲལ་སྡུད་མཁན། དྲག་སྟེ་དམག་གི་ལས་ཀ་བྱེད་མཁན་བཅས་དང༌། སྣེ་འཛིན་ནི་གོང་གསལ་བཞི་པོའི་འགོ་ཁྲིད་བྱེད་མཁན་རྣམས་ཡིན། ཞི རྒྱས དབང དྲག སྣེ་འཛིན |
| ལས་བཟང |
1 ལས་ཀ་བཟང་བ། 2 སྦྱོར་བ་ཉེར་བདུན་གྱི་ནང་གསེས་ཤིག |
| ལས་བཟོ |
ལས་དོན་སྒྲུབ་མཁན་དང་བཟོ་པ། |
| ལས་བསྐོས |
བསྐོས་ཐང་ངམ་ལས། |
| ལས་བསྡོམས |
བྱ་བ་གང་བྱས་ཀྱི་མཇུག་བསྡོམས། |
| ལས་བུམ |
ཆོས་ལུགས་པའི་དཀྱིལ་འཁོར་དང༌། མཆོད་རྫས་དང༌། བདག་དང༌། གནས་དང༌། སློབ་མ་ལ་བསང་གཏོར་གཏོང་བྱེད་ཆུ་སྣོད་ཅིག |
| ལས་བྱང |
བྱ་བ་བྱེད་པའི་ཆོ་ག། ལས་ཆོག་ཀྱང་ཟེར། |
| ལས་བྱེ་བ |
1 རྒྱལ་ཁབ་ཀྱི་ལས་ཁུངས་དང༌། དམག་དཔུང༌། མི་དམངས་ཚོགས་པ་བཅས་ཀྱི་ནང་གི་གཞུང་ཞབས་མི་སྣ། དམག་དཀྱུས་དང་ལས་ཀ་རྩག་རྩིག་བྱེད་མཁན་དེར་འདུས་མེད། 2 འགོ་ཁྲིད་ཀྱི་ལས་ཀའི་འགན་ཁུར་རམ་བདག་གཉེར་གྱི་ལས་ཀ་ངེས་ཅན་ཞིག་བྱེད་མཁན། བཟོ་ཚོགས་ཀྱི་ལས་བྱེད་པ། ཀུང་ཧྲེའི་ལས་བྱེད་པ། 3 ལས་མི་དང་འདྲ། 4.འདུལ་བའི་བརྡ་ཆད་ཅིག་དགེ་འདུན་པ་རྣམས་ལས་ལ་མི་མཐུན་པར་རྩོད་པ་བྱུང་བའོ། |
| ལས་བྱེད་པ |
1རྒྱལ་ཁབ་ལས་ཁུངས་དང་དམག་དཔུང་། མི་དམངས་ཚོགས་པ་སོགས་སུ་སྤྱི་དོན་ངེས་ཅན་སྒྲུབ་མཁན་གྱི་མི། 2འགན་ཁུར་ངེས་ཅན་ཁུར་ཡོད་པའི་མི། |
| ལས་བྲེལ |
ལས་ཀ་བྲེལ་བ་ཡོད་པ། ལས་བྲེལ་ལྷིང་ཆགས། |
| ལས་བློན |
ལས་ཀ་ཚང་མ་དོ་དམ་བྱེད་མཁན་བློན་པོ། |
| ལས་མ |
མིས་བཟོས་པའི་དངོས་རིགས། |
| ལས་མཁན |
1 ལས་ཀ་བྱེད་པ་པོ། 2 གཤིན་རྗེའི་ཕོ་ཉ། |
| ལས་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ། གང་ལ་བྱ་བའི་ཡུལ་བསྒྲུབ་བྱ། བྱེད་པ་ལས་ཀྱི་ཆོ་ག། བྱེད་པ་པོ་མཁན་སློབ་དགེ་འདུན་དང་བཅས་པ་ལ། དེ་ཡིན་པ་ལ་དེ་ཡིན་གྱི་འདུ་ཤེས་མ་འཁྲུལ་བ། ཀུན་སློང་ཞེ་ཐག་པ་ནས་བྱེད་པར་འདོད་པ། རྒྱུད་དེ་དག་ཉིད་ལ་ཅི་ནས་ཀྱང་ཕན་པར་འདོད་པའི་སྙིང་རྗེ་སྟེ་ཐུགས་དགོངས་རྣམ་པ་གསུམ་གསལ་བའི་སྒོ་ནས་གསོལ་བཞིའི་ཆོ་ག་མ་འཁྲུལ་བར་བརྡ་སྤྲོད་པར་བྱེད་པའོ། |
| ལས་མཇུག |
ལས་ཀའི་གཞུག་གུ། ལས་མཇུག་བསྡུས་པ། ལས་མཇུག་རིང་སྣར། |
| ལས་མཐའ་ལོག་པ |
ལོག་པའི་ལམ་དུ་ཞུགས་ཏེ་མཚམས་མེད་ལྔའི་ལས་བྱས་པས་ཆོས་སྒྲུབ་པའི་སྐལ་བ་མེད་པ།…2.ལས་ཀའི་བར་མཚམས།… |
| ལས་མཚམས |
ལས་ཀའི་ཁོམ་ལོང་ངམ་ངལ་གསོའི་སྐབས་ཏེ། ལས་མཚམས་བཏང་ནས་ངལ་གསོ་བྱས་ལྟ་བུ། |
| ལས་མཚམས་འཇོག་པ |
བཟོ་པོས་རེ་འདུན་ཞིག་འགྲུབ་ཆེད་དང་འགོག་རྒོལ་བྱེད་ཆེད་ཐུན་མོང་གིས་ལས་ཀའི་མཚམས་གཅོད་པའི་བྱ་སྤྱོད་ཀྱི་མིང་མ་རྩ་རིང་ལུགས་རྒྱལ་ཁབ་ཏུ་བཟོ་པས་ལས་མཚམས་བཞག་པ་མང་ལྟ་བུ། ０རྒྱལ་འབངས་དཔལ་འབྱོར་གྱི་སྡེ་ཁག་སོ་སོའི་དོན་ཏེ། བཟོ་ལས། ཞིང་ལས། ཕྱུགས་ལས། ལས་རིགས་སོ་སོ་ཞེས་པ་ལྟ་བུ། １བྱ་དངོས་ཀྱི་འགྱུར་ལྡོག་དང་གཡོ་འགུལ་སོགས་ཀྱི་མིང་། |
| ལས་མི |
ལས་ཀ་བྱེད་མཁན། མིང་གི་རྣམ་གྲངས་ལ་གླ་པ་དང༌། གླ་ཟན། གླ་ཡིས་འཚོ། ཞོ་ཤས་འཚོ། ལས་མཁན། ལས་པ་བ་བཅས་སོ། |
| ལས་ཚན |
ལས་ཀའི་རྣམས་གྲངས་ཀྱི་མིང་། 2.སྔར་བོད་ས་གནས་སྲིད་གཞུང་གི་ལས་བྱེད་གོ་གནས་རིམ་པ་ལྔ་པའི་མིང༌།… |
| ལས་ཚན་པ |
1གཞུང་སོགས་ཀྱི་ལས་ཀ་ངེས་ཅན་ཞིག་སྒྲུབ་མཁན་གྱི་མི་བཟོ་གྲྭའི་ལས་ཚན་པ་ཞེས་པ་ལྟ་བུ། 2དགོན་པའི་ལས་ཀ་ངེས་ཅན་ཞིག་སྒྲུབ་མཁན་གྱི་མི། |
| ལས་ཚབ |
ལས་ཀའི་ཚབ་བྱེད་མཁན། |
| ལས་ཚིག |
བྱ་བྱེད་སྟོན་པའི་ཚིག |
| ལས་ཚིག |
བྱ་དངོས་ཀྱི་འགྱུར་ལྡོག་སོགས་སྟོན་པའི་ཐ་སྙད་ལ་ལས་ཀྱི་ཚིག་གམ་ལས་ཚིག་ཟེར། དཔེར་ན། གཅད། གཅོད། བཅད། ཆོད་དང་། ཤེས། གླེང་སོགས་ནི་ལས་ཚིག་ཡིན་པ་ལྟ་བུ། ２བརྡ་སྤྲོད་ཀྱི་བྱ་བྱེད་ལས་གསུམ་གྱི་ནང་ཚན་གྱི་ལས་ཏེ། བྱ་བའམ་ལས་ཀའི་ཡུལ་གྱི་མིང་། ３སངས་རྒྱས་ཆོས་ལུགས་པས་ལུས་ངག་ཡིད་ཀྱི་བྱ་སྤྱོད་ཐམས་ཅད་ལ་ཟེར་ཞིང་། སྲོག་གཅོད་པ་དང་མ་བྱིན་པ་ལེན་པ(རྐུ་བ)མི་ཚངས་པར་སྤྱོད་པ(ལོག་གཡེམ)གསུམ་ལ་ལུས་ཀྱི་ལས་གསུམ་དང་། རྫུན་དང་ཕྲ་མ། ངག་འཆལ། ཚིག་རྩུབ་བཞི་ལ་ངག་གི་ལས་བཞི། བརྣབ་སེམས་དང་གནོད་སེམས་ལོག་ལྟ་གསུམ་ལ་ཡིད་ཀྱི་ལས་གསུམ་ཟེར། དེ་རྣམས་བསྡོམས་པ་ལ་མི་དགེ་བ་བཅུའམ་ལས་ནག་ཟེར་ཞིང་། དེ་ལས་ལྡོག་པའམ་དེ་རྣམས་མི་བྱེད་པ་ལ་དགེ་བ་བཅུའམ་ལས་དཀར་ཟེར། |
| ལས་ཚིག་རྗེས་མཐུན་པ |
ཕལ་ཆེར་ལས་ཚིག་གི་མཐར་སྦྱར་ནས་ཐག་ཆོད་པ་དང་རེ་བ་བྱེད་པའི་མཐུ་ནུས་ཡོད་པ་སོགས་སྟོན་པའི་ཐ་སྙད་ལ་ཟེར་ཏེ། ཡིན། ཡོད། མིན། མེད། དགོས། ཐུབ་སོགས་ལྟ་བུ་ཡིན། དཔེར་ན། ཡི་གེ་འདི་དགེ་འདུན་ཆོས་འཕེལ་གྱི་ཕྱག་བྲིས་ཡིན། སློབ་དགོས། འགྲོ་ཐུབ། བྱ་བ་མང་བོ་བསྒྲུབས་ཡོད། སྤྱོད་ངན་གཅིག་ཀྱང་བྱས་མེད་སོགས་ལྟ་བུ། |
| ལས་ཚོགས |
ཡི་དམ་རང་རང་གི་ཞི་རྒྱས་དབང་དྲག་གི་ལས་སྒྲུབ་སྐོར་ཕྱོགས་གཅིག་ཏུ་བསྡུས་པ། |
| ལས་ཞོར |
ལས་ཀ་བྱེད་པའི་ཞོར་རམ་བར་གསེང༌། |
| ལས་ཞྭ་ལས་གོས |
སྔར་བོད་ས་གནས་སྲིད་གཞུང་སྐབས་ལས་ཁུངས་ལ་འགྲོ་སྐབས་གྱོན་རྒྱུའི་ཞྭ་གོས། |
| ལས་ཟམ |
ཨར་ལས་བྱེད་སྐབས་ཀྱི་རྐང་ཟམ་མམ་ལས་ཁྲི། |
| ལས་འགན |
འགན་འཁུར། རང་འཁྲིའི་ལས་འགན། ལས་འགན་དཀྲི་བ། ལས་འགན་སྒྲུབ་པ། ལས་འགན་གཅིག་ལྕོགས། ལས་འགན་འཕོས་ལེན། ལས་འགན་འཁྱུར་བ། ལས་འགན་འཐུས་ཤོར། ལས་འགན་གཡོལ་བ། སྐབས་བབས་ལས་འགན། |
| ལས་འགུལ |
ཆབ་སྲིད་དང༌། རིག་གནས། ཐོན་སྐྱེད་སོགས་ཀྱི་ཐད་རྩ་འཛུགས་ཡོད་ལ། དམིགས་ཡུལ་ཡང་ཡོད་ཅིང༌། མང་ཚོགས་ཀྱི་རང་བཞིན་ལྡན་པའི་བྱ་གཞག་རྒྱ་ཁྱོན་ཆེ་ཙམ་ཞིག ལྔ་བཞིའི་ལས་འགུལ། ལག་རྩལ་གསར་བརྗེའི་ལས་འགུལ། |
| ལས་འགོ |
ལས་ཀའི་ཐོག་མ། ལས་འགོ་བཙུགས་པ། |
| ལས་འགོ་བཙོས་པ |
ཡུལ ལས་ཀ་ལེགས་ཉེས་ལྟ་རྟོག་བྱེད་པ། |
| ལས་འཕྲོ |
1 ལས་ཀ་བྱས་མ་ཚར་བར་ལུས་པ། ལས་འཕྲོ་ལུས་པ། ལས་འཕྲོ་བརྟུལ་བ། 2 ལས་སྐལ། དགེ་བའི་ལས་འཕྲོ་མེད་པ། |
| ལས་འཕྲོ་ཅན |
ཚེ་སྔོན་མར་ཡོད་པའི་ལས་བཟང་པོའི་འཕྲོ་ཚེ་འདིར་སྨིན་པའི་ནུས་པ་ཡོད་པ། |
| ལས་འབྲས |
རྒྱུ་འབྲས། དཀར་ནག་ལས་འབྲས་ལུས་དང་གྲིབ་མ་འདྲ། |
| ལས་འབྲེལ |
ཚེ་སྔ་མར་བསགས་པའི་ལས་ཀྱི་འབྲེལ་བ། མར་པ་ལོ་ཙཱ་བ་དང་ཁྱོད་རང་ཚེ་སྔ་མ་ནས་ལས་འབྲེལ་ཡོད་པས་དེའི་དྲུང་དུ་སོང་ཞིག |
| ལས་འཚེར |
ལས་ཀ་བྱེད་འདོད་མེད་པ། ཐུབ་བཞིན་ནུས་བཞིན་དུ་ལས་འཚེར་བྱེད་པ། |
| ལས་འཛིན་གཉེར་པ |
གཉེར་པ་ལས་ཐོག |
| ལས་འཛིན་པ |
ལས་ཐོག་པ། |
| ལས་འཛིན་པའི་བསྡུ་བ |
ཁྱད་གཞི་དང་ཁྱད་ཆོས་གཞི་མཐུན་པར་བསྡུ་བ་སྟེ་ཨུཏྤལ་ཡང་ཡིན་ལ་སྔོན་པོ་ཡང་ཡིན་པ་ཨུཏྤལ་སྔོན་པོ་ཟེར་བ་ལྟ་བུ། |
| ལས་འོང་འོང་འདྲ་མོ |
ལས་ཀ་གང་ཡང་བྱེད་ཐུབ་མདོག་ཁ་པོ། |
| ལས་རིགས |
ལས་ཀ་མི་འདྲ་བའི་རིགས་མཐའ་དག ལས་རིགས་ཁག ལས་རིགས་གཅིག་པ། བཟོ་ཚོང་ལས་རིགས། |
| ལས་རིམ |
ལས་དོན་གྱི་གོ་རིམ། |
| ལས་རུང |
ལས་སུ་རུང་བ་སྟེ་དོན་བྱེད་ནུས་པའམ་བྱ་བར་བཀོལ་བཟོད་པ། |
| ལས་རེམ་པ |
ལས་ཀར་ཧུར་བརྩོན་ཆེ་བ། |
| ལས་རོ |
ལས་ཀའི་ལྷག་རོའམ་འཕྲོ་མ། ལས་རོར་མ་སོང་བ། |
| ལས་རོགས |
ལས་ཀ་བྱེད་མཁན་གྱི་རོགས་བྱེད་མཁན། |
| ལས་རྒྱ |
1 ལས་ཀའི་རྒྱ་ཁྱོན། 2 གསང་ཡུམ། |
| ལས་རྒྱབ་པ |
ལས་ཀ་སྐུལ་འདེད་བྱེད་མཁན། |
| ལས་རྒྱལ་མཆོག |
མཆོད་བསྟོད་ཕྲིན་ལས་ལ་སོགས་པ་ནི་ལས་རྒྱལ་མཆོག་གི་ཏིང་ངེ་འཛིན་ནོ། |
| ལས་རྒྱལ་མཆོག་གི་ཏིང་ངེ་འཛིན |
བསྐྱེད་པའི་ཏིང་ངེ་འཛིན་གསུམ་གྱི་ཡ་གྱལ་ཞིག་དཀྱིལ་འཁོར་རྫོགས་པར་བསྐྱེད་རྗེས་ལྷ་རྣམས་ཀྱིས་ཞིང་སྦྱོང་བ་སོགས་ཀྱི་མཛད་པ་ནི་སངས་རྒྱས་ཀྱི་མཛད་པ་དང་མཐུན་པས་ལས་རྒྱལ་མཆོག་གོ། |
| ལས་རྒྱུ་འབྲས |
1སངས་རྒྱས་ཆོས་ལུགས་སུ་ལས་དགེ་བ་ལས་བདེ་བ་འབྱུང་བ་དང་། ལས་མི་དགེ་བ་ལས་སྡུག་བསྔལ་འབྱུང་ཟེར་བའི་རྒྱུ་འབྲས་ཀྱི་འབྲེལ་བའི་བཤད་ཚུལ། 2ཡོངས་གྲགས་ལ་བཟང་ལན་བཟང་གིས་འཇལ་བར་ལས་རྒྱུ་འབྲས་ཡོད་དང་། དེ་ལས་ལྡོག་པར་ལས་རྒྱུ་འབྲས་མེད་ཟེར། |
| ལས་རྒྱུན |
ལས་ཀའི་འགོར་རྒྱུན། |
| ལས་རྔ |
ལས་ཀར་འཛོམ་བརྡ་གཏོང་བའི་རྔ། |
| ལས་རྩི་བ་པོ |
1 སྐྱེ་བ་སྔ་ཕྱིའི་ལས་བཟང་ངན་རྩི་བ་པོ། 2 ལས་བཟང་ངན་ལ་རྩི་མཐོང་ཆེན་པོ་བྱེད་མཁན། |
| ལས་རྩིས |
ཚེ་རབས་ལས་རྩིས་ཀྱི་བསྡུས་ཚིག་ |
| ལས་རྩོམ |
ལས་དོན་གྱི་གཞི་འདིང་བ། |
| ལས་ལ་དབང་བ |
བྱང་ཆུབ་སེམས་དཔའི་དབང་ཕྱུག་བཅུའི་ནང་གསེས་ཤིག་ལས་ཀྱི་རྣམ་པར་སྨིན་པ་བྱིན་གྱིས་བརླབས་པའི་དུས་ཇི་ལྟ་བ་བཞིན་དུ་སྟོན་པ། |
| ལས་ལམ |
ལས་དེའི་ལམ་ཞེས་པ་སྟེ་དངོས་ཀྱིས་བསྡུས་པའམ་སེམས་པའི་འཇུག་གཞི། |
| ལས་ལུགས |
1 ལས་ཀ་བྱེད་སྟངས། 2 ལམ་སྲོལ། |
| ལས་ལོག |
ལས་ཀ་བསྐྱར་དུ་བྱེད་པ། |
| ལས་ཤིང |
མངོན འོད་མའི་ཤིང༌། |
| ལས་ཤུགས་ཅན |
1 ལས་ཀ་བྱེད་པ་ལ་ནུས་ཤུགས་དང་ལྡན་པ། 2 ནུས་པ་ཆེ་བའི་ལས། |
| ལས་ཤོག |
གཞུང་ལས་བྱེད་སྐབས་ཀྱི་འབྲི་ཤོག |
| ལས་ཤོགས |
ལས་ཆོད། |
| ལས་སུ་བྱ་བ |
1 བྱ་བ་བྱེད་པ། 2 བྱེད་པ་པོས་བྱ་བ་གང་ལ་བྱེད་པའི་ལས་ཀྱི་དོན་ཅན་དུ་འགྱུར་བ་རྣམ་དབྱེ་གཉིས་པ། ལས བྱ་བ སུ |
| ལས་སུ་བྱ་བའི་སྒྲ |
བྱ་བའི་ཡུལ་གང་ཞིག་ལ་བྱེད་པ་པོ་རང་གི་དོན་དུ་བྱེད་པ་ཉེ་བར་སྟོན་པའི་རྐྱེན་ནི་ལ་དོན་རྣམ་པ་བདུན་ཏེ། འདི་ལ་རྣམ་དབྱེ་གཉིས་པའམ་ཟེར། དཔེར་ན། ནམ་མཁར་འཕྱར་བ་ཞེས་པའི་ནམ་མཁའི་མཐར་སྦྱར་བའི་ར་དེས་ནམ་མཁའ་ནི་བྱ་བའི་ཡུལ་ཡིན་པར་སྟོན་པ་དང༌། ཆུ་ལ་ཟམ་པ་བཙུགས་ཞེས་པའི་ཆུའི་མཐར་སྦྱར་བའི་ལ་དེས་ཆུ་ནི་བྱ་བའི་ཡུལ་ཡིན་པར་སྟོན་པ་ལྟ་བུ་དང༌། དེ་ཉིད་ཀྱི་སྒྲ་ཡང་འདིའི་བྱེ་བྲག་ཅིག་ཡིན། ནམ་མཁའ ར ཆུ ལ |
| ལས་སེང |
ལས་གསེང་དང་འདྲ། |
| ལས་སྐར |
ལས་ཀའི་ཚད་དང་ངལ་རྩོལ་གྱི་ཐོབ་སྐལ་རྩི་བའི་སྡེ་ཚན་ཞིག་གི་མིང་། |
| ལས་སྐལ |
1ཆོས་ལུགས་ཀྱི་བཤད་ཚུལ་ལ་སྐྱེ་རྒ་ན་འཆི་དང་ཕྱུག་དབུལ་བདེ་སྡུག་སོགས་ལས་ཀྱི་རྣམ་སྨིན་ཡིན་པས་ལྡོག་ཏུ་མེད་པ་ཞིག་ཡིན་ཟེར་ཞིང་། དེ་དག་ལ་ལས་སྐལ་ཟེར། 2གོང་འཕེལ་དང་འགྱུར་ལྡོག་གི་ཁ་ཕྱོགས་ཀྱི་དཔེ་བོད་མི་རིགས་ཀྱིས་རང་གི་ལས་སྐལ་རང་གིས་ལག་ཏུ་བཟུང་བ་རེད་ལྟ་བུ། |
| ལས་སྒོ |
1 ལས་སྐལ། 2 སྡེ་ཁག ཚོང་ལས་ཀྱི་ལས་སྒོར་ཞུགས་ནས་བྱ་བ་སྒྲུབ་པ། 3 ལས་ཀ་བྱེད་དུས་འགྲོ་བདེ་བའི་སྒོ། 4 ཐོན་ཁུངས། ལས་སྒོ་རང་གི་ཅ་ལག |
| ལས་སྒྲ |
ལས་སུ་བྱ་བའི་སྒྲ་དང་འདྲ། |
| ལས་སྒྲིབ |
ལས་ཀྱི་སྒྲིབ་པའི་བསྡུས་མིང༌། |
| ལས་སྣ |
ལས་འགན་གཙོ་བོ་འཁུར་མཁན། ལས་སྣེར་བསྐོས་པ། |
| ལས་སྣ་ཚོགས |
1 ལས་ཀ་སྣ་ཚོགས། 2 མངོན ཉི་མ། 3 ལས་བཟང་ངན་ནམ་ལས་དཀར་ནག |
| ལས་སྣ་ཚོགས་པ |
1 ལས་སྣ་ཚོགས་བྱེད་མཁན། 2 མངོན 1)ལྷའི་བཟོ་བ། 2)ཉི་མ། |
| ལས་སྣང |
ལས་དབང་གིས་བསྐྱེད་པའི་མ་དག་འཁོར་བའི་སྣང་ཚུལ། |
| ལས་སྣེ |
1 དགེ་འདུན་པ་སྤྱིའི་ལས་བྱེད་མཁན། 2 ལས་དོན་གྱི་སྣེ་འཁྲིད་མཁན་ནམ་སྣེ་མཛད་མཁན། ལས་སྣེ་སྦྲེལ་པོ། |
| ལས་སྣེ་དབུ་ཆོས |
དགོན་ཁག་གི་གྲྭ་པའི་མགོ་ཁྲིད་བྱེད་མཁན་དབུ་མཛད་དང་དགེ་བསྐོས་ཀྱི་བསྡུས་མིང༌། |
| ལས་སླ་པོ |
བྱེད་བདེ་བའམ་ཁག་པོ་མེད་པ། |
| ལས་སླ་བ |
ལས་སླ་པོ་དང་འདྲ། |
| ལཱ |
རྒྱ ཡང་ལཱ་ལྟ་བུ། |
| ལཱ་ཇ་ཏུ |
མངོན བྲག་ཞུན། |
| ལི |
1 ལྕགས་སྣ་ཚོགས་བསྲེས་ནས་བཞུ་བའི་ལི་ཞེས་སྦུབ་ཆལ་དང་སིལ་སྙན་སོགས་རོལ་ཆའི་རྒྱུར་དགོས་པ་ཞིག ལི་མ། ལི་དཀར། ལི་སེར། ལི་དམར། ལི་ཁྲ། ལི་སྐུ། ལི་ཏིང༌། ལི་སྡེར། ལི་ཐུར། ལི་ཡི་གདུང་རྟེན། ལི་གཡེར། 2 སྤར་ཁ་བརྒྱད་ཀྱི་དང་པོ། 3 རྒྱ ཤིང་ཏོག་ཅིག 4 རིན་པོ་ཆེའི་སྨན་གྱི་རིགས་ཤིག་ནུས་པས་མིག་ནད་སྐམ་ཚག་དང༌། འབྲས་ནད་ལ་ཕན། ཕྱུགས་ཀྱི་རྔོ་འཇོམས། |
| ལི་ཀ་ར |
ལི་ཁ་ར་དང་འདྲ། |
| ལི་ཁ་ར |
1 ཀ་རའི་ཤིང༌། 2 རྒྱ་གར་གྱི་ཡུལ་ཞིག |
| ལི་ཁར |
ཕྱེ་ཧྭག་རྡོག་པོར་བྱས་པ། འདུལ་བ་ལས་བཤད་པའི་ཞག་བདུན་པའི་སྨན་གྱི་བྱེ་བྲག་ཅིག |
| ལི་ཁྲི |
1 ཁ་དོག་དམར་སེར་འདྲེས་པའི་ཚོན་ནམ་མདོག་སིནྡྷུ་ར་ཡང་ཟེར། མིང་གི་རྣམ་གྲངས་ལ་དྲི་འཛིན་སྐྱེས་དང༌། རྡུལ་དམར། ཕྱེ་མ་དམར་པོ། བྱེ་མ་དམར། དམར་སེར་ཚོན། ཞ་ཉེ་སྐྱེས་བཅས་སོ། 2 ས་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་རྨ་རུལ་གསོ། ཤའི་ཚད་པ་དང་རྩའི་ཚད་པ་སེལ། |
| ལི་ག་དུར |
སྔོ་སྨན་གྱི་རིགས་ཤིག་རོ་ཚ་ལ་མངར་བ། ཞུ་རྗེས་བསིལ། ནུས་པས་གློ་ཚད་དང༌། རིམས་ཚད་ལ་ཕན། |
| ལི་ཆུ |
ཉག་ཆུའི་ཆུ་ལག་ཅིག་སི་ཁྲོན་ཞིང་ཆེན་གྱི་ནུབ་རྒྱུད་དུ་ཡོད། ཆུ་འགོ་དཀར་མཛེས་བོད་རིགས་རང་སྐྱོང་ཁུལ་ནས་བྱུང་སྟེ་ལྷོའི་ལི་ཐང་རྫོང་ཁུལ་བརྒྱུད་ནས་མཐར་མུ་ལི་བོད་རིགས་རང་སྐྱོང་རྫོང་ནས་ཉག་ཆུར་འབབ། |
| ལི་ཐང |
རྫོང་ཞིག་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་དབུས་ཁུལ་དང་ལི་ཆུའི་སྟོད་རྒྱུད་དུ་ཡོད། |
| ལི་ཐོ |
ལོ་གཅིག་གི་ཉིན་ཟླ་དུས་གཟེར་སོགས་བཀོད་པའི་དཔེ་དེབ་བམ་རེའུ་མིག་གི་མིང་། |
| ལི་དམར |
ལྕགས་རིགས་ལི་དམར་ཤས་ཆེ་བ། |
| ལི་དོང་གྲ |
སྒ་དམར་གྱི་མིང་གཞན་ཞིག |
| ལི་ནག |
ལྕགས་རིགས་ལི་ནག་ཤས་ཆེ་བ། |
| ལི་བ |
1 སྐྲ་སུ་ལུའམ་ཐུར་དུ་འཕྱང་བ། སྐྲ་ལི་བ། སྐྲ་གཡས་སུ་ལི་བ། སྐྲ་འཁྱིལ་ཞིང་ལི་བ། 2 མིག་སྐྱོན་ཅན། |
| ལི་མ |
ལི་རྒྱུ་ཆ་བྱས་ནས་གྲུབ་པའི་མི་གཟུགས་སོགས་ཀྱི་མིང་། ལི་སྐུ་ཡང་ཟེར། བོད་ཀྱི་རུས་ཤིག ０སྤར་ཁ་བརྒྱད་ཀྱི་དང་པོ། |
| ལི་མ་ཆུ |
འབྲི་ཆུའི་སྟོད་རྒྱུད་ཀྱི་ཡན་ལག་ཅིག་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ཆུ་དམར་ལེབ་རྫོང་དུ་ཡོད། |
| ལི་མེ |
རྒྱ སྤར་ཁ་བརྒྱད་ཀྱི་གྲས་ཤིག |
| ལི་ཙ་བཱི |
སྔར་རྒྱ་གར་གྱི་མི་རིགས་ཤིག |
| ལི་ཙ་བྱི |
ལེགས 1 རྒྱ་གར་ཡངས་པ་ཅན་གྱི་ཡུལ་དང་དེའི་མི། 2 ཡ་རབས་དང༌། མཁས་པ་དང༌། མཛངས་པ། |
| ལི་ཙི |
རྒྱ ཤིང་ཏོག་ལི། |
| ལི་ཝང |
1 ཚོན་དམར་སེར་འདྲེས་པའི་མདོག 2 ལི་ཁྲི། |
| ལི་ཡུལ |
ཤིན་ཅང་ལྷོ་རྒྱུད་རི་བོ་ཁུ་ནུའི་བྱང་ཕྱོགས་དང༌། ཐག་ལ་མ་གན་ཞེས་པའི་བྱེ་ཐང་ཆེན་པོའི་ལྷོ་ཕྱོགས་བར་མཚམས་ཀྱི་ཧོ་ཐེན་དང༌། ཆེ་མོ། རྨིན་ཧྥེང་ནས་རུའོ་ཆང་གཏུགས་པའི་བར་བཅས་ཀྱི་ས་ཆ་སྤྱི་དང༌། སྒོས་སུ་དེའི་ནང་གསེས་ཀྱི་ཧོ་ཐེན་དང་ཡུས་ཐེན་ཡུལ་གྲུ་གཉིས་ཀྱི་མིང་རྙིང༌། སྔར་སངས་རྒྱས་ཀྱི་བསྟན་པ་རྒྱ་ཆེར་དར་མྱོང་བའི་ཡུལ་འཁོར་ཞིག |
| ལི་ཤི |
རྩི་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་དྲོད་སྐྱེད། ཟས་འཇུ། ཡི་ག་འབྱེད། སྲོག་རྩའི་ནད་དང་གྲང་རླུང་སེལ། མིང་གི་རྣམ་གྲངས་ལ་དཔལ་གྱི་མིང་ཅན། སྤོས་ཀྱི་རྒྱལ་པོ། ལྷའི་མེ་ཏོག་བཅས་སོ། |
| ལི་ཤི་བུམ་པ་ཅན |
ལི་ཤིའི་འབྲས་བུ་སྨན་བཟང་བོ་ཞིག་ཡིན། |
| ལི་ཤི་འོད་ལྡན་མཚོ |
མཚོ་སྔོན་ཞིང་ཆེན་ཁོངས་མཚོ་ནུབ་སོག་རིགས་བོད་རིགས་ཧ་སག་རིགས་རང་སྐྱོང་ཁུལ་གོར་མོ་རྫོང་གི་མཚོ་ཞིག |
| ལི་ཤིའི་གུར་ཁང |
བོད་ཀྱི་སྐད་ལས་གསར་རྙིང་གི་བརྡའི་ཁྱད་པར་སྟོན་པ་ལེགས་པར་བཤད་པ་ལི་ཤིའི་གུར་ཁང་ཞེས་པ་དུས་རབས་བཅོ་ལྔ་པར་སྐྱོགས་སྟོན་སྨོན་གྲུབ་ལོ་ཙཱ་བས་མཛད་པ། འདིར་བརྡ་གསར་རྙིང་གི་ཐ་སྙད་ཆིག་སྟོང་ལྷག་ཙམ་ཡོད་པ་ཚང་མ་སྐད་གསར་བཅད་གོང་གི་གསུང་རབ་ཁ་གཅིག་ལས་བསྡུས། |
| ལི་སེར |
1 ལྕགས་རིགས་ལི་ཁ་དོག་སེར་ཤས་ཆེ་བ། 2 ཚོས་ལི་ཧང་སེར་ཤས་ཆེ་བ། |
| ལི་སྡེར |
ལྕགས་རིགས་ལི་ལས་བཟོས་པའི་སྡེར་མ། |
| ལི་སྨུག |
1 ལི་ཁྲི་མཚལ་སྣག་ཚ་བཅས་བསྲེས་པའི་མདོག 2 ལི་ཁ་དོག་སྨུག་ཤས་ཆེ་བ། |
| ལི་ཧང |
ཚོན་དམར་སེར་འདྲེས་པའི་མདོག |
| ལིག་བུ་མིག |
རྡོ་སྨན་གྱི་རིགས་ཤིག་ནུས་པས་མིག་ནད་རབ་རིབ་སོགས་ལ་ཕན། |
| ལིག་ཤི་ཝེར |
རྙིང ཛཱ་ཏི། |
| ལིང |
རྡོག་པོའམ་དུམ་བུའི་མིང་ལུག་ཤ་བཞི་ལིང་གཅིག—ལུག་ཤ་ཆ་བཞིར་བགོས་པའི་དུམ་བུ་གཅིག མེ་ལིང—མེའི་རྡོག་པོ་ཞེས་པ་ལྟ་བུ། མིག་ནད་ལིང་ཏོག་གི་ཚིག་བསྡུས་པ། 2.དར་སྲབ་མོ་ཞིག་གི་བརྡ་རྙིང།་ |
| ལིང་ག་ཅན |
མངོན སྐྱེས་པ། |
| ལིང་ངེ |
(རྒྱན་ཚིག) གྱེན་འགྲེང་ཡན་གར་བའི་དབྱིབས་ཏེ། བྲག་རི་ཞིག་ནག་ལིང་ངེ་འདུག་ལྟ་བུ། |
| ལིང་ཏོག |
མིག་ནད་ཀྱི་རིགས་ཤིག་ཐོག་མར་མིག་ལྕིབས་ཀྱི་ནང་ངོས་དང་མིག་འབྲས་ཀྱི་སྟེང་དུ་འབྲུམ་པ་ཆུང་ངུ་འབྱུང་ཞིང་། ཕལ་ཆེ་བ་ན་ཟུག་ཤིན་ཏུ་ཆེ་བ་ཞིག་ཡིན། རྭ་ལིང་། ཤ་ལིང་། ཁྲག་ལིང་ཟེར་བ་ལྟ་བུ། |
| ལིང་ཐོག |
ལིང་ཏོག་དང་འདྲ། |
| ལིང་བ |
ལིང་སྟེ་དང་འདྲ། |
| ལིང་བསྐྱུར |
རྡོག་ཁྲེས་སོགས་ག་ལེར་མིན་པར་ལིང་ངེར་གློད་པ། ཐང་ཆད་ནས་ཁྲེས་པོ་ལིང་བསྐྱུར་དུ་ཕབ་པ། |
| ལིང་བསྒྲལ |
ལིང་ག་བསྒྲལ་བ་སྟེ་གདོན་བགེགས་ལ་དྲག་གནོན་བྱེད་པ། |
| ལིང་ཚེ |
དྲ་མིག་གམ་དྲ་མིག་གི་དབྱིབས་ཅན་གྱི་རེའུ་མིག་གི་མིང་རེའུ་མིག་ལིང་ཚེ་དགུ་ཅན་ཞེས་པ་ལྟ་བུ། |
| ལིང་རོ |
སྦོ་མ་སྟེ་མིག་ནད་ཀྱི་རིགས་ཤིག |
| ལིང་ལིང |
གཡོ་འགུལ་གྱི་རྣམ་པ་ཞིག ས་ཡོམ་རྒྱག་དུས་ཁང་པ་ལིང་ལིང་དུ་གཡོ། འཇིགས་སྐྲག་གིས་སྙིང་ལིང་ལིང་དུ་འདར། རྩ་ལིང་ལིང་དུ་འཕར་བ། སྤྲིན་དཀར་ལིང་ལིང་དུ་རྒྱུག |
| ལིང་ལོང |
ལིང་ལིང་དང་འདྲ། |
| ལིང་ཤང |
རྒྱ ལྕགས་སམ་ལི་གྱེར་ཁ་ཤས་དང་རྔ་དམར་གྱི་ཚོམ་བུས་བརྒྱན་པ་རྟ་དྲེལ་དང་བོང་བུའི་སྐེ་རྒྱན་ཞིག |
| ལིང་སྐེད |
རྔོན་པ་འཁྲབ་དུས་ཐིག་རལ་གྱི་འོག་ཏུ་བཅིང་རྒྱུའི་དར་གྱི་སྐ་རགས་ཤིག |
| ལིང་སྟེ |
རྣམ་པ་ཐམས་ཅད་དམ་ཡོངས་རྫོགས། བློ་ལིང་སྟེ་གཏད་པ། ལུས་སྲོག་ལིང་སྟེ་བོར་བ། འདམ་རྫབ་ནང་དུ་ལིང་སྟེ་འགྱེལ་བ། |
| ལིངས |
རྒྱའམ་རྙི། ལིངས་བཙུགས་པ། ལིངས་སུ་ཆུད་པ། ལིངས་སུ་ཚུད་པ། ལིངས་ལས། ལིངས་འདེབས་པ། ལིངས་གཏོང་བ། ལིངས་བཀྱེ། ལིངས་ཐོབ། |
| ལིངས་ཁྱི |
ཤ་ཁྱི། |
| ལིངས་དུང |
རྔོན་རྒྱག་དུས་གཏོང་བའི་དུང་ངམ་གླིང་བུ། |
| ལིངས་པ |
རྔོན་པའི་མིང་གི་བརྡ་རྙིང་ངམ་ཡུལ་སྐད། |
| ལིངས་པོ |
ཆ་ཚང་བ། ལས་གྲྭ་ལིངས་པོ་གྲུབ་པ། བག་ལེབ་ལིངས་པོ་ཞིག ལས་འགན་ལིངས་པོ་ཁུར་དུ་བླངས། |
| ལིངས་སེ |
ལིང་སྟེ་དང་འདྲ། |
| ལིངྒ |
ལེགས 1 རྟགས་སམ་མཚན་མ། པུ་ལིངྒ། སྟྲི་ལིངྒ། 2 གདོན་བགེགས་ཀྱི་གཟུགས། |
| ལིམ་ལོག |
རྙིང དྲིན་ལན་ལོག་འཇལ། |
| ལིའུ་ཐོ |
ལེའུ་ཐོ་དང་འདྲ། |
| ལུ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)ཨོལ་མ་ལ་ཟུག་རེག་བྱས་པ་ལས་བྱུང་བའི་སྣང་ཚུལ་ཞིག་དབུགས་ནད་དུ་བརྔུབས་པ་རྣམས་མྱུར་དུ་ཕྱི་ལ་ཕུད་ནས་སྒྲ་འབྱིན་པ་ལུད་པ་ལུ་བ། གློ་ལུ་ཞེས་པ་ལྟ་བུ། |
| ལུ་གུ |
སྒོ་ཕྱུགས་ལུག་གི་ཕྲུ་གུའི་མིང་། |
| ལུ་གུ་མེ་ཏོག |
སྔོ་སྨན་གྱི་རིགས་གཡར་མོ་ཐང་གི་མིང་གི་རྣམ་གྲངས་ཤིག |
| ལུ་གུ་རྒྱུད |
1ལུ་གུ་མང་བོ་བསྟར་ནས་འདོགས་བྱེད་ཀྱི་གདང་ཐག་གི་མིང་། 2མུ་འབྲེལ་བའི་རི་མོ་ཞིག་འདི་ལ་གཡུང་དྲུང་ལུ་གུ་རྒྱུད་ཀྱང་ཟེར། 3ཡི་གེ་སོགས་གཅིག་དང་གཅིག་མུ་འབྲེལ་བའི་དཔེ། |
| ལུ་གུ་ལག་སྐྱེས |
རང་ས་ནས་ཐོན་པའི་ཡོན་ཏན་ཅན་སོགས་ཀྱི་དཔེ། རང་དགོན་གྱི་ལུ་གུ་ལག་སྐྱེས་ཀྱི་དགེ་བཤེས། |
| ལུ་བ |
ཐ་མི་དད་པ ལུད་པ་འདོན་པ། གློ་ལུ་བ། ལུད་པ་ལུ་བ། |
| ལུ་མ |
1 ཆུ་འཁྱིལ་བའི་སྤང་ལྗོངས་ཀོང་ཀོང༌། 2 ཆུ་མིག |
| ལུ་མ་བྱང་སྟོང་མཚོ |
ཚོགས་གཙོ་མཚོའང་ཟེར། བོད་རང་སྐྱོང་ལྗོངས་ཀྱི་རུ་ཐོག་རྫོང་གི་ཤར་རྒྱུད་ན་ཡོད། |
| ལུ་ལུ |
1 གློ་རྒྱུན་མི་འཆད་པར་ལྡང་ཚུལ། གློ་ལུ་ལུ་ཉིད་ཀྱིས་བྲང་ཁོག་ཧ་ཅང་ཚ་བྱུང༌། 2 སྔོ་སྨན་གྱི་རིགས་ཤིག ཤིབ་ཤི་ལུ་ལུ། ཚེར་ལྟར་ལུ་ལུ། |
| ལུ་ཧང |
རྒྱ རྡོ་སྨན་ཞིག |
| ལུ་ཧི་པ |
སྔོན་རྒྱ་གར་གྱི་གྲུབ་ཆེན་ཞིག |
| ལུག |
1 སྒོ་ཕྱུགས་གཡང་དཀར་ལུག ར་ལུག ཕོ་ལུག མོ་ལུག གླེན་པ་ལུག་འདྲ་བ། མིང་གི་རྣམ་གྲངས་ལ་ལྟོ་འཕྱང་དང༌། བལ་ལྡན། གཡང་དཀར། གཡང་མོ་བཅས་སོ། 2 ལོ་འཁོར་བཅུ་གཉིས་ཀྱི་ཡ་གྱལ་ཞིག 3 ཉི་ཁྱིམ་བཅུ་གཉིས་ཀྱི་ཡ་གྱལ་ཞིག…4.མ་འོངས་པ་དང་ད་ལྟ་བ་ལུག་བྱ། སྣབས་ལུག་གིན་འདུག་ལྟ་བུ། འདི་ལ་རླུག་འབྲི་བའང་ཡོད། |
| ལུག་ཀླད |
སྲོག་ཆགས་ཀྱི་སྨན་གྱི་རིགས་ཤིག་རོ་མངར། ཞུ་རྗེས་དྲོད། ནུས་པས་ཀླད་འཁྱོམ་གསོ། བད་རླུང་གིས་མགོ་ཡུ་འཁོར་བ་འཇོམས། |
| ལུག་ཁལ་པ |
ཁལ་འགེལ་སའི་ལུག |
| ལུག་ཁོག |
ལུག་ཤ་ཆ་ཚང༌། ལུག་ཁོག་མགོ་འབྱར། |
| ལུག་ཁྱིམ |
ཁྱིམ་གྱི་ཐོག་མ་ལུག་ཁྱིམ་ལ་བྱེད་དེ། གཟའ་རྣམས་སྟོངས་པར་ཞུགས་ནས་ཐོག་མར་ལུག་ཁྱིམ་ནས་མགོ་བརྩམས་པའི་རྒྱུ་མཚན་གྱིས་ཡིན། ཁྱིམ་ཞག་ཉི་བར་ཐ་སྐར་སྟེང་དུ་སླེབས་མ་ཐག་པ་དེ་ལ་ཉི་མ་ལུག་ཁྱིམ་ལ་སླེབས། ལྷོ་གླིང་དབུས་མའི་ཚངས་ཐིག་སྟེང་དཔྱིད་མཉམ། |
| ལུག་ཁྱུ |
ལུག་མང་པོའི་ཚོགས། ལུག་ཁྱུའི་སྣ་འཁྲིད་མཁན། |
| ལུག་གདང |
ལུག་རྡང་དང་འདྲ། |
| ལུག་གཞུག |
1 ལུག་གི་མཇུག་མ། 2 མཆན་ཁུང༌། |
| ལུག་གལ |
རྙིང སེའུ་ཆུང་ཆུང་ཞིག |
| ལུག་གི་གཤེད |
མངོན སྤྱང་ཀི། |
| ལུག་གུ |
ལུ་གུ་ཡང་ཟེར། ལུག་ཕྲུག |
| ལུག་ངལ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་དུག་ནད་སེལ། ཡན་ལག་ཚ་སྐྲངས་འཇོམས། |
| ལུག་ཆུང |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་རིམས་ནད་དང༌། དུག་ཚད། སྨུག་པོ་བཅས་ལ་ཕན། |
| ལུག་ཐུག |
འབྲས་བུ་མ་བཏོན་པའི་ལུག |
| ལུག་ཐུལ |
ལུག་ལྤགས་ཀྱི་ཐུལ་པ། |
| ལུག་ཐོང་པ |
ལོ་གསུམ་ལོན་པའི་ཕོ་ལུག |
| ལུག་དོན་པོ |
1ལུག་ཁྱུའི་ལུག་བཟང་ཤོས་ཀྱི་མིང་། 2ཚེ་ཐར་དུ་བཏང་བའི་ལུག ལོ་འཁོར་བཅུ་གཉིས་ཀྱི་ནང་གི་བརྒྱད་པ། ０རླུགས་ཀྱི་མ་འོངས་པ་དང་ད་ལྟ་བུ། |
| ལུག་པ |
1.ཐ་དད་པ ལུགས་པ། ལུག་པ། ལུགས།། 1 པར་བླུག་པ། ཟངས་བཞུས་ཏེ་གཟུགས་བརྙན་ལུག་པ། 2 ནང་དུ་འཇུག་པ། དཀར་ཡོལ་ནང་ལ་ཇ་ལུག་པ། 2.ཐ་མི་དད་པ ཉིལ་བའམ་ཐུར་དུ་བསྣར་བ། ཁང་རྙིང་གི་རྩིག་པ་ལུག་པ། རི་ལུག་པ་ཐག་པས་མི་འདུམ། ཐང་གས་པ་སྐུད་པས་འཚེམ་མི་ཐུབ། 3.ལུག་རྫི། |
| ལུག་མ་མོ |
མོ་ལུག |
| ལུག་མགོ |
1 ལུག་གི་མགོ་བོ། 2 བོད་ཀྱི་ཡུལ་སྲོལ་དུ་ལོ་གསར་སྐབས་རྟེན་འབྲེལ་སྒྲིག་ཆས་ཤིག |
| ལུག་མཉེ |
སྔོ་ཞིག |
| ལུག་མཚེ |
མཚེ་ལྡུམ། |
| ལུག་མིག |
1 སྲོག་ཆགས་ལུག་གི་མིག་རོ་མངར། ཞུ་རྗེས་དྲོད། ནུས་པས་སོ་རྩི་དང༌། སོ་བརྟན་པར་བྱེད། 2 སྔོ་སྨན་གྱི་རིགས་ཤིག་རོ་ཁ་ལ་མངར། ཞུ་རྗེས་བསིལ། ནུས་པས་དུག་ཚད་དང་རིམས་ཚད་སེལ། མིང་གི་རྣམ་གྲངས་ལ་གོ་སླད་དང༌། རྒྱལ་བའི་སྤྱན་ཅན། སྒྲོལ་སྔོན་སྟོང་འཁོར། འདབ་སྔོན་སྟོང་ལྡན། ནཱི་ལ་ཨུཏྤལ། བློན་པོ་དངུལ་མདོག་རལ་གྲིའི་འཁོར་ལོ། ལུག་སྐྱེས་མའི་མིག་ཨ་ཕྱག་སྔོན་པོ། ཨུཏྤལ་རལ་གྲི་མ་བཅས་སོ། |
| ལུག་མུར |
ཐང་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་གྲེ་བའི་ནད་དང༌། གློ་ནད། འཁྲུགས་རིམས། འབྲས་ནད་བཅས་ལ་ཕན། |
| ལུག་མུར་དཀར་པོ |
སྔོ་ཞིག |
| ལུག་མུར་ཕོ |
སྔོ་ཞིག |
| ལུག་མུར་མ་ནིང |
སྔོ་ཞིག |
| ལུག་ཚང |
ལུག་འཇུག་སའི་ཁང་པའམ། ལྷས་ར། |
| ལུག་ཟླ |
ཧོར་ཟླ་དྲུག་པ། |
| ལུག་ར |
ལུག་འཇོག་ཡུལ་གྱི་ར་བ། |
| ལུག་རིལ |
ལུག་གི་རིལ་མ། |
| ལུག་རུ |
1 སེམས་ཅན་ལུག་གི་རྭ་ཅོ། 2 སྔོ་སྨན་ལུག་རུ་དཀར་པོ་དང༌། སེར་པོ། སྨུག་པོ་བཅས་ལ་ཟེར། |
| ལུག་རུ་དཀར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཐོས་པ་འཛིན། བྱང་སེམས་དཀར་པོ་སྡོམ། |
| ལུག་རུ་སེར་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མཆིན་མཁྲིས་ཀྱི་ནད་དང་རླུང་ཚད་སེལ། ཆང་ནད་དང༌། ཐིག་ལེ་འཛག་པ་བཅས་ལ་ཕན། |
| ལུག་རུ་སྨུག་པོ |
སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཚ་འཁྲུ་གཅོད། བད་ཀན་སྨུག་པོ་སེལ། རྨའི་ཤའུ་སྐྱེ། |
| ལུག་རྡང |
ལུག་འདོགས་བྱེད་ཀྱི་ཐག་གདང༌། |
| ལུག་རྡུལ |
རི་བོང་གི་རྡུལ་བདུན་གྱི་ཚད། |
| ལུག་རྫི |
1 རྩྭ་ཁར་ལུག་འཚོ་སྐྱོང་བྱེད་མཁན། གླུ་སྙན་པོ་ལ་ཁའི་ལུག་རྫིས་ལེན། 2 བྱིའུ་ཞིག |
| ལུག་ལུག |
ཐུར་དུ་འཕྱང་བ། གྲོད་པ་ལུག་ལུག |
| ལུག་ལོ |
ལོ་སྐོར་བཅུ་གཉིས་ཀྱི་ནང་གསེས་ཤིག ལུག་ལོ་པ། ཤིང་ལུག་ལོ། |
| ལུག་ལྷས |
ལུག་འཇུག་ས་ཁང་པའམ་ར་བ་སོགས། |
| ལུག་ཤུབས |
གསེར་བཞུས་པ་སོགས་བླུགས་ཏེ་ནར་མོ་བཟོ་སྤྱད། |
| ལུག་ཤོ |
སྔོ་ཞིག |
| ལུག་སུག |
སྔོ་ཞིག |
| ལུག་སྣོད |
སྐམ་རློན་གང་རུང་གི་བཅུད་ལུག་སའི་སྣོད་སྤྱད། |
| ལུག་ཨ་ཏ |
ཡུལ ཨམ་ཅོག་ཆུང་ལ་རྭ་ཅོ་འཁྱིལ་བའི་ལུག |
| ལུག་ཨ་ཡུ |
རྭ་ཅོ་མེད་པའི་ལུག |
| ལུགས |
1.ཐ་དད་པར་འཇུག་པའི་ལུག་པའི་སྐུལ་ཚིག 2 1 ཚུལ་དང༌། སྲོལ་དང༌། ཁྲིམས། ཁྲིམས་ལུགས། ཚུལ་ལུགས། རང་ལུགས། རིང་ལུགས། གོམས་ལུགས། ལམ་ལུགས། ཡུལ་ལུགས། ལས་ལུགས། བྱེད་ལུགས། འགྲོ་ལུགས། གནས་ལུགས། ངོ་བོའི་གནས་ལུགས། རིགས་པའི་གཞུང་ལུགས། རྩོམ་ལུགས། མི་རིགས་ཀྱི་ཆ་ལུགས། ཆོས་ལུགས། ལུགས་རྙིང་དམ་ཞེན། ལུགས་གསར་འཛུགས་པ། ལུགས་ངན་དོང་སྤྲུགས། ལུགས་ཟློག་པ། 2 བླུགས་པའི་དངོས་རིགས། ལུགས་དཔར། ལུགས་རྒྱག་པ། ལུགས་སུ་བླུག་པ། |
| ལུགས |
ལྟ་ཚུལ་དང་འདོད་ཚུལ་རྒྱུན་ཆགས་པའི་མིང་རང་ལུགས་གཞན་ལུགས་ཞེས་པ་སོགས་ལྟ་བུ། སྒྲིག་ཁྲིམས་དང་ལམ་སྲོལ་སོགས་ཀྱི་མིང་ལུགས་སྲོལ། ལུགས་མཐུན། ལུགས་གསར་བ། ལམ་ལུགས། རྒྱ་ལུགས། བོད་ལུགས་ཞེས་པ་སོགས་ལྟ་བུ། ０བྱ་དངོས་ཀྱི་རྣམ་པའི་མིང་ལྭ་གོན་ལུགས། ཟས་ཟ་ལུགས་ཞེས་པ་ལྟ་བུ། １དངོས་པོ་རྣམས་ཀྱི་ཆོས་ཉིད་ཀྱི་མིང་གནས་ལུགས། སའི་ཆགས་ལུགས་ཞེས་པ་ལྟ་བུ། 2.(བྱེད་འབྲེལ་ལས་ཚིག) ལྕགས་རིགས་བཞུས་ནས་པར་དབྱིབས་སྣ་ཚོགས་སུ་པར་བརྒྱབ་ནས་ཡོ་བྱད་སོགས་ལས་པའི་དོན་ཏེ། ཁྲོ་བཞུས་ནས་ཟངས་ང་ལུགས་ལྟ་བུ། |
| ལུགས་ཀ |
སྲོལ་རྒྱུན། |
| ལུགས་ཀོང |
ལྕགས་རིགས་བཞུ་སྣོད། |
| ལུགས་ཀྱི་སྤྱན་པ |
ཁྲིམས་དཔོན། |
| ལུགས་ཁང |
ལུགས་རྒྱག་སའི་ཁང་པ། |
| ལུགས་གཉིས |
ཆོས་ལུགས་དང་འཇིག་རྟེན་གྱི་ལུགས་གཉིས། |
| ལུགས་གོང |
ལྕགས་རིགས་བཞུ་བྱེད་ཀྱི་སྣོད། |
| ལུགས་པ |
1.ཐ་དད་པར་འཇུག་པའི་ལུག་པའི་འདས་པ། 2.ལུགས་རྒྱག་མཁན། |
| ལུགས་པར |
ལུགས་སྤྱད་བཟོ་བྱེད་ཀྱི་པར། |
| ལུགས་བཞིན |
ལུགས་སྲོལ་ལྟར། ཡང་དག་པའི་ལུགས་བཞིན་དུ་བྱེད་པ། ཁྲིམས་ལུགས་བཞིན་ལག་ཏུ་བསྟར་བ། |
| ལུགས་བཟང་སྐྱེས |
མངོན སྐར་མ་བརྟན་པ། |
| ལུགས་བླུག |
ལྕགས་རིགས་བཞུས་ཏེ་ལུགས་རྒྱག་པ། |
| ལུགས་མ |
ལུགས་རྒྱག་པའི་ཐབས་ལ་བརྟེན་ནས་ལས་པའི་ཡོ་བྱད་སོགས་ཀྱི་མིང་ཟངས་ང་ལུགས་མ། མི་གཟུགས་ལུགས་མ་ཞེས་པ་ལྟ་བུ། |
| ལུགས་མགར |
ལྕགས་རིགས་ལུགས་ནས་ཡོ་བྱད་ལས་མཁན་གྱི་མིང་ལུགས་པ་ཡང་ཟེར། |
| ལུགས་མཐུན |
ལུགས་སྲོལ་དང་མཐུན་པ། ལུགས་མཐུན་སྤྱོད་ལམ། ལུགས་མཐུན་ཁེ་དབང༌། ལུགས་མཐུན་གྲོས་གཞི། ལུགས་མཐུན་བྱེད་སྟངས། ལུགས་དང་མི་མཐུན་པ། ལུགས་མཐུན་དྲང་གཞག |
| ལུགས་ཟུང |
ཆོས་ལུགས་དང་འཇིག་རྟེན་གྱི་ལུགས་གཉིས། |
| ལུགས་འབྱུང |
སྔ་མ་ལས་ཕྱི་མ་འབྱུང་བའམ། རྒྱུ་ལས་འབྲས་བུ་སྐྱེ་བའི་རིམ་པ། ལུགས་འབྱུང་གིས་བརྗོད་པ། ལུགས་སུ་འབྱུང་བ་མ་ཡིན་པ། རྟེན་འབྲེལ་ཡན་ལག་བཅུ་གཉིས་ལུགས་སུ་འབྱུང་བར་བརྟག་པ། ལུགས་འབྱུང་ལྡོག་ཏུ་བསྟན་པ། |
| ལུགས་འབྱུང་ལུགས་ལྡོག |
སྟེང་འོག་དང༌། གྱེན་ཐུར། གཡས་གཡོན་སོགས་རིམ་པ་ལྟར་ན་ལུགས་འབྱུང་དང༌། རིམ་མིན་ལ་ལུགས་ལྡོག རེའུ་མིག་རེར་ཆ་ཤས་བཞིས་ལུགས་འབྱུང་ལུགས་ལྡོག་ཚུལ་གྱིས་འཁོར། བྲ་ཉེ་ནས་བཟུང་གཡོན་སྐོར་གྱིས་ལུགས་འབྱུང་བའི་རྒྱུ་སྐར་ཉེར་བཞི་པ་ཁྲུམས་སྟོད་ཡིན་ལ། ནམ་གྲུ་ནས་གཡས་སྐོར་གྱིས་ལུགས་ལྡོག་ཏུ་བགྲངས་པའི་གསུམ་པའང་ཁྲུམས་སྟོད་ཡིན། |
| ལུགས་འབྱུང་སྐྱེ་བ |
མགོ་རྟིང་ངམ། རྒྱུ་འབྲས་གོ་རིམ་མ་ལོག་པའི་སྐྱེ་བ་ཕྲུ་གུ་མགོ་སྔོན་ལ་ཐོན་ནས་སྐྱེས་པ་ལྟ་བུ། |
| ལུགས་ལྡོག |
མཇུག་ནས་མགོ་ལ་ཡར་བགྲང་བ་དང༌། རྒྱུ་འགགས་པས་འབྲས་བུ་འགག་པའི་རིམ་པ། ལུགས་ལྡོག་གི་རྩི་ཐབས། མར་ངོ་ལུགས་ལྡོག་འཆར་བ། རྟེན་འབྲེལ་ཡན་ལག་བཅུ་གཉིས་ལུགས་ལྡོག་གིས་འགག་པ། རྩ་བ་བཀག་ན་ཡན་ལག་ལུགས་ལྡོག་ཏུ་ཤུགས་ཀྱིས་འགག་པ། ལུགས་ལྡོག་སྐབས་སུ་རྟོགས་པའི་བདེ་གཤེགས་གསུམ་བཞག་པ། ལུགས་ལྡོག་གི་གོ་རིམ། |
| ལུགས་ལྡོག་སྐྱེས་པ |
ཕྲུ་གུ་རྐང་པ་སྔོན་ལ་ཐོན་ནས་སྐྱེས་པ་ལྟ་བུ། |
| ལུགས་ཤུབས |
ལུག་ཤུབས་དང་འདྲ། |
| ལུགས་སྐུ |
ཟངས་སོགས་བཞུས་ཏེ་བླུག་པའི་སྐུ་འདྲ། |
| ལུགས་སྣོད |
ལུག་སྣོད་དང་འདྲ། |
| ལུགས་སྲོལ |
སྔར་གྱི་སྲོལ་རྒྱུན། ལུགས་སྲོལ་རྙིང་པ། ལུགས་སྲོལ་གསར་པ། ལུགས་སྲོལ་དང་འགལ་བ། |
| ལུང |
1 ཡུ་བའམ་ཨ་ལུང༌། བུམ་པའི་ལུང༌། ཁོག་མའི་ལུང༌། ལུང་མིག ལུང་ཐག ལུང་ཐག་སྐེ་ལ་བརྒྱུས་པ། 2 གཞུང་དང་གསུང༌། འདུལ་བའི་ལུང༌། བཀའ་ལུང༌། ལུང་ཚིག ལུང་གི་ཡོན་ཏན། ལུང་དང་རིགས་པ། ལུང་དང་རྟོགས་པ། ལུང་ཀློག་པ། ལུང་འདོན་པ། ལུང་གཏོང་བ། ལུང་ཕོག་པ། ལུང་རྒྱུན་འབོགས་པ། ལུང་ཐོབ་པ། ལུང་འདྲེན་པ། ལུང་གིས་སྒྲུབ་པ། ལུང་དང་འགལ་བ། ལུང་གི་ཚད་མ། 3 ལུང་བསྟན་གྱི་བསྡུས་ཚིག ལུང་ཞུ་བ། ལུང་འབེབས། 4.གོང་རིམ་ནས་འོག་རིམ་ལ་བབས་པའི་མཛུབ་སྟོན་དང་བསླབ་བྱའི་ཞེ་ས་གོང་རིམ་གྱི་བཀའ་ལུང་། རྒྱལ་ཁབ་ཀྱི་ལུང་གིས་བསྔགས་པ་ཞེས་པ་ལྟ་བུ། རྩོམ་ཡིག་ཅིག་གི་ནང་དུ་ཁུངས་སུ་དྲངས་པའི་རྩོམ་ཡིག་ཚད་ལྡན་གཞན་གྱི་ཚིག་གི་མིང་ལུང་དྲངས། ཆེད་བརྗོད་དུ《དེབ་ཐེར་དཀར་བོའི》གལུང་དྲངས་ཞེས་པ་ལྟ་བུ། ０ལུང་བ་ཞེས་པའི་ཚིག་བསྡུས་པ། |
| ལུང་ཁུག |
དབེན་པའི་ལུང་པའམ། ལུང་པ་ཁུག་ཀྱོག རི་ཁུག་ལུང་ཁུག་གི་གྲོང་གསེབ། ལུང་ཁུག་གྲོག་རོང༌། ལ་ཁ་ལ་ཁ་བ་དང༌། ལུང་ཁུག་ལ་ཆར་པ། |
| ལུང་གཅིག་ལས་འཕྲོས་པ |
མདོ་སྡེ་ལུང་སྡེ་བཞིའི་ཡ་གྱལ་ཞིག |
| ལུང་གཞི |
འདུལ་བ་ལུང་སྡེ་བཞིའི་ཡ་གྱལ་ཞིག་འདི་ལ་ཤོ་ལོ་ཀ་སུམ་ཁྲི་ཉིས་སྟོང་བདུན་བརྒྱ་བམ་པོ་བརྒྱ་རྩ་དགུ་ཚང་བ་དེ་ལོ་ཙཱ་བ་དཔལ་བརྩེགས་ཀྱིས་བསྒྱུར། |
| ལུང་གཞུང |
ལུང་པའི་གཞུང༌། སྲིབ་ལུང་གཞུང་ནང་གི་ཤུག་པ་དེ། རི་ཆེན་པོའི་རྒྱན་དུ་རྣམ་པར་མཛེས། |
| ལུང་གཞུང་བླ་མ་ཞུ་བ |
འདུལ་བ་ལུང་སྡེ་བཞིའི་ཡ་གྱལ་ཞིག་བམ་པོ་ལྔ་བཅུ་རྩ་གསུམ་ཚང་བ། ལོ་ཙཱ་བ་ཀླུའི་རྒྱལ་མཚན་གྱིས་བསྒྱུར། |
| ལུང་གི་ཆོས |
གསུང་རབ་ཡན་ལག་བཅུ་གཉིས་སོ། |
| ལུང་གི་ཚད་མ |
དཔྱད་པ་གསུམ་གྱིས་དག་པའི་ལུང་ཡིད་ཆེས་རྗེས་དཔག་གོ། |
| ལུང་གི་ཡོན་ཏན |
གཞུང་ལུགས་མང་པོ་ཐོས་པའི་ཡོན་ཏན། |
| ལུང་གི་རྗེས་འབྲང |
མདོ་ལས་ཇི་ལྟར་འབྱུང་བའི་སྒྲ་ཇི་བཞིན་དུ་ཁས་ལེན་པའི་གྲུབ་མཐའ་སྨྲ་བ་འདིའི་ནང་ལུང་གི་རྗེས་འབྲང་མདོ་སྡེ་པ་དང༌། ལུང་གི་རྗེས་འབྲང་སེམས་ཙམ་པ་གཉིས་ཡོད། |
| ལུང་གི་ལེའུ་གསུམ |
ལུང་གི་དུས་ལྔ་བརྒྱ་ཕྲག་གསུམ་སྟེ་སྟོན་པ་མྱ་ངན་ལས་འདས་ནས་བསྟན་པའི་གནས་ཚད་ལོ་ལྔ་བརྒྱ་ཕྲག་བཅུའི་བདུན་པ་ནས་དགུ་པའི་བར་རིམ་བཞིན་མངོན་པའི་ལེའུ་དང༌། མདོ་སྡེའི་ལེའུ་དང༌། འདུལ་བའི་ལེའུ་སྟེ་གསུམ། |
| ལུང་ཆུང |
ཡུལ་གྲུ་ཆུང་ཆུང༌། ལུང་ཆུང་ནང་གི་དཔོན་ཆུང༌། |
| ལུང་ཆེན་ཐོབ་པའི་རྣལ་འབྱོར |
རྣལ་འབྱོར་ལྔའི་ཡ་གྱལ་ཞིག་རྙིང་གཞུང་རྣམས་སུ། སྒོམ་ལམ་དུ་དུས་དང་གནས་སོགས་ངེས་པ་ཅན་གྱི་སྒོ་ནས་ལུང་བསྟན་ཆེན་པོ་ཐོབ་པས་ལུང་ཆེན་ཐོབ་པའི་རྣལ་འབྱོར་ཞེས་བྱའོ། |
| ལུང་ཏོང་མིག |
ཤིང་སྨན་གྱི་རིགས་ཤིག་རོ་བསྐ། ཞུ་རྗེས་སྙོམས། ནུས་པས་བསམ་སེའི་ནད་སེལ། ས་བོན་ལས་སུ་རུང་བར་བྱེད། གྲང་བས་ཆུ་ཁ་སྙི་བ་དང་ཟ་ཁུ་འཛག་པ་ལ་ཕན། མིང་གི་རྣམ་གྲངས་ལ་ན་ག་བན་དེ་དང་རི་བོང་མིག་གོ། |
| ལུང་ཐག |
1 འཛིན་ལུང་ཁུག་པ་ཅན་ནམ། ཁུག་པ་མེད་པའི་འཇུ་ཐག 2 ལུང་པའི་བར་ཐག་གི་ཚད། ལུང་ཐག་རིང་ཡང་ཉིན་ཕྱེད་ན་སླེབ་ཐུབ་པ་བྱ། |
| ལུང་ཐག་སྐེ་ལ་བརྒྱུས་པ |
འདོགས་ཐག་སྐེ་ལ་བསྐོན་པའི་དཔེ་བཞིན་དུ་དོན་གནད་ཀྱི་རྒྱུ་མཚན་འདི་དང༌། འདི་ཞེས་གསལ་པོར་ངོ་སྤྲོད་པ། |
| ལུང་ཐང |
1 ཀླུང་ལ་ཆགས་པའི་ས་ཐང༌། 2 ལུང་ཏོང་མིག་གི་མིང་གཞན་ཞིག 3 བགྲང་ཕྲེང་གི་རྒྱུར་རུང་བའི་ཤིང་གི་འབྲས་སྙིང་ཞིག |
| ལུང་ཐང་མིག |
ལུང་ཏོང་མིག་དང་འདྲ། |
| ལུང་ཐོབ་པ |
1 གསུང་རབ་ཀྱི་ལུང་ཐོབ་པ། 2 གོང་རིམ་གྱི་བཀའི་གནང་བ་ཐོབ་པ། |
| ལུང་དག་ལྡན |
མདོ་སྡེ་ལུང་སྡེ་བཞིའི་ཡ་གྱལ་ཞིག |
| ལུང་དུ་བསྟན་པའི་སྡེ |
གསུང་རབ་ཡན་ལག་བཅུ་གཉིས་ཀྱི་གསུམ་པ། མདོ་སྡེ་རྣམས་ལས་གདུལ་བྱ་དེ་དང་དེའི་སྐྱེ་བ་ལུང་དུ་སྟོན་པ་ཉན་ཐོས་ཀྱི་མདོ་སྡེའི་སྡེ་སྣོད་དུ་གཏོགས། |
| ལུང་དུ་མ་བསྟན་པའི་ལྟ་བ་བཅུ་བཞི |
སྔོན་གྱི་མཐའ་ལ་བརྟེན་པ་བཞི་དང༌། ཕྱི་མའི་མཐའ་ལ་བརྟེན་པ་བཞི། མྱ་ངན་ལས་འདས་པ་ལ་བརྟེན་པ་བཞི། ལུས་སྲོག་གཅིག་དང་ཐ་དད་དུ་ལྟ་བ་གདགས་གཞི་མེད་པར་བཏགས་ཆོས་གང་ཡང་དམིགས་སུ་བྱར་མེད་པས་སངས་རྒྱས་ཀྱིས་ལུང་དུ་མ་བསྟན་པ་བཅུ་བཞིའོ། |
| ལུང་དུ་མི་སྟོན་པའི་སྒྲ |
སེམས་ཅན་ལ་བརྗོད་བྱའི་དོན་མི་སྟོན་པ། གླིང་བུའི་སྒྲ་ལྟ་བུ་རྗོད་བྱེད་ཀྱི་སྒྲ་མ་ཡིན་པ་རྣམས་སོ། |
| ལུང་དུ་སྟོན་པའི་སྒྲ |
སེམས་ཅན་ལ་བརྗོད་བྱའི་དོན་ལུང་སྟོན་པའམ་བརྡ་སྤྲོད་པར་བྱེད་པའི་རྗོད་བྱེད་ཀྱི་སྒྲ། སྐྱེས་བུའི་ངག་གིས་གཏམ་བཤད་པ་ལྟ་བུའོ། |
| ལུང་དོན |
གཞུང་གི་དགོངས་པ། ལུང་དོན་འཇོག་པ། |
| ལུང་ནག་ལ |
བོད་རང་སྐྱོང་ལྗོངས་ཀྱི་ལྷོ་བྲག་རྫོང་ཁོངས་སུ་ཡོད། |
| ལུང་ནོད་པ་པོ |
ཆོས་སམ་བཀའ་ལུང་ཐོབ་པ་པོ། |
| ལུང་པ |
1 ཡུལ། རྩྭ་ཆུ་འཛོམས་པའི་ལུང་པ་སྐྱིད་པོ། ཐེའུ་རང་ལ་དབང་བྱུང་ན། ལུང་པ་ཐལ་འཚུབ་ཀྱིས་བརྒྱངས། 2 རི་གཉིས་བར་གྱི་ཀླུངས། ལུང་མཇུག ལུང་པའི་མདའ། ལུང་མདོ། ལུང་པའི་ཕུ། ལུང་པ་ལུང་ཀྱོག ལུང་ཕུ་མདོ་བར་གསུམ། ལུང་པ་ཞོ་ལྟར་ཆགས་པ་དེ་ཁྲག་ལྟར་དཀྲུགས། |
| ལུང་པ་གང |
ཡུལ་གང་བ་སྟེ་ཧ་ཅང་མང་བའི་དཔེ། མགོ་རྙོག་ལུང་པ་གང་བཟོས་པ། མིང་ངན་ལུང་པ་གང་ལུས་པ། རྫུན་ལུང་པ་གང་བཤད་དེ་མི་ལ་མགོ་སྐོར་བ། |
| ལུང་པའི་ཕུ |
ལུང་པའི་སྟོད་ཆ། ཁྱི་གསོ་ས་ལུང་པའི་ཕུ་ལ་གསོ། བུ་གསོ་ས་ལུང་པའི་མདའ་ལ་གསོ། |
| ལུང་པའི་སྐད |
ཡུལ་སོ་སོའི་སྐད་ལུགས། ལུང་པ་རེ་ལ་སྐད་ལུགས་རེ། |
| ལུང་ཕོག་པ |
ཆོས་ཀྱི་ལུང་བཏོན་པ། |
| ལུང་ཕྲན་ཚེགས |
འདུལ་བ་ལུང་སྡེ་བཞིའི་ཡ་གྱལ་ཞིག་འདུལ་བ་ཕྲན་ཚེགས་ཀྱི་གཞི་འདི་ལ་བམ་པོ་ལྔ་བཅུ་རྩ་དགུ་ཡོད་པ་ལོ་ཙཱ་བ་དཔལ་འབྱོར་གྱིས་བསྒྱུར། |
| ལུང་བ |
རི་སྒང་གཉིས་ཀྱི་བར་ཤུར་ཆེན་པོའི་མིང་། ཚིག་བསྡུས་ན་ལུང་ཞེས་འབྲི་ཆོག་རི་ལུང་། ལ་ལུང་། ལུང་རིང་། ལུང་མདོ་ཞེས་པ་ལྟ་བུ། |
| ལུང་བཞི |
ལུང་སྡེ་བཞིའི་བསྡུས་མིང༌། |
| ལུང་བར་མ |
མདོ་སྡེ་ལུང་སྡེ་བཞིའི་ཡ་གྱལ་ཞིག |
| ལུང་བསྟན |
1 མ་འོངས་འབྱུང་འགྱུར་གྱི་དོན་རྣམས་སྔོན་ཚུད་ནས་གསལ་སྟོན་བྱེད་པའི་གཏམ། 2 མོ་བརྟག་སོགས། 3 དགེ་དང་མི་དགེ་བའི་ཆོས་ཀྱིས་རྣམ་སྨིན་ཡིད་དུ་འོང་དང་མི་འོང་བ་གསལ་བར་སྟོན་པས་ན་ལུང་བསྟན་ཟེར། ལུང་བསྟན་མིན་པ། ལུང་བསྟན་དུ་རུང་བ། ལུང་དུ་མ་བསྟན་པའི་ཆོས། |
| ལུང་བུ |
མིའི་རྐང་བའི་མགོ་དང་ཉྭའི་འབྲེལ་མཚམས་ཀྱི་ཚིགས་སམ་དེའི་གཡས་གཡོན་གྱི་རུས་པ་འབུར་བོའི་མིང་། |
| ལུང་བོང |
རྙིང བ་ལང༌། |
| ལུང་མ་བསྟན |
རྣམ་སྨིན་ལ་ལྟོས་ནས་དགེ་མི་དགེ་གང་རུང་དུ་མ་གྲུབ་པའི་ཆ་ནས་བླང་དོར་བཏང་སྙོམས་སུ་བཞག་པའི་ཆོས། དཔེར་ན། རྟག་པའི་ཆོས་རྣམས་དང༌། སྣོད་ཀྱི་འཇིག་རྟེན་དང༌། སེམས་ཅན་གྱི་དབང་ཤེས་ལྔ་ལྟ་བུའོ། |
| ལུང་མ་མོ |
འདུལ་བའི་སྡེ་སྣོད་ཀྱི་གྲས་ཤིག |
| ལུང་མདའ |
ལུང་པའི་མདོ། |
| ལུང་མདོ |
ལུང་པའི་འདུས་མདོ། ལུང་མདོར་དམག་འགས་བསྲུངས་ཡོད། |
| ལུང་མིག |
ལག་པ་འཇུ་སའི་ཨ་ལོང༌། |
| ལུང་ཞུ་བ |
1 འདུལ་བ་ལུང་སྡེ་བཞིའི་ཡ་གྱལ་ཞིག 2 བཀའ་ལུང་ཞུ་བ། 3 མ་འོངས་ལུང་བསྟན་འདྲི་བ། |
| ལུང་འདྲེན |
ཁུངས་འདྲེན་པ། |
| ལུང་འབེབས |
ལྷ་དང་བླ་མས་མ་འོངས་པའི་ལུང་སྟོན་པ། |
| ལུང་འབོག་པ་པོ |
ལུང་སྟེར་བ་པོ། |
| ལུང་འཛིན་ཁུག་པ |
དཔུང་ཚིགས་ནས་གྱེན་དུ་ཆག་གང་སར་གནས་པའི་གློ་བུ་རྟའི་མིག་དང་འབྲེལ་བའི་རྩ་ཞིག |
| ལུང་འཛིན་རིང་ལུགས |
རང་ཤེད་རིང་ལུགས་ཀྱི་ངོ་བོ་མཚོན་ཚུལ་ཞིག་རིགས་པའི་གཞུང་ལུགས་དང་དོན་དངོས་ཁ་བྲལ་བ་དང༌། གནས་ཚུལ་དངོས་ཀྱི་འགྱུར་བ་དང་འཕེལ་རྒྱས་ལ་དབྱེ་ཞིབ་མི་བྱེད་པ། འགལ་བའི་དམིགས་བསལ་གྱི་རང་བཞིན་ལ་དབྱེ་ཞིབ་མི་བྱེད་པ། གཟུགས་འདས་རིག་པའི་ལྟ་ཚུལ་བཟུང་ནས་མར་ཁེ་སི་ལེ་ཉིན་རིང་ལུགས་དེ་རེངས་པོར་གྱུར་པའི་ལུགས་ཤིག་ཏུ་མཐོང་ནས་ག་ས་གར་ཞྭ་དཔེ་ལྷམ་འགེབས་བྱེད་པ་བཅས་ཤིག་ཡིན། |
| ལུང་རིགས |
དཔེ་ཆའི་ལུང་དང་རྟོག་དཔྱོད་ཀྱི་རིགས་པ། ལུང་རིགས་གཉིས་ཀྱི་སྒོ་ནས་སྒྲུབ་པ། |
| ལུང་རིང་པོ |
མདོ་སྡེ་ལུང་སྡེ་བཞིའི་ཡ་གྱལ་ཞིག |
| ལུང་རྒྱུན |
བར་མ་ཆད་པའི་ཆོས་ཀྱི་ལུང་རྒྱུན། |
| ལུང་རྟགས |
ལྷ་ལ་ལུང་ཞུས་པའི་རྟགས་མཚན། |
| ལུང་རྟོགས |
ལུང་རྟོགས་གཉིས་ཀྱི་བསྡུས་མིང༌། |
| ལུང་རྟོགས་གཉིས |
ལུང་གི་ཆོས་གསུང་རབ་ཡན་ལག་བཅུ་གཉིས་དང༌། རྟོགས་པའི་ཆོས་བསླབ་པ་རིན་པོ་ཆེ་རྣམ་པ་གསུམ་མོ། |
| ལུང་རྟོགས་རྒྱ་མཚོ |
ཏཱ་ལའི་བླ་མ་སྐུ་ཕྲེང་དགུ་པ། འདི་རབ་བྱུང་བཅུ་གསུམ་པའི་ཤིང་གླང་ལོར་ཁམས་འདན་ཁོག་ཏུ་འཁྲུངས། རབ་བྱུང་བཅུ་བཞི་པའི་ཤིང་ཕག་རང་ལོ་བཅུ་གཅིག་པར་འདས། |
| ལུང་རྣམ་འབྱེད |
འདུལ་བ་ལུང་སྡེ་བཞིའི་ཡ་གྱལ་ཞིག་འདི་ལ་ཕའི་རྣམ་འབྱེད་ཤོ་ལོ་ཀ་ཉི་ཁྲི་བཞི་སྟོང་དགུ་བརྒྱ་བམ་པོ་བརྒྱད་ཅུ་རྩ་གསུམ་ཡོད་པ་ལོ་ཙཱ་བ་ཀླུའི་རྒྱལ་མཚན་གྱིས་བསྒྱུར། |
| ལུང་སིལ་བུ |
ལུང་ཕྲན་ཚེགས་དང་དོན་གཅིག་ |
| ལུང་སྟོང |
མི་དང་མི་ཁྱིམ་མེད་པའི་ལུང་པ། ལམ་རིང་ཞུགས་ནས་མི་མེད་ལུང་སྟོང་འགྲིམ། |
| ལུང་སྟོན་པ |
1 སྒྲའི་མཚན་ཉིད་སྟོན་པར་བྱེད་པ། 2 འབྱུང་འགྱུར་གྱི་དོན་ཤོད་པ། |
| ལུང་སྟོན་པ་བཞི |
1 དེ་བཞིན་གཤེགས་པས་སེམས་ཅན་ཆེ་གེ་མོ་ཞིག་འབྱུང་འགྱུར་འཚང་རྒྱ་བའི་གནས་ལུགས་རྣམས་སྔོན་ཚུད་ནས་དངོས་སུའམ་ལྐོག་གྱུར་གྱིས་གསུངས་པའི་དོན་བཞི་རིགས་ལ་ལུང་སྟོན་པ་དང༌། གནས་ལ་ལུང་སྟོན་པ། སེམས་མ་བསྐྱེད་པར་ལུང་སྟོན་པ། སེམས་བསྐྱེད་མ་ཐག་པ་ལུང་སྟོན་པ་བཅས་སོ། 2 གཞན་གྱིས་དྲིས་པའི་ལན་ངེས་པར་སྦྱིན་པ་བཞི་མགོ་གཅིག་ཏུ་ལུང་བསྟན་པ་དང༌། རྣམ་པར་ཕྱེ་སྟེ་ལུང་བསྟན་པ་དང༌། དྲིས་ནས་ལུང་བསྟན་པ་དང༌། གཞག་པའི་ལུང་བསྟན་པ་བཅས་སོ། |
| ལུང་སྡེ་བཞི |
1 འདུལ་བ་ལུང་སྡེ་བཞི་ནི། ལུང་རྣམ་འབྱེད་དང༌། ལུང་གཞི། ལུང་ཞུ་བ། ལུང་ཕྲན་ཚེགས་ཏེ་བཞི། 2 མདོ་སྡེ་ལུང་སྡེ་བཞི་ནི། ལུང་བར་མ། ལུང་རིང་པོ། ལུང་དག་ལྡན། ལུང་གཅིག་ལས་འཕྲོས་པ་སྟེ་བཞི། |
| ལུད |
ཞིང་ས་འདུལ་བྱེད་ཀྱི་རྫས། ཁ་ལུད། སྨར་ལུད། སྐྱ་ལུད། འོག་ལུད། ས་ལུད། ལུད་གསོག་པ། ལུད་རྒྱག་པ། ལུད་གསོས་རྒྱག་པ། ལུད་བསྲེས་རྒྱག་པ། ཆུ་ལུད་འཛོམས་པོ། |
| ལུད་ཁུ |
ལུད་ཀྱི་ཁུ་བ། |
| ལུད་དོང |
ལུད་འཇོག་སའི་ས་དོང༌། |
| ལུད་པ |
1.ཐ་མི་དད་པ འཕྱུར་བ། འོ་མ་ཁོལ་ཏེ་ཕྱིར་ལུད་པ། མཚོ་ལུད་པ། གཙང་ཆུ་རྒྱས་ནས་ལུད་པ། 2.གློ་བའི་རྩ་སྦུག་ལས་བྱུང་བའི་ཆུ་ཁམས་ཀྱི་སྙིགས་མ་ཁ་སྣའི་ལམ་ནས་ཕྱིར་ལུད་པའི་བེ་སྣབས། ལུད་པ་གཡུགས་པ། ལུད་པ་འཕེན་པ། |
| ལུད་ཕུང |
ལུད་ཀྱི་ཕུང་པོ། |
| ལུད་ཕོར |
ཁ་ལུད་གཡུག་སའི་སྣོད་སྤྱད། |
| ལུད་འདྲེན་འུ་ལག |
སྔར་ཞིང་བྲན་གྱི་གླ་ཕོགས་མེད་པར་མངའ་བདག་གི་ཞིང་ཁར་ལུད་སྐྱེལ་འདྲེན་བྱེད་དགོས་པའི་ཁྲལ་ཞིག |
| ལུད་འབུ |
ལུད་ཀྱི་ནང་གི་འབུ། |
| ལུད་ར |
ལུད་འཇོག་སའི་ར་བ། |
| ལུད་རའི་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་དམངས་ཀྱི་ཁྱིམ་ཕྱི་ནང་དུ་མི་ཕྱུགས་ཀྱི་བཙོག་ལུད་སྔར་རྒྱུན་ལྟར་གསོག་འཇོག་བྱས་འཐུས་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| ལུད་རྫས |
རྫས་སྦྱོར་གྱི་ཐབས་ལ་བརྟེན་ནས་ལས་པའི་ས་ཞིང་གཤིན་པོར་སྒྱུར་བྱེད་ཀྱི་རྫས་ཀྱི་སྤྱི་མིང་། (བྱེད་མེད་ལས་ཚིག) ཆུ་སོགས་གཤེར་བའི་རིགས་སྣོད་ཁ་ནས་ཡར་འཕྱུར་ཏེ་མར་འཕོ་བའི་དོན་ཏེ། འོ་མ་ཟངས་ངའི་ཁ་ནས་མར་ལུད། ཞོ་དཀར་ཡོལ་ཁ་ནས་ལུད་ཅེས་པ་ལྟ་བུ། ０ལུད་པ་ཅེས་པའི་ཚིག་བསྡུས་པ། |
| ལུད་སྒྲ |
ལུད་པ་བསལ་བའི་སྒྲའམ་གློ་སངས་རྒྱག་པའི་སྒྲ། |
| ལུད་སྦྱོར་བ |
1 སྨར་ལུད་དང་སྐྱ་ལུད་མཉམ་དུ་བསྲེ་བ། 2 ཞིང་ལ་ལུད་སྦྱོར་བ། 3 ཞིང་ལུད་གསར་དུ་བཟོ་བ། |
| ལུན་ད |
ལྷ་ཞིག |
| ལུམ་བིའི་ཚལ |
སངས་རྒྱས་ཤཱཀྱ་ཐུབ་པ་འཁྲུངས་སའི་གནས་ཏེ་ད་ལྟ་བལ་ཡུལ་གྱི་ཁོངས་སུ་གཏོགས་ཡོད། |
| ལུམ་ལུམ |
(རྒྱན་ཚིག) ཆུ་སོགས་འཁོལ་བའི་ཆུ་ངོས་གཡོ་འགུལ་བྱེད་པའི་རྣམ་པ་ཆུ་ཁོལ་ལུམ་ལུམ་དུ་འཁོལ། འོ་མ་ལུམ་ལུམ་དུ་འཁོལ་ལྟ་བུ། |
| ལུམས |
རྩ་དཀར་དང་རེངས་འཁུམས་ཀྱི་ནད་སོགས་ལྡན་འདུས་མཁྲིས་པ་ཤས་ཆེར་སེལ་བའི་ཕྱིར་སྨན་དང་འབྲུ་གཉིས་མཉམ་དུ་བཙོས་ནས་ཕབས་རྩི་སྦྱར་ཏེ་ལངས་པའི་ཁུ་བ་དྲོད་འཇམ་བསྲོས་པའི་ནང་ཉལ་བས་བ་སྤུའི་ཚ་བ་འབྱིན་པ་དང༌། རྩ་རྒྱུས་བརླན་ཅིང་མཉེན་པར་བྱེད་པའི་ཐབས་ཤིག |
| ལུམྦི་ནི |
ལུམ་བིའི་ཚལ་དང་དོན་གཅིག་ |
| ལུས |
1 གཟུགས་པོ། མིའི་ལུས། དུད་འགྲོའི་ལུས། ལུས་སིམ་པ། ལུས་ཐ་མལ་དུ་གནས་པ། ལུས་གསོ། ལུས་བསྐྱངས་པ། ལུས་དང་ཡན་ལག ལུས་ཀྱི་ལྷུ་ལག ལུས་ཀྱི་དྭངས་མ། ལུས་ཀྱི་རྩ་ལམ། ལུས་ཀྱི་བོངས་ཚད། ལུས་སྙོམས་པ། ལུས་བརྟས་པ། ལུས་རྒྱགས་པ། ལུས་ལྕི་བ། ལུས་ཉམས་ཆུང༌། ལུས་ཀྱི་ཉམས་ཆུང་བ། ལུས་རྒུད་པ། ལུས་རིད་པ། ལུས་ཉམས་པ། ལུས་འཇམ་པ། ལུས་དྲང་པོ། ལུས་སྒྲེན་མོ། ལུས་གཅེར་བུ། ལུས་དམར་ཧྲེང༌། ལུས་ཀྱི་ངལ་དུབ། ལུས་ཐང་ཆད་པ། ལུས་བརྒྱན་པ། ལུས་གཡའ། ལུས་སྦྲིད། ལུས་མཉེ་བ། ལུས་འཛུར་བ། ལུས་སྒུར་བ། ལུས་གསིག་པ། ལུས་བཀན་པ། སྦྲུལ་གྱི་ལུས་བསྐྱིལ་བ། ལུས་འཁུམས་པ། ལུས་སྐུམ་པ། ལུས་རིལ་འདར་བ། ལུས་བྲེལ་སེམས་བྲེལ། ལུས་སྤང་བ། ལུས་བོར། ལུས་འཕོ་བ། ལུས་མ་བྲལ་བ། ལུས་ཀྱི་ཉེས་ཆད། ལུས་དྲོས་ཕོ་རྒྱགས། ལུས་དང་གྲིབ་མ་བཞིན་དུ་འགྲོགས་པ། ལུས་དང་ལོངས་སྤྱོད། ལུས་ཀྱི་རྣམ་པར་ཤེས་པ། ལུས་ཕྱི་མ། ལུས་རྗེས་མ། ལུས་སྟོན་པ། ལུས་ཀྱིས་མངོན་སུམ་དུ་བྱས་པ། ཚེ་གཅིག་ལུས་གཅིག་གིས་འཚང་རྒྱ་བ། མིང་གི་རྣམ་གྲངས་ལ་སྐུ་དང༌། ཁོག་ཉེར་ལེན། ཐོབ་བྱེད། འདུས་པ། རྣམ་འཛིན། ཕུང་པོ། དབང་པོའི་སྐྱེ་མཆེད། ཚོགས་པ། ཟག་ཕུང༌། གཟུགས་བཅས་སོ། 2 ནག་རྩིས་པས་བརྟག་བྱའི་སྲོག་ལུས་དབང་ཐང་གསུམ་གྱི་ཡ་གྱལ་ཞིག་ཤིང་མེ་ས་ལྕགས་ཆུ་ལྔའོ། 3 དེཧཿ གླིང་ཕྲན་བརྒྱད་ཀྱི་ནང་གསེས་ཤར་ལུས་འཕགས་གླིང་གི་གླིང་ཕྲན་ལྷོ་མ། 4.འདས་པ་དང་སྐུལ་ཚིག་ལུས་ནས་གློ་བ་ན། ལུས་ནས་ལུད་པ་དོར། ལུས་ཤིག་ལྟ་བུ། |
| ལུས |
(བྱེད་མེད་ལས་ཚིག) <ཀ>འཕྲོ་ལྷག་པའི་དོན་ཏེ། ལུག་གཅིག་ཀྱང་མ་ལུས་པར་འགོག་སྨན་བརྒྱབ། ཞིང་གཅིག་ཀྱང་མ་ལུས་པར་བཏབ་ཚར། འབྲུ་རིགས་འདང་བར་མ་ཟད་ལྷག་མ་ལུས། ཞེས་པ་ལྟ་བུ། <ཁ>རྗེས་མ་ཟིན་པའི་དོན་ཏེ། རྗེས་སུ་ལུས་མི་ཉན། གཞུག་ལ་ལུས་མི་རུང་ཞེས་པ་ལྟ་བུ། ལུ་ཡི་འདས་པ་དང་སྐུལ་ཚིག 2.སྲོག་ཆགས་ཀྱི་ལུས་ཕུང་ངམ་གཟུགས་པོའི་མིང་མི་ལུས། ལུས་སྟོད་སྨད། ལུས་ཕུང་། ལུས་ཁམས་བདེ་ཞེས་པ་སོགས་ལྟ་བུ། |
| ལུས་ཀུན་སྐམ་པའི་རླུང་ནད |
རླུང་ནད་རྩ་དང་རྒྱུས་པའི་ནང་ཞུགས་པ་ཞིག་ནད་རྟགས་སུ་ལུས་ཀྱི་རེག་བྱ་ཉམས་ཤིང་ཤ་སྐམ་པོར་འགྱུར་བ་ཞིག |
| ལུས་ཀྱི་གཉན་ས |
གཟུགས་པོའི་གནད་ཆེ་ས། |
| ལུས་ཀྱི་གནས་ལྔ |
དཔྲལ་བ། ལག་མཐིལ་གཉིས། པུས་མོ་གཉིས་ཏེ་ལྔ། |
| ལུས་ཀྱི་ངལ་རྩོལ |
གཙོ་བོ་རང་གི་ལུས་ཤུགས་ལ་བརྟེན་ནས་ཐོན་སྐྱེད་ངལ་རྩོལ་བྱེད་པ། |
| ལུས་ཀྱི་ཉམས་སྟོབས |
གཟུགས་པོའི་དབྱིབས། ལུས་ཀྱི་ཉམས་སྟོབས་ཆེ་ཞིང་བརྗིད་པ། |
| ལུས་ཀྱི་ཐ་མ |
སྲིད་པ་ཐ་མ། |
| ལུས་ཀྱི་དབང་པོ |
དབང་པོ་ལྔའི་ནང་གསེས། རང་འབྲས་ལུས་ཀྱི་ཐུན་མོང་མ་ཡིན་པའི་རྟེན་ནམ་བདག་རྐྱེན་དུ་གྱུར་པའི་རིགས་སུ་གནས་པའི་གཟུགས་ཅན་དྭངས་པ། དབྱིབས་བྱ་རེག་ན་འཇམ་པའི་སྤུ་ལྟ་བུའོ། |
| ལུས་ཀྱི་དབང་པོ་གཟུགས་ཅན |
ནང་དོན་བེམ་པོ་གང་ཞིག་ལུས་ཀྱི་དབང་ཤེས་ཀྱི་བདག་རྐྱེན་དུ་རུང་བ་ལུས་ཀྱིས་ཡུལ་ལ་འཇུག་དུས་ཀྱི་ལུས་དབང་ལྟ་བུ་རྟེན་བཅས་ཀྱི་དབང་པོ་གཟུགས་ཅན་དང༌། ལུས་ཀྱིས་ཡུལ་ལ་མི་འཇུག་དུས་ཀྱི་ལུས་དབང་ལྟ་བུ་དེ་མཚུངས་ཀྱི་དབང་པོ་གཟུགས་ཅན་རྣམས་ཡིན་ནོ། |
| ལུས་ཀྱི་དབང་པོ་ལྔ |
མིག་རྣ་བ། སྣ། ལྕེ། ལུས་ཏེ་ལྔའོ། |
| ལུས་ཀྱི་དབང་མངོན |
དབང་མངོན་ལྔའི་ནང་གསེས། རང་གི་བདག་རྐྱེན་ལུས་ཀྱི་དབང་པོ་ལས་བྱུང་ཞིང་རྟོག་བྲལ་མ་འཁྲུལ་བའི་གཞན་རིག་དཔེར་ན། གྲང་བའི་རེག་བྱ་མྱོང་བའི་ཤེས་པ་ལྟ་བུའོ། |
| ལུས་ཀྱི་མལ་ལྔ |
དཔྲལ་བ་དང༌། པུས་མོ་གཉིས། ལག་མཐིལ་གཉིས་ཏེ་ལྔ། ལུས་ཀྱི་མལ་ལྔ་ས་ལ་ཕབ་སྟེ་བསྐུམས་ཕྱག་ཕུལ། |
| ལུས་ཀྱི་འབྱུང་བ་བཞི |
ལུས་ཀྱི་ས་ཆུ་མེ་རླུང་གི་ཁམས་བཞི། |
| ལུས་ཀྱི་རིག་འཛིན |
གསང་སྔགས་ཀྱི་སྤྱོད་འབྲས་ཐུན་མོང་བ་ཞིག་ལུས་ཕྲ་ཡང་སོགས་ཡོན་ཏན་བརྒྱད་དང་ལྡན་པར་གྱུར་ཏེ། དེའི་ལུས་དངོས་འདོད་ཁམས་སུ་མི་འབྱུང་ཡང་སྤྲུལ་པ་སྣ་ཚོགས་པས་འགྲོ་བའི་དོན་མཛད་པ། |
| ལུས་ཀྱི་རྣམ་པར་རིག་བྱེད |
སེམས་ཀྱི་དབང་གིས་ལུས་དེ་དང་དེ་ལྟར་གནས་པ་འགྲོ་བ་དང་སྲོག་གཅོད་པ་ལྟ་བུའོ། |
| ལུས་ཀྱི་རྣམ་ཤེས |
ལུས་དབང་ལ་བརྟེན་པའི་རྣམ་པར་ཤེས་པ། |
| ལུས་ཀྱི་རྩ |
ལུས་ཀྱི་ཁྲག་རྒྱུ་བའི་རྩ་ཆེ་ཆུང་རྣམས། མིང་གི་རྣམ་གྲངས་ལ་འབབ་ལྡན་དང༌། རྩ། རུས་པ་འཆིང་བྱེད་བཅས་སོ། |
| ལུས་ཀྱི་རྩ་བའི་མཁྲིས་པ་རིགས་ལྔ |
མཁྲིས་པ་ལྔ་དང་དོན་གཅིག་ |
| ལུས་ཀྱི་རྩལ་གསུམ |
མཐེབ་ཀྱིས་ཤ་ནོན་པ་དང༌། རྐྱལ་གྱིས་ཆུ་ཆེན་ཆོད་པ། ཡང་རྩལ་བྱ་ལྟ་བུ་སྟེ་ཕོ་རྩལ་སྣ་དགུའི་ནང་ཚན། |
| ལུས་ཀྱི་རླན |
མངོན རྔུལ། |
| ལུས་ཀྱི་ལས |
ལུས་ཀྱི་སྒོ་ནས་བསགས་པའི་ལས་ཏེ། མ་བྱིན་ལེན་སོགས་ལུས་ཀྱི་ལས་མི་དགེ་བ་དང༌། མ་བྱིན་ལེན་སྤངས་པ་སོགས་ལུས་ཀྱི་ལས་དགེ་བ་ལྟ་བུ། |
| ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ |
སངས་རྒྱས་ཀྱིས་སྔོན་བྱང་ཆུབ་སེམས་དཔའ་མཛད་པའི་དུས་ན་ཕྲིན་ལས་མཛད་དོ་འཚལ་ཐམས་ཅད་ལ་དགོངས་པ་སྔ་ནས་བཞག་སྟེ་ཕྲིན་ལས་ལྷུན་གྱིས་གྲུབ་པས་སངས་རྒྱས་པའི་དུས་ན་ཅི་མཛད་དོ་ཅོག་ཡེ་ཤེས་ཀྱིས་སྔ་ནས་མཁྱེན་བཞིན་དུ་ཕྲིན་ལས་མཛད་པ་སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| ལུས་ཀྱི་སྐྱེ་མཆེད |
ནང་གི་སྐྱེ་མཆེད་དྲུག་གི་ནང་གསེས། རྟེན་གྱི་ཆ་ནས་ལུས་ཀྱི་རྣམ་པར་ཤེས་པ་སྐྱེ་ཞིང་ཡུལ་རེག་བྱ་ལ་མཆེད་པའི་སྒོར་གྱུར་པ་ལུས་ཀྱི་དབང་པོའོ། |
| ལུས་ཀྱི་སྒྲོམ |
ལུས་ཀྱི་རུས་གཞིའམ་ལུས་པོ་སྒྲོམ་གྱི་གཟུགས་སུ་བཀོད་པ། |
| ལུས་ཀྱིས་འཐབ |
མངོན རྐང་དམག |
| ལུས་ཀྱིས་རྒོལ |
མངོན རྐང་དམག |
| ལུས་ཁམས |
1 ལུས་ཀྱི་ས་བོན་ནམ་ཁུ་བ། ལུས་ཁམས་འཛག་པ། 2 ལུས་ཀྱི་འབྱུང་བཞིའི་ཁམས་ཏེ་གཟུགས་པོ། ལུས་ཁམས་བདེ་བར་གནས་ལ་བགྱི་སྒོ་བརྩོན་པར་མཆིས། |
| ལུས་ཁྲག |
ལུས་ནས་ཐོན་པའི་ཁྲག མཚོན་བསྣུན་ཏེ་ལུས་ཁྲག་འདོན་པ། |
| ལུས་གཅིག་པ |
མངོན གཟའ་ལྷག་པ། |
| ལུས་གནད |
གཟུགས་པོའི་གནད་ཡོད་ས། |
| ལུས་གསུམ |
རྣམ་སྨིན་གྱི་ལུས་དང༌། བག་ཆགས་ཀྱི་ལུས། ཡིད་ཀྱི་ལུས་དང་གསུམ་ནི་སྦྱང་གཞི་བར་དོའི་ལུས་གསུམ། |
| ལུས་གསུམ་གྱི་གདམས་པ |
བར་དོ་སྦྱོང་བའི་གདམས་པ་ལ་ལུས་གསུམ་གྱི་གདམས་པ་ཞེས་བྱ་རྣམ་སྨིན་གྱི་ལུས་ལྷ་སྐུ་ཕྱག་རྒྱ་ཆེན་པོས་སྦྱང༌། བག་ཆགས་ཀྱི་ལུས་རྨི་ལམ་སྤྲུལ་སྒྱུར་ལ་སོགས་པས་སྦྱང༌། ཡིད་ཀྱི་ལུས་འོད་གསལ་གྱིས་སྦྱང་བའོ། |
| ལུས་ངག་ཡིད་གསུམ |
སྒོ་གསུམ། |
| ལུས་ངན་པོ |
1 ལུས་མདོག་སྟོབས་དམན་པོ། 2 མངོན རྣམ་སྲས། |
| ལུས་ངན་མ |
མངོན 1 སུག་སྨེལ། 2 འདྲེ་མོ་ཞིག |
| ལུས་ཅན |
1 སེམས་ཅན་སྤྱིའི་མིང༌། 2 རྔ་མོང༌། |
| ལུས་ཆད |
ལུས་ཐོག་གི་ཉེས་ཆད། |
| ལུས་ཆས |
གོས་སོགས་ལུས་ཀྱི་ཡོ་ཆས། |
| ལུས་ཆས་སྤོང་ཐག |
ཆོས་ལུགས་པས་རང་གི་གྱོན་ཆས་ལ་ཆགས་ཞེན་སྤངས་ཏེ་མཆོད་སྦྱིན་གྱི་རྒྱུར་གཏོང་སྲོལ་ཞིག |
| ལུས་ཆུ |
མངོན རྔུལ། |
| ལུས་ཆེན |
1 ལུས་ཆེ་བ། 2 མངོན 1)རྔ་མོང༌། 2)སྒྲ་གཅན། |
| ལུས་དཀར |
མངོན ངང་པ་དཀར་པོ། |
| ལུས་དག་པ |
དག་པ་བཞིའི་ནང་གསེས། སྐུ་ལུས་ཀྱི་ཁྱད་པར་གང་འདོད་དུ་བསྒྱུར་བ་ལ་མངའ་དབང་བརྙེས་པའོ། |
| ལུས་དང་དཀྲིལ་ལེ |
རྙིང ལུས་དང་འཁྱིལ་ལེ་སྟེ་སྦྲེལ་བ་ལྟར་མི་འབྲལ་བའི་དོན། |
| ལུས་དངོས |
བསྟན་བཅོས་ཀྱི་གཞུང་དངོས་གཞི། |
| ལུས་དབང |
ལུས་ཀྱི་དབང་པོ་རང་འབྲས་ལུས་ཀྱི་རྣམ་ཤེས་སྐྱེད་བྱེད་ཀྱི་དབང་པོ། |
| ལུས་དབེན |
1 ལུས་པོ་འདུ་འཛིའི་སྤྲོས་པ་དང་བྲལ་བ། 2 དབེན་གསུམ་གྱི་ཡ་གྱལ་ཞིག་འོག་སྒོར་ཕྲ་མོ་བསྒོམས་ནས་རླུང་དྷཱུ་ཏིར་འཛུད་ཅིང་ཐིམ་པས་ཞུ་བདེ་ལྷན་སྐྱེས་བསྐྱེད་པའོ། |
| ལུས་དབྱིབས |
ལུས་ཀྱི་བཟོ་ལྟ། རྟེའུ་དེའི་ལུས་དབྱིབས་ལ་བལྟས་ན་རྟ་རིགས་བཟང་པོ་ཞིག་ཡིན་པར་ཤེས། |
| ལུས་དམར |
མངོན གུར་གུམ། |
| ལུས་དམར་ཅན |
མངོན གཟའ་མིག་དམར། |
| ལུས་དམར་དམག་དཔོན |
མངོན གཟའ་མིག་དམར། |
| ལུས་དམར་འདབ |
མངོན བྱུ་རུ། |
| ལུས་དལ |
ལས་ཀའི་བྲེལ་བ་མེད་པ། ཁ་དལ་ལུས་དལ། |
| ལུས་དྲན་པ་ཉེ་བར་བཞག་པ |
དྲན་པ་ཉེ་བར་བཞག་པ་བཞིའི་ཡ་གྱལ་ཞིག་སྟེ་ཕྱི་དང་ནང་དང་སེམས་ཅན་གཞན་གྱི་ལུས་དག་ལ་རང་གི་མཚན་ཉིད་ནི་རྡུལ་ཕྲ་མོ་འདུས་པ་ཡིན་ལ་གཞིག་ཅིང་གཞོམ་དུ་རུང་བ་དང་སྤྱིའི་མཚན་ཉིད་མི་རྟག་པ་དང་སྡུག་བསྔལ་བ་སོགས་ཤེས་རབ་ཀྱིས་གཏན་ལ་ཕབ་ནས་རྩེ་གཅིག་ཏུ་འཇོག་པ། |
| ལུས་པ |
ཐ་མི་དད་པ མ་ཚང་བའམ་ཆད་པ། ལས་ཀ་མེད་པར་ལུས་པ། ལྟོགས་པར་ལུས་པ། གྲོགས་མེད་དུ་ལུས་པ། ཅ་ལག་འོར་འདྲེན་བྱ་རྒྱུའི་ཁོངས་ནས་རེ་ཟུང་རྗེས་སུ་ལུས་པ། ངས་སྐད་ཆ་བཤད་རྒྱུ་གལ་ཆེ་བ་ཞིག་ལུས་སོང༌། སྐྱབས་མེད་མགོན་མེད་གཅིག་པུར་ལུས། |
| ལུས་པོ |
གཟུགས་པོ། ལུས་པོ་ཆེ། དུད་འགྲོའི་ལུས་པོ། མིའི་ལུས་པོ། |
| ལུས་ཕྱི་མ |
སྐྱེ་བ་ཕྱི་མའི་ལུས། |
| ལུས་ཕྲ |
མངོན 1 ནམ་མཁའི་གློག 2 བུད་མེད། |
| ལུས་ཕྲ་བདེ་འཐུང |
མངོན གློག |
| ལུས་ཕྲ་མ |
མངོན བུད་མེད་མཆོག་གི་མིང༌། |
| ལུས་བཀྲ |
མངོན སྟག་གཟིག |
| ལུས་བཅུད |
ལུས་ཀྱི་ཁུ་བའམ་དྭངས་མ། |
| ལུས་བབ |
མངོན རྔུལ། |
| ལུས་བཟང་མ |
མངོན བུད་མེད་མཛེས་མ། |
| ལུས་བཤེར |
ལུས་ཆས་ནང་དུ་ལྐོག་ཉར་གང་ཡོད་ལྟ་བཤེར་བྱེད་པ། |
| ལུས་བསྐུམ |
མངོན ཞུམ་བུ། |
| ལུས་བསྒྱུར་མ |
མངོན སྨད་འཚོང་མ། |
| ལུས་བསྙལ་བ |
རྙིང གཞན་གྱིས་རང་ལ་སྟེར་དགོས་པའི་རྫས་ཚང་བར་མ་བྱིན་པའི་ཚེ་དེའི་མདུན་དུ་ཁྲོ་བས་ལུས་བསྒྱེལ་ཞིང་བསྙལ་བ། |
| ལུས་བསྡད་པ |
1 ལྷག་བསྡད་ཡོད་པ། ལས་ཀ་བྱ་རྒྱུ་ལུས་བསྡད་ཡོད་པ། དངོས་ཆས་འཁྱེར་རྒྱུ་ལུས་བསྡད་པ། 2 རྗེས་ལ་ལུས་པ། རྗེས་མ་ཟིན་པར་ལུས་བསྡད་པ། |
| ལུས་བསྲེ་བ |
མངོན འཁྲིག་སྤྱོད། |
| ལུས་བོངས |
ལུས་ཀྱི་ཚད། |
| ལུས་བྱད |
1 ལུས་ཀྱི་དབྱིབས། 2 ལུས་དང་གདོང་གཉིས། |
| ལུས་བྲེལ |
ལུས་མི་དལ་བ། ལུས་བྲེལ་སེམས་བྲེལ་བྱས་ནས་ལས་དོན་སྒྲུབ་པ། |
| ལུས་མ་བསྲུངས |
1 བུད་མེད་ཀྱིས་ཁྱོ་མང་བསྟེན་པ། 2 མངོན མེ། |
| ལུས་མ་རྙིད་པ |
རྙིང ལུས་ཟུངས་མ་ཉམས་པའམ་མདངས་མ་ཤོར་བ། |
| ལུས་མགྱོགས |
མངོན བྱ། |
| ལུས་མངོན་བྱེད་པ |
དགེ་འདུན་ཉི་ཤུའི་ནང་གསེས། ལུས་ཀྱིས་མངོན་སུམ་དུ་བྱེད་པ་ཕྱིར་མི་འོང་རྣམ་ཐར་བརྒྱད་ལ་སྙོམས་པར་འཇུག་པར་ནུས་པ། འབྲས་གནས་ཁྱད་པར་ཅན་གྱི་གྲས་ཤིག |
| ལུས་མཆོག་མ |
མངོན བུད་མེད་མཆོག་གི་མིང༌། |
| ལུས་མདོར་བསྟན |
བསྟན་བཅོས་ཀྱི་དཔེ་ཆའི་མགོར་ནང་དོན་རྣམས་མདོར་བསྡུས་ནས་བཤད་པའི་མགོ་བརྗོད་སོགས་ཀྱི་མིང་། ０རྩོམ་གྱི་རྣམ་པའི་མིང་སྙན་ངག་གི་ལུས་ལ་རྣམ་པ་གསུམ་ཚིགས་བཅད། ཚིག་ལྷུག བཅད་ལྷུག་སྤེལ་མ་ཞེས་པ་ལྟ་བུ། |
| ལུས་མི་བདེ |
1 ལུས་པོ་མི་བདེ་བ། ཆམ་པ་ན་ནས་ལུས་མི་བདེ་བ། 2 མངོན བུད་མེད་སྦྲུམ་མ། |
| ལུས་མི་སྐྱོང |
མངོན 1 མེ། 2 མེ་ལྷ། |
| ལུས་མི་སྡུག |
1 གཟུགས་མི་མཛེས་པ། 2 མངོན སྡིག་པ་རྭ་ཅན། |
| ལུས་མེད |
མངོན 1 ནམ་མཁའ། 2 བདུད། 3 འདི་བདུད་དགའ་རབ་དབང་ཕྱུག་གི་མིང་གི་རྣམ་གྲངས་ཡིན་ལ་དེས་མྱོས་བྱེད་མ་དང༌། གློག་གི་འོད་ཅན་མ། ཐིག་ལེ་མཆོག་མ། པད་དཀར་མ། ལག་བཟང་མ། དགའ་བའི་ཤིང་རྟ་མ། མེ་ནཱ་ཀ། སྐྲ་འདྲེས་མ། ལེགས་རྒྱན་མ། མུཉྫ་སྐྱེས་མ། ཨ་ལ་མྦུ་ཥཱ། ཆུ་ཤིང་བྲལ་ཅན་མ། སྐེད་ལེགས་མ་བཅས་ལྷའི་སྨད་འཚོང་མ་བཅུ་གསུམ་སྤྲུལ་པས་ན་གྲངས་བཅུ་གསུམ་མཚོན། |
| ལུས་མེད་ཐུལ |
མངོན སངས་རྒྱས་སྤྱི། |
| ལུས་མེད་བདག་པོ |
མངོན བདུད་དགའ་རབ་དབང་ཕྱུག |
| ལུས་མེད་ལམ |
མངོན ནམ་མཁའ། |
| ལུས་ཚགས |
ལུས་འཚག་དང་འདྲ། |
| ལུས་ཚད |
གཟུགས་པོའི་བོངས་ཚད། |
| ལུས་ཚོར |
ཚོར་བའི་བྱེ་བྲག་དབང་ཤེས་ལྔ་དང་མཚུངས་ལྡན་དུ་བྱུང་བའི་སེམས་པ་མིག་གིས་འདུས་ཏེ་རེག་པའི་རྐྱེན་གྱིས་ཚོར་བ་ནས་ལུས་ཀྱིས་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་དབང་ཤེས་ལྔའི་ཚོར་བའོ། |
| ལུས་ཟུངས |
ལུས་ཀྱི་སྟོབས་ཤུགས། ངལ་རྩོལ་ལ་ཞུགས་རྗེས་ལུས་ཟུངས་ཇེ་བཟང་དུ་གྱུར་པ། ལུས་ཟུངས་ཟད་པ། |
| ལུས་ཟུངས་གསུམ་པ |
མངོན ཤ། |
| ལུས་ཟུངས་དྭངས་མ |
མངོན ཁུ་བའམ་ཐིག་ལེ། |
| ལུས་ཟུངས་བདུན |
ལུས་འཛིན་པར་བྱེད་པའི་རྟེན་རྣམ་པ་བདུན་ཏེ། ཁ་ཟས་བཟའ་བཏུང་གི་དྭངས་མ་དང༌། ཁྲག་ཤ། ཚིལ། རུས་པ། རྐང་མར། ཁུ་བ་བཅས་བདུན་ནོ། |
| ལུས་འགྱིངས |
ཆེ་ཉམས་ཅན་གྱི་གཟུགས་པོའི་རྣམ་འགྱུར། |
| ལུས་འཆལ |
ཚུལ་མིན་གྱི་སྤྱོད་ལམ། |
| ལུས་འཆོས |
ལུས་ཀྱི་རྣམ་འགྱུར་དང་རྣམ་པ་ལ་བཟོ་བཅོས་བྱེད་པ། |
| ལུས་འདུད |
གུས་ཞབས། ལུས་ཀྱི་འདུད་པ་དང༌། ངག་གི་འདུད་པ་དང༌། ཡིད་ཀྱི་འདུད་པ་སྟེ་སྒོ་གསུམ་གྱི་འདུད་པ། |
| ལུས་འདེགས |
མངོན འདབ་ཆགས་སྤྱིའི་གཤོག་སྒྲོ། |
| ལུས་འདོར་བ |
1 རང་སྲོག་བློས་གཏོང་བ། 2 ཚེ་ལས་འདས་པ། ལུས་འདོར་བའི་སྡུག་བསྔལ། |
| ལུས་འཕགས |
བིདེཧཿ ཤར་ལུས་འཕགས་པོའི་ལྷོ་ན་ཡོད་པའི་གླིང་གཡོག་སྟེ་གླིང་ཕྲན་བརྒྱད་ཀྱི་ཡ་གྱལ་ཞིག |
| ལུས་འཕགས་པོ |
གླིང་བཞིའི་ནང་གསེས་ཤིག་སྟེ་རི་རབ་ཤར་ངོས་ཀྱི་རྒྱ་མཚོར་ཡོད་པའི་གླིང་ཆེན། གླིང་དེ་གཞན་བས་ཤིང་ཏཱ་ལ་བདུན་སྲིད་ཀྱིས་འཕགས་པའམ་དེར་སྐྱེ་བའི་མི་རྣམས་ལུས་ཆེ་བས་མིང་དེ་ལྟར་བཏགས་པ་ཡིན་ཞེས་བཤད། |
| ལུས་འཕགས་སྐྱེས |
མངོན པི་པི་ལིང༌། |
| ལུས་འབབ |
མངོན ལུས་ནས་ཐོན་པའི་རྔུལ་ཆུ། |
| ལུས་འབྱར |
ལུས་ལ་གྱོན་ཡོད་པའི་ཆས་གོས། གྱོན་ཆས་ལུས་འབྱར་ཙམ་ལས་མེད། |
| ལུས་འཚག |
ལུས་ཀྱི་ཤ་ཉམས། ལུས་འཚག་རྒྱས་པ། ལུས་འཚག་བཟང་བ། |
| ལུས་ཡང་ཡང་འདོར་བའི་སྡུག་བསྔལ |
སྡུག་བསྔལ་དྲུག་གི་ཡ་གྱལ་ཞིག་སྐྱེ་བ་བརྒྱུད་མར་འཁོར་བའི་གནས་སུ་ལུས་ཡང་ཡང་བླངས་ཏེ་ཡང་ཡང་འདོར་དགོས་པའི་སྡུག་བསྔལ། |
| ལུས་རྐྱང |
གཅེར་བུ་དམར་ཧྲེང་བ། |
| ལུས་རྔུལ |
ལུས་ནས་ཐོན་པའི་རྔུལ་ཆུ། མིང་གི་རྣམ་གྲངས་ལ་རྔུལ་ཆུ་དང༌། རྔུལ་ནག་ཚད་སྐྱེས། ལུས་ཀྱི་རླན། ལུས་ཆུ། ལུས་བབ། ལུས་འབབ། ལུས་རློན་བཅས་སོ། |
| ལུས་རྟེན |
ཕུང་པོ་ལྔ་ཚོགས་པའི་གང་ཟག་གི་གཟུགས་གཞི། བུད་མེད་ཀྱི་ལུས་རྟེན། དུད་འགྲོའི་ལུས་རྟེན། |
| ལུས་རྡོས |
ལུས་ཀྱི་གཏོས་སམ་བོངས་ཚད། ལུས་རྡོས་ཆེ་བ། |
| ལུས་རྩའི་གཙོ་གསུམ |
ལུས་ཀྱི་གཞུང་རྩ་དབུ་མ། རྐྱང་མ། རོ་མ་གསུམ། |
| ལུས་རྩལ |
གཟུགས་པོའི་ཤེད་རྩལ་སྦྱོང་བའི་སྤྱི་མིང༌། ལུས་རྩལ་འགུལ་སྐྱོད་འཕེལ་རྒྱས་བཏང་ནས། མི་དམངས་ཀྱི་གཟུགས་གཞི་ཐང་པོ་ཡོང་བ་བྱེད་པ། |
| ལུས་རྫོགས |
ལུས་ཀྱི་སྟོབས་ཤུགས་སམ། འཚར་ལོངས་ཚད་དུ་ཕྱིན་པ། |
| ལུས་རློན |
མངོན ལུས་ཀྱི་རྔུལ་ནག |
| ལུས་ལས་འཕེལ |
མངོན ཕྲུ་གུ། |
| ལུས་ལེན་པའི་རྣམ་ཤེས |
རྣམ་ཤེས་ཚོགས་བརྒྱད་འདོད་པའི་ལུགས་ལ་ཀུན་གཞི་དང༌། རྣམ་ཤེས་ཚོགས་དྲུག་འདོད་པའི་ལུགས་ཡིད་ཀྱི་རྣམ་ཤེས་ཡིན་པར་འདོད། |
| ལུས་ལྕི་མ |
བུད་མེད་སྦྲུམ་མ། |
| ལུས་ལྡན |
མངོན སེམས་ཅན་སྤྱི། |
| ལུས་ཤུགས |
གཟུགས་པོའི་སྟོབས་ཤུགས། ལུས་ཤུགས་ཀྱི་ངལ་རྩོལ་པ། |
| ལུས་ཤེད |
ལུས་ཀྱི་སྟོབས་ཤུགས། ལུས་ཤེད་འགྲན་པ། |
| ལུས་ཤེས |
ལུས་ཀྱི་རྣམ་པར་ཤེས་པ་རང་གི་ཐུན་མོང་མ་ཡིན་པའི་བདག་རྐྱེན་ལུས་དབང་ལ་བརྟེན་ནས་བྱུང་བའི་རང་ཡུལ་གྱུར་པའི་རེག་བྱའི་སྐྱེ་མཆེད་ཀྱི་ངོ་བོ་རང་སྟོབས་ཀྱིས་མཐོང་བའི་རིག་པ། དཔེར་ན། བཀྲེས་པ་དང༌། གྲང་བའི་རེག་པ་ཉམས་སུ་མྱོང་བའི་ཤེས་པའོ། |
| ལུས་སེམས |
གཟུགས་པོ་དང༌། ཡིད་ཀྱི་རྣམ་པར་ཤེས་པ། ལུས་སེམས་གཉིས་བདེ། ལུས་སེམས་གཉིས་ཀར་ཕན་པ། ལུས་སེམས་གཉིས་གནོད། ལུས་སེམས་གཉིས་ངལ། ལུས་སེམས་བདེ་ཐང༌། ལུས་སེམས་དགའ་བདེས་ཁྱབ་པ། |
| ལུས་སོ |
གཟུགས་པོ་དང༌། དེའི་གནས་ལུགས་བབ་ཚུལ། ལུས་སོ་ཐང་ཆད་པ། |
| ལུས་སྐེམ་པ |
ཤ་སྟོབས་ཟད་པའི་ལུས་རིད་པོ། |
| ལུས་སྐྱེས |
མངོན 1 ཁྲག 2 བ་སྤུ། 3 བྱའི་འདབ་གཤོག |
| ལུས་སྐྱེས་གཡོ་བ |
བ་སྤུ་གྱེན་དུ་ལངས་པ། |
| ལུས་སྐྱོབ |
མངོན 1 གོ་ཁྲབ། 2 ཉི་མ། |
| ལུས་སྐྱོབ་གོས |
མངོན གོ་ཆའམ་མཚོན་འགོག་གི་ཁྲབ། |
| ལུས་སྒྱུར |
1 སྤྲུལ་པ་བསྟན་པ། 2 ལོ་ཀེག་ཟླ་ཀེག་སོགས་ཚེ་འཕྲང་གི་བར་ཆད་ཞི་ཕྱིར་ལུས་ཀྱི་ཆ་ལུགས་སྒྱུར་བའི་གཏོ་བཅོས་ཤིག 3 ལུས་བསྒྱུར་མ་དང་དོན་གཅིག་ |
| ལུས་སྔ་མ |
སྐྱེ་བ་སྔ་མ། |
| ལུས་སྟོད |
ལུས་ཀྱི་ཆ་ཤས་ལྟེ་བ་ཡན་ཆད། |
| ལུས་སྟོབས |
1 ལུས་ཀྱི་ནུས་ཤུགས། ལུས་སྟོབས་ཞན་པ། མྱ་ངན་གྱིས་མནན་ནས་ལུས་སྟོབས་ཀྱང་ཤོར་བ། 2 ལུས་ཀྱི་བོངས་ཚད། ལུས་སྟོབས་ཆེན་པོ། ལུས་སྟོབས་འཚར་ལོངས། ལུས་སྟོབས་བཟང་བ། |
| ལུས་སྣེད་པ |
ལུས་ཀྱི་ཆ་གང་རུང་ལ་སྐྱོན་ཤོར་བ། མིང་གི་རྣམ་གྲངས་ལ་སྒུར་འཁྱོག་དང༌། སྒུར་པོ། ལྟག་སྣེད། སྣེ་པོ། སྣེད་པོ་བཅས་སོ། |
| ལུས་སྤུ |
ལུས་ཀྱི་བ་སྤུ། |
| ལུས་སྦྱིན |
གཅོད་ལུགས་ཀྱི་ལུས་མཆོད་སྦྱིན་བྱེད་པའི་ཆོ་ག་ཞིག |
| ལུས་སྦྱོར |
མངོན འཁྲིག་སྤྱོད། |
| ལུས་སྲིང་མ |
མངོན ཨ་མ། |
| ལུས་སྲུང |
1 ལུས་སྐྱོབ་གོ་ཁྲབ་སོགས། 2 རང་གི་ལུས་ལ་གནོད་པའི་རིགས་སྲུང་བ། |
| ལུས་སྲུང་བ |
1 རང་གི་ལུས་གནོད་པའི་རིགས་ལས་སྐྱོབ་པ། 2 བུད་མེད་ཀྱིས་རང་གི་བཟའ་ཟླ་མིན་པའི་སྐྱེས་པ་གཞན་དང་འགབ་མཐུན་མི་བྱེད་པ། |
| ལུས་སྲོག |
གཅེས་པའི་རང་ལུས་དང་ཚེ་སྲོག ལུས་སྲོག་ལ་ལྟ་བ། ལུས་སྲོག་འཚོ་བ། ལུས་སྲོག་འབེན་འཛུགས། ལུས་སྲོག་ཐེད་བོར། ལུས་སྲོག་བློས་བཏང༌། དཔའ་བོའི་ལུས་སྲོག་མེས་རྒྱལ་གྱི་དོན་དུ་བཏང༌། |
| ལུས་སྲོག་གཅིག་དང་ཐ་དད་དུ་ལྟ་བ |
སངས་རྒྱས་ཀྱིས་ལན་གསུང་ཡུལ་དུ་མ་གྱུར་པའི་ལྟ་ལོག་གི་དྲི་བ་རྣམས་སྡེ་ཚན་བཞིར་དབྱེ་བའི་ནང་གསེས་ཤིག་ལུས་གང་ཡིན་པ་དེ་སྲོག་གམ། ལུས་ཀྱང་གཞན་ལ་སྲོག་ཀྱང་གཞན་ནོ་ཞེས་ལུས་སྲོག་གཅིག་ཏུ་ལྟ་བ་དང་དེ་གཉིས་རེ་རེ་བཞིན་ཐ་དད་དུ་ལྟ་བའོ། |
| ལེ |
གཞུང་རྩོམ་གྱི་དུམ་བུ་གཅིག་གི་ཚད་ཀྱི་མིང་དཔེ་ཆ་ལེ་ཚན་གཅིག ལེའུ་ཞེས་པ་བསྡུས་ནས་འབྲི་ཚུལ་ཏེ། སྨན་གྱི་ལེའུའི་ནང་ན་གསལ་ཞེས་པ་ལ་སྨན་ལེར་གསལ་ཟེར་བ་ལྟ་བུ། ０རྒྱན་ཚིག་གི་མཐར་སྦྱོར་ཚུལ་གེ་ལ་ལྟོས། |
| ལེ་ཁག |
1 ལེ་ཚན། 2 ལེ་ཐོགས་སམ་ཁག་ངན། |
| ལེ་ཉིན་རིང་ལུགས |
བཙན་རྒྱལ་རིང་ལུགས་ཀྱི་དུས་སྐབས་དང་འབྱོར་མེད་གྲལ་རིམ་གྱིས་གསར་བརྗེ་བྱེད་པའི་དུས་སྐབས་སུ་ལེ་ཉིན་གྱིས་ཡར་རྒྱས་དང་འཐུས་ཚང་དུ་བཏང་བའི་མར་ཁེ་སིའི་རིང་ལུགས་ཀྱི་གསར་བརྗེའི་རིགས་པའི་གཞུང་ལུགས། |
| ལེ་ཐོ |
ཟླ་བ་སོ་སོའི་ཚེ་གྲངས་དང༌། གཟའ་སྐར་མ། གནམ་གཤིས། ཐོན་སྐྱེད་དུས་ཚིགས་བཅས་རེའུ་མིག་ལ་བཀོད་པའི་དཔེ་དེབ། |
| ལེ་ཐོགས |
1 ལས་ཀའི་ཐོག་ནོར་འཁྲུལ་བྱུང་བ། 2 ནོར་འཁྲུལ་སོགས་ཀྱི་རྩ་བ་ཐུག་ས། |
| ལེ་དབར |
ལམ་ཀ་ཐག་རིང་ཐུང་གི་ཚད་ཅིག་ལེ་དབར་རེ་ལ་སྨི་ལྔ་བརྒྱ་རེ་ཡོད། གོམ་རེ་གོམ་རེ་མ་སྤོས་ན། ལེ་དབར་སྟོང་ཕྲག་ཆོད་མི་སྲིད། ལེ་དབར་ཉིས་ཁྲི་ལྔ་སྟོང་གི་རྒྱང་སྐྱོད། |
| ལེ་བར |
ལམ་གྱི་ཚད་འཇལ་བྱེད་ཀྱི་སྡེ་ཚན་ཞིག |
| ལེ་བརྒན |
1 མདོག་དམར་པོ། 2 བཙོད། 3 དར་དམར་པོ། ལེ་བརྒན་དར། 4 མཆིན་པ། 5 སྨན་ལེ་བརྒན་རྩི། 6 མཁྲིས་པ་ཤས་ཆེ་བའི་རིམས་ནད་ཅིག |
| ལེ་བརྒན་མེ་ཏོག |
མངོན བཙག་རྡོ། |
| ལེ་བརྒན་རྒྱས་པ |
རྩིབ་ཐུང་གཡས་གཡོན་ཐད་སྐྲངས་ཤིང་རོ་སྟོད་གཟེར་བའི་མཆིན་ནད་ཅིག |
| ལེ་བརྒན་རྩི |
ལེ་བརྒན་ཏེ། གུར་གུམ་ཕལ་པའི་མིང༌། |
| ལེ་ཚན |
སྡེ་ཚན། |
| ལེ་ཚེ |
ལིང་ཚེ་དང་དོན་འདྲ་རེའུ་མིག་གི་གཞན། ཡན་ལག་ཆུང་ངུའམ་དུམ་བུ་ཆུང་ངུའི་མིང་། |
| ལེ་འཁོན |
1 ཉེས་ཁག་འཁྲི་བ། ལེ་འཁོན་དུས་འགྱངས། ནག་ཉེས་ཀྱི་ལེ་འཁོན་བྱེད་གཏེ་ཁོ་རང་ལ་བབས། 2 གྲ་མ་འགྲིག་གི་སྐྱོན། ལས་འགན་འཕྲལ་འཕྲལ་སྒྲུབ་པ་ལས་ལེ་འཁོན་དུས་འགྱངས་ཀྱི་རྐྱེན་དབང་དུ་བཏང་ན་མི་འགྲིག |
| ལེ་འཁྲི |
གྱོད་གཞིའི་དོ་བདག་མ་ཡིན་པར་གནད་དོན་དེ་དང་འབྲེལ་བ་ཡོད་ཅིང་ཁྲིམས་སར་གཏུག་དགོས་པའི་མི། |
| ལེ་འགྲིག |
རྩོད་པ་འདུམ་པ། |
| ལེ་ལག |
ཡ་གྱལ་གྱི་མིང་། ཁ་སྣོན་བྱས་པའི་ཆ་ཤས་སམ་དུམ་བུའི་མིང་། |
| ལེ་ལན |
1 གནོད་ལན་ནམ་འཁོན་ལན། 2 སྐྱོན་ནམ་ཉེས་པ། ལེ་ལན་བཤད་པ། |
| ལེ་ལོ |
1 སྒྱིད་ལུག་གམ་ལས་དོན་ལ་མི་སྤྲོ་བའི་སེམས། དབྱེ་ན། དམན་པ་ལ་སྦྱོར་བ་དང༌། སྙོམས་ལས་སོ། ལེ་ལོ་ཅན། ལེ་ལོའི་སེམས། ལེ་ལོ་བྱས་ན་ལེགས་ཚོགས་འཆོར་ཞིང་འགྲིབ། ལེ་ལོ་སྤངས་ནས་རྩེ་གཅིག་སློབ་སྦྱོང་བྱེད། 2 ཉེ་ཉོན་ཉི་ཤུའི་ནང་གསེས། འཇིག་རྟེན་གྱི་བྱ་བ་ངན་པ་ལ་ཞེན་ནས་དགེ་བའི་ཕྱོགས་ལ་མི་སྤྲོ་ཞིང་འཇུག་པ་ལྷོད་པར་བྱེད་པ་བརྩོན་འགྲུས་ཀྱི་མི་མཐུན་ཕྱོགས་སོ། |
| ལེ་ལོ་གསུམ |
བྱ་བ་ངན་ཞེན་གྱི་ལེ་ལོ་དང༌། སྒྱིད་ལུག་གི་ལེ་ལོ། རང་ལ་བརྙས་པའི་ལེ་ལོ་བཅས་གསུམ་མོ། |
| ལེ་ཤོར |
ལེ་ལོ་བྱས་ཏེ་འཐུས་ཤོར་བྱུང་བ་ལས་དོན་ཚགས་ཚུད་པོ་མ་བྱུང་བ། ལེ་ཤོར་ཅན། ལེ་ཤོར་མེད་པ། |
| ལེགས |
(རྒྱན་ཚིག) དྲི་མ་མེད་པ་དང་མཛེས་པ་སོགས་ཀྱི་དོན་ཏེ། ལེགས་པའི་བསམ་པ། མདོག་ལེགས། དབྱིབས་ལེགས་ཞེས་པ་ལྟ་བུ། |
| ལེགས་ཁྱབ |
མངོན ལྷའི་ལྗོན་ཤིང༌། |
| ལེགས་གསུང |
མངོན 1 སངས་རྒྱས། 2 སངས་རྒྱས་ཀྱི་བཀའ། |
| ལེགས་གསོ |
དངོས་རྫས་སོགས་ཡང་བསྐྱར་བཟོ་བཅོས་བྱས་པ་སློབ་ཁང་ལེགས་གསོ་བྱེད་རན་ལྟ་བུ། |
| ལེགས་གསོལ |
1 གོང་རིམ་དུ་སྙན་ཞུ་ལེགས་པར་ཞུས་པ། 2 བཀའ་དྲིན་ལེགས་པར་གསོལ་བ། |
| ལེགས་ཆ |
དགེ་ཆའམ་ཕན་ཆ། |
| ལེགས་ཆང |
རྟེན་འབྲེལ་ཞུ་བའི་གསོལ་ཆང༌། |
| ལེགས་ཉེས |
བཟང་ངན། ལེགས་ཉེས་འབྱེད་པ། ལེགས་ཉེས་འདེམས་པ། |
| ལེགས་ཉེས་ཀྱི་རྒྱུ་དང་འབྲས་བུ་བསྟན་པ |
འཕགས་པ་ལེགས་ཉེས་ཀྱི་རྒྱུ་དང་འབྲས་བུ་བསྟན་པ་ཞེས་བྱ་བ་ཐེག་པ་ཆེན་པོའི་མདོ། ལོ་ཙཱ་བ་བནྡེ་ཆོས་གྲུབ་ཀྱིས་རྒྱ་ནག་གི་དཔེ་ལས་བསྒྱུར་པའོ། |
| ལེགས་ཉེས་སྟངས་འཛིན |
བྱ་བ་བཟང་ངན་བལྟས་ཏེ་ཡིན་མིན་ཐག་གཅོད་པ། |
| ལེགས་དགའ་མ |
མངོན བུད་མེད། |
| ལེགས་དར |
ཡུལ ལེགས་པའི་རྟེན་འབྲེལ་མཚོན་བྱེད་ཀྱི་ཁ་བཏགས། |
| ལེགས་པ |
བཟང་བའམ་སྤུས་དག་པ། ལོ་ལེགས། སྤྱོད་ལེགས། ལོ་ཕྱུགས་ལེགས་པ། བཀྲ་ཤིས་བདེ་ལེགས། དགེ་ལེགས་ཕུན་སུམ་ཚོགས་པ། ལེགས་པར་བརྡ་སྤྲད་པ། ལེགས་པར་བརྟག་པ། ལེགས་པར་རྟོགས་པ། ལེགས་སུ་གཏོང་བ། ལེགས་པར་བཅོས་པ། ལེགས་ཐོག་ལེགས་འཚོལ། གཏམ་ལེགས་པར་བསྒོ་བ། |
| ལེགས་པའི་བློ་གྲོས་ཀྱི་ས |
བྱང་ཆུབ་སེམས་དཔའི་ས་བཅུའི་དགུ་པ། ས་འདིར་གནས་པའི་བྱང་ཆུབ་སེམས་དཔའ་རྣམས་སོ་སོ་ཡང་དག་པར་རིག་པ་བཞིའི་བློ་གྲོས་བཟང་པོ་ཐོབ་པས་ས་དགུ་པ་ལེགས་པའི་བློ་གྲོས་ཞེས་བྱའོ། |
| ལེགས་པའི་ཡོན་ཏན་དྲུག |
དབང་ཕྱུག་ཕུན་སུམ་ཚོགས་པ་དང༌། གཟུགས་ཕུན་སུམ་ཚོགས་པ། དཔལ་ཕུན་སུམ་ཚོགས་པ། གྲགས་པ་ཕུན་སུམ་ཚོགས་པ། ཡེ་ཤེས་ཕུན་སུམ་ཚོགས་པ། བརྩོན་འགྲུས་ཕུན་སུམ་ཚོགས་པ་རྣམས་ཏེ་བཅོམ་ལྡན་འདས་ཀྱི་ཆེ་བའི་ཡོན་ཏན་དྲུག་གོ། |
| ལེགས་པའི་ཤིང |
མངོན སྦྲང་ཤིང༌། |
| ལེགས་པའི་ཤེས་རབ |
ལྷ་བླ་མ་ཡེ་ཤེས་འོད་ཀྱི་དུས་སུ་བྱུང་བའི་བོད་ཀྱི་ལོ་ཙཱ་བ་ཞིག |
| ལེགས་པའི་སྐར་མ |
སངས་རྒྱས་ཤཱཀྱ་ཐུབ་པ་ལ་ལོག་ལྟ་བྱེད་མཁན་གྱི་དགེ་སློང་ཞིག |
| ལེགས་པར |
ཉེས་སྐྱོན་སོགས་མ་བྱུང་བའི་དོན་ཏེ། སློབ་སྦྱོང་ལེགས་པར་མཐར་ཕྱིན། སློབ་གྲྭ་ལེགས་པར་གྲུབ་ལྟ་བུ། |
| ལེགས་པར་བཤད་པ |
བཤད་སྟངས་ཡག་པོའམ་ཡང་དག་པར་བཤད་པ། |
| ལེགས་པར་འཐུལ |
མངོན དྲི་ཞིམ། |
| ལེགས་པར་འོངས་པ |
བདེ་བར་སླེབས་པ། |
| ལེགས་པར་རྣམ་པར་ཕྱེ་བའི་ཆོས་འཁོར |
བཀའ་ཐ་མ་ལེགས་པར་ཕྱེ་བའི་ཆོས་འཁོར་དང་དོན་གཅིག་ |
| ལེགས་པོ |
ལེགས་པ་དང་འདྲ། |
| ལེགས་ཕྱིན |
གྲངས་ཀྱི་གནས་དྲུག་ཅུའི་ནང་གསེས་ཤིག |
| ལེགས་ཕྱེ་ཆོས་འཁོར |
ལེགས་པར་རྣམ་པར་ཕྱེ་བའི་ཆོས་འཁོར་གྱི་བསྡུས་མིང༌། |
| ལེགས་བཅོས |
སྐྱོན་བསལ་ཏེ་ཡག་ཏུ་བཏང་བ། འགྱོད་སྐྱེས་ལེགས་བཅོས། |
| ལེགས་བཟང |
མངོན ཁྱབ་འཇུག |
| ལེགས་བརྒྱ་སྐོར་གཅིག |
དོན་གནད་མང་པོ་ཐབས་ཤེས་གཅིག་ཐོག་ནས་སྒྲུབ་པའི་དཔེ། |
| ལེགས་བརྗོད |
1 ལེགས་པར་བཤད་པ། 2 བཀྲ་ཤིས་པའི་ཚིག |
| ལེགས་བརྗོད་བདག་པོ |
མངོན བརྒྱ་བྱིན། |
| ལེགས་བརྗོད་མ |
མངོན བརྒྱ་བྱིན་བཙུན་མོ། |
| ལེགས་བཤད |
1ཚིག་གི་སྡེབ་ལེགས་ཤིང་དོན་ལ་འཁྲུལ་བ་མེད་པའི་ཚིག་གམ་རྩོམ་གྱི་མིང་། 2སློབ་གསོ་གཏོང་བའི་གོ་དོན་དང་ལྡན་པའི་ཚིགས་བཅད་དམ་གྲུབ་ཚིག་གི་མིང་མཁས་པ་སློབ་པའི་དུན་ན་སྡུག །བདེ་བར་སྡོད་ལ་མཁས་མི་སྲིད་ལྟ་བུ། |
| ལེགས་བཤད་གསེར་ཕྲེང |
ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་འགྲེལ་པ་དང་བཅས་པའི་རྒྱ་ཆེར་བཤད་པའི་ལེགས་བཤད་གསེར་གྱི་ཕྲེང་བ་ཞེས་བྱ་བ། རྗེ་ཙོང་ཁ་པས་མཛད་པའོ། |
| ལེགས་བསླབས་ཉེས་བཅོས |
ཡག་པ་བསླབས་ཤིང་སྡུག་པ་བཅོས་པ། |
| ལེགས་བྱས |
1ཕན་པ་དང་ཚུལ་དང་མཐུན་པའི་བྱ་བཞག་ཐམས་ཅད་ཀྱི་སྤྱི་མིང་དམངས་དོན་བསྒྲུབས་པའི་ལེགས་བྱས་འབྲས་བུ་བྱུང་ལྟ་བུ། 2ཆོས་ལུགས་ཀྱི་ལས་དཀར་ལའང་ལེགས་བྱས་ཟེར། |
| ལེགས་བྲིས |
མངོན 1 ལྷ། 2 རྨ་བྱ། |
| ལེགས་བྲིས་གཙོ་བོ |
མངོན བརྒྱ་བྱིན། |
| ལེགས་བྲིས་དབང་པོ |
མངོན བརྒྱ་བྱིན། |
| ལེགས་བྲིས་སྒྲོ |
མངོན རྨ་བྱ། |
| ལེགས་མཐོང་ཆེན་པོ |
སུདརྴནཿ ཉན་ཐོས་དགྲ་བཅོམ་པ་ཞིག་བསྟན་པའི་གཏད་རབས་བདུན་པ། |
| ལེགས་ཚོགས |
ཕན་པ་དང་བདེ་བ་ཇི་སྙེད་པ་རྣམས། |
| ལེགས་འགུགས |
མངོན ལྷ་མ་ཡིན་སྟོབས་བཟང༌། |
| ལེགས་འགྲོ |
མངོན རྟ་མཆོག |
| ལེགས་འདབ |
མངོན ལ་ཕུག |
| ལེགས་འདུལ |
མངོན 1 གློག 2 སྤྲིན་པ། |
| ལེགས་འབུལ |
ལེགས་སོ་ཞུ་བའི་འབུལ་ཚན། ཐུགས་རྗེ་ལེགས་འབུལ། བཀྲ་ཤིས་བདེ་ལེགས་ཀྱི་དར་དཀར་ལེགས་འབུལ་ཞུས། |
| ལེགས་འོང |
སཱགཏ སྟོན་པའི་ཉན་ཐོས་ཤིག |
| ལེགས་ལྡན |
མངོན ལྷ་དབང་ཕྱུག |
| ལེགས་ལྡན་མ |
མངོན ལྷ་མོ་ཨུ་མཿ |
| ལེགས་ལྡན་འབྱེད |
སྔོན་རྒྱ་གར་དུ་བྱུང་བའི་དབུ་མ་པའི་སློབ་དཔོན་ཞིག་ཡིན་ཞིང༌། ཤེས་རབ་སྒྲོན་མེའི་ཕྲེང་བ་མཛད་དེ་རང་རྒྱུད་ཀྱི་གཏན་ཚིགས་འགོད་དགོས་པའི་རྒྱུ་མཚན་རྩལ་དུ་བཏོན་ཏེ་དབུ་མ་རང་རྒྱུད་པའི་ཤིང་རྟའི་སྲོལ་འབྱེད་དུ་གྱུར། |
| ལེགས་སྐྱེས |
1 གསོལ་རས། ལེགས་སྐྱེས་གནང་བ། 2 ལག་རྟགས། ལེགས་སྐྱེས་བསྐུར་བ། ལེགས་སྐྱེས་འབུལ་བ། བཀྲ་ཤིས་ལེགས་སྐྱེས། |
| ལེགས་སྐྱེས་མ |
བྲམ་ཟེའི་བུ་མོ་ལེགས་འཚོ་མ་ཞེས་པ་ཤཱཀྱ་མུ་ནེ་རྡོ་རྗེའི་གདན་དུ་གཤེགས་པའི་ལམ་དུ་བ་མེན་ལྔ་བརྒྱའི་འོ་མ་ཉིང་ཁུར་བསིངས་པས་བསྙེན་བཀུར་ཞུ་མཁན། |
| ལེགས་སྐྱོབ |
མངོན བརྒྱ་བྱིན། |
| ལེགས་སྒྲིག |
གོ་རིམ་སོགས་ཡག་པོ་སྒྲིག་པ། ལེགས་སྒྲིག་དག་ཐེར། |
| ལེགས་སྤེལ་ཉེས་འགོག |
དགེ་མཚན་རྒྱ་ཆེར་སྤེལ་ཞིང༌། ཉེས་སྐྱོན་རྩ་བ་ནས་འགོག་པ། |
| ལེགས་སྤྱད |
དགེ་བ། |
| ལེགས་སྦྱར |
1 མིང་ཚིག་ཡི་གེ་ཕན་ཚུན་ལེགས་པར་སྦྲེལ་བ། 2 གཏམ་བཤད་ཀྱི་ཞེ་ས། |
| ལེགས་སྦྱར་གྱི་ཁྲུས |
རླུང་འདྲེན་པའི་སྨན་གྱི་རྩ་བ་དང་སྡོང་བུ་དང་ལོ་མ་དང་འབྲས་བུ་དག་བསྐོལ་ནས་འཁྲུད་པའི་ཁྲུས། |
| ལེགས་སྦྱར་གྱི་སྐད |
གནའ་བོའི་རྒྱ་གར་གྱི་སྐད་རིགས་ཤིག་སཾ་ཀྲི་ཏའི་སྐད་ཀྱང་ཟེར། |
| ལེགས་སྦྱར་སྐད |
སཾསྐྲིཏའི་སྐད་དེ་རྒྱ་གར་གྱི་སྐད་རིགས་བཞིའི་གྲས་ཤིག |
| ལེགས་སྦྱར་སྐད་ཀྱི་གསལ་བྱེད |
གསལ་བྱེད་སོ་བཞི་ལ་ལྟོས། |
| ལེགས་སྦྱར་སྐད་ཀྱི་དབྱངས |
དབྱངས་བཅུ་དྲུག་ལ་ལྟོས། |
| ལེགས་སྨོན |
ཡག་པོ་ཡོང་བར་སྨོན་འདུན་བྱེད་པ། |
| ལེགས་སྨོན་གྱི་ཆོས |
ལྷ་མིའི་བདེ་བ་དོན་དུ་གཉེར་ཕྱིར་ཆོས་སྒོར་ཞུགས་པ། |
| ལེགས་སྨོན་གྱི་ཚུལ་ཁྲིམས |
མངོན་མཐོ་ཐོབ་ཕྱིར་མི་དགེ་བཅུ་སྤོང་གི་སྡོམ་པ། |
| ལེགས་སྨྲ |
བསྟོད་ཚིག |
| ལེན |
ད་ལྟ་བ་ དཔེ་ཆ་ལེན་མཁན། ལེན་གྱིན་འདུག་ལྟ་བུ། |
| ལེན་པ |
1.ཐ་དད་པ བླངས་པ། བླང་བ། ལོངས།། 1 ཚུར་སྡུད་པའམ་འདྲེན་པ། སྣེ་ལེན། ལག་ལེན། འཕྲོད་ལེན། མནའ་མ་ལེན་པ། དགྲ་ཤ་ལེན་པ། མ་བྱིན་པར་ལེན་པ། དངོས་པོ་ལེན་དུ་གཏོང་བ། དང་དུ་ལེན་པ། གོ་བ་ལོག་ལེན། ཁས་ལེན། དྲོད་ལེན་པ། མགོ་བཏགས་ལེན་པ། གདོང་ལེན་པ། ངན་སྐྱུར་བཟང་ལེན། སྙིང་བཅུད་ལེན་པ། ངལ་རྩོལ་མི་བྱེད་པར་ཐོབ་ཆ་ལེན་པ། སྙིང་བཅུད་ཚུར་ལེན་པ་དང་སྙིགས་རོ་ཕར་དབྱུག་པ། བླངས་ན་རྫོགས་རྒྱུ་མེད་པ་དང༌། སྤྱད་ན་ཟད་མཐའ་མེད་པ། དགེ་སྡིག་བླང་དོར། 2 གླུ་གཞས་གཏོང་བ། གླུ་ལེན་ཞིང་གར་འཁྲབ་པ། ལ་གླུ་ལ་ཁའི་ལུག་རྫིས་ལེན། མཛོ་རྒན་རི་ལ་ཤི་ནའང༌། མཛོ་ཀོ་ཡུལ་ལ་ལེན་དགོས། 2.རྟེན་འབྲེལ་བཅུ་གཉིས་ཀྱི་ནང་གསེས་ལེན་པའི་ཡན་ལག་གོ། ལེན་པའི་རྐྱེན་གྱིས་སྲིད་པ། ལེན་པའི་རྣམ་པར་ཤེས་པ། ཉེར་ལེན་གྱི་རྒྱུ། |
| ལེན་པ་བཞི |
འདོད་པ་ལེན་པ་དང༌། ལྟ་བ་ལེན་པ་དང༌། ཚུལ་ཁྲིམས་དང་བརྟུལ་ཞུགས་སྙེམས་པ་ལེན་པ་དང༌། བདག་ཏུ་སྨྲ་བ་ལེན་པ་སྟེ་ཕྱི་ནང་གི་ཆོས་ཐམས་ཅད་ཉེ་བར་ལེན་པའི་ཉོན་མོངས་པ་བརྒྱ་རྩ་བརྒྱད་ཡོད་པ་རྣམས་ལེན་པ་བཞིར་བསྡུས་པའོ། |
| ལེན་པའི་ཟླ་བ |
ཉི་མས་བུ་མོའི་ཁྱིམ་སྤྱོད་པའི་ཟླ་བའམ་ཧོར་ཟླ་བརྒྱད་པ། |
| ལེན་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། སྲེད་པའི་དབང་གིས་ཡུལ་སྡུག་པ་དང་ཚོར་བ་བདེ་བ་ལ་ཡང་ཡང་འཕྲད་པར་འདོད་ཅིང༌། དེ་དང་དུ་ལེན་པ་སྟེ་ཉེར་ལེན་བཞི་སོགས་རྣམ་ཤེས་སྐྱེ་བ་ལ་དངོས་སུ་སྦྱོར་བར་བྱེད་པའོ། |
| ལེན་པོ |
1 འདྲ་ཆགས་པོ། གཞན་གྱི་མཐོང་ལམ་ལ་ལེན་པོ་མི་འདུག གོས་ཆས་ལེན་པོ་འདུག 2 ཟུག་པོ་དང་འཕྲོད་པོ། སྣམ་བུ་འདི་ཚོས་ལེན་པོ་འདུག ཤོག་བུ་འདི་ཡི་གེ་ལེན་པོ་འདུག |
| ལེན་འཛིན |
དངུལ་དངོས་སོགས་ཚུར་ལེན་རྒྱུའི་འཛིན་ཡིག |
| ལེབ |
(རྒྱན་ཚིག) ངོས་ཤིག་ནས་ངོས་གཞན་ཞིག་གི་བར་ཚད་ཆུང་ལ་རྒྱ་ཁྱོན་ཆེ་བའི་དངོས་རྫས་ཀྱི་རྣམ་པ་ཤིང་ལེབ། རྡོ་ལེབ། ཤིང་ལེབ་མོ་གཅིག་ཅེས་པ་ལྟ་བུ། ངོས་མཉམ་པའི་དོན་ཏེ། ལེབ་ངོས། ས་ལེབ་ལེབ་ཅེས་པ་ལྟ་བུ། |
| ལེབ་ངོས |
ལྡེབས་ཕྱོགས་ཁོད་སྙོམས་པོ། |
| ལེབ་པ |
ལེབ་མོ་དང་འདྲ། |
| ལེབ་པོ |
ལེབ་མོ་དང་འདྲ། |
| ལེབ་མ |
ཉལ་དབྱིབས་སམ་ལྡེབས་ལོགས་ཁོད་སྙོམས་པོའི་དོན་དུ་གོ་བའི་ལེབ་མོ་དང་འདྲ། |
| ལེབ་མོ |
1 ཉལ་དབྱིབས་སམ་ལྡེབས་ལོགས་ཁོད་སྙོམས་པོ། མོན་སྲན་ལེབ་མོ། བག་ལེབ། རྡོ་ལེབ། པང་ལེབ། མགོ་ལེབ་མོ། སྣ་ལེབ་མོ། ལྕགས་ལེབ། ས་འབུར་ལེབ་མོར་གླེབས་པ། ཤ་ལེབ་མོར་གཏུབ་པ། 2 ཡོངས་རྫོགས་སམ་ཡུག་ཅིག |
| ལེབ་འདུར |
སུ་ལའང་དམིགས་བསལ་མེད་པ། བྱ་བ་ཚང་མ་རྒྱུག་པ་ལེབ་འདུར་གྱིས་སྒྲུབ་པ། |
| ལེབ་འབྱར |
ཡུལ ལྷམ་གྱི་སྔ་རྟིང་རྒྱོང་བྱེད་ཤིང་དབྱིབས་ལེབ་ལེབ་ཅིག |
| ལེབ་རྩིས |
ཡོངས་རྫོགས་སམ་ཡུག་ཅིག་ཏུ་རྩི་བའི་རྩིས། གནག་ཕྱུགས་ལེབ་རྩིས་རྒྱག་པ། ས་ཞིང་ལེབ་རྩིས། |
| ལེབ་ལེབ |
ཉལ་དབྱིབས། བཟོ་དབྱིབས་ལེབ་ལེབ། |
| ལེབ་སྟོངས |
རྩ་སྟོངས། ཞིང་བྲན་ལེབ་སྟོངས་སུ་ཕྱིན་སོང༌། ས་ཞིང་རྣམས་ལེབ་སྟོངས་སུ་ལུས་འདུག |
| ལེབ་སྦྱོར |
ལེབ་འབྱར་དང་འདྲ། |
| ལེའུ |
1 དུམ་བུ། ཆོས་གོས་ཀྱི་ལེའུ། 2 བརྟག་པ་དང་རབ་བྱེད། ལེའུའི་གྲངས། ལེའུར་བྱས་པ། ལེའུ་དང་པོ། ལེའུ་བར་མ། ཚིག་ལེའུར་བྱས་པ། ལེའུར་བཅད་པ། མིང་གི་རྣམ་གྲངས་ལ་སྐབས་དང༌། ཆོ་ག། ཆོ་ག་ཞིབ་མོ། རྟོག་པ། བརྟག་པ། དུམ་བུ། འདུས་པ། རབ་ཏུ་བརྟག་པ། རབ་ཕྱེད། རབ་བྱེད། སརྒ་བཅས་སོ། 3 མངལ་གྱི་བྱིས་པ། ལེའུའི་ལྷ། |
| ལེའུ་གློན |
1 གཞུང་ཚིག་ལ་ལེའུ་གསར་དུ་སྦྱོར་བ། 2 རྙིང ལན་ལྡོན་པའི་བརྡ་རྙིང༌། |
| ལེའུ་ཐོ |
ལོ་ཟླའི་ཐོ། |
| ལེའུ་ཚེ |
ལིང་ཚེའམ་རེའུ་མིག རས་ཁྲ་ལེའུ་ཚེ་ཅན། |
| ལེའུའི་རྒྱ |
རྒྱ་རིམ་པ་བདུན་གྱི་ཡ་གྱལ་ཞིག་ཚིག་དོན་མི་འཁྲུག་པར་བྱེད་པའི་རྟགས།།།།ལྟ་བུ། |
| ལོ |
1 1 སྤྱིར་ཉི་མས་ཁྱིམ་ཟླ་བཅུ་གཉིས་པོ་བགྲོད་ཡུན་དུས་བཞི་རྫོགས་པ་ལ་ལོ་གཅིག་ཟེར། ད་ལོ། ཕྱི་ལོ། སྔ་ལོ། ལོ་གཅིག་ཁྱུད་འཁོར། ལོ་ནས་ལོ་བསྟུད། ལོ་དུ་མ་སོང་བ། གནམ་ལོ་གསར་ཚེས། ལོ་འཕོ་བ། ཉི་མ་ལོ་ལས་རིང་བ། ཟླ་ཐོག་ལོ་བརྩེགས། ཡོས་ལོའི་འབྲུ་སྟག་ལོར་ཟ་བ། ཤིང་གསོ་བར་ལོ་བཅུ། མི་གསོ་བར་ལོ་བརྒྱ། མིང་གི་རྣམ་གྲངས་ལ་བགྲང་བྱ་དང༌། བགྲང་གཞི། འགྲོ་འོང༌། འདོར་བྱེད། དུས་ཚིགས། དུས་ཀྱི་ཆ་ཤས། ཟླ་བའི་ཕྲེང་བཅས་སོ། 2 ན་ཚོད་དམ་སྐྱེས་ལོ་ལོན་ཚོད། མི་ལོ། རང་ལོ། ཚེ་ལོ། སྤྱི་ལོ། འདས་ལོ། ཁྲི་ལོ། སྐྱེས་ནས་ལོ་མ་ལོན་པ། ལོ་རྒན་དྲུག་ཅུ། 2 1 རུང་ངམ་ཆོག ཟ་ཨེ་ལོ་མི་ལོ། གོན་ཨེ་ལོ་མི་ལོ། ཁྱོད་རང་ལ་ལོའམ་མི་ལོ། 2 ཚུལ་ལམ་ཟོལ། སློབ་ལོ་སྦྱོང་ལོ་ཙམ་བྱས་པས་ཡར་སྐྱེད་མི་ཐོན། ཤེས་ལོ་ཙམ་གྱིས་དོན་སྙིང་ལ་མི་ཕན། ཉན་ལོ་ཐོས་ལོ་ཁོ་ནས་རྟོགས་པར་དཀའ། 3 1 ལོ་གྲག་ཟེར་གསུམ་གྱི་ཡ་གྱལ་ཞིག་སྟེ་མ་རངས་པའི་ཚིག འདི་སྐད་ལོ། མཁས་པ་མགོ་རྨོངས་སོ་ལོ། མངའ་ཐང་ཆེ་ལོ་སྐད། དཔའ་སྙིང་ཡོད་དོ་ལོ། རྒྱལ་ཁ་ཐོབ་ལོ་ཟེར། ཤེས་རབ་མེད་པའི་རྒྱུ་མཚན་གྱིས། བླུན་པོ་ཡོན་ཏན་མི་སློབ་ལོ། བརྟགས་ན་ཤེས་རབ་མེད་ཉིད་ཀྱིས། བླུན་པོས་འབད་པ་ལྷག་པར་དགོས། 2 ལ་མཐར་སྦྱར་རྒྱུ་སླར་བསྡུའི་ཕྲད་ཅིག་ལ ཕྱག་འཚལ་ལོ། |
| ལོ་ཀ |
ལེགས འཇིག་རྟེན། |
| ལོ་ཀག |
ལོ་ཀེག་དང་འདྲ། |
| ལོ་ཀེག |
ནག་རྩིས་ལས་བཤད་པའི་རང་གི་ལོ་རྟགས་ཤར་སྐབས་ཀྱི་ལོའི་བར་ཆད་ཅིག |
| ལོ་ཁམས |
ལོ་སྐོར་བཅུ་གཉིས་དང་ཤིང་མེ་ས་ལྕགས་ཆུ་ལྔའི་ཁམས། |
| ལོ་ཁྱུད་འཁོར |
ལོ་རིལ་པོ། |
| ལོ་ཁྲལ |
ལོ་ལྟར་འཁྲི་བའི་རྒྱུན་ཁྲལ། |
| ལོ་ཁྲིམས |
ལོ་ཏོག་སྲུང་བའི་ཁྲིམས། ཡུལ་དུ་རྒན་དྲན་མ་མྱོང་བའི་ལོ་ལེགས་བྱུང་བ་ལ་གང་དགར་བརྔ་རྒྱུ་མེད་པའི་ལོ་ཁྲིམས་བྱས། |
| ལོ་གཏོར |
མགོན་ཁང་ནང་དུ་ལོ་འཁོར་མོར་བཤམས་ནས་འཇོག་པའི་གཏོར་མ། |
| ལོ་གནངས་འཆར |
ལོ་གཅིག་རེས་བར་དུ་ཆོད་པའི་ལོ་རེ། ས་མཐོའི་ས་ཞིང་ཞན་པ་ཁ་ཤས་ལོ་གནངས་འཆར་ལ་མ་གཏོགས་འདེབས་མི་ཉན། |
| ལོ་གཞེས་འཆར |
ལོ་གཉིས་རེས་བར་དུ་ཆོད་པའི་ལོ་གསུམ་པ། ཕྲུ་གུ་གཞེས་འཆར་ལ་སྐྱེས་པར་གསུམ་ཚིགས་ཟེར། |
| ལོ་གཟའ |
གྲུབ་རྩིས་ལ་ཉི་མ་ལུག་ཁྱིམ་དུ་སླེབས་པའི་ཉིན་གྱི་རེས་གཟའ་ནི་ལོ་དེའི་གཟའ་ཡིན་ནོ། |
| ལོ་གཤེད |
ལོ་སྐོར་བཅུ་གཉིས་སོ་སོར་རང་ཉིད་ནས་བརྩིས་པའི་ཡར་གྱི་བཞི་པ་དང༌། མར་གྱི་བཞི་པ་དེ་ལོ་གཤེད་དུ་རྩི། |
| ལོ་གསར |
ལོ་འགོ་གསར་དུ་འཆར་བ། ལོ་གསར་ཉ་གང༌། ལོ་མ་གསར་གོང་ལ། ལོ་གསར་ཚེས་གཅིག ལོ་གསར་དུ་ཚེས་པ། ལོ་གསར་པ་ཤར་བ། ལོ་གསར་ལེགས་སྐྱེས། ལོ་གསར་གཏོང་བ། |
| ལོ་གསར་མེ་ཏོག |
1 བོད་ལུགས་ལོ་གསར་སྐབས་གྲོ་སོ་ཕྱེ་མར་གྱི་སྟེང་དུ་འཛུགས་རྒྱུའི་མེ་ཏོག 2 སྔོ་ཞིག |
| ལོ་གསུམ་ཁམ་བུ |
བཏབ་ནས་ལོ་གསུམ་སོང་མཚམས་འབྲས་བུ་ཡོང་བའི་ཁམ་བུ། |
| ལོ་གསུམ་ཕྱོགས་གསུམ |
ལོ་གསུམ་དང་ཟླ་བ་གསུམ་མཚམས་བཅད་དེ་སྒོམ་སྒྲུབ་བྱེད་པ། |
| ལོ་ངམ་རྟ་རྫི |
སྔ་དུས་བོད་རྗེ་གྲི་གུམ་བཙན་པོའི་སྐབས་ཀྱི་ཚོ་དཔོན་ཞིག་འདིས་གྲི་གུམ་བཙན་པོ་བཀྲོངས་ཏེ་རྒྱལ་ས་ཕྲོགས། རྒྱལ་བུ་གསུམ་ཡུལ་གཞན་དུ་སྤྱུགས། རྗེའི་སྲས་མོ་བཙུན་མོར་བྱས། མཐར་གྲི་གུམ་བཙན་པོའི་བཙུན་མོ་ཡུག་སར་ལུས་པ་ལས་སྐྱེས་པའི་བྱི་ཕྲུག་རུ་ལས་སྐྱེས་ཀྱིས་བསད་པ་རེད། |
| ལོ་ཆུ |
ལོ་ཏོག་དང་ཆར་ཆུ། ལོ་ཆུ་ལེགས་པ། |
| ལོ་ཆུ་ལམ་ལྷོངས |
ཆར་ཆུ་དུས་ཐོག་ཏུ་བབ་ནས་སྟོན་ཐོག་ཡག་པོ་བྱུང་བ། |
| ལོ་ཆུང |
1 ལོ་ཆུང་ངུ། 2 ལོ་ཙཱ་བ་ཆུང་བ། ལོ་ཆེན་རིན་བཟང་དང་ལོ་ཆུང་ལེགས་པའི་ཤེས་རབ་གཉིས། |
| ལོ་ཆུན |
རྙིང ལྷན་པ་ལེབ་མོ། |
| ལོ་ཆེན |
1 ལོ་ན་ཆེན་པོ། 2 ལོ་ཙཱ་བ་ཆེན་པོ། |
| ལོ་ཆེན་དྷརྨ་ཤྲཱི |
ཆོས་རྒྱལ་གཏེར་བདག་གླིང་པའི་གཅུང༌། རབ་བྱུང་བཅུ་གཅིག་པའི་ཤིང་རྟ་ལོར་འཁྲུངས། མདོ་སྔགས་གསར་རྙིང༌། ཐ་སྙད་རིག་གནས་མཐའ་དག་ལ་མཁས་ཤིང༌། རབ་བྱུང་བཅུ་གཉིས་པའི་ཤིང་རྟ་ལོར་རྩིས་གཞུང་ཉིན་བྱེད་སྣང་བ་བརྩམས། གསུང་རྩོམ་གཞན་དག་ཀྱང་ཤིན་ཏུ་མང༌། རབ་བྱུང་བཅུ་གཉིས་པའི་ས་ཁྱི་ལོར་ཇུན་གར་གྱི་དམག་གིས་བཀྲོངས། |
| ལོ་ཉེས |
སྟོན་ཐོག་ལེགས་པོ་མ་བྱུང་བ། |
| ལོ་ཏོག |
མིའི་རིགས་ཀྱིས་ས་ཞིང་ལ་བཏབ་པའི་རྩི་ཤིང་འབྲུ་རིགས་སྣ་ལྔ་སོགས་ཀྱི་སྤྱི་མིང་། མིང་བསྡུས་ན་ལོ་ཞེས་འབྲི་ཆོག་ལོ་ཏོག་ཡག་པོ་བྱུང་བ་ལ་ལོ་ཡག་བྱུང་ཟེར་བ་ལྟ་བུ། |
| ལོ་ཏོག་གཉེན |
མངོན ཆར་པ། |
| ལོ་ཏོག་གཤེད |
མངོན སེར་བ། |
| ལོ་ཏོག་མཆོག་ཏུ་བདེ་བ |
མངོན སྤོས་དཀར་ཤིང༌། |
| ལོ་ཐང |
1 ལོ་དུས་ཀྱི་རྟེན་མཇལ། 2 ལོ་ལྟར་གྱི་འབྲུའི་ཁྲལ་འབབ། 3 ལོ་གཅིག་གི་ཡོང་འབབ། |
| ལོ་ཐུག |
སྔོ་ཚལ་གྱི་ལོ་མའི་ཐུག་པ། |
| ལོ་ཐོ |
ལི་ཐོའམ་ལོ་ཟླའི་ཐོ། |
| ལོ་ཐོག |
ལོ་ཏོག་དང་འདྲ། |
| ལོ་ཐོག་གཤེད |
ལོ་ཏོག་གཤེད་དང་འདྲ། |
| ལོ་ཐོག་རྩེ་མོ |
མངོན སྙེ་མ། |
| ལོ་དགྲ |
ནག་རྩིས་ཀྱི་བཤད་སྲོལ་དུ་ལོ་སྐོར་བཅུ་གཉིས་སོ་སོ་རང་ནས་ཡར་བརྩིས་པའི་བཞི་པ་དང༌། མར་བརྩིས་པའི་བཞི་པ་གང་ཐུག་པ་དེ་ལོ་དགྲར་བརྩི། |
| ལོ་དར་མ |
ལོ་ཉི་ཤུ་སུམ་ཅུ་ཙམ་དུ་སླེབས་པའི་དར་བབས། |
| ལོ་དུས |
ལོ་ཚད་དུས་བཀག ལོ་དུས་རྒྱས་བཅད། ལོ་དུས་ཐིམ་པ། ལོ་དུས་གཙང་བ། ལོ་དུས་ཚང་བ། ལོ་དུས་རྫོགས་པ། |
| ལོ་དུས་གྲངས་བཅད |
དངུལ་བུན་སོགས་ལོ་དུས་རྒྱས་དཔྱད་ཀྱིས་ཁ་གྲངས་ཐག་བཅད་པ། |
| ལོ་དྲི་བ |
བསྟན་བཅོས་ཤིག་སྟེ་སློབ་དཔོན་པད་མ་འབྱུང་གནས་ཀྱིས་མཛད་པའི་དགེ་ཚུལ་གྱི་ལོ་དྲི་བ་ཞེས་བྱའོ། |
| ལོ་དྲུག་གི་སྤང་བ |
སྤང་ལྟུང་སུམ་ཅུའི་ནང་གསེས། ལོ་དྲུག་གི་བར་དུ་རང་ལ་ལོངས་སྤྱད་རྒྱུའི་སྟན་ཡོད་བཞིན་དུ་སྟན་གསར་པ་ཆེད་དུ་བྱས་པའོ། |
| ལོ་ན |
ལོ་གྲངས་ན་ཚོད། ལོ་ན་མཐོ་བ། ལོ་ན་མ་སོན་པ། ལོ་ན་རན་པ། ལོ་ན་ཕྲ་བ། ལོ་ན་སོན་པ། ལོ་ན་རྒན་པ། ལོ་ན་རྒད་པོ། ལོ་ན་གཞོན་པ། ལོ་ན་མཐོ་ལ་ལུས་སྟོབས་ཞན་པ། ལོ་ན་རྒས་ཀྱང་རྒན་པ་མིན། ཤེས་བྱ་རྒྱས་ན་རྒན་པ་ཡིན། |
| ལོ་ནག |
ལོ་སྨེ་གཉིས་ནག་ལ་འཁེལ་བའི་གནམ་ལོ། |
| ལོ་ནད་སྟན་འབྱར |
ནད་ཀྱིས་མནར་ཏེ་རྒྱུན་རིང་ཉལ་སར་ལུས་པ། རྒས་འཁོགས་ནད་མནར་གྱིས་ལོ་ནད་སྟན་འབྱར་དུ་གྱུར་པ། |
| ལོ་པ |
ལོ་གང་ལ་སྐྱེས་པའི་ཕོ། བྱི་བ་ལོ་པ། |
| ལོ་པཎ |
ལོ་ཙཱ་བ་དང་པཎྜི་ཏའི་བསྡུས་མིང༌། |
| ལོ་ཕུད |
བོད་ཀྱི་གོམས་གཤིས་སུ་ལོ་གསར་གོང་ནས་སྣོད་ཆུང་ནང་ལ་ཆེད་དུ་བཏབ་ནས་ལོ་གསར་སྐབས་མཆོད་རྫས་ཚུལ་དུ་རྟེན་དྲུང་དུ་བསྒྲིག་བྱའི་ལོ་ཏོག་གསར་པའི་ཕུད། |
| ལོ་ཕོགས |
ལོ་གཅིག་གི་ཕོགས་ཐོབ། |
| ལོ་ཕྱག |
ལོ་རེའི་ནང་ཐེངས་རེ་འབུལ་བ་ཕུལ་ཏེ་ཕྱག་འཚལ་བ། |
| ལོ་ཕྱུགས |
1 ཞིང་ལས་དང་འབྲོག་ལས། ཆར་ཆུ་དུས་སུ་ཕབ་ཅིང་རྟག་ཏུ་ལོ་ཕྱུགས་འཕེལ་བས་ཡུལ་དེར་བཀྲ་ཤིས་དང་དགེ་མཚན་གྱིས་ཁྱབ་པ། 2 ལོ་ཏོག་དང་ཕྱུགས་ཟོག |
| ལོ་བ |
ལོ་རེས་དང་དོན་འདྲ་བུ་སྟག་ལོ་བ་ཞེས་པ་ལྟ་བུ། མིའི་ན་ཚོད་ཀྱི་མིང་ལོ་གཞོན། ལོ་རྒན་པ། དགུང་ལོ་བགྲེས་པ་ཞེས་པ་ལྟ་བུ། ０ལོ་མ་ཞེས་པའི་ཚིག་བསྡུས་པ། １རྫོགས་ཚིག་ལ་འཇུག་པ་ནི། གོ་ལ་ལྟོས། ２བརྡ་རྙིང་དུ་མ་རང་བའམ་མི་འཐད་པ་སྟོན་པའི་ཚིག་གྲོགས་ལ་འཇུག་ནམ་མཁའ་རྟག་པ་ཡིན་ཞེས་གྲགས་སོ་ལོ། ３ལོ་ཏོག་གི་མིང་བསྡུས་པ།4.འགྲིག་པའམ་གོ་ཆོད་པ། ཚོད་མ་འདི་ཟ་ལོ་བ་ཙམ་འདུག |
| ལོ་བཅུ་ཐོག་ལྔ |
ལོ་བཅུ་ལ་སྟོན་ཐོག་ལྔ་སྟེ་ལོ་གནངས་འཆར་དུ་འདེབས་རྒྱུའི་ཞིང་ཁ། |
| ལོ་བདག |
1 ཉི་མ་ལུག་ཁྱིམ་ལ་སླེབས་པའི་ཉིན་གྱི་རེས་གཟའ་ནི་ལོ་རིལ་པོ་དེའི་བདག་པོའོ། 2 ལོའི་བདག་པོ་སྟེ་ལོ་རེ་རེ་ལ་དབང་བའི་ལོ་ལྷ། |
| ལོ་བཙན་པ |
ཏི་མུ་ས་རི་སྐྱེས་དང་ཀླུང་སྐྱེས་གཉིས་ཀྱི་ནང་ཚན་ཀླུང་སྐྱེས་ཀྱི་མིང་ཞིག |
| ལོ་བཙའ |
ལོ་ཏོག་གི་བཙའ་སྐྱོན། |
| ལོ་བརྒྱད་དྲི་ཆུ |
བྱིས་པ་ལོ་བརྒྱད་ལོན་པའི་དྲི་ཆུ་ནུས་པས་གཉན་རིམས་དང་དུག་ཚད་སེལ། |
| ལོ་བཤད |
ལོ་སོ་སོའི་ནང་ཟླ་ཚེས་གཟའ་སྐར་ཆར་ཆུ་གནམ་གཤིས་སོགས་བཟང་ངན་གྱི་ཁྱད་པར་བཤད་པའི་ལོ་ཐོ། |
| ལོ་མ |
1 རྩྭ་ཤིང་གི་ལོ་མ། ཤིང་ལོ། ལྕང་ལོ། སྔོ་ལོ། ལོ་མ་ཁ་འབུས་པ། ལོ་མ་ཕྲེའུ། ལོ་མ་ལྷགས་པ། ལོ་མའི་སྤྱིལ་བུ། ལོ་མ་དང་འདབ་མ། ལོ་མའི་སྲིན་འབུ། མེ་ཏོག་པདྨ་མཛེས་ཀྱང་ལོ་མ་སྔོན་པོས་བརྒྱན་དགོས། ལོ་མ་སྐམ་པོ། གཡུ་ཤུག་ཟིལ་པ་མཐའ་ཡས་པའི་ལོ་མའི་དྲུང་ནས་འཕུར་ལྡིང་བྱེད་ཅིང་སྐྱོ་ཤས་ཀྱི་གླུ་བླངས་པ། 2 སྙིང་པོ་མེད་པ། ཚིག་གི་ལོ་མ། |
| ལོ་མ་ཁ |
མངོན 1 ཚོས་གཞི་ལྗང་ཁུ། 2 ཆུ་ལྷའི་ཤིང༌། |
| ལོ་མ་གསུམ་པ |
མངོན དུར་བྱིད། |
| ལོ་མ་གྱོན་མ |
མངོན ལྷའི་བྱེ་བྲག་ཅིག |
| ལོ་མ་ཅན |
མངོན ལྗོན་ཤིང༌། |
| ལོ་མ་བསྐྱོད |
མངོན བྱང་ཆུབ་ཤིང༌། |
| ལོ་མ་མེད་མ |
མངོན ལྷ་མོ་ཨུ་མ། |
| ལོ་མང་ཁུར་ལྡན |
མངོན མི་རྒན་འཁོགས། |
| ལོ་མཆོད |
ལོ་སྔ་མར་མི་ཤི་བའི་ཟླ་དུས་ཚེས་གྲངས་བཟུང་སྟེ་བྱེད་པའི་ཕྱག་མཆོད། |
| ལོ་མཇུག |
ཟླ་བ་བཅུ་གཅིག་པའམ། བཅུ་གཉིས་པ། ལོ་མཇུག་གནམ་སྟོང༌། |
| ལོ་མཉམ |
ལོ་རྒན་གཞོན་གཅིག་པ། |
| ལོ་མའི་ཕུར་མ |
དྲི་ཞིམ་པོའི་བསང་ཤིང་གི་ལོ་མ་བརྡར་བའི་ཐུམ་བུ། |
| ལོ་མའི་སྲིན |
ལོ་མ་ལ་གནས་པའི་འབུ། |
| ལོ་མར |
འབྲི་ལ་སོགས་པའི་ཕྱུགས་ཀྱི་མར་རྙིང་པ་ལོ་གཅིག་ལོན་པ་ཞིག |
| ལོ་མས་འབྲས་སྒྲིབ |
རྗོད་བྱེད་ཀྱི་ཚིག་མང་དྲགས་ཏེ་བརྗོད་བྱའི་དོན་སྟོན་མི་ཐུབ་པའམ་མི་གསལ་བ། |
| ལོ་ཙ་པ |
སྐད་ཡིག་སྒྱུར་མཁན་གྱི་མིང་། སྔར་ལོ་ཙཱ་པ་ཞེས་འབྲུ། |
| ལོ་ཙཱ་བ |
ལེགས འཇིག་རྟེན་མིག་གམ། སྐད་གཉིས་སྨྲ་བ་པོ་སྐད་ཡིག་སྒྱུར་མཁན། |
| ལོ་ཙཱ་བ་རབ་དགུ |
ཁྲི་སྲོང་ལྡེ་བཙན་སྐབས་ཀྱི་ལོ་ཙཱ་བ་བ་གོར་བཻ་རོ་ཙ་ན། ལྡན་མ་རྩེ་མང༌། ཁ་ཆེ་ཨཱ་ནནྟ་སྟེ་རྒན་གསུམ། གཉགས་ཛྙཱ་ན་ཀུ་མ་ར། འཁོན་ཀླུའི་དབང་པོ། རྨ་རིན་ཆེན་མཆོག་སྟེ་བར་པ་གསུམ། སྐ་བ་དཔལ་བརྩེགས། ཅོག་རོ་ཀླུའི་རྒྱལ་མཚན། ཞང་ཡེ་ཤེས་སྡེ་སྟེ་གཞོན་གསུམ་བཅས་ལོ་ཙཱ་བ་རབ་དགུའོ། |
| ལོ་ཙཱ་བ་རིན་ཆེན་བཟང་པོ |
རིན་ཆེན་བཟང་པོ་ལ་ལྟོས། |
| ལོ་ཙཱ་བ་རྒྱ་བརྩོན་འགྲུས་སེང་གེ |
བྱང་ཆུབ་འོད་ཀྱིས་ཨ་ཏི་ཤ་གདན་འདྲེན་དུ་བཏང་བའི་མི་ལྔའི་ཡ་གྱལ་ཡིན་ལ། ཨ་ཏི་ཤ་གདན་དྲངས་ཏེ་བོད་དུ་ཕྱིར་ལོག་པའི་ལམ་དུ་འདས། |
| ལོ་ཙྪ་བ |
ལོ་ཙཱ་བ་དང་འདྲ། |
| ལོ་ཚན |
1 ལོ་ཏོག་ལེགས་ཉེས་ཀྱི་གནས་ཚུལ། 2 སྔོ་སྨན་ཞིག་ལོ་ཙན་ཡང་ཟེར། |
| ལོ་ཚིགས |
སྔོན་རབས་ཀྱི་ལོ་རྒྱུས་དང་འབྲེལ་བའི་ལོ་ཟླའི་དུས་ཚིགས། |
| ལོ་ཚོད |
ན་ཚོད་མཐོ་དམའི་ཚོད། ཁྱེད་རང་ད་ལོ་ལོ་ཚོད་ག་ཚད་རེད། |
| ལོ་ཟླ |
1 ལོ་དང་ཟླ་བའི་བསྡུས་མིང༌། 2 ལོ་ན་མཉམ་པའི་མིའམ་སྐྱེས་ལོ་གཅིག་པའི་མི། |
| ལོ་ཟླ་ཞག་དུས་ཀྱི་ཁམས |
གནམ་ལོ་མ་ལ་ཟླ་བ་བུ། ཟླ་བ་མ་ལ་ཞག་ནི་བུ། ཞག་ནི་མ་ལ་དུས་ཚོད་བུ། དཔེར་ན། གནམ་ལོའི་ཁམས་མེ་ཡིན་ན་ཟླ་བ་དང་པོ་ས་སྟག་ཡིན། ཟླ་བ་དང་པོ་ས་སྟག་ཡིན་ན་དེའི་ཚེས་གཅིག་ལྕགས་སྟག་ཡིན་པ་དང༌། ཟླ་བ་དེའི་ཚེས་གཅིག་ལྕགས་ཡིན་ན་ནམ་ལངས་ཆུ་ཡོས། ཉི་ཤར་ཤིང་འབྲུག་ཉི་དྲོས་མེ་སྦྲུལ། ཉིན་ཕྱེད་ས་སྟག་སོགས་ལྷག་མ་ཀུན་ལ་རིགས་འགྲེའོ། |
| ལོ་འཁོར |
1 ལོ་ཧྲིལ་པོ། ལོ་འཁོར་ཚོགས་འདུ། 2 ལོ་རེ། ལོ་འཁོར་འཆར་གཞི། ལོ་འཁོར་མོའི་ཕྱོགས་སྡོམ། ལོ་འཁོར་མོའི་ཆར་པ་འབབ་ཚད། 3 ཤིང་སྡོང་གི་ལོ་རིས། |
| ལོ་འཁོར་བཅུ་གཉིས |
ལོ་སྐོར་བཅུ་གཉིས་དང་འདྲ། |
| ལོ་འགོ |
ལོ་རེའི་ཟླ་བ་བཅུ་གཉིས་ལས་གང་དང་གང་ལ་ལོ་ཡི་འགོ་འཛིན་ཚུལ་མི་འདྲ་བ་དུ་མ་ཡོད་དེ། ཧོར་ཟླའི་སྒོ་ནས་བཤད་ན། 1)ཧོར་ཟླ་གསུམ་པའི་ཚེས་གཅིག་སྟེ་ནག་ཟླ་ཡར་ངོའི་ཚེས་གཅིག་ལ་འཛིན་པ་ནི་དུས་འཁོར་རྩ་རྒྱུད་ཀྱི་རྗེས་སུ་འབྲངས་ནས་སྐར་རྩིས་པ་རྣམས་ཀྱི་ལུགས། 2)ཧོར་ཟླ་དང་པོའི་ཚེས་གཅིག་ལ་འཛིན་པ་ནི། མདོ་སྡེ་གསེར་འོད་དང་སྨན་གྱི་རྒྱུད་བཞི་ལྟར་རྒྱ་ནག་ཧོར་རྒྱལ་པོ། བོད་ཁ་བ་ཅན་པ། ནག་རྩིས་པ་འགའ་ཞིག་བཅས་ཐམས་ཅད་མཐུན་པས་ད་ལྟ་ཡོངས་གྲགས་ལྟར་རོ། 3)ཧོར་ཟླ་བཅུ་གཉིས་པའམ་དགུན་ཟླ་འབྲིང་པོ་རྒྱལ་ཟླ་བ་ནས་འཛིན་པ་ནི་གདན་བཞི་དང་རྡོ་རྗེ་མཁའ་འགྲོའི་ལུགས། 4) ཧོར་ཟླ་བཅུ་གཅིག་པའི་ཚེས་གཅིག་གམ་དགུན་ཉི་ལྡོག་ནས་འཛིན་པ་ནི་ནག་རྩིས་པ་རྣམས་ཀྱི་ལུགས་ཡིན། རགས་རྩིས་བྱས་ན་ཚེས་གཅིག་དང༌། ཞིབ་རྩིས་བྱས་ན་དགུན་ཉི་ལྡོག་ནས་འཛིན། 5)ཧོར་ཟླ་བཅུ་པའི་མར་ངོའི་ཚེས་གཅིག་ནས་འཛིན་པ་ནི་འདུལ་བ་དང༌། མངོན་པ་མཛོད་ཀྱི་རྗེས་སུ་འབྲངས་ནས་ས་པཎ་དང་རྗེ་ཙོང་ཁ་པ་སོགས་ཀྱི་ལུགས་ཡིན། 6)ཧོར་ཟླ་དགུ་པའི་མར་ངོའི་གཅིག་ནས་འཛིན་པ་ནི་མདོ་ཉི་མའི་སྙིང་པོའི་རྗེས་སུ་འབྲངས་ནས། ཁ་ཆེ་པཎ་ཆེན་དང༌། སྣར་ཐང་བ། མཆིམས་འཇམ་དབྱངས་སོགས་ཀྱི་ལུགས་ཡིན། 7)ཧོར་ཟླ་བརྒྱད་པའི་མར་ངོའི་ཚེས་གཅིག་ནས་འཛིན་པ་ནི་རྟེན་འབྲེལ་མདོ་འགྲེལ་གྱི་རྗེས་སུ་འབྲངས་ནས་སྐྱོར་མོ་ལུང་གི་སྦ་ཏི་དགྲ་བཅོམ་པ་སོགས་ཀྱི་ལུགས་ཡིན། |
| ལོ་འདབ |
ལོ་མ་དང་འདབ་མའི་བསྡུས་མིང༌། ལོ་འདབ་ཐུར་དུ་འཕྱང་བ། ལོ་འདབ་སེང་སེང༌། ཤིང་སྡོང་ལོ་འདབ་རྒྱས་པ། མིང་གི་རྣམ་གྲངས་ལ་སྒྲིབ་བྱེད་དང་ལྟུང་བྱེད་དོ། |
| ལོ་འདོད |
སྐད་གྲགས་དོན་གཉེར། ལོ་འདོད་ཅན་གྱིས་གནས་ལུགས་ཀྱི་དོན་མི་རྟོགས། |
| ལོ་འཕོ |
ལོ་སྔ་མ་རྫོགས་པ་དང་ཕྱི་མ་གསར་དུ་ཤར་བའི་དུས་མཚམས། |
| ལོ་འཕོའི་གཟའ་སྐར |
དགུན་ཉི་ལྡོག་པའི་ཕྱི་ཉིན་གྱི་གཟའ་དང་སྐར་མ་ལ་ལོ་ཕྱི་མ་གསར་དུ་ཤར་བའི་སྐབས་ཡིན་པས་ན་དེ་ལྟར་བརྗོད། |
| ལོ་འཕོའི་ཞག |
རྩིས་འཕྲོ་སྤོས་མཚམས་ནས་བརྩི་བྱའི་གནམ་ལོའི་དགུན་ཉི་ལྡོག་ཡན་ཆད་ལ་ཉིན་ཞག་ཅི་ཙམ་སོང་བའི་གྲངས་ཡིན། |
| ལོ་འབུལ |
ལོ་རེའི་འབུལ་ཚན། |
| ལོ་འབྲས |
འབྲུ་རིགས་སྤྱི། ལོ་འབྲས་ལེགས་ཤིང་རོ་བཅུད་ལྡན། |
| ལོ་ཡི་ཆ་ཤས་ཅན |
མངོན དུས་ཟླ། |
| ལོ་ཡི་ཐེག་པ |
ལོའི་ཐེག་པ་དང་འདྲ། |
| ལོ་ཡི་ཐོག་མ |
མངོན ཧོར་ཟླ་བཅུ་གཅིག་པ། |
| ལོ་ཡི་དང་པོ |
1 ལོ་འགོ་གང་ནས་འཛིན་པའི་ཐོག་མ། 2 བྱི་བའི་ལོ། |
| ལོ་ཡི་ཕུང་པོ |
མངོན 1 ཉིན་ཞག་སུམ་ཅུ་ལ་ཟླ་བ་གཅིག་བརྩིས་པའི་ཟླ་བ། 2 བསྐལ་པ། |
| ལོ་ཡི་མཛོད |
མངོན 1 ཟླ་བ། 2 བསྐལ་པ། |
| ལོ་ཡི་ཡན་ལག |
མངོན ཟླ་བ། |
| ལོ་ཡི་ཤིང་རྟ |
མངོན ཉི་མ། |
| ལོ་ཡི་སྨེ་བ |
ལོ་གང་ལ་འཆར་བའི་སྨེ་བ། |
| ལོ་རབས |
1 ལོ་རྒྱུས་ཀྱི་དུས་རབས་དུམ་བུ་གཅིག 2 ལོ་རྒྱུས་ཀྱི་གནས་ཚུལ། 3 དེང་སྐབས་ལོ་བརྒྱ་ཐམ་པ་ལ་དུས་རབས་གཅིག་བརྩིས་པའི་ལོ་བཅུ་ཕྲག་གཅིག |
| ལོ་རིམ |
དུས་སྐབས་སྔ་ཕྱི་བསྒྲིགས་པའི་རིམ་པ། ལོ་རིམ་འཕར་བ། |
| ལོ་རེའི་དུས་བཞི |
དགུན་དང༌། དཔྱིད། དབྱར། སྟོན་བཅས་བཞི། |
| ལོ་རེས |
རང་རེའི་མེས་པོ་ཚོས་སྲོལ་བཏོད་པའི་མིའི་ལོ་གྲངས་རྩི་བྱེད་ཅིག་བྱིས་པ་འདིའི་ལོ་རེས་ཕག་ཡིན། ངའི་ལོ་རེས་ལུག་ཡིན་ཞེས་པ་ལྟ་བུ། |
| ལོ་རྒན་དྲུག་ཅུ |
1 རྒྱ་ནག་ལུགས་ལ་ལོ་བཅུ་གཉིས། ཤིང་མེ་ས་ལྕགས་ཆུ་ལྔ་ཡི། དབང་ཐང་ཁམས་རེར་ཕོ་དང་མོར། སྦྱར་བས་ལོ་རྒན་དྲུག་ཅུ་འབྱུང༌། ཞེས་པ་ལྟར་རབ་བྱུང་རིལ་པོ་གཅིག་ལ་ཟེར། 2 ལོ་དྲུག་ཅུར་སླེབས་པའི་མི། མི་རོ་སྐམ་པོ་ཆུ་ལ་སྦངས་ནས་ལོ་རྒན་དྲུག་ཅུའི་རྩིས་རྒྱག |
| ལོ་རྒས |
ན་སོ་ལོན་པ། ལོ་རྒས་རྫི་རྡིབ། |
| ལོ་རྒྱུན་ཆགས |
ལོ་ལྟར་རམ་ལོ་རེ་བཞིན། ལོ་རྒྱུན་ཆགས་སུ་ལོ་གསར་གྱི་དུས་ཆེན་གཏོང་བ། |
| ལོ་རྒྱུས |
1མིའི་རིགས་ཀྱི་སྤྱི་ཚོགས་དང་རང་བྱུང་ཁམས་ཀྱི་འདས་ཚར་བའི་སྔོན་བྱུང་གི་བྱ་བ་དང་། སྔོན་བྱུང་གི་ལོ་རྒྱུས་བཀོད་པའི་ཡི་གེ་དང་ལོ་རྒྱུས་ལ་བརྟག་དཔྱད་བྱེད་པའི་ཚན་རིག་གཉིས་ཀྱི་མིང་། མིའི་རིགས་ཀྱི་ལོ་རྒྱུས་ཡི་གེར་བཀོད་ཡོད་པ་ཐམས་ཅད་གྲལ་རིམ་འཐབ་རྩོད་བྱས་པའི་ལོ་རྒྱུས་ཤ་སྟག་ཡིན། 2མི་རྣམས་ཀྱི་ངམགརྒྱུན་ལ་གྲགས་པའི་གཏམ་རྒྱུད་ལའང་ལོ་རྒྱུས་ཟེར་ཏེ། རྒན་པོས་བྱིས་པ་ལ་ལོ་རྒྱུས་བཤད་ལྟ་བུ། 3རྒྱུ་མཚན་ནམ་གནས་ཚུལ་ལའང་ལོ་རྒྱུས་ཟེར་ཏེ། ཁོས་ཁོ་རང་གི་ལོ་རྒྱུས་རྣམས་བཤད་པས། ཐམས་ཅད་ཡིད་ཆེས་པར་གྱུར་ཅེས་པ་ལྟ་བུ། 3.གནས་ཚུལ་བྱུང་རབས། ལོ་རྒྱུས་མདོར་བསྡུས། ལོ་རྒྱུས་ཐོར་བུ། ལོ་རྒྱུས་ཤུལ་རྙིང༌། ཁྱིམ་གྱི་ལོ་རྒྱུས། ན་བའི་ལོ་རྒྱུས། ལོ་རྒྱུས་ཐོག་བྱུང་མ་མྱོང་བ། མིའི་རིགས་ཀྱི་ལོ་རྒྱུས། |
| ལོ་རྒྱུས་ཀྱི་དངོས་གཙོའི་རིང་ལུགས |
མར་ཁེ་སི་དང་ཨེན་ཀེ་སི་རྣམ་གཉིས་ཀྱིས་གསར་སྐྲུན་གནང་བའི་མིའི་རིགས་ཀྱི་ལོ་རྒྱུས་འཕེལ་རྒྱས་འགྲོ་བའི་ཆོས་ཉིད་ཆེས་སྤྱིར་བཏང་པའི་སྐོར་གྱི་ཚན་རིག་ཅིག |
| ལོ་རྒྱུས་ཆེན་མོ |
སྦ་བཞེད་ཀྱི་མིང་སྟེ་བསམ་ཡས་དཀར་ཆག་ཆེན་མོ་ཡང་ཟེར། |
| ལོ་རྟགས |
1 འབྱུང་རྩིས་སྐབས་ལོ་ཁམས་སོ་སོ་མཚོན་བྱེད་ཀྱི་དུད་འགྲོ་བཅུ་གཉིས། 2 རང་སྐྱེས་པའི་ལོ་རྟགས། |
| ལོ་རྟགས་གསོལ་རས་ཞུ་བ |
ཡུལ བག་མ་སོགས་སློང་སྐབས་སློང་ཡུལ་གྱི་ཕ་མར་བུ་བུ་མོ་གང་ཡིན་གྱི་ལོ་རྟགས་འདྲི་བ། |
| ལོ་རྩིས |
1ལོ་ཟླ་ཞག་གསུམ་དུས་ཚིགས་ཀྱི་རྩིས་རྒྱག་པའི་ཐབས་ཀྱི་མིང་། 2ལོ་ཟླ་ཞག་གསུམ་དང་དུས་ཚིགས་སོགས་བཀོད་པའི་དཔེ་ཆའི་མིང་། |
| ལོ་ལེགས |
ལོ་ཐོག་ལེགས་པའམ་བཟང་བ། ལོ་ལེགས་བྱུང་ན་མུ་གེ་མེད། ལོ་ལྟར་ལོ་ལེགས་བྱུང་བ། |
| ལོ་ལོངས་པ |
ནར་སོན་པ། |
| ལོ་ལྟར |
ལོ་རེ་བཞིན། |
| ལོ་ལྷ |
1 ལོ་ཏོག་གི་ལྷ། 2 ལོ་ཁམས་ཀྱི་ལྷ། |
| ལོ་ཤ |
ལོ་གཅིག་ལོན་པའི་ཤ་རྙིང་པ་མ་རུལ་བ་ནུས་པས་རླུང་ནད་འཇོམས། |
| ལོ་ཤིང |
རྙིང ལོ་སྙིང་ངམ་ལོ་རྟགས། |
| ལོ་ཤེས |
མངོན རྩིས་པ། |
| ལོ་སར |
ལོ་གསར་དང་འདྲ། |
| ལོ་སྐར |
ཉི་མ་ལུག་ཁྱིམ་དུ་སླེབས་ཉིན་ཁྱིམ་ཞག་ཕུར་བུའི་མྱུར་དག་སྐར་མ་གང་ཤར་བ་དེ་ལོ་སྐར་ཡིན། |
| ལོ་སྐེག |
ལོ་ཀེག་དང་འདྲ། |
| ལོ་སྐོར |
ལོ་འཁོར་མོ། |
| ལོ་སྐོར་བཅུ་གཉིས |
བྱི་བ་དང༌། གླང༌། སྟག་ཡོས། འབྲུག་སྦྲུལ། རྟ། ལུག་སྤྲེལ། བྱ། ཁྱི། ཕག་ལོ་སྟེ་ལོ་རྟགས་བཅུ་གཉིས་སོ། |
| ལོ་སྐོར་བཅུ་གཉིས། |
ལུགས་རྙིང་གི་ལོ་ཟླ་ཞག་དུས་སོགས་རྩི་བྱེད་ཀྱི་གྲངས་ཀ་མཚོན་བྱེད་ཅིག་བྱི་བ། གླང་། སྟག །ཡོས། འབྲུག །སྦྲུལ། རྟ། ལུག །སྤྲེལ། བྱ། ཁྱི། ཕག་རྣམས་ཡིན། |
| ལོ་སྐྱ |
སྟོན་ཐོག་གམ། ལོ་ལྟར་ཐོན་པའི་ཟ་འབྲུ་སྤྱིའི་འབྲས་བུ། ལོ་སྐྱ་རྒྱས་པ། |
| ལོ་སྐྱིན |
ལོ་ཏོག་གི་ཚབ། |
| ལོ་སྐྱེག |
ལོ་ཀེག་དང་འདྲ། |
| ལོ་སྒམ |
རྒྱ གྲོ་ཞིབ་འཚག་བྱེད་ཀྱི་དར་ཚགས། |
| ལོ་སྙིང |
ལོ་རྟགས། |
| ལོ་སྡོང་མེ་འབྲས་བཞི |
ལོ་མ་དང༌། སྡོང་པོ། མེ་ཏོག་འབྲས་བུ་བཞིའི་བསྡུས་ཚིག |
| ལོ་ཧྲིལ |
ལོ་འཁོར། ལོ་ཧྲིལ་གསུམ་ལ་སློབ་གྲྭར་བསྡད། |
| ལོཀེཤྭརཿ |
ལེགས འཇིག་རྟེན་དབང་ཕྱུག་སྤྱན་རས་གཟིགས་ཀྱི་མཚན། |
| ལོག |
ས་ཞིང་གི་ཕྲུ་སློག་པའི་ལས་ཀའི་མིང་ཞིང་ལ་ལོག་བརྒྱབ། ཉིས་ལོག་བརྒྱབ། ལོག་ཐམས་ཅད་ཀྱི་ནང་ནས་སྟོན་གྱི་ལོག་མཆོག་ཡིན་ལྟ་བུ། 2.འདས་པ་དང་སྐུལ་ཚིག་ ན་གཞོན་ཤེས་ཡོན་ཅན་རང་ཡུལ་དུ་ལོག་ནས་ཕྱུགས་འཚོས། སླར་ལོག་ཅིག་ལྟ་བུ། <ཁ>རྒྱབ་ཕྱོགས་སུ་འཁོར་བ་ རྟ་ཁ་ཕྱིར་ལྡོག་དགོས། རྟ་ཁ་ཕྱིར་ལོག་ནས་འགྲོ་ལྟ་བུ། |
| ལོག་གནོན |
ལོག་པའི་བསམ་སྦྱོར་མར་གནོན་པ། བསམ་པ་ལེགས་སྤེལ་ལོག་གནོན་བྱས་པ། |
| ལོག་གནོན་ཆེན་མོ |
མིང་གཞན་བསམ་ཡས་དཀར་ཆག་ཆེན་མོའང་ཟེར། རབ་བྱུང་དང་པོ་སྤྱི་ལོའི་དུས་རབས་བཅུ་གཅིག་པའི་ནང༌། ཁུ་སྟོན་བརྩོན་འགྲུས་གཡུང་དྲུང་གིས་བརྩམས་པའི་བོད་ཀྱི་ལོ་རྒྱུས་ཤིག |
| ལོག་གཡེམ |
ལོག་པར་གཡེམ་པ་ཡང་ཟེར། གཞན་གྱི་ཆུང་མར་བྱི་བྱེད་པ་དང༌། རང་གི་ཆུང་མ་སྦྲུམ་མར་འཁྲིག་པ་ལྟ་བུ། |
| ལོག་གཡེམ་བཞི |
བགྲོད་བྱ་མིན་པ་དང༌། ཡན་ལག་མིན་པ། དུས་མིན་པ། གནས་མིན་པ་རྣམས་ལ་ཆགས་པ་སྤྱོད་པ། |
| ལོག་གེ་བ |
བཟོ་ལྟའམ་སྟངས་ཀ་ཞིག ཐེ་ཚོམ་ལོག་གེ་བ། ལུས་གཟུགས་ཟུར་ལོག་གེ་བ། བདེན་ནམ་རྫུན་སྙམ་པའི་ཐེ་ཚོམ་ལོག་གེ་བ་ལ་ནང་དུ་ཕྱིན། |
| ལོག་པ |
1. ཐ་མི་དད་པ 1 ཚུར་ཡོང་བ། ལོག་ཏུ་འཇུག་པ། ལམ་ནོར་ནས་ཕྱིར་ལོག་པ། ཆུ་བོ་གྱེན་དུ་ལོག་མི་སྲིད། ཞེན་པ་ལོག་པ། རྟ་དཀར་པོ་ཁ་དོག་ལོག་རུང༌། གསེར་སེར་པོ་ཁ་དོག་མི་ལོག 2 འགྱེལ་བའམ་ཉིལ་བ། རྩིག་པ་ལོག་པ། 2. ནོར་འཁྲུལ། ཕྱིན་ཅི་ལོག་པ། ལོག་པར་སེམས་པ། ལོག་པར་རྟོགས་པ། ལོག་པའི་ལྟ་བ། ལྟ་བ་ལོག་པ། ལོག་པའི་བློ་གྲོས། ལོག་པར་སྡང་བ། སྨོན་ཚིག་ལོག་པ། གོ་བ་ལོག་སྒྲུབ། དྲིན་ལན་ལོག་འཇལ། ལོག་པ་རྩོམ་པ། ལོག་སྲིད་བསྐྱར་ལངས། ལོག་པའི་ལམ། ལོག་རྩིས་ཀྱི་བཤུ་གཞོག |
| ལོག་པའི་ང་རྒྱལ |
ང་རྒྱལ་བདུན་གྱི་ནང་གསེས་ཤིག་ཡོན་ཏན་མ་ཡིན་པ་ལ་ཡོན་ཏན་དུ་རློམས་ནས་ཁེངས་པའོ། |
| ལོག་པའི་ངག |
ཞེ་སྡང་དང་གཏི་མུག་ལས་སྐྱེས་པའི་ངག |
| ལོག་པར་གཡེམ |
ལོག་གཡེམ་དང་འདྲ། |
| ལོག་པར་དད་སེལ |
འཁོར་བ་འཇིག་གི་མཚན་གྱི་རྣམ་གྲངས་སངས་རྒྱས་རབས་བདུན་གྱི་ཡ་གྱལ་ཞིག |
| ལོག་པར་འཁུ་བ |
1 དོན་མེད་དུ་ཁོང་ཁྲོ་སྐྱེས་པ། 2 སེམས་ཀྱི་གཏིང་ནས་འཁོན་འཛིན་བྱེད་པ། |
| ལོག་པར་ལྟ་བ |
ལོག་ལྟ་དང་དོན་གཅིག་ |
| ལོག་པར་ལྟུང་བ |
ལོག་པར་ལྷུང་བ་དང་དོན་གཅིག་ |
| ལོག་པར་ལྷུང་བ |
1 ལོག་པའི་ཕྱོགས་སུ་ལྷུང་བ། 2 ངན་འགྲོ། |
| ལོག་པར་སྤོབས |
མངོན གདོང་ཚན་ཅན། |
| ལོག་པར་སྤྱོད་པ |
1 འདོད་ལོག་སྤྱོད་པ། 2 བྱ་བ་ཕྱིན་ཅི་ལོག་བྱེད་པ། |
| ལོག་པོ |
རྙིང 1 འདམ་པ་པོ། 2 ལྡབ་འཕར། ལྡབ་གྲངས་ལོག་པོར་བཏང་བ། མི་གྲངས་ལོག་པོར་འཕར་བ། |
| ལོག་བསྔོ |
དགེ་བའི་རྩ་བ་ཕྱིན་ཅི་ལོག་པར་བསྔོ་བ། |
| ལོག་མ |
ལོག་བརྒྱབ་སྟེ་ལོ་གཅིག་ལ་ལོ་ཏོག་མ་བཏབ་པར་བཞག་པའི་ས་ཞིང་གི་མིང་། (རྒྱན་ཚིག) <ཀ>ཕྱི་རོལ་ཡུལ་གྱི་གནས་ཚུལ་དངོས་ལས་ཕྱིན་ཅི་ལོག་པའི་དོན་ཏེ། ལོག་རྟོགས་སེལ། ལམ་ལོག་ལ་མ་འགྲོ། འོན་པའི་རྣ་བས་སྒྲ་ལོག་ཐོས། ལོག་ལྟ་མ་སྐྱེས། གོ་མ་ལོག ལོག་པར་མ་སྨྲ་ལྟ་བུ། |
| ལོག་ཞག |
དགུན་ཉི་ལྡོག་ནས་ཞག་ཉེར་བཞིའི་རིང་ལ་ལོག་ཞག་ཟེར། དེའི་རིང་ལ་ཁ་རླུང་དང་གྲང་ངར་ཆེ་ན་དབྱར་ཞོད་ཟེར། དབྱར་ཉི་ལྡོག་ནས་ཞག་ཉེར་གཅིག་རིང་ལ་ལོག་ཞག་བརྩི། དེའང་ཉི་ལྡོག་ཉིན་དང༌། བདུན་དང་པོ། གཉིས་པ། གསུམ་པ་བཅས་དུས་ཆར་བཞི་པོ་དེ་ལ་ཆར་བབ་ན་གནམ་དམའ་བ་ཞེས་ཟེར་བས་དབྱར་དུས་ཐན་པ་མེད་ཟེར། དུས་ཆར་བཞི་པོ་དེ་ལ་ཆར་མ་བབ་ན་གནམ་མཐོ་བ་ཞེས་གྲགས་པས་ཉིན་ཉེར་གཅིག་ཙམ་ལ་ཐན། |
| ལོག་འཇལ |
དྲིན་ལན་ལོག་འཇལ། སྤྱང་ཀི་སྒོ་ཁྱིར་གསོས་ན་དྲིན་ལན་ལོག་འཇལ་བྱས་ཡོང༌། |
| ལོག་འདྲེན |
མངོན ཚོགས་བདག |
| ལོག་འཚོ |
ལུས་དང་ངག་གི་ལས་ཆགས་པ་ལས་སྐྱེས་པ། |
| ལོག་འཚོ་ལྔ |
ཚུལ་འཆོས་ཏེ་མ་ཡིན་ཡིན་ཁུལ་བྱས་ནས་བྱུང་བ་དང༌། ཁ་གསག་སྟེ་སྤྲེལ་ལད་བཤད་ནས་བྱུང་བ། གཞོགས་སློང་སྟེ་གོ་རྒྱུ་བཏང་ནས་ཡོང་ཐབས་བྱེད་པ། ཐོབ་ཀྱིས་འཇལ་བ་སྟེ་དབང་ཡོད་བཏང་ནས་འཕྲོག་པ། རྙེད་པས་རྙེད་པ་འཚོལ་བ་སྟེ་ཆུང་ཆུང་ཕར་སྤྲད་ནས་ཆེན་པོ་ཚུར་ཡོང་ཐབས་བྱེད་པ་བཅས་ལྔའོ། |
| ལོག་རྒྱག |
ཞིང་གར་རྨོན་པ་རྒྱག་པ། སྟོན་ཀ་ལོ་ཐོག་བརྔས་མ་ཐག་ཏུ་ཞིང་གར་ལོག་རྒྱག་དགོས། |
| ལོག་རྟོག |
ཚད་མའི་འགལ་ཟླ་གསུམ་གྱི་ཡ་གྱལ་ཞིག་སྟེ་ཕྱིན་ཅི་ལོག་གི་རྟོག་དཔྱོད། ལོག་རྟོག་གི་གཏམ་མང་དུ་གླེང་བ། |
| ལོག་ལམ |
1 ནོར་བའི་ལམ་ག། 2 ལྟ་བ་ངན་པའམ་ལམ་ལུགས་ངན་པ། |
| ལོག་ལོག |
ཟླུམ་པོའམ་རིལ་མོ། གྲོད་པའི་ནང་དུ་བཏུམས་པའི་མར་ལོག་ལོག་དེ་ལ་རྒྱ་མ་ཅི་ཙམ་འདུག |
| ལོག་ལྟ |
རྒྱུ་འབྲས་བྱ་བྱེད་ཚེ་སྔ་ཕྱི་སོགས་ཡོད་པའི་དངོས་པོ་ལ་དམིགས་ནས། རྣམ་པ་མེད་པར་འཛིན་ཅིང་བྱེད་ལས་དགེ་བ་ལ་མི་འཇུག་ཅིང་དགེ་རྩ་གཅོད་པ་དང༌། མི་དགེ་བ་ལ་འཇུག་ཅིང་སྡིག་སེམས་དམ་འཆའ་བ་སོགས་བླང་དོར་ལོག་པར་སྒྲུབ་པར་བྱེད་པའི་ཤེས་རབ་ཉོན་མོངས་ཅན་ནོ། |
| ལོག་ལྟ་ཅན |
ངོས་འཛིན་ཕྱིན་ཅི་ལོག་ཏུ་བྱེད་མཁན། |
| ལོག་ཤེས |
བློ་རིག་བདུན་གྱི་ནང་གསེས། རང་གི་འཛིན་སྟངས་ཀྱི་ཡུལ་ལ་འཁྲུལ་བའི་ཤེས་པ། དཔེར་ན་སྒྲ་རྟག་འཛིན་རྟོག་པ་དང༌། དུང་སེར་སྣང་གི་དབང་ཤེས་ལྟ་བུ་ཆོས་ཀྱི་ཚུལ་ཇི་བཞིན་མི་ཤེས་པའི་རྨོངས་པ་ལ་སོགས་པ་ཕུགས་ཀྱི་འཁྲུལ་རྒྱུ་དང༌། མཁྲིས་ནད་ལ་སོགས་པ་འཕྲལ་གྱི་འཁྲུལ་རྒྱུའི་དབང་གིས་རང་ཡུལ་ཇི་ལྟར་གཟུང་བ་དེ་ལྟར་མ་གྲུབ་པས་ལོག་པའི་ཤེས་པའོ། |
| ལོག་སྐད |
ལོགས་སྐད་དང་འདྲ། |
| ལོག་སྒྲུབ |
གོ་བ་ཕྱིན་ཅི་ལོག་ཏུ་རྒྱག་པ། གཞུང་དོན་ལ་གོ་བ་ལོག་སྒྲུབ་བྱེད་པ། |
| ལོག་སྤྱོད |
ཚུལ་ལས་ལོག་པར་སྤྱོད་པ་བསམ་བློའི་ཐོག་གམ་བྱ་སྤྱོད་ཐོག་ནས་ལམ་ལུགས་རྙིང་པ་སྲུང་སྐྱོང་དང་ལམ་ལུགས་གསར་པ་གཏོར་བཤིག་གསར་བརྗེར་ངོ་རྒོལ་བཅས་བྱེད་པ། ལོག་སྤྱོད་གྲལ་རིམ། ལོག་སྤྱོད་པ། ལོག་སྤྱོད་དབང་སྒྱུར། |
| ལོག་སྦྱོར |
1 གཞུང་དང་འགལ་བའི་སྦྱོར་ཚུལ་ལོག་པ། དཔེར་ན་བྱེད་པ་པོ་སྟོན་སྐབས་མཁན་ལ་གིས་སྦྱོར་བ་དང་བདག་ལ་གྱིས་སྦྱོར་བ་ལྟ་བུ། 2 ཚ་བའི་ནད་ལ་དྲོད་བཅོས་དང་གྲང་བའི་ནད་ལ་བསིལ་བཅོས་བྱེད་པ་ལྟ་བུ་ངོ་བོ་མི་མཐུན་པའི་སྦྱོར་བ་བྱས་པར་ཟེར། |
| ལོག་སྨོན |
ལོག་པའི་སྨོན་ཚིག |
| ལོག་སྨྲ |
1 ལོག་པར་སྨྲ་བ། 2 ལོག་པར་ཤོད་པ་པོ། |
| ལོགས |
1. ངོས། མདུན་ལོགས། རྒྱབ་ལོགས། གཡོན་ལོགས། ཁང་པའི་ནང་ལོགས། སྒམ་གྱི་ལོགས་གཅིག ལོགས་ཤིག་ན་བྲིས། 2. ཡི་གེ་འདིའི་མཐར་སུ་སྦྱར་ན་གཞན་དུའམ་ཟུར་དུ་ཞེས་པའི་དོན་དུ་གོ། སུ ལོགས་སུ་བསལ་བ། ལོགས་སུ་དགར་བ། ལོགས་སུ་བཏོན་པ། ལོགས་སུ་བཀར་བ། ལོགས་ལོགས་སུ་སྐྱོད་པ། ལོགས་སུ་མེད་པ། ལོགས་སུ་ཕྱེ་བ། ལོགས་སུ་བཞག་པ། ལོགས་སུ་བསྐྱུར་བ། |
| ལོགས་ཁང |
དཀྱིལ་ཁང་གི་ལོགས་སུའམ། ཟུར་དུ་ཡོད་པའི་ཁང་པ། |
| ལོགས་བྲིས |
ལོགས་རིས་དང་དོན་གཅིག་ |
| ལོགས་ཞལ |
རྩིག་པའི་ལྡེབས་ཞལ། |
| ལོགས་རིང |
མངོན སྦྲུལ། |
| ལོགས་རིས |
ཁང་པའི་ལྡེབས་རིས། |
| ལོགས་སུ་བཅར་བ |
1 ཟུར་དུ་ཕྲད་པའམ་ཐུག་པ། 2 འཁྲིས་ལ་སོང་བ། |
| ལོགས་སྐད |
ལུང་པ་གཅིག་གམ་ལས་རིགས་གཅིག་ནང་ལོགས་ཀྱི་མིས་མ་གཏོགས་གཞན་གྱིས་མི་གོ་བར་ལོགས་སུ་བཤད་པའི་སྐད་ཆ། |
| ལོགས་སྐྱེས |
མངོན ནུ་མ། |
| ལོང |
1 ཁོམ་པ་དང་ལྕོགས་པའི་དུས། ཟ་ལོང་མི་འདུག སྡོད་ལོང་བྱུང་མ་སོང༌། ལོང་སྐབས། ལོང་ཡེ་མེད་པ། 2 རྟ་དྲེལ་གྱི་རྒྱུ་སྨད།…3.(བྱེད་མེད་ལས་ཚིག་མ་འོངས་པ་དང་ད་ལྟ་བ)གྲངས་ཀ་དང་ཚད་སོགས་འདང་བའི་དོན་ཏེ། གཟུགས་རིང་ཚད་ཁྲུ་དོ་ལོང་དགོས། ལུག་བརྒྱ་ལོང་དགོས་ལྟ་བུ། |
| ལོང་ཀ |
ལོང་ག་དང་འདྲ། |
| ལོང་ཁ |
ལོང་ག་དང་འདྲ། |
| ལོང་ཁེབས |
རྟའི་ལོང་གཡོག་བྱེད། |
| ལོང་ཁྲིད |
1ལོང་བའི་ལག་རྟེན་དབྱུ་གུའི་མིང་། 2ལོང་བ་འཁྲིད་མཁན་གྱི་མི། |
| ལོང་ག |
མི་ཕྱུགས་ཀྱི་སྣོད་དྲུག་གི་ཡ་གྱལ་ཞིག་ཕོ་བའི་མར་སྣེ་དང་འབྲེལ་བའི་རྒྱུ་མ་སོར་བཅུ་གཉིས་ཙམ་དེ་ལ་རྒྱུ་མདའ་ཟེར། རྒྱུ་མདའི་མར་སྣེར་འབྲེལ་བ་ནི་རྒྱུ་ནག་གམ་རྒྱུ་སྟོད་ཟེར། རྒྱུ་ནག་དང་འབྲེལ་བ་ནི་ལོང་ག་ཡིན་ཞིང་། ལོང་ག་ལ་སྨན་གཞུང་དུ་སྲིན་ལོང་དང་རྩམ་ལོང་ཁྲག་ལོང་བཅས་ཆ་གསུམ་དུ་ཕྱེ་ཡོད། ལོང་གའི་སྣེ་ལ་གཉེ་མའམ་རྒྱུ་སྨད་འབྲེལ་ཞིང་། དེའི་སྣེར་བཤང་ལམ་འབྲེལ་ཡོད། |
| ལོང་གཏམ |
1 རྒྱུ་མཚན་ཞིབ་ཏུ་མ་རྟོགས་པར་བཤད་པའི་གཏམ། 2 རྒྱུ་མཚན་དང་དོན་མེད་ཀྱི་གཏམ། ལས་མེད་ལོང་གཏམ་དུ་ཚོགས་པ། |
| ལོང་གསང |
རྒྱབ་ཀྱི་སྒལ་ཚིགས་བཅུ་དྲུག་པ་ལོང་ག་དང་འབྲེལ་བའི་མེ་བཙའི་གསང་དམིགས་ཤིག་དེར་མེ་བཙའ་བཞག་ན་ལོང་གར་གྲང་རླུང་ཞུགས་ནས་སྦོ་འཁྲོག་བྱེད་པ་དང༌། ལོང་སྐྲན་སོགས་ལ་ཕན། |
| ལོང་ཐེར |
ལྟེ་བའི་གཡས་གཡོན་དུ་ཚོན་གང་རེ་གཞལ་བའི་གནས་སུ་ཡོད་པའི་ལོང་གའི་ཐེར་དང་འབྲེལ་བའི་མེ་གསང་ཞིག་དེར་མེ་བཙའ་བཞག་ན་ལོང་སྐྲན་དང༌། ལྦུ་བ། བེ་སྣབས་ཅན་འཁྲུ་བའི་ནད་ལ་ཕན། |
| ལོང་ནད |
ལོང་གི་ན་ཚ་ནང་གསེས་སུ་དབྱེ་ན་གྲང་སྦོས་དང༌། གྲང་འགྱིངས། ཚ་རྙོངས། འཇུ་སྐེམས། རླངས་པ་ཅན་བཅས་ལྔ་མཆིས། ནད་རྟགས་སུ་ལྟེ་བའི་གཡས་གཡོན་དུ་ན་ཞིང་སྦོ་འཁྲོག་བྱེད་པ་དང༌། སྐབས་འགར་དྲི་ཆེན་མི་འབྱུང་བར་འགགས་པ་ཞིག |
| ལོང་ནད་གྲང་བ |
ལྟེ་བའི་གཡས་གཡོན་དུ་ན་ཞིང་སྦོ་འཁྲོག་བྱེད་པ་དང༌། ལྦུ་བའམ་བེ་སྣབས་ཅན་འཁྲུ་བའི་ནད་ཅིག |
| ལོང་པོ |
མིག་ལ་སྐྱོན་ཤོར་བའི་ཕོ། |
| ལོང་ཕུགས་གསང |
ལྟེ་བའི་གཡས་གཡོན་ནས་ཕྱི་ལ་ཚོན་དོ་རེ་གཞལ་བའི་གནས་སུ་ལོང་ག་དང་འབྲེལ་བའི་གསང་ཞིག་དེར་མེ་བཙའ་བཞག་ན་ལོང་སྐྲན་དང་སྦོ་འཁྲོག་བྱེད་པ་འཁྲུ་བ་འབྱམས་པ་སོགས་ལ་ཕན། |
| ལོང་ཕྲེང |
གློ་ཕྲེང་ཡང་ཟེར། བུད་མེད་ཀྱི་སྐ་རགས་འོག་ཏུ་དཔྱང་བའི་དངུལ་ཐག |
| ལོང་བ |
1. ཐ་མི་དད་པ ལོངས་པ། ལོང་བ།། 1 མིག་ལྡོང་བའམ། མིག་དབང་ཤོར་ནས་མཐོང་མི་ཐུབ་པ། གཡས་ལོང་བ། མིག་ལོངས་ཀྱང་ཧ་རེར་ལྟ་བ། མིག་མེད་ལོངས་མཆོངས། 2 འདང་བ། རྩིས་གྲངས་ལོངས་པ། ཚད་ལོངས་པ། ལོ་གྲངས་ལོངས་པ། རིང་ཚད་མ་ལོངས་པ། གཟུགས་སྟོབས་ཆེས་ཆེར་ལོང་དུས། རྒྱ་མ་གང་ལོངས་མ་ལོངས་ཙམ། 2. གཟུགས་མི་མཐོང་མཁན། དམུས་ལོང༌། ལོང་བར་ལོང་འཁྲིད་མེད་པ། ཁྱི་ལོང་བ། ལོང་བར་ལམ་འདྲི་བ། ལོང་བས་ལོང་བ་ཁྲིད། ལོང་བ་རྦབ་ཏུ་འགྲིལ། ལོང་བས་བལྟས་ཀྱང་ཁམས་གསུམ། རྒན་མོ་ལོང་བས་གསེར་ཁུར་ནས་འགྲོ་བ། ཐེ་ཚོམ་གར་འཛུགས་མེད་པའི་ལོང་བའི་འཁར་རྒྱུག་འདྲ། |
| ལོང་བའི་ཁ་ལོ་པ |
མངོན ཉི་མ། |
| ལོང་བའི་དགྲ |
མངོན ལྷ་དབང་ཕྱུག་ཆེན་པོ། |
| ལོང་བས་ཤིག་བཟུང |
འོལ་ཚོད་བྱེད་པའི་དཔེ། |
| ལོང་བུ |
1 རྐང་པའི་ལོང་བུ། ལོང་ཚིགས། 2 རྙིང ཤིང་འབྲས། |
| ལོང་བུ་མི་མངོན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཤིན་ཏུ་སྦས་པའི་ཆོས་ཀྱི་བློ་གྲོས་ཅན་ཉིད་ཀྱིས་ལོང་བུ་མི་མངོན་པ། |
| ལོང་མཆོངས |
མུན་འཐོམ་གྱི་ཐལ་སྐྱོད། གནས་ཚུལ་ལ་མ་བརྟགས་མ་དཔྱད་པར་ལོང་མཆོངས་བྱས་ན་ཕམ་ཉེས་ཡོང་རྒྱུ་ལས་མེད། |
| ལོང་མོ |
མིག་ལ་སྐྱོན་ཤོར་བའི་བུད་མེད། |
| ལོང་ཚད |
ལོང་གར་ཚ་བ་ཞུགས་པའི་ནད་དེ། ནད་རྟགས་སུ་ཁ་སྐམ་ལ་སྐོམ་དད་ཆེ་བ་དང༌། ཁོག་པ་སྦོ་ཞིང་དྲི་ཆེན་འགག་པ་སོགས་འབྱུང་བ་ཞིག |
| ལོང་ཚིགས |
རྐང་པའི་ལོང་བུའི་ཚིགས། |
| ལོང་འཁྲིད |
1 མིག་ལོང་བ་འཁྲིད་མཁན། 2 ལོང་བའི་ལག་རྟེན། |
| ལོང་རྩ |
ནང་ལོང་གི་ཚིགས་འབུར་པོའི་སྟེང་ནས་གསོ་བྱ་རང་ཉིད་ཀྱི་ཚོན་གང་གཞལ་བའི་གནས་སུ་ཡོད་པའི་གཏར་རྩ་ཞིག་དེ་གཏར་ན་གླང་ཐབས་དང༌། མངལ་སྐྲན། ཟླ་མཚན་འགགས་པའམ་འབྱམས་པ། པུས་མོའི་ཚིགས་ན་བ་སོགས་ལུས་སྨད་ཀྱི་ནད་ལ་ཕན། |
| ལོང་ལོང |
(རྒྱན་ཚིག)མང་བོ་གཡོ་འགུལ་བྱེད་པའི་རྣམ་པ་ཞིག་སྟེ་མི་མང་ཐར་ལོང་ལོང་འུར་ལོང་ལོང་ཞེས་པ་ལྟ་བུ། |
| ལོངས |
སྐུལ་ཚིག་ཡར་ལོངས། མལ་ལས་ལོངས་ཤིག བྲན་གཡོག་བྱེད་མི་འདོད་པའི་མི་རྣམས་ཡར་ཡོངས་ཤིག་ལྟ་བུ། འབྱུང་བའམ་སྐྱེ་བའི་དོན་ཏེ། ཞེ་སྡང་ལང་། ན་ཟུག་ལང་། ཧམ་པ་མ་ལང་སོགས་ལྟ་བུ། ０ནམ་ལངས་པ་ནམ་ལང་ཁ། ནམ་ལངས་སོང་ལྟ་བུ། 2.1 ལེན་པའི་སྐུལ་ཚིག 2 ལྡང་བའི་དོན་དུ་གོ་བའི་ལང་བའི་སྐུལ་ཚིག་ 3.འཚོ་བྱེད་ཀྱི་རྒྱུ་རྐྱེན་ཏེ། སྤྱི་ཚོགས་གསར་བར་བདེ་སྐྱིད་ལ་ལོངས་སྤྱད། ལོངས་སུ་སྤྱད། ལོངས་སུ་སྤྱོད་ཅིག་ལྟ་བུ། 4.འདས་པ་བརྒྱ་གཅིག་གིས་མ་ལོངས་དགུ་བཅུ་གོ་དགུ། བརྒྱ་ལོངས་པའི་ལྷག་མ། ཚད་ལོངས་ཞེས་པ་ལྟ་བུ། |
| ལོངས་པ |
1 མིག་དབང་ཤོར་བ་དང་འདང་བའི་དོན་དུ་གོ་བའི་ལོང་བའི་འདས་པ། 2 རྙིང རྒྱགས་པ། |
| ལོངས་སྐུ |
ལོངས་སྤྱོད་རྫོགས་པའི་སྐུའི་བསྡུས་མིང༌། |
| ལོངས་སྐུའི་ངེས་པ་ལྔ |
གནས་འོག་མིན་སྟུག་པོ་བཀོད་པ་ཁོ་ནར་བཞུགས་པ། དུས་འཁོར་བ་མ་སྟོངས་བར་དུ་བཞུགས་པ། སྐུ་མཚན་དཔེ་གསལ་རྫོགས་ཀྱིས་སྤྲས་པ། འཁོར་ཐེག་ཆེན་འཕགས་པ་ཤ་སྟག་གིས་བསྐོར་བ། དེ་ལ་ཆོས་ཐེག་ཆེན་གྱི་ཆོས་འབའ་ཞིག་གསུངས་པ། |
| ལོངས་སྐུའི་ཡོན་ཏན་གྱི་ཁྱད་པར་ལྔ |
སྐུ་སྟོན་པ་རྒྱུན་མི་འཆད་པ་དང༌། གསུང་བརྗོད་པ་རྒྱུན་མི་འཆད་པ། ཐུགས་མཛད་པ་རྒྱུན་མི་འཆད་པ། འབད་རྩོལ་གྱི་མངོན་པར་འདུ་བྱེད་མེད་པ། སྣ་ཚོགས་སུ་སྣང་ཡང་བདེན་པར་མ་གྲུབ་པ་བཅས་ལྔའོ། |
| ལོངས་སྤྱད་པ |
ལོངས་སུ་སྤྱད་པའམ། བེད་སྤྱད་པ། |
| ལོངས་སྤྱོད |
1 ནོར་རྫས། ལོངས་སྤྱོད་ཆེ་བ། ལོངས་སྤྱོད་གྲ་རྒྱས། ལོངས་སྤྱོད་ངན་ངོན། 2 བེད་སྤྱོད། དཀའ་ལས་གཞན་པས་བརྒྱབ་ནས་ལོངས་སྤྱོད་རང་གིས་བྱས་པ། བག་མེད་ལོངས་སྤྱོད། དགའ་བའི་དཔལ་ལ་ལོངས་སྤྱོད་པ། 3 ཉི་ཟླ་གཟའ་ལྔ་སོགས་སྐར་ཁྱིམ་གྱི་གོ་ལར་རྒྱུ་བའི་དུས་སམ་ཡུལ་ཁྱོན། |
| ལོངས་སྤྱོད་ཀྱི་རིག་འཛིན |
གསང་སྔགས་ཀྱི་སྤྱོད་འབྲས་ཐུན་མོང་བ་ཞིག་རྒྱལ་སྲིད་སྣ་བདུན་ལ་སོགས་པ་ལོངས་སུ་སྤྱོད་པའི་དངོས་གྲུབ་ཐོབ་པ། |
| ལོངས་སྤྱོད་ཀྱི་རྩ |
ལུས་རྩའི་བྱེ་བྲག་ཅིག |
| ལོངས་སྤྱོད་མཛེས་པ |
མངོན རླུང་ལྷ། |
| ལོངས་སྤྱོད་འཁོར་ལོ |
བཟའ་བཏུང་གི་རོ་ལ་ལོངས་སུ་སྤྱོད་པའི་རྩའི་འཁོར་ལོ་མགྲིན་པ་ལ་གནས་ཤིང་འཁོར་རྩ་ཕྲན་ལྔ་བརྒྱས་བསྐོར་བ་ཞིག |
| ལོངས་སྤྱོད་རྫོགས་པའི་རྒྱན་བཅུ་གསུམ |
ལོངས་སྐུར་སྤྲས་པའི་རྒྱན་གོས་སྣ་ཁ་བཅུ་གསུམ་དར་གྱི་ཅོད་པན་དང༌། སྟོད་གཡོགས། དར་དཔྱངས། སྐུ་རགས། སྨད་དཀྲིས་བཅས་དར་གྱི་ཆས་གོས་ལྔ་དང༌། རིན་པོ་ཆེའི་དབུ་རྒྱན་དང༌། སྙན་རྒྱན། མགུལ་རྒྱན། དཔུང་རྒྱན། དོ་ཤལ་ལམ་སེ་མོ་དོ། ཕྱག་གདུབ། སོར་གདུབ། ཞབས་གདུབ་བཅས་རིན་ཆེན་རྒྱན་བརྒྱད་དོ། |
| ལོངས་སྤྱོད་རྫོགས་པའི་སྐུ |
སངས་རྒྱས་ཀྱི་སྐུའི་བྱེ་བྲག་ཅིག་ཆོས་ཀྱི་སྐུ་ལས་མ་གཡོས་པར་གདུལ་བྱ་བྱང་སེམས་འཕགས་པ་ཁོ་ན་ལ་སྣང་བའི་སྐུ་གང་ཞིག་སྤྲུལ་སྐུའི་འཆར་གཞིར་གྱུར་པ་མཚན་དང་དཔེ་བྱད་ཀྱིས་བརྒྱན་པ། ཤེར་ཕྱིན་དོན་བདུན་ཅུའི་ནང་གསེས་ཤིག་ཀྱང་ངོ། |
| ལོད |
ཡུལ ཚད་ཀྱི་དྲི་ཚིག་གི་ཕྲད་ཅིག ཆེ་ལོད་འདུག མང་ལོད་འདུག ཁ་པར་གཏོང་ལོད་མི་འདུག་ལེན་མཁན་མི་འདུག |
| ལོད་པ |
ལོད་པོ་དང་འདྲ། |
| ལོད་པོ |
སྡུག་པོའམ་ངན་པོ། ནད་གཞི་ཧ་ཅང་ལོད་པོ། གཤིས་རྒྱུད་ལོད་དུ་འགྲོ་བ། བྱ་སྤྱོད་ལོད་པོ། |
| ལོན |
(བྱེད་མེད་ལས་ཚིག) དུས་ཚད་ངེས་ཅན་ཞིག་ལ་བསླེབས་པའི་དོན་ཏེ། ཚེ་རིང་ལོ་བརྒྱ་ལོན། ཉི་མ་དྲོས་ཇ་ལོན། ནམ་གུང་ལོན་ལྟ་བུ། (བྱེད་འབྲེལ་ལས་ཚིག) ལེན་ཐུབ་པའི་དོན་ཏེ། ས་འོག་ནས་རྡོ་སྣུམ་ལོན། གཏེར་ཁ་ནས་དངུལ་རྡོ་ལོན་ལྟ་བུ། ０ལན་གྱི་འབྲི་ཚུལ་གཞན་ཏེ། ཡིག་ལན་ལ་ཡིག་ལོན་ཟེར་བ་ལྟ་བུ། 2.ཆུའི་རགས། |
| ལོན་པ |
ཐ་མི་དད་པ 1 སོན་པའམ་རྙེད་པ་དང་གྲུབ་པ། བསམ་དོན་ལག་ཏུ་ལོན་པ། ལོ་བརྒྱ་ལོན་པའི་མི་མེད་ཀྱང༌། བསྐལ་པ་སྟོང་གི་གཏམ་རྒྱུད་ཡོད། 2 གྲངས་ལོང་བའམ་ཚང་བ། གྲངས་ཚད་ལོན་པ། 3 ཤེས་པའམ་རྟོགས་པ། ས་རྒྱུས་ལམ་རྒྱུས་ལོན་པ། ཚོད་ལོན་པ། གོ་བ་མི་ལོན་པ། རང་རྒྱུས་རང་གིས་ལོན་པ་ནི་མིའི་སྤྱོད་བཟང་རྩ་ཆེན་ཡིན། |
| ལོན་སྤྲིང |
དྲི་བའི་ལན་གྱི་འཕྲིན། |
| ལོབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བསླབས་ནས་ཤེས་པའི་དོན་ཏེ། བསླབས་ན་མི་ལོབ་གང་ཡང་མེད། བྱིས་པར་ཡི་གེ་བསླབས་ན་ལོབ་ལྟ་བུ། |
| ལོབས |
འདས་པ་ཡི་གེ་ལོབས་ནས་འབྲི་ཀློག་ཐོགས་པ་མེད་ལྟ་བུ། གོམས་འདྲིས་སུ་གྱུར་པའི་དོན་ཏེ། ས་ལོབ་ཆུ་ལོབ། ཆང་ལོབ་མི་རུང་། བཟང་ལོབ་དཀའ། ངན་ལོབ་ཏུ་མ་འཇུག་ཅེས་པ་ལྟ་བུ། |
| ལོབས་པ |
ཐ་མི་དད་པ ཤེས་པའམ་གོམས་པ། བསླབས་ཏེ་ལོབས་པ། ལོབས་སྐྱེན་པ། ལྟོ་ཆས་འདི་ཁ་ལ་མ་ལོབས། ཡོན་ཏན་ལེགས་པར་ལོབས་བཞིན་འདུག ཟ་གིན་ཟ་གིན་ཁ་ལོབས། བཟོ་གིན་བཟོ་གིན་ལག་ལོབས། |
| ལོའི་ཐེག་པ |
མངོན རྒན་པོ། |
| ལོའི་ཤིང་རྟ |
མངོན ཉི་མ། |
| ལོས |
1. ལས་པའི་སྐུལ་ཚིག 2. ངེས་པར། ཚོང་པས་ཁེ་བཟང་ལོས་ཟ། དེ་ཀ་ལོས་དྲག རྒྱུན་དུ་བགོ་བའི་གྱོན་པ་ངོ་ལོས་ཤེས། འདི་ནི་རྨི་ལམ་ཡིན་ནམ་མངོན་སུམ་ཡིན། རྨི་ལམ་ཡིན་ན་སྣང་བ་སྐྱོ། མངོན་སུམ་ཡིན་ན་ལོས་ཀྱང་དགའ། |
| ལྐག |
（རྒྱན་ཚིག）ལྐག་ལྐོག་སྟེ་གཞན་གྱིས་མི་ཤེས་པའི་ས་དང་ས་མཐའ་འཁོབ་ཀྱི་དོན་ཏེ། ལུང་བ་ལྐག་ལྐོག་ཅེས་པ་ལྟ་བུ། |
| ལྐག་ལྐོག |
ས་ཆ་ཁུག་ཀྱོག་གམ། དབེན་པའི་ས། ལུང་པ་ལྐག་ལྐོག |
| ལྐལ |
རྙིང མེད་པའི་དོན། |
| ལྐུ |
རྙིང རྐུན་མ། |
| ལྐུག་པ |
1 སྨྲ་མི་ཤེས་མཁན། གཏམ་ལན་པོ་མེད་ན་ལྐུག་པ་རེད། མིང་གི་རྣམ་གྲངས་ལ་ངག་གིས་དབུལ་དང༌། ངག་མི་ལྡན། སྨྲ་བཅད། སྨྲ་མི་ཤེས། ཚིག་ཉམས། ཚིག་མི་གསལ་བཅས་སོ། 2 གླེན་པ། ལྐུག་པ་ཨུ་ཚུགས། 3 བད་ཀན་ཤས་ཆེ་བའི་སྨྲ་བརྗོད་མི་ཤེས་པའི་ནད་ཅིག |
| ལྐུག་བརྡ |
སྐད་ཆའི་ཚབ་ཀྱི་ལག་བརྡ། |
| ལྐུག་རྟགས |
གནད་འགག་མི་ཤེས་པར་ཨུ་ཚུགས་བྱེད་སྟངས། ལྐུག་རྟགས་ཚ་པོ། ལྐུག་གད་ཤོར་བ། ལྐུག་རྟགས་བསྟན་པ། |
| ལྐུག་ལྡིབ |
གཏམ་སྨྲ་མི་ཤེས་པ། |
| ལྐུགས་པ |
རྣ་དབང་སོགས་ཉམས་ནས་སྐད་ཆ་བཤད་མི་ཤེས་པའི་མི།（བྱེད་མེད་ལས་ཚིག）སྐད་ཆ་གསལ་པོ་བཤད་མི་ཤེས་པར་གྱུར་པའི་དོན་ཏེ། ལྕེ་ལྐུགས། ངག་ལྐུགས་ཞེས་པ་ལྟ་བུ། |
| ལྐུགས་སེ |
སྨྲ་ལྕེ་དིག་ལྐུགས་ཅུང་ཟད་ཡོད་པ། |
| ལྐོ་མོག |
ཆུ་འཁྱིལ་བའི་ས་ཀྱོང་ཀྱོང༌། ལྐོ་མོག་གི་ཆུས་ལྟོ་ཆུ་མི་ཉན། |
| ལྐོག |
མངོན་གསལ་མིན་པའི་གནས་དང་བྱ་སྤྱོད་སོགས་ཀྱི་སྤྱི་མིང་ལྐོག་ཤོམ་མ་བྱེད། ལྐོག་ནོར་མ་གསོག ལྐོག་གནོད་མ་བྱེད། མངོན་ལྐོག་མི་མཐུན་པ་བྱེད་མི་རུང་ལྟ་བུ། |
| ལྐོག་ཁ་གཏོང་བ |
མི་མངོན་པར་འཕྱ་སྨོད་དམ། དམའ་འབེབས་བྱེད་པ། དཀྲོག་གཏམ་ཆེད་བཟོས་ཀྱིས་ལྐོག་ཁ་གཏོང་བ། |
| ལྐོག་གཏམ |
ཕག་ཏུ་བཤད་པའི་སྐད་ཆ། ལྐོག་གཏམ་བཤད་པ། |
| ལྐོག་གཡོ་ངན་ཇུས |
མི་མངོན་པའི་གཡོ་ཐབས། |
| ལྐོག་གཤོམ |
གསང་བའི་གྲ་སྒྲིག ངན་གཡོ་ལྐོག་གཤོམ་བྱེད་པ། |
| ལྐོག་གསོག |
1 བྱའི་ཨོག་མའི་འོག་གི་ཟས་གསོག་སྣོད། 2 ལྐོག་ཏུ་རྒྱུ་ནོར་གསོག་པ། |
| ལྐོག་གསོད |
གཞན་གྱིས་མི་ཚོར་བར་གསོད་པ། འགྲན་ཟླ་བྱེད་མཁན་ཁ་གཏད་པ་ལྐོག་གསོད་བཏང་བ། རྒྱལ་པོ་ལྐོག་གསོད་བྱས་པ། |
| ལྐོག་གྱུར |
གཞལ་བྱ་གསུམ་གྱི་ནང་གསེས། མྱོང་སྟོབས་ཀྱིས་རྟོགས་མི་ནུས་ཤིང་རྟགས་སྟོབས་ཀྱིས་རྟོགས་ནུས་པ། དཔེར་ན། ནང་གི་དབང་པོ་གཟུགས་ཅན་པ་རྣམས་དང༌། བདག་མེད་དང༌། སྒྲ་མི་རྟག་པ་དང༌། དུ་ལྡན་གྱི་ལའི་མེ་ལྟ་བུའོ། ལྐོག་གྱུར་གྱི་ཆོས་རྣམས་རྗེས་དཔག་ཚད་མས་གཞལ་དགོས། ཕྱིའི་བྱེད་ལུགས་ལ་བརྟེན་ནས་ལྐོག་གྱུར་རྟོགས་ཐུབ། བྱ་སྤྱོད་ལྐོག་གྱུར། མིག་གིས་ལྐོག་གྱུར་མི་མཐོང༌། |
| ལྐོག་གླུ |
གཞན་གྱིས་མ་ཐོས་པར་ལེན་པའི་གླུ། |
| ལྐོག་ཆད |
གཞན་གྱིས་མི་གོ་བའི་ཁ་ཆད་དམ་གྲོས་ཆོད། བློན་པོ་ལས་ནག་པ་ལ་དགའ་བ་རྣམས་ཁྲོས་ཏེ་ཆོས་ཁྲིམས་བཤིག་རྒྱུའི་ལྐོག་ཆད་བྱས། |
| ལྐོག་ཆོས |
1 ལྐོག་ཏུ་གྱུར་པའི་ཆོས་ཏེ་མི་མངོན་པའི་ཆོས། 2 སློབ་མ་སྣོད་ལྡན་ཉུང་ཤས་ལ་གསང་སྟབས་ཀྱིས་འཆད་འོས་པའི་གདམས་ངག་རྣམས་སོ། |
| ལྐོག་ཉན |
གབ་ནས་ཉན་པའམ། ཕག་ནས་ཉན་པ། |
| ལྐོག་དབེན |
ཟང་ཟིང་མེད་པའི་གནས། |
| ལྐོག་དོན |
1 གསང་བའི་དོན། 2 ཤུགས་བསྟན་གྱི་དགོངས་པ། |
| ལྐོག་ན་མོ |
ལྐོག་གྱུར། |
| ལྐོག་ནས་ལྕགས་ཀྱུ་མ |
གྲ་མ་ལྕགས་ཀྱུ་ལྟ་བུ་ཡོད་པའི་ནས་སྤུས་ལེགས་ཤིག |
| ལྐོག་ནོར |
སྒེར་ལ་སྦས་བཞག་པའི་ནོར་རྫས། |
| ལྐོག་ཕྲ |
གཞན་གྱིས་མི་ཚོར་བའི་དཀྲུག་ཤིང༌། |
| ལྐོག་བརྡ |
གཞན་གྱིས་མི་ཚོར་བར་གཏོང་བའི་བརྡ། ཕན་ཚུན་ལྐོག་བརྡ་གཏོང་རེས་བྱེད། |
| ལྐོག་མ |
མི་ལུས་ཀྱི་སྐེའི་ཨོལ་མདུད་ཡོད་སའི་མིང་། |
| ལྐོག་མདུད |
ཨོག་མའི་འོག་གི་ཤ་རྒྱུས་ཀྱི་ཚིགས་རྡོག |
| ལྐོག་མནོ |
གཞན་གྱིས་མི་ཚོར་བར་གཏོང་བའི་བསམ་བློ། |
| ལྐོག་མཚང་རྗེན་འབྱིན |
རྫུན་རྐུབ་གསལ་པོར་རྟོལ་བ། |
| ལྐོག་ཚོང |
ཁྲིམས་འགལ་གྱི་ཚོང་ངམ་ནག་ཚོང༌། |
| ལྐོག་ཟ |
གཞན་གྱིས་མི་མཐོང་སར་ཟ་བ། |
| ལྐོག་ཟས |
གཞན་གྱིས་མི་ཚོར་བར་བཟའ་རྒྱུའི་ལྟོ་ཆས། |
| ལྐོག་འཇབ |
མི་མངོན་པར་གབ་པ། ལྐོག་འཇབ་ཀྱིས་དམག་རྒྱག་པ། |
| ལྐོག་འདུན |
གསང་བའི་གྲོས་སམ། འདུན་མ། |
| ལྐོག་འཕྱང |
བ་ལང་གི་ཨོག་ཞོལ། |
| ལྐོག་འཛིང |
མི་མངོན་པར་འཛིང་བ། |
| ལྐོག་འཛུལ |
གསང་ཐབས་ཀྱིས་འཛུལ་བ། ལྐོག་འཛུལ་འཁྲུག་སློང༌། |
| ལྐོག་རྒོལ |
མངོན་གསལ་མིན་པར་རྒོལ་བ། |
| ལྐོག་རྔན |
རང་དོན་སྒྲུབ་ཆེད་ལྐོག་ཏུ་སྤྲོད་པའི་རྒྱུའམ་དངོས་པོ། དཔང་པོས་ལྐོག་རྔན་ཟ་བ་དེས། རྒྱལ་ཁྲིམས་རླུང་ལ་བསྐུར་ངེས་ཡིན། |
| ལྐོག་རྨེན |
ལྐོག་མའི་རྨེན་གྱི་རིགས་ཤིག |
| ལྐོག་རྩ |
ཨོག་མའི་རྩ། |
| ལྐོག་ལབ |
རྒྱབ་ཏུ་ཤོད་པའམ། ཕག་ཏུ་ཤོད་པ། ཡིག་ཚད་ལེན་སྐབས་ཕན་ཚུན་ལྐོག་ལབ་མ་བྱེད། གདོང་ཐུག་མི་བཤད་པར་ལྐོག་ལབ་བྱས་པས་ཅི་ཕན། |
| ལྐོག་ལྐོག་སུད་སུད |
ངོ་ལྐོག་མི་མཐུན་པར་གཡོ་རྫུ་བྱེད་སྟངས། ལྐོག་ལྐོག་སུད་སུད་དུ་རང་དོན་སྒྲུབ་པ། |
| ལྐོག་ལྟ |
གཞན་གྱིས་མ་ཚོར་བའི་ཕག་ལྟའམ། ཡིབས་ནས་ལྟ་བ། |
| ལྐོག་ཤལ |
བ་ལང་གི་སྐེ་ནས་ཐུར་དུ་འཕྱང་བའི་སྐྱི་མོའི་མིང་། |
| ལྐོག་ཤལ་ཅན |
མངོན བ་ལང༌། |
| ལྐོག་སྨད |
ལྐོག་ཏུ་དམའ་འབེབས་སམ་ངན་སྨད། མངོན་བསྟོད་ལྐོག་སྨད་ལྕེ་གཉིས་སྦྲུལ་ལྟར་བྱེད། |
| ལྒ |
1བཞོན་ཆས་སྒའི་འབྲི་སྲོལ་གཞན་ཞིག 2དྲོད་སྨན་སྒ་སྐྱ་སོགས་ཀྱི་སྤྱི་མིང་སྒའི་འབྲི་སྲོལ་གཞན་ཞིག 3བོད་ཀྱི་རིགས་རྒྱུད་རྙིང་པ་ཞིག |
| ལྒ་ཚ |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། རིང་ཚད་ལ་ལིས་སྨིས་དགུ་ནས་བཅུ་བར་ཡོད། ལོ་མ་དང་གཞང་རྟའི་ཐོག་ལ་བ་སྤུས་ཁྱབ་ཡོད། མེ་ཏོག་སེར་པོ་འདབ་མ་ལྔ་ཅན་ཞིག་ཡིན། ཡུལ་གྲུ་ལ་ལར་ལྡུམ་བུ་ལྕེ་ཚ་ཟེར། |
| ལྒང་པ |
མི་ལུས་ཀྱི་བྱང་ཁོག་སྨད་ཀྱི་ཆར་ཡར་སྣེ་རྒྱུ་གྲོག་དང་མར་སྣེ་ཆུ་སོ་རུ་འབྲེལ་བའི་སྣོད་དྲུག་གི་ཡ་གྱལ་ཞིག་དེའི་བྱེད་ལས་ནི་ལུས་ཀྱི་ཆུ་ཁམས་སྙིགས་མ་རྣམས་ཕྱིར་སྐྱེལ་བར་བྱེད་པ་ཡིན་ནོ། |
| ལྒང་པའི་གསང |
ལུས་ཀྱི་གསང་གནད་ཅིག་རྒྱབ་ཀྱི་སྒལ་ཚིགས་བཅོ་བརྒྱད་པ་ལྒང་པ་དང་འབྲེལ་བའི་མེ་བཙའི་གསང་དེར་མེ་བཙའ་བཞག་ན་ལྒང་པར་རྡེའུ་སྐྲན་ཆགས་པ་དང༌། གཅིན་ཁ་སྙི་བ། པུས་མོར་དྲོད་མི་ཁུག་པ་སོགས་ལ་ཕན། |
| ལྒང་ཕུག |
1གཅིན་སྣོད་ལྒང་པ། 2ནམ་མཁར་གཏོང་རྒྱུའི་རླུང་གི་ལྒང་སྦུག |
| ལྒང་བ |
གཅིན་སྣོད་ལྒང་བ་ མི་ཕྱུགས་ཀྱི་ཁོག་པའི་སྣོད་དྲུག་གི་ཡ་གྱལ་ཞིག་ཡིན། ཡར་སྣེའི་སྦུ་གུ་གཉིས་མཁལ་མ་དང་འབྲེལ་ཞིང་། མར་སྣེ་ཕོ་མོའི་མཚན་མའི་ཁ་ལ་འབྲེལ་ནས་གཅིན་ཕྱི་ལ་འདོར། |
| ལྒང་བཞུ |
སྒྲོན་མེ་འཇོག་ས་ཤེལ་སོགས་ཀྱི་སྣོད་ལྒང་བུ་འདྲ་བ་ཞིག |
| ལྒང་བུ |
རྩལ་སྦྱང་དང་རྩེད་མོ་བརྩེ་བའི་ཡོ་བྱད། ཡུལ་སྐད་དུ་ལྒང་ལི་ཟེར། |
| ལྒང་ལི |
ཡུལ ལྒང་པ་དང་དོན་གཅིག་ |
| ལྒང་སྦུག |
ལྒང་ཕུག་དང་འདྲ། |
| ལྒོ་ལྒོ |
སྨན་ཕ་བ་དགོ་དགོ། |
| ལྔ |
གྲངས་ཀྱི་བྱེ་བྲག མིང་གི་རྣམ་གྲངས་ལ་ཉེར་སྤྱོད་དང༌། མདའ། འདོད་ཡོན། ཕུང་པོ། དབང་པོ། འབྱུང་པོ་བཅས་སོ། |
| ལྔ་གཅིག |
ལྔ་གཅིག་རྒྱལ་སྤྱིའི་ངལ་རྩོལ་དུས་ཆེན་ཏེ་1886ལོའི་ཟླ་5པའི་ཚེས་1ཉིན་ཨ་མེ་རི་ཀའི་བཟོ་པའི་གྲལ་རིམ་གྱིས་ངལ་རྩོལ་གྱི་ཆ་རྐྱེན་ཇེ་ལེཊ་སུ་གཏོང་ཆེད། ལས་མཚམས་ཡོངས་སུ་བཞག་རྔམ་སྟོན་ཁྲོམ་སྐོར་བྱས། རྗེས་སུ་1889ལོར་རྒྱལ་ཁབ་སོ་སོའི་བཟོ་པའི་གྲལ་རིམ་གྱི་གཙོ་འཛིན་རྣམས་ཧྥ་རན་སིའི་ཕ་རེ་སི་ལ་ཚོགས་ནས། ལྔ་པའི་ཚེས་གཅིག་ནི་རྒྱལ་སྤྱིའི་ངལ་རྩོལ་དུས་ཆེན་དུ་གཏན་ལ་ཕབ་པ་རེད། |
| ལྔ་ཆ |
ལྔར་བགོས་པའི་ཆ་ཤས། |
| ལྔ་དྲུག་འགྲོ |
ཁལ་ལྔ་ཁལ་དྲུག་ལ་འགྲོ་བ་སྟེ་ངོ་བོ་འབྲུ་ཁལ་ལྔ་ལ་སྐྱེད་ཁལ་རེ་སྤྲོད་སྲོལ་དེ་རེད། |
| ལྔ་པ |
1 འཆི་བ། ལྔ་པའི་དུས། ལྔ་པའི་ལམ། 2 རྙིང མཐང་གོས། |
| ལྔ་པའི་དབྱངས |
མངོན ཁུ་བྱུག་གི་སྐད། |
| ལྔ་པའི་བདག |
མངོན གཤིན་རྗེ། |
| ལྔ་པར་ཕྱིན་པ |
མངོན ཤི་བ། |
| ལྔ་ཕུང |
ཕུང་པོ་ལྔ་དང་དོན་གཅིག་ |
| ལྔ་ཕྲུགས |
ལྔ་ཚར་གཅིག་ཡན་ལག་ལྔ་རེ་ཡོད་པ་ལ་ལྔ་ཕྲུགས་རེ་ཟེར། |
| ལྔ་བདོའི་དུས |
སྙིགས་མ་ལྔ་བདོའི་དུས་ཏེ། དུས་དང༌། སེམས་ཅན། ཚེ། ཉོན་མོངས་པ། ལྟ་བ་རྣམས་ཉམས་པའི་སྙིགས་མ་ལྔ་དར་བའི་དུས། |
| ལྔ་བརྒྱ་ཐ་མ |
སངས་རྒྱས་ཤཱཀྱ་ཐུབ་པའི་བསྟན་པའི་གནས་ཚད་ལྔ་བརྒྱ་ཕྲག་བཅུའི་ཐ་མ། རྟགས་ཙམ་འཛིན་པའི་ལྔ་བརྒྱ་ཕྲག་གཅིག་བསྟན་པ་མར་འགྲིབ་ནས་ཕྱིའི་རྣམ་པ་ཙམ་དུ་ཟད་པའི་དུས། |
| ལྔ་བརྒྱ་ཕྲག་བཅུ |
སངས་རྒྱས་ཀྱི་བསྟན་པ་འཇིག་རྟེན་དུ་ལོ་ལྔ་སྟོང་བར་དུ་གནས་པའི་ལྔ་བརྒྱ་ཕྲག་དང་པོར་དགྲ་བཅོམ་པ་དང༌། གཉིས་པར་ཕྱིར་མི་འོང་བ། གསུམ་པར་རྒྱུན་ཞུགས་ཀྱི་འབྲས་བུ་ཐོབ་པ་སྟེ་ཡེ་ཤེས་ཁོང་དུ་ཆུད་པའི་ལེའུ་གསུམ་དང༌། བཞི་པར་ལྷག་མཐོང་དང༌། ལྔ་པར་ཏིང་ངེ་འཛིན། དྲུག་པར་ཚུལ་ཁྲིམས་ཏེ་སྒྲུབ་པའི་ལེའུ་གསུམ། བདུན་པར་མངོན་པ། བརྒྱད་པར་མདོ་སྡེ། དགུ་པར་འདུལ་བ་སྟེ་ལུང་གི་ལེའུ་གསུམ། ལྔ་བརྒྱ་ཕྲག་ཐ་མར་ལྟ་སྤྱོད་རྣལ་མ་མེད་པར་རབ་བྱུང་གི་རྟགས་ཙམ་འཛིན་པའི་ལེའུ་བཅས་བཅུའོ། |
| ལྔ་བསྡུས |
གཟའ་ཚེས་སྐར་སྦྱོར་བྱེད་པ་ལྔ། དེ་ལས་གཟའ་ནི་གཟའ་དག་ཡིན། ཚེས་ནི་སྐབས་དེའི་ཚེས་གྲངས་དང༌། དགའ་བཟང་རྒྱལ་སྟོང་རྫོགས་ལྔར་བཤད། སྐར་མ་རེས་འགྲོགས་ཟླ་སྐར་དང༌། སྦྱོར་བ་ཉི་ཟླ་ལས་བྱུང་བ། བྱེད་པ་སྔ་ཕྱིའི་བྱེད་པར་བཟུང༌། ཞེས་པ་ལྟར་རོ། དེ་དག་སོ་སོའི་ཐད་ལ་གསལ། |
| ལྔ་མཆོད |
ཧོར་ཟླ་བཅུ་པའི་ཚེས་ཉེར་ལྔ་ཉིན་རྗེ་ཙོང་ཁ་པ་ཞི་བར་གཤེགས་པའི་དུས་མཆོད་ཡིན་པ་དེར་ཟེར། དེའི་ནུབ་མོར་མཆོད་མེ་འབུལ་སྲོལ་ཡོད། |
| ལྔ་རིག |
རིག་པའི་གནས་ལྔ་ཞེས་པའི་མིང་བསྡུས་པ། |
| ལྔ་རིག་པ |
རིག་པའི་གནས་ལྔ་ཤེས་པའམ། ཤེས་མཁན། |
| ལྔ་ལམ |
འཆི་བའི་སྐབས། ནད་ཀྱིས་ཡུན་རིང་མནར་ཏེ་ལྔ་ལམ་དུ་གྱུར་པ། |
| ལྔ་ལོར |
སྔར་སྲང་ལྔའི་ཚད་འཁོད་པའི་བོད་ཀྱི་ཤོག་དངུལ། |
| ལྔ་ལྡན |
1 ཁག་ལྔ་གཞི་གཅིག་ཏུ་བསྡུས་པ། 2 གླུ་དབྱངས་ངེས་པ་བདུན་གྱི་ཡ་གྱལ་ཞིག 3 སྒོམ་པ་ལྔ་ལྡན་ཏེ། བྱང་ཆུབ་ཀྱི་སེམས་སྒོམ་པ། རང་ལུས་ལྷར་སྒོམ་པ། བླ་མ་ལྷར་སྒོམ་པ། མི་རྟོག་པའི་ལྟ་བ་སྒོམ་པ། བསྔོ་སྨོན་གྱིས་རྒྱས་འདེབས་པ་སྟེ་ལྔའོ། |
| ལྔ་སྐྱེད |
དངུལ་སྐྱེད་རྩི་སྟངས་ཤིག་སྔར་བོད་དུ་བུ་ལོན་དངུལ་ངོ་བོ་སྲང་ལྔ་བཅུ་ཐམ་པར་ལོ་རེར་སྐྱེད་སྲང་ལྔ་རེ་སྤྲོད་སྲོལ་ཞིག་ཡོད་པ་དེར་ཟེར། |
| ལྔ་སྐྱེས |
མངོན སྐྱེས་པ། |
| ལྔས་རྩེན |
1 བྱང་ཕྱོགས་ལྕང་ལོ་ཅན་གྱི་ཞིང་ཁམས། 2 གནོད་སྦྱིན་གྱི་བྱེ་བྲག་ཅིག |
| ལྕ |
ལྕི་བའི་བརྡ་རྙིང་། |
| ལྕ་གཡུང |
ཀླུང་སྐྱེས་ཀྱི་ལྕ་བའི་རིགས་ཤིག |
| ལྕ་བ |
ལོ་གཉིས་སྐྱེ་བའི་རྩི་ཤིང་ཞིག་ཡིན་ཞིང་། རྩ་བ་ལ་ཕུག་གི་དབྱིབས་ཅན་བཟའ་ཆོག་པ་ཞིག་ཡིན་པ་དང་། བོད་སྨན་རྩ་བ་ལྔའི་ནང་ཚན་ཞིག་ཡིན། མཚོ་སྔོན་ཡུལ་སྐད་དུ་གར་འབུ་ཟེར། སྨན་གཞུང་དུ་ལྕ་བ། ལྕ་གཡུང་དང་། ལྕ་རྒོད། བ་ལང་ལྕ་བ་ཟེར་བའི་རྩི་ཤིང་རིགས་མི་འདྲ་བ་གསུམ་དུ་ཕྱེ་ཡོད་པ་རྣམས་སྨན་དུ་བྱེད་ཆོག |
| ལྕ་རྒོད |
རི་སྐྱེས་ཀྱི་ལྕ་བའི་རིགས་ཤིག |
| ལྕག |
མི་དང་རྟ་ནོར་སོགས་ལ་གཅར་རྡུང་བྱེད་སྤྱད་ཀྱི་ཡོ་བྱད་དེ། རྟ་ལྕག གླང་ལྕག འབྲེང་ལྕག་ཅེས་པ་ལྟ་བུ། ལྕག་གིས་གཞུས་པ་ལྟར་རྒྱག་པའི་བྱ་སྤྱོད་ཀྱི་མིང་འགྲམ་ལྕག་ཅིག་གཞུས། ལུས་ལ་ཆུ་ལྕག་བརྒྱབ་ལྟ་བུ།０གཞན་ལ་ཡར་སྐུལ་བྱེད་པའི་ཐབས་ཀྱི་མིང་དགེ་རྒན་གྱིས་སློབ་མར་ལྕག་འདེབས་བྱས། སྐུལ་ལྕག་བཏང་ཞེས་པ་ལྟ་བུ། |
| ལྕག་གི་ལྕིག་གི |
ཐ་རེ་ཐོ་རེ། ན་ཁ་ལྕག་གི་ལྕིག་གི། ཆུ་ལྕག་གི་ལྕིག་གི། |
| ལྕག་ཐགས |
མངོན འབྲོག་པ། |
| ལྕག་དབྱུག |
བ་ལང་སོགས་འདེད་བྱེད་ཤིང་གི་ཡལ་གའི་ལྕུག་ཕྲན། |
| ལྕག་པོ |
མགྱོགས་པོ་འམ་མྱུར་པོ། ཁྱོད་རང་ད་ལྟ་ལྕག་པོ་ཡོང་རོགས། འགྲོ་སྐྱོད་ལྕག་པོ་བྱེད་པ། ལྕག་པོ་ལོག་ཡོང༌། ལྕག་པོ་རྒྱུགས་ཤིག |
| ལྕག་བརྡ |
ཐལ་མོ་བརྡབས་ཏེ་གཏོང་བའི་བརྡ། ལྕག་བརྡ་གཏོང་བ། |
| ལྕག་ཚན |
རྟ་ལྕག བཞོན་རྟ་ལ་ལྕག་ཚན་གཟུ་བ། ལྕག་ཚན་ཕྱར་ནས་རྟ་རྒྱུག་གློད་པ། |
| ལྕག་འབྲེང |
ལྕག་ཚན་གྱི་འབྲེང་ཐག་གམ་དངོ། |
| ལྕག་ཡུ |
རྟ་བོང་སོགས་འདེད་བྱེད་ལྕག་ཚན་གྱི་ཡུ་བ། |
| ལྕག་ལྕིག |
1 ལྕག་གི་ལྕིག་གིའི་བསྡུས་ཚིག 2 ལྗན་ལྗིན། འདམ་དང་ལྕག་ལྕིག་ཁྲོད་ན་པད་མ་རྣམ་པར་འཕེལ། |
| ལྕག་ཤད |
ལྕག་ཚན་དང་འདྲ། |
| ལྕགས |
1 རྡོའི་སྙིང་པོ། ཁྲོ་ལྕགས། ལྕགས་བཏུལ་མ། ལྕགས་བསྲེས་མ། ངར་ལྕགས། ལྕགས་རྡོ། ལྕགས་ཁྲོ། ལྕགས་ཞུན། ལྕགས་རིགས། མེ་ལྕགས། ལྕགས་རིགས་བཞུ་འདུལ། མིང་གི་རྣམ་གྲངས་ལ་གར་བུ་དང༌། གོང་བུ། ལྕགས་ནག་སྟོབས་པོ་ཆེ། སྟོབས་མང་པོ། རྡོ་སྙིང༌། རྣོ་བྱེད། རྣོན་པོ། མཚོན་ཆ་བྱེད་པ། མཚོན་བྱེད། རི་ཡི་སྙིང་པོ། གསེར་གྱི་དགྲ་བཅས་སོ། 2 སྒོ་དང་སྒམ་སོགས་སྡོམ་བྱེད་ཀྱི་ཡོ་བྱད་རིགས། སྒོ་ལྕགས། ལྕགས་སྐོར། དཀྲི་ལྕགས། སྒོ་ལྕགས་རྒྱག་པ། 3 ཁྲིམས་ཆས་ཤིག རྐང་ལྕགས། ལག་ལྕགས། ལྕགས་སྒྲོག 4 འབྱུང་བ་ལྔའི་ཡ་གྱལ་ཞིག ལོ་ཁམས་ལྕགས། ལྕགས་དགྲ་མེ། ཆུ་མ་ལྕགས། 5 རིན་པོ་ཆེའི་རིགས་ཏེ། ནང་གསེས་སུ་དབྱེ་ན་རིགས་དྲུག་མཆིས། རོ་སྐྱུར། ཞུ་རྗེས་བསིལ། ནུས་པས་མཆིན་ནད་དང༌། མིག་ནད། དུག་ཚད། སྐྱ་རྦབ་སོགས་ལ་ཕན། |
| ལྕགས་ཀྱི་མེ་མདག་མེར |
བསྲེགས་པའི་ལྕགས་དམར་པོ། |
| ལྕགས་ཀྱི་ཤལ་མ་ལིའི་རི |
དམྱལ་བའི་བྱེ་བྲག་ཅིག་རི་རྩར་ལྕགས་ཀྱི་སྡོང་པོ་མཚོན་གྱི་ལོ་མས་གང་བ་དང༌། རི་མགོར་བྱ་རྒོད་དང་ཝ་སོགས་ཀྱིས་འདྲད་པའི་རི་ཞིག |
| ལྕགས་ཀྱི་སྲན་མ |
ལྕགས་ལས་བཅོས་པའི་གོང་བུ་ཆུང་ངུ་རིལ་མོ། |
| ལྕགས་ཀྱུ |
ལྕགས་གུག་རྩེ་རྣོན་པོ་ཞིག སངས་རྒྱས་ལ་འདྲེན་པའི་ལྕགས་ཀྱུ་ཡོད་ཀྱང༌། སེམས་ཅན་ལ་འཁོན་པའི་ཨ་ལོང་མེད། |
| ལྕགས་ཀྱུ་མ |
སྒོ་མ་བཞིའི་ཡ་གྱལ་ཞིག |
| ལྕགས་ཀྱུས་གདུལ་དཀའ་བ |
མངོན འདོད་པས་དྲེགས་པའི་གླང་པོ། |
| ལྕགས་ཀྱོ |
རྙིང ལྕགས་ཀྱུ། |
| ལྕགས་ཀྲིན |
ཤ་སོགས་བཟའ་བཅའ་བཏུམ་སྣོད་ལྕགས་སོགས་ལས་བཟོས་པ་ཞིག ཀྲིན། |
| ལྕགས་ཁ |
1 ལྕགས་བཅད་ཤུལ། 2 ལྕགས་བཅད་ཤུལ་གྱི་ཁ་དོག 3 ལྕགས་ཟམ་གྱི་ཁ། |
| ལྕགས་ཁབ་ལེན |
ཁབ་སོགས་ལེན་པའི་ལྕགས་རྡོ་ཞིག |
| ལྕགས་ཁམས |
འབྱུང་རྩིས་ནང་གསེས་ལྕགས་ཀྱི་རང་བཞིན། |
| ལྕགས་ཁུ |
1 ལྕགས་ཀྱི་ཁུ་བ། 2 ཨ་རུ་རའི་ཁུ་བའི་ནང་ལྕགས་སྦངས་ནས་ཞག་གསུམ་བཞག་པའི་ཁུ་བ་སྔོ་ནག་ནུས་པས་མཆིན་ཚད་དང༌། མིག་ནད། ཤུ་བ་བཅས་ལ་ཕན། |
| ལྕགས་ཁོག |
འབྲུ་བཙོ་སྣོད། |
| ལྕགས་ཁྱེམ |
1 ལྕགས་ཀྱི་ཁྱེམ་བུའམ། ཐུར་མ། 2 ལྕགས་ཀྱི་འཇར་མ། |
| ལྕགས་ཁྲ |
ལྕགས་ཀྱི་ཁྲ་མ། |
| ལྕགས་ཁྲབ |
ལྕགས་ལས་བཟོས་པའི་ཁྲབ་སྟེ་གོ་ཆ་ཞིག |
| ལྕགས་ཁྲོ |
ལྕགས་ཀྱི་ཁྲོལ་མའམ་ལྕགས་ཚགས། |
| ལྕགས་ཁྲོལ |
ལྕགས་ཀྱི་ཁྲོལ་མའམ་ལྕགས་ཚགས། |
| ལྕགས་གཏུན |
ལྕགས་ཀྱི་གཏུན་བུ། |
| ལྕགས་གདུང |
ལྕགས་ལས་བཟོས་པའི་ཁང་པའི་གདུང་མ། |
| ལྕགས་གཞོང |
1 ལྕགས་ཀྱི་གཞོང་པ། 2 ལྕགས་ལས་བཟོས་པའི་ལུགས་པར། |
| ལྕགས་གཟར |
ལྕགས་ཀྱི་གཟར་བུ། |
| ལྕགས་གཟེར |
ལྕགས་ཀྱི་གཟེར་སྤྱད། ལྷམ་མཐིལ་ལ་ལྕགས་གཟེར་ཡག་པོ་ཐེབས་སོང༌། |
| ལྕགས་གཟོང |
ངར་ལྕགས་ལས་བཟོས་པའི་གཟོང༌། |
| ལྕགས་གཡའ |
ལྕགས་ལས་སྐྱེས་པའི་གཡའ་དྲེག |
| ལྕགས་གསོར |
འབིགས་བྱེད་ལྕགས་ཀྱི་གསོར། |
| ལྕགས་གོང |
ལྕགས་རྡོག་རྡོག གཞོམ་གསིག་དཀའ་བ་ལྕགས་གོང་ལྟ་བུ། |
| ལྕགས་གོས |
མངོན ལུས་སྐྱོབ་ཀྱི་ཁྲབ། |
| ལྕགས་གྲོགས་ཤིང |
འབྱུང་རྩིས་ཀྱི་དགྲ་གྲོགས་རྩི་ཚུལ་ཞིག |
| ལྕགས་གླེགས |
ལྕགས་ཤོག |
| ལྕགས་ངར |
ཟངས་མགར་གྱི་ལག་ཆ་མགོ་སྐོན་གཡོག་སའི་ལྕགས་ཧྲེང་མགོ་གུག་ཅན། |
| ལྕགས་ཏིག |
ཐང་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མཁྲིས་ཚད་དང༌། མཆིན་ཚད། ཕོ་ཚད། རིམས་ཚད་སོགས་ལ་ཕན། |
| ལྕགས་ཏིག་དཀར་པོ |
ཏིག་ཏ་རིགས་བདུན་གྱི་ཡ་གྱལ་ཞིག་རོ་ཁ། ཞུ་རྗེས་བསིལ། ནུས་པས་མཆིན་ཚད་དང༌། མཁྲིས་ཚད། ཁྲག་ཚད་བཅས་ལ་ཕན། |
| ལྕགས་ཏེལ |
ལྕགས་ཀྱིས་བཟོས་པའི་ནད་དམིག་སྲེག་བྱེད་ཀྱི་ཏེལ་པ་དེ་ནད་དམིག་སྟེང་བརྡེགས་ན་འབྲས་ནད་དང༌། ལྷེན་སྐྲན་སོགས་ལ་ཕན། |
| ལྕགས་ཐག |
ལྕགས་ལས་བཟོས་པའི་ཐག་པ། |
| ལྕགས་ཐབ |
ལྕགས་ཀྱི་མེ་ཐབ། |
| ལྕགས་ཐལ |
1 ལྕགས་ཕྱེ་འཕྲུལ་མེར་བསྲེགས་པའི་ཐལ་བ་ནུས་པས་དངུལ་ཆུ་བཙོ་བཀྲུ་ཆེན་མོའི་ནུས་པ་བསྐྱེད། མཆིན་དུག་སེལ། དམུ་རྫིང་སྐེམ། 2 ལྕགས་བརྡར་བའི་ཕྱེ་ཞིབ་མོ། |
| ལྕགས་ཐུར |
1 ལྕགས་ཧྲིལ་ཕྲ་ལ་རིང་བ། 2 ལྕགས་ཀྱི་ཁེམ་བུའམ་ཐུར་མ། |
| ལྕགས་ཐོ |
ལྕགས་ལས་བཟོས་པའི་རྡུང་བྱེད་ཀྱི་ཐོ་བ། |
| ལྕགས་དཀར |
ལྕགས་དཀར་པོའམ་གཤའ་དཀར། |
| ལྕགས་དཀྲོལ |
ཚག་བརྒྱབ་པའི་ལྕགས་ཀྱི་ཡོ་བྱད། |
| ལྕགས་དགྲ་མེ |
འབྱུང་རྩིས་ཀྱི་དགྲ་གྲོགས་རྩི་ཚིལ་ཞིག |
| ལྕགས་དབྱི |
དབྱི་མོང་ནག་པོ། |
| ལྕགས་དམར |
1 ལྕགས་བསྲེགས་དམར་པོ། 2 མངོན ཟངས། |
| ལྕགས་དམར་སྐམ་གཅུན |
བསླབ་བྱ་བྱས་ཏེ་སྒྲིགས་ལམ་དུ་འཇུག་པའི་དཔེ། རང་སྣང་གང་དྲན་གྱིས་སྤྱོད་ངན་བྱེད་མཁན་ལ་ལྕགས་དམར་སྐམ་གཅུན་གྱིས་སློབ་གསོ་ནན་ཏན་གཏོང་དགོས། |
| ལྕགས་དུག |
ཡུལ བསེ་བོ་སྟེ་དུད་འགྲོའི་རོ་དང་གཅིན་སྐྱག་སོགས་ཟ་མཁན་འབུ་ནག་ཅིག་ཡུལ་སྐད་འགར་འབུ་བསེ་ལེ་སྦུར་གོག་ཀྱང་ཟེར། |
| ལྕགས་དུམ |
ངར་ལྕགས་བཅད་པའི་དུམ་བུ། |
| ལྕགས་དྲེག |
1 ལྕགས་མེར་བསྲེགས་ནས་བརྡུངས་པའི་ཚེ་གོག་པའི་དྲེག་པ་ནུས་པས་མིག་ནད་ཞི་ཞིང༌། མཁྲིས་པ་ཤ་སེར་དང༌། མིག་སེར་འཇོམས། 2 བད་ཀན་རིགས་དྲུག་གི་ནང་ཚན་ཕོ་བར་བེ་སྣབས་འཕེལ་ནས་མེ་དྲོད་ཉམས་པ་ཞིག་ནད་རྟགས་སུ་ཟས་མི་འཇུ་ཞིང་སྐྱུག་པ་དང་ལུས་ཀྱི་ཤ་སྐམ་ཞིང་ཤེད་ཆུང་དུ་འགྱུར་བ་ཞིག |
| ལྕགས་ནན་ཐར་གསུམ |
གཟབ་གཟབ་ནན་ནན་གྱི་དོན། དོན་གནད་གལ་ཆེན་ལ་ལྕགས་ནན་ཐར་གསུམ་གྱིས་གྲོས་སྡུར་བྱེད་དགོས། |
| ལྕགས་པང |
ལྕགས་ལེབ་གྲུ་བཞི་མཐུག་པོ། |
| ལྕགས་པར |
ལྕགས་ལས་བཟོས་པའི་ཡིག་འབྲུའི་འཕྲུལ་པར། |
| ལྕགས་པོ་རི |
བོད་ཀྱི་རི་ཆེན་བཞིའི་ཡ་གྱལ། ལྷ་ས་རྩེ་ཕོ་བྲང་གི་འཁྲིས་ལྷོ་ནུབ་ཏུ་ཡོད་པའི་རི་ཆུང་ཞིག |
| ལྕགས་པོད |
ལྕགས་ཕོད་དང་འདྲ། |
| ལྕགས་ཕོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཕོ་ལོ། |
| ལྕགས་ཕོད |
1 སྦ་ཐག་སོགས་ལྷས་མ་གྲུ་བཞིའི་སྐ་རགས། 2 ཆབ་ཙེ་བསྒར་བའི་སྐེད་སྡོམ། 3 རྒྱན་སྤྲོས་ཅན་གྱི་སྐེད་ཆིངས། |
| ལྕགས་ཕོར |
ལྕགས་ཀྱི་ཕོར་པ། |
| ལྕགས་ཕྱེ |
1 ལྕགས་ཀྱི་ཕྱེ་མ། 2 ལྕགས་སག་བརྡར་ངོས་བརྡར་ཏེ་སྨན་གྱིས་དུག་བཏོན་པ་ཞིག་ནུས་པས་མིག་ནད་དང༌། དུག་ནད། བད་ཀན་སྨུག་པོ་བཅས་ལ་ཕན། |
| ལྕགས་བཏུལ་མ |
བརྡུངས་ཏེ་ལྷད་བཏོན་པའི་ལྕགས། |
| ལྕགས་བན |
ལྕགས་ཀྱི་ཆུ་བན། |
| ལྕགས་བཙའ |
ལྕགས་ལ་རླན་གཤེར་གོས་ཏེ་ཆགས་པའི་དྲེག་པ་དམར་པོ། |
| ལྕགས་བཟོ་བ |
མགར་བ། མིང་གི་རྣམ་གྲངས་ལ་མགར་བ་དང༌། ལྕགས་མགར། ལྕགས་བཞུ་བ་པོ། ལྕགས་ལས་པ་བཅས་སོ། |
| ལྕགས་བརྒྱད |
གསེར་དང༌། དངུལ། ཟངས། ལྕགས། བཤའ་དཀར། ར་གན། འཁར་བ། ཟ་ཉེ་དཀར་ནག་གཉིས་ཅིག་ཏུ་འདྲེས་པ་བཅས་བརྒྱད་དོ། |
| ལྕགས་མཁར |
1 ལྕགས་ལས་གྲུབ་པའི་ཁང་པ། 2 དྲག་པོ་མངོན་སྤྱོད་ཀྱི་ལས་སྒྲུབ་སྐབས་གཤིན་རྗེའི་ལྕགས་མཁར་གྱི་རྣམ་པའི་གཏོར་ཟོར་བཞེངས་བཀོད་ཀྱི་དབྱིབས་ཏེ་ཟུར་དགུ་པ་དག། བཅུ་དྲུག་པ་གཉིས་ཡོད། |
| ལྕགས་མགར |
ལྕགས་བཟོ་མཁན། |
| ལྕགས་མཆོག |
མངོན གསེར་སྤྱི། |
| ལྕགས་མདའ |
1 སྔར་བོད་ཡུལ་གྱི་སྐུ་དྲག་སྐྱ་བོ་གོ་ས་མཐོ་རིགས་ཀྱི་དབྱར་ཞྭ། 2འཁོར་ལོའི་རྩིབས་མ་ལྕགས་སྐུད། 3 ཆུ་འཁོར་གྱི་དཀྱིལ་བུག་ནང་འབབ་པའི་ཡོས་ཚད་སྙོམས་བྱེད་ཀྱི་ལྕགས་མདའ་སྦུབས་ཅན། 4 ལྕགས་ལས་བཟོས་པའི་མདའ། 5 སྤུན་དོག་གི་སྟོད་གོས་སོགས་སླ་བྱེད་ལྕགས་མདའ། |
| ལྕགས་མདོང |
ལྕགས་སྦུབས་སྟོང༌། |
| ལྕགས་མིག |
ཀོ་བར་མིག་ཁུང་འབིགས་བྱེད་ཀྱི་གཟོང༌། |
| ལྕགས་མོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་མོ་ལོ། |
| ལྕགས་ཚ་ཐོག་རྡུང་བ |
གནད་དོན་གསར་ཐོག་ལ་ཐག་གཅོད་བྱེད་པའི་དཔེ། |
| ལྕགས་ཚགས |
ལྕགས་ལས་བཟོས་པའི་ཚགས་སྤྱད་མིག་མང་པོ་ཅན། |
| ལྕགས་ཞིབ |
1 ལྕགས་ཕྱེ། 2 ལྕགས་སྟག་ལོར་བོད་ལ་མི་གྲངས་དང༌། ས་ཞིང༌། ཁྲལ་འབབ་བཅས་ཞིབ་བཤེར་བྱས་པའི་གཞུང་ཡིག |
| ལྕགས་ཧྲང |
ལྕགས་ཀྱི་རྒྱུག་པ་ཧྲང་ཧྲང༌། |
| ལྕགས་ཧྲུག |
དྲས་གཏུབས་ཀྱི་ལྕགས་དུམ། |
| ལྕང་གསར |
ལྕང་མ་གསར་པ་ཆུང་ངུ། |
| ལྕང་གསེབ |
ལྕང་མའི་ཁྲོད་དང་གསེབ། |
| ལྕང་དཀར |
ཤིང་ལྕང་མ་དཀར་པོ། |
| ལྕང་ནག |
ཤིང་ལྕང་མ་མདོག་ཅུང་ནག་པ་ཞིག |
| ལྕང་བལ |
ལྕང་མའི་འབྲས་བུའི་ཐོག་ནས་སྐྱེས་པའི་རས་བལ་ལྟ་བུ་ཞིག |
| ལྕང་མ |
1 ཤིང་རིགས་ཤིག རྒྱ་ལྕང༌། ལྕང་མ་རློན་པའི་ཟམ་པ། གྱ་རེ་གྱུར་རེ་ཡོང་བ། 2 ཤིང་སྨན་གྱི་རིགས་ཤིག་རོ་ཁ་ལ་བསྐ། ཞུ་རྗེས་སྙོམས། ནུས་པས་དུག་ནད་དང༌། དམུ་ཆུ། རྩ་སྐྲངས་སོགས་ལ་ཕན། |
| ལྕང་མ་མེ་ཏོག |
མེ་ཏོག་འཆར་བའི་མཛེས་རྒྱན་ཤིང་རིགས་དུག་ཅན་ཞིག |
| ལྕང་མོ |
ཁབ་ཤུབས་ཀྱི་མིང་གཞན། |
| ལྕང་ར |
1 ལྕང་མའི་ར་བ། 2 ལྕང་མ་ཡོད་པའི་གླིང་ག། |
| ལྕང་ལོ |
1 ལྕང་མའི་ལོ་མ་ཚིག་སྡུད་བྱས་པ།2 སྐྲ་རིང་བོའི་མིང་སྐྲ་ལྕང་ལོ་ཅན་ཞེས་པ་ལྟ་བུ། |
| ལྕང་ལོ་ཅན |
གསང་བདག་དང་རྣམ་སྲས་ཀྱི་གནས། |
| ལྕང་ལྕུག |
ལྕང་མའི་ལྕུག་མའམ་ཡལ་ག། |
| ལྕང་ལྕོང |
སྒང་ཉག་གམ་སྒང་གཤོང་མང་བ། ས་ཆ་ལྕང་ལྕོང་ཅང་དུ་འགྲོ་མི་བདེ།.. |
| ལྕང་ཤིང |
ཤིང་ལྕང་མ་སྤྱིའི་མིང༌། |
| ལྕང་སོན |
ལྕང་གསར་འཛུགས་རྒྱུའི་སོན་ཏེ་ལྕང་མ་ལས་ཡལ་ག་བཅད་པའམ། ལྕང་གསར་རྩ་བཀོག་བཏང་ནས་འཛུགས་རྒྱུའི་སོན། |
| ལྕང་སོལ |
ལྕང་མའི་སོལ་བ་སྔར་དུས་མེ་མདའི་རྫས་བཟོ་བར་མཁོ་བ་ཞིག |
| ལྕང་སྐྱ |
1 ཤིང་ཨ་མདོའི་ཡུལ་ཞིག 2 ཤིང་ལྕང་མའི་བྱེ་བྲག་ཅིག |
| ལྕང་སྐྱ་ཧོ་ཐོག་ཐུ |
ལྕང་སྐྱ་སྐུ་ཕྲེང་གཉིས་པ་སྟེ་གྲགས་པ་འོད་གསལ་གྱི་སྤྲུལ་སྐུ་བློ་བཟང་ཆོས་ལྡན་རབ་བྱུང་བཅུ་གཅིག་པའི་ཆུ་རྟ་ལོར་འཁྲུངས། དབུས་སུ་ཕེབས་ནས་ཏཱ་ལའི་སྐུ་ཕྲེང་ལྔ་པར་བསྟེན། རབ་བྱུང་བཅུ་གཉིས་པའི་ལྕགས་སྦྲུལ་ལོར་པེ་ཅིན་དུ་གདན་དྲངས། ཤིང་བྱ་ལོར་ཧོ་ཐོག་ཐུ་ཞེས་པའི་འཇའ་ས་ཐོབ་ནས་ནང་སོག་གི་བསྟན་བདག་མཛད། སྐུ་ཕྲེང་གསུམ་པ་ལྕང་སྐྱ་རོལ་པའི་རྡོ་རྗེ་རབ་བྱུང་བཅུ་གཉིས་པའི་མེ་བྱ་ལོར་འཁྲུངས། དགུང་ལོ་བརྒྱད་པར་གོང་མ་གཡུང་ཌིང་གིས་གདན་དྲངས། ཤིང་ཡོས་ལོར་རྒྱལ་བ་བསྐལ་བཟང་རྒྱ་མཚོ་དབུས་སུ་གདན་འདྲེན་པར་ཕེབས། གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་དང༌། དག་ཡིག་མཁས་པའི་འབྱུང་གནས། རྒྱལ་བ་བསྐལ་བཟང་རྒྱ་མཚོའི་རྣམ་ཐར་སོགས་བསྟན་བཅོས་མང་དུ་བརྩམས། ཆན་ལུང་ལྷས་སྐྱོང་རྒྱལ་པོས་གོང་མའི་དབང་ཞུ་ཡུལ་གྱི་ཏཱ་གོ་ཤྲཱི་ཞེས་གོང་མའི་དབུ་བླར་མངའ་གསོལ། དེ་རྗེས་སྐུ་ཕྲེང་བཞི་པ་ཡེ་ཤེས་བསྟན་པའི་རྒྱལ་མཚན་སོགས་ཆིང་རྒྱལ་རབས་ཀྱི་མཇུག་གི་བར་ཁྱོན་སྐུ་ཕྲེང་དྲུག་བྱུང༌། |
| ལྕང་སྐྱའི་གྲུབ་མཐའ |
ལྕང་སྐྱ་རོལ་པའི་རྡོ་རྗེས་མཛད་པའི་གྲུབ་མཐའི་རྣམ་གཞག་ཐུབ་བསྟན་ལྷུན་པོའི་མཛེས་རྒྱན། |
| ལྕམ |
1 ཁང་ཐོག་གི་ལྕམ་ཤིང༌། 2 སྐུ་དྲག་གི་ཆུང་མའི་ཆེ་མིང༌། |
| ལྕམ་ཁེབས |
ཁང་པའི་ལྕམ་ཤིང་སྒྲིབ་བྱེད་གནམ་པང༌། |
| ལྕམ་ཆུང |
སྔར་བོད་ཀྱི་སྐུ་དྲག་འབྲིང་རིམ་གྱི་བུད་མེད་གཞོན་ནུ་མའི་ཞེ་ས། |
| ལྕམ་དྲལ |
1 སྲིང་མོ་དང་མིང་བོ་གཉིས་ཞེས་པའི་དོན།2 སྨན་པས་ལག་རྩ་ལ་ལྟ་སྐབས་རྩ་ཉིས་གཤིབ་ཏུ་འཕར་ཚུལ་ཞིག་གི་མིང་གཉན་གྱི་རྩ་ནི་འཁྱིག་ཅིང་ལྕམ་དྲལ་བྱེད་ཅེས་པ་ལྟ་བུ།０ཁང་བའི་གདུང་མའི་ཀླད་འགེབ་བྱེད་ཀྱི་ཤིང་ཆའི་མིང་ཁང་ལྕམ། གདུང་ལྕམ་ཞེས་པ་ལྟ་བུ།１ལྕམ་པ་ཞེས་པའི་ཚིག་བསྡུས་པ། |
| ལྕམ་པ |
མེ་ཏོག་ལྕམ་པ་ལོ་མང་སྐྱེ་བའི་རྩྭ་ལྡུམ་ཞིག་ཡིན། རིང་ཚད་ལ་ལིས་སྨིས་25—90བར་ཡོད། གཞུང་རྟ་དྲང་བོར་སྐྱེས་ཤིང་ལོ་མའི་དབྱིབས་ཧ་ལམ་གོར་གོར་ཡིན། མེ་ཏོག་ཁམ་དམར་དང་དམར་སྐྱ་ཅི་རིགས་ཡོད་ཅིང་། ཟླ་བརྒྱད་པ་བགུ་པར་མེ་ཏོག་བཞད། འབྲས་བུ་སྨན་དུ་བྱེད། འདི་ལ་ཕོ་ལྕམ་མོ་ལྕམ་མ་ནིང་ལྕམ་པ་བཅས་རིགས་གསུམ་ཡོད། ཚིག་བསྡུས་ན་ལྕམ་ཞེས་འབྲི་ཆོག་ལྕམ་པའི་འབྲས་བུ་ལ་ལྕམ་འབྲས་ཟེར་བ་ལྟ་བུ། |
| ལྕམ་པ་ཧ་ལོ |
ཐང་སྨན་གྱི་རིགས་ཏེ་རོ་མངར་ལ་ཚ། ཞུ་རྗེས་སྙོམས། མེ་ཏོག་གིས་གྲང་བས་ཆུ་ལམ་ཚ་བ་དང༌། ཁམས་འཛག་པ་ལ་ཕན། རྩ་བས་ཡི་ག་འཆུས་པར་འབྱེད། |
| ལྕམ་པོ |
ཁེངས་དྲེགས་དང་ཆེ་ཉམས་མེད་པ། རྒྱན་གོས་ལྕམ་པོ། སྐུ་ལྕམ་པོར་ཕེབས་པ། |
| ལྕམ་མོ |
སྲིང་མོ་དང་ཆུང་མའི་ཞེ་ས། |
| ལྕམ་ལ་རྒན |
ལ་ཞིག་བོད་རང་སྐྱོང་ལྗོངས་ཀྱི་སོག་རྫོང་གི་ལྷོ་རྒྱུད་ན་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5204 ཡོད། |
| ལྕམ་ཤིང |
ཁང་པའི་ཐོག་གི་རྒྱུའི་ཤིང་ཆ། |
| ལྕམ་སྐུ་ཞབས |
སྔར་གྱི་མི་དྲག་རིམ་པ་བཞི་པ་ཡན་ཆད་ཀྱི་བཟའ་ཟླར་འབོད་པའི་ཞེ་ཚིག ལྕམ་སྐུ་ཞབས་ཀྱི་འགྲོ་སྟངས་མ་ཤེས་པར་བུ་མོ་རང་གི་འགྲོ་སྟངས་ཤོར་བ། |
| ལྕམ་སྣེ |
ཁང་པའི་ལྕམ་ཤིང་གི་རྩེ་མོ། |
| ལྕམ་སྲིང |
1 སྲིང་མོའི་ཞེ་ས། 2 ཡི་དམ་རྟ་མགྲིན་གྱི་འཁོར་ལས་མཁན་སྲོག་བདག་དམར་པོ། |
| ལྕི |
(རྒྱན་ཚིག) <ཀ>ཡང་བའི་ལྡོག་ཟླ་ཁུར་བོ་ཧ་ཅང་ལྕི། དངོས་རྫས་ལྕི་མོ། རི་བོ་ཐེ་ཧྲན་ལས་ཀྱང་ལྕི་བ་ཞེས་པ་ལྟ་བུ།<ཁ>ཚབས་ཆེ་བའི་དོན་ཏེ། ནད་ལྕི་མོ། རྨས་ལྕི་མོ། ཚིག་ལྕི་མོ་ཞེས་པ་ལྟ་བུ། ལྕི་བ་ཞེས་པའི་ཚིག་བསྡུས་པ། |
| ལྕི་ཁྲལ |
སྔར་བོད་ས་གནས་སྲིད་གཞུང་གིས་གཡུ་རྩི་གཏོང་དུས་བསྡུ་བའི་ལྕི་ཁྲལ། |
| ལྕི་ཆོས་བརྒྱད |
སྔོན་ཆོག་བཅུའི་ནང་གསེས། སྐྱེ་དགུའི་བདག་མོ་སོགས་ཀྱིས་ལྕི་ཆོས་བརྒྱད་བསླབ་པར་ཁས་བླངས་པས་བསྙེན་པར་རྫོགས་པ་ལྕི་ཆོས་བརྒྱད་ནི། ཕའི་དགེ་འདུན་ལས་བསྙེན་པར་རྫོགས་པ་དང༌། ཟླ་བ་ཕྱེད་ཕྱེད་ལས་དགེ་སློང་ལས་གདམས་པ་ནོད་པ་དང༌། ཕའི་དགེ་སློང་ཡོད་སར་དབྱར་ཁས་ལེན་པ་དང་གཉིས་ཀའི་ཚོགས་ལས་དགག་དབྱེ་བྱ་བ་དང༌། ལྕི་བའི་ཆོས་ལས་འདས་ན་ཚོགས་གཉིས་ཀྱི་དགེ་འདུན་ལ་མགུ་བ་སྤྱད་པ་དང༌། དགེ་སློང་གི་ཚུལ་ཁྲིམས་འཆལ་བ་མི་བརྗོད་པ་དང༌། དགེ་སློང་ལ་ཅོ་འདྲི་བ་སོགས་མི་བྱེད་པ་དང༌། དགེ་སློང་གསར་བུ་ལའང་ཕྱག་འཚལ་བ་སོགས་གུས་པ་བྱ་བ་རྣམས། |
| ལྕི་ཐང |
ལྕི་བ་འཇོག་སའི་གནས། |
| ལྕི་ཐལ |
ལྕི་བའི་ཐལ་བ། |
| ལྕི་ཐིབས་ཐིབས |
ལྕི་ཡོར་ཡོར་རམ་ལྗིད་ཡོར་ཡོར། རྨོག་ཞྭ་གྱོན་ནས་མགོ་ལ་ལྕི་ཐིབས་ཐིབས་བྱས་བྱུང༌། ཆམ་པ་ཕོག་ན་གཟུགས་པོ་ལྕི་ཐིབས་ཐིབས་ཤིག་ཡོང༌། |
| ལྕི་པོ |
ལྗིད་ཚད་ཆེན་པོའམ་འཁྱོག་ཁག་པོ། རྡོག་ཁྲེས་ལྕི་པོ། མཚོན་ཆ་ལྕི་པོ། གཟུགས་པོ་ལྕི་འཁྱོམས་རྒྱག་པ། ཁུར་པོས་འཇར་གྱིས་མནན་པས་སྟོད་རྒྱབ་ལྕིས་སྦྲིད་པ། |
| ལྕི་ཕག |
ལྕི་སྒམ་དང་དོན་གཅིག་ |
| ལྕི་བ |
1 1 མཛོ་འབྲི་སོགས་ཀྱི་ལྕི་བ། ལྕི་བ་མེ་ཤིང་དུ་འབུད་པ། 2 ཚེག་དྲག་ཅན་དང་ཀླད་ཀོར་ཅན་རིང་པོ་ནི་ལྕི་བ་ཡིན་ལ་ཀྱི་གེ་གང་གི་ཕ་རོལ་ཏུ་ཧ་སའི་ཡི་གེ་ཉིས་བརྩེགས་དབྱངས་ཡོད་པ་དེའང་ལྕི་བར་འགྱུར། 2. ལྗིད་ཚད་ཆེ་བ། བྱས་ཉེས་ལྕི་བ། ལྗིད་ཚད་ལྕི་བ། སྨན་ནུས་ལྕི་བ། སྨང་གྱི་ཡོན་ཏན་ལྕི་བ། ཁུར་པོ་ཧ་ཅང་ལྕི་བ། |
| ལྕི་མོ |
ལྗིད་ཚད་ཆེ་བ། རྡོག་ཁྲེས་ལྕི་མོ་ཁུར་ནས་མགྱོགས་པོ་འགྲོ་བ། |
| ལྕི་འཁེང |
འཁྱག་པ་ཐེབས་པའི་ལྕི་བ། |
| ལྕི་འཐིབས་པ |
ལུས་སེམས་མི་བདེ་བའམ་ཁམས་ཉོག་པ། ལུས་སེམས་ལྕི་འཐིབས་པ། རིག་པ་ལྕི་འཐིབས་པ། |
| ལྕི་འདག |
ལྕི་བ་བརྫིས་པའི་འདག་པ། |
| ལྕི་ཡང |
ལྗི་བ་དང་ཡང་བའི་བསྡུས་ཚིག ལྕི་ཡང་མི་མཉམ་པ། |
| ལྕི་ཡེ་རེ |
ལྗིད་ཡོར་ཡོར། འཁུར་བའི་རྡོག་ཁྲེས་དེ་ལྕི་ཡེ་རེ་བ་ཞིག་བྱུང༌། |
| ལྕི་ར |
ལྕི་བས་བཟོས་པའི་ར་བའམ་ལྕི་བ་འཇོག་སའི་གནས། |
| ལྕི་རྒྱབ |
ལྕི་བ་རྒྱབ་སྟེ་དོ་པོ་གཉིས། |
| ལྕི་རྙང |
ཡུལ བ་ལང་གི་ལྕི་བ། |
| ལྕི་ལེབ |
ལེབ་མོ་བཟོས་ཏེ་བསྐམས་པའི་ལྕི་བ། |
| ལྕི་སྒམ |
དགུན་དུས་ལྕི་རློན་གྲུ་བཞི་ས་ཕག་ལྟ་བུ་བཟོས་ཏེ་སྐམ་བཅུག་ནས་དབྱར་དུས་མེར་འབུད་རྒྱུ། |
| ལྕིག་ལྕིག |
བར་མཚམས་མེད་པར་ཁྱབ་པའམ་གཡོགས་པ། འབུ་སྦྲང་མང་པོ་ལྕིག་ལྕིག་ཏུ་བབ་འདུག |
| ལྕིགས |
(བྱེད་འབྲེལ་ལས་ཚིག) ནུས་པ་དང་ཐེག་པའི་དོན་ཏེ། བློས་ལྕིགས་(བློས་ནུས)ཟས་ཟ་ཚད་ལས་འདས་ན་ཕོ་བས་ལྕིགས་དཀའ་ལྟ་བུ། |
| ལྕིགས་པ |
ཐ་མི་དད་པ རྟོགས་པ། གཞུང་དོན་ལྕིགས་པ། བློས་ལྕིགས་པ། |
| ལྕིད |
ལྗིད་ཀྱི་འབྲི་ཚུལ་གཞན། |
| ལྕིད་པ |
1. ལྕི་ཡང་གི་ཚད། ཁུར་པོའི་ལྕིད་ཀྱིས་ནོན་པ། 2. ལྕི་མོ། རྡོག་ཁྲེས་ལྕིད་པ། |
| ལྕིད་ཕབ་པ |
ལྗིད་ཅི་ཡོད་གློད་དེ་ཕབ་པ། |
| ལྕིབ་ཐག་གེ་ཟ |
ཞིམ་ཞིམ་དུ་ཟ་བ། |
| ལྕིབས |
ཕྱི་ཐུམ་གྱི་མིང་མིག་ལྕིབས། སྐེ་ལྕིབས། ལག་ལྕིབས་ཞེས་པ་ལྟ་བུ། |
| ལྕིབས་ཕུར |
སྒོའི་ལྕིབས་ཕུར། |
| ལྕིབས་མོ |
མཛུབ་ལྕིབས། |
| ལྕུག་གུ |
སྐ་རགས་ཀྱི་མིང་རས་ལྕུག སྣམ་ལྕུག་ཅེས་པ་ལྟ་བུ། |
| ལྕུག་པ |
ཕྲ་བོ། ལྕང་མའི་ཡལ་ག་མཉེན་ཞིང་ལྕུག་པ། |
| ལྕུག་ཕྲན |
ཤིང་གི་ཡལ་ག་ཕྲ་མོ། |
| ལྕུག་མ |
1 འཁྲི་ཤིང་སོགས་ཀྱི་ཡལ་ག་ཕྲ་མོ། སྤྲོག་མ་དང་སླེལ་པོ་སོགས་ཤིང་གི་ལྕུག་མས་བསླས་པ་མང་པོ་ཡོང༌། 2 དབྱིབས་ནར་མོ། ཤ་ལྕུག་མ། ལྕགས་ལྕུག |
| ལྕུག་མ་བཟང་པོ |
མངོན སོ་མ་རཱ་ཛཱ། |
| ལྕུག་མ་ལྷས་མ |
ཤིང་གི་ཡལ་ག་ཕྲ་མོ་བསླས་པའི་རིགས། |
| ལྕུག་ལྕུག |
འདར་བའམ། ལྡེམ་ལྡེམ་བྱེད་ཚུལ། ཤིང་གི་ཡལ་ག་རླུང་གིས་བསྐྱོད་ནས་ལྡེམ་ལྕུག་ལྕུག་བྱེད་པ། |
| ལྕུག་ལྡན་མ |
མངོན སྨད་འཚོང་མའི་གཙོ་མོ། |
| ལྕུགས་ |
(རྒྱན་ཚིག) མཉེན་ཞིང་ལྡེམ་པ་ལྕུག་མ་ལྕུགས་ལྕུགས་བྱེད་སྒྱིད་པ་ལྕུགས་ལྕུགས་འདར་དར་ཤིང་ལྕུགས་ལྕུགས་འགུལ་ཕྲག་ཤིང་ལྕུགས་ལྕུགས་ལྡེམ་ལྟ་བུ། 2.རྙིང གྲིའི་རྣོ་དབལ། གྲིའི་ལྕུགས།… |
| ལྕུང་ཀ |
སྐྱུང་ཀ་དང་འདྲ། |
| ལྕུང་ག |
སྐྱུང་ཀ་ཡི་འབྲི་སྲོལ་གཞན། |
| ལྕུམ |
ལོ་མང་སྐྱེ་བའི་རྩྭ་ལྡུམ་ཞིག་ཡིན། གཞུང་རྟ་ཁོང་སྟོང་དྲང་མོར་སྐྱེས་ཤིང་ལོ་མ་ཆེན་པོ་བསིལ་གཡབ་ཀྱི་དབྱིབས་ཅན། མེ་ཏོག་དམར་སྨུག་ཆུན་པོ་སྙེ་མའི་དབྱིབས་ཅན། རྩྭ་བ་ལ་ལྕུམ་རྩ་ཟེར་ཞིང་སྨན་མཆོག་ཅིག་ཡིན། |
| ལྕུམ་བུ |
རྩྭ་ཡི་བྱེ་བྲག་ཅིག |
| ལྕུམ་རྩ |
ཐང་སྨན་གྱི་རིགས་ཤིག་རོ་སྐྱུར། ཞུ་རྗེས་སྙོམས། ནུས་པས་ཟས་མ་ཞུ་བ་དང༌། ཕོ་བ་སྦོས་པ་ལ་ཕན། |
| ལྕུམ་ཤོག |
ཡུལ རྫ་ལྕུམ་དང་དུག་ལྕུམ་གྱི་ལོ་མ། |
| ལྕུམ་སྡོང |
ལྕུམ་གྱི་སྡོང་པོ་ལོ་གནངས་འཆར་དུ་སྐྱེ་ཞིང་བཟའ་རུང་བ་ཞིག |
| ལྕེ |
1 རོ་འཛིན་ནམ་ངག་གི་འདབ་མ། ལྕེ་དྲིལ་བ། སྨྲ་ལྕེ་ལྡིབ་པ། ཁའི་ལྕེ་མི་བདེ་བ། རོ་བཅུད་ལྕེས་འཇིབ་པ། ཞོ་ལྕེས་ལྡག་པ། ཤོད་རྒྱུ་ཁ་ཡིས་བཤད་ཀྱང༌། འདེམ་རྒྱུ་ལྕེ་ཡིས་བདམས་ཡོང༌། ཁ་ནང་ལྕེ་རྒྱུས། ཁ་གཅིག་ལྕེ་གཉིས། མིང་གི་རྣམ་གྲངས་ལ་ངག་གི་འདབ་མ་དང༌། བཅུད་ཀྱི་མ། བདུད་རྩི་འཛག་སྨྲ་བའི་འབབ་སྟེགས། རོ་མྱོང་བ། རོ་འཛིན། རོ་ཤེས་བཅས་སོ།2 དབྱིབས་ལྕེ་དང་འདྲ་བའི་དངོས་པོ། མེ་ལྕེ། དྲིལ་བུའི་ལྕེ། དར་ལྕེ། 3 རྙིང གནམ་ལྕགས། |
| ལྕེ་ཁམས |
རོ་འཛིན་པར་བྱེད་པའི་རྒྱུའམ་རིགས་ཏེ་ལྕེའི་དབང་པོ། |
| ལྕེ་གཅོད |
སྔ་དུས་ནག་ཅན་ལྕེ་གཅོད་ཀྱི་ཁྲིམས། |
| ལྕེ་གཉིས་པ |
1 གཏམ་ངོ་ལྐོག་ཅན། ལྕེ་གཉིས་པའི་གཏམ་ལ་ཆ་འཇོག་མི་ཐུབ། 2 མངོན 1)ནེ་ཙོ། 2) སྦྲུལ། 3)གཡོ་ཁྲམ་ཅན། |
| ལྕེ་གཞུང |
ལྕེའི་དཀྱིལ། |
| ལྕེ་ཆུང |
ཡ་རྐན་ཕུག་གི་ཤ་འབུར་བོའི་མིང་། རྐན་ནུ་དང་ལེན་པ་ཡང་ཟེར། མེ་ལྷབ་ལྷུབ་འབར་བ་དེའི་མིང་མེ་ལྕེ། མེ་ལྕེ་ལྷབ་ལྷུབ་འབར་ལྟ་བུ། |
| ལྕེ་ཆུང་བབ་པ |
གག་པ་དང་གཉན་ཐོར་སོགས་ཀྱིས་ལྕེ་ཆུང་སྐྲངས་ནས་ཐུར་དུ་བབ་སྟེ་གྲེ་བ་དང༌། མིད་པ་འགགས་ནས་ཟས་སྐོམ་འགྲོ་དཀའ་ཞིང་སྐད་འགགས་པ་སོགས་འབྱུང་བའི་ནད་ཅིག |
| ལྕེ་ཐེལ |
ཕྲུ་གུ་བཙས་རྗེས་ཡིག་རིས་ཀྱོང་བརྐོས་ནང་གུར་ཀུམ་གྱི་ཕྱེ་མ་བཏབ་སྟེ་ལྕེ་ལ་པར་རྒྱག་བྱེད་ཀྱི་ཡོ་བྱད་ཅིག |
| ལྕེ་དབང |
ལྕེའི་དབང་པོའི་བསྡུས་ཚིག་ |
| ལྕེ་དིག |
སྨྲ་ལྕེ་མི་བདེ་བ། |
| ལྕེ་དྲི |
ལྕེ་ཡི་དྲི་མ་སྟེ་ལྕེའི་དྲེག་པ། |
| ལྕེ་དྲེག |
ལྕེའི་ཐོག་ལ་ཆགས་པའི་དྲི་མ། |
| ལྕེ་ཕྱུང་སྟེ་ཟས་མི་ཟ |
དགེ་སློང་གི་སྡོམ་ཁྲིམས་ནང་གི་ཉེས་བྱས་བརྒྱ་དང་བཅུ་གཉིས་ཀྱི་ནང་ཚན་ཞིག |
| ལྕེ་ཕྲུག |
རྐན་མཚམས་ཀྱི་ལྕེ་ཆུང༌། |
| ལྕེ་བདེ |
སྨྲ་ལྕེ་སྒྲ་གསལ་ལ་མྱུར་བ། |
| ལྕེ་བདེ་ཞོལ |
ས་མིང་ཞིག་བོད་རང་སྐྱོང་ལྗོངས་ཀྱི་གོང་དཀར་རྫོང་ཁོངས་སུ་ཡོད། |
| ལྕེ་བཞར |
ར་གན་དང༌། ཟངས་དང༌། ལྕགས་དང༌། འཁར་བ་སོགས་ལས་བྱས་པའི་ལྕེའི་དྲི་མ་བཞར་བྱེད་ཅིག |
| ལྕེ་བརྒྱ་པ |
མངོན ཆུ་ལྷ། |
| ལྕེ་བསྣར |
སྔར་གོ་གནས་དམའ་བས་མཐོ་བར་གུས་ཞབས་ཀྱི་ཚུལ་དུ་ལྕེ་བསྣར་གྱི་ཡོད། |
| ལྕེ་མེད |
མངོན སྦལ་པ། |
| ལྕེ་མྱང་ཚ |
1 ལན་ཚྭའི་རིགས་ཤིག་སྟེ་རོ་ལན་ཚ་ལ་མངར། ཞུ་རྗེས་སྙོམས། ནུས་པས་ཟས་འཇུ། མིག་འབྱེད། རོ་ཙ། མིག་གསལ་བར་བྱེད། 2 ཤིང་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་བད་རླུང་གྲང་བ་འཇོམས། མ་ཞུ་འཇུ། མིག་གསལ་བར་བྱེད། |
| ལྕེ་ཚ |
སྔོ་སྨན་གྱི་རིགས་ཤིག་རོ་ཚ། ཞུ་རྗེས་དྲོད། ནུས་པས་མེ་དྲོད་སྐྱེད། ཆུ་སེར་སྐེམ། གག་པ་གཅོད། རྨ་ངན་རུལ་བ་ལ་ཕན། |
| ལྕེ་འབབ |
མངོན ཐོག་གི་མིང༌། |
| ལྕེ་འབམ |
གཉན་ནད་ལྕེ་ལ་བབ་པའི་ནད་རིགས་སྤྱི། |
| ལྕེ་འབིགས |
མངོན ཚྭ། |
| ལྕེ་རྟེན |
རྙིང སྙད་འདོགས་པའམ་སྒྱུ་ཐབས་ཀྱིས་བརྫུས་པ། |
| ལྕེ་རྩ |
1 ལྕེའི་རྩ་བ། 2 ལྕེ་འོག་གི་གཏར་རྩ་གཡས་པ་ར་རྩ་དང་གཡོན་པ་ལུག་རྩ་ཟེར་བ་གཉིས། |
| ལྕེ་རྩེ |
ལྕེའི་རྩེ་མོ། |
| ལྕེ་ལོ |
ཡུལ ལྕེ་བདེ་པོ་མེད་པའམ་ཁ་དིག་པ། |
| ལྕེ་ཤེས |
ལྕེའི་རྣམ་པར་ཤེས་པ་རང་གི་ཐུན་མོང་མ་ཡིན་པའི་བདག་རྐྱེན་ལྕེ་དབང་ལ་བརྟེན་ནས་བྱུང་བའི་རང་ཡུལ་དུ་གྱུར་པའི་རོའི་སྐྱེ་མཆེད་ཀྱི་ངོ་བོ་རང་སྟོབས་ཀྱིས་མཐོང་བའི་རིག་པ། དཔེར་ན། ལན་ཚྭའི་རོ་མྱོང་བྱེད་ཀྱི་ཤེས་པ་ལྟ་བུའོ། |
| ལྕེ་སྐྲང |
གཉན་ནད་ལྕེར་བབ་པའི་གག་པ་ལྟ་བུ་ལྕེ་སྐྲངས་པའི་ནད། |
| ལྕེ་སྙིང་མེད |
མངོན ཐོག |
| ལྕེ་སྤྱང་། |
ཅེ་སྤྱང་གི་འབྲི་ཚུལ་གཞན། |
| ལྕེ་སྦྱང |
ལྕེ་སྒྲོག་དགྲོལ་བ། ཐབས་ཤེས་སྣ་ཚོགས་ལ་བརྟེན་ནས་ལྕེ་སྦྱང་བྱེད་པ། |
| ལྕེབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)རང་སྲོག་རང་གིས་བཅད་པའི་དོན་ཏེ། གཡང་ལ་མ་ལྕེབ། ཕྱེ་མ་ལེབ་མེ་ལ་ལྕེབ་ལྟ་བུ། |
| ལྕེབ་པ |
ཐ་མི་དད་པ ལྕེབས་པ། ལྕེབ་པ། ལྕེབས།། རང་སྲོག་འདོར་བའི་ཆེད་དུ་ཆུ་སོགས་ལ་མཆོང་བ། ཆུ་ལ་ལྕེབས་པ། སྦྲང་མ་མེར་ལྕེབས་པ། གཡང་ཆེན་པོ་ལ་ལྕེབས་ནས་ཤི་བ། |
| ལྕེབ་འདྲེ་མ |
ཡུལ ཕྱེ་མ་ལེབ། |
| ལྕེབས |
འདས་པ་དང་སྐུལ་ཚིག་ཕྱེ་ལེབ་མེ་ལ་ལྕེབས་ནས་ཤི་ལྟ་བུ། |
| ལྕེབས |
ལྕེབ་ལ་ལྟོས། |
| ལྕེབས་པ |
ལྕེབ་པའི་འདས་པ། |
| ལྕེའི་དབང་པོ |
དབང་པོ་ལྔའི་ནང་གསེས། རང་འབྲས་ལྕེ་ཤེས་ཀྱི་ཐུན་མོང་མིན་པའི་རྟེན་ནམ་བདག་རྐྱེན་དུ་གྱུར་པའི་རིགས་སུ་གནས་པའི་ནང་གི་གཟུགས་ཅན་དྭངས་མ། དབྱིབས་ཟླ་བ་བཀས་པ་ལྟ་བུའོ། |
| ལྕེའི་དབང་པོ་གཟུགས་ཅན |
ནང་དོན་བེམ་པོ་གང་ཞིག་ལྕེའི་དབང་ཤེས་ཀྱི་བདག་རྐྱེན་དུ་རུང་བ། ལྕེས་ཡུལ་ལ་འཇུག་དུས་ཀྱི་ལྕེ་དབང་ལྟ་བུ་རྟེན་བཅས་ཀྱི་དབང་པོ་གཟུགས་ཅན་དང༌། ལྕེས་ཡུལ་ལ་མི་འཇུག་དུས་ཀྱི་ལྕེ་དབང་ལྟ་བུ་དེ་མཚུངས་ཀྱི་དབང་པོ་གཟུགས་ཅན་ཡིན་ནོ། |
| ལྕེའི་དབང་མངོན |
དབང་མངོན་ལྔའི་ནང་གསེས། རང་གི་བདག་རྐྱེན་ལྕེའི་དབང་པོ་ལས་བྱུང་ཞིང་རྟོག་བྲལ་མ་འཁྲུལ་བའི་གཞན་རིག་དཔེར་ན། ལན་ཚྭའི་མྱོང་བའི་ཤེས་པ་ལྟ་བུའོ། |
| ལྕེའི་བད་ཀན |
མངོན ལྕེའི་དྲི་མ། |
| ལྕེའི་རྣམ་ཤེས |
ལྕེ་ཤེས་དང་དོན་གཅིག་ |
| ལྕེའི་སྐྱེ་མཆེད |
ལྕེའི་རྣམ་པར་ཤེས་པ་སྐྱེ་ཞིང་མཆེད་པའི་དབང་པོ། |
| ལྕེའུ་ཆུང |
རྐན་སྦུག་ལྕེ་སྟེང་རྩ་བའི་ལྕེ་ཆུང༌། |
| ལྕོ་མོ་ཚྭ་ཁ |
བོད་རང་སྐྱོང་ལྗོངས་ཀྱི་ཤན་རྩ་རྫོང་ཁོངས་སུ་ཡོད། |
| ལྕོག |
ཁང་ཀླད་དང་ཐོག་ཁེབ་ཀྱི་མིང་ཁང་བའི་ལྕོག ལྕོག་རས་(རས་ཁེབ)ཞེས་པ་ལྟ་བུ། རྩེ་མོའི་མིང་རི་བོའི་ལྕོག མེ་ཏོག་མགོ་ལྕོག་ལྡེམ་པ་ཞེས་པ་ལྟ་བུ། |
| ལྕོག་ཁང |
ཁང་ཐོག་སོགས་སུ་ཡོད་པའི་ཁང་ཆུང༌། |
| ལྕོག་ཁེབས |
ཅོག་ཁེབས་དང་འདྲ། |
| ལྕོག་ཆུང |
མཁར་ཆུང་ངུ། |
| ལྕོག་པུ |
ཅོག་པུའམ། ཙོག་པུ། རི་རྩེ་ལྕོག་པུ། |
| ལྕོག་ཙེ |
ཅོག་ཙེ་དང་འདྲ། |
| ལྕོག་རི |
ལྷ་སའི་ལྷོ་ནུབ་ཕྱོགས་ཀྱི་ལྕགས་པོ་རིའི་མིང་གཞན། |
| ལྕོག་རིང |
ལྕོག་ཙེ་དཀྱུས་རིང་བ། |
| ལྕོག་རྒྱག་པ |
བཙས་མ་བརྔས་ཏེ་སྟོན་ཐོག་ཞིང་གི་ནང་དུ་ཁང་བུའི་དབྱིབས་བཞིན་དུ་རྩིག་པའི་མིང༌། བཙས་མ་བརྒྱབ་རྗེས་ཚར་མ་ལྕོག་རྒྱག་པ། |
| ལྕོག་རྩེ |
ཅོག་ཙེ་དང་འདྲ། |
| ལྕོག་ལྕོག |
1 དབྱིབས་ཅོག་བུའི་རྣམ་པ། རི་སྣ་ལྕོག་ལྕོག རྡོ་མཁར་དམར་པོ་ལྕོག་ལྕོག 2 མགོ་བོའི་གཡོ་སྟངས་ཤིག་སྟེ་ཁས་ལེན་པའི་རྣམ་པ་སྟོན་པ། མགོ་ལྕོག་ལྕོག་བྱེད། |
| ལྕོག་ལྕོག་པུ |
འབུར་འབུར་རམ་ཙོག་ཙོག གྲོང་ཁྱེར་གྱི་ཉེ་འདབས་སུ་ཁང་པ་ལྕོག་ལྕོག་པུ་ཞིག་འདུག |
| ལྕོགས |
(བྱེད་འབྲེལ་ལས་ཚིག) ཐུབ་པའམ་ནུས་པའི་དོན་ཏེ། ཅི་ལྕོགས་ཀྱི་སྒོ་ནས་མི་དམངས་ལ་ཞབས་འདེགས་ཞུ། རང་ལྕོགས་ཐུབ་ལྟ་བུ། |
| ལྕོགས་པ |
ཐ་མི་དད་པ 1 ཁོམ་པ། གནས་སྐབས་ལྕོགས་མི་ཡོང༌། སང་ཉིན་ལྕོགས་མི་ལྕོགས་མི་ཤེས། 2 བྱེད་ནུས་པ་དང༌། ཐུབ་པ། བློ་ནུས་ཀྱིས་མ་ལྕོགས། གང་ལྕོགས་ཅི་ལྕོགས། |
| ལྕོང་མོ |
སྦལ་བའི་ཕྲུ་གུ་རྔ་མ་ཅན་ཏེ་སྦལ་ལྕོང་ཡང་ཟེར། ཡུལ་སྐད་ལ་ལར་འབུ་ཐོམ་བུ་ཟེར། |
| ལྕོང་ཤོག་སེར་པོ |
ཨུཏྤལ་རིགས་དཀར་དམར་སྔོ་སེར་བཞིའི་ནང་ཚན་སེར་པོ་རོ་ཁ། ཞུ་རྗེས་བསིལ། ནུས་པས་གློ་མཆིན་གྱི་ཚད་པ་དང༌། བད་ཀན་སྨུག་པོ་སེལ། མཁྲིས་ནད་སོགས་གྱེན་དུ་འདྲེན་ཞིང་སྐྱུག་པར་བྱེད། |
| ལྕོངས |
ས་འབུར་གཞོང་ཅན་གྱི་དབྱིབས་ཀྱི་མིང་ས་ལྕོངས་རོང་ཞེས་པ་ལྟ་བུ། |
| ལྗགས |
1 ལྕེའི་ཞེ་ས། 2 མིང་ཚིག་འགའ་ཞིག་གི་སྔོན་དུ་སྦྱོར་རྒྱུའི་ཞེ་སའི་ཚིག ལྗགས་རྩོམ། |
| ལྗགས་ཀྱི་དཔེ་བྱད་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་ལྗགས་མཉེན་པ་དང༌། ལྗགས་སྲབ་པ་དང༌། ལྗགས་དམར་བ། |
| ལྗགས་ཁྲིད |
དཔེ་ཁྲིད་བྱེད་པ། |
| ལྗགས་གྲོའི་འུ་ལག |
སྔར་བོད་ས་གནས་སྲིད་གཞུང་སྐབས། མི་སེར་ཚོས་ལོ་ལྟར་སྲིད་གཞུང་ལ་གྲོ་སྐྱེལ་འདྲེན་གྱི་འུལ་མི་གཏོང་དགོས་པའི་ཁྲལ་ཞིག |
| ལྗགས་གླིང |
སྦུ་གུའི་ཐོག་ན་བུ་ག་བདུན་ཡོད་པའི་འབུད་པའི་རོལ་མོ་ཞིག་གི་མིང་། |
| ལྗགས་ཆབ |
མཆིལ་མ། |
| ལྗགས་དབུགས |
ཁའི་དབུགས་སམ་རླུང༌། |
| ལྗགས་དམར་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཆོས་འདུལ་བ་བྱིས་པའི་སྐྱེ་བོ་ཆགས་པ་ཅན་གྱིས་གཏིང་དཔག་དཀའ་བ་ཉིད་ཀྱིས་ལྗགས་དམར་བ། |
| ལྗགས་ནར་མཛད |
ལྗགས་རྐྱོང་བར་མཛད། |
| ལྗགས་བཀོད |
བཀོད་པ། ལས་ཀ་བྱེད་ལུགས་བྱེད་སྟངས་ཀྱི་ལྗགས་བཀོད་གནང་བ། |
| ལྗགས་བཤད |
དཔེ་ཆའི་ཁྲིད་འཆད་པ། རིག་གཞུང་གི་ཐོག་མཐའ་བར་གསུམ་ནས་ལྗགས་བཤད་གནང་བ། |
| ལྗགས་བསྔོ |
བླ་མའི་ཞལ་ནས་གསུངས་པའི་བསྔོ་སྨོན། |
| ལྗགས་བསྙེན་པ |
སྒོམ་ཆེན་པའམ་ལྷའི་སྔགས་འདྲེན་པ་པོ། |
| ལྗགས་མཉེན་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཚིག་འཇམ་པོས་འདུལ་བ་ཉིད་ཀྱིས་ལྗགས་མཉེན་པ། |
| ལྗགས་མདུད |
རས་དར་ཚོན་སྐུད་སོགས་ཀྱི་དབུས་སུ་རྡོ་རྗེའི་མདུད་པ་བྱས་ནས་སྔགས་བཏབ་པའི་སྲུང་མདུད། |
| ལྗགས་མར |
སྔགས་བཏབ་པའི་མར། |
| ལྗགས་འདྲིལ་བ |
ལྕེ་རྩེ་ཡར་གུག་སྟེ་དྲིལ་བ་ལྟར་བྱེད་པ་སྟེ་ཁྲོ་བའི་ཉམས། |
| ལྗགས་རིང་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་འཇམ་པོ་ལ་སོགས་པ་གསུང་བས་ལྗགས་རིང་བ། |
| ལྗགས་ལན |
ཕྲིན་ལན། དགེ་རྒན་གྱིས་ང་ལ་ལྗགས་ལན་གནང་བ་འཕྲོད་བྱུང༌། |
| ལྗགས་ལུང |
དཔེ་ཆའི་ལུང༌། དཔེ་ཆ་པོ་ཏི་མང་པོའི་ལྗགས་ལུང་གནང་བ། |
| ལྗགས་སྨིན |
ལྟོ་ཆས་ཀྱི་ཞེ་ས། |
| ལྗགས་སྲབ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་ཡོན་ཏན་འཐད་པ་མང་བ་ཉིད་ཀྱིས་ལྗགས་སྲབ་པ། |
| ལྗང |
འཇང་དང་འདྲ། |
| ལྗང་ཁུ |
ལྗང་གུ་དང་འདྲ། |
| ལྗང་ཁྲ |
ཚོས་གཞི་ལྗང་གུ་ཤས་ཆེ་བའི་ཁྲ་བོ། |
| ལྗང་གཤར |
ཡུལ ལྷམ་གྱི་ཡུ་བར་བཏང་བའི་འཇའ་ལྗང་གུའི་མིང༌། |
| ལྗང་གུ |
ཁ་དོག་གི་བྱེ་བྲག་ཅིག མིང་གི་རྣམ་གྲངས་ལ་ལོ་མ་ཁ་དང༌། ལོ་མའི་མདོག་གོ། |
| ལྗང་ཇ |
འཇང་ནས་ཐོན་པའི་ཇ་དཀྱུས་མ་ཞིག |
| ལྗང་ཐིང་ངེ་བ |
ཁ་དོག་ལྗང་གུའི་མཚོན་ཚུལ། སྤང་རི་ལྗང་ཐིང་ངེ་བ་ཞིག་འདུག |
| ལྗང་དཀར |
མདོག་ལྗང་སྐྱ། |
| ལྗང་དགུན་ཆོས |
འཇང་དགུན་ཆོས་དང་འདྲ། |
| ལྗང་དམར |
ལྗང་གུ་དང་དམར་པོ་འདྲེས་པའི་མདོག |
| ལྗང་ནག |
ལྗང་གུ་དང་ནག་པོ་འདྲེས་པའི་མདོག |
| ལྗང་པ |
གྲོ་ནས་ཀྱི་མྱུ་གུ་སྔོན་པོ། ལྗང་པ་ལག་པས་འཐེན་པས་སྐྱེ་རོགས་མི་ཡོང༌། མིང་གི་རྣམ་གྲངས་ལ་ངེས་སྒྲིབ་དང༌། སྔོ་སངས། མ་སྨིན་པ་བཅས་སོ། |
| ལྗང་ཕུད |
ལོ་ཏོག་གསར་པའི་མྱུ་གུ་བཏོགས་ནས་ལམ་འགྲུལ་ལ་སྤྲད་དེ་དངུལ་སློང་རྒྱག་བྱེད་ལྗང་པའི་ཆུན་པོ་ཆུང་ངུ། |
| ལྗང་ཕོན |
ལྗང་པའི་ཆུན་པོ། |
| ལྗང་བུ |
གསར་དུ་ཁ་འབུས་པའི་མྱུ་གུའི་མིང་གྲོའི་ལྗང་བུ། ནས་ཀྱི་ལྗང་བུ། འབྲས་ཀྱི་ལྗང་བུ་ཞེས་པ་ལྟ་བུ། ཚིག་བསྡུས་ན་ལྗང་ཞེས་འབྲི་ཆོག་སྔོ་ལྗང་། ལྗང་སྐྱ་ཞེས་པ་ལྟ་བུ། |
| ལྗང་མྱུག |
ལོ་ཏོག་དང༌། ཚལ་སོགས་གསར་སྐྱེས་ཀྱི་མྱུ་གུ། |
| ལྗང་ཚ་ལྷ་དབོན |
ཁྲི་ལྡེ་གཙུག་བརྟན་མེས་ཨག་ཚོམ་གྱི་སྲས། གྱིམ་ཤིང་ཀོང་ཇོ་ཁབ་ཏུ་བཞེས་རྒྱུ་བྱས་ནའང༌། ཀོང་ཇོ་བོད་དུ་མ་སླེབས་པའི་གོང་ལ་རྒྱལ་སྲས་འདི་རྟས་དྲུད་ནས་འདས་སོ། ལྗང་ཞེས་པ་ལ་འཇང་ཞེས་པའང་སྣང༌། |
| ལྗང་རྡུང |
ཡུལ རྒྱུ་བཟང་ལྷད་མེད། དངུལ་ལྗང་རྡུང༌། གསེར་ལྗང་རྡུང༌། |
| ལྗང་སེར |
ལྗང་གུ་དང་སེར་པོ་འདྲེས་པའི་ཁ་དོག |
| ལྗང་སེར་ཅན |
མངོན རྩྭ་དུར་བ། |
| ལྗང་སྐྱ |
1 ཁ་དོག་ལྗང་དཀར། 2 སྤང་དང་དཀར་རག་བསྲེས་པའི་མདོག |
| ལྗང་སྔོན |
ལྗང་གུ་དང་སྔོན་པོ་འདྲེས་པའི་མདོག |
| ལྗང་སྡོང |
ལོ་ཏོག་གི་ལྗང་པའི་སྡོང་བུ། |
| ལྗང་སྤྲིན |
སེར་པོ་དང་རམ་གཉིས་ཀྱི་མདངས་བཏོན་པའི་སྤྲིན་རིས། |
| ལྗང་སྨུག |
ཁ་དོག་ལྗང་ནག |
| ལྗན་ལྗིན |
མི་གཙང་བ་ཉལ་ཉིལ། ས་ལྗན་ལྗིན། ཆུ་ལྗན་ལྗིན། འདམ་རྫབ་ལྗན་ལྗིན་གྱི་ཁྲོད་ནས་ནོར་བུ་རྙེད་པ། དྲག་ཆར་བཏང་མཚམས་ལྗན་ལྗིན་གྱི་རྫབ་རྙོག་ལངས་པ། |
| ལྗབ་ལྗབ |
(རྒྱན་ཚིག) ལག་པ་གཉིས་ཁ་སྦྱར་བའི་རྣམ་པ་ལག་པ་གཉིས་ལྗབ་ལྗབ་བྱས་ནས་ཐལ་མོ་རྡེབ་ལྟ་བུ། |
| ལྗབ་ལྗབ་པོ |
ཐལ་མོ་ཁོང་སྟོང་དུ་སྦྱོར་བའི་ཚུལ། |
| ལྗབ་ལྗིབ |
གྲངས་གནས་ཤིག |
| ལྗར |
ལྗར་མནན་ཏེ་མར་དྲག་ཏུ་མནན་པའི་བརྡ་རྙིང་། |
| ལྗར་གྱིས་བསད |
དམ་པོར་ནོན་ངེས་བྱས་ཏེ་བསད་པ། བྲག་གི་འོག་ཏུ་རི་དྭགས་ལྗར་གྱིས་བསད་པ། |
| ལྗར་གྱིས་མནན |
དྲག་ཏུ་མནན་པའམ་ཚིར་གྱིས་ནོན་པོར་མནན་པ། ཤལ་བ་གཅིག་གིས་ཞིང་གའི་རོལ་བརྒྱ་ལྗར་གྱིས་མནན་པ། གྱད་སྟོབས་ལྡན་གཅིག་གིས་སྟོབས་མེད་མང་པོ་ལྗར་གྱིས་མནན་པ། |
| ལྗར་མནན |
ལྗར་གྱིས་མནན་གྱི་བསྡུས་ཚིག་ |
| ལྗི་བ |
མི་ཕྱུགས་ཀྱི་ལུས་ནས་ཁྲག་འཇིབ་པའི་སྲིན་བུ་ཞིག |
| ལྗིད |
དངོས་རྫས་ལྕི་ཡང་གི་ཚད་ཀྱི་མིང་ལྕགས་སྲང་གང་དང་བལ་སྲང་གང་ལྗིད་མཉམ་ལྟ་བུ། |
| ལྗིད་གནོན |
ལྕི་མོས་སམ་ཤུགས་ཀྱིས་གནོན་པ། རྨོན་མཛོའི་མཇིང་པའི་གཉའ་ཤིང་གི་ལྗིད་གནོན་ཆེན་པོ་ཡོད། |
| ལྗིད་ཆས |
ཡོ་བྱད་ལྗིད་པོ། |
| ལྗིད་ཏིག་གེ་བ |
ལྕི་པོ་ཡོད་པའི་རྣམ་པ། སེམས་ལྗིད་ཏིག་གེ་བའི་ངང་ནས་ཕྱིན་སོང༌། ཁུར་པོ་ཁུར་ཏེ་ལྗིད་ཏིག་གེ་བར་འགྲོ་བཞིན་པ། |
| ལྗིད་ཐེག |
ཁུར་ལྗིད་ཁྱོག་པ། ལྗིད་ཐེག་རླངས་འཁོར། |
| ལྗིད་པ |
ཡང་བའི་ལྡོག་པ། འགན་ལྗིད་པ། ཁྲལ་ལྗིད་པ། སྐྱེད་ཁ་ལྗིད་པ། དོ་པོ་ལྗིད་པ་དེ་གཡག་ལ་འགེལ་རྒྱུ་ཡིན། |
| ལྗིད་པོ |
ལྕི་བ་སྟེ་ལྕི་ཡང་གི་ཚད་ཆེ་བ། ཧ་ཅང་ལྗིད་པོ། ལྗིད་ཆེ་བ། ཁ་ལྗིད་པོ། ལྗིད་པོ་རྒྱབ་ཀྱིས་མ་འདྲོང་བ་དང༌། རལ་པོ་ལྷན་པས་མ་ཁེབས་པ། |
| ལྗིད་མཉམ་པ |
ལྕི་ཡང་གི་ཚད་འདྲ་བ། ལྕགས་སྲང་གང་དང་བལ་སྲང་གང་ལྗིད་མཉམ་རེད། |
| ལྗིད་ཚད |
ལྕི་ཡང་གི་ཚད། |
| ལྗིད་ཡོར་ཡོར |
ལྕི་ཐིབས་ཐིབས་སམ་ལྗིད་ཐིབས་སེ་བ། ཅ་ལག་ལྗིད་ཡོར་ཡོར་བ་རྣམས་འཁྱེར་དུས་ཤུགས་སྐྱེད་དགོས། རྡོག་ཁྲེས་ལྗིད་ཡོར་རེ་བ་དེ་འཁྱེར་ཁག་པོ་ཡོད། |
| ལྗིད་ཡོར་རེ་བ |
ལྗིད་ཡོར་ཡོར་དང་དོན་གཅིག་ |
| ལྗིད་རྫོབ |
ཁུར་ཆེ་ལ་སྣ་གྲངས་མང་བ། ལས་འགན་ལྗིད་རྫོབ་ཆེ་བ་ཞིག་འཁྲིས་ཡོད་པ། ཁྲལ་འུལ་ལྗིད་རྫོབ་ཆེ་བ། |
| ལྗིད་ཤུགས |
སའི་གོ་ལའི་དངོས་རྫས་འདྲེན་ཤུགས་ལ་དངོས་ལུགས་རིག་པའི་ནང་དུ་ལྗིད་ཤུགས་ཟེར། |
| ལྗིད་སོན |
སྨིན་ཕྱི་བའམ་འགོར་བའི་འབྲུ་སོན། |
| ལྗིད་སྙིང |
དངོས་རྫས་ཀྱི་ལྗིད་ཚད་འདུས་པའི་ལྟེ་བའི་མིང་དངོས་གཟུགས་ཀྱི་གོ་ས་ཇི་ལྟར་འགྱུར་ནའང་དངོས་གཟུགས་ཀྱི་ཆ་ཤས་རྣམས་དེ་ལ་བརྟེན་ནས་ལྕི་ཡང་ཆ་སྙོམ་པོ་བྱེད་ཀྱིན་ཡོད། |
| ལྗིབས |
ལྕིབས་ཀྱི་འབྲི་ཚུལ་གཞན། |
| ལྗོངས |
1 ཡུལ་སྡེ་དང་ས་ཆ། ཡུལ་ལྗོངས། སྨན་ལྗོངས། ནགས་ལྗོངས། གངས་ཅན་ལྗོངས། རང་སྐྱོང་ལྗོངས། 2 སྔར་རྒྱ་གར་དུ་བྲམ་ཟེ་སོགས་མི་རིགས་བཞི་ཚང་བའི་ཡུལ་ཕྱོགས་ལ་ཟེར། |
| ལྗོངས་མཐོ |
ས་ཡུལ་མཐོན་པོ། |
| ལྗོངས་མི |
ཡུལ་དེ་རང་དུ་སྐྱེས་པའི་མི། |
| ལྗོངས་རྒྱུ |
ལྗོངས་སུ་འགྲོ་བ་ཕྱི་རོལ་ཏུ་ལམ་ཐག་རིང་ཚད་རྒྱང་གྲགས་ཙམ་གྱི་ས་ཆར་འགྲོ་བ། ལུག་རྫིས་ར་ལུག་བདས་ནས་ལྗོངས་རྒྱུ་བཞིན་འཚོ་བ། ལྗོངས་རྒྱུ་བཞིན་པར་དབུས་ཡུལ་དུ་འབྱོར། |
| ལྗོན་གྲིབ |
ཤིང་གི་ཡལ་གའི་གྲིབ་བསིལ། ལྗོན་གྲིབ་འགྲོ་ལམ། |
| ལྗོན་དམར |
མངོན ཟངས། |
| ལྗོན་པ |
1 སྐྱེ་ཤིང་ཆེ་ཕྲ་སྤྱི། ལྕང་ལྗོན། ལྗོན་ཕྲན། ལྗོན་པ་ཆེ་ལ་བརྟེན་པ་ཡི། འཁྲི་ཤིང་རྩེ་མོ་དགུང་ལ་བསྙེགས། ཚེར་མ་ཤིང་ལ་བརྟེན་བྱས་ན། གནད་དུ་ཟུག་པའི་སྡུག་བསྔལ་སྐྱེ། 2 ཟངས་དམར། 3 སངས་རྒྱས་ཤིག་གི་མཚན། 4 མིའམ་ཅིའི་ཡུལ། |
| ལྗོན་པ་སེར་པོ |
མངོན ཐང་ཤིང༌། |
| ལྗོན་པའི་དབང་པོ |
དངུལ་ཆུ་དབྱངས་ཅན་གྲུབ་རྡོར་གྱིས་མཛད་པའི་སུམ་ཅུ་པའི་སྙིང་པོ། |
| ལྗོན་པའི་ཡུལ |
དྲི་ཟའི་ཡུལ་ཞིག |
| ལྗོན་ཤིང |
སྐྱེ་ཤིང་སྤྱིའི་མིང༌། མིང་གི་རྣམ་གྲངས་ལ་རྐང་འཐུང་དང༌། རྐང་པས་འཐུང༌། མགོ་ལྡིང་ཅན། འགྲོ་འགོག་འགྲོ་མེད། ཆུར་མི་ལྷུང༌། ལྗོན་པ། སྟེང་སྐྱེ་བ། འདབ་ལྡན། འདབ་མ་ཡངས་ལྡན། སྡོང་པོ། རྣམ་རྒྱས། ཕུང་པོ་ཅན། རྩེ་མོ་ཅན། ཡལ་ག་ཅན། ཡལ་ག་བྲེས། ཡལ་ག་འཛིན། ཡལ་འདབ་ཅན། རླན་ལས་སྐྱེས། ལོ་མ་ཅན། ས་སྐྱེས་བཅས་སོ། |
| ལྗོན་ཤིང་ལྡུམ་ར |
སྐྱེ་ཤིང་སྣ་ཚོགས་ཀྱི་སྐྱེད་ཚལ་ལམ་གླིང་ག། |
| ལྗོབ་པོ |
མདོག་སྣ་འདྲེས་ནས་མི་གསལ་བའི་རྣམ་པ། ཁ་དོག་ལྗོབ་ལྗོབ། ལུད་པ་སྔོ་ལྗོབ་ཏུ་ལུ་བ། |
| ལྟ |
(བྱེད་འབྲེལ་ལས་ཚིག་ད་ལྟ་བ) <ཀ>མིག་གིས་ལྟ་བ་ དཔེ་ཆར་ལྟ་བའི་སྐབས། དཔེ་ཆར་ལྟ་བཞིན་འདུག་ལྟ་བུ། |
| ལྟ་ག་ལ་འགྱུར |
དེ་ལྟ་བུ་ཡོང་མི་སྲིད། ལས་ཀ་བརྩམས་ཚད་ཚང་མ་འགྲུབ་པ་ལྟ་ག་ལ་འགྱུར། |
| ལྟ་གེ་ལྟིག་གེ |
ལྟིག་ལ་ལྟོས། |
| ལྟ་གྲུབ |
སོ་སོས་ཁས་ལེན་གྱི་ལྟ་བ་དང་གྲུབ་མཐའ། ལྟ་གྲུབ་གཙང་མ། |
| ལྟ་ངན |
ལྟ་བ་ངན་པ་དངོས་པོའི་གནས་ཚུལ་དང་མི་མཐུན་པའི་ལྟ་ལུགས་ངན་པ། |
| ལྟ་ཅི |
བཤད་མི་དགོས་པ། ཁྱོད་རང་འགྲོ་ཐུབ་རྒྱུ་ལྟ་ཅི་ང་རང་ཡང་འགྲོ་མི་ཐུབ། |
| ལྟ་ཅི་སྨོས |
བཤད་མ་དགོས་ཞེས་པའི་དོན་ཏེ། མེ་སྒྱོགས་ཀྱིས་བྲག་རིའང་བཤིག་ཐུབ་ན། ས་གྱང་ལྟ་ཅི་སྨོས་ལྟ་བུ། |
| ལྟ་ཉུལ |
མིག་གིས་ལྟ་ཞིང་འཚོལ་ཉུལ་བྱེད་པ། |
| ལྟ་ན་སྡུག |
1 ལྟ་ན་སྡུག་པ་དང་དོན་གཅིག 2 སུདྲནྴ གསེར་གྱི་རི་བདུན་གྱི་ཡ་གྱལ་ཞིག་རིའི་རྩེ་མོ་མཛེས་པས་ལྟ་ན་སྡུག་དང༌། དེའི་ངོས་རེར་དཔག་ཚད་ལྔ་འབུམ་སུམ་ཁྲི་རེ་དང་མཐའ་སྐོར་དུ་ས་ཡ་གཉིས་དང་ཆིག་འབུམ་ཉི་ཁྲི་ཡོད་དོ། 3 གྲོང་ཁྱེར་ལྟ་ན་སྡུག |
| ལྟ་ན་སྡུག་པ |
མཛེས་པ་སྟེ་མིག་གི་ལམ་དུ་མཚར་ཞིང་སྡུག་པ། ཅ་ལག་དཔེ་གསར་འདི་སྣང་ངོར་ལྟ་ན་སྡུག་པ་ཞིག་འདུག་ཀྱང༌། དོན་ལ་ཕན་ཐོགས་ཡོང་མིན་ད་ལྟ་ཚོད་མི་ཐིག |
| ལྟ་བ |
1. ཐ་དད་པ བལྟས་པ། བལྟ་བ། ལྟོས།།1 མིག་གིས་རིག་པར་བྱེད་པ། ཕན་ཚུན་དུ་ལྟ་བ། དཔེ་དེབ་ལ་བལྟ་བ། མིག་གཉིས་ཀྱིས་བལྟས་ཏེ་གསལ་པོར་མཐོང༌། མུན་ནག་གི་ནང་དུ་བལྟས་ཀྱང་མི་མཐོང༌། གཞན་ལ་ལྟ་བའི་མིག་ཡོད་ཀྱང༌། རང་ ཉེད་ལྟ་ན་མེ་ལོང་དགོས། 2 བརྟགས་དཔྱད་དམ་ཞིབ་འཇུག་བྱེད་པ། རྩ་ལྟ་བ། ཕན་གནོད་བལྟ་བ། ཚོད་ལྟ་བ། 3 ཆགས་པའམ་བརྩེ་གདུང་བྱེད་པ། སྤྱིའི་ཁེ་ཕན་ལ་བལྟ་བ། རང་གི་ལུས་སྲོག་ལ་མི་ལྟ་བ། སྒེར་གྱི་ཁེ་གྲགས་ལ་མ་ལྟ། 2 1 འདོད་ཚུལ། ཁོ་གཉིས་ཀྱི་ལྟ་བ་མཐུན་གྱི་མི་འདུག 2 རང་མཐོང་ངམ། རང་ཉིད་རྩིས་མཐོང༌། ལྟ་བ་གཅོག་པ། ལྟ་བ་ཆག་པ། 3 ཆོས་ལུགས་ཀྱི་ལྟ་སྒོམ་སྤྱོད་གསུམ་ཀྱི་ནང་ཚན་ལྟ་བ། སྟོང་ཉིད་རྟོགས་པའི་ལྟ་བ། ཡང་དག་པའི་ལྟ་བ། ལོག་ལྟ། ངན་ལྟ། 3.རྟགས་དང་རྒྱུ་མཚན་ཡང་དག་པ་དང་ཡང་དག་པ་མ་ཡིན་པ་ཅི་རིགས་ལ་བརྟེན་ནས་བྱུང་བའི་སེམས་ཀྱི་འཛིན་སྟངས་བརྟན་ཆགས་པ་ཞིག་གི་མིང་ ལྟ་བ་ཡང་དག་པ། ལྟ་བ་ཕྱིན་ཅི་ལོག ཆོས་ལུགས་ཀྱི་ལྟ་བ་ཞེས་པ་ལྟ་བུ། མིང་བསྡུས་ན་ལྟ་ཞེས་འབྲི་ཆོག་ ལྟ་བ་ཕྱིན་ཅི་ལོག་ལ་ལྟ་ལོག་ཟེར་བ་ལྟ་བུ། |
| ལྟ་བ་གཉིས |
སྒྲོ་འདོགས་ཀྱི་ལྟ་བ་དང༌། སྐུར་འདེབས་ཀྱི་ལྟ་བའམ། རྟག་ལྟ་དང༌། ཆད་ལྟ་གཉིས་སོ། |
| ལྟ་བ་ཉོན་མོངས་ཅན |
ལྟ་བ་ཉོན་མོངས་ཅན་ཐམས་ཅད་དེ། ལྟ་བ་ངན་པ་ཐམས་ཅད་ཀྱི་རྟེན་བྱེད་པའོ། |
| ལྟ་བ་བཀའ་རྟགས་ཀྱི་ཕྱག་རྒྱ་བཞི |
འདུས་བྱས་ཐམས་ཅད་མི་རྟག་པ་དང༌། ཟག་བཅས་ཐམས་ཅད་སྡུག་བསྔལ་བ། ཆོས་ཐམས་ཅད་སྟོང་ཞིང་བདག་མེད་པ། མྱ་ངན་ལས་འདས་པ་ཞི་བ་བཅས་བཞིའོ། |
| ལྟ་བ་མཆོག་འཛིན |
ལྟ་ངན་དང༌། དེ་གང་ལས་འབྱུང་བའི་ཕུང་པོ་སོགས་ལ་དམིགས་ནས་རྣམ་པ་མཆོག་ཏུ་འཛིན་ཅིང༌། བྱེད་ལས་ལྟ་ངན་ལ་མངོན་པར་ཞེན་པའི་རྟེན་བྱེད་པའི་ཤེས་རབ་ཉོན་མོངས་ཅན་ཞིག |
| ལྟ་བ་མཐོ་བ |
ང་རྒྱལ་གྱི་ཉམས་ཆེན་པོ། ཆུ་བོ་ཁ་ཞེང་ཆེ་ཡང༌། འགྲོ་ས་ཟམ་པའི་འོག་རེད། རྟ་ཕོ་ལྟ་བ་མཐོ་ཡང༌། རྟ་སྒའི་འོག་ལ་ཡིན་འགྲོ། |
| ལྟ་བ་མཐོན་པོ |
རློམ་སེམས་ཆེ་བ། ལྟ་བ་མཐོན་པོར་ཡོན་ཏན་མེད། སྙེ་མ་མཐོན་པོར་འབྲུ་མི་ཆགས། |
| ལྟ་བ་ལོག་པ |
དད་མོས་དང་ཡིད་ཆེས་སོགས་མེད་པར་གྱུར་པ། |
| ལྟ་བ་ལྔ |
ཤེས་རབ་ཉོན་མོངས་ཅན་གྱི་ལྟ་བ་ལྔ་སྟེ་འཇིག་ཚོགས་ལ་ལྟ་བ་དང༌། ལོག་པར་ལྟ་བ། མཐར་འཛིན་གྱི་ལྟ་བ། ལྟ་བ་མཆོག་འཛིན། ཚུལ་ཁྲིམས་བརྟུལ་ཞུགས་མཆོག་འཛིན་བཅས་ལྔའོ། |
| ལྟ་བ་སྙིགས་མ |
སྙིགས་མ་ལྔའི་ནང་གསེས་ཤིག་རྟག་ཆད་ཀྱི་མཐར་འཛིན་ཅིང༌། ལྟ་བ་ཡང་དག་པ་ལས་ཉམས་པའོ། |
| ལྟ་བའི་ཆུ་བོ |
ཁམས་གསུམ་གྱིས་བསྡུས་པའི་ལྟ་བ་ལྔ་པོ་ཆུ་བོ་བཞིའི་ཡ་གྱལ་ཞིག |
| ལྟ་བའི་ཚང་ཚིང |
ནགས་ཚལ་ཚང་ཚིང་ལྟར་འཛིངས་པའི་ལྟ་བ། |
| ལྟ་བའི་ཟག་པ |
ཟག་པ་བཞིའམ་སྲིད་པའི་ཆུ་བོ་བཞིའི་ཡ་གྱལ། ཁམས་གསུམ་གྱི་ལྟ་བ་ཉོན་མོངས་པ་རྣམས་སོ། |
| ལྟ་བས་ཆོག་མི་ཤེས |
ཇི་ཙམ་བལྟས་ཀྱང་ངོམས་པ་མེད་པ། ཡང་ཡང་ལྟ་བས་ཆོག་མི་ཤེས་པའི་ལྟད་མོ་ཤིན་ཏུ་ཆེ་བ་ཞིག་མཐོང་བྱུང༌། |
| ལྟ་བས་ཆོག་མི་ཤེས་པ |
ཡང་དང་ཡང་དུ་ལྟ་འདོད་པའི་དོན། <ཁ>བརྟག་པ་བྱས་པ་དང་དཔྱད་པ་བཏང་བའི་དོན་ཏེ། སྨན་པས་ནད་པར་རྩ་བལྟས། ནད་པའི་གནས་ཚུལ་ལ་བལྟས་ནས་སྨན་སྟེར་ལྟ་བུ། <ག>འཚམ་འདྲི་བྱེད་པའི་དོན་ཏེ། ང་ཡུལ་དུ་ཕ་མ་ལ་ལྟ་རུ་སོང་། སྨན་ཁང་དུ་སོང་ནས་ནད་པར་བལྟས་པ་ཡིན་ལྟ་བུ། <ང>ཆགས་ཞེན་དང་བརྩེ་དུངས་སྐྱེ་བའི་དོན་ཏེ། མི་ངོ་ཆེན་གྱི་ངོ་ལ་མ་ལྟ། མི་ཕྱུག་པོའི་རྒྱུ་ནོར་ལ་མ་བལྟས་པར་ཁྲིམས་དྲང་བོ་བཅད་ལྟ་བུ། <ཅ>བསམ་བློ་བཏང་བའི་དོན་ཏེ། ངས་བལྟས་ན་རྩྭ་སའི་རྩོད་གླེང་འདི་འདུམ་སླ་ལྟ་བུ། |
| ལྟ་བས་མི་ངོམ་པ |
ཇི་ཙམ་བལྟས་ཀྱང་ཡིད་མི་ཚིམ་པ། མཛེས་སྡུག་གི་རྣམ་འགྱུར་ངོ་མཚར་ལྟ་བས་མི་ངོམ། |
| ལྟ་བུ |
མཚུངས་པ་གསལ་བྱེད་ཀྱི་སྒྲ་ མཐོན་པོ་རི་ལྟ་བུ། སྲ་མོ་ལྕགས་ལྟ་བུ། དཀར་བོ་དུང་ལྟ་བུ་ཞེས་པ་སོགས་ལྟ་བུ། དཔེར་བཀོད་པའི་དོན་ཏེ། སྒོ་ཕྱུགས་ནི་རྟ་ནོར་ལུག་གསུམ་ལྟ་བུའོ།། ས་ཆ་འདི་དང་འདི་ལྟ་བུ་ནི་ཕྱུགས་འཚོ་སྐྱོང་བྱེད་སར་བཟང་ལྟ་བུ། |
| ལྟ་མགུར |
ལྟ་བའི་མགུར་མ་སྟེ་ཆོས་ལུགས་པ་སོ་སོའི་ལྟ་བ་འགྲོལ་བྱེད་ཀྱི་མགུར་ཚིག |
| ལྟ་མིན་ལྔ |
ལྟ་བ་མིན་པའི་སེམས་པའི་ཉོན་མོངས་ཅན་ལྔ་འདོད་ཆགས་དང༌། ཁོང་ཁྲོ། ང་རྒྱལ། མ་རིག་པ། ཐེ་ཚོམ་བཅས་ལྔ། |
| ལྟ་ཚུལ |
1 བསམ་བློ་བཏང་བའམ་དཔྱད་པ་བཏང་ནས་ཐོབ་པའི་སེམས་ཀྱི་འཛིན་སྟངས་ལ་ད་སྐབས་ལྟ་ཚུལ་ཞེས་བྲིས་པ་སྣང་། 2 མིག་གིས་ལྟ་བའི་རྣམ་པ་དང་སེམས་ལ་དྲན་ཚུལ་གྱི་མིང་། |
| ལྟ་ཚོད |
ཇི་འདྲ་འདུག་གི་ཉམས་ཚོད། རེ་ཞིག་ལྟ་ཚོད་བལྟས་པ། |
| ལྟ་ཞིབ |
ལྟ་རྟོག་ཞིབ་འཇུག ལས་ཀ་ཚང་མར་ལྟ་ཞིབ་བྱས་པ། |
| ལྟ་ཞོག |
དེ་འདྲ་ཕར་ཞོག ཇ་ལྟ་ཞོག་ཆུའང་མི་འདུག རྒྱན་ཆ་ལྟ་ཞོག་གོས་ཀྱང་མི་འདུག མེ་མདའ་ལྟ་ཞོག་དབྱུག་པ་ཡང་མི་འདུག |
| ལྟ་རུབ་རྒྱག་པ |
མང་པོས་གཅིག་ལ་སྡེབ་གཅིག་ཏུ་ལྟ་བ། |
| ལྟ་རྟོག |
འཚོ་སྐྱོང་ངམ་བསམ་གཞིགས། ཕྲུ་གུར་ལྟ་རྟོག ནད་པར་ལྟ་རྟོག མིག་གིས་ལྟ་ཞིང་ཡིད་ཀྱིས་རྟོག་པ། རྒྱལ་མཚམས་ལ་ལྟ་རྟོག་དང༌། སྲུང་སྐྱོབ་བྱེད་པ། |
| ལྟ་ལོག |
ལྟ་བ་ལོག་པའི་བསྡུས་ཚིག་ |
| ལྟ་སྐུལ |
ལྟ་ཞིབ་དང་སྐུལ་འདེད་བྱེད་པ། |
| ལྟ་སྐོར |
གནས་ཚུལ་ལྟ་མྱུལ། ལྟ་སྐོར་ཚོགས་པ། |
| ལྟ་སྟངས |
མིག་དང་སེམས་ཀྱི་ལྟ་ལུགས། ཞི་བའི་ལྟ་སྟངས། ཁྲོ་བོའི་ལྟ་སྟངས། |
| ལྟ་སྣང |
མཐོང་ཚུལ། གཞན་གྱི་ལྟ་སྣང་ལ་མཛེས་པོ་མི་ཡོང༌། |
| ལྟ་སྣང་མཐོང་ཕྱོགས |
མི་སོ་སོའི་ལྟ་སྟངས་དང་མཐོང་ཚུལ། མི་སོ་སོའི་ལྟ་སྣང་མཐོང་ཕྱོགས་གཅིག་ཏུ་མ་ངེས་པ། |
| ལྟ་སྤྱོད |
ལྟ་བ་དང་སྤྱོད་པའི་བསྡུས་མིང་སེམས་ཀྱི་ལྟ་བ་དང༌། བླང་དོར་གྱི་བྱ་སྤྱོད། སྔགས་ཀྱི་ལྟ་སྤྱོད། |
| ལྟ་སྨོས་ཀྱང་ཅི་དགོས |
བཤད་མི་དགོས། ལུང་པ་འདིར་ཤིང་ཕལ་པ་ཡང་མེད་ན་ཙན་དན་ལྟ་སྨོས་ཀྱང་ཅི་དགོས། |
| ལྟག |
རྒྱབ་ཀྱི་མིང་ ལྟག་སྒོ། གྲི་ལྟག ཁང་བའི་ལྟག་པ་ཞེས་པ་ལྟ་བུ། |
| ལྟག་ཀོར |
མིའི་མགོའི་རྒྱབ་ཕྱོགས་ཀྱི་རུས་པའི་མིང་། |
| ལྟག་ཁུང |
1 མཇིང་པའི་རྒྱབ་ཀྱི་ཀོང་ཀོང༌། སྤག་ཁ་ལ་ཟ་བར་ལམ་ལྟག་ཁུང་ནས་སྐོར་དོན་མེད། 2 ཡས་ཀྱི་ལྟག་གོང༌། |
| ལྟག་ཁུར |
དཔོན་སོགས་ངོམ་པ། དཔོན་པོ་ལྟག་ཁུར་གྱིས་གཞན་ལ་སྡིགས་མོ་བྱེད་པ། |
| ལྟག་ངོམས |
མགོ་འདྲེན་ཡོད་ཉམས་སྟོན་པ། མཐོ་སྙེག་ལྟག་ངོམས་ཆེ་ན། ནམ་ཞིག་རང་ཚུགས་ཤོར་ཡོང༌། |
| ལྟག་ཆུ |
1 རྫིང་གི་རྒྱབ་ཕྱོགས་སམ་ལྟག་ནས་འབབ་པའི་ཆུ། ལྟག་ཆུ་ཆད་པའི་རྫིང་བུ་དང་དཔུང་རོགས་མེད་པའི་དཔའ་བོ། 2 ལྟག་པ་ནས་མཇིང་པའི་བར་ཟུག་པའི་ཆུ་བ་ལེབ་མོ། |
| ལྟག་ཆོད |
སུན་འབྱིན་ལྟར་སྣང་ དོན་ཐོག་ཏུ་མི་ཁེལ་བའི་དགག་པ་བརྒྱབ་པའི་ཚིག་གམ་དགག་པ་བརྒྱབ་པ་ཡང་དག་པ་ཡིན་པར། ལན་མི་ཐེབས་བཞིན་དུ་དགག་ལན་འཆོལ་བོ་བྱས་པའི་ཚིག་སོགས་ཀྱི་མིང་། |
| ལྟག་ཆོད་འཕེན་པ |
འགལ་བ་བརྗོད་པའམ་ཕྱིན་ཅི་ལོག་འཕེན་པ། དཔེར་ན། ཡུལ་མི་ཐམས་ཅད་ཀྱིས་ཁྲལ་འཇལ་དགོས་ན། མི་ཚང་འདིས་འཇལ་མི་དགོས་པ་གང་ཡིན་ཞེས་པ་ལྟ་བུ། སྤྱི་ལ་ཁྱབ་པའི་ཚུལ་དེས་བྱེ་བྲག་ལ་མ་ཁྱབ་པར་དཔྱད་པའི་ཚུལ་གྱིས་འགལ་བ་བརྗོད་པའོ། |
| ལྟག་ཉལ |
1 གན་རྐྱལ་དུ་ཉལ་བ། 2 རྩ་སྣོད་ཀ་དང༌། མཇིང་པའི་རྩེ་ཆུང་སོགས་འཕར་རྩ་དང་འབྲེལ་བའི་རྩར་རྒྱག་བྱེད་ཀྱི་གཙག་བུ་ཞིག |
| ལྟག་ཐེར |
མགོ་ལྟག་ལ་སྤུ་མེད་པ། |
| ལྟག་དགྱེ་ལོག |
ཡུལ རྒྱབ་ཕྱོགས་སུ་འགྱེལ་བ། གོམ་སྟབས་བརྟན་པོ་མ་ཚུགས་ན། ལྟག་དགྱེ་ལོག་པའི་ཉེས་སྐྱོན་ཡོང༌། |
| ལྟག་པ |
1 སྐེ་རྒྱབ་ཀྱི་སྟེང་ཆ། མགོ་ལྟག་དབྱེ་བ་འབྱེད་དགོས། 2 སྟེང་ངམ་རྒྱབ། གྲིའི་ལྟག་པ། སྟ་རེའི་ལྟག་པ། 3 མགོ་འདྲེན། |
| ལྟག་པ་ཆག་པ |
1 གཉའ་ཆག་པ། གཞན་གྱིས་གནད་ལ་བཀར་བས་ལྟག་པ་ཆག་སྟེ་ཞུམ་ཞུམ་བུར་གནས་པ། 2 མགོ་འདྲེན་བརླག་པ། བློ་ཕུགས་གཏོད་སའི་རྒྱབ་རྩ་འཐོར་ནས་ལྟག་པ་ཆག་པ། |
| ལྟག་པ་མཐོ་བ |
མགོ་འདྲེན་ཡོད་སྙམ་པའི་ལྟག་ཤེད་ཁེངས་དྲེགས་ཆེན་པོ། |
| ལྟག་པའི་མདུད་སྒོ |
རྣ་བ་གཡས་ཀྱི་རྩེ་མོ་ནས་གཡོན་གྱི་རྩེ་མོའི་བར་དུ་ཐིག་བཏབ་ནས་དེའི་དཀྱིལ་ལ་ཟེར་ཏེ་དེར་མེ་བཙའ་བཞག་ན་རླུང་ནད་ཀྱིས་མགོ་བོ་འཁོར་ནས་འགྱེལ་བར་འགྱུར་བ་ལ་ཕན། |
| ལྟག་མ |
གོང་མའམ་སྟེང་མ། ཡི་གེ་ལྟག་མ། གྲོང་ལྟག་མར་ཕྱིན། གྲལ་ལྟག་མར་བསྡད། |
| ལྟག་མདུད |
ལྟག་པའི་མདུད་སྒོའི་བསྡུས་མིང༌། |
| ལྟག་ཚུགས |
གོས་འཚེམས་སྟངས་ཤིག |
| ལྟག་འབིགས |
ཡུལ ཤིང་བཟོའི་ལག་ཆ་ཞིག |
| ལྟག་འོག |
སྔ་ཕྱིའམ་ཐོག་འོག་གི་དོན། |
| ལྟག་འོག་གོ་བརྗེས |
གོང་འོག་གོ་ལྡོག ཁང་པ་ལྟག་འོག་གོ་བརྗེས། |
| ལྟག་ཡན |
ཡུལ གོས་ཀྱི་མཐའི་སོར་བཞི་ཙམ་གྱི་མཚམས་ཀྱི་ཐོག་མའི་འཚེམ་བུ། |
| ལྟག་རལ |
མུར་གོང་གི་སྐྲ་གསེབ་ཏུ་སྦྲུལ་འཁྱུག་པ་དང་འདྲ་བའི་རྩ་འཕྲེད་ཉལ་ཅན་ཏེ། དེ་གཏར་ན་མགོ་བོ་གཟེར་བ་དང༌། རྣ་བ་ན་བ། སོ་ལ་ཟུག་རྔུ་འབྱུང་བ་བཅས་ལ་ཕན། |
| ལྟག་རུས |
ལྟག་ཁུང་གི་རུས་པ། |
| ལྟག་རྒྱབ |
མགོ་བོའི་ལྟག་པ། |
| ལྟག་རྩ |
1 གཉའ་ལྟག་གི་རྩ། ལྟག་པའི་མདུད་སྒོའི་སྟེང་ནས་གཡས་གཡོན་གཉིས་སུ་འཕྲེད་ལ་སོར་གསུམ་རེ་དང༌། དེ་ནས་གྱེན་དུ་སོར་གསུམ་གཞལ་བའི་སར་ཡོད་པའི་གཏར་རྩ་ཞིག་དེ་གཏར་ན་ཀླད་ཚད་དང༌། མཇིང་རེངས་སོགས་ལ་ཕན། 2 མགོ་འདྲེན། ལྟག་རྩ་ངོམས་པ། |
| ལྟག་རྩ་བཟང་པོ |
རྒྱབ་རྩའམ་མགོ་འདྲེན་ཟབ་པོ། རང་ལ་བདེན་པ་མེད་ཀྱང་ལྟག་རྩ་བཟང་པོ་ཡོད། |
| ལྟག་ལོག |
ཕྱིར་ལྡོག་པ། འདོད་དོན་མ་གྲུབ་པར་ལྟག་ལོག་བརྒྱབ་པ། |
| ལྟག་ཤེད |
མགོ་འདྲེན་ངོམས་པའི་དབང་ཤེད། དཔོན་ངན་ཁ་འཁྱེར་གྱིས་ལྟག་ཤེད་བྱེད་པ། |
| ལྟག་སྐོར |
1 གྱོན་པ་སོགས་ཀྱི་མཐའ་འགྲིལ་འཚེམས་སྟངས་ཤིག 2 ལམ་ལུགས་སྤྱི་བྱིངས་དང་མི་མཐུན་པར་མཐོ་ས་ནས་བསྐོར་ཏེ་རང་དོན་སྒྲུབ་ཐབས་བྱེད་པ། 3 ཁང་པ་སོགས་ཀྱི་རྒྱབ་ནས་སྐོར་བ། 4 གཞན་ལ་བསྐོར་ནས་གོ་རྒྱུའི་སྐད་ཆ་ཤོད་པ། |
| ལྟག་སྐྲ |
མགོ་ལྟག་གི་སྐྲ། |
| ལྟག་སྒོ |
ཁང་པའི་རྒྱབ་ཏུ་ཡོད་པའི་སྒོ། |
| ལྟག་སྒྲེ |
མགོ་བོའི་ལྟག་པ་ལ་སྤུ་མེད་པ། རྒད་པོ་ལྟག་སྒྲེ་ཅན་ལ་ལྕང་ལོའི་རེ་བ་མེད། |
| ལྟག་སྒྲོག་མ |
གྲྭ་པའི་ཞྭ་མོ་སྒྲོ་བཙེམས་མ། |
| ལྟག་སྤྲོད |
1 ལྟག་པ་དང་ལྟག་པ་སྦྱོར་བའམ། རྒྱབ་དང་རྒྱབ་སྤྲོད་པ། ཐོད་པ་ལྟག་སྤྲོད་བྱས་པའི་ཌ་མ་རུ། 2 མི་མཐུན་པའམ་འགལ་བ། ཕན་ཚུན་འགལ་བ་ལྟག་སྤྲོད་ཀྱི་རྩོད་གཤགས་དེ་འགྲིག་རྒྱུའི་རེ་བ་མེད། |
| ལྟང |
ཕྱུགས་ཁལ་གྱི་དོ་བོ་གཅིག་ལོངས་པའི་དངོས་རྫས་རྡོག་པོའི་མིང་ མར་ལྟང་གཅིག བུ་རམ་ལྟང་གཉིས་ཞེས་པ་ལྟ་བུ། |
| ལྟང་ཚེ |
ལྟང་རྩེ་དང་འདྲ། |
| ལྟང་རྩེ |
རྐྱལ་པའམ་སྒྲོ་བ་ཆུང་ཆུང༌། |
| ལྟད་མོ |
ཟློས་གར་དང༌། ཡུལ་ལྗོངས་སོགས་མིག་གི་མཛེས་སྣང་དུ་གྱུར་པའི་ལེ་ཚན་རྣམས། མི་ལྟད། ལྟད་མོ་སྟོན་པ། རིག་ཚད་ལྟད་མོ་མིན། ཐོས་ཚད་བདེན་གཏམ་མིན། བྱིས་པའི་རྩེད་མོའི་ལྟད་མོ་ལྟར་ཅོལ་ཆུང་བྱ་བ། |
| ལྟད་མོ་ཁང |
ལྟད་མོ་སྟོན་སའམ། ལྟ་སའི་ཁང་པ། |
| ལྟད་མོ་བ |
ལྟད་མོ་ལྟ་མཁན། |
| ལྟད་མོ་ལྟ་བ |
གླུ་གར་སོགས་ལ་ལྟ་བ། ཟློས་གར་དང་གློག་བརྙན་ལ་ལྟད་མོ་ལྟ་བ། གཞན་གྱི་གྲ་མ་འགྲིག་ལ་ལྟད་མོ་བལྟས་ནས་མ་སྡོད་ཅིག རིལ་རིལ་རྦབ་ལ་ལྷུང་དུས། འཇོང་འཇོང་ལྟད་མོ་མ་ལྟ། |
| ལྟད་མོའི་ཟླ་བ |
མངོན ཐ་སྐར་ཟླ་བ་ཧོར་ཟླ་དགུ་པ། |
| ལྟད་སྦྱོར་ཟླ་བ |
མངོན ཧོར་ཟླ་དགུ་པའི་མིང༌། |
| ལྟན་པ |
རྙིང འབྱོར་བ། |
| ལྟན་ཡས |
གྲངས་གནས་ཤིག |
| ལྟབ |
ལྟེབ་ཀྱི་འབྲི་ཚུལ་གཞན། |
| ལྟབ་རིལ |
པར་ཤིང་ལ་སྣག་ཚ་བྱུགས་ཏེ་ཤོག་བུ་བཞག་པའི་སྟེང་ནས་མནན་སྒྲིལ་བྱེད་པའི་ལག་ཆ་ཞིག |
| ལྟམ |
(བྱེད་མེད་ལས་ཚིག་ད་ལྟ་བ)བུ་གུ་བཙས་པའི་ཞེ་ས་ མ་འོངས་པར་བལྟམ་དང་། འདས་པར་བལྟམས། སྐུལ་ཚིག་ལ་ལྟོམས་འབྲི། རྒྱུན་པར་བལྟམས་བཀོལ་བ་མང་ སྐུ་བལྟམས། སངས་རྒྱས་སྐུ་བལྟམས་པའི་དུས་ཆེན་ཞེས་པ་ལྟ་བུ། |
| ལྟམ་པ |
བལྟམས་པའི་འབྲི་སྲོལ་གཞན་ཞིག་ |
| ལྟམ་མེ་ལྟེམ་མེ |
1 སྣོད་ལེགས་པར་ཁེངས་པའི་ཚུལ། སྣོད་རྣམས་བཅུད་ཀྱིས་ལྟམ་མེ་ལྟེམ་མེར་གང༌། 2 གཅང་གཅོང་གི་ན་སྟངས་ཤིག རྟག་ཏུ་སྐུ་ལྟམ་མེ་ལྟེམ་མེར་ལུས་སོང༌། 3 རྒྱུན་ཆགས་མ་ཡིན་པ། བྱང་ཆུབ་སེམས་ཀྱིས་མ་ཟིན་པའི་ལུས་ངག་གི་དགེ་སྦྱོར་ལྟམ་ལྟེམ་ཐམས་ཅད་མ་རིག་པའི་རྐྱེན་གྱི་འདུ་བྱེད་ཡིན། |
| ལྟམ་ལྟེམ |
ལྟམ་མེ་ལྟེམ་མེའི་བསྡུས་ཚིག་ |
| ལྟར |
1 ནང་བཞིན། བསེ་རུ་ལྟར་གཅིག་པུར་གནས། དེ་ལྟར་རོ། ཐོག་ལྟར་དྲག་ལ་རླུང་ལྟར་མྱུར། 2 བྱེད་ཁུལ། ཕྱག་བྱེད་པ་ལྟར་བཅོས་པ། མི་སྐྲག་སྐྲག་པ་ལྟར་བྱེད་པ། |
| ལྟར་ལྟར་པོ |
1 དབྱིབས་ནར་ནར། མར་ལྟང་ལྟར་ལྟར་པོ་ཞིག་ལས་མི་འདུག 2 པེསི མའི་མངལ་དུ་ཕྲུ་གུ་ཆགས་ཚུལ་གྱི་གནས་སྐབས་ལྔའི་གྲས་ཤིག་སྟེ་མངལ་དུ་ཆགས་ནས་བདུན་ཕྲག་གསུམ་སོང་བའི་དབྱིབས། |
| ལྟར་ལྟར་བོ |
མངའ་སྦྲུམ་ནས་བདུན་ཕྲག་གསུམ་པའི་སྐབས་ཀྱི་མངལ་ཆགས་ཀྱི་རྣམ་པ། |
| ལྟར་སྣང |
དངོས་གནས་མ་ཡིན་པའམ་ཡང་དག་པ་མ་ཡིན་པའི་དོན་ཏེ། གཏན་ཚིགས་ལྟར་སྣང་། གཞུང་ལུགས་ལྟར་སྣང་། རྟགས་ལྟར་སྣང་ཞེས་པ་ལྟ་བུ། |
| ལྟར་སྣང་བ |
ཡང་དག་པ་མ་ཡིན་པའམ་དངོས་མིན་པ། སྒྲུབ་བྱེད་ལྟར་སྣང་བས་ཁུངས་མི་འཁྱོལ། |
| ལྟས |
འབྱུང་འགྱུར་གྱི་འབྲས་བུའི་སྔོན་ལ་བྱུང་བའི་སྔོན་རྟགས་ཀྱི་མིང་ ཆར་འབབ་པའི་སྔ་ལྟས་ཞེས་པ་ལྟ་བུ། |
| ལྟས་ངན |
1 བཀྲ་མི་ཤིས་པའི་ལྔ་ལྟས། 2 སྨོད་ཚིག་ཅིག ལྟས་ངན་ཁོས་ལས་ཀ་ཡག་པོ་རྩ་བ་ནས་བྱས་མ་སོང༌། |
| ལྟས་པ |
བཟང་ངན་གྱི་མཚན་མ་ལྟ་མཁན |
| ལྟས་བཟང |
དགེ་བའི་མཚན་མ། |
| ལྟས་མཁན |
མོ་རྩིས་སོགས་ཀྱི་སྒོ་ནས་བཟང་ངན་གྱི་མཚན་མ་སྟོན་མཁན་ནམ་ལྟས་རྟོག་པ་པོ། |
| ལྟས་རིག་པ |
ལྟས་བཟང་ངན་རྟོག་བྱེད་རྩིས་སོགས་ཀྱི་རིག་པ། |
| ལྟས་སུ་བལྟ་བའི་བཟོ |
ལེགས་ཉེས་ཀྱི་མཚན་མར་བལྟ་བའི་བཟོ་དཔྱད། |
| ལྟི་རི |
ཡུལ མཆུ་ཏོ་བུམ་པ་ལྟར་ཡོད་པའི་ཁོག་ལྟིར། |
| ལྟིག |
(རྒྱན་ཚིག) གཟུགས་དབྱིབས་ཐུང་ཞིང་སྦོམ་པའི་དོན་ཏེ། གཟུགས་ལྟིག ཐུང་གཟུགས་ལྟིག་ལྟིག་ཅེས་པ་ལྟ་བུ། ཤ་རྒྱགས་པའི་དོན་ཏེ། མགོ་ལྟིག ཨོང་ལྟིག་ཅེས་པ་ལྟ་བུ། ཁ་སྐད་དུ་ལྟ་གེ་ལྟིག་གེ་ཞེས་པ་དང་དོན་འདྲ། |
| ལྟིར |
1. ཇ་ཆང་གི་སྣོད། ཁོག་ལྟིར། ཇ་ལྟིར། རྫ་ལྟིར། དངུལ་ལྟིར། 2. རྙིང སྣོད་ཀྱི་ཁ་དང་མཉམ་པར་གང་བ། ཆུས་ལྟིར་གྱིས་བཀང་བ། |
| ལྟུང |
(བྱེད་མེད་ལས་ཚིག་མ་འོངས་པ་དང་ད་ལྟ་བ) མར་ལྷུང་བ་ གཡང་ཁར་ཕྱུགས་ཟོག་སོང་ན་གཡང་ལ་ལྟུང་ཉེན་ཆེ། ཤིང་ཏོག་མར་ལྟུང་གིན་འདུག་ལྟ་བུ། |
| ལྟུང་གནས |
འོག་གི་འཇིག་རྟེན། |
| ལྟུང་བ |
1. ཐ་མི་དད་པ ལྟུངས་པ། ལྟུང་བ།།ལྷུང་བ། བྲག་གཡང་དུ་ལྟུངས་ནས་ཤི། 2. བཅས་ཁྲིམས་དང་འགལ་བའི་ཉེས་པ། |
| ལྟུང་བ་ཕྱིར་བཅོས |
ལྡོམ་པ་ཉམས་པ་སླར་གསོ་བ་ལྟུང་བ་བྱིན་རླབས། མཐོལ་བ། བཤགས་པ། ཆད་ལས་བཅད་པ་རྣམས་སོ། |
| ལྟུང་བ་ཕྱིར་བཅོས་ཀྱི་གཞི་བཞི |
འདུལ་བ་གཞི་བཅུ་བདུན་ལས། སྡོམ་པ་ཉམས་པ་ཕྱིར་བཅོས་ཀྱི་གཞི་བདུན་གྱི་ནང་གསེས། ལྟུང་བ་ཕྱིར་བཅོས་བྱེད་པ་ལ་བཞི་སྤྲོ་བ་མཐོལ་བཤགས་ཀྱི་ཕྱིར་བཅོས་བྱེད་ཚུལ་སྤྱོད་པ་གཞན་ན་གནས་པའི་གཞི་དང༌། དུས་དང་དུས་མིན་བསྡུས་པའི་གཞི་དང༌། གདམས་ངག་གསོ་དགག་བཞག་པའི་གཞི་སྟེ་གསུམ་དང༌། མི་སྤྲོ་བ་ནན་ཏུར་གྱིས་ཕྱིར་བཅོས་བྱེད་ཚུལ་གྱི་གཞི་གཅིག་བཅས་བཞིའོ། |
| ལྟུང་བ་བཅུ |
སྲ་བརྐྱང་འདིང་བའི་དགོས་པ། ལྟུང་བ་བཅུ་བག་ཡངས་སུ་བྱ་བའི་ཆེད་དུ་བཅུ་ནི། འཆང་འབྲལ་འཇོག་གསུམ། ཡང་ཡང་ཟ་བ། འདུས་ཤིང་ཟ་བ། མ་སྨྲས་པར་གྲོང་དུ་འགྲོ་བ། གོས་སློང་བ། རྙེད་པ་ཐུན་མོང་དུ་འགྱུར་བ། བྱིན་གྱིས་མ་བརླབས་པའི་གོས་དུམ་འཆང་དུ་རུང་བ། སྣམ་སྦྱར་མེད་པར་ལྗོངས་རྒྱུ་རུང་བ་བཅས་སོ། |
| ལྟུང་བ་བཤགས་པ |
བསླབ་པ་དང་འགལ་བའི་ཉེས་ལྟུང་རྣམས་སྦ་གསང་མེད་པར་མཐོལ་བཤགས་བྱེད་པ། |
| ལྟུང་བ་བྱིན་རླབས |
ལྟུང་བ་ཕྱིར་བཅོས་ཀྱི་ནང་གསེས་ཤིག་ལྟུང་བའི་རྣམ་སྨིན་མི་འཕེལ་བ་དང་གཉེན་པོས་ཟིན་པས་ནུས་པ་ཆུང་དུ་འགྲོ་བ་དང་ལས་ཀྱི་ཁ་སྐོང་རུང་བའི་ཆེད་དུ་གསོལ་བ་འབའ་ཞིག་པའི་ལས་ཀྱིས་བྱིན་གྱིས་བརླབ་པའོ། |
| ལྟུང་བ་འབྱུང་བའི་རྒྱུ་བཞི |
བསླབ་བྱ་རྣམས་མི་ཤེས་པ་དང༌། བག་མེད་པ་དང༌། ཉོན་མོངས་མང་བ་དང༌། མ་གུས་པ་བཅས་བཞིའོ། |
| ལྟུང་བ་འབྱུང་བའི་སྒོ་བཞི |
ལྟུང་བ་འབྱུང་བའི་རྒྱུ་བཞི་དང་འདྲ། |
| ལྟུང་བ་ལས་བསླང་བ |
ལྟུང་བ་བཤགས་ནས་དག་པ་ན་རང་བཞིན་གྱི་གནས་སུ་སོར་ཆུད་པ་སྟེ་སྤོ་མགུ་དབྱུང་བ་ལྟ་བུའོ། |
| ལྟུང་བ་སྡེ་ལྔ |
སོ་ཐར་གྱི་དགག་པའི་བསླབ་བྱ་ལྟུང་བ་སྡེ་ལྔ་ནི། ཕམ་པ་དང༌། ལྷག་མ། ལྟུང་བྱེད། སོར་བཤགས། ཉེས་བྱས་ཀྱི་སྡེ་བཅས་ལྔའོ། |
| ལྟུང་བའི་ངོ་བོ་འཚོལ་བ |
འདུལ་བ་ལས་བཤད་པའི་རྩོད་པ་ཞི་བྱེད་ཀྱི་ཆོས་བདུན་གྱི་གྲས་ཤིག་ལྟུང་བ་གླེང་ཡང་ཁྱད་དུ་གསོད་པའི་གང་ཟག་ལ། ལྟུང་བ་ངོ་མ་ཤེས་པ་ཤེས་པར་བྱ་བའི་ཕྱིར་དུ་ཇི་སྲིད་འཚོའི་བར་དུ་ལྟུང་བའི་ངོ་བོ་ཉིད་འཚོལ་བ་ཆད་ལས་ཀྱི་ཚུལ་གྱིས་སྦྱིན་པའོ། |
| ལྟུང་བའི་དགག་དབྱེ |
དབྱར་གནས་ཀྱི་སྐབས་སུ་ལྟུང་བ་གླེང་མི་ཆོག་པ་དང་དབྱར་གྲོལ་བའི་སྐབས་ནས་བཟུང་ལྟུང་བ་གླེང་ཆོག་པའི་མཚོན་བྱེད་དུ་རྩྭ་དུར་བ་མདུད་པས་ལྟུང་བའི་དགག་དབྱེ་བྱ་བའོ། |
| ལྟུང་བའི་རྩ་བ |
སོ་ཐར་གྱི་ཕམ་པ་བཞི་ལྟ་བུ་སྡོམ་པ་རྩ་བ་ནས་གཏོང་ཞིང་ངན་སོང་དུ་ལྟུང་བར་བྱེད་པའི་སྡིག་ལྟུང་ཆེས་ལྕི་བ། |
| ལྟུང་བའི་ཤན |
འདུལ་བ་ལས་བཤད་པའི་ཤན་གསུམ་གྱི་ནང་གསེས་ཤིག་ཕྱིར་མ་བཅོས་པའི་ལྟུང་བས་འབྲས་བུ་སྡུག་བསྔལ་བསྐྱེད་པའི་ནུས་པས་ལྟུང་བ་གཞན་གྱི་ཡང་འབྲས་བུ་སྡུག་བསྔལ་བསྐྱེད་པར་བྱེད་པའི་ནུས་པ་འཕེལ་བར་བྱེད་པའོ། དེ་ལའང་ནང་གསེས་སུ། གོས་ལ་བརྟེན་པའི་ལྟུང་ཤན་དང༌། སྨན་ལ་བརྟེན་པའི་ལྟུང་ཤན་དང༌། ལྷུང་བཟེད་ལ་བརྟེན་པའི་ལྟུང་ཤན་ཏེ་གསུམ་ཡོད་དོ། |
| ལྟུང་བའི་སྡེ་ཚན་གཉིས |
བྱང་སེམས་ཀྱིས་སྤང་བྱའི་ལྟུང་བ་ལ་གཉིས་ཏེ་ཕམ་པའི་སྡེ་ཚན་དང༌། ཉེས་བྱས་ཀྱི་སྡེ་ཚན་ནོ། |
| ལྟུང་བཤགས |
ཕུང་པོ་གསུམ་པའི་མདོ། |
| ལྟུང་བཤགས་ལྷ་སོ་ལྔ |
ཕུང་པོ་གསུམ་པའི་མདོ་ལས་བསྟན་པའི་བཅས་རང་གི་ཁ་ན་མ་ཐོ་བ་རྣམས་བཤགས་པའི་ཡུལ་གྱི་དེ་བཞིན་གཤེགས་པའི་ལྷ་གྲངས་སོ་ལྔ། |
| ལྟུང་བྱེད |
པཱཡཏྟིཀཱ སོ་ཐར་གྱི་ལྟུང་བ་སྡེ་ལྔའི་ནང་གསེས་ཤིག |
| ལྟུང་བྱེད་ཀྱི་སྡེ |
དགེ་སློང་གི་སྤང་བྱ་ལྟུང་བ་སྡེ་ལྔའི་ནང་ཚན། སྤང་ལྟུང་སུམ་ཅུ་དང༌། ལྟུང་བྱེད་འབའ་ཞིག་པ་དགུ་བཅུ་དག་གོ། |
| ལྟུང་བྱེད་འབའ་ཞིག་པ |
དགེ་སློང་གི་སྤང་བྱ་ལྟུང་བྱེད་ཀྱི་སྡེའི་ནང་གསེས་ཏེ། དེ་ལའང་བཅུ་ཚན་དགུ་ཡོད་ཅིང༌། འདི་རྣམས་ནི་སྤྱད་ན་ངན་འགྲོར་ལྟུང་བར་བྱེད་ཅིང་བཤགས་པའི་ཚེ་ཡང་སྤང་འབྲལ་སྔོན་དུ་གཏང་མི་དགོས་པར་བཤགས་པ་ཙམ་གྱིས་འདག་པས་ལྟུང་བྱེད་འབའ་ཞིག་པའི་སྡེ་ཞེས་བྱའོ། |
| ལྟུང་བྱེད་འབའ་ཞིག་པ་དགུ་བཅུ |
དགེ་སློང་གི་སྤང་བྱ་ལྟུང་བྱེད་ཀྱི་སྡེའི་ནང་གསེས་ཤིག་དེ་ལ་དབྱེ་བས་སྡེ་ཚན་དགུ་ཤེས་བཞིན་སོགས་ཀྱི་སྡེ་ཚན་བཅུ། ས་བོན་སོགས་ཀྱི་སྡེ་ཚན་བཅུ། མ་བསྐོས་སོགས་ཀྱི་སྡེ་ཚན་བཅུ། ཡང་ཡང་སོགས་ཀྱི་སྡེ་ཚན་བཅུ། ཆུ་སོགས་ཀྱི་སྡེ་ཚན་བཅུ། ཁྱིམ་སོགས་ཀྱི་སྡེ་ཚན་བཅུ། བསམ་བཞིན་སོགས་ཀྱི་སྡེ་ཚན་བཅུ། མགྲོན་མང་རྐུན་སོགས་ཀྱི་སྡེ་ཚན་བཅུ། ཆོས་སྟོན་སོགས་ཀྱི་སྡེ་ཚན་བཅུ་སྟེ་དགུ་བཅུའོ། |
| ལྟུང་མཆོག |
སྦྱོར་བ་ཉེར་བདུན་གྱི་ནང་གསེས་ཤིག |
| ལྟུངས་པ |
ལྟུང་བའི་འདས་པ། |
| ལྟེ་ཁུང |
ལྟེ་བའི་བུ་ག། |
| ལྟེ་གནས |
དབུས་སམ། གནས་ཡུལ་གཙོ་བོ། |
| ལྟེ་བ |
1 ལུས་ཀྱི་ལྟེ་བ། གླ་བའི་ལྟེ་བ། ལྟེ་བ་གཅོད་པ། 2 དཀྱིལ་ལམ་དབུས། ལྟེ་བ་ནས་ཇི་ཙམ་འཚམས་པའི་ཟླུམ་པོར་བསྐོར། ལྟེ་བའི་གྲོང་ཁྱེར། 3 རྩ་བའམ་ངོ་མ། རེ་དོན་ལྟེ་བ། |
| ལྟེ་བ་གཡས་སུ་འཁྱིལ་བ |
དཔེ་བྱད་བརྒྱད་ཅུའི་ནང་གསེས། སློབ་མ་མཐུན་པ་ཟབ་པ་ཉིད་ཀྱིས་སྟེ་བའི་རི་མོ་གཡས་སུ་འཁྱིལ་བའོ། |
| ལྟེ་བ་བལ་ཅན |
མངོན སྡོམ། |
| ལྟེ་བ་ཟབ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཆོས་ཟབ་མོ་རྟོགས་པ་ཉིད་ཀྱིས་ལྟེ་བ་ཟབ་པ། |
| ལྟེ་བ་སྐྱེས |
མངོན ཚངས་པ། |
| ལྟེ་བ་སྤྲུལ་པའི་འཁོར་ལོ |
ལྟེ་བའི་ཐད་ཀྱི་རྩ་དབུ་མ་ལས་གྱེས་པའི་རྩ་འདབ་དྲུག་ཅུ་རྩ་བཞི་གདུགས་ཀྱི་རྩིབས་མ་ལྟར་ཁ་ཡར་ཕྱོགས་ཏེ་ཡོད་པ་ཞིག |
| ལྟེ་བའི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་ལྟེ་བ་ཟབ་པ་དང༌། ལྟེ་བ་གཡས་སུ་འཁྱིལ་བའོ། |
| ལྟེ་བའི་དྲི |
མངོན གླ་རྩིའི་མིང་གི་རྣམ་གྲངས་ཤིག |
| ལྟེ་བའི་ལྷན་སྐྱེས་ཀྱི་མེ |
གཏུམ་མོའི་མེ། |
| ལྟེ་མཁྲང |
བྱིས་པའི་ལྟེ་ནད་ཅིག་ནད་རྟགས་སུ་ལྟེ་བ་འབུར་ཞིང་རྐང་པ་འཁུམས་ཏེ་བརྐྱང་མི་ཤེས་པར་འགྱུར་བ་ཞིག |
| ལྟེ་མཁྲེགས |
བྱིས་པའི་ལྟེ་ནད་ཅིག་ནད་རྟགས་སུ་ལྟེ་བ་སྨུག་ཅིང་སྲ་ལ་མེ་ལོང་ཙམ་ཧྲེམ་མེར་ན་བ་ཞིག |
| ལྟེ་འཁོར |
བྱིས་པའི་ལྟེ་ནད་ཅིག་ནད་རྟགས་སུ་ལྟེ་བའི་ཁ་འཁོར་དུ་སྨུག་པོར་སྐྲངས་ཤིང་འབུར་ལ་རེག་མི་བཟོད་པ་ཞིག |
| ལྟེ་འབུར |
ལྟེ་བ་ཕྱིར་འབུར། |
| ལྟེ་འོག |
1 བཤང་ལམ། 2 ལྒང་པ། མིང་གི་རྣམ་གྲངས་ལ་ལྒང་གནས་དང༌། ལྒང་པའི་གནས། གཅིན་གནས། ཆུ་སོ་བཅས་སོ། |
| ལྟེ་རྣག |
བྱིས་པའི་ལྟེ་བ་བཅད་པའི་ཤུལ་དུ་རྣག་ཞུགས་པའི་ལྟེ་ནད་ཅིག |
| ལྟེང་ཀ |
1 ཆར་ཆུ་འཁྱིལ་བའི་ས་ཀོང༌། 2 ཆུ་མིག |
| ལྟེང་བ |
དབྱིབས་ཤིག་གི་མིང་དུ་སྔོན་གྱི་ཡིག་རྙིང་དུ་བཤད། |
| ལྟེང་རྒྱས་འོད་སྲུང |
ཤཱཀྱ་ཐུབ་པའི་ཉེ་འཁོར་གནས་བརྟན་འོད་སྲུང་གཅེན་གཅུང་གསུམ་ནང་གི་བགྲེས་པ་དེ་མུ་སྟེགས་པའི་གྲུབ་མཐའ་དོར་ནས་སངས་རྒྱས་ཤཱཀྱ་ཐུབ་པའི་ཞབས་ལ་གཏུགས་ཏེ་ཉན་ཐོས་སུ་གྱུར་པ། |
| ལྟེངས་ཀ |
ལྟེང་ཀ་དང་འདྲ། |
| ལྟེབ |
(བྱེད་འབྲེལ་ལས་ཚིག་ད་ལྟ་བ)དངོས་རྫས་ལེབ་མོའི་རིགས་བཀུག་ནས་ངོས་གཉིས་གཅིག་ཐོག་ཏུ་གཅིག་བརྩེགས་པའི་དོན་ཏེ། ལྭ་བ་ལྟེབ་ཀྱིན་ཡོད། ལྕགས་ལེབ་ལྟེབ་བྱེད་ཀྱི་འཕྲུལ་འཁོར་ཞེས་པ་ལྟ་བུ། |
| ལྟེབ་གྲི |
ལྟེབ་ཚིགས་བརྒྱབ་ཆོག་པའི་གྲི། |
| ལྟེབ་ཆགས |
ཕར་ལྟེབ་ཚུར་ལྟེབ། ཤོག་བུ་རྣམས་ལྟེབ་ཆགས་བརྒྱབ་སྟེ་སྒམ་དུ་འཇུག་པ། |
| ལྟེབ་པ |
ཐ་དད་པ བལྟབས་པ། བལྟབ་པ། ལྟོབས།། ཕར་ཚུར་བཀུག་ནས་ངོས་གཉིས་གཅིག་ཐོག་གཅིག་རྩེག་བྱེད་པ། གོས་འདི་བལྟབས་ཏེ་སྒམ་དུ་ཆུག |
| ལྟེབ་མ |
བལྟབས་པའི་རྩེག་མའི་མིང་ རས་ཀྱི་ལྟེབ་མ་ཞེས་པ་ལྟ་བུ། མིང་བསྡུས་ན་ལྟེབ་ཅེས་འབྲི་ཆོག་ ཤོག་གུ་ཉིས་ལྟེབ། རས་སུམ་ལྟེབ་ཅེས་པ་ལྟ་བུ། |
| ལྟེབ་ཚིགས |
ཕར་ལྟེབ་ཚུར་ལྟེབ། གོས་སློག་བཀྲུས་ནས་ཉི་མར་བསྐམས་ཏེ་ལྟེབ་ཚིགས་རྒྱག་པ། ཨ་མཆོག་ལྟེབ་ཚིགས་བརྒྱབ་ནས་སྡོད་པ། |
| ལྟེབ་འགོ་བདུན་པ |
ཤོག་བུ་ལྟེབ་ཚིགས་བདུན་ཡོད་པའི་དེབ། |
| ལྟེབ་སྒྲིལ |
ལྟེབ་སྒྲོན་དང་དོན་གཅིག་ |
| ལྟེབ་སྒྲོན |
ལྟེབ་ཚིགས་རྒྱག་པ། ཁ་བཏགས་དེ་དག་ལྟེབ་སྒྲོན་ལེགས་པར་གྱིས་ཤིག |
| ལྟེབས |
སྐུལ་ཚིག་ ལྭ་བ་ལྟེབས་ཤིག་ལྟ་བུ། ལྟེབ་མ་ཞེས་པའི་མིང་བསྡུས་པ། |
| ལྟེམ |
ན་བའི་ཞེ་ས་ སྐུ་ལྟེམ་པ་ཞེས་པ་ལྟ་བུ། |
| ལྟེམ་གྱིས་གང་བ |
རབ་ཏུ་གང་བའམ་ཕྱུར་བུར་ཁེངས་པ། ཚལ་དང་ལོ་ཏོག་གི་རྣམ་པས་ས་གཞི་ལྟེམ་གྱིས་གང་འདུག |
| ལྟེམ་པ |
ཐ་མི་དད་པ ན་བའི་ཞེ་ས། དེང་སྐབས་ཁོང་སྐུ་ལྟེམ་པའི་སྒང་རེད། |
| ལྟེམ་མེར |
ཁ་སྐྱོར་དང་མཉམ་པར་གང་བའི་ཚུལ། ཤེལ་དམ་ཨ་རག་གིས་ལྟེམ་མེར་གང་སོང༌། |
| ལྟེམ་རྐྱང |
1 བརྐྱང་བསྐུམ་དང་མཐོ་དམའ་དང་འགྱུར་ལྡོག་སྟེ་མི་བརྟན་པ། དད་པ་ལྟེམ་རྐྱང་མེད་པ། བརྩོན་འགྲུས་ལྟེམ་རྐྱང་མེད་པ་ཞིག་སྐྱེས་པ། བྱ་བ་ལྟེམ་རྐྱང་མེད་པ་ཐང་ལྷོད་རན་པར་བྱེད། 2 རྙིང ཆིག་རྐྱང༌། |
| ལྟེམ་ལྟེམ |
གང་བའི་རྣམ་པ་ཞིག རྫིང་བུའི་ནང་དུ་ཆུས་ལྟེམ་ལྟེམ་ཁེངས་འདུག |
| ལྟེམས |
(བྱེད་འབྲེལ་ལས་ཚིག་ད་ལྟ་བ) དངོས་རྫས་ཀྱིས་སྣོད་བཀང་བའི་དོན་ཏེ། འོ་མས་འོ་ཟོ་ལྟེམས་པར་བྱེད། འོ་ཟོ་འོ་མས་ལྟེམས་མཁན་ཞེས་པ་ལྟ་བུ། |
| ལྟོ |
ཟས་སམ་བཟའ་བྱ། བདེན་པའི་ལྟོ་ཟོས། བདེན་པའི་གོས་གྱོན། ལྟོ་སྐྱ་ལ་གོས་ཧྲུལ་བ། ལྟོ་ཁྱིའི་ལྟོ་ལ་ལས་བོང་ལས། ཅི་ལའང་མི་འཆམ་རུང་ལྟོ་ལ་འཆམ། ལྟོ་ལ་གྱོང་བསྐུར། |
| ལྟོ་ཁེངས་པ |
1 གྲོད་པ་རྒྱགས་པ། 2 ཡུལ ཚོན་མདོག་གང་ཡིན་རུང་སྲབ་མཐུག་དང་ཁ་དོག་གི་ཚད་ལོན་པ། |
| ལྟོ་གང་གི་ཟས་ཙམ |
གྲོད་ཁོག་ཁེངས་ཙམ་གྱི་ལྟོ་ཆས། ལྟོ་གང་གི་ཟས་ཙམ་ལས་མི་འཐོབ་པའི་ཚེ་གཡོག |
| ལྟོ་གོས |
བཟའ་བྱ་དང་གྱོན་བྱ། ལྟོ་གོས་འཛོམས་པོ། ལྟོ་གོས་ཀྱིས་མི་འཕོངས་པ། ལྟོ་གོས་ངན་ངོན། ལྟོ་གོས་འབེལ་འབེལ་ལྷུག་ལྷུག |
| ལྟོ་གོས་གཏམ་གསུམ |
ཟས་གོས་དང་སྙན་གྲགས། སྒེར་གྱི་ལྟོ་གོས་གཏམ་གསུམ་དོན་དུ་གཉེར་བ། |
| ལྟོ་ཆས |
བཟའ་བཏུང་འཚོ་ཆས། |
| ལྟོ་དཀྲིས |
ཕོ་བ་དཀྲི་བྱེད། |
| ལྟོ་དོད |
བཟའ་བཏུང་གི་དོད་ཚབ། |
| ལྟོ་ཕོགས |
ལས་བྱས་པའི་འཐོབ་བྱ་ཕོགས། |
| ལྟོ་ཕོར |
ལྟོ་ཆས་ཟ་སྣོད་ཕོར་པ། |
| ལྟོ་ཕྱིད |
ཟས་ཀྱིས་འདང་བ། མི་ཚང་མ་གོས་དྲོས་ལྟོ་ཕྱིད་ཀྱི་ངང་ནས་འཚོ་བ་བདེ་བར་སྐྱེལ་བ། |
| ལྟོ་བ |
1 གསུས་པ། ལྟོ་བ་ལྡིར་ལྡིར། ལྟོ་བ་འཁྲུ་ནད། ལྟོ་ཆས་མ་འཇུ་བར་ལྟོ་བ་བཤལ་བ། ཤ་སྟོབས་རྒྱས་ཏེ་ལྟོ་བ་ལྷུག་གེ་བ་ཞིག་ཏུ་གྱུར་འདུག མིང་གི་རྣམ་གྲངས་ལ་དཀུ་དག་དང་གྲོད་པའོ། 2 ཟས། |
| ལྟོ་བསྐྱུད |
བཟའ་བཏུང་བརྗེད་པ། ལས་ཀར་གཡེངས་ཏེ་ལྟོ་བསྐྱུད་པ། |
| ལྟོ་མཁན |
ལྟོ་ཆས་གཡོས་སྦྱོར་མཁན། |
| ལྟོ་ཚང |
1 མི་ཚང་གཅིག་གི་མི་མིན་ཡང༌། ལྟོ་ཆས་མཉམ་དུ་བྱེད་པའི་སྐྱིད་སྡུག་གཅིག་པ། ལུང་ཚོ་གཅིག་ཀྱང་ལྟོ་ཚང་ཁག་ཁག ལྟོ་ཚང་ལེགས་པར་ཡོང་བའི་དོན་ལ་འབད་པ་འཚལ། 2 བཟའ་ཚང༌། |
| ལྟོ་ཚོད |
བཟའ་བཏུང་གི་ཚད། ཕྲུ་གུའི་ལྟོ་ཚོད་ཕ་མས་ཟིན། རྒན་པའི་ལྟོ་ཚོད་སེམས་ཀྱིས་ཟིན། |
| ལྟོ་འགེངས |
ལྟོ་བ་ཟས་ཀྱིས་འགེངས་པ། |
| ལྟོ་འགྲངས་གོས་དྲོས |
ཟས་ཀྱིས་གྲོད་རྒྱགས་གོས་ཀྱིས་ལུས་དྲོས། ལྟོ་འགྲངས་གོས་དྲོས་མི་ཤེས་མཁན། |
| ལྟོ་འགྲོ |
ལྟོ་བའི་ངོས་ས་ལ་ཕབ་ནས་འགྲོ་བའི་སྦྲུལ་སོགས་ཀྱི་སྤྱི་མིང་། |
| ལྟོ་འཕྱང |
མངོན ལུག |
| ལྟོ་འཕྱེ |
ལྟོ་བས་འགྲོ་བ་སྟེ་ཀླུ་དང་སྦྲུལ་ལྟ་བུ། |
| ལྟོ་འཕྱེ་ཆེན་པོ |
མཧོརག ས་བདག་གདོན་ཆེན་ཞིག |
| ལྟོ་རན་པ |
1 ཟས་མང་ཉུང་རན་པ། 2 ཟས་བཟང་ངན་རན་པ། 3 ལྟོ་ཟ་བའི་དུས་ཚོད་ལ་སླེབས་པ། |
| ལྟོ་རྒྱབ |
ལྟོ་གོས། ལྟོ་རྒྱབ་སྐྱིད་པ། |
| ལྟོ་ལད་པ |
1 གྲོད་པ་ངན་ལང་དུ་ཤོར་བ། 2 ཟས་ལ་སྐྱོན་ཞུགས་པའམ་ཕན་མི་ཐོགས་པར་གྱུར་པ། |
| ལྟོ་ལྡིར་བ |
ལྟོ་བ་འབུར་འབུར་དུ་ཡོད་པ། སྦྲུམ་མའི་ལྟོ་ལྡིར་བ། བུམ་པ་ལྟོ་ལྡིར་བ། |
| ལྟོ་ལྷག |
ཟས་ལྷག ལྟོ་ལྷག་ངན་ངོན། ལྟོ་ལྷག་གོས་ལྷག |
| ལྟོ་སོན |
བཟའ་འབྲུ་དང་སོན་འབྲུ། |
| ལྟོ་སྐལ |
1 ལྟོ་ཆས་ཀྱི་ཐོབ་སྐལ། 2 ཁྱིམ་ཚང་བགོ་སྐབས་ཀྱི་ལྟོ་སྐལ་ས་ཞིང༌། |
| ལྟོ་སྙི |
མངོན བཤང་བ། |
| ལྟོ་སྣུམ་པ |
ཟས་བཅུད་དང་ལྡན་པ། |
| ལྟོ་སྦོས |
མ་ཞུ་བ་དང༌། ཐུར་སེལ་རླུང་གི་བྱེད་ལས་ལོག་པ་སོགས་ལས་བྱུང་བའི་ལྟོ་བ་ཁེངས་པ་ལྟར་རླུང་འཁྱིལ་བའི་མིང༌། ལྟོ་སྦོས་ཀྱི་ནད་བྱུང་བ། |
| ལྟོ་སྲིན |
གྲོད་པའི་ནང་གི་སྲིན་བུ། |
| ལྟོ་སློང་བ |
ཟས་སློང་མོ་རྒྱག་པ། གྲོང་སྒོ་འགྲིམས་ནས་ལྟོ་སློང་བའི་སྤྲང་པོ། |
| ལྟོགས |
(བྱེད་མེད་ལས་ཚིག)ཕོ་བའི་ནང་ཟས་ཀྱིས་སྟོངས་ནས་ཟས་ཟ་འདོད་པའི་དོན་ཏེ། ལྟོགས་སྐོམ་སེལ་ལྟ་བུ། |
| ལྟོགས་གཟེར |
ཕོ་བ་ལྟོགས་པའི་ཟུག་གཟེར། |
| ལྟོགས་གྲི |
ལྟོགས་ནས་ཤི་བ། འཁྱག་གྲིའམ་ལྟོགས་གྲིར་ཤི་བ། |
| ལྟོགས་ཅོར |
ལྟོགས་སྐད་དེ། སྐད་ཅོར་གྱི་སྨད་ཚིག ལྟོགས་ཅོར་མ་རྒྱག |
| ལྟོགས་ཆད |
ལྟོགས་ནས་ཆད་པའམ་ལུས་པ། ཉིན་མང་པོ་རྩྭ་ཆུ་མ་བྱུང་བའི་ཁལ་མ་རྣམས་ལམ་ལ་ལྟོགས་ཆད་ཐེབས་པ། |
| ལྟོགས་ཉལ |
ལྟོགས་ནས་ཉལ་བ། |
| ལྟོགས་ཐག་ཆོད་པ |
ཧ་ཅང་ལྟོགས་པ། འཚོ་རྐྱེན་ཞན་པས་རྟག་ཏུ་ལྟོགས་ཐག་ཆོད་ནས་སྡོད་དགོས། |
| ལྟོགས་པ |
1. ཐ་མི་དད་པ ལྟོ་ཆས་དུས་སུ་མ་བྱུང་བའི་ཚོར་བ་སྐྱེ་བ། ལྟོགས་གྲང་གཉིས་མནར། ལྟོགས་པ་ཟུངས་ཆད། ལྟོགས་ནས་ཐབས་མེད་པ། ལྟོགས་ནས་འཆི་ལ་ཁད་པ། འགྲང་ལྟོགས་མི་ཤེས་མཁན། ལྟོགས་ཕྱུག་སྙོམས་པ། 2. གྲོད་པ་ལྟོགས་མཁན། མི་ལྟོགས་པ་ལ་ཁྱིས་སྐྱུགས་པའི་རེ་བ་བྱེད་པ་འཁྲུལ། འགྲངས་པ་གཉིད་ཁུག་ཀྱང་ལྟོགས་པ་གཉིད་མ་ཁུག |
| ལྟོགས་ཕྱུག་སྙོམས་པ |
སྔར་བོད་རྒྱལ་ཁྲི་སྲོང་ལྡེ་བཙན་གྱི་སྲས་མུ་ནེ་བཙན་པོས་བོད་འབངས་རྣམས་ཀྱི་དབུལ་ཕྱུག་ཐེངས་གསུམ་སྙོམས་པར་མཛད་ཅེས་གྲགས། |
| ལྟོགས་བཀྲེས |
ཟས་ཀྱིས་དབུལ་ནས་གྲོད་པ་ལྟོགས་པ། |
| ལྟོགས་བསྲན་ཆེ་བ |
ཕོ་བ་ལྟོགས་པ་བཟོད་ཐུབ་པ། |
| ལྟོགས་མུག |
བཀྲེས་པ་དང་ཟས་དཀོན་པོ། |
| ལྟོགས་ཚིག |
བཀྲེས་ཏེ་སྐྱེས་པའི་ཁོང་ཁྲོ། ཕྲུ་གུ་ལྟོགས་ཚིག་བཟས་ནས་ཨ་མ་ལ་འབར་བ། |
| ལྟོགས་ཚུབ |
ལྟོགས་རྔམ་ཆེ་བའི་རྣམ་འགྱུར། ཟ་འདོད་ལྟོགས་ཚུབ་ལངས་ནས་བཟའ་རྒྱུ་ཁོ་ན་འཚོལ་བ། ལམ་བར་དུ་འགྲུལ་པ་ལྟོགས་ཚུབ་ལངས་ནས་ཇ་ཆུ་སྐོལ་ལོང་མེད་པར་རྩམ་པ་འགམ་ཡོང༌། |
| ལྟོགས་འཁྱོམས |
ལྟོགས་ནས་གཟུགས་པོ་འཁྱོམས་པ། ལྟོགས་འཁྱོམས་ལངས་ནས་ལམ་ཟུར་དུ་འགྱེལ་བ། |
| ལྟོགས་འགོང |
གནོད་བྱེད་འགོང་པོ་ལ་སྨད་ཚིག་བརྗོད་པ། ལྟོགས་འགོང་སྙིང་ལ་ཞུགས་པ། |
| ལྟོགས་འདྲེ |
ཟས་ཀྱི་བཅུད་ཁྱེར་ཏེ་ལྟོགས་སླ་བར་བྱེད་པའི་འདྲེ་ཞིག |
| ལྟོགས་འབྱོར་པ |
རྣལ་འབྱོར་པ་ལ་གཤེ་བའི་ཚིག་ཅིག |
| ལྟོགས་རྒྱལ |
ཟ་རྒྱུར་ཧ་ཅང་རྔམ་པ་ཞིག ཇི་ཙམ་བཟས་ཀྱང་ངོམ་རྒྱུ་མེད་པའི་མི་དེ་ལྟོགས་རྒྱལ་རེད། |
| ལྟོགས་རྔམ |
ཟ་འདོད་ཆེ་བ། ལྟོགས་རྔམ་ཅན་གྱིས་ཟས་མཐོང་བ་དང་ལག་པ་རྐྱོང་བ། |
| ལྟོགས་ཤི |
ལྟོགས་ནས་ཤི་བ། ལོ་ཉེས་བྱུང་ནས་མི་མང་པོ་ལྟོགས་ཤི་ཐེབས་པ། |
| ལྟོགས་ཤེད |
1 ལྟོགས་ཡུས་ཤོད་པའམ་ལྟོགས་རྔམ། 2 ལྟོགས་མཁན་གྱི་ལུས་ཤེད། |
| ལྟོགས་ཤེད་ཤོར |
ལྟོགས་ནས་ལུས་ཀྱི་ཤེད་ཤོར་བ། |
| ལྟོགས་ཤེས་པ |
བཀྲེས་པ་ཧ་གོ་བ་སྟེ་ཕྲུ་གུ་དམར་འབྱར་གྱིས་གྲོད་པ་ལྟོགས་པའི་བརྡ་སྟོན་ཤེས་པ། |
| ལྟོགས་སྐོམ |
བཀྲེས་སྐོམ་སྟེ་ལྟོགས་པ་དང་སྐོམ་པ། |
| ལྟོགས་སྒོམ་རྒྱག་པ |
ལྟོགས་ཀྱང་བསྲན་ཐུབ་པར་བྱེད་པ། |
| ལྟོགས་སྤྲང |
གྲོད་པ་འགྲངས་དུས་མེད་པའི་སྤྲང་པོ། |
| ལྟོགས་སྦྲེབས |
བཀྲེས་པ། |
| ལྟོགས་སླ |
གྲོད་པ་ལྟོགས་ཆོག་ཆོག་གི་ལྟོགས་རྔམ། |
| ལྟོགས་ཧྲལ་རྐུན་བྱེད |
ལྟོགས་རྔམ་གྱིས་གཞན་ནོར་རྐུ་བ། |
| ལྟོང |
མདའ་དང་འཕང་ཤིང་གི་སྣེའི་ཉག་ཆུང་གི་མིང་། |
| ལྟོང་ཀ |
གཞུ་རྒྱུད་སྦྱར་སའི་མདའི་ཁ། བགོ་བཤའ་མདའ་མོའི་ལྟོང་ཀ་བཤགས་པ་ལྟར་རྒྱག་དགོས། བག་མའི་རྟེན་འབྲེལ་སྐབས་ལྟོང་ཀ་མར་གྱིས་གསོ། |
| ལྟོང་ག |
ལྟོང་ཀ་དང་འདྲ། |
| ལྟོང་གཉིས་མ |
མདའ་ལྟོང་ཀ་གཉིས་ཡོད་པ། |
| ལྟོང་སྦྱར |
མདའི་ལྟོང་ག་དང་གཞུ་རྒྱུད་སྦྱར་བ། འཕོང་རྩལ་ཅན་གྱིས་མདའ་ལྟོང་སྦྱར་ནས་འབེན་ལ་ཕོག་ངེས་འཕེན་པ། |
| ལྟོངས |
ལྡེབས་སམ་ངོས། གངས་རིའི་ལྟོངས་སུ་སེང་ཆེན་རྣམ་པར་འགྱིང༌། སྤང་ཐང་ཡངས་པོའི་ལྟོངས་སུ་རི་དྭགས་འཚོགས། |
| ལྟོངས་པ |
རྙིང རྨོངས་པ། |
| ལྟོབས |
ལྟེབས་ཀྱི་འབྲི་ཚུལ་གཞན། |
| ལྟོམས |
སྐུལ་ཚིག་ ཆུ་མཛོད་ཆུས་ལྟོམས་ཤིག་ལྟ་བུ། མང་བོ་འཐོབ་པའི་དོན་ཏེ། སེམས་ལ་ཡོན་ཏན་གྱིས་ལྟེམས་མཁན། ཡོན་ཏན་གྱིས་སེམས་རྒྱུད་བལྟམས་ཀྱང་། ང་རྒྱལ་དང་ཁེངས་དྲེགས་མ་བྱེད་ལྟ་བུ། |
| ལྟོམས |
ལྟམ་གྱི་སྐུལ་ཚིག ལྟེམས1ཀྱི་སྐུལ་ཚིག |
| ལྟོས |
ལྟ་ལ་ལྟོས། (བྱེད་མེད་ལས་ཚིག) བསྡུར་བའི་དོན་ཏེ། ལྟོས་ས་ལྟོས་འཇོག ལུག་ལ་ལྟོས་ན་བ་ལང་ཆེ། སྣུམ་སྒྲོན་ལ་ལྟོས་ན་གློག་སྒྲོན་གསལ་ལྟ་བུ། 2.སྐུལ་ཚིག་ གཞུང་ལུགས་འདི་ལ་ལྟོས་ཤིག་ལྟ་བུ། |
| ལྟོས་གནས |
རེ་ལྟོས་བྱེད་སའི་ཡུལ། |
| ལྟོས་ཆོས |
བལྟོས་ཆོས་དང་འདྲ། |
| ལྟོས་པ |
1. ཐ་མི་དད་པ བལྟོས་པ། ལྟོས་པ།། ཕན་ཚུན་གཏད་རེས་སུ་འགྱུར་བ་དང༌། གཅིག་ལ་རག་ལས་པ། ལྟོས་ཐུབ་པ། ཕར་ཕྱོགས་ལ་བལྟོས་ནས་ཚུར་ཕྱོགས་གྲུབ། རིང་པོ་བལྟོས་ནས་ཐུང་བ་གྲུབ། 2. འཁོར། ད་རེས་ཁོང་ལྟོས་པར་བཅས་པ་ཕེབས་བྱུང༌། |
| ལྟོས་པའི་རིགས་པ |
རིགས་པ་བཞིའི་ཡ་གྱལ་ཞིག་རྒྱུ་ལ་ལྟོས་ནས་འབྲས་བུ་འབྱུང་བ་མྱུ་གུ་ནི་ས་བོན་ལ་ལྟོས་ནས་འབྱུང་བ་དང༌། མ་རིག་པ་ལ་ལྟོས་ནས་འདུ་བྱེད་འབྱུང་བ་ལ་སོགས་པའི་རིགས་པ། |
| ལྟོས་པའི་རྒྱུ |
འབྲས་བུ་འབྱུང་བའི་རྒྱུ། |
| ལྟོས་པས་ངེས་པ་འགོག་པའི་རྟགས |
ཕན་ཚུན་སྤངས་འགལ་གྱི་རྟགས་སྦྱོར་གྱི་ནང་གསེས། ལྟོས་པ་དང་བཅས་པ་ཡིན་པ་རྟགས་སུ་བཀོད་ནས། དགག་ཆོས་ངེས་པ་འགོག་པའམ་མ་ངེས་པ་སྒྲུབ་པ་དཔེར་ན། སྔོན་པོར་འགྱུར་རུང་གི་གོས་དཀར་ཆོས་ཅན། རང་གྲུབ་ཙམ་ཉིད་ནས་ཚོན་ཅན་དུ་མ་ངེས་ཏེ། ཚོན་ཅན་དུ་འགྱུར་བ་ཚོན་སོགས་ལ་ལྟོས་དགོས་པའི་ཕྱིར། ཞེས་པ་ལྟ་བུའོ། |
| ལྟོས་བཅས |
1 འཁོར་བཅས་དང༌། རེ་ལྟོས་བྱེད་མཁན་བཅས། 2 གཞན་ལ་རག་ལས་དགོས་པ། |
| ལྟོས་མེད |
1 རང་རྐྱ་འཕེར་བ། ལྟོས་མེད་དུ་གྲུབ་པའི་བྱ་བ་མེད། 2 རྒྱུན་མི་འཆད་པ། ཉིན་མཚན་ལྟོས་མེད་དུ་འབད། 3 རྩི་འཇོག་མེད་པ། ཁོས་དངོས་ཡོད་གནས་ལུགས་ལ་ལྟོས་མེད་བྱེད་ཀྱིན་འདུག |
| ལྟོས་མེད་རྒྱབ་བསྐྱུར |
མ་བརྩིས་པར་དོར་བ། |
| ལྟོས་མེད་རྡོག་རོལ |
རྩིས་མེད་ཁྱད་གསོད། མི་སུ་ཡིན་ཀྱང་བཅའ་ཁྲིམས་ལ་ལྟོས་མེད་རྡོག་རོལ་བྱས་མི་ཆོག |
| ལྟོས་ས |
བལྟོས་ས་དང་འདྲ། |
| ལྟོས་ས་ལྟོས་ཆོས |
གཅིག་ལ་གཅིག་ལྟོས་ཏེ་གྲུབ་པ། རིང་བ་ལ་ལྟོས་ཏེ་ཐུང་བ་ཟེར་བ་དང༌། ཐུང་བ་ལ་ལྟོས་ཏེ་རིང་བ་ཟེར་བ་ལྟ་བུའོ། |
| ལྡ་བེ་ལྡིབ་བེ |
ལྡབ་ལྡིབ་ལ་ལྟོས། |
| ལྡ་རི་ལྡུ་རི |
ལྡར་ལྡུར་ཏེ་ཤ་དང་ལ་ཕུག་སོགས་ཚོས་དྲགས་པའི་རྣམ་པ། རུལ་ནས་ལྡ་རི་ལྡུ་རིར་གྱུར་པ། ཤ་ཚོས་དྲགས་ནས་ལྡ་རི་ལྡུ་རི་བྱས་འདུག |
| ལྡ་རེ་ལྡུར་རེ |
ལྡར་ལྡུར་ལ་ལྟོས། |
| ལྡ་ལྡི |
ཁང་བ་སོགས་རྒྱན་བྱེད་ཀྱི་དྲ་བའི་མིང་ མེ་ཏོག་གི་ཕྲེང་བའི་ལྡ་ལྡི་འཐེན། སྒོ་ཆེན་གྱི་སྟེང་ལ་གློག་སྒྲོན་གྱི་ཕྲེང་བའི་ལྡ་ལྡི་འཐེན་ལྟ་བུ། |
| ལྡག |
(བྱེད་འབྲེལ་ལས་ཚིག་ད་ལྟ་བ)ལྕེ་ཡིས་དངོས་རྫས་ལེན་པའམ་དངོས་རྫས་ལ་རེག་པ་ བ་མོས་བེའུ་ལྡག་གིན་འདུག ཁྱིས་ཁྱི་གུ་ལྡག་གིན་འདུག་ལྟ་བུ། |
| ལྡག་གུ |
1 ཐུག་པའི་བྱེ་བྲག་སྐྱོ་མ། 2 རྙིང སྲན་མ། |
| ལྡག་ཆལ |
ཁྲུས་རྫས་སམ་འདག་རྫས། |
| ལྡག་པ |
1. ཐ་དད་པ བལྡགས་པ། བལྡག་པ། ལྡོགས།། འབྱོག་པ། སྐྱོ་མ་བལྡགས་པ། ཞོ་ལྕེས་བལྡགས་པ། 2. སྐྱོ་མའམ། ཐུག་པ། |
| ལྡག་རྩི |
ཁྲུས་རྩིའམ་ལྡག་ཆལ། |
| ལྡག་ལྡེག |
གཡོ་བའམ་འགུལ་བའི་ཚུལ། |
| ལྡང |
(བྱེད་མེད་ལས་ཚིག) <ཀ>བྱུང་བའམ་རྒྱུ་བའི་དོན་ཏེ། མེ་ཏོག་གི་དྲི་ངེད་ལྡང་བ། རླུང་ལྡང་། སྔོན་གྱི་སྡུག་བསྔལ་དྲན་ན་སྙིང་རླུང་ལྡང་ལྟ་བུ། <ཁ>ཚད་ལོངས་པ་ གྲངས་ཀ་ལྡང་བ། གྲངས་ཀ་མ་ལྡང་བ་ཞེས་པ་ལྟ་བུ། <ག>ཡར་འགྲེང་བ་ སྟན་ལས་ལྡང་། མངོན་དུ་ལྡང་ལྟ་བུ། (བྱེད་མེད་ལས་ཚིག་མ་འོངས་པ་དང་ད་ལྟ་བ)ནམ་ལངས་པ་ ནམ་ལྡང་ལ་ཁད། ནམ་ལྡང་བཞིན་འདུག་ལྟ་བུ། འདིའི་འདས་པ་ལ་ལངས་འབྲི། |
| ལྡང་ཀ་སྐ |
ལྡང་སྐོ་སྐ་དང་འདྲ། |
| ལྡང་ངི་ལྡིང་ངི |
1 ནམ་མཁར་ལིང་ལིང་དུ་འཕྱོ་ཚུལ། བྱ་རྣམས་ལྡང་ངི་ལྡིང་ངིར་འཕུར་གྱིན་འདུག 2 ལས་ཀ་ཕར་གཡོལ་ཚུར་གཡོལ། བྱ་བ་ལྡང་ངི་ལྡིང་ངི་མིན་པར་ཤར་ཤར་བྱེད་དགོས། |
| ལྡང་དུབ་གཟེར |
ཟུག་གཟེར་འཕར་ལྡང་བྱེད་པའི་ནད་ཅིག |
| ལྡང་བ |
ཐ་མི་དད་པ 1) ལྡངས་པ། ལྡང་བ། ལྡོངས།། ལང་བ། ཁྱེད་རང་ཕེབས་འཕྲལ་དུ་ཁོ་གདན་ནས་ཡར་ལྡངས་འདུག ཡར་ལྡོངས་ཤིག 2) ལྡངས་པ། ལྡང་བ།། 1 འཐུལ་བ། རི་རྩེ་ནས་སྤྲིན་པ་ལྡང་བ། ཁང་ཐོག་ནས་དུ་བ་ལྡང་བ། རླུང་དྲག་པོ་ལྡང་བ། ཕན་ཚུན་དགྲ་རུ་ལྡང་བ། ཏིང་ངེ་འཛིན་ལས་ལྡང་བ། 2 འབོར་ཚད་ལོང་བའམ། ཚང་བ་དང༌། མཉམ་པ། ལྟོ་གོས་གཉིས་ལྡང༌། འབོར་ཚད་ཀྱིས་མི་ལྡང་བ། མི་གྲངས་ལྡང་ཙམ་ལས་ལྷག་མི་འདུག ན་ཚོད་ལྡང་བ། |
| ལྡང་བ་ཡང་བ |
ཡར་ལང་དུས་གཟུགས་པོ་ཡང་བ། ལོ་ན་མཐོ་ཡང་ལྡང་བ་ཡང་བ་དེ་གཟུགས་པོ་ཐང་པོ་ཡིན་པའི་རྟགས་རེད། |
| ལྡང་བའི་རྣལ་འབྱོར |
གསང་སྔགས་ཉམས་སུ་ལེན་མཁན་མལ་ནས་ལྡང་ཚེ་ལྷས་བསྐུལ་བར་མོས་ནས་ལྡང་བ། |
| ལྡང་མ་ལྡང |
1 ལོང་མ་ལོངས། 2 གྱེན་དུ་ལང་མ་ལངས། |
| ལྡང་མ་ལྡིང |
ལང་མ་ལིང༌། ཤིང་ལོ་ཆུ་བོའི་ཁ་ལ་ལྡང་མ་ལྡིང་དུ་གཡེང༌། ནམ་མཁའི་དབྱིངས་སུ་འདབ་ཆགས་ལྡང་མ་ལྡིང་དུ་འཕུར། ལ་ཁར་སྤྲིན་པ་ལྡང་མ་ལྡིང་ཞིག་ལང་བ། མི་དེས་ལས་ཀ་ལྡང་མ་ལྡིང་བྱེད་ཀྱི་འདུག |
| ལྡང་མིན |
ཚད་ཀྱིས་འདང་མི་འདང༌། མཁོ་ཆས་སྒྲུབ་རྒྱུའི་ལག་དངུལ་གྱིས་ལྡང་མིན་ད་ལྟ་ཚོད་ཐིག་གི་མི་འདུག |
| ལྡང་ཚད |
1 ཁ་ཚང་བའམ་ཁ་ལོང་བའི་ཚད། ཕྱུ་པ་ལྡང་ཚད་ཀྱི་རས་ཉོས་པ། ཕར་འགྲོ་ཚུར་ཡོང་གི་ལམ་རྒྱགས་ལྡང་ཚད་ཅིག་སྤྲད་པ། 2 ལོང་དཀའ་བ། ཨར་པོའི་དགོས་ཆས་ལྡང་ཚད་བྱས་བྱུང༌། |
| ལྡང་ཟུག |
ན་ཚ་སྐབས་རེ་འཕར་ལྡང་བྱེད་ཚུལ། སྦྲུམ་མ་ཕྲུ་གུ་སྐྱེ་ནད་ཀྱི་ན་ཟུག་ལྡང་བ། |
| ལྡང་ལ |
གདང་ལའི་འབྲི་ཚུལ་གཞན་ཞིག་ |
| ལྡང་ལྡིང |
1 ལྡང་མ་ལྡིང་གི་བསྡུས་ཚིག 2 ལྡང་ངི་ལྡིང་ངིའི་བསྡུས་ཚིག་ |
| ལྡང་སྐོ་སྐ |
རྙིང སེང་གེ་ཤ་ར་བྷ་སྟེ་སེང་གེ་རྐང་པ་བརྒྱད་པ། |
| ལྡངས་པ |
ལྡང་བའི་འདས་པ། |
| ལྡད |
(བྱེད་འབྲེལ་ལས་ཚིག་ད་ལྟ་བ)ཁ་ནང་གི་སོས་ཟས་ཞིབ་བུར་འཐག་པ་ ཟས་ལྡད་མཁན། ལྡད་ཀྱིན་འདུག་ཅེས་པ་ལྟ་བུ། |
| ལྡད་པ |
ཐ་དད་པ བལྡད་པ། བལྡད་པ། ལྡོད།། 1 བླད་པ་དང༌། མུར་བ། ལྟོ་ཆས་ག་ལེར་བལྡད་ནས་བཟའ་དགོས། 2 གནག་ཕྱུགས་སོགས་ཀྱིས་གཟན་པ་མིད་ནས་སླར་ཡང་ཁའི་ནང་དུ་བསྐྱུགས་ཏེ་བཟའ་བཅའ་བྱེད་པ། མཛོ་དེ་ས་ལ་ཉལ་ནས་ཁ་ལྡད་པ། |
| ལྡད་མཛད་པ |
རྙིང སྟོན་མོ་བཤམས་པ། |
| ལྡད་རྒྱག་པ |
གཟན་པ་མིད་ནས་སླར་ཡང་ཁའི་ནང་དུ་བསྐྱུགས་ཏེ་བཟའ་བཅའ་བྱེད་པ། |
| ལྡན |
(བྱེད་མེད་ལས་ཚིག) ཡོད་པའམ་མངའ་བ་ དཔའ་མཛངས་གཉིས་ལྡན་གྱི་འགོ་ཁྲིད་པ། ཡོན་ཏན་དང་ལྡན་པ། བདེ་སྐྱིད་དང་ལྡན་པའི་རྒྱལ་ཁབ། བདེ་ལྡན། ལྡན་ཞེས་པ་ལྟ་བུ། བདག་སྒྲ་ལ་འཇུག་པ་ནི། ཤེས་ལྡན། རིག་ལྡན། བློ་ལྡན་ཞེས་པ་སོགས་ལྟ་བུ། |
| ལྡན་ཁོག |
ཡུལ བྱད་ཀྱི་ལྡན་པའམ་འགྲམ་པ། |
| ལྡན་གྲོལ་གཉིས |
ལེགས་པའི་ཡོན་ཏན་དང་ལྡན་ཞིང༌། ཉེས་པའི་སྐྱོན་ལས་གྲོལ་བ་གཉིས་སོ། |
| ལྡན་ཐོབ |
ལྡན་མིན་འདུ་བྱེད་ལས་ཐོབ་པའི་ནང་གསེས། སྔར་ཐོབ་པའི་རྒྱུན་མ་ཉམས་པར་གནས་པ། དཔེར་ན་གང་ཟག་སྡོམ་ལྡན་གྱི་རྒྱུད་ཀྱི་སྡོམ་པ་ལྟ་བུའོ། |
| ལྡན་དཀར་ཕོ་བྲང |
སྔར་བོད་རྒྱལ་ཁྲི་ལྡེ་གཙུག་བརྟན་གྱི་ཕོ་བྲང་ཞིག་ལྷོ་ཁ་སྣེ་གདོང་རྫོང་ཁོངས་སུ་ཡོད། དེའི་རྗེས་ཤུལ་ད་ལྟ་རྩད་མི་ཆོད། |
| ལྡན་དཀར་མ |
1 དཀར་ཆག་ལྡན་དཀར་མ་སྟེ་བོད་རྒྱལ་སད་ན་ལེགས་མཇིང་ཡོན་སྐབས་སུ་བསྒྲིགས་པའི་མདོ་སྡེའི་དཀར་ཆག 2 ལྡན་དཀར་ཕོ་བྲང་ངོ། |
| ལྡན་པ |
1.ཡོད་པ་དང༌། མཐུན་པའམ། འགྲོགས་པ། དང ལྡན དོན་དང་ལྡན་པའི་བྱ་བ། དགའ་བ་དང༌། བདེ་བ་ལྡན་པ། གསེར་ལྡན་གྱི་རི་བོ། རྐྱེན་མི་ལྡན་པ། 2 1 བྱད་ཀྱི་འགྲམ་པ། 2 སྣོན་རྩིས། |
| ལྡན་པའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་དཔེ་ཅན་དོན་གྱི་རྟེན་དང་བརྟེན་པ་དག་ལྷན་ཅིག་ཏུ་འགྲོགས་པ་བཞིན་དུ་དཔེའི་རྟེན་དང་བརྟེན་པ་ཡང་ཕན་ཚུན་ལྡན་པའམ། འགྲོགས་པར་སྟོན་པའི་རྒྱན་ཞིག |
| ལྡན་པའི་ནད |
ནད་སྣ་གཉིས་རེ་འདོམས་པའི་ནད་ཀྱི་མིང་སྟེ། རླུང་མཁྲིས་ལྡན་པ་དང༌། བད་མཁྲིས་ལྡན་པ། བད་རླུང་ལྡན་པ་ལྟ་བུ། |
| ལྡན་པའི་མ་ཐོབ་པ |
བྱེ་སྨྲའི་ལུགས་ལ་ཆོས་དེ་གང་ཟག་དེའི་རྒྱུད་ལ་རྒྱུན་དུ་ལྡན་པའི་བཟློག་ཟླའི་རྫས་གཅིག་ལ་འཇོག |
| ལྡན་བུ |
སྲིན་བུ་མེ་ཁྱེར། |
| ལྡན་མིན་གྱི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་སྟེ། དཔེ་ཅན་དོན་གྱི་རྟེན་དང་བརྟེན་པ་གཉིས། དཔེའི་དངོས་པོ་མི་མཐུན་པ་གཉིས་གནས་གཅིག་ཏུ་ལྷན་ཅིག་མི་ལྡན་པའམ། མི་འགྲོགས་པའི་གཟུགས་ཅན་དུ་བྱས་པའི་རྒྱན་ཞིག |
| ལྡན་མིན་འདུ་བྱེད |
འདུ་བྱེད་ཀྱི་ནང་གསེས། མཚུངས་པར་མི་ལྡན་པ་སྟེ། གང་ཟག་དང༌། དུས་ལྟ་བུ་སེམས་དང་མཚུངས་པར་ལྡན་པ་མ་ཡིན་ཞིང༌། རང་གི་གནས་སྐབས་ལ་མངོན་པར་འདུ་བྱེད་པའོ། |
| ལྡན་མིན་འདུ་བྱེད་ཉེར་བཞི |
ལྡན་མིན་འདུ་བྱེད་བཅུ་བཞིའི་སྟེང་དུ་སོ་སྐྱེ་དང༌། འཇུག་པ། སོ་སོར་ངེས་པ། འབྱོར་འབྲེལ། མགྱོགས་པ། གོ་རིམ། དུས། ཡུལ། གྲངས། ཚོགས་པ་བཅས་བསྣན་པས་ཉེར་བཞི། |
| ལྡན་མིན་འདུ་བྱེད་བཅུ་བཞི |
ཐོབ་པ་དང༌། མ་ཐོབ་པ། སྐལ་མཉམ་པ། འདུ་ཤེས་མེད་པ། དེའི་སྙོམས་འཇུག་འགོག་པའི་སྙོམས་འཇུག་སྲོག་སྐྱེ། རྒ། གནས། འཇུག་མིང༌། ཚིག་ཡི་གེའི་ཚོགས་བཅས་བཅུ་བཞི། |
| ལྡན་ཚད |
1 ཡོད་ཚད། ཡོན་ཏན་ལྡན་ཚད་ཀྱི་ནུས་ཤུགས་བཏོན་པ། 2 ཚ་བ་རྐྱང་པ་མ་ཡིན་པ་སྡོང་ཟླ་གཞན་ཞིག་ཡོད་པའི་ཚ་བ་སྟེ། ཚ་བ་རླུང་ལྡན་ལྟ་བུ། |
| ལྡན་ལྕག |
འགྲམ་ལྕག ཁོའི་འགྲམ་པར་ལྡན་ལྕག་གཉིས་བཞུས་སོང༌། |
| ལྡན་སོ |
འགྲམ་སོ། |
| ལྡབ |
(བྱེད་འབྲེལ་ལས་ཚིག་ད་ལྟ་བ)བསྐྱར་ལྡབ་བྱས་པ་སྟེ། སྐད་ཆ་ལྡབ་མཁན་ཞེས་པ་ལྟ་བུ། |
| ལྡབ་གྲངས |
ཟློས་པའི་ལན་གྲངས། ཐོན་སྐྱེད་ལྡབ་གྲངས་མང་པོ་འཕར་བ། |
| ལྡབ་ཆག་པ |
གཉིས་ཆར་ཆག་པ། མ་གནས་ལྡབ་ཆག་པ། |
| ལྡབ་པ |
1.ཐ་དད་པ བལྡབས་པ། བལྡབ་པ། ལྡོབས།། སྐྱོར་བ། ཚིག་ཡང་ཡང་བལྡབས་ནས་བཤད་ན་ཉན་མཁན་མེད། 2.ཟློས་ལན། ཉིས་ལྡབ། སུམ་ལྡབ། ལྔ་ལྡབ། དངོས་ཟོག་གི་ཐོན་འབོར་སྔར་ལས་ལྡབ་འཕར་བ་ཡོང་སྲིད། ཐོན་རྫས་ཁ་ཤས་ལ་ཐོན་སྐྱེད་ལོ་རེ་ནས་ལོ་རེར་ལྡབ་འཕར་དུ་ཡར་རྒྱས་འགྲོ་བ། |
| ལྡབ་བི་ལྡིབ་བི |
སྐད་ཆ་གསང་པོ་མེད་པའམ་གསལ་པོ་མེད་པ། ཚ་བའི་ནད་ཀྱིས་མནར་ཏེ་སྐད་ཆ་ལྡབ་བི་ལྡིབ་བི་ལས་ཤོད་མི་ཐུབ་པ། རྒན་རྒོན་ཚང་མས་སྐད་ཆ་ལྡབ་བི་ལྡིབ་བི་ཤོད་རྒྱུ་དང༌། གོམ་པ་ཁྱ་རེ་ཁྱོ་རེ་སྤོ་རྒྱུ་ཡིན་དོགས་མེད། |
| ལྡབ་བེ་ལྡོབ་བེ |
མཉེན་པ་དང༌། སྙི་པའམ། འབོལ་བའི་རྣམ་པ། ཁམ་བུ་ལྡབ་བེ་ལྡོབ་བེ། ཤ་ལྡབ་བེ་ལྡོབ་བེ། |
| ལྡབ་མ |
ལྡབ་སྐྱོར་དུ་གྱུར་པ། |
| ལྡབ་ཚོང |
ཡུལ མ་རྩའི་འབོར་གྲངས་དང་མཚུངས་པའི་ཁེ་བཟང་བྱུང་བའི་ཚོང༌། |
| ལྡབ་འགྱུར |
1 ཐེངས་གཉིས་ཟློས་པ། 2 ལྡབ་ནས་ལྡབ་ཏུ་ཟློས་པ། ཟ་འབྲུ་ཐོན་འབོར་ལྡབ་འགྱུར་དུ་འཕར་བ། སློབ་གྲྭ་བའི་མི་འབོར་སུམ་ལྡབ་འགྱུར་བ། |
| ལྡབ་ལོག |
གཅིག་ལ་གཉིས་དང༌། གསུམ་ལ་དྲུག་སོགས་ལྡབ་འགྱུར་དུ་འཕར་ཚུལ། སྣུམ་ཞུ་ལས་གློག་ཞུ་ལྡབ་ལོག་གིས་འོད་གསལ། |
| ལྡབ་ལྡིབ |
(རྒྱན་ཚིག)སྐད་ཆ་བཤད་པའི་ཚིག་འབྲུ་གསལ་བོ་མིན་པའི་དོན་ཏེ། ཚིག་ལྡབ་ལྡིབ་མ་བཤད། སྐད་ཆ་ལྡབ་ལྡིབ་ཅེས་པ་ལྟ་བུ། ཁ་སྐད་ལ་ལྡ་བེ་ལྡིབ་བེ་ཟེར། |
| ལྡབ་ལྡུབ |
རྩྭ་ལྡུམ་རིགས་ཀྱི་སྤྱི་མིང་། |
| ལྡབ་ལྡོབ |
ལྡབ་བེ་ལྡོབ་བེའི་བསྡུས་ཚིག་ |
| ལྡབ་སྐལ |
ལྡབ་འཕར་གྱི་སྐལ་བ། |
| ལྡབ་སྐྱོར |
སླར་ཡང་ལྡབ་པ། གཏམ་རྙིང་ལྡབ་སྐྱོར་དུ་ཤོད་པ། |
| ལྡབ་སྣོན |
ཉིས་འགྱུར་གྱི་འཕར་སྣོན། བཟོ་གྲྭའི་ཐོན་རྫས་ལྡབ་སྣོན་དུ་འཕར་བ། གཞུང་ལམ་གྱི་རིང་ཚད་ལྡབ་སྣོན་དུ་བཟོས་པ། |
| ལྡབས་ཕྱོར |
གྲངས་གནས་ཤིག |
| ལྡམ་མེ་ལྡེམ་མེ |
མཉེན་ལྕུག་སོགས་ཅུང་ཟད་གཡོ་བའི་ཚུལ། ཟམ་པའི་ཐོག་ནས་འགྲོ་དུས་ལྡམ་མེ་ལྡེམ་མེ་བྱེད་ཀྱི་འདུག ཤིང་གི་ཡལ་ག་ལྡམ་མེ་ལྡེམ་མེར་གཡོ་བ། ལུས་ལྡམ་མེ་ལྡེམ་མེ་བྱས་ཏེ་འགྲོ་བ། |
| ལྡམ་ལྡུམ |
1 ལྡུམ་རའི་ནང་གི་སྔོ་ཚལ་སྤྱིའི་མིང༌། 2 རྙིང ཤིང་ཐོག་སོགས། |
| ལྡམ་ལྡེམ |
(རྒྱན་ཚིག) མྱུར་བའི་གཡོ་འགུལ་གྱི་དོན་ཏེ། ཤིང་ལྕུག་ལྡམ་ལྡེམ་འགུལ་ཁུར་ཤིང་ལྡམ་ལྡེམ་བྱེད་ལྟ་བུ། |
| ལྡར |
(བྱེད་མེད་ལས་ཚིག) ཆུས་བངས་ནས་སྙི་བར་གྱུར་པ་སྟེ། ཆུ་ཡིས་ཤོག་གུ་ལྡར་ལྟ་བུ། (རྒྱན་ཚིག) རིག་པ་མི་གསལ་བ་སྟེ། རིག་པ་ལྡར་བོ། རིག་ལྡར། བློ་ལྡར་ཞེས་པ་ལྟ་བུ། |
| ལྡར་བ |
1 རློན་ཞིང་གཤེར་བ། ཆུས་བརླན་ཅིང་ལྡར་བར་བྱས་པའི་ས་ཆ་སླ་མོ་རེད། 2 གླེན་པ་དང་བློ་མི་གསལ་བ། |
| ལྡར་ལྡུར |
(རྒྱན་ཚིག) སྤྱང་བོའི་ལྡོག་ཟླ་སྟེ། ལྡར་ལྡུར་མ་བྱེད་དོགས་ཟོན་གྱིས་ལྟ་བུ། ཁ་སྐད་དུ་ལྡ་རེ་ལྡུར་རེ་ཟེར། |
| ལྡས་པ |
ཡུལ ལས་པའམ་ལུས་པ། ངའི་མིག་ཤེལ་དེ་ཁོའི་སར་ལྡས་པ་རེད། |
| ལྡི་རི་རི |
སྒྲ་སྒྲོག་སྟངས་ཤིག འབྲུག་སྒྲ་ལྡི་རི་རི་སྒྲོག་པ། མེ་སྒྱོགས་འཕངས་ནས་སྒྲ་ལྡི་རི་རི་གྲག་པ། |
| ལྡིག |
(བྱེད་འབྲེལ་ལས་ཚིག) རྐང་བས་ས་ལ་བརྡུངས་པ་སྟེ། ས་ལ་རྐང་བས་ལྡིག་ལྟ་བུ། |
| ལྡིག་ལྡིག |
ཛ་རེ་ཛོ་རེ་མེད་པ། ལྟོ་ཆས་སྨར་སྨར་ལྡིག་ལྡིག་ཅིག་བཟས་པ་ཡིན། ཤ་ལྡིག་ལྡིག་ཅིག་ཉོ། |
| ལྡིང |
1 ཡུལ་འབྲོག་ཚོ་པ། 2 མོན་ཡུལ་གྱི་གྲོང་དུད་ཚོ་ཁག་དུས་རབས་བཅོ་བརྒྱད་པར་བོད་ས་གནས་སྲིད་གཞུང་གིས་མོན་ཡུལ་དུ་བཙུགས་པའི་སྲིད་འཛིན་སྡེ་ཚན་ཞིག 3 སྔར་བོད་ས་གནས་དམག་མི་ཉི་ཤུ་རྩ་ལྔ་རེ་ལྡིང་གཅིག་ཏུ་བརྩིས་ཤིང་ལྡིང་རེར་ལྡིང་དཔོན་རེ་བསྐོས་ཡོད་པ་དང་གོང་མ་ཆན་ལུང་སྐབས་ནས་གཏན་འབེབས་བྱས་པ་ཞིག་ཡིན། 4.(བྱེད་མེད་ལས་ཚིག་མ་འོངས་པ་དང་ད་ལྟ་བ་འདས་པ) རྐང་ལག་ས་ངོས་དང་བྲལ་ནས་ཡར་འཕགས་མར་མཆོང་བྱེད་པ་སྟེ། ལུག་གུ་མཆོང་ལྡིང་བྱེད། ཆུའི་ཕར་འགྲམ་ལ་ལྡིང་བྱེད། ཆུའི་ཕར་འགྲམ་ལ་ལྡིང་། ཆུ་ནང་ལ་ལྡིང་ལྟ་བུ། |
| ལྡིང་ཁག་མགོ་པ |
ཚོ་པའི་མགོ་པ། |
| ལྡིང་ཁང |
1 ཁང་པ་ཐོག་གཅིག་མ། ཀ་གདུང་ལྕམ་དང་དྲལ་མ་རྣམས། ཚོགས་པས་ཡིད་འོང་ལྡིང་ཁང་གྲུབ། 2 འཇའ་འོད་ཀྱི་གུར་ཁང༌། 3 མངོན ཉི་ཁྱིམ། |
| ལྡིང་གཡབ |
རས་གཡབ། |
| ལྡིང་གུར |
རས་གཡབ། ལྡིང་གུར་འོག་ཏུ་ཞབས་བྲོ་འཁྲབ་པ། |
| ལྡིང་ཐག |
ལྡིང་གཡབ་ཀྱི་ཐག་པ། |
| ལྡིང་དཔོན |
1 སྔར་བོད་ས་གནས་སྲིད་གཞུང་སྐབས་ཡུལ་ཚོ་སོ་སོའི་མི་སེར་གྱི་འགོ་བྱེད། 2 དམག་མིའི་ཞལ་ངོ། |
| ལྡིང་བ |
ཐ་མི་དད་པ ལྡིངས་པ། ལྡིང་བ།། འཕྱོ་བ། རྒོད་པོ་ལྡིང་བ། བྱ་ནམ་མཁར་ལྡིང་བ། |
| ལྡིང་ཚོ |
ཚོ་ཤོག |
| ལྡིང་འཁོར |
ལྡིང་བཞིན་དུ་འཁོར་བ། དུར་ཁྲོད་ཡོད་སར་བྱ་རྒོད་ལྡིང་འཁོར་བྱེད་པ། སྐྱེད་མོས་ཚལ་དུ་གསེར་སྦྲང་གཡུ་སྦྲང་མང་པོ་ལྡིང་འཁོར་གྱིས་སྒྲ་སྙན་དིར་དིར་སྒྲོག་པ། |
| ལྡིང་རྐྱལ |
ཡུལ ཆུ་འཁོར་གྱི་སྟེང་དུ་བཏགས་པའི་ཡོས་བླུག་སྣོད་ཀྱི་རྐྱལ་པ། |
| ལྡིང་སྐོར |
ནམ་མཁའ་ལ་སྐོར་བཞིན་པའི་འཕུར་སྟངས། གནམ་གྲུ་མང་པོ་བར་སྣང་ལ་ལྡིང་སྐོར་རྒྱག་པ། |
| ལྡིངས་པ |
ལྡིང་བའི་འདས་པ། |
| ལྡིབ |
(རྒྱན་ཚིག) ཚིག་མི་གསལ་བ་སྟེ། སྐད་ལྡིབ་ལྡིབ་གྲགས་ལྟ་བུ། རིག་པ་མི་གསལ་བ་སྟེ། མི་ལྡིབ་པོ་ཞེས་པ་ལྟ་བུ། |
| ལྡིབ་པ |
ལྕེ་མི་བདེ་བ་དང༌། སྐད་མི་གསལ་བ། སྐད་ལྡིབ་པ། ཁ་ལྡིབ་པ། ལྕེ་དིག་པ་ཡིན་ན་སྐད་ཆ་ལྡིབ་པ་བཤད། |
| ལྡིབ་ཚིག |
མི་གསལ་བའི་ཚིག |
| ལྡིབ་ལྡིབ |
སྒྲ་མི་དག་པའམ་སྒྲ་མི་གསལ་བ། |
| ལྡིར |
(རྒྱན་ཚིག) སྒྲ་ལྕི་ཞིང་རིང་བ་སྟེ། ལྡིར་སྒྲ་མེ་སྒྱོགས་ལྡིར་ལྡིར་བརྒྱབ་ལྟ་བུ། སྣོད་ཀྱི་ལྟོ་བ་འབུར་བའི་དབྱིབས་ཏེ། བུམ་པ་ལྟོ་བ་ལྡིར་བ། རྫ་སྣོད་ཞབས་ཞུམ་ཞིང་ལྟོ་ལྡིར་བ། བྲང་ཁ་ལྡིར་ལྡིར་ཞེས་པ་ལྟ་བུ། |
| ལྡིར་བ |
1.ཐ་མི་དད་པ སྐད་ཆེན་སྒྲོག་པ། འབྲུག་སྐད་ལྡིར་བ། 2 1 སྐད་ཆེན་པོ་སྒྲོག་ཚུལ་ཞིག མེ་སྒྱོགས་ལྡིར་ལྡིར་རྒྱག་པ། 2 དབྱིབས་འབུར་ཚུལ་ཞིག བུམ་པའི་ལྟོ་ལྡིར་བ། |
| ལྡིར་སྒྲ |
ལྡིར་ལྡིར་ཞེས་པའི་སྒྲ། མེ་འཁོར་ལྡིར་སྒྲ་གྲག་སྟེ་སོང༌། |
| ལྡུག |
བླུག་གི་ད་ལྟ་བ། |
| ལྡུག |
ད་ལྟ་བ་སྟེ། ཇ་ལྡུག་མཁན། འབྲུ་རིགས་སྒྱེ་ནང་དུ་ལྡུག་དགོས། ཆུ་ལྡུག་གིན་འདུག་ལྟ་བུ། |
| ལྡུག་པ |
ཐ་དད་པ ལྡུགས་པ། ལྡུག་པ། ལྡུགས།། བླུག་པ་དང༌། འཇུག་པ། སྣོད་ཀྱི་ནང་དུ་ཆུ་ལྡུགས་ནས་བཞག་པ། གནས་སྐབས་བེད་སྤྱོད་མི་དགོས་པའི་དངོས་ཆས་རྣམས་སྒམ་གྱི་ནང་ལ་ལྡུག་པ། |
| ལྡུགས |
ལྡུག་པའི་སྐུལ་ཚིག་ |
| ལྡུགས་པ |
ལྡུག་པའི་འདས་པ། |
| ལྡུད |
(བྱེད་འབྲེལ་ལས་ཚིགམ་འོངས་པ་དང་ད་ལྟ་བ)བཏུང་བའི་རིགས་འཐུང་དུ་འཇུག་པ་སྟེ། འགྲུལ་བ་ལ་ཇ་ལྡུད་དགོས། ཕྱུགས་ལ་ཆུ་ལྡུད་དགོས། བྱིས་པ་ལ་འོ་མ་ལྡུད་ཀྱིན་ཡོད་ལྟ་བུ། |
| ལྡུད་པ |
ཐ་དད་པ བཏུང་བ་བླུད་པའམ་སྦྱིན་པ། ཕྲུ་གུར་འོ་མ་ལྡུད་པ། རྟ་ཁལ་རྣམས་ལ་ཆུ་ལྡུད་པ། སྨན་ཐང་ལྡུད་པ། |
| ལྡུམ་ནག་དོམ་མཁྲིས |
སྔོ་སྨན་གྱི་རིགས་ཏེ། རོ་ཁ་མངར། ཞུ་རྗེས་བསིལ། ནུས་པས་རྨ་གསོ། རྩ་ཁ་སྡོམ། |
| ལྡུམ་པ |
རྙིང 1 ཚོད་མ་མཁན། 2 མ་ཆེན། |
| ལྡུམ་བུ |
1 སྔོ་སྤྱི། བཟའ་ཉན་པ་དང་བཟའ་མི་ཉན་པ་ཚང་མ་འདུས། མེ་ཏོག་དང་སྔོ་ཚལ་གྱི་ལྡུམ་ར་ཁག་སོ་སོར་འཇོག་དགོས། 2 སྣེའུ་ཞེས་པའི་སྔོ་བཟའ་ཉན་པ་ཞིག 3 རྙིང མཁར། |
| ལྡུམ་བུ་རེ་རལ |
སྔོ་སྨན་ཞིག་དེའི་ནུས་པས་ཁྲག་གཅོད་པ་དང་འབུ་སྲིན་སེལ་བར་ཕན། |
| ལྡུམ་བུ་རེག་འབྱར |
ཟངས་རྩིའི་མིང་གི་རྣམ་གྲངས་ཤིག |
| ལྡུམ་བུའི་ཚལ |
ལྡུམ་ར་ཚལ་ཞིང༌། |
| ལྡུམ་ཞིང |
ཚལ་ཞིང་དང་སྔོ་ལྡུམ་གྱི་ས་ཞིང༌། |
| ལྡུམ་འདྲིལ |
གློ་ལུ་བ་དང་ལུད་པ་ལུ་བར་ཕན་པའི་སྔོ་སྨན་ཞིག |
| ལྡུམ་ར |
མིས་བསྐྲུན་པའི་རྩི་ཤིང་གི་ཚལ་ལམ་མེ་ཏོག་དང་སྔོ་ཚོད་སོགས་འདེབས་སའི་ར་བའི་མིང་། བསོད་སྙོམ་གྱི་མིང་གཞན་ཏེ། རོ་སྙོམ་ཟས་ཀྱི་ལྡུམ་བུ་ལ་ཕེབས་ལྟ་བུ། |
| ལྡུམ་ར་བ |
ལྡུམ་ར་ལ་བདག་གཉེར་བྱེད་མཁན། |
| ལྡུམ་སྟག |
1ཕྱེ་མ་ལེབ་དམར་ཁྲ་རིགས་ཤིག་གི་མིང་། 2ཤིང་བེ་ཏའི་མིང་གཞན། |
| ལྡུར |
(བྱེད་མེད་ལས་ཚིག) ཆུས་བངས་ནས་ཞིག་པའི་ཚད་ལ་བསླེབས་པའི་དོན་ཏེ། ཤ་བཙོས་ནས་ལྡུར་སོང་། ཕྱེ་ཐུག་ལྡུར་ལྟ་བུ། |
| ལྡུར་ཕྱེ |
ཞིབ་ཏུ་བཏགས་པའི་ཕྱེ་མ། རྟ་ལ་ཆུ་སྟེར་སྐབས་ལྡུར་ཕྱེ་འདེབས་པ། |
| ལྡུར་བ |
ཐ་མི་དད་པ མཉེན་པོའམ་འབོལ་པོར་གྱུར་པ་དང༌། འདལ་བའམ་འདག་འདག་ཆགས་པ། ཤ་ཚོས་དྲགས་ནས་ལྡུར་བ། རྒྱ་ཐུག་སྐོལ་ཡུན་རིང་དྲགས་པས་ལྡུར་བ། |
| ལྡུར་ལྡུར |
བཙོས་དྲགས་ནས་འབོལ་པོའམ། ཧ་ཅང་མཉེན་པར་འགྱུར་བའི་ཚུལ། འབྲས་སིལ་ལྡུར་ལྡུར། ཞོག་ཁོག་ལྡུར་ལྡུར། |
| ལྡུས་པ |
རྙིང ལུས་པ། |
| ལྡེ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ་སྐུལ་ཚིག) དངོས་རྫས་ཉི་འོད་དུ་འཇོག་པའམ་མེའི་ཉེ་འཁོར་དུ་བཞག་ནས་སྐམ་དུ་འཇུག་པའམ་དྲོས་སུ་འཇུག་པ་སྟེ། ལྭ་བ་རློན་པ་ཉི་མར་ལྡེ་དགོས། ཉི་མར་ལྡེ་མཁན། ཟས་འཁྱག་མེ་ལ་ལྡེ་ཞིག་ལྟ་བུ། |
| ལྡེ་གུ |
1 བག་ཟན་སླ་བ་དང༌། ཕྱེ་མ་བསྐོལ་བའི་སྐྱོ་མ། 2 ཁུ་བ་གར་པོ། 3 དྲི་བཟང་སྦངས་པའི་ཆུ། |
| ལྡེ་གུའི་སྦྱོར་བ |
སྦྲང་ཆུ་བཅད་པ་དང༌། མར་གྱི་ཝུ་སྙིགས་ཕྱུང་བ། བུ་རམ་ཆུར་བསྡུས་པ་བཅས་ཀྱི་སྟེང་དུ་ནད་གང་སེལ་བར་བྱེད་པའི་སྨན་ཕྱེ་བསྲེལ་ཏེ་དཀྲུག་དེའི་སྟེང་ཀ་ར་ཞིབ་བཏགས་བཏབ་ནས་སྐྱོ་མ་གར་པོ་བསྟེན་དགོས་པའི་རྙིང་ཞིང་ཞེན་པའི་ནད་ཞི་བར་བྱེད་པའི་ཞི་བྱེད་ཀྱི་སྡེ་ཚན་ཞིག |
| ལྡེ་བ |
ཐ་དད་པ ལྡེས་པ། ལྡེ་བ། ལྡེས།། སྲོ་བ་དང༌། ཚ་བར་བྱེད་པ། ཉི་མ་ལྡེ་བ། མེ་ལྡེ་བ། |
| ལྡེ་བརྒྱད |
རྒྱལ་པོ་ལྡེ་བརྒྱད་ཀྱི་བསྡུས་ཚིག་ |
| ལྡེ་བུ |
ཡུལ ཕྱུར་བའི་བྱེ་བྲག་ཅིག་སྟེ། མར་བཏོན་ཟིན་པའི་འོ་མ་ལ་སྐྱུར་རྩི་བཏབ་ནས་བཟོས་པའི་ཕྱུར་བ་བག་ལེབ་ལྟ་བུ་ཞིག |
| ལྡེ་མིག |
སྒོའི་ཟྭ་འབྱེད་བྱེད་ཀྱི་ཡོ་བྱད་ཀྱི་མིང་། |
| ལྡེ་མིག་པ |
མངོན གཉེར་པ། |
| ལྡེ་མིག་འཛིན་པ |
ལྡེ་མིག་པ་དང་དོན་གཅིག་ |
| ལྡེ་འཆང་པ |
ལྡེ་མིག་བདག་སྤྲོད་བྱེད་མཁན་ཏེ་དགོན་པ་དང་བླ་བྲང་ཆེ་ཁག་གི་གཉེར་པ། |
| ལྡེ་རྒྱལ་པོ |
ལྡེ་སྣོལ་པོའི་བུ་སྔར་བོད་རྒྱལ་ཉེར་གཉིས་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག |
| ལྡེ་རྫུན |
ལྡེ་མིག་ངོ་མ་མིན་པ། |
| ལྡེ་སྣོལ་ནམ |
སེ་སྣོལ་པོ་ལྡེའི་བུ་སྔར་བོད་རྒྱལ་ཉི་ཤུ་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག |
| ལྡེ་སྣོལ་པོ |
ལྡེ་སྣོལ་ནམ་གྱི་བུ་སྔར་བོད་རྒྱལ་ཉེར་གཅིག་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག |
| ལྡེ་སྤྲིན་བཙན |
ལྡེ་རྒྱལ་པོའི་བུ་སྔར་བོད་རྒྱལ་ཉེར་གསུམ་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག |
| ལྡེག |
གཡོ་ཚུལ་རྣམ་པ་དྲུག་གི་ཡ་གྱལ་ཞིག་སྟེ། རང་ཚུགས་མི་ཐུབ་པ་ལྟ་བུའི་གཡོ་བ་ལ་ལྡེག་ཟེར། |
| ལྡེག་པ |
ཐ་མི་དད་པ བལྡེགས་པ། བལྡེག་པ།། 1 གཡོ་བ། ས་ལྡེག་པ། 2 སོ་རྒྱག་པའམ་སོས་བླད་པ། ཤ་རུས་འབྱར་མ་ཞིག་ལ་སོ་ཡང་ཡང་ལྡེག་པ། |
| ལྡེང་བ |
ཡུལ ཚད་ལོང་བ། རས་འདིས་གོས་ལྡེང་བ་ཡོད། |
| ལྡེང་མིན |
ཚད་ཀྱིས་འདང་མི་འདང༌། རས་ཡུག་འདིས་ཡས་གུང་མས་གུང་གཉིས་ཀ་ལྡེང་མིན་བརྟན་བརྟན་མི་འདུག |
| ལྡེབ་མ |
ཤོག་ལྷེ། ལྡེབ་མ་སུམ་བརྒྱ་ཙམ་ཡོད་པའི་པོ་ཏི་གཅིག |
| ལྡེབས |
གྱང་ངམ་བྲག་གི་ངོས་ཀྱི་མིང་སྟེ། བྲག་ལྡེབས། གྱང་ལྡེབས། རྩིག་ལྡེབས་ཞེས་པ་ལྟ་བུ། |
| ལྡེབས་བྲིས |
སྐྱ་ལྡེབས་ལ་བྲིས་པའི་རི་མོ། |
| ལྡེབས་མ |
ལྡེབ་མ་དང་འདྲ། |
| ལྡེབས་ཞལ |
རྩིག་པའི་ལྡེབས་ཀྱི་ཞལ་བ། |
| ལྡེབས་ཞིང |
རི་ལྡེབས་ཀྱི་ཞིང་ཁ། |
| ལྡེབས་རིས |
སྐྱ་ལྡེབས་ལ་བྲིས་པའི་རི་མོ། རྩིག་པའི་ལྡེབས་རིས་པར་དུ་བཏབ། |
| ལྡེབས་རིས |
རྩིག་ངོས་ལ་བྲིས་པའི་རི་མོ། |
| ལྡེམ |
(རྒྱན་ཚིག) མཉེན་ཞིང་གཡོ་བ་སྟེ། ལྗོན་ཤིང་ལྡེམ་ལྡེམ་གཡོ་ལྟ་བུ། (བྱེད་མེད་ལས་ཚིག) གར་པས་རྐེད་པ་ལྡེམ་གྱིན་གར་འཁྲབ་ལྟ་བུ། |
| ལྡེམ་གཏམ |
འཁྱོག་པོའི་གཏམ་མམ། ཐད་ཀར་མི་ཤོད་པའི་སྐད་ཆ། |
| ལྡེམ་ཆོད་པ |
གསང་གཏམ་ཕྱིར་ཤོར་བ། |
| ལྡེམ་དགོངས |
འཁྱོག་པོའི་དགོངས་པའམ། དྲང་པོ་མ་ཡིན་པའི་བསམ་པ། |
| ལྡེམ་དགོངས་གཞི |
གཞུག་པ་ལྡེམ་པོར་དགོངས་པ་དང༌། མཚན་ཉིད་ལྡེམ་པོར་དགོངས་པ་དང༌། གཉེན་པོ་ལྡེམ་པོར་དགོངས་པ་སྟེ་བཞི། |
| ལྡེམ་པ |
ལྡེམ་པོ་དང་འདྲ། |
| ལྡེམ་པོ |
1 འཁྱོག་པོའམ་དྲང་མིན། སྐད་ཆ་ལྡེམ་པོར་མ་ཤོད། གོམ་སྟབས་ལྡེམ་པོར་འགྲོ་བ། 2 ལུས་དང་ཤིང་སོགས་ཕྲ་ཞིང་མཉེན་པ། ལྡེམ་པོར་གཡོ་བའི་ལུས་ཀྱི་གཞོན་ཉམས་མཛེས། |
| ལྡེམ་པོ |
བཀབ་པའི་ཚིག་གི་མིང་སྟེ། ལྡེམ་པོའི་ཚིག། ཚིག་ལྡེམ་པོ་ཞེས་པ་ལྟ་བུ། ཚིག་ལྡེམ་པོ་ནི《འོད་ཁང་དམར་པོའི་སྒྲུང》ནང་གི་ལིས་ཨ་མས་སྒོ་ན་མྱུལ་མ་ཡོད་པར་དམིགས་ནས་སྒོ་ཁ་ན་ཁྱི་ཡོད་ཅེས་པ་བཤད་པ་ལྟ་བུ། |
| ལྡེམ་བརྗོད་པ |
གོ་རྒྱུ་ཅན་གྱི་གཏམ་བསྐོར་ཏེ་བརྗོད་པ། |
| ལྡེམ་བུ |
གཉིད་མི་ཁུག་པ་དང༌། ངལ་སླ་བ། ཤ་རིམ་གྱིས་རིད་འགྲོ་བ། ལྟོའི་དང་ཁ་ཞན་པ་བཅས་ཀྱི་མཆིན་ནད་ཅིག |
| ལྡེམ་མེ་བ |
ཕར་ཚུར་གཡོ་ཚུལ། |
| ལྡེམ་ཚོད་པ |
ཚོད་ཐིག་པ། |
| ལྡེམ་འཕྲུ |
ཞྭ་ཏོག་གི་ཁྱད་པར་ཞིག |
| ལྡེམ་འཕྲུལ |
འགུལ་ཞིང་གཡོ་བའི་ཉམས། མཁའ་ལྡིང་ཁྱུང་གི་ལྡེམ་འཕྲུལ་མཛེས། |
| ལྡེམ་ལྡེམ |
གཡོ་ཚུལ་ལམ་འགུལ་ཚུལ་ཞིག ལྷགས་པ་ལང་དུས་རྩྭ་ཤིང་ཚང་མ་ལྡེམ་ལྡེམ་དུ་འགུལ་ཡོང༌། ལྗོན་པ་རྣམས་འབྲས་བུ་བཟང་པོས་དུད་པ་ལས་རླུང་གིས་བརྒྱབ་སྟེ་ལྡེམ་ལྡེམ་དུ་འགུལ་འདུག |
| ལྡེམ་ལྡེམ་ལྕུག་ལྕུག |
ལུས་བདེ་ཞིང་ཁྱུག་པ། ཟློས་གར་འཁྲབ་དུས་གཟུགས་པོ་ལྡེམ་ལྡེམ་ལྕུག་ལྕུག་གི་སྒེག་ཉམས་སྟོན་པ། |
| ལྡེམ་ཤུགས |
ནེམ་འཕར་གྱི་ཤུགས། |
| ལྡེམ་སྐུ |
བྲིས་འབུར་གང་རུང་གི་སྐུ་བརྙན་བཞེངས་པའི་རྣམ་པ་ཅན། |
| ལྡེའུ |
1 དྲི་བ་དྲིས་ལན་བྱེད་མཁན་མི་གཉིས་ཀྱིས་གབ་ཚིག་དྲི་བཤད་ངོས་འཕྲོད་མིན་ལ་བརྟེན་པས་རྒྱལ་ཕམ་རྩི་བའི་ངག་རྩེད་ཀྱི་རྣམ་གྲངས་ཤིག ལྡེའུའི་ཚིག 2 སྐར་མ་སྣྲོན། 3 ལྡེ་གུ་དང་འདྲ། 4.གནའ་དུས་བོད་ཀྱི་ཆོས་ལུགས་ཤིག་གི་མིང་དུ་བཤད། བོད་ཀྱི་རུས་ཤིག |
| ལྡེའུ་མིག |
ལྡེ་མིག་དང་འདྲ། |
| ལྡེའུའི་ངག |
གསང་གཏམ་མམ་འབྱུང་འགྱུར་སྔོན་ནས་ཤེས་པའི་གཏམ། |
| ལྡེར |
ལྡེར་བ་སྟེ། རྫ་མ་དང་དཀར་ཡོལ་བཟོ་བྱེད་འདམ་གྱི་མིང་། |
| ལྡེར་བཟོ |
འཇིམ་ལས་བཟོས་པའི་སྐུ་འདྲ། |
| ལྡེར་ཚོ |
འཇིམ་པ་ལས་གྲུབ་པའི་སྐུ་འདྲ། |
| ལྡེར་སྐུ |
འཇིམ་པས་བཟོས་པའི་འདྲ་གཟུགས་ཀྱི་མིང་། |
| ལྡེས |
འདས་པ་སྟེ། ལྭ་བ་རློན་པ་ཉི་མར་ལྡེས་ནས་བསྐམས། ཤ་འཁྱག་མེ་ལ་ལྡེས་ནས་དྲོས་ལྟ་བུ། མཛོད་ཁང་གི་བརྡ་རྙིང་། |
| ལྡེས་པ |
ལྡེ་བའི་འདས་པ། |
| ལྡོག |
(བྱེད་མེད་ལས་ཚིག་མ་འོངས་པ་དང་ད་ལྟ་བ) <ཀ>སྔར་གནས་ལ་སླར་འགྲོ་བའམ་འོངས་པ་སྟེ། ཞིང་ཁ་ནས་ཡུལ་དུ་ལྡོག་དགོས། ཡུལ་དུ་སླར་ལྡོག་གིན་ཡོད་ལྟ་བུ། |
| ལྡོག་ཁྱབ |
རྟགས་གསལ་གྱི་སྦྱོར་བ་འགོད་པའི་ཚུལ་གསུམ་པ། དེ་སྒྲུབ་ཀྱི་བསྒྲུབ་བྱའི་ཆོས་ཀྱི་དོན་ལྡོག་དང་འབྲེལ་བས་དེ་སྒྲུབ་ཀྱི་མི་མཐུན་ཕྱོགས་ལ་མེད་པ་ཉིད་དུ་ཚད་མས་ངེས་པ་སྟེ། དཔེར་ན། རྟག་པ་ཡིན་ན་མ་བྱས་པས་ཁྱབ་པ་ལྟ་བུ་མི་མཐུན་པའི་ཕྱོགས་ལ་མེད་པའམ་བསྒྲུབ་བྱ་ལྡོག་ན་རྟགས་ལྡོག་པའོ། |
| ལྡོག་ཁྱབ་ཕྱིན་ཅི་ལོག |
རྟགས་གསལ་ཁྱབ་པ་སྒོ་བརྒྱད་ལས་ཁྱབ་པ་ཕྱིན་ཅི་ལོག་པ་བཞིའི་ནང་གསེས། གསལ་བ་དེ་མ་ཡིན་ན་རྟགས་དེ་མ་ཡིན་པ་མ་ཡིན་པས་ཁྱབ་པ། དཔེར་ན། རྟག་པ་མ་ཡིན་ན་བྱས་པ་མ་ཡིན་པ་མ་ཡིན་པས་ཁྱབ་པ་ལྟ་བུའོ། |
| ལྡོག་ཁྱབ་རྣལ་མ |
རྟགས་གསལ་ཁྱབ་པ་སྒོ་བརྒྱད་ལས་རྣལ་མ་བཞིའི་ནང་གསེས། གསལ་བ་དེ་མིན་ན་རྟགས་དེ་མིན་པས་ཁྱབ་པ། དཔེར་ན། མི་རྟག་པ་མ་ཡིན་ན་བྱས་པ་མ་ཡིན་པས་ཁྱབ་པ་ལྟ་བུའོ། |
| ལྡོག་གཉིས |
དུས་ཚིགས་ཉེར་བཞིའི་ནང་ཚན། ཉི་མ་ལྷོ་བགྲོད་མཐར་ཐུག་ལ་དགུན་ཉི་ལྡོག་དང༌། བྱང་བགྲོད་མཐར་ཐུག་ལ་དབྱར་ཉི་ལྡོག་གོ། |
| ལྡོག་ཆོས |
རྟོག་པ་ལ་རྫས་ཀྱི་ཡོན་ཏན་དུ་སྣང་བའི་ཆོས་གང་ཞིག་དངོས་པོ་མ་ཡིན་པ། དཔེར་ན། བུམ་པའི་ལྡོག་པ་དང༌། རྟོག་ངོར་ཤར་བའི་གཟུགས་ཀྱི་མི་རྟག་པ་ལྟ་བུ། རང་གི་དགག་བྱ་བཅད་པའི་ལྡོག་ཆ་ནས་རྟོག་ངོར་སྣང་བ་ཙམ་དུ་གྲུབ་པའི་ཆོས་སོ། |
| ལྡོག་ཆོས་གསུམ |
ལྡོག་ཆོས་ལ་སྒྲས་བརྗོད་རིགས་ཀྱིས་དབྱེ་ན། ཀུན་བཏགས་དང༌། ལྡན་མིན་འདུ་བྱེད། ཡོངས་གྲུབ་དང་གསུམ་མོ། |
| ལྡོག་པ |
1. ཐ་མི་དད་པ 1 ལོག་པ་དང༌། ཕྱིར་འོང་བ། ཉི་མ་ལྡོག་པ། ལམ་ནོར་བ་ལས་ལྡོག་ནས་འགྲོ་ས་ཡང་དག་པར་འགྲོ་བ། 2 རང་བཞིན་གྱིས་འདོར་བ། བླང་དོར་འཇུག་ལྡོག དགེ་སྡིག་འཇུག་ལྡོག 3 ཁ་དོག་སོགས་ཡལ་བ་དང༌། འགྱུར་བ། རས་ཀྱི་ཚོས་ལྡོག་པ། སྙིང་སྟོབས་ཕྱིར་མི་ལྡོག་པ། 2 1 ཕྱོགས་དང་ངོས། ཀ་བའི་རང་ལྡོག ངོ་བོ་གཅིག་ལ་ལྡོག་པ་ཐ་དད་པ། 2 མི་མཐུན་པའི་ཕྱོགས། ཡིན་ལྡོག མིན་ལྡོག ཡོད་ལྡོག གོ་ལྡོག 3 བཟློག་པ་སྟེ། དགག་པ། 4 རྟོག་པ་ལ་རིགས་མི་མཐུན་པའམ་ཐ་དད་པ་ལས་ལོག་པར་སྣང་བའི་ཆོས། དཔེར་ན། བུམ་པ་མ་ཡིན་པ་ལས་ལོག་ཙམ་གྱི་ཆ་ནི་བུམ་པའི་ལྡོག་པ་ཡིན་པ་སྟེ་རྟོག་པ་ལ་སྣང་བའི་གཟུགས་ལྟ་བུའོ། |
| ལྡོག་པ་གཅིག་པས་མ་གྲུབ་པ |
དོན་ལ་མ་གྲུབ་པའི་རྟགས་དྲུག་གི་ནང་གསེས། ལྡོག་པ་ཐ་དད་མེད་ནས་མ་གྲུབ་པ་སྟེ། དཔེར་ན། སྒྲ་ཆོས་ཅན། མི་རྟག་སྟེ། སྒྲ་ཡིན་པའི་ཕྱིར། ཞེས་པ་ལྟ་བུའོ། |
| ལྡོག་པ་གཅིག་པས་མ་གྲུབ་པ་གསུམ |
གཞི་རྟགས་གཅིག་པ། གཞི་ཆོས་གཅིག་པ། རྟགས་ཆོས་གཅིག་པ་སྟེ་གསུམ་མོ། |
| ལྡོག་པ་གསུམ |
རང་ལྡོག་དང༌། དོན་ལྡོག་གཞི་ལྡོག་སྟེ་གསུམ། |
| ལྡོག་པ་ཅན་གྱི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་སྟེ། དཔེ་དང༌། དཔེ་ཅན་གཉིས་ཕན་ཚུན་ཁྱད་ཆོས་འདྲ་བ་ལྟར་སྣང་ཡང༌། ཁྱད་གཞི་ངོ་བོ་མི་མཐུན་པར་མཐོང་བས་མཚུངས་པ་ལས་ལྡོག་པ་སྟོན་པའི་རྒྱན་ཞིག |
| ལྡོག་པ་ཅན་གྱི་རྒྱན |
དོན་རྒྱན་གྱི་ནང་གསེས་ཤིག་སྟེ། སྒྲ་དོན་གང་རུང་གི་སྒོ་ནས་དཔེ་དང་དོན་གཉིས་མཚུངས་པར་གྱུར་པ་ལས་སླར་ཁྱད་ཆོས་འདྲ་མིན་གཞན་ཞིག་གི་སྒོ་ནས་མི་མཚུངས་པར་དབྱེ་བ་འབྱེད་པའི་རྒྱན་ཞིག་སྟེ། ནང་གསེས་རྣམ་གྲངས་བཅུ་ནི། གཅིག་གི་ལྡོག་པ་ཅན། གཉིས་ཀྱི་ལྡོག་པ་ཅན། སྦྱར་བའི་ལྡོག་པ་ཅན། འགོག་པའི་ལྡོག་པ་ཅན། གཏན་ཚིགས་ཀྱི་ལྡོག་པ་ཅན། རྟེན་གྱི་ལྡོག་པ་ཅན། དཔེ་ལས་དཔེ་ཅན་ལྷག་པའི་ལྡོག་པ་ཅན། མཚུངས་ཆོས་འབྱེད་བྱེད་གཉིས་ཀ་སྒྲས་ཟིན་པའི་ལྡོག་པ་ཅན། མཚུངས་ཆོས་ཤུགས་དང་འབྱེད་བྱེད་སྒྲས་ཟིན་གྱི་ལྡོག་པ་ཅན། རིགས་མཐུན་འབྱེད་པའི་ལྡོག་པ་ཅན་བཅས་སོ། |
| ལྡོག་པ་ཕྱིན་ཅི་ལོག་ཏུ་སྦྱར་བ |
ཆོས་མི་མཐུན་པའི་དཔེ་ལྟར་སྣང་ལྔའི་ནང་གསེས། གཏན་ཚིགས་རིག་པའི་སྦྱོར་བ་འགོད་ཚུལ་གྱི་ཆོས་མི་མཐུན་པའི་དཔེ་དེ་ལྡོག་པ་ཕྱིན་ཅི་ལོག་ཏུ་སྦྱར་བའི་སྐྱོན་ལ་ཟེར། སྒྲ་མི་རྟག་སྟེ། ཐོགས་པ་མེད་པའི་ཕྱིར། མི་རྟག་པ་ཡིན་ན་ཐོགས་བཅས་ཡིན་པར་མཐོང་ནས་བུམ་པ་བཞིན་ཞེས་པ་ལྟ་བུར་མཚོན་ན། ཐོགས་བཅས་ཐམས་ཅད་མི་རྟག་པ་ཡིན་ནོ་ཞེས་བརྗོད་པ་ལྟ་བུ་རྒོལ་ཕྱི་རྒོལ་གཉིས་ཀས་རྡུལ་ཕྲན་ཐོགས་བཅས་ཡིན་ལ་རྟག་པ་ཡིན་པར་འདོད་དོ། |
| ལྡོག་པ་མ་བསྟན་པ |
ཆོས་མི་མཐུན་པའི་དཔེ་ལྟར་སྣང་ལྔའི་ནང་གསེས། གཏན་ཚིགས་རིག་པའི་སྦྱོར་བ་འགོད་ཚུལ་གྱི་ཆོས་མི་མཐུན་པའི་དཔེ་དེ་ལྡོག་པ་མ་བསྟན་པའི་སྐྱོན་ལ་ཟེར། སྒྲ་རྟག་སྟེ། ཐོགས་པ་མེད་པའི་ཕྱིར། ཆོས་མི་མཐུན་པའི་དཔེར་མི་རྟག་པ་རྣམས་ཐོགས་བཅས་ཡིན་པས། དཔེར་ན་བུམ་པ་བཞིན་ཞེས་བརྗོད་ན། འདིར་མི་རྟག་པ་ཉིད་དང༌། ཐོགས་བཅས་སུ་མཐོང་བ་ཙམ་བརྗོད་པ་ལས། ཐོགས་བཅས་ནི་མི་རྟག་པའི་འབྲེལ་གཞིར་མི་འཇོག་པས། ཐོགས་མེད་ཀྱི་རྟགས་སུ་རྟག་པའི་བསྒྲུབ་བྱའི་རྗེས་སུ་འབྲང་རྒྱུ་བསྟན་མ་ཐུབ་པས་སྐྱོན་དུ་གྱུར་ཏོ། |
| ལྡོག་པ་རིགས་གཅིག་པ |
རིགས་གཅིག་པའི་བྱེ་བྲག་ཅིག་སྟེ། ལྡོག་པ་རིགས་མཐུན་པ། དཔེར་ན། ཀ་བའི་མི་རྟག་པ་དང༌། བུམ་པའི་མི་རྟག་པ་གཉིས་ལྟ་བུའམ། བུམ་པའི་བདག་མེད་དང༌། ཀ་བའི་བདག་མེད་གཉིས་ལྟ་བུའོ། |
| ལྡོག་པ་རིགས་གཅིག་པ་གཉིས |
ལྡོག་པ་རིགས་གཅིག་པ་ལ་དབྱེ་ན། སྒྲུབ་ལྡོག་རིགས་གཅིག་པ་དང༌། དགག་ལྡོག་རིགས་གཅིག་པ་སྟེ་གཉིས་སོ། |
| ལྡོག་པའི་བདེན་པ |
འགོག་བདེན་གྱི་མིང་གི་རྣམ་གྲངས་ཤིག |
| ལྡོག་པའི་སྐྱེས་བུ |
འགོག་པ་ཐོབ་པའི་གང་ཟག |
| ལྡོག་ཕྱེ་བ |
ལྡོག་པ་ཐ་དད་དུ་ཕྱེ་བ། |
| ལྡོག་ཕྱོགས |
མདུན་ལས་ཕྱིན་ཅི་ལོག་པའི་ཕྱོགས་སམ་འགལ་བའི་ཕྱོགས་གཅིག་ལས་ཕྱིན་ཅི་ལོག་པའི་ཕྱོགས་ཏེ། རླུང་གི་ལྡོག་ཕྱོགས་སུ་གྲུ་གཏོང་དཀའ། ཆུ་འབབ་པའི་ལྡོག་ཕྱོགས་སུ་རྐྱལ་དཀའ། བཟོ་བཅོས་རིང་ལུགས་ཀྱི་ལྡོག་ཕྱོགས་སུ་ལངས་ནས་དགག་པ་རྒྱག་ལྟ་བུ། རང་ཉིད་ལས་ཐ་དད་དུ་དགར་རྒྱུ་མེད་པའི་ངོ་བོའི་མིང་། དཔེར་ན། རང་ལྡོག་ཆུ་རང་ལྡོག་ལ་ཁ་དོག་ཡོད་པ་མ་རེད། སྤྱི་ལྡོག མི་སྤྱི་ལྡོག་ནས་བཤད་ན་སྲོག་ཆགས་ཐམས་ཅད་ཀྱི་ནང་ནས་མཆོག་ཏུ་གྱུར་པ་ཞིག་རེད། ཆུ་ཚན་དང་ཆུ་བསིལ་ནི་ངོ་བོ་གཅིག་ལ་ལྡོག་པ་ཐ་དད་པ་རེད་ལྟ་བུ། |
| ལྡོག་ཚུལ |
ཆོ་ག་དེ་ལས་ལྡོག་སྟེ་བྱ་བའི་ཚུལ། |
| ལྡོག་ཟླ |
འགལ་བའི་ཕྱོགས་གཅིག་སྟེ། ཉིན་གྱི་ལྡོག་ཟླ་སྲིབ། ཉིན་མོའི་ལྡོག་ཟླ་མཚན་མོ་ཞེས་པ་ལྟ་བུ། <ག>མི་མཐུན་པའི་བྱ་དངོས་གོ་ས་བརྗེས་པའི་དོན་ཏེ། གནམ་ས་གོ་ལྡོག་པའི་གསར་བརྗེ་བྱས། དཀར་ནག་གོ་མ་ལྡོག སྐད་ཆ་གོ་ལྡོག་ནས་མ་བཤད། སྐད་ཆ་གོ་ལོག་ཏུ་མ་བཤད་ལྟ་བུ། |
| ལྡོག་ཤུགས |
རང་བཞིན་གྱིས་ཚུར་ལྡོག་པའི་ཤུགས། |
| ལྡོག་སྐྱེན་པ |
1 ཕྱིར་ལོག་མྱུར་བ། 2 ཚོན་མདོག་ལོག་སླ་བ། |
| ལྡོགས |
སྐུལ་ཚིག་སྟེ། རྩམ་པ་ལྡོགས་ཤིག་ལྟ་བུ། |
| ལྡོགས |
ལྡག་གི་སྐུལ་ཚིག |
| ལྡོང |
སྔ་རབས་ཀྱི་སྒྲུང་གཏམ་ལས་བཤད་པའི་མིའུ་གདུང་དྲུག་གི་ཡ་གྱལ་ཞིག…2.བོད་ཀྱི་རུས་ཤིག |
| ལྡོང་བ |
ལོང་བ། མི་ལྡོང་བར་ལོང་འཁྲིད་མཁན་གཅིག་ཡོད། |
| ལྡོང་བྱེད |
མངོན མུན་པ། |
| ལྡོང་རོས |
རྡོ་སྨན་གྱི་རིགས་ཏེ། རོ་ཁ་ལ་ཚ། ཞུ་རྗེས་དྲོད། ནུས་པས་རྨེན་བུ་སྐྲངས་པ་དང༌། རྨ་རུལ་བ་ལ་ཕན། དངུལ་ཆུའི་དུག་འདོན་ནུས། མིང་གི་རྣམ་གྲངས་ལ་གར་མཁན་མ་དང༌། གླུ་ལྕེ་བ། བ་ན་རི་སྐྱེས། བལ་ཡུལ་སྐྱེས། མ་ནི་ཚ། མ་ནོ་ཧ། མན་ཤེལ། དམར་པོ་དྲི་ལྡན། ཡིད་འབོད་མ་བཅས་སོ། |
| ལྡོངས |
སྐུལ་ཚིག་སྟེ། ཡར་ལྡོངས་ཤིག་ལྟ་བུ། འཕུར་བ་སྟེ། བྱ་རྒོད་མཁའ་ལ་ལྡིང་། ལྡིང་འཁོར་བྱེད་ལྟ་བུ། 2.(བྱེད་མེད་ལས་ཚིག) མིག་དབང་ཉམས་པའི་དོན་ཏེ། ལྟ་བྱེད་ཀྱི་མིག་མ་ལྡོངས། ཉན་བྱེད་ཀྱི་རྣ་མ་འོན་ལྟ་བུ། ལྡིང་གི་སྐུལ་ཚིག |
| ལྡོད |
སྐུལ་ཚིག་སྟེ། ཟས་ལྡོད་ཅིག་ལྟ་བུ། |
| ལྡོན |
(བྲེད་འབྲེལ་ལས་ཚིག) ལན་བཏབ་པའི་བརྡ་རྙིང་སྟེ། ལན་འདེབས་པ་ལ་ལན་ལྡོན་པ་ཟེར་བ་ལྟ་བུ། |
| ལྡོན་པ |
རྙིང གླན་པ། དྲིས་ལན་ལྡོན་པ། བཟང་ལན་བཟང་ལྡོན། ངན་ལན་ངན་ལྡོན། |
| ལྡོབ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)བསླབས་ནས་ལོབས་པའམ་ཧ་གོ་བའི་བརྡ་རྙིང་སྟེ། ཡི་གེ་བསླབས་ན་ལྡོབ་སྐྱེན(ཤེས་སླ་བ)ལྟ་བུ། འདས་པ་ལ་ལྡོབས་འབྲི། |
| ལྡོབ་པ |
ཐ་མི་དད་པ ལྡོབས་པ། ལྡོབ་པ།། ལོབ་པའམ་གོམས་པ། མ་ཤེས་པ་རྣམས་བསླབས་ནས་ལྡོབ་པ། |
| ལྡོབས |
1. ལྡབ་པའི་སྐུལ་ཚིག 2.གཡོ་སྒྱུའམ་རྫུ་བག ཧ་གོ་ཡང་མི་གོ་བའི་ཁུལ་བྱེད་པ་དེ་འདྲའི་ལྡོབས་ཚ་བ་ལ། ངོ་ཤེས་ཀྱང་མི་ཤེས་པའི་ཚུལ་གྱི་ལྡོབས་བྱེད་པ། |
| ལྡོབས་ཅན |
མ་ཡིན་ཡིན་ཚུལ་བྱེད་མཁན། |
| ལྡོབས་པ |
1. ལྡོབ་པའི་འདས་པ། 2.སྤོབས་པ། |
| ལྡོབས་སྐྱེན་པ |
ཤེས་སླ་བ། ཚིག་དོན་མཐའ་དག་ལྡོབས་སྐྱེན་པ། |
| ལྡོམ |
(བྱེད་མེད་ལས་ཚིག) གནས་ངེས་མེད་དུ་འགྲོ་བ་སྟེ། སྤྱི་ཚོགས་རྙིང་བར་དབུལ་བོ་ཕྱོགས་ཀུན་ཏུ་ལྡོམ་ལྟ་བུ། |
| ལྡོམ་པོ |
1འདུག་གནས་དང་ལས་ཀ་ངེས་པ་མེད་པའི་མི་སྟེ། མི་ལྡོམ་པོ། མི་ལྡོམ་ཞེས་པ་ལྟ་བུ། 2བདག་པོས་བོར་བའི་ཕྱུགས་སོགས་ཏེ། ཁྱི་ལྡོམ་པོ། ཁྱི་ལྡོམ། ལུག་ལྡོམ་པོ་ཞེས་པ་ལྟ་བུ། |
| ལྡོམ་བུ |
1.བསོད་སྙོམས། གནས་སྐོར་བ་ཞིག་ལྡོམ་བུ་བྱེད་དུ་བྱུང་བ། 2.རྙིང མྱུལ་བ། |
| ལྡོམ་བུ་པ |
སློང་མོ་པའམ་འཁྱམ་པ་བོའི་མིང་། གནས་ངེས་མེད་དུ་སྡོད་པའི་ཆོས་ལུགས་པས་རང་ལ་ལྡོམ་བུ་པ་ཟེར། |
| ལྡོམ་བུ་བ |
བསོད་སྙོམས་པའམ། སློང་མོ་བ། |
| ལྡོམ་ས |
བསོད་སྙོམས་སུ་འགྲོ་ས། |
| ལྤགས |
པགས་པའི་མིང་ཚིག་མཐར་སྦྱར་ཚེ་འདི་ལྟར་འབྲི་སྟེ། ལུག་གི་པགས་པ་ལ་ལུག་ལྤགས་དང་། ར་ཡི་པགས་པ་ལ་ར་ལྤགས་ཟེར་བ་ལྟ་བུ། |
| ལྤགས་ནད |
ལུས་ཀྱི་སྲིན་དང་ཆུ་སེར་འཕེལ་བ་སོགས་ལས་བྱུང་པའི་ལྤགས་པའི་ནད་དེ། ཤ་བཀྲ་དང༌། གླང་ཤུ། མཛེར་པ། ཟ་རྐོང༌། ཤུ་བ། སྲིན་ཐོར། ངོ་ཤིག་ཁབས། ཁྱེ་མ་སོགས་སོ། |
| ལྤགས་པ |
པགས་པའི་དོན་དང་གཅིག་པ་ཡིན་ཡང་དག་ཡིག་ལུགས་ལྟར་ན་སྔོན་དུ་གཞི་དང་འབྲེལ་ཞིང༌། བར་དུ་དྲུག་སྒྲ་མེད་ན་ལ་མགོ་ཅན་གྱི་ལྤགས་པ་འདི་བཞིན་སྦྱོར་རྒྱུ། པགས་པ། སྟག་ལྤགས། གཟིག་ལྤགས། ཤིང་ཏོག་ལྤགས་པ། ལུས་ལྤགས། |
| ལྤགས་མཛེ |
ལུས་ཀྱི་པགས་མདོག་གླང་པོ་ཆེའི་པགས་པ་ལྟར་ཐལ་སྐྱ་རེག་བྱ་རྩུབ་པར་འབྱུང་བའི་མཛེ་རིགས་ཤིག་བད་རླུང་ལྡན་པའི་མཛེ་ནད་ཀྱི་མིང༌། |
| ལྤགས་མྱགས |
ལུས་ཀྱི་པགས་པ་རུལ་མྱགས་སུ་འགྲོ་བའི་མཛེ་ནད་པགས་ལ་གྲམ་པ་ཞིག |
| ལྦ་ནད |
ལྦ་བ་སྐྱེ་བའི་ན་ཚ། |
| ལྦ་བ |
སྐེའི་སྐོར་གྱི་རྩ་དང་རྨེན་བུ་འདུ་བ་སོགས་འཁྲུགས་ནས་མགུལ་པའི་གནས་སུ་ཤ་ལྷག་གསོབ་ཅན་སྐྱེས་པ་ལ་ཟེར་ཏེ། ནང་གསེས་སུ་དབྱེ་ན། རླུང་ལས་གྱུར་པའི་ཝ་བ་དང༌། མཁྲིས་པ་ལས་གྱུར་པའི་ཝ་བ། བད་ཀན་ལས་གྱུར་པའི་ཝ་བ། འདུས་པ་ལས་གྱུར་པའི་ཝ་བ། ཚིལ་ལས་གྱུར་པའི་ཝ་བ། ཁྲག་ལས་གྱུར་པའི་ཝ་བ། གཡང་ལེན་པའི་ཝ་བ། བྱུར་གྱི་སྣ་འདྲེན་པའི་ཝ་བ་བཅས་རིགས་བརྒྱད་མཆིས་སོ། ཤིང་གི་ལྦ་བ། ལྦ་བ་ཅན་གྱི་ཡུལ་ལུང་འགར། ལྦ་མེད་ཡན་ལག་ཉམས་པར་མཐོང༌། སྐེ་འདོད་ལ་ལྦ་བ་མི་འདོད་པ། |
| ལྦ་བ་འཇོམས |
ལུས་ཀྱི་ཤ་རྨེན་ནམ་སྐེའི་ལྦ་བ་འཇོམས་པའི་ཚྭ་ཞིག་གི་མིང༌། |
| ལྦ་ཚ |
མདོག་ནག་སྨུག་འོད་འཚེར་བ། དབྱིབས་ཁྲབ་རིས་ཅན་གྱི་ཤེལ་གཟུགས་ཤིག་ཡིན། རྒྱ་སྐད་དུ་ཏན་ཟེར། ཟས་ཀྱི་ནང་དུ་རྫས་དེ་མེད་ན་མི་ལ་སྐེ་ལྦ་འབྱུང་ཞིང་། སྨན་རྫས་ཤིག་དང་ཁ་དོག་སྒྱུར་བྱེད་ཅིག་ཀྱང་ཡིན། ０མིའི་ལུས་ལ་བྱུང་བའི་ཤ་དྲེག་གི་མིང་སྟེ། ངལ་རྩོལ་བྱས་ནས་ལག་མགོར་ལྦ་ཆགས་ལྟ་བུ། |
| ལྦ་ཚྭ |
ལན་ཚའི་རིགས་ཤིག་སྟེ། རོ་ལན་ཚ། ཞུ་རྗེས་དྲོད། ནུས་པས་མེ་དྲོད་སྐྱེད། ལྦ་བ་འཇོམས། |
| ལྦ་འཕྱང |
མངོན ར། |
| ལྦུ་བ |
ཆུའི་དབུ་བ། སྙིང་མེད་གསོབ་གསོབ་ཆུ་ཡི་ལྦུ་བ་དེ། ཕལ་ཆེར་བྱུང་མ་ཐག་ནས་ཡལ་ཏེ་འགྲོ། བྲག་དང་ཆུ་བོ་འཐབས་ནས་ལྦུ་བ་འཕྱུར་བ། མིང་གི་རྣམ་གྲངས་ལ་ཆུ་བུར་དང༌། ཆུའི་འཛུམ་དཀར། དབུ་བ་བཅས་སོ། |
| ལྦོས |
(བྱེད་མེད་ལས་ཚིག) དངོས་རྫས་ཀྱི་བོངས་ཚོད་གློ་བུར་དུ་ཇེ་ཆེར་སོང་བ་སྟེ། དངོས་གཟུགས་དྲོས་ན་ལྦོས་ཤིང་། འཁྱགས་ན་ཞུམ། རྐྱལ་བ་དབུགས་ཀྱིས་ལྦོས་ལྟ་བུ། |
| ལྭ་ཏ |
རྙིང དར་ཟབ་ཀྱི་བྱེ་བྲག་ཅིག |
| ལྭ་བ |
1 ཆགས་སུ་མ་བཅགས་པའི་སྣམ་བུ་སྤུ་ཅན་ཞིག ལྭ་གོས། ལྭ་དཀར། 2 ཀམ་པ་ལི། 3 གོས་སམ་གྱོན་པ། དམག་ལྭ། ཆར་ལྭ། |
| ལྭ་བ་པ |
སྔར་རྒྱ་གར་གྱི་དབུ་མ་རྣམ་རྫུན་པའི་སློབ་དཔོན་རྒྱུན་དུ་ལྭ་བའི་གོས་གྱོན་མཁན་ཞིག |
| ལྭ་ཤག |
ཡུལ ཕྱུ་ཆེན། |
| ལྷ |
1 མིའི་རྒྱལ་པོ། མིའི་ལྷ་དབང༌། ཡབ་ལྷ། ལྷ་སྲས། 2 སངས་རྒྱས་ཏེ་སྔགས་ལམ་གྱི་བསྒོམ་བྱའི་ཡི་དམ། ལྷ་སྒོམ་པ། ལྷ་འགུགས་པ། ལྷ་ཁྲོ་བོ། ལྷ་ཞི་བ། 3 འགྲོ་བ་རིགས་དྲུག་གི་ནང་གསེས་ཤིག ལྷ་ཚེ་རིང་པོ། སུམ་ཅུ་རྩ་གསུམ་གྱི་ལྷ། ལྷ་དང་མིའི་འཇིག་རྟེན། ལྷ་མིའི་ཕུན་ཚོགས། མི་འུ་ཐུག་ནས་ལྷར་དྲིས། ལྷ་འུ་ཐུག་གིས་རྫུན་བཤད། དམའ་ཉེ་བས་བཅག་ལྷ་དཀོན་གཉེར་གྱིས་བརྡུངས། མིང་གི་རྣམ་གྲངས་ལ་སྐབས་གསུམ་པ་དང༌། མཁར་ཉལ། དགེ་སྐྱེས། རྒས་མེད། ངག་གི་མཚོན་ཆ། འཆི་མེད། བདུད་རྩིའི་ཟས་ཅན། བདེ་འགྲོ། འདོད་གཟུགས་ཅན། རྣམ་སད། མིག་མི་འཛུམ། མེ་སྦྱིན་སྐྱེས། མེ་ཞལ། རྨི་ལམ་མེད། ཚིགས་མདའ་ཅན། ཚིགས་བཟང༌། རྀ་ཡིག་སྐྱེས། ལེགས་བྲིས། ལྷ་མིན་དགྲ་བོ་བཅས་སོ། 4 མངོན ལྷ་ཆེན་ལ་ཚངས་པ་དང༌། བྷྲིངྒི་རི་དྷི། དྲག་པོ། དབང་ཕྱུག་སྨིན་དྲུག་ཚོགས་བདག་ལེགས་ལྡན་ནག་པོ། བི་ཏྲི་པ་ཏྲ་སྟེ་བརྒྱད་ཡོད་པས་གྲངས་བརྒྱད་མཚོན། |
| ལྷ་ཁང |
1 ལྷ་འཇོག་སའི་ཁང་པའམ་སྐུ་གསུང་ཐུགས་རྟེན་འཇོག་སའི་ཁང་པ། ལྷ་ཁང་རྙིང་པ་ལ་ལོགས་རིས་གསར་པ། ལྷ་ཁང་རྙིང་པ་ལ། གནས་བཤད་གསར་པ། ལྷ་ཁང་ནང་གི་མདའ་མོ། བཀང་ས་ཡོད་ཀྱང་རྒྱག་ས་མེད། མིང་གི་རྣམ་གྲངས་ལ་ཀུན་དགའ་ར་བ་དང༌། དཀོན་མཆོག་ཕོ་བྲང༌། མཆོད་ཁང༌། མཆོད་འོས་གནས། དྲི་གཙང་ཁང༌། འདུ་ཁང༌། གནྡྷོ་ལ། གཙུག་ལག་ཁང་བཅས་སོ། 2 ས་མིང་ཞིག་བོད་རང་སྐྱོང་ལྗོངས་ཀྱི་ལྷོ་བྲག་རྫོང་གི་ལྷོ་རྒྱུད་དུ་ཡོད། |
| ལྷ་ཁང་པ |
དཀོན་གཉེར་རམ་ལྷ་གཉེར། |
| ལྷ་ཁང་ལ |
ལ་ཞིག་བོད་རང་སྐྱོང་ལྗོངས་ཀྱི་ཁང་དམར་རྫོང་གི་ནུབ་རྒྱུད་དུ་ཡོད། |
| ལྷ་ཁང་སྲུང་བ |
1 ལྷ་ཁང་ལ་བདག་སྲུང་བྱེད་པ། 2 མངོན དཀོན་གཉེར་རམ་ལྷ་གཉེར། |
| ལྷ་ཁོག་འདྲེ་ཞུགས |
བཟང་པོའི་ཁོག་པ་ངན་པས་བརླམས་པའི་དཔེ། |
| ལྷ་ཁྲོ་བོ་རྣམ་འཇོམས |
ཉེས་གྲིབ་ཐམས་ཅད་སེལ་བར་མཛད་པ་རྡོ་རྗེ་རྣམ་པར་འཇོམས་པ་ཕྱག་གཡས་རྒྱ་གྲམ་སྙིང་ཁར་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཞབས་གཉིས་དོར་སྟབས་སུ་བགྲད་པ། ཁྲོ་བོའི་རྒྱན་དང་ཆ་ལུགས་ལྡན་པ་ཞིག |
| ལྷ་གཅིག |
1 རྒྱལ་པོའི་བུ་མོའི་ཞེ་མིང༌། 2 ཆོས་ལུགས་ཀྱི་མགོན་སྐྱབས་ཆེན་པོར་འབོད་པའི་ཞེ་མིང༌། |
| ལྷ་གཉེར |
སྐུ་གཉེར། |
| ལྷ་གདོང |
ལྷ་སའི་ཤར་ཕྱོགས་གཙང་པོའི་གཡས་གཡོན་གྱི་ལྷ་གདོང་ཤན་ཁ། |
| ལྷ་གནས |
ལྷ་ཡུལ། |
| ལྷ་གཡག |
ཚེ་ཐར་དུ་བཏང་བའི་གཡག་ཁྱུ་པ། |
| ལྷ་གསུམ |
འདོད་ཁམས་ཀྱི་ལྷ་དང༌། གཟུགས་ཁམས་ཀྱི་ལྷ། གཟུགས་མེད་ཁམས་ཀྱི་ལྷ་བཅས་གསུམ་མོ། |
| ལྷ་གསོལ |
1 རི་ལྷ་དང་ཆུ་ལྷ་ཁྱིམ་ལྷ་རྣམས་ལ་གསོལ་མཆོད་བྱེད་པ། 2 ས་མིང་ཞིག་བོད་རང་སྐྱོང་ལྗོངས་ཀྱི་རྒྱ་ཚ་རྫོང་གི་ནུབ་རྒྱུད་དུ་ཡོད། |
| ལྷ་གསོལ་འདྲེ་བརྡུང |
གོང་ལ་བཟང་བསྟོད་དང༌། འོག་ལ་ངན་སྨྲ་བྱེད་པའི་དཔེ། |
| ལྷ་གོར |
ཤའི་ལྷུ་དུམ། |
| ལྷ་གོས |
1 ཁ་བཏགས། 2 ལྷའི་གོས། |
| ལྷ་ང |
རྐང་པའི་པུས་མོའི་ལྷ་ངའམ་རུས་པ་འབུར་པོ། པུས་མོའི་ལྷ་ང་ས་ལ་བཙུགས། |
| ལྷ་ཅིག |
ལྷ་གཅིག་དང་འདྲ། |
| ལྷ་ཆས |
1 སྐུ་རྟེན་ལ་གཡོགས་པའི་གོས། 2 ལྷ་སྤྱན་འདྲེན་སྐབས་གྱོན་པའི་ཆས། |
| ལྷ་ཆུ |
1 བྱིན་ཅན་གྱི་ཆུ་མིག 2 མངོན ཆུ་བོ་གངྒཱའི་མིང༌། |
| ལྷ་ཆེན |
མངོན ལྷ་དབང་ཕྱུག་ཆེན་པོ། |
| ལྷ་ཆེན་དབང་ཕྱུག |
ལྷ་དབང་ཕྱུག་ཆེན་པོ་དང་དོན་གཅིག་ |
| ལྷ་ཆེན་པོ |
1 ལྷའི་གཟུགས་བརྙན་ཆེན་པོ། 2 སངས་རྒྱས་ཤིག 3 ཚངས་པ་བརྒྱ་བྱིན་ཁྱབ་འཇུག་སོགས། |
| ལྷ་ཆེན་བརྒྱད |
དབང་ཕྱུག་ཆེན་པོ་དང༌། བརྒྱ་བྱིན། ཚངས་པ། ཁྱབ་འཇུག་འདོད་པའི་དབང་ཕྱུག་ཚོགས་བདག་བྷྲིངྒི་རི་དྷི། གཞོན་ནུ་གདོང་དྲུག་བཅས་སོ། འདིའི་འདྲེན་ཚུལ་གཞན་ཡང་ཡོད། |
| ལྷ་ཆེན་ཟངས་རག |
རི་བོ་ཞིག་བོད་རང་སྐྱོང་ལྗོངས་ཀྱི་གམ་པ་རྫོང་གི་བྱང་ཤར་མཚམས་སུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6155 ཡོད། |
| ལྷ་ཆོས |
1 སངས་རྒྱས་ཀྱི་ཆོས། 2 འཇིག་རྟེན་ལས་འདས་པའི་དགེ་ཆོས། དམ་པའི་ལྷ་ཆོས་བསྒྲུབ་པར་བློ་རྩེ་སྒྲིམ། |
| ལྷ་ཆོས་དགེ་བ་བཅུ |
སྔ་དུས་བོད་རྗེ་སྲོང་བཙན་སྒམ་པོས་དགེ་བ་བཅུ་གཞིར་བཟུང་ནས་བོད་འབངས་ལ་ཁྲིམས་སུ་བཅས་པའི་ཆོས་ལུགས་ཀྱི་རྣམ་གྲངས་ཤིག |
| ལྷ་ཆོས་པ |
དགེ་བཅུའི་ཆོས་ལ་སྤྱོད་མཁན། |
| ལྷ་ཆོས་བདུན་ལྡན |
བཀའ་གདམས་པའི་ལྷ་ཐུབ་པ་དང༌། སྤྱན་རས་གཟིགས། སྒྲོལ་མ། མི་གཡོ་བ་བཅས་བཞི་དང༌། ཆོས་སྡེ་སྣོད་གསུམ་སྟེ་མངོན་འདུལ་མདོ་སྡེ་གསུམ་མོ། |
| ལྷ་ཉིད |
1 ལྷ་དེ་ཉིད་དམ། ལྷ་རང་ཉིད། 2 རྒྱལ་པོ་ཁྱོད་ཉིད། |
| ལྷ་ཉིན་དཀར་པོ |
བཀྲ་ཤིས་པའི་ཉི་མ། |
| ལྷ་ཐོ |
ལྷ་གནས་སའི་ལྕོག་ཆུང་ངམ་ཁང་ཆུང་ཙོག་ཙོག |
| ལྷ་ཐོ་ཐོ་རི་གཉན་བཙན |
འདིའི་མཚན་ཐོ་ཐོ་རི་སྙན་བཙན་དང༌། ཐོ་ཐོ་རི་སྙན་ཤལ་ཡང་ཟེར། ཁྲི་རྗེ་ཐོག་བཙན་དང་རུ་བཟའ་སྟོང་རྒྱལ་ན་མོ་ཚོ་གཉིས་ཀྱི་སྲས། བོད་རྒྱལ་གདུང་རབས་ཉེར་བརྒྱད་པ་ཡིན་ལ། བཙན་ལྔར་གྲགས་པའི་ལྔ་པའང་ཡིན། རྒྱལ་པོ་འདི་དགུང་ལོ་དྲུག་ཅུའི་དུས་མདོ་སྡེ་ཟ་མ་ཏོག་གི་སྙིང་པོ་ཡི་གེ་དྲུག་པ་དང་གསེར་གྱི་མཆོད་རྟེན་ཁྲུ་གང་བ་སོགས་འབྱོར། ངོ་མཚར་ཆེ་བར་ནི་དགོངས། གང་ཡིན་ནི་མ་མཁྱེན་ཏེ། མིང་གཉན་པོ་གསང་བར་བཏགས་ནས་ཕོ་བྲང་གི་དཀོར་ཁང་དུ་མཆོད་པ་དང་བཅས་ཏེ་བཞུགས་སུ་གསོལ། བོད་དུ་སངས་རྒྱས་ཀྱི་བསྟན་པ་དབུ་བརྙེས་པའི་རྟེན་འབྲེལ་དུ་བཤད་དོ། |
| ལྷ་ཐོག |
ས་མིང་ཞིག་བོད་རང་སྐྱོང་ལྗོངས་ཀྱི་ཆབ་མདོ་རྫོང་ཁོངས་ཟླ་ཆུའི་ཡན་ལག་རི་ཆུའི་འགྲམ་དུ་ཡོད།… |
| ལྷ་ཐོར |
ནད་ལྷ་འབྲུམ།… |
| ལྷ་དགུ |
1 གཙོ་འཁོར་དགུ་རེ་ཡོད་པའི་ལྷ་ཚོགས། མི་འཁྲུགས་ལྷ་དགུ། རྟ་མགྲིན་ཡང་གསང་ལྷ་དགུ། ཚེ་དཔག་ལྷ་དགུ། 2 སྲིད་པ་ཆགས་པའི་ལྷ་དགུའི་བསྡུས་ཚིག་ |
| ལྷ་དང་མི་རྣམས་ཀྱི་སྟོན་པ |
ཤསྟྲཱྀདེབམནུཥྱཱ སངས་རྒྱས་ཀྱི་མཚན་བཅུའི་ནང་གསེས་ཤིག |
| ལྷ་དབང |
ལྷ་བརྒྱ་བྱིན། |
| ལྷ་དབང་ཕྱུག་ཆེན་པོ |
འཇིག་རྟེན་གྱི་བདག་པོ་ཕྱི་ནང་ཐུན་མོང་གི་ལྷ་ཞལ་གཅིག་སྤྱན་གསུམ་པ། ཕྱག་ན་ཐོད་པ་དང༌། ཁྱུ་མཆོག་གི་རྒྱལ་མཚན་འཛིན་པ། མགྲིན་པ་སྔོ་བ། དབུ་གཙུག་ན་ཟླ་བའི་ཅོད་པཎ་གྱིས་བརྒྱན་པ་ཞིག་གོ། མིང་གི་རྣམ་གྲངས་ལ་ཁྱུ་མཆོག་རྒྱལ་མཚན་དང༌། གངྒཱ་འཛིན། གྲོང་གསུམ་མཐར་བྱེད། དགྲ་སྟའི་དུམ་བུ། མགུལ་ནག་མགྲིན་སྔོན། མགྲིན་པ་ཁྲ་བོ། རྒྱལ་མཚན་འཆང༌། འཆི་ལས་རྒྱལ། སྟེང་འཕུར་དབང་པོ། དྲག་པོ། དྲན་པའི་དགྲ། མདུང་ཐོགས། བདེ་འབྱུང༌། ནམ་མཁའི་སྐྲ་ཅན། སྣ་ཚོགས་མིག་ཅན། པགས་པའི་གོས་ཅན། དཔལ་མགྲིན། ཕྱུགས་བདག་ཕྱོགས་གོས་ཅན། དབྱིག་ལྡན། འབྱུང་པོའི་མགོན། འབྱུང་པོའི་དབང་པོ། མི་བཟད་མིག་མི་ཡི་ཁུ་བ། མིག་གསུམ་པ། གཙུག་ན་ཟླ་བ། གཙུག་ཕུད། རྩེ་གསུམ་ཅན། གཡོན་གྱི་ལྷ། རི་ཉལ། སྲིད་པ་འཇིག་སྲིད་སྲུང་འཛིན། གསང་བའི་བླ་མ། ལྷ་ཆེན་བཅས་སོ། |
| ལྷ་དབང་བརྒྱ་བྱིན |
ལྷ་དབང་དང་དོན་གཅིག་ |
| ལྷ་དམག |
ལྷའི་དམག |
| ལྷ་དྲག་པོ |
1 དབང་ཕྱུག་ཆེན་པོ། 2 ལྷ་ཁྲོ་བོའམ་གཏུམ་པོ། |
| ལྷ་དྲུག |
དོན་དམ་པའི་ལྷ་དང༌། སྒྲའི་ལྷ། མཚན་མའི་ལྷ། གཟུགས་ཀྱི་ལྷ། བསྒོམ་པའི་ལྷ། རྣམ་པར་དག་པའི་ལྷ་སྟེ་དྲུག |
| ལྷ་དྲུག་རྣལ་འབྱོར |
བྱ་རྒྱུད་ཀྱི་ལྷ་དྲུག་སྟེ། བྱ་བའི་རྒྱུད་དུ་ལྷ་དེ་ཁོ་ན་ཉིད་རྣལ་འབྱོར་གྱི་ངོ་བོར་ཉམས་སུ་ལེན་པ་ན་ལྷ་དྲུག་གི་མཚན་ཉིད་དུ་བསྡུ་སྟེ། སྟོང་པའི་ལྷ། ཡི་གེའི་ལྷ། སྒྲའི་ལྷ། གཟུགས་ཀྱི་ལྷ། ཕྱག་རྒྱའི་ལྷ། མཚན་མའི་ལྷ་རྣམས་སོ། |
| ལྷ་ནད |
ལྷ་འདྲེ་འཁོན་ཏེ་བསྐྱེད་པའི་ནད་རིགས། |
| ལྷ་པ |
སྔ་དུས་ལྷ་འདྲེ་ཁོག་ཞུགས་ཀྱི་རྟེན་ཁོག ལྷ་པ་མོ་པ་སྒྱུ་མ་གསུམ། འཇིག་རྟེན་ཁམས་ན་རྫུན་ཆེན་གསུམ། |
| ལྷ་ཕེབས |
མི་ལ་ལྷ་དང་འདྲེ་ཞུགས་པ། |
| ལྷ་ཕྱག |
1 གུས་ཕྱག་གི་ཆེ་བསྟོད། 2 ལྷའི་ཕྱག་གི་བསྡུས་ཚིག |
| ལྷ་ཕྲུག |
ལྷ་བུ་གཞོན་ནུ། |
| ལྷ་བ |
རྐང་རུས་ཀྱི་མགོ་དང༌། རྩིབ་མའི་རུས་མགོ་སོགས་ལ་ཡོད་པའི་རུས་པ་སོབ་སོབ་ཁྲག་རྩི་ཆགས་པ་དེའི་མིང༌། |
| ལྷ་བཅུ་གསུམ་མ |
རྡོ་རྗེ་འཇིགས་བྱེད་ལྷ་བཅུ་གསུམ། |
| ལྷ་བབ |
1 སངས་རྒྱས་ལྷ་ཡུལ་ནས་མི་ཡུལ་དུ་བྱོན་པ། 2 མི་ལ་ལྷ་དང་འདྲེ་ཞུགས་པ། |
| ལྷ་བབ་མཆོད་རྟེན |
མཆོད་རྟེན་ཆ་བརྒྱད་ཀྱི་ཡ་གྱལ་ལྷ་ལས་བབ་པའི་མཆོད་རྟེན་ཞེས་པ་སྟོན་པ་ཐུབ་པའི་དབང་པོ་སུམ་རྩེན་དུ་དབྱར་གནས་མཛད་དེ་སྔ་དྲོ་དགག་དབྱེ་མཛད། ཕྱི་དྲོ་འཛམ་བུའི་གླིང་དུ་བབ་པའི་ཚེ་ཡུལ་ཡངས་པ་ཅན་གསལ་ལྡན་དུ་བཞེངས་པ་བང་རིམ་བཞིའམ་བརྒྱད་པ་ངོས་རེར་གློ་འབུར་དང་བཅས་པ། གློ་འབུར་གྱི་དབུས་ན་ཐེམ་སྐས་ཡོད་པའི་མཆོད་རྟེན་ཞིག་གོ། |
| ལྷ་བཙུན |
1 བཙུན་པའི་ཆེ་མིང༌། 2 རབ་བྱུང་གི་སྡོམ་པ་དང་ལྡན་པའི་རྒྱལ་པོ། |
| ལྷ་བཟང་ཧན |
ལྷ་བཟང་ཧཱན་ཡང་སྣང༌། གུ་ཤྲི་བསྟན་འཛིན་ཆོས་རྒྱལ་གྱི་ཡང་ཚ་མིང་ངོ་མ་ལྷ་བཟང་ཀླུ་དཔལ་ཟེར། འདིས་རབ་བྱུང་བཅུ་གཉིས་པའི་ཆུ་ལུག་ནས་དེའི་མེ་བྱ་སྤྱི་ལོ་17031717 བར་ལོ་བཅུ་བཞིའི་རིང་བོད་ས་གནས་ཀྱི་རྒྱལ་པོ་བྱས་ནས་ལོ་གཉིས་ལ་སླེབས་སྐབས་སྡེ་སྲིད་སངས་རྒྱས་རྒྱ་མཚོ་དང་མ་མཐུན་པར་1705 ལོར་དམག་དྲངས་ནས་སྡེ་སྲིད་སངས་རྒྱས་རྒྱ་མཚོ་བཀྲོངས། ཏཱ་ལའི་བླ་མ་དྲུག་པ་ཚངས་དབྱངས་རྒྱ་མཚོ་ཁྲི་ལས་ཕབ་སྟེ་མཚོ་སྔོན་དུ་རྒྱང་འབུད་བཏང༌། ངག་དབང་ཡེ་ཤེས་རྒྱ་མཚོ་པོ་ཏ་ལའི་ཁྲིར་བཀོད། རབ་བྱུང་བཅུ་གཉིས་པའི་མེ་བྱ་1717 ལོར་ཇུན་གར་ཚེ་དབང་རབ་བརྟན་གྱིས་བཏང་བའི་དམག་དཔུང་བོད་དུ་འབྱོར་ནས་ལྷ་བཟང་ཧན་བསད། 1703 1705 1717 |
| ལྷ་བཟོ་བ |
1 ལྷ་བཟོ་མཁན། 2 ལྷ་བཟོ་བར་བྱེད་པ། |
| ལྷ་བཤད་འདྲེ་བཤད |
ཆ་འཇོག་དང་ངེས་གཏན་མེད་པའི་གཏམ། |
| ལྷ་བཤོས |
ལྷའི་ཞལ་ཟས་སམ་བཤོས་བུ། |
| ལྷ་བསངས |
1 ཡུལ་ལྷ་གསོལ་བའམ་ལྷ་བསངས་བཏང་བ། 2 ལྷ་མནོལ་བ་བསངས་པའམ་མནོལ་བ་བསལ་བ། |
| ལྷ་བུ |
1 ལྷའི་བུ། 2 ཤངས་ལྷ་བུ་སྟེ་ས་ཆ་ཞིག་བོད་རང་སྐྱོང་ལྗོངས་ཀྱི་རྣམ་གླིང་རྫོང་གི་བྱང་རྒྱུད་དུ་ཡོད། |
| ལྷ་བུ་མགོ་དཀར |
བོད་ཀྱི་རྒྱལ་པོ་རབས་བཅུ་པ་ཨེ་ཤོ་ལེགས་སྐབས་ཀྱི་བློན་པོ་ཞིག་ལོ་རྒྱུས་ཐོག་གི་བཤད་སྲོལ་ལ་བློན་པོ་འདིས་ཆུ་ཡུར་པོར་དྲངས་པ་དང༌། སྤང་ཞིང་དུ་རྨོད། ཉི་མ་གཅིག་ལ་ག་ཚོད་བཏབ་ཐུབ་པའི་ཞིང་ཁ་དུམ་བུར་བགོས། ཆུ་ལ་ཟམ་པ་བཙུགས། རྡོ་བཞུས་ནས་དངུལ་ཟངས་ལྕགས་གསུམ་བཏོན་པས། བོད་ཀྱི་འཕྲུལ་བློན་མཛངས་མི་བདུན་གྱི་ནང་གསེས་ཤིག |
| ལྷ་བྱ |
ལྷ་ཡུལ་གྱི་བྱ། |
| ལྷ་བྱ་ཁུ་བྱུག |
ཡུལ བྱ་ཁུ་བྱུག |
| ལྷ་བྱ་གོང་མོ |
རི་ལ་གནས་པའི་བྱ་རིགས་ཤིག ལ་ཁའི་ཁ་བ་ཆེ་ཆུང་དེ། ལྷ་བྱ་གོང་མོའི་སྐད་ལ་ལྟོས། |
| ལྷ་བླ་མ |
རྒྱལ་པོ་རབ་ཏུ་བྱུང་བའི་མིང་སྟེ། རྒྱལ་པོ་ལ་ལྷ་དང་རབ་བྱུང་གི་རྟེན་ཡིན་པས་བླ་མ་ཞེས་བརྗོད། |
| ལྷ་མ |
ལྷ་འདྲེ་ཁོག་ཞུགས་ཀྱི་རྟེན་ཁོག་བུད་མེད། |
| ལྷ་མ་ཡིན |
ལྷའི་དགྲ་འཐབ་རྩོད་ལ་དགའ་བ་ཐགས་བཟང་རིས་སོགས། |
| ལྷ་མ་སྲིན |
འབྱུང་པོ་མི་མིན་གྱི་རིགས། |
| ལྷ་མཁར |
དཀར་ཕྱོགས་སྐྱོང་བའི་མཁར་རྫོང༌། |
| ལྷ་མཆོད་ཀླུ་མཆོད |
མཆོད་མཆོད་བསྟོད་བསྟོད་མང་བའི་དོན། |
| ལྷ་མཐོ་ཆེན |
རི་བོ་ཞིག་བོད་རང་སྐྱོང་ལྗོངས་ཀྱི་པ་སྣམ་རྫོང་ཁོངས་འདུས་བྱུང་གི་ཤར་ངོས་སུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5487 ཡོད། |
| ལྷ་མཐོང་འདྲེ་མཐོང |
ཆ་འཇོག་དཀའ་ཞིང་མཐོང་ཚུལ་སྣ་ཚོགས་པའི་དཔེ། |
| ལྷ་མཐོང་ལོ་ཙཱ་བ |
སྒྲ་རིག་པ་སོགས་ལ་མཁས་པའི་བོད་ཀྱི་ལོ་ཙཱ་བ་ཞིག་སྟེ། དབྱངས་ཅན་སྒྲ་མདོ་བོད་སྐད་དུ་ཐོག་མར་སྒྱུར་བ་པོ། འདིའི་མིང་ངོ་མ་ལ་བཤེས་གཉེན་རྣམ་རྒྱལ་ཟེར། |
| ལྷ་མཚམས |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་ལག་སོར། ཨ་ནུ་རཱ་དྷཱ། མཛའ་བོའི་ལྷ་བཅས་སོ། |
| ལྷ་མཚམས་སྐྱེས |
གཟའ་ལྷག་པ། |
| ལྷ་མི |
ལྷ་དང་མིའི་བསྡུས་མིང༌། |
| ལྷ་མིན |
ལྷ་མ་ཡིན་གྱི་བསྡུས་ཚིག མིང་གི་རྣམ་གྲངས་ལ་ཁུ་བའི་སློབ་མ་དང༌། སྔོན་གྱི་ལྷ། བཅུད་མི་ལྡན། མཆོད་སྦྱིན་དགྲ་བོ། ད་ནུའི་བུ། པ་སངས་སློབ་མ། དབང་པོའི་དགྲ། སྦྱིན་སྐྱེས། སྦྱིན་བྱུང༌། སྦྱིན་མའི་བུ། གཞུ་རྒྱལ། གཞུ་ལས་སྐྱེས། ས་འོག་གནས། གསེར་ཅན་བུ། ལྷ་ལ་སྡང༌། ལྷ་ལས་རྒན། ལྷར་སྨོད་བཅས་སོ། |
| ལྷ་མིན་ཁྲག |
མངོན སྒོག་པ། |
| ལྷ་མིན་ཉིང་ཁུ |
མངོན ཆང་དང་ཨ་རག |
| ལྷ་མིན་དགྲ་བོ |
མངོན ལྷ། |
| ལྷ་མིན་དབང་པོ |
ལྷ་མ་ཡིན་གྱི་རྒྱལ་པོ། |
| ལྷ་མིན་བདག་པོ |
མངོན གཟའ་པ་སངས། |
| ལྷ་མིན་བླ་མ |
མངོན གཟའ་པ་སངས། |
| ལྷ་མིན་མོ |
མངོན སྐེ་ཚེ། |
| ལྷ་མིན་ལྷ |
མངོན ཆུ་ལྷའི་མིང༌། |
| ལྷ་མིའི་ཐེག་པ |
མངོན་མཐོའི་ཐེག་པ་ཞིག་སྟེ། ངན་སོང་ལ་འཇིགས་ནས་མཐོ་རིས་ཀྱི་བདེ་འབྲས་དོན་དུ་གཉེར་བས་མངོན་པར་མཐོ་བའི་རྟེན་སྒྲུབ་པར་བྱེད་ཅིང༌། འཇིགས་སྐྱོབ་དང་ལེགས་སྨོན་ཙམ་ལ་སྐྱེས་བུ་ཆུང་ངུའི་ལམ་སྟེ། ལྟ་བ་རྣམ་པར་དག་པ་འཇིག་རྟེན་ཕ་རོལ་དང་ལས་འབྲས་ལ་ཡིད་ཆེས་པ་དང༌། སྤྱོད་པ་མི་དགེ་བ་བཅུ་སྤོང་ཞིང་དགེ་བ་བཅུའི་ལམ་སྒྲུབ་པ་དང་གོམས་པར་བྱས་ཏེ། འབྲས་བུ་གླིང་བཞིའི་མི་དང་འདོད་ལྷ་རིགས་དྲུག་གི་བདེ་བའི་མཐར་ཐུག་པ་གཞན་འཕྲུལ་དབང་བྱེད་ཀྱི་བདག་པོའི་བར་དུ་བགྲོད་པའོ། |
| ལྷ་མིའི་རྣམ་འདྲེན |
ལྷ་དང་མིའི་འགྲོ་བ་རྣམས་ཐར་པའི་གནས་སུ་རྣམ་པར་འདྲེན་པ་སྟེ་སྐྱེས་བུ་དམ་པ་རྣམས་ལ་གསོལ་བའི་མཚན་གྱི་ཆེ་བ་ཞིག |
| ལྷ་མོ |
1 འཇིག་རྟེན་ལས་འདས་མ་འདས་ཀྱི་ལྷ་མོ། ལྷ་མོ་མ་མཉེས་ཁར་མགོན་པོ་ཁྲོས། 2 བོད་ཀྱི་ཟློས་གར། |
| ལྷ་མོ་ཁྲོ་གཉེར་ཅན |
1 སྒྲོལ་མ་དྲག་མོ་ཞིག 2 ལྷ་མོ་ཁྲོ་ཉམས་ཡོད་པ་ཐམས་ཅད། |
| ལྷ་མོ་གཽ་རཱི་མ |
ལྷ་དབང་ཕྱུག་གི་བཙུན་མོ་ཨུ་མ། |
| ལྷ་མོ་དཔལ་ཆེན་མོ |
དཔལ་ལྡན་ལྷ་མོའི་མིང་གཞན་ཞིག |
| ལྷ་མོ་བ |
བོད་ཀྱི་ཟློས་གར་འཁྲབ་མཁན། |
| ལྷ་མོ་བའི་ཆས |
བོད་ཀྱི་ལྷ་མོ་འཁྲབ་མཁན་གྱི་ཆས། |
| ལྷ་མོ་མཱ་མ་ཀི |
རྒྱལ་བ་ཡུམ་ལྔའི་ཡ་གྱལ་ཞིག་དང་མི་བསྐྱོད་པའི་ཡུམ། |
| ལྷ་མོ་ཚེ་རིང་མཆེད་ལྔ |
ཚེ་རིང་མཆེད་ལྔ་ལ་ལྟོས། |
| ལྷ་མོ་རོ་ལངས་མ |
རྡོ་རྗེ་འཇིགས་བྱེད་ཀྱི་ཡུམ། |
| ལྷ་མོ་སྒྱུ་འཕྲུལ་མ |
སངས་རྒྱས་ཤཱཀྱ་ཐུབ་པའི་ཡུམ། |
| ལྷ་མོ་ཨུ་མ |
དབང་ཕྱུག་ཆེན་པོའི་བཙུན་མོ། |
| ལྷ་མོ་ཨུ་མཿ |
ལྷ་མོ་ཨུ་མ་དང་འདྲ། |
| ལྷ་མོའི་ཆས |
1 ལྷ་མོ་འཁྲབ་དུས་བུད་མེད་ཀྱི་ཆས། 2 ལྷ་མོ་བའི་ཆས་ཀྱི་བསྡུས་མིང༌། |
| ལྷ་ཚུགས |
ལྷ་གནས་སའི་རྟེན་མཁར། |
| ལྷ་ཚེ་རིང་པོ |
འདུ་ཤེས་མེད་པ་བ་དང་གཟུགས་མེད་པ་གཉིས། |
| ལྷ་ཚོགས |
ལྷ་མང་པོ་འཛོམས་པའི་ཚོགས། |
| ལྷ་ཞལ |
མངོན 1 མེ། 2 མེ་ལྷ། |
| ལྷ་ཞོ |
སྔ་དུས་ལྷ་སའི་འདེགས་སྲང་གི་གསེར་དངུལ་གྱི་ལྗིད་ཚད་ཅིག |
| ལྷ་ཞོལ |
1 ལྷ་ས་དང་ཞོལ་ཟེར་བའི་བསྡུས་ཚིག 2 ཚེ་ཐར་དུ་བཏང་བའི་ལྷ་གཡག་གམ་ཁྱུ་པ། |
| ལྷ་འཁུ་བ |
ལྷ་ཁྲོས་པའམ་ལྷས་འཚེ་བ། |
| ལྷ་འཁོན |
ལྷ་མི་དགའ་བར་ཁྲོས་ནས་གནོད་འཚེ་སྐྱེལ་བ། |
| ལྷ་འགྲོ་བའི་མགོན་པོ |
རབ་བྱུང་གསུམ་པའི་མེ་རྟ་ལོར་ཆོས་རྒྱལ་གདུང་རྒྱུད་ཡར་ཀླུངས་ཇོ་བོའི་སྲས་སུ་འཁྲུངས་པས་ལྷ་ཞེས་པའི་མིང་ཐོབ། བཀའ་གདམས་གཞུང་པའི་དགོན་པ་འཆད་ཁ་དང་སྤྱིལ་པུ་གཉིས་ཀྱི་གདན་ས་ལོ་ངོ་ཉི་ཤུ་རྩ་བདུན་བསྐྱངས། ཀོང་པོ་དང་དྭགས་པོ་སོགས་ཀྱི་དགོན་པ་བཅུ་ཕྲག་དུ་མའི་དགོན་གཉེར་དང་མི་དཔོན་བསྐོས་པར་གསོལ་བས་བཀའ་གདམས་པའི་གཙུག་ལག་ཁང་ཕལ་ཆེར་རྩ་ལག་གཅིག་ཏུ་དྲིལ། འགྲོ་མགོན་འཕགས་པས་དེ་ཉིད་ལ་བཀུར་སྟི་ཆེན་པོ་མཛད། རབ་བྱུང་བཞི་པའི་ས་ལུག་ལོར་འདས། |
| ལྷ་འདེགས |
སྔ་དུས་ལྷ་སའི་རྒྱ་མ། |
| ལྷ་འདོགས |
སྔ་དུས་ཕོ་མོ་ཆང་སའི་སྐབས་བཞུགས་གྲལ་གྲོལ་རྗེས་ཁང་ཐོག་ཏུ་ཕྱིན་ཏེ་བག་མར་རང་ཁྱིམ་ནས་བསྐུར་བའི་ཁམས་མཐུན་གྱི་དར་ལྕོག་བཙུགས་ཏེ་ལྷ་གསོལ་བའི་དོན། |
| ལྷ་འདྲེ |
ཕན་འདོགས་མཁན་གྱི་རིགས་ཤིག་ལ་ལྷ་དང༌། གནོད་སྐྱེལ་མཁན་གྱི་རིགས་ཤིག་ལ་འདྲེ་ཞེས་སུ་བཏགས་པའོ། |
| ལྷ་འདྲེ་ཁོག་ཞུགས་ཀྱི་རྟེན་ཁོག |
སྐུ་རྟེན་ནམ། ཆོས་རྗེ། |
| ལྷ་འདྲེའི་ཁོག་རྟེན་བུད་མེད |
འཇིག་རྟེན་པའི་ལྷ་འདྲེ་ཁོག་ཞུགས་ཀྱི་རྟེན་སྐྱེ་དམན། |
| ལྷ་འབག |
ལྷའི་གདོང་བརྙན་ནམ་འདྲ་འབག |
| ལྷ་འབངས |
1 རྒྱལ་པོའི་མངའ་འབངས། 2 སྔར་བོད་ཀྱི་དགོན་པའི་མི་སེར། |
| ལྷ་འབེབས་པ |
མི་ལ་ལྷ་དང་འདྲེ་གཞུག་ཏུ་འཇུག་པ། |
| ལྷ་འབོད་ཀླུ་འབོད |
གང་ས་གང་དུ་སྐྱབས་སམ་རོགས་མགོན་འཚོལ་བའི་དཔེ། |
| ལྷ་འབྲི་བ |
ལྷའི་གཟུགས་རིས་འབྲི་བ། |
| ལྷ་འབྲུམ |
གཉན་རིམས་འབྲུམ་པ་དཀར་ནག་རིགས་གཉིས་ཀྱི་ནང་ནས་ནད་གཞི་ཡང་ཞིང་སྲོག་ཉེན་ཆུང་བའི་འབྲུམ་ནད་དཀར་པོ། |
| ལྷ་འཛུགས |
ལྷ་བཙུགས་ཞེས་པའི་འབྲི་སྲོལ་ཡང་འདུག་ཁང་པའི་ཐོག་ཟུར་སོ་སོར་ཡོད་པའི་དར་ཤིང་འཛུགས་ས་རྡོ་རྩིག་གྲུ་བཞི་ཅན། |
| ལྷ་ཡི་གདོན |
ལྷ་ཡིས་གཏོང་བའི་གདོན་ནད་དེ། ནད་རྟགས་སུ་སཾ་སྐྲྀ་ཏའི་སྐད་སྨྲ་ཞིང་བཞིན་ལེགས་ལ་གཙང་སྦྲ་ཆེ་བར་བྱེད་པ་ཞིག |
| ལྷ་ཡི་གྲོང |
མངོན མཐོ་རིས། |
| ལྷ་ཡི་ཆུ་བོ |
མངོན གངྒཱ། |
| ལྷ་ཡི་ནོར་བུ |
མངོན དབང་ཕྱུག་ཆེན་པོ། |
| ལྷ་ཡི་ཡུལ |
མངོན མཐོ་རིས། |
| ལྷ་ཡི་རྐང་པ |
མངོན ཆུ་བོ་གང་གཱ། |
| ལྷ་ཡི་ལྷ་མཆོག |
མངོན 1 བརྒྱ་བྱིན། 2 ཤཱཀྱ་ཐུབ་པ། |
| ལྷ་ཡི་སློབ་དཔོན |
མངོན གཟའ་ཕུར་བུ། |
| ལྷ་ཡིས་འཚོ་བ |
མངོན སྐུ་གཉེར། |
| ལྷ་ཡུལ |
1ལོངས་སྤྱོད་སོགས་ཕུན་སུམ་ཚོགས་པ་འཛོམས་པའི་ཡུལ་གྱི་དཔེ། འགྲོ་བ་རིགས་དྲུག་གི་ནང་ཚན་ལྷ་གནས་སའི་ཡུལ། ２བོད་ཀྱི་རུས་ཤིག 3.ལྷ་གནས་སའི་འཇིག་རྟེན་གྱི་ཁམས། དགྲ་འཁྲུགས་པ་ལྷ་ཡི་ཡུལ་ལའང་ཡོད། གཉེན་འགྲིག་པ་སྲིན་པོའི་ཡུལ་ལའང་ཡོད། མིང་གི་རྣམ་གྲངས་ལ་སྐབས་གསུམ་གནས་དང༌། མཐོ་རིས། དལ་འཛིན། བདེ་ལྡན། གནས་བཟང༌། ས་བླ། གསུམ་རྩེན་བཅས་སོ། |
| ལྷ་རབ་བྱུང་ན |
རབ་བྱུང་ནའམ་ཡག་ཤོས་ལ། ལྷ་རབ་བྱུང་ན་ཁྱེད་རང་ངོ་མ་ཕེབས་དང༌། |
| ལྷ་རམས་པའི་དགེ་བཤེས |
ལྷ་ལྡན་རབ་འབྱམས་པ་སྟེ། སྔར་ལྷ་ལྡན་སྨོན་ལམ་ཆེན་མོའི་ཚོགས་དབུས་སུ་མཚན་ཉིད་དམ་བཅའ་བཞག་ནས་ཨང་གྲངས་སུ་ཚུད་པའི་དགེ་བཤེས། |
| ལྷ་རས |
ལྷའི་གོས་ཏེ་ལྷ་རེག |
| ལྷ་རི |
རྫོང་ཞིག་བོད་རང་སྐྱོང་ལྗོངས་ལྷ་ས་གྲོང་ཁྱེར་གྱི་བྱང་ཤར་ངོས་སུ་ཡོད། རྫོང་མི་དམངས་སྲིད་གཞུང་དེ་སྟག་མ་རུ་ཡོད། |
| ལྷ་རི་གྱང་ཐོ |
བོད་རྗེའི་ཐོག་མ་གཉའ་ཁྲི་བཙན་པོ་ཐོག་མར་འབྱོར་ས་དེང་སྐབས་སྣེ་གདོང་རྫོང་ཁོངས་ཡར་ཀླུངས་ཀྱི་རི་གྲགས་ཅན་བོན་པོའི་གནས་ཆེན་ཞིག |
| ལྷ་རི་ཙན་དན |
ཙན་དན་དཀར་པོ། |
| ལྷ་རིག་པའི་སེང་གེ |
ཐུ་མིའི་སློབ་དཔོན་རྒྱ་གར་གྱི་པཎྜི་ཏ་ཞིག |
| ལྷ་རིས |
1 རྒྱལ་རིགས། 2 ལྷའི་རི་མོ། ལྷ་རིས་པ། 3 ལྷའི་རིགས་སམ་ཕྱོགས། 4 རབ་ཏུ་བྱུང་བ། |
| ལྷ་རུ |
རུས་ཚིགས་དང་སོག་པ་སོགས་ཀྱི་ཕྲུམ་རུས་ཀྱི་མིང་སྟེ། ཁ་སྐད་དུ་རུས་པའི་ཁ་ཕྲུམ་ཡང་ཟེར། |
| ལྷ་རུ་རྩེ |
ལྷ་བ་ཅན་གྱི་རུས་པའི་རྩེ་མོ་སྟེ། རྩིབ་མའི་རུས་པ་དང༌། བྲང་རུས་གཉིས་ཀྱི་བར་དུ་འབྲེལ་བྱེད་ཕྲུམ་རུས་ལ་ཟེར། |
| ལྷ་རེག |
ཁ་བཏགས། |
| ལྷ་རྒོད་གངས་རི |
རི་བོ་ཞིག་བོད་རང་སྐྱོང་ལྗོངས་ཀྱི་ལྷ་རྩེ་རྫོང་གི་ལྷོ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་6457 ཡོད། |
| ལྷ་རྒྱ་རི |
ས་མིང་ཞིག་ཨེ་ལྷ་རྒྱ་རིའང་ཟེར། བོད་རང་སྐྱོང་ལྗོངས་ཀྱི་ཆུ་གསུམ་རྫོང་གི་མིང་རྙིང༌། |
| ལྷ་རྒྱལ |
བསྭོ་བསྭོ་ལྷ་རྒྱལ་ལོ་སྟེ་མགོན་གྲོགས་བྱེད་པའི་ལྷའི་དབུ་འཕང་མཐོ་བར་གྱུར་ཅིག་ཅེས་པའི་སྨོན་ཚིག |
| ལྷ་རྒྱལ་ཁང |
ལྷ་གསོལ་མཆོད་བྱ་སའི་ཁང་པ། |
| ལྷ་རྒྱལ་གླིང |
སི་ཁྲོན་ཞིང་ཆེན་ཁོངས་ཧོང་ཡོན་རྫོང་གི་ས་ཁུལ་ཞིག་སྔོན་རྒྱལ་རོང་སོ་མང་རྒྱལ་པོའི་ཚོགས་འདུ་འཚོག་ས་དང་རྟ་རྒྱུག་བྱེད་ས་ཡིན་ལ། དེར་རྒྱལ་པོའི་པར་ཁང་ཡོད་སྟབས་ས་ཆ་དེ་ལ་ཆོས་པར་ཁང་ཟེར། 1958 ལོའི་གོང་དུ་རྔ་བ་བོད་རིགས་རང་སྐྱོང་ཁུལ་གྱི་ལྟེ་བ་དེ་གར་བཙུགས། |
| ལྷ་རྒྱལ་མཚོན་ཆ |
མངོན འཇའ་དྲང་པོ། |
| ལྷ་རྒྱལ་འདུལ |
མངོན བྱ་ཁྱུང༌། |
| ལྷ་རྔ |
ལྷ་ཡུལ་གྱི་རྔ་བོ་ཆེ། |
| ལྷ་རྗེ |
སྔོན་བོད་ཀྱི་ཆོས་རྒྱལ་ཁྲི་སྲོང་ལྡེ་བཙན་གྱིས་སྨན་པ་རྣམས་ལ་གནང་བའི་གོ་ཐོབ་ཀྱི་མཚན་སྙན་ཞིག |
| ལྷ་རྗེས་སུ་དྲན་པ |
རྗེས་སུ་དྲན་པ་དྲུག་གི་ནང་གསེས། འདོད་གཟུགས་ཀྱི་ལྷ་དང༌། འཕགས་པ་རྣམས་ཀྱི་ཡོན་ཏན་རྗེས་སུ་དྲན་པའོ། |
| ལྷ་རྗེས་སུ་དྲན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། ཀུན་རྫོབ་ཏུ་འདོད་གཟུགས་སུ་སྐྱེས་པའི་འཕགས་པའི་ལྷ་རྣམས་ཀྱི་ཡོན་ཏན་རིམ་ལྡན་དུ་དྲན་པའོ། |
| ལྷ་རྟེན |
ལྷ་གནས་སའི་རྟེན་མཁར། |
| ལྷ་རྡེའུ |
བད་ཀན་ཁམས་ཀྱིས་སྐྱེད་པའི་ལྒང་པའི་རྡེའུ་འགགས་ཀྱི་ནད་ན་ཟུག་ཆུང་བ་ཞིག |
| ལྷ་རྣམ་སྲས |
རྣམ་ཐོས་སྲས་ཏེ། ནོར་ལྷ་ཤིག ལྷ་རྣམ་སྲས་ཀྱི་བང་མཛོད་ལ། འདྲེ་ཡི་དྭགས་ཀྱི་དཀོར་གཉེར། |
| ལྷ་རྨོག |
ལྷའི་ཞྭ་རྨོག |
| ལྷ་རྩེ |
1 རྫོང་ཞིག་བོད་རང་སྐྱོང་ལྗོངས་ཀྱི་གཙང་གཞིས་ཀ་རྩེའི་ནུབ་ངོས་ཀྱི་ཡར་ཀླུངས་གཙང་པོའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་ཆུ་ཤར་དུ་ཡོད། 2 མངོན ནམ་མཁའ། |
| ལྷ་རྩེན |
མངོན ནམ་མཁའ། |
| ལྷ་རྫས |
1 ཁ་བཏགས། 2 ལྷའི་རིན་པོ་ཆེ། 3 ལྷའི་དར་གོས་དང་རྒྱན་ཆ་ཡོ་བྱད། |
| ལྷ་རྫིང |
མངོན རྫིང་བུ། |
| ལྷ་ལ་རྡེག |
མངོན 1 མེ། 2 མེ་ལྷ། |
| ལྷ་ལ་སྡང |
མངོན ལྷ་མ་ཡིན། |
| ལྷ་ལ་སྨད་པོ |
1 ལྷ་ལ་སྨད་ར་གཏོང་མཁན། 2 མངོན ལྷ་མ་ཡིན། |
| ལྷ་ལམ |
མངོན ནམ་མཁའ། |
| ལྷ་ལས་ཕུལ་བྱུང |
སྟོན་པ་ཤཱཀྱ་ཐུབ་པ་ལ་བསྟོད་པ་རྒྱ་གར་གྱི་སློབ་དཔོན་བདེ་བྱེད་བདག་པོས་མཛད་པའོ། |
| ལྷ་ལས་བབ་པའི་དུས་ཆེན |
ཁྱད་པར་ཅན་གྱི་དུས་ཆེན་བཞིའི་ནང་གསེས། ཧོར་ཟླ་དགུ་པ། ཐ་སྐར་ཟླ་བའམ་དབྱུག་ཟླའི་ཡར་ཚེས་བཅོ་ལྔ་ལ། སྟོན་པ་ཐུབ་པའི་དབང་པོ་འཁོར་དང་བཅས་པ་ལྷ་སུམ་ཅུ་རྩ་གསུམ་གྱི་གནས་ནས་འཛམ་བུའི་གླིང་དུ་བྱོན་པའི་དུས་ཆེན་ཡིན་པ་དང༌། དབྱུག་ཟླའི་མར་ངོ་ཚེས་བཅོ་ལྔ་ཡིན་ཟེར་སྒྲོས་ཀྱང་འདུག |
| ལྷ་ལས་བབ་པའི་མཆོད་རྟེན |
ལྷ་བབ་མཆོད་རྟེན་དང་དོན་གཅིག་ |
| ལྷ་ལས་རྒན་པ |
མངོན 1 ཚངས་པ། 2 ལྷ་མ་ཡིན། |
| ལྷ་ལུང |
1 གཙང་ཁུལ་གྱི་ཡུལ་ཞིག 2 བོད་རྒྱལ་གླང་དར་གསོད་མཁན་ལྷ་ལུང་དཔལ་གྱི་རྡོ་རྗེའི་བསྡུས་མིང༌། ལྷ་ལུང་དཔལ་རྡོར་རི་ལ་ཕྱིན་ཀྱང༌། རྟ་ཕོའི་ཞབས་རྗེས་ཐང་ལ་བཞག 3 ལྷ་ཡི་ཡུལ་ལམ་གནས། ལྷ་ལུང་དུ་འདྲེ་ལག་བརྐྱངས་པ། 4 ལྷའི་ལུང་བསྟན། |
| ལྷ་ལུས |
ལྷ་ཡི་ལུས་སམ་རྟེན། ལྷ་ལུས་ཐོབ་ཀྱང་གཡར་བའི་རྒྱན་དང་འདྲ། |
| ལྷ་ལྕམ |
སྔར་བོད་ས་གནས་སྲིད་གཞུང་སྐབས་ཛ་ཐའི་ཡན་གྱི་མི་དྲག་ཚོའི་བཟའ་ཟླ་བུད་མེད། |
| ལྷ་ལྕམ་གྱི་ཆས |
སྔར་བོད་ཀྱི་ལྷ་ལྕམ་གྱི་གཟབ་མཆོར་ལུས་ཆས། |
| ལྷ་ལྡན |
ལྷ་སའི་མིང་ཞན་ཞིག |
| ལྷ་ལྡན་གཙུག་ལག་ཁང |
བོད་རང་སྐྱོང་ལྗོངས་ཁོངས་ལྷ་སའི་གྲོང་ཁྱེར་གྱི་ལྟེ་བར་ཡོད་པའི་ལྷ་ཁང་ཞིག་སྟེ་དུས་རབས་བདུན་པའི་དཀྱིལ་ཆོས་རྒྱལ་སྲོང་བཙན་སྒམ་པོའི་དུས་རྒྱ་བཟའ་ཀོང་ཇོས་རྒྱ་རྩིས་ལ་བརྟེན་ནས་ས་དཔྱད་བཏབ་པ་ལྟར་བལ་བཟའ་ཁྲི་བཙུན་གྱིས་བསྐུལ་ནས་ཆོས་རྒྱལ་གྱིས་བཀོད་ཇུས་བཏང་ཐོག་སྒོ་འཕར་ནུབ་ཕྱོགས་སུ་བསྟན་ནས་བཏབ་པའི་འཁོར་ས་ཕྱི་ནང་སྟེང་ཤོད་ཁྱོན་ལ་ལྷ་ཁང་ཆེ་ཆུང་བདུན་ཅུ་ལྷག་ཙམ་ཡོད། དབུས་ཀྱི་རྟེན་གཙོར་རྒྱ་བཟའི་རྟེན་སྐལ་དུ་དྲངས་པ་ཤཱཀྱ་ཐུབ་པ་ལོ་གྲངས་བཅུ་གཉིས་པའི་ཚད་དང་མཐུན་པའི་ཇོ་བོ་ཤཱཀྱ་མུ་ནེ་དང༌། ཐུགས་རྗེ་ཆེན་པོ་རང་བྱོན་ལྔ་ལྡན། བྱམས་པ་ཆོས་འཁོར་མ་བཅས་ཀྱིས་མཚོན་གྲུབ་མཐའ་རིས་མེད་ཀྱིས་མཆོད་པའི་ལྷ་སྐུ་མང་པོ་དང་སྒོ་འཕྱོར་གྱི་མདུན་ཕྱོགས་སུ་རྒྱ་བོད་ཤན་སྦྱར་གྱི་ཡི་གེ་འཁོད་པའི་རྡོ་རིང་དང༌། ཇོ་བོའི་དབུ་སྐྲར་གྲགས་པའི་རྒྱ་ལྕང་གི་ལྗོན་ཤིང་ཆེན་པོ་ཞིག་ཀྱང་ཡོད་ཅིང༌། སྔ་དུས་ལོ་ལྟར་ཧོར་ཟླ་དང་པོའི་ནང་དབུས་ཀྱི་གདན་ས་གསུམ་གྱི་དགེ་འདུན་ཁྲི་ཕྲག་ལྷག་ཙམ་འཚོགས་ནས་ཆོ་འཕྲུལ་སྨོན་ལམ་གྱི་དུས་མཆོད་ཆེན་མོ་ཚུགས་ཡུལ་ཡང་འདི་ཉིད་ཡིན། |
| ལྷ་ལྡན་གཙུག་ལག་ཁང་མདུན་གྱི་རྡོ་རིང |
བོད་རྒྱལ་ཁྲི་རལ་པ་ཅན་དང༌། རྒྱ་རྗེ་ཐང་རྒྱལ་མུའུ་ཙུང་དབོན་ཞང་གཉིས་ཀྱི་མནའ་དན་གན་རྒྱའི་ཡི་གེ་རྡོ་ཐོག་བརྐོས་ཏེ་ལྷ་སའི་གཙུག་ལྷག་ཁང་མདུན་ཇོ་བོའི་དབུ་སྐྲའི་འཁྲིས་སུ་བསླངས་པའི་རྡོ་རིང༌། 822 823 |
| ལྷ་ལྷམ |
1 ལྷའི་ལྷམ་གོག 2 རྒྱལ་པོའི་བང་མཛོད་ནས་བླངས་པའི་ཉེར་མཁོའི་ཡོ་བྱད། |
| ལྷ་ཤང་ཀ་ར |
ལྷ་དབང་ཕྱུག |
| ལྷ་ཤིང |
ལྷ་གནས་སའི་ཤིང༌། |
| ལྷ་ཤིང་ཤུག་པ |
1 ལྷ་ལ་འབུལ་རྒྱུའི་བསང་ཤིང་གི་རིགས། 2 ལྷ་གནས་སའི་ཤུག་པ། བྲག་ལ་སྐྱེས་པའི་ལྷ་ཤིང་གི་ཤུག་པ་མ་རེད། ཆུ་ལ་སྐྱེས་པའི་འདྲེ་ཤིང་ལྕང་ནག་རེད། |
| ལྷ་ཤུག |
སྔོ་སྨན་ཞིག |
| ལྷ་ས |
དབུས་སྐྱིད་ཆུའི་རྐེད་རྒྱུད་ཀྱི་གཞུང་དུ་ཆགས་པའི་གྲོང་ཁྱེར་ཞིག་སྟེ། སྔར་བོད་རྒྱལ་སྲོང་བཙན་སྒམ་པོའི་དུས་སུ་དམར་པོ་རིའི་རྩེར་སྐུ་མཁར་ཕོ་བྲང་དམར་པོ་བརྩིགས། འོ་ཐང་དུ་རྒྱ་བལ་ནས་སྤྱན་དྲངས་པའི་སྐུ་རྟེན་ཇོ་ཤཱཀྱ་རྣམ་གཉིས་བཞུགས་སུ་གསོལ་བའི་ར་ས་འཕྲུལ་སྣང་གི་གཙུག་ལག་ཁང་བཞེངས་ཏེ་ཆོས་དང་རྒྱལ་སྲིད་ཀྱི་གཞི་བཙུགས། རྒྱལ་པོའི་མངའ་ཐང་དང༌། འབངས་ཀྱི་བདེ་སྐྱིད། ཆོས་ཀྱི་འབྱོར་བས་མངོན་པར་མཐོ་བ་ལྷ་ཡུལ་ས་ལ་འཕོས་པ་ལྟ་བུ་ཡོད་པས་ལྷ་ས་ཞེས་སུ་གྲགས། དེ་ནས་བཟུང་མཐར་རྒྱལ་པོ་གླང་དར་མའི་བར་གྱི་བོད་རྒྱལ་རབས་རིམ་བྱུང་གི་རྒྱལ་ས་དང༌། ཕྱིས་སུ་རྒྱལ་དབང་ལྔ་པ་ཆོས་སྲིད་ཟུང་གི་བདག་པོར་མངའ་གསོལ་བ་ནས་བཟུང་རྒྱལ་དབང་སྐུ་ཕྲེང་རིམ་བྱོན་གྱིས་ཆོས་དང་སྲིད་ཀྱི་ཕྲིན་ལས་ཀྱི་སྣང་བས་ཁྱབ་པའི་གདན་སའི་མཐིལ་དང༌། བོད་ཀྱི་ཆབ་སྲིད། དཔལ་འབྱོར། རིག་གནས་བཅས་ཀྱི་ལྟེ་བར་གྱུར། དེང་སྐབས་བོད་རང་སྐྱོང་ལྗོངས་ཀྱི་གནས་ཡུལ་ཡིན་ནོ། |
| ལྷ་ས་གཉེར་ཚང་ལས་ཁུངས |
ཏཱ་ལའི་བླ་མ་ལྷ་སར་ཕེབས་སྐབས་མཆོད་འབུལ་དང་འཚོ་བའི་སྐོར་གྱི་ལས་དོན་སྒྲུབ་མཁན་ལས་ཁུངས་ཤིག |
| ལྷ་སའི་ཇོ་ཁང |
ལྷ་ལྡན་གཙུག་ལག་ཁང༌། |
| ལྷ་སུམ་ཅུ་རྩ་གསུམ |
སུམ་ཅུ་རྩ་གསུམ་ལ་ལྟོས། |
| ལྷ་སྐུ |
བྲིས་འབུར་གྱི་ལྷ་སྐུ། |
| ལྷ་སྐྱོང་རྒྱལ་པོ |
རྒྱ་སྐད་ལ་ཆན་ལུང་ཞེས་པ་དོན་འགྱུར་བྱས་ན་ལྷ་སྐྱོང་སྟེ། ཆིང་རྒྱལ་རབས་ཀྱི་གོང་མ་འདི་རབ་བྱུང་བཅུ་གཉིས་པའི་མེ་འབྲུག་ནས་རབ་བྱུང་བཅུ་གསུམ་པའི་ཤིང་ཡོས་བར་ལོ་དྲུག་ཅུ་ཐམ་པའི་རིང་ཁྲིར་བཞུགས། |
| ལྷ་སྒང་དགོན་པ |
ལྷ་སྒང་དགོན་མཐོང་གྲོལ་བསམ་འགྲུབ་གླིང་ཆོས་སྡེ་ཆེན་མོ་ཞེས་པ་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དར་མདོ་མི་ཉག་རབ་སྒང་གི་ཆར་གཏོགས་ཤར་སྟོད་བཞག་བྲ་དཀར་པོའི་མདུན་ཞོལ་དུ། རྒྱལ་པོ་སྲོང་བཙན་སྒམ་པོས་སྒོ་མིག་རྒྱ་ནག་ཏུ་བསྟན་པའི་ལྷ་ཁང་བརྒྱ་རྩ་བརྒྱད་བཞེངས་པའི་ཐ་མར་མི་ཉག་རབ་སྒང་དུ་ཡོངས་རྫོགས་རབ་དགའི་ལྷ་སྒང་འདི་ཉིད་བཞེངས་པར་གྲགས་ལ། བཤད་སྲོལ་དུ། རྒྱ་བཟའ་ཀོང་ཇོ་བོད་དུ་བྱོན་སྐབས་ཡུལ་འདིར་བཞུགས་ཏེ་ཇོ་བོ་ཤཱཀྱ་མུ་ནེའི་ཞལ་སྐྱིན་དུ་ལྷ་སྒང་ཇོ་བོ་འདི་བཞེངས་པར་གྲགས། ཆོས་བརྒྱུད་ཐོག་མར་བཀའ་བརྒྱུད་པ་ཡིན་ཞིང༌། ཕྱིས་སུ་ས་སྐྱ་པ་ཆགས། |
| ལྷ་སྒོ |
བོན་གཞུང་དུ་གསོན་པོ་རྣམས་ལ་ལྷ་ཆོས་སྒྲུབ་པའི་སྒོ་སྟེ་གེགས་བར་ཆད་སེལ་བྱེད་ཀྱི་ཆོ་ག། |
| ལྷ་སྒྲུང |
དྲང་སྲོང་གི་གཏམ་རྒྱུད་དམ་གནའ་རབས་ཀྱི་དཔའ་བོ་རྣམས་ལྷའི་གཟུགས་སུ་བཀོད་པའི་གཏམ་རྒྱུད་དེ། དེ་ནི་གནའ་མི་ཚོས་རང་བྱུང་ཁམས་ཀྱི་གནས་ཚུལ་དང་སྤྱི་ཚོགས་ཀྱི་འཚོ་བར་བྱིས་བློས་འགྲེལ་བཤད་དང་ཡིད་སྨོན་ཡག་པོ་བྱས་པ་ཡིན་ལ། འཆར་ཡན་རིང་ལུགས་ཀྱི་དོན་སྙིང་དགེ་མཚན་ལྡན་པ་ཞིག་ཡོད་པས་ན། རྨོངས་དད་དང་གཏན་ནས་མི་འདྲའོ། |
| ལྷ་སྟིམ་པ |
རྣལ་འབྱོར་པས་དམིགས་པའི་སྒོ་ནས་ལྷ་ལ་ལྷ་སྟིམ་པ་དང་ལྷ་རང་གཞན་ལ་སྟིམ་པ། |
| ལྷ་སྟེང |
སི་ཁྲོན་ཞིང་ཆེན་གྱི་ཆུ་ཆེན་རྫོང་གི་ཁོངས་སུ་ཡོད་ཅིང༌། སྔར་བོན་དགོན་ཡིན་ལ། ཆན་ལུང་སྐབས་དགེ་ལུགས་པར་བསྒྱུར་པའི་རྒྱལ་རོང་གི་དགོན་ཆེན་ཞིག |
| ལྷ་སྡེ |
སྔར་དགོན་པ་ཁག་གི་ཁོངས་སུ་གཏོགས་པའི་སྡེ་འབངས། |
| ལྷ་སྡེ་མི་སྡེ |
1 སྔར་བོད་ས་གནས་སྲིད་གཞུང་སྐབས་སྒེར་པའི་མི་སེར་དང་དགོན་པའི་བླ་བྲང་གི་མི་སེར། 2 དགོན་པ་གྲྭ་ཚང་དང༌། ཁྱིམ་པའི་གྲོང་སྡེ་གཉིས་ཀྱི་མིང༌། |
| ལྷ་སྡོད |
ལྷ་སར་གཏན་དུ་སྡོད་མི། ལྷ་སྡོད་ལས་ཁུངས། ལྷ་སྡོད་མི་དམངས་བཅིངས་འགྲོལ་དམག |
| ལྷ་སྣམ |
དཀྱིལ་འཁོར་གྱི་ནང་དུ་ལྷ་བཞུགས་སའི་གདན། |
| ལྷ་སྨན་པ |
རྒྱལ་པོ་སོགས་མི་དྲག་རིགས་ཀྱི་སྨན་པ། |
| ལྷ་སྲང་ཉ་ག |
སྔ་དུས་ལྷ་ས་གྲོང་ཁྱེར་ཁོ་ནའི་འཇལ་བྱེད་ཀྱི་ཉ་ག། |
| ལྷ་སྲས |
1 སྔ་དུས་བོད་ཀྱི་མཐོ་རིམ་མི་དྲག་ཆེ་ཤོས་རྣམས་ཀྱི་བུའི་ཆེ་མིང༌། 2 ལྷ་ཡུལ་གྱི་བུ། |
| ལྷ་སྲིན |
ལྷ་འདྲེ། |
| ལྷ་སྲིན་སྡེ་བརྒྱད |
གཤིན་རྗེ་གཤེད་ཀྱི་རྒྱུད་ལས། གཤིན་རྗེ་དང༌། མ་མོ། སྲིན་པོ། གནོད་སྦྱིན། མིའམ་ཅི། ས་བདག་བཙན། བདུད་བཅས་བཤད་པ་དང༌། ཡང་བཤད་སྲོལ་གཅིག་ལ་ལྷ་དང༌། མིའམ་ཅི། ལྟོ་འཕྱེ་ཆེན་པོ་བཅས་བཤད་པ། ཡང་བཤད་ལུགས་གཞན་ཞིག་ལ་གཤིན་རྗེ་དང༌། མ་མོ། བདུད། བཙན། རྒྱལ་པོ། ཀླུ། གནོད་སྦྱིན། གཟའ་བཅས་ལུགས་མི་འདྲ་བ་མང་པོ་ཡོད། |
| ལྷ་སྲུང |
ལྷ་དང་སྲུང་མ། |
| ལྷ་སྲུང་རྒྱུད་སྐུལ |
རམ་འདེགས་གནང་རོགས་ཟེར་ལྷ་ལ་འབོད་བསྐུལ་བྱེད་པ། |
| ལྷག |
(རྒྱན་ཚིག) གཞན་ལས་ཁྱད་པར་དུ་འཕགས་པའི་དོན་ཏེ། མི་རབས་གཅིག་ལས་གཅིག་ལྷག་ཡིན། སྔར་ལས་ཀྱང་ལྷག་པའི་བདེ་སྐྱིད་འབྱུང་ལྟ་བུ། གྲངས་ཚད་ལས་འདས་པའམ་བགོས་པ་དང་སྤྱད་ནས་འཕྲོ་མ་ཡོད་པའི་དོན་ཏེ། ཞིང་པས་འབྲུ་ལྷག་གཞུང་ལ་བཙོངས། བརྒྱ་ལས་དྲུག་ཅུ་བླངས་ན་བཞི་བཅུ་ལྷག་ལྟ་བུ། |
| ལྷག་གནས |
1 སྟ་གོན། 2 རབ་གནས། |
| ལྷག་གི་ལྷུག་གི |
ཡུལ དམ་པོ་མེད་པ། ཐག་པའི་མདུད་པ་ལྷག་གི་ལྷུག་གི་ཞིག་བརྒྱབ་འདུག སྐེད་ཆིངས་ལྷག་ལྷུག་ཁོ་ནར་སྣང་བ། |
| ལྷག་གེ་བ |
གསལ་པོར་མངོན་དུ་གྱུར་པ། མི་འདི་ངོ་ཤེས་ལྷག་གེ་བ་ཞིག་རེད། འཇའ་ཚོན་ཁ་དོག་ལྷག་གེ་བར་འཚེར་བ། ཡིད་ལ་ལྷག་གེར་གསལ། ཉི་མ་སེར་ལྷག་གེར་ཤར། |
| ལྷག་གེ་ལྷོག་གེ |
ཡུལ ལུས་ལ་སྐྲངས་འབུར་མང་པོ་ཐོན་ཚུལ་ཞིག ལུས་པོ་ཚང་མ་ལྷག་གེ་ལྷོག་གེར་སྐྲངས་པ། |
| ལྷག་ཆད |
ཆད་ལྷག དུས་ཚོད་ལྷག་ཆད་མེད་པ། |
| ལྷག་ཏུ |
(བསྣན་ཚིག) ལྷག་པར་དང་དོན་འདྲ་སྟེ། ལྷག་ཏུ་བཟང་། ལྷག་ཏུ་མགྱོགས་ལྟ་བུ། |
| ལྷག་ཐོན་པ |
1 འཕེལ་སྐྱེད་ལྷག་པོར་ཐོན་པ། བཟའ་འབྲུ་ལྷག་ཐོན་པ། 2 གཞན་ལས་ཁྱད་དུ་འཕགས་པ། དམག་མིའི་ནང་ནས་དཔའ་བོ་དེ་ཉིད་ལྷག་ཏུ་ཐོན་པ། |
| ལྷག་པ |
1.ཐ་མི་དད་པ 1 ལུས་པ། གཅིག་ཀྱང་མ་ལྷག་པ། ཡི་གེ་བྲི་རྒྱུ་མང་པོ་ལྷག་འདུག 2 ཚད་ངེས་ཅན་ཞིག་ལས་བརྒལ་བ། གཞན་ལས་ལྷག་པ། སྔར་ལས་ལྷག་པ། ཀུན་ལས་ལྷག་པ། 2.གཟའ་ལྷག་པ། མིང་གི་རྣམ་གྲངས་ལ་མཁས་པ་དང༌། རྒྱལ་པོའི་བུ། སྔོ་སངས་ལུས། ཐོས་ལྡན་སྐྱེས། སྣར་མ་སྐྱེས། སྔོ་སངས་ལུས། ཐོས་ལྡན་སྐྱེས། སྣར་མ་སྐྱེས། མཛའ་ལྷའི་གྲོགས་པོ། ཟླ་བའི་བུ། རབ་དགའ། ལུས་གཅིག་པ། གསལ་ལྡན། གསེར་ལྡན་བཅས་སོ། |
| ལྷག་པ་ཏིང་ངེ་འཛིན་གྱི་བསླབ་པ |
ཐེག་པ་ཆེན་པོ་ནི་དཔའ་བར་འགྲོ་བ་ལ་སོགས་པའི་ཏིང་ངེ་འཛིན་དང༌། ཉན་ཐོས་དག་གི་མི་སྡུག་པ་སྒོམ་པ་དང༌། བསམ་གཏན་བཞི་དང༌། གཟུགས་མེད་པའི་སྙོམས་པར་འཇུག་པ་བཅས། |
| ལྷག་པ་ཚུལ་ཁྲིམས་ཀྱི་བསླབ་པ |
སོ་ཐར་རིས་བདུན་གྱི་སྡོམ་ཁྲིམས་དང༌། བྱང་ཆུབ་སེམས་དཔའི་ཚུལ་ཁྲིམས་གསུམ་བཅས། |
| ལྷག་པ་ལེན་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཉེ་དུ་མ་ཡིན་པའི་ཁྱིམ་པ་ལ་དུས་གཅིག་ལ་ལྷུང་བཟེད་གསུམ་ལས་ལྷག་པ་ལེན་པའོ། |
| ལྷག་པ་ཤེས་རབ་ཀྱི་བསླབ་པ |
ཐེག་པ་ཆེན་པོ་ནི་ཆོས་དང་གང་ཟག་གཉིས་ཀྱི་བདག་མེད་རྟོགས་པ་དང༌། ཉན་ཐོས་དག་ནི་གང་ཟག་གི་བདག་མེད་པར་རྟོགས་པའི་ཤེས་རབ། |
| ལྷག་པའི་ང་རྒྱལ |
ང་རྒྱལ་བདུན་གྱི་ནང་གསེས་ཤིག་སྟེ། རང་དང་མཉམ་པ་ལས་ལྷག་པར་ཁེངས་པའོ། |
| ལྷག་པའི་དབང་ཕྱུག |
1 གཞན་ལས་ལྷག་པའི་དཔལ་འབྱོར་སྙན་གྲགས། 2 མངོན འཁོར་ལོས་བསྒྱུར་བའི་རྒྱལ་པོ། |
| ལྷག་པའི་དབང་ཕྱུག་མ |
རྒྱལ་པོའི་བཙུན་མོ། |
| ལྷག་པའི་དོན |
མཆོག་ཏུ་གྱུར་པ། |
| ལྷག་པའི་བསམ་པའི་སྟོབས |
རང་ཉིད་ཡལ་བར་དོར་ནས་གཞན་ཕན་སྒྲུབ་པའི་བསམ་པ། |
| ལྷག་པའི་བསླབ་པ་གསུམ |
སྐྱེ་བོ་ཕལ་པ་དང༌། མུ་སྟེགས་པ་ལས་ཁྱད་པར་འཕགས་པའི་ལམ་ལྷག་པའི་བསླབ་པ་རིན་པོ་ཆེ་རྣམ་པ་གསུམ་སྟེ། ལྷག་པ་ཚུལ་ཁྲིམས་ཀྱི་བསླབ་པ་དང༌། ལྷག་པ་ཏིང་ངེ་འཛིན་གྱི་བསླབ་པ་དང༌། ལྷག་པ་ཤེས་རབ་ཀྱི་བསླབ་པ་རྣམས་སོ། |
| ལྷག་པའི་ཡོ་བྱད |
རབ་བྱུང་གི་གོས་ཀྱི་གཞིའི་ནང་གསེས། ཡོ་བྱད་གསུམ་གྱི་ཡ་གྱལ་ཞིག་སྟེ། རབ་བྱུང་ལ་མེད་དུ་མི་རུང་བ་མིན་ཀྱང་དགོས་པའི་དབང་གིས་བཅང་བར་བྱ་བ་སྟེ། གཞན་ཁོ་ནའི་མིང་གིས་བྱིན་གྱིས་བརླབས་པའམ་ཡིད་གཏད་དེ་བཅང་རུང་གི་འཚོ་བའི་ཡོ་བྱད་དང་མཁོ་བའི་ཡོ་བྱད་ཀྱི་ལྷག་པོ་དག་གོ། |
| ལྷག་པའི་ལྷ |
རང་རང་གི་ཐུན་མོང་མ་ཡིན་པའི་བསྟེན་བྱའི་ཡི་དམ། |
| ལྷག་པའི་སེམས་ཀྱི་བསླབ་པ |
མུ་སྟེགས་པའི་ཏིང་ངེ་འཛིན་ལས་ལྷག་པ། |
| ལྷག་པར |
ཁྱད་པར་དུའམ། ཡང་སྒོས། སྤྱིར་ཡིག་རིགས་མང་པོ་དང་ལྷག་པར་རྒྱ་ཡིག་ལ་མཁས་པ། གུང་ཁྲན་ཏང་ལ་ལྷག་པར་བརྟེན་པ། ལྷག་པར་མི་དམངས་ཀྱི་ལས་དོན་ལ་འགན་ཁུར་བྱེད་པ། སྤུས་ཚད་ལྷག་པར་ལེགས་པ། |
| ལྷག་པར་མཛེས |
1 རབ་ཏུ་མཛེས། 2 མཚུངས་གསལ་གྱི་སྒྲ་ཞིག་སྟེ་འདྲ་བ། |
| ལྷག་པོ |
1 1 འཕྲོ་མ། འཚོ་ཆས་ཀྱི་ལྷག་པོ། 2 སྣོན་མ། ཉུང་ངུའི་སྟེང་དུ་ལྷག་པོ་བསྣན་པ། 3 བསྐྱར་བཟློས་ཀྱི་ཡི་གེ་སྟེ། སཾ་སྐྲྀ་ཏའི་སྦྱོར་ཀློག་སྐབས་ཡི་གེའི་གཟུགས་འགྱུར་ནས་བསྐྱར་བཟློས་སུ་བྱུང་བའི་ཡི་གེ། 2.ཁྱད་པར་བ། ཡོན་ཏན་ལྷག་པོ། སྟོབས་ཤུགས་ལྷག་པོ། |
| ལྷག་པོའི་ཆོ་ག |
དགེ་སློང་གི་ཉིན་རེའི་ལྟོ་ཆས་ཀྱི་ལྷག་མ་ལུས་ན་ཉིན་རྗེས་མ་བར་ཉར་ཐབས་ཀྱི་ཆོ་ག། |
| ལྷག་པོར་མ་བྱས་པ |
ལྟོ་ཆས་ལྷག་མ་བཞག་པ། |
| ལྷག་པོར་ལེན་པའི་སྤང་བ |
སྤང་ལྟུང་སུམ་ཅུའི་ནང་གསེས། ཆོས་གོས་རྣམ་གསུམ་མེད་པའི་དགེ་སློང་གིས་ཉེ་དུ་མ་ཡིན་པའི་ཁྱིམ་པ་ལ་སྟོད་གཡོགས་སྨད་གཡོགས་ཟུང་གཅིག་གི་ཚད་ལས་ལྷག་པ་བསླངས་ཏེ་ལེན་པའོ། |
| ལྷག་བཅས |
བོད་ཡིག་གི་ཏེ་དེ་སྟེ་གསུམ་ལ་ལྷག་བཅས་སམ་ལྷག་བཅས་ཀྱི་སྒྲ་ཟེར། འཇུག་ཚུལ་ཏེ་ལ་ལྟོས། 2.ལྡང་ཚད་ཀྱི་ལྷག་མ་དང་བཅས་པ།… |
| ལྷག་བཅས་ཀྱི་སྒྲ |
མཚམས་སྦྱོར་དང༌། དམ་བཅའ། གཞན་འདྲེན་གསུམ་གྱི་སྒོ་ནས་བསྟན་བྱའི་ལྷག་མ་འདྲེན་པའམ་སྟོན་པའི་ཕྲད་གཞན་དབང་ཅན་ཞིག་སྟེ། ཏེ། དེ་གསུམ་དང༌། ཕྲད་རང་དབང་ཅན་གྱི་རྐྱེན་ནས། ལ་གཉིས་བཅས་ལྔ་ཡོད། སྟེ་ཏེ་དེ ནས་ལ མདའ་འཕངས་ཏེ་ཕོག ང་ཚོས་རྒྱལ་ཁ་ལེན་ཐུབ་ཐག་ཆོད་ཡིན་ཏེ། ང་ཚོའི་ལས་དོན་དྲང་བདེན་ཅན་ཡིན་པའི་ཕྱིར། གཡས་སུ་རི་ཡོད་དེ། གཡོན་དུ་ཆུ་ཡོད། ཁོ་རང་ཡིན་པར་བསམས་ནས་ཡིད་ཆེས་པ། རླབས་ཆེན་ཡིན་ལ་ཡང་དག་པའང་ཡིན་པ། |
| ལྷག་བཅས་མྱང་འདས |
སྐྱེས་པ་ཙམ་ལས་མི་འཆི་བར་ཉོན་མོངས་མ་ལུས་པ་སྤངས་ཏེ། ཕུང་པོ་ལྷག་མ་དང་བཅས་པར་མྱ་ངན་ལས་འདའ་བ་སྟེ། སྐྱེས་ནས་འདའ་བའོ། |
| ལྷག་བསམ |
སྒེར་སེམས་མེད་པའམ། སེམས་བཟང་པོ། ཞབས་འདེགས་ལྷག་བསམ་དཀར་པོས་ཞུ་བ། ཡུན་རིང་རྒྱུན་དུ་འཁྱོང་བར་ལྷག་བསམ་འགྱུར་མེད་བྱེད་པ། ལས་ཀ་ལྷག་བསམ་རྣམ་དག་གིས་བྱེད་པ། ལྷག་བསམ་ཟོལ་མེད། |
| ལྷག་བསམ་དག་པའི་སེམས་བསྐྱེད |
ས་དང་པོ་ནས་བདུན་པའི་བར་ཏེ་མ་དག་ས་བདུན་སྐབས་ཀྱི་བྱང་ཆུབ་སེམས་བསྐྱེད། |
| ལྷག་བསམ་དག་པའི་སེམས་བསྐྱེད་བདུན |
སེམས་བསྐྱེད་ཉེར་གཉིས་ལས་ལྷག་བསམ་དག་པའི་སེམས་བསྐྱེད་བདུན་ཏེ་གཏེར་ལྟ་བུའི་སེམས་བསྐྱེད་དང༌། རིན་ཆེན་འབྱུང་གནས་ལྟ་བུའི་སེམས་བསྐྱེད་དང༌། རྒྱ་མཚོ་ལྟ་བུའི་སེམས་བསྐྱེད་དང༌། རྡོ་རྗེ་ལྟ་བུའི་སེམས་བསྐྱེད་དང༌། རི་རྒྱལ་ལྟ་བུའི་སེམས་བསྐྱེད་དང༌། སྨན་ལྟ་བུའི་སེམས་བསྐྱེད་དང༌། བཤེས་གཉེན་ལྟ་བུའི་སེམས་བསྐྱེད་རྣམས་སོ། |
| ལྷག་བསམ་ཟོལ་མེད |
ལྷག་བསམ་རྣམ་དག་དང་དོན་གཅིག་ |
| ལྷག་བསམ་རྣམ་དག |
གཡོ་ཟོལ་མེད་པའི་བསམ་པ། |
| ལྷག་མ |
1 བེད་བཅད་པའི་འཕྲོ་མ། ཟས་ལྷག བཏུང་ལྷག གྱོན་ལྷག ཁ་ལྷག་འཁྲོལ་འཁྱིལ། ཟླ་ལྷག ཆད་ལྷག ལས་དོན་ལྷག་མ་མེད་པར་བསྒྲུབས་པ། སྔོན་གྱི་རྒྱལ་པོའི་སྟོབས་དང་གྲགས་པ་རྣམས་ཀྱང་ད་ལྟ་མིང་ཙམ་གྱི་ལྷག་མར་གྱུར། 2 སཾགྷཱབཤི་ཥྚ ལྟུང་བ་སྡེ་ལྔའི་ནང་གསེས་ཤིག |
| ལྷག་མ་ཅན |
མངོན 1 མཐའ་ཡས་པ། 2 ཀླུའི་རྒྱལ་པོ་མཐའ་ཡས། 3 དགུན་སྨད། |
| ལྷག་མ་བཅུ་གསུམ |
དགེ་འདུན་ལྷག་མ་བཅུ་གསུམ་གྱི་བསྡུས་མིང༌། |
| ལྷག་མ་ལས |
འཕྲོ་ལུས་པ། ལྟོ་ཆས་ཀྱི་ལྷག་མ་ལས་མ་སོང༌། |
| ལྷག་མ་ལུས་པ |
ལྷག་འཕྲོ་བསྡད་པ། དུས་ཡུན་ཐུང་བའི་རྐྱེན་གྱིས་གྲོས་བསྡུར་བྱ་རྒྱུའི་སྐད་ཆའི་ལྷག་མ་ལུས་པ་རེད། |
| ལྷག་མ་ལྡས |
རྙིང འཕྲོ་ལུས་པའམ་ལྷག་པ། |
| ལྷག་མཐོང |
བིཤེཥཔཤྱ ཏིང་ངེ་འཛིན་ཐམས་ཅད་ཀྱི་སྤྱི་ཆིངས་སམ་རྒྱུ་ཞིག་སྟེ། དངོས་པོའི་རང་བཞིན་ལྷག་པའི་ཁྱད་པར་ཤེས་རབ་ཀྱི་མིག་གིས་མཐོང་བའོ། |
| ལྷག་མཐོང་མཚན་ཉིད་པ |
གནས་ལུགས་ཀྱི་དོན་ཡང་དག་པ་མཐོང་བ། |
| ལྷག་མཐོང་རྗེས་མཐུན་པ |
གནས་ལུགས་ཀྱི་དོན་ཆ་འདྲ་ཙམ་མཐོང་བ། |
| ལྷག་མཛེས |
ཚངས་སྐུད། |
| ལྷག་མའི་སྡེ |
དགེ་འདུན་ལྷག་མ་བཅུ་གསུམ་སྟེ། ལྟུང་བ་སྡེ་ལྔའི་ནང་གསེས་གཉིས་པ་གསོ་བ་དགེ་འདུན་ལ་རག་ལས་ཤིང་སྡོམ་པ་རྣམ་དག་གི་ལྷག་མ་ཙམ་ལུས་པའོ། |
| ལྷག་མེད |
ཤུལ་མ་ལུས་པ། ཕྱིས་མི་ལུས་ལེན་མི་དགོས་པར་ཕུང་པོ་ལྷག་མེད་དུ་སངས་རྒྱ་བ་ཡོད་པ་ཡིན། |
| ལྷག་མེད་མྱང་འདས |
ཉོན་མོངས་མ་ལུས་པ་སྤངས་མ་ཐག་ཏུ་ཚེའི་འདུ་བྱེད་གཏོང་བ་ཕུང་པོ་ལྷག་མེད་པར་མྱ་ངན་ལས་འདའ་བ་སྟེ། བར་དོར་འདའ་བའོ། |
| ལྷག་འཁྲོལ |
ལྷག་འཕྲོ་དང་དོན་གཅིག་ |
| ལྷག་འཕྲོ |
བེད་སྤྱད་པའི་ལྷག་མ། ཟ་བཏུང་ལྷག་འཕྲོ། ཡོ་བྱད་ལྷག་འཕྲོ། ལས་དོན་ལྷག་འཕྲོ། |
| ལྷག་རོ |
ལོངས་སྤྱད་པའི་ལྷག་མའམ་རོ་མ། |
| ལྷག་རོལ |
རྙིང ཟས་ལྷག |
| ལྷག་ལུས |
ལྷག་མ་ལུས་པའི་བསྡུས་ཚིག་ |
| ལྷག་ལྡན |
ཐེ་ཚོམ་གྱི་ལྷག་མ་དང་ལྡན་པ་སྟེ། ལྷག་ལྡན་གྱི་མ་ངེས་པའི་རྟགས་སོ། |
| ལྷག་ལྡན་གྱི་མ་ངེས་པའི་རྟགས |
ཐུན་མོང་གི་མ་ངེས་པའི་རྟགས་གང་ཞིག་གང་ལ་རྟགས་སུ་སོང་བའི་རྒོལ་བས་མཐུན་ཕྱོགས་མི་མཐུན་ཕྱོགས་གང་རུང་ལ་མཐོང་ཞིང༌། ཅིག་ཤེས་མ་མཐོང་བས་ཐེ་ཚོམ་གྱི་ལྷག་མ་དང་ལྡན་པའི་རྟགས་སོ། |
| ལྷག་ལྡན་གྱི་མ་ངེས་པའི་རྟགས་གཉིས |
ཐུན་མོང་བའི་མ་ངེས་པའི་རྟགས་དྲུག་གི་ནང་གསེས། ལྷག་ལྡན་ལ་དབྱེ་ན་ཡང་དག་ལྷག་ལྡན་དང༌། འགལ་བའི་ལྷག་ལྡན་ནོ། |
| ལྷག་ལྷུག |
ལྷག་གི་ལྷུག་གིའི་བསྡུས་ཚིག་ |
| ལྷག་ལྷོ |
ལྷག་གེ་ལྷོག་གེའི་བསྡུས་ཚིག་ |
| ལྷག་ཧྲུལ |
འཕྲོ་ལུས་ངན་ཧྲུལ། ཟས་གོས་ལྷག་ཧྲུལ་མང་པོ་ཕྱོགས་གཅིག་སྤུངས། |
| ལྷགས |
(བྱེད་མེད་ལས་ཚིག) བསླེབས་པའམ་འོངས་པའི་དོན་ཏེ། འདིར་ལྷགས་སོ་རང་གནས་སུ་ལྷགས་ཤིག་ལྟ་བུ། ལྷགས་པ་ཡིག་ཚིག་བསྡུས་པ། |
| ལྷགས་ངར |
ལྷགས་རླུང་གི་གྲང་ངར། |
| ལྷགས་པ |
1.ཐ་མི་དད་པ འབྱོར་བའམ་སླེབས་པ། སྐུ་མདུན་དུ་ལྷགས་པ། རང་ཡུལ་དུ་ལྷགས་པ། 2.རྒྱུག་འགྲོ་བའི་རླུང་རྒྱུན། ཞོགས་པ་ནམ་མཁར་སྤྲིན་པ་ཡོད་སྟབས་ཕྱི་དྲོ་ལྷགས་པ་ལང་ཡོང༌། ལྷགས་བསིལ། ལྷགས་འཕྱར། 3.རྙིང གཏད་པའི་བརྡ། |
| ལྷགས་པས་སྦྲེབས་པ |
རྙིང གྲང་བས་འཁྱགས་པ། |
| ལྷགས་འཚུབ |
སྐོར་འཚུབ་ཀྱིས་རྒྱག་པའི་ལྷགས་རླུང༌། |
| ལྷགས་རླུང |
ལྷགས་པ། ལྷགས་རླུང་ཚ་པོ། |
| ལྷང |
1 དྲི་མའམ་གཡའ་བག་དང་ནུས་ཤུགས། 2 ཟུར། ཁོང་ལ་ལྷང་ཙམ་ཞུས་པ། ངས་ལྷང་ཙམ་ཞིག་གོ་བྱུང༌། སྙན་ལམ་དུ་ལྷང་ཙམ་གསོལ་བ།…3.རྒྱན་ཚིག) དབྱིབས་དང་རྣམ་པ་སོགས་རིགས་མཐུན་རྣམས་ལས་འཕགས་པའི་དོན་ཏེ། རྒྱུ་སྐར་དབུས་ན་ཟླ་བ་ལྷང་ངེར་གསལ། མི་འདི་གཟུགས་པོ་ཆེ་བས་མི་མིང་གི་ཁྲོད་ན་ལྷང་ངེར་འདུག་ཅེས་པ་ལྟ་བུ། ལྷང་ངེ་ལྷམ་མེ་ལྷན་ནེ་ཞེས་མཉམ་དུ་བཀོལ་བ་མང་སྟེ། རྒྱུ་སྐར་གྱི་དབུས་ན་ཟླ་བ་ལྷང་ངེ་ལྷམ་མེ་ལྷམ་ནེར་གསལ་ལྟ་བུ། |
| ལྷང་ངེ |
གསལ་ལེ། ལྷང་ངེར་དྲན་པ། |
| ལྷང་ངེ་བ |
གསལ་པོར་གོ་ཚུལ་ཞིག གསུང་ལྷང་ངེ་བར་སྒྲོག་པ། རྣ་བར་སྒྲ་ལྷང་ངེ་བ་ཞིག་ཐོས་པ། གསུང་ལྷང་ངེ་བ། སྙན་པ་ལྷང་ངེར་གྲགས་པ། |
| ལྷང་ཚེར |
རྡོ་སྨན་གྱི་རིགས་ཤིག་སྟེ། ནང་གསེས་སུ་དབྱེ་ན་རིགས་དཀར་ནག་དམར་སེར་བཞི་མཆིས། ནུས་པས་རྨ་གསོ་བ་དང༌། དངུལ་ཆུ་འཆིང་བར་བྱེད། ཀླད་པ་རྨས་སྐྱོན་བྱུང་བ་གསོ། མིང་གི་རྣམ་གྲངས་ལ་དྲི་མེད་དང༌། སྤྲིན་གཟུགས། རི་སྐྱེས་བཅས་སོ། |
| ལྷང་འོག་བྱ་རོག་མིག |
པུས་མོའི་ལྷ་ངའི་གཡས་གཡོན་གཉིས་སུ་ཡོད་པའི་རུས་པ་ཀོང་ཀོང་ཡོད་པའི་གསང་དམིགས་ཤིག |
| ལྷང་ལྷང |
1 སྐད་སྒྲོག་སྟངས་སམ་ཐོས་ཚུལ། རིང་ནས་འབོད་སྐད་ལྷང་ལྷང་ཐོས། དཔེ་ཆ་ལྷང་ལྷང་ཀློག་པ། ཐོ་རངས་བྱ་སྐད་ལྷང་ལྷང་སྒྲོག 2 མངོན་གསལ་དུ་ཐོན་པའམ་ལྐོག་ཏུ་མ་གྱུར་པའི་ཚུལ། དགའ་ལྷང་ལྷང་བྱེད་པ། ན་ཟུག་ལྷང་ལྷང་གཟེར་བ། གྲང་ལྷང་ལྷང༌། འཁྱག་ལྷང་ལྷང༌། |
| ལྷད |
སྐྱོན་དང་དྲི་མའམ་གཡའ་དང་བག བསམ་པ་ལྷད་ཅན། ཚིག་ལྷད། གསེར་ལྷད་མེད་པ། ལྷད་འདོན་པ། གསེར་ལ་ར་གན་གྱི་ལྷད་འཇུག་པ། རང་སེམས་དཀར་པོར་ལྷད་སྐྱོན་མེད་གྱུར་ན། ཡི་དམ་ལྷ་ཡི་བཀའ་ཆད་ཡོང་དོན་མེད། |
| ལྷད་དེ་ལྷོད་དེ |
དམ་པོ་མེད་པའི་དོན། རྐེད་རགས་ལྷད་དེ་ལྷོད་དེ་ཞིག་བཅིངས་པ། ཕད་གོག་ལྷད་དེ་ལྷོད་དེ་ཞིག་བརྒྱངས་པ། |
| ལྷད་པ |
རྙིང བྱི་བ། |
| ལྷད་མེད |
དངོས་པོར་བསྲེས་ལྷད་མེད་པ། |
| ལྷད་མེད་གད་གཙང |
གད་སྙིགས་ཀྱི་རིགས་རྩ་བ་ནས་མེད་པའི་གཙང་མ་གཙང་རྐྱང༌། གཙོ་བོ་འབྲུ་རིགས་ལ་ཟེར། |
| ལྷད་ཟན |
རྩམ་པ་བསྲེས་ལྷད་ཅན། |
| ལྷན |
(བསྣན་ཚིག) དུས་མཉམ་པ་དང་གནས་གཅིག་པའི་དོན་ཏེ། ངེད་གཉིས་ལྷན་དུ་སློབ་གྲྭར་སོང་། ལྷན་དུ་རྩེ། ལྷན་ཅིག་ཏུ་སློབ་སྦྱོང་བྱས་ལྟ་བུ། |
| ལྷན་གླན་པ |
གོས་ལ་ལྷན་པ་བརྒྱབ་པ། |
| ལྷན་ཅིག |
ཐབས་ཅིག་དང༌། སྟབས་ཅིག་དང༌། ཆབས་ཅིག་དང༌། མཉམ་པ། ཚ་གྲང་གཉིས་ལྷན་ཅིག་ཏུ་མི་གནས། བྱ་རོག་དང་འུག་པ་ལྷན་ཅིག་ཏུ་མི་གནས་པ། དཔྱིད་དུས་སུ་དྲོད་དང་གཤེར་གཉིས་ལྷན་ཅིག་ཏུ་བྱུང་བ། ཁ་བ་དང་བུ་ཡུག་ལྷན་ཅིག་འབྱུང་བ། གཅེན་གཅུང་འབྲལ་དུ་མ་ཕོད་པར་ལྷན་ཅིག་ཏུ་ནགས་ལ་འཁྱམས་སོ། |
| ལྷན་ཅིག་ཁ་སྤྱ་ཟེར |
རྙིང 1 ལྷན་ཅིག་ཁ་གཤགས་འདེབས་པ། 2 ངག་འཁྱལ་སྨྲ་བ། |
| ལྷན་ཅིག་པ |
མཉམ་པ། ལྷན་ཅིག་པར་གྱུར་པ། ལུས་དང་གྲིབ་མ་ལྷན་ཅིག་པར་གྱུར་པ། ཆུ་དང་འོ་མ་ལྷན་ཅིག་པར་གྱུར་པ། |
| ལྷན་ཅིག་བརྗོད་པའི་རྒྱན |
དོན་རྒྱན་གྱི་ནང་གསེས་ཤིག་སྟེ། བརྗོད་འདོད་ཀྱི་དངོས་པོ་གང་ཡང་རུང་བའི་ཡོན་ཏན་དང་བྱ་བ་རྣམས་དུས་མཉམ་དུ་བརྗོད་པའི་རྒྱན་ཞིག་སྟེ། ནང་གསེས་རྣམ་གྲངས་གསུམ་ནི། ཡོན་ཏན་ལྷན་ཅིག་བརྗོད་པ། བྱ་བ་ཐ་དད་པའི་ལྷན་ཅིག་བརྗོད་པ། བྱ་བ་གཅིག་པའི་ལྷན་ཅིག་བརྗོད་པ་བཅས་སོ། |
| ལྷན་ཅིག་བྱེད |
མངོན ཚེས་གནམ་གང༌། |
| ལྷན་ཅིག་བྱེད་རྐྱེན |
ཉེར་ལེན་གྱི་རྒྱུ་རང་དང་ལྷན་ཅིག་ཏུ་འབྲས་བུ་སྐྱེད་བྱེད་དུ་གྱུར་ཅིང་རྫས་རྒྱུན་མ་ཡིན་པ་གཙོ་བོར་སྐྱེད་བྱེད། དཔེར་ན། མྱུ་གུ་སྐྱེ་བ་ལ་ཆུ་ལུད་དྲོད་གཤེར་འཛོམས་པ་ལྟ་བུ་དང༌། རྫ་བུམ་གྱི་རྒྱུར་གྱུར་པའི་སྐྱེས་བུའི་བྱེད་རྩོལ་ལྟ་བུ་དང༌། ཤེས་པའི་བདག་རྐྱེན་དུ་གྱུར་པའི་དབང་པོ་ལྟ་བུའོ། |
| ལྷན་ཅིག་མཐོང |
མངོན གནམ་གང་སྟེ་བོད་ཟླ་སོ་སོའི་ཚེས་པ་སུམ་ཅུའི་ཉིན་མོར་ཉི་ཟླ་སྐར་གསུམ་དུས་གཅིག་ཏུ་མཐོང་ཐུབ་ཟེར། |
| ལྷན་ཅིག་མི་གནས་འགལ |
གནོད་བྱ་གནོད་བྱེད་དུ་གྱུར་པའི་སྒོ་ནས་ཕན་ཚུན་རྒྱུན་ནུས་མཚུངས་སུ་འགྲོགས་སུ་མི་རུང་བའི་དངོས་པོ། སྣང་བ་དང་མུན་པ། སྤང་བྱ་དང་གཉེན་པོ་ལྟ་བུའོ། |
| ལྷན་ཅིག་མི་གནས་འགལ་གྱི་ཐལ་འགྱུར་དགུ |
གཞན་རིགས་འཕེན་པའི་ཐལ་འགྱུར་བཅུ་བཞི་ལས། ལྷན་ཅིག་མི་གནས་འགལ་གྱི་ཐལ་འགྱུར་ལ་དབྱེ་ན་དགུ་སྟེ། འགལ་བའི་རང་བཞིན་དམིགས་པའི་ཐལ་འགྱུར་གསུམ་དང༌། འགལ་བའི་འབྲས་བུ་དམིགས་པའི་ཐལ་འགྱུར་གསུམ་དང༌། འགལ་བའི་ཁྱབ་བྱ་དམིགས་པའི་ཐལ་འགྱུར་གསུམ་བཅས་དགུའོ། |
| ལྷན་ཅིག་མི་གནས་འགལ་གྱི་རྟགས་སྦྱོར |
འགལ་ཟླ་དམིགས་པའི་རྟགས་ཡང་དག་གང་ཞིག་ལྷན་ཅིག་མི་གནས་འགལ་ལ་བརྟེན་ནས་རང་གི་ཁྱབ་འབྲེལ་ངེས་དགོས་པ་སྟེ། མེ་དམིགས་པའི་རྟགས་ཀྱིས་གྲང་རེག་རྒྱུན་ཆགས་སུ་གནས་པ་འགོག་པ་ལྟ་བུ་སྤང་གཉེན་གྱི་སྒོ་ནས་འགལ་ཟླར་གྱུར་པའི་འགལ་དམིགས་ཀྱི་རྟགས་རྣམས་སོ། |
| ལྷན་ཅིག་མི་གནས་འགལ་གྱི་རྟགས་སྦྱོར་བཅུ་གཉིས |
ལྷན་ཅིག་མི་གནས་འགལ་ལ་བརྟེན་པའི་སྣང་རུང་གི་འགལ་ཟླ་དམིགས་པའི་རྟགས་དེ་ལ་སྦྱོར་ཚུལ་གྱི་དབྱེ་བས་བཅུ་གཉིས་ཏེ། འགལ་བའི་རང་བཞིན་དམིགས་པ་བཞི་དང༌། འགལ་བའི་འབྲས་བུ་དམིགས་པ་བཞི་དང༌། འགལ་བའི་ཁྱབ་བྱ་དམིགས་པ་བཞི་རྣམས་སོ། |
| ལྷན་ཅིག་འཐམས་པ |
རྙིང མཉམ་དུ་ཚོགས་པའམ་ལག་སྦྲེལ་སོགས་བྱེད་པ། |
| ལྷན་ཅིག་འབྱུང་བའི་རྐྱེན |
ལྷན་ཅིག་བྱེད་རྐྱེན་དང་དོན་གཅིག་ |
| ལྷན་ཅིག་འབྱུང་བའི་རྒྱུ |
ལྷན་ཅིག་འབྱུང་རྒྱུ་དང་དོན་གཅིག་ |
| ལྷན་ཅིག་འབྱུང་རྒྱུ |
རྒྱུ་དྲུག་གི་ནང་གསེས་ཤིག་སྟེ། ལྷན་ཅིག་འབྱུང་བའམ་ཆོས་དེ་དང་ཚོགས་པ་གཅིག་པའི་སྒོ་ནས་ཕན་ཚུན་གཅིག་ལ་གཅིག་བརྟེན་ཏེ་མགོ་མཉམ་དུ་འབྱུང་ཞིང༌། རིང་པོ་བརྟེན་ནས་ཐུང་ངུ་བཞག་པ་ལྟར་མེད་ན་མི་འབྱུང་བའི་ཚུལ་གྱིས་གཅིག་གྲོགས་གཅིག་གིས་བྱས་པའོ། |
| ལྷན་ཅིག་སྐྱེས་པ |
1 ཐོག་མ་ནས་མཉམ་པོར་བྱུང་བ། ལྷན་ཅིག་སྐྱེས་པའི་ཤེས་རབ། 2 མངོན མཚེ་མ། |
| ལྷན་ཅིག་སྤྱོད |
མངོན བག་མའམ་ཁྱིམ་བདག་མོ། |
| ལྷན་ཐབས |
ཁ་སྐོང་དུ་སྣོན་པའི་བྱ་དངོས་ཀྱི་མིང་སྟེ། སྨན་གཞུང་གི་ལྷན་ཐབས། འཚོ་བའི་ལྷན་ཐབས་ཞེས་པ་ལྟ་བུ། |
| ལྷན་ཐོག |
ལྷན་རྒྱས་ཐོག་སྟེ་འཛོམས་དགོས་པ་རྣམས་ཚང་མ་འཛོམས་པའི་ཐོག་དང༌། ལྷན་རྒྱས་ནི་འཛོམས་པའི་ཞེ་སའོ། ལས་དོན་ཆེ་བ་རྣམས་བཀའ་བློན་ལྷན་ཐོག་ནས་ཐག་གཅོད་གནང་དགོས། |
| ལྷན་ནེ |
(རྒྱན་ཚིག) དབྱིབས་དང་རྣམ་པ་གཟི་འོད་སོགས་གཞན་ལས་མཛེས་ཤིང་ལྷུན་ཆགས་པ་སྟེ། ཉི་འོད་ལྷན་ནེ་གསལ་ལྟ་བུ། |
| ལྷན་ནེ་བ |
ཐུགས་གསལ་ལམ་མེ་བ། ཡིད་མ་ཡེངས་ན་ལྷན་ནེ་བར་གནས་ཐུབ། ཐུགས་ལ་ལྷན་ནེ་བར་འཆར་བ། ལྷན་ནེ་བར་སྡོད་པ། |
| ལྷན་པ |
དངོས་རྫས་ཀྱི་ཕྱི་ངོས་ལ་བསླན་པའི་དངོས་རྫས་གཞན་གྱི་མིང་སྟེ། ལྭ་བ་ལ་ལྷན་པ་བརྒྱབ་ལྟ་བུ། ཚིག་བསྡུས་ན་ལྷན་ཞེས་འབྲི་སྟེ། ལྭ་བ་ལ་གོས་ལྷན་བརྒྱབ། བ་མ་ལ་ལྕགས་ལྷན་བརྒྱབ། གྱང་ལ་གྱང་ལྷན་བརྒྱབ་ལྟ་བུ། |
| ལྷན་པ་གླན་པ |
གོས་ལ་ལྷན་པ་བརྒྱབ་པ། |
| ལྷན་ཕེབས |
མཉམ་དུ་ཡོང་བ། སྐུ་མགྲོན་ཚང་མ་གཟིགས་སྐོར་ལ་ལྷན་ཕེབས་གནང་བ། |
| ལྷན་འཛོམས |
མཉམ་དུ་འདུས་པ། ལྷན་འཛོམས་གྲོས་མོལ། འཐུས་མི་ལྷན་འཛོམས། |
| ལྷན་རྒྱས |
1 ཐུན་མོང༌། ལྷན་རྒྱས་ཐོག་ནས་བཀའ་བསྡུར་ཞིབ་ལྷིང་མཛད། 2 ཚོགས་འདུ། བཞུགས་གྲལ་གཅིག་ཏུ་ལྷན་རྒྱས་འཚོགས། |
| ལྷན་སྐྱེས |
མིའི་རྩོལ་བ་ལ་མ་བརྟེན་པར་བྱུང་བ་སྟེ། ལྷན་སྐྱེས་ཀྱི་དྲི། ལྷན་སྐྱེས་ཀྱི་མདོག ལྷན་སྐྱེས་ཀྱི་རོ་མངར་བ། ལྷན་སྐྱེས་ཀྱི་ནུས་རྩལ་ཞེས་པ་ལྟ་བུ། |
| ལྷན་སྐྱེས་ཀྱི་ཉོན་མོངས་པ |
གྲུབ་མཐས་བློས་མ་བསྒྱུར་བར་སེམས་ཅན་གྱི་རྒྱུད་ལ་རང་བཞིན་གྱིས་ཡོད་པའི་ཉོན་མོངས་པ་རྣམས་སོ། |
| ལྷན་སྐྱེས་ཀྱི་དྲི |
རྫས་ཀྱི་སྦྱོར་བ་ལ་མ་ལྟོས་པར་དངོས་པོ་རང་ཉིད་དང་ལྷན་ཅིག་སྐྱེས་པའམ་རང་བཞིན་གྱིས་ཡོད་པའི་དྲི། ཙནྡན་དང༌། ཤིང་ཀུན་གྱི་དྲི་ལྟ་བུའོ། |
| ལྷན་སྐྱེས་ཀྱི་དྲི་སྤོས |
རང་བྱུང་དུ་ཡོད་པའི་དྲི་བཟང་ལྡན་པའི་སྤོས། |
| ལྷན་སྐྱེས་ཀྱི་མ་རིག་པ |
སེམས་ཅན་གྱི་རྒྱུད་ལ་རང་བཞིན་གྱིས་ཡོད་པའི་བདག་ཏུ་རྨོངས་པའི་མ་རིག་པའོ། |
| ལྷན་སྐྱེས་ཀྱི་འཇིག་ལྟ |
རང་གི་ཕུང་པོ་ལྔ་ལ་དམིགས་ནས་རང་ཚུགས་ཐུབ་པའི་ང་ཡོད་སྙམ་དུ་བསམ་པ། |
| ལྷན་སྐྱེས་ཀྱི་ཡོན་ཏན |
སྐྱེ་ཐོབ་ཀྱི་ཡོན་ཏན་ཏེ་རང་སྟོབས་ཀྱིས་ཤེས་པའི་ཡོན་ཏན། |
| ལྷན་སྐྱེས་ཀྱི་རྨ |
ལུས་ཀྱི་རྨ་སྒོ་གསུམ་སོགས། |
| ལྷན་སྐྱེས་ཀྱི་རླུང |
ཁ་སྣ་སོགས་ལུས་ཀྱི་བུ་ག་ནས་རྒྱུ་བའི་དབུགས་རླུང༌། |
| ལྷན་སྐྱེས་ཀྱི་ལྷ་འདྲེ |
རང་ལུས་དང་མཉམ་དུ་སྐྱེས་པ་དང༌། ཤི་མ་ཐག་ཏུ་ཁ་བྲལ་བའི་ལྷ་འདྲེ་ཞིག་སྟེ་རང་གི་དཀར་ནག་ལས་གྲངས་འདྲེན་པའི་མི་མིན་ཞིག |
| ལྷན་སྐྱེས་མ |
དབེན་གསུམ་དང་འོད་གསལ་གྱི་རྟོགས་པ་ཐོབ་པའི་ཕོ་ཉ་མོ། |
| ལྷན་སྐྱེས་རྨ |
ནད་རང་ཉིད་དང་ལྷན་ཅིག་སྐྱེས་པའི་རྨ་སྟེ། འབྲས་དང༌། གཞང་འབྲུམ། མེ་དབལ། སུརྻ། རྨེན་བུ། རླིག་རླུག་རྐང་འབམ། མཚན་བར་བརྡོལ་བ་བཅས་བརྒྱད་མཆིས་སོ། |
| ལྷན་སྐྱེས་ལྷ་ལྔ |
མིའི་ལྷན་སྐྱེས་ཀྱི་ལྷ་ལྔ་སྟེ། འཚོ་བའི་ལྷ་དང༌། སྲུང་བའི་ལྷ། སྐྱོབ་པའི་ལྷ། འགྲོགས་པའི་ལྷ། འགོ་བའི་ལྷ་བཅས་སོ། |
| ལྷབ |
(རྒྱན་ཚིག) སྲབ་ལ་ཞེང་ཆེ་བ་སྟེ། རས་ལྷབ། ཤ་ལྷབ། པགས་ལྷབ་ཅེས་པ་ལྟ་བུ། |
| ལྷབ་བེ་ལྷུབ་བེ |
ལྷབ་ལྷུབ་ལ་ལྟོས། |
| ལྷབ་ལྷབ |
སྲབ་ལ་ཞེང་ཆེ་བའི་དངོས་རྫས་གཡོ་བའི་རྣམ་པ་སྟེ། དར་ལྷབ་ལྷབ་གཡོ། མེ་ལྷབ་ལྷབ་འབར་ལྟ་བུ། |
| ལྷབ་ལྷུབ |
ལྷབ་བེ་ལྷུབ་བེའི་བསྡུས་ཚིག་ཕར་ཚུར་རྒྱུན་མི་འཆད་པར་གཡོ་ཚུལ། ལྷགས་པས་དར་ཆ་ལྷབ་ལྷུབ་སྐྱོད་པ། མེ་ལྷབ་ལྷུབ་ཏུ་འབར། གོས་ཀྱི་ཕུ་ཐུང་ལྷབ་ལྷུབ་ཏུ་གཡུག་པ། |
| ལྷབ་ལྷུབ |
སྲབ་ལ་རིང་བའི་དངོས་རྫས་གཡོ་བའི་དོན་ཏེ། དར་ཤམ་ལྷབ་ལྷུབ་བསྐྱོད་ལྟ་བུ། |
| ལྷབ་ལྷེབ |
ལྷེ་བ་ཆུང་ངུ། ཁ་བ་ལྷབ་ལྷེབ་ཏུ་འབབ། |
| ལྷབས |
གྲངས་ཆེན་པོའི་གནས་ཤིག |
| ལྷབས་སེ་ལྷབ |
གཡོ་ཚུལ་ལམ་བསྐྱོད་སྟངས་ཤིག རླུང་གིས་གཡོས་པའི་དར་ལྕེ་ལྷབས་སེ་ལྷབ། མེ་ལྕེ་ལྷབས་སེ་ལྷབ། མེ་ལྕེ་ལྷབས་སེ་ལྷབ་འབར་བ། |
| ལྷམ |
ཀོ་བ་དང་རས་སོགས་ཀྱིས་བཟོས་པའི་རྐང་པ་སྐྱོབ་བྱེད་ཀྱི་གྱོན་ཆས། ཀོ་ལྷམ་ཡུ་ཐུང༌། ལྷམ་གོག་པོ། ལྷམ་བཟོ། ལྷམ་རུལ་ནང་ནས་དྲི་ངན། མི་ངན་ཁ་ནས་གཏམ་ངན། ལྷམ་ངན་ཡང་ཉྭ་དྲོ། མིང་གི་རྣམ་གྲངས་ལ་རྐང་སྐྱོབ་དང༌། རྐང་པའི་ཤིང་རྟ། བཅག་ལྷམ། མཆིལ་ལྷམ། ཚེར་མ་སྲུང༌། ཞབས་ཕྱགས། སྲོག་ཕན་བཅས་སོ། |
| ལྷམ་ཀོ |
ལྷམ་བཟོ་བྱེད་ཀྱི་ཀོ་བ། |
| ལྷམ་ཀྲད |
ལྷམ་གྱི་རྡོག་པ། |
| ལྷམ་གོག |
ཡུལ ལྷམ་གྱི་མིང༌། ལྷམ་གོག་ཨ་ཀྲད་ལ་མ་ལྟོས། ཞབས་བྲོ་འབྱུང་ཁུངས་ལ་ལྟོས། |
| ལྷམ་ཉེ་བའི་རིན་པོ་ཆེ |
འཁོར་ལོས་སྒྱུར་བའི་རྒྱལ་པོའི་ལྷམ་ཞིག |
| ལྷམ་ཐག |
ལྷམ་སྒྲོག་དང་དོན་གཅིག་ |
| ལྷམ་པ |
གྲུ་བཞི་ཁ་གང༌། གྲུ་བཞི་ལྷམ་པ། གྲུ་བཞི་ལྷམ་པ་ཤོ་ལྟ་བུ། |
| ལྷམ་བཟོ་བ |
རྐང་པར་གྱོན་རྒྱུའི་ལྷམ་བཟོ་མཁན། མིང་གི་རྣམ་གྲངས་ལ་ཀོ་ལྤགས་མཁན་དང་ལྷམ་བཟོ་མཁན་ནོ། |
| ལྷམ་བུ་གཤེར |
ལྷམ་བུ་ཆུ་གཤེར་གྱི་བསྡུས་ཚིག་ |
| ལྷམ་བུ་ཆུ་གཤེར |
སྲིན་འབུ་ཞིག |
| ལྷམ་མགོ |
1 ལྷམ་གྱི་སྟེང་མན་གྱི་མགོའི་ཆ། 2 ཡུལ ལྷམ་སྤྱི། |
| ལྷམ་མཐིལ |
ལྷམ་གྱི་མཐིལ་ལམ་རྡོག་པ། |
| ལྷམ་མེ |
(རྒྱན་ཚིག) ལྷུན་ཆགས་པའི་རྣམ་པ་སྟེ། ལྷམ་མེར་གནས། རི་བོ་ཅིན་ཀང་མཐོ་ཞིང་ལྷམ་མེར་མངོན་ཞེས་པ་ལྟ་བུ། |
| ལྷམ་མེ་བ |
སྐུ་གསལ་ལམ་མེ་བ། སྐུ་ལྷམ་མེ་བ། ལྷམ་མེ་ལྷང་ངེ། |
| ལྷམ་མེ་ལྷན་ནེ་ལྷང་ངེ |
བརྗིད་པ་དང་གསལ་བ་དང་བག་ཕེབས་པ་སོགས་ཀྱི་ཉམས་ཁྱད་པར་ཅན། |
| ལྷམ་མེར |
བརྗིད་པའི་མངོན་ཚུལ་ཞིག འོད་སྟོང་ལྷམ་མེར་འཕྲོ་བ། |
| ལྷམ་ཟོམ་པ |
སྐུད་བཙེམས་ཟོམ་མཐིལ་དང་དེ་ལ་ཡུ་བ་བསྒར་བའི་ལྷམ། |
| ལྷམ་འཇའ་ཆེན་སྔོན་པོ |
སྔར་བོད་ས་གནས་སྲིད་གཞུང་གི་གུང་བཀའ་བློན་གྱིས་རྒྱ་ལུ་ཆས་སྤྲོས་སྐབས་གྱོན་པའི་གཟབ་ལྷམ། |
| ལྷམ་ཡུ |
ལྷམ་གྱི་ཡུ་བ། |
| ལྷམ་རྟ་ཟོན་མ |
སྔར་བོད་ཀྱི་ལྷ་ལྕམ་གྱི་གཟབ་གྱོན་ལྷམ་ཞིག |
| ལྷམ་རྡོག |
ལྷམ་མཐིལ་གྱི་ཟད་སྐྱོབ། |
| ལྷམ་ལྕགས |
ལྷམ་མཐིལ་ཟད་སྐྱོབ་ཀྱི་ལྕགས་གཟེར། |
| ལྷམ་ལྷམ |
འོད་འབར་ཚུལ་ལམ་འཕྲོ་ཚུལ་ཞིག མེ་ལྷམ་ལྷམ་འབར། འོད་ཟེར་ལྷམ་ལྷམ་འཕྲོ། |
| ལྷམ་སྒྲོ་གུ་ཅན |
ལྷམ་ཡུ་རིང་སྒྲོ་གུ་ཅན་ལྟ་བུ། |
| ལྷམ་སྒྲོག |
ལྷམ་ཡུ་ཉར་སྒྲོག་བྱེད། རིང་བ་སྐེད་རགས་དང༌། ཐུང་བ་ལྷམ་སྒྲོག་ཡན་ཆད་གོ་བསྡུར་བྱས། |
| ལྷམ་སྒྲོག |
ལྷམ་ཡུ་སྡོམ་བྱེད་ཀྱི་ཐ་གུའི་མིང། |
| ལྷམ་སྣ་བསྒྱུར་བ |
ལྷམ་གྱི་སྣེ་མོ་བསྒྱུར་བ་སྟེ་འགྲོ་བ། རང་ཡུལ་ནས་ལྷམ་སྣ་བསྒྱུར་ཏེ་ས་ཆ་གཞན་ལ་ཕྱིན་པ། |
| ལྷམ་སྤུ |
ཡུལ ལྷམ་གྱི་ཡུ་བ་བཟོ་བྱེད་སྣམ་བུ། |
| ལྷམ་སྤུ་མ |
རས་སྤུ་མས་བཟོས་པའི་ལྷམ། |
| ལྷའི་གནས |
1 ནམ་མཁའ། 2 རི་རབ་ལྷུན་པོ། 3 ལྷའི་ཡུལ། |
| ལྷའི་གཙོ་བོ་གསུམ |
ཚངས་པ་དང༌། དབང་ཕྱུག་དང༌། ཁྱབ་འཇུག་བཅས་སོ། |
| ལྷའི་གར་མཁན |
ལྷ་ཡུལ་གྱི་གར་པ། མིང་གི་རྣམ་གྲངས་ལ་དྲན་པའི་སྙེ་མའོ། |
| ལྷའི་གསལ་སྣང |
བསྐྱེད་རིམ་སྒོམ་སྐབས་ཡི་དམ་ལྷའི་ཞལ་ཕྱག་དང་རྒྱན་ཆ་ལུགས་སོགས་མ་འདྲེས་པར་བཀྲ་ལམ་གྱིས་གསལ་བའི་སྣང་བ། |
| ལྷའི་གླུ་མཁན |
1 དབྱངས་ཅན་མ། 2 ལྷ་ཡུལ་གྱི་བུ་མོ་གླུ་དབྱངས་མཁན། མིང་གི་རྣམ་གྲངས་ལ་སྐབས་གསུམ་པའི་གླུ་དབྱངས་མཁན་དང༌། སྒྲ་ངན་སྤངས། དྲི་ཟ། དྲི་ཟ་སྐྱེས། དབྱངས་སྒྲོག་པ། དབྱངས་ལྡེམ་མོ་བཅས་སོ་3 ལྷ་ཡུལ་གྱི་པི་ཝང་མཁན། |
| ལྷའི་ང་རྒྱལ |
བདག་བསྐྱེད་སྐབས་ཀྱི་རང་ཉིད་ལྷའི་སྐུར་གྱུར་པར་གསལ་བའོ། |
| ལྷའི་ཐིག་ཚད |
ལྷ་སྐུའི་དཔངས་ཞེང་ཆེ་ཆུང་གི་ཐིག་ཚད། |
| ལྷའི་ཐོ་ཡོར |
མི་མིན་གནས་སའི་རྟེན་མཁར། |
| ལྷའི་དག་བྱེད |
མངོན ཆུ་བོ་གངྒཱ། |
| ལྷའི་དཔལ |
1 སངས་རྒྱས་ཤིག་གི་མཚན། 2 ལྷའི་སྟོབས་འབྱོར་ཕུན་སུམ་ཚོགས་པ། |
| ལྷའི་དབང་པོ |
བརྒྱ་བྱིན། |
| ལྷའི་དམག་དཔོན |
དབང་ཕྱུག་གི་བུ་ཆུང་གདོང་དྲུག |
| ལྷའི་དེ་ཁོ་ན་ཉིད |
བྱ་རྒྱུད་ཀྱི་སྒོམ་པ་དེ་ཉིད་བཞིའི་ཡ་གྱལ་ཞིག་སྟེ། བྱ་རྒྱུད་ལྷ་དྲུག་གི་སྒོ་ནས་བདག་ཉིད་ལྷར་བསྐྱེད་པའི་མདུན་དུ་ཡེ་ཤེས་པ་སྤྱན་དྲངས་ཤིང་རྗེ་ཁལ་གྱི་ཚུལ་དུ་བལྟས་ནས་དངོས་གྲུབ་སྒྲུབ་པའོ། |
| ལྷའི་དྲང་སྲོང |
ལྷའི་སྔགས་འཆང་ངམ་སྒོམ་ཆེན་པ། མིང་གི་རྣམ་གྲངས་ལ་རྒྱས་པ་དང༌། མཆུ་ལས་སྐྱེས། མེ་སྦྱིན་བུ་བཅས་སོ། |
| ལྷའི་བཏུང་བ |
ལྷ་རྣམས་བཏུང་བྱའི་ཆུ། མིང་གི་རྣམ་གྲངས་ལ་བདུད་རྩི་དང་བདེ་འཐུང་ངོ། |
| ལྷའི་བདག་པོ |
1 སངས་རྒྱས་ཤིག་གི་མཚན། 2 མངོན ཚངས་པ། |
| ལྷའི་བུའི་བདུད |
བདུད་བཞིའི་ནང་གསེས། འདོད་ཁམས་ཀྱི་ལྷའི་བུ་རྣམས་ཕྲག་དོག་གི་དབང་གིས་དགེ་བའི་བར་ཆད་བྱེད་པ། |
| ལྷའི་བུའི་བདུད་ཕྲ་མོ |
བདུད་དང་པོ་གསུམ་པོ་གང་རུང་ལས་མི་འདའ་བར་བྱེད་པའི་རྣམ་གཡེང་ལྟ་བུ། |
| ལྷའི་བུའི་བདུད་རགས་པ |
གཞན་འཕྲུལ་དབང་བྱེད་ཀྱི་བདག་པོ་དགའ་རབ་དབང་ཕྱུག |
| ལྷའི་བླ་མ |
མངོན 1 གཟའ་ཕུར་བུ། 2 སངས་རྒྱས། |
| ལྷའི་མངོན་རྟོགས |
ལྷའི་བསྐྱེད་ཆོག |
| ལྷའི་མདོ་ཉུང་ངུ |
ལུང་ཕྲན་ཚེགས་ཀྱི་ལེའུ་ཆིག་སྟོང་ཉིས་བརྒྱ་དགུ་བཅུ་གོ་དགུ་པ། |
| ལྷའི་མིག |
ཏིང་ངེ་འཛིན་དང་སྙོམས་པར་འཇུག་པ་ཐམས་ཅད་ཀྱི་ཤེས་པ། |
| ལྷའི་མིག་གི་མངོན་ཤེས |
མངོན་ཤེས་དྲུག་གི་ནང་གསེས། ད་ལྟར་གྱི་གཟུགས་ཐག་རིང་ཐུང་ཇི་སྙེད་པ་དང༌། ཤི་ནས་གར་སྐྱེས་པའི་གཟུགས་ལ་སོགས་པ་ཡུལ་དང་དུས་ཀྱིས་བསྐལ་བའི་ལྐོག་གྱུར་རྣམས་མཐོང་ཞིང་ཤེས་པའོ། |
| ལྷའི་མེ་ཏོག |
1 ལྷ་ཡུལ་གྱི་མེ་ཏོག 2 མངོན ལི་ཤི། |
| ལྷའི་ཚལ་བཞི |
ཤིང་རྟ་སྣ་ཚོགས་ཅན་དང༌། རྩུབ་འགྱུར་ཚལ་དང༌། འདྲེས་པའི་ཚལ་དང༌། དགའ་བའི་ཚལ་རྣམས་སོ། |
| ལྷའི་ཚོན་རིས |
མངོན འཇའ་ཚོན། |
| ལྷའི་འགྲོ་བ |
ལྷའི་སྐྱེ་འགྲོ་སེམས་ཅན། |
| ལྷའི་འཇིག་རྟེན |
1 འཇིག་རྟེན་གསུམ་གྱི་ནང་གསེས་ཤིག་སྟེ་ས་བླ། 2 མངོན མཐོ་རིས། |
| ལྷའི་འདུན་ས |
ལྷ་འདུ་ཞིང་འཛོམས་པའི་གནས། |
| ལྷའི་ཡང་ལྷ |
1 སངས་རྒྱས་སྤྱིའི་མཚན། 2 མངོན ཤཱཀྱ་ཐུབ་པ། |
| ལྷའི་རི་བོ |
མངོན རི་རབ། |
| ལྷའི་རིགས་ནས་རིགས |
ལྷའི་འཇིག་རྟེན་ཁོ་ན་བརྒྱུད་དེ་སྐྱེ་བ། |
| ལྷའི་རིགས་ནས་རིགས་སུ་སྐྱེ་བ |
དགེ་འདུན་ཉི་ཤུའི་ནང་གསེས། རྒྱུན་ཞུགས་འབྲས་གནས་ཁྱད་པར་ཅན་གང་ཞིག་འདོད་ལྷ་དྲུག་པོ་གང་རུང་གི་རྟེན་ལ་རྒྱུན་ཞུགས་ཐོབ་པ་དེ་ལྟར་ལན་གཉིས་སྐྱེས་ནས་དང་པོའི་ལྷའི་རིགས་དེའམ་གཞན་ལྔ་པོ་གང་རུང་ལ་མྱ་ངན་ལས་འདའ་བའོ། |
| ལྷའི་རིས |
ལྷའི་རྒྱུད་དམ་ལྷའི་གྲས། |
| ལྷའི་རྒྱབ་ཡོལ |
ལྷའི་བཞུགས་ཁྲིའི་རྒྱབ་ཡོལ། |
| ལྷའི་རྒྱལ་ཆེན |
1 ཚངས་པ་དང་བརྒྱ་བྱིན། 2 རྒྱལ་ཆེན་སྡེ་བཞི། 3 སངས་རྒྱས་ཤིག་གི་མཚན། |
| ལྷའི་རྒྱལ་པོ |
1 སངས་རྒྱས་ཤིག་གི་མཚན། 2 ཚངས་པ་དང་བརྒྱ་བྱིན། 3 རྒྱལ་ཆེན་སྡེ་བཞི། |
| ལྷའི་རྔ་ཅན |
མངོན བརྒྱ་བྱིན། |
| ལྷའི་རྣ་བའི་མངོན་ཤེས |
དཔག་ཚད་བརྒྱ་ལ་སོགས་པའི་སྒྲ་ཕྲ་རགས་མངོན་སུམ་དུ་ཐོས་པ། |
| ལྷའི་རྫིང་རིང |
མངོན ནམ་མཁའ། |
| ལྷའི་ལྗོན་ཤིང |
1 དཔག་བསམ་གྱི་ཤིང༌། མིང་གི་རྣམ་གྲངས་ལ་རྒྱ་མཚོ་སྐྱེས་དང༌། དཔག་བསམ་ཤིང༌། མན་དཱ་ར། ཡོངས་འདུ། ཡིད་མོས། ལེགས་ཁྱབ། ཧ་རི་ཙན་དན་བཅས་སོ། 2 ལྷ་ཡུལ་གྱི་ཤིང་སྤྱི། |
| ལྷའི་ལྷ |
1 སངས་རྒྱས་ཀྱི་མཚན། 2 མངོན ཤཱཀྱ་ཐུབ་པ། |
| ལྷའི་ཤིང |
1 ལྷ་ཡུལ་གྱི་དཔག་བསམ་ཤིང་སོགས། 2 མངོན ཤུག་པ། |
| ལྷའི་སྐད |
སཾསྐྲྀཏ སྐད་རིགས་ཆེན་པོ་བཞིའི་ནང་གསེས་ཤིག་སྟེ། ལེགས་སྦྱར་གྱི་སྐད་དེ་སངས་རྒྱས་ཀྱིས་ལྷ་ཡུལ་དུ་ཆོས་གསུང་བའི་སྐད། |
| ལྷའི་སྒྲོན་མེ |
མངོན མིག |
| ལྷའི་སྤྱན |
ནམ་མཁའི་ཁམས་ཀྱི་མཐས་གཏུགས་པའི་འཇིག་རྟེན་གྱི་གཟུགས་ཐམས་ཅད་མཐོང་བ། |
| ལྷའི་སྨན་པ |
ལྷ་རྣམས་ཀྱི་སྨན་བཅོས་པ། མིང་གི་རྣམ་གྲངས་ལ་རྒོད་མ་སྐྱེས་དང༌། ཐ་སྐར་སྐྱེས། མཐོ་རིས་སྨན་པ། རྣམ་འབྱེད་བུ་བཅས་སོ། |
| ལྷར་གཡར་འདྲེར་བསྐྱིས |
ཡག་ས་ནས་གཡར། སྡུག་ས་ནས་བསྐྱིས་ཏེ་ཐབས་འཚོལ་བའི་གཏམ། |
| ལྷར་སྨོད |
མངོན ལྷ་མིན། |
| ལྷས |
མཐའ་ལ་ར་བས་བསྐོར་བའི་ནང་ཁུལ་ལམ་ཕྱུགས་ཟོག་གི་ར་བའི་མིང་སྟེ། ལུག་ལྷས། ནོར་ལྷས། ལྷས་ར་ཞེས་པ་ལྟ་བུ། (བྱེད་འབྲེལ་ལས་ཚིག)སླེ་དང་དོན་འདྲ། འདི་ལ་ལྷེས་འབྲི་བའང་ཡོད། |
| ལྷས་བཀང |
མངོན པདྨ་ཅན་གྱི་མཚོ། |
| ལྷས་བསྐོས |
རྙིང དབང་ཐང༌། |
| ལྷས་བསྟན |
མངོན 1 ལས་སྐལ། 2 མངའ་ཐང་ངམ་དབང་ཐང༌། |
| ལྷས་བྱིན |
དེབདརྟཿ བཅོམ་ལྡན་འདས་ཀྱི་གཅུང་པོ་ལོག་ལྟ་ཅན་ཞིག |
| ལྷས་བྱིན་གྱི་བརྟུལ་ཞུགས་ལྔ |
ཤ་མི་ཟ་བ་དང༌། འོ་མ་མི་འཐུང་བ། ལན་ཚྭ་མི་ཟ་བ། གོས་དྲས་ཤིང་དྲུབ་པ་མི་གྱོན་པ། དགོན་པར་མི་གནས་པ་སྟེ་ལྔ། |
| ལྷས་བྱིན་གྱི་བསླབ་ཚིག་ལྔ |
ཤ་མི་ཟ། འོ་མ་མི་འཐུང༌། ལན་ཚྭ་མི་ཟ། གོས་དྲས་དྲུབ་ཅན་མི་གྱོན། དགོན་པར་མི་གནས་པ་སྟེ་ལྔ། |
| ལྷས་མ |
ཆུན་པོ་བསླས་མ། སྐྲ་ལྷས་མ། སྐེད་རགས་ལྷས་མ། སྤ་ཐག་ལྷས་མ། |
| ལྷས་ར |
ཕྱུགས་ཀྱི་གནས་ར་བ། ར་རི་ལ་བཏང་ཡང་དོན་ལྷས་རར་ཚང་དགོས། |
| ལྷས་རྩེན |
མངོན ནམ་མཁའ། |
| ལྷས་ལུད |
ལྷས་ར་ནས་བྱུང་བའི་ལུད། |
| ལྷིང |
(རྒྱན་ཚིག) གཡོ་འགུལ་མེད་པའམ་བརྟན་ཆགས་པའི་དོན་ཏེ། རི་བོ་ལྟར་ལྷིང་བ། ལྷིང་འཇགས་སུ་གནས། འཚོ་བ་ལྷིང་བོ་ཞིག་ཡོང་ལྟ་བུ། |
| ལྷིང་ཆགས |
ལྷོད་པའམ་བརྟན་པོར་གྱུར་པ། ལས་བྲེལ་ལྷིང་ཆགས་ནས་ལྷོད་དལ་ལ་གནས། ཟིང་འཁྲུག་ལྷིང་ཆགས་ནས་ཞི་བདེའི་གོ་སྐབས་ཐོབ། |
| ལྷིང་ནན |
ལྷིང་པོ་དང་ནན་པོའི་བསྡུས་ཚིག མི་གཞི་ལྷིང་པོས་བྱ་བ་དོ་ནན་བྱས་པས་ལས་དོན་ལྷིང་ནན་བྱུང༌། |
| ལྷིང་པོ |
ལྷིང་བ་དང་འདྲ། |
| ལྷིང་བ |
ཞི་ཞིང་དུལ་བ་དང་འདྲོག་འཚུབ་མེད་པའམ་ཚབ་ཚུབ་མེད་པ། རྟ་ལྷིང་པོ། མི་ལྷིང་བ། སྤྱོད་ལམ་ལྷིང་བ། ཟབ་ལྷིང་བརྟན་གསུམ། བྲེལ་བྲེལ་འཚབ་འཚབ་མེད་པའི་སྐད་ཆ་ལྷིང་པོ་བྱས་ན་གོ་བརྡ་ལེགས་པར་འཕྲོད་ཡོང༌། |
| ལྷིང་འཇགས |
དུས་ཟང་ཟིང་དང་བྱ་བ་ཟང་ཟིང་བྲལ་བ། ངོ་ལོག་ཟིང་འཁྲུག་ལྷིང་འཇགས་སུ་གཏོང་བ། སྤྱི་ཚོགས་ཉིན་བཞིན་ལྷིང་འཇགས་སུ་གྱུར་པ། |
| ལྷིང་རྩ |
མི་དང་སྲོག་ཆགས་ཀྱི་ཁྲག་རྩ་ལ་འཕར་རྩ་དང་། སྡོད་རྩ་གཉིས་ཡོད་པའི་སྡོད་རྩའི་མིང་གཞན། |
| ལྷིང་སྐྲན |
རླུང་གིས་སྐྱེད་པའི་སྐྲན་ནད་ལྷིང་འཇགས་པོ་མེད་པ་ཞིག་སྟེ། ཕོ་ལོང་སོགས་ཀྱི་གནས་སུ་བརྟན་པོ་མེད་པར་འཕྱོ་ལྡིང་འཕེལ་འབྲི་བྱེད་པ་ཞིག |
| ལྷུ |
ཡན་ལག་དང་དུམ་བུ། ལྷུ་ཆེ་བ། ལྷུ་ཆུང་བ། མ་ལག་གི་ལྷུ་མི་འཕྲོད་པ། རྩ་འཛུགས་ལྷུ་འཐོར། བར་མཚམས་ཀྱི་ལྷུ་ཐེབས་པ། དུས་ཚོད་སྔ་ཕྱིའི་ལྷུ་མ་ཐེབས་པ། ཤ་ཁོག་ལྷུ་རུ་གསིལ་བ། |
| ལྷུ་ཆ |
ཡན་ལག་གི་ཆ་ཤས། |
| ལྷུ་ཆུང |
ལྷུའི་དུམ་བུ་ཆུང་གྲས། ཉིང་ལག་གི་ལྷུ་ཆུང༌། འཕྲུལ་འཁོར་གྱི་ལྷུ་ཆུང༌། |
| ལྷུ་ཆེན |
ལྷུའི་དུམ་བུ་ཆེ་གྲས། རྐང་ལག་བཞིའི་ལྷུ་ཆེན། འཕྲུལ་འཁོར་གྱི་ལྷུ་ཆེན། ལྷུ་ཆུང་མང་པོ་ལྷུ་ཆེན་དུ་བསྒྲིགས། |
| ལྷུ་ཕྲག |
དུམ་བུའི་བར་མཚམས། |
| ལྷུ་བཤིག |
དུམ་བུ་ཁ་ཕྲལ་བ། ཤིང་སྒྲོམ་རྙིང་པའི་ལྷུ་བཤིག་པ། ལྷུ་བཤིག་བསྐྱར་བསྒྲིག |
| ལྷུ་མགོ |
ལྷུ་སྣེའི་མིང་། |
| ལྷུ་མཚམས |
ཡན་ལག་གི་དུམ་བུའི་བར་མཚམས། |
| ལྷུ་ཚིགས |
ལྷུ་གཉིས་འབྲེལ་མཚམས་ཀྱི་མིང་། དུམ་བུ་མང་བོ་བསྒྲིགས་ནས་གྲུབ་པའི་ཡོ་བྱད་ཀྱི་དུམ་བུའི་མིང་སྟེ། སྒ་ཆ་ལྷུ་བཞི། འཕྲུལ་འཁོར་གྱི་ལྷུ་བསྒྲིགས་ལྟ་བུ། འདི་ལ་ལྷུ་ལག་ཀྱང་ཟེར། |
| ལྷུ་འགྲིག་པ |
1 དངོས་པོ་དང་ལས་དོན་སོགས་ཁུངས་འགྲིག་པ། འཕྲུལ་འཁོར་གྱི་ཡན་ལག་ཚང་མ་ལྷུ་འགྲིག་པ། 2 སྟབས་འགྲིག་པ། ལས་དོན་མང་པོ་ལྷུ་འགྲིག་པ། དུས་སྐབས་སྔ་ཕྱི་ལྷུ་འགྲིག་པ། |
| ལྷུ་རུས |
རུས་ཚིགས་ཀྱི་ལྷུའི་དུམ་བུ། སྒལ་པའི་ལྷུ་རུས། རྐེད་ཀྱི་ལྷུ་རུས། |
| ལྷུ་རྩིས |
ཡུལ ཞིང་ཁའི་སོན་འགྲོ་རྩི་སྟངས། |
| ལྷུ་ལག |
ཡན་ལག་གམ་ཆ་ཤས། འཕྲུལ་འཁོར་གྱི་ལྷུ་ལག་སྒྲིག་པ། ལུས་ཀྱི་ལྷུ་ལག ལྷུ་ལག་ཆེ་རིགས། སུག་བཞི་གཡང་ལ་ལྷུངས་ན། ལྷུ་ལག་ཚང་བ་ཁག་པོ་རེད། |
| ལྷུ་སྒྲིག |
ཡན་ལག་དང་དུམ་བུ་ཕན་ཚུན་སྒྲིག་པ། པང་ལེབ་ཕན་ཚུན་ཁ་སྦྱོར་ལྷུ་སྒྲིག་བྱེད་པ། འཕྲུལ་འཁོར་ལྷུ་སྒྲིག་པ། |
| ལྷུག |
(རྒྱན་ཚིག) མར་འཕྱང་བའམ་ལྷོད་པའི་དོན་ཏེ། ལྭ་བ་ལྷུག་པོར་གྱོན་ལྟ་བུ། ཡི་གེའི་གྲངས་ལ་ཚད་བཟུང་མེད་པའི་རྩོམ་གྱི་འབྲི་སྟངས་ཤིག་སྟེ། སྙན་ངག་གི་ལུས་ལ་བཅད་ལྷུག་སྤེལ་མ་གསུམ་ཡོད་པའི་ལྷུག་པ། དཔེར་ན། རྐང་བ་མེད་པའི་ཚིག་རྒྱུན་ནི་ལྷུག་པའོ་ཞེས་པ་ལྟ་བུ། |
| ལྷུག་གེ་བ |
ཐུར་དུ་འཕྱང་བའི་རྣམ་པ་ཞིག གོས་ལྷུག་གེ་བ། གྲོད་ཁོག་ལྷུག་གེ་བ། |
| ལྷུག་པ |
1.ཚིགས་བཅད་མིན་པའི་ཡི་གེ། 2.དམ་པོ་མ་ཡིན་པ། སྐ་རགས་ལྷུག་པ་ཞིག་བཅིངས་ཏེ་ཕྱིན་པ། |
| ལྷུག་པར་བཤད |
1 ཚིགས་བཅད་མིན་པའི་དཔེ་ཆ། འབོལ་རྩོམ་གོ་བདེ་ལྷུག་པར་བཤད་པ། 2 སྐད་ཆ་ཞིབ་ཅིང་རྒྱས་པར་བཤད་པ། སྔ་ཕྱིའི་ཡོང་རྐྱེན་གནས་ཚུལ་ལྷུག་པར་བཤད་པ། |
| ལྷུག་པོ |
1 འབོལ་པོ། འཚོ་བ་ལྷུག་པོ། འབོལ་ལྷུག 2 ཤོགས་པོ་དང་ལྷོད་པོ། འགྲོ་སོང་ལྷུག་པོར་གཏོང་བ། ལག་པ་ལྷུག་པོ། གོས་ལྷུག་པོར་གྱོན་པ། དགོས་ཆ་ལྷུག་པོར་གཏོང་བ། ལྷུག་པོར་བཤད་པ། 3 ཚོད་འཛིན་མེད་པ། སྤྱོད་ལམ་ལྷུག་པོར་གནས་པ། ཉམ་ཐག་པས་མཆི་མའི་རྒྱུན་ལྷུག་པོར་འབབ་པ། |
| ལྷུག་མ |
ཚིགས་བཅད་མིན་པའི་ཡེ་གེའི་དོན་དུ་གོ་བའི་ལྷུག་པ་དང་འདྲ། |
| ལྷུག་ཚིག |
རྐང་པར་མ་བཅད་པའི་ཚིག་ལྷུག་པ། |
| ལྷུག་ཡངས་པོ |
སྒྲིགས་ཁྲིམས་སོགས་དམ་པོ་མེད་པ། |
| ལྷུག་ལྷུག |
འབོལ་པོ་དང་ཡངས་པོའི་རྣམ་པ་ཞིག འཚོ་བ་འབོལ་འབོལ་ལྷུག་ལྷུག་བྱུང་བ། ཕན་ཚུན་ཞལ་མོལ་ཞིབ་ཞིབ་ལྷུག་ལྷུག་གནང་བ། གོ་བསྡུར་ལྷུག་ལྷུག་ཤིག་ཤིག་ལེགས་པོ་ཞིག་བྱེད་རྒྱུ་བྱུང༌། གད་མོ་ལྷུག་ལྷུག་རྒོད་པ། |
| ལྷུག་ཤིག་གེ་བ |
དོག་པོའམ་དམ་པོ་མིན་པའི་ལྷོད་དེ་བ། མདུད་པ་ལྷུག་ཤིག་གེ་བ་དེ་གྲོལ་བ་སླ། |
| ལྷུག་སྩོལ |
ཕྱག་བྲིས་ལྷུག་སྩོལ་ཞེས་སོགས་ཐོགས་པ་མེད་པར་གནང་བའམ་སྤྲོད་པ། |
| ལྷུགས |
(རྒྱན་ཚིག) མང་མའམ་བར་མཚམས་མེད་པའི་དོན་ཏེ། སྐད་ཆ་ལྷུགས་པར་བཤད། ཟས་གོས་ལྷུགས་པར་སྦྱིན་ལྟ་བུ། བླུག་གི་སྐུལ་ཚིག་ལ་ལྷུགས་འབྲི་བའང་ཡོད། |
| ལྷུགས་པ |
1 ཚིགས་བཅད་མིན་པའི་ཡི་གེའི་དོན་དུ་གོ་བའི་ལྷུག་པ་དང་འདྲ། 2 ལྷུག་པོ་དང་དོན་གཅིག་ |
| ལྷུགས་ཚིག |
ལྷུག་ཚིག་དང་འདྲ། |
| ལྷུགས་ལྷུགས |
ལྷུག་ལྷུག་དང་འདྲ། |
| ལྷུང |
འདས་པ་སྟེ། ཤིང་ཏོགས་ལ་ལྷུང་ལྟ་བུ། |
| ལྷུང་བ |
ཐ་མི་དད་པ ལྷུངས་པ། ལྷུང་བ།། ཟག་པ། སྐར་མདའ་ལྷུང་བ། གཡང་སར་ལྷུངས་ནས་སྲོག་དབང་ཆད། རྟ་ལས་ལྷུངས་ནས་མགོ་བོ་བཀས། ཐང་གི་རྡོ་བླངས་ནས་རུམ་གྱི་གྲོ་ལྷུང་བ། འོབས་སུ་ཐེངས་གཅིག་ལྷུང་ན། ཤེས་རབ་ཐེངས་གཅིག་འཕེལ་ཡོང༌། |
| ལྷུང་བཟེད |
རྒྱུ་རྡོ་ལྕགས་གང་རུང༌། ཁ་དོག་བྱ་རོག་མིག་བཞིན། དབྱིབས་སྒོ་ང་ཕྱེད་བཀས་པ་ལྟ་བུ། ཆེ་ཚད་འབྲས་ཡ་ཁྱོར་རེ་གསུམ། ཆུང་ཚད་ཡ་ཁྱོར་སོ་གཉིས། དེའི་བར་འབྲིང་ཚད། ཆུང་ཚད་འདི་དགེ་སློང་མ་རྣམས་ཀྱི་ལྷུང་བཟེད་ཆེ་ཚད་དོ། ལྷུང་བཟེད་མི་འབྱོག ལྷུང་བཟེད་མི་སྐྱོམ། ལྷུང་བཟེད་ཁ་གཡོགས། ལྷུང་བཟེད་ཀྱི་སྣོད། ལྷུང་བཟེད་བཀྲུ་བ། ལྷུང་བཟེད་འཆང་བ། |
| ལྷུང་བཟེད་ཀྱི་ཤན |
རྫས་ཀྱི་ཤན་གྱི་ནང་གསེས་ཤིག་སྟེ། ལྷུང་བཟེད་ཟུང་བྱིན་གྱིས་མ་བརླབས་པར་ཞག་བཅུ་འདས་པ་ན་ཞག་བཅུ་འཆང་སྤང་གི་ལྷུང་བ་འབྱུང་བའོ། |
| ལྷུང་བཟེད་དབྱར་འདབ |
ལྷུང་བཟེད་འཇོག་ས་སྒོར་སྟེགས་ཏེ། ལྷུང་བཟེད་ཞབས་སྟེགས་ཀྱང་ཟེར། |
| ལྷུང་བཟེད་བསྙིགས |
ལྷུང་བཟེད་མང་པོའི་བདམས་སྙིགས། |
| ལྷུང་བཟེད་འཆང་བའི་སྤང་བ |
སྤང་ལྟུང་སུམ་ཅུའི་ནང་གསེས། བྱིན་གྱིས་མ་བརླབས་པའི་ལྷུང་བཟེད་ཞག་བཅུ་འཆང་བའོ། |
| ལྷུང་བཟེད་ལྷག་པོ་འཆང་བའི་སྤང་བ |
སྤང་ལྟུང་སུམ་ཅུའི་ནང་གསེས། རང་ལ་ལྷུང་བཟེད་ཚད་ལྡན་ཡོད་བཞིན་དུ་ཁྱིམ་པ་ཉེ་དུ་མ་ཡིན་པ་ལས་ལྷུང་བཟེད་བཙལ་ནས་ཐོབ་པའོ། |
| ལྷུང་བཟེད་སྤྱོད་ཚུལ་བཅུ་བཞི |
ཉེས་བྱས་ཀྱི་སྡེ་ཚན་དྲུག་པ་ལ། དགེ་སློང་གཞན་གྱི་ལྷུང་བཟེད་ལ་འཕྱ་བ་དང༌། ལག་པ་ཟས་ཀྱིས་སྦགས་པས་ཆུ་སྣོད་ལ་རེག་པ་དང༌། གཞན་ལ་ཟས་ཀྱིས་སྦགས་པའི་ཆུ་གཏོར་བ་དང༌། ཁྱིམ་བདག་ལ་མ་དྲིས་པར་ཟས་དང་འབག་པའི་ཆུ་ཁྱིམ་དུ་འབོ་བ་དང༌། ཟས་ལྷག་ལྷུང་བཟེད་ནང་བླུགས་པ་དང༌། ལྷུང་བཟེད་འོག་སྟེགས་མེད་པར་ས་རྗེན་སྟེང་བཞག་པ་དང༌། ལྷུང་བཟེད་གད་ཁར་བཞག་པ་དང༌། གཡང་སར་བཞག་པ་དང༌། དཀན་གཟར་དུ་བཞག་པ་དང༌། གད་ཁ་དང༌། གཡང་ས་དང༌། དཀན་གཟར་དུ་ལྷུང་བཟེད་འཁྲུ་བ་དང༌། ལངས་ཏེ་འཁྲུ་བ་དང༌། འབབ་ཆུ་དྲག་པོའི་རྒྱུན་ལས་ལྡོག་སྟེ་ལྷུང་བཟེད་ཀྱིས་ཆུ་བཅུ་བ་སྟེ་བཅུ་བཞིའོ། |
| ལྷུང་བའི་རྨ |
གློ་བུར་གྲི་མཚོན་སོགས་ལས་བྱུང་བའི་རྨ་རིགས་བརྒྱད་ཀྱི་ནང་ཚན་ཤ་རུས་གཉིས་ཀ་བཅད་ནས་ལྷུ་ཚིགས་བྲལ་ནས་ལྷུང་བའི་རྨ། |
| ལྷུང་ཡས |
གྲངས་གནས་ཤིག |
| ལྷུང་ལྷུང |
ཆུ་ཕྲན་འབབ་སྟངས་དང་འབབ་སྒྲ། འབབ་ཆུ་ལྷུང་ལྷུང་དུ་འབབ་པའི་སྒྲ་དང་འདྲ་བ་སྨྲ་བ། གཙང་བསིལ་ཆུ་རྒྱུན་ལྷུང་ལྷུང་འབབ། |
| ལྷུང་ལྷུང་སྒྲ་འབྱིན |
མངོན འབབ་ཆུ། |
| ལྷུངས་པ |
ལྷུང་བའི་འདས་པ། |
| ལྷུན |
1 ངང་ངམ་ཤུགས་སམ་རང་བཞིན། མ་བཅོས་ལྷུན་གྲུབ། ལས་དོན་འབད་མེད་ལྷུན་གྱིས་འགྲུབ་པ། 2 བོངས་ཚོད་དང་གཏོས་ཚད། གཟུགས་བྱད་ལྷུན་ཆེ་བ། ཁང་པའི་རྒྱ་ཁྱོན་ལྷུན་ཆེ་བ། 3 གཟི་བརྗིད། ཉི་ཟླའི་འོད་མདངས་ལྷུན་ཆེ་བ། |
| ལྷུན་གྱིས་གྲུབ་པར་འཇུག་པའི་ཡིད་བྱེད |
ཡིད་བྱེད་བཞིའི་ནང་ཚན། སེམས་གནས་དགུ་པའི་སྐབས་སུ་བར་ཡང་མི་འཆད་ཅིང་རྩོལ་བ་ཡང་རྒྱུན་པར་བསྟེན་མི་དགོས་པར་འབད་མེད་དུ་འཇུག་པའི་ཏིང་ངེ་འཛིན། |
| ལྷུན་གྲུབ |
1 ལྷུན་གྱིས་གྲུབ་པ་སྟེ་འབད་མེད་རང་བཞིན་གྱིས་གྲུབ་པ། 2 རྫོང་ཞིག་བོད་རང་སྐྱོང་ལྗོངས་ཀྱི་ལྷ་སའི་བྱང་ངོས་འཕན་ཡུལ་ངན་ཆུའི་ཆུ་རྒྱུད་ན་ཡོད་ཅིང༌། རྫོང་མི་དམངས་སྲིད་གཞུང་དེ་ཕོད་མདོ་ན་ཡོད། |
| ལྷུན་གྲུབ་ཐོད་རྒལ |
གསང་སྔགས་རྫོགས་པ་ཆེན་པོའི་ཉམས་ལེན་གྱི་གནད། བརྩོན་འགྲུས་ཅན་འབད་བཅས་སུ་གྲོལ་བའི་གདམས་པ་སྟེ། སྔོན་འགྲོ་སྣ་ཁྲིད་གསུམ་ལ་བསླབ། དངོས་གཞི་གནད་གསུམ་དང་སྒྲོན་མ་བཞི་ལ་གོམས་པ་བསྟེན། སྣང་བ་བཞི་རིམ་གྱིས་མཐར་ཕྱིན་ཏེ་ཆོས་ཅན་སྣང་བའི་ངོས་ནས་ལྷུན་གྲུབ་ཀྱིས་གདོས་བཅས་འོད་གསལ་དུ་དྭངས་པར་བྱེད་པའོ། |
| ལྷུན་གྲུབ་རིག་འཛིན |
སྔགས་རྙིང་མའི་ལམ་བགྲོད་ཚུལ་རིག་འཛིན་རྣམ་པ་བཞིའི་ཡ་གྱལ་ཞིག་སྟེ། མི་སློབ་པའི་ལམ་བསྡུས་ཏེ་མཐར་འབྲས་སྐུ་ལྔ་ལྷུན་གྱིས་གྲུབ་པ་རྡོ་རྗེ་འཆང་གི་ས་ཐོབ་པའོ། |
| ལྷུན་གྲུབ་སྒང་པ |
བོད་ལ་སྔ་དུས་ནས་དར་བའི་ཟློས་གར་ཚོགས་པ་ཞིག |
| ལྷུན་ཆགས |
(རྒྱན་ཚིག) བཅོས་མ་མ་ཡིན་པའི་རང་གཤིས་ཡག་པོ་ཞིག་སྟེ། རི་བོ་ལྟར་ལྷུན་ཆགས་པ། སློབ་ཁང་དུ་སློབ་མ་རྣམས་ལྷུན་ཆགས་སེ་གནས་ཞེས་པ་ལྟ་བུ། |
| ལྷུན་ཆེ་བ |
1 གཟི་བརྗིད་ཆེ་བ། 2 གཏོས་ཆེ་བའམ་བོངས་ཆེ་བ། |
| ལྷུན་པོ |
རི་རབ་ཀྱི་མིང་སྟེ་རི་གཞན་ལས་ལྷུན་ཅིང་བརྗིད་ཆགས་པས་ན་ལྷུན་པོ་ཞེས་བྱའོ། ལྷུན་པོ་ཆུ་ཡིས་ནུབ་དོགས་མེད། ལུང་ཆེན་རླུང་གིས་ཁྱེར་དོགས་མེད། |
| ལྷུན་པོ་བརྩེགས་པ |
1 ཤིན་ཏུ་མཐོ་ཞིང་བརྗོད་ཆགས་པའི་རི། 2 སངས་རྒྱས་ཤིག་གི་མཚན། |
| ལྷུན་པོའི་འགྲམ་སྟེགས |
རི་རབ་ལྷུན་པོའི་རྩ་བའི་མཐར་འགྲམ་སྟེགས་དཔག་ཚད་སྟོང་ཕྲག་གཅིག་གིས་བསྐོར་བ། |
| ལྷུན་པོའི་རྭ་ལྔ་པ |
རི་རབ་ལྷུན་པོར་བཅིངས་པའི་རྭ་ལྔ་པོ་སྡེར་མ་ཁ་འཕྱང་ལྟ་བུ་ཆུང་རིམ་ནས་གྱེན་དུ་བཏེགས་པ་ལྟར་རྭ་སྟེང་མས་འོག་མ་བཀབ་པའི་ཚུལ་དུ་ཡོད་ཅིང༌། དེའི་ལྔ་པ་ནི་ཁ་ཁྱེར་གྱི་ཐད་ཀར་དཔག་ཚད་སྟོང་ཕྲག་ལྔ་བཅུ་ཡོད་པ་དེས་ཁྱབ་ཁོངས་ཀྱི་འོག་མཐའ་ནས་རྩ་བའི་འགྲམ་སྟེགས་ལ་ཐུག་པའི་བར་དཔག་ཚད་སྟོང་ཕྲག་བཅུ་དྲུག་ཡོད་པ་དེའི་ཐུར་འཕྱང་བསིལ་རི་དང་ཕྲད་ནས་ཡོད། |
| ལྷུན་ཡས |
གྲངས་གནས་ཤིག |
| ལྷུན་རྩེ |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་དུ་ཡོད། རྫོང་མི་དམངས་སྲིད་གཞུང་དེ་སྐྱིད་ཐང་དུ་ཡོད། |
| ལྷུན་རྩེ་གཞུང་ཆུ |
འབབ་ཆུ་ཞིག་ཆུ་འགོ་བོད་རང་སྐྱོང་ལྗོངས་ཀྱི་མཚོ་སྨད་རྫོང་ཁུལ་ནས་བྱུང་ཞིང༌། ལྷུན་རྩེ་རྫོང་ཁུལ་དུ་བྱ་ཡུལ་ཆུ་དང་འཛོམས་ནས་སྣང་རྫོང་ཁུལ་དུ་འབབ། ཤི་པ་ཤ་ཆུའི་ཡན་ལག་ཅིག་ཡིན། |
| ལྷུན་སྟུག |
ཤིན་ཏུ་མཐོ་ཞིང་གཏོས་ཆེ་བའམ་མཁྲེགས་པ། མངའ་ཐང་ལྷུན་སྟུག་གསེར་རི་འདྲ། རི་བོ་བརྟན་ཞིང་ལྷུན་སྟུག་པ། |
| ལྷུན་སྡིངས་བདུད་རྩི་འགྱུར་མེད |
རབ་བྱུང་བཅུ་པའི་ནང་གཙང་ལྷུན་སྡིངས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་རིག་གནས་སྤྱི་དང་གསོ་བ་རིག་པ་ལ་དཔྱིས་ཕྱིན་པར་སྦྱངས། ཇོ་ནང་སྤྲུལ་པའི་སྐུ་ཀུན་དགའ་སྙིང་པོའི་བླ་སྨན་པ་དང༌། རྒྱུད་བཞི་རྟག་བརྟན་པར་མ་པར་དུ་བརྐོ་བའི་དོ་དམ་དང་ཞུས་ཆེན་མཛད། གསུང་རྩོམ་ཡང་བྱང་པ་ཡབ་སྲས་ཀྱི་བཞེད་པ་གཙོར་སྟོན་པ་གསོ་བ་རིག་པའི་ལག་ལེན་ཀུན་གྱི་སྙིང་པོ་དགོས་འདོད་ཀུན་འབྱུང་སོགས་མཛད། |
| ལྷུན་སྡུག |
བརྗིད་ཅིང་མཛེས་པ། སྐུ་གཟུགས་ལྷུན་སྡུག་ལྡན་པ། སྐྱེད་ཚལ་ཉམས་དགའ་ལྷུན་སྡུག་པ། |
| ལྷུམས |
ཕྲུ་གུ་ཆགས་སའི་སྣོད་མངལ་གྱི་ཞེ་ས། ཡུམ་གྱི་ལྷུམས་སུ་ཆགས་པ། |
| ལྷུམས་འཇུག |
མངལ་དུ་ཕྲུ་གུ་འཁོར་བ། |
| ལྷུར |
རྒྱུན་དུ་ལེན་བླངས་ལོངས་སོགས་དང་མཉམ་དུ་བཀོལ་ན། སེམས་རྩེ་གཅིག་གི་སྒོ་ནས་དང་དུ་ལེན་པའི་དོན་ཏེ། བརྩོན་པ་ལྷུར་ལེན། འབད་པ་ལྷུར་བླངས། སློབ་སྦྱོང་ལ་འབད་པ་ལྷུར་ལོངས་ཤིག་ལྟ་བུ། |
| ལྷུར་པོ |
བརྩོན་པ་ཆེན་པོའམ་དོ་ཁུར་ཆེ་བའི་དོན་དུ་གོ་བའི་ཧུར་པོ་དང་འདྲ། |
| ལྷུར་བརྩོན |
ཧུར་བརྩོན་དང་འདྲ། |
| ལྷུར་ལེན |
དང་དུ་ལེན་པ། ལས་འགན་ལྷུར་ལེན། སྤྱི་དོན་ལྷུར་ལེན། རང་དོན་ལྷུར་ལེན་པ་མ་ཡིན་པ། |
| ལྷུར་ལེན་པ |
དང་བའམ་ནན་ཏན་གྱིས་སྒྲུབ་པ། |
| ལྷུས་ཐིངས་པ |
ཚོད་ཐིག་པ། ལས་དོན་འདི་ད་དུང་ལྷུས་མ་ཐིངས་པ། ཉམས་མྱོང་ཇི་ལྟར་ཆེ་བ་དེ་ཙམ་གྱིས་ལྷུས་ཐིངས་པ་ཡོང༌། |
| ལྷེ |
དཔེ་ཆ་སོགས་ཀྱི་ཤོག་བུའི་གླེགས་བུའི་མིང་སྟེ། ཤོག་ལྷེ་གཅིག་ཅེས་པ་ལྟ་བུ། |
| ལྷེ་པ |
ལྷེབ་ལྷེབ། |
| ལྷེན |
1 བྲང་འདབས་དཀྱིལ་གྱི་ཨ་ཕྲུམ་སྲབ་མོ། 2 བྲང་དཀྱིལ་ནང་དུ་བརྡིབས་ས། ལྷེན་ན་བ། |
| ལྷེན་གསང |
ལྷེན་སྣའི་རྩེ་ནས་ཚོན་གང་གཞལ་བའི་གནས་སུ་ཡོད་པའི་མེ་བཙའི་གསང་ཞིག་སྟེ། དེར་མེ་བཙའ་བཞག་ན་མ་ཞུ་བེ་སྣབས་འཕེལ་བ་སོགས་མེ་དྲོད་ཉམས་པ་ལ་ཕན། |
| ལྷེན་ན |
བད་ཀན་རིགས་དྲུག་གི་ནང་གསེས་ཤིག |
| ལྷེན་རུས |
བྲང་གི་རུས་པ་ཟུར་གསུམ་པ་རྩེ་མོ་ཐུར་ལ་བསྟན་པ་དེའི་མིང་། |
| ལྷེན་སྐྲན |
ཕོ་བ་དང་མིད་པ་འབྲེལ་མཚམས་སུ་བྱུང་བའི་སྐྲན་ནད་རིགས་ཤིག་གི་མིང་། |
| ལྷེན་སྣ |
ལྷེན་རུས་དང་དོན་གཅིག |
| ལྷེབ |
1 ཚལ་པ་དང་དུམ་བུ། རས་ལྷེབ། ཤོག་ལྷེབ། 2 རྟ་དྲེལ་གློ་བུར་དུ་འཆི་བའི་ནད་རིགས་ཤིག…3.(རྒྱན་ཚིག) དབུགས་འབྱུང་རྔུབ་བྱེད་སྐབས་ཀྱི་ལྟོ་བ་དང་ལྐོག་མའི་གཡོ་འགུལ་ཞིག་སྟེ། དབུགས་ལྷེབ་ལྷེབ་བྱེད་ལྟ་བུ། |
| ལྷེབ་བེ |
ལེབ་མོའི་རྣམ་པ་ཞིག མལ་དུ་ལྷེབ་བེ་ཉལ་བ། |
| ལྷེབ་ལྷེབ |
1 སྣམ་རས་ཤོག་བུ་སོགས་ཀྱི་ཚལ་བུ་ཆུང་ཆུང༌། ཤོག་བུ་ལྷེབ་ལྷེབ་ཅིག་བཀོག་པ། སྣམ་རས་ལྷེབ་ཙམ། 2 གཤོག་རྩལ་མེད་པའི་འཕུར་སྟངས། བྱེའུ་ཕྲུག་ཅིག་གཤོག་པ་ལྷེབ་ལྷེབ་བྱེད་ཀྱིན་འདུག 3 ཡུལ དབུགས་གཏོང་ལེན་སྐབས་ཀྱི་འགུལ་ཚུལ། |
| ལྷེབས |
ལྷབས་ཀྱི་འབྲི་ཚུལ་གཞན། |
| ལྷེམ |
(རྒྱན་ཚིག) མཉེན་ཞིང་ལྡེམ་པའི་གཡོ་འགུལ་ཞིག་སྟེ། དབུགས་ལྷེམ་ལྷེམ་བྱེད། ལྟོ་བ་ལྷེམ་ལྷེམ་འགུལ་ལྟ་བུ། |
| ལྷེམ་མེ་བ |
འགུལ་བསྐྱོད་ཀྱི་བྱེ་བྲག་ཅིག མེ་ལྕེ་དམར་ལྷེམ་མེར་འབར། དབུགས་ལྷེམ་མེར་བསྡད་འདུག |
| ལྷེམ་ལྷེམ |
ལྷེམ་མེ་བ་དང་དོན་གཅིག་ |
| ལྷེས |
ལྷས་ལ་ལྟོས། |
| ལྷོ |
1 ཕྱོགས་བཞིའི་གྲས་ཤིག་སྟེ་ཤར་དུ་ཁ་གཏོད་སྐབས་ཀྱི་གཡས་ཕྱོགས། 2 སྔར་བོད་ཀྱི་ཡབ་འབངས་རུས་དྲུག་ནང་གསེས་ཀྱི་རུས་ཤིག |
| ལྷོ་ཁ |
ས་ཁུལ་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་ན་ཡོད་ཅིང་ས་ཁུལ་འདིའི་བྱང་རྒྱུད་ན་ཡར་ཀླུངས་གཙང་པོ་གཞུང་དུ་འབབ་ཅིང༌། ལྷོ་རྒྱུད་ན་ཧི་མ་ལ་ཡའི་རི་རྒྱུད་ཡོད། འདིའི་ཁོངས་སུ་སྣེ་གདོང་དང༌། ཟངས་རི། གྲ་ནང༌། གོང་དཀར། རྒྱ་ཚ། སྣང༌། འཕྱོངས་རྒྱས། ཆུ་གསུམ། ལྷོ་བྲག་མཚོ་སྣ། ལྷུན་རྩེ། མཚོ་སྨད། སྣ་དཀར་རྩེ་བཅས་རྫོང་ཁག་བཅུ་གསུམ་ཡོད་ཅིང༌། ས་ཁུལ་གྱི་ལས་ཁུངས་དེ་རྩེད་ཐང་དུ་ཡོད། 2.ས་ཁུལ་ཞིག་ལ་ལྷོ་བྱང་དུ་བགོས་པའི་ལྷོ་ཕྱོགས་ཀྱི་ས་ཆ། |
| ལྷོ་ནུབ |
ལྷོ་དང་ནུབ་ཀྱི་མཚམས་ཕྱོགས། |
| ལྷོ་ནུབ་ཕྱོགས་སྐྱོང |
སྲིན་པོའི་རྒྱལ་པོ། |
| ལྷོ་ཕྱོགས |
ཕྱོགས་བཞིའི་ལྷོ་ཕྱོགས་ཏེ་ཞོགས་པར་ཁ་ཉི་མར་གཏད་དེ་ལག་པ་གཡས་ཀྱི་ཕྱོགས། |
| ལྷོ་ཕྱོགས་བདག་པོ |
མངོན 1 སྐར་མ་རི་བྱི། 2 གཤིན་རྗེ། |
| ལྷོ་ཕྱོགས་མེ |
རྟ་གདོང་གི་མེའམ་རྒོད་མ་ཁའི་མེ། |
| ལྷོ་བགྲོད |
ཉི་མ་ལ་མཚོན་ན་དབྱར་ཉི་ལྡོག་ནས་འཁྲིག་པ་སོགས་ཁྱིམ་ཟླ་དྲུག་ལ་ཉི་མ་ལྷོ་བགྲོད་དེ། ཉིན་ཇེ་ཐུང་དང་མཚན་ཇེ་རིང་འགྲོ་བའི་སྐབས་སོ། |
| ལྷོ་བགྲོད་མཐར་ཐུག |
དགུན་ཉི་ཐུང་བའི་མཐར་ཐུག་གི་སྐབས། |
| ལྷོ་བུན |
ཁུག་རྣ། |
| ལྷོ་བུར |
སྨུག་པ་སྟེ་ན་བུན། |
| ལྷོ་བྲག |
རྫོང་ཞིག་སྔར་དོ་བ་རྫོང་ཟེར། བོད་རང་སྐྱོང་ལྗོངས་ཀྱི་ལྷོ་རྒྱུད་ཡར་འབྲོག་གཡུ་མཚོའི་ལྷོ་ངོས་སུ་ཡོད། རྫོང་མི་དམངས་སྲིད་གཞུང་དེ་དཀར་པོར་ཡོད། |
| ལྷོ་བྲག་ཆོས་འབྱུང་མཁས་པའི་དགའ་སྟོན |
དམ་པའི་ཆོས་ཀྱི་འཁོར་ལོས་བསྒྱུར་པ་རྣམས་ཀྱི་བྱུང་བ་གསལ་བར་བྱེད་པ་མཁས་པའི་དགའ་སྟོན་ཞེས་བྱ་བ་ཤོག་ལྷེ་བདུན་བརྒྱ་དགུ་བཅུ་གོ་གཅིག་ཡོད་པ་འདི་བོད་ཀྱི་དེབ་ཐེར་ཤིན་ཏུ་རྒྱས་པ་ཞིག་ཡིན། འདིའི་པར་ཤིང་ལྷོ་བྲག་དོ་བ་རྫོང་གི་ལྷ་ལུང་དགོན་དུ་ཡོད་པས་ལྷོ་བྲག་ཆོས་འབྱུང་ཞེས་གྲགས། མཛད་པོ་དཔའ་བོ་གཙུག་ལག་ཕྲེང་བས་ཀརྨ་པ་ཞྭ་ནག་གི་ཡང་སྲིད་བརྒྱད་པ་མི་བསྐྱོད་རྡོ་རྗེ་བསྟེན་ནས་རིག་གནས་ཀུན་ལ་མཁས་པར་སྦྱངས་པས་མཁྱེན་སྒོ་ཤིན་ཏུ་ཡངས་པར་གྱུར། གཞུང་འདིའི་ལེའུ་བཅུ་བདུན་སྤྱི་དང༌། ཁྱད་པར་དུ་བོད་ཀྱི་རྒྱལ་རབས་སྐབས་སུ་ལོ་རྒྱུས་ཀྱི་བང་མཛོད་མཐའ་ཡས་པ་ལ་དཔྱད་དེ་ཡིག་ཆ་དཀོན་པོའི་རིགས་ལས་ལུང་ལེགས་པར་དྲངས་ཡོད་པས་ལོ་རྒྱུས་དོན་དུ་གཉེར་བ་པོ་རྣམས་ཀྱི་དགའ་སྟོན་དུ་གྱུར། ལོ་རྒྱུས་འགའ་ཞིག་ཏུ་དེ་ལ་དགག་བཞག་ཟུར་ཟ་བྱས་པའི་གཏམ་ཡང་སྣང་ངོ། |
| ལྷོ་བྲག་ནུབ་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་ལྷོ་བྲག་རྫོང་ཁུལ་དུ་ཡོད་ཅིང་སྡུར་ཞེས་པའི་གྲོང་སྡེའི་འགྲམ་དུ་ལྷོ་བྲག་ཤར་ཆུ་དང་འདྲེས་རྗེས་ལྷོ་ངོས་འབྲུག་ཡུལ་དུ་འབབ། |
| ལྷོ་བྲག་མར་པ |
མར་པ་ལོ་ཙཱ་ཆོས་ཀྱི་བློ་གྲོས་ཀྱི་བསྡུས་མིང༌། |
| ལྷོ་བྲག་ཤར་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་མཚོ་སྨད་རྫོང་གི་ལྷོ་རྒྱུད་ནས་འབབ་ཅིང༌། ལྷོ་བྲག་རྫོང་ཁུལ་དུ་ལྷོ་བྲག་ནུབ་ཆུ་དང་འདྲེས་རྗེས་ལྷོ་ངོས་ཀྱི་འབྲུག་ཡུལ་དུ་འབབ། |
| ལྷོ་ཚོང |
སྔ་དུས་ལྷོ་ཁའི་ཕྱོགས་སུ་རྒྱག་པའི་ཚོང༌། |
| ལྷོ་ཚོང་བྱང་སྐྱེལ |
སྔ་དུས་ལུང་པ་ལྷོ་བྱང་ནས་ཐོན་པའི་དངོས་ཟོག་བརྗེ་རེས་བྱེད་པའི་ཚོང༌། |
| ལྷོ་འབྲུག་པ |
འབྲུག་ཡུལ་གྱི་མི། |
| ལྷོ་འཛམ་བུའི་གླིང |
ཛམྦུདབཱིཔཿ རི་རབ་ཀྱི་ལྷོ་ངོས་རྒྱ་མཚོར་ཆགས་པའི་གླིང་ཆེན་འདིར་སྐྱེས་པའི་ཤིང་འཛམ་བུའི་འབྲས་བུ་མཚོའི་ནང་དུ་ལྷུང་བ་ལས། འཛམ་བུ་ཞེས་པའི་སྒྲ་འབྱུང་བས་ན་འཛམ་བུ་དང་འཛམ་བུ་ཤིང་དེས་མཚོན་པའི་གླིང་ཡིན་པས་ན་འཛམ་བུའི་གླིང་དང༌། དབྱིབས་ཤིང་རྟ་ལྟ་བུ་དང༌། རི་རབ་ཀྱི་ཕྱོགས་ངོས་དང་གཡས་གཡོན་གཉིས་དང་གསུམ་ལ་དཔག་ཚད་སྟོང་ཕྲག་གཉིས་གཉིས་དང༌། ངོས་གཅིག་སྟེ་ཁོར་ཡུག་ལ་དཔག་ཚད་ཕྱེད་དང་བཞི་ཡོད་དོ། |
| ལྷོ་འུར་མ |
ཁུག་རྣའོ། མིང་གི་རྣམ་གྲངས་ལ་མཚན་མོའི་ན་ཚོད་སྐྱེས་སོ། |
| ལྷོ་རྒྱུད |
ལྷོ་ངོས་སམ་ལྷོ་ཕྱོགས། |
| ལྷོ་རྫོང |
བོད་རང་སྐྱོང་ལྗོངས་ཀྱི་ཤར་རྒྱུད་དང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་རྫི་ཐོ་རུ་ཡོད། |
| ལྷོ་ལ |
ཀློ་ལའང་ཟེར། བོད་རང་སྐྱོང་ལྗོངས་ཀྱི་སྨིན་གླིང་རྫོང་དང་ཀློ་ཡུལ་གྱི་མཚམས་སུ་ཡོད། |
| ལྷོ་ཤིང |
ཤིང་ཚྭ། |
| ལྷོ་སྐར་བདུན |
མཆུ་དང༌། གྲེ། དབོ། མེ་བཞི། ནག་པ། ས་རི། ས་ག་རྣམས་སོ། |
| ལྷོ་སྒོ |
1 ཁང་པ་སོགས་ལ་སྒོ་མང་པོ་ཡོད་པའི་ལྷོ་ཕྱོགས་ཀྱི་སྒོ། 2 གསོན་གཤིན་གྱི་སྦྱང་ཆོག་བྱ་ཡུལ་རྒྱུད་སྡེའི་དཀྱིལ་འཁོར་གྱི་ལྷོ་སྒོ། |
| ལྷོ་སྟོད |
ལྷོ་ལ་ཆ་གཉིས་ཕྱེ་བའི་ཆ་གཅིག |
| ལྷོ་སྣེ |
ས་གཞི་རིལ་མོའི་ལྷོ་ཕྱོགས་ཀྱི་ཟུར་སྣེ། |
| ལྷོ་སྨད |
ལྷོ་ཕྱོགས་ལ་ཆ་གཉིས་ཕྱེ་བའི་ཆ་གཅིག |
| ལྷོག |
(རྒྱན་ཚིག) འོག་ནས་སྟེང་དང་ནང་ནས་ཕྱི་ལ་ཡར་འབུར་བའི་གཡོ་འགུལ་རིགས་ཤིག་སྟེ། ཆུ་ལྷོག་ལྷོག་འཁོལ། ལྟོ་བ་ལྷོག་གེར་འགུལ་ལྟ་བུ། ལྷོག་པ་ལ་ལྟོས། |
| ལྷོག་ཐབས |
ནད་དངོས་ལྷོག་པ་མ་ཡིན་ཀྱང་ནད་རྟགས་ཤ་སྣ་འགུལ་བ་སོགས་ལྷོག་པ་ལྟར་ན་བ་ཞིག |
| ལྷོག་དུག་པ |
1 སྔོ་སྨན་སྟག་ཤའི་མིང་གཞན་ཞིག 2 གཉན་ནད་ཅིག |
| ལྷོག་པ |
མི་ཕྱུགས་གཉིས་ཀར་བྱུང་བའི་འགོ་ནད་རྨ་རིགས་ཤིག་གི་མིང་། ཚིག་བསྡུས་ན་ལྷོག་ཅེས་འབྲི་ཆོག་སྟེ། རྨ་ལྷོག ཚེར་ལྷོག སྐྲངས་ལྷོག་ཅེས་པ་ལྟ་བུ། |
| ལྷོག་པ་ཡང་རྒོད |
ལྷོག་པའི་རིགས་ཀྱི་དབྱེ་བ་བཞིའི་ནང་ཚན་ཐོར་པ་ཁོང་དུ་འཆོར་སྐྱེན་པ་དང༌། གཞན་ལ་འགོ་མྱུར་བ་ཞིག |
| ལྷོག་པ་ཡམ་བུ |
ལྷོག་བའི་རིགས་ཀྱི་དབྱེ་བ་བཞིའི་ནང་ཚན། སྐྲངས་པ་འབར་འབུར་འབྱུང་བ་དང༌། ཡམས་ཐབས་ཀྱིས་གཞན་ལ་འགོ་བ་ཞིག |
| ལྷོག་རྒོད |
ལྷོག་པའི་ནད་རིགས་དྲུག་གི་ཡ་གྱལ། གློ་བུར་དུ་ལུས་སྐྲངས་པ་སོགས་ནད་རྒྱས་སླ་བ་ཞིག |
| ལྷོག་ལྷོག |
ཟང་ཟིང་ངམ་འབའ་འབུར་གྱི་རྣམ་པ། སྤྲིན་ནག་ལྷོག་ལྷོག་ཏུ་འཁྲུག་པ། |
| ལྷོགས |
རློགས་ཀྱི་འབྲི་ཚུལ་གཞན། ཀློགས་ཀྱི་འབྲི་ཚུལ་གཞན། |
| ལྷོགས་པ |
ཡུལ ཕར་ཤོར་བའི་དངོས་པོ་ཚུར་ལོན་པའམ་ཁུག་པ། བརླགས་པའི་ཅ་ལག་བདག་པོའི་ལག་ཏུ་ཚུར་ལྷོགས་པ། རྒྱན་ཤོར་གྱི་དངོས་པོ་ཚུར་ལྷོགས་བྱུང༌། |
| ལྷོང |
1 རྟགས་སམ་མཚན་མ། འཚུབ་ལྷོང༌། བར་ཆད་ཀྱི་ལྷོང་ཚར་ཆོད་གསུམ། 2 གེགས་སམ་བར་ཆད། ཕྱིའི་ལྷོང༌། ནང་གི་ལྷོང༌། གསང་བའི་ལྷོང༌། གློ་བུར་ལྷོང་ཤོར་གྱི་ཉེན་དོགས། |
| ལྷོང་བ |
ཐ་མི་དད་པ ལྷོངས་པ། ལྷོང་བ།། 1 སོན་པ་དང་འཇུག་པ། བསླབ་བྱ་རྣ་བར་ལྷོངས་ངེས་བྱེད་དགོས། ངན་ཇུས་ལམ་དུ་ལྷོངས་སུ་མ་བཅུག་པ། 2 རང་ཚུགས་ཐུབ་པ། དར་དམར་གྱེན་དུ་བསླངས་ཏེ་ལྷོངས། མི་འགྱེལ་བ་དེ་ཡར་ལྷོངས་སོང༌། |
| ལྷོང་ལྷོང |
1 ལས་ཀ་ཟིང་ལོང་ལོང་བ། འགྲུལ་པ་ལྷོང་ལྷོང་དུ་སླེབས་པ། ཕར་འགྲོ་ཚུར་འགྲོ་བྲེལ་ཟིང་ལྷོང་ལྷོང་འདུག 2 རི་མོ་འབུར་དུ་ཐོན་ཚུལ། རྡོ་ལ་སྟག་རིས་ཤིག་ལྷོང་ལྷོང་དུ་བརྐོས་པ། |
| ལྷོངས |
དུས་ངེས་མེད་དམ་ཞར་ཞོར་གྱི་མིང་སྟེ། ལྷོངས་རེ་ལ་གླིང་གར་སོང་ལྟ་བུ། |
| ལྷོངས་པ |
ལྷོང་བའི་འདས་པ། |
| ལྷོད |
(བྱེད་འབྲེལ་ལས་ཚིག) བསམ་པ་དང་སྤྱོད་པ་སོགས་བག་ཕབ་པའི་དོན་ཏེ། སེམས་ལྷོད་ནས་གླེང་མོ་བྱས། ལུས་ལྷོད་ནས་ཉལ་ལྟ་བུ། (རྒྱན་ཚིག) དམ་པོ་དང་གྲིམ་པོའི་ལྡོག་ཟླ་སྟེ། སེམས་ལྷོད་པོ། རིག་པ་དམ་ལྷོད་ཀྱི་བར་ནས་ཡི་གེ་འཆུགས་ཉེན་ཆེ་ལྟ་བུ། |
| ལྷོད་གཡེང |
ལྷོད་ཡེངས་དང་འདྲ། |
| ལྷོད་དལ |
བྲེལ་འཚབ་མེད་པ། ངལ་གསོ་ལྷོད་དལ་རྒྱག་པ། |
| ལྷོད་པ |
1.ཐ་དད་པ གློད་པ། ཐག་པས་བཀྱིགས་པ་རྣམས་ལྷོད་པ། དོགས་ཟོན་མ་ལྷོད། 2. རྩ་ཤེད་གཅིག་ཏུ་མ་འགྲིལ་བར་རྣམ་པ་འབོལ་པོ། 3 1 གྲིམས་པ་མིན་པ། ཁྲིམས་ལྷོད་པ། ལས་ཀ་ལྷོད་པ། 2 དལ་བ་དང་བག་ཕེབས་པ། སེམས་ལྷོད་ལྷོད་བྱས་ནས་སྡོད་པ། བློ་རང་མལ་དུ་ལྷོད་ཕབ་པ། དལ་དལ་ལྷོད་ལྷོད། |
| ལྷོད་པོ |
གྲིམས་པ་མིན་པའི་དོན་དུ་གོ་བའི་ལྷོད་པ་དང་འདྲ། |
| ལྷོད་བདེ |
དལ་ཞིང་བདེ་བ། རྒད་པོ་རྣམས་ལྷོད་བདེར་སྡོད་པ། |
| ལྷོད་བབ་པ |
སེམས་ཀྱི་བྲེལ་དངངས་འཇགས་པ། |
| ལྷོད་མཇལ |
དལ་ལྷོད་ཀྱི་ངང་ནས་ཕན་ཚུན་མཇལ་ཚུལ། གྲོགས་པོ་དང་ལྷོད་མཇལ་བྱེད་པ། |
| ལྷོད་མེད |
ལྷོད་ཡངས་མེད་པ། ཧུར་བརྩོན་ལྷོད་མེད་བྱེད་པ། རྒྱུན་འཁྱོངས་ལྷོད་མེད། |
| ལྷོད་ཡངས |
1 དམ་མེད་གུ་ཡངས། བཟུང་དམག་ལ་ལྷོད་ཡངས་བྱེད་པ། དོ་དམ་ལྷོད་ཡངས་སུ་གཏོང་བ། 2 དོ་སྣང་མེད་པ། ལས་དོན་སྒྲུབ་སྐབས་ལྷོད་ཡངས་མི་བྱེད་པ། ལྷོད་ཡངས་སྣང་ཆུང༌། |
| ལྷོད་ཡེངས |
བློ་མི་སྒྲིམ་པ། ལས་ཀར་ལྷོད་ཡེངས་བྱས་པས་འཐུས་ཤོར་བྱུང་བ། དུས་ནམ་ཡང་ལྷོད་ཡེངས་མེད་པ། མི་སེམས་ལྷོད་ཡེངས་སུ་གཏོང་བ། |
| ལྷོད་ལྷོད |
1 བྲེལ་བ་མེད་པ། ངལ་གསོ་ལྷོད་ལྷོད་ཅིག་བྱེད་པ། ལྷོད་ལྷོད་བྱས་ནས་ལྟ་བ། 2 མདུད་པ་སོགས་དམ་པོར་མ་བྱས་པ། སྐེད་རགས་ལྷོད་ལྷོད་བཅིངས་ན་གྲོལ་ཡོང༌། |
| ལྷོད་ཤིག་ཤིག |
ལུས་སེམས་ལྷོད་ཤིག་ཤིག བློ་ལྷོད་ཤིག་ཤིག |
| ལྷོན |
གློན་གྱི་འབྲུ་ཚུལ་གཞན། |
| ལྷོན་པ |
ཐ་མི་དད་པ རྣ་བར་སོན་པ་དང་ལྷོང་བ། རྣ་བར་ལྷོན་པར་སྨྲས་པ། |
| ལྷོའི་ཕྱོགས་སྐྱོང |
མངོན གཤིན་རྗེ། |
| ལྷོའི་འུར་མ |
ཁུག་རྣ། མིང་གི་རྣམ་གྲངས་ལ་མཚན་མོའི་ན་ཚོད་སྐྱེས་སོ། |
| ཤ |
བོད་ཡིག་གསལ་བྱེད་ཉེར་བདུན་པ་འདིའི་ང་རོ་འདོན་ཚུལ་ལ་སྐྱེ་གནས་རྐན་དང༌། བྱེད་པ་ལྕེ་དབུས། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་དྲོ་ཞིང་སྒྲ་མེད་པ། 1. མིང་གཞིའི་མོ་ཡིག་ཅིག 2. ཁྲག་གི་དྭངས་མ། གཡག་ཤ། ལུག་ཤ། སྐུ་ཤ། ཉྭ་ཤ། ཤ་ཚོན་པོ། ཤ་སྣག ཤ་རྒྱགས་པ། ཤ་ཡི་ཕུང་པོ་ཆེ། ཤ་སྦྱགས་པ། སྙིང་རྩ་འདར་ཞིང་ཤ་ཚན་འཕྲིག་པ། མིང་གི་རྣམ་གྲངས་ལ་ཁྲག་སྐྱེས་དང༌། ཁྲག་ལས་གྱུར་པ། མཾ་ས། ལུས་ཟུངས་གསུམ་པ་བཅས་སོ། |
| ཤ་ཀ་ར |
1 ཤིང་ཤ་ཀ་ར་སྟེ་བུ་རམ་ཤིང༌། 2 བུ་རམ་གྱི་དྭངས་མ། 3 ཤེལ་ཀ་ར། 4 ཆུ་སྲིན་ཞིག |
| ཤ་ཀོན |
རྙིང ཤ་འཁོན་ནམ་དགྲ་ཤ། |
| ཤ་ཀཽ་ཊ་ཡ་ན་བྱཱ་ཀ་ར་ཎ |
ལེགས སྒྲ་རིག་གི་བསྟན་བཅོས།… |
| ཤ་ཀྲད |
ཤ་བའི་རྭ་ཅོ་ལས་བཟོས་པའི་ཀྲད་ཀོར། |
| ཤ་ཀླད |
མིའི་ཀླད་པ་ཤ་དང་འདྲ་བ་ཞིག |
| ཤ་ཁ |
རྭ་ཅོས་བཟོས་པའི་མེ་མདའི་རྣ་རྫས་བླུག་བྱེད་ཅིག |
| ཤ་ཁ་མ |
ཁ་ཆེའི་གུར་གུམ། |
| ཤ་ཁ་ར |
1 བུ་རམ་ཤིང༌། 2 བུ་རམ་གྱི་དྭངས་མ། |
| ཤ་ཁང |
1 ཤ་འཇོག་སའི་ཁང་པ། ཤ་ཁང་མུན་པ་ནག་ཀྱང༌། ཤ་ལ་ཤ་གྲངས་བརྒྱབ་ཡོད། 2 ཤ་འཚོང་ས། |
| ཤ་ཁུ |
ཤ་བཙོས་པའི་ཁུ་བ། |
| ཤ་ཁུ་ཤ་ཐིམ |
གང་ནས་བྱུང་བ་དེ་དེ་རང་དུ་གཏོང་དགོས་པའི་དཔེ། རྒྱལ་ཁབ་ཀྱིས་འགྲོ་སོང་གཏོང་རྒྱུར་གནང་བ་དེ་དག་ཤ་ཁུ་ཤ་ཐིམ་དུ་གཏོང་དགོས་པ་ལས། གང་བྱུང་འཐོར་གྱར་དུ་གྱུར་ན་མི་འགྲིག |
| ཤ་ཁེབས |
གདོང་གི་པགས་སྟེང་ལ་ཆགས་པའི་སྐྱི་མདོག་ནག་ཁྲ། |
| ཤ་ཁོག |
ནོར་ཕྱུགས་ཀྱི་ཤ་ནང་ཁྲོལ་དང་པགས་པ་མེད་པའི་སྒྲོམ་ཆེ་ཆུང༌། གཟུགས་གཞི་ཚང་བའི་ཤ་ཁོག་གཅིག་ཉོས་ཡོད། ཤ་ཁོག་གར་སོང་མེད་པར། ཏིག་གཞོག་ལ་རྩོད་པ། |
| ཤ་ཁོན |
མི་བསད་པའི་ཁོན་ལ་ལེན་པའི་བསམ་པའམ་བྱ་སྤྱོད་ཀྱི་སྤྱི་མིང་སྟེ། དགྲ་ལ་ཤ་ཁོན་གླན་པ་ཞེས་པ་ལྟ་བུ། |
| ཤ་ཁྱི |
རྔོན་པས་རི་དྭགས་གསོད་བྱེད་ཀྱི་ཁྱི། ཇོ་ལགས་སྐུ་ཐང་མཉེལ་རོགས་དང༌། ཤ་ཁྱི་ལག་པ་ཚ་རོགས་རེད། |
| ཤ་ཁྲག |
ཤ་དང་ཁྲག ཤ་ཁྲག་གི་ཕུང་པོ། ཤ་ཁྲག་གི་འབྲེལ་བ། ཤ་ཁྲག་རྒྱས་པ། ཤ་ཁྲག་གཅིག་པ། |
| ཤ་ཁྲག་འཛིན་པ |
མངོན པགས་པ། |
| ཤ་ཁྲག་སྒྲིབ |
མངོན ཆུ་རྒྱུས། |
| ཤ་ཁྲི |
1 གྲི་གུང་བཙན་པོའི་བུ་རྒན་པ་ས་སྐལ་དུ་ཀོང་པོ་ཐོབ་པ་དེའོ། 2 ཤ་རིགས་འཇོག་སའི་སྟེགས་ཁྲི། |
| ཤ་ཁྲིམས་བསྡམས་པ |
སྔར་ཆར་པ་མི་འབབ་པའི་དུས་དང་ས་ག་ཟླ་བའི་ནང་བཤས་བཏང་མི་ཆོག་པའི་བཀག་རྒྱ། |
| ཤ་གཅིག་པ |
1 ཨ་མ་གཅིག་པའི་སྤུན་མཆེད། 2 རྙིང བློ་གཅིག་པ། |
| ཤ་གཅུས |
མཐེབ་མཛུབ་གཉིས་ཀྱིས་ལུས་ཀྱི་ཤ་ལྤགས་གཅུ་རིལ་རྒྱག་པ། |
| ཤ་གཅོད་པ |
རྟ་གླང་གཡག་ལུག་སོགས་ཀྱི་རླིག་འབྲས་འབྲེག་པ། |
| ཤ་གནག་ནག་པོ |
སྒལ་ཚིགས་ཀྱི་འོག་ལ་ཡོད་པའི་ཤ་ཞིག |
| ཤ་གནད |
མིའི་ལུས་ལ་ཡོད་པའི་ཤའི་གནད་ཀྱི་གཙོ་བོ། |
| ཤ་གཙང་རུས་གཙང |
སྔར་རང་གི་རིགས་རྒྱུད་གཞན་དང་བསྲེ་སླད་མེད་པའི་དོན། |
| ཤ་གཞའ |
ཤའུ་མི་སྐྱེ་བའི་རྨ་ཞིག |
| ཤ་གཟུག |
ཤ་ཁོག་གཅིག་དུམ་བུ་བཞི་ལ་བཏང་བའི་ཆ་གཅིག |
| ཤ་གཟུགས་མ |
ལྷམ་མགོ་ལྷམ་མཐིལ་བཅས་ཤ་རྐྱང་གི་གཟུགས་དབྱིབས་ཅན་གྱི་ཀོ་ལྷམ་ཞིག་སྟེ་དབུས་གཙང་གི་གྲྭ་ལྷམ་དམིགས་བསལ་ཅན་ཞིག |
| ཤ་གོས |
ལུས་ཀྱི་ལྭ་བ་བརྩེགས་མའི་ནང་གི་ལུས་ལ་དངོས་སུ་ཐུག་པའི་ལྭ་བའི་མིང་། |
| ཤ་གྲི |
1 ཤ་གཏུབ་བྱེད་ཀྱི་གྲི། 2 ཀོ་བའི་ཤ་གཅོད་བྱེད་ཀྱི་གྲི། |
| ཤ་ཆགས་པ |
རྙིང 1 བློ་ལ་ཡོད་པའམ་བློ་ལ་ཆགས་པ། 2 མཐུག་པའམ་བརླིང་བ། |
| ཤ་ཆང |
ཤ་དང་ཆང་སྟེ། བཟའ་རྒྱགས་ལོངས་སྤྱོད་ཀྱི་སྤྱི་མིང་ལའང༌། |
| ཤ་ཆུ |
བྱ་གོང་མ་སྲེག |
| ཤ་ཆུང་བ |
ལུས་ཀྱི་ཤ་སྲབ་པ། |
| ཤ་ཆེན |
སྲོག་ཆགས་ཀྱི་སྨན་གྱི་ནང་ཚན་མིའི་ཤའི་གབ་མིང་ཞིག་སྟེ། རོ་མངར། ཞུ་རྗེས་དྲོད། ནུས་པས་གཉན་ནད་དང༌། རླུང་ནད་འཇོམས། འདྲིལ་བའི་སྐྲན་བཤིག་མིག་ལ་ཕན། |
| ཤ་ཆེན་སྣ་ལྔ |
ཤ་ལྔ་དང་དོན་གཅིག་ |
| ཤ་ཆོབ |
སྤང་རི་དང་ནགས་རི་སོགས་ལ་སྐྱེས་པའི་ཤ་མོང་ཞན་གྲས། |
| ཤ་ཉམས |
1 ལུས་ཀྱི་ཤ་བྲི་བ། 2 ལུས་ཀྱི་ཤའི་བཟོ་དབྱིབས། ཤ་ཉམས་རྒྱས་པ། |
| ཤ་ཉེ |
1 སྤུན་མཆེད། 2 གཉེན་ཉེ་བ། |
| ཤ་ཉོག་རུས་ཉོག |
ཆག་ཉིལ། མི་རྟ་བརྒྱ་ཚོ་མང་པོ་ཤ་ཉོག་རུས་ཉོག་ཏུ་བཏང༌། |
| ཤ་ཊོ་ར |
ལེགས ལྟོ་ཆས་བླུག་སྣོད་ཞབས་རིང་ཞིག |
| ཤ་ཏྲེམ |
གྲུམ་བུ་རིགས་དྲུག་གི་ནང་ཚན་ཤ་ལ་བབས་ཤིང་བད་མཁྲིས་ཤས་ཆེ་བའི་གྲུམ་ནད་ཅིག་སྟེ། ནད་རྟགས་སུ་ཤ་སྦོས་ལ་ཡན་ལག་སྦྲིད་པ་སོགས་འབྱུང་བ་ཞིག |
| ཤ་ཐག |
སྒའི་སྟེང་གི་ཁལ་སྡོམ་བྱེད་ཀྱི་ཐག་པ་ཕྲ་མོའི་མིང་། |
| ཤ་ཐང |
ལུས་ཀྱི་ནུས་ཤུགས་ཀྱི་མིང་སྟེ། བརྒྱུགས་ནས་ཤ་ཐང་ཆད་པ་ཞེས་པ་ལྟ་བུ། 2.རྒྱ ཤའི་ཁུ་བ།… |
| ཤ་ཐང་ཆད |
ངལ་ཐག་ཆོད་པའམ་ཨ་ཐང་ཆད་པ། ཕྱུགས་རིགས་ལ་ཤ་ཐང་ཆད་ཆད་བར་དུ་བཀོལ་སྤྱོད་མ་བྱེད། |
| ཤ་ཐང་ཐང |
ངལ་མེད་སྙིང་སྟོབས་རྒྱས་པའི་དོན་ཏེ། ཤ་ཐང་ཐང་དུ་འབད་པ་བྱས་ལྟ་བུ། |
| ཤ་ཐང་བ |
དཀའ་ངལ་ཆེ་བ་དང་ཤ་ཟད་པ། ཤ་ཐང་ཆད་པ། |
| ཤ་ཐུག |
ཤ་ཤས་ཆེ་བ་བཏབ་པའི་ཐུག་པ། |
| ཤ་ཐུད |
ཤ་དང་ཐུད་ཀྱི་བསྡུས་མིང༌། ཤ་ཐུད་ཀྱི་ཟས་རི་བོ་ལྟར་སྤུངས་པ། |
| ཤ་ཐོག་མར་རྩེག |
ཤ་བཟའ་རྒྱུ་ཡོད་ཐོག་མར་ཡང་བཟའ་རྒྱུ་ཡོད་པ་སྟེ། ལེགས་པོ་ཡིན་ཐོག་སླར་ཡང་ལེགས་པོ་བྱུང་བའི་དཔེ། ད་ལོ་ཞིང་ལས་ལོ་ལེགས་ཡིན་ཁར་འབྲོག་ལས་ཀྱང་ཡག་པོ་བྱུང་བ་ནི་ཤ་ཐོག་མར་རྩེག་རང་རེད། |
| ཤ་དགའ |
མངོན སྲིན་པོ། |
| ཤ་དམར |
མ་བཙོས་པའི་ཤ་རྗེན་པ། ཤ་དམར་ཟ་བ། |
| ཤ་དུག |
ཤ་ཟོས་ནས་བྱུང་བའི་གྱུར་དུག |
| ཤ་དྲེག |
ངལ་རྩོལ་བྱས་དྲགས་པས་ལག་པར་ཆགས་པའི་ཤ་མཁྲེགས་པོ། |
| ཤ་ན |
ལེགས སོ་མ་རཱ་ཛཱ། |
| ཤ་ནག |
1 ནགས་ཆེན་ལ་གནས་པའི་ཤ་བ་ནག་པོ་ཞིག་དེའི་ཁྲག་རྭ་ཐུང་ཞིང་གོང་ཆུང༌། 2 ཤ་ཚིལ་ནང་གི་ཤ་སྨུག |
| ཤ་ནའི་གོས་ཅན |
ལེགས སོ་མའི་གོས་ཅན་ཏེ། སྔར་རྒྱ་གར་དུ་བྱུང་བའི་བསྟན་པའི་གཏད་རབས་བདུན་གྱི་ཡ་གྱལ་དགྲ་བཅོམ་པ་ཞིག |
| ཤ་ནའི་རས |
ཤནྐཾ སོ་མ་རཱ་ཛཱ་ལས་བཟོས་པའི་རས། |
| ཤ་པ |
1 ཤིང་ཤ་པ་སྟེ་ཨ་ཀ་རུ། 2 དགྲ་ཤ་ལེན་མཁན། 3 ཤན་པ། |
| ཤ་ཕོ |
རི་དྭགས་ཤ་བ་ཕོ། ཤྭ་བ་ཕོའང་སྣང༌། |
| ཤ་ཕོ་རུ་རྟ |
རུ་རྟའི་མིང་གི་རྣམ་གྲངས་ཤིག |
| ཤ་ཕྱིས |
རྫ་མཁན་གྱིས་རྫ་གསར་པར་འཇམ་ཤ་འདོན་བྱེད་ཤ་བའི་པགས་པ་ལྷེ་པ་ཞིག |
| ཤ་ཕྲག |
ལུས་ཀྱི་ཤའི་བར་གསང་ངམ་མཚམས་སྦྲེལ་བྱེད་ཀྱི་དངོས་པོ་ཞིག |
| ཤ་ཕྲུག |
རི་དྭགས་ཤ་བའི་ཕྲུ་གུ། |
| ཤ་བ |
ཤྭ་བའང་སྣང༌། རི་དྭགས་རྩྭ་གཟན་སྐྱུགས་ལྡད་པ་ཞིག ཤ་བ་གསོད་པའི་མི་དང༌། ཤ་མཇུག་ནོན་པའི་ཁྱི། |
| ཤ་བ་རི |
རྔོན་པ། |
| ཤ་བཀྲ |
ནི་མིའི་ལུས་ཀྱི་སྐྱི་མོའི་མདོག་དཀར་ཁྲར་འགྱུར་བའི་པགས་ནད་རིགས་ཤིག་གི་མིང་། |
| ཤ་བཅད་རྒྱག་པ |
རི་མོའི་གཟུགས་ལ་བཅད་རིས་རྒྱག་པ། |
| ཤ་བམ |
རུལ་གྲབས་ཡོད་པའི་ཤ། |
| ཤ་བཙོན |
དགྲ་བོ་བཙོན་པ། |
| ཤ་བཟན |
འབྲས་བུ་བཏོན་ཟིན་པའི་ཕོ་ལུག་ཆེ་ཞིང་ལོ་དར་གྱི་མིང༌། |
| ཤ་བའི་ཁྲག |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་མངར་ལ་ལན་ཚྭ། ཞུ་རྗེས་དྲོད། ནུས་པས་སྲིན་བུ་གསོད། ཟླ་མཚན་གཅོད། |
| ཤ་བའི་གླིང་བུ |
རྔོན་པས་ཤ་བ་འཛིན་པའི་ཡོ་བྱད་ཅིག |
| ཤ་བའི་བོག་རྭ |
སྲོག་ཆགས་ཀྱི་སྨན་གྱི་ནང་ཚན་ཤ་བའི་ཁྲག་རྭ་སྟེ། རོ་མངར་ལ་ལན་ཚྭ། ཞུ་རྗེས་དྲོད། ནུས་པས་བྱང་ཁོག་གི་རྣག་ཁྲག་དང་ཆུ་སེར་སྐེམ། རླུང་འཇོམས། མཁལ་མའི་དྲོད་ཉམས་པ་དང༌། ཁུ་བ་ཟད་པ་སོགས་ལ་ཕན། |
| ཤ་བའི་ཚིལ་བུ |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་མངར། ཞུ་རྗེས་དྲོད། ནུས་པས་སྲིན་ཐོར་དང༌། པགས་ནད་ཟ་འཕྲུག་སོགས་ལ་ཕན། |
| ཤ་བའི་འབག |
འཆམ་ཆས་སམ་ལྷ་མོ་བའི་ཆས་ཀྱི་གྲས་ཤིག |
| ཤ་བའི་རྭ་རྒན |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་ལན་ཚྭ། ཞུ་རྗེས་དྲོད། ནུས་པས་རྣག་ཁྲག་ཆུ་སེར་དང༌། ཁྱད་པར་དམུ་ཆུ་སྐེམ། |
| ཤ་བལ |
1 ས་ཐོག་ལ་ཆགས་པའི་ས་ཞག་སྔོན་པོ། 2 ས་དྲེག་སྟེ་ས་གཞི་བ་ཚྭ་ཅན་ལ་ཆགས་པའི་དཀར་ཤ་ལྟ་བུ། |
| ཤ་བསྲེགས |
བསྲེགས་བརྔོས་བྱས་པའི་ཤ། |
| ཤ་བུབས |
ཤ་ཁོག |
| ཤ་བེམ |
གཟུགས་པོ། ཤ་བེམ་སྐྲངས་པ། |
| ཤ་བོ |
མི་བསད་པའི་ཤ་ཁོན་ཡོད་པའི་དགྲ་བོ་སྟེ། དགྲ་མི་ཤ་བོ་ཟེར་བ་ལྟ་བུ། རི་དྭགས་ཤ་བ་ཕོའི་མིང་། |
| ཤ་བོ་ངལ་སོས |
རྡོག་ཁྲེས་ཁུར་ནས་དཀའ་ལས་བྱུང་སྐབས་གསིག་ཙམ་བྱས་པས་ངལ་སངས་པ། |
| ཤ་བོ་རུ་རྟ |
རུ་རྟའི་མིང་གཞན་ཞིག |
| ཤ་མ |
1 ཕྲུ་གུ་མངལ་དུ་གནས་པའི་སྐབས་བུའི་ལྟེ་བ་དང་འབྲེལ་ནས་མའི་ཁ་ཟས་ཀྱི་བཅུད་རྣམས་ཤ་མ་བརྒྱུད་བུའི་ལུས་ལ་སྐྱེལ་ཞིང་གསོ་བར་བྱེད་པ་དང༌། ལུས་སྲུང་བར་བྱེད་ཅིང་ཕྲུ་གུའི་ལུས་ལ་གཡོགས་པར་བྱེད་པའི་ཤུན་པགས་ཤིག་སྟེ། དེ་ཡང་ཕྲུ་གུ་བཙའ་བའི་རྗེས་སུ་རིམ་བཞིན་མངལ་ནས་འབྱིན་ཏེ་ཕྱིར་དོར་བ་ཞིག མིང་གི་རྣམ་གྲངས་ལ་མངལ་གནས་དང༌། ཕྲུ་མ། བུ་རོགས་བཅས་སོ། 2 སྐད་སྙན་པོའི་བྱ་ཞིག 3 ལྷ་ཡི་གོས། |
| ཤ་མ་ཚིལ |
ཤ་ཚིལ་འདྲེས་མ། |
| ཤ་མཁྲེགས |
ལུས་ཀྱི་པགས་སྟེང་དུ་ཆགས་པའི་ཤ་རོ། |
| ཤ་མང |
སྔོ་སྨན་གྱི་རིགས་ཤིག་སྟེ། ནང་གསེས་སུ་དབྱེ་ན་རིགས་བརྒྱད་མཆིས། རོ་མངར་ལ་ལན་ཚྭ། ཞུ་རྗེས་སྙོམས། ནུས་པས་ཤ་དུག་དང་རྨ་ལ་ཕན། |
| ཤ་མཆོག |
མངོན སྙིང༌། |
| ཤ་མཐང |
གཟུགས་པོའི་སྨད་ཀྱི་ཤ། |
| ཤ་མདངས |
ལུས་ཀྱི་བཀྲག་མདངས་ཏེ། པགས་པ་ཕྱི་ནང་རིམ་པ་བདུན་དུ་དབྱེ་བའི་པགས་པ་ཕྱི་མ་གཉིས་ཀྱི་བར་ན་རྒྱུ་བའི་ཁམས་ཀྱི་དྭངས་མ་ཆུ་སེར་གྱི་རང་བཞིན་ལུས་ལ་དཀར་དམར་སོགས་ཀྱི་བཀྲག་མདངས་འབྱུང་བའི་རྟེན་བྱེད་པ་ཞིག |
| ཤ་མདོག |
ཤའི་ཁ་དོག ཤ་མདོག་ཅན་གྱི་རས། མི་རིགས་ཤ་མདོག་མི་འདྲ་བ། |
| ཤ་མཚན |
སྨེ་བ་སོགས་ལུས་ཀྱི་ཤ་རྟགས། ཤ་མཚན་དམར་པོ། |
| ཤ་མཛེར |
ལུས་ཀྱི་ཤ་མཛེར། |
| ཤ་མའི་སྣོད |
ཕྱི་ནས་གཡོགས་པའི་ཤུན་པ་སྲབ་མོ། |
| ཤ་མོ |
1 རི་དྭགས་ཤ་བ་མོ། 2 སྤང་དང་ནགས་སུ་སྐྱེ་བའི་ཤ་མོ་སུལ་ཅན་དཀར་སེར་སོགས། བྱ་བ་སྣ་ཚོགས་ཤ་མོའི་སུལ་བཞིན་མང༌། 3 ལུག་གི་ཚང་ར། |
| ཤ་མོང |
ཤ་མོ་དང་འདྲ། |
| ཤ་ཚ |
གཅེས་སྤྲས་བྱེད་པའི་དོན་ཏེ། ཤ་ཚ་སྙིང་ཉེ། ཐུན་མོང་གི་རྒྱུ་ནོར་ལ་ཤ་ཚ་དགོས། རྒྱལ་ཁབ་ལ་ཤ་ཚ་བ། ཤ་ཚ་བའི་གཏམ་ལ་སྙན་མོ་མེད། ནད་མཁྲིས་པའི་སྨན་ལ་ཞིམ་པོ་མེད་ཅེས་པ་ལྟ་བུ། |
| ཤ་ཚ་བ |
1 སྙིང་ཉེ་བ། ཕ་མར་ཤ་ཚ་ཆེན་པོ། ཤ་ཚ་བའི་གཏམ། ཕོ་སྡར་མ་མཐོང་དུས་ཤ་རེ་ཚ། ཤ་ཚ་ལེ། ཤ་ཚ་བའི་གཏམ་གྱིས་རྣ་ཚ། ནད་མཁྲིས་པའི་སྨན་གྱིས་ལྕེ་ཚ། 2 ལུས་ཀྱི་ཤ་ལ་ན་ཚ་གཏོང་བ། |
| ཤ་ཚན |
1 མ་རྒྱུད་ཀྱི་གཉེན་ཚན། 2 ལུས་ཀྱི་ཤ་དྲོན་མོ། ཤ་ཚན་ལ་རེག་པ། |
| ཤ་ཚུགས |
ལུས་ཀྱི་བཟོ་ལྟ། ཤ་ཚུགས་གྲིམས་པོ། ཤ་ཚུགས་ཐོན་པ། འཇིགས་པའི་ཚུགས་ཅན། |
| ཤ་ཚེ |
གཤའ་དཀར། |
| ཤ་ཞུ་བ |
1 ལུས་ཀྱི་ཤ་བྲི་བ། 2 ཤ་འཁྱག་ཞུ་བ། |
| ཤ་ཞེན |
གཅེས་ཤིང་དུང་བའི་བསམ་པ་དང་བྱ་སྤྱོད་ཀྱི་མིང་སྟེ། མེས་རྒྱལ་ལ་ཤ་ཞེན་ཆེ་བ། རང་ཡུལ་ལ་ཤ་ཞེན་ཆེ་ལྟ་བུ། |
| ཤ་ཟ |
པིཤཙཿ ཤ་ཟ་བའི་འདྲེ་དང་སྲིན་པོ། |
| ཤ་ཟ་ཁྲག་འཐུང |
མངོན སྲིན་པོ། |
| ཤ་ཟ་ལྕེ་སྤྱང་གདོང |
1 འདྲེ་ཅེ་སྤྱང་གི་མགོ་ཅན། 2 སྲུང་མ་ཞིག་གི་མིང༌། |
| ཤ་ཟན |
1 ཤ་ཟ་མཁན། 2 མངོན གཅན་གཟན། |
| ཤ་ཟའི་གླིང |
སྲིན་པོའི་གྲོང་ཁྱེར་རམ་སྲིན་པོའི་ཡུལ། |
| ཤ་ཟའི་མདུང་ཐུང་འཛིན་པ |
མངོན གདོང་དྲུག |
| ཤ་ཟའི་སྐད |
པིཤཱཙིཀཿ འདྲེ་སྐད་དེ། སྔར་རྒྱ་གར་གྱི་སྐད་རིགས་ཆེན་པོ་བཞིའི་ཡ་གྱལ་ཞིག |
| ཤ་ཟིང་སྤུ་ཟིང |
སྐྲག་ནས་བ་སྤུ་ཟིང་བ། སྡར་མ་དམག་སར་སླེབས་དུས་སྐྲག་ནས་ཤ་ཟིང་སྤུ་ཟིང་དུ་གྱུར་པ། |
| ཤ་ཟུངས |
ཤ་འཛིན་བྱེད་ཀྱི་ལྕགས་ཀྱུ་ལྟ་བུ། |
| ཤ་འཁོན |
གཞན་སྲོག་བཅད་པའི་སྙིང་ནད་དམ་འཁོན་འཛིན། |
| ཤ་འགག |
1 སྟོད་གོས་ཕུ་མེད། 2 རྙིང ཕུ་ཐུང༌། |
| ཤ་འགུགས |
ཤ་བཙོས་པ་འདོན་བྱེད་ལྕགས་ཀྱུ་ཡུ་བ་ཅན་ཞིག |
| ཤ་འགྱུར |
མངོན ཁྲག |
| ཤ་འཐུག་པོ |
1 ཤ་རྒྱགས་པ། 2 སྨྱུག་མ་ཤ་འཐུག་པོ་ལྟ་བུ། |
| ཤ་འཐོར་རུས་འཐོར |
རྨེག་མེད་དུ་འཐོར་བ། |
| ཤ་འཕྲུ |
བྱ་དེའི་གཙུག་འཕྲུ། |
| ཤ་འབུ |
ཤ་ལ་སྐྱེ་བའི་འབུ། |
| ཤ་འབུར |
གཟུགས་པོའི་ཤ་ཕྱི་ལ་འབུར་བ། |
| ཤ་འབྲས |
1 ཨ་འབྲས་དང་འདྲ། 2 ཤ་དང་འབྲས་བཙོས་ནས་བསྲེས་པའི་ཟས། |
| ཤ་འཛར |
ཤའི་ལམ་རྒྱགས། |
| ཤ་འཛིན |
ཤ་འགུགས། ཤ་འཐེན་བྱེད་རྩེ་མོར་ལྕགས་ཀྱུ་ཡོད་པ་ཞིག |
| ཤ་འཛེར |
མིག་སྟེང་དུ་ཤ་འཛེར་དཀར་པོ་ཐོན་བའི་ནད་ཅིག |
| ཤ་འུག་སྟག་སྒོ |
གཙང་ཕྱོགས་ཀྱི་གསང་བའི་སྦས་ལུང་ཞིག་སྟེ་ལྷ་རྩེ་རྫོང་ཁོངས་སུ་ཡོད། |
| ཤ་འོད |
ཁྲག |
| ཤ་ཡི་བུར་བུ |
པགས་པའི་ཐོག་གི་མཛེར་པ། |
| ཤ་ཡི་མཆོག |
མངོན སྙིང༌། |
| ཤ་ཡི་ཟས་ཅན |
མངོན 1 གཅན་གཟན། 2 སྲིན་པོ། |
| ཤ་ཡི་ས་བོན |
མངོན ཁྲག |
| ཤ་ཡོད་པགས་ཡོད |
གང་གི་ཐད་ལའང་བལྟ་རྒྱུ་ཡོད་པའམ་བལྟ་རིན་ཡོད་པའི་དཔེ། |
| ཤ་ར་བ |
མཚན་དངོས་ཡོན་ཏན་གྲགས་ཟེར། རབ་བྱུང་དང་པོའི་ལྕགས་ཁྱི་ལོར་འཁྲུངས་པའི་བཀའ་གདམས་པའི་དགེ་བཤེས་ཤིག་ཁོང་པོ་ཏོ་བ་ལས་རབ་ཏུ་བྱུང་ཞིང་མདོ་རྒྱུད་ཀྱི་དཔེ་ཆ་མང་པོ་བློ་ལ་འཛིན་ཐུབ་པ་ཞིག་ཡིན། རབ་བྱུང་གཉིས་པའི་ལྕགས་བྱ་ལོར་འདས། |
| ཤ་ར་བྷ |
ལེགས རི་དྭགས་ཀྱི་རྒྱལ་པོ་བསེ་ཁ་སྒོའི་མིང༌། དེ་རྐང་བརྒྱད་པ་ཞེས་བྱ་ཞིང༌། རྐང་བཞི་ནི་གྱེན་དུ་ཕྱོགས་པས་སྟེང་རྐང་ཅན་དང་གྱེན་མིག་ཅན་ཞེས་ཀྱང་བྱ་བའི་རྩལ་སྟོབས་ཤིན་ཏུ་ཆེ་བས་སེང་གེ་ཡང་འཇོམས་ནུས་པར་བཤད། |
| ཤ་ར་མ་ར |
ཐགས་ཐོགས་མེད་པར་ཐད་ཀར་རྒྱུག་ཚུལ། ཡིག་རིགས་ཤ་ར་མ་རར་ཀློག་པ། གཞུང་ལམ་ཞིག་ཤ་ར་མ་རར་བཏོད་པ། |
| ཤ་ར་འབིགས་བྱེད |
མངོན མདའ། |
| ཤ་ར་ར |
1 ཐོགས་པ་མེད་པའམ་ཐད་ཀར་ཐར་བའི་ཚུལ། རྩ་བའི་རིག་པ་རྣམས་ཁོང་གིས་བློ་ལ་ཤ་ར་རར་སྐྱོར་ཐུབ་པ། དཔུང་སྡེ་གཡུལ་སར་ཤ་ར་རར་ཆས་པ། ལམ་འདི་ནས་ལྷ་ས་བར་ཤ་ར་རར་འགྲོ་ཐུབ་པ། 2 སྒྲའི་བྱེ་བྲག་ཅིག ཚུབ་རླུང་ཤ་ར་རར་ལངས་པ། དྲག་ཆར་ཤ་ར་རར་རྒྱག་པ། |
| ཤ་ར་ཤོ་རེ |
འདམ་རྫབ་མང་བའི་ཚུལ། |
| ཤ་རི |
བྱ་རི་སྐྱེགས། |
| ཤ་རི་ཤུ་རི |
1 གློ་བུར་བྲེལ་སྟབས། སྐད་ཆ་བཤད་ལོང་མེད་པར་ཤ་རི་ཤུ་རི་བྱས་ནས་ལམ་སང་ཐོན་སོང༌། 2 ཞན་པའམ་ངན་ངོན། ལྟོ་ཆས་ཤ་རི་ཤུ་རི་ཙམ་ཞིག སྐད་ཆ་དོན་མེད་ཤ་རི་ཤུ་རི་ཞིག |
| ཤ་རིད་དབུགས་ཉམས |
ཤ་རྗུད་ཅིང་ཤུགས་ཉམས་པ། |
| ཤ་རིད་པ |
ཤ་སྐམ་པ། |
| ཤ་རིལ |
1 ཤ་བཙབས་ནས་རིལ་མོ་བཟོས་པའི་ཟས་ཤིག 2 རིང་བསྲེལ་སྐུ་སྤུར། |
| ཤ་རུ |
ཤ་བའི་རྭ་ཅོ། ཤ་རུའི་ཐོ་བ། ཤ་རུའི་ལིངས་འདེབས། |
| ཤ་རུས |
ཤ་དང་རུས་པ། ཤ་རུས་གཅིག་པའི་སྤུན་མཆེད། |
| ཤ་རུས་འབྲལ་མེད |
འབྲེལ་བ་དམ་པོའི་དཔེ། |
| ཤ་རེ་བ |
1 མགྱོགས་མྱུར་དང་འཕྲལ་མྱུར། ལན་ཤ་རེ་བར་རྒྱག་པ། 2 ན་རེ་བའམ་ཙ་རེ་བ་དང༌། རྒྱུན་མི་འཆད་པ། འགྲུལ་པ་ཤ་རེ་བར་སླེབས་པ། |
| ཤ་རེ་མ་རེ |
འཕྲལ་འཕྲལ། ཕར་འཁྱོག་ཚུར་འཁྱོག་མེད་པར་ཤ་རེ་མ་རེར་ཡོང་བ། |
| ཤ་རེ་ཚ |
1 སྙིང་རེ་རྗེ། བུ་ཆུང་གཉིས་པོ་ཤ་རེ་ཚ། 2 མཐོང་ཆུང་ངམ་སྨ་འབེབས་ཀྱི་ཚིག སྡུག་ཁྱོད་ཙམ་འཇིགས་མདོག་ཤ་རེ་ཚ། |
| ཤ་རེ་ཤ་རེ |
འཕྲལ་འཕྲལ་ལམ་ལམ་སང་ལམ་སང༌། ཕར་འགྲོ་ཚུར་ཡོང་ཤ་རེ་ཤ་རེར་གྱིས་ཤིག ཡི་གེ་ཤ་རེ་ཤ་རེར་འབྲི་བ། སྐད་ཆ་ཤར་ཤར་ཤོད་པ། ལམ་དུ་ཤར་ཤར་འགྲོ་བ། |
| ཤ་རེ་ཤུར་རེ |
(རྒྱན་ཚིག) ཤུར་མོ་མང་བོ་ཡོད་པའི་དོན་ཏེ། ལུང་བ་ཤ་རེ་ཤུར་རེ་ཞེས་པ་ལྟ་བུ། |
| ཤ་རེ་ཤོ་རེ |
1 ཧོལ་རྒྱུག ལས་ཀ་ཤ་རེ་ཤོ་རེར་བྱེད་པ། 2 འགོར་མེད་མགྱོགས་མྱུར་གྱི་རྣམ་པ།…3.(རྒྱན་ཚིག) ཁ་ཤོ་མང་བོ་ཡོད་པའི་དོན་ཏེ། ཉག་ག་ཤ་རེ་ཤོ་རེ་ཞེས་པ་ལྟ་བུ། |
| ཤ་རོ |
1 མཛེ་ནད་དང༌། ཆུ་སེར། པགས་ནད་སོགས་ཀྱི་ལུས་ལ་རྨར་གྱུར་ནས་དེའི་སྟེང་ངམ་ཉེ་འཁོར་དུ་རེག་བྱའི་ཚོར་བ་མེད་པར་གྱུར་པའི་དོན། 2 རྨ་དྲག་པའི་ཤུལ་སོགས་ལ་ཆགས་པའི་ཤ་སྐྲན་ལྟ་བུ། ཤ་རོ་འབུར་པོ། |
| ཤ་རྒོད |
ལུས་ཀྱི་ཤ་མཁྲེགས་པོ། |
| ཤ་རྒོད་ལོག་པ |
སྟོབས་ཤུགས་ཉམས་པའམ་ལུས་ཐང་ཆད་པ། |
| ཤ་རྒྱགས་པ |
1 ལུས་ཤ་ཚན་ཆེ་བ། མིང་གི་རྣམ་གྲངས་ལ་སྟོབས་བཅས་དང༌། སྟོབས་ལྡན། འཚག་ལྡན། བཟོད་ལྡན། ཡན་ལག་རྒྱས། ལུས་སྦོམ། ཤ་རྒྱས་བཅས་སོ། 2 ཚིལ་ཤས་ཆེ་བའི་ཤ། |
| ཤ་རྒྱས་པ |
ལུས་སྟོབས་རྒྱས་པ་སྟེ་རྒྱགས་པ། |
| ཤ་རྒྱུས |
ཤ་དང་རྒྱུས་པ། |
| ཤ་རྒྱུས་མཉམ་ཆོད |
དོན་ཚན་ཁག་གཉིས་ཐག་མཉམ་དུ་ཆོད་པའི་དཔེ། |
| ཤ་རྔམས |
ཤ་བོངས། ཤ་རྔམས་ཆེ་བ། |
| ཤ་རྗེན |
1 ཤ་བཙོ་སྲེག་མ་བྱས་པའི་རློན་པ། ཤ་རྗེན་ཟ་བ། 2 གོས་མེད་པའི་ཤ་གཅེར་བུ། |
| ཤ་རྗེན་ཟ |
མངོན སྲིན་པོ། |
| ཤ་རྟགས |
པགས་སྟེང་གི་སྨེ་བའམ་སྨུག་ཐིག |
| ཤ་རྡོག |
ཤ་དུམ་བུར་གཏུབས་པའི་རྡོག་པོ། ཤ་རྡོག་སྒང་ལ་མར་རྡོག་གོས་ཆེན་སྒང་ལ་ཕར་ཕྱིན། |
| ཤ་རྨེན |
1 ཤ་ཚིལ་ནང་གི་ཤ་སྨུག 2 རྨ་ཤུལ་གྱི་རྨེན། 3 ལྐོག་རྨེན། |
| ཤ་རྩི |
ཤ་མདོག |
| ཤ་རྩིད་རྒོ་རྩིད |
རྒོ་བའི་སྤུ་ལྟ་བུའི་བལ། |
| ཤ་རྫོང་རི་ཁྲོད |
རྗེ་ཀརྨ་རོལ་པའི་རྡོ་རྗེས་རྗེ་ཙོང་ཁ་པ་དགུང་ལོ་གསུམ་གྱི་དུས་དགེ་བསྙེན་དུ་བསྒྲུབས་པའི་གནས་ཏེ་སྐུ་འབུམ་དང་ཐག་ཉེ་བ་ན་ཡོད། |
| ཤ་རྭ |
རི་དྭགས་ཤ་བའི་རྭ་ཅོ། |
| ཤ་ལ |
ས་ཞིང་ཁོད་སྙོམས་བྱེད་པའི་ཡོ་བྱད་ཅིག |
| ཤ་ལ་འཁོར་བྱེད |
མངོན སྦྲང་ནག |
| ཤ་ལ་ཡུ་རིང |
ཐང་སྨན་གྱི་ནང་ཚན་ཤོ་མང་རིགས་དགུའི་ནང་ནས་གཅིག་སྟེ། རོ་ཁ། ཞུ་རྗེས་བསིལ། ནུས་པས་རྨ་འདྲུབ། ཁྲག་མཁྲིས་ཀྱི་མགོ་ནད་ལ་ཕན། |
| ཤ་ལག |
རྙིང གཉེན་སྦྱོར། |
| ཤ་ལང་འབངས |
སྔོ་སྨན་གྱི་ལྕེ་དཀར་པོའི་མིང་གཞན་ཞིག |
| ཤ་ལན |
སྲོག་ལན། ཤ་ལན་གློན། ཤ་ལན་ལྡོན། ཤ་ཤོར་གྱི་ཤ་ལན། རྒྱུ་ཤོར་གྱི་ར་མདའ། |
| ཤ་ལམ་གྲི་བཅད |
ཤ་གཅོད་སྐབས་ཐོག་མར་གྲིས་ལམ་ཕྱེ་ནས་གཅོད་དགོས་པ་སྟེ། ལས་ཀ་གང་ཡིན་རུང་ཐོག་མར་གཞི་ཞིག་བཏིང༌། དེ་ནས་ལག་ལེན་བསྟར་དགོས་པའི་དཔེ། |
| ཤ་ལུ |
ལུས་ཀྱི་རྨ་ཁ་ལས་སྐྱེས་པའི་ཤ་གསར་བའི་མིང་། གཉེན་བཤེས་མཚོན་པའི་མིང་སྟེ། གཉེན་བཤེས་ལ་དུང་ག་ཆེ་བ་ལ། མི་ཤ་དུང་ཅན་ཟེར་བ་དང་། ཤ་དུང་། རུས་དུང་། ཤ་ཞེན་ཆེ་བ་ཞེས་པ་ལྟ་བུ། 2.སྣ་ཡི་ནང་དུ་རྨེན་བུ་འཕེལ་བ་ལས་བྱུང་བའི་སྣ་ནད་ཅིག… |
| ཤ་ལྔ |
གླང་པོ་ཆེའི་ཤ། མི་ཤ། རྟ་ཤ། ཁྱི་ཤ། བ་གླང་ངམ་རྨ་བྱའི་ཤ་བཅས། |
| ཤ་ལྕུག |
དྲས་པའི་ཤ་ཕྲ་མོ། |
| ཤ་ལྕོག |
རྔ་མོང་དང་བ་གླང་སོགས་ཀྱི་སྒལ་པའི་སྒང་ལ་ཡོད་པའི་ཤ་རྡོག་གམ་ནོག |
| ཤ་ལྡིག་ལྡིག |
1 ལུས་ཀྱི་ཤ་རྒྱགས་པ་ལྷུག་ལྷུག 2 ཤ་སྣག་རྡོག་རྡོག |
| ཤ་ལྤགས |
ཤ་དང་པགས་པ། |
| ཤ་ལྷག |
1 ཤ་བཟས་པའམ་བགོས་པའི་ལྷག་མ། 2 སྦ་བ། 3 རྔ་མོང་གི་རྒྱབ་ཀྱི་ཤ་འབུར། |
| ཤ་ལྷུ |
1 ལུས་ཀྱི་ཚིགས་མཚམས་ནས་བཅད་པའི་ཤ་དུམ། 2 ཤ་བཞི་གླིང་རེ། |
| ཤ་ཤུན |
ཤའི་ཤུན་ལྤགས། |
| ཤ་ཤེད |
དུད་འགྲོའི་ཤ་དང་ཤེད་མོ། ཤ་ཤེད་སྐྱོ་པོ། ཤ་ཤེད་བཟང་པོ། |
| ཤ་སྐད |
ཕོ་རོག་དང་སྐྱ་ཀའི་ཤ་ཟ་འདོད་ཀྱི་སྐད། |
| ཤ་སྐམ་པོ |
1 སྐམ་ཐག་བཅད་པའི་ཤ། 2 ལུས་ཀྱི་ཤ་རིད་པོ། ཤ་སྐམ་པགས་སྐམ། |
| ཤ་སྐམ་མ |
ཁ་ཆེའི་གུར་གུམ། |
| ཤ་སྐེམ་པོ |
1 ལུས་ཀྱི་ཤ་སྟོབས་ཞན་པོ། 2 བཟའ་ཆས་ཀྱི་ཤ་སྤུས་སྡུག་པ། |
| ཤ་སྐྱ |
སྤང་རི་དང་ཤིང་ནགས་ཉུང་སར་གནས་པའི་རི་དྭགས་ཤ་བ་སྤུ་མདོག་སྐྱ་ཤས་ཆེ་བ། དེའི་ཁྲག་རྭ་གོང་ཆེ། |
| ཤ་སྐྱི |
ལུས་ཀྱི་ཤ་དང་ཤུན་པའམ་སྐྱི་མོ། |
| ཤ་སྐྱོ་བ |
ལུས་ཀྱི་ཤ་ཞན་པའམ་སྐམ་པོ། |
| ཤ་སྐྲན |
1 ཁོག་པའི་སྐྲན་ནད། 2 ལུས་ཀྱི་པགས་པར་ཆགས་པའི་ཤ་སྐྲན། |
| ཤ་སྒ |
1 རྔ་མོང་གི་སྒལ་པར་ཡོད་པའི་ཤ་འབུར་ཉག་ཀ་ཅན། 2 ཡུལ རྔ་མོང་རྒྱབ་ཀྱི་ཤ་ལྕོག |
| ཤ་སྒོག |
རི་ལ་སྐྱེས་པའི་སྒོག་པ་ཞིག་སྟེ་བོད་ཟླ་དང་པོར་གངས་རིའི་ཐོག་ཏུ་སྐྱེ་ཞིང༌། ཟླ་གསུམ་པར་རུལ་འགྲོ་བ། བྲོ་བ་ཞིམ་པ་ཞིག |
| ཤ་སྒྲོ |
1 ཤ་བླུག་སྣོད་ཀོ་བའི་སྒྲོ་བ། 2 རི་དྭགས་ཤ་བའི་པགས་པས་བཟོས་པའི་སྣོད། |
| ཤ་སྟག |
(བསྣན་ཚིག) ཐེ་ཚོམ་མེད་པའི་དོན་ཏེ། ཡིན་ན་ཡིན་ཤ་སྟག་མིན་ན་མིན་ཤ་སྟག འགྲོ་ན་འགྲོ་ཤ་སྟག་གྱིས་ལྟ་བུ། རིགས་རྐྱང་བའམ་རིགས་གཅིག་པའི་དོན་ཏེ། ལུག་ཁྱུ་འདིར་ཤབ་གཟན་ཤ་སྟག་མ་གཏོགས་མ་མོ་གཅིག་ཀྱང་མེད། ས་ཆ་འདིའི་མི་ཐམས་ཅད་འབྲོག་པ་ཤ་སྟག་རེད་ཅེས་པ་ལྟ་བུ། ０འདི་ལ་ཤ་དག་ཅེས་འབྲི་བའང་ཡོད། |
| ཤ་སྟོབས |
ལུས་ཀྱི་ཤ་ཤེད། |
| ཤ་སྡུག་ཁྱི་སྡུག |
རི་དྭགས་ཤ་བ་ཁྱིས་དེད་པའི་སྡུག་བསྔལ་དང༌། ཤ་ཁྱིའང་དཀའ་ལྟོགས་ཀྱིས་སྡུག་བསྔལ་བ་སྟེ། ཕན་ཚུན་གཉིས་ཀར་དཀའ་སྡུག་བྱུང་བའི་དཔེ། ཤ་སྡུག་ཁྱི་སྡུག་རྔོན་པ་སྡུག་རྫ་ཁྲ་ཡག་དཀྱིལ་ན་གསུམ་སྡུག་རེད། |
| ཤ་སྡུག་འབུ་སྡུག |
ཤ་རུལ་འགྲོ་བ་དང་དེར་ཞུགས་པའི་འབུ་ཡང་འཆི་འགྲོ་བ་སྟེ། བརྟེན་པ་དང་རྟེན་མཁན་གཉིས་སྡུག་གམ། སྡུག་གི་སྟེང་དུ་སྡུག་བྱུང་བའི་དཔེ། |
| ཤ་སྣག |
ཤ་ཚིལ་གཉིས་ཀྱི་ནང་ཚན་ཤ་ལ་ཤ་སྣག་ཀྱང་ཟེར། |
| ཤ་སྤུ |
ཤ་དང་སྤུ། |
| ཤ་སྦོས |
ཤ་སྐྲངས་པ། |
| ཤ་སྦྲང |
མི་ཕྱུགས་ཀྱི་ཁྲག་འཇིབ་པའི་སྦྲང་མའི་རིགས་ཤིག |
| ཤ་སྨན |
ཤའི་བྲོ་བ་འདོན་བྱེད་སྤོད་སྨན། |
| ཤ་སྲབ་པོ |
1 ལུས་ཀྱི་ཤ་ཚན་ཆུང་བ། 2 སྨྱུག་མ་ཤ་སྲབ་མོ་ལྟ་བུ། |
| ཤ་སྲེད |
1 ཤ་ཟ་རྒྱུར་འདོད་པ་ཆེ་བ། 2 མངོན སྲིན་པོ། |
| ཤ་ཧྲུག |
དུམ་བུར་གཏུབས་པའི་ཤ། |
| ཤག |
1. ཁྱིམ་མམ་ཁང་པ། སྡོད་ཤག གཟིམ་ཤག གྲྭ་ཤག 2.ཡིན་ལས་ཆེའམ་ཡོད་ལས་ཆེ། སྐུ་ཁམས་བདེ་པོ་ཡིན་ཤག |
| ཤག་གི་ཤིག་གི |
ཚགས་དམ་པོ་མེད་པ། པང་གཅལ་ཤག་གི་ཤིག་གི། |
| ཤག་ཆས |
སྡོད་ཁང་ནང་གི་འཛིན་ཆས། |
| ཤག་ཆུ |
རྒྱལ་མོ་རྔུལ་ཆུའི་སྟོད་རྒྱུད་ཀྱི་མིང་སྟེ། བོད་རང་སྐྱོང་ལྗོངས་ཀྱི་སྙན་རོང་རྫོང་དང་འབྲི་རུ་རྫོང་ཁོངས་སུ་ཡོད། |
| ཤག་ཆུ་ཁ |
ས་མིང་ཞིག་བོད་རང་སྐྱོང་ལྗོངས་ཀྱི་འབྲི་རུ་རྫོང་ཁོངས་ཤག་ཆུའི་འགྲམ་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་4496 ཡོད། |
| ཤག་ཆུང |
ཁང་མིག་ཆུང་ཆུང༌། |
| ཤག་ཏི |
རལ་གྲི་ཞིག |
| ཤག་པོ |
གྲོགས་པོའི་མིང་སྟེ། ཚོང་རྒྱག་པའི་ཤག་པོ་ཞེས་པ་ལྟ་བུ། མིང་མཐའ་བསྡུས་ན་ཤག་ཅེས་འབྲི་ཆོག་སྟེ། ཚོང་ཤག གནའ་ཤག—གྲོགས་པོ་རྙིང་བ་ཞེས་པ་ལྟ་བུ། |
| ཤག་མ |
གསེག་མ། |
| ཤག་མཚེས |
རང་དང་ཐག་ཉེར་སྡོད་མཁན་གྱི་ཤག་གམ་ཁང་པ། ཤག་མཚེས་པ། |
| ཤག་མིག |
ཁང་ཆུང་སོ་སོར་བཅད་པ་རེ་རེ་བའི་མིང༌། |
| ཤག་མོ |
གྲོགས་མོ། |
| ཤག་རོགས |
ཤག་ནང་མཉམ་དུ་སྡོད་མཁན། |
| ཤག་ཤག |
1 སྒྲའི་ཁྱད་པར་ཞིག ཆུ་ཀླུང་ཤག་ཤག་ཏུ་འབབ་པ། རླུང་ཆེན་ཤག་ཤག་ཏུ་ལྡང་བ། 2 ཐེ་ཚོམ་མེད་པ། རྒྱལ་ཁ་ཐོབ་ཤག་ཤག་བྱེད་པ། དགྲ་བོ་ཕམ་ཤག་ཤག་བྱེད་པ། ཕར་འགྲོ་ཤག་ཤག་ཡིན། བདེན་པ་ཡིན་ཤག་ཤག་བྱེད་པ། རྫུན་པ་ཡིན་ཤག་ཤག་བྱེད་པ། |
| ཤག་ཤིག |
1 ཤག་གི་ཤིག་གིའི་བསྡུས་ཚིག 2 གཡོ་ཞིང་འགུལ་བའི་རྣམ་པ་ཞིག |
| ཤགས |
1 བཞད་གད་སློང་རེས་བྱེད་པའི་དགའ་རྩེད་ཀྱི་གླུ་གཞས། གཞས་ཤགས་རྒྱག་པ། ཤོག་ཁག་ཕྱེ་སྟེ་ཤགས་འདེབས་བྱེད་པ། 2 ཁ་མཆུ་རྒྱག་པའི་རྩོད་གཏམ། ཁྲིམས་སར་ཤགས་འགྱེད་པ། མཚང་འབྲུའི་ཤགས་འདེབས་པ། ཁ་ཤགས་རྡུགས་པ། རྩོད་ཤགས་རྒྱག་མཚམས་མི་འཇོག་པ། ཤགས་འབྱེད་པ། ཤགས་རྒྱལ་བ། |
| ཤགས་རྒྱག་པ |
ཕན་ཚུན་ཁ་ཤགས་འགྱེད་པ། |
| ཤང |
གཤང་དང་འདྲ། |
| ཤང་ཀར |
རྒྱ་གར་གྱི་བྲམ་ཟེ་སྲོང་བཙན་སྒམ་པོའི་སྐབས་སུ་བོད་ལ་ཆོས་སྒྱུར་བར་ཕེབས་པ་ཞིག |
| ཤང་དྲིལ |
སྔོ་སྨན་ཞིག་སྟེ། ནང་གསེས་སུ་དབྱེ་ན་རིགས་བཞི་མཆིས། རོ་ཁ་ལ་མངར། ནུས་པ་དམར་པོས་དམར་བཤལ་གཅོད། སྔོན་པོས་གློ་རྣག་ཞི། སེར་པོས་ཚད་པ་འཇོམས། དཀར་པོས་འཁྲུགས་རིམས་སེལ། |
| ཤང་པོ |
ཡུལ འདྲིས་སླ་བ་དང་མཐུན་སླ་བ་སྟེ་སྒམ་པོ་མིན་པ། གཤིས་ཀ་ཤང་པོ། |
| ཤང་ཚེ |
1 སྔོ་སྨན་གྱི་རིགས་ཤིག་སྟེ། རོ་ཚ། ཞུ་རྗེས་སྙོམས། ནུས་པས་ལྷོག་པ་འཇོམས། འབྲས་འདུལ། 2 རྒྱ འུ་སུ། |
| ཤང་འོ |
མར་བཏོན་ཟིན་པའི་འོ་མ། |
| ཤང་ལང |
རལ་གྲི་སོ་གཅིག་མ་ཞིག |
| ཤང་ལེན |
རྫ་རི་མཐོན་པོའི་སྲིབ་ལ་སྐྱེ་བའི་རྩྭ་སྨན་ཞིག་སྟེ། མིང་གཞན་ལ་བདུད་རྩི་གངས་ཤམ་དང་གསེར་ཐུར་ཟེར་བའང་ཡོད། |
| ཤང་ལེན་སྨུག་པོ |
བདུད་རྩི་གངས་ཤམ་གྱི་མིང་གཞན་ཤིག |
| ཤང་ཤང |
སྐད་སྒྲའམ་ཆུ་རྒྱུག་པའི་སྒྲ་སོགས། ཤང་ཤང་རྣ་བར་ཐོས་ཀྱང་མཇལ་འཕྲད་གསེར་ལས་དཀོན་པ། ཕུ་ཆུ་ཤང་ཤང་དུ་འབབ། རྟ་དྲེལ་གྱི་སྐེ་རྒྱན་ལིང་ཤང་གི་སྒྲ་ཤང་ཤང་སྒྲོག |
| ཤང་ཤང་ཏེའུ |
1 ཙཱིཝཾཙཱིབཀཿ སྒྲུང་ལས་བཤད་པའི་བྱ་ཤང་ཤང་སྟེ་སྨད་བྱ་ལ་སྟོད་མིའི་རྣམ་པའི་གཤོག་པ་ཅན་ཞིག 2 རྒྱ་མཚོའི་འགྲམ་གྱི་བྱ་སྐད་སྙན་པ་ཞིག |
| ཤང་ཤང་དྲིལ་བུ |
སྔོ་སྨན་ཞིག |
| ཤང་ཤོང |
མཐོ་དམའ་མི་སྙོམ་པའི་ས་ཆའི་མིང་སྟེ། ས་ཤང་ཤོང་། འབར་འབུར་ཤང་ཤོང་ཞེས་པ་ལྟ་བུ། 2.གྲངས་གནས་ཆེ་བ་ཞིག… |
| ཤང་ཤོང་ཆུ |
ཆུ་མིག་གམ་ཆུ་རྫིང༌། |
| ཤངས |
1 སྣའི་ཞེ་ས། ཤངས་མཐོ་བ། ཤངས་གཙང་བ། 2 གཙང་ཁུལ་ཤངས་ཆུའི་རྒྱུད་ཀྱི་སྤྱི་མིང་ཡིན་ཞིང༌། དེང་སང་རྣམ་གླིང་གི་ས་ཆ་སྔར་བོད་ཁྲི་སྐོར་བཅུ་གསུམ་གྱི་ཡ་གྱལ་ཞིག་ཁྲི་སྐོར་བཅུ་གསུམ་སྐབས་ཆུ་མིག་ཀྱང་ཟེར། |
| ཤངས་ཀྱི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། ཤངས་མཐོ་བ་དང༌། ཤངས་མཆོག་ཏུ་དག་པའོ། |
| ཤངས་ཆུ |
བོད་རང་སྐྱོང་ལྗོངས་ཀྱི་རྣམ་གླིང་རྫོང་དུ་ཡོད་པའི་འབབ་ཆུ་ཞིག་དང་ཡར་ཀླུངས་གཙང་པོའི་ཡན་ལག་ཅིག |
| ཤངས་ཐ |
སྣ་ལ་འཐེན་པའི་ཐལ་རྫས་ཤིག |
| ཤངས་དགའ་ལྡན་ཆོས་འཁོར |
རབ་བྱུང་བཅུ་གཅིག་པའི་ཤིང་བྱ་ལོར་གཙང་རྣམ་གླིང་དུ་བཏབ་པའི་དགོན་པ་ཞིག |
| ཤངས་པ་བཀའ་བརྒྱུད |
མཁས་གྲུབ་ཁྱུང་པོ་ནས་བརྒྱུད་དེ་བྱུང་བའི་བཀའ་བརྒྱུད་པའི་གྲུབ་མཐའི་ནང་གསེས་ཤིག་སྲོལ་གཏོད་མཁན་ཁྱུང་པོ་རྣལ་འབྱོར་པ་ཁོང་རྒྱ་གར་དང་བལ་ཡུལ་དུ་སྔ་ཕྱི་ཐེངས་གསུམ་བྱོན་ཏེ་སློབ་དཔོན་བརྒྱ་དང་ལྔ་བཅུ་ཙམ་བསྟེན་ནས་མདོ་སྔགས་སྦྱངས། བོད་དུ་ཕྱིར་ཕེབས་རྗེས་དབུས་ཀྱི་འཕན་ཡུལ་དང༌། གཙང་གི་ཤངས་ཁུལ་དུ་དགོན་པ་མང་པོ་བཏབ་ནས་ལོ་སུམ་ཅུ་ལྷག་ཙམ་གྱི་རིང་དམ་ཆོས་སྤེལ་བས་ཤངས་པ་བཀའ་བརྒྱུད་ཅེས་པ་དེ་ནས་བྱུང༌། སྐུ་ཚེ་ལོ་བརྒྱ་དང་ལྔ་བཅུ་སྐོར་འཚོ་ཞིང་བཞུགས་པར་གྲགས། |
| ཤངས་ཕྱིས |
སྣ་ཕྱིས་སམ་སྣབས་ཕྱིས། |
| ཤངས་མཆོག་ཏུ་དག་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྐྱེ་བོ་གཙང་མ་ཕུན་སུམ་ཚོགས་པ་ཉིད་ཀྱིས་ཤངས་གཙང་བ་སྟེ། སྣབས་སོགས་ཀྱིས་ཡོངས་སུ་དག་པ། |
| ཤངས་མཐོ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཤེས་རབ་མཆོག་ལ་གནས་པ་ཉིད་ཀྱིས་ཤངས་ཀྱི་གཟེངས་མཐོ་བ། |
| ཤངས་མཚལ |
སྣ་ཁྲག |
| ཤད |
1 བོད་ཡིག་གི་མིང་དང༌། ཚིག་བརྗོད་པའི་མཚམས་སུ་བྲི་རྒྱུའི་ཤད་རིས། ཕུར་ཤད། ཉིས་ཤད། བཞི་ཤད། སྦྲུལ་ཤད། རིན་ཆེན་སྤུངས་ཤད། འཕུལ་ཤད། 2 བལ་ལམ་སྐྲ་སོགས་གསེད་པའི་ཡོ་བྱད་ཅིག བལ་ཤད། ལྕགས་ཤད། 3 ལོ་གསུམ་ལོན་པའི་འབྲི་གཡག་དང༌། བ་གླང༌། མཛོ་དང་མཛོ་མོ། སྡིག་པ་རྭ་ཙ་གཡག་ཤད་ཙམ་ཞིག |
| ཤད་ཀྱི་རྒྱ |
ཚིག་རྐང་མི་འཁྲུལ་བར་བྱེད་པའི་རྟགས༌༈༈།('')་འདི་ལྟ་བུ། |
| ཤད་པ |
ཐ་དད་པ བཤད་པ། བཤད་པ། ཤོད།། གསེད་པའམ། འཕྲུག་པ། སྣམ་བུའི་སྤུ་ཤད་པ། སྐྲ་བཤད་པ། རྟའི་རྔོག་བཤད་པ། བལ་ཤད་པ། ཤད་མ་དགོས་ཇོ་བོའི་དབུ་སྐྲ། ཕྱིས་མ་དགོས་དངུལ་དཀར་མེ་ལོང༌། |
| ཤད་བཟང་པོ |
ལུག་ལྤགས་སོགས་མཐུག་ཅིང་མཉེན་པ། |
| ཤད་མ |
སྣམ་བུ་ལེགས་པའི་གྲས་ཤིག |
| ཤད་མཚམས |
ཆིག་ཤད་དང་ཉིས་ཤད་སོགས་ཡི་གེའི་གཅོད་མཚམས་ཀྱི་ཤད་གར་ཡོད་ཀྱི་བར་མཚམས། |
| ཤད་མོ |
འབྲི་དང་མཛོ་མོ་བ་མོ་ལོ་གསུམ་ལོན་པ། |
| ཤད་འོག |
སྣམ་བུ་ཤད་མ་ལས་སྤུས་ཀ་ཅུང་ཞན་པ་ཞིག |
| ཤད་ཡར |
ཕྱུགས་ཕྲུག་ལོ་གཉིས་གསུམ་ལོན་པ། |
| ཤད་ལེ |
(རྒྱན་ཚིག) དབྱིབས་ཡ་ཡོ་མེད་པའམ་ཐོགས་གཏུགས་མེད་པ་སྟེ། དྲང་ཤད་ལེ་སོང་། ལམ་དྲང་ཤད་ལེ་བཏོད། སྨྱུག་མ་དྲང་ཤད་ལེ་སྐྱེས་ལྟ་བུ། |
| ཤད་ཤད |
1 ཤར་ཤར་རམ་འཕྲལ་འཕྲལ། རྟ་ཤད་ཤད་རྒྱུག་པ། 2 འཛིངས་བཀྲོལ་པ། པགས་སྤུ་ལ་ཤད་ཤད་རྒྱག་པ། |
| ཤད་སྦྱངས |
1 ཤད་ཀྱིས་སྦྱངས་པ་སྟེ། རང་ནུས་ཀྱིས་མི་ཐུབ་པའི་ལས་དང་ཕྲད་ན་བར་མ་དོར་མི་འཇོག་པར་དེའི་གནས་ཚུལ་ཚིག་འཇམ་གྱི་སྒོ་ནས་དྲང་པོར་བརྡ་སྤྲོད་པ། ཤད་སྦྱངས་མི་ལེན་པ། ཤད་སྦྱངས་མི་བྱེད་པ། ཤད་སྦྱངས་དང་དུ་ལེན་པ། 2 གཞན་སྤྱོད་ངན་ལས་བཟློག་ཕྱིར་ངག་འཇམ་གྱིས་སློབ་གསོ་གཏོང་བ། 3 རང་ཉེས་མི་གསང་བར་ཁས་ལེན་པ། |
| ཤན |
1 གྲུ། ཤན་ལ་བསྡད་ནས་ཆུའི་ཕ་རོལ་ཏུ་བརྒལ་བ། 2 ལྷད་དམ་འདྲེས་པ། ཤན་གོས་པ། བཟང་པོ་ལ་ངན་པའི་ཤན་ཞུགས་པ། མི་ངན་པའི་ཤན་ཤོར་བ། 3 དབྱེ་བ། དགྲ་གཉེན་གྱི་ཤན་འབྱེད་པ། བདེན་རྫུན་གྱི་ཤན་ཕྱེ་བ། 4 ཆིངས། ལྕགས་ཤན། སྨྱུག་ཤན། ཤིང་ཟོམ་སྦ་ཤན་མ། ཇ་མདོང་རག་ཤན་མ། 5 གངས་གཟིག་གམ། གསའ། |
| ཤན་ཁ |
གྲུ་ཁ། |
| ཤན་གསུམ |
འདུལ་བ་ལས་བཤད་པའི་སྤང་ལྟུང་སྐྱེད་བྱེད་ཀྱི་ཤན་གསུམ་སྟེ། རྫས་ཀྱི་ཤན་དང༌། ཞག་གི་ཤན་དང༌། ལྟུང་བའི་ཤན་ཏེ་གསུམ་མོ། |
| ཤན་གྲི |
བཤན་པའི་གྲི། |
| ཤན་གྲིབ |
བཤན་པ་ལས་བྱུང་བའི་ནད་ཀྱི་རིགས་ཤིག |
| ཤན་གླ |
གྲུ་གླ། |
| ཤན་དམར |
ཆོས་སྐྱོང་ཤན་པ་དམར་པོའམ་ལྕམ་སྲིང༌། |
| ཤན་པ |
ཕྱུགས་བཤའ་བའི་ལས་ཀ་བྱེད་མཁན་གྱི་མིང་། གྲུ་གཏོང་མཁན་གྱི་མིང་གཞན་ནམ་ཡུལ་སྐད། |
| ཤན་བརྡེག |
1 བྱིན་གྱིས་བརླབས་པའི་ཡོ་བྱད་ལ་བྱིན་གྱིས་མ་བརླབས་པའི་ཡོ་བྱད་ཀྱི་ལྷད་ཞུགས་པ། 2 གཞན་གྱི་ཞོར་ལ་བརྡུང་བ་ལྟ་བུ། |
| ཤན་མཆུ |
སྦུད་པའི་དབུགས་གཏོང་སའི་སྦུ་གུའི་མིང་། ཡོ་བྱད་སོགས་ཀྱི་ཐོག་ལ་སྦྱར་བའི་ལྷན་པའི་མིང་སྟེ། རྟ་སྒ་ལ་ལྕགས་ཤན་བརྒྱབ་ལྟ་བུ། ０བྱ་དངོས་ཀྱི་ནང་ལ་ཕྱིས་སུ་འདྲེས་པའི་བྱ་དངོས་ཀྱི་ཆ་དེའི་མིང་སྟེ། བོད་སྐད་ལ་རྒྱ་སྐད་ཀྱི་ཤན་ཞུགས། རྒྱ་སྐད་ལ་བོད་སྐད་ཀྱི་ཤན་ཞུགས་ལྟ་བུ། |
| ཤན་ཞུགས |
1 མི་མཐུན་པའི་རིགས་མཉམ་དུ་འདྲེས་པ་སྟེ་ལྷད་ཞུགས་པའམ། སྐྱོན་ཞུགས་པ། གསེར་ལ་ར་གན་གྱི་ཤན་ཞུགས་པ། གཞུང་དོན་ལ་སྒེར་དོན་གྱི་ཤན་ཞུགས་པ། 2 རིགས་འགྲེ་ཤོར་བ། 3 དགེ་སློང་གི་ཡོ་བྱད་ལ་ཉེས་པའི་གཡའ་ཞུགས་པ། |
| ཤན་འབྱེད |
དབྱེ་བ་འབྱེད་པ། ཤན་མ་ཕྱེད་པ། བྱ་བ་བཟང་ངན་གྱི་ཤན་འབྱེད་བྱེད་པ། དཀར་ནག་དགེ་སྡིག་ལས་ཀྱི་ཤན་འབྱེད་པ། |
| ཤན་རྩ |
རྫོང་ཞིག་བོད་རང་སྐྱོང་ལྗོངས་ཀྱི་གྲོང་ཁྱེར་ལྷ་སའི་ནུབ་བྱང་ངོས་སུ་ཡོད། སྔར་གྱི་མིང་ལ་ནག་ཚང་ཞེས་ཟེར། རྫོང་མི་དམངས་སྲིད་གཞུང་དེ་ཇ་སྦྱོར་དེའུ་བུར་ཡོད། |
| ཤན་ཤོར |
ཤན་ཞུགས་དང་དོན་གཅིག་ |
| ཤན་སྟོབས |
གཞན་གྱི་བསམ་པ་སོགས་སྒྱུར་ནུས་པའི་ནུས་པ་དང་སྟོབས་ཤུགས་སོགས་ཀྱི་མིང་སྟེ། དཔེ་ཆ་ལ་ལར་མིའི་བསམ་པ་སྒྱུར་བའི་ཤན་སྟོབས་ཧ་ཅང་ཆེན་པོ་ཡོད་ལྟ་བུ། １ཁྱད་པར་གྱི་མིང་སྟེ། རྟ་བཟང་ངན་གྱི་ཤན་འབྱེད་སླ། མི་བཟང་ངན་གྱི་ཤན་འབྱེད་དཀའ། བདེན་རྫུན་གྱི་ཤན་ཕྱེ། བཟང་ངན་གྱི་ཤན་འབྱེད་དགོས་ཞེས་པ་ལྟ་བུ། 2.དགེ་སློང་གི་ཡོ་བྱད་གང་རུང་ཞིག་བྱིན་གྱིས་མ་བརླབས་པར་ཞག་གྲངས་ཡོལ་བའི་ཉེས་པས་བྱིན་གྱིས་བརླབས་པའི་ཡོ་བྱད་དག་ལའང་ཤན་གྱི་ལྟུང་བ་ཤོར་བ།.. |
| ཤན་སྦྱར |
ཡིག་རིགས་མི་འདྲ་བ་གཉིས་བསྡུར་ནས་དོན་གཅིག་བྲིས་པའི་དཔེ་ཆ་སོགས་ཀྱི་མིང་སྟེ། རྒྱ་བོད་སྐད་ཤན་སྦྱར་ཞེས་པ་ལྟ་བུ། ２བཙུན་པའི་ཆོས་གོས་ཀྱི་ཐོག་ན་རས་ཤར་མོ་མང་བོ་ཞིག་ཡོད་པ་དེའི་མིང་། |
| ཤབ |
ཡུལ་མིང་ཞིག་ཡར་ཀླུངས་གཙང་པོའི་ཡན་ལག་ཤབ་ཆུའི་ཆུ་རྒྱུད་ཀྱི་སྤྱི་མིང་ཡིན་ཞིང༌། དེའི་ཁོངས་སུ་དེང་སང་ས་སྐྱ་རྫོང་ཁོངས་ཀྱི་དགེ་ལྡིང་དང༌། རྩེ་གསུམ་སོགས་གཏོགས། |
| ཤབ་པ |
ཐ་དད་པ ཤབས་པ། ཤབ་པ། ཤོབས།། ནང་ནས་ཕྱིར་འདོན་པའམ་འཐེན་པ། ཤུབས་ནས་གྲི་ཤབ་པ། |
| ཤབ་བི་ཤུབ་བི |
སྐད་ཆུང་ངུས་ཕར་ཚུར་ཤོད་རེས་བྱེད་པ། |
| ཤབ་བེ་ཤོབ་བེ |
རྫུན་གཏམ། སྐད་ཆ་ཤབ་བེ་ཤོབ་བེ་ཤོད་པ། |
| ཤབ་རྒྱུག |
རྔམ་སྟབས་ཀྱིས་རྒྱུག་པ། སྤྱང་ཀི་ལྟོགས་པས་ལུག་ཁྱུའི་ཁྲོད་དུ་ཤབ་རྒྱུག་བྱེད་པ། |
| ཤབ་ཤུབ |
(རྒྱན་ཚིག) སྐད་ཆ་བཤད་པའི་སྐད་དམའ་བ་སྟེ། རྣ་བར་སྐད་ཆ་ཤབ་ཤུབ་ཏུ་བཤད་ལྟ་བུ། |
| ཤབ་ཤོབ |
ཡིད་བརྟན་མེད་པའི་ཚིག་སྟེ། སྐད་ཆ་ཤབ་ཤོབ་མ་བཤད་ལྟ་བུ། ཁ་སྐད་དུ་སྐད་ཆ་ཤབ་བེ་ཤོབ་བེ་མ་བཤད་ཅེས་པ་དང་དོན་འདྲ། |
| ཤབས་པ |
ཤབ་པའི་འདས་པ། |
| ཤམ |
ཐུར་དུ་འཕྱང་བའི་དར་གོས་སོགས་ཀྱི་མིང་སྟེ། དར་གྱི་ཤམ་བུ་ཞེས་པ་ལྟ་བུ། 2.གཤམ་དང་འདྲ། |
| ཤམ་གོས |
སྨད་གོས། |
| ཤམ་ཐབས |
རབ་བྱུང་གི་འཚོ་བའི་ཡོ་བྱད་བཅུ་གསུམ་གྱི་ནང་གསེས་ཤིག་སྟེ། སྲིད་དུ་ཁྲུ་ལྔ་དང་ཞེང་དུ་ཁྲུ་དོ་ཡོད་པ་མཐང་གོས་ཀྱི་ནང་དུ་གྱོན་རྒྱུའི་གོས་ཤིག |
| ཤམ་ཐབས་ཀྱི་གཟན |
རབ་བྱུང་གི་འཚོ་བའི་ཡོ་བྱད་བཅུ་གསུམ་གྱི་ནང་གསེས་ཤིག་སྟེ། སྲིད་དུ་ཁྲུ་ལྔ་དང་ཞེང་ལ་ཁྲུ་དོ་ཡོད་པ་མཚན་མོ་སྨད་དུ་གྱོན་རྒྱུའི་གོས་ཤིག |
| ཤམ་ཐབས་སྔོན་པོ་ཅན |
བོན་སྟོན་པཎྜི་ཏ་ཤམ་ཐབས་སྔོན་པོ། |
| ཤམ་བུ |
སྒོ་དང་སྒེ་ཁུང་གི་རྒྱན། དར་གྱི་ཤམ་བུ། ཁང་པའི་ཤམ་བུ། རྒྱལ་མཚན་གྱི་ཤམ་བུ། ཤམ་བུ་བརྒྱབ་པ། |
| ཤམ་བུ་བཏགས་པ |
1 སྒོ་དང་སྒེ་ཁུང་ལ་ཤམ་བུ་བཀལ་བ། 2 གཟུངས་སྔགས་ཀྱི་ཁ་ཚར་རམ་ཁ་སྣོན་བཏབ་པ། |
| ཤམ་བུ་སྐེད་རིས |
ཁང་པའི་ནང་གི་གྱང་ངོས་ཀྱི་ཤམ་བུའི་རི་མོ་དང༌། ཚོན་སྣ་སུམ་ལྡན་གྱི་སྐེད་རིས། |
| ཤམ་བྷ་ལ |
ལེགས བདེ་འབྱུང་འཛིན་པ་ཡང་ཟེར་ཏེ། ཡུལ་གྱི་བཀོད་པ་དབྱིབས་ཟླུམ་པོའི་མཐར་གངས་རིས་བསྐོར་བ། པདྨ་འདབ་བརྒྱད་ཀྱི་དབྱིབས་ཅན། འདབ་མ་རྣམས་ཀྱི་བར་ཆུ་བོས་ཆོད་པའི་ཡུལ་ལྗོངས་ཤིག་སྟེ། དེར་དཔལ་དུས་ཀྱི་འཁོར་ལོའི་བསྟན་པ་དར་ནས་ད་ལྟའི་བར་ཡོད་ཅིང་རིགས་ལྡན་རྒྱལ་རབས་རིམ་པས་བསྐྱངས་པའི་དག་ཞིང་ཞིག |
| ཤམ་བྷ་ལའི་ཆོས་རྒྱལ་རྣམ་བདུན |
ཟླ་བཟང་དང༌། ལྷ་དབང༌། གཟི་བརྗིད་ཅན། ཟླ་བས་བྱིན། ལྷ་ཡི་དབང་ཕྱུག་སྣ་ཚོགས་གཟུགས། ལྷ་ཡི་དབང་ལྡན་ཏེ་བདུན། དེ་དག་གིས་དུས་འཁོར་རྩ་རྒྱུད་བསྟན། |
| ཤམ་ཤམ |
(རྒྱན་ཚིག) མར་འཕྱང་བའི་རྣམ་པ་སྟེ། ལྭ་བ་ཤམ་ཤམ་བྱས་ལྟ་བུ། |
| ཤམ་སུལ |
ཤམ་ཐབས་ལ་གཉེར་མ་བསྡུས་པའི་སུལ། |
| ཤམ་སྔོན |
ཤམ་ཐབས་སྔོན་པོ་ཅན་གྱི་བསྡུས་ཚིག་ |
| ཤམ་སྔོན་ཅན |
བོན་གྱི་རིགས་ཤིག |
| ཤའི་ཕྲི |
ཤ་སྐྱི། |
| ཤའི་འཛེར་པ |
1 ལུས་ཀྱི་ཤ་མཚན། 2 ལུས་ལ་སྐྱེས་པའི་ཤ་མཛེར་མཁྲེགས་པོ། |
| ཤའི་རྒྱུས་པ |
ཤའི་ནང་གི་ཆུ་རྒྱུས། |
| ཤའི་སྤྱན |
གཟུགས་ཐམས་ཅད་ལ་འཇུག་པའི་ཤེས་པའམ་དཔག་ཚད་བརྒྱ་ནས་སྟོང་གསུམ་ཚུན་ཆད་ཀྱི་དངོས་པོ་རྣམས་སོ་སོར་ངེས་པའི་ཡེ་ཤེས། |
| ཤའུ |
རྨ་དྲག་པའི་འོག་ནས་སྐྱེ་བའི་ཤ་གསར་པ། ཤའུ་སྐྱེས་པ། རྨ་ཁའི་ཤའུ། རྨ་ཤའུ་སོས་པ། |
| ཤར |
ཉི་མ་འཆར་བའི་ཕྱོགས་ཀྱི་མིང་སྟེ། ཤར་ལྷོ་ནུབ་བྱང་ཞེས་པ་ལྟ་བུ། (བསྣན་ཚིག) མྱུར་བའམ་ཐོགས་པ་མེད་པའི་དོན་ཏེ། རླངས་འཁོར་ཤར་གཏོང་བྱས། ཡི་གེ་ཤར་ཤར་བཀླགས། ལམ་ལ་ཤར་གྱིས་སོང་ཞེས་པ་སོགས་ལྟ་བུ། ０ན་ཚོད་གཞོན་པའི་དོན་ཏེ། ཕོ་གཞོན་ལ་ཤར་བའམ་སྟག་ཤར། མོ་གཞོན་ལ་ཤར་མའམ་སྨན་ཤར་ཟེར་བ་ལྟ་བུ། １འཆར་གྱི་འདས་པ། |
| ཤར་གངས་ལ |
ལ་ཞིག་བོད་རང་སྐྱོང་ལྗོངས་ཀྱི་དཔལ་འབར་རྫོང་ཁོངས་ཨོ་རྒྱན་རྟ་མདའ་དང་རྔོད་གྲོའི་སྐེད་བར་དུ་ཡོད། |
| ཤར་གསུམ་མཁན་པོ |
སྤྱི་ལོའི་དུས་རབས་བརྒྱད་པར་རྒྱ་གར་ཤར་ཕྱོགས་སུ་བྱུང་བའི་དབུ་མ་རང་རྒྱུད་པའི་མཁས་པ་གསུམ་སྟེ། སློབ་དཔོན་ཡེ་ཤེས་སྙིང་པོས་དབུ་མ་བདེན་གཉིས་དང༌། ཞི་བ་འཚོས་དབུ་མ་རྒྱན། ཀ་མ་ལ་ཤཱི་ལས་དབུ་མ་སྣང་བ་མཛད་པ་ལ་རང་རྒྱུད་ཤར་གསུམ་ཟེར་ཞིང༌། གཞུང་དེ་གསུམ་མཛད་པ་པོ་དབུ་མ་རང་རྒྱུད་པའི་སློབ་དཔོན་གསུམ་ལ་ཤར་གསུམ་མཁན་པོ་ཞེས་གྲགས། |
| ཤར་གྱི་ཐིག་ལེ |
མངོན ཟླ་བ། |
| ཤར་གྱི་ཕྱོགས་སྐྱོང |
མངོན ལྷའི་དབང་པོ་བརྒྱ་བྱིན་དང༌། ཉེ་དབང༌། |
| ཤར་གྱི་རི་བོ་ལ་གནས་པའི་སྡེ |
ཕལ་ཆེན་སྡེ་པ་ལྔའི་ཡ་གྱལ་ཞིག |
| ཤར་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་དཔལ་འབར་རྫོང་ཁོངས་རྔོད་གྲོའི་སྐེད་ཁུལ་དུ་ཡོད། དེ་སྤོ་ཁོག་ལ་སླེབས་སྐབས་ཡིད་འོང་གཙང་པོ་ཞེས་ཟེར། |
| ཤར་ནུབ་རི་ལ་གནས་པའི་སྡེ |
ཕལ་ཆེན་སྡེ་པ་ལྔའི་ཡ་གྱལ་ཞིག |
| ཤར་པ |
1 ཤར་ཕྱོགས་པ། 2 བོད་ཀྱི་གནའ་རབས་རིགས་རྒྱུད་ཅིག་གི་ཚོ་པའི་མིང༌། 3 ས་སྐྱའི་བླ་བྲང་ཤར་ནུབ་གཉིས་སུ་ཕྱེ་བའི་ཤར་པ། 4 རོང་ཤར་པ་ཞེས་བལ་བོད་ས་མཚམས་ཀྱི་ཡུལ་ཞིག |
| ཤར་པ་འཇམ་དབྱངས་བཞི་ཐོག་པ |
ཤར་པ་རིན་ཆེན་འབྱུང་གནས་ཀྱི་སྲས་དང༌། འགྲོ་མགོན་འཕགས་པའི་དངོས་སློབ་འཇམ་དབྱངས་རིན་ཆེན་རྒྱལ་མཚན་ཞེས་པ་དེ་ཡིན་ཞིང༌། རབ་བྱུང་ལྔ་པའི་མེ་ཕག་ལོ་ལ་དྷརྨ་པཱ་ལརཀྵིཏ་འདས་པའི་ཤུལ་དུ་ས་སྐྱའི་གདན་ས་ལོ་བཅོ་བརྒྱད་བཟུང༌། རྒྱལ་པོའི་ལུང་བཞིན་ས་སྐྱ་བཞི་ཐོག་བླ་བྲང་གི་གདན་སར་བཞུགས་པས་མཚན་དེ་ལྟར་གྲགས། ཤིང་འབྲུག་ལོ་ལ་འདས། |
| ཤར་པ་རིན་ཆེན་རྒྱལ་མཚན |
རབ་བྱུང་ལྔ་པའི་ས་བྱི་ལོ་ཙམ་ནས་ལུང་བཞིན་བཞི་ཐོག་བླ་བྲང་གི་ཁྲི་ཐོག་ལོ་བཅོ་བརྒྱད་བཞུགས། ཆུ་ཡོས་ལོ་ནས་ཏི་ཤྲིའི་འཇའ་ས་བཟུང༌། ཤིང་སྦྲུལ་ལོ་ལ་འདས། |
| ཤར་པ་ལ |
བོད་རང་སྐྱོང་ལྗོངས་ཀྱི་འབྲོང་པ་རྫོང་གི་ཤར་ལྷོའི་མཚམས་སུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་4688 ཡོད། |
| ཤར་པོ |
དར་ལ་བབས་པའི་མི། |
| ཤར་ཕོ |
ཕོ་གཞོན་ནམ་སྐྱེས་པ་ལང་ཚོ་དར་མ། |
| ཤར་ཕྱོགས |
ཉི་མ་ཤར་བའི་ཕྱོགས། |
| ཤར་ཕྱོགས་ལོ་གསར |
སོ་ནམ་ལོ་གསར་གྱི་མིང་གཞན་ཞིག |
| ཤར་བ |
འཆར་བའི་འདས་པ། |
| ཤར་བུ |
1 གཞལ་ཡས་ཁང་གི་རྒྱན་ཞིག 2 དྲ་བ་དྲ་ཕྱེད། |
| ཤར་བུ་ཕྲའུ |
སྐ་རགས་ཀྱི་བྱེ་བྲག་ཅིག |
| ཤར་མ |
1 བུད་མེད་ལང་ཚོ་དར་མ། དམན་ཤར་མ། 2 རི་མོ་ནར་མོ། རས་དམར་ཤར། འཇའ་རིས་ཤར་མ་གསུམ། 3 ཤར་ཕྱོགས་ལ་ཡོད་པའི་དངོས་པོ། ཁང་པ་ཤར་མ། སྒོ་ཤར་མ། རི་བོ་ཤར་མ། 4 ཁེར་རྐྱང་སྟོན་པའི་གྲངས་ཀྱི་ཚིག་གྲོགས་ཤིག རྟ་པ་ཤར་མ་གཅིག མེ་མདའ་ཤར་མ་གཅིག རས་ཡུག་ཤར་མ་གཅིག |
| ཤར་མར |
ཐོགས་པ་མེད་པ། གང་དྲན་ཤར་མར་བཤད་པ། |
| ཤར་མོ |
མོ་གཞོན་ནམ་བུད་མེད་ལང་ཚོ་དར་མ། |
| ཤར་རི |
ཤར་ཕྱོགས་ཀྱི་རི། མིང་གི་རྣམ་གྲངས་ལ་ཉིན་མོའི་རྩེ་མོ་དང༌། ཐོག་མའི་རི། རྩེ་དགའི་རི་བོ་བཅས་སོ། |
| ཤར་རི་ལ་གནས་པའི་སྡེ |
ཕལ་ཆེན་སྡེ་པ་ལྔའི་ཡ་གྱལ་ཞིག |
| ཤར་རྒྱག |
ཐད་ཀའམ་དྲང་པོ། རང་ཡུལ་དུ་ཤར་རྒྱག་ཐོན་པ། གཞུང་ལམ་དུ་ཤར་རྒྱག་འགྲོ་བ། |
| ཤར་རྩེ་ཆོས་རྗེ |
སེ་འབྲས་དགའ་གསུམ་གང་རུང་གི་དགེ་བཤེས་ལྷ་རམས་པ་ཐོན་ནས་རྒྱུད་སྟོད་གྲྭ་ཚང་དུ་སྔགས་ཀྱི་སློབ་གཉེར་བྱས་ཏེ་སྔགས་རམས་པ་ཐོན་རྗེས་རྒྱུད་པའི་དགེ་བསྐོས་ཟླ་བ་བཞི། བླ་མ་དབུ་མཛད་ལོ་གསུམ། མཁན་པོ་ལོ་གསུམ། མཁན་ཟུར་ལོ་འགའ་ཤས་ཐོག་དགའ་ལྡན་ཤར་རྩེ་གྲྭ་ཚང་གི་ཁྲི་ཐོག་ཏུ་ཕེབས་ཏེ་ཤར་པ་ཆོས་རྗེ་ལོ་བཅུ་བཞི། དེ་ནས་དགའ་ལྡན་ཁྲི་ལ་ཕེབས་ཏེ་ཁྲི་པ་ལོ་བདུན་བྱེད། |
| ཤར་རྫ་ཆུ |
ཧོར་ཁོག་དཀར་མཛེས་བརྒྱུད་ནས་འབྲི་ཆུར་འབབ་པའི་ཆུ་བོ་ཤར་ཟླ་ཆུའི་མིང་གི་ཟུར་ཆག ཟླ རྫ |
| ཤར་ལུ |
སྐྱེས་པ་ཕོ་ཤར་དར་མ། |
| ཤར་ལུས་འཕགས་པོ |
པཱུརྦཱབིདེཧཿ རི་རབ་ཀྱི་ཤར་ངོས་རྒྱ་མཚོར་ཆགས་པའི་གླིང་ཆེན་འདིར་ཡོད་པའི་མིའི་ལུས་འཛམ་གླིང་པ་ལས་ཉིས་འགྱུར་གྱིས་ཆེར་འཕགས་པས་ན་ལུས་འཕགས་དང༌། དབྱིབས་ཟླ་གམ་ཁ་ནང་དུ་བསྟན་པ་ལྟ་བུ། ནང་དང་གཡས་གཡོན་གྱི་ངོས་གསུམ་འཛམ་གླིང་དང་འདྲ་བར་དཔག་ཚད་སྟོང་ཕྲག་གཉིས་གཉིས་ཡོད་ཅིང་ལྕགས་རིའི་ཕྱོགས་ཀྱི་ངོས་གཅིག་ལ་དཔག་ཚད་སུམ་བརྒྱ་ལྔ་བཅུ་ཡོད་པ། |
| ཤར་ལྷོ |
1 ཤར་དང་ལྷོ་གཉིས། 2 ཤར་དང་ལྷོ་གཉིས་ཀྱི་བར་མཚམས། |
| ཤར་ལྷོའི་ཕྱོགས་སྐྱོད |
མངོན 1 མེ། 2 མེ་ལྷ། |
| ཤར་ཤར |
ཤ་རེ་ཤ་རེའི་བསྡུས་ཚིག་ |
| ཤར་ཤུར |
ཤ་རི་ཤུ་རིའི་བསྡུས་ཚིག་ |
| ཤར་ཤོར |
ཤ་རེ་ཤོ་རེའི་བསྡུས་ཚིག་ |
| ཤར་སྐར་བདུན |
སྨིན་དྲུག་དང༌། སྣར་མ། མགོ། ལག་ནབས་སོ། རྒྱལ། སྐག་བཅས་བདུན་ནོ། |
| ཤར་སྒོམ |
དམིགས་རིམ་ཡིད་ལ་ཤར་ཙམ་ཤར་ཙམ་བྱས་ནས་མགྱོགས་པོར་སྒོམ་པ། |
| ཤར་སྟོད |
ཤར་ཕྱོགས་སྟོད་སྨད་དུ་ཕྱེ་བའི་སྟོད་ཆ། |
| ཤར་སྨད |
ཤར་ཕྱོགས་སྟོད་སྨད་དུ་ཕྱེ་བའི་སྨད་ཆ། |
| ཤལ |
ས་ཞིང་ལ་ལོག་བརྒྱབ་རྗེས་ས་ངོས་སྙོམ་བྱེད་ཀྱི་ཞིང་ཆས་ཤིག་གི་མིང་སྟེ། ཞིང་ལ་ཤལ་དྲུད་ན་རླན་མི་འཆོར། ཞིང་ལ་ཤལ་དྲུད་ནས་སེར་བསྲུངས་ཞེས་པ་ལྟ་བུ། ཤལ་བ་ལ་ལྟོས། |
| ཤལ་བ |
1 ཞིང་ཁའི་རྨོས་རོལ་བསུབས་ཏེ་ས་ཁོད་སྙོམས་བྱེད་ཀྱི་ཡོ་བྱད་ཅིག ཤལ་བས་བཤལ་བ། ཤལ་བ་སྡེར་དབྱིབས་ཅན། རོལ་བརྒྱ་ཤལ་གཅིག་གིས་ཆོད། 2 ཕྲེང་བ། |
| ཤལ་བཤལ་བ |
ཤལ་འདྲུད་པ། |
| ཤལ་མ་ལི |
1 ཙ་རི་ནས་ཁྱེར་ཡོང་བའི་ཤིང་གི་འབྲས་བུ་དབྱིབས་ཚ་ཚ་འདྲ་བ་གཞང་འབྲུམ་ལ་ཕན་པ་ཞིག 2 ཤིང་བེ་དོ་ནག་པོའི་འབྲས་བུ། 3 མཚོ་མ་དྲོས་པའི་གཡོན་ན་ཤིང་ཤལ་མ་ལི་རྩེ་མོ་ཤིན་ཏུ་མཐོ་བ་རྒྱང་གྲགས་དུ་མ་དང་ལྡན་པ་ལ་མཁའ་ལྡིང་རིགས་བཞི་གནས་པ་ཞིག |
| ཤལ་མ་ལིའི་ཚལ |
ཚ་དམྱལ་ཉེ་འཁོར་ལྕགས་ཤིང་གི་ནགས་ཚལ་ཞིག་ཤལ་མ་ལིའི་སྡོང་པོའང་ཟེར། |
| ཤལ་མ་ལིར་གནས |
མངོན བྱ་ཁྱུང༌། |
| ཤལ་འཛིན |
ཤལ་བ་རྒྱག་མཁན། |
| ཤལ་ལ |
བཤལ་ལ་དང་འདྲ། |
| ཤས |
ཕྱོགས་སམ་བྱེ་བྲག་གམ། ཡན་ལག ཆ་ཤས། ཁ་ཤས། དཀར་ཤས། ཕྱེད་ཤས། གསུམ་ཤས། ཚར་ཤས། འབྲུ་ཤས། ཡིན་ཤས་ཆེ་བ། ཡོད་ཤས་ཆུང་བ། |
| ཤས་པ |
སྔར་ཞིང་བདག་གིས་ཞིང་ཁ་ཕྱེད་ཤས་སུ་བཏང་ནས་སྟོན་དུས་འབྲུ་བགོ་བཤའ་རྒྱག་མཁན་གྱི་མིང༌། |
| ཤས་བཟང |
རྙིང ཉུང་ལ་སྤུས་ཀ་ལེགས་པོ། |
| ཤས་ཞིང |
སྔར་ཤས་སུ་བཏང་བའི་ཞིང་ཁ། |
| ཤས་ལ་གཏོང་བ |
སྔར་ཞིང་བདག་གིས་ཞིང་ཁ་སོ་ནམ་པར་སྤྲད་དེ་སྟོན་དུས་ཐོན་འབབ་འབྲུ་རིགས་རྣམས་ཕྱེད་བགོས་བྱེད་སྲོལ་ཞིག |
| ཤས་སོན |
ཤས་ཞིང་ལ་གདབ་རྒྱུའི་ས་བོན། |
| ཤས་སླེབས |
ཤས་ཀྱི་ཁེ་འབབ། |
| ཤསྟཾ |
ལེགས བཀྲ་ཤིས། |
| ཤཱ་རི་ཀ |
ལེགས བྱ་རི་སྐེགས། |
| ཤཱ་རིའི་བུ |
ཤརཱིཔུཏྲུཿ ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་གྲས་ཤིག་ཡིན་ལ། མཆོག་ཟུང་གི་ཡ་གྱལ་ཤེས་རབ་ཅན་རྣམས་ཀྱི་མཆོག་ཏུ་གྱུར་པའོ། |
| ཤཱཀའི་འདས་ལོ |
ཀ་རའི་རོ་མྱང་ལྟ་བུའི་རྩིས་ཀྱི་རྩིས་འགོ་ནི་སྤྱི་ལོ་དོན་དགུ་པ་ཡིན། |
| ཤཱཀྱ |
ལེགས ནུས་པའམ་ཕོད་པ་སྟེ་སྔར་རྒྱ་གར་གྱི་རིགས་རུས་ཤིག |
| ཤཱཀྱ་ཐུབ་པ |
ལེགས ཤཱཀྱ་མུ་ནེ། ཤཱཀྱ་ཐུབ་པས་བཀག་ཀྱང་མི་ཁོགས་པ་དང༌། འཇམ་དཔལ་དབྱངས་ཀྱིས་བཙལ་ཀྱང་མི་རྙེད་པ།…2.སངས་རྒྱས་ཀྱི་ཆོས་ལུགས་ཀྱི་སྲོལ་བཏོད་པ་པོ། |
| ཤཱཀྱ་མུ་ནེ |
ལེགས སངས་རྒྱས་ཤཱཀྱ་ཐུབ་པ་སྟེ། ཆུང་དུས་མཚན་དོན་ཀུན་གྲུབ་པ་ཞེས་གྲགས། ཁོང་ནི་དྲི་མེད་ཤཱཀྱའི་རྒྱལ་རྒྱུད་ལས་ཡབ་ཟས་གཙང་མའི་རིགས་སུ་སྐུ་འཁྲུངས་པ་ཡིན་ལ། ས་མོ་ལུག་གི་ལོའི་ཆུ་སྟོད་ཟླ་བའི་ཉ་ལ་ཡུམ་སྒྱུ་འཕྲུལ་མའི་ལྷུམས་སུ་ཞུགས། ལྕགས་ཕོ་སྤྲེལ་ལོའི་ས་ག་ཟླ་བའི་ཚེས་བདུན་ལ་ལུམྦི་ནའི་ཚལ་དུ་སྐུ་བལྟམས། གཞོན་ནུའི་དུས་ནས་སྒྱུ་རྩལ་དྲུག་ཅུ་རྩ་བཞི་རང་དབང་དུ་བྱས། བུ་མོ་ས་འཚོ་མ་སོགས་ཁབ་ཏུ་བཞེས་ཏེ་བཙུན་མོའི་ཚོགས་ཀྱིས་བསྐོར་ཏེ་རྒྱལ་སྲིད་བསྐྱངས། དགུང་ལོ་ཉེར་དགུའི་ཐོག་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་མཆོད་རྟེན་རྣམ་དག་གི་དྲུང་དུ་དཔལ་རང་བྱུང་གིས་བསྙེན་པར་རྫོགས། ཆུ་བོ་ནཻ་རཉྫ་ནའི་འགྲམ་དུ་ལོ་དྲུག་ཏུ་དཀའ་བ་སྤྱད། དགུང་ལོ་སོ་ལྔ་པ་ཤིང་ཕོ་རྟའི་ལོའི་ས་ག་ཟླ་བའི་ཚེས་བཅོ་ལྔའི་སྲོད་ལ་བདུད་བཏུལ། གུང་ལ་མཉམ་པར་བཞག་ཐོ་རངས་ལ་མངོན་པར་རྫོགས་པར་སངས་རྒྱས། དེ་ནས་ཞག་བདུན་ཕྲག་བདུན་གྱི་མཐར་ཆུ་སྟོད་ཟླ་བའི་ཚེས་བཞིར་ཡུལ་ཝ་རཱ་ཎ་སིར་བཀའ་དང་པོ་བདེན་བཞིའི་ཆོས་འཁོར་བསྐོར། རིམ་བཞིན་རྒྱལ་པོའི་ཁབ་དང༌། བྱ་རྒོད་ཕུང་པོ་ལ་སོགས་པར་བཀའ་བར་པ་མཚན་ཉིད་མེད་པ་དང༌། བཀའ་ཐ་མ་ལེགས་པ་རྣམ་པར་ཕྱེ་བའི་ཆོས་ཀྱི་འཁོར་ལོ་བསྐོར། མཐར་དགུང་ལོ་གྱ་གཅིག་པ་ལྕགས་འབྲུག་ས་ག་ཟླ་བའི་ཚེས་བཅོ་ལྔ་ལ་གནས་རྩྭ་མཆོག་དྲུང་དུ་སྐུ་མྱ་ངན་ལས་འདའ་བའི་ཚུལ་བསྟན་པ་སོགས་མཛད་པ་ཆེན་པོ་བཅུ་གཉིས་ཡོད་དོ། མཚན་གྱི་རྣམ་གྲངས་ལ་གོའུ་ཏ་མ་དང༌། གཽ་ཏ་མ། དགེ་སྦྱོང་ཆེན་པོ། ཉི་མའི་རྒྱུད། ཉི་མའི་གཉེན་གྱུར། ཉི་མའི་རིགས་འཁྲུངས། ཉི་མའི་རུས། རྡོ་རྗེ་གདན་པ། བུ་རམ་ཤིང་པ། མི་མཇེད་བདག་པོ། མི་མཇེད་སྙིང་པོ། ཚུལ་ཁྲིམས་གཏེར། ཟས་གཙང་སྲས། ཤཱཀྱའི་ཏོག་ཤཱཀྱ་སེང་གེ། ལྷ་ཡི་ཡང་ལྷ། ལྷ་ཡི་ལྷ་བཅས་སོ། |
| ཤཱཀྱ་འོད |
རྒྱ་གར་གྱི་སློབ་དཔོན་རྒྱན་དྲུག་གི་ཡ་གྱལ་འདུལ་བ་བདུད་རྩིའི་རྒྱན་གྱི་སློབ་དཔོན་ཞིག་སྟེ། ཁོང་གིས་དགེ་ཚུལ་གྱི་ཀ་རི་ཀ་སུམ་བརྒྱ་བ་སོགས་མཛད། |
| ཤཱཀྱ་ཡེ་ཤེས |
བྱམས་ཆེན་ཆོས་རྗེའི་མིང༌། བྱམས་ཆེན་ཆོས་རྗེ་ཤཱཀྱ་ཡེ་ཤེས་ཟེར་བ་དེར་ལྟོས། |
| ཤཱཀྱ་ཤྲི་བྷ་དྲ |
ཁ་ཆེ་པཎ་ཆེན་རྒྱ་གར་ཤྲི་ནཱ་ལེནྡྲའི་ཁྲི་རབས་ཐ་མ་འདི་རབ་བྱུང་གཉིས་པའི་མེ་ལུག་ལོར་འཁྲུངས། རབ་བྱུང་གསུམ་པའི་ཤིང་བྱི་ལོར་ཁྲོ་ཕུ་ལོ་ཙཱ་བ་བྱམས་པ་དཔལ་གྱིས་གདན་དྲངས་ཏེ་བོད་དུ་བྱོན། ས་པཎ་གྱི་མཁན་པོ་མཛད། ལོ་བཅུའི་རིང་ལ་རྭ་སྒྲེང་དང༌། ལྷོ་བྲག་གཉལ་སྨད་སོགས་ཡུལ་ཁམས་མང་དུ་བཤད་སྒྲུབ་ཀྱི་བསྟན་པ་སྤེལ། རབ་བྱུང་བཞི་པའི་ཤིང་བྱ་ལོ་ལ་འདས། |
| ཤཱཀྱ་སེང་གེ |
1 ཤཱཀྱ་ཐུབ་པའི་མཚན་གྱི་རྣམ་གྲངས་ཤིག 2 གུ་རུ་མཚན་བརྒྱད་ཀྱི་ཡ་གྱལ་ཞིག |
| ཤཱཀྱའི་ཏོག |
མངོན ཤཱཀྱ་ཐུབ་པ། |
| ཤཱཀྱའི་དགེ་སྦྱོང |
སངས་རྒྱས་ཀྱི་ཆོས་ལུགས་པའི་དགེ་སློང་གི་རང་ལ་དེ་སྐད་འབོད། |
| ཤཱཀྱའི་བསྟན་པ |
སངས་རྒྱས་ཀྱི་ཆོས་ལུགས། |
| ཤཱཀྱའི་རྒྱལ་པོ |
མངོན ཤཱཀྱ་ཐུབ་པ། |
| ཤཱཀྱའི་ལོ |
ཤཱཀྱའི་རིགས་བྱུང་ཚུན་གྱི་འདས་ལོ། |
| ཤཱཀྱའི་སྲས་པོ |
མངོན ཤཱཀྱ་ཟས་གཙང་མའི་སྲས་སྟོན་པ་ཤཱཀྱ་ཐུབ་པ། |
| ཤཱནྟརཀྵིཏ |
ལེགས ཞི་བ་འཚོ། |
| ཤཱརིཀཿ |
ལེགས རི་སྐྱེགས་དང་དོན་གཅིག་ |
| ཤཱི་ལ |
ལེགས ཚུལ་ཁྲིམས་ཏེ་བསིལ་བ་སྟེར། |
| ཤཱི་ལ་མཉྫུ |
ལེགས དུས་རབས་བརྒྱད་པའི་མཇུག་བོད་རྗེ་ཁྲི་སྲོང་ལྡེ་བཙན་སྐབས་བོད་དུ་བྱོན་ནས་མདོ་སྡེ་མང་པོ་སྒྱུར་མཁན་བལ་པོའི་པཎྜི་ཏ་ཞིག |
| ཤཱི་ལ་རཀྵིཏ |
ལེགས ཚུལ་ཁྲིམས་བསྲུངས་པའམ་གོ་ཆ་སྟེ་སྔར་ཇོ་བོ་རྗེ་ཨ་ཏི་ཤར་རབ་བྱུང་གི་སྡོམ་པ་འབོག་མཁན་རྒྱ་གར་གྱི་སློབ་དཔོན་ཞིག |
| ཤི |
འདས་པ་སྟེ། མི་དམངས་ཀྱི་དོན་དུ་ཤི་ན་རི་བོ་ཐེ་ཧྲན་ལས་ཀྱང་ལྕི་བ་ཞིག་རེད་ལྟ་བུ། འཆི་བ་ཞེས་པའི་ཚིག་བསྡུས་པ། |
| ཤི་ཀྲུ |
ཕོ་བ་རིས་དཀར་པོའི་མིང་གི་རྣམ་གྲངས་ཤིག |
| ཤི་གོ་ལོག |
བུ་ཕྲུག་སྔོན་ལ་ཤི་ནས་ཕ་མ་ཤུལ་དུ་ལུས་པ། |
| ཤི་གོད |
དུད་འགྲོ་རྒས་པའམ་ནད་སོགས་ཀྱིས་ཤི་བ། ནོར་ཕྱུགས་ཤི་གོད་མ་སོང་བ། |
| ཤི་ཆད |
མི་ཕྱུགས་ཤི་གོད། མི་ཕྱུགས་ཤི་ཆད་ཇེ་ཉུང་དུ་སོང་བ། |
| ཤི་ཉལ་རོ་ཉལ |
ཉལ་བའི་དམོད་ཚིག |
| ཤི་དགེ |
མི་ཤི་བའི་རྗེས་ཀྱི་ཆོས་ལུགས་ཀྱི་དགེ་རྩ། |
| ཤི་པོ |
གཤིན་པོ། |
| ཤི་བ |
འཆི་བའི་འདས་པ། |
| ཤི་བི་ཀ |
ལེགས རོ་སྐྱེལ་བྱེད་ཀྱི་ཁྱོགས། |
| ཤི་བོ |
ཤི་པོ་དང་འདྲ། |
| ཤི་མ་གསོན |
ཧ་ཅང་ཉམ་ཐག་པའི་རྣམ་པ་སྟེ། དགྲ་དམག་དེ་སྐྲག་ནས་སྐད་ཤི་མ་གསོན་ཞིག་གྲགས་ལྟ་བུ། |
| ཤི་མ་རོ |
ཤི་མིན་རོ་མིན་དང་དོན་གཅིག་ |
| ཤི་མིག་གསོན་བལྟས |
འཆི་ཁར་གསོན་རེ་བྱེད་པའི་དཔེ། |
| ཤི་མིན་གསོན་མིན |
ཤི་མིན་རོ་མིན་དང་དོན་གཅིག་ |
| ཤི་མིན་རོ་མིན |
ཤི་ལ་ཁད་པ། |
| ཤི་ཚིགས |
མི་ཤི་ནས་ལོ་གཅིག་འཁོར་བའི་དུས་ཚིགས་སམ་ལོ་ཧྲིལ་པོ་འཁོར་བའི་ཉིན། |
| ཤི་ཟན |
གཤིན་པོའི་རྗེས་དྲན་གྱི་ཆོ་གར་སྤྱོད་རྒྱུའི་ཟས། |
| ཤི་འཕོས |
ཤི་བ། |
| ཤི་འབྱར་རོ་འབྱར |
ཨུ་ཚུགས་ཀྱིས་འཁྲས་ནས་སྡོད་པ། དུས་དབྱར་སྟོན་དགུན་དཔྱིད་གང་ལ་ཡང༌། སྤང་རི་འདི་ལ་ཤི་འབྱར་རོ་འབྱར་བྱེད། |
| ཤི་འཛིང |
མ་ཤི་བར་དུ་འཐབ་པའི་རྒོལ་འཛིང༌། |
| ཤི་འཛིན |
སྔར་སེམས་ཅན་འཆི་གོད་བྱུང་ཚེ་ནོར་བདག་ལ་མགོ་པགས་རྩིས་སྤྲོད་བྱས་པའི་བྱུང་འཛིན། |
| ཤི་རི་དཔལ་ལྡན་ཆུ |
བོད་རང་སྐྱོང་ལྗོངས་ཀྱི་ཀློ་ཡུལ་ས་ཁུལ་གྱི་འབབ་ཆུ་ཞིག |
| ཤི་རི་ར་ཏ |
ལེགས སྤྱི་ལོའི་དུས་རབས་གཉིས་པའམ་གསུམ་པ་ཙམ་ལ་རྒྱ་གར་དུ་བྱུང་བའི་ཐེག་དམན་མདོ་སྡེ་པའི་སློབ་དཔོན་ཞིག |
| ཤི་རོ |
སེམས་ཅན་ཤི་བའི་རོ། |
| ཤི་རྒྱགས |
སྐྱེ་བ་ཕྱི་མར་ཕན་པའི་དགེ་བའི་ལས། ཤི་རྒྱགས་ཀྱི་ཆོས་མི་དགོས་ཞེས་གསུངས། |
| ཤི་རྨས |
ཤི་བ་དང་རྨས་པ། |
| ཤི་རྫུ |
མ་ཤི་ཤི་ཁུལ། ཤི་རྫུ་བཏབ་པ། ནད་རྫུ་དང་ཤི་རྫུ་བྱས་པ་ལོས་ཡིན་སྙམ། |
| ཤི་ཤ་སྦང་མ |
བོད་རང་སྐྱོང་ལྗོངས་ལྷོ་རྒྱུད་གཉའ་ནང་རྫོང་ཁོངས་ཇོ་མོ་གླང་མའི་ནུབ་བྱང་གི་ངོས་སུ་ཡོད་པའི་རི་ཞིག་དེའི་མཐོ་ཚད་རྒྱ་མཚོའི་ངོས་ལས་སྨི་8012 ཡོད། གངས་རྒན་གྱིས་གཡོགས་ཤིང་འཁྱག་ཀླུང་མང་བ། དེའི་ཉེ་འདབས་སུ་གྲང་ངར་ཆེ་བས་ནོར་ལུག་འཁྱགས་གྲིར་ཐེབས་སླ་བ། ལོ་ཏོག་ཡག་པོ་མི་སྐྱེ་བས་འབྲུ་རྡོག་ཀྱང་སྦང་མ་ནག་བཞིན་ལས་ལེགས་སྨིན་མི་ཡོང་བ། 1964 ལོའི་ཟླ་5 ཚེས་2 ཉིན་ཀྲུང་གོའི་རི་འཛེག་རུ་ཁག་གིས་དེའི་རྩེ་མོར་འཛེགས། |
| ཤི་སོས |
ཤི་བ་ལས་གསོས་པ། ཤི་སོས་བདུད་རྩི། |
| ཤི་སྦར་འཐམས་པ |
འཆི་སྐབས་སུ་རྒྱུ་ནོར་སོགས་ལག་པས་དམ་པོར་འཛིན་པ། རྒྱུ་ནོར་སོགས་སེར་སྣ་ཆེ་བའི་དཔེ། |
| ཤིག |
1.ཐ་དད་པར་འཇུག་པའི་འཇིག་པའི་སྐུལ་ཚིག 2 1 མི་དང་སེམས་ཅན་གྱི་ཁྲག་འཇིབ་པའི་འབུ་ཞིག ཤིག་དང་སྲོ་མ། ཤིག་བསལ་བ། ཤིག་གི་ལོགས་ནས་རྒྱུས་པའི་རེ་བ། ཤིག་ལ་བརྒྱབ་ཀྱང་གོང་བའི་ཕྱི་ནང༌། ཐོག་ཁ་རྒྱ་ཆེ་ཡང་འགྲོ་ས་དབོལ་བ། 2 སྔར་རྒྱ་གར་གྱི་རིང་ཐུང་འཇལ་བྱེད་ཚད་གཞིའི་ནང་གི་མིང་ཞིག་སྟེ། སྲོ་མ་བདུན་ལ་ཤིག་གཅིག་ཟེར། 3.རྗེས་འཇུག་དང་ཡང་འཇུག་ས་ཡིག་གི་རྗེས་སུ་ཐོབ་ཅིང་ངེས་བཟུང་མེད་པ་སྟོན་བྱེད་ཀྱི་ཚིག་ཕྲད་ཅིག ས དུས་སྐབས་ཤིག ས་གནས་ཤིག རྒྱན་གོས་ཁྲོད་ནས་བབ་འོས་ཤིག་ཁོ་ལ་སྟེར། 4.སྐུལ་ཚིག་གམ་སྨོན་ཚིག་སྟོན་བྱེད། མཆོངས་ཤིག ཤིང་གཤོགས་ཤིག འོ་ན་ཁྱེད་རང་འདིར་ཅུང་ཟད་ཅིག་བཞུགས་ཤིག་ང་ད་ལྟ་རང་འོང་གིས་བྱས་ནས། ཡི་གེ་དེ་བླ་མ་ལ་ཕུལ། |
| ཤིག་གསོད་སྟར་འཕྱར |
ཤིག་གསོད་སྟ་རེ་ཡང་ཟེར། བྱ་བ་ཆུང་ཆུང་ལ་ཤུགས་ཆེན་པོ་མི་དགོས་པའི་དཔེ། ཤིག་གསོད་པར་སྟ་རེ་འཕྱར་མི་དགོས། འབུ་གསོད་པར་ཐོ་བ་འཕྱར་མི་དགོས། |
| ཤིག་གེ་བ |
1 འབུ་སོགས་འགུལ་ཚུལ་ཞིག འབུ་སྲིན་ཤིག་གེ་བར་འགུལ་བ། 2 ལག་པ་སོགས་ལ་སེར་ག་འགས་ཚུལ་ལམ་རི་མོ་མངོན་ཚུལ་ཞིག ལག་པའི་པགས་པ་ཤིག་གེ་བར་གས་སོང༌། དེ་རྣམས་ཀྱི་ནང་ནས་བྱིས་པ་ཡིད་དུ་འོང་ལ་བཞིན་དང་རྒྱན་བཟང་བ། སྨྲ་ལྕེ་བདེ་བ། སྣུམ་གྱི་རལ་བ་ཤིག་གེ་བ་ཞིག་འདུག |
| ཤིག་ཚད |
སྲོ་མ་བདུན་གྱི་ཚད། |
| ཤིག་ཤིག |
རྣམ་པ་མཚོན་ཚུལ་ཞིག ལྷོད་ཤིག་ཤིག དལ་ཤིག་ཤིག ཡང་ཤིག་ཤིག འཚང་ཀ་ཤིག་ཤིག འབོལ་ཤིག་ཤིག མིག་འཛུམ་ཤིག་ཤིག |
| ཤིག་སེན་ར་སྤྲོད |
གནད་ཐོག་ཏུ་ཏན་ཏིག་འཁེལ་བའི་དཔེ། དགེ་སྐྱོན་གང་ཡོད་ཤིག་སེན་ར་སྤྲོད་ཀྱིས་ཁུངས་སྐྱེལ་བ། |
| ཤིག་སྒོང |
སྲོ་མ། |
| ཤིག་སྲོ |
ཤིག་དང་སྲོ་མ་གཉིས། |
| ཤིགས |
སྐུལ་ཚིག་སྟེ། ཁང་རྙིང་ཤིགས་ཤིག་ཅེས་པ་ལྟ་བུ། བརྩི་སྲུང་མི་བྱེད་པའམ་གཏོར་བརླག་བཏང་བ་སྟེ། གཞིག་བྱའི་སྲོལ་ངན། ཁྲིམས་མ་བཤིག་ཅེས་ལྟ་བུ།０ཡུལ་སྐད་ལ་ལར་བཀྲོལ་བའི་དོན་ཏེ། མདུད་པ་བཤིག ཐུམ་བཤིག་ཅེས་པ་ལྟ་བུ། |
| ཤིགས་སེ་ཤིག |
འདར་ཞིང་གཡོ་བའི་རྣམ་འགྱུར། བྲོ་གར་ཤིགས་སེ་ཤིག་གིས་འཁྲབ་པ། གོ་མཚོན་མང་པོ་ཤིགས་སེ་ཤིག |
| ཤིང |
1 1 ལྗོན་ཤིང་སྤྱི། རྩྭ་ཤིང༌། འཁྲི་ཤིང༌། འབྲས་ཤིང༌། ཤིང་འདེབས་པ། ཤིང་བཅད་པ། ཤིང་འཆུས་པོ། བློ་གྲོས་ཁོག་པའི་ནང་དུ་རྒས། ཤིང་བཟང་པགས་པའི་འོག་ཏུ་རུལ། 2 ཡོ་བྱད་བཟོ་བྱེད་ཀྱི་རྒྱུ་ཆའི་རིགས། མཁྲེགས་ཤིང༌། མེ་ཤིང༌། བུད་ཤིང༌། ཁང་ཤིང༌། ཤིང་སྡེར། ཤིང་གཞོང༌། ཤིང་ལེབ། ཤིང་གས་པ་སྤྱིན་གྱིས་སྦྱར་ལེ་ཡིན། གོས་རལ་པ་སྐུད་པས་འཚེམ་ལེ་ཡིན། 3 འབྱུང་བ་ལྔའི་ཡ་གྱལ་ཞིག 2.ས་མཐར་སྦྱར་རྒྱུའི་མཚམས་སྦྱོར་ཚིག་ཕྲད་གཞན་དབང་ཅན་ཞིག་ནང་གསེས་སུ་གཞི་མཐུན་པའི་མཚམས་སྦྱོར་དང༌། དུས་གཅིག་སྦྱར་གྱི་མཚམས་སྦྱོར། གཞན་འདྲེན་ཙམ་གྱི་མཚམས་སྦྱོར་གསུམ་མཆིས། ས འཇིགས་ཤིང་སྐྲག་པ། མཛེས་ཤིང་ལྟ་ན་སྡུག་པ། འདུས་ཤིང་ཚོགས་པ། ས་དོང་བརྐོས་ཤིང་ལུད་བསྙལ་བ། ཞེ་སྡང་གིས་མྱོས་ཤིང༌། ཤིན་ཏུ་ཡི་མ་རང་བར་གྱུར། 4.(བྱེད་མེད་ལས་ཚིག) ལུས་ཀྱི་ཡན་ལག་སོགས་རེངས་པའི་དོན་ཏེ། ལུས་པོ་ཤིང་སོང་། རྐང་བ་སྦྲིད་ནས་ཤིང་ཤིང་ལ་སོང་ལྟ་བུ། |
| ཤིང་ཀུན |
ལོ་མང་སྐྱེ་བའི་རྩྭ་ལྡུམ་རྩ་བ་ལ་ཕུག་གི་དབྱིབས་ཅན་སྒོག་དྲི་མནམ་པ་ཞིག་སྟེ། རྩ་བའམ་རྩ་བ་དེ་སྦྱངས་ནས་བླངས་པའི་ཁན་ད་ནི་སྨན་མཆོག་ཅིག་ཡིན། ཤིན་ཅང་ས་ཆ་སོགས་ནས་ཐོན། |
| ཤིང་ཁ |
1 ཤིང་སྡོང་གི་སྒང༌། བྱིའུ་ཤིང་ཁར་སྡོད་པ། 2 ཤིང་པང་ལེབ་ཀྱི་སྦྱར་ཁ། ཤིང་ཁ་འགྲིག་པ། ཤིང་ཁ་བསྒྲིགས་པ། |
| ཤིང་ཁང |
1 ཤིང་ལས་བཟོས་པའི་ཁང་པ། 2 ཤིང་འཇུག་སའི་ཁང་པ། |
| ཤིང་ཁམས |
འབྱུང་བ་ལྔའི་ཡ་གྱལ་ཞིག ཤིང་གྲོགས་ས། ཤིང་དགྲ་ལྕགས། ཤིང་བུ་མེ། ཤིང་མ་ཆུ། |
| ཤིང་ཁུ |
ཤིང་རློན་པའི་ཁུ་བ། |
| ཤིང་ཁོ |
1 ཤིང་གི་གཏུན་ཁུང༌། 2 ཤིང་གི་ཁྱི་ཕོར་ཀོང་ཀོང་སོགས། |
| ཤིང་ཁྲལ |
སྔར་མི་སེར་ནས་གཞུང་ལ་འཇལ་དགོས་པའི་མེ་ཤིང་དང་ཡོ་བྱད་བཟོ་བྱེད་ཤིང་ཁྲལ། |
| ཤིང་ག |
1 ལྷམ་བཟོ་མཁན་གྱི་ལག་ཆ་ཞིག 2 རྫ་མཁན་གྱི་ལག་ཆ་ཞིག |
| ཤིང་གཅིག་རྐང་ཟམ |
ཤིང་གདུང་མ་གཅིག་གི་རྐང་ཟམ། |
| ཤིང་གཉེར |
1 ཤིང་སྤྲོད་ལེན་དང་བདག་སྤྲོད་བྱེད་མཁན་གཉེར་པའམ་འགོ་བྱེད། 2 མེ་ཤིང་བདག་གཉེར་བྱེད་མཁན། |
| ཤིང་གནས |
མངོན བྱ་དང་བྱིའུ། |
| ཤིང་གཞུ |
ཤིང་གིས་བཟོས་པའི་མདའ་འཕེན་བྱེད་གཞུ། |
| ཤིང་གཞོན་ནུ |
ལྗོན་ཤིང་གསར་པ། |
| ཤིང་གཟོང |
ཤིང་འབིགས་བྱེད་ལག་ཆ་ཞིག མིང་གི་རྣམ་གྲངས་ལ་ཤིང་འབིགས་དང་ཤིང་ཟའོ། |
| ཤིང་གི་ཁོང་སྙིང |
ཤིང་སྡོང་གི་དཀྱིལ་དུ་ཡོད་པའི་རྒྱུངས་པ་ལྟ་བུ། |
| ཤིང་གི་བ་ཐག |
1 སྲིན་བུ་སྡོམ་གྱི་ཐག་པ། 2 ས་འོག་ཏུ་རྒྱུག་པའི་ཤིང་རྩ་ཕྲ་མོ། |
| ཤིང་གི་བརྟུལ་ཞུགས |
མངོན ཡལ་ག། |
| ཤིང་གི་ལྷ་མོ |
ཤིང་ལ་གནས་པའི་ལྷ་མོ། |
| ཤིང་གི་སྙིང་པོ |
མངོན ག་བུར། |
| ཤིང་གི་སྲིན་བུ |
ཤིང་སྡོང་དུ་སྐྱེས་པའི་འབུ་རིགས། མིང་གི་རྣམ་གྲངས་ལ་རྩྭ་འབུ་དང༌། ཡི་གེ་པ། ཤིང་ཟན་བཅས་སོ། |
| ཤིང་གེལ་པ |
1 ཤིང་གི་ཡལ་ག། 2 རྩ་བ་གཅིག་ལས་ཡལ་ག་མང་པོ་གྱེས་པའི་ཤིང་སྡོང༌། |
| ཤིང་གླིང |
ཤིང་གི་གླིང་བུ། |
| ཤིང་ང་དཔུང་བཅད |
དགེ་སློང་མའི་ནུ་མ་སྒྲིབ་བྱེད་ཀྱི་སྟོད་གོས་ཕུ་དུང་མེད་པ་ཞིག |
| ཤིང་ཅུ་གང |
ཤིང་འོད་མ་ཞེས་པའི་རྐང་ལས་བྱུང་བའི་ཅུ་གང་ཞིག་སྟེ། ནུས་པ་ཅུ་གང་ལ་ལྟོས། |
| ཤིང་ཆ |
ཁང་པ་དང་ཡོ་བྱད་བཟོ་བྱེད་ཀྱི་ཤིང༌། |
| ཤིང་ཆས |
ཤིང་ལས་བཟོས་པའི་ཡོ་བྱད། |
| ཤིང་ཏོག |
སིལ་ཏོག་གི་མིང་གཞན། ཅིང་ལ་ལྟོས། |
| ཤིང་ཐགས |
1 ཤིང་མང་པོ་སྦྲེལ་བའི་རིབ་མ། 2 རྙིང 1)ཁང་པའི་ལྕོག 2)ཅོག་ཙེ། |
| ཤིང་ཐུན་པ |
ཤིང་འཐུ་མཁན་ནམ་གཅོད་མཁན། |
| ཤིང་ཐུར |
1 ཤིང་ལས་བཟོས་པའི་ཁེམ་བུ། 2 ཤིང་དུམ་ཕྲ་མོ། ཤིང་ཐུར་གཅིག་གིས་གུར་མི་ཕུབ། ཨོང་རིལ་གཅིག་གིས་ཇ་མི་འཁོལ། |
| ཤིང་ཐོག |
ཤིང་ཏོག་དང་འདྲ། |
| ཤིང་དངུལ |
སྔར་ལྷ་ས་སྨོན་ལམ་གྱི་ཚོགས་ཤིང་གི་རྟེན་དུ་མི་སེར་ལས་གཏན་འཇགས་སུ་བསྡུ་བའི་དངུལ་ཁྲལ་ཞིག |
| ཤིང་དབང |
མངོན བྱང་ཆུབ་ལྗོན་ཤིང༌། |
| ཤིང་ནགས |
ཤིང་སྡོང་མང་པོ་སྐྱེས་པའི་ཚལ། ཤིང་ནགས་སྟུག་པོ། ཤིང་ནགས་ཚང་ཚིང༌། |
| ཤིང་པར |
ཤིང་ལ་གཟུགས་རིས་བརྐོས་པའི་པར། ཤིང་པར་རྐོ་བ། |
| ཤིང་ཕོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག |
| ཤིང་ཕོར |
ཤིང་ལས་བཟོས་པའི་ཕོར་པ། |
| ཤིང་ཕྱེ |
ཤིང་ལ་སོག་ལེ་བརྒྱབ་ནས་བྱུང་བའི་ཕྱེ་མ། |
| ཤིང་ཕྲན |
གཞུང་ཤིང་གཙོ་བོ་ངེས་ཅན་ཞིག་མེད་པའི་ཤིང་རིགས་སྐྱེར་བ་དང་སྤེན་མ་ལྟ་བུའི་མིང་། |
| ཤིང་བཅུད |
མངོན བུ་རམ་སོགས། |
| ཤིང་བཟང་པགས་རུལ |
ཡོན་ཏན་ཡོད་ཀྱང་བེད་མེད་དུ་ལུས་པའི་དཔེ། |
| ཤིང་བཟའ་ཨ་ཆོས |
རྗེ་ཙོང་ཁ་པའི་མ་ཡུམ། |
| ཤིང་བཟོ་བ |
ཤིང་གི་ཡོ་བྱད་བཟོ་བ་པོ། མིང་གི་རྣམ་གྲངས་ལ་ཤིང་མཁན་དང༌། ཤིང་འཇོག་པ། ཤིང་རྟ་བྱེད། ཤིང་བཞོག་མཁན་བཅས་སོ། |
| ཤིང་བལ |
1 ལྕང་རྙིད། ཤིང་བལ་རླུང་གིས་གཡོ་བ་ལྟར། དམན་པའི་སྤྱོད་པ་འགྱུར་ལྡོག་ཆེ། 2 རས་བལ། ཤིང་བལ་འཁལ་བ། ཤིང་བལ་གྱི་འདབ་མ། |
| ཤིང་བལ་བགོས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་གྱི་ཁྲི་ལ་བསམ་བཞིན་དུ་ཤིང་བལ་བགོས་ཏེ་གོས་པར་བྱེད་པའོ། |
| ཤིང་བལ་རིགས་ལྔ |
ཤིང་ཤལ་མ་ལིའི་བལ་དང༌། ཨསྐའི་ཤིང་གི་བལ། ཀ་ཤིའི་ཤིང་གི་བལ། སྤྲ་བའི་ཤིང་གི་བལ། ཨེ་ར་ཀའི་ཤིང་གི་བལ་བཅས་ལྔ། |
| ཤིང་བུ |
1 ཤིང་གི་ཐུར་མ་ཐུང་ལ་ཕྲ་བ། 2 སྦྱིན་སྲེག་གི་ཡམ་ཤིང༌། |
| ཤིང་བྱང |
རྟགས་བཀོད་པའི་ཤིང་བུ། |
| ཤིང་བྱི |
འདིར་འབྱུང་བ་ལྔ་རུ་ཕྱེ་ཞིང༌། དེ་ལ་ཕོ་མོ་གཉིས་སུ་ཕྱེ་བས་བཅུ་ཡོད་ཀྱང་འབྱུང་བའི་ཐོག་མ་ཤིང་ཕོ་ནས་འཛིན་པ་ཡིན་ཏེ། གསེར་རྩིས་ལས། འབྱུང་བའི་ཐོག་མ་ཤིང་ཕོ་དང༌། ལོ་བརྙན་ཐོག་མ་བྱི་བ་ཡིན། དེ་ཕྱིར་ལོ་རྒན་དྲུག་ཅུའི་འགོ། ཤིང་ཕོ་བྱི་ནས་འཛིན་པར་བཤད། ཅེས་སོ། |
| ཤིང་མངར |
ཐང་སྨན་གྱི་རིགས་ཤིག་སྟེ། རོ་མངར། ཞུ་རྗེས་བསིལ་ལ་སྙོམས། ནུས་པས་གློ་ནད་དང༌། རྩ་ནད། གྲེ་བའི་ཐོར་པ། སྐོམ་དད། སྐྱུག་པ་སོགས་ལ་ཕན། མིང་གི་རྣམ་གྲངས་ལ་མངར་ཤིང་དང༌། གློ་གཉན། ལྕེ་མཁྲིས་རྩབ་ཤིང༌། རྩབ་མོ། རྩར་རྒྱུག་རི་ཙི། གསེར་བཟང་ལྕུག་མ་བཅས་སོ། |
| ཤིང་མཚེ |
ཤིང་སྨན་ཞིག |
| ཤིང་མོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག |
| ཤིང་ཚ |
ས་དྲོ་སར་སྐྱེ་བའི་རྒྱུན་དུ་སྔོ་བའི་ཤིང་སྡོང་མེ་ཏོག་སེར་བོ། འབྲས་བུ་ནག་པོ་ཅན་ཞིག་ཡིན། དེའི་ཤུན་པ་ནི་ཕོ་དྲོད་གསོ་བའི་སྨན་བྱེད་ཆོག་ལ། ཟས་ཀྱི་བྲོ་སྨན་བྱེད་ཀྱང་ཆོག དེའི་ཤུན་པ་ལའང་ཤིང་ཚ་ཟེར། |
| ཤིང་ཚལ |
1 སྐྱེ་ཤིང་གི་ནགས་ཚལ། 2 ཤིང་བཞོགས་པའི་ཚལ་པ། |
| ཤིང་ཚི |
ཤིང་ལས་ཐོན་པའི་ཁུ་བ་ཚི་ཅན་ཞིག་སྟེ། རྒྱ་སྐྱེགས་དང༌། གུ་གུལ་ལྟ་བུའི་སྨན་ཞིག |
| ཤིང་ཚུག |
ཨ་ཀ་རུ་དང་སྐྱེར་པ་སོགས་ཤིང་ལས་བཟོས་པའི་ཏེལ་པ་རྡོ་ལ་བརྡར་ནས་རེག་མི་བཟོད་པར་གྱུར་པ་དང་ནད་མིག་ཏུ་བརྡེག་ནས་ཚུག་གམ་མེ་བཙའ་བྱ་བའི་ཐབས་ཤིག |
| ཤིང་ཚེ་རིང |
ཚེ་རིང་རྣམ་དྲུག་གི་ཡ་གྱལ་ཞིག |
| ཤིང་ཚོན |
ཤིང་ཆར་གཏོང་བའི་ཚོན། |
| ཤིང་ཞོགས |
1 ཤིང་ལ་འབུར་ལེན་བརྒྱབ་པའི་ཤུན་པ་སྲབ་མོ། 2 ཤིང་གི་དུམ་བུ། |
| ཤིང་ཟ |
ཤིང་ལ་ཁུང་བུ་འབིགས་བྱེད་ཀྱི་ལག་ཆ། |
| ཤིང་ཟ་བ |
མངོན ཧོང་ལེན། |
| ཤིང་ཟན |
ཤིང་ཟ་མཁན་གྱི་སྲིན་བུ། |
| ཤིང་འཇོམས |
1 མངོན ཤིང་སྲིན་འཇོམས་མཁན་གྱི་བྱ་ཤིང་རྟ་མོ། 2 ཤིང་ལས་སྐྱེས་པའི་འབུ་ཁྲ་ཁྲ་ཞིག |
| ཤིང་འཕེལ |
མངོན མེ། |
| ཤིང་འབིགས |
མངོན 1 ཤིང་ཟན་སྲིན་བུ། 2 བྱ་ཤིང་རྟ་མོ། 3 ཤིང་བཟོ་བའི་ལག་ཆ་གསོར་ཟེར་བ་ཞིག |
| ཤིང་འབྲས |
ཤིང་ཏོག ཤིང་འབྲས་ལྡུམ་ར། |
| ཤིང་འབྲུག་དམག |
རབ་བྱུང་བཅོ་ལྔ་པའི་ཆུ་སྟག་དང་ཆུ་ཡོས་ལོར་དབྱིན་ཇིའི་བཙན་འཛུལ་དམག་གིས་རང་རྒྱལ་གྱི་གཏང་ཁུལ་གྱི་གམ་པ་རྫོང་སོགས་སྔ་རྟིང་དུ་བཙན་བཟུང་བྱས་ཤིང༌། ཤིང་འབྲུག་ལོར་རོང་ཧོ་ཕེང་དང་མའེ་ཁེ་ཐང་ན་གཉིས་ཀྱིས་དབྱིན་ཇིའི་དམག་མི་སུམ་སྟོང་ལྷག་ཙམ་ཞིག་ཁྲིད་དེ་མུ་མཐུད་ནས་ནང་འཛུལ་བྱེད་སྐབས་རྒྱལ་རྩེར་བོད་མི་དམངས་དང་དམག་མི་རྣམས་ཀྱིས་དཔའ་ངར་ཆེན་པོས་འགོག་རྒོལ་བྱས་ཀྱང་མ་ཐུབ་པར་ཟླ་8 ཚེས་3 ཉིན་དབྱིན་དམག་ལྷ་སར་སླེབས། ཟླ་9 ཚེས་7 ཉིན་རྩེ་ཕོ་བྲང་དུ་བཙན་ཤུགས་ལ་བརྟེན་ནས་ལྷ་སའི་ཆིངས་ཡིག་ཐོག་མིང་རྟགས་འགོད་དུ་བཅུག་པ་དེ་ལོ་རྒྱུས་ཐོག་ཤིང་འབྲུག་དམག་ལ་ཟེར། |
| ཤིང་འཛམ་བུ |
མཚོ་མ་དྲོས་པའི་གཡས་འགྲམ་ན་ཤིང་འཛམ་བུ་ཞེས་བྱ་བ་དེ་ལ་འབྲས་བུ་མངར་པོ་རྫ་མ་ཙམ་དང་ལྡན་པ་དེ་སྨིན་པ་ཆུའི་ནང་དུ་ལྷུང་བ་ལས་འཛམ་བུ་ཞེས་བྱ་བའི་སྒྲ་འབྱུང་བ། |
| ཤིང་འཛིན |
མངོན ཆུ་ཤིང༌། |
| ཤིང་ར |
1 ཤིང་གིས་བཟོས་པའི་ར་བ། 2 ཤིང་འཇུག་སའི་ར་བ། |
| ཤིང་ར་ལས་ཁུངས |
སྔར་བོད་ས་གནས་སྲིད་གཞུང་སྐབས་གཞུང་གི་ལས་ཁུངས་ཆེ་ཁག་གི་མེ་ཤིང་གཏོང་མཁན་ལས་ཁུངས། |
| ཤིང་རིགས་རྩི་ཤིང |
གཞུང་ཤིང་ཅུང་ཟད་སྲ་ལ་མཁྲེགས་ཤིང་དགུན་མི་སྐམ་པའི་རྩི་ཤིང་གསོམ་ཤུག་ལྟ་བུའི་མིང་། |
| ཤིང་རྐང |
1 ཤིང་གི་རྩ་བ། 2 ཤིང་གི་རྐང་གྲངས། |
| ཤིང་རྒོན |
ཤིང་རྟ་མོ། |
| ཤིང་རྟ |
རྟ་ནོར་གྱིས་འདྲེན་པའི་སྐྱེལ་འདྲེན་ཡོ་བྱད་འཁོར་ལོ་གཉིས་སམ་བཞི་ཅན་གི་མིང་། |
| ཤིང་རྟ་ཆེན་པོ |
1 ཤིང་རྟ་འཁོར་ལོ་ཆེན་པོ། 2 སློབ་དཔོན་ཀླུ་སྒྲུབ་དང་ཐོགས་མེད་གཉིས། 3 ལམ་སྲོལ་གསར་དུ་གཏོད་པ་པོ་སྟེ། ཤིང་རྟའི་སྲོལ་འབྱེད་དང་ཤིང་རྟའི་སྲོལ་འཛིན་གཉིས་ཡོད། གཅིག་ནི་གྲུབ་མཐའ་རང་རང་གི་སློབ་དཔོན་ལ་ཟེར། གཉིས་ནི་དེའི་བརྒྱུད་འཛིན་གྱི་གཙོ་བོར་ཟེར། |
| ཤིང་རྟ་པ |
1 ཤིང་རྟའི་བདག་པོ། 2 ཤིང་རྟ་གཏོང་མཁན། 3 ཤིང་རྟ་བཟོ་མཁན། |
| ཤིང་རྟ་བཅུ་པ |
སྔོན་རྒྱ་གར་གྱི་རྒྱལ་པོ་ཞིག |
| ཤིང་རྟ་བརྒྱ་པ |
སྔོན་རྒྱ་གར་གྱི་རྒྱལ་པོ་ཞིག |
| ཤིང་རྟ་བྱེད་པོ |
མངོན ཤིང་བཟོ་བ། |
| ཤིང་རྟ་མ |
ཆུ་ཕྲན། |
| ཤིང་རྟ་མཁན |
ཤིང་རྟ་འཁོར་ལོ་བཟོ་མཁན་ནམ་གཏོང་མཁན། |
| ཤིང་རྟ་མཐོ་བ |
མངོན ཉི་མ། |
| ཤིང་རྟ་མོ |
ཤིང་སྡོང་གི་ཁོག་པ་ནས་འབུ་བྲུས་ཏེ་ཟ་མཁན་གྱི་བྱ་ཞིག མིང་གི་རྣམ་གྲངས་ལ་མགྲིན་རིང་དང༌། འདབ་མ་བརྒྱ་པ། ཤིང་འཇོམས་བཅས་སོ། |
| ཤིང་རྟ་འཁོར་ལོ |
འཁོར་ལོའི་འཕྲུལ་གྱིས་འགྲོ་བའི་ཤིང་རྟ། |
| ཤིང་རྟ་འགོག |
མངོན ལྗོན་ཤིང༌། |
| ཤིང་རྟ་འདྲེན་པ |
མངོན གླང༌། |
| ཤིང་རྟ་སྣ་ཚོགས་ཅན |
གྲོང་ཁྱེར་ལྟ་ན་སྡུག་པའི་ཤར་ཕྱོགས་སུ་ཡོད་པའི་ཤིང་རྟའི་རྫིང་བུ་ལོ་མ་སྣ་ཚོགས་དགོད་པའི་ཤིང་རྟ་སྣ་ཚོགས་ཀྱི་ཚལ། |
| ཤིང་རྟའི་ཁ་ལོ་པ |
ཤིང་རྟ་གཏོང་མཁན། མིང་གི་རྣམ་གྲངས་ལ་འགོ་འདྲེན་དང༌། སྣ་ཁྲིད། གཡས་སྡོད། ཤིང་རྟའི་གཉེན་བཅས་སོ། |
| ཤིང་རྟའི་གཉེན |
མངོན ཤིང་རྟ་འཁོར་ལོ་གཏོང་མཁན། |
| ཤིང་རྟའི་ལུས |
མངོན ངུར་པ། |
| ཤིང་རྟའི་སྲོལ་གཉིས |
ཐེག་པ་ཆེན་པོ་ལ་ཐོགས་མེད་དང་ཀླུ་སྒྲུབ་གཉིས་ཀྱི་ལུགས་སུ་ཕྱེ་བ་རྒྱ་ཆེན་སྤྱོད་པའི་སྲོལ་དང༌། ཟབ་མོ་ལྟ་བའི་སྲོལ། |
| ཤིང་རྟའི་སྲོལ་འབྱེད |
ལྟ་སྤྱོད་ཀྱི་སྲོལ་གསར་དུ་འབྱེད་པའམ་འབྱེད་པ་པོ། |
| ཤིང་རྟའི་སྲོལ་འབྱེད་གཉིས |
དབུ་སེམས་ཀྱི་ཤིང་རྟའི་སྲོལ་འབྱེད་ཀླུ་སྒྲུབ་དང༌། ཐོགས་མེད་དོ། |
| ཤིང་རྩ |
ཤིང་ནགས་ཀྱི་རྩ་བའམ་འགྲམ། བྱ་རྒན་འཆི་ཁར་ཤིང་རྩ་དྲན། ཤིང་རྩ་མ་རུལ་ན་ལོ་མ་མི་སྐམ། |
| ཤིང་རྫིངས |
ཤིང་མང་པོ་ཐག་པས་གཅིག་ཏུ་བསྡམས་ནས་ཆུ་ཐོག་ཏུ་གཏོང་བའི་རྫིངས། |
| ཤིང་ལ་ཕུག |
ཤིང་སྨན་ཞིག |
| ཤིང་ལ་རྩེ |
མངོན རྨ་བྱ། |
| ཤིང་ལེབ |
ཤིང་གི་སྤང་ལེབ། |
| ཤིང་ལོ |
ཤིང་གི་ལོ་མ། ཤིང་ལོ་ཁ་འབུས་པ། ཤིང་ལོ་འདབ་རྒྱས་ན་བསིལ་གྲིབ་བཟང༌། ཆུ་རྐ་འགོ་ཡོད་ན་རྐ་མཇུག་བཟང༌། མིང་གི་རྣམ་གྲངས་ལ་མགྲིན་པ་ཅན་དང༌། སྒྲིབ་བྱེད། ལྟུང་བྱེད། འདབ་མ་བཅས་སོ། |
| ཤིང་ལྡན |
མངོན ནགས་ཚལ། |
| ཤིང་ཤུན |
ཤིང་གི་པགས་པ། མིང་གི་རྣམ་གྲངས་ལ་ཤིང་སྐོགས་དང་ཤིང་པགས་སོ། |
| ཤིང་སཱ་ལ |
སྤོས་དཀར་ཤིང༌། |
| ཤིང་སཱ་ལའི་རྒྱལ་པོ་རབ་བརྟན |
བྲག་གསེར་གྱི་བྱ་སྐྱིབས་ཅན་གྱི་བྱང་དུ་དཔག་ཚད་ཉི་ཤུ་འདས་པ་ན་ཤིང་སྭ་ལའི་རྒྱལ་པོ་རབ་བརྟན་ཞེས་བྱ་བ་སཱ་ལའི་ཕྲེང་བ་རིམ་པ་བདུན་གྱིས་བསྐོར་བ་ཞིག་ཡོད་དེ། སྭ་ལའི་རྒྱལ་པོའི་རྩ་བ་འདོམ་བཞི་བཅུ་ཐུར་དུ་ཟུག་པ། སཱ་ལའི་སྡོང་པོའི་ཕྲེང་བ་རིམ་པ་བདུན་གྱིས་བསྐོར་བའི་རིམ་པ་དང་པོའི་རྩ་བ་འདོམ་བཅུ་གསུམ་ཐུར་དུ་ཟུག་པ་ནས་བདུན་པའི་རྩ་བ་འདོམ་བདུན་གྱི་བར་དུ་ཟུག་པ། སཱ་ལའི་རྒྱལ་པོའི་ཡལ་ག་ལོ་འདབ་ཀྱིས་སཱ་ལའི་ཕྲེང་བ་དང་པོ་ལ་ཐུག་པ་ནས་ཕྲེང་བ་དྲུག་པའི་ཡལ་ག་ལོ་འདབ་ཀྱི་ཕྲེང་བ་བདུན་པ་ལ་ཐུག་ཅིང་བདུན་པའི་ཡལ་ག་ལོ་འདབ་ནི་ནམ་མཁའ་ཁྱབ་པའོ། |
| ཤིང་སེར |
མངོན 1 ཤུག་པ། 2 སྐྱེར་པ་ཤིང༌། |
| ཤིང་སོག |
ཤིང་གཏུབ་བྱེད་སོག་ལེ། ཤིང་སོག་ཤིང་ལ་མི་འགྲོ། |
| ཤིང་སོན |
ཤིང་གི་ས་བོན། ཤིང་གི་མྱུ་གུ། ཤིང་སོན་རྩ་སྤོས། |
| ཤིང་སྐུ |
ཤིང་ལས་བཟོས་པའི་སྐུ་འདྲ། |
| ཤིང་སྐོགས |
ཤིང་གི་པགས་པའམ་ཤུན་པ། |
| ཤིང་སྐྱེས |
མངོན ཧོང་ལེན། |
| ཤིང་སྐྱོགས |
ཤིང་ལས་བཟོས་པའི་སྐྱོགས། |
| ཤིང་སྒོ་ཅན |
1 ཤིང་གི་སྒོ་དང་ལྡན་པའི་ཁང་པ། 2 བོད་ཡུལ་གྱི་མིང་གི་བླ་དྭགས་ཤིག |
| ཤིང་སྒྲོམ |
1 ཤིང་ལས་བཟོས་པའི་སྒྲོམ་སྐྱོར། 2 ཤིང་ལས་བཟོས་པའི་སྒམ། |
| ཤིང་སྔོན |
སྤྱི་བཞུར། |
| ཤིང་སྟག |
ཤིང་ཕོ་སྟག་གི་ལོ། |
| ཤིང་སྡོང |
ལྗོན་ཤིང་གི་རྩ་བ་དང་རྩེ་མོའི་བར་གི་ཆ། |
| ཤིང་སྤེ |
ཤིང་བརྩེགས་པའི་ཕུང་པོ། |
| ཤིང་སྤྱིལ |
ཤིང་གི་ཡལ་འདབ་ལྕུག་ཕྲན་སོགས་བསྒྲིགས་ནས་བཟོས་པའི་ཁང་ཆུང༌། |
| ཤིང་སྦུབས |
ཤིང་ཁོག་པ་སྟོང་པ། |
| ཤིང་སྦྱར་མ |
ཤིང་ལེབ་ཁ་ཤས་གཅིག་ཏུ་སྦྱར་བ། |
| ཤིང་སྨན |
ཤིང་རིགས་ཀྱི་སྨན་ཏེ། ནང་གསེས་སུ་དབྱེ་ན། ཙན་དན་དཀར་དམར་ལྟ་བུའི་སྡོང་པོ་དང༌། ཨ་རུ་ར་ལྟ་བུའི་འབྲས་བུ། སེ་བའི་གེ་སར་ལྟ་བུའི་མེ་ཏོག་ཤིང་ཚ་ལྟ་བུའི་པགས་པ། གུ་གུལ་ལྟ་བུའི་ཐང་ཆུ། བ་ལེ་ཀ་ལྟ་བུའི་ཡལ་ག། བྲ་མ་ལྟ་བུའི་རྩ་བ་བཅས་སོ། |
| ཤིང་སྲིན |
ཤིང་ལ་གནས་པའི་སྲིན་བུ། |
| ཤིད |
1 གཤིན་པོའི་ཆེད་དུ་དམིགས་པའི་དགེ་རྩ། 2 ཤིང་ཞིག་ལས་བྱུང་བའི་འབྲས་བུ། |
| ཤིད་ཆོས |
གཤིན་པོ་ལ་དམིགས་ནས་དགེ་རྩ་སྒྲུབ་པའི་ཆོས། |
| ཤིད་དོན |
གཤིན་པོའི་དུར་འདེབས་པ་སོགས་ཀྱི་ལས་ཀའི་མིང་། |
| ཤིད་ཚིགས |
གཤིན་པོའི་རྗེས་དྲན་གྱི་དུས་ཀྱི་མིང་། |
| ཤིད་ལས |
གཤིན་པོའི་དོན་དུ་རོ་སྒྲིལ་འདོན་སོགས་བྱེད་པའི་ལས་ཀ། |
| ཤིད་ལྷ |
གཤིན་རྗེ། |
| ཤིད་སྟོན |
གཤིན་པོ་ལ་དམིགས་ནས་དགེ་རྩ་སྒྲུབ་པའི་ཆོས། |
| ཤིད་སྟོན |
མི་ཤི་བའི་རྗེས་དྲན་གྱི་སྟོན་མོའི་མིང་། |
| ཤིན་ཏུ |
ཧ་ཅང༌། རབ་ཏུ། མཆོག་ཏུ། ཤིན་ཏུ་ལེགས་པ། ཤིན་ཏུ་ངན་པ། ཡུན་ཤིན་ཏུ་རིང་བ། ཤིན་ཏུ་ཚབས་ཆེ་བ། ཤིན་ཏུ་དགའ་བ། ཤིན་ཏུ་ཞེན་པ། ཤིན་ཏུ་རྟོགས་པ། ཤིན་ཏུ་སེམས་པ། ཤིན་ཏུ་དུབ་པ། ཤིན་ཏུ་རྨོངས་པ། ཤིན་ཏུ་ཚིག་བཙུན་པ། |
| ཤིན་ཏུ་གཏོང་བ |
རང་གི་ལུས་སྲོག་དང་ཡན་ལག་སོགས་ཀྱང་གཞན་ལ་སྦྱིན་པ། |
| ཤིན་ཏུ་གསལ་བའི་གཅུང |
མངོན གཟའ་ཕུར་བུ། |
| ཤིན་ཏུ་དུག |
མངོན བོང་ང། |
| ཤིན་ཏུ་དྭངས་པ |
མངོན བཻཌཱུརྻ། |
| ཤིན་ཏུ་བཟང་མོ |
སྙིང་གའི་རྩ་འཁོར་གྱི་འདབ་མའི་གྲས་ཤིག |
| ཤིན་ཏུ་མཐོང་བ |
བསམ་གཏན་བཞི་པའི་གནས་རིས་བདུན་པ་སྟེ། གནས་འདིར་སྐྱེས་པའི་ལྷ་ནི་ལྟ་བ་རྣམ་པར་དག་པས་ཆོས་ཀྱི་མཆོག་མཐོང་ཕྱིར་ཤིན་ཏུ་མཐོང་བ་ཞེས་བྱ་སྟེ་གཙང་མའི་གནས་ལྔའི་ཡ་གྱལ་ཞིག |
| ཤིན་ཏུ་མོ་ཡིག |
ངག་ཐོག་ནས་ཡི་གེ་རྗོད་སྐབས་སོ་སོའི་སྐྱེ་གནས་ཀྱི་རྩོལ་ཤུགས་མོ་ཡིག་གི་རྩོལ་ཤུགས་ལས་ཀྱང་ཆུང་ཞིང་ལྷོད་པ་ཡིན་པའི་ཡི་གེ་རྣམས། 1 མིང་གཞིའི་ཤིན་ཏུ་མོ། ང་ཉ་ན་མ 2 སྔོན་འཇུག་གི་ཤིན་ཏུ་མོ། མ |
| ཤིན་ཏུ་མོའི་འཇུག་ཚུལ |
རྗེས་འཇུག་གི་མོ་ཡིག་ང་མ་གཉིས་ལ་ཡང་འཇུག་མ་ཞུགས་པ་དང་འ་ཡིག་གི་མཐའ་ཅན་རྣམས་ནི་སྒྲ་ཤིན་ཏུ་ཞན་པར་འགྱུར་བའི་འཇུག་སྟངས། ས ང་མ འ གང་ལམ་དགའ |
| ཤིན་ཏུ་རིང་པོ |
པླུ་ཏ ལེགས་སྦྱར་གྱི་ཡི་གེའི་སྒྲ་གདངས་རིང་ཤོས་ཤིག ཉ |
| ཤིན་ཏུ་རྒྱལ་མཚན |
ཉི་མའི་རྟ་བདུན་གྱི་གྲས་ཤིག |
| ཤིན་ཏུ་རྒྱས་པའི་སྡེ |
གསུང་རབ་ཡན་ལག་བཅུ་གཉིས་ཀྱི་ནང་གསེས་ཕ་རོལ་ཏུ་ཕྱིན་པ་བཅུ་སོགས་རྒྱས་པར་སྟོན་པ། དཔེར་ན་ཡུམ་རྒྱས་འབྲིང་བསྡུས་གསུམ་ལྟ་བུ་ཐེག་ཆེན་གྱི་མདོ་སྡེའི་སྡེ་སྣོད་དུ་གཏོགས་པ་ཞིག |
| ཤིན་ཏུ་ལན་ཚ་བ |
མངོན རྒྱ་ཚྭ། |
| ཤིན་ཏུ་ལྐོག་གྱུར |
གཞལ་བྱའི་གནས་གསུམ་གྱི་ནང་གསེས། རྒྱལ་བའི་བཀའ་སོགས་དཔྱད་གསུམ་དག་པའི་ལུང་ངམ། ཚད་མའི་སྐྱེས་བུའི་ངག་ལས་རྟོགས་པར་བྱ་བ། དཔེར་ན། ས་འོག་གི་གཏེར་དང༌། སངས་རྒྱས་ཀྱི་ཞིང་ཁམས་དང༌། ལས་འབྲས་ཀྱི་འབྲེལ་བ་ལྟ་བུའོ། |
| ཤིན་ཏུ་ལྟུང་བ |
སྦྱོར་བ་ཉེར་བདུན་གྱི་ནང་གསེས་ཤིག |
| ཤིན་ཏུ་སེམས་པ |
བསམ་བློ་ཞིབ་ཏུ་གཏོང་བ། |
| ཤིན་ཏུ་སྐྱིད་པའི་གདུང་རབས་ལྔ |
རྒྱལ་པོ་ཁྲི་ལྡེ་གཙུག་བརྟན་ནས་ཁྲི་གཙུག་ལྡེ་བཙན་བར་གྱི་གདུང་རབས་ལྔ་དེ་དག་གི་རིང་ལ་ནི་བོད་ལྗོངས་ཤིན་ཏུ་སྐྱིད་པའི་དུས་སྐབས་ཡིན་པར་གྲགས། |
| ཤིན་ཏུ་སྐྲངས |
སྦྱོར་བ་ཉེར་བདུན་གྱི་ནང་གསེས་ཤིག |
| ཤིན་ཏུ་སྟོང་པ |
ཆོས་ཟད་བློ་འདས་ཀྱི་དགོངས་པ་སྟེ་སྟོང་པ་བཞིའི་ཡ་གྱལ་ཞིག |
| ཤིན་ཏུ་སྦྱང་དཀའ་བའི་ས |
སྦྱང་དཀའ་བའི་ས་དང་དོན་གཅིག་ |
| ཤིན་ཏེ་མ |
1 ཉམ་ཆུང་བ། 2 སྙིགས་མ། |
| ཤིན་སྦྱངས |
དགེ་བའི་སེམས་བྱུང་བཅུ་གཅིག་གི་ཡ་གྱལ་ཞིག་སྟེ། ལུས་སེམས་དགེ་བ་ལ་བཀོལ་བཏུབ་པའི་ལས་སུ་རུང་ཞིང་གནས་ངན་ལེན་འཇོམས་པའོ། |
| ཤིན་སྦྱངས་ཡང་དག་བྱང་ཆུབ་ཀྱི་ཡན་ལག |
བྱང་ཆུབ་ཡན་ལག་བདུན་གྱི་ཡ་གྱལ་ཞིག་སྟེ། ལུས་སེམས་ཤིན་ཏུ་སྦྱང་བའི་བདེ་བས་ལས་རུང་བར་བྱས་པ་ནི་ཉོན་མོངས་མེད་པའི་སེམས་ཀྱི་གནས་སུ་གྱུར་པ། |
| ཤིནྟཾ་གརྦྷ |
ལེགས ཆོས་རྒྱལ་ཁྲི་སྲོང་ལྡེ་བཙན་སྐབས་བོད་ལ་གདན་དྲངས་པའི་རྒྱ་གར་གྱི་སློབ་དཔོན་ཞིག་ཁོང་ནི་བོད་ལ་གསང་སྔགས་ཀྱི་ཆོས་སྤེལ་མཁན་དང་བསམ་ཡས་ཀྱི་རབ་གནས་མཛད་མཁན་ཡིན་པར་བུ་སྟོན་བཞེད། |
| ཤིབས་པ |
རྙིང ལྐོག་ཏུ་གསང་སྟེ་སྨྲ་བ། |
| ཤིམ |
རྙིང འདྲེས་པ། |
| ཤིར་ཤིར |
སྒྲ་སྒྲོག་ཚུལ་ཞིག རྫ་གསེབ་ནས་ཆུ་སྒྲ་ཤིར་ཤིར་སྒྲོག་བཞིན་དུ་འབབ་པ། |
| ཤིལ་ལི |
ཆར་པ་སོགས་ཀྱི་སྒྲ་སྒྲོག་ཚུལ་ཞིག |
| ཤིས |
ཕྱི་འབྱུང་གི་འབྲས་བུ་ཡག་པོའི་མིང་སྟེ། ཤིས་པ་སྩོལ། (བྱེད་མེད་ལས་ཚིག) འབྲས་བུ་ཡག་པོ་ཡོང་བ་སྟེ། ཁ་དྲོ་བཀྲ་ཤིས། མི་ངན་བཀྲ་མ་ཤིས་པ་ཞེས་པ་ལྟ་བུ། |
| ཤིས་པ |
ལེགས་པ་དང་དགེ་བ། བཟང་བ། བཀྲ་ཤིས་པ། བཀྲ་མི་ཤིས་པ། ཤིས་པ་ཅན། ཤིས་པ་བརྗོད་པ། ཤིས་པའི་ལྟས། ཡུལ་ཁམས་དགེ་ཞིང་ཤིས་པའི་རྣམ་པས་ཁྱབ། |
| ཤིས་བརྗོད |
འབྲས་བུ་ཡག་པོ་འབྱུང་བར་སྨོན་པ་ཞུ་བའི་ཚིག་གི་མིང་སྟེ། རྒྱལ་ཚུགས་དགའ་སྟོན་ལ་ཞུས་པའི་ཤིས་བརྗོད་ཅེས་པ་ལྟ་བུ། |
| ཤིས་བརྗོད་ཀྱི་རྒྱན |
དོན་རྒྱན་གྱི་ནང་གསེས་ཤིག་སྟེ། མངོན་པར་འདོད་པའི་ཡུལ་གྱི་དངོས་པོ་བསྲུང་བའམ་བསྒྲུབ་པ་ལ་བར་ཆད་མེད་པར་སྨོན་ལམ་འདེབས་པའི་རྒྱན་ཞིག |
| ཤིས་བརྗོད་ཀྱིས་འགོག་པ |
འགོག་པའི་རྒྱན་གྱི་ནང་གསེས་ཤིག་སྟེ། དགག་བྱ་མི་འདོད་པའི་བྱ་བའི་དངོས་པོ་ཞིག་འགོག་བྱེད་བཀྲ་ཤིས་དགེ་ལེགས་ཀྱི་སྨོན་ཚིག་བརྗོད་པའི་སྒོ་ནས་རང་ལ་འབྱུང་འགྱུར་གནས་ཚུལ་ངན་པ་ཡོང་རྒྱུ་ཤུགས་ཀྱིས་བསྟན་ཏེ་འགོག་པའི་རྒྱན་ཞིག |
| ཤིས་བརྗོད་ཉན་པོ |
མངོན བརྒྱ་བྱིན། |
| ཤིས་ཚིག |
བཀྲ་ཤིས་བདེ་ལེགས་ཞུས་པའི་ཚིག་གི་མིང་། |
| ཤིས་འཕྲིན |
བཀྲ་ཤིས་ཀྱི་འཕྲིན་བཟང༌། |
| ཤིས་ལྡང |
ཀྱི་ལྕེའི་མིང་གི་རྣམ་གྲངས་ཤིག |
| ཤུ |
(གྲངས་ཚིག) བཅུའི་མཚོན་བྱེད་དེ་བཅུ་ཕྲག་གཉིས་ལ་ཉི་ཤུ་ཟེར་བ་ལྟ་བུ། ཤུ་བ་ཡི་ཚིག་བསྡུས་པ། |
| ཤུ་ཀྲ་མ |
སྐར་མ་ནབས་སོ། |
| ཤུ་གླུ |
ཤུ་སྒྲས་གཏོང་བའི་གླུ། རྫི་བོས་ཤུ་གླུ་ལེན་བཞིན་ལུག་འཚོ་བར་འགྲོ། |
| ཤུ་ཏི |
སྔོ་སྨན་གྱི་རིགས་ཤིག་སྟེ། སྐྱེ་ཚུལ་འུ་སུ་དང་མཚུངས་ཤིང༌། འབྲས་བུ་སྤྲུ་འབྲུ་དང་འདྲ་བ་ཞིག་མཆིས། རོ་ཚ་ལ་མངར། ཞུ་རྗེས་སྙོམས། ནུས་པས་བད་ཀན་སྨུག་པོ་དང༌། ཕོ་ཚད། སྐོམ་ཚད་སོགས་སེལ། |
| ཤུ་ཐོར |
གཉན་ནད་ཤུ་བའི་རང་བཞིན་གྱི་ཐོར་པ་ཞིག |
| ཤུ་དག |
ལོ་མང་སྐྱེ་བའི་རྩྭ་ལྡུམ་མེ་ཏོག་ཆུན་པོ་མར་གུག་པའི་དབྱིབས་ཅན། རྩ་བར་དྲི་ཞིམ་མནམ་ཞིང་སྨན་བཟང་བོ་ཞིག་ཡིན། བོད་སྨན་དུ་དེ་ལ་དཀར་ནག་ཁྲ་གསུམ་ཡོད་པར་བཤད། རྒྱ་སྐད་དུ་ཁྲང་ཕུ་ཟེར། |
| ཤུ་དག་དཀར་པོ |
ཐང་སྨན་གྱི་རིགས་ཤིག་སྟེ། རོ་ཁ་ལ་ཚ་ཞིང་མངར་བ། ཞུ་རྗེས་དྲོད། ནུས་པས་བཅུད་ལེན། ལུས་སྟོབས་སྐྱེད། མིང་གི་རྣམ་གྲངས་ལ་དཀར་པོ་དང༌། རྒྱལ་བ། ཛ་ཡ། ཤུཀླཱ། ཨ་པ་ར་ཛི་ཏ་བཅས་སོ། |
| ཤུ་དག་ནག་པོ |
ཐང་སྨན་གྱི་རིགས་ཤིག་སྟེ། རོ་ཁ་ལ་ཚ་བ། ཞུ་རྗེས་དྲོད། ནུས་པས་ཕོ་བའི་དྲོད་སྐྱེད། ཟས་འཇུ། རིམས་ནད་སྲུང༌། གདོན་འཇོམས། གག་ལྷོག་སོགས་གཉན་ནད་གསོད། མིང་གི་རྣམ་གྲངས་ལ་གང་ལྡན་དང༌། དྲི་ངར་ལྡན་པ། ནག་པོ་ཁྲོ་གཉེར། ཚིགས་པ་ཅན། ཡོངས་སུ་མདུད་པ་ཅན། སཾ་གྲནྠ། ཧེ་མ་ཝ་ཏི། ཧེ་རུ་ཀ་བཅས་སོ། |
| ཤུ་བ |
1 པགས་པ་གཡའ་ཞིང་རྩུབ་ལ་མེས་འཚིག་པ་ལྟར་གྱི་ཐོར་པ་བྱུང་ནས་རིམ་བཞིན་རྨ་རུ་འགྱུར་བའི་པགས་ནད་ཅིག 2 རྨ་རྙིང་པའི་སྐོགས། 3 ཟ་ཕྲུག་ཅན་གྱི་རྨ་ཆུང༌། |
| ཤུ་བ་ཁ་བརྒྱ |
མཛེ་རིགས་ཤིག་ཤ་རོ་ཤུ་བ་དང་འདྲ་ཞིང་སེར་ག་མང་དུ་འབྱུང་བའི་བད་མཁྲིས་ལྡན་པའི་མཛེ་ནད་ཅིག |
| ཤུ་བརྡ |
ཤུ་སྒྲ། ཕན་ཚུན་ཤུ་བརྡ་གཏོང་རེས་བྱེད་པ། |
| ཤུ་བྷཾ |
ལེགས དགེ་བའམ་བདེ་ལེགས། |
| ཤུ་མོ་ཟ |
ལོ་གཉིས་སྐྱེ་བའི་སྔོ་ཚོད་ཀྱི་རིགས་རྩ་བ་ལ་ཕུག་དམར་བོ་ཡིན། ཡུལ་སྐད་དུ་ལ་སེར་ཟེར། དེའི་ས་བོན་ལ་སྨན་གཞུང་དུ་ཤུ་མོ་ཟ་ཟེར། |
| ཤུ་ཟ |
སྔོ་སྨན་ཞིག |
| ཤུ་འབུབས |
ཡུལ ཁང་རྙིང་གི་ཐོག་རྙིང་པ་བཤུས་ནས་གསར་པ་འབུབས་པ། |
| ཤུ་འབྲས |
ཤུ་བ་དང༌། འབྲས་ནད་གཉིས་འདོམས་པའི་པགས་ནད་དམ་རྨ་ངན་ཞིག |
| ཤུ་སྒྲ |
སོ་རྐན་གྱི་བར་ནས་བྱུང་བའི་ཚིག་མེད་བརྡ་གཏོང་གི་སྒྲ། ཤུ་སྒྲ་འདེབས་བཞིན་ར་ལུག་འདེད། |
| ཤུག |
བུད་མེད་དམ་ཆུང་མའི་མིང་སྟེ། ཁྱོ་ཤུག་གཉིས་ཟེར་བ་ལྟ་བུ། ཤུག་པ་ཡི་ཚིག་བསྡུས་པ། |
| ཤུག་གཙང |
གོས་དར་གྱི་རིགས་ལིང་སྲབ་མོ། ཤུག་གཙང་སྔོན་པོའི་སྐ་རགས། |
| ཤུག་གསེབ |
བོད་རང་སྐྱོང་ལྗོངས་ཀྱི་ཆུ་ཤུར་རྫོང་ཁོངས་ཀྱི་དགོན་སྡེ་ཞིག |
| ཤུག་གསེབ་བཀའ་བརྒྱུད |
གྱེར་སྒོམ་ཚུལ་ཁྲིམས་སེང་གེས་སྙེ་ཕུར་ཤུག་གསེབ་དགོན་པ་བཏབ་སྟེ། དེ་ལས་བརྒྱུད་པའི་ཕག་གྲུའི་བཀའ་བརྒྱུད་ཆུང་བརྒྱད་ཀྱི་ཡ་གྱལ་ཞིག |
| ཤུག་དུད |
ཤིང་ཤུག་པ་མེར་བསྲེགས་པའི་དུད་པ། |
| ཤུག་ནུར |
རྙིང གླལ་བའམ་ཨལ་སྟོང༌། |
| ཤུག་པ |
1.ཐ་དད་པ བཤུགས་པ། བཤུག་པ། ཤུགས།། ནང་ཁུལ་ཕན་ཚུན་ཁེ་བཟང་མི་ཟ་བར་རང་ཡོད་དངོས་པོ་འཚོང་བ། རང་ལ་མང་པོ་མེད་ཀྱང་གཞན་ལ་བཤུགས། ཁྱོད་ཀྱི་དཀར་ཡོལ་འདི་ང་ལ་ནང་བཤུག་གནང་རོགས། ལྕགས་སྒམ་འདི་ང་ལ་འདོན་བཤུག་གནང་རོགས། ཁང་པ་སྤོ་བཤུག་བྱེད་པ། 2.བསངས་ཤིང་གི་རིགས་ཤིག ལྷ་ཤུག རྒྱ་ཤུག འབྲི་ཤུག གཡག་ཤུག མིང་གི་རྣམ་གྲངས་ལ་བརྒྱ་བྱིན་རྐང་འཐུང་དང༌། བདུག་སྤོས་ཤིང༌། མདའ་འཛིན། འོད་ཟེར་འདབ་ཅན། ཡོངས་བཟང་ཅན་བཅས་སོ། |
| ཤུག་པ་ཚེར་ཅན |
ཤིང་སྨན་གྱི་རིགས་ཤུག་པ་ཚེར་མ་ཡོད་པ་ཅན་ཏེ། རོ་ཁ། ཞུ་རྗེས་བསིལ། ནུས་པས་མཁལ་མར་ཚ་བ་ཞུགས་པ་དང༌། ཆུ་སེར་དང་ལྷོག་པ་སོགས་ལ་ཕན། མིང་གི་རྣམ་གྲངས་ལ་རྒྱ་ཤུག་པ་དང༌། སྤ་མ། བ་ད་ར། འབྲོག་རྩི་སྔོན་པོ། གཡུ་འབྲུག་ཟེ་བ་བཅས་སོ། |
| ཤུག་ཚད |
གསོམ་ཤིང་ལ་འཁྲིལ་ནས་སྐྱེ་བའི་རྩི་ཤིང་ཞིག་ཡིན་ཞིང་། ཡུལ་གྲུ་ལ་ལར་རྩཱ་གསེར་སྐུད་ཀྱང་ཟེར། སྨན་བྱེད་ཆོག |
| ཤུག་འབྲས |
ཤིང་ཤུག་པའི་འབྲས་བུ། |
| ཤུག་འབྲུམ |
ཤིང་ཤུག་པའི་འབྲུ། |
| ཤུག་རིལ |
ཤུག་པའི་ལོ་མ་དབྱིབས་རིལ་པོ་ཅན། |
| ཤུག་རྩང |
ཤུག་པས་བཟོས་པའི་ཕུར་པ་ཆུང་ངུ། |
| ཤུག་ལུ |
འབུད་པའི་རོལ་མོའི་བྱེ་བྲག་སྟེ་ཡུལ་སྐད་དུ་པི་པི་ཡང་ཟེར། |
| ཤུག་ལེབ |
ཤུག་པའི་ལོ་མ་ལེབ་དབྱིབས་ཅན། |
| ཤུག་ཤུག |
ཡུལ གཞན་གྱིས་མི་ཚོར་བ། ཁོ་ཤུག་ཤུག་ཏུ་ཕྱིན་སོང༌། |
| ཤུགས |
1.ཤུག་པའི་སྐུལ་ཚིག 2 1 ནུས་པ་དང་སྟོབས། ནུས་ཤུགས། ཆུ་ཤུགས། རླུང་ཤུགས། རླབས་ཤུགས། བཙན་ཤུགས། ངར་ཤུགས། རྩལ་ཤུགས་འགྲན་པ། ཤུགས་སྦྱོང་བ། ཤུགས་བརྒྱབ་པ། ཤུགས་འདོན་པ། ཤུགས་འབྱིན་པ། ཤུགས་སྣོན་པ། ཤུགས་སྒྲིལ་མཉམ་སྒྲུབ། 2 ངང་ངམ་རང་བཞིན། རང་ཤུགས་ཀྱིས་གྲུབ་པ། དངོས་ཤུགས་གང་རུང༌། ཤུགས་བསྟན། ཤུགས་རྟོགས། གོ་རྒྱུའི་གསང་གཏམ་ཤུགས་ལ་འཕེན་པ། ཤུགས་ཀྱིས་གོ་ཐུབ་པ། སྨན་མ་བཏུངས་པར་རང་ཤུགས་ཀྱིས་དྲག་པ། མི་རྟག་པ་མ་ཡིན་པ་ལས་ལོག་པ་ནི་ཤུགས་ཀྱི་བསྒྲུབ་བྱའི་ཆོས་ཡིན་ནོ། ཤུགས་ཀྱི་ཞེན་པའི་བརྗོད་བྱ། |
| ཤུགས་གླུ |
གླུའི་ཁྱད་པར་ཞིག |
| ཤུགས་གླུ |
གཞོན་ཕོ་མོའི་བརྩེ་དུང་མཚོན་པའི་གླུའི་མིང་སྟེ། རི་གླུའམ་ལ་གཞས་ཀྱང་ཟེར། |
| ཤུགས་ཅན |
1 སྟོབས་ཤུགས་ཆེ་བ། 2 མངོན རྟ། |
| ཤུགས་ཆད |
སྟོབས་ཉམས་པའམ་སྟོབས་ཟད་པ། ལུས་ཤུགས་ཆད་ཀྱང་སེམས་ཤུགས་མི་འཆད། |
| ཤུགས་ཆེ་དཔའ་ཐལ |
དཔའ་ཚོད་མ་ཟིན་པ། |
| ཤུགས་དྲག |
ཤུགས་ཆེན་པོ། ལུས་རྩལ་ཤུགས་དྲག་བྱེད་མི་ཉན། ཤུགས་དྲག་དབང་བཙན། ཤུགས་དྲག་གང་གིས་ཀྱང་འགོག་ཏུ་མེད་པ། |
| ཤུགས་ནར |
ཤུ་སྒྲ་དང་ལྡན་པའི་ངང་ནས་བཏོན་པའི་དབུགས་རིང༌། ཁོ་རྒྱུགས་དྲགས་པས་ཐང་ཆད་དེ་ཤུགས་ནར་འབྱིན་པ། |
| ཤུགས་པ་འབྱིན་པ |
མི་གསལ་བར་བརྡ་གཏོང་གི་སྐད་སྒྲོག་པ་སྟེ། ཤུ་སྒྲ་རྒྱག་པ། |
| ཤུགས་བསྟན |
དོན་དངོས་སུ་བསྟན་པའི་ཞོར་ནས་དོན་གཞན་བསྟན་པ། དཔེར་ན། ལྷས་སྦྱིན་ཚོན་པོས་ཉིན་པར་ཟས་མི་ཟ། ཞེས་པས་ཉིན་མོར་ཟས་མི་ཟ་བ་དངོས་སུ་བསྟན་ནས། མཚན་མོར་ཟས་ཟ་བ་ཤུགས་བསྟན་པ་ལྟ་བུའོ། |
| ཤུགས་བུལ |
སྟོབས་ཤུགས་དལ་བའམ་ནུས་ཤུགས་ཞན་པ། རྡོ་རོང་གི་ལམ་དུ་འགྲོ་ཤུགས་བུལ། |
| ཤུགས་མ་ཐུབ |
དབང་མེད་དམ། ཐབས་མེད། ཁོང་ཁྲོ་ཤུགས་མ་ཐུབ་ཀྱིས་ཟ་བ། ཆང་ཤུགས་མ་ཐུབ་ཀྱིས་འཐུང་དགོས་བྱུང༌། |
| ཤུགས་འགྲོ |
མངོན དྲེའུ། |
| ཤུགས་འགྲོའི་ཕ |
མངོན བོང་བུ། |
| ཤུགས་འགྲོས |
ཤུགས་ཆེན་བསྐྱོད་པའི་གོམ་འགྲོས། |
| ཤུགས་འཕྱོ |
གྲངས་གནས་ཤིག |
| ཤུགས་རིང |
སྐྱོ་བའམ་མྱ་ངན་གྱི་དབུགས་རིང༌། ཐང་ཆད་ནས་ཤུགས་རིང་སྒྲོག་པ། འགྱོད་སེམས་སྐྱེས་པས་ཤུགས་རིང་ནར་ནར་འབྱིན་པ། སྤྱན་ཆབ་འདོན་ཞིང་ཤུགས་རིང་ནར་ནར་ཕོ་བྲང་དུ་ལོག་ཕེབས། |
| ཤུགས་རྐྱེན |
ནུས་ཤུགས་ལས་བྱུང་བའི་བྱེད་རྐྱེན། ཤུགས་རྐྱེན་ཐེབས་པ། ཤུགས་རྐྱེན་བཟང་ངན་སྣ་ཚོགས་ཡོང་བ། |
| ཤུགས་རྟོགས |
རང་འཛིན་གྱི་བློ་ངོས་ཡུལ་དེའི་རྣམ་པ་མ་ཤར་ཡང་ཡུལ་གཞན་གྱི་རྣམ་པ་ཤར་བའི་སྒོ་ནས་ཡུལ་དེ་ལའང་ངེས་པ་འདྲེན་ནུས་པ། དཔེར་ན། ཤར་ཕྱོགས་སུ་མཐོང་བའི་བུམ་འཛིན་མིག་ཤེས་ཀྱིས་ལྷོ་ཕྱོགས་ཀྱི་བུམ་པ་ཤུགས་ལ་རྟོགས་པ་དང༌། སྒྲ་མི་རྟག་རྟོགས་ཀྱི་རྗེས་དཔག་གིས་སྒྲ་རྟག་སྟོང་ཤུགས་ལ་རྟོགས་པ་ལྟ་བུ་རང་དངོས་སུ་རྟོགས་པའི་བློས་ཆོས་གཞན་ཤུགས་ལ་རྟོགས་པའོ། |
| ཤུགས་ལེན་ཆུ་རགས |
ཆུ་ཤུགས་འགོག་པའི་རགས། |
| ཤུགས་ལྡན |
1 སྟོབས་ཤུགས་ཡོད་པ། 2 མངོན རྟ། |
| ཤུགས་སྐད |
ཤུགས་ཆེན་པོའི་སྐད་སྒྲ། ཤུགས་སྐད་བརྒྱབ་པ། |
| ཤུགས་སྣོན |
ནུས་ཤུགས་ཀྱི་ཁ་སྣོན། འཛུགས་སྐྲུན་ལ་ཤུགས་སྣོན་རྒྱག་པ། མཐུན་སྒྲིལ་ལ་ཤུགས་སྣོན་བྱེད་པ། |
| ཤུང་དྲིལ |
སྔོ་སྨན་ཞིག |
| ཤུང་དྲིལ་པད་ལྡན |
སྔོ་སྨན་ཞིག |
| ཤུང་དྲིལ་སྔོན་པོ |
སྔོ་སྨན་ཞིག |
| ཤུང་ཤུང |
སྣ་ཤུ། |
| ཤུངས |
གཤུང་བའི་སྐུལ་ཚིག་ |
| ཤུངས་དམོད |
སྨོད་པའམ་ལྐོག་ཁ་གཏོང་བ། |
| ཤུད |
(བྱེད་མེད་ལས་ཚིག) འགྲེད་པ་སྟེ། ཆབ་རོམ་ཐོག་ནས་ཤུད། རྐང་བ་ཤུད་ཅེས་པ་ལྟ་བུ། |
| ཤུད་པ |
1.བཤུད་པའི་ད་ལྟ་བའི་འབྲི་སྲོལ་གཞན་ཞིག 2. ཡུལ འབྱིལ་བའམ་ཉིལ་བ། རི་རྩེ་ནས་ས་རྡོ་ཤུད་པ། |
| ཤུན་པ |
པགས་པ་དང་སྐོགས་པ། ཤིང་གི་ཤུན་ལྤགས། འབྲུའི་ཕྱི་ཤུན། ཤུན་པ་འབུད་པ། ཤུན་པ་གོག་པ། ཤུན་པ་བཤུ་བ། ཤུན་གསར། |
| ཤུན་པ་ཅན |
མངོན ཉ། |
| ཤུན་པ་བརྗེས་པ |
མངོན སྦྲུལ། |
| ཤུན་པ་མཁྲེགས |
མངོན སྨྱུག་མ། |
| ཤུན་པ་འཇམ |
མངོན སྟག་པ། |
| ཤུན་བརྗེས |
1 པགས་པ་རྙིང་པ་བུད་དེ་གསར་པ་སྐྱེས་པ། 2 མངོན སྦྲུལ་གྱི་མིང༌། |
| ཤུན་འཇམ་ཤིང |
མངོན ཤིང་སྟག་པ། |
| ཤུན་ལྤགས |
ཕྱི་སྐོགས། |
| ཤུན་སྐོགས |
ཕྱི་ལྤགས། |
| ཤུབ |
(བྱེད་འབྲེལ་ལས་ཚིག་ད་ལྟ་བ)སྐད་ཆུང་ངུས་ཚིག་བཤད་པའི་དོན་ཏེ། སྐད་ཆ་རྣ་བར་ཤུབ་མཁན་ཞེས་པ་ལྟ་བུ། |
| ཤུབ་བུ |
སྐད་སྒྲ་ཆུང་ངུ། སྐད་ཆ་ཤུབ་བུར་སྨྲ་བ། ལྐོག་ཏུ་ཤུབ་བུས་སྨོད་པ། |
| ཤུབ་ཤུབ |
སྒྲ་གདངས་ཆུང་ངུར་སྨྲ་བའི་ཚུལ། གཏམ་ཤུབ་ཤུབ་ཏུ་སྨྲ་བ། |
| ཤུབ་སྐད |
སྒྲ་ཆུང་ངུར་སྨྲ་བའི་སྐད། |
| ཤུབས |
དངོས་པོ་རང་རང་དང་ཆེ་ཆུང་འཚམས་པའི་ཕྱི་ཐུམ། གྲི་ཤུབས། སྒམ་ཤུབས། ལག་ཤུབས། ཤུབས་སྐོན་པ། |
| ཤུམ |
འདར་བའི་ཚུལ་ཞིག གྲང་ཤུམ་བྱེད། འདར་ཤུམ་ཤུམ་བྱེད། འཇིགས་ཤུམ་ཤུམ་བྱེད། |
| ཤུམས |
བཤུམ་པའི་སྐུལ་ཚིག་ |
| ཤུར |
1.བཤུར་བའི་སྐུལ་ཚིག 2.ཉག་ཀའམ། ཁུང་བུ། ས་ཤུར། ཉག་ཤུར་བཏོན། ཁུང་ཤུར་བརྡོལ། བར་ཤུར་དོག་པོ། |
| ཤུར |
(རྒྱན་ཚིག) ཞེང་ཆུང་ལ་སྲིད་རིང་བའི་དངོས་པོའི་དབྱིབས་ཏེ། ལུང་ཤུར། གྲོག་ཤུར། རས་ཤུར་མོ་གཅིག རྟ་ལ་གྲུག་ཤུར་འཐེན་ཞེས་པ་ལྟ་བུ། |
| ཤུར་ཅོག |
ནང་དུ་ཤུར་སྒམ་ཡོད་པའི་ཅོག་ཙེ། |
| ཤུར་བུ |
སྐ་རགས། སྐེད་པར་ཤུར་བུ་བཅིངས་པ། |
| ཤུར་བུ་ཁྲེའུ |
སྐུད་པ་ཁྲ་བོ་ལས་བཏགས་པའི་སྐ་རགས་ཐུང་ངུ་དྲ་མིག་ཅན་ཞིག |
| ཤུར་མ |
རས་ཀྱི་བྱེ་བྲག་ཅིག་སྤུ་རིང་པོ་བཙུགས་པའི་རས་ལ་དགུ་ལུང་དགུ་ལྟ་བུ། |
| ཤུར་འབེན |
ཤུར་འདོན་བྱེད་ཀྱི་ལག་ཆ་འབུར་ལེན་ཞིག |
| ཤུར་རྩི |
རྒྱ ཀོ་བཟོས་ཕོ་ལྷམ་གྱི་བྱེ་བྲག་ཅིག |
| ཤུར་ཤུར |
ཆུང་ཆུང༌། བུ་ག་ཤུར་ཤུར་ཞིག་བཏོན། རྨ་ཤུར་ཤུར་ཞིག་བཟོས་འདུག འགྲོ་ལམ་ཤུར་ཤུར་ཞིག་འདུག |
| ཤུར་སྒྲ |
སྒྲ་སྒྲོག་སྟངས་ཀྱི་ཁྱད་པར་ཞིག རྟ་ཕོས་ལ་མོ་རྒལ་དུས་སྣ་ལས་ཤུར་སྒྲ་སྒྲོག་པ། བྱ་ཁྲ་ཤུར་སྒྲ་སྒྲོག་བཞིན་འཕུར་བ། རླུང་ཤུར་སྒྲ་ཅན་བརྒྱབ་བྱུང༌། |
| ཤུལ |
1 རྗེས། རྗེས་ཤུལ། སྔོན་ཤུལ། རྙིང་ཤུལ། ཁང་ཤུལ། ཕྱིན་ཤུལ། ཉལ་ཤུལ། བསྡད་ཤུལ། ཤུལ་མེད་དུ་བཏང་བ། ཆུ་རྒྱུགས་ཤུལ་དང༌། གདུང་མ་དྲུད་ཤུལ། འགྲོ་བའི་གྲོགས་ནི་གྲིབ་མ་དང༌། ཤུལ་དུ་ལུས་རྒྱུ་རྐང་རྗེས་ཡིན། 2 རིང་ངམ་སྒང༌། མི་མེད་པའི་ཤུལ་ལ། གཞན་དུ་ཐོན་ཤུལ་ལ། ཚོགས་འདུ་འཚོགས་ཤུལ་ལ། ཁབ་ཤུལ་སྐུད་པས་མ་ཁེངས་ནའང་ཁབ་མིག་སྟོང་པར་མ་ལུས་ཙམ། 3 ཚབ་ཏུའམ་མལ་དུ། བུ་ངན་ནས་ཕ་ཤུལ་མ་ཟིན། རྟ་ངན་ནས་བྱང་ལམ་མ་ཆོད། |
| ཤུལ་པ |
ཁྱིམ་ཚང་གི་ཤུལ་འཛིན་མཁན། |
| ཤུལ་མ |
ཤུལ་དུ་ལུས་པའི་དངོས་པོ། |
| ཤུལ་འཛིན |
1 ལས་ཀའི་རྗེས་ཤུལ་འཛིན་མཁན། 2 ཕ་མ་སོགས་ཤི་རྗེས་ཀྱི་ཁྱིམ་འཛིན་མཁན། |
| ཤུལ་རྙིང |
ཁང་པ་སོགས་སྔར་གྱི་ཤུལ་རྗེས་རྙིང་མ། |
| ཤུལ་ལམ |
འགྲོ་སའི་ལམ་བུ། བགྲོད་བདེའི་ཤུལ་ལམ་ཡུད་ཀྱིས་བཅད། |
| ཤུལ་སྟོང |
སྔར་གྱི་རྗེས་ཤུལ་སྟོང་པ། |
| ཤུལ་སྟོངས |
རྩ་མེད་དུ་ཕྱིན་པ། |
| ཤུས |
(བྱེད་འབྲེལ་སྐུལ་ཚིག) ཤུན་པ་དང་པགས་པ་སོགས་དབྲལ་བའི་དོན་ཏེ། པགས་པ་ཤུས་ཤིག ཤིང་ཏོག་གི་ཤུན་པ་ཤུས་ཞེས་པ་ལྟ་བུ། |
| ཤུས་འདེབས |
གཞན་ལ་བརྡ་གཏོང་ཆེད་ཁ་ནས་ཤུ་རྒྱག་པ། |
| ཤེ |
1 སྔར་འབྲོག་བདག་གིས་འབྲོག་པ་ཚོར་བོགས་མ་ལྟ་བུར་བཏང་བའི་འབྲི་དང་མཛོ་མོ། ནག་ཤེ། དཀར་ཤེ། 2 རྙིང ཤེད། |
| ཤེ་ཁག |
སྔར་གནག་ཕྱུགས་ཤེ་ལ་བཏང་བའི་རུ་ཁག |
| ཤེ་ཁྲལ |
སྔར་ཤེ་ལ་བཏང་བའི་གནག་ཕྱུགས་ཀྱི་མར་ཁྲལ། |
| ཤེ་གཡོག |
ཤེ་དཔོན་གྱི་ལག་གཡོག |
| ཤེ་ཐོབ |
སྔར་གནག་ཕྱུགས་ཤེ་ལ་བཏང་བའི་མར་ཕྱུར་སོགས་ཀྱི་ཡོང་འབབ། |
| ཤེ་དཔོན |
སྔར་ཤེ་མའི་འགོ་བྱེད། |
| ཤེ་ན |
ས་མཐར་སྦྱར་རྒྱུ་ཟེར་ན་དང་དོན་གཅིག་པའི་ཕྲད་གཞན་དབང་ཅན་ཞིག ས དེ་དོན་སུས་ཤེས་ཤེ་ན་ཁོ་བོའི་སློབ་དཔོན་ནོ། འོ་ན་བོད་ཀྱི་སྙན་ངག་འདི་བོད་ཀྱི་རིག་གཞུང་གི་ཁྱབ་ཁོངས་གང་འདྲ་ཞིག་ཏུ་གཏོགས་ཤེ་ན། སྤྱིར་བོད་ཀྱི་རིག་གནས་བཅུའི་ཁོངས་སུ་གཏོགས་པའོ། |
| ཤེ་བ |
མིག་དཀར་པོའམ་དཀར་ལོང༌། རྟ་ཤེ་བ་ལ་ཁྱི་མི་རི། ཁྱི་ཤེ་བ་ལ་རྟ་རི། |
| ཤེ་བམ |
སྔར་བོད་ས་གནས་སྲིད་གཞུང་སྐབས་སྦུག་དམ་མམ་སྲིད་ཐམ་བརྒྱབ་པའི་སྒྲུབ་ཆག་འཇགས་གསུམ་སྐོར་གྱི་གཞུང་ཡིག་སྤྱིའམ་གཙོ་བོའི་གྲས། |
| ཤེ་མ |
དཀར་ཆུའི་ལས་ཀ་བྱེད་མཁན་འབྲོག་པ། |
| ཤེ་མཐུན |
ཤེད་མཐུན་དང་འདྲ། |
| ཤེ་མར |
སྔར་ཤེ་ལ་བཏང་བའི་གནག་ཕྱུགས་ཀྱི་མར་འབབ། |
| ཤེ་མི་ཆོད |
གོ་མི་ཆོད། |
| ཤེ་མུན |
རྙིང 1 ནག་ཁུང༌། 2 བཙོན་ཁང༌། |
| ཤེ་མོ |
1 དཔལ་འབྱོར་མངའ་ཐང༌། 2 རྩིས་གཞུང་གི་དུས་ཚིགས་ཤིག་གི་མིང་སྟེ། བྱ་འོལ་བ་སླེབས་པའི་དུས། 3 ཤེད་མོ་དང་འདྲ། |
| ཤེ་མོ་ཞག་བདུན |
ཉི་སྐར་ཉེར་ལྔ་དང་ཆུ་ཚོད་ཉེར་གཉིས་སྤྱི་ཟླ་བཞི་པའི་ཚེས་གཉིས་སྐོར་ནས་ཤེ་མོ་ཞག་བདུན་བརྩི། དེའི་རིང་ལ་ཁ་ཆར་བབས་ན་དགུང་ཐན་ཡོང་བར་བཤད། ཤེ་ཕོ་ཤེ་མོ་ཞེས་པ་རྩངས་པས་སྡིག་པ་ཟ་བའི་དུས་ཡིན་ཞེས་དང༌། ཡང་འོལ་བ་ཕོ་མོ་སླེབས་པའི་དུས་སྐབས་རེད་ཅེས་བཤད་སྲོལ་ཡོད། |
| ཤེ་མོང |
ཤེད་མོང་དང་འདྲ། |
| ཤེ་མོང་འཚོང |
སྟོབས་ཤེད་ཀྱིས་གཞན་ལ་སྙད་འཚོལ་བ། |
| ཤེ་ཟོག |
སྔར་བོད་ཀྱི་སྤྱི་ཚོགས་རྙིང་པའི་དུས་ཤེ་ལ་བཏང་བའི་གནག་ཕྱུགས་ཀྱི་རིགས། |
| ཤེ་འབབ |
འབྲོག་ཁུལ་གྱི་དུད་འགྲོར་འཁྲི་བའི་མར་དང་ཕྱུར་བ་སོགས་དཀར་གྱི་ཡོང་འབབ། |
| ཤེ་རུ |
ཤེ་ལ་བླངས་པའི་ཕྱུགས་ཟོག་གཉེར་ནས་སྡོད་མཁན་དུད་ཚང༌། |
| ཤེ་སྦྱོར |
འཁྲིག་པའི་བརྡ་རྙིང་། |
| ཤེ་སྦྱོར་མ |
འཁྲིག་སྤྱོད་མ་སྟེ། ཆགས་པ་སྤྱོད་པར་དགའ་བའི་བུད་མེད། |
| ཤེད |
1 སྟོབས་ཤུགས། སྟོབས་ཤེད། ཁུར་ཤེད། ཟ་ཤེད། བཙན་ཤེད། དབང་ཤེད། ཤེད་སྦྱོང་བ། ཤེད་རྒྱག་པ། ཤེད་མི་འབྱིན་པ། ཤེད་སྡེབ། ཤེད་ཤོར་བ། ཤེད་ཚད་པ། དཔུང་ཤེད་ངོམ་འཁྱེར། ཤེད་ངོམས་ནས་རྟགས་མཚན་ཐོན་པ་དགོས། དེ་མིན་ན་སྟོང་གཏམ་འཆལ་བཤད་རེད། 2 ཕྱུགས་ཟོག་གི་ཤེད་མོའམ་ཤ་ཤེད། ཤེད་སོས་པ། ཤ་ཤེད་ལེན་པ། ཤ་ཤེད་ཞན་པ། ཤེད་སྦྱག་པ། རྟ་ནོར་ཤ་ཤེད་རྒྱས་པ། གཟན་ཆག་ཡག་པོ་སྟེར་བས་ཤ་ཤེད་མྱུར་དུ་སོས་པ། རྟ་ལ་ཅི་དགོས་ཤེད་དགོས། བུ་ལ་ཅི་དགོས་དཔའ་དགོས། 3 རྙིང ཡིད། |
| ཤེད་ཁྱེར |
ཤེད་ངོམས། |
| ཤེད་ཅན |
1 སེམས་ཅན། 2 ཤུགས་ཅན། 3 རྙིང ནན་ཏན། |
| ཤེད་དབྱེ་མཁས་པ |
བརྡ་དོན་ལ་བྱང་བ། |
| ཤེད་དབྱེ་སོམ་གཞིག |
རྙིང བློ་བྱང་བར་སོམ་མམ་བརྡ་དོན་བྱང་བར་སོམ། |
| ཤེད་བདག |
1 གང་ཟག་སྟེ་མི། 2 མི་བདག་སྟེ་རྒྱལ་པོ། |
| ཤེད་བུ |
1 མནབཿ མནུ མིའི་གང་ཟག་སྤྱི་དང༌། གཙོ་བོ་བསྐལ་པ་དང་པོའི་མིའི་མིང༌། 2 མངོན མ་ནུའི་མིང་གི་རྣམ་གྲངས་ཡིན་པས་གྲངས་བཅུ་བཞི་མཚོན། མ་ནུ |
| ཤེད་བུ་སེར་སྐྱ |
1 རྒྱ་གར་གྱི་གནའ་བོའི་རིགས་རྒྱུད་ཅིག 2 སྔར་རྒྱ་གར་དུ་ཆུ་སྲིན་མགོ་བཅོ་བརྒྱད་པ་ཞིག་བྱུང་བའི་སྐྱེ་བ་སྔ་མའི་དགེ་སློང་ཞིག |
| ཤེད་མཐུན |
1 གྲོགས་པོ། 2 སྐུ་ཞབས་ལྟ་བུའི་ཞེ་ཚིག 3 ཤུགས་མཐུན་པ། |
| ཤེད་མོ |
1 ལུས་ཤུགས། 2 ཤ་ཤེད། ཤེད་མོ་ཡག་པོ། ཤེད་མོ་རྒྱས་པ། ཤེད་མོ་ཤོར་བ། 3 དབང་ཐང༌། |
| ཤེད་མོང |
1 སྟོབས་རྩལ། 2 དབང་ཐང༌། |
| ཤེད་ཚན |
ཤེད་སྟོབས་སམ་ཤེད་ཤུགས། |
| ཤེད་འབྱེ |
ལུས་སེམས་ཀྱི་སྟོབས་སྐྱེ་བཞིན་པ། བྱིས་པ་རྣམས་རིམ་བཞིན་ཐ་སྙད་བླང་དོར་ཤེས་པའི་ཤེད་འབྱེ་ཡོང་བ། ལུས་སེམས་ཀྱི་ཤེད་མ་འབྱེ་བ། |
| ཤེད་འབྱེད |
བསམ་བློའི་སྒོ་འབྱེད་པ། |
| ཤེད་ལས་སྐྱེས |
ངག་རྒྱུན་ལ་གྲགས་པའི་མི་ཞིག་སྟེ། ནད་པའི་ཐོག་མ་ཤེད་ལས་སྐྱེས། ནད་ཀྱི་ཐོག་མ་མ་ཞུ་བ། སྨན་གྱི་ཐོག་མ་ཆུ་ཁོལ་ཡིན་ཞེས་པའི་གཏམ་རྒྱུད་ཡོད་པ་རེད། |
| ཤེད་སྐྱེད |
1 ནུས་སྟོབས་དར་དུ་འཇུག་པ། 2 ཤུགས་རྩལ་འདོན་པ། |
| ཤེད་སྙོམས |
ཆ་ཤས་ཤེད་མ་མཉམ་ན་སྙོམས་པར་བྱེད་པ། ཆ་ཤས་ཤེད་སྙོམས་བྱ་བའི་ཕྱིར་ཆ་ཤས་རི་རོས་བསྒྱུར་ཏེ་རི་མཁའ་རི་ཐོབ། |
| ཤེད་སྦྱག་པ |
ཤེད་ཉམས་པ། |
| ཤེད་སྦྱངས་པ |
ཉེས་ཁག་སྦྱངས་པ། |
| ཤེན་ཏེ་མ |
རྙིང 1 སྙིགས་མ། 2 ཉམ་ཆུང་བའམ་མཐུ་ཆུང་བ། 3 ཆུད་ཟ་བ། |
| ཤེན་པ |
1 སྲོག་གཅོད་མཁན་ཤན་པའི་འབྲི་ཚུལ་གཞན་ཞིག 2 རྙིང མྱུར་བ། |
| ཤེའུ |
རི་དྭགས་ཤ་བའི་ཕྲུ་གུའི་མིང་སྟེ། ཤ་བའི་ཕྲུ་གུའི་ལུས་ཀྱི་ཁྲ་ཐིག་ལ་ཤེའུ་ཐིག་ཟེར་བ་དང་། རྟ་བོ་ཤེའུ་ཐིག་ཅན་ཟེར་བ་ལྟ་བུ། |
| ཤེའོ |
ས་མཐར་སྦྱར་རྒྱུ་ཟེར་རོ་དང་དོན་གཅིག་པའི་ཚིག་མཚམས་སྟོན་བྱེད་ཕྲད་གཞན་དབང་ཅན་ཞིག ས ཁོ་རང་གིས་རིག་གནས་སྣ་ཚོགས་ཤེས་ཤེའོ། |
| ཤེར |
1.ཤེར་བའི་སྐུལ་ཚིག 2.ཤེས་རབ་ཀྱི་བསྡུས་ཚིག ཤེས་རབ ཤེར་སྙིང་སྟེ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོའི་སྙིང་པོ། |
| ཤེར་དབང |
ཤེས་རབ་ཡེ་ཤེས་ཀྱི་དབང་གི་བསྡུས་མིང༌། |
| ཤེར་ཕྱིན |
ཤེས་རབ་ཀྱི་ཕ་རོལ་ཏུ་ཕྱིན་པའི་བསྡུས་མིང༌། |
| ཤེར་ཕྱིན་དངོས་པོ་བརྒྱད |
ཤེར་ཕྱིན་གྱི་སྦས་དོན་མངོན་རྟོགས་ཀྱི་རིམ་པ་རྣམས་དངོས་པོ་བརྒྱད་དུ་བསྟན་པ་སྟེ། མཁྱེན་པ་གསུམ་དང༌། སྦྱོར་བ་བཞི་དང༌། ཆོས་ཀྱི་སྐུ་སྟེ་བརྒྱད་དོ། |
| ཤེར་ཕྱིན་དོན་བདུན་ཅུ |
ཤེར་ཕྱིན་དངོས་པོ་བརྒྱད་ཀྱི་བརྗོད་བྱ་རྣམས་དོན་བདུན་ཅུའི་སྒོ་ནས་རྒྱས་པར་བཤད་པ་སྟེ། མཁྱེན་པ་གསུམ་གྱི་ཆོས་སུམ་ཅུ་དང༌། སྦྱོར་བ་བཞིའི་ཆོས་སོ་དྲུག་ཆོས་ཀྱི་སྐུའི་ཆོས་བཞི་བཅས་བདུན་ཅུའོ། |
| ཤེར་ཕྱིན་མངོན་རྟོགས་རྒྱན |
ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན། |
| ཤེར་ཕྱིན་འབུམ་པ |
ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། |
| ཤེར་བ |
ཐ་དད་པ བཤེར་བ། བཤེར་བ། ཤེར།། 1 བདེན་རྫུན་ལབ་རེས་བྱེད་པ། བདེན་རྫུན་བཤེར་བ། གཏུགས་བཤེར། རྩོད་བཤེར། 2 ཞིབ་འཇུག་བྱེད་པ། ཞིབ་བཤེར་བྱེད་པ། འདྲི་བཤེར། ལུས་བཤེར། སྔོག་བཤེར། གཏམ་བཤེར། 3 ཕན་ཚུན་སྡུར་བ། |
| ཤེར་བཟང་གཉིས |
དུས་རབས་བཅོ་ལྔ་པར་སྟོད་ཤེས་རབ་བཟང་པོས་མངའ་རིས་ཕྱོགས་སུ་རྗེ་ཙོང་ཁ་པའི་རིང་ལུགས་སྤེལ། སྨད་ཤེས་རབ་བཟང་པོས་མདོ་ཁམས་ཕྱོགས་སུ་རྗེ་ཙོང་ཁ་པའི་རིང་ལུགས་སྤེལ། |
| ཤེར་ལྷ་མོ |
མངོན དབྱངས་ཅན་མ། |
| ཤེར་སྙིང་བདུད་ཟློག |
ཤེས་རབ་སྙིང་པོའི་མདོ་ཆོག་བདེན་བདར་དང་འབྲེལ་བར་ཕྱི་ནང་གི་བདུད་བགེགས་བར་ཆད་ཕྱིར་ཟློག་གི་ཆོ་ག་ཞིག |
| ཤེལ |
གཏེར་ཁ་ནས་བླངས་པའི་དངོས་རྫས་སྲ་ཞིང་དྭངས་པ་བརྡར་ནས་མིག་ཤེལ་སོགས་བཟོ་ཆོག་པ་ཞིག་སྟེ། དེ་ལ་རྡོ་ཤེལ་དང་། ཆུ་ཤེལ་སོགས་རིགས་མང་བོ་ཡོད། མིས་བཟོས་པའི་ཤེལ་ནི་རྡོའི་ཟེགས་མ་དང་རྡོ་ཞུན། ལིག་སོན་ན་ཟེར་བའི་རྫས་རྣམས་བསྲེས་ནས་ཚ་དྲོད་ཆེན་པོས་བཞུས་རྗེས་དཀག་ནས་གྲུབ་པ་ཡིན། |
| ཤེལ་ཀ་ར |
ཤེལ་འདྲ་བའི་མངར་ཆ་ཀ་ར་དཀར་པོ། |
| ཤེལ་ཁྲ |
ཤེལ་སྒོ་ཡོད་པའི་ཁྲ་མ། |
| ཤེལ་ག་བུར |
ག་བུར་རིགས་གསུམ་གྱི་ནང་ཚན་ཤིང་བྷི་མ་ཞེས་པ་ལས་བྱུང་བར་གྲགས་པའི་ག་བུར་མདོག་དཀར་སྔོ་འཁྱག་པའི་དུམ་བུ་འདྲ་བ་ཤིན་ཏུ་བསིལ་བ་ཞིག |
| ཤེལ་གོང་ཤེལ་ཕྲེང |
བདུད་ནད་གཞོམ་པའི་གཉེན་པོ་རྩི་སྨན་གྱི་ནུས་པ་རྐྱང་བཤད་གསལ་སྟོན་དྲི་མེད་ཤེལ་གོང་དང༌། བདུད་རྩི་སྨན་གྱི་རྣམ་དབྱེ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་དང་གཉིས་ཏེ། དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་དུས་རབས་བཅུ་བདུན་པའི་ནང་མཛད། ཤེལ་གོང་ནང་སྨན་སྣ་དགུ་བརྒྱ་དང་བཅོ་ལྔ་ཡི་ནུས་པ་རྐྱང་སེལ་བཤད་དེ་རྩ་བ་ལྟ་བུ་ཚིགས་བཅད་དུ་མཛད་པ་དང༌། ཤེལ་ཕྲེང་ནང་སྨན་དེ་དག་གི་ནང་གསེས་དབྱེ་བ་ཉིས་སྟོང་ཉིས་བརྒྱ་གོ་བཞིའི་ངོ་བོ། ནུས་པ། མིང་གི་རྣམ་གྲངས་བཅས་རྒྱས་པར་ཚིག་ལྷུག་ཏུ་འགྲེལ་བའི་སྨན་གཞུང་ཚད་མ་ཞིག |
| ཤེལ་གྲོང་འབྲོང་རྩེད |
བོད་རིགས་དམངས་ཁྲོད་ཀྱི་ཟློས་གར་ཞིག་ཡིན་ཞིང༌། མི་གཉིས་ཀྱིས་འབྲོང་ལྤགས་གྱོན། རྔ་དང་འཁར་རྔའི་སྒྲ་དང་བསྟུན་ནས་འཁྲབ་པ་ཞིག་སྟེ་ཆུ་ཤུར་རྫོང་ཁོངས་ཤེལ་གྲོང་ཞེས་པའི་ཡུལ་མི་ཚོས་འཁྲབ་པའི་འབྲོང་རྩེད་ཅིག |
| ཤེལ་ཏ |
1 ཐང་མ་སྒྲོན་ཤིང་གི་ཐང་ཆུ་སྟེ། རོ་ཁ་ལ་ཚ། ཞུ་རྗེས་སྙོམས། ནུས་པས་རུས་ཆག་གསོ། རྨ་ཡི་ཆུ་སེར་སྐེམ། 2 རིན་པོ་ཆེ་ཞིག 3 ན་གིའི་མིང༌། |
| ཤེལ་ཏང |
ཀྱི་ལྕེའི་མིང་གི་རྣམ་གྲངས་ཤིག |
| ཤེལ་ཏང་དཀར |
ནག་ཀྱི་ལྕེ་དཀར་པོ་དང་ནག་པོའི་མིང་གཞན་ཞིག |
| ཤེལ་ཏོག |
གློག་བཞུའི་ཤེལ་རིལ། |
| ཤེལ་དཀར |
1 ལྷོ་ཤེལ་དཀར་ཟེར་བའི་ཡུལ། དེང་སྐབས་དིང་རི་རྫོང་ཁོངས་སུ་ཡོད། 2 ལུང་ནག་ཤེལ་དཀར་ཟེར་བ་གཙང་ཤབ་ཀྱི་ནུབ་འགྲམ་དུ་ཡོད། |
| ཤེལ་དམ |
1 ཤེལ་གྱི་སྣོད་སྤྱད་དམ་བི། 2 ཤེལ་གྱི་ཐམ་ག། |
| ཤེལ་ཕྲེང་བྱ་རྒོད་སུག་པ |
དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱི་ཤེལ་ཕྲེང་ནང་འཁོད་པའི་བྱ་རྒོད་སུག་པ། |
| ཤེལ་མིག |
མིག་སྲུང་བྱེད་དང་གསལ་བོར་མཐོང་བྱེད་ཀྱི་ཤེལ་གྱི་མིང་། དྭངས་གསལ་གཟུགས་མི་སྒྲིབ་པ་ཤེལ་དང་མཚུངས་པའི་རིགས་ཀྱི་མིང་ལའང་འཇུག་སྟེ། སྤོས་ཤེལ། རྭ་ཤེལ་ཞེས་པ་ལྟ་བུ། |
| ཤེལ་ཚིགས |
ཚིག་པ་དང་མ་ཚིག་པ་གཉིས་འདྲེས་པའི་ཡོས། |
| ཤེལ་རིགས |
1 ཤེལ་གྱི་རིགས་སུ་གཏོགས་པ། 2 མངོན རྡོ་རྗེ་ཕ་ལམ། |
| ཤེལ་རོང་འབྲོང་རྩེད |
ཤེལ་གྲོང་འབྲོང་རྩེད་དང་དོན་གཅིག་ |
| ཤེལ་ཤུར |
ཤིང་བཟོ་བའི་ལག་ཆ་ཤུར་འདོན་འབུར་ལེན། |
| ཤེལ་སྒོ |
1 ཤེལ་སྤྱི། 2 གདོང་དབྱིབས་ལྟ་སའི་ཤེལ་ཆས། |
| ཤེལ་སྒོང |
1 ཤེལ་རིལ་རིལ། 2 མངོན ལུག |
| ཤེལ་སྤྱད |
ཤེལ་གྱི་ཉེར་སྤྱད་དམ་ཡོ་བྱད། |
| ཤེས |
(བྱེད་འབྲེལ་ལས་ཚིག) ཁྱད་པར་འབྱེད་ཐུབ་པ་དང་ཁོང་དུ་ཆུད་པའི་དོན་ཏེ། བོད་ཡིག་ཤེས། ནམ་མཁའི་བྱའི་ཕོ་མོ་མི་ཤེས་ཀྱང་། མགོ་ནག་མིའི་རྣམ་འགྱུར་ལོས་ཤེས། རླངས་འཁོར་གཏོང་ཤེས། བྱིས་པས་སྐད་ཆ་བཤད་ཤེས། ཕྱུགས་འཚོ་ཤེས་ལྟ་བུ། |
| ཤེས་ཀྱི་ཁེ |
རྙིང ཆོས་ཀྱི་ཞར་ལ་དོན་དུ་གཉེར་བའི་འཇིག་རྟེན་གྱི་ཕུན་ཚོགས། |
| ཤེས་གསལ |
1 བློ་ལ་གསལ་བ། ཚང་མས་ཤེས་གསལ་ལྟར། 2 ཤེས་རབ་གསལ་བ། |
| ཤེས་ཉེན |
རྙིང ཤེས་གཉེན་ཏེ་ཡོན་ཏན། |
| ཤེས་དང་ཤེས་བྱའི་བདག་ཉིད་མཆོག |
དཔལ་ལྡན་དུས་འཁོར། |
| ཤེས་པ |
1. ཐ་མི་དད་པ གོ་བའམ་རྟོགས་པ་དང༌། ཁོང་དུ་ཆུད་པ། ཆོག་ཤེས་པ། ལེགས་ཉེས་ཤེས་པ། མངོན་པར་ཤེས་པ། འགྲོ་སྡོད་མི་ཤེས་པ། གང་ཤེས་དེ་བཤད། ཀུན་ཤེས་གཅིག་རྡུགས། མི་ཤེས་དགུ་ཤེས། མི་ཤེས་ཤེས་མདོག་བྱེད་པ། ཤེས་བཞིན་དུ་དྲི་བ། 2 1 གསལ་ཞིང་རིག་པའམ་བློ། ཤེས་པ་ཡོངས་སུ་སྨིན་པ། ཤེས་པ་གསལ་བ། དབང་ཤེས། དཔྱད་ཤེས། རྟོག་ཤེས། མིག་གི་རྣམ་པར་ཤེས་པ། ཡིད་ཤེས། ཤེས་པ་རང་བཞིན་དུ་མི་གནས་པ། ཤེས་པ་ཁ་ནས་མ་ལབ་ན། བློ་གྲོས་ཁོག་པའི་ནང་དུ་རུལ། 2 གྲངས་ཅན་པའི་ལུས་ཀྱི་ཤེས་བྱ་ཉེར་ལྔའི་ཡ་གྱལ་ཞིག |
| ཤེས་པ་གཉིས |
1 དབང་ཤེས་ཡིད་ཤེས། 2 སེམས་སེམས་བྱུང༌། 3 རྟོག་པ་རྟོག་མེད་ཀྱི་ཤེས་པ། 4 ཚད་མ་ཚད་མིན་གྱི་ཤེས་པ། 5 འཁྲུལ་མ་འཁྲུལ་གྱི་ཤེས་པ། 6 མངོན་གྱུར་བག་ལ་ཉལ་གྱི་ཤེས་པ། |
| ཤེས་པ་ཅན |
1 བསམ་བློ་གཏོང་ཐུབ་མཁན། 2 མུ་སྟེགས་པ། 3 སེམས་ཅན་སྤྱི། |
| ཤེས་པ་འཐིབས་པ |
རིག་པ་མི་གསལ་བ། |
| ཤེས་པ་ཡེར་རེ་སིང་ངེ |
རྙིང རིག་པ་དྭངས་ཤིང་གསལ་སིང་ངེ། |
| ཤེས་པ་རྟོག་མེད |
རྟོག་པ་དང་བྲལ་བའི་ཤེས་པ་སྟེ་བརྒྱལ་བའི་ཡིད་ཤེས་དང༌། དབང་པོ་ལྔའི་ཤེས་པ་ལྟ་བུ། |
| ཤེས་པ་སྤྲོས་མེད |
སེམས་རྣམ་རྟོག་གི་གཡེང་བ་མེད་པ། |
| ཤེས་པའི་སྟོབས |
སེམས་སྟོབས་སམ་ཤེས་རབ་ཀྱི་སྟོབས། |
| ཤེས་པས་སྲིད་ལ་མི་གནས་པའི་གཞི་ཤེས |
ཤེར་ཕྱིན་དོན་བདུན་ཅུའི་ནང་གསེས་གཞི་དོན་དམ་ལ་ལྟོས་ཏེ་སྟོང་ཉིད་རྟོགས་པའི་ཤེས་རབ་ཀྱིས་སྲིད་མཐའ་འགོག་བྱེད་ཀྱི་རྟོགས་རིགས་སུ་གནས་པའི་ཐེག་ཆེན་འཕགས་པའི་མཁྱེན་པའོ། |
| ཤེས་བཀྲ་གཟུགས་བཟང |
ཤེས་རབ་བཀྲ་ཞིང་གཟུགས་གཞི་མཛེས་པ། |
| ཤེས་བདག |
མངོན མི། |
| ཤེས་བཞིན |
1 ཤེས་ཤེས་པ། ཤེས་བཞིན་དུ་འདྲི་བ། ཤེས་བཞིན་རྒྱབ་འགལ། ཤེས་བཞིན་མིན་པ། 2 ལུས་སེམས་ལ་ཡང་ཡང་བརྟག་པ། |
| ཤེས་བཞིན་མ་ཡིན་པ |
ཉེ་ཉོན་ཉི་ཤུའི་ནང་གསེས་ཉོན་མོངས་པ་དང༌། མཚུངས་པར་ལྡན་པའི་ཤེས་རབ་སྟེ། དེ་ལུས་དང་ངག་དང་ཡིད་ཀྱི་སྤྱོད་པ་ལ་མི་ཤེས་བཞིན་དུ་འཇུག་པ། |
| ཤེས་བཞིན་སོགས་ཀྱི་སྡེ་ཚན་བཅུ |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་དང་པོ་ཤེས་བཞིན་གྱི་སྡེ་ཚན་ལ་རྫུན་སྨྲ་བའི་ལྟུང་བྱེད་དང༌། སྐྱོན་བརྗོད་པའི་ལྟུང་བྱེད། ཕྲ་མ་བྱེད་པའི་ལྟུང་བྱེད། སྐྱོན་སྔོགས་བྱེད་པའི་ལྟུང་བྱེད། བུད་མེད་ལ་ཆོས་སྟོན་པའི་ལྟུང་བྱེད། བསྙེན་པར་མ་རྫོགས་པ་དང་ལྷན་ཅིག་འདོན་པའི་ལྟུང་བྱེད། གནས་ངན་ལེན་བརྗོད་པའི་ལྟུང་བྱེད། མི་ཆོས་བླ་མ་བདེན་པར་སྨྲ་བའི་ལྟུང་བྱེད། བཤེས་ངོར་འཕྱས་པའི་ལྟུང་བྱེད། བསླབ་གཞི། ཁྱད་གསོད་ཀྱི་ལྟུང་བྱེད་དེ་བཅུའོ། |
| ཤེས་བརྗོད་འཇུག་གསུམ |
ཐ་སྙད་འཇུག་པར་བྱེད་པའི་ཆོས་གསུམ་སྟེ་འདི་ཀ་བ་ཡིན་ནོ་སྙམ་པའི་ཤེས་པ་ནི་བཏགས་པའི་ཤེས་པ་དང༌། ཀ་བ་ཞེས་པའི་སྒྲར་བརྗོད་པ་ནི་བརྗོད་པ་དང༌། ཀ་བ་ཡིན་པས་ཁང་ཁྱིམ་བྱེད་པར་རྩོམ་པ་ནི་འཇུག་པ་ཡིན་པ་ལྟ་བུའོ། |
| ཤེས་བྱ |
1བསླབ་བྱའི་ཡོན་ཏན་དང་རིག་པའི་གནས་ཐམས་ཅད་ཀྱི་སྤྱི་མིང་སྟེ། རང་བློ་ཤེས་བྱའི་གནས་ལ་མ་སྦྱངས་ན། མཁས་པའི་གོ་འཕང་ནམ་མཁའི་མཐའ་ལྟར་རིང་ལྟ་བུ། 2ཆོས་མངོན་པར་བཤད་པའི་ཤེས་བྱ་སྟེ། བྱ་དངོས་ཐམས་ཅད་ཤེས་ཐུབ་པ་ཡིན་པས་ཤེས་བྱ་ཟེར། མྱོང་ཚོར་ཡོད་པ་སྟེ། ལུས་སྦྲིད་ནས་ཟུག་གཟེར་མི་ཤེས། ལྕེ་སྦྲིད་ནས་བྲོ་བ་ཤེས་དཀའ་ཞེས་པ་ལྟ་བུ། |
| ཤེས་བྱ་ཇི་ལྟ་བ |
ཤེས་བྱའི་རང་བཞིན་ནམ་གནས་ལུགས་ངོ་མ། |
| ཤེས་བྱ་ཇི་སྙེད་པ |
ཤེས་པར་བྱ་བའི་གནས་ཐམས་ཅད། |
| ཤེས་བྱ་ཉེར་ལྔ |
གཙོ་བོ་རྩ་བའི་རང་བཞིན་དང༌། ཆེན་པོ་དང༌། ང་རྒྱལ་དང༌། དེ་ཙམ་ལྔ་དང༌། འབྱུང་བ་ལྔ་དང༌། དབང་པོ་བཅུ་གཅིག་དང༌། བདག་ཤེས་རིག་གི་སྐྱེས་བུ་སྟེ། མུ་སྟེགས་གྲངས་ཅན་པའི་ཤེས་བྱ་ཉེར་ལྔའོ། |
| ཤེས་བྱ་མཛོད |
ཐེག་པའི་སྒོ་ཀུན་ལས་བཏུས་པ་གསུང་རབ་རིན་པོ་ཆེའི་མཛོད་བསླབ་པ་གསུམ་ལེགས་པར་སྟོན་པའི་བསྟན་བཅོས་ཤེས་བྱ་ཀུན་ཁྱབ་ཅེས་བྱ་བ། གདུལ་ཞིང་སྣོད་བཅུད་འཇིག་རྟེན་རྒྱུ་བཅས་དང༌། འདུལ་བྱེད་སྟོན་པ་ཇི་ལྟར་བྱོན་ཚུལ་དང༌། བསྟན་པ་དམ་པའི་ཆོས་ཀྱི་རྣམ་གཞག་དང༌། མདོ་སྔགས་རིག་གནས་དར་ཚུལ་ཆོས་འབྱུང་དང༌། ལྷག་པའི་ཚུལ་ཁྲིམས་ཀྱི་སྡོམ་གསུམ་རྣམ་དབྱེ་དང༌། རིག་གནས་ཐེག་པ་ལ་སོགས་ཐོས་པ་དང༌། བསམ་པས་ལྷག་པའི་ཤེས་རབ་སྐྱེད་ཚུལ་དང༌། སྒོམ་པས་ལྷག་པའི་ཏིང་འཛིན་སྒྲུབ་ཚུལ་དང༌། ཉམས་སུ་བླངས་པས་ས་ལམ་བགྲོད་ཚུལ་དང༌། མཐར་ཐུག་རྣམ་པར་གྲོལ་བའི་འབྲས་བུ་སྟེ། གནས་བཅུ་དང་སྐབས་བཞི་བཅུའི་བདག་ཉིད་ཅན་གྱི་རྩ་འགྲེལ་གཉིས་ལྡན་གླེགས་བམ་གསུམ་ཡོད་པ་འདི་ཀོང་སྤྲུལ་ཡོན་ཏན་རྒྱ་མཚོས་རབ་བྱུང་བཅུ་བཞི་པའི་ཤིང་བྱི་ལོར་བརྩམས་པའོ། |
| ཤེས་བྱ་སྤྱིའི་ཁོག་དབུབ |
དུས་རབས་བཅུ་དྲུག་པའི་ནང་ཟུར་མཁར་བ་བློ་གྲོས་རྒྱལ་པོས་མཛད་པའི་ཤེས་བྱ་རིག་པའི་གནས་སྤྱི་དང༌། ཁྱད་པར་འཕགས་ཡུལ་དང་བོད་དུ་གསོ་བ་རིག་པ་དར་ཚུལ། རྒྱུད་བཞི་བཀའ་བསྟན་གྱི་རྣམ་གཞག་ཐད་ཕྱི་ནང་གསང་གསུམ་གྱི་སྒོ་ནས་འཆད་ཐབས་བཅས་གསལ་བར་གསུངས་པའི་ཆོས་འབྱུང་ཞིག |
| ཤེས་བྱའི་རྣམ་པ་ཐམས་ཅད་མཁྱེན་པ |
མངོན སངས་རྒྱས་ཀྱི་མཚན། |
| ཤེས་བྱེད |
1 རྒྱུ་མཚན། 2 སྒྲུབ་བྱེད། |
| ཤེས་ཚོར |
ཧ་གོ་བ། དེ་སྔོན་ཤེས་ཚོར་གཏན་ནས་མ་བྱུང༌། |
| ཤེས་ཞན |
ཤེས་རབ་དམན་པ། |
| ཤེས་འཁོས་གཉིས་ལྡན |
ཡོན་ཏན་ཡོད་ལ་རྒྱུ་ཡང་ཡོད་པ། |
| ཤེས་འཆལ |
ལོག་པའམ་ཡང་དག་མ་ཡིན་པའི་ཤེས་རབ། |
| ཤེས་འདོད་ཆོས་ཅན |
རྩོད་གཞིའམ་བསྒྲུབ་གཞི། |
| ཤེས་ཡོན |
ཡོན་ཏན། ཤེས་ཡོན་ཅི་ཡོད། ཤེས་ཡོན་ཡང་དག་པ་དེ་ལག་ལེན་ཐོག་ནས་འཐོབ། |
| ཤེས་ཡོན་ཅན |
རིག་གནས་ཀྱི་ཆུ་ཚད་མཐོ་ཙམ་དང་བསམ་པའི་ངལ་རྩོལ་བྱེད་མཁན་གྱི་མི་རྣམས། |
| ཤེས་རབ |
པྲཛྙཱཿ ཡུལ་ངེས་ལྔའི་ནང་གསེས། རང་ཡུལ་གྱི་བརྟག་བྱའི་དངོས་པོ་ལ་དམིགས་ནས་དེའི་ངོ་བོ་དང་ཁྱད་པར་དང་རང་སྤྱིའི་མཚན་ཉིད་དང་བླང་དོར་ལེགས་པར་འབྱེད་པའི་ཤེས་པ་རབ་ཀྱི་མཐར་སོན་པ་ཐེ་ཚོམ་ཟློག་པའི་བྱེད་ལས་ཅན་ནོ། དགེ་སྐྱོན་དང་ཡིན་མིན་སོགས་དབྱེ་འབྱེད་ཐུབ་པའི་ཤེས་རབ། ཤེས་རབ་མྱུར་བ། ཤེས་རབ་རྣོ་བ། ཤེས་རབ་ཟབ་པ། ཤེས་རབ་དྭངས་གསལ་ཅན། ཤེས་རབ་རྫོགས་རྒྱུ་མེད་པ། ཤེས་རབ་ཞན་པ། ཤེས་རབ་གོ་ལོག ཤེས་རབ་རལ་གྲིས་བཅད་ན་རྨ་མི་འབྱུང༌། མང་པོའི་བློ་ཡིས་དཔྱད་ན་དོན་མི་འཕྱུག མིང་གི་རྣམ་གྲངས་ལ་ཀུན་ཏུ་རིག་ཀུན་ཏུ་ཆུབ། ཉལ་སློང༌། རྣམ་དཔྱོད། རྣམ་རིག་བྱེད། སྤོབས་པ། བློ་གྲོས། བློ་ཡི་བྱེད་པོ། ལེགས་རྟོགས་བཅས་སོ། |
| ཤེས་རབ་ཀྱི་ཆོས་བཞི |
ཤེས་འཆལ་སོགས་མི་མཐུན་ཕྱོགས་ཉམས་པ་དང༌། ཆོས་ཀྱི་བདག་མེད་རྟོགས་པའི་རྣམ་པར་མི་རྟོག་པ། འདོད་པ་རྫོགས་པར་བྱེད་པ། རིགས་ཅན་གསུམ་སྨིན་པར་བྱེད་པ་སྟེ་བཞི། |
| ཤེས་རབ་ཀྱི་དབང་པོ |
ཆོས་རྣམས་ཀྱི་རང་དང་སྤྱིའི་མཚན་ཉིད་མ་ནོར་བར་གསལ་བར་གཏན་ལ་འབེབས་པ། |
| ཤེས་རབ་ཀྱི་ནོར |
འཕགས་པའི་ནོར་བདུན་གྱི་ནང་གསེས། ཆོས་རབ་རྣམ་འབྱེད་ཀྱི་རིག་པ་སྟེ། རང་གཞན་གྱི་རེ་བ་སྐོང་བས་ནོར་བུ་རིན་པོ་ཆེ་དང་ཆོས་མཚུངས་པའོ། |
| ཤེས་རབ་ཀྱི་ཕ་རོལ་ཏུ་ཕྱིན་པ་རྡོ་རྗེ་གཅོད་པ |
རྡོ་རྗེ་གཅོད་པ་དང་དོན་གཅིག་ |
| ཤེས་རབ་ཀྱི་ཕ་རོལ་ཏུ་ཕྱིན་མ |
1 ཤེར་ཕྱིན་གྱི་མིང༌། 2 དབྱངས་ཅན་མའི་མིང༌། |
| ཤེས་རབ་ཀྱི་ཕར་ཕྱིན |
པྲཛྙཱཔཱརམིཏཱ ཆོས་བཞི་ལྡན་གྱི་ཆོས་རབ་ཏུ་རྣམ་པར་འབྱེད་པའི་ཆ་ནས་བཞག་པའི་ཡེ་ཤེས། ཕྱིན་དྲུག་གི་ཡ་གྱལ་ཞིག |
| ཤེས་རབ་ཀྱི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་ཤེས་རབ་ཀྱི་ཕར་ཕྱིན་རིམ་ལྡན་དུ་སྒོམ་པའོ། |
| ཤེས་རབ་ཀྱི་རྩ |
མིའི་ལུས་ཀྱི་གཡས་ཕྱོགས་སུ་ཡོད་པའི་རྩ་ཞིག |
| ཤེས་རབ་ཀྱི་སྟོབས |
བྱང་ཕྱོགས་སོ་བདུན་གྱི་སྟོབས་ལྔའི་ནང་གསེས་ཤིག་སྟེ། ཤེས་འཆལ་སོགས་ཀྱིས་རྫི་བ་མེད་པའི་ཤེས་རབ། |
| ཤེས་རབ་ཀྱི་སྤྱན |
འདུས་བྱས་མ་བྱས་ཀྱི་ཆོས་ཐམས་ཅད་ལ་ཅིར་ཡང་རྣམ་པར་མི་རྟོག་པའི་ཡེ་ཤེས། |
| ཤེས་རབ་ཀྱིས་རྣམ་པར་གྲོལ་བ |
དགྲ་བཅོམ་གང་ཉོན་སྒྲིབ་ལས་གྲོལ་ཞིང་རྣམ་ཐར་བརྒྱད་ལ་སྙོམས་པར་འཇུག་མི་ནུས་པའོ། |
| ཤེས་རབ་ཅན |
བློ་གྲོས་དང་ལྡན་པའི་མི། མིང་གི་རྣམ་གྲངས་ལ་ཁ་བྱང་བ་དང༌། གོ་བ་ཅན། གོམས་པ་ཅན། གྲགས་ལྡན། གྲགས་པ་ཅན། དགེ་བ་ཅན། རྒྱུ་མཚན་རིག་ངེས་ལྡན། ངེས་པར་ཤེས། མངོན་པར་མཁྱེན་པ། བསྟན་བཅོས་རིག་པ། རྣམ་མཁྱེན། རྣམ་པར་ཐོས་པ། རྣམ་པར་ཤེས། བློ་གཙང༌། ཡིད་གཞུངས་པ། ཡོངས་སུ་རྟོགས་པ། ལེགས་པར་སྦྱངས་པ། ཤེས་ཅན། ཤེས་ལྡན། བཤེས་གཉེན་ཅན། བསླབས་ཤེས་ཅན་བཅས་སོ། |
| ཤེས་རབ་ཉམས་པ་མི་མངའ་བ |
སེམས་ཅན་གྱི་སྤྱོད་པ་དང༌། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་དག་མཁྱེན་ཞིང༌། སེམས་ཅན་གྱི་དོན་མ་ཟད་པར་སོ་སོ་ཡང་དག་པར་རིག་པ་མི་ཟད་པ་སྟེ། སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་གསེས་ཤིག |
| ཤེས་རབ་ཉོན་མོངས་ཅན |
ལྟ་བ་ལྔ་ཤེས་རབ་ཀྱི་རྫས་ཡིན་ཀྱང༌། ཉོན་མོངས་པའི་དབང་གིས་ཤེས་འཆལ་དུ་སོང་བས་ན་དེ་ལྟར་བརྗོད་དོ། |
| ཤེས་རབ་བརྒྱ་པ |
འཇིག་རྟེན་ལུགས་ཀྱི་བསྟན་བཅོས་མགོན་པོ་ཀླུ་སྒྲུབ་ཀྱིས་མཛད་པ་ཞིག་སྟེ། དེ་ཡང་འཇིག་རྟེན་གྱི་ལུགས་སྲོལ་བཟང་པོ་དང་ཡང་མཐུན་ལ་དམ་པའི་ཆོས་དང་ཡང་མི་འགལ་བར་མངོན་མཐོ་དང་ངེས་ལེགས་གཉིས་ཀྱི་ནང་ནས་གཙོ་བོར་མངོན་མཐོ་སྒྲུབ་བྱེད་ཀྱི་ཐབས་སྟོན་པའོ། |
| ཤེས་རབ་འཁོར་ལོ |
མངོན འཇམ་དབྱངས། |
| ཤེས་རབ་ཡང་དག་བྱང་ཆུབ་ཡན་ལག |
རྣམ་པར་མི་རྟོག་པའི་ངོ་བོ་ཡིན་པས་ན་རང་བཞིན་གྱི་ཡན་ལག་ཆོས་རབ་ཏུ་རྣམ་པར་འབྱེད་པ། |
| ཤེས་རབ་ཡེ་ཤེས་ཀྱི་དབང |
མཆོག་དབང་གོང་མ་གསུམ་གྱི་ཡ་གྱལ་ཞིག་སྟེ། ཕྱག་རྒྱ་མའི་དཀྱིལ་འཁོར་ལ་བརྟེན་ནས་སློབ་མའི་ཡིད་ལ་བསྐུར་ཞིང་ཡིད་ཀྱི་དྲི་མ་དག་ལམ་རྫོགས་རིམ་བསྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་ཐོབ་པའི་སྐལ་བ་རྒྱུད་ལ་འཇོག་བྱེད་ཀྱི་དབང༌། |
| ཤེས་རབ་རང་བྱུང་གི་སྒྲོན་མ |
སྒྲོན་མ་བཞིའི་ནང་གསེས། དྭངས་ལ་ཡུལ་མེད་དུ་འཆར་བའི་རིག་ངོ་ལྷག་མཐོང་གི་གནས་ལུགས་མ་ནོར་བའོ། |
| ཤེས་རབ་རལ་གྲི |
ཤེས་རབ་རལ་གྲིའི་གཟུགས་སུ་བཀོད་པ། |
| ཤེས་རབ་རྣམ་པ་གསུམ |
ཐོས་པ་ལས་བྱུང་བ་དང༌། བསམས་པ་ལས་བྱུང་བ། བསྒོམས་པ་ལས་བྱུང་བའི་ཤེས་རབ་སྟེ་གསུམ། |
| ཤེས་རབ་ལྷ་མོ |
མངོན དབྱངས་ཅན་མ། |
| ཤེས་རབ་སྐུ |
མངོན འཇམ་དབྱངས། |
| ཤེས་རབ་སྒྲོན་མེ |
སློབ་དཔོན་ལེགས་ལྡན་འབྱེད་ཀྱིས་བརྩམས་པའི་བསྟན་བཅོས་ཤིག |
| ཤེས་རབ་སྙིང་པོ |
ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། རྒྱ་གར་གྱི་སློབ་དཔོན་བི་མ་ལ་མི་ཏྲ་དང༌། ལོ་ཙཱ་བ་རིན་ཆེན་སྡེས་བསྒྱུར་ཅིང༌། ལོ་ཙཱ་བ་དགེ་བློ་དང་ནམ་མཁའ་གཉིས་ཀྱིས་ཞུས་དག་མཛད། |
| ཤེས་རབ་སྡོང་བུ |
མགོན་པོ་ཀླུ་སྒྲུབ་ཀྱིས་མཛད་པའི་འཇིག་རྟེན་ལུགས་ཀྱི་བསྟན་བཅོས་ཤིག་སྟེ། གཙོ་བོར་བློན་པོ་ལ་གདམས་པ་དང༌། འཇིག་རྟེན་ཚུལ་ལུགས་དང་མཐུན་པར་སྟོན་པའོ། |
| ཤེས་རིག |
ཤེས་པ་དང་རིག་པ། ཤེས་རིག་གྲུང་པོ། |
| ཤེས་རིག་ཅན |
1 བླང་དོར་གོ་བའི་ཤེས་རིག་དང་ལྡན་པ། 2 ཤེས་པའམ་རིག་པ་ལྡན་པའི་སེམས་ཅན། |
| ཤེས་རེ་སྐན |
མི་ཤེས་ཞེས་པའི་མནའ་ཚིག |
| ཤེས་རྒྱ |
1ཡོན་ཏན་ཁོང་དུ་ཆུད་པའི་ཚད་ཀྱི་མིང་སྟེ། ཤེས་རྒྱ་ཆེ་བ། སློབ་སྦྱོང་བྱས་ནས་ཤེས་རྒྱ་བསྐྱེད་ལྟ་བུ། 2སེམས་ཀྱི་འཁྱེར་སོའི་མིང་སྟེ། ལུས་ཆུང་ཡང་ཤེས་རྒྱ་ཆེ། སྨན་བུ་མོ་ཤེས་རྒྱ་ཅན་ཞེས་པ་ལྟ་བུ། |
| ཤེས་རྒྱུད |
1 སེམས་ཀྱི་རྒྱུན། 2 སེམས་ཀྱི་གཤིས་ཀའམ་རྒྱུ་དག |
| ཤེས་རྟོགས |
ཧ་གོ་བའམ་དོན་རྟོགས་པ། |
| ཤེས་ལྡན |
1 བློ་ལྡན་ནམ་མཁས་པ། 2 མངོན 1)མི། 2)སེམས་ཅན་སྤྱི། |
| ཤེས་ལྡན་མ |
བློ་གྲོས་ཅན་གྱི་བུད་མེད། |
| ཤེས་སྒོ |
ཡོན་ཏན་ནམ་ཤེས་ཡོན་གྱི་མིང་སྟེ། ཤེས་སྒོ་མང་ཡང་ལེགས་པར་ཤེས་པ་དཀོན། ཤེས་སྒོ་གཅིག་ལ་མཁས་ན་མཁས་པ་ཡིན་ལྟ་བུ། |
| ཤེས་སྒྲིབ |
ཤེས་བྱའི་སྒྲིབ་པ་སྟེ་རྣམ་པ་ཐམས་ཅད་མཁྱེན་པ་ཐོབ་པར་གེགས་བྱེད་པའི་འཁོར་གསུམ་རྣམ་པར་རྟོག་པ། |
| ཤེས་སྒྲིབ་རིགས་དགུ |
བདེན་འཛིན་ཆེན་པོའི་ཆེ་འབྲིང་ཆུང་གསུམ། འབྲིང་པོའི་ཆེ་འབྲིང་ཆུང་གསུམ། ཆུང་ངུའི་ཆེ་འབྲིང་ཆུང་གསུམ། |
| ཤོ |
1 སྟར་ཕྲེང༌། ཤོ་བསྒྲིགས་ནས་འགྲོ། 2 དཔྱ་ཁྲལ། ཚྭ་ཤོ། བལ་ཤོ། ཤོ་དཔོན། 3 བརྟག་སྤྱད་ཀྱི་ཤོ་དང་རྩེད་སྤྱད་ཀྱི་ཤོ། ཤོ་མོ། མོ་ཤོ་བརྟག་ཤོ། ཤོ་འདོར་བ། རྒྱན་བཙུགས་ནས་ཤོ་བརྒྱབ། ཤོ་རྩེད་རྒྱལ་བ། ཤོ་ལན་ལེན་པ། མིང་གི་རྣམ་གྲངས་ལ་རྒྱན་པོ་དང༌། ཆོ་ལོ། རྩེད་རྒྱན། ཟ་རྒྱན་བཅས་སོ། 4 ཤྭ་དང་འདྲ། |
| ཤོ་ཀ་ལི |
ཤོག་ཀ་ལི་དང་མཚུངས་ཏེ། སྨྱུག་མ་དང་རས་སོགས་བསྒྲིགས་ནས་བཟོས་པའི་བོད་ལུགས་དཔེ་ཆ་འཇུག་སྣོད་ཅིག |
| ཤོ་ཁྱི |
ཡུལ ཤོ་ཆས་ཀྱི་ལག་ཁྱི། |
| ཤོ་ཁྲལ |
སྔར་ཚོང་ཟོག་རིགས་ས་གནས་སོ་སོར་སླེབས་དུས་སྤྲོད་དགོས་པའི་ཚོང་ཁྲལ་ངེས་ཅན་ཞིག |
| ཤོ་གདན |
ཤོ་སྟན་དང་འདྲ། |
| ཤོ་གམ |
1 ལམ་ཁྲལ་དང་ཚོང་ཁྲལ་སོགས་ཏེ་ལེགས་སྦྱར་གྱི་ཤུ་ལྐ་ཟུར་ཆག 2 སྔར་རྫོང་གཡོག་རྣམས་ཀྱི་འཚོ་བའི་མཐུན་རྐྱེན་དུ་བསྡུ་བའི་གཏན་འཁེལ་བའམ། ལམ་སྲོལ་ཆགས་པའི་ཁྲལ་རིགས་ཤིག ཤོ་གམ་ལེན་པ། ཤོ་གམ་འདས་པ། ཤོ་གམ་པ། |
| ཤོ་གམ་ཟློས་པ |
1 ཁྲལ་འདེད་པ། 2 ཁྲལ་ལོག་སྡུད་པ། |
| ཤོ་ཆས |
ཤོའི་རྩེད་མོ་རྩེ་བའི་ཡོ་བྱད། |
| ཤོ་ཏོ |
ཡས་མཆུ་རལ་བའམ་ཁ་ཤོ། |
| ཤོ་པོ་ལྟག་ལ |
ལ་ཞིག་བོད་རང་སྐྱོང་ལྗོངས་ཀྱི་ལྷུན་རྩེ་རྫོང་ཁོངས་སུ་ཡོད། |
| ཤོ་ཕོར |
ཤོ་དཀྲུག་སའི་ཕོར་པ། |
| ཤོ་བ |
ཉག་ཁེ་སྟེ་ལ་ཉག |
| ཤོ་བེ |
རྫུན་ཚིག་བྱུང་རྒྱལ་དུ་སྨྲ་བ། མིང་གི་རྣམ་གྲངས་ལ་གང་དྲན་དྲན་དུ་བཤད་པ་དང༌། གྱ་ཚོམ་དུ་སྨྲ་བ། བབ་ཅོལ་དུ་སྨྲ་བ། བྱུང་རྒྱལ་དུ་སྨྲ་བ། བླ་རྡོལ་དུ་སྨྲ་བ། མ་བརྟག་པར་སྨྲ་བ། མུ་ཅོར་སྨྲ་བ། མུན་སྤྲུལ་དུ་སྨྲ་བ། ཟུ་ལུམ་དུ་སྨྲ་བ། རང་བཟོར་སྨྲ་བ་བཅས་སོ། |
| ཤོ་མང |
སྔོ་སྨན་གྱི་རིགས་ཤིག ལུག་ཤོ། རི་ཤོ། ཆུ་ཤོ། ན་ཤོ། སྒ་ཤོ། རྒྱ་ཤོ། ཀླུང་ཤོ། |
| ཤོ་མིག |
ཤོ་གྲུ་བཞིའི་ངོས་དྲུག་ལ་ཡོད་པའི་མིག |
| ཤོ་མོ |
ཤོ་འདོར་བའི་མོ་ཕྱྭ། |
| ཤོ་ཚུགས |
ཁྲལ་སྡུད་པའི་ས་ཚིགས། ཤོ་ཚུགས་པ། |
| ཤོ་ཚྭ་ཁ |
བོད་རང་སྐྱོང་ལྗོངས་ཀྱི་ཤན་རྩ་རྫོང་ཁོངས་སུ་ཡོད། |
| ཤོ་འགྱེད་པ |
རྒྱལ་བཙུགས་ནས་ཤོ་རྒྱག་པ། དཀར་ནག་དབྱེ་བའི་ཆེད་དུ་ཤོ་རྒྱག་པ། |
| ཤོ་ར |
ཤོ་རྩེད་རྩེ་བའི་གནས། |
| ཤོ་རལ |
ཡས་མཆུ་རལ་བ། |
| ཤོ་རེ |
དངོས་རྫས་ཀྱི་ཆ་ཤས་ཉམས་པའི་གས་སྲུབ་ལྟ་བུའི་མིང་སྟེ། གྱང་ལ་ཤོ་རེ་ཞིག་གཏོད་ལྟ་བུ། ཚིག་བསྡུས་ན་ཤོ་ཞེས་འབྲི་ཆོག་སྟེ། རི་བོང་ཁ་ཤོ་ཞེས་པ་ལྟ་བུ། |
| ཤོ་རྒལ |
ཆུ་ལོག |
| ཤོ་རྒྱན |
ཤོ་རྒྱག་སྐབས་འཛུགས་པའི་རྒྱན། |
| ཤོ་རྡེའུ |
ཤོ་རྒྱག་སྐབས་གྲངས་འབོར་འཛིན་བྱེད་ཀྱི་རྡེའུ། |
| ཤོ་རྩེད |
ཤོ་རྒྱག་པའི་རྩེད་མོ། |
| ཤོ་ལམ |
ལམ་སྲོལ། ཤོ་ལམ་ཆགས་པ། |
| ཤོ་ལི |
ཤོ་ཀ་ལིའི་འབྲི་ཚུལ་གཞན་ཞིག་ |
| ཤོ་ལོ |
ཆོ་ལོ། |
| ཤོ་ལོ་ཀ |
དཔེ་ཆའི་ཡི་གེའི་གྲངས་ཀ་རྩི་བའི་ཚད་ཅིག་གི་མིང་སྟེ། གནའ་བོའི་དཔེ་ཆར་བཤད་པ་ནི་ཚིགས་བཅད་རྐང་བ་བཞིའམ་ཚིག་ལྷུག་ཡི་གེ་ཚེག་བར་སུམ་ཅུ་ནི་ཤོ་ལོ་ཀ་གཅིག་ཡིན་ཞིང་། ཤོ་ལོ་ཀ་སུམ་བརྒྱ་ལ་བམ་པོ་གཅིག་ཟེར། |
| ཤོ་སྒྲ |
གོས་དང་ཤིང་ལོ་ལྷགས་པས་ཁྱེར་བའི་ཤོབ་སྒྲ་ལྟ་བུ། |
| ཤོ་སྒྲིག |
1 ཕྲེང་སྒྲིག སེམས་ཅན་རྣམས་ཤོ་བསྒྲིགས་ནས་འགྲོ། 2 རས་སོགས་ཚོས་སྣ་ཚོགས་གྲུ་བཞི་སྒྲིག་པ། |
| ཤོ་སྟན |
ཤོ་རྒྱག་སའི་གདན་སྒོར་ཆུང་ཆུང༌། |
| ཤོ་སྦག |
ཤོ་དང་སྦག་གཉིས། ཤོ་སྦག་རྒྱག་པ། |
| ཤོ་སྦག་གི་འཛིན |
སྔར་སྨོན་ལམ་ཚུགས་དུས་ལྷ་ལྡན་མི་དམངས་ནས་ཤོ་སྦག་བརྒྱབ་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| ཤོག |
1. 1 ཚུར་འབོད་པའི་སྐུལ་ཚིག་ཅིག ཚུར་ཤོག དེ་རིང་མ་ཡོང་སང་ཉིན་ཤོག ཁྱེར་ཤོག སྐྱེལ་ཤོག མགྱོགས་པོ་ཤོག 2 སྐུལ་ཚིག་གསལ་བྱེད་ཀྱི་ཕྲད་ཅིག ཟོ་ཤོག བདེ་བ་ཐོབ་པར་ཤོག བཀྲ་ཤིས་ཤོག 2 1 ཕྱོགས་ཁག ཤོག་སྒྲིག 2 ཤོག་བུའི་བསྡུས་ཚིག་ |
| ཤོག |
སྐུལ་ཚིག་སྟེ། ཉེས་པ་ཤོག་ཅིག་ལྟ་བུ། |
| ཤོག་ཀ |
གཤོག་ཀ་ཡི་འབྲི་ཚུལ་གཞན། |
| ཤོག་ཀ་ལི |
ཤོ་ཀ་ལི་དང་འདྲ། |
| ཤོག་ཁག |
ཚོ་ཤོག་གམ་སྡེ་ཤོག ཤོག་ཁག་མཉམ་སྡེབ། |
| ཤོག་ཁང |
1 ཤོག་བུ་འཇོག་སའི་ཁང་པ། 2 ཤོག་བུའི་ལས་གྲྭ་ཁང༌། |
| ཤོག་ཁྲ |
1 ཤོག་བུ་ཚོན་ཁྲ་ཅན། 2 ཤོག་བུ་སྦྱར་ཡོད་པའི་ཁྲ་མ། |
| ཤོག་གྲངས |
དཔེ་ཆ་སོགས་ཀྱི་ཤོག་ལྷེའི་གྲངས་ཀ། |
| ཤོག་གྲི |
ཤོག་བུ་འདྲ་བྱེད་ཀྱི་གྲི། |
| ཤོག་གྲིལ |
ཤོག་དྲིལ་དང་འདྲ། |
| ཤོག་གླུད་འཕེན |
ཤོག་བུས་བཟོས་པའི་མདོས་གླུད་གཏོང་བ། |
| ཤོག་གླེགས |
དཔེ་ཤོག་བསྡེབས་པའི་གླེགས་བུའམ་ཤོག་བུ་ཁ་སྦྱར་གྱི་ཤོག་གླེགས། |
| ཤོག་ཐུག |
ཤོག་སྙིགས་བརྡུངས་ཏེ་ཆུ་དང་བསྲེས་པའི་སྐྱོ་མ་ལྟ་བུའི་མིང༌། |
| ཤོག་ཐུམ |
ཤོག་བུས་བསྒྲིལ་བའི་ཐུམ་བུ། |
| ཤོག་ཐོག་ཕབ་པ |
ཡི་གེ་སྦྱང་ཤིང་གི་སྟེང་དུ་སྦྱངས་ཚར་ནས་ཤོག་བུའི་ཐོག་ཏུ་འབྲི་བ། |
| ཤོག་དངུལ |
སྒོར་མོའི་ཚབ་ཏུ་སྤྲོད་ལེན་བྱེད་པའི་ལོར་ཤོག་བུས་བཟོས་པ་ཞིག |
| ཤོག་དྲས་རྒྱག་པ |
ཤོག་བུའི་མཐའ་གཙང་མར་འདྲ་བ། |
| ཤོག་དྲིལ |
ཤོག་བུ་དྲིལ་མའམ་གྲིལ་མ། |
| ཤོག་དྲིལ་སྐོར་གསུམ |
དུས་རབས་བཅུ་གཉིས་པའི་ནང་རྗེ་བཙུན་གཡུ་ཐོག་ཡོན་ཏན་མགོན་པོ་གསར་མས་མཛད་པའི་རྩ་ཆུ་ནད་རྟགས་སོགས་གསལ་བར་སྟོན་པའི་སྨན་གྱི་བསྟན་བཅོས་ཚད་ལྡན་ཞིག |
| ཤོག་པ |
སྡེ་ཚོ། གཡས་རུའི་ཤོག་པ། གཡས་ཤོག གཡོན་རུའི་ཤོག་པ། འདམ་བརྒྱད་ཤོག་པ། སྦྲ་ནག་ཤོག་པ། |
| ཤོག་བཀྲ |
ཤོག་བུ་ཚོན་ཁྲ་སྣ་ཚོགས་ཅན། |
| ཤོག་བམ |
ཤོག་བུ་སྡེམ་ཁ། |
| ཤོག་བུ |
ཤིང་ཕྱེ་སོགས་ཀྱི་ལྡེ་གུ་ལུགས་སུ་བླུགས་ཏེ་བཟོས་པའི་ཤོག་རིགས། བྲི་ཤོག ཟིན་ཤོག མདུན་ཤོག རྒྱབ་ཤོག སྐྱེམས་ཤོག དྭགས་ཤོག གཙང་ཤོག འབྲུག་ཤོག སྙེ་ཤོག ཐལ་ཤོག གན་ཤོག སྨོན་དཀར་ལས་ཤོག ཤོག་བུའི་སྲབ་འཐུག ཤོག་བུ་བཟོ་བ། ཤོག་དྲས་རྒྱག་པ། ཤོག་བུ་སྦྱོར་བ། |
| ཤོག་བུ་དྲས་རོ |
ཕན་མ་ཐོགས་པར་བསྐྱུར་བའི་ཤོག་རོ། |
| ཤོག་བུ་ལ |
བོད་རང་སྐྱོང་ལྗོངས་ཀྱི་འདམ་གཞུང་རྫོང་དང་སྙེ་མོ་རྫོང་བར་གྱི་ལ་ཞིག་ཡིན་ཞིང༌། དེའི་མཐོ་ཚད་རྒྱ་མཚོའི་ངོས་ནས་སྨི་5454 ཡོད། |
| ཤོག་བུ་སྣུམ་ཟོས |
གཏིང་དུ་ཐིམ་པའམ་ག་ལེར་ཁྱབ་པའི་དཔེ། |
| ཤོག་བུ་སྦང་རྒྱག |
པར་འདེབས་དུས་ཤོག་བུ་རྣམས་ཅུང་ཟད་སྦང་བའི་དོན། |
| ཤོག་བུ་སྦྱར་མ |
ཤོག་བུ་ཁ་ཤས་སྡེབས་གཅིག་ཏུ་བརྩེགས་ཏེ་སྦྱར་བའི་ཤོག་བུ། |
| ཤོག་བུས་རས་རློམ |
མ་ཡིན་ཡིན་རྫུའི་དཔེ། |
| ཤོག་བྱ |
ཕྲུ་གུ་སོགས་ཀྱིས་རྩེ་བྱེད་ཀྱི་ཤོག་བུའི་བྱ་གཟུགས། |
| ཤོག་བྱང |
ཤོག་བུར་ཐོ་བྲིས་པའི་ཤོག་འཛར། |
| ཤོག་ཚལ |
ཤོག་བུའི་ཚལ་བུའམ་དུམ་བུ། |
| ཤོག་འདམ |
འཇིམ་སྐུ་བཟོ་བྱེད་ཤོག་བུ་བསྲེས་པའི་འདམ་བག |
| ཤོག་འཕྲིན |
གཏོང་ཡིག |
| ཤོག་འཛར |
ཤོག་ལྷེ་ནར་མོ་འཛར་འཛར་དུ་ཡོད་པ། |
| ཤོག་རས |
ཤོག་སྒྲོམ་གྱི་མཐིལ་རས། |
| ཤོག་རོ |
ཤོག་བུ་དྲས་རོ་དང༌། བེད་སྤྱད་ཟིན་པའི་ཤོག་བུ། |
| ཤོག་ལྡུམ་པ |
རེ་ལྕག་པ་སྟེ། ཤོག་བུ་བཟོ་བྱེད་ཀྱི་རྒྱུ་ཆའི་གྲས་ཤིག |
| ཤོག་ལྡེབས |
ཤོག་བུ་ལེབ་མོ་སྟེ་དཔེ་ཆའི་ལྡེབས་མ་ལྟ་བུ། |
| ཤོག་ལྷེ |
ཤོག་ལེབ་བམ་ཤོག་ལྡེབས། |
| ཤོག་ཤིང་བ |
སྔོན་བུའི་མིང་གི་རྣམ་གྲངས་ཤིག |
| ཤོག་ཤུབས |
ཤོག་བུ་ལས་བཟོས་པའི་སྐོགས། |
| ཤོག་ཤོག |
1 ཚུར་འབོད་ཀྱི་སྐུལ་ཚིག་ཉིས་བསྡེབས། 2 ཤོག་བུ་སོགས་རླུང་གིས་བསྐྱོད་པའི་སྒྲ། |
| ཤོག་སྒྲོམ |
ཤོག་བུ་ལུགས་རྒྱག་སའི་ཤིང་སྒྲོམ། |
| ཤོག་སྦག |
ཤོག་བུས་བཟོས་པའི་རྩེད་ཆས་མེ་མདའི་སྐད་སྒྲ་ཅན། ཤོག་སྦག་སྤར་བ། |
| ཤོག་སྦུབས་རླུང་འཚང |
ལྐོག་ནས་ངན་བསླབ་བྱེད་པའི་དཔེ། |
| ཤོགས |
ཕྱོད། ལས་ཤོགས་ཆེན་པོ།…2.བཤག་གི་སྐུལ་ཚིག་ལ་ཤོགས་འབྲི་བའང་ཡོད། |
| ཤོགས་ཀ |
གཤོས་ཀ་ཡི་འབྲི་ཚུལ་གཞན། |
| ཤོགས་པོ |
ཡུལ ལག་པ་ཡངས་མོ་དང༌། སེར་སྣ་མེད་པར་གཏོང་ཕོད་པ། ལག་པ་ཤོགས་པོ་ཁོ་ན་བྱས་པ། ལག་ཤོགས་ཆེ་བ། |
| ཤོང |
(བྱེད་འབྲེལ་ལས་ཚིག) ནང་ངམ་ཁོངས་སུ་ཆུད་ཐུབ་པའི་དོན་ཏེ་ལུག་ར་འདིའི་ནང་དུ་སྟོང་ལུག་གཅིག་ཤོང་། རྟ་ར་འདིར་ལྟ་བརྒྱ་ཤོང་། ཟློས་གར་ཁང་འདིར་མི་སྟོང་ཤོང་ལྟ་བུ། |
| ཤོང་དཀར་རྩེ་མོ |
ཇ་ཤིང་གི་རྩེ་མོ། |
| ཤོང་བ |
ཐ་མི་དད་པ ཆུད་པའམ་ཚུད་པ། ཤོང་ཆེ་བ། ཤོང་ཤོང་བ། རྫིང་བུ་དེར་ཆུ་མང་པོ་ཤོང་ཐུབ་པ། ཕོ་ཁྱོ་གའི་ཁོག་པར་མདའ་ཤོང་མདུང་ཤོང༌། |
| ཤོང་བློ་གྲོས་བརྟན་པ |
འདི་བོད་ཀྱི་ལོ་ཙཱ་བ་ཤོང་རྡོ་རྗེ་རྒྱལ་མཚན་གྱི་གཅུང་པོ་ཡིན་ཞིང༌། འདིས་གཤིན་རྗེ་གཤེད་དམར་གྱི་རྒྱུད་སོགས་བསྒྱུར། |
| ཤོང་རྒྱ |
འཕྲོ་མ་ལུས་པར་སྣོད་ཀྱི་ནང་གནས་ཐུབ་པའི་ཚད། |
| ཤོང་རྡོ་རྗེ་རྒྱལ་མཚན |
ཤོང་སྟོན་ལོ་ཙཱ་བའི་མཚན་དངོས། |
| ཤོང་སྟོན་ལོ་ཙཱ་བ |
མཚན་དངོས་རྡོ་རྗེ་རྒྱལ་མཚན། ཆོས་རྒྱལ་འགྲོ་མགོན་འཕགས་པས་བདག་རྐྱེན་གནང་ནས་བལ་ཡུལ་དུ་ལོ་ཙཱ་སློབ་ཏུ་བྱོན། རིག་པའི་གནས་ཆུང་བ་ལྔ་གཙོ་བོར་སྦྱངས། ཁྱད་པར་སྒྲ་རིག་ལ་ཕུལ་དུ་ཕྱིན། ས་སྐྱར་བྱོན་ཏེ་དུས་འཁོར་འགྲེལ་པ་དང་བཅས་པའི་འགྱུར་མཛད། དཔག་བསམ་འཁྲི་ཤིང་བསྒྱུར། གཞན་ཡང་སྙན་ངག་མེ་ལོང་དང༌། ཀླུ་ཀུན་ཏུ་དགའ་བའི་ཟློས་གར་དང༌། བསྟོད་པ་བརྒྱ་པ་ལ་སོགས་པ་བསྒྱུར། སྙན་ངག་དང་མིང་གི་མངོན་བརྗོད་རྣམས་ཀྱི་སྲོལ་ལེགས་པར་བཙུགས། |
| ཤོངས |
གཤོང་བའི་སྐུལ་ཚིག་ |
| ཤོད |
1.ཐ་དད་པར་འཇུག་པའི་འཆད་པ་དང་ཤད་པ་དང་ཤོད་པའི་སྐུལ་ཚིག 2.ཞོལ་དང་འོག་གམ་སྨད། ཁང་པའི་སྟེང་ཤོད། རི་ཤོད། ཤོད་མཛོད། |
| ཤོད་གོད |
རྙིང ཨང་གྲངས་ནས་ཕྲིས་ཏེ་ཉུང་དུ་གཏོང་བ། |
| ཤོད་ཐབས |
1 གྲངས་རྩི་བྱེད་ཀྱི་ཟོན་ཕན་དང༌། རྩི་ཐབས། 2 སྐད་ཆ་རྗོད་ཐབས། ཤོད་ཐབས་མེད་པ། |
| ཤོད་དྲུང |
སྔར་བོད་ས་གནས་སྲིད་གཞུང་སྐབས་བོད་ཀྱི་རྒྱལ་ཚབ་དང༌། སྲིད་བློན། བཀའ་བློན་བཅས་ཀྱི་འཁོར་གཏོགས་དྲུང་འཁོར་སྐྱ་བོའི་རིགས། |
| ཤོད་པ |
ཐ་དད་པ བཤད་པ། བཤད་པ། ཤོད།། ལབ་པ། ཤེས་ཚད་ཤོད་པ། ཤོད་འདོད་ཆེ་བ། བསྐྱར་དུ་ཤོད་ཅི་དགོས། ཁོས་དེ་ལྟར་ཤོད་པའི་རྒྱུ་མཚན་གང་ཡིན། ཤོད་རང་མཁས་ཀྱང་སྤྱོད་མི་མཁས། ཤོད་མཁས་པས་སྒྲིབ་པ་མི་དག་ངུ་མཁས་པས་མྱ་ངན་མི་སེལ། ཤོད་རྒྱུ་ཁ་ཡིས་བཤད་ཀྱང༌། འདེམས་རྒྱུ་ལྕེ་ཡིས་གདམ་ཡོང༌། |
| ཤོད་མགྲོན |
སྔར་བོད་རྒྱལ་ཚབ་ཀྱི་མགྲོན་གཉེར་དཀྱུས་མ། སྣེ་མགྲོན། |
| ཤོད་མཛོད |
ཁང་པའི་འོག་ཁང་དུ་ཡོད་པའི་མཛོད་ཁང༌། |
| ཤོད་འགག |
སྔར་བོད་རྒྱལ་ཚབ་ཀྱི་ལས་ཁུངས་འགག་སྟེ། གཙོ་བོར་མགྲོན་གཉེར་གྱི་ལས་འགན་འཁུར་མཁན་ཡིན། |
| ཤོད་སྐོར |
སྔར་བོད་ས་གནས་སྲིད་གཞུང་གི་དྲུང་འཁོར་སྐྱ་བོ། |
| ཤོད་སྟངས |
སྐད་ཆ་ཤོད་ཚུལ། |
| ཤོན |
རྙིང 1 བྲོ་གར། བྲོ་ཤོན་མ། 2 ལོ་མ། |
| ཤོན་པ |
རྙིང 1 བྲོ་གར་བ། 2 མྱུར་བ། |
| ཤོན་བྱེད་པ |
ངག་ནས་གླུ་གཞས་སོགས་མ་བཏང་བར་ལུས་ཀྱིས་བྲོ་གར་འཁྲབ་པ། |
| ཤོབ |
རྫུན་ཚིག་དང༌། ཁ་པོ་ཆེའམ་འུར་གཏམ། ཤོབ་ཚིག ཤོབ་མ་ལབ། མི་དེ་ཤོབ་རྐྱལ་ཞིག་རེད། ཤོབ་གཏམ་བཤད་ནས་མི་ཚེ་མི་འཁྱོལ། རྐུ་མ་བརྐུས་ནས་བཟའ་ཚང་མི་སོས། |
| ཤོབ་བེ |
རྫུན་སྨྲ་ཚུལ་དང་འུར་གཏམ་ཤོད་ཚུལ། ཤོབ་བེར་ལང་ལ་ཤོར་བ། |
| ཤོབས |
ཤབ་པའི་སྐུལ་ཚིག་ |
| ཤོམ |
ཤོམ་ར་སྟེ་དུས་རྒྱུན་ལས་ཁྱད་པར་དུ་འཕགས་པའི་གོས་རྒྱན་སོགས་ཀྱི་མིང་སྟེ། ལོ་གསར་ལ་བྱིས་པ་ཚོས་ཤོམ་བྱས—གཟབ་སྤྲས་བཏང་ལྟ་བུ། འུད་སྒྲོག་པའི་གཏམ་གྱི་མིང་ལ་འཇུག་པ་ནི། ཁ་ཤོམ་འཐེན—ཁ་ཕོ་བཤད་ལྟ་བུ། ０བཤམ་གྱི་ད་ལྟ་བ། |
| ཤོམ་འགྱིང |
ང་རྒྱལ་ཆེ་བའི་རྣམ་འགྱུར། |
| ཤོམ་ར |
རྒྱས་སྤྲོས། ཤོམ་ར་ཆེ་བ། དགོས་མེད་ཀྱི་ཤོམ་ར། |
| ཤོམས |
བཤམ་གྱི་སྐུལ་ཚིག 2.བཤམ་གྱི་སྐུལ་ཚིག |
| ཤོར |
འདས་པ་སྟེ། རྙི་ལས་ཤོར་སོང་། རྟ་ཤོར་ན་འཛིན་ཚུལ་ཡོད། ཚིག་ཤོར་ན་འཛིན་ཐབས་མེད་ལྟ་བུ། ཉམས་པ་དང་ཞན་པར་གྱུར་པའི་དོན་ཏེ། སྡུག་ན་སེམས་མ་འཆོར། དབང་བོ་འཆོར་ལ་ཁད། རང་ཚུགས་འཆོར་མི་རུང་ལྟ་བུ། སྲུང་མ་ཐུབ་པ་དང་འགོག་མ་ཐུབ་པའི་དོན་ཏེ། གསང་ཚིག་དགྲ་ལ་འཆོར་མི་རུང་ལྟ་བུ།１མི་ཕྱུགས་ཀྱི་དབང་བོ་སྡོམ་མ་ཐུབ་པའི་དོན་ཏེ། མིག་ལྟད་མོ་ལ་ཤོར། སེམས་རྒྱ་ཡན་དུ་འཆོར། སྤྱང་ཀི་སྐྲག་ནས་གཅིན་སྐྱག་ཤོར་ལྟ་བུ། |
| ཤོར་བ |
1 འཆོར་བའི་འདས་པ། 2 རྙིང བཀྲབ་པ་སྟེ། འདམས་པ། |
| ཤོར་ར་རེ |
འཆོར་ཡོང་ངམ་ཤོར་དོགས་ཡོད། རྟོད་ཕུར་མ་བཏབ་ན་རྟ་རྒོད་ཤོར་ར་རེ། རྒྱ་ལས་ཤོར་ར་རེ། |
| ཤོལ |
1.བཤོལ་བའི་སྐུལ་ཚིག 2.ལྷག་མ། ཟླ་ཤོལ། |
| ཤོལ་ཙེ |
རྒྱ ཀོ་ལྷམ་གྱི་བྱེ་བྲག་ཅིག ཤོལ་ཟླ། ཟླ་ཤོལ་ཏེ་ཟླ་ལྷག |
| ཤོས |
1.གཤོ་བའི་སྐུལ་ཚིག 2.ལྡོག་ཕྱོགས་སྟོན་པའི་ཚིག་ཕྲད་ཅིག ཅིག་ཤོས་ཡིན་ལ་ཅིག་ཤོས་མ་ཡིན་པ། དཀར་པོའི་ཅིག་ཤོས་ནག་པོ་ཡིན། ངན་པའི་ཅིག་ཤོས་བཟང་པོ་ཡིན། 3.ཆེས་ཆེར་རམ་ཧ་ཅང་གི་དོན་སྟོན་པའི་ཚིག་ཕྲད་ཅིག དཀར་ཤོས། ནག་ཤོས། ངན་ཤོས། བཟང་ཤོས། མྱུར་ཤོས། ཆེ་ཤོས། 4.སྐུལ་ཚིག་སྟེ་ཕག་ཤོས་ཤིག་ལྟ་བུ། |
| ཤོས་བུ |
བཤོས་བུ་ཡི་འབྲི་ཚུལ་གཞན་ཏེ། བཤོས་ལ་ལྟོས། |
| ཤྭ |
1 ཡས་མཆུ་རལ་བ། ཁ་ཤྭ། ཤྭ་སྒྲོས། ཤྭ་རལ། 2 ཤྭ་འོད། སེར་བ་དྲག་ཏུ་བབས་ཏེ་ཤྭ་དང་རྦབ་རྒོད་ཀྱིས་རི་ལུང་ཁེངས། 3 སྟར་ཕྲེང༌། |
| ཤྭ་བ |
ཤ་བ་ཡི་འབྲི་ཚུལ་གཞན། |
| ཤྭ་མོའི་སྙིང |
རི་བོ་ཞིག་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་རྔ་བ་རྫོང་དུ་ཡོད། |
| ཤྭ་འོད |
ཆར་དྲག་པོ་བབས་པ་ལས་གློ་བུར་དུ་བྱུང་བའི་ཆུ་བོ་ཆེན་པོའི་མིང་སྟེ། ཡུལ་སྐད་དུ་ཆུ་ལོག་ཟེར། |
| ཤྭ་རྒལ |
ཆུ་ལོག |
| ཤྭ་ལ |
ལ་ཞིག་བོད་རང་སྐྱོང་ལྗོངས་ཀྱི་འབྲི་རུ་རྫོང་གི་ཤར་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5090 ཡོད། |
| ཤྭ་སྒྲོས |
1 ཁ་ཤྭ་སྒྲོས་ནི་མཆུ་རལ་བ། 2 རྨ་རྗེས། |
| ཤྲ་བ་ཎ |
ལེགས ཧོར་ཟླ་བདུན་པ། |
| ཤྲཱི་ཀཱ་ལ་ཙཀྲ |
ལེགས དུས་འཁོར། |
| ཤྲཱི་སེདྷ |
དཔལ་ལྡན་སེང་གེ་སྟེ་རྒྱ་གར་གྱི་སློབ་དཔོན་ཞིག་ཡིན་པ་དེས་བོད་རྒྱལ་ཁྲི་སྲོང་ལྡེའུ་བཙན་དུས་བོད་ལ་རྫོགས་པ་ཆེན་པོའི་སྙིང་ཐིག་ཐོག་མར་སྤེལ། |
| ཤྲི་ཁཎྚ |
ལེགས 1 དཔལ་གྱི་དུམ་བུ། 2 ཙན་དན་དཀར་པོ། |
| ཤྲི་ནཱ་ལེནྡྲ |
ལེགས ནཱ་ལེནྡྲ་ལ་ལྟོས། |
| ཤླཽ་ཀ |
ཤོ་ལོ་ཀའི་འབྲི་སྲོལ་གཞན་ཞིག་ |
| ཥ་རོ་དྷ |
ལྷའི་ཡི་གེ། |
| ས |
1,བོད་ཡིག་གསལ་བྱེད་ཉེར་བརྒྱད་པ་འདིའི་ང་རོ་འདོན་ཚུལ་ལ་སྐྱེ་གནས་སོ་དང༌། བྱེད་པ་ལྕེ་རྩེ། ནང་གི་རྩོལ་བ་མགྲིན་པ་ཕྱེ་བ། ཕྱིའི་རྩོལ་བ་སྲོག་ཆེན་དྲོ་ཞིང་སྒྲ་མེད་པ། 1. 1 མིང་གཞིའི་མོ་ཡིག་ཅིག 2 རྗེས་འཇུག་ཡི་གེ་ག་ང་བ་མའི་རྗེས་སུ་འཇུག་པའི་ཡང་འཇུག ག་ང་བ་མ 3 རྗེས་འཇུག་ཕོ་ཡིག་གི་སྐྱེས་བུ་ཐ་མ་ཞིག 4 མིང་གཞི་འགའ་ཞིག་གི་ཡས་ནས་འདོགས་རྒྱུའི་ཡི་གེ་ཞིག 2 1 འབྱུང་བ་བཞིའི་ཡ་གྱལ་ཞིག་སྟེ་ངོ་བོ་སྲ་ཞིང་འཐས་པ་དང༌། བྱེད་ལས་རྒྱུ་བ་དང་མི་རྒྱུ་བའི་འཇིག་རྟེན་ཐམས་ཅད་སྐྱེ་ཞིང་གནས་པའི་རྟེན་བྱེད་པ། ས་འབོལ་པོ། མེ་ཏོག་གི་སིལ་མས་ས་བཀང་བ། ས་བརླག་གི་ཨ་བྲ། སྡེ་བརླག་གི་རྐུན་མ། 2 རྟེན་གནས་སམ་གནས་གཞི། ས་བཙན་པོ། སྡོད་ས། འགྲོ་ས། ཡོད་ས། གྲོས་འདྲི་ས། མཐོང་ས། 3 གོ་གནས། ཆེ་ས། མཐོ་ས། 4 ཕྱུགས་ནད་ཅིག 5 གྲངས་ཀྱི་གནས། ཞག་ས་བཅུས་བསྒྱུར། ཞག་སར་བསྒྲིལ། 6 ས་ལམ་གཉིས་ཀྱི་ནང་ཚན་དུ་གྱུར་པའི་ས་སྟེ། རང་གི་འབྲས་བུར་གྱུར་པའི་ཡོན་ཏན་དུ་མའི་གཞི་རྟེན་བྱེད་པའི་ལམ་ཞུགས་ཀྱི་མངོན་རྟོགས་ཏེ། དམན་པ་ས་བརྒྱད་དང༌། ཐེག་ཆེན་ས་བཅུ་ལྟ་བུའོ། སའི་གོ་ལའི་མིང་སྟེ། གནམ་ས། བསྐལ་བ་ས་ཆགས་པ། སའི་ཆགས་རིམ་ཞེས་པ་ལྟ་བུ། ས་གཞི་འམ་སྐམ་ས་ཆེན་པོ་སྟེ། ས་ཐོག ས་ངོས། ས་བབ། ས་དབྱིབས། ས་འོག་གི་ཆུ་ཞེས་པ་ལྟ་བུ། ０ས་ཞིང་གི་མིང་སྟེ། ས་རྒོད། ཞིང་ས། ས་ཁྲལ་ཞེས་པ་ལྟ་བུ། １སའི་ངོས་ཀྱི་མིང་སྟེ། ས་ལ་བསྡད། ས་གདན་ཞེས་པ་ལྟ་བུ། ２ཡུལ་གྲུའམ་གནས་ཀྱི་མིང་སྟེ། ས་ཁུལ། ས་གནས། འདུག་ས། ཉལ་ས། ཞེས་པ་ལྟ་བུ། ３བྱ་བའི་ཡུལ་གྱི་མིང་སྟེ། བཤད་ས། གཏམ་ས། སྐྲག་ས། འཇིགས་ས། དྲང་གཏམ་བཤད་ས། ལྟ་ས། ཟ་ས་ཞེས་པ་ལྟ་བུ། ４ས་ངོས་ཀྱི་འདམ་དང་བྱེ་མ་འདྲེས་པའི་ཁག་གི་མིང་སྟེ། ས་ཕུང་། ས་སྤུངས། ས་འདམ་ཞེས་པ་ལྟ་བུ། ５ཆ་ཤས་སམ་དུམ་བུའི་མིང་སྟེ། དཀར་ས། དམར་ས། ན་ས། ཤ་མཐུག་ས། འབུར་ས། ཀོང་ས་ཞེས་པ་ལྟ་བུ། |
| ས་ཀུན་དབང་པོ |
མངོན འཁོར་ལོས་སྒྱུར་བའི་རྒྱལ་པོ། |
| ས་ཀོང |
ས་གཤོང༌། |
| ས་ཁ |
སའི་ཐོག་ངོས་ཀྱི་མིང་སྟེ། མྱུ་གུ་ས་ཁར་འབུས། ནོར་ལུག་གིས་ས་ཁ་ཁྱབ་ལྟ་བུ། |
| ས་ཁ་འབྱེད་པ |
ཡུལ དཔྱིད་ཟླ་དང་པོའི་ནང་ས་ཞིང་ལ་སྐར་འཛིན་གྱིས་རྨོ་སློག་ཐོག་མར་རྒྱག་པ། |
| ས་ཁད |
བར་ཐག ལས་དོན་སྒྲུབ་ཡུལ་ས་ཁད་རྒྱང་སྟབས་ཕན་ཚུན་ངོ་ཐུག་དཀའ་བ། |
| ས་ཁམས |
1 འབྱུང་བཞིའི་ཡ་གྱལ་ཞིག 2 ལོ་ཁམས་ལྔའི་ཡ་གྱལ་ཞིག |
| ས་ཁལ་ལེ་བ |
ས་འགོས་པའི་ཤུལ་སྐྱ་ཐལ་ལེ་བ། སྨིན་ཕྲག་དང་སྣའི་བྱ་གཤོག་གི་གཤོངས། སྨ་ར་དང་ཨག་ཚོམ་རྣམས་འཕྱི་བ་མ་བྱུང་བར་ས་ཁལ་ལེ་བ་ཞིག་བྱས། |
| ས་ཁུ |
ཆུ་དང་ས་འདྲེས་པའི་ཁུ་བ། ས་ཁུ་བྱུགས་པ། |
| ས་ཁུང |
བུག་པ་ཡོད་པའི་སའམ། ས་ཕུག |
| ས་ཁུལ |
ཁྱད་ཆོས་དང་ཁོངས་མཚམས་ངེས་ཅན་ཡོད་པའི་ས་ཆའི་མིང་སྟེ། ཚ་བའི་ས་ཁུལ། ཉེན་ཁ་ཡོད་པའི་ས་ཁུལ་ཞེས་པ་ལྟ་བུ། |
| ས་ཁོངས |
1 ས་ཆའི་ཁོངས་གཏོགས། 2 ས་ཁུལ་གྱི་རྒྱ་ཁྱོན་ཆེ་ཆུང༌། |
| ས་ཁྱད |
ས་ཆའི་ཁྱད་པར། ས་ཁྱད་དང་འཕྲོད་པར་ལོ་ཏོག་འདེབས་པ། |
| ས་ཁྱབ་རྡོ་ཁྱབ |
ཕྱོགས་ཀུན་ཏུ་དར་ཁྱབ་བྱུང་བའི་དོན་ཏེ ཚན་རིག་ས་ཁྱབ་རྡོ་ཁྱབ་ཏུ་དར་བར་བྱེད་དགོས་ལྟ་བུ |
| ས་ཁྱོན |
སའི་འཁོར་རྒྱའམ་རྒྱ་ཁྱོན། ཞིང་ཁའི་རྒྱ་ཁྱོན་ཆེ་ཆུང་ལ་གཞིགས་ནས་མི་ལག་བཀོད་སྒྲིག་བྱེད་པ། |
| ས་ཁྲ |
སའི་གོ་ལའི་ཐོག་གི་བྱ་དངོས་དང་འཕོ་འགྱུར་སོགས་བཀྲམ་ཚུལ་སྟོན་པའི་དཔེ་རིས་ཀྱི་མིང་། |
| ས་ཁྲ་བོ |
ཁ་དོག་སྣ་ཚོགས་ཡོད་པའི་ས་ཆ། |
| ས་ཁྲལ |
ས་ལ་འཁྲིས་པའི་ཁྲལ། |
| ས་ཁྲི |
ས་ལས་བཟོས་པའི་ཁྲི། |
| ས་ག |
རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་སྟེ། བོད་རྩིས་ཀྱི་ཟླ་བ་བཞི་པའི་ཚེས་བཅོ་ལྔའི་ཟླ་བ་ཉ་བ་དང་མཉམ་དུ་འཆར་ནུབ་བྱེད་པས་ན། ཟླ་བ་བཞི་པ་ལ་ས་ག་ཟླ་བ་ཟེར། |
| ས་ག་ཟླ་བ |
རྒྱུ་སྐར་ས་ག་འཆར་བའི་ཧོར་ཟླ་བཞི་པ་འདིའི་ཚེས་པ་བཅོ་ལྔ་ལ་སངས་རྒྱས་ཤཱཀྱ་ཐུབ་པ་སྐུ་བལྟམས་པ་དང༌། སངས་རྒྱས་པ། མྱ་ངན་ལས་འདས་པའི་དུས་ཆེན་གསུམ་འཛོམས་ཡིན་པར་འདོད་ལ། ཟླ་བ་འདིའི་ནང་ཆོས་སྤྱོད་ཀྱི་བྱ་བའང་ཤིན་ཏུ་མང༌། |
| ས་ག་སྐྱེ་མ |
མངོན ལྷ་མོ་ཨུ་མ། |
| ས་ག་སྐྱེས |
མངོན 1 གཞོན་ནུ་གདོང་དྲུག 2 ལྷ་མོ་ཨུ་མ། 3 ཧོར་ཟླ་བཅུ་པ། |
| ས་གཉན |
1 ས་བདག་ཟེར་བའི་མི་མ་ཡིན། 2 ས་ཆ་གཉན་པོ་སྟེ་འདྲེ་སྲིན་སོགས་གནས་པའི་ས་ཆ། |
| ས་གཏེར |
1 ས་འོག་ན་ཡོད་པའི་ནོར་བུ། 2 སློབ་དཔོན་ཆེན་པོ་པདྨ་འབྱུང་གནས་ཀྱིས་མ་འོངས་པའི་གདུལ་བྱ་རྣམས་ལ་དགོངས་ནས་ས་སྟེང་གཏེར་གྱིས་བཀང་ཞིང་ལས་ཅན་ལ་གཏད་རྒྱ་མཛད་པ། ཕྱིས་གཏེར་སྟོན་རྣམས་ཀྱིས་བྲག་སོགས་ལས་བཏོན་པའི་རྟེན་རྫས། |
| ས་གད་བརྒྱབ་པ |
1 གྲོ་ནས་སོགས་ཀྱི་ཐལ་རྡུལ་བསལ་བ། 2 ས་ཆར་གད་སྙིགས་བྱི་དོར་བྱེད་པ། |
| ས་གདན |
ས་སྟན་ཡང་ཟེར། སའི་སྟེང་དུ་གདིང་བྱའི་གདན། |
| ས་གནད |
ས་ཆ་གནད་འགག་ཆེ་ས། ཚོང་ལས་ས་གནད། ས་གནད་ཆེ་བ། |
| ས་གནས |
1 ས་ཆའམ་ཡུལ་ཕྱོགས། ཉམས་དགའ་བའི་ས་གནས། མི་རིགས་ས་གནས། 2 མངོན 1)རྩྭ་ཀུ་ཤ། 2)ཁྱིམ་བྱ། |
| ས་གནོན་པ |
1 གནས་གཅིག་ཏུ་སྡོད་པ། 2 ས་ཆ་བཙན་བཟུང༌། 3 ས་ལ་དབང་སྒྱུར་བ། |
| ས་གཙང་རྡོ་གཙང |
ལྷད་མེད་བསྲེས་མེད་ཀྱི་དཔེ། |
| ས་གཞི |
ས་ཆའི་རྟེན་གཞི། ས་གཞི་སྐམ་པོ། ས་གཞི་གཡོ་འགུལ། ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། ས་གཞི་ཆེན་པོའི་ས་དབྱིབས་ཚད་ལེན། ས་གཞིའི་བང་རིམ། ས་གཞི་རྡུལ་དག ས་གཞི་ཐམས་ཅད་ལག་མཐིལ་ལྟར་ཁོད་སྙོམས་པ། བློ་རྒྱ་ས་གཞི་ལས་ཆེ་ཡང༌། བྱ་བ་རྡུལ་ལྟར་ཞིབ་དགོས། མིང་གི་རྣམ་གྲངས་ལ་ཀུན་བཟོད་དང༌། སྐྲུན་བྱེད། ཁུར་ལ་མི་འཇིགས། གླིང་ལྡན། གླིང་འཛིན། རྒྱ་ཆེན་མ། རྒྱ་མཚོའི་གོས་ཅན། བཅུད་ལྡན། ཆུ་སྐྱོབ། ཆུ་གཏེར་སྐ་རགས་ཅན། རྟེན་བྱེད། བརྟན་པ། མཐའ་ཡས། དོག་མ། ནོར་གྱི་བློ་གྲོས་མ། ནོར་ལྡན། ནོར་འཛིན། གནས། སྣ་ཚོགས་འགེངས། སྣ་ཚོགས་འཛིན། དབྱིག་གི་བློ་གྲོས་མ། དབྱིག་འཛིན། འབྱུང་པོ་འཛིན་བྱེད། འབྱུང་པོའི་ཡུམ། མི་ཡི་འཇིག་རྟེན། མི་གཡོ་བ། འཛམ་བུའི་རྒྱལ་མཚན་ཅན། འཛིན་མ། ཞག་ལྡན་མ། འོད་སྲུང་བྱིན། ཡངས་ལྡན། ཡངས་མ། ཡོངས་ལྡན་མ། རི་ཡི་རྣ་བ་ཅན། རིའི་ཕུར་བུ། ས་སྟེང༌། གསེར་གྱི་སྙིང་པོ། གསེར་ལྡན་མ་བཅས་སོ། |
| ས་གཞི་མ |
མངོན བུད་མེད། |
| ས་གཞི་འཆང |
མངོན རི། |
| ས་གཞི་འཛིན |
མངོན 1 ལྷ་ཁྱབ་འཇུག 2 རི། |
| ས་གཞི་ལས་བྱུང |
མངོན གཟའ་མིག་དམར། |
| ས་གཞིའི་མདངས |
1 ཐང་གའི་སྨད་ཆའི་སྤང་གི་མདོག 2 ཡུལ་ལུང་གི་ཁ་དོག |
| ས་གཞོང |
1 སྒྲ་རྩིས་ཀྱི་ས་རིས་འབྲི་ས། 2 གཞོང་པ་ལྟ་བུའི་ས་དབྱིབས། |
| ས་གཟུང་བ |
ས་ཆོག་གི་ནང་གསེས་ཤིག་སྟེ། སའི་ཐོག་ཏུ་དཀྱིལ་འཁོར་གྱི་ཁང་པ་བྱས་ཏེ་དཀྱིལ་འཁོར་བསྒོམས་ནས་ལྷ་ལ་སྙན་གསན་འབུལ་བ་དང༌། སློབ་མས་གསོལ་བ་བཏབ་སྟེ་སློབ་དཔོན་གྱིས་དཀྱིལ་འཁོར་འདེགས་པ་དང༌། བདུད་འདུལ་བའི་ཕྱིར་བགེགས་ལ་བཀའ་བསྒོ་ཞིང་རྡོ་རྗེའི་གར་དང་སྟངས་སྟབས་ཀྱིས་བགེགས་བསྐྲད་པ་རྣམས་སོ། |
| ས་གཡང |
1 ས་བཅུད། 2 ས་ཆ་གང་ཞིག་ལ་ཡོད་པའི་བསོད་ནམས། ས་གཡང་འགུགས་པ། ས་གཡང་ཤོར་བ། ས་གཡང་འཕེལ་བ། |
| ས་གཡོ |
1 ས་གཞིའི་ནང་རིམ་གྱི་འབྱུང་ཁམས་འཁྲུག་པའི་རྐྱེན་གྱིས་འཕར་ཞིང་གཡོ་བ། ས་གཡོ་རི་འགུལ། 2 ས་གཡོ་དྲུག་གི་ཡ་གྱལ་ཞིག |
| ས་གཡོ་དྲུག |
1 འགུལ་དང༌། གཡོ། ལྡེག་འཁྲུག་འུར་འུར། ཆེམ་ཆེམ་སྟེ་ས་གཡོ་བའི་རྣམ་པ་དྲུག 2 ཤར་ཕྱོགས་དམའ་ན་ནུབ་ཕྱོགས་མཐོ་བ་དང༌། ནུབ་ཕྱོགས་དམའ་ན་ཤར་ཕྱོགས་མཐོ་བ། ལྷོ་ཕྱོགས་དམའ་ན་བྱང་ཕྱོགས་མཐོ་བ། བྱང་ཕྱོགས་དམའ་ན་ལྷོ་ཕྱོགས་མཐོ་བ། མཐའ་དམའ་ན་དབུས་མཐོ་བ། དབུས་དམའ་ན་མཐའ་མཐོ་བ་སྟེ་ས་གཡོ་བའི་རྣམ་པ་དྲུག |
| ས་གཡོ་བཅོ་བརྒྱད |
འགུལ་དང༌། རབ་ཏུ་འགུལ། ཀུན་ཏུ་རབ་ཏུ་འགུལ། གཡོ་བ། རབ་ཏུ་གཡོ། ཀུན་ཏུ་རབ་ཏུ་གཡོ། ལྡེག་རབ་ཏུ་ལྡེག་ཀུན་ཏུ་རབ་ཏུ་ལྡེག་འཁྲུག་རབ་ཏུ་འཁྲུག་ཀུན་ཏུ་རབ་ཏུ་འཁྲུག་འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ་སྟེ་ས་གཡོ་བའི་རྣམ་པ་བཅོ་བརྒྱད། |
| ས་གཡོ་བའི་རྐྱེན་དྲུག |
སངས་རྒྱས་པའི་བཤད་སྲོལ་ལྟར་ན་ཤཱཀྱ་ཐུབ་པ་ལྷུམས་སུ་ཞུགས་པ་དང༌། སྐུ་བལྟམས་པ། རབ་ཏུ་འབྱུང་བ། འཚང་རྒྱ་བ། ཆོས་འཁོར་སྐོར་བ། མྱ་ངན་ལས་འདའ་བ་སྟེ་དྲུག |
| ས་གཤིས |
ས་ཤུན་གྱི་གྲུབ་ཆ་དང་གྲུབ་ཚུལ་གྱི་སྤྱི་མིང་། |
| ས་གས་ཉ་བ |
ཧོར་ཟླ་བཞི་པའི་ཚེས་བཅོ་ལྔ། |
| ས་གསུམ |
1 ས་བླ་དང༌། ས་སྟེང༌། ས་འོག་སྟེ་གསུམ། 2 ས་དང་པོ་དང༌། གཉིས་པ། གསུམ་པ་སྟེ་གསུམ། |
| ས་གེ་སོག་གེ |
འཛག་འཛོག་ལ་ལྟོས། |
| ས་གོང |
བོང་བའམ་ས་རྡོག་རྡོག ས་གོང་བརྡུངས་ནས་ས་ཞིང་བདེ་ཁོད་སྙོམས་པ། |
| ས་གོང་མ |
ས་འོག་མའི་ལྡོག་ཟླ། |
| ས་གྱོང |
1 ས་གཞི་རྩུབ་པོ། ས་གྱོང་རྐོ་ན་འཇོར་རྩེ་རྣོན་པོ་དགོས། 2 རླན་མེད་པའི་ས། ཆུ་རྐ་བཟོས་ནས་ཆུ་ཁྲིད་ན། ས་གྱོང་ཡིན་ཡང་སྐམ་མི་ནུས། |
| ས་གྲགས་གནམ་གྲགས |
གྲགས་པ་ཤིན་ཏུ་ཆེ་བ། མཚན་སྙན་ས་གྲགས་གནམ་གྲགས། |
| ས་གྲོགས་ཆུ |
འབྱུང་རྩིས་ལས་འབྱུང་བའི་དགྲ་གྲོགས་རྩི་ཚུལ་གྱི་ཡ་གྱལ། |
| ས་གླ |
ས་ཆ་གཡར་སྐབས་སྤྲོད་ལེན་བྱེད་པའི་གླ་ཆ། |
| ས་གླང |
1 ཧོར་ཟླ་དང་པོའི་དབུགས་ཐོབ་ཉིན་ས་གླང་གི་ཁ་དོག་སོགས་ལ་བརྟེན་ནས་ལོ་ཏོག་ལེགས་ཉེས་སོགས་བརྟག་ཐབས་མ་ཧཱ་ཙི་ནའི་ཡུལ་ནས་བྱུང་བའི་རྩིས་ཤིག་རྒྱ་ནག་གླང་རྩིས་ཀྱང་ཟེར། 2 ལོ་རྒན་དྲུག་ཅུའི་བྱེ་བྲག་ས་མོ་གླང་གི་ལོ། |
| ས་ངན |
1 ས་ཆ་གྱོང་པོའམ་རྩུབ་པོ། 2 ས་མིང་ཞིག་བོད་རང་སྐྱོང་ལྗོངས་ཀྱི་གོ་འཇོ་རྫོང་ཁོངས་སུ་ཡོད། |
| ས་ངོས |
ས་གཞིའི་སྟེང་ངོས། |
| ས་ཆ |
1ཡུལ་གྲུ་དང་མངའ་ཁོངས་ཀྱི་མིང་སྟེ། ཁྱོད་ས་ཆ་གང་ནས་འོངས། བོད་ཀྱི་ས་ཆ་ཕྱི་གླིང་གི་ས་ཆ་ཞེས་པ་ལྟ་བུ། 2རྩིག་ལས་སོགས་ཀྱི་གནས་ངེས་ཅན་གྱི་མིང་སྟེ། ཁང་བ་ལས་སའི་ས་ཆ་ཞེས་པ་ལྟ་བུ། |
| ས་ཆགས་ཡུལ་འདྲིས |
ལུང་པ་དེར་ཡུན་རིང་བསྡད་ནས་རྒྱུས་མངའ་ཆེ་བ། |
| ས་ཆུ |
ས་གཞིའི་སྟེང་ངོས་སུ་ཡོད་པའི་ས་དང་ཆུ། ས་ཆུ་ཤོར་བ། ས་ཆུ་སྲུང་འཛིན། ས་ཆུ་མི་འཕྲོད་པ། |
| ས་ཆུ་མེ་རླུང |
འབྱུང་བ་བཞི། |
| ས་ཆེན་པོ |
1 འཇིག་རྟེན་གྱི་ས་གཞི། 2 དག་པ་ས་གསུམ། |
| ས་ཆེམ་ཆེམ |
ས་གཡོ་དྲུག་གི་ཡ་གྱལ་ཞིག |
| ས་ཆོག |
དགོན་པ་སོགས་འདེབས་རུང་བའི་ས་ཡི་ཆོ་ག། |
| ས་ཆོད |
ས་ཕྱོད་ཀྱང་ཟེར། ཐོན་སླེབས་ཆེ་ཆུང་གི་ནུས་ཤུགས། ལུས་སེམས་ཀྱི་ནུས་པར་དཔགས་ན་ལས་ཀའི་ས་ཆོད་ཆེན་པོ་ཡིན་པར་བརྩིས་ཆོག |
| ས་ཆོད་པ |
བགྲོད་ཐུབ་པའམ་སླེབས་ཐུབ་པ། ལམ་ཐག་རིང་ཡང་ས་ཆོད་ཐུབ་པ། རྟ་ཕོ་འགྲོས་མ་ས་ཆོད་ཆེ། ཆུ་ཚོད་ཕྱེད་ཀའི་རིང་བང་རྩལ་རྒྱུགས་པས་ལེ་དབར་ལྔ་ཡིས་ས་ཆོད་པ། |
| ས་ཉམས |
1 ས་བཅུད་ཉམས་པ། 2 ཡུལ་ལུང་གི་ཆགས་དབྱིབས། ས་ཉམས་དཔྱོད་པ། |
| ས་ཉལ |
1 ཉམས་ཚོད། གཞན་ཕྱོགས་ཀྱི་ས་ཉལ་ཡོད་པའི་དོགས་གནས། 2 མངོན མ་ཧེ། |
| ས་ཉིལ་ཆུ་ཤོར |
ས་ཉིལ་བ་དང་ཆུ་གཞན་དུ་རྒྱུགས་པ། |
| ས་ཉུང་ཟད་ཅིག |
1 ས་ཆ་རྒྱ་ཆུང་ངུ། 2 ས་ཉུང་ཉུང་སྤར་གང་སྤར་དོ་སོགས། |
| ས་ཉོར |
ས་སོབ་སོབ། ས་ཉོར་ཞིང་ཁ་རྨོ་སླ་བ། |
| ས་ཐང |
ས་ཁོད་སྙོམས་པའི་ཐང༌། ས་ཐང་ཡངས་པར་རྟ་བཟང་འགྲོས་བཏང་བ། |
| ས་ཐམ |
འཇང་རིགས་རང་སྐྱོང་རྫོང་ཞིག་ཡུན་ནན་ཞིང་ཆེན་གྱི་ནུབ་བྱང་ངོས་སུ་ཡོད། |
| ས་ཐམས |
སའི་དོང༌། |
| ས་ཐར་མ |
ཡུལ ས་ནད་ན་སྟེ་མ་ཤི་བར་དྲག་པའི་མི་ཕྱུགས། |
| ས་ཐལ |
ས་རྡུལ། ས་ཐལ་ཆགས་པ་རྣམས་གད་བདར་གཙང་མ་བརྒྱབ་པ། |
| ས་ཐེ་འཛུགས་པ |
སར་ཏི་འཛུགས་པ་དང་དོན་གཅིག་ |
| ས་ཐོག་སྐྱེལ་འདྲེན |
སྐམ་སའི་ཐོག་ཏུ་དངོས་རིགས་ཕར་སྐྱེལ་ཚུར་འདྲེན། |
| ས་དཀར |
1 དཀར་རག གྱང་ལྡེབས་ལ་ས་དཀར་བྱུག་པ། 2 ས་རྩི་དཀར་པོ་སྟེ་རྡོ་སྨན་ཞིག |
| ས་དཀར་འུ་ལག |
སྔར་བོད་ས་གནས་སྲིད་གཞུང་སྐབས། རྩེ་ཕོ་བྲང་གིས་གཙོས་གཞུང་ཁང་ཁག་ལ་ས་དཀར་གསོལ་སྐབས་བསྐུལ་བའི་འུ་ལག |
| ས་དཀོར་ཟུག་པ |
ས་བེད་ཧ་ཅང་སྤྱད་དྲགས་པའི་ལ་ཡོགས་སམ་རྣམ་སྨིན་འཁོར་བ། |
| ས་དགའ |
1 རྫོང་ཞིག་བོད་རང་སྐྱོང་ལྗོངས་ཀྱི་ལྷོ་ནུབ་རྒྱུད་དང་ཡར་ཀླུངས་གཙང་པོའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་སྐྱ་སྐྱ་རུ་ཡོད། 2 མངོན མེ་ཏོག་ཀུ་མུ་ད། |
| ས་དགྲ |
1 གྲོང་ཁྱིམ་སོགས་ལ་གནོད་པ་བྱེད་ཟེར་བའི་ས་དཔྱད་ངན་པ། 2 འབྱུང་ཁམས་དགྲ་གྲོགས་ཀྱི་ནང་ཚན་ས་དགྲ་ཤིང༌། |
| ས་དགྲ་ཤིང |
འབྱུང་རྩིས་ལས་འབྱུང་བའི་དགྲ་གྲོགས་རྩི་ཚུལ་གྱི་ཡ་གྱལ། |
| ས་དགྲ་སྲིན་མོ་གནོན་བྱེད་ཀྱི་ལྷ་ཁང |
བོད་རྗེ་སྲོང་བཙན་སྒམ་པོའི་སྐབས་བོད་ཆགས་ཡུལ་གྱི་ས་དགྲ་སྲིན་མོ་གན་རྒྱལ་དུ་འགྱེལ་བ་ལྟ་བུ་དེའི་དཔུང་མགོ་དང་དཔྱི་མགོ་གནོན་པར་བྱེད་པ་ལ། གཡོན་རུ་ཁྲ་འབྲུག་གཡས་རུ་གཙང་འགྲམ། སྦུས་རུ་བཀའ་ཚལ། རུ་ལག་གྲུམ་པ་རྒྱང་གི་ལྷ་ཁང་སྟེ། མཐའ་འདུལ་གྱི་ལྷ་ཁང་བཞི། དེའི་གྲུ་མོ་དང་པུས་མོ་གནོན་པར་བྱེད་པ་ལ་ཀོང་པོ་བུ་ཆུ། ལྷོ་བྲག་མཁོ་མཐིང༌། བྱམས་སྤྲིན་དགེ་རྒྱས། བྱང་པྲ་དུམ་རྩེ་སྟེ་ཡང་འདུལ་གྱི་ལྷ་ཁང་བཞི། ལག་མཐིལ་རྐང་མཐིལ་གནོན་པར་བྱེད་པ་ལ། ཁམས་ཀློང་ཐང་སྒྲོལ་མ། སྤ་གྲོ་སྐྱེ་ཆུ། ཚལ་རིགས་ཤེས་རབ་སྒྲོལ་མ། ཚངས་པ་རླུང་གནོན་ཏེ། རུ་གནོན་གྱི་ལྷ་ཁང་བཞི་རྣམས་བརྩིགས་པར་གྲགས། |
| ས་དཔྱད |
1 ས་ཆའི་བཀོད་པའི་མཚན་རྟགས། 2 ས་ཆའི་བཀོད་པ་ལེགས་ཉེས་བརྟག་དཔྱད་བྱེད་ཚུལ། 3 ས་ཆའི་བཀོད་པ་བརྟག་དཔྱད་ཀྱི་དཔེ་ཆ། 1དགྲ་དམག་གི་གནས་ཚུལ་སོགས་ལ་ལྟ་དཔྱོད་བྱེད་པའི་དམག་དོན་གྱི་བྱ་བའི་མིང་སྟེ། སོ་པ་དང་ས་དཔྱད་སྒྲིམས་ལྟ་བུ། 2དུར་ས་དང་ཁང་ས་སོགས་ས་ཆུའི་བཟང་ངན་དཔྱད་པའི་རིག་ཚན་ཞིག་གི་མིང་། |
| ས་དབང |
1 ས་ལ་དབང་བའི་རྒྱལ་པོ་དང་བློན་པོ། 2 སྔར་བོད་ཀྱི་བཀའ་བློན་ལ་འབོད་པའི་ཞེ་མིང༌། |
| ས་དབྱིབས |
ས་ངོས་ཀྱི་དབྱིབས་ཏེ། སྤྱིར་བཏང་དུ་ས་དབྱིབས་ལ་ཐང་དང་རི། དེའུ་འབུར་ཅན། གཞོང་། སྒང་བཅས་ཡོད། |
| ས་དམ |
འཇང་ས་དམ་གྱི་བསྡུས་མིང༌། |
| ས་དམར |
ས་ཚོན་བཙག་དམར། |
| ས་དམིགས |
1 སའི་འགག་མདོའམ་ས་གནད། ས་དམིགས་འགའི་མདོ་ལ་སོ་ཁང་བཙུགས། 2 ས་དཔྱད་ཀྱི་དམིགས། |
| ས་དུག |
ས་བཞའ་ཚན་ཅན་གྱི་རླངས་པ། དབྱི་ལྤགས་ཀྱི་གདན་བཏིང་ན་ས་དུག་ཁོག་ཟེར་སྲོལ་འདུག |
| ས་དུལ་མ |
ཞིང་ས་དུལ་པོ། |
| ས་དོ |
རས་ཕད། རེ་ཕད། ཀོ་རྐྱལ་སོགས་ལ་བླུགས་པའི་སའི་དོ་པོ། གཡག་ལ་ས་དོ་འགེལ་བ། |
| ས་དོང |
སའི་སྦུབས་དོང༌། |
| ས་དྲག |
རྗེས་འཇུག་ག་ང་བ་མའི་རྗེས་སུ་འཇུག་པའི་ཡང་འཇུག་ས་མཐའ། ས ས ས་ |
| ས་དྲི་ཨེ་སང |
བོན་པོའི་ཡུམ་ཆེན་པོའི་མིང༌། |
| ས་དྲེག |
1 ས་གཞི་བ་ཚྭ་ཅན་ལ་ཆགས་པའི་ཚི་སྨུག་ཤིག་གེ་བ། 2 བསྐལ་པ་དང་པོའི་དུས་ཀྱི་ས་ཞག་མངར་པོ། |
| ས་དྲོད |
ས་གཞིར་འཁོར་བའི་དྲོ་ཤུགས། ས་དྲོད་སླེབས་ནས་ས་འབོལ་པོ་ཆགས་པ། |
| ས་ནད |
ས་སྐྱོན་ཏེ། ཕྱུགས་སམ་མིའི་འགོ་ནད་ཚབས་ཆེན་ཞིག |
| ས་པ |
ཏིང་ངེ་འཛིན་གྱི་ཡོན་ཏན་ལྡན་པའི་ལྷ་དང་མི། |
| ས་པཎ |
ས་སྐྱ་པཎྜི་ཏའི་བསྡུས་མཚན། |
| ས་པཎ་མཁས་འཇུག |
འཆད་རྩོད་རྩོམ་གསུམ་གྱི་རྣམ་གཞག་གསལ་བར་སྟོན་པའི་གཞུང་འདི། དུས་རབས་བཅུ་གསུམ་པར་ས་སྐྱ་པཎྜི་ཏ་ཀུན་དགའ་རྒྱལ་མཚན་གྱིས་མཛད་པའོ། |
| ས་པྲ |
ས་ལ་བརྟེན་ནས་ཕབ་པའི་པྲ་མོ། |
| ས་ཕག |
1 འདམ་བག་གིས་བཟོས་པའི་ཕ་གུ། 2 ས་མོ་ཕག་གི་ལོ་ཁམས། |
| ས་ཕུག |
སའི་ཕུག་པ། |
| ས་ཕོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་སུ་ཕྱེ་བའི་ཡ་གྱལ་ཞིག |
| ས་ཕྱོགས |
ལུང་པའི་ཁ་ཕྱོགས་སམ་ཡུལ་ཕྱོགས། |
| ས་ཕྱོད |
ས་ཆོད་དང་འདྲ། |
| ས་བ་ཀ |
ལེགས ལྷའི་ཆུ་བོ། |
| ས་བཀྲ |
1 ས་ཆའི་དཔེ་རིས། ས་བཀྲ་འདེབས་པ། ས་བཀྲའི་རིས་བཤད། ཀྲུང་གོའི་ས་བཀྲ། འཛམ་གླིང་གི་ས་བཀྲ། 2 ས་བཟང་ངན་གྱི་རྟགས་མཚན། |
| ས་བཀྲེན་པོ |
ས་གཞི་རྩུབ་པོའམ་རྩྭ་ཆུ་སོགས་མེད་པའི་ས། ས་བཀྲེན་པོ་ཟེར་ནས་མ་སྨོད་དང༌། ས་འོག་ལ་གཏེར་རྫས་མང་པོ་ཡོད། |
| ས་བཅད |
གཞུང་ཚིག་གི་སྡོམ་དང་ལས་དོན་གྱི་གོ་རིམ། དཔེ་ཆ་འདི་ལ་ས་བཅད་ཆེན་པོ་ལྔ་ཡོད། ས་བཅད་མ་སྟོངས་ཙམ། |
| ས་བཅད་རྣམ་འབྱེད་ཀྱི་ཆིངས |
ཆིངས་ལྔའི་ཡ་གྱལ་ཞིག་སྟེ། གཞུང་དོན་གྱི་ལེའུ་གོང་འོག་རྣམ་པར་འབྱེད་པའི་ས་བཅད། |
| ས་བཅུ |
1 བྱང་ཆུབ་སེམས་དཔའི་ས་བཅུ་སྟེ། དང་པོ་རབ་ཏུ་དགའ་བ་དང༌། གཉིས་པ་དྲི་མ་མེད་པ། གསུམ་པ་འོད་བྱེད་པ། བཞི་པ་འོད་འཕྲོ་བ། ལྔ་པ་སྦྱང་དཀའ་བ། དྲུག་པ་མངོན་དུ་གྱུར་པ། བདུན་པ་རིང་དུ་སོང་བ། བརྒྱད་པ་མི་གཡོ་བ། དགུ་པ་ལེགས་པའི་བློ་གྲོས། བཅུ་པ་ཆོས་ཀྱི་སྤྲིན་རྣམས་སོ། 2 ཨ་ནུ་ཡོ་གའི་ཐུན་མིན་གྱི་བཤད་སྲོལ་ལྟར་ཚོགས་ལམ་སྐབས་ཀྱི་ས་བཅུ་སྟེ་དང་པོ་འགྱུར་བ་མ་ངེས་པའི་ས་དང༌། གཉིས་པ་བརྟེན་པ་གཞིའི་ས། གསུམ་པ་གལ་ཆེན་སྦྱོང་བའི་ས། བཞི་པ་བསླབ་པ་རྒྱུན་གྱི་ས། ལྔ་པ་བསོད་ནམས་རྟེན་གྱི་ས། དྲུག་པ་བརྟན་པ་ཁྱད་པར་དུ་འགྲོ་བའི་ས། བདུན་པ་དམིགས་འབྲས་སྐྱེ་བའི་ས། བརྒྱད་པ་གནས་པ་མི་འགྱུར་བའི་ས། དགུ་པ་གདལ་བ་ཆོས་ཉིད་ཀྱི་ས། བཅུ་པ་རྫོགས་པ་སྤྱི་ཆིབས་ཀྱི་ས་སྟེ་བཅུའོ། |
| ས་བཅུ་དབང་ཕྱུག |
1 རྗེ་བཙུན་བྱམས་པ། 2 ས་བཅུ་ཐོབ་ཚར་བའི་བྱང་ཆུབ་སེམས་དཔའ། |
| ས་བཅུ་བཞི |
མོས་སྤྱོད་དང༌། རབ་ཏུ་དགའ་བ་ནས་ཆོས་ཀྱི་སྤྲིན་གྱི་བར་དང༌། དཔེ་མེད་དང༌། ཡེ་ཤེས་ལྡན་དང༌། ཀུན་ཏུ་འོད་རྡོ་རྗེའི་ས་སྟེ་བཅུ་བཞིའོ། |
| ས་བཅུ་ལ་གནས་པའི་དཔའ་བོ |
བྱང་སེམས་ས་བཅུ་པ་བ། |
| ས་བཅུད |
1 སའི་ནུས་པའམ་སྟོབས། 2 ཆུ། 3 ས་ཞག |
| ས་བཅུད་བུམ་པ |
ས་གནད་ཀྱི་གཡང་བཅུད་གསོ་བའི་གཏེར་བུམ། |
| ས་བཅུད་སེར་པོ |
མངོན མུ་ཟི། |
| ས་བདག |
1 ཡུལ་གྱི་རྒྱལ་པོ། 2 ས་ཞིང་བདག་པོ། 3 ས་བདག་ཟེར་བའི་མི་མ་ཡིན། |
| ས་བདག་ཀླུ |
ས་ལ་གནས་པའི་མི་མིན་ཞིག |
| ས་བདག་ཁྱིམ |
མངོན རྒྱལ་པོའི་ཕོ་བྲང༌། |
| ས་བདག་གཏད་དཀྲུག |
རང་ལ་མི་དགའ་བའི་མི་གཞན་གྱིས་མནན་གཏད་བྱས་པ་འདོན་བྱེད་དམ། དཀྲུག་བྱེད་ཀྱི་ཆོ་ག་ཞིག |
| ས་བདག་གདོན་འགྲོལ |
མཛེ་ནད་སོགས་ཀླུ་གདོན་གྱི་ནད་ཀྱིས་བཅིངས་པ་འགྲོལ་བྱེད་ཀྱི་ཆོ་ག་ཞིག |
| ས་བདག་བཅོས་པ |
ས་བདག་གདུག་པ་ཅན་གྱི་གནོད་སེལ་གཏོ་བཅོས་བྱེད་པ། |
| ས་བདག་འཁྲུགས་མདོས |
ས་བདག་མི་མ་ཡིན་འཁྲུགས་སེལ་གྱི་མདོས། |
| ས་བབ |
ས་ངོས་འབུར་གཞོང་གི་རྣམ་པའི་མིང་སྟེ། ས་བབ་ཧ་ཅང་བཙན། ས་བབ་བདེ་ཞིང་སྙོམ། ས་བབ་ལྟར་ཁང་བ་བརྒྱབ་ལྟ་བུ། |
| ས་བཙོག |
ས་ནད། |
| ས་བཞུ |
ས་སྣུམ་གྱི་བཞུ་མར། |
| ས་བཟང |
1 ས་ཆ་ཡག་པོ། 2 རྒྱལ་རིགས། 3 ལོ་ཙཱ་བ་མ་ཏི་པཎ་ཆེན་སྡོད་སའི་ཡུལ། |
| ས་བརྟག་པ |
སའི་ཆོ་གའི་ནང་གསེས་ཤིག་སྟེ། ཕྱོགས་དང༌། ཁ་དོག་དང༌། མཚན་ཉིད་དང༌། ས་དང༌། ཆུའི་སྒོ་ནས་བརྟག་པ། |
| ས་བརྟོལ |
མངོན 1 དཔག་བསམ་གྱི་ཤིང༌། 2 ལྷ་སྤྱིའི་མིང༌། |
| ས་བཤད་རྡོ་བཤད |
དགོས་མེད་ཀྱི་གཏམ་གང་བྱུང་དུ་བཤད་པའི་དཔེ། |
| ས་བསྲུང་བ |
ས་ཆོག་གི་ནང་གསེས་ཤིག་སྟེ། རྡོ་རྗེ་ཕུར་བུ་བསྐྱེད་ལ་བཀའ་བསྒོ་མི་ཉན་པར་གེགས་བྱེད་པའི་བགེགས་རྣམས་བཀུག་སྟེ་དེ་དག་ལ་ཕུར་བུས་གདབ་པ་དང་ཕྱིས་བགེགས་མི་འཇུག་པའི་ཕྱིར་སྲུང་འཁོར་བསྒོམས་ཏེ་བྱིན་གྱིས་བརླབས་པ་རྣམས་སོ། |
| ས་བུ་ལྕགས |
འབྱུང་རྩིས་ལས་འབྱུང་བའི་དགྲ་གྲོགས་རྩི་ཚུལ་ཞིག |
| ས་བུག |
ས་དོང་ངམ་ས་ཡི་བུ་ག། |
| ས་བེ་སིབ་བེ |
སབ་སིབ་ལ་ལྟོས། |
| ས་བེ་སོབ་བེ |
སབ་སོབ་ལ་ལྟོས། |
| ས་བོགས |
ས་ཞིང་དབང་བའི་དབང་ཆར་བརྟེན་ནས་ཐོབ་པའི་ཡོང་སྒོའི་མིང་སྟེ། ཐོང་ག་དང་དོན་འདྲ། བཀས་བཀོད་རྒྱུད་འཛིན་གྱི་ལུགས་སྲོལ་ལ། ས་བོགས་ནི་ཞིང་བདག་གིས་ཞིང་པར་དངོས་སུ་བཤུ་གཞོག་བྱས་ནས་ཐོབ་པ་ཡིན་ཞིང་། མ་རྩ་རིང་ལུགས་ཀྱི་བདག་གཉེར་བྱེད་ཚུལ་ལ། ས་ཞིང་གི་བདག་པོས་ཞིང་ལས་མ་རྩ་ཅན་ལ་རང་གི་ས་ཞིང་ཐོང་གར་སྤྲད་དེ། ཞིང་ལས་མ་རྩ་ཅན་གྱིས་ཞིང་ལས་ཀྱི་ཁེ་སྤོགས་ཆ་སྙོམ་བྱས་པ་ལས་འདས་པའི་རིན་ཐང་ལྷག་མ་དེ་ས་བོགས་སུ་བྱས་ནས་ས་ཞིང་གི་བདག་པོར་སྤྲོད་ཀྱིན་ཡོད། |
| ས་བོན |
བསྡུས་ནས་སོན་དུ་འབྲི། 1 མྱུ་གུ་སྐྱེ་བའི་རྒྱུ། གྲོའི་ས་བོན། རྩྭའི་ས་བོན། ཤིང་སོན། ས་བོན་གཤོ་འདེབས། སོན་བཙུགས་པ། ས་བོན་གྲུང་པོ། སོན་བཟང༌། ས་བོན་ནམ་དུས་དཔྱིད་ལ་འདེབས། མ་ཐེབས་སྟོན་གྱི་དུས་ན་འགྱོད། 2 ཁུ་བའམ་ཐིག་ལེ། ས་བོན་འཛག་པ། 3 ཟིན་བྲིས་སམ། འཆར་གཞི། སྙན་ཞུའི་ས་བོན། ཐུག་བརྟག་གི་ས་བོན། ས་བོན་ལ་མཆན་རྒྱག་པ། |
| ས་བོན་གྱི་གྲོང་ཁྱེར |
མངོན དཔག་བསམ་ཤིང་གི་འབྲས་བུ། |
| ས་བོན་གྱིས་འཆི |
མངོན སྨྱུག་མ། |
| ས་བོན་ཅན |
མངོན ཀུན་གཞིའི་རྣམ་པར་ཤེས་པ། |
| ས་བོན་མཛོད |
མངོན པདྨའི་ལྟེ་བ། |
| ས་བོན་འཛག་པ |
1 ལུས་ཀྱི་ཁུ་བ་འཛག་པ། 2 གྲང་བའི་ནད་ཀྱིས་ཁུ་བ་འཛག་པ། |
| ས་བོན་ལས་བྱུང |
མངོན རུས་རྒྱུད། |
| ས་བོན་ལྔ |
རྩ་བའི་ས་བོན་ཏེ་ཀུ་ཤུ་དང་ལི་སོགས་དང༌། སྡོང་པོའི་ས་བོན་ཏེ་ལྕང་མ་དང་སྦྱར་པ་སོགས། ཐོག་གུའི་ས་བོན་ཏེ། ཁམ་བུ་སོགས། འགས་པའི་ས་བོན་ཏེ་ཞོ་ཁོག་སོགས། ས་བོན་གྱི་ས་བོན་ཏེ་འབྲུ་དང་གྲོ་སོགས། |
| ས་བོན་སོགས་ཀྱི་སྡེ་ཚན་བཅུ |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བཅུ་ཚན་གཉིས་པ་ས་བོན་གྱི་སྡེ་ཚན་ལ་སྐྱེ་བ་གཅོད་པའི་ལྟུང་བྱེད་དང༌། འཕྱ་བའི་ལྟུང་བྱེད་དང༌། བསྒོ་བ་རྣར་གཟོན་པའི་ལྟུང་བྱེད་དང༌། གནས་མལ་གྱི་ལྟུང་བྱེད་དང༌། གདིང་བའི་ལྟུང་བྱེད་དང༌། སྐྲོད་པའི་ལྟུང་བྱེད་དང༌། ཕྱིས་གནོན་བྱེད་པའི་ལྟུང་བྱེད་དང༌། བུག་པ་དབྱུང་བའི་ལྟུང་བྱེད་དང༌། སྲོག་ཆགས་ལྡན་པར་འདེབས་པའི་ལྟུང་བྱེད་དང༌། རིམ་པ་ལྷག་པོ་བརྩིགས་པའི་ལྟུང་བྱེད་དེ་བཅུའོ། |
| ས་བོན་སྐྲན |
སྐྱེས་པའི་ས་བོན་བུ་མ་ཆགས་ཀྱང་ཕྱིར་མ་འཛགས་པར་མངལ་དུ་འདྲིལ་ནས་སྐྲན་དུ་གྱུར་པའི་མོ་ནད་ཅིག |
| ས་བོན་སྟོབས |
མངོན ཁུ་བའི་མིང༌། |
| ས་བྱི |
1 ས་ཕོ་བྱི་བའི་ལོ། 2 ས་གཞི་ཧྲུལ་པོར་གཏོང་བའི་བྱི་བའི་རིགས་ཤིག |
| ས་བྱུང |
མངོན གཟའ་མིག་དམར། |
| ས་བླ |
1 ས་ལས་འཕགས་པའམ་ས་དང་མ་འབྲེལ་བའི་བར་སྣང༌། ས་གསུམ་གྱི་ཡ་གྱལ་ཞིག 2 མངོན 1)མཐོ་རིས། 2)ལྷ་ཡུལ། |
| ས་བླ་གནས་པ |
འདོད་ལྷ་རིས་དྲུག་གི་ཡ་གྱལ་ཞིག |
| ས་བླའི་འཇིག་རྟེན |
མངོན ལྷ་གནས་སྤྱིའི་མིང༌། |
| ས་མ་མེ |
འབྱུང་རྩིས་ལས་འབྱུང་བའི་དགྲ་གྲོགས་རྩི་ཚུལ་ཞིག |
| ས་མ་འགག |
ཡུལ ས་ནད་དང་འགག་ནད་འདྲེས་པའི་ཕྱུགས་ཀྱི་ནད་ཚབས་ཆེན་ཞིག |
| ས་མ་འབྲོག |
ཞིང་འབྲོག་གཉིས་ཀ་གཉེར་བའི་ས་ཁུལ། |
| ས་མ་རྡོ |
1 ས་རྡོ་འདྲེས་པ། ས་མ་རྡོ་ཡི་ཞིང་ལས་རྡོ་ཧྲུག་སེལ་བ། 2 མཁྲེགས་པོ་མིན་པའི་རྡོ་ཡི་རིགས་ཤིག ས་མ་རྡོ་ལ་རི་མོ་སྣ་ཚོགས་རྐོ་བ། |
| ས་མཁན |
1 ལམ་རྒྱུས་སྟོན་མཁན། 2 ས་ལྟས་བཟང་ངན་དཔྱད་མཁན། |
| ས་མཁར |
ས་རྡོ་ལས་བྱས་པའི་མཁར་རྫོང་ངམ་ཁང་པ། |
| ས་མགོ |
ཡི་གེའི་མགོ་ཅན་གསུམ་གྱི་གྲས། ས་ |
| ས་མང |
སེམས་བྱུང་སྐབས་ཀྱི་ས་མང་སྟེ། སེམས་བྱུང་རྣམས་གང་དང་གང་གི་རྗེས་སུ་འགྲོ་བའམ་འཁོར་དུ་གཏོགས་པའི་སྡེ་ཚན། |
| ས་མང་ལྔ |
སེམས་ཀྱི་ས་མང་དང༌། དགེ་བའི་ས་མང༌། ཉོན་མོངས་པའི་ས་མང༌། མི་དགེ་བའི་ས་མང༌། ཉོན་མོངས་ཆུང་ངུའི་ས་མང་རྣམས། |
| ས་མཆོག |
1 ས་རྒྱུ་བཟང་པོ། 2 མངོན ཙན་དན་དཀར་པོ། |
| ས་མཆོག་མ |
མངོན རྒྱ་མཚོ། |
| ས་མཆོག་ཙན་དན |
མངོན ཙན་དན་དཀར་པོ། |
| ས་མཆོང་གནམ་མཆོང |
ལམ་ལ་མི་ལྟ་བར་རང་དགར་མཆོང་རྒྱག་བྱེད་པ། |
| ས་མཆོད་མ |
མངོན རྒྱ་མཚོ། |
| ས་མཐའ |
1 གཞན་ཡུལ། 2 དབུས་ལས་ལྡོག་པའི་ས་མཐའ། ས་མཐའི་ལུང་ཀྱོག 3 རྗེས་འཇུག་ག་ང་བ་མའི་རྗེས་སུ་འཇུག་པའི་ཡང་འཇུག་ས་དྲག ས་ |
| ས་མཐིལ |
ས་ཆའི་དབུས་སམ་ས་ཡུལ་གནད་ཆེ་ས། |
| ས་མཐོ |
ས་ཆ་སྒང་མཐོ། |
| ས་མཐོངས |
སའི་བུ་གའམ་སའི་སྲུབས་ཁ་ཆེ་བ་ཞིག |
| ས་མདའ |
བྱི་ལོང་དང་རི་དྭགས་སོགས་གསོད་བྱེད་ཀྱི་རྒྱ་རྙི་མདའ་གཞུ་ཅན་ཞིག་གི་མིང་། |
| ས་མདའ་བོན་དགོན |
བར་ཁམས་ཁུལ་གྱི་བོན་པོའི་དགོན་པ་ཞིག |
| ས་མཚམས |
1 ས་ཆའི་མཐའ་མཚམས། ས་མཚམས་འགོག་སྲུང༌། ས་མཚམས་བརྒལ་བ། ས་མཚམས་བྱ་ར་བྱེད་པ། ས་མཚམས་དབྱེ་འབྱེད། ས་མཚམས་འབྲེལ་བ། 2 ས་ལམ་གྱི་ཐོབ་མཚམས། |
| ས་མཚུར |
ཚོས་དང་ཚོས་གདན་བྱེད་རྒྱུའི་ས། |
| ས་མལ |
ས་བརྐོས་པའི་ཤུལ། ས་ས་མལ་དང༌། རྡོ་རྡོ་མལ་དུ་སྐྱེལ་དགོས། |
| ས་མི་གཡོ་བ |
1 ས་གཞི་བརྟན་པ། 2 བྱང་སེམས་ཀྱི་ས་བརྒྱད་པ། |
| ས་མི་ཆོད |
ས་ལམ་མི་བགྲོད་པ། ཞ་བོས་བཤུལ་ཐག་རིང་པོའི་ས་མི་ཆོད། |
| ས་མིག |
ས་དམིགས་དང་འདྲ། |
| ས་མུག |
ཁང་པའི་གྱང་སོགས་ལོ་མང་སོང་ནས་རང་བཞིན་དུ་དུལ་འགྲོ་བ། |
| ས་མེ་སུམ་མེ |
སམ་སུམ་ལ་ལྟོས། |
| ས་མོ |
འབྱུང་ཁམས་ལྔ་པོ་རེ་རེར་ཕོ་མོ་གཉིས་གཉིས་སུ་ཕྱེ་བའི་ཡ་གྱལ་ཞིག |
| ས་མོ་ཕག |
ལོ་རྒན་དྲུག་ཅུའི་ཡ་གྱལ་ཞིག |
| ས་མོས |
མངོན མེ་ཏོག་ཀུ་མུ་ད། ཟླ་བ་ཤར་བ་དང་ཁ་ཕྱེ་ཞིང༌། ཉི་མ་ཤར་བ་དང་ཁ་ཟུམ་པའི་པད་མ་ཆུང་བ་ཞིག |
| ས་མོས་ཚལ |
མངོན ཀུ་མུ་དའི་ཚལ། |
| ས་མྱགས |
1 ས་སྨན་གྱི་རིགས་བྲག་གསེང་སོགས་སུ་ཆགས་པའི་ས་ཞག་ཁ་རྩི་ཆགས་པ་ཞིག་སྟེ། རོ་མངར། ཞུ་རྗེས་བསིལ། ནུས་པས་ཚ་བ་ལས་གྱུར་པའི་སྐྲངས་པ་འཇོམས། བྱིས་པའི་རྒྱུ་རྩི་སྲུང༌། དམར་བཤལ་གཅོད། 2 དབྱར་དུས་ཆུ་འཁྱིལ་ཤུལ་དུ་ཆགས་པའི་འདམ་ཚི། |
| ས་མྱོས |
མངོན 1 སྤྱང་ཀི། 2 ཝ། |
| ས་ཚན |
སའི་མཐུག་ཚད། ས་ཚན་ཆེ་ཆུང་ལ་གཞིགས་ཏེ་རྨོ་ལས་རྒྱག་པ། |
| ས་ཚི་ཅན |
འབྱར་ཚི་ཡོད་པའི་ས་འཇམ། |
| ས་ཚིག |
ཡུལ ཐན་པ། སད་དང་ས་ཚིག་མ་བྱུང་བས་སྟོན་ཐོག་བཟང་པོ་བྱུང་བ། |
| ས་ཚིགས |
1 སྔར་གྱི་ཁྲལ་རྒྱུག་རྟ་ཁལ་སོགས་བརྗེ་མཚམས། 2 འགྲོ་ལམ་དུམ་བུར་བགོས་པའི་སྐྱེལ་མཚམས། |
| ས་ཚིགས་ཀྱི་ཁྲལ |
སྔར་བོད་ས་གནས་སྲིད་གཞུང་སྐབས་ཕྱི་ཁྲལ་གྱི་ཁོངས་ནས་ས་ཚིགས་ལ་མི་དང་ཅ་ལག་སྐྱེལ་བའི་ཁྲལ། |
| ས་ཚིགས་ཀྱི་སྒྲུབ་ཆ |
སྔར་བོད་ས་གནས་སྲིད་གཞུང་སྐབས་ས་ཚིགས་ལ་འཁྲི་བའི་ཁྲལ། |
| ས་ཚིགས་མི་ཧྲེང |
སྔར་ས་རྒྱུས་བྱེད་མཁན་ས་ཚིགས་སོ་སོས་བཏང་བའི་མི་ཧྲེང༌། |
| ས་ཚུགས |
ས་རིམ་གྱི་བབ་ཚུགས། འགྲུལ་ལམ་ས་ཚུགས། |
| ས་ཚུབ |
ས་ནས་ལངས་པའི་ཐལ་བ་དང་རླུང་ཚབ་ཚུབ། ས་ཚུབ་ཕྱུར་རེ་བ། |
| ས་ཚུར |
ས་མཚུར་དང་འདྲ། |
| ས་ཚོས |
ས་ཚོན་མདོག་སྣ་ཚོགས། |
| ས་ཞག |
1 ས་འཇམ་པོ་ཞིག 2 བསྐལ་པ་ཐོག་མའི་སྐབས་ཀྱི་ཟས་ཤིག 3 ཆུ་འཁྱིལ་ཤུལ་གྱི་འདམ་ཚི། |
| ས་ཞིང |
ས་སྦོལ་བའི་ཞིང་ཁ། ས་ཞིང་སྒེར་ལ་དབང་བ། ས་ཞིང་ཐ་རྒོད། ས་ཞིང་ཐ་བ་སྐྱ་ཆགས་སུ་ལུས་པ། ས་ཞིང་སྤྱི་ལ་དབང་བ། ས་ཞིང་བོགས་མར་གཏོང་བ། ས་ཞིང་བོགས་ལེན། ས་ཞིང་དབྱར་རེ་མོས་ཉལ་ལངས་བྱེད་པ། ས་ཞིང་གཤིན་པོ། |
| ས་ཞིང་བཅོས་བསྒྱུར |
བཀས་བཀོད་རྒྱུད་འཛིན་གྱི་ས་ཞིང་དབང་བའི་ལམ་ལུགས་བཅོས་བསྒྱུར་བྱེད་པའི་ལས་འགུལ་ལ་ཟེར། རང་རྒྱལ་གྱི་ས་ཞིང་བཅོས་བསྒྱུར་གྱི་ལས་འགུལ་ནི་ཀྲུང་གོ་གུང་ཁྲན་ཏང་གི་འགོ་ཁྲིད་འོག་ཞིང་པ་མང་ཚོགས་སྐུལ་སློང་བྱས་ནས་ས་བདག་གི་ས་ཞིང་དང་ཐོན་སྐྱེད་རྒྱུ་ཆས་གཞུང་བཞེས་བཏང་སྟེ་ས་ཞིང་མེད་པའམ་ཉུང་ངུ་ལས་མེད་པའི་ཞིང་པར་བགོ་འགྲེམས་བྱེད་པ་དེ་ཡིན། |
| ས་ཞིབ |
1 ས་རྒྱུ་ཞིབ་མོ། 2 ས་ཆ་ལ་ཞིབ་འཇུག་བྱེད་པ། |
| ས་ཞྭ |
ས་སྐྱའི་བླ་ཆེན་གྱི་དབུ་ཞྭའི་བྱེ་བྲག་ཅིག |
| ས་ཟད་རྡོ་ཐུག |
བྱེད་ཐབས་ཟད་པའི་དཔེ། |
| ས་ཟླ |
1 མངོན གསེར། 2 ས་ག་ཟླ་བའི་བསྡུས་ཚིག་ |
| ས་ཟླའི་བཅོ་ལྔ |
ས་ག་ཟླ་བའི་ཚེས་བཅོ་ལྔ་ལ་ཟེར་ཞིང་དེའི་ཉིན་ཤཱཀྱ་མུ་ནེ་ལྷུམས་སུ་ཞུགས་པ་དང༌། སངས་རྒྱས་པ། མྱ་ངན་ལས་འདས་པ་བཅས་ཀྱི་དུས་ཆེན་གསུམ་འཛོམས་ཡིན། |
| ས་ཟླའི་ལྷུན་པོ |
གསེར་རི། |
| ས་འཁྱག |
ས་འཁྱག་པས་བསྡམས་པ། |
| ས་འཁྲུ་བ |
རྙིང ཕག་ཉན་པའམ། བྱ་ར་བའམ། མེལ་ཚེ་བ། |
| ས་འཁྲུག |
ས་གཡོ་དྲུག་གི་ཡ་གྱལ་ཞིག |
| ས་འགག |
ཡས་མས་གང་རུང་དུ་འགྲོ་ཡང་ལམ་གཅིག་པོ་དེ་རང་མ་གཏོགས་མེད་པའམ། བསྐོར་ས་མེད་པའི་ལམ། |
| ས་འགུལ |
1སའི་གོ་ལའི་ནང་གི་འགྱུར་ལྡོག་གི་དབང་གིས་བྱུང་བའི་ས་ཤུན་གྱི་གཡོ་འགུལ་གྱི་མིང་སྟེ། ས་གཡོ་བ་ཡང་ཟེར། 2ཕྱིའི་རྐྱེན་གྱིས་ས་ངོས་གཡོ་འགུལ་བྱེད་པའི་དོན་ཏེ། མེ་སྒྱོགས་བརྒྱབ་ནས་ས་འགུལ་ལྟ་བུ། |
| ས་འགུལ་བ |
ས་གཡོ་དྲུག་གི་ཡ་གྱལ་ས་ཅུང་ཟད་གཡོ་བའོ། |
| ས་འགོ |
ཡུལ རྫོང་དཔོན། |
| ས་འཇུ |
ཡུལ སྦྲ་གུར་འབུབས་སྐབས་ས་ལ་སྦྱོར་བྱེད་ཀྱི་ཐག་པ། |
| ས་འཇོ |
མངོན 1 གློག 2 ཕག་པ། |
| ས་འཇོམས |
མངོན 1 ཤིང་ཡོངས་འདུ་ས་བརྟོལ། 2 རི་ཕག |
| ས་འདུལ |
གཙུག་ལག་ཁང་དང་ཁང་ཆེན་སོགས་བཞེངས་པའི་སྔོན་དུ་ས་གཞི་འདུལ་སྦྱོང་བྱེད་པའི་སྔགས་ཀྱི་ཆོ་ག་ཞིག |
| ས་འདོལ |
བྱེ་མ་དང་འདྲེས་པའི་ས་ཆ་འབོལ་པོ། |
| ས་འདོལ |
ས་ངོས་ཀྱི་བྱེ་མའི་རྣམ་པ་ཅན་གྱིས། |
| ས་འདྲེ་བ |
མངོན 1 རི་དྭགས། 2 རི་དྭགས་ཤ་བ། |
| ས་འདྲེས |
1 ལུང་པ་ཕན་ཚུན་ས་མཚམས་འདྲེས་པ། 2 མངོན རི་དྭགས། |
| ས་འཕང |
སའི་རྔམས་སམ་དཔགས་ཚད། |
| ས་འཕོས་པ |
1 སྡོད་ས་གནས་གཞན་དུ་སྤོས་ཏེ་འཕོས་པ། 2 ས་ལམ་རིམ་པ་འཕོས་པ། |
| ས་འབར་རྡོ་འབར |
བྱ་བ་གང་ཡང་རུང་བ་དེ་ཡར་རྒྱས་སམ་དར་སྤེལ་ཤུགས་ཆེན་བྱུང་བའི་དཔེ། |
| ས་འབུམ |
ཕུང་པོའམ་རུས་པ་བཅུག་པའི་སའི་ཁང་པའམ་མཆོད་རྟེན། |
| ས་འབུམ་མཆོད་རྟེན |
སྐུ་གདུང་སོགས་ཡོད་པའི་ས་ལས་བཟོས་པའི་མཆོད་རྟེན། |
| ས་འབུར |
ས་ཆ་རྡོག་རྡོག་དེའུ་ལྟ་བུ། |
| ས་འབུས་པ |
1 ས་ཁ་འབྱེ་བ། ཕ་བ་དགོ་དགོ་སྐྱེ་བར་ཉེ་སྐབས་ས་འབུར་འབུར་བྱས་ནས་འབུས་པ། དཔྱིད་དྲོད་ཀྱི་དབང་གིས་ས་འབུས་པ། 2 རྙིང 1)སྦྲང་མའི་ཚང༌། 2)ཚྭ་སྒོ་ཅན། |
| ས་འབྲས |
སྲ་འབྲས་དང་འདྲ། |
| ས་འབྲི |
1 ས་ཁ་བྲི་ནས་དམའ་རུ་སོང་བ། 2 ས་སྐྱ་དང་འབྲི་གུང་གི་བསྡུས་ཚིག |
| ས་འབྲི་ཀ་ཚལ |
ས་སྐྱ་དང༌། འབྲི་གུང༌། ཀར་ལུགས། ཚལ་པ་རྣམས་ཀྱི་བསྡུས་མིང༌། |
| ས་འབྲི་འཁྲུག་རྩོད |
རབ་བྱུང་ལྔ་པའི་ལྕགས་སྟག་ལོར་ས་འབྲི་ནང་འཁྲུག་པས་ས་སྐྱ་དཔོན་ཆེན་ཨག ༈ ལེན་གྱིས་སེ་ཆེན་རྒྱལ་པོ་ལ་འབྲི་གུང་གི་མགོ་གནོན་པའི་དམག་གཏོང་དགོས་ཚུལ་ཞུས་ནས་བོད་ཁྲི་སྐོར་དུ་མའི་དམག་འབྲི་གུང་དུ་དྲངས་ཏེ་འབྲི་གུང་མཐིལ་གྱི་ལྷ་ཁང་མེ་ལ་བསྲེགས་པ་སོགས་འབྲི་གུང་གླིང་ལོག་ཏུ་གྲགས་པ་དེ་བྱུང༌། |
| ས་འབྲེལ |
ས་ཆ་ཕན་ཚུན་མུ་འབྲེལ། |
| ས་འཚོ |
མངོན 1 དགང་གཟར་ཤིང༌། 2 རྒྱལ་པོ། 3 རྒྱལ་རིགས། |
| ས་འཚོ་འདབ |
མངོན བེ་ཏའི་ཤིང༌། |
| ས་འཛིན |
1 སྔར་རྒྱང་ཕུད་དུ་བཏང་སྟེ་ཁྲལ་རྟེན་ས་ཆ་འཛིན་དུ་བཅུག་པ། ས་འཛིན་དུ་བཏང་བ། 2 གླུ་དབྱངས་ངེས་པ་བདུན་གྱི་ཡ་གྱལ་ཞིག 3 མངོན 1)རྒྱལ་པོ། 2)ད་བྱིད། 3)ནུབ་ཀྱི་རི། 4)མེ་ཏོག་ཅིག 5)རི་སྤྱིའི་མིང༌། 6)རི་རབ་ཀྱི་མཐའ་སྐོར་དུ་གཉའ་ཤིང་འཛིན་དང༌། གཤོལ་མདའ་འཛིན། སེང་ལྡེང་ཅན། ལྟ་ན་སྡུག་རྟ་རྣ། རྣམ་འདུད། མུ་ཁྱུད་འཛིན་ཏེ་གསེར་གྱི་ས་འཛིན་བདུན་ཡོད་པས་གྲངས་བདུན་མཚོན། |
| ས་འཛིན་དཀར་པོ |
མངོན གངས་རི། |
| ས་འཛིན་དབང་པོ |
མངོན རི་རྒྱལ་ལྷུན་པོ། |
| ས་འཛིན་པ |
1 ཟློས་གར་མཁན་གྱི་རྣམ་གྲངས་གཅིག 2 མཆོར་སྒེག་ཅན། 3 ས་གནས་གཅིག་གི་ཁྲལ་སྡུད་མཁན། 4 ས་གནས་གཞན་ལ་རྒྱང་ཕུད་བཏང་བའི་མི། |
| ས་འཛིན་མ |
མངོན ཆུང་མ་གཉིས་པ། |
| ས་འཛིན་ཟ་ཕ |
ཁྲལ་པའི་ཁྱིམ་བདག |
| ས་འཛིན་འཇོམས |
མངོན ཁྱབ་འཇུག |
| ས་འཛིན་སྐྱེས |
མངོན ད་བྱིད། |
| ས་འུར་འུར |
ས་གཡོ་དྲུག་གི་ཡ་གྱལ་ཞིག |
| ས་འོག |
1 ས་གཞིའི་འོག ས་འོག་ལ་གཏེར་ཁ་ཕུན་སུམ་ཚོགས་པ་ཡོད། 2 ས་གསུམ་སྟེ་ཀླུའི་འཇིག་རྟེན། |
| ས་འོག་གནས |
མངོན ལྷ་མིན། |
| ས་འོག་གི་དངོས་གྲུབ |
ཐུན་མོང་གི་དངོས་གྲུབ་བརྒྱད་ཀྱི་ནང་གསེས། ས་འོག་གི་གཏེར་རམ་བུམ་པ་བཟང་པོ་བཏོན་ནས་སེམས་ཅན་རྣམས་ལ་ཅི་འདོད་སྟེར་ནུས་པ། |
| ས་འོག་ཆུ་འགྲོ |
སའི་འོག་ཏུ་འགྲོ་བའི་ཆུ་ལམ། |
| ས་འོག་དར་འཐག |
ལྐོག་གཡོ་ངན་གཤོམ་མམ་དྲན་འཕྲུལ། མི་ངན་དཔུང་བསྡེབས་ཀྱིས་ས་འོག་དར་འཐག་བྱེད་པ། |
| ས་འོག་མ |
ས་གོང་མའི་ལྡོག་ཟླ། |
| ས་འོག་འདམ་ལངས |
ས་འོག་གི་འདམ་རྫབ་ས་སྟེང་དུ་ཐོན་པ་སྟེ་ལྐོག་ཏུ་ཡོད་པའི་སྐྱོན་མངོན་གསལ་དུ་ཐོན་པའི་དཔེ། |
| ས་འོག་འཕྲེང་བ |
མངོན བ་བླ། |
| ས་འོག་འབར་མདེལ |
ས་འོག་ལ་སྦས་པའི་མེ་རྫས་འབར་བའི་མདེའུ། |
| ས་འོག་རིམ་པ་དགུ |
ས་ལྷ་བརྟན་མ། བླ་མགོན། སྟོང་གསུམ་རྒྱལ་བ། ས་སྲིན་དམར་པོ། རྗེ་ཁྲ་བོ། འགོག་ཆེན་དྲུག་འབུམ། སྣང་སེལ་མཆེད་དྲུག་བེ་སྣབས་རྒྱལ་བ། ཁྲིལ་ཁྲི་འབུམ་གྱི་གནས་རྣམས་ཡིན་ཞེས་ཟེར། |
| ས་འོག་སྒོམ་ཆེན |
མངོན རི་དྭགས་འཕྱི་བ། |
| ས་འོག་སྡེ |
ཀླུའི་གྲོང་ཁྱེར། |
| ས་ཡ |
འབུམ་བཅུ་ཐམ་པ། ས་ཡའི་ཟུར་གཅིག |
| ས་ཡི་གདུ་བུ |
མངོན མེ་ཏོག་ཨུཏྤལ་སྤྱིའི་མིང༌། |
| ས་ཡི་ཐིག་ལེ་འཛིན |
མངོན རྒྱལ་ཕྲན། |
| ས་ཡི་དབང་ཕྱུག |
1 རྒྱལ་པོ་དང་བློན་པོ། 2 མགོ་ཟླ་བ་སྟེ་ཧོར་ཟླ་བཅུ་གཅིག་པ། |
| ས་ཡི་ཕུར་བུ |
མངོན རི། |
| ས་ཡི་བརྒྱ་བྱིན |
མངོན རྒྱལ་པོ། |
| ས་ཡི་མཇུག་མ |
མངོན སྤྲེའུ། |
| ས་ཡི་མདོག |
1 སེར་པོ་དང་དཀར་པོ་འདྲེས་པའི་ཚོས་གཞི། 2 མངོན རི་དྭགས་ཤིག |
| ས་ཡི་མེ་ཏོག |
མངོན མུ་ཟི་སེར་པོ། |
| ས་ཡི་ཙན་དན |
མངོན ཙན་དན་དམར་པོ། |
| ས་ཡི་ཚངས་པ |
མངོན རྒྱལ་པོ། |
| ས་ཡི་ཟླ་བ |
མངོན གསེར། |
| ས་ཡི་འདབ |
མངོན རྩྭ་དུར་བ། |
| ས་ཡི་རྣ་བ |
མངོན རི། |
| ས་ཡི་ལས་བྱེད |
མངོན རྫ་མཁན། |
| ས་ཡི་ལྷ |
1 བྲམ་ཟེ། 2 ས་ལ་གནས་པའི་མི་མིན། |
| ས་ཡི་ལྷ་མོ |
ས་ལ་གནས་པའི་ལྷ་མོ་ཞིག་སྟེ་བསྟན་མ། |
| ས་ཡི་སྙིང་པོ |
1 མངོན 1)གསེར། 2)རྡོ་རྗེ་གདན། 2 བྱང་ཆུབ་སེམས་དཔའ་ཞིག |
| ས་ཡུལ |
ས་ཆ་དང་ཡུལ་ལུང་ཟེར་བའི་བསྡུས་ཚིག ས་ཡུལ་མཚམས་མེད། |
| ས་ཡོམ |
ས་གཡོ་བ། |
| ས་ཡོམ་ཡོམ |
ས་འགུལ་གྱིས་ས་གཞི་གཡོ་ཚུལ། |
| ས་ར |
ལེགས རྒྱ་མཚོའི་སྐད་དོད། མཁས་དབང་ས་རའི་བཞེད་པ། |
| ས་ར་ཧ |
སློབ་དཔོན་ཀླུ་སྒྲུབ་ཀྱི་བླ་མ་སྟེ་ཐེག་པ་ཆེན་པོ་གསང་སྔགས་ཀྱི་བསྟན་པ་གཙོ་བོར་སྤེལ་མཁན་རྒྱ་གར་གྱི་སློབ་དཔོན་ཞིག |
| ས་རང |
ལེགས གྲིའི་སྐད་དོད། |
| ས་རང་རོང |
ས་གཞི་ཆ་མི་སྙོམས་པའི་སྒང་གཤོང་ཅན། |
| ས་རབ |
ཞིང་ས་ཧ་ཅང་གཤིན་པོའམ་ཡག་པོ། |
| ས་རམ |
ས་ཞིང་གི་མུ་མཐའི་མིང་། |
| ས་རམ་རྩི |
ཟངས་གཡའ་སྔོན་པོའི་མིང་། |
| ས་རི |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་རླུང་གི་དབང་ཕྱུག་དང༌། རླུང་གི་ལྷ་མོ། སྭ་སྟི་བཅས་སོ། |
| ས་རི་ཛ་ཏི |
ལེགས བརྒྱ་བྱིན་གྱི་ནོར་བུ། |
| ས་རིགས |
1 སྔར་བོད་ས་གནས་སྲིད་གཞུང་སྐབས་དྲུང་འཁོར་གྱིས་གཞུང་སའི་ཞི་དྲག་ཞབས་འདེགས་སྒྲུབ་རྟེན་ཕ་གཞིས་ཀྱི་ས་ཆ། 2 ཞིང་ལས་བྱ་ཡུལ། ས་རིགས་འདེབས་འཁོས། |
| ས་རིམ |
ས་ཚུགས་རིམ་པ་ཁག ས་རིམ་ཁང༌། ས་རིམ་སྐྱེལ་གྱི་ཁྲལ། ཡི་གེ་འདི་རྣམས་ས་རིམ་བརྒྱུད་ནས་འཕྲལ་འཕྲལ་སྐྱེལ་བ། |
| ས་རིས |
1 རྩིས་གཞོང་གི་ས་ཐལ་ལ་བྲིས་པའི་ཨང་ཀི་དང་ཡི་གེ། 2 ས་ལ་བྲིས་པའི་རི་མོ། 3 ས་བཀྲ། 4 ས་ཆ། ས་རིས་བདག་ཐོབ། |
| ས་རིས་ཐང་གསལ |
སྐད་ཆ་གང་འདྲ་ཞིག་ཤོད་མིན་ལ་མ་ལྟོས་པར་རང་གིས་བྱས་པའི་བྱ་བ་རྣམས་མངོན་གསལ་དུ་ཡོད་པའི་དཔེ། |
| ས་རུད |
ས་ཉིལ་བ། |
| ས་རུབ |
1 ས་སྲིབ་ཁྱིའི་དུས་སུ་སླེབས་པ། 2 ཉི་མ་ནུབ་པ། ནམ་མ་ལངས་ན་ཉི་མ་མི་འཆར། ས་མ་རུབ་ན་མུན་པ་མི་འཐིབས། |
| ས་རུས |
1 ས་གཤིས། ས་རུས་བཟང་བ། 2 ས་ཆུ་མེ་རླུང་སྟེ་འབྱུང་བ་བཞི་ཡི་ཁམས་ཀྱིས་བསྐྱེད་པའི་རུས་པ་རིགས་བཞིའི་ནང་ཚན་ས་ཡི་ཁམས་ཀྱིས་སྐྱེད་པའི་རུས་པ་ཞིག |
| ས་རེ་སོ་རེ |
དབུགས་མི་བདེ་བའི་སྒྲ་ཆུང་ངུ་དབྱུང་སྟངས་ཤིག |
| ས་རེ་སོར་རེ |
སར་སོར་ལ་ལྟོས། |
| ས་རེག |
1 རྗེ་རིགས་ཏེ་འབྱོར་ལྡན་གྱི་མིང༌། 2 ས་ལ་རེག་པ། |
| ས་རེངས |
1 ས་མཁྲེགས་པོ་ཆགས་ནས་ཞིང་ཁ་འདེབས་མི་ཉན་པའི་ས་ཆ། 2 མངོན ལྷ་ཁྱབ་འཇུག |
| ས་རོ |
མི་མཁོ་བའི་ས་དང་གད་སྙིགས། ས་རོ་རྡོ་རོ་གཙང་མར་བསལ་བ། |
| ས་རོ་རྡོ་རོ |
ཁང་རྙིང་བཤིག་ཤུལ་སོགས་སུ་ཡོད་པའི་ས་རྡོ་ཕན་མེད་རིགས། |
| ས་རོང |
འགྲོ་ལམ་མི་བདེ་བའི་ས་རྩུབ། ས་ཐག་རིང་ཞིང་ས་རོང་ཤིན་ཏུ་རྩུབ། |
| ས་རྐོ་བ |
1 ས་འབྲུ་བ། 2 ས་རྐོ་མཁན། |
| ས་རྐོ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགོས་པ་ཁྱད་པར་ཅན་མེད་བཞིན་སྲ་ཞིང་འཐས་པར་གནས་པ་ནས་སོར་བཞི་ཡན་ཆད་དམ་ས་སྤར་བ་གང་ལོངས་པ་ཡན་ཆད་དུ་རྐོ་བའོ། |
| ས་རྒོད |
མ་བཏུལ་བའི་ས་ཆ། ས་རྒོད་སློག་པ། སྔོན་དུས་བེད་མེད་ས་རྒོད་རྣམས། དེང་སང་འབྲུ་ཡི་མཛོད་དུ་གྱུར། |
| ས་རྒྱ |
ས་ཁྱོན་གྱི་ཚད་གཞི། ས་རྒྱ་ཆེ་ཆུང༌། ས་རྒྱ་ཆེ་ཞིང་མི་གྲངས་ཉུང་བ། ས་རྒྱ་ཆེ་ལ་ཐོན་ཁུངས་ཕུན་སུམ་ཚོགས། ས་རྒྱ་དཔངས་གྲུ་བཞི། |
| ས་རྒྱུ |
ས་གཤིས། ཞིང་སའི་ས་རྒྱུ་གཤིན་པོ། |
| ས་རྒྱུ་གཞུང་ལེན |
དབང་བའི་ས་ཞིང་དང་རྒྱུ་ནོར་གཞུང་བཞེས་བྱེད་པ། |
| ས་རྒྱུས |
འཛམ་གླིང་ཡོངས་སམ་ཡུལ་གྲུ་གཅིག་གི་རི་ལུང་དང་ནམ་ཟླ། དངོས་རྫས། བགྲོད་ལམ། གནས་མི་བཅས་ཀྱི་སྤྱི་འདུས་ཀྱི་མིང་། |
| ས་རྔོག་བུ་གསུམ |
ས་སྐྱ་པཎྜི་ཏ་ཀུན་དགའ་རྒྱལ་མཚན་དང༌། རྔོག་ལེགས་པའི་ཤེས་རབ། བུ་སྟོན་རིན་ཆེན་གྲུབ་གསུམ་གྱི་མཚན་མདོར་བསྡུས་སུ་བཀོད་པ། |
| ས་རྗེན་པ |
1 ས་གཞི་རློན་པ། 2 ཁེབས་སོགས་མ་བཀབ་པའི་ས་རྗེན་སྒྲེ་བོ། |
| ས་རྟགས |
ས་མཚམས་ཕན་ཚུན་བར་གྱི་མི་ནོར་བའི་རྟགས་མཚན། |
| ས་རྟེན |
1 སྔར་བོད་ཀྱི་ཁྲལ་རྒྱུག་པའི་ས་རྟེན། 2 འཇིག་རྟེན་ཁམས། |
| ས་རྡུལ |
ཐལ་བ་ཞིབ་ཞིབ། གོས་ལ་ས་རྡུལ་འགོས་པ། ས་རྡུལ་བསགས་ན་རི་རབ། |
| ས་རྡོ |
ས་དང་རྡོ། |
| ས་རྡོག |
སའི་གོང་བུ། |
| ས་རྣམ་པ་དྲུག་ཏུ་གཡོ་བ |
ས་གཡོ་དྲུག་དང་དོན་གཅིག་ |
| ས་རྩི |
ས་དཀར་ས་དམར་སོགས་ཀྱི་ཁུ་བ། |
| ས་རྩི་དཀར་པོ |
རྡོ་སྨན་ཞིག |
| ས་རྫི་ཀ |
ལེགས མ་བསྲེགས་ཐལ་བ་སྟེ། སྔོ་སྨན་གྱི་ནང་ཚན་ཞིང་སྐྱེས་སྙེ་མ་ནག་པོ། རོ་ཁ་བ། ཞུ་རྗེས་དྲོད། ནུས་པས་དྲོད་སྐྱེད། ཟས་འཇུ། དང་ག་འབྱེད། མིང་གི་རྣམ་གྲངས་ལ་སྙེ་ནག་པ་དང༌། དུད་དཀར་སྙེ་མ། སྤོས་ཀྱི་སྙེ་མ། བེན་ཁོང་པ། མ་བསྲེགས་སོལ་བ། མེ་མེད་དུད་པ་བཅས་སོ། |
| ས་རྫི་ཀ་ཀྵ་ར |
ལེགས དངུལ་ཆུ་བཙོ་བཀྲུ་ཆེན་མོའི་སྐབས་ཀྱི་དུག་འདོན་རྫས་སུ་མཁོ་བའི་མཚུར་ནག་ཞག་གཅིག་སྦང་བའི་གྲུངས་ཆུ། |
| ས་རླངས |
ས་ལ་དྲོད་དང་བརླན་གཤེར་འཛོམས་པའི་རླངས་པ། |
| ས་རློན |
ས་བཞའ་ཚན་ཅན། |
| ས་ལ་གནས |
1 མངོན རྩྭ་ཀུ་ཤ། 2 ས་ཐོབ་པ། |
| ས་ལ་འཁྱག་ཕྲན་བུ་སླེབས |
ས་གཞི་སྡོམ་བྱེད་འཁྱག་མདངས་ཅུང་ཟད་སླེབས་པ། |
| ས་ལ་འཁྱོག |
མངོན སྦྲུལ། |
| ས་ལ་འཕྱེ |
མངོན སྦྲུལ། |
| ས་ལ་འཕྱོ |
ས་ལ་འཕྱེ་དང་དོན་གཅིག་ |
| ས་ལ་རབ་བརྟན |
བརྒྱ་བྱིན་གྱི་བཞོན་པ་གླང་ཆེན། |
| ས་ལམ |
1 ས་ཆ་དང་འགྲོ་ལམ། 2 མདོ་རྒྱུད་ཀྱི་ས་ལམ་སྟེ། ས་བཅུ་དང་ལམ་ལྔའི་བསྡུས་མིང༌། |
| ས་ལའི་ལྗོན་པ |
སྤོས་དཀར་ཤིང་སྟེ་དེའི་ཐང་ཆུ་ནི་སྤོས་དཀར་རོ། |
| ས་ལས |
ལམ་དང་རྩིག་པ་སོགས་སྐྲུན་པའི་ལས་ཀའི་མིང་། |
| ས་ལས་བྱུང |
མངོན གཟའ་མིག་དམར། |
| ས་ལས་རྡོ་ལས |
ས་རྡོའི་ལས་ཀའམ། ཨར་པོའི་ལས་ཀ། |
| ས་ལི་ཀ |
ལེགས བྱ་ཞིག་གི་མིང༌། |
| ས་ལུ |
ལེགས ཟས་རྒྱུ་འབྲས་མཆོག ས་ལུ་ལྗང་པ། ས་ལུའི་ཞིང༌། ནང་པར་ས་ལུ་སྐམ་པོ་ལས། མྱུ་གུ་སྔོན་པོ་སྐྱེ་གྱུར་ཅིག |
| ས་ལུ་འཇམ་པོ |
ཆང་རྒྱུ་འབྲུ་རིགས་ཤིག |
| ས་ལུ་ལྗང་པ |
1 འབྲས་དཀར་ས་ལུའི་མྱུ་གུའམ་ལྗང་པ། 2 མེ་ཏོག་གི་རིགས་ཤིག |
| ས་ལུ་ལྗང་པའི་མདོ |
འཕགས་པ་ས་ལུའི་ལྗང་པ་ཞེས་བྱ་བ་ཐེག་པ་ཆེན་པོའི་མདོ། ཤོ་ལོ་ཀ་ཉིས་བརྒྱ་ཉེར་དྲུག་པ་འགྱུར་བྱང་མེད་པའོ། |
| ས་ལུགས |
འཁོན་དཀོན་ཅོག་རྒྱལ་པོ་དང༌། ས་སྐྱ་གོང་མ་རྣམ་ལྔ་སོགས་ནས་བརྒྱུད་པའི་མན་ངག་ལ་ཟེར། |
| ས་ལུད |
པོ་ཐོ་དང་འདམ་སོགས་ལས་བྱུང་བའི་ལུད། |
| ས་ལུད་ཉལ |
མངོན གླང་པོ་ཆེ། |
| ས་ལུས |
མངོན རི་དྭགས། |
| ས་ལེ་བ |
གསལ་ལེ་བ་དང་འདྲ། 2.(རྒྱན་ཚིག) ཆུའི་གཏིང་ཐུང་བའི་དོན། |
| ས་ལེ་སྦྲམ |
གསེར་དང་ཟངས་ཀྱི་སྤུས་ཚད་དག་པ། གསེར་ས་ལེ་སྦྲམ། ཟངས་ས་ལེ་སྦྲམ། ས་ལེ་སྦྲམ་ནི་བསྲེགས་བཅད་ཀྱང༌། དེ་ཡི་ཁ་དོག་ཉམས་མི་འགྱུར། རིན་ཐང་བྲལ་བའི་རིན་པོ་ཆེ་ས་ལེ་སྦྲམ་གྱི་དངོས་པོར་ལྟ་བ། |
| ས་ལེ་ཧྲིག་གེ་བ |
སྟོང་གསལ་རྗེན་པར་འཆར་ཚུལ། རིག་པའི་གཤིས་ལུགས་ས་ལེ་ཧྲིག་གེ་བར་གནས་པ། |
| ས་ལོག་ཐེབས་པ |
ཡུལ མི་ཕྱུགས་རྣམས་ས་ཡུལ་མི་གཅིག་པར་སླེབས་དུས་ས་ཆུ་མ་འཕྲོད་པའི་ནད། |
| ས་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས་བྱང་སེམས་ཚོགས་ལམ་ཆུང་ངུ་བའི་རྒྱུད་ཀྱི་འདུན་པ་དང་མཚུངས་པར་ལྡན་པའི་སེམས་བསྐྱེད་པ་ནི་སངས་རྒྱས་དང་དེའི་རྒྱུ་ཚོགས་ཀྱི་ཆོས་དཀར་པོ་ཐམས་ཅད་ཀྱི་གཞི་ཡིན་པས་ས་ལྟ་བུའོ། |
| ས་ལྡེག |
ས་གཡོ་དྲུག་གི་ཡ་གྱལ་ཞིག |
| ས་ལྡོག |
མངོན ལྕགས་སྤྱིའི་མིང༌། |
| ས་ལྷོག |
ས་ཆུ་མེ་རླུང་འབྱུང་བཞིའི་ཁམས་ཀྱིས་སྐྱེད་པའི་ལྷོག་རིགས་བཞིའི་ནང་ཚན་ས་ཡི་ཁམས་ཀྱིས་སྐྱེད་པའི་ལྷོག་པ་ཞིག་སྟེ། ནད་རྟགས་སུ་སྐྲངས་པ་སྲ་ཞིང་མཁྲེགས་པར་འབྱུང་བ་ཞིག |
| ས་ཤིང་ལས་གྲྭ |
ས་ལས་དང་ཤིང་ལས་ཀྱི་ལས་གྲྭ། |
| ས་སིནྡྷུརཾ |
ལེགས ལི་ཁྲི། |
| ས་སྐར་བདུན |
སྣར་མ་དང༌། སྣྲོན། ལྷ་མཚམས། ཆུ་སྨད། གྲོ་བཞིན། བྱི་བཞིན། མོན་གྲུ་རྣམས་སོ། |
| ས་སྐོར |
ས་ཡུལ་ལ་སྐོར་ཞིབ་བྱེད་པའི་མིང༌། |
| ས་སྐྱ |
1བོད་སྟོད་ཕྱོགས་ཀྱི་ས་ཆ་ཞིག་དང་དགོན་པ་ཞིག་གི་མིང་། 2བོད་ཀྱི་སངས་རྒྱས་ཆོས་ལུགས་ཀྱི་ཡ་གྱལ་ཞིག 3. ས་མདོག་དཀར་ཞིང་སྐྱ་བ།.. |
| ས་སྐྱ་ཁྲི་པ |
ས་ཆེན་ཀུན་དགའ་སྙིང་པོ་མན་ཆད་ཀྱི་ས་སྐྱ་པའི་གདུང་རྒྱུད་དང་ཆོས་རྒྱུད་གཉིས་ཀའི་སྤྱི་མིང༌། |
| ས་སྐྱ་གོང་མ |
ཆོས་རྒྱལ་འཕགས་པ་མན་ཆད་འཁོན་ས་སྐྱ་པའི་གདུང་རྒྱུད་རིམ་བྱོན་ཚངས་པར་སྤྱོད་པའམ་རབ་ཏུ་བྱུང་བ་རྣམས་ཀྱི་ཆེ་མིང་དང༌། དེ་ལ་བདག་ཆེན་ཡང་ཟེར། |
| ས་སྐྱ་གོང་མ་རྣམ་ལྔ |
ས་སྐྱ་དཀར་པོ་རྣམ་གསུམ་དང་ས་སྐྱ་དམར་པོ་རྣམ་གཉིས་སོ། |
| ས་སྐྱ་དཀར་པོ་རྣམ་གསུམ |
ས་སྐྱ་འཁོན་རིགས་ཀྱི་བླ་དཔོན་ལྔའི་ནང་ནས་ཀུན་དགའ་སྙིང་པོ་དང༌། བསོད་ནམས་རྩེ་མོ། གྲགས་པ་རྒྱལ་མཚན་བཅས་སྔགས་འཆང་གསུམ་ནི་གོས་དཀར་ལྕང་ལོ་ཅན་ཡིན་པས་དཀར་པོ་རྣམ་གསུམ་མོ། |
| ས་སྐྱ་དགོན |
གཞིས་རྩེའི་ཁུལ་གྱི་ས་སྐྱའི་དགོན་པ་དེ་ནི་འཁོན་དཀོན་ཅོག་རྒྱལ་པོ་རང་ལོ་བཞི་བཅུ་པ་རབ་བྱུང་དང་པོའི་ཆུ་མོ་གླང་ལོར་བཏབ་པ་ཞིག་ཡིན། དེ་ལ་ལྷོ་བྱང་གཉིས་ཡོད། བྱང་མ་དེ་དབོན་པོ་རིའི་ས་དཀར་གྱི་དབུས་ལོགས་དང༌། ལྷོ་མ་དེ་ཁྲོམ་ཆུའི་ལྷོ་འགྲམ་ན་ཡོད། དེ་ནས་དར་བའི་ཆོས་ལུགས་ལ་ས་སྐྱ་པ་ཟེར། |
| ས་སྐྱ་དཔོན་ཆེན |
ཏཱ་དབེན་རྒྱལ་རབས་སྐབས་སུ་ཆོས་རྒྱལ་འཕགས་པས་མིང་བྱང་བཏོན་པ་བཞིན་སེ་ཆེན་རྒྱལ་པོ་གོ་བེ་ལས་ས་སྐྱ་དཔོན་ཆེན་ལ་སོན་ཐིན་སིའི་འཇའ་ས་གནང་སྟེ་དབུས་གཙང་ཁྲི་སྐོར་བཅུ་གསུམ་ལ་ཁྲིམས་ཀྱི་བྱེད་པོར་བསྐོ་བའི་ལམ་དེ་གཏན་འཇགས་སུ་གྱུར། དེའི་དཔོན་རབས་དང་པོ་ཤཱཀྱ་བཟང་པོ། གཉིས་པ་ཀུན་དགའ་བཟང་པོ། གསུམ་པ་ཞང་བཙུན། བཞི་པ་ཕྱུག་པོ་བན་དཀར་བ། ལྔ་པ་བྱང་རིན། དྲུག་པ་ཀུན་གཞོན། བདུན་པ་གཞོན་དབང༌། བརྒྱད་པ་བྱང་རྡོར། དགུ་པ་ཨང་ལེན། བཅུ་པ་ལེགས་པ་དཔལ། བཅུ་གཅིག་པ་སེང་གེ་དཔལ། བཅུ་གཉིས་པ་འོད་ཟེར་སེང་གེ། བཅུ་གསུམ་པ་ཀུན་རིན། བཅུ་བཞི་པ་དོན་ཡོད་དཔལ། བཅོ་ལྔ་པ་ཡོན་བཙུན། བཅུ་དྲུག་པ་འོད་ཟེར་སེང་གེ། བཅུ་བདུན་པ་རྒྱལ་བ་བཟང་པོ། བཅོ་བརྒྱད་པ་དབང་ཕྱུག་དཔལ། བཅུ་དགུ་པ་བསོད་ནམས་དཔལ། ཉི་ཤུ་པ་ཡང་རྒྱལ་བ་བཟང་པོ། ཉེར་གཅིག་པ་དབང་བརྩོན། ཉེར་གཉིས་པ་ནམ་མཁའ་དམ་པ་བཅས་ཀྱིས་རབ་བྱུང་བཞི་པའི་ལྕགས་སྤྲེལ་ལོ་ནས་རབ་བྱུང་དྲུག་པའི་ས་གླང་བར་ལོ་དགུ་བཅུ་ཙམ་གྱི་རིང་དབང་སྒྱུར་བྱས་མཐར་སྲིད་དབང་ཕག་མོ་གྲུ་པ་ཏའི་སི་ཏུའི་ལག་ཏུ་ཤོར་བ་རེད། |
| ས་སྐྱ་དམར་པོ་རྣམ་གཉིས |
ས་སྐྱ་འཁོན་རིགས་ཀྱི་བླ་དཔོན་ལྔ་ལས་ཀུན་དགའ་རྒྱལ་མཚན། འཕགས་པ་བློ་གྲོས་རྒྱལ་མཚན་གཉིས་རབ་བྱུང་ངུར་སྨྲིག་ཅན་ཡིན་པས་དམར་པོ་རྣམ་གཉིས་སོ། |
| ས་སྐྱ་པ |
རབ་བྱུང་དང་པོའི་དུས་སུ་འཁོན་དཀོན་ཅོག་རྒྱལ་པོ་ཞེས་པས་སྲོལ་གཏོད། ས་ཆེན་ཀུན་དགའ་སྙིང་པོ་སོགས་གོང་མ་རྣམ་ལྔས་དར་རྒྱས་སུ་བཏང་ཞིང༌། གསུང་ངག་ལམ་འབྲས་ཆོས་ཀྱི་སྙིང་པོར་བྱེད་པའི་རིང་ལུགས་འཛིན་མཁན་རྗེས་འབྲང་དང་བཅས་པ། དེ་ལ་ཆོས་རྒྱུད་དང་གདུང་རྒྱུད་གཉིས་ཡོད། རབ་བྱུང་བཞི་པར་ས་པཎ་ཁུ་དབོན་ཧོར་གྱི་རྒྱལ་པོ་དང་མཆོད་ཡོན་དུ་འབྲེལ་བ་ལ་བརྟེན་ནས་ས་སྐྱ་པས་ལོ་གྲངས་བརྒྱ་ཙམ་གྱི་བར་དུ་བོད་ཁམས་ཡོངས་ལ་དབང་བསྒྱུར་ཏེ་ཏཱ་དབེན་གོང་མ་རྒྱལ་པོའི་ལུང་བཞིན་བླ་མས་ཆོས་ཀྱི་བྱ་བ་མཛད་ཅིང༌། ཆོས་དང་མཐུན་པའི་འཇིག་རྟེན་གྱི་བཀའ་གནང༌། དཔོན་ཆེན་རྣམས་ཀྱིས་སྲིད་ཀྱི་བྱ་བ་མཛད། རབ་བྱུང་དྲུག་པའི་ནང་སྲིད་དབང་ཕག་མོ་གྲུ་པར་ཤོར། |
| ས་སྐྱ་པ་བསོད་ནམས་རྒྱལ་མཚན |
རྒྱལ་རབས་གསལ་བའི་མེ་ལོང་རྩོམ་པ་པོ། རབ་བྱུང་ལྔ་པའི་ཆུ་བྱི་ལོར་འཁྲུངས། རབ་བྱུང་དྲུག་པའི་ཤིང་ཡོས་ལོར་འདས། |
| ས་སྐྱ་པཎྜི་ཏ |
ས་སྐྱ་པཎྜི་ཏ་ཀུན་དགའ་རྒྱལ་མཚན། འདི་ཉིད་ས་ཆེན་གྱི་སྲས་བཞི་པ་འཁོན་དཔལ་ཆེན་འོད་པོའི་སྲས་སུ་རབ་བྱུང་གསུམ་པའི་ཆུ་སྟག་ལོར་གཙང་དུ་སྐུ་འཁྲུངས། རྗེ་བཙུན་གྲགས་པ་རྒྱལ་མཚན་ལས་ས་སྐྱ་གོང་མའི་གསུང་བཅུད་མདོ་སྔགས་ཀྱི་ཟབ་གནད་མ་ལུས་པ་གསན། དགུང་ལོ་ཉེར་གསུམ་ནས་བཟུང་ཁ་ཆེ་པཎ་ཆེན་མཁན་སློབ་ལས་རིག་གནས་ཆེ་ཆུང་བཅུ་ལ་སྦྱངས་པ་མཐར་ཕྱིན་མཛད་པས་པཎྜི་ཏའི་མཚན་སྙན་ཐོབ་པ་འདི་བོད་ལྗོངས་ཀྱི་པཎྜི་ཏ་དང་པོ་དེ་ཡིན། རབ་བྱུང་བཞི་པའི་ཤིང་འབྲུག་ལོར་ཧོར་རྒྱལ་ཨོ་གོ་ཏའི་སྲས་གོ་དན་གྱིས་གདན་དྲངས་པ་བཞིན་ཁོང་རང་དང༌། སྐུ་ཚ་འགྲོ་མགོན་འཕགས་པ་དང་ཕྱག་ན་གཉིས་བཅས་ལྱང་ཅུ་སྡེ་བཞི་སྟེ་དེང་སང་ཀན་སུའུ་ཞིང་ཆེན་གྱི་ཝུའུ་ཝེ་ས་ཆར་ཕེབས་ནས་རྒྱལ་པོ་དང་མཇལ། ཡོན་མཆོད་ཀྱི་འབྲེལ་བ་ཆགས། བོད་དུ་དཔོན་རིགས་བསྐོ་ལུགས་དང༌། ཁྲལ་འུལ་བསྐུལ་ཚུལ་སོགས་ལ་ཞལ་འཆམས་ཏེ། བོད་ཀྱི་བཀའ་གྲོས་ལ་དབང་བའི་བླ་དཔོན་སེར་སྐྱ་རྣམས་ལ་ཡི་གེ་སྔ་ཕྱི་ལན་གཉིས་བཏང་ནས་དབུས་གཙང་གི་ས་ཕྱོགས་རྣམས་ཧོར་རྒྱལ་པོའི་མངའ་ཁོངས་སུ་བཅུག་སྡོམ་གསུམ་རབ་དབྱེ་དང༌། ཚད་མ་རིག་གཏེར། མཁས་འཇུག་ལེགས་བཤད་རིན་པོ་ཆེའི་གཏེར་སོགས་མང་དུ་བརྩམས། རང་ལོ་བདུན་ཅུ་པ་རབ་བྱུང་བཞི་པའི་ལྕགས་ཕག་ལོར་འདས། |
| ས་སྐྱ་བདག་ཆེན |
ས་སྐྱ་གོང་མ། |
| ས་སྐྱ་བདག་ཆེན་བཟང་པོ་དཔལ |
འགྲོ་མགོན་འཕགས་པའི་གཅུང་པོ་ཡེ་ཤེས་འབྱུང་གནས་ཀྱི་སྲས། རབ་བྱུང་ལྔ་པའི་ཤིང་འབྲུག་ལོར་ས་སྐྱ་གདན་སའི་ཁྲིར་ཕེབས། ཆུ་བྱི་ལོ་ལ་གུ་ཤྲིའི་འཇའ་ས་བཟུང༌། ཆུ་ཁྱི་ལོར་འདས། |
| ས་སྐྱ་འབག་མོ |
ས་སྐྱ་པའི་དམ་ལ་བཏགས་པའི་འདྲེ་མོ། |
| ས་སྐྱ་ལེགས་བཤད |
ས་སྐྱའི་ལེགས་བཤད་རིན་པོ་ཆེའི་གཏེར་ཞེས་བྱ་བ། མཁས་པ་བརྟགས་པ། ཡ་རབས་བརྟགས་པ། བླུན་པོ་བརྟགས་པ། སྤེལ་མ་བརྟགས་པ། ངན་སྤྱོད་བརྟགས་པ། རང་བཞིན་གྱི་ཚུལ་བརྟགས་པ། མི་རིགས་པའི་ཚུལ་བརྟགས་པ། བྱ་བ་བརྟགས་པ། ཆོས་བརྟགས་པ་སྟེ་ར་བྱེད་དགུའི་བདག་ཉིད་ཅན་གྱི་འཇིག་རྟེན་ལུགས་ཀྱི་བསྟན་བཅོས་དེ་དུས་རབས་བཅུ་གསུམ་པར་ས་སྐྱ་པཎྜི་ཏས་མཛད་པའོ། |
| ས་སྐྱའི་གདན་རབས |
འཁོན་དཀོན་མཆོག་རྒྱལ་པོས་རབ་བྱུང་དང་པོའི་ཆུ་གླང་ལོར་ས་སྐྱ་དགོན་པ་བཏབ་སྟེ་གདན་ས་བཟུང༌། རབ་བྱུང་གཉིས་པའི་ཆུ་རྟ་ལོར་གཤེགས། བ་རི་ལོ་ཙཱ་བ་རིན་ཆེན་གྲགས་ཀྱིས་གདན་ཚབ་མཛད། དེ་ནས་ལྕགས་ཡོས་ལོ་ནས་ས་ཆེན་ཀུན་དགའ་སྙིང་པོ་ལོ་ཞེ་བདུན། རབ་བྱུང་གསུམ་པའི་ས་སྟག་ལོ་ནས་བསོད་ནམས་རྩེ་མོ། ཆུ་འབྲུག་ལོ་ནས་གྲགས་པ་རྒྱལ་མཚན། རབ་བྱུང་བཞི་པའི་མེ་བྱི་ལོ་ནས་ས་པཎ་ཀུན་དགའ་རྒྱལ་མཚན། ལྕགས་ཕག་ལོ་ནས་འགྲོ་མགོན་འཕགས་པས་གདན་ས་མཛད་ཀྱང་རྒྱལ་སར་བྱོན་པའི་ཤུལ་དུ་གཅུང་པོ་ཕྱག་ནས་སྐུ་ཚབ་མཛད། རབ་བྱུང་ལྔ་པའི་ས་འབྲུག་ནས་དྷརྨ་པཱ་ལས་ལོ་བདུན། མེ་ཕག་ནས་ཤར་པ་འཇམ་དབྱངས་བཞི་ཐོག་པས་ལོ་བཅོ་བརྒྱད། ཤིང་འབྲུག་ནས་བདག་ཉིད་ཆེན་པོ་བཟང་པོ་དཔལ་གྱིས་ལོ་བཅུ་དགུ། ཆུ་ཕག་ནས་བར་སྟོང་ལོ་གསུམ། ཤིང་གླང་ནས་མཁས་བཙུན་ཆེན་པོས་ལོ་བཅུ་དགུ། རབ་བྱུང་དྲུག་པའི་ཤིང་སྦྲུལ་ནས་བླ་མ་དམ་པ་བསོད་ནམས་རྒྱལ་མཚན་གྱིས་ལོ་གསུམ། མེ་ཕག་ནས་ཏཱ་དབེན་བློ་གྲོས་རྒྱལ་མཚན་གྱིས་གདན་ས་མཛད་པའི་ལོ་གསུམ་པ་ལ་ས་སྐྱ་པའི་སྲིད་དབང་ཉམས། ལོ་ངོ་ཉིས་བརྒྱ་དོན་དྲུག་གི་རིང་ལ་གདན་རབས་བཅུ་གསུམ་བྱུང་ཞིང༌། དེ་རྗེས་གདུང་རྒྱུད་རིམ་བྱོན་གྱིས་རང་གི་མངའ་རིས་ཙམ་སྐྱོང་བར་གྱུར། 1073 1102 1111 1111 1158 11581172 11721216 12161251 12511280 12801286 12871304 13041322 13231325 13251343 13441346 1347 1349 |
| ས་སྐྱའི་གདུང་རབས་རིན་ཆེན་བང་མཛོད |
འཛམ་གླིང་བྱང་ཕྱོགས་ཀྱི་ཐུབ་པའི་རྒྱལ་ཚབ་ཆེན་པོ་དཔལ་ལྡན་ས་སྐྱ་པའི་གདུང་རབས་རིན་པོ་ཆེ་ཇི་ལྟར་བྱོན་པའི་ཚུལ་གྱི་རྣམ་པར་ཐར་པ་ངོ་མཚར་རིན་པོ་ཆེའི་བང་མཛོད་དགོས་འདོད་ཀུན་འབྱུང་ཞེས་བྱ་བ་གོང་དཀར་བསོད་ནམས་གྲགས་པས་རབ་བྱུང་བཅུ་གཅིག་པའི་ས་སྦྲུལ་ལོར་བསྒྲིགས། ས་སྐྱ་པ་འཁོན་རིགས་ཀྱི་གདུང་རྒྱུད་དང་ཆོས་སྲིད་ཀྱི་མངའ་ཐང་ཇི་ལྟར་བྱུང་ཚུལ་དང༌། ཡར་དར་ཚུལ། མར་རྒུད་ཚུལ། དེ་སྐབས་ཀྱི་འཇའ་ས་བཀའ་ཤོག་སྤྲིངས་ཡིག་དང་བཅས་པ་རྒྱས་པར་བཀོད་པའི་རྣམ་ཐར་གནད་ཆེ་བ་འདིའི་དཔེ་རྒྱུན་ཁྱབ་ཆེ་བ་སྡེ་དགེའི་པར་ལ་ཤོག་ལྷེ་སུམ་བརྒྱ་སོ་བཞི་ཡོད་ཅིང༌། སྣར་ཐང་པར་མ་དང་ས་སྐྱ་པའི་དཔེ་མཛོད་དུ་བྲིས་མའང་ཡོད་པར་སྣང༌། 1629 |
| ས་སྐྱེས |
མངོན 1 གཟའ་མིག་དམར། 2 ལྗོན་ཤིང༌། 3 ལྷ་ཡི་གླུ་མཁན། |
| ས་སྐྱེས་རྡོ་སྐྱེས |
ཡུལ 1 ས་བཞིན་དུ་ཆགས། རྡོ་བཞིན་དུ་སྨིན་ཞེས་ས་ཆ་དེ་རང་དུ་སྐྱེས་པ་ཞིག་ཡིན་པ། 2 ག་ས་གར་སྐྱེས་པ། དབྱར་མེ་ཏོག་ས་སྐྱེས་རྡོ་སྐྱེས་རེད། |
| ས་སྐྱོ |
ཡུལ ཐང་ཀ་སོགས་འབྲི་སའི་རས་གཞིའི་དཀར་གདན་གྱི་མིང༌། |
| ས་སྐྱོང |
1 རྒྱལ་པོའི་མིང༌། ས་སྐྱོང་དབང་པོ། 2 མངོན ཤིང་བྱ། |
| ས་སྐྱོན |
ཕྱུགས་ལ་ནད་དེ་ཐོག་མར་ཕོག་སྐབས་གློ་བུར་འཁུན་སྒྲ་སྒྲོག་ཅིང༌། རྔ་མ་གཡུག་ནང་དུ་མཆེར་པ་ལ་ནད་ཕོག་སྟེ་ཆུ་ཚོད་ཁ་ཤས་ནང་འཆི། ཤི་རྗེས་ས་ནད་ཐར་མའི་མིས་མ་གཏོགས་རེག་རྒྱུ་མེད། བཤས་ཚེ་ཁྲག་ལ་ཁྲག་ཤ་ཆགས་རྒྱུ་མེད་པའི་ཕྱུགས་ཀྱི་འགོ་ནད་ཚབས་ཆེན་ཞིག |
| ས་སྐྱོབ |
མངོན 1 རི། 2 ར། |
| ས་སྐྱོར |
ས་དང་བྱེ་མ་སོགས་མི་འཆོར་བའི་ཆེད་དུ་བརྩེགས་པའི་གྱང་རའམ་རྩིག་པ། |
| ས་སྒང |
ས་ཆ་འབུར་པོ། ས་སྒང་རི་འབུར་ཡོད་ཚད་ལ་ཤིང་སྡོང་བཙུགས་པ། |
| ས་སྒྲེ་བོ |
རྩྭ་མི་སྐྱེ་བའི་སའམ་ས་རྗེན་པ། དཔྱིད་ཀ་ཤར་དུས་ས་སྒྲེ་བོ་ཚང་མར་རིམ་གྱིས་རྩྭ་སྔོན་གཡོག་པ། |
| ས་སྒྲོག་རི་ལ་གནས་པའི་སྡེ |
མང་བཀུར་བ་གསུམ་གྱི་ཡ་གྱལ་ཞིག |
| ས་སྔགས |
སྔགས་བརྒྱབ་པའི་ས་ཧྲིལ་མོའམ་སྔགས་བཏབ་པའི་ས་ཧྲིལ་མོ། |
| ས་སྙིང |
མངོན གསེར། |
| ས་སྟན |
ས་གདན་དང་འདྲ། |
| ས་སྟེང |
1 ས་གཞིའི་སྒང༌། 2 ས་གསུམ་གྱི་ཡ་གྱལ་ཞིག་སྟེ་མིའི་འཇིག་རྟེན། 3 ས་མིང་ཞིག་བོད་རང་སྐྱོང་ལྗོངས་ཀྱི་བྱང་ཤར་ངོས་དང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། དེང་སྐབས་དཔལ་འབར་རྫོང་གི་ཁོངས་སུ་གཏོགས། |
| ས་སྟོང |
ས་ཆ་སྟོང་པ། ས་སྟོང་སྦོལ་བ། ས་སྟོང་རི་སྟོང༌། ས་སྟོང་འཇག་སྐྱ་སྐྱེས། ལུང་སྟོང་ཝ་མོ་གང༌། |
| ས་སྟོན་པའི་སྟེ |
ཡོད་སྨྲ་སྡེ་བདུན་གྱི་ཡ་གྱལ་ཞིག |
| ས་སྡེ |
ས་ཞིང་དང་སྡེ་འབངས་མི་སེར་གཉིས་ཀྱི་བསྡུས་མིང༌། |
| ས་སྡེ་ལྔ |
ཐོགས་མེད་ཀྱིས་མཛད་པའི་ས་སྡེ་ལྔ་སྟེ། སའི་དངོས་གཞི་དང༌། གཏན་ལ་དབབ་པ་བསྡུ་བ། གཞི་བསྡུ་བ། རྣམ་གྲངས་བསྡུ་བ། སྒོ་བསྡུ་བ་སྟེ་ལྔ། |
| ས་སྣ་ལྔ |
ས་དཀར་སེར་དམར་ལྗང་སྔོ་བ། |
| ས་སྣུམ |
རྡོ་སྣུམ་ལས་བཙོ་སྦྱང་བྱས་པའི་འབར་བྱེད་སྣུམ། |
| ས་སྣུམ་པོ |
སྣུམ་མདངས་ལྡན་པའི་ས་ཆ། ཞིང་ས་སྣུམ་པོར་ལོ་ཏོག་ཡག་འབྲོག་ས་སྣུམ་པོར་རྟ་ཟོག་འཕེལ། |
| ས་སྣེའི་བརྫང་ཐོ |
ས་སྣེ་ནས་བཏང་བའི་དངོས་ཟོང་གི་ཐོ། |
| ས་སྣོད |
1 རྫ་སྣོད། 2 ས་བླུག་སྣོད། |
| ས་སྤྱིན |
གཟུགས་བརྙན་དང་རྫ་མ་སོགས་བཟོ་བྱེད་ཀྱི་ས་ཚི་ཅན་འཇམ་པོ་ཞིག |
| ས་སྤྱིལ |
ས་ཕུག་གི་ཁང་ཆུང་ངམ་སའི་སྤྱིལ་བུ། |
| ས་སྤྱོད |
རྒྱལ་པོ། འབྲས་ལྗོངས་ས་སྤྱོད། འབྲུག་པ་ས་སྤྱོད། |
| ས་སྤྱོད་པ |
1 མིའི་རྒྱལ་པོ། 2 ས་སྟེང་གི་དག་ཞིང་དུ་ལོངས་སྤྱོད་པའི་ལྷ། |
| ས་སྤྱོད་མ |
རྒྱལ་པོའི་བཙུན་མོ། |
| ས་སྤྱོད་མའི་གནས |
རྒྱལ་པོའི་བཙུན་མོ་སྡོད་ས། |
| ས་སྦིར |
ས་གཡོ་བ། |
| ས་སྦུབས |
ས་ཤུར་ཁོག་སྟོང༌། ཆུ་འགྲོ་སའི་ས་སྦུབས། |
| ས་སྦོལ |
1 རྡོ་རྩིག་སྒང་ལ་འགྲེམས་རྒྱུའི་ས་རློན་པ། 2 ས་སྟོང་སློག་པ། ས་སྦོལ་རྒྱག་པ། |
| ས་སྦྱང་བ |
ས་ཆོག་གི་ནང་གསེས་ཤིག་སྟེ། ལྟོ་འཕྱེ་བརྟགས་ཤིང་བརྐོས་ཏེ་སེལ་ཕྱུང་ནས་མཚན་ཉིད་ཅན་གྱི་སྟེགས་བུ་བྱས་ལ། རྫས་དང་སྔགས་དང་ཏིང་ངེ་འཛིན་དང་བླ་ན་མེད་པ་དག་པས་སྦྱང་བ་རྣམས་སོ། |
| ས་སྨན |
འབྱུང་བ་སའི་ཁམས་ལས་བྱུང་བའི་སྨན་ཏེ། ནང་གསེས་སུ་དབྱེ་ན་སིན་དྷུ་ར་དང༌། བཙག་ལྟ་བུ་ལས་སྣོན་བྱ་མ་དགོས་པ་རང་བཞིན་སྨན་དུ་སྦྱར་ཆོག་པའི་རིགས་ཤིག་དང༌། མུ་ཟི་དཀར་སེར་ལྟ་བུ་བཅོས་པ་ལས་ཀྱིས་གཙང་བར་བྱ་དགོས་པའི་རིགས་ཤིག་དང་གཉིས་མཆིས་སོ། |
| ས་སྨུག |
ས་མདོག་དམར་སྨུག་དང་རྒྱ་སྨུག་སོགས། |
| ས་སྨྱུག |
ས་ལས་བཟོས་པའི་སྨྱུ་གུ་སྟེ། ས་དཀར་གྱི་འདམ་བག་ཧྲིལ་མོ་བསྐམས་ཏེ་ནག་པང་ལ་ཡི་གེ་འབྲི་བྱེད། |
| ས་སྲིན་ཏ་ལ |
འབུ་ཏ་ལ། མདོག་སྐྱ་བོ། རྐང་ལག་མང་བ། ཁང་པའི་ནང་ལ་ཡོད་པ་ཞིག |
| ས་སྲིབ |
1 ས་རུབ་མཚམས་ཀྱི་དུས་མིང༌། 2 ས་རུབ་པ། |
| ས་སྲུང |
1 ས་མཚམས་སྲུང་མཁན། 2 མངོན 1)ས་སྐྱོང་སྟེ་རྒྱལ་པོ། 2)རྒྱ་མཚོ། |
| ས་སྲུང་བུ |
བརྒྱ་བྱིན་བཞོན་པ་གླང་ཆེན། |
| ས་སྲུབ་སྦྲུལ་ཞུགས |
མི་ངན་གྱིས་གླགས་འཚོལ་བའི་དཔེ། |
| ས་སྲོད |
ས་རུབ་རྗེས་ནམ་ཕྱེད་མ་ཟིན་གོང་གི་དུས་ཚོད། |
| ས་སྲོས |
ཉི་མ་ནུབ་ནས་ཡུན་རིང་མ་ལོན་པའི་དུས་ཀྱི་མིང་། |
| ས་སྲོས་པ |
དུས་ཚོད་བཅུ་གཉིས་ཀྱི་ཡ་གྱལ་ཞིག་སྟེ་ཁྱི་དུས། |
| ས་སློག |
1 ས་རྐོ་བ། 2 མངོན ཕག་པའམ་ཕག་རྒོད། |
| ས་ཧ་ཀཱ་ར |
ལེགས ལྷན་ཅིག་བྱེད་པ་སྟེ། ཨ་མྲ་སྡོང་པོ་ལ་འོ་མའི་ཆུ་དྲངས་ནས་སྐྱེད་བསྲིངས་པ་ལས་བྱུང་བའི་ཨ་མྲའི་འབྲས་བུ་དྲི་ཞིམ་ལ་ཁྱད་པར་དུ་འཕགས་པ་ཞིག གཡང་ས་མཐོན་པོར་སྐྱེས་པ་ཡི། ས་ཧ་ཀཱ་རའི་འབྲས་བུ་བཞིན། རང་གཞན་གང་ལའང་མི་ཕན་པའི། ལོངས་སྤྱོད་ཆེ་དེ་ལྦ་བ་ཡིན། |
| ས་ཧོ་ར |
ལེགས རྒྱ་གར་ཤར་ཕྱོགས་བྷངྒ་ལའི་ཡུལ་ཏེ་ཟ་ཧོར་དང་མཚུངས་ཤིང༌། དེང་སང་གི་མེང་ཅ་ལ། |
| སག |
1 ཤར་རྒྱག སག་གིས་འགྲོ་བ། ཁོས་བརྡ་ཐོ་ཁྱེར་ནས་སག་གིས་འགྲོ་བ། སག་སྟེ་འགྲོ་བ། 2 གློ་བུར། སག་སྟེ་ཕྱིན་པ། གཞན་གྱིས་མ་མཐོང་བར་སག་སྟེ་ཕྱིན་པ།…3.རེའུ་མིག་མང་བོ་གཤིབས་པ་ལྟ་བུའི་དབྱིབས་སམ་རི་མོའི་མིང་། |
| སག་ཉ |
ལུས་ན་ཉ་སག་མང་བོ་ཡོད་པའི་ཉའི་རིགས་ཤིག་གི་མིང་། |
| སག་ཐག |
མདའ་གཞུའི་ཤུབས། |
| སག་ཐེབས |
བསེ་ཐེབས་དང་མཚུངས་ཏེ་ཞྭ་མོའི་བྱེ་བྲག་ཅིག |
| སག་ཞྭ |
རེའུ་མིག་ལྟ་བུའི་བུ་ག་མང་བོ་ཡོད་པའི་བསིལ་ཞྭའི་མིང་། |
| སག་རམ་ཙི |
གསེར་ཤོག |
| སག་རི |
1 དྲེལ་གྱི་དཔྱི་མགོའི་པགས་པ་མཉེས་ནས་རི་མོ་འབུར་དོད་ཡོད་པའི་ཀོ་བ་ཞིག 2 ལུས་ཀྱི་དྲེག་པ་མཁྲེགས་པོ།…3.０ཤིང་ཆག་པའི་སྒྲ་ལྟ་བུ་མཚོན་བྱེད་དེ། སག་སྒྲ་གྲག་ལྟ་བུ། １(རྒྱན་ཚིག) དངོས་པོ་མང་བོ་གཡོ་འགུལ་བྱེད་པའི་རྣམ་པ་སྟེ། འབུ་གྲོག་མ་སག་སག་འགུལ། ཁྲོམ་ན་མི་སག་སག་བྱེད་ལྟ་བུ། འདི་ལ་སག་སིག་ཅེས་འབྲི་བའང་ཡོད། |
| སག་རྡར |
སེག་རྡར་གྱི་འབྲི་ཚུལ་གཞན་ཏེ། སེག་ལ་ལྟོས། |
| སག་རྩ་སྐྱེལ |
རྙིང དམ་བཅའ་བརྟན་པ། |
| སག་རྫུན |
ཡུལ བོད་དུ་བཟོས་པའི་ཀོ་སྔོན་ཞིག |
| སག་ལྷམ |
བུ་ག་མང་བོ་ཡོད་པའི་བསིལ་ལྷམ་གྱི་མིང་། |
| སག་ས |
ཡུལ རྒྱུ་མ་སྐམ་པོ་སིལ་མའི་མིང༌། |
| སག་སག |
1 སག་ས་དང་འདྲ། 2 རས་སོགས་ཚགས་ཞིབ་པོ་མེད་པ། |
| སག་སིག |
སག་སྒྲ་སིག་སྒྲ་ཞེས་སྒྲའི་བྱེ་བྲག རླུང་གིས་ཤིང་ལོ་སག་སིག་ཏུ་གཡོ་བ། |
| སང |
1 དེ་རིང་གི་ཕྱི་ཉིན་དང༌། མ་འོངས་པའི་དུས་ཚེ། སང་ཞོགས། སང་གི་གདུགས། སང་གི་འཚོ་ཚིས། སང་སྔ་པོ། སང་ནས་སང་དུ་བཤོལ་བ། སང་བཅར་གནངས་བཅར་ཟེར་ནས་འགོར་བ། སང་ལས་མ་འགྱངས་པར་ཡོང་ངེས་ཡིན། སང་འཆི་གནངས་འཆི། 2 རས་སྲབ་མོ་ཞིག སང་ཁེབས། |
| སང་ཀག་ཀྵ |
ལེགས རྔུལ་གཟན། |
| སང་གནངས |
1 སང་ཉིན་དང་གནངས་ཉིན། སང་གནངས་ལས་མ་འགྱངས་པ། 2 དུས་ཡུན་རིང་པོ་མ་འགོར་བའི་མ་འོངས་པ། སང་གནངས་ལས་གྲྭའི་མཇུག་སྒྲིལ་ཟིན་མཚམས། |
| སང་གྷ |
ལེགས དགེ་འདུན། |
| སང་གྷཱ་ཡ |
ལེགས དགེ་འདུན་ཞེས་པར་ལ་དོན་གྱི་རྣམ་དབྱེ་སྟེར་བ། |
| སང་ངེ་སེང་ངེ |
བར་སྣང་ངམ། སྒོ་བར་སོགས་ནས་སྣང་བ་དཀར་པོ་མཐོང་ཚུལ། སྒོ་དང་སྒེ་ཁུང་གི་བར་སེང་ནས་འོད་སྣང་དཀར་པོ་སང་ངེ་སེང་ངེ་མཐོང༌། |
| སང་ཉིན |
དེ་རིང་གི་ཕྱི་ཉིན། སང་ཉིན་གྱི་ཤ་ལས་དེ་རིང་གི་རུས་པ་ཞིམ། |
| སང་དགོང |
སང་ཉིན་དགོང་མོ། |
| སང་ནང་པ |
སང་ཉིན་སྔ་ཞོགས། |
| སང་ནུབ |
སང་ཉིན་དགོང་མོ། |
| སང་ཕོད |
ལོ་ཕྱི་མའི་མིང་སྟེ། སང་ལོ་དང་དོན་འདྲ། ལྕགས་རིགས་བརྡུངས་པའི་སྒྲ་ལྟ་བུ་སྟེ། འཁར་རྔ་སང་སྒྲ་གྲགས། ཁུ་བྱུག་སང་སང་གྲགས། གླུ་སྐད་སང་སེ་སང་ཞེས་པ་ལྟ་བུ། |
| སང་བ |
སངས་པའི་འབྲི་སྲོལ་གཞན་ཞིག་ |
| སང་ཚགས |
ཚགས་སྤྱད། |
| སང་ཞོགས |
སང་ཉིན་སྔ་མོའམ་སང་ཉིན་ཞོགས་པ། |
| སང་རས |
རས་སྲབ་པོ་སང་ཟེར་བ། |
| སང་ལོ |
ལོ་ཕྱི་མ། |
| སང་ཤི |
མེས་ཨག་ཚོམ་དུས་སུ་རྒྱ་ནག་ནས་བོད་དུ་བཏང་བའི་ཕོ་ཉ་ཞིག་གི་བུ་ཡིན་ལ། ཁྲི་སྲོང་ལྡེ་བཙན་ཆུང་དུས་སུ་སྒྲོམ་བུ་བསྐུར་ནས་སང་ཤི་དང་མི་བཞི་རྒྱའི་གཙུག་ལག་ལེན་དུ་བཏང༌། རི་བོ་རྩེ་ལྔ་མཇལ། རྒྱ་རྗེས་ཆོས་བམ་པོ་སྟོང་གནང༌། ཕོ་ཉའི་ལས་གྲུབ་ནས་སླར་བོད་དུ་མཆིས་པ་དང༌། བློན་ཆེན་གྱི་ཐོབ་བསྩལ། མིང་ཡང་རྒྱ་ཕྲུག་མཛངས་པ་པོར་བཏགས། ཁྲི་སྲོང་ལྡེ་བཙན་གྱིས་ཆོས་སྤེལ་བའི་སྐབས་ཞབས་ཏོག་མི་དམན་པ་ཞུས་སོ། |
| སང་ཤི་གནངས་ཤི |
འཆི་ལ་ཉེ་བ། |
| སང་ཤི་ཏ |
བོད་རྒྱལ་ཁྲི་སྲོང་ལྡེ་བཙན་དུས་ཀྱི་བཙུན་པ་ཞིག |
| སང་སང |
གྲངས་གནས་ཤིག |
| སང་སང་གནངས་གནངས |
དུས་ཚོད་ནར་འགྱངས་བྱེད་པ། |
| སང་སང་པོ |
སྣང་བ་གསལ་པོ། ཐོ་རེངས་ཤར་ཕྱོགས་ཀྱི་འོད་སྣང་སང་སང་པོ། |
| སང་སེང |
སང་ངེ་སེང་ངེའི་བསྡུས་ཚིག་ |
| སངས |
(བྱེད་མེད་ལས་ཚིག) གཉིད་དང་མུན་པ་འཐིབས་པ་སོགས་ཡལ་བའི་དོན་ཏེ། གཉིད་སངས། སྨུགས་པ་སངས་ལྟ་བུ། |
| སངས་པ |
ཐ་མི་དད་པ 1 འདག་པ། ཆུའི་ནང་ལ་བཀྲུས་པས་དྲི་མ་ཐམས་ཅད་སངས་པ། བཙོག་གྲིབ་སངས་པ། 2 གསལ་བ། གཉིད་ལས་སངས་པ། ངལ་གསོ་ཕྲན་བུ་བརྒྱབ་ན་ངལ་དུབ་ཚང་མ་སངས་པ། ནམ་ལངས་པ་དང་མུན་པ་སངས་པ། སྡུག་བསྔལ་གྱིས་མནར་བའི་འོག་ལས་སངས་པ། ཡིད་ཀྱི་རྨུགས་གཉིད་ཚང་མ་སངས་ཀྱིས་སངས་པ། |
| སངས་པོ |
དྭངས་པོ། ནམ་མཁའ་སངས་པོ། ལུས་ཁམས་སངས་པོ། དྲན་པ་སངས་པོ། |
| སངས་འཕགས |
སངས་རྒྱས་འཕགས་པ། |
| སངས་རྒྱས |
བུདྡྷཿ སྒྲིབ་གཉིས་ཀྱི་མུན་པ་སངས་ཤིང༌། མཁྱེན་གཉིས་ཀྱི་སྣང་བ་རྒྱས་པ། མཚན་གྱི་རྣམ་གྲངས་ལ་ཀུན་མཁྱེན་དང༌། ཀུན་ཏུ་བཟང་པོ། རྐང་གཉིས་གཙོ་བོ། སྐུ་གསུམ་པ། ཁྱབ་བདག་མཁའ་མཉམ་པ། མཁྱེན་ལྔ་པ། འགྲོ་བའི་བླ་མ། རྒྱལ་བ། མངོན་ཤེས་དྲུག་ལྡན། བཅོམ་ལྡན་འདས། ཆགས་འཇོམས། ཆགས་བྲལ། ཆོས་ཀྱི་རྒྱལ། ཆོས་ཀྱི་དབང་ཕྱུག་འཇིག་རྟེན་འདུལ། གཉིས་མེད་གསུང་བ། སྟོན་པ། སྟོབས་བཅུ་བ། ཐམས་ཅད་མཁྱེན། ཐམས་ཅད་སྒྲོལ། ཐམས་ཅད་རྟོགས། ཐམས་ཅད་གཟིགས། ཐུབ་པའི་དབང་པོ། དུས་གསུམ་མཁྱེན། དེ་བཞིན་གཤེགས་པ། དྲན་པའི་དགྲ། བདག་ཉིད་ཆེན་པོ། བདུད་འདུལ། བདེ་གཤེགས། རྣམ་པར་འདྲེན་པ། མི་མཉམ་པ། ལུས་མེད་ཐུལ། ལེགས་གསུང་བཅས་སོ། 2.1སངས་རྒྱས་ཆོས་ལུགས་ཀྱི་སྲོལ་བཏོད་མཁན་ཤཱཀྱ་མུ་ནེའི་མིང་། 2སངས་རྒྱས་ཆོས་ལུགས་པའི་འཐོབ་བྱའི་མཐར་ཐུག་པའི་གོ་འཕང་ཐོབ་བའི་གང་ཟག་གི་མིང་། |
| སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད |
དེ་བཞིན་གཤེགས་པ་ལ་འཁྲུལ་བ་མི་མངའ་བ་དང༌། ཅ་ཅོ་མི་མངའ་བ། བསྙེལ་བ་མི་མངའ་བ། མཉམ་པར་མ་བཞག་པ་མི་མངའ་བ། ཐ་དད་པའི་འདུ་ཤེ་མི་མངའ་བ། མ་བརྟགས་པའི་བཏང་སྙོམས་མི་མངའ་བ། འདུན་པ་ཉམས་པ་མི་མངའ་བ། བརྩོན་འགྲུས་ཉམས་པ་མི་མངའ་བ། དྲན་པ་ཉམས་པ་མི་མངའ་བ། ཤེས་རབ་ཉམས་པ་མི་མངའ་བ། ཏིང་ངེ་འཛིན་ཉམས་པ་མི་མངའ་བ། རྣམ་པར་གྲོལ་བ་ཉམས་པ་མི་མངའ་བ། ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ། ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ། ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ། མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ། ད་ལྟའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་པ་སྟེ་བཅོ་བརྒྱད། |
| སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུ |
དཔེ་བྱད་བརྒྱད་ཅུ་ལ་ལྟོས། |
| སངས་རྒྱས་ཀྱི་བཀའ་གསུམ |
བདག་རྐྱེན་གྱི་སྒོ་ནས་དབྱེ་ན་གསུམ་སྟེ། ཞལ་ནས་གསུངས་པ་དང༌། བྱིན་གྱིས་བརླབས་པ་དང༌། རྗེས་སུ་གནང་བ་བཅས་གསུམ་མོ། |
| སངས་རྒྱས་ཀྱི་བཀའ་རྣམ་པ་གསུམ |
སངས་རྒྱས་ཀྱི་བཀའ་གསུམ་དང་དོན་གཅིག་ |
| སངས་རྒྱས་ཀྱི་མཚན་བཅུ |
དེ་བཞིན་གཤེགས་པ་དང༌། དགྲ་བཅོམ་པ། ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས། བཅོམ་ལྡན་འདས་ཏེ་མཚན་བཅུ། |
| སངས་རྒྱས་ཀྱི་མཛད་པ་བཅུ་གཉིས |
དགའ་ལྡན་གྱི་གནས་ནས་འཕོ་བ་དང༌། ལྷུམས་སུ་ཞུགས་པ་དང༌། སྐུ་བལྟམས་པ་དང༌། བཙུན་མོའི་འཁོར་གྱིས་རོལ་བ་དང༌། བཟོ་ཡི་གནས་ལ་མཁས་པ་དང༌། ཁྱིམ་ནས་མངོན་པར་བྱང་བ་དང༌། དཀའ་བ་སྤྱད་པ་དང༌། བྱང་ཆུབ་སྙིང་པོར་གཤེགས་པ་དང༌། བདུད་སྡེ་བཅོམ་པ་དང༌། མངོན་པར་བྱང་ཆུབ་པ་དང༌། ཆོས་ཀྱི་འཁོར་ལོ་བསྐོར་བ་དང༌། མྱ་ངན་ལས་འདས་པ་སྟེ་མཛད་པ་བཅུ་གཉིས། |
| སངས་རྒྱས་ཀྱི་སྟོབས་བཅུ |
སྟོབས་བཅུ་དང་དོན་གཅིག་ |
| སངས་རྒྱས་ཀྱི་སྤྱན |
ཇི་ལྟ་ཇི་སྙེད་ཀྱི་ཆོས་ཐམས་ཅད་རྣམ་པ་ཐམས་ཅད་དུ་མངོན་དུ་ཕྱོགས་པར་བྱང་ཆུབ་པ་སྟེ་རྟོགས་པའི་ཡེ་ཤེས། |
| སངས་རྒྱས་ཀྱི་སྲས |
སྐུའི་སྲས་སྒྲ་གཅན་འཛིན། གསུང་གི་སྲས་ཉན་ཐོས་རང་རྒྱལ། ཐུགས་ཀྱི་སྲས་བྱང་ཆུབ་སེམས་དཔའ་རྣམས་སོ། |
| སངས་རྒྱས་གསང་བ |
རྒྱ་གར་གྱི་སློབ་དཔོན་ཞིག་སྤྱི་ལོའི་དུས་རབས་བརྒྱད་པའི་མཇུག་ཙམ་ལ་ཁྲི་སྲོང་ལྡེ་བཙན་གྱིས་བོད་དུ་གདན་དྲངས་ཏེ། བོད་ལ་གསང་སྔགས་ཀྱི་ཆོས་སྤེལ་མཛད། |
| སངས་རྒྱས་ཆུང |
ཉན་ཐོས། |
| སངས་རྒྱས་དཀོན་མཆོག |
མ་རིག་པའི་གཉིད་སངས་ཤིང་ཐམས་ཅད་མཁྱེན་པའི་ཡེ་ཤེས་བརྙེས་པས་པདྨ་ཁ་བྱེ་བ་བཞིན་བསོད་ནམས་དང་ཡེ་ཤེས་ཀྱི་ཚོགས་རྒྱས་པ། དེ་ནི་ཡོན་ཏན་གྱི་ཕུལ་ཆེ་ལ་འཇིག་རྟེན་ན་ཉུང་བ། |
| སངས་རྒྱས་དཔའ་བོ་བདུན |
རྣམ་པར་གཟིགས་དང༌། གཙུག་ཏོར་ཅན། ཐམས་ཅད་སྐྱོབ། འཁོར་བ་འཇིག་གསེར་ཐུབ། འོད་སྲུང༌། ཤཱཀྱ་ཐུབ་པ་སྟེ་བདུན། |
| སངས་རྒྱས་པ |
1 སངས་རྒྱས་ཀྱི་གོ་འཕང་ཐོབ་ཟིན་པ། 2 སངས་རྒྱས་པའི་རིང་ལུགས་འཛིན་མཁན། |
| སངས་རྒྱས་པའི་གྲུབ་མཐའ |
བདེན་བཞི་ཁས་ལེན་པའི་རིང་ལུགས་ཏེ་སྔར་རྒྱ་གར་ལ་སངས་རྒྱས་པའི་གྲུབ་མཐའ་ལ་བྱེ་བྲག་སྨྲ་བ་དང༌། མདོ་སྡེ་པ། སེམས་ཙམ་པ། དབུ་མ་པ་བཅས་མི་འདྲ་བ་བཞི་ཡོད། |
| སངས་རྒྱས་བསྐྱངས |
རྒྱ་གར་དུ་བྱུང་བའི་དབུ་མ་པའི་སློབ་དཔོན་ཞིག་ཡིན་ཞིང༌། རྩ་བ་ཤེས་རབ་ཀྱི་འགྲེལ་པ་བུདྷ་པ་ལི་མཛད། རྩ་ཤེས་ལས་བཤད་པའི་རིགས་པ་རྣམས་དབུ་མ་ཐལ་འགྱུར་བའི་ལུགས་སུ་བཀྲལ་བས། དབུ་མ་ཐལ་འགྱུར་བའི་སློབ་དཔོན་ཆེན་པོའོ། |
| སངས་རྒྱས་བསྟན་པ |
ནང་ཆོས་ཀྱི་རིང་ལུགས། |
| སངས་རྒྱས་བླ་མ |
གཏེར་སྟོན་ཐམས་ཅད་ཀྱི་ཐོག་མ་སངས་རྒྱས་བླ་མ་ནི། དུས་རབས་བཅུ་གཅིག་པ་རབ་བྱུང་དང་པོར་ལ་སྟོད་མཚོ་བར་དུ་སྐུ་འཁྲུངས། རྩ་གསུམ་དྲིལ་སྒྲུབ་དང༌། རྟ་མགྲིན་དྲེགས་པ་ཟིལ་གནོན་སོགས་གཏེར་ཆོས་མང་དུ་བཏོན། དགུང་གྲངས་བརྒྱད་ཅུ་ལྷག་བཞུགས་ཏེ་གཤེགས་སོ། |
| སངས་རྒྱས་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག་སྟེ། རྒྱལ་བའི་སྐུ་བརྙན་བྱིན་རླབས་ཅན་བཤམས་པའོ། |
| སངས་རྒྱས་འབྲིང |
རང་སངས་རྒྱས་ཏེ་རང་རྒྱལ། |
| སངས་རྒྱས་རབས་བདུན |
སངས་རྒྱས་དཔའ་བོ་བདུན་དང་འདྲ། |
| སངས་རྒྱས་རྒྱ་མཚོ |
ཏཱ་ལའི་བླ་མ་སྐུ་ཕྲེང་ལྔ་པའི་སྐབས་ཀྱི་སྡེ་སྲིད་ཅིག་རབ་བྱུང་བཅུ་གཅིག་པའི་ས་ལུག་ལོར་བོད་ཀྱི་སྡེ་སྲིད་བྱས། ཏཱ་ལའི་བླ་མ་ལྔ་པ་འདས་ཀྱང་གསང་རྒྱ་བསྡམས་ནས་རང་ཉིད་ཀྱིས་ཆོས་སྲིད་གཉིས་ཀའི་དབང་ཆ་བཟུང༌། ཕྱིས་བདེ་སྐྱིད་རྒྱལ་པོས་བཀའ་བཀྱོན་གནང་བས་ཚངས་དབྱངས་རྒྱ་མཚོ་གསེར་ཁྲིར་གདན་འདྲེན་ཞུས། རབ་བྱུང་བཅུ་གཉིས་པའི་མེ་བྱ་ལོར་བོད་རྒྱལ་ལྷ་བཟང་ཧན་གྱིས་བཀྲོངས། སྡེ་སྲིད་སངས་རྒྱས་རྒྱ་མཚོ་ལའང་ལྟོས། 16531705 1679 1682 1705 |
| སངས་རྒྱས་རྒྱལ་མཚན |
ཕག་གྲུ་སྡེ་སྲིད་ཁྲི་རབས་བདུན་པ་འདིས་རབ་བྱུང་བདུན་པའི་ཤིང་བྱི་ལོ་ནས་རབ་བྱུང་བརྒྱད་པའི་ས་འབྲུག་ལོའི་བར་ལོ་བཞི་སྲིད་བསྐྱངས། 14441448 1469 |
| སངས་རྒྱས་རྗེས་སུ་དྲན་པ |
རྗེས་སུ་དྲན་པ་དྲུག་གི་ནང་གསེས། དེ་བཞིན་གཤེགས་པའི་ཡོན་ཏན་རྗེས་སུ་དྲན་པའོ། |
| སངས་རྒྱས་རྗེས་སུ་དྲན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་དེ་བཞིན་གཤེགས་པའི་ཡོན་ཏན་དོན་དམ་པར་མ་དམིགས་ཤིང༌། ཀུན་རྫོབ་ཏུ་སངས་རྒྱས་ལ་སྟོན་པའི་འདུ་ཤེས་རིམ་ལྡན་དུ་དྲན་པའོ། |
| སངས་རྒྱས་ལ་ཀ་ཁ |
མཁས་པའི་མདུན་དུ་རང་གི་ཡོན་ཏན་ངོམ་པ། |
| སངས་རྒྱས་ལྷ |
བུདྡྷཿདེབཿ སྔར་རྒྱ་གར་གྱི་བྱེ་བྲག་སྨྲ་བའི་སློབ་དཔོན་ཞིག |
| སངས་རྒྱས་སྐུ་ཤ་མ |
གོས་ཆེན་སྐྱིན་ཁེབས་ཀྱི་བྱེ་བྲག་ཅིག་བལ་པོ་དང་རྒྱ་གར་ནས་ཐོན། |
| སངས་རྒྱས་སྤྲུལ་པའི་སྐུ |
སངས་རྒྱས་ཀྱིས་སྲིད་པ་ཇི་སྲིད་དུ་ཕྱོགས་དུས་ཀྱི་འགྲོ་བ་རྣམས་ལ་ཕན་བདེ་སྣ་ཚོགས་པ་དག་སྟོན་པར་མཛད་པ། |
| སངས་རྒྱས་སྨན་བླ |
སེམས་ཅན་ནད་ཀྱི་སྡུག་བསྔལ་ལས་སྐྱོབ་པར་མཛད་པའི་སངས་རྒྱས་ཤིག |
| སད |
(བྱེད་མེད་ལས་ཚིག) གཉིད་སད་པ་དང་གོ་རྟོགས་ཇེ་མཐོར་སོང་བ་དང་ཚོད་བགམ་བྱས་པ་བཅས་ཀྱི་དོན་ཏེ། བྱིས་པ་གཉིད་ལས་སད། མི་དམངས་གོ་རྟོགས་སད་ཅེས་པ་ལྟ་བུ། ས་ངོས་ཀྱི་རླངས་པའམ་ཆུ་རྡུལ་ཕྲ་མོའི་རིགས་འཁྱགས་ནས་ཁ་བ་ལྟར་ཆགས་པའི་རང་བྱུང་ཁམས་ཀྱི་སྣང་ཚུལ་ཞིག་གི་མིང་། སད་ལྷུང་། སད་བརྒྱབ་ལྟ་བུ། འདི་ལ་བད་ཀྱང་ཟེར། |
| སད་དེ་སུད་དེ |
ཉུང་ངུའམ་ཆ་ཤས། ལྟོ་སད་དེ་སུད་དེ། བྱས་རྗེས་སད་སུད་ཙམ། |
| སད་ན་ལེགས་མཇིང་ཡོན |
ཁྲི་སྲོང་ལྡེ་བཙན་གྱི་སྲས་ཆུང་བ་སྟེ། དེབ་དམར་དུ་སྲས་བཞི་པ་ཡིན་པར་བཤད་ཅིང༌། དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས་སོགས་སུ་མུ་ཏིག་བཙན་པོ་ཡིན་པར་བཤད། གཅེན་པོ་མུ་ནེ་བཙན་པོ་འདས་དུས། བློན་པོ་རྣམས་ཀྱིས་དང་པོར་བཙན་པོ་ཐ་ཆུང་འདིས་རྒྱལ་པོ་འོང་མི་འོང་ཉམས་སད་ན་ལེགས་ཅེས་བགྲོས་པ་དང༌། མགུལ་ཡོན་པོར་བྱས་ཏེ་བཞུགས་པ་ཞིག་ཡོད་པས་སད་ན་ལེགས་མཇིང་ཡོན་ཞེས་མཚན་དུ་གྲགས། སྔ་གོང་ཡབ་མེས་ཀྱིས་བཞེངས་པའི་གཙུག་ལག་ཁང་རྣམས་ལ་མཆོད་པ་ཕུལ། ཤུལ་ན་བཞུགས་པའི་ལོ་པཎ་ཀ་མ་ལ་ཤཱི་ལ་སོགས་ལ་ཕུལ་དུ་བྱུང་བའི་ཞབས་ཏོག་བསྙེན་བཀུར་བྱས། སླར་ཡང་རྒྱ་བལ་ནས་སློབ་དཔོན་བི་མ་ལ་མི་ཏྲ་སོགས་སྤྱན་དྲངས་ཏེ། སྔར་མ་འགྱུར་བའི་མདོ་དང་སྒྲ་དུ་མ་བསྒྱུར། སྐྱི་ཤོད་དུ་རྒྱལ་སྡེ་དཀར་ཆུང་རྡོ་རྗེ་དབྱིངས་ཀྱི་ལྷ་ཁང་བཞེངས། བློན་འབངས་རྣམས་ལ་ནམ་ཡང་སངས་རྒྱས་ཀྱི་བསྟན་པ་མི་གཞིག་པར་བྲོ་བོར་བའི་བཀའ་གཙིགས་ཡང་ཡང་བསྩལ། |
| སད་པ |
1.ཐ་དད་པ བརྟག་དཔྱད་དང་ཚོད་ལེན་པ། ཉམས་སད་པ། བཏུབ་བམ་སད་ཅིག 2.ཐ་མི་དད་པ སང་བ། གཉིད་སད་པ། སྔོན་གྱི་བག་ཆགས་སད་པ། གོ་རྟོགས་མ་སད་པ། རྨི་ལམ་སད་པ། |
| སད་མདའ |
བྱ་བ་གང་ཞིག་འཇུག་ལྡོག་གི་དོན་མ་རྟོགས་པ་ཐེ་ཚོམ་དུ་གྱུར་པའི་སྐབས་དོན་དེ་གསལ་བར་ཤེས་པའི་ཕྱིར་སྔོན་དུ་ཚོད་ལྟ་བྱེད་པ། |
| སད་མི་མི་བདུན |
ཆོས་རྒྱལ་ཁྲི་སྲོང་ལྡེ་བཙན་སྐབས་མཁན་ཆེན་བོ་དྷི་སཏྭས་བོད་མིས་རབ་བྱུང་གི་བསླབ་སྡོམ་སྲུང་ནུས་མི་ནུས་ཚོད་བལྟའི་ཕྱིར་དུ་ཐམས་ཅད་ཡོད་སྨྲའི་ལུགས་བཞིན་ཐོག་མར་རབ་ཏུ་བྱུང་བའི་མི་སྦ་གསལ་སྣང་དང༌། སྦ་ཁྲི་བཞེར། བཻ་རོ་ཙ་ན། རྒྱལ་བ་མཆོག་དབྱངས། འཁོན་ཀླུའི་དབང་པོ། རྨ་རིན་ཆེན་མཆོག་གཙང་ལེགས་གྲུབ་སྟེ་བདུན། བོད་ཀྱི་ཆོས་འབྱུང་གི་དེབ་ཐེར་ཁག་ལས་སད་མི་མི་བདུན་གྱི་མིང་འདྲེན་སྟངས་མི་མཐུན་པ་མང༌། |
| སད་མེད |
མངོན དུག་སྦྲུལ། |
| སད་རྟོགས |
སད་པའི་གོ་རྟོགས། |
| སད་ལྷུང |
ཟླ་བ་དགུ་པའི་སྒང་ནས་འབྲུག་སྒྲ་ཆག་པ་དང་ལོ་ཏོག་བཞག་ཀྱང་སད་ཀྱིས་འཇིག་པས་སད་ལྷུང་གི་དུས་ཚིགས་ཟེར། |
| སད་སུད |
སད་དེ་སུད་དེའི་བསྡུས་ཚིག་ |
| སད་སུད |
(རྒྱན་ཚིག) ཉམ་ཆུང་བའི་དོན་ཏེ། ཡོན་ཏན་སད་སུད་ཙམ་སྦྱང་། སྣང་བ་སད་སུད་ཅིག་སྐྱེས་ལྟ་བུ། |
| སད་སེར |
སད་དང་སེར་བ་ཞེས་པའི་མིང་བསྡུས་པ། |
| སད་སེར་བཙའ་ཐན |
ལོ་ཏོག་གི་དགྲ་སད་དང་སེར་བ་དང༌། བཙའ། ཐན་པའི་བསྡུས་ཚིག |
| སབ |
རྩི་ཤིང་དང་ལྕུག་མ་སོགས་ཀྱིས་བསླེས་པའི་ར་བ་དང་བར་ཆོད་ཡོ་བྱད་སོགས་ཀྱི་མིང་སྟེ། ཞིང་ལ་སབ་སླེས་ལྟ་བུ། འདི་ལ་སབ་མོ་དང་སབ་མ་ཡང་ཟེར། |
| སབ་བེ་སོབ་བེ |
མཁྲེགས་མིན་དང་མནན་མི་བཟོད་པའི་འབོལ་པོའམ་བཏགས་མའི་ཐགས་རྐང་མི་ལེགས་པའི་རྣམ་པ། ཆུའི་ལྦུ་བ་སབ་བེ་སོབ་བེ། སྣམ་བུ་སབ་སོབ། ཁ་བའི་གོང་བུ་སབ་སོབ། |
| སབ་མ |
1 ཤིང་གི་ལྕུག་མ་སྦོམ་ཕྲ་མཐེབ་སོར་ཙམ་ཕན་ཚུན་བསྣོལ་ཏེ་གྱང་གི་ཚུལ་དུ་བསྐོར་བའི་ར་བ་ལྟ་བུ། ཚལ་ཞིང་སབ་མས་བསྐོར་བ། 2 སྨྱུག་གདན་ནམ་རྩྭ་གདན། |
| སབ་མོ |
སབ་མ་དང་འདྲ། |
| སབ་ཤལ |
ལྕུག་མ་སོགས་ཀྱིས་བསླེས་པའི་ཞིང་ཆས་ཤལ་གྱི་མིང་། |
| སབ་སིབ |
(རྒྱན་ཚིག) མི་གསལ་བའི་དོན་ཏེ། ཟླ་འོད་སབ་སིབ་ཙམ་འཕྲོས། མིག་གིས་སབ་སིབ་ཙམ་མཐོང་ལྟ་བུ། ཁ་སྐད་དུ་ས་བེ་སིབ་བེ་ཟེར། |
| སབ་སུབ |
སྦ་འགེབས། བྱས་ཉེས་དངོས་རྗེན་རྣམས་སབ་སུབ་བྱེད་པ། |
| སབ་སོབ |
(རྒྱན་ཚིག) སྲ་མཁྲེགས་ཀྱི་ལྡོག་ཟླ་སྟེ། ཤིང་སབ་སོབ། ས་སབ་སོབ་ཅེས་པ་ལྟ་བུ། ཡུལ་སྐད་དུ་ས་བེ་སོབ་བེ་ཟེར། |
| སམ |
1.མིང་མཐའ་སའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག ས སྟོབས་ཤུགས་སམ་ལག་རྩལ། རླུང་ངམ། མཁྲིས་སམ། བད་ཀན། 2.མིང་མཐའ་སའི་རྗེས་སུ་སྦྱོར་བའི་འབྱེད་སྡུད་ཀྱི་སྒྲའི་རྐྱེན་ཞིག ས ཁྱེད་རང་སྐུ་རྐྱང་ཕེབས་ནུས་སམ་མི་ནུས། ཕ་མེས་བུ་མོ་མ་མཇལ་ཡུན་རིང་སོང༌། བུ་མོ་སྣང་ས་སྐུ་ཁམས་བདེ་ལགས་སམ། |
| སམ་ཊ |
ཡི་གེ་འབྲི་གཞིའི་ཤིང་བྱང་རྩི་ལྡན་ཞིག སམ་ཊའི་སྐེད་ཆིངས། |
| སམ་བྷོ་ཊ |
བཙན་པོ་རྒྱལ་རབས་སྐབས་ཀྱི་བོད་ཀྱི་མཁས་པ་ཞིག་སྟེ། ཁོང་གིས《ལུང་སྟོན་པ་སུམ་ཅུ་པའི་རྩ་བ》དང《ལུང་སྟོན་པ་རྟགས་ཀྱི་འཇུག་པའི་རྩ་བ》སོགས་གཞུང་མང་བོ་བརྩམས་པ་དང་། ཁོང་ནི་བོད་ཡིག་གསར་སྐྲུན་མཛད་མཁན་ཡིན། |
| སམ་སུམ |
(རྒྱན་ཚིག) ཁ་མིག་སོགས་ཅུང་ཙམ་ཟུམ་པའི་དོན་ཏེ། མིག་སམ་སུམ་བྱེད་ལྟ་བུ། ཁ་སྐད་དུ་ས་མེ་སུམ་མེ་ཟེར། |
| སམཱདྷི |
ལེགས ཏིང་ངེ་འཛིན། |
| སམྦྷ་བ |
ལེགས འབྱུང་གནས། |
| སམྦྷོཊ |
ལེགས བོད་བཟང་པོའམ་ལེགས་པ་སྟེ་སྔར་རྒྱ་གར་གྱི་མཁས་པ་ཚོས་ཐུ་མི་ཨ་ནུའི་བུ་ལ་འབོད་པའི་ཆེ་མིང༌། |
| སའི་ཁམས |
སའི་ཕྱི་ངོས་ཀྱི་རིམ་པ་ཞིག་སྟེ། དེར་རྩི་ཤིང་སོགས་སྐྱེ་བའི་ནུས་པ་ཡོད། |
| སའི་གདུ་བུ |
མངོན ཨུཏྤལ། |
| སའི་གོ་ལ |
1ས་གཞི་ཕྱིའི་རྒྱ་མཚོ་དང་བཅས་པ་ལ་སྐར་རྩིས་སམ་གནམ་རིག་ཏུ་སའི་གོ་ལ་ཟེར། སའི་གོ་ལ་ནི་ཉི་མའི་རྒྱུད་དུ་ཉི་མ་དང་ཉེ་བའི་རྒྱུ་སྐར་གསུམ་པ་ཡིན། སའི་གོ་ལའི་དབྱིབས་ནི་ཟླུམ་པོ་གྲུ་གུ་ལྟ་བུ་ཅུང་ཟད་ལེབ་པ་ཞིག་ཡིན་པས། ལྷོ་སྣེ་དང་བྱང་སྣེའི་བར་ཐག་ཅུང་ཟད་ཐུང་། དེའི་ཕྱིར་དམར་ལམ(ཤར་ནུབ་ཀྱི་དཀྱིལ་ཐིག)གྱི་ཚངས་ཕྱེད་ཀྱི་བར་ཐག་ནི་སྤྱིའི་ལེ་བར6， 3782ཡིན་ཞིང་། ལྷོ་བྱང་སྣེའི་བར་ཐག་གི་ཕྱེད་ཀ་ནི་སྤྱིའི་ལེ་བར6，3569ཡིན། རང་འཁོར་གཅིག་ལོངས་པའི་དུས་ཡུན་ནི་ཉིན་ཞག་གཅིག་དང་། ཉི་མར་སྐོར་བ་གཅིག་ལོངས་པའི་དུས་ཡུན་ནི་ལོ་གཅིག་ཡིན། སའི་གོ་ལའི་ཕྱི་རུ་དབུགས་རིམ(རླུང་རིམ)ཆེན་པོས་བཏུམས་ཡོད། སའི་གོ་ལའི་ཕྱི་ངོས་ནི་ས་གཞི་དང་ཆུ་བོ། རྒྱ་མཚོ་སོགས་ཡིན་ལ། དེར་མི་དང་དུད་འགྲོ་རྣམས་འཚོ་ཞིང་། རྩི་ཤིང་སྣ་ཚོགས་སྐྱེས་ཡོད། 2སྐར་རྩིས་ཀྱི་འཛམ་གླིང་སའི་འདབ་མ་བཅུ་གཉིས་མཚོན་པའི་དཔེ་རིས་ལའང་སའི་གོ་ལ་ཟེར་ཞིང་། ནམ་མཁའི་རྒྱུ་སྐར་གྱི་བགྲོད་པ་དང་སྐར་ཚོགས་ཀྱི་གོ་ས་སོགས་མཚོན་པའི་དཔེ་རིས་ལ་ནམ་མཁའི་གོ་ལ་ཟེར། |
| སའི་ཆོ་ག |
བདག་པོས་བཟུང་བའི་གཞི་ལ་དབང་མི་ཟ་བའི་ཕྱིར་སའི་ཆོ་ག་བྱ་བ་སྟེ་གསང་སྔགས་ཀྱི་དཀྱིལ་འཁོར་བསྒྲུབ་པའི་གནས། ས་བརྟག་པ། ས་བསླང་བ། ས་སྦྱང་བ། ས་བཟུང་བ། ས་བསྲུང་ཞིང་བྱིན་གྱིས་བརླབ་པ་བཅས་ཀྱི་ཆོ་གའོ། |
| སའི་ཉིང་ཁུ |
སའི་བཅུད། |
| སའི་དཀྱིལ་འཁོར |
སའི་གཞི། |
| སའི་དངོས་གཞི |
འཕགས་པ་ཐོགས་མེད་ཀྱིས་མཛད་པའི་ས་སྡེ་ལྔའམ་རྣལ་འབྱོར་སྤྱོད་པའི་སའི་ནང་གསེས་ཤིག |
| སའི་དབང་ཕྱུག་གི་ཟླ་བ |
མགོ་ཟླ་བ་སྟེ་ཧོར་ཟླ་བ་བཅུ་གཅིག་པ། རྡོ་རྗེ་མཁའ་འགྲོའི་རྒྱུད་དང༌། གདན་བཞི་ལས་དེ་ལྟར་ཟེར། |
| སའི་ཕུར་བུ |
མངོན རི། |
| སའི་བརྒྱ་བྱིན |
མངོན རྒྱལ་པོའི་མིང༌། |
| སའི་བུ |
མངོན གཟའ་མིག་དམར། |
| སའི་བྱེད་ལས |
རྒྱུ་བ་དང་མི་རྒྱུ་བའི་འཇིག་རྟེན་ཐམས་ཅད་སྐྱེ་ཞིང་གནས་པའི་རྟེན་བྱེད་པ། |
| སའི་མཇུག་མ |
མངོན སྤྲེའུ། |
| སའི་ཡོངས་སྦྱོང |
ས་ཐོབ་པ་ལ་རང་རང་གི་ངོས་སྐལ་དུ་གྱུར་པའི་སྤང་བྱ་རྣམས་སྤོང་བ་དང༌། བསྒྲུབ་བྱའི་ཆོས་ལ་འཇུག་པ་དང༌། ས་གོང་མའི་སྤྱོད་ཡུལ་ལ་འཇུག་པར་རུང་བ་ཉིད་དུ་སྒྲུབ་པའི་ཕྱིར་ས་རང་སྐབས་ཀྱི་ཡོངས་སུ་བསྒྲུབ་པའི་ཆོས་སོ། |
| སའི་རྟེན |
ལུས་ཀྱི་མཚེར་པ། |
| སའི་ལེགས་དྲུག |
སྔར་བོད་རྒྱལ་བཅུ་པ་ཨེ་ཤོ་ལེགས་དང༌། བཅུ་གཅིག་པ་དེ་ཤོ་ལེགས། བཅུ་གཉིས་པ་ཐི་ཤོ་ལེགས། བཅུ་གསུམ་པ་གུང་རུ་ལེགས། བཅུ་བཞི་པ་འབྲོང་ཞེར་ལེགས། བཅོ་ལྔ་པ་ཨི་ཤོ་ལེགས་བཅས་རྒྱལ་རབས་དྲུག་པོ་སྤྱིའི་མིང༌། |
| སའི་ལྷ་མོ |
ས་གཞི་སྐྱོང་བའི་ལྷ་མོ་བསྟན་མ། |
| སའི་ལྷ་སྟ་གོན |
དབང་གི་སྟ་གོན་ལས། ས་ཡི་ལྷ་མོ་སྟ་གོན་གྱི་ཆོ་ག་ནི། དཀྱིལ་འཁོར་གྱི་དབུས་སུ་སའི་ལྷ་བསྐྱེད་ནས་ཡེ་ཤེས་པ་བསྟིམས་ལ། མཆོད་གཏོར་ཕུལ་ཞིང་གསོལ་བ་བཏབ་པས་གནང་བ་བྱིན་ནས་སའི་ངོ་བོར་གནས་པར་བསྒོམ་པའོ། |
| སའི་སྐྱོན་བརྒྱད |
བསམ་གཏན་གྱི་སྐྱོན་བརྒྱད་དང་དོན་གཅིག་ |
| སའི་སྙིང་པོ |
1 མངོན 1)གསེར། 2)རྡོ་རྗེ་གདན། 2 བྱང་ཆུབ་སེམས་དཔའ་ཞིག |
| སའི་སྙིང་པོའི་འཁོར་ལོ་བཅུ་པ |
བམ་པོ་བཅུ་དང་ལེའུ་བརྒྱད་པ། རྒྱའི་མཁན་པོ་ཧྭ་ཤང་ཟབ་མོ་ལ་སོགས་པ་དང༌། ལོ་ཙཱ་བ་བནྡེ་རྣམ་པར་མི་རྟོག་པའི་འགྱུར། |
| སར་ཉལ |
1 ས་ལ་ཉལ་བ། 2 མངོན མ་ཧེའི་མིང༌། |
| སར་ཏི་འཛུགས་པ |
ས་ཐེ་འཛུགས་པ་ཡང་ཟེར། དམ་བཅའ་བྱས་ནས་ས་གཅིག་ཏུ་སྡོད་པའི་དོན། |
| སར་པ |
གསར་པ་དང་འདྲ། |
| སར་བ |
གསར་བ་ཞེས་པའི་འབྲི་ཚུལ་གཞན། |
| སར་མི |
1 གསར་དུ་སླེབས་པའི་མི། 2 རྙིང བང་ཆེན། |
| སར་འགྲོ |
མངོན རྨ་བྱ། |
| སར་སོར |
(རྒྱན་ཚིག) དངོས་པོ་གྱེན་ལ་ལངས་པའི་དོན་ཏེ། རྫ་རི་སར་སོར་མང་བོ་ཞེས་པ་ལྟ་བུ། ཁ་སྐད་དུ་ས་རེ་སོར་རེ་ཟེར། དཔེར་ན་བྲག་ས་རེ་སོར་རེ་ཞེས་པ་ལྟ་བུ། |
| སརྒཿ |
ལེགས ལེའུའམ་རབ་བྱེད། |
| སརྦ |
ལེགས ཐམས་ཅད། |
| སརྦྤ་ཛྙཱ་དེ་བ |
ལེགས བོད་དུ་ཕེབས་མྱོང་བའི་རྒྱ་གར་གྱི་སློབ་དཔོན་ཞིག་སྟེ་བོད་སྐད་དུ། ཀུན་མཁྱེན་ལྷ་ཞེས་ཟེར། |
| སལ་སིལ |
སྦུབ་སིལ་གཡེར་ཁ་སོགས་ཀྱི་སྐད་སྒྲོག་སྟངས་ཤིག |
| སལ་སིལ |
ལྕགས་རིགས་ཀྱི་རྒྱན་ཆ་ཚར་ལོ་ལྟ་བུའི་རིགས་ཤིག་གི་མིང་། (རྒྱན་ཚིག) དངོས་རྫས་མང་བོ་ཐོར་བུར་གནས་པའི་དོན་ཏེ། ཤོག་བུ་སལ་སིལ། ལྕགས་ཆ་སལ་སིལ་ཞེས་པ་ལྟ་བུ། |
| སལ་སུལ |
1 ངམ་གྲོག སང་གཤོང་མང་པོའི་སལ་སུལ་དོད་པ། 2 གོས་སོགས་ཀྱི་སུལ། |
| སཱ་ཙྪ |
ལེགས ཚ་ཚ་སྟེ་དམ་པའི་སྐུ་དང་མཆོད་རྟེན་གྱི་གཟུགས་བརྙན། ཚ་ཚ |
| སཱ་ར |
ལེགས 1 རླུང༌། 2 ཁྲ་བོ། 3 རྒྱ་མཚོ། |
| སཱ་ལ |
སྤོས་དཀར་ཤིང་སྟེ། ལོ་མང་སྐྱེ་བའི་རྩྭ་ལྡུམ། མེ་ཏོག་སེར་བོ་ཅན་ཞིག་ཡིན། མེ་ཏོག་དང་ལོ་མ་སྡོང་བུ་ཀུན་ལ་དྲི་ངད་ཁྱད་པར་བ་ཞིག་ཡོད། རྒྱ་སྐད་དུ་ཡུན་ཞང་ཟེར། དེའི་ཁུ་བ་གདུས་ནས་བཟོས་པའི་ཁན་ད་ལ་སྤོས་དཀར་ཟེར་ཞིང་སྨན་བྱེད་ཆོག |
| སཱ་ལའི་རྒྱལ་པོ |
སྤོས་དཀར་གྱི་ལྗོན་ཤིང་སྟེ་སཱ་ལའི་ལྗོན་པ་དང་དོན་གཅིག་ |
| སཱ་ལུ |
ཤིང་འབྲས་ཚ་ལུ་མ། |
| སི |
ཚིག་མི་གསལ་བར་རྐན་སྦུབས་ནས་འདོན་པའི་སྒྲ་ཞིག སི་སྒྲ་བརྒྱབ་སྟེ་བརྡ་གཏོང་བ། གཡག་པས་ཁལ་མ་འདེད་སྐབས་སི་སིའི་སྒྲ་སྒྲོག་པ། |
| སི་གླུ |
སི་སྐད་ཀྱི་གླུ་ལེན་པ། |
| སི་ཏ |
རྒྱ་གར་གྱི་ཆུ་བོ་ཆེན་པོ་ཞིག་གི་མིང་། |
| སི་ཏཱ |
ལེགས 1 བོད་ཀྱི་གནས་ཡིག་རྙིང་པའི་ནང་ནས་གསལ་བ་ལྟར་མཚོ་མ་དྲོས་པའི་བྱང་ཕྱོགས་སུ་རྡོ་རྗེའི་བྲག་སེང་གེའི་ཁ་འདྲ་བ་ནས་ཆུ་སི་ཏཱ་ཞེས་བྱ་བ་རྡོ་རྗེའི་བྱེ་མ་འདྲེན་ཞིང་ཆུ་བྲན་ལྔ་བརྒྱ་དང་བཅས་མཚོ་མ་དྲོས་པ་ལ་གཡས་བསྐོར་ལན་བདུན་བྱས་ནས་བྱང་གི་རྒྱ་མཚོར་འབབ་པ། མིང་གི་རྣམ་གྲངས་ལ་ཁྲག་འབབ་དང༌། བརྒྱར་གྱེས། རྟག་ཏུ་འབབ། དཔུང་པས་བྱིན། དབྱིག་གི་དཔུང་པ། ལག་པའི་ཆུ་བོ། སྲིད་སྒྲུབ་མ་བཅས་སོ། 2 མངོན 1)ཁ་དོག་དཀར་པོ། 2) མེ་ཏོག་ཀུ་མུད། |
| སི་ཏུ |
རྒྱ སྔར་གྱི་གོ་གནས་ཀྱི་མིང་ཞིག |
| སི་ཏུ་གཙུག་ལག་ཆོས་ཀྱི་སྣང་བ |
སི་ཏུ་ཆོས་ཀྱི་འབྱུང་གནས་སོ། |
| སི་ཏུ་ཆོས་ཀྱི་ཉིན་བྱེད |
སི་ཏུ་ཆོས་ཀྱི་འབྱུང་གནས་སོ། |
| སི་ཏུ་ཆོས་ཀྱི་འབྱུང་གནས |
མཚན་གཞན་ཀརྨ་བསྟན་པའི་ཉིན་བྱེད་གཙུག་ལག་ཆོས་ཀྱི་སྣང་བ་སྟེ། རབ་བྱུང་བཅུ་གཉིས་པའི་ལྕགས་འབྲུག་ལོར་མདོ་ཁམས་སྒང་དྲུག་གི་ཡ་གྱལ་འབྲི་ཟླ་ཟལ་མོའི་བར་དུ་སྐུ་འཁྲུངས། སྐུ་ནར་སོན་པ་དང་ཀརྨ་པ་སྐུ་ཕྲེང་བཅུ་གཉིས་པ་བྱང་ཆུབ་རྡོ་རྗེ་དང༌། ཞྭ་དམར་བརྒྱད་པ་ཆོས་ཀྱི་དོན་འགྲུབ། དེའུ་དམར་དགེ་བཤེས་བསྟན་འཛིན་ཕུན་ཚོགས། ཟུར་མཁར་བའི་སློབ་རྒྱུད་འཛིན་པ་ཡེ་ཤེས་ཤོགས་སློབ་དཔོན་དུ་མ་བསྟེན་ནས་རྒྱུད་སྡེ་བཞི་དང༌། སྡེ་སྣོད་གསུམ། སྒྲ་དང༌། བཟོ། གསོ་བ་སོགས་དཔྱིས་ཕྱིན་པར་སྦྱངས་ཏེ་བོད་ཙམ་དུ་མ་ཚད་རྒྱ་བལ་ཧོར་སོག་གི་ཡུལ་དུ་ཏའི་སི་ཏུ་མ་ཧཱ་པཎྜི་ཏ་ཆོས་ཀྱི་འབྱུང་གནས་ཞེས་མཚན་སྙན་གྱིས་ཁྱབ་པར་གྱུར། བོད་ཀྱི་ཡུལ་གྲུ་ཀུན་དང༌། རྒྱ་གར། རྒྱ་ནག་བལ་ཡུལ་བཅས་སུ་ཕེབས་ནས་ཡུལ་དེ་དག་གི་མཁས་པ་རྣམས་དང་རིག་གནས་ཀྱི་བགྲོ་གླེང་གནང༌། གསུང་རྩོམ་ཡང་ནང་རིག་པའི་སྐོར་དང༌། གཏན་ཚིགས་རིག་པ། སྒྲ་རིག་པ། གསོ་བ་རིག་པ། སྐར་རྩིས་རིག་པ་སོགས་དང༌། ཁྱད་པར་དུ་བོད་རྒྱལ་སྲོང་བཙན་སྒམ་པོ་སོགས་ཀྱི་སྐུ་དུས་སུ་ཇི་བཞིན་མ་འགྱུར་བའི་རྒྱ་རྩིས་གསར་འགྱུར་དང༌། འབྲུམ་བཅོས་སོགས་གསར་འགྱུར་སྨན་གྱི་སྐོར་སྣ་ཚོགས། སྒྲ་པཱ་ཎི་པ་དང་དབྱངས་ཅན་སྒྲ་མདོ། མངོན་བརྗོད་འཆི་མེད་མཛོད་བཅས་གསར་དུ་བསྒྱུར་བའམ་འགྱུར་བཅོས་མཛད་པ་སོགས་མཛད་རྗེས་ཤིན་ཏུ་ཆེ། |
| སི་ཏུའི་སུམ་རྟགས་འགྲེལ་ཆེན་མུ་ཏིག་ཕྲེང་མཛེས |
སི་ཏུ་ཆོས་ཀྱི་འབྱུང་གནས་ཀྱིས་རང་ལོ་སུམ་ཅུ་ཐམ་པའི་སྐབས་ཐོག་མར་བརྩམས། རབ་བྱུང་བཅུ་གཉིས་པའི་མེ་འབྲུག་ལོ་རང་ལོ་སུམ་ཅུ་སོ་བདུན་པར་སླར་ཡང་བརྩམས་མགོ་ཚུགས་ནས་རབ་བྱུང་བཅུ་གཉིས་པའི་ཤིང་བྱི་ལོ་རང་ལོ་ཞེ་ལྔ་པར་བརྩམས་ཚར། བོད་ཀྱི་སུམ་རྟགས་འགྲེལ་བའི་ནང་ནས་སྐད་གྲགས་ཆེ་ཤོས་ཀྱི་གྲས་ཤིག་རེད། |
| སི་པན |
ཡུལ སྤོད་རོ་ཚ་བ་ཞིག |
| སི་བརྡ |
སི་སྐད་ཀྱི་བརྡ། |
| སི་ར |
ཡུལ ལྕུག་མས་བཏགས་པའི་སླེལ་པོའམ་སྨྱུག་བཤགས་ཀྱིས་བཟོས་པའི་སྣོད། སི་ར་བསླས་པ། |
| སི་རི་རི |
རླུང་སོགས་ཀྱི་སྒྲ་ཆུང་ངུ། བུག་པ་ནས་རླུང་ཕྲ་མོ་གྲང་སི་རི་རིར་འོང་བ། |
| སི་རིལ |
རྭའི་སྣག་བུམ་རིགས་ཤིག་གི་མིང་ངམ་སྣག་བུམ་གྱི་མིང་གཞན། |
| སི་ལི་མ |
ཡུལ སིལ་ལི་མ་ཡང་ཟེར། དགུན་དུས་ཆུས་ཁྱེར་ཏེ་རྒྱུག་པའི་འཁྱག་དུམ། དཔྱིད་ཀ་ཤར་དུས་ཆུ་ཀླུང་གི་གཞུང་དུ་སི་ལི་མ་མང་པོ་རྒྱུག་ཡོང༌། |
| སི་ལི་ལི |
སྒྲ་གྲག་སྟངས་ཤིག ཆར་ཟིམ་སི་ལི་ལིར་འབབ། ཁུ་འཕང་སི་ལི་ལིར་འབབ། མེ་ཏོག་གི་ཆར་སི་ལི་ལིར་འབབ། རིན་པོ་ཆེའི་རྒྱན་གྱི་སྒྲ་སི་ལི་ལིར་འཁྲོལ་བ། |
| སི་ལུ |
སོ་དང་ལྕེ་འཕྲད་པ་ལས་ཐོན་པའི་གླུ་སྒྲའི་མིང་། |
| སི་ཤན |
རྒྱ དར་སྐུད། |
| སི་སྐད |
ལྕེ་དང་སོའི་བར་ནས་འདོན་པའི་སྒྲ་ཞིག |
| སི་སྒྲ |
ལྕེ་དང་སོའི་བར་ནས་འདོན་པའི་སྐད་སྒྲ་ཞིག |
| སི་སྨྱུག |
རྒྱ རྒྱལ་ནང་ནས་ཐོན་པའི་སྨྱུག་མ་སྤུས་ལེགས་ཀྱི་སྨྱུ་གུ། |
| སི་ཧུ་རྒྱལ་པོ |
མི་ཉག་སིའུ་རྒྱལ་པོ་དང་དོན་གཅིག་ |
| སིག་སིག |
1 འཁྱགས་པ་དང་འཇིགས་སྐྲག་གིས་ལུས་འདར་སྟངས་ཤིག སྐྲག་སྟེ་འདར་སིག་སིག་བྱེད་པ། 2 ཁུར་པོ་རོ་སྟོད་དུ་ཡར་འདེགས་ཚུལ། ཁྲེས་པོ་སྟོད་དུ་སིག་སིག་བྱེད་པ། |
| སིགས |
(བྱེད་འབྲེལ་སྐུལ་ཚིག) སྐྲ་དང་སྤུ་སོགས་གཡོ་བའི་དོན་ཏེ། མ་འོངས་པ་ལ་བསིག་དང་། ད་ལྟ་བར་གསིག འདས་པར་བསིགས་འབྲི། དཔེར་ན། སེང་གེས་རལ་བ་བསིགས་ཞེས་པ་ལྟ་བུ། |
| སིགས་མ |
ཚིགས་མའམ་སྙིགས་མ། མར་ཁུའི་སིགས་མ། |
| སིང |
རྣ་བས་སྒྲ་ཐོས་པའི་སྣང་བ་ཞིག་སྟེ། སྣ་བར་སིང་སྒྲ་གྲགས་ལྟ་བུ། (རྒྱན་ཚིག) གཙང་ཞིང་དག་པའི་དོན་ཏེ། ཆར་བབས་རྗེས་སྤང་ལྗོངས་གཙང་སིང་ངེ་། ནམ་མཁའ་སྔོ་སིང་ངེ་། སྔོ་སིང་སིང་ཞེས་པ་ལྟ་བུ། ０བོད་ཀྱི་རུས་ཤིག |
| སིང་ག་ལ |
རྒྱ་གར་ཕྱེད་གླིང་གི་ཤར་ལྷོ་ན་ཡོད་པའི་གླིང་ཕྲན་རྒྱལ་ཁབ་ཅིག་ཡིན། |
| སིང་ངེ་བ |
ཁམས་དྭངས་པའི་སྣང་ཚུལ་ཞིག སྒྲ་སིང་ངེ་བ། ཐུགས་བག་ཕེབས་སྤྲོ་སིང་ངེ་བ། སྡོད་གནས་གཙང་སིང་ངེ་བ། |
| སིང་ངེ་ཡེ་རེ་བ |
ཧ་ཅང་གསལ་པོ། ཆུ་སིང་ངེ་ཡེ་རེ་བར་གཟུགས་བརྙན་འཆར། |
| སིང་དྭངས |
ཆང་གི་ཁུ་བ་སླ་པོ། |
| སིང་པ |
1 ལ་དྭགས་དང་ཐག་ཉེ་བའི་ཡུལ་ཞིག 2 ཡུལ་དེའི་མི། |
| སིང་པོ |
ཆང་བཅུད་དང་པོ་གཉིས་པ་བསིངས་ཟིན་པའི་ལྷག་མ་རོ་ཞན་པ་དེའི་མིང༌། |
| སིང་རག |
ཆང་དང་ཨ་རག་ཟེར་བའི་བསྡུས་ཚིག |
| སིང་སིང་པོ |
དྲིལ་བུ་དང་གཡེར་ཁ་སོགས་ཀྱི་སྒྲའི་ཁྱད་པར་ཞིག |
| སིང་སྐྱུར |
ཆང་གི་ཁུ་བ་ཡང་ཡང་བཙགས་ནས་སླ་པོ་ཆགས་པའི་བཏུང་སྟོང་ཟེར་བ་དེ་ཡིན། |
| སིངས་པ |
སིང་པོ་དང་འདྲ། |
| སིངས་པོ |
ཆང་གི་སྦང་མ་ལས་ཉིང་ཁུ་བླངས་རྗེས་ཀྱི་ཆང་ཞན་པ་དེའི་མིང་། |
| སིངས་རླག |
སིངས་པོ་མི་གཙང་བའི་མིང་། |
| སིངྷལ |
ལེགས ཡ་གླིང་ལྷོ་རྒྱུད་ཧིན་རྡུ་རྒྱ་མཚོ་ཆེན་པོའི་ནང་དུ་ཡོད་པའི་གླིང་ཕྲན་རྒྱལ་ཁབ་ཅིག |
| སིད |
སོ་སྲུབས་ནས་དབུགས་ཕྱི་ནང་ལ་རྔུབ་པའི་སྒྲ་སྟེ། ན་ཟུག་སྐྱེས་ཏེ། ཁ་ནས་སིད་སྒྲ་འབྱིན་ལྟ་བུ། |
| སིད་སྒྲོག |
1 སེང་གེའི་སྒྲ་ཁྱད་པར་སིད་སྒྲོག 2 སོ་གསེབ་ནས་སིད་ཀྱི་གླུ་ཆུང་སྒྲོག་པ། |
| སིདྡྷ |
ལེགས གྲུབ་པའམ་དངོས་གྲུབ། |
| སིན་རྡུ་ར |
གཏེར་ཁ་ནས་ཐོན་པའི་དངོས་རྫས་ཤིག་གི་མིང་སྟེ། མདོག་དམར་སེར་རྩི་བྱེད་ཆོག་པ་ཞིག་ཡིན། སྨན་ཡང་བྱེད་ཆོག སྔོན་ཆད་སིན་བྷུ་ར་ཞེས་འབྲི། |
| སིནྡྷུ |
ལེགས སྔར་བོད་ཀྱི་གནས་ཡིག་རྙིང་པའི་ནང་ནས་གསལ་བ་ལྟར་མཚོ་མ་དྲོས་པའི་ལྷོ་ཕྱོགས་སུ་གསེར་གྱི་བྲག་ཁྱུང་མཆོག་གི་ཁ་འདྲ་བ་ནས་ཆུ་བོ་སིནྡྷུ་ཞེས་བྱ་བས་གསེར་གྱི་བྱེ་མ་འདྲེན་ཞིང་ཆུ་ཕྲན་ལྔ་བརྒྱ་དང་བཅས་མཚོ་མ་དྲོས་པ་ལ་ལན་བདུན་གཡས་སྐོར་བྱས་ནས་ལྷོ་ཡི་རྒྱ་མཚོར་འབབ་པ། མིང་གི་རྣམ་གྲངས་ལ་སྔོན་གྱི་གངྒཱ། རྩེ་འཇོའི་ཆུ་བོ། ཟླ་བ་སྐྱེས་བཅས་སོ། |
| སིནྡྷུ་ར |
ལེགས རྒྱ་མཚོའི་ཁྲག་སྟེ་ས་སྨན་གྱི་རིགས་ཤིག་རོ་མངར། ཞུ་རྗེས་སྙོམས། ནུས་པས་རྩ་ཚད་སེལ། མེས་འཚིགས་པའི་རྨ་དང༌། མཚོན་རྨ་གསོ། བྱང་ཁོག་ནང་གི་རྣག་ཁྲག་སྐེམ། |
| སིནྡྷུ་རའི་མདོག |
མངོན རྒྱ་མཚོ་ཆེན་པོ། |
| སིནྡྷུ་སྐྱེས |
མངོན 1 ལན་ཚྭ། 2 རྟ། |
| སིནྡྷུའི་བདག་པོ |
མངོན རྒྱ་མཚོ། |
| སིནྡྷུའི་འབྲས |
ཁྱབ་འཇུག |
| སིབ |
སིབ་བུའམ་བེག་གེ་ཞེས་པའི་འགོ་ནད་རིགས་ཤིག་སྟེ། ཐོག་མར་ཕོག་སྐབས་ལུས་དྲོད་རྒྱས་ཤིང་མགོ་བོ་ན་བ་སོགས་ཚ་བ་སྤྱི་དང་འདྲ་ཞིང་། ནད་མངོན་དུ་གྱུར་སྐབས་འབྲུམ་པ་དམར་བོ་ཡུངས་འབྲུ་ལྟ་བུ་ལུས་ལ་ཁྱབ་པར་འབྱུང་། ཐེངས་གཅིག་བྱུང་རྗེས་སླར་མི་འབྱུང་བ་ཡིན། |
| སིབ་བི |
འབྲུམ་བུ་སིབ་སིབ་འབྱུང་བའི་ཐོར་རིམས་ཤིག་སྟེ། ནད་རྟགས་སུ་ལུས་ཀུན་ན་ཞིང་ཚ་བ་རྒྱས་པ་དང༌། མིག་དང་ལྕེའི་སྟེང་དུ་ཐོར་པ་འབྱུང་བ། མགོ་དང་གྲེ་བ་ཚ་བ་སོགས་འབྱུང་བ་ཞིག |
| སིབ་བུ |
ནད་རིགས་སིབ་ཀྱི་མིང་། |
| སིབ་སིབ |
(རྒྱན་ཚིག) མྱུར་བར་ནང་དུ་ཐིམ་པའི་རྣམ་པ་སྟེ། རྒྱ་མཚོ་ཆེན་པོར་ཁ་བ་བབས་པ་རྣམས་ཆུར་སིབ་སིབ་འཐིམ་པར་གྱུར་ཅེས་པ་ལྟ་བུ། ལུས་ལ་ཆར་བ་ཕོག་པའི་མྱོང་ཚོར་ལྟ་བུ་སྟེ། ཆར་རྡོག་ལུས་ལ་ཕོག་ན་འཁྱག་སིབ་སིབ། འཁྱག་སིབ་བེ་སོང་ཞེས་པ་ལྟ་བུ། ０སྒྲ་གྲགས་པ་ཉོག་ཅིང་མི་གསལ་བ་སྟེ། ཚོང་ཁྲོམ་དུ་སྐད་སྒྲ་སིབ་སིབ་གྲགས་ལྟ་བུ། |
| སིམ་ཁུང |
སིམ་བིའམ་རྫོང་ཐུར་འཇུག་ཁུང༌། |
| སིམ་པ |
1.ཐ་མི་དད་པ སིམས་པ། སིམ་པ།། ཐིམ་པའམ་ནུབ་པ། སྨན་ལུས་ལ་སིམས་ཏེ་བདེ་བར་གཉིད་ཡུར། བྱེ་མ་ལ་ཆུ་སིམ། ཞིང་ལ་ཆུ་སིམ། 2.བདེ་བའམ་སྐྱིད་པ། འདུ་འཛི་མེད་པས་ཁ་ཁུ་སིམ་པོ་འདུག ཚོར་བ་སིམ་པ། སིམ་པ་སྟེར་བ། ཁ་ཁུ་སིམ་པོ། |
| སིམ་པོ |
བདེ་བའམ་སྐྱིད་པའི་དོན་དུ་གོ་བའི་སིམ་པ་དང་འདྲ། |
| སིམ་བྱེད |
མངོན 1 རླུང༌། 2 ཟླ་བ། |
| སིམ་མེ་བ |
བདེ་བའི་རྣམ་པ་ཅན། ལུས་བདེ་སིམ་མེ་བར་གནས་པ། |
| སིམ་འོད་ཅན |
མངོན ཟླ་བ། |
| སིམ་སིམ |
སིབ་སིབ་བམ་ཟིམ་ཟིམ། ཆར་པ་སིམ་སིམ་བབས་ཏེ་རྙིད་པའི་མེ་ཏོག་རྣམས་སོས་སོང༌། ཆར་པ་སིམ་སིམ་ཞིག་གིས་འདལ་ཆོག་ཆོག་དང༌། ཉི་མ་ལྷང་ལྷང་ཞིག་གིས་དྲོས་ཆོག་ཆོག་མེད། |
| སིམས་པ |
སིམ་པའི་འདས་པ། |
| སིའུ |
རྡོ་སྐས་ཀྱི་ཐེམ་པ། སྟེང་འགྲོའི་རྡོ་སྐས་ལ་སིའུ་བདུན་ཡོད། |
| སིའུ་སྐྱུར |
ཤིང་ཐོག་སྐྱུར་མོ་ཞིག |
| སིར་སིར |
སྦྲང་མ་འཕུར་ལྡིང་གི་སྒྲ་ལྟ་བུ། |
| སིར་སྒྲ |
སིར་སིར་ཞེས་པའི་སྒྲ། |
| སིལ |
སིལ་ཏོག་སྟེ་བཟའ་ཤིང་གི་འབྲས་བུའི་མིང་ལ་འཇུག་པ་ནི་དབྱར་སིལ། སིལ་སྐམ། དགུན་སིལ་ཞེས་པ་ལྟ་བུ། དྲིལ་བུ་སོགས་དཀྲོལ་བའི་སྒྲ་ཞིག་སྟེ། སིལ་སྒྲ་གྲགས་ལྟ་བུ། ０དྲིལ་བུ་སོགས་དཀྲོལ་བའི་སྒྲ་ཞིག་སྟེ། སིལ་སྒྲ་གྲགས་ལྟ་བུ། |
| སིལ་ཁྲོལ |
1 རྒྱན་གྱི་འཕྱང་འཕྲུལ་སྣེར་བཏགས་པའི་དྲིལ་ཆུང་ངམ། གཡེར་ཁའི་སིལ་ཁྲོལ། 2 རོལ་མོའི་མིང༌། |
| སིལ་ཏོག |
རྙིང ཤིང་ཏོག |
| སིལ་ཐོར |
མེ་ཏོག་སོགས་སིལ་མའམ་ཐོར་བུ། ཞལ་ཏོག་སྣ་ཚོགས་སིལ་ཐོར་ཞིག་བསྒྲིགས་པ། |
| སིལ་བལ |
སིལ་བུར་བསེད་པའི་བལ། |
| སིལ་བུ |
སིལ་མའང་ཟེར། ཐར་ཐོར་རམ་ལྷུག་མ་དང་དམ་དུམ། མེ་ཏོག་སིལ་མ། དངུལ་སིལ་མ། ཇ་མར་སིལ་མ། རླུང་སིལ་བུ་ལྡང་བ་ཙམ་ཡང་མ་མཆིས་པ། |
| སིལ་བྱེད |
རྙིང འཁར་གསིལ། |
| སིལ་མ |
སིལ་བུ་དང་འདྲ། |
| སིལ་ཚོང |
དངོས་རྫས་སིལ་མ་བྱས་ནས་ཉོ་མཁན་ལ་འཚོང་བའི་ཚོང༌། |
| སིལ་འཚོང་པ |
ཐོར་བུར་གསིལ་ཏེ་འཚོང་བའི་ཚོང་པ། |
| སིལ་ལི་མ |
སི་ལི་མ་དང་འདྲ། |
| སིལ་ཤིང |
དུམ་བུར་གཏུབས་པའམ་སིལ་བུར་བྱས་པའི་ཤིང༌། |
| སིལ་སིལ |
གཡེར་ཁ་དང༌། སིལ་སྙན། དྲིལ་བུ་སོགས་ཀྱི་སྒྲ། སྒྲ་སིལ་སིལ། |
| སིལ་སིལ་སྒྲོག |
མངོན རྨ་བྱ། |
| སིལ་སྙན |
དཀྲོལ་བྱ་སྦུབས་ཆལ། སིལ་སྙན་དཀྲོལ་བ། |
| སིལ་སྙན་མ |
སིལ་སྙན་དཀྲོལ་མཁན་གྱི་བུད་མེད། |
| སིཧལ |
ལེགས སྤོས་སྦྱོར་ལ་འགྲོ་བའི་དྲི་ཞིམ་གྱི་ཤིང་ཞིག |
| སུ |
1.སྤྱི་སྒྲའི་ནང་གསེས་ཤིག་ཡིན་ལ་གང་ཟག་གི་སྤྱི་སྒྲ་ཁོ་ན་ལ་འཇུག་པར་བཤད་སྲོལ་ཡོད་ཀྱང་གཙོ་ཆེ་བ་ཙམ་ལས་མཐའ་གཅིག་ཏུ་མ་ངེས། སུ གཏམ་དེ་སུས་གླེང་བ། ཁོ་སུ་ཡིན་པ། ཇི་སྙེད་སུ་དག ཕོ་སུ་མ་ཡིན་གྱིས་ཐུབ་ལེ་མིན། རྒྱལ་ཁབ་སུ་འདྲ་ཞིག 2.ལ་དོན་ཞིག ལ ལོགས་སུ་ལངས་པ། ཕྱོགས་སུ་མ་ལྷུངས་པ། |
| སུ་ཀུན |
མི་གང་ཡིན་པ་ཐམས་ཅད། |
| སུ་ཐོད་ཐོད |
ཡུལ སུ་དང་སུ་ཞིག་གམ་ཅི་བྱུང་གང་བྱུང༌། |
| སུ་མ་ན |
མངོན ཛཱ་ཏིའི་ཤིང༌། |
| སུ་མནྟྲ་བྱཱ་ཀ་ར་ཎ |
སྒྲ་མདོ་ཆེན་པོ་བརྒྱད་དམ་བཅུའི་ཡ་གྱལ་ཞིག |
| སུ་མུ |
མཛོ་མོ་ཤིང་ཟེར་བའི་ཤིང་དམར་བོ་ཁུ་བས་མདོག་དམར་བོར་བསྒྱུར་ཐུབ་པ་ཞིག |
| སུ་ཞིག |
སུ་འདྲ་ཞིག་སྟེ་གང་ཟག་གི་སྤྱི་སྒྲ། མི་སུ་ཞིག་གིས་ཡིད་ཆེས་བྱེད། འདི་ནི་བྱེད་པོ་སུ་ཞིག་གིས་ཁྱོད་ལག་ཏུ་བྱིན། |
| སུ་ར |
རྙིང ཆང༌། |
| སུ་རུ |
ད་ལིས་ལ་ལྟོས། |
| སུ་རུ་པན་ཙ |
ཡུལ སི་པན་ཏེ་སྤོད་རོ་ཚ་བ། |
| སུ་རུག |
1 ལྷམ་བཟོ་བྱེད་ཀྱི་ཀོ་བའི་བྱེ་བྲག་ཅིག 2 སོག ཁྱུའམ་ཕྱུགས་ཀྱི་ཚོགས་པ། |
| སུ་རེནྡྲ་བོ་དྷི |
ལེགས ལྷའི་དབང་པོ་བྱང་ཆུབ་དུས་རབས་དགུ་པ་ཙམ་ལ་བོད་རྒྱལ་ཁྲི་གཙུག་ལྡེའུ་བཙན་ནམ་ཁྲི་རལ་པ་ཅན་གྱིས་བོད་དུ་གདན་དྲངས་པའི་རྒྱ་གར་གྱི་སློབ་དཔོན་ཞིག་ཡིན་པ་དེས་བཀའ་དང་བསྟན་བཅོས་མང་པོ་བསྒྱུར་ཡོད། |
| སུ་ལུ |
1 བོད་དུ་མེ་ཁ་གསོ་བྱེད་ཀྱི་ཤིང་བོངས་ཐུང་ལ་ཡལ་འདབ་འཛིངས་ཏེ་སྐྱེ་བ་ཞིག 2 ལུག་ཕྲུག་གི་སྤུ་ལྟར་སྒོར་སྒོར་འཁྱིལ་བཞིན་སྐྱེ་བའི་མིའི་སྐྲ་དབྱིབས་ཤིག སུ་ལུ་མགོ། 3 བ་ལུ། 4 ཕྱུགས་ཀྱི་ནང་ཁྲོལ་སུལ་མང༌། |
| སུ་ལུ་ཀ |
རྙིང འབྲུའི་ཆང༌། |
| སུ་སུ |
སུ་དང་སུ་ཞེས་པའི་བསྡུས་ཚིག མི་སུ་སུ་སླེབས་འདུག་སུ་སུ་སླེབས་མི་འདུག འཐུས་མི་སུ་སུ་ཕེབས་འདུག |
| སུག |
ཕྱུགས་ཀྱི་ཡན་ལག་བཞིའི་མིང་སྟེ། ལུག་སུག སྐམ་གྱི་སུག་པ་ཞེས་པ་ལྟ་བུ། འདི་ལ་སུག་ཏི་ཞེས་འབྲི་བའང་ཡོད། མིའི་ལག་པའི་མིང་གཞན་ཏེ། རང་གིས་དངོས་སུ་བརྩམས་པའམ་དངོས་སུ་བྲིས་པའི་དཔེ་ཆ་དང་ཡི་གེ་ལ་སུག་བྲིས་ཟེར་བ་ལྟ་བུ། |
| སུག་ཀྱོག |
རྐང་པ་འཁྱོག་པོ། |
| སུག་ཏ |
རྙིང བཅོས་པའི་ཆང༌། |
| སུག་དཀར |
རྟ་གཡག་སོགས་རྐང་ལག་དཀར་པོ་ཅན། |
| སུག་པ |
1 རྐང་ལག སུག་བཞི། སུག་པར་སོན་པ། སུག་བཞི་བཅད་པའི་ལུག་ཁོག་ཁ་ཚང༌། སུག་རྟིང་སྐམ་པོའི་ཐུག་པ་བསྐོལ། དགེ་རྒན་ལགས་ལ་ལྗགས་གང་ཞུས། ཆུང་ངུ་ར་ལུག་གསོད་སྟངས་མི་ཤེས་པར། ཆེན་པོ་གཡག་གི་སུག་བཞི་འབྲེག་རྒྱུ་ཞོག 2 གཞན་ལ་ཡན་ལག་གིས་གཏོང་བའི་གསང་བརྡ། རྐང་སུག ལག་སུག་བརྒྱབ། མགོ་སུག རྒྱུག་སུག་གཏོང་བ། 3 སྔོ་སྨན་གྱི་རིགས་ཤིག་སྟེ། རོ་ཁ་ལ་ཚ། ཞུ་རྗེས་སྙོམས། ནུས་པས་རྣ་བ་འོན་པ་ལ་ཕན། གོས་སོགས་ཀྱི་དྲི་མ་འདག་པར་བྱེད། |
| སུག་པ་དག་བྱེད |
ལོ་མང་སྐྱེ་བའི་རྩྭ་ལྡུམ་མེ་ཏོག་སྨུག་པོ་ཅན་ཞིག་ཡིན་ཞིང་རྩ་བ་སྨན་བྱེད་ཆོག |
| སུག་པོ |
རྐང་ལག་གི་དོན་དུ་གོ་བའི་སུག་པ་དང་འདྲ། |
| སུག་བཀྱིགས |
རྐང་ལག་བཞི་ཐག་པས་བསྡམས་པ། གནག་ཕྱུགས་སུག་བཀྱིགས་བཏང་ནས་སྤུ་རྩིད་འབྲེག་པ། |
| སུག་བཞི |
དུད་འགྲོ |
| སུག་བཞིར་རྟེན་ཁྲལ |
སྔར་བྱོལ་སོང་ལ་བརྟེན་ནས་འཁྲི་བའི་ཁྲལ། |
| སུག་བྲིས |
ལག་པས་བྲིས་པ། |
| སུག་མཐིལ |
མིའི་ལག་མཐིལ་དང༌། དུད་འགྲོའི་རྐང་ལག་བཞིའི་རྨིག་མཐིལ། |
| སུག་མེལ |
སུག་སྨེལ་གྱི་འབྲི་ཚུལ་གཞན། |
| སུག་འདྲ |
1 སྲོ་ལོ་སྨུག་པོ་ཟེར་བའི་སྔོ་སྨན། 2 ལྕགས་རིགས་ཤིག |
| སུག་ཡོབ |
ལག་པ་དང་རྐང་པ། |
| སུག་ལག |
རྐང་ལག |
| སུག་ལས |
རང་བབ་ཀྱི་ལས་ཀའམ་རང་གིས་དངོས་སུ་བྱེད་པའི་ལས་ཀའི་མིང་། ０སུག་པ་དག་བྱེད་ཟེར་བའི་རྩི་ཤིང་གི་སྨན་གྱི་མིང་བསྡུས་ནས་འབྲི་ཚུལ། |
| སུག་སྨེལ |
ལོ་མང་སྐྱེ་བའི་རྩྭ་ལྡུམ་སྲན་མའི་རིགས་མེ་ཏོག་སེར་བོ་ཅན། འབྲས་བུ་ལེབ་ཟླུམ། ས་བོན་ལ་དྲི་ཞིམ་མནམ་པ་ཞིག་ཡིན། དེའི་འབྲས་བུ་དང་ས་བོན་ལའང་སུག་སྨེལ་ཟེར་ཞིང་། འབྲུ་སྨན་ཞིག་ཡིན། རྒྱ་སྐད་དུ་ཏིག་ཁུག་ཟེར། རྒྱ་སྐད་དུ་ཧྲ་རིན་ཟེར་བའི་འབྲུ་སྨན་དེ་སུག་སྨེལ་དུ་ངོས་འཛིན་པའང་ཡོད། |
| སུང |
སུངས་ཀྱི་འབྲི་ཚུལ་གཞན། |
| སུངས |
ཤ་ཟས་སོགས་རུལ་བའི་དྲིའི་མིང་སྟེ། སུངས་དྲི། རུལ་སྲུངས་ཞེས་པ་ལྟ་བུ། |
| སུངས་པ |
རུལ་བའི་མིང༌། ཤའི་སུངས་དྲི་ངན་པ། རོའི་སུངས་དྲི། དངོས་ཟོག་རུལ་ནས་སུངས་དྲི་བྲོ་བ། |
| སུད་དེ་ཤི་བ |
དབུགས་འགགས་ནས་ཤི་བ། |
| སུད་པ |
ཉུང་ཉུང་དང་ཐུང་ཐུང༌། ཇ་སུད་པ་ཞིག་དྲངས། ཆང་སུད་ཙམ་ཞིག་འཐུང༌། ལྟོ་སུད། སྤྲོ་སུད་པ། གློ་སུད་རྒྱག་པ། ངེས་འབྱུང་སྣ་ཐུང་སྤུ་སུད། འབྲུ་སུད་ཙམ་ཉོས། རྩམ་པ་སུད་ཙམ་སྟེར། དངུལ་སུད་ཙམ་བསགས། |
| སུན |
(བྱེད་མེད་ལས་ཚིག) སྤྲོ་བ་དང་འདོད་པ་ཉམས་པའི་དོན་ཏེ། ལོང་གཏམ་བཤད་ན་རྣ་བ་སུན། སུན་སྣང་སྐྱེས་ལྟ་བུ། དུས་ཡུན་གྱི་མིང་ལ་འཇུག་པ་ནི། གནམ་གྲུ་ཇ་ཡུན་ཙམ་ལ་ལེ་བར་སྟོང་ཕྲག་འཕུར་ལྟ་བུ། |
| སུན་གཙེར |
ཡིད་སུན་ཞིང་རྣ་བ་གཙེར་བ་སྟེ། ཟོས་མི་བདེ་བའམ་བག་མི་ཕེབས་པ། |
| སུན་པ |
ཐ་མི་དད་པ སྐྱོ་བའི་དོན། ཡིད་སུན་པ། འུར་ཟིང་གིས་སུན་པ། རྣ་བ་སུན་པ། |
| སུན་པོ |
བསུན་པོའང་ཟེར། མི་དགའ་བ་དང་ཡིད་འཚེར་བའི་རྣམ་པ། སྣ་སུན་ཕོག་པ། མི་གཞན་ལ་སུན་པོ་བཟོས་པ། |
| སུན་ཕྱུང་བ |
སུན་འབྱིན་པ་དང་དོན་གཅིག་ |
| སུན་མ |
བསུ་བའམ་བསུ་མ། མགྲོན་པོ་ལ་སུན་མ་ཞུ་བ། |
| སུན་མེད་ངང་རིང |
ཞེ་སུན་མེད་པའི་གཤིས་བཟང༌། སུན་མེད་ངང་རིང་གིས་གཞན་ལ་བསླབས་ནས་རོགས་རམ་བྱེད་པ། |
| སུན་འབྱིན |
དགག་པ་བརྒྱབ་པའམ་མི་འཐད་པར་བཤད་པའི་དོན་ཏེ། བཤད་ཚུལ་ཁུངས་མེད་རྣམས་སུན་འབྱིན་དགོས། སུན་དབྱུང་བྱའི་ལོག་བཤད། ལོག་པར་བཤད་པ་རྣམས་སུན་ཕྱུང་། བཤད་ཚུལ་ཕྱིན་ཅི་ལོག་པ་རྣམས་སུན་ཕྱུང་ཤིག་ལྟ་བུ། |
| སུན་འབྱིན་པ |
1 དགག་པ་རྒྱག་པ། གཞན་ལུགས་ལ་སུན་འབྱིན་བྱེད་པ། ཕྱིན་ཅི་ལོག་པའི་བཤད་སྲོལ་ལ་སུན་འབྱིན་པ། 2 དམའ་འབེབས་བྱེད་པ། རང་མཐོང་ཆེ་དྲགས་པས་གཞན་གྱི་ཡོན་ཏན་ལ་སུན་འབྱིན་བྱས་པ། |
| སུན་འབྱིན་ཡང་དག |
སྐྱོན་ལ་སྐྱོན་དུ་བརྗོད་པས་སྐྱོན་ཅན་དུ་གོ་ནུས་པའམ་ལོག་རྟོག་སེལ་ནུས་པའི་ངག |
| སུན་འབྱིན་ལྟར་སྣང |
སྐྱོན་ལ་སྐྱོན་དུ་མི་བརྗོད་པའམ། སྐྱོན་མིན་སྐྱོན་དུ་བརྗོད་པ། སུན་འབྱིན་ནུས། ཕ་རོལ་པོའི་འདོད་ཚུལ་ལ་སྦྱོར་བ་བཀོད་ནས་དམ་བཅའ་འདོར་བར་བྱེད་ནུས་པ། |
| སུན་རེ |
རྙིང ཅུང་ཟད་རེ། ཟས་སུན་རེ་ཙམ། |
| སུན་སྣང |
སེམས་མི་དགའ་བའི་སྣང་བ། ཡིད་ལ་སུན་སྣང་སྐྱེས་པ། སློབ་སྦྱོང་བྱེད་དུས་ཁེངས་སེམས་མེད་པ་དང༌། སློབ་ཁྲིད་བྱེད་དུས་སུན་སྣང་མེད་པ། |
| སུབ |
(བྱེད་འབྲེལ་ལས་ཚིག་ད་ལྟ་བ)རྗེས་ཤུལ་དང་རི་མོ་སོགས་ཕྱིས་ནས་མེད་པར་བྱས་པའམ་མི་མངོན་པར་བྱས་པའི་དོན་ཏེ། རི་མོ་སུབ་མཁན་ཞེས་པ་ལྟ་བུ། |
| སུབ་པ |
ཐ་དད་པ བསུབས་པ། བསུབ་པ། སུབས།། 1 འཕྱི་བ། རྐང་རྗེས་ལག་བསུབ། རི་མོ་བསུབ་པ། བྱས་རྗེས་རྣམས་མི་མངོན་པར་བསུབས་སོང༌། 2 འགོག་པ་དང༌། རྡོ་སོགས་ཀྱིས་བརྒྱངས་ནས་མེད་པར་བཟོ་བ། འགྲོ་ལམ་བསུབས་པ། ལ་ལམ་ཁ་བས་བསུབ་པ། ས་རྡོ་ཤིང་གསུམ་གྱིས་ཆུ་ཡུར་བསུབ་པ། མཚོ་སུབ་པ། དབུགས་སུབ་གཏོང་བ། |
| སུབ་བཀྱིགས |
ཉེར་བསྡོགས་སམ་གྲ་སྒྲིག ཉལ་ཆས་སུབ་བཀྱིགས་བྱས་ནས་ཕྱིན་པ། |
| སུབས |
སྐུལ་ཚིག་སྟེ། རི་མོ་སུབས་ཤིག་ལྟ་བུ། |
| སུམ |
གྲངས་ཚིག་དང་མིང་ཚིག་ལ་ལའི་མགོར་སྦྱར་ན་གྲངས་ཀ་གསུམ་གྱི་དོན་ཏེ། སུམ་ཅུ། སུམ་བརྒྱ་སུམ་སྟོང་། སུམ་ཁྲི། སུམ་འབུམ། སུམ་ཚེབ། སུམ་སྒྲིལ། སུམ་ཆ་ཞེས་པ་ལྟ་བུ། 《སུམ་ཅུ་པ》ནི་གནའ་དུས་སུ་བརྩམས་པའི་བོད་ཡིག་བརྡ་སྤྲོད་ཀྱི་དཔེ་ཆ་ཞིག་གི་མིང་སྟེ། མིང་ཡོངས་རྫོགས་ལ《བརྡ་སྤྲོད་པའི་རྩ་བ་སུམ་ཅུ་པ》ཟེར། |
| སུམ་གཉིས |
གསུམ་གཉིས་དང་འདྲ། |
| སུམ་ཅུ་ཏིག |
རྩྭ་ལྡུམ་རོ་ཁ་ཞིང་མཐོ་དམའ་ཚུན་གསུམ་ནས་ལྔ་ཙམ། མེ་ཏོག་སེར་བོ་བཞད་པ་ཞིག་གི་མིང་། བསུམ་གྱི་ད་ལྟ་བ། |
| སུམ་ཅུ་ཏིག་ཏ |
ཐང་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་མཆིན་ཚད་དང་མཁྲིས་ཚད་སེལ། |
| སུམ་ཅུ་པ |
ཐོན་མི་སམ་བྷོ་ཊས་བརྩམས་པ་ལེའུ་ཕྱི་མ་རྣམས་ཀྱི་རྟེན་གཞིར་གྱུར་པས་རྩ་བ་དང༌། མཆོད་བརྗོད་དང་བརྩམ་པར་དམ་བཅའ་བ་དོར་བའི་ལྷག་མ་ཤོ་ལོ་ཀ་སུམ་ཅུ་ཡོད་པས་སུམ་ཅུ་པ་ཞེས་སམ། མཁས་པ་ལ་ལས་ཀཱ་ལི་སུམ་ཅུའི་བརྗོད་བྱ་གཙོ་བོར་སྟོན་པས་དེ་སྐད་ཅེས་བཏགས་པར་བཤད། |
| སུམ་ཅུ་པའི་འགྲེལ་བཤད |
1 བོད་ཀྱི་བརྡ་སྤྲོད་རིག་པ་སུམ་ཅུ་པའི་གཞུང་འགྲེལ། 2 མདོ་སྡེ་སུམ་ཅུ་པ་ཞེས་པའི་གཞུང་འགྲེལ། |
| སུམ་ཅུ་རྩ་གསུམ |
1 གྲངས་ཀ་ཞིག 2 ཏྲིཡསྟྲིཤ ལྷའི་གནས་ཏེ་རི་རབ་ཀྱི་སྟེང་དུ་ནོར་ལྷ་བརྒྱད་དང༌། དྲག་པོ་བཅུ། ཉི་མ་བཅུ་གཉིས། ཐ་སྐར་གྱི་བུ་གཉིས་ཏེ་ཉེ་དབང་སོ་གཉིས་དང་ལྷ་དབང་བརྒྱ་བྱིན་དང་བཅས་སུམ་ཅུ་རྩ་གསུམ་གྱི་ལྷ་རྣམས་རྩེ་ཞིང་རོལ་བའི་གནས། |
| སུམ་ཆ |
གསུམ་ཆ་དང་འདྲ། |
| སུམ་ཐོག |
ཐོག་བརྩེགས་གསུམ་ཡོད་པའི་ཁང་པ། |
| སུམ་པ |
1.ཐ་དད་པ བསུམས་པ། བསུམ་པ། སུམས།། རུབ་རུབ་བཟོ་བ། ཁུག་མའི་ཁ་བསུམ་པ། གོས་ཀྱི་ཨམ་ཕྲག་དང་སྒབ་གཤམ་བསུམས་པ། 2.སུམ་པའི་རུའི་བསྡུས་མིང༌། |
| སུམ་པ་ཆོས་འབྱུང |
ཆོས་འབྱུང་དཔག་བསམ་ལྗོན་བཟང་ཞེས་བྱ་བ་འདི་སུམ་པ་མཁན་ཆེན་ཡེ་ཤེས་དཔལ་འབྱོར་གྱིས་རབ་བྱུང་བཅུ་གསུམ་པའི་ས་འབྲུག་ལོར་བརྩམས། བརྗོད་བྱ་ནི་སྟོད་ཆར་རྒྱ་གར་དུ་རྒྱལ་རབས་དང་དམ་པའི་ཆོས་བྱུང་ཚུལ་དང༌། སྨད་ཆར་རྒྱ་ནག་ཆེན་པོ་དང༌། བོད་སོག་ཡུལ་བཅས་སུ་དམ་པའི་ཆོས་བྱུང་ཚུལ་རྣམས་གསལ། |
| སུམ་པ་མཁན་ཆེན་ཡེ་ཤེས་དཔལ་འབྱོར |
རབ་བྱུང་བཅུ་གཉིས་པའི་ཤིང་སྤྲེལ་ལོར་སྐུ་འཁྲུངས། དགུང་ལོ་དགུའི་ཐོག་ཨ་མདོ་དགོན་ལུང་དུ་ཕེབས་ཏེ་ཆོས་ཀྱི་རྒྱ་མཚོ་ལས་རབ་ཏུ་བྱུང༌། པཎ་ཆེན་བློ་བཟང་ཡེ་ཤེས་དང༌། སྐུ་འབུམ་འཇམ་དཔལ་རྒྱ་མཚོ་སོགས་བསྟེན་ནས་ཐུན་མིན་དང་ཐུན་མོང་གི་རིག་གནས་ཀུན་ལ་ཐོས་བསམ་དཔྱིས་ཕྱིན་པར་མཛད། ཁྱད་པར་དུ་རྒྱལ་དབང་ལྔ་པའི་བླ་སྨན་ར་བ་ཕུག་པོ་ཆེའི་སློབ་མ། སྨན་རམས་པ་ཉི་མ་རྒྱལ་མཚན་སློབ་དཔོན་དུ་བསྟེན་ནས་གསོ་རིག་རྒྱུད་བཞིའི་ལུང་གསན་ཞིང༌། ལག་ལེན་ཞིབ་ཁྲིད་མཛད། གཞན་ཡང་རྩིས་དཀར་ནག་དང༌། སུམ་རྟགས། སྙན་ངག་སོགས་ཐ་སྙད་རིག་ལམ་གང་ལའང་ཐོགས་པ་མེད་པར་སྦྱངས་པས་སུམ་པ་པཎྜི་ཏ་ཞེས་མཁས་པའི་གྲགས་པས་ཁྱབ། རབ་བྱུང་བཅུ་གཉིས་པའི་མེ་སྦྲུལ་ལོར་པེ་ཅིན་དུ་ཕེབས་ཏེ་ལོ་གསུམ་ཙམ་མཚོ་བདུན་དགོན་པའི་མཁན་པོ་མཛད། རབ་བྱུང་བཅུ་གཉིས་པའི་མེ་འབྲུག་ལོར་རྒྱ་གར་དང༌། རྒྱ་ནག་སོག་ཡུལ། བོད་བཅས་ཀྱི་ལོ་རྒྱུས་འཁོད་པའི་ཆོས་འབྱུང་དཔག་བསམ་ལྗོན་བཟང་དང༌། མཚོ་སྔོན་གྱི་ལོ་རྒྱུས་དང༌། འཛམ་གླིང་སྤྱི་བཤད། གསོ་བ་རིག་པའི་རྒྱུད་བཞིའི་དཀའ་གནད་དང་སྨན་ངོས་འཛིན། སྨན་གྱི་མིང་གི་རྣམ་གྲངས་སོགས་མང་དུ་མཛད། རབ་བྱུང་བཅུ་གསུམ་པའི་ས་སྤྲེལ་ལོར་དགུང་ལོ་བརྒྱད་ཅུ་གྱ་ལྔར་གཤེགས། |
| སུམ་པ་འགག |
མཚོ་སྔོན་ཞིང་ཆེན་གྱི་རྨ་ལྷོ་བོད་རིགས་རང་སྐྱོང་ཁུལ་གྱི་ཁོངས་གཅན་ཚ་རྫོང་གི་རོང་ཞིག |
| སུམ་པའི་བོན་པོ |
བོད་རྒྱལ་གཉའ་ཁྲི་བཙན་པོའི་གོང་ནས་བོད་དུ་དར་བའི་བོན་པོའི་གྲུབ་མཐའ་འཛིན་པའི་བྱེ་བྲག་ཅིག |
| སུམ་པའི་རུ |
སྲོང་བཙན་སྒམ་པོའི་སྐབས་བོད་ཡུལ་དབུས་གཙང་གིས་ཐོག་དྲངས་པའི་ཡན་ལག་གསུམ་པའི་རུའམ། དབུས་གཙང་རུ་བཞིར་ཕྱེ་བའི་ཐོག་ཏུ་བཙུགས་པའི་རུ་ཆེན་ལྔ་པ་སྟེ་བྱང་ཕྱོགས་འཕན་ཡུལ་མཚོ་སྔོན་དང་ས་འབྲེལ་བའི་ཡུལ་འདིའི་ལྟེ་བ་རྒྱ་ཤོད་སྟག་པ་ཚལ་ལ་བཞག་ནས་ཤར་གཉེ་ཡུལ་བུམ་ནག་ལྷོ་སྨྲི་ཏི་ཆུ་ནག་ནུབ་ཡེལ་ཞབས་སྡིངས་པོ་ཆེ། བྱང་ནགས་ཤོད་གཟི་འཕྲང་བཅས་སོ་སོའི་བར་དུ་སོང་བའི་ས་ཁུལ་གྱི་མིང་རྙིང༌། |
| སུམ་བརྒྱ་པ |
སློབ་དཔོན་ཤཱཀྱ་འོད་ཀྱིས་མཛད་པའི་དགེ་ཚུལ་གྱི་བསླབ་བྱ་ཡིན་ཞིང༌། ཤོ་ལོ་ཀ་སུམ་བརྒྱ་ཡོད་པས་སུམ་བརྒྱ་པ་ཞེས་བཏགས་སོ། |
| སུམ་བརྩེགས |
རིམ་པ་གསུམ་བརྩེགས། དེབ་སུམ་བརྩེགས། ཁང་པ་སུམ་བརྩེགས། |
| སུམ་བསྒྱུར |
སུམ་ལྡབ་ཏུ་བསྒྱུར་བ། བརྒྱ་སུམ་བསྒྱུར་ལ་སུམ་བརྒྱ་ཐམ་པ་ཐོབ། |
| སུམ་བསྒྲིགས |
ཁག་གསུམ་སྡེབ་གཅིག་ཏུ་བསྒྲིགས་པ། རྒྱ་ཡིག་དང་བོད་ཡིག་སོག་ཡིག་སུམ་བསྒྲིགས་ཀྱི་དཔེ་ཆ། |
| སུམ་བིད |
སཾཀྲྀཏའི་སྒྲ་ཟུར་ཆག་པ་སྟེ་བསྟན་བཅོས་ཀྱི་མགོ་རྒྱན་ལཉྪ། ཝརྟུ། བོད་ཡིག་དང་ཡི་གེ་གསུམ་སྒྲིག |
| སུམ་བྲྀཏ |
སུམ་བིད་དང་འདྲ། |
| སུམ་མདོ |
ལུང་པའི་མདའ་གསུམ་མམ། ལམ་གསུམ། ཆུ་བོ་གསུམ་སོགས་འཛོམས་པའི་འདུས་མདོ། |
| སུམ་ཚུགས |
དབྱིབས་སུམ་ཚུགས། ཐབ་རྡོ་སུམ་ཚུགས་ཤིག་བཙུགས་ཏེ་ཚ་ཕོགས་བརྒྱབ། |
| སུམ་ཟུར |
1 སུམ་ཆའི་ཟུར། སུམ་ཟུར་གཉིས་ཙམ། 2 གྲྭའམ་ཟུར་གསུམ། |
| སུམ་འགྱུར |
སུམ་ལྡབ་ཏུ་འགྱུར་བ། བཅུ་སུམ་འགྱུར་ལ་སུམ་ཅུ་ཐམ་པ་ཐོབ། |
| སུམ་ཡར |
1 གསུམ་ཡན་ཆད། 2 སུམ་ཆ་གཅིག་ཡན་ཆད། |
| སུམ་རིམ་པ |
རིམ་པ་སུམ་བརྩེགས་སམ་རིམ་པ་གསུམ་བསྐོར། ལྕགས་རི་སུམ་རིམ་པ། |
| སུམ་རྟགས |
བོད་ཡིག་གི་བརྡ་སྤྲོད་ཀྱི་དཔེ་ཆ《སུམ་ཅུ་པ》དང《རྟགས་ཀྱི་འཇུག་པ》གཉིས་ཀྱི་མིང་བསྡུས་ནས་འབྲི་ཚུལ། |
| སུམ་རྩེན |
བརྒྱ་བྱིན། དྲག་པོ། ཉེ་དབང་སྟེ་ལྷའི་གཙོ་བོ་གསུམ་རྩེ་བའི་གནས་ལ་སུམ་རྩེན་ཞེས་བྱ་སྟེ། སུམ་ཅུ་རྩ་གསུམ་གྱི་ལྷ་ཡུལ་ཡིན་ནོ། |
| སུམ་རྩེན་འདུན་ས |
ལྷའི་འདུན་ས་སྟེ། ལྷའི་གྲོང་ཁྱེར་གྱི་མིང༌། |
| སུམ་ལོག |
ལྡབ་གསུམ། |
| སུམ་ལྡན་དུས |
རྫོགས་ལྡན་སྐབས་ཀྱི་དགེ་བ་བཅུའི་ནང་ནས་སུམ་ཆ་ཙམ་ཞིག་ལུས་པའི་སྐབས་ཏེ་དུས་ཚད་ལ་ལོ་གྲངས་ས་ཡ་གཅིག་དང༌། འབུམ་ཐེར་གཉིས། ཁྲི་ཕྲག་དགུ། སྟོང་ཕྲག་དྲུག་ཡོད་པར་བཤད་དོ། |
| སུམ་སྟོན་ཡེ་ཤེས་གཟུངས |
དུས་རབས་བཅུ་གཉིས་པའི་ནང་རུ་མཚམས་སྙེ་མོའི་མདར་སུམ་པའི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་ཐུན་མིན་དང་ཐུན་མོང་གི་རིག་གནས་ཀུན་ལ་དཔྱིས་ཕྱིན་པར་སྦྱངས། ཁྱད་པར་དུ་རྗེ་བཙུན་གཡུ་ཐོག་གསར་མ་ཡོན་ཏན་མགོན་པོའི་སྐུའི་དྲུང་དུ་ལོ་བཅུ་གཉིས་བར་དུ་བཅར་ནས་དཔལ་ལྡན་རྒྱུད་བཞིའི་གཞུང་དོན་དང་གདམས་པའི་ཟབ་བཅུད་བཀའ་ལུང་ཕྱག་ལེན་ལྷག་མ་མེད་པར་ཞུས། བཀའ་རྩོམ་ཡང་གཡུ་ཐོག་པའི་རྣམ་ཐར་སྐུ་ལྔ་ལྷུན་གྲུབ་མ་དང༌། གསང་བའི་རྣམ་ཐར། བཤད་རྒྱུད་ཀྱི་འགྲེལ་པ་འབུམ་ཆུང་གསལ་སྒྲོན། རྐང་འབམ་གསོ་བའི་སྙན་རྒྱུད་ཟིན་བྲིས་སོགས་བསྟན་བཅོས་སྣ་ཚོགས་མཛད། སྐུ་ཚེ་ཧྲིལ་པོའི་རིང་གཙོ་བོར་དཔལ་ལྡན་རྒྱུད་བཞི་འདི་ཉིད་ཀྱི་འཕྲིན་ལས་རྒྱ་ཆེར་སྤེལ། གཞོན་ནུ་ཡེ་ཤེས་སོགས་སློབ་མ་ཤིན་ཏུ་མང་བ་བསྐྲུན། |
| སུམ་སྦྱར |
ཕན་ཚུན་གསུམ་སྦྱར་རམ་གསུམ་སྦྲེལ། སུམ་སྦྱར་པང་ལེབ། ཤོག་ལྷེབ་སུམ་སྦྱར། |
| སུམ་སྦྲགས |
གསུམ་ཕྱོགས་གཅིག་ཏུ་སྡེབ་པ། |
| སུམ་སྦྲེལ |
གསུམ་ཕན་ཚུན་མཉམ་སྦྲེལ། |
| སུམས |
སྐུལ་ཚིག་སྟེ། དཔེ་ཆ་བལྟས་ཚར་རྗེས་ཁ་སུམས་ཤིག་ལྟ་བུ། འདས་པ་ལ་བསུམ་འབྲི་བའང་ཡོད། |
| སུར་དཀར |
ཤིང་སྨན་གྱི་ནང་ཚན་བ་ལུའི་མིང་གི་རྣམ་གྲངས་ཤིག |
| སུར་དུག |
ལུ་གུ་དང༌། རེའུ་ཡིས་བ་ལུ་ཟོས་པ་ལས་བྱུང་བའི་ཕོ་བར་དུག་ཞུགས་ནས་བཤལ་བའི་ནད། |
| སུར་པན |
ཡུལ སྤོད་རོ་ཚ་བ། |
| སུར་སྒྲ |
མེའི་ནང་དུ་ཆུ་གཏོར་བའི་སྒྲ་ལྟ་བུ། |
| སུརྻ |
ལེགས འོད་འགྱེད་དེ། ལྷན་སྐྱེས་རྨ་རིགས་བརྒྱད་ཀྱི་ནང་ཚན་གློ་མཆིན་ཕོ་མཁལ་གྱི་གནས་སུ་ཁྲག་ངན་ཆུ་སེར་འདུས་ནས་རྡོལ་ཏེ་རྨ་ཡི་མདོག་དབྱིབས་ཉི་མ་ལྟར་དམར་ཞིང་སྒོར་བ་དང༌། མཐའ་རུ་ལྷོག་ཤུ་ཉི་ཟེར་ལྟར་འབྱུང་བ་ཞིག |
| སུལ |
སུལ་མོ་ཡི་ཚིག་བསྡུས་པ། |
| སུལ་མ |
ཤུར་ཅན། གོས་སུལ་མ། ཤམ་ཐབས་ཀྱི་སུལ་མ། ཤ་མོའི་སུལ། རི་བོའི་སུལ། |
| སུལ་མང |
ནང་ཁྲོལ་ལམ་ནང་ཆ་གྲོད་པ། |
| སུལ་མོ |
ལྟེབ་མའམ་སྡུད་ཀྱི་མིང་སྟེ། ལྭ་སུལ་མོ་ཀྲིག་གེ་འདུག་ཅེས་པ་ལྟ་བུ། རིའི་གྲོག་མོ་ཆུང་ངུའི་མིང་སྟེ། རིའི་སུལ་མོ། རི་སུལ་གསུམ་གྱི་དབུས་མ་ཞེས་པ་ལྟ་བུ། ０རྩི་ཤིང་དང་སྲོག་ཆགས་ཀྱི་ཤའི་ཆགས་རིམ་སྐུད་པ་ལྟ་བུའི་མིང་སྟེ། ཤའི་སུལ་མོ། ཤིང་སུལ་ཞེས་པ་ལྟ་བུ། １སྐྱུག་ལྡད་བྱེད་པའི་སྲོག་ཆགས་ཀྱི་གྲོད་པུའི་ཆ་ཤས་ཕོ་སུལ་ཟེར་བའི་མིང་། |
| སུལ་འབྱིན |
སྐྱོན་བརྗོད་པའམ་དགག་པ། |
| སུལ་ལམ |
གྲོག་ཤུར་སྒང་གཤོང་མང་པོ་ཡོད་པའི་བགྲོད་དཀའི་ལམ། |
| སུལ་སུལ |
སྒང་གཤོང་མང་པོ་གཤིབ་པ། གྱོན་པའི་སྒབ་གཤམ་སུལ་སུལ་བྱས་པ་ཕར་གཡུག་ཚུར་གཡུག་གིས་འགྲོ་བ། |
| སུས |
སྐུལ་ཚིག་སྟེ། རྒྱལ་ཁབ་སོ་སོ་ནས་འོངས་པའི་སྐུ་མགྲོན་སུས་ཤིག་ལྟ་བུ། |
| སེ |
1 1 བོད་ཀྱི་ལོ་རྒྱུས་ཐོག་སྤྲ་ནས་མིར་གྱུར་པའི་ཐོག་མའི་དུས་སྐབས་ཀྱི་རུས་རྒྱུད་བཞིའི་གྲས་ཤིག 2 བྱ་ཞིག 3 ཡུལ རྫ་སྣོད་བཟོ་བྱེད་ཀྱི་ས་དཀར་ཞིག 2.ས་མཐའི་མིང་གི་རྗེས་སུ་བཅུག་ནས་ཚིག་གཞན་དང་མཉམ་དུ་མིང་དེའི་དོན་གྱི་ངོ་བོ་གཟུགས་སུ་བཀོད་པའི་ཚིག་གྲོགས་ཤིག ས ཆེམས་སེ་ཆེམ། ཤིགས་སེ་ཤིག ཐོམས་སེ་ཐོམ། ལྷབས་སེ་ལྷབ། |
| སེ་གོ་དིང |
བྱ་ཞིག |
| སེ་གོ་བོ |
སེ་གོ་དིང་དང་འདྲ། |
| སེ་གོལ |
ལག་སོར་མཐེབ་གུང་གཉིས་རྩེ་སྦྱར་ཏེ་རྡེབ་པའི་སྒྲ། སེ་གོལ་གྱི་སྒྲ། སེ་གོལ་གྱི་བརྡ། སེ་གོལ་གཏོགས་པ། སེ་གོལ་གཏོགས་ཙམ། |
| སེ་ཆུང |
1 གནའ་རབས་བོད་ཀྱི་རུས་རྒྱུད་ནང་གི་གཅིག 2 ལུང་པ་ཞིག |
| སེ་ཆེན་རྒྱལ་པོ |
མིང་གཞན་ལ་ཧུ་བི་ལི་ཡང་ཟེར། སྔར་འགྲོ་མགོན་འཕགས་པ་དང་དུས་ཐོག་གཅིག་པའི་ཡོན་རྒྱལ་རབས་ཀྱི་གོང་མ་དང་པོའི་མིང༌། རབ་བྱུང་བཞི་པའི་ཤིང་ཕག་ལོར་འཁྲུངས། རབ་བྱུང་བཞི་པའི་ལྕགས་སྤྲེལ་ལོ་ནས་རབ་བྱུང་ལྔ་པའི་ཤིང་རྟ་ལོའི་བར་ལོ་སུམ་ཅུ་སོ་ལྔ་རིང་སྲིད་བཟུང༌། རབ་བྱུང་བཞི་པའི་ཤིང་བྱི་ལོར་རྒྱལ་ས་པེ་ཅིན་དུ་སྤོས། རབ་བྱུང་ལྔ་པའི་ལྕགས་ལུག་ལོར་རྒྱལ་ཁབ་ཀྱི་མིང་ཡོན་ཟེར་བར་བསྒྱུར། དེའི་ཕྱི་ལོ་འགྲོ་མགོན་འཕགས་པ་ཏི་ཤྲི་གོང་མའི་དབུ་བླར་བཀུར། བོད་ས་གནས་སུ་དབུས་གཙང་མངའ་རིས་སྐོར་གསུམ་གྱི་ཞོན་ཝུའི་ཧྲི་སི་ཏུའུ་ཡོན་ཧྲའོ་ཧྥུ་ཟེར་བའི་སྲིད་འཛིན་དོ་དམ་ས་ཁུལ་བཙུགས། རབ་བྱུང་ལྔ་པའི་མེ་བྱི་ལོར་བོད་ས་གནས་ཡོངས་ལ་ཤིང་སྒོ་ཅན་གྱི་དུད་ཚང་ཞིབ་བཤེར་བྱས་ནས་ཁྲི་སྐོར་བཅུ་གསུམ་ཐོབ་པ་རྣམས་ཁག་བགོས་ཀྱིས་ཁྲི་དཔོན་བསྐོ་བའི་ལམ་ལུགས་ཐོག་མར་བཙུགས། རབ་བྱུང་ལྔ་པའི་ཤིང་རྟ་ལོར་འདས། |
| སེ་བ |
1 ཤིང་སྨན་ཞིག 2 གསེར་གྱི་ལྗིད་ཚད་འཇལ་བའི་ཚད་གཞི་ཞིག་གི་མིང་སྟེ། གསེར་ཞོ་གང་ཆ་བརྒྱ་ལ་བགོས་པའི་ཆ་གཅིག་གི་ལྗིད་ཚད་ཡིན། |
| སེ་བདར |
རྙིང ལྕགས་བདར་ནས་ངོ་མཉམ་པར་བྱེད་པའི་སག་བདར་གྱི་མིང༌། སེ་བདར་གྱིས་འཚལ་བ། |
| སེ་བན་རས་པ |
རྗེ་མི་ལའི་སློབ་མའི་གྲས་ཤིག་ |
| སེ་བཙུན |
འབྲོམ་སྟོན་རྒྱལ་བའི་འབྱུང་གནས་ཀྱི་བླ་མ་ཞིག |
| སེ་བའི་མེ་ཏོག |
ཤིང་སྨན་གྱི་རིགས་ཤིག་སྟེ། རོ་མངར་སྐྱུར་ཁ་བ། ཞུ་རྗེས་སྙོམས། ནུས་པས་མཁྲིས་པ་སེལ། རླུང་གི་ནད་གནོན་པར་བྱེད། |
| སེ་བོ |
སྐྲ་དང་སྤུ་ནག་པོའི་ནང་དཀར་བོ་འདྲེས་པའི་མདོག་གི་མིང་། རྒས་ནས་སྐྲ་སེ་བོར་སོང་། མགོ་སེ་མགོ་ལ་སེ་བརྡ་ལྷུང—མགོ་ལ་སྐྲ་དཀར་ཅུང་ཟད་རེ་སྐྱེས་ལྟ་བུ། |
| སེ་བོན |
སྔར་བོད་དུ་དར་བའི་བོན་གྱི་ཆོས་ལུགས་ཤིག |
| སེ་བྱ |
སེ་གོ་བོའམ་སེ་གོ་དིང་ཟེར་བའི་བྱ་ཆེན་པོ་མགོ་སེ་བོ་ཞིག |
| སེ་མོ་དོ |
གནའ་དུས་ཀྱི་རྒྱན་ཆ་བྲང་ངོས་སོགས་སུ་འདོགས་རྒྱུའི་ཕྲེང་བའི་རིགས་ཤིག་ཡིན། |
| སེ་ཞོ |
1 གསེར་དངུལ་འདེགས་པའི་སྲང་གྲངས་ཀྱི་རྩིས་གཞི་ཞིག 2 བདུད་རྩི་སེ་དཀར་ཟེར་བའི་ཤིང་སྨན་གྱི་མིང༌། |
| སེ་འབྲས |
1 སེ་ཤིང་གི་འབྲས་བུ། 2 སེ་ར་དགོན་པ་དང་འབྲས་སྤུངས་དགོན་པ་གཉིས་ཀྱི་བསྡུས་མིང༌། |
| སེ་འབྲས་དགའ་གསུམ |
སེ་ར། འབྲས་སྤུངས། དགའ་ལྡན་ཏེ་གསུམ། |
| སེ་འབྲུ |
ཤིང་སྨན་གྱི་རིགས་ཤིག་སྟེ། རོ་སྐྱུར། ཞུ་རྗེས་དྲོད། ནུས་པས་ཕོ་བའི་མེ་དྲོད་སྐྱེད། བད་ཀན་གྱི་ནད་སེལ། དང་ག་འབྱེད། གྲང་བའི་ནད་འཇོམས། མིང་གི་རྣམ་གྲངས་ལ་རྐེད་མ་དང༌། མཆིན་ནད་དགྲ། སྤྲེའུ་ཤིང༌། ཕ་ལ་ཏ་ཀ། ཕོ་བའི་གཉེན། མ་ཧུ་ར། མཛོད་ལྡན། ལོ་ཐོག་གཤེད། སེ་ལ་ཤརྟུ་བཅས་སོ། |
| སེ་འབྲུ་རྒོད་པ |
1 ཤིང་སེ་བའི་འབྲས་བུ་གསར་པ། 2 ཤིང་གི་བྱེ་བྲག་ཅིག |
| སེ་འབྲུམ |
ཤིང་ཚེར་མ་ཅན་སེ་བའི་འབྲས་བུ། |
| སེ་ཡབ |
ཀ་བེད་ཀྱི་རིགས་ཤིག་སྟེ། རྒྱ་སྐད་དུ་མུ་བཀྭའ་ཟེར། |
| སེ་ཡོ |
སེ་བོ་དང་དོན་འདྲ། |
| སེ་ཡོ་རེ་བ |
མགོའི་སྐྲ་སྐྱ་ཡོ་རེ་བ། དགུང་ལོ་བགྲེས་ཏེ་དབུ་སྐྲ་སེ་ཡོ་རེ་བར་གྱུར་འདུག |
| སེ་ར |
1 སེར་བ། 2 ཡུལ ཁལ་འགེལ་རྒྱུའི་དོ་པོ། 3 སེ་ར་དགོན་པ། |
| སེ་ར་ཆོས་སྡིངས |
སེ་ར་དགོན་པའི་རྒྱབ་ཀྱི་རི་རྐེད་དུ་ཡོད་པའི་ཙོང་ཁ་པའི་སྒྲུབ་གནས་ཆུང་ཆུང་ཞིག |
| སེ་ར་ཐེག་ཆེན་གླིང |
དབུས་ཕྱོགས་གདན་ས་ཆེན་པོ་གསུམ་གྱི་ཡ་གྱལ་ཞིག་སྟེ། སེ་ར་དགོན་པའི་མིང་གཞན་ཞིག |
| སེ་ར་དགོན་པ |
དབུས་ཕོགས་དགེ་ལུགས་དགོན་ཆེན་གསུམ་གྱི་ཡ་གྱལ་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཀྱིས་ཕྱག་བཏབ་པ་ཞིག་སྟེ། ཁོང་གིས་རྗེ་ཙོང་ཁ་པའི་སྐུ་ཚབ་ཏུ་ཏཱ་མིང་རྒྱལ་པོའི་དབུ་བླར་ཕེབས་ནས་ཕྱིར་ལོག་སྐབས་རྟེན་སྐལ་དུ་བསྣམས་ཕེབས་པའི་གསེར་ཆོས་བཀའ་འགྱུར་དང་ཙན་དན་གྱི་གནས་བརྟན་བཅུ་དྲུག་བཅས་ཡོད་པའི་གདན་ས་ཞིག |
| སེ་ར་ཕུར་མཇལ |
སྔར་ལོ་རེ་བོད་ཟླ་བཅུ་གཉིས་པའི་ཚེས་ཉེར་བདུན་ཉིན་སེ་ར་དགོན་པའི་བྱེས་གྲྭ་ཚང་དུ་ཡི་དམ་རྟ་མགྲིན་གྱི་ཕུར་པ་མཇལ་སྟོན་དུས་ཆེན་ཞིག |
| སེ་རལ |
སྐེ་ནས་མཆན་ཁུང་དུ་བསེགས་པའི་ལུས་ཀྱི་ཁག་གི་མིང་སྟེ། རྒྱན་ཆ་སེ་རལ་དུ་བཅིངས། མེ་མདའ་སེ་རལ་དུ་ཁུར་ཅེས་པ་ལྟ་བུ། |
| སེ་རལ་ཁ |
སྐུད་པས་ཕྲག་པ་དང་མཆན་ཁུང་འོག་གཡས་གཡོན་དུ་བསྣོལ་ཏེ་བཏགས་པའི་ཕྲེང་བ་ཞིག |
| སེ་རལ་འཕྲེང་བ |
ཕྲག་གོང་དང་མཆན་འོག་གཡས་གཡོན་དུ་དཀྲི་བའི་རྒྱན་ཆ། |
| སེ་རུ |
རྙིང སེར་པོ། བྱང་དུ་མཆོད་རྟེན་སེ་རུ་བཞེངས་པ། |
| སེ་རུལ |
1 རྙིང་པ་ཧྲུལ་པོ། 2 ས་སྨན་གྱི་རིགས་གྱང་རྙིང་སོགས་ལ་ཆགས་པའི་ས་དྲེག་སེར་སྐྱ་རོ་ཁ་ཉམས་ཅན་ཞིག་སྟེ། ནུས་པས་འཁྲུགས་ཚད་དང༌། གྱུར་དུག་སྦྱར་དུག་སེལ། |
| སེ་རྒོད |
ཤིང་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་དུག་སྡུད། ཆུ་སེར་སེལ། |
| སེ་རྨ |
རེག་དུག་ཟེར་བའི་འགོ་ནད་དྲག་པོ་ཞིག་གི་མིང་གཞན། |
| སེ་ཤར་རེ་བ |
མདོག་ཁམ་སྐྱ། བེའུ་སེ་ཤར་རེ་བ། སྐྲ་སེ་ཤར་རེ་བ། སྨ་ར་སེ་ཤར་རེ་བ། |
| སེ་ཤིང |
བསེ་ཤིང་དང་འདྲ། |
| སེ་སྣོལ་གནམ་ལྡེ |
ལྡེ་འཕྲུལ་གནམ་གཞུང་གི་བུ་བོད་རྒྱལ་བཅོ་བརྒྱད་པ་སྟེ་རྒྱལ་པོ་ལྡེ་བརྒྱད་ཀྱི་ཡ་གྱལ་ཞིག |
| སེ་སྣོལ་པོ་ལྡེ |
སེ་སྣོལ་གནམ་ལྡེའི་བུ། སྔར་བོད་རྒྱལ་བཅུ་དགུ་པ་སྟེ་ལྡེ་བརྒྱད་ཀྱི་ཡ་གྱལ་ཞིག |
| སེག |
(བྱེད་མེད་ལས་ཚིག) སོ་དངོས་རྫས་སྲ་མོའི་རིགས་ཀྱིས་གཙུབ་རྡར་བྱས་ནས་ན་ཟུག་ལངས་པའི་དོན་ཏེ། ཕྱེ་ལ་བྱེ་མ་འདྲེས་ནས་སོ་སེག་ཅེས་པ་ལྟ་བུ། |
| སེག་པ |
ཐ་མི་དད་པ སོ་བརྩེ་བ། རྡོ་ཕྱེའི་ལྷད་འདྲེས་པའི་རྩམ་པས་སོ་སེག་པ། |
| སེག་མ |
1 གཟེབ་མ་ཟེར་བའི་སློ་མ་སྟེ་སྨྱུག་ལྷས་ཀྱི་སྣོད་གྲུ་བཞི་ཁེབས་ཅན། 2 རྡོ་ཕྱེ། |
| སེག་རྡར |
ཟངས་ལྕགས་དང་ཤིང་སོགས་རྡོར་བྱེད་ཀྱི་རྣོ་ལྕགས་སམ་རྡོས་བཟོས་པའི་ལག་ཆ་ཞིག་གི་མིང་། |
| སེང |
(བྱེད་མེད་ལས་ཚིག) དངོས་པོ་མང་བོ་བསྒྲིགས་པའི་བར་མཚམས་ཡངས་པར་གྱུར་པའི་དོན་ཏེ། ཟོ་བ་སེང་། སྐྲ་སེང་ཞེས་པ་ལྟ་བུ། (རྒྱན་ཚིག) བར་མཚམས་སམ་སྲུབས་ཀ་དམ་པོ་མ་ཡིན་པ་སྟེ། རི་མོ་ཁོང་སེང་མ། པ་ཊ་ཁོང་སེང་མ། སྐྲ་སེང་། སེང་བོ་ཞེས་པ་ལྟ་བུ། |
| སེང་ཁྲི |
རི་མོའམ་འཇིམ་པས་བཟོས་པའི་སེང་གེས་བཏེག་པའི་ཁྲི། |
| སེང་གདན |
དབྱངས་འཆར་ལས་གསུངས་པའི་ལེགས་ཉེས་བརྟག་ཐབས་ཤིག |
| སེང་གདོང་མའི་ཟློག་སྒྱུར |
ཡེ་ཤེས་མཁའ་འགྲོ་སེང་གདོང་མ་གཙོ་འཁོར་གསུམ་གྱི་སྒོམ་བཟླས་ལ་བརྟེན་ནས་བར་ཆད་ཕྱིར་སྒྱུར་གྱི་ཆོ་ག་ཞིག |
| སེང་གཡབ |
ཁང་པའི་དཀྱིལ་གྱི་དཀར་གསལ་མཐོངས་གཡབ། |
| སེང་གེ |
1 རི་དྭགས་རྒྱལ་པོ། སེང་གེའི་གཡུ་རལ་ལ་སྤྲེའུས་ལག་རྩེད། སེང་གེའི་འོ་མ་བཞོ་འདོད་ན། དེ་ལ་འཐབ་པའི་སྙིང་སྟོབས་དགོས། མིང་གི་རྣམ་གྲངས་ལ་ཁ་ལྔ་པ་དང༌། གླང་པོ་འཇོམས། ང་རོ་ཅན། ཆ་ཤས་འཇིགས། གདོང་ལྔ་པ། སྡེར་ཆགས་རྒྱལ་པོ། ནགས་ཀྱི་དབང་པོ། ནམ་མཁའ་གནོན། རྣམ་པར་གནོན། འཕྲོག་བྱེད། གཙུག་ཕུད་ལྔ་པ། ཚོགས་ཀྱི་བདག་པོ། རལ་པ་ཅན། རི་དྭགས་དབང་པོ། རི་དྭགས་ཟས་ཅན་བཅས་སོ། 2 ས་མིང་ཞིག་བོད་རང་སྐྱོང་ལྗོངས་ཀྱི་ལྷོ་བྲག་རྫོང་ཁོངས་ལྷོ་བྲག་ནུབ་ཆུའི་འགྲམ་དུ་ཡོད། |
| སེང་གེ་ཁ་འབབ |
བོད་རང་སྐྱོང་ལྗོངས་མངའ་རིས་ས་ཁུལ་ཁོངས་སྤུ་ཧྲེང་དང་སྒར་རྫོང་གཉིས་ཀྱི་ཆུ་ཞིག་སྟེ་ཆུ་བོ་སི་ཏཱའོ། |
| སེང་གེ་ཁ་འབབ་གངས་རི |
ཁ་འབབ་ཀྱི་ཆུ་བོ་བཞི་འབྱུང་སའི་གངས་རི་ཏེ་སེ། |
| སེང་གེ་གདན་གྱི་འཁོར་ལོ |
སྐར་རྩིས་ལས་འབྱུང་བའི་རི་མོའི་འཁོར་ལོ་ཞིག |
| སེང་གེ་ཅང་ཤེས |
ལྷ་སྒྲུང་ནང་བཤད་པའི་སེང་གེ་རྫུ་འཕྲུལ་ཅན་ཞིག |
| སེང་གེ་ཅན |
མངོན གྲུ་ཤན། |
| སེང་གེ་དཔུང་པ |
སྟོད་གོས་ཀྱི་དཔུང་པ་གཡས་གཡོན་གྱི་བཟོ་དབྱིབས། |
| སེང་གེ་བཟང་པོ |
སྔར་རྒྱ་གར་གྱི་སློབ་དཔོན་ཞིག་སྟེ། ཤེར་ཕྱིན་མངོན་རྟོགས་རྒྱན་གྱི་འགྲེལ་པ་དོན་གསལ་དང༌། བརྒྱད་སྟོང་འགྲེལ་ཆེན་སོགས་མཛད་མཁན་ཤེར་ཕྱིན་སྨྲ་བའི་སློབ་དཔོན་ནོ། |
| སེང་གེ་བསྒྱིངས་པ |
སེང་གེས་ལུས་འགྱིངས་ཚུལ་བསྟན་པ། |
| སེང་གེ་མོའི་བུ |
མངོན སྒྲ་གཅན། |
| སེང་གེ་འཇིགས་མེད |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་རྨ་གསོ། རུས་ཆག་སྦྱོར། |
| སེང་གེ་འཇོམས |
མངོན ཤ་ར་བྷ། |
| སེང་གེ་རྐང་བརྒྱད |
གཅན་གཟན་ངོ་མཚར་ཅན་ཞིག་སྟེ། ཁྱུང་གི་གཤོག་པ་གཉིས་དང་སྡེར་མོ་གཉིས། སེང་གེའི་རྐང་ལག་བཞི་བཅས་པ་ཞིག |
| སེང་གེ་རྒྱན་གཞི |
སེང་གེའི་རི་མོ་ཡོད་པའི་གོས་ཆེན་ཞིག |
| སེང་གེ་རྣམ་པར་རྩེ |
1 སེང་གེས་ལུས་རྩལ་ངོམས་ཏེ་འཁྲབ་ཅིང་རྩེ་བ། 2 བྱང་སེམས་ཤིག་གི་མཚན། |
| སེང་གེ་རྩེན |
མངོན འཇམ་དབྱངས། |
| སེང་གེ་སྒྲ་སྒྲོག |
གུ་རུ་མཚན་བརྒྱད་ཀྱི་ཡ་གྱལ་ཞིག |
| སེང་གེ་སྦར་མོ |
སྔོ་ག་བུར་ཏིས་ལོའི་མིང་གི་རྣམ་གྲངས་ཤིག |
| སེང་གེའི་ཁྱིམ |
ཁྱིམ་ལྔ་པ། ཁྱིམ་ཞག་ཉི་བར་སྐར་གནས་དགུ་ལ་སླེབས་སྐབས་ཉི་མ་སེང་ཁྱིམ་ལ་སྤྱོད། |
| སེང་གེའི་ཁྲི་འཛིན་པ |
རྒྱལ་ཐབས་ཀྱི་ཁྲི་ལ་མངའ་གསོལ་བའམ། རང་རང་ཡུལ་དགོན་གྱི་བདག་པོར་ཁྲི་འདོན་བྱེད་པ། |
| སེང་གེའི་ང་རོ |
1 སེང་གེའི་ངར་སྐད། 2 སངས་རྒྱས་ཤིག |
| སེང་གེའི་ཉལ་སྟབས |
གློ་གཡས་པ་ཕབ་སྟེ་རྐང་པ་གཡོན་པ་གཡས་པའི་སྟེང་དུ་བཞག་ནས་ཉལ་བའི་ཚུལ། |
| སེང་གེའི་བཞོན་པ |
མངོན འཇམ་དཔལ་དབྱངས། |
| སེང་གེའི་འགྲམ |
1 རྒྱལ་པོ་ཟས་གཙང་མའི་ཡབ་རྒྱལ་པོ་སེང་གེ་འགྲམ། 2 སེང་གེའི་འགྲམ་པ་འདྲ་བའི་སངས་རྒྱས་ཀྱི་མཚན་བཟང༌། 3 སངས་རྒྱས་ཤིག་གི་མཚན། |
| སེང་གེའི་རིགས |
མངོན ཁྱི། |
| སེང་གེའི་ཤིང་རྟ་མ |
མངོན ལྷ་མོ་ཨུ་མ། |
| སེང་གེའི་སྒྲ་སྒྲོག |
1 སེང་གེ་སྒྲ་དབྱངས་སྒྲོག་པའི་སྐད། 2 རྙིང་མའི་ཆོས་ལུགས་ནས་བཤད་པའི་སློབ་དཔོན་གུ་རུ་མཚན་བརྒྱད་ནང་གི་གཅིག 3 བདུད་ཀྱི་བུ། |
| སེང་གེའི་སྟབས་སུ་གཤེགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། མི་ཟིལ་གྱིས་གནོན་པ་ལ་མཁས་པ་ཉིད་ཀྱིས་སེང་གེའི་སྟབས་སུ་གཤེགས་པ། |
| སེང་ཐང་ཚ་ཁ |
ཆུ་ཚན་ཞིག་སྟེ། བོད་རང་སྐྱོང་ལྗོངས་ཀྱི་རྣམ་གླིང་རྫོང་ཁོངས་སུ་ཡོད། |
| སེང་དཀར |
སེང་གེ་དཀར་པོའམ་གངས་རིར་གནས་པའི་སེང་གེ། སེང་དཀར་གཡུ་རལ་ཅན། |
| སེང་དཀར་གསང་བ |
ཁྱི་སྤུ་མདོག་དཀར་ཞིང་སྣ་དམར་བ་ཅན་གྱི་ཕོ་རྟགས་ཏེ། རོ་མངར། ཞུ་རྗེས་དྲོད། ནུས་པས་རོ་ཙ། ཆགས་པ་འཕེལ། |
| སེང་དྲག |
ནད་ཡོངས་སུ་དྲག་པ། ནད་སེང་དྲག་བྱུང་སོང༌། |
| སེང་པོ |
ཚགས་ཧྲོབ་པོ། སྲུབ་དབར་སེང་པོ། ལྗོན་ཤིང་སེང་པོ། |
| སེང་ཕྲུག |
1 སེང་གེའི་ཕྲུ་གུ། 2 སེང་གེ་དང་དབྱིབས་འདྲ་བའི་ཁྱི། |
| སེང་ཕྲོམ |
ཞུ་མཁན་ལོ་མའི་མིང་གཞན་ཞིག |
| སེང་བ |
ཐ་མི་དད་པ སེངས་པ། སེང་བ།། འདག་པ་དང་སང་བ། སྐྱོ་བ་སེང་བ། ངལ་དུབ་སེང་བ། དྲི་མ་སེངས་པ། སྐྱོན་སེངས་པ། |
| སེང་མ |
1 སྲུབ་མའམ་བར་གསེང་ཅན། རས་སེང་མ། སེང་མ་མེད་པའི་མཛའ་གཅུགས་དམ་ཟབ། 2 རྙིང ལན་ཀན། |
| སེང་ཚགས |
རས་སྲབ་སྲབ་ཀྱི་ཆུ་ཚགས་ལྟ་བུ། |
| སེང་ཚེར |
ཤིང་སེང་ལྡེང་གི་ཚེར་མ། |
| སེང་འབྲུག |
འབྲུག་དང་སེང་གེའི་མིང་གི་བསྡུས་ཚིག |
| སེང་འབྲུག་སྟག་རྩེ |
སེང་འབྲུག་སྟག་གསུམ་གྱི་རི་མོས་མཚན་པའི་གེ་སར་རྒྱལ་པོའི་མཁར་རྫོང༌། |
| སེང་ཡོལ |
ཕྱི་གསལ་ནང་གསལ་རས་སྲབ་ཀྱི་ཡོལ་བ། |
| སེང་རས |
རས་སྲབ་སྲབ། |
| སེང་རུས |
བར་ཚགས་ལྷོད་པའི་རས་ཀྱི་མིང་སྟེ། གཙོ་བོར་ཡོལ་བ་དང་སྨན་བཅོས་ཀྱི་རྨ་ཆིངས་སོགས་ལ་བཀོལ། |
| སེང་ལྡེང |
ཁདིརཀཿ ཤིང་སྨན་གྱི་རིགས་ཤིག་སྟེ། རོ་མངར་ལ་བསྐ། ཞུ་རྗེས་བསིལ། ནུས་པས་ཁྲག་ངན་དང༌། ཆུ་སེར་སྐེམ། མིང་གི་རྣམ་གྲངས་ལ་ཁ་དི་ར་དང༌། ཁུ་བ་མཛེ་འཇོམས། གླུ་ལེན་མ། ཆུ་སེར་ཁྲག་འཐུང༌། བྱིས་པའི་ནུ་མ། འཚོ་བའི་ཤིང༌། ཟླ་བའི་ཡལ་ག་བཅས་སོ། |
| སེང་ལྡེང་ཅན |
གསེར་རི་བདུན་གྱི་ཡ་གྱལ་ཞིག་སྟེ། རིའི་རྩེ་མོ་ན་སེང་ལྡེང་གི་ནགས་མཛེས་པ་ཡོད་པས་སེང་ལྡེང་ཅན་ཞེས་ཟེར། ངོས་རེར་དཔག་ཚད་ལྔ་འབུམ་དང་མཐའ་སྐོར་དུ་ས་ཡ་གཉིས་ཡོད་པ། |
| སེང་ལྡེང་ནགས་ཀྱི་སྒྲོལ་མ |
ལྷ་སྒྲོལ་མ་ལྗང་གུའི་རིགས་ཤིག |
| སེང་ལྡེང་རིགས་གསུམ |
མདོག་གི་དབྱེ་བའི་སྒོ་ནས་མིང་བཏགས་པའི་སེང་ལྡེང་དམར་སྐྱ་སེར་གསུམ་གྱི་མིང་སྟེ། དམར་བ་ཙན་དན་སེང་ལྡེང༌། སེར་བ་སྐྱེར་པ་སེང་ལྡེང༌། སྐྱ་བོ་གསོམ་སེང་ལྡེང་ངོ། |
| སེང་སེང་པོ |
བར་སྲུབ་ཧྲལ་ཧྲལ། གྲལ་ཚགས་ཞིབ་པོ་མེད་པའི་སྲུབ་དབར་སེང་སེང་པོ། |
| སེངས་པ |
1.སེང་བའི་འདས་པ། 2.རྙིང རས་སྲབ་མོ་ཤིན་ཏུ་ཚགས་ལྷོད་ཅིང་ཤ་རྗེན་ཇི་བཞིན་སྒྲིབ་མི་ཐུབ་པ་ཞིག |
| སེངྒེ་ཁྱིམ |
སེང་གེའི་ཁྱིམ་དང་དོན་གཅིག་ |
| སེད |
གསེད་པའི་སྐུལ་ཚིག་ |
| སེན་མོ |
རྐང་ལག་གི་སེན་མོ། སེན་མོས་འཐོག་པ། སེན་མོ་འདེབས་པ། སེན་མོས་དབྲལ་བ། མིང་གི་རྣམ་གྲངས་ལ་གཅད་བྱ་དང༌། བཅད་སྐྱེ། འདོད་མྱོས་ལྕགས་ཀྱུ། སྡེར་མོ། ཡང་སྲིད་ཅན། ལག་སྐྱེས། ལག་འཁྲུ། ལག་པའི་ཚེར་མ། སླར་སྐྱེས་བཅས་སོ། |
| སེན་མོ་དབུས་མཐོ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། རིགས་ཀྱི་མཆོག་ལས་སྐྱེས་པས་སེན་མོ་མཐོ་བ་སྟེ། གཤོང་བུ་དང་ལེབ་མོ་མིན་པར་དབུས་མཐོ་བ། |
| སེན་མོ་མདོག་སྣུམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། སེམས་ཅན་ཐམས་ཅད་ལ་ཕན་པའི་ལྷག་བསམ་ཉིད་ཀྱིས་སེན་མོ་མདོག་སྣུམ་པ། |
| སེན་མོ་ཟངས་མདོག་ལྟ་བུའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། འདུ་བྱེད་ཐམས་ཅད་ལ་འདོད་ཆགས་དང་བྲལ་བ་ཉིད་ཀྱིས་སེན་མོ་ཟངས་ཀྱི་མདོག་ལྟ་བུ། |
| སེན་མོའི་གར |
མངོན རྨ་བྱ། |
| སེན་མོའི་དཔེ་བྱད་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སེན་མོ་ཟངས་མདོག་ལྟ་བུ་དང༌། སེན་མོ་མདོག་སྣུམ་པ་དང༌། སེན་མོ་དབུས་མཐོ་བ་བཅས་གསུམ། |
| སེན་མོའི་སྟེང་གི་རྡུལ |
གྲངས་ཤིན་ཏུ་ཉུང་བའི་དཔེ། |
| སེན་འཐོག |
སེན་མོས་ཤ་ལྤགས་འཇུས་ཏེ་འཐེན་པ། ཕྲུ་གུའི་འཕོངས་ལ་སེན་འཐོག་རྒྱག་པ། |
| སེན་རྩ |
སེན་མོ་སྐྱེ་སའི་རྩ་བ། |
| སེན་ཤ |
རྐང་ལག་གི་སེན་མོའི་ཟུར་གྱི་ཤའམ་སྐྱི་ལྤགས། |
| སེན་སྐྱི |
ལག་པའི་སེན་མོའི་རྩ་བའི་པགས་པ། སེན་སྐྱི་གས་པ། |
| སེབ |
རྟ་གསེབ་ཀྱི་གསེབ་ལ་སེབ་འབྲི་བའང་ཡོད། |
| སེབ་སེབ |
དམ་པོ་མེད་པ་དང༌། མཁྲེགས་པོ་མེད་པའི་སོབ་སོབ། རྩམ་པ་སེབ་སེབ་བྱས་ནས་བཤར་བ། |
| སེམས |
1 རང་ཡུལ་དུ་གྱུར་པའི་དོན་གྱི་ངོ་བོ་རང་སྟོབས་ཀྱིས་མཐོང་བའི་ཤེས་པ། དཔེར་ན་མིག་ཤེས་སུ་གྱུར་པའི་སེམས་ལ་སོགས་པ་ལྟ་བུའོ། སེམས་ཀྱི་ངལ་རྩོལ། སེམས་ཀྱིས་མི་བཟོད་པ། གཞན་སེམས་དཀྲུག་པ། སེམས་འཁྱམས་པ། སེམས་འཁྲུགས་པ། སེམས་གུ་ཡངས་པོ། སེམས་འགུལ་ཐེབས་པ། སེམས་བསྒྱུར་བ། སེམས་གཉིས་ཕྲད་པ་མེད་པ། སེམས་གཏིང་ནས་ཁྲོ་བ། རང་སེམས་དང་མཐུན་པ། སེམས་འདོགས་པར་བྱེད་པ། སེམས་ཕྱིན་ཅི་ལོག་པ། སེམས་ཟིལ་གྱིས་ནོན་པ། སེམས་ཡེང་ཡེང་བ། སེམས་ལ་འཁུམས་པ། སེམས་ལ་འཕྲེང་བ། སེམས་ལ་བབ་པ། སེམས་ལ་གཟིར་བ། སེམས་ལ་ཤར་བ། ཕ་མའི་སེམས་ཆུ། བུ་ཕྲུག་གི་སེམས་རྡོ། མིང་གི་རྣམ་གྲངས་ལ་ཀུན་གཞི་དང༌། དྲན་པ། ནང་གི་བྱེད་པ། རྣམ་ཤེས། བློ། ཡིད། རིག་པ། ཤེས་པ་བཅས་སོ། 2 གཙོ་སེམས་ཀྱི་བསྡུས་མིང༌། 3.མྱོང་ཚོར་གྱི་ནུས་པ་ཞིག་སྟེ། སེམས་ལྡན་སེམས་མེད། སེམས་ཅན་ཞེས་པ་ལྟ་བུ། ནང་གི་དབང་བོར་བརྟེན་ནས་ཕྱིའི་ཡུལ་ཤེས་པ་དང་། རྟོགས་པ། འཛིན་པ་སོགས་ཀྱི་བྱ་རིམ་རིལ་བོའི་སྤྱི་འདུས་ཀྱི་མིང་སྟེ། སེམས་ལ་ཤར། སེམས་ནས་མ་བརྗེད། སེམས་ལ་དྲན་ལྟ་བུ། ０ཆགས་སྡང་བརྩེ་དུང་སོགས་སྐྱེ་བའི་བྱ་རིམ་གྱི་སྤྱི་འདུས་ཏེ། སེམས་ཚིག སེམས་སྡུག སེམས་སྐྱིད་ལྟ་བུ། |
| སེམས་ཀྱི་ཁང་པ |
མངོན སྙིང༌། |
| སེམས་ཀྱི་ཏིང་ངེ་འཛིན |
སྔོན་ཏིང་ངེ་འཛིན་བསྒོམས་པའི་སེམས་ཀྱི་ས་བོན་རྒྱས་པ་ལས་བྱུང་བ་དེའོ། |
| སེམས་ཀྱི་དམ་པ |
བྱང་ཆུབ་ཀྱི་སེམས། |
| སེམས་ཀྱི་ཚོར་བ |
ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་སྟེ། ཡིད་ཙམ་ལ་བརྟེན་པའི་ཚོར་བ་ཡིན་པས་དེའོ། |
| སེམས་ཀྱི་ཟས |
ཟས་བཞིའི་ཡ་གྱལ་ཞིག |
| སེམས་ཀྱི་རྩོལ་བ |
དཔྱོད་པའམ་དཔོག་པ། |
| སེམས་ཀྱི་ལོངས་སྤྱོད |
རྣམ་པར་རྟོག་པ། |
| སེམས་ཀྱི་ས་མང |
ས་མང་ལྔའི་ནང་ཚན་ཞིག་སྟེ། སེམས་ཀྱི་སྐད་ཅིག་ཐམས་ཅད་དང་ཁམས་གསུམ་དང་ས་ཐམས་ཅད་ལ་འབྱུང་བ། |
| སེམས་ཀྱི་ས་མང་བཅུ |
ཀུན་འགྲོ་ལྔ་དང༌། ཡུལ་ངེས་ལྔ་བཅས་སོ། |
| སེམས་ཀློང་མན་ངག་གི་སྡེ |
རྫོགས་ཆེན་ཨ་ཏི་ཡོ་གའི་ཐེག་པའི་དབྱེ་བ་སྟེ། གནས་པ་སེམས་ཀྱི་སྡེ། བྱ་བྲལ་ཀློང་གི་སྡེ། ཟབ་པ་མན་ངག་གི་སྡེའོ། |
| སེམས་ཁུར |
1ལས་ཀ་སོགས་རང་འགན་དུ་བརྩི་བའི་བསམ་པའི་མིང་སྟེ། དགེ་རྒན་གྱིས་སློབ་མར་སེམས་ཁུར་བྱེད་ཀྱིན་འདུག་ལྟ་བུ། 2སེམས་སྐྱོ་བའམ་སེམས་མི་བདེ་བའི་ལས་དོན་གྱི་མིང་སྟེ། སྤྱི་ཚོགས་རྙིང་བར་ཟ་རྒྱུ་མེད་པ་ཙམ་ལ་སེམས་ཁུར་བྱས་སྟབས་ཡི་གེ་སློབ་རྒྱུ་ཞིག་ཡིད་ལའང་མ་དྲན་ལྟ་བུ། |
| སེམས་ཁྲལ |
སེམས་ནང་གི་རྡོག་ཁྲེས། འདི་སྐོར་སེམས་ཁྲལ་བྱེད་མི་དགོས། མི་ལ་ཉེས་ཆད་གཅོད་འདོད་ན། ཉེས་མིང་མི་རྙེད་སེམས་ཁྲལ་ཅི། |
| སེམས་ཁྲིག་ཁྲིག |
སེམས་ཡག་པོ་རང་མེད་པ། མི་དེ་སེམས་ཁྲིག་ཁྲིག་ཅིག་ཡོད་པས་ཡག་པོ་རང་བྱས་མི་ཡོང༌། |
| སེམས་ཁྲིད |
1 སེམས་ཀྱི་ངོ་བོ་ར་སྤྲོད་པ། 2 སེམས་འགྱུར་ཐབས་བྱེད་པ། |
| སེམས་གཅོང |
སེམས་སྡུག་གམ་སེམས་ནད། བསམས་ཤིང་བསམས་ན་བུ་ང་སེམས་པ་གཅོང༌། |
| སེམས་གཏད་པ |
1 བློ་བཀལ་བ། 2 རིག་པ་བསྒྲིམས་པ། |
| སེམས་གདེང་ཅན |
ཡིད་ལ་གདེང་ཚོད་ཡོད་མཁན། |
| སེམས་གནག་པོ |
སེམས་གཤིས་མི་བཟང་བ། |
| སེམས་གནས་དགུ |
ཞི་གནས་སྒོམ་སྐབས་ཀྱི་སེམས་གནས་དགུ་སྟེ། སེམས་འཇོག་པ་ནི་ཕྱི་རོལ་གྱི་དམིགས་པ་ལས་སེམས་བསྡུས་ནས་ནང་དུ་དམིགས་པ་ལ་གཏོད་པ་དང༌། རྒྱུན་དུ་འཇོག་པ་ནི་དང་པོར་གཏད་པའི་སེམས་དེ་ཉིད་གཞན་དུ་མི་གཡེང་བར་དམིགས་པ་དང༌། བསླན་ཏེ་འཇོག་པ་ནི་སེམས་ཕྱི་རོལ་ཏུ་ཡེངས་ན་ཤེས་པར་བྱས་ནས་སླར་ཡང་དམིགས་པ་དེ་ཉིད་ལ་འཇོག་པ་དང༌། ཉེ་བར་འཇོག་པ་ནི་སེམས་ཡང་ཡང་བསྡུས་ཏེ་ཕྲ་བར་བྱས་ནས་འཇོག་པ་དང༌། འདུལ་བར་བྱེད་པ་ཏིང་ངེ་འཛིན་གྱི་ཡོན་ཏན་བསགས་ནས་དེ་ལ་དགའ་བ་དང༌། ཞི་བར་བྱེད་པ་རྣམ་གཡེང་ལ་སྐྱོན་དུ་བལྟས་ནས་ཏིང་ངེ་འཛིན་ལ་མི་དགའ་བ་ཞི་བར་བྱེད་པ་དང༌། རྣམ་པར་ཞི་བར་བྱེད་པ་ཆགས་སེམས་དང་ཡིད་མི་བདེ་སོགས་ཞི་བར་བྱེད་པ་དང་རྩེ་གཅིག་ཏུ་བྱེད་པ་འབད་མེད་དུ་འཇུག་པའི་ཕྱིར་འབད་པ་དང༌། མཉམ་པར་འཇོག་པ་ནི་སེམས་མཉམ་པར་གྱུར་པ་ན་བཏང་སྙོམས་སུ་བྱེད་པའོ། |
| སེམས་གསོ |
མྱ་ངན་ཅན་གྱི་སེམས་སྡུག་གསོ་ཐབས། སེམས་གསོ་འཚམས་འདྲི། |
| སེམས་གསོའི་མཇལ་དར |
ཡུལ མི་ཤི་བའི་ནང་མི་རྣམས་ལ་འབུལ་རྒྱུའི་ཁ་བཏགས། |
| སེམས་གྱ་མ་གྱུ |
ངན་གཡོ་དྲན་འཕྲུལ་གྱི་སེམས་འཁྱོག་པོ། |
| སེམས་ངན |
བསམ་པ་ངན་པ་དང་རེ་འདུན་ངན་པ་སོགས་ཀྱི་མིང་སྟེ། མི་ལ་སེམས་ངན་མ་བསགས་ལྟ་བུ། |
| སེམས་ཅན |
1 སཏྭ སེམས་དང་ལྡན་པའི་གང་ཟག་གམ། སངས་རྒྱས་མ་ཚར་བའི་སྐྱེ་འགྲོ་སྤྱིའི་མིང༌། མིང་གི་རྣམ་གྲངས་ལ་སྐྱེ་འགྲོ་དང༌། སྐྱེ་རྒུ། སྐྱེ་ལྡན། སྐྱེ་བོ། སྐྱེས་བུ། འགྲོ་བ། ལུས་ཅན། ཤེས་ལྡན། སེམས་ལྡན་པ། སེམས་པ་ཅན། སྲོག་ཆགས་བཅས་སོ། 2 ཡུལ མི་མིན་པའི་སྲོག་ཆགས་དང་སྒོ་ནོར་སྤྱིའི་མིང༌། 3.མི་དང་དུད་འགྲོ་སོགས་སྲོག་ཆགས་སྤྱིའི་མིང་། 2ཡུལ་སྐད་ལ་ལར་སྒོ་ཕྱུགས་ལ་སེམས་ཅན་ཟེར། |
| སེམས་ཅན་གྱི་གནས་པ་དགུ |
རྣམ་ཤེས་ཀྱི་གནས་པ་བདུན་དང༌། སྲིད་རྩེ་དང༌། འདུ་ཤེས་མེད་པའི་སེམས་ཅན་དང་དགུའོ། |
| སེམས་ཅན་དུ་མི་སྟོན་པའི་སྒྲ |
ལུང་དུ་མི་སྟོན་པའི་སྒྲའོ། |
| སེམས་ཅན་དུ་སྟོན་པའི་སྒྲ |
ལུང་དུ་སྟོན་པའི་སྒྲའོ། |
| སེམས་ཅན་དོན་བྱེད་ཀྱི་བསམ་གཏན |
བསམ་གཏན་བསྒྲུབ་པའི་སྒོ་ནས་མངོན་པར་ཤེས་པ་དྲུག་པོ་དག་ཐོབ་སྟེ་ལུས་ཀྱི་རྫུ་འཕྲུལ་བྱས་པའི་རྒྱུས་སེམས་དགའ་བར་བྱས་ཤིང་གཞན་གྱི་སེམས་ཤེས་པས་སེམས་དང་མཐུན་པར་ཆོས་བཤད་ནས་མི་དགེ་བ་ལས་བཟློག་ཅིང་དགེ་བ་ལ་འགོད་པ། |
| སེམས་ཅན་དོན་བྱེད་ཀྱི་ཚུལ་ཁྲིམས |
བྱང་ཆུབ་སེམས་དཔས་སེམས་ཅན་ལ་ཕན་འདོགས་པའི་ཚུལ་ཏེ། གྲོགས་བྱ་དགོས་པ་དང༌། ཐབས་ལ་རྨོངས་པ། ཕན་འདོགས་པ། འཇིགས་པས་ཉེན་པ། མྱ་ངན་གྱིས་གཟེར་བ། ཡོ་བྱད་ཀྱིས་ཕོངས་པ། གནས་འཆའ་བར་འདོད་པ། བློ་མཐུན་པར་འདོད་པ། ཡང་དག་པར་ཞུགས་པ། ལོག་པར་ཞུགས་པ། རྫུ་འཕྲུལ་གྱིས་གདུལ་བར་བྱ་བ་རྣམས་ཀྱི་དོན་ཇི་ལྟར་རིགས་པར་སྒྲུབ་པའོ། |
| སེམས་ཅན་ཙམ་ལ་དམིགས་པའི་སྙིང་རྗེ |
མི་རྟག་པ་དང་བདག་མེད་གང་གི་ཡང་ཁྱད་པར་མ་ཕྱེ་བར་སེམས་ཅན་ལ་དམིགས་པའི་སྙིང་རྗེ། |
| སེམས་ཅན་ཞུགས |
མངོན བུད་མེད་སྦྲུམ་མ། |
| སེམས་ཅན་ལ་ཆགས་པའི་ལྷག་མ་ལྔ |
དགེ་འདུན་ལྷག་མ་བཅུ་གསུམ་ལས། སེམས་ཅན་ལ་ཆགས་པ་ལས་གྱུར་པའི་ལྷག་མ་ལྔ་སྟེ། ཁུ་བ་འབྱིན་པའི་ལྷག་མ་དང༌། རེག་པའི་ལྷག་མ་དང༌། འཁྲིག་ཚིག་སྨྲ་བའི་ལྷག་མ། བསྙེན་བཀུར་བསྔགས་པའི་ལྷག་མ། སྨྱན་བྱེད་པའི་ལྷག་མ་རྣམས་སོ། |
| སེམས་ཅན་ལ་བདར་བ |
སེམས་ཅན་ལ་སྟེར་བའམ་སྦྱིན་པའི་དོན། |
| སེམས་ཅན་ལ་མི་སྟོན་པའི་སྒྲ |
རྗོད་བྱེད་ཀྱི་སྒྲ་མ་ཡིན་པའི་སྒྲ། དེ་ལ་སྐྱེས་བུས་གླིང་བུ་འབུད་པའི་སྒྲ་ལྟ་བུ་སྙན་པའི་སྒྲ་དང༌། སྐྱེས་བུས་ཁུ་ཚུར་བརྒྱབ་པའི་སྒྲ་ལྟ་བུ་མི་སྙན་པའི་སྒྲ་གཉིས་ཡོད། |
| སེམས་ཅན་ལ་སྟོན་པའི་སྒྲ |
རྗོད་བྱེད་ཀྱི་སྒྲ་དེ་ལ་སྐྱེས་བུས་གླུ་ལེན་པ་ལྟ་བུ་སྙན་པའི་སྒྲ་དང༌། ཚིག་རྩུབ་སྨྲ་བ་ལྟ་བུ་མི་སྙན་པའི་སྒྲ་གཉིས་ཡོད། |
| སེམས་ཅན་སྙིགས་མ |
སྙིགས་མ་ལྔའི་ཡ་གྱལ་ཞིག |
| སེམས་ཆུང |
1འཛེམ་དོགས་ཀྱི་དོན་ཏེ། གློག་སྐུད་ལ་སེམས་ཆུང་མ་བྱས་ན་གློག་ཕོག་ཉེན་ཆེ་ལྟ་བུ། 2སྤོབས་པ་ཆུང་བའི་དོན་ཏེ། ཁོ་ནི་མི་སེམས་ཆུང་ཞིག་ཡིན་པས། མི་ཚོགས་ཀྱི་དབུས་སུ་གཏམ་བཤད་མི་ཕོད་ལྟ་བུ། 2.1 སེམས་སྲབ་པ། 2 བློ་གྲོས་ཆུང་བ། 3 གཞན་ལ་གུས་པ་ཆེན་པོ།… |
| སེམས་ཆེན |
1 སྙིང་སྟོབས་ཆེན་པོའམ་བློ་ཁོག་ཆེན་པོ། 2 རྒྱལ་སྲས་སེམས་དཔའ་ཆེན་པོ། |
| སེམས་ཆེན་པོ |
ཇི་ལྟ་ཇི་སྙེད་རྟོགས་པའི་རྣམ་མཁྱེན། |
| སེམས་ཉིད |
1 སེམས་ཁོ་ན། 2 སེམས་ཀྱི་ཆོས་ཉིད། |
| སེམས་ཉིད་ངལ་གསོ |
མདོ་སྔགས་ཀྱི་ཆོས་འཁོར་ཐམས་ཅད་བསྟན་པ་ཡོངས་རྫོགས་ཀྱི་ཚུལ་དུ་བཤད་པ་གཞུང་ལེའུ་བཅུ་གསུམ་གྱི་བདག་ཉིད་ཅན་གྱི་རྩ་འགྲེལ་གཉིས་ལྡན་གྱི་གཞུང་ཞིག་འདི་ནི་དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། |
| སེམས་ཐག |
བློ་རྒྱུན་ནམ། ངང་རྒྱུད། སེམས་ཐག་བཅད་པ། མི་དེ་ལས་ཀ་ལ་སེམས་ཐག་ཆོད་པོ་ཡོད། སེམས་ཐག་ཐུང་ཐུང༌། སེམས་ཐག་རྦད་བཅད། སེམས་ཐག་གཙང་བཅད། སེམས་ཕུ་ཐག་མ་ཐུང༌། |
| སེམས་ཐང་ཅད |
1 ཡི་མུག་པའམ་རེ་ཐག་ཆད་པ། 2 སེམས་ངལ་བ། |
| སེམས་དཀར་བ |
སེམས་བཟང་བའམ་བློ་ཉེ་བ། ཏང་དང་མི་དམངས་ལ་བློ་སེམས་དཀར་བ། སེམས་དཀར་ཟས་དེ་མང་མི་དགོས། ཡིད་སྨོན་གཏམ་དེ་ཉུང་མི་རུང༌། སེམས་དཀར་པོའི་ལྟ་བ་མ་ལོག་ན། ལ་ལུང་པ་བརྒལ་ཀྱང་མགོ་སྦྲེལ་རེད། |
| སེམས་དག་པ |
དག་པ་བཞིའི་ནང་གསེས། ཏིང་ངེ་འཛིན་གྱི་སྒོ་མཐའ་དག་ལ་མངའ་བརྙེས་པའོ། |
| སེམས་དང་བ |
ཡིད་ལ་འབབ་པའམ་མོས་པ་ཆེ་བ། |
| སེམས་དཔངས་མཐོ་བ |
ང་རྒྱལ་ལམ་སྤོབས་པ་ཆེ་བ། |
| སེམས་དཔའ |
1 སྙིང་སྟོབས་ཆེ་བ། 2 གཞན་དོན་ལ་སྙིང་སྟོབས་མི་ཞུམ་པའི་བྱང་ཆུབ་སེམས་དཔའ། སེམས་དཔའི་སྐྱིལ་ཀྲུང༌། |
| སེམས་དཔའ་སུམ་བརྩེགས |
ལྷ་བསྐྱེད་པའི་ཚུལ་ཞིག་སྟེ། དམ་ཚིག་སེམས་དཔའ་དང༌། ཡེ་ཤེས་སེམས་དཔའ་དང༌། ཏིང་འཛིན་སེམས་དཔའ་བཅས་ཅིག་ཅར་དུ་བསྐྱེད་པའོ། |
| སེམས་དཔའ་སེམས་མ |
བྱང་ཆུབ་སེམས་དཔའ་དང༌། བྱང་ཆུབ་སེམས་མའོ། |
| སེམས་དཔའི་གཞི་ཤེས་སྦྱོར་བའི་བྱེད་པ་གསུམ |
སེམས་དཔའི་གཞི་ཤེས་སྦྱོར་བས་སེམས་ཅན་ཐམས་ཅད་ཐར་བའི་བདེ་བ་ལ་འགོད་པས་ཕན་པ་དང༌། སྡུག་བསྔལ་དང་ཡིད་མི་བདེ་ཞི་བ་སོགས་ཚེ་འདིའི་བདེ་བ་དང༌། འཁོར་བའི་སྡུག་བསྔལ་ཐམས་ཅད་ལས་བསྐྱབས་པའི་སྐྱོབ་པ་དེ་དང་གསུམ་མོ། |
| སེམས་དཔའི་སྦྱོར་བའི་ཁྱད་མཚན |
བསམ་མི་ཁྱབ་སོགས་ཀྱིས་ཁྱད་པར་དུ་བྱས་པའི་སེམས་དཔའི་ཡེ་ཤེས། |
| སེམས་དཔའི་སྦྱོར་བའི་བྱེད་མཚན |
ཕན་བདེ་སྐྱོབ་སོགས་ཀྱི་བྱེད་ལས་ཁྱད་པར་ཅན་དང་ལྡན་པའི་སེམས་དཔའི་ཡེ་ཤེས། |
| སེམས་དབེན |
1 རྣམ་རྟོག་ངན་པའི་རྒྱུན་བཅད་པ། 2 དབེན་པ་གསུམ་གྱི་ཡ་གྱལ་ཞིག་སྟེ། ཕྱི་ནང་གི་མཐའ་ལ་བརྟེན་ནས་སྙིང་གར་རླུང་ཐིམ་པས་ཁྱད་པར་གྱི་སྟོང་པ་བཞི་བསྐྱེད་པའོ། 3 འཁོར་འདས་ཀུན་གྱི་རྩ་བ་སེམས་ཀུན་རྟོག་རླུང་དང་བཅས་པ་ལས་དབེན་པར་བྱས་ཏེ་བདེ་སྟོང་དབྱེར་མི་ཕྱེད་པའི་ངོ་བོར་ཤར་བའི་རྫོགས་རིམ་པའི་རྣལ་འབྱོར། |
| སེམས་དྲན་པ་ཉེ་བར་བཞག་པ |
དྲན་པ་ཉེར་བཞག་བཞིའི་ཡ་གྱལ་ཞིག་སྟེ། ནང་གི་ལུས་ལ་དམིགས་པའི་སྒོ་ནས་བྱུང་བའི་སེམས་ཉི་ཤུ་དང༌། དེ་བཞིན་དུ་ཕྱིའི་ལུས་དང༌། ཕྱི་ནང་གི་ལུས་ལ་དམིགས་པའི་སེམས་རྣམ་པ་གསུམ་པོ་ཐམས་ཅད་ཀྱང་མི་རྟག་པ་དང་སྡུག་བསྔལ་བ་དང་སྟོང་པ་དང་བདག་མེད་པའོ་ཞེས་རྩེ་གཅིག་ཏུ་འཇོག་པ། |
| སེམས་དྲུག |
མིག་དང༌། རྣ་བ། སྣ། ལྕེ། ལུས། ཡིད་བཅས་ཀྱི་རྣམ་ཤེས་དྲུག |
| སེམས་ན་བ |
1 ཡིད་ལ་སྡུག་བསྔལ་བྱུང་བ། 2 རང་གི་མཚང་ལ་ཕོག་ནས་ཡིད་མི་དགའ་བ་བྱུང་བ། |
| སེམས་ནག་པོ |
སེམས་གཤིས་མི་བཟང་བ། |
| སེམས་ནད |
1 སེམས་ཁུར་རམ་སེམས་སྡུག 2 སྙིང་གི་ན་ཚའི་རིགས། |
| སེམས་པ |
1.ཐ་དད་པ བསམས་པ། བསམ་པ། སོམས།། རྟོག་དཔྱོད་བྱེད་པ་དང་ཡིད་ལ་སྐོར་བ། ཇི་ལྟར་བསམས་པ་ལྟར་ཁ་ནས་ཤོད། གང་བརྩམས་ལམ་དུ་འགྲོ་བ་ཞིག་བྱུང་ན་སེམས། བདེ་སྐྱིད་འཐོབ་པར་སེམས་པ། 2.ཀུན་འགྲོ་ལྔའི་ཡ་གྱལ། རང་ཡུལ་ལ་གཡོ་ཞིང་འཇུག་པའི་སྒོ་ནས་ཡུལ་དེ་ཡིད་ལ་འཇགས་པར་བྱེད་པའི་ཤེས་པའོ། སེམས་པ་རྒྱ་ཆེ་བ། སེམས་པ་བཟང་པོ། དེ་འདྲའི་སེམས་པ་གནག་པ་ལ། སེམས་ཕྲ་བ། |
| སེམས་པའི་ཟས |
སེམས་གནས་པ་དང་འཕེན་པ་སེམས་པས་བྱེད་པ་སྟེ། དཔེར་ན། སྔོན་མུ་གེའི་ཚེ་ཐལ་བའི་རྐྱལ་པ་རྩམ་པའི་རྐྱལ་པར་སེམས་པས་བུ་གཉིས་མ་ཤི་བ་དང༌། གཅིག་གིས་ཁ་ཕྱེ་བས་ཐལ་བར་ཤེས་པས་དེ་མ་ཐག་ཤི་བ་དང༌། རྒྱ་མཚོར་ཐང་དུ་ཤེས་ནས་སོང་བ་ཆུར་ཤེས་པ་དང་ཤི་བ་ལྟ་བུའོ། |
| སེམས་བག་ཚ་བ |
1 སེམས་འཚབ་པའམ་ཞུམ་པ། 2 ཡིད་ལ་མཚེར་སྣང་ཡོད་པ། |
| སེམས་བདེ་བ |
1 ཡིད་སིམ་པ། 2 བློ་བདེ་བག་ཕེབས། |
| སེམས་བསྐྱེད |
རང་རྒྱུ་གཞན་ཕན་དོན་གཉེར་གྱི་འདུན་པས་དྲངས་ཤིང༌། གྲོགས་བྱང་ཆུབ་འདོད་པ་དང་མཚུངས་ལྡན་གྱི་ཐེག་ཆེན་ལམ་གྱི་འཇུག་སྒོར་གྱུར་པའི་ལམ་གྱི་རིགས་སུ་གནས་པས་རབ་ཏུ་ཕྱེ་བའི་ཐེག་ཆེན་གཙོ་བོའི་ཡིད་ཀྱི་རྣམ་རིག་ཁྱད་པར་ཅན་ནོ། |
| སེམས་བསྐྱེད་གཉིས |
ངོ་བོའི་སྒོ་ནས་དབྱེ་ན་རྣམ་པ་གཉིས་ཏེ། དོན་དམ་སེམས་བསྐྱེད་དང༌། ཀུན་རྫོབ་སེམས་བསྐྱེད་དོ། |
| སེམས་བསྐྱེད་གསུམ |
བྱང་ཆུབ་ཀྱི་སེམས་ཐོག་མར་བསྐྱེད་ཚུལ་གྱི་ཁྱད་པར་གསུམ་སྟེ། རྫི་བོ་ལྟ་བུའི་སེམས་བསྐྱེད་དང༌། མཉན་པ་ལྟ་བུའི་སེམས་བསྐྱེད་དང༌། རྒྱལ་པོ་ལྟ་བུའི་སེམས་བསྐྱེད་རྣམས་སོ། |
| སེམས་བསྐྱེད་ཉེར་གཉིས |
སེམས་བསྐྱེད་ལ་ས་མཚམས་དང་དཔེ་དོན་གྱི་སྒོ་ནས་དབྱེ་ན་ཉི་ཤུ་རྩ་གཉིས་ཏེ་མོས་པས་སྤྱོད་པའི་སེམས་བསྐྱེད་བཞི་དང༌། ལྷག་བསམ་དག་པའི་སེམས་བསྐྱེད་བདུན་དང༌། རྣམ་པར་སྨིན་པའི་སེམས་བསྐྱེད་དགུ་དང༌། སྒྲིབ་པ་སྤངས་པའི་སེམས་བསྐྱེད་གཉིས་རྣམས་སོ། |
| སེམས་བསྐྱེད་དམ་བཅའ་བཞི |
རྒྱལ་སྲས་ཀྱི་སེམས་བསྐྱེད་དམ་བཅའ་བཞི་སྟེ། སེམས་ཅན་ཐམས་ཅད་སྡུག་བསྔལ་ལས་བསྒྲལ་བ་དང༌། སེམས་ཅན་ཐམས་ཅད་འཁོར་བ་ལས་དགྲོལ་བ་དང༌། སེམས་ཅན་ཐམས་ཅད་མངོན་པར་བྱང་ཆུབ་པར་བྱེད་པ་དང༌། སེམས་ཅན་ཐམས་ཅད་ཡོངས་སུ་མྱ་ངན་ལས་འདའ་བར་དགོད་པ་སྟེ་བཞི། |
| སེམས་བསྐྱེད་བཞི |
ས་མཚམས་ཀྱི་དབྱེ་བས་རྣམ་པ་བཞི་སྟེ། མོས་པ་སྤྱོད་པའི་སེམས་བསྐྱེད་དང༌། ལྷག་བསམ་དག་པའི་སེམས་བསྐྱེད། རྣམ་པར་སྨིན་པའི་སེམས་བསྐྱེད། སྒྲིབ་པ་སྤངས་པའི་སེམས་བསྐྱེད་དོ། |
| སེམས་བེམ་པོ |
མངོན ལྐུགས་པ་སྨྲ་མི་ཤེས་པ། |
| སེམས་བྱུང |
1སེམས་ཁམས་ཀྱི་འགྱུར་བ་སྣ་ཚོགས་ཀྱི་མིང་། 2ཆོས་མངོན་པར་བཤད་པའི་སེམས་བྱུང་ང་གཅིག་ལྟ་བུའི་སྤྱི་མིང་། |
| སེམས་བྱུང་ལྔ་བཅུ་རྩ་གཅིག |
ཀུན་འགྲོ་ལྔ་དང༌། ཡུལ་ངེས་ལྔ་དང༌། རྩ་ཉོན་དྲུག་དང༌། ཉེ་ཉོན་ཉི་ཤུ་དང༌། དགེ་བ་བཅུ་གཅིག་དང༌། གཞན་འགྱུར་བཞི་བཅས་སོ། |
| སེམས་བྲེལ |
སེམས་ལྷོད་པོ་མེད་པ། སེམས་བྲེལ་བ་ཚབ་ཚུབ་ལངས་པ། |
| སེམས་བློང་བློང་པོ |
1 ཡིད་མི་བདེ་ལྷང་ལྷང་བྱེད་པ། 2 རྙིང རིག་པ་མི་གསལ་བ། |
| སེམས་མ |
བྱང་ཆུབ་སེམས་མ། |
| སེམས་མཁན |
1 བསམ་བློ་གཏོང་ཤེས་མཁན། 2 སེམས་ཅན།.. |
| སེམས་མཁྲེགས་པོ |
1 ཀླད་པ་མཁྲེགས་པོ། 2 སྙིང་རྗེ་མེད་པ། |
| སེམས་མཉམ་པ་ཉིད |
བཏང་སྙོམས་ཀྱི་ཐོག་མར་ཞུམ་རྒོད་མེད་པ་རྙེད་མ་ཐག་པ། |
| སེམས་མཉམ་པར་མ་བཞག་པ་མི་མངའ་བ |
ཉན་ཐོས་དག་འཕྲལ་ལ་མཉམ་པར་འཇོག་ཅིང་ལྡང་གི། སངས་རྒྱས་ནི་འབྱུང་འཇུག་མི་མངའ་བར་སྤྱོད་ལམ་བཞིའི་དུས་ཐམས་ཅད་དུ་སེམས་མཉམ་པར་འཇོག་པ། མ་འདྲེས་པ་བཅོ་བརྒྱད་ཀྱི་ནང་གསེས་ཤིག |
| སེམས་མཐོ |
སེམས་འཕང་མཐོ་བའམ་ང་རྒྱལ། |
| སེམས་མདོ་བཅོ་བརྒྱད |
རྫོགས་པ་ཆེན་པོའི་རྒྱུད་སྡེའི་སྐོར་ལ། རྒྱ་མཚོ་ལྟ་བུའི་རྒྱུད་རིག་པ་རང་ཤར། ཉི་མ་ལྟ་བུའི་རྒྱུད་རྡོ་རྗེ་སེམས་དཔའ་སྙིང་གི་མེ་ལོང༌། སེང་གེ་ལྟ་བུའི་རྒྱུད་སེང་གེ་རྩལ་རྫོགས། རི་རྒྱལ་ལྟ་བུའི་རྒྱུད་ཡི་གེ་མེད་པ། འཁོར་ལོ་ལྟ་བུའི་རྒྱུད་བཀྲ་ཤིས་མཛེས་ལྡན། ལྡེ་མིག་ལྟ་བུའི་རྒྱུད་སྒྲ་ཐལ་འགྱུར། རལ་གྲི་ལྟ་བུའི་རྒྱུད་ཀུན་ཏུ་བཟང་པོ་ཐུགས་ཀྱི་མེ་ལོང༌། གསལ་ཤིང་ལྟ་བུའི་རྒྱུད་སྒྲོན་མེ་འབར་བ། གསེར་ཞུན་ལྟ་བུའི་རྒྱུད་ནོར་བུ་ཕྲ་བཀོད། མ་བུ་འབྲེལ་བ་ལྟ་བུའི་རྒྱུད་ཉི་ཟླ་ཁ་སྦྱོར། མེ་ལོང་ལྟ་བུའི་རྒྱུད་ངོ་སྤྲོད་སྤྲས་པ། མུ་ཏིག་སྟར་ལ་བརྒྱུས་ལྟ་བུའི་རྒྱུད་མུ་ཏིག་ཕྲེང་བ། སྦྲུལ་མདུད་ལྟ་བུའི་རྒྱུད་རིག་པ་རང་གྲོལ། ཁྱུང་ཆེན་ལྟ་བུའི་རྒྱུད་ཀློང་དྲུག་པ། ཆུ་བོ་ལྟ་བུའི་རྒྱུད་རྫོགས་པ་རང་བྱུང༌། སྤུ་གྲི་ལྟ་བུའི་རྒྱུད་ནག་མོ་ཁྲོས་མ། རྒྱལ་པོ་ལྟ་བུའི་རྒྱུད་སྐུ་གདུང་འབར་བ། བང་མཛོད་ལྟ་བུའི་རྒྱུད་རིན་པོ་ཆེ་སྤུངས་པ་སྟེ་བཅོ་བརྒྱད་དོ། དེ་དག་ནི་བཻ་རོ་ཙ་ན་དང༌། བི་མ་ལ། ཀུ་མཱ་ར། གཡུ་སྒྲ་སྙིང་པོ་སོགས་ཀྱིས་བསྒྱུར་པའོ། |
| སེམས་མཚེར |
1 སེམས་སུན་པ། 2 ཁྲེལ་དང་ངོ་ཚ། 3 ཡིད་སྐྱོ་བ། |
| སེམས་མེད་པ |
1 བེམ་པོ། 2 རྨོངས་པ། |
| སེམས་མེད་པའི་སྐབས་ལྔ |
གནས་སྐབས་སེམས་མེད་དུ་གྱུར་པའི་ཚུལ་ལྔ་སྟེ། འགོག་སྙོམས། འདུ་ཤེས་མེད། འདུ་ཤེས་མེད་པའི་སྙོམས་འཇུག་གཉིད་མཐུག་བརྒྱལ་བའི་སྐབས། |
| སེམས་མེད་རབ་རྟོག |
རབ་རྟོག་གི་རྒྱན་གྱི་ནང་གསེས་ཤིག་སྟེ། སེམས་མེད་ཀྱི་དངོས་པོའི་རང་བཞིན་གྱི་གནས་ལུགས་ལ་རྣམ་རྟོག་གི་བསམ་བློ་མེད་བཞིན་དུ་ཡོད་པར་སྒྲོ་བཏགས་ཏེ་བརྗོད་པའི་རྒྱན་ཞིག |
| སེམས་ཙམ་པ |
འཕགས་པ་ཐོགས་མེད་ཀྱི་རྗེས་སུ་འབྲངས་པའི་གྲུབ་མཐའ་སྨྲ་བ། དེས་ཕྱི་དོན་རིགས་པས་འགོག་ཅིང་རྣམ་ཤེས་བདེན་པར་འདོད་པའོ། དེ་ལ་དབྱེ་ན་རྣམ་བདེན་པ་དང༌། རྣམ་རྫུན་པ་གཉིས་ཡོད། |
| སེམས་ཙམ་རྣམ་བདེན་པ |
སེམས་ཙམ་པའི་གྲུབ་མཐའི་ནང་གསེས་ཤིག་སྟེ། དབང་ཤེས་ལ་རགས་པར་སྣང་བ་སྣང་བ་ལྟར་དུ་གྲུབ་པར་འདོད་པ། |
| སེམས་ཙམ་རྣམ་རྫུན་པ |
སེམས་ཙམ་པའི་གྲུབ་མཐའི་ནང་གསེས་ཤིག་སྟེ། དབང་ཤེས་ལ་རགས་པར་སྣང་བ་སྣང་བ་ལྟར་དུ་གྲུབ་པར་མི་འདོད་པ། |
| སེམས་ཚབ་ཚུབ |
བསམ་བློ་ཚབ་བེ་ཚུབ་བེ། |
| སེམས་ཚོར |
ཚོར་བའི་བྱེ་བྲག་ཡིད་ཤེས་དང་མཚུངས་ལྡན་དུ་བྱུང་བའི་སེམས་པ་སྟེ། ཡིད་ཀྱིས་འདུས་ཏེ་རེག་པའི་རྐྱེན་གྱིས་ཚོར་བའོ། |
| སེམས་ཟང་ཟིང |
བློ་ཚབ་ཚུབ། |
| སེམས་འཁུལ་བ |
སེམས་བཏུལ་ནས་ཐུལ་བ། |
| སེམས་འཁོལ་བ |
དགའ་བའམ་སྤྲོ་བ། སྤྲོ་སེམས་འཁོལ་བ། |
| སེམས་འཁྲལ |
སེམས་ཀྱི་སྐྱོ་དོན་དང་སྡུག་བསྔལ་གྱི་མིང་། |
| སེམས་འཁྲི |
དགའ་ཞེན། མེས་རྒྱལ་ལ་སེམས་འཁྲི་ཆེ་བ། |
| སེམས་འཁྲུལ་བ |
1 ཡིན་པ་ལ་མིན་པར་སེམས་པ། 2 ར་བཟི་བའམ་ཚད་ནད་ཀྱིས་སྨྱོ་བ། |
| སེམས་འགག་པ |
1 སེམས་དྲན་མེད་དུ་སོང་བ། 2 གཉིས་སྣང་གི་ཤེས་པ་ཡོངས་སུ་ནུབ་པའོ། |
| སེམས་འགྲེལ་སྐོར་གསུམ |
བསྟན་འགྱུར་ཁྲོད་ན་བཞུགས་པའི་གཞུང་གསུམ་སྟེ་ཕྱག་རྡོར་སྟོད་འགྲེལ་དང༌། རྡོ་རྗེའི་སྙིང་འགྲེལ། རིགས་ལྡན་པད་དཀར་གྱི་འགྲེལ་ཆེན་དྲི་མེད་འོད་དེ་གསུམ། |
| སེམས་འཆལ |
ཡིད་ཀྱི་སྤྱོད་པ་ཉམས་པ། ཆང་གིས་སེམས་འཆལ་བག་མེད་སྐྱེ་བས་བླང་དོར་ཉམས་པར་བྱེད། |
| སེམས་འཇོག་པ |
སེམས་གནས་དགུའི་དང་པོ་ཕྱི་རོལ་གྱི་དམིགས་པ་ལས་སེམས་བསྡུས་ནས་ནང་དུ་དམིགས་པ་ལ་གཏོད་པའོ། |
| སེམས་འཕར |
1 བློའི་སྟོབས་གོང་ནས་གོང་དུ་ཇེ་འཕེལ་དུ་སོང་བ། 2 སྙིང་ལྡེམ་ལྡེམ་དུ་གཡུགས་པ། |
| སེམས་འཕྱོ་བ |
1 སེམས་འཕང་མཐོན་པོར་འཕྲོ་བའམ་གཡོ་བ། 2 བློ་མི་བདེ་བའམ་སེམས་སྐྱོ་བ། |
| སེམས་འཕྲེང་བ |
སེམས་ཆགས་པའམ་ཞེན་པ། མ་ཡིས་བུ་གཅིག་པོ་ལ་སེམས་འཕྲེང་བ། |
| སེམས་འཕྲོག་པ |
ཡུལ་ལ་སེམས་དབང་མེད་དུ་ཤོར་ནས་འབྲལ་མི་ཕོད་པ་བྱུང་བ། |
| སེམས་རགས་པ |
གཟུགས་སྒྲ་སོགས་ཡུལ་ལྔ་ལ་འཇུག་པའི་སེམས། |
| སེམས་རྒྱུད |
1 སེམས་ཀྱི་རང་བཞིན། སེམས་རྒྱུད་འཇམ་པོ། སེམས་རྒྱུད་རྒོད་པ། སེམས་རྒྱུད་དེས་པ། སེམས་རྒྱུད་ཞི་བ། སེམས་རྒྱུད་བཟང་པོ། སེམས་རྒྱུད་གཤིན་པོ། 2 སེམས་ཀྱི་རྒྱུན། |
| སེམས་རྒྱུད་ངང་རིང |
1 སེམས་འཚབ་མེད་པའམ་ངང་རྒྱུད་རིང་པོ། 2 གཤིས་ཀ་བཟང་པོ། |
| སེམས་རྒྱུན |
1 བསམ་པ། སེམས་རྒྱུན་ཐུང་བ། 2 ཤེས་པ་སྐད་ཅིག་སྔ་ཕྱི་འཕྲོ་མཐུད་པའམ་བར་མ་ཆད་པའི་ཆ། |
| སེམས་རྟེན |
1 མི་བརྗེད་པའི་དྲན་གསོའི་རྟེན། 2 སེམས་གནས་པའི་རྟེན་ཏེ་ཀླད་པ་དང་སྙིང་ཡིན་པར་གྲགས། |
| སེམས་རྟེན་གཉིས |
ཏིང་འཛིན་སྒོམ་པའི་སྣོད་རུང་གི་སེམས་ཀྱི་རྟེན་འདི་ལ་ངོ་བོ་ཐ་དད་པའི་སེམས་རྟེན་དང༌། ངོ་བོ་གཅིག་པའི་སེམས་རྟེན་གཉིས་ལས་དང་པོ་ནི་སེམས་ཕྱི་མ་དེ་སྐྱེད་པར་བྱེད་པ་ལ་མེད་དུ་མི་རུང་བའི་རྒྱུར་གྱུར་པའི་ཤེས་པ་ཞིག་དང༌། གཉིས་པ་ནི་སེམས་སྔ་མ་གང་ཡིན་པའི་ཤུགས་དེ་བཞིན་དུ་སེམས་ཕྱི་མ་ཡང་དེའི་ངོ་བོར་བསྐྱེད་ནུས་པའི་ཤེས་པ། |
| སེམས་རྣམ་པར་མ་ཞི་བ |
1 སེམས་བག་མི་ཕེབས་པ་དང་དལ་བ་མེད་པ། 2 རང་སྣང་གང་དྲན་བྱེད་མཁན། |
| སེམས་རྣལ་དུ་འདུག་པ |
བར་དུ་ཞུམ་རྒོད་དེ་ཕྱིར་འབྱུང་དུ་དོགས་བཞིན་དུ་གནས་པ། |
| སེམས་རྣལ་མ |
1 བདེན་པ་བདེན་ཐུབ། 2 སེམས་སྨྱོས་པ་མིན་པ། |
| སེམས་རྩ་འཁོལ་པོ |
ལས་དོན་ལ་ཁུར་བརྩོན་ཆེ་བ། |
| སེམས་རྩིང་བ |
བྱ་བ་འདི་ཅི་ཡིན་ཞེས་བཙལ་ནས་འདི་ནི་ཀ་བའོ་འདི་ནི་བུམ་པའོ་ཞེས་རགས་རིམ་སྤྱི་ཙམ་ཞིག་ཤེས་པ། |
| སེམས་རྩེ་གཅིག་པ |
བསྒོམས་པའི་ཡུལ་ལ་སེམས་གཞན་དུ་མི་གཡེང་བར་གཏོད་པ། |
| སེམས་རྩེ་གཅིག་སྒྲིམ |
རིག་པ་གཞན་དུ་མི་གཡེང་བར་གཅིག་ཏུ་སྒྲིམ་པ། |
| སེམས་ལ་གཞོལ་བ |
གཞོལ་བ་གསུམ་གྱི་བཟླས་པའི་གྲས་ཤིག་སྟེ། ལྷའི་ཐུགས་ཀར་ཟླ་དཀྱིལ་བསྒོམ་པའོ། |
| སེམས་ལ་གཞོལ་བའི་ཡན་ལག |
སྤྱོད་རྒྱུད་ཀྱི་བཟླས་པ་ཡན་ལག་བཞིའི་ནང་གསེས་ཏེ། ཡི་གེ་དང་པོ། དོན་དམ་བྱང་ཆུབ་ཀྱི་སེམས་སྟོང་པ་ཉིད་དང་དེའི་སྣང་ཆ་ཀུན་རྫོབ་བྱང་ཆུབ་ཀྱི་སེམས་ཟླ་དཀྱིལ་བསྒོམ་པའོ། |
| སེམས་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་སྟེ་ཏིང་ངེ་འཛིན་ངེས་པར་སེམས་པ་ལ་དཔག་ཏུ་མེད་པའི་ཡེ་ཤེས་ཀྱིས་འཇུག་པ། |
| སེམས་ལ་ཕོག་པ |
1 སྐྱོན་མཚང་ལ་ཕོག་པ། 2 སེམས་མི་སྐྱིད་པ་བྱུང་བ། |
| སེམས་ལ་འཇོག་པ |
སེམས་ལ་དྲན་པར་བྱེད་པ། |
| སེམས་ལས |
ཀླད་པའི་ངལ་རྩོལ་གྱི་དོན་ཏེ། སེམས་ལས་ཆེ། སྲོག་རླུང་ཅན་གྱི་ནད་པ་སེམས་ལས་ཆེ་མི་རུང་ལྟ་བུ། １བསམ་གྱི་ད་ལྟ་བ། |
| སེམས་ལས་སུ་རུང་བ |
སེམས་རྒྱུད་ཞི་ཞིང་དུལ་བ། སེམས་ལས་སུ་རུང་བ་ཉིད་དུ་བྱ་བའི་ཕྱིར་ཐོས་པ་ལ་སོགས་པ་དག་ལ་བརྩོན་འགྲུས་བྱའོ། |
| སེམས་ལྡན་རབ་རྟོག |
རབ་རྟོག་གི་རྒྱན་གྱི་ནང་གསེས་ཤིག་སྟེ། སེམས་ལྡན་གྱི་དངོས་པོའི་རང་བཞིན་གྱི་བྱ་བའི་གནས་ལུགས་ཤིག་ལ་བསམ་བློའི་འདུ་ཤེས་གང་ཞིག་མེད་བཞིན་དུ་ཡོད་པར་སྒྲོ་བཏགས་ཏེ་བརྗོད་པའི་རྒྱན་ཞིག |
| སེམས་ལྷུན་གྱིས་གྲུབ་པ |
མཐར་ཡུན་རིང་དུ་བསྒོམས་ཏེ་གོམས་ནས་ཞུམ་རྒོད་མི་འབྱུང་ཞིང་དོགས་པ་མེད་པར་གནས་པ། |
| སེམས་ལྷོད་ལྷོད |
སེམས་དལ་དལ། བྲེལ་ཟིང་མེད་པའི་སེམས་བག་ལྷོད་ལྷོད་བྱུང༌། |
| སེམས་ཤི་བ |
ཁོང་ཁྲོ་ཞི་བའམ། ཡལ་བ། |
| སེམས་ཤུགས |
བློའི་ནུས་ཤུགས། སེམས་ཤུགས་སྐུལ་བ། སེམས་ཤུགས་སྐྱེད་པ། སེམས་ཤུགས་ཆིག་སྒྲིལ། |
| སེམས་ཤེས |
1 བསམ་བློ་གཏོང་ཤེས་མཁན། 2 མངོན མཁས་པ། |
| སེམས་ཤེས་པ |
1 ལེགས་ཉེས་ཀྱི་རྣམ་དབྱེ་ཤེས་པ། 2 བསམ་བློ་གཏོང་ཤེས་པ། |
| སེམས་སྐྱེས |
མངོན ཁྱབ་འཇུག |
| སེམས་སྐྱོ |
ཡིད་མི་བདེ་བའམ་ཡིད་ཕམ་པ། གཞོན་དུས་ཡོན་ཏན་མ་སྦྱངས་ན། རྒས་པར་གྱུར་ཚེ་སེམས་སྐྱོ་ཡོང༌། |
| སེམས་སྔ་མ |
སེམས་ནི་ཆོས་ཅན། སེམས་སྔ་མ་ལ་བརྟེན་པ་ཡིན་ཏེ། དེ་ཉེར་ལེན་དུ་མེད་ན་མི་འབྱུང་བ་དེའི་ཕྱིར། ཉེར་ལེན་ལུས་ལ་བརྟེན་པ་མ་ཡིན་ཏེ། ངེས་པར་སེམས་སྔ་མ་གང་ཡང་རུང་བ་ཉིད་ཀྱི་གོམས་པའི་འདུ་བྱེད་ཀྱི་རྗེས་སུ་འཇུག་པ་དེའི་ཕྱིར། |
| སེམས་སྙ་བ |
རྙིང གཉིད་ལོག་པའམ་བརྒྱལ་བ། |
| སེམས་སྟོར་བ |
1 སྙིང་བརླག་པ། 2 དྲན་ཤེས་སམ་རིག་པ་ཉམས་པ། |
| སེམས་སྡེ |
རྫོགས་ཆེན་ཨ་ཏི་ཡོ་གའི་ནང་གསེས་གནས་པ་སེམས་ཀྱི་སྡེ་སྟེ། སློབ་དཔོན་ཤྲཱི་སེངྷ་དང་ལོ་ཆེན་བཻ་རོ་ཙ་ན་ལས་རིམ་པར་བརྒྱུད་པ་ཡིན་ལ། འདིའི་ལྟ་བའམ་གྲུབ་མཐའ་ནི། སེམས་ཉིད་རང་བྱུང་གི་ཡེ་ཤེས་ཀྱིས་འཁོར་འདས་ཀུན་ལ་ཁྱབ་ཀྱང༌། སྣང་བ་དངོས་པོར་རྒྱ་མ་ཆད། སྟོང་པ་དངོས་མེད་དུ་རྒྱ་མ་ཆད། གཉིས་ཀ་མ་ཡིན་པ་ཟུང་འཇུག་གི་ཕྱོགས་སུའང་མ་ལྷུང་ལ། ངོ་བོ་སྟོང་པས་རྟག་པའི་མཐའ་ལས་གྲོལ་ཞིང༌། རང་རྩལ་མ་འགག་པས་ཆད་པའི་མཐའ་ལས་གྲོལ་བས་བྱ་བྲལ་བདེ་སྡུག་ལས་འདས་པའི་ལྟ་བ་གཏན་ལ་འབེབས་པར་བྱེད་པའོ། |
| སེམས་སྦྱོང་བ |
1 སྡུག་བསྔལ་གྱིས་སེམས་སྐྱོ་བ། 2 སེམས་ཀྱི་སྐྱོན་སེལ་ཐབས་བྱེད་པ། |
| སེམས་སྨད་པ |
ང་རྒྱལ་སྤངས་ནས་སེམས་ཆུང་བྱེད་པ། |
| སེམས་སྲུང་བ |
1 སེམས་ཚུལ་ལྡན་དུ་གནས་སུ་འཇུག་པ། 2 གཞན་གྱི་མཚང་ལ་མི་ཕོག་པར་བྱེད་པ། |
| སེའུ |
1 དམར་ཞིང་ཆུང་ལ་རོ་སྐྱུར་བའི་འབྲས་བུ་དང་ལྡན་པའི་ཤིང་ཏོག་ཅིག 2 གསར་དུ་སྐྱེས་མ་ཐག་པའི་སོ། 3 རྒྱ གོས་ཆེན་གྱི་རིགས་ཤིག་གི་མིང༌། |
| སེའུ་བཅུ་པ |
མངོན བྱིས་པ་ཆུང་ཆུང༌། |
| སེའུ་བཅུ་པའི་ངག |
གཞན་གྱི་ཟེར་སྒྲོས་ཀྱི་རྗེས་སུ་འབྲང་བ། |
| སེའུ་འབྲུ |
ཤིང་ཐོག་གི་རིགས་ཤིག |
| སེར |
ས་ཞིང་ནང་གི་སའི་རླན་གྱི་མིང་སྟེ། ཞིང་ལ་སེར་ཡོད། ཤལ་བརྒྱབ་ནས་ཞིང་གི་སེར་བསྲུངས་ལྟ་བུ། (བྱེད་མེད་ལས་ཚིག) ཡུལ་སྐད་དུ་སེར་སྣ་བྱེད་པའི་དོན་ཏེ། རྟ་ལ་མི་སེར་སྒ་ལ་སེར་ལྟ་བུ། ０སེར་བོ་ཡི་མིང་བསྡུས་པ། １སེར་བ་ཡི་ཚིག་བསྡུས་པ། ２སེར་མོ་ཡི་མིང་བསྡུས་པ། |
| སེར་ཀ |
དངོས་རྫས་ཀྱི་ཕྱི་ངོས་གས་པའི་སྲུབས་ཀ། སྒོའི་སེར་ཀ། ལག་པར་སེར་ཁ་གས་འདུག དཀར་ཡོལ་སེར་ཀ་གས་པ། |
| སེར་ཀ་མ |
1 ལྕི་བ་སེར་སྐམ་མ། 2 སེར་གས་ཅན། |
| སེར་ཁ |
སེར་ཀ་དང་འདྲ། |
| སེར་ཁ་མ |
སེར་སྐམ་མ་དང་འདྲ། |
| སེར་ཁང |
སྔར་སེར་སྲུང་སྔགས་འཆང་སྡོད་ཁང༌། |
| སེར་ཁྱིམ་པ |
སེར་ཆས་ཅན་གྱི་ཁྱིམ་པ་སྟེ་དབོན་སེར་གཟུགས། |
| སེར་ཁྱིམ་ལ |
བོད་རང་སྐྱོང་ལྗོངས་ཀྱི་ཀོང་པོ་དང་སྤོ་ཡུལ་བར་གྱི་ལ་ཞིག |
| སེར་ཁྱུག་གེ |
ཁ་དོག་སེར་པོའི་མདངས་མངོན་སྟངས་ཤིག སྨ་ར་དང་སྨིན་མ་སེར་ཁྱུག་གེ་ཡོད། |
| སེར་ཁྲ |
གཞི་སེར་པོར་རི་མོ་ཚོན་ཁྲ་ཡོད་པ། རས་སེར་ཁྲ། ཤོག་བུ་སེར་ཁྲ། |
| སེར་ཁྲལ |
1 སྔར་སེར་སྲུང་བའི་ཡོན་ཁྲལ། 2 གྲྭ་པའི་ཁྲལ། སྔར་ཁྱིམ་ནང་དུ་བུ་གསུམ་ཡོད་ན་འབྲིང་བ་དེ་གྲྭ་པ་བྱེད་འཇུག་པ་དང་གཉིས་ཡོད་ན་ཆུང་བ་དེ་གྲྭ་པ་བྱེད་འཇུག་པ་དེའོ། |
| སེར་ག |
1 སེར་ཀ་དང་འདྲ། 2 ཡུལ སྦུད་པའི་ཤན་མཆུ་འཇུག་ས་ས་དམར་ལས་བཟོས་པའི་ཁོག་སྟོང༌། 3 ལྷགས་རླུང་སོགས་གྲང་ངད་ཀྱིས་གདུང་ནས་རྐང་ལག་གི་པགས་པ་གས་པའི་དོན། 4 མཛེ་ནད་ཀྱི་ཤ་རོ་སེར་ག་མང་པོ་གས་པ་ལྟར་གྱུར་པའི་དཔེ་དོན་སྦྱར་བ་ཞིག |
| སེར་གས |
སྲུབས། |
| སེར་གོས |
1 གྲྭ་པའི་གྱོན་པ། 2 མདོག་སེར་པོའི་གོས། 3 དར་གོས་སེར་པོའི་རིགས། |
| སེར་གླ |
སྔར་སེར་སྲུང་སྔགས་འཆང་ལ་སྤྲོད་པའི་གླ་ཆ། |
| སེར་གླིང་མཚོ |
ཟི་ལིང་མཚོའང་ཟེར། བོད་རང་སྐྱོང་ལྗོངས་ཀྱི་བྱང་དཔལ་མགོན་དང་ཤན་རྩ་རྫོང་གཉིས་ཀྱི་མཚམས་སུ་ཡོད་པའི་མཚོ་ཞིག་རྩ་སྐྱ་གཙང་པོ་སོགས་མཚོ་འདིའི་ནང་དུ་འབབ་ཅིང༌། རྒྱ་ཁྱོན་སྤྱི་ལེ་གྲུ་བཞི་1640 ཡོད། 1640 |
| སེར་ཅན |
ས་བོན་འདེབས་རན་པའི་ཞིང་སེར་ཅན། |
| སེར་ཆ |
1 སྔོ་སྨན་ཞིག 2 མདོག་སེར་པོའི་ཆ་ཤས་སམ་བག |
| སེར་ཉི་ཀླད་རྐོ |
ཡུལ དབྱར་དུས་སེར་བ་འབབ་པའི་སྔ་ལྟས་ཀྱི་ཉི་དྲོད། |
| སེར་ཐག་ཆོད་པ |
ཞིང་གའི་སེར་ཡལ་ནས་སྐམ་ཐག་ཆོད་པ། |
| སེར་ཐིག |
1 སྒོ་ངའི་སེར་ཐིག 2 གཞི་སེར་པོར་རི་མོ་ཐིག་ཁྲ་ཅན་གྱི་སྣམ་བུ་སོགས། |
| སེར་ཐིང་ཐིང |
ཁ་དོག་གི་མངོན་ཚུལ་ཞིག སྤང་རྒྱན་མེ་ཏོག་གསར་པ་སེར་ཐིང་ཐིང༌། |
| སེར་དམག |
གྲྭ་དམག |
| སེར་དེབ |
གྲྭ་པའི་སྐོར་གྱི་ཡིག་རིགས། |
| སེར་ནག |
རྫ་མདོག་སྟེ་སེར་པོ་དང་ནག་པོ་འདྲེས་པའི་མདོག |
| སེར་ནས |
སྔར་སྟོན་དུས་སྔགས་པ་སོགས་ཀྱིས་སེར་བ་བཀག་ཡོན་གྱི་འབྲུ་རིགས། |
| སེར་པོ |
1.མདོག་སེར་པོ། གོས་ཆེན་སེར་པོ། ཞྭ་མོ་སེར་པོ། 2.མངོན 1 མེ། 2 མེ་ལྷ། |
| སེར་པོ་དཔའ་བོ |
སེར་པོ་བཙན་དུག་དང་འདྲ། |
| སེར་པོ་ཙན་དུག |
སྔོ་ཞིག |
| སེར་པོ་རྒུ་དྲུས |
སྔོ་སྨན་རྒུ་དྲུས་ཀྱི་རིགས་ཤིག |
| སེར་ཕྱུར་ཕྱུར |
མདོག་སེར་པོའི་མདངས་ཅན། ཤིང་ཏོག་ལུ་མ་སེར་ཕྱུར་ཕྱུར། |
| སེར་ཕྲེང |
སེར་འཕྲེང་དང་འདྲ། |
| སེར་བ |
སྤྲིན་གྱི་རྡོའམ། སྐྱིན་ཐང༌། སེར་བ་འབབ་པ། སེར་བ་སྲུང་ཐབས། ད་ལོ་སེར་བའི་གནོད་པ་ཕྲ་མོ་ཙམ་ཡང་མ་བྱུང༌། ཕྱི་དགྲ་ལྕགས་ནག་གི་སེར་བ་འདྲ། ནང་དགྲ་ཁང་རྒན་གྱི་ཐིགས་ཆུ་འདྲ། མིང་གི་རྣམ་གྲངས་ལ་ཆུ་མཁྲེགས་དང༌། རྡོ་ཡི་ཆར། སྤྲིན་གྱི་ཀ་བ། སྤྲིན་གྱི་གོང་བུ། སྤྲིན་གྱི་རྡོ། སྤྲིན་གྱི་རུས་པ། ལོ་ཐོག་གཤེད་བཅས་སོ། |
| སེར་བཙག |
ས་སོན་སེར་པོ་ཞིག |
| སེར་བསང |
སེར་པོའི་ཁྱད་པར་ཞིག |
| སེར་བསྙལ |
ཡུལ བྱིངས་མ་བསྙལ་བ་དང་དུས་མཉམ་དུ་སེར་ལངས་སུ་བཅུག་པའི་བྱ་རིམ། |
| སེར་བོ |
(རྒྱན་ཚིག) གསེར་གྱི་མདོག་ལྟ་བུའི་ཁ་དོག་གི་མིང་། མིང་མཐའ་བསྡུས་ན་སེར་ཞེས་འབྲི་ཆོག་སྟེ། དམར་སེར། ཁམ་སེར་ཞེས་པ་ལྟ་བུ། |
| སེར་མ |
1 ཞིང་ཁ་བཞའ་ཚན་ས་བོན་འདེབས་རན་ཙམ་ཡོད་པའི་མིང༌། 2 བཙུན་མ། 3 ལྷ་མོ་ཨུ་མ། |
| སེར་མཆོད |
གྲྭ་པར་ནོར་རྫས་འབུལ་བའི་མཆོད་པ། |
| སེར་མདངས |
མདོག་སེར་པོ། |
| སེར་མོ |
སངས་རྒྱས་ཆོས་ལུགས་ཀྱི་བཙུན་པའི་མིང་སྟེ། གྲྭ་བ་སེར་མོ་ཞེས་པ་ལྟ་བུ། མིང་མཐའ་བསྡུས་ན་སེར་ཞེས་འབྲི་ཆོག་སྟེ། སྐྱ་སེར་གཉིས—ཁྱིམ་པ་དང་གྲྭ་བ་གཉིས་ཞེས་པ་ལྟ་བུ། |
| སེར་མོ་བ |
རབ་བྱུང་སྤྱིའི་མིང༌། |
| སེར་ཚ |
ཁྱུང་པོ་སེར་ཚ་སྟེ། བོད་རང་སྐྱོང་ལྗོངས་ཀྱི་སྟེང་ཆེན་རྫོང་གི་དབུས་སུ་ཁུལ་དུ་ཡོད། |
| སེར་ཚུར |
ལན་ཚྭའི་རིགས་ཚུར་སེར་ཏེ། རོ་བསྐ་སྐྱུར་ལན་ཚྭ། ཞུ་རྗེས་དྲོད། ནུས་པས་ཁ་རུལ་བ་གཅོད། སྐྲན་ནད་བཤིག |
| སེར་ཚོགས |
གྲྭ་པ་མང་པོ་ཚོགས་སུ་འདུས་པའི་མིང༌། |
| སེར་འཁྱིལ་འཁྱིལ |
སེར་མདངས་ཆགས་ཚུལ། ཞིང་གར་གྲོ་སེར་འཁྱིལ་འཁྱིལ་དུ་སྨིན་པ། |
| སེར་འཕྲེང |
1 གྲྭ་པ་རྣམས་མཆོད་རྫས་ཐོགས་ནས་ཕྲེང་བསྒྲིགས་པའི་སྟར། 2 ཕྲེང་བ་སེར་པོ། |
| སེར་ཡོན |
སྔར་སེར་བ་སྲུང་བའི་གླ་ཆ། |
| སེར་རོག་གེ |
སེར་ནག་ཏུ་གྱུར་ཚུལ་ཞིག ཞུམ་བུའི་ཁ་སྤུ་སེར་རོག་གེར་ཚིག་པ། |
| སེར་རྐང |
སེར་བ་ཤར་ཤར་དུ་འབབ་པའི་གཟུགས། |
| སེར་རྒོད |
རླུང་འཚུབ། སེར་རྒོད་གཡུགས་ནས་གནམ་ས་ཁ་རུབ་པ་ཞིག་བྱས། |
| སེར་རྨེ |
རྙིང འཛིན་པ་དམ་པོའམ། འཛིན་ཆགས་ཆེན་པོ། |
| སེར་རྩའི་གོས |
རྙིང ལྷའི་ཤིང་ལས་བྱུང་བའི་གོས། |
| སེར་ལངས |
ཡུལ ཞིང་ཁར་ཆུ་བཏང་ནས་སྐམ་རློན་རན་པར་གྱུར་པ། སོན་འདེབས་རན་པའི་ས་ཞིང་སེར་ལངས་ཅན། |
| སེར་ལུས |
གྲྭ་གཟུགས། |
| སེར་ལྟེམ་ལྟེམ |
སེར་མདོག་བཀྲ་ཚུལ་ཞིག མེ་ཏོག་སེར་ལྟེམ་ལྟེམ། |
| སེར་ཤ |
སྤང་ལས་སྐྱེས་པའི་ཤ་མོ་སེར་པོ། |
| སེར་ཤང་ངེ |
མདོག་སེར་པོའི་ཁྱད་པར་ཞིག ལྡོང་རོས་བྱུགས་པའི་རྩིག་པ་སེར་ཤང་ངེ་བ་ཡོད། |
| སེར་ཤུལ |
རྫོང་ཞིག་སི་ཁྲོན་ཞིང་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་བྱང་ངོས་དང་ཉག་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་འཇུ་མང་དུ་ཡོད། |
| སེར་སྐམ་མ |
སེར་ཁ་མ་ཡང་ཟེར། སྟོན་དུས་ཀྱི་རི་ཁའི་ལྕི་བ་འབུད་ཤིང་ལེགས་ཤོས་ཤིག |
| སེར་སྐེ |
དབྱར་དུས་ཀྱི་ལྕི་བ་རློན་པའི་ཁར་འབབ་པའི་འབུ་སེར་པོ་གཤོག་པ་ཅན་ཞིག |
| སེར་སྐེ་སྐེ |
ཡུལ སེར་པོ་ཀྲོང་ཀྲོང༌། |
| སེར་སྐྱ |
1 སེར་པོ་དང་དཀར་རག་བསྲེས་པའི་མདོག 2 བཙུན་པ་དང་ཁྱིམ་པ་གཉིས་ཀྱི་བསྡུས་མིང༌། སེར་སྐྱ་མི་དམངས། སེར་སྐྱ་དཔོན་རིགས། 3 མངོན 1)ཉི་མ། 2)ཁྱབ་འཇུག 4 ཕྱི་རོལ་པའི་དྲང་སྲོང་ཞིག |
| སེར་སྐྱ་པ |
ཕྱི་རོལ་པའི་དྲང་སྲོང་སེར་སྐྱའི་གྲུབ་མཐའ་མཁན། |
| སེར་སྐྱའི་གནས་ཀྱི་གྲོང་ཁྱེར |
རྒྱ་གར་གྱི་གྲོང་ཁྱེར་བྱེ་བྲག་པ་ཞིག |
| སེར་སྐྱའི་ལྟ་བྱེད |
མངོན སྲིན་བྱ། |
| སེར་སྒོང |
སྒོ་ངའི་སེར་ཧྲིལ། |
| སེར་སྣ |
འདོད་ཆགས་ཀྱི་རྒྱུ་ལས་ཡོ་བྱད་སོགས་བདོག་པའི་དངོས་པོ་རྣམས་རང་གིས་ལོངས་སུ་སྤྱོད་མི་ནུས་ཤིང༌། གཞན་ལའང་གཏོང་མི་ཕོད་པར་སེམས་ཀྱིས་དམ་དུ་འཛིན་པ་སྟེ་ཉེ་ཉོན་ཉི་ཤུའི་ནང་གསེས་ཤིག སེར་སྣ་ཅན། སེར་སྣའི་མདུད་པས་མ་བཅིངས་པ། སེར་སྣ་མེད་པར་སྦྱིན་པ་གཏོང་བ། སེར་སྣ་ཅན་ལ་སྤུན་མི་འཁོར། གཡོ་སྒྱུ་ཅན་ལ་གྲོགས་མི་འཁོར། མིང་གི་རྣམ་གྲངས་ལ་ཆ་ཕྲ་དང༌། འཆུམས་པ། འཇུངས་པ། ཞིབ་མོ། སྲན་ཆོས་བཅས་སོ། |
| སེར་སྦྲེངས |
མཆོད་རྫས་ཐོགས་པའི་གྲྭ་པ་ཕྲེང་བསྒྲིགས་པའི་སྟར། |
| སེར་སྲུང |
དབྱར་ཁ་སེར་བའི་ཉེན་ཁ་ཡོད་དུས་སེར་བ་འགོག་པ། |
| སེར་སྲུབས |
སེར་ཀའི་སྲུབས་སམ་བར། སེར་སྲུབས་ནས་མངོན་ཆུང་གིས་བལྟས། |
| སེལ |
རྙིང འཁོན། སེལ་དག་པ། སེལ་ཞུགས་པ། ཕན་ཚུན་བར་དམ་སེལ་མེད་པ། |
| སེལ་པོ |
ཤིང་གི་ལྕུག་ཕྲན་སོགས་ཀྱིས་བསླས་པའི་སླེལ་པོ། |
| སེལ་བ |
1.ཐ་དད་པ བསལ་བ། བསལ་བ། སོལ།། 1 དག་པར་བྱེད་པའམ་མེད་པར་བཟོ་བ། རང་སྐྱོན་རང་གིས་བསལ་བ། དཀའ་ཚེགས་སེལ་བ། གེགས་རྐྱེན་སེལ་བ། ནད་སེལ་བའི་སྨན་ལ་ཞིམ་པོ་མེད། ཤ་ཚ་བའི་གཏམ་ལ་སྙན་པོ་མེད། དགུང་ཉི་མའི་འོད་ཀྱིས་གླིང་བཞི་ཁེབས། དུང་ཟླ་བའི་འོད་ཀྱིས་མུན་པ་སེལ། 2 དབྱེ་འབྱེད་བྱེད་པ། ལེགས་ཉེས་ཀྱི་དབྱེ་སེལ་བྱེད་པ། དམིགས་ཀྱིས་བསལ་བ། 3 འདོན་པ་དང་འབྱིན་པ། གལ་ཆེའི་དོན་གནད་ཟུར་དུ་བསལ་བ། 2 1 སྦྱོར་བ་ཉེར་བདུན་གྱི་ནང་གསེས་ཤིག 2 རང་གི་བསལ་བྱ་ཚིག་གིས་ཟིན་པར་བཅད་ནས་རྟོགས་པར་བྱ་བའི་ཆོས། དཔེར་ན་འདི་སྐྱེས་པ་ཡིན་ཞེས་པས་བུད་མེད་ཡིན་པ་སེལ་བ་ལྟ་བུའོ། |
| སེལ་བ་གྲུབ་པ |
རྒྱ་གར་གྱི་སློབ་དཔོན་ཤངྐ་རཱ་ནནྡས་བརྩམས་པའི་ཚད་མའི་གཞུང་ཞིག |
| སེལ་བོ |
སླེ་བོ་ཡི་འབྲི་ཚུལ་གཞན། |
| སེལ་འཇུག |
ཡུལ་ཅན་གྱིས་ཡུལ་ལ་འཇུག་ཚུལ་གྱི་ཁྱད་པར་ཞིག་སྟེ། ཡུལ་ཅན་སྒྲ་དང་རྟོག་པས་རང་ཡུལ་ལ་སེལ་བའམ་ཆ་ཤས་སུ་ཕྱེ་ནས་དགག་པ་དང༌། བཅད་པའི་རྣམ་པས་འཇུག་པ། དཔེར་ན། བུམ་པ་ཞེས་བརྗོད་པའི་སྒྲ་དང་བུམ་འཛིན་རྟོག་པས་བུམ་པ་བཟུང་བ་ན། བུམ་པ་ཤེས་བྱ་ཡིན་པ་མི་རྟག་པ་ཡིན་པ་དང་དབྱིབས་དང་ཁ་དོག་ལ་སོགས་པའི་བུམ་པའི་ཁྱད་པར་རམ་ཆ་ཤས་དུ་མ་ཡོད་པ་གཞན་རྣམས་བསལ་ནས་བུམ་པ་ཡིན་པའི་ཆ་ཁོ་ན་བརྗོད་པ་དང་འཛིན་པ་ལྟ་བུའོ། |
| སེལ་འཇུག་གི་བློ |
རང་ཡུལ་ལ་ཆ་ཤས་སུ་ཕྱེ་ནས་འཇུག་པའི་རིག་པ། རྟོག་པ་དང་དོན་གཅིག་པའོ། |
| སེལ་འཇུག་གི་བློ་དོན་མཐུན |
རྟོག་པ་དོན་མཐུན་ནོ། |
| སེལ་འཇུག་གི་བློ་དོན་མི་མཐུན |
རྟོག་པ་དོན་མི་མཐུན་པའོ། |
| སོ |
སྲོག་ཆགས་ཀྱི་ཁ་ནང་གི་སོའི་མིང་སྟེ། ཁྱིས་སོ་བཏབ། སོ་འདེབས། སོ་ཐོབས་ལྟ་བུ། སོ་དང་དབྱིབས་འདྲ་བའི་དངོས་པོའི་མིང་ལ་འཇུག་པ་ནི། སྒོག་སོ་གཅིག(སྒོག་པའི་དུམ་བུ་གཅིག)སོག་ལེའི་སོ་ཞེས་པ་ལྟ་བུ། |
| སོ་ཀ |
སོས་ཀ་དང་འདྲ། |
| སོ་ཁ |
དགྲ་ལ་སོ་ལྟ་ས། སོ་ཁའི་མཁར། |
| སོ་ཁུང |
1 མེ་མདའི་སོ་ཁུང༌། 2 སོ་ལྟ་བའི་ཁུང་བུ། 3 ཁའི་སོ་ལ་བུ་ག་དོད་པ། 4 སོ་བུད་ཤུལ་གྱི་སོ་ཁུང༌། |
| སོ་ཁྲི་བཙན་པོ |
དིང་ཁྲི་བཙན་པོ་དང་སོ་ཐམ་ཐམ་གཉིས་ཀྱི་སྲས་བོད་རྒྱལ་བཞི་པ་སྟེ་གནམ་གྱི་ཁྲི་བདུན་གྱི་ཡ་གྱལ་ཞིག |
| སོ་ག |
སོས་ཀ་དང་འདྲ། |
| སོ་གཉིས |
1 ལོ་བཞི་ལོན་པའི་ནོར་ཕྱུགས། 2 གྲངས་སུམ་ཅུ་སོ་གཉིས། |
| སོ་གཉིས་པ |
མངོན གླང་པོ་སྤྱི། |
| སོ་གཏོང་ཁུང |
ས་ཕག་སོགས་མེར་སྲེག་སའི་མེ་ཁང༌། |
| སོ་གཏོང་ཐབ་ཁ |
ས་ཕག་དང་རྫ་སོགས་ལ་སོ་གཏོང་སའི་ཐབ། |
| སོ་གཡོགས |
མངོན ཁའི་ཡ་མཆུ་མ་མཆུ། |
| སོ་གསོད་པ |
ཟིང་མེད་སྐྱིད་ལ་དབང་ཐང་འཕེལ་བ། གནས་ཡུལ་སོ་གསོད་པ། སོ་གསོད་པའི་འཚོ་བ། སོ་གསོད་ཀྱི་སྣང་བ་སྐྱིད་པ། བྲེལ་བ་ཆེ་བས་སོ་མི་གསོད་པ། |
| སོ་གསོད་པོ |
སོ་གསོད་པ་དང་འདྲ། |
| སོ་གོས |
མངོན མཆུ། |
| སོ་ཅན |
མངོན གླང་པོ་ཆེ། |
| སོ་ཆ |
ཤིང་སྨན་གྱི་རིགས་ཤིག་སྟེ། རོ་ཚ། ཞུ་རྗེས་དྲོད། ནུས་པས་ཕོ་བའི་བད་ཀན་སོགས་ནད་གྱེན་དུ་སྐྱུག་པར་བྱེད། མིང་གི་རྣམ་གྲངས་ལ་གྷའུ་ཟག་ཐ་དང༌། པོ་སོ་ཆ། མ་ཏ་པ་ལ། ཟི་ར་ཀྵ་བཅས་སོ། |
| སོ་ཉུལ |
སོ་མྱུལ་དང་འདྲ། |
| སོ་ཐག |
སོ་མ་རཱ་ཛཱའི་ཐག་པ། |
| སོ་ཐགས |
སོ་གྲལ། སོ་ཐགས་བཟང་པོ། |
| སོ་ཐམ་ཐམ་པ |
ཨཊཌ གྲང་དམྱལ་བརྒྱད་ཀྱི་ཡ་གྱལ་ཞིག་སྟེ། གྲང་བའི་ཟུག་རྔུ་བསྲན་མི་བཟོད་པར་སོ་འཚིར་བའོ། |
| སོ་ཐར |
སོ་སོར་ཐར་པའི་བསྡུས་ཚིག་ |
| སོ་ཐར་གྱི་ལྟུང་བ་སྡེ་ལྔ |
ལྟུང་བ་སྡེ་ལྔ་དང་དོན་གཅིག་ |
| སོ་ཐར་གྱི་སྡོམ་པ |
སོ་སོར་ཐར་པའི་སྡོམ་པའོ། |
| སོ་ཐར་གྱི་སྡོམ་ལྡན་བཞི |
བསྙེན་གནས་དང༌། དགེ་བསྙེན། དགེ་ཚུལ། དགེ་སློང༌། |
| སོ་ཐར་རིགས་བརྒྱད |
དགེ་སློང་ཕ་མ་གཉིས། དགེ་སློབ་མ། དགེ་ཚུལ་ཕ་མ་གཉིས། དགེ་བསྙེན་ཕ་མ་གཉིས། བསྙེན་གནས་བཅས་ཀྱི་སྡོམ་པ་སྟེ་བརྒྱད། |
| སོ་ཐར་རིས་བདུན |
སོར་སྡོམ་གྱི་རྟེན་ནི་རིས་བདུན་ཏེ། དགེ་སློང་ཕ་མ་གཉིས། དགེ་ཚུལ་ཕ་མ་གཉིས། དགེ་བསྙེན་ཕ་མ་གཉིས། དགེ་སློབ་མ་སྟེ་བདུན་ནོ། |
| སོ་ཐར་རིས་བཞི |
སོ་སྡོམ་གྱི་རྟེན་རྫས་སུ་བསྡུ་ན། དགེ་སློང༌། དགེ་ཚུལ་ཏེ་རབ་བྱུང་གི་ཕྱོགས་གཉིས་དང༌། དགེ་བསྙེན། བསྙེན་གནས་ཏེ་ཁྱིམ་པའི་ཕྱོགས་གཉིས་བཅས་བཞིའོ། |
| སོ་ཐར་སྡོམ་པ་གཉིས |
ཁྱིམ་པ་དང༌། རབ་བྱུང་གི་སྡོམ་པ་གཉིས། སྤོང་བདུན་དང་སྤོང་བཞི་ཅན་གཉིས། ཇི་སྲིད་འཚོ་དང་ཉིན་ཞག་གི་མཐའ་ཅན་གཉིས། |
| སོ་ཐར་སྡོམ་པའི་རྩ་ལྟུང་བཞི |
རྩ་བ་བཞི་དང་དོན་གཅིག་ |
| སོ་ཐུབ་པ |
1 སོ་གཏང་དུ་རུང་བའི་རྫ་ས། རྫ་མ་བཟོ་དུས་ཐོག་མར་སོ་ཐུབ་པའི་རྫ་ས་འཚོལ་དགོས། 2 ཕུགས་ཐུབ་པའམ། ཡིད་བརྟན་འཕེར་བ། 3 རང་རྐྱ་འཕེར་བའི་ཚུགས་ཐུབ་པ། རང་སོ་འཛིན་ཐུབ་པ། |
| སོ་ཐོ་རོག་པོ |
ཉ་འཛིན་པའི་ཆུ་བྱ་བོངས་ཆེ་ཞིང་སྤུ་མདོག་ནག་པོ་ཅན་ཞིག |
| སོ་ཐོག |
ལྕགས་ཀྱི་ཚིགས་མ། |
| སོ་དཀར |
ལོ་བཞི་ལོན་པའི་མཛོ་མཛོ་མོའམ་འབྲི་གཡག་བ་གླང་བཅས་ལ་ཟེར། |
| སོ་དཔོན |
གནའ་དུས་ཀྱི་སོ་པའི་འགོ་པ། |
| སོ་དམ་པོ |
1 སོ་ཚགས་དམ་པོ། 2 སོ་གྲལ་འགྲིག་མཚམས་དམ་པོ། |
| སོ་དམག |
སོ་ལྟ་བྱེད་མཁན་གྱི་དམག་མི། |
| སོ་དོགས |
སོ་ལྟ་བྱེད་མཁན། |
| སོ་དྲུག |
1 གྲངས་སུམ་ཅུ་རྩ་དྲུག 2 ལོ་དྲུག་ལོན་པའི་གནག་ཕྱུགས། |
| སོ་དྲེག |
སོའི་དྲེག་པའམ་དྲི་མ། |
| སོ་ན་གནས་པ |
རང་འཇགས་སམ་སྔ་མའི་ས་ན་བསྡད་པ། དབང་ཆ་སོ་ན་གནས་པ། སྲོལ་ངན་སོ་ན་མ་གནས་པ། |
| སོ་ནམ |
ཞིང་ལས། སོ་ནམ་བྱེད་པ། སོ་ནམ་མཁན་པོ། སོ་ནམ་གྲོང་ཚོ། སོ་ནམ་ཐོན་ཟོག སོ་ནམ་པ། སོ་ནམ་ཡོ་བྱད། ཞིང་ལ་སོ་ནམ་བྱས་ནས་རྩམ་པ་ཉོ་དགོས་བྱུང་ན། ནས་དང་སྲན་མའི་ས་བོན་བཏབ་དང་མ་བཏབ་མི་འདུག མིང་གི་རྣམ་གྲངས་ལ་འཇུག་བྱེད་དང༌། འཚོ་ཆས། ཞིང་ལས་བཅས་སོ། |
| སོ་ནམ་དུས་བཞི |
དགུན་དུས་ལུད་བསགས། དཔྱིད་དུས་སོན་འདེབས། དབྱར་དུས་རྩྭ་བཀོག་སྟོན་དུས་འབྲུ་བསྡུ་བཅས་ལ་བཞེད་པ་དང༌། སོ་ནམ་ཞེས་པ་བྱ་བ་སྤྱི་ལ་འཇུག་པས་འདིར་ཞིང་ལས་དང༌། ཚོང་ལས། བུན་གཏོང་བ། ཕྱུགས་སྤེལ་བ་བཅས་དུས་བཞི་ཀ་ལ་བྱེད་པའི་འདོད་ཚུལ་ཡང་ཡོད། སོ་ནམ |
| སོ་ནམ་པ |
ཞིང་པའི་མིང་གཞན། |
| སོ་ནམ་ལས་ཁུངས |
སྔར་བོད་ས་གནས་སྲིད་གཞུང་སྐབས་ས་སྟོང་གསར་སྦོལ་དང༌། མི་བོགས་བསྡུ་ལེན་བྱེད་པའི་ལས་ཁུངས་ཤིག |
| སོ་ནམ་ལོ་གསར |
ཤར་ཕྱོགས་ལོ་གསར་ཡང་ཟེར། བོད་ཀྱི་ཡུལ་ལུང་འགའ་ཆུ་ཤུར་སོགས་ཀྱི་སོ་ནམ་པ་ཚོས་དགུན་ཟླ་སོ་སོའི་ཚེས་ཤར་དུ་གཏོང་བའི་ལོ་གསར། |
| སོ་པ |
གསང་བའི་སྒོ་ནས་ལྟ་རྟོག་བྱེད་མཁན། ས་མཚམས་སོ་བྱེད། ལ་མགོའི་སོ་པ་དང་ལུང་གཞུང་གི་མྱུལ་མ། མིང་གི་རྣམ་གྲངས་ལ་འཇབ་མྱུལ་མཁན་དང༌། རྟོག་མི། རྟོག་དཔྱོད་པ། ལྟ་མྱུལ་མཁན། ནན་ཏུར་ཅན། མྱུལ་མི། སོ་རྟོག་པ་བཅས་སོ། |
| སོ་ཕག |
1 མེ་ནང་དུ་བསྲེགས་ནས་སོ་བཏང་བའི་ས་ཕག སོ་ཕག་མཁན། སོ་ཕག་གི་ར་སྐོར། སོ་ཕག་སྒོ། 2 སོ་འཁྲུད་བྱེད་ཀྱི་ཕག་ཟེ། |
| སོ་ཕག་ཁུ་བ |
ས་བཟང་པོ་ལས་བཟོས་པའི་ཕ་གུ་མེར་བསྲེགས་ནས་སོ་བཏང་བ་ཞིག་སྟེ། དེ་མེར་བསྲེགས་ནས་ཆུར་བཅུག་པའི་ཁུ་བའི་དྭངས་མ་དེས་གྲེ་བ་འགག་པ་དང་སྐོམ་པའི་ནད་ལ་ཕན། |
| སོ་ཕད |
སོ་མ་རཱ་ཛཱའི་ཕད་ཁོག |
| སོ་ཕྲ |
རྩེ་མོ། |
| སོ་བ |
ཡུལ 1 སོ་པ་དང་འདྲ། 2 འབྲུ་རིགས་ཤིག་གི་མིང༌། 3 འབྲུ་རིགས་ཕྱི་ལྤགས་ཅན། འབྲས་སོ་བ། ནས་སོ་བ། |
| སོ་བཏང |
ས་འདམ་གྱིས་བཟོས་པའི་ཡོ་བྱད་སོགས་ཚ་དྲོད་ཀྱིས་སྲ་འཐས་སུ་བཏང་བའི་དོན་ཏེ། ས་ཕག་ལ་སོ་བཏང་། རྫ་འདམ་གྱིས་རྫ་མ་བཟོས་ནས་སོ་བཏང་ལྟ་བུ། |
| སོ་བཙེས་པོ |
སེར་སྣ། མི་དེ་ཧ་ཅང་སོ་བཙེས་པོ་ཞིག་ཡོད། |
| སོ་བཞི་པ |
མངོན བརྒྱ་བྱིན་གྱི་བཞོན་པ་གླང་པོ་ཆེ། |
| སོ་བརྡར་བ |
1 ཁའི་སོ་བརྡར་བ། 2 མཚོན་གྱི་སོ་བརྡར་བ། |
| སོ་བརྩེ་བ |
སོ་འདེབས་པའམ་རེག་གཏུག་མི་བཟོད་པ་ལྟར་གྱུར་པ། རོ་སྐྱུར་མོས་སོ་བརྩེ་བ། རྩམ་པ་སོ་བརྩེ་ཅན། ལྕགས་རྒྱུག་བརྡར་བའི་ཙིར་སྒྲ་ཐོས་པས་སོ་བརྩེ་བ། |
| སོ་བརྩེགས་མ |
གཅིག་རྒྱབ་ཏུ་གཅིག་སྐྱེས་པའི་སོ། |
| སོ་བརྩེབ |
སོ་བརྩེ་བའི་འབྲི་སྲོལ་གཞན་ཞིག་ |
| སོ་བྱ |
ཉ་འཛིན་པའི་ཆུ་བྱ་བོངས་ཆེ་ཞིང་སྤུ་མདོག་ནག་པོ་ཅན་ཞིག |
| སོ་བྱའི་སྒྲོ |
ཆུ་བྱ་སོ་ཐོ་རོག་པོ་སྟེ། དེའི་མཇུག་མའི་སྒྲོས་དྲི་ཆུ་འགག་པ་འབྱིན། |
| སོ་བློན |
གནའ་དུས་ཀྱི་སོ་པའི་འགོ་པ། |
| སོ་མ |
གསར་པའམ་དྲི་ནོག་མེད་པ། གོས་སོ་མ། |
| སོ་མ་ཐུལ་མ |
རྫ་སྣོད་སོགས་གསར་པ་བཏུལ་ཟིན་པའི་དངོས་ཆས། རྫ་མ་འདི་སོ་མ་ཐུལ་མ་ཡིན་པས་ཇ་ཐུག་གང་བསྐོལ་ནའང་ཆོག |
| སོ་མ་ར་ཙ |
སོ་མ་རཱ་ཛཱ་དང་འདྲ། |
| སོ་མ་རཱ་ཛཱ |
ལེགས ཟླ་བའི་རྡུལ་ཏེ་ཤིང་སྨན་གྱི་རིགས་ཤིག་རོ་ཚ་ཞིང་ཁ། ཞུ་རྗེས་སྙོམས། ནུས་པས་སྲིན་ནད་དང༌། པགས་ནད། ཆུ་སེར་གྱི་ནད་བཅས་སེལ། མིང་གི་རྣམ་གྲངས་ལ་འདབ་བཟང་དང༌། བཱ་གུ་ཛཱི། འབྲས་ནག་པོ། མཛེ་འཇོམས། ཟླ་བའི་ལྕུག་མ། ཟླ་བའི་རི་མོ། ཟླ་ཚེས་ཀྱི་རྡུལ། ལུག་ནག་སུ་རི་ཕ་ལཱི། སོ་མ་བལླི་ཀ་བཅས་སོ། |
| སོ་མཁར |
དགྲ་ལ་སོ་ལྟ་སའི་མཁར། |
| སོ་མང |
སྐྲ་འདྲད་བྱེད་ཀྱི་ཡོ་བྱད་རིགས་ཤིག་གི་མིང་། ０སོ་དང་བྱེད་ལས་འདྲ་བའི་སྒོ་ནས་བཏགས་པ་ནི། གྲི་སོ། རང་འཐག་གི་སོ་ཞེས་པ་ལྟ་བུ། １སྔར་ཡོད་ཀྱི་གནས་དང་གཤིས་ཀ་སོགས་ཀྱི་མིང་ལ་འཇུག་པ་ནི། སོ་ན་གནས་པ། སྨན་གྱི་སོ་མ་རྙིང་བ་ཞེས་པ་ལྟ་བུ། ２རྫོགས་ཚིག་སྟེ། གོ་ལ་ལྟོས། ３སུམ་ཅུ་མཚོན་པའི་སྒྲ་སྟེ། སུམ་ཅུ་སོ་གཅིག སོ་གཉིས། སོ་དགུ་ཞེས་པ་ལྟ་བུ། ４ལོགས་སམ་མཐའི་མིང་སྟེ། གད་པའི་ཁ་སོ། ཐད་ཀ་ཐད་སོ་ཞེས་པ་ལྟ་བུ། |
| སོ་མང་ཆུ |
འབར་ཁམས་རྫོང་གི་འབབ་ཆུ་ཞིག་སྟེ། ཆུ་ཆེན་ཆུའི་ཤར་གྱི་ཆུ་ལག་ཅིག་ཡིན། |
| སོ་མང་བུ |
མངོན བརྒྱ་བྱིན། |
| སོ་མང་སྐྱེས |
མངོན བརྒྱ་བྱིན། |
| སོ་མཐིལ |
ཡུལ སོ་སྐུད་དང་སོ་མ་རཱ་ཛཱ་ལས་བཟོས་པའི་ལྷམ་མཐིལ། |
| སོ་མཚམས |
1 ས་མཚམས། 2 ཁའི་སོ་དབར་དང༌། སོའི་རྩ་བ། |
| སོ་མྱུལ |
1 དགྲ་རྐུན་སོགས་ཡོང་མིན་ལྟ་རྟོག་བྱེད་པ། 2 སོ་ལྟའི་ཕྱིར་དུ་གསང་མྱུལ་བྱེད་པ། |
| སོ་ཚབ |
1 ཁའི་སོ་བུད་པའི་སོ་ཚབ། སོ་ཚབ་བསྒར་བ། 2 ས་མཚམས་དང༌། ལ་ཁའི་སོ་པ་བརྗེས་པའི་སོ་ཚབ། སོ་ཚབ་བཏང་བ། |
| སོ་ཚི |
སོ་རྩི་དང་འདྲ། |
| སོ་ཚིས |
རྙིང འཚོ་ཐབས་སམ། འཚོ་ཚིས། |
| སོ་ཞོ |
ཨམ་གཙིགས་བསྡམས་པའི་སོ། དགྲ་ལ་ཁྲོས་ནས་སོ་ཞོ་སྟོན་པ། |
| སོ་ཟིང |
སོ་མཆུ་ཏོའི་ཕྱིར་ཐོན་པ། |
| སོ་ཟུར་གནུབས་གསུམ |
གསང་སྔགས་སྔ་འགྱུར་བཀའ་མའི་བརྒྱུད་པའི་ཆུ་འགོ་རྙིང་མའི་སློབ་དཔོན་ཆེན་པོ་གསུམ་གྱི་མཚན་ཏེ། སོ་ཡེ་ཤེས་དབང་ཕྱུག་ཟུར་ཤཱཀྱ་འབྱུང་གནས། གནུབས་ཆེན་སངས་རྒྱས་ཡེ་ཤེས་བཅས་སོ། |
| སོ་འཁོར |
འཕྲུལ་འཁོར་ནང་གི་འཁོར་ལོ་མཐའ་ན་སོ་དབྱིབས་ཡོད་པ་དེ་རྣམས་ཀྱི་སྤྱི་མིང་། |
| སོ་འཁྲུ |
1 སོ་འཁྲུད་བྱེད་ཕག་ཟེ། 2 སོ་འཁྲུད་པ། |
| སོ་འགྲིག་པ |
1 ཁའི་ཡ་སོ་མ་སོ་འགྲིག་པ། 2 སོ་གྲལ་འགྲིག་པ། |
| སོ་འདྲུ |
1 སོ་འདྲུ་བའི་ཤིང་ཐུར། སོ་འདྲུའི་ཤུབས། 2 ཁའི་སོའི་བར་གྱི་ཟས་རོ་འདོན་པ། |
| སོ་འབམ |
སོའི་ནད་ཀྱི་རིགས་ཤིག |
| སོ་འབུས |
སོ་གསར་པ་སྐྱེ་བ། བྱིས་པ་སྐྱེས་ནས་ཟླ་བ་ལྔ་ཙམ་ལ་སོ་འབུས་ཡོང༌། |
| སོ་འབྲུ |
སོ་འདྲུ་དང་འདྲ། |
| སོ་འཚག |
རྙིང འཛོམ། |
| སོ་ཧྲུབས |
ཡུལ སོའི་བར་སྟོང༌། |
| སོག |
1.གསོག་པའི་སྐུལ་ཚིག 2.རྫོང་ཞིག་བོད་རང་སྐྱོང་ལྗོངས་ཀྱི་བྱང་ཤར་རྒྱུད་དང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་ཙན་དན་ཞོལ་དུ་ཡོད། གསག་གི་སྐུལ་ཚིག གསག་གི་ད་ལྟ་བའི་འབྲི་ཚུལ་གཞན། ０སོག་པ་ལ་ལྟོས། １སོག་པོ་ཡི་ཚིག་བསྡུས་པ། ２སོག་མ་ཡི་ཚིག་བསྡུས་པ། ３སོག་ལེ་ཡི་ཚིག་བསྡུས་པ། |
| སོག་ཀ་པ |
སྔོ་སྨན་འབྲས་བུའི་རིགས་ཤིག་སྟེ། རོ་མངར་ལ་ཚ་བ། ཞུ་རྗེས་སྙོམས། ནུས་པས་སྐྱུག་པ་གཅོད། རྩ་ནད་སེལ། མིང་གི་རྣམ་གྲངས་ལ་ཁྲབ་མོའོ། |
| སོག་ཁ |
སོག་པ་ལྟ་བུའི་དབྱིབས་གྲུ་གསུམ་གྱི་མིང༌། |
| སོག་ཁ་པ |
སོག་ཀ་པ་དང་འདྲ། |
| སོག་ག་པ |
སོག་ཀ་པ་དང་འདྲ། |
| སོག་གཞུང |
1 ཧོར་སོག་གི་ལུང་པའི་མཐིལ། 2 བར་ཁམས་བྱང་རྒྱུད་ཀྱི་ལུང་པ་ཞིག |
| སོག་གུར |
1 ཕྱིང་གུར། 2 ཕྱིང་གུར་ལ་དཔེ་བླངས་ནས་བཟོས་པའི་རས་གུར། |
| སོག་ཆས |
སོག་པོའི་ཆ་ལུགས། |
| སོག་ཆུ |
དེའི་ཆུ་འགོ་གདང་ལའི་རི་རྒྱུད་ནས་བྱུང་ཞིང་བོད་རང་སྐྱོང་ལྗོངས་ཀྱི་སྦྲ་ཆེན་རྫོང་དང་སོག་རྫོང་བརྒྱུད་དེ་ནག་ཆུ་དང་འདྲེས་རྗེས་རྒྱལ་མོ་རྔུལ་ཆུ་ཟེར། |
| སོག་ཐལ |
མི་ཡི་སོག་པའི་རུས་པ་མེར་ནུས་ལྡན་བསྲེགས་པའི་ཐལ་བ་སྟེ། ནུས་པས་ཚད་པ་རྙིང་པ་ལུས་ལ་ཞེན་པ་བསལ། |
| སོག་དཔྱད |
བོད་ཀྱིས་དམངས་ཁྲོད་དུ་ར་ལུག་གི་སོག་པ་བསྲེགས་ཏེ་གས་པའི་རི་མོ་བབས་ལུགས་ཀྱིས་ལེགས་ཉེས་བརྟག་པའི་དཔྱད་ཅིག |
| སོག་དར |
སོག་ལུགས་ཀྱི་ཁ་བཏགས་སྔོན་པོ་ཞིག |
| སོག་པ |
ཕྲག་པའི་ཚིགས་མཚམས་ནས་རྒྱབ་ངོས་སུ་བྱེས་པའི་རུས་པ་རྩ་བ་ཕྲ་ཞིང་རྩེ་མོ་རྒྱས་པ་སོག་ཀ་ཡང་ཟེར་བ་དེའོ། |
| སོག་པ |
མི་ཕྱུགས་ཀྱི་དཔུང་བའི་རུས་པ་དང་རྩིབ་རུས་སྦྲེལ་བྱེད་ཀྱི་རུས་པ་ལེབ་མོའི་མིང་། ཚིག་བསྡུས་ན་སོག་ཅེས་འབྲི་ཆོག་སྟེ། སོག་རུས་ཞེས་པ་ལྟ་བུ། |
| སོག་པའི་མེ་ལོང |
དབྱིབས་མེ་ལོང་དང་འདྲ་བའི་སོག་པའི་རུས་པའི་མིང་གི་རྣམ་གྲངས་ཤིག |
| སོག་པོ |
1 མོང་གོལ་གྱི་མི་རིགས། སྟོད་སོག སྨད་སོག ཕྱི་སོག ནང་སོག སྟག་གཟིག་སོག་པོ། སོག་པོ་དུ་རུ་ཀཿ 2 སྔ་རབས་སུ་བོད་ཀྱི་ནུབ་ཕྱོགས་ཡུལ་གྲུ་རྣམས་ཀྱི་སྤྱི་མིང༌། དཔེར་ན་སྟག་གཟིག་སོག་པོ་ཞེས་པ་ནི་དེང་སང་གི་དབྱི་ལང་དང་སོག་པོ་དུ་རུ་ཀཿ ཞེས་པ་ནི་དེང་སང་གི་ཐུར་ཆི་ཡིན་པ་ལྟ་བུ་སྟོད་ཧོར་ཡང་ཟེར། |
| སོག་པོ་སྟག་ཁྲིད |
སྒོ་སྐྱོར་རྩིག་ལྡེབས་སུ་འབྲི་བའི་སོག་པོས་སྟག་ཁྲིད་པའི་རི་མོ། བགེགས་དབང་བར་ཆད་མེད་ཅིང་བཀྲ་ཤིས་བདེ་ལེགས་ཡོང་བའི་མཚོན་བྱེད་ཅིག |
| སོག་ཕྱེ |
ཡུལ སོག་ལེ་བརྒྱབ་པའི་ཤིང་ཕྱེ། |
| སོག་ཕྲག |
ལུས་རྒྱབ་སོག་པ་གཉིས་ཀྱི་བར། |
| སོག་བཙུན |
སོག་རིགས་ཀྱི་གྲྭ་པ། |
| སོག་བྱིལ |
བོད་དབུས་ཀྱི་ཕོ་ཆས་རྣ་རྒྱན་རིང་པོ་ཞིག སོག་རིགས་བུད་མེད་ཀྱི་རྣ་རྒྱན་རིགས་ཤིག་གི་མིང་། |
| སོག་མ |
འབྲུའི་འབྲས་བུ་ཕྱུང་ཟིན་པའི་གཟན་པ། ནས་སོག གྲོ་སོག འབྲས་སོག འདམ་སོག བླུན་པོའི་ཡོན་ཏན་ཁར་འབྱིན་ཏེ། མཁས་པའི་ཡོན་ཏན་ཁོང་དུ་སྦེད། སོག་མ་ཆུ་ཡི་སྟེང་ན་འཕྱོ། ནོར་བུ་སྟེང་དུ་བཞག་ཀྱང་འབྱིང༌། |
| སོག་མོ |
1 སོག་པོའི་བུད་མེད། 2 ར་ལུག་གི་སོག་པ་ལ་བརྟེན་པའི་མོ་ཕྱྭ། སོག་མོ་འདེབས་པ། |
| སོག་ཚིགས |
1 སྙེ་མའི་ཡུ་བའི་ཚིགས་པ། 2 ལུས་ཀྱི་སོག་པའི་ཚིགས། |
| སོག་ཚེམ |
ཡུལ ལྷམ་གྱི་སྣ་མགོའི་སྟེང་གི་ཟུར་གྱི་འཇའ་སུམ་སྒྲིག |
| སོག་ཚྭ |
1 སོག་ཡུལ་ནས་ཐོན་པའི་ཚྭ། 2 སྨན་གྱི་བྱེ་བྲག་ཚྭ་སྔོན་པོ་ཞིག |
| སོག་ཞྭ |
1 ཆང་ས་རྒྱག་དུས་མནའ་མར་བསྐོན་རྒྱུའི་ཞྭ་མོ། 2 སྔར་བོད་ས་གནས་སྲིད་གཞུང་སྐབས་སྐུ་དྲག་གི་གཡོག་པོས་གྱོན་རྒྱུའི་ཞྭ་མོ་ཞིག |
| སོག་འབུར |
ལུས་ཀྱི་སོག་པའི་རུས་འབུར། |
| སོག་འབོལ |
སོག་མའི་ནང་ཚངས་ཅན་གྱི་འབོལ་སྟན། |
| སོག་ཡིག |
སོག་པོའི་ཡི་གེ། |
| སོག་ཡུ |
1 ལོ་ཏོག་གི་སོག་མའི་ཡུ་བ། 2 ལུས་ཀྱི་སོག་པའི་ཚིགས་མཚམས་ཀྱི་ཡུ་བ། |
| སོག་ཡུལ |
ཧོར་གྱི་ལུང་པ། |
| སོག་ར |
1 སོག་མ་འཇོག་ཡུལ་གྱི་ར་བ། 2 སོག་མའམ་ལྗང་པ་འདེབས་སའི་ཞིང་ཁ། |
| སོག་རིགས |
སོག་པོའི་མི་རིགས། |
| སོག་རུ |
སོག་ཡུལ་གྱི་འབྲོག་པ། |
| སོག་རུམ |
སོག་ཡུལ་ནས་ཐོན་པའི་རུམ་མམ་གྲུམ་རྩེ། |
| སོག་རུལ་ཕོན་ཐག |
ལོ་ཏོག་གི་སོག་མ་རུལ་པའི་ཕོན་ཆིངས། |
| སོག་རྟ |
ཐོག་མར་སོག་ཡུལ་ནས་ཐོན་པ་དང༌། ད་ཆ་རང་རྒྱལ་གྱི་རྒྱ་ཁྱབ་ས་གནས་ཁག་ལ་སྐྱེ་འཕེལ་བྱུང་ཡོད་པའི་རྟའི་རིགས་རྒྱུད་ཅིག |
| སོག་ལུག |
ཐོག་མར་སོག་ཡུལ་ནས་ཐོན་པ་དང༌། ད་ཆ་རང་རྒྱལ་ནང་སོག་དང༌། ནུབ་བྱང༌། བྱང་ཤར་སོགས་ཀྱི་ས་གནས་ཁག་ལ་སྐྱེ་འཕེལ་ཆེས་ཆེར་བྱུང་ཡོད་པའི་ལུག་གི་རིགས་རྒྱུད་ཅིག |
| སོག་ལུགས |
སོག་པོའི་ལུགས་སྲོལ། |
| སོག་ལེ |
ཤིང་འདྲེག་བྱེད་ཀྱི་ལག་ཆ་ཞིག སོག་ལེས་གཏུབ་པ། སོག་ལེས་འདྲ་བ། སོག་གཤག་རྒྱག་པ། གཅོད་པ་རྣམས་ཀྱི་སྟ་རེ། འདྲ་བ་རྣམས་ཀྱི་སོག་ལེ། |
| སོག་ལེ་ཅན |
མངོན རྩངས་པ་ཁ་རལ། |
| སོག་ལེའི་རྒྱབ་ཅན |
མངོན ཉ། |
| སོག་ལེའི་སེམས་ལྡན་མ |
བུད་མེད་གཏུམ་མོ། |
| སོག་ལྡུམ |
ལོ་ཏོག་བརྔས་ཤུལ་གྱི་སོག་མའི་ལྷག་འཕྲོ། |
| སོག་ལྡུར |
ཡུལ ལོ་ཏོག་བརྔས་ཤུལ་གྱི་སོག་མའི་ལྷག་འཕྲོ། |
| སོག་ལྷམ |
སོག་ལུགས་ཀྱི་ལྷམ། |
| སོག་སྐད |
སོག་རིགས་ཀྱི་སྐད། |
| སོག་སྒྲོམ |
ཡུལ སོག་ལེ་ཆེ་གྲས་ཀྱི་སྒྲོམ། |
| སོག་སྦུག |
ནས་དང་གྲོ་སོགས་ཀྱི་སྙེ་མ་བཅད་ཚར་བའི་རྐང་རྐྱང་པ། |
| སོག་སྦུབས |
རྩྭའམ་སོག་མ་ཁོག་སྟོང༌། |
| སོགས |
(གྲངས་ཚིག) དངོས་སུ་མ་བཤད་པ་མང་བོ་བསྡུས་པའི་དོན་དེ། བདག་སོགས་ཁྱོད་སོགས་ལྟ་བུ། ལ་སོགས་པ་ཞེས་བཀོལ་བ་ཁྱབ་ཆེ་སྟེ། བོད་ཡུལ་ལ་རྨ་ཆུ་འབྲི་ཆུ་ལ་སོགས་པ་ཆུ་ཀླུང་མང་པོ་ཡོད་ལྟ་བུ། གསག་གི་ད་ལྟ་བ་དང་སྐུལ་ཚིག་གི་འབྲི་ཚུལ་གཞན། |
| སོགས་ཁོངས |
སོགས་ཞེས་པའི་སྡུད་པའི་ཚིག་ཕྲད་ཀྱི་ནང་དུ་བསྡུས་པའི་དོན། ཁོ་རང་གི་མིང་སོགས་ཁོངས་སུ་བཏང་བ། |
| སོགས་པ |
ཐ་མི་དད་པ འཕེལ་བ། ནོར་རྫས་མང་པོ་སོགས་བྱུང༌། བསགས་ཀྱང་མ་སོགས། |
| སོགས་སྒྲ |
སོགས་ཁོངས་སུ་བསྡུས་པ། མེ་ཕག་ལ་སོགས་འདས་པའི་ལོ་ཞེས་པ་ནི་མེ་ཕག་དང་ས་བྱི་ས་གླང་ལྕགས་སྟག་ལ་སོགས་དང༌། བུག་སོགས་ཞེས་པ་ནི་ཉིན་ཞག་ཉི་དྷྲུ་སྐབས་ཀྱི་རང་ཆ་བུག་མཁའ་མིག་བུག་ཡིད་ཀྱི་བསྡུས་ཚིག་ཡིན། བུག |
| སོང |
1. འགྲོ་བའི་སྐུལ་ཚིག 2. འདས་པ་སྟོན་བྱེད་ཀྱི་ཚིག་གྲོགས། ཕྱིན་སོང༌། ལངས་སོང༌། ཤེས་མ་སོང༌། གསུང་བཤད་གནང་སོང༌། |
| སོང་ཁྲ |
འགྲོ་སོང་གི་གཞུང་ཁྲ། |
| སོང་ཐོ |
བཀོལ་ཚར་བའི་རྒྱུ་ནོར་གྱི་མིང་དང་གྲངས་ཀ་སོགས་བཀོད་པའི་ཡི་གེ་དང་རེའུ་མིག་གི་མིང་། |
| སོང་བ |
འགྲོ་བའི་འདས་པའི་འབྲི་སྲོལ་གཞན་ཞིག་ |
| སོང་རབས |
ཕྱིན་པའི་གཏམ་མམ་ལོ་རྒྱུས། |
| སོངས |
བསང་བའི་སྐུལ་ཚིག་ |
| སོད |
(བྱེད་འབྲེལ་སྐུལ་ཚིག) མི་ཕྱུགས་སོགས་སྲོག་ཆགས་ཀྱི་སྲོག་འཚོ་བའི་རྒྱུན་བཅད་པའི་དོན་ཏེ། སྤྱང་ཀི་སོད་ཅིག་ལྟ་བུ། |
| སོན |
1 ས་བོན་གྱི་བསྡུས་མིང༌། ནས་སོན། འབྲུ་སོན། སོན་སྒྲུག་རྒྱག་པ། སོན་འདེབས་པ། སོན་རྩ་འདེབས་པ། སོན་འདེབས་འཕྲུལ་འཁོར། སོན་བཟང༌། སོན་བཟང་བསལ་སྒྲུག སོན་རིགས་རེས་འདེབས། སོན་གཤོ། 2 ལམ་ཡིག ལམ་སོན། |
| སོན་ཁུག |
ཞིང་ག་འདེབས་རྒྱུའི་སོན་འཁྱེར་སྤྱད་ཀོ་བའི་སྣོད། |
| སོན་པ |
ཐ་མི་དད་པ སླེབས་པ་དང་འཕྲོད་པ། ཤེས་བྱ་རྒྱ་མཚོའི་ཕ་རོལ་ཏུ་སོན། བྱེས་འགྲུལ་ཚང་མ་གཞིས་སུ་སོན་པ། བཀའ་མཆིད་བཟང་པོ་ལག་ཏུ་སོན། སྤུས་ཚད་ཡང་རྩེར་སོན་པ། |
| སོན་ཕན |
རྒྱ རྩིས་རྒྱག་བྱེད་ཀྱི་གཞོང་པ། |
| སོན་འགྲོ |
ཞིང་ཁའི་ས་རྒྱར་གཞིགས་ནས་སོན་ཇི་ཙམ་འགྲོ་བའི་རྩི་ལུགས་ལྔ་སྐོར་དྲུག་སྐོར་སོགས་ལྟ་བུ། |
| སོན་འགྲོ་བོགས་འགྲོ |
ཡུལ སྔར་བོད་ས་གནས་སྲིད་གཞུང་སྐབས་ཞིང་པ་ཚོས་ཞིང་བདག་ལ་བོགས་མ་འཇལ་སྐབས་ས་ཞིང་ལ་སོན་ཁལ་ཅི་ཙམ་འགྲོ་བའི་ཚོད་ཀྱི་འབྲུ་འབུལ་དགོས་པའི་བོགས་མ། |
| སོབ |
(རྒྱན་ཚིག) དངོས་རྫས་ཀྱི་ནང་ངམ་ཁོང་ཚགས་ལྷོད་ཅིང་སྙི་མོ་ཡིན་པའི་དོན་ཏེ། ཆུ་ལྦུ་བ་སོབ་སོབ། ས་སོབ་ན་མྱུག་གུ་འབུས་སླ་ལྟ་བུ། བསབ་ཀྱི་སྐུལ་ཚིག་གི་འབྲི་ཚུལ་གཞན། |
| སོབ་པ |
སྙིང་པོ་མེད་པའི་ཁོང་སྟོང་གི་དོན་དུ་གོ་བའི་གསོབ་པ་དང་འདྲ། |
| སོབ་སོབ |
སྙིང་པོ་མེད་པའི་ཁོང་སྟོང་ངམ། མཁྲེགས་པོ་མིན་པའི་འབོལ་པོ། ཞིང་ས་སོབ་སོབ། |
| སོབ་སྟན |
རྩྭའམ་སྤུ་སོབ་སོབ་ཀྱི་གདན་ཡང་བའམ་འབོལ་བ། |
| སོབས |
གསོབ་པའི་སྐུལ་ཚིག་2.བསབ་ཀྱི་སྐུལ་ཚིག |
| སོབས |
སྐུལ་ཚིག་སྟེ། ཁ་སོབས་ཤིག་ལྟ་བུ། དངོས་རྫས་ཤིག་ལ་དངོས་རྫས་གཞན་བསྲེ་བའི་དོན་ཏེ། ཆུ་ཁོལ་ལ་ཆུ་འཁྱག་བསབས། ཆང་ལ་ཆུ་མ་གསབ་ལྟ་བུ། ０བསྐྱིས་པའི་དངོས་རྫས་ལ་སྐྱིན་པ་བྱིན་པའམ་བུ་ལོན་སོགས་འཇལ་བའི་དོན་ཏེ། བུ་ལོན་བསབ། སྐྱིན་བ་བསབས་ལྟ་བུ། |
| སོམ་གཞིག |
དཔྱད་པ་གཏོང་བའི་བློའི་མིང་སྟེ། གནད་དོན་གལ་ཆེན་ལ་སོམ་གཞིག་ལེགས་པར་བྱས་ལྟ་བུ། |
| སོམ་ཉི |
ཐེ་ཚོམ་གྱི་མིང༌། སོམ་ཉི་ཟ་བ། སོམ་ཉི་ཟློག་པ། སོམ་ཉིའི་དྲ་བ། སོམ་ཉི་བྱ་བའི་གནས། |
| སོམས |
སེམས་པའི་སྐུལ་ཚིག་ |
| སོམས |
སྐུལ་ཚིག་སྟེ། སྔར་གྱི་སྡུག་བསྔལ་སོམས། ད་ལྟའི་བདེ་སྐྱིད་སོམས་ལྟ་བུ། |
| སོར |
སྔར་གནས་སམ་སྔར་ཡོད་ཀྱི་རྣམ་པ་སྟེ། སྔོན་གྱི་གོམས་འདྲིས་གྱི་བཟང་བ་རྣམས་བཞག སྔར་གྱི་རི་མོ་བཟང་བོ་རྣམས་སོར་གནས། ལུས་ཕུང་སོར་ཆུད་ལྟ་བུ། སོར་མོ་ལ་ལྟོས། |
| སོར་གང |
ཚོན་གང་གི་ཕྱེད་ཆ་ཞིག |
| སོར་གདུབ |
སོར་མོའི་རྒྱན། |
| སོར་གནས |
སོ་ན་གནས་པ་ཟེར་བའི་བསྡུས་ཚིག་སྟེ་རང་འཇགས་སུ་གནས་པ། དབང་ཆ་སོར་གནས། སྲོལ་ངན་སོར་མ་གནས། སོར་གནས་རྒྱུན་འཁྱོངས། |
| སོར་གྲངས་འདོམ་བསྒྲིལ |
སོར་མོའི་གྲངས་འབོར་མཐོ་དང་ཁྲུ་འདོམ་བཅས་རིམ་བཞིན་གོང་དུ་བསྒྲིལ་བ་སྟེ་དཔེར་ན་སོར་བརྒྱད་ཅུ་ནི་འདོམ་མེད་ཁྲུ་གསུམ་མཐོ་མེད་སོར་བརྒྱད་ཡོད། |
| སོར་ཆུད |
ཉམས་པ་རང་སོར་བྱུང་བ། མི་ཉམས་གོང་འཕེལ་དང༌། ཉམས་པ་སོར་ཆུད་ཡོང་བ་བྱེད། |
| སོར་བཞག |
རང་སར་བཞག་པའམ་རང་མལ་དུ་བཞག་པ། སྔར་གནས་སོར་བཞག |
| སོར་བཤགས་ཀྱི་སྡེ |
དགེ་སློང་གི་སྤང་བྱ་ལྟུང་བ་སྡེ་ལྔའི་ནང་གསེས། སྨྲེ་སྔགས་འདོན་པའི་རྣམ་པས་སོ་སོར་བཤགས་པར་བྱ་བའི་སྡེ་ཞེས་བྱ་སྟེ། རབ་བྱུང་དང་ཁྱིམ་པའི་གཞི་ལས་གྱུར་པ་གཉིས་ཡོད་དོ། |
| སོར་བཤགས་བཞི |
དགེ་སློང་གི་སྤང་བྱ་ལྟུང་བ་སྡེ་ལྔའི་ནང་གསེས། སོ་སོར་བཤགས་པའི་སྡེ་ལ་བཞི་སྟེ། ཡུལ་དགེ་སློང་མ་ལ། དགེ་སློང་མ་རང་ཉིད་ཀྱི་འཚོ་བའི་བསོད་སྙོམས་དེ་དགེ་སློང་གིས་བསླངས་ནས་ལོངས་སྤྱོད་པ་དང༌། སྦྱིན་བདག་གི་གནས་སུ་དགེ་སློང་མ་གཞན་རང་ལ་དམིགས་བསལ་དུ་ཟས་འབྲིམ་དུ་བཅུག་སྟེ་ཟས་ལེན་པ་དང༌། ཁྱིམ་གྱི་བསླབ་སྡོམ་བྱིན་པའི་སྦྱིན་བདག་གི་ནང་ནས་ཟས་བསླངས་ཏེ་ལོངས་སྤྱོད་པ་དང༌། འཇིགས་པ་དང་བཅས་པའི་གནས་སུ་ཆོམ་རྐུན་སོགས་ཡོད་མེད་མ་མྱུལ་བར་ཟས་ལ་ལོངས་སྤྱོད་པ་སྟེ་བཞིའོ། |
| སོར་མདོ |
སོ་སོར་ཐར་པའི་མདོའི་བསྡུས་མིང༌། |
| སོར་མོ |
1 མཛུབ་མོ་སྟེ། རྐང་ལག་གི་ཉིང་ལག རྐང་སོར། ལག་སོར། དཀྱིལ་སོར། མཐའ་སོར། སོར་མོ་མཐའ་ལྟག སོར་ཆུང༌། སོར་མོ་འཇར་མ། སོར་མོ་དྲུག་པ། སོར་འཇས། སོར་མོ་འབྱར་བ། སོར་མོ་བཅུ་ནས་ག་བཅད་ཚ། མིང་གི་རྣམ་གྲངས་ལ་ལག་པའི་ཡལ་གའོ། 2 རིང་ཐུང་འཇལ་བྱེད་ཀྱི་ཚད་ཅིག་སྟེ་ནས་འབྲུ་བདུན་བསྒྲིགས་པའི་ཚད། རྩེ་སོར། དཀྱིལ་སོར། 3 རྐང་ལག་གཉིས་སོ་སོར་སོར་མོ་བཅུ་རེ་ཡོད་པས་གྲངས་བཅུ་མཚོན། |
| སོར་མོ་བཞི་པ |
གྲོད་ཁོག་འཁྲུ་བ་ཉུང་དུ་གཏོང་བྱེད་ཀྱི་སྨན་ཞིག |
| སོར་མོ་རིང་བའི་མཚན་བཟང |
སངས་རྒྱས་ཀྱི་མཚན་བཟང་སུམ་ཅུ་སོ་གཉིས་ཀྱི་ནང་གསེས་ཤིག་སྟེ་གསད་པར་བྱ་བ་ལས་ཐར་པ་བྱས་པས་སོར་མོ་རིང་བ། |
| སོར་མོ་རྣམས་བྱིན་གྱིས་ཕྲ་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཡང་དག་པར་མཐར་གྱིས་སོ་སོར་ཞུགས་པ་ཉིད་ཀྱིས་སོར་མོ་རྣམས་བྱིན་གྱིས་ཕྲ་བ། |
| སོར་མོ་རྣམས་ཟླུམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཚུལ་ཁ་ན་མ་ཐོ་བ་མེད་པ་ཉིད་ཀྱིས་སོར་མོ་རྣམས་ཟླུམ་པ། |
| སོར་མོ་རྣམས་རྒྱས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་དགེ་བའི་རྩ་བ་བསགས་པ་ཉིད་ཀྱིས་སོར་མོ་རྣམས་རྒྱས་པ། |
| སོར་མོ་ལྔ |
ལག་པའི་སོར་མོ་ལྔ་སྟེ། མཐེ་བོང༌། མཛུབ་མོ། གུང་མོ། སྲིན་ལག་མཐེའུ་ཆུང་ངོ། |
| སོར་མོའི་ཐུ་བོ |
མངོན མཐེ་བོང༌། |
| སོར་མོའི་དཔེ་བྱད་གསུམ |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སོར་མོ་རྣམས་ཟླུམ་པ་དང༌། སོར་མོ་རྣམས་རྒྱས་པ་དང༌། སོར་མོ་རྣམས་བྱིན་གྱིས་ཕྲ་བ་བཅས་གསུམ་མོ། |
| སོར་མོའི་ནེའུ་ལེ |
སོར་མོའི་མདུན་ངོས་ཀྱི་རྩེ་མོར་རི་དང་མཚོའི་དབྱིབས་ཀྱི་རི་མོ་ཡོད་ས་དེའི་མིང༌། |
| སོར་མོའི་ཕྲེང་བ |
སྔར་རྒྱ་གར་གྱི་རྒྱལ་པོ་གདུག་རྩུབ་ཅན་ཞིག་ཡིན་པ་དེས་མི་གྲངས་གོ་དགུ་བསད་དེ་མི་རེའི་སོར་མོ་རེ་བླངས་ཏེ་སྐེ་ཕྲེང་བཟོ་སྐབས་བརྒྱ་ལ་གཅིག་གིས་མ་ཚང་བས་ཤཱཀྱ་མུ་ནེ་བཀྲོང་རྩིས་བྱེད་སྐབས་བཅོམ་ལྡན་འདས་ཀྱིས་ཆོས་གསུངས་ཏེ་ཁོའི་རྒྱུད་བཏུལ། རབ་ཏུ་བྱུང་ནས་དགྲ་བཅོམ་པའི་གོ་འཕང་ཐོབ་པ། |
| སོར་མོའི་ཚིགས |
མཛུག་གུའི་རུས་པའི་ལྷུ་དུམ་གྱི་བར་མཚམས། |
| སོར་ཚད |
སོར་མོའི་ཞེང་ཚད། སོར་གང༌། སོར་དོ། |
| སོར་ཚིགས |
སོར་མོའི་ཚིགས་ཀྱི་བསྡུས་མིང༌། |
| སོར་ཟླུམ |
སོར་མོ་རིལ་རིལ་ཆགས་པ། |
| སོར་རིས |
རྐང་ལག་གི་སོར་མོའི་རི་མོ། |
| སོར་རྟོག་ཡེ་ཤེས |
ཡེ་ཤེས་ལྔའི་ཡ་གྱལ་ཞིག |
| སོར་རྡེའུ |
མཐེབ་སོར་བར་ནས་འཕེན་པའི་རྡེའུ། རྩལ་ཅན་གྱིས་སོར་རྡེའུ་འཕངས་པས་བཏུལ། |
| སོར་རྡོ |
སོར་རྡེའུ་དང་དོན་གཅིག་ |
| སོར་ལྕིབས |
འཚེམ་བུ་རྒྱག་སྐབས་མཛུབ་མོ་སྐྱོབ་བྱེད་ཀྱི་ལག་ཆ། |
| སོར་ལྡེམ |
སྔོ་ཞིག་མིག་ནད་ལ་ཕན། |
| སོར་སོར |
དབུགས་ཀྱི་ལྷག་མ་མགྲིན་སྦུག་ནས་འབྱིན་སྟངས་ཤིག |
| སོར་སྐོར |
སོར་མོས་སྐོར་བ། |
| སོར་སྐྱོབ |
སོར་ལྕིབས་དང་དོན་གཅིག་ |
| སོར་སྡོམ |
སོ་ཐར་སྡོམ་པའི་བསྡུས་མིང༌། |
| སོལ |
1. སེལ་བའི་སྐུལ་ཚིག 2. སོལ་དུ་འཁྱུད་གསུམ་གྱི་སོལ་ཏེ་འདས་པའི་དོན། |
| སོལ་ཁྲལ |
སྔར་བོད་ས་གནས་སྲིད་གཞུང་སྐབས་འབྲོག་ཁུལ་མི་སེར་གྱི་ས་ནས་བསྡུ་བའི་སོལ་བའི་ཁྲལ། |
| སོལ་དུ་འཁྱུད་གསུམ |
སོལ་ནི་འདས་པ། དུ་ནི་མ་འོངས་པ། འཁྱུད་ནི་ད་ལྟ་བ། |
| སོལ་ནག |
ཤིང་མེར་བསྲེགས་པའི་སོལ་བ། |
| སོལ་པིར |
སོལ་བ་ལས་བཟོས་པའི་པིར་སྨྱུག |
| སོལ་བ |
ཤིང་བསྲེགས་རྗེས་དབུགས་བཏུམས་ནས་བཟོས་པའི་འབར་རྫས་ནག་པོའི་མིང་། མེས་ཚིག་པའི་ཤིང་གི་རོ་མ་ནག་པོའི་མིང་། ０མདོག་དང་སྤྱོད་ཡུལ་སོལ་བ་དང་འདྲ་བའི་སྒོ་ནས་བཏགས་པ་ནི། རྡོ་སོལ་ཞེས་པ་ལྟ་བུ། １ཚིག་བསྡུས་ན་སོལ་ཞེས་འབྲི་ཆོག་སྟེ། ཤིང་སོལ། སོལ་མགལ་ཞེས་པ་ལྟ་བུ། |
| སོལ་མདོག |
སོལ་བའི་མདོག་སྟེ་ནག་པོ། |
| སོལ་མལ |
སོལ་བ་མེས་བསྲེགས་དྲགས་པའི་ཞུན་ཐིགས་ལྕགས་གོང་ལྟ་བུར་གྱུར་པ། |
| སོལ་རིས |
སོལ་བས་བྲིས་པའི་རི་མོ། |
| སོལ་རྡོ |
བྲག་སྲུབས་སོགས་ནས་ཐོན་པའི་རྡོ་རིགས་མདོག་ནག་པོ་སོལ་བ་དང་འདྲ་བ་ཞིག་སྟེ། ནུས་པས་རྨ་འབྲུབ། ཆུ་སེར་སྐེམ། |
| སོལ་རླངས |
རྡོ་སོལ་གྱི་རླངས་པ། འབར་རྫས་དང་རྫས་འགྱུར་གྱི་རྒྱུ་ཆ་ཞིག |
| སོས |
(བྱེད་མེད་ལས་ཚིག) <ཀ>སོར་ཆུད་པའི་དོན་ཏེ། ནད་དྲག་ནས་ལུས་སོས་ལྟ་བུ། <ཁ>སྲོག་འཚོ་ཐུབ་བྱུང་བའི་དོན་ཏེ། ལུ་གུ་འཆི་ལ་ཁད་ཅིག་ཡོད་པ་དེའང་གསོས་ནས་སོས་ལྟ་བུ། <ག>ངེས་པར་མཁོ་བའི་ཆ་རྐྱེན་འཛོམས་པའི་དོན་ཏེ། གསོ་ཡི་སྐུལ་ཚིག་གི་འབྲི་ཚུལ་གཞན། གསོ་ཡི་སྐུལ་ཚིག་གི་འབྲི་ཚུལ་གཞན། ０སོ་ལ་བྱེད་སྒྲ་སྦྱར་བ། |
| སོས་ཀ |
1 དཔྱིད་ཀ། 2 འདུལ་བའི་ལུགས་ལྟར་ན་ཧོར་ཟླ་གསུམ་པ་དང་བཞི་པ། སྐར་རྩིས་ཀྱི་ལུགས་ལྟར་ན་ཧོར་ཟླ་བཞི་པའི་བཅུ་དྲུག་ནས་དྲུག་པའི་བཅོ་ལྔའི་བར་སྟེ་ཟླ་བ་གཉིས། མིང་གི་རྣམ་གྲངས་ལ་ངེས་པར་སྲེག་དང༌། ཚ་གདུང་ཅན། ཚ་ཟླ། ཚད་ཆེན། ཚད་དུས་བཅས་སོ། |
| སོས་ཀ་བཞད |
མངོན འཇའ་དྲང་པོ། |
| སོས་གདལ |
1 ལྷོད་པོའམ་དལ་པོ། 2 སྙོམ་ལས་སམ་ལེ་ལོ། |
| སོས་དལ |
(རྒྱན་ཚིག) ཁོམ་པ་ཡོད་པའི་དོན་ཏེ། ཁ་སོས་དལ་མེད་པར་སྐད་ཆ་བཤད། ལག་སོས་དལ་མེད་པར་ལས་ཀ་ལས་ལྟ་བུ། |
| སོས་པ |
1. ཐ་མི་དད་པ 1 སྐྱེ་ཞིང་འཕེལ་བ། ཤིང་སོན་སོས་པ། སྒོ་ཕྱུགས་ཀྱི་འབོར་གྲངས་ཆེས་ཆེར་སོས་པ། 2 བསྐྱར་གསོ་བྱུང་བ། ནད་སོས་པ། ཉམས་པ་སོས་པ། བདེ་བར་ངལ་སོས། 2. ཡུལ བསོད་པ་སྟེ་གསར་པ། མེ་ཏོག་སོས་པ། |
| སོས་ཕྲུམ་ཕྲུམ |
ཡུལ གསར་པ། ཆར་པ་བཏང་བས་མེ་ཏོག་རྣམས་སོས་ཕྲུམ་ཕྲུམ་བྱས་འདུག |
| སོས་བཅེམ |
རྙིང སོས་མུར་ཟིན་པ། |
| སོས་བླད |
རྙིང བཟའ་བ་དང་བཅའ་བའི་རིགས་སོས་དལ་གྱིས་སྣུར་ཞིང་ཟ་བ། |
| སོས་ཟིན |
1 ཕོ་རྟགས་ལངས་ནས་སྙི་པོར་མི་འགྱུར་བའི་ནད། 2 མཚན་མ་ལ་སོ་རྒྱག་པ་ལྟ་བུར་པགས་པ་འགས་ཤིང༌། ཁྲག་འཛག་པའི་ཕོ་མཚན་གྱི་ནད་ཅིག |
| སོས་འཆེམ |
རྙིང སོས་ལྡད། |
| སོས་ལྡད་པ |
བ་གླང་སོགས་ཀྱིས་ལྟོ་བཟས་པ་སླར་ཡང་ཁ་ནང་དུ་དྲངས་ཏེ་ལྡད་རྒྱག་པ། |
| སཽ་མ་པུ་རི |
རྒྱ་གར་གྱི་དགོན་པ་ཞིག |
| སཾ་ཀྲྀ་ཏི |
སཾསྐྲྀཏའི་འབྲི་སྲོལ་གཞན་ཞིག་ |
| སཾསྐྲྀཏ |
ལེགས སྐད་རིགས་ཆེན་པོ་བཞིའི་ཡ་གྱལ་ཞིག་སྟེ། སྤྱི་ལོའི་སྔོན་དུས་རབས་བཞི་པའི་སྐབས་ཀྱི་རྒྱ་གར་གྱི་སྐད་ཡིག་ལ་ཟེར་ཞིང༌། སྐད་ཡིག་དེའི་བསྟན་བཅོས་ཤིན་ཏུ་མང༌། སྔོན་སྟོན་པ་ཤཱཀྱ་ཐུབ་པ་དགའ་ལྡན་ལྷ་ཡུལ་དུ་ཕེབས་སྐབས་སྐད་འདིའི་ཐོག་ནས་ལྷ་རྣམས་ལ་ཆོས་སྟོན་པར་གྲགས་པས་མིང་ཡང་ལྷའི་སྐད་དམ། ལེགས་སྦྱར་སྐད་ཀྱང་སྨྲའོ། |
| སྐ་ཅིག |
སྐད་ཅིག་མ་དང་དོན་གཅིག་ |
| སྐ་ཅོག་ཞང་གསུམ |
ལོ་ཙཱ་བ་གཞོན་པ་གསུམ་སྟེ། དུས་རབས་བརྒྱད་པ་བོད་རྒྱལ་ཁྲི་སྲོང་སྐབས་ཀྱི་ལོ་ཙཱ་བ་སྐ་བ་དཔལ་བརྩེགས་དང༌། ཅོག་རོ་ཀླུའི་རྒྱལ་མཚན། ཞང་ཡེ་ཤེས་སྡེ་གསུམ་གྱི་བསྡུས་མིང༌། |
| སྐ་བ |
1 1 སྔར་བོད་ཀྱི་རིགས་རུས་ཤིག་སྟེ་ལོ་ཙཱ་བ་སྐ་བ་དཔལ་བརྩེགས་ཀྱི་རུས་རྒྱུད། 2 རོ་དྲུག་གི་བྱེ་བྲག་ཨ་རུ་རའི་རོ་ལྟ་བུ། 2. ཟན་དང་ཐུག་པ་སོགས་སླ་མིན་གར་པོ། འབྲས་ཐུག་སྐ་བ། ཐུག་པ་སྐ་སླ་རན་པ། |
| སྐ་བ་དཔལ་བརྩེགས |
ཁྲི་སྲོང་སྡེ་བཙན་སྐབས་སུ་བྱུང་བའི་ལོ་ཙཱ་བ་སྐ་ཅོག་ཞང་གསུམ་གྱི་ཡ་གྱལ་ཞིག |
| སྐ་རགས |
ལྭ་བ་རྐེད་པར་འཆིང་བྱེད་ཀྱི་མིང་། |
| སྐ་རགས་ཅན |
མངོན ས་གཞི། |
| སྐ་རགས་ཡུལ |
མངོན སྐེད་པ། |
| སྐ་རིང་མཚོ |
ཚྭ་མཚོ་ཞིག་བོད་རང་སྐྱོང་ལྗོངས་ཀྱི་མཚོ་ཆེན་རྫོང་གི་དབུས་སུ་ཡོད། |
| སྐ་སླ |
གར་པོ་དང་སླ་པོ། |
| སྐག |
1 དུས་ངེས་ཅན་གྱི་བར་ཆད་ཅིག ལོ་སྐག ཟླ་སྐག ཞག་སྐག དུས་སྐག 2 རྒྱུ་སྐར་ཉི་ཤུ་རྩ་བརྒྱད་ཀྱི་ནང་གསེས་ཤིག་གི་མིང༌། མིང་གི་རྣམ་གྲངས་ལ་གདེངས་ཅན་ལྷ་མོ་དང་ཝའོ། 3 རྙིང རྒྱ་ཚོས། |
| སྐག་རྩིས |
མི་སོ་སོའི་སྐྱེ་དུས་ལ་བརྟེན་ནས་ལོ་སོགས་ལ་བར་ཆད་ཡོད་མེད་གཏན་ལ་འབེབས་བྱེད་ཀྱི་རྩིས། |
| སྐག་ལས་སྐྱེས |
མངོན དུ་བ་མཇུག་རིང༌། |
| སྐང་ར |
ཡིད་ཚིམ་པར་མ་བྱས་པ་ལ་མ་དགའ་བར་བཤད་པའི་སྐད་ཆའི་མིང་སྟེ། སྐང་ར་མ་བཤད་ལྟ་བུ། འཁང་ར་དང་དོན་གཅིག འཁང་ལ་ལྟོས། |
| སྐད |
1 1 སྐད་ཆའི་བསྡུས་ཚིག 2 དོན་ལྡན་པ་དང་མི་ལྡན་པའི་མཉན་བྱའི་སྒྲ། འབྲུག་སྐད། ཁྱི་སྐད། བྱ་སྐད། སྙིང་རྗེའི་སྐད། འུར་སྐད། སྡུག་སྐད། སྐད་ཕྲ་བ། སྐད་སྦོམ་པ། སྐད་འབྱིན་པ། སྐད་གྲག་པ། ཁུ་བྱུག་གིས་སྐད་འདོན་པ། 2. ལོ་གྲག་ཟེར་གསུམ་གྱི་དོན། སང་ཉིན་ཡོང་གི་ཡིན་སྐད། ཁོང་ཡོན་ཏན་ཅན་ཡིན་སྐད། |
| སྐད་ཀྱི་ང་རོ |
སྐད་ཀྱི་གདངས་ཏེ། སྐད་ཆ་བཤད་པ་དང་དཔེ་ཆ་ཀློག་པ་སོགས་ཀྱི་སྒྲ་གདངས། |
| སྐད་ཀྱི་ཡན་ལག་དྲུག |
འགྱུར་བ་དང༌། ཁུག་པ། འདེགས་པ། འཇོག་པ། སྦོམ་པོ། ཕྲ་བ་སྟེ་དྲུག |
| སྐད་གཅོམ |
གྲོས་མོལ་ལམ་གཏམ་གྱིས་བསྡུར་བ། ཚང་མས་སྐད་གཅོམ་བཟང་པོ་བྱས། |
| སྐད་གཉའ |
སྐད་ཤུགས། ཁོའི་སྐད་གཉའ་ཆག་འདུག |
| སྐད་གཉིས་པ |
1 སྐད་གཉིས་ཤེས་མཁན། 2 མངོན ནེ་ཙོ། |
| སྐད་གཉིས་ཤན་སྦྱར |
གོ་དོན་གཅིག་པའི་ཡིག་རིགས་ཁག་གཉིས་མཉམ་དུ་བསྒྲིགས་པ། |
| སྐད་གཉིས་ཤན་སྦྱར་ནོར་བུའི་དོ་ཤལ |
ཉེ་བར་མཁོ་བའི་ལེགས་སྦྱར་གྱི་སྐད་བོད་ཀྱི་བརྡ་ཀཱ་ལིའི་འཕྲེང་བསྒྲིགས་ངོ་མཚར་ནོར་བུའི་དོ་ཤལ་ཞེས་བྱ་བ་མདོ་མཁར་ཞབས་དྲུང་གིས་སྤྱི་ལོ་1733 ལོར་བསྒྲིགས་པ་ཞིག |
| སྐད་གཉིས་སྨྲ་བ |
སྐད་རིགས་མི་འདྲ་བ་གཉིས་ཤེས་པའི་ལོ་ཙཱ་བ་སྟེ། སྐད་སྒྱུར་མཁན། |
| སྐད་གདངས |
སྐད་ཀྱི་སྒྲའམ། རྣམ་པ། སྐད་གདངས་སྙན་པོ། |
| སྐད་གཟེངས |
སྐད་གསང་ངམ། སྐད་འཕང༌། |
| སྐད་གསང |
སྐད་ཀྱི་གདངས། སྐད་གསང་མཐོན་པོས་དགའ་འབོད་བྱེད། སྐད་གསང་མཐོན་པོས་སྙན་ཚིག་ཀློག |
| སྐད་གསང་པོ |
སྒྲ་གདངས་གསལ་ཞིང་མཐོ་བ། སྐད་གསང་པོ་ཕྱོགས་ཀུན་ལ་གོ། |
| སྐད་གསར་བཅད |
འབྲི་ཀློག་མི་བདེ་བའི་བརྡ་རྙིང་འགའ་ཞིག་གི་ཟུར་དོར་ཏེ་ཀློག་འདོན་བདེ་བའི་ཡིག་སྐད་གཏན་ལ་ཕབ་པ་དཔེར་ན་ད་དྲག་དོར་བ་དང་མྱེ་དང་འགྱོ་ཞེས་པ་མེ་དང་འགྲོ་ཞེས་པར་ཟོར་ཡང་དུ་བཏང་བ་ལྟ་བུ། ཡ ད |
| སྐད་གསར་བཅད་རྣམ་པ་གསུམ |
འབྲི་ཀློག་མི་བདེ་བའི་བརྡ་རྙིང་འགའ་ཞིག་གི་ཟུར་དོར་ཏེ་ཀློག་བདེ་བའི་སྐད་ཡིག་གཏན་ལ་ཕབ་པ་གསུམ་སྟེ། བཙན་པོ་ཁྲི་སྲོང་ལྡེའུ་བཙན་ནས་མངའ་བདག་ཁྲི་རལ་པ་ཅན་ཡན་ཆད་དུ་སྐ་ཅོག་ཞང་གསུམ་ལ་སོགས་པས་བཀས་བཅད་ལན་གཉིས་བྱས་ཤིང་བཀས་བཅད་གསུམ་པ་ནི་ལྷ་བླ་མ་ཡེ་ཤེས་འོད་ཀྱི་དུས་སུ་བྱོན་པའི་ལོ་ཙཱ་ཆེན་པོ་རིན་ཆེན་བཟང་པོ་ནས་དྷརྨ་པཱ་ལ་བྷ་དྲའི་བར་དུ་བྱོན་པ་རྣམས་ཀྱིས་བྱས་པ་ཡིན། |
| སྐད་གསལ |
སྐད་ཀྱི་སྒྲ་མཐོན་པོའམ། གསལ་པོ། ཐག་རིང་ནས་མེ་སྒྱོགས་ཀྱི་སྐད་གསལ་ལ་མི་གསལ་ཞིག་གོ་བྱུང༌། |
| སྐད་གྲག |
གྲག་པ་སྟེ་སྒྲོག་པ། ཐོ་རེངས་བྱ་སྐད་གྲག ཉིན་མོ་ཁྱི་སྐད་གྲག གནམ་ནས་འབྲུག་སྐད་གྲག |
| སྐད་གྲགས |
མིང་གྲགས། སྐད་གྲགས་ཡོངས་སུ་ཁྱབ་པ། སྐད་གྲགས་ཆེན་པོ། ཁོ་སྨན་པ་མཁས་པ་སྐད་གྲགས་ཡོད་པ་ཞིག་རེད། |
| སྐད་ངན |
1 མི་ཤིས་པའི་སྐད། 2 སྡུག་བསྔལ་བའི་སྐད། |
| སྐད་ཅ |
སྐད་ཆ་དང་འདྲ། |
| སྐད་ཅིག |
དུས་ཧ་ཅང་ཐུང་བ་ཞིག་གི་མིང་སྟེ། སྐད་ཅིག་དེ་ཉིད། སྐད་ཅིག་ཉིད་ལ་ཞེས་པ་ལྟ་བུ། |
| སྐད་ཅིག་གསལ་བ |
སྐད་ཅིག་འོད་དང་དོན་གཅིག་ |
| སྐད་ཅིག་ཆ་མེད |
རང་གི་བདག་ཉིད་དུ་གྱུར་པའི་སྐད་ཅིག་སྔ་ཕྱི་མེད་པའི་དངོས་པོ་སྟེ། དུས་ཡུན་ཤིན་ཏུ་ཐུང་བ་ལས་ཀྱང་ཆེས་ཐུང་བ་ཞིག |
| སྐད་ཅིག་དཀྲོང་བསྐྱེད |
ལྷ་སྐུ་དཀྱིལ་འཁོར་དང་བཅས་པ་གློ་བུར་དུ་ཡོངས་སུ་རྫོགས་པར་གསལ་འདེབས་པ། |
| སྐད་ཅིག་དབུགས |
མངོན སྲམ། |
| སྐད་ཅིག་མ |
ཀྵནཾ ཡུད་ཙམ་མམ། ཐང་ཅིག་སྟེ་དུས་ཡུན་ཧ་ཅང་ཐུང་ངུ་ཞིག་ཡིན་པ་འདི་ལ་རང་རྒྱུད་པ་མན་ཆད་ཀྱི་སྐྱེས་བུའི་སེ་གོལ་གཅིག་གི་ཡུན་ཚད་ཆ་དྲུག་ཅུ་རེ་ལྔར་ཕྱེ་བ་རེར་འཛིན་ཅིང་ཐལ་འགྱུར་བས་ཆ་སུམ་བརྒྱ་དང་རེ་ལྔར་ཕྱེ་བའི་ཡུན་དུ་འདོད། སྐད་ཅིག་སྐད་ཅིག སྐད་ཅིག་ཉིད། སྐད་ཅིག་ཀྱང་བར་མ་ཆད་པ། དུས་ཚོད་སྐད་ཅིག་ཀྱང་མི་གནས་པ། གཏན་དུ་རང་དོན་སྐད་ཅིག་མི་བསམ་པ། དཔུང་གི་ཚོགས་ཀྱིས་སྐད་ཅིག་ཉིད་དུ་སྐོར་བར་བྱེད་པ། |
| སྐད་ཅིག་མ་གཉིས |
དུས་མཐའི་སྐད་ཅིག་མ་དང་བྱ་རྫོགས་ཀྱི་སྐད་ཅིག་མ། |
| སྐད་ཅིག་མའི་རྟེན་འབྲེལ |
སྐད་ཅིག་རེ་རེ་ལ་འབྱུང་བའི་རྟེན་འབྲེལ། |
| སྐད་ཅིག་མའི་སྦྱོར་བ |
སྐད་ཅིག་མ་གཅིག་གིས་མངོན་པར་རྫོགས་པར་བྱང་ཆུབ་པའི་སྦྱོར་བ་སྟེ། མཁྱེན་གསུམ་གྱི་རྣམ་པ་མཐར་གྱིས་བསྒོམས་པ་ལས་བྱུང་བའི་སེམས་དཔའི་རྣལ་འབྱོར་མཐར་ཐུག་སྟེ། ཤེར་ཕྱིན་དངོས་པོ་བརྒྱད་ཀྱི་གྲས་ཤིག |
| སྐད་ཅིག་མའི་སྦྱོར་བའི་ཆོས་བཞི |
ཤེར་ཕྱིན་དོན་བདུན་ཅུ་ལས་སྦྱོར་བ་བཞིའི་ཆོས་སོ་དྲུག་གི་ནང་ཚན། སྐད་ཅིག་མའི་སྦྱོར་བ་མཚོན་བྱེད་ཀྱི་ཆོས་བཞི་སྟེ། རྣམ་པར་སྨིན་པ་མ་ཡིན་པའི་སྐད་ཅིག་མའི་སྦྱོར་བ་དང༌། རྣམ་པར་སྨིན་པའི་སྐད་ཅིག་མའི་སྦྱོར་བ་དང༌། མཚན་ཉིད་མེད་པའི་སྐད་ཅིག་མའི་སྦྱོར་བ་དང༌། གཉིས་སུ་མེད་པའི་སྐད་ཅིག་མའི་སྦྱོར་བ་བཅས་བཞིའོ། |
| སྐད་ཅིག་འདོད་ལྡན |
མངོན ཕུག་རོན། |
| སྐད་ཅིག་འོད |
མངོན གློག |
| སྐད་ཆ |
བརྗོད་བྱ་ཡོདཔའི་སྒྲའི་མིང་སྟེ་དེ་མི་རྣམས་ཀྱིས་སྐད་གདངས་རྣམས་སྒྲིག་རིམ་ངེས་ཅན་ལྟར་བསྒྲིགས་ནས་དོན་སྟོན་པ་དང་ཕན་ཚུན་བརྡ་སྤྲོད་བྱེད་ཅིག་ཡིན་ཞིང་། མིའི་རིགས་ཁོ་ནར་ཡོད་པའི་ཕན་ཚུན་བརྡ་སྤྲོད་བྱེད་ཅིག་ཡིན། སྐད་ཆ་ལ་ཡི་གེར་བཀོད་པའི་སྐད་ཆའང་འདུས་ཡོད། ཚིག་བསྡུས་ན་སྐད་ཅེས་འབྲི་ཆོག་སྟེ། རྒྱ་སྐད། བོད་སྐད། ཕལ་སྐད། ཡིག་སྐད། ཡིག་སྐུར། སྐད་སྐུར་ཞེས་པ་ལྟ་བུ། |
| སྐད་ཆའི་གླེང་གཞི |
བརྗོད་གཞི། གྲོས་བསྡུར་གྱི་སྐད་ཆའི་གླེང་གཞི། |
| སྐད་ཉན་པ |
སྒྲ་སྐད་རྣམ་བས་ཉན་པ། |
| སྐད་ཐུང |
1 དུས་ཡུན་ཐུང་ཙམ་ལས་མི་འདོན་པའི་སྐད་གདངས། 2 ཐག་ཉེ་ས་ནས་ཚུར་འབོད་པའི་ངག |
| སྐད་དོད |
སྐད་ཀྱི་ཚབ། བོད་ཀྱི་ཐམས་ཅད་ཅེས་པའི་སྐད་དོད་དུ་རྒྱ་གར་བས་སརྦ༌༈ ཟེར། ཐམས་ཅད སརྦ༌༈ |
| སྐད་པ |
གྲག་པ་དང་ཟེར་བ། མཁས་པར་སྐད་པ། |
| སྐད་པར |
སྐད་སྒྲ་བཅུག་པའི་འཁོར་ལོ། |
| སྐད་པར་འཁྲོལ་འཛིན |
སྔར་ལྷ་སའི་མི་དམངས་ནས་སྨོན་ལམ་གྱི་དུས་སུ་སྐད་པར་བཏང་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| སྐད་པོ་ཆེ |
སྐད་གྲགས་ཆེན་པོ། |
| སྐད་བཟང |
1 སྐད་གསང་མཐོ་བ། 2 སྐད་སྙན་པོ། |
| སྐད་བརྙན |
བྲག་ཆ། |
| སྐད་བརྡ |
ངག་ཐོག་གི་བརྡའམ། གོ་བརྡ། སྐད་བརྡ་གཏོང་བ། ཕན་ཚུན་སྐད་བརྡ་འཕྲོད་ཀྱི་མི་འདུག |
| སྐད་མཉེན་པ |
གྲེ་འགྱུར་བདེ་བའི་སྐད་གདངས། |
| སྐད་མཐུན་པ |
1 སྐད་ལུགས་གཅིག་པ། 2 སྐད་ཀྱི་གདངས་མཐུན་པ། |
| སྐད་ཟུར་ཆག་པ |
ཐོག་མའི་སྐད་ཀྱི་སྒྲ་གདངས་གཞན་དུ་འགྱུར་བ་སྟེ་བྲག་རི་ལ་བག་རི་བརྗོད་པ་ལྟ་བུ། བྲག་རི བག་རི |
| སྐད་ཟུར་ཉམས་པ |
སྐད་ཟུར་ཆག་པ་དང་དོན་གཅིག་ |
| སྐད་འགགས |
རླུང་མཁྲིས་བད་ཀན་ཁྲག་ལ་སོགས་པའི་རྐྱེན་གྱིས་གྲེ་བར་ནད་ཕོག་ནས་སྐད་འགགས་པའི་ནད་རིགས་ཤིག |
| སྐད་འགྱུར |
1 གཞན་ཡུལ་དུ་ཡུན་རིང་བསྡད་ནས་རང་ཡུལ་གྱི་སྐད་བརྗེད་དེ་འགྱུར་བ། 2 གླུ་དབྱངས་ཀྱི་འགྱུར་ཁུག |
| སྐད་འཕང |
སྐད་གདངས། |
| སྐད་འཛེར |
གྲེ་བ་འཛེར་ཏེ་སྐད་ཇི་བཞིན་མི་ཐོན་པ། |
| སྐད་འུར |
མི་མང་འཚོགས་ནས་སྐད་སྒྲ་ཆེན་པོ་སྒྲོག་པ། |
| སྐད་ཡིག |
སྐད་ཆ་དང་ཡི་གེ། བོད་ཀྱི་སྐད་ཡིག རྒྱའི་སྐད་ཡིག སྔ་རབས་ཀྱི་སྐད་ཡིག མི་རིགས་ཀྱི་སྐད་ཡིག |
| སྐད་རིགས |
མི་རིགས་མི་འདྲ་བའི་སྐད་ཆའི་རྣམ་གྲངས་ཏེ་དཔེར་ན། རྒྱ་སྐད་དང༌། བོད་སྐད་ལྟ་བུ། སྐད་རིགས་མི་འདྲ་བ། |
| སྐད་རིགས་ཆེན་པོ་བཞི |
སྔར་རྒྱ་གར་གྱི་སྐད་རིགས་བཞི་སྟེ། སཾ་སྐྲྀ་ཏ་ནི་ལེགས་སྦྱར་གྱི་སྐད་དང༌། པྲ་ཀྲྀ་ཏི་ནི་རང་བཞིན་གྱི་སྐད། པི་ཤ་ཙི་ནི་ཤ་ཟའི་སྐད། ཨ་བ་བྷྲཾ་ཤ་ནི་ཟུར་ཆག་གི་སྐད་བཅས་བཞི། |
| སྐད་རིང |
1 གདངས་རིང་པོར་འདོན་པའི་སྐད། 2 ཐག་རིང་ནས་ཕར་ཚུར་འབོད་པའི་བརྡ་གཏོང་གི་ངག |
| སྐད་རྒྱག་པ |
1 སྐད་སྒྲ་སྒྲོག་པ། སྐད་རྒྱག་བརྡ་གཏོང༌། བྱ་སྐད་རྒྱག་པ། 2 སྡུག་སྐད་རྒྱག་པ། ཞུ་འབོད་སྐད་རྒྱག |
| སྐད་ལུགས |
སྐད་རིགས་སོ་སོའི་ནང་གསེས་ཡུལ་ལུང་མི་འདྲ་བའི་སྐད་ཆའི་འགྲོ་སྟངས་སམ་ཤོད་སྟངས། དཔེར་ན། ཁམས་སྐད་དང༌། དབུས་སྐད། གཙང་སྐད་ལྟ་བུ། ལུང་པ་རེ་རེ་ལ་སྐད་ལུགས་རེ་རེ། |
| སྐད་ལོག |
སྐད་ཅོར་ཆེ་བ། ཚོགས་འདུའི་གྲལ་དུ་སྐད་ལོག་མ་རྒྱག |
| སྐད་ཤོར་བ |
1 སྡུག་བསྔལ་ལམ། འཇིགས་སྐྲག་གིས་སྐད་ཐོན་པ། དངངས་སྐྲག་སྐྱེས་ཏེ་སྐད་ཤོར་བ། གཡང་དུ་ལྷུང་གྲབས་བྱས་པས་སྐད་ཤོར་བ། 2 འུ་ཐུག་པའི་གཏམ་ཐོན་པ། ཚ་ནད་མ་བཟོད་པར་སྐད་ཤོར་བ། ཉིན་མཚན་དལ་ཁོམ་མེད་པའི་ལས་བྲེལ་གྱིས་ཇི་ཙམ་མནར་ཀྱང་སྐད་ཤོར་མ་མྱོང༌། 3 སྐད་གདངས་ཉམས་པ། |
| སྐད་སྒྱུར |
1 སྐད་སྒྱུར་བ་པོ། 2 སྐད་རིགས་གཅིག་ནས་སྐད་རིགས་གཞན་ཞིག་ཏུ་སྒྱུར་བ། སྐད་སྒྱུར་ཉིས་སྦྲེལ། |
| སྐད་སྒྲ |
སྐད་དམ་སྒྲ། མི་མང་པོའི་སྐད་སྒྲ། |
| སྐད་སྙན་པོ |
1 རྣ་བར་འཇེབས་པ་དང་ཡིད་དུ་འོང་བའི་སྒྲ་གདངས། 2 མངོན བྱ་ཀ་ལ་པིང་ཀ། |
| སྐད་སྙན་སྒྱུར་བ |
དབྱངས་སྙན་སྒྲོགས་པའམ། གྲེ་འགྱུར་བྱེད་པ། |
| སྐན |
མནའ་འམ། ཐ་ཚིག་སྔོན་དུ་རེ་དང་སྦྱར་ནས་དགག་སྒྲ་ཤུགས་ཅན་དུ་སྒྲུབ་པའི་རྣམ་གཅོད་ཀྱི་ཕྲད་ཅིག རེ འགྲོ་རེ་སྐན། བྱེད་རེ་སྐན། ཡོད་རེ་སྐན། |
| སྐབས |
1 དུས་དང་ཚེ། དེང་སྐབས། གནའ་སྔ་མོའི་སྐབས། དེའི་སྐབས། བྲེལ་བ་ཆེ་སྐབས། མཚམས་འཇོག་སྐབས། གནས་སྐབས། 2 བར་མཚམས་སམ། དུས་མཚམས། བར་སྐབས་ཤིག ཚོགས་འདུ་སྐབས་དང་པོ། སྐེད་པའི་སྐབས། དཀུ་སྐབས། 3 རྩོམ་ཡིག་སོགས་ཀྱི་སྡེ་ཚན་དང་ལེའུ། སྐབས་གསུམ་པ། སྐབས་བར་མ། ཁྱོན་བསྡོམས་སྐབས་བཅུ་ཡོད། |
| སྐབས་གསུམ |
ཚེ་སྔ་ཕྱི་ད་ལྟ་གསུམ། |
| སྐབས་གསུམ་གནས |
མངོན མཐོ་རིས། |
| སྐབས་གསུམ་དབང |
མངོན བརྒྱ་བྱིན། |
| སྐབས་གསུམ་པ |
མངོན ལྷ་སྤྱིའི་མིང་སྟེ། སྐྱེ་བ་དང་གནས་པ། འཇིག་པ་བཅས་ཀྱི་སྐབས་གསུམ་ལས་མེད་པ་དང༌། ཡང་ན་སྔོན་གྱི་གནས་སྐབས་དང༌། ད་ལྟའི་གནས་སྐབས། ཕྱི་མའི་གནས་སྐབས་གསུམ་ཤེས་པས་མིང་དེ་ལྟར་བཏགས་པ། |
| སྐབས་གསུམ་བཏུང་བ |
མངོན ལྷའི་བདུད་རྩི། |
| སྐབས་ཐོབ |
གོ་སྐབས་བྱུང་བ། ཞབས་འདེགས་ཞུ་བའི་སྐབས་ཐོབ་སོང༌། |
| སྐབས་དོན |
1 སྐབས་སུ་བབ་པའི་དོན། འཕྲོས་གཏམ་བཞག་སྟེ་སྐབས་དོན་བརྗོད་པ། 2 ད་ལྟའི་གནས་ཚུལ། |
| སྐབས་ཕྱིན་པ |
1 དཀུ་སྐབས་ཕྱེད་པ། 2 གོ་སྐབས་ཐོབ་པ་དང༌། ཤར་བ། ཕན་ཚུན་གྲོས་བསྡུར་བྱེད་པའི་སྐབས་ཕྱིན་པ། བྲེལ་བ་ལང་བའི་སྐབས་ཕྱིན་པ། |
| སྐབས་ཕྱེད་པ |
1 དུས་སྐབས་ཡོང་བར་བྱས་པ། 2 དཀུ་སྐབས་ཕྱེད་པ་སྟེ་རྐེད་པ་ཕྲ་བ། |
| སྐབས་བབ |
1 དུས་དེ་ཉིད་ལ་འཁེལ་བ། སྐབས་བབ་ཀྱི་དགོས་མཁོ། སྐབས་བབ་ཀྱི་ལས་འགན། 2 དུས་སུ་སླེབས་པ། དགྲ་འགོག་སྐབས་བབ་གོ་ཆ་བགོས། སོན་འདེབས་སྐབས་བབ་རྨོན་སློག་རྒྱོབ། |
| སྐབས་བསྟུན |
བབ་ལ་གཞིགས་པ། སྐབས་བསྟུན་གང་བདེ་བྱེད། སྐབས་བསྟུན་བསྙད་འཚོལ། |
| སྐབས་མཆིས |
དུས་ཚོད་ཡོད་པ། |
| སྐབས་མཚམས |
1 གོ་རིམ་གྱི་མཚམས། ལས་ཀ་སྔ་ཕྱི་སྐབས་མཚམས་སོ་སོར་བཀོད་སྒྲིག་བྱེད་པ། 2 དུས་ལ་བབ་པའི་མཚམས། སྐབས་མཚམས་བབ་བསྟུན་གྱིས་འཛུགས་སྐྲུན་བྱེད། ཚོགས་འདུ་འཚོག་པའི་སྐབས་མཚམས་སུ་གྲོས་བསྡུར་ནན་པོ་བྱེད་པ། |
| སྐབས་མིན་བསྟོད་པའི་རྒྱན |
དོན་རྒྱན་གྱི་ནང་གསེས་ཤིག་སྟེ། ཡུལ་གང་ལ་བསྟོད་པ་གཏོང་བའི་སྐབས་སུ་མ་བབ་ཀྱང༌། འཕྲལ་རྐྱེན་ལ་བརྟེན་ནས་ཡུལ་དེ་ལ་གློ་བུར་དུ་བསྟོད་པའི་རྒྱན་ཞིག |
| སྐབས་མེད |
1 བར་མཚམས་མེད་པ། ངལ་གསོ་བྱེད་པའི་སྐབས་མེད། 2 དུས་ཚོད་མེད་པ། བསམ་བློ་གཏོང་སྐབས་མེད་པ། |
| སྐབས་འགའ |
ཐེངས་རེ་གཉིས་སམ། དུས་ལ་ལ། སྐབས་འགར་ལངས་ཤིང་སྐབས་འགར་འཇགས། སྐབས་འགར་དམ་ཞིང་སྐབས་འགར་ལྷོད། |
| སྐབས་འཕྲལ |
1 ལམ་སེང་དང༌། དུས་ཐོག ཕར་འགྱངས་མེད་པར་སྐབས་འཕྲལ་དུ་ཤོག ནད་གཞི་བྱུང་སྟེ་སྐབས་འཕྲལ་དུ་སྨན་བཅོས་བྱས། 2 རེ་ཞིག་དང༌། གནས་སྐབས། ད་རེས་སྐབས་འཕྲལ་གྱི་འཆར་གཞི་ཞིག་བཏིང་ཡོད། |
| སྐབས་འབྱེད་པ |
1 སྔ་ཕྱིའི་དུས་མཚམས་ཀྱི་སྐབས་འབྱེད་པ། 2 ལས་འགོ་རྩོམ་པ། ལས་དོན་བྱེད་པའི་སྐབས་ཕྱེ་ནས་ཟླ་གསུམ་སོང༌། |
| སྐབས་འཚོལ |
དུས་སྐབས་འཚོལ་བ། སྐབས་འཚོལ་མགོ་བདེ་བྱེད་པ། སྐབས་འཚོལ་ཚོང་རྒྱག |
| སྐབས་རིས |
བར་སྐབས་བར་སྐབས་སུ་བྲིས་པའི་རི་མོ། |
| སྐབས་སྐབས |
མཚམས་མཚམས། སྐབས་སྐབས་སུ་ངལ་གསོ་རྒྱག་གི་འདུག རི་བོའི་རྐེད་པར་སྐབས་སྐབས་སུ་སྨུག་པ་འཐིབས། |
| སྐབས་སྦྱར |
1 བབ་ལ་གཞིགས་པ། བཀའ་མངག་གནང་རྒྱུ་གང་ཡོད་སྐབས་སྦྱར་གྱིས་གནང་སྐྱོང་ཡོད་པ་ཞུ། སྐབས་སྦྱར་གྱི་གཏམ་བརྗོད། སྐབས་སྦྱར་གྱི་རོགས་རམ། སྐབས་སྦྱར་གྱི་བཀོད་པ། 2 སྒོ་དང་སྒེའུ་ཁུང་གི་མེ་ལོང་དང་རུ་གཉིས་སྦྱོར་བྱེད་ཀྱི་ལྕགས། |
| སྐམ |
1 སྔར་བོད་ཀྱི་རིགས་རུས་ཤིག་སྟེ། དེའི་གནས་ཡུལ་སྐྱེད་ཆུའི་བྱང་རྒྱུད་དེང་སང་གི་མལ་གྲོ་གོང་དཀར་རྫོང་ཁོངས་ཡིན། 2 བཞོན་མ་མིན་པའི་མོ་ཕྱུགས། |
| སྐམ་ཀྲོག་གེ |
རབ་ཏུ་སྐམ་པ། ཁྱེད་ཀྱི་གཟུགས་པོ་སྐམ་ཀྲོག་གེ་བར་ལུས་འདུག སེམས་རྒྱུད་གྱོང་པོ་སྐམ་གྲོག་གེར་ལུས། |
| སྐམ་གནོན |
བོད་མདའི་སྐམ་པ་འཐེན་བྱེད་ལྕགས་མདའ། |
| སྐམ་གསེང |
སྐམ་པོ་སོབ་སོབ། |
| སྐམ་གསོལ |
ལྷ་རྟེན་ལ་བསང་བཏང་ནས་སྨོན་ལམ་འདེབས་པ། |
| སྐམ་གྱོང |
སྐམ་པོ་དང་གྱོང་པོ། ས་སྐམ་གྱོང༌། ཤིང་ཆ་སྐམ་གྱོང༌། |
| སྐམ་གློག |
1 ཆར་མེད་པར་གློག་འཁྱུག་པ། 2 བཞའ་མེད་པའི་གློག་རྫས། |
| སྐམ་ཆག་བཅུ་ཟུར |
སྔར་བོད་ས་གནས་ཀྱི་གཞུང་འབྲུ་བཀར་འཇུག་སྐབས་བཅུ་ཟུར་གཅིག་སྐམ་དཔྱར་བཅག་སྟེ་རྩིས་སྤྲོད་ལེན་བྱེད་པའི་བརྩི་སྟངས་ཤིག |
| སྐམ་ཆས |
འཛིན་ཆས་སམ། ཁྱིམ་ནང་གི་དངོས་ཆས། |
| སྐམ་ཆུང |
མགར་བའི་སྐམ་པ་ཆུང་བ། |
| སྐམ་ཐག་ཆོད་པ |
རབ་ཏུ་བསྐམས་པ། |
| སྐམ་ཐག་ཐག |
བཞའ་ཐག་རྦད་དེ་ཆོད་པ། གྱོན་ཆས་བཀྲུས་རྗེས་སྐམ་ཐག་ཐག་བྱས་ནས་གྱོན་ན་ལེགས། |
| སྐམ་ཐལ |
ཕྱུགས་ལྷས་ཀྱི་ཐལ་བ། |
| སྐམ་ཐོག |
ས་མིང་ཞིག་བོད་རང་སྐྱོང་ལྗོངས་ཀྱི་འཇོ་མདའ་རྫོང་ཁོངས་འབྲི་ཆུའི་ནུབ་འགྲམ་གྱི་སྡེ་ཞིག་ཡིན། |
| སྐམ་དཔྱ་བཅུ་ཟུར |
སྔར་བོད་ས་གནས་སུ་འབྲུ་བུན་གཏོང་སྐབས་ངོ་བོ་ཁལ་བཅུ་རེ་ལ་སྐྱེད་ཁལ་གཅིག་རེ་ལེན་པའི་བརྩི་སྟངས་ཤིག |
| སྐམ་དམག |
དྲག་པོའི་དཔུང་ཚོགས་ཀྱི་དམག་གི་རིགས་གཙོ་བོ་ཞིག་སྟེ། རྐང་དམག་དང་། སྒྱོགས་དམག། སྐྱ་དམག འཕྲུལ་ཆས་ཅན་གྱི་དམག རྫས་འགྱུར་དམག་སོགས་ཀྱི་སྤྱི་མིང་། |
| སྐམ་དྲས |
སློབ་ཕྲུག་གིས་དཔེར་བལྟ་བའི་ཆེད་དུ་དགེ་རྒན་གྱིས་སྦྱང་ཤིང་ངོས་སུ་སྣག་ཚ་མེད་པར་བྲིས་པའི་ཡི་གེ། སྐམ་དྲས་བརྒྱབ་པ། |
| སྐམ་པ |
1 1 དངོས་པོ་འཛིན་སྤྱད། ལག་པ་ཚ་དུས་ཀྱི་སྐམ་པ་དང༌། ཚེར་མ་ཟུག་དུས་ཀྱི་རྡོག་པ། མིང་གི་རྣམ་གྲངས་ལ་འཛིན་བྱེད་དང༌། ལག་གྲོགས་སོ། 2 རྫ་སྣོད་བཟོ་བྱེད་ཀྱི་ས་དམར་ཞིག 3 མེ་མདའི་སྐམ་པ། 2 1 ཆུ་མེད་པ་སྟེ་གཤེར་བའམ། རླན་པ་ལས་ལྡོག་པ། མེ་ཤིང་སྐམ་པ། སྨན་གྱི་ཡོན་ཏན་སྐམ་པ། 2 མོ་ཕྱུགས་འོ་ཐག་ཆོད་པ། འབྲི་སྐམ་པ། མཛོ་མོ་སྐམ་པ། མ་མོ་སྐམ་པ། |
| སྐམ་པའི་འཁྲོལ་འཛིན |
སྔར་ལྷ་ལྡན་སྨོན་ལམ་གྱི་དུས་སུ་ལྷ་སའི་མི་དམངས་སོ་སོའི་ཁང་ཐོག་ཏུ་དངོས་པོ་ཉི་མར་སྐམ་འགྲེམས་བྱས་འཐུས་ཚོགས་ཆེན་ཞལ་ངོར་དགོངས་པ་ཞུས་འཁྲོལ་གྱི་ངོས་སྦྱོར་འཛིན་ཐམ། |
| སྐམ་པོ |
1 རླན་གཤེར་མེད་པ། ལོ་མ་སྐམ་པོ། ས་ཞིང་སྐམ་པོ། 2 ཤ་ཤེད་ཉམས་པ་དང་རིད་པ། ལུས་པོ་སྐམ་པོ། སྒོ་ཕྱུགས་ཀྱི་ཤ་ཤེད་སྐམ་པོ། བསོད་བདེ་སྐམ་པོ། |
| སྐམ་ཕོགས |
སྔར་གླ་པ་དང་བྲན་གཡོག་ལ་འབྲུ་རིགས་མ་གཏོགས་ཇ་ཆང་སོགས་བཏུང་བྱ་མེད་པའི་གླ་ཕོགས་ཀྱི་སྲོལ་ཞིག |
| སྐམ་བཤད |
ཁ་ཡོད་ལག་མེད་ཀྱི་ཚིག་སྟོང་པ་བཤད་པ། |
| སྐམ་བྲིས |
སོལ་པིར་སོགས་ཀྱིས་བྲིས་པའི་རི་མོ་རགས་པ། སྐམ་བྲིས་རི་མོ། |
| སྐམ་ཚག |
1 ལུས་ཀྱི་ཤ་ཞན་པ། 2 མིག་ནད་ཀྱི་བྱེ་བྲག་མིག་སྐམ་ཞིང་མི་བདེ་བ་དང་རྩུབ་ཅིང་བསེར་བུས་གནོད་པ་ཞིག |
| སྐམ་ཚོགས |
བཟའ་བཏུང་མེད་པར་ཚོགས་འཚོགས་པ། |
| སྐམ་ཞིང |
ཆུ་གཏོང་ས་མེད་པའི་ཞིང་ཁ། |
| སྐམ་ཟན |
ཟ་ཆས་སྐམ་པོའི་རིགས། |
| སྐམ་ཟུག |
ཚད་ནད་སོགས་ཀྱི་སྔོན་བསུའི་ཟུག་རྔུ། |
| སྐམ་འཁོལ |
ཆམ་ཚད་ཀྱིས་ན་ཚུལ་ཞིག |
| སྐམ་འོན |
ནད་ཀྱིས་རྐྱེན་པས་རྣ་བ་འོན་པའི་ནད་ཅིག |
| སྐམ་རིད |
ལུས་ཤིན་ཏུ་སྐམ་ལ་སྟོབས་ཞན་པ། |
| སྐམ་རྒྱགས |
ལམ་རྒྱགས་ཟ་ཆས་སྐམ་པོ། |
| སྐམ་རྙིད |
བཞའ་ཐག་ཕལ་ཆེར་ཆོད་ནས་སྐམ་ལ་ཉེ་བ། ལོ་མ་སྐམ་རྙིད། ཉུང་མ་སྐམ་རྙིད། མེ་ཏོག་སྐམ་རྙིད། |
| སྐམ་རློན |
1 སྐམ་པོ་དང་རློན་པའི་བསྡུས་ཚིག 2 ཆུ་མང་ཉུང་གི་རློན་ཚད། |
| སྐམ་ལམ |
ཆུ་ཐོག་མིན་པའི་སྐམ་སའི་འགྲོ་ལམ། |
| སྐམ་ཤ |
ཤ་སྐམ་པོ། |
| སྐམ་ཤས |
སྐམ་པའི་ཚད་དམ། ཆ་ཤས། ས་སྐམ་ཤས་ཆེ་ན་སོན་ལ་བཞའ་མི་ཁུག |
| སྐམ་ས |
མཚོ་དང་མཚེའུ་གཙང་པོ་སོགས་མིན་པའི་ས་ཆ། ཉ་མོ་སྐམ་སར་ཐོན་པ་ཇི་བཞིན་གྱུར། |
| སྐམ་ས་ཆེན་པོ |
1 རླན་གཤེར་མེད་པའི་ས་ཆ། 2 གླིང་ཆེན་ཐོག་གི་སྐམ་ས། |
| སྐམ་སངས |
སྐམ་པོ་སྐམ་རྐྱང༌། |
| སྐམ་སོབ |
1 འབྲུ་ལ་ཆུ་མ་བརྒྱབ་པར་བརྔོས་ཏེ་བཏགས་པའི་རྩམ་པ་སྤུས་ཞན། 2 སྐམ་ལ་སོབ་པ། བག་ལེབ་སྐམ་སོབ། |
| སྐམ་སྐོམ |
ཚ་བའི་དུས་སུ་མཆུ་སྐམ་པ་དང༌། ཁ་སྐོམ་པའི་བསྡུས་ཚིག ཚ་བས་གདུངས་ཏེ་ཁ་སྐམ་སྐོམ་གྱི་དུས་སུ་ཆུ་ཞིག་བྱུང་ན་ཅི་མ་རུང༌། |
| སྐམ་སྐྱེས |
ས་སྐམ་སར་སྐྱེས་པ། |
| སྐམ་སྐྱེས་བྱིན་ཚལ |
ཆུ་སེར་དང་ཚ་བ་སེལ་ཞིང་སྐྲངས་པ་འཇགས་པར་བྱེད། |
| སྐམ་སྐྲགས |
ཡུལ 1 ཐན་པས་བསྲེགས་ཏེ་སྐམ་པོར་གྱུར་པ། 2 བཏུང་བ་མ་རྙེད་པར་ཁ་སྐམ་པོར་ལུས་པ། 3 སྔར་བོད་ས་གནས་སུ་དུས་སྟོན་གཏོང་སྐབས་སེར་སྐྱ་དཔོན་རིགས་ལ་སྤྲོད་པའི་སྣུམ་རྩི་མེད་པའི་བག་ལེབ་ཀྱི་རིགས་ཤིག |
| སྐམ་སྒྲིག |
འཕྲུལ་ཆས་སོགས་ལ་ཚོད་ལྟའི་སྒོ་ནས་ལྷུ་ཆས་སྒྲིག་སྦྱོར་བྱེད་པ། |
| སྐམ་སྡེབ |
གསེར་ཤོག་སྦྱོར་ཐབས་ཤིག |
| སྐམ་སྦྱོང |
དངོས་གཞིའི་གོང་དུ་བྱེད་པའི་ནང་སྦྱོང༌། |
| སྐམས |
ཤ་ཟས་ལ་བཤའ་རྒྱུའི་གནག་ཕྱུགས་ཀྱི་མིང་སྟེ། གཡག་སྐམས། སྐམས་ཤ་ཞེས་པ་ལྟ་བུ། སྐམས་པ་ཞེས་པའི་ཚིག་བསྡུས་པ། |
| སྐམས་པ |
ཕྲུ་གུ་སྐྱེས་པའི་ནུས་པ་མེད་པའི་མོ་ཕྱུགས་ཀྱི་མིང་སྟེ། འབྲི་སྐམས་པ། མཛོ་མོ་སྐམས་པ། མ་མོ་སྐམས་པ་ཞེས་པ་ལྟ་བུ། ཚིག་བསྡུས་ན་སྐམས་ཞེས་འབྲི་ཆོག་སྟེ། འབྲི་སྐམས་ཞེས་པ་ལྟ་བུ། |
| སྐར |
སྐར་མ་ཞེས་པའི་ཚིག་བསྡུས་པ། |
| སྐར་ཁབ |
སྔར་བོད་དངུལ་སྐར་གང་སྤྲོད་དགོས་པའི་ཁབ་རིང་ཐུང་འབྲིང་བ་ཞིག་གི་མིང༌། |
| སྐར་ཁུང |
སྒེའུ་ཁུང༌། མིང་གི་རྣམ་གྲངས་ལ་དྲ་མིག་དང༌། བ་ལང་མིག་རླུང་སྒོ་བཅས་སོ། |
| སྐར་ཁྱིམ |
རྒྱུ་སྐར་ཉི་ཤུ་རྩ་བདུན་གྱིས་ཁྱིམ་བཅུ་གཉིས་སོ་སོར་འཛིན་པའི་བར་ཐག |
| སྐར་ཁྱོན |
རྒྱུ་སྐར་ཉེར་བདུན་གྱི་ས་ཁྱོན་ཡོངས་རྫོགས། དཔེར་ན་སྐར་ཁྱོན་ཕྱེད་ནི་སྐར་གནས་བཅུ་གསུམ་དང་ཆུ་ཚོད་སུམ་ཅུའོ། |
| སྐར་གསལ |
སྐར་ཁུང༌། |
| སྐར་གྲངས་སྲང་བསྒྲིལ |
སྐར་མའི་འབོར་གྲངས་དེ་སྲང་ལ་བསྒྲིལ་བ་སྟེ། དཔེར་ན་སྐར་བརྒྱ་ཐམ་པ་སྲང་ལ་བསྒྲིལ་ན་སྲང་གང་ཡིན་ཞིང༌། སྐར་དྲུག་ཅུ་རེ་ལྔ་ནི་སྲང་མེད་ཞོ་དྲུག་སྐར་ལྔ་ཡིན། |
| སྐར་ཆ |
1 ཆུ་ཚོད་སྐར་མ་གཅིག་གི་དྲུག་ཅུའི་ཆ། 2 ངལ་རྩོལ་བྱས་པའི་ཡོང་འབབ་ཐོབ་ཆ་འཇལ་བྱེད་ཀྱི་ཚད་གཞི། |
| སྐར་ཆུ |
ཐོ་རེངས་སྐར་མ་མ་ཡལ་གོང་དུ་བླངས་པའི་ཆུ་བསིལ་ཏེ། ནུས་པས་ཁོང་དུ་བཏང་ན་ཚ་བ་ཁྲག་མཁྲིས་ཀྱི་ནད་སེལ། དུགས་བྱས་ན་རླུང་ནད་ཅེ་སྤྱང་གི་སྐྲངས་པ་སོགས་ལ་ཕན། |
| སྐར་ཆེན |
ཐོ་རེངས་འཆར་བའི་སྐར་མ་ཆེན་པོ་ཞིག |
| སྐར་དཔྱད |
གཟའ་སྐར་བརྟག་དཔྱད་བྱེད་ལུགས། |
| སྐར་དཔྱད་པ |
དུས་སྐར་བཟང་ངན་སོགས་རྩི་མཁན། |
| སྐར་ཕྱེད་གསུམ |
སྔ་དུས་བོད་དངུལ་གྱི་ཞོ་གང་གི་བཞི་ཆ་གཅིག་སྟེ་བོད་ཊཾ་གྱི་དྲུག་ཆ་གཅིག |
| སྐར་ཕྱེད་བརྒྱད |
སྔ་དུས་བོད་དངུལ་ཞོ་གང་གི་བཞི་ཆ་གསུམ་སྟེ་བོད་ཊཾ་གྱི་ཕྱེད་ཀ། |
| སྐར་མ |
1 ནམ་མཁའི་དབྱིངས་ནས་འོད་ཁྲ་ལམ་ལམ་དུ་འབྱིན་ཞིང་འཕྲོ་བའི་སྐར་མ། སྤྲང་ཁྱི་ཐོག་ཀར་བཞག་ན་གནམ་གྱི་སྐར་མར་རྨུགས་ཡོང༌། ཉི་ཟླ་སྐར་གསུམ་དུས་མཉམ་མཐོང༌། 2 རྒྱ་ཐུར་གྱི་སྲང་མདར་བཀོད་པའི་ལྗིད་ཚད་ཀྱི་རྟགས། 3 ལྗིད་ཚད་ཞོའི་བཅུ་ཆ་གཅིག 4 དུས་ཡུན་ཆུ་ཚོད་གཅིག་གི་དྲུག་ཅུའི་ཆ་གཅིག 5 མངོན གྲོ་བཞིན་དང་བྱི་བཞིན་གཉིས་གཅིག་ཏུ་བྱས་ན་རྒྱུ་སྐར་ལ་ཉེར་བདུན་ཡོད་པས་གྲངས་ཉེར་བདུན་མཚོན། |
| སྐར་མ་ཚོམ་ཚོམ |
སྐར་མ་སུམ་ཚོམ་བཞི་ཚོམ་སོགས་ཡོད་པ། སྐྱ་རེངས་ཐ་མར་སྐར་མ་ཚོམ་ཚོམ་དུ་ཤར། |
| སྐར་མ་ཞོ་བརླག |
སྐར་མ་གང་ལ་བལྟས་ནས་ཞོ་གང་བརླག་པ་སྟེ་བྱ་བ་ཆུང་ཆུང་ལ་མགོ་འཁོར་ནས་ཆེན་པོ་བརླག་འགྲོ་བའི་དཔེ། |
| སྐར་མ་འོད་ཆེན |
འོད་ཆེན་པོ་ཡོད་པའི་སྐར་མ། |
| སྐར་མ་རྀ་ཥི |
སྐར་མ་རི་འདོར་ཏེ། རྩིས་གཞུང་ལས། ཟླ་དྲུག་ཉིན་འཆར་དང༌། ཟླ་དྲུག་མཚན་འཆར་ཞེས་གསལ་ཞིང༌། བོད་ཟླ་བདུན་པའི་གནམ་གང་ནས་བརྒྱད་པའི་ཚེས་པ་གཉིས་ཀྱི་བར་འཆར་རྒྱུའི་རྒྱུ་སྐར་ཞིག་ཡིན་པ་འདིའི་འོད་ཟེར་ཕོག་ཚད་ཀྱི་ཆུ་ཚང་མ་སྨན་ཆུར་གྱུར་པས་བོད་ཀྱི་ཆབ་ཞུགས་དུས་ཆེན་ཟེར་བའི་སྲོལ་རྒྱུན་འདི་ལས་བྱུང༌། |
| སྐར་མདའ |
ནམ་མཁར་མདའ་ལྟར་རྒྱུག་པའི་སྐར་མ། སྐར་མདའ་ལྷུང་བ། ནམ་མཁའི་སྐར་མདའ་ལྟ་བུའི་མྱུར་བ། |
| སྐར་མདའ |
མཁའ་དབྱིངས་སུ་སའི་གོ་ལར་སྐོར་བ་བརྒྱབ་ནས་འགྲོ་བའི་དངོས་གཟུགས་སྲ་མཁྲེགས་ཆུང་བ་ཁ་ཤས་མར་ལྷུང་ནས་སའི་གོ་ལའི་མཁའ་དབུགས་ལ་གཙུབ་བརྡར་བྱས་ཚེ་འོད་འབྱིན་པ་དེ་ཡིན། ལྗིད་ཚད་འཇལ་བའི་སྡེ་ཚན་གྱི་མིང་སྟེ་སྐར་མ་བཅུ། ཞོ་གང་། ཞོ་བཅུ་སྲང་གང་ཡིན།０སྒོར་མོ་རྩི་བའི་སྡེ་ཚན་གྱི་མིང་སྟེ་སྐར་མ་བཅུ་སྒོར་ཟུར་གཅིག་དང་། སྒོར་ཟུར་བཅུ་སྒོར་མོ་གཅིག་ཡིན།１ཉིན་རེར་ལས་ཀ་ལས་པའི་ཐོབ་ཆའི་རྩི་གཞི་ལ་ཡང་སྐར་མའམ་ལས་སྐར་ཟེར་ཞིང་ལས་ཆ་ཟེར་བའང་ཡོད། |
| སྐར་མའི་འགྲོས |
མྱུར་བ་དང༌། དལ་བུ། འཁྱོག་པོ། ཐད་ཀར་སོགས་རྒྱུ་སྐར་འཕོ་སྟངས། |
| སྐར་མའི་རྒྱལ་པོ |
མངོན ཟླ་བ། |
| སྐར་མར་འཚེ་བ |
མངོན ཟླ་བ། |
| སྐར་མེད་རྐུབ་སྐྱོག |
འབྱོར་མེད་འབྱོར་ཡོད་དུ་རློམ་པའི་ཆེ་འགྱིང་གི་འགྲོ་ཚུལ། |
| སྐར་འཛིན |
སྔར་སྲོལ་ལྟར་བྱ་བ་གང་ཞིག་སྒྲུབ་རྒྱུའི་ཚེས་གྲངས་སྔོན་དུ་གཏན་འཁེལ་བའི་ཉིན་མོ་དེའི་གཟའ་སྐར་འཕྲོད་སྦྱར་མི་ལེགས་པ་ཞིག་ཡིན་ཚེ་དེའི་གོང་གི་ཚེས་གྲངས་གཟའ་སྐར་བཟང་བ་ཞིག་ལ་སྒྲུབ་འགོ་ཚུགས་ཙམ་བྱེད་པའི་རྟེན་འབྲེལ། |
| སྐར་འོད |
1 སྐར་མའི་འོད། སྟོན་དུས་ཀྱི་མཚན་མོར་སྐར་འོད་ཆེམ་ཆེམ་འཚེར། 2 མངོན སྲིན་བུ་མེ་ཁྱེར། |
| སྐར་རྐང |
རྒྱུ་སྐར་རྣམས་སོ་སོའི་གོ་ལར་སྐོར་ཐེངས་རེ་བྱེད་པའི་འགྲོ་ལམ་དེ་ཆ་སུམ་བརྒྱ་དྲུག་ཅུ་རེ་ལྔར་བགོས་པའི་ཆ་ཤས་གཅིག |
| སྐར་རྒྱལ |
1 རྒྱུ་སྐར་ཉི་ཤུ་རྩ་བརྒྱད་ཀྱི་ནང་གསེས་ཤིག 2 ཏིཥྱ སངས་རྒྱས་ཤིག་གི་མཚན། |
| སྐར་རྡོ |
གནམ་ནས་ལྷུང་བའི་རྡོ། |
| སྐར་རྩིས |
རིག་གནས་ཆུང་བ་ལྔའི་ནང་གསེས་ཤིག་སྟེ་གཟའ་སྐར་དུས་ཚིགས་སོགས་བརྩི་ཚུལ། |
| སྐར་རྩིས་མཁན |
གཟའ་སྐར་ལྟ་མཁན། མིང་གི་རྣམ་གྲངས་ལ་སྐར་མཁན་དང༌། ལྟས་རྟོག་པ། ལྟས་ཤེས། དུས་མཁྱེན། དུས་ཤེས། རྩིས་པ། ཡེ་མཁྱེན། ལོ་ཤེས་བཅས་སོ། |
| སྐར་རྩིས་སྐོར་གྱི་གཞུང |
རྒྱ་གར་ནས་བསྒྱུར་བའི་གཞུང་གི་གྲས་ལ་དུས་འཁོར་རྩ་རྒྱུད་དང༌། དུས་འཁོར་བསྡུས་རྒྱུད། བདེ་མཆོག་རྡོ་རྗེ་མཁའ་འགྲོའི་རྒྱུད། དཔལ་ལྡན་སྭ་རོད༌༈ ཡི་རྒྱུད་དམ་དབྱངས་འཆར་གྱི་རྒྱུད། མིག་བཅུ་གཉིས་པའི་མདོ། སྟག་རྣའི་རྟོགས་བརྗོད། ཉི་མའི་སྙིང་པོའི་མདོ་སོགས་མདོ་རྒྱུད་མང་པོ་དང་སྟོད་འགྲེལ། བོད་གཞུང་ལ་མཚོན་ན། རྗེ་རང་བྱུང་ཞབས་ཀྱི་རྩིས་གཞུང་ཀུན་ལས་བཏུས་པ། བུ་སྟོན་གྱི་མཁས་པ་དགའ་བྱེད། མཁས་གྲུབ་རྗེའི་ཊིཀ་ཆེན་དེ་ཉིད་སྣང་བ། མཁས་གྲུབ་ནོར་བཟང་རྒྱ་མཚོའི་དྲི་མེད་འོད་རྒྱན། ཕུག་པ་ལྷུན་གྲུབ་རྒྱ་མཚོའི་པད་དཀར་ཞལ་ལུང་མ་བུ། ལོ་ཆེན་དྷརྨ་ཤྲཱིའི་ཉིན་བྱེད་སྣང་བ། སྡེ་སྲིད་སངས་རྒྱས་རྒྱ་མཚོའི་བཻཌཱུརྻ་དཀར་པོ་མ་བུ། སུམ་པ་ཡེ་ཤེས་དཔལ་འབྱོར་གྱི་དགེ་ལྡན་རྩིས་གསར་མ་བུ། ཐུའུ་(BKVA)ན་ཆོས་ཀྱི་ཉི་མའི་མཁས་པའི་སྙིང་ནོར། ཕྱག་མཛོད་གསུང་རབ་ཀྱི་རིགས་ལྡན་སྙིང་ཐིག་བྲག་དགོན་བསྟན་པ་རབ་རྒྱས་ཀྱི་རིགས་ལྡན་མཆོད་པའི་འོད་སྣང་སོགས་སྐར་རྩིས་ཀྱི་ཁུངས་ཤིན་ཏུ་མང་ངོ། |
| སྐར་ལྔ |
1 སྐར་མ་ལྔ། སྐར་ལྔའི་དར་དམར། 2 སྔར་བོད་དངུལ་ཞོ་གང་གི་ཕྱེད་ཀ། |
| སྐར་ལྟས |
སྐར་མའི་རྟགས་མཚན་ཏེ། སྐར་འོད་དང་སྐར་མདོག་སོགས་ལ་བལྟས་ཏེ་ལེགས་ཉེས་ཀྱི་མཚན་མ་སྟོན་པའི་བཤད་སྲོལ། |
| སྐར་ལྟས་མཁན |
སྐར་ལྟས་ལ་བརྟེན་ནས་ལེགས་ཉེས་གང་ཡོང་མ་འོངས་ལུང་བསྟན་བྱེད་མཁན། |
| སྐར་སྐྱེད |
ཟླ་སྲང་སྐར་སྐྱེད་ཀྱི་བསྡུས་ཚིག་ |
| སྐར་སྐྱོད |
མངོན སྲིན་བུ་མེ་ཁྱེར། |
| སྐལ |
སྐལ་བ་ཞེས་པའི་ཚིག་བསྡུས་པ། |
| སྐལ་ངན |
བསོད་ནམས་དམན་པ། |
| སྐལ་ཆད |
1 རང་ལ་བགོ་སྐལ་མ་བྱུང་བ། 2 ལམ་འགྲོ་མེད་པ། |
| སྐལ་ཐོབ |
རང་གི་ཐོབ་ཆ། |
| སྐལ་དམྱིགས |
རྙིང སྐྱིན་ཚབ། |
| སྐལ་པ |
གོ་སྐབས་འོས་འཚམས་ཀྱི་མིང་སྟེ། ད་ཐེངས་པེ་ཅིན་ལ་འགྲོ་རྒྱུའི་སྐལ་པ་བྱུང་ལྟ་བུ། |
| སྐལ་བ |
1 བགོ་བཤའ་བྱས་ནས་ཐོབ་པའི་ཆ་ཤས། ནོར་སྐལ། ཟས་སྐལ། འབྲུ་སྐལ། རང་སྐལ། སྐལ་ལྷག སྤྲང་སྐལ། 2 ལས་སྐལ་དང་བསོད་ནམས། ཚེ་གྲོགས་ཀྱི་སྐལ་བ། ཆོས་སྐལ། 3 རྩིས་གཞུང་ཁག་ལས་དོད་དང་ཡང་ན་ཚབ་ཀྱི་དོན་དུ་བཤད། མ་ཐོབ་ནོར་སྐལ་ཐིག་ལེ་བྱིན། |
| སྐལ་བ་མི་མཉམ་པའི་སེམས |
སེམས་ཅན་གྱི་གནས་རིས་ཐ་དད་པའི་རྒྱུད་ཀྱི་བསམ་པ། |
| སྐལ་བཟང |
1 བསོད་ནམས་ཆེན་པོ་དང་གོ་སྐབས་ཡག་པོ། 2 སྦྱོར་བ་ཉེར་བདུན་གྱི་ནང་གསེས་ཤིག |
| སྐལ་བཟང་བགྲོད་པའི་མྱུར་ལམ |
ཚ་རོང་བ་ཚེ་དབང་རིག་འཛིན་གྱིས་མཛད་པའི་སྨན་གྱི་ཆོས་འབྱུང་ཞིག |
| སྐལ་བཟང་མེ་ཏོག |
སྟོན་དུས་སུ་འཆར་བའི་མེ་ཏོག་སེར་པོ་ཞིག |
| སྐལ་བཟང་སེམས་ཅན |
བསོད་ནམས་ཆེ་བའི་མི། |
| སྐལ་མཉམ |
1 རིགས་གཅིག་པའམ། རིགས་མཚུངས། སྐལ་མཉམ་གཞན་ལ་ཕན་ཕྱིར་གཞུང་འདི་བརྩམས། 2 སེམས་ཅན་སོ་སོའི་རིས་སུ་སྐྱེས་ཏེ་འདྲ་བའི་ཆོས་དེ་ལ་སྐལ་མཉམ་མམ་རིས་མཐུན་པ་ཟེར། ལྡན་མིན་འདུ་བྱེད་ཀྱི་གྲས་ཤིག |
| སྐལ་མཉམ་གྱི་རྒྱུ |
རྒྱུ་དྲུག་གི་ནང་གསེས་ཤིག་སྟེ། རང་འབྲས་རང་དང་རིགས་འདྲ་སྐྱེད་པར་བྱེད་པ། ནས་ལས་ནས་དང༌། དགེ་བ་ལས་དགེ་བ་སྐྱེ་བ་དང་འཕེལ་བ་ལྟ་བུ། |
| སྐལ་མེད |
བསོད་ནམས་མེད་པ། |
| སྐལ་འཇིག |
མངོན འཆི་བ། |
| སྐལ་འཕར |
བགོས་པའི་སྐལ་བ་འཕར་མ། |
| སྐལ་རྫོངས |
མནའ་མ་དང་མག་པར་སྐལ་བ་བསྐུར་བའི་དངོས་པོ། |
| སྐལ་ལྡན |
བསོད་ནམས་ཅན། སྐལ་ལྡན་གྱི་ཉ་མ། སྐལ་ལྡན་གྱི་གདུལ་བྱ། ལེགས་པར་ཉོན་ཅིག་སྐལ་ལྡན་རིགས་ཀྱི་བུ། |
| སྐལ་ལྡན་ཤིང་རྟ |
མངོན ཆུ་བོ་གང་གཱའི་མིང༌། |
| སྐས |
མཐོ་སར་འགྲོ་བྱེད་ཀྱི་ཡོ་བྱད་དམ་སྤྱད་ཆས་ཀྱི་མིང་སྟེ། ཤིང་སྐས། རྡོ་སྐས། སྒྲོམ་སྐ། སྐས་སྒམ་ཞེས་པ་ལྟ་བུ། |
| སྐས་ཀ |
ཐོག་ཀར་ཡར་འཛེག་མར་འབབ་བྱེད་པའི་སྐས་ཀ། སྐས་ཀ་མ་འཛེགས་པར་ཐོག་ཀར་མི་སླེབས། ཤིང་སྐས། རྡོ་སྐས། འདྲེ་སྐས། གློག་སྐས། མིང་གི་རྣམ་གྲངས་ལ་ཐེམ་སྐས་དང༌། འཛེག་རྟེན། ཡ་གད་བཅས་སོ། |
| སྐས་གདང |
སྐས་འགྲམ་གྱི་བར་སྦྲེལ་བྱེད་ཤིང་དབྱུག་གི་མིང་། |
| སྐས་གདང་མས་འཛེག |
རིམ་འཛེག་སྟེ། རིམ་གྱིས་ཡར་རྒྱས་སུ་གཏོང་བའམ་བགྲོད་པའི་དཔེ། |
| སྐས་ཐེམ |
རྡོ་སྐས་དང་ཤིང་སྐས་ཀྱི་གདང་བུའམ་བང་རིམ། |
| སྐས་བཤད |
བག་མ་གཏོང་ཡུལ་གྱི་ཁྱིམ་སྒོར་སླེབས་ནས་སྐས་ལ་འཛེག་སྐབས་རྒྱག་རྒྱུའི་བཤད་པ། |
| སྐས་འགོ |
སྐས་ཀའི་འགོ། |
| སྐས་འགྲམ |
སྐས་ཀྱི་འགྲམ་པ་གཉིས་ཀྱི་ཤིང་སྟེ་སྐས་རུ་ཡང་ཟེར། |
| སྐས་འཛེག |
1 ཁང་པའི་སྐས་སམ་འཛེག་སྐས། 2 སྐས་ལ་འཛེག་པ། |
| སྐས་རིམ |
1 སྐས་འཛེག་གི་བང་རིམ་མམ་གདང་བུ། 2 སྐས་འཛེག་ཁག་མང་གི་སྟེང་ཤོད་རིམ་པ། |
| སྐས་རུ |
སྐས་ཀྱི་གདང་བུའི་གཡས་གཡོན་གྱི་རྟེན་སའི་རུ། |
| སྐས་རྟིང |
སྐས་ཀའི་གཤམ། |
| སྐས་ལེབ |
སྐས་ཧྲིལ་མིན་པར་གདང་བུ་ཤིང་ལེབ་བཙུགས་པའི་སྐས། |
| སྐས་སུམ་སྦྲེལ |
ལྷ་ཁང་དང་ཕོ་བྲང་སོགས་ལ་ཡོད་པའི་སྐས་གསུམ་གཤིབས། |
| སྐས་ཧྲིལ |
འདྲེ་སྐས་སམ་བྱིའུ་སྐས་ཏེ་ཤིང་གདུང་མ་ཧྲིལ་པོར་ཉག་ཀ་བཟོས་པའི་སྐས། |
| སྐུ |
1 1 ལུས་ཀྱི་ཞེ་ས། སྐུ་ཚད། སྐུ་སྲུང༌། སྐུ་འཁྲུངས་པ། སྐུ་གཤེགས་པ། སྐུ་བསིལ་བ། སྐུ་མཉེལ་བ། 2 འདྲ་བརྙན་གྱི་ཞེ་ས། ཅུ་གང་གི་འདྲ་སྐུ། འཇིམ་སྐུ། རྡོ་སྐུ། ལྷ་སྐུ། བྲིས་སྐུ། 2. མིང་གི་སྔོན་དུ་སྦྱར་བའི་ཞེ་སའི་ཚིག་གྲོགས་ཤིག སྐུ་མགྲོན། སྐུ་མདུན། སྐུ་ཕུང༌། སྐུ་ཚབ། སྐུ་ཞབས། སྐུ་ཡོན། སྐུ་གཟུགས། |
| སྐུ་ཁམས |
ལུས་ཀྱི་འདུ་བའམ་ཁམས། སྐུ་ཁམས་བཟང་པོ། |
| སྐུ་ཁྲུས་གསོལ་བ |
1 ཁྲུས་བརྒྱབ་པ། 2 ལྷའི་གཟུགས་བརྙན་ལ་ཁྲུས་གསོལ་བའི་ཆོས་སྤྱོད་ཅིག |
| སྐུ་གཉིས |
སངས་རྒྱས་ཀྱི་གཟུགས་སྐུ་དང༌། ཆོས་སྐུ། |
| སྐུ་གཉེར |
དཀོན་གཉེར་རམ་ལྷ་གཉེར། མིང་གི་རྣམ་གྲངས་ལ་དཀོན་གཉེར་དང༌། ལྷ་གཉེར། ལྷ་ཡིས་འཚོ་བ་བཅས་སོ། |
| སྐུ་གདུང |
1 ཕུང་པོའམ་རོ། སྐུ་གདུང་མཇལ། སྐུ་གདུང་ཞུགས་འབུལ་བྱས། 2 རིང་བསྲེལ། 3 རིང་བསྲེལ་ལམ་གདུང་བཅུག་པའི་མཆོད་རྟེན། སྐུ་གདུང་མཆོད་རྟེན། |
| སྐུ་གདུང་ཆ་བརྒྱད |
སྟོན་པའི་རིང་བསྲེལ་ཆ་བརྒྱད་དུ་བགོས་ཏེ་བཞེངས་པའི་མཆོད་རྟེན། |
| སྐུ་གམ |
ལུས་ཀྱི་ཉེ་འགྲམ། སང་གནངས་ལས་མི་འགྱངས་པར་སྐུ་གམ་དུ་ངོ་བཅར་ཞུས་ཆོག |
| སྐུ་གཙང་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། སྐུ་ལ་སོགས་པ་ཀུན་ཏུ་སྤྱོད་པ་གཙང་བའི་ཕྱིར་སྐུ་ལ་ནག་དྲེག་སོགས་རྣམ་པར་དག་པ། |
| སྐུ་གཞོགས |
སྐུའི་འཁྲིས་སམ་འགྲམ། |
| སྐུ་གཟན |
རབ་བྱུང་ཕོ་མོའི་སྟོད་ལ་གྱོན་པའི་གཟན། |
| སྐུ་གཟུགས |
1 ལུས། བར་དེར་སྐུ་གཟུགས་བདེ་པོ་ཡོད་ཤག སྐུ་གཟུགས་དཔངས་མཐོ་ཞིང་རྔམས་པ། སྐུ་གཟུགས་བརྗིད་བག་ལྡན་ལ་མཛེས་པ། 2 སྣང་བརྙན། སངས་རྒྱས་ཀྱི་སྐུ་གཟུགས། |
| སྐུ་གཤེགས |
ཤི་བ། སྐུ་གཤེགས་དཔའ་བོ། སྲས་བགྲེས་པ་སྔར་ནས་སྐུ་གཤེགས། |
| སྐུ་གཤེན |
བོན་པོའི་ཆོས་སྐད་དུ་ཆོས་སྐུ། |
| སྐུ་གསུང་ཐུགས |
ལུད་ངག་ཡིད། |
| སྐུ་གསུང་ཐུགས་ཀྱི་རྩ |
མི་ལུས་ཀྱི་རྩ་དབུ་མ་དང་རོ་རྐྱང༌། |
| སྐུ་གསུང་ཐུགས་རྟེན |
སངས་རྒྱས་ཀྱི་འདྲ་སྐུ་དང༌། གསུང་རབ་གླེགས་བམ། མཆོད་རྟེན་བཅས། |
| སྐུ་གསུམ |
ཆོས་ཀྱི་སྐུ་དང༌། ལོངས་སྤྱོད་རྫོགས་པའི་སྐུ་དང༌། སྤྲུལ་བའི་སྐུ་དང་གསུམ་མོ། |
| སྐུ་གསུམ་ཀུན་འདུས |
ཆོས་སྐུ་ལོངས་སྐུ་སྤྲུལ་སྐུ་གསུམ་གཅིག་ཏུ་འདུས་པ་རང་གི་རྩ་བའི་བླ་མ། |
| སྐུ་གསུམ་པ |
མངོན སངས་རྒྱས། |
| སྐུ་གསུམ་ལ་བསྟོད་པ |
སངས་རྒྱས་ལ་བསྟོད་པའི་བསྟན་བཅོས་ཤིག་སངས་རྒྱས་ཀྱི་ཆེ་བའི་ཡོན་ཏན་ལ་བསྟོད་པ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང༌། ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་བ། |
| སྐུ་གསེང |
ངལ་གསོ་ཁམས་གསེང༌། སྐུ་གསེང་དུ་ཕེབས་སོང༌། |
| སྐུ་གསོབ |
ནང་དུ་རྩ་སོགས་བརྒྱངས་ནས་བཟོས་པའི་འདྲ་གཟུགས། |
| སྐུ་གེགས |
བར་ཆད། ལོ་ན་ཕྲ་མོ་ནས་སྐུ་གེགས་བྱུང་སྟེ་གཤེགས་པ། |
| སྐུ་གྲིབ |
མི་གཙང་བའི་གྲིབ་ཀྱི་ཞེ་ས། ཡབ་ཆེན་ཁྱེད་ལ་སྐུ་གྲིབ་ཕོག་འདུག |
| སྐུ་གྲིམས་པ |
སྐུ་གཟུགས་ཐང་ཤ་དོད་པ། |
| སྐུ་ང |
རྙིང ཁ་གཡར་བ། |
| སྐུ་ངལ |
དཀའ་ངལ། སྐུ་ངལ་གསོ་རོགས་གནང༌། |
| སྐུ་ངོ |
1 བདག་པོ་དངོས། 2 མི་དྲག་ལ་འབོད་པའི་ཞེ་ས། |
| སྐུ་ངོ་མ་རང |
མི་དེ་ཉིད་དམ་མི་དེ་རང༌། |
| སྐུ་ངོ་མཚར་ཅན་གསུམ |
ཆོས་རྒྱལ་སྲོང་བཙན་སྒམ་པོའི་བཙུན་མོ་བལ་བཟའ་ཁྲི་བཙུན་བོད་དུ་ཕེབས་སྐབས་རྟེན་སྐལ་དུ་བསྣམས་ཕེབས་པའི་སྐུ་སྟེ། ཇོ་བོ་མི་བསྐྱོད་རྡོ་རྗེ། བྱམས་པ་ཆོས་འཁོར་མ། ཙན་དན་གྱི་སྒྲོལ་མ་གསུམ། |
| སྐུ་ཆིངས |
སྐུ་རགས། |
| སྐུ་ཆེ་ཞིང་དྲང་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྟེ་སྲོག་གཅོད་པ་སྤངས་པ་ཉིད་ཀྱིས་སྐུ་ཆེ་ཞིང་དྲང་བ། |
| སྐུ་ཆེན་པོ |
1 ལྷ་སྐུ་ཆེ་བ། 2 མི་ཆེན། |
| སྐུ་ཆོས |
1 དགེ་ཚུལ་སློང་གི་གྱོན་རྒྱུའི་ཆོས་གོས་ཀྱི་ཞེ་ས། 2 ཆོས་ཀྱི་ཞེ་ས། |
| སྐུ་ཇུས |
བྱ་གཞག་གི་གཞི་ཆུས། ལས་དྲང་པོའི་འདུན་མ་མ་བཟུང་ན། དུས་ཐ་མ་སྐུ་ཇུས་ཤོར་ན་འགྱོད། |
| སྐུ་ཉམས |
དཔོན་ཉམས་སམ། ཆེ་འགྱིང༌། |
| སྐུ་ཉེ |
སྤུན་ཟླ་ཉེ་འབྲེལ། |
| སྐུ་ཐང |
རི་མོའི་གཟུགས་བརྙན། |
| སྐུ་ཐིམ་པ |
ཤི་བའི་ཞེ་ས། སྐུ་ཐིམ་ཁར་ཞལ་ཆེམས་གསུངས་པ། |
| སྐུ་ཐོག |
མི་ཚེའི་རིང་ངམ་མི་རབས། སྐུ་ཐོག་སྔོན་མ། སྐུ་ཐོག་རྗེས་མ། སྐུ་ཐོག་མང་པོ། སྲོང་བཙན་སྒམ་པོའི་སྐུ་ཐོག |
| སྐུ་དཀར་གསོལ་བ |
1 ཁང་པ་ལ་དཀར་རྩི་གཏོང་བ། 2 ངོ་བསྟོད་བྱེད་པ། རབ་བཏགས་ཟོལ་བསྟོད་ཀྱི་སྒོ་ནས་ཆེ་བརྗོད་མང་པོའི་སྐུ་དཀར་གསོལ་བ། |
| སྐུ་དཀྱིལ་གསལ་དྭངས |
གཟུགས་པོ་བདེ་ཐང༌། བར་ལམ་སྙུན་གཞིའི་བར་ཆད་མེད་པར་སྐུ་དཀྱིལ་གསལ་དྭངས་བྱུང་བ་དགའ་སྤྲོ་ཆེ། |
| སྐུ་དག་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཐུགས་རྣམ་པར་དག་པའི་ཕྱིར་སྐུ་རྣམ་པར་དག་པ། |
| སྐུ་དངོས |
མི་དེ་རང༌། |
| སྐུ་དབྱིབས |
སྐུའི་བསོ་ལྟ། |
| སྐུ་དྲག |
མི་དྲག |
| སྐུ་དྲིན |
ཕན་པའམ་དྲིན། སྐུ་དྲིན་ཤེས་པ། སྐུ་དྲིན་གཟོ་བ། |
| སྐུ་དྲུང |
སྐུའི་གམ་མམ་འཁྲིས། |
| སྐུ་དྲུང་པ |
མདུན་དུ་སྡོད་མཁན། |
| སྐུ་ན |
ལོ་ཚོད། སྐུ་ན་བགྲེས་ཀྱང་ཐུགས་རིག་ཧ་ཅང་གསལ། ཡབ་ཡུམ་གཉིས་གཤེགས་པ་དང་སྐུ་ན་ཕྲ་བས་ཕྱག་རྫས་རྣམས་མིའི་ལག་ཏུ་བཅོལ། |
| སྐུ་ནྱ་གྲོ་ཏ་ལྟར་ཆུ་ཞེང་གབ་པའི་མཚན་བཟང |
སངས་རྒྱས་ཀྱི་མཚན་བཟང་པོ་སོ་གཉིས་ཀྱི་ནང་གསེས་ཤིག་སྟེ་ནགས་ཚལ་དང་ཀུན་དགའ་ར་བ་ལ་སོགས་པ་བྱེད་པ་ཡང་དག་པར་ལེན་དུ་བཅུག་པས་ཤིང་ནཡ་གྲོ་ཏ་ལྟར་ཆུ་ཞེང་གབ་པ། |
| སྐུ་པུར |
ཤི་བའི་རོ། སྐུ་པུར་ཞུགས་འབུལ་བྱས། |
| སྐུ་ཕུང |
ཕུང་པོའམ་རོ། |
| སྐུ་ཕྲེང |
སྐྱེ་བའི་རབས་སམ། ཚེ་སྔ་ཕྱིའི་བརྒྱུད་རིམ་སྟེ་སངས་རྒྱས་ཆོས་ལུགས་ལས་མི་ཤི་རྗེས་སླར་ཡང་སྐྱེ་བ་ལེན་རྒྱུ་ཡོད་པ་དེའི་སྐྱེ་བ་རིམ་བརྒྱུད་ལ་ཟེར། |
| སྐུ་བགྲེས་པ |
1 ན་ཚོད་ཆེར་སོན་པའམ་ཡོལ་བ། 2 རྒན་གཞོན་གཉིས་ཀྱི་རྒན་པ། ཀྲུའུ་ཞི་སྐུ་བགྲེས་པ། ཕྱག་མཛོད་སྐུ་བགྲེས་པ། |
| སྐུ་བཅར |
ཏཱ་ལའི་བླ་མའི་དྲུང་ངམ་མདུན་དུ་སྡོད་མཁན་དཔོན་རིགས། |
| སྐུ་བཅར་མཁན་པོ |
ཏཱ་ལའི་བླ་མའི་དྲུང་དུ་རྟག་ཏུ་སྡོད་མཁན་སྤྱི་ཁྱབ་མཁན་པོ་སོགས། |
| སྐུ་བཞི |
སངས་རྒྱས་ཀྱི་ངོ་བོ་ཉིད་སྐུ། ཡེ་ཤེས་ཆོས་སྐུ། ལོངས་སྐུ། སྤྲུལ་སྐུ་སྟེ་བཞི། ཟུང་འཇུག་སྐུ་བཞིའི་གོ་འཕང་ཐོབ་པར་མཛོད། |
| སྐུ་བརྙན |
སྣང་བརྙན་ནམ་འདྲ་སྐུ། |
| སྐུ་བལྟམས |
སྐུ་འཁྲུངས་པ། |
| སྐུ་བསོད |
བསོད་ནམས། སྐུ་བསོད་ཆེ་བ་ལྷ་དང་མཉམ། |
| སྐུ་བསྟོད |
1 བསྟོད་བསྔགས། 2 སངས་རྒྱས་ཀྱི་སྐུའི་ཡོན་ཏན་ལ་བསྟོད་པ། |
| སྐུ་བེམ |
ཟླ་གམ་མམ་ཐུལ་པ། |
| སྐུ་བེར |
ཟླ་གམ་མམ། གོས་བེར། |
| སྐུ་བོན |
སྔར་བོད་རྒྱལ་གྱི་འཁྲིས་སུ་བསྡད་ནས་འདོན་པ་འདོན་མཁན་བོན་པོ། |
| སྐུ་བྱི་དོར་བྱས་འདྲའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་སྡིག་པའི་ཆོས་དང་མ་འབགས་པ་ཉིད་ཀྱིས་ཁྲུས་སོགས་མ་བྱས་ཀྱང་སྐུ་བྱི་དོར་བྱས་པ་ལྟ་བུར་གཙང་ཞིང་དག་པ། |
| སྐུ་བླ |
རྙིང 1 སྐྱེས་ལྷ། 2 སྐུ་དྲག |
| སྐུ་མཁར |
རྒྱལ་པོ་སྡོད་སའི་མཁར། |
| སྐུ་མཁར་ཉི་གཟུངས |
བོད་རྒྱལ་ཉི་མ་མགོན་མངའ་རིས་སུ་སྤྱུགས་པས་སྤུ་ཧྲེང་དུ་བརྩིགས་པའི་མཁར། |
| སྐུ་མཁར་མ་རུ |
ལྷ་སའི་བྱང་ཕྱོགས་སེ་རའི་ཉེ་འདབས་དབེན་གནས་ཕ་བོང་ཁ་ལ་ཡོད་པའི་ཕོ་བྲང་ཞིག་སྟེ། དེ་ན་ཆོས་རྒྱལ་སྲོང་བཙན་སྒམ་པོ་ལོ་བཞིའི་རིང་སྐུ་མཚམས་སུ་བཞུགས་ནས་ཐུ་མི་སམ་བྷོ་ཊས་སྲོལ་བཏོད་པའི་བོད་ཀྱི་ཡི་གེའི་གཟུགས་དང་སྦྱོར་བ་རྣམས་ལ་མཐར་ཕྱིན་པ་སྦྱོང་ཚུལ་མཛད་པའི་གནས་ཏེ། སྔར་ཐོག་སོ་དགུ་བརྩེགས་སུ་ཡོད། |
| སྐུ་མཁྱེན |
ཐུགས་རྗེས་གཟིགས་ཞེས་གཞན་ལ་ཞུ་གསོལ་འདེབས་པའི་ཚིག |
| སྐུ་མགྲོན |
དགའ་སྟོན་ལ་བོས་པའི་བློ་ཉེའི་མི། སྐུ་མགྲོན་སྣེ་ལེན་ཁང༌། སྐུ་མགྲོན་བཞུགས་གྲལ། |
| སྐུ་མཆེད |
ཕ་མ་གཅིག་པའམ་ཕ་མ་གང་རུང་གི་རིགས་རྒྱུད་དུ་གཏོགས་པའི་སྤུན། |
| སྐུ་མཆེད་གསུམ |
1 ཕ་མ་གཅིག་པའི་སྤུན་མཆེད་གསུམ། 2 རྒྱལ་སྲས་སྐུ་མཆེད་གསུམ་སྟེ་འབྲོམ་སྟོན་པའི་ཐུགས་སྲས་པོ་ཏོ་བ་དང༌། སྤྱན་སྔ་བ། ཕུ་ཆུང་བ་རྣམས་སོ། |
| སྐུ་མཆོད |
བླ་སྤྲུལ་ཆེ་ཁག་དགོངས་རྫོགས་རྗེས་དྲན་གྱི་མཆོད་འབུལ། |
| སྐུ་མཉེ |
1 ཞུགས་མེ། 2 བཞུགས་གདན། |
| སྐུ་མཉེལ |
ངལ་བའམ་ཐང་ཆད་པ། ཕེབས་ལམ་ལ་སྐུ་མཉེལ་མ་སོང་ངམ། |
| སྐུ་མདུན |
1 དྲུང་ངམ་ལུས་ཀྱི་འཁྲིས་སམ་མདུན། 2 སྐུ་ངོ་མ་རང༌། |
| སྐུ་མདོག |
གཟུགས་པོའི་ཤ་མདོག སྐུ་མདོག་སེར་པོ། སྐུ་མདོག་རབ་དཀར། |
| སྐུ་མཚམས |
དུས་ཚོད་ངེས་ཅན་ཞིག་རིང་འགྲུལ་མཚམས་བཅད་དེ་བསྡད་པ། |
| སྐུ་མཚལ |
ལུས་ཀྱི་ཁྲག |
| སྐུ་ཚ |
ཚ་བོ། |
| སྐུ་ཚགས |
པགས་ཚགས། |
| སྐུ་ཚད |
1 ལུས་ཆེ་ཆུང་གི་ཚད། 2 ལུས་ཀྱི་ཚ་བ། |
| སྐུ་ཚབ |
1 ངོ་མའི་ཚབ། 2 འདྲ་དྲོད། ཨོ་རྒྱན་སྐུ་ཚབ། |
| སྐུ་ཚར |
ཚར་སློག་གམ་པགས་ཚགས། |
| སྐུ་ཚེ |
མིའི་ཚེའམ་སྲོག སྐུ་ཚེ་བསྐལ་བརྒྱར་བརྟན་པར་ཤོག སྐུ་ཚེ་མཐར་ཕྱིན་ཏེ་གཤེགས་སོ། སྐུ་ཚེ་མཐར་མ་ཕྱིན་པར་དགུང་ལོ་ཆུང་ངུའི་དུས་ནས་གཤེགས་པ། |
| སྐུ་ཚེ་རིང |
གཞན་ལ་རེ་འདོད་ཞུ་གསོལ་གྱི་སྨོན་ཚིག |
| སྐུ་ཞང |
མའི་གཅེན་པོ་དང་གཅུང་པོ། |
| སྐུ་ཞབས |
1 མིང་བྱེ་བྲག་པ་ལ་སྦྱོར་རྒྱུའི་ཞེ་ས། སྐུ་ཞབས་རྒྱ་མཚོ། མདའ་དཔོན་སྐུ་ཞབས། 2 སྐུའི་དྲུང༌། སྐུ་ཞབས་སུ་བཅར་བ་ཡིན། |
| སྐུ་ཞུམ་པ་མེད་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཐུགས་རྟག་ཏུ་མ་ཞུམ་པའི་ཕྱིར་སྐུ་ཞུམ་པ་མེད་པ་སྟེ་སྐུ་རིད་པ་སོགས་ཀྱི་སྐྱོན་མེད་པ། |
| སྐུ་ཟིལ་ཆེ |
ལུས་བརྗིད་བག་ཆེ་བ། སྐུ་ཟིལ་ཆེ་ཟླ་བས་མུན་པ་སེལ། |
| སྐུ་ཟླ |
ཟླ་བོའམ་བཟའ་ཟླ། |
| སྐུ་འཁོར |
གཙོ་བོ་དང་མཉམ་དུ་འགྲོ་མཁན། སྐུ་འཁོར་སྟོས་བཅས། སྐུ་འཁོར་གཏོས་ཆེ། |
| སྐུ་འཁྲིལ་བག་ཆགས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཡོན་ཏན་ཡང་དག་པར་བརྗོད་པར་མཛད་པ་ཉིད་ཀྱིས་སྐུ་འཁྲིལ་བག་ཆགས་པ་སྟེ། མཉེན་ཞིང་འགྱིང་ལེགས་པ། |
| སྐུ་འཁྲུགས་པ |
ལུས་ཁམས་མ་སྙོམས་པ་སྟེ་མི་བདེ་བ། |
| སྐུ་འགྱེད |
དགེ་འདུན་མང་ཚོགས་ལ་བགོ་བཤའ་བྱས་ནས་ཕུལ་བའི་དངུལ་དངོས། ཚོགས་ལ་སྐུ་འགྱེད་ཕུལ། |
| སྐུ་འཇམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཐུགས་རྗེ་ཅན་གྱི་ཕྱིར་སྐུ་ལ་རྩུབ་བག་མེད་པས་འཇམ་པ། |
| སྐུ་འདྲ |
གསེར་ཟངས་དང་འཇིམ་པ་སོགས་ལས་བཟོས་པའི་འདྲ་བརྙན། མིང་གི་རྣམ་གྲངས་ལ་ངེས་སྣང་དང༌། སྐུ་མཚུངས་པ། སྐུ་ཡི་གཞི་འཛིན། འདྲ་བར་བཞེངས། འདྲ་འབག་ལྡེར་བཟོ། པྲ་ཕབ་བཞིན། དཔེ་དང་མཉམ་པ། དཔེ་དང་མཚུངས་པ། གཟུགས་བརྙན། རབ་ཏུ་འདྲ། ལེགས་པར་བཞེངས། སླར་བྲིས་མ། སླར་གཟུགས། སླར་བྱས་འདྲ། སོ་སོར་མཚུངས་བཅས་སོ། |
| སྐུ་འབག |
1 འདྲ་སྐུའམ། སྐུ་བརྙན། 2 གདོང་གི་འདྲ་འབག |
| སྐུ་འབུམ |
1 སྐུ་བརྙན་ཚ་ཚ་མང་པོ་ཡོད་པའི་འབུམ་པ་སྟེ་མཆོད་རྟེན། 2 སྐུ་བརྙན་ཁྲི་ཕྲག་བཅུ། |
| སྐུ་འབུམ་བྱམས་པ་གླིང |
མཚོ་སྔོན་ཞིང་ཆེན་ཧོང་ཀྲུང་རྫོང་ཁོངས་ཤར་ཙོང་ཁའི་ཡུལ་དུ་ཡོད་པའི་དགེ་ལུགས་པའི་དགོན་ཆེན་ཞིག་ཡིན་པ་འདི་ཉིད་རབ་བྱུང་བཅུ་པའི་ས་བྱི་ལོར་ཏཱ་ལའི་བླ་མ་གསུམ་པ་བསོད་ནམས་རྒྱ་མཚོའི་ཞལ་བཀོད་ལྟར་རྗེ་ཙོང་ཁ་པ་འཁྲུངས་སར་འདུལ་བ་ཆོས་རྗེ་འོད་ཟེར་རྒྱ་མཚོས་ཕྱག་བཏབ་པ་དང༌། ཕྱིས་རིམ་གྱི༌༈ བསྐྱེད་བྱས་ནས་བར་སྐབས་གྲྭ་ཚང་བཞིར་འཕེལ་རྒྱས་བྱུང་བ། |
| སྐུ་འབུར་མ |
འབུར་དུ་བཞེངས་པའི་འདྲ་སྐུ། |
| སྐུ་ཡལ་བ |
1 ཤི་བ། 2 ལྷ་ཡལ་བ། |
| སྐུ་ཡོན |
1 ཡོན་ཏན། སྐུ་ཡོན་ཆེན་པོ། 2 གླ་རྔན་ཏེ་ཞབས་བརྟན་བྱེད་མཁན་སོགས་ལ་ཕུལ་བའི་གླ་ཆ། |
| སྐུ་རགས |
སྐ་རགས། |
| སྐུ་རིང |
མི་ཚེའི་རིང༌། བོད་རྒྱལ་སྲོང་བཙན་སྒམ་པོའི་སྐུ་རིང་ལ་བོད་ཡིག་གསར་དུ་བྱུང་བ་རེད། |
| སྐུ་རིམ |
རིམ་གྲོའམ་ཞབས་བརྟན། |
| སྐུ་རིམ་པར་འཚམས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། གདུལ་བྱ་དང་འཚམས་པའི་ཆོས་སྟོན་པར་མཛད་པ་ཉིད་ཀྱིས་སྐུ་རིམ་པར་འཚམས་པ་སྟེ་རིང་ཐུང་སྦོམ་ཕྲ་མ་འཆོལ་བ། |
| སྐུ་རུས |
1 ལུས་ཀྱི་རུས་པ། 2 ཕ་མའི་རུས་རྒྱུད། |
| སྐུ་རྐྱང |
གཅིག་པུ། ཁོང་སྐུ་རྐྱང་བཞུགས་འདུག |
| སྐུ་རྒྱན |
1 ལུས་ཀྱི་རྒྱན་ཆ། 2 རྩེད་མོའི་སྐུགས་སམ་རྒྱན། |
| སྐུ་རྒྱས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་དགེ་བའི་རྩ་བ་ཡང་དག་པར་འཕགས་པའི་ཕྱིར་སྐུ་ཤ་རྒྱས་པ། |
| སྐུ་རྒྱུ |
1 རྒྱུ་ནོར། 2 ལྷའི་སྐུ་བརྙན་བཟོ་བྱེད་ཀྱི་རྒྱུ། |
| སྐུ་རྒྱུད |
རིགས་རྒྱུད་དམ། གདུང་རྒྱུད། རྒྱལ་པོའི་སྐུ་རྒྱུད། |
| སྐུ་རྟེན |
སྐུ་དང་འདྲ་བའི་གཟུགས་བརྙན། |
| སྐུ་རྟེན་པ |
ལྷའི་ཁོག་རྟེན་ནམ། ཆོས་རྗེ། |
| སྐུ་རྡོ་རྗེ |
རྡོ་རྗེ་གསུམ་གྱི་ནང་གསེས། གཟུགས་རྣམ་པར་དག་པ་སྣང་སྟོང་གཉིས་སུ་མེད་པའི་སྐུ་རྡོ་རྗེའི་ཆོས་བདུན་གྱི་རང་བཞིན་ཚང་བ། |
| སྐུ་རྩེད |
རྩེད་མོའི་ཞེ་ས། ཨེ་ཧེ་བདག་གིས་སྐུ་རྩེད་ཞུས། སྐུ་རྩེད་མ་གནང༌། |
| སྐུ་རྫུ་འཕྲུལ་གྱི་ཆོ་འཕྲུལ |
ལུས་ཀྱི་སྒོ་ནས་ནམ་མཁའ་ལ་འཕུར་བ་དང༌། མེ་ལྟར་འབར་བ་ལ་སོགས་ཏེ་རྫུ་འཕྲུལ་གྱི་བཀོད་པ་སྣ་ཚོགས་སྟོན་པ་སྟེ་སངས་རྒྱས་ཀྱི་ཆོ་འཕྲུལ་གསུམ་གྱི་ཡ་གྱལ་ཞིག |
| སྐུ་ལ་སྨེ་བ་དང་ནག་བག་མེད་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། དུས་མ་ཡིན་པའི་ཆོས་འདུལ་བ་དང་བྲལ་བ་ཉིད་ཀྱིས་སྐུ་ལ་སྨེ་བ་དང་ནག་བག་མེད་པ། |
| སྐུ་ལུས |
གཟུགས་པོ། དགུང་ལོ་མཐོན་པོ་ཡིན་ཡང་སྐུ་ལུས་ཐང་པོ་འདུག |
| སྐུ་ལྔ |
1 སངས་རྒྱས་ཀྱི་ཆོས་སྐུ་དང༌། ལོངས་སྐུ། སྤྲུལ་སྐུ། ངོ་བོ་ཉིད་སྐུ། མི་འགྱུར་རྡོ་རྗེའི་སྐུ་སྟེ་ལྔ། 2 རྙིང་ལུགས་སུ་འབྲས་ཆོས་ཉེར་ལྔའི་དབྱེ་གཞིར་གྱུར་པ་སྐུ་གསུང་ཐུགས་ཡོན་ཏན་འཕྲིན་ལས་ཏེ་ལྔ། 3 རྙིང་མའི་རྒྱུད་སྡེ་རྣམས་སུ་གསལ་བའི་འབྲས་ཆོས་ཉེར་ལྔའི་ནང་གསེས་ཆོས་སྐུ་དང༌། ལོངས་སྐུ། སྤྲུལ་སྐུ། མི་འགྱུར་རྡོ་རྗེའི་སྐུ། མངོན་པར་བྱང་ཆུབ་པའི་སྐུ་སྟེ་སྐུ་ལྔ། |
| སྐུ་ལྡེར |
འཇིམ་པ་ལས་བཟོས་པའི་སྐུ། |
| སྐུ་ལྷམ་མེ |
སྐུ་བརྗིད་ཉམས་གསལ་བར་ཤར་ཚུལ། སྐུ་རི་རབ་ལྟར་ལྷམ་མེར་བཞུགས་པ། ཚོགས་འདུའི་ཐོག་ལ་སྐུ་ལྷམ་མེར་ཕེབས་པ། |
| སྐུ་ཤ |
ལུས་ཀྱི་ཤ། སྐུ་ཤ་རྒྱགས་པོ། སྐུ་ཤ་འབྱོར་པོ། |
| སྐུ་ཤིན་ཏུ་གཞོན་ཤ་ཅན་གྱི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཆོས་གོ་སླ་བར་སྟོན་པའི་ཕྱིར་སྐུ་ཤིན་ཏུ་གཞོན་ཤ་ཅན། |
| སྐུ་ཤིན་ཏུ་གྲིམས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཡང་སྲིད་ཟད་པ་ཉིད་ཀྱིས་སྐུ་ཤིན་ཏུ་གྲིམས་པ། |
| སྐུ་སྐལ |
བགོས་སྐལ། |
| སྐུ་སྐྱེ |
ཡང་སྲིད། |
| སྐུ་སྐྱེས |
དངོས་པོའི་བསྐུར་མོའམ། ལག་རྟགས། |
| སྐུ་སྒེར |
སྒེར་སོ་སོ། |
| སྐུ་སྙེ |
སྐུ་སྙེས་དང་འདྲ། |
| སྐུ་སྙེས |
རྒྱབ་སྙེས་སམ་རྒྱབ་འབོལ། |
| སྐུ་སྤྱིའི་ཡོན་ཏན་བཅུ |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སྐུ་མཉེན་ཞིང་འགྱིང་ལེགས་པས་འཁྲིལ་བག་ཆགས་པ་དང༌། རིང་ཐུང་སྦོམ་ཕྲ་སོགས་མ་འཆོལ་བས་རིམ་པར་འཚམས་པ་དང༌། མཚན་རྣམས་ཀྱི་ཆ་ཤས་མཐའ་དག་གསལ་ཞིང་རྫོགས་པ་དང༌། སྐུ་ཁྱོན་ཆེ་བས་ཁོ་ལག་ཡངས་ཤིང་བཟང་བ་དང༌། སྐུ་ཤིན་ཏུ་གཞོན་ཤ་ཅན་དུ་གྱུར་པ་དང༌། སྐུ་ལ་རྩུབ་བག་མེད་པས་འཇམ་པ་དང༌། སྐུ་རིད་པ་སོགས་ཀྱི་སྐྱོན་མེད་པས་ཞུམ་པ་མེད་པ་དང༌། སྐུ་ཤ་རྒྱས་པ་དང༌། སྐུ་མི་ལྷོད་པར་ཤིན་ཏུ་གྲིམ་པ་དང༌། སོར་མོ་དང་ཡན་ལག་སྦོམ་ཕྲ་སོགས་ཀྱི་ཆ་ཕྱེད་པས་ཤིན་ཏུ་རྣམ་པར་འབྱེས་པ་བཅས་བཅུའོ། |
| སྐུ་སྨད་ཀྱི་དཔེ་བྱད་བཞི |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། དཀུ་ཟླུམ་པ་ཞེས་དཔྱིའི་སྟ་ཟུར་གྱིས་མཚོན་པའི་སྐེད་པ་ཟླུམ་པ་དང༌། སྐེད་སྐབས་འཚམས་པས་སྐབས་ཕྱིན་པ་དང༌། སྐེད་པ་ཧ་ཅང་མི་རིང་བས་མ་རྙོང་བ་དང༌། སྐུའི་ཕྱལ་ཏེ་ལྟོ་བ་མཐོ་དམན་མེད་པས་ཕྱང་ངེ་བ་བཅས་བཞིའོ། |
| སྐུ་སྲུང་བ |
1 སྐུའི་ཉེན་ཁ་ལས་སྐྱོབ་པ། 2 སྐུ་སྲུང་མཁན། སྐུ་སྲུང་དམག་དཔུང༌། |
| སྐུ་སྲོག |
སྲོག སྐུ་སྲོག་སྐྱེལ་བའི་མཛད་པ་གནང་མི་འཚལ། |
| སྐུག |
(བྱེད་འབྲེལ་ལས་ཚིག་ད་ལྟ་བ)རྒྱུ་ནོར་སོགས་རྒྱལ་དུ་བཞག་ནས་རྒྱལ་ཕམ་བརྩད་དེ་རྒྱལ་ཁ་ཐོབ་མཁན་གྱིས་རྒྱུ་ནོར་ལེན་པའི་རྩེད་མོ་མི་འཚམ་པ་བྱེད་པའི་དོན་ཏེ། རྒྱུན་པར་རྒྱལ་སྐུག་པ་ཟེར། མ་འོངས་པར་བསྐུག་དང་། འདས་པར་བསྐུགས། སྐུལ་ཚིག་ལ་སྐུགས་ཞེས་འབྲི་སྲོལ་ཡོད། རྒྱལ་བསྐུགས་ནས་ཐོབ་པའི་རྒྱུ་རྫས་ལའང་སྐུག་གམ་སྐུགས་ཟེར། |
| སྐུག་པ |
ཐ་དད་པ བསྐུགས་པ། བསྐུག་པ། སྐུགས།། རྒྱན་འགྱེད་པ་སྟེ་རྒྱུ་དངོས་སོགས་རྒྱལ་བཙུགས་ནས་རྒྱལ་ཕམ་འགྲན་བསྡུར་བྱེད་པ། རྒྱལ་སྐུག་པ། རྒྱན་ཆེན་པོ་བསྐུགས་པ། |
| སྐུགས |
1. སྐུག་པའི་སྐུལ་ཚིག 2. རྒྱལ་ལམ་རྒྱན། ལུས་སྲོག་སྐུགས་སུ་བཙུགས། སྐུགས་སུ་འཇུག་པ། |
| སྐུང |
(བྱེད་འབྲེལ་ལས་ཚིག་ད་ལྟ་བ) ལྐོག་ཏུ་སྦས་པའི་དོན། མི་ངན་སྐུང་མི་རུང་། མི་ངན་སྐུང་མཁན་ལ་ཉེས་པ་ཡོད་ལྟ་བུ། |
| སྐུང་བ |
ཐ་དད་པ བསྐུངས་པ། བསྐུང་བ། སྐུངས།། སྦེད་པ་དང་གསང་བ། དངོས་ཡོད་གནས་ལུགས་སྐུང་བ། མི་ངན་བསྐུངས་པ། ཁྲིམས་འགལ་དངོས་རིགས་སྐུང་བ། སྐྱོན་ཆ་ནམ་ཡང་མི་སྐུང༌། |
| སྐུང་འཕྲང |
ཇག་རྐུན་གྱིས་སྒུག་རྒྱག་སའི་འཕྲང་དོག་པོ། |
| སྐུངས |
སྐུལ་ཚིག་སྟེ། སྐུངས་ཤིག་ལྟ་བུ། བོད་ཡིག་ཚེག་བར་གཉིས་གསུམ་རེ་ཚེག་བར་གཅིག་ལ་བསྡུས་ནས་འབྲི་ཚུལ་ཞིག་གམ། ཚིགས་བཅད་ཀྱི་ནང་གི་བསྐྱར་ཟློས་བྱས་པའི་ཚིག་རྗེས་མའི་ཚབ་ཏུ་ཀོ་རུ་ཁ་འབྲི་བའི་དོན་ཏེ། ཡི་གེ་བསྐུངས་ནས་བྲིས། ཚིག་བསྐུངས་ལྟ་བུ། |
| སྐུད |
(བྱེད་འབྲེལ་ལས་ཚིག་ད་ལྟ་བ)ཚོན་རྩི་དང་སྣུམ་སོགས་དངོས་རྫས་ཀྱི་ངོས་ལ་འགོ་རུ་བཅུག་པའི་དོན་ཏེ། ཚོན་སྐུད་མཁན། སྐུད་ཀྱིན་ཡོད་ལྟ་བུ། |
| སྐུད་ཆུན |
སྐུད་པ་སྡེམ་ཀའམ་ཆག་པ། |
| སྐུད་པ |
1. ཐ་དད་པ བསྐུས་པ། བསྐུ་བ། སྐུས།། འབྱུག་པ། སྨན་བསྐུས་པ། བཀྲག་རྩི་སྐུད་པ། སྐྲ་ལ་སྐྲ་སྣུམ་བསྐུ་བ། 2. སྲད་བུ། དངུལ་སྐུད། ལྕགས་སྐུད། དར་སྐུད། བལ་གྱི་སྐུད་པ་སྙོད་པ། བལ་སྐུད་འཁལ། རས་སྐུད་སྒྲིམ། སོ་མ་ར་ཙའི་སྐུད་པ་བསྡོགས་ཏེ་གྲུ་གུ་བཟོས། ཁབ་ཀྱི་རྗེས་སུ་སྐུད་པ་འགྲོ། མིང་གི་རྣམ་གྲངས་ལ་སྣལ་སྐུད་དང༌། སྣལ་མ། སྲད་བུ་བཅས་སོ། |
| སྐུད་པ་རྐྱང་མ |
སྐུད་པ་རྐང་གཅིག་མ། |
| སྐུད་པའི་དོག་པ |
སྲད་བུའི་ཆག་པ། |
| སྐུད་པའི་དྲུ་གུ |
སྲད་བུ་རིལ་པོར་དཀྲིས་པ། |
| སྐུད་པའི་འབུ |
མངོན དར་གྱི་སྲིན་བུ། |
| སྐུད་པོ |
1 རང་གི་བུད་མེད་ཀྱི་མིང་པོ། མིང་གི་རྣམ་གྲངས་ལ་ཆུང་མའི་སྤུན་ཟླ་དང༌། ཆུང་མའི་མཆེད་དོ། 2 སྲིང་མོའི་ཟླ་བོ། |
| སྐུད་བརྒྱད་པ |
གནའ་བོའི་གོས་ཆེན་ཞིག་གི་མིང༌། |
| སྐུད་མོ |
རང་གི་བུད་མེད་ཀྱི་སྤུན་མོ། |
| སྐུད་འདྲེན་ལེན་པོ |
མངོན ཁབ་ལེན་རྡོ། |
| སྐུད་རོ |
ཚེམ་སྲུབས་ཕྲལ་མཚམས་ཀྱི་སྐུད་པ་ཆད་རོ། |
| སྐུད་སྡོམ |
སྐུད་པའི་དོག་པའམ་སྡེམ་ཁ། |
| སྐུད་སྣེ |
སྐུད་པའི་སྣེ་མོ། |
| སྐུན་ཁར |
སྐུན་མཁར་དང་འདྲ། |
| སྐུན་པོ |
1 ཀོང་བུ་སོགས་སྣོད་ཆུང་སྤྱིའི་མིང༌། 2 གཞོང་པ། |
| སྐུན་བུ |
སྐུན་པོ་དང་འདྲ། |
| སྐུན་མཁར |
རྙིང སྐུ་མཁར། |
| སྐུམ |
(བྱེད་འབྲེལ་ལས་ཚིག་ད་ལྟ་བ)བརྐྱངས་པ་དང་བསྐྱེད་པའི་ལྡོག་ཟླ་སྟེ། རྐྱང་སྐུམ། རྐང་བ་སྐུམ་གྱིན་ཡོད། ལག་པ་སྐུམ་མཁན་ཞེས་པ་ལྟ་བུ། |
| སྐུམ་པ |
ཐ་དད་པ བསྐུམས་པ། བསྐུམ་པ། སྐུམས།། 1 ནང་དུའམ་ཚུར་འཐེན་པ། རྐང་ལག་ཚུར་བསྐུམས། བརྐྱང་བསྐུམ་བདེ་པོ་འདུག 2 སྦ་བ། སྐད་ཆ་སྐུམ་པ། བསམ་འཆར་བསྐུམས་ནས་མི་ཤོད་པ། |
| སྐུམས |
སྐུལ་ཚིག་སྟེ། ལག་པ་སྐུམས་ཤིག་ལྟ་བུ། |
| སྐུའི་ཁོ་ལག་ཡངས་ཤིང་བཟང་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཡངས་ཤིང་མཛེས་པའི་ཡོན་ཏན་རྫོགས་པའི་ཕྱིར་སྐུའི་ཁོ་ལག་ཡངས་ཤིང་བཟང་བ་སྟེ་སྐུ་ཁྱོན་ཆེ་བ། |
| སྐུའི་གནས་བདུན་མཐོ་བའི་མཚན་བཟང |
བཟའ་བཏུང་རྒྱ་ཆེན་པོ་བྱིན་པས་ཕྱག་ཞབས་ཀྱི་རྒྱབ་བཞི་དང༌། ཕྱག་གོང་གཉིས་དང༌། ལྟག་པ་སྟེ་བདུན་རྣམས་ཤས་ཁེངས་པ། |
| སྐུའི་ཐིག་ལེ |
ས་བོན་ནམ། ཁུ་བ། |
| སྐུའི་ཕྱལ |
རྙིང ལྟོ་བའི་ཞེ་ས། |
| སྐུའི་བཀོད་པ་བསྡུས་པ |
ཤི་བ། |
| སྐུའི་མདོག |
ལུས་ཀྱི་ཁ་དོག སྐུའི་མདོག་དཀར་པོ། སྐུའི་མདོག་ནག་པོ། |
| སྐུའི་ཚིགས |
ལུས་ཀྱི་ལྷུ་ཚིགས། |
| སྐུའི་ཚུགས |
ལུས་ཀྱི་དབྱིབས། སྐུའི་ཚུགས་མཛེས་ཤིང་འཚམས་པ། སྐུའི་རུས་ཚུགས་དཔངས་མཐོ། སྐུའི་ཤ་ཚུགས། |
| སྐུའི་འཕྲིན་ལས |
སྐུའི་མཛད་ཕྲིན་ནམ་སྤྱོད་པ། |
| སྐུའི་རྣམ་འགྱུར |
ལུས་ཀྱི་རྣམ་པ། གསུང་སྐད་གསང་ཞིང་སྐུའི་རྣམ་འགྱུར་སྤམ་པོ་ཞིག་འདུག |
| སྐུའི་སྐྱོན་མེད་པའི་དཔེ་བྱད་བཞི |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སྐུ་ལ་སྨེ་བ་དང་གནག་བག་མེད་པ་དང༌། སྐུ་མི་མཛེས་པའི་སྐྱོན་གྱིས་རྣམ་པར་དག་པ་དང༌། མིག་རྣག་པོ་དྲེག་སོགས་དྲི་མས་གཙང་བ་དང༌། ཁྲུས་སོགས་མ་བྱས་ཀྱང་རང་བཞིན་གྱིས་དག་པས་བྱི་དོར་བྱས་པ་འདྲ་བ་བཅས་བཞིའོ། |
| སྐུའི་སྟོབས |
གཟུགས་པོའི་སྟོབས། |
| སྐུར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) <ཀ>མི་གཞན་དང་སྦྲགས་ཁང་ལ་དངོས་རྫས་དང་ཡི་གེ་སོགས་བཅོལ་ནས་སྤྲོད་ས་ལ་སྤྲོད་དུ་བཅུག་པའི་དོན་ཏེ། ཡི་གེ་སྐུར་ཡུལ། ཡི་གེ་སྐུར་མཁན། ཡིག་སྐུར། སྐད་སྐུར། ཡི་གེ་སྐུར་ཅིག་ལྟ་བུ། |
| སྐུར་བ |
1. ཐ་དད་པ བསྐུར་བ། བསྐུར་བ། སྐུར།། 1 གཞན་ལ་འཁྱེར་རྒྱུ་འཆོལ་བ། ངག་ལན་སྐུར་བ། ཡིག་འཕྲིན་བསྐུར་བ། མཁའ་ལམ་ནས་སྐུར་བ། དངུལ་བསྐུར་བ། 2 སྤྲོད་པའམ་འགོད་པ། དབང་བསྐུར་བ། ལས་འགན་བསྐུར་བ། 2. ཡོད་བཞིན་དུ་མེད་པར་བཤད་པ་དང༌། ཡོན་ཏན་ཡིན་བཞིན་དུ་སྐྱོན་ཆར་བརྩིས་པའི་སྨོད་ཚིག བདེན་དོན་ལ་སྐུར་བ་མ་འདེབས། |
| སྐུར་བ་འདེབས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། མཐོང་ཐོས་དོགས་གསུམ་མེད་པའི་དགེ་སློང་ལ་བསམ་བཞིན་དུ་ལྷག་མ་བཅུ་གསུམ་གང་རུང་གི་སྐུར་བ་འདེབས་པ། |
| སྐུར་འདེབས |
སྐུར་བ་འདེབས་པ་སྟེ་གཞན་ལ་ཡོན་ཏན་ཡོད་པ་རྣམས་མེད་པ་དང༌། བཟང་པོ་རྣམས་ངན་པར་བཅོས་པའི་སྨོད་ཚིག ལས་འབྲས་ལ་སྐུར་འདེབས། དཀོན་མཆོག་ལ་སྐུར་འདེབས། བདེན་བཞི་ལ་སྐུར་བ་འདེབས་པ། མིང་གི་རྣམ་གྲངས་ལ་བརྒྱད་བཀག་དང༌། ཕྱིན་ཅི་ལོག་བརྗོད་པ། འཕྱ་ཚིག་མཚང་རྒོད། ལོག་སྒྲུབ། ལོག་འདྲེན་ཚིག་ལོག་སྨྲ་བཅས་སོ། |
| སྐུར་འདེབས་ཀྱི་མེད་མཐའ |
ཐ་སྙད་དུ་ཡོད་པའི་ཆོས་རྣམས་ཡོད་པ་མིན་པའམ་མེད་པར་འཛིན་པ། |
| སྐུར་འདེབས་སྒྲོ་འདོགས |
ཡོན་ཏན་ཡོད་པ་ལ་མེད་པར་སྨྲ་བ་དང༌། སྐྱོན་ཆ་མེད་པ་ལ་ཡོད་པར་སྨྲ་བ། |
| སྐུལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) སྐུལ་སློང་བྱེད་པའི་དོན་ཏེ། རྟ་ལ་ལྕགས་ཀྱིས་སྐུལ་མཁན། མི་ལ་ཚིག་གིས་སྐུལ་མཁན། སྐུལ་མ། སྐུལ་ལྕག རྦད་སྐུལ། རྟིང་སྐུལ། འབོད་སྐུལ། མང་ཚོགས་སྐུལ་ཅིག་ལྟ་བུ། |
| སྐུལ་གཞུང |
སྔར་དུས་ཁྲལ་འུ་ལག་སོགས་སྐུལ་བའི་གཞུང་ཁྲ། |
| སྐུལ་བ |
ཐ་དད་པ བསྐུལ་བ། བསྐུལ་བ། སྐུལ།། 1 བྱེད་དུ་འཇུག་པ་དང༌། གསལ་འདེབས་པ། ལག་ལེན་བྱེད་པར་སྐུལ་བ། ཁུར་སེམས་སྐུལ་བ། ནན་གྱིས་སྐུལ་བ། ཁྲལ་འུལ་སྐུལ་པ། 2 སྐྱོད་པ་དང་རློམ་པ། ཟིང་འཁྲུག་བསྐུལ་བ། རྒྱུ་ནོར་གྱིས་སེམས་བསྐུལ་བ། ལྷ་འདྲེས་རྒྱུད་བསྐུལ་བ། |
| སྐུལ་བདེ |
ལས་དོན་སྐུལ་སླ་བ། རྟ་བཟང་ཞོན་བདེ། མི་བཟང་སྐུལ་བདེ། |
| སྐུལ་བརྡ |
བྱེད་དུ་འཇུག་པའི་གོ་བྱེད་ཀྱི་བརྡ། སྐུལ་བརྡ་དང་ལེན། |
| སྐུལ་བྱེད |
1 ཙུནྡ བྱང་ཆུབ་སེམས་དཔའ་ཞིག 2 མངོན ལྕག་ཚན་ནམ། རྟ་ལྕག |
| སྐུལ་མ |
བློ་སེམས་སྐྱེད་ཐབས་དང༌། བྱ་སྤྱོད་དངོས་སུ་བྱེད་དུ་འཇུག་པའི་མིང༌། ཕན་ཚུན་སྐུལ་མ་གཏོང་རེས་བྱེད། ཡིག་ཐོག་ནས་སྐུལ་མ་འདེབས། མོས་མཐུན་དགོས་ལུགས་ཀྱི་སྐུལ་མ་ཡང་ཡང་བཏང་བ་ཡིན། |
| སྐུལ་ཚིག |
མི་གཞན་ལ་བྱ་བ་བྱེད་པར་སྐུལ་བའི་ཚིག་སྟེ། སྤྱིར་བྱ་བྱེད་ཐ་དད་པའི་བྱེད་ཚིག་ལ་འཇུག་པ་དང༌། སྐབས་འགར་བྱ་བྱེད་ཐ་དད་པ་ལ་མི་འཇུག་པ་དང༌། ཐ་མི་དད་པ་ལ་འཇུག་པའང་ཡོད། སྐུལ་ཚིག་གི་རྗེས་སུ་ཚིག་གྲོགས་ཅིག་དང༌། ཞིག་ཤིག་དང་སྒྲ་སོགས་སྦྱར་བ་སྡོད་ཅིག་གྱིས་ཤིག་ལྟ་བུ་སྐུལ་ཚིག་ཚིག་གྲོགས་དང་ལྡན་པ་ཡིན་ཞིང༌། དང་སྒྲ་ལ་ནི་ལྟོས་དང་མཐོང་གི་རེད་ལྟ་བུ་སྐུལ་ཚིག་གི་མཐར་གདམས་ངག་སྟོན་པའི་དང་སྒྲའི་ཕྲད་སྦྱར་བ་ཡིན། ཅིག་ཞིག་ཤིག་དང མར་སྡོད། མར་སྡོད་ཅིག མར་སྡོད་དང་ཁོས་འཁྱེར་ཡོང༌། མིག་གིས་ལྟོས། མིག་གིས་ལྟོས་ཤིག མིག་གིས་སྟོས་དང་མཐོང་གི་རེད། |
| སྐུལ་འདེད |
སྐུལ་མ་འདེབས་པ་སྟེ་ལག་ལེན་བསྟར་བར་སྐུལ་ཞིང་འདེད་པ། ཁྲལ་འུལ་སྐུལ་འདེད། བཙན་ཤེད་ཀྱིས་སྐུལ་འདེད་བྱས་པ། དཔེ་ཆ་འདི་བཞིན་བརྩམ་དགོས་ཞེས་པའི་སྐུལ་འདེད་ཡང་ཡང་བྱས་པ། |
| སྐུལ་འདེབས |
སྐུལ་ལྕག་བྱེད་པ། ལས་འགན་འཕྲལ་འཕྲལ་བསྒྲུབ་རྒྱུར་སྐུལ་འདེབས་བྱེད། |
| སྐུལ་ལྕག |
1 སྐུལ་བྱེད་ཀྱི་ལྕག་ཚན། རྟ་ལ་སྐུལ་ལྕག་བཞུས་པ། 2 སྐུལ་མ་དང་ལྕག་འདེབས་ཏེ། དངོས་སུ་ལག་ལེན་བྱེད་དུ་འཇུག་པའི་ཚིག་གམ་ཐབས་ཤེས། ལས་དོན་འདིའི་སྐོར་ལ་སྐུལ་ལྕག་ཐེངས་མང་བཏང་བ། |
| སྐུལ་སྤེལ |
ཡར་རྒྱས་དང་ཁྱབ་གདལ་གཏོང་བ། |
| སྐུལ་སློང |
སྐུལ་མ་བྱས་ནས་བརྩོན་སེམས་དང་ངར་སེམས་སོགས་སློང་བ། |
| སྐུས |
སྐུལ་ཚིག་སྟེ། སྣུམ་སྐུས་ཤིག་ལྟ་བུ། སྐུད་པ་ཞེས་པའི་བསྡུས་མིང་། |
| སྐུས་བྱིན་གྱིས་བརླབས་པའི་བཀའ |
སྟོན་པས་སྐུས་བྱིན་གྱིས་བརླབས་ཏེ་བྱང་ཆུབ་སེམས་དཔའ་རྣམས་ཀྱིས་དྲི་བ་དྲིས་ལན་གྱི་ཚུལ་དུ་གསུངས་པའི་མདོ། དཔེར་ན། ས་བཅུ་པའི་མདོ་ལྟ་བུ། |
| སྐེ |
མཇིང་པའམ་མགོའི་རྟེན། སྐེ་འཆུས་འདུག སྐེ་འཚིར་བཏང་ནས་བསད། སྐེ་གཅོད་པ། སྐེ་གཏུབ་པ། སྐེ་བྲེགས་པ། མིང་གི་རྣམ་གྲངས་ལ་མགུར་དང༌། མགུལ། མགོ་རྟེན། མགོ་སྟེགས། མགོ་འཛིན། མགྲིན་པ། ཨོག་ཀོང་བཅས་སོ། |
| སྐེ་ཀྱོག་ཀྱོག |
མཇིང་པ་ཡོན་པོ། |
| སྐེ་ཀྲོང་ཀྲོང |
སྐེ་ཡར་བསྒྲེངས་པའི་དབྱིབས། སྐེ་ཀྲོང་ཀྲོང་བྱས་ནས་ལྟ། |
| སྐེ་ཁྱེར་ཞགས་འཛེད |
ཕན་དུ་རེའང་དོན་དུ་རང་གིས་རང་ལ་གནོད་སྐྱེལ་བ། |
| སྐེ་གཅོད་སྣུམ་གཏིག |
སྐེ་གཅོད་དགོས་སམ་སྣུམ་གཏིག་གི་ཡིན་ཞེས་བཙན་ཤེད་བྱེད་པ། དཔེ་འདི་ཕྲུ་གུ་ཚོས་འབུ་ཆ་ག་པ་བཟུང་སྟེ་བཙིར་ནས་ཁའི་མཆིལ་མ་སྐྱུག་ཏུ་བཅུག་པའི་རྩེད་མོ་ནས་བྱུང༌། |
| སྐེ་ཆ |
སྐེའི་རྒྱན་ཆ། |
| སྐེ་ཆས |
སྐེ་རྒྱན། |
| སྐེ་ཐག |
དུད་འགྲོའི་སྐེ་ལ་འདོགས་པའི་ཐག་པ། སྒོ་ཁྱི་ལ་སྐེ་ཐག་བརྒྱབ་ནས་བཏགས་འདུག |
| སྐེ་ཐིག |
ཁྱི་དང་ཕྱུགས་སོགས་ཀྱི་སྐེ་ལ་མཛེས་རྒྱུན་དུ་འདོགས་རྒྱུ་ཞིག |
| སྐེ་དཀྲིས |
སྐེ་ལ་དཀྲི་བྱའི་སྣམ་རས་སོགས། |
| སྐེ་པང |
ཕོར་པ་སོགས་དཀྲུག་བྱེད་ཀྱི་འཁོར་ལོའི་སྐེ་འཛིན་བྱེད་ཀྱི་པང་ལེབ། |
| སྐེ་ཕྲེང |
མགུལ་དུ་གདགས་རྒྱུའི་རྒྱན་ཆ། |
| སྐེ་བཀག |
ཡུལ སྐེ་བསྡམས། |
| སྐེ་བཙིར་སྲོག་གཅོད |
སྐེ་བསྡམས་ནས་གསོད་པ། |
| སྐེ་བལ |
ལུག་གི་སྐེའི་སྤུ། |
| སྐེ་བསྡམས་སྲོག་གཅོད |
ཐག་པ་གང་རུང་གིས་སྐེ་བཅིངས་ནས་སྲོག་གཅོད་པ། |
| སྐེ་མཇིང |
སྐེའི་མདུན་རྒྱབ། |
| སྐེ་ཙོང |
སྐེ་རྩོང་དང་འདྲ། |
| སྐེ་ཚིགས |
སྐེའི་རུས་ཚིགས། སྐེ་ཚིགས་འཆུས་པ། |
| སྐེ་ཚེ |
སྐེ་ཚེ་ནག་པོ་ཡང་ཟེར། སྔོ་སྨན་གྱི་རིགས་ཤིག་སྟེ། ལོ་སྡོང་སོགས་ཡུངས་ནག་དང་འདྲ་བ། རོ་ཚ། ནུས་པས་གཉན་སྐྲངས་དང་ལྷོག་པ་ལ་ཕན། མིང་གི་རྣམ་གྲངས་ལ་སྔོན་སྐྱེས་དང༌། ནག་མོ། ཡུངས་ཀར་རྒྱལ་པོ། ལྷ་མིན་མོ་བཅས་སོ། |
| སྐེ་འཁོར |
1 སྐེའི་རྒྱན། 2 གོས་ཀྱི་མཇིང་སྒོར། |
| སྐེ་འགག |
མྱུར་དུ་འཆི་བའི་ཕྱུགས་ཀྱི་སྐེ་ནད་ཅིག |
| སྐེ་འདོགས |
1 སྐེ་ཐག་པས་འདོགས་པ། 2 སྐེ་ནས་འདོགས་བྱེད། 3 སྐེ་ལ་འདོགས་པའི་རྒྱན་ཆ། |
| སྐེ་འབྱར |
1 ཤ་ཁོག་སྐེ་འབྱར། 2 སྐེ་ཐུང་ཐུང༌། |
| སྐེ་འཚིར་ཐག་པ |
མི་དང་དུད་འགྲོ་གསོད་ཐབས་ཀྱི་སྐེ་སྡོམ་བྱེད་ཅིག |
| སྐེ་ཡོན |
སྐྱེ་ཀྱོག་ཀྱོག གྲིབ་ཕོག་ནས་སྐྱེ་ཡོན་པོར་གྱུར་སོང༌། |
| སྐེ་རགས |
སྐྱེད་པ་འཆིང་བྱེད། སྐེ་རགས་ལས་སྣེ་འཛར་རིང་བ། |
| སྐེ་རིང་མཚོ |
བོད་རང་སྐྱོང་ལྗོངས་ཀྱི་ཤན་རྩ་རྫོང་གི་ལྷོ་རྒྱུད་དུ་ཡོད། |
| སྐེ་རྨ |
མགོ་དང་བྲང་ཁོག་བར་གྱི་ཆ་དེ་ལ་སྐེ་ཞེས་ཟེར་བས་དེར་མཚོན་སོགས་ཕོག་པ་ལས་བྱུང་བའི་རྨ། |
| སྐེ་རྩོང |
1 སྐེ་ཀྲོང་ཀྲོང༌། 2 ལུས་པོ་རིད་པའམ་རྗུད་པ། |
| སྐེ་ལྕིབས |
སྔར་གྱི་གོ་ཆ་ཞིག་གི་མིང༌། |
| སྐེ་ཤིང |
གཉའ་ཤིང༌། |
| སྐེ་སྒོར |
1 རྟ་དྲེལ་སོགས་ཀྱི་མཇིང་པར་གཡོག་བྱེད་དམ་སྐྱོབ་བྱེད། 2 སྐེ་རྒྱན། |
| སྐེ་སྙེང་སྙེང |
སྐེ་མགྲིན་གྱེན་ནམ་ཐད་ཀར་རྐྱོང་འགུལ་གྱི་རྣམ་པ། སྒེ་ཁུང་ནང་ནས་སྐེ་སྙེང་སྙེང་བྱས་ནས་ལྟ་གི་འདུག |
| སྐེ་སྟོང |
ཨོལ་མདུད་འོག་གི་ཀོང་དོང༌། |
| སྐེ་སྦྲེལ |
གསར་ཉོས་སྒོ་ཕྱུགས་དེ་སྔར་ཡོད་པ་ཞིག་གི་སྐེ་ལ་འདོགས་པའི་མིང༌། དུད་འགྲོ་སྐེ་སྦྲེལ་གྱིས་རྩྭ་སར་བཏང༌། |
| སྐེག |
རྒྱུ་སྐར་ཉེར་བརྒྱད་ཀྱི་ནང་གི་སྐར་ཚོགས་ཤིག་གི་མིང་སྟེ། སྐག་གི་འབྲི་ཚུལ་གཞན། 2.དུས་ངེས་ཅན་གྱི་བར་ཆད་ཀྱི་དོན་དུ་གོ་བའི་སྐག་དང་འདྲ། |
| སྐེགས |
སྒྲོ་མདོག་ཁམ་སེར། རྐང་བ་དང་མཆུ་ཤིན་ཏུ་རིང་བ། སྡེར་མོའི་བར་སྦྲེལ་བའི་སྐྱི་མོ་མེད་པ། དུས་རྒྱུན་ཞིང་ཁ་དང་ན་ཐང་དུ་ཉ་ཕྲུག་དང་འབུ་སོགས་ཟ་བའི་བྱ་ཞིག་གི་མིང་ཡིན། འདི་ལ་རི་སྐེགས་ཟེར་བའང་ཡོད། |
| སྐེད |
རྐེད་ཀྱི་འབྲི་ཚུལ་གཞན། |
| སྐེད་གཟེར |
དཔྱི་མགོ་ལ་ལག་པ་རྟེན་པ། ལག་གཉིས་སྐེད་གཟེར་བྱས་ནས་སྒོ་ཁར་ལངས། |
| སྐེད་གྲི |
སྐེད་པར་གཟེར་བའི་གྲི། |
| སྐེད་ཆིངས |
སྐ་རགས། |
| སྐེད་ཉག |
སྐེད་པ་ཉག་ཉག |
| སྐེད་དཀྲིས |
སྐེད་པར་དཀྲི་བྱའི་མིང༌། |
| སྐེད་ནད |
1 སྐེད་པ་ན་བའི་ནད། 2 བུད་མེད་ཀྱི་ཟླ་མཚན། |
| སྐེད་ནད་ཅན་མ |
མངོན བུད་མེད་ཟླ་མཚན་ལྡན་མ། |
| སྐེད་པ |
1 ལུས་ཀྱི་སྐེད་པ། དར་གྱི་སྐ་རགས་སྐེད་པར་འཆིང༌། འཁུར་རྒྱུའི་རྡོག་ཁྲེས་ལྕི་དྲགས་པས་སྐེད་པ་འཆུས་འདུག སྒལ་ཚིགས་འཆུས་ནས་སྐེད་པ་གུག་གུག་བྱས་འདུག མིང་གི་རྣམ་གྲངས་ལ་སྐ་རགས་ཡུལ་ལོ། 2 བར་མཚམས། རི་སྐེད་ལ་ལམ་ཕྲན་ཞིག་འདུག |
| སྐེད་པ་རྒྱག་པ |
ཟླ་མཚན་འབབ་པ། |
| སྐེད་ཕྲ་མ |
མངོན མཛེས་མ། |
| སྐེད་མེད་མ |
མངོན མཛེས་མ། |
| སྐེད་ཚིགས |
སྐེད་པའི་ཐད་ཀྱི་རུས་ཚིགས། སྟག་མཆོང་སར་ཝ་མཆོངས་ན་ཝའི་སྐེད་ཚིགས་བུད་ཡོང༌། |
| སྐེད་འཁྱོག |
1 སྐེད་པ་འཁྱོག་པོ། 2 རྒྱུ་སྐར་ཞིག |
| སྐེད་འཆིང |
སྐེད་ཆིངས་དང་འདྲ། |
| སྐེད་རགས |
སྐེད་པ་འཆིང་བྱེད། |
| སྐེད་རགས་རྒྱ་མ |
བཏགས་ནས་བཟོས་པའི་སྐེད་ཆིངས། |
| སྐེད་རགས་ལྷས་མ |
བསླས་པའི་སྐེད་རགས། |
| སྐེད་རྒྱན |
སྐེད་པའི་རྒྱན་ཆ། |
| སྐེད་རྔ |
སྐེད་པར་བཏགས་ནས་བརྡུང་རྒྱུའི་རྔ། |
| སྐེད་ལུང |
སྐེད་པའི་ལུང་ཐག་གམ་ཨ་ལོང༌། |
| སྐེད་ལེགས་མ |
མངོན 1 བུད་མེད་མཛེས་མ། 2 ལྷའི་བུ་མོ། |
| སྐེད་སོ |
སྐེད་པའི་ཐད། མདེལ་རྩེ་སྐེད་སོར་ཕོག་པ། ཐག་པ་སྐེད་སོར་བཏགས་པ། |
| སྐེད་སྐབས |
སྐེད་པའི་མཚམས། སྐེད་སྐབས་ཕྱེད་པ། |
| སྐེམ |
(བྱེད་འབྲེལ་ལས་ཚིག་ད་ལྟ་བ)ཆུའི་ཆ་ཤས་མེད་པར་བྱས་པའམ་ཇེ་ཉུང་དུ་བཏང་བའི་དོན་ཏེ། ལྭ་བ་བཀྲུས་ནས་ཉི་མར་སྐེམ་གྱིན་ཡོད། ལྭ་བ་ཉི་མར་སྐེམ་མཁན་ཞེས་པ་ལྟ་བུ། |
| སྐེམ |
(བྱེད་མེད་ལས་ཚིག་ད་ལྟ་བ)རྩི་ཤིང་རིགས་སྐྱེ་བའི་ནུས་པ་ཉམས་པའི་དོན་ཏེ། མེ་ཏོག་སྐེམ་གྱིན་འདུག་ལྟ་བུ། |
| སྐེམ་ནད |
བུད་མེད་དར་མ་ཟླ་མཚན་ཡུན་རིང་མི་འབབ་པས་གཟུགས་པོ་རིད་པ་དང༌། གདོང་ལ་ཤ་ཁེབས་འབྱུང་བ་སོགས་ཀྱི་ནད་གཞི་ཞིག |
| སྐེམ་པ |
1. ཐ་དད་པ བསྐམས་པ། བསྐམ་པ། སྐོམས།། རླན་པའམ་གཤེར་ཆ་མེད་པར་བཟོ་བ། གྲིབ་མར་སྐེམ་པ། མྱི་མར་སྐེམ་པ། གཞའ་ཚན་སྐེམ་པ། 2. རིད་པོ། གཟུགས་པོ་སྐེམ་པ། |
| སྐེམ་པོ |
རིད་པོའམ་ལུས་ཤ་ཤོར་བ། རྟ་རྒན་སྐེམ་པོ། གཟུགས་པོ་སྐེམ་པོ། |
| སྐེམ་པོ |
ཤ་རིད་པའི་དོན་སྟོན་པའི་རྒྱན་ཚིག་སྟེ། ལུས་སྐེམ་པོ་ཤ་སྐེམ། སྐེམ་ནད་ཅེས་པ་ལྟ་བུ། |
| སྐེམ་བྱེད་མ |
ཐན་པ་གཏོང་མཁན་གྱི་འདྲེ། |
| སྐེམ་བྱེད་མདའ |
ལྷ་དགའ་རབ་དབང་ཕྱུག་གི་མདའ་ལྔའི་གྲས་ཤིག |
| སྐེམས |
སྐེམ་པའི་སྐུལ་ཚིག་གི་འབྲི་ཚུལ་གཞན་ཞིག་ |
| སྐེའི་གའུ |
བོད་ཀྱི་བུད་མེད་ཚོའི་གཟབ་སྤྲོས་མགུལ་རྒྱན་གྱི་གའུ་འདི་ནི་གསེར་དངུལ་གྱིས་བཟོས་ཤིང༌། ངོས་ལ་གཡུ་སོགས་ཀྱི་ཕྲ་བཏབ་པ། མུ་ཏིག་དང་གཟི་སོགས་བསྟར་ལ་བརྒྱུས་ནས་ལུང་ཐག་བྱས་པ་ཞིག |
| སྐོ |
(བྱེད་འབྲེལ་ལས་ཚིག་ད་ལྟ་བ)གོང་རིམ་མམ་མང་ཚོགས་ཀྱིས་བྱ་བའམ་ལས་དོན་ཞིག་བྱེད་མཁན་དུ་གཏན་ཁེལ་བྱས་པའི་དོན་ཏེ། དམངས་བཙུགས་སློབ་གྲྭའི་དགེ་རྒན་ཞིག་སྐོ་བཞིན་ཡོད། གོ་གནས་སྐོ་མཁན་ཞེས་པ་ལྟ་བུ། |
| སྐོ་བ |
ཐ་དད་པ བསྐོས་པ། བསྐོ་བ། བསྐོས།། 1 གོ་གནས་སུ་འཇོག་པའམ། གོ་གནས་སྤྲོད་པ། ལས་འཛིན་དུ་བསྐོས་པ། རྒྱལ་སྲས་རྒྱལ་སར་བསྐོ་བ། ཞང་ཉེའི་སྲས་མོ་བཙུན་མོར་བསྐོས་པ། ལས་འགན་བསྐོ་བར་མི་འོས་པ། 2 ལས་དབང་གིས་གཏན་འཁེལ་བ། ལས་ཀྱིས་བསྐོས་པའི་སྐལ་བ། གནམ་གྱིས་བསྐོས་པ། |
| སྐོ་ཙེ |
རྒྱ ཇ་སྤུས་ཀ་ཞན་པ་ཞིག |
| སྐོ་སྐོ |
མ་ལེ། |
| སྐོགས |
ཤུན་པའི་མིང་སྟེ། སྒོ་ངའི་སྐོགས་པ། ཀ་པེད་ཀྱི་སྐོགས་ཤུན། རུས་སྦལ་གྱི་སྐོགས་ཤུན་ཞེས་པ་ལྟ་བུ། |
| སྐོགས་པ |
1 ཤུན་པ། སྒོ་ངའི་སྐོགས་པ། ཤིང་གི་སྐོགས་པ། སྟར་སྐོགས། 2 སྦུན་པ། 3 ཤུབས། ཡིག་སྐོགས། མར་སྐོགས། |
| སྐོགས་ལྤགས |
ཕྱི་ཤུན། |
| སྐོགས་ཤུན |
ཕྱིའི་པགས་པ། རུས་སྦལ་གྱི་སྐོགས་ཤུན། ཀ་པེད་ཀྱི་སྐོགས་ཤུན། |
| སྐོང |
(བྱེད་འབྲེལ་ལས་ཚིག་ད་ལྟ་བ) འདོད་པ་དང་རེ་བ་ཚིམ་པར་བྱས་པའི་དོན་ཏེ། རེ་བ་སྐོང་མཁན་ཞེས་པ་ལྟ་བུ། |
| སྐོང་བ |
ཐ་དད་པ 1. བསྐངས་པ། བསྐང་བ། སྐོངས།། 1 ཡིད་ཚིམ་པར་བྱེད་པ། ཐུགས་དམ་སྐོང་བར་བྱེད། རེ་བ་བསྐངས། 2 གྲངས་འབོར་ཆད་པ་རྣམས་ཚང་བར་བྱེད་པ། མི་གྲངས་ཁ་བསྐང་རྒྱུ། དཔེ་ཆའི་མཇུག་ཁ་སྐོང་བ། 2. བསྐོངས་པ། བསྐོང་བ། སྐོངས།། འགུགས་པ་དང༌། སྡུད་པ། ཚོགས་འདུ་བསྐོངས། ནུས་ཤུགས་ཇི་ཡོད་བསྐོང་བ། |
| སྐོང་ཞགས |
ཉ་འཛིན་བྱེད་ཀྱི་དྲ་བ། |
| སྐོང་སྒྲིག |
ཕྱོགས་གཅིག་ཏུ་སྡུད་པ་དང༌། ཁག་སོ་སོར་བཀོད་སྒྲིག་བྱེད་པ། ལས་འཛིན་སྐོང་སྒྲིག དམག་དཔུང་སྐོང་སྒྲིག་བྱས་པ། |
| སྐོངས |
སྐུལ་ཚིག་སྟེ། རེ་བ་སྐོངས་ཤིག་ལྟ་བུ། མ་ཚང་བ་ཚང་བར་བྱེད་པའི་དོན་ཏེ། ཚིག་མ་ཚང་བ་ཁ་སྐོང་དགོས། ཚིག་ཁ་ཤས་ཁ་བསྐངས་ནས་ཆ་ཚང་བར་བྱས་ལྟ་བུ། |
| སྐོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག）ལྭ་བ་དང་ཞྭ་སོགས་མི་ལ་གྱོན་དུ་འཇུག་པའི་དོན་ཏེ། ཕ་མས་བྱིས་པ་ལ་ལྭ་སྐོན་གྱིན་ཡོད། བྱིས་པ་ལ་ལྭ་བ་སྐོན་མཁན། ལྭ་སྐོན་ཅིག ཞྭ་སྐོན་ཅིག་ལྟ་བུ། |
| སྐོན་པ |
1. ཐ་དད་པ བསྐོན་པ། བསྐོན་པ། སྐོན།། གྱོན་དུ་འཇུག་པ་དང༌། གཡོགས་པ། ཕྲུ་གུར་གོས་གསར་བསྐོན། རྩམ་པ་རང་གིས་བརྐུས་ནས་རྩམ་ཁུག་གཞན་མགོར་བསྐོན། 2 1 རི་དྭགས་འཛིན་བྱེད་ཀྱི་རྒྱའམ་རྙི། 2 གཞོང་པ། |
| སྐོན་བུ |
1 མཆོད་ཀོང་སོགས་སྣོད་ཆས་ཆུང་ངུ་སྤྱིའི་མིང༌། 2 བྱ་དང་རི་དྭགས་འཛིན་བྱེད་ཀྱི་རྒྱ་དང་དྲ་བ། 3 ལྕུག་མས་བསླས་པའི་སྣོད་ཆུང་གྲས། |
| སྐོན་བུ་ཁ་སྦྱར |
རྙིང ལྕུག་མ་ལས་བཟོས་པའི་ལྷུང་བཟེད་སོགས་འཇོག་སའི་སྣོད། |
| སྐོབ |
གྲ་སྒྲིག་དང་སྟ་གོན་གྱི་མིང་སྟེ་སྐོབས་ཀྱི་འབྲི་ཚུལ་གཞན། |
| སྐོབས |
1 བྱ་དཀའ་བའི་གནས། ལས་ཀའི་སྐོབས་སུ་ཚུད་པ། 2 སའི་འོབས་དོང༌། མེ་སྐོབས། |
| སྐོམ |
བཏུང་བ་སྤྱིའི་མིང་སྟེ། སྐོམ་འཐུང་། སྐོམ་དུ་ཆུ་འཐུང་ཞེས་པ་ལྟ་བུ།（བྱེད་མེད་ལས་ཚིག）ལུས་པོའི་ནང་གི་ཆུ་ཇེ་ཉུང་དུ་སོང་ནས་བཏུང་བ་འཐུང་འདོད་སྐྱེས་པའི་དོན་ཏེ། ལུག་སྐོམ་ནས་ཆུ་ཁར་བརྒྱུགས། སྐོམ་ནས་ཆུ་བཙལ་ལྟ་བུ། |
| སྐོམ་ཆང |
སྐོམ་པ་སེལ་བྱེད་ཀྱི་ཆང༌། |
| སྐོམ་དད |
1 འཐུང་འདོད་ཆེ་བའམ་ཇི་ཙམ་བཏུངས་ཀྱང་ངོམས་རྒྱུ་མེད་པ། སྐོམ་དད་ཆེ་བ། 2 གྱེན་རྒྱུའི་རླུང་དང་མཁྲིས་པ་འཁྲུགས་པ་སོགས་ལས་བྱུང་བའི་ཁ་སྐོམ་འཐུང་འདོད་ཆེ་བའི་ནད་རིགས་ལྔ་སྟེ། རླུང་ལས་གྱུར་པ་དང༌། མཁྲིས་པ་ལས་གྱུར་པ། བད་ཀན་ལས་གྱུར་པ། འདུས་པ་ལས་གྱུར་པ། བཅུད་ཟད་པ་ལས་གྱུར་པ་བཅས་ལྔའོ། |
| སྐོམ་དྲི |
བཏུང་བའི་དྲི་མ། |
| སྐོམ་པ |
1. ཐ་མི་དད་པ སྐོམས་པ། སྐོམ་པ།།ཁའི་ནང་གི་རླན་སྐམ་པའི་གདུང་བ། ཁ་སྐོམ་པ། སྐོམས་ན་བཏུང་བ་འཐུང༌། ལྟོགས་ན་ལྟོ་ཆས་ཟ། བཀྲེས་སྐོམ་གྱི་སྡུག་བསྔལ། ཁ་ཡག་བཤད་ན་གོ་མི་ཆོད། ཚྭ་ཆུ་འཐུང་ན་སྐོམ་མི་སོས། 2 1 བཏུང་བའི་རིགས། ཟས་སྐོམ། སྐོམ་པ་གྲང་མོ། སྐོམ་འདོད་པ། 2 བཏུང་བ་འཐུང་འདོད་མཁན། སྐོམ་པ་རྣམས་སྐོམ་པ་དང་བྲལ། |
| སྐོམ་པ་ཆུ་འདོད |
ཤིན་ཏུ་འདོད་པའི་དཔེ། ཐར་འདོད་ཀྱི་བསམ་པ་སྐོམ་པ་ཆུ་འདོད་ལྟར་ཡོད། |
| སྐོམ་པོ |
བ་ལང་ངམ། བ་གླང༌། |
| སྐོམ་ཟོང |
རྙིང གླ་ལྟོ། |
| སྐོམ་རེད |
ལུས་རྔུལ། རྨ་གཤེར། རྣག་ཆུ་མང་པོ་རྡོལ་པའི་རྨ་ནད་ཀྱི་མིང༌། |
| སྐོམ་ལྡུད་པ |
བཏུང་བ་བླུད་པའམ། འཐུང་དུ་འཇུག་པ། ཚ་བའི་ནད་ཀྱིས་མནར་བ་ལ་སྐོམ་ཡང་ཡང་ལྡུད་དགོས། |
| སྐོམ་ཤ |
བ་ལང་གི་ཤ། |
| སྐོམ་སྐྱུར |
ཁ་སྐོམ་པ་སང་བྱེད་ཀྱི་སྐྱུར་ཁུ། |
| སྐོམས |
སྐུལ་ཚིག་སྟེ། ལྭ་བ་ཉི་མར་སྐོམས་ཤིག་ལྟ་བུ། |
| སྐོམས་པ |
སྐོམ་པའི་འདས་པ། |
| སྐོར |
1. སྐོར་བའི་སྐུལ་ཚིག 2 1 རིགས་དང་སྡེ་ཚན། ཞིང་ལས་སྐོར། འབྲོག་ལས་སྐོར། རྒྱལ་དམངས་དཔལ་འབྱོར་ཡར་རྒྱས་སུ་གཏོང་བའི་བྱེད་ཕྱོགས་སྐོར། 2 ཡུལ་སྡེ་དང་ས་ཁུལ། བྱང་ཤར་སྐོར། སྐམ་ས་ཆེན་པོའི་སྐོར། མངའ་རིས་སྐོར་གསུམ། 3 ཉེ་འདབས། ཁང་སྐོར། གྲོང་ཁྱེར་གྱི་ཉེ་སྐོར། 4 ལྡབ་གྲངས། འབྲུ་རིགས་སུམ་ཅུ་སྐོར་ཐོན་པ། མ་བུ་སྐོར་ཐང༌། ཞིང་ཁའི་ཐོན་སྐོར། |
| སྐོར་ཀྱོག |
ཐད་ཀ་མ་ཡིན་པའམ། ཁ་ཐུག་མིན་པ། ལམ་སྐོར་ཀྱོག བསམ་སློ་སྐོར་ཀྱོག སྐད་ཆ་སྐོར་ཀྱོག |
| སྐོར་ཁང |
མ་ཎི་སྐོར་སའི་ཁང་པ། |
| སྐོར་གཡེང |
ཕྱོགས་ཚང་མར་ཕྱིན་ནས་ལྟ་ཞིབ་བྱེད་པ། |
| སྐོར་ཐག |
1 མཐའ་སྐོར་གྱི་བར་ཐག 2ཐད་ཀར་མ་ཡིན་པ་བསྐོར་ནས་འགྲོ་དགོས་པའི་ལམ་ཐག སྐོར་ཐག་རིང་ཐག་ཆོད། མཚོའི་སྐོར་ཐག་ལ་རྟ་ལམ་ཉིན་གསུམ་ཡོད། |
| སྐོར་ཐང |
1 བརྗེ་ཚོང་སྐབས་ཀྱི་རིན་ཐང་བརྩི་སྟངས། འབྲུ་དང་མར་གྱི་སྐོར་ཐང༌། ཚྭ་དང་ནས་ཀྱི་སྐོར་ཐང༌། 2 ས་བོན་དང་ཐོན་འབབ་གཉིས་བར་གྱི་ལྡབ་གྲངས། ལོ་ལེགས་སྐབས་འབྲུ་རིགས་ལ་སུམ་ཅུ་བཞི་བཅུ་སྐོར་ཐང་ཐོན་ཡོང༌། |
| སྐོར་ཐིག |
རི་མོ་སྒོར་སྒོར་འབྲི་བྱེད་ཀྱི་ལག་ཆ་ཞིག |
| སྐོར་དབྱེ |
1 འབྲུ་དང་རྡོ་དབྱེ་བ་འབྱེད་བྱེད་ཀྱི་ཡོ་བྱད་ཅིག 2 སྐོར་ཞིབ་ཀྱིས་དབྱེ་བ་འབྱེད་པ། |
| སྐོར་དམག |
ཕྱོགས་མཚམས་ཀུན་ནས་བསྐོར་ཏེ་རྒོལ་བའི་དཔུང་སྡེ། སྐོར་དམག་རྒྱག་པ། |
| སྐོར་དེབ |
ས་ཞིང་ལ་ཐོན་སྐོར་རྩི་བའི་དེབ་ཡིག |
| སྐོར་བ |
1. ཐ་དད་པ བསྐོར་བ། བསྐོར་བ། སྐོར།། 1 འཁོར་དུ་འཇུག་པ། འཕྲུལ་འཁོར་སྐོར་བ། རྟ་ཁ་སྐོར་བ། ཡང་སྐོར་བསྐྱར་སྐོར། མགོ་སྐོར་བ། ཁ་ཕྱོགས་བསྐོར་བ། བསྐོར་བཤད་གྲོས་བསྡུར། 2 ཕྱོགས་མཚམས་ཡོངས་ནས་བཀག་སྡོམ་བྱེད་པ། མཐའ་ནས་རིམ་གྱིས་བསྐོར་བ། གངས་རིས་བསྐོར་བ། ལྕགས་རིས་བསྐོར་བ། 3 རིམ་གྱིས་འཁྱམ་པ་དང༌། ཕར་ཚུར་འགྲོ་བ། ཁ་བསྐོར་བ། གནས་སྐོར་བ། ཁྲོམ་འཁོར་བ། 2.ཐོག་མཐའ་མེད་པའི་དབྱིབས་སྒོར་སྒོར། སྐོར་བ་གཅིག་བརྒྱབ་པ། རིང་ཐུང་སྐོར་བ་གཉིས་འཁོར་བ་ཞིག་འདུག སྐོར་ལམ། ཆོས་སྐོར། བོན་སྐོར། ནང་སྐོར། ཕྱི་སྐོར། བར་སྐོར། |
| སྐོར་བ་འཁོར་བ |
1 ལས་ཀའི་རྗེས་ཟིན་པའམ། ལྕོགས་པ། ལས་ཀ་མང་པོ་དེ་འདྲ་སྐོར་བ་འཁོར་ཐུབ་བམ་མི་ཐུབ། དུས་ཚོད་ད་དུང་སྐོར་བ་འཁོར་མ་སོང༌། 2 ཉོ་ཚོང་བྱེད་སྐབས་མ་རྩ་སྤྲོད་ལེན་ལ་ལག་ཐོགས་མེད་པ། མ་དངུལ་སྐོར་བ་འཁོར་མི་ཐུབ་པས་ཚོང་ཧ་ལོག་པ། |
| སྐོར་བ་འཁོར་ཚད |
དུས་ཚོད་ངེས་ཅན་ཞིག་གི་རིང་ལ་སྐོར་བ་འཁོར་བའི་ཐེངས་གྲངས། |
| སྐོར་ཚེ |
རྙིང གནས་སྐབས་སམ་རེ་ཞིག སྐོར་ཚེར་སྐྱེད་ཅིང༌། སྐོར་ཚེར་སྡུག |
| སྐོར་འགོ |
རྩིས་ཀྱི་སྐོར་འགོ་སྟེ་གྲངས་བརྩི་སའི་ཐོག་མའམ་གཞི། |
| སྐོར་འཆག་པ |
སྔར་བོད་ལྷ་སའི་གྲོང་ནང་གི་ཁྲིམས་ཁང་སྣང་རྩེ་ཤག་གི་སྐོར་ཞིབ་བྱེད་མིའི་གྲས། |
| སྐོར་འཚུབ |
འཁྱིར་བའི་རླུང་འཚུབ། |
| སྐོར་རུ |
རྩིད་སྐུད་འཁལ་བྱེད་ཀྱི་ཤིང་རུ་བཞི་ཡུ་བ་ཅན། |
| སྐོར་རེས |
རིམ་བཞིན་སྐོར་བའི་རེ་མོས། ལས་ཀ་སྐོར་རེས་བྱེད། |
| སྐོར་རྒྱུག |
ཕར་སྐོར་ཚུར་སྐོར་བྱས་ཏེ་འགྲོ་བ། ཡུལ་གྲོང་ངེས་མེད་ལ་སྐོར་རྒྱུག་བྱས། |
| སྐོར་ལམ |
སྐོར་བ་རྒྱག་སའམ་སྐོར་གཡེང་འགྲོ་བའི་ལམ་ག། |
| སྐོར་ལིང |
འབྲུ་རྡུང་བྱེད་ཀྱི་དབྱུག་སྐོར། |
| སྐོར་ལོག |
སྐོར་བ་ཕྱིན་ཅི་ལོག་པ། མདུན་དུ་སྐྱོད་པའི་ཤིང་རྟ་འཁོར་ལོ་སྐོར་ལོག་ཏུ་སྐོར་མི་ཐུབ། |
| སྐོར་སྐད་པ |
སྔར་ལྷ་ལྡན་སྨོན་ལམ་སྐབས་ལྷ་སའི་བར་སྐོར་མཚན་འཁྱོངས་བསྐོར་ཏེ་ཆོས་སྒྲ་སྒྲོག་པ་པོ། |
| སྐོར་སྐྱོད |
ས་གནས་ག་ས་ག་ལ་བསྐོར་ཏེ་འགྲོ་བ། ག་ས་གར་སྐོར་སྐྱོད་བྱས་ནས་ལྟད་མོ་སྟོན། སྐོར་སྐྱོད་སྨན་བཅོས་རུ་ཁག སྐོར་སྐྱོད་ཚོང་པ། |
| སྐོལ |
(བྱེད་འབྲེལལས་ཚིག་ད་ལྟ་བ་དང་སྐུལ་ཚིག）མེ་སྦར་ནས་ཆུ་སོགས་ཁོལ་དུ་བཅུག་པའི་དོན་ཏེ། ངས་འོ་མ་སྐོལ་གྱིན་ཡོད། འོ་མ་སྐོལ་བྱེད་ཀྱི་སྣོད། འོ་མ་སྐོལ་ཅིག་ལྟ་བུ། |
| སྐོལ་བ |
ཐ་དད་པ བསྐོལ་བ། བསྐོལ་བ། སྐོལ།། འཁོར་བར་བྱེད་པ། སྨན་བསྐོལ། ཆུ་སྐོལ་གྱིན་འདུག ཇ་སྐོལ་འབྲས་འཚོད། |
| སྐོས |
སྐུལ་ཚིག་སྟེ། དགེ་རྒན་དུ་སྐོས་ཤིག་ལྟ་བུ། |
| སྐོས་མལ |
སྡོད་གནས་སམ། གནས་མལ། |
| སྐྱ |
1 ཁང་པའི་རྩིག་པ། ཁང་པའི་ཕྱི་སྐྱ་རྡོ་རྩིག་ཡིན། ཁང་པའི་བར་སྐྱ། 2 ལོ་ཏོག་དང་བཟའ་བཏུང༌། ལོ་ལེགས་སྐྱ་རྒྱལ་བ།…3.(བྱེད་འབྲེལ་ལས་ཚིག་ད་ལྟ་བ)སྤོར་བའི་བརྡ་རྙིང་སྟེ། མ་འོངས་པར་བསྐྱ་དང་། འདས་པར་བསྐྱས། སྐུལ་ཚིག་ལ་སྐྱོས་ཞེས་འབྲི་སྲོལ་ཡོད། ལོ་ཏོག་གི་མིང་གི་བརྡ་རྙིང་། |
| སྐྱ་ཀ |
བྱ་སྐྱ་ཀའི་མིང་། |
| སྐྱ་ཁྲ |
ཕུག་རོན་དང་རི་བོང་སོགས་བཟུང་ནས་ཟ་བའི་བྱ་ཁྲའི་རིགས་ཆེ་བ་ཞིག་ཡིན ཁྲ་བོ་ཞེས་པའི་མིང་བསྡུས་པ ０ཁྲ་མ་ལ་ལྟོས |
| སྐྱ་ཁྲིག་གེ་བ |
དཀར་ལམ་མེ་བ། གྲོད་མར་གྱི་བཅད་ཁ་སྐྱ་ཁྲིག་གེར་བསྡད་འདུག ཁང་པའི་སྒོ་གསར་པ་སྐྱ་ཁྲིག་གེ་བར་འདུག |
| སྐྱ་ཁྲོམ་ཁྲོམ |
གངས་ཀྱི་ཁ་དོག་ལྟ་བུ། ཁ་བ་སྐྱ་ཁྲོམ་ཁྲོམ། བ་མོ་སྐྱ་ཁྲོམ་ཁྲོམ་ཆགས་པ། |
| སྐྱ་ག |
མདོག་ནག་ཅིང་གློ་དཀར་པོ་ཅན་གྱི་བྱ་ཞིག་སྟེ་བྱ་ཁྲའང་ཟེར། |
| སྐྱ་ག་ཐིགས་ཚགས |
ལོ་ལྟར་ཆར་འགོ་ཚུགས་སྐབས་ཁང་སྟེང་དུ་ས་བཀྲམ་སྟེ་ཐིགས་པ་འགོག་པའི་དུས་ཚོད་ངེས་ཅན་ཞིག |
| སྐྱ་གསོབ |
1 མདོག་སྐྱ་བོ་བཀྲག་མདངས་མེད་པ། 2 སྐྱ་སོབ་སོབ་དང་དོན་གཅིག་ |
| སྐྱ་གླེག |
མདོག་སྐྱ་ལ་གང་ཡིན་མི་གསལ་བའམ་དྲེག་པ་འཐུག་པོས་གཡོགས་པ་ཞིག་སྟེ། བད་ཀན་ནད་ཀྱིས་ཟིན་པའི་ལྕེའི་མདོག་ལྟ་བུ། |
| སྐྱ་ཆས |
ཁྱིམ་པའི་གྱོན་ཆས། |
| སྐྱ་ཆིལ་ཆིལ |
དཀར་བའི་རྣམ་པ། ཁ་བ་སྐྱ་ཆིལ་ཆིལ་དུ་འབབ། རྦ་རླབས་སྐྱ་ཆིལ་ཆིལ་དུ་གཡོ། |
| སྐྱ་ཆེམ་ཆེམ |
དཀར་མདངས་འཕྲོ་ཚུལ་ཞིག གནམ་ལ་སྐར་མ་སྐྱ་ཆེམ་ཆེམ་ཤར་བ། གངས་རི་ནས་འོད་སྐྱ་ཆེམ་ཆེམ་ཞིག་འཕྲོ་གིན་འདུག |
| སྐྱ་ཆེམ་མེ་བ |
འོད་དཀར་པོ་འཕྲོ་ཚུལ། ཤིང་སེ་བའི་མེ་ཏོག་སྐྱ་ཆེམ་མེ་བར་ཤར་འདུག |
| སྐྱ་ཆོས |
ཤོག་བུ་དཀར་པོར་སྣག་ཚས་བྲིས་པའམ་སྣག་ཚས་སྤར་བཏབ་པའི་ཆོས་དཔེ། |
| སྐྱ་ཉིལ |
སྐྱ་ཉིལ་ལེ་བ་སྟེ་དཀར་པོའི་སྣང་ཚུལ་ཞིག གངས་སྐྱ་ཉིལ་ལེ་བར་འབབ། སྐྲ་སྐྱ་ཉིལ་ལེ་བར་ཞིང༌། |
| སྐྱ་ཐ་ལ་ལ |
དཀར་ཤས་ཆེ་བའི་ཐལ་བ་ལངས་ཚུལ། ཐལ་འཚུབ་སྐྱ་ཐ་ལ་ལ་ལངས་ཟིན་འདུག |
| སྐྱ་ཐ་ལེ |
རྩྭ་ཆུ་མེད་པའི་ཐང་གི་མདོག |
| སྐྱ་ཐལ་ལེ་བ |
དཀར་ཤིག་ཤིག མི་ཕྱིན་པའི་རྐང་རྗེས་སྐྱ་ཐལ་ལེ་བ་གཟིགས་པས་རྐང་རྗེས་དེད་དེ་རི་ཁྲོད་དུ་འབྱོར། |
| སྐྱ་ཐིག |
འཛུགས་སྐྲུན་གྱི་བཟོ་བཀོད་སོགས་ཀྱི་དཔེ་རིས་རགས་རིམ་གྱི་མིང་སྟེ། ཁང་བའི་སྐྱ་ཐིག་བརྒྱབ་ལྟ་བུ།<ག>སྣུམ་རིགས་མེད་པའམ་ཉུང་བའི་དོན་ཏེ། ཟས་སྐྱ་བོ། སྐྱ་བཟས། སྐྱ་འཐུང། རྩམ་སྐྱ་ཞེས་པ་ལྟ་བུ།<ང>ས་ཞིང་ལ་ལུད་བཞག་མེད་པའམ་ཆུ་བཏང་མེད་པའི་དོན་ཏེ། ས་ཞིང་སྐྱ་འདེབས་མ་བྱེད་ལྟ་བུ། བཙུན་པའི་ལྡོག་ཟླ་ཁྱིམ་པའི་མིང་སྟེ། ཁྱིམ་པ་དང་བཙུན་པ་ལ་སྐྱ་སེར་ཟེར་བ་དང་། བཙུན་པ་ཁྱིམ་དུ་བབས་པ་ལ་སྐྱ་སར་བབས་ཞེས་པ་ལྟ་བུ། |
| སྐྱ་ཐུད |
མར་མང་པོ་མེད་པའི་ཐུད། |
| སྐྱ་ཐུམ་མེ་བ |
དཀར་སྣང་གསལ་ལ་མི་གསལ་བ། སྨུགས་པ་ཆེན་པོའི་ནང་ནས་མིག་གིས་སྐྱ་ཐུམ་མེ་བ་ཞིག་ལས་གསལ་པོ་མི་མཐོང༌། |
| སྐྱ་ཐེར་ཐེར |
སྐྱེ་དངོས་སོགས་གང་ཡང་མེད་པའི་ས་མདོག་སྐྱ་པོ། ས་སྐྱ་ཐེར་ཐེར། |
| སྐྱ་ཐོར |
མིག་ལྕིབས་ཀྱི་ནང་དུ་ཐོར་པ་འབྱུང་བའི་མིག་ནད་ཅིག |
| སྐྱ་དར་བ |
1 སྐྱ་རྒྱལ་བ་སྟེ་འཚོ་བའི་ཆ་རྐྱེན་འཛོམས་པོ། 2 སྟོན་ཐོག་སྨིན་པ། |
| སྐྱ་ནམ་རྒྱས་པོ |
ལུང་པའི་ནང་ཟས་གོས་ཕུན་སུམ་ཚོགས་པོ་ཡོད་པ། |
| སྐྱ་ནར |
རྩྭ་ཞིག་གི་མིང༌། |
| སྐྱ་ཕམ |
རྒྱལ་པོས་བློན་པོར་རྒོལ་བ་ལ་སྐྱ་ཕམ་ཞེས་མདོ་སྡེ་སྟག་རྣའི་བརྡ་ཚིག་ཡིན་པར་བཤད། |
| སྐྱ་ཕྱུར |
ཕྱུར་ཁུའམ་སྔོ་ཁུ་ཡུན་རིང་བསྐོལ་ཏེ་བསྐམས་ནས་བཏོན་པའི་ཕྱུར་བ་རོ་བཅུད་ཞན་པ།.. |
| སྐྱ་ཕྱུར་ཕྱུར |
དཀར་པོའི་རྣམ་འགྱུར། འོ་མ་སྐྱ་ཕྱུར་ཕྱུར། |
| སྐྱ་ཕྱེད་སྔོ་ཕྱེད |
སྤུ་མདོག་དཀར་ནག་ཆ་འདྲེས། དབུ་སྐྲ་སྐྱ་ཕྱེད་སྔོ་ཕྱེད་དུ་གྱུར་འདུག སྨ་ར་སྐྱ་ཕྱེད་སྔོ་ཕྱེད། |
| སྐྱ་ཕྲོམ་ཕྲོམ |
དཀར་འོད་འཕྲོ་ཚུལ། རྩྭ་རྩེར་ཟིལ་པ་སྐྱ་ཕྲོམ་ཕྲོམ་ཆགས་པ། |
| སྐྱ་བ |
1. ཐ་དད་པ བསྐྱས་པ། བསྐྱ་བ། སྐྱོས།། 1 སྡོད་གནས་གཞན་དུ་སྤོ་བ། རུ་བ་བསྐྱ་བ། འབྲོག་པ་ཞིག་བསྐྱས་པའི་ཤུལ་ན་ཁྱི་གུ་གསུམ་ལུས་ནས་འདུག 2 རྙིང སྐྱེལ་བ། 2 1 གྲུ་གཟིངས་སྐུལ་བྱེད་དམ་སྐྱོད་བྱེད་ཀྱི་ཡོ་བྱད་ཅིག གྲུ་སྐྱ། སྐྱ་བ་རྒྱག་པ། སྐྱ་བ་སྐྱོད་པ། 2 ཇ་ཐུག་སོགས་སྲུབ་བྱེད་ཀྱི་ཤིང་རྒྱུག 3 སྐྱ་བོ་དང་འདྲ། |
| སྐྱ་བ་འཛིན |
མངོན མཉམ་པ། |
| སྐྱ་བཟོ |
ཁང་སྒྲོམ་ལྟ་བུའི་བཟོ་དབྱིབས་རགས་པ། |
| སྐྱ་བཤིག་པ |
སྐུད་སྒྲིམ་བཤིག་པ། |
| སྐྱ་བསང |
སྐྱ་སང་དང་འདྲ། |
| སྐྱ་བསངས |
སྐྱ་སང་དང་འདྲ། |
| སྐྱ་བསེང |
སྐྱ་སང་དང་འདྲ། |
| སྐྱ་བུན |
ཐལ་འཚུབ་ཕྱུར་བ་ལྟ་བུའི་སྣང་བ། |
| སྐྱ་བོ |
1. རབ་བྱུང་མ་ཡིན་པའི་ཁྱིམ་པ། སེར་མོ་བ་དང་སྐྱ་བོ་ཚང་མ། སེར་སྐྱ་དཔོན་རིགས། བཙུན་པ་སྐྱ་སར་བབ་པ། སྐྱ་མིན་སེར་མིན། 2 1 ཐལ་བ་དང་འདྲ་བའི་མདོག་དཀར་ཤས་ཆེ་བ་ཞིག ས་སྐྱ་བོ། གོས་སྐྱ་བོ་གྱོན་པ། 2 ཚོན་མདོག་གམ་སྣུམ་རྩི་མེད་པ། ཟས་སྐྱ་བོ། སྤགས་སྐྱ། རྩམ་སྐྱ། སྐྱ་བཟས་སྐྱ་འཐུང༌། སྐྱ་སྒམ། ཆུ་ལུད་གང་ཡང་མ་སྦྱར་བར་ས་ཞིང་སྐྱ་འདེབས་བྱེད་པ། |
| སྐྱ་བོ་སེང་སེང་པོ |
མདོག་སྐྱ་བོ་སྣུམ་ཞག་མེད་ཅིང་རིད་པ། |
| སྐྱ་བྲ |
ཁ་དོག་དཀར་པོ་ཡིན་པའི་བྲ་བོ་སྟེ། འབྲུ་རིགས་ཤིག |
| སྐྱ་མ |
སྐུད་པ་སྐྱ་མང་གི་ཡ་གཅིག་གམ་རྐང་གཅིག སྐྱ་མ་འཛིངས་པ། ཐག་པ་སྐྱ་གཉིས་མ། |
| སྐྱ་མདའ |
སྐྱ་རེངས། ནམ་ལ་ལངས་གོང་ལ་སྐྱ་མདའ་གཏོང་བ། |
| སྐྱ་མི |
བཞོན་པ་ལ་ཞོན་ནས་འགྲོ་མཁན་གྱི་མི། |
| སྐྱ་མིང |
རབ་ཏུ་མ་བྱུང་གོང་ངམ་གྲྭ་བ་མ་བྱས་གོང་གི་མིང༌། |
| སྐྱ་མེར་རེ |
དཀར་པོའི་རིགས་ཕྱུར་བུར་གང་ཚུལ། འོ་ཟོམ་སྐྱ་མེར་རེར་གང་འདུག |
| སྐྱ་མྱི |
རྙིང རྟ་པའམ་སྐྱ་མི། |
| སྐྱ་ཙ་རེ |
མདོག་དཀར་ཞིང་འཛར་འཛར་རམ་ནར་ནར་གྱི་ཚུལ་དུ་འབབ་པ། ཁ་ཆུ་སྐྱ་ཙ་རེར་འཛག་པ། འོ་མ་སྐྱ་ཙ་རེར་འཛག་པ། |
| སྐྱ་ཚར |
རྒྱབ་ཤ་མེད་པའི་པགས་ཚར། |
| སྐྱ་ཚོས |
མདོག་དཀར་བའི་ཚོས། |
| སྐྱ་ཞྭ |
1 ཚོས་གཞི་དང་རྒྱན་རིས་མེད་པའི་ཞྭ་མོ། 2 ཁྱིམ་པའི་ཞྭ་མོ། |
| སྐྱ་ཟད་སྔོ་གཏུགས |
རྩྭ་རྙིང་པ་དཀར་པོའི་རིགས་ཟད་ནས་རྩྭ་གསར་སྔོན་པོ་ཡང་ཟླ་གཏུགས་པ། སྐྱ་ཟད་སྔོ་གཏུགས་ཀྱི་གནས་ཚུལ་རྩ་བ་ནས་མེད་པར་གྱུར་ཟིན། |
| སྐྱ་ཟན |
ཤ་མར་སོགས་ཞག་ཚི་མེད་པའི་ཟས་རིགས། |
| སྐྱ་འཁོགས |
བཀྲག་མདངས་དང་སྣུམ་ཞག་ཉམས་པའི་མདོག བཀྲག་མདངས་ཉམས་ནས་སྐྱ་འཁོགས་སུ་སོང་འདུག |
| སྐྱ་འགྲིབ |
སྐྱ་རིབ་དང་དོན་གཅིག་ |
| སྐྱ་འཐོར་བ |
1 སྐུད་པའི་སྐྱ་ཞིག་པ། 2 རྩིག་པའི་སྐྱ་རལ་བའམ་ཞིག་པ། |
| སྐྱ་འཕམ་པོ |
འཚོ་བའི་ཆ་རྐྱེན་བཟའ་བཏུང་ཞན་པོ། |
| སྐྱ་འཕྱིངས |
རྙིང སྐུད་པའི་སྐྱ་འཛིངས་པ། |
| སྐྱ་ཡ |
སྐུད་པའི་སྐྱ་གཉིས་ཀྱི་ཡ་གཅིག སྣམ་བུ་སྐྱ་ཡ་མ། |
| སྐྱ་ཡོ་རེ་བ |
དཔངས་མཐོ་ལ་མདོག་དཀར་བའི་གཟུགས་སྣང་ཞིག གངས་རི་སྐྱ་ཡོ་རེ་བ། མཆོད་རྟེན་སྐྱ་ཡོ་རེ་བ། |
| སྐྱ་ཡོར་ཡོར |
མདོག་དཀར་ཞིང་གསལ་ལ་མ་གསལ་བའི་ཚུལ། སྣང་བ་སྐྱ་ཡོར་ཡོར། |
| སྐྱ་རིབ |
1 འོད་སྣང་མི་གསལ་བ། 2 མིག་གི་རྒྱལ་མོའི་སྟེང་འགྲིབ་བྱེད་དཀར་པོས་གཡོགས་ནས་མིག་ལམ་གྱི་གཟུགས་རྣམས་རབ་རིབ་ཏུ་གྱུར་ཏེ་གསལ་བར་མི་མཐོང་བའི་དོན། |
| སྐྱ་རིམས |
རིམས་ནད་མ་སྨིན་པའི་སྐབས། |
| སྐྱ་རིས |
ཚོས་རྩི་བསྐུས་མེད་པའི་རི་མོའམ་རགས་ཙམ་བྲིས་པའི་རོ་མོའི་མིང་སྟེ། ཡུལ་ལྗོངས་ཀྱི་སྐྱ་རིས་བྲིས་ལྟ་བུ། |
| སྐྱ་རེངས |
ནམ་ལངས་ཁར་ཤར་ཕྱོགས་ཀྱི་ནམ་མཁར་ཤར་བའི་ཉི་འོད། ཁྲི་གདུགས་འོད་ཀྱིས་མ་དེད་ན། སྐྱ་རེངས་ཤར་བ་ག་ལ་སྲིད། སྐྱ་རེངས་ཀྱི་མདུན་ནས་མུན་པ་རང་དབང་མེད་པར་བྲོས་པ། མིང་གི་རྣམ་གྲངས་ལ་ཁྱུང་སྔོན་སྐྱེས་དང༌། ཉི་མའི་ཁ་ལོ། འོད་སྲུངས། བརླ་མེད་བཅས་སོ། |
| སྐྱ་རེངས་གསུམ |
སྐྱ་རེངས་དང་པོ་དང༌། བར་མ། ཐ་མའམ། སྐྱ་རེངས། སྔོ་རེངས། དམར་རེངས་ཏེ་གསུམ། |
| སྐྱ་རེངས་ཐ་མ |
ནམ་ལངས་ཁའི་སྐྱ་མདའ་སྟེ་ནམ་མཁའ་དམར་སྐྱར་སྣང་བའི་མདོག་འཆར་སྐབས། |
| སྐྱ་རེངས་དང་པོ |
ཐོ་རེངས་ཤར་དུས་སམ། ནམ་མཁའ་སྔོ་སྐྱར་སྣང་བའི་མདོག་འཆར་སྐབས། སྐྱ་རེངས་དང་པོའི་སྣང་བས་ཐ་གྲུར་ཁྱབ། |
| སྐྱ་རེངས་བར་མ |
ནམ་མ་ལངས་གོང་ཤར་ཕྱོགས་ཀྱི་ནམ་མཁར་སེར་སྐྱའི་མདངས་ཕོག་པའི་དུས། |
| སྐྱ་རེངས་ཤར་བ |
ནམ་ལངས་ཁར་ཤར་ཕྱོགས་ཀྱི་ནམ་མཁར་སྐྱ་མདའ་ཕོག་པ། |
| སྐྱ་རེངས་སྐར་མ |
ཐོ་རེངས་སྐར་ཆེན་ཏེ་ཞོགས་པ་སྔ་པོར་ཤར་ཕྱོགས་ནས་འཆར་བའི་སྐར་ཆེན་ཞིག |
| སྐྱ་རྒྱལ |
1 འབྲུ་སོགས་བཟའ་བཏུང་གི་རིགས་དཀོན་པོ་མིན་པ། 2 བློན་པོས་རྒྱལ་པོ་ལ་རྒོལ་བ་ལ་སྐྱ་རྒྱལ་ཞེས་མདོ་སྡེ་སྟག་རྣའི་བརྡ་ཚིག་ཡིན་པར་བཤད། |
| སྐྱ་རྒྱས |
ལོ་ཏོག་ཡག་པོ་བྱུང་བའི་དོན།０སྐྱ་བ་ཡི་མིང་མཐའ་བསྡུས་པ།１སྐྱ་བོ་ཡི་མིང་མཐའ་བསྡུས་པ། |
| སྐྱ་རྒྱས་པ |
སྐྱ་རྒྱལ་བ་སྟེ་སྟོན་ཐོག་ལེགས་ཤིང་མཚོ་བའི་མཐུན་རྐྱེན་ཕུན་སུམ་ཚོགས་པ། |
| སྐྱ་རྦབ |
ལུས་ཀྱི་མེ་དྲོད་ཉམས་པ་སོགས་ལས་བྱུང་བའི་པགས་མདོག་སྐྱ་ཞིང་སྐྲངས་པ་རྦབ་རྦབ་ཏུ་འབྱུང་བའི་ཆུ་ནད་ཅིག་སྟེ། ནང་གསེས་དབྱེ་ན་གློ་བ་སྐྱ་རྦབ་དང༌། མཆིན་པ་སྐྱ་རྦབ། མཆེར་བ་སྐྱ་རྦབ། ཆུ་སེར་སྐྱ་རྦབ། རླུང་སྐྱ་རྦབ་བཅས་ལྔ་མཆིས་སོ། |
| སྐྱ་རྩ |
1 ཁྱིམ་གྱི་བུ་རྒན་པས་མི་སྐྱ་བྱེད་རྒྱུའི་རིགས། 2 རྩ་བའི་མི་ཁོངས། |
| སྐྱ་རྩ་ཕྱིར་སློག |
གྲྭ་པ་ལོག་རྗེས་རྩ་བའི་མི་བདག་གི་ཁྱིམ་ཁོངས་སུ་རང་སློག་བྱས་པ། |
| སྐྱ་རྩ་རང་བདག |
གྲྭ་པ་ལོག་ཀྱང་མི་བདག་དགོན་པ་དེ་རང་གིས་བྱེད་པ། |
| སྐྱ་རྩི |
ནོར་ཕྱུགས་ཀྱི་གློ་ནད་འགོག་ནུས་པའི་སྨན་སྦྱོར་ཞིག |
| སྐྱ་རྩྭ |
གཞན་པ་སྐམ་པོ། |
| སྐྱ་རྫས |
མཚན་མོ་རྒྱ་མཚོའི་རྒྱང་རིང་ནས་མཐོང་བའི་ཐལ་འཚུབ་འདྲ་བ་ཞིག |
| སྐྱ་ལ་སྔོ་འབྱར |
1 མི་ངན་དང་འགྲོགས་འདྲིས་བྱེད་པ། མ་རབས་ཀྱི་མི་དང་སྐྱ་ལ་སྔོ་འབྱར་གྱི་ངན་སྦྲེལ་མ་བྱེད། 2 འཁྲིས་ནས་སྡོད་པའམ། གཞན་ལ་རྟེན་པ། རང་མགོ་རང་འདོན་མ་གཏོགས་སྐྱ་ལ་སྔོ་འབྱར་བྱེད་མི་དགོས། |
| སྐྱ་ལུད |
ལུད་ཚོ་པོ་མིན་པ། |
| སྐྱ་ལེབ |
1 སྲོག་ཆགས་རྩངས་པ་སྒལ་རལ། 2 གྲུའི་མཇུག་ཏུ་བཙུགས་པའི་གྲུ་ཁ་ལོ་སྒྱུར་བྱེད་ཤིང་ལེབ་མོ། |
| སྐྱ་ལོག་པ |
བཀའ་ལོག་པའི་ཞེ་ས། |
| སྐྱ་ལོག་སྔོ་ལོག |
ཡུལ ཚོས་མདོག་དཀར་མིན་སྔོ་མིན། གྱོན་པ་སྐྱ་ལོག་སྔོ་ལོག་ཅིག་གྱོན་འདུག |
| སྐྱ་ལོང་ལོང |
སྤྲིན་དང་ཐལ་བ་སོགས་གྱེན་དུ་འཕྱུར་ཚུལ། མེ་སྒྱོགས་ཕོག་པའི་ས་ནས་ཐལ་བ་སྐྱ་ལོང་ལོང་དུ་འཕྱུར། |
| སྐྱ་ལྟེམ་མེ |
དཀར་པོས་གང་ཚུལ་ཞིག དཀར་ཡོལ་འོ་མས་སྐྱ་ལྟེམ་མེར་གང་འདུག |
| སྐྱ་ལྡེབས |
རྩིག་ལོགས། |
| སྐྱ་ལྷག |
འབྲུ་རྩམ་གྱི་ལྷག་མ། |
| སྐྱ་ལྷག་གེ་བ |
མདོག་དཀར་པོ་བཀྲག་མེད་པ། ངོ་སྐྱ་ལྷག་གེ་བ་དེ་ནད་གཅོང་ཡོད་པའི་རྟགས་རེད། |
| སྐྱ་ལྷམ |
1 ཚོས་མེད་པའི་ལྷམ། 2 མི་སྐྱའི་ལྷམ། |
| སྐྱ་ལྷེབ་བེ |
མདོག་དཀར་ཞིང་ལྷེབ་ལྷེབ་ཀྱིས་དལ་པོར་འགུལ་ཚུལ། ནགས་ཚལ་མཚམས་ན་དར་ལྕོག་ཅིག་སྐྱ་ལྷེབ་བེར་ཡོད་པ་གཟིགས། |
| སྐྱ་ཤར |
འབྲུམ་བུ་དཀར་པོའི་ནད་ཀྱི་མིང༌། |
| སྐྱ་ཤར་ཤར |
དཀར་པོའི་འོད་མདངས། ཟླ་བའི་འོད་མདངས་སྐྱ་ཤར་ཤར་འཕྲོ། |
| སྐྱ་སང |
དཀར་རྐྱང་གི་སྣང་ཚུལ་ཞིག དྲི་ནོག་ཆུ་ལ་བཀྲུས་ནས་སྐྱ་སང་ངེར་དག་སོང༌། ནས་སྐྱ་སང་ངེར་ལངས་པ། |
| སྐྱ་སང་ངེ་བ |
མདོག་དཀར་ཞིང་གཙང་བའི་མངོན་ཚུལ་ཞིག ཟླ་འོད་སྐྱ་སང་ངེར་ཤར་བ། དབྱར་གོས་སྐྱ་སང་ངེ་བ་ཞིག་གྱོན་འདུག |
| སྐྱ་སང་སང |
1 མདོག་དཀར་ཤས་ཆེ་ཞིང་གཙང་བའི་སྣང་ཚུལ། 2 རྙིང གཟི་མདངས་ཉམས་པ། |
| སྐྱ་སེང |
སྐྱ་སང་དང་འདྲ། |
| སྐྱ་སེར |
1 སེར་སྐྱ་སྟེ་མི་སྐྱ་དང་གྲྭ་པ། 2 མདོག་དཀར་སེར། |
| སྐྱ་སོབ་སོབ |
ངོ་བོ་སོབ་ལ་མདོག་སྐྱ་བ། སྐྲ་མདོག་སྐྱ་སོབ་སོབ། |
| སྐྱ་སྐྱ |
མདོག་དཀར་ཤས་ཆེ་བ་ཞིག དགུན་དུས་རི་ཐམས་ཅད་སྐྱ་སྐྱར་འགྱུར་བ། |
| སྐྱ་སྒམ |
ཕྱི་ཐུམ་དང་ཚོན་རྩི་མེད་པའི་ཤིང་སྒམ། |
| སྐྱ་སྲབ་པོ |
འཚོ་བའི་ཆ་རྐྱེན་འཚོལ་ཁུངས་དཀོན་པོ། རང་གིས་ཐོན་སྐྱེད་མ་བྱས་ན་འཚོ་བ་སྐྱ་སྲབ་པོ་ཡོང༌། |
| སྐྱག |
སྐྱག་པ་ཡི་ཚིག་བསྡུས་པ། སྐྱ་ཀ་ཡི་ཚིག་བསྡུས་པ་སྟེ། སྐྱ་ཀའི་ཚང་ལ་སྐྱག་ཚང་ཟེར་བ་ལྟ་བུ། |
| སྐྱག་དོང |
སྐྱག་པ་མང་པོ་ཡོད་པའི་ས་དོང༌། |
| སྐྱག་པ |
བཤང་ལམ་ནས་དོར་བའི་ཟས་སྙིགས། མི་སྐྱག ཁྱི་སྐྱག སྦྲང་སྐྱག སྐྱག་པ་ཤོར་བ། མིང་གི་རྣམ་གྲངས་ལ་ཁྱབ་ལྡན་དང༌། རྟུག་པ། ལྟོ་སྙིགས། དྲི་ཆེན། འདོར་བྱ། ཕྱི་ས། མི་གཙང་བ། བཤང་བ་བཅས་སོ། |
| སྐྱག་རྫུན |
དངོས་འབྲེལ་མིན་པའི་སྐད་ཆ། སྐྱག་རྫུན་མ་ཤོད། |
| སྐྱག་ལང |
གོམས་གཤིས་ངན་པ། ཁྱོད་མི་རྒོད་སྐྱག་ལང་སོང་ལེ་རེད། སྐྱག་ལང་ལ་ཤོར་བ། |
| སྐྱང |
རྟའི་སྤུ་ཁ་དམར་ནག་གི་མིང་སྟེ། རྟ་སྐྱང་བོ་སྐྱང་དམར་ཞེས་པ་ལྟ་བུ། འདི་ལ་རྐྱང་རྐྱང་འབྲི་བ་ཁྱབ་ཆེ། |
| སྐྱང་ནུལ |
རྩིག་པ་སོགས་ལ་བྱུག་རྒྱུའི་ལྡེ་གུའི་མིང་། ཞལ་ཞལ་གྱི་བརྡ་རྙིང་། |
| སྐྱང་ནུལ་གྲུགས་པ |
རྙིང ཞལ་བ་གོག་པ། |
| སྐྱང་འཕྱེས |
གྲངས་གནས་ཤིག |
| སྐྱབས |
1 སྲུང་བ་པོ་དང་རེ་བ་བྱ་ཡུལ། མགོན་སྐྱབས། གཏན་གྱི་སྐྱབས། གནས་སྐབས་ཀྱི་སྐྱབས། འཇིག་རྟེན་སྐྱབས་མགོན། སྐྱབས་འགྲོ། སྐྱབས་འཇུག སྐྱབས་གནས། སྐྱབས་སུ་བསྟེན་པ། 2 ཁུར་དཀར་གྱི་མིང་གི་རྣམ་གྲངས་ཤིག |
| སྐྱབས་ཀྱི་སྦྱིན་པ |
མི་འཇིགས་པ་སྦྱིན་པ་དང་དོན་གཅིག་ |
| སྐྱབས་གཅིག་པུ |
སྐྱབས་ཞུ་ཡུལ་གཅིག་པུ། |
| སྐྱབས་གནས |
སྐྱབས་སུ་འགྲོ་སའི་ཡུལ། |
| སྐྱབས་གསུམ |
དཀོན་མཆོག་གསུམ་སྟེ། སངས་རྒྱས་དང༌། ཆོས། དགེ་འདུན་བཅས་སོ། |
| སྐྱབས་གསུམ་འཛིན་པའི་དགེ་བསྙེན |
དགེ་བསྙེན་གྱི་ནང་གསེས། ཇི་སྲིད་འཚོའི་བར་དུ་དཀོན་མཆོག་གསུམ་སྐྱབས་གནས་སུ་ཁས་བླངས་ནས་དེའི་བསླབ་བྱ་ལ་སློབ་པའི་དགེ་བསྙེན། |
| སྐྱབས་ཐོ |
སྐྱབས་འཇུག་ཞུ་དོན་བྲིས་པའི་ཡི་གེ། |
| སྐྱབས་དངོས |
ཆོས་འགོག་བདེན་དང༌། ལམ་བདེན། |
| སྐྱབས་དབྱིངས |
སྔར་པཎ་ཆེན་གྱི་མཛོད་པ་ཛ་སག་བླ་མར་ཟེར། |
| སྐྱབས་བཅའ |
སྐྱབས་སུ་བསྟེན་པ། |
| སྐྱབས་བཅོལ |
གཞན་ལ་སྐྱབས་ཀྱི་རེ་བ་འཆོལ་བ། |
| སྐྱབས་མགོན |
1 སྐྱབས་སུ་འགྲོ་སའི་མགོན་ཏེ་སྐྱོབ་མཁན་ནམ་རེ་བ་བྱ་ཡུལ་གྱི་མགོན་པོ། འཇིག་རྟེན་གྱི་སྐྱབས་མགོན། 2 བླ་སྤྲུལ་ཁག་ལ་འབོད་པའི་ཆེ་མིང༌། |
| སྐྱབས་མགོན་རྩེ་ཤོད |
བོད་སྲོལ་ལྟར་ཏཱ་ལའི་བླ་མ་དང་རྒྱལ་ཚབ་གཉིས་ལ་འབོད་པའི་ཞེ་ཚིག |
| སྐྱབས་མགོན་སྦུག |
ཏཱ་ལའི་བླ་མ་ལ་འབོད་པའི་ཞེ་ཚིག |
| སྐྱབས་མེད་མགོན་མེད |
རོགས་བྱེད་མཁན་མེད་པ། |
| སྐྱབས་མེད་ཟས་སྦྱིན |
དབུལ་ཕོངས་ལ་འཚོ་བ་སྟེར་བ། |
| སྐྱབས་ཞུ |
རིམ་པ་གོང་མར་སྐྱབས་འཇུག་གམ་རེ་དོན་ཞུ་བ། |
| སྐྱབས་འགྲོ |
གནས་སྐབས་དང་མཐར་ཐུག་གི་འཇིགས་དང་སྡུག་བསྔལ་ལས་སྐྱོབ་པའི་ཆེད་དུ་བླ་མ་དཀོན་མཆོག་ལ་ཡིད་ཁྱེད་ཤེས་ཀྱི་དད་པས་བརྟེན་ཅིང་གསོལ་བ་འདེབས་པའོ། |
| སྐྱབས་འགྲོ་བདུན་ཅུ་པ |
དཀོན་མཆོག་གསུམ་ལ་སྐྱབས་སུ་འགྲོ་བ་སྟོན་པའི་གཞུང་སློབ་དཔོན་ཟླ་བ་གྲགས་པས་མཛད་པ་ཞིག |
| སྐྱབས་འགྲོ་བཞི་སྐོར |
བླ་མ་དང༌། སངས་རྒྱས། ཆོས། དགེ་འདུན་བཞི་ལ་སྐྱབས་སུ་མཆི་བ། |
| སྐྱབས་འགྲོའི་དགེ་བསྙེན |
དཀོན་མཆོག་གསུམ་སྐྱབས་སུ་འཛིན་པའི་དགེ་བསྙེན། |
| སྐྱབས་འགྲོའི་བསླབ་བྱ་གསུམ |
དགག་པའི་བསླབ་བྱ་དང༌། བསྒྲུབ་པའི་བསླབ་བྱ། དགག་བསྒྲུབ་ཐུན་མོང་གི་བསླབ་བྱ་བཅས་གསུམ། |
| སྐྱབས་འགྲོའི་སྡོམ་པ |
སྡོམ་པ་ཐམས་ཅད་ཀྱི་གཞི་རྟེན་དུ་གྱུར་པ་སངས་རྒྱས་དང༌། ཆོས་དང༌། དགེ་འདུན་བཅས་ལ་སྐྱབས་འགྲོ་ཞིང༌། དེའི་དགག་བསྒྲུབ་ཀྱི་བསླབ་བྱ་རྣམས་ཚུལ་བཞིན་བསྲུང་བར་ཁས་བླངས་པ། |
| སྐྱབས་འཇུག |
རོགས་རམ་མམ། གཟིགས་སྐྱོང་ངམ། མགོན་གྲོགས། སྐྱབས་འཇུག་ཡུན་རིང་གནང་བ། དགོངས་འགལ་མེད་པའི་སྐྱབས་འཇུག་ཞུ། བར་ཆད་མི་ཡོང་བའི་སྐྱབས་འཇུག་ཡོད་པ་ཞུ། |
| སྐྱབས་འཚོལ |
རེ་གནས་འཚོལ་བ། |
| སྐྱབས་འོས |
1 སྐྱབས་སུ་བསྟེན་འོས་པ། 2 སྐྱོབ་འོས་པའི་ཉམ་ཐག |
| སྐྱབས་ཡུལ |
སྐྱབས་སུ་འགྲོ་ཡུལ། |
| སྐྱབས་རྗེ |
སྲུང་སྐྱོང་བྱེད་མཁན་གཙོ་བོ་སྟེ་སོ་སོའི་རྩ་བའི་བླ་མ་ལ་འབོད་པའི་ཆེ་མིང༌། |
| སྐྱབས་རྗེས་སུ་དྲན་པ |
རྟག་ཏུ་དཀོན་མཆོག་དྲན་པ། |
| སྐྱབས་རྟེན |
མགོ་འདྲེན་བྱེད་རོགས་ཞུ་བའི་འབུལ་རྟེན། |
| སྐྱབས་སུ་བསྟེན་པ |
རེ་གནས་སུ་འཛིན་པ། |
| སྐྱབས་སུ་མཆི་བ |
སྐྱབས་སུ་འགྲོ་བ་སྟེ་ཡུལ་གང་ལ་བློ་གཏོད་པ། |
| སྐྱབས་སེམས |
སྐྱབས་འགྲོ་དང༌། སེམས་སྐྱེད་གཉིས་སོ། |
| སྐྱབས་སྒྲིལ |
སྐྱབས་འཇུག་ཞུ་བའི་ཡི་གེ་སྒྲིལ་བྱེད་ཀྱི་ཁ་བཏགས། |
| སྐྱབས་སྟོན་པ |
ཆོས་འཆད་པ། |
| སྐྱབས་སྦྱིན་གྱི་ཕྱག་རྒྱ |
ལག་གཡས་ཀྱི་གྲུ་མོ་ཕབ་ཅིང་ལག་རྩེ་ནུ་མའི་ཐད་དུ་སྒྲེང་བའོ། ཕྱག་གཡས་པས་སྐྱབས་སྦྱིན་གྱི་ཕྱག་རྒྱ་མཛད། |
| སྐྱར |
སྐྱར་མོ་ཞེས་པའི་མིང་མཐའ་བསྡུས་པ། |
| སྐྱར་པོ |
སྐྱར་མོ་དང་འདྲ། |
| སྐྱར་མོ |
ཡོངས་གྲགས་ལ་ངུར་བ་ཟེར་བའི་ཆུ་བྱ་ཞིག སྤུ་ཕལ་ཆེར་དཀར་པོ་ཡིན་པའི་ཆུ་བྱ་མཚོ་དང་མཚེའུར་གནས་ཤིང་ཉ་དང་དུང་སོགས་ཟ་བ་ཞིག་སྟེ་རྒྱ་སྐད་དུ་ཨུག་ཟེར་བ་དེ་ལ་ངོས་འཛིན་པའང་ཡོད། ཚིག་བསྡུས་ན་སྐྱར་ཞེས་འབྲི་ཆོག་སྟེ། ཆུ་སྐྱར་ཞེས་པ་ལྟ་བུ། |
| སྐྱར་མོས་ཉ་ལེན |
ཆུ་སྐྱར་གྱིས་ཉ་འཛིན་པ་ལྟ་བུ། |
| སྐྱར་སྐྱོར |
1 སྐྱ་རེ་སྐྱོ་རེ་སྟེ། ལུས་ཚོ་མི་ཟིན་པར་གཞན་གྱིས་ལག་པས་བསྐྱོར་ཏེ་འགྲོ་ཚུལ། ནད་པ་སྐྱ་རེ་སྐྱོ་རེ་བྱས་ཏེ་སྨན་ཁང་དུ་ཕྱིན་སོང༌། 2 ཚིག་ཡང་ཡང་བསྐྱར་དུ་བརྗོད་ཚུལ། སྒེར་དོན་ཙག་ཙིག་སྐྱར་སྐྱོར་མ་བྱེད། |
| སྐྱས |
འབྲོག་པའི་སྡོད་གནས། འབྲོག་དུད་མང་པོ་མཉམ་དུ་སྐྱས་སྤོས་པ།…2.གནས་གཞན་དུ་སྤོ་བྱའི་དངོས་རྫས་ཀྱི་མིང་སྟེ། འབྲོག་པས་སྐྱས་སྤོར་བ་ཞེས་པ་ལྟ་བུ། |
| སྐྱས་ཆེན་འདེགས་པ |
1 གཞིས་བསྒྲིལ་ནས་འགྲོ་བ། 2 འཆི་བ། |
| སྐྱས་བཏེག་པ |
རུ་བ་སྤོ་བ། འབྲོག་དུད་ཚང་མ་སྐྱས་བཏེག་པས་ས་ཕྱོགས་དེ་དག་མི་མེད་ལུང་སྟོང་དུ་ལུས་འདུག |
| སྐྱི |
(བྱེད་འབྲེལ་ལས་ཚིག་ད་ལྟ་བ)བུ་ལོན་བླངས་པའམ་བུ་ལོན་བཏང་བའི་དོན་ཏེ། འབྲུ་སྐྱི་བཞིན་ཡོད། འབྲུ་སྐྱི་མཁན་ཞེས་པ་ལྟ་བུ། |
| སྐྱི་གཡའ་བ |
འཇིགས་སྐྲག་སྐབས་ལུས་ཀྱི་སྤུ་ལྡང་ཤ་ལྤགས་སྦྲིད་པ་ལྟར་འགྱུར་བ། གོ་ན་སྐྱི་གཡའ་བའི་གཏམ། ཡིད་མི་བདེ་ཞིང་ཤིན་ཏུ་འཇིགས་པ་དང་སྐྱི་གཡའ་བ་བྱུང༌། མནར་གཅོད་སྐྱི་གཡའ་བ། |
| སྐྱི་གས |
པགས་པའི་སེར་ཀ། |
| སྐྱི་གོས |
ཀོ་ལྤགས་སྲབ་མོ་ལས་བཟོས་པའི་གོས། |
| སྐྱི་གྲི |
1 གྲིའི་སོ་ཁར་སྤུ་ཉག་ཕུས་བཏབ་པ་གཅོད་ནུས་པའི་གྲི་རྣོན་པོ། 2 ཀོ་ལྤགས་ཀྱི་སྐྱི་ཤུན་བཞར་བྱེད་ཅིག |
| སྐྱི་དཀར |
ཀོ་བའི་ཕྱི་རྩིའམ་ཤ་མཚམས་སམ་ཀོ་བའི་ངོས་ཀྱི་ཤུན་པ་སྲབ་མོ། སྐྱི་དཀར་བཅད་པ། |
| སྐྱི་ནག |
པགས་པའི་ཕྱི་ཤུན་མདོག་ནག་པོ། |
| སྐྱི་བ |
1. ཐ་དད་པ བསྐྱིས་པ། བསྐྱི་བ། སྐྱིས།། དངུལ་སོགས་གཡར་བ། དངུལ་སྐྱི་བ། འབྲུ་སྐྱི་བ། རང་ལ་མེད་དུས་གཞན་ནས་སྐྱིས། 2.ཤིང་སྨན་གྱི་རིགས་ཏེ། རོ་ཁ། ཞུ་རྗེས་བསིལ། ནུས་པས་སྣོད་མཁྲིས་རྒྱས་ཏེ་མཁྲིས་ཁུ་ཕོ་བར་བབ་པ་གྱེན་དུ་དྲངས་ནས་སྐྱུག་པར་བྱེད། མིང་གི་རྣམ་གྲངས་ལ་ངང་པ་ཆིག་རྒྱུག་དང༌། ངང་པ་ཆིག་ཐུབ། ངང་པ་གསེར་སྒོང༌། གཙོ་དུ། གཙོ་འབྲུམ། གཙོས་སླ་བཅས་སོ། |
| སྐྱི་བསེར |
རླུང་འཚུབ་མའི་མིང་སྟེ། དེ་ན་འདི་ན་མེད་པ་སྐྱི་བསེར་གྱི་རླུང་བཞིན་ཞེས་པ་ལྟ་བུ། |
| སྐྱི་བུང |
སྐྲག་སྣང་ཤར་ནས་བ་སྤུ་གཟེངས་པའི་སྣང་བ་སྟེ། བྱིས་པས་ཅེ་སྤྱང་གི་སྐད་ཐོས་ནས་ལུས་སྐྱི་བུང་བ་ཞིག་བྱུང་ལྟ་བུ། |
| སྐྱི་བུངས |
སྐྱི་བུང་དང་འདྲ། |
| སྐྱི་བུད་པ |
ཀོ་ལྤགས་སོགས་ཀྱི་སྐྱི་དཀར་ནག་རང་བཞིན་གྱིས་བུད་པ། |
| སྐྱི་བུན |
རྙིང འཇིགས་སྐྲག་བྱུང་སྐབས་ལུས་ཀྱི་ཤ་ལྤགས་སྦྲིད་པ་ལྟར་འགྱུར་བ། |
| སྐྱི་མོ |
མི་ཕྱུགས་ཀྱི་ལུས་ཕྱི་ནང་གི་པགས་རིམ་སྲབ་མོའི་མིང་། མིང་མཐའ་བསྡུས་ན་སྐྱི་ཞེས་འབྲི་ཆོག་སྟེ། སྐྱི་དཀར་། སྐྱི་ནག ཤ་སྐྱིའི་གཡའ་བར་ཞེས་པ་ལྟ་བུ། |
| སྐྱི་ཚེར |
སེན་རྩ་གས་ནས་ལངས་པའི་སྐྱི་ལྤགས། |
| སྐྱི་ཞྭ |
པགས་པ་སྲབ་མོ་ལས་བཟོས་པའི་ཞྭ་མོ། |
| སྐྱི་འབྲས |
ཤིང་སྐྱི་བའི་འབྲས་བུ། འདིའི་རོ་ཁ་ཞིང༌། དྲི་མ་ཞིམ་པོ། མཁྲིས་པ་གྱེན་དུ་འདྲེན། |
| སྐྱི་འབྲུ |
སྐྱི་འབྲས་དང་འདྲ། |
| སྐྱི་རལ |
ཤུན་ལྤགས་རལ་བ། |
| སྐྱི་རྨ |
ལུས་ཀྱི་པགས་ཤུན་ལ་བྱུང་བའི་རྨ། |
| སྐྱི་ལྤགས |
ཤུན་ལྤགས་སྲབ་མོ། |
| སྐྱི་ཤ |
1 སྐྱི་མོ་དང་ཤ། 2 ཁོག་པའི་ནང་གི་ཤ་ཞིག |
| སྐྱི་ཤིང |
སར་བཙུགས་ཏེ་ཀོ་བའི་ཤ་དང་སྐྱི་གཅོད་སའི་ཤིང༌། |
| སྐྱི་སེར |
རླུང་ངམ། ལྷགས་པ། བྱང་སྐྱི་སེར་གྱི་རླུང་པོ་མ་བརྒྱབ་ན། ལྷོ་ཙན་དན་གྱི་ཤིང་ནགས་འགུལ་མི་ཡོང༌། |
| སྐྱི་སྒམ |
སྐྱི་མོའི་སྒམ་མམ། ཀོ་ལྤགས་ཀྱིས་བཏུམ་པའི་སྒམ། |
| སྐྱིག་པ |
མིད་པ་ནས་ཨི་གུ་ཨི་གུ་ཞེས་གྲགས་པའི་སྒྲའི་མིང་། འདི་ལ་སྐྱིགས་བུ་ཡང་འབྲི། |
| སྐྱིགས་པ |
སྐྱིགས་བུ་དང་འདྲ། |
| སྐྱིགས་བུ |
རླུང་འཁྲུགས་པ་དང་གྱེན་རྒྱུའི་བུ་ག་འགགས་པ་སོགས་ལས་བྱུང་བའི་གྲེ་བའི་ལམ་ནས་ཨིག་ཅེས་པའི་སྒྲ་ཐོན་པ་ཞིག |
| སྐྱིགས་བུ་ཆེན་པོ |
མིག་ཧར་ཞིང་ཚིག་མི་ཐོན་པ་ཤུགས་དྲག་ཆེན་པོས་སྐྱིགས་བུ་བྱེད་པ་ཞིག |
| སྐྱིགས་བུ་ཟབ་མོ |
ལྟེ་བའི་འོག་ནས་གཅིག་གི་རྗེས་སུ་གཅིག་བསྟུད་དེ་འབྱུང་བའི་སྐྱིགས་བུའི་ནད་ཀྱི་ནང་ཚན་ཞིག |
| སྐྱིགས་བུ་ཟས་བྱུང |
ཁ་ཟས་རིངས་སྟབས་སུ་ཟོས་པའི་རྗེས་སུ་བྱུང་བའི་སྐྱིགས་བུའི་ནད་ཀྱི་ནང་ཚན་ཞིག |
| སྐྱིགས་བུ་ཟུང་འབྱུང |
ཟས་ཞུ་བའི་རྗེས་སུ་སྐྱིགས་བུ་གཉིས་གཉིས་བསྟུད་ནས་འབྱུང་བ་ཞིག |
| སྐྱིང་ཁབ |
དར་སྐུད་ལ་གསེར་སྐུད་དམ་དངུལ་སྐུད་བསྲེས་ནས་བཏགས་པའི་གོས་ཤིག |
| སྐྱིང་ཁེབ |
ཟངས་སྐུད་ཕྲ་མོ་དང་སྲིན་བལ་གྱི་སྐུད་པ་བསྲེས་ནས་བཏགས་པའི་དར་གོས་ཤིག་གི་མིང་། |
| སྐྱིང་ཁེབས |
སྐྱིང་ཁབ་དང་འདྲ། |
| སྐྱིད |
(རྒྱན་ཚིག)ལུས་བདེ་ཞིང་སེམས་དགའ་བའི་དོན་ཏེ། ངལ་རྩོལ་བྱས་ན་སྣང་བ་སྐྱིད། ལུས་བདེ་སེམས་སྐྱིད་ཅེས་པ་ལྟ་བུ། |
| སྐྱིད་ཀྱིས་རྒྱགས་པ |
བྲོད་རྒྱགས་ལངས་པ། འཚོ་བ་སྐྱིད་ཀྱིས་རྒྱགས་པ། |
| སྐྱིད་གྲོང་ཇོ་བོ |
འཕགས་པ་མཆེད་བཞིའི་ནང་གསེས་སྐྱིད་རོང་སྤྱན་རས་གཟིགས་ལྷ་ཁང་དུ་བཞུགས་པའི་འཕགས་པ་ཝ་ཏི། |
| སྐྱིད་གླུ |
སེམས་དགའ་བའི་གླུ། སྐྱིད་གླུ་ལེན་ཞིང་དགའ་བའི་བྲོ་གར་འཁྲབ། |
| སྐྱིད་ཆུ |
ལྷ་ས་གྲོང་ཁྱེར་གྱི་འགྲམ་དུ་ཡོད་པའི་གཙང་པོ་སྟེ། ཆུ་འགོ་གཉན་ཆེན་ཐང་ལྷའི་རི་རྒྱུད་ཀྱི་ལྷོ་ངོས་ནས་བྱུང་ཞིང༌། མལ་གྲོ་གུང་དཀར་དང༌། སྟག་རྩེ། འཕན་པོ། སྟོད་ལུང་སོགས་ཆུ་བོ་འདིའི་མ་ལག་གི་རྒྱུད་ན་ཆགས་ཡོད། མཐར་ཆུ་ཤུར་རྫོང་དུ་ཡར་ཀླུངས་གཙང་པོའི་ནང་དུ་འབབ། |
| སྐྱིད་ཆུའི་ཟམ་པ |
སྤྱི་ལོ་1955 ལོར་ལྷ་སའི་སྐྱིད་ཆུའི་སྟེང་དུ་གསར་བཙུགས་རླངས་འཁོར་ཤར་གཏོང་ཐུབ་པའི་ཟམ་ཆེན། |
| སྐྱིད་ཆེས་པ |
སྐྱིད་དྲགས་པ། འཚོ་བ་སྐྱིད་ཆེས་པ། |
| སྐྱིད་ཆོས |
དགའ་སྟོན་སོགས་མི་རྣམས་དགའ་བ་སྐྱེ་བའི་བྱ་དངོས་ཀྱི་མིང་སྟེ ལོ་གསར་ལ་དགའ་སྟོན་ཉིན་མི་རྣམས་སྐྱིད་པོ་བྱུང་ལྟ་བུ། |
| སྐྱིད་དར |
བདེ་སྐྱིད་དར་བ། |
| སྐྱིད་དུ་ཕངས་པ |
སྐྱིད་ན་མི་དགའ་བ། བདག་ལ་ཡུལ་མི་ཁྱིམ་མཚེས་སྐྱིད་དུ་ཕངས་པ་འགའ་བདོག |
| སྐྱིད་དེ་བ |
རྙིང གཅེས་ཕྲུག |
| སྐྱིད་པ |
སྐྱིད་པོ་དང་འདྲ། |
| སྐྱིད་པའི་གདུང་རབས་ཕྱེད་དང་བཅུ་གསུམ |
རྒྱལ་པོ་ལྷ་ཐོ་ཐོ་རི་ནས་མངའ་བདག་ཁྲི་རལ་པ་ཅན་གྱི་བར་ཡིན། ཕྱེད་ཀྱི་དོན་ནི་མུ་ནེ་བཙན་པོས་རྒྱལ་སྲིད་ལོ་གཅིག་དང་ཟླ་བ་དགུ་ལས་མ་བསྐྱངས་པས་སོ། |
| སྐྱིད་པོ |
ལུས་སེམས་བདེ་པོ། སྡོད་གནས་སྐྱིད་པོ། སྣང་བ་སྐྱིད་པོ། སེམས་སྐྱིད་པོ། ཚོར་བ་སྐྱིད་པོ། སྐྱིད་ན་ལྷ་ཡང་འདུ་ལ། སྡུག་ན་བུ་ཡང་འབྲོས། |
| སྐྱིད་མེད་སྡུག་ཟད |
སྐྱེ་མེད་སྡུག་ཟད་ཀྱང་ཟེར། ཁེ་ཉེན་མི་རྩི་བར་གང་བྱུང་མང་བྱུང་བྱེད་པ། སྐྱིད་མེད་སྡུག་ཟད་ཀྱི་བུ་སྤྱོད་མ་བྱེད། སྐད་ཆ་སྐྱིད་མེད་སྡུག་ཟད་སྣ་ཚོགས་བཤད་པ། |
| སྐྱིད་འགོ |
སྐྱིད་པའི་ཐོག་མ། དུས་དེ་ཉིད་ནས་སྐྱིད་འགོ་ཚུགས་པ། |
| སྐྱིད་འབོལ་ལེ |
སྐྱིད་ལ་ལྷོད་པ། འཚོ་བ་སྐྱིད་འབོལ་ལེ་བ། |
| སྐྱིད་འཛོམས |
སྐྱིད་པོ་ཚང་མ་འཛོམས་པ། |
| སྐྱིད་ཡུལ |
སྐྱིད་པའི་ཡུལ་ལྗོངས། |
| སྐྱིད་རོགས |
སྐྱིད་དུས་ཀྱི་རོགས་པ། |
| སྐྱིད་རོང |
བོད་རང་སྐྱོང་ལྗོངས་ཀྱི་ལྷོ་ནུབ་ངོས་སུ་ཡོད་ཅིང༌། རྫོང་འདིའི་ལྷོ་ངོས་བལ་ཡུལ་དང་ས་འབྲེལ་ཡིན། རྫོང་མི་དམངས་སྲིད་གཞུང་དེ་རྫོང་དགའ་རུ་ཡོད། |
| སྐྱིད་རོང་གཙང་ཆུ |
བོད་རང་སྐྱོང་ལྗོངས་ཀྱི་སྐྱིད་རོང་རྫོང་ནས་བྱུང་སྟེ་ལྷོ་ཕྱོགས་བལ་ཡུལ་དུ་འབབ་པའི་ཆུ་བོ་ཞིག |
| སྐྱིད་རྒན |
མི་ཚེ་ཧྲིལ་པོར་འཚོ་བ་སྐྱིད་པོས་སྐྱེལ་མཁན། |
| སྐྱིད་རྟག |
ཡུན་རིང་དུ་སྐྱིད་པ་སྟེ་རྒྱ་བོད་མཇལ་དུམ་མཛད་པའི་གཏན་ཚིགས་རྡོ་རིང་ལས་གསལ་བ་ལྟར་སྔར་བོད་རྒྱལ་ཁྲི་གཙུག་ལྡེ་བཙན་གྱི་སྲིད་ལོའི་མིང༌། |
| སྐྱིད་ཤོད |
ལྷ་སའི་གཙང་ཆུའི་སྨད་རྒྱུད་ཀྱི་ཡུལ་སྤྱི། |
| སྐྱིད་སྐྱིད |
དགའ་དགའ་འམ། སྤྲོ་སྤྲོ། དགའ་དགའ་སྐྱིད་སྐྱིད་བྱས་ནས་ལས་ཀ་བྱེད། |
| སྐྱིད་སྟོད |
ལྷ་སའི་གཙང་ཆུ་སྟོད་རྒྱུད་ཀྱི་ཡུལ་སྤྱི། |
| སྐྱིད་སྡུག |
1 སྐྱིད་པོ་དང་སྡུག་པོ་གཉིས་ཀྱི་ཚིག་སྡུད། དམངས་ཀྱི་སྐྱེད་སྡུག་གསལ་པོར་རྟོགས། མི་ཚེ་གཅིག་ལ་སྐྱིད་སྡུག་སྣ་ཚོགས་མྱོང༌། དབུལ་པོའི་སྐྱིད་སྡུག་དབུལ་པོས་ལྟ། སྐྱིད་སྡུག་དབྱེ་བ་འབྱེད་མི་ཤེས། 2 འཚོ་རྟེན་ནམ། འཚོ་ཐབས། སྐྱིད་སྡུག་གཅིག་པ། སྐྱིད་སྡུག་འབྲིང་བ། སྐྱིད་སྡུག་སྐྱོ་པོ། སྐྱིད་སྡུག་དམན་པ། སྐྱིད་སྡུག་ཟླ་སྒྲིལ་བ། སྐྱིད་སྡུག་སྙེ་མ་ཕོན་གཅིག་བྱས། 3 ལས་རིགས་ཀྱི་སྒྲིག་འཛུགས་དང་ཚོགས་པ། ཤིང་བཟོའི་སྐྱིད་སྡུག་ལ་འཛུལ། པར་པའི་སྐྱིད་སྡུག་ནས་ཕུད། རྡོ་བཟོའི་སྐྱིད་སྡུག་ནས་འཐེན།.. |
| སྐྱིད་སྡུག་མཉམ་འཁུར |
བདེ་སྡུག་མཉམ་མྱོང༌། རང་རེ་ཚང་མ་སྐྱིད་སྡུག་མཉམ་འཁུར་བྱེད་དགོས། |
| སྐྱིད་སྨད |
ལྷ་སའི་གཙང་ཆུ་སྨད་རྒྱུད་ཀྱི་ཡུལ་སྤྱི། |
| སྐྱིན |
གཟུགས་དབྱིབས་ར་དང་འདྲ་བའི་རི་དྭགས་ཤིག |
| སྐྱིན་ཁབ |
སྐྱིང་ཁབ་དང་འདྲ། |
| སྐྱིན་ཁེབ |
སྐྱིང་ཁབ་དང་འདྲ། |
| སྐྱིན་ཁེབས |
སྐྱིང་ཁབ་དང་འདྲ། |
| སྐྱིན་གོར |
གངས་སྦལ་ཏེ་གཟུགས་དབྱིབས་ད་བྱིད་དང་ཆ་འདྲ་བའི་སྲོག་ཆགས་ཤིག་དེའི་ཤ་སྨན་ལ་འགྲོ། |
| སྐྱིན་ཐང |
སེར་བ་འབབ་སྐབས་ཀྱི་རླུང་ཧ་ཅང་གྲང་པོའི་མིང་། རླུང་འཁྱག་དྲག་པོའི་མིང་། |
| སྐྱིན་ཐང་ཆུ |
སེར་བ་བབ་རྗེས་སུ་ཞུ་བའི་ཆུ་ལོག |
| སྐྱིན་པ |
གཞན་གྱི་དངོས་རྫས་བཀོལ་བའི་ཚབ་ལ་བྱིན་པའི་དངོས་རྫས་ཀྱི་མིང་སྟེ། འབྲུའི་སྐྱིན་པ་སྟེར་བ། དངུལ་གྱི་སྐྱིན་པ་སྟེར་ལྟ་བུ། ཚིག་བསྡུས་ན་སྐྱིན་ཞེས་འབྲི་ཆོག་སྟེ། འབྲུ་སྐྱིན། དངུལ་སྐྱིན། སྐྱིན་ཚབ་ཅེས་པ་ལྟ་བུ། |
| སྐྱིན་པ་འཇལ་བ |
1 བུ་ལོན་སྤྲོད་པ། 2 ཚབ་སྒྲིག་པ། |
| སྐྱིན་པོ |
སྐྱིན་པ་དང་འདྲ། |
| སྐྱིན་ཚབ |
གཡར་བའི་ཚབ། དངུལ་གྱི་སྐྱིན་ཚབ་ལ་དངོས་པོ་མ་སྤྲོད། རིན་འབབ་ཇི་གནས་ལྟར་སྐྱིན་ཚབ་སྒྲིག་དགོས། སྐྱིན་ཚབ་མི་དགོས་པར་ཞིང་སོན་སྟེར་བ། |
| སྐྱིན་འཁྲི་ཚབ་གསུམ |
གཞན་ནོར་བརྐུས་པའི་སྐྱིན་པ། འཁྲི་འཇལ། དངོས་ཚབ་སྟེ་སྔར་རྐུན་པོའི་ཁྲིམས་འཇལ་གསུམ། |
| སྐྱིན་ལུས |
འཇལ་རྒྱུར་བསྡད་པའི་སྐྱིན་པ་ལྷག་མ། |
| སྐྱིབས |
ཀླད་ཁེབས་ཀྱི་མིང་སྟེ། བྲག་སྐྱིབས། ཆར་སྐྱིབས་ཞེས་པ་ལྟ་བུ། |
| སྐྱིལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཆུ་འབབ་པ་བཀག་ནས་རྫིང་བུར་འཁྱིལ་དུ་བཅུག་པའི་དོན་ཏེ། ཆུ་བོ་རྫིང་དུ་སྐྱིལ་གྱིན་ཡོད། ཆུ་སྐྱིལ་སའི་ཆུ་མཛོད། ཆུ་སྐྱིལ་ཅིག་ལྟ་བུ། |
| སྐྱིལ་ཀྲུང |
དཀྱིལ་ཀྲུང་ངམ་སྐྱིལ་མོ་ཀྲུང་སྟེ། རྐང་པ་གཉིས་ནང་དུ་བསྐུམས་ནས་སྡོད་པའི་འདུག་སྟངས་ཏེ་རྣམ་སྣང་ཆོས་བདུན་གྱི་ཡ་གྱལ་ཞིག ཞབས་སྐྱིལ་ཀྲུང་གིས་བཞུགས་པ། སྐྱིལ་ཀྲུང་བཅས་ནས་ཡུན་རིང་བསྡད་དེ་མི་གཞིག་པ། རྡོ་རྗེ་སྐྱིལ་མོ་ཀྲུང༌། སེམས་དཔའི་སྐྱིལ་མོ་ཀྲུང༌། སྐྱིལ་མོ་ཀྲུང་དུ་འཁོད་པ། |
| སྐྱིལ་ཀྲུང་གསུམ |
རྩ་རླུང་ཐིག་ལེའི་རྡོ་རྗེ་སྐྱིལ་ཀྲུང་གསུམ། |
| སྐྱིལ་ཀྲུང་ཕྱེད་པ |
རྐང་གཡས་བསྐུམས་ཤིང༌། གཡོན་ཅུང་ཟད་བརྐྱངས་པ་སྟེ་སེམས་དཔའི་སྐྱིལ་ཀྲུང་ཡང་ཟེར། |
| སྐྱིལ་ཀྲུང་བཞི |
རྡོ་རྗེ་སྐྱིལ་ཀྲུང་གསུམ་དང༌། བདེ་སྟོང་གི་སྐྱིལ་ཀྲུང་སྟེ་བཞི། |
| སྐྱིལ་ཆུ་བླུག་སྣོད |
རྫ་མཁན་གྱི་ཆུ་བླུག་སའི་ཡོ་བྱད་ཅིག |
| སྐྱིལ་བ |
ཐ་དད་པ བསྐྱིལ་བ། བསྐྱིལ་བ། སྐྱིལ།། 1 ཆུ་རྒྱུག་ས་མེད་པར་བཀག་པ། ཕུ་ཆུ་རྫིང་བུར་བསྐྱིལ། ཤྭ་འོད་ཇི་ཡོད་ཆུ་མཛོད་ནང་དུ་བསྐྱིལ་ཐུབ་ཡོད། བསྐྱིལ་ཆུ། 2 ཉར་བ། མི་ངན་བསྟེན་སྐྱིལ། སྐོང་སྐྱིལ། བཀག་སྐྱིལ། |
| སྐྱིས |
སྐུལ་ཚིག་སྟེ། སྐྱིས་ཤིག་ལྟ་བུ། སྐྱི་བ་ཡི་མིང་མཐའ་བསྡུས་པ།０སྐྱི་མོ་ཡི་མིང་མཐའ་བསྡུས་པ།１རླུང་གི་མིང་ལ་འཇུག་པ་གནའ་དཔེར་རླུང་ལྡང་བ་ལ་སྐྱི་ལྡང་ཟེར་བ་ལྟ་བུ། |
| སྐྱུ |
ཟན་གྱི་རྡོག་པོ་ཆུང་ངུ་མཐེབ་མོས་ལེབ་མོར་གླེབ་པའི་ཟས་རིགས་ཤིག་གི་མིང་སྟེ་འཐེབ་སྐྱུ་ཡང་ཟེར། ཚོན་གང་ལ་སྐྱུ་གང་ཟེར་བའང་ཡོད། |
| སྐྱུ་གང |
1 མཐེ་བོང་གིས་ཀོང་ཀོང་བཟོས་པའི་སྤགས་ཀྱི་མཐེབ་སྐྱུ། 2 གདོང་ལ་བྱུག་རྫས། 3 མཐེབ་ཚིགས་དཀྱིལ་མ་ནས་མཐེབ་རྩེ་བར་ཚོན་གང་གི་ཚད། |
| སྐྱུ་ཚེ |
ཟན་གྱི་མཐེབ་སྐྱུ། མར་ཁུའི་སྐྱུ་ཚེ་བཟོ་བ། |
| སྐྱུ་རུ |
ཨམལཀཱི སྐྱུ་རུ་ར་སྟེ་ཚད་པ་ཆེ་བའི་ཡུལ་དུ་སྐྱེ་བའི་ཤིང་སྡོང་ལོ་མ་ཆེ་ཙམ་ཡོད་པའི་འབྲས་བུ་ཞིག་འདིས་ཁྲག་མཁྲིས་ཀྱི་ཚ་བ་སེལ། མིང་གི་རྣམ་གྲངས་ལ་རྒྱལ་འབྲས་དང༌། བཅུད་གནས། ན་ཚོད་གནས། ཞི་བྱེད། ལང་ཚོ་བརྟན་བྱེད་བཅས་སོ། |
| སྐྱུ་རུ་ར |
ཤིང་སྨན་གྱི་རིགས་ཤིག་སྟེ། རོ་སྐྱུར་ལ་མངར་ཁ་བསྐ་བ། ཞུ་རྗེས་བསིལ། ནུས་པས་བད་མཁྲིས་དང་ཁྲག་ནད་སེལ། མིག་ནད་དང་བཅུད་ལེན་ལ་བཟང༌། མིང་གི་རྣམ་གྲངས་ལ་སྐོམ་སེལ་དང༌། ཁྲག་འབྱེད། གྱ་ནོམ། སྨིན་འགས། ཨམ་བྷི་བཅས་སོ། |
| སྐྱུ་རུ་ར་རློན་པ |
སྐྱུ་རུ་རའི་འབྲས་བུ་གསར་པ་འདི་ཧ་ཅང་དྭངས་པས་ཕྱི་ནང་ཐམས་ཅད་གསལ་པོ་མཐོང༌། ཤེས་བྱའི་ཆོས་རྣམས་སྐྱུ་རུ་ར་རློན་པ་ལག་མཐིལ་དུ་བཞག་པ་ལྟར་གསལ་སྒྲིབ་མེད་པར་མཐོང༌། |
| སྐྱུ་རུམ |
རྙིང 1 བཏུང་བའི་བྱེ་བྲག་ཐུག་པ། 2 བཙོས་ནས་སྐྱུར་མོར་གྱུར་པའི་སྔོ་ཚོད། |
| སྐྱུ་རུམ་མཁན |
ཚོད་མ་བཟོ་མཁན། |
| སྐྱུག |
(བྱེད་མེད་ལས་ཚིག་ད་ལྟ་བ)ཕོ་བ་དང་གློ་བའི་ནང་གི་དངོས་པོ་ཁ་ནས་ཕྱིར་ཐོན་པའི་དོན་ཏེ། སྐྱུག་སྨན་འཐུང་ནས་ནད་པ་སྐྱུག སྐྱུག་བྱེད་ཀྱི་སྨན་ཞེས་པ་ལྟ་བུ། |
| སྐྱུག་ཏིང་ཏིང་བ |
སྐྱུག་ལོག་ལོག་བྱེད་པ། |
| སྐྱུག་ནད |
མ་ཞུ་བ་སོགས་ཀྱི་རྐྱེན་ཏེ་ཟས་སྨན་ཕོ་བར་མི་འཇུག་ནས་ཡར་གྱེན་དུ་སྐྱུག་པའི་ནད། |
| སྐྱུག་པ |
1. ཐ་དད་པ བསྐྱུགས་པ། བསྐྱུག་པ། སྐྱུགས།། ཞེ་མེར་ལངས་ཏེ་ཟས་སོགས་ཁ་ནས་འབྱིན་པ། ལྟོ་མ་ཞུ་བར་བསྐྱུགས། ཁྲག་བསྐྱུགས། 2 1 ཟས་སོགས་མ་ཞུ་བར་ཁ་ནས་ཕྱིར་ཕྱུང་བའི་ཁུ་སྙིགས། སྐྱུག་པ་བསྐྱུགས་པ། 2 སྦྱོང་བྱེད་ཀྱི་ནང་ཚན་སྐྱུག་གཏོང་བ་ནི་བད་ཀན་ལྕགས་དྲེག་སོགས་ཕོ་བའི་ནད་གྱེན་དུ་འདྲེན་པར་བྱེད་པའི་ཐབས་ཤིག |
| སྐྱུག་བྲོ་པོ |
བཙོག་པའམ་མཐོང་མི་འདོད་པ། བཙོག་པ་སྐྱུག་བྲོ་པོ། སྤྱོད་པ་སྐྱུག་བྲོ་པོ། སྤྱོད་པ་སྐྱུག་བྲོ་པོ། སྐད་ཆ་སྐྱུག་བྲོ་པོ། གདོང་རིས་སྐྱུག་བྲོ་པོ། |
| སྐྱུག་བྲོ་བ |
ཞེན་པ་ལོག་པའི་དོན་ཏེ། བཟོ་བཅོས་རིང་ལུགས་ལ་དགག་པ་བརྒྱབ་ནས་སྐྱུག་བྲོ་བ་ཞིག་བྱེད་དགོས་ལྟ་བུ། |
| སྐྱུག་མེར |
ཞེ་མེར། ཞག་ཚི་མཐོང་བ་དང་སྐྱུག་མེར་ལང་བ། |
| སྐྱུག་ལོག་པ |
ཞེ་མེར་རྒྱག་པ། |
| སྐྱུག་ལྡང |
ཞེ་མེར་རྒྱག་པ། |
| སྐྱུག་ལྡད |
མཛོ་གཡག་སོགས་སྒོ་ཕྱུགས་སེམས་ཅན་གྱིས་གཟན་པ་རགས་ཙམ་འཆོས་ནས་གྲོད་པར་མིད་དེ་སླར་ཡང་ཁའི་ནང་དུ་བསྐྱུགས་པ་དེ་ཉིད་ཞིབ་མོར་འཆའ་བ། |
| སྐྱུག་ལྡོག |
ཞེ་ལོག་པ། |
| སྐྱུག་སྨན |
མ་ཞུ་བ་སོགས་ལྟེ་བ་ཡན་གྱི་ནད་གྱེན་དུ་སྐྱུག་པར་བྱེད་པའི་སྨན། |
| སྐྱུགས |
སྐུལ་ཚིག་སྟེ། སྐྱུགས་ཤིག་ཅེས་པ་ལྟ་བུ། |
| སྐྱུང |
(བྱེད་འབྲེལ་ལས་ཚིག་ད་ལྟ་བ)ཇེ་ཉུང་དུ་བཏང་བ་དང་ཇེ་ཐུང་དུ་བཏང་བའི་དོན་ཏེ། ཁེངས་དྲེགས་སྐྱུང་མཁན། ཁེངས་སྐྱུང་ཞེས་པ་ལྟ་བུ། |
| སྐྱུང་ཀ |
བྱ་སྤུ་མདོག་ནག་ལ་མཆུ་རྐང་དམར་པོ་ཞིག སྐྱུང་ཀས་སྐྱུང་ཀར་ཟེར་རེས་མ་བྱེད། མཆུ་ཏོ་དམར་པོ་ཆ་རེད། མིང་གི་རྣམ་གྲངས་ལ་གྲང་རིག་ཕོ་ཉ་དང༌། བྱུ་རུའི་མཆུ་ཅན། ཡུལ་ངན་འབོད་བཅས་སོ། |
| སྐྱུང་ཀ་ཁ་ལེབ |
ཚག་རྒྱག་བྱེད་ཀྱི་ཡོ་བྱད་བྱ་སྐྱུང་ཀའི་མཆུ་དབྱིབས་དང་འདྲ་བ་ཞིག |
| སྐྱུང་ཀ་རྩེ་རྐྱོང |
ཚག་རྒྱག་བྱེད་ཀྱི་ཡོ་བྱད་བྱ་སྐྱུང་ཀའི་མཆུ་དབྱིབས་དང་འདྲ་བ་ཞིག |
| སྐྱུང་ཀའི་ཁྲག |
སྲོག་ཆགས་སྨན་གྱི་རིགས་ཤིག་སྟེ། རོ་མངར། ཞུ་རྗེས་སྙོམས། ནུས་པས་ཕྲུ་གུ་སྐྱེ་རྒྱུན་འགོག |
| སྐྱུང་བ |
ཐ་དད་པ བསྐྱུངས་པ། བསྐྱུང་བ། སྐྱུངས།། 1 རིང་དུ་འདོར་བ་དང༌། སྤོང་བ། སྒེར་སེམས་བསྐྱུང་བ། ང་རྒྱལ་རྩ་བསྐྱུང༌། ཁེངས་པ་སྐྱུང་བ། 2 ཉུང་དུའམ་ཆུང་དུ་གཏོང་བ། མི་འབོར་བསྐྱུང་བ། བར་ཐག་བསྐྱུངས་པ། |
| སྐྱུང་བུ |
སྙུང་བུ་སྟེ་བུ་ག་འབིགས་བྱེད་ཀྱི་ཡོ་བྱད་ཅིག |
| སྐྱུང་བོ |
སྐྱུང་བུ་ཡི་འབྲི་ཚུལ་གཞན། |
| སྐྱུང་ཞག |
ཉི་སྐར་ཉེར་བཞི་དང་ཆུ་ཚོད་ཞེ་བཞི་ལ་སླེབས་པ་དང༌། སྤྱི་ཟླ་གསུམ་པའི་ཚེས་ཉེར་ལྔ་ཡས་མས་ཙམ་ནས་སྐྱུང་ཞག་དགུ་བརྩིས་ཏེ་སོས་ཐན་ཡོད་མེད་བརྟག་པ་སྟེ་དེའི་རིང་ལ་ཁ་ཆར་བབ་ནས་གནམ་གཤིས་གྲང་ན་སྐྱུང་མོའི་ཁོང་ཁྲག་བཏོན་པ་ཞེས་སོས་ཐན་ཡོང་བར་བཤད། |
| སྐྱུང་སྐྱང |
བྱ་སྐྱུང་ཀའི་སྐད། |
| སྐྱུངས |
སྐུལ་ཚིག་སྟེ། ང་རྒྱལ་སྐྱུངས་ཤིག་ལྟ་བུ། |
| སྐྱུད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བརྗེད་པའི་བརྡ་རྙིང་སྟེ་མ་འོངས་པ་དང་འདས་པ་ལ་བསྐྱུད་འབྲི། |
| སྐྱུད་པ |
ཐ་མི་དད་པ བསྐྱུད་པ། བསྐྱུད་པ།།མི་དྲན་པར་བརྗེད་པ། རོ་ལྡན་གྱི་ཟས་སྐྱུད་པ། གཞོན་ནུའི་སྐབས་ཀྱི་བྱ་སྤྱོད་ཕལ་ཆེར་བསྐྱུད་པ། སྔར་མྱོང་སྡུག་བསྔལ་མ་སྐྱུད་ཨང༌། |
| སྐྱུར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག)<ཀ>དོར་བའི་དོན་ཏེ། གར་སྙིགས་དོང་ལ་སྐྱུར་བར་བྱེད། སྐྱུར་ཅིག་ལྟ་བུ། |
| སྐྱུར་ཁ |
ཡུལ ཕུ་ཐུང་དང་ལྷམ་ཡུ་སོགས་ཀྱི་ཚེམ་མཚམས་སུ་མཐུད་པའི་རྒྱུ་ཆ་ཞིག |
| སྐྱུར་ཁུ |
1 སྐྱུར་མོའི་ཁུ་བ། 2 དར་བ་ལས་ཕྱུར་བ་བཏོན་ཟིན་པའི་ཁུ་བ། |
| སྐྱུར་ཆུ |
1ཆང༌། 2ཆུ་སྐྱུར་མོ། |
| སྐྱུར་དད |
ཆང་ལ་དགའ་བ། |
| སྐྱུར་པོ |
(རྒྱན་ཚིག) དར་བ་དང་སྐྱེར་སིལ་གྱི་རོ་ལྟ་བུ་སྟེ། ཤིང་ཏོག་སྐྱུར་པོ། དར་བ་སྐྱུར་པོ་ཞེས་པ་ལྟ་བུ། བསྡུས་ན་སྐྱུར་ཞེས་འབྲི་ཆོག་སྟེ། མངར་སྐྱུར། སྐྱུར་སིལ། རོ་ཧ་ཅང་སྐྱུར་ལྟ་བུ། |
| སྐྱུར་ཕྱུར |
ཕྱུར་བ་སྐྱུར་མོ། |
| སྐྱུར་བ |
1. ཐ་དད་པ བསྐྱུར་བ། བསྐྱུར་བ། སྐྱུར།། 1 འདོར་བ་དང༌། སྤོང་བ། ཁས་ལེན་དམ་བཅའ་རྒྱབ་ཏུ་བསྐྱུར། ལོགས་སུ་བསྐྱུར། རྩིས་མེད་དུ་བསྐྱུར་བ། མུན་བསྐྱུར་སྣང་འགྲོ། ཐ་མག་འཐེན་རྒྱུ་སྐྱུར་ཅིག 2 ཕར་དབྱུག་པའམ་གཡུག་པ། གཡང་སྐྱུར་ཐོངས་ཤིག ཆུར་སྐྱུར་བ། ཁ་ལུད་བསྐྱུར་བ། 2. ཡུལ ཚོས་ལོག་པ། གོས་ཀྱི་ཚོས་མདོག་སྐྱུར་འདུག 3. སྐྱུར་མོ་དང་འདྲ། |
| སྐྱུར་བག |
སྐྱུར་པོའི་དྲི་མ། |
| སྐྱུར་བསྙལ་རྒྱག་པ |
ཞོ་ཆང་སོགས་སྐྱུར་རིགས་སྙོལ་བ། |
| སྐྱུར་བྱེད་གསུམ |
འབྲས་བུ་གསུམ་སྟེ། ཨ་རུ་བ་རུ་སྐྱུ་རུ་གསུམ། |
| སྐྱུར་མནམ་པ |
སྐྱུར་མོའི་དྲི་མ་ཁ་བའམ་སྣོམ་པ། |
| སྐྱུར་མོ |
རོ་དྲུག་གི་ནང་གསེས་མྱངས་ན་སོ་བརྩེ་ཞིང་བཞིན་གཉེར་ཤོར་བའི་རང་བཞིན་ཅན། ཁ་ཟས་སྐྱུར་མོ། ཤིང་ཏོག་སྐྱུར་མོ། ཁམ་བུ་སྐྱུར་མོ། སྐྱུར་ཚལ། སྨན་རོ་སྐྱུར་མོ། |
| སྐྱུར་མོ་ཚྭ |
ལན་ཚྭའི་རིགས་ཤིག་སྟེ། མདོག་དཀར་ཞིང་རོ་ལན་ཚ་ལ་སྐྱུར་བ། ཞུ་རྗེས་དྲོད། ནུས་པས་དྲོད་སྐྱེད། སྦོས་པ་འཇོམས། བད་རླུང་ལ་ཕན། |
| སྐྱུར་ཞོ |
དར་ཞོ། |
| སྐྱུར་འགོང |
ར་བཟི་ནས་སྤྱོད་པ་གང་བྱུང་མང་བྱུང་བྱེད་པའི་མིང༌། སྐྱུར་འགོང་ཤོད་མཁན་ཆང་ལ་མི་དགའ། སྤྱང་གི་ལྟོགས་པ་ལུག་ལ་མི་དགའ་ཟེར་བ་རྫུན་རེད། སྐྱུར་ཆུས་མྱོས་ནས་སྐྱུར་འགོང་ཤོད། |
| སྐྱུར་འདོན |
གྲོའི་གླུམ་ལ་ཉེའུ་བྱས་ཏེ་སྨན་སྦྱར་ནས་བཙོས་པའི་རླུང་ནད་ལུས་ལ་ཞེན་པ་ཕྱིར་འདོན་པའི་ཐབས་ཀྱི་སྨན་རྟ་ཞིག |
| སྐྱུར་རུ |
རོ་སྐྱུར་བར་བྱེད་པའི་རུ་མའམ་རྩི། |
| སྐྱུར་རུམ |
རྙིང ཚོད་མ། |
| སྐྱུར་རྡོག |
སྟར་བུ་སོགས་ཀྱི་སྐྱུར་ཁུའི་ནང་དུ་བསྙལ་བའི་ཕྱུར་བ་རྡོག་རྡོག་གི་རིགས་ཤིག |
| སྐྱུར་རྩབས |
1 ཆང་གི་ཕབས་རྩི། 2 ཞོའི་རུ་རྩི། |
| སྐྱུར་རྩི |
１ཚ་ལུམ་ཟེར་བའི་སིལ་ཏོག་གི་མིང་། ２ཟས་རིགས་སྐྱུར་པོར་སྒྱུར་བྱེད་ཀྱི་ཕབ་ཀྱི་མིང་སྟེ་ཚིག་བསྡུས་ན་སྐྱུར་འབྲི། དཔེར་ན། ཕྱེ་བརྫི་ཚེ་སྐྱུར་བླུག་ལྟ་བུ། |
| སྐྱུར་ལོག |
1 ཕྱུར་བ་སྐྱུར་ཁུའི་ནང་དུ་བསྙལ་བའི་རྡོག་ཆེན་པོ། 2 ཆང་བསྙལ་བ་ལམ་དུ་མ་རྒྱུགས་པར་བྲོ་བ་སྐྱུར་མོ་ཆགས་པ། |
| སྐྱུར་སྤྲང |
ཆང་སློང་མཁན་ལ་དམའ་འབེབས་བྱེད་པའི་ཚིག |
| སྐྱུས |
རབས་དང༌། རྒྱུན། མི་རབས་སྐྱུས་གཅིག་པ། སྐྱུས་ཐོག་གཅིག་ལ་དོན་དག་མང་པོ་བྱས་པ། དབྱངས་གསལ་སྐྱུས་སུ་ཀློག་པ། |
| སྐྱུས་ཐོག་གཅིག་པ |
མི་ཐོག་གཅིག་པའམ། ཚོ་ཐོག་གཅིག་པ། |
| སྐྱེ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)<ཀ>རྩི་ཤིང་གི་རིགས་མྱུ་གུ་འབུས་པ་ནས་འབྲས་བུ་སྨིན་པའི་དོན་ཏེ། ས་བོན་གྲོ་བཏབ་ན་གྲོ་སྐྱེ། ཆར་བ་བབས་ན་རྩྭ་སྐྱེ་ལྟ་བུ། |
| སྐྱེ་ཀ |
སྐྱ་ཀ་ཡི་འབྲི་ཚུལ་གཞན། |
| སྐྱེ་གཉིས་པ |
མངོན བྲམ་ཟེ། |
| སྐྱེ་གནས |
1མི་དང་སྲོག་ཆགས་ཀྱི་ཕ་མའི་ས་བོན་སྨིན་ནས་ཕྲུ་གུར་འགྱུར་སའི་གནས་ཀྱི་མིང་སྟེ། སྲོག་ཆགས་ལ་སྐྱེ་གནས་ཀྱི་སྒོ་ནས་དབྱེ་ན་མངལ་སྐྱེ་དང་སྒོང་སྐྱེ་གཉིས་ཡོད། 2བརྡ་སྤྲོད་ཀྱི་གཞུང་དུ་བཤད་པའི་སྐྱེ་གནས་སྐད་ཆའི་སྒྲ་གདངས་འབྱིན་པའི་གནས་ཀྱི་མིང་སྟེ། དེ་ལ་དབྱེ་བ་བརྒྱད་ཡོད་དེ། མགྲིན་པ—ཨོལ་མདུད་ཀྱི་ཁོག ། སྣ། སྤྱི་བོ—ལྕེ་སྣེ་དང་ཡ་རྐན་གྱི་སོའི་ནང་ངོས། འཕྲད་མཚམས་ཁོག་པ—ཨོལ་བའི་ནང་། རྐན—ཡ་རྐན་གྱི་དཀྱིལ། ལྕེ—ལྕེའི་དཀྱིལ། སོ—སོ་དང་ལྕེ་གནས་འཕྲད་མཚམས། མཆུ—ཁ་ཤ་ཐུག་མཚམས། <ཁ>མའི་མངལ་ནས་བཙས་པའི་དོན་ཏེ། བུ་སྐྱེ་ཁ། བུ་སྐྱེས་ནས་ཟླ་བདུན་ལོན་ལྟ་བུ། |
| སྐྱེ་གནས་བཞི |
ལུས་ཅན་རྣམས་ཀྱི་སྐྱེ་གནས་མི་འདྲ་བ་བཞི་ལ་མངལ་སྐྱེས་དང༌། སྒོང་སྐྱེས། རྫུས་སྐྱེས། དྲོད་གཤེར་ལས་སྐྱེས་པ་སྟེ། མི་དང་ཕྱུགས་སོགས་མངལ་སྐྱེས་དང༌། མཐོ་རིས་ལྷ་རྣམས་བརྫུས་ཏེ་སྐྱེས། བྱ་དང་སྦྲུལ་སོགས་སྒོ་ང ༈ ལས་སྐྱེས། འབུ་སྦྲང་ལ་སོགས་དྲོད་གཤེར་ལས་སྐྱེས་པའོ། |
| སྐྱེ་གནས་མཐུན་པ |
སེམས་ཅན་རྣམས་ཀྱི་སྐྱེ་བའི་རྒྱུད་ཀྱིས་བསྡུས་པའི་གནས་རིགས་གཅིག་པ་སྟེ། སྐྱེ་གནས་བཞིས་བསྡུས་པའི་འགྲོ་བ་རྣམས་རང་གི་སྐྱེ་གནས་མཐུན་པ། |
| སྐྱེ་གནས་མཚུངས་པ |
མངོན མ་གཅིག་པའི་སྤུན་ནམ་མིང་སྲིང༌། |
| སྐྱེ་གཟུགས |
ལུས་དང་གདོང་གི་རྣམ་པའམ་དབྱིབས། སྐྱེ་གཟུགས་མཛེས་པ་ལྷ་དང་འདྲ། |
| སྐྱེ་གཡོག |
1 ཕྲུ་གུ་སྐྱེ་སྐབས་མའི་གཡོག་རྒྱུག་མཁན། 2 ཕྲུ་གུ་སྐྱེ་སྐབས་གཡོག་བྱེད་པ། |
| སྐྱེ་ངན |
སྐྱེ་བ་ངན་པ་སྟེ་ངན་འགྲོ། |
| སྐྱེ་ཆུ་ལྷ་ཁང |
སྲོང་བཙན་སྒམ་པོའི་སྐབས་བཏབ་པ་ལྷོ་འབྲུག་སྤ་གྲོ་ས་ཁུལ་དུ་ཡོད་པ་རུ་གནོན་གཙུག་ལག་ཁང་བཞིའི་ཡ་གྱལ་ཞིག |
| སྐྱེ་དགུ |
འགྲོ་བ་སེམས་ཅན་ཐམས་ཅད་དེ། འདོད་པའི་ཁམས་ལས་ཚེ་འཕོས་ཏེ་ཁམས་གསུམ་དུ་སྐྱེ་བ་གསུམ། གཟུགས་ཁམས་ལས་ཚེ་འཕོས་ཏེ་ཁམས་གསུམ་དུ་སྐྱེ་བ་གསུམ། གཟུགས་མེད་ཁམས་ལས་ཚེ་འཕོས་ཏེ་ཁམས་གསུམ་དུ་སྐྱེ་བ་གསུམ་ལ་བྱའོ། |
| སྐྱེ་དགུ་མ |
མངོན རྗེ་རིགས་མ། |
| སྐྱེ་དགུའི་བདག་པོ |
མངོན 1 སྐར་མ་སྣར་མ། 2 རྒྱལ་པོ་དང་རྒྱལ་རིགས། 3 ལྷ་ཚངས་པ། |
| སྐྱེ་དགུའི་བདག་མོ |
མངོན རྗེ་རིགས་མ། |
| སྐྱེ་དངོས |
རང་བྱུང་ཁམས་ནས་སྐྱེ་ལྡན་གྱི་རྫས་རིགས་འདུས་ནས་གྲུབ་ཅིང་། སྐྱེ་བ་དང་འཕེལ་བ་དང་རྒྱུད་སྤེལ་བའི་ནུས་པ་ཡོད་པའི་གཟུགས་ལྡན་གྱི་དངོས་པོ་སྤྱིའི་མིང་ཡིན། སྐྱེ་དངོས་ལ་རིགས་རྣམ་པ་སྣ་ཚོགས་པ་ཡོད་ཀྱང་ཚང་མས་རྙིང་འདོར་གསར་སྡུད་བརྒྱུད་ནས་ཉེ་འཁོར་གྱི་དངོས་པོ་རྣམས་ལས་རྫས་ཕན་ཚུན་གཏོང་ལེན་བྱེད་ཀྱིན་ཡོད་པ་རེད། སྲོག་ཆགས་དང་རྩི་ཤིང་དང་སྐྱེ་ལྡན་ཕྲ་མོ་ཐམས་ཅད་སྐྱེ་དངོས་ཡིན། |
| སྐྱེ་དམན |
བུད་མེད། |
| སྐྱེ་བ |
1. ཐ་མི་དད་པ སྐྱེས་པ། སྐྱེ་བ།། 1 སྔར་མེད་གསར་དུ་འབྱུང་བ། ཕྲུ་གུ་སྐྱེས་པ། ལོ་ཏོག་གསར་དུ་སྐྱེས་པ། ཁ་ལས་སོ་སྐྱེ་བ། དགའ་བ་སྐྱེས་པ། རྭ་མགོ་ལ་སྐྱེ། ཤིང་ས་ལ་སྐྱེ། ཕོ་རོག་ལ་སྐྲ་དཀར་མི་སྐྱེ། མ་སྐྱེས་པ་སྐྱེ་བར་འགྱུར། 2 སྔར་ཡོད་གོང་དུ་འཕེལ་བ་སྟེ་ཆེན་པོར་འགྱུར་བ་དང་རིང་དུ་འགྲོ་བ་སོགས། ལུག་བལ་རིང་པོར་སྐྱེས་པ། 2. མི་ཚེ། སྐྱེ་བ་ཧྲིལ་པོ། སྐྱེ་བ་སྔ་ཕྱི། |
| སྐྱེ་བ་གཅིག་ཐོགས |
འཚང་རྒྱ་བ་ལ་སྐྱེ་བ་གཅིག་འགོར་བའི་བྱང་སེམས། |
| སྐྱེ་བ་གཅོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ས་བོན་འཇོམས་པ་དང་སྐྱེ་བ་གཅོད་པའི་ལྟུང་བྱེད་ཅེས་པ་རྩྭ་སྔོན་ལྗོན་ཤིང་གཅོད་པ་དང༌། ནས་རྔོ་བ་སོགས་མེས་རུང་བར་མ་བྱས་པའི་ས་བོན་གྱི་རིགས་ཉམས་པར་བྱས་པ། |
| སྐྱེ་བ་ངན་པ |
ངན་འགྲོ་སྟེ་དུད་འགྲོ་སོགས། |
| སྐྱེ་བ་ངོ་བོ་ཉིད་མེད་པ་ཉིད |
ངོ་བོ་ཉིད་མེད་པ་ཉིད་གསུམ་གྱི་ནང་གསེས། ཆོས་རྣམས་རྒྱུ་རྐྱེན་གཞན་གྱི་དབང་ལས་སྐྱེ་བ་ཉིད་ཀྱི་ཕྱིར་ཐག་ཁྲ་ལ་སྦྲུལ་མེད་པར་མ་ཟད། ཐག་ཁྲ་རང་ཉིད་སྐུད་པ་ཉག་མ་དུ་མ་ཚོགས་པ་ལས་རང་ངོ་ནས་མ་གྲུབ་པའོ། |
| སྐྱེ་བ་དམན |
མངོན བུད་མེད། |
| སྐྱེ་བ་པོ |
མངོན སེམས་ཅན། |
| སྐྱེ་བ་ཕྱི་མ |
ཤི་རྗེས་བསྐྱར་དུ་བླངས་པའི་སྐྱེ་བ་གཞན་དག |
| སྐྱེ་བ་ཕྲ་མོ |
1 འབུ་ཆུང་ཆུང་ངམ། སྲོག་ཆགས་ཕྲ་མོ། 2 མྱུ་གུའམ། ལྗང་བུ། 3 བར་དོའི་ལུས། |
| སྐྱེ་བ་བཟང་པོ |
བདེ་འགྲོ་སྟེ་མི་སོགས། |
| སྐྱེ་བ་མོ |
བུད་མེད། |
| སྐྱེ་བ་འདི |
ཚེ་འདི། |
| སྐྱེ་བ་རྗེས་སུ་དྲན་པ |
སྔོན་གྱི་སྐྱེ་བ་དྲན་པ་སྟེ་དྲན་པ་བཅུའི་ཡ་གྱལ་ཞིག |
| སྐྱེ་བ་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་སྟེ་འཇིག་རྟེན་གྱི་ཁམས་ཐམས་ཅད་དུ་སྐྱེ་བ་ཀུན་ཏུ་སྟོན་པ། |
| སྐྱེ་བ་ལེན་པ |
གནས་གང་དུ་སྐྱེ་བ། |
| སྐྱེ་བ་ལྔ་པ |
མངོན དུང་གཡས་འཁྱིལ། |
| སྐྱེ་བ་སྔོན་མ |
མི་དང་སེམས་ཅན་རྣམས་ཀྱི་ཚེ་འདིའི་གོང་གི་སྐྱེ་བ། |
| སྐྱེ་བ་སྤྲུལ་སྐུ |
སེམས་ཅན་རྣམས་འདུལ་བའི་ཆེད་དུ་བརྒྱ་བྱིན་དང༌། རི་དྭགས། བསེ་རུ། བྱ། ཆུ། ཟམ་པ། ལྗོན་ཤིང་སོགས་སྐྱེ་གནས་སྣ་ཚོགས་སུ་སྐྱེ་བར་སྟོན་པ། |
| སྐྱེ་བ་སྤྲུལ་སྐུར་འཁྱེར་བའི་རྣལ་འབྱོར |
སྐྱེ་སྲིད་སྤྲུལ་སྐུར་ཤར་བའི་སྒོམ་རིམ། |
| སྐྱེ་བཟང་བྱི་བ |
མགོའི་སྐྲ་བྱི་བའམ་བུད་པ། |
| སྐྱེ་བའི་ཆ་ཅན |
མངོན ཁྱི། |
| སྐྱེ་བའི་ཆུ་བོ |
ཆུ་བོ་བཞིའི་གྲས་ཤིག |
| སྐྱེ་བའི་ཟླ་བ |
མངོན ཉི་མས་སྡིག་ཁྱིམ་སྤྱོད་པའི་ཟླ་བའམ་ཧོར་ཟླ་བཅུ་པ། |
| སྐྱེ་བའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། སྲིད་པའི་མཐུས་ནམ་ཞིག་རྐྱེན་ཚོགས་པ་ན། ཡང་སྲིད་ཀྱི་སྐྱེ་གནས་དེར་དངོས་སུ་དང་པོར་སྐྱེ་བ་དང༌། ལུས་རྫོགས་པ་དང༌། རིས་མཐུན་པར་གནས་པ་སྟེ། སྡུག་བསྔལ་གྱི་ཕུང་པོ་འགྲུབ་པར་བྱེད་པའོ། |
| སྐྱེ་བའི་ལམ་སྟེར |
མངོན ཨ་མ། |
| སྐྱེ་བའི་སྡུག་བསྔལ |
སྡུག་བསྔལ་བརྒྱད་ཀྱི་གྲས་ཤིག་སྟེ་སྐྱེ་བ་སྡུག་བསྔལ་དང་ལྡན་པས་སྡུག་བསྔལ་བ་སྟེ། མངལ་སྐྱེས་དང་སྒོ་ང་ལས་སྐྱེས་པ་དེ་དག་སྐྱེ་བ་ན་སྡུག་བསྔལ་གྱི་ཚོར་བ་དྲག་པོ་མང་པོ་དང་བཅས་སྐྱེས་པའོ། |
| སྐྱེ་བརྟག |
མོ་རྩིས་ཀྱི་བརྟག་འབྲས་ལས་ཇི་ལྟར་ཐོན་པ་བཞིན་ཚེ་འདས་ངན་འགྲོའི་སྐྱེ་གནས་ལས་གྲོལ་ཐབས་སུ་བཞེངས་པའི་དཀོན་མཆོག་གི་སྐུ་བྲིས་འབུར་གང་རུང༌། |
| སྐྱེ་བས་ཐོབ་པ |
སྐྱེ་བའི་དབང་གིས་རང་ཤུགས་སུ་བྱུང་བ། |
| སྐྱེ་བས་དམན་པ |
མངོན བུད་མེད། |
| སྐྱེ་བས་མཐོ |
མངོན ཁྱོ་གའམ་སྐྱེས་པ། |
| སྐྱེ་བས་རྒྱལ |
མངོན སྐྱེས་པའམ་མི་ཕོ། |
| སྐྱེ་བསུ |
ཕྲུ་གུ་སྐྱེ་སྐབས་མ་བུ་བདེ་གྲོལ་ཡོང་བའི་བྱ་བ། |
| སྐྱེ་བོ |
མི་སྤྱི། སྐྱེ་བོའི་ཚོགས། སྐྱེ་བོས་དབེན་པའི་ལུང་པ་ཁུག་ཀྱོག སོ་སོ་སྐྱེ་བོ། སྐྱེ་བོ་ཀུན་ལ་རང་བཞིན་གྱིས་སྙིང་ཉེ་བ། |
| སྐྱེ་བོ |
1སྒྲ་ཟོར་ཡངས་པའི་བཤད་ཚུལ་ལ་མི་དང་སྲོག་ཆགས་ཐམས་ཅད་ཀྱི་སྤྱི་མིང་། 2མིའི་རིགས་ཀྱི་སྤྱི་མིང་སྟེ། སྐྱེ་བོ་ཐམས་ཅད། སྐྱེ་བོ་ཀུན་ཞེས་པ་ལྟ་བུ། |
| སྐྱེ་བོ་ཀུན་འཇུག |
མངོན སྨད་འཚོང་མའི་གནས། |
| སྐྱེ་བོ་གསོ་ཐིག |
མགོན་པོ་ཀླུ་སྒྲུབ་ཀྱིས་མཛད་པའི་དམངས་རིགས་ལ་གདམས་པ་སྟེ་འཇིག་རྟེན་ལུགས་ཀྱི་བསྟན་བཅོས་ཤིག |
| སྐྱེ་བོ་ཐ་མལ་བ |
མི་ཕལ་པ། |
| སྐྱེ་བོ་དམ་པ |
གོང་དུ་བཀུར་འོས་པའི་མི། |
| སྐྱེ་བོ་ཕལ་མོ་ཆེ |
མི་ཕལ་ཆེ་བ། |
| སྐྱེ་བོའི་ཅོད་པན |
མངོན ཞྭ་མོ། |
| སྐྱེ་བོའི་ཚོགས |
མི་མང་པོའི་ཚོགས། |
| སྐྱེ་བོས་བསྐུར་མ |
མངོན སྨད་འཚོང་མའི་གཙོ་མོ། |
| སྐྱེ་མ་མོ |
མངོན བུད་མེད། |
| སྐྱེ་མཆེད |
1མིག་སོགས་དབང་པོ་ལྔའི་མིང་ངམ་དེ་རྣམས་ཀྱི་ནུས་པ་ཁྱད་པར་བའི་མིང་སྟེ། མིག་གི་སྐྱེ་མཆེད། བྱིས་པ་སྐྱེ་མཆེད་ཚང་བ་ཞིག་བཙས་ལྟ་བུ། 2སངས་རྒྱས་ཆོས་ལུགས་ཀྱི་ཆོས་མངོན་པའི་ཕྱིའི་ཡུལ་དང་ནང་གི་ཡུལ་ཅན་ལ་དབྱེ་བ་འབྱེད་ལུགས་ཤིག་སྟེ། མིག་གི་སྐྱེ་མཆེད། རྣ་བའི་སྐྱེ་མཆེད། སྣའི་སྐྱེ་མཆེད། ལྕེའི་སྐྱེ་མཆེད། ལུས་ཀྱི་སྐྱེ་མཆེད། ཡིད་ཀྱི་སྐྱེ་མཆེད་དྲུག་ལ་ཡུལ་ཅན་དྲུག་ཟེར། གཟུགས་ཀྱི་སྐྱེ་མཆེད། སྒྲའི་སྐྱེ་མཆེད། དྲིའི་སྐྱེ་མཆེད། རོའི་སྐྱེ་མཆེད། རེག་བྱའི་སྐྱེ་མཆེད། ཆོས་ཀྱི་སྐྱེ་མཆེད་(དབང་པོ་ལྔས་ཐད་ཀར་མྱོང་ཚོར་བྱེད་མི་ཐུབ་པར་རྗེས་དཔག་ལ་བརྟེན་ནས་ཤེས་དགོས་པའི་དོན་རྣམས་)དྲུག་ལ་ཡུལ་དྲུག་ཟེར། དེ་གཉིས་བསྡོམས་པར་སྐྱེ་མཆེད་བཅུ་གཉིས་ཟེར། |
| སྐྱེ་མཆེད་ཀྱི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། མིང་གཟུགས་ཀྱི་གནས་སྐབས་འཕེལ་བ་ལ་བརྟེན་ནས་ནང་གི་སྐྱེ་མཆེད་དྲུག་འབྱུང་བ་སྟེ་ལུས་ཡོངས་སུ་རྫོགས་པར་བྱེད་པའོ། |
| སྐྱེ་མཆེད་ཀྱི་ལྷ |
མིག་གི་སྐྱེ་མཆེད་སོགས་ཀྱི་ལྷ། |
| སྐྱེ་མཆེད་དྲུག |
ནང་གི་སྐྱེ་མཆེད་དྲུག་སྟེ་རྟེན་འབྲེལ་བཅུ་གཉིས་ནང་གི་སྐྱེ་མཆེད་དོ། |
| སྐྱེ་མཆེད་བཅུ་གཉིས |
མིག་ལ་སོགས་པའི་རྣམ་པར་ཤེས་པ་དྲུག་འབྱུང་ཞིང་སྐྱེ་བའི་རྒྱུའམ་སྒོ་ལྟ་བུར་གྱུར་པའི་མིག་དང༌། རྣ་བ། སྣ། ལྕེ། ལུས། ཡིད་བཅས་ནང་གི་སྐྱེ་མཆེད་དབང་པོ་དྲུག་དང༌། གཟུགས་དང༌། སྒྲ། དྲི། རོ། རེག་ཆོས་བཅས་ཕྱིའི་སྐྱེ་མཆེད་ཡུལ་དྲུག་བཅས་བཅུ་གཉིས་སོ། |
| སྐྱེ་མཆེད་ཟླ་བ |
མངོན ཉི་མས་གླང་ཁྱིམ་སྤྱོད་པའི་ཟླ་བའམ་ཧོར་ཟླ་བཞི་པ། |
| སྐྱེ་མདོ |
སྐྱེ་རྒུ་མདོའི་བསྡུས་མིང༌། |
| སྐྱེ་མེད་དོན་གྱི་གསུང |
གསུང་ལྔའི་ཡ་གྱལ་ཞིག་ཆོས་ཉིད་སྨྲ་བརྗོད་དང་བྲལ་བ་ཉིད་བརྗོད་བྱ་ཀུན་གྱི་གཞིར་གྱུར་པའི་ཆ་ནས་ཆོས་སྐུ་སྐྱེ་མེད་དོན་གྱི་གསུང་ཞེས་སྔགས་རྙིང་མའི་བཞེད་པ། |
| སྐྱེ་མེད་བདེ་ཆེན |
ཐར་པའམ་མྱ་ངན་ལས་འདས་པའི་བདེ་བ་ཆེན་པོ། |
| སྐྱེ་མེད་བཙན་ས |
ཐར་པའམ། མྱང་འདས། སྐྱེ་མེད་བཙན་ས་ཟིན་པ། |
| སྐྱེ་མེད་འཆི་མེད |
སྔར་འབྲོག་པ་ལ་གནག་ཕྱུགས་ཤེ་ལ་གཏོང་སྐབས་ལོ་རེ་འཕེལ་ཤི་གང་བྱུང་མ་བརྩིས་པར་ཐོག་མར་རྩིས་སྤྲད་པའི་ཁ་གྲངས་དེ་རང་ལ་ཤེ་མར་བསྡུ་བའི་ལམ་ལུགས་ཤིག |
| སྐྱེ་མེད་སྡུག་ཟད |
སྐྱིད་མེད་སྡུག་ཟད་དང་འདྲ། |
| སྐྱེ་ཚེ |
སྐེ་ཚེ་དང་འདྲ། |
| སྐྱེ་ཟུག |
ཕྲུ་གུ་སྐྱེ་སྐབས་ཀྱི་ན་ཚ། |
| སྐྱེ་ཟླ |
ཕྲུ་གུ་སྐྱེ་ཚོད་ལ་སླེབས་དུས་ཀྱི་ཟླ་བ། |
| སྐྱེ་འགག |
འབྱུང་བ་དང་འཇིག་པ་གཉིས་ཀྱི་བསྡུས་མིང་སྟེ་མི་རྟག་པའི་དངོས་པོ། |
| སྐྱེ་འགག་གཉིས་མེད |
འདུས་མ་བྱས་སམ། རྟག་པའི་ཆོས། |
| སྐྱེ་འགྲོ |
སེམས་ཅན་སྤྱི། སྐྱེ་འགྲོ་རྣམས་བདེ་ལེགས་སུ་བྱེད་པ། |
| སྐྱེ་འཆི |
སྐྱེ་བ་དང་འཆི་བའི་བསྡུས་མིང༌། སྐྱེ་འཆིའི་འཁོར་ལོ་ཉི་ཟླ་འཆར་ནུབ་འདྲ། |
| སྐྱེ་འཕེལ |
ཕྱུགས་རིགས་ཀྱི་རྒྱུད་གསར་འཕེལ་རྒྱས། གནག་ཕྱུགས་སྐྱེ་འཕེལ་ཡག་པོ་བྱུང༌། སྐྱེ་འཕེལ་ཆེ་རུ་གཏོང་བ། |
| སྐྱེ་འཕྲོ་ཆད་པ |
ཕྲུ་གུ་སྐྱེ་མཚམས་ཆད་པ། |
| སྐྱེ་འབྲས |
སྐྱེ་གཟུགས་ཏེ་ལུས་པོ། བུ་མོ་སྐྱེ་འབྲས་ལེགས་པ། |
| སྐྱེ་འཛིན |
མངོན མོ་མཚན། |
| སྐྱེ་ཡུལ |
ཐོག་མར་སྐྱེ་སའི་ས་ཆ། |
| སྐྱེ་ཡོད་འཆི་ཡོད |
སྔར་འབྲོག་པ་ལ་གནག་ཕྱུགས་ཤེ་ལ་གཏོང་སྐབས་ལོ་རེ་འཕེལ་ཤི་གང་བྱུང་ཞིབ་རྩིས་བརྒྱབ་སྟེ་ཤེ་མར་བསྡུ་བའི་ལམ་ལུགས་ཤིག་གོ་མ་གསུམ་བུ་གཉིས་དང༌། མ་ལྔ་བུ་གཉིས་སོགས་གྲངས་ཀ་བརྩིས་པའི་འབབ་ལ་གཞིགས་ཏེ་ཤེ་མར་བསྡུ་བའི་ལུགས་ཤིག་དང༌། ལོ་རེ་གནག་ཕྱུགས་ཀྱི་རྩ་འབོར་ནས་བཅུ་ཟུར་ཤི་བར་ཆ་འཇོག་བྱེད་སྲོལ་ཡང་ཡོད། |
| སྐྱེ་རབས |
དམངས་ཁྲོད་ཀྱི་གཏམ་རྒྱུད་མང་པོ་ལྷན་དུ་བསྒྲིགས་པའི་དཔེ་ཆ་རིགས་ཤིག་གི་མིང་སྟེ། 《སྐྱེ་རབས་བརྒྱ་པ》ལྟ་བུ། <ག>རྩི་ཤིང་སྐྱེ་བ་ལྟར་ཡར་ཐོན་པའི་དོན་ཏེ། བེའུ་ལ་རྭ་སྐྱེ། ལུག་ལ་བལ་སྐྱེས་ནས་འབྲེག་རན་ལྟ་བུ། <ང>ཇེ་ཆེར་སོང་བའམ་ཇེ་རིང་དུ་སོང་བའི་དོན་ཏེ། བྱིས་པ་ཆེར་སྐྱེ། རྟེའུ་ཆེར་སྐྱེས་ནས་མ་དང་མཉམ་ལྟ་བུ། <ཅ>བྱུང་བའམ་ལངས་པའི་དོན་ཏེ། སེམས་ལ་དགའ་བ་སྐྱེ། དགའ་སྤྲོ་སྐྱེས་ནས་གར་འཁྲབ་ལྟ་བུ། མི་རྣམས་བཙས་པ་ནས་འཆི་བའི་བར་དུ་སྲོག་འཚོ་བའི་བྱ་རིམ་གྱི་མིང་སྟེ། སྐྱེ་རྒ་ན་འཆི། སྐྱེ་བ་གཅིག་ལ་སློབ་སྦྱོང་བྱས་ལྟ་བུ། |
| སྐྱེ་རྒ་ན་འཆི |
ཚེ་གང་གི་ཐོག་མཐའི་བར་གྱི་གནས་སྐབས་ཀྱི་ཁྱད་པར་བཞི། སྐྱེ་རྒ་ན་འཆི་བཞི་བོ་དེ། གཅིག་ལ་མི་ཚད་ཀུན་ལ་ཡོད། |
| སྐྱེ་རྒ་ན་འཆིའི་སྡུག་བསྔལ |
སྲིད་པར་འཁོར་བའི་སེམས་ཅན་རྣམས་ཀྱིས་ལྡོག་མེད་དུ་མྱོང་བའི་རྩ་བའི་སྡུག་བསྔལ་བཞི། |
| སྐྱེ་རྒུ |
སྐྱེ་དགུ་དང་འདྲ། |
| སྐྱེ་རྒུ་མདོ |
མཚོ་སྔོན་ཞིང་ཆེན་གྱི་ལྷོ་ངོས་དང་འབྲི་ཆུའི་སྟོད་རྒྱུད་ཀྱི་ལྷོ་འགྲམ་དུ་ཡོད་པའི་གྲོང་རྡལ་དེ་ད་ལྟ་མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་དང་ཡུས་ཧྲུའུ་རྫོང་གཉིས་ཀྱི་མི་དམངས་སྲིད་གཞུང་གནས་ཡུལ་ཡིན། |
| སྐྱེ་རྒྱལ |
མངོན སྐྱེས་པ། |
| སྐྱེ་རྒྱུས |
ལོ་རྒྱུས་དང༌། སྒྲུང༌། |
| སྐྱེ་རྟགས |
སྐྱེ་བརྟག་དང་འདྲ། |
| སྐྱེ་རྨོངས |
སོ་སོའི་སྐྱེ་བོ་རྨོངས་པ། |
| སྐྱེ་ལྡན |
མངོན 1 སེམས་ཅན། 2 འཇིག་རྟེན།…3.སྐྱེ་བ་དང་འཚོ་བའི་ནུས་པ་ཡོད་པའི་དངོས་པོའི་མིང་སྟེ། སྐྱེ་ལྡན་ཕྲ་མོ་ཞེས་པ་ལྟ་བུ། |
| སྐྱེ་ལྡན་མཐའ་ཡས |
མངོན རྩྭ་དུར་བ། |
| སྐྱེ་ལྡུམ |
1 རྩྭ་སྡུམ། 2 སྔོན་སྨན་ཏིག་ཏ་སེར་པོ། |
| སྐྱེ་ཤིང |
སྐྱེ་བའི་ཤིང་སྤྱིའི་མིང༌། སྐྱེ་ཤིང་འཛུགས་པ། |
| སྐྱེ་ས |
ཕ་ཡུལ། |
| སྐྱེ་སྐར |
མི་མ་ཡི་མངལ་ནས་བཙའ་དུས་ཀྱི་ཉི་མ་དང་། ཉི་མ་དེར་ཁེལ་བའི་རྒྱུ་སྐར། |
| སྐྱེ་སྒོ |
མངལ་གྱི་སྒོ། |
| སྐྱེ་སྒོ་གཅོད་པ |
1 མངལ་དུ་ཕྲུ་གུ་མི་འཁོར་བའི་ཐབས་ཤེས་བྱེད་པ། 2 བསྐྱར་དུ་སྐྱེ་བ་མི་ལེན་པ། |
| སྐྱེ་སྟོང |
འབྲས་བུ་ཟས་སུ་རུང་བའི་ཆུ་ཤིང་གི་རིགས་ཤིག |
| སྐྱེ་སྡོང |
སྐྱེ་ཤིང་ངམ། ལྗོན་ཤིང༌། |
| སྐྱེ་སྤེལ |
མངོན འཁྲིག་སྤྱོད་དམ། ཆགས་སྤྱོད། |
| སྐྱེ་སྲིད |
སྲིད་པ་བཞིའི་གྲས་ཤིག་སྟེ་མངལ་དུ་ཉིང་མཚམས་སྦྱར་མ་ཐག་པའི་རྣམ་ཤེས་ལྟ་བུ། |
| སྐྱེ་སྲིད་ས་བོན་པ |
མངོན ཕ། |
| སྐྱེག |
རྙིང བར་ཆད། ལོ་སྐྱེག ལོ་ཏོག་ལ་སྐྱེག་ཆེན་བྱུང་བ། |
| སྐྱེགས |
རྒྱ་སྐྱེགས་ཏེ། ཕལ་སྐད་དུ་ལ་ཆ་ཟེར། བྱ་ཞིག་གི་མིང་སྟེ། སྐེགས་ཀྱི་འབྲི་ཚུལ་གཞན། |
| སྐྱེངས |
(བྱེད་མེད་ལས་ཚིག)ངོ་ཚ་བའི་དོན་ཏེ། སྐྱེངས་ནས་མགོ་སྨད་ལྟ་བུ། |
| སྐྱེངས་པ |
ཐ་མི་དད་པ ངོ་ཚ་བ། ཁ་མི་སྐྱེངས་པ། ཁ་སྐྱེངས་གདོང་དམར། སྤྱང་ཀི་ཁ་མ་སྐྱེངས་ཙམ་དང༌། ལུ་གུ་ཚེ་མ་ཟད་ཙམ། སྐྱེངས་བཞིན་དུ་ཅང་མི་སྨྲ་བར་ཡུལ་ཡུལ་པོར་གྱུར། |
| སྐྱེངས་སྟབས |
ཁ་སྐྱེངས་ཤིང་ངོ་ཚ་བའི་ཚུལ། |
| སྐྱེད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) <ཀ>སྐྱེ་རུ་བཅུག་པའམ་འབྱུང་དུ་བཅུག་པའི་དོན་ཏེ། གཟེངས་བསྟོད་བྱས་ནས་མི་ལ་ངར་ཤུགས་སྐྱེད་བཞིན་ཡོད། སྐྱེད་མཁན། ངར་ཤུགས་སྐྱེད་ཅིག་ལྟ་བུ། |
| སྐྱེད་ཀ |
ཇེ་མང་དང་ཇེ་བཟང་ཇེ་ཆེར་སོང་བའི་ཁག་གི་མིང་སྟེ། སེམས་ལ་སྐྱེད་ཀ་བྱུང་། ཡོན་ཏན་ལ་སྐྱེད་ཀ་བྱུང་ལྟ་བུ། རྟགས་མཐའ་བསྡུས་ན་སྐྱེད་ཅེས་འབྲི་ཆོག་སྟེ། ཀོ་བ་འཐེན་ནས་སྐྱེད་བྱུང་། བློ་སྐྱེད་བྱུང་། ཡར་སྐྱེད་བྱུང་། བྱིས་པའི་ཡོན་ཏན་ལ་སྐྱེད་བྱུང་ལྟ་བུ། བུ་ལོན་གྱི་འཕེལ་ཁའམ་འཕེལ་ཏོག་གི་མིང་སྟེ། དངུལ་བུན་གྱི་སྐྱེད་ཀ་ཞེས་པ་ལྟ་བུ། |
| སྐྱེད་ཁ |
1 མ་རྩར་འཁྲི་བའི་འཕེལ་ཆའམ་འཕར་མ། དངུལ་སྐྱེད། འབྲུ་སྐྱེད། ལོ་སྐྱེད། ཟླ་སྐྱེད། ལྔ་སྐྱེད། བཅུ་སྐྱེད། སྐྱེད་ལྕིའི་བུ་ལོན། སྐྱེད་ཡང་བུ་ལོན། སྐྱེད་མེད་དངུལ་བུན། སྐྱེད་ཁ་གཅོག་པ། སྐྱེད་ལ་སྐྱེད་རྒྱག 2 ཇེ་མང་དང་ཇེ་བཟང་དུ་སོང་བའི་ཆ། ཡོན་ཏན་ལ་སྐྱེད་ཁ་འཕེལ་བ། བློ་སྐྱེད། སེམས་ལ་སྐྱེད་ཁ་གསར་པ་བྱུང་བ། |
| སྐྱེད་ཁེ |
སྐྱེད་ཁ་དང་ཁེ་བཟང༌། |
| སྐྱེད་གསོ |
ཕྲུ་གུ་གསོ་བ། |
| སྐྱེད་ཐོག་སྐྱེད་བརྩེགས |
བུ་ལོན་གྱི་མ་རྩར་མ་ཟད་སྐྱེད་ཁ་ལའང་སྐྱེད་ཁ་བརྩིས་པ། |
| སྐྱེད་ཐོན |
ཁེ་བོགས་སམ་ཡར་སྐྱེད་བྱུང་བ། ཁེ་ལས་ནས་སྐྱེད་ཐོན་ཆེན་པོ་བྱུང༌། |
| སྐྱེད་པ |
ཐ་དད་པ བསྐྱེད་པ། བསྐྱེད་པ། སྐྱེད།། 1 སྐྱེ་བར་བྱེད་པ་དང༌། འབྱུང་བར་བྱེད་པ། བྱང་ཆུབ་ཀྱི་སེམས་བསྐྱེད་པ། ཧུར་སེམས་སྐྱེད་པ། སྟོབས་སྐྱེད་སྨན་མར། ལུས་སྐྱེད་ཕ་མ། བུ་ཕྲུག་སྐྱེད་པ། 2 སྤེལ་བ་དང༌། རྒྱ་ཆེ་རུ་གཏོང་བ། སྤོབས་པ་བསྐྱེད་པ། ཁང་པ་རྒྱ་བསྐྱེད། སྙིང་རུས་ཆེར་བསྐྱེད། ཡིད་ཆེས་སྐྱེད་པ། དགའ་སྤྲོ་དཔག་མེད་བསྐྱེད་པ། |
| སྐྱེད་བཀག |
སྐྱེད་ཀ་མཚམས་བཅད་པ། དུས་སྒོ་གཙང་མཚམས་སྐྱེད་བཀག་གིས་མ་རྩ་ཕྱིར་བསློག |
| སྐྱེད་བྱེད |
1 མངོན 1. ཕ། 2. ས་གཞི། 3. མེ་དང་མེ་ལྷ། 4. གསར་དུ་སྒྲུབ་པ་པོ། 2 རང་འབྲས་སྐྱེད་པར་བྱེད་པའམ་སྨིན་པར་བྱེད་པའི་རྒྱུའོ། |
| སྐྱེད་བྱེད་ཀྱི་རྒྱུ |
རྒྱུའི་རྒྱན་གྱི་ནང་གསེས་ཤིག་སྟེ་འབྲས་བུ་ཡིད་དུ་འོང་བ་སྐྱེད་པར་བྱེད་པའི་རྒྱུའི་བྱེད་ལས་ཀྱི་ཡོན་ཏན་སྟོན་པའི་རྒྱན་ཞིག |
| སྐྱེད་བྱེད་མ |
མངོན ཨ་མ། |
| སྐྱེད་མ |
ཨ་མ། |
| སྐྱེད་མོས་ཚལ |
མིས་བཟོས་པའི་ནགས་ཚལ་ལམ་གླིང་ག། མིང་གི་རྣམ་གྲངས་ལ་ཁྱིམ་གྱི་ཀུན་དགའ་ར་བ་དང༌། ཁྱིམ་གྱི་ཚལ། བཅོས་པའི་ནགས། ལྗོན་ཤིང་ལྡུམ་ར། ཉེ་བའི་ཚལ། རྩེ་བའི་ས་བཅས་སོ། |
| སྐྱེད་ཚལ |
མིས་བསྐྲུན་པའི་སྡོང་རའི་མིང་སྟེ། སྐྱེད་མོས་ཚལ་ཡང་ཟེར། སྐྱེད་ཀ་ཞེས་པའི་རྟགས་མཐའ་བསྡུས་པ། |
| སྐྱེད་འདོན |
ཁེ་བཟང་འདོན་པའམ། དགོས་དོན་འཕེལ་ཐབས་བྱེད་པ། ལས་གྲ་ཚུགས་ལོ་དེ་རང་ལ་སྐྱེད་འདོན་ཐུབ་པ། |
| སྐྱེད་འཕེལ |
ཁེ་བཟང་འཕེལ་བ། |
| སྐྱེད་འབྲུ |
སྔར་བོད་དུ་ཞིང་པ་རྣམས་ལ་འབྲུ་འབོ་གང་རེའི་རིན་དངུལ་བཀྲམ་ནས་ལོ་ལྟར་སྐྱེད་ཁ་འབྲུ་བྲེ་བཞི་བཞི་ལེན་པའི་སྐྱེད་འབྲུ། |
| སྐྱེད་ར |
སྐྱེད་མོས་ཚལ་གྱི་ར་བ། |
| སྐྱེད་རྩིས |
སྐྱེད་ཀ་ཇི་ཐོབ་ཀྱི་རྩིས། |
| སྐྱེད་སྐྲུན |
འཕེལ་ཐབས་དང་ཇེ་ཆེར་བཟོ་ཐབས། གྲུབ་འབྲས་སྐྱེད་སྐྲུན་ཡོང་ཐབས་བྱེད། སྡོད་ཁང་སྐྱེད་སྐྲུན། |
| སྐྱེད་སྲིང |
1ཆེར་སྐྱེ་རུ་བཅུག་པའི་དོན་ཏེ། ཞིང་པས་ལོ་ཏོག་བཟང་པོ་སྐྱེད་སྲིང་བྱས། འབྲོག་པས་ལུག་རྒྱུད་བཟང་པོ་སྐྱེད་སྲིང་བྱས་ལྟ་བུ། 2སློབ་གསོ་ངེས་ཅན་བཏང་ནས་ནུས་རྩལ་སྤེལ་བའི་དོན་ཏེ། དགེ་རྒན་གྱིས་སློབ་མ་སྐྱེད་སྲིང་བྱས་ལྟ་བུ། |
| སྐྱེན་པ |
1 མྱུར་བ་དང༌། མགྱོགས་པོ། དར་སྐྱེན་པ། ནུབ་སྐྱེན་པ། 2 ལས་སླ་པོ། ཁོང་ཁྲོ་ལངས་སྐྱེན་པ། ཡོན་ཏན་ལོབས་སྐྱེན་པ། 3 སྒྲིན་པ་དང་མཁས་པ། འཕོང་རྩལ་སྐྱེན་པ། |
| སྐྱེན་པོ |
སྐྱེན་པ་དང་འདྲ། |
| སྐྱེན་ཡང་བ |
ཡར་ལངས་མྱུར་བའམ། རྩལ་ཆེ་བ། རྟ་རྩལ་སྐྱེན་ཡང་བ། འཕོང་རྩལ་སྐྱེན་ཡང་བ། འགྲོ་འདུག་གི་སྐྱེན་ཡང་བ། |
| སྐྱེམས |
བཏུང་བའི་ཞེ་ས། ཞལ་སྐྱེམས། གསེར་སྐྱེམས། གཤེགས་སྐྱེམས། ཞལ་དཀར་བཀྱག་ནས་བསུ་སྐྱེམས་འདྲེན། |
| སྐྱེམས་ཆང |
བཏུང་བྱའི་ཆང༌། |
| སྐྱེམས་ཆུ |
འཐུང་རྒྱུའི་ཆུ། |
| སྐྱེམས་ཐུལ |
རྙིང ཆང་སྣོད། |
| སྐྱེམས་ཚུགས |
བཏུང་སྣོད་ཀྱི་བྱེ་བྲག་ཅིག |
| སྐྱེམས་ཚུལ |
བཏུང་བ། |
| སྐྱེམས་འདྲ |
དྭགས་པོ་སྐྱེམས་སྟོང་ནས་ཐོན་པའི་ཤོག་བུ་ལེགས་པ་ཞིག་གི་འདྲ། |
| སྐྱེམས་རྫེའུ |
རྙིང ཆང་བླུག་སའི་རྫ་སྣོད་ཆུང་ངུ། |
| སྐྱེམས་ཤོག |
སྔར་བོད་ཀྱི་ཤོག་དངུལ་པར་སྐྲུན་གྱི་རྒྱུ་ཆ་སྐྱེམས་སྟོང་ནས་ཐོན་པའི་ཤོག་བུ་སྤུས་ལེགས་ཤིག |
| སྐྱེམས་སྟོང |
ས་མིང་ཞིག་སྟེ་དྭགས་པོའི་ཡུལ་ཞིག་དེང་སང་བོད་རང་སྐྱོང་ལྗོངས་ཀྱི་སྣང་རྫོང་གི་ཤར་རྒྱུད་དུ་ཡོད། |
| སྐྱེར་ཁ |
ཤིང་སྐྱེར་པའི་ཁ་དོག |
| སྐྱེར་ཁཎྜ |
སྐྱེར་པའི་ཁཎྜའི་བསྡུས་མིང༌། |
| སྐྱེར་ཆུ |
ཤིང་སྐྱེར་པའི་ཤུན་པའི་ཁུ་བ་བཏོན་པའི་ཆུ་སེར་པོ། |
| སྐྱེར་དཀར |
1 ཁ་དོག་དཀར་སེར། 2 སྔོ་སྨན་ཞིག་རྨ་འདྲུབ་ཅིང་ཁམས་བདེ་བར་བྱེད་པའི་ནུས་པ་ཡོད། |
| སྐྱེར་པ |
ཤིང་སྨན་གྱི་རིགས་ཤིག་སྟེ། མེ་ཏོག་དང་འབྲས་བུ་རོ་སྐྱུར་ལ་ཁ། ཞུ་རྗེས་བསིལ། ནུས་པས་འཁྲུ་བ་གཅོད། པགས་པའི་བར་ཤུན་རོ་ཁ། ནུས་པས་དུག་ནད་སྡུད། ཆུ་སེར་སྐེམ། མཁྲིས་ནད་སེལ། |
| སྐྱེར་པའི་ཁཎྜ |
སྐྱེར་པའི་བར་ཤུན་ལས་བྱས་པའི་ཁཎྜ་སྟེ། རོ་ཁ། ཞུ་རྗེས་བསིལ། ནུས་པས་མིག་ནད་ཀྱི་རིགས་ཀུན་ལ་ཕན། |
| སྐྱེར་པའི་མེ་ཏོག |
སྐྱེར་པ་དཀར་ནག་གཉིས་ཡོད། དཀར་པོའི་མེ་ཏོག་གིས་ཁྲག་ཤོར་ལ་ཕན། |
| སྐྱེར་པའི་འབྲས་བུ |
སྐྱེར་པ་ནག་པོའི་འབྲས་བུའི་ཁ་དོག་དམར་ལ་རོ་སྐྱུར་བ། འཁྲུ་བ་གཅོད་པ། |
| སྐྱེར་པའི་འབྲུ |
སྐྱེར་པའི་འབྲས་བུ་དང་འདྲ། |
| སྐྱེར་བ |
ཤིང་ཕྲན་ཞིག་སྟེ། བར་ཤུན་སེར་པོ། རོ་ཁ་བ། སྨན་བྱེད་ཆོག་ལ། མེ་ཏོག་སེར་པོ་འབྲས་བུ་སྨིན་ཚེ་དམར་པོའམ་སེར་པོ་རོ་ཧ་ཅང་སྐྱུར་བ་ཞིག་ཡིན། དེ་ལ་སྐྱེར་བ་དཀར་པོ་དང་སྐྱེར་བ་ནག་པོ་སོགས་རིགས་དུ་མ་ཡོད། ཚིག་བསྡུས་ན་སྐྱེར་ཞེས་འབྲི་ཆོག་སྟེ། སྐྱེར་དཀར་སྐྱེར་ནག་ཅེས་པ་ལྟ་བུ། |
| སྐྱེར་མ |
དྲེས་མ་ཡང་ཟེར། ལོ་མ་མང་པོ་སྐྱེས་པའི་རྩྭ་ལྡུམ་ཐག་པའི་རྒྱུ་ཆ་ཞིག |
| སྐྱེར་ཚེར |
རྩི་ཤིང་ཚེར་མ་ཅན་ཞིག སྐྱེར་ཚེར་རྐང་ལ་ཟུག་པས་རྣག་ཀྱང་གསོག |
| སྐྱེར་ཤུན |
ཤིང་སྐྱེར་པའི་བར་ཤུན་ཏེ་གྲང་བ་ཚ་འཛག་དང་གཉན་ཚད་ལ་ཕན། |
| སྐྱེར་སེང་ལྡེང |
སེང་ལྡེང་རིགས་གསུམ་གྱི་ནང་ཚན་མདོག་སྐྱེར་པ་ལྟར་སེར་བ་ཞིག |
| སྐྱེར་སྐྱ |
མདོག་སེར་སྐྱ། |
| སྐྱེལ |
(བྱེད་འབྲེལ་ལས་ཚིག་ད་ལྟ་བ) སྲུང་སྐྱོབ་དང་ལྟ་རྟོག་བྱེད་པའམ་བརྩེ་དུང་མཚོན་པ་སོགས་ཀྱི་ཆེད་དུ་མི་གཞན་དང་བསྡོངས་ནས་གནས་ཤིག་ནས་གནས་གཞན་ཞིག་ལ་སོང་བའི་དོན་ཏེ། མགྲོན་པོ་སྒོ་ལ་སྐྱེལ་གྱིན་ཡོད། བྱིས་པ་སློབ་གྲྭར་སྐྱེལ་མཁན་ཞེས་པ་ལྟ་བུ། |
| སྐྱེལ་གླ |
ཕར་ཚུར་སྐྱེལ་འདྲེན་བྱེད་པའི་གླ། |
| སྐྱེལ་ཆང |
ཕེབས་སྐྱེལ་ཞུ་སྐབས་འབུལ་བའི་ཆང༌། |
| སྐྱེལ་ཐུང |
ཐག་ཐུང་ཐུང་ཞིག་བར་སྐྱེལ་བ། |
| སྐྱེས་བུ་ཆུང་བ་ཁྱད་པར་ཅན |
དལ་འབྱོར་རྙེད་དཀའ་ཞིང་དོན་ཆེ་བ་དང༌། དེ་ཉིད་རིང་དུ་མི་གནས་པར་འདོར་བའི་ཚུལ་བསམས་ཏེ་ཚེ་འདིའི་སྣང་ཤས་ལོག་ནས་ཕྱི་མ་དོན་གཉེར་གྱི་བསམ་པ་ལ་བཅོས་མིན་གྱི་མྱོང་བ་ཐོན་པའི་གང་ཟག |
| སྐྱེས་བུ་ཆུང་བའི་ལམ |
རང་ཁོ་ནའི་དོན་དུ་ཚེ་ཕྱི་མའི་འཁོར་བའི་མངོན་མཐོ་ཙམ་གཙོ་བོར་དོན་དུ་གཉེར་བའི་བསམ་པ། |
| སྐྱེས་བུ་ཆེན་པོ |
སྙིང་སྟོབས་ཆེ་བའི་མི་སྟེ། མཁའ་མཉམ་སེམས་ཅན་ཐམས་ཅད་སངས་རྒྱས་ཀྱི་གོ་འཕང་ལ་འགོད་རྒྱུ་ལྷུར་ལེན་གྱིས་གཞན་དོན་ཆེན་པོ་བྱེད་ནུས་པའི་སྐྱེས་བུ་རབ་བམ་མཆོག |
| སྐྱེས་བུ་ཆེན་པོའི་མཚན་དཔེ |
སངས་རྒྱས་ཀྱི་སྐུའི་ཡོན་ཏན་མཚན་བཟང་པོ་སོ་གཉིས་དང༌། དཔེ་བྱད་བཟང་པོ་བརྒྱད་ཅུ་ཐམ་པ། |
| སྐྱེས་བུ་ཆེན་པོའི་ལམ |
ཐེག་ཆེན་གྱི་ལམ་སྟེ་རྒྱུ་འབྲས་མན་ངག་བདུན་གྱི་དྲུག་པ་ལྷག་བསམ་གྱིས་ཟིན་པའི་ལམ་ཐམས་ཅད། |
| སྐྱེས་བུ་ཐ་མ |
1 སྐྱེས་བུ་ཆུང་བ་སྟེ། སྙིང་སྟོབས་ཞན་པའི་མི། 2 རྗེས་འཇུག་གི་ཕོ་ཡིག་ག་བ་གཉིས་ལ་ཡང་འཇུག་མེད་པ་དང༌། ད་དང་ས་ཡི་མཐའ་ཅན་བཅས་ནི་སྒྲ་དྲག་པའི་ཞན་པར་འགྱུར་བ། ག་ད་བ་ས ལག་རབ་བཅད་གས |
| སྐྱེས་བུ་དམ་པ |
འགྲོ་དོན་ཆེན་པོ་བྱེད་ནུས་པའི་གང་ཟག |
| སྐྱེས་བུ་དམ་པའི་འགྲོ་བ་བདུན |
ཕྱིར་མི་འོང་འབྲས་གནས་སྐབས་ཀྱི་འགྲོ་བ་བདུན་ཏེ། བར་དོར་འདའ་བ་གསུམ་དང༌། སྐྱེས་ནས་འདའ་བ་གསུམ་དང༌། གོང་དུ་འཕོ་བ་བཅས་སོ། |
| སྐྱེས་བུ་དྲག་ཤུལ་ཅན |
མི་ཁྲོ་གཏུམ་ཅན། |
| སྐྱེས་བུ་ཕོ |
ཁྱོ་ག། |
| སྐྱེས་བུ་བར་མ |
མི་བློ་ནུས་འབྲིང་པོ། |
| སྐྱེས་བུ་བྱེད་པ |
སྐྱེས་བུའམ་གང་ཟག་གི་རྩོལ་བ་སྟེ། ཞིང་ལ་སོ་ནམ་བྱེད་པ་དང༌། ཚོང་རྒྱག་པ་ལྟ་བུ། |
| སྐྱེས་བུ་བྱེད་པའི་འབྲས་བུ |
འབྲས་བུ་ལྔའི་ནང་ཚན་སྐྱེས་བུའམ་གང་ཟག་གི་རྩོལ་བ་ལ་བརྟེན་ནས་ཐོབ་པའི་འབྲས་བུ། ཞིང་ལ་སོ་ནམ་བྱས་པས་ལོ་ཏོག་རྙེད་པ་དང༌། ཚོང་བྱས་པས་རྒྱུ་ནོར་ཐོབ་པ་ལྟ་བུ། ལྷན་ཅིག་འབྱུང་རྒྱུ་དང་མཚུངས་ལྡན་གྱི་རྒྱུ་གཉིས་ཀྱི་འབྲས་བུའོ། |
| སྐྱེས་བུ་མཆོག |
མངོན 1 སངས་རྒྱས་ཀྱི་མཚན། 2 བླ་མ། 3 ཁྱབ་འཇུག |
| སྐྱེས་བུ་མེ་ལྷ |
འཕགས་ཡུལ་ཨོ་རྒྱན་ཡུལ་གྱི་སྨན་པ་ཛི་ན་མི་ཏྲིའི་སྲས་གསོ་རིག་རྒྱ་མཚོའི་ཕ་མཐར་སོན་པ་ཞིག་སྟེ། ཨོ་རྒྱན་རྒྱལ་པོའི་བླ་སྨན་པ་མཛད་དེ་བཙུན་མོའི་ནད་བཅོས་པའི་ཚེ་མི་ཚངས་པ་སྤྱོད་པའི་ཉེས་པ་ཤོར་བས་རྒྱལ་པོས་གསོད་པར་ཕངས་ཏེ་ཕྱག་གཡས་པ་བཅད་པས་བྷ་རོ་ཕྱག་རྡུམ་མམ་སྐྱེས་བུ་མེ་ལྷར་གྲགས། མངའ་བདག་རྩེ་ལྡེའི་སྐུ་དུས་སུ་བོད་དུ་ཕེབས་ཏེ་ནད་པ་བསྐྱངས། གསུང་རྩོམ་ཡང་སྙན་བརྒྱུད་བེ་བུམ་ནག་པོ་སོགས་མན་ངག་གི་ཡིག་སྣ་སྣ་ཚོགས་མཛད། |
| སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ |
ཨནུ་ཏྟར་པུརུ་ཥདམྱསཱརཐཱི སངས་རྒྱས་ཀྱི་མཚན་བཅུའི་གྲས་ཤིག |
| སྐྱེས་བུ་འབྲིང་གི་ལམ |
འཁོར་བའི་ཕུན་ཚོགས་ལ་བློ་ལོག་པའི་སྒོ་ནས་རང་ཁོ་ནའི་དོན་དུ་ཐར་བ་གཙོ་བོར་དོན་དུ་གཉེར་བའི་བསམ་པས་ཟིན་པའི་ལམ། |
| སྐྱེས་བུ་འབྲིང་བ |
1 རང་ཉིད་འཁོར་བའི་སྡུག་བསྔལ་ལས་གྲོལ་ཞིང་མྱང་འདས་ཀྱི་གོ་འཕང་དོན་དུ་གཉེར་བ། སྙིང་སྟོབས་ཆེ་ཆུང་གཉིས་ཀར་མ་ཚུད་པའི་མི། 2 རྗེས་འཇུག་གི་ཕོ་ཡིག་བ་ལ་ཡང་འཇུག་ས་ཡིག་ཞུགས་པས་སྒྲ་དྲག་པའི་རན་པར་འགྱུར་བ། བ ས རབས་འདེབས |
| སྐྱེས་བུ་རབ |
1 སྙིང་སྟོབས་ཆེ་བའི་མི། 2 རྗེས་འཇུག་གི་ཕོ་ཡིག་ག་ལ་ཡང་འཇུག་ས་ཡིག་ཞུགས་པས་སྒྲ་དྲག་པའི་དྲག་པར་འགྱུར་བ། ག ས ལེགས་འདེགས |
| སྐྱེས་བུ་སེང་གེ |
མངོན སངས་རྒྱས་ཀྱི་མཚན། |
| སྐྱེས་བུ་སྐྱེས་མཆོག |
མངོན སངས་རྒྱས་ཀྱི་མཚན། |
| སྐྱེས་བུའི་ཁ་ལོ་སྒྱུར་བ |
སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པའི་བསྡུས་ཚིག་ |
| སྐྱེས་བུའི་རྟགས |
མངོན ཁུ་བའམ་ཐིག་ལེ། |
| སྐྱེས་མ |
མངོན 1 བུད་མེད། 2 མནའ་མ། |
| སྐྱེས་མཆོག |
སྐྱེས་བུ་མཆོག་ཏུ་གྱུར་པ། |
| སྐྱེས་ཙམ་ནས་འདའ་བ |
དགེ་འདུན་ཉི་ཤུའི་ནང་གསེས། གཟུགས་ཁམས་སུ་སྐྱེས་པ་ཙམ་གྱིས་གང་ལམ་མངོན་དུ་བྱས་ནས་སྡུག་བསྔལ་གྱི་ཐ་མ་འཐོབ་པ་སྟེ། ལམ་ཆེས་ངང་གིས་འབྱུང་བ་དང༌། སྤང་བྱ་ཆེས་ཆུང་བ། |
| སྐྱེས་ཟླ |
1 སྡིག་པའི་ཁྱིམ། 2 རང་སྐྱེས་དུས་ཀྱི་ཟླ་བ། |
| སྐྱེས་ཡུལ |
ཕ་ཡུལ་ཏེ་སྐྱེས་ས་ཡང་ཟེར། ０སྐྱེས་པ་ཡི་ཚིག་བསྡུས་པ། １སྐྱེས་མ་ཡི་ཚིག་བསྡུས་པ། |
| སྐྱེས་རབས |
སྐྱེ་བ་སྔ་མ་རིམ་བྱུང་གི་ལོ་རྒྱུས། |
| སྐྱེས་རབས་ཀྱི་སྡེ |
གསུང་རབ་ཡིན་ལག་བཅུ་གཉིས་ཀྱི་དགུ་པ་སྟེ་སངས་རྒྱས་བཅོམ་ལྡན་འདས་ཀྱིས་སྔོན་ཡུལ་དེ་དག་དེར་མཛད་པ་གང་དང་གང་མཛད་པའི་ཚུལ་བསྟན་པའི་གཞུང༌། |
| སྐྱེས་རབས་རྣམ་ཐར |
སྐྱེས་བ་སྔ་མའི་ལོ་རྒྱུས་བཀོད་པའི་དེབ་ཐེར། |
| སྐྱེས་རབས་སོ་བཞི་པ |
སྔོན་བྱུང་སྟོན་པའི་རྣམ་ཐར་བསྟན་པའི་གཞུང་ཞིག་སྟེ་སྔར་རྒྱ་གར་གྱི་སློབ་དཔོན་དཔའ་བོས་མཛད་པ། |
| སྐྱེས་རྒྱལ་དམན |
མི་ཕོ་ལ་སྐྱེས་རྒྱལ་དང་མོ་ལ་སྐྱེས་དམན་ཟེར་བའི་ཚིག་སྡུད། |
| སྐྱེས་རྩེ་ཚྭ་ཁ |
ཚྭ་ཁ་ཞིག་སྟེ་བོད་རང་སྐྱོང་ལྗོངས་ཀྱི་རུ་ཐོག་རྫོང་ཁོངས་སུ་ཡོད། |
| སྐྱེས་རྫོངས |
འགྲོ་རྫོངས་སམ་ཕེབས་རྫོངས། |
| སྐྱེས་ལན |
ལག་རྟགས་ཀྱི་སློག་ཆ། |
| སྐྱེས་ལྷ |
མི་སོ་སོ་ཚེས་གྲངས་གང་ལ་སྐྱེས་པའི་དུས་འཁེལ་བའི་སྐར་ལྷ་དང་སྐྱེ་སའི་ཡུལ་ལྷ། |
| སྐྱེས་ཤོར |
ཟླ་གྲངས་མ་ཚང་བར་ཕྲུ་གུ་སྐྱེས་ནས་ཤི་བ། |
| སྐྱེས་སྐར |
1 བྱིས་པ་སྐྱེས་དུས་ཀྱི་ཚེས་གྲངས་གང་ཡིན་པ་དེར་འཁེལ་བའི་སྐར་མ། 2 སྐྱེས་ཁྱིམ་དང་དོན་གཅིག་ |
| སྐྱེས་སྒྲ་ཅན |
མངོན རའི་མིང༌། |
| སྐྱེས་སྟོབས |
སྐྱེས་ཐོབ་དང་དོན་གཅིག་ |
| སྐྱེས་སྟོབས་བློ་རྩལ |
རང་བཞིན་དུ་ཡོད་པའི་བློ་གྲོས་ཀྱི་ནུས་པ། |
| སྐྱེས་སྟོབས་ཤེས་རབ |
རང་བཞིན་དུ་ཡོད་པའི་ཤེས་རབ། |
| སྐྱེས་སྤར |
མི་སོ་སོ་སྐྱེས་པའི་ལོ་དེར་རང་གི་མར་བབས་པའི་སྤར་ཁ། |
| སྐྱེས་སྦྱངས |
སྐྱེས་སྟོབས་དང་སྦྱངས་སྟོབས། སྐྱེས་སྦྱངས་དབང་པོའི་ཁྱད་པར་ནི། གནམ་དང་ས་བཞིན་དབྱེ་བ་ཆེ། |
| སྐྱེས་སྨེ |
སྐྱེས་པ་དང་བུད་མེད་གང་ཡིན་ཡང་རང་ཉིད་སྐྱེས་པའི་ལོའི་དབུས་སྨེ་དེ་ཉིད་ཡིན། |
| སྐྱོ |
(བྱེད་མེད་ལས་ཚིག) <ཀ>ཡིད་སུན་པའི་དོན་ཏེ། ཡིད་མ་སྐྱོ། ཞེ་མ་སྐྱོ་ཞེས་པ་ལྟ་བུ། <ཁ>ཞེན་པ་ལོག་པའི་དོན་ཏེ། གྲོགས་ངན་ལ་ཡིད་སྐྱོ་ལྟ་བུ། སུན་སྣང་སྐྱེས་པའི་སེམས་ཀྱི་མིང་སྟེ། སྐྱོ་སེམས། སྐྱོ་སྣ། སྐྱོ་ཤས་ཞེས་པ་ལྟ་བུ། |
| སྐྱོ་གླུ |
སེམས་སྡུག་སྐྱེ་བཞིན་པར་ལེན་པའི་གླུ་གཞས། |
| སྐྱོ་ངག |
སྨྲེ་སྔགས་སམ་སྡུག་སྐད། སྐྱོ་ངག་འདོན་པ། |
| སྐྱོ་ངལ |
སེམས་སྐྱོ་བ་དང༌། ལུས་ངལ་བ། |
| སྐྱོ་ཆད་དེ་བ |
ཡི་ཐང་ཆད་ནས་སུན་སྣང་སྐྱེས་པའི་རྣམ་པ་ཞིག ཡིད་སྐྱོ་ཆད་དེ་བ་ཞིག་ལ་སངས་དུས་མེད། |
| སྐྱོ་ཆོད་དེ་བ |
སེམས་སྡུག་ནས་སུན་སྣང་སྐྱེས་པའི་རྣམ་པ་ཞིག། ཡིད་སྐྱོ་ཆོད་དེ་བ་ཞིག་ལ་ལམ་དུ་ཞུགས། |
| སྐྱོ་ཏིང་ངེ་བ |
ཡིད་སྐྱོ་ལྷང་ལྷང་བྱུང་བའི་རྣམ་པ་ཞིག ཕ་མ་དང་བྲལ་བས་ཡིད་སྐྱོ་ཏིང་ངེར་ལུས། |
| སྐྱོ་ཐང |
1 ཐུག་པའི་བྱེ་བྲག་ཅིག 2 ས་ངང་པ་གསེར་ལྡན་དང་སྤྱིན་བསྲེས་པའི་སྐྱོ་འབུར་འཐེན་བྱེད་ཀྱི་སྐྱོ་མ། |
| སྐྱོ་ཐང་དམར་མོ |
རི་བོ་ཞིག་བོད་རང་སྐྱོང་ལྗོངས་ཀྱི་དཔལ་མགོན་རྫོང་གི་བྱང་ཤར་ངོས་སུ་ཡོད། འདིའི་མཐོ་ཚད་རྒྱ་མཚོའི་ངོས་ནས་སྤྱི་ཁྲེ་5384 ཡོད། |
| སྐྱོ་དུབ |
སེམས་སྐྱོ་ཞིང་ལུས་དུབ་པ། |
| སྐྱོ་པོ |
1 སེམས་སྡུག་པོ་དང་ཡི་མུག་པ། བསམ་པ་སྐྱོ་པོ། གདོང་ལ་སྐྱོ་གཉེར་སྡུད་པ། 2 དམན་པ་དང༌། ངན་པ། གཟུགས་པོ་སྐྱོ་པོ། སྐྱིད་སྡུག་སྐྱོ་པོ། འཚོ་བ་སྐྱོ་པོ། མི་ཚང་སྐྱོ་པོ། ཤ་ཤེད་སྐྱོ་པོ། |
| སྐྱོ་བ |
1. ཐ་མི་དད་པ 1 སེམས་སྡུག་འབྱུང་བའམ། མྱ་ངན་སྐྱེ་བ། སེམས་སྐྱོ་བ། ཡིད་སྐྱོ་ནས་མིག་ལྟ་མི་བཟོད་པ། སེམས་སྡུག་ཡིད་སྐྱོ། 2 ཡིད་སུན་པ་དང༌། ཞེན་ཁ་ལོག་པ། ངལ་དུབ་བྱུང་ཡང་མི་སྐྱོ་བ། བྱས་ཉེས་བྱུང་བ་ལ་སྐྱོ་ནས་འགྱོད་སེམས་སྐྱེས་པ། 2. ངེས་འབྱུང་ངམ། ཡིད་འབྱུང་གི་སེམས། སྐྱོ་བ་བསང་བ། སེམས་ལ་སྐྱོ་བ་སྐྱེས་པ། |
| སྐྱོ་བཀག |
ཤིང་ཐལ་དང་སྤྱིན་ཆུ་བསྲེས་ནས་ཤིང་ཆས་ཀྱི་གསང་སྲུབས་འགོག་བྱེད་ལྡེ་གུའི་མིང༌། |
| སྐྱོ་བསང |
སྐྱོ་བ་སེལ་བའི་བྱ་སྤྱོད་ཀྱི་མིང་སྟེ། ནགས་ཚལ་དུ་སྐྱོ་བསང་ལ་སོང་ལྟ་བུ། འདི་ལ་སྐྱོ་སངས་ཞེས་འབྲི་བའང་ཡོད། ０སྐྱོ་མ་ཞེས་པའི་ཚིག་བསྡུས་པ། |
| སྐྱོ་བསངས |
སྐྱོ་སང་དང་འདྲ། |
| སྐྱོ་མ |
1 ཕྱེ་དང་ཆུ་བསྲེས་ནས་བཟོས་པའི་ལྡེ་གུ། 2 མིག་སྐྱག 3 ཕྲ་མ། 4 རྙིང རྩོད་པའམ། ཁ་མཆུ། |
| སྐྱོ་མ་བྱེད་པ |
1 ཕྲ་མ་བྱེད་པ། 2 ཕྱེ་རྩམ་གྱིས་སྐྱོ་མ་གཡོ་བ། |
| སྐྱོ་མ་སྔ་བཙན |
སྔ་དུས་ཁྲིམས་སར་ཞུ་གཏུག་སྔོན་ལ་བྱེད་མཁན་དེ་བདེན་པ་ཆེ་བ་ཡོད་སྐད། |
| སྐྱོ་མ་སྔ་སྦྱོར |
ཁྲིམས་སར་ཞུ་གཏུག་སྔོན་ལ་བྱེད་པ། |
| སྐྱོ་མེད |
མངོན མཐོ་རིས། |
| སྐྱོ་ཚ |
1 ཐུག་པའི་བྱེ་བྲག་ཅིག 2 ཚོད་མ། |
| སྐྱོ་ཚིག |
སེམས་སྡུག་པའི་སྐད་ཆ། |
| སྐྱོ་འདུར |
སྐྱོ་ལྡུར་དང་འདྲ། |
| སྐྱོ་འབུར |
1 ས་ངང་པ་གསེར་ལྡན་བཙོས་མ་ལ་སྤྱིན་བསྲེས་ཏེ་རི་མོ་འབུར་དོད་འབྲི་བའི་སྐྱོ་མ། 2 སྐྱོ་མས་བྲིས་པའི་རི་མོ། |
| སྐྱོ་ར |
ཁ་ཁྱེར་རམ་ཁང་པའི་མཐའི་མུ་ཁྱུད། རྩིག་པའི་སྐྱོ་ར། ཆུའི་སྐྱོ་ར། |
| སྐྱོ་རོགས |
སེམས་སྐྱོ་བའི་སྐབས་རོགས་རམ་བྱེད་མཁན། |
| སྐྱོ་ལོག |
བག་ལོག་གམ། གཉེན་ལོག |
| སྐྱོ་ལྡུར |
ཕྱེ་དང་ཆུ་བསྲེས་པའི་སྐྱོ་མ། |
| སྐྱོ་ལྷང་ངེ |
སྐྱོ་བའི་བློ་སྐྱེ་ཚུལ་ཞིག སེམས་སྐྱོ་ལྷང་ངེ་བ་ཞིག་བྱུང༌། |
| སྐྱོ་ཤས |
སྐྱོ་སེམས་ཤུགས་ཆེ་བའམ། ཞེན་པ་གཏིང་ནས་ལོག་པ། འཁོར་བའི་གནས་ལ་སྐྱོ་ཤས་སྐྱེ། ཡིད་ལ་སྐྱོ་ཤས་ཆེ་བ། |
| སྐྱོ་སང |
སྐྱོ་འབུར་འཐེན་སྣོད་ལྕགས་ཀྱི་བུ་ག་སང་བྱེད་ཀྱི་ལྕགས་ཐུར། |
| སྐྱོ་སངས |
སེམས་ངལ་སེལ་བར་བྱེད་པ། སྐྱོ་སངས་ཀྱི་གཏམ། གླིང་གར་སྐྱོ་སངས་ལ་ཕྱིན། |
| སྐྱོ་སུན |
སེམས་སྐྱོ་བ་དང་མི་བདེ་བ། |
| སྐྱོ་སེང |
སྐྱོ་བའམ་ངལ་དུབ་སེལ་བ། སྐྱོ་སེང་བྱས་ནས་བསྐྱར་དུ་ལས་ཀ་བྱས། |
| སྐྱོ་སྔོགས |
1 རྙིང སྔར་ཁོན་པ་བར་སྐབས་སུ་ཞི་བ་སླར་སློང་བ། སྐྱོ་སྔོགས་བྱེད་པ། 2 ཁ་མཆུ་དང་རྩོད་གླེང༌། |
| སྐྱོ་སྔོགས་བྱེད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་གཞན་དག་གི་རྩོད་པ་ཞི་བར་བྱས་པ་དེ་སྐྱོ་སྔོགས་ཀྱི་སྒོ་ནས་སླར་རྩོད་པ་སློང་བ། |
| སྐྱོ་སྣང |
ཡིད་སུན་པའི་སྣང་བ། སྐྱོ་སྣང་སྐྱེ་བ། སྐྱོ་སྣང་ཡི་ཆད། |
| སྐྱོག |
(བྱེད་འབྲེལ་ལས་ཚིག་ད་ལྟ་བ) ཁ་ཕྱོགས་བསྒྱུར་བའི་དོན་ཏེ། ལམ་སྐྱོག་མཁན་ལམ་སྐྱོག་གིན་ཡོད་ལྟ་བུ། |
| སྐྱོག་པ |
ཐ་དད་པ བསྐྱོགས་པ། བསྐྱོག་པ། སྐྱོགས།། 1 ཁ་ལོ་སྒྱུར་བ། རྟ་ཁ་བསྐྱོགས་པ། མགོ་བོ་བསྐྱོགས་ནས་མིག་གིས་མི་ལྟ། མགྲིན་པ་སྐྱོགས་ཤིག 2 ཟུར་དུ་གཡོལ་བ། སྐུ་ཕར་སྐྱོག་ཙམ་གནང་དང༌། |
| སྐྱོགས |
1. སྐྱོག་པའི་སྐུལ་ཚིག 2 1 གཟར་བུ་སྟེ་འཆུ་བྱེད་ཀྱི་ཡོ་བྱད་ཅིག ཆུ་སྐྱོགས། དངུལ་སྐྱོགས། ཟངས་སྐྱོགས། བཞུ་སྐྱོགས། 2 ཐབས་ཚུལ། སྣ་ཚོགས་སྐྱོགས་བརྒྱ། |
| སྐྱོགས |
ཆུ་དང་ཐུག་པ་སོགས་འཆུ་བྱེད་ཀྱི་ཡོ་བྱད་ཀྱི་མིང་སྟེ། ལྕགས་སྐྱོགས། ཟངས་སྐྱོགས་ཞེས་པ་ལྟ་བུ། སྐྱོག་ལ་ལྟོས། ０བརྡ་རྙིང་དུ་ཐབས་ཀྱི་མིང་སྟེ། སྣ་ཚོགས་སྐྱོགས་བརྒྱས་འཇིག་རྟེན་འགུགས་ལྟ་བུ། |
| སྐྱོགས་ནག |
ལྕགས་ཀྱི་གཟར་བུ། |
| སྐྱོང |
(བྱེད་འབྲེལ་ལས་ཚིག་ད་ལྟ་བ) འཚོ་སྐྱོང་པའམ་སྙོད་སྐྱོང་བྱས་པའི་དོན་ཏེ། དགེ་རྒན་གྱིས་སློབ་མ་རྣམས་ཕ་མས་བུ་ཕྲུག་སྐྱོང་སྐྱོང་དང་བྱ་མོས་བྱ་ཕྲུག་རུམ་རུམ་བྱས། སློབ་ཕྲུག་སྐྱོང་བཞིན་ཡོད། སློབ་ཕྲུག་སྐྱོང་མཁན་ཞེས་པ་ལྟ་བུ། |
| སྐྱོང་གྲོགས |
རོགས་རམ་བྱེད་མཁན། |
| སྐྱོང་བ |
ཐ་དད་པ བསྐྱངས་པ། བསྐྱང་བ། སྐྱོངས།། 1 འཚོ་བར་བྱེད་པ་དང༌། མགོན་བྱེད་པ། འཚོ་སྐྱོང༌། གསོ་སྐྱོང༌། ཕྲུ་གུ་བྱམས་པས་བསྐྱངས། མགོན་མེད་རྒན་རྒོན་རྣམས་ལ་གཟིགས་ཤིང་སྐྱོང༌། རྩྭ་ཁར་སྒོ་ཕྱུགས་སྐྱོང་བ། གཉེན་འཁོར་སྐྱོང་བ། དྲིན་གྱིས་བསྐྱངས་པ། 2 སྲུང་བ་དང༌། སྐྱོབ་པ། རྒྱུན་སྐྱོང༌། སྲུང་སྐྱོང༌། བདག་སྐྱོང༌། ཡུལ་འཁོར་སྐྱོང༌། ཐབས་ཀྱིས་བསྐྱངས། 3 བྱེད་པའམ། འཛིན་པ། སྲིད་སྐྱོང་བ། ཁྱིམ་ཚང་སྐྱོང་བ། ལས་དོན་ཚུལ་བཞིན་དུ་བསྐྱངས། ཚོང་ལས་བསྐྱངས། |
| སྐྱོང་བུ |
ཀྱོང་བུ་ཡི་འབྲི་ཚུལ་གཞན། |
| སྐྱོང་བྱེད |
མངོན ཕ། |
| སྐྱོང་མ |
1 ཨ་མ། 2 བརྟན་མ། |
| སྐྱོངས |
སྐུལ་ཚིག་སྟེ། སློབ་ཕྲུག་སྐྱོངས་ཤིག་ལྟ་བུ། མགོ་འདྲེན་བྱས་པའམ་བདག་གཉེར་བྱས་པའི་དོན་ཏེ། རྒྱལ་སྲིད་སྐྱོང་། ཁྱིམ་སྐྱོང་རྒྱལ་སྲུང་ཞེས་པ་ལྟ་བུ། |
| སྐྱོད |
སྐྱོད་པའི་སྐུལ་ཚིག་ |
| སྐྱོད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག)གཡོ་བར་བྱས་པའི་དོན་ཏེ། དར་ལྕོག་རླུང་གིས་སྐྱོད། སྐྱོད་བྱེད་ཀྱི་རླུང། དར་ཆ་སྐྱོད་ཅིག་ལྟ་བུ། 2.(བྱེད་མེད་ལས་ཚིག་ད་ལྟ་བ་དང་སྐུལ་ཚིག) འགྲོ་བའི་དོན་ཏེ། ལམ་དུ་སྐྱོད་བཞིན་འདུག དམག་སྐྱོད་ཅིག མདུན་དུ་སྐྱོད་ཅིག་ལྟ་བུ། མ་འོངས་པ་དང་འདས་པ་ལ་བསྐྱོད་འབྲི། |
| སྐྱོད་པ |
1. ཐ་དད་པ བསྐྱོད་པ། བསྐྱོད་པ།། སྒུལ་བ་དང་གཡོ་བར་བྱེད་པ། དར་དམར་རླུང་གིས་སྐྱོད། 2. ཐ་མི་དད་པ བསྐྱོད་པ། བསྐྱོད་པ། སྐྱོད།། འགྲོ་བ། མདུན་དུ་སྐྱོད་པ་པོ། དཔུང་སྡེ་ཐག་རིང་དུ་བསྐྱོད། གཞུང་ལམ་ནས་སྐྱོད། ཁྱེད་རྣམས་མྱུར་དུ་གནས་གཞན་དུ་སྐྱོད་ཅིག |
| སྐྱོད་བྱེད |
མངོན 1 གྲོང་ཁྱེར། 2 གློག |
| སྐྱོད་བྱེད་ཤིང |
གྲུ་བགྲོད་བྱེད་ཀྱི་སྐྱ་བ། |
| སྐྱོན |
1. སྐྱོན་པའི་སྐུལ་ཚིག 2 1 དགེའི་ལྡོག་ཕྱོགས་སམ། མི་ལེགས་པའི་ཆ། འཁྲུལ་སྐྱོན། དགེ་སྐྱོན། ཉུང་སྐྱོན། མང་སྐྱོན། རང་སྐྱོན། ཉེས་སྐྱོན། སྐྱོན་གྱིས་མ་གོས་པ། ལུགས་དང་མི་མཐུན་པ་གང་བྱས་ཀྱི་སྐྱོན་སྨྲ་བ། 2 གནོད་འཚེ། གནོད་སྐྱོན། ཆུ་སྐྱོན། མེ་སྐྱོན། འབུ་སྐྱོན། སྐྱོན་གཏོང་བ། སྐྱོན་བྱེད་པ། 3 མངོན མི་ལུས་ལ་མི་སྡུག་པ་དང༌། སྐྲ་བྱི་བ། དཔྲལ་བ་ཆུང་བ། མདོག་སེར་སྐྱ། མིག་སེར་བ། སྨིན་མཚམས་མ་འབྱར་བ། སྣ་ལེབ་པ། སོ་ལྟོ་བ། དིག་པ། མིག་ཟླུམ་པ། མིག་ཆུང་བ། ཕྱི་དགྱེ་ནང་སྒུར། ལྟོ་བ་ཆེ་བ། དཔུང་པ་དང་རྗེ་ངར་ཐུང་བ། སྤུ་ཅན། ལག་པ་དང་རྐང་པ་མི་མཉམ་པ། ཚིག་སྦོམ་པ། ཁ་དང་ལུས་ལས་དྲི་ངན་པ་བཅས་ཉེས་པའམ། སྐྱོན་བཅོ་བརྒྱད་ཡོད་པས་གྲངས་བཅོ་བརྒྱད་མཚོན། 3. དགེ་བའི་ལྡོག་ཕྱོགས་སམ། ལེགས་པོ་མེད་པ། ཅིའང་མི་སྐྱོན། ཅི་སྐྱོན་ཅི་སྐྱོན་བསམས་ན། འདི་སྐྱོན་རྗེས་ནས་འབྱུང་ངོ། 4.(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བཞོན་པར་ཞོན་དུ་འཇུག་པའི་དོན་ཏེ། ངས་ཁོ་རང་རྟ་ལ་སྐྱོན་གྱིན་ཡོད། རྟ་ལ་སྐྱོན་མཁན། རྟ་ལ་སྐྱོན་ཅིག་ལྟ་བུ། |
| སྐྱོན་གཏམ |
སྐྱོན་ཡོད་པའི་སྐད་ཆ། |
| སྐྱོན་གཞི |
ཉེས་སྐྱོན་འབྱུང་ཁུངས། |
| སྐྱོན་ཅན་བྲིས་བསུབ་ནང་རུལ |
ཕན་ཚུན་ནང་སྐྱོན་སྦེད་རེས་ཀྱི་ངན་མཐུན། ཕན་ཚུན་སྐྱོན་ཅན་བྲིས་བསུབ་ནང་རུལ་མ་ཡིན་པར་སྐུལ་ལྕག་གཏོང་རེས་བྱེད་དགོས། |
| སྐྱོན་ཆ |
སྐྱོན་གྱི་རིགས། སྲོག་ལ་ཐུག་པའི་སྐྱོན་ཆ། |
| སྐྱོན་དཀྲིས |
ཡ་ལ་དཀྲིས་པ། |
| སྐྱོན་དབགས |
རྙིང སྐྱོན་གྱིས་འགོ་བ། |
| སྐྱོན་པ |
ཐ་དད་པ བསྐྱོན་པ། བསྐྱོན་པ། སྐྱོན།། 1 བཞོན་པར་ཞོན་དུ་འཇུག་པ། བྱིས་པ་རྟ་ལ་བསྐྱོན། མི་གསལ་ཤིང་ལ་སྐྱོན་པ། 2 སྒང་དུ་འཇོག་པ། ཐབ་ལ་ཁོག་མ་སྐྱོན་པ། 3 རྒྱག་པའི་ཞེ་ས། ཕྱག་མདའ་སྐྱོན་པ་གནང༌། གཟིམས་སྒོ་བསྐྱོན་འདུག |
| སྐྱོན་བགྲང |
སྐྱོན་གྱི་གྲངས་བགྲངས་ཏེ་སྨོད་པ། |
| སྐྱོན་བཏོན |
1 སྐྱོན་ཆ་ཐེར་འདོན་བྱས་པ། 2 ནོར་འཁྲུལ་བཏོན་ཏེ་ཞུ་དག་བྱས་པ། |
| སྐྱོན་བཏོན་ལོ་འཕོ |
ཞལ་ལུང་ལོ་འཕོ་སྟེ་པད་དཀར་ཞལ་ལུང་ལས་གསལ་བ་ལྟར། བྱེད་པའི་ལོ་འཕོ་ཉིན་ཞག་སུམ་བརྒྱ་རེ་ལྔ་དང་ཆུ་ཚོད་བཅོ་ལྔ་ཆུ་སྲང་སོ་གཅིག་དབུགས་གཅིག་རི་མཁའ་རིའི་ཆ་བརྒྱ་དང་ཉེར་གཅིག་གི་ནང་ནས་ནོར་སྐྱོན་བཏོན་པས་སྐྱོན་བཏོན་ལོ་འཕོ་ཉིན་ཞག་སུམ་བརྒྱ་རེ་ལྔ་དང་ཆུ་ཚོད་བཅུ་དྲུག་ཆུ་སྲང་བཅུ་བཞི་དབུགས་གཅིག་འདོད་ཆ་བཅུ་གཉིས་སུ་བཅོས་པའི་ལོ་འཕོ་ཡིན་ཞིང་འདི་ལ་འཁྲུལ་བྲལ་ལོ་འཕོའང་ཟེར། 365 15 31 1 121 707 365 2706451 |
| སྐྱོན་བརྗོད |
སྐྱོན་ཡོད་པ་བརྗོད་པའམ། བཏོན་པ། |
| སྐྱོན་བརྗོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་རིགས་རུས་ངན་པ་དང་དབང་པོ་མ་ཚང་བ་སོགས་ལ་དེའི་སྐྱོན་བརྗོད་པ། |
| སྐྱོན་བྲལ |
སྐྱོན་མེད་པ། |
| སྐྱོན་བྲལ་བྱེད་པའི་ལོ་འཕོ |
བྱེད་རྩིས་ལ་སྐྱོན་འདོན་བྱས་པའི་ལོ་འཕོ། |
| སྐྱོན་བྲུས |
གཞན་སྐྱོན་བཏོན་པའམ། བསྔོགས་པ། |
| སྐྱོན་མཚང |
ཉེས་སྐྱོན། བསམ་སྦྱོར་ངན་པའི་སྐྱོན་མཚང་འབྲུ་བ།.. སྦས་བསྐུངས་བྱས་པའི་སྐྱོན་མཚང་རིམ་གྱིས་བརྟོལ། |
| སྐྱོན་མེད |
1 སྐྱོན་ཆ་མེད་པ། སྐྱོན་མེད་སྐྱོན་བཙུགས། 2 སངས་རྒྱས་ཤིག་གི་མཚན། |
| སྐྱོན་མེད་སྤུས་དག |
སྤུས་ཀ་ཧ་ཅང་ཡག་པོ། |
| སྐྱོན་འགེབས་མཛེས་འཆོས |
སྐྱོན་སྦས་ཏེ་འདྲ་ཆགས་པོ་བཟོ་བ། |
| སྐྱོན་འགེལ |
ཉེས་མེད་ཉེས་འགེལ། |
| སྐྱོན་འདོགས |
སྐྱོན་མེད་པ་ལ་ཡོད་པར་ཤོད་པ། མི་ལ་མ་བྱས་བྱས་ཚུལ་གྱི་སྐྱོན་འདོགས་མ་བྱེད། |
| སྐྱོན་འཚོལ |
སྐྱོན་ཡོད་མེད་རྟོག་དཔྱོད་བྱེད་པ། མི་འདྲིས་བཞིན་སྐྱོན་འཚོལ། ཁྱི་འདྲིས་བཞིན་དྲི་འཚོལ། |
| སྐྱོན་འཛིན་པ |
1 གཞན་སྐྱོན་སེམས་ལ་འཇོག་པ། 2 གཞན་སྤྱོད་སྐྱོན་དུ་ལྟ་བ། |
| སྐྱོན་འཛུགས |
ཉེས་མེད་ཉེས་འདོགས། |
| སྐྱོན་ཡོན |
ཉེས་སྐྱོན་དང་དགེ་མཚན་ནམ་སྐྱོན་དང་ཡོན་ཏན། སྐྱོན་ཡོན་བརྗོད་པ། |
| སྐྱོན་ལྡན་མ |
སྙིང་ཁའི་རྩ་འདབ་ཅིག |
| སྐྱོན་ཤེས |
མངོན 1 མཁས་པ། 2 སྨན་པ། |
| སྐྱོན་ཤོར |
མི་ལེགས་པ་བྱུང་བ། ལས་ཀ་ལ་སྐྱོན་ཤོར་བ། འཕྲུལ་འཁོར་ལ་སྐྱོན་ཤོར་བ། དབང་པོར་སྐྱོན་ཤོར་བ། |
| སྐྱོན་སེང |
1 སྐྱོན་མེད་པར་བཟོ་བ། 2 སངས་རྒྱས་ཤིག་གི་མཚན། |
| སྐྱོན་སེལ |
1 སྐྱོན་མེད་པར་བྱེད་པ། 2 སངས་རྒྱས་ཤིག་གི་མཚན། |
| སྐྱོན་སྐྱོབ |
སྐྱོན་སྦས་ཏེ་མི་འོས་པའི་རྒྱབ་སྐྱོར་བྱེད་པ། |
| སྐྱོན་སྒྲོག་གཏུག་བཤེར |
ཁྲིམས་ལ་གཏུགས་ནས་རྩོད་གླེང་བྱེད་པ། བྱས་ཉེས་ཐེར་འདོན་གྱིས་སྐྱོན་སྒྲོག་གཏུག་བཤེར་བྱེད་པ། |
| སྐྱོན་སྔོག |
ཉེས་སྐྱོན་ཤོད་པ། |
| སྐྱོན་སྤངས་དགེ་སྒྲུབ |
སྐྱོན་ཆ་སྤངས་ནས་ལེགས་ཆ་ལེན་པ། |
| སྐྱོན་སྦེད |
རང་གཞན་གྱི་སྐྱོན་ཆ་གསང་ནས་འཇོག་པ། |
| སྐྱོན་སྲོང |
སྐྱོན་མེད་པ་བཟོ་པ། |
| སྐྱོན་སླད |
ཉེས་པའི་ལྷད། བཟང་པོ་ལ་ངན་པའི་སྐྱོན་སླད་འདྲེས་པ། མ་དག་པའི་སྐྱོན་སླད་ཞུགས་འདུག |
| སྐྱོབ |
(བྱེད་འབྲེལ་ལས་ཚིག་ད་ལྟ་བ)རོགས་རམ་བྱས་པ་དང་ཉེན་ཁ་སོགས་ལས་ཐར་བར་བྱས་པའི་དོན་ཏེ། ལུག་རྣམས་ཆུ་ལས་སྐྱོབ་ཀྱིན་ཡོད། སྲོག་སྐྱོབ་མཁན། སྡུག་བསྔལ་ལས་སྐྱོབ་མཁན། མུག་སྐྱོབ་ཀྱི་གྲ་སྒྲིག་བྱེད་དགོས། མྱུར་སྐྱོབ། འཇིགས་སྐྱོབ་ལྟ་བུ། 2.ཡུལ ཤིང་ཆའི་རིགས་ལ་ཚོན་བཏང་ཚར་ནས་བཀྲག་རྩི་མ་བཏང་གོང་ཚོན་གྱི་སྟེང་དུ་བྱུག་རྒྱུའི་སྤྱིན་ཆང་གཉིས་བསྲེས་ཤིག |
| སྐྱོབ་གསོ |
དབུལ་བ་སེལ་ཞིང་འཚོ་བ་གསོ་བ། ལོ་ཉེས་བྱུང་བའི་ས་ཁུལ་ལ་སྐྱོབ་གསོ་གནང༌། |
| སྐྱོབ་པ |
1) ཐ་དད་པ བསྐྱབས་པ། བསྐྱབ་པ། སྐྱོབས།། སྲུང་བ། རྒྱལ་སྐྱོབ། མུ་གེ་ལས་བསྐྱབས། སྡུག་བསྔལ་ལས་བསྐྱབས། འཇིགས་སྐྱོབ། 2. བདེན་བཞིའི་བླང་དོར་ཕྱིན་ཅི་མ་ལོག་པ་སྟོན་པའི་སྒོ་ནས་གདུལ་བྱ་འཁོར་བ་ལས་སྐྱོབ་པའི་སྐྱོབ་པ་སྟེ་སངས་རྒྱས། |
| སྐྱོབ་པ་འཇིག་རྟེན་མགོན་པོ་རིན་ཆེན་དཔལ |
རབ་བྱུང་གཉིས་པའི་ཆུ་མོ་ཕག་ལ་ཁམས་འདན་མར་སྐུ་འཁྲུངས། གཞོན་ནུའི་དུས་ནས་འགྲོ་མགོན་ཕག་མོ་གྲུ་པའི་དྲུང་དུ་བྱོན། སུམ་ཅུ་སོ་བདུན་ལ་འབྲི་གུང་དུ་ཕེབས་ནས་དགོན་པ་བཏབ། རབ་བྱུང་བཞི་པའི་མེ་གླང་ལ་གཤེགས། |
| སྐྱོབ་རོགས |
1 སྲུང་མགོན། 2 སྐྱོབ་པ་དང་རོགས་རམ། |
| སྐྱོབ་སྲུང |
རོགས་མགོན་བྱེད་པ། |
| སྐྱོབས |
སྐུལ་ཚིག་སྟེ། ནད་པའི་ཚེ་སྲོག་སྐྱོབས་ཤིག་ལྟ་བུ། |
| སྐྱོམ |
(བྱེད་འབྲེལ་ལས་ཚིག་ད་ལྟ་བ)ཆུ་སོགས་གཤེར་བའི་རིགས་གཡོ་སྒུལ་བྱས་པའི་དོན་ཏེ། ཆུ་སྐྱོམ་ཇ་སྐྱོམ་ལྟ་བུ། |
| སྐྱོམ་པ |
ཐ་དད་པ བསྐྱམས་པ། བསྐྱམ་པ། སྐྱོམས།།གཡོ་འགུལ་བྱེད་པ། སྨན་ཁུ་སྐྱོམ་པ། ཆུ་སྣོད་སྐྱོམ་པར་བྱེད། ས་ཆེན་བསྐྱམས། རི་སྒུལ་མཚོ་སྐྱོམ། |
| སྐྱོམ་བུ |
སྙིང བྱིས་པ་ལ་སྟེར་རྒྱུའི་སྐྱོ་མ་སླ་པོ། |
| སྐྱོམ་སྐྱོམ |
སྣོད་དུ་བླུག་པའི་ཇ་སོགས་གཡུག་གཡུག་བྱེད་པ། ཁོག་ལྟིར་ནང་གི་བསྲུབས་ཇ་སྐྱོམ་སྐྱོམ་བྱས་ཏེ་བླུག་དགོས། ས་གཞི་སྐྱོམ་སྐྱོམ་དུ་གྱུར། |
| སྐྱོམས |
སྐུལ་ཚིག་སྟེ། ཇ་སྐྱོམས་ཤིག་ལྟ་བུ། |
| སྐྱོམས |
སྐྱོམ་ལ་ལྟོས། |
| སྐྱོར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བྱ་བ་ཞིག་ཡང་དང་ཡང་དུ་བྱས་པའི་དོན་ཏེ། ལེགས་བཤད་བློ་ལ་སྐྱོར་གྱིན་ཡོད། དཔེ་ཆ་བློ་ལ་སྐྱོར་ཅིག་ལྟ་བུ། 2.ད་ལྟ་བ་དང་སྐུལ་ཚིག་སྟེ། ནད་པ་སྐྱོར་གྱིན་ཡོད། ནད་པ་སྐྱོར་མཁན། ནད་པ་སྐྱོར་ཅིག་ལྟ་བུ། རོགས་རམ་བྱས་པའམ་སྲུང་སྐྱོབ་བྱས་པའི་དོན་ཏེ། ལག་པས་བསྐྱོར། བདེན་པའི་ཚིག་བསྐྱོར། ཉམ་ཐག་གི་རྒྱབ་བསྐྱོར། རྒྱབ་སྐྱོར་མཁན་ཞེས་པ་ལྟ་བུ། |
| སྐྱོར་ཁ |
ལག་པའི་ཆང་ཁའི་མཛུབ་མོའི་ངོས་ནས་ཕར་ཟུག་པའི་རྩ་དེ་ནད་མེད་ལ་མི་རྒྱས་ཤིང་ནད་ཅན་ལ་རྒྱས་ཏེ་སྔོ་ནག་ཏུ་འོང་བ་དེ་ལ་ཟེར་ཏེ། བྱིས་པའི་རིམས་ཚད་ལ་ཕན་པའི་གཏར་རྩ་ཞིག |
| སྐྱོར་གོང |
ལག་པའི་ཆང་ཁ་ནས་མཛུབ་མོའི་ངོས་སུ་ཕར་ཟུག་པའི་གཏར་རྩ་ཞིག་སྟེ། དེ་གཏར་ན་བྱིས་པའི་རིམས་ཚད་ལ་ཕན། |
| སྐྱོར་གོང་ཕྲན་བུ |
སྐྱོར་ཁའི་མཐེ་བོང་ངོས་ཀྱི་རྩ་ཕྲན་ཞིག |
| སྐྱོར་གྲྭ |
སྔར་ཞོགས་པ་སློབ་གྲྭ་བ་རྣམས་མཉམ་དུ་འཚོགས་ནས་བློ་འཛིན་བྱས་ཟིན་པ་རྣམས་མཉམ་དུ་ངག་སྐྱོར་བྱེད་ཡུལ། |
| སྐྱོར་དཔོན |
མཚན་ཉིད་སློབ་དཔོན་གྱིས་བརྩི་གཞག་དཔེ་ཆའི་གཞུང་ཚིག་བློ་ཐོག་ནས་མར་གསུངས་པ་དེ་དག་འཛིན་གྲྭ་སོ་སོའི་གྲྭ་པའི་འགོ་ཁྲིད་དེས་ངག་ཐོག་ནས་རྒྱུགས་སྤྲོད་ཀྱི་ཚུལ་དུ་སྐྱོར་མཁན་དེའི་མིང༌། |
| སྐྱོར་བ |
1. ཐ་དད་པ 1) ༈ བསྐྱོར་བ། བསྐྱོར་བ། སྐྱོར།། 1 མི་འགྱེལ་བའི་ཆེད་དུ་རོགས་རམ་བྱེད་པའམ། བརྟེན་ས་བྱེད་པ། གཡས་གཡོན་ནས་བསྐྱོར་བ་ཡིན། རྒྱབ་ནས་སྐྱོར་བ། རྒྱབ་སྐྱོར་རོགས་རམ། ལྕང་མར་ལྕང་སྐྱོར་མ་ཐུབ་རུང༌། ལྕང་རྩ་རྡོ་ཡིས་རྡུང་མི་ཉན། 2 མི་འཆོར་བར་འཛིན་པ། ཆུ་སྐྱོར། ཆུ་ལོག་སྐྱོར་རགས། 2) ༈ བསྐྱར་བ། བསྐྱར་བ། སྐྱོར།།ཡང་ཡང་ལྡབ་པ་དང༌། ལན་མང་པོ་ཟློས་པ། གཏམ་བསྐྱར་ནས་བཟློས། ཚིག་སྐྱོར་བ། ངག་སྐྱོར། དཔེ་ཆ་སྐྱོར་བ། ཡང་བསྐྱར། ཉིས་སྐྱོར་སུམ་སྐྱོར། བསྐྱར་སྐོར་ཡང་སྐོར། བསྐྱར་ཞིབ། ལྟས་ངན་ལ་ལྟ་སྐྱོར་དང༌། དྲི་ངན་ལ་སྣོམ་སྐྱོར་མི་དགོས། 2. རྙིང ལོགས་སུ་འཁྱོག་པར་གྱུར་པ་དང༌། ཀྱོག་པོ། |
| སྐྱོར་མོ་ལུང་དགོན་པ |
ལྷ་སའི་ནུབ་ངོས་ཀྱི་སྟོད་ལུང་བདེ་ཆེན་རྫོང་ཁོངས་སུ་རབ་བྱུང་གསུམ་པའི་ས་གླང་ལོ་ལ་སྦལ་ཏི་དགྲ་བཅོམ་པས་བཏབ་པའི་དགོན་པ་ཞིག |
| སྐྱོར་མོ་ལུང་པ |
སྐྱོར་ལུང་ལྷ་མོའི་རྙིང་ཁོངས་རྗེས་ཤུལ་པའི་བསྡུས་མིང༌། |
| སྐྱོར་ཚིག |
1 དཔེ་ཆ་བློར་བཟུང་སྟེ་སྐྱོར་བའི་ཚིག 2 ལྡབ་སྐྱོར་བྱེད་པའི་ཚིག |
| སྐྱོར་འབོལ |
འགྲམ་ནས་སྐྱོར་བྱེད་ཀྱི་སྔས་འབོལ། |
| སྐྱོར་འབྱིན |
དཀྱོར་འབྱིན་དང་འདྲ། |
| སྐྱོར་ཡ |
ཕན་གྲོགས། དཔའ་བོའི་སྐྱོར་ཡ་དཔའ་བོ་དགོས། |
| སྐྱོར་ལུང་ལྷ་མོའི་རྙིང་ཁོངས་རྗེས་ཤུལ་པ |
དུས་རབས་བཅོ་བརྒྱད་པའི་སྐབས་ཨ་མ་དང་སངས་ཀྱིས་བཙུགས་པའི་བོད་ཀྱི་ལྷ་མོ་བའི་ཚོགས་པ་ཞིག |
| སྐྱོར་ཤིང |
འགྲམ་ནས་ཡར་སྐྱོར་བྱེད་ཀྱི་ཤིང༌། |
| སྐྱོར་སྐྱོར |
1 ཡང་ཡང༌། 2 ཡོལ་བའམ། རྩིག་པས་བསྐོར་བའི་ར་བ་ཆུང་ཆུང༌། |
| སྐྱོར་སྦྱང |
དཔེ་ཆ་སོགས་ཡང་ཡང་ངག་འདོན་བྱེད་པ། དཔེ་ཆ་མི་བརྗེད་པའི་ཆེད་དུ་ངག་ཐོག་ནས་སྐྱོར་སྦྱང་བྱེད་པ། |
| སྐྱོལ |
སྐུལ་ཚིག་སྟེ། བུ་མོ་སློབ་གྲྭར་སྐྱོལ་ཅིག་ལྟ་བུ། |
| སྐྱོལ་བ |
སྙིང སྒྲིམ་པ། སྲད་བུ་སྐྱོལ་བ། |
| སྐྱོས |
ཉམས་པ་ཡི་བརྡ་རྙིང་། སྐྱ་ལ་ལྟོས། |
| སྐྱོས་པ |
རྙིང ཉམས་པ། |
| སྐྱོས་མ |
ལག་རྟགས་སམ། ཕྱག་རྟེན་ནམ། སྐྱེས། |
| སྐྲ |
མགོ་བོའི་སྤུ། སྐྲ་འཛིངས་པ། སྐྲ་མཐུག་པོ། སྐྲ་སོལ་བུར་འཕྱང༌། མགོ་སྐྲ་ཐོར་ཅོག་ཏུ་འཆིང་བ། དབུ་སྐྲ་བཞར། སྐྲ་འབལ་བཞིན་དུ་ངུ་བ། སྐྲ་ལྷས་མར་བསླས། མགོ་སྐྲ་གཟིངས་འདུག སྐྲ་དཀར་བུ་མོ། སྐྲ་ཤད་པ། མིང་གི་རྣམ་གྲངས་ལ་སྐྲ་ཚོགས་དང༌། འཁྱིལ་བ། མགོ་སྐྱེས། མགོ་ཉལ། མགོ་སྤུ། ཐོར་ཚུགས། དོ་ཀེར། སྤྱི་བོ་སྐྱེས། བྱེ་བ་ཅན། མེ་ཏོག་ཅན། གཙུག་ཕུད། རལ་པ། རལ་པའི་གདེངས་ཀ། སླར་སྐྱེ་བཅས་སོ། |
| སྐྲ་ཁ |
སྐྱ་ག་དང་འདྲ། |
| སྐྲ་གཉིས་པ |
མངོན དུ་བ་མཇུག་རིང༌། |
| སྐྲ་གཞུག |
སྐྲ་ལྷས་མའི་རྩེར་གདགས་བྱའི་ཕོད་འཛར། |
| སྐྲ་གའུ |
སྔར་བོད་ཀྱི་ཤོད་དྲུང་རིམ་བཞི་ཡན་གྱི་སྤ་ལྕོག་སྟེང་དུ་རྒྱག་རྒྱུའི་གོ་གནས་ཀྱི་རྟགས་ཤིག་དང༌། མི་དྲག་མཐོ་རིམ་གྱི་གཡོག་པོའི་ལྕང་ལོའི་སྟེང་དུ་རྒྱག་རྒྱུའི་གའུ། |
| སྐྲ་གཤོར་པོ |
སྐྲ་རྩུབ་པོ། |
| སྐྲ་གྲངས |
སྐྲ་ཡི་གྲངས་ཀ་སྟེ་ཤིན་ཏུ་མང་བའི་དཔེ། བུ་ལོན་སྐྲ་གྲངས་ལས་མང༌། རྙོག་གྲ་རྒྱ་མཚོ་ལས་ཟབ། |
| སྐྲ་ཅན་གསོད |
མངོན ཁྱབ་འཇུག |
| སྐྲ་དཀར |
1 རྒས་པའི་མགོ་སྐྲ། མི་སྐྲ་དཀར་ཅན། ན་རྒས་སྐྲ་དཀར། 2 ལོ་ན་ཆུང་དུས་ནས་སྐྲ་དཀར་པོར་འགྱུར་བའི་ནད་ཅིག |
| སྐྲ་ཕུད |
1 རབ་ཏུ་འབྱུང་བའི་སྐབས་མཁན་པོས་གཅོད་དགོས་པའི་སྐྲ་རྣམས། 2 ཕྲུ་གུ་ཚེ་རིང་བའི་ཆེད་དུ་བླ་མ་ལ་འབུལ་བའི་སྐྲའི་ཕུད། |
| སྐྲ་ཕོན |
1 ཐོར་ཅོག 2 སྐྲའི་ཆུན་པོ། |
| སྐྲ་བཟང |
1 སྔོ་སྨན་པར་པ་ཏའི་མིང་གི་རྣམ་གྲངས་ཤིག 2 མགོ་སྐྲ་ཡག་པོ། |
| སྐྲ་བཟང་ཟིལ་པ |
འཁྲི་ཤིང་རལ་པ་ཅན་ས་ནག་ཧྲུལ་ཅན་དང་ཚེར་མ་སྐྱེ་བ། ཕན་ནུས་གཙོ་ཆེར་རིམས་དང་དུག་ཚད་སེལ་བའི་ཁྲག་སྨན་ཞིག |
| སྐྲ་བཟེད |
1 སྐྲ་བཞར་དུས་སྐྲ་སྙིགས་བཟེད་སྣོད། 2 རབ་བྱུང་གི་འཚོ་བའི་ཡོ་བྱད་བཅུ་གསུམ་གྱི་ནང་གསེས་ཤིག་སྟེ་དགེ་སློང་གི་སྐྲ་གཞར་སྐབས་ཆོས་གོས་སྲུང་བའི་ཆེད་དུ་གྱོན་རྒྱུའི་གོས། སྲིད་དུ་ཁྲུ་གསུམ་དང་ཞེང་ཁྲུ་ཕྱེད་དང་དོ་ཡོད་པ་ཞིག |
| སྐྲ་བརྙན |
སྐྲའི་ཚབ། |
| སྐྲ་བརྫུས |
སྐྲའི་ཚབ། |
| སྐྲ་བསླས་མ |
ལན་བུར་བསླས་པའི་སྐྲ། |
| སྐྲ་མཁན |
1 སྐྲ་བཞར་མཁན། མིང་གི་རྣམ་གྲངས་ལ་མཐར་གནས་པ་དང༌། མཐོ་རིས་གྲགས། འདྲེན་མཁན། ཟླ་འཛིན་བཅས་སོ། 2 སྐྲ་སླ་མཁན། |
| སྐྲ་མཐུད |
སྐྲ་ཐུང་ངུའི་སྣེར་མཐུད་རྒྱུའི་སྐྲ་གཞན་དང༌། རྩིད་པ་འཇམ་པོ། |
| སྐྲ་མདངས |
སྐྲའི་མདོག |
| སྐྲ་མདུད |
སྐྲའི་མདུད་པ། |
| སྐྲ་མཚམས |
1 སྐྲ་ཡོད་མེད་ཀྱི་མཚམས། 2 སྐྲ་ཕར་ཚུར་ཕྱེ་བའི་མཚམས། |
| སྐྲ་མཚམས་ཕྱེད་པ |
1 དཔྲལ་བའི་དབྱེས་ཆེ་བའམ་ཐོད་པའི་ཁ་ཞེང་ཆེ་བ། 2 སྐྲ་མཚམས་ཀྱི་དབྱེ་བ་རང་བཞིན་དུ་བྱེ་བ། |
| སྐྲ་མེད་སྤྱི་ཐེར |
མགོ་དམར་རམ། ཟངས་ཁོག |
| སྐྲ་ཚར |
སྐྲའི་ལྷས་མར་བསྒར་བའི་རྩེ་དམར། |
| སྐྲ་ཚོགས |
སྐྲ་མང་ཉུང༌། འཕྱིངས་ཤིང་འཛིངས་པའི་སྐྲ་ཚོགས་ཉིལ་ཉིལ་དུ་ཡོད་པ། |
| སྐྲ་ཚོམ |
སྐྲ་སྤྱི་བོར་བཅིངས་པའི་ཐོར་ཅོག |
| སྐྲ་ཞགས |
1 སྐྲ་ལྷས་མ་རིང་པོ་མགོར་དཀྲིས་ཆོག་པ་ཞིག 2 མངོན བུད་མེད་ཀྱི་སྐྲ། |
| སྐྲ་ཟིངས |
རྙིང ང་རྒྱལ་ཆེ་བ། |
| སྐྲ་འཁྱིག |
བུད་མེད་ཀྱི་སྐྲ་ལྷས་མ་སྦྲེལ་བྱེད་རྒྱན་ཆ་ཞིག |
| སྐྲ་འཁྱིལ |
1 མགོའི་སྐྲ་སྒོར་སྒོར་དུ་འཁྱིལ་ནས་སྐྱེས་པ། 2 གཙུག་འཁྱིལ། |
| སྐྲ་འདབས |
སྐྲའི་སྣེ་མོ། བཀྲུ་ཤད་བྱས་པའི་སྐྲ་འདབས་ལྷུག་པར་གྲོལ་བ། གཟུགས་པོ་གཡོ་བ་དང་ཆབས་ཅིག་སྐྲ་འདབས་ཀྱང་བག་ཙམ་འདར་བར་བྱེད། |
| སྐྲ་འཕྱིངས |
སྐྲ་འཛིངས་ནས་ཕྱིང་པ་ཆགས་པ། |
| སྐྲ་འཛིན |
སྔར་ལྷ་སར་སྨོན་ལམ་ཚུགས་དུས་ལྷ་སའི་བུད་མེད་རྣམས་ཀྱིས་སྐྲའི་ལན་བུ་གཉིས་བསླས་ཆོག་པ་ཚོགས་ཆེན་ཞལ་ངོར་དགོངས་པ་ཞུས་འཁྲོལ་གྱི་འཛིན་ཐམ། |
| སྐྲ་ཡི་ཕྲེང་བ |
མངོན དུ་བ། |
| སྐྲ་རིལ |
སྐྲ་སྤྱི་བོར་བཅིངས་པའི་མདུད་པ་རིལ་རིལ། |
| སྐྲ་རྐང |
སྐྲའི་ཉག་མ། སྐྲ་རྐང་མང༌། |
| སྐྲ་རྦད་མགོ |
སྐྲ་མིག་མཚམས་བར་སླེབས་ཙམ། |
| སྐྲ་རྦད་རྦད |
སྐྲ་ཐུང་ཐུང༌། འབྲོག་ཕྲུག་སྐྲ་རྦད་རྦད་ཅན། |
| སྐྲ་རྦད་ལིང |
སྐྲ་མིག་མཚམས་སུ་སླེབས་ཙམ། |
| སྐྲ་རྩ |
1 སྐྲའི་རྩ་བ། 2 སྐྲ་རྩ་འཐུག་པོ། |
| སྐྲ་རྩེ |
སྐྲའི་རྩེ་མོ། ཆུ་གཏེར་གྱི་ཆུ་བོ་ཆེན་པོ་ཕྲ་མོའི་སྐྲ་རྩེས་འདྲེན་མི་ནུས། |
| སྐྲ་རྫུན |
སྐྲ་བརྫུས་དང་འདྲ། |
| སྐྲ་ལི་བ |
སྐྲ་སྒོར་སྒོར་དུ་འཁྱིལ་ནས་སྐྱེས་པ། |
| སྐྲ་ལོ |
མགོ་སྐྲ་ཤིང་གི་ལོ་མའི་གཟུགས་སུ་བཀོད་པ། སྐྲ་ལོ་ཉིས་ཁྲི་ཆིག་སྟོང་ལན་བུར་མཛེས། |
| སྐྲ་ལྕོག |
ཡུལ 1 ལྷ་མོ་འཁྲབ་དུས་དགོས་པའི་ཞྭ་མོ་ཞིག 2 སྤ་ལྕོག |
| སྐྲ་ཤད |
1 སྐྲ་རྐང་ངམ། སྐྲའི་ཉག་མ། སྐྲ་ཤད་རྒྱག་པ། མིག་རབ་རིབ་ཅན་གྱི་མཐོང་ཡུལ་དུ་སྐྲ་ཤད་འཛག་པའི་སྣང་བ་འཆར་ཡོང༌། 2 རྒྱུག་ཤད་དམ་སྐྲ་ལ་རྒྱག་བྱེད་སོ་མང༌། མགོའི་སྐྲ་སྤུ་འཛིངས་པར་སྐྲ་ཤད་རྒྱག་པ། མིང་གི་རྣམ་གྲངས་ལ་སྐྲའི་བྱི་དོར་དང་སོ་མང་ངོ། |
| སྐྲ་ཤུབས |
ཧོར་མོའི་ལྟག་རྒྱབ་ནས་དཔྱངས་པའི་སྐྲ་འཇུག་སྣོད་དངུལ་དང༌། དུང༌། གཡུ་བྱུར་སོགས་ལས་བཟོས་པའི་རྒྱན་ཅན་ཞིག |
| སྐྲ་སིལ་བུ་ཅན |
སྐྲ་མ་བསླས་པར་སིལ་བུར་འཕྱང་བའི་མི། |
| སྐྲ་སུ་རུ |
སྒོར་སྒོར་དུ་འཁྱིལ་ནས་སྐྱེས་པའི་སྐྲ། |
| སྐྲ་སུ་ལུ |
སྐྲ་སུ་རུ་དང་འདྲ། |
| སྐྲ་སེ |
སྐྲ་དཀར་ནག་འདྲེས་པའམ། སྐྲ་སྐྱ་ཕྱེད་སྔོ་ཕྱེད། |
| སྐྲ་སེང |
མགོ་སྐྲའི་བར་སེང༌། ཚ་བ་ཆེ་སྐབས་སྐྲ་སེང་རྔུལ་ཆུས་གང༌། |
| སྐྲ་སེང་སེང |
སྐྲ་མཐུག་པོ་མེད་པའི་སེང་སེང༌། རྒད་པོ་རྣམས་ཀྱི་སྐྲ་རྩ་སེང་སེང་ཞིག་ཏུ་གྱུར། |
| སྐྲ་སྒྲེ་ཅན |
སྐྲ་རྩ་སྲབ་པའམ་སྐྲ་ཐ་རེ་ཐོ་རེ་ལས་མེད་མཁན། |
| སྐྲ་སྦྲེལ |
བུད་མེད་ཀྱི་སྐྲའི་ལྕང་ལོ་གཉིས་ཕན་ཚུན་སྦྲེལ་བྱེད་ཀྱི་མཛེས་རྒྱན་ཞིག |
| སྐྲག |
(བྱེད་མེད་ལས་ཚིག) འཇིགས་པ་སྐྱེས་པའི་དོན་ཏེ། གཅིག་ན་དཀའ་ངལ་ལ་མི་སྐྲག གཉིས་ན་འཆི་བར་མི་སྐྲག དངངས་སྐྲག་མེད སྐྲག་སྣང་མི་སྐྱེ་ལྟ་བུ། |
| སྐྲག་ཉམས |
འཇིགས་སྐྲག་སྐྱེས་པའི་བཟོ་ལྟ། |
| སྐྲག་པ |
1.ཐ་མི་དད་པ འཇིགས་པ་དང་ཞེད་པ། སྐྲག་ནས་སྙིང་རྩ་འདར། མདུན་དུ་སྤྱང་ཀིར་སྐྲག་པ་དང༌། རྒྱབ་ཏུ་སྟག་ལ་སྐྲག་པ། དཀའ་ཚེགས་གང་ལའང་མི་སྐྲག ཐང་ཤིང་ཤུག་པ་བ་མོས་གནོན་པར་མི་སྐྲག་ན། རི་བོ་ཆེན་པོ་གངས་ཀྱིས་གནོན་པར་སྐྲག་དོགས་མེད། 2.ཞེད་སྣང༌། འཇིགས་སྐྲག དངངས་སྐྲག ཐོས་པ་ཙམ་གྱིས་སྐྲག་སྣང་སྐྱེ། |
| སྐྲག་པ་ཤིང |
ཤིང་ཞིག་སྐྲག་ཤིང་གི་འབྲས་བུས་ཁྲག་ཤེད་གཅོག་མཆིན་ནད་སེལ། བླ་མཚན་འགགས་པ་འབེབས། ལྟོའི་དང་ག་འབྱེད། |
| སྐྲག་སེམས |
ཞེད་སྣང་སྐྱེས་པའི་སེམས། |
| སྐྲང |
སྐྲངས་ཀྱི་འབྲི་ཚུལ་གཞན། |
| སྐྲང་གནས |
རྙིང ཤིང༌། |
| སྐྲང་བ |
ཐ་མི་དད་པ སྐྲངས་པ། སྐྲང་བ།།ལུས་ཀྱི་ཤ་ལྤགས་ལ་ནད་བྱུང་བ་དང་སྐྱོན་ཤོར་ཏེ་སྦོས་པ། རྐང་པ་སྐྲངས་འདུག གདོང་ཡང་སྐྲངས་འདུག རྨ་ཁ་སྐྲང་དོགས་འདུག |
| སྐྲངས |
(བྱེད་མེད་ལས་ཚིག) ལུས་ལ་རྨས་ཕོག་པའམ་ནད་བྱུང་ནས་ཤ་འབུར་བོ་བྱུང་བའི་དོན་ཏེ། ལུས་སྐྲངས། རྨ་ཁ་སྐྲངས་ལྟ་བུ། |
| སྐྲངས་པ |
1.སྐྲང་བའི་འདས་པ། 2 1 ནད་སོགས་ཀྱིས་རྐྱེན་པས་ཤ་ལྤགས་སྦོས་པ། རྨ་ཁ་སྐྲངས་པ་ཞི་ཞིང་འཇགས་སོ། སྐྲངས་ཚབས་ཆེར་མི་འགྲོ་བའི་འགོག་ཐབས་བྱེད་དགོས། 2 བོད་ཀྱི་ལོ་རྩིས་ནང་སྦྱོར་བ་ཉེར་བདུན་གྱི་ནང་གསེས་ཤིག |
| སྐྲངས་འབུར |
ལུས་སྐྲངས་པའི་འབུར་གོང༌། |
| སྐྲངས་སྦོས |
སྐྲངས་ཤིང་སྦོས་པ། |
| སྐྲན |
ཁ་ཟས་ཀྱི་སྙིགས་མ་མ་ཞུ་བའམ་དྭངས་མ་མ་ཞུ་བ་ལས་བྱུང་བའི་ལུས་ཀྱི་ཕྱི་ནང་གང་རུང་དུ་སྲ་མཁྲེགས་ཅན་གྱི་གོང་བུར་འདྲིལ་བའི་ནད་ཅིག་སྟེ། ནང་གསེས་དབྱེ་ན་རིགས་མི་འདྲ་བ་བཅོ་བརྒྱད་ཙམ་མཆིས། རླུང་སྐྲན། རྡོ་སྐྲན། ཕོ་སྐྲན། མཆིན་སྐྲན། |
| སྐྲན་གསང |
བྲང་གི་ལྷེན་སྣ་ནས་ཐུར་དུ་ཚོན་དོ་གཞལ་བའི་གནས་སུ་ཕོ་བའི་སྐྲན་ནད་ལ་ཕན་པའི་མེ་བཙའི་གསང༌། |
| སྐྲན་གྱི་རྩ |
ལུས་ལ་སྐྲན་ནད་ཡོད་པའི་རྩའི་འཕར་ལུགས་ཞན་ཅིང༌། དོན་སྣོད་གང་ལ་སྐྲན་ཡོད་ན་དེའི་རྩ་ཞར་བར་འཕར་བ་ཞིག |
| སྐྲན་ཆགས་པ |
1 སྐྲན་ནད་བྱུང་བ། 2 འཁོན་འགྲས་ཆགས་པ། |
| སྐྲན་ནད |
སྲིན་དང༌། རྡོ། རླུང༌། རྩ། སྤུ། ཆུ། རྣག་ཟས། མཁྲིས་པ། ཁྲག་བཅས་སྐྲན་རིགས་མི་འདྲ་བ་མང་དུ་ཡོད། |
| སྐྲན་རོ་ནག་པོ |
བུད་མེད་ཀྱི་མངལ་དུ་ཆགས་པའི་སྐྲན་ནད་ཅིག་སྟེ། ནད་རྟགས་སུ་ཤ་སྐེམ་ཞིང་མདོག་ནག་པོར་འགྱུར་བ་ཞིག.. |
| སྐྲབ |
བྲོ་འཁྲབ་པའི་བརྡ་རྙིང་། |
| སྐྲབ་པ |
རྙིང འཁྲབ་པ། ལག་པས་སྒོ་ལ་སྐྲབ་པ། རྐང་སྐྲབ་ལག་སྐྲབ། སྐོར་བྲོ་སྐྲབ་པ། |
| སྐྲའི་དོ་ཀེར |
སྐྲའི་ཐོར་ཅོག |
| སྐྲའི་བསིལ་ཡབ |
སྐྲ་ལས་བཟོས་པའི་སྦྲང་ཡབ། |
| སྐྲའི་བྱི་དོར |
མངོན སྐྲ་ཤད། |
| སྐྲའི་ལ་བ་ཅན |
སྔར་རྒྱ་གར་གྱི་གྲུབ་མཐའ་ཞིག་གི་སྟོན་པ་མི་ཕམ་སྐྲའི་ལ་བ་ཅན། |
| སྐྲི་བ |
རྙིང གཏོང་བ། བང་ཆེན་སྐྲི་ཞིག |
| སྐྲུ |
(བྱེད་འབྲེལ་ལས་ཆིག་ད་ལྟ་བ) བཅད་པའི་བརྡ་རྙིང་ལ་འཇུག་པར་བཤད་འདུག ཐབས་ཀྱིས་བསླུས་པའི་བརྡ་རྙིང་། མ་འོངས་པར་བསྐྲུ་དང་། འདས་པར་བསྐྲུས། སྐུལ་ཚིག་ལ་སྐྲུས་འབྲི། |
| སྐྲུ་བ |
1. ཐ་དད་པ བསྐྲུས་པ། བསྐྲུ་བ། སྐྲུས།།སློང་བ། ཟས་བསྐྲུས་ཏེ་འཚོ་བ། 2. རྙིང 1 མགོ་བསྐོར་གཏོང་བའི་བསླུ་བ། 2 དུམ་བུར་གཅོད་པ། |
| སྐྲུ་མ |
འཚོ་རྟེན་མེད་པས་གཞན་ནས་སློང་མོ་བྱས་ནས་འཚོ་བ་སྐྱེལ་མཁན། |
| སྐྲུག་པ |
བསྐོར་ནས་བཞོག་པར་བྱེད་པའི་དཀྲུག་པ་དང་དོན་གཅིག་ |
| སྐྲུན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) དཔེ་ཆ་པར་བརྒྱབ་པའི་དོན་ཏེ། དཔེ་ཆ་པར་དུ་སྐྲུན་གྱིན་ཡོད། དཔེ་ཆ་པར་དུ་སྐྲུན་མཁན། པར་དུ་སྐྲུན་ཅིག་ལྟ་བུ། |
| སྐྲུན་པ |
ཐ་དད་པ བསྐྲུན་པ། བསྐྲུན་པ། སྐྲུན།།གསར་དུ་འཛུགས་པ་དང༌། བཟོ་བ། ཆུ་བེད་སྐྲུན་པ། མཐུན་རྐྱེན་སྐྲུན་པ། དཔེ་ཆ་པར་དུ་སྐྲུན། འཛུགས་སྐྲུན། གསར་སྐྲུན། |
| སྐྲུས |
སྐྲུ་བའི་སྐུལ་ཚིག་ |
| སྐྲོག |
དཀྲོག་གི་འབྲི་ཚུལ་གཞན་ཏེ་མ་འོངས་པར་བསྐྲོག་དང་། འདས་པར་བསྐྲོགས། སྐུལ་ཚིག་ལ་སྐྲོགས་འབྲི། |
| སྐྲོག་པ |
ཐ་དད་པ བསྐྲོགས་པ། བསྐྲོག་པ། སྐྲོགས།། 1 སྲུབ་པའམ། དཀྲུག་པ། ཞོ་བསྐྲོགས་ཏེ་མར་བླངས། 2 དཀྲོལ་བ། ཌ་མ་རུ་སྐྲོག་བཞིན་དུ་འཆམ་བརྒྱབ། |
| སྐྲོགས |
སྐྲོག་པའི་སྐུལ་ཚིག་ |
| སྐྲོད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) སྔར་གྱི་གནས་ས་ནས་ཕར་དེད་པའི་དོན་ཏེ། དགྲ་བོ་ཕར་སྐྲོད་ཀྱིན་ཡོད། ཕར་སྐྲོད་མཁན། ཕར་སྐྲོད་ཅིག་ལྟ་བུ། |
| སྐྲོད་པ |
ཐ་དད་པ བསྐྲད་པ། བསྐྲད་པ། སྐྲོད།། གནས་ནས་སྤྱུགས་པ་དང་འདོན་པ། རྒྱལ་མཚམས་ནས་ཕྱིར་སྐྲོད། ཉེས་ཅན་རྣམས་གནས་ནས་བསྐྲད། |
| སྐྲོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། ཞེ་སྡང་གི་སེམས་ཀྱིས་དགེ་སློང་གཞན་གནས་ཁང་ནས་ཕྱི་རོལ་ཏུ་འདོན་པ། |
| སྐྲོན |
(རྒྱན་ཚིག) གཅོག་དཀའ་བའམ་འབིག་དཀའ་བའི་དོན་ཏེ། སྤྱི་བོའི་རུས་པ་མཁྲེགས་ཤིང་སྐྲོན་པ་ཡིན་ཞེས་པ་ལྟ་དབུ། |
| སྒ |
1སྨན་སྒ་སྐྱ་དང༌། སྒ་སྨུག་སྒ་སེར། 2རྟ་སོགས་ལ་བསྟད་རྒྱུའི་བཞོན་ཆས། ཀོ་སྒ། རྟའི་སྒ། ཁལ་སྒ། ཆིབས་སྒ། དྲེལ་སྒ། སྒའི་སྔ་རུ། སྒའི་ཕྱི་རུ། སྒའི་རྨེད། སྒའི་ཨམ་ཅོག རྟ་དྲེལ་གྱི་སྒ་བཤུ་བ། རྟ་ཁལ་གྱི་དཀའ་ངལ་གསོ་ལེན་བྱེད་དུས་གཅིག་ནས་གཅིག་ཏུ་སྒ་སྤོ་བ། རྟ་ལ་སྒ་སྒྲོན་པ། འགྲུལ་པ་འགྲོ་ཁར་རྟ་དྲེལ་ལ་སྒ་རྒྱག་པ། གློ་ཐག་གི་མདུད་པ་ཞིག་པས་སྒ་འགྱུར་བ། དབང་སྒ། གསེར་སྒ། རྟ་གཅིག་ལ་སྒ་གཉིས། |
| སྒ་ཁེབས |
རྟ་སྒའི་སྟེང་དུ་གཡོག་ཁེབས། |
| སྒ་ཁོག |
རྟ་སྒའི་ནང་རྒྱ། |
| སྒ་ཁྲལ |
སྔར་སྒ་བརྒྱབ་པའི་སེམས་ཅན་ཕྱོགས་འགྲོའི་སྐབས་སུ་དངུལ་ལེན་པའི་ཁྲལ་ཞིག |
| སྒ་གདན |
སྒ་དང་སྒ་གདན། |
| སྒ་གཤེར |
སྒ་རློན། |
| སྒ་གཤོག |
རྟ་དྲེལ་སོགས་ཀྱི་སྒའི་གཡས་གཡོན་གཤོག་པ་ལྟ་བུའི་ཤིང་ལེབ་ལེབ་གཉིས། |
| སྒ་གློ |
རྟ་སྒའི་གློ་ཐག |
| སྒ་ཆས |
སྒའི་ཡོ་ཆས། |
| སྒ་ཆུང |
ཐང་སྨན་གྱི་རིགས་སྒ་ཆུང་གསེར་མགོ་སྟེ་རོ་ཁ་ལ་ཅུང་ཟད་བསྐ་བ། ཞུ་རྗེས་སྙོམས། ནུས་པས་སྦྱར་དུག་དང་ཁྱད་པར་ཤ་དུག་ལ་ཕན། |
| སྒ་ཉག |
སྒའི་སྔ་རུ་དང༌། ཕྱི་རུ་གཉིས་ཀྱི་སྟེང་གི་བར་སྟོང༌། |
| སྒ་ཏིག |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ་ལ་རྩུབ། ནུས་པས་དམུ་ཆུས་དྲི་ཆུ་འགགས་པ་དང་ཆུ་སེར་གྱི་ནད་ཕྱིར་འདྲེན་པར་བྱེད། |
| སྒ་ཐག |
སྒའི་གོང་ཐག་གློ་ཐག་སོགས། |
| སྒ་ཐོད་ལོ |
སྒའི་སྔ་རུ་དང་ཕྱི་རུ་སྒོར་མོའི་དབྱིབས་ཅན། |
| སྒ་དམར |
སྒ་སྨུག་གི་རིགས་སུ་གཏོགས་པའི་མདོག་དམར་ཤས་ཆེ་བ་ཞིག་སྟེ། ནུས་པ་སྒ་སྨུག་ལྟར་དང་མཆོག་ཏུ་དྲོད་སྐྱེད་ཅིང༌། ཡི་ག་འབྱེད། |
| སྒ་མ་རྟ་སྒ |
བཞོན་སྒ་དང་ཁལ་སྒ་གཉིས་ཀའི་གོ་ཆོད་པའི་སྒ་ཞིག |
| སྒ་མཐོངས |
སྒའི་སྔ་རུ་དང༌། ཕྱི་རུའི་ངོས། |
| སྒ་མིག |
སྒའི་སྔ་རུ་དང༌། ཕྱི་རུའི་ངོས་ཀྱི་སྟོང་ཆའི་ཁུང༌། |
| སྒ་ཚ |
ལྕེ་ཚ་མེ་ཏོག་གི་མིང་གི་རྣམ་གྲངས་ཤིག |
| སྒ་ཚ་བཤུས་རྒྱག་པ |
རྔུལ་ནག་ཐོན་བཞིན་པར་སྒ་བཤུས་པ། རྟ་ཁལ་ངལ་དུབ་ཀྱིས་རྔུལ་བའི་སྒ་ཚ་བཤུས་རྒྱག་མི་རུང༌། |
| སྒ་ཚང |
སྒའི་གཤོག་པ་གཉིས་བར་གྱི་སྟོང་ཆ། |
| སྒ་འཁོར་བཅས |
རྟ་སྒའི་ཡོ་བྱད་ཆ་ཚང༌། རྟ་སྒ་འཁོར་བཅས། གཡག་སྒ་འཁོར་བཅས། |
| སྒ་འགྱུར་སྟན་འགྱུར |
རྟ་ཐོག་ཏུ་བསྟད་པའི་སྒ་སྟན་ཚང་མ་འཁྲུགས་ཏེ། གོང་འོག་ཚང་མ་རྩ་བ་ནས་འཕོ་འགྱུར་བྱུང་བའི་དཔེ། |
| སྒ་འབོར |
སྒ་འབོལ་སྒྲོག་བྱེད་གསེར་དངུལ་སོགས་ཀྱིས་བཟོས་པའི་གཟེར་ཆེན་མགོ་ལེབ་ཅིག |
| སྒ་འབོལ |
རྟ་སྒའི་སྟེང་ལ་སྦྱར་བའི་སྟན་འབོལ། |
| སྒ་འབྱར |
སྒ་རང་འགྲིག་གི་སེམས་ཅན། |
| སྒ་ཡག |
སྒའི་སྔ་རུའི་མདུན་དང༌། ཕྱི་རུའི་རྒྱབ་ནས་ཐོན་པའི་སྒ་གཤོག་གི་སྣེ་མོ། |
| སྒ་རུ |
1སྒའི་སྔ་ཕྱིའི་མགོ། 2མགར་བའི་ལག་ཆ་ཞིག 3 ཡུལ སྒའི་སྔ་རུ་ལྟ་བུའི་སྤྲིན་པ། |
| སྒ་རྒྱག |
ལོ་གསུམ་ལོན་པའི་རྟ་དྲེལ། |
| སྒ་རྒྱུན |
སྒའི་ཤ་ཐག |
| སྒ་རློན |
སྨན་སྒེའུ་གཤེར། |
| སྒ་ལོག |
སྒ་འགྱུར་བ། རྟ་རྒོད་ཀྱིས་མཆོང་རྒྱུག་བྱས་པས་སྒ་ལོག་རྒྱག་པ། |
| སྒ་ལྡེབས |
སྒའི་སྔ་རུ་ཕྱི་རུ་མཐུད་བྱེད་གཡས་གཡོན་གྱི་ཤིང་ལེབ་སྟེ། སྒ་གཤོག་གམ་ཡག་ཤིང༌། |
| སྒ་ཤན |
སྒའི་མཐའ་འཁོར་ལ་བརྒྱབ་པའི་གསེར་དངུལ་སོགས་ཀྱི་ཤན་ཆ། |
| སྒ་ཤིང |
སྒ་བཟོ་བྱེད་ཀྱི་ཤིང་གུག་གུག |
| སྒ་ཤུབས |
སྒའི་ཕྱི་ཐུམ། |
| སྒ་སང |
ལམ་བར་རྟའི་སྒ་གློ་གློད་ཙམ་གྱིས་སྒ་ཡར་བཀྱག་བཀྱག་བྱེད་པ། ལམ་བར་རྟ་ཁལ་གྱི་སྒ་སང་བརྒྱབ་ན་སྒལ་པར་མི་གནོད་པའི་ཁྱད་ཡོད། |
| སྒ་སེར |
ཐང་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་དུག་སེལ། རྨ་ངན་རུལ་བ་གཅོད། གཉན་ནད་འཇོམས། དར་བ་དང་སྦྱར་ནས་བཏུངས་ན་ཕོ་མོའི་ཆགས་པ་འཇོམས། |
| སྒ་སྐྱ |
1ཐང་སྨན་གྱི་རིགས་ཤིག་སྟེ། རོ་ཚ། ཞུ་རྗེས་ཅུང་དྲོད། ནུས་པས་ཁྲག་རྒྱུ་བ་དང༌། བད་རླུང་གི་ནད་སེལ། 2སྒ་འབོལ་མེད་པའི་ཤིང་སྒ་ཧྲེང་པོ། |
| སྒ་སྒྲོམ |
ཕྲུ་གུ་རྟ་ཐོག་སོགས་ལ་ཚུགས་ཆེད་སྒའི་སྔ་རུ་དང་ཕྱི་རུར་བཙུགས་པའི་ཤིང་ཀུ་རུ་ཁའི་སྒྲོམ། |
| སྒ་སྟན |
སྒ་དང་སྟན། |
| སྒ་སྟན་སྲབ་གསུམ |
རྟ་ཡི་སྒ་དང༌། སྒ་འོག་གི་སྟན། རྟ་སྲབ་བཅས་ཀྱི་བསྡུས་མིང༌། |
| སྒ་སྟོང |
བཞོན་མཁན་སོགས་མེད་པའི་རྟ་སོགས་སྒ་འབྱར། |
| སྒ་སྦུག |
སྔར་ཆིབས་སྒྱུར་ཆེན་མོའི་ཆིབས་རགས་སུ་འགྲོ་མཁན་རྩེ་དྲུང་གིས་གྱོན་རྒྱུའི་ཞྭ་མོ་ཞིག |
| སྒ་སྨུག |
ཐང་སྨན་གྱི་རིགས་ཤིག་སྟེ། རོ་ཚ། ཞུ་རྗེས་དྲོད། ནུས་པས་དྲོད་སྐྱེད། ཟས་འཇུ། བད་རླུང་འཇོམས། སྣོད་ཀྱི་གྲང་བ་སེལ། མིང་གི་རྣམ་གྲངས་ལ་སྒ་རྒོད་དང༌། སྒ་སྒེའུ། སྒ་བོ་ཆེ། སྒ་དམར། དོང་གྲ། སྤོད་སྒ། ལི་དོང་གྲ་བཅས་སོ། |
| སྒ་སྲབ |
རྟ་སྒ་དང་རྟ་སྲབ་གཉིས། |
| སྒག་ཐུད |
ཟས་ཀྱིས་ལྟོ་བ་རྒྱགས་དྲགས་པ་ལས་བྱུང་བའི་སྒྲེགས་པ། |
| སྒག་པ |
ཐ་དད་པ བསྒགས་པ། བསྒག་པ། སྒོགས།། སྡོམ་པའམ། འཁྱིག་པ། སྐེ་སྒག་བྱེད་ཀྱི་ཐག་པ། སྐེ་བསྒགས་ཏེ་བཀུམས་པ། ལུག་གི་སྐེ་ཐག་པས་བསྒགས་ཏེ་བཀུམས་པ། |
| སྒང |
1ས་ཆ་མཐོ་བའམ་འབུར་བ། རིའི་སྒང༌། 2ཆུ་བོ་ཆེན་པོ་གཉིས་དབར་གྱི་ས་རྒྱུད། 3སྟེང༌། ཅོག་ཙེའི་སྒང་ལ་དཔེ་ཆ་བཞག ཞིང་ལས་ཐོན་སྐྱེད་སྒང་འཐོན་པ། རྟ་རྒོད་རིའི་སྒང་ལ་ཤོར་བ། 4སྐབས། ད་ལྟ་ལྟོ་ཟ་བའི་སྒང་རེད། ལོ་གསར་སྒང༌། 5ཟླ་བ་སོ་སོར་འཐོབ་རྒྱུའི་དབུགས་སྒང་ཞེས་པའི་སྒང༌། 3.རྒང་གི་འབྲི་ཚུལ་གཞན། |
| སྒང་གཟུགས |
གཟེར་མོའམ་གཟུགས་མོ། |
| སྒང་གཤགས |
གཏར་ཁ་རྡེག་ཐབས་ཤིག |
| སྒང་གཤོང |
སྒང་དང་གཤོང་བུའི་བསྡུས་མིང༌། སྒང་གཤོང་མི་སྙོམས། སྒང་གཤོང་ས་རྒྱུད། |
| སྒང་གསུམ |
མདོ་ཁམས་ཏེ་སྨད་ཁམས་དང༌། མདོ་སྨད་དེ་གཡེར་མོ་ཐང༌། ཙོང་ཁ་སྟེ་གྱི་ཐང་བཅས་འབྲི་ཆུ་དང་རྨ་ཆུ་གཉིས་ཀྱི་སྟོད་རྒྱུད་ཡུལ་ལུང་སྤྱིའི་མིང༌། |
| སྒང་གསེབ |
རྙིང གཟེ་མོ་ཟེར་བའི་སྲོག་ཆགས། |
| སྒང་ཐུར |
གཟུགས་མོའམ་གཟེ་མོ། |
| སྒང་དྲུག |
སྨད་མདོ་ཁམས་སྒང་དྲུག་དང་དོན་གཅིག |
| སྒང་ནག |
ཟླ་སྒང་ནག་པའི་བསྡུས་ཚིག་ |
| སྒང་པ |
རི་སྒང་ལ་ཆགས་མཁན། |
| སྒང་པ་བོད |
བོད་ཡུལ། སྒང་པ་བོད་ལ་ཆགས་པའི་རྟེན་ཕུར། |
| སྒང་པོ |
ཡུལ རིལ་པོ། མི་དམངས་སྒང་པོར་བདེ་སྐྱིད་ཐོབ་པ། |
| སྒང་བལ |
རྒྱབ་བལ། |
| སྒང་བྲལ་ཟླ་ཤོལ |
གནམ་སྟོང་དག་ལ་སྒང་ཤར་ན། ཟླ་བ་དེ་ཉིད་བརྩེགས་པ་དང༌། སྒང་བྲལ་ཟལ་བ་ལྷག་པར་འདོད། |
| སྒང་མདུད |
ཁ་བཏགས་ཆ་ཚང་བ་གཅིག་ལ་བརྒྱབ་པའི་སྲུང་མདུད། |
| སྒང་ཚད |
ལོ་ཐོའི་ནང་དུ་ཟླ་བ་སོ་སོར་འཐོབ་རྒྱུའི་དབུགས་སྒང་གཉིས་ཀྱི་སྒང༌། དགུན་རའི་སྒང་ཚད། |
| སྒང་ཞིང |
ས་བབས་མཐོ་སའི་ཞིང་ཁ། |
| སྒང་འབབ |
ཆ་ཚང༌། |
| སྒང་རྒྱུད |
རིའི་སྒང་རྒྱུད། |
| སྒང་རྩ |
གྲུ་ཁུག་གི་ཕྱི་ཟུར་ནས་མས་སུ་སོར་བཞི་གཞལ་མཚམས་ཀྱི་གྲུ་མོའི་སྒང་ཟུར་དུ་ཡོད་པའི་གློ་བ་དང་འབྲེལ་བའི་གཏར་རྩ་ཞིག་སྟེ། དེ་གཏར་ན་གློ་ཚད་དང༌། སྐད་འགགས་པ། སྣ་ཁྲག་འཛག་པ་སོགས་ལ་ཕན། |
| སྒང་ལམ |
རིའི་སྒང་རྒྱུད་ཀྱི་ལམ་ག |
| སྒང་སྟོན |
ཡུལ ལས་དོན་གང་རུང་བྱེད་སྒང་གི་སྟོན་མོ། |
| སྒབ |
འདབས་དང་སྨད་ཀྱི་མིང་སྟེ། གོས་ཀྱི་སྒབ། ལྭ་བའི་སྒབ་ཅེས་པ་ལྟ་བུ། |
| སྒབ་ཁུང |
སྒྱིད་ཁུང་གི་མིང་། |
| སྒབ་པ |
ཐ་དད་པ བསྒབ་པ། བསྒབ་པ། སྒོབ།། 1འགེབས་པ། ཉེས་པ་ནོར་གྱིས་བསྒབ་པ། 2 སྐྱོང་བ། བསྒབ་བྱའི་གཉེན། |
| སྒབ་མཚལ |
ཁང་པའི་ནང་གི་ཞལ་བའི་སྐེད་རིས་འོག་གི་ཞལ་བ་དམར་པོ། |
| སྒབ་མོ |
རྙིང གྲོང་ཁྱེར་གྱི་མི། |
| སྒབ་ཟོར |
ལུས་ཀྱི་ཟོར་ཏེ་ལྗིད་ཡང་གི་ཚད། ལོ་ན་མཐོ་ཞིང༌། ན་ཚ་མང་བས་སྒབ་ཟོར་ཧ་ཅང་ལྕི་བ་འདུག ཕྲུ་གུ་སྒབ་ཟོར་ཡང་བ་ཞིག་ཤིང་སྡོང་ལ་འཛེག་པ། |
| སྒབ་རྩ |
སྒྱིད་ཁུག་ནས་ཐུར་དུ་སོར་བཞི་གཞལ་བའི་སར་ཡོད་པའི་གཏར་རྩ་ཞིག་སྟེ། དེ་གཏར་ན་མཚེར་པ་ཆེར་རྒྱས་པ་དང༌། དཔྱི་རྐེད་གཟེར་བ། མངལ་ཁྲག་འབྱམས་པ་སོགས་ལ་ཕན། |
| སྒམ |
སྣོད་ཅིག ཤིང་སྒམ། ལྕགས་སྒམ། ཀོ་སྒམ། རོ་སྒམ། མིང་གི་རྣམ་གྲངས་ལ་སྒྲོམ་དང༌། སྒྲོམ་བུ། སྣོད། ལག་མཛོད་བཅས་སོ། |
| སྒམ་ཆུང |
སྒྲོམ་བུ། མུ་ཟི་སྒམ་ཆུང་གཅིག |
| སྒམ་པ |
(རྒྱན་ཚིག) བསམ་བློ་བཏང་བ་གཏིང་ཟབ་པའམ་རྒྱང་རིང་བའི་དོན་ཏེ། བློ་ཤིན་ཏུ་སྒམ་པ། མི་སེམས་སྒམ་པ་ཞེས་པ་ལྟ་བུ། |
| སྒམ་པོ |
ཟབ་བརླིང་ངམ་བློ་ཟབ་པ་སྟེ་གཞན་གྱིས་གཏིང་དཔོག་དཀའ་བ། ཐུགས་ཤིན་ཏུ་སྒམ་པོ་འདུག |
| སྒམ་པོ་བ་བསོད་ནམས་རིན་ཆེན |
དྭགས་པོ་ལྷ་རྗེ་བསོད་ནམས་རིན་ཆེན་གྱིས་དྭགས་ལྷ་སྒམ་པོར་དགོན་པ་བཏབ་སྟེ་སློབ་མ་བསྐྲུན་པས་ན་སྒམ་པོ་བར་ཡང་གྲགས། |
| སྒམ་ཞུ |
སྒམ་ནང་སྤར་རྒྱུའི་ཞུ་མར། |
| སྒམ་ཤག |
པང་ལེབ་ལྕགས་གཟེར་གྱིས་བསྡམས་པའི་དཀྱུས་སྒམ། |
| སྒམ་ཤུབས |
སྒམ་གྱི་ཕྱི་ཐུམ། |
| སྒམ་སྦུད |
སྒམ་གྱི་བཟོ་དབྱིབས་ཅན་གྱི་སྦུད་པ། |
| སྒར |
1དཔུང་སྡེའམ། ཕྱོགས་འགྲོའི་ཚོང་པའི་སྡོད་གནས་གུར་ཚོགས། དམག་སྒར། ཆོས་སྒར། ཚོང་སྒར། འགྲུལ་སྒར། ས་ཕྱོགས་བཙན་སར་སྒར་བརྒྱབ་པ། སྤང་ཐང་ཡངས་པོར་ཞག་མལ་སྡོད་སའི་སྒར་འདེབས་པ། 2རྫོང་ཞིག་ཧི་མ་ལ་ཡའི་རི་རྒྱུད་དང་གངས་ཏེ་སེའི་རི་རྒྱུད་ཀྱི་དབར་སྒར་གཙང་པོའི་ཆུ་རྒྱུད་ན་ཆགས་ཤིང༌། རྫོང་མི་དམངས་སྲིད་གཞུང་དེ་སྒར་དགུན་སར་ཡོད། |
| སྒར་གཙང་པོ |
བོད་རང་སྐྱོང་ལྗོངས་ཀྱི་སྒར་རྫོང་དུ་ཡོད་པའི་ཆུ་བོ་ཞིག་ཡིན། ཆུ་འགོ་གངས་ཏེ་སེའི་ནུབ་ངོས་སུ་ཡོད་ཅིང་བཀྲ་ཤིས་སྒང་གི་ཡན་ཙམ་དུ་སེང་གེ་གཙང་པོའི་ནང་དུ་འབབ། |
| སྒར་གྲྭ |
འབུལ་སྡུད་ལ་འགྲོ་བའི་གྲྭ་པ། |
| སྒར་དཔོན |
1སྒར་པའི་འགོ་བྱེད། 2ཚོང་འགྲུལ་ཚོགས་པའི་འགོ་བྱེད། |
| སྒར་བ |
ཐ་དད་པ བསྒར་བ། བསྒར་བ། སྒོར།། 1བཞུས་ནས་རངས་སུ་འཇུག་པ། བུ་རམ་བསྐོལ་ཏེ་རིལ་མོར་བསྒར། མར་ཁུ་བཞུགས་ནས་བཞེས་སྤྲོ་བསྒར། 2འཛུགས་པའམ་སྦྱར་བ། སོ་ཚབ་བསྒར་བ། གྲི་ཡུ་བསྒར་བ། |
| སྒར་བཀོད |
སྒར་རྒྱག་སྟངས་ཀྱི་བཀོད་པ། |
| སྒར་མེ |
དམག་སྒར་སོགས་ཀྱི་མེ། |
| སྒར་སྐད |
དམག་སྒར་ནང་གི་གསང་བའི་སྐད་བརྡ། |
| སྒལ་ཀླད |
རྒྱུངས་པ། |
| སྒལ་ཁེབས |
སྒལ་པར་གཡོག་རྒྱུའི་ཁེབས། |
| སྒལ་གཞུང |
ལུས་ཀྱི་རྒྱབ་གཞུང༌། |
| སྒལ་པ |
1ལུས་ཀྱི་རྒྱབ་ངོས། ཁལ་མའི་སྒལ་པའི་སྤུ་བུད་པ། 2རྟ་བོང་སོགས་བཀོལ་སྤྱོད་མང་དྲགས་ནས་སྒལ་པར་རྨ་ཆགས་པ། |
| སྒལ་བ |
མི་དང་སྲོག་ཆགས་ཀྱི་རྒྱབ་ངོས་ཀྱི་མིང་སྟེ། མིའི་སྒལ་བ། རྟའི་སྒལ་བ་ཞེས་པ་ལྟ་བུ། མིང་མཐའ་བསྡུས་ན་སྒལ་ཞེས་འབྲི་ཆོག་སྟེ། བོང་བུའི་སྒལ་རྨ་ཞེས་པ་ལྟ་བུ། |
| སྒལ་བཅོས |
རྟ་དྲེལ་སོགས་ཀྱི་སྒལ་རྨ་བཅོས་པ། |
| སྒལ་མ |
ཡུལ ཁལ་ཕྱུགས། |
| སྒལ་མིག |
སྒལ་པ་ལ་རྨ་བཟོས་པའི་རྨ་མིག་གམ་རྨ་ཁ། |
| སྒལ་ཚགས |
སྒལ་པའི་རྨ་ཡོད་སར་སྨན་བཅོས་བྱེད་ཐབས། |
| སྒལ་ཚིགས |
སྒལ་གཞུང་གི་རུས་ཚིགས། ལུས་ཀྱི་རྩ་གནད་འདྲོང་ཐབས་སྒལ་ཚིགས་སྲོང་བ། |
| སྒལ་ཚིགས་ཉི་ཤུ་རྩ་བརྒྱད |
སྒལ་གཞུང་གི་ཚིགས་ཨན་སྟོང་ཡན་སྒེ་ལ་ལྔ་དང༌། མེ་བཙའི་གསང་ཉི་ཤུ། གཞུག་གུ་ཆུང་མན་ལ་གསུམ་བཅས་ཏེ་ཉི་ཤུ་རྩ་བརྒྱད་དོ། |
| སྒལ་རལ |
ཡུལ ངན་འཁྲེབ། རང་འཁྲིའི་ལས་འགན་ལེགས་སྒྲུབ་མི་བྱེད་པར་ངན་ཤེད་སྒལ་རལ་གྱིས་སྡོད་པ། ཁུག་ཀྱོག་གང་ཡིན་ལ་གབ་སྟེ་སྒལ་རལ་འཚོང་བ། |
| སྒལ་རལ་ཉག་རྐྱང |
ཡུལ བདེན་མེད་ཨུ་ཚུགས་མཐར་སྐྱེལ། བརྡ་འདེད་ཇི་ཙམ་བཏང་ཡང་གོ་མེད་སྒལ་རལ་ཉག་རྐྱང་བྱེད་པ། |
| སྒལ་རིལ་རྒྱག་པ |
རྟ་དྲེལ་སོགས་ས་ལ་ཉལ་ནས་འགྲེ་ལོག་བྱེད་པ། |
| སྒལ་རུས |
ལུས་ཀྱི་རྒྱབ་ཕྱོགས་རུས་པ། |
| སྒལ་རྣག |
ཡུལ རྒྱུངས་པ། |
| སྒལ་རྨ |
སྒལ་པར་ཆགས་པའི་རྨ། |
| སྒལ་ཤོར |
སྒལ་རྨ་བྱུང་བ། |
| སྒུ |
སྒུར་དང་དོན་འདྲ་སྟེ། ལུས་དགྱེ་སྒུ་བྱེད་ལྟ་བུ། |
| སྒུ་དོ |
1འུར་རྡོ་འཕེན་བྱེད་ཐག་པ། 2ཆུ་སྣོད། 3འབེན། |
| སྒུ་བ |
སྒུ་བོ་དང་འདྲ། |
| སྒུ་བོ |
སྒུར་པོ། མི་སྟོད་སྒུ་བོ་ཞིག་འཁར་བ་འཛུགས་བཞིན་འགྲོ་བ། |
| སྒུ་རུ་མ |
1ལུས་གུག་པའི་བུད་མེད། 2ཡུལ སྒུར་སྒུར། |
| སྒུ་རུ་རུ |
སྒུར་ཞིང་སྒུར་ཞིང་འགྲོ་བའི་དོན་ཏེ། རྒད་པོ་ལམ་ལ་འགྲོ་ན་སྒུ་རུ་རུ། བྱིས་པ་མེ་ཏོག་བཏུས་ན་སྒུ་རུ་རུ་ཞེས་པ་ལྟ་བུ། |
| སྒུ་རྡོ |
འུར་རྡོ་སྟེ། ཐི་གུའི་ཁུག་ཏུ་རྡོ་བཞག་ནས་འཕེན་བྱེད་ཡོ་བྱད་ཅིག |
| སྒུ་སྟེགས |
1སྟེགས་བུ། 2སྒེག་ཆོས། 3དགུ་ཚིགས། |
| སྒུག |
(བྱེད་འབྲེལ་ལས་ཚིག་ད་ལྟ་བ)དམིགས་ཡུལ་ཞིག་འགྲུབ་ཆེད་དུ་དུས་ཇེ་རིང་དུ་བཏང་བའམ་གནས་སྐབས་སུ་མི་འགྲོ་བར་འདུག་པ་སོགས་ཀྱི་དོན་ཏེ། ངས་གྲོགས་པོ་ལ་སྒུག་གིན་ཡོད། དུས་ཚོད་ཀྱིས་མི་ལ་སྒུག་མི་སྲིད། སྒུག་མཁན་ཞེས་པ་ལྟ་བུ། |
| སྒུག་པ |
ཐ་དད་པ བསྒུགས་པ། བསྒུག་པ། སྒུགས།། མ་ཡོང་བར་དུ་མི་འགྲོ་བར་སྡོད་པ། ཡུན་རིང་བསྒུགས་ཀྱང་སླེབས་མ་བྱུང༌། ལམ་ལ་སྒུག་པ། ཕེབས་སྒུག་ཞུ་བ། ལམ་གྲོགས་བྱུང་ན་སྙམ་ཉིན་ཤས་རིང་སྒུག་བསྡད་པ། |
| སྒུག་བྱེད |
མངོན གཞུ་རྒྱུད། |
| སྒུགས |
སྒུག་པའི་སྐུལ་ཚིག་ |
| སྒུད་པོ |
ཆུང་མའི་ཕ་ནི་མག་པའི་སྒུད་པོ་ཡིན། |
| སྒུད་མོ |
ཆུང་མའི་མ་ནི་མག་པའི་སྒུད་མོ་ཡིན། |
| སྒུམ་མདའ |
ཡུལ རྡེའུ་འཕེན་བྱེད་ཅིག་དབུས་ཕྱོགས་སུ་འགྱིག་མདའ་ཟེར། |
| སྒུམ་ཙམ |
ཡུལ ཉམ་ཆུང་ངམ་འཁོས་མེད། སྔར་སྒེར་དཔོན་སྒུམ་ཙམ་ཞིག་གིས་ཀྱང་དབང་ཡོད་ཐུབ་ཚོད་དེ་འདྲ་བཏང་ཆོག་པ་འདུག |
| སྒུམ་འཐུ་བ |
བྱེའུས་ས་ལས་རྩྭ་འབྲུ་སོགས་སྒྲུག་པ། |
| སྒུར |
(བྱེད་མེད་ལས་ཚིག) ལུས་མདུན་དུ་གུག་པའི་དོན་ཏེ། ལུས་རྒས་ནས་རྐེད་པ་སྒུར་ལྟ་བུ། |
| སྒུར་པོ |
1.མི་སྟོད་སྒུར་ཅན། 2.འདྲོང་པོ་མིན་པ། སྟོད་སྒུར། |
| སྒུར་བ |
ཐ་དད་པ བསྒུར་བ། བསྒུར་བ། སྒུར།། དུད་དུ་འཇུག་པའམ་ཕབ་པ། མགོ་བསྒུར་ཏེ་སྐད་ཆ་བཤད་པ། རྒས་ཤེས་ནས་སྒུར་ཤེས་པ། |
| སྒུར་འཁྱོག |
སྒུར་སྒུར་ཀྱོག་པོ། |
| སྒུར་རྡོ |
འུར་རྡོ་དང་མཚུངས། |
| སྒུར་སྒུར་པོ |
དབྱིབས་གཟུགས་ཐུར་དུ་སྒུར་སྒུར་པོ། དུད་འགྲོ་རྣམས་སྒུར་སྒུར་པོར་འགྲོ་བ། མགོ་བོ་སྒུར་སྒུར་བྱེད་པ། |
| སྒུལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) དངོས་པོ་གཡོ་འགུལ་བྱེད་དུ་འཇུག་པའི་དོན་ཏེ། རླུང་གིས་ཤིང་སྡོང་སྒུལ་བར་བྱེད། སྒུལ་མཁན་སྒུལ་ཅིག་ལྟ་བ། |
| སྒུལ་བ |
ཐ་དད་པ བསྒུལ་བ། བསྒུལ་བ། སྒུལ།། གཡོ་རུ་འཇུག་པའམ་དཀྲུག་པ། ལག་པས་ཤིང་སྡོང་བསྒུལ་ཏེ་ལོ་མ་ཕབ། རླུང་ཆེན་ཇི་ལྟར་གཡོ་ན་ཡང༌། རི་བོ་ཆེན་པོ་སྒུལ་མི་ཐུབ། |
| སྒུལ་ཤུགས |
སྒུལ་བར་བྱེད་པའི་ཤུགས་ཏེ། འཕྲུལ་འཁོར་འཁོར་བར་བྱེད་པའི་ནུས་ཤུགས་དཔེར་ན་རླུང་ཤུགས་དང༌། ཆུ་ཤུགས། གློག་ཤུགས། ཕྱུགས་ཤུགས་ལྟ་བུ། |
| སྒུལ་སྐྱོད |
སྒུལ་ཞིང་གཡོ་བའི་མིང༌། |
| སྒེ་ཁུང |
སྒེའུ་ཁུང་གི་འབྲི་ཚུལ་གཞན། |
| སྒེ་ཁུང་ཉིས་ཧྲལ |
མེ་ལོང་གཉིས་ཡོད་པའི་སྒེ་ཁུང༌། སྡོད་ཁང་ཀ་གཅིག་མ་སྒེ་ཁུང་ཉིས་ཧྲལ་ཡོད་པ། |
| སྒེ་གཤེར |
སྒ་སྨུག་རློན་པའི་མིང༌། |
| སྒེ་མོ |
ཡུལ སྒྱེ་མོའི་ཟུར་ཆག |
| སྒེ་སྒུ་ཅན |
ཡོན་པོའམ་ཀྱོག་ཀྱོག |
| སྒེག་ཆོས |
མཛེས་པའི་ཉམས་འགྱུར། |
| སྒེག་པ |
གར་ཀྱི་ཉམས་བརྒྱད་ཀྱི་ནང་གི་སྒེག་པའི་ཉམས་ཏེ། དགའ་ཞིང་ཆགས་པའི་ལུས་ཀྱི་རྣམ་འགྱུར་གྱི་མིང། སྒེག་ཉམས་ཞེས་པ་ལྟ་བུ། |
| སྒེག་པའི་ཉམས |
1ཉམས་ལྡན་གྱི་རྒྱན་གྱི་ནང་གསེས་ཤིག་སྟེ། ཡིད་དུ་འོང་བའི་ཡུལ་དང་ཕྲད་པའི་སྟོབས་ཀྱིས་ནང་དུ་དགའ་བ་འཕེལ་བའི་རྣམ་འགྱུར་སྒེག་ཉམས་སྟོན་པའི་རྒྱན་ཞིག 2གར་གྱི་ཉམས་དགུའི་ནང་གསེས། མཛེས་པ་ངོམ་པའོ། |
| སྒེག་མ |
སྒེག་ཆོས་ཅན་གྱི་བུད་མེད། |
| སྒེག་མོ |
མཛེས་མ། |
| སྒེག་མོ་མ |
མཆོད་པའི་ལྷ་མོའི་བྱེ་བྲག་ཅིག |
| སྒེག་འགྲོས |
འགྲོ་སྟངས་མཛེས་པོ། |
| སྒེག་འཆོས |
མཛེས་པའི་རྣམ་པ་སྟོན་པ། མིང་གི་རྣམ་གྲངས་ལ་གཅོད་བྱེད་དང༌། འཇོ་སྒེག་ཉེར་ཐོབ་ཅན། རྣམ་ཁེངས། རྣམ་གཅོད། རྣམ་འཕྲུལ། རྣམ་འཕྲོག་རྩེད་འཇོ། ཡུད་ཙམ་རོལ་བ། རོལ་བ་བཅས་སོ། |
| སྒེག་རྫས |
1གདོང་མཛེས་པའི་བྱུག་རྫས། 2མཆོར་སྒེག་གི་ལུས་ཆས། |
| སྒེག་ལྡན |
མངོན རྨ་བྱ། |
| སྒེའུ |
1སྒོ་ཆུང༌། 2རྙིང བཙོང༌། |
| སྒེའུ་ཁུང |
ཁང་པའི་ལོགས་སུ་བཟོས་པའི་ཉི་འོད་དང་རླུང་འགྲོ་སའི་དཀར་ཁུང༌། |
| སྒེའུ་གཤེར |
ལྒ་སྨུག་རློན་པ། |
| སྒེའུ་ཆུང |
1སྒོ་ཆུང་ངུ། 2རྙིང 1)སྒོག་སྐྱ། 2)འགྲོ་བ། |
| སྒེར |
སྤྱི་དང་ཐུན་མོང་གི་ལྡོག་ཟླ་སྟེ་བྱེ་བྲག་གམ་སྒོས། སྤྱི་དོན་སྒེར་དགྲར་གྱུར། སྒེར་གྱི་ཁེ་ཕན། སྒེར་གྱི་རང་དབང༌། གཞུང་སྒེར་གཉིས་ཕན། |
| སྒེར་ཁག |
གཞུང་སྒེར་ཆོས་གསུམ་ནང་གི་སྒེར་པ་ཁག |
| སྒེར་གཅོད |
དབང་ཆ་ཚད་མེད་བཟུང་ནས་གཅིག་པུས་ཐག་གཅོད་བྱེད་པ། |
| སྒེར་གཉེར |
སྒེར་གྱིས་བདག་གཉེར་བྱེད་པ། |
| སྒེར་གཞིས |
སྔར་དཔོན་རིགས་སོ་སོའི་སྒེར་གྱི་ཕ་གཞིས་སམ་ཐབ་རྟེན་དུ་བྱུང་བའི་གཞིས་ཀ། |
| སྒེར་གཡོག |
སྒེར་གྱི་གཡོག་པོ། |
| སྒེར་གསོག |
རང་གིས་སྒེར་དོན་དུ་རྒྱུ་དངོས་གསོག་པ། |
| སྒེར་ཆོས་རང་དཔོན |
སྒེར་ཁག་དང་དགོན་སྡེའི་ལས་སྣེའི་མིང༌། |
| སྒེར་ཉེར་སྟེར་ཚོང |
ཉེ་ཕྱོགས་ལ་དངོས་པོ་སྟེར་བ་དང་ཚོང་བ། གཞུང་གི་རྒྱུ་དངོས་ཐོག་ནས་སྒེར་ཉེར་སྟེར་ཚོང་མི་ཆོག |
| སྒེར་དཔོན |
སྔར་ཞིང་བྲན་གྱི་བདག་པོ་སྡེ་དཔོན་མི་དྲག་ལྟ་བུ། |
| སྒེར་དབང |
སྒེར་ལ་དབང་བའམ་སྒེར་སྡོམ། |
| སྒེར་དོན |
རང་དོན། སྒེར་དོན་ཡིད་ལ་བརྣག་པ། |
| སྒེར་པ |
ས་ཞིང་མི་སེར་དང་བཅས་པ་སྒེར་ལ་དབང་མཁན་མི་དྲག་ཆེ་ཆུང་སྤྱིའི་མིང༌། |
| སྒེར་བདག |
སྒེར་ལ་དབང་བ། སྤྱི་ནོར་སྒེར་བདག་བྱེད་པ། |
| སྒེར་བཙན |
1 མི་སྒེར་གྱིས་དབང་དུ་སྒྱུར་བ། ས་གནས་སྒེར་བཙན། 2 སྔར་བཀའ་གཏན་དམིགས་བསལ་ཅན་མང་པོ་ཡོད་པའི་སྒེར་པ། |
| སྒེར་མཇལ |
ཟུར་དུ་མཇལ་འཕྲད་བྱས་པ། |
| སྒེར་ཚོང |
མི་སྒེར་གྱི་ཚོང་ལས། |
| སྒེར་རུ |
སྔར་དཔོན་རིགས་སོ་སོ་སྒེར་ལ་དབང་བའི་གནག་ཕྱུགས་སེམས་ཅན་གྱི་རུ་བ། |
| སྒེར་རྟ |
སོ་སོའི་རྟ། |
| སྒེར་རྩེ |
རྫོང་ཞིག་བོད་རང་སྐྱོང་ལྗོངས་ཀྱི་ནུབ་བྱང་ངོས་སུ་ཡོད་ཅིང༌། བྱང་རྒྱུད་ཞིན་ཅང་ཡུ་གུར་རང་སྐྱོང་ལྗོངས་དང་འབྲེལ་ནས་ཡོད། རྫོང་མི་དམངས་སྲིད་གཞུང་དེ་ལུ་མ་རིང་པོར་ཡོད། |
| སྒེར་ལངས |
རྒྱལ་ཁབ་བམ་སྲིད་དབང་ཞིག་རྒྱལ་ཁབ་བམ་སྲིད་དབང་གཞན་ཞིག་གི་དབང་སྒྱུར་འོག་ཏུ་མ་ཚུད་པར་རང་བཙན་དུ་གནས་པ། |
| སྒེར་ལྷ |
རང་རང་ལ་འགོ་བའི་ལྷ་སྲུང༌། |
| སྒེར་སེམས |
རང་དོན་གྱི་བསམ་པ། མཛའ་བརྩེའི་གྲོགས་པོར་སྒེར་སེམས་མེད་པའི་རོགས་རམ་བྱེད་པ། |
| སྒོ |
1 འགྲོ་འོང་བྱེད་སའམ་ཁུང་བུ། རྒྱ་སྒོ། ཕྱི་སྒོ། བར་སྒོ། ནང་སྒོ། གཞུང་སྒོ། གནམ་སྒོ། འོག་སྒོ། འཇུག་སྒོ། སྨྲ་བའི་སྒོ། སྒོ་གཅོད་པ། ཅ་ལག་ནང་དུ་བཅུག་ནས་སྒོ་བརྒྱབ་པ། ནང་དུ་འཛུལ་མ་ཐག་ཏུ་སྒོ་འགྲིག་པ། ལྡེ་མིག་ཁྱེར་ནས་སྡོད་ཁང་གི་སྒོ་ཕྱེ་བ། འགྲུལ་པ་ཞིག་གིས་མཚན་མོ་གནས་ཚང་གི་སྒོ་རྡུང་བ། སྟ་རེ་ཁྱེར་ནས་སྒོ་གཏོར་བ། མིང་གི་རྣམ་གྲངས་ལ་སྒོ་མོ་དང༌། སྒྲིབ་བྱེད། ཆབ་སྒོ་བཅས་སོ། 2 ཐབས་ཚུལ། འཇུག་སྒོ། ཡོན་ཏན་སྦྱོང་བའི་སྒོ་ནི་བརྩོན་འགྲུས་ཡིན། རིམ་པ་དང་ལྡན་པའི་སྒོ་ནས་ལས་འགན་སྒྲུབ་པ། རྣམ་ཐར་སྒོ་གསུམ། སྒོ་ཀུན་ནས་འབད་བརྩོན་བྱེད་པ། 3 བརྩོན་པའི་སྐེ་ལ་གཡོག་རྒྱུའི་ཁྲིམས་ཆས་ཤིག 4.ད་ལྟ་བ་སྟེ། རས་ལ་ཚོན་རྩི་སྒོ་མཁན་ཞེས་ལྟ་བུ། |
| སྒོ་ཀུན |
ཕྱོགས་ཚང་མ། |
| སྒོ་ཀུན་འགྲོ |
མངོན ཆུ། |
| སྒོ་ཀླད |
སྒོའི་ཐོད་ཀྱི་འཕྲེད་ཤིང༌། |
| སྒོ་ཁ |
སྒོ་འགྲམ། |
| སྒོ་ཁང |
1 སྒོ་སྲུང་སྡོད་ཁང༌། 2 སྒོའི་ཀླད་ཀྱི་ཁང་པ། |
| སྒོ་ཁང་གད་གསུམ |
སྔར་རྩེ་པོ་ཏ་ལའི་རྒྱལ་སྒོ་དང་ལྟག་སྒོའི་ར་བ་དང༌། ཁང་གཉེར། གད་པ་བཅས་ཀྱི་བསྡུས་མིང༌། |
| སྒོ་ཁྱམས |
སྒོའི་ཕྱི་ལ་ཡོད་པའི་ཁྱམས། |
| སྒོ་ཁྱི |
བདག་པོ་ཡོད་པའི་ཁྱི། སྒོ་ཁྱི་ཐག་འབྱར་མ། སྤྱང་ཕྲུག་གསོས་ཀྱང་སྒོ་ཁྱི་མི་ཉན། |
| སྒོ་ཁྱིམ |
1ཨང་ཡིག་སོགས་ཀྱི་ཀླད་དུ་བྲིས་ནས་ལོགས་སུ་དགར་བྱེད་ཀྱི་གུག་རྟགས། 2 སྒོ་སྲུང་སྡོད་ཁང༌། |
| སྒོ་ཁྱིམ་ཅན |
རེའུ་མིག་ནང་དུ་སྒོ་ཁྱིམ་ལྟ་བུ་ལོགས་སུ་བཀར་བའི་རྟགས་ཡོད་པའི་རི་མོ། |
| སྒོ་ཁྱུད |
སྒོའི་ཕྱི་ལ་བརྒྱབ་པའི་སྲུང་འགོག་གི་ལྕགས་རི་སྒོ་ཅན། |
| སྒོ་ཁྲ |
ཐེམ་ཐོ་སྟེ། ཐེམ་དུད་དང་དེའི་ས་ཁང་མི་གསུམ་གྱི་ཐོ། སྒོ་ཁྲ་ཐེམ་བཤེར། |
| སྒོ་ཁྲལ |
འགག་སྒོའི་ཁྲལ་རིགས། |
| སྒོ་ཁྲི |
ནད་པ་སོགས་ཕར་ཚུར་སྐྱེལ་བའི་འགྱོགས་ཁྲི། |
| སྒོ་གཏན |
སྒོའི་འཕྲེད་གཏན་ནམ་འཁོར་གཏན། ཁང་པའི་ནང་དུ་འཛུལ་ཏེ་སྒོ་གཏན་རྒྱག་པ། |
| སྒོ་གསུམ |
ལུས། ངག་ཡིད་དེ་གསུམ། སྒོ་གསུམ་གུས་པ་ཆེན་པོས་ཞུ་གསོལ། |
| སྒོ་གསེང |
སྒོའི་བར་གསེང༌། སྒོ་པང་དམ་པོར་འགྲིག་མེད་སྟབས་ནང་གི་འཛིན་ཆས་རྣམས་སྒོ་གསེང་ནས་གསལ་པོ་མཐོང་བྱུང༌། |
| སྒོ་གླེགས |
སྒོའི་མེ་ལོང༌། |
| སྒོ་ང |
བྱ་འབྲས། དྲོ་སར་སྒོ་ང་བསྙལ་བས་སྒོ་ངའི་སྦུབས་སུ་བྱིའུ་ཆགས་པ། དཔྱིད་དུས་བྱ་མོས་སྒོ་ང་གཏོང་བའི་འགོ་ཚུགས་པ། མིང་གི་རྣམ་གྲངས་ལ་སྒོང༌། སྦུབས། མཛོད། ཤུབས་བཅས་སོ། |
| སྒོ་ངའི་སེར་རིལ |
སྒོ་ངའི་ནང་རྩི་སེར་པོ། ཨ་ཡོད་ནང་གི་ད་ཡོད། སྒོ་ངའི་ནང་གི་སེར་རིལ། |
| སྒོ་ངས་བྲག་རྡུང |
མི་ཐུབ་དགྲ་ལ་འགྲན་པའི་དཔེ། སྟོབས་མེད་གཞན་ལ་འགྲན་འདོད་པ། སྒོ་ངས་བྲག་རྡུང་བྱེད་དང་མཚུངས། |
| སྒོ་ཐེམ |
སྒོའི་ཐེམ་པ། སྒོ་ཐེམ་སྤངས་པ། |
| སྒོ་ཐེལ |
སྒོ་ལ་བརྒྱབ་པའི་ཐེལ་ཚེ། ཁྱིམ་གྱི་སྒོ་ལ་སྒོ་ཐེལ་བརྒྱབ་པ། |
| སྒོ་ཐོད |
སྒོ་ཀླད། |
| སྒོ་ཐོད་མཛེས་རྒྱན |
བོད་ལུགས་ཀྱི་ཕོ་བྲང་སོགས་ཁང་བཟང་གི་སྒོ་ཐོད་ནས་རིམ་བཞིན་གདུང་མ་སེང་ཅན། བབ་ཁེབས། བབ། ཁ་ཤིང༌། ལྕམ་བཅས་མཛེས་སྤྲོས་རྣམས། |
| སྒོ་དཀྱིལ་མ |
དབུས་མའི་སྒོ། |
| སྒོ་དཔོན |
སྒོ་འབྱེད་སྡོམ་བྱེད་པ་ལ་དབང་ཆ་ཡོད་པའི་དཔོན། |
| སྒོ་དར |
1 ཁང་པའི་སྒོར་བཏགས་པའི་ཁ་བཏགས། 2 སྒོ་སྟེང་གི་དར་ཆ། |
| སྒོ་དེབ |
ཐེམ་ཐོ། |
| སྒོ་དྲུག་པའི་གཟུངས |
འགྱུར་བྱང་མེད་པ། |
| སྒོ་དྲུང |
སྒོ་འགྲམ་མམ་སྒོ་རྩ། |
| སྒོ་ནག |
མི་ཤི་ནས་ལོ་གཅིག་མ་ལོན་རིང་གི་མི་ཚང༌། |
| སྒོ་ནས |
(སྦྱོར་ཚིག) བྱེད་ཐབས་སྟོན་པའི་ཚིག་སྟེ། དྲག་པོའི་སྒོ་ནས་དགྲ་བཏུལ། ཐབས་སྣ་ཚོགས་ཀྱི་སྒོ་ནས་ཐོན་སྐྱེད་གོང་འཕེལ་བྱེད་ལྟ་བུ། |
| སྒོ་ནོར |
སྒོ་ཕྱུགས། |
| སྒོ་པ |
སྒོ་སྲུང༌། |
| སྒོ་པང |
སྒོ་གླེགས། |
| སྒོ་ཕིབས |
སྒོ་ཕྱི་ནང་གི་ཐོད་དུ་ཕུབ་པའི་ཐོག |
| སྒོ་ཕྱུགས |
ཡུལ་པའི་སྒོ་རྩར་བསྟེན་པའི་ཕྱུགས་རིགས། |
| སྒོ་ཕྱུགས་སྨན་བཅོས་ཁང |
ཁྱིམ་དུ་གསོ་བའི་ཕྱུགས་རིགས་སྨན་ཁང༌། |
| སྒོ་བ |
1. ཐ་དད་པ བསྒོས་པ། བསྒོ་བ། སྒོས།། 1 བཀའ་གནང་བ་དང༌། བསླབ་བྱ་གཏོང་བ། ཡོངས་ཁྱབ་ལ་འདི་ལྟར་བྱེད་དགོས་ཞེས་བཀའ་བསྒོས་སོང༌། 2 དྲི་ནག་སོགས་འགོས་པར་བྱེད་པ། བག་ཆགས་བསྒོས་པ། ན་ཚ་བསྒོས་པ། 2. སྒོ་སྲུང༌། |
| སྒོ་བཀག |
ཁང་པའི་ནང་ལམ་སང་མི་མཐོང་བའི་ཆེད་དུ་སྒོ་ནང་བཙུགས་པའི་སྒམ་ཤག |
| སྒོ་བཟང་པོའི་གཟུངས |
འཕགས་པ་སྒོ་བཟང་པོའི་གཟུངས་ཞེས་བྱ་བ་རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། |
| སྒོ་བཤད |
བག་མ་གཏོང་མཁན་ཕྱོགས་ཀྱི་མི་ཞིག་གིས་གཏོང་ཡུལ་གྱི་སྒོ་ལ་བཤད་པའི་ཤིས་ཚིག |
| སྒོ་བསྡུ་བ |
རྣམ་པར་བཤད་པའི་སྒོ་བསྡུ་བའི་བསྡུས་ཚིག་ |
| སྒོ་བྱང |
1 སྒོ་ཐོད་ཀྱི་མིང་བྱང་ཡི་གེ། 2 སྒོ་ལ་སྦྱར་བའི་ཡི་གེ། |
| སྒོ་མ |
1 ལུས་ཀྱི་རྩའི་བྱེ་བྲག་ཅིག 2 དཀྱིལ་འཁོར་གྱི་སྒོ་སྲུང་ལྷ་མོ། |
| སྒོ་མ་བཞི |
གསང་སྔགས་ཀྱི་དཀྱིལ་འཁོར་གྱི་སྒོ་བཞི་སྲུང་བའི་ལྷ་མོ་བཞི་སྟེ། ལྕགས་ཀྱུ་མ། ཞགས་པ་མ། ལྕགས་སྒྲོག་མ། དྲིལ་བུ་མ་སྟེ་བཞི། |
| སྒོ་མང་གྲྭ་ཚང |
འབྲས་སྤུངས་མཚན་ཉིད་གྲྭ་ཚང་གི་ཡ་གྱལ་ཞིག་ཡིན་པ་འདིར། ཨ་མདོ་འཇམ་དབྱངས་བཞད་པའི་མཚན་ཉིད་ཡིག་ཆ་རྩལ་འདོན་བྱེད་ཅིང༌། གྲྭ་རྒྱུན་ཡང་གཙོ་ཆེར་ཨ་མདོ་དང༌། སོག་པོ་སོགས་ནས་ཡོང་བ་ཡིན། |
| སྒོ་མཆོར |
གཙུག་ལག་ཁང་དང༌། དགེ་འདུན་འདུ་ཁང་སོགས་ཀྱི་གཞུང་སྒོའི་མདུན་ཁྱམས་ཐོག་གཡབ་ཅན། མི་འགའ་ཞིག་གིས་སྒོ་མཆོར་འོག་ཏུ་སྒུག་པ། |
| སྒོ་མཐའ་ཡས་པ་རྣམ་པར་སྦྱོང་བ་བསྟན་པའི་ལེའུ |
བམ་པོ་བཞི་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ལོ་ཙཱ་བ་རཀྵི་ཏས་བསྒྱུར་བ། |
| སྒོ་མཐའ་ཡས་པ་སྒྲུབ་པའི་མདོ |
ཤོ་ལོ་ཀ་ཉིས་བརྒྱ་དང་བཅུ་པ་འགྱུར་བྱང་མེད་པ། |
| སྒོ་མདོ |
སྒོའི་ཕྱི་རོལ་གྱི་འགག |
| སྒོ་མཚམས |
1སྒོ་རྩའམ། སྒོ་འགྲམ། 2 ཕྱོགས་དང་མཚམས། |
| སྒོ་མོ |
ཁང་བའི་སྒོ་ཆེན་གྱི་མིང། སྒོ་དང་ཆ་འདྲ་བའི་སྒོ་ནས་བཏགས་པའི་མིང་སྟེ། ཁང་སྒོ། ཁ་སྒོ། ཆུ་སྒོ། རླུང་སྒོ་ཞེས་པ་ལྟ་བུ། ０སྡེ་ཚན་ནམ་སྐོར་ཁག་གི་མིང་སྟེ། རིག་པའི་སྒོ་བརྒྱ། ཡོན་ཏན་ཀྱི་སྒོ་མོ་བརྒྱ་ཕྲག་ཅེས་པ་ལྟ་བུ། １ཐབས་དང་ནུས་པའི་དོན་ཏེ། དགེ་རྒན་གྱིས་སློབ་མའི་བློ་སྒོ་འབྱེད་དགོས། བྱིས་པ་འདིའི་ངག་སྒོ་ཧ་ཅང་ཡངས་(སྐད་ཆ་བཤད་པའི་ནུས་པ་ཆེ་བ)ཞེས་པ་ལྟ་བུ། ２ཚུར་བསྡུས་པ་དང་ཕར་བཏང་བའི་རྒྱུ་ནོར་གྱི་མིང་སྟེ། འགྲོ་སྒོ། ཡོང་སྒོ་ཞེས་པ་ལྟ་བུ། ３ཡུལ་སྐད་ལ་ལར་ངོ་གདོང་ལ་སྒོ་ཞེས་བཤད་སྲོལ་ཡོད་དེ། ཕོ་སྒོ་(ཕོའི་བཞིན་རས་ཀྱི་རྣམ་པ)མོ་སྒོ་(མོའི་བཞིན་རས་ཀྱི་རྣམ་པ)ཞེས་པ་ལྟ་བུ། ４བསྒོ་ཡི་ད་ལྟ་བ། |
| སྒོ་མོ་ཆེ |
སྒོ་ཆེན་པོ། |
| སྒོ་ཚད |
གཞུང་སྒོ་ཆེ་ཆུང་གི་ཆ་ཚད། |
| སྒོ་ཟམ |
སྒོའི་རུ་མེ་གཉིས་ཀྱི་བར་དུ་བཏང་བའི་ཐེའུ་རྒྱག་སའི་སྐུད་སྒྲོག སྡོད་ཁང་རྒྱུ་དངོས་དང་བཅས་པར་སྒོ་ཟམ་འཐེན་པ། གཉེར་ཚང་ལ་སྒོ་ཟམ་འཐེན་ནས་འགྲོ་ས་མི་འདུག |
| སྒོ་ཟོག |
སྒེར་ལ་དབང་བའི་ཕྱུགས་རིགས། |
| སྒོ་འཁྲིས |
སྒོ་འགྲམ། |
| སྒོ་འཁྲོལ |
སྔར་བཙོན་པའི་སྐེའི་སྒོ་འཁྲོལ་སྐབས་སྒོ་འཁྲོལ་རྟ་ལྕག་ཅེས་རྟ་ལྕག་གཞུ་སྲོལ་དེར་ཟེར། |
| སྒོ་འགག |
ཡུལ སྒོ་འགྲམ། |
| སྒོ་འགྲམ |
1 སྒོའི་ཉེ་འགྲམ། 2 གཙུག་ལག་ཁང་ངམ་ཕོ་བྲང་ལྟ་བུའི་སྒོ་མདུན་གཡས་གཡོན་གྱི་རྩིག་པ། 3 སྒོའི་འགྲམ་པ་སྟེ། སྒོའི་རུ་བཞི་ནང་གི་གཡས་གཡོན་གཉིས། |
| སྒོ་འཕར། |
སྒོ་གཅོད་བྱེད་ཀྱི་ཤིང་སོགས་ཀྱི་གླེགས་བུའི་མིང་སྟེ། སྒོ་གླེགས་ཀྱང་ཟེར། |
| སྒོ་འཕྱོར |
སྒོ་མཆོར་དང་འདྲ། |
| སྒོ་འབོར |
སྒོའི་མེ་ལོང་གི་ལྡེབས་ལ་སྦྱར་བའི་རྒྱན་ཆ། |
| སྒོ་འབོར་ཨ་ལོང |
སྒོ་གླེགས་སྒང་གི་ཨ་ལོང་དང༌། དེ་འཛུགས་སའི་འོག་གདན། |
| སྒོ་ཡིག |
1 སྒོ་པང་གི་ཐོག་ཏུ་སྦྱར་ནས་ཕྱོགས་མཚམས་སུ་སྤོ་འཁྱེར་བྱེད་པའི་རྩ་ཚིག 2 བཙོན་པ་ནག་ཅན་གྱི་སྐེ་ལ་གཡོགས་པའི་སྒོ་སྟེང་དུ་སྦྱར་བའི་ཉེས་བྱས་ཡི་གེ། |
| སྒོ་ཡུས |
རྙིང ཞུ་གཏུག |
| སྒོ་ཡོལ |
སྒོ་སྒྲིབ་བྱེད་ཀྱི་ཡོལ་བ། |
| སྒོ་ར |
ར་སྐོར། |
| སྒོ་ར་ཕྱི་མ |
ར་སྐོར་ཕྱི་མ། |
| སྒོ་ར་བ |
སྒོ་སྲུང་སྐྱོབ་བྱེད་མཁན། |
| སྒོ་ར་སྦུག་མ |
ར་སྐོར་ནང་མ། |
| སྒོ་རུ |
སྒོའི་མེ་ལོང་བགར་ས་སྟེང་འོག་གཡས་གཡོན་དུ་བཏང་བའི་སྒྲོམ་ཤིང༌། |
| སྒོ་རྒྱ |
སྒོ་ལ་བརྒྱབ་པའི་དམ་རྒྱ། ནག་ཅན་གྱི་སྡོད་ཁང་ལ་སྒོ་རྒྱ་ཐེའུས་གནོན་པ། |
| སྒོ་རྒྱན |
སྒོའི་རྒྱན་ཆ། |
| སྒོ་རྒྱབ |
སྒོའི་རྒྱབ་ལོགས། |
| སྒོ་རྟགས |
སྒོའི་ཨང་གྲངས། |
| སྒོ་རྩ |
སྒོ་འགྲམ། |
| སྒོ་ལོགས |
སྒོའི་གཡས་གཡོན་གཉིས་ཕྱོགས་ཀྱི་རྩིག་པ། |
| སྒོ་ལྔའི་ཤེས་པ |
དབང་པོ་སྒོ་ལྔ་ལ་བརྟེན་ནས་སྐྱེས་པའི་ཤེས་པ་སྟེ། མིག་རྣ་སྣ་ལྕེ་ལུས་བཅས་ཀྱི་དབང་པོ་རྣམས་ཀྱི་ཤེས་པའོ། |
| སྒོ་ལྕགས |
སྒོ་བཙན་པོར་གཅོད་བྱེད་ཡོ་བྱད་ཅིག རྐུན་མ་ནང་ལ་བཞག་ནས། སྒོ་ལྕགས་ཕྱི་ལ་རྒྱག་པ། ཕྱི་ལ་འགྲོ་དུས་བྲེལ་བ་བྱས་ནས་སྒོ་ལ་སྒོ་ལྕགས་བརྒྱབ་ཀྱང་མ་ཐེབས་པ། |
| སྒོ་ལྕིབས |
སྒོའི་ལྕིབས་ཕུར། རྒྱུག་ཆུ་རུལ་མི་སྲིད། སྒོ་ལྕིབས་འབུས་མི་ཟ། |
| སྒོ་ལྡང |
ཡུལ སྒོའི་རུ་བཞིའི་གཡས་གཡོན་དུ་བསླངས་པའི་ཤིང༌། |
| སྒོ་ལྷ |
སྒོ་ལ་གནས་པའི་ལྷ། |
| སྒོ་སྐྱེས |
རྙིང 1 ཨ་ཤིང༌། 2 རྟ་བབས། |
| སྒོ་སྐྱོང |
སྒོ་སྲུང༌། |
| སྒོ་སྤེ |
སྒོ་མཆོར་གྱི་ཐོག་ཁང༌། |
| སྒོ་སྲུང |
སྒོ་སྲུང་སྐྱོབ་བྱེད་མཁན། མིང་གི་རྣམ་གྲངས་ལ་སྒོ་སྐྱོང་དང༌། སྒོ་སྐྱོབ། སྒོ་གནས། སྒོ་བ། སྒོ་ཡི་མེལ་ཚེ་མཁན། ཆབ་སྒོ་བ། སྤྱན་གཟིགས་པ་བཅས་སོ། |
| སྒོག |
(བྱེད་འབྲེལ་ལས་ཚིག་ད་ལྟ་བ) <ཀ>དམ་པོར་བཅིངས་པའི་དོན་ཏེ། སྒོག་བྱེད་ཀྱི་ཐག་པ་ཞེས་པ་ལྟ་བུ། |
| སྒོག་གཏུན |
སྒོག་པ་སོགས་རྡུང་བྱེད་རྡོའི་ཡས་གཏུན་མས་གཏུན། |
| སྒོག་ཆབ |
སྒོག་སྐྱ་ཚོས་ལ་བསྣུར་བའི་ཁུ་བ་འདིའི་ནུས་པས་རླུང་དང་ཚད་པ་འཐབ་པ་ལ་ཕན། |
| སྒོག་ཏིང |
སྒོག་གཏུན་དང་འདྲ། |
| སྒོག་ཐལ |
སྒོག་སྐྱ་བུམ་པ་ལྟ་བུའི་སྣོད་ནང་བླུགས་ནས་ཁ་འདག་པས་བཀག་ལ་དུ་བ་མ་ཤོར་བ་ནུས་ལྡན་བསྲེགས་པའི་ཐལ་བ་སྟེ། ནུས་པས་རླུང་རིམས་ཀྱིས་འབོགས་པ་དང༌། འཐིབ་པ་སོགས་སེལ། |
| སྒོག་པ |
1. ཐ་དད་པ བསྒགས་པ། བསྒག་པ། སྒོགས།། མནའ་སྐྱེལ་འཇུག་པ། འུ་ཐུག་ནས་མནའ་བསྒགས་ཀྱང་མི་ཕན། 2. ཀེའུ་སྟེ་སྒོག་སྐྱ། སྒོག་པ་ལྐོག་ཏུ་བཟས་ཀྱང༌། སྒོག་དྲི་ངོས་ལ་ཁ་བ། མིང་གི་རྣམ་གྲངས་ལ་ཀུན་དོང་དང༌། ཀླ་ཀློའི་སྤོས། སྒེའུ། རོ་ལྡན། ལྷ་མིན་ཁྲག་བཅས་སོ། |
| སྒོག་པ་ཆིག་སྐྱེས |
སྒོག་པའི་རིགས་རྩ་བ་ཁ་མ་གྱེས་པ་གོང་བུ་གཅིག་ཏུ་གྱུར་པ་ཞིག |
| སྒོག་པ་རི་སྒོག |
སྔོ་ཚལ་གྱི་རིགས་ཤིག |
| སྒོག་པ་སིལ་བརྡུངས |
སྣ་རེ་རེ་བཞིན་ཐག་གཅོད་བྱེད་པའམ་རེ་རེ་བཞིན་ཞིབ་ཚགས་བྱེད་པའི་དཔེ། |
| སྒོག་ཕོར |
ཤིང་གི་ཁ་གཅོད་ཅན་གྱི་ཤིང་ཕོར། |
| སྒོག་བཙོང |
སྒོག་པ་དང་བཙོང༌། |
| སྒོག་བསིལ |
སྔོ་ཞིག |
| སྒོག་འདོན |
སྒོག་སྐྱ་ཚོས་པར་བཙོས་ལ་བསྣུར་ཏེ་དེའི་སྟེང་མར་དང༌། རུས་ཁུ། རྒྱམ་ཚྭའི་ཕྱེ་བཅས་བཏབ་པ་བཙོས་ནས་རླུང་ནད་ལུས་ལ་གནས་པ་ཕྱིར་འདོན་པར་བྱེད་པའི་འཕུལ་བྱེད་སྨན་གྱི་རྟ་ཞིག |
| སྒོག་རྡོག |
སྒོག་པའི་རྩ་བ་རིལ་རིལ། |
| སྒོག་སྐྱ |
སྔོ་སྨན་གྱི་རིགས་ཤིག་སྟེ། རོ་ཚ། ཞུ་རྗེས་དྲོད་ནུས་པས་རླུང་ཚད་སེལ། དུག་ནད་དང་མཛེ་ནད་ལ་ཕན། སྲིན་གསོད། |
| སྒོག་སྔོན |
རི་སྐྱེས་སྒོག་པའི་རིགས་ཤིག་སྟེ། རོ་ཚ། ཞུ་རྗེས་དྲོད། ནུས་པས་གཉིད་འཕེལ། ཟས་ཞུ། བད་རླུང་སེལ། |
| སྒོགས |
སྐུལ་ཚིག་སྟེ། སྒོགས་ཤིག་ལྟ་བུ། <ཁ>འགོག་སྡོམ་བྱས་པའི་དོན་ཏེ། ལམ་བསྒགས་ཞེས་པ་ལྟ་བུ། <ག>བཙན་སྐུལ་བྱས་པའི་དོན་ཏེ། རང་དམག་གིས་བཟུང་དམག་ལ་འདྲི་གཅོད་བྱས་ནས་ཚིག་བསྒགས། མནའ་བསྒགས་ཞེས་པ་ལྟ་བུ། སྒོག་པ་ཞེས་པའི་རྟགས་མཐའ་བསྡུས་པ། |
| སྒོང |
(བྱེད་འབྲེལ་ལས་ཚིག) མེ་སྟེང་དུ་བུད་ཤིང་སོགས་སྤུངས་པའི་དོན་ཏེ། མེ་ལ་སོལ་བ་སྒོང་། བུད་ཤིང་སྒོང་། མེ་སྒོང་བརྒྱབ་ལྟ་བུ། སྒོ་ང་ཞེས་པའི་མིང་མཐའ་བསྡུས་པ། 2.(བྱེད་འབྲེལ་ལས་ཚིག་དང་ད་ལྟ་བ)ཕྱེ་རྩམ་སོགས་རྡོག་པོ་བྱས་པའི་དོན་ཏེ། ཟན་སྒོང་ལྟ་བུ། |
| སྒོང་ཁྲལ |
སྔར་སྒོ་ང་བསྡུ་བའི་ཁྲལ། |
| སྒོང་ཆུ |
སྒོ་ངའི་སྤྲིས། |
| སྒོང་ཐོག་པ |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་རིམས་ཚད་དང་ཤ་དུག་འཁྲུགས་ཚད། སྙིང་རླུང་བཅས་ལ་ཕན། མིང་གི་རྣམ་གྲངས་ལ་འདྲེ་དཔལ་གང༌། འདྲེ་མོ་ཡུངས་ཀར། སྤྲེལ་སྨན་སངས་རྒྱས་སྐྱབས། བྲ་བ་ཤིང༌། ཨ་བྲ་ཐང་ཤིང་བཅས་སོ། |
| སྒོང་བ |
ཐ་དད་པ བསྒོངས་པ། བསྒོང་བ། སྒོངས།། 1 རིལ་མོར་བྱེད་པའམ་གོང་བུ་བཟོ་བ། ཟན་བསྒོངས་ཏེ་ཉ་ལ་སྟེར་བ། 2 ཡུལ མེ་སྟེང་དུ་བུད་ཤིང་སོགས་སྤུང་བ། མེ་སྒོང་བརྒྱབ་པ། མེ་ལ་སོལ་སྒོང༌། |
| སྒོང་འབྲས |
མར་སྣུམ་ལ་བརྔོས་པའི་སྒོ་ང། |
| སྒོང་རྡོག |
1 སྒོ་ངའི་རྡོག་པོ། སྒོང་རྡོག་བཅོ་ལྔ། སྒོང་རྡོག་ཆུང་བ། 2 རླིག་རིལ། |
| སྒོང་ཤུན |
1 སྒོ་ངའི་ཕྱི་སྐོགས། 2 སྒོ་ངའི་སྐོགས་ཀྱི་ནང་ཤུན། |
| སྒོང་ཤུན་མ |
ཤིན་ཏུ་སྲབ་པ། ཀ་ཅི་སྒོང་ཤུན་མ། དཀར་ཡོལ་སྒོང་ཤུན་མ། |
| སྒོང་སྐྱེས |
1 སྐྱེ་གནས་བཞིའི་ནང་གསེས། སྒོ་ང་ལས་སྐྱེས་པ་སྟེ། བྱ་དང་ཉ་དང་སྦལ་ལྕོང་དང་རྩངས་པ་སོགས། 2 མངོན 1. ཉ། 2. བྱ། |
| སྒོང་སྤྲི |
སྒོ་ངའི་ནང་གི་གཤེར་ཁུའི་མིང་། |
| སྒོང་སྤྲིས |
སྒོ་ངའི་ནང་རྩི་དཀར་པོ། |
| སྒོངས |
སྐུལ་ཚིག་སྟེ། ཟན་སྒོངས་ཤིག་ལྟ་བུ། |
| སྒོབ |
སྒབ་པའི་སྐུལ་ཚིག་ |
| སྒོམ |
(བྱེད་འབྲེལ་ལས་ཚིག་ད་ལྟ་བ)ཡིད་ལ་ཡང་ཡང་དྲན་དུ་འཇུག་པ་སྟེ། བཟོད་སྒོམ་ཞེས་པ་ལྟ་བུ། མ་འོངས་པ་ལ་བསྒོམ་འབྲི་སྟེ། བསམ་བྱ། བསྒོམ་བྱ་ཞེས་པ་ལྟ་བུ། འདས་པ་ལ་བསྒོམས་དང་སྐུལ་ཚིག་ལ་སྒོམས་འབྲི་སྟེ། བཟོད་པ་བསྒོམས། བཟོད་པ་སྒོམས་ཤིག་ལྟ་བུ། སངས་རྒྱས་ཆོས་ལུགས་ཀྱི་བློ་སེམས་རྩེ་གཅིག་ཏུ་གནས་པའམ་དེ་ལྟར་བྱེད་པའི་ཆོ་ག་ཞིག་གི་མིང་། |
| སྒོམ་ཁང |
སྒོམ་རྒྱག་སའི་ཁང་པ། |
| སྒོམ་གྲྭ |
སྒོམ་མཁན་ཚོགས་པའི་གནས། |
| སྒོམ་ཆེན |
1 རྣལ་འབྱོར་པའི་མིང༌། 2 འཕྱི་བའི་རིགས་ཤིག |
| སྒོམ་ཐག |
སྒོམ་ཆེན་གྱི་པུས་འཁྱུད། |
| སྒོམ་ཐབས |
ཞི་གནས་སོགས་སྒོམ་པའི་ཐབས། |
| སྒོམ་པ |
1. ཐ་དད་པ བསྒོམས་པ། བསྒོམ་པ། སྒོམས།། བསམ་དོན་ཡང་ཡང་ཡིད་ལ་འདྲིས་པར་བྱེད་པ། ཏིང་ངེ་འཛིན་སྒོམ་པ། བཟོད་པ་སྒོམ་པ། 2. ཡིད་ལ་འདྲིས་པའི་ཐབས་ཤེས། གྲུབ་མཐའ་སོ་སོའི་ལྟ་སྤྱོད་སྒོམ་གསུམ། སེམས་རྩེ་གཅིག་ཏུ་གནས་ནས་སྒོམ་རྒྱག་པ། |
| སྒོམ་པའི་ལམ |
སྒོམ་ལམ་དང་དོན་གཅིག་ |
| སྒོམ་པའི་ཤེས་རབ |
བསམ་བྱུང་གི་ངེས་པ་རྙེད་པའི་དོན་དེ་ལ་དཔྱད་འཇོག་ཅི་རིགས་ཀྱི་སྒོ་ནས་ཡང་ཡང་འདྲིས་པར་བྱེད་པའི་ཤེས་རབ་བོ། |
| སྒོམ་བཟླས |
ལྷ་སྒོམ་སྔགས་བཟླས། |
| སྒོམ་ཞྭ |
པཎ་ཆེན་བློ་བཟང་ཆོས་རྒྱན་སོགས་ཀྱིས་བཞེས་པའི་དབུ་ཞྭ། |
| སྒོམ་རིམ |
གོ་རིམ་བཞིན་དུ་སྒོམ་པའི་ཐབས་ཚུལ། |
| སྒོམ་ལམ |
ལམ་ལྔའི་ཡ་གྱལ། རྣམ་པར་གྲོལ་བའི་འཇུག་ངོགས་གང་ཞིག་མཐོང་ལམ་གྱིས་རྟོགས་པའི་དོན་དེ་ཉིད་གོམས་ཤིང་འདྲེས་པར་བྱེད་པ་དང༌། འཕགས་ལམ་ཡན་ལག་བརྒྱད་བསྒོམས་པས་སྒོམ་སྤང་རྣམས་རྩད་ནས་བཅོམ་པའི་ཚུལ་གྱིས་སྤོང་ཞིང༌། ཟག་མེད་ཀྱི་ཡོན་ཏན་ཁྱད་པར་ཅན་འཕེལ་བར་བྱེད་པའི་ལམ་མོ། |
| སྒོམ་ལམ་གྱི་བྱེད་པ |
ཤེར་ཕྱིན་དོན་བདུན་ཅུའི་ནང་གསེས། སྒོམ་ལམ་གྱི་འབྲས་བུར་གྱུར་པའི་ཕན་ཡོན་ནོ། |
| སྒོམ་ལམ་བར་ཆད་མེད་ལམ |
སྒོམ་ལམ་གྱི་ངོ་སྐལ་དུ་གྱུར་པའི་སྤང་བྱ་ལྷན་སྐྱེས་ཀྱི་ཆ་རྣམས་སྤོང་བའི་དངོས་གཉེན་དུ་གྱུར་པ་མཐོང་ལམ་གྱི་རྗེས་ཐོག་དུ་གཞན་གྱིས་བར་མ་བཅད་པར་སྒྲིབ་པ་སྤོང་བའོ། |
| སྒོམ་ལམ་རྣམ་གྲོལ་ལམ |
སྒོམ་སྤང་སྤངས་ནས་བྲལ་བའི་ཐོབ་པ་ཉམས་སུ་མྱོང་བ་སྟེ། སྒྲིབ་པ་ལས་རྣམ་པར་གྲོལ་བ་མངོན་དུ་བྱས་པའོ། |
| སྒོམ་ལམ་རྩེ་སྦྱོར |
ཤེར་ཕྱིན་དོན་བདུན་ཅུའི་ནང་གསེས། མཁྱེན་གསུམ་བསྡུས་སྒོམ་གྱི་རབ་ཏུ་གྱུར་པའི་ཤེས་རབ་ཀྱིས་སྒོམ་སྤང་སྤོང་བའི་གཉེན་པོ་བྱེད་པའི་ཐེག་ཆེན་གྱི་རྗེས་ལ་མངོན་རྟོགས། |
| སྒོམ་ཤིང |
1 མེ་མདའི་མཇུག་ཤིང༌། 2 སྒོམ་རྒྱག་སྐབས་ཀྱི་ཨོག་མའི་སྟེགས། |
| སྒོམ་སྡེ |
སྒྲུབ་གྲྭ། |
| སྒོམ་སྤང |
སྒོམ་ལམ་གྱི་ངོ་སྐལ་དུ་གྱུར་པའི་སྤང་བྱ་ཉོན་མོངས་པ་ལྷན་སྐྱེས་སམ་ཤེས་སྒྲིབ་ཕྲ་བ་རྣམས་སོ། |
| སྒོམ་སྤང་ཉོན་མོངས་པ |
སྒོམ་སྤང་དང་དོན་གཅིག་ |
| སྒོམ་སྤང་བཅུ |
འདོད་པའི་སྒོམ་སྤང་བཞི་དང༌། གཟུགས་ཁམས་ཀྱི་སྒོམ་སྤང་གསུམ་དང༌། གཟུགས་མེད་ཀྱི་སྒོམ་སྤང་གསུམ་བཅས་ཁམས་གསུམ་གྱི་སྒོམ་སྤང་ཐམས་ཅད་བསྡོམས་པས་བཅུ་ཡོད་པར་མངོན་པ་མཛོད་ལས་གསུངས། |
| སྒོམ་སྤང་བཅུ་དྲུག |
འདོད་ཁམས་ཀྱི་སྒོམ་སྤང་དྲུག་དང༌། གཟུགས་ཁམས་ཀྱི་སྒོམ་སྤང་ལྔ། གཟུགས་མེད་ཁམས་ཀྱི་སྒོམ་སྤང་ལྔ་སྟེ་བཅུ་དྲུག་མངོན་པ་ཀུན་བཏུས་ལས་གསུངས། |
| སྒོམ་སྤང་བཞི་བརྒྱ་བཅུ་བཞི |
འདོད་པའི་སྒོམ་སྤང་ལྔ་བཅུ་རྩ་བཞི་དང༌། གཟུགས་ཁམས་ཀྱི་སྒོམ་སྤང་བརྒྱ་དང་བརྒྱད་བཅུ། གཟུགས་མེད་ཁམས་ཀྱི་སྒོམ་སྤང་བརྒྱ་དང་བརྒྱད་ཅུ་བཅས་ཁམས་གསུམ་ས་དགུའི་སྒོམ་སྤང་ཐམས་ཅད་བསྡོམས་པས་བཞི་བརྒྱ་དང་བཅུ་བཞིའོ། |
| སྒོམ་སྤང་སྐོར་དགུ |
སྒོམ་སྤང་ཆེན་པོའི་ཆེན་པོ་དང༌། ཆེན་པོའི་འབྲིང་པོ། ཆེན་པོའི་ཆུང་ངུ་སྟེ་ཆེན་པོའི་སྐོར་གསུམ་དང༌། དེ་བཞིན་དུ་འབྲིང་པོའི་ཆེ་འབྲིང་ཆུང་སྐོར་གསུམ་དང༌། ཆུང་ངུའི་ཆེ་འབྲིང་ཆུང་སྐོར་གསུམ་བཅས་དགུ། |
| སྒོམས |
སྒོམ་པའི་སྐུལ་ཚིག་ |
| སྒོའི་མེ་ལོང |
སྒོ་གླེགས། |
| སྒོའི་མེལ་ཚེ་མཁན |
སྒོ་སྲུང་བ། |
| སྒོའི་འགྲམ་པ |
སྒོའི་རུ་བཞིའི་ནང་གི་གཡས་གཡོན་གཉིས། |
| སྒོའི་རུ་མེ་མཛོ་དཀྲི |
སྒོའི་རུ་བཞི་མེ་ལོང་མཛོ་སྣ་དཀྲི་ལྕགས་བཅས། |
| སྒོར |
(བྱེདའབྲེལ་ལས་ཚིག་ད་ལྟ་བ་དང་སྐུལ་ཚིག) <ཀ>བུར་ཤིང་ཆུར་གདུས་ནས་ཁན་ད་བྱས་པའི་དོན་ཏེ། བུ་རམ་སྒོར་བྱེད་། བུ་རམ་སྒོར་མཁན། བུ་རམ་སྒོར་ཅིག་ལྟ་བུ། |
| སྒོར་གཞས |
རྒྱ་ཆེའི་བོད་ཡུལ་ཀུན་ལ་དར་བའི་ལག་གདང་སྦྲེལ་ནས་གཏོང་བའི་དམངས་ཁྲོད་ཀྱི་ཟློས་གར་གྱི་རིགས་ཤིག |
| སྒོར་ཐིག |
1 ཐིག་ལེ་སྒོར་སྒོར། སྒོར་ཐིག་ཕྱེད་ཀ། 2 སྒོར་མོའི་ཐིག་རྒྱག་བྱེད། |
| སྒོར་ཕོར |
སྒོག་ཕོར་དང་འདྲ། |
| སྒོར་བ |
ཡུལ གནག་ཕྱུགས་ར་བར་བཅུག་ནས་སྟོན་ཐོག་གི་ཚར་མ་འཆག་ཏུ་འཇུག་པ། ཕྱུགས་འཆག་སྒོར་བ། |
| སྒོར་བྲོ |
བོད་ཁམས་ཀུན་ཏུ་དར་བའི་བྲོ་ཞིག་སྟེ། མི་མང་པོས་སྒོར་སྒོར་བྱས་ནས་གཞས་དང་ཞབས་བྲོ་རྒྱག་པའི་མིང༌། |
| སྒོར་མཐའ |
སྒོར་སྒོར་གྱི་ཕྱིའི་མཐའ། |
| སྒོར་མིག |
བུ་གའི་དབྱིབས། |
| སྒོར་མོ |
1. དངུལ་བྱེ་བྲག་ཅིག ཕྱི་སྒོར། བཅུ་སྒོར། དངུལ་སྒོར། གསེར་གྱི་སྒོར་མོ། 2. ཟླུམ་པོ། དཀྱིལ་འཁོར་སྒོར་མོ། |
| སྒོར་འཁྱིལ་ལེ |
སྒོར་སྒོར། ཉི་མ་ལ་འོད་གུར་སྒོར་འཁྱིལ་ལེར་བསྐོར་འདུག |
| སྒོར་ལྟེ |
སྒོར་དབྱིབས་ཀྱི་ལྟེ་བ་སྟེ། སྒོར་མོའི་དབུས། |
| སྒོར་སྒོར |
དབྱིབས་སྒོར་མོ། བཞུགས་གྲལ་སྒོར་སྒོར་ལ་མགོ་གཞུག་གི་ཁྱད་པར་མེད། ཆོས་དུང་དཀར་པོའི་རི་མོ་སྒོར་སྒོར་འཁྱིལ་བ། ཉི་ཟླའི་མཐའ་སྐོར་དུ་འཇའ་གུར་སྒོར་སྒོར་འཁྱིལ་བ། |
| སྒོས |
1. སྒོ་བའི་སྐུལ་ཚིག 2. བྱེ་བྲག་དང༌། དམིགས་བསལ། སྒེར། སྤྱི་སྒོས། ད་སྒོས། ཡང་སྒོས། སྤྱིར་བཟོ་ལས་དང༌། སྒོས་སུ་ལྕི་ཆས་བཟོ་ལས་ཀྱི་ཆེད་དུ་བཙུགས་པ། བྱས་རྗེས་ཁྱད་པར་ཅན་བཞག་པའི་བསྟོད་བསྔགས་སྒོས་སུ་བརྗོད་པ། |
| སྒོས |
སྐུལ་ཚིག་སྟེ། དྲི་སྒོས་ཤིག་ལྟ་བུ། གཞན་ལ་བསླབ་བྱ་བཏང་བའི་དོན་ལ་འཇུག་པ་ནི། དགེ་རྒན་གྱིས་སློབ་མར་ཁ་བསྒོ་བྱས་ལྟ་བུ། |
| སྒོས་གཞིས |
སྒེར་གཞིས་དང་དོན་གཅིག་ |
| སྒོས་དཔོན |
སྒེར་དཔོན་དང་དོན་གཅིག་ |
| སྒོས་བདག |
སྒེར་ལ་བདག་པའམ་དབང་བ། |
| སྒོས་མི |
སྒེར་མི། |
| སྒོས་མིང |
སྒེར་གྱི་མིང༌། |
| སྒོས་ཚ |
བུའི་བུ་མན་ཆད་ཀྱི་བུ་ཚ། |
| སྒོས་ཞག |
གཟའ་ལྔ་སོ་སོའི་ཐུན་མོང་མིན་པའི་ཉིན་ཞག་དག་པ་ལ་རང་རང་གི་སྒོས་ཞག་ཟེར། གཟའ་ལྔ་ལུག་ཁྱིམ་སོགས་ལས་འདས་པའི་ཉིན་ཞག་ངོ་གྲངས། |
| སྒོས་སྐལ |
སྒེར་གྱི་ཐོབ་སྐལ། |
| སྒྱང |
(བྱེད་འབྲེལ་ལས་ཚིག་ད་ལྟ་བ) དུས་ཚོད་སོགས་ཕྱིར་འགྱང་བྱེད་པའི་དོན་ཏེ། དུས་ཚོད་སྒྱང་བར་བྱེད། དུས་ཚོད་སྒྱང་མཁན་ཞེས་པ་ལྟ་བུ། |
| སྒྱིག་གུ |
དོང་ཙེ་འཇོག་བྱེད་ཀྱི་ཁུག་མ་ཆུང་ངུའི་མིང་། འདི་ལ་སྒྱིའུ་ཞེས་འབྲི་སྲོལ་ཡང་ཡོད། |
| སྒྱིང |
(བྱེད་འབྲེལ་ལས་ཚིག་ད་ལྟ་བ) ངལ་དུབ་བྱུང་སྐབས་ཁ་གདངས་ནས་དབུགས་འབྱིན་པ་དང་ཡན་ལག་སོགས་བརྐྱངས་པའི་དོན་ཏེ། གླལ་སྒྱིང་། རྐེད་པ་སྒྱིང་ལྟ་བུ། མ་འོངས་པ་ལ་བསྒྱིང་དང་འདས་པ་ལ་བསྒྱིངས། སྐུལ་ཚིག་ལ་སྒྱིངས་འབྲི། གུག་པའི་རྣམ་པ་ལས་དྲང་པོར་བྱས་པའི་དོན་ཏེ། ལག་པ་བསྒྱིངས་ནས་སྐད་ཆ་བཤད། རྐང་སྒྱིང་ལག་སྒྱིང་བྱས་ལྟ་བུ། ０མཆོང་བའམ་འགྱིང་བའི་དོན་ཏེ། སེང་གེ་གནམ་ལ་བསྒྱིངས། ཕར་བསྒྱིངས་ལྟ་བུ། |
| སྒྱིངས |
སྒྱིང་ལ་ལྟོས། |
| སྒྱིངས་འགྲོ |
མངོན བརྒྱ་བྱིན་གྱི་རྡོ་རྗེ། |
| སྒྱིད་ཁུག |
པུས་མོའི་རྒྱབ་ཁུག |
| སྒྱིད་ཁུང |
པུས་མོའི་རྒྱབ་ཁུག |
| སྒྱིད་ཁུང་ཆུ་བ |
རྐང་པའི་སྒྱིད་ཁུང་ནང་གི་ཆུ་རྒྱུས། |
| སྒྱིད་ངན |
ལེ་ལོ། སྒྱིད་ངན་ལེ་ལོའི་འདམ་དུ་གྱུར་པ། |
| སྒྱིད་དབྲག |
རྐང་པའི་སྒྱིད་པ་གཡས་གཡོན་གྱི་བར། ལ་རྩེ་ནས་སྟག་བཀུག་པ་མ་བྱུང་སྟེ། སྒྱིད་དབྲག་ནས་ཝ་མོ་གློད་པ་མེད། |
| སྒྱིད་པ |
རྐང་བའི་སྲེ་ལོང་ཡན་དང་བུས་མོ་མན་གྱི་ལྷུ་ཚིགས་ཀྱི་མིང་། |
| སྒྱིད་པུ |
རྐང་གསུམ་ཅན་གྱི་ཐབ་ཀ་རིགས་ཤིག་གི་མིང་། ཚིག་བསྡུས་ན་སྒྱེད་ཅེས་འབྲི་ཆོག་སྟེ། ལྕགས་ཀྱི་སྒྱིད་པུ་ལ་ལྕགས་སྒྱིད་ཟེར་བ་ལྟ་བུ། |
| སྒྱིད་པོ |
དམ་པོ་དང་སྒྲིམ་པོ། ལས་ཀ་མི་སྒྱིད་པ། མི་དེ་ལས་ཀ་སྒྱིད་པོ་ཞིག་འདུག |
| སྒྱིད་འཁུམས་པ |
1 སྒྱིད་པའི་རྩ་འཁུམས་པ། 2 ཡིད་ཞུམ་པ། |
| སྒྱིད་འཁྲིལ་བ |
1 ཕྱུ་བའི་སྒབ་རྐང་པར་འཁྲིལ་བ། 2 སྒྱིད་པས་སྒྱིད་པར་འཁྲིལ་བ། |
| སྒྱིད་འཁྲིས |
པུས་མོ་འབྱར་ནས་འགྲོ་བའམ་སྒྱིད་སྒྲིམ་གྱིས་འགྲོ་བ། |
| སྒྱིད་འབྲེག |
སྔར་ལུས་ཐོག་ཆད་གཅོད་ཀྱི་ཁྲིམས་ངན་ཤིག |
| སྒྱིད་རྩ་གཅོད་པ |
སྒྱིད་འབྲེག་དང་དོན་གཅིག་ |
| སྒྱིད་ལ་ངན་པ |
ཡུལ ལེ་ལོ་ཅན། |
| སྒྱིད་ལ་ཉེས་པོ |
སྒྱིད་ལ་ངན་པ་དང་དོན་གཅིག་ |
| སྒྱིད་ལུག |
ལེ་ལོ། སྒྱིད་ལུག་སྐྱེས་པ། གཡུལ་གྱི་ལས་ལ་མི་སྤྲོ་བས་སྒྱིད་ལུག་ཏུ་གྱུར། སྐྱེ་བོ་རྣམས་ཡུན་རིང་པོར་དུབ་ཅིང་སྒྱིད་ལུག་པར་གྱུར་པ། |
| སྒྱིད་སྐྱུར |
ལུས་སེམས་ལྕི་ཞིང་བྱ་བའི་འཕྲོ་ལ་འཇུག་སྙིང་མི་འདོད་པ་འབྱུང་བའི་བད་ཀན་གྱི་ནད་རྟགས་ཤིག |
| སྒྱིད་སྙོམ |
ལེ་ལོ། |
| སྒྱིད་སྙོམ་པ |
སྒྱིད་ལུག་མཁན། |
| སྒྱུ |
ཐབས་ཀྱིས་རང་གི་ཡོན་ཏན་སྒྲོག་ཚུལ་དང༌། ཡོན་ཏན་མེད་བཞིན་དུ་ཡོད་ཁུལ་བྱེད་པའི་ཚུལ་ཏེ་ཉེ་ཉོན་ཉི་ཤུའི་ནང་གསེས་ཤིག དྲང་ཞིང་སྒྱུ་མེད་པ། གཡོ་སྒྱུ་མེད་པ། |
| སྒྱུ་ཐབས |
བསླུ་ཐབས། སྒྱུ་ཐབས་ཀྱིས་རྒྱུ་ནོར་རྐུ་བ། |
| སྒྱུ་བག |
སྒྱུ་འཕྲུལ་གྱི་རྣམ་འགྱུར། |
| སྒྱུ་མ |
མིག་འཕྲུལ་བར་བྱེད་པའི་རྩེད་མོ་རིགས་ཤིག་གི་མིང་སྟེ། སྒྱུ་མ་མཁན། སྒྱུ་མའི་རྩེད་མོ་ཞེས་པ་ལྟ་བུ། |
| སྒྱུ་མ་ངལ་གསོ |
ཆོས་ཐམས་ཅད་སྒྱུ་མའི་དཔེ་བརྒྱད་ཀྱིས་སྟོན་པས་བདེན་ཞེན་གྱི་འཆིང་བ་གཅོད་པར་བྱེད་པའི་བསྟན་བཅོས་ལེའུ་བརྒྱད་ཡོད་པའི་རྩ་འགྲེལ་གཉིས་ལྡན་གྱི་གཞུང་འདི་ནི། དུས་རབས་བཅུ་བཞི་པར་རྙིང་མའི་སློབ་དཔོན་ཀློང་ཆེན་རབ་འབྱམས་ཀྱིས་མཛད་པའོ། |
| སྒྱུ་མ་ཆེན་པོ |
རྣལ་འབྱོར་མའི་རྒྱུད་སྡེ་ལས་ལེའུ་གསུམ་པ། རྒྱ་གར་གྱི་མཁན་པོ་ཛི་ན་པ་ར་དང༌། ལོ་ཙཱ་བ་འགོས་ལྷས་བཙས་ཀྱིས་བསྒྱུར་ཅིང་སླར་ཡང་ཀློག་སྐྱ་ཤེས་རབ་བརྩེགས་ཀྱིས་བསྒྱུར་པ། |
| སྒྱུ་མ་པ |
སྒྱུ་མ་མཁན། |
| སྒྱུ་མ་བདུན |
སྒྱུ་ལུས་བདུན་དང་དོན་གཅིག་ |
| སྒྱུ་མ་མཁན |
1 སྒྱུ་རྩེད་ཤེས་མཁན། མིང་གི་རྣམ་གྲངས་ལ་སྒྱུ་མ་བ་དང༌། སྒྱུ་མའི་རིག་པ་མཁན། མིག་འཕྲུལ་པ་བཅས་སོ། 2 མངོན གཡོ་སྒྱུ་ཅན། |
| སྒྱུ་མ་མཁན་བཟང་པོ་ལུང་བསྟན་པའི་ལེའུ |
བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། པྲཛྙཱ་ཝརྨ་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། |
| སྒྱུ་མ་ལྟ་བུའི་ཏིང་ངེ་འཛིན་གྱི་མདོ |
བམ་པོ་ཕྱེད་དང་གཉིས་དང་ལེའུ་དགུ་པ། རྒྱ་གར་གྱི་པཎྜི་ཏ་སུ་རེནྡྲ་བོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པ། |
| སྒྱུ་མའི་གྲོང་ཁྱེར |
སྒྱུ་རྩལ་མཁན་པོས་སྤྲུལ་བའི་ཁང་པ་སོགས། |
| སྒྱུ་མའི་དཔེ |
སྒྱུ་མ་མཁན་གྱིས་སྤྲུལ་བའི་རྟ་གླང་སོགས་བདེན་མེད་ཀྱི་དཔེ། |
| སྒྱུ་མའི་དཔེ་བཅུ་གཉིས |
སྒྱུ་མ་དང༌། ཆུ་ཟླ། མིག་ཡོར། སྨིག་རྒྱུ། རྨི་ལམ། སྒྲ་བརྙན། དྲི་ཟའི་གྲོང་ཁྱེར། མིག་འཕྲུལ། འཇའ་ཚོན། གློག་ཆུ་བུར། མེ་ལོང་ནང་གི་གཟུགས་བརྙན་བཅས་བཅུ་གཉིས་སོ། |
| སྒྱུ་མའི་ནོར |
ལོངས་སྤྱོད་སྒྱུ་མའི་གཟུགས་སུ་བཀོད་པ་སྟེ་རྟག་བརྟན་མེད་པའི་དོན། |
| སྒྱུ་མའི་རོལ་རྩེད |
བདེན་མེད་སྒྱུ་མ་ལྟ་བུའི་རྩེད་འཇོ། |
| སྒྱུ་མའི་རྫས |
1 སྒྱུ་མའི་རྩེད་མོ་སྟོན་བྱེད་ཀྱི་ཡོ་བྱད། 2 གཡོ་བའི་ལོངས་སྤྱོད། |
| སྒྱུ་མའི་སྐུ |
སྒྱུ་ལུས་དང་དོན་གཅིག་ |
| སྒྱུ་ཟོག |
གཡོ་ཞིང་མི་རྟག་པའི་རྒྱུ་ནོར་ལོངས་སྤྱོད། |
| སྒྱུ་འཕྲུལ |
ལྷ་སྒྲུང་དུ་བཤད་པའི་འགྱུར་བ་སྣ་ཚོགས་ཀྱི་མིང་སྟེ། རྫུ་འཕྲུལ་ཡང་ཟེར། |
| སྒྱུ་འཕྲུལ་གསང་བ་སྙིང་པོ |
རྒྱུད་སྒྱུ་འཕྲུལ་དྲ་བ། |
| སྒྱུ་འཕྲུལ་ཆེན་མོའི་རྒྱུད |
རྣལ་འབྱོར་མའི་རྒྱུད་ཀྱི་ནང་གསེས་ཤིག་རྒྱུད་ལེའུ་གསུམ་པ་རྒྱ་གར་གྱི་མཁན་པོ་ཛི་ན་པ་ར་དང༌། ལོ་ཙཱ་བ་འགོས་ལྷས་བཙས་ཀྱིས་བསྒྱུར་བ། |
| སྒྱུ་འཕྲུལ་དྲ་བ |
1གསང་སྔགས་ཀྱི་རྒྱུད་ཆེན་ཞིག 2 སྤྱན་རས་གཟིགས་ཀྱི་སྤྲུལ་པ་ཞིག |
| སྒྱུ་འཕྲུལ་མ |
སངས་རྒྱས་ཤཱཀྱ་ཐུབ་པའི་མ་ཡུམ། |
| སྒྱུ་རྩལ |
1གནའ་དཔེར་སྦྱང་བ་བྱས་པའི་ལུས་རྩལ་ལ་སྒྱུ་རྩལ་ཟེར་ཏེ། སྒྱུ་རྩལ་དྲུག་ཅུ་རྩ་བཞི་ཞེས་པ་ལྟ་བུ། 2ད་ལྟ་ཟློས་གར་དང་གླུ་དབྱངས། གླུ་གཞས། བྲོ་གར། གློག་བརྙན། སྙན་ངག་ཚིགས་བཅད་ལྷུག་སོགས་ཀྱི་སྤྱི་མིང་། |
| སྒྱུ་རྩལ་ཅན |
སྒྱུ་རྩལ་ཤེས་མཁན་ནམ་སྟོན་མཁན། |
| སྒྱུ་རྩལ་དྲུག་ཅུ་རེ་བཞི |
1 སྔར་རྒྱ་གར་དུ་དར་བའི་བཟོ་རིག་གི་སྒྱུ་རྩལ་སུམ་ཅུ་དང༌། རོལ་མོའི་སྒྱུ་རྩལ་བཅོ་བརྒྱད། གླུ་དབྱངས་ཀྱི་ངེས་པ་བདུན། གར་གྱི་ཆ་བྱད་དགུ་བཅས་དྲུག་ཅུ་རེ་བཞིའོ། 2 འཁྱུད་པ་སོགས་ཀྱི་ཆར་གཏོགས་པའི་སྒྱུ་རྩལ་རེ་བཞི། |
| སྒྱུ་རྩལ་སྟོན་ས |
1 སྒྱུ་རྩལ་སྟོན་ཡུལ་གྱི་ས་ཆ། 2 མངོན རྒྱལ་པོའི་སྐྱེད་ཚལ། |
| སྒྱུ་ལུས |
རྣམ་པ་མེད་ཀྱང་སྣ་ཚོགས་སྣང་བའམ། སྣང་ཡང་རང་བཞིན་མ་གྲུབ་པའི་ཕྱིར་སྒྱུ་མའི་ལུས་ཞེས་བྱའོ། |
| སྒྱུ་ལུས་བདུན |
སྒྱུ་ལུས་ཀྱི་དབྱེ་བ་བདུན་ནི། དཔེའི་སྒྱུ་མ། སྣང་བ་སྒྱུ་མ། རྨི་ལམ་སྒྱུ་མ། བར་དོ་སྒྱུ་མ། འོད་གསལ་སྒྱུ་མ། སྤྲུལ་པ་སྒྱུ་མ། ཡེ་ཤེས་སྒྱུ་མ་བཅས་སོ། |
| སྒྱུ་ཤོམ |
ཡོན་ཏན་ངོམས་པ། |
| སྒྱུག་པོ |
ཁྱིམ་བདག་ཕོ་མོ་གང་ཡིན་པ་དེའི་ཕ། |
| སྒྱུག་མོ |
ཁྱིམ་བདག་ཕོ་མོ་གང་ཡིན་པ་དེའི་མ། |
| སྒྱུངས |
རྒྱུངས་ཀྱི་འབྲི་ཚུལ་གཞན། |
| སྒྱུར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ལམ་ལུགས་དང་ངོ་བོ་རྣམ་པ་ཕྱོགས་སོགས་འགྱུར་ལྡོག་འབྱུང་དུ་འཇུག་པའི་དོན་ཏེ། ས་ཞིང་གི་ལམ་ལུགས་སྒྱུར་བའི་ལས་འགུལ། རྐྱེན་ངན་གྲོགས་སུ་སྒྱུར། གཏེར་རྡོ་བཞུས་ནས་ལྕགས་སུ་སྒྱུར་བ། རས་ཀྱི་མདོག་སྒྱུར་བྱེད། རྟ་བོའི་ཁ་ལོ་སྒྱུར་མཁན། ཁང་བའི་དབྱིབས་སྒྱུར་ཅིག་ལྟ་བུ། |
| སྒྱུར་ཐབས |
མང་ཉུང་འདྲ་བའི་གྲངས་ཀ་དུ་མ་མུ་མཐུད་དུ་སྣོན་པའི་རྩིས་ཐབས་ཀྱི་རྩིས་ཚུལ་སྟབས་བདེ་ཞིག་སྟེ། དཔེར་ན་གྲངས་ཀ་གཉིས་ཅན་ལྔ་མུ་མཐུད་དུ་སྣོན་པ་ལ་ལྔས་གཉིས་བསྒྱུར་ན་བཅུ་ཞེས་པའི་སྒྱུར་ཐབས་སྤྱད་ཆོག་པ་ལྟ་བུའོ། ། འདི་ལ་སྒྱུར་རྩིས་ཀྱང་ཟེར། |
| སྒྱུར་ཕྱོགས |
གཏོང་འཐེན་བྱེད་སྟངས། རྟ་ཁ་སྲབ་ཀྱིས་སྒྱུར་ཕྱོགས་དང༌། རྒྱལ་ཁ་བློན་པོས་སྒྱུར་ཕྱོགས། |
| སྒྱུར་བ |
ཐ་དད་པ བསྒྱུར་པ། བསྒྱུར་བ། སྒྱུར།། 1 གཞི་ཕར་ཚུར་སྤོ་བ། མདོག་སྒྱུར་བ། མིང་སྒྱུར་བ། ཆོས་ལུགས་བསྒྱུར་པ། ཡུལ་ཕྱོགས་སྒྱུར་བ།..བསམ་བློ་སྒྱུར་བ། ཁ་ལོ་སྒྱུར་བ། དབང་དུ་བསྒྱུར་བ། སྣམ་བུ་དཀར་པོའི་ཚོས་མདོག་གང་ལ་སྒྱུར་སྒྱུར་རེད། 2 སྐད་རིགས་ཕན་ཚུན་བརྗེ་བ། སྐད་སྒྱུར་བ། ཡི་གེ་སྒྱུར་བ། ཚིག་སྒྱུར་བ། དོན་སྒྱུར། ཐད་སྒྱུར་བ། སྒྲ་སྒྱུར་བ། 3 གྲངས་འབོར་ལྡབ་ཀྱིས་སྤེལ་བའམ་བསྒྱུར་བྱ་དེ་སྒྱུར་བྱེད་དེའི་གྲངས་སུ་སྤེལ་བ། སུམ་སྒྱུར། ལྔ་ལྡབ་ཀྱིས་བསྒྱུར་པ། མིང་གི་རྣམ་གྲངས་ལ་བསྣུན་པ་དང༌། བསྒྲེས་པ། སྤེལ་བ། གསིལ་བ་བཅས་སོ། |
| སྒྱུར་བྱེད |
མངོན 1 ས་ཕག་ལོ། 2 ལོ་ཙཱ་བ། 3 སྣེ་འཁྲིད་མཁན།…4.དྲུག་གིས་གསུམ་བསྒྱུར་བ་ལ་ཆ་བཞག་ན་དྲུག་ནི་སྒྱུར་བྱེད་ཡིན། |
| སྒྱུར་རྟགས |
སྒྱུར་ཐབས་ཀྱི་རྟགས་༝་འདིའི་མིང་། ３གར་འཁྲབ་པ་སོགས་ལུས་ཀྱི་ཉམས་སྣ་ཚོགས་བསྟན་པ་སྟེ། གར་བསྒྱུར། གོམ་སྟབས་སྒྱུར་ལྟ་བུ། ４ཕར་བསྐྲད་པའམ་བཟློཊ་པའི་དོན་ཏེ། གནོད་འཚེ་དགྲ་ལ་བསྒྱུར་ལྟ་བུ། |
| སྒྱུར་རྩིས |
ལྡབ་མང་པོར་སྤེལ་བའི་རྩིས། |
| སྒྱུར་རྩིས་དགུ་མཐའ་རེའུ་མིག |
སྒྱུར་རྩིས་རྒྱག་སྐབས་མཁོ་བའི་མན་ངག་ཅིག |
| སྒྱུར་རྩོམ |
ཡི་གེ་སྒྱུར་བ་དང༌། རྩོམ་པ། |
| སྒྱེ |
རས་དང་ཕྱར་བ་སོགས་ཀྱིས་བཟོས་པའི་ཞེང་དོག་ལ་སྲིད་རིང་བའི་སྣོད་ཀྱི་མིང་། |
| སྒྱེ་མོ |
འབྲུ་རྩམ་སོགས་བླུག་སྣོད་ཆེན་པོ་ཞིག འབྲུ་འབྲས་སྒྱེ་མོའི་ནང་དུ་བླུག སྒྱེ་སྟོང་རང་ཚོ་མི་ཟིན། ཚུགས་སྒྱེ་བཙུགས་པ། སྒྱེ་མོའི་ནང་ནས་ཐོན་ཏེ་ཕད་གོག་ནང་ལ་མི་འཛུལ། |
| སྒྱེ་སྒྱེའུ |
སྒྱེ་སྣོད་ཆེ་ཆུང༌། |
| སྒྱེ་སྣོད |
ཕད་གོག་ཆེན་པོ། |
| སྒྱེད་པུ |
1 ཐབ་རྡོ། 2 རྐང་གསུམ་ཡོད་པའི་ཐབ་ཀ། ལྕགས་ཀྱི་སྒྱེད་པུ། |
| སྒྱེད་པུ་གསུམ |
ཐབ་རྡོ་སུམ་ཚོམ། |
| སྒྱེའུ |
སྒྱེ་ཆུང་ངུའི་མིང་། |
| སྒྱེལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) འགྱེལ་དུ་བཅུག་པའི་དོན་ཏེ། ངེད་གཉིས་འཇུ་རེས་བྱས་ན་ངས་ཁོ་རང་ས་ལ་སྒྱེལ་ཐུབ། སྒྱེལ་མཁན། སྒྱེལ་ལ་ཁད་བྱས། སྒྱེལ་ཅིག བཙན་རྒྱལ་རིང་ལུགས་སྒྱེལ་ཅིག་ལྟ་བུ། |
| སྒྱེལ་བ |
ཐ་དད་པ བསྒྱེལ་བ། བསྒྱེལ་བ། སྒྱེལ།། དབྲིལ་བ། ཤིང་སྡོང་ཐང་དུ་བསྒྱེལ། སྦེ་ག་ཚད་ནས་བསྒྱེལ་སོང༌། ཁང་པ་རྨང་ནས་བསྒྱེལ། རྡོག་ཐོ་བསྣུན་ནས་ས་ལ་སྒྱེལ། |
| སྒྱོ་བ |
1 སྒྱེ་མོ་ཆེ་བ། 2 རྙིང སྒྲོ་བ། |
| སྒྱོ་སྒྱེ་སྒྱེའུ་གསུམ |
སྒྱེ་སྣོད་ཆེ་འབྲིང་ཆུང་གསུམ། |
| སྒྱོགས |
གནའ་དུས་དམག་འཁྲུག་རྒྱག་སྐབས་རྡོ་ཆེན་པོ་སོགས་དགྲའི་བཙན་རྫོང་ལ་འཕེན་བྱེད་ཀྱི་ཡོ་བྱད་ཅིག་གི་མིང་སྟེ། སྒྱོགས་རྡོ། སྒྱོགས་མདའ་ཞེས་པ་ལྟ་བུ། ད་ལྟའི་མེ་སྒྱོགས་ཀྱི་མིང་སྟེ། སྒྱོགས་སྟེགས་སྒྱོགས་མདེལ་ཞེས་པ་ལྟ་བུ། ཡུལ་སྐད་དུ་བོའུ་ཆེན་ཡང་ཟེར། |
| སྒྱོགས་མདའ |
མེ་སྒྱོགས་དང་རྡོ་སྒྱོགས་ཀྱི་མདའ། |
| སྒྱོགས་མདེལ |
སྒྱོགས་མདའ་དང་དོན་གཅིག་ |
| སྒྱོགས་རྡོ |
འུར་རྡོ་སོགས་འཕྲུལ་འཁོར་གྱིས་འཕེན་པའི་རྡོ་དང༌། སྒྱོགས་ཀྱི་རྡོ་མདེལ། བྲག་རི་གཟར་པོའི་ཐོག་ནས་སྒྱོགས་རྡོ་འཕེན་པ། |
| སྒྱོགས་སྟེགས |
མེ་སྒྱོགས་འཛུགས་སའི་ཁྲིའམ་རྟེན། |
| སྒྱོང་བ |
རྙིང རང་གི་ཉེས་པ་ཐབས་ཀྱིས་མི་མངོན་པར་སྦེད་པ། |
| སྒྱོངས |
སྐུལ་ཚིག་སྟེ། དུས་སྒྱོངས་ཤིག་ལྟ་བུ། |
| སྒྲ |
1 རྣ་བའི་དབང་ཤེས་ཀྱི་དངོས་ཡུལ་དུ་གྱུར་པ་ཐམས་ཅད་ལ་སྒྲ་ཟེར་ཞིང༌། དབྱེ་ན་ངག་ཚིག་སོགས་ལུང་དུ་སྟོན་པའི་སྒྲ་དང༌། ཆུ་སྒྲ་སོགས་ལུང་དུ་མི་སྟོན་པའི་སྒྲ་གཉིས། ཀི་སྒྲ། མེ་སྒྲ། ཆུ་སྒྲ། གླུ་དབྱངས་ཀྱི་སྒྲ། སྒྲ་དག་པ། བསྟན་བཅོས་ཀྱི་གཞུང་དོན་གང་ཡིན་སྒྲ་སོར་བཞག་བྱས་ཏེ་བཤད་པ། མིང་ཚིག་སོ་སོའི་ངེས་ཚིག་གི་སྒྲ་བཤད་པ། བཟང་ངན་གང་བཤད་ཀྱི་སྒྲ་ཚོར་བ། ཆར་སྤྲིན་ནང་ནས་འབྲུག་སྒྲ་ལྡིར་བ། ཐག་རིང་ནས་སྐད་རྒྱང་གིས་བོས་པའི་སྒྲ་ཐོས་པ། མེ་སྒྱོགས་འཕངས་པའི་སྒྲ་ཆེར་གྲག་པ། འབྱུང་བ་འཁྲུགས་པའི་སྒྲ་དང༌། མི་མང་འཚོགས་པའི་སྐད་སྒྲ་འཐབ་པ། ཚོགས་ཁང་ནང་དུ་གླུ་གཞས་དང༌། རོལ་མོའི་སྒྲ་འཁོར་བ། ཨམ་ཅོག་གི་བུ་གར་སྲིང་བལ་བཅུག་སྟེ་སྒྲ་བཀག་པ། རང་རང་གི་ལུགས་སྲོལ་དང་མཐུན་པའི་སྒྲས་བརྗོད་པ། བརྗོད་བྱའི་དོན་གང་ཡིན་རྗོད་བྱེད་ཀྱི་སྒྲས་མངོན་པར་གོ་བར་བྱེད་པ། མིང་གི་རྣམ་གྲངས་ལ་ཀུན་སྒྲོག་དང༌། སྐད་སྒྲ། གྲགས་བྱེད། སྒྲ་སྐད། སྒྲ་བྱེད། སྒྲ་དབྱངས། སྒྲ་འུར། སྒྲོག་པ། ངེས་གྲགས། ངེས་སྒྲ། ངེས་སྒྲོག་དབྱངས། རབ་སྒྲོག་ལྷང་གྲགས་བཅས་སོ། 2 ཐ་སྙད་དང་ཡི་གེའི་མིང༌། བདག་སྒྲ། དགག་སྒྲ། འབྲེལ་སྒྲ། 3 སཾཀྲྀཏའི་བརྡ་སྤྲོད་པའི་གཞུང༌། |
| སྒྲ་ཀ་ཙན་དབྱངས་གསུམ |
སྒྲ་གཞུང་ཀ་ལཱ་པ། ཙནྡྲ་པ། དབྱངས་ཅན་སྒྲ་མདོ་སྟེ་གསུམ། |
| སྒྲ་གཅན |
རཧུཿ གཟའི་གཙོ་བོ་སྟོང་པའི་ལུས་ཅན་ཞིག་སྟེ། སྐྱེས་ཁྱིམ་ནག་པ། ཚེས་ཟླའི་དཀྱིལ་འཁོར་ཉིས་བརྒྱ་སུམ་ཅུ་ལ་རྒྱུ་སྐར་འཁོར་ལོ་ལན་གཅིག་འཁོར། དེའི་ལོངས་སྤྱོད་ནི། ཚེས་ཞག་གཅིག་ལ་ཆུ་སྲང་བཅུ་བཞི་དང་མེ་མིག་གི་ཆ་བཅུ་གཉིས། ཉིན་ཞག་གཅིག་ལ་ཆུ་སྲང་བཅུ་བཞི་དང་དབུགས་གཅིག་མེ་མིག་གི་ཆ་ཤས་བཅུ་དགུ་མདའ་འདོད་དྲག་གི་ཆ་ཤས་ཁྲི་གཅིག་དང་སོ་བརྒྱད། ཁྱིམ་ཞག་གཅིག་ལ་ཆུ་སྲང་བཅུ་བཞི་དང་དབུགས་གསུམ་མེ་མིག་ཆ་གཉིས་མདའ་རོའི་ཆ་ང་གསུམ། ཚེས་ཟླ་གཅིག་ལ་ཆུ་ཚོད་བདུན་དང་ཆུ་སྲང་གཉིས་དབུགས་གསུམ་མེ་མིག་གི་ཆ་ཤས་བཅོ་ལྔ་ཡིན་པས་ཕྱོགས་ལོངས་ཆུ་ཚོད་གསུམ་ཆུ་སྲང་སོ་གཅིག་དབུགས་གཅིག་མེ་མིག་གི་ཆ་ཤས་བཅུ་དགུ་ཡིན། གཟའ་དུས་མེ་སྒྲ་གཅན་དང་ཁ་གཏད་དུ་འཆར་བས་དེའི་མཇུག་མའི་ཐ་སྙད་ཐོབ་ཀྱང༌། སྒྲ་གཅན་དངོས་མ་ཡིན་ནོ། རྩ་གདོང་མཇུག་གསུམ་ཐད་ལའང་ལྟོས། མིང་གི་རྣམ་གྲངས་ལ་ཁམས་གསུམ་རྣམ་རྒྱལ་དང༌། ཉེ་བར་ཕར་འགྲོ། མཐོ་རིས་སྣང་བྱེད། སྤྲིན་ལས་རྒྱལ། མུན་པ་ཅན། གཟའ་ཡི་རྣ་བ་འཛིན། ཟླ་བ་འཇོམས། ཟླ་བ་ཟ། རཱ་ཧུ་ལ། ལམ་ནག་སེང་གེ་མོའི་བུ། སྲིད་གསུམ་རྣམ་རྒྱལ་བཅས་སོ། |
| སྒྲ་གཅན་གདོང |
སྒྲ་གཅན་གྱི་གདོང་དང་སྒྲ་གཅན་རྩ་བ་གཉིས་དོན་ལ་ཁྱད་མེད་ཀྱང་ཉི་ཟླ་གཟའ་འཛིན་ཤེས་པའི་ཆེད་དུ་གཟའ་གཞན་རྒྱུ་སྐར་ལ་སྤྱོད་ཚུལ་དང་བསྟུན་ནས་སྒྲ་གཅན་གྱི་གདོང་ཞེས་རྩ་བ་ལས་ལོགས་སུ་བཤད། |
| སྒྲ་གཅན་གྱི་མཇུག |
བགྲོད་ཚུལ་གྱི་དབང་གིས་དུས་མེ་ལ་སྒྲ་གཅན་གྱི་མཇུག་མ་ཞེས་ཐ་སྙད་བཏགས་པ་ཙམ་མོ། |
| སྒྲ་གཅན་གྱི་རྩ |
ལུས་རྩའི་བྱེ་བྲག་ཅིག |
| སྒྲ་གཅན་གྱི་རླུང |
ཡེ་ཤེས་ཀྱི་རླུང་སྟེ་ཕྱི་རོལ་ཏུ་སྒྲ་གཅན་ལྟར་སྟོབས་དང་ལྡན་པས་སྒྲ་གཅན་གྱི་རླུང་ཞེས་བྱའོ། |
| སྒྲ་གཅན་གྱི་སྤྲུལ་པའི་གཟའ་བཞི |
ཤར་ན་དུ་བ་མཇུག་རིང་དང༌། ལྷོ་རུ་སྟག་མགོ་མེ་འབར་དང༌། ནུབ་ན་གཡག་མགོ་རླུང་འཚུབ། བྱང་ན་ཆུ་ཏིག་སྔོན་པོ། |
| སྒྲ་གཅན་ཐེབས་པ |
གཟའ་རཱ་ཧུ་ལའི་གདོང་མཇུག་གང་རུང་གི་གྲིབ་གཟེར་ཕོག་པ། |
| སྒྲ་གཅན་མཇུག་མ |
སྒྲ་གཅན་གྱི་མཇུག་དང་དོན་གཅིག་ |
| སྒྲ་གཅན་ཞག་གསུམ |
སྒྲ་གཅན་ཞག་གསུམ་ལ་སླེབས་ཚུལ། |
| སྒྲ་གཅན་འཛིན |
རཱཧུལཿ 1 རྒྱལ་རིགས་སྒྲ་གཅན་འཛིན་ཤཱཀྱ་ཐུབ་པའི་ཉན་ཐོས་ཉེ་འཁོར་བཅུའི་གྲས་ཀྱི་བསླབ་པ་ལ་གུས་པ་རྣམས་ཀྱི་མཆོག་ཏུ་གྱུར་པ་ཞིག་ཡིན་པ་དེ་ནི་ཤཱཀྱ་མུ་ནེ་རབ་ཏུ་མ་བྱུང་གོང་གི་སྲས་ཡིན། 2 གནས་བརྟན་བཅུ་དྲུག་ལས་པྲི་ཡང་ཀུའི་གླིང་ན་བཞུགས་པའི་གནས་བརྟན་ཞིག |
| སྒྲ་གཅན་འཛིན་བཟང་པོ |
སྔར་རྒྱ་གར་ནཱ་ལེནྡྲའི་མཁན་པོ་སློབ་དཔོན་ཀླུ་སྒྲུབ་རབ་ཏུ་བྱུང་བའི་མཁན་པོ། |
| སྒྲ་གཅན་རྩ་བ |
སྒྲ་གཅན་རང་འགྲོས་གཡས་བསྐོར་ཡིན་པས་ནམ་གྲུ་ནས་གཡས་བསྐོར་དུ་བརྩིས་པའི་སྐར་མ་རྗེས་འབྲང་དང་བཅས་པའི་སྒྲ་གཅན་གྱི་ངེས་པ་ལ་སྒྲ་གཅན་རྩ་བ་ཟེར། རྩ་བའི་འགྲོས་ཀྱི་དབང་དུ་བྱས་པས་སོ། |
| སྒྲ་གདངས |
དབྱངས་ཀྱི་འགྱུར་ཁུག |
| སྒྲ་གཞུང |
སྒྲའི་བསྟན་བཅོས། |
| སྒྲ་གསང |
སྐད་སྒྲ། སྒྲ་གསང་མཐོ་བ། |
| སྒྲ་ངན |
1 སྒྲ་མི་སྙན་པ། 2 གླིང་ཆེན་སྒྲ་མི་སྙན། |
| སྒྲ་ངན་ཅན |
གླིང་ཕྲན་བརྒྱད་ཀྱི་ནང་གསེས་གླིང་ཕྲན་སྒྲ་མི་སྙན་གྱི་ཟླ། |
| སྒྲ་ངན་སྤངས |
མངོན ལྷའི་གླུ་མཁན། |
| སྒྲ་ངར་ངར་པོ |
1 འཛེར་སྐད། 2 ངར་བའི་སྒྲ། |
| སྒྲ་ཇི་བཞིན་པ |
བརྗོད་པ་དང་དོན་གཉིས་གཅིག་མཐུན་ཡིན་པ། |
| སྒྲ་ཇི་བཞིན་མ་ཡིན་པ |
བརྗོད་པ་དང་དོན་གཉིས་ཐ་དད་ཡིན་པ། |
| སྒྲ་ཉམས་པ |
1 སྒྲ་སྐད་ཆུང་དུ་སོང་བའམ་ཆད་པ། 2 སྐད་ཟུར་ཆག་པ། |
| སྒྲ་དག་སྒྲོས་གཙང |
ཀློག་སྟངས་གསལ་ཞིང་སྤུས་དག་པ། |
| སྒྲ་དབྱངས |
སྐད་ཀྱི་སྒྲ་དབྱངས། ནམ་མཁའ་ལ་འབྲུག་གི་སྒྲ་དབྱངས་ཟབ་མོ་སྒྲོག་པ། |
| སྒྲ་དབྱངས་ལྷ་མོ |
ལྷ་མོ་དབྱངས་ཅན་མ། |
| སྒྲ་དོན |
1 རྗོད་ཚིག་གི་དོན། 2 སྒྲ་དང་དོན། |
| སྒྲ་དོན་གཉིས་ཀ་སྣང་བའི་རྟོག་པ |
སྒྲ་སྤྱི་དང་དོན་སྤྱི་གཉིས་ཀ་སྣང་བའི་རྟོག་པ་སྟེ། བརྡ་ལ་བྱང་བའི་སྐྱེས་བུའི་རྒྱུད་ཀྱི་བུམ་འཛིན་རྟོག་པ་ལྟ་བུའོ། |
| སྒྲ་དྲག་པ |
1 ཕོ་ཡིག་གི་སྒྲ་གདངས། 2 སྐད་གདངས་ཆེ་བ། |
| སྒྲ་པ |
སྒྲ་རིག་ཤེས་མཁན། |
| སྒྲ་བརྒྱ་པ |
མངོན འབྲུག་སྒྲ། |
| སྒྲ་བརྙན |
1 བྲག་ཅ། 2 སྐད་པར། |
| སྒྲ་བཤད |
ངེས་ཚིག་སྟེ། ཐ་སྙད་ཀྱི་ཚིག་འབྲུ་སོ་སོར་ཕྲལ་ཏེ་དེའི་དོན་བཤད་པའི་འགྲེལ་བཤད་རྒྱག་ཚུལ། སྒྲ་བཤད་ཙམ་གྱིས་དོན་ཡང་དག་པ་ཤེས་མི་ཐུབ། སྦལ་བ་ལ་ཆུ་སྐྱེས་ཀྱི་སྒྲ་བཤད་དུ་ཡོད་ཀྱང༌། ཆུ་སྐྱེས་ཀྱི་སྒྲ་མི་འཇུག |
| སྒྲ་བོ་ཆེ |
སྐད་ཆེན་པོ། |
| སྒྲ་བྱེད་པ |
1སྒྲ་སྒྲོག་པ། 2 སྒྲའི་གཞུང་རྩོམ་མཁན། |
| སྒྲ་བྱེད་བུ་མོ་ཡང་དག་རྒྱལ་བ་ཅན |
སྔར་རྒྱ་གར་གྱི་གྲུབ་མཐའ་སྨྲ་བ་ཞིག་གི་བུད་མེད་མཁས་ཅན་དེས་འདི་རུ་ཚེ་རྫོགས་ནས་འདི་རུ་སྐྱེ་བས་སྟོན་ཁར་ཤིང་ལོ་ལྷུང་ཡང་དཔྱིད་ཀར་བསྐྱར་དུ་སྐྱེ་བ་ལྟ་བུ་ཡིན་པར་འདོད། |
| སྒྲ་མཁན |
1 སྒྲ་རིག་ཤེས་མཁན། 2 མངོན ཕུར་བུའི་མིང༌། |
| སྒྲ་མཐའི་དེ་ཉིད |
བྱ་རྒྱུད་བསམ་གཏན་གྱི་དེ་ཁོ་ན་ཉིད་ཀྱི་ནང་གསེས་ཤིག་སྟེ། སྔགས་ཀྱི་སྒྲ་དེ་ལ་དཔྱད་ཅིང་གཞིགས་ནས་སྒྲའི་རྒྱུན་ཇེ་ཕྲར་སོང་ནས་མཐར་མི་རྟོག་པའི་ངང་དུ་འཇོག་པ་སྒྲ་མཐའི་དེ་ཉིད་དེ་ལྷག་མཐོང་གི་ཡེ་ཤེས་རྒྱུད་ལ་འཆར་བའི་རྒྱུའོ། |
| སྒྲ་མཐུན་པ |
བརྗོད་བདེ་འདྲེན་པའི་ཚུལ་ཏེ་ངག་ཐོག་ནས་བརྗོད་བདེའི་མིང་གཞིའི་སྒྲ། |
| སྒྲ་མདོ་བཞི |
ཀ་ལཱ་པ། ཙནྡྲ་པ། དབྱངས་ཅན་མ། པཱ་ཎིཔ་དང་བཞི། |
| སྒྲ་མཚུངས་པ |
ངག་ཐོག་ནས་བརྗོད་བདེའི་མིང་གཞིའི་སྒྲ་བརྗོད་བདེ་བ། |
| སྒྲ་མི་སྙན |
1 ཀུརུཿ གླིང་བཞིའི་གྲས་རི་རབ་བྱང་ངོས་སུ་ཡོད་པའི་གླིང་ཆེན། 2 ཀུརྦཿ གླིང་ཕྲན་བརྒྱད་ཀྱི་གྲས་བྱང་གླིང་གི་གླིང་ཕྲན་ཤར་མ། |
| སྒྲ་མི་སྙན་གྱི་ཟླ |
ཀཽརབཱཿ བྱང་སྒྲ་མི་སྙན་ཟེར་བའི་གླིང་ཆེན་གྱི་ནུབ་ན་ཡོད་པའི་གླིང་གཡོག་སྟེ་གླིང་ཕྲན་བརྒྱད་ཀྱི་ཡ་གྱལ་ཞིག |
| སྒྲ་མེད |
1 ཡི་གེ་རྣམས་རང་རང་གི་སྐྱེ་གནས་ནས་བྱུང་བའི་སྒྲ་ཕྱིར་ཐོན་པའི་རྩོལ་བ་ཆེ་ཆུང་གི་དབང་གིས་དབྱེ་བས་བོད་ཡིག་གི་ཀ་ཁ་ཅ་ཆ་ཏ་ཐ་པ་ཕ་ཙ་ཚ་ཞ་ཟ་ཤ་ས་སྟེ་བཅུ་བཞི་དང༌། ལེགས་སྦྱར་སྐད་ཀྱི་ཁ་ས་བསྡུ་བའམ། ཁ་ཕ་ཚ་ཋ་ཐ་ཙ་ཊ་ཏ་ཀ་པ་ཤ་ཥ་ས་སྟེ་བཅུ་གསུམ་བཅས་ལ་སྒྲ་མེད་ཟེར། ཀ ཁ་ས 2 སྲོག་མེད། |
| སྒྲ་ཙམ་གྱི་རྒྱན |
བསྡུས་བརྗོད་ཀྱི་རྒྱན། |
| སྒྲ་ཚད |
སྒྲ་དང་ཚད་མ། |
| སྒྲ་ཚུལ |
སྒྲ་རིག་པའི་གནས་ཚུལ། |
| སྒྲ་ཞི་བ |
སྒྲ་སྐད་ཆུང་ལ་འཇམ་པ། |
| སྒྲ་འགྱེད |
མངོན གློག |
| སྒྲ་འཇུག |
སྒྲ་ལ་འཇུག་པ་ཞེས་བྱ་བའི་བསྟན་བཅོས། སྒྲ་གནས་བརྒྱད་དང༌། མིང་ཚིག་ཡི་གེ་གསུམ་གྱི་རྣམ་གཞག་སྟོན་པའི་གཞུང་ནི། དུས་རབས་བཅུ་གསུམ་པར་ས་སྐྱ་པཎྜིཏ་ཀུན་དགའ་རྒྱལ་མཚན་གྱིས་མཛད་པའོ། |
| སྒྲ་འབྱིན |
མངོན 1 བརྒྱ་བྱིན་གྱི་བཞོན་པ་གླང་པོ། 2 ངང་པ། 3 སྤྲིན། 4 འབྲུག |
| སྒྲ་འཛིན |
མངོན རྣ་བ། |
| སྒྲ་འཛིན་དབང་མངོན |
སྒྲ་འཛིན་པའི་དབང་པོའི་མངོན་སུམ་སྟེ། རང་གི་བདག་རྐྱེན་རྣ་བའི་དབང་པོ་ལས་དངོས་སུ་སྐྱེས་པའི་གཞན་རིག་རྟོག་བྲལ་མ་འཁྲུལ་བ། |
| སྒྲ་འཛིན་ཡིད་མངོན |
སྒྲ་འཛིན་པའི་ཡིད་ཀྱི་དབང་པོའི་མངོན་སུམ་སྟེ། རང་གི་བདག་རྐྱེན་སྒྲ་འཛིན་ཡིད་ཀྱི་དབང་པོ་ལས་དངོས་སུ་སྐྱེས་པའི་གཞན་རིག་གི་ཤེས་པ་རྟོག་བྲལ་མ་འཁྲུལ་བ། སྒྲ་འཛིན་དབང་མངོན་སྐད་ཅིག་ཕྱི་མ་ལྟ་བུ། རང་གི་གཟུང་དོན་གྲོགས་སུ་ཡོད་པའི་དབང་མངོན་གཅིག་གིས་དེ་མ་ཐག་རྐྱེན་བྱས་པ་ལས་བྱུང་བའི་གཞན་རིག་གི་ཤེས་པ་རྟོག་བྲལ་མ་འཁྲུལ་བའོ། |
| སྒྲ་ཡི་གནས |
མངོན རྣ་བ། |
| སྒྲ་རིག་པ |
རིག་གནས་ཆེ་བ་ལྔའི་ཡ་གྱལ། ཚིག་གི་འཁྲུལ་བ་ཚར་གཅོད་པའམ་སེལ་བར་བྱེད་པ་བརྡ་སྤྲོད་པའི་རིག་པ་སྟེ། སཾཀྲྀཏའི་སྐད་ཀྱི་རང་བཞིན་དང༌། རྐྱེན་དང༌། རྣམ་འགྱུར་གསུམ་གྱི་རྣམ་གཞག་གསལ་བར་སྟོན་པའི་རིག་པའོ། བོད་ཡིག་གི་ཕྲད་རྣམ་དབྱེ་དང༌། བྱ་ཚིག་བཅས་ཀྱི་རྣམ་གཞག་གསལ་བར་སྟོན་པའི་སུམ་རྟགས་སོགས་བརྡ་སྤྲོད་པའི་རིག་པའོ། 2.1 སྐད་ཆའི་ཡོང་ཁུངས་དང་སྐད་གདངས་བརྡ་སྤྲོད་སོགས་བཤད་པའི་རིག་པའི་མིང་། 2 དངོས་ལུགས་རིག་པའི་ཁག་ཅིག་སྟེ། སྒྲ་འབྱུང་ཚུལ་དང་བརྒྱུད་ཚུལ་གྱི་ཆོས་ཉིད་ལ་བརྟག་དཔྱད་བྱེད་པའི་རིག་པ་ཞིག་གི་མིང་། |
| སྒྲ་རིག་པའི་བསྟན་བཅོས |
སྒྲའི་གཞུང༌། |
| སྒྲ་རྒྱན |
སྒྲའི་རྒྱན་ཞེས་པའི་བསྡུས་ཚིག་ |
| སྒྲ་ལ་གཞོལ་བ |
གཞོལ་བ་གསུམ་གྱི་བཟླས་པའི་ཡ་གྱལ་ཏེ། ཟླ་དཀྱིལ་གྱི་སྟེང་དུ་སྔགས་ཕྲེང་རང་སྒྲ་སྒྲོག་པར་གསལ་གདབ་པའོ། |
| སྒྲ་ལ་གཞོལ་བའི་ཡན་ལག |
སྤྱོད་རྒྱུད་ཀྱི་བཟླས་པ་ཡན་ལག་བཞིའི་ནང་གསེས་ཏེ། ཟླ་དཀྱིལ་སྟེང་བཟླ་བྱའི་སྔགས་རང་སྒྲ་དང་བཅས་པ་བསྒོམ་པའོ། |
| སྒྲ་ལན |
བྲག་ཅ། |
| སྒྲ་ལྡན |
1 ཡི་གེ་རྣམས་རང་རང་གི་སྐྱེ་གནས་ནས་བྱུང་བའི་སྒྲ་ཕྱིར་ཐོན་པའི་རྩོལ་བ་ཆེ་ཆུང་གི་དབང་གིས་དབྱེ་བས་བོད་ཡིག་གི་ག་ང་ཇ་ཉ་ད་ན་བ་མ་ཛ་ཝ་འ་ཡ་ར་ལ་ཧ་ཨ་ཨི་ཨུ་ཨེ་ཨོ་སྟེ་ཉི་ཤུ་དང༌། ལེགས་སྦྱར་སྐད་ཀྱི་ཧ་བ་བསྡུ་བའམ་ཧ་ཡ་ཝ་ར་ལ་ཉ་ཎ་ན་ང་མ་ཛྷ་ཌྷ་དྷ་གྷ་བྷ་ཛ་ཊ་ད་ག་བ་སྟེ་ཉི་ཤུ་བཅས་ལ་སྒྲ་ལྡན་ཟེར། ག ཧ་བ 2 སྲོག་ལྡན། 3 མངོན 1.སྤྲིན་པ། 2.ཤིང་རྟ། |
| སྒྲ་ལྡན་ཅན |
མངོན ཁྲིམས་ཁང༌། |
| སྒྲ་ལྡན་ལྷ |
མངོན དབྱངས་ཅན་མ། |
| སྒྲ་ལྷོད་པ |
སྐད་སྦོམ་པའམ་གདངས་དལ་བ། |
| སྒྲ་སིང་ངེ་བ |
སྒྲ་ཆུང་ཞིང་གསལ་བར་ཐོན་ཚུལ། ཏིང་ཤགས་ཀྱི་སྒྲ་སིང་ངེ་བ་ཞིག་ཐོས། |
| སྒྲ་སིལ་སིལ |
དྲིལ་བུ་སོགས་ཀྱི་སྒྲ་འབྱུང་ཚུལ། |
| སྒྲ་སྐད |
ངག་གམ་འབྱུང་བ་ལས་ཐོན་པའི་སྒྲའམ་སྐད། གླུ་དབྱངས་དང་རོལ་མོའི་སྒྲ་སྐད་སྙན་པ། གནམ་གྲུ་མང་པོ་གནམ་ལ་འཕུར་བའི་སྒྲ་སྐད་ཆེན་པོ། ནགས་ཚལ་སྟུག་པོའི་ནང་དུ་གཅན་གཟན་གྱི་སྒྲ་སྐད་སྒྲོག་པ། སྐྱེད་ཚལ་ནང་དུ་བྱ་དང་བྱེའུའི་སྒྲ་སྐད་གྲག་པ། རིང་ནས་གླུ་རྒྱང་འཐེན་པའི་སྒྲ་སྐད་ལྷང་ངེར་གྲགས་པ། |
| སྒྲ་སྐྱུང་བ |
1 སྐད་ཆུང་ཆུང་དུ་བྱེད་པ། 2 སྐད་ཆ་མི་ཤོད་པ། |
| སྒྲ་སྒྱུར |
1 ལོ་ཙཱ་བ། སྐྱེས་མཆོག་སྒྲ་སྒྱུར་ཆེན་པོ། 2 སྐད་རིགས་གཅིག་གི་སྒྲ་སོར་བཞག་གིས་སྐད་རིགས་གཞན་ཞིག་ལ་སྒྱུར་བ། |
| སྒྲ་སྒྲོག |
མངོན 1 ཁུག་རྟ། 2 ཁྱིམ་བྱ། 3 བརྒྱ་བྱིན། 4 ངང་པ། 5 བཅུའི་མིང༌། 6 ནམ་མཁའ། 7 སྤྲིན། 8 བྱ་སྤྱི། 9 བྱ་རོག 10 འབྲུག 11 རི་དྭགས་རུ་རུ། 12 སྲིན་པོ། |
| སྒྲ་སྒྲོག་རྒྱལ་པོ |
མངོན སྲིན་པོ། |
| སྒྲ་སྙན |
པི་ཝང་ངམ་རྒྱུད་མང༌། |
| སྒྲ་སྙན་པ |
རྣ་བར་སྙན་པའི་སྐད། |
| སྒྲ་སྙན་འཁྲོལ་འཛིན |
སྔར་སྨོན་ལམ་ཚུགས་དུས་ལྷ་སའི་མི་ཚོས་སྒྲ་སྙན་པི་ཝང་སོགས་བཏང་ཆོག་པ་ཚོགས་ཆེན་ཞལ་ངོར་དགོངས་པ་ཞུས་པའི་འཁོལ་འཛིན། |
| སྒྲ་སྙན་རྒྱུད་གསུམ་པ |
རྒྱུད་སྐུད་གསུམ་ལྡན་གྱི་སྒྲ་སྙན། |
| སྒྲ་སྙན་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། བྱང་སེམས་ས་བཅུ་པའི་རྒྱུད་ཀྱི་ཆོས་ཀྱི་དགའ་སྟོན་དང་ལྡན་པའི་སེམས་བསྐྱེད་ནི། ཆོས་ཀྱི་སྡོམ་བཞིའི་སྒྲ་དབྱངས་སྙན་པར་སྒྲོག་པས་ཀུན་དགའ་བའི་སྒྲ་སྙན་ལྟ་བུའོ། |
| སྒྲ་སྡེབ |
ཡི་གེའི་བརྡ་སྦྱོར། དབྱངས་གསལ་འཕུལ་རྟེན་མགོ་འདོགས་སོགས་ཀྱི་སྦྱོར་བ་མ་ནོར་བའི་སྒྲ་སྡེབ་གསལ་བ། |
| སྒྲ་སྤྱི |
མིང་གི་ཆ་འདྲ་བློ་ལ་སྣང་བ་སྟེ། དཔེར་ན། བུམ་འཛིན་རྟོག་པ་ལ་བུམ་པའི་མིང་གི་ཆ་འདྲ་བློ་ལ་སྣང་བ་དང༌། འདུས་བྱས་མི་རྟག་པ་ཞེས་པའི་མིང་ཚིག་གི་ཆ་འདྲ་བློ་ལ་སྣང་བ་ལྟ་བུའོ། |
| སྒྲ་སྤྱི་རྟོག་པ |
སྒྲ་སྤྱི་རྐྱང་པ་སྣང་བའི་རྟོག་པ་སྟེ། བརྡ་ལ་མ་བྱང་བའི་རྒྱུད་ཀྱི་བུམ་པའི་སྒྲ་སྤྱི་སྣང་བའི་བློ་ལྟ་བུ། |
| སྒྲ་སྦྱོར |
1 སྒྲ་རིག་པའི་གཞུང༌། 2 གླུ་དབྱངས་ཀྱི་འགྱུར་ཁུག་རིང་ཐུང་འཐེན་སྟངས་སོགས་ལ་བསྟུན་པའི་ཚིག་སྦྱོར། 3 ཕྲད་དང་རྣམ་དབྱེ་རྣམས་རྗེས་འཇུག་སོ་སོའི་མཐར་སྦྱོར་སྟངས། |
| སྒྲ་སྦྱོར་བམ་གཉིས |
མངའ་བདག་ཁྲི་རལ་པ་ཅན་གྱི་སྐུ་དུས་སུ། པཎྜི་ཏ་ཛི་ན་མི་ཏྲ་དང༌། དཱ་ན་ཤི་ལ། ལོ་ཙཱ་བ་ཞང་ཡེ་ཤེས་སྡེ་སོགས་ལོ་པཎ་རྣམས་ཀྱིས་སྔོན་གྱི་འགྱུར་རྣམས་དག་བཅོས་དང༌། གཞུང་ཚད་བམ་པོར་གྲངས་ངེས་པ་བྱས་པ་དང་འབྲེལ། མདོ་རྒྱུད་ཀྱི་གཞུང་རྣམས་ཇི་ལྟར་བསྒྱུར་དགོས་པའི་ཚུལ་སྒྲ་གཞུང་དང་བོད་སྐད་གཉིས་ཆར་མཐུན་ཞིང༌། གོ་བདེ་བའི་ཆེད་དུ་རྒྱལ་པོའི་བཀས་བཅད་དེ་གཏན་ལ་ཕབ་ཅིང༌། མིང་དུ་བཏགས་པ་རྣམས་དཀར་ཆག་ཏུ་བྲིས་ནས་ནམ་དུ་ཡང་མི་འགྱུར་བ་བྱས་པའི་སྒྲ་རིག་པའི་བསྟན་བཅོས་ཤིག |
| སྒྲ་སྦྱོར་བམ་གཉིས་མ |
སྒྲ་སྦྱོར་བམ་གཉིས་དང་དོན་གཅིག་ |
| སྒྲ་སྦྱོར་ཡི་གེ |
དབྱངས་གསལ་ལ་བརྟེན་ནས་སྐད་རིགས་ཤིག་གི་ཤོད་སྟངས་གཞིར་བཟུང་གིས་སྐྱུས་སུ་ཀློག་པའི་ཡི་གེ་ཞིག་གོ |
| སྒྲ་སྦྱོར་རྟོག་པ |
མིང་སྦྱོར་རྟོག་པའོ། |
| སྒྲ། |
སྒྲ་སྐད་དེ། རྔ་སྒྲ། ཆུ་སྒྲ། སྒྲ་གདངས། སྒྲ་སྙན་ཞེས་པ་ལྟ་བུ། ཐ་སྙད་དང་ཡི་གེའི་མིང་སྟེ། བདག་སྒྲ། དགག་སྒྲ། འབྲེལ་སྒྲ། བྱེད་སྒྲ་ཞེས་པ་ལྟ་བུ། |
| སྒྲང |
བགྲང་དང་དོན་འདྲ་སྟེ། མ་འོངས་པ་ལ་བསྒྲང་དང་འདས་པ་ལ་བསྒྲངས། སྐུལ་ཚིག་ལ་སྒྲོངས་འབྲི་སྲོལ་ཡོད། དཔེར་ན། གྲངས་ཀ་སྒྲང་མཁན་བསྒྲང་བྱ་བསྒྲངས་ཟིན། སྒྲོངས་ཤིག་ལྟ་བུ། |
| སྒྲབ་བེ་སྒྲོབ་བེ |
1 དངོས་རིགས་སྣ་ཚོགས་འཕུང་ཚུལ། འཛིན་ཆས་སྒྲབ་བེ་སྒྲོབ་བེ་མང་པོ་ཞིག་བསགས་པ། 2 སྤམ་རྫུ་བྱེད་ཚུལ། མི་དེས་ཡོན་ཏན་གང་ཡང་མེད་ཀྱང་སྒྲབ་བེ་སྒྲོབ་བེའི་ཤོམ་འགྱིང་ཁོ་ན་བྱེད་ཀྱིན་འདུག |
| སྒྲབ་སྒྲོབ |
སྒྲབ་བེ་སྒྲོབ་བེའི་བསྡུས་ཚིག་ |
| སྒྲའི་གནས་བརྒྱད |
བརྡ་སྤྲོད་གཞུང་ལུགས་ཀྱི་སྒྲའི་འཇུག་ཡུལ་མི་འདྲ་བ་བརྒྱད་དེ་བྱེད་པ་དང༌། བསྡུ་བ། བསྒྱུར་བ། དྲང་བ། འཇུག་པ། རྣམ་པར་དབྱེ་བ། ཕྱོགས། དངོས་པོ་བཅས་ཀྱི་གནས་བརྒྱད། |
| སྒྲའི་གནས་བརྒྱད་རྩ་འགྲེལ |
བོད་རྒྱལ་ཁྲི་སྲོང་ལྡེའུ་བཙན་སྐབས་ལྕེ་ཁྱི་འབྲུག་གིས་བརྩམས་པའི་སྒྲའི་གནས་བརྒྱད་ཀྱི་འགྲེལ་པ་ཞིག |
| སྒྲའི་བྱེད་ཅན་དྲུག |
བྱེད་པ་པོ། ལས། བྱེད་པ། དགོས་ཆེད། འབྱུང་ཁུངས། གཞི་བཅས། |
| སྒྲའི་འཇུག་ཚུལ |
སྔོན་རྗེས་མིང་གསུམ་ཚིག་ཕྲད་རྣམ་དབྱེ་དང་བཅས་པ་གང་གིས་གང་ལ་ཇི་ལྟར་འཇུག་པའི་ཚུལ། |
| སྒྲའི་ཡན་ལག་ཐུན་མོང་བ་གསུམ |
རྩོམ་ལ་མཁོ་བའི་སྒྲའི་ཡན་ལག་ཐུན་མོང་བ་གསུམ་སྟེ་གཞི་ཡི་གེ་དང༌། ངོ་བོ་ཙམ་བརྗོད་པ་མིང་དང༌། ཁྱད་པར་བརྗོད་པ་ཚིག་བཅས་སོ། |
| སྒྲའི་ཡན་ལག་ཐུན་མོང་མིན་པ་གསུམ |
རྩོམ་ལ་མཁོ་བའི་སྒྲའི་ཡན་ལག་ཐུན་མོང་མིན་པ་གསུམ་སྟེ། རང་བཞིན། རྐྱེན། རྣམ་འགྱུར། |
| སྒྲའི་རྒྱན |
སྙན་ངག་གི་རྩ་བའི་གཞུང་མེ་ལོང་མའི་ལེའུ་དང་པོ་སྒྲའི་ཡི་གེ་ལྕི་ཡང་ལ་སོགས་པ་སྡེབ་སྦྱོར་ལས་འབྱུང་བ་བཞིན་དུ་སྦྱར་ཏེ་རྒྱ་གར་ལྷོ་ཤར་གྱི་འདོད་ཚུལ་མི་འདྲ་བ་སོ་སོའི་རང་ལུགས་བཞིན་སྟོན་པའི་རྒྱན་ཡིན། ལེའུ་གསུམ་པ་ཡིག་གཟུགས་འདྲ་བ་ཚིག་རྐང་གི་ཐོག་མཐའ་བར་གསུམ་སྦྱར་བ་སོགས་ཟུང་ལྡན་གྱི་རྣམ་གྲངས་སྣ་ཚོགས་དང༌། ཀུན་ཏུ་འཁོར་བ་དང༌། ཕྱེད་འཁོར། དབྱངས་དང་གསལ་བྱེད་གཅིག་ཏུ་ངེས་པ་སོགས་བྱ་དཀའ་བའི་རྣམ་གྲངས་མང་པོ་སྟེ་སྒྲའི་སྦྱོར་བ་གཙོ་བོར་སྟོན་པའི་རྒྱན་ཡིན། |
| སྒྲའི་ལྷ |
ཟླ་དཀྱིལ་གྱི་ངོས་སུ་བཟླ་བྱའི་སྔགས་གཟུངས་རང་སྒྲ་དང་བཅས་པའི་འོད་ཟེར་སྤྲོ་བསྡུ་བསྒོམ་པ་སྟེ། བྱ་རྒྱུད་ལྷ་དྲུག་གི་ནང་གསེས་ཤིག |
| སྒྲའི་སྐྱེ་གནས |
ཡི་གེའི་སྒྲའི་སྐྱེ་གནས་མགྲིན་པ་སོགས། |
| སྒྲའི་སྐྱེ་མཆེད |
ཕྱིའི་སྐྱེ་མཆེད་དྲུག་གི་ནང་གསེས། རྣ་ཤེས་ཀྱིས་མཉན་བྱ་སྟེ། ཟིན་པའི་འབྱུང་བ་ལས་གྱུར་པ་དང༌། མ་ཟིན་པའི་འབྱུང་བ་ལས་གྱུར་པའི་སྒྲ་རྣམས་སོ། |
| སྒྲའི་སྡེབ་སྦྱོར |
ཡི་གེའི་སྔོན་རྗེས་མགོ་འདོགས་སོགས་སྡེབ་སྦྱོར་བྱེད་སྟངས། |
| སྒྲར་གནས་ཀྱི་དེ་ཉིད |
སྒྲར་གནས་ཀྱི་དེ་ཉིད་ཅེས་བྱ་བ། བྱ་རྒྱུད་བསམ་གཏན་གྱི་དེ་ཁོ་ན་ཉིད་ཀྱི་ནང་གསེས་ཤིག་སྟེ། རང་གི་ཐུགས་ཀའི་ཟླ་བ་སྔགས་ཕྲེང་དང་བཅས་པ་ལས་སྔགས་ཀྱི་ཡི་གེ་རྣམས་རང་སྒྲ་དྲིལ་བུའི་སྒྲ་ལྟ་བུར་སྒྲོག་པར་བསམ་པ། སྒྲ་གནས་ཏེ་ཞི་གནས་བསྒྲུབ་པའི་གཞིའོ། |
| སྒྲིག |
(བྱེད་འབྲེལ་ལས་ཚིག་ད་ལྟ་བ)གོ་རིམ་ངེས་ཅན་ལྟར་བཀོད་པའི་དོན་ཏེ། གྲལ་སྒྲིག་པ། འཕྲུལ་འཁོར་གྱི་ལྷུ་ལག་སྒྲིག་མཁན། དཔེ་ཆ་ལ་དཀར་ཆག་སྒྲིག་པའི་རིམ་པ། དག་སྒྲིག སྒྲིག་བཀོད་བཀོད་སྒྲིག ཅེས་པ་ལྟ་བུ། |
| སྒྲིག་ཆས |
འཕྲུལ་འཁོར་དང་ཁང་པ་སོགས་ཀྱི་ཡན་ལག་ཏུ་གྱུར་པའི་དངོས་ཆས། |
| སྒྲིག་པ |
ཐ་དད་པ བསྒྲིགས་པ། བསྒྲིག་པ། སྒྲིགས།།1 གཤོམ་པ། མི་མང་པོ་སྟར་བསྒྲིགས་ཏེ་ཕྱིན་པ། དམག་དཔུང་གི་བཀོད་པ་གསར་དུ་བསྒྲིགས་པ། 2 སྦྱོར་བ། སྙན་ཚིག་ཁ་འཐོར་བ་རྣམས་ཕྱོགས་གཅིག་ཏུ་བསྒྲིགས་པ། ཤིང་ཁ་བསྒྲིགས་པ། |
| སྒྲིག་འཛུགས |
སྒྲིགས་ལམ་དང་ལྡན་པའི་མཉམ་སྡེབ་ཚོགས་པ། |
| སྒྲིག་འཛུགས་མེད་པ |
1 ཚོགས་པའི་སྤྱི་སྒྲིགས་བརྩི་ཁུར་མི་ཞུ་བ། 2 ཚོགས་པའི་ནང་དུ་མ་ཞུགས་པ། |
| སྒྲིག་རྩོམ |
གསར་འགྱུར་སོགས་ཕྱོགས་བསྡུས་ཀྱིས་རྩོམ་པ། སྒྲིག་རྩོམ་པར་སྐྲུན། |
| སྒྲིག་ལམ |
ཐུན་མོང་གི་འཚོ་བའི་ནང་དུ་ཚང་མས་བརྩི་སྲུང་བྱེད་དགོས་པའི་བསྲུང་བྱའི་ལམ་ལུགས་ཀྱི་མིང་སྟེ། ངལ་རྩོལ་གྱི་སྒྲིག་ལམ། བྱ་བའི་སྒྲིག་ལམ་ཞེས་པ་ལྟ་བུ། |
| སྒྲིག་སྟངས |
སྒྲིག་ལུགས། |
| སྒྲིགས |
1. སྒྲིག་པའི་སྐུལ་ཚིག 2. ཚུལ་མཐུན་ལམ་ལུགས། སྒྲིགས་ཡག་པོ། སྒྲིགས་མེད། བྱ་སྤྱོད་ངན་པ་ལང་ཤོར་གྱིས་སྒྲིགས་ལད་པ། ལུས་ངག་གི་བྱ་སྤྱོད་ཚུལ་དང་མཐུན་པར་སྒྲིགས་གཅུན་པ། མ་རབས་ཀྱི་ཀུན་སྤྱོད་ལ་བརྟེན་ནས་སྒྲིགས་འཆལ་བ། |
| སྒྲིགས་ཁྲིམས |
སྒྲིགས་ལམ་དང་ཁྲིམས་སྲོལ། བག་ཡོད་ཚུལ་མཐུན་གྱི་སྒོ་ནས་སྒྲིགས་ཁྲིམས་བརྩི་ཁུར་བྱས་པ། ངན་སྤྱོད་ངོ་ཁྱེར་གྱིས་སྒྲིགས་ཁྲིམས་འདྲལ་བ། སྒྲིགས་ཁྲིམས་དཀྲུགས་པ། |
| སྒྲིགས་དབྱུང |
སྒྲིགས་ཁོངས་ནས་ཕྱིར་ཕུད་པ། |
| སྒྲིགས་ཞུགས |
བྱ་སྤྱོད་མཐུན་པའི་གྲལ་དུ་འཛུལ་བ། |
| སྒྲིགས་ཞུགས་རྒན་གཞོན |
1 སྒྲིགས་འཛུགས་སུ་འཛུལ་དུས་སྔ་ཕྱི། 2 དགེ་འདུན་གྱི་ནང་དུ་འཛུལ་དུས་སྔ་ཕྱི། |
| སྒྲིགས་ཡིག |
ཡིག་ཐོག་ཏུ་གཏན་ལ་ཕབ་པའི་སྒྲིག་འཛུགས་ཀྱི་ལམ་ལུགས་སམ་ལས་དོན་སྒྲུབ་སྟངས། |
| སྒྲིགས་ལམ |
ལུགས་མཐུན་ལམ་སྲོལ། སྒྲིགས་ལམ་དམ་པོ། ཆོག་དང་མི་ཆོག་གི་སྒྲིགས་ལམ་བཙུགས་པ། སྔར་གྱི་དྲང་པོ་མིན་པའི་སྒྲིགས་ལམ་ཚང་མ་ཞིག་པ། རྩིང་སྤྱོད་མཁན་གྱིས་སྒྲིགས་ལམ་དཀྲུགས་པ། |
| སྒྲིན |
འགྲན་པའི་བརྡ་རྙིང་སྟེ། ད་ལྟ་བ་དང་སྐུལ་ཚིག་ལ་སྒྲིན་དང་འདས་མ་འོངས་ལ་བསྒྲིན་བྲིས་པ་ཡོད། |
| སྒྲིན་པ |
1. ཐ་དད་པ བསྒྲིན་པ། བསྒྲིན་པ། སྒྲིན།། སྡུར་བ། སྤུས་ཚད་ལེགས་ཉེས་ཕན་ཚུན་བསྒྲིན་པ། ཕ་རོལ་པོ་དང་སྟོབས་ཤུགས་སྒྲིན་པ། 2. མཁས་པ། |
| སྒྲིན་པོ |
སྤྱང་པོའམ་གྲུང་པོ། ལག་རྩལ་མཁས་ཤིང་སྒྲིན་པོ། ཟུར་ཙམ་སྨྲས་པས་གོ་ན་སྒྲིན་པོ་ཟེར། |
| སྒྲིབ |
(བྱེད་འབྲེལ་ལས་ཚིག་ད་ལྟ་བ) <ཀ>དངོས་རྫས་གཞན་བཀབ་པའམ་བར་བཅད་ནས་མི་མཐོང་བར་བྱས་པ་སྟེ། མིག་སྒྲིབ་པ། ལུས་སྒྲིབ་བྱེད་ཀྱི་ལྭ་བ་ཞེས་པ་ལྟ་བུ། |
| སྒྲིབ་གཉིས |
ཉོན་མོངས་པའི་སྒྲིབ་པ་དང༌། ཤེས་བྱའི་སྒྲིབ་པ་གཉིས། |
| སྒྲིབ་གཡོགས |
སྒྲིབ་བྱེད། མངོན་སུམ་མཐོང་གསལ་སྒྲིབ་གཡོགས་མེད་པ། |
| སྒྲིབ་པ |
1. ཐ་དད་པ བསྒྲིབས་པ། བསྒྲིབ་པ། སྒྲིབས།། གཡོག་པའམ་འགེབས་པ་དང༌། མི་མཐོང་བར་བྱེད་པ། ཉི་མ་སྤྲིན་པས་བསྒྲིབས་པ། བློ་རིག་སྒྲིབ་པ། སྨུག་པ་འཐིབས་ནས་མིག་ལམ་སྒྲིབ་པ། 2. ཁེབས་དང་གཡོགས། མིག་ནང་དཀར་སྒྲིབ། སྡིག་སྒྲིབ། རང་སྐྱོན་གྱི་སྒྲིབ་པས་བསྒྲིབས་པ། ཁའི་དེ་བཞིན་གཤེགས་པས་ལུས་ཀྱི་སྒྲིབ་པ་མི་འདག མར་གྱི་ཀོ་སྒྲིབ། བྱེ་རིལ་གྱི་ཤོག་སྒྲིབ། 3.སངས་རྒྱས་ཆོས་ལུགས་ཀྱི་བརྡ་ཞིག་སྟེ། སེམས་རྒྱུད་མི་གསལ་བའམ་རྨོངས་པར་བྱེད་པའི་བསམ་བློ་དང་བྱ་སྤྱོད་སོགས་ལ་སྒྲིབ་པ་སེར། ཚིག་བསྡུས་ན་སྒྲིབ་ཅེས་འབྲི་ཆོག་སྟེ། སྒྲིབ་པ་རྣམ་སྨིན། ནད་གདོན་སྡིག་སྒྲིབ་ཟེར་བ་ལྟ་བུ། |
| སྒྲིབ་པ་གསུམ |
ཆགས་པའི་སྒྲིབ་པ་དང༌། ཐོགས་པའི་སྒྲིབ་པ། དམན་པའི་སྒྲིབ་པ་བཅས་གསུམ་མམ། ཉོན་མོངས་ཀྱི་སྒྲིབ་པ་དང༌། ཤེས་བྱའི་སྒྲིབ་པ། ལས་ཀྱི་སྒྲིབ་པ་བཅས་གསུམ་མོ། |
| སྒྲིབ་པ་བཞི |
འདི་ལ་འདྲེན་ཚུལ་མི་འདྲ་བ་གཤམ་གསལ་ལྟར། 1 ལམ་གྱི་དགག་བྱ་སྒྲིབ་པ་བཞི་སྟེ། འདོད་ཆེན་གྱི་སྒྲིབ་པ་དང༌། མུ་སྟེགས་པའི་སྒྲིབ་པ་དང༌། ཉན་ཐོས་ཀྱི་དམན་སྒྲིབ། རང་རྒྱལ་གྱི་དམན་སྒྲིབ། 2 ཉོན་སྒྲིབ་དང༌། ཤེས་སྒྲིབ། ཆགས་སྒྲིབ། ཐོགས་སྒྲིབ། 3 ལས་ཀྱི་སྒྲིབ་པ། ཉོན་མོངས་པའི་སྒྲིབ་པ། ཤེས་བྱའི་སྒྲིབ་པ། སྙོམས་འཇུག་གི་སྒྲིབ་པ། |
| སྒྲིབ་པ་མི་མངའ་བའི་མཁྱེན་པ |
སངས་རྒྱས་ཀྱི་ཐུགས་ཀྱི་ཡེ་ཤེས། |
| སྒྲིབ་པ་རྣམ་སེལ |
བྱང་སེམས་ཉེ་སྲས་བརྒྱད་ཀྱི་གཅིག |
| སྒྲིབ་པ་ལྔ |
རྒོད་འགྱོད་དང༌། གནོད་སེམས། རྨུགས་གཉིད། འདོད་ལ་འདུན་པ། ཐེ་ཚོམ་བཅས་ལྔའོ། ཡང་གྲངས་འདྲེན་ལུགས་ཤིག་ལ་འདོད་ཆགས་དང༌། རྨུགས་པ་དང༌། གཉིད་དང༌། འགྱོད་པ་དང༌། གཡེང་བ་དང༌། ཐེ་ཚོམ་བཅས་ལྔའོ། |
| སྒྲིབ་པ་སྤངས་པའི་སེམས་བསྐྱེད |
སངས་རྒྱས་ཀྱི་ས་ཡི་སེམས་བསྐྱེད་དོ། |
| སྒྲིབ་པ་སྤངས་པའི་སེམས་བསྐྱེད་གཉིས |
སེམས་བསྐྱེད་ཉེར་གཉིས་ལས་སྒྲིབ་པ་སྤངས་པའི་སེམས་བསྐྱེད་གཉིས་ཏེ། ཆུ་རྒྱུན་ལྟ་བུའི་སེམས་བསྐྱེད་དང༌། སྤྲིན་ལྟ་བུའི་སེམས་བསྐྱེད་དོ། |
| སྒྲིབ་པའི་ཐོགས་པ |
མིག་ལ་སོགས་པའི་གཟུགས་ཅན་བཅུ་པོ་ནི་སྒྲིབ་པ་ལ་ཐོགས་པ་སྟེ་རང་གི་ཡུལ་དུ་གཞན་སྐྱེ་བའི་གེགས་བྱེད་པའོ། |
| སྒྲིབ་བྱེད |
མངོན ཟླ་བ། |
| སྒྲིབ་ཡུན |
སྒྲ་གཅན་ནམ་གཟས་ཉི་ཟླ་འཛིན་ཡུན། |
| སྒྲིབ་ཤིང |
བྱ་ཁྭ་ཏའི་ཚང་ཤིང་ལ་སྔགས་བཏབ་སྟེ་ལུས་ལ་བཅངས་ན་ཚང་ཤིང་འཛིན་མཁན་རང་ཉིད་གཞན་གྱིས་མི་མཐོང་བར་སྒྲིབ་ཐུབ་ཅེས་པའི་བཤད་སྲོལ་ཡོད། |
| སྒྲིབས |
སྐུལ་ཚིག་སྟེ། སྒྲིབས་ཤིག་ལྟ་བུ། <ཁ>བློ་སེམས་མི་གསལ་བར་བྱས་པའི་དོན་ཏེ། རྨོངས་དད་ཀྱིས་བློ་རིག་བསྒྲིབས་ལྟ་བུ། སྒྲིབ་པ་ལ་ལྟོས། |
| སྒྲིམ |
(བྱེད་འབྲེལ་ལས་ཚིག་ད་ལྟ་བ) སྐུད་པ་དང་ཐག་པ་སོགས་བཀལ་ནས་དམ་པོར་བྱས་པའི་དོན་ཏེ། ཐག་པ་སྒྲིམ་མཁན། རྩིད་སྐུད་སྒྲིམ་གྱིན་ཡོད་ལྟ་བུ། |
| སྒྲིམ་ཆ |
ལྷོད་ལྷོད་མིན་པ། རིག་པ་སྒྲོམ་ཆ་ཡོད་པ་ཞིག་བྱེད་པ། |
| སྒྲིམ་པ |
ཐ་དད་པ བསྒྲིམས་པ། བསྒྲིམ་པ། སྒྲིམས།།1 རྩེ་གཅིག་ཏུ་གཞོལ་བ། བློ་རྩེ་གཅིག་ཏུ་བསྒྲིམས་ཏེ་རྣ་བ་ཉོན། རིག་པ་དམ་པོར་སྒྲིམ་པ། ལག་རྩལ་ཧ་ཅང་མཁས་པས་ལས་ཀ་བྱེད་དུས་བློ་སེམས་ཆེར་བསྒྲིམ་མི་དགོས་པ། 2 འཁལ་བ། སྐུད་པ་བསྒྲིམས་པ། བལ་གྱི་ཉག་མ་ཕྲ་ཡང༌། བསྒྲིམས་ན་སེང་གེ་འཁྱིག་ཐུབ། |
| སྒྲིམ་པོ |
1 མཁས་པོ་དང་གྲུང་པོ། མགོ་ཐོན་སྒྲིམ་པོ། 2 ལྷོད་པོ་མིན་པའམ་དམ་པོ། དར་སྐུད་སྣེ་ནས་བཟུང་སྟེ་སྒྲིམ་རྒྱག་པ། རྒྱུས་ཡོད་ལམ་ལ་འགྲོ་དུས་སེམས་སྒྲིམ་པོར་བྱེད་མི་དགོས། |
| སྒྲིམ་ལྷོད |
སྒྲིམ་པ་དང་ལྷོད་པ། ཐག་པ་སྒྲིམ་ལྷོད་འཚམ་པོ། |
| སྒྲིམས |
སྐུལ་ཚིག་སྟེ། ཐག་པ་སྒྲིམས་ཤིག་ལྟ་བུ། བློ་རིག་གསལ་བོ་བྱེད་པའམ་དོགས་ཟོན་བྱེད་པའི་དོན་ཏེ། རིག་པ་བསྒྲིམས་ནས་སློབ་སྦྱོང་བྱས། ལས་ཀ་ལ་ཤ་སྒྲིམས། དགྲ་ལ་དོགས་སྒྲིམས་ལྟ་བུ། |
| སྒྲིལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཐོག་འོག་རྗེ་བཞིན་འགྲོར་བཅུག་པའི་དོན་ཏེ། ཐུར་ལ་རྦབ་རྡོ་སྒྲིལ། ཐང་ལ་གྲུ་གུ་སྒྲིལ་བ། གྲུ་གུ་སྒྲིལ་མཁན། རྦབ་རྡོ་སྒྲིལ་མཁན། རྦབ་རྡོ་སྒྲིལ་ཅིག་ལྟ་བུ། |
| སྒྲིལ་ཁ |
དྲིལ་བའི་སྒྲིལ་སྒྲིལ། རས་ཀྱི་སྒྲིལ་ཁ། ཤོག་བུའི་སྒྲིལ་ཁ། |
| སྒྲིལ་གཟོང |
གཟོང་གི་བྱེ་བྲག་རྣ་ལོང་སོགས་ཀྱི་འབུར་སྒྲིལ་བཟོ་བྱེད་ཅིག |
| སྒྲིལ་བ |
ཐ་དད་པ བསྒྲིལ་བ། བསྒྲིལ་བ། སྒྲིལ།།1 སྡོམ་པ། ཐག་པ་ཉིས་སྒྲིལ་དང་སུམ་སྒྲིལ་བྱས་པ། 2 སྲེ་བའམ་སྤུང་བ། སྟོབས་ཤུགས་མཐའ་དག་ཕྱོགས་གཅིག་ཏུ་བསྒྲིལ། 3 བཏུམ་པ། འབོག་གི་ནང་དུ་ཡོ་བྱད་སྒྲིལ་བ། 4 རྩིས་རྒྱག་སྐབས་རང་འཁོར་ལོངས་ན་གནས་གོང་མར་བཅུག་པ། དབྱུག་ལ་བསྒྲིལ། བཅུ་ལོན་ན་བཅུ་གནས་སུ་བསྒྲིལ། མཁའ་རོ་ཐུབ་པས་བསྒྲིལ་བའི་ལྷག |
| སྒྲིལ་ཤིང |
1 ཐང་ཀའི་སྨད་ཤིང༌། 2 རྒྱ་ཐུག་སྒྲིལ་བྱེད་ཀྱི་ཤིང་ཀན་ཁྲང༌། |
| སྒྲིལ་ཤོག |
ཕྱི་སྒྲིལ་རྒྱག་བྱེད་ཀྱི་ཤོག་བུ། |
| སྒྲིལ་སྒྲིལ |
ཐུམ་གྱིས་བཏུམས་པའི་རིལ་རིལ། |
| སྒྲུག |
(བྱེད་འབྲེལ་ལས་ཚིག་ལྟ་བ)བཏུ་བའི་དོན་ཏེ། གནའ་དཔེར་བུད་ཤིང་ཞིག་སྒྲུགས་དང་ཞེས་པ་ལྟ་བུ། མ་འོངས་པར་བསྒྲུག་དང་འདས་པར་བསྒྲུགས་སྐུལ་ཚིག་ལ་སྒྲུཊ་ཞེས་འབྲི། ཡུལ་སྐད་དུ་ཉར་ཚགས་བྱས་པའི་དོན་ཏེ། ཅ་ལག་སྒྲུག་པ། ས་ཞིང་སྒྲུག་པ་ཞེས་པ་ལྟ་བུ། ０དངོས་རྫས་སྲ་མོའི་རིགས་བཅག་ནས་དུམ་བུ་མང་བོ་བྱས་པའི་དོན་ཏེ། རྡོ་སྒྲུག་པ་ཞེས་པ་ལྟ་བུ། |
| སྒྲུག་པ |
ཐ་དད་པ བསྒྲུགས་པ། བསྒྲུག་པ། སྒྲུགས།། ཡར་ལེན་པ། ལམ་དུ་མེ་ཤིང་བསྒྲུགས་ཏེ་ནང་དུ་ལོག མིས་བཤད་ཚད་བདེན་པ་མིན། བྱིའུས་བསྒྲུགས་ཚད་འབུ་སྲིན་མིན། |
| སྒྲུག་མདངས |
རི་མོ་འབྲི་སྐབས་ནམ་མཁའ་དང་ས་གཞི་ལ་ཕྲ་སྒྲུག་གི་མདངས་རིས་རྒྱག་པ། |
| སྒྲུགས |
སྒྲུག་པའི་སྐུལ་ཚིག་ |
| སྒྲུང |
སྔར་བྱུང་རབ་བཏགས་ཀྱི་ལོ་རྒྱུས། ནམ་རིང་སྒྲུང་གིས་མི་འཁྱོལ། ཁོས་བཤད་པའི་སྐད་ཆ་དེ་སྒྲུང་སྒྲུང་རྐྱང་རེད། སྒྲུང་མཁན་མཁས་པས་གེ་སར་གྱི་སྒྲུང་འཆད་པ། |
| སྒྲུང |
མིའི་གཏམ་རྒྱུད་བརྗོད་བྱར་བྱས་པའི་རྩོམ་རིག་གི་རྣམ་པ་ཞིག་གི་མིང་སྟེ། སྒྲུང་དཔེ། སྒྲུང་གླུ་ཞེས་པ་ལྟ་བུ། 《གེ་སར་རྒྱལ་བོའི་སྒྲུང་》གི་མིང་བསྡུས་པ། 2.(བྱེད་འབྲེལ་ལས་ཚིག་ད་ལྟ་བ)ཆུ་ནང་དུ་སྦངས་ནས་འཇུ་བར་བྱས་པའི་དོན་ཏེ། སྣག་ཚ་སྒྲུང་གིན་འདུག སྣག་ཚ་སྒྲུང་བྱེད་ཀྱི་སྣོད་ཅེས་པ་ལྟ་བུ། མ་འོངས་པར་བསྒྲུང་དང་འདས་པར་བསྒྲུངས། སྐུལ་ཚིག་ལ་སྒྲུངས་འབྲི། |
| སྒྲུང་གཏམ |
སྔར་བྱུང་གཏམ་རྒྱུན། |
| སྒྲུང་གླུ |
སྒྲུང་གཏམ་གྱི་གླུ་དབྱངས། |
| སྒྲུང་དཔེ |
སྒྲུང་གཏམ་འཁོད་པའི་དཔེ་ཆ། |
| སྒྲུང་པ |
སྒྲུང་ཤོད་མཁན། |
| སྒྲུང་བ |
ཐ་དད་པ བསྒྲུངས་པ། བསྒྲུང་བ། སྒྲུངས།། ཆུ་སོགས་ཀྱི་ནང་དུ་སྦངས་ནས་འཇུ་བར་བྱེད་པ། སྣག་ཚ་སྒྲུང་གིན་འདུག འོ་མའི་ནང་ལ་རིན་ཆེན་རིལ་བུ་བསྒྲུངས་པ། |
| སྒྲུང་བབ་པ |
རབ་བཏགས་ཀྱི་ལོ་རྒྱུས་བློ་ལ་ཤར་བ། |
| སྒྲུང་མཁན |
ལོ་རྒྱུས་ཤོད་མཁན་ནམ་ལོ་རྒྱུས་གླུར་ལེན་མཁན། |
| སྒྲུང་ཡིག |
སྒྲུང་གཏམ་འཁོད་པའི་དཔེ་ཆ། |
| སྒྲུང་རྒྱུད |
སྒྲུང་གཏམ་བྱུང་ལུགས་ཀྱི་ངག་རྒྱུན། |
| སྒྲུང་ཤོད་པ |
1 སྔ་རབས་ཀྱི་ལོ་རྒྱུས་ཤོད་པ། 2 རྫུན་ཤོད་པ། དེ་རིང་ཡིན་ན་ཁོས་སྒྲུང་ཤོད་ཀྱིན་འདུག |
| སྒྲུངས |
སྒྲུང་བའི་སྐུལ་ཚིག་ |
| སྒྲུན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) འགྲན་ཟླ་བྱེད་པའི་དོན་ཏེ། 《སི་ཏུའི་འགྲེལ་ཆེན》དུ་ལེགས་བཤད་དོ་ཤལ་འདི་ལ་བསྒྲུན་དུ་ཅི་ཞེས་པ་ལྟ་བུ། མ་འོངས་པ་དང་འདས་པར་བསྒྲུན་ཞེས་འབྲི་སྲོལ་ཡོད། |
| སྒྲུན་པ |
ཐ་དད་པ བསྒྲུན་པ། བསྒྲུན་པ། སྒྲུན།། འགྲན་ཟླ་བྱེད་པ་དང་སྡུར་བ། ར་གན་གྱིས་གསེར་ལ་བསྒྲུན་པར་མི་བཟོད། མི་སྡར་མས་དཔའ་བོ་ལ་བསྒྲུན་ཕོད་དམ་མི་ཕོད། |
| སྒྲུན་ཟླ |
བསྒྲུན་ཟླ་དང་འདྲ། |
| སྒྲུབ |
(བྱེད་འབྲེལ་ལས་ཚིག་ད་ལྟ་བ)བྱ་བ་བྱེད་པའི་དོན་ཏེ། ཐུན་མོང་གི་ལས་དོན་སྒྲུབ་མཁན། ཐུན་མོང་ལ་རྒྱུ་ནོར་སྒྲུབ་མཁན། བྱ་བ་སྒྲུབ་ཀྱིན་ཡོད། བྱ་བ་སྒྲུབ་མཁན་ཞེས་པ་ལྟ་བུ། |
| སྒྲུབ་ཁང |
ལྷ་སོགས་སྒྲུབ་སའི་ཁང་པ། |
| སྒྲུབ་གཏོར |
སྒྲུབ་ཞག་བདུན་སོགས་བྱས་ནས་ལྷར་བསྐྱེད་རྒྱུའི་གཏོར་མ། |
| སྒྲུབ་གནས |
སྒྲུབ་པ་བྱེད་སའི་གནས། |
| སྒྲུབ་གཡོག |
མཚམས་གཡོག་སྟེ་མཚམས་བཅད་ཀྱི་བསྙེན་སྒྲུབ་བྱེད་མཁན་གྱི་འཚོ་བ་གཡོས་སྦྱོར་སོགས་ཀྱི་བྱ་བ་བྱེད་མཁན། |
| སྒྲུབ་གཤེན |
1 བོན་པོའི་ཆོས། 2 བོན་གྱི་བྱེ་བྲག་ཅིག |
| སྒྲུབ་གྲྭ |
ཆོས་སྒྲུབ་པའི་འདུས་གྲྭ། |
| སྒྲུབ་ངག |
སྒྲུབ་བྱེད་དམ་གཏན་ཚིགས་ཀྱི་སྦྱོར་བ་འགོད་པའི་ངག |
| སྒྲུབ་ངག་ཡང་དག |
སྒྲུབ་ངག་འགོད་མཁན་ཏེ་རྒོལ་བ་རང་དང་ཕྱི་རྒོལ་གཉིས་ཀར་མཐུན་སྣང་གྲུབ་ངེས་ཀྱི་ཚུལ་གསུམ་ཚང་བར་འགོད་པའི་སྒྲུབ་ངག་ཡན་ལག་གཉིས་ལྡན་ནོ། |
| སྒྲུབ་ངག་ཡན་ལག་གཉིས |
ཚུལ་གསུམ་ཚང་བའི་སྒྲུབ་བྱེད་སྟོན་པའི་སྦྱོར་བ་འགོད་ཚུལ་གྱི་ཡན་ལག་གཉིས་ཏེ། ཆོས་མཐུན་སྦྱོར་གྱི་ངག་དང༌། ཆོས་མི་མཐུན་སྦྱོར་གྱི་ངག་གོ། |
| སྒྲུབ་ངག་ལྟར་སྣང |
སྒྲུབ་ངག་གང་ཞིག་བློའམ་དོན་ནམ་སྒྲ་གང་རུང་སྐྱོན་དང་ལྡན་པ། དཔེར་ན་སྒྲ་མིག་ཤེས་ཀྱི་གཟུང་བྱ་ཡིན་པའི་ཕྱིར་ཞེས་པ་ལྟ་བུའོ། |
| སྒྲུབ་ངག་ལྟར་སྣང་གསུམ |
རྟགས་ཚུལ་གསུམ་མ་ཚང་བ་བཀོད་པ་དོན་སྐྱོན་ཅན་དང༌། རྟགས་ཚུལ་གསུམ་ཚང་ཡང་ཕྱི་རྒོལ་གྱིས་ངེས་རུང་མེད་པ་བཀོད་པ་བློ་སྐྱོན་ཅན་དང༌། ཚུལ་གསུམ་ངེས་པར་བྱེད་ཀྱང་བརྗོད་ཚུལ་མི་བཟང་བ་སྒྲ་སྐྱོན་ཅན་ཏེ་གསུམ་མོ། |
| སྒྲུབ་ཆག་འཇགས་གསུམ |
ཁྲལ་འུལ་སྒྲུབ་པ་དང༌། ཆག་ཡང་གཏོང་བ། རང་འཇགས་འཇོག་པ་བཅས་ལ་ཟེར། |
| སྒྲུབ་ཐབས |
1 ལས་དོན་བྱེད་ཚུལ། 2 ལྷ་སྒྲུབ་པའི་ཆོ་ག། |
| སྒྲུབ་པ |
1. ཐ་དད་པ བསྒྲུབས་པ། བསྒྲུབ་པ། སྒྲུབས།།1 བྱེད་པ། དོན་ཆེན་ལེགས་པར་བསྒྲུབས་པ། དཀའ་ངལ་ལ་མ་འཛེམས་པར་ལས་དོན་མང་པོ་སྒྲུབ་ཕོད་པ། རང་འཁྲི་ལས་འགན་སྒྲུབ་པ་ལྷུར་ལེན་པ། ཆ་རྐྱེན་ཚང་ན་ལས་དོན་གང་ཡང་སྒྲུབ་སླ་བ་ཡོང༌། སྙིང་རུས་མེད་ན་ལས་ཀ་འགངས་ཆེན་སྒྲུབ་དཀའ། 2 ཉོ་བ། མཁོ་ཆས་སྒྲུབ་པ། རྒྱགས་ཕྱེ་སྒྲུབ་པ། རྒྱུ་ནོར་བསྒྲུབ་པ། 3 བཟོ་བ། གསེར་ལས་སྒྲུབ་པ། ངར་ལྕགས་ཀྱིས་བསྒྲུབས་པའི་འཕྲུལ་འཁོར། 4 རང་དངོས་སུ་རྟོགས་པའི་བློའམ་རང་བརྗོད་པའི་སྒྲས་རང་གི་དགག་བྱ་དངོས་སུ་བཅད་ནས་རྟོགས་པར་བྱ་བ་མ་ཡིན་པའི་ཆོས། བུམ་པ་དང༌། ཀ་བ་ལྟ་བུ་རང་རང་གི་དོན་སྤྱི་འཆར་བ་རང་རང་གི་དགག་བྱའི་དོན་སྤྱི་འཆར་བ་ལ་མི་ལྟོས་པའོ། སྒྲུབ་པར་བྱེད་པའི་རྒྱུ་མཚན། སྒྲུབ་དང་སུན་འབྱིན། རྟགས་ཡང་དག་ལ་བརྟེན་ནས་བསྒྲུབ་བྱ་སྒྲུབ་པ། རང་གི་གྲུབ་མཐའ་སྒྲུབ་པ་དང༌། གཞན་གྱི་གྲུབ་མཐའ་སུན་འབྱིན་པ། རིགས་པས་སྒྲུབ་པ། 5 བརྟག་པའམ་བརྩི་བ། གཅིག་ལས་གཅིག་སྒྲུབ། ཉིན་ཞག་གི་དུས་ལོངས་ནས་ཚེས་ཞག་གི་དུས་ལོངས་བསྒྲུབ་པ། 6 ཆོས་ཉམས་སུ་ལེན་པ། ལྷག་པའི་ལྷ་སྒྲུབ་པ། སངས་རྒྱས་པའི་ཆོས་སྒྲུབ་པ། 2. བདེན་བཞི་མི་རྟག་སོགས་བཅུ་དྲུག་གི་ནང་གསེས་ཤིག་སྟེ་སེམས་ཕྱིན་ཅི་ལོག་སྤངས་ཏེ་ཕྱིན་ཅི་མ་ལོག་པར་སྦྱོར་བ། |
| སྒྲུབ་པ་པོ |
1 དོན་སྒྲུབ་མཁན། 2 ཆོས་སྒྲུབ་མཁན། |
| སྒྲུབ་པ་བཀའ་བརྒྱད |
རྙིང་མ་པའི་བསྐྱེད་རིམ་གྱི་གཙོ་བོ། འཇམ་དཔལ་སྐུ། པདྨ་གསུང༌། ཡང་དག་ཐུགས། བདུད་རྩི་ཡོན་ཏན། ཕུར་པ་ཕྲིན་ལས་ཏེ་འཇིག་རྟེན་ལས་འདས་པའི་སྡེ་ལྔ་དང༌། མ་མོ་རྦོད་གཏོང༌། དམོད་པ་དྲག་སྔགས། འཇིག་རྟེན་མཆོད་བསྟོད་དེ་འཇིག་རྟེན་པའི་སྡེ་གསུམ་མོ། |
| སྒྲུབ་པ་སྒོམ་ལམ |
ཤེར་ཕྱིན་དོན་བདུན་ཅུའི་ནང་གསེས། ཐེག་ཆེན་ཟག་མེད་སྒོམ་ལམ་གང་ཞིག་རྟོགས་པ་མཐར་ཐུག་གི་རྒྱུར་གྱུར་པའོ། |
| སྒྲུབ་པའི་ཆེད་དུ་བྱ་བ |
ཤེར་ཕྱིན་དོན་བདུན་ཅུའི་ནང་གསེས། བྱང་སེམས་གང་གི་ཆེད་དུ་སྒྲུབ་པར་འཇུག་པའི་འཐོབ་བྱ་མཐར་ཐུག་པ་སྟེ། སངས་རྒྱས་ཀྱི་ཐུགས་རྒྱུད་ཀྱི་སེམས་ཆེན་པོ་བྱང་ཆུབ་ཀྱི་སེམས་དང༌། སྤོང་བ་ཆེན་པོ་མི་གནས་པའི་མྱང་འདས། རྟོགས་པ་ཆེན་པོ་སྟོང་ཉིད་མངོན་སུམ་དུ་རྟོགས་པའི་མཁྱེན་པ་ལྟ་བུ་རྣམས་སོ། |
| སྒྲུབ་པའི་ཆོས |
ཕ་རོལ་ཏུ་ཕྱིན་པ་ལ་སོགས་ཏེ་བྱང་ཆུབ་ཕྱོགས་ཀྱི་ཆོས་རྣམས། |
| སྒྲུབ་པའི་ཐལ་འགྱུར |
སྒྲུབ་བྱེད་འཕེན་པའི་ཐལ་འགྱུར་ཏེ། ཐལ་འགྱུར་གྱི་ཆོས་གསུམ་དང་ལྡན་པ། བཟློག་ན་དོན་གྱི་ཚུལ་གསུམ་ཚང་བའི་ཐལ་འགྱུར། |
| སྒྲུབ་པའི་དམིགས་པ |
ཤེར་ཕྱིན་དོན་བདུན་ཅུའི་ནང་གསེས། དམིགས་པ་གང་ཞིག་བྱང་ཆུབ་སེམས་དཔའི་ཤེས་བྱར་གྱུར་པའོ། |
| སྒྲུབ་པའི་མཆོད་པ |
ཆོས་སྒྲུབ་པའམ། ཉམས་སུ་ལེན་པའི་དགེ་ཚོགས་རྣམས་མཆོད་ཡུལ་དུ་ཕུལ་བའི་མཆོད་པ་མཆོག |
| སྒྲུབ་པའི་མཎྜལ |
མཆོད་སྟེགས་སུ་དགོད་རྒྱུའི་མཆོད་ཡུལ་ལྷའི་མཎྜལ་ནི། གསེར་དངུལ་ལམ་ལི་སོགས་ལས་བཟོས་པའི་མཎྜལ་ཐོག་རིན་པོ་ཆེའམ་འབྲུའི་ཚོམ་བུ་ལྔ་བཀོད་ནས་དེ་རྒྱལ་བ་རིགས་ལྔ་སོགས་སུ་གསལ་འདེབས་པའི་མཎྜལ། |
| སྒྲུབ་པའི་ཚུལ་གསུམ |
ཉེས་བྱས་ཀྱི་སྡེ་ཚན་བརྒྱད་པ། གཙང་སྦྲ་སྒྲུབ་པའི་ཚུལ་གསུམ་སྟེ། མི་ན་བར་འགྲེངས་ཏེ་གཤང་གཅི་འདོར་བར་མི་བྱ་བ་དང༌། ཆུའི་ནང་དུ་གཤང་གཅི་དང་མཆིལ་སྣབས་སྐྱུགས་པ་སོགས་འདོར་བར་མི་བྱ་བ་དང༌། རྩྭ་སྔོན་པོ་ཡོད་པའི་ཕྱོགས་སུ་གཤང་གཅི་དང་མཆིལ་སྣབས་སོགས་འདོར་བར་མི་བྱ་བ་བཅས་གསུམ་མོ། |
| སྒྲུབ་པའི་རྟེན |
ཤེར་ཕྱིན་དོན་བདུན་ཅུའི་ནང་གསེས། ཆོས་ཀྱི་དབྱིངས་གང་ཞིག་སྦྱངས་ན་བླ་མེད་བྱང་ཆུབ་ཀྱི་རྒྱུར་གྱུར་པ་ཐེག་པ་ཆེན་པོའི་རིགས་སོ། |
| སྒྲུབ་པའི་ལེའུ་གསུམ |
སྟོན་པ་མྱ་ངན་ལས་འདས་ནས་བསྟན་པའི་གནས་ཚད་ལོ་ལྔ་བརྒྱ་ཕྲག་བཅུའི་བཞི་པ་ནས་དྲུག་པའི་བར་རིམ་བཞིན་བསླབ་པ་གསུམ་གཙོ་བོར་སྒྲུབ་པ་མང་དུ་འབྱུང་བས་ལྷག་མཐོང་གི་ལེའུ་དང༌། ཏིང་ངེ་འཛིན་གྱི་ལེའུ་དང༌། ཚུལ་ཁྲིམས་ཀྱི་ལེའུ་ཟེར། |
| སྒྲུབ་པའི་སྤྱོད་པ |
བྱ་རྒྱུད་ཀྱི་ལམ་གྱི་མངོན་རྟོགས་སྤྱོད་པའི་སྒོ་བཞིའི་ནང་གསེས་ཤིག་སྟེ། རྫས་དང༌། ལུས་དང༌། ལོངས་སྤྱོད་རྣམས་འདོད་ལྷ་རྣམས་དང་སྐལ་མཉམ་གྱི་རིག་འཛིན་ནམ་མཁའ་སྤྱོད་དུ་སྒྲུབ་པའོ། |
| སྒྲུབ་པར་བྱེད་པའི་ཆོས |
རྒྱུ་མཚན། |
| སྒྲུབ་པར་བྱེད་པའི་ཆོས་མ་གྲུབ་པ |
སྒྲུབ་བྱེད་ཀྱི་ཆོས་མ་གྲུབ་པ་དང་དོན་གཅིག་ |
| སྒྲུབ་ཕུག |
སྒྲུབ་པ་བྱེད་སའི་བྲག་ཕུག་གམ་ས་ཕུག |
| སྒྲུབ་ཕྱོགས |
སྒྲུབ་བྱེད་རྒྱུ་མཚན། |
| སྒྲུབ་བརྒྱུད |
སྒྲུབ་པ་ཉམས་ལེན་གྱི་བརྒྱུད་པ། |
| སྒྲུབ་བྱེད |
1 རྟགས་གསལ་གྱི་སྦྱོར་བ་འགོད་སྐབས། བསྒྲུབ་བྱ་གང་ཞིག་སྒྲུབ་པར་བྱེད་པའི་རྒྱུ་མཚན་ནམ་རྟགས་གཏན་ཚིགས། 2 མངོན ཧོར་ཟླ་བཞི་པ། |
| སྒྲུབ་བྱེད་ཀྱི་ཆོས་མ་གྲུབ་པ |
བསྒྲུབ་བྱ་ཡང་དག་སྒྲུབ་མི་ནུས་པའི་གཏན་ཚིགས་ཀྱི་རྟགས་ལྟར་སྣང་བ། |
| སྒྲུབ་བྱེད་མཁྲིས་པ |
རྩ་བའི་མཁྲིས་པ་ལྔའི་ཡ་གྱལ་སྙིང་ལ་གནས་པ་ཞིག་སྟེ། བྱེད་ལས་ཡིད་གཞུང་བ་དང༌། ང་རྒྱལ་སྐྱེ་བ། འདོད་དོན་སྒྲུབ་པ་སོགས་བྱེད་པ་ཞིག |
| སྒྲུབ་བྱེད་མི་འཕེན་པའི་ཐལ་འགྱུར |
ཐལ་འགྱུར་ཡང་དག་གང་ཞིག་དངོས་སུ་ཐལ་བ་འཕངས་པ་བཟློག་ན་རང་རྒྱུད་མི་འཕེན་པ་སྟེ། རྟགས་ལོག་ལ་ཐལ་དང༌། ཆོས་ལོག་ལ་ཕྱིར་ཞེས་སྦྱར་བ་ན་ཚུལ་གསུམ་ཚང་བའི་གཏན་ཚིགས་མི་འཕེན་པའོ། དཔེར་ན། རྟགས་ཕ་རོལ་པོའི་ཁས་བླངས་པའི་དབང་དུ་བྱས་ནས། བུམ་པ་ཡོད་པའི་ས་ཕྱོགས་སུ་ཆོས་ཅན། བུམ་པ་མེད་པར་ཐལ། བུམ་པ་ཚད་མས་མ་དམིགས་པའི་ཕྱིར། ཞེས་པ་ལྟ་བུའོ། ཡང་ན། སྒྲ་ཆོས་ཅན། མི་རྟག་པ་ཡིན་པར་ཐལ། བྱས་པ་ཡིན་པའི་ཕྱིར། ཞེས་པ་ལྟ་བུ་དོན་བཟློག་ན་ཚུལ་གསུམ་མ་ཚང་བའོ། |
| སྒྲུབ་བྱེད་མི་འཕེན་པའི་ཐལ་འགྱུར་གསུམ |
རང་བཞིན་མ་དམིགས་པའི་ཐལ་འགྱུར། དཔེར་ན། བུམ་པ་ཡོད་པའི་ས་ཕྱོགས་སུ་ཆོས་ཅན། བུམ་པ་མེད་པར་ཐལ། བུམ་པ་ཚད་མས་མ་དམིགས་པའི་ཕྱིར། ཞེས་པ་ལྟ་བུ་དང༌། དངོས་འབྲས་མ་དམིགས་པའི་ཐལ་འགྱུར། དཔེར་ན། དུ་བ་ཡོད་པའི་ས་ཕྱོགས་སུ་ཆོས་ཅན། དུ་བའི་དངོས་རྒྱུ་མེད་པར་ཐལ། དུ་བ་མེད་པའི་ཕྱིར། ཞེས་པ་ལྟ་བུ་དང༌། ཁྱབ་བྱེད་མཚན་ཉིད་མ་དམིགས་པའི་ཐལ་འགྱུར། དཔེར་ན། རྭ་ཅན་འདི་ཆོས་ཅན། བ་ལང་མ་ཡིན་པར་ཐལ། ནོག་ལྐོག་ཤལ་དང་མི་ལྡན་པའི་ཕྱིར། ཞེས་པ་ལྟ་བུ་རྟགས་ཕ་རོལ་པོའི་ཁས་བླངས་པའི་དབང་དུ་བྱས་པའོ། དེ་གསུམ་གྱིས་སྒྲུབ་བྱེད་མི་འཕེན་ཏེ། བུམ་སོགས་ཚད་མས་གྲུབ་ན་ཚད་མས་དམིགས་པར་གྲུབ་ཕྱིར་ཤེས་འདོད་མེད་ལ། མ་གྲུབ་ན་དམ་བཅའ་ལ་བསལ་བ་མེད་པས་རང་རྒྱུད་ཀྱི་ཕྱོགས་ཆོས་མི་འགྲུབ་པའོ། |
| སྒྲུབ་བྱེད་འཕེན་པའི་ཐལ་འགྱུར |
ཐལ་འགྱུར་ཡང་དག་གང་ཞིག་དངོས་སུ་ཐལ་བ་འཕངས་པ་བཟློག་ན་རང་རྒྱུད་འཕེན་པའོ། དཔེར་ན། སྒྲ་ཆོས་ཅན། མ་བྱས་པར་ཐལ། རྟག་པའི་ཕྱིར། ཞེས་པ་ལྟ་བུ་བཟློག་ན། སྒྲ་ཆོས་ཅན། མི་རྟག་སྟེ། བྱས་པའི་ཕྱིར་ཞེས་པའི་རང་རྒྱུད་འཕེན་པ་སྟེ། རྟགས་ལོག་ལ་ཐལ་དང༌། ཆོས་ལོག་ལ་ཕྱིར་ཞེས་སྦྱར་ན་ཚུལ་གསུམ་ཚང་བའི་གཏན་ཚིགས་འདྲེན་པའོ། |
| སྒྲུབ་བྱེད་འཕེན་པའི་ཐལ་འགྱུར་བཅོ་བརྒྱད |
དངོས་སུ་ཐལ་བ་འཕངས་པ་བཟློག་པ་རང་རྒྱུད་འཕེན་པ་བཅོ་བརྒྱད་དེ། རང་རིགས་འཕེན་པ་བཞི་དང༌། གཞན་རིགས་འཕེན་པ་བཅུ་བཞིའོ། |
| སྒྲུབ་བྱེད་ཡང་དག་པ |
ཁུངས་བཙན་པའི་རྒྱུ་མཚན། |
| སྒྲུབ་བྱེད་ལྟར་སྣང |
རྟགས་སམ་རྒྱུ་མཚན་སྐྱོན་ཅན། |
| སྒྲུབ་བྱེད་ལྡོག་པ་མེད་པ |
ཆོས་མི་མཐུན་པའི་དཔེ་ལྟར་སྣང་ལྔའི་ནང་གསེས། གཏན་ཚིགས་རིག་པའི་སྦྱོར་བ་འགོད་ཚུལ་གྱི་ཆོས་མི་མཐུན་པའི་དཔེ་དེ་སྒྲུབ་བྱེད་བཟློག་མི་ནུས་པས་མ་ལྡོག་པའི་སྐྱོན་ཏེ། དཔེར་ན། སྒྲ་རྟག་སྟེ། ཐོགས་པ་མེད་པའི་ཕྱིར། ཆོས་མི་མཐུན་པའི་དཔེར། ལས་བཞིན་ཞེས་བསྒྲུབ་བྱ་ལྡོག་པ་ལ་སྒྲུབ་བྱེད་མི་ལྡོག་པ་སྟེ། ཕ་རོལ་གྱིས་ལས་རྣམས་ནི་ཐོགས་པ་མེད་ལ་མི་རྟག་པར་ཟེར་རོ། |
| སྒྲུབ་མཁན |
1 ལས་འགན་སྒྲུབ་པ་པོ། 2 ཆོས་སྒྲུབ་པ་པོ། |
| སྒྲུབ་མཆོད |
ཡི་དམ་སྒྲུབ་ཅིང་མཆོད་བསྟོད་སོགས་བྱེད་པའི་ཆོ་ག། |
| སྒྲུབ་འཇུག |
ཡུལ་ཅན་གྱིས་ཡུལ་ལ་འཇུག་ཚུལ་གྱི་ཁྱད་པར་ཞིག་སྟེ། རྟོག་མེད་ཀྱི་ཤེས་པ་རང་ཡུལ་ལ་ཆ་ཤས་སུ་མི་ཕྱེ་བར་རང་ཡུལ་དུ་བསྒྲུབས་ནས་འཇུག་པ། དཔེར་ན་བུམ་འཛིན་མིག་ཤེས་ཀྱིས་བུམ་པ་བཟུང་བ་ན་བུམ་པའི་སྟེང་གི་བྱས་མི་རྟག་ལ་སོགས་པའི་ཁྱད་པར་རམ་ཆ་ཤས་གཅིག་ཀྱང་ཕར་མ་བསལ་བར་ཐམས་ཅད་ཚོགས་པའམ་འདྲེས་པའི་སྒོ་ནས་ཚུར་རང་གི་ཡུལ་དུ་བྱས་ནས་འཇུག་པ་ལྟ་བུའོ། |
| སྒྲུབ་འཇུག་གི་བློ |
རང་ཡུལ་ལ་ཆ་ཤས་སུ་མ་ཕྱེ་བར་འཇུག་པའི་རིག་པ། རྟོག་མེད་ཀྱི་ཤེས་པའོ། |
| སྒྲུབ་འཇུག་གི་བློ་དོན་མཐུན |
མངོན་སུམ་གྱི་ཤེས་པའོ། |
| སྒྲུབ་འཇུག་གི་བློ་དོན་མི་མཐུན |
རྟོག་མེད་ལོག་ཤེས་སོ། |
| སྒྲུབ་འདོན |
ཁྲལ་སི་ངོ་སྒྲུབ་ལག་འདོན་གྱི་ས་རྟེན། |
| སྒྲུབ་རྒྱགས |
ཆོས་བྱེད་པའི་སྐབས་ཀྱི་བཟའ་བཏུང༌། |
| སྒྲུབ་རྟགས་ཕྱིན་ཅི་ལོག་པ |
གཏན་ཚིགས་ལྟར་སྣང་འགལ་བའི་གཏན་ཚིགས་གཉིས་ཀྱི་ཡ་གྱལ། སྒྲུབ་བྱེད་ཀྱི་རྟགས་དང་བསྒྲུབ་བྱའི་ཆོས་གཉིས་རྒྱབ་འགལ་དུ་གྱུར་པ། དཔེར་ན། སྒྲ་ཆོས་ཅན། རྟག་སྟེ། བྱས་པའི་ཕྱིར། ཞེས་སོགས་རང་བཞིན་གྱི་རྟགས་དང་འབྲས་བུའི་རྟགས་རྣམས་ཕྱིན་ཅི་ལོག་ཏུ་བཀོད་པའོ། |
| སྒྲུབ་རྟགས་ཡང་དག |
རང་གི་བསྒྲུབ་བྱ་སྒྲུབ་པ་ལ་ཚུལ་གསུམ་ཚང་བའི་གཏན་ཚིགས་ཏེ། འབྲས་བུའི་རྟགས་དང༌། རང་བཞིན་གྱི་རྟགས་རྣམས་སོ། |
| སྒྲུབ་ལོ |
སྒྲུབ་ཁུལ། གཞན་དོན་ཁ་ཁྱེར་གྱིས་ཆོས་སྒྲུབ་ལོ་བྱེད་པ། |
| སྒྲུབ་ལྡོག་རིགས་གཅིག་པ |
ལྡོག་པ་རིགས་གཅིག་པའི་བྱེ་བྲག་ཅིག་སྟེ། སྒྲུབ་པར་གྱུར་པའི་ལྡོག་པ་རིགས་གཅིག་པ་ཞེས་པ་བརྡ་ལ་བྱང་མ་བྱང་གི་གང་ཟག་གང་གིས་ཀྱང་མཐོང་ཙམ་ཉིད་ནས་འདི་དང་འདི་འདྲའོ་སྙམ་པའི་བློ་ངང་གིས་སྐྱེད་ནུས་པའི་དངོས་པོ། དྲིལ་བུའི་སྒྲ་དང་གླིང་བུའི་སྒྲ་ལྟ་བུ་བེམ་པོའི་ཆ་དང༌། སྔོ་འཛིན་མིག་ཤེས་དང་ཁྲར་འཛིན་མིག་ཤེས་ལྟ་བུ་ཤེས་པའི་ཆ་དང༌། བུམ་པའི་མི་རྟག་པ་དང་ཀ་བའི་མི་རྟག་པ་ལྟ་བུ་ལྡན་མིན་འདུ་བྱེད་ཀྱི་ཆ་བཅས་རང་ཡིན་གྱི་ལྡོག་པ་རིགས་མཚུངས་པ་རྣམས་སོ། |
| སྒྲུབ་སྤྲོད་ཆོད་ཡིག |
དཔྱད་མཚམས་ཁྲ་མ་གཞིར་བཟུང་ཕན་ཚུན་སྤྲོད་ལེན་བྱེད་རྒྱུའི་ཆོད་ཡིག |
| སྒྲུབས |
སྐུལ་ཚིག་སྟེ། ཐུན་མོང་གི་ལས་དོན་སྔོན་ལ་སྒྲུབས་ཤིག་ལྟ་བུ། ཁུངས་ལུང་དང་རྒྱུ་མཚན་བཀོད་ནས་བདེན་དཔང་བྱེད་པའི་དོན་ཏེ། བདེན་དོན་རིགས་པས་སྒྲུབ་མཁན། རིགས་པའི་བསྒྲུབ་བྱ། ཁུངས་དང་རིགས་པས་བསྒྲུབས་ཏེ་བདེན་དཔང་བྱས། གྲུབ་ཟིན་སྒྲུབ་པ་དང་བཏགས་ཟིན་འཐག་པའི་དཔེ་ཞེས་པ་ལྟ་བུ། ０ཆོས་ལུགས་ཉམས་སུ་ལེན་པའི་དོན་ཏེ། སྒྲུབ་པ་ཉམས་ལེན། ལྷ་བསྒྲུབས། ཐར་བ་བསྒྲུབས་ཞེས་པ་ལྟ་བུ། |
| སྒྲེ |
(བྱེད་འབྲེལ་ལས་ཚིག་ད་ལྟ་བ) ཤེས་ཟིན་པའི་བྱ་དངོས་ཤིག་གི་གནས་ལུགས་ལ་བསྡུར་ནས་དེ་དང་འདྲ་བའི་བྱ་དངོས་གཞན་ཞིག་གི་གནས་ལུགས་ཤེས་པར་བྱེད་པའི་དོན་ཏེ། འདྲུད་འཐེན་འཕྲུལ་འཁོར་ཁ་ལོ་སྒྱུར་ཚུལ་དང་། རླངས་འཁོར་ཁ་ལོ་སྒྱུར་ཚུལ་སྒྲེ་ཆོག རིགས་སྒྲེ་མཁན་ཞེས་པ་ལྟ་བུ། གཅན་གཟན་གཡི་ཡི་བརྡ་རྙིང། |
| སྒྲེ་བ |
ཐ་དད་པ བསྒྲེས་པ། བསྒྲེ་བ། སྒྲེས།།1 གཅིག་མཚུངས་བྱེད་པ། ཆོས་མཚུངས་པ་རྣམས་རིགས་བསྒྲེ་བར་བྱའོ། ཤེས་པའི་དོན་ལ་བསྒྲེས་ནས་མི་ཤེས་པ་རྣམས་ཤེས་ཐབས་བྱེད་པ། 2 བསྲེས་པའམ་སྦགས་པ། ཤ་དམར་ཚྭ་བསྒྲེས་ནས་ཟ་བ། |
| སྒྲེ་བོ |
རྗེན་པ། རྩྭ་མེད་པའི་ས་སྒྲེ་བོ། སྐྲ་མེད་པའི་མགོ་སྒྲེ་བོ། |
| སྒྲེ་བྱི |
མགོ་སྐྲ་སྤྱི་ཐེར་རམ་མགོ་དམར། |
| སྒྲེ་ལ |
ཡུལ བཙོས་ནས་མ་བསྙལ་བའི་ཆང་རྒྱུ་འབྲུ་རིགས། |
| སྒྲེ་ལོག |
ལུས་ཀྱི་སྒུལ་ཚུལ་ཞིག མལ་སའི་ནང་དུ་སྒྲེ་ལོག་གཅིག་བརྒྱབ་ནས་ཉལ་སོང༌། |
| སྒྲེགས་པ |
ཟས་མ་ཞུ་བའི་རྐྱེན་གྱིས་ཁོང་པའི་ནང་གི་ཟས་དྲི་ངན་པ་སྒྲ་དང་བཅས་ཁ་སྣར་མནམ་པ་ཞིག ཁོག་པ་འཁྱགས་ནས་སྒྲེགས་པ་འདོན་པ། སྐྱུགས་མེར་ལངས་ནས་སྒྲེགས་པ་རྒྱག་པ། |
| སྒྲེགས་སྒྲ |
ཟས་གསུད་པའི་སྐད་དམ་སྒག་ཐུད་བརྒྱབ་པའི་སྐད་སྒྲ། |
| སྒྲེང |
(བྱེད་འབྲེལ་ལས་ཚིག་ད་ལྟ་བ) གྱེན་དུ་འགྲེང་བར་བྱེད་པའི་དོན་ཏེ། དར་ཆ་སྒྲེང་མཁན། ལག་པ་ཡར་སྒྲེང་གིན་ཡོད་ལྟ་བུ། |
| སྒྲེང་བ |
ཐ་དད་པ བསྒྲེངས་པ། བསྒྲེང་བ། སྒྲེངས།། འཕྱར་བའམ་སློང་བ། དར་ཆ་དམར་པོ་མཐོན་པོར་བསྒྲེངས། རྒྱལ་ཁའི་དར་ཆ་སྒྲེང་བ། རྡོ་བརྒྱབ་པས་མི་ཆོག་ལག་ངར་བསྒྲེངས། མིག་བལྟས་པས་མི་ཆོག་མིག་ལོག་བལྟས། |
| སྒྲེངས |
སྐུལ་ཚིག་སྟེ། སྒྲེངས་ཤིག་ལྟ་བུ། |
| སྒྲེན་པོ |
(རྒྱནཚིག) ལུས་རྗེན་པའི་དོན་ཏེ། ལུས་སྒྲེན་པོར་ཆུ་ལ་བརྐྱལ་ལྟ་བུ། དབུལ་ཞིང་འཕོངས་པའི་མི། |
| སྒྲེན་མོ |
གཅེར་བུ། ལུས་སྒྲེན་མོ། གོས་མེད་སྒྲེན་མོར་གྱུར་པ་ཅིས་ཉེས་དྲིས་པ། ཀླུང་ནི་ཆུ་མེད་སྒྲེན་མོ་དང༌། ཡུལ་འཁོར་མི་མེད་སྒྲེན་མོ་ཡིན། གལ་ཏེ་མིང་པོ་བཅུ་ཡོད་ཀྱང༌། ཁྱོ་མེད་བུད་མེད་སྒྲེན་མོའོ། |
| སྒྲེའུ |
སྒྲོ་བ་ཆུང་ངུའི་མིང་། |
| སྒྲེའུ་ཆུང |
1 ཀོ་བའི་སྒྲོ་སྣོད་ཆུང་ངུ། 2 རྙིང འཛག་སྣོད་ཅེས་པ་སྟེ་དགེ་སློང་གི་རྨི་ལམ་དུ་ཁུ་བ་འབབ་པ་འཛེད་ས་ཕོ་མཚན་ལ་གྱོན་རྒྱུ་ཞིག |
| སྒྲེས |
སྐུལ་ཚིག་སྟེ། རིགས་སྒྲེས་ཤིག་ལྟ་བུ། ཆུ་སོགས་གཤེར་ཁུའི་ནང་དུ་དངོས་རྫས་བསྲུབས་པའི་དོན་ཏེ། ལག་པ་ཆུ་ལ་བསྒྲེས་ལྟ་བུ། |
| སྒྲོ |
བྱའི་གཤོག་པ་དང་མཇུག་མར་ཡོད་པའི་སྤུ་ལྟ་བུ། གཤོག་སྒྲོ། མཇུག་སྒྲོ། ཁྱིམ་བྱ་རྣམས་ཀྱིས་སྐབས་སྐབས་ས་ལ་ཉལ་ལང་བྱས་ནས་སྒྲོ་སྤྲུག་པ། མིང་གི་རྣམ་གྲངས་ལ་འགེབས་བྱེད་དང༌། འདབ་མ། ལུས་སྐྱེས། གཤོག་པ་བཅས་སོ། |
| སྒྲོ་གཡབ |
བྱ་སྒྲོ་ལས་བཟོས་པའི་རླུང་གཡབ། སྒྲོ་གཡབ་དལ་གྱིས་གཡོབ་པ། |
| སྒྲོ་གཤོག |
1 བྱའི་སྒྲོ་དང་གཤོག་པ། 2 ཡུལ ཆུ་འཁོར་གྱི་འཁོར་ལོའི་གཤོག་པའི་མིང༌། 3 ཡུལ ཤོག་རྒྱུའི་ཐུག་པ་དཀྲུག་བྱེད་ཀྱི་ཤིང་འཁོར། |
| སྒྲོ་གུ |
སྡོམ་བྱེད་ཀྱི་ལུང་ཐག ལག་སྒམ་གྱི་སྒྲོ་གུ་སྦྱོར་བ། |
| སྒྲོ་ཅན |
མངོན འདབ་ཆགས། |
| སྒྲོ་ཐིག |
རྨ་བྱ་སོགས་ཀྱི་སྒྲོའི་མིག |
| སྒྲོ་དཀར |
1 སྒྲོ་བ་ཤིང་མེ་ཏོག་དཀར་པོ་འཆར་བ་ཞིག 2 བྱ་སྒྲོ་དཀར་པོ། |
| སྒྲོ་ཕུག་པ་ཤཱཀྱ་སེང་གེ |
གསང་སྔགས་རྙིང་མའི་སློབ་དཔོན་ཟུར་མེས་དབོན་རྣམ་གསུམ་དུ་གྲགས་པའི་ཡ་གྱལ། ཟུར་ཆུང་རྒྱ་བོ་བའི་སྲས་ཡིན་ལ། ཡབ་འདས་པའི་ལོ་དེ་ཉིད་རབ་བྱུང་དང་པོའི་ཤིང་སྟག་ལ་འཁྲུངས། ཡབ་ཀྱི་དངོས་སློབ་ཀ་ཆེན་བཞི་བྱ་བ་བསྟེན་ནས་མདོ་སྒྱུ་སེམས་གསུམ་གྱི་གདམས་པ་མཐར་ཕྱིན་པར་སྦྱངས། སྒྲོ་ཕུག་དགོན་པ་བཞེངས་ཏེ་སློབ་མ་སྟོང་འདུས་པར་གྲགས། རབ་བྱུང་གཉིས་པའི་ཤིང་སྟག་ལ་འདས་སོ། |
| སྒྲོ་ཕོད |
1 བྱ་སྒྲོའི་ཞྭ་ཏོག 2 བྱ་རིགས་ཀྱི་མགོར་སྐྱེས་པའི་སྒྲོའི་གཙུག་ཕུད། |
| སྒྲོ་བ |
1 ཀོ་བ་ལས་བཟོས་པའི་སྒྲོ་སྣོད། རྟ་སྒྲོ། 2 རླིག་ཧྲིལ་གྱི་དཔེའམ་གབ་ཚིག |
| སྒྲོ་བ་ཤིང |
ཤིང་སྨན་གྱི་རིགས་ཤིག་མེ་ཏོག་དཀར་པོ་དང་དམར་པོ་འཆར་བ་གཉིས་ཏེ། རོ་ཁ་ལ་བསྐ། ཞུ་རྗེས་བསིལ། ནུས་པས་ཚད་པ་རྙིང་པ་འཇོམས། རྨ་ཚད་དང་རྣག་ཆུ་སྐེམ་པ་སོགས་ལ་ཕན། |
| སྒྲོ་བཙེམས་མ |
གྲྭ་པའི་ཞྭ་མོ་ཞིག |
| སྒྲོ་མདུང |
སྒྲོ་སྦྱར་བའི་འཕང་མདུང༌། སྒྲོ་མདོངས། སྒྲོ་ཐིག་དང་དོན་གཅིག་ |
| སྒྲོ་མདོངས |
རྨ་བྱའི་མཇུག་སྒྲོའི་སྣེ་མོའི་ཐིག་ལེ་ཁྲ་བོ་ཚོན་མདོག་ཅན་གྱི་མིང། བསྒྲོ་ཡི་ད་ལྟ་བ། |
| སྒྲོ་འདོགས |
མེད་པར་ཡོད་འཛིན་གྱི་ཀུན་བཏགས། ཁྱད་གཞི་མེད་པར་ཁྱད་ཆོས་མང་པོའི་སྒྲོ་གཏགས་པ། གཟུགས་མེད་གྲིབ་བཟོ་ལྟ་བུའི་སྐྱོན་གྱི་སྒྲོ་འདོགས་པ། དྲི་གཏུག་ནན་ཏན་བྱས་ཀྱང་སོམ་ཉིའི་སྒྲོ་འདོགས་མ་ཆོད་པ། མཁས་པའི་མདུན་དུ་ཐེ་ཚོམ་གྱི་སྒྲོ་འདོགས་གཅོད་པ། ཚིག་དོན་ལ་རྨོངས་པའི་སྒྲོ་འདོགས་ཆོད་པ། |
| སྒྲོ་འདོགས་ཀྱི་མེད་མཐའ |
དགག་བྱ་བཀག་པའི་མེད་པ་ཡང་དག་པར་ཡོད་དོ་སྙམ་དུ་འཛིན་པ། |
| སྒྲོ་འདོགས་པའི་མཐའ |
རྟག་བརྟན་ཐེར་ཟུག་ཏུ་གྲུབ་པར་ཁས་ལེན་པའི་ལྟ་བའོ། |
| སྒྲོ་འཕྲུ |
1 བྱ་སྒྲོའི་ཞྭ་ཏོག 2 བྱ་རིགས་ཀྱི་མགོར་སྐྱེས་པའི་སྒྲོའི་གཙུག་ཕུད། |
| སྒྲོ་རྐང |
བྱ་སྒྲོའི་རྩ་བའི་རྐང༌། |
| སྒྲོ་རྩེ |
བྱ་སྒྲོའི་རྩེ་མོ། |
| སྒྲོ་ལྗང |
མངོན ནེ་ཙོ། |
| སྒྲོ་ལྡན |
མངོན1 བྱ། 2 མདའ། |
| སྒྲོ་ལྷུག་མ |
གྲྭ་པའི་ཞྭ་མོ་ཞིག |
| སྒྲོ་སྐུར |
མེད་པ་ལ་ཡོད་པར་སྒྲོ་འདོགས་པ་དང་ཡོད་པ་ལ་མེད་པར་སྐུར་བ་འདེབས་པ། |
| སྒྲོ་སྤུ |
བྱ་བྱེའུའི་སྒྲོ་དང་སྤུ། |
| སྒྲོག |
1 འཆིང་བྱེད་ཐག་པ། ཀོ་སྒྲོག ལྷམ་སྒྲོག ལྕགས་སྒྲོག རྐང་སྒྲོག རྟ་དྲེལ་གྱི་རྐང་ལག་ལ་སྒྲོག་བརྒྱབ་འདུག 2 རི་དྭགས་འཛིན་བྱེད་རྒྱ་རྙི།…3.ད་ལྟ་བ་སྟེ། སྐད་སྒྲོག་མཁན། སྐད་སྒྲོག་གིན་འདུག་ལྟ་བུ། |
| སྒྲོག |
(བྱེད་འབྲེལ་ལས་ཚིག་ད་ལྟ་བ) མི་ཕྱུགས་ཀྱི་རྐང་ལག་ཐག་པ་སོགས་ཀྱིས་སྦྲེལ་བའི་དོན་ཏེ། རྟ་རྒོད་སྒྲོག་མཁན། སྒྲོག་བྱེད་ཅེས་པ་ལྟ་བུ། 2.ཡན་ལག་ཆིངས་བྱེད་ཀྱི་ཡོ་བྱད་ཅིག་གི་མིང་སྟེ། ལྕགས་སྒྲོག རྟ་སྒྲོག ལག་སྒྲོག་ཅེས་པ་ལྟ་བུ། |
| སྒྲོག་གདན |
ལུང་ཐག་སྦྱོར་སའི་གཞི་གདན། པང་གདན་གྱི་སྒྲོག་གདན། |
| སྒྲོག་གུ |
ལྭ་བའི་བསྣོལ་མཚམས་དང་སྣོད་ཁ་སྦྲེལ་བྱེད་ཀྱི་མིང་སྟེ། སྒྲོག་རིལ། སྒྲོག་ལུང་། སྒྲོག་བུ། སྒྲོག་ལེབ་ཅེས་པ་ལྟ་བུ། |
| སྒྲོག་ཐག |
འཆིང་ཐག |
| སྒྲོག་དུང |
དུང་དཀར་ལས་བཟོས་པའི་བུད་མེད་ཀྱི་ལག་གདུབ། |
| སྒྲོག་པ |
ཐ་དད་པ 1) བསྒྲགས་པ། བསྒྲག་པ། སྒྲོགས། ཁྱབ་པར་ཤོད་པ། དོན་གནད་གལ་ཆེ་བ་རྣམས་ཀུན་ལ་བསྒྲགས་པ། ཐག་རིང་ནས་སྐད་ཆེན་བསྒྲག་དགོས། ཆོས་སྒྲོག་པ། 2 བསྒྲོགས་པ། བསྒྲོག་པ། སྒྲོགས།།1 འཚེམ་པ། ཚེམ་བུ་སྒྲོག་པ། 2 འདོགས་པ། རྟ་སྒའི་ཕྱི་ཤ་ལ་སློ་མ་བསྒྲོགས་པ། |
| སྒྲོག་བཀྲོལ་བ |
1 འཆིང་ཐག་བཀྲོལ་བ། 2 ཐེ་ཚོམ་བསལ་བ། |
| སྒྲོག་འགྲོས |
1 སྒྲོག་ཐག་བཅིངས་པའི་འགྲོ་སྟངས། 2 རེ་མོས་མུ་མཐུད་བྱས་ནས་འགྲོ་སྟངས། བང་ཆེན་སྒྲོག་འགྲོས་བྱས་ནས་གཏོང་བ། |
| སྒྲོག་རིལ |
སྒྲོ་གུ་རིལ་མོ། |
| སྒྲོག་རུས |
ཕྲག་ཚིགས་ནས་སྐེ་སྟོང་གི་ཐད་བར་སྒྲོག་པ་ལྟར་འཛིན་པའི་རུས་པ་སྟེ། གཞན་དུ་ནམ་ཚོང་གི་རུས་པ་ཞེས་ཀྱང་འབྱུང༌། |
| སྒྲོག་རུས་གཤོངས |
སྒྲོག་རུས་ཡོད་སའི་ཀོང་ཀོང༌། |
| སྒྲོག་རྩེ |
རྒྱ 1 ཟས་སྟོན་སྒྲིག་སའི་སྟེགས་ཅོག 2 ཡུལ རྒྱས་བཤམས་ཀྱི་ཟས་སྟོན་ཞིག |
| སྒྲོག་ལུང |
སྒྲོ་གུ། |
| སྒྲོག་ལེབ |
སྒྲོ་གུ་ལེབ་མོ། |
| སྒྲོག་སུམ་ལག |
རྟ་དྲེལ་གྱི་ལག་པ་གཉིས་དང་རྐང་པ་ཡ་གཅིག་སྒྲོག་བྱེད་ཅིག |
| སྒྲོག་སྟོད |
རྒྱུ་སྐར་མོན་གྲེ། |
| སྒྲོག་སྨད |
རྒྱུ་སྐར་མོན་གྲུ། |
| སྒྲོགས |
སྐུལ་ཚིག་སྟེ། སྐད་ཆེན་པོ་སྒྲོགས་ཤིག་ལྟ་བུ། ཁ་ནས་བཤད་པའམ་ཡི་གེར་བཀོད་ནས་ཀུན་ལ་ཤེས་སུ་འཇུག་པའི་དོན་ཏེ། བོད་ཀྱི་རིག་གནས་འཛམ་གླིང་ཀུན་ལ་བསྒྲགས་ལྟ་བུ། 2.སྐུལ་ཚིག་སྟེ། རྟ་རྒོད་སྒྲོགས་ཤིག་ལྟ་བུ། |
| སྒྲོགས་སྦྱང |
ཚོགས་འདུའི་ཐོག་ཡིག་རིགས་སྒྲོགས་སྦྱང་བྱེད་པ། |
| སྒྲོང་བ |
ཐ་དད་པ བསྒྲངས་པ། བསྒྲང་བ། སྒྲོངས།། རྩི་བ། ཚོགས་འདུ་འཚོག་མི་ཇི་ཡོད་གྲངས་ཀ་སྒྲོང་བ། གཞན་ལ་གྲངས་ཀ་བསྒྲང་དུ་འཇུག་པ། རི་བོང་ཡང་རི་དྭགས་ཀྱི་གྲངས་སུ་བསྒྲང་དགོས། |
| སྒྲོངས |
སྒྲོང་བའི་སྐུལ་ཚིག་ 2.སྒྲང་གི་སྐུལ་ཚིག |
| སྒྲོད |
སྒྲོད་པའི་སྐུལ་ཚིག་ 2.བགྲོད་ཀྱི་འབྲི་ཚུལ་ཞིག་ཡིན་པར་དག་ཡིག་ལ་ལར་བཤད་འདུག |
| སྒྲོད་པ |
ཐ་དད་པ བསྒྲོད་པ། བསྒྲོད་པ། སྒྲོད།། བགྲོད་པ་སྟེ་ཆགས་པ་སྤྱོད་པ། ཁྲིམས་འགལ་གྱིས་བུད་མེད་ལ་བསྒྲོད་པ། |
| སྒྲོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) དངོས་རྫས་ལ་མེ་སྦར་བའི་དོན་ཏེ། ཤིང་ལ་མེ་སྒྲོན་མཁན། དཀར་མེ་སྒྲོན་པར་བྱེད། དཔལ་འབར་སྒྲོན་ཅིག་ལྟ་བུ། |
| སྒྲོན་ཐལ |
སྒྲོན་ཤིང་གི་དུ་ཐལ་ཏེ། སྣག་ཚ་བཟོ་རྒྱུ་ཞིག |
| སྒྲོན་དར |
གཡོག་བྱའི་ཁ་བཏགས། |
| སྒྲོན་དྲེག |
1 སྒྲོན་མེ་ཤིང་གི་མེ་ལྕེའི་དྲེག་པ། 2 མར་མེའི་དྲེག་པ། |
| སྒྲོན་པ |
ཐ་དད་པ བསྒྲོན་པ། བསྒྲོན་པ། སྒྲོན།།1 འབུལ་བའི་ཞེ་ས། སྙན་དར་སྒྲོན་པ། གསོལ་ཇ་སྒྲོན་པ། 2 བརྒྱན་པ་དང་གཡོགས་པའི་ཞེ་ས། ན་བཟའ་བསྒྲོན་པ། རྒྱན་ཆ་སྒྲོན་པ། 3 ཞུ་བའམ་བརྗོད་པའི་ཞེ་ས། སྙན་ཞུ་སྒྲོན་པའམ། སྙན་སྒྲོན་ཞུ་བ། 4 འདིང་བའི་ཞེ་ས། བཞུགས་གདན་སྒྲོན་པ། 5 མེ་སྦར་བ། དཀར་མེ་སྒྲོན་པར་བྱེད། དཔལ་འབར་སྒྲོན་ཅིག ཤིང་ལ་མེ་སྒྲོན། |
| སྒྲོན་བརྙན |
སྣང་གསལ་གང་རུང་གིས་སྟོན་པའི་པར་བརྙན། |
| སྒྲོན་བསྐལ |
སྒྲོན་མེའི་བསྐལ་པ་སྟེ། སངས་རྒྱས་འཇིག་རྟེན་དུ་འབྱོན་དུས་ཀྱི་བསྐལ་པ། |
| སྒྲོན་མ |
སྒྲོན་མེ་དང་འདྲ། |
| སྒྲོན་མ་བཞི |
ཐོད་རྒལ་གྱི་དངོས་གཞི་སང་བ་ཡུལ་གྱི་ནད་དབྱིངས་རིག་འདུ་འབྲལ་མེད་པའི་སྐུ་མངོན་སུམ་དུ་འཆར་བར་བྱེད་པའི་ལམ་སྟེ། རྒྱང་ཞགས་ཆུ་ཡི་སྒྲོན་མ་དང༌། རིག་པ་དབྱིངས་ཀྱི་སྒྲོན་མ་དང༌། ཐིག་ལེ་སྟོང་པའི་སྒྲོན་མ་དང༌། ཤེ་སྲབ་རང་བྱུང་གི་སྒྲོན་མ་བཅས་བཞིའོ། |
| སྒྲོན་མེ |
སྣང་གསལ་ལམ་མར་མེ། ལག་ན་སྒྲོན་མེ་ཐོགས་ཡོད་ཀྱང༌། ལོང་བས་ལམ་ནི་མཐོང་མི་འགྱུར། ལྷགས་པ་ཆེན་པོའི་ནང་དུ་སྒྲོན་མེ་འབར་མི་ཐུབ་པར་ཡང་ཡང་ཤི་བ། མར་ཁུ་ཟད་དེ་སྒྲོན་མེ་གཟིམས་པ། མིང་གི་རྣམ་གྲངས་ལ་ཁྱིམ་གྱི་ནོར་བུ་དང༌། སྣང་གསས། སྣུམ་ཟམ་སྣུམ་ལ་དགའ། འབར་བའི་རལ་པ་ཅན། མར་མེ། མཚན་མོའི་སྣང་བྱེད་བཅས་སོ། |
| སྒྲོན་མེ་ཤིང |
སྒྲོན་ཤིང་དང་འདྲ། |
| སྒྲོན་ཤིང |
ཤིང་སྨན་གྱི་རིགས་ཤིག་སྟེ། རོ་མངར། ཞུ་རྗེས་དྲོ་ལ་སྙོམས། ནུས་པས་བད་རླུང་དང༌། ཆུ་སེར། གྲང་བ། འོར་ནད་བཅས་ལ་ཕན། ཤིང་དེས་གསལ་སྒྲོན་ཡང་བྱེད་རུང༌། |
| སྒྲོན་ཤིང་དཀར་པོ |
ལྗོན་ཤིང་བྱེ་བྲག་ཅིག |
| སྒྲོན་སྟེགས |
སྒྲོན་མེ་འཇོག་སའི་སྟེགས་བུ། |
| སྒྲོན་སྣག |
སྒྲོན་མེ་ཤིང་གི་དུ་ཐལ་ལས་བཟོས་པའི་སྣག་ཚ། |
| སྒྲོབ |
འབྱིང་ཉམས་དང༌། དྲེགས་པའི་རྣམ་འགྱུར། མི་དེ་ཕོ་སྒྲོབ་ཆེ་བས་རང་མཉམ་སུ་དང་ཡང་མཐུན་པོ་མི་འདུག འདྲ་ཆགས་ཆགས་ཀྱི་སྤྲོས་པ་ལ་དགའ་བའི་སྒྲོབ་ཆེན་བས་ནས་གཞུང་སྒེར་གྱི་རྒྱུ་དངོས་འཕྲོ་བརླག་ཏུ་བཏང་བ། |
| སྒྲོབ་རྫུ་པ |
སྤམ་རྫུ་མཁན། |
| སྒྲོམ |
1 གསོབ་བམ་ཁོག མལ་སྒྲོམ། རུས་སྒྲོམ། བསྟན་བཅོས་ཀྱི་མགོ་སྒྲོམ། ཁང་སྒྲོམ། 2 ཁང་པ་རྒྱག་སྐབས་ཀྱི་ལས་ཁྲི། སྒྲོམ་སློང་བ། 3 སྒམ། མཆོད་སྒྲོམ། ཐབ་སྒྲོམ། རིན་པོ་ཆེའི་སྒྲོམ། སྨྱུག་སྒྲོམ། |
| སྒྲོམ་གཏེར |
རྫས་གཏེར་གྱི་བྱེ་བྲག་ཅིག་སྟེ། གཏེར་ནས་བཏོན་པའི་རིན་པོ་ཆེ་གང་རུང་ལས་གྲུབ་པའི་སྒྲོམ་བུ། |
| སྒྲོམ་ཆེན་པོ |
གཞི་རྒྱ་ཆེ་བ། མི་ཚང་དེ་ཕྱི་སྒྲོམ་ཆེན་པོ་བྱས་པ་མ་གཏོགས་དོན་ལ་ཁྲིག་ཁྲིག་ཅིག་རེད། |
| སྒྲོམ་པུ |
སྒམ་ཆུང་ངུ། |
| སྒྲོམ་བུ |
1 གའུའམ། སྒམ་ཆུང༌། 2 སྤུན་བཅུག་སྟེ། ཕར་འཐེན་ཚུར་འཐེན་བྱེད་པའི་ཐག་སྤྱད། |
| སྒྲོམ་སྐྱོར |
རྩིག་ཞལ་སོགས་ཀྱི་ཟོན་སྐྱོར་དུ་བཙུགས་པའི་ཤིང་ཁྲ་དང༌། ལྕགས་ཁྲའི་སྒྲོམ། |
| སྒྲོལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) འཇིགས་པ་སོགས་ལས་ཐར་བར་བྱས་པའི་དོན་ཏེ། ཆུ་ལ་བྱིང་བའི་མི་ཆུ་ལས་སྒྲོལ་མཁན། དབུལ་བོ་སྡུག་བསྔལ་ལས་སྒྲོལ་ཅིག་ལྟ་བུ། |
| སྒྲོལ་ཆོག |
རྗེ་བཙུན་སྒྲོལ་མ་ལ་བརྟེན་པའི་མཎྜལ་བཞི་པའི་ཆོ་ག། |
| སྒྲོལ་དཀར |
ཚེ་ལྷ་ཞིག་སྟེ་སྒྲོལ་དཀར་ཡིད་བཞིན་འཁོར་ལོ། |
| སྒྲོལ་བ |
ཐ་དད་པ བསྒྲལ་བ། བསྒྲལ་བ། སྒྲོལ།།1 ཐར་བར་བྱེད་པའམ་འདོན་པར་བྱེད་པ། སྲོག་གི་འཇིགས་པ་ལས་སྒྲོལ་བར་བྱེད། བཙོན་ཁང་ལས་སྒྲོལ་བ། ཆུ་བོ་ལས་བསྒྲལ་ཏེ་འགྲམ་ངོགས་སུ་བཏོན། 2 གསོད་ཁྲིམས་གཅོད་པའམ་གསོད་པར་བྱེད་པ། གནོད་བྱེད་ཐམས་ཅད་སྒྲོལ་བར་བྱེད། 3 རིང་དུ་སྐྲོད་པའི་འབུད་པར་བྱེད་པ། དགྲ་བོ་རྣམས་ཕ་རོལ་ཏུ་སྒྲོལ་བ། 4 རྙིང 1. སྐོལ་བ། 2. ཞུ་བ། |
| སྒྲོལ་བའི་ཤིང་རྟ |
མངོན གྲུའི་སྐྱ་བ། |
| སྒྲོལ་བྱེད |
མངོན ཉི་མ། |
| སྒྲོལ་མ |
ཏཱརཱ འཇིགས་པ་བརྒྱད་ལས་སྒྲོལ་བའི་ཆ་ནས་བཏགས་པའི་ཡི་དམ་ལྷ་མོའི་རིགས་ཤིག་སྟེ། ནང་གསེས་སུ་སྐུ་མདོག་དང་ཕྱག་མཚན་མི་འདྲ་བར་བརྟེན་ནས་དབྱེ་བ་ཉེར་གཅིག་སོགས་ཕྱེ་ཡོད། མིང་གི་རྣམ་གྲངས་ལ་རྒྱལ་ཡུམ་དང༌། ཆོས་ཀྱི་དཔལ་མོ། མཆོག་གི་མ། འཇིག་རྟེན་དབང་ཕྱུག་སྲས་མོ། མྱུར་སྐྱོབ། ཕོངས་སྐྱོབ། ཞི་མ་ལེགས་བྱིན་མ། ཨོམ་མཛད་བཅས་སོ། |
| སྒྲོལ་མ་གཡུལ་ཟློག |
རྗེ་བཙུན་སྒྲོལ་མ་ལ་བརྟེན་ནས་བར་ཆད་ཀྱི་གཡུལ་ངོ་ཟློག་པའི་ཆོས་ག། |
| སྒྲོལ་མ་ཉི་ཤུ་རྩ་གཅིག |
མྱུར་དཔའ་མ་དང༌།ག་ཁྲོ་བ་དཀར་མ། གསེར་མདོག་ཅན་མ། གཙུག་ཏོར་རྣམ་རྒྱལ་མ། ཧཱུཾ་སྒྲོགས་མ། འཇིག་རྟེན་གསུམ་རྒྱལ་མ། གཞན་འཇོམས་མ་བདུད་ག་འཇོམས་མ། དཀོན་མཆོག་གསུམ་མཆོད་མ། བདུད་དབང་སྡུད་མ། ཕོངས་པ་ཀུན་སེལ་མ། མེ་ལྟར་འབར་མ། ཁྲོ་གཉེར་ཅན་མ། བཀྲེས་འབྱིན་མ། ཞི་བ་ཆེན་མོ། རིམས་ནད་ཀུན་སེལ་མ། དངོས་གྲུབ་ཀུན་སྩོལ་མ། དུག་སེལ་མ། སྡུག་བསྔལ་ཀུན་སེལ་མ། རིག་པ་ཧཱུཾ་སྒྲོལ་མ། འཇིག་རྟེན་གསུམ་གཡོ་མ་བཅས་ཉེར་གཅིག་གོ། |
| སྒྲོལ་མ་འཇིགས་པ་བརྒྱད་སྐྱོབ |
སེང་གེ་དང༌། གླང་ཆེན། མེ། སྦྲུལ། རྐུན་པོ། ལྕགས་སྒྲོག་ཆུ། ཤ་ཟ་བཅས་ཀྱི་འཇིགས་པ་བརྒྱད་ལས་སྐྱོབ་པའི་སྒྲོལ་མ། |
| སྒྲོལ་འདོན |
ཀོ་བ་དང་གྲུ་ལ་བརྟེན་ནས་ཆུ་ལས་སྒྲོལ་ཞིང་འདོན་པ། |
| སྒྲོལ་ལྗང |
སྐུ་མདོག་ལྗང་གུ་ཡིན་པའི་རྗེ་བཙུན་སྒྲོལ་མ། |
| སྒྲོལ་ཤེར |
སྒྲོལ་ཆོག་དང་ཤེས་རབ་སྙིང་པོ་གཉིས་ཀྱི་བསྡུས་ཚིག |
| སྒྲོས |
1 གླེང་མོའམ་བཤད་ཚུལ། གཏམ་སྒྲོས། བཤད་པའི་སྒྲོས། འདི་འདྲའི་ཟེར་སྒྲོས་གཏན་ནས་མེད། སྐད་ཆ་བཤད་སྒྲོས་དེ་འདྲ་མེད་པ། ང་ཚོ་འཕྲད་སྐབས་ང་འགྲོ་དགོས་པའི་སྒྲོས་མེད། 2 རྨ་ཤུལ། 3 མཆུ། མཆུ་སྒྲོས།…4.མིའི་ཁ་ཤའི་མིང་སྟེ། མཆུ་སྒྲོས་ཞེས་པ་ལྟ་བུ། རྨ་ཤུལ་གྱི་མིང་སྟེ། ལུས་ཀྱི་རྨ་སྒྲོས་ཞེས་པ་ལྟ་བུ། ０བཤད་སྟངས་ཀྱི་མིང་ལ་འཇུག་པ་ནི། གསུང་སྒྲོས་བཤད་སྒྲོས་ཞེས་པ་ལྟ་བུ། |
| སྒྲོས་དམར |
མཆུ་སྒྲོས་དམར་པོ། |
| སྒྲོས་པ |
སྤུས་ཀའམ་ངོ་བོ། སྐད་ཆ་སྒྲོས་པ་གཙང་མ་ཞིག་བཤད་བྱུང༌། ཁང་པ་བཙན་ལ་སྒྲོས་པ་གཙང་བ་ཞིག་རྙེད་འདུག ཅ་ལག་སྒྲོས་པ་གཙང་མ་ཤ་ལྟག་བསྒྲིགས་འདུག |
| སྔ |
(རྒྱན་ཚིག) སྔ་ཕྱིའི་རིམ་པའི་སྔོན་མ་སྟེ། སྔ་ལོ། སྔ་ཉིན། ཉིན་སྔ་ཕྱི། སྔ་མོ། སྔ་དགོང་ཞེས་པ་ལྟ་བུ། |
| སྔ་གསར་གསར |
སྔ་པོ་སྔ་པོའམ་ཧ་ཅང་སྔ་པོ། དེ་རིང་ཁོ་སྔ་གསར་གསར་ནས་ཕྱིན་སོང༌། |
| སྔ་གུང |
སྔ་དྲོ་དང་ཉིན་གུང༌། |
| སྔ་གོང |
1 སྔོན་དུས། སྔ་གོང་གི་ལོ་རྒྱུས། 2 སྔོན་ཚུད། ལས་ཀ་གང་ཡིན་རུང་སྔ་གོང་ནས་གྲ་སྒྲིག་བྱེད་དགོས། |
| སྔ་གློ |
རྟ་སྒའི་གློ་ལེན་ཏེ། རྟ་དྲེལ་གྱི་བྲང་འོག་ཏུ་གཏོང་རྒྱུ་དེའོ། |
| སྔ་ཆ |
1 སྔ་དྲོའི་ཆ། 2 སྔ་ཕྱི་གཉིས་སུ་ཕྱེ་བའི་སྔ་མ། |
| སྔ་ཆས |
སྔ་མོའི་ཡོ་བྱད་དམ་སྔ་མོའི་གྱོན་ཆས། |
| སྔ་ཉིན |
རྗེས་མ་རྣམས་ལ་ལྟོས་པའི་སྔ་མའི་ཉིན། ཚོགས་འདུ་འཚོག་རྒྱུའི་སྔ་ཉིན་དུ་འབྱོར་ཐོ་འགོད་པ། |
| སྔ་ཏོག |
ལོ་ཏོག་གཞན་ལས་སྨིན་པ་སྔ་བའི་ལོ་ཏོག་གི་མིང་སྟེ། སྔ་ཐོག་ཀྱང་ཟེར། |
| སྔ་ཐག་ཕྱི་ཐག་རྒྱག་པ |
མི་སོགས་ཐག་པས་བསྡམས་ནས་ཐག་སྣེ་མི་སྔ་ཕྱི་གཉིས་ཀྱིས་འཇུས་ཏེ་འཁྲིད་འགྲོ་བ། |
| སྔ་ཐུན |
ཉིན་མོ་ཐུན་བཞིར་ཕྱེ་བའི་ཐུན་དང་པོ། |
| སྔ་ཐོག |
སྔ་དྲོ་སྟེ་ཉིན་གུང་ཚུན་ཆད། སྔ་ཐོག་སློབ་སྦྱོང་བྱས་ན་རིག་པ་གསལ། |
| སྔ་དགོང |
སྔ་དྲོ་དང་དགོང་མོ། |
| སྔ་དར |
བསྟན་པ་སྔ་དར་གྱི་བསྡུས་ཚིག་ |
| སྔ་དུས |
སྔོན་གྱི་དུས། |
| སྔ་དྲོ |
ཉི་མ་ཤར་བ་ནས་ཉིན་གུང་གི་བར་གྱི་དུས།０གནའ་བོའི་དུས་ཀྱི་དོན་ཏེ། སྔ་དུས། སྔ་རབས། སྔ་རོལ་ཞེས་པ་ལྟ་བུ། |
| སྔ་ན་མེད་པའི་བྱེད་རྒྱུ |
རྒྱུའི་རྒྱན་གྱི་ནང་གསེས་ཤིག་སྟེ། བདེ་བ་འཐོབ་པའི་རྒྱུ་སྔར་བྱས་པ་མེད་པ་དེ་ལས་འབྲས་བུ་སྡུག་བསྔལ་བསྐྱེད་པ་སྟོན་པའི་རྒྱུའི་རྒྱན་ཞིག |
| སྔ་ནུབ |
ཉིན་སྔ་མའི་ནུབ་མོ། སྔ་ནུབ་མཚན་མོ། |
| སྔ་པོ |
དུས་སྔ་མོའམ་སྔ་བའི་ཆ། སང་ཉིན་སྔ་པོ་ཕེབས་ཤོག |
| སྔ་པོ་སྔ་པོ |
ཧ་ཅང་སྔ་བ། བརྡ་ལན་སྔ་པོ་སྔ་པོ་ནས་བཏང་བ། ཞོགས་པ་སྔ་པོ་སྔ་པོ་ལངས་ནས་ལུས་རྩལ་སྦྱངས། |
| སྔ་ཕྱི |
སྔོན་མ་དང་རྗེས་མ། སྐད་ཆ་སྔ་ཕྱི་འགལ་འཛོལ་མེད་པ། དུས་ཚོད་སྔ་ཕྱི་རན་པོ། ཡིད་ཆེས་བརྟན་པོ་སྔ་ཕྱི་མི་འགྱུར་བ། བར་མི་འཆད་པར་སྔ་ཕྱི་རྒྱུན་ཆགས་པ། |
| སྔ་ཕྱི་གསུམ་མཐོང |
ཚེས་ཆད་ལྷག་བརྩི་བའི་སྐབས་སུ་ཉིན་ཞག་གཅིག་གིས་ཚེས་ཞག་རིལ་པོ་གཅིག་དང་དེའི་སྔ་ཕྱི་ཉིན་གཉིས་ཀྱི་ཆ་ཙམ་ཡང་ལྷན་ཅིག་ཏུ་མཐོང་བ་སྟེ་འགྲོགས་ན་ཚེས་ཞག་གཅིག་པོ་དེ་ཆད་ཅེས་ཟེར་ཞིང༌། དེ་ལས་ལྡོག་སྟེ་ཚེས་ཞག་གཅིག་གིས་ཉིན་ཞག་གསུམ་མཐོང་ན་དེ་ལས་རིལ་པོ་དང་འགྲོགས་པའི་ཚེས་དེ་ལྷག་པར་བཏགས། ཚེས་ཆད་ལྷག་གི་ཐད་ལ་ལྟོས། |
| སྔ་ཕྱི་བར་གསུམ |
སྔོན་རྗེས་བར་གསུམ་མམ་ཐོག་མཐའ་བར་གསུམ། རྒྱབ་སྐྱོར་སྔ་ཕྱི་བར་གསུམ་དུ་བྱེད་པ། ལག་ལེན་སྔ་ཕྱི་བར་གསུམ་དུ་བསྟར་བ། སྔ་ཕྱི་བར་གསུམ་དུ་མིག་གིས་དངོས་སུ་མཐོང་བ། |
| སྔ་ཕྱིའི་རྒོལ་བ |
རྩོད་པའི་སྔ་རྒོལ་དང་ཕྱི་རྒོལ། |
| སྔ་བ |
དུས་ཀྱི་ཁྱད་པར་ཏེ་ཕྱི་བའི་ལྡོག་ཕྱོགས། སྔ་ས་ནས། གང་སྔ་སྔ། དེ་རིང་ཡོང་བའི་དུས་ཚོད་ཁ་སང་ལས་སྔ་བ་ཡོད། |
| སྔ་བར་ཕྱི་གསུམ |
སྔ་ཕྱི་བར་གསུམ་དང་དོན་གཅིག་ |
| སྔ་བར་སྒྲོག |
མངོན ཁྱིམ་བྱ། |
| སྔ་བལྟས་ཕྱི་བལྟས |
སྔ་ཕྱིའམ་རྒྱབ་མདུན་གཉིས་ཀ་མཐོང་བ། བྱ་ངང་པ་མཚོ་ལ་རྐྱལ་ན་སྟེང་བལྟས་དང་འོག་བལྟས། ཤྭ་ཕོ་ཆེན་སྒང་ལ་འགྲོ་ན་སྔ་བལྟས་དང་ཕྱི་བལྟས། |
| སྔ་མ |
1. དུས་སྔོན་མ། སྔ་མ་ནས་ད་ལྟའི་བར། སྔ་མ་ནས་མ་གྲགས་པ། སྔ་མ་བྱུང་མ་མྱོང༌། 2. སྔོན་རྗེས་བར་གསུམ་གྱི་སྔོན་མ། མི་རབས་སྔ་མ། ཟླ་བ་སྔ་མ། བསམ་པ་སྔ་མ་ནང་ལྟར། ཚིག་སྔ་མ་བཞིན་དུ་སྦྱོར་བ། |
| སྔ་མ་སྔ་མ |
1 རྗེས་མ་ལ་ལྟོས་པའི་སྔོན་མ་སྔོན་མ། 2 དུས་ཤིན་ཏུ་སྔ་བ། |
| སྔ་མཁོ |
སྔ་མ། |
| སྔ་མའི་རྗེས་སུ་དཔག་པ |
སྔ་མ་ལ་དཔེར་བྱེད་པའམ། རིགས་འགྲེ་སྦྱོར་བ། བྱ་བ་སྔ་མའི་རྗེས་སུ་དཔགས་ཏེ་ཕྱི་མའི་ལས་དོན་སྒྲུབ་རྒྱུར་རིགས་བསྒྲེའོ། |
| སྔ་མའི་ལས |
སྔར་བསགས་པའི་ལས། |
| སྔ་མའི་སྔ་མ |
དུས་ཤིན་ཏུ་སྔ་བའམ། སྔ་ཤོས། |
| སྔ་མོ |
1ནངས་སྔ་མོ་སྟེ། སྔ་མོ་མལ་ལས་ལངས་ལྟ་བུ།2གནའ་བོའི་དུས་ཀྱི་དོན་ཏེ། གནའ་སྔ་མོ་ཞེས་པ་ལྟ་བུ། |
| སྔ་ཚར |
1 ཁྱོ་ག་སྔ་མའམ་སྐྱེ་དམན་སྔ་མའི་བུ་ཕྲུག རང་གི་བུ་རྒྱུད་དང་སྔ་ཚར། 2 ཐོག་མར་བྱུང་བའི་སློབ་མ། |
| སྔ་ཚིག་ཕྱི་འགལ |
གཏམ་སྔ་མ་དང་རྗེས་མ་མི་མཐུན་པ། ཁ་གཏམ་ཚང་མ་སྔ་ཚིག་ཕྱི་འགལ་ཤ་སྟག་ཡིན། སྔ་ཚིག་ཕྱི་འགལ་དུ་མི་འགྲོ་བའི་རྒྱུ་མཚན་དྲངས་པ། |
| སྔ་ཞོགས |
ཞོགས་པ་སྔ་པོ། |
| སྔ་ཟ |
རྙིང སྔ་སའམ། དུས་སྔ་པོ། |
| སྔ་འགྱོད་ཕྱི་སྡོམ |
སྔོན་ཉེས་ལ་འགྱོད་སེམས་དང༌། ཕྱིན་ཆད་སྤོང་སེམས། ངན་སྤྱོད་ལང་ཤོར་མི་ཡོང་བར་སྔ་འགྱོད་ཕྱི་སྡོམ་བྱ་རྒྱུ་གལ་ཆེ། བག་མེད་རིགས་ལ་སྔ་འགྱོད་ཕྱི་སྡོམ་གྱི་སྒོ་ནས་བླང་དོར་འཛོལ་མེད་བྱེད་དགོས། |
| སྔ་འགྲས་ཕྱི་འཁོན |
འཁོན་འགྲས་གསར་རྙིང༌། |
| སྔ་འདོན |
ཉེར་མཁོའི་དངུལ་དངོས་ཅི་རིགས་དུས་སྒོ་སྔ་སྣུར་གྱིས་འདོན་གཏོང་བྱེད་པ། གྲོན་དངུལ་གང་དགོས་གནས་སྐབས་རིང་སྔ་འདོན་བྱེད་པ། འབྲུ་དངུལ་སྔ་འདོན། སྔ་འདོན་དུ་སྤྲོད་པ། |
| སྔ་འཕྲོ |
སྔ་མའི་མཇུག་དང༌། ལྷག་མ། ལས་དོན་སྔ་འཕྲོ་བསྡད་པ་རྣམས་སླར་ཡང་འགོ་ཚུགས་སོང༌། |
| སྔ་འཕྲོས |
རེ་ཞིག་གམ་གནས་སྐབས། འོ་ན་སྔ་འཕྲོས་ཁྱེད་རང་མ་ཕེབས་ན་མཉེས། སྔ་འཕྲོས་ལས་ཀ་རྒྱུན་གཏན་བྱས་ན་འགྲིག |
| སྔ་འབྱོར་ཕྱི་ལོག |
གཏན་ཁེལ་གྱི་དུས་ཀྱི་སྔོན་ལ་འབྱོར་ཞིང་ཕྱི་ཙམ་དུ་ལོག་པ། |
| སྔ་རབས |
སྔོན་གྱི་བྱུང་རིམ། |
| སྔ་རབས་ཕྱི་འབྱུང |
སྔོན་ཆད་དང་རྗེས་མ། |
| སྔ་རུ |
རྟ་དྲེལ་སོགས་ཀྱི་སྒའི་མདུན་ཆ། |
| སྔ་རོལ |
སྔོན་ནམ་གོང༌། སྔ་རོལ་གྱི་དུས། སྔ་རོལ་ཏུ་སྤངས་ཟིན་པ། སྔ་རོལ་ནས་ཡིད་དགའ་བ། |
| སྔ་རྐང |
འགྲོས་བཞིའི་ནང་གསེས་མྱུར་འགྲོས་དང༌། འཁྱོགས་འགྲོས་གཉིས་སོ། |
| སྔ་རྐང་ཕྱི་རྐང |
གཟའ་རྣམས་ཀྱི་རྐང་ལོངས་འགྱུར་ཚད་འཕེལ་འགྲིབ་ཀྱི་སྒོ་ནས་ཆ་སྔ་ཕྱི་གཉིས་སུ་ཕྱེ་སྟེ། མྱུར་འགྲོས་དང་འཁྱོགས་འགྲོས་གཉིས་སྔ་རྐང་དང༌། དལ་འགྲོས་འབྱུང་འགྲོས་གཉིས་ལ་ཕྱི་རྐང་ཡིན། འགྲོས་བཞིའི་ཐད་ལའང་ལྟོས། |
| སྔ་རྒོལ |
ཕྱོགས་སྔ་འཇོག་ནུས་པའམ་སྒྲུབ་བྱེད་བརྗོད་པར་ཁས་ལེན་པའི་དམ་བཅའ་འཇོག་མཁན་གྱི་གང་ཟག ཕྱི་རྒོལ་གྱིས་སྔ་རྒོལ་ལ་རྒོལ་ལན་བཏབ་པ། |
| སྔ་རྒོལ་ཕྱི་རྒོལ་གཉིས་ལ་ལྟོས་ཏེ་མ་གྲུབ་པ |
རྒོལ་བ་ལ་ལྟོས་ཏེ་མ་གྲུབ་པ་གསུམ་གྱི་ཡ་གྱལ་ཞིག་སྟེ། སྔ་རྒོལ་སྒྲ་བྱས་མ་བྱས་གང་དུའམ་མ་ངེས་པའི་གང་ཟག་གིས་ཕྱི་རྒོལ་སྒྲ་བྱས་མ་བྱས་གང་རུང་དུ་མ་ངེས་པའི་གང་ཟག་ལ། སྒྲ་ཆོས་ཅན། མི་རྟག་སྟེ། བྱས་པའི་ཕྱིར། ཞེས་པ་ལྟ་བུའོ། |
| སྔ་རྒོལ་ཚར་གཅད་པའི་གནས |
ཚར་གཅད་པའི་གནས་ཀྱི་ཡ་གྱལ། སྔ་རྒོལ་ལ་བྱུང་བའི་སྐྱོན་རྣམས་ཏེ། དྲིས་པའི་ལན་མི་བརྗོད་པ་དང༌། མ་དྲིས་པ་བརྗོད་པ། སྐྱོན་ཅན་བརྗོད་པ། སྐྱོན་སྤོང་བའི་ཚེ་སྐྱོན་མི་སྤོང་པ་དང༌། ལན་ལྟར་སྣང་བརྗོད་པ། སྐབས་སུ་མ་བབ་པའི་ལན་བརྗོད་པ་བཅས་ལ་དཔང་པོས་ཚར་གཅད་པར་བྱ་བའོ། |
| སྔ་རྒོལ་ལ་ལྟོས་ཏེ་མ་གྲུབ་པ |
རྒོལ་བར་ལྟོས་ཏེ་མ་གྲུབ་པའི་རྟགས་གསུམ་གྱི་ཡ་གྱལ་ཞིག་སྟེ། དཔེར་ན། སྔ་རྒོལ་གྲངས་ཅན་པ་ལ་ཕྱི་རྒོལ་སངས་རྒྱས་པས། བློ་བདེ་ཆོས་ཅན། སེམས་དང་བཅས་པ་ཡིན་ཏེ། སྐྱེ་འཇིག་ཅན་ཡིན་པའི་ཕྱིར། ཞེས་བཀོད་པ་ལྟ་བུ། གྲངས་ཅན་པས་དེ་མངོན་པར་གསལ་བ་དང༌། ཉེ་བར་ཞི་བར་འདོད་ཀྱི། སྐྱེ་འཇིག་ཅན་དུ་མི་འདོད་པའོ། |
| སྔ་རྗེས |
སྔ་ཕྱིའམ་ཐོག་མཐའ། འགྲུལ་པ་སྔ་རྗེས་ཚང་མ་འགྲོ་ས་རྒྱ་ལམ་གཅིག་ལས་མེད། |
| སྔ་རྟིང |
སྔོན་རྗེས། སྔ་རྟིང་ལོག་པ། དམག་མིའི་དཔུང་སྣོན་མང་པོ་སྔ་རྟིང་ཙར་ཙར་དུ་ཕྱིན་སོང༌། བྱས་རྗེས་སྔ་རྟིང་ཐེངས་མང་བཞག་པ། |
| སྔ་ལངས་ཕྱི་ཉལ |
ཞོགས་པ་སྔ་པོར་ལངས་ཤིང་དགོང་མོ་ཕྱི་པོར་ཉལ་བ། |
| སྔ་ལམ |
སྔ་མའི་ལུགས་སྲོལ། |
| སྔ་ལོ |
ལོ་སྔོན་མ། |
| སྔ་ལོགས |
སྔར་དུས། སྔ་ལོགས་ཀྱི་ཉམས་མྱོང༌། |
| སྔ་ལྟས |
སྔོན་དུ་འོང་བའི་རྟགས་མཚན། བཀྲ་ཤིས་སྔ་ལྟས། ཆར་པའི་སྔ་ལྟས་ལྷགས་པ། འབྲས་བུའི་སྔ་ལྟས་བརྩོན་འགྲུས། སྲིན་བྱས་ཅུག་ཅུག་ཟེར་བ་དེ། བཀྲ་མི་ཤིས་པའི་སྔ་ལྟས་ཡིན། ནམ་མཁའ་འཇའ་ཡིས་གང་བ་དེ། ཁྱད་དུ་འཕགས་པའི་སྔ་ལྟས་ཡིན། |
| སྔ་ཤ |
སྒའི་སྔ་རུ། |
| སྔ་ས |
སྔ་མོ། གྲོང་སྡེ་དེ་སྔ་ས་ནས་ཆགས་པ་ཞིག་རེད། |
| སྔ་ས་ད་གནས |
སྔར་གང་ཡིན་པ་དེ་ལྟར་དུ་གནས་པ། |
| སྔ་སེ་སྔོ་སེ |
རྩྭ་ལྡུམ་དང་སྔོ་ཚོད་ཀྱི་མདོག་སྟེ། ཚོད་མ་སྔ་སེ་སྔོ་སེ་ཞེས་པ་ལྟ་བུ། འདི་ལ་སྔ་སྔོ་ཡང་ཟེར། རྩྭ་ལྡུམ་གྱི་མིང་སྟེ། སྔོ་ཚོད། སྔོ་སྨན། (རྩྭ་སྨན) སྔོ་ལོ) རྩི་ཤིང་གི་ལོ་མ་སྔོ་འབུས་པ། (རྩྭ་གསར་དུ་སྐྱེས་པ) ཞེས་པ་ལྟ་བུ། |
| སྔ་སོ |
1 མདུན། 2 སྔོན་དུས། |
| སྔ་སོར |
1 སྔོན་དུ་དང༌། སྔ་མར། སྔ་སོར་གྲ་སྒྲིག་འཐུས་ཚང་བྱེད་པ། 2 སྔ་མ་ནང་བཞིན། བསྒྱུར་བཀོད་མེད་པར་སྔ་སོར་བཞག |
| སྔ་སྐྲག་ཕྱི་སྐྲག |
བྱ་བ་རྩོམ་སྐབས་སྔ་ཕྱི་གང་སར་སྐྲག་སྣང་བྱེད་པ། |
| སྔ་སྔོ |
སྔོ1ལ་ལྟོས། |
| སྔ་སྣུར |
རྗེས་མའི་བྱ་བ་སྔོན་ལ་ཚུར་འཐེན་པ། དུས་བཀག་བུ་ལོན་ཚང་མ་སྔ་སྣུར་གྱིས་སྤྲོད་པ། ལས་གྲྭ་སྔ་སྣུར་གྱིས་བསྒྲུབས་པ། ཚོགས་འདུ་འཚོག་རྒྱུའི་ཚེས་གྲངས་སྔ་སྣུར་བྱས་སོང༌། |
| སྔ་སྲོལ |
སྔ་མོའི་ལུགས་སྲོལ་དང་འགྲོ་ལུགས། སྔ་སྲོལ་ལ་ཆ་འཇོག་བྱེད་མི་དགོས། |
| སྔག |
བསྔགས་ཀྱི་ད་ལྟ་བ། |
| སྔགས |
མནྟྲཿ རྡོ་རྗེ་ཐེག་པའི་སྒྲུབ་ཐབས་ནང་སྒྲུབ་པ་པོ་རང་གི་ཡིད་ཀྱི་སྣང་བ་ཕལ་པ་ལས་སྐྱོབ་པར་བྱེད་པ་དང༌། ཡི་དམ་འཁོར་བཅས་རྣམས་སྐུལ་བར་བྱེད་པའི་ཡི་གེའི་གཟུངས། གསང་སྔགས། རིགས་སྔགས། དྲག་སྔགས། ངན་སྔགས། ཐུན་གསོས་སྔགས་བགྲངས། སྔགས་རྒྱག་པ། |
| སྔགས་ཀྱི་གནས་སྐབས་བཞི |
གཉིད་སད་པའི་གནས་སྐབས་དང༌། རྨི་ལམ་གྱི་གནས་སྐབས་དང༌། གཉིད་འཐུག་གི་གནས་སྐབས་དང༌། བཞི་པའི་གནས་སྐབས་བཅས་བཞི། |
| སྔགས་ཀྱི་གཟུངས |
གཟུངས་ཀྱི་སྒོ་བཞིའི་ཡ་གྱལ་ཞིག་སྟེ། བདེན་ཚིག་བརྗོད་ན་དེ་བཞིན་དུ་འགྲུབ་ཅིང༌། རིག་སྔགས་གསར་དུ་བྱེད་ནུས་པ། |
| སྔགས་ཀྱི་ཐེག་པ |
སངས་རྒྱས་ཀྱི་སར་བགྲོད་བྱེད་མྱུར་ཤོས་ཏེ། དབང་པོ་རྣོན་པོ་རྒྱུ་འབྲས་ལྷུན་གྲུབ་ལ་མོས་པ་རྣམས་ལ་འབྲས་བུ་ལམ་དུ་བྱེད་ཐབས། |
| སྔགས་ཀྱི་སྤྱོད་པ |
སྔགས་ཀྱི་རྟོགས་པ་བོགས་འདོན་བྱེད་ཀྱི་སྤྲོས་བཅས་སྤྲོས་མེད་ཤིན་ཏུ་སྤྲོས་མེད་ཀྱི་སྤྱོད་པ་གསུམ། |
| སྔགས་གསར་མ |
གསང་སྔགས་གསར་མ་དང་དོན་གཅིག་ |
| སྔགས་གསུམ |
ཡིད་མཚན་རྟོག་ལས་སྐྱོབ་པའི་སྔགས་ཏེ། དབྱེ་ན། ཐབས་ཀྱི་ངོ་བོ་རིག་སྔགས་དང༌། ཤེས་རབ་ཀྱི་ངོ་བོ་གཟུངས་སྔགས་དང༌། གཉིས་མེད་ཡེ་ཤེས་ཀྱི་ངོ་བོ་གསང་སྔགས་ཏེ་གསུམ། |
| སྔགས་གྲྭ |
1 སྔགས་པའི་གྲྭ་ཚང༌། 2 སྔགས་པའི་གྲྭ་པ། |
| སྔགས་ཆུ |
སྔགས་བཟླས་ཏེ་ཕུ་བཏབ་པའི་ཆུ། |
| སྔགས་ཏེ་བསུ་པ |
རྙིང ཆེད་དུ་བསྔོ་བ། |
| སྔགས་པ |
སྔགས་ཀྱི་གཟུངས་འཛིན་མཁན་ནམ་གསང་སྔགས་ཉམས་སུ་ལེན་མཁན། མིང་གི་རྣམ་གྲངས་ལ་སྔགས་ཆེན་དང༌། སྔགས་འཆང༌། འཇོམས་བྱེད། བསྟན་བདག་མཐུ་བོ་ཆེ། རྡོ་རྗེ་འཛིན། ནུས་པ་ཅན། བསྲུང་འཁོར་བ་བཅས་སོ། |
| སྔགས་པ་གྲྭ་ཚང |
སྔགས་ཀྱི་ལག་ལེན་ཡོད་པའི་དགེ་འདུན་འདུས་སྤྱི་སྟེ་རྒྱུད་པའི་གྲྭ་ཚང༌། |
| སྔགས་ཕྱོགས |
གསང་སྔགས་ཀྱི་སྐོར། |
| སྔགས་ཕྱོགས་ཀྱི་ཡན་ལག་བདུན་པ |
ཕྱག་འཚལ་བའི་ཡན་ལག་དང༌། མཆོད་པ་འབུལ་བའི་ཡན་ལག་བཤགས་པའི་ཡན་ལག་རྗེས་སུ་ཡི་རང་བའི་ཡན་ལག་སྐྱབས་སུ་འགྲོ་བའི་ཡན་ལག་བྱང་ཆུབ་ཏུ་སེམས་བསྐྱེད་པའི་ཡན་ལག་བསྔོ་བའི་ཡན་ལག་སྟེ་བདུན། |
| སྔགས་བཏུ་ཆོ་ག |
ཡི་དམ་གྱི་རྩ་སྔགས་སོགས་ཀྱི་སྔགས་བསྒྲུབས་ཏེ་རྗེས་གནང་བྱེད་པའི་ཐབས། |
| སྔགས་བོན་པ |
རྙིང སྔགས་བཟླ་བ། |
| སྔགས་མར |
སྔགས་བཟླས་ནས་ཕུ་བཏབ་པའི་མར། |
| སྔགས་ཟོར |
སྔགས་བཏབ་པའི་གཏོར་མ་ཟུར་གསུམ་མ། |
| སྔགས་འཆང |
གསང་སྔགས་ཉམས་སུ་ལེན་མཁན། སྔགས་འཆང་ནུས་ལྡན་ཞིག་བོས་ཏེ་སྐྱབས་འཆོལ་བ། |
| སྔགས་ཡིག |
ལེགས་སྦྱར་གྱི་བརྡ་སྦྱར་བའི་ཡི་གེ། དབྱངས་གསལ་གྱི་ཡི་གེའི་ནང་ཡི་དམ་གྱི་ལྷ་གང་ཡིན་གྱི་སྔགས་ཡིག་བསྒྲུགས་པ། |
| སྔགས་རམས་པ |
སྔགས་ཀྱི་དམ་བཅའ་བཞག་པའི་རབ་འབྱམས་པའམ་དགེ་བཤེས་ཀྱི་ནང་གསེས་ཤིག |
| སྔགས་རིགས |
སྔགས་པའི་རིགས་རུས། |
| སྔགས་རིམ་ཆེན་མོ |
རྒྱལ་བ་ཁྱབ་བདག་རྡོ་རྗེ་འཆང་ཆེན་པོའི་ལམ་གྱི་རིམ་པ་གསང་བ་ཀུན་གྱི་གནད་རྣམ་པར་དབྱེ་བ་ཞེས་བྱ་བ། གསང་སྔགས་རྒྱུད་སྡེ་བཞིའི་ལམ་གྱི་རིམ་པ་མཐའ་དག་ལེགས་པར་སྟོན་པའི་གཞུང༌། དུས་རབས་བཅུ་བཞི་པར་རྗེ་ཙོང་ཁ་པས་མཛད་པ་དང༌། ཉེ་ཆར་རྒྱ་ལོ་ཙཱ་བ་ཆོས་འཕགས་ཀྱིས་རྒྱ་ཡིག་ཏུ་བསྒྱུར། |
| སྔགས་རྒྱ |
སྔགས་དང་ཕྱག་རྒྱའི་བསྡུས་ཚིག |
| སྔགས་རྒྱུད |
1 སྔགས་པའི་རིགས་རྒྱུད། 2 ཏནྟྲཾ གསང་སྔགས་སྐོར་གྱི་གསུང་རབ། |
| སྔགས་རྙིང་མ |
གསང་སྔགས་རྙིང་མ་དང་དོན་གཅིག་ |
| སྔགས་ལམ |
གསང་སྔགས་ཀྱི་ལམ། |
| སྔགས་ལམ་གྱི་རིམ་པ་ལྔ |
ངག་དབེན་དང༌། སེམས་དབེན། སྒྱུ་ལུས། འོད་གསལ། ཟུང་འཇུག་བཅས་ལྔ། |
| སྔགས་ལུགས |
གསང་སྔགས་ཀྱི་སྲོལ། |
| སྔགས་སྐད |
སྔགས་འདོན་པའི་སྒྲ་སྐད། |
| སྔགས་སྐྱེས |
བསྐྱེད་རིམ་ལ་གནས་པའི་རྣལ་འབྱོར་མ། |
| སྔགས་སྡེ་གསུམ |
གསང་སྔགས་དང༌། རིག་སྔགས། གཟུངས་སྔགས་ཏེ་གསུམ། |
| སྔགས་སྡོམ |
གསང་བ་སྔགས་ཀྱི་སྡོམ་པའམ་དམ་ཚིག་སྟེ། བསྡམ་བྱ་གཟུང་འཛིན་གྱི་རྣམ་རྟོག་འཕོ་བའི་བག་ཆགས་དང་བཅས་པ། སྡོམ་བྱེད་བདེ་བ་ཆེན་པོའི་ཡེ་ཤེས་དེ་འཛིན་པར་དམ་བཅས་ནས་ཐབས་ཤེས་ཁྱད་པར་ཅན་གྱིས་ཟིན་པའི་སེམས་པ་ས་བོན་དང་བཅས་པ་རང་རྒྱུ་དབང་བསྐུར་སོ་སོ་ལས་མངོན་དུ་གྱུར་པའོ། |
| སྔངས |
(བྱེད་མེད་ལས་ཚིག་ད་ལྟ་བ)གློ་བུར་དུ་འཇིགས་སྐྲག་སྐྱེས་པའི་དོན་ཏེ། མེ་སྒྱོགས་བརྒྱབ་པའི་སྒྲ་ཡིས་དགྲ་བོ་སྔངས་ལྟ་བུ། མ་འོངས་པར་བསྔང་དང་། འདས་པར་བསྔངས། སྐུལ་ཚིག་ལ་སྔོངས་འབྲི་སྲོལ་ཡོད། |
| སྔངས་པ |
དངངས་པ་དང་འདྲ། |
| སྔངས་སྐྲག |
1 འཇིགས་སྐྲག 2 བྲེལ་འཚབ། |
| སྔན |
སྔོན་ཞེས་པའི་ཡུལ་སྐད་དེ། སྔོན་ཆད་ལ་སྔན་ཆད་ཟེར་བ་ལྟ་བུ། |
| སྔབ |
(བྱེད་མེད་ལས་ཚིག) ཧ་ཅང་སྲེད་པ་ལངས་པའི་དོན་ཏེ། སྤྱང་ལྟོགས་ཤ་ལ་སྔབ་ལྟ་བུ། འདི་ལ་རྔབ་འབྲི་བའང་ཡོད། |
| སྔབས་པ |
རྙིང ཁྲོས་པ། |
| སྔམ |
(བྱེད་མེད་ལས་ཚིག) དབུཊ་དྲག་ཏུ་འབྱིན་རྔུབ་བྱེད་པ་སྟེ། དབུགས་སྔམ་ནས་བརྒྱུགས་ལྟ་བུ། |
| སྔམ་པ |
ནི་དབུགས་རིང་བོའི་མིང་སྟེ། སྔམ་པ་འཐེན་ལྟ་བུ། |
| སྔར |
སྔོན་ནམ་སྔ་དུས། སྔར་ནས་འདྲིས་པའི་གྲོགས་པོ། རྒྱལ་ཁ་སྔར་བས་ཀྱང་ཆེ་བ། སྔར་གྱི་ལོ་རྒྱུས་རྣམ་ཐར། གནས་ཚུལ་སྔར་དང་མི་འདྲ་བ། མཐུན་སྒྲིལ་དམ་ཟབ་སྔར་ལས་ལྷག་པ་ཞིག་བྱེད་པ། སྔར་བྱས་རྒྱབ་བསྐྱུར། སྔར་བྱས་ལ་རྩད་གཅོད་མི་བྱེད། སྔར་ཡོད་རྨང་གཞིའི་ཐོག སྔར་བྱུང་མ་མྱོང་བ། སྔར་བཤད་པ་ལྟར། 2.(བསྣན་ཚིག) སྔ་རུ་ཞེས་པའི་ཚིག་བསྡུས་པ་སྟེ། སྔར་བཞིན། སྔར་རྒྱུན་ལྟར། སྔར་མེད། མིག་སྔར་ལྟ་བུ། |
| སྔར་གནས་སོར་བཞག |
གོ་གནས་སོགས་སྔར་ཡོད་རང་སོར་བཞག་པ། |
| སྔར་ཉེས |
སྔ་མའི་སྐྱོན། |
| སྔར་ཕན |
སྔ་མ་སོང་ཟིན་ནམ། དུས་ཡུན་ཅུང་ཟད་སོང་ཟིན་ཡན་ཆད། སྔར་ཕན་གྱི་བདེ་སྡུག་གནས་ཚུལ་ཚང་མ་བློ་མངའ་སེམས་གསལ་རེད། |
| སྔར་ཕན་ཆད |
སྔར་ཕན་དང་དོན་གཅིག་ |
| སྔར་བཞིན |
སྔར་ལྟར་རམ་སྔ་མ་ནང་བཞིན། ཕན་ཚུན་དབར་དུ་མཐུན་སྒྲིལ་དམ་ཟབ་སྔར་བཞིན་བྱེད་པ། གནས་སྐབས་སྔར་བཞིན་རང་འཇགས་སུ་འཇོག་པ། |
| སྔར་བྱུང |
སྔོན་དུ་བྱུང་ཟིན་པ། སྔར་བྱུང་གི་གནས་ཚུལ། བདེ་སྐྱིད་ཀྱི་དགའ་སྟོན་སྔར་བྱུང་མ་མྱོང་བ་ཞིག་བྱུང་བ་རེད། སྔར་བྱུང་ལོ་རྒྱུས། |
| སྔར་བྱུང་ཕྱི་ལྟ |
སྔོན་དུ་བྱུང་ཟིན་པ་རྣམས་ལ་བསྐྱར་དུ་བསམ་བློ་གཏོང་བ། |
| སྔར་མུས |
སྔོན་གྱི་རྒྱུན་ནམ་མུ། འབད་བརྩོན་སྔར་མུས་སུ་བྱེད་པ། གོ་གནས་སྔར་མུས་འཛིན་པ། |
| སྔར་མེད་གསར་སྤྲོས |
སྔོན་མེད་པ་ཞིག་གསར་དུ་བཟོས་པ། ལམ་སྲོལ་ངན་པ་སྔར་མེད་གསར་སྤྲོས་མ་བྱེད། སྒྲིག་ཁྲིམས་སྔར་མེད་གསར་སྤྲོས། ཁྲལ་འབབ་སྔར་མེད་གསར་སྤྲོས་བྱེད་པ། |
| སྔར་འཁོན་ཞེ་བཞག |
སྔར་འཁོན་ཞེ་འཛིན་ཀྱང་ཟེར། འཁོན་འགྲས་ཀྱི་གཏིང་ནད་དམ་དུ་འཛིན་པ། ཕན་ཚུན་སྔར་འཁོན་ཞེ་བཞག་གིས་ཁ་ངན་གཏོང་རེས་བྱེད་པ། |
| སྔར་འཁྱུད |
རྙིང 1 སྔ་མའི་སྲོལ། 2 ཐེངས་སྔ་མ། |
| སྔར་འཐམས་པ |
རྙིང སྔར་དུས་བཏབ་པའམ། སྔར་བརྡ་བྱས་པ། |
| སྔར་རྒྱུན |
སྔར་གྱི་སྲོལ་རྒྱུན། གཏོང་ཡོང་ཚང་མ་སྔར་རྒྱུན་གཞིར་བཞག་ལས། སྣོན་ཕྲི་སྤོར་གཅོག་མི་བྱེད། གཏོར་སྐྱོན་བྱུང་བ་རྣམས་སྔར་རྒྱུན་སོར་ཆུད་ཀྱི་གོ་སྐབས་ཐོབ་པ། ཕན་ཚུན་འཐབ་རྩོད་འཐེན་འཁྱེར་བྱས་ནས་སྔར་རྒྱུན་གཞི་འཇགས་མ་ཐུབ་པ། |
| སྔར་རྗེས་བཅད་པ |
འདས་པའི་དོན་ལ་བརྟག་པ། |
| སྔར་ལམ |
སྔ་དུས་ཀྱི་ལུགས་སྲོལ། དུས་ཆེན་སོ་སོའི་བྱེད་སྒོ་སྔར་ལམ་ནང་བཞིན་རེད། |
| སྔར་ལས་ལྷག་པ |
སྔ་མ་ལས་ཡག་པ། |
| སྔར་ལུགས་སྦུག་འདྲེན |
སྔར་གྱི་བྱས་ཉེས་མུ་མཐུད་དེ་བྱེད་པ། སྔར་ལུགས་སྦུག་འདྲེན་གྱི་རིགས་སུས་ཀྱང་བྱས་མི་ཆོག |
| སྔར་ལྟར |
སྔ་མ་ནང་བཞིན། བྱེད་སྒོ་ཚང་མ་སྔར་ལྟར་བྱས་ཆོག |
| སྔར་ས་ད་འཇགས |
སྔར་ནས་གང་ཡོད་རྣམས་ད་ལྟའང་རང་གནས་སུ་འཇགས་པ། སྲོལ་རྒྱུན་བཟང་བ་རྣམས་སྔར་ས་ད་འཇགས་བྱས་པ། |
| སྔར་སོང་ད་འགྲོ |
སྔར་འགྲུབ་པ་ལྟར་ད་ལྟའང་ཡོང་སྙམ་པ། ཁྱོད་ཀྱིས་སྔར་སོང་ད་འགྲོའི་བྱ་སྤྱོད་དེ་ངས་འཁུར་མི་ཐུབ། |
| སྔར་སྐྱེས |
མངོན ཇོ་ཇོའམ། གཅེན་པོ། |
| སྔར་སྔ་མོ |
གནའ་རབས་སྔ་དུས། མི་ཚོ་སྔར་སྔ་མོ་ནས་ལུང་པ་དེར་གཞིས་ཆགས་པ། |
| སྔར་སྲོལ |
སྔ་མོའི་ལུགས་སྲོལ། ལོ་དུས་ཀྱི་རྟེན་འབྲེལ་དགའ་སྟོན་སྔར་སྲོལ་ལྟར་བྱེད། ཡུལ་གྱི་སྲོལ་བཟང་སྔར་སྲོལ་ལྟར་འཇོག |
| སྔར་སྲོལ་ལད་རྐྱེན |
སྔར་སྲོལ་ཉམས་རྐྱེན། སྤྱོད་ངན་མང་པོས་སྔར་སྲོལ་ལད་རྐྱེན་དུ་འགྲོ་ཉེན་ཡོད། |
| སྔས |
མགོ་སྔས་ཏེ། ཉལ་དུས་མགོ་འཇོག་སའི་ཆས། སྔས་འབོལ། སྔས་རིལ། སྔས་ལེབ། སྔས་ཤུབས། |
| སྔས་མགོ |
ཉལ་སྐབས་མགོ་འཇོག་སའི་ཕྱོགས། |
| སྔས་མལ |
སྔས་འབོལ་དང་ཉལ་ཆས། |
| སྔས་སྟན |
སྔས་དང་མལ་སྟན། |
| སྔུན |
རྙིང མདུན། སྔུན་དུ་བཏང༌། མི་སྔུན་མ། |
| སྔུན་བསུ |
མདུན་གྱི་སྣེ་འདྲེན། སྤོས་སྣེས་སྔུན་བསུ། |
| སྔུན་མ |
རྙིང སྔ་མ། |
| སྔུར་པ |
གཉིད་ལོག་སྐབས་ཨོལ་པའི་ནང་ནས་ཐོན་པའི་ཧར་སྒྲ། |
| སྔུར་བ |
གཉིད་ལོག་སྐབས་ཨོལ་བའི་ནང་ནས་ཐོན་པའི་ཧར་སྒྲའི་མིང་། |
| སྔུར་སྒྲ |
གཉིད་ཁུག་སྐབས་དབུགས་འདོན་པའི་སྒྲ། སྔུར་སྒྲ་འབྲུག་ལྟར་སྒྲོག |
| སྔེའུ |
མོན་སྲན་སྔེའུ་ཞེས་པའི་འབྲུ་རིགས་ཤིག |
| སྔོ |
1 1 མྱུ་གུ། ལོ་འདབ་གསར་པའི་སྔོ་འབུས་པ། 2 ཟས་ཀྱི་ཚོད་མ། སྔོ་རིགས་མང་པོ་ཟས་སུ་ཟ། 3 རྩྭ་རིགས་སྤྱི། སྒོ་ཕྱུགས་རྣམས་ལ་སྔོ་རྩྭ་སྟེར་བ། 2 1 སྔོན་པོ། དུད་པ་སྔོ་འཕྱུར་འཕྱུར་དུ་འཐུལ། མེ་ཏོག་དམར་ཞིང་ལོ་འདབ་སྔོ། ནེའུ་གསིང་སྔོ་ཞིང་མེ་ཏོག་རྒྱས། 2 རྙིང སྐྱོན་མེད། |
| སྔོ |
(རྒྱན་ཚིག) གནམ་གྱི་མདོག་ལྟ་བུ་སྟེ། སྔོ་སྐྱ། སྔོ་ནག་ཅེས་པ་ལྟ་བུ། 2.(བྱེད་འབྲེལ་ལས་ཚིག་ད་ལྟ་བ) བློས་བཏང་བའམ་བྱིན་པའི་དོན་ཏེ། ལུས་སྲོག་སྔོ་མཁན་ཞེས་པ་ལྟ་བུ། |
| སྔོ་ཁུ |
ཕྱུར་ཁུ་སྟེ་དར་བ་བསྐོལ་ཏེ་ཕྱུར་བ་བཏོན་པའི་ཁུ་བ། |
| སྔོ་ཁྲ |
གཞིའི་མདོག་སྔོན་པོར་རི་མོ་སྣ་ཚོགས་ཡོད་པ། |
| སྔོ་ཁྲིག་ཁྲིག |
སྔོ་བུན་བུན་དང་ཕྱོགས་འདྲ་བ། རྒྱང་ནས་བལྟས་པས་ཆུ་སྔོ་ཁྲིག་ཁྲིག་ཅིག་མཐོང་བྱུང༌། ལུང་པའི་གཡས་གཡོན་ཚང་མ་ན་བུན་སྔོ་ཁྲིག་ཁྲིག་ཅིག་གིས་གང་འདུག |
| སྔོ་ངད |
སྔོ་ཚལ་གྱི་དྲི་མའམ་ནུས་པ། |
| སྔོ་ཅེ་རེ |
མིག་གི་དབང་པོ་ཤོར་ཏེ་ལུག་འཆི་ཁའི་མིག་བགྲད་སྟངས་ལྟ་བུ། |
| སྔོ་ཆུ་གཏོང་བ |
སྔོན་ཆུ་གཏོང་བའང་ཟེར། འབྲུའི་ལྗང་པ་ས་ལས་ཚུན་གསུམ་བཞི་ཙམ་སྐྱེ་དུས་ཆུ་དང་པོ་གཏོང་བ། |
| སྔོ་ཆུ་ལོ |
ཆུ་སྐྱུར་གྱི་སྔོ། སྔོ་སྨན་གྱི་རིགས་ཤིག་སྟེ། རོ་སྐྱུར་ལ་ཞིམ་པ། སྡོང་པོ་རྗེན་པར་ཟ་རུང་བ། ལོ་མ་ཐ་མག་གི་ཚབ་ཏུ་གཏོང་སྲོལ་ཡོད། |
| སྔོ་ཆུ་སྲིན་སྡེར་མོ |
སྔོ་སྨན་གྱི་རིགས། སྐྱེ་ཚུལ་དབྱར་ཁ་འདབ་མ་བགྲད་ནས་སྐྱེ་ཞིང་དགུན་ཁ་སྦར་མོ་བསྐུམས་པ་ལྟར་འཁུམ་པ་ཞིག་སྟེ། རོ་ཁ། ནུས་པས་དྲི་ཆུ་འགགས་པ་འབྱིན། |
| སྔོ་ཆོས |
མཐིང་ཤོག་ལ་གསེར་དངུལ་བཏུལ་མས་བྲིས་པའི་ཆོས་དཔེ། |
| སྔོ་ཐིང་ངེར |
སྔོན་པོའི་མདོག་གསལ་ཚུལ། སྤྲིན་བྲལ་ནམ་མཁའི་རང་མདོག་སྔོ་ཐིང་ངེར་གསལ་བ། རྩྭ་ཐང་རྣམས་སུ་ནེའུ་གསིང་སྔོ་ཐིང་ངེར་ཁྱབ་པ། |
| སྔོ་ཐོག |
ལོ་ཏོག་སྔོན་པོའི་སྒང༌། |
| སྔོ་ཐོག་རྩིས་ལེན |
ཞིང་བདག་གིས་བོགས་མ་ཆད་པ་སོགས་ལ་ཁ་གཡར་ནས་མི་སེར་གྱི་ས་ཞིང་ལོ་ཏོག་དང་ཆབས་ཅིག་བཙན་འཕྲོག་བྱེད་པའི་སྲོལ། |
| སྔོ་དཀར |
ཁ་དོག་སྔོ་སྐྱ། |
| སྔོ་དེ་བ |
རྫ་འདབས་གཡའ་སྤང་ལས་སྐྱེས་པའི་ལོ་མ་སྔོན་པོ་ཉག་ག་ཅན་མེ་ཏོག་སྔོན་པོ་སྡོང་བུ་སོར་གསུམ་ཙམ། རོ་ཁ་ཞིང༌། རིམས་ཚད་སེལ། |
| སྔོ་ནག |
མཐིང་དང་སྣག་ཚ་མཉམ་བསྲེས་ཀྱི་མདོག |
| སྔོ་ནེ |
ལུགས་བརྒྱབ་པའི་ཤེལ་རིལ་ཁ་དོག་སྣ་ཚོགས་ཅན། |
| སྔོ་ཕྱུར |
དར་བ་ལན་གཅིག་བསྐོལ་ཏེ་བཏོན་པའི་ཕྱུར་བ་རོ་བཅུད་ལེགས་པ། |
| སྔོ་ཕྱུར་ཕྱུར |
དུ་བ་འཐུལ་ཚུལ། ཐབ་ནས་དུད་པ་སྔོ་ཕྱུར་ཕྱུར་འགྲོ་བ། |
| སྔོ་ཕྱུར་རེ |
དུ་བ་འཕྱུར་སྟངས་ཤིག གྲོང་པ་ཡོད་སར་ཐབ་དུད་སྔོ་ཕྱུར་རེ་གཏོང་བ། |
| སྔོ་ཕྲིག་ཕྲིག |
སྔོ་ཐིང་ངེར། རྩྭའི་མྱུ་གུ་གསར་པ་སྔོ་ཕྲིག་ཕྲིག་ཐོན་འདུག རྒྱང་ནས་བལྟས་པས་ཆུ་སྔོ་ཕྲིག་ཕྲིག་ཅིག་མཐོང༌། |
| སྔོ་བ |
1. ཐ་དད་པ བསྔོས་པ། བསྔོ་བ། སྔོས།།1 ཡིད་ཀྱིས་བགྲང་བཤེར་བྱེད་པ། སྐྱོན་ཡོན་བསྔོ་བ། བླང་དོར་སྔོ་བ། ཁེ་གྱོང་ཕན་གནོད་ཇི་ཡོང་བསྔོས་པ། 2 དམིགས་པ་དང་སྤེལ་ཏེ་ཁ་སྒྱུར་བ། གཞན་དོན་དུ་བསྔོ་བ། དགེ་བ་ཐམས་ཅད་བྱང་ཆུབ་ཕྱིར་དུ་བསྔོ། 2. ཐ་མི་དད་པ བསྔོས་པ། བསྔོ་བ།།མདོག་སྔོན་པོའམ། ནག་པོར་འགྱུར་བ། རོ་རྣམ་པར་བསྔོས་པ། རྣམ་པར་སྔོ་བའི་འདུ་ཤེས། 3. མདོག་སྔོན་པོ། རྩིག་པ་མཚལ་ལྟར་དམར་ཞིང༌། རྫ་གཡམ་གཡུ་ལྟར་སྔོ་བའི་ཁང་པ། |
| སྔོ་བཅད |
རི་མོ་ལྗང་གུ་དང༌། སྔོན་པོ། དཀར་པོ་རྣམས་ལ་རམ་གྱིས་བཅད་རྒྱག་པའི་དོན། |
| སྔོ་བསངས |
1 སྔོན་པོ། གོས་ཆེན་སྔོ་བསངས། ནམ་མཁའི་རང་མདོག་སྔོ་བསངས། 2 རྙིང 1) ནག་པོ། 2) མཚན་མོ། |
| སྔོ་བསངས་མ |
མངོན 1 ནམ་མཁའ། 2 བུད་མེད།.. 3 མཚན་མོ། |
| སྔོ་བུན་ནེ |
སྔོ་ཕྱུར་རེའམ་སྔོ་ལོང་ངེ། ཐོག་ཁའི་ལྕགས་མདོང་ནས་དུ་བ་སྔོ་བུན་ནེ་ཐོན་པ། |
| སྔོ་མ |
རྙིང རྩྭ་ཐང༌། |
| སྔོ་མདངས |
ཚོས་གཞི་སྔོན་པོའི་མདངས། |
| སྔོ་ཚལ |
བཟའ་བཅའི་སྔོ་རིགས། |
| སྔོ་ཚེར |
ནས་ཀྱི་བྱེ་བྲག་ཅིག |
| སྔོ་ཚོད |
ཐུག་པའི་ནང་དུ་བླུག་རྒྱུའི་སྔོ་ཚལ། |
| སྔོ་ཚོས |
རམ་གྱི་མིང༌། |
| སྔོ་འཐོག་རྒྱག་པ |
1 ཞིང་ལ་རྩྭ་ངན་འཐོག་པ། 2 ལོ་ཏོག་བསྡུ་མ་རན་གོང་ནས་འཐོག་པ་སྟེ། ཟ་འབྲུ་ཆད་སྐབས་སྨིན་ཙམ་ཡོད་པ་རྣམས་བསྒྲུགས་ནས་འཐོག་པ། |
| སྔོ་འབུམ |
རྩྭ་སྨན་རིགས་སྣ་ཚོགས་ཀྱི་འཁྲུངས་དཔེ་སྨན་ནུས་སོགས་བཤད་པའི་སྨན་དཔེའི་མིང་། |
| སྔོ་འཛིམ |
རི་སྒོག་གི་བྱེ་བྲག་ཅིག |
| སྔོ་རི་ལྕགས་ཟམ |
ཡུན་ནན་ཞིང་ཆེན་གྱི་འཇོལ་རྫོང་ཁོངས་ཟླ་ཆུའི་ཐོག་ལ་ཡོད་པའི་ལྕགས་ཟམ་ཞིག |
| སྔོ་རིབ |
མིག་ནད་བར་འགྲིབ་ཀྱི་བྱེ་བྲག་ཅིག |
| སྔོ་རེངས |
མཚན་མོའི་དུས་ཚོད་བཞི་ལྔའི་དུས་ཀྱི་ཤར་གྱི་མཁའ་དབྱིངས་ལ་ཉི་འོད་ཤར་བའི་མདོག་སྔོ་སང་བའི་མིང་། |
| སྔོ་རྔད |
1 རྙིང སྔོ་ངད་དང་འདྲ། 2 ཚོད་མའི་རིགས། |
| སྔོ་རྟག་ཏུ་ངུ |
སྔོ་སྨན་གྱི་རིགས་ཤིག་སྟེ། རོ་མངར་ལ་བསྐ། ཞུ་རྗེས་སྙོམས། ནུས་པས་དབང་པོ་མི་གསལ་བ་དང་ལུས་སྟོབས་ཉམས་པ་གསོ། འདུ་བ་སྙོམས་པར་བྱེད། |
| སྔོ་རྡོག |
ཡོངས་སུ་རང་མ་སྨིན་པའི་ཤིང་ཏོག |
| སྔོ་རྩྭ |
རྩྭ་སྔོན་པོ། |
| སྔོ་ལ |
རི་བོ་ཞིག་མཚོ་སྔོན་ཞིང་ཆེན་མཚོ་ནུབ་སོག་པོ། བོད། ཧ་སག་རིགས་རང་སྐྱོང་ཁུལ་ཏུའུ་ལན་རྫོང་དུ་ཡོད་ཅིང་མཐོ་ཚད་རྒྱ་མཚོའི་ངོས་ལས་སྨི་ལྔ་སྟོང་ལྷག་ཙམ་ཡོད། |
| སྔོ་ལུད |
1 སྔོ་རིགས་ལས་བཟོས་པའི་ལུད། 2 ཞིང་ཁར་མྱུ་གུ་སྐྱེས་རྗེས་རྒྱག་པའི་ལུད། |
| སྔོ་ལོ |
1 རྩྭ་སྔོའི་ལོ་མ། 2 ཞབས་འདྲེན་ནམ། སྐྱོན་དུ་གྱུར་པའི་དཔེ། སྤྱོད་ངན་བྱས་ནས་ཞབས་འདྲེན་ཞུས་སོང༌། སྔོ་ལོ་ཕྱར་སོང༌། |
| སྔོ་ལོང་ངེ |
ཆུ་འཁྱིལ་སྟངས་ཤིག རྭ་བའི་ནང་དུ་ཆུ་སྔོ་ལོང་ངེར་འཁྱིལ་འདུག |
| སྔོ་ལྕ་བ |
སྔོ་ཞིག |
| སྔོ་ལྕག་ལྕིག |
སྔོ་རྩྭ་ཆག་གི་ཆིག་གི། |
| སྔོ་ལྕགས་ཀྱུ |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་གཉན་ནད་འདུལ། དུག་ཚད་གསོ། |
| སྔོ་ལྗང |
སྔོ་ལྗང་ལྗང་ཡང་ཟེར། སྔོན་པོ་དང་ལྗང་གུ་འདྲེས་པའི་མདོག སྔོ་ལྗང་ལོ་འདབ་རྒྱས་པའི་ནགས་ཚལ། སྤང་ཐང་གི་དཀྱིལ་དུ་མཚོ་ཆུང་སྔོ་ལྗང་ལྗང་ཞིག་ཡོད། |
| སྔོ་ལྡུམ |
རྩྭ་སྔོ་ལྡུམ་བུའི་རིགས། |
| སྔོ་ལྡུམ་ལྕམ་པ |
སྔོའི་བྱེ་བྲག་ཅིག |
| སྔོ་ས་སྐྱ་ས |
དབྱར་ས་དགུན་ས། |
| སྔོ་སངས |
1 མདོག་སྔོ་རྐྱང༌། 2 མངོན 1) ལྗང་པ། 2) ཙན་དན་སྦྲུལ་སྙིང༌། |
| སྔོ་སངས་ལུས |
མངོན གཟའ་ལྷག་པ། |
| སྔོ་སི་ལེ་བ |
སྔོན་པོའི་མདོག་གསལ་སྟངས་ཤིག གྲི་ཤུབས་ནང་ནས་གྲི་སྔོ་སི་ལེ་བ་བཏོན་པ། |
| སྔོ་སིར་རེ |
1 རྩྭ་དང་སྔོ་ལྡུམ་གསར་པའི་མྱུ་གུ་ཐོན་ཚུལ། དཔྱིད་དུས་དྲོད་གཤེར་རྒྱས་དུས་སྤང་ལྗོངས་རྣམས་སུ་རྩི་ཐོག་གསར་པའི་མྱུ་གུ་སྔོ་སིར་རེ་ཐོན་ཡོང༌། 2 དུ་བ་ཕྲ་མོ་འཐུལ་སྟངས། མེ་ཁ་གསོས་འཕྲལ་ཐོག་མར་དུ་བ་སྔོ་སིར་རེ་འཐུལ་བ། |
| སྔོ་སེང |
སྔོ་སྐྱ་ལས་ཅུང་ཟད་དཀར་ཆ་ཆུང་བའི་མདོག |
| སྔོ་སྐྱ |
མཐིང་དང་དཀར་རག་བསྲེས་པའི་མདོག་སྟེ་སྔོན་པོ་དཀར་ཤས་ཆེན་པོ་ཞིག |
| སྔོ་སྒ |
1 ཐང་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་མཁྲིས་ཚད་དང་མགོ་ནད་སེལ། དུགས་བརྒྱབ་ན་གཟེར་རིགས་ཐམས་ཅད་ལ་ཕན། 2 སྒ་སྐྱ། |
| སྔོ་སྒོག |
སྒོག་པའི་ལྗང་པ་སྔོན་པོ། |
| སྔོ་སྤྱི |
རྩྭ་སྔོའི་རིགས་ཚང་མ། |
| སྔོ་སྤྱི་བཞུར |
སྔོ་སྨན་གྱི་རིགས་ཤིག་སྟེ། རོ་ཁ་ལ་བསྐ། ཞུ་རྗེས་སྙོམས། ནུས་པས་དམུ་ཆུ་དང༌། འོར་སོགས་ཆུ་འགག་འབེབས། མིང་གི་རྣམ་གྲངས་ལ་སྔོ་སྟབས་སེང་དང༌། ལྡུམ་སྔོན། བཻཌཱུརྻ་མདོག་ཅན། དམུ་ཆུའི་གསང་ལྡུམ་བཅས་སོ། |
| སྔོ་སྤྲིན |
རི་མོར་རམས་ཀྱིས་མདངས་བཏོན་པའི་སྤྲིན་རིས། |
| སྔོ་སྤྲིན་དམན་པ |
སྔོ་སྨན་གྱི་རིགས་ཤིག་སྟེ། ནུས་པས་ཟླ་མཚན་སྙོམས་པ་དང༌། ཁྲག་རྒྱུ་བ། ན་ཟུག་གཅོག་པར་བྱེད། |
| སྔོ་སྦྱོར |
གློ་བུར་གྱི་ནད་སེལ་བའི་ནུས་པའམ་བྱེད་ལས་རྣོ་བའི་སྔོ་ཡི་སྨན་གྱི་སྦྱར་ཐབས་སྡེ་ཚན་གྱི་མིང༌། |
| སྔོ་སྦྱོར་བདུད་རྩིའི་ཐིག་པ |
དུས་རབས་བཅུ་དགུ་པའི་ནང་འཇུ་མི་ཕན་རྣམ་རྒྱལ་རྒྱ་མཚོས་མཛད་པའི་སྔོ་སྨན་གྱི་སྦྱོར་སྡེའི་སྟེང་ཁྲོག་སྨན་གྱི་ཁ་ཚར་ཕྲན་ཙམ་བཏབ་ན་ཆོག་པའི་བྱ་སླ་བ་དང༌། ཕན་ནུས་ཆེ་བ་ཞིག |
| སྔོ་སྨན |
དགུན་དུས་རྩ་བ་མ་གཏོགས་སྐམ་ནས་མི་སྡོད་པ་རྩ་བ་ཕྲ་བའི་རྩྭའི་རིགས་ཧོང་ལེན་དང་བོང་ང་དཀར་པོ་ལྟ་བུ་ལ་ཟེར་ཏེ། དེ་ལའང་བཏུ་བའི་ཚེ་རྩ་བ་དང་ལོ་མ་མེ་ཏོག་འབྲས་བུ་བཞི་པོ་སོ་སོར་དགོས་རིགས་དང༌། རྩ་ལོ་མེ་འབྲས་བཞི་ཀ་དགོས་པའི་རིགས། ལོ་ལྡོང་མེ་འབྲས་བཞིའམ་སྡོང་པོ་དོར་བའི་གསུམ་བཏུ་དགོས་པའི་རིགས་སོ། |
| སྔོ་ཧམ་མེ |
1 ཁ་དོག་སྔོ་བ། 2 མདངས་ཞན་པོ། ངོ་མདོག་སྔོ་ཧམ་མེར་ཕྱིན་འདུག |
| སྔོག |
(བྱེད་འབྲེལ་ལས་ཚིག་ད་ལྟ་བ) མཚང་དང་སྐྱོན་རྗེན་པར་བཤད་པའི་དོན་ཏེ། མཚང་སྔོག རང་སྐྱོན་སྔོག་ལྟ་བུ། |
| སྔོག་གཤེར |
འཚོལ་ཞིབ་དང་གྲངས་གཤེར་བ། འགྲོ་ཆས་སྔོག་གཤེར། སྡོད་ཁང་སྔོག་བཤེར། |
| སྔོག་པ |
ཐ་དད་པ བསྔོགས་པ། བསྔོག་པ། སྔོགས།།འདོན་པའམ་འདྲུ་བ། ཨམ་ཕྲག་སྔོག་པ། ཉེས་སྐྱོན་བསྔོགས་ནས་གསལ་རྗེན་དུ་བརྗོད། སྒམ་ནང་ནས་ཅ་ལག་སྔོག་པ། |
| སྔོག་བྲུས |
སྔོག་པ་དང་བྲུས་པ། |
| སྔོག་འདོན |
ཕྱིར་འདོན་པ། གཏེར་ཁ་སྔོག་འདོན། ནུས་ཤུགས་སྔོག་འདོན་བྱེད་པ། |
| སྔོག་འདྲུ |
ཅ་ལག་སྔོག་གཤེར་རམ། སྔོག་འཚོལ། དངོས་ཆས་སྔོག་འདྲུ་རྒྱག་པ། |
| སྔོགས |
སྐུལ་ཚིག་སྟེ། རང་སྐྱོན་སྔོགས་ཤིག་ལྟ་བུ། ཁ་སྐད་དུ་ངོ་མཚང་བྲུས་ཞེས་པ་དང་དོན་གཅིག རྐོ་བའི་དོན་ཏེ། རྡོ་སོལ་སྔོག་འདོན་བྱས་ལྟ་བུ། |
| སྔོངས |
སྔངས་ཀྱི་སྐུལ་ཚིག |
| སྔོན |
འདས་པའི་དུས་ཏེ། ཉིན་ཁ་ཤས་ཀྱི་སྔོན། ལོ་ཁ་ཤས་ཀྱི་སྔོན། སྔོན་ཆད། སྔོན་དུས་ལྟ་བུ། གོ་རིམ་གྱི་མདུན་ཏེ། ཕར་འགྲོའི་སྔོན་མ། མི་སྔོན་། ་སྔོན་གྱི་མི་ཞེས་པ་ལྟ་བུ། |
| སྔོན་གནས་རྗེས་དྲན་གྱི་མངོན་ཤེས |
མངོན་ཤེས་ཀྱི་བྱེ་བྲག་ཅིག་སྟེ། སྔོན་རང་དང་གཞན་གྱི་སྐྱེ་ཡུལ་དང༌། མིང༌། ཕ་མ། ལས། ཚེ། ལོངས་སྤྱོད་སོགས་དེ་དང་དེ་ལྟ་བུའོ་ཞེས་ཇི་ལྟ་བ་བཞིན་དུ་ཤེས་པ། |
| སྔོན་གནས་རྗེས་དྲན་མཁྱེན་པའི་སྟོབས |
སྟོབས་བཅུའི་ནང་གསེས། འདས་པའི་དུས་སུ་བདག་དང་གཞན་སེམས་ཅན་ཇི་སྙེད་པ་དེ་སྙེད་ཀྱི་ཡུལ་ཕྱོགས་དང༌། རྒྱུ་དང་རྣམ་པ་བཅས་པ་དྲན་པའི་ཡུལ་དེ་རྣམས་ལ་ཆགས་ཐོགས་མེད་པར་འཇུག་པའི་མཁྱེན་པ། |
| སྔོན་གཤེགས་དཔའ་བོ |
དྲང་བདེན་གྱི་དོན་དུ་ཤི་བའི་དཔའ་བོ་གྲགས་ཅན། |
| སྔོན་གྱི་གནས་རིག་པ |
སྔོན་དུས་རང་ངམ་གཞན་གང་ལ་སྐྱེས་པའི་གནས་མངོན་སུམ་དུ་རྟོགས་པའི་ཤེས་རབ་སྟེ། རིགས་པ་གསུམ་གྱི་གྲས་ཤིག |
| སྔོན་གྱི་གནོད་སྦྱིན |
མངོན ཛམྦྷ་ལ། |
| སྔོན་གྱི་མཐའ |
སྣོད་བཅུད་འཇིག་རྟེན་སོགས་ཐོག་མར་འབྱུང་དུས་ཀྱི་ཡ་མཐའ། |
| སྔོན་གྱི་རྒྱལ་པོ་ལྔ |
རྒྱ་གར་གྱི་ཐོག་མའི་རྒྱལ་པོ་མང་བཀུར་དང༌། འོད་མཛེས། དགེ་བ། དགེ་མཆོག་གསོ་སྦྱོང་འཕགས་ཏེ་ལྔ། |
| སྔོན་གྱི་རྒྱལ་བ |
1 འདས་པའི་སངས་རྒྱས། 2 འཇམ་དབྱངས་ཀྱི་མཚན། |
| སྔོན་གྱི་ལས |
ཚེ་རབས་སྔ་མར་བསགས་པའི་ལས། |
| སྔོན་གྱི་ལྷ |
མངོན ལྷ་མིན། |
| སྔོན་གྱི་སྨོན་ལམ |
ཚེ་རབས་སྔོན་མའི་སྨོན་ལམ། |
| སྔོན་གྱི་སྲིད་པ |
སྲིད་པ་བཞིའི་གྲས་ཤིག་སྟེ། ཕྱི་མའི་ཉིང་མཚམས་སྦྱར་བའི་སྐད་ཅིག་གཉིས་པ་ནས་ལུས་རྟེན་དེ་མ་བོར་བར་གྱི་སྲིད་པ། |
| སྔོན་གྱི་སློབ་དཔོན |
སྔར་བྱུང་བའི་མཁས་པའམ་སྟོན་པ། |
| སྔོན་ཆགས |
མངོན འཁོར་བ། |
| སྔོན་ཆད |
ད་ལྟ་ཕན་ཆད།..སྔོན་ཆད་བྱས་པའི་བྱ་བར་ད་ལྟ་ཕྱི་བལྟས་བྱེད་པ། |
| སྔོན་ཆོག |
བསྙེན་པར་རྫོགས་པ་ལ་ཚེགས་ཆུང་ངུས་རྫོགས་པ་སྔོན་གྱི་ཆོ་ག་ཞེས་སངས་རྒྱས་ཞལ་བཞུགས་དུས་མཁན་པོ་འཕགས་པ་ཡིན་པ་དང༌། གདུལ་བྱ་བློ་དག་པ་སྟེ་ལས་ཉོན་རྣམ་སྨིན་གྱི་སྒྲིབ་པ་ཤས་ཆུང་ཞིང༌། ཤེས་སྲབ་དང༌། རྒྱུད་དང༌། དབང་པོ་གསུམ་སྨིན་པའི་གང་ཟག་ཁོ་ན་ལ་སྡོམ་པ་འབོག་པའི་ཆོ་ག་ཞིག |
| སྔོན་ཆོག་བཅུ |
སངས་རྒྱས་མྱ་ངན་ལས་མ་འདས་གོང་གི་བསྙེན་པར་རྫོགས་པའི་སྔོན་གྱི་ཆོ་ག་བཅུ་སྟེ། རྫོགས་པའི་སངས་རྒྱས་དང་རང་སངས་རྒྱས་གཉིས་ཟད་མི་སྐྱེ་ཤེས་ནས་བྱང་ཆུབ་བརྙེས་པའི་རང་བྱུང་གིས་བསྙེན་པར་རྫོགས་པ་གཉིས་དང༌། ལྔ་སྡེ་བཟང་པོ་མཐོང་ལམ་སྐྱེས་ཚེ་ཡེ་ཤེས་ཁོང་ཆུད་ཀྱིས་དང༌། ཤཱ་རིའི་བུ་སོགས་ཚུར་ཤོག་གིས་དང༌། འོད་སྲུང་ཆེན་པོ་སྟོན་པར་ཁས་བླངས་པས་དང༌། བཟང་སྡེ་ཚོགས་དྲུག་ཅུས་སྐྱབས་གསུམ་ཁས་བླངས་པས་དང༌། སྐྱེ་དགུའི་བདག་མོ་སོགས་ལྕི་ཆོས་བརྒྱད་བསླབ་པར་ཁས་བླངས་པས་དང༌། ལེགས་བྱིན་དྲིས་པའི་ལན་ལ་དགྱེས་པས་དང༌། མཆོད་སྦྱིན་མ་ཕ་མའི་དབང་དུ་སོང་བ་ལ་དགེ་སློང་མ་ཨུཏཔ་ལས་ཕོ་ཉ་བྱས་ཏེ་དགེ་འདུན་གྱིས་ཕྲིན་ཆོག་ལ་བརྟེན་ནས་དང༌། དགེ་འདུན་གྱི་གྲངས་ཡུལ་དབུས་སུ་བཅུ་ཚོགས་དང༌། མཐའ་འཁོབ་ཏུ་ལྔ་ཚོགས་སོ་སོས་གསོལ་བཞིའི་ལས་ཀྱི་རབ་བྱུང་བསྙེན་རྫོགས་ཅིག་ཆར་དུ་བྱེད་པ་རྣམས་སོ། |
| སྔོན་ཐོན |
ཡར་རྒྱས་མགྱོགས་ཙམ་ཡོད་པ་དང༌། ཆུ་ཚད་མཐོ་ཙམ་ཡོད་པས་མིག་དཔེར་འོས་པའི་རིགས། སྔོན་ཐོན་པ། སྔོན་ཐོན་ཉམས་མྱོང༌། |
| སྔོན་དུ་འགྲོ་བ |
1 སྔོན་ལ་བྱེད་དགོས་པའི་གྲ་སྒྲིག 2 མདུན་དུ་རྒྱུག་འགྲོ་བ། |
| སྔོན་དུས |
སྔ་མའི་དུས་ཚོད། |
| སྔོན་དུས་སྐྱི་སྲིད་པ |
སྔོན་གྱི་སྲིད་པ་དང་དོན་གཅིག་ |
| སྔོན་དྲན |
རྗེས་སུ་ཡོང་རྒྱུའི་གནས་ཚུལ་སྔོན་ཚུད་ནས་དྲན་པ། ཕན་གནོད་ཇི་ཡོང་སྔོན་དྲན་གྱི་སྒོ་ནས་བླང་དོར་འཛོལ་མེད་བྱེད་པ། |
| སྔོན་པོ |
(རྒྱན་ཚིག) གནམ་མདོག་ལྟ་བུ། མིང་མཐའ་བསྡུས་ན་སྔོན་ཞེས་འབྲི་ཆོག་སྟེ། ལྗང་སྔོན། གནམ་སྔོན། མཚོ་སྔོན་ཞེས་པ་ལྟ་བུ། |
| སྔོན་བཞིན |
སྔ་མ་ནང་ལྟར། ཡུལ་ཐང་སྔོན་བཞིན་དུ་གནས་པ། འགྲོ་ལུགས་སྔོན་བཞིན། |
| སྔོན་བརྡ |
སྔོན་ཚུད་ནས་གཏོང་བའི་འཕྲིན་ནམ་གཏམ། ཁུངས་སོ་སོར་སྔོན་བརྡ་གཏོང་བ། སང་ཞོགས་ཆར་པ་འབབ་པའི་སྔོན་བརྡ་ཁས་གཞེས་ཉིན་ནས་བཏང་བ། |
| སྔོན་བསགས |
སྔར་ནས་བསྒྲུབས་པ་དང་སྤུངས་པ། |
| སྔོན་བསུ |
1 དངོས་གཞིར་མ་སླེབས་གོང་ནས་བྱེད་པའི་གྲ་སྒྲིག 2 སྣ་འདྲེན། |
| སྔོན་བུ |
ཐང་སྨན་གྱི་རིགས་ཤིག་སྟེ། རོ་མངར་ལ་ཚ་བ། ཞུ་རྗེས་དྲོད། ནུས་པས་ཆུ་སེར་གྱི་ནད་རྣམས་འཇམ་པོར་སྦྱོང་བར་བྱེད། མིང་གི་རྣམ་གྲངས་ལ་གྱིབ་ཤིང་དང༌། སྔོ་ཨ་ཙ་ར། བི་ཤ་ལ། ཤོག་ཤིང་པ་བཅས་སོ། |
| སྔོན་བྱས |
སྔར་བྱས་པའི་ལས་དོན། སྔོན་བྱས་ལ་རྩད་གཅོད་མི་བྱེད། སྔོན་བྱས་ཀྱི་ལས་ཀར་བསྐྱར་ཞིབ་བྱེད་པ། |
| སྔོན་བྱུང |
སྔར་བྱུང་ཟིན་པའི་རྣམ་ཐར་ལོ་རྒྱུས་སོགས། མཁས་པ་མང་པོས་བསྒྲིགས་པའི་སྔོན་བྱུང་གི་ལོ་རྒྱུས་རྣམ་ཐར། |
| སྔོན་བྱོན |
ད་ལྟའི་སྔོན་ནས་ཕེབས་པ། སྔོན་བྱོན་མཁས་བཟང༌། སྐྱེས་བུ་སྔོན་བྱོན། སྔོན་བྱོན་རྒྱལ་པོ། |
| སྔོན་མ |
1. སྔ་མོའི་དུས། རུ་སྒྲིག་གི་སྔོན་མ་རྣམས་དམག་གི་གདོང་ལེན་དཔའ་བོ་ཤ་ལྟག་རེད། ཉི་ཟླའི་འོད་ཟེར་སྔོན་མ་ནག་བཞིན་གསལ་བ། དེང་སང་རང་རེའི་མེས་པོའི་རྒྱལ་ཁབ་ནང་སྔོན་གྱི་དུས་ལ་ལྷག་པའི་སྐལ་བཟང་དགའ་སྟོན་ཤར་བ། སྔོན་མར་བཤད་པ་དེ་ཚོ་སེམས་ལ་བཅང་དགོས། ད་ལྟ་ལས་སླ་པོར་ཤེས་པ་ཚང་མ་སྔོན་མར་གོམས་པ་ཤ་ལྟག་རེད། 2. སྔོན་རྗེས་ཀྱི་ལྔ་མ། དུས་རབས་སྔོན་མ། མི་རབས་སྔོན་མ། |
| སྔོན་མཐའ |
འཁོར་བར་སྐྱེས་པའི་ཐོག་མའི་མཐའ། སྔོན་མཐའ་མི་མངོན་པ། སྔོན་མཐའ་སྟོང་པ་ཉིད། སྔོན་མཐའ་མེད་པ། |
| སྔོན་མཐའ་ལ་བརྟེན་པའི་ལྟ་བ་བཞི |
སངས་རྒྱས་ཀྱིས་ལན་གསུངས་ཡུལ་དུ་མ་གྱུར་པའི་ལྟ་ལོག་གི་དྲི་བ་རྣམས་སྡེ་ཚན་བཞིར་དབྱེ་བའི་ནང་གསེས། བདག་དང་འཇིག་རྟེན་རྟག་མི་རྟག་གཉིས་ཡིན་གཉིས་མིན་དུ་ལྟ་བ། |
| སྔོན་མེད་བསྡུས་བརྗོད |
བསྡུས་བརྗོད་ཀྱི་རྒྱན་གྱི་ནང་གསེས་ཤིག་སྟེ། སྡུད་བྱེད་དཔེ་ལ་སྔོན་མེད་པའི་ཁྱད་ཆོས་དང་ལྡན་པའི་ཁྱད་གཞི་བཀོད་པ་དེས། དེ་དང་ཆོས་མཚུངས་པའི་བསྡུ་བྱ་དཔེ་ཅན་སྔོན་མེད་ཅིག་བསྡུས་ཏེ་བརྗོད་པའི་རྒྱན་ཞིག |
| སྔོན་མོ |
སྤྱིར་ནམ་མཁའི་མདོག་སྔོན་པོ་དང་མཚུངས་ཤིང་བྱེ་བྲག་མོ་རིགས་ལ་སྦྱོར་བའི་ཁ་དོག་གི་ཁྱད་པར་ཞིག གནམ་སྔོན་མོ། ཆུ་སྔོན་མོ། སྤང་སྔོན་མོ། རྟ་རྒོད་མ་སྔོན་མོ། མོ་དྲེལ་སྔོན་མོ། |
| སྔོན་མོ་ཆབ་འདྲེན |
སྔོ་སྤྱི་བཞུར་གྱི་མིང་གི་རྣམ་གྲངས་ཤིག |
| སྔོན་མོ་ལྷོག་ཟན |
སྔོ་སྨན་གྱི་རིགས་ཤིག་ནུས་པས་ལྷོག་པ་ལ་ཕན། |
| སྔོན་ཚུད |
དུས་ཚོད་ཕྱི་མ་དྲགས་པའམ་སྔོན་ཙམ། བསམ་བློའི་གྲ་སྒྲིག་སྔོན་ཚུད་ནས་བྱས་པ། དགོས་ངེས་ཀྱི་མཐུན་རྐྱེན་སྔོན་ཚུད་དུ་བསྐྲུན་པ། |
| སྔོན་ཚེ |
སྔར་གྱི་དུས། |
| སྔོན་ཚོད |
མ་བྱུང་གོང་ནས་དཔགས་པའི་ཚོད། |
| སྔོན་འགོག |
སྔོན་ཚུད་ནས་མི་ཡོང་བ་བྱེད་ཐབས། སྔོན་འགོག་བྱུང་འཆོས། མ་འོངས་སྔོན་འགོག་བྱེད་ཐུབ་ན། སྐྱོན་ཆ་ནམ་ཡང་འབྱུང་མི་འགྱུར། |
| སྔོན་འགྲོ |
དངོས་གཞིའི་སྔོན་དུ་བྱེད་དགོས་པའི་བྱ་བ། |
| སྔོན་འགྲོ་བ |
སྔོན་སྐྱོད་པ་སྟེ། སྔ་མར་འགྲོ་མཁན། |
| སྔོན་འགྲོའི་ཁྲིད་ཡིག་ཀུན་བཟང་བླ་མའི་ཞལ་ལུང |
རྫོགས་ཆེན་དཔལ་དགེ་སྤྲུལ་སྐུ་འཇིགས་མེད་ཆོས་ཀྱི་དབང་པོས་མཛད་པའི་ཀློང་ཆེན་སྙིང་ཐིག་གི་སྔོན་འགྲོའི་ཁྲིད་ཡིག་སྟེ། ཐུན་མོང་ཕྱིའི་སྔོན་འགྲོ། ཐུན་མིན་ནང་གི་སྔོན་འགྲོ། ཉམས་ལེན་དངོས་གཞིའི་རིམ་པ། ཉེ་ལམ་འཕོ་བའི་ཆ་ལག་དང་བཅས་པའི་དམིགས་རིམ་རྣམས་ཉམས་ཁྲིད་དུ་བཤད་པའི་གཞུང༌། |
| སྔོན་འཇུག |
ག་ད་བ་མ་འ་ལྔའི་སྤྱི་མིང་། འདི་ལ་སྔོན་འཇུག་ལྔ་ཟེར།０སྔོན་པོ་ཞེས་པའི་མིང་མཐའ་བསྡུས་པ། |
| སྔོན་འཇུག་ལྔ |
མིང་གཞིའི་སྔོན་དུ་འཇུག་པའི་ཡི་གེ་ག་ད་བ་མ་འ་སྟེ་ལྔ་པོ་འདིའི་རྟགས་ལ་བ་ཕོ་དང༌། ག་ད་མ་ནིང༌། འ་མོ། མ་ཤིན་ཏུ་མོ་བཅས་ནང་གསེས་དབྱེ་བ་བཞིར་ཕྱེ་ཡོད་པ། ག་ད་བ་མ་འ བ ག་ད འ མ |
| སྔོན་འཕྲོས |
སྔ་མའི་འཇུག་དང༌། ལྷག་མ། གཞུང་དོན་སྔོན་འཕྲོས་བཤད་པ། ལས་གྲྭ་སྔོན་འཕྲོས་གཙང་མར་འཇུག་བསྡུས་པ། |
| སྔོན་ཡོད |
སྔར་ནས་ཡོད་པ། སྒྲིག་ལམ་སྔོན་ཡོད་རང་འཇགས་བཞག་པ། |
| སྔོན་རབས |
སྔར་གྱི་བྱུང་རབས། |
| སྔོན་རོལ |
སྔ་རོལ་ལམ་སྔོན་དུ། སྔོན་རོལ་ནས་གྲབས་གཤོམ་བྱེད་པ། |
| སྔོན་རྗེས |
1 སྔོན་མ་དང་རྗེས་མ། 2 སྔོན་འཇུག་དང་རྗེས་འཇུག |
| སྔོན་རྗེས་མིང་གསུམ |
སྔོན་འཇུག་དང༌། རྗེས་འཇུག་མིང་གཞི་གསུམ། |
| སྔོན་རྩིས |
སྔོན་ཚུད་ནས་བརྒྱབ་པའི་གདེང་ཚོད་དམ། བཏིང་བའི་རྩིས་གཞི། |
| སྔོན་ལས |
ཚེ་རབས་སྔོན་མར་བསགས་པའི་ལས། སྔོན་ལས་ཀྱི་འཕགས་པ། |
| སྔོན་ལོགས |
སྔ་རོལ། འཐབ་འཛིང་བྱ་རྒྱུའི་སྔོན་ལོགས་ནས་དམག་ས་བཙན་པོ་འཚོལ་བ། |
| སྔོན་ཤེས |
རྗེས་སུ་ཡོང་རྒྱུའི་གནས་ཚུལ་སྔོན་ནས་ཤེས་པ། ཁེ་གྱོང་གང་ཡོང་སྔོན་ཤེས་ཀྱི་སྒོ་ནས་ཉོ་ཚོང་བྱེད་ཐུབ་ན་ཚོང་པ་ཚང་མ་ཕྱུག་པོ་ཆགས་ཡོང༌། |
| སྔོན་སྐྱེས |
མངོན 1 སྐེ་ཚེ། 2 གཅེན་པོ། 3 བྲམ་ཟེ། 4 ཚངས་པ། |
| སྔོན་སྦྱངས |
1 སྔོན་སུ་མ་བྱས་གོང་དུ་བྱེད་སྟངས་སྦྱངས་པ། ཚ་ཁ་སྔོན་སྦྱངས། ལྟད་མོ་སྔོན་སྦྱངས། 2 སྔ་མ་ནས་བྱང་གོམས་ཐོན་པའི་ཡོན་ཏན། སྐྱེས་བུ་དམ་པའི་སྔོན་སྦྱངས་ཀྱི་ཡོན་ཏན། |
| སྔོའི་བུ་མོ་སྤུན་བདུན |
གཡའ་ཀྱི་མ། སྟོང་ཟིལ། གངྒཱ་ཆུང༌། ཧོང་ལེན། ཏིག་ཏ། བོང་དཀར། སྤང་རྩི་དོ་བོ་བཅས་བདུན། |
| སྔོས |
ཡིད་ཀྱི་བགྲང་བཤེར་བྱེད་པའི་དོན་དུ་གོ་བའི་སྔོ་བའི་སྐུལ་ཚིག་ 2.སྐུལ་ཚིག་སྟེ། མི་དམངས་ཀྱི་དོན་དུ་ལུས་སྲོག་སྔོས་ཤིག་ལྟ་བུ། |
| སྙ |
རྙིང གཉིད་ཉལ་བའམ་དྲན་པ་སྟོར་བ།…2.རྨྱ་ཡི་འབྲི་ཚུལ་གཞན། |
| སྙ་གེ་སྙིགས་གེ |
སྙགས་སྙིགས་དང་དོན་གཅིག་ |
| སྙ་ནང |
གཉའ་ནང་དང་འདྲ། |
| སྙ་ལོ |
སྔོ་སྨན་གྱི་རིགས་ཤིག་སྟེ། རོ་སྐྱུར་བསྐ་ཁ་བ། ཞུ་རྗེས་སྙོམས། ནུས་པས་རྒྱུ་ལོང་སོགས་སྣོད་ཀྱི་ཚ་བ་སེལ། ཚ་འཁྲུ་གཅོད། |
| སྙག |
བོད་ཀྱི་རུས་ཤིག |
| སྙགས་སྙིགས |
སྙིགས་མ་སྟེ། ས་སྙིགས། སྙིགས་ཆུ། སྙགས་སྙིགས་ཞེས་པ་ལྟ་བུ། ཁ་སྐད་དུ་སྙ་གེ་སྙིགས་གེ་ཞེས་པ་དང་དོན་གཅིག དཔེར་ན། ཆུ་སྙ་གེ་སྙིགས་གེ་ཞེས་པ་ལྟ་བུ། |
| སྙང་སྙོགས |
རྙིང ལེ་ལོ། |
| སྙང་སྙོང |
རྙིང དོན་མེད་དམ་ཐ་ཤལ། |
| སྙད |
རྒྱུ་རྐྱེན་ནམ་རྒྱུ་མཚན་ལྟར་སྣང་གི་མིང་སྟེ། ནད་ལ་སྙད་བཏགས་ནས་ངལ་མ་གསོས་ལྟ་བུ། སྐྱོན་དང་ཉེས་པ་གླན་ཀ་སོགས་ཀྱི་དོན་ཏེ། གཞན་ལ་སྙད་མ་འཚོལ། གཞན་ལ་སྙད་བཏགས་ནས་ངན་མ་བརྗོད། སྐད་ཆ་སྙད་བཏགས་ནས་མ་བཤད། མི་ཉམ་ཐག་ལ་སྙད་མ་རྐོ་ལྟ་བུ། ０བསྙད་ཀྱི་ད་ལྟ་བ། |
| སྙད་ཀ |
1 སྐྱོན་ཆ་དང༌། ཀླན་ཀའམ་ཁག་འགན། དཀར་ཡོལ་འདི་ལ་སྙད་ཕྲན་བུ་འདུག 2 ཁ་འཕངས་པའི་ཐབས་ཤེས་ཏེ་རྒྱུ་མཚན་ལྟར་སྣང༌། གློ་བུར་ན་ཁུལ་བྱས་པ་དེ་ནི་ཐག་རིང་དུ་འགྲོ་འདོད་མེད་པའི་སྙད་ཀ་རེད། |
| སྙད་གཙེས |
སྐྱོན་མེད་སྐྱོན་འདོགས་ཀྱིས་སྙད་འཚོལ་བྱས་པ། འཁོན་འགྲས་ཞེར་བཞག་གིས་སྐྱོན་འདོགས་སྙད་གཙེས་ཐལ་ན་ཕུང་ཀྲོལ་བཟོས་ཡོང༌། |
| སྙད་བརྐོ |
གཞན་ལ་དོན་མེད་དུ་ཀླན་ཀ་འཚོལ་བ། |
| སྙད་མེད་སྙད་དཀྲིས |
སྐྱོན་མེད་སྐྱོན་དཀྲིས། མི་དང་རྩོད་པ་རྒྱག་སྐབས་ཀྱང་སྙད་མེད་སྙད་དཀྲིས་བྱས་ན་དོན་ལ་མི་ཕན། |
| སྙད་འདོགས |
སྐྱོན་མེད་བཞིན་དུ་ཡོད་པར་སྒྲོ་བཏགས་ཏེ་སྐྱོན་རྗོད་པ། སྙད་འདོགས་རྒྱུ་ཟ། སྐྱོན་མེད་ལ་སྙད་འདོགས་བྱེད་པ། ལས་ཀ་བརྟན་པོ་མ་བྱས་ན་མིས་སྙད་ཀ་བཏགས་ཡོང༌། |
| སྙད་འཚོལ |
སྐྱོན་འཚོལ་བ། གཞན་ལ་རོགས་རམ་མི་བྱེད་པར་སྙད་འཚོལ་ཁོ་ན་བྱས་ན་ཡག་པོ་མ་རེད། |
| སྙད་འཛུགས |
སྐྱོན་འཛུགས་པ། རང་གིས་མ་བྱུང་བ་མི་སེམས་པར་མི་ལ་དོན་མེད་སྙད་འཛུགས་མ་བྱེད། |
| སྙད་སེ་སྙོད་སེ |
འཁང་ཚིག་གམ་སྙད་གཏམ་སྣ་ཚོགས་སྨྲ་ཚུལ། སྙད་སྙོད་མང་པོས་སེམས་རྩ་དཀྲུག་པར་བྱེད། |
| སྙད་སྙོད |
སྙད་སེ་སྙོད་སེའི་བསྡུས་ཚིག་ |
| སྙན |
1 རྣ་བའི་ཞེ་ས། 2 རི་དྭགས་གཉན་གྱི་འབྲི་སྲོལ་གཞན་ཞིག་3.(རྒྱན་ཚིག) སྒྲ་ཡིད་དུ་འོང་བ་སྟེ། སྒྲ་སྙན། སྒྲ་སྙན་པོ། སྐད་སྙན། སྐད་སྙན་མོ་ཞེས་པ་ལྟ་བུ། |
| སྙན་ཀོར |
རྣ་ཀོར་རམ་རྣ་རྒྱན། |
| སྙན་ཁུང་སྲབ་པ |
སྙན་སྲབ་དང་དོན་གཅིག་ |
| སྙན་གཏམ |
རྣ་བར་འཐད་པའི་གཏམ། |
| སྙན་གཏོད་པ |
རྣ་བ་གཏད་ནས་ཉན་པ། དགེ་སྐྱོན་གསལ་འདེབས་ཞུས་པ་ལ་སྙན་གཏོད་པ། |
| སྙན་གཙེར |
རྣ་བ་སུན་པོ། དོན་མེད་སྙན་གཙེར་མང་པོ་ཞུས་ནས་ཐུགས་འཁྲུགས་པ། |
| སྙན་གཤོག |
1 རྣ་ཅོག་ཕྱི་རོལ་གྱི་ཤ་ལེབ། 2 ལྷ་མོ་འཁྲབ་དུས་ལྷ་མོའི་རྣ་རྒྱན་ཤོག་ཁྲ། |
| སྙན་གསང |
ངག་ཐོག་ནས་གནས་ལུགས་ཞུ་བ། |
| སྙན་གསང་པོ |
རྣ་བས་གསལ་པོར་ཐོས་ཐུབ་པ། ཁོང་སྐུ་ན་བགྲེས་ཀྱང་སྙན་གསང་པོ་འདུག ཁྱེད་ལ་མི་གསན་དགུ་གསན་གསན་རྒྱུ་འདུག་པས་དེ་འདྲའི་སྙན་གསང་པོ་ཡ་མཚན། |
| སྙན་གསན |
ངག་ཐོག་ནས་གནས་ལུགས་ཞུ་བ། |
| སྙན་གསན་འབེབས་པ |
ངག་ཐོག་ནས་སྐུལ་བརྡ་གཏོང་བ། གཞེས་ཉིན་མཛད་སྒོ་ཆེན་མོའི་ཐོག་ཕེབས་རོགས་གནང་ཞུ་རྒྱུའི་སྙན་གསན་འབེབས་པ། |
| སྙན་གསོལ |
རྣ་བར་ཞུ་བའི་མིང༌། |
| སྙན་གྱི་གོང་རྒྱན |
1 རྣ་ཀོར་རམ་རྣ་རྒྱན། 2 མདོ་སྡེ་ཕལ་བོ་ཆེའི་མཚན་གཞན་ཞིག |
| སྙན་གྱི་དཔེ་བྱད་གཉིས |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སྙན་མཉམ་པ་དང༌། སྙན་དབང་ཉམས་པ་རྣམ་པར་སྤང་བ། |
| སྙན་གྱི་དབང་པོ |
རྣ་བ། |
| སྙན་གྲགས |
མིང་གྲགས་སམ་སྐད་གྲགས་བཟང་པོ། མིང་གི་རྣམ་གྲངས་ལ་ཀུན་གྲགས་དང༌། ཀུན་ཤེས། གྲགས་པ། སྙན་པ་བཅས་སོ། |
| སྙན་ངག |
1རྩོམ་གྱི་རིགས་ཤིག་སྟེ། དེ་ལ་སྙན་ངག་ཚིགས་བཅད་དང་། ཚིག་ལྷུག ། བཅད་ལྷུག་སྤེལ་མ་བཅས་ཡོད། 2ཚིག་གི་རྒྱུན་དང་དེ་བཤད་པའི་བསྟན་བཅོས་ཀྱི་མིང་། |
| སྙན་ངག་གི་སྐྱོན་བཅུ |
དོན་ཉམས་པ་དང༌། དོན་འགལ་བ། དོན་གཅིག་པ། ཐེ་ཚོམ་ཅན། རིམ་པ་ཉམས་པ། སྒྲ་ཉམས་པ། གཅོད་མཚམས་ཉམས་པ། སྡེབ་སྦྱོར་ཉམས་པ། མཚམས་སྦྱོར་ཉམས་པ། ཡུལ་དུས་སོགས་དང་འགལ་བ། |
| སྙན་ངག་མཁན |
1 སྙན་ངག་ལ་མཁས་པའི་མི། 2 མངོན གཟའ་པ་སངས། |
| སྙན་ངག་མཁན་པོ |
སྙན་ངག་ལ་མཁས་པའི་མི། |
| སྙན་ངག་མཁས་དབང |
སྙན་ངག་ཤེས་མཁན་གྱི་མཆོག |
| སྙན་ངག་མེ་ལོང |
རྒྱ་གར་གྱི་སློབ་དཔོན་སྙན་ངག་མཁན་པོ་དབྱུག་པ་ཅན་གྱིས་རྒྱ་གར་ཤར་པ་དང༌། ལྷོ་པའི་ལམ་སྲོལ་ཐ་དད་པ་དང༌། ཤར་ལྷོའི་ལམ་སྲོལ་ཐུན་མོང་བ་རྣམས་ཀྱི་སྙིང་པོ་བསྡུས་ནས་ལེའུ་གསུམ་གྱི་གཞུང་ཚད་དུ་དྲིལ་བར་མཛད་པ་འདི་ཉིད། འགྲོ་མགོན་ཆོས་རྒྱལ་འཕགས་པའི་སྐབས། ཤོང་ལོ་རྡོ་རྗེ་རྒྱལ་མཚན་དང༌། རྒྱ་གར་གྱི་པཎྜི་ཏ་ལཀྵིམཱ་ར་གཉིས་ཀྱིས་དཔལ་ས་སྐྱའི་གཙུག་ལག་ཁང་དུ་བོད་ཡིག་ལ་བསྒྱུར་ཏེ་ཕྱིས་སུ་དཔང་ལོ་བློ་གྲོས་བརྟན་པ་དང༌། ཞ་ལུ་ལོ་ཙཱ་བ་ཆོས་སྐྱོང་བཟང་པོ་སོགས་སྔ་ཕྱིའི་མཁས་པ་མང་པོས་རྒྱ་གཞུང་དང་བསྟུན་ཏེ་འགྱུར་བཅོས་དག་ཐེར་རིམ་པར་མཛད་པའི་སྙན་ངག་གི་གཞུང་ཆེན། |
| སྙན་ངག་རོ་ལྡན |
རྩོམ་པ་སྙན་ཚིག་གི་ཉམས་ལྡན་པ། |
| སྙན་ཆ་དོད་པོ |
གླུའི་གདངས་ཀྱི་འགྱུར་ཁུག་སོགས་སྙན་པའི་ཉམས་དོད་པོ། |
| སྙན་དངགས |
རྙིང སྙན་ངག |
| སྙན་དབང |
རྣ་བའི་དབང་པོ། སྙན་དབང་རིན་པོ་ཆེར་ཞུ་གསོལ། |
| སྙན་དབང་ཉམས་པ་རྣམ་པར་སྤངས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། སེམས་ཅན་ཐམས་ཅད་ཀྱི་རྒྱུད་མ་ཉམས་པར་མཛད་པ་ཉིད་ཀྱིས་སྙན་གྱི་དབང་པོ་མ་ཉམས་པ། |
| སྙན་དར |
ལྷའི་སྐུ་བརྙན་ལ་བསྒྲོན་རྒྱུའི་ཁ་བཏགས། རྟེན་མཇལ་ཞུ་དུས་སྙན་དར་སྒྲོན་པ། |
| སྙན་དུ་གསོལ་བ |
རྣ་བར་ཞུས་པ། ད་ལོའི་བྱས་རྗེས་རྣམས་སྙན་དུ་གསོལ་བ་ཡིན། |
| སྙན་དུ་ལྷོང་བ |
གཏམ་རྣ་བར་འཁྱོལ་བ། དམངས་ཀྱི་བསམ་འཆར་ཞུ་ཚིག་ཚང་མ་སྙན་དུ་ལྷོང་བ། |
| སྙན་པ |
1. གྲགས་པ། དེའི་སྙན་པ་རྒྱང་ནས་ཐོས། མཁས་པའི་སྙན་པ་རྒྱ་ཆེན་པོ། 2. འཇེབ་པོ། གཏམ་སྙན་པ། མི་སྙན་པར་བརྗོད་པ། གླུ་སྙན་མོ། ཚིག་སྙན་མོའི་བདེན་གཏམ། བྱིའུ་ཆུང་གསུང་སྐད་སྙན་ཡང༌། སྐུ་ཤ་རྒྱ་སྲང་དོ་རེད། |
| སྙན་པད |
རྒྱ་ལུ་ཆས་གྱོན་དུས་ཀྱི་རྣ་རྒྱན། |
| སྙན་པའི་བ་དན |
གྲགས་སྙན་བ་དན་གྱི་གཟུགས་སུ་བཀོད་པ། |
| སྙན་པའི་བསེར་བུ |
སྙན་གྲགས་རླུང་གི་གཟུགས་སུ་བཀོད་པ། |
| སྙན་པའི་སྒྲ |
རྣ་བ་དང་སེམས་ལ་འབབ་པའི་སྒྲ་དབྱངས། |
| སྙན་པར་སྨྲ་བ |
1 གཏམ་འཇམ་པོར་ཤོད་པ། 2 བསྡུ་བའི་དངོས་པོ་བཞིའི་ཡ་གྱལ་ཞིག |
| སྙན་པོ |
སྙན་པ་དང་འདྲ། |
| སྙན་ཕོ |
རི་དྭགས་གཉན་གྱི་ཕོ། |
| སྙན་ཕྲ |
གོང་རིམ་ལ་དབྱེན་སྦྱོར་བྱེད་པ། བརྟག་དཔྱད་དག་ཐེར་མ་བྱས་པར་སྙན་ཕྲའི་ཞུ་ཚིག་གི་དབང་དུ་ཤོར་ན་མི་འགྲིག |
| སྙན་བརྒྱུད |
གཅིག་ནས་གཅིག་ལ་ངག་རྒྱུན་དུ་སྤེལ་བའི་མན་ངག་ཕྲན་བུའི་རིགས་ཀྱི་སྤྱི་མིང་སྟེ། ནད་གསོ་བའི་སྙན་བརྒྱུད་ཀྱི་མན་ངག རུས་ཆག་སྦྱོར་བའི་སྙན་བརྒྱུད་ཀྱི་གདམས་པ་ཞེས་པ་ལྟ་བུ། |
| སྙན་བརྒྱུད་བཞི |
ཆོས་གང་ལུང་དང་བཅས་པ་དང༌། ལུང་མན་ངག་དང་ལྡན་པ། མན་ངག་བརྒྱུད་པ་དང་ལྡན་པ། བརྒྱུད་པ་བྱིན་རླབས་དང་ལྡན་པ། |
| སྙན་བརྒྱུད་རྡོ་རྗེའི་ཚིག་རྐང |
རབ་བྱུང་བདུན་པའི་ནང་བྱང་པ་མིའི་ཉི་མ་མཐོང་བ་དོན་ལྡན་གྱིས་མཛད་པའི་རྩ་དང་ཆུ་བརྟག་ཐབས་སྐོར་གསལ་བར་གསུངས་པའི་སྨན་གྱི་བསྟན་བཅོས་ཤིག |
| སྙན་བརྗོད |
ཚིག་སྙན་པོ། |
| སྙན་བསྐུལ |
སྐུལ་ལྕག་བཏང་བའི་ཞེ་ས། བཀའ་ལན་འཕྲལ་དུ་མ་ཐོན་པས་སྙན་བསྐུལ་ཞུ་བ། |
| སྙན་མཉམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། འདོད་ཆགས་ལ་སོགས་པའི་གཡུལ་ལས་རྣམ་པར་རྒྱལ་བ་ཉིད་ཀྱིས་སྙན་གཉིས་རིང་ཐུང་མེད་པར་མཉམ་པ། |
| སྙན་མནན་པ |
ངག་ཐོག་ནས་སྙན་གསན་ཞུས་པ། ལུང་པ་དེར་གནས་ཚུལ་ཇི་བྱུང་ཚང་མ་ངས་ཁོང་ལ་སྙན་མནན་བཞག་ཡོད། |
| སྙན་མོ |
རྣ་བར་འབབ་པ། གླུ་སྙན་མོའི་གྲེ་འགྱུར་སྙན་གྱིས་གསོན། ཚིག་སྙན་མོའི་བདེན་གཏམ་ཐུགས་ལ་དཔྱོད། |
| སྙན་ཚིག |
1 རྣ་བར་སྙན་པའི་ཚིག 2 སྙན་ངག |
| སྙན་ཚིག་གི་རིག་བྱེད |
སམཱབེདཿ སྔར་རྒྱ་གར་དུ་བྲམ་ཟེའི་ཆོས་ལུགས་ཀྱི་རིག་བྱེད་བཞིའི་གྲས་ཤིག་སྟེ་སྒྲ་དབྱངས་དང་བཅས་པའི་བསྟོད་བསྔགས་ཀྱི་སྙན་ཚིག་ལྡན་པའི་རིག་བྱེད། |
| སྙན་ཚིག་དབྱངས་རྟ |
རྣ་བར་འཇེབས་པའི་གྱེར་དབྱངས། |
| སྙན་ཚིག་ལོ་རྒྱུས |
1 སྙན་ངག་གི་སྒོ་ནས་བྲིས་པའི་གཏམ་རྒྱུད། 2 སྙན་ངག་གི་བྱུང་རབས། |
| སྙན་ཚིག་སྤྲིང་ཡིག |
ཚིག་རྒྱན་སྦྱར་བའི་བསྐུར་ཡིག |
| སྙན་ཞུ |
1 རྣ་བར་ཤོད་པ། 2 ཞུ་ཡིག |
| སྙན་ཞུ་བཀའ་སྐོར |
སྙན་སྒྲོན་དང་དགོངས་སྐོར། |
| སྙན་འཇེབས |
སྒྲ་རྣ་བར་སྙན་པ་དང༌། སེམས་ལ་འབབ་པ། སྙན་འཇེབས་ཀྱི་དབྱངས། རི་མགོ་ནས་སྙན་འཇེབས་ཀྱི་གླུ་དབྱངས་ཐོས་པས་ཡིད་འཕྲོག་པ། |
| སྙན་འཕྲིན |
1 སྙན་ཚིག་གི་འཕྲིན་ཡིག 2 སྐད་ཆ་སྙན་པོ། |
| སྙན་འབུལ་བརྩེ་གཟིགས |
སྙན་ཞུ་གཟིགས་རོགས་གནང༌། |
| སྙན་རོང |
རྫོང་ཞིག་བོད་རང་སྐྱོང་ལྗོངས་ཀྱི་བྱང་ངོས་རྒྱལ་མོ་རྔུལ་ཆུའི་སྟོད་རྒྱུད་ཤག་ཆུའི་ཆུ་རྒྱུད་དུ་ཡོད་ཅིང༌། རྫོང་མི་དམངས་སྲིད་གཞུང་དེ་སེར་ཁང་དུ་ཡོད། |
| སྙན་ལྷན་ནེར་གསན |
གཟབ་གཟབ་བྱས་ནས་མཉན་པ། དངོས་འབྲེལ་གྱི་ཞུ་ཚིག་ཐུགས་ལ་བབ་པས་འགོ་ནས་གཞུག་བར་སྙན་ལྷན་ནེར་གསན་པ། |
| སྙན་ཤལ |
1 རྣ་མཇུག་གི་ཤ་འཕྱང༌། 2 རྣ་རྒྱན། 3 སྙན་དར་ཁ་བཏགས། སྙན་ཤལ་གྱི་ལྷ་རྫས་བཟང་པོར་བསྟར་བ། |
| སྙན་ཤས |
རྣ་བར་སུན་གཙེར། སྙན་ཤས་སུ་མ་དགོངས་པར་ངེད་ཀྱིས་ད་རེས་ཐེངས་གཅིག་ཞུས་པ་དེ་དམ་དོན་མཛོད། |
| སྙན་སུན |
རྣ་བ་སུན་པོ། ཁྱེད་ལ་ཡང་ཡང་སྙན་སུན་མ་ཞུས་ཐབས་མེད་བྱུང༌། |
| སྙན་སུམ |
སྙན་ངག་དང་སུམ་རྟགས། |
| སྙན་སེང |
གོང་རིམ་ལ་ངག་ཐོག་ནས་གནས་ལུགས་ཞུ་བ། ཚོགས་འདུ་ཆེན་མོའི་ཐོག་ལ་སྲིད་དོན་སྙན་སེང་མཛད་སོང༌། འགྲོ་ཁར་བྲེལ་བ་བྱས་ནས་ཁོང་ལ་སྙན་སེང་ཙམ་ཡང་ཞུ་རྒྱུ་མ་བྱུང༌། བྱེད་སྒོའི་རྣམ་གཞག་ཚང་མ་འཕྲལ་འཕྲལ་སྙན་སེང་ཞུས་ཡོད། |
| སྙན་སྐད |
སྐད་སྙན་པའམ་གཏམ་སྙན་པ། |
| སྙན་སྐྱོ |
རྙིང ཕྲ་མ། |
| སྙན་སྐྱོས |
རྣ་བ་སུན་པོ་བྱས་པ། |
| སྙན་སྒྲོན |
ངག་ཐོག་ནས་ཞུ་བའི་གནས་ལུགས། བྱ་རིམ་བྱུང་ལུགས་ཡང་ཡང་སྙན་སྒྲོན་ཞུས་པ། |
| སྙན་སྒྲོན་པ |
གོང་རིམ་ལ་སྙན་སེང་ཞུ་མཁན། |
| སྙན་སྙན་ལེགས་ལེགས |
རྣ་བར་འཇེབས་ཤིང་མིག་ལ་མཛེས་པ། |
| སྙན་སྲབ |
སྐད་ཆ་ཐོས་ཚད་ལ་ཡིད་ཆེས་པའི་དོན། སྙན་སྲབ་པའི་མིས་བདེན་རྫུན་གྱི་དབྱེ་བ་གསལ་པོར་འབྱེད་མི་ཐུབ། |
| སྙབ་སྙབ |
རྙབ་རྙབ་དང་འདྲ། |
| སྙམ |
(བྱེད་འབྲེལ་ལས་ཚིག) ལས་ཚིག་ལ་ལའི་མཐར་སྦྱར་ན་འདོད་པའི་དོན་ཏེ། དཔེ་ཆ་ལྟ་སྙམ། ཡི་གེ་འབྲི་སྙམ། ཡི་གེ་འདི་དགེ་རྒན་གྱིས་བྲིས་པ་ཡིན་སྙམ། ཡིན་སྙམ་པ་སྐྱེས་ཡོད། སྙམ་པ་ཤར། ཡོད་སྙམ་པའི་སྣང་བ་ཤར་ལྟ་བུ། མྱོང་ཚོར་བྱུང་བའི་དོན་ཏེ། སྨན་འཐུངས་ནས་བདེ་སྙམ་སྐྱེས་ཕན་སྙམ་ཤར་ལྟ་བུ། |
| སྙམ་དུ་དགོངས་པ |
བསམ་བློ་འཁོར་བ། ཚུལ་དེ་ལྟ་བུའོ་སྙམ་དུ་དགོངས་པ། ཚང་མ་བདེ་བ་དང་ལྡན་སྙམ་དུ་བསམ་པ། |
| སྙམ་དུ་བསམ་པ |
སྙམ་དུ་དགོངས་པ་དང་འདྲ། |
| སྙམ་དུ་འཛིན་པ |
འདིའོ་སྙམ་དུ་སེམས་ལ་འཇོག་པ། སྡུག་ཀྱང་བདེའོ་སྙམ་དུ་འཛིན་པ། |
| སྙམ་དུ་ཤེས་པ |
འདི་འདྲ་ཡིན་ནོ་སྙམ་དུ་གོ་བ། འགྲོ་སའི་མདུན་ལམ་བཟང་པོ་ནི་སྤྱི་ཚོགས་རིང་ལུགས་ཁོ་ན་ཡིན་ནོ་སྙམ་དུ་ཤེས་པ། |
| སྙམ་པ |
ཐ་མི་དད་པ འདོད་པ་དང༌། མྱོང་ཚོར་བྱུང་བ། ཡིད་ལ་སེམས་པ། ཕན་སྙམ་པ་ཤར། སྨན་བཏུངས་ནས་ནད་དྲག་པར་སྙམ་པ། དཔེ་ཆ་ལྟ་སྙམ་པ། སྐྱོན་ཅང་མེད་སྙམ་པ། འཇིགས་སོ་སྙམ་པ་ཡོད་རེ་སྐན། |
| སྙམ་མེ་སྙོམ་མེ |
ངེས་ངེས་མི་བྱེད་པར་ཁ་ཙམ་ཚིག་ཙམ། སེམས་འཇོག་མེད་པའི་སྙམ་མེ་སྙོམ་མེ་བྱེད་པ། |
| སྙལ |
(བྱེད་འབྲེལ་ལས་ཚིག་ད་ལྟ་བ) ཉལ་དུ་འཇུག་པའི་དོན་ཏེ། བྱིས་པ་སྙལ་གྱིན་འདུག། བྱིས་པ་སྙལ་ས་ཞེས་པ་ལྟ་བུ། |
| སྙལ་ཡས |
གྲངས་གནས་ཤིག |
| སྙི |
(རྒྱན་ཚིག) སྲ་བའི་ལྡོག་ཟླ་སྟེ། ས་སྙི་མོ། ཤིན་ཏུ་སྙི་བའི་ས། ཆར་བབས་ནས་ས་སྙི་བར་གྱུར་ལྟ་བུ། བོད་ཀྱི་རུས་ཤིག |
| སྙི་པོ |
འཇམ་པའི་དོན་དུ་གོ་བའི་སྙི་བ་དང་འདྲ། |
| སྙི་བ |
1 1 ཡུལ ལྕི་བ་རློན་པ། 2 སྔོ་སྨན་གྱི་རིགས་ཤིག་སྟེ། རོ་མངར། ཞུ་རྗེས་སྙོམས། ནུས་པས་ཆམ་པའི་ནད་དང༌། གློ་ཡུའི་ཚད་པ་སོགས་ལ་ཕན། 2. འཇམ་པ། ས་སྙི་བ། རེག་བྱ་སྙི་བའི་ཤིང་བལ། |
| སྙི་བོ |
སྙི་བ་དང་འདྲ། |
| སྙི་མ |
རྙིང སྙེ་མའམ་དོག་པ། |
| སྙི་མཁྲེགས |
མཁྲེགས་པོ་དང་སྙི་པོ། |
| སྙི་མོ |
སྙི་བ་དང་འདྲ། |
| སྙི་ཤུན |
ཤུན་ལྤགས་མཁྲེགས་པོ་མིན་པ། |
| སྙིག |
(བྱེད་འབྲེལ་ལས་ཚིག་ད་ལྟ་བ)དངོས་རྫས་ཀྱི་ནང་གི་མི་གཙང་བ་ལོགས་སུ་དགར་བ་སྟེ། འབྲུའི་ཕྱར་གཞུག་སྙིག་པར་བྱེད། བྱེ་ཟེགས་སྙིག་མཁན་ཞེས་པ་ལྟ་བུ། |
| སྙིག་པ |
ཐ་དད་པ བསྙིགས་པ། བསྙིག་པ། སྙིགས།། བདམས་ནས་ལྷག་མར་བྱེད་པ་དང་སྙིགས་མར་བྱེད་པ་སྟེ་མི་རུང་བ་རྣམས་ལོགས་སུ་དགར་བ། འབྲུ་ནང་གི་ས་རྡོ་བསྙིག་པ། སྔོ་ཚལ་གྱི་ལོ་མ་སེར་པོ་བསྙིགས་པ། ལྷུང་བཟེད་བསྙིགས་པ། |
| སྙིགས |
(བྱེད་མེད་ལས་ཚིག) <ཀ>ཆུའི་གཏིང་ལ་བྱིང་བའི་དོན་ཏེ། བྱེ་མ་ཆུ་ཞབས་སུ་སྙིགས་ལྟ་བུ། <ཁ>ཇེ་ངན་དུ་སོང་བའི་དོན་ཏེ། དུས་སྙིགས། བསྐལ་བ་སྙིགས་ལྟ་བུ། <ག>རྗེས་སུ་ལུས་པའི་དོན་ཏེ། ལུག་ཁ་མཐོ་ལུག་ཁྱུའི་རྗེས་ལ་སྙིགས་ལྟ་བུ། སྙིག་གི་སྐུལ་ཚིག０སྙིགས་ལ་ཡི་ཚིག་བསྡུས་པ། 2.སྐུལ་ཚིག་སྟེ། འབྲུ་སྙིགས་ཤིག་ལྟ་བུ། |
| སྙིགས་དུས |
དུས་མཐར་ཚེ་དང་བསོད་ནམས་སོགས་ཀྱི་དྭངས་མ་རིམ་གྱིས་ཟད་དེ་ངན་སྙིགས་སུ་ལྷག་པའི་དུས། |
| སྙིགས་པ |
ཡུལ 1 གཏིང་ལ་བྱིང་བ། བྱེ་མ་ཆུའི་ཞབས་སུ་སྙིགས་པ། 2 རྗེས་སུ་ལུས་པ། རྟ་ཁ་རྒན་པ་དེ་རྗེས་ལ་སྙིགས་སོང༌། |
| སྙིགས་མ |
1 རོ་མ། དྭངས་སྙིགས་དབྱེ་བ་ཕྱེ་བ། མར་གྱི་སྙིགས་མ། ཆུ་སྙིགས། སྨན་སྙིགས། སྙིགས་མའི་དུས་ཀྱི་རྒྱལ་སྲིད་སྐྱོང་དཀའ་བ། 2 ལྷག་མ་དང་ཐ་མ། ཟོག་སྙིགས། འབྲུ་སྙིགས། |
| སྙིགས་མ་ལྔ |
ཚེའི་སྙིགས་མ་དང༌། ཉོན་མོངས་པའི་སྙིགས་མ། སེམས་ཅན་གྱི་སྙིགས་མ། དུས་ཀྱི་སྙིགས་མ། ལྟ་བའི་སྙིགས་མ་རྣམས་སོ། |
| སྙིགས་མ་ལྔ་བདོ |
སྙིགས་མ་ལྔ་དར་བ། |
| སྙིགས་མ་ཤས་ཆུང་བའི་དུས |
སྙིགས་མ་སྲབ་ཅིང་ཉུང་བའི་དུས། |
| སྙིགས་མ་ཤས་ཆེ་བའི་དུས |
ངན་སྙིགས་འཕེལ་བའི་དུས། |
| སྙིགས་མའི་དུས |
སྙིགས་དུས་དང་འདྲ། |
| སྙིགས་མའི་རྒུད་མདངས |
ནད་མང་པོ་དང༌། དམག་འཁྲུག་རྒྱུན་མི་འཆད་པ། ཆར་ཆུ་དུས་སུ་མི་འབབ་པ། ལོ་ཕྱུགས་རྟག་ཏུ་མི་ལེགས་པ་སོགས་ལ་ཟེར། |
| སྙིགས་རྡུལ |
གད་སྙིགས། |
| སྙིགས་སྒམ |
གད་སྙིགས་བླུག་སའི་སྣོད་སྒམ། |
| སྙིང |
1 མི་ལུས་ཀྱི་བྱང་ཁོག་སྟོད་དུ་གནས་ཤིང་དོན་ལྔའི་ཡ་གྱལ་ཞིག་སྟེ། དེའི་བྱེད་ལས་ནི་ཚེ་སྲོག་གི་རྟེན་བྱེད་པ་དང༌། སེམས་ཀྱི་བདེ་སྡུག་སོགས་དྲན་པ་གསལ་བར་བྱེད་པ། ཁྲག་ལ་སོགས་པའི་དྭངས་མ་རྣམས་ལུས་ཀྱི་ཆ་ཤས་ཀུན་ཏུ་ཁྱབ་པར་བྱེད་པ་སོགས་ཡིན། སྙིང་འཕར་བ། སྙིང་ལ་རུས་པ་ཡོད་ན། རྡོ་ལ་ཨི་ཁུང་འབིགས། མིང་གི་རྣམ་གྲངས་ལ་ཀུན་སྐྱེད་བྱེད་དང༌། ཆོས་ཀྱི་རྩ་འཁོར། སྙིང་ཤ། ཐུགས། རྣམ་ཤེས་རྟེན། ཤ་མཆོག་སེམས་ཀྱི་ཁང་པ། སྲོག་གནས་བཅས་སོ། 2 སེམས། སྙིང་བདེ་བ། འགྲོ་སྙིང་མ་འདོད་ཉལ་སྙིང་འདོད། བཤད་སྙིང་འདོད་དམ་མི་འདོད། གཏམ་བཟང་ཐོས་པས་སྙིང་དགའ་བ། 3 བློ་ཁོག མི་ངན་སྤྱོད་ངན་ལ་ངོ་རྒོལ་བྱེད་པར་སྙིང་མ་ཆུང་ཞིག དགུན་ཁའི་ཁ་བ་འབབ་སྙིང་ཆེ། ཉི་མ་བྱུང་ན་ཆུ་ལ་ཤོར། |
| སྙིང་ཁ |
སྙིང་ཡོད་སའི་ཐད་ཕྱོགས། མདུན། སྙིང་ཁ་འཕར་བ། |
| སྙིང་ཁམས |
1 ཕོད་ཚན། སྙིང་ཁམས་ཅན། 2 དྲན་རིག་དང་འབྲེལ་བའི་ལུས་ཀྱི་ཁམས། སྙིང་ཁམས་ཀྱི་ནད། སྙིང་ཁམས་མི་བདེ་བ། |
| སྙིང་ཁུ |
ཉིང་ཁུ། |
| སྙིང་ཁུང |
ལུས་ཀྱི་གནད་གསང༌། |
| སྙིང་ཁོང་རུས་པའི་གཏིང |
སྙིང་ཁོང་རུས་པའི་དཀྱིལ་ཡང་ཟེར། སེམས་ཀྱི་གཏིང་སྟེ། ཁ་ཙམ་ཚིག་ཙམ་མིན་པའི་དཔེ། ངས་སྙིང་ཁོང་རུས་པའི་གཏིང་ནས་ཡིད་ཆེས་བྱེད་ཀྱི་ཡོད། རྡོ་ལ་རི་མོ་བརྐོས་པ་ལྟར། སྙིང་ཁོང་རུས་པའི་གཏིང་དུ་ངེས། སྙིང་ཁོང་རུས་པའི་དཀྱིལ་ནས་ཐུགས་རྗེ་ཆེ་ཞུ་བ། |
| སྙིང་ཁྲག |
སྙིང་ནང་གི་ཁྲག |
| སྙིང་ག |
སྙིང་ཁ་དང་འདྲ། |
| སྙིང་ག་ཆོས་ཀྱི་འཁོར་ལོ |
སྙིང་གའི་ཐད་ཀྱི་རྩ་དབུ་མ་ལས་གྱེས་པའི་རྩ་འདབ་བརྒྱད་གདུགས་ཀྱི་རྩིབས་མ་ལྟར་ཁ་ཡར་ཕྱོགས་ཏེ་ཡོད་པ་ཞིག |
| སྙིང་གཅུས |
བློ་དྲང་མིན་ཀྱོག་ཀྱོག མི་སྙིང་གཅུས་ཅན་གྱི་གཏམ། |
| སྙིང་གཅེས་གཅེས |
བློ་ཤིན་ཏུ་ཉེ་བའམ་བྱམས་པ། ཡིད་དུ་འོང་བའི་ཕྲུ་གུ་གཅིག་ལ་སྙིང་གཅེས་གཅེས་བྱེད་པ། |
| སྙིང་གཏད་པ |
བློ་བཀལ་བའམ་བློ་གཏད་པ། གྲོགས་པོ་བློ་ཐུབ་ཅན་ལ་སྙིང་གཏད་པ། |
| སྙིང་གཏམ |
1 དྲང་པོའི་གཏམ། ཕན་པའི་སྙིང་གཏམ། སྨན་རོ་ཁ་རུང་ནད་ལ་ཕན། སྙིང་གཏམ་རྩུབ་རུང་མི་ལ་ཕན། 2 སྙིང་ཉེ་བའི་སྐད་ཆ། བརྩེ་བའི་སྙིང་གཏམ། མཛའ་གྲོགས་ཕན་ཚུན་སྙིང་གཏམ་ཤོད་རེས་བྱེད་པ། |
| སྙིང་གདོས |
བློ་ཁོག ཕོ་སྙིང་གདོས་གཏིང་ནས་མི་ཆེ་བའི། གཏམ་ཁ་རྒོད་སྟོང་བཤད་མཁས་མདོག་ཁ། |
| སྙིང་གནོན |
1 ཁོང་ཁྲོ་འཇགས་པའི་ཐབས། དངོས་ཡོད་ཀྱི་གནས་ཚུལ་ལྷུག་པོར་བཤད་དེ་སྙིང་གནོན་པ། 2 བྱས་ཉེས་འདོམས་པའི་ཉེས་ཆད། ཁྱོད་ཀྱི་བྱས་ཉེས་ལ་སྙིང་གནོན་ཉེས་པ་གསེར་སྲང་གང་སོང་བ་སྒྲུབས། |
| སྙིང་གཞོས་པ |
རྙིང 1 སེམས་གསོ་གཏང་བ། 2 གསང་གཏམ་བཤད་པ། |
| སྙིང་གཟེར |
སྙིང་ནད་བདུན་གྱི་ནང་གསེས་ཤིག་སྟེ་སྙིང་ལ་གཟེར་ཟུག་རྒྱག་པའི་ནད། |
| སྙིང་གའི་རྡོ་རྗེའི་བཟླས་པ |
དབང་རྣོན་རྡོར་བཟླས་ལ་བརྟེན་པ་སྟེ། བདག་མདུན་གྱི་ལྷ་ལ་གསལ་སྣང་གྲུབ་ཅིང་རླུང་དང་དབང་པོ་ནང་དུ་བསྡུས་ལ་ཡིད་ཀྱི་བཟླས་པ། |
| སྙིང་གའི་རྩ་འཁོར |
རྩའི་འཁོར་ལོ་ལྔའི་ཡ་གྱལ་ཞིག |
| སྙིང་གའི་རྩ་འདབ |
ལུས་རྩའི་བྱེ་བྲག་ཅིག |
| སྙིང་གཡུག་པ |
སྙིང་འཕར་བ། རི་ལ་ཡར་འཛེག་དུས་སྙིང་གཡུག་ཡོང༌། |
| སྙིང་གསང |
རྒྱབ་ཀྱི་སྒལ་ཚིགས་བདུན་པ་སྙིང་དང་འབྲེལ་བའི་མེ་བཙའི་གསང་ཞིག་སྟེ། དེར་མེ་བཙའ་བཞག་ན་སྙིང་འཕྱོ་བ་དང༌། ལུས་འདར་བ། སྨྱོ་བ། འབོག་པ་སོགས་ལ་ཕན། |
| སྙིང་གི་ནོར་བུ |
སེམས་ཀྱི་གཅེས་ནོར་ཏེ། མཆོག་ཏུ་དགའ་བའི་མཛའ་གྲོགས་སམ་རྒྱུ་ནོར། |
| སྙིང་གྲོགས |
བློ་ཐུབ་ཀྱི་གྲོགས་པོའམ་ཤིན་ཏུ་མཛའ་བའི་གྲོགས་པོ། |
| སྙིང་ཅན |
མི་ཞེད་པའི་སྙིང་སྟོབས་ཅན། |
| སྙིང་ཆུ |
སྙིང་ལ་ཆུ་བསགས་པའི་ནད། སྙིང་ནད་བདུན་གྱི་ཡ་གྱལ་ཞིག |
| སྙིང་ཆུང |
བློ་ཁོག་མེད་པ། སྙིང་ཆུང་གིས་དཔའ་འཇོག་མི་ཐུབ། |
| སྙིང་ཆེན་པོ |
བློ་ཁོག་ཆེན་པོ། དགྲ་དང་དངོས་སུ་འཐབ་དུས། སྙིང་ཆེན་ཡིན་མིན་ཤེས་ཐུབ། |
| སྙིང་ཉེ་བ |
སེམས་མཛའ་བ། སྙིང་ཉེ་བའི་གྲོགས་ལ་སྙིང་གཏམ་བཤད། |
| སྙིང་ཉེ་ལགས |
ཡུལ སྔར་བོད་དབུས་ཕྱོགས་སུ་མི་ཚང་འབྲིང་གི་ཁྱིམ་བདག་མོ་ལ་འབོད་པའི་ཞེ་ས། |
| སྙིང་ཏིག |
ཚིག་ཉུང་ལ་དོན་འདུས་པའི་སྒོ་ནས་བཤད་པའི་གཞུང་ལུགས་དང་མན་ངག་སོགས་ཀྱི་དོན་གཙོ་བོ་ལས་ཀྱང་གཙོ་བོ་ཡིན་པ་རྣམས་ཏེ། མན་ངག་གི་སྙིང་ཏིག མཚན་ཉིད་རིག་པའི་སྙིང་ཏིག་ཅེས་པ་ལྟ་བུ། |
| སྙིང་ཐག་པ |
བཅོས་མ་མིན་པའི་ཀུན་སློང་སོགས་ཀྱི་དོན་ཏེ། སྙིང་ཐག་པ་ནས་ཉེས་སྐྱོན་ལ་འགྱོད་བཤག་བྱེད་པ་ཞེས་པ་ལྟ་བུ། ０སྙིང་བོ་ཡི་ཚིག་བསྡུས་པ། |
| སྙིང་ཐག་རིང་བ |
བརྩེ་དུང་ཆུང་བ། |
| སྙིང་ཐིག |
སྙིང་གི་ཐིག་ལེ་སྟེ་སྙིང་པོའམ་ཡང་སྙིང་གི་དོན།.. |
| སྙིང་དཀར |
1 བློ་སེམས་དཀར་བ། ང་གཉིས་སྙིང་དཀར་ས་ཞིག་ཡིན། 2 ཁྱི་སོགས་ཀྱི་སྙིང་གའི་ཐད་དུ་སྤུ་ཐིག་དཀར་པོ་ཡོད་པ། ཁྱི་ནག་སྙིང་དཀར། |
| སྙིང་དུ་འབབ་པ |
ཡིད་དུ་འོང་བ། ཕྲུ་གུ་ཕལ་ཆེ་བའི་སྙིང་དུ་འབབ་པ་རྩེད་མོ་རེད། |
| སྙིང་དུ་སྡུག་པ |
ཡིད་དུ་འོང་བའམ་འབབ་པ། མི་དེ་ཀུན་གྱི་སྙིང་དུ་སྡུག་པར་འཛིན་པ། |
| སྙིང་དོམ |
རྟའི་བྲང་དུ་འདོགས་པའི་དོམ་དོམ་སྟེ། སྔར་རྟ་ཆས་ཀྱི་ཆེ་རྟགས། |
| སྙིང་ན་བ |
1 སྙིང་ལ་ནད་ཕོག་པ། 2 ཡིད་མི་དགའ་བའམ་ཁྲོ་བ། |
| སྙིང་ནད |
1 སྙིང་གི་ན་ཚ། 2 སྔ་མའི་འཁོན་རྙིང༌། སྙིང་ནད་སངས་པ། |
| སྙིང་ནད་ཁ་ལེ་ནག་པོ |
སྙིང་ནད་བདུན་གྱི་བྱེ་བྲག་ཅིག |
| སྙིང་ནད་བདུན |
མྱ་ངན་དང་སེམས་འཁྲུགས་པ་སོགས་ལས་བྱུང་བའི་སྙིང་གི་ནད་བདུན་ཏེ། སྙིང་འཕྱོས་དང༌། སྙིང་གཟེར། སྙིང་ཚད། སྙིང་ཆུ། སྙིང་འཐིབས། སྙིང་སྲིན། སྙིང་ནད་ཁ་ལེ་ནག་པོ། |
| སྙིང་ནོར |
ཕུགས་ནོར་རམ། ཕུགས་རྡིག |
| སྙིང་པོ |
1 ཉིང་ཁུ་དང་བཅུད། བདུད་རྩིའི་སྙིང་པོ། ཞོའི་སྙིང་པོ་མར་རེད། ཟས་ཀྱི་སྙིང་པོ་བཅུད་རེད། 2 གཙོ་དོན་ནམ་ཙ་ཆེའི་དོན། དོན་དག་སྙིང་པོ། སྲོག་གི་སྙིང་པོ། དགོངས་པའི་སྙིང་པོ། སྙིང་པོ་མེད་པ་ལ་སྙིང་པོར་འདུ་ཤེས་པ། གསོ་རིག་གི་སྙིང་པོ། ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། ནམ་མཁའི་སྙིང་པོ། སའི་སྙིང་པོ། 3 དཀྱིལ་དང༌། ལྟེ་བ། ཤིང་གི་སྙིང་པོ། ཙན་དན་སྦྲུལ་གྱི་སྙིང་པོ། ཁམ་བུའི་ནང་སྙིང༌། 4 ཤའི་སྙིང༌། |
| སྙིང་པོ་ཆེ |
བློ་ཁོག་ཆེན་པོ། |
| སྙིང་པོ་མེད་པ |
དོན་མེད་པའམ་དགོས་པ་མེད་པ། སྙིང་པོ་མེད་པའི་གཏམ་མི་ཤོད་ཅིང༌། སྙིང་པོ་མེད་པའི་ལས་མི་བྱེད། |
| སྙིང་པོ་ལྔ |
བུ་རམ། ཞུན་མར། སྦྲང་རྩི། ཏིལ་མར། ལན་ཚྭ་སྟེ་ལྔ། |
| སྙིང་པོ་སྔགས་ཀྱི་གཟེར |
སྲོག་སྡོམ་གཟེར་བཞིའི་ཡ་གྱལ། སྒྲ་གྲག་སྔགས་ཀྱི་རང་བཞིན་དུ་ཤེས་པ་སྟེ། མར་འཁོར་བའི་དུས་ཀྱི་བག་ཆགས་དག་པར་བྱེད། ཡར་སངས་རྒྱས་ཀྱི་ཚེ་གསུང་གི་གསང་བ་བསམ་གྱིས་མི་ཁྱབ་པ་འཆར་བའི་འབྲས་བུ་གཞི་ལ་རྫོགས། བར་ལམ་དུས་སུ་ངག་རླུང་གི་རང་བཞིན་སྔགས་ཀྱི་རྣམ་པར་སྦྱང་བ་རླུང་ལ་བརྟེན་པའི་རྫོགས་རིམ་གྱི་སྨིན་བྱེད་དུ་འགྲོ་བ། |
| སྙིང་པོར་འཛིན་པ |
གལ་པོ་ཆེར་འཛིན་པ། ཞིང་ལས་ཀྱི་གཞི་རྩའི་འཛུགས་སྐྲུན་བྱ་རྒྱུའི་ལས་དོན་དེ་སྙིང་པོར་འཛིན་པ། |
| སྙིང་པོས་དབེན་པ |
དོན་མེད་པའམ་དོན་གྱིས་སྟོངས་པ། |
| སྙིང་ཕུར་ཐེབས་པ |
སེམས་ལ་བརྟན་པོར་ངེས་པའམ། གཏིང་རིང་པོར་ཟུག་པ། བཀའ་སློབ་བཟང་པོ་གང་གནང་བ་རྣམས་སྙིང་ཕུར་ཐེབས་པ། |
| སྙིང་བཅངས |
སེམས་ལ་ནན་ཏན་བཟུང་བ། སྤྱི་དོན་སྙིང་བཅངས། |
| སྙིང་བཅུད |
སྙིང་པོའི་སྙིང་པོ། འབུམ་དམག་ཆེན་པོའི་སྙིང་བཅུད་དེ། སྔར་མ་ཝ་མོས་ག་ལ་ཡོང༌། |
| སྙིང་བརྩེ |
སྡུག་བསྔལ་ཅན་ཐམས་ཅད་སྡུག་བསྔལ་དང་འབྲལ་འདོད་ཀྱི་སེམས། |
| སྙིང་བརྩེ་བ |
སྡུག་བསྔལ་འབྲལ་འདོད་ཀྱི་བརྩེ་སེམས་སམ་བྱམས་སེམས་བྱེད་པ། སྨྱོན་པར་ཁོང་མི་ཁྲོ་ལ། དགྲ་བོར་སྙིང་མི་བརྩེ་བ། |
| སྙིང་བརྩེ་བའི་ཞིང |
སྙིང་རྗེ་སྐྱེ་ཡུལ། |
| སྙིང་བརྩེ་མེད་པའི་སྟན་བཅོས |
ཐར་པ་འཐོབ་བྱེད་མ་ཡིན་པའི་བསྟན་བཅོས། |
| སྙིང་བརྩེ་ཞིང་བྱམས་པ |
སྡུག་བསྔལ་འབྲལ་འདོད་ཀྱི་སེམས་བརྩེ་ཞིང༌། ཕན་འདོད་ཀྱི་བྱམས་སེམས། |
| སྙིང་བརླགས་པ |
དྲན་པ་སྟོར་བ། བགེགས་དབང་གདོན་བསྐྱོད་ཀྱིས་སྙིང་བརླགས་ཏེ་ཅི་དྲན་འདེ་དྲན་མེད་པར་གྱུར། |
| སྙིང་བསྟན་པ |
སྦས་གསང་མ་བྱས་པ། |
| སྙིང་བོ |
དཀྱིལ་དང་ལྟེ་བ་སོགས་ཀྱི་དོན་ཏེ། ཤིང་གི་སྙིང་བོ། རྭའི་སྙིང་བོ་ཞེས་པ་ལྟ་བུ། ཚིག་བསྡུས་ན་སྙིང་ཞེས་འབྲི་སྟེ། དཀྱིལ་སྙིང་། ནང་སྙིང་། རྭ་སྙིང་ཞེས་པ་ལྟ་བུ། བཅུད་དང་དྭངས་མ་སྟེ། སྨན་གྱི་སྙིང་བོ། བཅུད་ཀྱི་སྙིང་བོ་ཞེས་པ་ལྟ་བུ། ཚིག་བསྡུས་ན་སྙིང་ཞེས་འབྲི་སྟེ། སྨན་གྱི་ཡང་སྙིང་། ཟས་ཀྱི་སྙིང་བཅུད་ཅེས་པ་ལྟ་བུ། ０གཞུང་ལུགས་དང་ཚིག་གི་ནང་དོན་གཙོ་བོ་སྟེ། གསོ་བ་རིག་པའི་སྙིང་བོ་བསྡུས་པ། མཚན་ཉིད་རིག་པའི་སྙིང་བོ་ཞེས་པ་ལྟ་བུ། |
| སྙིང་མ་རྗེ |
1 བརྩེ་བའི་འབོད་སྒྲ་སྟེ་སྙིང་རྗེ་བ་ལ་ཞེས་པའི་དོན། དྭ་ཕྲུག་ཉམ་ཐག་དེ་ཚོ་སྙིང་མ་རྗེ། 2 ཟུར་ཟ་དང་ཁྱད་གསོད་ཀྱི་ཚིག་ཅིག སྡུག་རོ་ཁོ་འདྲ་པོ་ཞིག་གིས་ཨ་ཕོ་ང་ལ་འཐབ་རྩིས་བྱེད་པ་སྙིང་མ་རྗེ་གད་མོ་བྲོ། |
| སྙིང་མེད |
1 བློ་ཁོག་མེད་པ། 2 ལེགས་ཉེས་སམ་བཟང་ངན་མི་ཤེས་པའི་བློ། 3 སྙིང་པོ་མེད་པའི་བསྡུས་ཚིག་ |
| སྙིང་མེད་ཁོག་སྟོང |
ནང་སྙིང་མེད་པ། ཕྱི་རོལ་གྱི་རྣམ་འགྱུར་རྫིག་རྫིག་འདྲ་ཡང་སྙིང་མེད་ཁོག་སྟོང་དེ་ཚོར་འཇིགས་དགོས་དོན་ཅི་ཡང་མེད། |
| སྙིང་ཚ་བ |
སེམས་ཉམས་མི་བདེ་བ། |
| སྙིང་ཚ་སྐྱུ་རུ་རུ |
འཇིགས་ཞུམ་ཞུམ། དགྲ་མཐོང་བའི་ཚེ་སྙིང་ཚ་སྐྱུ་རུ་རུ་མ་བྱེད། |
| སྙིང་ཚད |
སྙིང་ནད་བདུན་གྱི་ནང་གསེས་ཤིག་ཚ་བ་སྙིང་ལ་ཞུགས་པའི་ནད། |
| སྙིང་ཚབས |
མོ་ནད་སྙིང་ལ་བྱེར་བའི་ནད་དེ། ནང་གསེས་སུ་དབྱེ་ན་སྙིང་གི་ཁྲག་ཚབས་དང༌། སྙིང་གི་རླུང་ཚབས་གཉིས་མཆིས། |
| སྙིང་ཚིམ |
སེམས་དགའ་བའམ་འདོད་པ་གང་བ། |
| སྙིང་ཚིམ་བགྲང་བ |
གཞན་སྡུག་བསྔལ་བྱུང་བ་ལ་དགའ་སྤྲོ་སྐྱེས་པའི་ཚིག་བརྗོད་པ། མི་ངན་ལ་གོད་ཆགས་བྱུང་ན་ཚང་མས་སྙིང་ཚིམ་བགྲང་ཡོང༌། |
| སྙིང་ཚིམ་བདར་བ |
གཞན་ལ་སྡུག་བསྔལ་བྱུང་བ་ལ་སྙིང་ཚིམ་རྒྱག་པ། |
| སྙིང་ཚིམ་འདེབས་པ |
གཞན་ལ་སྡུག་བསྔལ་བྱུང་བ་ལ་དགའ་བའི་ཚིག་རྗོད་པ། འཁོན་དགྲའི་ཁྱིམ་ལ་མེ་ཤོར་ཡང་སྙིང་ཚིམ་མ་འདེབས། |
| སྙིང་ཚིལ |
སྙིང་གི་ཕྱི་རོལ་གྱི་ཚིལ། |
| སྙིང་ཚོམ་པ |
རྙིང 1 ནང་འཁོར། 2 བཀྲབས་པ། |
| སྙིང་ཞི་བ |
སེམས་ཞི་བའམ་འཇམ་པ། ཕྲག་དོག་མཁྲེགས་བཟུང་གི་སྙིང་ཞི་ནས་གཟུ་བོར་གནས། |
| སྙིང་ཞོ་ཤ |
ཤིང་སྨན་གྱི་རིགས་ཤིག་སྟེ། རོ་མངར་ལ་སྐྱུར། ཞུ་རྗེས་བསིལ། ནུས་པས་སྙིང་གི་ཚད་པ་སེལ། |
| སྙིང་འགུལ |
ནད་སོགས་ཀྱི་སྟབས་ཀྱིས་སྙིང་གཡོ་བ། ཁྲག་རླུང་ལངས་ནས་སྙིང་འགུལ་བར་བྱེད་པ། |
| སྙིང་འཆུ་བ |
ཡིད་འཕྲོག་པ། ལོ་རྒྱུས་ཀྱི་གསུངས་སྒྲོས་ཧ་ཅང་སྙན་ཆེ་བས་སྙིང་འཆུ་བ། |
| སྙིང་འཐིབས་པ |
1 དྲན་པ་མི་གསལ་བའམ་རིག་པ་ཉོབ་པ། གཉིད་རྨུགས་ཀྱིས་གཟིར་ནས་སྙིང་འཐིབས་པ། 2 སྙིང་ནད་བདུན་གྱི་ནང་གསེས་ཤིག |
| སྙིང་འཕྱོ |
སྙིང་གཡོ་བ། ལས་འགན་གལ་འགངས་ཆེ་ཚུལ་དྲན་པས་སྙིང་འཕྱོ་བ། དེ་རིང་དགའ་དྲགས་ནས་སྙིང་འཕྱོ་བ་ལྟ་བུ་བྱས་བྱུང༌། |
| སྙིང་འཕྱོས |
སྙིང་ནད་བདུན་གྱི་ནང་གསེས་ཤིག |
| སྙིང་འབྲས |
འབྲས་ནད་སྙིང་ལ་བབས་པ་ཞིག་སྟེ། ནད་རྟགས་སུ་སྙིང་འཕར་ཞིང་གཟེར་ལ་དྲན་པ་མི་གསལ་བ་མུན་པ་འཐིབ་པ་ལྟར་འབྱུང་བ་ཞིག |
| སྙིང་འཚུབ |
སེམས་འཚབ་འཚུབ། བྱ་སྤྱོད་ལས་བྲེལ་མང་པོ་ཡིན་ཡང་སྙིང་འཚུབ་ལངས་མི་ཉན། |
| སྙིང་རག་མ |
རྙིང སྙིང་མཁྲེགས་པའམ་སྲ་བ། |
| སྙིང་རིང་བ |
ཤ་མི་ཚ་བའམ་བརྩེ་དུང་མེད་པ། གྲོགས་པོ་ལ་སྙིང་རིང་བ། |
| སྙིང་རུས |
ཞུམ་པ་མེད་པར་འབད་བརྩོན་བྱེད་པའི་བསམ་པ་སྟེ། མི་སྙིང་རུས་ཅན། སྙིང་རུས་བསྐྱེད་ནས་སློབ་སྦྱོང་བྱས་ལྟ་བུ། |
| སྙིང་རེ་ཚིམ |
བློ་ཁེངས་པའམ་ཡིད་ཚིམ་པའི་ཚིག་ཅིག དགྲ་བོར་ཡ་ལན་འཕྲོད་པས་སྙིང་རེ་ཚིམ། |
| སྙིང་རེ་རྗེ |
1 ཤིན་ཏུ་བརྩེ་བའི་ཉམས། ཕྲུ་གུ་བསམ་མེད་འཁྱགས་ཏེ་ལུས་པ་སྙིང་རེ་རྗེ། 2 ཁྱད་གསོད་དང་ཟུར་ཟའི་རྣམ་འགྱུར་སྟོན་པའི་སྒྲ། གང་ཡང་མི་ཤེས་པའི་སྤོབས་པ་ཆེན་པོ་དེ་ཚོ་སྙིང་རེ་རྗེ |
| སྙིང་རྗེ |
1ཉམ་ཐག་སྡུག་བསྔལ་ལས་བྲལ་འདོད་ཀྱི་སེམས་པའི་མིང་སྟེ། སྙིང་རྗེ་ཅན། ནད་པ་ལ་སྙིང་རྗེ་སྐྱེས་ལྟ་བུ། 2བརྩེ་སེམས་སྐྱེས་པའི་དོན་ཏེ། ཉམ་ཐག་ལ་སྙིང་རྗེ། བུ་ཆུང་ལ་སྙིང་རྗེ་ལྟ་བུ། |
| སྙིང་རྗེ་གསུམ |
སེམས་ཅན་ལ་དམིགས་པའི་སྙིང་རྗེ་དང༌། ཆོས་ལ་དམིགས་པའི་སྙིང་རྗེ། དམིགས་མེད་ལ་དམིགས་པའི་སྙིང་རྗེ་བཅས་སོ། |
| སྙིང་རྗེ་ཆེན་པོའི་པད་མ་དཀར་པོའི་མདོ |
བམ་པོ་དྲུག་དང་ལེའུ་བཅུ་གསུམ་པ། ཛི་ན་མི་ཏྲ་སོགས་ཀྱིས་བསྒྱུར་པ། |
| སྙིང་རྗེ་ཆེན་པོའི་སེམས |
ཀུན་ལ་ཁྱབ་པའི་བརྩེ་སེམས་ཆེན་པོ་སྟེ། སེམས་ཅན་ཐམས་ཅད་སྡུག་བསྔལ་རྒྱུ་འབྲས་གཉིས་དང་འབྲལ་བར་བྱེད་འདོད་ཀྱི་བློ། |
| སྙིང་རྗེ་ཆེན་པོའི་སྟོབས |
སེམས་ཅན་ཐམས་ཅད་ཀྱི་སྡུག་བསྔལ་ཐམས་ཅད་སེལ་བར་བྱེད་པ། |
| སྙིང་རྗེ་པད་དཀར་གྱི་མདོ |
བམ་པོ་བཅོ་ལྔ་དང་ལེའུ་དྲུག་པ། པཎྜི་ཏ་ཛི་ན་མི་ཏྲ་སོགས་དང༌། ལོ་ཙཱ་བ་ཡེ་ཤེས་སྡེ་ལ་སོགས་པས་བསྒྱུར་པ། |
| སྙིང་རྗེ་པོ |
1 ཡིད་དུ་འོང་བ། ཕྲུ་གུ་དེ་ཚོ་སྙིང་རྗེ་པོ་ཤ་སྟག་འདུག 2 འདྲ་ཆགས་ཆགས། ཁ་ནས་སྐད་ཆ་སྙིང་རྗེ་པོ་ཤོད་པ་ལས་ལག་ཏུ་ཡང་དག་པར་ལེན་པ་གལ་ཆེ། |
| སྙིང་རྗེ་བ |
སྡུག་བསྔལ་ཅན་རྣམས་སྡུག་བསྔལ་དང་འབྲལ་འདོད་ཀྱི་བློ་སྐྱེས་པ། འཁྱག་ལྟོགས་ཀྱི་སྡུག་བསྔལ་ཡོད་མཁན་ཚོར་སྙིང་རྗེ་བ་ཙམ་གྱིས་ཅང་མི་ཕན། |
| སྙིང་རྗེ་མེད་པ |
བརྩེ་སེམས་མེད་པ། |
| སྙིང་རྗེ་མོ |
སྙིང་རྗེ་པོ་དང་འདྲ། |
| སྙིང་རྗེ་ཚད་མེད |
ཚད་མེད་བཞིའི་ཡ་གྱལ། དམིགས་པ་སེམས་ཅན་ཚད་མེད་པ་ལ་དམིགས་ནས་རྣམ་པ་སྡུག་བསྔལ་རྒྱུ་འབྲས་གཉིས་དང་བྲལ་བར་བྱའོ་སྙམ་དུ་སེམས་པའོ། |
| སྙིང་རྗེ་རྗེ |
1 སྙིང་རྗེ་ནས་མི་བཟོད་པའི་རྣམ་པ། སྙིང་རྗེ་རྗེ་སྐད་དུ་འོ་དོད་འབོད་པར་བྱེད། 2 དགའ་དགའི་ངང་ནས་བྱམས་པོ་བྱེད་པ། ཡིད་དུ་འོང་བའི་ཕྲུ་གུ་ཞིག་ལ་སྙིང་རྗེ་རྗེ་བྱེད། |
| སྙིང་རྗེ་ལ་སྙོམས་པར་འཇུག་པ |
སྙིང་རྗེ་ཆེན་པོའི་ཏིང་ངེ་འཛིན་སྒོམ་པ། |
| སྙིང་རྗེ་སྙོམས་པ |
ཉེ་རིང་མེད་པའི་བརྩེ་སེམས། |
| སྙིང་རྗེའི་ཉམས |
ཉམས་ལྡན་གྱི་རྒྱན་གྱི་ནང་གསེས། སྡུག་བསྔལ་དྲག་པོ་མྱོང་བའི་ཡུལ་དང་ཕྲད་པའི་སྟོབས་ཀྱིས་ནང་དུ་སྙིང་རྗེ་རྒྱས་པའི་རྣམ་འགྱུར་བརྩེ་ཉམས་སྟོན་པའི་རྒྱན་ཞིག |
| སྙིང་རྗེའི་དམིགས་པ |
བརྩེ་བ་བྱ་ཡུལ། |
| སྙིང་རྗེའི་བསམ་པ |
གཞན་གྱི་སྡུག་བསྔལ་མི་བཟོད་པའི་བརྩེ་སེམས། |
| སྙིང་རྗེའི་ལྷ |
མངོན སྤྱན་རས་གཟིགས། |
| སྙིང་རྗེས་མི་བཤོལ་བ |
སེམས་ཅན་ལ་བརྩེ་སེམས་མི་ལྷོད་པའམ་མི་འདོར་བ། |
| སྙིང་རྗེས་ཞི་ལ་མི་གནས་པའི་གཞི་ཤེས |
ཤེར་ཕྱིན་དོན་བདུན་ཅུའི་ནང་གསེས། གཞི་ཀུན་རྫོབ་ལ་ལྟོས་ཏེ་སེམས་བསྐྱེད་ཁྱད་པར་ཅན་གྱིས་ཞི་མཐའ་འགོག་བྱེད་ཀྱི་རྟོགས་རིགས་སུ་གནས་པའི་ཐེག་ཆེན་འཕགས་པའི་མཁྱེན་པ། |
| སྙིང་རྩ |
ནད་པའི་ལག་པ་གཡོན་པའི་ཚོན་འོག་ནས་བལྟ་རྒྱུའི་ནང་ཁྲོལ་སྙིང་གི་རྩ་འཕར་སྟངས། |
| སྙིང་རླུང |
ནད་རིགས་ཤིག་གི་མིང་སྟེ། ནད་རྟགས་ནི་དགའ་སྐྱོ་ངེས་པ་མེད་ཅིང་། སྐབས་འགར་སྨྱོ་བའི་ཚུལ་སྟོན་པ་ཞིག་ཡིན། |
| སྙིང་རླུང་ལྡང |
སྙིང་ལ་རླུང་ཞུགས་པ། |
| སྙིང་རླུང་སྟོད་འཚངས |
སྙིང་རླུང་ཚབས་ཆེན་ལངས་པ། |
| སྙིང་ལ་ཉལ |
མངོན འདོད་ལྷ། |
| སྙིང་ལ་འབབ་པ |
ཡིད་ལ་འཐད་པའམ་བློར་འབབ་པ། སྙན་ཞིང་དོན་གནད་ཡོད་པའི་གཏམ་སྙིང་ལ་འབབ་པ། |
| སྙིང་ལགས |
སྙིང་ཉེ་ལགས་ཀྱི་བསྡུས་ཚིག་ |
| སྙིང་ལམ |
རྙིང བསམ་པ། |
| སྙིང་ལས |
སེམས་ཁུར་རམ་སེམས་ཁྲལ། སྒེར་གྱི་ཁེ་ཕན་སྙིང་ལས་སུ་གྱུར། སྙིང་ལས་ཆུང་བ། |
| སྙིང་སོ་ལྟར་བརྩེ་བ |
སེམས་ཀྱིས་མི་བཟོད་པར་ཤིན་ཏུ་ཤ་ཚ་བ། |
| སྙིང་སྐྱ་རྦབ |
སྙིང་དང་སྲོག་རྩ་ལ་བབ་པའི་རླུང་ནད་ཤས་ཆེ་བའི་སྐྱ་རྦབ་སྟེ། ནད་རྟགས་ལུས་སྐྲངས་ཤིང་སྙིང་མི་བདེ་བ་འབྱུང་བ་ཞིག |
| སྙིང་སྟོབས |
བློ་སྟོབས། སྙིང་སྟོབས་ཆེན་པོ། སྙིང་སྟོབས་སྲབ་མོ། སྙིང་སྟོབས་ཆུང་བ། ལས་དོན་དཀའ་ཚེགས་ཆེ་གྲས་ལ་སྙིང་སྟོབས་མ་བསྐྱེད་ན་མི་འགྲུབ། ཡོན་ཏན་གྱི་རི་རྩེར་འཛེག་ཐུབ་པའི་ཆེད་དུ་སྙིང་སྟོབས་ཆེ་བསྐྱེད་ཀྱིས་སློབ་སྦྱོང་ལ་ཧུར་བརྩོན་བྱེད་པ། |
| སྙིང་སྟོབས་ཀྱི་རྩ |
ལུས་རྩའི་བྱེ་བྲག་ཅིག |
| སྙིང་སྟོབས་ཅན |
1 བློ་སྟོབས་དང་ལྡན་པ། 2 བློ་སྟོབས་ཡོད་པའི་མི། |
| སྙིང་སྡུག |
མཛེས་ཤིང་ཡིད་དུ་འོང་བའི་དོན་ཏེ། སྙིང་སྡུག་ཆུང་འདྲིས་བྱམས་པ་ཞེས་པ་ལྟ་བུ། |
| སྙིང་སྲིན |
སྙིང་ནད་བདུན་གྱི་ནང་ཚན་སྲིན་ལས་གྱུར་པའི་སྙིང་ནད་དེ། ནད་རྟགས་སྙིང་དྲག་ཏུ་འཕར་ཞིང་ཟུག་རྔུ་འབྲད་སྙམ་སེམས་པ་འབྱུང་བ་ཞིག |
| སྙིང་སྲོག |
སྙིང་དང་སྲོག་རྩ་གཉིས་ཀྱི་མིང༌། |
| སྙིང་ཧད་པ |
དྲན་པ་འཐོར་བ། གློ་བུར་དུ་ན་ཚ་ཆེན་པོ་བྱུང་ནས་རེ་ཞིག་སྙིང་ཧད་དེ་ལུས་པ། |
| སྙིད་པོ |
1 ཕའི་གཅུང་པོ། 2 བཟའ་ཟླའི་བུ་སྤུན། |
| སྙིད་མོ |
1 ཕའི་གཅུང་མོ། 2 ཞང་པོའི་ཆུང་མ། 3 བཟའ་ཟླའི་བུ་མོ་སྤུན། |
| སྙིམ་གང |
སྙིམ་པ་གང་གི་བསྡུས་ཚིག་ |
| སྙིམ་པ |
ལག་པའི་ཁྱོར་བ་གཉིས་ཁ་སྦྱར་ནས་བྱུང་བའི་ཚད། ཆང་སྙིམ་པར་བླུགས་ནས་འཐུང་བ། |
| སྙིམ་པ་གང |
ལག་པའི་ཁྱོར་བ་གཉིས་ཁ་སྦྱར་བའི་ཚད་གང༌། |
| སྙིམ་པ་འདེགས་པ |
ལག་པའི་ཁྱོར་བ་གཉིས་ཁ་སྦྱར་ཏེ་བཟེད་པ། ལག་པའི་སྙིམ་པ་འདེགས་པའི་ཚུལ་གྱིས་ཆུ་བླངས་ཏེ་འཐུང་བ། |
| སྙིམ་བུ |
བྱིས་པའི་ཁྱོར་བ་སྦྱར་བའི་སྙིམ་པ་ཆུང་ངུ། |
| སྙིལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) གཞོམ་པའམ་ཇེ་དམའ་རུ་བཏང་བའི་དོན་ཏེ། ཐོག་གིས་བྲག་རི་སྙིལ་བར་བྱེད་པ་ལྟར། སྒྱོགས་ཀྱིས་དགྲ་ཡི་མཁར་རྫོང་དེ་སྙིལ་ཅིག་ལྟ་བུ། མ་འོངས་པ་དང་འདས་པར་བསྙིལ་འབྲི། མར་ཕབ་པའི་དོན་ཏེ། རླུང་གིས་ཁ་བའི་འདབ་མ་བསྙིལ་ལྟ་བུ། ０མར་ཉིལ་དུ་འཇུག་པའི་དོན་ཏེ། གནམ་ནས་ཆར་སྙིལ། དོང་ནང་ལ་ས་བསྙིལ་ནས་བཀང་ལྟ་བུ། |
| སྙིལ་བ |
ཐ་དད་པ བསྙིལ་བ། བསྙིལ་བ། སྙིལ།། 1 རྡལ་བའམ་སིལ་བུར་གཏོང་བ། རི་བོ་བསྙིལ་ཏེ་ཐང་དུ་བསྒྱུར། ལྕགས་རི་བསྙིལ་བ། ཕྱེ་མར་སྙིལ་བ། 2 སྐྲོད་པ། དགྲ་བོ་ཕྱི་རོལ་ཏུ་བསྙིལ་བ། ཚུལ་ཁྲིམས་འཆལ་པོ་གཙུག་ལག་ཁང་ནས་བསྙིལ་བ། |
| སྙུ་གུ |
རྙིང ཡི་གེ་འབྲི་བྱེད། |
| སྙུག |
(བྱེད་འབྲེལ་ལས་ཚིག་ད་ལྟ་བ)སྣུམ་བསྐུ་བའི་བརྡ་རྙིང་སྟེ། མ་འོངས་པར་བསྙུག་དང་། འདས་པ་ལ་བསྙུགས། སྐུལ་ཚིག་ལ་སྙུགས་འབྲི། སྙུག་མ་ཡི་ཚིག་བསྡུས་པ། 2.སྙུ་གུའི་བསྡུས་ཡིག་ |
| སྙུག་ཁ |
1 སྨྱུ་གུའི་ཁ། 2 ཁ་དོག་ལྗང་སེར། |
| སྙུག་ཁྲོག |
སྨྱུ་གུ་བླུག་ན་ཁྲོག་ཁྲོག་ཟེར་བའི་སྒྲ་སྒྲོག་པ་ལ་བརྟེན་ནས་མིང་བཏགས་པའི་སྙུག་སྣོད། |
| སྙུག་གཞོན |
ཡལ་ག་མ་གྱེས་པའི་སྙུག་གསར། |
| སྙུག་གུ |
ཡི་གེ་འབྲི་བྱེད་ཀྱི་ཡོ་བྱད་དེ། ཤིང་སྙུག ལྕགས་སྙུག ཞ་སྙུག་ཅེས་པ་ལྟ་བུ། |
| སྙུག་ཅུ་གང |
སྨྱུག་ཅུ་གང་དང་འདྲ། |
| སྙུག་པ |
ཐ་དད་པ བསྙུགས་པ། བསྙུག་པ། སྙུགས།། 1 འབྱུག་པ། གདོང་ལ་དཀར་པོ་དམར་པོ་བསྙུགས་ནས་མཛེས་ཆ་བཟོས། 2 སྐྱུག་པ། ལྟོ་བ་འཁྱགས་པའི་ཐོག་ཁ་ཟས་ཟ་ཚོད་མ་ཟིན་པས་བསྙུགས་སོང༌། 3 གཏིང་དུ་སྐྱུར་བ། གྲུ་གཟིངས་ཐོག་ནས་རྒྱ་མཚོར་གཏིང་རྡོ་སྙུག་པ། |
| སྙུག་བྱ |
སྨྱུག་བྱ་དང་འདྲ། |
| སྙུག་མ |
རྒྱུན་སྔོ་ཤིང་སྡོང་ཚིགས་མང་ཞིང་ཁོག་སྟོང་བ། ཤིང་རྒྱུ་སྲ་བས་ཅ་ལག་ཡོ་བྱད་བཟོ་ཆོག་ལ། ཁང་བའི་ཤིང་ཆ་བྱས་ཀྱང་ཆོག་པས་བཀོལ་ས་ཧ་ཅང་མང་བའི་ཤིང་རིགས་ཤིག་ཡིན། ཚིག་བསྡུས་ན་སྙུག་ཅེས་འབྲི་སྟེ། སྙུག་མའི་ལོ་མ་ལ་སྙུག་ལོ་ཞེས་པ་ལྟ་བུ། |
| སྙུག་མ་གཞོན་ནུ |
སྙུག་མ་གསར་པ། |
| སྙུག་མ་མཁན |
1 སྨྱུག་མའི་ཅ་ལག་གཟོ་མཁན 2 མདའ་བཟོ་མཁན |
| སྙུག་མའི་ཝ་ཤུ |
སྙུག་མའི་ཨོར་པའམ་ཝ་ཁ། |
| སྙུག་འཛིན |
སྨྱུ་གུ་འཛིན་པ་སྟེ་ཡི་གེ་འབྲི་མཁན། |
| སྙུག་ཡོལ |
སྨྱུག་མའི་ཡོལ་བ། |
| སྙུག་རྩ |
སྨྱུག་མའི་མྱུ་གུ། |
| སྙུག་ལྕག |
བཀུག་ནས་འགྲམ་པར་གཞུ་བྱེད་སྙུག་ལེབ་ཅིག |
| སྙུག་ལྗང |
ཁ་དོག་སེར་པོ་ལྗང་ཤས་ཆེ་བ། |
| སྙུག་ལྡོང |
སྨྱུག་མའི་སྡོང་པོ།.. |
| སྙུག་ཤུན |
སྨྱུག་མའི་ཤུན་པ། |
| སྙུག་སྦུབས |
སྙུག་མའི་ཁོག་ནང་གི་སྟོང་ཆ། |
| སྙུགས |
1. སྙུག་པའི་སྐུལ་ཚིག 2. ཡུན་ནམ་རྒྱུན། |
| སྙུགས་མ |
གཉུག་མ་ཡི་འབྲི་ཚུལ་གཞན། |
| སྙུགས་རིང |
1 ཡུན་རིང༌། 2 དཀྱུས་རིང༌། |
| སྙུགས་སྲིང |
རྒྱུན་སྐྱོང་བའམ། མུ་མཐུད་པ། |
| སྙུང |
(བྱེད་འབྲེལ་ལས་ཚིག་ད་ལྟ་བ)ཉུང་ངུར་བཏང་བའི་བརྡ་རྙིང་སྟེ། མ་འོངས་པར་བསྙུང་དང་། འདས་པ་ལ་བསྙུངས། སྐུལ་ཚིག་ལ་སྙུངས་འབྲི། (བྱེད་མེད་ལས་ཚིག) ན་ཚད་བྱུང་བའི་དོན་ཏེ། སྐུ་སྙུང་། སྙུང་གཞི་ཞེས་པ་ལྟ་བུ། 2.ནད་ཀྱི་ཞེ་ས། |
| སྙུང་གཞི |
ནད་གཞི། སྐུ་ཡི་སྙུང་གཞི་དྭངས་ལགས་སམ། |
| སྙུང་བ |
1. ཐ་དད་པ བསྙུངས་པ། བསྙུང་བ། སྙུངས།། ཉུང་བར་བྱེད་པ་དང༌། གྲངས་འབོར་ཆུང་དུ་གཏོང་བ། མི་གྲངས་མང་དྲགས་པའི་སྐྱོན་འདུག་པས་བསྙུང་དགོས། འགྲོ་སོང་གི་གྲངས་འབོར་སྙུང་བ། 2. ཐ་མི་དད་པ བསྙུངས་པ། བསྙུང་བ།། ན་བའི་ཞེ་ས།..རིམས་ནད་འགོས་ནས་ཧ་ཅང་སྡུག་པོ་བསྙུངས་འདུག |
| སྙུང་བུ |
ཀོ་བར་ཨི་ཁུང་འབིགས་བྱེད་ཅིག མིང་གི་རྣམ་གྲངས་ལ་སྙུང་དང༌། ཀོ་བ་འབིག་བྱེད། རྩེ་རྣོ་བཅས་སོ། |
| སྙུངས |
ཐ་དད་པར་འཇུག་པའི་སྙུང་བའི་སྐུལ་ཚིག་ |
| སྙུན |
(བྱེད་མེད་ལས་ཚིག་ད་ལྟ་བ་དང་སྐུལ་ཚིག) ནད་བྱུང་བའི་དོན་ཏེ། མ་འོངས་པ་དང་འདས་པ་ལ་བསྙུན་འབྲི། དཔེར་ན་དགེ་རྒན་སྐུ་བསྙུན་ནས་ཉིན་ཁ་ཤས་ལོན་ལྟ་བུ། ནད་ཀྱི་མིང་སྟེ། སྙུན་འདྲི་བྱས(ནད་པར་འཚམས་འདྲི་བྱས)ལྟ་བུ། |
| སྙུན་གདངས |
ནད་དྭངས་ཟིན་པ། སྙུན་གདངས་ཏེ་ཕེབས་བཞུགས་གང་བདེ་གནང་ཐུབ་པ་བྱུང་སོང༌། |
| སྙུན་གཞི |
ནད་གཞི། |
| སྙུན་གསོལ་བ |
ཁམས་བདེ་འདྲི་བ། མཆེད་གྲོགས་མཇལ་འཕྲད་བྱུང་མ་ཐག་ཏུ་སྙུན་གསོལ་བ་ལུགས་སྲོལ་ཡིན། |
| སྙུན་པ |
ཐ་མི་དད་པ བསྙུན་པ། བསྙུན་པ།། ནད་ན་བའི་ཞེ་ས། ཁོང་ཟས་དུག་གིས་གསོལ་གྲོད་བསྙུན་སོང༌། |
| སྙུན་བྲལ |
ན་ཚ་མེད་པ། |
| སྙུན་འདྲི |
ཁམས་བདེ་འདྲི་བ། གྲོགས་པོའི་སྐུ་ཁམས་བདེ་སྡུག་གང་ཡིན་སྙུན་འདྲི་ཞུ། སྟངས་དཔྱལ་འཁོར་བཅས་ཀྱི་སྐུ་གཟུགས་བདེ་ཐང་ཡིན་མིན་སྙུན་འདྲི་ཞུ་བཞིན་དུ་ཡོད། |
| སྙུན་རྨེད་པ |
རྙིང ཁམས་བདེ་འདྲི་བ། |
| སྙེ |
སྔས་འབོལ་ལ་སྙེ་འབོལ་ཞེས་འབྲི་བའང་ཡོད། སྙེ་མ་ཡི་ཚིག་བསྡུས་པ། ０སྙེས་ཀྱི་ད་ལྟ་བ། |
| སྙེ་ཁ་འགྲིག་པ |
ཞིང་ཁར་སྙེ་མ་ཚང་མ་ཐོན་པ། བོད་ལ་ཧོར་ཟླ་དྲུག་པའི་ནང་སྙེ་ཁ་འགྲིག་ཡོང༌། |
| སྙེ་ཐང |
ལྷ་སའི་ནུབ་ཕྱོགས་ཆུ་ཤུར་རྫོང་ཁོངས་ཀྱི་ས་གནས་ཤིག་སྟེ། ཇོ་བོ་རྗེ་ས་གནས་འདིར་ལོ་དགུར་བཞུགས་ཏེ་མཐར་འདས། སྙེ་ཐང་སྒྲོལ་མ་ལྷ་ཁང་གནས་ཡུལ་ཡང་འདི་ཡིན། |
| སྙེ་ཐང་བདེ་བ་ཅན |
རབ་བྱུང་གསུམ་པའི་ཤིང་གླང་ལོར་རྒྱ་འཆིང་རུ་པས་བཏབ་པའི་ར་བ་སྟོད་དགོན་པ་ཟེར་བ་དེ་ཡིན། |
| སྙེ་ཐོ |
ཞིང་ཁའི་སྙེ་མར་གནོད་པ་སྲུང་བྱེད་ཐོ་ཡོར། ནས་ཞིང་ལ་སྙེ་ཐོ་འཛུགས། |
| སྙེ་དཀར |
ནང་ན་འབྲུ་མེད་པའི་སྙེ་མ་སྟེ། ཐན་སྙེ་དང་སྙེ་སྟོང་ཡང་ཟེར། |
| སྙེ་ནག |
རང་བྱུང་གི་གནོད་པ་ཕོག་ནས་ཐལ་བ་ནག་པོ་ལྟ་བུར་གྱུར་པའི་སྙེ་མའི་མིང་། |
| སྙེ་ཕུང |
སྙེ་མའི་ཕུང་པོ་སྟེ། ལོ་ཏོག་གི་སྙེ་མ་མང་པོ་ཕྱོགས་གཅིག་ཏུ་སྤུངས་པའི་ཕུང་པོ། སྦྲ་ཡི་ཚུགས་ཤིང་བེར་ཀ་ཡིས། ལུས་པོ་སྙེ་ཕུང་བཞིན་དུ་བརྡུངས། |
| སྙེ་བ |
ཐ་དད་པ བསྙེས་པ། བསྙེ་བ། སྙེས།། ལུས་ཀྱི་རྒྱབ་བམ་གཞོགས་གཞན་ལ་བརྟེན་པ། སྐུ་རྒྱབ་སྔས་ལ་བསྙེས་ཏེ་བཞུགས། |
| སྙེ་བོ |
གཉེན་སྒྲིག་གི་བྱ་བ་བྱེད་མཁན་ནམ་གཉེན་དཔང༌། རྒྱ་མོ་འུན་ཤིང་ཀོང་ཇོ་ཁྱོད། དཀའ་ལས་བྱས་ནས་སྙེ་བོས་བཀུག |
| སྙེ་མ |
ལོ་ཏོག་གི་འབྲས་བུ་མང་བོ་འདུས་པའི་ཆུན་པོའི་མིང་སྟེ། གྲོའི་སྙེ་མ། ནས་ཀྱི་སྙེ་མ། ཁྲེའི་སྙེ་མ་ཞེས་པ་ལྟ་བུ། ཚིག་བསྡུས་ན་སྙེ་ཞེས་འབྲི་སྟེ། གྲོ་སྙེ། ནས་སྙེ་ཞེས་པ་ལྟ་བུ། |
| སྙེ་མ་ཕོན་གཅིག |
སྐྱིད་སྡུག་མཉམ་གཅིག་གི་དཔེ། |
| སྙེ་མ་མིག་བླུགས |
སྙེ་མར་འབྲུ་ཆགས་པས་འབྲུ་ཤུན་གང་ལ་ཁད་ཡོད། ལོ་ཏོག་གི་རྩ་རྩེ་ལེགས་པར་རྒྱས་ཏེ་སྙེ་མར་མིག་བླུགས་པ། |
| སྙེ་མ་ལོང་བ |
སྙེ་མའི་འབྲུ་ཕྲ་བའམ་སྙེ་མ་སྟོང་པ། སྡུག་རིགས་སྡུག་ཚད་ཁ་འཕང་མཐོ། སྙེ་མ་ལོང་བ་མགོ་འཕང་མཐོ། |
| སྙེ་མགོ |
སྙེ་མའི་མགོ། ཞིང་ཁར་སྙེ་མགོ་ཐོན་འདུག གྲོ་ནས་སྙེ་མགོ་ཐོན་སྐབས་ལྷགས་པ་བཟང༌། ཆུ་འབྲས་སྙེ་མགོ་ཐོན་སྐབས་ཆར་པ་བཟང༌། |
| སྙེ་མར་མིག་བླུགས |
སྙེ་མ་མིག་བླུགས་དང་འདྲ། |
| སྙེ་མོ |
རྫོང་ཞིག་བོད་རང་སྐྱོང་ལྗོངས་ཀྱི་ལྷ་ས་གྲོང་ཁྱེར་གྱི་ནུབ་ངོས་ཡར་ཀླུངས་གཙང་པོའི་བྱང་རྒྱུད་དུ་ཡོད་ཅིང༌། རྫོང་མི་དམངས་སྲིད་གཞུང་དེ་དར་གྲོང་དུ་ཡོད། |
| སྙེ་མོ་བ |
བོད་ཀྱི་ཟློས་གར་ཚོགས་པ་ཞིག་སྟེ། སྔར་ཤངས་རི་བོ་རྩེ་པ་བར་གྲགས་པ་ལས། རྗེས་སུ་སྙེ་མོ་ལྷུན་གྲུབ་སྒང་པ་དང༌། བྱ་སྒོའི་མི་སེར་ཟེར་བའི་ཚོགས་ཆུང་གཉིས་སུ་མིང་དོན་གནས་འཕོས་པར་གྲགས། |
| སྙེ་མོ་ཡོན་བདག |
སྔར་བོད་ས་གནས་སྲིད་གཞུང་ནང་སྙེ་མོ་བའི་ཡིག་འབྲི་མཁན། |
| སྙེ་འབོལ |
1 རྒྱབ་སྙེ་སའི་འབོལ། 2 མགོ་འཇོག་སའི་སྔས་འབོལ། |
| སྙེ་རལ |
སྔོ་སྣེའུ་འམ་ཡུར་མོ། |
| སྙེ་ཤོག |
ཡུལ་སྙེ་མོ་ནས་ཐོན་པའི་ཤོག་བུ། |
| སྙེག |
(བྱེད་འབྲེལ་ལས་ཚིག་ད་ལྟ་བ) དམིགས་ཡུལ་ངེས་ཅན་གྱི་ཡུལ་ཞིག་ལ་འགྲོ་བའི་དོན་ཏེ། ཕ་ཡུལ་སྙེག་གིན་འདུག ཕ་ཡུལ་སྙེག་མཁན་ཞེས་པ་ལྟ་བུ། |
| སྙེག་པ |
ཐ་དད་པ བསྙེགས་པ། བསྙེག་པ། སྙེགས།། 1 འདེད་པ། གཅིག་རྗེས་གཅིག་སྙེག 2 གནས་འཕར་བར་བྱེད་པའམ། མཐོ་བར་བྱེད་པ། གོ་འཕང་མཐོར་སྙེག 3 རྗེས་སུ་འབྲང་བ། དཔུང་ཚོགས་ཀྱི་ནང་དུ་སྙེགས། |
| སྙེགས |
སྙེག་པའི་སྐུལ་ཚིག་ |
| སྙེང |
(བྱེད་འབྲེལ་ལས་ཚིག་ད་ལྟ་བ) འཇིགས་པ་བསྐྱེད་པའི་བརྡ་རྙིང་སྟེ། མ་འོངས་པར་བསྙེང་དང་། འདས་པ་ལ་བསྙེངས། སྐུལ་ཚིག་ལ་སྙེངས་འབྲི། དཔེར་ན། ཁ་ཕོ་འཐེན་ན་སྡར་མ་བསྙེངས་ལྟ་བུ། བརྐྱང་བའི་བརྡ་རྙིང་སྟེ། རྐང་བ་བསྙེངས་ལྟ་བུ། |
| སྙེང་བ |
1.ཐ་མི་དད་པ བསྙེངས་པ། བསྙེང་བ།། འཇིགས་པ། དཀའ་ངལ་ལ་བསྙེངས་ནས་ལས་དོན་བྱེད་འདོད་མེད་མཁན་གཅིག་ཀྱང་མེད་པར་གྱུར་སོང༌། 2.རྙིང རྐྱོང་བ་དང་རིང་དུ་སྲིང་བ། རྐང་ལག་སྙེང་བ། |
| སྙེངས |
སྙེང་ལ་ཚིག |
| སྙེད |
(ཚབ་ཚིག) ཚད་ངེས་བཟུང་མེད་པའི་དོན་ཏེ། ཇི་སྙེད། དེ་སྙེད། མི་ཇི་སྙེད་ཅིག ཟས་ཇི་སྙེད་ཅིག ཡོན་ཏན་ཇི་སྙེད་ཅིག་ཡོད་འདོད་ན། སློབ་སྦྱོང་དེ་སྙེད་ཅིག་བྱེད་དགོས་ལྟ་བུ། རྨེད་ཀྱི་འབྲི་ཚུལ་གཞན་ནམ་ཡུལ་སྐད། |
| སྙེད་ཀྱི་ཕོ་གུ |
སྒའི་རྨེད་འབོར། |
| སྙེད་ཆུང |
སྒའི་རྨེད་ཀྱི་རྨེད་ཧྲིལ་ལམ། ཚ་ཧྲིལ། |
| སྙེད་ཐག |
སྒའི་རྨེད་ཀྱི་ཐག་པ། |
| སྙེད་པ |
1.ཚད་ངེས་བཟུང་མེད་པའི་ཙམ་གྱི་དོན་སྟོན་པའི་ཕྲད་ཅིག ཇི་སྙེད་པ། དེ་སྙེད་ཅིག ངལ་རྩོལ་གྱི་ཡོན་ཏན་ཇི་སྙེད་ཅིག་དང་ལྡན་པ། 2.ལོ་གསུམ་ཡན་ལོན་པའི་ལུག |
| སྙེད་སྒྲོག |
སྒའི་ཕྱི་རུའི་ལྡེབས་སུ་རྨེད་སྒྲོག་བྱེད་ཀྱི་ཐག་པ་ཕྲ་མོ། |
| སྙེན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཐག་ཉེ་སར་བཏུད་པའི་དོན་ཏེ། གྲོགས་བཟང་བོ་ལ་ཉེ་བར་སྙེན། མི་ངན་པ་ལ་མ་སྙེན་ཞེས་པ་ལྟ་བུ། མ་འོངས་པ་དང་འདས་པ་ལ་བསྙེན་འབྲི། |
| སྙེན་པ |
ཐ་དད་པ བསྙེན་པ། བསྙེན་པ། སྙེན།། ཐག་ཉེ་སར་སླེབས་ནས་བསྟེན་པའམ་སྒྲུབ་པ། དགེ་རྒན་མང་པོ་བསྙེན་པ། སྔགས་སྙེན་པ། |
| སྙེན་སྲིང |
ཉེ་རིང༌། |
| སྙེམ |
(བྱེད་འབྲེལ་ལས་ཚིག་ད་ལྟ་བ)ཁེང་དྲེགས་ཀྱི་རྣམ་པ་བསྟན་པའི་དོན་ཏེ། ང་རྒྱལ་གྱིས་སྙེམ་པ་ཞེས་པ་ལྟ་བུ། |
| སྙེམ་པ |
ཐ་མི་དད་པ བསྙེམས་པ། བསྙེམ་པ།། ང་རྒྱལ་བྱེད་པ། ཡོན་ཏན་མེད་ཀྱང་ཡོད་པར་བསྙེམས་པ། ང་རྒྱལ་གྱིས་སྙེམ་པ། བསྙེམས་པའི་ཚུལ་བསྟན་པ། |
| སྙེམས |
སྙེམ་ལ་ལྟོས། |
| སྙེམས་ཆུང |
སེམས་ཆུང༌། |
| སྙེམས་པ |
1 ང་རྒྱལ་ལམ་དྲེགས་པ། སྙེམས་པས་གཞན་ལ་བརྙས་མི་བྱ། གཞན་ནོར་སྙེམས་པས་འཁྱེར་བ། 2 རྙིང ཉམ་ཆུང༌། |
| སྙེམས་བྱེད |
བདག་འཛིན་ལས་བྱུང་བའི་འཁྲུལ་སྣང་ཞིག་སྟེ། མྱོས་བྱེད་དམ་འཁྲུལ་བྱེད་ཀྱི་བདུད་ཅིག་གི་མིང༌། |
| སྙེམས་བྲལ |
སྤོབས་པ་དང་བྲལ་བ་སྟེ། སྤོབས་པ་མེད་པ། |
| སྙེའུ་སྒའུ |
སྒོག་པའི་རིགས་ཤིག |
| སྙེར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) གཉེར་མ་བསྡུས་པའི་དོན་ཏེ། བཞིན་རས་སྙེར། དཔྲལ་བ་སྙེར་ལྟ་བུ། |
| སྙེར་པོ |
གཉེར་མའམ་སུལ་ཉེར་པོར་སྡུད་ཚུལ། ཁྲོ་གཉེར་སྙེར་པོ་བསྡུས་པ། |
| སྙེར་བ |
ཐ་དད་པ བསྙེར་བ། བསྙེར་བ། སྙེར།། གཉེར་མ་སྡུད་པ། དཔྲལ་བ་བསྙེར་བ། ཁོང་ཁྲོ་སྐྱེས་ནས་གདོང་ཡང་རབ་ཏུ་བསྙེར། |
| སྙེར་སྙེར་པོ |
གཉེར་མའམ་སུལ་ཉེར་ཉེར་བྱེད་ཚུལ། སྟག་གིས་ཁ་ཡི་པགས་པ་སྙེར་སྙེར་པོར་བསྡུས་ནས་མཆོངས་སོང༌། |
| སྙེལ |
(བྱེད་འབྲེལ་ལས་ཚིག་ད་ལྟ་བ)རྗེད་པའི་དོན་ཏེ། ཚིག་དོན་དེ་སྙེལ་གྱིན་འདུག་ལྟ་བུ། མ་འོངས་པ་དང་འདས་པ་ལ་བསྙེལ་འབྲི། ཐུགས་ནས་མ་བསྙེལ། བསྙེལ་ཟིན་ལྟ་བུ། |
| སྙེས |
(བྱེད་འབྲེལ་སྐུལ་ཚིག) ཕར་བརྟེན་པའི་དོན་ཏེ། རྩིག་པ་ལ་ལུས་སྙེས། རྒྱབ་ངོས་གྱང་ལ་སྙེས་ལྟ་བུ། མ་འོངས་པར་བསྙེ་དང་ད་ལྟ་བར་སྙེ་འདས་པར་བསྙེས་འབྲི། |
| སྙེས་འབོལ |
མགོ་རྟེན་སའི་ཉལ་ཆས་ཀྱི་མིང་སྟེ། སྙེས་འབོག་ཀྱང་ཟེར། |
| སྙོག |
(བྱེད་འབྲེལ་ལས་ཚིག་ད་ལྟ་བ)ཆུ་དཀྲུགས་ནས་དྭངས་མོ་མིན་པའམ་གཙང་མ་མིན་པར་བྱས་པའི་དོན་ཏེ། ཆུ་སྙོག་མཁན། སྙོག་གིན་འདུག་ལྟ་བུ། 2.ད་ལྟ་བ་སྟེ། བུ་ལོན་སྙོག་མཁན་ཞེས་པ་ལྟ་བུ། |
| སྙོག་པ |
ཐ་དད་པ 1)བསྙོགས་པ། བསྙོག་པ། སྙོགས།། དཀྲུག་པ། ཁྲོན་པའི་ཆུ་མ་སྙོག ཁོང་ཁྲོ་བསླངས་ནས་སེམས་བསྙོགས་པ། བསྙགས་པ། བསྙག་པ། སྙོགས།། འདེད་པ། བུ་ལོན་དུས་ཐོག་ཏུ་སྤྲོད་མ་ཐུབ་པས་སྙོག་མཁན་ཡང་ཡང་ཡོང་བ། |
| སྙོག་མ |
ཆུའི་ནང་དུ་འདྲེས་པའི་དངོས་རྫས་གཞན་ཏེ། སྙོག་མ་དྭངས་པར་བྱས། ཆུའི་སྙོག་མ་ཞེས་པ་ལྟ་བུ། བསྙག་གི་ད་ལྟ་བ། |
| སྙོགས |
སྐུལ་ཚིག་སྟེ། ཕ་ཡུལ་སྙོགས་ཤིག་ལྟ་བུ། སྐུལ་ཚིག་ལ་སྙེགས་འབྲི་བའང་ཡོད། རྗེས་སུ་ཕྱིན་པའི་དོན་ཏེ། ལུ་གུས་མ་མོའི་རྗེས་བསྙེགས་ལྟ་བུ། ０སླེབས་པའི་དོན་ལ་འཇུག་པ་ནི། རི་མཐོན་པོའི་རྩེ་མོ་དགུང་ལ་བསྙེགས་ལྟ་བུ། 2.2.བྱིས་པ།… |
| སྙོངས |
བྱུག་པ་དང་བསྐུ་བའི་བརྡ་རྙིང་། |
| སྙོད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག)བུ་ཆུང་སོགས་ལ་ཟས་བྱིན་ནས་ཟ་རུ་འཇུག་པ་སྟེ། བུ་ཆུང་འོ་མས་སྙོད་ཀྱིན་འདུག བུ་སྙོད་མཁན་བུ་ཆུང་སྙོད་ཅིག་ལྟ་བུ། |
| སྙོད་པ |
ཐ་དད་པ 1)བསྙད་པ། བསྙད་པ། སྙོད།། འཆད་པ། རྨི་ལམ་སྙོད་པ། ལོ་རྒྱུས་སྙོད་པ། དྲང་གཏམ་བསྙད་པ། བསྙོད་པ། བསྙོད་པ། སྙོད།། 1 གསོ་བ་དང༌། བཟའ་བཏུང་ཁའི་ལྕེ་རྩེ་ནས་ཁར་འཇུག་པ། བྱིའུ་ཟས་ཀྱིས་བསྙོད་དེ་ཆེར་གྱུར་པ། འོ་མས་ཕྲུ་གུ་སྙོད་པ། 2 ཕྲ་སྦོམ་སྙོམས་པོར་བྱེད་པ། བལ་སྐུད་སྙོད་པ། |
| སྙོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) འཇུན་པའི་དོན་ཏེ། རང་བྱས་ཀྱི་ཉེས་པ་སྙོན་མི་རུང་། མངོན་སུམ་ལ་སྙོན་མཁན། སྙོན་ཅིག་ལྟ་བུ། |
| སྙོན་དོར |
མ་ཉེས་ཁ་གཡོགས། |
| སྙོན་པ |
ཐ་དད་པ བསྙོན་པ། བསྙོན་པ། སྙོན།། ཧམ་རྩོད་བྱེད་པ། དང་པོར་མེད་པ་ལ་རྗེས་མར་ཡོད་ཅེས་བསྙོན་པ། བདག་གིས་མ་བྱས་ཀྱང་བྱས་སོ་ཞེས་བསྙོན་བྱུང༌། |
| སྙོན་མོངས |
རྙིང ཉོན་མོངས། |
| སྙོན་མོངས་པ |
རྙིང སྡུག་བསྔལ་བ། |
| སྙོབ |
(བྱེད་འབྲེལ་ལས་ཚིག་ད་ལྟ་བ)ལག་བསྲིངས་ནས་དངོས་རྫས་ལེན་པ་སྟེ། ལག་པ་སྙོབ་མཁན་ཟས་ལ་ལག་པ་སྙོབ་པར་བྱེད་ལྟ་བུ། |
| སྙོབ་པ |
ཐ་དད་པ བསྙབས་པ། བསྙབ་པ། སྙོབས།། ལག་པ་བརྐྱངས་ནས་ལེན་པའམ་འཛིན་པ། ཟས་ལ་སྙོབ་པ། ཤིང་འབྲས་ལག་པས་བསྙབས་ནས་འཐོག་པ། སྙོབ་པའི་ལག་པ་སུ་རིང་མ་བྱེད། |
| སྙོབས |
སྐུལ་ཚིག་སྟེ། ལག་པ་སྙོབས་ཤིག་ལྟ་བུ། |
| སྙོབས |
སྙོབ་ལ་ལྟོས། |
| སྙོམ |
(བྱེད་འབྲེལ་ལས་ཚིག་ད་ལྟ་བ) ངོས་མི་མཉམ་པ་མཉམ་པར་བྱེད་པ་སྟེ། ས་འབུར་སྙོམ་མཁན། ས་ཞིང་སྙོམ་གྱིན་འདུག་ལྟ་བུ། |
| སྙོམ་པ |
1.ཐ་དད་པ བསྙམས་པ། བསྙམ་པ། སྙོམས།། མཉམ་པར་བྱེད་པ། རིང་ཐུང་བསྙམས་པ། མང་ཉུང་བསྙམས་པ། སྒང་གཤོང་བསྙམ་པ། 2.རྙིང གཡེལ་བ། |
| སྙོམ་པོ |
ཆ་མཉམ་པ། བགོ་བཤའ་སྙོམ་པོ་བརྒྱབ་ན་རྩོད་པ་མི་ཡོང༌། |
| སྙོམ་ལས |
ལེ་ལོའི་བྱེ་བྲག་བདེ་བར་ཞེན་ནས་བརྩོན་མི་ནུས་པ་སོགས། ཁོ་མི་དར་མ་ཡིན་ཡང་སྙོམ་ལས་མཁན་ཞིག་རེད། |
| སྙོམ་ལས་ཀྱི་ལེ་ལོ |
ཆོས་ཉན་པ་དང་བསམ་པ་དང་བསྒོམ་པ་ལ་སོགས་པ་མི་བྱེད་པར། ཉལ་བ་དང་འཕྲོས་པ་ལ་སོགས་པར་འབད་པ། |
| སྙོམ་ལས་པ |
ལེ་ལོ་ཅན། མིང་གི་རྣམ་གྲངས་ལ་སྙོམ་ལས་ཅན་དང༌། བློ་ཆུད་ཟོས། ལེ་ལོ་ཅན་བཅས་སོ། |
| སྙོམ་ལས་པ |
མི་ལེ་ལོ་ཅན། |
| སྙོམས |
སྐུལ་ཚིག་སྟེ། ས་ཐང་སྙོམས་ཤིག་ལྟ་བུ། ཚད་མཉམ་པར་བྱེད་པ་སྟེ། རིང་ཐུང་བསྙམས། ཆེ་ཆུང་སྙོམ་ལྟ་བུ། 2.སྙོམ་གྱི་སྐུལ་ཚིག (རྒྱན་ཚིག) ཚད་འདྲ་བའམ་ཡོ་གཟུར་མེད་པའི་དོན་ཏེ། ཆ་སྙོམས་པོ། སྙོམས་སེམས། བཏང་སྙོམས། འགྲང་ལྟོགས་སྙོམས་པས་ལུས་ཕུང་བདེ་ཞེས་པ་ལྟ་བུ། |
| སྙོམས་ཆུང |
ཉམ་ཆུང་ངམ་འཁོས་ཆུང༌། སྙོམས་ཆུང་ཚུལ་ལྡན། |
| སྙོམས་པ |
མཉམ་པ་སྟེ། བར་མ་དང༌། སྤང་བླང་མེད་པའམ། ཉོན་མོངས་མེད་པ། ཁོད་སྙོམས་པ། བཏང་སྙོམས། བསོད་སྙོམས། མགོ་སྙོམས། སྙོམས་ཤིང་དྲང་བ། འགྲང་ལྟོགས་སྙོམས་པ། |
| སྙོམས་པར་ཞུགས་པ |
1 ཏིང་ངེ་འཛིན་ལ་མཉམ་པར་བཞག་པ། 2 འཁྲིག་སྦྱོར། |
| སྙོམས་པར་འཇུག་པ |
1 ཏིང་ངེ་འཛིན་ལ་མཉམ་པར་འཇོག་པ། 2 འཁྲིག་པ། |
| སྙོམས་པར་འཇུག་པའི་བསམ་གཏན |
འདུ་ཤེས་མེད་པའི་སྙོམས་འཇུག་ལ་གནས་པའི་སེམས་ཀྱི་ཏིང་ངེ་འཛིན། |
| སྙོམས་པར་འཇུག་པའི་རོ |
ཏིང་ངེ་འཛིན་ལ་སྙོམས་པར་འཇུག་པའི་སྐབས་ཀྱི་དགའ་བདེའི་རོ། |
| སྙོམས་པོ |
སྙོམས་པ་དང་འདྲ། |
| སྙོམས་འཇུག |
སམཱཔཏྟིཿ བསམ་གཏན་གྱི་སས་བསྡུས་པའི་ལུས་ཀྱི་འབྱུང་བ་ཆེན་པོའམ་སེམས་སེམས་བྱུང་དམིགས་པ་ལ་ཆ་མཉམ་དུ་བྱེད་པའི་ཆ་ནས་བཞག་པའི་སེམས་རྩེ་གཅིག་པ། |
| སྙོམས་འཇུག་གཉིས |
མཐར་གྱིས་གནས་པའི་སྙོམས་འཇུག་གཉིས་ཏེ། འགོག་པའི་སྙོམས་འཇུག་དང༌། འདུ་ཤེས་མེད་པའི་སྙོམས་འཇུག |
| སྙོམས་འཇུག་པ |
མུ་སྟེགས་རྒྱང་འཕེན་པའི་གྲུབ་མཐའི་ནང་གསེས་ཤིག |
| སྙོམས་འཇུག་བཞི |
གཟུགས་མེད་སྐབས་ཀྱི་སྙོམས་འཇུག་བཞི་སྟེ། ནམ་མཁའ་མཐའ་ཡས་སྐྱེ་མཆེད་དང༌། རྣམ་ཤེས་མཐའ་ཡས་སྐྱེ་མཆེད་དང༌། ཅི་ཡང་མེད་པའི་སྐྱེ་མཆེད་དང༌། ཡོད་མིན་མེད་མིན་སྐྱེ་མཆེད་དེ་གཟུགས་མེད་པའི་སྙོམས་པར་འཇུག་པ་བཞི་ཞེས་གཟུགས་མེད་པའི་ཁམས་སུ་མིང་བཞིའི་ཕུང་པོར་རང་དབང་དུ་གནས་བཞིར་རྩེ་གཅིག་ཏུ་འཇུག་པ། |
| སྙོམས་སེམས |
1 ཆགས་སྡང་མེད་པའི་བཏང་སྙོམས་ཀྱི་སེམས། 2 རྙིང ཐེ་ཚོམ། |
| སྙོར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བདག་སྐྱོང་བྱེད་པ་སྟེ། བྱིས་པ་སྙོར་མཁན། བྱིས་པ་སྙོར་གྱིན་ཡོད། བུ་ཆུང་སྙོར་ཅིག་ལྟ་བུ། |
| སྙོར་བ |
ཐ་དད་པ བསྙོར་བ། བསྙོར་བ། སྙོར།། 1 གཞུ་བ། ཕྲུ་གུར་ཉེས་སྐྱོན་བྱུང་བ་ཙམ་གྱིས་མ་སྙོར། 2 འོག་ཏུ་རྫི་བ་དང་བརྡལ་བའམ་བཤིག་པ། རྟའི་རྐང་ལག་འོག་ཏུ་ཁྱི་གཅིག་བསྙོར་ཏེ་བསད་པ། འབྲུའི་ཕུང་པོ་བསྙོར་ནས་འབོ་ལ་གཤོར་བ། 3 བདག་སྐྱོང་བྱེད་པ་དང༌། ཉམས་རྒུད་སླར་གསོ་བྱེད་པ། བྱིས་པ་སྙོར་བ། ནད་པ་སྙོར་བ། |
| སྙོལ |
སྐུལ་ཚིག་སྟེ། སྙོལ་ཅིག་ལྟ་བུ། ཕྱེ་དང་ཆང་སོགས་ལ་སྐྱུར་རྩི་དང་ཕབ་བཏབ་སྟེ་དྲོ་སར་བཞག་ནས་ལས་སྣོན་བྱེད་པའི་དོན་ཏེ། ཞོ་སྙལ། ཆང་སྙལ་ལྟ་བུ། ０མར་བསྒྱེལ་བའི་དོན་ཏེ། སྨན་འཐུངས་ནས་ནད་ཀྱི་འགོ་སྙལ་གྱིན་འདུག ཤིང་སྡོང་ས་ལ་བསྙལ་ལྟ་བུ། |
| སྙོལ་ཏང |
སྙོལ་རྫ་དང་དོན་གཅིག་ |
| སྙོལ་བ |
ཐ་དད་པ བསྙལ་བ། བསྙལ་བ། སྙོལ།། 1 སྐྱུར་རྩིའམ་ཕབ་བཏབ་སྟེ་ཞོ་ཆང་སོགས་ཆགས་སུ་འཇུག་པ། ཆང་བསྙལ་བ། ཞོ་བསྙལ་བ། གྲོ་ཞིབ་སྙོལ་བ། 2 ཉལ་དུ་འཇུག་པ། ཕྲུ་གུ་མལ་དུ་བསྙལ་ཡོད། 3 མར་སྒྱེལ་བ། སྨན་བཏང་ནས་ནད་གཞིའི་འགོ་བསྙལ་བ། ཤིང་སྡོང་ས་ལ་བསྙལ་བ། ཞེ་སྡང་བསྙལ་བ། སྤུ་སྙོལ་བ། བྱིངས་མ་བསྙལ་བ། |
| སྙོལ་རྫ |
ཡུལ ཆང་སྙོལ་བྱེད་ཀྱི་རྫ་ཁོག |
| སྟ |
སྟ་རེ་ཞེས་པའི་ཚིགས་བསྡུས་པ། |
| སྟ་གོན |
གྲ་སྒྲིག་གམ་འོག་གྲབས། ལས་ཀ་བྱེད་རྒྱུའི་སྔོན་དུ་གང་དགོས་སྟ་གོན་བྱེད་དགོས། བདག་གིས་སྟ་གོན་བྱས་ཟིན་ཡོད་པ། |
| སྟ་གོན་གྱི་ཆོ་ག |
རྡུལ་ཚོན་གྱི་དཀྱིལ་འཁོར་དུ་དབང་བསྐུར་བའི་ཆོ་གའི་ནང་གསེས་ཤིག་སྟེ། དཀྱིལ་འཁོར་དང་སློབ་མའི་ལས་ལ་ཐོད་རྒལ་དུ་མི་འཇུག་པའི་རིམ་པ་ས་ཡི་ལྷ་མོ་སྟ་གོན་དང༌། དཀྱིལ་འཁོར་གྱི་ལྷ་སྟ་གོན། བུམ་པ་སྟ་གོན། སློབ་མ་སྟ་གོན་རྣམས་སོ། |
| སྟ་གྲི |
ཤིང་གཅོད་བྱེད་ཀྱི་ལག་ཆ་ཞིག དགྲ་སྟ། |
| སྟ་དངོ |
སྟ་རེའི་ཁའམ་སོ། |
| སྟ་མ་སྟེའུ |
ཤིང་བཟོས་ཤིང་གཞོག་བྱེད་ཀྱི་ཡོ་བྱད་ཅིག་གི་མིང་། |
| སྟ་ཟུར |
དཔྱི་འགོ། མིང་གི་རྣམ་གྲངས་ལ་སྐེད་སྨད་དང༌། ནོག་ཤ་ཅན། དཔྱི་མགོ་བཅས་སོ། |
| སྟ་རེ |
ཤིང་གཅོད་བྱེད་ཀྱི་ཡོ་བྱད་ཅིག་གི་མིང་། འདི་ལ་སྟ་གྲི་དང་སྟ་རི་ཞེས་འབྲི་བའང་ཡོད། ཚིག་བསྡུས་ན་སྟ་ཞེས་འབྲི་ཆོག་སྟེ། སྟ་ཁ། སྟ་ལྟག སྟ་ཡུ་ཞེས་པ་ལྟ་བུ། |
| སྟ་རེ་ཁ |
ལྟག་རལ་དང༌། མཚོག་གསང་ལྟ་བུ་རུས་པ་སྲབ་མོའི་སྟེང་གི་གཏར་རྩ་རྣམས་གཏར་སྐབས་རུས་པ་ལ་སྐྱོན་མི་འབྱུང་བའི་ཆེད་དུ་གཙག་བུ་སྟ་རེའི་ཁ་འདྲ་བ་སོ་ལེབ་མོ་ཅན་ཞིག |
| སྟ་རེ་ལ |
བོད་རང་སྐྱོང་ལྗོངས་ཀྱི་ལྷ་རི་རྫོང་གི་ནུབ་རྒྱུད་དུ་ཡོད། དེའི་མཐོ་ཚད་རྒྱ་མཚོའི་ངོས་ནས་སྨི་5242 ཡོད། |
| སྟ་རེ་སོ་གཉིས་མ |
སྟ་རེ་མདུན་རྒྱབ་གཉིས་ཀར་སོ་ཡོད་པ། |
| སྟག |
1 གཅན་གཟན་སྟག སྟག་གི་ང་རོ། སྟག་ལྟོགས་ཀྱང་རང་ཤ་མི་ཟ། མིང་གི་རྣམ་གྲངས་ལ་ངར་སྐད་ཅན་དང༌། གཅན་གཟན་ཁྲ་བོ། བརྟུལ་ཕོད་ཅན། དྲི་སྣོམ། ནགས་ཀྱི་ཤྭ་ན། པགས་བཀྲ་ཅན། འཚེ་བྱེད། ལུས་བཀྲ་བཅས་སོ། 2 ལོ་འཁོར་བཅུ་གཉིས་ཀྱི་ཡ་གྱལ་ཞིག ལྕགས་སྟག་ལོ་པ། |
| སྟག་གཟིག |
1སྟག་དང་གཟིག་ཅེས་པའི་ཚིག་བསྡུས་པ། 2ཏ་ཟིག་ཅེས་པའི་འབྲི་ཚུལ་གཞན། བོད་ཀྱི་རུས་ཤིག ０ལོ་འཁོར་བཅུ་གཉིས་ཀྱི་ནང་གི་གསུམ་པ། |
| སྟག་གཟིག་ག་བུར |
ག་བུར་རིགས་གསུམ་གྱི་ནང་ཚན་ཤིང་ཀཉོར༄༅་ཞེས་པ་ལས་བྱུང་བར་གྲགས་པའི་ག་བུར་མདོག་སེར་ལ་སུལ་མང་བ་ནུས་པ་བསིལ་འབྲིང་ཙམ་ཞིག |
| སྟག་གསོད་ས་མདའ |
སྟག་གསོད་བྱེད་ཀྱི་ས་མདའ། |
| སྟག་གྲུ་ཁ |
གྲུ་ཁ་ཞིག་བོད་རང་སྐྱོང་ལྗོངས་ཀྱི་གཞིས་ཀ་རྩེའི་ཤར་རྒྱུད་ཡར་ཀླུངས་གཙང་པོའི་ཁ་རུ་ཡོད། |
| སྟག་ཆུང་དམར་ཁྲ |
འབུ་བྱང་པ་དམར་ཁྲའི་མིང་གི་རྣམ་གྲངས་ཤིག |
| སྟག་ཐུལ |
སྟག་ལྤགས་ལས་བཟོས་པའི་གོས། |
| སྟག་དོང |
སྟག་ལྤགས་ལས་བཟོས་པའི་མདའ་དོང༌། གཡས་སྟག་དོང་ནང་ནས་མདའ་མོ་བླངས། |
| སྟག་པ |
ལོ་མ་ལྟུང་བའི་ཤིང་སྡོང་ངམ་ཤིང་ཕྲན་རིགས་ཤིག་ཡིན་ཞིང་ཤིང་ཤུན་དཀར་བོ་དང་སྐྱ་བོ། སེར་བོ། ནག་པོ་སོགས་ཡོད། སྟག་པའི་ཤིང་ནི་ཤིང་རྐོས་རྒྱག་པ་དང་ཤིང་ཕོར་བཟོ་བྱེད་ཀྱི་ཤིང་ཆ་བཟང་བོ་ཞིག་ཡིན། |
| སྟག་པ་ཤིང |
ཤིང་མཁྲེགས་པོ་ཡིག་གཟུགས་སྦྱོང་སའི་གཞི་བྱས་ཆོག་པ་ཞིག མིང་གི་རྣམ་གྲངས་ལ་གྲོ་ག་དང༌། གདུགས་ཁེབས། པགས་པ་ཅན། པགས་པ་མཉེན། ཡི་གེའི་གཞི་ཅན། རེ་ཁའི་འདབ། ཤུན་པ་འཇམ་བཅས་སོ། |
| སྟག་ཕྲུག |
སྟག་གི་ཕྲུ་གུ། སྟག་གི་ཚང་དུ་མ་ཞུགས་ན། སྟག་ཕྲུག་ལག་ཏུ་ཅི་ལ་ཐེབས། |
| སྟག་བཙན་གདོང་གཟིགས |
ཁྲི་སྲོང་ལྡེ་བཙན་སྐབས་ཀྱི་བློན་པོ་ཞིག་སྟེ་འཕྲུལ་བློན་མཛངས་མི་བདུན་གྱི་ཡ་གྱལ་ཞིག་བོད་ཀྱི་དེབ་ཐེར་ནང་དུ་ཁོང་གིས་མངའ་འབངས་ཀྱི་ཁྱིམ་རེ་ལ་རྟ་རེ་དང་གཡག་རེ། མཛོ་མོ་རེ། བ་གླང་རེ་གསོ་དགོས་པའི་གཏན་འབེབས་བྱས་ཤིང༌། དབྱར་ཁར་རྩྭ་བརྔས་ནས་བསྐམས་ཏེ་དགུན་ཐོག་སྟེར་རྒྱུའི་སྲོལ་གཏོད་པ་པོ་ཡིན་ཞེས་བཀོད་དོ། |
| སྟག་བུ་སྙ་གཟིགས |
སྟག་རི་གཉན་གཟིགས་ཀྱི་མཚན་གཞན་ཞིག་ |
| སྟག་མ |
རྒྱུན་དུ་སྔོ་བའི་ཤིང་ཕྲན་ཞིག་ཡིན། སྡོང་ཤིང་གི་མཐོ་ཚད་ལ་སྨིས1—2བར་ཡོད། ཤིང་ཤུན་ནག་སྐྱ་འཕྲེད་ལ་གས་ཡོད། ལྕུག་མ་ལྗང་སྐྱ་གཉེར་མ་ཅན། ལོ་མ་ལྗང་ཞིང་མཐུག ། མེ་ཏོག་དམར་སྐྱ་སེ་འབྲུ་ལྗང་གུ་ཡིན། ཡུལ་སྐད་དུ་སྟག་མ་འོ་སྒྱོ་ཟེར། དེའི་ལོ་མ་དང་མེ་ཏོག་ནི་སྨན་དུ་བྱེད་ཆོག |
| སྟག་མགོ་མེ་འབར |
རེས་འགའ་ལྷོ་ཕྱོགས་ནས་འཆར་བའི་གཟའ་ཞིག་སྒྲ་གཅན་གྱི་སྤྲུལ་བར་གྲགས། |
| སྟག་མགོ་སྦྲུལ་མཇུག |
ལས་འགོ་བཟང་ལ་ལས་མཇུག་ཞན་པའི་དཔེ། |
| སྟག་མའི་མེ་ཏོག |
ཤིང་སྨན་གྱི་རིགས་ཤིག་སྟེ། རོ་ཁ། ནུས་པས་བྱང་ཁོག་ནང་གི་རྣག་ཁྲག་སྐེམ། |
| སྟག་མོ |
སྟག་ཕོ་མོ་གཉིས་སུ་ཕྱེ་བའི་མོ། དཔའ་བོ་སྟག་མོ་ཡི་ངར་སྒྲས། སྡར་མ་ཝ་ཡི་སྙིང་རྩ་འགས། |
| སྟག་ཚང |
1 གཅན་གཟན་སྟག་གི་ཚང༌། 2 གནའ་རབས་བོད་ཀྱི་རིགས་རུས་ཤིག |
| སྟག་ཚང་ལོ་ཙཱ་བ |
རབ་བྱུང་བདུན་པའི་ཤིང་བྱ་ལོར་འཁྲུངས། མཚན་དངོས་ལ་ཤེས་རབ་རིན་ཆེན་ཟེར། 1405 |
| སྟག་ཚེར |
ཀཎྚ་ཀ་རི་དཀར་སྨུག་གཉིས་ཀྱི་ནང་ཚན་སྨུག་པོའི་མིང་གི་རྣམ་གྲངས་ཤིག |
| སྟག་ཞུམ |
ནང་ཁུལ་དུ་སྟག་ལྟར་ངར་ཞིང་ཕྱི་རོལ་ཏུ་ཞུམ་བུ་ལྟར་འཇམ་པའི་མི་སྙིང་མེད་ཀྱི་དཔེ། ཕྱི་དགྲར་འཇམ་ཞིང་ནང་དུ་རྫིག་རྫིག་གཏོང་མཁན་སྟག་ཞུམ་ཞིག |
| སྟག་ཟླ |
ཧོར་ཟླ་དང་པོ། |
| སྟག་འདྲ་གཟིག་འདྲ |
དཔའ་རྩལ་ཅན་གྱི་དཔེ། བུ་དཔའ་བོ་སྟག་འདྲ་གཟིག་འདྲ་གདའ། |
| སྟག་རལ |
མདའ་ཤུབས་ཀྱི་བརྡ་རྙིང་། |
| སྟག་རི་གཉན་གཟིགས |
སྟག་བུ་སྙ་གཟིགས་ཀྱང་ཟེར། འབྲོང་གཉན་ལྡེ་རུ་དང་མཆིམས་བཟའ་ཀླུ་རྒྱལ་ངན་བུ་མཚོ་གཉིས་ཀྱི་སྲས། དམུས་ལོང་དཀོན་པ་བཀྲ་ཤིས་ཞེས་བྱ་བ་དེ་ཡིན། བོད་རྒྱལ་གདུང་རབས་སོ་གཅིག་པ་ཡིན་ལ། ཕྱིས་སུ་ཕའི་ཁ་ཆེམས་བཞིན་དུ་གཉན་པོ་གསང་བ་མཆོད་ཅིང༌། འ་ཞའི་ཡུལ་ནས་སྨན་པ་ཞིག་བོས་ནས། མིག་ལ་སྨན་དཔྱད་བྱས་པས་མིག་ཕྱེ་སྟེ། སྐྱིད་ཤོད་སྟག་མོའི་རི་ལ་གཉན་འདུག་པ་གཟིགས་པས། སྟག་རི་གཉན་གཟིགས་སུ་གྲགས། འདིའི་རིང་ལ་འ་ཞ་ལ་སོགས་པའི་རྒྱལ་ཁབ་ཆུང་བ་མང་པོ་ཞིག་དང༌། ཉང་སྦས་གནོན་གསུམ་འབངས་སུ་ཆུད། བྲེ་དང་སྲང་བཅོས་ནས་ཚོང་ཁྲོམ་སོགས་དར་རྒྱས་བྱུང་ཞེས་བཤད་དོ། |
| སྟག་རུས |
སྲོག་ཆགས་སྨན་གྱི་རིགས་ཤིག་སྟེ། རོ་ཚ། ཞུ་རྗེས་དྲོད། ནུས་པས་ལྷ་བ་དང༌། ཆུ་རྒྱུས་གསོ། ཐལ་བས་སྐྲན་ནད་བཤིགས། |
| སྟག་རྐྱལ་མཚོ |
བོད་རང་སྐྱོང་ལྗོངས་ཀྱི་ངམ་རིང་རྫོང་གི་ནུབ་རྒྱུད་དུ་ཡོད་པའི་མཚོ་ཞིག |
| སྟག་རྩེ |
རྫོང་ཞིག་བོད་རང་སྐྱོང་ལྗོངས་ཀྱི་ལྷ་ས་གྲོང་ཁྱེར་གྱི་ཤར་ངོས་སྐྱིད་ཆུའི་འགྲམ་དུ་ཡོད་ཅིང༌། རྫོང་མི་དམངས་སྲིད་གཞུང་དེ་བདེ་ཆེན་དུ་ཡོད། |
| སྟག་རྩེ་དགོན |
བོད་རང་སྐྱོང་ལྗོངས་ཀྱི་ཉང་ཁྲི་རྫོང་ཁོངས་ཀྱི་བོན་གྱི་དགོན་པ་ཞིག |
| སྟག་རྩེ་མཚོ |
བོད་རང་སྐྱོང་ལྗོངས་ཀྱི་ཤན་རྩ་རྫོང་གི་དབུས་རྒྱུད་དུ་ཡོད་པའི་མཚོ་ཞིག |
| སྟག་རྫབ |
ཕོར་པ་བཟོ་བྱེད་ཤིང་སྟག་མའི་རྫབ། |
| སྟག་ལུང |
ས་མིང་ཞིག་བོད་རང་སྐྱོང་ལྗོངས་ཀྱི་སྣ་དཀར་རྩེ་རྫོང་གི་དབུས་རྒྱུད་དུ་ཡོད། |
| སྟག་ལུང་ཐང་པ་བཀྲ་ཤིས་དཔལ |
འགྲོ་མགོན་ཕག་གྲུ་པའི་སློབ་མ་རབ་བྱུང་གཉིས་པའི་ཆུ་ཕོ་ཁྱི་ཡི་ལོ་ལ་འཁྲུངས་ཤིང༌། གདུང་གྭ་ཟི། དགུང་ལོ་ཉེར་བཞིའི་དུས་སུ་ཕག་མོ་གྲུ་པའི་ཉེ་གནས་མཛད། ཐུགས་རྩིས་ཆེ་ཞིང་གདམས་པ་རྫོགས་པར་གནང༌། ཕག་གྲུ་གཤེགས་ནས་མལ་གྲོ་མཆད་ཀ་པ་ལས་བཀའ་གདམས་གསན། དགུང་ལོ་སོ་དགུ་པ་ལ་པོ་ཏོ་བའི་བཞུགས་ཤུལ་དུ་སྟག་ལུང་དགོན་པ་བཏབ། དེ་ནས་བཟུང་སྟག་ལུང་བཀའ་བརྒྱུད་ཅེས་པ་བྱུང་ཞིང་འདུལ་བའི་ཕྱག་ལེན་ཞིབ་པར་མཛད་པས་གྲྭ་རྒྱུན་རྣམས་ཀྱིས་ཀྱང་དེའི་རྗེས་སུ་དམ་པོར་འཛིན་པར་གྲགས། དགུང་ལོ་དྲུག་ཅུ་རེ་དགུ་པ་རྟ་ལོ་ལ་གཤེགས། 11421210 |
| སྟག་ལུང་དགོན་པ |
རབ་བྱུང་གསུམ་པའི་ལྕགས་བྱི་ལོ་ལ་སྟག་ལུང་ཐང་པ་བཀྲ་ཤིས་དཔལ་གྱིས་བཏབ་པའི་ལྷ་སའི་བྱང་ཕྱོགས་སུ་ཡོད་པའི་དགོན་པ་ཞིག 1180 |
| སྟག་ལུང་བཀའ་བརྒྱུད |
ཕག་མོ་གྲུ་པའི་སློབ་མ་སྟག་ལུང་ཐང་པ་བཀྲ་ཤིས་དཔལ་ནས་བརྒྱུད་པའི་བཀའ་བརྒྱུད། དེའི་ཡང་སློབ་སངས་རྒྱས་དབོན་ཁམས་སུ་བྱོན་ནས་རབ་བྱུང་ལྔ་པའི་མེ་བྱི་ལོར་རི་བོ་ཆེའི་དགོན་པ་བཏབ། དེ་ནས་བཟུང་སྟག་ལུང་ཡ་ཐང་མ་ཐང་གཉིས་སུ་གྱེས། ལུགས་དེའི་ལོ་རྒྱུས་ཆོས་འབྱུང་ངོ་མཚར་རྒྱ་མཚོ་ཞེས་བྱ་བར་གསལ། |
| སྟག་ལུང་འགྲེལ་ཆེན |
ཆོས་རྗེ་སྟག་ལུང་ཐང་པ་བཀྲ་ཤིས་དཔལ་གྱིས་མཛད་པའི་ཕྱི་མ་རྒྱུད་ཀྱི་འགྲེལ་པ་རྒྱས་པ་ཞིག |
| སྟག་ལུང་སྒང |
སི་ཁྲོན་ཞིང་ཆེན་གྱི་རྔ་བ་བོད་རིགས་རང་སྐྱོང་ཁུལ་གྱི་རྔ་བ་རྫོང་གི་རི་བོ་ཞིག |
| སྟག་ལོ |
1 ལོ་སྐོར་བཅུ་གཉིས་ཀྱི་གཅིག 2 སྟག་ཚང་ལོ་ཙཱ་བ། |
| སྟག་ལོ་གཞོན་ནུ་བརྩོན་འགྲུས |
འབྲོག་མི་ཤཱཀྱ་ཡེ་ཤེས་དང་འགྲོགས་ཏེ་རྒྱ་བལ་དུ་སློབ་གཉེར་བྱས། སྟག་ལོ་ལྷ་ཁང་བརྩིགས། |
| སྟག་ལྤགས |
སྟག་གི་པགས་པ། དགྲ་སྟག་ལྤགས་གཉིས་དེ་མགོ་ནས་མཉེད། |
| སྟག་ཤ |
ལོ་མང་སྐྱེ་བའི་རྩྭ་ལྡུམ་གཞུང་རྟ་མེད་པ་ཞིག་ཡིན་ཞིང་ཁུ་བ་འབྱར་བག་ཅན་འོངས། མེ་ཏོག་དམར་སྨུག་འབྲས་བུ་ཟོར་བའི་དབྱིབས་ཅན་གྱི་ནང་ན་ས་བོན་སྙིང་དབྱིབས་ཅན་ཉི་ཤུ་ཡས་མས་ཡོད། ལྡུམ་བུ་སྟག་ཤ་ཡང་ཟེར། རྩྭ་ཡོངས་རྫོགས་སྨན་བྱེད་ཆོག གཅན་གཟན་སྟག་གི་ཤ |
| སྟག་ཤམ |
སྟག་ལྤགས་ཀྱི་ཤམ་ཐབས། |
| སྟག་ཤར |
སྐྱེས་པ་དར་མ། སྟག་ཤར་གཞོན་པ། སྟག་ཤར་དཔའ་བོ། |
| སྟག་ཤུན |
འབྲུག་དང་སྤྲིན་པའི་རི་མོ་ཅན་གྱི་གོས་ཆེན་རྒྱུ་ཅུང་ཟད་རྩིང་བ་ཞིག |
| སྟག་སེང་ཁ་འཕྲོད |
ཕོ་རྒོད་པོ་འདྲ་འདྲ་གཉིས་ཁ་འཕྲོད་དུ་ཡོད་པའི་དཔེ། |
| སྟག་སེང་ཁྱུང་འབྲུག |
སྡེར་ཆགས་ཀྱི་ནང་ནས་དཔའ་བའམ་རྔམ་པ་བཞི། |
| སྟག་སྟན |
ཁ་གདན་གྱི་བྱེ་བྲག་སྟེ་སྟག་ལྤགས་ཀྱི་གདན། |
| སྟག་སྟོད |
སྟག་ལྤགས་ལས་བཟོས་པའི་སྟོད་གོས་ཀྱི་བྱེ་བྲག་ཅིག་སྟེ་གནའ་དུས་གཡུལ་འགྱེད་ཀྱི་དཔའ་བོ་ལ་བྱ་དགར་གནང་རྒྱུའི་གོས་ཤིག |
| སྟག་སྣེད |
ལུས་བསྣད་པ་སྒུར་འཁྱོག་ཅན། |
| སྟག་སྨད |
སྟག་ལྤགས་ལས་བཟོས་པའི་ཤམ་ཐབས་བྱེ་བྲག་པ་ཞིག་སྟེ་གནའ་དུས་གཡུལ་འགྱེད་དཔའ་བོ་ལ་བྱ་དགའ་གནང་རྒྱུའི་གོས་ཤིག |
| སྟག་སློག |
སྟག་ལྤགས་ཀྱི་གོས་ཏེ་གནའ་དུས་གཡུལ་འགྱེད་ཀྱི་དཔའ་བོ་ལ་བྱ་དགའ་གནང་བའི་གོས་ཤིག |
| སྟང་བ |
ཐ་དད་པ བསྟངས་པ། བསྟང་བ། སྟོངས།། ཕན་པ་བྱེད་པ་དང༌། ཕན་འདོགས་པ། ཁྱེད་ཀྱིས་རྟག་ཏུ་བདག་བསྟངས་སོང༌། |
| སྟང་ཟིལ |
དངུལ་རྡོ་སྟེ་རྡོ་སྨན་གྱི་རིགས་ཤིག་རོ་བསྐ། ཞུ་རྗེས་བསིལ། ནུས་པས་མགོ་ཆག་གསོ། ཁྲག་ཤོར་བ་དང་སྐྱུག་པ་གཅོད། རུས་མདོག་འབྱིན། |
| སྟང་ཟིལ་ག་པུར |
ནི་ག་པུར་ལ་རིགས་གསུམ་ཡོད་པའི་ནང་གི་རིགས་གཅིག་ཡིན། དངུལ་རྡོའི་མིང་། |
| སྟང་རྩ |
སྟེང་རྩེག་དང་འདྲ། |
| སྟངས |
ལས་ཚིག་ད་ལྟ་བའི་མཐར་སྦྱར་ན་ཐབས་སམ་རྣམ་པའི་མིང་སྟེ། བྱ་བ་བྱེད་སྟངས། ལམ་ལ་འགྲོ་སྟངས། གནས་སུ་འདུག་སྟངས། སེམས་ཀྱི་འཛིན་སྟངས། བློ་ལ་དྲན་སྟངས་ཞེས་པ་ལྟ་བུ། |
| སྟངས་ཀ |
ལུས་ཀྱི་རྣམ་འགྱུར་གྱི་མིང་། དཔེར་ན། གར་འཁྲབ་པའི་སྟངས་ཀ མདའ་འཕེན་པའི་སྟངས་ཀ་ཞེས་པ་ལྟ་བུ། |
| སྟངས་དཔྱལ |
ཡབ་ཡུམ་མམ་བཟའ་ཚང་ཕོ་མོ་གཉིས་འཛོམས་ཀྱི་ཞེ་ས་སྟེ། སྟེང་ཞལ་ཞེས་ཀྱང་འབྲི་རྒྱུན་འདུག |
| སྟངས་འཛིན |
དབྱེ་མཚམས་ཕྱེ་སྟེ་འཛིན་པ། བཟང་ངན་སྟངས་འཛིན་གྱི་སློབ་སྟོན་གནང་བ། |
| སྟངས་སྟབས |
རྣམ་འགྱུར། ཤིན་ཏུ་ཁྲོས་པའི་སྟངས་སྟབས་ཀྱིས་སྡང་སེམས་སྟོན། |
| སྟན |
གདན། ཁྲི་སྟན། མལ་སྟན། སྟན་དམའ་བ། ཞེ་ས་གུས་འདུད་ཀྱི་ཆེད་དུ་སྟན་ལས་ལྡང༌། མི་དེ་སྟན་ལས་ལྡང་བ་མེད་པར་གཉིད་དུ་ཡུར། |
| སྟན་གཅིག |
ཉིན་རེར་ལྟོ་ཆས་ཟ་ཐེངས་རེ་ལས་མི་ཟ་བའི་བརྟུལ་ཞུགས། |
| སྟན་གླིངས་པ |
རྙིང ནང་ཚངས་ཅན་མ་ཡིན་པའི་གདན་ཕྱིང་པ། |
| སྟན་ནང་ཚངས་ཅན |
གདན་བར་ཚངས་ཅན། |
| སྟན་ཟླུམ |
གདན་སྒོར། |
| སྟན་འབོལ |
གདན་འབོལ་པོ་སྟེ་འབོལ་གདན། |
| སྟབ་སེང |
ཤིང་སྨན་གྱི་རིགས་ཏེ། རོ་ཁ་ལ་བསྐ། ཞུ་རྗེས་བསིལ། ནུས་པས་རུས་པ་ཆག་པ་གསོ། རུས་པའི་ཚ་བ་སེལ། |
| སྟབས |
ལུས་ཀྱི་ཚུགས་ཀའི་མིང་སྟེ། གར་སྟབས་གོམ་སྟབས་ཞེས་པ་ལྟ་བུ། (སྦྲེལ་ཚིག) རྒྱུ་མཚན་སྟོན་པའི་ཚིག་སྟེ། སྨན་བསྟེན་སྟབས་ནད་སོས། ཆར་བབས་སྟབས་རྩི་ཤིང་རྒྱས་ལྟ་བུ། ０གོ་སྐབས་ཀྱི་མིང་སྟེ། སྟབས་འགྲིག ལོ་ཏོག་བཏབ་པ་ཆར་འབབ་པ་དང་སྟབས་འགྲིག སྟབས་ལེགས། སློབ་སྦྱོང་བྱེད་པའི་སྟབས་ལེགས་བྱུང་ལྟ་བུ། |
| སྟབས་ཀ |
1 ཐབས་དང་ཚུལ། གོམ་སྟབས། སྡོད་སྟབས། བྱེད་སྟབས། ཤོད་སྟབས། ལས་དོན་གལ་འགངས་ཆེས་ཆེའི་རིགས་ལ་ལྷོད་ཡེངས་མེད་པའི་སྟབས་ཀ་གཟབ་པོ་བྱེད་དགོས། 2 གོ་སྐབས་དང༌། ཕྱོགས་སམ། ཆ། བསམ་འཆར་ཤོད་པའི་སྟབས་ཀ་རྙེད་འཕྲལ་གང་དྲན་ཚང་མ་ཤོད་ཅིག གནའ་སྔ་མོའི་སྟབས་ཤིག་ལ། སྟབས་ཀ་འགྲིག་མ་སོང༌། |
| སྟབས་གསོལ |
སྟབས་བདེ་པོར་ཞུ་བ། |
| སྟབས་ཅིག |
ཆབས་ཅིག ལས་དོན་ཁག་མང་སྟབས་ཅིག་ཏུ་བྱས་པ། རྨོད་ལོག་རྒྱག་པ་དང་སྟབས་ཅིག་ཏུ་ཆུ་ཡུར་བཟོ་སྟབས་བདེ་པོའང་ཡོང་གི་ཡོད་སྟབས་ད་རེས་ཞིང་ལས་ཁག་གཉིས་སྟབས་མཚུངས་སུ་བཙུགས་པ། |
| སྟབས་དོན |
སྟབས་བདེར་བཏང་བའི་ཡིག་འཕྲིན་གྱི་དོན། |
| སྟབས་བདེ |
དཀའ་ཚེགས་མེད་པའི་དོན་ཏེ། འགྲིམ་འགྲུལ་སྟབས་བདེ། འགྲོ་རྒྱུ་སྟབས་བདེ་ཞེས་པ་ལྟ་བུ། |
| སྟབས་བདེ་པོ |
1 ལས་སླ་པོ་དང༌། འདུམ་བདེ་པོ། ལས་ཀ་བྱེད་སྟབས་བདེ་པོ་བྱུང༌། 2 མདོར་བསྡུས་དང་སྤྲོས་པ་ཆུང་བ། གསོལ་ཚིགས་སྟབས་བདེ་ཞིག་ཕུལ་བ། འཕྲལ་མཁོ་ཙམ་དུ་བཙུགས་པའི་ཟམ་པ་སྟབས་བདེ་པོ། ལག་ཆ་སྟབས་བདེ། |
| སྟབས་བསྟུན |
གོ་སྐབས་བསྟུན་པ། དགེ་རྒན་བཞུགས་པ་དང་སྟབས་བསྟུན་ནས་མཇལ་བར་ཡོང་བ་ཡིན། |
| སྟབས་མཚུངས |
དུས་མཚུངས་སམ་ཆབས་མཚུངས། ཁྱེད་རང་ཕྱོགས་ཕེབས་དང་སྟབས་མཚུངས་ཕྲན་ཡང་རྡོག་ཐོན་ཞུ་རྩིས་ཡིན། |
| སྟབས་འཁེལ |
ཁ་ཐུག་འཁེལ་བ། འགྲོ་སྐབས་ཉི་གདུགས་ཁྱེར་བ་དང་ཆར་བབ་པ་སྟབས་འཁེལ་བ་རེད། |
| སྟབས་འགྲིག |
ལས་ཀ་བྱེད་སྟངས་དུས་སམ་སྐབས་འགྲིག་པ། ང་ཚོ་ཚང་མ་དུས་འཛོམས་ཀྱི་སྟབས་འགྲིག་པ་ཡག་པོ་རེད། |
| སྟབས་འབུལ |
མདོར་བསྡུས་སུ་འབུལ་བ། |
| སྟབས་ཡག |
སྟབས་ལེགས་དང་དོན་གཅིག་ |
| སྟབས་རེ་ཤུ་རེ |
གློ་བུར། ལས་དོན་སྟབས་རེ་ཤུ་རེར་བྱས་པ། |
| སྟབས་ལེགས |
འབད་རྩོལ་ལ་མ་ལྟོས་པའི་སྟབས་ཡག་པ། སྟབས་ལེགས་ནས་ལས་ཀ་གྲ་འགྲིག་བྱུང་སོང༌། |
| སྟབས་ལེགས་སྐབས་འཁེལ |
མཐུན་རྐྱེན་བཟང་འཛོམས་ཀྱི་དུས་སྐབས་དང་འགྲིག་པ། ཕྱི་ལ་འགྲོ་དུས་ཆར་པ་ཆེན་པོ་རང་མ་བབ་པའི་སྟབས་ལེགས་སྐབས་འཁེལ་གྱིས་གྱོན་པ་རྣམས་སྦངས་མ་སོང༌། |
| སྟབས་ཤུར |
སྟབས་རེ་ཤུ་རེའི་བསྡུས་ཚིག་ |
| སྟབས་སྤེལ |
རྒྱས་མིན་མདོར་བསྡུས་སུ་བསྐུར་བ། |
| སྟར |
དཀྱུས་སུ་སྒྲིག་པ། གྲལ་སྟར་སྒྲིག་པ། ཡིག་སྟར། མུ་ཏིག་སྟར་ལ་བརྒྱུས་པ། |
| སྟར་ཀ |
སྟར་ཀའི་སྡོང་བོ་ནི་ཤིང་སྡོང་ཆེན་པོ་སྐྱེ་ཞིང་འབྲས་བུ་ཚིག་གུ་ཆེ་བ་ཞིག་ཡིན། ཚིག་གུ་དང་ཚིག་གུའི་ནང་སྙིང་ལའང་སྟར་ཀ་ཟེར། དེ་ནི་སྣུམ་བཅུད་མང་ཞིང་བཟར་རུང་། འདི་ལ་སྟར་ཁ་དང་སྟར་ག་ཞེས་འབྲི་བའང་ཡོད། |
| སྟར་ཁ |
1 ཤིང་ཏོག་ཅིག སྟར་ཁ་ཁ་བཤགས་དང༌། སྲན་མ་ཉིས་བཤགས་ལྟ་བུར་བགོ་བཤའ་བྱེད་པ། 2 སྟར་ཁའི་ཚི་གུ་སྨན་དུ་འཇུག་སྐབས་རོ་མངར། ཞུ་རྗེས་དྲོད། ནུས་པས་ཚི་གུས་རླུང་ལ་ཕན། མར་ཁུ་བྱུགས་ན་རླུང་ནད་ཀྱིས་ཡན་ལག་རེང་འཁུམས་གྱུར་པ་ལ་ཕན། |
| སྟར་ཁའི་ཟ |
སྟར་ཁའི་ནང་སྙིང༌། |
| སྟར་ག |
1དངོས་རྫས་དཔུང་དུ་བསྒྲིགས་པའི་གྲལ་གྱི་མིང་སྟེ། ལོ་ཏོག་སྟར་ག་གཅིག་བྲེག་ལྟ་བུ། 2སྟར་ཀ་ཡི་འབྲི་ཚུལ་གཞན་ཞིག |
| སྟར་ཆགས |
1 རྒྱུན་ཆགས་པ། ལས་ཀ་སྟར་ཆགས་བྱས་པ། 2 སྟར་ཕྲེང་བསྒྲིགས་ཏེ་གནས་པ། |
| སྟར་བ |
ཐ་དད་པ བསྟར་བ། བསྟར་བ། སྟོར།། 1 གཤོམ་པའམ་སྒྲིག་པ། གྲལ་ལེགས་པར་བསྟར་ཏེ་བཞུགས་ཤིག 2 ལག་ཏུ་ལེན་པ་དང༌། བྱེད་པ། བཤད་པ་ལྟར་དུ་ལག་ལེན་བསྟར། དགའ་སྟོན་གྱི་ཆོ་ག་རྒྱ་ཆེར་བསྟར་བ། 3 སྤྲས་པ། རྒྱན་གྱིས་བསྟར་བ། |
| སྟར་བུ |
ཤིང་སྨན་གྱི་རིགས་ཤིག་སྟེ། རོ་སྐྱུར། ཞུ་རྗེས་བསིལ། ནུས་པས་གློ་ནད་ཀྱི་ལུད་པ་གྱེན་དུ་འདྲེན་པ་དང༌། ཁྲག་རྒྱུ་བར་བྱེད། བེ་སྣབས་གཅོད། |
| སྟར་བུ་པ(NY+TZA) |
སྟར་བུ་དང༌། རུ་རྟ། པི་ལིང༌། ཤིང་ཚ། སྐྱུ་རུ་ལྔ་སྦྲང་རྩི་དང་སྦྱར་བའི་སྦྱོར་སྡེའི་མིང་སྟེ། ནུས་པས་གློ་བའི་རྣག་ཁྲག་གྱེན་དུ་འདྲེན་པར་བྱེད། |
| སྟར་མོ |
ཤིང་གཅོད་བྱེད་ཀྱི་ལག་ཆ་ཞིག |
| སྟར་ཞུན |
ཤིང་སྟར་བུའི་ཞུན་མ་སྨན་སྟར་ཐོག་གི་ཁཎྜ། |
| སྟར་འགྲིག་པོ |
གྲལ་ལྷུ་འགྲིག་པོ། མེ་ཏོག་སྣ་ཚོགས་བརྒྱུས་པའི་ཕྲེང་བ་སྟར་འགྲིག་པོ་ཞིག་ཕུལ་བ། |
| སྟར་ཡུ |
སྟ་རེའི་ཡུ་བ། |
| སྟར་ལྟག |
སྟ་རེའི་ལྟག་པ། |
| སྟར་ལྤགས |
སྟར་ཁའི་པགས་པའམ་ཤུན་པ། ཚོས་མདོག་ཁམ་པ་བྱེད་ཐུབ་པ། |
| སྟར་སོ |
སྟ་རེའི་ཁ། |
| སྟར་སྐོགས |
སྟར་ག་ཤིང་གི་སྐོགས་ལྤགས་སམ། སྟར་གའི་སྐོགས་པ། |
| སྟར་སྒྲིག |
གྲལ་སྒྲིག་པ། རུ་བཞིར་བགོས་ཏེ་སྟར་སྒྲིག་པ། མི་མང་པོ་སྟར་སྒྲིག་བྱས་ནས་ཁྲོམ་སྐོར་དུ་འགྲོ་བ། |
| སྟར་སྡོང |
ཤིང་སྟར་ཁའི་སྡོང་པོ། |
| སྟི |
(བྱེད་མེད་ལས་ཚིག་ད་ལྟ་བ)ངལ་གསོ་བའི་བརྡ་རྙིང་། མ་འོངས་པར་བསྟི་དང་འདས་པར་བསྟིས་སྐུལ་ཚིག་ལ་སྟིས་འབྲི། |
| སྟི་ཀ |
སྟི་ག་དང་འདྲ། |
| སྟི་ག |
ཤ་དུམ་བུ་ཁམ་གང་ཙམ་ཞིག ཤ་ཁོག་ཕར་སྤྲད་ནས་སྟི་ག་ཚུར་སྒུག་པ། ཤ་གཅིག་ནས་དྲས་པའི་སྟི་ག་དང༌། ཀོ་བ་གཅིག་ནས་དྲས་པའི་རྒྱུན་བུ། |
| སྟི་བ |
ཐ་མི་དད་པ བསྟིས་པ། བསྟི་བ། སྟིས།། ངལ་གསོའི་ཆེད་དུ་གནས་པ། དཀའ་སྤྱད་ཀྱི་ངལ་དུབ་བསང་ཕྱིར་རེ་ཞིག་བག་ཕེབས་པར་བསྟིས་པ། ངལ་རྩོལ་གྱིས་ཁམས་དུབ་ན་ཐང་ཅིག་རིང་འབོལ་ལེར་སྟིས་ཤིག |
| སྟིང |
(བྱེད་འབྲེལ་ལས་ཚིག་ད་ལྟ་བ)སྡིགས་མོའམ་འཕྱ་སྨོད་བྱེད་པའི་བརྡ་རྙིང་སྟེ། མ་འོངས་པར་བསྟིང་དང་འདས་པར་བསྟིངས། སྐུལ་ཚིག་ལ་སྟིངས་འབྲི། |
| སྟིང་བ |
ཐ་དད་པ བསྟིངས་པ། བསྟིང་བ། སྟིངས།། 1 བརྙས་ཐབས་ཀྱིས་སྐྱོན་སྨྲ་བ། དོན་མེད་གཞན་ལ་བསྟིངས་ན། བསྟིང་ཚིག་རང་ལ་འཁོར་ཡོང༌། 2 ཟུར་གྱིས་སྨོད་པ། ཁོ་རང་ང་ལ་མི་དགའ་བས་འཇམ་པོའི་སྒོ་ནས་སྟིང་བ་རེད། ཐེག་ཆེན་གྱི་ཆོས་དང་གང་ཟག་ལ་བསྟིངས་པ། |
| སྟིང་ཚིག |
རྙིང སུན་འབྱིན་པའི་ཚིག |
| སྟིངས |
སྟིང་བའི་སྐུལ་ཚིག་ |
| སྟིམ |
(བྱེད་འབྲེལ་ལས་ཚིག་ད་ལྟ་བ)ངོ་བོ་དབྱེར་མེད་དུ་བསྲེས་པའམ་འཐིམ་དུ་བཅུག་པའི་དོན་ཏེ། སྨན་ཁུ་གདུས་ནས་སྨན་ལ་སྟིམ་པར་བྱེད་ལྟ་བུ། |
| སྟིམ་པ |
ཐ་དད་པ བསྟིམས་པ། བསྟིམ་པ། སྟིམས།། གཉིས་མེད་དུ་སྲེ་བའམ་ཐིམ་པར་བྱེད་པ། གཉིས་མེད་རོ་གཅིག་ཏུ་སྟིམས་ཤིག ཤ་ཁུ་ཤ་ལ་བསྟིམས་པ། འོ་མ་ཆུའི་ནང་དུ་སྟིམ་པ། |
| སྟིམས |
སྐུལ་ཚིག་སྟེ། སྟིམས་ཤིག་ལྟ་བུ། སྦྱིན་པའམ་བཏང་བའི་དོན་ཏེ། རྒྱུ་རྫས་ཐམས་ཅད་ཐུན་མོང་ལ་བསྟིམས། ཚེ་སྲོག་མི་དམངས་ཀྱི་དོན་ལ་བསྟིམས་ལྟ་བུ། |
| སྟིས |
སྟི་ཡི་སྐུལ་ཚིག |
| སྟུ |
མོ་མཚན། (དབུས་གཙང་གི་ཡུལ་སྐད) |
| སྟུག |
(རྒྱན་ཚིག) དངོས་རྫས་དང་དངོས་རྫས་ཀྱི་བར་ཐག་ཐུང་བ་དང་བར་སྟོང་ཉུང་བའི་དོན་ཏེ། ཞིང་ནང་དུ་མྱུ་གུ་སྐྱེས་པ་ཧ་ཅང་སྟུག ནགས་ཚལ་སྟུག་པོ། ཧ་ཅང་སྟུག་པའི་ནགས་ཚལ་ཞེས་པ་ལྟ་བུ། |
| སྟུག་གེ་བ |
འཐུག་པོའི་གནས་ཚུལ། མགོ་སྐྲ་ནག་ཅིང་སྟུག་གེ་བ། |
| སྟུག་པོ |
འཐུག་པོ། ཤིང་ནགས་སྟུག་པོ། སྤྲིན་ནག་སྟུག་པོ། སྨག་རུམ་སྟུག་པོ། |
| སྟུག་པོ་བཀོད་པའི་ཞིང་ཁམས |
གཟུགས་ཁམས་གནས་རིགས་བཅུ་བདུན་གྱི་སྟེང་མ་ལོངས་སྐུའི་ཞིང་ཁམས་ཤིག |
| སྟུང |
(བྱེད་མེད་ལས་ཚིག་ད་ལྟ་བ) ཐུང་ངུར་གཏོང་བའི་དོན་ཏེ། ཐག་པ་སྟུང་བར་བྱེད་ལྟ་བུ། |
| སྟུང་བ |
ཐ་དད་པ བསྟུངས་པ། བསྟུང་བ། སྟུངས།། ཐུང་དུ་གཏོང་བ། ཐག་པ་སྟུང་བ། ཉིན་བཅུའི་ལམ་ག་ཉིན་ལྔའི་བར་དུ་བསྟུངས་སོང༌། |
| སྟུངས |
སྐུལ་ཚིག་སྟེ། ཐག་པ་སྟུངས་ཤིག་ལྟ་བུ། ཉུང་ངུར་གཏོང་བ་སྟེ། རང་དོན་མང་བོ་སྟུང་བར་བྱེད། རང་དོན་བསྟུངས་ནས་དམངས་དོན་བསྒྲུབས་ལྟ་བུ། |
| སྟུད |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) རྒྱུན་མ་ཆད་པ་དང་བར་མ་ཆད་པ་བྱེད་པའི་དོན་ཏེ། ལས་ཀ་གཅིག་འཕྲོར་གཅིག་སྟུད་མཁན། ལས་ཀའི་འཕྲོར་སྟུད་ཅིག་ལྟ་བུ། |
| སྟུད་པ |
ཐ་དད་པ བསྟུད་པ། བསྟུད་པ། སྟུད།། རྒྱུན་མི་འཆད་པར་བྱེད་པ། ལས་འཕྲོ་བསྟུད་པ། འཕྲིན་བཟང་རྒྱུན་མི་འཆད་པར་བསྟུད་ནས་ཐོས་བྱུང༌། མི་རྣམས་རེས་བསྟུད་ཀྱིས་ལས་ཀ་བྱེད་པ། |
| སྟུན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) མཐུན་ཐབས་བྱེད་པའམ་རྗེས་སུ་འབྲང་བའི་དོན་ཏེ། བྱ་བ་ཐམས་ཅད་སྤྱིའི་ལམ་ཕྱོགས་ལ་སྟུན་པར་བྱེད། སྤྱིའི་ལམ་ཕྱོགས་ལ་སྟུན་ཅིག་ལྟ་བུ། |
| སྟུན་པ |
ཐ་དད་པ བསྟུན་པ། བསྟུན་པ། སྟུན།། གཞན་ལ་ལྟོས་པ་དང༌། གཞན་དང་མཐུན་པར་བྱེད་པ། དུས་ཚོད་དང་བསྟུན་ཏེ་ལྟོ་ཆས་ཟ། གནས་ཚུལ་དང་བསྟུན་ནས་བྱ་བ་བྱེད་དགོས། རང་ཚུལ་དང་བསྟུན་ནས་གཏམ་ཤོད། འཁོས་འབྱོར་དང་བསྟུན་ནས་གོས་གྱོན། |
| སྟེ |
མིང་མཐའ་ག་ང་བ་མ་འ་དང༌། མཐའ་མེད་ཀྱི་རྗེས་སུ་སྦྱོར་བའི་ལྷག་བཅས་ཀྱི་ཕྲད་ཅིག ག་ང་བ་མ་འ རིན་གོང་བཅག་སྟེ་འཚོང་བ། གང་ཡང་མ་མཐོང་སྟེ། མིག་གིས་མ་བལྟས་པས་སོ། ཟབ་སྟེ། གཏིང་ཐག་རིང་བའོ། སེམས་ཀྱི་ནང་དུ་མ་བསམས་ཏེ་མ་དྲན་པ། |
| སྟེ་ཁ |
1 སྟེའུའི་སོ། 2 མགོ་ཆག་གི་རུས་པ་སྔོག་བྱེད་ཀྱི་ཡོ་བྱད་ཅིག |
| སྟེ་ཁ་སོ་གཉིས |
མགོ་བོའི་རུས་པ་འདྲུ་བྱེད་ཀྱི་ཡོ་བྱད་ཅིག |
| སྟེ་གཙག |
ཤིང་བཟོ་བས་ཤིང་གཞོག་བྱེད་ཀྱི་ལག་ཆ་ཞིག |
| སྟེ་གཞོག་རྒྱག་པ |
སྟེའུས་གཞོག་རྒྱག་པ། ཀ་གདུང་བཟོ་རྒྱུའི་ཤིང་སྦོམ་པོ་སྟེ་གཞོག་རྒྱག་པ། |
| སྟེ་པོ |
སྟེའུ་ལ་ལྟོས། |
| སྟེ་ཡུ |
སྟེའུའི་ཡུ་བ། |
| སྟེ་ལྟག |
སྟེའུའི་ལྟག་པ། |
| སྟེག |
(བྱེད་མེད་ལས་ཚིག) བྲོ་གར་འཁྲབ་པ་སོགས་ཀྱི་དོན་ཏེ། འཆམ་སྟེག དར་འགྲེད་སྟེག་ལྟ་བུ། |
| སྟེག་པ |
རྙིང སྒེག་པ་དང་རོལ་པའམ་སྒེག་འཆོས། |
| སྟེགས |
1 དཔངས་མཐོ་ཞིང་ཐོག་ཁོད་མཉམ་པའི་ས་ཐེམ། ས་སྟེགས། རྡོ་སྟེགས། གར་སྟེགས། 2 ཡོ་བྱད་འཇོག་སའི་འཆའམ་ཁྲི། དཔེ་ཆའི་སྟེགས། ཇ་དཀར་ཀྱི་སྟེགས། 3 དངོས་ཆས་མཐོ་རུ་གཏོང་བ་དང་བརྟན་པོར་བྱེད་སྤྱད། ཀ་སྟེགས། རྐུབ་སྟེགས། ཞབས་སྟེགས། རྐང་འོག་ཏུ་སྟེགས་བཞག ཅོག་ཙེ་ལ་སྟེགས་བཞག |
| སྟེགས་ཀ |
ཡུལ ཆུ་འཁོར་གྱི་ཡན་ལག་ཅིག |
| སྟེགས་ཁྲི |
རྐང་ཁྲི། |
| སྟེགས་བུ |
འདེགས་བྱེད་ཀྱི་སྟེགས་བུ། རྐང་སྟེགས། གཞོགས་སྟེགས། |
| སྟེགས་ཟམ |
ལས་ཟམ། |
| སྟེགས་རྒྱུག |
ཡུལ ཆུ་འཁོར་གྱི་ཡན་ལག་ཅིག |
| སྟེང |
ཐོག་ངོས་ཀྱི་མིང་སྟེ། ཅོག་ཙེ་སྟེང་ལ་དཔེ་ཆ་བཞག སྟེང་མ། སྟེང་འོག་ཅེས་པ་ལྟ་བུ། |
| སྟེང་ཁང |
ཐོག་བརྩེགས་མའི་ཁང་པ་སྟེང་མ། |
| སྟེང་གཅལ |
བཟའ་ཚོ། |
| སྟེང་གདོན |
གཟའི་གདོན་ཏེ་རཱ་ཧུ་ལ། |
| སྟེང་གཟའ་ཕོག་པ |
གཟའ་གདོན་གྱི་གྲིབ་ནད་ཕོག་པ་སྟེ་ཀླད་ཁྲག་འདྲེས་པའི་ནད་ལ་ཟེར། |
| སྟེང་གཡོགས |
ཐོག་གམ་སྒང་དུ་འགེབས་རྒྱུའི་ཁེབས། |
| སྟེང་གི་བཀོད་པ |
དཔལ་འབྱོར་གྱི་རྨང་གཞིའི་ཐོག་བཙུགས་པའི་ཆབ་སྲིད་དང༌། ཁྲིམས་ལུགས། ཆོས་ལུགས། སྒྱུ་རྩལ། མཚན་ཉིད་རིག་པ་སོགས་ཀྱི་ལྟ་ཚུལ་དང༌། ལྟ་ཚུལ་དེ་དག་དང་མཐུན་པའི་ཆབ་སྲིད་དང་ཁྲིམས་ལུགས་སོགས་ཀྱི་ལམ་ལུགས། |
| སྟེང་གི་བར་སྣང |
ནམ་མཁའ། |
| སྟེང་གི་འཇིག་རྟེན |
མངོན མཐོ་རིས། |
| སྟེང་གི་སྣ་ཅན |
མངོན འུག་པ། |
| སྟེང་གོས |
སྟེང་དུ་བརྩེགས་ནས་གྱོན་རྒྱུའི་གོས། |
| སྟེང་གྲིབ |
གཟའ་གདོན་གྱི་གྲིབ་ནད་དེ་ཀླད་ཁྲག་འདྲེས་པའི་ནད། སྟེང་གྲིབ་ཕོག་པ། |
| སྟེང་ངོས |
སྒང་ཕྱོགས། ཁང་པ་སོ་སོའི་སྟེང་ངོས་ལ་རྫ་གཡམ་ཐོག་གྱིས་བཀབ་འདུག |
| སྟེང་ཆེན |
ཁྱུང་པོ་སྟེང་ཆེན་ཏེ་རྫོང་ཞིག་བོད་རང་སྐྱོང་ལྗོངས་ཀྱི་ཤར་བྱང་ངོས་དང་རྒྱལ་མོ་རྔུལ་ཆུའི་སྟོད་རྒྱུད་དུ་ཡོད། རྫོང་མི་དམངས་སྲིད་གཞུང་དེ་རྒྱ་མོ་ཐང་དུ་ཡོད། |
| སྟེང་དུ་འཐོན |
མངོན མྱུ་གུ། |
| སྟེང་པ |
རྙིང ནགས། |
| སྟེང་ཕྱོགས |
སྒང་ཕྱོགས། སྟེང་ཕྱོགས་ནམ་མཁའ། |
| སྟེང་ཕྱོགས་སྐྱོང |
ཕྱོགས་སྐྱོང་བཅུའི་ནང་གསེས་ཤིག་སྟེ་ལྷ་ཚངས་པ་དང་ཉི་ཟླ། |
| སྟེང་བརྩེགས |
ཡུལ བོད་ཀྱི་བུད་མེད་ཀྱི་སྟོད་གོས་ཤིག་གི་མིང༌། |
| སྟེང་བསྐྱེད་མའི་ལུགས |
འཕྱུགས་པར་འདོད་པའི་ལུགས་ནང་གསེས་གླིང་བཞི་དུས་བཞི་མཉམ་པར་འདོད་པའི་ལུགས། |
| སྟེང་མ |
ས་གཞི་དང་འབྲེལ་བའི་སྒང་མ་དང་ཀླད། ཁང་པ་ཉིས་ཐོག་གི་སྟེང་མ། |
| སྟེང་ཞལ |
བཟའ་ཚོ། |
| སྟེང་འཐུང |
མངོན ཨུཏཔལ། |
| སྟེང་འཐུང་དཀར་པོ |
མངོན ཀུ་མུད། |
| སྟེང་འཕར |
མངོན ཆུའི་རྦ་རླབས། |
| སྟེང་འཕུར |
མངོན ཟླ་བ། |
| སྟེང་འཕུར་དབང་པོ |
མངོན ལྷ་དབང་ཕྱུག་ཆེན་པོ། |
| སྟེང་འོག |
བླ་འོག་གམ་གོང་འོག སློབ་གྲྭའི་འཛིན་གྲྭ་སྟེང་འོག་སོ་སོ། |
| སྟེང་འོག་བར་གསུམ |
སྟེང་ཤོད་བར་གསུམ། |
| སྟེང་རྐང་ཅན |
མངོན ཤ་ར་བྷ་སྟེ་སེང་གེ་རྐང་བརྒྱད་པ། |
| སྟེང་རྩེག |
སྟང་རྩ་ཡང་ཟེར། ཁལ་དོའི་སྟེང་དུ་རྩེག་རྒྱུའི་སྣོན་མ། |
| སྟེང་ལུད |
ཞིང་ལ་སོན་བཏབ་རྗེས་རྒྱག་པའི་ལུད། |
| སྟེང་ཤོད |
ཁང་པ་བླ་འོག ཁང་པ་སྟེང་ཤོད། |
| སྟེང་ཤོད་བར་གསུམ |
ཐོག་རིམ་གསུམ་གྱི་སྟེང་ཁང༌། འོག་ཁང༌། བར་ཁང་གསུམ། |
| སྟེང་སོ |
ཡ་སོ། |
| སྟེང་སྐས |
ཁང་སྟེང་དུ་འགྲོ་སའི་འཛེག་སྐས། |
| སྟེང་སྐྱེ་བ |
མངོན ལྗོན་ཤིང༌། |
| སྟེན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཡོན་ཏན་སློབ་པར་རེ་བ་ཞུ་བའི་དོན་ཏེ། དགེ་རྒན་སྟེན་མཁན། སྟེན་འདོད་ཀྱི་བསམ་པ། བཟོ་པ་རྒན་པོ་དགེ་རྒན་དུ་སྟེན་ཅིག་ལྟ་བུ། |
| སྟེན་པ |
ཐ་དད་པ བསྟེན་པ། བསྟེན་པ། སྟེན།། ཉེ་བར་བསྙེན་པའམ་ཉེ་བར་གཏུག་པ། སྨན་པ་བསྟེན་པ། དགེ་རྒན་སྟེན་པ། སུ་བྱམས་ཕ་མ་ལྟར་དུ་བསྟེན། ཡུལ་ཡར་ཀླུངས་ལ་བསྡད་ན་ལྷ་ཡར་ལྷ་ཤམ་པོ་དང༌། ཡུལ་ཀོང་པོར་བསྡད་ན་ལྷ་ཀོང་བཙུན་དེ་མོ་བསྟེན་དགོས། |
| སྟེམ་པ |
རྙིང 1 འཚིར་བ། 2 རྡེག་པ་དང༌། རྡུང་བ། 3 སྒོ་གཏན་རྒྱག་པ། |
| སྟེམས |
མཐུ་གཏད་ཀྱི་གནོད་པ།…2.འདྲེ་གདོན་རིགས་ཤིག |
| སྟེའུ |
སྟ་རེ་ཆུང་བའམ་ཏེལ་པ། སྟེའུས་བཞོགས། སྟེའུ་ལྟ་བུ། སྟེའུའི་དཔེ། |
| སྟེའུ་རྩག |
སྟེའུ་སྟེ་ཤིང་བཟོའི་ཡོ་བྱད་ཅིག |
| སྟེར |
(བྱེད་འབྲེལ་ལས་ཚིག) སྦྱིན་པའི་དོན་ཏེ། ཕར་སྟེར་ཚུར་ལེན། གཟེར་འཇོམས་སྨན་གྱིས་ནད་པར་བདེ་བ་སྟེར་ལྟ་བུ། བྱིན་གྱི་ད་ལྟ་བར་སྟེར་འབྲི་བའང་ཡོད། |
| སྟེར་ཆ |
སྦྱིན་རྒྱུའི་དངོས་རྫས། |
| སྟེར་ཆད |
སྦྱིན་རྒྱུའི་ཁ་ཆད་དམ་ཁ་དན། |
| སྟེར་བ |
ཐ་དད་པ 1 སྦྱིན་པ། རྒྱུ་ནོར་ཕོན་ཆེན་ཞིག་སྟེར་བ། ཕྲུ་གུ་དམར་འབྱར་ལ་འོ་མ་སྟེར། ཐོས་ན་དགའ་བ་སྟེར་བ། བུ་ཚབ་ཏུ་སྟེར་བ། དྲན་པ་ཙམ་གྱིས་ཡིད་ལ་དགའ་བ་སྟེར། ལུས་ལ་བདེ་བ་སྟེར་བ། མཛོ་མོས་འོ་མ་བཟང་པོ་སྟེར། 2 བསྲེ་བའམ་སྣོན་པ་སྟེ་རྩིས་ཀྱི་ཁ་སྣོན། |
| སྟེར་སྒོ |
བུ་བུ་མོ་གཉེན་སྒྲིག་བྱེད་སྐབས་ཀྱི་སྐལ་རྫོང༌། |
| སྟེར་སྟེར་འཕྲོག་འཕྲོག |
ཚུར་སྤྲོད་ཀྱིན་སྤྲོད་ཀྱིན་ཕར་འཕྲོག་གིན་འཕྲོག་གིན་བྱེད་པ། སྟེར་སྟེར་འཕྲོག་འཕྲོག་བླ་མ་དང་དཔོན་པོའི་གསོལ་རས། |
| སྟེར་སྦྱིན་རྗེས་འབྲང |
ལྐོག་རྔན་གྱི་ངོ་ལ་ལྟ་བ། དྲང་ཚུགས་མི་འཛིན་པར་སྟེར་སྦྱིན་རྗེས་འབྲང་བྱས་པ། |
| སྟེར་སློང |
ཕར་སྦྱིན་ཚུར་ཞུ། བག་མ་སྟེར་སློང༌། |
| སྟེས |
སྟབས། ལས་དོན་རྩོམ་པའི་སྟེས་ལེགས་ནས་གྲ་འགྲིག་པོ་བྱུང་སོང༌། |
| སྟེས་དབང |
ཀུན་སློང་མེད་པའམ་སྟབས་ལེགས་ཀྱི་དོན་ཏེ། ལམ་བར་དུ་སྟེས་དབང་གིས་གྲོགས་བཟང་བོ་ཞིག་དང་ཕྲད། སྨན་མ་བསྟེན་པར་སྟེས་དབང་གིས་ནད་སོས་ལྟ་བུ། |
| སྟོ་ཀ |
ཆུང་བའི་བརྡ་རྙིང་། |
| སྟོ་བ |
སྐྱོན་ཡོང་བ། རྨོངས་པའི་དབང་གིས་བྱ་བ་ཅུང་ཟད་འཕྱུགས་ཀྱང་སྟོ་མི་ཡོང༌། བཟའ་བཏུང་ལ་གཟབ་གཟབ་མ་བྱས་ན་གཟུགས་པོ་ལ་སྟོ་བ་ཐག་ཆོད། ནད་ལ་ཕན་ན་སྨན་རོ་ཁ་ཡང་མི་སྟོ། |
| སྟོང |
1 བརྒྱ་ཕྲག་བཅུ་སྟེ་གྲངས་ཀྱི་སྟོང༌། 2 མི་བསད་པའི་སྲོག་ཚབ་སྟེ། སྔར་གྱི་ཁྲིམས་ལུགས་ལྟར་མི་རབ་ཀྱི་རབ་བསད་པ་ལ་གསེར་སྲང་སྟོང་ཕྲག་རེ་འཇལ་དགོས་པས་སྟོང་ཞེས་ཟེར། མི་བསད་སྟོང་སྒྲུབ། མི་བསད་པ་ལ་སྟོང༌། རྐུ་བྱས་པ་ལ་འཇལ། མི་ཕར་བསད་ནས་སྟོང་ཚུར་ལེན་པ། 3 བོད་ཀྱི་ཐོག་མའི་རིགས་བཞིའི་ཡ་གྱལ་ཞིག ２བསྟོང་གི་ད་ལྟ་བ། |
| སྟོང་ཁུན |
ཏཱུང་ཀུས་དང་འདྲ། |
| སྟོང་ཁུན་རྒྱལ་པོ |
རྒྱ རྒྱ་སྐད་ལ་ཏཱུང་ཀུས་ཏེ་ཤར་ཕྱོགས་རྒྱ་ནག་རྒྱལ་པོ། |
| སྟོང་གཅོད |
རྙིང ཡིན་མིན་གྱི་དོན་ཐག་གཅོད་པ། |
| སྟོང་གཉིས་པ |
བར་མའི་འཇིག་རྟེན། |
| སྟོང་གཉིས་པ་བར་མའི་འཇིག་རྟེན་གྱི་ཁམས |
གླིང་བཞི་ས་ཡ་ཕྲག་གཅིག་གི་འཇིག་རྟེན་གྱི་ཁམས། |
| སྟོང་གཏམ |
དོན་མེད་ཀྱི་ཁ་སྟོང་པའི་འུད་གཏམ། གང་བྱས་སྟོན་རྒྱུ་མ་བྱུང་བར། དེ་བྱས་ཟེར་བ་སྟོང་གཏམ་ཡིན། |
| སྟོང་གཞི |
སྟོང་ཉིད་གཏན་ལ་འབེབས་པའི་གཞི་སྟེ་ཤེས་བྱའི་ཆོས་མཐའ་དག |
| སྟོང་གསལ |
སྒྲིབ་མེད་གསལ་དྭངས། སེམས་ཉིད་སྟོང་གསལ་གྱི་ངོས་ལ་རྣམ་རྟོག་མི་འཆར་དགུ་འཆར་ཞིག་ཆུ་ལས་ཆུ་བུར་གྱི་ཚུལ་དུ་རྡོལ་ཡོང༌། |
| སྟོང་གསུམ |
སྟོང་དང་པོ་སྟེ་སྟོང་སྤྱི་ཕུད་དང༌། སྟོང་གཉིས་པ་བར་མའི་འཇིག་རྟེན་གྱི་ཁམས་དང༌། སྟོང་གསུམ་པ་སྟེ་སྟོང་གསུམ་གྱི་སྟོང་ཆེན་ཆེན་པོ་བཅས་གསུམ་མོ། |
| སྟོང་གསུམ་གང་བ |
དུས་རབས་བརྒྱད་པའི་ནང་བོད་ལ་ཕེབས་པའི་རྒྱ་ནག་གི་སྨན་པ་མཁས་པ་ཞིག་སྟེ། འདི་ཉིད་རིག་པའི་གནས་སྤྱི་དང་ཁྱད་པར་དུ་གསོ་བ་རིག་པ་ལ་ཤིན་ཏུ་མཁས། སྔ་ཕྱིར་བོད་ལ་ཐེངས་གཉིས་ཕེབས། ཕྱི་མ་ཕེབས་སྐབས་ལམ་དུ་གསོ་བ་དཀར་པོ་ལམ་གྱི་སྒྲོན་མེ་དང༌། མཐའ་བཞིའི་ལུགས་ཞུ་བ་བཞི་ལྡན་སོགས་གསོ་རིག་གི་བསྟན་བཅོས་བརྩམས་ནས་ཆོས་རྒྱལ་ཁྲི་སྲོང་ལྡེའུ་བཙན་ལ་སྐྱེས་སུ་ཕུལ། གསོ་བའི་དཔྱད་བྱས་པས་མངའ་བདག་མྱུར་དུ་སྙུན་ལས་དྭངས་པས་རྒྱལ་པོ་ཐུགས་དགྱེས་ཏེ་མཐའ་བཞི་སྟོང་གསུམ་གང་བ་ཞེས་པའི་མཚན་སྙན་དང༌། གཞུང་དང་དོལ་གཉིས་བྱ་དགའ་ལ་གནང༌། བོད་དུ་ཁབ་བཞེས་ནས་སྲིད་བསྐྱངས་པས་མཐའ་བཞིའི་བརྒྱུད་པ་ཞེས་གྲགས་པར་གྱུར། |
| སྟོང་གསུམ་གྱི་སྟོང་ཆེན་པོ |
སྟོང་བར་མའི་འཇིག་རྟེན་སྟོང་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། དེ་ལ་ནི་གླིང་བཞི་ནས་ཚངས་པའི་འཇིག་རྟེན་གྱི་བར་དུ་བྱེ་བ་ཕྲག་བརྒྱ་ཡོད་དོ། |
| སྟོང་གསུམ་པ |
སྟོང་གསུམ་གྱི་སྟོང་ཆེན་པོའོ། |
| སྟོང་གསུམ་འཇིག་རྟེན |
སྟོང་གསུམ་གྱི་སྟོང་ཆེན་པོའི་འཇིག་རྟེན་ཁམས། |
| སྟོང་གསུམ་རིན་གྱིས་གཞལ་མེད་ཤིང |
མངོན ཙན་དན་སྦྲུལ་གྱི་སྙིང་པོ། |
| སྟོང་གི་མཚོ་ནག |
མཚོ་ཞིག་མཚོ་སྔོན་ཞིང་ཆེན་ཁོངས་མགོ་ལོག་བོད་རིགས་རང་སྐྱོང་ཁུལ་གྱི་རྨ་སྟོད་རྫོང་དུ་ཡོད། |
| སྟོང་གྱོང |
དོན་མེད་དུ་གྱོང་ཕོག་པ། དོན་མེད་སྟོང་གྱོང་ཁྱེར་ནས་ཅི་ཡོང༌། |
| སྟོང་ཆ |
1 བར་སྟོང་གི་ས། 2 པར་ཤིང་གི་མཐའ་སྐོར་གྱི་སྟོང་པའི་ཆ། 3 དུམ་བུ་སྟོང་དུ་བགོས་པའི་ཆ། |
| སྟོང་ཆམ་མེ |
སྣང་ཆ་ཞིག་པའམ་ཡལ་བའི་ཚུལ། མུན་ནག་ཐམས་ཅད་སྟོང་ཆམ་མེར་གྱུར་སོང༌། ན་ཟུག་ཚང་མ་སྟོང་ཆམ་མེར་ཞི་ནས་དྲག་སོང༌། འགྲུལ་པ་ཕྱིན་ནས་རེ་ཞིག་མགྲོན་ཁང་སྟོང་ཆམ་མེར་སོང༌། |
| སྟོང་ཆུང་ངུ |
སྟོང་ཆུང་ངུའི་འཇིག་རྟེན་གྱི་ཁམས་ཀྱི་བསྡུས་མིང༌། |
| སྟོང་ཆུང་ངུའི་འཇིག་རྟེན་གྱི་ཁམས |
སྟོང་སྤྱི་ཕུད་ཀྱི་འཇིག་རྟེན་གྱི་ཁམས། |
| སྟོང་ཆེན་པོའི་འཇིག་རྟེན་གྱི་ཁམས |
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས། |
| སྟོང་ཆེན་རབ་འཇོམས་མ |
གཟུངས་ཆེན་གྲྭ་ལྔའི་ནང་ཚན་ཞིག |
| སྟོང་ཉིད |
སྟོང་པ་ཉིད་ཀྱི་བསྡུས་མིང༌། |
| སྟོང་ཉིད་ཆེན་པོ |
སྟོང་པ་ཉིད་ཆེན་པོའི་བསྡུས་མིང༌། |
| སྟོང་ཉིད་བདུན་ཅུ་པ |
སློབ་དཔོན་ཀླུ་སྒྲུབ་ཀྱིས་མཛད་པའི་དབུ་མ་རིགས་ཚོགས་དྲུག་གི་ཡ་གྱལ། དངོས་རྣམས་སྐྱེ་འཇིག་མེད་པར་སྨྲ་བ་ལ་ལུང་དང་འགལ་བ་སྤོང་བའི་གཞུང༌། ལོ་ཙཱ་བ་གཞོན་ནུ་མཆོག་དང༌། གཉན་དར་མ་གྲགས་དང༌། ཁུའི་འགྱུར་དག་ལས་དོན་དང་ཚིག་བཟང་དུ་བྲིས་པའོ། |
| སྟོང་ཉོ་སྟོང་ཚོང |
ཚོང་ཟོག་དང་རིན་དངུལ་དངོས་སུ་སྤྲོད་ལེན་མི་བྱེད་པར་ཚིག་སྟོང་ཙམ་གྱིས་འདི་ཉོ་འདི་འཚོང་ཞེས་མགོ་བདེ་གླགས་ཚོང་རྒྱག་པ། |
| སྟོང་ཐང |
སྟོང་གི་རིན་ཚད། གནའ་དུས་བོད་ཀྱི་ཁྲིམས་ལུགས་སུ་མི་རབ་འབྲིང་སོགས་རིམ་པ་དགུ་རུ་ཕྱེ་བ་སྟེ། དམག་དཔོན་ཆེན་པོ་རྣམས་རབ་ཀྱི་རབ་དང༌། བྲན་གཡོག་སུམ་བརྒྱ་ཡན་ཆད་ཡོད་པའི་མངའ་བདག་དང་དགོན་ཆེན་གྱི་མཁན་པོ་རྣམས་རབ་ཀྱི་འབྲིང་དང༌། བྲན་གཡོག་བརྒྱ་ཡན་ཆད་ཡོད་པའི་མངའ་བདག་དང་དགོན་ཆུང་གི་མཁན་པོ་རྣམས་རབ་ཀྱི་ཐ་མ་དང༌། དཔོན་རིགས་དཀྱུས་མ་དང་དགོན་གཉེར་རྣམས་འབྲིང་གི་རབ་དང༌། དམག་དཔོན་འབྲིང་བ་དང་གྲྭ་པ་ཕལ་པ་རྣམས་འབྲིང་གི་འབྲིང་དང༌། རབ་ཏུ་བྱུང་བའི་མངའ་བདག་རྣམས་འབྲིང་གི་ཐ་མ་དང༌། མི་སེར་ཕལ་པ་དང་གཞུང་གཡོག་རྣམས་ཐ་མའི་རབ་དང༌། གཞིས་ཆགས་པའི་མགར་བ་དང༌། བཤན་པ། སྦྲང་པོ་རྣམས་ཐ་མའི་འབྲིང་དང༌། གཞི་གནས་མེད་པའི་མགར་བ་དང་བཤན་པ་རྣམས་ཐ་མའི་ཐ་མ་བཅས་སོ། རིམ་པ་དེ་དག་ལ་གཞིགས་ནས་གཤིན་པོའི་སྟོང་ཐང་ཐག་གཅོད་བྱེད་ཅིང༌། གསེར་སྲང་ཆིག་སྟོང་ནས་བཅོ་ལྔའི་བར་གང་ལ་ཅི་འོས་སུ་འཇལ་དགོས་སོ། |
| སྟོང་ཐུན |
1 གནད་དོན་སྟོང་ཕྲག་དུ་མ་ཐུན་ཐུན་དུ་བསྡུས་པ་སྟེ་སྤྱི་དོན། 2 གྲངས་གནས་ཤིག |
| སྟོང་དང་པོ |
སྟོང་སྤྱི་ཕུད་འཇིག་རྟེན་གྱི་ཁམས། |
| སྟོང་དཔོན |
མི་གྲངས་སྟོང་གི་སྤྱི་དཔོན། |
| སྟོང་པ |
1. ཐ་མི་དད་པ སྟོངས་པ། སྟོང་པ།། 1 དབེན་པ་དང༌། ཟད་པར་འགྱུར་བ། ལ་འགོ་ཤིང་གིས་སྟོང་པ། ལུང་པ་ཆུས་སྟོང་པ། གོར་ནད་བྱུང་ནས་སྒོ་ཕྱུགས་སྟོང་པ། ཁྱིམ་གཞི་སྟོང་པ། མི་ཤི་ཁྱིམ་སྟོང༌། གང་ཟག་གི་བདག་གིས་སྟོང་པ། ཆོས་ཀྱི་བདག་གིས་སྟོང་པ། རང་བཞིན་གྱིས་སྟོང་པ། 2 སྨིན་པ་དང༌། ཕན་པ། ཐབས་ཤེས་གང་གིས་ཀྱང་མི་སྟོང༌། 2. 1 མནན་ན་མི་འཕར་བའི་རྩ་འཕར་སྟངས་ཤིག 2 ཟླ་རེའི་གནམ་གང༌། 3 མངོན ཡར་ངོའི་ཚེས་བཞི་དང༌། དགུ། བཅུ་བཞི་བཅས་དང༌། མར་ངོའི་ཚེས་བཅུ་དགུ་དང༌། ཉེར་བཞི། ཉེར་དགུ་རྣམས་སོ། 4 བདག་གིར་ལྟ་བའི་མི་མཐུན་ཕྱོགས་ཀྱིས་སྟོང་པ། བདེན་བཞིའི་རྣམ་པ་བཅུ་དྲུག་གི་ནང་གསེས་ཤིག 3 སྣོད་ཀྱི་ནང་དུ་བཅུད་གང་ཡང་མེད་པ། ཁང་པ་སྟོང་པ། ཐང་སྟོང༌། ནམ་མཁའ་སྟོང་པ། བྲག་སྟོང༌། ལུང་སྟོང༌། ཤོག་སྟོང༌། ས་སྟོང་རི་སྟོང༌། དབུལ་ཞིང་སྟོང་པ། མིང་གི་རྣམ་གྲངས་ལ་སྙིང་པོ་མེད་དང༌། སྟོང་པ་ཉིད། འབྲས་བུས་སྟོང༌། ཡ་མ་བརླ། གསོག་གསོབ་བཅས་སོ། 4. ཨང་གྲངས་ཐིག་ལེའི་མིང༌། |
| སྟོང་པ་ཆེན་པོ |
1 སྟོང་པ་བཞིའི་ཡ་གྱལ་ཞིག་སྟེ། དགའ་བྲལ་གྱི་བདེ་བ་ཉམས་སུ་མྱོང་བའོ། 2 འོད་གསལ་གྱི་ཀུན་གཞི་ལས་མ་རིག་པ་ཉོན་ཡིད་ཙམ་ལངས་པའི་ཉེར་ཐོབ་བོ། |
| སྟོང་པ་ཉིད |
རང་བཞིན་མེད་པའི་གནས་ལུགས་སམ་དེ་ཁོ་ན་ཉིད། |
| སྟོང་པ་ཉིད་ཀྱི་རྣམ་པར་ཐར་པའི་སྒོ |
རྣམ་ཐར་སྒོ་གསུམ་གྱི་ནང་གསེས། ཀུན་བཏགས་མེད་པའི་ཆོས་རྣམས་སོ། |
| སྟོང་པ་ཉིད་ཆེན་པོ |
སྟོང་པ་ཉིད་བཅུ་དྲུག་གི་ནང་གསེས་ཤིག་ཆོས་རྣམས་རང་བཞིན་གྱིས་མ་གྲུབ་པར་བདེན་པས་སྟོང་པ་ནི་སྣང་སྲིད་སྣོད་བཅུད་ཀྱི་འཇིག་རྟེན་མ་ལུས་པ་ལ་ཁྱབ་པས་ཆེན་པོའོ། |
| སྟོང་པ་ཉིད་དུ་ལྟ་བ |
ཆོས་རྣམས་རང་བཞིན་མེད་པར་ལྟ་བ། |
| སྟོང་པ་ཉིད་བཅུ་དྲུག |
ནང་སྟོང་པ་ཉིད། ཕྱི་སྟོང་པ་ཉིད། ཕྱི་ནང་སྟོང་པ་ཉིད། སྟོང་པ་ཉིད་སྟོང་པ་ཉིད། ཆེན་པོ་སྟོང་པ་ཉིད། དོན་དམ་པ་སྟོང་པ་ཉིད། འདུས་བྱས་སྟོང་པ་ཉིད། འདུས་མ་བྱས་སྟོང་པ་ཉིད། མཐའ་ལས་འདས་པ་སྟོང་པ་ཉིད། ཐོག་མ་དང་ཐ་མ་མེད་པ་སྟོང་པ་ཉིད། དོར་བ་མེད་པ་སྟོང་པ་ཉིད། རང་བཞིན་སྟོང་པ་ཉིད། ཆོས་ཐམས་ཅད་སྟོང་པ་ཉིད། རང་གི་མཚན་ཉིད་སྟོང་པ་ཉིད། མི་དམིགས་པ་སྟོང་པ་ཉིད། དངོས་པོ་མེད་པའི་ངོ་བོ་ཉིད་སྟོང་པ་ཉིད་བཅས་བཅུ་དྲུག |
| སྟོང་པ་ཉིད་བཅོ་བརྒྱད |
སྟོང་པ་ཉིད་བཅུ་དྲུག་གི་སྟེང་དུ། དངོས་པོ་མེད་པ་སྟོང་པ་ཉིད་དང༌། ངོ་བོ་ཉིད་སྟོང་པ་ཉིད་བསྣན་པས་བཅོ་བརྒྱད་དོ། |
| སྟོང་པ་ཉིད་བཞི |
དངོས་པོ་སྟོང་པ་ཉིད་དང༌། དངོས་མེད་སྟོང་པ་ཉིད། རང་བཞིན་སྟོང་པ་ཉིད། གཞན་གྱི་དངོས་པོ་སྟོང་པ་ཉིད་བཅས་བཞིའོ། |
| སྟོང་པ་ཉིད་སྟོང་པ་ཉིད |
སྟོང་ཉིད་བཅུ་དྲུག་གི་ནང་གསེས་ཤིག་སྟེ། སྟོང་པ་ཞེས་བྱ་བ་དེ་ཉིད་དངོས་པོ་མེད་པར་སྟོན་པའོ། |
| སྟོང་པ་བཞི |
སྟོང་པ་དང༌། ཤིན་ཏུ་སྟོང་པ། སྟོང་པ་ཆེན་པོ། ཐམས་ཅད་སྟོང་པ་བཅས་བཞི། དེ་བཞི་ནི་རིམ་བཞིན་སྣང་བ་དང༌། མཆེད་པ། ཉེར་ཐོབ། འོད་གསལ་དང་སྦྱར་རོ། |
| སྟོང་པའི་བསྐལ་པ |
བསྐལ་པ་བཞིའི་ཐ་མ་འཇིག་རྟེན་གྱི་ཁམས་འདི་འཇིག་ཚར་ནས་འཇིག་རྟེན་གྱི་ཁམས་ཕྱི་མ་མ་ཆགས་བར་གྱི་སྟོང་པར་གནས་པའི་བར་བསྐལ་ཉི་ཤུའི་ཡུན་ལ་སྟོང་པའི་བསྐལ་པ་ཞེས་བྱའོ། |
| སྟོང་པའི་ལྷ |
ཟབ་མོའི་གནས་ལུགས་མཐའ་བཞི་བྲལ་བའི་སྟོང་ཉིད་བསྒོམ་པ་སྟེ་བྱ་རྒྱུད་ལྷ་དྲུག་གི་ནང་གསེས་ཤིག་གནས་ལུགས་ཀྱི་དོན་བསྒོམ་པ་སྟོང་པའི་ལྷའོ། |
| སྟོང་ཕྱོགས་ཤེས་རབ་ཀྱི་ཆ |
བདེན་གྲུབ་ཀྱིས་སྟོང་པ་ཉིད་རྟོགས་པའི་ཤེས་རབ་བོ། |
| སྟོང་ཕྲག |
གྲངས་བརྒྱ་ཕྲག་བཅུ། |
| སྟོང་ཕྲག་བརྒྱ་པ |
ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པ་རྒྱས་པ། སངས་རྒྱས་ཀྱི་བཀའ་བར་པ་མཚན་ཉིད་མེད་པའི་ཆོས་ཀྱི་གྲས། |
| སྟོང་བ |
(རྒྱན་ཚིག) ནང་ན་དངོས་རྫས་མེད་པའི་དོན་ཏེ། ཁང་བ་སྟོང་བ། ལག་པ་སྟོང་བ། ཤོག་གུ་སྟོང་བ། སྣོད་སྟོང་བ་ཞེས་པ་ལྟ་བུ། བརྗོད་བྱ་དང་བསམ་ཚུལ་སོགས་གནས་ཚུལ་དངོས་དང་མི་མཐུན་པའམ་བསྒྲུབ་མི་ཐུབ་པའི་དོན་ཏེ། ཚིག་སྟོང་བ། བསམ་བློ་སྟོང་བ་ཞེས་པ་ལྟ་བུ། ０དོན་མེད་པའི་དོན་ཏེ། མི་ཚེ་སྟོང་ཟད་དུ་མ་གཏོང་། ལས་ཀ་བྱེད་པའི་དུས་ཚོད་སྟོང་ཟད་དུ་མ་གཏོང་ཞེས་པ་ལྟ་བུ། １ཚིག་བསྡུས་ན་སྟོང་ཞེས་འབྲི་ཆོག་སྟེ། ཚིག་སྟོང་། སྟོང་བསམ་ཞེས་པ་ལྟ་བུ། |
| སྟོང་བར་མ |
སྟོང་སྤྱི་ཕུད་སྟོང་ཕྲག་རེ་ལ་སྟོང་བར་མའི་འཇིག་རྟེན་གྱི་ཁམས་ཞེས་བྱ་སྟེ་དེ་ལ་ནི་གླིང་བཞི་ནས་ཚངས་པའི་འཇིག་རྟེན་གྱི་བར་ས་ཡ་ཕྲག་གཅིག་ཡོད་དོ། |
| སྟོང་བཤད |
ལག་ལེན་མེད་པའི་ཚིག་ཙམ་གྱི་བཤད་པ། |
| སྟོང་བསམ |
དངོས་སུ་འགྲུབ་མི་ཐུབ་པའི་རེ་འདུན། |
| སྟོང་བསྐལ |
སྟོང་པའི་བསྐལ་བའི་བསྡུས་ཚིག་ |
| སྟོང་བུ་ཆུང |
སྟོང་དཔོན་ཆུང་ཁ། |
| སྟོང་མཆོད |
མེ་ཏོག་བདུག་སྤོས། མར་མེ། དྲི་ཆབ། ཞལ་ཟས་ཏེ་མཆོད་རྫས་སྣ་ལྔ་སོ་སོ་ནས་གྲངས་ཀ་སྟོང་ཕྲག་རེ་ལོངས་པའི་མཆོད་པ། |
| སྟོང་མཇུག |
སྤོ་བོ་སྟོང་མཇུག་སྟེ་བོད་རང་སྐྱོང་ལྗོངས་ཀྱི་ཉང་ཁྲི་རྫོང་ཁོངས་སེར་ཁྱིམ་ལའི་ཤར་ངོས་སུ་ཡོད་པའི་ས་ཆ་ཞིག |
| སྟོང་མཇུག་མེད་པ |
འགོ་མཇུག་མེད་པ། སྟོང་མཇུག་མེད་པའི་གླུ་ཞིག་ལེན། |
| སྟོང་མཐའ |
གནམ་གང་སྟེ། བོད་ཚེས་སུམ་ཅུ་ཉིན་གྱི་མིང༌། |
| སྟོང་ཚེ་རོག་པོ |
སྟང་ཟིལ་གྱི་མིང་གི་རྣམ་གྲངས་ཤིག |
| སྟོང་ཚོ |
གྲངས་ཀ་སྟོང་ཕྲག་གཅིག་ལོངས་པའི་སྐོར་ཚོ། |
| སྟོང་ཟད |
1 དོན་མེད་དུ་སྟོང་པར་ཟད་པ། ལས་ཀ་མ་བྱས་པར་ཉི་མ་སྟོང་ཟད་དུ་སོང༌། མི་ཚེ་སྟོང་ཟད་དུ་ཕྱིན་པ། 2 དོན་མ་གྲུབ་པ། རེ་བ་སྟོང་ཟད། |
| སྟོང་ཟུར |
གྲངས་ཀ་སྟོང་ཕྲག་གཅིག་གི་ཟུར་གཅིག་གམ་ཆ་གཅིག |
| སྟོང་འཁོར་ལོས་སྒྱུར་རྒྱལ |
སྟོང་སྤྱི་ཕུད་ཀྱི་བདག་པོའམ་སྟོང་གསུམ་འཁོར་ལོས་སྒྱུར་བའི་རྒྱལ་པོ། |
| སྟོང་འཁྲུགས |
འཁྲུགས་ཚད་རླུང་གིས་བུས་པ་ཞིག་སྟེ། ནད་རྟགས་སུ་སྟོད་གཟེར་བ་དང༌། ཁ་སྐམ་པ། གཟེར་འཕོ་བ། སྨྱོ་འཆལ་སོགས་བྱེད་པ་ཞིག |
| སྟོང་འཇལ་བ |
མི་བསད་པའི་སྟོང་འཇལ་བ། སྔར་བོད་ཀྱི་ཁྲིམས་ལ་མི་བསད་ན་སྟོང་འཇལ་དགོས་པའི་སྲོལ་ཡོད། |
| སྟོང་འཕྲོ་བ |
མངོན ཉི་མ། |
| སྟོང་འུར |
དགོས་མེད་དོན་མེད་ཀྱི་ཅ་ཅོའི་སྒྲ། ཕུ་དཀྲུག་མདའ་དཀྲོག་གི་སྟོང་འུར་བཤད་པ། |
| སྟོང་ར་ཅན |
གྲངས་ཀ་སྟོང་ཕྲག་ལོངས་པའི་སྡེ་ཚན། |
| སྟོང་རི་ཟིལ་པ |
སྔོན་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་རིམས་ཚད་དང༌། མཁྲིས་ཚད། གབ་ཚད་བཅས་ལ་ཕན། |
| སྟོང་རྐྱལ |
ལུས་ལ་རྐྱལ་བ་འདོགས་རྒྱུ་མེད་པའི་ཆུ་རྐྱལ། གཙང་པོ་ལ་སྟོང་རྐྱལ་བརྒྱབ་ན་ཆུར་བྱིང་བའི་ཉེན་ཁ་ཆེ། |
| སྟོང་རྒྱུག |
ཆེད་དུ་ཕྱིན་ནས་དོན་མ་གྲུབ་པར་ལོག་ཡོང་བ། རྟས་སྟོང་རྒྱུག་གློད་པ། དོན་མེད་སྟོང་རྒྱུག་བྱས་པ། |
| སྟོང་ལོག |
དོན་མ་གྲུབ་པར་རང་ཡུལ་དུ་ལོག་པ། རིན་ཆེན་གླིང་ནས་སྟོང་ལོག་བྱས་འདི་བླུན། |
| སྟོང་ལྷང་ངེར |
སྟོང་པའི་སྣང་ཚུལ། གཟིམ་ཆུང་དེ་ནི་བྱ་ཚང་ནས་སྒོ་ང་བཏོན་པ་ལྟར་སྟོང་ལྷང་ངེར་སོང་འདུག |
| སྟོང་ཤོབ |
སྙིང་པོ་མེད་པའི་གཏམ་མམ་རྫུན་གཏམ། |
| སྟོང་སང་ངེ |
སྟོང་པའི་སྣང་ཚུལ་ཞིག སྤྲིན་པ་མེད་པའི་ནམ་མཁའི་དབྱིངས་སྟོང་སང་ངེ། |
| སྟོང་སང་སང |
སྟོང་པའི་སྣང་ཚུལ་ཞིག མི་ནོར་མེད་པའི་ལུང་པ་སྟོང་སང་སང་རེད། |
| སྟོང་སོབ |
སྙིང་པོ་མེད་པའི་སྟོང་པ་སོབ་སོབ། ལྦུ་བའི་གོང་བུ་ཇི་ཙམ་ཆེ་ཡང་སྟོང་སོབ་ཁོ་ན་རེད། |
| སྟོང་སྐུད |
གོས་ཆེན་གྱི་རྒྱུ་སི་སྐུད། |
| སྟོང་སྐོར |
གྲངས་ཀ་སྟོང་ཕྲག་ལོན་མ་ལོན་ཙམ། |
| སྟོང་སྐྱུགས |
ཟས་སྐོམ་སོགས་མེད་པའི་སྟོང་པ་ལྦུ་བ་ཅན་སྐྱུགས་པའི་རླུང་གི་ནད་རྟགས་ཤིག |
| སྟོང་སྙེག |
1 དོན་མེད་ཀྱི་རྗེས་སུ་སྙེག་པ། 2 མི་བསད་པའི་སྟོང་སྙེག་པ་སྟེ་སྟོང་འདེད་པ། |
| སྟོང་སྡེ |
དུད་གྲངས་སྟོང་ཕྲག་ལོན་པའི་སྡེ་ཚོ། |
| སྟོང་སྤྱི་ཕུད |
ཚངས་གནས་ནས་རླུང་དཀྱིལ་བར་གྱི་གླིང་བཞི་རི་རབ་ཉིད་ཟླ་སོགས་ཆ་ཚང་གཅིག་ལ་རྩིས་གཞི་གཅིག་ཏུ་བཟུང་བའི་སྟོང་ཕྲག་གཅིག་ |
| སྟོང་སྤྱི་ཕུད་ཀྱི་འཇིག་རྟེན་གྱི་ཁམས |
སྟོང་དང་པོ། |
| སྟོང་ཧང་ཧང |
སྟོང་པའི་སྣང་ཚུལ་ཞིག སྙིང་ནོར་བོར་བས་རེ་ཞིག་སེམས་སྟོང་ཧང་ཧང་བྱས་བྱུང༌། |
| སྟོངས |
(བྱེད་མེད་ལས་ཚིག་འདས་པ)ཟད་པའམ་མེད་པར་གྱུར་པའི་དོན་ཏེ། སྤྱི་ཚོགས་རྙིང་བར་གོར་ནད་བྱུང་ན་ནོར་ར་སྟོངས་ཤིང་། ནད་ཡམས་བྱུང་ན་ཁྱིམ་གཞི་སྟོངས་ཞེས་པ་ལྟ་བུ། |
| སྟོངས་གཅོད |
སྟོང་གཅོད་དང་འདྲ། |
| སྟོངས་གདབ |
ཕན་གྲོགས་བྱའམ་གྲོགས་བྱེད་ཅེས་པའི་དོན། |
| སྟོངས་གྲོགས |
སྡོངས་གྲོགས་ཀྱི་འབྲི་ཚུལ་གཞན། བསྟོང་གི་སྐུལ་ཚིག |
| སྟོངས་པ |
སྟོང་པའི་འདས་པ། |
| སྟོངས་བསྐལ |
སངས་རྒྱས་མ་བྱོན་པའི་དུས་བསྐལ། |
| སྟོངས་མོ |
ཕན་འདོགས་རོགས་རམ། |
| སྟོངས་ཚད |
ཚད་གཞུག་སོགས་སུ་འབྱུང་བའི་རླུང་དང་བསྡོང་བའི་ཚད་པའི་མིང༌། |
| སྟོངས་འདོགས་པ |
ཕན་འདོགས་པའམ་རོགས་བྱེད་པ། ཟས་གོས་གནས་མལ་ཙམ་གྱི་སྟོངས་འདོགས་པ། |
| སྟོད |
1. སྟོད་པའི་སྐུལ་ཚིག 2. དཀྱིལ་ཆ་ཡན་ཆད། ལུང་སྟོད། ལུས་སྟོད།..ཟླ་སྟོད། ནམ་སྟོད། ཚེ་སྟོད། |
| སྟོད |
མི་ཕྱུགས་ཀྱི་ལུས་ཀྱི་ལྟེ་བ་ཡན་གྱི་མིང་སྟེ། ཁོག་སྟོད། ལུས་སྟོད་སྨད། སྟོད་གོས། རོ་སྟོད་ཅེས་པ་ལྟ་བུ། 2.(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ་དང་སྐུལ་ཚིག) སྒ་ཆས་ཕྱུགས་ཀྱི་རྒྱབ་ལ་འཇོག་པ་སྟེ། སྟོད་བྱའི་སྒ། སྒ་སྟོད་ཀྱིན་འདུག སྒ་སྟོད་དང་ཞེས་པ་ལྟ་བུ། |
| སྟོད་ཀོར |
1 སྟོད་གོས། 2 སྐུ་སྟོད་ཐད་ཀྱི་འོད་ཀོར། |
| སྟོད་ཀྱི་སྟེང་གཉིས |
སྔར་བོད་རྒྱལ་གྲི་གུམ་བཙན་པོ་དང༌། པུ་དེ་གུང་རྒྱལ་གཉིས་ཀྱི་མིང༌། |
| སྟོད་ཁེབས |
སྟོད་གོས་ཕུ་དུང་ཅན་ཐུང་ཐུང༌། |
| སྟོད་ཁོག |
ལུས་ཀྱི་སྟོད་ཁོག |
| སྟོད་གངས་རིན་པོ་ཆེ |
སྟོད་མངའ་རིས་ཁོངས་སྤུ་ཧྲེང་གི་ཉེ་འདབས་སུ་ཡོད་པའི་གངས་ཏེ་སེ། |
| སྟོད་གཞས |
དང་ཐོག་གཙང་སྟོད་ས་ཆར་དར་ཞིང་རིམ་ཀྱིས་ལྷ་ས་སོགས་གྲོང་ཁྱེར་དུ་བརྒྱུད་པའི་བོད་ཀྱི་ཟློས་གར་གྱི་རིགས་ཤིག |
| སྟོད་གཟུག |
ཤ་ཁོག་གི་སྟོད་གཟུག |
| སྟོད་གཟེར |
ལུས་ལ་ཁྲག་ཚད་རྒྱས་པས་ལུས་སྟོད་གཟེར་བའི་མཁྲིས་པའི་ནད་རྟགས་ཤིག |
| སྟོད་གཡོགས |
ལྷ་རྫས་ན་བཟའི་བྱེ་བྲག་ཅིག |
| སྟོད་གསང |
སྟོད་གསང་ཕྱལ་མོ་སྟེ་ལུས་ཀྱི་ཕུག་རོན་གསང༌། |
| སྟོད་གསང་ཕྱལ་མོ |
ཕུག་རོན་གསང་གི་མིང་གཞན་ཞིག |
| སྟོད་གསེར |
བོད་ཀྱི་སྟོད་དང་བྱང་ནས་ཐོན་པའི་གསེར། |
| སྟོད་གུག |
ལུས་ཀྱི་སྟོད་མདུན་དུ་གུག་པ། རྒད་པོ་སྟོད་གུག་ཅིག་འཁར་བ་བཙུགས་ནས་འགྲོ། |
| སྟོད་གུང་ཐང |
སྤུ་ཧྲེང་རྫོང་ཁོངས་ཡུལ་ཞིག་གི་མིང་རྙིང༌། |
| སྟོད་གོས |
རས་སྣམ་གང་རུང་གིས་བཟོས་པའི་ཡས་གོས། མིང་གི་རྣམ་གྲངས་ལ་སྟོད་སྐྱོབ་དང༌། སྟོད་སྒྲིབ། སྟོད་གཡོགས་བཅས་སོ། |
| སྟོད་ཆ |
སྟོད་སྨད་གཉིས་སུ་ཕྱེ་བའི་སྟོད། དཔེ་ཆའི་སྟོད་ཆ། ལུས་ཀྱི་སྟོད་ཆ། གྲོང་གི་སྟོད་ཆ། |
| སྟོད་ཇ |
སེང་ལྡེང་གི་ཁཎྜ་སྟེ། ནུས་པས་ཁྲག་ངན་དང་ཆུ་སེར་སྐེམ། དྲེག་དང༌། གྲུམ་བུ། ཆུ་སེར། མཛེ་ནད་བཅས་ལ་ཕན། |
| སྟོད་ཇ་དཀར་པོ |
ཁྲག་ནད་ལ་ཕན་ཞིང༌། བོད་ཀྱི་བུད་མེད་ཀྱི་གདོང་ལ་འབྱུག་རྫས་ཤིག |
| སྟོད་ཇ་དམར་པོ |
བོད་ཇའི་མདོག་འདོན་བྱེད་ཀྱི་རྩི་ཞིག |
| སྟོད་ཐུང |
སྟོད་ལ་གྱོན་རྒྱུའི་ལྭ་བ་ཐུང་ཐུང་གི་མིང་། དུས་ཚོད་ལ་ཁག་ཁ་ཤས་བགོས་པའི་དང་པོའི་མིང་སྟེ། ལོ་སྟོད། ལོ་སྟོད་སྨད། ཟླ་སྟོད། ཚེ་སྟོད་ཅེས་པ་ལྟ་བུ། ０སའི་མཐོ་ཕྱོགས་ཀྱི་མིང་སྟེ། སྟོད་ཕྱོགས། རི་སྟོད། ལམ་སྟོད་ཅེས་པ་ལྟ་བུ། １དཔེ་ཆ་སོགས་དེབ་གཉིས་སུ་བགོས་པའི་དང་པོའི་མིང་སྟེ། དཔེ་ཆའི་སྟོད་ཆ་སྨད་ཆ་ཞེས་པ་ལྟ་བུ། |
| སྟོད་ནད |
ལུས་ཀྱི་སྟོད་དུ་བྱུང་བའི་ནད། སྟོད་ནད་ན་བ། |
| སྟོད་པ |
ཐ་དད་པ བསྟད་པ། བསྟད་པ། སྟོད།། 1 གྲབས་གཤོམ་བྱེད་པ། རྟ་ལ་སྒ་བསྟད་ཚར་འདུག འགྲོ་ཆ་བསྟད་གྲུབ་སོང༌། 2 གཏོད་པ། གདོང་སྣ་བསྟད་པ། བློ་སྣ་བསྟད་པ། དགུང་བསྟད་ནས་འཕུར། |
| སྟོད་ཕུར |
མངོན སྐར་མ་བརྟན་པ། |
| སྟོད་ཕྱག |
རྙིང ཕུ་ཐུང་ངམ་རྔུལ་གཟན། |
| སྟོད་ཕྱོགས |
ལུས་དང་ཡུལ་སོགས་ཀྱི་སྨད་ཆའི་ལྡོག་པ། |
| སྟོད་མངའ་རིས་སྐོར་གསུམ |
མངའ་རིས་སྐོར་གསུམ་དང་དོན་གཅིག་ |
| སྟོད་ཚ་འཚངས་པ |
ཚ་བའི་ནད་སྟོད་དུ་འཚངས་པ། ཤ་ཆང་སྤྱོད་ཆེས་པས་སྟོད་ཚ་འཚངས་པ། |
| སྟོད་ཟངས |
སྟོད་མངའ་རིས་སོགས་ནས་ཐོན་པའི་སྣོད་ཟངས། |
| སྟོད་འགག |
བོད་ཀྱི་བཙུན་པའི་སྟོད་གོས་ཕུ་རུང་མེད་པ་ཞིག་གི་མིང་། |
| སྟོད་འགྲེལ |
སེམས་འགྲེལ་སྐོར་གསུམ་གྱི་ནང་ཚན། བདེ་མཆོག་རྩ་རྒྱུད་ཀྱི་ལེའུ་དང་པོ། དུས་འཁོར་ལུགས་སུ་འགྲེལ་བ། ཕྱག་ན་རྡོ་རྗེས་བརྩམས། |
| སྟོད་འདུལ |
སྟོད་མངའ་རིས་ཕྱོགས་ནས་དར་ཞིང་མཆེད་པའི་འདུལ་བ་སྟེ། ལྷ་བླ་མ་ཡེ་ཤེས་འོད་ཀྱི་སྐུ་རིང་ལ་རྒྱ་གར་ཤར་ཕྱོགས་ཀྱི་པཎྜི་ཏ་དྷརྨ་པཱ་ལ་དེའི་སློབ་མའི་གཙོ་བོ་ས་དྷུ་པཱ་ལ། གུ་ཎ་པཱ་ལ། པྲཛཉཱ་པཱ་ལ་སྟེ་པཱ་ལ་རྣམ་གསུམ་བཅས་སྤྱན་དྲངས། དེ་དག་ལས་ཞང་ཞུང་བ་རྒྱལ་བའི་ཤེས་རབ་ཀྱིས་སྡོམ་པ་བླངས། དེའི་སློབ་མ་དཔལ་འབྱོར་དང་ཞང་མོ་ཆེ་བ་བྱང་ཆུབ་སེང་གེ་ལ་སོགས་པ་ནས་བརྒྱུད་དེ་མཆེད་པ་རྣམས་ལ་སྟོད་འདུལ་བ་ཞེས་གྲགས་སོ། |
| སྟོད་འཚང |
རླུང་ལུས་ཀྱི་སྟོད་ཆར་ཞུགས་པའི་ནད་གཞི། ཁྲག་རླུང་སྟོད་འཚང༌། གྲང་རླུང་སྟོད་འཚང༌། |
| སྟོད་རྒྱུད |
1 རྒྱུད་སྟོད་སྔགས་གྲྭ། 2 སྟོད་ཆའི་ཕྱོགས། གཙང་པོའི་སྟོད་རྒྱུད། |
| སྟོད་ལུང |
ས་ཁུལ་ཞིག་བོད་རང་སྐྱོང་ལྗོངས་ཀྱི་གྲོང་ཁྱེར་ལྷ་སའི་ནུབ་བྱང་ངོས་སྟོད་ལུང་ཆུ་རྒྱུད་ཀྱི་སྤྱི་མིང་ཡིན། |
| སྟོད་ལུང་ཆུ |
བོད་རང་སྐྱོང་ལྗོངས་ཀྱི་སྟོད་ལུང་བདེ་ཆེན་རྫོང་ཁོངས་ཀྱི་ཆུ་བོ་ཞིག་དང་སྐྱིད་ཆུའི་ཡང་ལག་ཅིག་ཡིན། |
| སྟོད་ལུང་བདེ་ཆེན |
རྫོང་ཞིག་བོད་རྣག་སྐྱོང་ལྗོངས་ཀྱི་ལྷ་ས་གྲོང་ཁྱེར་གྱི་ནུབ་བྱང་སྟོད་ལུང་ཆུ་རྒྱུད་དུ་ཆགས་ཡོད། རྫོང་མི་དམངས་སྲིད་གཞུང་དེ་ནམ་མཁའ་དངོས་གཞི་རུ་ཡོད། |
| སྟོད་ལུང་སྣང་རྩེ་བ |
སྔར་སྟོད་ལུང་སྣང་རྩེ་ཁུལ་དུ་དར་བའི་ཟློས་གར་ཚོགས་པ་ཞིག |
| སྟོད་ལྷེ |
ལྷའི་སྐུ་སྟོད་ཀྱི་ན་གཟའ་ཞིག |
| སྟོད་ལྷོད་ཤིག་ཤིག |
ལུས་སེམས་བདེ་འབོལ་བྱུང་ཚུལ་གྱི་དཔེ། ཕྱི་ནང་གི་རྙོག་གྲ་ཚང་མ་སངས་ནས་སྟོད་ལྷོད་ཤིག་ཤིག་བག་ཕེབས་སུ་བསྡད་ཆོག་པ། འགན་འཁུར་ཕབ་པས་སྟོད་ལྷོད་ཤིག་ཤིག་བྱུང་བ། |
| སྟོད་སྐོར |
ས་ཆ་དང་དཔེ་ཆ་སོགས་ཀྱི་སྟོད་ཆ། |
| སྟོད་སྒག |
སྟོད་འགག་དང་འདྲ། |
| སྟོད་སྒལ |
ལུས་ཀྱི་སྒལ་པ། |
| སྟོད་སྒུར་པོ |
ལུས་སྟོད་འདྲོང་པོ་མིན་པ། |
| སྟོད་སྨད |
གོང་འོག་གམ་ཡས་མས། ལུས་ཀྱི་སྟོད་སྨད། དཔེ་ཆའི་སྟོད་སྨད། |
| སྟོད་སྨད་བར་གསུམ |
ལུས་དང་ཡུལ་སོགས་ཀྱི་སྟོད་དང༌། སྨད། བར་བཅས་གསུམ། |
| སྟོད་ཧོར |
སྟོད་ཀྱི་སོག་པོ། |
| སྟོད་ཧྲེང |
ཁོག་སྟོད་གཅེར་བུ། |
| སྟོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) <ཀ>དམིགས་ཡུལ་ཞིག་གཞན་ལ་མཐོང་དུ་འཇུག་པ་སྟེ། མཛུབ་མོས་རི་སྟོན། ལམ་སྟོན་པར་བྱེད། ལམ་སྟོན་ཅིག་ལྟ་བུ། |
| སྟོན་ཀ |
ལོ་རེའི་ནམ་དུས་བཞིའི་གསུམ་པ། འབྲས་རྣམས་སྟོན་ཀའི་དུས་སུ་སྨིན། མིང་གི་རྣམ་གྲངས་ལ་དུས་སྔ་དང༌། མདའ་སྦྱིན། འབྲས་ལྡན། གསེར་ལྡན་མ་བཅས་སོ། |
| སྟོན་ཀའི་མེ་ཏོག |
1 སྤང་རྒྱན་དཀར་པོའམ། སྤང་རྒྱན་མེ་ཏོག 2 འཇིག་སླ་བའི་དཔེ། |
| སྟོན་ཁ |
ལོ་གཅིག་གི་དུས་ཚིགས་བཞིའི་ནང་གི་དུས་ཚིགས་གསུམ་པའི་མིང་། མིང་བསྡུས་ན་སྟོན་ཞེས་འབྲི་ཆོག་སྟེ། དབྱར་དགུན་སྟོན་དཔྱིད་ཅེས་པ་ལྟ་བུ། |
| སྟོན་ཁ་འབྲས་བུའི་མེ་ཏོག |
གོས་ཆེན་སོགས་ཀྱི་རི་མོའི་བྱེ་བྲག་ཅིག |
| སྟོན་གནམ |
སྟོན་ཀའི་དུས་ཀྱི་ནམ་མཁའ་དང་སྟོན་དུས་ཀྱི་གནམ་གཤིས། |
| སྟོན་གཤོལ |
སྟོན་དུས་ས་ཞིང་རྨོ་བྱེད་ཀྱི་གཤོལ། |
| སྟོན་ཉིན་མཚན་མཉམ |
སྟོན་དུས་ཉིན་མཚན་ཡུན་རིང་ཐུང་འདྲ་བ། |
| སྟོན་ཏོག |
སྟོན་ཐོག་དང་འདྲ། |
| སྟོན་ཐ་མ |
སྟོན་ཟླ་གསུམ་པ་སྟེ། ཧོར་ཟླ་དགུ་པ། |
| སྟོན་ཐའི་དབུགས་ཐོབ |
སྟོན་ཟླ་གསུམ་པ་སྟེ། ཧོར་ཟླ་དགུ་པའི་འགོ་ཚུགས་ཙམ། |
| སྟོན་ཐའི་སྒང་ཚད |
སྟོན་ཟླ་གསུམ་པ་སྟེ། ཧོར་ཟླ་དགུ་པའི་དཀྱིལ་ཚད། |
| སྟོན་ཐོག |
ལོ་ཏོག |
| སྟོན་ཐོག་ཕྱི་མ |
ལོ་རེར་སྟོན་ཐོག་དུས་གཉིས་རེ་བསྡུ་བའི་སྔ་མ། |
| སྟོན་ཐོག་སྔ་མ |
ལོ་རེར་སྟོན་ཐོག་དུས་གཉིས་རེ་བསྡུ་བའི་སྔ་མ། |
| སྟོན་དུས |
སྟོན་ཟླ་གསུམ། |
| སྟོན་དོད |
སྟོན་མོ་གཏོང་བྱེད་དམ། སྟོན་མོའི་དོད་དུ་སྤྲད་པའི་དངུལ་སོགས། |
| སྟོན་ནམ |
1 སྟོན་དུས་ཀྱི་མཚན་མོ། 2 སྟོན་དུས་ཀྱི་ནམ་མཁའ། |
| སྟོན་ནས |
1 སྟོན་ཀར་གསར་དུ་ཐོན་པའི་ནས། 2 ཡུལ མར་དང་ཇ་སོགས་ཀྱི་འབྲུ་འབབ་སྟོན་ཁར་སྤྲོད་ལེན་བྱེད་རྒྱུའི་རིགས། |
| སྟོན་པ |
1. ཐ་དད་པ བསྟན་པ། བསྟན་པ། སྟོན།། 1 འཆད་པ། གནས་ལུགས་གསལ་པོར་བསྟན། གཞུང་དོན་ཆ་ཚང་བར་བསྟན། ཆོས་སྟོན་པ། 2 ཕྱིར་མངོན་ནས་གཞན་ལ་ཤེས་སུ་འཇུག་པ། ལྟད་མོ་སྟོན། རྣམ་འགྱུར་སྟོན་པ། དགའ་ཉམས་སྟོན། ཁྲོ་ཉམས་བསྟན། འགྲོ་ལམ་སྟོན་པ། ཁོང་དུ་ཆུབ་པའི་རྟགས་བསྟན། 2. ལམ་སྲོལ་འབྱེད་པ་པོ། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་རྫོགས་པའི་སངས་རྒྱས། ཕྱི་པའི་སྟོན་པ་དྲུག |
| སྟོན་པ་གཤེན་རབས |
སྟག་གཟིག་འོལ་མོ་ལུང་རིང་དུ་འཁྲུངས་པའི་བོན་གྱི་སྟོན་པ། |
| སྟོན་པ་པོ |
1 ཆོས་སྟོན་མཁན། 2 ལམ་སྟོན་མཁན་ནམ། ཆ་རྒྱུས་སྟོན་མཁན། |
| སྟོན་པ་ཕུན་སུམ་ཚོགས་པ |
ཕུན་སུམ་ཚོགས་པ་ལྔའི་ནང་གསེས། བསྐལ་བཟང་རྣམ་འདྲེན་བཞི་པ་སྟོན་པ་ཐུབ་པའི་དབང་པོ་སོགས། |
| སྟོན་པ་ཙུག་སྦེད་པ་ཙུག |
སྟོན་ལ་མི་སྟོན་ཏེ་སྟོན་པ་འདྲ་མོ། སྦེད་པ་འདྲ་མོ། |
| སྟོན་པ་ཤཱཀྱ་ཐུབ་པ |
བསྐལ་བཟང་གི་རྣམ་འདྲེན་བཞི་པ་ཟས་གཙང་སྲས། |
| སྟོན་པའི་བསྟན་པ |
སྟོན་པ་བཅོམ་ལྡན་འདས་ཀྱི་ལུང་དང་རྟོགས་པའི་བསྟན་པ། |
| སྟོན་པའི་མཛད་པའི་དུས་ཆེན་བཞི |
ལྷ་ཡུལ་ནས་བབ་པ་དང༌། ཆོས་འཁོར་བསྐོར་བ། ཆོ་འཕྲུལ་བསྟན་པ། མངོན་པར་སངས་རྒྱས་པ་བཅས་ཀྱི་དུས་ཆེན་བཞིའོ། |
| སྟོན་བལ |
སྟོན་དུས་བྲེགས་པའི་ལུག་བལ། |
| སྟོན་མཆོད |
སྟོན་དུས་འབུལ་བའི་མཆོད་པ་ཞིག |
| སྟོན་མཇུག |
སྟོན་ཀའི་མཐའ། |
| སྟོན་མཉམ |
ཧོར་ཟླ་བརྒྱད་པའི་སྒང་ཚད་ལ་སྟོན་ཉིན་མཚན་མཉམ་པའི་དུས་ཚིགས། |
| སྟོན་མཚེར |
འབྲོག་པ་སྟོན་ཁ་སྡོད་སའི་ས་ཆ། |
| སྟོན་མར |
སྟོན་དུས་ཀྱི་མར། |
| སྟོན་མིན |
རྒྱ སྔར་ཁྲི་སྲོང་སླེ་བཙན་སྐབས་ཧྭ་ཤང་མཧཱ་ཡ་ནས་བོད་དུ་སྤེལ་བའི་སངས་རྒྱས་པའི་གྲུབ་མཐའ་ཞིག |
| སྟོན་མོ |
མགྲོན་པོ་ལ་བཟའ་བཏུང་གིས་སྣེ་ལེན་བྱེད་པའི་བྱ་བའི་མིང་སྟེ། ལོ་གསར་སྟོན་མོ། རྒྱལ་ཚུགས་དུས་ཆེན་གྱི་སྟོན་མོ་ཞེས་པ་ལྟ་བུ། མིང་བསྡུས་ན་སྟོན་ཞེས་འབྲི་ཆོག་སྟེ། དགའ་སྟོན། ལོ་སྟོན་ཞེས་པ་ལྟ་བུ། |
| སྟོན་མོ་འགྱེད་པ |
1 གསོལ་སྟོན་གཤོམ་པ། 2 ལྟད་མོ་འཁྲབ་པ། |
| སྟོན་ཚུགས |
དུས་གཟེར་ཉེར་བཞིའི་ནང་གི་དུས་གཟེར་གཅིག་ཡིན་ཞིང་། ལུགས་གསར་ཟླ་བ་བརྒྱད་པའི་ཚེས་བདུན་ནམ་བརྒྱད་དམ་དགུ་གང་རུང་ལ་འཆར། རང་རེའི་རྒྱལ་ཁབ་ཏུ་སྟོན་ཚུགས་ནི་སྟོན་ཁའི་མགོ་བརྩམས་པའི་དུས་ཡིན། རྒྱས་པར་དུས་ཀྱི་ནང་གི་དུས་གཟེར་ལ་ལྟོས། |
| སྟོན་ཞོ |
སྟོན་ཀའི་ཞོ། |
| སྟོན་ཟུག |
ཧོར་ཟླ་བདུན་པའི་དབུགས་ལ་དུས་བཞིའི་ནང་ཚན་སྟོན་གྱི་འགོ་ཚུགས་པས་ཚད་པ་ཅུང་ཟད་ཁ་འབྲི། |
| སྟོན་ཟླ་གསུམ |
སྟོན་ཟླ་ར་བ། འབྲིང༌། ཐ་ཆུང་སྟེ་གསུམ། ཧོར་ཟླ་བདུན་པ། བརྒྱད་པ། དགུ་པ་གསུམ་དང༌། ཧོར་ཟླ་ལྔ་པ། དྲུག་པ། བདུན་པ་ལ་ངོས་འཛིན་ཚུལ་གཉིས་ཡོད། |
| སྟོན་ཟླ་ཐ་ཆུང |
ཧོར་ཟླ་དགུ་པ། |
| སྟོན་ཟླ་འབྲིང་པོ |
ཧོར་ཟླ་བརྒྱད་པ། |
| སྟོན་ཟླ་ར་བ |
ཧོར་ཟླ་བདུན་པ། |
| སྟོན་འཁོར |
1 སྟོན་པ་དང༌། འཁོར་གྱི་བསྡུས་མིང༌། 2 གཙོ་བོ་དང་འཁོར། |
| སྟོན་འདེབས |
སྟོན་ཀ་ཞིང་ལ་ས་བོན་འདེབས་པ། |
| སྟོན་འབྲས་གཏའ་འཇོག |
སྔར་སོ་ནམ་པ་ཚོས་རང་བཏབ་ཞིང་གའི་སྟོན་འབྲས་བུ་ལོན་གྱི་དམིགས་གཏེར་འཇོག་པ། |
| སྟོན་འབྲས་ཚར་མ |
ལོ་ཏོག་བརྔས་ཟིན་པའི་བསྟར་རྩིག |
| སྟོན་འབྲིང་དབུགས་ཐོབ |
སྟོན་ཟླ་གཉིས་པའམ་ཧོར་ཟླ་བརྒྱད་པའི་འགོ་ཚུགས། |
| སྟོན་འབྲིང་བ |
ཧོར་ཟླ་བརྒྱད་པ། |
| སྟོན་འབྲིང་སྒང་ཚད |
སྟོན་ཟླ་གཉིས་པའམ། ཧོར་ཟླ་བརྒྱད་པའི་དཀྱིལ་ཚད། |
| སྟོན་ར་བ |
སྟོན་ཟླ་ར་བ་དང་དོན་གཅིག་ |
| སྟོན་རའི་དབུགས་ཐོབ |
སྟོན་ཟླ་དང་པོའམ། ཧོར་ཟླ་དང་པོའི་འགོ་ཚུགས། |
| སྟོན་རའི་སྒང་ཚད |
སྟོན་ཟླ་དང་པོའམ། ཧོར་ཟླ་བདུན་པའི་དཀྱིལ་སྒང་གི་ཚད། |
| སྟོན་རྒྱབ |
སྟོན་ཀ་ཡོལ་མཚམས། |
| སྟོན་རྒྱབ་པ |
སྔར་བོད་དུ་མི་དམངས་ཚོས་སྟོན་འབྲས་བསྡུ་སྐབས། མངའ་བདག་དང༌། བུན་བདག་ཁག་གིས་སྟོན་འབྲས་དོ་དམ་བྱེད་པར་བཏང་བའི་མི། |
| སྟོན་རྨོས |
སྟོན་ཀ་ས་ཞིང་རྨོ་བའི་མིང༌། |
| སྟོན་རྩེན་རྩོད་པ |
སྔར་ཁྲི་སྲོང་ལྡེ་བཙན་སྐབས་ཧྭ་ཤང་མཧཱ་ཡ་ནའི་ལུགས་འཛིན་སྟོན་མིན་པ་སྟེ་ཅིག་ཅར་པ་དང༌། དེ་མིན་པའི་རྩེན་མིན་པ་སྟེ་རིམ་གྱིས་པ་གཉིས་ཕན་ཚུན་ཆོས་རྩོད་བྱེད་པ། |
| སྟོན་ལས |
སྟོན་དུས་སུ་བྱ་རྒྱུའི་ཞིང་ལས། |
| སྟོབ |
(བྱེད་འབྲེལ་ལས་ཚིག་ད་ལྟ་བ)དངོས་རྫས་སོགས་གཞན་ལ་ཕུལ་བའམ་བྱིན་པའི་དོན་ཏེ། ཟས་སྟོབ་པར་བྱེད། ཟས་སྟོབ་མཁན་ཞེས་པ་ལྟ་བུ། |
| སྟོབ་པ |
ཐ་དད་པ བསྟབས་པ། བསྟབ་པ། སྟོབས།། འབུལ་བའམ་སྟེར་བ། སྐུ་མགྲོན་རྣམས་ལ་གསོལ་ཚིགས་དང༌། ཕེབས་རྫོངས་སྟོབ་པ། དགེ་འདུན་ལ་བསྙེན་བཀུར་བསྟབས། ཟས་གོས་ཀྱི་སྦྱིན་པ་བསྟབ་པར་བྱའོ། རང་གི་ལྟོ་གོས་གཞན་ལ་སྟོབ། |
| སྟོབས |
1. སྟོབ་པའི་སྐུལ་ཚིག 2 1 ཤུགས་དང་ནུས་པ། ལུས་སྟོབས་ཆེན་པོ། སྙིང་སྟོབས། གོ་སྟོབས། 2 མངོན 1) ཁུ་བའམ་ཐིག་ལེ། 2) རྒྱ་ཁྱོན་ནམ་བོངས། 3) སངས་རྒྱས་ལ་གནས་དང་གནས་མིན་མཁྱེན་པ་སོགས་སྟོབས་བཅུ་ཡོད་པས་གྲངས་བཅུ་མཚོན། 10 |
| སྟོབས |
ཤེད་ཤུགས་སམ་ནུས་པའི་མིང་སྟེ། མི་སྟོབས་ཤུགས་ཅན། སྟོབས་འགྲན། ཤེས་སྟོབས་ཅན། བློ་སྟོབས། སྙིང་སྟོབས། སྐྱེ་སྟོབས་སོགས་ལྟ་བུ། དཔལ་འབྱོར་དང་ཆབ་སྲིད་ཀྱི་ནུས་ཤུགས་ཀྱི་མིང་སྟེ། རྒྱལ་ཁབ་སྟོབས་འབྱོར་ཅན། སྟོབས་འབྱོར་མངའ་ཐང་ཞེས་པ་ལྟ་བུ། ０སྟོབ་ལ་ལྟོས། |
| སྟོབས་ཀྱི་ཕར་ཕྱིན |
ཕར་ཕྱིན་བཅུའི་ནང་གསེས་ཤིག་སྟེ། མི་མཐུན་ཕྱོགས་ཀྱིས་རྫི་བར་མི་ནུས་ཤིང་རང་གི་ངོ་བོ་ཤིན་ཏུ་རྒྱས་པའི་གནས་སྐབས་ཀྱི་ཤེས་རབ་ཁྱད་པར་ཅན་ནོ། འདི་ལ་དབྱེ་ན། ཀུན་བརྟགས་པའི་སྟོབས་དང༌། བསྒོམས་པའི་སྟོབས་གཉིས་ཡོད། |
| སྟོབས་ཀྱི་ལྷ |
མངོན རླུང་ལྷ། |
| སྟོབས་ངན |
ནུས་མཐུ་ཞན་པ། ལུས་སྟོབས་ངན་པ། |
| སྟོབས་ཆེན |
1 ནུས་ཤུགས་ཆེན་པོ། 2 མངོན 1) དཔའ་བོ། 2) རླུང་དང༌། རླུང་ལྷ། |
| སྟོབས་ཆེན་ལ |
ལ་ཞིག་བོད་རང་སྐྱོང་ལྗོངས་ཀྱི་དགེ་རྒྱས་རྫོང་གི་ལྷོ་རྒྱུད་དུ་ཡོད། |
| སྟོབས་དྲུག |
ཞི་གནས་ཀྱི་སྐབས་སེམས་གནས་དགུ་འགྲུབ་པ་བྱེད་པའི་ཐབས་ཤིག་སྟེ། ཐོས་པའི་སྟོབས། བསམ་པའི་སྟོབས། དྲན་པའི་སྟོབས། ཤེས་བཞིན་གྱི་སྟོབས། བརྩོན་འགྲུས་ཀྱི་སྟོབས། འདྲིས་པའི་སྟོབས་བཅས་དྲུག་གོ། |
| སྟོབས་ནུས |
ནུས་ཤུགས། གཟུགས་ཕུང་རྒས་ཤིང་འཁོགས་པས་ལས་ཀའི་སྟོབས་ནུས་ཤོར་བ། |
| སྟོབས་པོ་ཆེ |
1 སྟོབས་ཤུགས་ཆེན་པོ། 2 མངོན 1) ལྕགས། 2) ལྷ་ཁྲོ་བོ་ཞིག 3 མདོ་ཞིག་གི་མིང༌། |
| སྟོབས་ཕུན་ཚོགས་ཀྱི་ཟོལ་བསྟོད |
ཟོལ་བསྟོད་ཀྱི་རྒྱན་གྱི་ནང་གསེས་ཤིག་སྟེ། བསྟོད་ཡུལ་སྟོབས་ཕུན་ཚོགས་ཅན་ཞིག་ལ་རྣམ་པ་སྐྱོན་བརྗོད་ཀྱི་ཁུལ་བྱས་ནས། དོན་དུ་སྒྲ་གཅིག་གིས་དོན་གཉིས་སྦྱར་ནས་སྟོབས་ཕུན་ཚོགས་ཀྱི་ཡོན་ཏན་ལ་ཤུགས་ཀྱི་བསྟོད་པའི་རྒྱན་ཞིག |
| སྟོབས་བཅུ |
དེ་བཞིན་གཤེགས་པའི་སྟོབས་བཅུ་སྟེ། གནས་དང་གནས་མ་ཡིན་པ་མཁྱེན་པའི་སྟོབས་དང༌། ལས་ཀྱི་རྣམ་སྨིན་མཁྱེན་པའི་སྟོབས། མོས་པ་སྣ་ཚོགས་མཁྱེན་པའི་སྟོབས། ཁམས་སྣ་ཚོགས་མཁྱེན་པའི་སྟོབས། དབང་པོ་མཆོག་དམན་མཁྱེན་པའི་སྟོབས། ཐམས་ཅད་དུ་འགྲོ་བའི་ལམ་མཁྱེན་པའི་སྟོབས། བསམ་གཏན་རྣམ་ཐར་ཏིང་འཛིན་སྙོམས་འཇུག་སོགས་མཁྱེན་པའི་སྟོབས། སྔོན་གནས་རྗེས་དྲན་མཁྱེན་པའི་སྟོབས། འཆི་འཕོ་དང་སྐྱེ་བ་མཁྱེན་པའི་སྟོབས། ཟག་པ་ཟད་པ་མཁྱེན་པའི་སྟོབས་བཅས་བཅུ། |
| སྟོབས་བཅུ་པ |
1 མངོན སངས་རྒྱས་སྤྱི། 2 སྟོབས་བཅུའི་ནང་གསེས་ཟག་པ་ཟད་པ་མཁྱེན་པའི་སྟོབས། |
| སྟོབས་བཟང |
1 ནུས་ཤུགས་ཆེ་བ། 2 མངོན 1. ཆང༌། 2. རླུང༌། 3. ལྷ་ཁྱབ་འཇུག་གི་ཕུ་བོ། |
| སྟོབས་བཟང་གོས་སྔོན་ཅན |
མངོན ཁྱབ་འཇུག |
| སྟོབས་བྲི |
སྟོབས་ཤུགས་ཆུང་དུ་སོང་བ། ལུས་ཀྱི་ཤེད་སྟོབས་བྲི་བ། |
| སྟོབས་མང་པོ |
མངོན ལྕགས། |
| སྟོབས་མཚུངས་ཀྱི་རབ་སྤེལ |
རབ་སྤེལ་ཀྱི་རྒྱན་ཀྱི་ནང་གསེས་ཤིག་སྟེ། བརྗོད་འདོད་ཀྱི་དངོས་པོའི་བསྲེ་བྱའམ། སྤེལ་བྱའི་རྒྱན་ཐམས་ཅད་རང་དབང་སྟོབས་མཚུངས་སུ་སྟོན་པའི་རྒྱན་ཞིག |
| སྟོབས་མིག |
བལཀྵམ གྲངས་གནས་ཤིག |
| སྟོབས་མེད |
མངོན བུད་མེད། |
| སྟོབས་ཞན |
ཤེད་ཆུང་བ། བློ་སེམས་སྟོབས་ཞན། |
| སྟོབས་འཁོར |
བལཾ གྲངས་གནས་ཤིག |
| སྟོབས་འཁོར་ཆེ་བ |
གྲངས་གནས་ཤིག |
| སྟོབས་འགྱེད་པ |
ཤུགས་འགྲན་པ། རྩལ་པོ་ཆེའི་གྱད་ཕན་ཚུན་ལུས་ཤེད་ཀྱི་སྟོབས་འགྱེད་པ། |
| སྟོབས་འགྲོ |
མངོན 1 དྲེལ། 2 ཕུག་རོན། |
| སྟོབས་འབྱོར |
ནུས་ཤུགས་དང་དཔལ་འབྱོར། རྒྱལ་ཁབ་སྟོབས་འབྱོར་གཉིས་ལྡན། སྟོབས་འབྱོར་དར་རྒྱས། སྟོབས་འབྱོར་ཕུན་སུམ་ཚོགས་པ། སྟོབས་འབྱོར་འཕེལ་རྒྱས། |
| སྟོབས་ཡས |
ནེབལ གྲངས་གནས་ཤིག |
| སྟོབས་རྒྱས |
ནུས་ཤུགས་འཕེལ་བ། དཔལ་འབྱོར་སྟོབས་རྒྱས་སུ་ཕྱིན་ཡོད། |
| སྟོབས་རྒྱུ |
ཀླུ་ཞིག |
| སྟོབས་རྩལ |
ལུས་སེམས་ཀྱི་ཤུགས། |
| སྟོབས་རྩལ་བ |
ལུས་ཤུགས་ཀྱི་རྩལ་འགྲན་མཁན། |
| སྟོབས་ལྔ |
1 དད་པ་དང༌། བརྩོན་འགྲུས། དྲན་པ། ཏིང་ངེ་འཛིན། ཤེས་རབ་སྟེ་བྱང་ཕྱོགས་སོ་བདུན་གྱི་ནང་ཚན་སྟོབས་ལྔ། 2 འཕེན་པའི་སྟོབས་དང༌། གོམས་པའི་སྟོབས། སུན་འབྱིན་པའི་སྟོབས། དཀར་པོ་ས་བོན་གྱི་སྟོབས། སྨོན་ལམ་གྱི་སྟོབས་ཏེ་བློ་སྦྱོང་དོན་བདུན་མའི་སྟོབས་ལྔ། |
| སྟོབས་ལྡན |
1 1 མངོན 1) ཁུ་བའམ་ཐིག་ལེ། 2) གླང་པོ་ཆེ། 3) མི་སྟོབས་པོ་ཆེ། 4) གཡག 2 ལྷ་མིན། 3 ལས་ཀྱི་དབང༌། 4 ཀླུའི་རྒྱལ་པོ་ཞིག་གི་མིང༌། 2. སྟོབས་ཤུགས་ཆེན་པོ། རྒྱལ་ཁབ་སྟོབས་ལྡན། |
| སྟོབས་ལྡན་གནས |
མངོན ས་འོག |
| སྟོབས་ལྡན་དགྲ་བོ |
མངོན བརྒྱ་བྱིན། |
| སྟོབས་ལྡན་བསྙེམས |
མངོན འདོད་ལྷ། |
| སྟོབས་ལྡན་བོངས་ཆུང |
ལུས་ཆུང་ཡང་ནུས་ཤུགས་ཆེན་པོ་ཡོད་པ། མི་སྟོབས་ལྡན་བོངས་ཆུང་ཧུར་བརྩོན་ཅན། |
| སྟོབས་ལྡན་མུ་ཏིག་གོས་ཅན |
གངས་སྦལ་གྱི་མིང་གི་རྣམ་གྲངས་ཤིག |
| སྟོབས་ཤུགས |
ནུས་ཤུགས། སྟོབས་ཤུགས་ཆེན་པོ། སྟོབས་ཤུགས་ཆེར་སྐྱེད་ཀྱིས་རྒྱལ་ཁ་ལོན་ཐབས་བྱེད་དོགས། |
| སྟོབས་ཤེད |
ནུས་ཤུགས། ལས་ཀའི་བྱེད་བབ་ལ་བརྟགས་ན་སྟོབས་ཤེད་ཆེ་ཆུང་ཧ་གོ་ཡོང༌། |
| སྟོར |
(བྱེད་འབྲེལ་ལས་ཚིག)བོར་བ་སྟེ། ཕ་མས་བུ་ཕྲུག་སྟོར་བ། རྔ་མོང་གིས་རྔེའུ་སྟོར་བ་ཞེས་པ་ལྟ་བུ། |
| སྟོར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཐག་པས་སྤྲེལ་ནས་བསྒྲིགས་པའམ་ཐ་གུ་ལ་བརྒྱུས་ནས་བསྒྲིགས་པ་སྟེ། བྱུ་རུ་རྒྱན་དུ་སྟོར་མཁན། བཞོན་མ་གདང་ལ་སྟོར་ཅིག་ལྟ་བུ། |
| སྟོར་ཁུང |
1ར་བའི་ནང་གི་བཙོག་ཆུ་ཕྱི་ལ་འགྲོ་སའི་ཁུང་བུའི་མིང་། ཡུལ་སྐད་ལ་ལར་ཆུ་ཁུང་ཟེར། 2ཆུ་ཕྱི་ནང་ལ་འགྲོ་བའི་སྒོའམ་བུ་ག་སོགས་ཀྱི་མིང་། |
| སྟོར་བ |
1. ཐ་དད་པ བསྟར་བ། བསྟར་བ། སྟོར།། འཐོར་བར་བྱེད་པ་དང༌། བྱི་དོར་བྱེད་པ། ས་གཞི་གཙང་མར་བསྟར་བ། གད་ཆུ་སྟོར་བ། གཉེན་གྲོགས་དགྲ་ཡིས་སྟོར་གྱུར་ཚེ། ཡུན་རིང་དྲན་ནས་བརྩེ་བས་གདུང༌། 2. ཐ་མི་དད་པ བོར་བའམ་བརླག་པ། དངུལ་ཁུག་སྟོར་ནས་མི་འདུག ལམ་སྟོར་ཏེ་འགྲོ་ས་མི་ཤེས་པ། རྔ་མོང་གིས་རྔེའུ་སྟོར། ཨ་མས་བུ་ཕྲུག་སྟོར་བ། |
| སྟོར་བརླག |
བོར་འཐོར་གོད་ཟད། སྤྱི་པའི་ནོར་རྫས་སྟོར་བརླག་ཆུད་ཟོས་བཏང་བ། |
| སྟོས་པ |
རྙིང སྤྱིན་པ། |
| སྟྲི་ལི(NG+GA) |
ལེགས གང་ཟག་མོ་གོ་བར་བྱེད་པའི་ཚིག་ཕྲད་མ་མོ། མ མོ ཆང་མ། བཙུན་མ། གནས་མོ། དཔའ་མོ། |
| སྡང |
(བྱེད་མེད་ལས་ཚིག) <ཀ>ཁྲོས་པའི་དོན་ཏེ། དགྲ་ལ་སྡང་ཞིང་གཉེན་ལ་བྱམས། དགྲ་ལ་སྡང་བའི་བསམ་པ་ཞེས་པ་ལྟ་བུ། |
| སྡང་དགྲ |
ཤ་འཁོན་ཡོད་པའི་དགྲ་བོའི་མིང་། |
| སྡང་པོ |
བྱམས་པོའི་ལྡོག་ཕྱོགས་ཏེ་གཞན་ལ་འཁུ་བའི་མིང༌། གཅིག་གིས་གཅིག་ལ་སྡང་པོ་བྱས་པ། |
| སྡང་བ |
1.ཐ་མི་དད་པ འཁུ་བ་དང༌། ཁྲོ་བའམ་མི་དགའ་བ། སྤྱི་ཕན་ལ་གནོད་འཚེ་སྐྱེལ་བར་མི་ཚང་མས་སྡང་བར་བྱས་ཡོང༌། དགྲ་ལ་སྡང་བ་ཙམ་གྱིས་ཅང་མི་ཕན། 2.དགྲ་རུ་འཛིན་པའི་སེམས་སམ། ཁོང་ཁྲོ། ལོག་སྤྱོད་པས་མི་དམངས་རྣམས་ལ་སྡང་བ་ཆེན་པོ་བྱེད་ཀྱི་འདུག |
| སྡང་བས་ཟིལ་གྱིས་གནོན་པ |
1 ཁོང་ཁྲོས་སེམས་མ་ཞི་བར་བྱེད་པ། 2 ཁོང་ཁྲོས་གཞན་སྤ་བཀོང་བར་བྱེད་པ། |
| སྡང་བྱེད |
དགྲ་བོ། སྡང་བྱེད་དགྲ་བོ་ཐབས་ཀྱིས་འདུལ་དགོས། |
| སྡང་མིག |
ཁྲོས་པའི་མིག<ཁ>རྩུབ་པོ་ཡིན་པའམ་གནོད་པའི་དོན་ཏེ། ལྷམ་ངན་རྐང་ལ་སྡང་། སྒ་ངན་རྟ་ལ་སྡང་ལྟ་བུ། ཁོང་ཁྲོ་བའི་བསམ་པ་དང་སྤྱོད་པ་སོགས་ཀྱི་མིང་སྟེ། ཞིང་པ་རྣམས་ཞིང་བདག་ལ་སྡང་བ་ཆེན་པོ་སྐྱེས་ལྟ་བུ། |
| སྡང་ཟུག |
གནོད་སེམས་སམ་མི་དགའ་བའི་སེམས། གཅིག་གིས་གཅིག་ལ་སྡང་ཟུག་བྱེད། |
| སྡང་སེམས |
གནོད་པ་སྐྱེལ་འདོད་ཀྱི་སེམས། སྡང་སེམས་འཛིན་པ། |
| སྡར་བ |
ཐ་མི་དད་པ སྐྲག་པའམ་ཞེད་པ། ཉེན་ཁར་ཐུག་ཀྱང་ཕྲན་བུ་ཙམ་ཡང་སྡར་མེད། ཁོ་རང་ཕྲན་བུ་སྡར་བ། |
| སྡར་མ |
སྙིང་སྟོབས་ཞན་པའི་མི་སྟེ། སྡར་མ་གཡུལ་ངོར་ཞུགས་ཚེ་ཞུམ་ཞེས་པ་ལྟ་བུ། |
| སྡར་མ་ཝའི་ཞལ་ལྕེ |
རྒྱལ་ཁབ་ལ་ཕ་རོལ་གྱི་རྒོལ་བ་དཔུང་ཚན་ཆེ་བ་བྱུང་ན་དགྲ་ཕྱོགས་ལས་རྒྱལ་བ་མ་བྱུང་ཡང༌། མི་ཕམ་པའི་ཐབས་ཇུས་རྩོམ་ཐབས་ཀྱི་ཁྲིམས། |
| སྡར་སྐད |
སྡར་མའི་སྐད་ཆ། |
| སྡར་སྡར |
ཞུམ་ཞུམ་མམ་ཞེད་པའི་རྣམ་པ། སྡར་སྡར་བྱེད་པ་དེ་བློ་ཁོག་མེད་པའི་རྟགས་རེད། |
| སྡིག |
(རྒྱན་ཚིག) ཧྲུལ་བོའམ་ལྷན་པ་ཅན་གྱི་དོན་ཏེ། བེར་སྡིག སློག་སྡིག སྒྱེ་སྡིག་ཅེས་པ་ལྟ་བུ། རྡིག་གི་འབྲི་ཚུལ་གཞན། ０སྡིག་པ་ལ་ལྟོས། １སྡིགས་ཀྱི་ད་ལྟ་བར་སྡིག་འབྲི་བའང་ཡོད། |
| སྡིག་ཁྱིམ |
ཁྱིམ་བརྒྱད་པ། ཁྱིམ་ཞག་ཉི་བར་སྐར་བཅོ་ལྔ་དང༌། ཆུ་ཚོད་ཞེ་ལྔ་ཤར་ཚེ་ཉི་མ་སྡིག་ཁྱིམ་དུ་སྤྱོད། དེའི་མིང་དོན་ཁྱིམ་བཅུ་གཉིས་ཀྱི་ཐད་ན་གསལ། |
| སྡིག་གྲོགས |
མི་དགེ་བའི་གྲོགས་པོ། |
| སྡིག་ཅན |
1 སྡིག་པ་དང་ལྡན་པ། སྡིག་ཅན་ཁྲིམས་ལ་མ་སྦྱར་ན། ཉམ་ཆུང་མགོ་བོ་བཀྱག་མི་ཐུབ། 2 མངོན རྫུན་སྨྲ་མཁན། |
| སྡིག་ཆོས |
མི་དགེ་བའི་ལས། |
| སྡིག་ཏོ |
སྡིག་པའི་བསམ་སྦྱོར་རྩུབ་པོ། སྡིག་ཏོའི་བསམ་པ་འདོར་བར་བྱ། ཁྲིམས་འགོག་པར་བྱེད་པའི་མ་རུངས་པ་སྡིག་ཏོ་ཅན་ཚར་བཅད། |
| སྡིག་ཏོ་ཅན |
ལྟ་ངན་ཅན་ནམ་བྱ་སྤྱོད་ཕྱིན་ཅི་ལོག་པ་བྱེད་མཁན་གྱི་མིང་སྟེ། མི་སྡིག་ཏོ་ཅན་ཞེས་པ་ལྟ་བུ། |
| སྡིག་པ |
1.ཐ་དད་པ བསྡིགས་པ། བསྡིག་པ། སྡིགས།། 1 འཇིགས་སྣང་སྐུལ་བ་དང༌། འཇིགས་སུ་འཇུག་པ། དྲག་ཤུགས་ཀྱིས་གཞན་ལ་སྡིག་པ། གྲྭ་དམངས་ལ་སྡིག་པ། 2 གཤེ་བ། ཕྲུ་གུ་ལ་ཚིག་རྩུབ་ཀྱིས་བསྡིགས་ན་མི་འགྲིག 3 འབེན་ལ་གཟས་པ་དང༌། རྡེག་པར་རྩོམ་པ། དགྲའི་མགོ་བོར་མེ་མདའ་བསྡིགས་པ། 2 1 མི་དགེ་བ་དང༌། ངན་པ། ལས་ངན་པའི་སྡིག་པ་མ་བསགས་ན། སྐྲག་དགོས་པའི་གཤིན་རྗེ་ཆོས་རྒྱལ་མེད། མིང་གི་རྣམ་གྲངས་ལ་དགེ་བའི་འགལ་ཟླ་དང༌། ངན་འགྲོའི་ལམ། ངན་ལྷུང༌། ཉེས་པ། ཉེས་སྤྱོད། སྡིག་བལྟ། ནོངས་པ། སྤང་བྱ། དམས་བྱེད། མཚེར་འགྲོ། བཟང་ལས་བྱོལ་བཅས་སོ། 2 ཉི་མའི་རྒྱུ་ལམ་ཁྱིམ་བཅུ་གཉིས་ཀྱི་ཡ་གྱལ་ཞིག 3 སྡིག་པ་རྭ་ཙའི་བསྡུས་མིང༌། 4 ལུས་ཚིགས་པ་ཅན་གྱི་མངལ་སྐྱེས་སྲིན་འབུ་ཞིག་གི་མིང་སྟེ། ཁ་འགྲམ་ཁོང་དུ་བརྡིབས་ཏེ་སྐམ་པའི་དབྱིབས་སུ་སྐྱེས་པ། ལུས་སྟོད་དུ་རྐ་ལག་ཆ་བཞི་ཅན། མཇུག་མ་རིམ་གྱིས་ཇེ་ཕྲར་སོང་བའི་སྣེ་ན་དུག་ཁུ་ཡོད་པའི་ཀྱུ་བ་ཞིག་ཡོད་པ་དེས་རང་ཉིད་སྲུང་ཞིང་སྲིན་བུ་འཛིན་ནུས། འདི་ལ་སྡིག་རྭ་དང་སྡིག་པ་ར་ཚ་ཡང་ཟེར། ཚིག་བསྡུས་ན་སྡིག་ཅེས་འབྲི་ཆོག་སྟེ། སྡོམ་སྡིག་ཅེས་པ་ལྟ་བུ། ཚུལ་མིན་གྱི་བྱ་སྤྱོད་དང་ཁྲིམས་འགལ་ནག་ཉེས་ཀྱི་བྱ་སྤྱོད་ཀྱི་མིང་སྟེ། མི་བསད་པའི་སྡིག་པ་ཅན་ལ་ཆད་པ་བཅད། སྡིག་སྤྱོད་ཅེས་པ་ལྟ་བུ། ０ཆོས་ལུགས་ཀྱིས་བཤད་པའི་སྡིག་པ་སྟེ། ཆོས་ལུགས་རང་རང་གིས་གཏན་ལ་ཕབ་པའི་ཆོས་ཁྲིམས་དང་འགལ་བའི་བྱ་སྤྱོད་ཐམས་ཅད་ལ་སྡིག་པ་ཟེར། |
| སྡིག་པ་བཤགས་པ |
མི་དགེ་བའི་ལས་སྦ་གསང་མེད་པར་བཤགས་པ། |
| སྡིག་པ་བཤགས་པའི་སྟོབས་བཞི |
རྟེན་གྱི་སྟོབས་དང༌། སུན་འབྱིན་པའི་སྟོབས། སོར་ཆུད་པའི་སྟོབས། གཉེན་པོ་ཀུན་ཏུ་སྤྱོད་པའི་སྟོབས་བཅས་བཞི། |
| སྡིག་པ་མི་དགེ་བ |
འདོད་པའི་ཁམས་ཀྱི་ལུས་ངག་ཡིད་གསུམ་གྱི་མི་དགེ་བ་དང༌། དེ་དག་སྐྱེད་པའི་རྒྱུ་འདོད་ཆགས་དང་ཞེ་སྡང་ལ་སོགས་པ་ནི་བདག་དང་གཞན་ལ་གནོད་ཅིང་རྣམ་པར་སྨིན་པ་ཡང་སྡུག་བསྔལ་ཆེན་པོ་སྐྱེད་ཅིང༌། དགེ་བ་དང་མི་མཐུན་ཞིང་འཕགས་པ་རྣམས་ཀྱིས་སྨད་པའི་གནས་སུ་གྱུར་པ། |
| སྡིག་པ་མི་དགེ་བ་བཅུ |
མི་དགེ་བ་བཅུ་དང་དོན་གཅིག་ |
| སྡིག་པ་མི་དགེ་བ་བཅུའི་ལས |
ལུས་ཀྱི་ལས་གསུམ། ངག་གི་ལས་བཞི། ཡིད་ཀྱི་ལས་གསུམ་སྟེ་བཅུའོ། |
| སྡིག་པ་མིག་བཙུམ |
འབྲས་བུ་ལེགས་ཉེས་གང་འབྱུང་ལ་མི་ལྟ་བའི་ཨུ་ཚུགས། |
| སྡིག་པ་འཁུར |
སྡིག་པ་འཁྱེར་བ་སྟེ་མནའ་ཚིག་ཅིག ཁོ་བོས་དོན་གནད་འདི་སྡིག་པ་འཁུར་ཤེས་མ་སོང༌། ལས་དོན་ཡག་པོ་ཞིག་མི་བྱེད་རེ་སྡིག་པ་འཁུར། |
| སྡིག་པ་འཆབ་པ |
མི་དགེ་བའི་ལས་བྱས་པ་གཞན་གྱིས་ཤེས་དོགས་ནས་གསང་བ་བྱེད་པ། སྔར་བསགས་སྡིག་པ་འཆབ་པ་ལས། འཕྲལ་འཕྲལ་བཤགས་པ་བྱས་པ་ལེགས། |
| སྡིག་པ་རྭ་ཅན |
སྡིག་པ་རྭ་ཙ་དང་དོན་གཅིག་ |
| སྡིག་པ་རྭ་ཉག |
སྡིག་པ་རྭ་ཙ་དང་དོན་གཅིག་ |
| སྡིག་པ་རྭ་ཙ |
དུག་ཅན་གྱི་འབུ་ཞིག མིང་གི་རྣམ་གྲངས་ལ་དུ་བས་འཆི་དང༌། མར་གྱིས་ཉམས་བྱེད། ལུས་མི་སྡུག་བཅས་སོ། |
| སྡིག་པ་ལྔ |
དུས་འཁོར་ལས་གསུངས་པའི་སྡིག་པ་ལྔ་སྟེ། གཞན་ལ་འཚེ་བ་དང༌། རྫུན་སྨྲ་བ། འདོད་ལོག་མ་བྱིན་ལེན་པ། ཆང་འཐུང་བ་བཅས་ལྔ། |
| སྡིག་པ་སྒྲོག་པ |
སྡིག་པ་ཁྱབ་བསྒྲག་ཏུ་ཤོད་པ། |
| སྡིག་པའི་ཁ་ཁེངས |
སྡིག་པའི་ཁ་སྣོན་ལོངས་པ། |
| སྡིག་པའི་ཁྱིམ |
ཉི་མའི་རྒྱུ་ཁྱིམ་ཞིག་གི་མིང་སྟེ་ཁྱིམ་བཅུ་གཉིས་ཀྱི་ཡ་གྱལ་ཞིག |
| སྡིག་པའི་གཉེན་པོ་སྟོབས་བཞི |
རྟེན་དང༌། གཉེན་པོ་ཀུན་ཏུ་སྤྱོད་པ་དང༌། རྣམ་པར་སུན་འབྱིན་པ་དང༌། ཉེས་པ་ལས་སླར་ལྡོག་པའི་སྟོབས་བཅས་བཞི། |
| སྡིག་པའི་རྣམ་སྨིན |
རྒྱུ་མི་དགེ་བ་ལས་འབྲས་བུ་སྡུག་བསྔལ་བ་སྨིན་པའོ། |
| སྡིག་པའི་སོ་ནམ |
སྡིག་པའི་བྱ་བ་སོ་ནམ་གྱི་གཟུགས་སུ་བཀོད་པ། |
| སྡིག་པའི་སྟོ་ཅན |
མངོན དོམ། |
| སྡིག་ཕྲུག |
1 སྡིག་པ་རྭ་ཙའི་ཕྲུ་གུ། 2 ཟངས་སྡིག་ཆུང་ཆུང༌། |
| སྡིག་བསགས་རང་འཁུར |
རང་གི་བྱས་ཉེས་རང་གིས་འཁུར་བ། |
| སྡིག་བློན |
ནག་པོའི་ལས་ལ་དགའ་བའི་བློན་པོ། |
| སྡིག་མེད་གནས |
མངོན ལྷ་ཡུལ། |
| སྡིག་ཚིག |
1 མི་དགེ་བའི་ཚིག 2 གཞན་ལ་ཞེད་སྣང་སྐུལ་བའི་ཚིག |
| སྡིག་ཟས |
ཚུལ་མིན་གྱི་བྱ་བས་བསྒྲུབས་པའི་ལྟོ་ཆས། |
| སྡིག་འཇོམས |
སྡིག་པ་མེད་པར་བཟོ་བ། |
| སྡིག་ར |
ཡུལ བུད་མེད་ཀྱིས་འཆིང་རྒྱུའི་དངུལ་གྱི་སྐ་རགས་རྒྱན་ཅན་ཞིག |
| སྡིག་རྭ |
1 སྡིག་པ་རྭ་ཙའི་བསྡུས་ཚིག 2 བྱིས་པ་འཁུར་ཆས་གཟན་ཆུང་གི་སྣེ་སྒྲོག་བྱེད་སྡིག་རྭའི་དབྱིབས་ཅན།… |
| སྡིག་རྭ་གློ་ཕྲེང |
སྔར་བོད་ཀྱི་ལྷ་ལྕམ་གཟབ་སྤྲོས་སྤྲས་སྐབས་མདུན་ཕྱོགས་སུ་འདོགས་པའི་རྒྱན་ཞིག་སྟེ། སྟེང་གོས་ཀྱི་སྐེད་པའི་ཐད་ནས་སྒྲོག་བྱེད་སྡིག་རྭ་གསེར་དང་དངུལ་གྱིས་བཟོས་ཤིང༌། རྒྱན་མུ་ཏིག་དང་བྱུ་རུ་སོགས་ཀྱི་ཞགས་པ་སྐེད་པ་ནས་པུས་མོའི་གཤམ་དུ་འཛར་བ་ཞིག |
| སྡིག་ལས |
མི་དགེ་བའི་ལས་ཀ། སྡིག་ལས་བསགས་པ། |
| སྡིག་ལྟ |
ལྟ་བ་ངན་པ། |
| སྡིག་ལྟ་མི་གཏོང་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྟོན་པའི་གསུང་ལ་ཡིད་མི་ཆེས་པའི་སྡིག་ལྟ་སྐྱེས་པ་གཞན་གྱིས་བཟློག་པའི་མཐའ་ལ་མི་གཏོང་བའོ། |
| སྡིག་ལྟུང |
སྡིག་པ་དང་ལྟུང་བའི་བསྡུས་མིང༌། |
| སྡིག་སྒྲིབ |
བསགས་པའི་སྡིག་པ་དང་ལས་ཀྱི་སྒྲིབ་པ། |
| སྡིག་སྡུག |
(རྒྱན་ཚིག) སྡུག་བསྔལ་དང་གནོད་པ་བསྐྱར་ཟློས་སུ་བྱུང་བའི་དོན་ཏེ། སྤྱི་ཚོགས་རྙིང་བར་དབུལ་བོར་སྡིག་སྡུག་གཏམ་ངན་རྒྱུན་མི་འཆད་པ་བྱུང་ལྟ་བུ། |
| སྡིག་སྤངས་དགེ་བསྒྲུབ |
ནག་པོའི་ལས་སྤངས་ནས་དཀར་པོའི་བྱ་བ་དང་དུ་བླང་བ། བྱ་བ་གང་བྱེད་སྡིག་སྤངས་དགེ་བསྒྲུབ་དགོས། |
| སྡིག་སྤྱོད |
ཉེས་པ་འབྱུང་བའི་སྤྱོད་པ། |
| སྡིག་སྦྲུལ |
སྡིག་པ་རྭ་ཙ་དང༌། སྦྲུལ་གྱི་བསྡུས་མིང༌། |
| སྡིག་སྲིན |
སྲོག་ཆགས་སྨན་གྱི་རིགས་ཏེ། རོ་མངར་ལ་ཚ་བ། ཞུ་རྗེས་དྲོད། ནུས་པས་མཁལ་མའི་དྲོད་དང་ནུས་པ་ཉམས་པ་དང༌། ཆུ་བསགས་པ་གཉན་ནད་ཉྭ་ལོག་བཅས་ལ་ཕན། མིང་གི་རྣམ་གྲངས་ལ་རྐང་མང་དང་འཕྲོག་བྱེད་དོ། |
| སྡིགས |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) མི་ལ་ཚིག་རྩུབ་མོ་བཤད་པ་སྟེ། མི་ངན་ལ་སྡིགས་ཀྱིན་འདུག བྱིས་པ་ལ་མ་སྡིགས་ལྟ་བུ། |
| སྡིགས་པ |
འཇིགས་སྐུལ་གྱི་སྟངས་ཀའམ། རྣམ་འགྱུར། སྡིགས་པའི་གད་མོ། |
| སྡིགས་མཛུབ |
དཀྱིལ་མཛུབ་དང་སྲིན་མཛུབ་གཉིས་མཐེ་བོང་གིས་མནན་ཏེ། གོང་མཛུབ་དང་མཛུབ་ཆུང་གཉིས་ཀེར་བའི་ལག་པའི་ཕྱག་རྒྱའི་མིང(སྡིགས་མོ་བྱེད་སྐབས་ཀྱི་རྣམ་འགྱུར་ཞིག) |
| སྡིགས་མོ |
འཇིགས་སྐུལ། གཞན་ལ་སྡིགས་མོ་བྱ་ཕྱིར་ནམ་མཁར་མེ་མདའ་འཕེན། |
| སྡིགས་ཚིག |
གཞན་ལ་ཞེད་སྣང་སྐུལ་བའི་ཚིག |
| སྡིགས་ར |
འཇིགས་སྐུལ་གྱི་སྟངས་ཀ། མི་ངན་སྤྱོད་ངན་ལ་དྲག་པོའི་སྡིགས་ར་སྐུལ་བ། |
| སྡིགས་རའི་ཐ་ཚིག |
མནའ་ཚིག་དང་སྦྲགས་པའི་འཇིགས་སྐུལ་གྱི་སྐད་ཆ་ཛ་དྲག་པོ། མི་གཉའ་རེངས་རྣམས་ལ་སྡིགས་རའི་ཐ་ཚིག་བསྒྲགས་སོང༌། |
| སྡིགས་རི |
འཇིགས་སྐུལ་གྱི་སྟངས་ཀ། |
| སྡིངས |
1 མཐོ་སའམ། སྒང་དུ་ཡོད་པའི་གཤོང་གཤོང༌། སའི་སྡིངས། སྤང་སྡིངས། རི་སྡིངས། 2 དཀྱིལ་ལམ་དབུས། དཀྱིལ་འཁོར་སྡིངས། |
| སྡིངས་ཆ |
ཞབས་བྲོ་སོགས་འཁྲབ་ཡུལ་སྟེགས་སམ་སྒང་གི་མིང༌། |
| སྡིངས་ཆུ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་འབབ་ཆུ་ཞིག་བྱང་ནས་ལྷོ་ཕྱོགས་སུ་ལི་ཐང་དང་སྡེ་རུང་རྫོང་བརྒྱུད་དེ་འབྲི་ཆུར་འབབ། |
| སྡུ |
སྡུད་ཀྱི་འབྲི་ཚུལ་གཞན། |
| སྡུ་གུ |
(རྒྱན་ཚིག) ཡིད་དུ་འོངས་པ་དང་མཛེས་པ་སྟེ། མེ་ཏོག་སྡུ་གུར་བཀྲ་བའི་སྐྱེད་ཚལ་ཞེས་པ་ལྟ་བུ། |
| སྡུག |
(བྱེད་མེད་ལས་ཚིག) སྐྱོ་བ་སྐྱེ་བའི་དོན་ཏེ། དཀའ་བ་བྱུང་ཡང་སེམས་མ་སྡུག དགྲ་དགའ་གཉེན་སྡུག་གི་ལས་མ་བྱེད་ལྟ་བུ། སྡུག་བསྔལ་ཞེས་པའི་ཚིག་བསྡུས་པ། ０སྡུག་གུ་ཞེས་པའི་ཚིག་བསྡུས་པ། １སྡུག་པོ་ཞེས་པའི་ཚིག་བསྡུས་པ། |
| སྡུག་ཁྲལ |
1 སྒྲུབ་དཀའ་བའི་ཁྲལ། 2 ཁྲལ་ངན་ལ་སྨོད་ཚིག |
| སྡུག་ག |
སྡུག་བསྔལ་གྱི་སྣང་ཚུལ། ཨ་ཁ་གནས་ཚུལ་ངན་པ་དེ་འདྲ་བྱུང་བ་སྡུག་ག། དཀའ་ལས་ཆེ་ལ་བྱས་འབྲས་ཆུང་བ་སྡུག་ག་ལ། |
| སྡུག་གཏམ |
1 སྡུག་བསྔལ་བྱུང་ཚུལ་གྱི་སྐད་ཆ། སྔར་མྱོང་གི་སྡུག་གཏམ་ཞིབ་ཏུ་གསོལ་བ། 2 བཀྲ་མི་ཤིས་པའི་གཏམ། རྣ་བར་མི་སྙན་པའི་སྡུག་གཏམ་ཞིག་ཐོས་པ། |
| སྡུག་གད |
སེམས་སྡུག་སྐྱོ་ཤས་ཀྱིས་ངུ་ཤོར་གད་མོ། སྔར་མྱོང་དཀའ་སྦྱོང་གི་སྣང་ཚུལ་དྲན་ནས་སྡུག་གད་ཤོར་བ། |
| སྡུག་གསོག |
དཀའ་སྡུག་གིས་ནོར་རྫས་གསོག་པ། |
| སྡུག་གུ |
མཛེས་པའམ། ཡིད་འོང་བ། |
| སྡུག་གུ་མ |
མངོན བུད་མེད་མཆོག |
| སྡུག་གེ་བ |
སྡུག་བསྔལ་གྱི་སྣང་ཚུལ། ཁོ་ལ་གྲ་མ་འགྲིགས་པ་སྡུག་གེ་བ་ཞིག་བྱུང་བཞག |
| སྡུག་གྱོང |
སྡུག་པའི་ཕམ་གྱོང༌། ཆུང་དུས་ནས་ཧུར་བརྩོན་མ་བྱས་པས་རྒན་དུས་སུ་བློ་ཕམ་ཡིད་ཆད་བྱུང་ཡང་སྡུག་གྱོང་རེད། བོང་བུ་སྡུག་པ་རང་སྡུག་ཁལ་འཁྱེར་བ་སྡུག་གྱོང༌། |
| སྡུག་གྱོང་བཏང་བ |
1 གྱོང་བསྐུར་བ། མཁོ་ཆས་གཡར་ནས་ཚབ་སྐྱིན་མ་སྤྲད་པར་སྡུག་གྱོང་བཏང་བ། 2 རྩིས་མེད་དུ་དོར་བ། འཚོ་བའི་དཀའ་ཚེགས་ལ་མ་བརྩིས་པར་སྡུག་གྱོང་བཏང་བ། |
| སྡུག་གྱོང་འཁུར་བ |
གྱོང་གུན་འཁུར་བ། ཐུབ་ཚོད་ཇི་ཙམ་བཏང་ཡང་ངན་ལན་མ་བསློགས་པར་སྡུག་གྱོང་འཁུར་བ། |
| སྡུག་གྱོང་འབུ་རུ |
ཐར་དུ་མེད་པའི་ཐོར་ནད་ཅིག |
| སྡུག་གྲོགས |
སྡུག་བསྔལ་མཉམ་འཁུར་གྱི་རོགས་པ། |
| སྡུག་གླུ |
སེམས་སྡུག་སྐབས་གཏོང་བའི་གླུ། |
| སྡུག་ངུ |
སྡུག་བསྔལ་བྱུང་ནས་ངུ་བ། དགའ་ངུ་དང་སྡུག་ངུ་གཉིས་མི་འདྲ། |
| སྡུག་ངོ |
མི་དགའ་བའི་གདོང་མདོག ཁོ་ལ་ཆགས་སྒོ་བྱུང་ནས་སྡུག་ངོ་རྫ་རི་ལྟ་བུ་སྟོན་གྱི་འདུག |
| སྡུག་ཅིག་མ |
ལུས་རྩའི་བྱེ་བྲག་ཅིག |
| སྡུག་ཆགས |
1 ངན་པའམ་མ་རབས། མི་སྡུག་ཆགས། ཁྱི་སྡུག་ཆགས། ལས་ཀ་སྡུག་ཆགས། གནམ་གཤིས་སྡུག་ཆགས། 2 སྨོད་པའི་ཚིག་གྲོགས་ཤིག་ཡིན་ཞིང་སྐབས་འགར་ཆགས་ཟེར་བ་བསྡུས་ནས་སྡུག་གཅིག་པུ་མིང་གི་སྔོན་དུ་སྦྱར་ཡང་འཐད། སྡུག སྡུག་ཞྭ། སྡུག་ལྷམ། སྡུག་ཁྱི། སྡུག་བུན། སྡུག་ལག སྡུག་རྐང༌། སྡུག་ཤི་བརྒྱབ་པ། |
| སྡུག་ཐུག |
འུ་ཐུག་པ། ཞིང་བྲན་རྣམས་ཟས་གོས་མེད་པས་སྡུག་ཐུག་ནས་ལྟོ་སློང་དུ་ཕྱིན་པ། |
| སྡུག་ཐེག་པ |
སྡུག་བསྔལ་བསྲན་ཐུབ་པ། དཀའ་ངལ་ཇི་ཙམ་བྱུང་ཡང་ཞུམ་པ་མེད་པའི་སྡུག་ཐེག་པ། |
| སྡུག་ཐོག་སྡུག་བརྩེགས |
1 སྡུག་བསྔལ་བསྟུད་མར་བྱུང་བ། ཁོ་ཚོར་མི་ཤི་རྒྱུ་བརླགས་ཀྱིས་སྡུག་ཐོག་སྡུག་བརྩེགས་བྱུང་འདུག 2 ངན་པ་ལས་ཀྱང་ངན་པ། |
| སྡུག་ནད |
སྡུག་བསྔལ་ནད་གཟུགས་སུ་བཀོད་པ། ཐུབ་ཚོད་བཏང་གྲངས་མང་བས་སྡུག་ནད་ཐེག་རེ་བྲལ་བ། དོན་མེད་ཕམ་གྱོང་འཁྱེར་དགོས་པའི་སྡུག་ནད་མི་ཐེག |
| སྡུག་པ |
1. ཐ་མི་དད་པ 1 ཡིད་དུ་འོང་བ། ཡིད་ལ་སྡུག་པ། 2 སྐྱོ་བ། སེམས་སྡུག་ནས་ངུ་བ། ངའི་སེམས་སྡུག་པ་ལ་ཚད་མ་བྱུང༌། 2 1 མཛའ་བོ། རང་གི་སྡུག་པ་དང་བྲལ་བ། 2 གསང་ཡུམ། 3 1 མཛེས་པོ། ཕྲུ་གུ་མཚར་སྡུག་ཅན། མི་སྡུག་པའི་རྣམ་པ། 2 ཞན་པ། སྡོད་ས་སྡུག་པ། བཟའ་རྒྱུ་སྡུག་པ། |
| སྡུག་པ་གྱིས་ཤིག |
སྡུག་གྱོང་གྱིས་ཞེས་མ་རངས་པའི་ཚིག མི་ཁྱོད་ལ་དེ་འདྲ་ཞིག་དགོས་པ་ཡོད་ལ་བྱུང་ཡང་བྱུང་འདུག་སྡུག་པ་གྱིས་ཤིག |
| སྡུག་པ་དང་བྲལ་བའི་སྡུག་བསྔལ |
སྡུག་བསྔལ་བརྒྱད་ཀྱི་ཡ་གྱལ་ཞིག་སྟེ། ཆེས་ཕངས་པའི་གཉེན་ལ་སོགས་པ་དང་བྲལ་བ་ན་དེས་སེམས་ལ་མྱ་ངན་སྐྱེ་བ་དང༌། ངག་ཏུ་སྨྲེ་སྔགས་འདོན་པ། ལུས་ལ་གནོད་པ་བསྐྱེད་པ། ཡུལ་དེའི་ཡོན་ཏན་དྲན་ཞིང་འདོད་པས་ཡིད་གདུང་བ། དེའི་ལོངས་སྤྱོད་མ་ཚང་བའི་སྡུག་བསྔལ་བཅས་སོ། |
| སྡུག་པའི་རྣམ་ཐར |
རྣམ་ཐར་བརྒྱད་ཀྱི་ཡ་གྱལ། གཟུགས་སྡུག་པ་སྤྲུལ་བ་ལ་དགའ་བ་སྟེ་འབད་པའི་བློ་སྐྱེ་བ་དང༌། གཟུགས་མི་སྡུག་པ་སྤྲུལ་བ་ལ་མི་དགའ་བ་སྟེ་མི་འབད་པའི་བློ་སྐྱེ་བའི་ཀུན་ནས་ཉོན་མོངས་པ་དེ་དག་གི་གཉེན་པའོ། |
| སྡུག་པོ |
1. གནོད་འཚེ། སྐྱིད་སྡུག བདེ་སྡུག ཤ་སྡུག་ཁྱི་སྡུག དངོས་ཤུགས་བརྒྱུད་གསུམ་གང་ཅིའི་སྒོ་ནས་སྡུག་པོ་བཏང་བྱུང༌། དགྲ་གཤེད་ཕན་ཚུན་གཅིག་གིས་གཅིག་ལ་སྡུག་པོ་བྱེད་པ། 2 1 ཁག་པོ། ལམ་བར་ཁ་ཆར་བབས་ནས་སྡུག་པོ་བྱུང་བ། 2 ངན་པ། བསམ་བློ་འཁོར་སྟངས་སྡུག་པོ། ལས་ཀ་བྱེད་སྟངས་སྡུག་པོ། ཁྱིམ་ནང་གི་འཁོས་ཀ་སྡུག་པོ། |
| སྡུག་ཕོངས་པ |
དབུལ་ཞིང་ཕོངས་པའི་མི། |
| སྡུག་བཀོལ |
སྡུག་བསྔལ་མྱོང་བའི་ལས་བསྐུལ་བ། དུད་འགྲོ་ཉམ་ཐག་རྣམས་ལ་ཞོན་འགེལ་སྡུག་བཀོལ་གྱི་མནར་སྡང་མ་བྱེད། |
| སྡུག་བདེན |
སྡུག་བསྔལ་བདེན་པའི་བསྡུས་མིང༌། |
| སྡུག་བདེན་གྱི་རྣམ་པ་བཞི |
མི་རྟག་པ་དང༌། སྡུག་བསྔལ་བ། སྟོང་པ། བདག་མེད་པ་སྟེ་བཞི། |
| སྡུག་བདེན་གྱི་སྤང་བྱ་བཅུ |
འདོད་པའི་ཁམས་འདིར་སྡུག་བདེན་མཐོང་བས་སྤང་བར་བྱ་བ་ལྟ་བ་ལྔ་དང་ལྟ་མིན་ལྔ་སྟེ་ཕྲ་རྒྱས་བཅུའོ། |
| སྡུག་བསངས |
སྡུག་བསྔལ་གྱི་ཁུར་ཕབ་པའམ། དོར་བ། |
| སྡུག་བསྐུར |
སྡུག་བསྔལ་གྱི་ཁུར་བསྐུར་བ། སྡུག་བསྐུར་ཁྲལ་འགེལ་བྱས་པ། |
| སྡུག་བསྔལ |
1 མྱ་ངན། སྡུག་བསྔལ་དོས་དྲག་པ། སྡུག་བསྔལ་བགྲང་བ། སྡུག་བསྔལ་མ་མྱོང་ན་སྐྱིད་མི་གོ། སྐོམ་པའི་སྡུག་བསྔལ་བཏུང་བས་སེལ། གཉའ་གནོན་བཤུ་གཞོག་འོག་ཏུ་ལུས་སེམས་ཀྱི་སྡུག་བསྔལ་ཅི་རིགས་པ་མྱོང་བ། བཅིངས་འགྲོལ་ཐོབ་སྟེ་སྡུག་བསྔལ་ལས་གྲོལ་བ། ངལ་རྩོལ་མི་དམངས་ཚང་མའི་དོན་དུ་སྡུག་བསྔལ་དང་དུ་ལེན་ཕོད་པ། མིང་གི་རྣམ་གྲངས་ལ་ཁོང་ཆུད་དང༌། གདུང་བ། སྡུག་མནར་བ། བརྣག་དཀའ། བྲོ་འཚལ་བ། མྱ་ངན། ཟུག་རྔུ། ཡིད་གདུང༌། ཡིད་ནང་ཆུད། རབ་ཏུ་ཚ། སེམས་ཁྲལ། སེམས་སྡུག་སེམས་གཡེང་བཅས་སོ། 2 ལུས་སེམས་ལ་གནོད་པའི་བདག་ཉིད་ཡིན་པའི་ཕྱིར་སྡུག་བསྔལ་བ་སྟེ། བདེན་བཞིའི་རྣམ་པ་བཅུ་དྲུག་གི་ནང་གསེས་ཤིག |
| སྡུག་བསྔལ་གཉུག་མ |
སྡུག་བསྔལ་གྱི་གཞི་མའམ་རང་བཞིན། |
| སྡུག་བསྔལ་གཏེར |
མངོན དམྱལ་བ། |
| སྡུག་བསྔལ་གསུམ |
སྡུག་བསྔལ་གྱི་སྡུག་བསྔལ། འགྱུར་བའི་སྡུག་བསྔལ། ཁྱབ་པ་འདུ་བྱེད་ཀྱི་སྡུག་བསྔལ་བཅས་གསུམ། |
| སྡུག་བསྔལ་གྱི་ཆུ་བོ་ཆེན་པོ་བཞི |
སྐྱེ་བའི་སྡུག་བསྔལ་དང༌། རྒ་བའི་སྡུག་བསྔལ། ན་བའི་སྡུག་བསྔལ། འཆི་བའི་སྡུག་བསྔལ་ཏེ། སྡུག་བསྔལ་ཆུ་བོའི་གཟུགས་སུ་བཀོད་པའོ། |
| སྡུག་བསྔལ་གྱི་ཚོར་བ |
ཡིད་དུ་འོང་བའི་ཡུལ་དང་འཕྲད་པ་ལས་བྱུང་བའི་ཉམས་སུ་མྱོང་བའི་ཤེས་པའོ། |
| སྡུག་བསྔལ་གྱི་སྡུག་བསྔལ |
སྡུག་བསྔལ་གསུམ་གྱི་ཡ་གྱལ་ཞིག་སྟེ། ཚོར་བ་སྡུག་བསྔལ་ཡུལ་དང་བཅས་པ་སྟེ་སྐྱེས་ཙམ་ནས་ལུས་སེམས་གདུང་བར་བྱེད་པའི་སྡུག་བསྔལ། |
| སྡུག་བསྔལ་ཆོས་བཟོད |
མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་སྟེ། འདོད་པའི་སྡུག་བསྔལ་ལ་དམིགས་པའི་ཆོས་ཤེས་པའི་བཟོད་པ་ཞེས་སྡུག་བདེན་གྱི་ཆོས་རང་དང་སྤྱིའི་མཚན་ཉིད་ཤེས་ཤིང་སྔར་གོམས་པར་བྱས་པ་མངོན་དུ་གྱུར་པའི་ཟག་མེད་ཤེས་རབ་ཀྱིས་སྤང་བྱ་སྤང་བ་མི་སྐྲག་པའི་བཟོད་པ་ཐོབ་པ་མཐོང་ལམ་བར་ཆད་མེད་ལམ་གྱི་ཡེ་ཤེས། |
| སྡུག་བསྔལ་ཆོས་ཤེས |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་སྟེ། སྡུག་བསྔལ་ཆོས་བཟོད་ཀྱི་མཇུག་དེ་མ་ཐག་ཏུ་སྤང་བྱ་ལས་རྣམ་པར་གྲོལ་བ་ཐོབ་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས། |
| སྡུག་བསྔལ་དང་ལེན་གྱི་བཟོད་པ |
དགེ་བ་བྱེད་པའི་དུས་ན་བཀྲེས་ཤིང་སྐོམ་པ་དང༌། གྲང་ཞིང་ཚ་བ་ལ་སོགས་པ་གནོད་པའི་རྐྱེན་གང་ཅི་བྱུང་ཡང་མི་གཏོང་བ་སྟེ་དགེ་བའི་རྒྱུན་མི་གཅོད་པ། |
| སྡུག་བསྔལ་དྲུག |
ངེས་པ་མེད་པའི་སྡུག་བསྔལ། ངོམས་པ་མེད་པའི་སྡུག་བསྔལ། ལུས་ཡང་ཡང་འདོར་བའི་སྡུག་བསྔལ། ཡང་ཡང་ཉིང་མཚམས་སྦྱོར་བའི་སྡུག་བསྔལ། ཡང་ཡང་མཐོ་དམན་དུ་འགྱུར་བའི་སྡུག་བསྔལ། གྲོགས་མེད་པའི་སྡུག་བསྔལ་ཏེ་འཁོར་བའི་ཉེས་དམིགས་དྲུག |
| སྡུག་བསྔལ་བདེན་པ |
བདེན་པ་བཞིའི་ནང་གསེས། རང་རྒྱུ་ལས་ཉོན་གྱིས་བསྐྱེད་པའི་ཉེར་ལེན་གྱི་ཕུང་པོ་མ་དག་པའི་སྣོད་བཅུད་ཟག་བཅས་འབྲས་གྱུར་གྱི་དངོས་པོ་ཐམས་ཅད་དེ། དེ་དག་ནི་སྡུག་བསྔལ་གྱི་ཕུང་པོ་ནད་ལྟ་བུ་ཤེས་པར་བྱ་བ་ཡིན་པ་འཕགས་པའི་གཟིགས་ངོར་མི་བསླུ་བར་སྣང་བས་སྡུག་བསྔལ་འཕགས་པའི་བདེན་པའོ། |
| སྡུག་བསྔལ་བདེན་པའི་རྣམ་པ་བཞི |
བདེན་བཞི་རྣམ་པ་བཅུ་དྲུག་གི་ནང་ཚན་ཞིག་སྟེ། སྐད་ཅིག་རེ་རེ་ནས་སྐྱེ་ཞིང་འཇུག་པའི་ཆོས་ཅན་ཡིན་པས་མི་རྟག་པ་དང༌། སྡུག་བསྔལ་གསུམ་གྱིས་རྒྱུན་མི་འཆད་པར་འཚེ་བས་སྡུག་བསྔལ་བ་དང༌། ཕུང་པོ་ལྔའི་ནང་ན་རྟག་གཅིག་རང་དབང་གི་བདག་མེད་པས་ཁང་པའི་ནང་མི་མེད་པ་ལྟ་བུ་སྟོང་པ་དང༌། ཕུང་པོ་ལྔ་པོ་ཉིད་ཀྱང་རྟག་གཅིག་རང་དབང་ཅན་གྱི་བདག་མ་ཡིན་པས་ཁང་པ་མི་མ་ཡིན་པ་ལྟ་བུ་བདག་མེད་པ་བཅས་བཞིའོ། |
| སྡུག་བསྔལ་བཞི |
སྐྱེ་བ་དང༌། རྒ་བ། ན་བ། འཆི་བའི་སྡུག་བསྔལ་བཅས་བཞི། |
| སྡུག་བསྔལ་བརྒྱད |
བཅོམ་ལྡན་འདས་ཀྱིས་སྡུག་བདེན་འཁོར་བའི་ཉེས་དམིགས་སྟོན་སྐབས་སུ་གསུངས་པའི་སྡུག་བསྔལ་བརྒྱད་དེ་སྐྱེ་བ་དང༌། རྒ་བ། ན་བ། འཆི་བ། སྡུག་པ་དང་འབྲལ་བ། མི་སྡུག་པ་དང་འཕྲད་པ། འདོད་པ་བཙལ་ཀྱང་མི་རྙེད་པ། ཉེ་བར་ལེན་པའི་ཕུང་པོ་ལྔའི་སྡུག་བསྔལ་བཅས་བརྒྱད། |
| སྡུག་བསྔལ་འབྱུང་གནས |
མངོན འཁོར་བ། |
| སྡུག་བསྔལ་རྗེས་བཟོད |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་སྟེ། ཁམས་གོང་མ་གཉིས་ཀྱི་སྡུག་བདེན་གྱི་རང་སྤྱིའི་མཚན་ཉིད་ཤེས་ནས་སྤང་བྱ་སྤང་བ་ནི་སྡུག་བསྔལ་ལ་རྗེས་སུ་ཤེས་པའི་བཟོད་པ་ཐོབ་པ་བར་ཆད་མེད་ལམ་གྱི་ཡེ་ཤེས། |
| སྡུག་བསྔལ་རྗེས་ཤེས |
ཉན་ཐོས་ཀྱི་མཐོང་ལམ་གྱི་ཡེ་ཤེས་སྐད་ཅིག་བཅུ་དྲུག་གི་ཡ་གྱལ་ཞིག་སྟེ། སྡུག་བསྔལ་རྗེས་བཟོད་ཀྱི་མཇུག་ཐོག་ཏུ་ཁམས་གོང་མ་ལ་དམིགས་པའི་སྤང་བྱ་སྤངས་པའི་མཐོང་ལམ་རྣམ་གྲོལ་ལམ་གྱི་ཡེ་ཤེས། |
| སྡུག་བསྔལ་ཤེས་པ |
ཤེས་པ་བཅུའི་ཡ་གྱལ་ཞིག་སྟེ། ཟག་བཅས་ཉེར་ལེན་གྱི་ཕུང་པོ་རྣམས་སྡུག་བསྔལ་བར་ཤེས་པ། |
| སྡུག་བྱེད |
སྡུག་བསྔལ་བར་བྱེད་པའི་རྒྱུ་ཀུན་འབྱུང་ངོ། |
| སྡུག་མདོག |
སྡུག་བསྔལ་ཡོད་པའི་ཉམས་བསྟན་པ། མི་སྡུག་སྡུག་མདོག་བྱེད། |
| སྡུག་ཟད |
དོན་མེད་འཕྲོ་བརླག མི་ཚེ་དོན་མེད་སྡུག་ཟད་ལ་མི་གཏོང་བར་འཕྲལ་ཕུགས་ལ་ཕན་པའི་སྙིང་པོ་ལོན་ཐབས་བྱེད་དགོས། |
| སྡུག་འཁུར |
སྡུག་བསྔལ་གྱི་ཁུར་འཁྱེར་བཞིན་པ། རྐྱེན་ངན་སྡུག་འཁུར། སྡུག་འཁུར་མི་ཐུབ་པ། |
| སྡུག་འཁྱག |
སྡུག་ལས་མྱོང་བར་ནད་འཁྱག་པའམ། ནད་ཐེག་པ། ཕུགས་དོན་ལ་དམིགས་ནས་དཀའ་ཚེགས་ལ་སྡུག་འཁྱག་བྱེད་པ། |
| སྡུག་ཡུལ |
ཡུལ་ལམ་ལུང་པར་སྨོད་པའི་ཚིག |
| སྡུག་ཡུས |
བྱས་ཡུས་ལ་སྨོད་ཚིག ཕན་ཆུང་བཏགས་པར་ངོ་སོའི་སྡུག་ཡུས་བགྲང་བ། |
| སྡུག་རིད |
སྡུག་བསྔལ་སེམས་ངལ་གྱིས་ལུས་རྒུད་པའི་ཉམས། ཁོ་དཀའ་ངལ་བྱུང་ནས་གཟུགས་པོ་སྡུག་རིད་ལ་སོང་འདུག |
| སྡུག་རུལ |
1 གྱོན་ཆས་སོགས་དངོས་པོ་རྙིང་ཧྲུལ་མཁོ་མེད་རིགས། 2 མི་བསམ་ངན་ཞེ་གནག་ཅན། མི་སྡུག་རུལ། གྱོན་པ་སྡུག་རུལ། |
| སྡུག་རུས |
བཟོད་བསྲན་ནམ་ཨུ་ཚུགས། སྡུག་རུས་ཆེན་པོ་བྱས་ནས་དཀའ་ངལ་བསལ་བ། |
| སྡུག་རུས་ཐེག་པོ |
དཀའ་སྡུག་བཟོད་བསྲན་ཆེན་པོ། དཀའ་ངལ་ཇི་ལྟར་བྱུང་ཡང་སྡུག་རུས་ཐེག་པོ་ཡོད། |
| སྡུག་རུས་ཚ་པོ |
1 བརྩོན་འགྲུས་ཆེན་པོ། 2 ཨུ་ཚུགས་ཚ་པོའམ། བཟོད་བསྲན་ཆེན་པོ། |
| སྡུག་རེས་བྱུང་ན་ལབ་རེས |
སྡུག་པོ་བྱུང་ན་བཤད་རེས་ཡོང་བའི་དོན། |
| སྡུག་རྒན |
1 སྡུག་བསྔལ་ཡང་ཡང་མྱོང་བའི་རྒད་པོའམ་རྒན་པོ། 2 མི་ཚེ་གཅིག་ལ་སྡུག་བསྔལ་ཁོ་ན་མྱོང་མཁན། |
| སྡུག་རྒུར |
སྡུག་སྒུར་དང་འདྲ། |
| སྡུག་ལས |
1 རང་གཞན་སྡུག་བསྔལ་བའི་ལས་སམ་བྱ་བ། 2 ལས་ཀ་ལ་སྨོད་པའི་ཚིག ཁོས་ང་ལ་སྡུག་ལས་བསྐུལ་བྱུང་སྙམ་དུ་མ་སེམས་ཤིག |
| སྡུག་ཤོད་མུག་ཤོད |
མི་འདོད་པའི་གཏམ་སྨྲ་བ། ཁོས་ང་ལ་སྡུག་པོ་བཏང་བྱུང་ཞེས་སྡུག་ཤོད་མུག་ཤོད་བྱེད་པ། |
| སྡུག་སེམས |
1 རང་གིས་རང་ཉིད་ཀྱི་སེམས་ལ་སྨོད་པའི་ཚིག ལས་དོན་ནོར་བ་དེ་སྡུག་སེམས་འདིས་མ་བྱུང་བ་རེད། སྡུག་སེམས་འདི་བརྗེད་ངས་ཆེ་བ་ལ་ཨང༌། 2 གཞན་ལ་སྙིང་རྗེ་བའི་སེམས། |
| སྡུག་སྐད |
སྡུག་བསྔལ་མ་བཟོད་པའི་སྐད། འཁྱག་ལྟོགས་ཀྱིས་མནར་ནས་སྡུག་སྐད་རྒྱག་པ། ཟུག་རྔུ་མ་བཟོད་པར་སྡུག་སྐད་ལྷང་ལྷང་རྒྱག་པ། |
| སྡུག་སྐད་ཙེ་རེ |
ཚོ་ངེའམ་སྡུག་བསྔལ་གྱི་སྒྲ། འཁྱག་ལྟོགས་གཉིས་ཀྱིས་མནར་བས་མྱ་ངན་གྱི་སྡུག་སྐད་ཙེ་རེ་འདོན་པ། |
| སྡུག་སྒུར |
དཀའ་གྱོང་ཁུར་ཏེ་བསྒུར་ནས་སྡོད་པ། གནས་ཚུལ་ངན་ཀྱང་བཟོད་སྲན་གྱིས་སྡུག་སྒུར་བྱེད་པ། |
| སྡུག་སྒོམ |
བཟོད་བསྲན། |
| སྡུག་སྦྱོང |
དཀའ་སྦྱོང་ངམ་དཀའ་ངལ། སྡུག་སྦྱོང་མྱོང་བ། སྡུག་སྦྱོང་བཏང་བ། |
| སྡུག་སྲན |
སྡུག་རུས་སམ། བཟོད་སྲན། ཚ་གྲང་བཀྲེས་སྐོམ་ཇི་ལྟར་བྱུང་ཡང་སྡུག་སྲན་ཐེག་པའི་མི་མང་པོ་ཡོད། སྡུག་སྲན་ཐེག་མི་ཐུབ་པ། |
| སྡུད |
ལྟེབ་མ་མང་བོ་ཕྲེང་དུ་བསྟར་བའི་མིང་སྟེ། ཁུག་མའི་སྡུད། ལྭ་བའི་སྡུད་ཅེས་པ་ལྟ་བུ། 2.(བྱེད་འབྲེལ་ལས་ཚིག་ད་ལྟ་བ) ཐོར་བུ་རྣམས་གནས་གཅིག་གམ་ཕྱོགས་གཅིག་ཏུ་འདུ་རུ་བཅུག་པ་སྟེ། ཚོགས་འདུ་སྡུད་མཁན། ཁྲལ་སྡུད་མཁན། སྡུད་ཀྱིན་ཡོད་ལྟ་བུ། |
| སྡུད་པ |
ཐ་དད་པ བསྡུས་པ། བསྡུ་བ། སྡུས།། 1 གསོག་པའམ་འགུགས་པ་དང༌། འཛོམས་པར་བྱེད་པ། མི་མང་པོའི་བློ་གྲོས་ཕྱོགས་གཅིག་ཏུ་བསྡུས་པ། ཕྱོགས་ཁག་སོ་སོའི་བསམ་འཆར་སྡུད་པ། མི་རྒྱུ་ཟོག་གསུམ་གྱི་སྟོབས་ཤུགས་བསྡུས་ཏེ་མགྱོགས་ནས་མྱུར་དུ་སྤྱི་ཚོགས་རིང་ལུགས་འཛུགས་སྐྲུན་བྱེད་པ། སློབ་གྲྭ་ཆུང་བ་ཁག་མང་གསར་བཙུགས་ཀྱིས་སློབ་ན་སོན་པའི་ཕྲུ་གུ་རྣམས་སློབ་སྦྱོང་དུ་སྡུད་པ། སྟོབས་ལྡན་གྱི་དམག་དཔུང་རྣམས་རང་གི་དབང་དུ་བསྡུས་ནས་དགྲ་རྣམས་ཟིལ་གྱིས་མནན་པ། 2 སྡོམ་པ། གནད་ཆེའི་ཚིག་དོན་མདོར་སྡུད་པ། ལོ་ཏོག་སྡུད་པ། ལས་གྲྭའི་མཇུག་སྡུད་པ། |
| སྡུད་པའི་སྒྲ |
1 རྣམ་དབྱེ་ལྔ་པའི་ནང་གསེས་ཡུལ་དུས་དངོས་པོ་གྲངས་ཀ་བཅས་ཀྱི་མཚམས་འཛིན་ཅིང་སྡུད་པའི་དོན་ལ་འཇུག་པའི་ནས་སྒྲ། ནས ཤར་ཕྱོགས་ནས་ནུབ་ཕྱོགས་བར། སྔར་ནས་ད་བར། གཅིག་ནས་བརྒྱའི་བར། ཞྭ་ནས་ལྷམ་བར། 2 ཚིག་དོན་རྣམས་ཕྱོགས་གཅིག་ཏུ་སྡུད་པའི་ཕྲད་གཞན་དབང་ཅན་གམ་སོགས་བཅུ་གཅིག་དང༌། ཀྱང་ལ་སོགས་པ་དང༌། ཕྲད་རང་དབང་ཅན་དང་སྒྲ་བཅས་ལ་ཟེར། གམ དང ཀྱང ཤར་རམ། ལྷོའམ། ནུབ་བམ། བྱང་ནི་ཕྱོགས་བཞིའོ། བདག་ཀྱང་འགྲོ་དགོས། ཁོང་ཡང་ཕེབས་བྱུང༌། འདས་པ་དང༌། མ་འོངས་པ་དང༌། ད་ལྟ་བ་ནི་དུས་གསུམ་མོ།.. |
| སྡུད་མ |
སྨྱུག་མའི་ལྕུག་ཕྲན་དང་རྩྭ་ཀུ་ཤའི་གཞུང་རྟ་སོགས་ཀྱིས་བཟོས་པའི་ས་རྡུལ་འཕྱག་བྱེད་ཀྱི་ཕྱགས་མའི་མིང་། |
| སྡུད་ལེན |
གཞན་ནས་ཚུར་རུབ་བསྡུའམ། འོར་འདྲེན། བརྔས་པའི་ཚར་མ་གཡུལ་ཁར་སྡུད་ལེན་བྱེད་པ། བཀྲུས་ནས་བསྐམས་པའི་གྱོན་ཆས་ཚང་མ་སྡུད་ལེན་བྱེད་པ། མི་ངན་རྣམས་ཀྱི་ལག་ཆ་གཞུང་གིས་སྡུད་ལེན་བྱེད་པ། |
| སྡུད་སྒོ |
1མིའི་གཉའ་ལྟག་རུས་འབུར་འོག་གི་ཀོང་ཀོང་དེའི་མིང་། འདི་ལ་ལྟག་ཁུང་ཡང་ཟེར། 2སྨན་གཞུང་དུ་སྤྱི་གཙུག་གི་མེ་དམིག་གི་ཕྱོགས་བཞིའི་ཚུན་གང་རེའི་མེ་དམིག་བཞི་ལ་སྡུད་སྒོ་བཞི་ཟེར། |
| སྡུད་སྤྲོད |
ཚུར་སྡུད་པ་དང་ཕར་སྤྲོད་པ། གཞུང་སྒེར་གྱི་འབབ་ཡོང་ཐོག་ནས་སྡུད་སྤྲོད་བྱེད་སྒོ་མཐའ་དག་འབོ་བྲེ་ཉག་སྲང་སོགས་འཇལ་བྱེད་ཚད་མ་གཞིར་བཞག་སྤྲོད་ལེན་ཚུལ་མཐུན་བྱེད་དགོས། |
| སྡུམ |
(བྱེད་འབྲེལ་ལས་ཚིག་ད་ལྟ་བ) <ཀ>འགྲིག་མཐུན་ཡོང་བར་བྱེད་པ་སྟེ། ཁ་མཆུ་སྡུམ་མཁན། རྩོད་གླེང་སྡུམ་གྱིན་འདུག་ལྟ་བུ། |
| སྡུམ་ཐབ |
རྙིང ཁྱིམ་ཐབ་བམ་ཁྱོ་ཤུག |
| སྡུམ་པ |
1. ཐ་དད་པ བསྡུམས་པ། བསྡུམ་པ། སྡུམས།། མཐུན་པར་བྱེད་པ། ཕན་ཚུན་བར་དུ་རེས་དཀྲུགས་རེས་སྡུམ་མང་དུ་བྱུང་བ། རྩོད་གཞི་བསྡུམས་ནས་སྔར་བཞིན་འཆམ་པོར་གྱུར། 2. རྙིང ཁྱིམ་མམ་ཁང་པ། |
| སྡུམ་བུ |
རྙིང ཁང་པ་ཆུང་ངུ། |
| སྡུམ་བྱེད |
རྙིང གཟུ་བྱེད། |
| སྡུམ་མཚེས |
རྙིང ཁྱིམ་མཚེས། |
| སྡུམས |
སྐུལ་ཚིག་སྟེ། ཁ་མཆུ་སྡུམས་ཤིག་ལྟ་བུ། <ཁ>ཞི་མཐུན་ཡོང་བར་བྱེད་པ་སྟེ། གསར་བརྗེ་བྱེད་པར་བརྟེན་ནས་འཁྲུག་པ་སྡུམ་གྱིན་ཡོད། དབྱེན་དཀྲུག་བསྡུམ་དགོས་ལྟ་བུ། སྡུམ་པ་སྟེ། ཁྱིམ་དང་ཁང་བའི་བརྡ་རྙིང་། |
| སྡུར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཕན་ཚུན་བཟང་ངན་ཆེ་ཆུང་སོགས་གཤིབ་པའམ་འགྲན་པ་སྟེ། ལག་རྩལ་བཟང་ངན་སྡུར་གྱིན་འདུག མེ་མདའ་འཕེན་པའི་རྩལ་སྡུར་ཅིག་ལྟ་བུ། |
| སྡུར་བ |
ཐ་དད་པ བསྡུར་བ། བསྡུར་བ། སྡུར།། འགྲན་པའམ་སྒྲུན་པ། དངོས་པོ་ལེགས་ཉེས་བསྡུར་ཏེ་དབྱེ་བ་འབྱེད། ལུས་རྩལ་བསྡུར་བ། |
| སྡུས |
སྐུལ་ཚིག་སྟེ། ལོ་ཏོག་སྡུས་ཤིག་ལྟ་བུ། ཚུར་འགུག་བྱེད་པ་སྟེ། དམག་སྡུད་ཀྱིན་ཡོད། སློབ་གྲྭ་པ་སྡུད་མཁན། དམག་བསྡུས་ནས་རྒྱལ་ཁབ་བསྲུང་ལྟ་བུ། ０མཇུག་རྫོགས་པ་སྟེ། སྟོན་ལས་མཇུག་བསྡུས་ལྟ་བུ། １ཇེ་ཉུང་དུ་བཏང་བ་སྟེ། མདོར་སྡུད་པ། མདོར་བསྡུས་ན། ཚིག་སྡུད། ཚིག་གཅིག་ཏུ་བསྡུས་ན་ལྟ་བུ། ２དབང་བསྒྱུར་བ་སྟེ། དབང་དུ་སྡུད་མཁན། དབང་དུ་བསྡུས་ལྟ་བུ། ３ཇེ་ཆུང་དུ་འཁུམས་པ་སྟེ། དཔྲལ་བར་གཉེར་མ་སྡུད་པ། དཔྲལ་བར་གཉེར་མ་བསྡུས་ལྟ་བུ། |
| སྡེ |
རིགས་དང༌། ཚོམས་དང༌། མང་པོའི་ཚོགས་པ། རང་སྡེ། གཞན་སྡེ། དམག་སྡེ། ཆོས་སྡེ། ལྷ་སྡེ་མི་སྡེ། གཡས་སྡེ་གཡོན་སྡེ། ཡུལ་གྲུ་རྣམས་སྡེ་སྡེར་བགོས་པ། |
| སྡེ་ཁག |
སྡེ་ཚན་ཁག་སོ་སོ། གྲོང་སྡེ་ཁག མི་སྡེ་ཁག ཡུལ་སྡེ་ཁག ཤོག་སྡེ་ཁག |
| སྡེ་གཉིས |
བོད་ཀྱི་དགེ་འདུན་པའི་སྡེ་གཉིས་ཏེ། གོས་དཀར་ལྕང་ལོའི་སྡེ་དང༌། རབ་བྱུང་ངུར་སྨྲིག་གི་སྡེ་གཉིས་སོ། |
| སྡེ་གཟར |
སྡེ་བའི་ནང་ཁུལ་དུ་མི་མཐུན་པ་ལངས་པའི་འཁྲུག་སློང་གི་མིང་། |
| སྡེ་གཟར་སྐྱས་འུར |
དམག་འཁྲུག་ཚབས་ཆེན་བྱུང་སྟེ་མི་རྣམས་རང་སར་མ་ཆགས་པར་འུར་འགྲོ་བ། |
| སྡེ་ཐང |
1 གྲོང་སྡེ་ཡོད་པའི་ཐང༌། 2 ཡུལ་ཐང༌། ཚོང་དུས་གཅིག་ལ་སྡེ་ཐང་གཉིས་མི་ཡོང༌། |
| སྡེ་དཀྲུག |
1 དགེ་འདུན་ནང་མི་མཐུན་པ་བཟོ་བའི་དབྱེན་དཀྲུག 2 ཡུལ་ལུང་དཀྲུག་པ། སྡེ་དཀྲུག་མཁན་ཁྲམ་པ། ས་དཀྲུག་མཁན་ཨ་བྲ། |
| སྡེ་དགེ |
སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་ནུབ་བྱང་ངོས་དང་འབྲི་ཆུའི་ཤར་འགྲམ་ན་ཡོད་པའི་རྫོང་ཞིག་རྫོང་མི་དམངས་སྲིད་གཞུང་དེ་ནི་དགོན་ཆེན་ན་ཡོད། |
| སྡེ་དགེ་ཁྲོ་ལ |
སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སྡེ་དགེའི་ཤར་རྒྱུད་ཀྱི་རི་ཞིག |
| སྡེ་དགེ་དགོན་ཆེན |
ཁམས་སྡེ་དགེ་དགོན་ཆེན་དཔལ་ལྷུན་གྲུབ་སྟེང་གི་ཆོས་གྲྭ་ཞེས་པ་རབ་བྱུང་བརྒྱད་པའི་ས་འབྲུག་ལོར། གྲུབ་ཆེན་ཐང་སྟོང་རྒྱལ་པོས་ཕྱག་བཏབ། སྡེ་དགེ་རྒྱལ་པོ་རིམ་བྱོན་རྣམས་ཀྱིས་མཆོད་གནས་སུ་གྱུར་ཅིང༌། པར་ཁང་ཆེན་མོ་སོགས་རིག་གནས་ཀྱི་ཤུལ་བཞག་ཆེན་པོ་ཡོད་པའི་ས་སྐྱའི་དགོན་པ་གྲགས་ཅན་ཞིག |
| སྡེ་དགེའི་པར་ཁང |
པར་ཁང་ཆོས་མཛོད་ཆེན་མོ་བཀྲ་ཤིས་སྒོ་མང་ཞེས། སྡེ་དགེ་དགོན་ཆེན་དུ། རབ་བྱུང་བཅུ་གཉིས་པའི་ས་བྱ་ལོར། སྡེ་དགེའི་རྒྱལ་རབས་ཞེ་གཉིས་པ་ཆོས་རྒྱལ་བསྟན་པ་ཚེ་རིང་གི་སྐུ་དུས་སུ་བཞེངས་པའི་བཀའ་བསྟན་འགྱུར་དང༌། ས་དགེ་བཀའ་རྙིང་གི་བླ་མ་རྣམས་ཀྱི་གསུང་འབུམ་སྣ་ཚོགས་སོགས་མདོ་སྔགས་རིག་གནས་དང་བཅས་པའི་པར་ཤིང་འབོར་ཆེན་ཡོད་པའི་པར་ཁང་ཞིག |
| སྡེ་དགེའི་བཀའ་འགྱུར་དཀར་ཆག |
བདེ་བར་གཤེགས་པའི་བཀའ་གངས་ཅན་གྱི་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་གཞོན་ནུའི་འཁྲི་ཤིང་ཞེས་བྱ་བ། སྟོན་པས་ཆོས་འཁོར་བསྐོར་ཚུལ་བཀའ་བསྡུ་བྱུང་ཚུལ་དང་བཅས་པ་དང༌། འཕགས་བོད་ཀྱི་ཡུལ་དུ་བསྟན་པ་བསྐྱངས་ཚུལ། མིའི་དབང་པོས་ཇི་ལྟར་པར་དུ་བསྒྲུབས་ཚུལ། བཞུགས་བྱང་དཀར་ཆག་དངོས། དགོས་ཆེད་ཕན་ཡོན་བསྔོ་སྨོན་དང་བཅས་སྐབས་ལྔའི་བདག་ཉིད་ཅན། རབ་བྱུང་བཅུ་གཉིས་པའི་ཆུ་མོ་གླང་གི་ལོར་དཔལ་སྤུངས་སི་ཏུ་ཀརྨ་བསྟན་པའི་ཉིན་བྱེད་གཙུག་ལག་ཆོས་ཀྱི་སྣང་བས་མཛད་པ། |
| སྡེ་དགེའི་བསྟན་འགྱུར་དཀར་ཆག |
ཀུན་མཁྱེན་ཉི་མའི་གཉེན་གྱི་བཀའ་ལུང་གི་དགོངས་དོན་རྣམ་པར་འགྲེལ་བའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་བའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ཞེས་བྱ་བ། བསྟན་པ་གང་ལས་བྱུང་བ། བསྟན་སྐྱོང་རྣམས་ཀྱིས་བྱ་བ་བྱས་པ། དམ་པའི་ཆོས་ཀྱི་རྣམ་པར་གཞག་པ། བསྟན་བཅོས་ཀུན་གྱི་རྣམ་པར་གཞག་པ། པར་དུ་སྒྲུབ་པར་སྐུལ་བ། ཇི་ལྟར་པར་དུ་སྒྲུབ་པ། ཆོས་ཀྱི་བཞུགས་བྱང་སྨོས་པ། དགེ་བ་བྱང་ཆུབ་ཏུ་བསྔོ་བ་བཅས་རབ་བྱེད་བརྒྱད་ཀྱི་བདག་ཉིད་ཅན་གྱི་གཞུང་འདི་ནི་རབ་བྱུང་བཅུ་གཉིས་པའི་ཆུ་ཕག་ལོར་ཞུ་ཆེན་ཚུལ་ཁྲིམས་རིན་ཆེན་གྱིས་མཛད་པ། |
| སྡེ་དགོན |
ཁྱིམ་པའི་གྲོང་སྡེ་དང༌། དགོན་པ། |
| སྡེ་དཔོན |
1 ཚོ་པའི་འགོ་པ། 2 སྡེ་ཚོ་མང་པོའི་སྤྱི་དཔོན། |
| སྡེ་དུམ |
སྡེ་ཤོག་ཆུང་ངུ། |
| སྡེ་པ |
1 ཡུལ་ལུང་སོ་སོའི་ལས་མིའི་འགོ་བྱེད། 2 གསལ་བྱེད་ཀྱི་སྡེ་ཚན། བོད་ཡིག་གསལ་བྱེད་སྡེ་པ་དང་པོ། ཀ་ཁ་ག་ང 3 མངོན སྔར་རྒྱ་གར་གྱི་སངས་རྒྱས་པ་ཚོར་གནས་བརྟན་པ་དང༌། ཐམས་ཅད་ཡོད་པར་སྨྲ་བ། མང་པོས་བཀུར་བ། ཕལ་ཆེན་པ་སྟེ་རྩ་བའི་སྡེ་པ་ལ་བཞི་ཡོད་པས་གྲངས་བཞི་མཚོན། 4གནའ་བོའི་གྲོང་སྡེའི་མགོ་དཔོན་གྱི་མིང་། སྔོན་བོད་གཞུང་གི་དཔོན་རིགས་ཀྱི་གོ་ས་སྡེ་སྲིད་འཁུར་མཁན་གྱི་དཔོན་རིགས་ཀྱི་མིང་། |
| སྡེ་པ་གཞུང |
སྔར་གྱི་བོད་ས་གནས་སྲིད་གཞུང༌། |
| སྡེ་པ་ཕྱེད་བརྒྱད |
བོད་ཡིག་གི་གསལ་བྱེད་སུམ་ཅུ་ཐམ་པ་བཞི་བཞི་སྡེ་པ་རེར་བརྩིས་པའི་ཀ་སྡེ་ནས་ར་སྡེ་བར་སྡེ་པ་བདུན་དང༌། ཧ་ཨ་གཉིས་སྡེ་པ་ཕྱེད་དེ་སྡེ་ཚན་ཕྱེད་དང་བརྒྱད་དོ། ཀ ར ཧ་ཨ |
| སྡེ་པའི་ལྔ་པ |
ལེགས་སྦྱར་གྱི་གསལ་བྱེད་སྡེ་པ་ལྔ་སོ་སོའི་ཡི་གེ་ལྔ་པ་སྟེ། ང་ཉ་ཎ་ན་མ་རྣམས་སོ། ཀ་ཙ་ཊ་ད་པ ང་ཉ་ཎ་ན་མ། |
| སྡེ་བ |
ཞིང་སྡེའམ་གྲོང་སྡེའི་མིང་སྟེ། རྒྱ་ཡི་སྡེ་བ། བོད་ཀྱི་སྡེ་བ། མི་རིགས་མང་བོ་ཡོད་པའི་སྡེ་བ་ཞེས་པ་ལྟ་བུ། མང་བོ་སོ་སོར་ཕྱེ་བའི་ཡ་གྱལ་གྱི་མིང་སྟེ། གསལ་བྱེད་སུམ་ཅུ་ཐམ་པ་བོ། སྡེ་བ་ཕྱེད་དང་བརྒྱད་གནས་པ་ཞེས་པ་ལྟ་བུ། ０སྡེ་བ་ལ་སྡེ་ཞེས་འབྲི་ཆོག་སྟེ། ཀ་སྡེ། ཁ་སྡེ། སྡེ་ཆེན། སྡེ་ཆུང་ཞེས་པ་ལྟ་བུ། |
| སྡེ་བདུན་ཡིད་ཀྱི་མུན་སེལ |
ཚད་མ་སྡེ་བདུན་གྱི་རྒྱན་ཡིད་ཀྱི་མུན་སེལ་ཞེས་བྱ་བའི་བསྡུས་མིང༌། མཁས་གྲུབ་རྗེས་མཛད་པའི་ཚད་མ་རྣམ་འགྲེལ་གྱི་སྤྱི་དོན། |
| སྡེ་བདུན་ལ་འཇུག་པའི་སྒོ་དོན་གཉེར་ཡིད་ཀྱི་མུན་སེལ |
རྗེ་ཙོང་ཁ་པས་མཛད་པའི་ཚད་མའི་སྤྱི་དོན། |
| སྡེ་བཞི |
ཕུན་ཚོགས་སྡེ་བཞིའི་བསྡུས་མིང༌། |
| སྡེ་བརྒྱད |
ལྷ། ཀླུ། གནོད་སྦྱིན། དྲི་ཟ། ལྷ་མ་ཡིན། ནམ་མཁའ་ལྡིང༌། མིའམ་ཅི། ལྟོ་འཕྱེ་ཆེན་པོ་བཅས་བརྒྱད་དོ། |
| སྡེ་བློན |
སྡེ་ཚོའི་འགོ་ཁྲིད་བློན་པོ། |
| སྡེ་ཚན |
1 དངོས་རྫས་ཀྱི་རྩིས་གཞིའི་ཚད་ཀྱི་མིང་སྟེ། རིང་ཐུང་གི་རྩིས་གཞིའི་སྡེ་ཚན་ནི་ཕུན་དང་ཚུན་དང་ཁྲུ་སོགས་ཡིན། ལྕི་ཡང་གི་རྩིས་གཞིའི་སྡེ་ཚན་ནི་ཞོ་དང་སྲང་རྒྱ་མ་སོགས་ཡིན། དུས་ཚོད་ཀྱི་རྩིས་གཞིའི་སྡེ་ཚན་ནི་མེའོ་དང་ཕུན་ཁེ་དུས་ཆུང་སོགས་ཡིན། དྲོད་ཀྱི་རྩིས་གཞིའི་སྡེ་ཚན་ནི་ཧྲེ་ཧྲི་ཏུའུ་སོགས་ཡིན་པ་ལྟ་བུ། 2བྱ་དངོས་མང་བོ་ཚད་ངེས་ཅན་ལྟར་སྐོར་དུ་མར་ཕྱེ་བའི་སྐོར་གཅིག་གི་མིང་སྟེ། བོད་ཡིག་སྡེ་བ་ཕྱེད་དང་བརྒྱད་གནས་པའང་། སྡེ་ཚན་ལྔ་རུ་དྲིལ་བྱས་ནས་ཞེས་པ་ལྟ་བུ། མིའི་ཚོགས་པ་དང་མི་སྐོར་གཅིག་གི་མིང་སྟེ། དགྲ་སྡེ་ཟིལ་གྱིས་གནོན་པའི་དཔའ་རྩལ་ཞེས་པ་ལྟ་བུ། 3.ཚོ་དང༌། བམ་པོ། ལེ་ཚན། དུམ་བུ། ཡིག་རིགས་ཁག་མང་ཕར་ཚུར་མི་འདྲེས་པའི་ཆེད་དུ་སྡེ་ཚན་དུ་སྡེམ་པ། དངོས་རིགས་ཡག་ཉེས་གང་དང་གང་ཡིན་སྡེ་ཚན་སྤུ་རིས་འབྱེད་པ། |
| སྡེ་ཚོ |
ཚོ་པ། |
| སྡེ་ཞིབ་ལས་ཁུངས |
སྔར་བོད་ས་གནས་སྲིད་གཞུང་སྐབས་ཡུལ་སྡེའི་གྱོད་དོན་སྐོར་ལ་རྩད་ཞིབ་བྱེད་སའི་ལས་ཁུངས། |
| སྡེ་ཟིང་དགུ་ཟིང |
ཡུལ བསྣོགས་པའམ་འཁྲུགས་པ། ཡོ་འཁྱོམས་ཆེན་པོ། ཅོག་ཙེའི་སྟེང་གི་དཔེ་ཆ་ཚང་མ་སྡེ་ཟིང་དགུ་ཟིང་བཟོས་པ། |
| སྡེ་འབངས |
མི་སེར། |
| སྡེ་ཡངས |
ཁྱམས། |
| སྡེ་རིས |
སྡེ་ཚན་གྱི་ཁོངས་གཏོགས། དཔོན་འབངས་སྡེ་རིས་དང་བཅས་པ་གཡུལ་དུ་ཞུགས་པ། |
| སྡེ་རོང |
རྫོང་ཞིག་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་ལྷོ་ནུབ་ངོས་དང་འབྲི་ཆུའི་ཤར་འགྲམ་དུ་ཡོད། རྫོང་མི་དམངས་སྲིད་གཞུང་དེ་སང་སྨད་དུ་ཡོད། |
| སྡེ་རྣ |
རྙིང སྡེ་དཔོན། |
| སྡེ་ལག |
ཡུལ་དགོན་གང་རུང་གི་ཡན་ལག |
| སྡེ་ཤོག |
ཡུལ་ཚོ། སྡེ་ཤོག་རིགས་རྒྱུད། |
| སྡེ་སྐོར |
1 དགོན་སྡེ། 2 གྲོང་སྡེ་ཁག 3 སྡེ་ཚོ། |
| སྡེ་སྣོད |
པིཊྐ བྲེའོ་ཆེ་ལ་འཇུག་པ་སྟེ། དཔེར་ན་བྲེའོ་ཆེ་ལ་བྲེའུ་ཆུང་མང་པོ་འདུས་པ་ལྟ་བུ། མང་པོ་འདུས་པའི་སྣོད་དོ།…2.སངས་རྒྱས་ཆོས་ལུགས་ཀྱི་བསྟན་བཅོས་ཀྱི་མིང་། |
| སྡེ་སྣོད་གཉིས |
ཐེག་པ་ཆེ་ཆུང་གི་སྡེ་སྣོད་རིགས་གཉིས། |
| སྡེ་སྣོད་གསུམ |
སངས་རྒྱས་ཀྱི་བཀའ་ཐམས་ཅད་བརྗོད་བྱ་བསླབ་པ་གསུམ་གཙོ་བོར་གྱུར་པའི་སྒོ་ནས་རྗོད་བྱེད་སྡེ་སྣོད་གསུམ་དུ་བཞག་པ་སྟེ། འདུལ་བའི་སྡེ་སྣོད་དང༌། མདོ་སྡེའི་སྡེ་སྣོད་དང༌། མངོན་པའི་སྡེ་སྣོད་རྣམས་སོ། དེ་གསུམ་གྱི་ནང་དུ་གསུང་རབ་ཡན་ལག་བཅུ་གཉིས་ཀྱི་དོན་དང༌། ཚིག་ཐམས་ཅད་དང༌། གཟུགས་ནས་རྣམ་མཁྱེན་བར་གྱི་ཤེས་བྱའི་ཆོས་ཐམས་ཅད་འདུས་པས་སྡེ་སྣོད་ཅེས་བྱའོ། |
| སྡེ་སྣོད་གསུམ་ངོས་འཛིན་གྱི་ཕྱག |
འདུལ་བའི་ཀླད་དུ་ཐམས་ཅད་མཁྱེན་པ་དང༌། མདོ་སྡེ་ལ་སངས་རྒྱས་བྱང་སེམས་དང༌། མངོན་པ་ལ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་སྨོས་ཤིག་ཅེས་ལོ་པཎ་གྱིས་བཀས་བཅད་དེ་ལ་ཕྱི་རབས་པ་རྣམས་ཀྱིས་མ་ངེས་པའི་རྒྱུ་མཚན་དུ་བཤད་ནས། ལོ་ཙཱ་བ་རང་དད་པའི་ལྷ་ལ་ཕྱག་བྱས་པར་འཆད་མོད། འོན་ཀྱང་སྔོན་བསྒྱུར་བའི་འདུལ་བ་དང༌། མངོན་པ་དང༌། མདོ་སྡེ་ཕལ་མོ་ཆེ་ལ་ངེས་པ་ཅན་དུ་སྨོས་འདུག་པས། ཕྱིས་མ་ངེས་ཀྱང་དང་པོའི་ཆོས་རྒྱལ་རྣམས་ཀྱི་དུས་སུ་བཀས་བཅད་པར་ངེས་སོ། |
| སྡེ་སྣོད་འཛིན་པ |
འདུལ་བ། མདོ་སྡེ། མངོན་པ་བཅས་ཀྱི་དོན་ཉམས་སུ་ལེན་པ་པོ། |
| སྡེ་སྲིད |
1 ཡུལ་སྡེའི་སྲིད་དབང༌། 2 ཡུལ་སྡེའི་སྲིད་དབང་འཛིན་མཁན་ཏེ་སྡེ་པའང་ཟེར། བོད་དུ་ཆོས་སྲིད་གཉིས་ལྡན་གྱི་ལམ་ལུགས་དར་བའི་སྐབས་སྲིད་ཕྱོགས་ཀྱི་བྱ་བ་བྱེད་མཁན་གཙོ་བོ། |
| སྡེ་སྲིད་གཅིག་པའི་ས |
སྲིད་དབང་སྡེ་ཚན་གཅིག་པའི་ས་ཆ། |
| སྡེ་སྲིད་གཙང་པ |
བཀའ་བརྒྱུད་པས་བོད་ཀྱི་སྲིད་དབང་འཛིན་སྐབས་ཀྱི་རྒྱལ་པོ་རྟིང་མ་སྟེ། སོག་གུ་ཤྲཱི་བསྟན་འཛིན་ཆོས་རྒྱལ་གྱིས་དྲག་ཤུགས་ལ་བརྟེན་ནས་དེ་ཚར་བཅད་ཅིང་སྲིད་དབང་འཕྲོགས་པ་རེད། |
| སྡེ་སྲིད་མི་གཅིག་པའི་ས |
སྲིད་དབང་སྡེ་ཚན་མི་གཅིག་པའི་ས་ཆ། |
| སྡེ་སྲིད་སངས་རྒྱས་རྒྱ་མཚོ |
རབ་བྱུང་བཅུ་གཅིག་པའི་ཆུ་སྦྲུལ་ལོར་ལྷ་ལྡན་བྱང་ཕྱོགས་ཉང་བྲན་གྲོང་སྨད་གཞིས་ཀར་ཡབ་ཨ་སུག་དང༌། ཡུམ་བུ་ཁྲིད་གཉིས་ཀྱི་སྲས་སུ་སྐུ་འཁྲུངས། དགུང་ལོ་བཞི་ལྔའི་ཐོག་ནས་ཡི་གེ་འབྲི་ཀློག་དང་སུམ་རྟགས་སོགས་ལ་ཐུགས་གཞོལ། དགུང་ལོ་བརྒྱད་ཀྱི་ཐོག་རྒྱལ་དབང་ལྔ་པའི་སྐུ་མདུན་དུ་བཅར་ནས་མདོ་སྔགས་སོགས་སྤྱི་དང་བྱེ་བྲག་གི་གཞུང་དོན་མང་པོ་གསན། འདར་པ་ལོ་ཙཱ་ལས་སྐར་རྩིས་དང༌། སྒྲ་རིག་པ། ལུ་འགོ་བླ་མཁྱེན་ངག་གི་དབང་པོ་ལས་དབྱངས་འཆར། བྱང་པ་ལྷུན་སྡིངས་པ་རྣམ་རྒྱལ་རྡོ་རྗེ་ལས་བྱང་ཁོག་ཡུལ་ཐིག་དང༌། རྩ་རྒྱུད་སྡོང་འགྲེམས། གསང་སྨན་ཚིག་བརྒྱུད་སྐོར་གྱི་མན་ངག་བཅས་གསོ་བ་རིག་པ་སྦྱང་བ་སོགས་མདོར་ན་མཁས་གྲུབ་གཉིས་ལྡན་གྱི་ཡོངས་འཛིན་དུ་མ་བསྟེན་ནས་ཐུན་མིན་དང་ཐུན་མོང་གི་རིག་གནས་ཀུན་ལ་དཔྱིས་ཕྱིན་པར་མཛད། རྒྱལ་དབང་ལྔ་པ་ཆེན་པོས་ཆོས་སྲིད་གཉིས་ཀའི་རྒྱལ་ཚབ་ཀྱི་ལས་ཀ་བསྩལ་བས་ལོ་ཉི་ཤུ་རྩ་དྲུག་གི་རིང་སྡེ་སྲིད་བཟུང་ནས་སྲིད་བསྐྱངས། རྩེ་ཕོ་བྲང་དམར་པོ་ཉམས་གསོ་དང་རྒྱ་སྐྱེད་གནང༌། རྒྱལ་དབང་ལྔ་པའི་གསེར་གདུང་འཛམ་གླིང་རྒྱན་གཅིག་བཞེངས། གསོ་བ་རིག་པའི་དཔལ་ལྡན་རྒྱུད་བཞི་ལ་ཞུས་དག་མཛད་དེ་དཔར་དུ་བསྐྲུན་པ་སོགས་མཛད་རྗེས་ཤིན་ཏུ་ཆེ། གསུང་རྩོམ་སྐོར་ལ་ཕུག་ལུགས་རྩིས་ཀྱི་ལེགས་བཤད་བཻཌཱུརྻ་དཀར་པོ་དང༌། བཻཌཱུརྻ་དཀར་པོའི་གཡའ་སེལ། གསེར་གདུང་འཛམ་གླིང་རྒྱན་གཅིག་གི་དཀར་ཆག་ཁྲིམས་ཡིག་དྭངས་ཤེལ་ཉེར་གཅིག་གསོ་བ་རིག་པའི་ཁོག་འབུབས་ལེགས་བཤད་བཻཌཱུརྻའི་མེ་ལོང་དྲང་སྲོང་དགྱེས་པའི་དགའ་སྟོན། དཔལ་ལྡན་རྒྱུད་བཞིའི་འགྲེལ་པ་བཻཌཱུརྻ་སྔོན་མོ། མན་ངག་རྒྱུད་ཀྱི་ལྷན་ཐབས་དུས་མིན་འཆི་ཞགས་གཅོད་པའི་རལ་གྲི་སོགས་ལེགས་བཤད་རྨད་དུ་བྱུང་བའི་བསྟན་བཅོས་སྣ་ཚོགས་པོད་ཉི་ཤུ་རྩ་དྲུག་ཙམ་མཛད། གསོ་བ་རིག་པའི་དཔལ་ལྡན་རྒྱུད་བཞིའི་དགོངས་དོན་རྣམས་མ་འདྲེས་མཚོ་ལ་ཟླ་སྐར་ཤར་བ་ལྟར་མིག་ལམ་དུ་གསལ་བར་འཆར་བའི་སྔོན་མེད་ཀྱི་བྲིས་ཆ་ཐང་དེབ་གྲངས་བདུན་ཅུ་དོན་བདུན་གྱི་མཚོན་བྱེད་དཔེ་རིས་བཀོད། ལྕགས་པོ་རིར་སྨན་གྱི་སློབ་གྲྭ་འགྲོ་ཕན་རིག་བྱེད་གླིང་བཙུགས་པ་སོགས་སྐུ་ཚེ་ཧྲིལ་པོར་བསྟན་དོན་ཁོ་ན་མཛད། མཐར་རབ་བྱུང་བཅུ་གཉིས་པའི་ཤིང་བྱ་ལོར་སོག་པོ་ལྷ་བཟང་ཧཱན་གྱིས་བཀྲོངས། |
| སྡེབ |
(བྱེད་འབྲེལ་ལས་ཚིག་ད་ལྟ་བ) དངོས་རྫས་མང་བོ་ལྷན་དུ་བསྲེས་པ་སྟེ། སྨན་སྡེབ་མཁན། སྨན་སྡེབ་ཀྱིན་ཡོད་ལྟ་བུ། 2.དེབ་དང་འདྲ། |
| སྡེབ་ཁ |
རོ་ནུས་དང་ཚད་ལྟར་བསྡེབས་པའི་སྨན་གྱི་མིང་། འགྲོགས་པ་སྟེ། གྲོགས་བཟང་བོར་སྡེབ་བཞིན་ཡོད། དམག་དང་བསྡེབས་ནས་སོང་ལྟ་བུ། |
| སྡེབ་གཅིག |
ཙར་ཙར་མིན་པའི་སྟབས་ཅིག་གམ་ཆབས་ཅིག ལོ་གསར་གྱི་དགོས་མཁོ་རྣམས་སྡེབ་གཅིག་ཏུ་ཉོ་བ། |
| སྡེབ་གཟི |
གསེར་བྲིས་རི་མོ་བརྡར་ནས་འོད་མདངས་འདོན་བྱེད་ཀྱི་གཟི། |
| སྡེབ་ཉོ |
ཚོང་ཟོག་མང་པོ་སྡེབ་གཅིག་ལ་ཚུར་ཉོ་བ། དངོས་ཟོག་སྡེབ་ཉོ་སྡེབ་འཚོང་བྱེད་པ། |
| སྡེབ་པ |
ཐ་དད་པ བསྡེབས་པ། བསྡེབ་པ། སྡེབས།། 1 འགྲོགས་པ། མིག་སེམས་དང་བསྡེབས་ནས་ལྟ་བ་དང༌། རྣ་བ་སེམས་དང་བསྡེབས་ནས་ཉན་པ། ངན་པ་མཉམ་སྡེབ། བློ་མཐུན་པའི་གྲོགས་དང་སྡེབ་པ། 2 སྦྱོར་བའམ་སྒྲིག་པ། དཔེ་དེབ་མང་པོའི་དོན་སྙིང་གཅིག་ཏུ་བསྡེབས་ནས་བསྟན་བཅོས་གསར་པ་རྩོམ་པ། གྲས་སུ་བསྡེབས་པ། ཡི་གེ་དབྱངས་གསལ་བསྡེབས་ནས་མིང་ཚིག་གྲུབ། |
| སྡེབ་བླངས |
ཅིག་ཅར་དུ་བླངས་པ། དགོས་ཆ་རྣམས་སྡེབ་བླངས་བྱས། |
| སྡེབ་ཚོ |
མང་པོ་འགྲིལ་བའི་སྡེ་ཚན། |
| སྡེབ་འཚོགས |
མཉམ་འཚོགས། རྟག་པར་བཞུགས་གྲལ་སྡེབ་འཚོགས་བྱེད་པ། |
| སྡེབ་འཚོང |
ཚོང་ཟོག་མང་པོ་སྡེབ་གཅིག་ལ་ཕར་འཚོང་བ། |
| སྡེབ་འུར |
མི་མང་གི་ཁ་ནས་དུས་གཅིག་ཏུ་སྒྲོག་པའི་སྐད་སྒྲ། སྐད་ཆ་རིམ་བཞིན་ཤོད་པ་མ་གཏོགས་མི་མང་སྡེབ་འུར་བརྒྱབ་ནས་མ་ཤོད། |
| སྡེབ་ཡིག |
1 སྨན་གྱི་སྦྱོར་ཐབས་འཁོད་པའི་དཔེ་ཆ། 2 ཤོག་ལྷེ་མང་པོ་སྡེབ་གཅིག་བཙེམས་པའི་ཡིག་དེབ། |
| སྡེབ་རྒྱ |
ཡུལ རིགས་དང་གྲས། སྲན་མ་དང༌། ཞོག་ཁོག་རིགས་ནི་འབྲུའི་སྡེབ་རྒྱ་རེད། ལ་བ་ནི་སྣམ་བུའི་སྡེབ་རྒྱར་རྩི། |
| སྡེབ་རྩིས |
སྡེབ་གཅིག་ཏུ་བརྩི་བ། སྔར་གྱི་ཆད་བུན་རྣམས་དེ་རིང་སྡེབ་རྩིས་བརྒྱབ་པ་ཡིན། |
| སྡེབ་སྦྱོར |
1 དངོས་པོ་གཉིས་ཡན་ཆད་ཅིག་སྡེབ་ཅིང་སྦྱོར་བ། 2 བོད་ཡིག་སྔོན་རྗེས་མིང་གསུམ་བརྩེགས་འདོགས་རྣམས་བསྡེབས་ནས་སྦྱོར་བ་སྟེ་ཡི་གེའི་སྦྱོར་བ། 3 རིག་གནས་ཆུང་བ་ལྔའི་ཡ་གྱལ་ཞིག་སྟེ། ཚིགས་བཅད་རྩོམ་ལུགས་སོགས་ཡི་གེའི་སྦྱོར་བ་དང༌། ལེགས་སྦྱར་གྱི་ཡི་གེའི་ལྕི་ཡང་སྤེལ་བའི་རྩོམ་ཚུལ་གྱི་གཞུང་ཞིག 4.1སྙན་ངག་ཚིག་བཅད་ཀྱི་ཡི་གེའི་སྒྲ་ལྕི་ཡང་སྒྲིག་ཚུལ་ལམ་དེ་སྟོན་པའི་དཔེ་ཆའི་མིང་སྟེ། ཚིག་གི་སྡེབ་སྦྱོར། སྡེབ་ལེགས་ཚིག་གིས་བདེ་སྐྱིད་གསར་བར་བསྟོད་ཅེས་པ་ལྟ་བུ། 2ཕྱུགས་ཀྱི་སྡེབ་སྦྱོར། མོ་ཕྱུགས་དང་སོན་ཕྱུགས་འཁྲིག་སྦྱོར་བྱས་ནས་ཕྱུགས་རྒྱུད་སྤེལ་བའི་བྱ་བའི་མིང་སྟེ། བོད་ལུག་དང་ཞིན་ཅང་ལུག་སྡེབ་སྦྱོར་བྱས་ནས་ལུག་རྒྱུད་ཇེ་ལེགས་སུ་བཏང་། རྒོད་མ་དང་བོང་བུ་བསྡེབས་ནས་དྲེའུ་བཙས་ལྟ་བུ། |
| སྡེབ་སྦྱོར་གསུམ་སྔགས |
ལཉྪ། ཝརྟུ། བོད་ཡིག་གསུམ་སྦྱར་བའི་སྔགས།… |
| སྡེབ་སྦྱོར་རིན་ཆེན་འབྱུང་གནས |
བྲཏྀཏ་དང་ཛཱ་ཏི་ལ་ཡི་གེ་ལྕི་ཡང་སོགས་ཕན་ཚུན་བསྡེབས་ནས་ཚིག་སྦྱོར་ལེགས་པར་སྟོན་པའི་གཞུང་སློབ་དཔོན་ཤནྟི་བས་མཛད་པ། |
| སྡེབ་སྦྱོར་སུམ་བིད |
བསྟན་བཅོས་ཀྱི་འགོ་རྒྱན་མཆོད་བརྗོད་སོགས་སུ་ལཉྪ། ཝརྟུ། བོད་ཡིག་གསུམ་ལྕི་ཡང་བསྡེབས་ཏེ་སྦྱར་བའི་སུམ་ཕབ་ཀྱི་བྲཏྀཏའི་ཟུར་ཆག |
| སྡེབས |
སྐུལ་ཚིག་སྟེ། སྨན་སྡེབས་ཤིག་ལྟ་བུ། |
| སྡེམ་ཀ |
ཡུལ ཆུན་པོའམ་སྒྲིལ་ཁ། རས་ཆའི་སྡེམ་ཀ་རེར་ཡུག་བདུན་རེ་ཡོད། ཤོག་བུ་བཅུ་དེབ་ཀྱི་སྡེམ་ཀ་ལྔ། |
| སྡེམ་ཆག |
མང་པོ་གཤིབས་ཏེ་འཆིང་བ་ཞིག ཤིང་སྡེམ་ཆག་བྱེད་པ། |
| སྡེམ་པ |
ཡུལ འཁྱིག་པའམ་འཆིང་བ། ཁྲིམས་སྡེམ་པ། |
| སྡེར |
སྡེར་མ་ཡི་ཚིག་བསྡུས་པ། སྡེར་མོ་ཡི་ཚིག་བསྡུས་པ། ０སྡེ་རུ་ཞེས་པའི་རུ་ཡིག་བསྡུས་པ། |
| སྡེར་ཁ |
ལོ་གསར་སོགས་ཀྱི་སྐབས་མར་སྣུམ་གྲོ་ཞིབ་ཀྱིས་བཟོས་པའི་དཀར་སྤྲོའམ་ཁ་ཟས་དབྱིབས་གཟུགས་སྣ་ཚོགས་ཡ་གྲངས་དགུ་བདུན་ལྔ་གསུམ་གང་རུང་དུ་བརྩེགས་པ་དང༌། ཤིང་འབྲས། འབྲུ་སྣ་སོགས་སྣོད་བཟང་དུ་བཤམས་བསྒྲིགས་རྟེན་འབྲེལ་གྱི་རྫས། |
| སྡེར་ཆགས |
སྲོག་ཆགས་སྡེར་མོ་ཅན་ནམ་བྱ་སྤྱིའི་མིང་། |
| སྡེར་ཆགས་ཀླུ |
མངོན རྩངས་པ། |
| སྡེར་ཆགས་རྒྱལ་པོ |
མངོན སེང་གེ། |
| སྡེར་ཐང |
ས་ཆ་ཁ་ཡངས་པའི་ཐང༌། |
| སྡེར་ཐོགས |
སྲོག་ཆགས་རྐང་ལག་སྡེར་མོ་ཅན་གྱི་རིགས། སྡེར་ཐོགས་ནང་གི་རྒྱ་སྟག་ཡིན། |
| སྡེར་མ |
ཟས་དང་ཚོད་མའི་སྣོད་རིགས་ཤིག་སྟེ། ཤིང་གི་སྡེར་མ། ཤེལ་གྱི་སྡེར་མ་ཞེས་པ་ལྟ་བུ། |
| སྡེར་མོ |
བྱའི་རྐང་བ་དང་གཅན་གཟན་གྱི་རྐང་ལག་གི་མཛུབ་མོའམ་དེའི་སྣེ་མོའི་དངོས་པོ་སྲ་མཁྲེགས་རྣོ་ཞིང་གུག་པ་དེའི་མིང་། ཚིག་བསྡུས་ན། སྡེར། ཞེས་འབྲི་ཆོག་སྟེ། བྱ་སྡེར། བྱིའུ་སྡེར། སྟག་གི་མཆེ་སྡེར་ཞེས་པ་ལྟ་བུ། |
| སྡེར་ཤད |
སྡེར་མོས་འབལ་ཏེ་འབྲད་པ། ཞུམ་བུས་སྡེར་ཤད་བརྒྱབ་ཡོང༌། |
| སྡེར་སྤྱད |
སྣོད་སྡེར་མ། |
| སྡེལ་ཙེ |
རྒྱ ཚལ་ཟས་སོགས་བླུག་སྣོད། |
| སྡོ |
(བྱེད་འབྲེལ་ལས་ཚིག་ད་ལྟ་བ)ཉེན་ཁ་ལ་མི་འཛེམ་པའི་དོན་ཏེ། མ་འོངས་པར་བསྡོ་དང་འདས་པར་བསྡོས། སྐུལ་ཚིག་ལ་སྡོས་འབྲི། དཔེར་ན། གསར་བརྗེའི་སྒྲིག་ཁྲིམས་སྲོག་དང་བསྡོས་ནས་བསྲུངས། སྲོག་དང་བསྡོ་བར་བྱ། སྲོག་དང་སྡོས་ཤིག་ལྟ་བུ། གཞན་ནོར་བསླུས་ནས་ལེན་པ་སྟེ། གཞན་གྱི་རྒྱུ་ནོར་སྡོ་བ་རྒྱུ་ནོར་བསྡོས་ལྟ་བུ། ཡུལ་སྐད་དུ། སྡོས་བཅད་ཟེར། ０འགྲན་ཟླ་བྱེད་པ་སྟེ། དོར་སྡོ། དོར་བསྡོས་ལྟ་བུ། |
| སྡོ་བ |
ཐ་དད་པ བསྡོས་པ། བསྡོ་བ། སྡོས།། 1 བརྗེ་བ། བདེན་དོན་གྱི་ཆེད་དུ་རང་གི་ལུས་སྲོག་སྡོ་ཕོད་པ། ས་ཐག་རིང་པོར་བསྐྱོད་པའི་དཀའ་ཚེགས་དང་བསྡོས་པ། རང་དབང་འཐོབ་པའི་དོན་དུ་དགྲ་ལ་བསྡོས་པ། 2 སྡུར་བ་དང༌། འགྲན་པ། དོ་བསྡོ་ཞིང་ཕོད་བཙུགས་པ། གཞན་གྱི་མཐོང་ཆུང་ཁྱད་གསོད་མ་བཟོད་པར་སེམས་ཐག་གཙང་བཅད་ཀྱིས་འགྲན་ཅིང་སྡོ་བ། 3 བཤད་པ། ཁྱེད་རྣམས་བདག་གིས་བསྡོ་བ་བཞིན་བགྱིད་ན་བདག་དེ་ལྟར་བགྱིད་དོ། |
| སྡོག |
(བྱེད་འབྲེལ་ལས་ཚིག་ད་ལྟ་བ) ཐུང་ངུར་བཏང་བའི་དོན་ཏེ། ལྭ་སྡོག་མཁན། ཐག་པ་སྡོག་གིན་ཡོད་ལྟ་བུ། |
| སྡོག་པ |
ཐ་དད་པ བསྡོགས་པ། བསྡོག་པ། སྡོགས།། 1 སྡུད་པའམ་འདྲིལ་བ། ཆུ་རབས་བརྒལ་བར་གྱོན་པ་ཡར་བསྡོག་དགོས། ཐག་པ་བསྡོགས་པ། 2 སྟ་གོན་ནམ་གྲབས་གཤོམ་བྱེད་པ། སང་ཉིན་གྱི་ཇ་མར་དེ་རིང་ནས་བསྡོགས་ཚར། |
| སྡོག་པ་བརྒྱབ |
ལྭ་བ་ཡར་བསྟུངས་པའི་དོན་ཏེ། སྡོག་པ་བརྒྱབ་ནས་སྐེ་རགས་བཅིངས། སྡོག་པ་རྒྱོབས་ལྟ་བུ། སྟ་གོན་དང་གྲ་སྒྲིག་གི་དོན་ཏེ། ཉེ་བར་སྡོག་གིན་ཡོད་ལྟ་བུ། |
| སྡོགས |
སྐུལ་ཚིག་སྟེ། ལྭ་བ་ཡར་སྡོགས་ཤིག་ལྟ་བུ། |
| སྡོང |
(བྱེད་མེད་ལས་ཚིག་ད་ལྟ་བ) <ཀ>འགྲོགས་པ་སྟེ། གྲོགས་དང་སྡོང་བར་བྱེད། གྲོགས་དང་སྡོང་མཁན་ཞེས་པ་ལྟ་བུ། |
| སྡོང་གྲོགས |
མཉམ་དུ་གཤིབས་པའི་གྲོགས་པོ། མི་རྣམས་ཀྱིས་སྡོང་གྲོགས་མཛོད་ཅིག |
| སྡོང་ཐིགས |
མཆོད་མེ་སྡོང་རྐང་རྒྱུན་འཛུགས་ཡོད་སར་ཁ་གསོས་ཕྲན་བུ་རེ་བླུགས་པའི་མར་ཁུའི་ཐིགས་པ། དཀར་མེར་ཞལ་གསོའི་སྡོང་ཐིགས་རྒྱག་པ། |
| སྡོང་དུམ |
ཤིང་སྡོང་གི་ཆག་དུམ་མམ། ཤིང་སྡོང་རྙིང་པ་འགྱེལ་ཞིང་འཐོར་བའི་དམ་དུམ། སྡོང་དུམ་ཚིག་པ། |
| སྡོང་པོ |
ཡལ་ག་གྱེས་གཞིའི་རྟེན། པད་མའི་སྡོང་པོ། ཤིང་སྡོང་ཁོང་རུལ། གྱོད་ཀྱི་རྩ་བ་དང༌། རྣག་གི་སྡོང་པོ། |
| སྡོང་པོའི་བཀོད་པའི་སྙིང་པོ |
འཕགས་པ་སྡོང་པོ་བཀོད་པ་གཟུང་བར་འགྱུར་བའི་གཟུངས། རྒྱུད་འབུམ་གླེགས་བམ་ཕ་པར་བཞུགས། |
| སྡོང་པོའི་སོར་མོ |
མངོན ཡལ་ག། |
| སྡོང་ཕྲན་ལྗོན་ཤིང |
ཤིང་སོགས་ཀྱི་སྡོང་པོ་ཐུང་ལ་ཕྲ་བའི་རིགས། |
| སྡོང་བ |
ཐ་དད་པ བསྡོངས་པ། བསྡོང་བ། སྡོངས།། མཉམ་དུ་གཤིབས་པའམ་འགྲོགས་པ། གྲོགས་དང་བསྡོངས་ཏེ་ཕྱོགས་སུ་འགྲོ། |
| སྡོང་བུ |
1 སྒྲོན་མེའི་སྡོང་རས། 2 སྡོང་པོ་ཆུང་ཆུང༌། |
| སྡོང་བུ་རིང |
མངོན ཀུ་བ། |
| སྡོང་བུའི་སྨན |
ཤིང་སྨན། |
| སྡོང་བོ |
ཤིང་གི་རང་བཞིན་ཅན་གྱི་རྩི་ཤིང་གི་སྤྱི་མིང་སྟེ། སིལ་ཏོག་གི་སྡོང་བོ། ལྕང་མའི་སྡོང་བོ་ཞེས་པ་ལྟ་བུ། ཚིག་བསྡུས་ན་སྡོང་ཞེས་འབྲི་ཆོག་སྟེ། ཤིང་སྡོང་ལྕང་སྡོང་ཞེས་པ་ལྟ་བུ། ཤིང་སྡོང་གི་གཞུང་ཤིང་གི་མིང་སྟེ། སྡོང་བོ་བརྟན་ལ་ཡལ་ག་རྒྱས་ལྟ་བུ། ０རྗེས་དྲན་གྱི་རྟེན་ཐོ་སོགས་ཀྱི་མིང་སྟེ། མཆོད་སྡོང་། དྲན་རྟེན་གྱི་སྡོང་བོ་ཞེས་པ་ལྟ་བུ། |
| སྡོང་ཟླ |
མཉམ་དུ་གནས་པའི་ནང་གི་གཅིག་སྟེ། ཕལ་སྐད་དུ་འགྲོགས་ཡ། ཟེར་བ་དང་དོན་གཅིག སྡོང་བོ་ཞེས་པའི་ཚིག་བསྡུས་པ། |
| སྡོང་རས |
སྒྲོན་མེའི་སྡོང་བུར་དཀྲི་བྱའི་རས། |
| སྡོང་རོ |
སྒྲོན་མེ་འབར་ཟིན་པའི་སྡོང་བུའི་རོ་མ། |
| སྡོང་རོས |
ལྡོང་རོས་དང་འདྲ། |
| སྡོང་རྐང |
1 མཆོད་མེའི་སྡོང་རྐང༌། 2 རྩྭའམ་ཤིང་གི་སྡོང་རྐང༌། མིང་གི་རྣམ་གྲངས་ལ་ཡལ་ག་འཆང་དང༌། ཡལ་ག་རྩ་བའི་བར་གྱི་ཤིང་ངོ། |
| སྡོང་ཤིང |
མཆོད་མེའི་སྡོང་རས་དཀྲི་སའི་ཤིང༌། |
| སྡོངས |
སྐུལ་ཚིག་སྟེ། ལྷན་དུ་སྡོངས་ཤིག་ལྟ་བུ། <ཁ>མཉམ་དུ་འབྲེལ་བ་སྟེ། ཁ་སྡོང་མཁན། ཤེད་མེད་གསུམ་བསྡོངས་ན་ཤེད་ཅན་གཅིག་ཐུབ་ངེས། མི་མང་ཁ་བསྡོངས་ནས་བཤད་ལྟ་བུ། <ག>ལྷན་དུ་བྱུང་བ་སྟེ། ནད་གཞི་ཚ་གྲང་བསྡོངས་ལྟ་བུ། |
| སྡོངས་གྲོགས |
ཕན་འདོགས་པ་དང་རོགས་རམ་བྱེད་པའི་གྲོགས་པོ། |
| སྡོད |
(བྱེད་མེད་ལས་ཚིག་མ་འོངས་པ་དང་ད་ལྟ་བ་སྐུལ་ཚིག) འགྲོ་མཚམས་དང་གཡོ་འགུལ་མཚམས་བཞག་པ་སྟེ། གཏན་སྡོད། སྡོད་ཅིག་ལྟ་བུ། |
| སྡོད་ཁང |
སྡོད་སའི་ཁང་པ། |
| སྡོད་གནས |
འདུག་སའི་གནས་སམ་ཡུལ། |
| སྡོད་གུར |
སྡོད་སའི་གུར། |
| སྡོད་གྲོང |
གང་དུ་གནས་སའི་གྲོང་ཁྱིམ། |
| སྡོད་དབང |
ཡུལ་གང་ཞིག་ལ་གནས་ཆོག་པའི་དབང་ཆ། |
| སྡོད་པ |
ཐ་མི་དད་པ བསྡད་པ། བསྡད་པ། སྡོད།། གནས་པ་དང༌། འདུག་པ། ཚང་མ་མར་སྡོད་ཅིག གནས་ངེས་ཅན་ཞིག་ལ་སྡོད་དགོས། ངའི་ཆུ་ཚོད་འཁོར་ལོ་འདི་བསྡད་སོང༌། |
| སྡོད་བཟོད་མི་བདེ་བ |
གཞན་གྱིས་བཟོད་མི་བདེ་བ་བཟོས་པ། སྦྱིན་བདག་གིས་སྡུག་པོ་བཏང་བས་སྡོད་བཟོད་མི་བདེ་བ་བྱུང༌། |
| སྡོད་མ |
ཡུལ གཞན་གྱི་རྟ་ནོར་འཕྲོག་མཁན་ཇག་པ་རྣམས་ཚན་པ་གཉིས་སུ་བགོས་ཏེ་གཅིག་གིས་རྟ་ནོར་དེད་ནས་འགྲོ་བ་དང༌། གཅིག་གིས་ར་མདའ་འགོག་ཕྱིར་སྡོད་པ་དེར་ཟེར། |
| སྡོད་མལ |
སྡོད་གནས། སྔ་མའི་སྡོད་མལ་དུ་ཡིད་ཆགས་པ། |
| སྡོད་ཚུགས་པ |
1 རང་གནས་སུ་སྡོད་ཐུབ་པ། སྡོད་མ་ཚུགས། སློབ་ཕྲུག་རྣམས་སློབ་གྲྭར་ཚུལ་བཞིན་སྡོད་ཚུགས་པ། 2 ཚོད་ཟིན་པ། ཁོང་ཁྲོ་ལངས་ཀྱང་ཁ་དང་ལག་པ་སྡོད་ཚུགས་པས་འཐབ་རྩོད་མི་བྱེད་པ། |
| སྡོད་ཡུལ |
འདུག་སའི་གནས། |
| སྡོད་རེས |
སྡོད་དུས་རེ་མོས། མཐའ་མཚམས་སྲུང་དམག་རྣམས་སྡོད་རེས་བྱེད་པ། |
| སྡོད་རོགས |
མཉམ་སྡོད་ཀྱི་རོགས་པ། |
| སྡོད་ལུགས |
1 སོ་སོའི་གནས་སུ་འདུག་སྟངས། 2 གནས་ལུགས་སམ། སྟོང་ཉིད། |
| སྡོད་ལོང |
འདུག་པའི་ཁོམ་པ། རང་གི་ཁྱིམ་དུ་ལས་ཀ་བྱས་ཏེ་སྡོད་ལོང་ཡོད་པ། རྟག་པར་སྡོད་ལོང་མེད་པ། |
| སྡོད་ས |
གནས་གཞིའམ་སྡོད་ཡུལ། སྡོད་ས་འཛིན་པ། |
| སྡོད་སྟབས |
འདུག་སྟངས། |
| སྡོད་སྲུང |
སྡོད་གནས་བཅས་ཏེ་སྲུང་བ། |
| སྡོམ |
1 བ་ཐག་གི་དྲ་རྒྱ་བྱེད་མཁན་འབུ་ཞིག མིང་གི་རྣམ་གྲངས་ལ་ལྟེ་བལ་ཅན་དང༌། འཐག་མཁན། དྲ་བ་ཅན། སྤྲེའུ་འདྲ། བལ་ཅན་བཅས་སོ། 2 ཨུཊན མང་པོ་ཕྱོགས་གཅིག་ཏུ་སྡོམ་པ། ལས་སྡོམ་བྱེད་པ། གཞུང་དོན་སྔ་ཕྱི་ཕྱོགས་གཅིག་ཏུ་སྡོམ་རྒྱག་པ། |
| སྡོམ |
སྲིན་བུ་སྡོམ་གྱི་མིང་སྟེ། སྡོམ་རྒྱ་ཞེས་པ་ལྟ་བུ། བསྡམ་གྱི་ད་ལྟ་བ། 2.(བྱེད་འབྲེལ་ལས་ཚིག་ད་ལྟ་བ)མཉམ་དུ་བསྡུས་པ་སྟེ། གྲངས་ཀ་རྣམས་ལྷན་དུ་སྡོམ་གྱིན་ཡོད། ལྷན་དུ་སྡོམ་མཁན་ཞེས་པ་ལྟ་བུ། |
| སྡོམ་གཅོད་པ |
གཟིམས་ཆུང་གི་སྒོར་མཇལ་མི་གཏོང་གཅོད་བྱེད་མཁན། |
| སྡོམ་གཙང |
བསླབ་ཁྲིམས་གཙང་བ། |
| སྡོམ་གཟེར |
སྐམ་པ་དང་ཁེ་གྲིའི་ཆ་ཤས་གཉིས་སྦྲེལ་བྱེད་ཀྱི་གཟེར་མའི་མིང་། |
| སྡོམ་གསུམ་རབ་དབྱེ |
སྡོམ་པ་གསུམ་རབ་ཏུ་དབྱེ་བ་ཞེས་བྱ་བ། སོ་ཐར། བྱང་སེམས། གསང་སྔགས་ཀྱི་སྡོམ་པ་སྟེ་རབ་བྱེད་གསུམ་གྱི་བདག་ཉིད་ཅན་ནི། དུས་རབས་བཅུ་གསུམ་པར་ས་སྐྱ་པཎྜི་ཏ་ཀུན་དགའ་རྒྱལ་མཚན་གྱིས་མཛད་པ། |
| སྡོམ་གསུམ་རྣམ་ངེས |
རང་བཞིན་རྫོགས་པ་ཆེན་པོའི་ལམ་གྱི་ཆ་ལག་སྡོམ་པ་གསུམ་རྣམ་པར་ངེས་པ་ཞེས་བྱ་བའི་བསྟན་བཅོས། ཐེག་དགུའི་རྣམ་བཞག་སྤྱི་དང༌། སོ་བྱང་སྔགས་གསུམ་གྱི་སྡོམ་པ་མ་ཐོབ་པ་འཐོབ་པའི་ཚུལ། ཐོབ་པ་མི་ཉམས་པ་བསྲུང་བའི་ཐམས། ཐ་མར་ཉམས་ན་གསོ་བའི་ཚུལ་བཅས་ཀྱི་རྣམ་བཞག་བྱེ་བྲག་ཏུ་བཤད་པ་སྟེ། སྡོམ་གསུམ་སྤྱིའི་བཤད་གཞི་དང༌། འདུལ་བ་སོ་ཐར་གྱི་རིམ་པར་ཕྱེ་བ་དང༌། བྱང་ཆུབ་སེམས་དཔའི་སེམས་བསྐྱེད་ཀྱི་བསླབ་བྱ་བཤད་པ་དང༌། གསང་སྔགས་རིག་འཛིན་སྡོམ་པའི་རིམ་པར་ཕྱེ་བ་དང༌། སྡོམ་གསུམ་སྤྱིར་དཔྱད་པའི་རིམ་པར་ཕྱེ་བ་སྟེ་རབ་བྱེད་ལྔ་ལྡན་གྱི་གཞུང་འདི། དུས་རབས་བཅོ་ལྔ་པར་མངའ་རིས་པཎ་ཆེན་པད་མ་དབང་རྒྱལ་གྱིས་མཛད་པ། |
| སྡོམ་གསོས |
1 བཤའ་རྒྱུའི་ཕྱུགས་རིགས་ཚང་དུ་བཅུག་ནས་གསོས་པ། ཕག་པ་སྡོམ་གསོས། 2 བསླབ་སྡོམ་ཉམས་པ་བསྐྱར་གསོས། |
| སྡོམ་གྱི་ཚིགས་སུ་བཅད་པ |
ཚིག་དོན་གྱི་མཇུག་སྡོམ་པའི་ཚུལ་གྱིས་ཚིགས་བཅད་དུ་བསྡེབས་པ། |
| སྡོམ་ཆུང |
1 ལེའུ་ཆུང་བ་ཞིག་གི་སྡོམ་ཚིག 2 སྲོག་ཆགས་ཀྱི་རིགས་ཤིག |
| སྡོམ་ཆེན |
1 ལེའུ་ཆེ་བ་ཞིག་གི་སྡོམ་ཚིག 2 སྲོག་ཆགས་ཀྱི་རིགས་ཤིག |
| སྡོམ་ཊིཀ་དཔག་བསམ་སྙེ་མ |
ལོ་ཆེན་དྷརྨ་ཤྲཱིས་རབ་བྱུང་བཅུ་གཉིས་པའི་ནང་མཛད་པའི་སྡོམ་གསུམ་རྣམ་ངེས་ཀྱི་འགྲེལ་པ་ཞིག |
| སྡོམ་ཐག |
སྲོག་ཆགས་སྡོམ་གྱི་ཁ་ནས་བྱུང་བའི་སྐུད། |
| སྡོམ་པ |
1. ཐ་དད་པ 1) བསྡམས་པ། བསྡམ་པ། སྡོམས།། 1 འཁྱིག་པའམ་འཆིང་བ། ཕོན་པོར་སྡོམ་པ། ཐག་པས་ལག་པ་དམ་པོར་བསྡམས་ཏེ་འགུལ་སྐྱོད་བྱེད་དུ་མི་འཇུག་པ། 2 མི་འདའ་བར་བྱེད་པ། རི་རྒྱ་དང་ཀླུང་རྒྱ་བསྡམས་པ། ཁ་ཁྲིམས་སམ་གསང་རྒྱ་བསྡམས་པ། སྒོ་རྒྱ་བསྡམས་པ། སྒེར་སེམས་བསྡམས་པ། 2) བསྡོམས་པ། བསྡོམ་པ། སྡོམས།། སྡུད་པ། བཞི་དང་དྲུག་བསྡོམས་ན་བཅུ་ཡོད། 2. གཞན་ལ་གནོད་པ་གཞི་དང་བཅས་པ་སྤོང་ཞིང་འཆལ་བའི་ཚུལ་ཁྲིམས་ཀྱི་རྒྱུན་སྡོམ་ཞིང་འགོག་པ། སྡོམ་པ་སྐྱེ་བ། སྡོམ་པ་ཉམས་པ། སྡོམ་པ་འཛིན་པ། སྡོམ་པ་ལེན་པ། སྡོམ་པ་ཤོར་བ། |
| སྡོམ་པ་གཏོང་བའི་རྒྱུ་བཞི |
སོ་ཐར་གྱི་སྡོམ་པ་སྤྱིའི་གཏོང་བའི་རྒྱུ་ནི་བཞི་སྟེ། བརྡ་འཕྲོད་པའི་གང་ཟག་གི་དྲུང་དུ་བསམ་པ་ཐག་པ་ནས་བསླབ་པ་ཕུལ་བ་དང༌། ཤི་འཕོས་པ་དང༌། རྒྱུ་འབྲས་མེད་པར་ལྟ་བ་སོགས་སྡིག་ལྟ་སྐྱེས་པ་དང༌། མཚན་གཉིས་ཅིག་ཅར་བྱུང་བ་དང་མཚན་ལན་གསུམ་གྱུར་པ་རྣམས་སོ། |
| སྡོམ་པ་གསུམ |
1 སྔགས་ཀྱི་སྡོམ་པ། བྱང་སེམས་ཀྱི་སྡོམ་པ། སོ་ཐར་གྱི་སྡོམ་པ་སྟེ་གསུམ། 2 འདོད་པའི་སས་བསྡུས་པ་སོ་ཐར་གྱི་སྡོམ་པ། གཟུགས་ཀྱི་སས་བསྡུས་པ་བསམ་གཏན་གྱི་སྡོམ་པ། ཁམས་གསུམ་ལས་འདས་ཤིང་འཕགས་པའི་སས་བསྡུས་པ་ཟག་མེད་ཀྱི་སྡོམ་པ་སྟེ་གསུམ། |
| སྡོམ་པ་ཉམས་པའི་རྒྱུ་བཞི |
ལྟུང་བ་འབྱུང་བའི་སྒོ་བཞི་སྟེ། མི་ཤེས་པ་དང༌། མ་གུས་པ་དང༌། བག་མེད་པ་དང༌། ཉོན་མོངས་པ་མང་བ་རྣམས་སོ། |
| སྡོམ་པ་ཉི་ཤུ་པ |
བྱང་སེམས་ཀྱི་བསླབ་བྱ་སྟོན་ཅིང་ཚིགས་བཅད་ཉི་ཤུ་ཡོད་པའི་བསྟན་བཅོས་ཤིག་སྟེ་སློབ་དཔོན་ཙནྡྲ་གོ་མིས་མཛད་པ། |
| སྡོམ་པ་ཕུལ་བ |
བསླབ་པ་ཡར་ཕུལ་ཏེ་སྐྱ་སར་བབ་པ། |
| སྡོམ་པ་ལེན་ཡུལ་ལྔ |
སྟོན་པའི་སྐུ་གཟུགས་དང༌། ཆོས། མཁན་པོ། སློབ་དཔོན། དགེ་འདུན་བཅས་ལྔ། |
| སྡོམ་པའི་དགྲ |
མངོན འདོད་ལྷ། |
| སྡོམ་པའི་ཚུལ་ཁྲིམས |
ཉེས་སྤྱོད་མཐའ་དག་ལས་ལྡོག་པར་བྱེད་པ་སྟེ། མི་དགེ་བ་བཅུ་ལ་ཀུན་སློང་ནས་ཀྱང་མི་རྒྱུ་བར་སྡོམ་སེམས་བསྟེན་པའོ། |
| སྡོམ་བརྒྱུད |
སོར་བྱང་སྔགས་གསུམ་གྱི་སྡོམ་པའི་བླ་བརྒྱུད། |
| སྡོམ་བརྩོན |
རབ་བྱུང༌། སྡོམ་བརྩོན་ལྡན་པའི་བཤེས་གཉེན། |
| སྡོམ་བརྩོན་དབང་པོ |
མངོན དྲང་སྲོང༌། |
| སྡོམ་བརྩོན་དམ་པ |
རིགས་གསུམ་མགོན་པོ་དང༌། མཁན་སློབ་ཆོས་གསུམ། ལོ་ཙཱ་བ་སོགས་མཚོན་པའི་དཔེ་རིས་ཤིག་སྟེ། རལ་གྲི་དེ་འཇམ་པའི་དབྱངས་དང་ཁྲི་སྲོང་ལྡེའུ་བཙན་མཚོན་བྱེད་དང༌། པོ་ཏི་དེ་ཕྱག་ན་རྡོ་རྗེ་མཚོན་བྱེད། རི་མོའི་དཀྱིལ་དུ་ཡོད་པའི་པད་མ་དེ་སྤྱན་རས་གཟིགས་དང་སློབ་དཔོན་པད་མ་འབྱུང་གནས་མཚོན་བྱེད། ངང་པ་མགོ་གཉིས་ཅན་དེ་ཞི་བ་འཚོ་མཚོན་བྱེད། ནེ་ཙོ་མགོ་གཉིས་ཅན་དེ་ལོ་ཙཱ་བ་མཚོན་བྱེད་བཅས་རེད། |
| སྡོམ་བུ |
ཁང་ཆུང༌། སྐྱེད་ཚལ་གྱི་མཐའ་སྡོམ་བུས་བསྐོར་བ། |
| སྡོམ་བྱང |
1 དཔེ་ཆའི་ཁ་ཡིག 2 ཁག་མང་ཕྱོགས་བསྡུས་ཀྱི་ཐོ་ཡིག |
| སྡོམ་བྱེད་ཕྱག་རྒྱ |
གདོན་བགེགས་འཆིང་བྱེད་ཀྱི་ཕྱག་རྒྱ། |
| སྡོམ་མིན |
གཞན་གནོད་གཞི་དང་བཅས་པ་ལ་རྒྱུན་དུ་ཞུགས་ནས་ལུས་ངག་མི་སྡོམ་པ་སྟེ་ཤན་པ་དང་འཇུད་མཐུན་མ་སོགས་ཀྱི་བྱ་ངན་དང་འབྲེལ་བའི་རྣམ་པར་རིག་བྱེད་ཀྱི་གཟུགས། |
| སྡོམ་ཚིག |
གཞུང་དོན་མང་བོ་གནད་བསྡུས་སུ་བྲིས་པའི་ཚིགས་བཅད་ཀྱི་མིང་། |
| སྡོམ་འཆིང |
1 འཆིང་རྒྱ། 2 སྡོམ་བྱེད་ཀྱི་ཐག་པ། |
| སྡོམ་རོ་མེད་པ |
འདུལ་བ་ལས་བཤད་པའི་མཐུན་རྐྱེན་ལྔའི་ནང་ནས་བསམ་པའི་མཐུན་རྐྱེན་ཞིག་སྟེ། དགེ་ཚུལ་གྱི་སྡོམ་པ་ལན་གཅིག་བླངས་ཀྱང་རྩ་ལྟུང་འཆབ་བཅས་ཀྱི་སྒོ་ནས་ཉམས་པ་མ་ཡིན་པ་སྡོམ་པ་རྙིང་པས་རྒྱུད་མ་བཀག་པ། |
| སྡོམ་རྒྱུན |
སོ་ཐར་བྱང་སེམས་སྔགས་ཀྱི་སྡོམ་པའི་བླ་མ་བརྒྱུད་རིམ། |
| སྡོམ་རྒྱུན་འབོགས་པ |
སྡོམ་རྒྱུན་གནང་བ་སྟེ་སྤེལ་བའོ། |
| སྡོམ་རྣམ་གཉིས |
འཕགས་པ་ཐོགས་མེད་ཀྱིས་མཛད་པའི་ཐེག་པ་ཐུན་མོང་གི་སྡོམ་མངོན་པ་ཀུན་ལས་བཏུས་པ་དང༌། ཐེག་ཆེན་ཐུན་མོང་མ་ཡིན་པའི་སྡོམ་ཐེག་བསྡུས་ཏེ་གཉིས། |
| སྡོམ་སེམས |
ཉེས་པ་ཕྱིས་མི་བྱེད་པའི་སྤོང་སེམས། སྔར་བྱས་ལ་འགྱོད་སེམས་དང༌། ཕྱིན་ཆད་སྡོམ་སེམས། |
| སྡོམ་སྐུད |
འབུ་སྡོམ་གྱི་དྲ་ཐག |
| སྡོམས |
1.སྡོམ་པའི་སྐུལ་ཚིག 2.ཕྱག་པ།…3.སྐུལ་ཚིག་སྟེ། བུད་ཤིང་སྡོམས་ཤིག་ལྟ་བུ། དམ་པོར་འཆིང་བའི་དོན་ཏེ། སྐེ་རགས་བསྡམས། ལག་པས་དམ་པོར་བསྡམས་ལྟ་བུ། ０སྒྲིག་ཁྲིམས་སོགས་དམ་པོ་བྱེད་པའི་དོན་ཏེ། ཁྲིམས་བསྡམས་ནས་ཉེས་ཅན་བཏུལ། སྒྲིག་ལམ་བསྡམས་ནས་སྤྱོད་ངན་བཅོས་ལྟ་བུ། |
| སྡོར |
ཟས་ལ་བྲོ་བ་འབྱིན་བྱེད་ཀྱི་རྫས་ཀྱི་མིང་སྟེ། ཐུག་སྡོར། ཚྭ་སྡོར། ཤ་སྡོར་ཞེས་པ་ལྟ་བུ། |
| སྡོར་ཐལ |
ཐུག་པ་ལ་གདབ་རྒྱུའི་སྡོར་དང་ཕྱེ་རྩམ། |
| སྡོར་དཀར་བ |
སྨྱུང་གནས་སོགས་དམར་ཟས་སྤངས་ནས་དཀར་གསུམ་གྱི་ཟས་ལ་རྟེན་མཁན། |
| སྡོས |
སྡོ་ཡི་སྐུལ་ཚིག |
| སྣ |
1 དྲི་འཛིན་དབང་པོ། ཁ་ཆག་སྣ་རལ། མིང་གི་རྣམ་གྲངས་ལ་དྲི་འབབ་དང༌། དྲི་འཛིན། དྲི་ལེན། སྣ་བུག་སྣོམ་བྱེད། ཤངས་བཅས་སོ། 2 གདོང་ངམ། སྣེ་མོའམ་མཐའ། གྲོང་སྣ། རི་སྣ། གནམ་མཐའ་མཚོ་སྣ། བཅིངས་འགྲོལ་བརྩོན་ལེན་གྱི་འཐབ་འཛིང་བྱེད་སྐབས་མང་ཚོགས་ཀྱི་སྣ་ལ་འགྲོ་བ། 3 རིགས། ཟས་སྣ། གོས་སྣ མཚོན་སྣ སྨན་སྣ། ཆུ་སྣ་རྒྱ་མཚོར་འབབ་པ། |
| སྣ་ཁ |
རིགས་སམ་རྣམ་གྲངས། ཉིན་མཁོའི་ཚོང་ཟོག་སྣ་ཁ་མང་པོ་ཡོད། |
| སྣ་ཁུག |
ཡུལ སྣ་དབང༌། སྣ་ཁུག་འགགས། |
| སྣ་ཁུག་ཁ་འཐེན |
འགྲུབ་ཐབས་མེད་པའི་བྱ་བར་ཨུ་ཚུགས་བྱེད་པའི་དཔེ། |
| སྣ་ཁུག་བརྡབས་པ |
སྣ་བརྡབས་པ་དང་དོན་གཅིག་ |
| སྣ་ཁུང |
སྣ་བུག |
| སྣ་ཁྲག |
སྣ་ཁུག་ནས་དོན་པའི་ཁྲག |
| སྣ་ཁྲིད |
1 འགོ་ཁྲིད། 2 མངོན ཤིང་རྟའི་ཁ་ལོ་པ། |
| སྣ་ཁྲིད་གསུམ |
ཐོད་རྒལ་བསྒོམ་པའི་ཐོག་མར་སྐུ་གསུམ་གྱི་སྣ་ཁྲིད་པར་བྱེད་པ་འབྱུང་བཞིའི་སྒྲ་དོན་ལ་བསླབ། རིག་པའི་སྣ་ཁྲིད་པར་བྱེད་པ་འཁོར་འདས་རུ་ཤན་འབྱེད་པའི་སྤྱོད་པ་ལ་བསླབ། སེམས་ཀྱི་སྣ་ཁྲིད་པར་བྱེད་པ་འཁོར་འདས་རུ་ཤན་འབྱེད་པའི་སྤྱོད་པ་ལ་བསླབ། སེམས་ཀྱི་སྣ་ཁྲིད་པར་བྱེད་པ་སྒོ་གསུམ་གྱི་སྔོན་འགྲོ་ལ་བསླབ་པ་སྟེ་གསུམ་མོ། |
| སྣ་ག |
རིགས་དང་སྡེ་ཚན་མི་འདྲ་བ་སོ་སོར་ཕྱེ་བའི་ཁག་གི་མིང་སྟེ། རས་སྣ་ག་མང་བོ་འཐག རླངས་འཁོར་ག་མང་བོ་བཟོས་ལྟ་བུ། ཚིག་བསྡུས་ན‘སྣ’ཞེས་འབྲི་ཆོག་སྟེ། རས་སྣ། ཟས་སྣ། ཚོང་ཁང་ན་རས་སྣ་མང་ཞེས་པ་ལྟ་བུ། |
| སྣ་གཅིག་དགེ་བསྙེན |
སྣ་གཅིག་སྤྱོད་པའི་དགེ་བསྙེན་གྱི་བསྡུས་ཚིག་ |
| སྣ་གཅིག་སྤྱོད་པའི་དགེ་བསྙེན |
བསླབ་པ་གཞི་ལྔ་ལས་སྲོག་གཅོད་ཙམ་སྤོང་བ། |
| སྣ་གཅུ |
མཛོ་གཡག་གི་སྣ་བུག་ནང་རྒྱུད་པའི་ཤིང་ལྕུག་སྒོར་སྒོར། |
| སྣ་གཅོད་པ |
སྣ་རྩེ་འབྲེག་པ། |
| སྣ་གཉེར |
མི་འདོད་པའི་རྣམ་པ་ཞིག་སྟེ་སྣའི་གཉེར་མ་བསྡུས་པ། |
| སྣ་གདན |
ལྷམ་མགོའི་སྣའི་འོག་གི་སྣམ་བུ།.. |
| སྣ་གདོང |
1 སྣ་ཁུང་གི་དཔངས་ཟུར། 2 རིའི་སྣ་ཟུར། རི་མ་གིའི་སྣ་གདོང་དུ་གྲོང་ཚོ་ཆུང་ངུ་ཁ་ཤས་ཡོད། |
| སྣ་གཟེངས་མཐོ་བ |
སྣའི་དཔངས་མཐོ་བ། |
| སྣ་གཤོག |
སྣ་ཁུང་གཡས་གཡོན་གཉིས་ཀྱི་ཕྱིའི་ཤ་འབུར་པོའམ་སྣའི་བྱ་གཤོག ནད་པའི་ཁོག་ནང་ཚ་བ་ཆེ་བས་དབུགས་གཏོང་ལེན་བྱེད་སྐབས་སྣ་གཤོག་བརྒྱངས་ཡོང༌། |
| སྣ་གུག |
སྣའི་རྩེ་མོ་གུག་པ། |
| སྣ་གོང |
མིག་གཉིས་ཀྱི་བར་མཚམས། |
| སྣ་གྲངས |
རིགས་མི་འདྲ་བའི་ཁ་གྲངས། |
| སྣ་ཅན |
མངོན ཕག་རྒོད། |
| སྣ་ཆམ |
ཆམ་པ་སྣར་བབ་ནས་ཡ་མ་འཁྲུགས་ཏེ་ན་བ་ནད་རྟགས་སུ་གདོང་སྐྲངས་ཤིང༌། སྣ་འགག་ལ། སྣ་ནས་རྣག་དང་ཆུ་སེར་འཛགས་པ་ཞིག |
| སྣ་ཆུ |
སྣ་ཁུང་ནས་འབབ་པའི་ཆུ། |
| སྣ་ཆེན |
བློན་ཆེན། |
| སྣ་ཆེན་པོ |
1 དྲི་འཛིན་ནམ། སྣ་ཁུག་ཆེན་པོ། སྣ་ཆེན་ཡོག་རྡོག 2 བློན་པོ་དབང་ཆེ་བ། |
| སྣ་ཉག་ཉག |
སྣ་ཁུག་ཉག་ཀ་ཅན་ནམ། ཀོང་ཀོང་ཡོད་པ། |
| སྣ་ཐ |
སྣ་ལ་འཐེན་རྒྱུའི་རྫས་ཤིག |
| སྣ་ཐག |
མཛོ་སོགས་ཀྱི་སྣ་ལ་བཏགས་པའི་ཐག་པ། |
| སྣ་ཐག་བསྡོགས་པ |
1 སྣ་ལ་བཏགས་པའི་ཐག་པ་བསྡུས་པ། 2 གཞན་དབང་དུ་མ་ཕྱིན་པའི་དཔེ། |
| སྣ་ཐག་མགོར་དཀྲིས |
རང་དབང་རང་གིས་འཛིན་པའི་དཔེ། |
| སྣ་ཐག་ཤོར་བ |
རང་དབང་གཞན་གྱི་ལག་ཏུ་ཤོར་བའི་དཔེ། སྣ་ཐག་ཤོར་ནས་ཅི་བྱ་གཏོལ་མེད་དུ་གྱུར་པ། |
| སྣ་ཐིག |
ནོར་གྱི་སྣར་བརྒྱུས་པའི་ཐི་གུའི་མིང་། འབུར་དུ་ཐོན་པའི་ཆ་ཤས་ཀྱི་མིང་སྟེ། རི་སྣ། བྲག་སྣ། གྱང་སྣ་ཞེས་པ་ལྟ་བུ།０སྲིད་ཞེང་གཉིས་ཀྱི་སྲིད་ཀྱི་མིང་སྟེ། ཤིང་ལེབ་སྣ་རིང་། དཔེ་ཆ་སྣ་རིང་སྣ་ཐུང་ཞེས་པ་ལྟ་བུ།１འགོ་མའམ་སྔོན་མའི་མིང་སྟེ། ཆུ་སྣ། རླུང་སྣ། ཆར་སྣ་རླུང་གིས་ཁྲིད་ནས་འོངས། མི་མང་དཔུང་བསྒྲིགས་པའི་སྣ་ན་དར་ཆ་འཁྱེར་མཁན་ཞིག་ཡོད་ལྟ་བུ། |
| སྣ་ཐུག |
སྣ་རྟུག་དང་འདྲ། |
| སྣ་ཐུང |
མི་ངང་ཐུང་ངམ་ཁོང་ཁྲོ་སྐྱེ་སླ་བ། |
| སྣ་ཐུང་ཐུང |
སྤྲོ་ཐུང་ཐུང་ངམ་ཁོང་ཁྲོ་ལང་སྐྱེན་པོ། |
| སྣ་ཐུང་བ |
1 སྤུ་སྣ་ཐུང་བ། བལ་སྣ་ཐུང་བ། སྲིང་བལ་སྣ་ཐུང༌། 2 སྤྲོ་ཐུང་བའམ་ངང་རྒྱུད་ཐུང་བ། ངོ་རྒོལ་བྱེད་པའི་སྐད་ཆ་ལའང་ངང་རྒྱུད་རིང་པོས་ཉན་དགོས་པ་ལས་སྣ་ཐུང་མ་བྱེད། 3 དཀོན་པོའམ་ཉུང་བ། ལག་སྣེ་སྣ་ཐུང་བ། 4 ཡུལ འབུར་ལེན་ཆུང་བ་ཞིག |
| སྣ་ཐུང་སྤུ་སུད |
ཁོང་ཁྲོ་ཚ་ཞིང་གཤིས་ཀ་ངན་པ། |
| སྣ་དཀར་རྩེ |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་ཡར་འབྲོག་གཡུ་མཚོའི་འགྲམ་དུ་ཡོད། |
| སྣ་དབང |
སྣའི་དབང་པོ་སྟེ། རང་འབྲས་སྣའི་རྣམ་ཤེས་སྐྱེད་བྱེད་ཀྱི་དབང་པོ། |
| སྣ་དབྱུག་གཞུས་པ |
སྣ་རྒྱུག་གཞུས་པ་དང་དོན་གཅིག་ |
| སྣ་དྲི |
སྣ་ཁུང་གི་དྲི་མའམ་སྣབས་རྡུལ། |
| སྣ་ནག་མ |
བཀྲ་མི་ཤིས་པའི་རྣམ་གྲངས་ཤིག་སྟེ། གར་སོང་དུ་དོན་མི་འགྲུབ་པའི་མི་ཞིག |
| སྣ་ནད |
སྣ་ཁུག་གི་ན་ཚ། སྣ་ནད་ཁྲག་འཛག སྣ་ནད་རྣག་འཛག |
| སྣ་ནད་ཤ་ལུ |
སྣའི་ནང་ཤ་ལྷག་སྐྱེས་ནས་དབུགས་འགགས་ཤིང་སྐད་མི་གསལ་བར་འགྱུར་བ་ཞིག |
| སྣ་ནམ |
གནའ་དུས་བོད་ཀྱི་རུས་རྒྱུད་མིང༌། |
| སྣ་ནམ་བཟའ |
བོད་རྗེ་ཁྲི་ལྡེ་གཙུག་བརྟན་ནམ། མེས་ཨག་ཚོམ་ཅན་གྱི་བཙུན་མོ་ཞིག་སྟེ། གྱིམ་ཤིང་ཀོང་ཇོ་ལ་སྲས་ཁྲི་སྲོང་ལྡེ་བཙན་བལྟམས་དུས་ཞེ་སྡང་གིས་ཀོང་ཇོའི་སྲས་ཕྲོགས་ཏེ་མོ་རང་ལས་སྐྱེས་པ་ལྟར་བྱེད་མཁན་དེ་ཡིན། |
| སྣ་པ |
རྒྱུས་སྟོན་མཁན་ནམ་རྒྱུས་ཡོད་བྱེད་མི། |
| སྣ་བ |
ལུས་བསྣད་དེ་ཡན་ལག་མ་ཚང་བའམ། སྒུར་འཁྱོག་ཅན་ནམ། ལུས་གཅོང་ཅན། |
| སྣ་བཅག་པ |
ཡུལ 1 ནུས་ཤུགས་སམ་ངར་གྱི་རྩེ་མེད་པར་བཟོས་པ། 2 སྣའི་རུས་པ་བསྣད་པའམ་ཆག་གྲུམ་བཟོས་པ། 3 གོས་ལྷམ་སོགས་ཀྱི་སྣེ་ཚེམ་བུས་བསྒྲིལ་བ། |
| སྣ་བརྡབས་པ |
1 སྣ་ཁུག་རྩིག་པ་སོགས་ལ་ཐུག་རེག་བྱུང་བ། 2 རེ་དོན་མ་གྲུབ་པར་ཁ་སྐྱེངས་པའི་དཔེ། རྫུན་རྐུབ་རྡོལ་ནས་སྣ་བརྡབས་པ། |
| སྣ་བུག |
སྣའི་ཁུང་བུ། |
| སྣ་བོ |
1 གཙོ་བོ། 2 གྲོས་དཔོན་ནམ་ཆ་རྒྱུས་སྟོན་པ་པོ།…3.སྣ་ཁ’འམ‘སྣ་ག’ཞེས་པའི་ཚིག་བསྡུས་པ། |
| སྣ་བོ་ཆེ |
བློན་པོའམ་གཙོ་བོ་དྲག་པ། |
| སྣ་མ |
1 ཛཱ་ཏིའི་མིང་གི་རྣམ་གྲངས་ཤིག སྣ་མའི་མེ་ཏོག་བཀབ་ན་ཡང༌། དྲི་ཞིམ་ཀུན་ཏུ་ལྡང་བར་འགྱུར། 2 སྣ་ཕུག་པའི་གནག་ཕྱུགས། 3 ཁལ་མ། |
| སྣ་མ་མི་སྐལ |
སྔར་སྲོལ་ལྟར་ཕྱོགས་འགྲོའི་ལམ་བར་དུ་མི་གཅིག་གིས་བདག་སྤྲོད་བྱ་རྒྱུའི་སྣ་མ་སྟེ་གནག་ཕྱུགས་ངོ་གྲངས་ཉི་ཤུ་ཐམ་པ་རེའི་མིང༌། དབུས་གཙང་དུ་དྲེའུ་ལག་གམ། གཡག་ལག་ཟེར། |
| སྣ་མང |
སྣ་གྲངས་རྣམ་པ་སྣ་ཚོགས་མང་པོ། |
| སྣ་མཚུལ |
སྣ་དང་མཆུ། |
| སྣ་མཛུབ |
སྣ་ལ་མཛུབ་མོ་འཛུགས་པ་སྟེ། བྱས་ཉེས་ར་སྤྲོད་ཀྱི་སྟངས་ཀ། མི་ངན་ཁོ་ལ་སྣ་མཛུབ་བཙུགས་ནས་སྐྱོན་མཚང་ར་སྤྲགས་པ། |
| སྣ་མཛུབ་སྤྲོད་པ |
1 སྣ་ལ་མཛུབ་མོ་འཛུགས་པ། 2 སྐྱོན་མཚང་ར་སྤྲོད་པ། ཁོ་ཚོའི་བྱས་ཉེས་རིགས་ལ་གདོང་ཐུག་གིས་སྣ་མཛུབ་སྤྲད་པ། |
| སྣ་མའི་མེ་ཏོག |
ཛཱ་ཏི། |
| སྣ་མའི་འབྲས་བུ |
སྣ་མ་ཤིང་ཞེས་ཛཱ་ཏིའི་ཤིང་གི་མིང་གི་རྣམ་གྲངས་ཡིན་པས་དེའི་འབྲས་བུ་ནི་ཛཱ་ཏིའོ། |
| སྣ་མིན་སྣ་ཚོགས |
འདྲ་དང་མི་འདྲ་བ་མང་པོ། ཐབས་བཟང་སྣ་མིན་སྣ་ཚོགས་སྤྱོད་པ། ཤེས་བྱ་སྣ་མིན་སྣ་ཚོགས་ཇི་བཞིན་རྟོགས་པ། |
| སྣ་མེད |
1 སྣ་ཐག་བརྒྱུ་སའི་བུག་པ་རལ་བ། 2 སྣ་ཐག་མེད་པའི་སྒོ་ཕྱུགས། 3 སྣ་ཕུག་མེད་པའི་མཛོ་གཡག་སོགས། |
| སྣ་ཚང |
མི་འདྲ་བ་སྣ་ཚོགས་འཛོམས་པའམ་ཆ་ཚང་བ། བྱེད་ཐབས་སྣ་ཚང་གཅིག ལག་ཆ་སྣ་ཚང༌། གྱོན་པ་སྣ་ཚང༌། |
| སྣ་ཚོགས |
1 མི་འདྲ་བ་མང་པོ། ཚོས་གཞི་སྣ་ཚོགས་ཡོད་པའི་རས་ཁྲ། 2 མངོན 1)འདོད་པ་དང༌། དུས་དང༌། གང་བ་ལ་སོགས་པ་སྣ་ཚོགས་ཀྱི་ལྷ་ལ་བཅུ་གསུམ་ཡོད་པས་གྲངས་བཅུ་གསུམ་མཚོན། 2)ཆུ་རྟ་ལོ། |
| སྣ་ཚོགས་གཙུག་རྒྱན |
མངོན གཟའ་ཕུར་བུའི་མིང༌། |
| སྣ་ཚོགས་ཐབས་བརྒྱ |
སྣ་ཚོགས་སྐྱོགས་བརྒྱ་དང་དོན་གཅིག་ |
| སྣ་ཚོགས་དབྱིག |
ཤིང་སྦྲུལ་ལོ། |
| སྣ་ཚོགས་པད་མ |
པད་མ་འདབ་བརྒྱད་ཀྱི་ཕྱོགས་བཞིའི་འདབ་མ་དམར་པོ་དང༌། ཤར་ལྷོ་དང༌། ནུབ་བྱང་གི་མཚམས་གཉིས་ཀྱི་འདབ་མ་སེར་པོ། ལྷོ་ནུབ་ཀྱི་འདབ་མ་ལྗང་གུ། བྱང་ཤར་གྱི་འདབ་མ་ནག་པོ་བཅས་ཡིན་པའི་པད་མའོ། |
| སྣ་ཚོགས་བྱེད་པོ |
མངོན ཚངས་པ། |
| སྣ་ཚོགས་མདོག |
མངོན བ་བླ། |
| སྣ་ཚོགས་མདོག་ཅན |
མངོན གཟའ་དུས་མེ། |
| སྣ་ཚོགས་མིག་ཅན |
མངོན དབང་ཕྱུག |
| སྣ་ཚོགས་འགེངས |
མངོན ས་གཞི། |
| སྣ་ཚོགས་འཛིན |
མངོན ས་གཞི། |
| སྣ་ཚོགས་འོད |
མངོན ཉི་མ། |
| སྣ་ཚོགས་འོད་ཟེར |
མངོན 1 མེ་ལྷ། 2 མེ། 3 རླུང༌། |
| སྣ་ཚོགས་རྒྱུ |
མངོན ཉ། |
| སྣ་ཚོགས་རྟ་ཅན |
མངོན རླུང་ལྷ། |
| སྣ་ཚོགས་རྡོ་རྗེ |
རྡོ་རྗེ་རྩེ་གསུམ་པ་དང་རྡོ་རྗེ་རྩེ་ལྔ་པ། |
| སྣ་ཚོགས་ལྷུ་སྒྲིག |
འདྲ་ལ་འདྲ་མིན་མང་པོ་ཕྱོགས་སྒྲིག |
| སྣ་ཚོགས་ཤིང་རྟ |
མངོན ཉི་མ། |
| སྣ་ཚོགས་སྐྱོགས་བརྒྱ |
ཐབས་ཚུལ་མང་པོ། |
| སྣ་ཚོགས་སྤྲུལ་སྐུ |
སངས་རྒྱས་ཀྱི་སྐུ་རྟེན་རྣམས། |
| སྣ་ཞགས |
གླང་ཆེན་གྱི་སྣ་ཞགས་པའི་གཟུགས་སུ་བཀོད་པ། |
| སྣ་ཞགས་ཅན |
མངོན གླང་པོ་ཆེ། |
| སྣ་ཞོམ |
སྣ་རྡིབ་པའམ་ལེབ་པ། |
| སྣ་འཁྱོག |
1 སྣ་ཀྱོག་ཀྱོག 2 མངོན འུག་པ། |
| སྣ་འཁྲིད་པ |
འགོ་ཁྲིད་བྱེད་མཁན། |
| སྣ་འགའ་སྤྱོད་པའི་དགེ་བསྙེན |
སྲོག་གཅོད་དང་མ་བྱིན་ལེན་གཉིས་སྤོང་བའོ། |
| སྣ་འཇུ |
སྣ་གཅུ་དང་དོན་གཅིག་ |
| སྣ་འདྲེན |
བཀོད་འདོམ་བྱེད་མཁན་ནམ་གཙོ་འགན་འཁུར་མཁན་དང་སྣ་འཁྲིད་མཁན།２ལས་འགན་ཁྱད་པར་བ་ཡོད་པའི་མི་སྟེ། ལས་སྣ་མི་སྣ་ཞེས་པ་ལྟ་བུ། |
| སྣ་འདྲེན་པ |
ཐོག་མར་འགྲོ་བའམ་སྔོན་དུ་འགྲོ་བ། ནད་ཀྱི་སྣ་འདྲེན་པ། ལམ་རྒྱུས་མེད་པའི་མི་རྣམས་ལ་ལམ་སྣ་འདྲེན་པ། |
| སྣ་འཚང་བ |
ཡུལ སྣ་ཁུང་ནས་དབུགས་གཏོང་ལེན་བྱེད་དཀའ་བ། |
| སྣ་འཛར |
སྣེ་འཛར་དང་འདྲ། |
| སྣ་འཛིན |
སྣ་ཐག་འཛིན་མཁན་ནམ་བྱ་བའི་སྣེ་འཛིན། |
| སྣ་འཛོམས་དུས་དེབ |
དུས་ངེས་གཏན་ཞིག་ལ་པར་དུ་སྐྲུན་པའི་དུས་དེབ་ནང་དོན་སྣ་ཚོགས་ཡོད་པ་ཞིག |
| སྣ་འཛོམས་པ |
རིགས་མི་འདྲ་བ་མང་པོ་འདུས་པའམ་ཚང་བ། སྨན་སྣ་འཛོམས་ཡོད་པའི་སྨན་ཁང༌། ཟོག་སྣ་འཛོམས་པའི་ཚོང་ཁང༌། |
| སྣ་རལ |
སྣ་ཁུག་རལ་སྐྱོན་ཅན། |
| སྣ་རིང |
མངོན 1 གླང་པོ་ཆེ། 2 ཕག་རྒོད། 3 སྨན་པི་པི་ལིང༌། 4 འུག་པ། |
| སྣ་རིང་བ |
1 བལ་སོགས་སྤུ་རིང་བ། 2 ངང་རྒྱུད་རིང་པོ། 3 འབེལ་པོ་དང་མོད་པོ། འཚོ་མཁོའི་རྒྱུ་ཆས་སྣ་རིང་པ། འབྲོག་ཁུལ་གྱི་ཐོན་ཟོག་སྣ་རིང་ཤོས་བལ་མར་རེད། 4 ཡུལ འབུར་ལེན་རིང་པོ་ཞིག |
| སྣ་རིས་སྤུ་ཚོགས |
དྲག་ཞན་ཅི་རིགས་མང་པོ་འདྲེས་པ། |
| སྣ་རུ |
1 སྣ་ཐ་བླུག་སྣོད་སྤྱི། 2 རྭ་ཅོ་ལས་བཟོས་པའི་སྣ་ཐ་བླུག་སྣོད། 3 རྙིང དབྱངས་ཡིག་ན་རོ་མཚོན་བྱེད་ཀྱི་བརྡ། |
| སྣ་རེ་སྣ་གཉིས |
དངོས་པོ་རེ་ཟུང་ངམ་ཁ་ཤས་ཤིག |
| སྣ་རོ |
‘ན་རོ’ཡི་འབྲི་ཚུལ་གཞན། |
| སྣ་རྒྱན |
སྣ་ལ་འདོགས་པའི་རྒྱན་ཆ། |
| སྣ་རྒྱུག་གཞུས་པ |
དམིགས་ཡུལ་སྒྲུབ་ཏུ་མ་བཅུག་པའམ། རེ་དོན་ཕམ་ཉེས་སུ་བཏང་བའི་དཔེ། བཙན་འཛུལ་པ་ལ་སྣ་རྒྱུག་གཞུས་པ། |
| སྣ་རྟུག |
སྣ་ཁུག་ནས་ཐོན་པའི་ཟག་ཆུ། |
| སྣ་རྣོ་བ |
རྫི་སྤྱང་པོའམ་རྫི་རྣོ་བ། ཝ་མོའི་སྣ་རྣོ་བས་ཐག་རིང་པོ་ནས་དྲི་ཚོར་ཡོང༌། |
| སྣ་རྣོན་པོ |
1 དྲི་ཚོར་སླ་པོའམ་རྫི་གསང་དོད་པོ། 2 སྣ་རྩེ་རྣོན་པོའམ་སྙུང་སྙུང༌། 3 རྙིང བྱ་ར་བའམ་སོ་པ། |
| སྣ་རྩེ |
སྣའི་རྩེ་མོ། |
| སྣ་རྭ |
རྭ་ཅོ་ལས་བཟོས་པའི་སྣ་ཐག་བླུག་སྣོད། |
| སྣ་ལུང |
སྣ་ཁུག་གི་ཨི་ཁུང་ལ་རྒྱུ་བའི་ཐག་པ། |
| སྣ་ལུད |
སྣབས་རྟུག |
| སྣ་ལེན |
མགྲོན་པོར་བསུ་བ་བྱེད་པའི་མིང་སྟེ། མགྲོན་ལ་སྣ་ལེན་བྱས་ལྟ་བུ། |
| སྣ་ལེབ་པ |
སྣ་ཁུག་ལེབ་པའི་མི། |
| སྣ་ལོ |
བཞོན་དུ་རུང་བའི་གཡག |
| སྣ་ལྡན |
ཁ་སྣ་གཉིས་ནས་མཉམ་དུ་འདོན་པའི་སྒྲ། ང་ཉ་ན་མ། |
| སྣ་ལྡན་མཚོན་པ |
སྣ་ལྡན་གྱི་ཡི་གེ་གང་ཡིན་གསལ་བར་མཚོན་པ། |
| སྣ་ལྡོག་པ |
ཁ་ཕྱོགས་འགྱུར་བ། ནོར་ལམ་ནས་སྣ་ལྡོག་པ་རྣམས་ལ་བརྩེ་དུང་ཆེན་པོས་རོགས་རམ་བྱེད་པ། |
| སྣ་ཤ |
1 སྣའི་ཤ། 2 དུད་འགྲོ་མཛོ་སོགས་ཀྱི་སྣའི་ཐག་པ། སྣ་ཤ་གཞན་ལ་མ་སྤྲོད། |
| སྣ་ཤུ |
1 སྣའི་ནང་དུ་ཤུ་ཐོར་སྐྱེས་ཏེ་རྨ་འབྱུང་བའི་སྣ་ནད་ཅིག 2 སྣ་རླུང་གི་ཤུ་སྒྲ། |
| སྣ་ཤེས |
སྣའི་རྣམ་པར་ཤེས་པ་སྟེ། རང་གི་ཐུན་མོང་མ་ཡིན་པའི་བདག་རྐྱེན་སྣ་དབང་ལ་བརྟེན་ནས་བྱུང་བའི་རང་ཡུལ་དུ་གྱུར་པའི་དྲིའི་སྐྱེ་མཆེད་ཀྱི་ངོ་བོ་རང་སྟོབས་ཀྱིས་མཐོང་བའི་རིག་པ། དཔེར་ན། སྤོས་དྲི་སྣོམ་བྱེད་ཀྱི་ཤེས་པ་ལྟ་བུ། |
| སྣ་ཤོ |
སྣ་རལ་དང་དོན་གཅིག་ |
| སྣ་སུན་ཕོག་པ |
སྔར་ཕམ་ཉེས་བྱུང་མྱོང་བ། ཕམ་ཉེས་བྱུང་ཡང་ད་དུང་སྣ་སུན་ཕོག་རྒྱུ་མེད། |
| སྣ་སུབས |
དབུགས་འབྱིན་རྔུབ་དཀའ་བར་གྱུར་པའི་སྣ་ནད་ཅིག |
| སྣ་སེལ |
1 རྐྱེན་སེལ། འགན་རྐྱེན་བར་ཆད་མ་བྱུང་གོང་ནས་སྣ་སེལ་སྒྲུབ་པ། 2 འགྲོ་སའི་གདོང་ལམ་བདེ་པོ་བཟོ་བ། |
| སྣ་སྐད |
སྣ་བུག་ནས་འདོན་པའི་སྐད། |
| སྣ་སྒང |
སྣ་ཁུག་གི་སྟེང༌། |
| སྣ་སྒོ |
སྣའི་བུ་ག། |
| སྣ་སྣབས |
སྣ་ཁུང་གི་ལུད་པའམ་ཟག་ཆུ། |
| སྣ་སྦྲང |
རྙིང མདའི་རྩེ་མོ་ལ་ཡོད་པའི་ལྕགས། |
| སྣ་སྦྲེལ |
1 རྨོན་མཛོའི་སྣ་སྦྲེལ་བྱེད་ཀྱི་ཐག་པ། 2 ཐག་པས་སྣ་སྦྲེལ་བའི་གནག་ཕྱུགས་ཆ་གཅིག |
| སྣ་སྨན |
མགོ་དང་ནམ་ཚོང་ཡན་ཆད་ཀྱི་ནད་ལ་སྨན་སྣ་ནང་དུ་བཏང་ནས་ནད་ཕྱིར་སྦྱོང་བར་བྱེད་པའི་ཐབས་ཤིག |
| སྣག |
1 གཉེན་དང་སྤུན་ཉེ་དུ། 2 སྔར་བོད་ཀྱི་རུས་ཤིག 3 སྣག་ཚ། |
| སྣག་ཀོང |
1 སྣག་བུམ། 2 སྣག་ཚ་དབུར་སའི་སྣོད། |
| སྣག་གི་གཉེན་མཚམས |
ཕ་མ་གཅིག་པའམ། ཕ་མ་གཉིས་ཕྱོགས་གང་རུང་ལས་བྱུང་བའི་སྤུན་ཟླ། |
| སྣག་གི་ཚ་བོ |
མ་ཕྱོགས་ཀྱི་གཉེན་ཚན། |
| སྣག་དབོན |
སྲུ་མོའི་བུའམ་སྲིང་མོའི་བུ། |
| སྣག་དབོན |
རང་གི་མའི་ཕུ་བོ་ཡིན། |
| སྣག་བུམ |
སྣག་ཚ་བླུག་སྣོད། |
| སྣག་བླུག |
ཡུལ རྫ་སོགས་ལས་བཟོས་པའི་སྣག་ཚ་བླུག་སྣོད། |
| སྣག་མོ |
རྙིང མཉེན་ཞིང་འབོལ་བ། རུས་པ་དང་ཛར་ཛར་མེད་པའི་ཤ་ལ་ཤ་སྣག་མོ་ཞེས་པ་ལྟ་བུ། |
| སྣག་ཚ |
1 ཡི་གེ་འབྲི་བྱེད་ཀྱི་ཚོན་རྩི་ནག་པོ། 2 སྣག་གི་ཚ་བོའི་བསྡུས་མིང༌། |
| སྣག་ཚ་འཕེལ་བྱེད |
མངོན སྤྱིན། |
| སྣག་ཚོགས |
རྙིང ཤ་སྣག་མོ། |
| སྣག་རིས |
སྣག་ཚས་བྲིས་པའི་རི་མོ། ལྷ་བྲིས་པས་རས་གཞིའི་སྟེང་དུ་དང་པོ་སོལ་རིས་དང་གཉིས་པ་སྣག་རིས་རྒྱག་པ། |
| སྣག་རྒྱུག |
ཡུལ སྣག་ཚ་སྣུར་བྱེད་ཤིང་ཧྲིལ་ལམ་སྣག་ཧྲིལ། |
| སྣག་སྐྱོགས |
བོད་ལུགས་སྣག་ཚ་དབུར་སའི་ཤིང་སྣོད་དམ། ལྕགས་ལས་བཟོས་པའི་སྣོད་ཅིག |
| སྣག་སྙིགས |
སྣག་ཚའི་སྙིགས་རོ། |
| སྣག་སྨྱུག |
1 སྣག་ཚ་དང་སྨྱུ་གུའི་བསྡུས་མིང༌། 2 བོད་ཡིག་འབྲི་བྱེད་ཀྱི་ཡོ་བྱད། |
| སྣགས་པ |
རྙིང 1 བུད་མེད་ལ་བཙན་དབང་གིས་གཡེམས་པ། 2 གཙང་བའི་དངོས་པོ་དྲི་མས་སྦགས་པ། |
| སྣང |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་ཡར་ཀླུངས་གཙང་པོའི་ཆུ་རྒྱུད་དུ་ཡོད།…2.(བྱེད་མེད་ལས་ཚིག) སེམས་དང་དབང་བོའི་ཡུལ་དུ་གྱུར་པ་སྟེ། མིག་ལ་མངོན་སུམ་དུ་སྣང་། གང་སྣང་བདེན་པར་མ་འཛིན་ལྟ་བུ། |
| སྣང་ཁུང |
སྐར་ཁུང༌། |
| སྣང་གཡེལ |
རྙིང 1 སྒེའུ་ཁུང་དང་རབ་གསལ། 2 གནས་དབེན་པ། |
| སྣང་གཤེན་བལ་ཐོད་ཅན |
བོན་གྱི་བྱེ་བྲག་ཅིག་སྟེ། རྒྱུ་ནོར་ཚུར་འགུགས་པ་དང༌། བསོད་ནམས་གསོག་པ། མི་དང་ནོར་ཕྱུགས་བདེ་བའི་སྨོན་ལམ་རྒྱག་པ་བཅས་ཀྱི་ཆོས་ལུགས་པ། |
| སྣང་གསལ |
1 སྣང་བ་གསལ་པོ། 2 མར་མེའམ་སྒྲོན་མེ། |
| སྣང་གསལ་མར་མེ |
མཆོད་ཡུལ་ལ་འབུལ་རྒྱུའི་སྒྲོན་མེ། |
| སྣང་གསུམ |
ས་སྐྱའི་ལམ་འབྲས་ཀྱི་ཉམས་ལེན་གྱི་གཞི་མའམ་སྔོན་འགྲོ། ཐོག་མར་ཕ་རོལ་ཏུ་ཕྱིན་པའི་ལམ་དང་ཐུན་མོང་བ་སྣང་བ་གསུམ་གྱི་ལམ་སྟེ། མ་དག་པའི་སྣང་བ། རྣལ་འབྱོར་ཉམས་ཀྱི་སྣང་བ། དག་པའི་སྣང་བ་བཅས་གསུམ་མོ། |
| སྣང་གྲག་རིག་གསུམ |
གཟུགས་སྣང་ཞིང༌། སྒྲ་གྲག་པ་དང༌། ཡིད་གསལ་བ། |
| སྣང་གྲགས |
ཀུན་གྱིས་མཐོང་ཞིང་ཡོངས་སུ་གྲགས་པ། གྲོད་ལྟོགས་མཁན་ལ་ཟས་འཕྲོད་སླ་བ་དང༌། ཁ་སྐོམ་མཁན་ལ་བཏུང་འཕྲོད་སླ་བ་ཚང་མའི་སྣང་གྲགས་རེད། |
| སྣང་ངོ |
1 སེམས་ཀྱི་འཆར་ཚུལ། སེམས་ཀྱི་སྣང་ངོར་ངོ་ཤེས་པའི་མིའི་གཟུགས་བརྙན་འཆར་བ། 2 ཕྱིའི་མཐོང་ཚུལ། ཕྱིའི་སྣང་ངོར་ཁོང་གཉིས་མཐུན་པ་འདུག |
| སྣང་ངོར་མཛེས་པ |
མཐོང་སྣང་དུ་འདྲ་ཆགས་ |
| སྣང་ངོར་མི་འཇུག་པ |
མཐོང་སྣང་དུ་མི་འཚམས་པ། |
| སྣང་ངོས |
1 མདུན་ཕྱོགས་སམ་མཐོང་ཕྱོགས། 2 མཐོང་སང་གི་ཕྱོགས། |
| སྣང་ཆུང |
མཐོང་ཆུང་ངམ་གཙིགས་ཆེན་པོ་མ་ཡིན་པ། གཅིག་གིས་གཅིག་ལ་སྣང་ཆུང་རྩིས་མེད་མ་བྱེད། དགྲ་བོར་སྣང་ཆུང་བྱེད་མི་ཉན། |
| སྣང་ཆུང་ཁུར་མེད |
མཐོང་ཆུང་ལྷོད་ཡངས། སྤྱི་དོན་ཚང་མར་སྣང་ཆུང་ཁུར་མེད་མ་བྱེད། |
| སྣང་ཆུང་ལྷོད་ཡངས |
བྱ་བ་ལ་བློ་སྒྲིམ་པོ་མེད་པ། ལས་དོན་སྒྲུབ་སྐབས་སྣང་ཆུང་ལྷོད་ཡངས་བྱས་ན་ནོར་འཁྲུལ་ཡོང༌། |
| སྣང་ཆེན |
གཙིགས་ཆེན་པོ། |
| སྣང་དག |
1 དོ་སྣང་དང༌། གནད་འགག སྣང་དག་མེད། བརྩོན་འགྲུས་ཡོད་ན་མཁས་པར་འགྱུར་བ་སྣང་དག་མེད། བཀའ་སློབ་དེའི་ནང་དུ་དགོངས་དོན་གལ་ཆེ་བ་ཞིག་འདུག་པ་ལ་ཁྱོད་རང་སྣང་དག་བྱུང་ངམ་མ་བྱུང༌། སྒེར་གྱི་ཁེ་ཕན་ལ་སྣང་དག་མ་བཏང་བ། 2 དོགས་པ། ཁྱེད་རང་ཐུགས་ལྷོད་ལྷོད་གནང་ནས་ཕེབས་དང༌། འདི་ཕྱོགས་ངོས་ཀྱི་ལས་དོན་ལ་སྣང་དག་གཏོང་མི་དགོས། |
| སྣང་དོགས |
འཛེམ་པ་དང་དོགས་ཟོན་བྱེད་པའི་བྱ་སྤྱོད་སོགས་ཀྱི་མིང་སྟེ། ན་གཞོན་ཚོས་ཞིང་བྲེགས་ནས་ལག་མཐིལ་དུ་ཆུ་བུར་བྱུང་ཡང་ད་དུང་སྣང་དོགས་ཙམ་ཡང་མེད་པར་ངལ་རྩོལ་བྱས་ཞེས་པ་ལྟ་བུ།０ཕན་པ་དང་བདེ་བའི་རྟགས་མཚན་དང་རྣམ་པ་སོགས་ཀྱི་མིང་སྟེ། ཆར་ཆུ་དུས་སུ་འབབ་ཅིང་ལོ་ཕྱུགས་རྟག་ཏུ་ལེགས་པའི་དགེ་མཚན་གྱི་སྣང་བ་རྒྱ་ཆེན་པོ་ཞེས་པ་ལྟ་བུ།１བོད་ཀྱི་རུས་ཤིག２‘སྣང་བ’ལ་ལྟོས། |
| སྣང་ཕྱོགས |
1 མཐོང་བའི་ཆ། 2 དཀར་གསལ་གྱི་ཕྱོགས། 3 ཐབས་ཀྱི་ཆ། |
| སྣང་བ |
1. ཐ་མི་དད་པ 1 འཆར་བའམ་གསལ་བ། ཉི་ཟླ་སྐར་གསུམ་མཉམ་དུ་སྣང་བའི་དུས་སྐབས་ཀྱང་ཡོད། ལམ་སྟོན་སྒྲོན་མེ་ནས་འོད་ཆེན་སྣང་བ། གློག་བཞུ་མང་པོས་ཉིན་མོ་ལྟར་གསལ་པོར་སྣང་བ། 2 མཐོང་བའམ་མངོན་པ། རི་དྭགས་ཤིང་ནགས་ནང་དུ་བྲོས་ནས་མི་སྣང་བར་གྱུར་པ། མིག་ལ་སྣང་བ་ཙམ་གྱིས་བློ་ལ་ངེས་དཀའ། མདུན་ཕྱོགས་སུ་བདེ་སྐྱིད་ཀྱི་ལམ་བཟང་ཞིག་སྣང་འདུག 3 ཡོད་པའམ་གནས་པ། ལས་དོན་འདིའི་སྐོར་ལ་ཐབས་ཤེས་སྣང་ངམ་མི་སྣང༌། ཚ་ཟེར་ཞེས་པ་ཉི་མའི་མིང་དུ་སྣང༌། དེ་ལྟ་བུའི་ཟེར་སྒྲོས་ཕལ་སྐད་ལ་སྣང༌། 2 1 འོད་ཟེར། ཉི་མའི་སྣང་བ། བློ་གྲོས་ཀྱི་སྣང་བ། མིང་གི་རྣམ་གྲངས་ལ་སྒྲོན་མ་དང༌། མངོན་པར་གསལ་བ། སྣང་བྱེད། སྣང་གསལ། འོད་གསལ། འོད་མདངས། འོད་ཟེར་འབར་བ། རབ་གསལ། གསལ་བ་བཅས་སོ། 2 ཕྱིའི་གནས་ཚུལ། དམག་འཁྲུག་གི་སྣང་བ། ཞི་བདེའི་སྣང་བ། རྨི་ལམ་གྱི་སྣང་བ། 3 ནང་གི་བསམ་ཚུལ་དང་མཐོང་ཚུལ་ལམ། སེམས་ཀྱི་འཆར་སྒོ། འཁྱགས་སྣང་ལྟོགས་སྣང༌། རང་སྣང་གང་དྲན། མིའི་སྣང་བར་མི་འགྲོ་བའི་སྐད་ཆ་མ་ཤོད། ཉམས་སྣང༌། མཐོང་སྣང༌། 4 མངོན ཉི་འོད། 5 ཐིམ་རིམ་འཆར་སྐབས། ཐོག་མར་སྟོན་གནམ་དྭངས་པ་ལ་མཚན་མོ་ཟླ་འོད་ཀྱིས་ཁྱབ་པ་ལྟར་སྟོང་པ་དཀར་ལམ་པའི་སྣང་བ་འཆར་གྱི། དེ་ལས་གཞན་གང་ཡང་མི་འཆར་བའི་ཡིད་ཤེས་ཕྲ་མོ་ཞིག |
| སྣང་བ་གདོང་འདེད |
རང་ཤེད་ཚ་པོ། རང་འདོད་གང་དྲན་མཐར་སྐྱེལ་གཏོང་བའི་སྣང་བ་གདོང་འདེད་བྱས་པ། |
| སྣང་བ་གཡེང་བ |
སེམས་གཡེང་བ། གཞན་ལ་སྣང་བ་གཡེང་བཞིན་དུ་ལས་ཀ་བྱས་ན་དོན་ཐོག་འཁེལ་མི་ཡོང༌། |
| སྣང་བ་གསུམ |
སྣང་གསུམ་དང་དོན་གཅིག་ |
| སྣང་བ་ཉིན་སྲིབ |
བསམ་ཚུལ་འགྱུར་ལྡོག་ཆེ་བ། དགའ་སྡུག་གི་སྣང་བ་ཉིན་སྲིབ་ལྟ་བུ་འགྱུར་ལྡོག་ཆེ་བ། |
| སྣང་བ་ཐོབ་པ |
བྱང་ཆུབ་སེམས་དཔའི་མོས་པས་སྤྱོད་པའི་ཆ་བཞིའི་ནང་གསེས་ཤིག་སྟེ། ཕྱི་ནང་གི་ཆོས་ལ་མིང་དུ་བཏགས་པའི་མིང་ཐམས་ཅད་སྒྱུ་མ་ཙམ་དུ་ཤེས་པའི་ཤེས་རབ་སྐྱེས་པ། |
| སྣང་བ་དག་པ |
མཐོང་ཚུལ་སྐྱོན་ཆ་བྲལ་བ། |
| སྣང་བ་དྲེད་པ |
གོམས་ཆེ་བས་སྣང་དག་མི་གཏོང་བ། གཞན་གྱི་ངལ་རྩོལ་ཐོབ་འབྲས་ཧམ་འཕྲོག་བྱ་རྒྱུར་སྣང་བ་དྲེད་པ། སྒྲིགས་ཁྲིམས་ལ་སྣང་བ་དྲེད་པར་བྱས་པ། |
| སྣང་བ་ནས་མུན་ཁྲོད་དུ་འགྲོ་བ |
བདེ་འགྲོའི་ལུས་རྟེན་བོར་ནས་ངན་སོང་དུ་འགྲོ་བ། |
| སྣང་བ་ནས་སྣང་བར་འགྲོ་བ |
བདེ་ནས་བདེ་བར་འགྲོ་བ། |
| སྣང་བ་ནུབ་པ |
སེམས་ཀྱི་འཆར་སྒོ་མེད་པར་གྱུར་པ་སྟེ་ཤི་བ། |
| སྣང་བ་བདུན |
རྨི་ལམ་དང༌། སྒྱུ་མ། སྨིག་རྒྱུ། སྒྲ་བརྙན། གཟུགས་བརྙན། དྲི་ཟའི་གྲོང་ཁྱེར། སྤྲུལ་པ་བཅས་བདུན། |
| སྣང་བ་བདེ་བ |
སེམས་བདེ་བའམ་སེམས་སྐྱིད་པ། ཨེམ་ཆིས་ནད་པ་སེང་དྲག་སོང་བའི་ངོ་གདོང་མཐོང་དུས་རང་ལ་སྣང་བ་བདེ་བ་ཚད་མེད་པ་ཞིག་འཆར་ཡོང༌། |
| སྣང་བ་བན་བུན |
ཉམས་སྣང་གསལ་ལ་མི་གསལ། དོན་གནད་ལ་དབྱེ་ཞིབ་བྱེད་དུས་ཏིག་གཏད་མེད་པའི་སྣང་བ་བན་བུན་ཙམ་ལ་ཡིད་ཆེས་མི་རུང༌། |
| སྣང་བ་བཞི |
གསང་སྔགས་རྫོགས་པ་ཆེན་པོའི་ལམ་ཉམས་སུ་བླངས་པ་ལས་ཐོབ་པའི་སློབ་ལམ་ནས་མི་སློབ་ལམ་བར་གྱི་ལམ་གྱི་སྣང་བ་སྟེ། ཆོས་ཉིད་མངོན་སུམ་གྱི་སྣང་བ། ཉམས་སྣང་གོང་འཕེལ་གྱི་སྣང་བ། རིག་པ་ཚད་ཕེབས་ཀྱི་སྣང་བ། ཆོས་ཟད་བློ་འདས་ཀྱི་སྣང་བ་རྣམས་སོ། |
| སྣང་བ་མ་བྱུང |
དོ་སྣང་མ་བྱུང་བ། མི་ངན་གྱིས་གནོད་སྐྱོན་བྱེད་པར་སྣང་བ་མ་བྱུང༌། |
| སྣང་བ་མཆེད་པ |
བྱང་ཆུང་སེམས་དཔའི་མོས་པས་སྤྱོད་པའི་ཆ་བཞིའི་ཡ་གྱལ་ཞིག་སྟེ། མིང་གིས་བརྗོད་པའི་དོན་གྱི་དངོས་པོ་ལ་སྒྱུ་མ་ཙམ་དུ་མེད་པའི་ཤེས་རབ་སྐྱེས་པ། |
| སྣང་བ་མཐའ་ཡས |
1 ཡུལ འདོ་ཟུངས་མེད་པའི་མི་ལ་སྨོད་ཚིག 2 ཨབྷིཏཱབྷཱ སངས་རྒྱས་འོད་དཔག་མེད་ཀྱི་མཚན། |
| སྣང་བ་མཐོན་པོ |
སྤོབས་པ་ཆེན་པོའམ་ང་རྒྱལ་ཆེན་པོ། རྣམ་པར་རྒྱལ་ཡང་སྣང་བ་མཐོན་པོ་མི་བྱེད། |
| སྣང་བ་མེད་པ |
1 སེམས་ཁུར་མེད་པའམ་དོ་སྣང་མེད་པ། ལས་དོན་ལ་སྣང་བ་མེད་པར་ཡང་ཡེང་བྱས་ནས་ནོར་འཁྲུལ་ཆེན་པོ་བྱུང་བ། 2 འོད་མེད་པ། མར་སྣུམ་གྱི་བཞུ་མར་ལ་དཀར་གསལ་གྱི་སྣང་བ་མེད་པ། |
| སྣང་བ་ཟ་ཟི |
1 མཐོང་སྣང་ངེས་པ་མེད་པ། རྨི་ལམ་གྱི་སྣང་བ་ཟ་ཟི་འཆར་བ། 2 འོད་སྣང་མི་གསལ་བ། སྤྲིན་གསེབ་ནས་ཟླ་འོད་ཀྱི་སྣང་བ་ཟ་ཟི་ཞིག་འཕྲོ་བ། |
| སྣང་བ་འཁྲུལ་བ |
སེམས་འཁྲུལ་བ། ཐག་ཁྲ་དུག་སྦྲུལ་དུ་འཛིན་པ་ནི་སྣང་བ་འཁྲུལ་བའོ། |
| སྣང་བ་འགྱུར་བ |
མཐོང་སྣང་ལོག་པའམ་སེམས་ཀྱི་འཆར་སྒོ་འགྱུར་བ། ཐོན་སྐྱེད་འཐབ་རྩོད་ནང་དུ་དངོས་སུ་ཞུགས་ནས་ངལ་རྩོལ་ལ་མཐོང་ཆུང་བྱེད་པའི་སྣང་བ་འགྱུར་ཐུབ་པ་བྱུང་བ། |
| སྣང་བ་སྐྱིད་པོ |
སེམས་བག་ཕེབས་པོའམ་སེམས་སྤྲོ་པོ། ལས་འགན་ཚགས་སུ་ཚུད་ན་སྣང་བ་སྐྱིད་པོ་ཡོང༌། དོགས་ཟོན་མེད་པའི་སྣང་བ་སྐྱིད་པོར་སྡོད་མི་ཉན། |
| སྣང་བ་སྒྱུ་མ |
སྒྱུ་ལུས་ཀྱི་ནང་གསེས་ཤིག་སྟེ། ཆོས་ཐམས་ཅད་རྨི་ལམ་དང་སྒྱུ་མ་ལྟར་སྣང་ལ་རང་བཞིན་མེད་པར་སྣང་བའོ། |
| སྣང་བཞི |
སྣང་བ་བཞི་དང་དོན་གཅིག་ |
| སྣང་བའི་དབང་པོ |
མངོན མིག |
| སྣང་བའི་བདག་པོ |
མངོན ཉི་མ། |
| སྣང་བའི་མཛོད |
མངོན ཉི་མ། |
| སྣང་བར་གང་ཤར |
སེམས་ལ་གང་དྲན་ཏེ་འོས་དང་མི་འོས་ཀྱི་བསམ་གཞིགས་མེད་པ། སྣང་བ་གང་ཤར་གྱིས་ལས་ཀ་བྱེད་མི་རུང༌། |
| སྣང་བརྙན |
1གཟུགས་བརྙན་གྱི་མིང་སྟེ། དྭངས་གསལ་ཆུ་ལ་ཟླ་བའི་སྣང་བརྙན་ཤར་ལྟ་བུ།2འདྲ་གཟུགས་ཀྱི་མིང་སྟེ། གཙོ་འཛིན་གྱི་སྣང་བརྙན་ཞེས་པ་ལྟ་བུ། |
| སྣང་བྱེད |
མངོན 1 ཉི་མ། 2 མིག 3 འོད་ཟེར་སྤྱི། 4 མེ། |
| སྣང་མཆེད་ཐོབ་གསུམ |
སྣང་བ། མཆེད་པ། ཉེར་ཐོབ་གསུམ་གྱི་བསྡུས་མིང༌། |
| སྣང་མེད |
1 མཐོང་མེད། 2 ཇི་མི་སྙམ་པའི་ཚུལ་ལམ་དོ་གལ་མི་བྱེད་པ། མང་ཚོགས་ཀྱི་བསམ་འཆར་སྣང་མེད་དུ་སྐྱུར་མི་ཉན། གཞན་སྐྱོན་མི་རྗོད་པ་མི་འགྲིག་ལ། རང་སྐྱོན་སྣང་མེད་དུ་བཞག་ནས་མི་སེལ་བ་དེ་བས་ཀྱང་མི་འགྲིག 3 མངོན 1. མཚན་མོ། 2. མུན་པ། |
| སྣང་མེད་གཡང་གཡེང |
རང་མཐོང་རང་འགྱིང་གི་སྣང་མེད་རྟོག་བཟོ། སྣང་མེད་གྱང་གཡེང་གིས་རང་ཆེ་རང་བསྟོད་བྱེད་པ། |
| སྣང་མེད་བག་ཡངས |
ཁུར་མེད་ལྷོད་ཡངས། |
| སྣང་མེད་ཚོར་མེད |
དོ་སྣང་མེད་ཅིང་ཁེ་ཉེན་མི་ཚོར་བ། |
| སྣང་མེད་ལིང་སྐྱུར |
ཁུར་མེད་རྒྱང་སྐྱུར། |
| སྣང་མེད་ལྷོད་གཡེང |
ཁུར་མེད་སེམས་གཡེང་ངམ་རང་དགར་འཇོག་པ། |
| སྣང་ཚད |
1 འོད་ཆེ་ཆུང་གི་ཚད། 2 མཐོང་ཚད་དམ་རིག་ཚད། སྤྱི་པའི་ལས་དོན་མིག་ལ་སྣང་ཚད་ཚང་མར་བདག་སྤྲོད་བྱེད་དགོས། |
| སྣང་ཚུལ |
1སེམས་དང་དབང་བོར་ཤར་བའི་རྣམ་པའི་མིང་སྟེ། སེམས་ཀྱི་སྣང་ཚུལ། བྱ་དངོས་གཅིག་ཡིན་ནའང་མི་སོ་སོའི་སྣང་ཚུལ་ཐ་དད་པ་ཡིན་སྲིད་ལྟ་བུ།2མི་ཀུན་གྱིས་མངོན་སུམ་དུ་མཐོང་བའི་རྣམ་པའམ་གནས་ཚུལ་གྱི་མིང་སྟེ། རང་བྱུང་ཁམས་ཀྱི་སྣང་ཚུལ། ཉི་འཛིན་ཟླ་འཛིན་ནི་རང་བྱུང་ཁམས་ཀྱི་སྣང་ཚུལ་ཞིག་ཡིན་ལྟ་བུ། ཡིད་ལ་ཤར་བའི་རྣམ་པ་དང་མྱོང་ཚོར་སོགས་ཀྱི་མིང་སྟེ། སྐྱིད་སྣང་། སྣང་བ་སྐྱིད། སྐྲག་སྣང་། དོགས་སྣང་། འཇིགས་སྣང་ཤར་ལྟ་བུ། |
| སྣང་ཞིག་དགོན |
སི་ཁྲོན་ཞིང་ཆེན་ཁོངས་རྔ་བ་རྫོང་གི་བོན་དགོན་ཆེ་གྲས་ཤིག |
| སྣང་ཞེན |
མཐོང་བའི་ཡུལ་ལ་ཆགས་པ། |
| སྣང་འགྲོས |
རླུང་འགྲོས་ཀྱང་ཟེར། སྐར་ཁྱིམ་རླུང་སྟོབས་ཀྱིས་ཉིན་ཞག་རེར་འཁོར་ཐེངས་གཅིག་གཡས་སུ་བསྐོར་བ་དེ་མིག་ཡུལ་དུ་ཤིན་ཏུ་གསལ་བས་ན་སྣང་འགྲོས་ཞེས་གྲགས། |
| སྣང་འོད |
འོད་ཀྱི་སྣང་བ། |
| སྣང་ཡུལ |
བློ་ངོར་སྣང་བའི་སྒོ་ནས་རིག་པར་བྱ་བ། དཔེར་ན། བུམ་པ་དང༌། བུམ་པའི་དོན་སྤྱི་ལྟ་བུ། |
| སྣང་རུང་མ་དམིགས་པའི་རྟགས |
མ་དམིགས་པའི་རྟགས་ཡང་དག་གི་ནང་གསེས། རྩོད་གཞིའི་སྟེང་དུ་དགག་ཆོས་མེད་ངེས་སུ་སྒྲུབ་ནུས་པའི་རྟགས་ཏེ། དཔེར་ན། མཚན་དུས་ཀྱི་རྒྱ་མཚོ་ཆོས་ཅན། དུ་བ་མེད་དེ། མེ་མེད་པའི་ཕྱིར། ཞེས་པ་ལྟ་བུ་འགོག་བྱེད་རྒྱུ་མ་དམིགས་པའི་རྟགས་ཀྱིས་དགག་ཆོས་འབྲས་བུ་ཡོད་པ་བཀག་པའོ། |
| སྣང་རུང་མ་དམིགས་པའི་རྟགས་གཉིས |
འབྲེལ་ཟླ་མ་དམིགས་པའི་རྟགས་ཡང་དག་དང༌། འགལ་ཟླ་དམིགས་པའི་རྟགས་ཡང་དག་གོ། |
| སྣང་རྩེ་ཤག་ལས་ཁུངས |
སྔར་བོད་ས་གནས་སྲིད་གཞུང་སྐབས། ལྷ་སའི་གླིང་སྐོར་ནང་ཁོངས་སྒྲིགས་ཁྲིམས་གནོན་གཅོད་བྱེད་མཁན་གྱི་ལས་ཁུངས་ཡིན་ཞིང༌། ལས་ཁུངས་ཚུགས་ཡུལ་ཁྲོམ་སྟོད་ས་ཁུལ་སྔགས་པ་སྣང་རྩེ་བ་ཟེར་བ་ཞིག་གི་སྡོད་ཤག་ཏུ་བྱས་པས་མིང་སྣང་རྩེ་ཤག་ཅེས་ཐོགས་སོ། |
| སྣང་ལ་མ་ངེས་པ |
བློ་རིག་བདུན་གྱི་ནང་གསེས། རང་གི་འཇུག་ཡུལ་དུ་གྱུར་པའི་རང་མཚན་གསལ་བར་སྣང་ཡང་དེ་ལ་ངེས་པ་འདྲེན་མི་ནུས་པའི་ཤེས་པ། དཔེར་ན་མིག་ཤེས་ཀྱིས་གཟུགས་ལ་ལྷག་པར་ཆགས་བཞིན་པའི་གནས་སྐབས་ཀྱི་སྒྲ་འཛིན་ཤེས་པ་ལྟ་བུ་སྣང་ཡང་མ་ངེས་པའོ། |
| སྣང་ལ་མ་ངེས་པའི་དབང་མངོན |
སྣང་ལ་མ་ངེས་པའི་བློའི་ནང་གསེས། དབང་ཤེས་ལ་རང་མཚན་གསལ་བར་སྣང་ཡང་རང་ཡུལ་མ་ངེས་པ། དཔེར་ན་མིག་གཟུགས་ལ་ལྷག་པར་ཆགས་པའི་སྐབས་ཀྱི་སྒྲ་འཛིན་དབང་མངོན་ལྟ་བུ། |
| སྣང་ལ་མ་ངེས་པའི་ཡིད་མངོན |
སྣང་ལ་མ་ངེས་པའི་བློའི་ནང་གསེས། ཡིད་ཤེས་ལ་རང་ཡུལ་གསལ་བར་སྣང་ཡང༌། རང་ཡུལ་ལ་ངེས་པ་འདྲེན་མི་ནུས་པ། དཔེར་ན་དུས་མཐའི་སྐད་ཅིག་མའི་ཡིད་མངོན་ལྟ་བུའོ། |
| སྣང་ལ་མ་ངེས་པའི་རང་རིག |
སྣང་ལ་མ་ངེས་པའི་ཤེས་པ་གང་ཞིག་སྣང་ལ་མ་ངེས་པའི་དབང་མངོན་དང༌། ཡིད་མངོན་ཉམས་སུ་མྱོང་བའི་ཤེས་པའོ། |
| སྣང་ལོག |
མཐོང་ཚུལ་ལོག་པ། |
| སྣང་ལྡན་ཤིང་རྟ |
མངོན སྐར་མ་བརྟན་པ། |
| སྣང་ཤས |
གནས་སྐབས་ཙམ་གྱི་འདོད་བདེ་ལ་སྲེད་པའི་ཞེན་ཆགས། |
| སྣང་ས་འོད་འབུམ |
སྔར་གཙང་མྱང་སྟོད་རྒྱལ་རྩེའི་ཁུལ་གྱི་མི་ཁྱིམ་ཕལ་པ་ཞིག་གི་བུ་མོ་སྣང་ས་འོད་འབུམ་ཞེས་པ་དེ་རང་ལོ་ལོངས་མཚམས་སུ་ཡུལ་དཔོན་གྱིས་བཙན་ཤེད་ཀྱིས་རང་གི་བུའི་ཆུང་མར་བླངས་ཐོག་དཔོན་ཚང་ནང་མི་ཚོས་སྡུག་སྤྱོད་སྣ་ཚོགས་བཏང་བའི་རྐྱེན་གྱིས་བུ་མོ་སྣང་ས་ཤི་ཞིང༌། དུར་ཁྲོད་ནས་འདས་ལོག་བྱུང་རྗེས་རང་ཁྱིམ་སྤངས་ཏེ་ཆོས་བྱེད་སར་ཕྱིན་པའི་མཐར་ཡུལ་དཔོན་འཁོར་འབངས་དང་བཅས་པ་ཡང་ཆོས་བྱེད་དུ་བཅུག་པའི་སྒྲུང་འདི་ཐོག་མར་དམངས་ཀྱི་ངག་རྒྱུན་ཙམ་དང༌། ཕྱིས་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག་ཏུ་བསྒྲིགས་ནས་དར་འདུག |
| སྣང་སྐྱིད་བློ་བདེ |
བག་ཡངས་བློ་བདེའམ་སེམས་སྤྲོ་བློ་བདེ། རྒྱལ་ཁ་ཐོབ་པའི་ཕྲིན་བཟང་ཐོས་ནས་ཧ་ཅང་སྣང་སྐྱིད་བློ་བདེ་བྱུང༌། |
| སྣང་སྟོང |
སྣང་བ་ཐབས་དང་སྟོང་པ་ཤེས་རབ། |
| སྣང་སྟོང་དབྱེར་མེད |
སྣང་བ་ཐབས་དང་སྟོང་པ་ཤེས་རབ་དབྱེར་མེད་པ་སྟེ། ཡུལ་གྱི་ཆ་ནས་སྣང་སྟོང་ཟུང་འཇུག |
| སྣང་སྲིད |
སྣང་བ་སྲིད་པའི་ཆོས་ཀུན་ནམ། འཇིག་རྟེན་ན་ཡོད་ཚད་ཐམས་ཅད། |
| སྣང་སྲིད་དྲེགས་པ |
འཇིག་རྟེན་པའི་སྣང་བ་ལ་ཡོད་པའི་ལྷ་འདྲེ་དྲེགས་པ་ཅན། |
| སྣང་སྲིད་ཙམ |
སྣང་ཙམ་མམ་སྲིད་ཙམ་སྟེ་ཡོད་པ་ཙམ། ཤི་ལམ་ནས་ཐར་བ་ནི་སྣང་སྲིད་ཙམ་རེད། |
| སྣངས་ཆེན |
གལ་ཆེན་ནམ་རིན་ཐང་ཆེ་བའི་དོན། |
| སྣད |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)རྨས་ཡང་མོའི་རིགས་ཕོག་པའི་དོན་ཏེ། སྒ་ངན་གྱིས་རྟ་རྒྱབ་སྣད་ཉེན་ཆེ། སྣད་ཀྱིན་འདུག་ལྟ་བུ། |
| སྣད་པ |
ཐ་མི་དད་པ བསྣད་པ། བསྣད་པ།། རྨས་པའམ་ཉམས་པ། ལག་པ་རྡོ་དབར་དུ་ཚུད་ནས་མཛུབ་མོ་ཆུང་ཟད་བསྣད་པ། དགྲ་དང་འཐབ་འཛིང་བྱས་ཀྱང་རང་དམག་མ་བསྣད་མ་རྨས་པ། རྟ་ཐོག་ནས་ལྷུངས་ཀྱང་མགོ་ལུས་ལ་སྣད་སྐྱོན་མ་བྱུང༌། |
| སྣད་ཡར |
རྨས་པའམ་སྐྱོན་ཞུགས་པ། |
| སྣབས |
སྣའི་ཟག་ཆུའམ་སྣ་ལུད། སྣབས་ལུག་པ། མིང་གི་རྣམ་གྲངས་ལ་ངར་སྣབས་དང༌། སྣ་རྟུག་སྣ་ཡི་དྲི། སྣ་ལུད་བཅས་སོ། |
| སྣབས་ཕྱི་བ |
1 རས་ཀྱིས་སྣབས་རྟུག་འབྱིད་པ། 2 སྣབས་འབུད་པའམ་འདོན་པ། |
| སྣབས་ཕྱིས |
སྣབས་རྟུག་འབྱིད་བྱེད་ཀྱི་སྣམ་རས། |
| སྣབས་རྟུག |
སྣ་ལུད། སྣབས་རྟུག་ལྟར་རིང་དུ་དོར་བ། |
| སྣབས་ལུད |
སྣ་ནས་དོན་པའི་ལུད་དམ། སྣབས་རྟུག |
| སྣབས་ལྡུག་པ |
སྣབས་ལུག་པའམ། སྣབས་རྟུག་དོན་པ། |
| སྣམ་ཁྱད |
སྔར་བོད་ལུགས་སྣམ་རྩིས་ཀྱི་ཁྱད་པར་ཞིག |
| སྣམ་གཞོགས |
ཉེ་འགྲམ་མམ་རྒྱབ། |
| སྣམ་དཀྲིས |
ཡུལ བཏགས་ཟིན་པའི་སྣམ་བུ་དཀྲི་སའི་ཤིང༌། |
| སྣམ་པ |
དར་གོས་སྣམ་རས་སོགས་ཀྱི་གླིང་ངམ་ཞེང༌། |
| སྣམ་ཕྱིང |
གཅིན་སྐྱག་གཏོང་སའི་ཁང་བ་དང་ར་བ་སོགས་ཀྱི་མིང་སྟེ། ཁ་སྐད་དུ‘སྤྱོད་ཁང’ཟེར། |
| སྣམ་ཕྱིས |
སྣམ་ཕྱིང་དང་འདྲ། |
| སྣམ་ཕྲན |
དགེ་སློང་གི་གོས་བྱེ་བྲག་པའི་སྣམ་པའམ་གླིང༌། |
| སྣམ་ཕྲུག |
སྣམ་བུ་སྤུ་ཕྲུག |
| སྣམ་བུ |
1 བལ་སྐུད་ཀྱིས་བཏགས་པའི་གོས་རྒྱུ་མཐུག་པོ་སྟེ། དེའི་ནང་གསེས་ཡག་ཉེས་ཀྱི་རིམ་པ་ནི། ལེགས་ཤོས་སྤུ་ཅན་ཞུད་མ་དང༌། སྤུ་བཅད་ཤད་མ། དེ་འོག་སྤུ་ཅན་ཞུད་འོག་དེ་འོག་སྤུ་ཕྲུག་དེ་འོག་བྱིང་མ། ཐ་མ་ལྭ་བ། 2 སྟེགས་བུ། རྟ་བབས་ཀྱི་སྣམ་བུ། རྩིག་པའི་ངོས་སྣམ། |
| སྣམ་བུ་ཐིག་མ |
སྣམ་བུའི་ཐོག་ལ་ཀུ་རུ་ཁའི་ཐིག་ཁྲ་བརྒྱབ་པ། |
| སྣམ་བུ་བྱིང་མ |
སྣམ་བུ་སྤུས་ཚད་འབྲིང་བ་སྤུ་མ་བཅད་པ་ཞིག |
| སྣམ་བུ་རྐྱ་ཡ་མ |
རྒྱུ་སྤུན་ཕྲ་མོས་བཏགས་པའི་སྣམ་བུ་སྲབ་པོ། |
| སྣམ་བུ་སྤུ་ཅན |
སྤུ་མ་བཅད་པའི་སྣམ་བུའམ། སྣམ་བུ་སྤུ་ཆེན། |
| སྣམ་ཞེང |
སྣམ་བུའི་ཞེང་ག། |
| སྣམ་ཟུངས |
རྙིང 1 བུད་མེད་ཀྱི་གཙོ་མོ། 2 མནའ་མ། |
| སྣམ་འཐག་པ |
སྣམ་བུ་འཐག་མཁན། |
| སྣམ་འཛར |
སྣམ་བུའི་སྣེ་འཛར། |
| སྣམ་ཡུག |
སྣམ་བུ་ཡུག་ཚང་ངམ་བུབས་ཚང༌། |
| སྣམ་རས |
སྣམ་བུ་དང་རས། |
| སྣམ་ལོགས |
རྙིང 1 ཉེ་འཁོར། 2 ཟུར་རམ་རྒྱབ། |
| སྣམ་སྟོད |
སྣམ་བུའི་སྟོད་གོས། |
| སྣམ་སྦྱར |
འཚོ་བའི་ཡོ་བྱེད་བཅུ་གསུམ་གྱི་ནང་གསེས། ཆོས་གོས་རྣམ་གསུམ་གྱི་ཡ་གྱལ། དགེ་སློང་ཁོ་ནས་རྟེན་ལ་ཕྱག་འཚལ་ཞིང་བསོད་སྙོམས་རྒྱུ་བ། ཆོས་འཆད་ཉན་དང་ལས་ཆོག་ལ་འདུས་པའི་སྐབས་སུ་གྱོན་པའི་སྟོད་གོས་སེར་པོ་ཞིག་དེ་ལའང་ནང་གསེས་སུ། སྣམ་ཕྲན་དགུ་མ། བཅུ་གཅིག་མ། བཅུ་གསུམ་མ་གསུམ་ནི་གླེགས་བུ་ཕྱེད་དང་གསུམ་ཅན་ཏེ་ཐ་མ་སྐོར་གསུམ་དང༌། བཅོ་ལྔ། བཅུ་བདུན། བཅུ་དགུ་གསུམ་ནི་གླེགས་བུ་ཕྱེད་དང་བཞི་ཅན་ཏེ་འབྲིང་སྐོར་གསུམ་དང༌། ཉེར་གཅིག་ཉེར་གསུམ། ཉེར་ལྔ་གསུམ་ནི་གླེགས་བུ་ཕྱེད་དང་ལྔ་ཅན་ཏེ་རབ་སྐོར་གསུམ་བཅས་ཡོད་དོ། ཚད་ནི་རབ་སྐོར་གསུམ་ཞེང་དུ་ཁྲུ་གསུམ་དང་སྲིད་དུ་ཁྲུ་ལྔ། ཆུང་སྐོར་གསུམ་དེ་ལས་ཁྲུ་ཕྱེད་ཕྱེད་ཕྲི་བ། འབྲིང་གསུམ་དེ་གཉིས་ཀྱི་བར་རོ། |
| སྣའི་ཀ་བ |
སྣ་བུག་གཉིས་བར་གྱི་ཕྲུམ་རུས། |
| སྣའི་ཁམས |
དྲི་འཛིན་པར་བྱེད་པའི་རྒྱུའམ་རིགས་འི་དབང་པོ། |
| སྣའི་ཁྲུང་ཁྲུང |
སྣའི་རུས་སྲབ་ཕྲུམ་ཕྲུམ། |
| སྣའི་དབང་པོ |
དབང་པོ་ལྔའི་ནང་གསེས། རང་འབྲས་སྣ་ཤེས་ཀྱི་ཐུན་མོང་མ་ཡིན་པའི་རྟེན་ནམ་བདག་རྐྱེན་དུ་གྱུར་པའི་རིགས་སུ་གནས་པའི་ནང་གི་གཟུགས་ཅན་དྭངས་པ། དབྱིབས་ཟངས་ཁབ་གཤིབ་པ་ལྟ་བུ། |
| སྣའི་དབང་མངོན |
དབང་མངོན་ལྔའི་ནང་གསེས། རང་གི་བདག་རྐྱེན་སྣའི་དབང་པོ་ལས་བྱུང་ཞིང་རྟོག་བྲལ་མ་འཁྲུལ་བའི་གཞན་རིག་དཔེར་ན། སྤོས་དྲི་མནམ་པའི་སྣ་ཤེས་ལྟ་བུ། |
| སྣའི་དྲི་མ |
སྣ་ཁུང་གི་དྲི་རྡུལ་ལམ། སྣབས་རྟུག |
| སྣའི་སྐྱེ་མཆེད |
སྣའི་རྣམ་པར་ཤེས་པ་སྐྱེ་ཞིང་མཆེད་པའི་དབང་པོ། |
| སྣར |
‘སྣོར’གྱི་ད་ལྟ་བའི་འབྲི་ཚུལ་གཞན། |
| སྣར་ཐང |
བོད་ཀྱི་གཞིས་ཀ་རྩེའི་ས་ཆ་ཞིག་གམ་དགོན་པ་ཞིག་གི་མིང་། |
| སྣར་ཐང་གཙུག་ལག་ཁང |
སྣར་ཐང་དགོན་པ་དང་དོན་གཅིག་ |
| སྣར་ཐང་དགོན་པ |
པོ་ཏོ་བའི་ཡང་སློབ་གཏུམ་སྟོན་གྱིས་རབ་བྱུང་གསུམ་པའི་ཆུ་བྱ་ལོར་བཏབ་པ་དེར་ཤ་ར་བ་ནས་བརྒྱུད་པའི་བཀའ་གདམས་གཞུང་པའི་ཁྲིད་རྒྱུན་དང༌། ཁ་ཆེ་པཎ་ཆེན་ཤཱཀྱ་ཤྲི་ནས་བརྒྱུད་པའི་འདུལ་བ་གཙོ་བོར་འཛིན་ཅིང༌། རབ་བྱུང་བཞི་པའི་དུས་སུ་མཁན་པོ་བཅོམ་ལྡན་རིག་པའི་རལ་གྲི་དང་དབུས་པ་བློ་གསལ་ཡབ་སྲས་ཀྱིས་སྡེ་སྣོད་གསུམ་གྱི་གཙུག་ལག་བོད་དུ་འགྱུར་བ་ཡོད་དོ་ཅོག་བཀའ་འགྱུར་དང་བསྟན་འགྱུར་གཉིས་སུ་བསྒྲིགས་ཏེ་པར་དུ་བསྐྲུན་པར་གྲགས་ཀྱང༌། ད་ལྟ་མཐོང་རྒྱུ་ཡོད་པ་ནི་རབ་བྱུང་བཅུ་གཉིས་པའི་ཆུ་བྱི་ལོར་ཕོ་ལྷ་བསོད་ནམས་སྟོབས་རྒྱལ་གྱིས་མཐུན་རྐྱེན་མཛད་དེ་པར་དུ་བསྐྲུན་པ་དེ་ཡིན། |
| སྣར་ཕོག་པ |
གནོད་སྐྱོན་གནད་ལ་འཁེལ་བ། ངོ་ཚ་ཁྲེལ་མེད་བྱེད་མཁན་གྱི་སྣ་ལ་ཕོག་པ། བརྒྱབ་པའི་ཁ་ལ་མ་ཕོག་མ་བརྒྱབ་སྣ་ལ་ཕོག་པ། |
| སྣར་བ |
ཐ་དད་པ བསྣར་བ། བསྣར་བ། སྣོར།། རིང་དུ་གཏོང་བ། ཐག་པ་ནར་ནར་བསྣར་བ། ལས་དུས་རིང་དུ་བསྣར་བ། ལག་པ་སྣར་བ། རྒྱུག་ཁྱིས་མཇུག་མ་བསྣར་ནས་བྲོས་ཕྱིན་པ། ཕྱུ་པའི་སྒབ་གཤམ་ས་ལ་བསྣར་བ། |
| སྣར་མ |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་སྐྱེ་དགུའི་བདག་པོ་དང༌། དལ་བའི་ལྷ་ལྡན་མ། བི་རྫི་བཅས་སོ། |
| སྣར་མ་སྐྱེས |
མངོན གཟའ་ལྷག་པ། |
| སྣར་ལྡུད་པའི་སྤྱད |
ཕྱུགས་རིགས་ཀྱི་སྣར་སྨན་བླུག་བྱེད་ཀྱི་ཡོ་བྱད། |
| སྣལ་མ |
ཐགས་འཐག་བྱེད་ཀྱི་སྐུད་པ་སྟེ། ཡུལ་སྐད་དུ‘ཐགས་སྐུད’ཀྱང་ཟེར། |
| སྣས |
ཐགས་ཆའི་སྟེང་གི་ཐགས་སྐུད་ཐོག་འོག་དགར་བྱེད་ཀྱི་ཡོ་བྱད་ཀྱི་མིང་། ‘སྣ་ཡིས’ཞེས་པའི་བྱེད་སྒྲ་བསྡུས་པ། |
| སྣས་འཁོར |
ཐགས་ཁྲིའི་ལྷུ་ལག་ཅིག |
| སྣུད |
སྣུད་པའི་སྐུལ་ཚིག་ |
| སྣུད་པ |
ཐ་དད་པ བསྣུད་པ། བསྣུད་པ། སྣུད།། ཕྱིར་འཕུལ་བའམ་ཕྱིར་འབུད་པ། ནས་ཞིང་ནང་གི་བྱིའུ་རྣམས་ཕ་རོལ་ཏུ་བསྣུད་པ། |
| སྣུན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ནུ་མ་ལྡུད་པ་སྟེ། མས་བྱིས་པར་ནུ་མ་སྣུན་བཞིན་འདུག བྱིས་པར་ནུ་མ་སྣུན་ཅིག་ལྟ་བུ། |
| སྣུན་པ |
ཐ་དད་པ བསྣུན་པ། བསྣུན་པ། སྣུན།།1 སྟེར་བའམ་བླུད་པ། ཕྲུ་གུ་ལ་ནུ་མ་སྣུན་ཅིག 2 རྡེག་པའམ་རྒྱག་པ། རྐང་པ་འཁོན་རྡོ་རྐང་པས་བསྣུན་པ། དམིགས་པའི་གནད་དུ་བསྣུན་པ། དགྲ་བོ་ལ་མཚོན་ཆ་སྣུན་པ། |
| སྣུབ |
(བྱེད་འབྲེལ་ལས་ཚིག་ད་ལྟ་བ) མེད་པར་བཏང་བ་སྟེ། ཞིང་བྲན་ལམ་ལུགས་ཀྱི་སྲོལ་ངན་ཐམས་ཅད་སྣུབ་པར་བྱེད་ལྟ་བུ། |
| སྣུབ་པ |
ཐ་དད་པ བསྣུབས་པ། བསྣུབ་པ། སྣུབས།། མེད་པར་གཏོང་བའམ་ནུབ་པར་བྱེད་པ། ལུགས་སྲོལ་ངན་པ་བསྣུབས་ཏེ་སྲོལ་བཟང་བཙུགས་པ། གཏིང་རྡོ་ཆུ་བོའི་ནང་དུ་བསྣུབས་པ། |
| སྣུབས |
སྐུལ་ཚིག་སྟེ། སྲོལ་ངན་སྣུབས་ཤིག་ལྟ་བུ། ཆུ་ནང་ལ་ནུབ་པར་བྱེད་པ་སྟེ། དགྲ་གྲུ་ཆུར་བསྣུབས་ལྟ་བུ། |
| སྣུམ |
1 མར་ནག་སྟེ་ཏིལ་སོགས་ལས་བྱུང་བའི་རྩི་མར། ཟ་སྣུམ། པད་སྣུམ། ཏིལ་སྣུམ། 2 གཏེར་ཁ་ལས་ཐོན་པའི་ཁུ་བ་ལྟ་བུའི་གཤེར་གཟུགས། ས་སྣུམ། རྡོ་སྣུམ། |
| སྣུམ་ཁྲོན |
རྡོ་སྣུམ་འདོན་ཆེད་འཕྲུལ་འཁོར་གྱིས་ཕུག་པའི་ས་དོང་རིང་པོ། |
| སྣུམ་གཏེར |
1 རྡོ་སྣུམ་ཐོན་སའི་གཏེར་ཁ། 2 ས་འོག་རྡོ་སྣུམ་འདུས་ས། |
| སྣུམ་ཆིལ་ལི་བ |
སྣུམ་མདངས་འཚེར་རེ་བ། གདོང་ལ་ཞག་ཚི་སྣུམ་ཆིལ་ལིར་བྱུགས་འདུག |
| སྣུམ་ཐབ |
ས་སྣུམ་བླུག་པའི་ཐབ། |
| སྣུམ་དམ |
སྣུམ་བླུག་སའི་རྫ་དམ་མམ་ཤེལ་དམ་སོགས། |
| སྣུམ་པ |
1 སྐྱ་བ་ལས་ལྡོག་པ། སྨན་གྱི་ཡོན་ཏན་སྣུམ་པའམ་ཕྲ་བ། སྨན་ནུས་སྣུམ་པ། 2 སྣུམ་པོ་དང་འདྲ། |
| སྣུམ་པར |
སྣུམ་ཅན་སྣག་ཚ་ལ་བརྟེན་ནས་བརྒྱབ་པའི་པར། |
| སྣུམ་པོ |
1 བཟང་པོ། གུང་ཁྲན་ཏང་གི་ཐུགས་རྗེའི་གྲིབ་བསིལ་སྣུམ་པོས་འཚོ་བཞིན་པ། 2 ཚོན་པོའམ་ཚོ་པོ། ལྟོ་ཆས་སྣུམ་པོ། 3 མདོག་ལེགས་པོ། ཞལ་རས་སྣུམ་པོ། ན་བཟའ་ཁ་དོག་སྣུམ་པོ། |
| སྣུམ་བཀྲག |
མདངས་སམ་གཟི་བརྗིད། |
| སྣུམ་བག |
སྣུམ་པའི་ཉམས། ལྟོ་ཆས་སྣུམ་བག་ཆེ་བ། ལྟོ་ཆས་སྣུམ་བག་ཆུང་བ། ཁང་ཆེན་སྣུམ་བག་ཅན། |
| སྣུམ་བག་ཅན |
ནི་ཚིལ་དང་ཞག་གི་རིགས་མང་བའི་དངོས་རྫས་ཏེ། ཟས་སྣུམ་བག་ཅན་ཞེས་པ་ལྟ་བུ། |
| སྣུམ་བག་འཚེར་བ |
སྣུམ་ཞག་ཆེ་བ། གཟུགས་པོ་བདེ་ཐང་བྱུང་ནས་ངོ་གདོང་སྣུམ་བག་འཚེར་བ། |
| སྣུམ་བན |
སྣུམ་སྣོད་རྫ་ཟངས་སོགས་ཀྱི་ཁོག་མ། |
| སྣུམ་བཙིར |
པད་ཁ་སོགས་སྣུམ་རྒྱུའི་འབྲུ་རིགས་ནས་སྣུམ་འདོན་པ། སྣུམ་བཙིར་འཕྲུལ་འཁོར། |
| སྣུམ་བརྔོས |
སྣུམ་ཁོལ་མའི་ནང་བསྲེགས་པ། |
| སྣུམ་བྱུག |
ཞུན་མར་སོགས་མཐིལ་བཞི་དང་རླུང་གསང་རྣམས་སུ་བྱུགས་ཏེ་རླུང་ནད་ལ་ཕན་པར་བྱེད་པའི་ཐབས་ཤིག |
| སྣུམ་མདངས |
སྣུམ་པའི་འོད་མདངས། |
| སྣུམ་ཚིལ |
སྣུམ་དང་ཚིལ་བུ། |
| སྣུམ་ཚིལ་ལི་བ |
སྣུམ་མདངས་ཐོན་སྟངས་ཤིག |
| སྣུམ་ཚོས་མ |
སྣུམ་གྱིས་བཙོས་པའི་ཁ་ཟས། |
| སྣུམ་ཞག |
1 སྣུམ་དང་ཞག་ཚིལ། 2 སྣུམ་བཀྲག་གམ་སྣུམ་མདངས། གྱོན་པ་སྣུམ་ཞག་ཅན། |
| སྣུམ་ཞག་དོད་པོ |
སྣུམ་གྱི་མདོག་བཀྲག་མངོན་གསལ་ཆེ་བ། ཁང་པ་སྣུམ་ཞག་དོད་པོ། ཡུལ་ལུང་སྣུམ་ཞག་དོད་པོ། ས་ཞིང་སྣུམ་ཞག་དོད་པོ། ཞལ་རས་སྣུམ་ཞག་དོད་པོ། |
| སྣུམ་ཟ |
མངོན སྒྲོན་མེ། |
| སྣུམ་ཟད་མར་མེ |
མར་མེ་འཆི་ཁ་སྟེ་འཚོ་བའི་ཆ་རྐྱེན་ཡོངས་སུ་ཟད་པའི་དཔེ། |
| སྣུམ་ཟན་མ |
ཟས་ཞིམ་མངར་རམ། ཚོན་པོ་ཟ་བའི་མི། |
| སྣུམ་འཁུར |
སྣུམ་ནང་བཙོས་པའི་འཁུར་བ། |
| སྣུམ་འཆོས |
བཤལ་སྐྱུགས་སོགས་ལས་ལྔའི་སྔོན་དུ་རླུང་སོགས་གཞིལ་བའི་ཕྱིར་འབྲུ་མར་སོགས་ཀྱི་སྣུམ་ལུས་ལ་བསྐུ་བ་དང༌། བུ་གར་དགང་བ། ཁོང་དུ་བཏང་བ་བཅས་ཀྱིས་འཆོས་ཐབས་ཤིག |
| སྣུམ་རྐྱལ |
སྣུམ་སྣོད་རྐྱལ་པ། |
| སྣུམ་རྒྱུ |
སྣུམ་བཟོ་བྱེད་ཀྱི་རྒྱུ་པད་ཁ་སོགས། |
| སྣུམ་རྗེན་པ |
སྣུམ་མ་བསྐོལ་བ། |
| སྣུམ་རྡོ་སྒྲུག་པ |
སྔར་བོད་དུ་ཁ་མཆུ་ཐག་གཅོད་མ་ཐུབ་ཚེ་སྣུམ་ཁོལ་གྱི་ནང་དུ་རྡོ་དཀར་ནག་གཉིས་བླུགས་ཏེ་གྱོད་ཡ་གཉིས་ལ་སྒྲུག་ཏུ་འཇུག་པ། |
| སྣུམ་རྩི |
ཞག་ཚིའམ་སྣུམ་བག |
| སྣུམ་ལ་དགའ |
མངོན སྒྲོན་མེ། |
| སྣུམ་ལྡན |
1 བཤལ་སྨན་སྦྱར་བའི་མར་ཁུ། 2 མངོན ཙན་དན་དམར་པོ། |
| སྣུམ་སྣག |
སྣུམ་ཅན་སྣག་ཚ་པར་རྒྱག་སྐབས་ཀྱི་མཁོ་རྫས་ཤིག |
| སྣུར |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) གཏན་ཁེལ་གྱི་དུས་ཚོད་བསྒྱུར་བ་སྟེ། ཚོགས་འདུའི་དུས་ཚོད་སྣུར་མཁན། ཚོགས་འདུའི་དུས་ཚོད་ཕྱི་ལ་སྣུར་ཅིག་ལྟ་བུ། |
| སྣུར་བ |
ཐ་དད་པ བསྣུར་བ། བསྣུར་བ། སྣུར།། 1 འཐེན་པ་དང༌། འདྲེན་པ། བཞུགས་གྲལ་མདུན་དུ་བསྣུར་བ། ཡི་གེ་འབྲི་དུས་དཔེ་ཆ་ལོགས་སུ་བསྣུར་བ། 2 དུས་སྔ་རུའམ་ཐག་ཉེ་རུ་གཏོང་བ། སང་ཉིན་བྱ་རྒྱུའི་ལས་ཀ་དེ་རིང་ཚུར་བསྣུར་སོང༌། དུས་ཚོད་སྔ་བསྣུར་ཕྱི་འགྱང་མ་བྱས་པ། 3 ཞིབ་མོར་འཐག་པའམ་དབུར་བ་དང༌། ལྡུར་ལྡུར་བཟོ་བ། སྣག་ཚ་སྣུར་བ། ཚོན་བསྣུར་བ། སྨན་ཕྱེ་ཞིབ་ཏུ་བསྣུར་བ། |
| སྣེ |
དངོས་རྫས་དབྱིབས་ནར་མོའི་རྩེའི་ཆ་ཤས་ཀྱི་མིང་སྟེ། སྐུད་པའི་སྣེ་མོ། སྐུད་སྣེ། ཐག་པའི་སྣེ་མོ། ཐག་སྣེ། དབྱུག་པའི་སྣེ་མོ་ཞེས་པ་ལྟ་བུ། འགོ་མའམ་ཐོག་མའི་མིང་སྟེ། ཚིག་གི་སྣེ་མོ། ཡོན་ཏན་གྱི་སྣེ་ཟིན། སྣེ་ཁྲིད་ཅེས་པ་ལྟ་བུ། |
| སྣེ་ཁ |
རིགས་སམ་སྣ། |
| སྣེ་ཁག |
རིགས་མང་པོ། |
| སྣེ་ཁྲིད་པ |
འགོ་ཁྲིད་པ། |
| སྣེ་གདོང |
རྫོང་ཞིག་བོད་རང་སྐྱོང་ལྗོངས་ཀྱི་ལྷོ་རྒྱུད་ཡར་ཀླུངས་གཙང་པོ་དང་ཡར་ལྷ་ཤམ་པོའི་ཆུ་གཉིས་འཛོམ་སར་ཡོད། |
| སྣེ་ཐིག་གི་རྒྱ |
དཔེ་ཆའི་ཤོག་ལྡེབ་སོ་སོའི་སྟེང་འོག་གཡས་གཡོན་གྱི་མཐའ་ལས་མི་འཆོལ་བར་བྱེད་པའི་རྟགས། |
| སྣེ་མ |
མགོ་མཇུག་གི་མཐའ་སྣེ། |
| སྣེ་མགྲོན |
1 འགྲུལ་པའི་སྣེ་ལེན་ནམ་སྣ་ལེན་བྱེད་པའི་མགྲོན་གཉེར། 2 སྔར་བོད་ས་གནས་སྲིད་གཞུང་སྐབས་སྲིད་སྐྱོང་གི་མགྲོན་གཉེར་གཙོ་བོ། |
| སྣེ་མང་འདྲེས་འཛིངས |
1 སྐུད་སྣེ་མང་པོ་འདྲེས་ནས་འཛིངས་པ། 2 ལས་བྲེལ་སྣེ་མང་འདོམས་པ། |
| སྣེ་མཐུད |
སྣམ་རས་སོགས་ཀྱི་ཡས་སྣེ་མས་སྣེ་ཕན་ཚུན་སྦྱོར་བ། |
| སྣེ་མཚམས |
ས་མཚམས་སམ་མཐའ་མཚམས། |
| སྣེ་མོ |
1 རྩེ་མོ་དང་འགོ་མའམ། ཐོག་མ། བྱ་བའི་སྣེ་མོ། ཐག་པའི་སྣེ་མོ། ཟམ་པའི་སྣེ་མོ། ཡལ་གའི་སྣེ་མོར་འཇུས་ནས་ཤིང་ཏོག་ཕབ། 2 མཐའ་དང་ཟུར། གྲོང་གི་སྣེ་མོ། ལམ་གྱི་སྣེ་ཟུར། འཕྲང་སྣེ། རི་སྣའི་སྣེ་མོ། |
| སྣེ་མོ་བ |
ལས་ཀའི་སྣ་ཁྲིད་མཁན་ནམ་འགོ་བྱེད་པོ། |
| སྣེ་མོ་ལས་འཛིན་གྱི་ཞལ་ལྕེ |
ཞལ་ལྕེ་བཅུ་དྲུག་གི་ཡ་གྱལ་ཞིག་སྟེ། སྔ་དུས་བོད་ཀྱི་རྒྱལ་པོའི་ལུང་གིས་མཐའ་དབུས་ཡུལ་གྲུ་སོ་སོའི་སྣེ་མོར་བསྐོས་པའི་ལས་བྱེད་པ་ཚོའི་བྱ་སྤྱོད་ཀྱི་ཁྲིམས། |
| སྣེ་ཟིན་པ |
མཚམས་ལ་སླེབས་པ། ཕྱིར་ལོག་ཡོང་དུས་མེས་རྒྱལ་གྱི་ས་སྣེ་ཟིན་པ་དང་གྲོགས་པོ་མཇལ་བྱུང༌། |
| སྣེ་ཟུར |
སྣེའམ་ཟུར་མཐའ། |
| སྣེ་འགུགས |
ཡུལ རྡང་ཐག་ལ་བརྒྱུས་པའི་ཐག་ཐུང་གི་མིང༌། |
| སྣེ་འདོམས |
སྣ་ཁ་མང་པོ་མཉམ་དུ་འདོམས་པ། རྐྱེན་ཆགས་སྣེ་འདོམས། |
| སྣེ་འདྲེན་པ |
ལས་དོན་གང་རུང་གི་འགོ་རྩོམ་མཁན་ནམ། སྣེ་ཁྲིད་བྱེད་མཁན། |
| སྣེ་འཛར |
གོས་དར་རས་སོགས་ཀྱི་མཐའ་སྣེའི་ཁ་ཚར། ཁ་བཏགས་ཀྱི་སྣེ་འཛར། སྣམ་བུའི་སྣེ་འཛར། |
| སྣེ་འཛིན |
1 ལས་ཀའི་འགོ་འཁྲིད་མཁན། 2 ལས་ཀའི་འགོ་འཛུགས་པ། |
| སྣེ་འཛོམས |
སྣ་ཁ་མང་པོ་ཚོགས་པ། |
| སྣེ་རྒོད |
སྣེའུ་རྒོད་དང་འདྲ། |
| སྣེ་རྒྱན |
ཡར་སྣེ་མར་སྣེ་གང་རུང་གི་རྒྱན་ཆ། |
| སྣེ་ལེན |
མགྲོན་པོ་རྣམས་ལ་ཁ་ལེན་ངོ་ལེན་བྱེད་པའི་ལས་དོན། སྣེ་ལེན་ཞུས་པ། མགྲོན་པོར་ཇ་ཆང་བཤམས་ནས་སྣེ་ལེན་བྱེད། |
| སྣེ་ལེན་ཁང |
མགྲོན་པོར་སྣེ་ལེན་བྱེད་སའི་ཁང་པ། |
| སྣེ་ལེན་པ |
1 ཁ་ཡ་ངོ་ཡ་བྱེད་པ། 2 སྣ་ལེན་བྱེད་པ་པོ། |
| སྣེ་ཤན་པ |
སྐུ་མགྲོན་ལ་ཕྱི་ནང་བར་གྱི་རྒྱུས་ཡོད་བྱེད་མཁན། |
| སྣེ་སེལ |
ཕྲན་བུའམ་ཆུང་ཟད། ཉུང་ཉུང༌། མི་ལ་རོགས་རམ་སྣེ་སེལ་ཙམ་བྱེད་པ། ན་ཚ་སྣེ་སེལ་བྱུང་བར་སྨན་བཅོས་མ་བྱས་ཀྱང་འགྲིག སྐྱོན་ཆ་སྣེ་སེལ་ཞིག་ལས་མ་བྱུང་ཡང་དོ་ནན་གྱིས་སེལ་ཐབས་བྱེད་དགོས། |
| སྣེམ |
(བྱེད་འབྲེལ་ལས་ཚིག་ད་ལྟ་བ)ཅུང་བརླན་པར་བྱས་པ་སྟེ། ཀོ་གྱོང་ཆུས་སྣེམ་མཁན་ཞེས་པ་ལྟ་བུ། མ་འོངས་པར‘བསྣེམ’དང་འདས་པར‘བསྣེམས’། སྐུལ་ཚིག་ལ‘སྣེམས’འབྲི། |
| སྣེམ་པ |
ཐ་དད་པ བསྣེམས་པ། བསྣེམ་པ། སྣེམས།། གནོན་པ། ཁྲི་སྟན་བསྣེམས་ནས་བཞུགས་པ། ས་ཆ་ནེམ་ནེམ་དུ་བསྣེམས་ནས་འབུར་ཀྱོང་ཁོད་སྙོམ་པ། |
| སྣེམས |
སྣེམ་པའི་སྐུལ་ཚིག་ |
| སྣེའུ |
1 ས་མིང་ཞིག་བོད་རང་སྐྱོང་ལྗོངས་ཀྱི་སྟོད་ལུང་བདེ་ཆེན་རྫོང་ཁོངས་སུ་ཡོད། 2 སྔོ་སྨན་གྱི་རིགས་ཤིག་སྟེ། ནང་གསེས་སུ་དབྱེ་ན་རྒྱ་སྣེ་དམར་པོ་དང༌། བོད་སྣེ་སྔོན་པོ་གཉིས་མཆིས། རོ་མངར་ལ་ཁ། ཞུ་རྗེས་སྙོམས། ནུས་པས་རྔུལ་འདྲེན། དང་ག་འབྱེད། ཚ་བ་ལ་ཕན། |
| སྣེའུ་གདོང |
བོད་ཀྱི་ས་ཆ་ཞིག་གི་མིང་། ‘ཉིང་སྟོད’ཀྱང་ཟེར། |
| སྣེའུ་གཡུང |
སྔོ་ཞིག |
| སྣེའུ་ཚོད |
སྔོ་ཚོད། |
| སྣེའུ་རྒོད |
སྔོ་ཞིག |
| སྣེའུ་སྔོན |
སྔོའམ་རྩྭ་སྔོན་པོ་ཞིག |
| སྣོ |
(བྱེད་འབྲེལ་ལས་ཚིག་ད་ལྟ་བ)འདམ་དང་ཕྱེ་སོགས་ལ་ཆུ་དབྱེར་མེད་དུ་འདྲེས་ཆེད་ཡང་ཡང་མནན་པའམ་གཅུར་བ་སྟེ། འདམ་སྣོ་མཁན་ཞེས་པ་ལྟ་བུ། |
| སྣོ་བ |
ཐ་དད་པ བསྣོས་པ། བསྣོ་བ། སྣོས།། སྦྲུ་བ་དང༌། རྫི་བ། གཡོ་བ། སྣུར་བ། ཐུད་སྣོ་བ། གྲོ་ཞིབ་ལེགས་པར་བསྣོས་ནས་བག་ལེབ་བཟོ། |
| སྣོག |
(བྱེད་འབྲེལ་ལས་ཚིག་ད་ལྟ་བ)གོང་འོག་གམ་གོ་རིམ་འཆོལ་བར་བྱེད་པའི་དོན་ཏེ། གྲངས་ཀ་མ་སྣོག གོ་རིམ་སྣོག་མི་རུང་ལྟ་བུ། མ་འོངས་པ་ལ‘བསྣོག’དང་འདས་པ་ལ‘བསྣོགས’། སྐུལ་ཚིག་ལ‘སྣོགས’འབྲི། |
| སྣོག་པ |
ཐ་དད་པ བསྣོགས་པ། བསྣོག་པ། སྣོགས།། གོང་འོག་དཀྲུག་པ་དང་བསྲེ་བ། དཔེ་ཆ་ཚང་མ་བསྣོགས་སོང༌། |
| སྣོག་པོ |
རྙིང 1 ཕོན་ཆེ་བའམ་ཤོང་ཆེ་བ། 2 བཅུད་ཆེ་བ། |
| སྣོག་ཟན |
རྣོག་ཟན་དང་འདྲ། |
| སྣོགས |
སྣོག་པའི་སྐུལ་ཚིག་ |
| སྣོད |
དངོས་རྫས་འཇོག་བྱེད་ཀྱི་ཡོ་བྱད་སྤྱིའི་མིང་སྟེ། སྒྱེ་སྣོད། རྫ་སྣོད། སྣོད་སྤྱད་ཅེས་པ་ལྟ་བུ། སྨན་གཞུང་དུ་ཕོ་བ་དང་ལོང་ག །རྒྱུ་མ། མཁྲིས་པ། ལྒང་བ། བསམ་སེའུ་དྲུག་ལ་སྣོད་དྲུག་ཟེར།０རང་བྱུང་ཁམས་ཆེན་པོའི་མིང་སྟེ། ཕྱི་སྣོད་ཀྱི་འཇིག་རྟེན། ནང་བཅུད་ཀྱི་སེམས་ཅན་ཞེས་པ་ལྟ་བུ།１སྣོད་དང་ཆ་མཚུངས་པའི་དོན་ཏེ། བུ་སྣོད། ཡོན་ཏན་གྱི་སྣོད་དུ་རུང་བ་ཞེས་པ་ལྟ་བུ།２‘སྣད’ཀྱི་སྐུལ་ཚིག། |
| སྣོད་ཀོང་ཀོང |
སྣོད་སྤྱད་མཐིལ་སྦུག་སྦུག |
| སྣོད་ཀྱི་མཁྲིས་སྐྲན |
ཁ་ཟས་ཀྱི་དྭངས་མ་མ་ཞུ་བ་སྣོད་མཁྲིས་ཀྱི་གནས་སུ་ལྷུང་བས་དེ་ལ་མཁྲིས་པའི་རྩི་ཆགས་ཏེ་འདྲིལ་བར་གྱུར་པ་ཞིག |
| སྣོད་ཀྱི་འཇིག་རྟེན |
གླིང་བཞི་རི་བར་ཉི་ཟླ་སོགས་སྟོང་གསུམ་གྱི་སྟོང་ཆེན་པོའོ། |
| སྣོད་ཀྱི་སྐྱོན་གསུམ |
ཆོས་ཉན་པ་པོ་སློབ་མའི་སྐྱོན་གསུམ་སྟེ། རྣ་བ་མི་གཏོད་ཁ་སྦུབ་ལྟ་བུའི་སྐྱོན། ཡིད་ལ་མི་འཛིན་ཞབས་རྡོལ་ལྟ་བུའི་སྐྱོན། ཉོན་མོངས་དང་འདྲེས་དུག་ཅན་ལྟ་བུའི་སྐྱོན་བཅས་གསུམ་མོ། |
| སྣོད་ཁ |
སྣོད་ཀྱི་ཁ་ངོས། སྣོད་ཁ་སྦུབ་པ། སྣོད་ཁ་བསླངས་པ། འོ་མ་སྣོད་ཀྱི་ཁ་མཉམ་དུ་གང་བ། |
| སྣོད་གནད |
སྣོད་ཀྱི་གནད་སྙིང་སྟེ་ཕོ་བ། |
| སྣོད་ཆས |
ཅ་ལག་བླུག་སྣོད། |
| སྣོད་ཐེར་ཐེར |
སྣོད་སྤྱད་ཁ་གཡེར་གཡེར་སྡེར་མ་ལྟ་བུ། |
| སྣོད་དུ་ལྷུང་བ |
འཇུག་སྒོ་དྲུག་གི་ནང་ཚན་ནད་སྣོད་དྲུག་པོ་གང་རུང་གི་གནས་སུ་རིམ་བཞིན་ཞུགས་པའི་དོན། |
| སྣོད་དྲུག |
ཁ་ཟས་དང་དྭངས་མའི་སྙིགས་མ་གནས་སའི་སྣོད་དྲུག་སྟེ་ཕོ་བ་དང༌། རྒྱུ་མ། ལོང་ག།མཁྲིས་ཐུམ། ལྒང་པ། བསམ་སེའུ་བཅས་སོ། |
| སྣོད་བཅུད |
1 ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ཅན། 2 སྣོད་སྤྱད་དང་དེའི་ནང་དུ་བླུག་རྒྱུའི་དངོས་རིགས། |
| སྣོད་མ་ཡིན་པ |
དངོས་པོ་བླུག་སའི་ཡུལ་མ་ཡིན་པ་སྟེ། བསླབ་བྱའམ་གཏམ་ཤོད་སའི་ཡུལ་མ་ཡིན་པ། |
| སྣོད་མཁྲིས |
མི་ལུས་ཀྱི་བྱང་ཁོག་སྨད་ཀྱི་གཡས་ངོས་མཆིན་འདབས་སུ་འབྲེལ་བའི་སྣོད་དྲུག་གི་ཡ་གྱལ་ཞིག་སྟེ། དེའི་བྱེད་ལས་ནི་ཟས་འཇུ་བ་དང་ཚིགས་མིག་སོགས་ཀྱི་ཆུ་སེར་རྣམས་གཏོང་བར་བྱེད་པ་ཡིན་ནོ།.. |
| སྣོད་མིན |
སྣོད་མ་ཡིན་པ་དང་དོན་གཅིག་ |
| སྣོད་ཚད |
ཕོ་བ་སོགས་ནང་གི་སྣོད་དྲུག་ལ་ཕོག་པའི་ཚད་པ། |
| སྣོད་ཞབས |
སྣོད་སྤྱད་ཀྱི་མཐིལ། |
| སྣོད་ལྡན་སློབ་མ |
ཡོན་ཏན་སློབ་ཁྲིད་བྱེད་འོས་པའི་དགེ་ཕྲུག |
| སྣོན |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) དངོས་རྫས་ཀྱི་གྲངས་ཀ་ཇེ་མང་དུ་བཏང་བ་སྟེ། ཟངས་ངར་ཆུ་སྣོན་མཁན། དཀར་ཡོལ་དུ་ཇ་སྣོན་ཅིག་ལྟ་བུ། ‘བསྣན’ནི་མ་འོངས་པ་དང་འདས་པ་སྟེ། བསྣན་བྱའི་གྲངས་ཀ བསྣན་པའི་ཁ་གྲངས་ཞེས་པ་ལྟ་བུ། གྲངས་རིགས་གཉིས་ཡན་བསྲེས་པ་སྟེ། བཞི་ལ་བཞི་བསྣན་ན་བརྒྱད་ཡིན་ལྟ་བུ། |
| སྣོན་ཁ |
ཚད་མ་ལྡངས་པ་རྣམས་ལྡང་བར་བྱེད་པའི་ཁ་སྐོང༌། མི་གྲངས་མ་ཚང་བར་སྣོན་ཁ་འདེབས་པ། |
| སྣོན་ཐབས |
གྲངས་ཀ་མང་པོ་ཕྱོགས་གཅིག་ཏུ་སྡོམ་པའི་རྩིས་ཐབས་ཏེ་རྩིས་ཐབས་བཞིའི་ཡ་གྱལ་ཞིག |
| སྣོན་པ |
1. ཐ་དད་པ བསྣན་པ། བསྣན་པ། སྣོན།། རྩེག་པའམ་གསོག་པ་དང༌། ཁ་སྐོང་བ། འགོ་ཁྲིད་ལ་ཤུགས་སྣོན་པ། རྒྱབ་དཔུང་སྣོན་པ། གསུམ་ལ་གཉིས་བསྣན་ན་ལྔ། ཟ་འོག་ཐོག་ལ་མེ་ཏོག་སྣོན་པ། 2. ཁ་སྐོང་བྱེད་ཀྱི་ཆ། |
| སྣོན་མ |
ཁ་སྐོང་བྱེད་ཀྱི་ཆ། ཁ་མ་ཚང་བར་སྣོན་མ་བརྒྱབ་སྟེ་ཁ་བསྐངས་པ། དམག་མི་སྣོན་མ། རླངས་འཁོར་ལ་ས་སྣུམ་གྱི་སྣོན་མ་རྫོབ་པ། |
| སྣོན་འཕྲི |
མང་དུ་གཏོང་བའམ་ཉུང་དུ་གཏོང་བ། |
| སྣོན་འཕྲི་སྤོར་གཅོག |
ཡར་སྣོན་མར་འཕྲི་དང་ཡར་སྤོར་མར་གཅོག |
| སྣོན་རྟགས |
གྲངས་ཀ་དུ་མ་བསྲེས་པ་མཚོན་པའི་རྟགས‘+’འདིའི་མིང་། |
| སྣོན་རྩིས |
རྩིས་ཐབས་ཤིག |
| སྣོམ |
(བྱེད་འབྲེལ་ལས་ཚིག་ད་ལྟ་བ) སྣས་དྲི་མྱངས་པ་སྟེ། དྲི་སྣོམ་མཁན་ཞེས་པ་ལྟ་བུ། |
| སྣོམ་པ |
ཐ་དད་པ བསྣམས་པ། བསྣམ་པ། སྣོམས།། 1 འཁྱེར་བའམ་འཁུར་བ་དང་ཐོགས་པའི་ཞེ་ས། ཕྱག་ན་རོལ་ཆ་བསྣམས་ནས་བྲོ་གར་རྩེ། ཉེར་མཁོའི་སྐུ་ཆས་ཚང་མ་བསྣམ་ཕེབས་དགོས། ཐུགས་ཁུར་སྣོམ་པ། 2 སྣ་བུག་གིས་དྲི་བཅུད་ལེན་པ། དྲི་མ་སྣོམ་པ། སྤོས་ཀྱི་དྲི་ཞིམ་སྣར་བསྣམས། མི་རྒན་པོའི་ཁ་ལ་ཉན། ཇ་ཞིམ་པོའི་དྲི་ལ་སྣོམས། |
| སྣོམ་བུ་པ |
རྙིང རྟོག་ཞིབ་པ། |
| སྣོམ་བྱེད |
མངོན སྣ། |
| སྣོམས |
སྐུལ་ཚིག་སྟེ། སྣས་དྲི་ཞིམ་སྣོམས་ཤིག་ཅེས་པ་ལྟ་བུ། ལག་ལ་བཟུང་བའི་ཞེ་ས་སྟེ། ཕྱག་ཏུ་མཚོན་ཆ་བསྣམས་ལྟ་བུ། |
| སྣོར |
1. སྣར་བ་དང་སྣོར་བའི་སྐུལ་ཚིག 2. ལོ་ཐོག་བརྔས་ཤུལ་གྱི་རྩྭ། ཞིང་ཁའི་སྟོན་འབྲས་བརྔས་ཤུལ་གྱི་སྣོར་རྩྭ་སྒོ་ཕྱུགས་ལ་སྟེར་ན་བཅུད་ཆེ། ཞིང་ཁའི་སྣོར་ལ་བོང་བུ་འཚོ། |
| སྣོར་བ |
ཐ་དད་པ བསྣོར་བ། བསྣོར་བ། སྣོར།། ནོར་དུ་འཇུག་པའམ་གོ་རིམ་དཀྲུག་པ། གཞུང་གི་ཚིག་དོན་གོང་འོག་བསྣོར་བ། སྐད་ཆ་ཕན་ཚུན་བསྣོར་ནས་བཤད་པས་གོ་མི་ཐུབ། |
| སྣོར་མ |
1 རྩྭ་བཟང་བའི་སྤང་ཁ། 2 སྟོན་ཐོག་བརྔས་ཤུལ་གྱི་རྩྭ་དང་སོག་མ། |
| སྣོལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) དངོས་རྫས་ཀྱི་མཐའ་དང་སྣེ་སོགས་ཕན་ཚུན་རྩེག་པའམ་བཀབ་པ་དང་སྒྲིབ་པ་སྟེ། ལག་ཟུང་བྲང་ཁར་སྣོལ་གྱིན་འདུག ལྭ་ཡི་ཐུ་བ་སྣོལ་ཅིག་ལྟ་བུ། |
| སྣོལ་བ |
ཐ་དད་པ བསྣོལ་བ། བསྣོལ་བ། སྣོལ།། ཕན་ཚུན་མི་མཉམ་པར་རྩེག་པའམ་སྦྱོར་བ། རྨ་བྱ་མཇིང་པ་བསྣོལ་ཏེ་གར་བྱེད་པ། རྟ་ཤིག་འཕྲུག་པ་བཞིན་དུ་སྐེ་བསྣོལ་བ། ལག་སོར་ཕན་ཚུན་སྣོལ་བ། བརླ་གཡས་པའི་སྟེང་དུ་གཡོན་པ་བསྣོལ་ཏེ་བསྡད་པ། ཐིག་གཉིས་གསེག་འགྲོས་སུ་སྣོལ་བ། ལམ་གཉིས་ཐད་ཀར་སྣོལ་བ། |
| སྣོལ་མ |
ཕན་ཚུན་སྦྱོར་བའི་ཚུལ། ཆོས་འབྱུང་སྣོལ་མ། ཐིག་སྣོལ་མ། རྐང་པ་སྣོལ་མར་བྱས་པ། |
| སྣོས |
སྐུལ་ཚིག་སྟེ། ཕྱེ་སྣོས་ཤིག་ལྟ་བུ། |
| སྣྲུབས |
རྒྱུ་སྐར་ཉི་ཤུ་རྩ་བརྒྱད་ཀྱི་ནང་གསེས་ཤིག མིང་གི་རྣམ་གྲངས་ལ་གྲུ་སོག་མ་དང༌། མཱ་ལ། རྩ་བ་ཡང་བཅས་སོ། |
| སྣྲེལ་ཞི |
རྙིང 1 གོ་རིམ་འཆོལ་བ། 2 འཕྲེད་དམ་ལོགས། |
| སྣྲོན |
རྒྱུ་སྐར་ཉི་ཤུ་རྩ་བརྒྱད་ཀྱི་ནང་གསེས་ཤིག མིང་གི་རྣམ་གྲངས་ལ་གང་བུ་དང༌། ལྡེའུ། ལྷ་ལྡན་མ། ལྷ་དབང་ལྡན་བཅས་སོ། |
| སྣྲོན་གྱིས་ཉ་བ |
ཧོར་ཟླ་ལྔ་པའི་ཚེས་བཅོ་ལྔ། |
| སྣྲོན་ཟླ་བ |
ཧོར་ཟླ་བཞི་པའི་བཅུ་དྲུག་ནས་ལྔ་པའི་ཚེས་བཅོ་ལྔའི་བར་དུ་སྣྲོན་ཟླ་བ་ཟེར། |
| སྤ |
མཛེས་པའི་བརྡ་རྙིང་། རྒྱན་ཆའི་བརྡ་རྙིང་། ０(བྱེད་འབྲེལ་ལས་ཚིག) རྒྱན་གྱིས་བརྒྱན་པའི་བརྡ་རྙིང་། １གཉེན་སྒྲིག་བྱས་པའི་སྐྱེས་པ་སྟེ། ཁྱོ་བོ་དང་ཆུང་མ་ལ་སྤ་ཤུག་ཟེར་བ་ལྟ་བུ། ２ཤིང་གི་བྱེ་བྲག་ཅིག་སྟེ། སྦ་ཡང་ཟེར། |
| སྤ་གོང་བ |
སྙིང དཔའ་ཞུམ་པ། |
| སྤ་ཅུ་གང |
སྨུག་མའི་ནང་དུ་ཆགས་པའི་ཅུ་གང༌། |
| སྤ་ཅོག |
སྤ་ལྕོག་དང་འདྲ། |
| སྤ་ཆ |
མཛེས་ཆའམ་རྒྱན་ཆ། |
| སྤ་ཐག |
རྒྱན་ཆ་འདོགས་བྱེད་ཀྱི་ཐི་གུ། |
| སྤ་ཕྲུག |
སྔར་བོད་ཀྱི་བུད་མེད་ཀྱི་མགོ་རྒྱན། དེ་ལ་རིགས་མི་འདྲ་བ་གསུམ་བཞི་ཡོད། ལྷ་ལྕམ་སྤ་ཕྲུག་ནི་མུ་ཏིག་ཡིན། དཀྱུས་མ་རྣམས་ཀྱི་སྤ་ཕྲུག་ནི་གཡུ་བྱུར་སྤེལ་མ་ཡིན། གཙང་མོ་ལ་སྤ་ལུང་དང༌། སྤྱི་གུ་ཟེར་བ་གཉིས་ཡོད། |
| སྤ་བ |
1. ཐ་དད་པ བརྒྱན་པ་དང་སྤྲས་པ། གོས་ཀྱིས་སྤ་བ། རྒྱན་གྱིས་སྤ་བ། ཡོན་ཏན་རྒྱན་གྱིས་བྱིན་ཆགས་སྤ། 2.མཛེས་པ་དང་བྱིན་ཆགས་སྤ། ལང་ཚོ་སྤ་བ། འགྲོ་འདུག་ཀུན་སྤྱོད་སྤ་བ། |
| སྤ་བཀོང |
(བྱེད་འབྲེལ་ལས་ཚིག) དཔའ་ཞུམ་པར་བྱས་པ་སྟེ། དགྲ་བོ་སྤ་བཀོང་ལྟ་བུ། |
| སྤ་མ |
ཤུག་པ་དང་འདྲ་བའི་ཤིང་བོངས་ཐུང་ཚེར་མ་ཅན་ལོ་འདབ་སྔོ་བ། བསང་རྫས་དང་མེ་གསོས་སུ་མཁོ་བ་ཞིག |
| སྤ་འབྲུ |
སྤ་འབྲུམ་དང་འདྲ། |
| སྤ་འབྲུམ |
སྨན་དུ་འགྲོ་བའི་ཤིང་སྤ་མའི་འབྲས་བུ། |
| སྤ་ཡག་རྩ་བ |
སྔོ་ཞིག |
| སྤ་ལོ |
1 སྐྲ་ལྷས་མའམ་ལན་བུ། 2 རྙིང སྤོབས་པའམ་ཧམ་པ། |
| སྤ་ལྕོག |
སྔར་བོད་ས་གནས་སྲིད་གཞུང་གི་ཤོད་དྲུང་ཚོའི་མགོ་བོའི་སྐྲ་ལྕོག |
| སྤ་ལྕོག་གའུ |
སྔར་བོད་ས་གནས་སྲིད་གཞུང་གི་ཤོད་དྲུང་ཚོའི་སྐྲ་ལྕོག་སྟེང་དུ་རྒྱག་པའི་རྒྱན་ཞིག |
| སྤ་ཤུག |
1 ཤིང་སྤ་མ་དང་ཤུག་པའི་བསྡུས་ཚིག 2 རྙིང ཁྱོ་ཤུག |
| སྤ་སྒོར |
གཙང་མོའི་མགོ་རྒྱན་གྱི་བྱེ་བྲག་ཅིག |
| སྤག |
(བྱེད་འབྲེལ་ལས་ཚིག་མ་འོངས་པ)དམའ་ས་ནས་མཐོ་སར་སྤོར་བའི་དོན་ཏེ། སྤག་བྱའི་གོ་ས་ཞེས་པ་ལྟ་བུ། |
| སྤག་པ |
སྤོག་པའི་མ་འོངས་པ། |
| སྤགས |
1 རྩམ་པ་བརྫིས་པའི་ཟན་རིགས། སྤགས་གཡོ་བ། སྤགས་ཁ་ལ་ཟ་བར་ལམ་ལྟག་ཁུང་དུ་སྐོར་དོན་མེད། 2 རྙིང འཕག་པ། |
| སྤགས |
‘སྤག’ལ་ལྟོས། ཟས་ཀྱི་སྤོད་ཡའི་མིང་གཞན། ０(བྱེད་མེད་ལས་ཚིག) སྦོས་ནས་ཇེ་ཆེར་གྱུར་པའི་དོན་ཏེ། ཁ་སྤགས་འགྲམ་སྤགས་ས་ངོས་སྤགས་ལྟ་བུ། |
| སྤགས་ཁུ |
སྤགས་གཡོ་བྱེད་ཀྱི་ཁུ་བ་ཇ་ཆང་སོགས། |
| སྤགས་ཆང |
ཟན་ཆང༌། |
| སྤགས་ཐང |
ཡུལ སྤགས་གཡོ་སྣོད་པགས་པའི་ཁུག་ཆུང༌། |
| སྤགས་པ |
1 སྤོག་པའི་འདས་པ། 2 རྙིང སྟ་གོན་བྱས་པ། |
| སྤགས་པ་སློང་བའི་སྤང་བ |
སྤང་ལྟུང་སུམ་ཅུའི་ནང་གསེས་ཤིག་ཉེ་མིན་ཁྱིམ་པས་བློས་གང་སྤོགས་ཀྱིས་སྦྱིན་པར་རྩོམ་པའི་ཚེ། དེ་ལས་ལྷག་པའི་རིན་ཐང་སོགས་བཟང་བ་ཞིག་དགོས་ཞེས་བསླངས་པ་ལྟ་བུའོ། |
| སྤགས་ཕོར |
1 སྤགས་གཡོ་བ་དང་ཟ་བའི་སྣོད། 2 ཤིང་སོགས་ལས་བཟོས་པའི་རྩམ་ཕོར། |
| སྤགས་ཕྱིས་རྒྱག་པ |
སྤགས་ཀྱིས་དྲེག་པའམ་ནག་ནོག་ཕྱི་བ། |
| སྤགས་བརྫི་བ |
སྤགས་གཡོ་བ། |
| སྤགས་བསྒོངས་པ |
སྤགས་རིལ་རིལ་བཟོས་པ། སྒོ་ཕྱུགས་འཚོ་བར་འགྲོ་དུས་སྤགས་བསྒོངས་ཏེ་འཁྱེར་བ། |
| སྤགས་མ |
སྤགས་དང་མཉམ་དུ་ཟ་བའི་ཟས། |
| སྤགས་ཟན |
སྤགས་ཟ་མཁན། |
| སྤགས་ཟས |
རྩམ་པའི་ཟན། |
| སྤགས་འདེད |
སྤགས་དང་མཉམ་དུ་ཟ་བའི་ཟས་རིགས། |
| སྤགས་ལུག |
ཤའི་ཆེད་དུ་སྤགས་བྱིན་ནས་གསོ་བའི་ལུག |
| སྤང |
1 རྩྭ་སྔོན་ཐུང་ངུ་ཁྱབ་པར་སྐྱེས་པའི་ས་ཆ། དབྱར་ཁའི་སྤང་ལ་མི་སྐྱེ་དགུ་སྐྱེ་སྐྱེ། འཇིག་རྟེན་མི་ལ་མི་ཡོང་དགུ་ཡོང་ཡོང༌། 2 ཚོན་ལྗང་ཁུ་སྟེ་སྤང་མ་ཡང་ཟེར། 3 ཟངས་ཀྱི་གཡའ་ལྗང་ཁུ་ལ་ཡང་ཟེར།…4.(བྱེད་འབྲེལ་ལས་ཚིག་མ་འོངས་པ) ཡལ་བར་དོར་བའི་དོན་ཏེ། སྤང་བྱའི་སྤྱོད་ངན། སྤྱོད་ངན་སྤང་བར་བྱ་ལྟ་བུ། |
| སྤང་ཁ |
རྩྭ་སྔོན་སྐྱེ་བའི་ཐང་སྟེང༌། |
| སྤང་གཤོངས |
1 སྤང་ལྗོངས་ཏེ་རྩྭ་སྔོན་གྱིས་ཁྱབ་པའི་ས་ཆ། 2 སྤང་ལྗོངས་དམའ་ས། |
| སྤང་གི་ཧོང་ལེན |
སྔོ་ཞིག |
| སྤང་གོང་མཚོ |
བོད་རང་སྐྱོང་ལྗོངས་ཀྱི་ནུབ་རྒྱུད་རུ་ཐོག་རྫོང་དུ་ཡོད་པའི་མཚོ་ཞིག་ཡིན་ཞིང༌། མཚོ་མོ་འདིའི་ནུབ་ངོས་ཀྱི་སྣེ་མོ་དེ་ཀསྨིར་གྱི་ནང་དུ་ཆུད་ཅིང་མཚོ་འདིའི་ནུབ་རྒྱུད་དེ་ཚྭ་ཆུ་དང་ཤར་རྒྱུད་དེ་མངར་ཆུ་ཡིན། |
| སྤང་ཐང |
སྤང་རྩྭ་སྔོན་པོ་སྐྱེས་པའི་ས་ཐང༌། ཉམས་དགའི་སྤང་ཐང༌། |
| སྤང་ཐོག་པ |
སྔོ་ཞིག |
| སྤང་བ |
1. སྤོང་བའི་མ་འོངས་པ། 2. རྙིང མི་འཇིགས་པ། |
| སྤང་བ་སྦྱིན་པ |
མི་འཇིགས་པ་སྦྱིན་པ། |
| སྤང་བའི་རྗེས་སུ་ཕྱོགས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་འདུན་གྱི་གནས་ནས་ཕྱུང་བའི་དགེ་སློང་དང་ལྷན་ཅིག་སྤྱོད་ལམ་མཐུན་པའོ། |
| སྤང་བའི་ལྟུང་བྱེད |
དགེ་སློང་གི་ལྟུང་བ་ཞིག |
| སྤང་བྱ |
བྱེད་མི་རུང་བ་སྟེ། རྩ་ཉོན་དྲུག་དང་ཉེ་ཉོན་ལ་སོགས་པའི་སྤང་བྱ། |
| སྤང་བྱ་བཅུ |
སྤང་བྱ་ཡན་ལག་བཅུའང་ཟེར། དགེ་ཚུལ་གྱི་སྤང་བྱ་བཅུ་སྟེ། རྩ་ལྟུང་བཞི་དང༌། ཆང་འཐུང་བ། གར་སོགས། ཕྲེང་སོགས། མལ་སྟན་ཆེ་མཐོ། དུས་མིན་ཁ་ཟས། ཆགས་པས་གསེར་དངུལ་ལེན་རེག་བྱེད་པ་བཅས་བཅུའོ། |
| སྤང་བྱ་བདེན་པ་གཉིས |
སྡུག་བསྔལ་བདེན་པ་དང༌། ཀུན་འབྱུང་བདེན་པ། |
| སྤང་བྱ་རིས་ལྔ |
ཁམས་གསུམ་གྱི་སྤང་བྱ་རྣམས་རིས་ལྔར་དབྱེ་བ་སྟེ། མཐོང་ལམ་དུ་བདེན་བཞི་མཐོང་བས་སྤང་བྱ་ཀུན་བཏགས་ཀྱི་ཆ་བཞི་དང༌། སྒོམ་ལམ་གྱི་སྤང་བྱ་ལྷན་སྐྱེས་བཅས་རིས་ལྔ། |
| སྤང་བྱ་སྤོང་ཚུལ་གཉིས |
མངོན་འགྱུར་རེ་ཞིག་ཉམས་སྨད་པ་དང༌། ས་བོན་གཏན་དུ་སྤངས་ཏེ་སྐྱེ་མི་རུང་གི་ཆོས་ཅན་དུ་བྱས་པའོ། |
| སྤང་བླང |
སྤང་བྱ་དང་བླང་བྱ་གཉིས་ཀྱི་བསྡུས་མིང་སྟེ། སྤང་བྱ་ནི་བསམ་སྦྱོར་ངན་པའི་རིགས་དང༌། བླང་བྱ་ནི་བསམ་སྦྱོར་བཟང་པོའི་རིགས་སོ། བྱ་སྤྱོད་ལ་དངོས་སུ་མ་ཞུགས་གོང་ནས་རྟོག་དཔྱོད་སྤང་བླང་འཛོལ་མེད་བྱེད་དགོས། |
| སྤང་མ |
ཚོན་ལྗང་གུ། མིང་གི་རྣམ་གྲངས་ལ་སྔོན་པོ་དང༌། སྤང་མ་བཏུལ་མ། སྤང་མའི་མིག་སྨན། རྨ་བྱ་ཅན། རྩེ་ཅན་མགྲིན་བཅས་སོ། |
| སྤང་མཚེ |
མཚེ་ལྡུམ་ནང་ཚན་སྤང་ལ་སྐྱེ་བ་ཞིག |
| སྤང་མའི་མིག་སྨན |
མངོན ཚོན་སྤང་མ། |
| སྤང་ཚན |
སྔོ་ཞིག |
| སྤང་ཚན་སྤུ་རུ |
སྔོ་ཞིག |
| སྤང་ཚན་སྤུ་རུག |
སྔོ་ཞིག |
| སྤང་ཚོན |
ཚོན་ལྗང་ཁུ་སྤང་མ། |
| སྤང་ཞུན |
1 ཚོན་ལྗང་གུའི་ཁུ་བ། 2 རྡོ་སྨན་གྱི་རིགས་ཤིག་སྟེ། ནུས་པས་མཁྲིས་ནད་སོགས་སྐྱུག་པར་བྱེད། |
| སྤང་འབུར |
རྩྭ་སྔོན་གྱིས་ཁྱབ་པའི་དེའུ་འབུར། སྤང་འབུར་ཆུང་ཆུང་ཞིག་གི་སྟེང་དུ་སླེབས། |
| སྤང་རམ |
སྤང་ལ་སྐྱེས་པའི་རམ་བུ་སྟེ། ནུས་པས་འཁྲུ་བ་གཅོད། |
| སྤང་རི |
སྤང་རྩྭ་སྐྱེ་བའི་རི། ར་དགའ་བ་རྫ་རི་དང༌། ལུག་དགའ་བ་སྤང་རི། མིང་གི་རྣམ་གྲངས་ལ་སྤང་གི་རི་བོ་དང་སྨན་གྱི་ལྗོངས་སོ། |
| སྤང་རྐྱང |
1 ཚོན་སྤང་མ་རྐྱང་རྐྱང༌། 2 ཤིང་ནགས་མེད་པའི་སྤང་རི་དང་སྤང་ཐང་ཁེར་རྐྱང༌། སྤང་རྐྱང་ལྗང་གུ་མར་གད་ས་གཞི་འདྲ། |
| སྤང་རྒྱན |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། ལོ་མ་ཀྱི་ལྕེའམ་ཤེལ་ཏང་དང་འདྲ། མེ་ཏོག་གི་མདོག་གི་སྒོ་ནས་སྤང་རྒྱན་དཀར་སྔོ་ཁྲ་གསུམ་ཡོད། |
| སྤང་རྒྱན་ཁྲ་བོ |
སྔོ་ཞིག |
| སྤང་རྒྱན་དཀར་པོ |
སྔོ་སྨན་མེ་ཏོག་གི་རིགས་ཤིག་སྟེ། རོ་མངར་ལ་ཁ། ཞུ་རྗེས་བསིལ། ནུས་པས་གྲེ་བའི་དུག་ཚད་འཇོམས། སྐད་འགག་སེལ། |
| སྤང་རྒྱན་ནག་པོ |
སྔོ་སྨན་གྱི་རིགས་སྤང་རྒྱན་མེ་ཏོག་སྔོ་ནག་འཆར་བ་ཞིག་སྟེ། རོ་ཁ། ཞུ་རྗེས་བསིལ། ནུས་པས་འབྲུམ་ནད་དང༌། གྲུམ་བུ། མེ་དབལ་སོགས་ལ་ཕན། |
| སྤང་རྒྱན་མེ་ཏོག |
སྤང་གི་ཐོག་ཤར་བའི་མེ་ཏོག་ཆུང་ཆུང་ཚོས་གཞི་སྣ་ཚོགས་ཡོད་པ་ཞིག མིང་གི་རྣམ་གྲངས་ལ་ཀུན་ཏུ་གས་དང༌། ཁྱབ་འཇུག་གནོན་པ། སྟོན་གྱི་མེ་ཏོག་བ་ལང་ཟས། གཞན་གྱིས་མི་ཐུབ། གཞན་ལས་རྒྱལ། རི་བོའི་རྣ་རྒྱན་བཅས་སོ། |
| སྤང་རྒྱན་སྔོན་པོ |
སྔོ་ཞིག |
| སྤང་རྒྱུས |
རྡོ་སྨན་གྱི་རིགས་དབྱིབས་རྒྱུས་ཕྲན་གཤིབ་པ་དང་འདྲ་ཞིང་མདོག་སྤང་མ་དང་མཚུངས་པ་ཞིག་སྟེ། རོ་བསྐ། ཞུ་རྗེས་དྲོད། ནུས་པས་ཆུ་རྒྱུས་ཆད་པ་དང༌། ཆུ་རྒྱུས་རེང་འཁུམ་དུ་གྱུར་པ་སོགས་ལ་ཕན། |
| སྤང་རྟེན |
གྲངས་གནས་ཤིག |
| སྤང་རྡོལ |
འོག་ཏུ་ཆུ་ཡོད་པའི་སྤང་ས་རྡོལ་བ། གློ་བུར་སྤང་རྡོལ་ལྟ་བུའི་བྱ་དངོས་གསར་པ་མང་པོ་ཐོན་པ། |
| སྤང་རྩི |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། འདི་ལ་སྤང་རྩི་དོ་བོ་དང་སྤང་རྩི་འབྱར་བག་པ། ལུག་རྩི་དོ་བོ་བཅས་རིགས་གསུམ་ཡོད། |
| སྤང་རྩི་དོ་བོ |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་རིམས་དང༌། དུག་ཚད། ཚ་བ་གསར་རྙིང༌། དྲེག་གྲུམ། ཁྲག་ནད། རྒྱུ་གཟེར། ཚ་འཁྲུ་བཅས་ལ་ཕན། མིང་གི་རྣམ་གྲངས་ལ་ཀུན་བྱེད་རྒྱལ་པོ་དང༌། ཆིག་ཐུབ་དཀར་པོ། ཐེའུ་རང་མགོ། ཐོག་དཀར་མགོ་དགུ། དོ་བོ་མོ། བདུད་རྩི་འཆི་སོས། བེ་དོ། མི་རྒན་མགོ་བོ། རྩི་མགོ་རྡོག་ཟླ་བའི་བཅུད། ཨ་མགོ་བེར་ག།ཨ་མགོ་བེར་གྱོན་བཅས་སོ། |
| སྤང་རྩི་འབྱར་བག |
སྔོ་ཞིག |
| སྤང་ལ་མེ་ཤོར |
ཤེས་རབ་རྣོ་ཡང་བརྩོན་འགྲུས་མེད་པའི་དཔེ། ཤེས་རབ་རྣོ་བ་སྤང་ལ་མེ་ཤོར་འདྲ། བརྩོན་འགྲུས་ཅན་གྱིས་རྡོ་ལ་བུག་པ་འབིགས། འཕྲལ་ཧུར་ལ་མཐར་མི་འཁྱོལ་བ་སྤང་ལ་མེ་ཤོར་ལྟ་བུའི་ཚབ་ཚུབ་བྱེད་པ། |
| སྤང་ལེབ |
ཤིང་ལེབ་ཀྱི་མིང་གཞན། |
| སྤང་ལྗོངས |
རྩྭ་སྔོན་སྐྱེས་པའི་ཡུལ་ལྗོངས། སྤང་ལྗོངས་ནེའུ་གསིང་མེ་ཏོག་རྒྱས་པ། |
| སྤང་ལྟུང |
སྤང་བའི་ལྟུང་བྱེད་དེ། གང་ལ་ལྟུང་བ་འབྱུང་བའི་དངོས་པོ་སྟེ་བྱིན་གྱིས་མ་བརླབས་པའི་གོས་སྟན་སོགས་སྤང་བའི་སྒོ་ནས་ཕྱིར་བཅོས་བྱེད་དགོས་ཤིང༌། མ་བཅོས་ན་རྣམས་སྨིན་ངན་སོང་དུ་ལྟུང་བྱེད་པ་སྟེ་སོ་ཐར་གྱི་ལྟུང་བྱེད་པ་སྟེ་སོ་ཐར་གྱི་ལྟུང་བ་སྡེ་ལྔའི་ནང་ཚན་ཞིག |
| སྤང་ལྟུང་གི་སྡེ |
སྤང་ལྟུང་དང་དོན་གཅིག་ |
| སྤང་ལྟུང་བཅུ་ཚན་གཉིས་པ |
དགེ་སློང་གི་སྤང་བྱ་སྤང་བའི་ལྟུང་བ་སུམ་ཅུ་ལས། བཅུ་ཚན་གཉིས་པ་སྟེ། སྲིན་བལ་གྱི་སྟན་གྱི་སྤང་བ་དང༌། བལ་ནག་གི་སྟན་གྱི་སྤང་བ་དང༌། ཆ་གཉིས་བསྲེས་པའི་སྤང་བ་དང༌། ལོ་དྲུག་གི་སྤང་བ་དང༌། མཐོ་གང་གི་སྤང་བ་དང༌། ལམ་དུ་བལ་ཐོགས་པའི་སྤང་བ་དང༌། བལ་འཁྲུར་འཇུག་པའི་སྤང་བ་དང༌། རིན་པོ་ཆེ་ལ་རེག་པའི་སྤང་བ་དང༌། མངོན་མཚན་ཅན་གྱི་སྤང་བ་དང༌། ཉོ་ཚོང་བྱེད་པའི་སྤང་བ་སྟེ་བཅུའོ། |
| སྤང་ལྟུང་བཅུ་ཚན་གསུམ་པ |
དགེ་སློང་གི་སྤང་བྱ་སྤང་བའི་ལྟུང་བ་སུམ་ཅུ་ཡོད་པ་ལས། བཅུ་ཚན་གསུམ་པ་ལ། ལྷུང་བཟེད་འཆང་བའི་སྤང་བ་དང༌། ལྷུང་བཟེད་ལྷག་པོ་འཆང་བའི་སྤང་བ་དང༌། ཐགས་འཐག་ཏུ་འཇུག་པའི་སྤང་བ་དང༌། འཐག་པ་བསྐྱེད་པའི་སྤང་བ་དང༌། བྱིན་འཕྲོག་གི་སྤང་བ་དང༌། གཏད་པ་ལས་བྱུང་བའི་སྤང་བ་དང༌། དགོན་པའི་འབྲལ་སྤང༌། རས་ཆེན་གྱི་སྤང་བ་དང༌། བསྔོས་པ་གཞན་དུ་བསྒྱུར་བའི་སྤང་བ་དང༌། གསོག་འཇོག་གི་སྤང་བ་སྟེ་བཅུའོ། |
| སྤང་ལྟུང་བཅུ་ཚན་དང་པོ |
སྤང་བའི་ལྟུང་བ་བཅུ་ཚན་གསུམ་གྱི་དང་པོ་ལ། གོས་ལྷག་འཆང་བའི་སྤང་བ། འབྲལ་བའི་སྤང་བ་དང༌། ཟླ་འཇོག་གི་སྤང་བ་དང༌། ཆོས་གོས་འཁྲུར་འཇུག་གི་སྤང་བ་དང༌། གོས་ལེན་པའི་སྤང་བ་དང༌། སློང་བའི་སྤང་བ་དང༌། ལྷག་པོར་ལེན་པའི་སྤང་བ། སྤགས་པ་སློང་བའི་སྤང་བ། སོ་སོ་ནས་སྤགས་པ་སློང་བའི་སྤང་བ། བསྐུལ་བའི་སྤང་བ་སྟེ་བཅུའོ། |
| སྤང་ལྟུང་སུམ་ཅུ |
དགེ་སློང་གི་སྤང་བྱ་ལྟུང་བྱེད་ཀྱི་སྡེའི་ནང་གསེས། གང་ལ་ལྟུང་བ་བྱུང་བའི་དངོས་པོ་དེ་སྤང་བའི་སྒོ་ནས་ཕྱིར་བཅོས་དགོས་ཤིང༌། མ་བཅོས་ན་རྣམ་སྨིན་ངན་སོང་དུ་ལྟུང་བར་བྱེད་པ་དང༌། གྲངས་ནི་བཅུ་ཚན་གསུམ་ཡོད་དོ། |
| སྤང་ཤ |
1སྤང་ཁར་སྐྱེས་པའི་ཤ་མོའི་མིང་། 2རྩྭ་མྱུག་མཐུག་པོར་སྐྱེས་པའི་ས་ངོས་ཀྱི་མིང་། |
| སྤང་སེང |
ཡུལ ལྗང་སྐྱ་ལས་དཀར་ཤས་ཅུང་ཟད་ཆུང་བ། |
| སྤང་སྐོང་ཕྱག་བརྒྱ་པའི་མདོ |
བོད་རྗེ་ལྷ་ཐོ་ཐོ་རི་གཉན་བཙན་གྱི་དུས་སུ་མདོ་སྡེ་ཟ་མ་ཏོག་དང་མཉམ་དུ་བྱུང་བའི་ཆོས་ཚན་ཞིག |
| སྤང་སྤོས |
སྔོ་སྨན་གྱི་རིགས་ཤིག་སྟེ། རོ་ཅུང་ཟད་ཁ། ཞུ་རྗེས་བསིལ། ནུས་པས་དུག་ཚད་དང༌། སྙིང་ཚད་ཚ་བས་ལུས་སྐྲངས་པ་བཅས་ལ་ཕན། མིང་གི་རྣམ་གྲངས་ལ་དྲི་སྲས་དང་སྤུ་ཅན་ནོ། |
| སྤངས |
འདས་པ་སྟེ། ལེ་ལོ་སྤངས་ནས་སློབ་སྦྱོང་ལ་བརྩོན་ཞེས་པ་ལྟ་བུ། |
| སྤངས་ནས་མེད་པའི་བྱེད་རྒྱུ |
རྒྱུའི་རྒྱན་གྱི་ནང་གསེས་ཤིག་སྟེ། མི་འདོད་པ་འབྱུང་བའི་ཉེས་རྒྱུ་རྩ་བ་ནས་སྤངས་ནས་མེད་པའི་རྒྱུ་དངོས་མེད་དེས། འབྲས་བུ་ཕུན་ཚོགས་འཕེལ་བ་དངོས་པོར་གྱུར་པ་བསྐྱེད་པ་སྟོན་པའི་རྒྱུའི་རྒྱན་ཞིག |
| སྤངས་པ |
1. སྤོང་བའི་འདས་པ། 2. རྙིང བཅོལ་བ། |
| སྤངས་པ་ཕུན་ཚོགས་ལ་མི་འཇིགས་པ |
མི་འཇིགས་པ་བཞིའི་ཡ་གྱལ་ཞིག་སྟེ། འདོད་ཆགས་ལ་སོགས་པ་ཟག་པ་ཐམས་ཅད་ཟད་པ་ཡིན་པའི་ཕྱིར། དེ་ལྟར་ཞལ་གྱིས་བཞེས་པ་རྣམས་ལ་རྒོལ་བའི་གནས་མེད་པ། |
| སྤངས་པ་ཟ་བའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། བྱིན་ལེན་བྱས་པའི་ཟས་བསམ་སྦྱོར་གྱིས་སྤངས་པ་སླར་ལྷག་པོ་མ་བྱས་པར་ཟ་བའོ། ཁ་ཟས་ཟོས་མ་ཟིན་པར་ལངས་ནའང་བརྩམས་ལྡང་ཞེས་བྱ་བའི་ལྟུང་བའོ། |
| སྤངས་པ་ཟུང་འཇུག |
སྔགས་ལུགས་ཀྱིས་ཉོན་སྒྲིབ་ཟད་པར་སྤངས་ཏེ་དག་པའི་རྒྱུ་ལུས་དངོས་ཐོབ་པ་སྟེ་སློབ་པའི་ཟུང་འཇུག་ཕལ་པའོ། |
| སྤངས་པ་ས་གཞན་ན་གནས་པ |
སྤྱོད་པ་གཞན་ན་གནས་པའི་གཞིའི་ནང་གསེས། གནས་དབྱུང་བདུན་དང་དགེ་ཚུལ་བསྙིལ་བའོ། |
| སྤངས་པ་སྟོབ་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། དགེ་སློང་གཞན་གྱིས་སྤངས་པའི་ཟས་ལྷག་པོར་མ་བྱས་བཞིན་དུ་བྱས་སོ་ཞེས་བསྟབས་ན་སྟོབ་པ་པོ་ལ་ལྟུང་བའོ། |
| སྤངས་རྟོགས |
དྲི་མ་བྲལ་ཞིང་ཡོན་ཏན་ཁོང་དུ་ཆུད་པ་སྟེ། སྒྲིབ་གཉིས་བག་ཆགས་དང་བཅས་པ་ཐམས་ཅད་བྱང་བ་དང༌། ཇི་ལྟ་ཇི་སྙེད་ཀྱི་མཁྱེན་པ་མངོན་དུ་བརྙེས་པ་ནི་བདེ་བར་གཤེགས་པའི་སྤངས་རྟོགས་ཀྱི་ཡོན་ཏན་ཕུན་སུམ་ཚོགས་པའོ། |
| སྤངས་རྟོགས་ཡོན་ཏན |
སངས་རྒྱས་ཀྱི་ཆེ་བའི་ཡོན་ཏན་གཉིས་ཏེ། ཉོན་ཤེས་ཀྱི་སྒྲིབ་པ་མཐའ་དག་སྤངས་ཤིང༌། ཇི་ལྟ་ཇི་སྙེད་ཀྱི་ཤེས་བྱ་ཐམས་ཅད་རྟོགས་པའོ། |
| སྤད |
བུ། ཕ་སྤད། དེ་རིང་ཕ་སྤད་གཉིས་ཀ་ཁྱིམ་དུ་བསྡད་འདུག |
| སྤན་སྤུན |
སྤུན་རྒན་གཞོན། |
| སྤབས |
1 རྡུལ་རིམ་པར་ཆགས་པ། རྡུལ་སྤབས། དུ་བའི་སྤབས། རྣ་སྤབས། 2 བཞའ། སྐམ་ཐག་མ་ཆོད་པར་ད་དུང་སྤབས་བསྡད་འདུག འབྲུ་ལ་སྤབས་ཤོར་ན་རུལ་ཡོང༌། |
| སྤབས་རྡུལ |
མཐུག་པོར་ཆགས་པའི་ཐལ་རྡུལ། |
| སྤམ |
(རྒྱན་ཚིག) མཛེས་པ་དང་ལེགས་པའི་བརྡ་རྙིང་སྟེ། དིག་པ་སྨྲ་བ་ཉུང་ན་སྤམ། མི་ཤེས་ཤེས་ཁུལ་མི་བྱེད་བཞག་ན་སྤམ་ལྟ་བུ། (བྱེད་འབྲེལ་ལས་ཚིག) བཏུལ་བ་དང་ཕམ་པར་བྱས་པའི་དོན་ཏེ། རྟ་རྒོད་ལྕག་གིས་སྤམ། དགྲ་བོ་འཐབ་ནས་སྤམ་ལྟ་བུ། (ཨ་མདོའི་ཡུལ་སྐད) ０མཐོ་ཚད་ཀྱི་མིང་སྟེ། རི་བོ་ལྟར་སྤམ་མཐོ་བ་ཞེས་པ་ལྟ་བུ། |
| སྤམ་ཆེ་བ |
1 ཕོན་ཆེ་བ་དང་འབོར་ཆེ་བ། རྒྱུ་དངོས་སྤམ་ཆེ་བ། ཐོན་ཟོག་སྤམ་ཆེ་བ། 2 སྤམ་རྫུ་ཆེ་བའི་མི། |
| སྤམ་པ |
འཚམ་པའམ་འོས་པ། རྣམ་འགྱུར་སྤམ་པ་ཞིག་བསྟན་པ། སྐད་ཆ་ཤོད་སྟངས་སྤམ་པ་འདུག ཡར་བཞེངས་པ་ལས་མར་བཞུགས་པ་སྤམ། སྟོད་གོས་དེ་ཁྱེད་ལ་སྤམ་པ་འདུག བླུན་པོ་སྨྲ་བ་ཉུང་ན་སྤམ། བོང་འགྲོས་དལ་བུར་ཕྱིན་ན་སྤམ། |
| སྤམ་པོ |
འབྲིང་ཙམ། མི་དེ་སྤམ་པོ་ཞིག་འདུག མི་དེ་སྤམ་པོ་ཞིག་ལས་མི་འདུག ཚོད་བཟུང་ནས་སྤམ་པོ་ཞིག་ལ་ཞོག་ཅིག |
| སྤམ་བཤད |
སྤོམ་བཤད་དང་འདྲ། |
| སྤམ་མེ་བ |
བབ་ཆགས་སེ་བའམ་མཛེས་ཙམ་ཡོད་པ། ལས་ཀ་བྱེད་སྟངས་སྤམ་མེ་བ། |
| སྤམ་མེ་སྤོམ་མེ |
1 ཕྱི་ནང་མི་མཚུངས་པའི་སྤོམ་ཡོར་གྱི་ཚུལ། ཁ་མཁས་འདྲ་ཆགས་ཀྱི་སྤྱོད་ཚུལ་སྤམ་མེ་སྤོམ་མེ་བྱེད་མཁན་མི་དེ་གཡོ་སྒྱུ་ཚ། 2 ཞིབ་ཆ་མིན་པའི་འགག་སྡོམ་རགས་ཙམ་པ། ལས་དོན་གྱི་འཆར་གཞི་སྤམ་མེ་སྤོམ་མེ་ཞིག་བཏིང་ཟིན། |
| སྤམ་རྫུ |
ཁ་ཞེ་མི་མཚུངས་པའི་རྣམ་འགྱུར་ཏེ་གཞན་ངོར་འདྲ་ཆགས་ཀྱི་ཟོལ། སེམས་ཀྱིས་འདོད་ཀྱང་ཁ་ནས་མི་འདོད་ཁུལ་གྱི་སྤམ་རྫུ་སྟོན་པ། |
| སྤམ་ལ་མཛེས་པ |
ཚུལ་དང་མཐུན་ལ་མཚར་བ། གྱོན་ཆས་སྤམ་ལ་མཛེས་པ་ཞིག་གྱོན་འདུག |
| སྤམ་སྤོམ |
སྤམ་མེ་སྤོམ་མེའི་བསྡུས་ཚིག་ |
| སྤའུ |
ཡུལ ས་ཕག་གམ་སོ་ཕག |
| སྤར |
1 པར་གྱི་འབྲི་སྲོལ་གཞན་ཞིག 2 རྙིང འཕར་བ། |
| སྤར་ཁ |
སྤར་ཁ་བརྒྱད་ཀྱང་ཟེར། འབྱུང་རྩིས་ལས་བཤད་པའི་པཱ་(BKVA)འི་སྒྲ་ཟུར་ཉམས་པ་སྟེ། ནང་གསེས་སུ་ལི། ཁོན། དྭ། ཁེན། ཁམ། གིན། ཟིན། ཟོན་བཅས་མཚན་མ་བརྒྱད་ཀྱི་རི་མོ་སྟེ། དོན་ལ། མེ། ས། མཚེའུ། གནམ། ཆུ། རི། གནམ་ལྕགས། རླུང་བཅས་བརྒྱད་དོ། |
| སྤར་ཁ་བརྒྱད |
སྤར་ཁ་དང་དོན་གཅིག་ |
| སྤར་ཁྱིམ |
ལག་པའི་སྤར་བའམ་ཆངས་པ་སྟེ་སྦར་མོ། ཆུ་སྤར་ཁྱིམ་གང༌། མི་ངན་སྤར་ཁྱིམ་གང་ཙམ། |
| སྤར་གང |
ལག་པའི་ཁྱོར་གང་ངམ། སྦར་བ་གང༌། ནས་སོན་སྤར་གང༌། |
| སྤར་པ |
སྤར་རྒྱག་མཁན། |
| སྤར་བ |
1. སྤོར་བའི་འདས་པ་དང་མ་འོངས་པ། 2. ལག་པའི་མཐིལ་སོར་བསྡོམས་པའི་མིང༌། |
| སྤར་མ |
པར་མ་དང་འདྲ། |
| སྤར་མོ |
གཅན་གཟན་གྱི་ཡན་ལག་བཞིའི་མཛུབ་མོའི་མིང་སྟེ། སྟག་གི་སྤར་མོ། གཅན་གཟན་གྱི་སྤར་མོ་ཞེས་པ་ལྟ་བུ། ཚིག་བསྡུས་ན‘སྤར’འབྲི་སྟེ། སྤར་འདྲད་ཅེས་པ་ལྟ་བུ། |
| སྤར་མོ་ལྷོད་པ |
སེར་སྣ་མེད་པའམ། གཏོང་ཕོད་ཆེ་བ། སྤར་མོ་ལྷོད་པའི་མི་ལ་རྒྱུ་ནོར་གཉེར་གཏོད་མི་ཉན། |
| སྤར་ཚད |
1 ལག་པའི་ཁྱོར་ཚད། རྒྱ་མཚོའི་ཆུ་འབོར་ཆེ་བས་སྤར་ཚད་ཀྱིས་འཇལ་མི་ཐུབ། 2 མང་དུ་བཏང་བའི་ཚད། མི་གྲངས་སྤར་ཚད་ཇི་ཙམ་ཡིན། 3 མཐོ་རུ་བཏང་བའི་ཚད། རིན་གོང་སྤར་ཚད་རན་པ་ཙམ། |
| སྤར་ཚོད |
སྦར་མོའི་ཚོད། ཁ་སྐོམ་དུས་འཐུང་ཆུ་སྤར་ཚོད་གང་ཙམ་བྱུང་ཡང་ཕན་ཐོགས་ཆེ། འབོ་བྲེ་ཡོད་བཞིན་དུ་འབྲུ་ལ་སྤར་ཚོད་བྱེད་མི་དགོས། |
| སྤར་འཐམ་པ |
1 ལག་པའི་སྦར་མོས་དམ་དུ་འཛིན་པ། སོ་སོའི་མེ་མདར་སོ་སོས་སྤར་འཐམ་པ། 2 ལག་པའི་རྩ་འཁུམ་པ། བྱིའུ་གཅིག་སྤར་འཐམས་ནས་སར་ལྷུངས་པ། |
| སྤར་འཛིན |
ལག་པའི་སྦར་མོས་འཆང་བ། རླུང་ལ་ཞགས་པ་འཕེན་པ་དང༌། གྲིབ་ནག་སྤར་འཛིན་རྒྱག་པ། མཚོན་ཆ་སྤར་འཛིན་བྱེད་པ། ཉ་ལ་སྤར་འཛིན་རྒྱག་པ། |
| སྤར་ཤད |
སྦར་མོའི་ལྡེར་འབྲད། མགོ་བོར་ཟ་ཕྲུག་ལང་དུས་ལག་པས་སྤར་ཤད་རྒྱག་པ། |
| སྤུ |
ལུས་སྐྱེས་ཀྱི་སྐྲ་སོགས། མགོ་སྤུ། ཁ་སྤུ། བ་སྤུ། མཆན་སྤུ། གླ་སྤུ། ཁྱི་རྔོ་བརྒྱབ་ནས་སྤུ་ཟགས་པ། སེམས་ལ་སྐྱོ་སྣང་སྐྱེས་ནས་ལུས་ཀྱི་བ་སྤུ་གཡོ་བ། |
| སྤུ་ཁ |
ནི་ཕྱུགས(གཙོ་བོ་རྟ་བོང་དྲེལ)ཀྱི་སྤུའི་མདོག་གི་མིང་སྟེ། རྟའི་སྤུ་ཁ། སྤུ་ཁ་ནག་པོ་ཞེས་པ་ལྟ་བུ། |
| སྤུ་གསར |
ལོ་གཅིག་ཙམ་ལོན་པའི་བེའུ་སོགས། |
| སྤུ་གསེད |
སྤུ་འཛིངས་པ་དབྱེ་བ་འབྱེད་པ། ལག་པས་སྤུ་གསེད་པ། ལྕགས་ཤད་ཀྱིས་སྤུ་གསེད་པ། |
| སྤུ་གྲ |
1 ཐུང་ལ་འཇམ་པའི་སྤུ་དང༌། རིང་ལ་གྱོང་བའི་གྲ། 2 སྤུའི་གྲ་མའམ་རྩེ་མོ། རྟ་ཕྱུགས་ཤ་ཤེད་རྒྱས་དུས་སྤུ་གྲ་ལེགས་པོ་ཡོང༌། གཅན་གཟན་གྱི་པགས་པ་སྤུ་གྲ་ལེགས་པ། ཝ་ལྤགས་འདྲ་འཚེམ་བྱས་ནས་སྤུ་གྲ་སྙོམས་སྒྲིག་བྱེད་པ། |
| སྤུ་གྲི |
1གྲི་རྣོ་དབལ་ཅན་གྱི་མིང་། 2སྐྲ་འབྲེག་བྱེད་ཀྱི་གྲིའི་མིང་། |
| སྤུ་གྲིའི་ཐང |
ཚ་དམྱལ་ཉེ་འཁོར་ལྷག་པ་བཅུ་དྲུག་ནང་གསེས་སྤུ་གྲིས་གཏམས་པའི་ཐང༌། |
| སྤུ་ཆེན |
སྣམ་བུ་སྤུ་ཆེན་ཞེས་སྤུ་རིང་ཙམ་ཡོད་པ་ཞིག |
| སྤུ་ཉག |
སྤུའི་རྐང༌། སྤུ་ཉག་མང་པོ་བསྒྲིལ་ཏེ་ཐག་པ་བཟོས་པ། |
| སྤུ་ཐག |
སྤུ་ལས་བཟོས་པའི་ཐག་པ། |
| སྤུ་ཐུལ |
བཙུགས་ཕྲུག་གི་ཐུལ་པ། |
| སྤུ་དཀར |
1 བལ་རྩིད་ཁུལ་ལུ་སོགས་སྤུ་མདོག་དཀར་པོའི་རིགས། 2 འབྲོག་ཁུལ་ལ་ལར་ར་ལུག་ལ་སྤུ་དཀར་ཟེར། |
| སྤུ་དཀྱིལ |
སྐྲ་དང་བ་སྤུ་སོགས་ཀྱི་དབུས། |
| སྤུ་དེ་གུང་རྒྱལ |
པུ་དེ་གུང་རྒྱལ་དང་འདྲ། |
| སྤུ་ནག |
1 སྤུ་མདོག་ནག་པོ། 2 འབྲོག་ཁུལ་ལ་ལར་མཛོ་འབྲི་སོགས་ལ་སྤུ་ནག་ཟེར། སྤུ་ནང་ཕོ་མོ། |
| སྤུ་ནོར |
གནག་ཕྱུགས། |
| སྤུ་ཕྲུག |
ཞུད་འོག་ལས་ཞན་པའི་སྣམ་བུའི་བྱེ་བྲག་ཅིག |
| སྤུ་བསྐྱུར |
སྤུ་བྱི་བའམ་སྤུ་བུད་པ། ས་ཆུའི་དྲོད་བབས་ན་དུད་འགྲོའི་སྤུ་བསྐྱུར་ཡོང༌། |
| སྤུ་བསྙལ་བ |
1 ཁོང་ཁྲོ་བཅག་པ། 2 སྒྲ་ཆུང་ངུར་བྱས་པ། 3 རྙིང ཉེས་པ་བཤགས་པ། |
| སྤུ་མ |
ཐགས་དངོས་ཁུལ་ལུ་ཅན་གྱི་མིང་སྟེ། རས་སྤུ་མ་ཞེས་པ་ལྟ་བུ། |
| སྤུ་ཙམ |
ཧ་ཅང་ཆུང་བའམ་ཕྲ་བའི་དཔེ། ངོ་སོ་སྤུ་ཙམ་ཡང་མི་གཏོང་བ། བརྩེ་སེམས་སྤུ་ཙམ་ཡང་མེད་པ། གོ་སྐབས་སྤུ་ཙམ་ཡང་མི་གློད་པ། |
| སྤུ་ཟལ |
སྤུ་མདོག་ཁྲ་ཁྲ། |
| སྤུ་ཟིང་ཟིང |
སྤུ་ལངས་པ། ཕག་པ་ཁྲོས་ནས་སྤུ་ཟིང་ཟིང་བྱེད། |
| སྤུ་འཁྱིལ |
མི་ཕྱུགས་ཀྱི་སྐྲ་སྤུའི་གཙུག་དང་སུ་ལུའི་སྤུ་འཁྱིལ། |
| སྤུ་འདྲག་པ |
ཡུལ སྤུ་འདྲེག་པ། |
| སྤུ་འཕྱག |
ས་གདན་སོགས་བཏགས་ཚར་ནས་སྤུ་སྙིགས་འཕྱག་པ། |
| སྤུ་འཛིངས |
སྤུ་འདྲེས་པ། མགོ་སྤུ་འཛིངས་ཏེ་ཕྱིང་བ་ལྟར་གྱུར་པ། |
| སྤུ་ཡི་ལྕུག་ཕོན |
རྔ་ཡབ། |
| སྤུ་རངས |
སྤུ་ཧྲེང་གི་འབྲི་ཚུལ་གཞན་ཞིག་ |
| སྤུ་རིང |
མངོན ཕག་པ། |
| སྤུ་རིས |
སྤུའི་རི་མོའམ་སྤུ་མདོག ཤེས་བྱའི་སྤུ་རིས། པགས་སློག་འཚེམ་དུས་པགས་པའི་སྤུ་རིས་སྒྲིག་པ། བདེན་རྫུན་བཟང་ངན་སྤུ་རིས་འབྱེད་པ། |
| སྤུ་རིས་གཅོད་པ |
དབྱེ་བ་གཅོད་པའམ་འབྱེད་པ། རྒྱུ་མཚན་ཡང་དག་ཡིན་མིན་གྱི་སྤུ་རིས་གཅོད་པ། |
| སྤུ་རེངས |
1 མངོན ཕག་རྒོད། 2 སྤུ་ཧྲེང་གི་འབྲི་ཚུལ་གཞན་ཞིག་ |
| སྤུ་རེངས་སྨན་པ་མི་བཞི |
ལོ་ཆེན་རིན་ཆེན་བཟང་པོའི་གསོ་རིག་གི་སློབ་མ་མྱང་འདས་སེང་གེའི་སྒྲ་དང༌། ཤ་ཀ་ཁྲི་ཡེ་ཤེས་འབྱུང་གནས། ཨོང་སྨན་ཨ་ནེ། མང་པོ་སྨན་བཙུན་ཏེ་བཞིའོ། |
| སྤུ་རྒྱལ |
རྙིང བོད་ཡུལ། |
| སྤུ་རྒྱལ་གངས་རི |
རི་བོ་ཞིག་བོད་རང་སྐྱོང་ལྗོངས་ཀྱི་སྟེང་ཆེན་རྫོང་གི་ནུབ་རྒྱུད་དུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་6328 ཡོད། |
| སྤུ་རྡུལ |
སྤུའི་རྡུལ། |
| སྤུ་རྩིད |
འཇམ་པའི་སྤུ་དང༌། རྩུབ་པའི་རྩིད་པ། |
| སྤུ་རྩེ |
སྤུ་ཡི་རྩེ་མོ། རིག་པ་སྤུ་རྩེ་སྟར་ཕྲ་བ། |
| སྤུ་རྭ |
བྱ་འུག་པའི་མགོ་དང་གཅན་གཞན་གཡིའི་རྣ་རྩེར་སྐྱེ་བའི་སྤུའི་རྭ་ཅོ། |
| སྤུ་ལ་བབ་པ |
རྙིང རུང་བའམ་བློ་ལ་འབབ་པ། |
| སྤུ་ལོང་གཡོ་བ |
སྤུ་ལངས་ཏེ་གཡོ་བ། གློ་བུར་སྐྲག་ནས་སྤུ་ལོང་གཡོ་བ། |
| སྤུ་ལོང་བ |
ལུས་སྤུ་འགྲེང་བའམ་ཟིང་བ། དགྲ་བོའི་སྤྱོད་ངན་མཐོན་ནས་ཁོང་ཁྲོ་འབར་ཏེ་ལུས་ཀྱི་སྤུ་ལོང་བ། |
| སྤུ་ལྡང་བ |
སྤུ་གྱེན་དུ་ལང་བ། གློ་བུར་དུ་འཇིགས་སྐྲག་སྐྱེས་ནས་ལུས་ཀྱི་བ་སྤུ་ལྡང་བ། |
| སྤུ་ཤད |
1 བལ་ཤད། 2 སྤུ་ཤད་ཤད་བྱེད་པའི་ཡོ་བྱད། |
| སྤུ་སུ |
ཡུན་ཐུང་ངམ་ཡུད་ཙམ། གནམ་གྲུའི་འཕྲུལ་སྟོབས་ལ་བརྟེན་ནས་དུས་ཡུན་སྤུ་སུ་ཙམ་ལ་ས་ཐག་རིང་པོར་སླེབས་པ། |
| སྤུ་སུད |
ཡུལ 1 སྤྲོ་ཐུང་ཐུང༌། ཁོ་དེང་སང་གཤིས་ཀ་འགྱུར་ནས་སྤུ་སུད་པོ་ཞིག་ཆགས་བཞག དོན་མེད་གཞན་སེམས་སྲེག་པའི་སྤུ་སུད་བྱེད། 2 རང་བཞིན་བརྟན་པོ་མིན་པའི་ངང་ཐུང་ངམ་ཡུད་ཙམ། བྱ་བ་སྤུ་སུད་ཀྱིས་བསྒྲུབས་ན་མཐའ་འཁྱོལ་དཀའ། |
| སྤུ་སྐམ་བཙུད་པ |
ཡུལ རྨས་མ་མིན་པའི་རི་དྭགས་ཤ་ཁྱིས་ཁུག་ཀྱོག་ཏུ་བཅུག་པའམ་མཐའ་ལ་བཀར་བ། |
| སྤུ་སྐུད |
བལ་ལམ་རྩིད་པའི་སྐུད་པ། |
| སྤུ་ཧྲེང |
རྫོང་ཞིག་བོད་རང་སྐྱོང་ལྗོངས་ཀྱི་མངའ་རིས་ཀྱི་ལྷོ་རྒྱུད་ན་ཡོད། སྔར་སྤུ་རང་སྟག་ལ་མཁར་ཡང་ཟེར། |
| སྤུག |
རིན་པོ་ཆེ་ཞིག་གི་མིང་། རྒྱ་སྐད་དུ‘ཧན་པོ་ཧྲི’ཟེར། |
| སྤུང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)དངོས་རྫས་མང་བོ་ཆབས་ཅིག་ཏུ་བསྡུས་ནས་བྱུར་བུར་བཞག་པ་སྟེ། འབྲུ་རིགས་རི་ལྟར་སྤུང་། རྡོ་སྤུང་བརྒྱབ་ལྟ་བུ། |
| སྤུང་གསོག |
ཕྱོགས་གཅིག་ཏུ་ཕུང་པོར་སྤུང་ཞིག་གསོག་པ། མཁོ་ཆས་སྣ་ཚོགས་སྤུང་གསོག་བྱེད་པ། |
| སྤུང་ངེ་བ |
ཕུང་ངེ་བ་དང་འདྲ། |
| སྤུང་བ |
ཐ་དད་པ སྤུངས་པ། སྤུང་བ། སྤུངས།། གཞི་གཅིག་ཏུ་གསོག་པའམ་སྡུད་པ། འབྲུ་ཁང་དུ་འབྲུ་རིགས་འབོར་ཆེན་སྤུངས་ཏེ་བཞག་ཡོད། བུད་ཤིང་རྣམས་ཕྱོགས་གཅིག་ཏུ་སྤུངས། འབྲུ་འབྲས་རི་ལྟར་སྤུང༌། རླངས་འཁོར་ནང་དུ་ཟོག་རིགས་སྣ་ཚོགས་བྱུར་བུར་སྤུངས་པ། |
| སྤུང་རི |
མཚོ་སྔོན་ཞིང་ཆེན་ཁོངས་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ཆུ་དམར་ལབ་རྫོང་གི་ལ་ཞིག |
| སྤུངས |
འདས་པ་དང་སྐུལ་ཚིག་སྟེ། བལ་དཀར་རི་ལྟར་སྤུངས་ནས་བཞག ས་སྤུངས་ཤིག་ལྟ་བུ། |
| སྤུངས་པ |
སྤུང་བའི་འདས་པ། |
| སྤུད |
(བྱེད་འབྲེལ་ལས་ཚིག) བརྒྱན་པའི་བརྡ་རྙིང་སྟེ། རྒྱན་གྱིས་སྤུད་པའི་རྟ་མཆོག་ཅེས་པ་ལྟ་བུ། |
| སྤུད་པ |
ཐ་དད་པ བརྒྱན་པ་དང༌། སྤྲས་པ། ཀླུབས་པ་སོགས། ཁང་བཟང་གི་གཞུང་སྒོ་ལ་སྒོ་རྒྱན་སྣ་ཚོགས་ཀྱིས་མཛེས་པར་སྤུད་པ། |
| སྤུན |
1 ཐགས་ཀྱི་འཕྲེད་སྐུད། ཐགས་ཀྱི་རྒྱུ་སྤུན། 2 རིགས་ཀྱི་ཉེ་དུ། མཛུབ་མོ་ལྔ་པོ་སྤུན་རེད། ལག་པའི་ཕྱི་ནང་ཤ་རེད། མིང་གི་རྣམ་གྲངས་ལ་དཀུ་མཚུངས་དང༌། སྐྱེ་གནས་གཅིག་པ། མངལ་མཚུངས་སྐྱེས། ལྟོ་གཅིག་ལྟོ་མཚུངས། སྤུན་མཆེད། མཚུངས་སྐྱེས་བཅས་སོ། |
| སྤུན་ཆ |
ཐགས་ཀྱི་སྤུན། |
| སྤུན་ཉེ |
ཤ་རུས་ཀྱི་འབྲེལ་བ་ཉེ་བའི་སྤུན་དང་སྙིང་ཉེ་བའི་མཛའ་གྲོགས། |
| སྤུན་དོག |
1 ཐགས་ཀྱི་སྤུན། 2 སྣམ་བུ་སོགས་ཀྱི་རྒྱུ་ཆ་སྣལ་མའི་དོག་པ། |
| སྤུན་དྲུང |
སྤུན་ཟླའི་དྲུང་པ་སྟེ་སྤུན་ཟླའི་ཞེ་ས། |
| སྤུན་པ |
1. སྙིང་པོ་མེད་པའམ་རྫུན་པ། གཞན་ཟེར་སྤུན་པའི་གཏམ་ལ་ཡིད་ཆེས་མེད། 2. རྙིང བསྟུན་པའམ་སྲེ་བ། |
| སྤུན་ཕྱི་ཚར |
ཡུལ རང་གི་ཕྱིས་སུ་བྱུང་བའི་སྤུན་རིགས། |
| སྤུན་བདུན་ཞོལ་པ |
མིང་རྒྱས་པ་ལ་འཕྱོངས་རྒྱས་བཀྲ་ཤིས་ཞོལ་པ་སྦས་སྣ་སྤུན་བདུན་པ་ཟེར་བ་འདི་ནི་སྔར་གྲུབ་ཆེན་ཐང་སྟོང་རྒྱལ་པོས་བོད་ཀྱི་ཆུ་ཆེན་རྣམས་ལ་ལྕགས་ཟམ་འཛུགས་བྱེད་ཀྱི་མཐུན་རྐྱེན་སློང་མོ་འཚོལ་བའི་ཐབས་སུ་ལྷོ་ཁ་ས་ཁུལ་ཁོངས་འཕྱོངས་རྒྱས་རྫོང་ཁུལ་སྦས་སྣ་ཟེར་བ་ཁྱིམ་ཚང་གཅིག་ལ་བུ་མོ་སྤུན་བདུན་ཡོད་པ་དེ་དག་ལ་བསྐུལ་ཏེ་མི་གཉིས་ཀྱིས་རྔོན་པ། གཉིས་ཀྱིས་རྒྱ་ལུ། གཉིས་ཀྱིས་ལྷ་མོ། གཅིག་གིས་སིལ་དཀྲོལ། ཐང་སྟོང་རང་གིས་རྔ་རྡུང་གནང་སྟེ་ཟློས་གར་འཁྲབས་ནས་སློང་མོ་མཛད་ཅིང༌། དེ་ནས་བཟུང་བོད་ཀྱི་ཟློས་གར་ལྷ་མོ་འཁྲབ་སྲོལ་རིམ་བཞིན་དར་སྐད། |
| སྤུན་མཆེད |
སྤུན་ནམ་སྐུ་མཆེད། |
| སྤུན་ཚ |
གཅེན་གཅུང་དང་ཚ་བོ། |
| སྤུན་ཟླ |
1མི་རབས་མཉམ་པའི་གཉེན་ཉེའི་མིང་། 2སྙིང་ཉེ་བའི་དོན་ཏེ། སྤུན་ཟླ་མི་རིགས་ཞེས་པ་ལྟ་བུ། ཐགས་དངོས་ཀྱི་སྲིད་ལ་དྲངས་པའི་ཐགས་སྐུད་ལ‘རྒྱུ་སྐུད’དང་ཞེང་ལ་དྲངས་པའི་ཐགས་སྐུད་ལ‘སྤུན་སྐུད’ཟེར། |
| སྤུན་རྒན་པ |
1 སྤུན་མཆེད་ཆེ་བ། 2 སྤུན་རྒས་འཁོགས། |
| སྤུན་ཤིང |
ས་གདན་དང་བཙུགས་ཕྲུག་སོགས་འཐག་དུས་སྤུན་དཀྲི་སའི་ཤིང༌། |
| སྤུན་སེར |
རབ་ཏུ་བྱུང་བའི་སྤུན། |
| སྤུན་སྐྱ |
1 སྤུན་མི་སྐྱའམ་ཁྱིམ་པ། 2 སྤུན་སྐུད་མདོག་དཀར་པོ། |
| སྤུན་སྔ་ཚར |
ཡུལ 1 རང་གི་སྔོན་དུ་བྱུང་བའི་སྤུན་རིགས། 2 རང་གི་ཕ་མ་གཉིས་ཆང་ས་མ་བརྒྱབ་གོང་ལ་བྱུང་བའི་ཕ་མ་གང་རུང་གི་རྗེས་ཁྲིད་སྤུན་རིགས། |
| སྤུན་སྨྱུག |
སྤུན་དཀྲི་སའི་སྨྱུག་མ། |
| སྤུབ་པ |
ཡུལ སྣོད་ཁ་འོག་ཏུ་སྟོན་པ། ཁ་སྤུབ་པའི་སྣོད་ཀྱི་ནང་དུ་བཅུད་མི་འགྲོ། དཀར་ཡོལ་ཁ་ཐུར་དུ་སྤུབ་པ། |
| སྤུར |
(བྱེད་འབྲེལ་ལས་ཚིག) བྱ་སོགས་འཕུར་དུ་བཅུག་པ་སྟེ། བྱ་ཚང་ནས་སྤུར། ཐལ་བ་རླུང་གིས་སྤུར་ལྟ་བུ། ‘པུར’གྱི་འབྲི་ཚུལ་གཞན། |
| སྤུར་ཁང |
རོ་འཇོག་ཁང༌། |
| སྤུར་ཆས |
རོ་གོས་སོགས་དུར་རྫས། |
| སྤུར་ཐལ |
མིའི་ཕུང་པོ་མེར་བསྲེགས་པའི་ཐལ་བ། |
| སྤུར་བ |
ཐ་དད་པ 1 འཕུར་དུ་འཇུག་པ་དང༌། ལྡིང་བར་བྱེད་པ། བྱེའུ་ནད་པ་གསོས་ནས་གནམ་ལ་སྤུར་བ། ལྒང་པ་ཕུས་བཀང་སྟེ་ནམ་མཁའི་མཐོངས་སུ་སྤུར། 2 སྦྱིན་པ་གཏོང་བ། བཟའ་བཏུང་སྤུར་བ། |
| སྤུར་རྒྱལ |
སྔ་རབས་ཀྱི་དུས་སུ་བོད་ཀྱི་ཡུལ་སྤྱི་ལ་ཟེར། |
| སྤུར་ལེན |
སྤོས་ཤེལ་གྱི་མིང་གི་རྣམ་གྲངས་གཞན་ཞིག |
| སྤུར་སྒམ |
རོ་སྒམ་མམ། རོ་འཇོག་སའི་སྣོད། |
| སྤུར་སྒྲོམ |
མི་རོ་འཇོག་སའི་ཤིང་སྒྲོམ། |
| སྤུར་སྦྱོང་བ |
ཕུང་པོ་ཞུགས་འབུལ་བྱེད་པ། |
| སྤུས |
དངོས་རྫས་དང་བྱ་བའི་ལེགས་ཉེས་ཀྱི་ཚད་དེ། ‘སྤུས་ཀ’ཡང་ཟེར། དཔེར་ན། སྣམ་ཕྲུག་སྤུས་ལེགས། ཅ་ལག་སྤུས་དག ཟས་སྤུས་གཙང་ཞེས་པ་ལྟ་བུ། |
| སྤུས་ཀ |
དངོས་པོའི་རྒྱུ་དག ཐོན་ཟོག་སྤུས་ཀ་བཟང་ངན་ལ་གཞིགས་ནས་ཐོན་སྐྱེད་ལས་དོན་ལེགས་ཉེས་ཚོད་ཐིག་པ། |
| སྤུས་ཁ |
སྤུས་ཀ་དང་འདྲ། |
| སྤུས་གཙང |
རྒྱུ་དག་ལེགས་པོ། བྱ་སྤྱོད་སྤུས་གཙང༌། ལས་ཀ་སྤུས་གཙང༌། རས་ཆ་སྤུས་གཙང༌། |
| སྤུས་གཟིགས |
1 མཁོ་ཆས་ཉོ་བའི་ཞེ་ཚིག ཐོན་སྐྱེད་རྒྱུ་ཆས་གང་མཁོ་འཕྲལ་འཕྲལ་སྤུས་གཟིགས་གནང་བ། 2 དངོས་པོ་ལེགས་ཉེས་སྤུས་ཀ་ལྟ་བ། |
| སྤུས་ཅན |
རྐང་བཟང་པོའམ། རྒྱུ་དག་ཡག་པོ། |
| སྤུས་ཆ |
དངོས་པོའི་སྤུས་ཀ། |
| སྤུས་དག་པ |
སྤུས་དག་པོ་དང་འདྲ། |
| སྤུས་དག་པོ |
རྒྱུ་དག་ལེགས་པོ། ཅ་ལག་སྤུས་དག་ལ་གོང་ཆུང་བ། ཆ་ལག་སྤུས་དག་པོ་ཡོད་ན་རིན་གོང་མཐོ། |
| སྤུས་ཕབ་པ |
རྙིང རུང་བའམ་བློ་ལ་བབ་པ། |
| སྤུས་བརྗེ |
དངོས་པོ་ཕར་ཚུར་བརྗེ་བསྒྱུར། ཡུལ་འབྲོག་གི་ཐོན་ཟོག་ཕན་ཚུན་སྤུས་བརྗེ་བྱེད་པ། |
| སྤུས་བརྟག་པ |
རྙིང རུང་མིན་དང་བློ་ལ་འབབ་མིན་ལྟ་བ། |
| སྤུས་མེད |
སྤུས་ཀ་ཧ་ཅང་ཞན་པ། |
| སྤུས་ཚད |
1དངོས་གཟུགས་ནང་དུ་རྫས་རིགས་འདུས་པའི་ཚད་ལ་དངོས་ལུགས་རིག་པར་སྤུས་ཚད་ཟེར། དངོས་ལུགས་རིག་པའི་སྤུས་ཚད་མཚོན་པའི་སྡེ་ཚན་དང་ལྗིད་འཇལ་བའི་སྡེ་ཚན་གཉིས་འདྲ་བས། རྒྱ་མ་དང་སྤྱིའི་རྒྱ་མ་སོགས་སྤྱོད་ཆོག་ཅིང་། དབྱིབས་འགྱུར་ནའང་སྤུས་ཚད་མི་འགྱུར་བ་ཡིན། 2‘སྤུས’དང་འདྲ། ‘སྤུ་ཡིས’ཞེས་པའི་བྱེད་སྒྲ་བསྡུས་པ་སྟེ། ལུས་ལ་སྤུ་ཡིས་ཁྱབ—ལུས་ལ་སྤུས་ཁྱབ་ལྟ་བུ། |
| སྤུས་ཞན་པ |
སྤུས་ཀའམ། རྒྱུ་དག་ཞན་པ། |
| སྤུས་ཟོང |
ཚོང་ཟོག |
| སྤུས་འཚོང |
དངོས་རྫས་ཕར་འཚོང་བ། |
| སྤུས་རབ |
སྤུས་ཀ་ལེགས་ཤོས། |
| སྤུས་ལེགས |
རྒྱུ་དག་ཡག་པོ། |
| སྤུས་ལོ |
སྤུས་ནི་སྤུས་ཀ་དང་ལོ་ནི་ཡིད་ལ་བབ་པ་སྟེ་སྤུས་ཀ་ལོ་བ། |
| སྤུས་ལྟ་བ |
རྒྱུ་དག་ལེགས་ཉེས་ལྟ་བ། ཐོན་ཟོག་ལེགས་ཉེས་ཀྱི་སྤུས་ལྟ་བ། |
| སྤུས་སྒྱུར་བ |
1 ཚོང་རྒྱག་མཁན། 2 འཚོང་བ། མཁོ་མེད་འཕྲོས་འཁྱིལ་གྱི་དངོས་པོ་རྣམས་སྤུས་སྒྱུར་བྱེད་པ། |
| སྤེ |
1 སྐོའི་སྟེང་གི་ཁང་བརྩེགས། 2 ཁང་པའི་བཟོ་དབྱིབས་ལྟར་བརྩིགས་པའི་དངོས་པོའི་དོན་དུ་གོ་བའི་སྤེའུ་དང་འདྲ། |
| སྤེ་ལིང |
‘པེ་ལེན’གྱི་འབྲི་ཚུལ་གཞན། |
| སྤེད |
རྙིང སྤོ་བ། |
| སྤེད་ས |
རྙིང ཆུང་བ། |
| སྤེན |
‘སྤེན་པ’ཡི་མིང་མཐའ་བསྡུས་པ། ‘སྤེན་མ’ཡི་མིང་མཐའ་བསྡུས་པ། |
| སྤེན་ཁ |
བོད་ལུགས་ཀྱི་རྩིག་པའི་སྟོད་ཀྱི་ཕྱི་ངོས་ལ་ཤིང་སྤེན་མའི་ཆུན་པོ་རིམ་པ་གཅིག་བརྩིགས་ཡོད་པ་དེའི་མིང་སྟེ། དེ་ལ‘སྤེན་པད’དང‘སྤེན་རྒྱན’ཡང་ཟེར། |
| སྤེན་ཏོག |
1 སྤེན་མས་བཟོས་པའི་ལྷ་ཚུགས། 2 གསེར་དངུལ་སོགས་ལས་བཟོས་པའི་བུད་མེད་ཀྱི་མགོ་རྒྱན་ཞིག |
| སྤེན་ཐོག |
སྤེན་ཏོག་དང་འདྲ། |
| སྤེན་དཀར |
ཤིང་སྨན་རིགས་སྤེན་མ་མེ་ཏོག་དཀར་པོ་འཆར་བ་ཞིག་སྟེ། ནུས་པས་ཟས་མ་ཞུ་བ་དང༌། གློ་ལུ་བ་ལ་ཕན། སོའི་རྩི་སྲུང་ཞིང་སོ་རྩ་བརྟན་པར་བྱེད། |
| སྤེན་ནག |
ཤིང་སྨན་གྱི་རིགས་ཤིག་སྟེ། རོ་མངར་ལ་བསྐ། ཞུ་རྗེས་སྙོམས། ནུས་པས་ཟས་མ་ཞུ་བ་དང༌། གློ་ལུ་བ། བུད་མེད་ཀྱི་ནུ་ཚབས་བཅས་ལ་ཕན། |
| སྤེན་པ |
རེས་གཟའ་ཞིག མིང་གི་རྣམ་གྲངས་ལ་འཁྱོག་འགྲོ་དང༌། གོས་སྔོན་ཅན། རྒྱལ་མའི་བུ། རྗེས་སྐྱེས། ཉི་མའི་བུ། དལ་བར་འགྲོ་མི་བཟད་མིག་ཚངས་སྐྱེས། འོད་ཟེར་བདུན་པ། གཤིན་རྗེའི་བདག་བཅས་སོ། |
| སྤེན་ཕོར |
ཤིང་སྤེན་མའི་རྩ་བ་ལས་བཟོས་པའི་ཕོར་པ། |
| སྤེན་ཕྱགས |
སྤེན་མའི་ཕྱགས་མ། |
| སྤེན་བཅུ་འཕྲོད |
བོད་ཟླ་ཚེས་པ་བཅུ་དང་གཟའ་སྤེན་པ་གཉིས་ཉིན་གཅིག་ལ་འཁེལ་བ། |
| སྤེན་བད |
ཤིང་སྤེན་མའི་མདའ་ཡབ། |
| སྤེན་མ |
1 ཁང་པའི་མདའ་ཡབ་དང་ཕྱགས་མའི་རྒྱུར་འགྲོ་བའི་རྩི་ཤིང་ཞིག ཨབ་རས་ཐེག་ཚོད་སྤེན་མའི་མདའ། 2 ཤིང་སྨན་ཞིག |
| སྤེན་མ་དཀར་པོ |
ཤིང་ཞིག |
| སྤེན་མ་སེར་པོ |
ཤིང་ཞིག |
| སྤེན་མདོ་ཉག་ག |
མཚོ་སྔོན་ཞིང་ཆེན་ཁོངས་མཚོ་བྱང་བོད་རིགས་རང་སྐྱོང་ཁུལ་གྱི་ཆི་ལེན་རྫོང་གི་ལ་ཞིག |
| སྤེན་རྒྱན |
ཁང་པའི་སྤེན་བད་ཀྱི་རྒྱན། |
| སྤེན་རྫབ |
ཤིང་སྤེན་མའི་རྫབ་སྟེ་ཕོར་པའི་རྒྱུ་ཆ་ཞིག |
| སྤེའུ |
1 རྙིང 1)ཁང་ཆུང༌། ལྕགས་རིའི་ཕྱོགས་མཚམས་ཀྱི་མཁར་སྤེའུ། 2)མདའ་ཡབ། 3)སྡོང་བུ། 2 ཁང་པའི་བཟོ་དབྱིབས་ལྟར་བརྩིགས་པའི་དངོས་པོ། ཤིང་སྤེའུ། ཚར་སྤེའུ། |
| སྤེའུ་ཁང |
ཁང་ཆུང༌། |
| སྤེའུ་ཞོལ |
ཤག་སྒོར་ཆུང་ངུ། |
| སྤེའུ་ལྕོག |
ལྕགས་རིའི་སྒང་སོགས་ཀྱི་ཁང་པ་ཆུང་ངུ། |
| སྤེལ |
(བྱེད་འབྲེལ་ལས་ཚིག) <ཀ>ཇེ་མང་དང་ཇེ་ཆེར་བཏང་བ་སྟེ། འབྲོག་པས་རྟ་ནོར་སྤེལ་ལྟ་བུ། <ཁ>མི་མང་བོ་ལ་ཤེས་པར་བྱེད་པ་སྟེ། རིག་གནས་སྤེལ། བསྒྲགས་གཏམ་སྤེལ། ཀུན་ལ་སྤེལ་དོན། སྤེལ་ཚིག སྤེལ་གཏམ། སྤེལ་ཡིག་ཅེས་པ་ལྟ་བུ། <ག>རྩིས་རིག་གི་སྒྱུར་བགོ་སྣོན་ཕྲི་བཞིའི་ནང་གི་སྒྱུར་བ་སྟེ། ‘ལོ་རེའི་ཟླ་གྲངས་ཞག་གིས་སྤེལ’ལྟ་བུ། <ང>ཕན་ཚུན་བསྡེབས་པ་སྟེ། ཚིག་བཅད་ལྷུག་སྤེལ་བ། ལྭ་བ་རིང་ཐུང་སྤེལ་ནས་གྱོན་ལྟ་བུ། ‘སྤེལ་མ’ཞེས་པའི་མིང་མཐའ་བསྡུས་པ། |
| སྤེལ་གཞི |
མང་དུ་སྤེལ་བའི་རྟེན་གཞི་སྟེ། སྤེལ་ཆོས་སྦྱོར་སའི་རྩ་བ། |
| སྤེལ་ཆོས |
གྱེས་དོན་ནམ་འཕྲོས་དོན་ཏེ་གཞུང་དོན་གསལ་བར་བྱེད་པའི་མཚམས་སྦྱོར་ཞིག |
| སྤེལ་བ |
1.ཐ་དད་པ 1 འཕེལ་བར་བྱེད་པ་དང་སྐྱེད་པ། འབྲོག་ལས་སྤེལ་བ། ཐོན་སྐྱེད་གོང་དུ་སྤེལ་བ། བཀྲ་ཤིས་སྤེལ་བ། ཡིག་རིགས་པར་བསྐྲུན་གྱིས་སྤེལ་བ། 2 སྦྱོར་བའམ་བསྲེ་བ། ཐོན་སྐྱེད་ལས་དོན་དང་བྱེད་སྒོ་སློབ་སྦྱོང་ཕན་ཚུན་སྤེལ་བ། 2.སྒྱུར་རྩིས། ཁྱིམ་ཞག་དཀྱིལ་འཁོར་གནས་ཐམས་ཅད། བུག་མཁའ་མིག་བུག་ཡིད་ལ་སོགས། བརྒྱས་བསྒྱུར་དེ་ཡིས་སྤེལ་བ་ལ། 100 149209 |
| སྤེལ་མ |
རིམ་ཅན་དང༌། སྦྲེལ་མའམ་འདྲེས་མ། བཅད་ལྷུག་སྤེལ་མའི་སྙན་ཚིག ཇ་ཆང་སྤེལ་མར་བཏང་བ། མི་རིགས་སྤེལ་མར་གནས་པ། |
| སྤེལ་ཚིག |
རིང་ཐུང་ངམ་བཅད་ལྷུག་སྤེལ་མའི་ཚིག |
| སྤེལ་འདེབས |
ས་བོན་གྲོ་སྲན་སྤེལ་མའམ། མཉམ་བསྲེས་ཀྱིས་འདེབས་ལུགས། ནས་སྲན་སྤེལ་འདེབས་བྱས་ན་ཐོན་ཆེ། |
| སྤེལ་རེས |
ཕན་ཚུན་སྤེལ་རེས་སམ། མང་པོར་སྤེལ་བའི་རེས་མོས། ལས་ཀའི་ཉམས་མྱོང་སྤེལ་རེས་བྱས་ནས་ཕན་ཚུན་གཉིས་ཀར་ཕན་ཐབས་བྱེད་པ། |
| སྤོ |
1 རྩེ་མོ། རི་བོའི་སྤོ། ཁང་བརྩེགས་མཐོན་པོའི་སྤོ། 2 སྤོ་མེས་ཁུལ་དུ་གནས་པའི་བོད་ཀྱི་ཡབ་འབངས་རུས་དྲུག་གི་ཡ་གྱལ་ཞིག |
| སྤོ |
1.རྩེ་མོ་དང་དབུ་རྩེའི་མིང་སྟེ། ཤར་རིའི་སྤོ་ནས་ཉི་མ་ཤར། གངས་རིའི་སྤོ་ལ་ཉི་འོད་ཕོག་ལྟ་བུ། 2.(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)རྐང་བ་འདེགས་འཇོག་བྱས་ནས་སྐྱོད་པའི་དོན་ཏེ། གོམ་པ་སྔོན་ལ་སྤོ་དགོས་ལྟ་བུ། |
| སྤོ་ཏོ |
1 རྩྭ་ཡོད་པའི་ས་རང་འབུར་དུ་ཐོན་པའི་རྡོག་རྡོག ཁྲ་དང་འུག་པ་ནེ་ལེ་གསུམ། སྤོ་ཏོ་གཅིག་ལ་སྔས་བྱས་ཀྱང༌། བསམ་བློ་མི་འདྲ་སོ་སོ་རེད། 2 ཞིང་རྨོས་པའི་ནང་གི་ས་རྡོག སྤོ་ཏོ་རྡུང་བ། |
| སྤོ་ཏོག |
རྩེ་ཏོག |
| སྤོ་ཐོ |
སའི་རྡོག་པོའི་མིང་སྟེ། ‘པོ་ཐོ’ཡི་འབྲི་ཚུལ་གཞན། |
| སྤོ་པ |
སྤོ་ཡུལ་དུ་སྡོད་མཁན་གྱི་མི། |
| སྤོ་ཕོ |
སྤོ་བོ་དང་དོན་གཅིག་ |
| སྤོ་བ |
ཐ་དད་པ སྤོས་པ། སྤོ་བ། སྤོས།། 1 རྗེ་བའམ་སྒྱུར་བ། ལས་ཁུངས་སྤོ་བ། སྡོད་གནས་སྤོ་བ། དམིགས་ཡུལ་སྤོ་བ། སྐྱས་སྤོ་བ། གོམ་པ་མ་སྤོས་གླིང་བཞི་སྐོར་མི་ཐུབ། ཆུ་ཐིགས་མ་བསགས་རྒྱ་མཚོ་ཆགས་མི་སྲིད། 2 རིགས་འགྲེ་གཏོང་པ། གནས་ཚུལ་གཉིས་རིགས་པ་མགོ་མཚུངས་སུ་སྤོ་བ། |
| སྤོ་བ་གསུམ |
སྤྲོ་བ་མཐོལ་བཤགས་ཀྱི་ཕྱིར་བཅོས་བྱེད་ཚུལ་གསུམ་གྱི་ནང་གསེས། སྤྱོད་པ་གཞན་ན་གནས་པ་སྤོ་བ་སྤྱོད་པ་ལ། ལྷག་ལྟུང་འཆབ་མེད་ནི་དགེ་སློང་གི་མདུན་དུ་བཤགས་ལ་དངོས་གཞི་འདག་བྱེད་དུ་མགུ་བ་སྤྱོད་ལ་དེ་དབྱུང་ཆོག་ཅིང༌། ལྷག་ལྟུང་བཅབས་པའི་ཉེས་པ་དང་ལྡན་པའི་དགེ་སློང་ལ། བཅབས་ཉེས་འདག་ཆེད་བཅབས་པའི་ཞག་གྲངས་དང་མཐུན་པར་དགེ་འདུན་གྱི་གཡོག་བྱེད་པའི་ཆད་ལས་གསོལ་བཞིའི་ལས་ཀྱིས་སྦྱིན་པར་བྱེད་པ་སྤོ་བ་དང་སྤོ་བ་བྱེད་བཞིན་པར་རིགས་འདྲའི་ལྷག་མ་གཉིས་པ་བྱུང་ན་སྔར་ལྟར་སྦྱིན་པར་བྱེད་པ་གཞི་ནས་སྤོ་བ་དང༌། གསུམ་པ་བྱུང་ན་སྔར་ལྟར་སླར་ཡང་གཞི་ནས་སྤོ་བ་སྟེ་གསུམ་མོ། གལ་ཏེ་བཞི་པ་བྱུང་ན་སྨད་པ་ནན་ཏུར་བྱ་བའོ། |
| སྤོ་བའི་གཞི |
འདུལ་བ་གཞི་བཅུ་བདུན་གྱི་ནང་གསེས། སྤྱོད་པ་གཞན་དག་ན་གནས་པའི་གཞི་སྟེ། ཆད་ཀྱི་བྱ་བ་སྤོ་མགུ་སོགས་སྟོན་པ་ལ་སྤོ་བའི་མིང་གིས་བཏགས་པའོ། |
| སྤོ་བོ |
1 ཕ་དང་མའི་ཕ། མིང་གི་རྣམ་གྲངས་ལ་ཕ་ཡི་ཕ་དང་མེས་པོའོ། 2 རྒད་པོའི་མིང་གི་ཆེ་བརྗོད། 3 རྫོང་ཞིག་བོད་རང་སྐྱོང་ལྗོངས་ཀྱི་ཤར་རྒྱུད་ཕར་ལུང་གཙང་པོ་དང་ཡིད་འོང་གཙང་པོའི་ཆུ་རྒྱུད་ན་ཡོད། རྫོང་མི་དམངས་སྲིད་གཞུང་དེ་སྤྲ་རྨོག་ཏུ་ཡོད། 4 ཡུལ་མིང་ཞིག་བོད་རང་སྐྱོང་ལྗོངས་ཀྱི་སྤོ་པོ་རྫོང་གི་ཁྱབ་ཁོངས་དང་དེང་སང་ཉང་ཁྲི་རྫོང་གི་སྟོང་མཇུག་ཆུས་ཀྱི་ཁྱབ་ཁོངས་སྤྱི་མིང་ཡིན་ཞིང༌། དེར་སྟོད་སྨད་གཉིས་སུ་ཕྱེ་བའི་ཕར་ལུང་གཙང་པོའི་ཆུ་རྒྱུད་ལ་སྤོ་སྟོད་དང༌། ཡིད་འོང་གཙང་པོའི་ཆུ་རྒྱུད་ལ་སྤོ་སྨད་ཅེས་ཟེར། |
| སྤོ་བོ་མགོ་ཡོར |
རིམས་ཚད་ཀྱིས་མགོ་སྐྲ་བྱི་བའི་ནད་ཅིག |
| སྤོ་བོ་ལགས |
སྤོ་ལགས། |
| སྤོ་མགུ་དབྱུང་བ |
འདུལ་བའི་བརྡ་ཆད་ཅིག་སྟེ། སྤོ་མགུ་སྤྱད་ཟིན་པའི་དགེ་སློང་དེ་ཉིད་ས་རང་བཞིན་དུ་གནས་པ་ཐོབ་པ་དང་གཟེངས་བསྟོད་ཀྱི་ཕྱིར་དུ་གསོལ་བཞིའི་ལས་ཀྱིས་རང་བཞིན་གྱི་གནས་སུ་དབྱུང་སྟེ་གཞན་གྱིས་བསྙེན་བཀུར་བྱ་བའི་གནས་སུ་བྱེད་པའོ། |
| སྤོ་མགུ་སྤྱོད་པ |
འདུལ་བའི་བརྡ་ཆད་ཅིག་སྟེ། ལྷག་མའི་ལྟུང་བ་བྱུང་བའི་དགེ་སློང་གི་ལྟུང་བ་ཕྱིར་བཅོས་ཀྱི་ཚུལ་ཞིག་སྟེ། སྤོ་བ་ནི་གནས་ཁྱད་པར་ཅན་ནས་དམན་པར་སྤོ་བ་དང༌། མགུ་བ་ནི་དགེ་འདུན་ཐུགས་མགུ་བར་བྱེད་པ་སྟེ་དགེ་སློང་རྣམས་ཀྱི་གྲལ་གཞུག་ཏུ་འདུག་པ་དང་ཕྱག་དར་བྱེད་པ་སོགས་དམན་པའི་སྤྱོད་པ་བྱེད་པའོ། |
| སྤོ་མཐོ |
མངོན རི། |
| སྤོ་ཚལ |
རྒྱ སྔོ་ཚལ་ཞིག |
| སྤོ་འབག |
སྤོ་བོ་རྒས་འཁོགས་ཀྱི་འབག |
| སྤོ་འབོར་སྒང |
སྨད་མདོ་ཁམས་སྒང་དྲུག་གི་ནང་གསེས་ཤིག་སྟེ། འབྲི་ཆུ་དང༌། ཤར་ཟླ་ཆུ་གཉིས་ཀྱི་དབར་དུ་ཆགས་པའི་ས་ཆའི་སྨད་རྒྱུད། ད་ལྟ་སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་ལྷོ་ཕྱོགས་དང༌། ཡུན་ནན་ཞིང་ཆེན་གྱི་ནུབ་ཕྱོགས་ས་ཁུལ་གྱི་སྤྱི་མིང༌། |
| སྤོ་ཡུལ |
བོད་རང་སྐྱོང་ལྗོངས་སྤོ་བོ་རྫོང་གི་ས་མིང་རྙིང་པ། |
| སྤོ་ཡོར |
‘ནད་ཡམས’ཀྱི་མིང་གཞན། ཐོ་ཡོར་གྱི་མིང་། |
| སྤོ་རྨོ |
སྤོ་བོ་རྨོ་བོའི་བསྡུས་མིང༌། |
| སྤོ་ལ་དར་འཕྱར |
མཐོ་སར་དར་ཆ་བཙུགས་པ་སྟེ་སྟོབས་ཤུགས་ཆེ་བས་ལྡོག་ཏུ་མེད་པའི་དཔེ། མང་ཚོགས་ཀྱི་ངར་ཤུགས་སྤོ་ལ་དར་འཕྱར་ལྟ་བུའི་སྟོབས་ཆེན་རེད། |
| སྤོ་ལགས |
1 ཕ་མའི་ཕ། 2 སྐྱེས་པ་རྒད་པོ་སྤྱི། |
| སྤོ་ལྡན |
འདུལ་བའི་བརྡ་ཆད་ཅིག་སྟེ། ལྷག་ལྟུང་བྱུང་བའི་གང་ཟག་གིས་ཆད་ལས་སྤོ་བ་མནོས་ཏེ་སྤྱད་ཟིན་ཞིང༌། མགུ་བ་མ་སྤྱད་པ་ལ་སྤོ་ལྡན་ཞེས་བྱའོ། |
| སྤོ་སྐྱོད |
གནས་སྤོ་བའི་འགྲོ་བསྐྱོད། དམག་སྒར་སྤོ་སྐྱོད། ལས་གྲྭ་ཚུགས་ཡུལ་སྤོ་སྐྱོད་བྱས་པ། འབྲོག་པས་རྩྭ་ཆུ་གང་བཟང་ལ་ཕྱུགས་ལྷས་སྤོ་སྐྱོད་བྱེད། |
| སྤོ་སྒྱེལ་རྨོ་སློང |
ཕྱོགས་གཅིག་ལ་ཕན་བཏགས་ནས་ཕྱོགས་གཅིག་ལ་གནོད་པ་སྐྱེལ་བའི་དཔེ། |
| སྤོ་སྤོ |
སྤོ་བོ་དང་དོན་གཅིག་ |
| སྤོག |
ད་ལྟ་བ་སྟེ། གོ་ས་སྤོག་མཁན་ཞེས་པ་ལྟ་བུ། 2.སྤོས་ཀྱི་བརྡ་རྙིང།་ |
| སྤོག་པ |
ཐ་དད་པ སྤགས་པ། སྤག་པ། སྤོགས།། 1 སྲེ་བའམ་འདྲེས་སུ་འཇུག་པ། ཁ་ཟས་སྣ་ཚོགས་སྤགས་ནས་ཟ་བ། 2 གནས་གཞན་དུ་གཏོང་བའམ་འཕར་བར་བྱེད་པ། གནས་གཞན་དུ་སྤོག་པ། གོ་གནས་སྤགས་པ། |
| སྤོག་མ |
སྣོད་སྤྱད་ཅིག |
| སྤོགས |
1.སྤོག་པའི་སྐུལ་ཚིག 2.ཁེ། སྐྱེད་སྤོགས། ཚོང་སྤོགས། ཁེ་སྤོགས། སྤོགས་བགྱིད་པ། སྤོགས་ཐོན་པ། སྤོགས་འདོན་པ། |
| སྤོགས |
‘སྤག’གི་སྐུལ་ཚིག། ཚོང་གི་ཁེ་སངས་སམ་བུ་ལོན་གྱི་འཕེལ་ཀའི་མིང་སྟེ། ཁེ་སངས་ཆེན་པོ་བླངས་པ་ལ་སྤོགས་ཆེན་བརྒྱབ་ཟེར་བ་ལྟ་བུ། འདི་ལ‘སྤོག’འབྲི་བའང་ཡོད། |
| སྤོགས་པ |
རྙིང ཁེ་པ། |
| སྤོང |
ད་ལྟ་བ་སྟེ། བྱ་ངན་སྤྱོད་ངན་སྤོང་མཁན། བྱ་ངན་སྤོང་བཞིན་འདུག་ལྟ་བུ། |
| སྤོང་ཁང |
ཆོས་པའི་མཚམས་ཁང་ངམ་སྒོམ་ཁང༌། |
| སྤོང་ཐག |
ཅ་ལག་ཆོས་ཕྱོགས་སུ་བཏང་སྟེ་ནད་རྐྱེན་སེལ་ཐབས་བྱེད་པའི་སྲོལ་རྙིང་ཞིག |
| སྤོང་བ |
1.ཐ་དད་པ སྤངས་པ། སྤང་བ། སྤོངས།། འདོར་བ་དང་སེལ་བ། ཐ་མག་སྤོང་བ། ཧོལ་རྒྱུག་དང་སྒྱིད་ལུག་སྤོང་བ། མེ་ཏོག་རྙིང་པ་སྦྲང་མས་སྤོང༌། ནགས་ཚལ་ཚིག་པ་རི་དྭགས་སྤོང༌། 2 1 སྤོང་བའི་མིང༌། སྤོང་བ་ཉམས་པ། 2 རྙིང བརྩེ་བ། |
| སྤོང་བ་ཆེན་པོ |
ཤེས་སྒྲིབ་སྤངས་པའི་སྤངས་པའོ། |
| སྤོང་བ་པ |
རི་ཁྲོད་པ་དང་བྱ་བྲལ་ཀུན་སྤངས་པ། |
| སྤོང་བདུན |
ལུས་ཀྱི་མི་དགེ་བ་གསུམ་དང་ངག་གི་མི་དགེ་བ་བཞི་སྤོང་བ། |
| སྤོང་བདུན་འཁོར་དང་བཅས་པ་སྤོང་བ |
ཉན་ཐོས་ཀྱི་སོ་ཐར་སྡོམ་པ་ནི་སྤོང་བདུན་འཁོར་དང་བཅས་པ་སྤོང་བ་སྟེ། ལུས་ཀྱི་མི་དགེ་བ་གསུམ་དང༌། ངག་གི་མི་དགེ་བ་བཞི་བཅས་སྤོང་བ་དང༌། དེའི་ཕྱོགས་གཏོགས་ཀྱི་སྤང་བྱ་མཐའ་དག་སྤོང་བའི་ལུས་ངག་སྡོམ་པའི་ཚུལ་ཁྲིམས་སོ། |
| སྤོང་བའི་གཉེན་པོ |
གཉེན་པོ་བཞིའི་ཡ་གྱལ་ཞིག་སྟེ། གང་གིས་ཉོན་མོངས་པའི་ཐོབ་པ་གཅོད་པ་སྟེ་བར་ཆད་མེད་པའི་ལམ་སྡུག་བསྔལ་ལ་ཆོས་ཤེས་པའི་བཟོད་པ་ལ་སོགས་པའོ། |
| སྤོང་བའི་དམ་ཚིག |
སྔགས་ཀྱི་དམ་ཚིག་ཅིག |
| སྤོང་བའི་འདུ་བྱེད |
ཏིང་ངེ་འཛིན་གྱི་མི་མཐུན་ཕྱོགས་ལེ་ལོ་དང་བརྗེད་ངས་སོགས་སྒྲིབ་པ་ལྔ་པོ་སྤོང་བར་བྱེད་པའི་གཉེན་པོའི་སེམས་པ་འདུ་བྱེད་པའོ། |
| སྤོང་བའི་ལམ |
མཐོང་སྤང་དང༌། སྒོམ་སྤང་སོགས་རང་གི་ལམ་གྱི་ངོ་སྐལ་དུ་གྱུར་པའི་སྤང་བྱ་སྤོང་བའི་ལམ་མོ། |
| སྤོང་བའི་སྡོམ་པ |
བར་ཆད་མེད་པའི་ལམ་དགུ་དག་ཏུ་སྐྱེས་པའི་བསམ་གཏན་དང་ཟག་མེད་ཀྱི་སྡོམ་པ། |
| སྤོངས |
སྐུལ་ཚིག་སྟེ། བྱ་ངན་སྤྱོད་ངན་སྤོངས་ཤིག་ལྟ་བུ། ཁ་ཕྲལ་བའམ་འབྲེལ་མཚམས་བཅད་པའི་དོན་ཏེ། གྲོགས་ངན་སྤང་བར་བྱ། ནད་པས་ཆང་སྤང་བར་བྱ་ལྟ་བུ། |
| སྤོད |
ཤ་སྨན་ཏེ་ཟས་ཀྱི་རོ་བཅུད་དམ་བྲོ་བ་འདོན་བྱེད་ཀྱི་རྫས། ཟས་ལ་སྤོད་བཏབ་པ། |
| སྤོད་ཅན |
བྲོ་བ་ཡོད་པའི་ཟས། |
| སྤོད་ཚ |
རོ་ཚ་བའི་ཟས་ཀྱི་སྤོད་དམ་སི་པན། |
| སྤོད་ཡ |
ཁ་ཟས་གཙོ་བོའི་ཞར་ལ་བཟའ་རྒྱུའི་སྒོག་པ་སོགས་ཀྱི་སྤྱི་མིང་། ཕོ་བ་རིལ་གྱི་མིང་གཞན། |
| སྤོད་རྫས |
ཟས་ཀྱི་བྲོ་བ་འདོན་བྱེད་ཀྱི་རྫས། |
| སྤོད་སྨན |
ཟས་ཀྱི་བྲོ་བ་འདོན་བྱེད་ཀྱི་རྫས། |
| སྤོན་པ |
གཏོང་བ་དང་སྦྱིན་པའི་བརྡ་རྙིང་། |
| སྤོབས |
(ལས་ཚིག་རྗེས་མཐུན་པ)དཔའ་གདེང་དང་སྙིང་སྟོབས་ཡོད་པ་སྟེ། བཤད་སྤོབས། སྒྲུབ་སྤོབས་ལྟ་བུ། |
| སྤོབས་གཏམ |
ཁེངས་ཉམས་ཀྱི་རྫིག་གཏམ། མི་ཐུབ་ཐུབ་མདོག་གི་སྤོབས་གཏམ་མ་ཤོད། |
| སྤོབས་ཉམས |
སེམས་ཤུགས་ཡོད་པའི་རྣམ་འགྱུར། དཀའ་ངལ་ལ་ཞུམ་པ་མེད་པའི་སྤོབས་ཉམས་རང་འདོན་གྱི་སྒོ་ནས་ཧུར་བརྩོན་འབད་བཞིན་པ། |
| སྤོབས་ཏེ་ལ |
ལ་ཞིག་སྟེ། བོད་རང་སྐྱོང་ལྗོངས་ཀྱི་གཏིང་སྐྱེས་རྫོང་གི་ལྷོ་རྒྱུད་དུ་ཡོད་ཅིང༌། དེའི་མཐོ་ཚད་རྒྱ་མཚོའི་ངོས་ནས་སྨི་4415 ཡོད། 4415 |
| སྤོབས་པ |
1.ཕོད་པ་དང༌། ནུས་པ་སྟེ་མི་འཇིགས་པའི་དོན། དགྲ་དང་འཐབ་འཛིང་བྱེད་པར་སྤོབས་པ། དྲག་པོའི་གཡུལ་དུ་འཇུག་པར་སྤོབས་པ། 2 1 ནུས་པ། སྤོབས་པ་ཆེར་བསྐྱེད། སྤོབས་པ་ཤོར་བ། དཀའ་ཚེགས་ཇི་ཙམ་བྱུང་ཡང་སྤོབས་པ་མི་ཞུམ་པ། 2 གདེང༌། རྒྱལ་ཁ་ངེས་པར་ལོན་རྒྱུར་སྤོབས་པ་ཐོབ་པ། 3 སྨྲ་ནུས། གཏམ་ཐོགས་མེད་དུ་ཤོད་པའི་སྤོབས་པ། 4 ཤེས་རབ། ཡང་དག་ཡིན་མིན་གསལ་པོར་རྟོགས་པའི་སྤོབས་པ་རྣོ་བ། |
| སྤོབས་པ་ཅན |
མངོན མཁས་པའམ་ཤེས་རབ་ཅན། |
| སྤོབས་པ་ཆེ་བ |
1 ང་རྒྱལ་ཆེ་བ། 2 མི་བརྗེད་པའི་གཟུངས་སྤོབས་ཆེ་བ། |
| སྤོབས་པ་ཆེན་པོ |
1 དཔའ་གདེང་ངམ་སྙིང་སྟོབས། 2 ཁེངས་ཉམས་ཆེན་པོ། |
| སྤོབས་པ་བརྩེགས་པ |
བྱང་སེམས་ཤིག |
| སྤོབས་པ་མཐོ་པོ |
1 སྙིང་སྟོབས་ཆེན་པོ། 2 ཁེངས་དྲེགས་ཆེན་པོ། |
| སྤོབས་པ་མི་ཟད་པ |
རྫོགས་མཐའ་མེད་པའི་དཔའ་གདེང་ངམ་མི་འཇིགས་པའི་སྙིང་སྟོབས། |
| སྤོབས་པ་རྒྱུན་མི་འཆད་པ |
1 ཚིག་དོན་ཐོགས་པ་མེད་པར་འཆད་ནུས་པ། 2 ཁེངས་དྲེགས་ནམ་ཡང་མི་ཞུམ་པ། |
| སྤོབས་པ་སོ་སོ་ཡང་དག་པར་རིག་པ |
སོ་སོ་ཡང་དག་པར་རིག་པ་བཞིའི་ཡ་གྱལ་ཞིག་སྟེ། གཞན་ལས་དམ་པའི་ཆོས་མཉན་ཞིང་ཐེ་ཚོམ་སེལ་བ་དང༌། བདག་གིས་ཀྱང་ཆོས་བཤད་ཅིང་གཞན་གྱི་ཐེ་ཚོམ་དགྲོལ་བ་ལ་སོགས་པ་སྙན་ཞིང་དོན་དང་ལྡན་པ་ཚངས་པའི་དབྱངས་ལྟ་བུར་མྱུར་ཞིང་རྒྱུན་མི་འཆད་ལ་ཐགས་ཐོགས་མེད་པར་སྨྲ་ནུས་པའོ། |
| སྤོམ |
འབོར་ཚད། |
| སྤོམ་ཆེན་པོ |
1 ཁྱོན་འབོར་ཆེན་པོ། 2 ཡུལ ཆེ་ཉམས་སམ་ཆེ་རློམ་ཅན། རང་མཐོང་ཆེ་འགྱིང་གི་སྤོམ་ཆེན་པོ་བྱེད་མཁན་ལ་ཡར་རྒྱས་མི་ཡོང༌། རང་གིས་རང་བཏེག་གི་སྤོམ་ཆེན་པོ་བྱེད་པ། |
| སྤོམ་ཐག |
སྤོང་ཐག་དང་འདྲ། |
| སྤོམ་བཤད |
ཕྱོགས་ཙམ་བཤད་པ། མ་བརྟགས་བབ་ཅོལ་གྱི་སྤོམ་བཤད་མཛེས་མཛེས་ལྟར་སྣང་ཡང་དོན་ལ་མི་ཕན། |
| སྤོམ་ཚོད |
མང་ཉུང་སོགས་བློས་དཔགས་ཀྱི་འོལ་ཚོད། བྲེ་སྲང་ལོགས་སུ་བཞག་ནས་མར་ལ་སྤོམ་ཚོད་བྱེད། |
| སྤོམ་འབོར |
ཁྱོན་འབོར། |
| སྤོམ་ཡོར |
ཡུལ མི་འཇོན་འཇོན་ཚུལ་ལམ་ངེས་གསལ་མེད་པའི་འགྱིང་ཉམས། མི་མཁས་མཁས་མདོག་གི་སྤོམ་ཡོར་བྱེད་པ། |
| སྤོམ་རྩིས |
དཔོག་རྩིས་དང་འདྲ། |
| སྤོམ་རྩེ་རག |
ས་མིང་ཞིག་ཡུན་ནན་ཞིང་ཆེན་གྱི་བདེ་ཆེན་བོད་རིགས་རང་སྐྱོང་ཁུལ་གྱི་རྒྱལ་ཐང་རྫོང་ཁོངས་སུ་ཡོད། ས་འདི་འབྲི་ཆུ་འགྲམ་དུ་ཆགས་ཡོད་པས་གྲུ་ཁ་ཞིག་ཀྱང་ཡིན། |
| སྤོམ་སྤོམ |
1 ཚིག་དོན་ཁ་གསལ་མེད་པའི་སྐད་ཆ། འཕྲོས་མོལ་སྤོམ་སྤོམ་ཞིག་ལས་ཞིབ་གསལ་མི་ཤོད་པ་གང་ཡིན་ནམ། 2 ལས་ཀ་ཞིབ་ཚགས་མིན་པ། ལས་ཀ་ཚང་མ་སྤོམ་སྤོམ་ཞིག་ལས་མི་འདུག |
| སྤོམ་སྤྲོད |
འོལ་ཚོད་ཀྱིས་སྤྲོད་པ། |
| སྤོར |
1.སྤོར་བའི་སྐུལ་ཚིག 2 1 སྔ་དུས་འདེགས་བྱེད་ཉ་གའི་སྤོར་ཏེ་བོད་ལུགས་ཉ་གའི་ལྗིད་ལས་ཆུང་བའི་འཇལ་ཚད་ཅིག་ཡིན་ཞིང༌། སྤོར་བཞི་ལ་ཉ་ག་གང་དང༌། ཉ་ག་ཉི་ཤུ་ཐམ་པ་ལ་ཁལ་གཅིག་ཏུ་རྩི། 2 སྔོ་སྨན་གྱི་རིགས་ཤིག་སྟེ། རོ་ཁ་ལ་མངར། ཞུ་རྗེས་བསིལ། ནུས་པས་རིམས་ནད་དང༌། ཚད་པ་རྙིང་པ། སྲིན་ནད་སོགས་སེལ། 3 ཁ། |
| སྤོར་གཅུས་པ |
ཁ་གཞན་དུ་གཅུས་ཏེ་མི་འདོད་པའི་རྣམ་འགྱུར་སྟོན་པ། |
| སྤོར་གཅོག |
གྲངས་ཚད་ཇི་དགོས་ལྟར་མང་དུ་གཏོང་བའམ་ཉུང་དུ་གཏོང་བ། ཟོག་གོང་སྤོར་གཅོག མི་གྲངས་སྤོར་གཅོག |
| སྤོར་གོར |
རྙིང ཕོར་པ། |
| སྤོར་གྲངས་ཁལ་བསྒྲིལ |
སྔར་བོད་ལུགས་ཀྱི་ལྗིད་ཚད་རྩི་སྟངས་ཤིག སྤོར་ཞེ་ལྔ་ནི་ཁལ་མེད་ཉ་ག་བཅུ་གཅིག་དང་སྤོར་གང་ཡིན། |
| སྤོར་ཐང |
1 སྤོར་ཐང་རྩིས་ཏེ་ཐོག་མར་བོད་དུ་རྒྱ་བཟའ་ཀོང་ཇོས་བསྣམས་ཕེབས་པའི་ནག་རྩིས། 2 རྒྱ་ནག་ལུགས་ཀྱི་རྩིས་ཀྱི་གཙུག་ལག |
| སྤོར་ཐང་རྩིས |
སྤོར་ཐང་དང་དོན་གཅིག་ |
| སྤོར་ཕྱོགས |
ཁ་ཕྱོགས། ལས་ཀ་སྤོར་ཕྱོགས་བསློགས་ནས་བྱེད་པ། གཞུང་དོན་བཞག་ནས་སྒེར་དོན་ལ་འཇུག་པའི་སྤོར་ཕྱོགས་ལོག་པ་བྱེད་པ། |
| སྤོར་བ |
ཐ་དད་པ སྤར་བ། སྤར་བ། སྤོར།། 1 འབར་བར་བྱེད་པ། མེ་སྤར་བ། བཞུ་མར་སྤོར་བ། 2 གྲངས་རིན་འཕར་བར་བྱེད་པ། རིན་གོང་སྤར་བ། འབོར་གྲངས་སྤོར་བ། 3 གནས་སམ་རིམ་པ་མཐོ་རུ་གཏོང་བ། ལས་བྱེད་པ་ཕུལ་བྱུང་གི་གོ་གནས་སྤོར་བ། 4 རྙིང སྤོ་བ། |
| སྤོར་བསྡམས་པ |
ཁ་སྣ་བསྡམས་པ། གཡག་ལུག་སྤོར་བསྡམས་ནས་གསོད་པ། |
| སྤོར་ཤིང |
འོམ་བུ། |
| སྤོས |
1.སྤོ་བའི་སྐུལ་ཚིག 2.གླ་རྩི་སོགས་རྫས་སྦྱོར་ལས་གྲུབ་པའི་དྲི་བཟང་ཅན་ཞིག བདུག་སྤོས། བྱུག་སྤོས། སྦྱར་བྱུང་གི་སྤོས། ལྷན་སྐྱེས་ཀྱི་དྲི་སྤོས། |
| སྤོས་ཀྱི་རྒྱལ་པོ |
མངོན ལི་ཤི། |
| སྤོས་གཏུལ་བ |
1 སྤོས་སྤར་བའམ་བདུག་པ། 2 རྙིང སྤོས་དུད་བསྐྱིལ་བ། |
| སྤོས་གཞོང |
སྤོས་རྐང་སྤར་སའི་སྣོད་ནར་མོ་ཞིག |
| སྤོས་ངད་ལྡང་བའི་རི |
གངས་ཏེ་སེ་ནས་དཔག་ཚད་ལྔ་བཅུའི་མཚམས་སུ་ཡོད་པ་ཞིག |
| སྤོས་ངད་ལྡན |
1 སྤོས་ངད་ལྡང་བའི་རི་དང་དོན་གཅིག 2 མངོན 1.ཆང༌། 2.བུང་བ། |
| སྤོས་ཉུག་པ |
རྙིང སྤོས་བྱུག་པ། སྤོས་ཀྱིས་གོས་ལ་སོགས་པ་དྲི་ཞིམ་པར་བྱེད་པ། |
| སྤོས་ཐལ་སྟེར་བ |
ཡུལ ཟུར་ཟའི་སྒོ་ནས་གཏམ་ལན་ཕྱིན་ཅི་ལོག་ཏུ་འདེབས་པའི་དཔེ། |
| སྤོས་དཀར |
1 ཤིང་སཱ་ལའི་ཐང་ཆུའི་རིགས་ཤིག་སྟེ། རོ་ཁ། ཞུ་རྗེས་དྲོད། ནུས་པས་རྨ་འབྲུབ། ཆུ་སེར་སྐེམ། ཁྲག་རླུང་གནོན། རླུང་དང་ཆུ་སེར་གྱིས་ལུས་སྐྲངས་པ་འཇོམས། མིང་གི་རྣམ་གྲངས་ལ་ནོར་བུ་སྤྲོ་དང་གཟུགས་མང་ངོ། 2 སྤོས་ཤིག་གི་མིང༌། |
| སྤོས་དཀར་ཤིང |
ཤིང་སཱ་ལ། |
| སྤོས་དུད |
སྤོས་ཀྱི་དུ་བ། |
| སྤོས་དྲི |
སྤོས་ཀྱི་དྲི་བཟང༌། བདུག་པའི་སྤོས་དྲི་བཟང་པོ་རྣམས་ཀུན་ནས་མཆོད་པ། |
| སྤོས་པ |
སྤོ་བའི་འདས་པ། |
| སྤོས་ཕོར |
སྤོས་ཕྱེ་མ་སྤར་སའི་སྣོད། |
| སྤོས་ཕྱེ་ཕུར་མ |
སྤོས་ཀྱི་ཕྱེ་མ་བླུགས་པའི་མཆོད་རྫས་ཤིག |
| སྤོས་མདོང |
སྤོས་རྐང་བླུག་སྣོད། |
| སྤོས་ཞིམ་ལྡེ་གུ |
དྲི་བཟང་སྦངས་པའི་ཆུ། |
| སྤོས་འཁོར |
སྤོས་སྦོམ་སྒོར་མོར་འཁྱིལ་བ། |
| སྤོས་འདམ |
སྤོས་ཕྱེ་བརྫིས་པའི་འདམ་བག |
| སྤོས་འདྲ |
1 ཆོས་པ་ཚོས་སྤོས་སྣ་ཞུ་སྐབས་ལག་འཁྱེར་སྤོས་ཆུན་པོ་དང་འདྲ་བའི་ཤིང་ཧྲིལ། 2 སྤོས་ཤེལ་རྫུན་མ། |
| སྤོས་འབྱུག |
སྤོས་བྱུག་པའམ་ཉུག་པར་བྱེད་པ། |
| སྤོས་འཛིན |
སྤོས་རྐང་འཛུགས་ས། |
| སྤོས་རྐང |
སྤོས་ཆག་པའི་ནང་གི་རྐང༌། |
| སྤོས་རྡུང་པ |
སྤོས་བཟོ་མཁན། |
| སྤོས་ཤེལ |
གནའ་དུས་གསོམ་ཤུག་གི་ཐང་ཆུ་ས་འོག་གཏིང་ཟབ་སར་སོང་ནས་རིམ་གྱིས་རྡོར་གྱུར་པ་ཡིན་ཞིང་། མདོག་སེར་སྨུག་ཅན་དྭངས་པ་ཡིན། རྒྱན་ཆ་དང་དྲི་ཞིམ་གྱི་རྫས་བྱེད་ཆོག་ལ། སྨན་ཡང་བྱེད་ཆོག ‘ |
| སྤོས་སིཧླ |
དུ་རུ་ཀའི་སྦྱར་སྤོས། |
| སྤོས་སྐོར |
ཆོས་པ་ཚོས་ལག་ཏུ་སྤོས་ཁྱེར་ཏེ་ཚོགས་ལ་སྐོར་བ་བྱེད་པ། |
| སྤོས་སྒམ |
སྤོས་བླུག་སྣོད། |
| སྤོས་སྟེགས |
སྤོས་འཛུགས་སའམ་འཇོག་སའི་སྟེགས། |
| སྤོས་སྣེས་སྔུན་བསུ |
ཆོས་པ་ཚོས་སྤོས་ལ་མེ་སྤར་བ་ཁྱེར་ཏེ་མདུན་ནས་བསུ་བ། |
| སྤོས་སྣོད |
སྤོས་བླུག་ས། |
| སྤོས་སྤོག |
སྤོས་སྤྲོག་དང་འདྲ། |
| སྤོས་སྤྲོག |
སྤོས་བླུག་སའི་སྒམ་མམ་གཟེབ་སྣོད། |
| སྤོས་སྦྱར |
སྤོས་བཟོ་བ། |
| སྤྱང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཐག་པ་སོགས་ཐུར་དུ་དཔྱང་བའི་དོན་ཏེ། འདས་པ་ལ‘སྤྱངས’དང་སྐུལ་ཚིག་ལ‘སྤྱོང’འབྲི། (བྱེད་མེད་ལས་ཚིག) རིག་པ་རྣོ་བའམ་མྱོང་ཚོར་གསལ་བའི་དོན་ཏེ། རིག་པ་སྤྱང་། བློ་སྤྱང་ལྟ་བུ། |
| སྤྱང་ཀི |
གཟུགས་དབྱིབས་ཁྱི་འདྲ་བའི་གཅན་གཟན་ཞིག མི་ངན་ལ་རྒྱབ་རྟེན་བཅོལ་ན་སྤྱང་ཀི་ནང་དུ་ཁྲིད་པ་དང་མཚུངས། ལུག་ཁྱུ་སྤྱང་ཀིས་བདས་ཏེ་བྱེར་བ། སྤྱང་ཀིའི་ཁ་ནས་ལུག་རོ་མི་འཐོབ། སྤྱང་ཀི་རྟ་གཟན་ལུག་རོས་མི་འགྲང༌། |
| སྤྱང་ཀིའི་ཕོ་བ |
སྲོག་ཆགས་སྨན་གྱི་རིགས་ཤིག་སྟེ། རོ་མངར། ཞུ་རྗེས་དྲོད། ནུས་པས་ཕོ་བའི་དྲོད་སྐྱེད། ཁ་ཟས་འཇུ་བར་བྱེད། |
| སྤྱང་ཀིའི་ལྕེ |
སྲོག་ཆགས་སྨན་གྱི་རིགས་ཤིག་སྟེ། རོ་མངར་ལ་ཚ། ཞུ་རྗེས་སྙོམས། ནུས་པས་ལྕེ་སྐྲངས་པ་དང་གག་པའི་ནད་ལ་ཕན། |
| སྤྱང་ཁུ |
སྤྱང་ཀི་དང་འདྲ། |
| སྤྱང་ཁྱི |
ཁྱི་སྤྱང་ཚ་སྟེ། ཁྱི་དང་སྤྱང་ཀི་སྡེབ་པའི་ཕྲུ་གུ། |
| སྤྱང་གྲུང |
བློ་གསལ་ལ་རིག་པ་གྲིམ་པ། སྤྱང་གྲུང་འཛོམས་པོ། |
| སྤྱང་གྲུང་དོད་པོ |
བློ་རིག་གསལ་ཞིང༌། རྫི་གསང་དོད་པོ། |
| སྤྱང་གྲུང་བསྟུན་མཁས |
ཁེ་ཉེན་རྟོག་ཤེས་ཀྱི་རྫི་གསང་ལྡན་པ་དང༌། དུས་དང་བྱ་སྤྱོད་ཀྱི་ཆོས་བབ་ལ་ལྟ་མཁས་པ། |
| སྤྱང་གླེན |
སྤྱང་པོ་དང་གླེན་པ། |
| སྤྱང་ཐག |
དཔྱང་ཐག་དང་འདྲ། |
| སྤྱང་ཐུལ |
སྤྱང་ཀིའི་པགས་པའི་གོས་ཀྱི་བྱེ་བྲག་ཅིག |
| སྤྱང་དུག་པ |
སྔོ་སྨན་བཙན་དུག་གི་རིགས་སྤྱང་གི་སོགས་ཀྱི་ཁར་སོང་ན་འཆི་འགྲོ་བ་ཞིག་སྟེ། ནུས་པས་དུག་རིགས་ཀྱི་ནུས་པ་གསོད། |
| སྤྱང་པོ |
གྲུང་པོའམ་རིག་པ་གྲིམ་པོ། བདེན་རྫུན་དང་ལེགས་ཉེས་དབྱེ་རྒྱུར་སྤྱང་པོ། སྤྱང་པོ་སྤྱང་ཐལ་ཤོར། སྤྱང་པོའི་སྤྱང་ཚད་མ་ཟིན་ན། སྤྱང་པོ་བླུན་ལ་འགྱུར་རབས་མང༌། མིང་གི་རྣམ་གྲངས་ལ་གྲིམ་པོ་དང༌། གྲུང་པོ། སྒྲིམ་པོ། བློ་གསལ་པོ། རིག་པ་ཅན་བཅས་སོ། |
| སྤྱང་པོ་ཀླད་མེད |
སྤྱང་པོ་ཡིན་ལ་རང་ཚུགས་འཛིན་མི་ཐུབ་པའམ། བསམ་བློ་ཟབ་པོ་གཏོང་མི་ཤེས་པ། |
| སྤྱང་པོ་འདོ་མེད |
རིག་པ་རྣོ་ཡང་བསམ་བློ་གཏད་སོ་མེད་པ། |
| སྤྱང་ཕྲུག |
སྤྱང་ཀིའི་བུ་ཕྲུག སྤྱང་ཕྲུག་གསོས་ནས་སྒོ་ཁྱི་མི་ཉན། སྤྱང་ཕྲུག་ཆུང་དུས་མ་བསད་ན། བརྒྱ་ལུག་ལྷས་ནས་སྟོང་ཉེན་ཡོད། |
| སྤྱང་བཅོས |
སྤྱང་པོ་མིན་པར་ཡིན་མདོག་གི་བྱ་སྤྱོད། གླེན་པས་སྤྱང་བཅོས་བྱས་ན་མངོན་གསལ་གཞན་ལས་དོད་པ། |
| སྤྱང་བོ |
བློ་དང་ཚོར་བ་རྣོན་པོ་སྟེ། མི་སྤྱང་བོ། བྱ་སྤྱང་བོ་ཞེས་པ་ལྟ་བུ། ０‘སྤྱང་ཀི’ཡི་ཚིག་བསྡུས་པ། |
| སྤྱང་མོ |
སྤྱང་ཀི། ཆུ་མར་འབབ་སྤྱང་མོ་འདུར་འདུར་རེད། |
| སྤྱང་མོ་མདེའུ་འབྱིན |
སྨན་གྱི་ཁུངས་བཤད་དམ་བྱེད་ལས་ལ་བརྟེན་ནས་བཏགས་པའི་སྤང་རྩི་དོ་བོའི་མིང་གཞན་ཞིག |
| སྤྱང་ཚགས |
རྙིང ཆུ་ཚགས་ཡུ་བ་ཅན། |
| སྤྱང་ཚེར |
ཐང་སྨན་གྱི་རིགས་ཤིག་སྟེ། རོ་མངར་ལ་བསྐ། ཞུ་རྗེས་དྲོད། ནུས་པས་མ་ཞུ་བ་སོགས་བད་ཀན་གྱི་ནད་སྐྱུག་པར་བྱེད། |
| སྤྱང་ཚེར |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ཞིང་། གཞུང་རྟ་དང་ལོ་མ་ལ་ཚེར་མ་ཡོད་ལ་མེ་ཏོག་སྨུག་པོ་བཞད། རྩ་བ་སྨན་བྱེད་ཆོག |
| སྤྱང་ཞྭ |
སྤྱང་ལྤགས་ཀྱི་ཞྭ་མོ། |
| སྤྱང་འཕར་འདུས་པ |
1 སྤྱང་ཀི་དང་འཕར་བ་འཛོམས་པ། 2 འཕར་སྤྱང་ཁྱོ་ཤུག་བྱས་པ། |
| སྤྱང་ལུག་གོ་ནོར |
བསྐྱབ་བྱ་དང་བསྒྲལ་བྱ་ནོར་བའི་དཔེ། |
| སྤྱང་ཤ་དོད་པོ |
གྲུང་ཉམས་དོད་པོའམ་གྲུང་མདོག་ཁ་པོ།.. |
| སྤྱང་སྒམ |
ཡུལ སྤྱང་ཀི་འཛིན་བྱེད་ས་དོང་ནང་གི་རྡོ་སྒམ། |
| སྤྱང་སློག |
སྤྱང་ལྤགས་ཀྱི་སློག་པ། |
| སྤྱང་ཨ་ཐང |
སྤྱང་ཀི་དར་མ། |
| སྤྱངས |
‘སྤྱང’ལ་ལྟོས། |
| སྤྱད |
(བྱེད་འབྲེལ་ལས་ཚིག་མ་འོངས་པ་དང་འདས་པ) <ཀ>ཟས་གོས་སོགས་བཟས་པ་དང་གྱོན་པ། ཡོ་བྱད་སོགས་བཀོལ་བའི་དོན་ཏེ། བཟའ་བཏུང་སྤྱད། ཕྱུགས་ཟོག་བེད་སྤྱད། སྤྱད་བྱའི་ཟས་ཞེས་པ་ལྟ་བུ། |
| སྤྱད་གདང |
ཅ་ལག་འགེལ་སའི་གདང༌། |
| སྤྱད་དངོས |
ཡོ་བྱད་སྤྱིའི་མིང༌། |
| སྤྱད་པ |
1.སྤྱོད་པའི་འདས་པ་དང་མ་འོངས་པ། 2.བྱ་བའམ་སྤྱོད་ལམ། |
| སྤྱད་པ་རྣམ་སྦྱོང་གི་དམིགས་པ |
ཞི་གནས་ཀྱི་དམིགས་པ་བཞིའི་ཡ་གྱལ་ཞིག་སྟེ་འདོད་ཆགས་སོགས་ལ་ཤས་ཆེར་སྤྱད་པའི་གཉེན་པོར་དམིགས་པ་སྟེ་མི་སྡུག་པ་སོགས་སྒོམ་པའོ། |
| སྤྱད་པ་རྣམ་སྦྱོང་གི་དམིགས་པ་ལྔ |
མི་སྡུག་པ་དང༌། བྱམས་པ་དང༌། རྟེན་འབྲེལ་དང༌། ཁམས་ཀྱི་རབ་དབྱེ་དང༌། དབུགས་འབྱུང་རྔུབ་སྟེ་ལྔའོ། |
| སྤྱད་ལག |
ཡོ་སྤྱད། |
| སྤྱད་ལག་དངོས་པོ |
ཡོ་བྱད་སྤྱིའི་མིང༌། |
| སྤྱན |
1 མིག་གི་ཞེ་ས། སྤྱན་རྣོན་པོ། བྱམས་པའི་སྤྱན་གྱིས་མིང་སྲིང་གཉིས་ལ་གཟིགས་ནས་བཞུགས། 2 ཐུགས་སེམས་དང༌། བཀའ་དྲིན། འཚོ་ཐབས་བྲལ་བའི་རྒན་རྒོན་ནད་པ་སོགས་ལ་གཞུང་ནས་ཡང་ཡང་སྤྱན་གྱིས་བསྐྱངས་པ། |
| སྤྱན་ཁྱེར |
1 དཔེ་ཆའི་ཤོག་ལྡེབ་ཀྱི་ཟུར་མཐའི་དཔེ་མིང་དང་ཨང་གྲངས་རྒྱག་སའི་ཐིག་ཁང༌། 2 གདོང་འཛར། |
| སྤྱན་ཁྱེར་གྱི་རྒྱ |
རྒྱ་རིམ་པ་བདུན་གྱི་ནང་གསེས་ཤིག་སྟེ་གདོང་འཛར། |
| སྤྱན་གཉིས་དག་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་རྣམ་པར་དག་པའི་ཆོས་སྟོན་པའི་ཕྱིར་སྤྱན་ར་རི་སོགས་ཀྱི་སྐྱོན་མེད་པས་རྣམ་པར་དག་པ། |
| སྤྱན་གཟིགས |
1 གླིང་ག་སོགས་སུ་ལྟད་མོ་བལྟ་རྒྱུར་བཞག་པའི་སྲོག་ཆགས་རིགས། 2 མགོན་ཁང་སོགས་ལ་བསྒྲིགས་པའི་མཆོད་རྫས་ཀྱི་ཡོ་བྱད་སྤྱིའི་མིང༌། |
| སྤྱན་གཟིགས་རྟག་ངུ |
སྔོ་སྨན་རྟག་ངུ་རིགས་ཀྱི་ནང་ནས་མེ་ཏོག་མདོག་དཀར་པོ་འཆར་བ་ཞིག་སྟེ། རོ་མངར་ལ་ཁ། ཞུ་རྗེས་སྙོམས། ནུས་པས་བཅུད་ལེན། ལུས་སྟོབས་སྐྱེད། |
| སྤྱན་གསལ་རྒྱས |
སངས་རྒྱས་ཤིག |
| སྤྱན་གྱི་དཔེ་བྱད་ལྔ |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སྤྱན་ཡངས་པ་དང༌། སྤྱན་པདྨའི་འདབ་མ་འདྲ་བ་དང༌། སྤྱན་གཉིས་དག་པ་དང༌། གཟིགས་པ་སྒྲིབ་མེད་དག་པ་དང༌། སྤྱན་གྱི་རྫི་མ་བ་མཆོག་གི་རྫི་མ་ལྟ་བུ་བཅས་ལྔའོ། |
| སྤྱན་གྱི་རྫི་མ་བ་མཆོག་གི་རྫི་མ་ལྟ་བུའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྟེ་ཁོང་ཁྲོ་བ་ལ་སོགས་པ་མེད་པར་བལྟས་པས་བ་མཆོག་གི་རྫི་མ་ལྟ་བུ་སྤྱན་ལྕིབས་ཀྱི་སྤུ་རྣམས་མ་འདྲེས་པའོ། |
| སྤྱན་ཆབ |
མིག་ཆུའི་ཞེ་ས། སྤྱན་ཆབ་འབྱིན་དུ་ཉེ། སྤྱན་ཆབ་ཉིལ་ཉིལ་མཛད། སྤྱན་ཆབ་ཉིལ་ལི་བ། སྤྱན་ཆབ་བསིལ་བ། ཐུགས་སྐྱོ་བས་སྤྱན་ཆབ་བསིལ་བ། |
| སྤྱན་དཀར |
ཡུལ བོད་ལུགས་རི་མོ་འབྲི་དུས་མི་སོགས་ཀྱི་མིག་ལ་གཏོང་རྒྱུའི་ཚོན་དཀར་པོ། |
| སྤྱན་དཀྱུས་མ |
སྤྱན་གསུམ་ཡོད་པའི་འོག་མ་གཉིས། |
| སྤྱན་དཀྱུས་རིང |
མིག་དཀྱུས་ཏེ་མིག་ཕྲེད་དུ་རིང་བ། |
| སྤྱན་དབུས་མ |
ཡེ་ཤེས་ཀྱི་སྤྱན། |
| སྤྱན་དམར |
མངོན ཁྱབ་འཇུག |
| སྤྱན་དམིགས |
དམིགས་པའི་ཞེ་ས། |
| སྤྱན་པ |
1 བྱ་ར་བ། 2 གཉེར་པ། 3 སྤྱན་བསལ་དང་དོན་གཅིག་ |
| སྤྱན་པད་མའི་འདབ་མ་འདྲ་བའི་དཔེ་བྱད |
སངས་རྒྱས་ཀྱི་དཔེ་བྱད་བརྒྱད་ཅུའི་ནང་གསེས་ཤིག་སྟེ། འགྲོ་བ་གཞོན་ནུ་མ་ཐམས་ཅད་མངོན་པར་མགུ་བ་ཉིད་ཀྱིས་སྤྱན་དཀར་ནག་འབྱེས་ཤིང་པད་མའི་འདབ་མ་རངས་པ་ལྟ་བུ། |
| སྤྱན་ཕྱེ |
རི་མོར་བྲིས་པའི་མི་སོགས་ཀྱི་མིག་དབྱེ་བར་བྱས་པ། |
| སྤྱན་བདར |
སྤྱན་ལ་བདར་བ་སྟེ། མིག་ལ་སྟོན་པ། ལས་དོན་གྱི་འཆར་གཞི་དབུ་ཁྲིད་ལྷན་རྒྱས་ལ་སྤྱན་བདར་ཞུ་བ། |
| སྤྱན་བཟོ་མགོ་སྐོན |
མིང་གཞན་གསེག་སྤྱན་མགོ་སྐོན་ཡང་ཟེར་བ་ཟངས་བཟོ་པའི་ལག་ཆ་ཞིག |
| སྤྱན་བསལ |
སྔ་དུས་རྒྱལ་པོའི་སྤྱན་ལ་དམིགས་བསལ་འཇུག་པའི་ཞབས་འབྲིང་ནང་མ། |
| སྤྱན་བསྟར |
མིག་སྔར་བསྒྲིགས་ཏེ་བསྟན་པ། སྤྱན་བསྟར་ཞིབ་གཟིགས། གལ་ཆེའི་ཡིག་རིགས་ཚང་མ་སྤྱན་བསྟར་ཞུས་པ། |
| སྤྱན་མ |
སངས་རྒྱས་སྤྱན་མ། |
| སྤྱན་མ་བརྟུལ |
མིག་མ་གཡེངས་པར་བྱས་པ། |
| སྤྱན་མཐོན་མཐིང་འདྲ་བའི་མཚན་བཟང |
སངས་རྒྱས་ཀྱི་མཚན་བཟང་སོ་གཉིས་ཀྱི་ནང་གསེས་ཤིག་སྟེ་སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་བལྟས་པས་སྤྱན་འབྲས་རིན་པོ་ཆེ་མཐོན་མཐིང་ལྟར་མཛེས་པའོ། |
| སྤྱན་མི་བཟང |
བིརུཔཱཀྵཿ རི་རབ་ཀྱི་ནུབ་ཕྱོགས་སྐྱོང་བའི་རྒྱལ་ཆེན་ཏེ་རྒྱལ་ཆེན་རིགས་བཞིའི་ཡ་གྱལ་ཞིག |
| སྤྱན་ཟིམ་མེ |
མིག་ཕྱེད་ཙམ་བཙུམས་པ། སྤྱན་ཟིམ་མེར་གཟིགས་པ། |
| སྤྱན་འཆུས་པ |
གཉིད་མ་ཁུག་པའམ་ལུས་སྟོབས་ཉམས་ཏེ་མིག་ལྤགས་ལ་སུལ་ཆགས་པ། |
| སྤྱན་འདན |
1 འཇིམ་བཟོ་བས་འདྲ་སྐུའི་སྤྱན་འབྱེད་བྱེད་སྐབས་ཀྱི་ལག་ཆ་ཞིག 2 རྒྱ གོས་ཆེན་གྱི་བྱེ་བྲག |
| སྤྱན་འདྲེན |
མགྲོན་དུ་བོས་པའི་ཞེ་ས་སྟེ། སྤྱན་འདྲེན་མཁན། སྤྱན་དྲོངས་ཤིག་ཅེས་པ་ལྟ་བུ། |
| སྤྱན་འདྲེན་པ |
གདན་འདྲེན་ཞུ་བ། ཞལ་གྱིས་བཞེས་པ་ལྟར་སྤྱན་འདྲེན་པར་ཡོང༌། སྐུ་མགྲོན་སྤྱན་འདྲེན་པ། |
| སྤྱན་འབེབ |
1གོང་རིམ་ནས་འོག་རིམ་གྱི་བྱ་བར་ལྟ་ཞིབ་བྱས་པའི་དོན་ཏེ། བཟོ་གྲྭ་ལས་པ་ལ་སྤྱན་འབེབ་གནང་ལྟ་བུ། 2འོག་རིམ་གྱིས་རང་གི་བྱ་བ་རྣམས་གོང་རིམ་ལ་ལྟ་རུ་བཅུག་པའི་དོན་ཏེ། འཆར་གཞི་ལ་སྤྱན་འབེབ་ཞུ་ལྟ་བུ། |
| སྤྱན་འབེབས |
མིག་ལ་སྟོན་པ། ཡིག་ཟིན་འགྲིགས་དང་མི་འགྲིག་སྤྱན་འབེབས་ཞུ་དགོས། |
| སྤྱན་འབྲུག་ཆུ |
བོད་རང་སྐྱོང་ལྗོངས་ཀྱི་མེ་ཏོག་རྫོང་ཁོངས་ཀྱི་འབབ་ཆུ་ཞིག་ཆུ་འགོ་གངས་རི་དཀར་པོའི་ལྷོ་ངོས་ནས་བྱུང་ཞིང་ལྷོ་ནུབ་ཕྱོགས་ནས་ཡར་ཀླུངས་གཙང་པོའི་ནང་དུ་འབབ། |
| སྤྱན་འབྲུག་ལ |
ལ་ཞིག་བོད་རང་སྐྱོང་ལྗོངས་ཀྱི་སྤོ་བོ་རྫོང་གི་ལྷོ་རྒྱུད་དུ་ཡོད། |
| སྤྱན་ཡངས་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ་ཆོས་ཤིན་ཏུ་རྒྱ་ཆེ་བའི་ཕྱིར་སྤྱན་དཀྱུས་རིང་ཞིང་ཡངས་པ། |
| སྤྱན་རས |
མིག སྤྱན་རས་བཙའ་བ། |
| སྤྱན་རས་གཟིགས |
1 མིག་གིས་ལྟ་བ། 2 སངས་རྒྱས་ཐམས་ཅད་ཀྱི་གསུང་གི་ངོ་བོ་གཅིག་ཏུ་བསྡུས་པ་བརྩེ་བའི་བདག་ཉིད་ཅན་འགྲོ་བ་ཡོངས་ལ་སྤྱན་རས་ཡངས་པས་རྟག་ཏུ་གཟིགས་པའི་ཉེ་བའི་སྲས་ཆེན་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་གྲུ་འཛིན་བདག་དང༌། འཇིག་རྟེན་མགོན། འཇིག་རྟེན་དབང་ཕྱུག་སྙིང་རྗེའི་ལྷ། ཐུགས་རྗེ་ཆེན་པོ། ཕྱག་ན་པད་མ་བཅས་སོ། |
| སྤྱན་རས་གཟིགས་དབང་ཕྱུག |
བྱང་སེམས་ཉེ་བའི་སྲས་བརྒྱད་ཀྱི་ཡ་གྱལ། སངས་རྒྱས་ཐམས་ཅད་ཀྱི་སྙིང་རྗེའི་རང་གཟུགས་འགྲོ་བ་ཀུན་ལ་ཐུགས་རྗེའི་སྤྱན་གྱིས་རས་སུ་མ་ཆད་པར་གཟིགས་ཤིང་གདུལ་བྱ་གང་འདུལ་གྱིས་འགྲོ་བ་སྒྲོལ་ཞིང་སྐྱོབ་པར་མཛད་པའི་ས་བཅུའི་སེམས་དཔའོ། |
| སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་པ་མེད་པའི་ཡིད་བཞིན་གྱི་འཁོར་ལོའི་སྙིང་པོ |
གཟུངས་ཀྱི་བྱེ་བྲག་ཅིག་ལེའུ་དྲུག་པ། ལོ་ཙཱ་བ་ཆོས་འགྲུབ་ཀྱིས་རྒྱ་ནག་གི་དཔེ་ལས་བསྒྱུར་པའོ། |
| སྤྱན་རས་གཟིགས་ཕྱག་བཞི་པ |
ལྷ་ཐུགས་རྗེ་ཆེན་པོའི་བྱེ་བྲག་ཅིག་སྤྱན་རས་གཟིགས་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་ཞིང༌། ཕྱག་གཡས་འོག་མས་རིན་ཆེན་ཤེལ་ཕྲེང་དང༌། ཕྱག་གཡོན་འོག་མས་པད་མ་དཀར་པོ་འདབ་མ་བརྒྱད་པའི་ཡུ་བ་འཛིན་པའོ། |
| སྤྱན་རས་གཟིགས་ཕྱག་སྟོང་སྤྱན་སྟོང |
ལྷ་ཐུགས་རྗེ་ཆེན་པོའི་བྱེ་བྲག་ཅིག་སྤྱན་རས་གཟིགས་ཞལ་བཅུ་གཅིག་པ། ཕྱག་སྟོང་དང་ཕྱག་རེ་རེའི་མཐིལ་དུ་སྤྱན་རེ་ཡོད་པས་སྤྱན་སྟོང་མངའ་བའོ། |
| སྤྱན་རས་གཟིགས་བཅུ་གཅིག་ཞལ |
ལྷ་ཐུགས་རྗེ་ཆེན་པོའི་བྱེ་བྲག་ཅིག་རྩ་ཞལ་གསུམ་ཞི་བ། གཡས་ཞལ་གསུམ་ཞི་མ་ཁྲོ། གཡོན་ཞལ་གསུམ་ཁྲོ་བོ། ལྟག་ཞལ་གཅིག་བཞད་པའི་ཉམས་ཅན། དབུ་གཙུག་ན་འོད་དཔག་མེད་ཀྱིས་བརྒྱན་པའོ། |
| སྤྱན་ལ་གསལ་བ |
མིག་ལམ་དུ་འགྲོ་བའམ་འབབ་པ། |
| སྤྱན་ལ་མཛེས་པ |
1 ལྟར་སྣང་མཛེས་པ། 2 ཐུགས་ལ་འབབ་པ། |
| སྤྱན་ལྔ |
སངས་རྒྱས་ཁོ་ནར་མངའ་བའི་སྤྱན་ལྔ་སྟེ། ཤའི་སྤྱན་དང༌། ལྷའི་སྤྱན། ཤེས་རབ་ཀྱི་སྤྱན། ཆོས་ཀྱི་སྤྱན། ཡེ་ཤེས་ཀྱི་སྤྱན་ཏེ་ལྔ། |
| སྤྱན་ལྕིབས |
མིག་འབྲས་ཀྱི་མཐའི་མིག་ལྤགས། |
| སྤྱན་ལྡན |
1 རུམ་གདན་གྱི་རི་མོའི་བྱེ་བྲག་ཅིག 2 གོས་ཆེན་གྱི་དོན་དུ་གོ་བའི་སྤྱན་འདན་དང་འདྲ། |
| སྤྱན་ལྡན་འབྲུག་འགྲོས་མ |
གོས་ཆེན་གྱི་བྱེ་བྲག་ཅིག |
| སྤྱན་ལྡན་སྒམ་པོ |
གོས་ཆེན་སྤྱན་ལྡན་གྱི་རི་མོ་དང༌། བྱིའུ་ཕ་ཝང་གི་རི་མོ་ཡོད་པའི་རུམ་གྱི་མིང༌། |
| སྤྱན་ཤེལ |
མིག་ཤེལ་གྱི་ཞེ་ས། |
| སྤྱན་སྔ |
མིག་སྔའམ་མིག་གི་མདུན། |
| སྤྱན་སྔ་བ |
1 དགེ་བཤེས་སྟོན་པའི་དངོས་སློབ་སྤྱན་སྔར་གསོལ་དཔོན་ལྟ་བུ་མཛད་དེ་བཞུགས་པའི་བཀའ་གདམས་སྐུ་མཆེད་གསུམ་གྱི་ནང་ཚན་ཞིག 2 མདུན་འདུག་པའམ་སྐུ་གམ་པ། |
| སྤྱན་སྔ་བ་ཚུལ་ཁྲིམས་འབར |
འབྲོམ་སྟོན་གྱི་དངོས་སློབ། རྣལ་འབྱོར་ཆེན་པོའང་བསྟེན་ནས་བདེན་གཉིས་ཀྱི་ཁྲིད་ཀྱིས་ཆོས་ཀྱི་བདག་མེད་ཕྲ་མོ་ལ་འཁྲིད་པར་མཛད་དེ། བཀའ་གདམས་པའི་གདམས་ངག་པའི་སྲོལ་བཏོད། གསང་སྔགས་འཆིང་བ་དང་སྒོམ་སྒྲུབ་ལའང་གནད་ཆེར་མནོས། ལོ་ཙཱ་བའང་མཁས། རབ་བྱུང་དང་པོའི་ས་སྟག་ལོར་འཁྲུངས། རབ་བྱུང་གཉིས་པའི་ཆུ་ལུག་ལོར་འདས། ཤམ་ཐབས་ལ་ཀོ་བའི་ལྷན་པ་མང་པོ་བཏབ་པས་ཀོ་ཤམ་པར་གྲགས། 10381103 |
| སྤྱན་སྟོན |
ཆོས་པ་ཚོས་ལྷའི་འདྲ་སྐུ་གསར་པ་བཞེངས་ཏེ་སྤྱན་དབྱེ་བྱེད་སྐབས་ཀྱི་སྟོན་མོ། |
| སྤྱར་མ |
1 འཆལ་མོ། 2 ཉེས་སྤྱོད་མཁན། |
| སྤྱི |
1. ཐུན་མོང་དང༌། ཁྱོན་ཡོངས། སྤྱིའི་སྤྱོད་བཟང༌། སྤྱིའི་རྩ་དོན། མི་དམངས་སྤྱི། སྤྱི་དང་བྱེ་བྲག 2. རང་གི་གསལ་བ་ལ་རྗེས་འགྲོ་ཅན་གྱི་ཆོས་ཏེ། ཤེས་བྱ་དང༌། དངོས་པོ་རྟག་པ་ལྟ་བུ། རང་གི་གསལ་བ་ཞེས་བྱེ་བྲག་པ་དང་ཁྱབ་བྱ་ལ་རྗེས་སུ་ཞུགས་ཤིང་ཁྱབ་པའི་ཆོས། ཤེས་བྱ་ནི་རྟག་དངོས་ཐམས་ཅད་ལ་ཁྱབ་པས་སྤྱི་ཡིན་པ་ལྟ་བུའོ། |
| སྤྱི་ཁང |
སྤྱི་པའི་ཁང་པ། |
| སྤྱི་ཁོག |
ཁྱོན་ཡོངས་ཀྱི་གཞི། སྔོན་དུ་གཞུང་དོན་གྱི་སྤྱི་ཁོག་ཕུབ་ཅིང༌། དེ་ནས་ནང་དོན་གསལ་བར་བཤད་པ། ལས་གྲྭའི་འཆར་གཞིའི་སྤྱི་ཁོག་འབུབས་པའི་ཆེད་དུ་འབྲེལ་ཡོད་ཡིག་རིགས་ཁག་དང་ཞིབ་བསྡུར་ཡང་བྱས་པ། |
| སྤྱི་ཁྱབ |
1 ཡོངས་ལ་ཁྱབ་པ། 2 འགོ་བྱེད་མང་པོའི་སྤྱི་དཔོན། |
| སྤྱི་ཁྱབ་མཁན་པོ |
སྔར་བོད་ས་གནས་སྲིད་གཞུང་སྐབས་རྩེ་དྲུང་གི་ནང་ནས་དཔོན་ཐོབ་ཆེ་བ་ཞིག་སྟེ་ཏཱ་ལའི་བླ་མའི་མཛོད་པ། |
| སྤྱི་ཁྲིམས |
ཐུན་མོང་གི་ཁྲིམས་ལུགས། |
| སྤྱི་གཅེར |
སྤྱི་ཅེར་དང་འདྲ། |
| སྤྱི་གཉེར |
དགོན་པའི་ནང་གི་སྤྱི་སོ་དང་གཉེར་པ་སོགས་འཚོ་བའི་འགན་འཁུར་མཁན། |
| སྤྱི་གཏོར |
ཆོས་པ་ཚོས་མཆོད་ཡུལ་གྱི་མགྲོན་སྤྱི་ལ་འབུལ་བའི་གཏོར་མ། |
| སྤྱི་གན |
ཐུན་མོང་གིས་བརྩི་སྲུང་དགོས་པའི་གན་རྒྱ། |
| སྤྱི་གཙུག |
1སྤྱི་བོའི་དབུས་ཀྱི་མིང་། 2སྤྱི་བོའི་དབུས་ཀྱི་མེ་བཙའི་གསང་ཞིག། |
| སྤྱི་གཙུག་སྤུ་འཁྱིལ |
མགོ་དཀྱིལ་གྱི་སྐྲ་འཁྱིལ་ཏེ་རླུང་གསང་ཞིག |
| སྤྱི་གཟུགས |
གཅིག་ཏུ་བསྡུས་པའི་གཟུགས། |
| སྤྱི་གསལ |
1 སྤྱི་དང་བྱེ་བྲག 2 ཀུན་ལ་མངོན་པ། |
| སྤྱི་གུ |
ཡུལ སྤ་ཕྲུག་གི་ནང་གསེས་ཤིག་སྟེ། སྔར་གཙང་མོས་སྤྲས་པའི་མགོ་རྒྱན་ཞིག |
| སྤྱི་གླིང |
ཐུན་མོང་གིས་སྤྲོ་གསེང་དང་ངལ་གསོ་བྱེད་སའི་སྐྱེད་ཚལ། |
| སྤྱི་ཅེར |
‘སྤྱི་ཐེར’དང་དོན་འདྲ། འདི་ལ‘སྤྱི་གཅེར’འབྲི་བའང་ཡོད། |
| སྤྱི་ཆིངས |
1 སྤྱིའམ་ཐམས་ཅད་ཀྱི་ཕྱོགས་སམ་རིགས་འདུས་པ་སྟེ། དཔེ་ཆའི་གཞུང་དོན་སྡོམ་བྱེད། དཔེ་ཆའི་གཞུང་དོན་སྤྱི་ཆིངས་བྱས་པ། 2 ཐུན་མོང་གི་སྒྲིགས་ཡིག |
| སྤྱི་ཆེར |
སྤྱི་ཅེར་དང་འདྲ། |
| སྤྱི་ཆོས |
མི་སེར་ཡོངས་ཀྱི་དོན། |
| སྤྱི་ཏོར |
གཙུག་ཏོར། |
| སྤྱི་ཐམ |
སྤྱི་པའི་དམ་ཕྲུག |
| སྤྱི་ཐེར |
ཀླད་བྱེ་སྟེ་མགོ་སྐྲ་བྱི་བ། |
| སྤྱི་ཐོག |
ཐུན་མོང་གི་སྟེང་དང༌། སྤྱིར་བཏང༌། རང་རྒྱལ་དུ་ལས་དོན་གང་བྱས་མི་འདྲ་ཡང༌། སྤྱི་ཐོག་ནས་བཤད་ན་ཚང་མ་མི་དམངས་ཀྱི་ཆེད་དུ་བྱེད་པ་ཤ་སྟག་རེད། |
| སྤྱི་དགྲ |
ཐུན་མོང་ལ་གནོད་བྱེད་ཀྱི་དགྲ། |
| སྤྱི་དངུལ |
རྒྱལ་ཁབ་བམ། ལས་ཁུངས། ཁེ་ལས། ཚོགས་པ་བཅས་ལ་དབང་བའི་དངུལ། |
| སྤྱི་དཔོན |
ཐུན་མོང་གི་དཔོན། |
| སྤྱི་དམ |
སྤྱི་ཐམ་དང་འདྲ། |
| སྤྱི་དམངས |
རྒྱལ་ཁབ་གང་ཞིག་གི་རྒྱལ་ཁོངས་སུ་གཏོགས་པར་མ་ཟད། རྒྱལ་ཁབ་དེའི་ཁྲིམས་ལུགས་གཏན་འབེབས་ལྟར་དབང་ཆ་ལོངས་སུ་སྤྱོད་རྒྱུ་ཡོད་པ་དང༌། འོས་འགན་འཁུར་དགོས་པའི་མི་ལ་ཟེར། |
| སྤྱི་དོན |
1མི་མང་ཐུན་མོང་གི་ལས་དོན་གྱི་མིང་སྟེ། རང་དོན་བསྐྱུར་ནས་སྤྱི་དོན་བསྒྲུབས་ལྟ་བུ། 2གཞུང་རྩོམ་གྱི་བརྗོད་བྱ་རྣམས་མདོར་བསྡུས་ནས་བཤད་པའི་འགྲེལ་བཤད་ཀྱི་མིང་། |
| སྤྱི་ནོར |
1 སྤྱི་རྫས། 2 གཟའ་ལྔ་སོ་སོའི་བགྲོད་ཡུན་གྱི་ཚད་ལ་ཐུན་མོང་དུ་སྣོན་རྒྱུའི་ཨང་གྲངས། |
| སྤྱི་པ |
1 ཐུན་མོང་བ། སྤྱི་པའི་རྒྱུ་ནོར། སྤྱི་པའི་མགྲོན་ཁང༌། 2 སྔ་དུས་སྤྱིའི་ནོར་ཉར་མཁན་གྱི་མིང༌། 3 སྔ་དུས་ལས་རིགས་ཀྱི་ཚོགས་ཁག རྡོ་བཟོ་སྤྱི་པ། ཤིང་བཟོ་སྤྱི་པ། |
| སྤྱི་ཕན |
དམངས་སྤྱིའི་ཕན་ཐབས་སམ་ཐུན་མོང་གི་ཁེ་ཕན། སྤྱི་ཕན་མ་དངུལ། |
| སྤྱི་ཕུད |
1 གཙུག་ཏོར། 2 འཇིག་རྟེན་བརྩི་བའི་སྟོང་དང་པོའི་མིང༌། |
| སྤྱི་ཕུད་ཀྱི་རྒྱལ་པོ |
སྟོང་དང་པོ་སྤྱི་ཕུད་འཇིག་རྟེན་གྱི་ཚངས་པ། |
| སྤྱི་ཕྱག |
དགོན་པའི་སྤྱི་སོའི་ཕྱག་མཛོད། |
| སྤྱི་བ |
གསོམ་ཤུག་སོགས་རྩི་ཤིང་རིགས་ལ་ལའི་སྟེང་ནས་བྱུང་བའི་གཤེར་ཁུ་འབྱར་བག་ཅན་གྱི་སྤྱི་མིང་། ཡུལ་སྐད་ལ་ལར་འདི་ལ‘ཐང་ཆུ’ཡང་ཟེར། |
| སྤྱི་བཀུར |
སྤྱི་བོར་བཀུར་བ་སྟེ་གུས་འདུད་ཆེན་པོ། |
| སྤྱི་བཏང |
‘སྤྱིར་བཏང’གི་འབྲུ་ཚུལ་གཞན། |
| སྤྱི་བདེ |
སྤྱི་ཚོགས་ཧྲིལ་པོའི་བདེ་འཇགས་ལ་ཟེར། དེར་སྤྱི་ཚོགས་ཀྱི་སྒྲིགས་ལམ་དང་སྤྱི་པའི་རྒྱུ་ནོར་སོགས་འདུས། |
| སྤྱི་བབ |
སྤྱིའི་ཆགས་ཚུལ་ལམ་གནས་ལུགས། |
| སྤྱི་བཞུར |
ཤིང་སྨན་གྱི་རིགས་ཤིག་སྟེ། རོ་ཁ་ལ་བསྐ་བ། ཞུ་རྗེས་བསིལ། ནུས་པས་རུས་པ་ཆག་པ་སྦྱོར། རུས་པའི་ཚ་བ་སེལ། མིང་གི་རྣམ་གྲངས་ལ་སྟབས་སེང་དང༌། འདེལ་པ། སྤྱི་བསིལ། བཻཌཱུར་ཆུ་བསྒྱུར། ཚོང་དཔོན་གཡུ་ཡི་གསང་ཆབ་ཅན། གཡུ་ཤིང༌། ཤིང་དཀར། ཤིང་དཀར་རྩབས་མོ། ཤིང་སྔོན། སེང་གེའི་འོ་མ་བཅས་སོ། |
| སྤྱི་བརྟོལ |
དཔྲལ་ཀོ་མཐུག་པོ་སྟེ། ཨུ་ཚུགས་ཚ་བའམ་གདོང་ཚན་ཆེ་བ། སྤྱི་བརྟོལ་ཅན། བདེན་པ་ཁྱད་དུ་བསད་དེ་རང་འདོད་སྤྱི་བརྟོལ་གྱི་གཏམ་སྨྲ་བ། |
| སྤྱི་བཤལ |
ཚ་གྲང་དང་དོན་སྣོད་སོགས་ཀྱི་ནད་ལ་བལྟོས་མི་དགོས་པར་ནད་རིགས་སྤྱི་ལ་འཕྲོད་པའི་བཤལ་ཏེ། ཕྱི་རྒྱུད་དེད་དཔོན་བཞི་སྦྱོར་དང༌། དེད་དཔོན་བཅུ་སྦྱོར་གཉིས་སོ། |
| སྤྱི་བསགས་མ་དངུལ |
སྤྱི་ཐོག་ཏུ་བསགས་ནས་བཞག་པའི་མ་དངུལ། |
| སྤྱི་བསྒྲགས |
1གྲོས་ཚོགས་གལ་ཆེན་གྱི་གྲོས་ཆོད་དང་། རྒྱལ་ཁབ་སོ་སོའི་བར་གྱི་གྲོས་མོལ་བྱས་པའི་གནས་ཚུལ། རྒྱལ་ཁབ་སོ་སོའི་བར་གྱི་གྲོས་ཚོགས་ཀྱི་དོན། དམག་ལས་བྱས་པའི་གནས་ཚུལ་སོགས་དངོས་སུ་བསྒྲགས་པའི་ཡི་གེའི་རིགས་ཤིག་གི་མིང་། 2སྲིད་གཞུང་གིས་ལས་དོན་གལ་ཆེན་རིགས་བསྒྲགས་པའི་ཡི་གེ་རིགས་ཤིག་གི་མིང་། |
| སྤྱི་བསྟབས |
ཆོས་པ་ཚོས་ཆོས་སྐྱོང་ལ་འབུལ་རྒྱུའི་སྤྱི་གཏོར་ཞིག |
| སྤྱི་བསྡོམས |
1 མང་པོ་ཕྱོགས་བསྒྲིལ་གྱི་བསྡོམས། 2 གྲངས་ཚན་མང་པོ་བསྡོམས་པའི་འབོར་གྲངས། |
| སྤྱི་བུངས |
རྙིང དགེ་འདུན་པའི་སྤྱི་རྫས། |
| སྤྱི་བོ |
མགོ་བོའི་དཀྱིལ་ལམ་གཙུག སོར་བཅུའི་ཐལ་སྦྱར་སྤྱི་བོར་བཀོད་ནས་གསོལ་བ། |
| སྤྱི་བོ་གནམ་བསྟན |
མགོ་བོ་གནམ་ལ་བསྟན་པ་སྟེ་མི་སྤྱིའི་མིང༌། |
| སྤྱི་བོ་ནས་དབང་སྐུར་བ |
སྔགས་ལུགས་བུམ་ཆུ་མགོར་བླུགས་ཏེ་གསང་སྔགས་ཀྱི་སྣོད་རུང་དང་ས་བོན་འཇོག་པ། |
| སྤྱི་བོ་བདེ་ཆེན་གྱི་འཁོར་ལོ |
སྤྱི་བོ་སྨིན་མཚམས་ཐད་ཀྱི་དབུ་མ་ལས་གྱེས་པའི་རྩ་འདབ་སོ་གཉིས་གདུགས་ཀྱི་རྩིབས་མ་ལྟར་ཁ་མར་ཕྱོགས་པ། |
| སྤྱི་བོ་སྐྱེས |
མངོན 1 འཁོར་ལོས་སྒྱུར་རྒྱལ་ཞིག 2 སྐྲ། |
| སྤྱི་བོར་གསལ་སྩོལ |
བླ་དཔོན་རྣམས་ཀྱིས་རང་ལ་བསྩལ་འོས་པའི་བཀའ་རྣམས་རང་གི་སྤྱི་བོའི་སྟེང་དུ་གསལ་པོར་སྩོལ་ཞེས་གུས་བཀུར་གྱི་བརྗོད་ཚུལ་ལོ། |
| སྤྱི་བོར་འཁུར་བ |
1 མགོ་ལ་འཇོག་པ། 2 ཆེས་གུས་པར་བྱེད་པ། མི་དམངས་སྲིད་གཞུང་གི་བཀའ་ཁྲིམས་སྤྱི་བོར་འཁུར་བ། |
| སྤྱི་བོས་རིར་བརྡུང |
མི་ཐུབ་པར་གླེན་འཛིང་བྱེད་པའི་དཔེ། |
| སྤྱི་བོས་ལེན་པ |
གུས་པ་ཆེན་པོས་ལེན་པ། |
| སྤྱི་བྱིངས |
ཕལ་མོ་ཆེའམ་དམངས་གཞི། རྒྱ་ཆེའི་མི་དམངས་སྤྱི་བྱིངས་ནས་མོས་མཐུན་བྱུང་བ། |
| སྤྱི་བྱེ |
སྤྱི་དང་བྱེ་བྲག སྤྱི་བྱེའི་ལས་དོན་རྙོག་ཟིང་བཟོས་པ། |
| སྤྱི་བྱེ་བྲག |
ཐུན་མོང་དང༌། སྒེར། ཚང་མས་ཕྱར་བ་ཟུར་འདེགས་ཀྱི་ངལ་རྩོལ་ཧུར་བརྩོན་བྱས་ན་རྒྱལ་ཁབ་སྤྱི་དང་བྱེ་བྲག་ངལ་རྩོལ་མི་དམངས་ཀུན་ལ་རྒྱུ་ནོར་ལོངས་སྤྱོད་འབོལ་ལྷུག་ལྷུག་ཡོང་རྒྱུ་ཐག་ཆོད། |
| སྤྱི་བླུགས |
ཀམཎྜལུ དགེ་སློང་གི་ཆུ་བུམ་རིལ་བུ། |
| སྤྱི་མ |
1 སྔ་དུས་ལས་རིགས་ཀྱི་ཚོགས་ཁག 2 ཐུན་མོང་བ། སྤྱི་མའི་ནོར་རྫས། ཞིང་སྤྱི་མ། མིང་གི་རྣམ་གྲངས་ལ་ཐུན་མོང་བ་དང༌། སྤྱི་པ། སྤྱི་ལ་དབང་བ་བཅས་སོ། |
| སྤྱི་མ་སྤོམ |
སྤྱི་སྤམ་དང་དོན་གཅིག་ |
| སྤྱི་མཐུན་རྒྱལ་ཁབ |
རྒྱལ་ཁབ་ཀྱི་མཚོན་བྱེད་ལས་ཁུངས་དང་རྒྱལ་ཁབ་ཀྱི་གཙོ་འཛིན་རྣམས་འདེམས་བསྐོ་བྱས་ནས་ཐོན་པའི་རྒྱལ་ཁབ་ལ་ཟེར། |
| སྤྱི་མདོ |
ཐུན་མོང་གི་འགག་མདོ། |
| སྤྱི་མཚན |
ཡུལ་རང་ངོས་ནས་གྲུབ་པ་མ་ཡིན་པར་རྟོག་པས་བཏགས་པ་ཙམ་གྱི་ཆོས། ནམ་མཁའ་ལ་སོགས་པ་དགག་བྱ་བཅད་པ་དང་དོན་སྤྱི་འཆར་བ་ལ་ལྟོས་དགོས་པའི་འདུས་མ་བྱས་ཀྱི་ཆོས་རྣམས་སོ། |
| སྤྱི་མཚན་པ |
རང་མཚན་པའི་ལྡོག་ཟླ་སྟེ། བྱ་དངོས་བྱེ་བྲག་པ་མང་པོའི་ངོ་བོ་དང་ཁྱད་ཆོས་རིགས་མཐུན་པ་བསྡུས་པའི་འཛིན་སྟངས་ཤིག་གི་མིང༌། དམངས་གཙོ་རང་མཚན་པ་ཞིག་མ་གཏོགས་དམངས་གཙོ་སྤྱི་མཚན་པ་ཞིག་མེད། |
| སྤྱི་མཚུངས |
བྱིངས་སམ་ཀུན་དང་འདྲ་བ། སློབ་སྦྱོང་ལ་འབད་བརྩོན་བྱེད་རྒྱུ་དེ་ན་གཞོན་སྤྱི་མཚུངས་ཀྱི་ལས་འགན་ཡིན། |
| སྤྱི་མི |
སྤྱི་པའི་འཐུས་མི། |
| སྤྱི་མིང |
ཀུན་ལ་འཇུག་པའི་མིང༌། |
| སྤྱི་མེས |
ཡུལ་ཁམས་རྒྱ་ཆེན་སྐྱོང་བའི་འཚོ་འཛིན་གྲགས་པ་ཅན། |
| སྤྱི་མོས |
ཚང་མའི་འདོད་མོས། སྤྱི་མོས་གཙོ་འཛིན། |
| སྤྱི་ཚིས |
སྤྱིའི་དོན། |
| སྤྱི་ཚུགས |
མགོ་བོ་ས་ལ་བཙུགས་པའི་སྡོད་སྟངས་སམ་འགྲོ་སྟངས། |
| སྤྱི་ཚུགས་སུ་འགྲོ་བ |
1 མགོ་ས་ལ་བཙུགས་ཏེ་འགྲོ་བ། 2 དམྱལ་བའི་སེམས་ཅན། |
| སྤྱི་ཚོགས |
ཐོན་སྐྱེད་ཀྱི་འབྲེལ་བ་སྣ་ཚོགས་ལྷན་དུ་འདུས་པ་ཞིག་ཡིན། ཐོན་སྐྱེད་ཀྱི་འབྲེལ་བ་སྣ་ཚོགས་ལྷན་དུ་འདུས་ནས་སྤྱི་ཚོགས་ཀྱི་འབྲེལ་བ་གྲུབ་པ་དང་། སྤྱི་ཚོགས་གྲུབ་ནས་འཕེལ་རྒྱས་ཀྱི་སྐབས་རིམ་ངེས་ཅན་ཞིག་ལ་གནས་པའི་སྤྱི་ཚོགས་ཀྱི་དན་རྟགས་ཁྱད་པར་ཅན་ཞིག་གྲུབ་པ་རེད། དཔེར་ན། བྲན་གཡོག་སྤྱི་ཚོགས་དང་བཀས་བཀོད་རྒྱུད་འཛིན་སྤྱི་ཚོགས་ལྟ་བུ་ཡིན། |
| སྤྱི་ཚོགས་ཚན་རིག |
སྤྱི་ཚོགས་ཀྱི་སྣང་ཚུལ་སྣ་ཚོགས་ལ་བརྟག་དཔྱད་བྱེད་པའི་ཚན་རིག་ཅིག་ཡིན་ཞིང༌། དེར་ཆབ་སྲིད་དཔལ་འབྱོར་རིག་པ་དང༌། ཁྲིམས་ལུགས་རིག་པ། ལོ་རྒྱུས་རིག་པ། སྒྱུ་རྩལ་རིག་པ། མཛེས་རིས་རིག་པ། ཀུན་སྤྱོད་ཀྱི་མཚན་ཉིད་རིག་པ་སོགས་འདུས་ཡོད། སྤྱི་ཚོགས་ཚན་རིག་ནི་འདུ་ཤེས་འཛིན་སྟངས་དང་སྟེང་གི་བཀོད་པའི་ཁོངས་སུ་གཏོགས་པ་དང༌། སྤྱིར་བཏང་ནས་བཤད་ན་གྲལ་རིམ་ཡོད་པའི་སྤྱི་ཚོགས་ནང་དུ་གྲལ་རིམ་གྱི་རང་བཞིན་ལྡན་ཞིང༌། དེ་གསལ་པོར་བཤད་ན་གྲལ་རིམ་ངེས་ཅན་ཞིག་ལ་ཞབས་འདེགས་སྒྲུབ་པ་ཞིག་ཡིན། |
| སྤྱི་ཚོགས་རིང་ལུགས |
འབྱོར་མེད་གྲལ་མི་གྱིས་སྲིད་དབང་སྒེར་འཛིན་དང་ཐོན་སྐྱེད་རྒྱུ་ཆ་སྤྱི་ལ་དབང་བའི་ལམ་ལུགས་རྨང་གཞི་བྱས་པའི་ཐོག ‘ཤེད་ཤུགས་གང་ཡོད་ཕྱུང་བ་ལ། ངལ་རྩོལ་ལྟར་བགོ་བཤའ་བྱེད་པ། ’ཞེས་པའི་རྩ་དོན་ལག་ལེན་དུ་བསྟར་བའི་སྤྱི་ཚོགས་ཀྱི་ལུགས་སྲོལ་ཞིག་ཡིན་ལ། དེ་ནི་གུང་ཁྲན་རིང་ལུགས་སྤྱི་ཚོགས་ཀྱི་སྐབས་རིམ་ཐོག་མ་ཡིན། འཛམ་གླིང་རྒྱལ་ཁབ་སོ་སོའི་ཐུན་མོང་བའི་དོན་ཏེ། སྤྱི་མཚོ་སྤྱི་ཁྲུ་སྤྱི་ལེ་ཞེས་པ་ལྟ་བུ０མང་བོ་ལྷན་དུ་བསྡུས་པའམ་བསྡོམས་པའི་ཚད་དང་གྲངས་སོགས་ཏེ། སྤྱི་གྲངས་སྤྱི་སྡོམ་ཞེས་པ་ལྟ་བུ། １བྱ་དངོས་མང་བོའི་སོ་སོ་བ་དང་ངོ་བོ་མ་ཡིན་པའི་མཚན་རྟགས་རྣམས་དོར་ཞིང་། ཐུན་མོང་བ་དང་ངོ་བོ་རྣམས་བླངས་པའི་མཚན་རྟགས་ཀྱི་མིང་སྟེ། སྤྱི་དང་བྱེ་བྲག སྤྱི་མཚན་དང་རང་མཚན། སྒྲ་སྤྱི་དང་དོན་སྤྱི། སྤྱི་ལྡོག་དང་རང་ལྡོག་ཅེས་པ་ལྟ་བུ། ２རང་ག་བའམ་དཀྱུས་མའི་དོན་ཏེ། ３‘སྤྱི་བོ’ཡི་ཚིག་བསྡུས་པ། ４‘སྤྱི་མ’ལ་ལྟོས། |
| སྤྱི་ཞག |
རྩིས་འགོ་ནས་བཟུང་སྟེ་གང་བརྩི་བའི་ཉིན་དེའི་བར་གྱི་ཉིན་ཞག་སྡོམ་གྲངས། གཟའ་ལྔ་ལ་ཐུན་མོང་དུ་འགྲོ་བའི་ཉིན་ཞག་ཡིན་པས་ན་དེ་སྐད་ཟེར། ཁྱིམ་ཞག་གཟའ་ལྔའི་སྐབས་སུ་སྤྱིའི་ཁྱིམ་ཞག་ཅེས་ཁྱད་པར་སྦྱར་ནས་བཤད་དགོས། |
| སྤྱི་ཞག་མཚན་ཅན |
སྤྱི་ཞག་གི་ཆུ་རོའི་ལྷག་མར་བཅོ་ལྔ་ལས་ཉུང་ཚེ་(''X'')་མཚན་མས་ཕྱེ་བ་དེ་ལ་མཚན་ཅན་ཟེར། |
| སྤྱི་ཞུར |
‘སྟབ་སེང’གི་མིང་གཞན། |
| སྤྱི་ཟླ |
སྤྱི་ལོའི་ཟླ་བ། |
| སྤྱི་འགྲེ |
ཀུན་དང་འདྲ་མཚུངས། |
| སྤྱི་འགྲོས |
1གནམ་གཟུགས་ཤིག་གིས་གནམ་གཟུགས་གཞན་ཞིག་ལ་སྐོར་བ་རྒྱག་པའི་བགྲོད་པ་ལ་སྤྱི་འགྲོས་ཟེར་ཞིང་ད་ལྟ‘སྤྱི་འཁོར’ཞེས་བཏགས་པའང་ཡོད། ཉི་མའི་ཁོངས་གཏོགས་ཀྱི་རྒྱུ་སྐར་རྣམས་ཀྱིས་ཉི་མར་སྐོར་བ་རྒྱག་པའི་བགྲོད་པ་ལ་སྤྱི་འགྲོས་ཟེར། 2རྩིས་རིག་སོགས་ཀྱི་ནང་གི་ཀུན་ལ་རིགས་འགྲེ་སྦྱར་ཆོག་པའི་ཚུལ་ལུགས་ཤིག་གི་མིང་། |
| སྤྱི་འཐུས |
གྲྭ་ཚང་ངམ་མི་སེར་སྤྱི་པའི་དོན་གཅོད་ཀྱི་འཐུས་མི། |
| སྤྱི་འདོམས |
ལས་དོན་བྱེད་མཁན་གྱི་གཙོ་བོའམ་སྤྱི་ཁྱབ། སྤྱི་འདོམས་ཀྱི་ལས་ལ་འཇོན་ཐང་ཆེ་དགོས། |
| སྤྱི་འབྱམས |
ཡོངས་ཁྱབ་བམ་རྒྱུན་འབྱམས། |
| སྤྱི་འཛར |
སྤྱི་བོའི་རྒྱན། སྤྱི་འཛར་མུ་རིག་ཕྲེང་བས་བརྒྱན་པ། |
| སྤྱི་འུར |
རྙིང རང་གི་ཆུང་མ་མིན་པའི་བུད་མེད་དང་འགྲོགས་པའི་འཆལ་པོ། |
| སྤྱི་ཡོངས |
དམངས་ཡོངས་རྫོགས། |
| སྤྱི་རྒན |
སྔ་དུས་དགོན་པ་འགའ་ཞིག་གི་གྲྭ་པའི་སྤྱི་རྫས་ཀྱི་དོ་དམ་བྱེད་མཁན། |
| སྤྱི་རྫས |
སྤྱི་པའི་ནོར་རྫས། |
| སྤྱི་ལེ |
རྒྱ ས་ཆའི་རིང་ཐུང་འཇལ་བྱེད་ཀྱི་ཚད་ཅིག་སྟེ། སྤྱི་ལེ་གཅིག་ལ་སྨི་ཆིག་སྟོང་ཐམ་པ་ཡོད། |
| སྤྱི་ལེབ |
མགོ་ལེབ། |
| སྤྱི་ལེབ་འདུས་མགོ |
སྤྱི་གཙུག་ལེབ་ཀོང་དབྱིབས་ཅན་གྱི་མགོ། |
| སྤྱི་ལོ |
གནམ་བདག་ཆོས་ལུགས་ཀྱི་སྟོན་པ་ཡེ་ཤུ་འཁྲུངས་ནས་བརྩིས་པའི་ལོ། |
| སྤྱི་ལྡོག |
1 སྤྱི་ཐུན་མོང་དང༌། དེའི་ལྡོག་པ་བྱེ་བྲག་གམ། སྒེར། 2 སྤྱིར་བཏང༌། 3 རྟོག་པའི་ཡུལ་དུ་ཤར་བའི་ཆོས་རྣམས་ཀྱི་སྤྱིའི་ལྡོག་ཆའམ་སྤྱིར་བཏང་པའི་རང་བཞིན་ནོ། |
| སྤྱི་ས |
ཐུན་མོང་ལ་དབང་བའི་སའམ་མཉམ་དུ་བེད་སྤྱོད་བྱེད་པའི་ས། |
| སྤྱི་སེམས |
དམངས་ལ་ཕན་འདོད་ཀྱི་སེམས། འབྱོར་མེད་གྲལ་རིམ་ཁོ་ནར་སྤྱི་སེམས་རྣམ་དག་ཡོད། |
| སྤྱི་སོ |
སྔ་དུས་དགོན་པ་སོ་སོའི་ཐུན་མོང་གི་གཏོང་ཡོང་བདག་གཉེར་བྱེད་མཁན་ལས་ཁུངས། |
| སྤྱི་སྒེར |
ཐུན་མོང་དང་སྒེར། |
| སྤྱི་སྒོས |
ཐུན་མོང་དང་བྱེ་བྲག |
| སྤྱི་སྒྲ |
ཕྲད་རང་དབང་ཅན་གང་ཅི་ཇི་སུ་བཅས་ནི་བྱེ་བྲག་གི་དོན་མིན་པར་སྤྱིའི་དོན་ལ་འཇུག་པའི་སྒྲ། གང་ཅི་ཇི་སུ 1 སྤྱི་སྒྲ་དངོས་ཏེ། བྱེ་བྲག་གི་ཚིག་ཟིན་མེད་པ། སྐད་ཆ་བཟང་ངན་ཅི་ཡིན་རུང་ཉན་དགོས། ཇི་སྙེད་མཆིས་པ་བདག་ཏུ་བཟུང༌། གང་ལ་འབད་ཀྱང་ཐབས་མཁས་དགོས། 2 སྤྱི་སྒྲ་བྱེ་བྲག་ལ་འཇུག་པ་སྟེ། བྱེ་བྲག་གི་ཚིག་ཟིན་ཡོད་པ། གང་ཞིག་ཤར་བ་ཙམ་གྱིས་ཀྱང༌། མུན་པ་མཐར་སྐྲོད་ཉི་མ་ཡིན། 3 སྤྱི་སྒྲ་འདྲི་བ་ལ་འཇུག་པ། ཁྱེད་ལ་རེ་འདུན་ཇི་ལྟར་ཡོད། ཁྱེད་ཀྱི་ཕ་ཡུལ་གང་ནས་ཡིན། |
| སྤྱི་སྤམ |
ཁ་གསལ་པོ་མིན་པའི་རིགས། སྐད་ཆ་ཁ་གསལ་གོ་བདེ་མི་ཤོད་པར་སྤྱི་སྤམ་སྦག་སྦུག་བཤད་པས་བརྡ་དོན་མི་འཕྲོད། |
| སྤྱི་སྤུངས་བོན་མཛོད |
བོན་གྱི་བསྐྱེད་རྫོགས་འབྲས་བུའི་སྐོར་གྱི་གཞུང་ཞིག |
| སྤྱི་སྤྱོད |
ཐུན་མོང་གིས་བེད་སྤྱོད་པ། |
| སྤྱིང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)དངོས་རྫས་ཆུ་རུ་འབྱིང་དུ་བཅུག་པའི་དོན་ཏེ། ངང་བ་ཆུ་ལ་སྤྱིང་མི་ཐུབ། རྡོ་བ་ཆུ་ལ་སྤྱིང་བར་བྱ་ལྟ་བུ། |
| སྤྱིང་བ |
ཐ་དད་པ སྤྱིངས་པ། སྤྱིང་བ། སྤྱིངས།། བྱིང་བར་བྱེད་པ། སྒོ་ཕྱུགས་ཆུ་ནང་དུ་སྤྱིངས་ཏེ་བསད་པ། གྲུ་གཟིངས་རྒྱ་མཚོར་སྤྱིངས་པ། |
| སྤྱིངས |
འདས་པ་དང་སྐུལ་ཚིག་སྟེ། དགྲ་ཡི་དམག་གྲུ་རྒྱ་མཚོར་སྤྱིངས། ཆུ་ལ་སྤྱིངས་ཤིག་ལྟ་བུ། |
| སྤྱིངས་པ |
སྤྱིང་བའི་འདས་པ། |
| སྤྱིན |
འབྱར་བྱེད། ཤིང་གི་བསྒྲིགས་ཁ་སྤྱིན་གྱིས་འབྱར་བ། ཁ་སྤྱིན། ཀོ་སྤྱིན། རྭ་སྤྱིན། མིང་གི་རྣམ་གྲངས་ལ་ཀོ་བའི་འབྱར་རྩི་དང༌། དྲི་སྤྱིན། སྣག་ཚ་འཕེལ་བྱེད་བཅས་སོ། |
| སྤྱིན་ཀོང |
འབྱར་བྱེད་ཀྱི་སྤྱིན་བླུག་སྣོད། |
| སྤྱིན་ཆུ |
ཆུ་ལ་སྦངས་པའི་སྤྱིན། |
| སྤྱིན་བག |
སྤྱིན་གྱི་འབྱར་བག་གམ་འབྱར་ཚི། |
| སྤྱིན་ཚི |
སྤྱིན་གྱི་ཚི་སྣ། |
| སྤྱིན་རས |
སྤྱིན་རྩི་བྱུགས་པའི་རས་ཆ། |
| སྤྱིན་ཤོག |
སྤྱིན་གྱིས་བཟོས་པའི་ཤོག་བུ། |
| སྤྱིའི་དུར་ས |
མི་ཤི་བའི་རོ་དང་པུར་ཐལ་སྐྱེལ་ས་ཐུན་མོང་གི་ས་ཆ། |
| སྤྱིའི་དོན |
ཐུན་མོང་གི་དོན། |
| སྤྱིའི་བསྡུས་བརྗོད |
བསྡུས་བརྗོད་ཀྱི་རྒྱན་གྱི་ནང་གསེས་ཤིག་སྟེ། བསྡུ་བྱ་དོན་གྱི་དངོས་པོའི་རང་བཞིན་སྤྱི་ལ་བསམས་ནས། དེ་དང་ཆོས་མཚུངས་པའི་དཔེའི་དངོས་པོ་གཞན་ཞིག་སྡུད་བྱེད་དུ་བཀོད་པའི་རྒྱན། |
| སྤྱིའི་མཚན་ཉིད |
བདག་མེད་པ་དང་མི་རྟག་པ་ལྟ་བུ་ཆོས་དེ་དང་དེ་མ་ཡིན་གཉིས་ཀ་ལ་ཁྱབ་པར་བྱེད་པའི་མཚན་མ། |
| སྤྱིའི་ལོ་བརྩི་ཚུལ |
འཛམ་གླིང་སྤྱིའམ་ཐུན་མོང་དུ་གྲགས་པའི་ལོ་བརྩི་ཚུལ་ཞིག་སྟེ་དུས་ཚིགས་ཉེར་བཞི་ཕལ་ཆེར་ཚེས་གྲངས་གཏན་ཁེལ་དང་ཟླ་བ་གཉིས་པ་མ་གཏོགས་ཟླ་བ་ཆེ་ཆུང་རྣམས་རྟག་ཏུ་ངེས་པས་ཀུན་གྱིས་བརྩི་སླ་བ་ཞིག་ཡིན། རབ་བྱུང་དང་པོའི་མེ་ཡོས་ལོར་སྤྱི་ལོ་1027 ཡིན། |
| སྤྱིའུ་བླུགས |
སྤྱི་བླུགས་དང་འདྲ། |
| སྤྱིའུ་ཚུགས |
སྤྱི་ཚུགས་དང་འདྲ། |
| སྤྱིར |
རགས་པ་ཙམ་གྱི་དོན། སྤྱིར་ན་སྨན་འདིས་ཚ་བའི་ནད་ལ་ཕན། |
| སྤྱིར་བཏང |
རགས་རིམ་མམ་མང་ཆེ་ཤོས་ཀྱི་མིང་སྟེ། ‘སྤྱིར་བཏང་དམིགས་ཀྱིས་གསལ་བ་ནི། བསྟན་བཅོས་ཀུན་ལ་རབ་ཏུ་གཅེས། ’ ཞེས་པ་ལྟ་བུ། |
| སྤྱིར་བཤད་པ |
མདོར་བསྡུས་ནས་བཤད་པ། |
| སྤྱིར་བསྟན་པ |
ཚིག་དོན་རགས་རིམ་ཞིག་བཤད་པ། |
| སྤྱིལ |
(བྱེད་འབྲེལ་ལས་ཚིག) འདམ་སོགས་ཞལ་ཞལ་བྱས་པའི་དོན། |
| སྤྱིལ་པོ |
སྤྱིལ་བུ་དང་འདྲ། |
| སྤྱིལ་བུ |
རྩྭ་ཤིང་ལས་བཅོས་པའི་ཁང་ཆུང༌། སྤེན་སྤྱིལ་ཙོག་པུ། འཇག་སྤྱིལ། ལོ་མའི་སྤྱིལ་བུ། |
| སྤྱིལ་བོ |
འདུག་ཁང་ཡན་གར་བའི་མིང་སྟེ། རྩྭའི་སྤྱིལ་བོ། ཤིང་གི་སྤྱིལ་བོ་ཞེས་པ་ལྟ་བུ། ཚིག་བསྡུས་ན‘སྤྱིལ’ཞེས་འབྲི་ཆོག་སྟེ། རྩྭ་སྤྱིལ་ཞེས་པ་ལྟ་བུ། |
| སྤྱིལ་མོ |
ཞལ་ཞལ་བྱེད་པའི་ཡོ་བྱད་ཀྱི་མིང་། མཛེས་ཁྱད་བཏོད་པའི་བརྡ་རྙིང་། ０‘སྤྱིལ་བོ’ཡི་ཚིག་བསྡུས་པ། |
| སྤྱིས་བཙན་པ |
རྙིང དཔྲལ་ཀོ་མཐུག་པོའམ་ངོ་ཚ་མེད་པ། |
| སྤྱུག |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)གནའ་དུས་ཁྲིམས་དང་འགལ་བའི་མི་ཡུལ་ཁམས་གཞན་དུ་སྐྲོད་པའི་ཆད་བཅད་པའི་དོན། འདས་པ་དང་སྐུལ་ཚིག་ལ‘སྤྱུགས’འབྲི། དཔེར་ན། ས་མཐར་སྤྱུགས་ལྟ་བུ། |
| སྤྱུག་པ |
ཐ་དད་པ སྤྱུགས་པ། སྤྱུག་པ། སྤྱུགས།། སྐྲོད་པ་དང་གཞན་དུ་རྫོང་བ། མི་ཉེས་ཅན་ས་མཐར་སྤྱུག་པ། འཇིགས་པའི་རི་ལ་སྤྱུག་པ། |
| སྤྱུགས |
‘སྤྱུག’ལ་ལྟོས། |
| སྤྱུགས་པ |
སྤྱུག་པའི་འདས་པ། |
| སྤྱོ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)རྒོལ་ཚིག་གམ་དྲག་ཚིག་གིས་བསྡིགས་པའི་དོན། འདས་པ་དང་སྐུལ་ཚིག་ལ‘སྤྱོས’འབྲི། |
| སྤྱོ་བ |
ཐ་དད་པ སྤྱོས་པ། སྤྱོ་བ། སྤྱོས།། སྨོད་པ་དང༌། སྡིགས་པ། གཤེ་གཤེ་གཏོང་བ། ཚིག་ངན་གྱིས་སྤྱོ་བ། རྣམ་འགྱུར་རྩུབ་པོས་གཞན་ལ་མ་སྤྱོ་ཞིག ཕན་ཚུན་འཐབ་ཅིང་སྤྱོ་བ། |
| སྤྱོ་ཚིག |
རྒོལ་བའི་ཚིག་གམ་བསྡིགས་པའི་ཚིག |
| སྤྱོང |
‘སྤྱང’ལ་ལྟོས། |
| སྤྱོང་བ |
རྙིང འཇུ་བ་དང་འཛིན་པ། ཤི་སྤྱོང་རོ་སྤྱོང༌། |
| སྤྱོད |
ད་ལྟ་བ་དང་སྐུལ་ཚིག་སྟེ། བཟའ་བཏུང་ལ་སྤྱོད་མཁན། ཟས་སྤྱོད་ཅིག་ལྟ་བུ། <ཁ>བྱས་པའི་དོན་ཏེ། ཉེས་པ་སྤྱད་ནས་ཁྲིམས་ལ་སྦྱར་ལྟ་བུ། ལས་ཚིག་ད་ལྟ་བའི་མཐར་སྦྱར་ན་ལས་དེ་བྱེད་པར་མཁོ་བའི་ཡོ་བྱད་ཀྱི་མིང་སྟེ། རྩྭ་འབྲེག་སྤྱད་ཀྱི་ཟོར་བ། ཕྱུགས་འདོགས་སྤྱད་ཀྱི་ཐག་པ། ཡི་གེ་འབྲི་སྤྱད་ཀྱི་སྨྱུ་གུ་ཞེས་པ་ལྟ་བུ། |
| སྤྱོད་ངན |
བྱ་བ་བྱེད་སྟངས་མི་ལེགས་པ། སྤྱོད་ངན་ངོ་འཁྱེར། |
| སྤྱོད་ཉེས |
སྤྱོད་པ་ངན་པའམ་ནོར་བ། |
| སྤྱོད་པ |
1. ཐ་དད་པ སྤྱད་པ། སྤྱད་པ། སྤྱོད།། 1 འཇུག་པའམ་བྱེད་པ། བྱ་བ་ངན་པ་དོར་ནས་བཟང་པོ་འབའ་ཞིག་སྤྱོད་པ། ཐབས་ཤེས་ཟུང་འབྲེལ་དུ་སྤྱོད་པ། 2 ཉམས་སུ་མྱོང་བའམ་བེད་སྤྱོད་པ། འཚོ་ཆས་ལ་ལོངས་སུ་སྤྱོད་པ། བེད་སྤྱོད་པ། སྤྱད་ན་ཟད་མཐའ་མེད་པ། མི་དམངས་ཀྱི་ས་ནས་བསྡུས་ཏེ་མི་དམངས་ཀྱི་དོན་དུ་སྤྱོད་པ། 2. 1 ལས་སམ་བྱ་བ། ཞི་བའི་སྤྱོད་པ། དྲག་པོའི་སྤྱོད་པ། ཡ་རབས་ཀྱི་སྤྱོད་པ། སྤྱོད་པ་ངན་པ། 2 སྐར་ཁྱིམ་ཡུལ་ལ་གཟའ་རྣམས་ཀྱིས་ལོངས་སུ་སྤྱོད་པ། |
| སྤྱོད་པ་གཞན་ན་གནས་པའི་གཞི |
འདུལ་བ་གཞི་བཅུ་བདུན་ལས། ལྟུང་བ་ཕྱིར་བཅོས་ཀྱི་གཞི་བཞིའི་ནང་གསེས་སྤྲོ་བ་མཐོལ་བཤགས་ཀྱི་ཕྱིར་བཅོས་བྱེད་ཚུལ་གསུམ་གྱི་ཡ་གྱལ་ཞིག་སྟེ། ལྷག་ལྟུང་དངོས་གཞི་དང་འཆབ་ཉེས་འདག་བྱེད་སྤོ་མགུ་སྤྱོད་པ་ནོད་དགོས་པས་སྤོ་མགུ་སྤྱོད་པ་ས་གཞན་ན་གནས་པའི་གཞི་ཞེས་གྲགས་ལ། དེ་ལའང་ནང་གསེས་སུ་སྨད་པ་ས་གཞན་ན་གནས་པ་དང༌། སྤངས་པ་ས་གཞན་ན་གནས་པ་དང༌། རྣམ་པར་དག་པ་ས་གཞན་ན་གནས་པ་སྟེ་གསུམ་མོ། |
| སྤྱོད་པ་དྲག་པོ |
1 སྤྱོད་ཚུལ་རྩུབ་པོ། 2 དཀའ་ཐུབ་སྤྱོད་པ། |
| སྤྱོད་པ་བ |
1 མཱིམནྡཀཿ སྔར་རྒྱ་གར་གྱི་གྲུབ་མཐའ་སྨྲ་བ་ཞིག 2 བརྟུལ་ཞུགས་སྤྱོད་པའི་རྣལ་འབྱོར་པ། |
| སྤྱོད་པ་མ་སྒྲུངས་མ་རྩིགས |
སྤྱོད་པ་མ་རུངས་མ་དྲང་བ། བསམ་བློ་གཙང་མ་མེད་ན་སྤྱོད་པ་མ་སྒྲུངས་མ་རྩིགས་ཤིག་ལས་ཡོང་ཐབས་མེད། |
| སྤྱོད་པ་འཆལ་བ |
སྤྱོད་པ་བག་མེད་དུ་གྱུར་པ། |
| སྤྱོད་པ་རྣམ་དག |
སྤྱོད་པ་གཙང་མའམ་ཡ་རབས་ཚུལ་ལྡན། |
| སྤྱོད་པ་ཧྲལ་ལེ་ཕགས |
རྙིང སྤྱོད་པ་གང་བྱུང་མང་བྱུང༌། |
| སྤྱོད་པའི་རྒྱུད |
སྤྱོད་རྒྱུད་དང་འདྲ། |
| སྤྱོད་པའི་སྒོ་བཞི |
བྱ་རྒྱུད་ཀྱི་ལམ་གྱི་མངོན་རྟོགས་སམ་སྤྱོད་པའི་སྒོ་བཞི་སྟེ། འཇུག་པའི་སྤྱོད་པ། སྦྱོར་བའི་སྤྱོད་པ། སྒྲུབ་པའི་སྤྱོད་པ། གྲུབ་པའི་སྤྱོད་པའོ། |
| སྤྱོད་པས་བསྡུས་པ་དྲུག |
སངས་རྒྱས་ཀྱི་མ་འདྲེས་པའི་ཆོས་བཅོ་བརྒྱད་ཀྱི་ནང་ཚན། འཁྲུལ་བ་མི་མངའ་བ་དང༌། ཅ་ཅོ་མི་མངའ་བ། བསྙེལ་བ་མི་མངའ་བ། མཉམ་པར་མ་བཞག་པ་མི་མངའ་བ། ཐ་དད་པའི་འདུ་ཤེས་མི་མངའ་བ། མ་བརྟགས་པའི་བཏང་སྙོམས་མི་མངའ་བ་སྟེ་དྲུག |
| སྤྱོད་བབ་རྩེ་མཐུན |
བྱེད་སྟངས་འདྲ་བའམ་མཐུན་པ། མི་འདི་གཉིས་སྤྱོད་བབ་རྩེ་མཐུན་རེད། |
| སྤྱོད་བཟང |
བྱེད་སྟངས་ལེགས་པ། |
| སྤྱོད་མཁས |
བེད་སྤྱོད་བྱེད་སྟངས་མཁས་པོ། ཕྱོགས་ཀུན་ནས་འགྲོ་གྲོན་མཁོ་བེད་སྤྱོད་མཁས་གཟབ་ནན་བྱེད་དགོས། |
| སྤྱོད་མིག |
གསང་སྤྱོད་ནང་གི་གཤང་གཅི་འདོར་སའི་ཁུང་བུ། |
| སྤྱོད་ཚུལ |
ལས་ཀ་བྱེད་སྟངས། |
| སྤྱོད་འགྲོས |
སྤྱོད་ཚུལ་ལམ་བྱེད་སྟངས། ཁོ་པའི་སྤྱོད་འགྲོས་ལ་དཔགས་པའི་ཁ་གཏད་འཇལ་སྟངས་བྱེད་པ། |
| སྤྱོད་འཇུག |
བྱང་ཆུབ་སེམས་དཔའི་སྤྱོད་པ་ལ་འཇུག་པའི་བསྡུས་མིང༌། |
| སྤྱོད་ཡུལ |
1 བསམ་ཡུལ། 2 སྒྲ་དང་ཤེས་པ་འཇུག་པའི་ཡུལ་ལམ་སྐྱེས་བུས་ལོངས་སུ་སྤྱད་པར་བྱ་བའི་གནས། དཔེར་ན། དོན་དམ་བློ་ཡི་སྤྱོད་ཡུལ་མིན་ཞེས་པ་ལྟ་བུའོ། |
| སྤྱོད་རྒྱུད |
ཙརྻཏནྟྲ རྒྱུད་སྡེ་བཞིའི་ནང་གསེས་ཤིག་སྟེ་ཕྱི་ལུས་ངག་གི་བྱ་བ་དང་ནང་སེམས་ཀྱི་ཏིང་ངེ་འཛིན་ཆ་མཉམ་པར་སྤྱོད་པས་གཉིས་ཀའི་རྒྱུད་དམ་སྤྱོད་པའི་རྒྱུད་ཅེས་བྱའོ། |
| སྤྱོད་རྒྱུད་ཀྱི་ཐེག་པ |
སྔགས་རྙིང་མའི་ཐེག་པ་རིམ་དགུའི་ཡ་གྱལ་ཞིག་འཇུག་སྒོ་རིག་པའི་དབང་ལྔས་སྨིན་པར་བྱས་ནས། ལྟ་བ་རྣལ་འབྱོར་རྒྱུད་དང་འདྲ་ཞིང༌། སྒོམ་པ་མཚན་བཅས་བཟླས་པ་ཡན་ལག་བཞི་དང༌། མཚན་མེད་འཇུག་གནས་ལྡང་གསུམ་གྱིས་དོན་དམ་བྱང་ཆུབ་ཀྱི་སེམས་བསྒོམས་ནས། སྤྱོད་པ་བྱ་རྒྱུད་དང་འདྲ་ལ། འབྲས་བུ་རིགས་བཞི་རྡོ་རྗེ་འཛིན་པའི་ས་ཐོབ་པར་འདོད་དོ། |
| སྤྱོད་རྒྱུད་ཀྱི་དབང་དྲུག |
མེ་ཏོག་འཕྲེང་དབང་དང༌། ཆུ་དང་ཅོད་པཎ་གྱི་དབང༌། རྡོ་རྗེ་དང་དྲིལ་བུའི་དབང༌། མིང་གི་དབང་དང་དྲུག་གོ། |
| སྤྱོད་རྒྱུད་ཀྱི་དམ་ཚིག་བཅུ་བཞི |
མི་དགེ་བ་བཅུ་སྤོང་བ། དེའི་ཐོག་དམ་པའི་ཆོས་མི་གཏོང་བ། བྱང་ཆུབ་ཀྱི་སེམས་མི་གཏོང་བ། སེར་སྣས་ནོར་མི་སྦྱིན་པ། སེམས་ཅན་ལ་གནོད་མི་བྱེད་པ་བཞི་བསྣན་པས་བཅུ་བཞིའོ། |
| སྤྱོད་རྒྱུད་རིགས་གསུམ |
སྤྱོད་པའི་རྒྱུད་ལ་དབྱེ་ན། རིགས་གསུམ་སྟེ། སྐུ་དང༌། གསུང་དང༌། ཐུགས་ཀྱི་རིགས་གསུམ་མོ། |
| སྤྱོད་ལམ |
ལུས་ཀྱི་རྣམ་པ་དང་བྱེད་སྟངས་སོགས་ཀྱི་མིང་སྟེ། ལུས་ཀྱི་སྤྱོད་ལམ་མཛེས་པ། རྩལ་སྦྱང་བའི་སྤྱོད་ལམ། འགྲེང་འཆག་ཉལ་འདུག་གི་སྤྱོད་ལམ་ཞེས་པ་ལྟ་བུ། |
| སྤྱོད་ལམ་བཞི་ཤོང་གི་ཁང་པ |
དགེ་སློང་གི་སྡོད་ཁང༌། ལྡང་བ་ན་ལག་མི་ཐོགས་པ། ཉལ་ན་རྐང་ལག་བརྐྱང་བསྐུམ་མི་ཐོགས་པ། འགྲོ་ན་ཕྱོགས་རེར་གོམ་པ་གསུམ་དུ་བགྲོད་ཐུབ་པ། འདུག་ན་སྐྱིལ་ཀྲུང་བཅའ་བ་ལ་མི་གནོད་པའོ། |
| སྤྱོད་ལམ་རྣམ་པ་བཞི |
ལུས་ཀྱི་སྤྱོད་ལམ་བཞི་སྟེ། འགྲོ་བ་དང༌། འདུག་པ། ཉལ་བ། འཆག་པ་བཅས་བཞིའོ། |
| སྤྱོད་ཤེད |
མཁོ་བེད་སྤྱོད་ཤུགས། ཡོ་བྱད་སྤུས་བཟང་རིགས་སྲ་མཁྲེགས་སྤྱོད་ཤེད་ཆེ་བ་འདུག |
| སྤྱོན |
(བྱེད་མེད་ལས་ཚིག) ཤོག་པའི་ཞེ་ས་སྟེ། ཚུར་ཕེབས་ལ་ཚུར་སྤྱོན་ཟེར་བ་ལྟ་བུ། |
| སྤྱོན་པ |
ཐ་མི་དད་པ འབྱོན་པའམ་ཕེབས་པ། ཚུར་སྤྱོན། ལ་འུར་སྤྱོན་པ། |
| སྤྱོམ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)ཡོན་ཏན་སོགས་གཞན་ལ་ངོམ་པའི་དོན་ཏེ། སྤྱོམ་བྱའི་ལག་རྩལ། ཡོན་ཏན་སློབ་པ་འདི་གཞན་ལ་སྤྱོམ་པའི་ཆེད་དུ་མིན་ཞེས་པ་ལྟ་བུ། |
| སྤྱོམ་པ |
ཐ་དད་པ སྤྱོམས་པ། སྤྱོམ་པ། སྤྱོམས།། ངོམ་པ་སྟེ་གཞན་གྱི་སྣང་ངོར་འཕྱར་འཕྱར་བྱེད་པ། མི་སྤྱོམ་པ། ཡོན་ཏན་སློབ་སྦྱོང་བྱེད་པ་འདི་གཞན་ལ་སྤྱོམ་པའི་ཆེད་དུ་མིན། |
| སྤྱོམས |
འདས་པ་དང་སྐུལ་ཚིག་སྟེ། གཡུལ་ངོར་དཔའ་རྩལ་སྤྱོམས་ལྟ་བུ། |
| སྤྱོམས་པ |
སྤྱོམ་པའི་འདས་པ། |
| སྤྱོས |
‘སྤྱོ’ཡི་འདས་པ་དང་སྐུལ་ཚིག |
| སྤྱོས་པ |
སྤྱོ་བའི་འདས་པ། |
| སྤྲ |
གཟུགས་དབྱིབས་སྤྲེའུ་དང་འདྲ་བའི་སྲོག་ཆགས་རྔ་མ་མེད་པ་ཞིག་ཡིན་ཞིང་། དེ་ལ་རིགས་ཆེ་ཆུང་སྣ་ཚོགས་ཡོད། རྔ་མ་རིང་བོ་ཡོད་པའི་སྤྲེའུའི་རིགས་ལའང་སྤྲ་ཟེར་བ་ཡོད། ０‘སྤྲ་བ’ལ་ལྟོས། １‘སྤྲས’ལ་ལྟོས། |
| སྤྲ་གཡུང |
སྔོ་ཞིག |
| སྤྲ་ཆལ |
ཚྭ་ཆུའི་མིང་གཞན། ཚིག་རྩུབ་དང་སྡིགས་མོའི་ཚིག་གི་མིང་། |
| སྤྲ་ཐོག |
སྔོ་སྤྲ་བའི་རྩེ་མོའི་འབྲུ། |
| སྤྲ་ཐོག་པ |
སྔོ་སྨན་གྱི་རིགས་སྤྲ་བ་ཐོག་གུ་ཅན་ཏེ། རོ་ཁ། ཞུ་རྗེས་སྙོམས། ནུས་པས་རིམས་ནད་དང༌། ཆམ་པ། རྡོ་ལས་སྦྱར་བའི་དུག་ནད་བཅས་སེལ། |
| སྤྲ་བ |
1 མེ་ལེན་པའི་རྫས། མགོ་སྐྱེས་སྤྲ་བའི་མེ་ཏོག་ལྟར་དཀར། 2 སྔོ་ཞིག |
| སྤྲ་བཟང |
སྤྲ་བཟང་ཟིལ་པ་སྟེ་པར་པ་ཏའི་མིང་གཞན་ཞིག |
| སྤྲ་བའི་ཐོག་གུ |
མེ་ལེན་གྱི་སྤྲ་བའི་འབྲུ། |
| སྤྲ་བའི་མེ་ཏོག |
མེ་ལེན་སྤྲ་བའི་མེ་ཏོག |
| སྤྲ་མདོག་པ |
སྔོ་ཞིག |
| སྤྲ་མེ |
སྤྲ་བ་རིལ་མོར་དྲིལ་ནས་ནད་དམིགས་སྟེང་དུ་བཞག་སྟེ་མེ་སྦར་ནས་བསྲེག་དགོས་པའི་གྲང་ནད་སོགས་ཀྱི་ནད་ལ་ཕན་པའི་བཅོས་ཐབས་ཤིག |
| སྤྲ་མོ |
སྤྲའི་རིགས་བྱེ་བྲག་པ་ཞིག |
| སྤྲ་ཚིལ |
སྦྲང་རྩིའི་རོ་མའམ་སྦྲང་སྙིགས། |
| སྤྲ་ཚིལ་དཀར་པོ |
སྦྱོར་བྱེད་ཀྱི་རྫས་ཤིག |
| སྤྲ་ཚིལ་སྒྲོན་མེ |
སྤྲ་ཚིལ་ལ་མེ་སྦར་བའི་སྒྲོན་མེ། |
| སྤྲ་ཚུགས |
ལུས་སྤྲ་བའི་མེས་བསྲེགས་ཏེ་ནད་བཅོས་པའི་ཐབས་ཤིག |
| སྤྲ་འཆལ |
1 འདོ་མེད་དམ་གཏད་མེད་ལང་ཤོར་ཏེ་རྒད་པོ་འཆོལ་བ་བཞིན། 2 ཟས་རོ་སྒྱུར་བྱེད་ཀྱི་ཚྭ། |
| སྤྲ་རྒོད |
ལོ་མང་སྐྱེ་བའི་རྩྭ་ལྡུམ་མེ་ཏོག་སེར་བོ་བཞད་པ་ཞིག་གི་མིང་སྟེ། རྒྱ་སྐད་དུ‘ཨེད’ཟེར། ལོ་མས་མེ་བཙའ་འཇོག་བྱེད་ཀྱི་སྤྲ་བ་བཟོ་ཆོག |
| སྤྲ་རྒོད་པ |
སྤྲ་བ་རྒོད་གཡུང་གཉིས་ཀྱི་ནང་ནས་རྒོད་པ་ཅན་ཏེ། འབྱར་བྱས་པས་རྨེན་ངན་དང༌། འབྲས་ཀྱི་སྐྲངས་པ་འདུལ་བར་བྱེད། |
| སྤྲ་རྡོ |
1 སྤྲ་བ་དང་མེ་རྡོ། 2 སྤྲ་བར་མེ་ལེན་བྱེད་ཀྱི་རྡོ་སྟེ་མེ་རྡོ། བོད་དུ་སྤྲ་རྡོ་ལེགས་ཤོས་རྡོ་དཀར་ཡིན། |
| སྤྲ་ལག |
གཡོ་ཁྲམ་གྱི་སྤྱོད་ཚུལ། ཁ་ཞེ་མི་མཐུན་པ་ནི་སྤྲ་ལག་ཚ་པོའི་རྟགས་རེད། |
| སྤྲག་ཆགས་པ |
ས་རྡུལ་ཡུན་རིང་འཕུངས་ནས་མཁྲེགས་པོར་གྱུར་པ། གད་བདར་ཡང་ཡང་མ་བྱས་པའི་རྐྱེན་གྱིས་རྡུལ་སྙིགས་མང་པོ་སྤྲག་ཆགས་ནས་བསྡད་འདུག |
| སྤྲང |
(བྱེད་མེད་ལས་ཚིག) འཚོ་ཐབས་མེད་པར་ཟས་སོགས་སློང་མོ་བྱེད་ཆེད་འཁྱམས་པ་སྟེ། སྤྱི་ཚོགས་རྙིང་བར་དབུལ་བོ་མི་སྤྲང་ཐབས་མེད་བྱུང་ལྟ་བུ། |
| སྤྲང་ཁྱི |
1 ཁྱི་ལ་སྨོད་ཚིག 2 སྔ་དུས་སྤྲང་པོའི་ཁྱི། |
| སྤྲང་པོ |
འཚོ་བ་སློང་མཁན་གྱི་དབུལ་ཕོངས། སྤྲང་མིག་ཏུ་མི་ཚུད་པ། མིང་གི་རྣམ་གྲངས་ལ་དོན་འདོད་པ་དང༌། མུ་ལྟོ་བ། ལག་རྐྱོང༌། ལམ་པ། སློང་མོ་བ་བཅས་སོ། |
| སྤྲང་པོ་ཀེར་ལངས |
མི་གཅིག་ཧྲེང་ཧྲེང་དུ་སྡོད་པ་ལས་ཆགས་རྟེན་ས་ཁང་དང༌། རྒྱུ་ནོར། གཉེན་གྲོགས་སོགས་གང་ཡང་མེད་པའི་དཔེ། |
| སྤྲང་པོ་གཅེར་ལངས |
སྤྲང་པོ་གོས་མེད་པར་ལངས་པ་སྟེ་དབུལ་ཕོངས་ཀྱི་དཔེ། |
| སྤྲང་པོ་ལམ་ཡངས་འགྲོ་ཆོག |
བོད་དུ་སྤྱི་ཚོགས་རྙིང་པའི་སྐབས་ཞིང་པ་བྲན་གཡོག་དབུལ་ཕོངས་རྣམས་གཉའ་གནོན་བཤུ་གཞོག་གི་ལམ་དོག་པོའི་འོག་ཏུ་སྡོད་པ་ལས། ཡུལ་གཞན་དུ་འཚོ་བ་སློང་བའི་ལམ་ཡངས་པོར་འགྲོ་བ་དགའ། ཞེས་པའི་ཁ་གཏམ་དུ་རྗོད་པའི་ཚིག་ཅིག |
| སྤྲང་བ |
སློང་བའི་མིང༌། |
| སྤྲང་བན |
བསོད་སྙོམས་ཀྱིས་འཚོ་བའི་རབ་བྱུང༌། |
| སྤྲང་མོ |
བུད་མེད་ལ་སྨོད་པའི་ཚིག |
| སྤྲང་འཁྱམས་པ |
1 འཁྱམས་ཉུལ་ཅན་གྱི་མི་ངན་ལ་སྨོད་པའི་ཚིག 2 དབུལ་ཕོངས་འཁྱམ་པོ། |
| སྤྲང་འགྱེད་འཁྲོལ་འཛིན |
སྔར་ལྷ་ལྡན་སྨོན་ལམ་གྱི་དུས་སུ་སྤྲང་འགྱེད་བཏང་ཆོག་པ་ཞེས་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| སྤྲང་རྒན |
1 སྤྲང་པོ་དང་འདྲ་ཞེས་པའི་སྨོད་ཚིག 2 སྤྲང་པོ་རྒད་པོ། |
| སྤྲང་རྒྱུག |
སྤྲང་པོས་ཁྱི་འགོག་བྱེད་ཀྱི་དབྱུག་པ། |
| སྤྲད |
(བྱེད་འབྲེལ་ལས་ཚིག་མ་འོངས་པ་དང་འདས་པ)སྟེར་བ་དང་བྱིན་པའི་དོན་ཏེ། རྟ་རིན་སྤྲད། སྤྲད་པར་བྱ། སྤྲད་བྱའི་རིན། འབྲུ་རིགས་གཞུང་ལ་སྤྲད་ལྟ་བུ། |
| སྤྲད་ཐོ |
བྱ་དངོས་ཕན་ཚུན་རྩིས་སྤྲོད་བྱས་པའི་འཛིན་ཡིག་གི་མིང་། ０ལག་ལ་འཐོབ་པའམ་འབྱོར་བར་བྱེད་པ་སྟེ། སློབ་གྲྭ་པར་འཕྲིན་ཡིག་སྤྲད། ལས་ཁུངས་ལ་གཞུང་ཡིག་སྤྲད་ལྟ་བུ། １དམ་པོར་བཏགས་པའམ་བཅིངས་པའི་དོན་ཏེ། མེ་མདའ་ལ་ཁ་གྲི་སྤྲད། ལུས་ལ་དྲག་ཆས་སྤྲད། འདྲུད་འཐེན་འཁོར་ལོའི་ལྷུ་ལག་སྤྲོད་ཅིག་ལྟ་བུ། ２གསལ་བཤད་བྱས་ནས་ཤེས་སུ་བཅུག་པའི་དོན་ཏེ། སློབ་མ་འདི་དགེ་རྒན་ལ་ངོ་སྤྲད། མི་འདི་ལས་ཁུངས་ལ་ངོ་སྤྲོད་ཅིག་ལྟ་བུ། ３ཕན་ཚུན་ཐུག་ཏུ་བཅུག་པའི་དོན་ཏེ། མ་བུ་ཁ་སྤྲད། སྣོད་ཁ་སྤྲད་ནས་ཟས་བཙོས་ལྟ་བུ། |
| སྤྲད་པ |
སྤྲོད་པའི་འདས་པ་དང་མ་འོངས་པ། |
| སྤྲད་མཆན |
སྔར་དགོན་པ་ཉམས་གསོའི་ཞལ་འདེབས་དང༌། ཕོགས་ཐོབ་ཀྱི་ལག་དེབ་སོགས་ལ་འདི་དང་འདི་སྤྲད་ཅེས་ཡི་གེ་འགོད་པ། |
| སྤྲད་སྤྲད |
རྙིང འབད་བརྩོན། |
| སྤྲབས་པ |
རྙིང ཟས། |
| སྤྲལ་རིས |
རྙིང དཔྲལ་རིས་དང་འདྲ། |
| སྤྲས |
(བྱེད་འབྲེལ་ལས་ཚིག་འདས་པ་དང་སྐུལ་ཚིག) རྒྱན་ཆ་སོགས་ཀྱིས་བརྒྱན་པའི་དོན་ཏེ། སྒོ་ཆེན་དར་དམར་གྱིས་སྤྲས། རྟ་མཆོག་རྒྱན་གྱིས་སྤྲས། དཔའ་བོས་མཚོན་ཆ་སྤྲས། རྒྱན་གྱིས་སྤྲས་ཤིག་ལྟ་བུ། ད་ལྟ་བ་དང་མ་འོངས་པ་ལ‘སྤྲ’འབྲི་སྲོལ་ཡོད། |
| སྤྲས་པ |
ཐ་དད་པ སྤྲས་པ། སྤྲས་པ། སྤྲོས།། སྤུད་པའམ་བརྒྱན་པ། གྱོན་པ་གཟབ་མཆོར་གྱིས་སྤྲས་པ། རྒྱན་གྱིས་སྤྲས་པ། བུ་མོས་ཕོ་ཆས་སྤྲས་པ། |
| སྤྲི |
1 མོ་ཕྱུགས་ལ་བེའུ་སྐྱེས་ནས་ཉིན་ཤས་རིང་གི་འོ་མ། 2 རྙིང ཤ་སྐྱི་པགས་མཚམས་ཞེས་པའི་སྐྱི་དེ་ཡིན་ཏེ། ཤ་མཚམས་ཀྱི་པགས་པ་ཤིན་ཏུ་སྲབ་པའི་མིང་ངོ། |
| སྤྲི་གསར |
མོ་ཕྱུགས་ལ་བེའུ་སྐྱེས་ནས་ཉིན་ཤས་རིང་གི་འོ་མ་དང་པོ། |
| སྤྲིང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)འཕྲིན་ཡིག་སོགས་བསྐུར་བའི་དོན་ཏེ། ཡི་གེ་སྤྲིང་བར་བྱ། སྤྲིང་མཁན་ཞེས་པ་ལྟ་བུ། |
| སྤྲིང་བ |
ཐ་དད་པ སྤྲིངས་པ། སྤྲིང་བ། སྤྲིངས།། གཏོང་བའམ་སྐུར་བ་དང་སྲིང་བ། བསླབ་བྱ་སྤྲིང་བ། ཕན་ཚུན་གནས་ཚུལ་སྤྲིང་བ། ཐག་རིང་དུ་ཡི་གེ་སྤྲིངས་ནས་འཕྲོད་པ། གསང་གཏམ་སྤྲིངས་པ། |
| སྤྲིངས |
འདས་པ་དང་སྐུལ་ཚིག་སྟེ། འཕྲིན་ཡིག་སྤྲིངས་ནས་གནས་ཚུལ་བཤད། འཕྲིན་ཡིག་སྤྲིངས་ཤིག་ལྟ་བུ། |
| སྤྲིངས་པ |
སྤྲིངས་བའི་འདས་པ། |
| སྤྲིངས་ཡིག |
མི་རེ་རེ་བའི་བར་དང་ཚོགས་པའི་བར། རྒྱལ་ཁབ་ཀྱི་བར་རྣམས་ལ་དོན་གལ་ཆེན་བྲིས་ནས་སྤྲིངས་པའི་འཕྲིན་ཡིག་གི་མིང་། |
| སྤྲིན |
གནམ་གྱི་ཆུ་འཛིན། མཁའ་སྤྲིན། ཆར་སྤྲིན། ཐན་སྤྲིན། མཚམས་སྤྲིན། སྤྲིན་དཀྲིགས་པ། སྤྲིན་འཁོར་བ། སྤྲིན་འཁྲིགས་པ། སྤྲིན་འཁྲུག་པ། སྤྲིན་གྱི་བང་རིམ། སྤྲིན་འཐིབས་པ། སྤྲིན་འཐོར་བ། སྤྲིན་འཕྱུར་བ། སྤྲིན་ནག མིང་གི་རྣམ་གྲངས་ལ་ཀ་དམ་པ་ཅན་དང༌། མཁའ་གོས། མཁའི་རྒྱལ་མཚན། མཁའ་ལ་རྒྱུ། གློག་ལྡན། སྒྲ་ལྡན། ཆུ་ཁུར། ཆུ་འཛིན། ཆུ་ཡི་བཞོན་པ། དུ་བའི་སྐྱེ་གནས། ནམ་མཁའི་གླང་པོ། ནམ་མཁའི་གླིང༌། ནམ་མཁའི་ཏ་མ་ལ། ཚ་ཟེར་འཇོམས། རླུང་གི་ཤིང་རྟ་བཅས་སོ། |
| སྤྲིན་གཟུགས |
མངོན ལྷང་ཚེར། |
| སྤྲིན་གསར |
གསར་དུ་སྐྱེས་པའི་སྤྲིན་སྲབ་མོ། |
| སྤྲིན་གསེབ |
སྤྲིན་པའི་ནང་ངམ་བར་གསེབ། |
| སྤྲིན་གུག |
དབྱིབས་གུག་པོའི་སྤྲིན་པ། |
| སྤྲིན་གྱི་ཀ་བ |
མངོན སེར་བ། |
| སྤྲིན་གྱི་ཁ་དོག |
ཡན་ལག་གི་ཁ་དོག་བརྒྱད་ཀྱི་ནང་གསེས་ཤིག |
| སྤྲིན་གྱི་གོང་བུ |
མངོན སེར་བ། |
| སྤྲིན་གྱི་ཕོ་ཉ |
བང་ཆེན་ནམ་འཕྲིན་སྤྲིན་གྱི་གཟུགས་སུ་བཀོད་པ་སྟེ། རྒྱ་གར་གྱི་སྙན་ངག་གི་བསྟན་བཅོས་ཤིག་གི་མིང༌། སློབ་དཔོན་ནག་མོའི་ཁོལ་གྱིས་བརྩམས་པ་དང༌། ཁ་ཆེའི་པཎྜི་ཏ་སུ་མ་ན་ཤྲཱི་དང༌། ལོ་ཙཱ་བ་བྱང་ཆུབ་རྩེ་མོ་སོགས་ཀྱིས་བོད་ཡིག་ཏུ་བསྒྱུར་པའོ། |
| སྤྲིན་གྱི་བཞོན་པ |
སྤྲིན་གྱི་བཞོན་པའི་རྟོགས་བརྗོད་དེ། དེའི་བསྟན་བྱ་གཙོ་བོ་རྒྱ་གར་གྱི་ལྷོ་ཕྱོགས་རི་བོ་མ་ལ་ཡ་དང་ཉེ་བའི་སར་འཁྲུངས་ཞེས་པའི་རྒྱལ་པོ་ཞིག |
| སྤྲིན་གྱི་མེ་ཏོག |
མངོན 1 ཆར་པ། 2 ཆུ། |
| སྤྲིན་གྱི་མེ་བོ་ཆེ |
མངོན ཐོག |
| སྤྲིན་གྱི་མྱུ་གུ |
མངོན ཆུ། |
| སྤྲིན་གྱི་འོད་ཟེར |
མངོན ཐོག |
| སྤྲིན་གྱི་རུས་པ |
མངོན སེར་བ། |
| སྤྲིན་གྱི་རྡོ |
མངོན སེ་རའམ་སེར་བ། |
| སྤྲིན་གྱི་ལྕུག་མ |
མངོན གློག |
| སྤྲིན་གྱི་སོ་ཅན |
མངོན རི། |
| སྤྲིན་གྱི་སྙིང་པོ |
མངོན ག་བུར། |
| སྤྲིན་གྱིས་སྒེག |
མངོན རྨ་བྱ། |
| སྤྲིན་ཆར |
ཆར་པ་ཆུང་ངུ། |
| སྤྲིན་ཆེན |
མངོན བཻཌཱུརྻ། |
| སྤྲིན་དཀར |
ཆུ་འཛིན་དཀར་པོ། |
| སྤྲིན་དག་པ |
1 ནག་ནོག་མེད་པའི་སྤྲིན་དཀར། 2 ནམ་མཁར་སྤྲིན་མེད་པ། |
| སྤྲིན་དམར |
སྤྲིན་པ་དམར་པོ། ནངས་སྔ་དྲོའི་སྤྲིན་དམར་ཆུ་ཡིན། དགུང་ཕྱི་དྲོའི་སྤྲིན་དམར་མེ་ཡིན། |
| སྤྲིན་པ |
སྤྲིན་དང་དོན་གཅིག་ |
| སྤྲིན་པ་སྒམ་པོ |
སྤྲིན་པ་དང་ཕ་ཝང་གི་རི་མོ་ཡོད་པའི་རུམ་གྱི་མིང༌། |
| སྤྲིན་ཕུང |
སྤྲིན་མང་པོ་འདུས་པའི་ཕུང་པོ། |
| སྤྲིན་བདུན |
སྤྲིན་དམར་གྱི་རི་མོ་ཅན་གྱི་གོས་ཆེན་ཞིག |
| སྤྲིན་བཟང་ཅན |
སྤྲིན་བཟང་ཅན་གྱི་ཟླ་བ་དང་དོན་གཅིག་ |
| སྤྲིན་བཟང་ཅན་གྱི་ཟླ་བ |
མངོན ཧོར་ཟླ་བརྒྱད་པ། |
| སྤྲིན་མཐོངས |
སྤྲིན་གྱི་བར་མཚམས་མཐོངས། མཚན་མོ་སྤྲིན་མཐོངས་ནས་ཟླ་འོད་རབ་ཏུ་འཕྲོ་བ། |
| སྤྲིན་མེད་འོད |
བསམ་གཏན་བཞི་པའི་གནས་རིས་ཀྱི་འོག་མ་སྟེ། གནས་འདིར་སྐྱེས་པའི་ལྷ་ནི་སྤྲིན་མེད་ཉི་མའི་སྣང་བ་ལྟར་འོད་དང་ལྡན་པ་ལྷ་གཞན་གྱི་གཞལ་མེད་ཁང་གིས་མ་ཆོད་ཅིང་སྒྲིབ་པ་མེད་པས་སྤྲིན་མེད་འོད་ཅེས་བྱའོ། |
| སྤྲིན་ཚོགས |
སྤྲིན་མང་པོ། |
| སྤྲིན་འཇའ |
འཇའི་ཁ་དོག་དང་འདྲ་བའི་སྤྲིན་པ། |
| སྤྲིན་འདེགས |
མངོན ཁུག་རྟ། |
| སྤྲིན་འབྱུང |
མངོན དབྱར་ཁ། |
| སྤྲིན་རིས |
སྤྲིན་པའི་རི་མོ། |
| སྤྲིན་རིས་མ |
སྤྲིན་པའི་རི་མོ་ཅན་གྱི་གོས་ཆེན་སོགས། |
| སྤྲིན་རུམ |
སྤྲིན་གྱི་ནང༌། སྤྲིན་རུམ་ནས་ཆར་བབ་པ། |
| སྤྲིན་རྐང |
སྤྲིན་གྱི་རྩ་བ་ཐུར་དུ་ནར་བ། |
| སྤྲིན་ལ་དགའ |
མངོན རྨ་བྱ། |
| སྤྲིན་ལ་ཞོན |
མངོན བརྒྱ་བྱིན། |
| སྤྲིན་ལ་སློང |
མངོན ཁུག་རྟ། |
| སྤྲིན་ལམ |
མངོན ནམ་མཁའ། |
| སྤྲིན་ལས་རྒྱལ |
མངོན སྒྲ་གཅན། |
| སྤྲིན་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། སྤྲུལ་སྐུའི་རྒྱུད་ཀྱི་ཆོས་ཀྱི་སྐུ་དང་ལྡན་པའི་སེམས་བསྐྱེད་ནི་སེམས་ཅན་གྱི་ཕན་བདེའི་ལོ་ཏོག་སྨིན་པ་དེ་ལ་རག་ལས་པས་སྤྲིན་ལྟ་བུའོ། |
| སྤྲིན་སྒྲ |
མངོན འབྲུག་སྒྲ། |
| སྤྲིབས |
ལྟོགས་པའི་བརྡ་རྙིང་། |
| སྤྲིབས་པ |
རྙིང ལྟོགས་པ། |
| སྤྲིས་མ |
གཅིན་པ་དང་འོ་མ་སོགས་ཀྱི་ཁ་ལ་ཆགས་པའི་རྩི། འོ་སྤྲིས། ཞོ་སྤྲིས། ཆུ་སྤྲིས། གཅིན་པའི་སྟེང་དུ་སྤྲིས་མ་འཁོར་བ། འོ་མ་བསྐོལ་ཏེ་གྲང་བཅུག་ན་སྤྲིས་མ་ཆགས་ཡོང༌། |
| སྤྲུ་དཀར |
ཐང་སྨན་གྱི་རིགས་སྤྲུ་མ་དཀར་པོ་སྟེ། རོ་ཁ་ལ་ཚ། ཞུ་རྗེས་སྙོམས། ནུས་པས་སྲིན་ནད་འཇོམས་པ་དང༌། ཁྲག་ཤོར་གཅོད་པར་བྱེད། |
| སྤྲུ་དཀར་རྩ་བ |
སྔོ་སྨན་སྤྲུ་མ་དཀར་པོའི་རྩ་བ། |
| སྤྲུ་ནག |
ཐང་སྨན་གྱི་རིགས་ཤིག་སྟེ། རོ་ཁ་ལ་ཚ། ཞུ་རྗེས་སྙོམས། ནུས་པས་གག་ལྷོག་གཉན་ནད་དང༌། འབམ་གྲུམ། རིམས་ཚད་ལ་ཕན། མགོ་སྲིན་དང་གླང་ཐབས་འཇོམས། |
| སྤྲུ་བ |
སྔོ་སྨན་ཞིག་སྤྲ་བའི་མིང་གཞན། |
| སྤྲུ་མ |
རྩྭ་ལྡུམ་ཞིག་གི་མིང་ཡིན་ཞིང་། དེ་ལ་སྨན་གཞུང་དུ་སྤྲུ་དཀར་དང་སྤྲུ་ནག སྤྲུ་དམར་བཅས་རིགས་དུ་མ་ཡོད་པར་བཤད། རྒྱ་སྐད་དུ‘ཆང་ཧོ’ཟེར། |
| སྤྲུ་རྩྭ |
སྔོ་སྨན་ཞིག་སྟེ། སྤྲུ་དཀར་དང༌། སྤྲུ་ནག་སོགས་རིགས་ཁ་ཤས་ཡོད། |
| སྤྲུ་སྐྱ |
སྔོ་ཞིག |
| སྤྲུག |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)གཡོ་སྒུལ་མགྱོགས་པོ་བྱས་པའི་དོན་ཏེ། གདན་སྤྲུག་པར་བྱ། གདན་སྤྲུག་མཁན་ཞེས་པ་ལྟ་བུ། |
| སྤྲུག་གསིག |
སྤྲུག་སྤྲུག་བྱས་པ། རྔོག་མ་སྤྲུག་གསིག་བྱས་པ། |
| སྤྲུག་པ |
1. ཐ་དད་པ སྤྲུགས་པ། སྤྲུག་པ། སྤྲུགས།། རྡེབ་པའམ་གསིག་པ། གདན་སྤྲུག་པ། ཐལ་བ་སྤྲུག་པ། སེང་གེས་རལ་པ་སྤྲུག་པ། ནུས་ཤུགས་ཡོད་དགུ་རྩལ་སྤྲུགས། འཁོར་བ་དོང་སྤྲུགས། 2. རྙིང 1 ཟད་པ། 2 དག་པར་བྱེད་པ། |
| སྤྲུག་བརྡབས |
སྤྲུག་སྤྲུག་བྱས་ཏེ་བརྡབས་པ། གོས་ལ་འབྱར་བའི་སྤུ་དང་རྡུལ་སྤྲུག་བརྡབས་བཏང་བ། |
| སྤྲུག་སྤྲུག |
རྡེབ་རྡེབ། མལ་གདན་སྤྲུག་སྤྲུག་བྱས་ནས་ཐལ་རྡུལ་འབུད་པ། |
| སྤྲུགས |
འདས་པ་དང་སྐུལ་ཚིག་སྟེ། གདན་སྤྲུགས་ནས་ས་རྡུལ་དག ལྭ་སྤྲུགས་ཤིག་ལྟ་བུ། ཡུལ་སྐད་ལ་ལར‘སྤུག’ཟེར། |
| སྤྲུགས་པ |
སྤྲུག་པའི་འདས་པ། |
| སྤྲུལ |
(བྱེད་མེད་ལས་ཚིག) རྫས་སྔགས་དང་རྣལ་འབྱོར་སོགས་ཀྱི་མཐུ་ལ་བརྟེན་ནས་ཐོག་མའི་ངོ་བོ་གཞན་དུ་འགྱུར་བ་སྟེ། སུང་ཝུ་ཁུང་སྦྲང་མར་སྤྲུལ་ནས་འཕུར་ལྟ་བུ། |
| སྤྲུལ་པ |
ནང་ཆོས་ནས་འབྱུང་བའི་སངས་རྒྱས་ཀྱི་སྐུའི་རྣམ་འཕྲུལ་ཏེ། མཆོག་གི་སྤྲུལ་སྐུ། སྐྱེ་བ་སྤྲུལ་སྐུ། བཟོ་སྤྲུལ་སྐུ། སྣ་ཚོགས་སྤྲུལ་སྐུ་ལྟ་བུ། |
| སྤྲུལ་པ་འགྱེད་པ |
སྤྲུལ་པ་སྟོན་པ། |
| སྤྲུལ་པ་སྒྱུ་མ |
སྒྱུ་ལུས་ཀྱི་ནང་གསེས་ཤིག་སྟེ། བསྐྱེད་རྫོགས་ལ་བརྟན་པ་ཐོབ་པའི་ཏིང་ངེ་འཛིན་གྱིས་སྤྲུལ་པའི་དཀྱིལ་འཁོར་སོགས། |
| སྤྲུལ་པ་སྡུད་པ |
ཕར་སྤྲུལ་པ་རྣམས་ཚུར་སྡུད་པ། |
| སྤྲུལ་པའི་གླེགས་བམ |
བཀའ་གདམས་སྤྲུལ་པའི་གླེགས་བམ་སྟེ། བཀའ་གདམས་བུ་ཆོས། |
| སྤྲུལ་པའི་ཉན་ཐོས |
གནས་བརྟན་བཅུ་དྲུག་ལྟ་བུའོ། |
| སྤྲུལ་པའི་འཁོར་ལོ |
ལྟེ་བའི་རྩ་འཁོར། |
| སྤྲུལ་པའི་རྫུ་འཕྲུལ |
རྣམ་འགྱུར་སྣ་ཚོགས་སྟོན་པའི་རྫུ་འཕྲུལ། |
| སྤྲུལ་པའི་ལམ་གསུམ |
གཟུགས་ཅན་གཟུགས་ལ་ལྟ་བའི་རྣམ་ཐར། གཟུགས་མེད་གཟུགས་ལ་ལྟ་བའི་རྣམ་ཐར། སྡུག་པའི་རྣམ་ཐར་དང་གསུམ་སྟེ་རྣམ་ཐར་སྒོ་གསུམ། |
| སྤྲུལ་པའི་སྐུ |
1 སངས་རྒྱས་ཀྱི་སྐུའི་བྱེ་བྲག་ཅིག་སྟེ། ལོངས་སྐུའི་བདག་རྐྱེན་ལས་བྱུང་བའི་དག་མ་དག་གི་གདུལ་བྱ་རྣམས་ལ་སྣང་ཞིང་དེ་དག་གི་དོན་མཛད་པར་བསམ་བཞིན་སྲིད་པར་བཟུང་བའི་གཟུགས་སྐུའོ། ཤེར་ཕྱིན་དོན་བདུན་ཅུའི་ནང་གསེས་ཤིག་ཀྱང་ངོ། 2 བླ་མ་ཆེ་གྲས་ཀྱི་ཡང་སྲིད་ལ་བཏགས་པའི་མིང༌། |
| སྤྲུལ་བ |
ཐ་དད་པ སྐྱེད་པ་དང༌། འཕྲོ་བར་བྱེད་པ། འགྱེད་པ། སྟོན་པ། སྒྱུར་བ། སྤྲུལ་པ་སྤྲུལ་བ། གཅིག་ལས་མང་པོ་སྤྲུལ་བ། རྣམ་འགྱུར་སྣ་ཚོགས་སྤྲུལ་བ། |
| སྤྲུལ་བསྒྱུར |
སྤྲུལ་པའི་བཀོད་པ་སྣ་ཚོགས་སུ་བསྒྱུར་པ། |
| སྤྲུལ་སྐུ |
སྤྲུལ་པའི་སྐུའི་བསྡུས་མིང༌། |
| སྤྲུལ་སྐུ་གསུམ |
བཟོ་བོ་སྤྲུལ་སྐུ་དང༌། སྐྱེ་བ་སྤྲུལ་སྐུ། མཆོག་གི་སྤྲུལ་སྐུ་སྟེ་གསུམ། |
| སྤྲུལ་སྒྱུར |
རྫས་སྔགས་སོགས་ཀྱི་མཐུ་ལ་བརྟེན་ནས་གཞན་དུ་འགྱུར་བའི་སྤྱོད་པའི་མིང་སྟེ། སུང་ཝུ་ཁུང་གིས་སྤྲུལ་སྒྱུར་སྣ་ཚོགས་བསྟན་ནས་རུས་དཀར་ཕྲ་མེན་བཏུལ་ལྟ་བུ། |
| སྤྲེ |
‘སྤྲེའུ’ཡི་འབྲི་ཚུལ་གཞན། |
| སྤྲེ་ད |
ཡུལ སྲེ་ད་སྟེ། འབྲུ་མ་ཆགས་པའི་སྙེ་མ་སྐྱོན་ཅན། |
| སྤྲེ་མོ་ལ |
བོད་རང་སྐྱོང་ལྗོངས་ཀྱི་གྲོ་མོ་རྫོང་ཁོངས་ཕག་རིའི་ཤར་ངོས་སུ་ཡོད། |
| སྤྲེ་མོང |
ཡུལ སྲེ་མོང་སྟེ། ནེའུ་ལེ་ཡང་ཟེར། |
| སྤྲེའུ |
1 སྤྲེལ་ཡང་ཟེར། ནགས་ཁྲོད་ལ་གནས་པའི་དུད་འགྲོ་ཞིག སྤྲེའུ་མཇུག་རིང༌། སྤྲེའུར་མི་ལས་བཅོལ་ཀྱང་ག་ནས་ཡོང༌། མིང་གི་རྣམ་གྲངས་ལ་རྒྱུག་མཆོང་པ་དང༌། གཉེར་མའི་གདོང༌། འཕར་འགྲོ། མི་དང་འདྲ། ཡལ་གའི་རི་དྭགས། རླུང་གི་བུ་རྒྱུད། སའི་མཇུག་མ་བཅས་སོ། 2 མངོན མེ་ལུག་ལོ། |
| སྤྲེའུ་འདྲ |
མངོན སྡོམ། |
| སྤྲེའུ་ལད |
སྤྲེལ་ལད་དང་འདྲ། |
| སྤྲེའུ་ཤིང |
མངོན སེ་འབྲུ། |
| སྤྲེའུ་སྙུག་མ |
ཤིང་ཞིག |
| སྤྲེའུའི་རུས་པ |
སྲོག་ཆགས་སྨན་གྱི་རིགས་ཤིག་སྟེ། རོ་མངར་ལ་བསྐ། ཞུ་རྗེས་དྲོད། ནུས་པས་བྱིས་པ་བཙའ་དཀའ་བར་ཕན། |
| སྤྲེལ |
1 སྤྲེའུ། ཀོང་སྤྲེལ། རྒྱ་སྤྲེལ། 2 ལོ་འཁོར་བཅུ་གཉིས་ཀྱི་ཡ་གྱལ་ཞིག མེ་སྤྲེལ། |
| སྤྲེལ་མཇུག་པ |
སྔོ་སྨན་རེ་རལ་གྱི་མིང་གི་རྣམ་གྲངས་ཤིག |
| སྤྲེལ་ཟླ |
ཧོར་ཟླ་བདུན་པ། |
| སྤྲེལ་རྒྱལ |
སྤྲེའུ་གཙོ་བོ། |
| སྤྲེལ་ལད |
སྤྲེའུའི་ལད་མོ་སྟེ། ངོ་དགའི་རྣམ་འགྱུར་གྱི་དཔེ། ངོ་དགའི་སྤྲེལ་ལད། སྤྲེལ་ལད་འཁྲབ་པ། སྤྲེལ་ལད་བསྔགས་བརྗོད། |
| སྤྲེལ་སྙུག |
སྤྲེའུ་སྙུག་མའི་བསྡུས་ཚིག་ |
| སྤྲེལ་སློག |
སྤྲེལ་ལྤགས་ཀྱི་གོས། |
| སྤྲོ |
(རྒྱན་ཚིག) སྤྲོ་བ་སྟེ། སེམས་སྤྲོ་བ་སྐྱེས། ཁང་བ་སྤྲོ་མོ་ས། ཆ་སྤྲོ་མོ་ཞེས་པ་ལྟ་བུ། ཨ་མདོའི་ཡུལ་སྐད་དུ‘བསོ་མོ’ཟེར། ་2.(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)འོད་འཕྲོ་བར་བྱས་པའི་དོན་ཏེ། འོད་སྤྲོ་བར་བྱ་ལྟ་བུ། |
| སྤྲོ་ཁང |
དབྱར་དུས་སྡོད་སའམ་དགའ་སྟོན་གཏོང་ས། |
| སྤྲོ་གསེང |
གུང་གསེང་ངམ་གླིང་ག་སོགས་སུ་བསྐྱོད་ནས་སྐྱིད་པོ་གཏོང་བ། |
| སྤྲོ་ཐུང་བ |
ཁོང་ཁྲོ་ལང་སླ་བ། སྤྲོ་ཐུང་བྱས་ན་ལས་དོན་ལ་འཐུས་ཤོར་ཡོང་རྒྱུ་ཐག་ཆོད། ཀོ་ལོང་དམ་པོའི་མི་དེ་སྤྲོ་ཐུང་བ་ཞིག་ཡོང༌། སྤྲོ་ཐུང་བ་ལ་ཀུ་རེ་མ་བྱེད། མི་ཐུབ་པ་ལ་དོ་མ་སྡོ། |
| སྤྲོ་པོ |
1 དགའ་པོ། གསར་བརྗེའི་གསུང་གཞས་གསན་ནས་ཐུགས་སྤྲོ་པོ་བྱུང་སོང༌། 2 ཡུལ ཞིམ་པོ། གསོལ་ཚིགས་ལ་སྤོད་སྨན་སྦྱར་བས་སྤྲོ་པོ་བྱུང་སོང༌། |
| སྤྲོ་བ |
1.ཐ་དད་པ སྤྲོས་པ། སྤྲོ་བ། སྤྲོས།། 1 འགྱེད་པ་དང༌། འཕྲོ་བར་བྱེད་པ། སྐྱེད་པ། འོད་ཟེར་སྤྲོ་བ། སེམས་གང་ས་གང་དུ་སྤྲོ་བ། སྔར་མེད་གསར་སྤྲོས། 2 ཡུལ སྲོ་བ། མེ་སྤྲོ་བ། ཉི་མ་སྤྲོ་བ། 2.ཐ་མི་དད་པ དགའ་བ། ཐུགས་ཧ་ཅང་སྤྲོ་བ། འགན་བབས་ལས་དོན་ལ་སྤྲོ་བ། ལྟ་འདོད་ཅིང་ཉན་སྤྲོ་བ། གཡུལ་གྱི་ལས་ལ་མི་སྤྲོ་བ། 3.དགའ་བའི་མིང༌། རང་འགན་བསྒྲུབས་ནས་སྤྲོ་བ་སྐྱེས་པ། སྤྲོ་བ་བསྐྱེད་པ། སྤྲོ་ཉམས་རབ་རྒྱས། |
| སྤྲོ་བ་ཅན |
མངོན ཉ། |
| སྤྲོ་བ་ཆེ་བ |
1 དགའ་སྤྲོ་ཆེ་བ། 2 བརྩོན་འགྲུས་ཆེ་བ། |
| སྤྲོ་བ་བསྲིངས་པ |
སེམས་ལ་དགའ་བ་བསྐྱེད་པ། དགེ་རྒན་སློབ་སྟངས་མཁས་པས་སློབ་གྲྭ་བ་རྣམས་ལ་སློབ་སྦྱོང་གི་སྤྲོ་བ་བསྲིངས་པ། |
| སྤྲོ་བག་ཕེབས་པ |
ཐུགས་སྤྲོ་ཞིང་བཞུགས་བག་ཕེབས་པ། སྤྲོ་བག་ཕེབས་པར་ལས་ཀ་བྱེད་བཞིན་པ། |
| སྤྲོ་བའི་ཚོགས |
མངོན རི་དྭགས་བསེ་རུ། |
| སྤྲོ་བསང |
ཕྱི་ལ་ལྗོངས་རྒྱུ་སོགས་བྱེད་པའི་བྱ་སྤྱོད་ཀྱི་མིང་། |
| སྤྲོ་བྱེད |
མངོན གཟུགས་མོ་བྱི་ཐུར། |
| སྤྲོ་མོ |
ཡུལ ཡིད་དགའ་བ། ན་ཚ་མེད་ན་ཐུགས་སྤྲོ་མོ་ཡོང༌། |
| སྤྲོ་ཞི་བ |
རླུང་ངམ་ཁོང་ཁྲོ་ཞི་བའམ་འཇགས་པ། མི་འདི་སྤྲོ་ཐུང་ལ་སྤྲོ་ཞི་བ་ཡང་སླ་པོ་ཞིག་འདུག |
| སྤྲོ་རིང་པོ |
ཁོང་ཁྲོ་ཆུང་བའམ་ངང་རྒྱུད་རིང་པོ། གཤིས་བཟང་སྤྲོ་རིང་གི་མི། |
| སྤྲོ་ལངས་པ |
རླུང་ངམ་ཁོང་ཁྲོ་ལངས་པ། གློ་བུར་དུ་སྤྲོ་ལངས་ནས་རྐང་བརྡབ་ལག་བརྡབ་བྱེད་པ། ཁ་སྐྱེངས་སྤྲོ་ལངས། |
| སྤྲོ་ཤི་བ |
རླུང་ལངས་ནས་ཞི་བའམ་ཆག་པ། རེ་ཞིག་ངང་སྒུག་བྱས་ནས་ཁོ་སྤྲོ་ཤི་བ་དང་ཐབས་མཁས་ཀྱིས་གྲོས་སྡུར་བྱེད་པ། |
| སྤྲོ་ཤུགས |
དགའ་སྤྲོའི་ནུས་སྟོབས། |
| སྤྲོ་སིང་ངེ་བ |
སེམས་སྐྱིད་ཉམས་ཆེ་བ། རྣམ་འགྱུར་སྤྲོ་སིང་ངེ་བ་ཞིག་སྟོན་པ། |
| སྤྲོ་སིང་སིང |
སྤྲོ་ཉམས་སམ་དགའ་ཉམས་ཆེ་བ། མི་དམངས་ལ་ཞབས་འདེགས་ཞུ་བའི་གོ་སྐབས་ཐོབ་ན་སེམས་སྤྲོ་སིང་སིང་ཞིག་ཡོང༌། |
| སྤྲོ་སུད་པ |
ཁྲོ་སླ་བ། |
| སྤྲོ་སེམས |
དགའ་སྤྲོའི་སེམས། |
| སྤྲོ་སེམས་འཁོལ་བ |
དགའ་ཞིང་སྤྲོ་བའི་སེམས་ཆུ་རླབས་བཞིན་འཕྱུར་བ། གསར་བརྗེ་ལེགས་འགྲུབ་བྱུང་བར་སྤྲོ་སེམས་འཁོལ་བའི་ངང་ནས་བཀྲ་ཤིས་བདེ་ལེགས་ཞུ་བ། |
| སྤྲོ་སྐྱིད |
1 སེམས་དགའ་ལུས་བདེ། 2 དགའ་སྟོན། འགྲུལ་པ་རྣམས་ལ་སྤྲོ་སྐྱིད་གཤོམ་པ། |
| སྤྲོ་སྐྱིད་ཁང |
སྤྱི་ཚོགས་དང༌། ཆབ་སྲིད། རིག་རྩལ། རྩེད་འཇོ་སོགས་བྱེད་མཁན་ཚོགས་ཁག་གམ་བྱེད་སའི་གནས་ལ་ཟེར། |
| སྤྲོ་སྟོན |
དགའ་བར་བྱེད་པའི་སྟོན་མོ། |
| སྤྲོ་སྣང |
སེམས་སྐྱིད་པའི་སྣང་བ། སྤྲོ་སྣང་ཆེན་པོས་ལས་དོན་ཧུར་བརྩོན་མཛད། |
| སྤྲོ་སྤྲོ |
དགའ་དགའ། དགའ་དགའ་སྤྲོ་སྤྲོ་བྱས་ནས་རྒྱལ་ཁབ་ཀྱི་དུས་ཆེན་གཏོང་བ། |
| སྤྲོག་མ |
ལྕུག་མའམ་སྨྱུག་བཤགས་ཀྱིས་བསླས་པའི་སློ་མ་ཆུང་བ། སྤོས་སྤྲོག |
| སྤྲོད |
སྤྲོད་པའི་སྐུལ་ཚིག་ |
| སྤྲོད |
ད་ལྟ་བ་དང་སྐུལ་ཚིག་སྟེ། རས་ཉོས་པའི་རིན་སྤྲོད་མཁན། སྤྲོད་ཅིག་ཅེས་པ་ལྟ་བུ། ལས་བཅོལ་བྱས་པའི་དོན་ཏེ། དགེ་རྒན་ལ་སློབ་མ་སྤྲད། འགན་ཁུར་སྤྲད་ལྟ་བུ། |
| སྤྲོད་ཁོངས་ཡིག་རིགས |
དཀར་ཆག་ནང་བཀོད་དེ་རྩིས་ལེན་རྩིས་སྤྲོད་བྱེད་དགོས་པའི་ཡིག་ཆའི་རིགས། |
| སྤྲོད་ཁྲ |
རྩིས་སྤྲོད་རྩིས་ལེན་བྱེད་སྒོའི་བཀའ་ཤོག |
| སྤྲོད་ཆས |
རྩིས་སྤྲོད་རྩིས་ལེན་བྱེད་སྒོའི་དངོས་རིགས། སྤྱི་དངོས་སྤྲོད་ཆས་རྣམས་འཐོར་རྐྱེན་བཏང་ན་མི་འགྲིག |
| སྤྲོད་དངུལ |
རྩིས་སྤྲོད་ཀྱི་དངུལ་ལམ། འཇལ་སྤྲོད་ཀྱི་དངུལ། |
| སྤྲོད་དཔང |
རྩིས་སྤྲོད་སྐབས་ཀྱི་དཔང་པོའམ་ལྟ་རྟོག་བྱེད་མཁན། |
| སྤྲོད་དེབ |
རྩིས་སྤྲོད་རྩིས་ལེན་བྱེད་སྐབས་ཀྱི་དེབ་ཡིག |
| སྤྲོད་པ |
ཐ་དད་པ སྤྲད་པ། སྤྲད་པ། སྤྲོད།། 1 སྟེར་བ་དང་གཏོད་པ། ཕྱིར་སྤྲོད་པ། ཡི་གེ་སྤྲོད་པ། འཕྲིན་སྤྲད་པ། སྐྱིན་ཚབ་སྤྲོད་པ། མདུན་ལམ་སྤྲད་པ། རྩིས་སྤྲོད་བྱས་པ། 2 ཐུག་པ་དང་ཕན་ཚུན་སྦྱོར་བ། འཐབ་མོ་སྤྲོད་པ། དགྲ་ལན་སྤྲོད་པ། |
| སྤྲོད་བུན |
འཇལ་དགོས་ཀྱི་བུ་ལོན། |
| སྤྲོད་འཛིན |
ཕར་ཚུར་གང་རུང་སྤྲོད་དན་གྱི་འཛིན་ཡིག |
| སྤྲོད་ལེན |
ཕར་སྤྲོད་ཚུར་ལེན། གཞུང་གི་དངོས་ཆས་གང་ཡོད་སྤྲོད་ལེན་ཡག་པོ་བྱེད་དགོས། |
| སྤྲོས |
འདས་པ་དང་སྐུལ་ཚིག་སྟེ། འོད་སྤྲོས་ནས་མུན་པ་སེལ། འོད་སྤྲོས་ཤིག་ལྟ་བུ། མྱུར་བར་ཕར་བཏང་བའི་དོན་ཏེ། མེ་མདའ་སྤྲོས་ལྟ་བུ། 2.(བྱེད་འབྲེལ་ལས་ཚིག) རྒྱས་པར་བཤད་པའི་དོན་ཏེ། མདོར་བསྡུས་ཙམ་བཤད་ན་གོ་ཐུབ་པས་རྒྱས་པར་མ་སྤྲོས་སོ་ལྟ་བུ། |
| སྤྲོས་ཀུན |
1 སྣང་སྲིད་ཀྱི་དངོས་པོ་ཐམས་ཅད། 2 རྒྱས་སྤྲོས་ཚང་མ། |
| སྤྲོས་གཤོམ |
རྒྱས་རྒྱས་བཟང་བཟང་གི་གཤོམ་ར། དང་དོད་ཀྱི་འཚོ་བའི་སྤྲོས་གཤོམ་སྤོང་བ།.. |
| སྤྲོས་པ |
1.སྤྲོ་བའི་འདས་པ། 2 1 རྒྱ་ཆེ་བའི་མཚན་མ་དང༌། རྟོག་པ། བག་མེད་རྒྱས་སྤྲོས། སྤྲོས་པ་ཆོད་པ། སྤྲོས་པར་ལྟུང་བ། སྤྲོས་པའི་བག་ཆགས། 2 རྙིང ལས་ཀའམ་ལས་འགན། |
| སྤྲོས་པའི་མཐའ་བརྒྱད |
ལྟ་བ་ཕྱོགས་སུ་ལྷུང་བ་སྟེ། སྐྱེ། འགག་རྟག་ཆད། འགྲོ། འོང༌། གཅིག་ཐ་དད་བཅས་མཐའ་བརྒྱད། |
| སྤྲོས་བཅས |
1 གཟབ་ཅིང་རྒྱ་ཆེ་བ། 2 བདེན་གྲུབ་ཀྱི་ཞེན་པ། 3 རྒྱས་ཤིང་རྒྱ་ཆེའི་སྤྲོས་པ་དང་བཅས་པ། |
| སྤྲོས་བྲལ |
མཚན་མར་མི་འཛིན་པ་དང༌། སྟོང་ཉིད་དམ་ཆོས་ཉིད། |
| སྤྲོས་བྲལ་བརྒྱད |
དབུ་མ་ཐལ་འགྱུར་བས་སྟོང་ཉིད་ཀྱི་ལྟ་བ་གཏན་ལ་འབེབས་པ་ན་སྤྲོས་པའི་མཐའ་བརྒྱད་དང་བྲལ་བ་སྟེ། སྐྱེ། འགག་རྟག་ཆད། འགྲོ། འོང༌། གཅིག་ཐ་དད་བཅས་དང་བྲལ་བ་སྟེ་མེད་པའོ། |
| སྤྲོས་མེད |
རྒྱས་པ་མེད་པ། སྤྲོས་མེད་སྙན་ཞུ། |
| སྦ |
ཤིང་གི་བྱེ་བྲག་ཅིག |
| སྦ |
(བྱེད་འབྲེལ་ལས་ཚིག་མ་འོངས་པ)མི་དང་དངོས་རྫས་གཞན་གྱིས་མི་མཐོང་བར་བྱེད་པ་སྟེ། སྦ་བྱའི་དངོས་རྫས་སྦ་གསང་བྱེད་ལྟ་བུ། 2.ཤིང་རིགས་གཞུང་ཤིང་ཕྲ་ལ་རིང་བ། མཉེན་ཞིང་སྲ་བ་ཞིག་ཡིན། དེས་འདུག་སྟེགས་དང་སྒམ་སོགས་ཡོ་བྱད་སླས་ཆོག་ལ་འཁར་བའང་བྱེད་ཆོག |
| སྦ་ཁྲའི་སློ་མ |
སྦ་སྨྱུག་ཚོན་ཁྲའི་གཟེབ་སློ། |
| སྦ་ཁྲི་བཞེར |
སྔར་ཆོས་རྒྱལ་ཁྲི་སྲོང་ལྡེའུ་བཙན་སྐབས་བོད་ཀྱི་སད་མི་མི་བདུན་གྱི་ཡ་གྱལ་ཞིག |
| སྦ་གསང |
མི་མངོན་པའམ་མི་ཚོར་བར་བྱེད་པའི་ཐབས། གྲོས་བསྡུར་སྦ་གསང་བྱེད་པ། བསམ་འཆར་སྦ་གསང་མ་བྱེད། སྙིང་གཏམ་སྦ་གསང་བྱེད་པ། |
| སྦ་གསལ་སྣང |
རྦ་ཞེས་ཀྱང་སྣང༌། སྔར་ཆོས་རྒྱལ་ཁྲི་སྲོང་ལྡེའུ་བཙན་གྱི་བློན་པོ་སྦ་གསལ་སྣང་གིས་རྒྱལ་པོའི་བཀའ་བཞིན་རྒྱ་གར་ནས་མཁན་ཆེན་བོ་དྷི་སཏྭ་བོད་དུ་གདན་དྲངས། མཁན་པོས་གསལ་སྣང་ལ་ཡེ་ཤེས་དབང་པོ་ཞེས་པའི་མིང་བཏགས། དེ་རྗེས་བསམ་ཡས་སུ་མཁན་ཆེན་དང༌། སློབ་དཔོན་པད་མ་འབྱུང་གནས་མཉམ་འཛོམས་དུས་བོད་བཙུན་གྱི་ཐོག་མ་སད་མི་བདུན་རབ་ཏུ་བྱུང་བའི་ཡ་གྱལ་བྱས་རྗེས་ཆེ་བ་ཞིག་ཡིན། |
| སྦ་ཆས |
སྦ་ལས་བཟོས་པའི་ཡོ་བྱད། |
| སྦ་ཆིངས |
ཇ་མདོང་དང༌། ཟོ་བ། ཟོམ་སོགས་ལ་བཏང་བའི་སྦ་ཆིངས། |
| སྦ་ཐག |
སྦ་ལས་བཟོས་པའི་ཐག་པ། |
| སྦ་ཐག་ཟམ་པ |
སྦ་ཟམ་དང་དོན་གཅིག་ |
| སྦ་དཀར |
1 ཤིང་གི་བྱེ་བྲག་ཅིག 2 ཞལ་བ་འཆག་བྱེད་ཀྱི་ས་དཀར་པོ་ཞིག |
| སྦ་དབྱུག |
སྦའི་དབྱུག་པ། |
| སྦ་དམར |
1 ཤིང་གི་བྱེ་བྲག་ཅིག 2 ཞལ་བ་འཆག་བྱེད་ཀྱི་ས་དམར་པོ་ཞིག |
| སྦ་བ |
1.སྦེད་པའི་མ་འོངས་པ། 2 1 ཕོ་མོའི་རྟགས་སམ་འདོམས། 2 གསང་བྱའི་དོན། |
| སྦ་བཞེད |
སྦ་གསལ་སྣང་གི་བཞེད་པར་གྲགས་པ་སྟེ། བསམ་ཡས་ཀྱི་དཀར་ཆག་ཆེན་པོ་ཞེས་ཀྱང་ཟེར། དེ་ནི་སྤྱི་ལོ་དུས་རབས་བརྒྱད་པའི་ནང་བོད་རྗེ་ཁྲི་སྲོང་ལྡེ་བཙན་སྐབས་ཀྱི་ལོ་རྒྱུས་ཅུང་ཟད་ཞིབ་པ་ཞིག་ཡིན་ཞིང༌། ནང་དོན་གཙོ་ཆེ་བ་བསམ་ཡས་གཙུག་ལག་ཁང་བརྒྱབ་ནས་བོད་དུ་སངས་རྒྱས་ཀྱི་ཆོས་སྤེལ་བའི་ལོ་རྒྱུས་ཡིན་ཞིང༌། བོད་དང་ཐང་རྒྱལ་རབས་ཀྱི་འབྲེལ་བ་དང༌། བོད་དང་རྒྱ་གར་བར་ཆོས་ལུགས་ཐོག་ནས་འགྲོ་འོང་བྱེད་ཚུལ། བཙན་པོའི་བཀའ་གཙིགས་བསྒྲགས་པ། སྒྲ་བསྒྱུར་བཙུགས་ཏེ་ཆོས་བསྒྱུར་བ་སོགས་སྐབས་དེའི་ཆབ་སྲིད་ལམ་ལུགས་དང་དཔལ་འབྱོར་རིག་གནས་ཀྱི་འཕེལ་རྒྱས་ཀྱང་གསལ་པོར་འཁོད་འདུག |
| སྦ་བསྲི |
སྦ་གསང་གི་དོན། |
| སྦ་བེར |
ཤིང་རིགས་སྦའི་དབྱུག་པ། |
| སྦ་ཟམ |
སྦའི་ལྕུག་ཕྲན་བསྒྲིམས་ནས་ཕར་ཚུར་བཏང་བའི་ཟམ་པ། |
| སྦ་འཁར |
སྦ་ཤིང་ལས་བཟོས་པའི་ལག་འཁར། |
| སྦ་འགུགས |
ཤིང་བཟོ་བའི་ལག་ཆ་ཞིག |
| སྦ་འགེབས |
ཉེས་སྐྱོན་མི་མངོན་པར་བྱེད་ཐབས། སྐྱོན་དང་ནོར་འཁྲུལ་སྦ་འགེབས་བྱས་པ། |
| སྦ་འབྲུམ |
ཤུག་པ་སྤ་མའམ་ཤུག་པ་ཚེར་མ་ཅན་གྱི་འབྲས་བུ་སྟེ། རོ་ཁ་ལ་ཚ་བ། ཞུ་རྗེས་བསིལ། ནུས་པས་སྣོད་མཁྲིས་ལུས་ལ་གྲམ་ནས་ཤ་པགས་སེར་པོར་གྱུར་པ་དང༌། གཞང་འབྲུམ། ཚིགས་མིག་ཏུ་ཆུ་སེར་འཕེལ་བ་སོགས་ལ་ཕན། |
| སྦ་ཡག |
ལོ་མང་སྐྱེ་བའི་རྩྭ་ལྡུམ་ཆུང་ཆུང་ཞིག་ཡིན། སྨན་གཞུང་དུ‘བ་ཡག་པ’ཟེར། |
| སྦ་ཡག་པ |
སྔོ་སྨན་ཞིག་དེའི་རྩ་བར་ལུས་བདེ་བ་དང་ཁམས་དམར་སྙོམས་སྒྲིག་བྱེད་པའི་ནུས་པ་ཡོད། |
| སྦ་རི་སྦི་རི |
ར་བཟི་བ་དང༌། བརྒྱལ་ཉམས། ན་ཚ་བྱུང་སྟེ་ཆང་གིས་བཟི་བ་ལྟར་སྦ་རི་སྦི་རི་བྱས་བྱུང༌། |
| སྦ་རྒོད |
བྲག་རི་ནས་སྐྱེས་པའི་སྦ། |
| སྦ་རྒྱུག |
སྦའི་བེར་ཀའམ། དབྱུག་པ། |
| སྦ་ལྕག |
སྦ་ལས་བཟོས་པའི་ལྕག་ཚན། |
| སྦ་ཤན |
སྦ་ཆིངས། |
| སྦ་ཤིང |
ཤིང་རིགས་ཤིག |
| སྦ་ས |
འབྲོག་པའི་སྦྲ་འབུབ་ས། |
| སྦ་སྲི |
སེར་སྣས་སྦ་བ། རང་ལ་ལག་རྩལ་གྱི་མན་ངག་ཇི་ཡོད་སློབ་མ་རྣམས་ལ་སྦ་སྲི་མེད་པར་བསླབས་པ། |
| སྦ་སློམ |
སྦ་ཁྲའི་སློ་མའི་བསྡུས་ཚིག་ |
| སྦག |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ) <ཀ>མི་གཙང་བས་བསྒོས་པའི་དོན་ཏེ། རྫས་ངན་གྱིས་ཆུ་མ་སྦག ཁ་ཟས་མི་གཙང་བས་སྦག་མི་རུང་། སྦག་བྱེད། སྦག་མཁན་ཞེས་པ་ལྟ་བུ། 2.རྒྱ རྩེད་ཆས་ཤིག སྦག་དཀྲུག་པ། རྒྱན་བཞག་ནས་སྦག་རྒྱག་པ།… |
| སྦག་ཁག |
ཇ་བག་ཁག |
| སྦག་ཆུང |
ཇ་བག་ཁག་གི་བཞི་ཐིག་གཅིག |
| སྦག་ཆེན |
1 ཇ་བག་ཁག 2 རྩེད་ཆས་ཤིག |
| སྦག་པ |
1.ཐ་དད་པ སྦགས་པ། སྦག་པ། སྦོགས།། སྒོ་བ་དང༌། སློད་པ། དྲི་མས་སྦགས་པ། ངན་གོམས་ཀྱིས་སྦགས་པ། སྐྱོན་གྱིས་སྦགས་པ། བཙོག་པས་སྦགས་པ། 2.སྦག་རྒྱག་མཁན། |
| སྦག་སྦག་གསིག་གསིག |
ཡུལ དྲག་ཤུལ་གྱི་ཁྲོས་པའི་རྣམ་འགྱུར། གཡོ་ཧམ་གྱི་བསམ་ངན་ལམ་དུ་མ་ལྷོངས་པས་ཁྲོས་ཏེ་གཟུགས་པོ་སྦག་སྦག་གསིག་གསིག་བྱེད་པ། |
| སྦགས |
འདས་པ་སྟེ། རྫས་ངན་གྱིས་སྦགས་པའི་ཆུ་འཐུང་མི་རུང་ལྟ་བུ། |
| སྦགས་པ |
སྦག་པའི་འདས་པ། |
| སྦགས་འདྲེས |
བཙོག་པར་གྱུར་པ། སྤུས་ཀ་ལེགས་ཉེས་སྦགས་འདྲེས་སུ་གྱུར་པ། |
| སྦང |
(བྱེད་འབྲེལ་ལས་ཚིག་མ་འོངས་པ)དངོས་རྫས་ཆུས་བརླན་པར་བྱས་པའི་དོན་ཏེ། ཀོ་གྱོང་ཆུ་ལ་སྦང་དགོས་ལྟ་བུ། |
| སྦང་གླུམ |
ཆང་རྩི་སྟེ། ཕབས་བཏབ་ནས་བསྙལ་བའི་འབྲུ་རློན་གྱི་མིང་། |
| སྦང་བ |
སྦོང་བའི་མ་འོངས་པ། |
| སྦང་མ |
ཆང་བཙགས་ཟིན་པའི་རོ་མ། སྦང་མ་བཙགས་ཀྱང་ཆང་མི་ཡོང༌། མིང་གི་རྣམ་གྲངས་ལ་གླུམ་རོ་དང་ཆང་སྙིགས་སོ། |
| སྦང་ཟན་མ |
སྦང་མ་ཟ་མཁན་ཏེ་མི་ལ་སྨོད་པའི་ཚིག་ཅིག |
| སྦང་ལུམས |
ཆང་གི་སྦང་མའི་ནང་སྨན་སྦྱར་ནས་ན་སར་ལུམས་བྱེད་པའི་བཅོས་ཐབས་ཤིག |
| སྦང་སྐམ |
སྦང་མ་སྐམ་པོ། |
| སྦངས |
རྟ་བོང་གི་ལུད་ཀྱི་མིང་སྟེ། རྟ་སྦངས་ཞེས་པ་ལྟ་བུ། ‘སྦང’གི་འདས་པ། |
| སྦངས་དུགས |
སྦངས་ཚ་པོ་ནད་ལ་གཏུགས་ཏེ་བཅོས་པའི་སྨན་དཔྱད་ཅིག |
| སྦངས་པ |
སྦོང་བའི་འདས་པ། |
| སྦངས་ལུད |
རྟ་སོགས་ཀྱི་སྦངས་བྲུན། |
| སྦན་ཟན |
ཞིབ་མོར་བྱས་པའི་ཟས། |
| སྦན་སྦན་པ |
རྙིང 1 རྒྱུན་མ་ཆད། 2 ཤུགས་ཆེ་བ། |
| སྦབ་ཅ |
སྦབ་ཆ་དང་འདྲ། |
| སྦབ་ཆ |
མང་པོ་ཕྱོགས་གཅིག་བསྡེབས་པའི་ཆག་པ། ཁ་བཏགས་སྦབ་ཆ་གཅིག མུ་ཟི་སྦབ་ཆ་གཉིས། |
| སྦམ |
(བྱེད་འབྲེལ་ལས་ཚིག་མ་འོངས་པ)ཆུན་པོ་རེ་རེ་བྱས་ནས་བསྡམས་པའི་དོན་ཏེ། སྦམ་བྱའི་བུད་ཤིང་ཞེས་པ་ལྟ་བུ། ད་ལྟ་བར‘སྦོམ’དང་འདས་པ་ལ‘སྦམས’སྐུལ་ཚིག་ལ‘སྦོམས’འབྲི་སྟེ། རྩྭ་བྲེག་ནས་ཆུན་པོ་སྦམས་ནས་བཞག་ལྟ་བུ། མི་ཤེས་ཤེས་མདོག་བྱེད་པ་སོགས་གཡོ་རྫུ་བྱས་པའི་བྱ་སྤྱོད་ཀྱི་མིང་སྟེ། སྦམ་རྫུ་མ་བྱེད། སྦམ་པོ་མ་བྱེད་ལྟ་བུ། ０དངོས་རྫས་མང་བོ་ཕྱོགས་གཅིག་ཏུ་སྤུངས་པའི་བོངས་ཚོད་ཀྱི་མིང་སྟེ། ཁུར་བོ་སྦམ་ཆེ་བ་ཞིག་ཁུར། རྩྭ་ཕུང་སྦམ་མཐོ་བ་ཞིག་སྤུངས་ལྟ་བུ། |
| སྦམ་པ |
སྦོམ་པའི་མ་འོངས་པ། |
| སྦམ་རྫུ |
གཞན་ངོར་འདྲ་ཆགས་ཆགས་ཀྱི་ཟོལ་མ། |
| སྦམས |
‘སྦམ’ལ་ལྟོས། |
| སྦམས་པ |
སྦོམ་པའི་འདས་པ། |
| སྦར |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ་དང་འདས་པ)འབར་རྫས་ལ་མེ་འབར་དུ་བཅུག་པའི་དོན་ཏེ། བུད་ཤིང་ལ་མེ་སྦར་དགོས། ཐབ་ལ་མེ་སྦར་གྱིན་འདུག ཐབ་ལ་མེ་སྦར་ནས་ཆུ་བསྐོལ་ལྟ་བུ། |
| སྦར་ཉུལ |
མུན་ཁྲོད་ལྟ་བུར་དངོས་རིགས་ལག་ཉུལ་གྱིས་འཚོལ་སྟངས། མཚན་མོ་ཞུ་མར་མེད་ན་སྦར་ཉུལ་མི་རྒྱག་ཐབས་མེད་རེད། |
| སྦར་བ |
1.སྦོར་བའི་འདས་པ་དང་མ་འོངས་པ། 2.ལག་པའི་སྦར་མོ། |
| སྦར་མོ |
1 རྐང་མཐིལ་ལམ་ལག་མཐིལ་སོར་སེན་བཅས་ཀྱི་མིང༌། མིའི་སྦར་མོ། གཅན་གཟན་གྱི་སྦར་མོ་བཞི། ཟན་དྲོན་སྦར་མོར་བཙིར་བ། ལག་གཡས་ཀྱི་སྦར་མོར་མེ་མདའ་འཛིན་པ། ཉི་ཤར་སྦར་མོས་འགེབས་པ། སྤྲེའུས་བཟའ་བཅའ་སྦར་མོ་བརྒྱབ་སྟེ་ལེན་པ། 2 ལག་མཐིལ་གྱི་ནང་དུ་ཤོང་བའི་ཚད། ཆུ་སྦར་མོ་གང༌། རྩམ་པ་སྦར་མོ་གང༌། 3 ལུད་འདོན་བྱེད་དང༌། འབྲུ་དང་ཕུབ་མ་གྱེན་དུ་ཕྱར་ཏེ་དབྱེ་འབྱེད་བྱེད་པའི་ཞིང་ལས་ཡོ་བྱད་ཅིག |
| སྦར་འཛིང |
ལག་འཛིང༌། གཡུལ་སར་དགྲ་དང་སྦར་འཛིང་བྱེད་པ། |
| སྦལ |
བཙོན་ཁང་གི་རིགས་ཤིག་གམ་ས་དོང་གི་མིང་སྟེ། སྦལ་དུ་བཅུག་ལྟ་བུ། (བྱེད་མེད་ལས་ཚིག) ཡུལ་སྐད་ལ་ལར་ཁྱི་ཟུག་པ་ལ་ཁྱི་སྦལ(‘ཝལ’དང་སྒྲ་མཚངས་པར་ཀློག་དགོས)ཟེར་བ་ལྟ་བུ། ０‘སྦལ་བ’ཡི་མིང་བསྡུས་པ། |
| སྦལ་ཁེབས |
རྙིང དོང་ཁེབས། |
| སྦལ་ཆེན |
1 སྲོག་ཆགས་ཤིག 2 མངོན སྡིག་སྲིན། |
| སྦལ་དུག |
སྲོག་ཆགས་ཀྱི་སྨན་ཞིག |
| སྦལ་པ |
ཆུ་དང་སྐམ་ས་གཉིས་ཀར་སྡོད་ཅིང༌། འཕར་མཆོངས་བརྒྱབ་ནས་འགྲོ་བའི་སྒལ་རུས་ཅན་གྱི་སྲོག་ཆགས་ཤིག ཁྲོན་པའི་སྦལ་པ་མཐོང་རྒྱ་ཆུང༌། སྦལ་པ་མཐོང་དུས་ལྕོང་མོ་སངས་རྒྱས་རེད། འཕར་འགྲོ་སྦལ་པས་ཚྭ་ཐིགས་མི་ཐེག་བཞིན། ཐུབ་ཚོད་བཙན་དབང་སུས་ཀྱང་བཟོད་མི་འགྱུར། མིང་གི་རྣམ་གྲངས་ལ་རྒྱལ་ཅན་དང༌། ལྕེ་མེད། ཆར་ལས་སྐྱེས། འཕར་འགྲོ། བཤང་སྦས་བཅས་སོ། |
| སྦལ་པ་རྐང་མང |
མངོན སྡིག་སྲིན། |
| སྦལ་པ་རྡོ་ཟན |
རྡོ་བ་ཟས་སུ་ཟ་བའི་སྦལ་པ་ཞིག |
| སྦལ་པའི་ཤ |
སྲོག་ཆགས་སྨན་གྱི་རིགས་ཤིག་སྟེ། རོ་མངར། ཞུ་རྗེས་དྲོད། ནུས་པས་གག་པ་དང༌། ལྷོག་པ། ལྕེ་འབམ། རླུང་ནད་བཅས་འཇོམས། |
| སྦལ་བ |
ཆུ་སྐམ་གཉིས་གནས་ཀྱི་སྲོག་ཆགས་རིགས་ཧ་ཅང་མང་བ་ཞིག་ཡིན་ཞིང་། ཁམས་སྒོང་གི་སྦུབས་ནས་ཐོན་རྗེས། མགོ་ཆེ་ལ་མཇུག་མ་རིང་བའི་ལྕོང་མོའམ་སྦལ་ལྕོང(ཡུལ་སྐད་དུ་འབུ་ཐོམ་བུ་ཟེར)དུ་འགྱུར། དེ་ནས་རིམ་གྱིས་ཡན་ལག་བཞི་འབྱུང་ཞིང་མཇུག་མ་བྱི་སྟེ་སྦལ་བར་འགྱུར། |
| སྦལ་མགོ |
1 གློ་སྙིང་རྒྱུ་ལོང་མཁལ་མ་ལ་སོགས་པར་སྐྲན་སྐྱེས་པ་འདོན་བྱེད་ཀྱི་ཡོ་བྱད་ཅིག 2 ལུས་ཀྱི་རྩ་ལམ་ཞིག་གི་མིང༌། 3 སྲོག་ཆགས་སྦལ་པའི་མགོ། |
| སྦལ་མིག |
མེ་ཏོག་གི་ཐིའུ། ལྡུམ་རའི་ནང་གི་མེ་ཏོག་སྦལ་མིག་ཕྱེ་ནས་རྒྱས་པ། |
| སྦལ་ཚང |
སྦལ་པའི་གནས་སའི་ཚང༌། སྦལ་པ་རྨ་ཅན་གཅིག་གིས་སྦལ་ཚང་འཕུང༌། |
| སྦལ་འགྲོས |
འཁྱོག་པོར་མཆོངས་ཏེ་འགྲོ་བའི་འགྲོས། |
| སྦལ་རྒྱབ |
1 སྨན་དུ་འགྲོ་བའི་རྡོ་ཞིག 2 ཉའི་བྱེ་བྲག་གི་པགས་པ་ཞིག |
| སྦལ་རྒྱབ་དཀར་པོ |
རྡོ་སྨན་སྦལ་པའི་རྒྱབ་ཀྱི་འབྲུམ་པ་ལྟར་ཡོད་པ་མདོག་དཀར་པོ་ཞིག་རོ་མངར། ཞུ་རྗེས་བསིལ། ནུས་པས་རུས་པ་སྦྱོར། ཆུ་སེར་སྐེམ། ཀླད་སྐྱོན་གསོ། |
| སྦལ་ལག |
སྔོ་ཆུ་སྲིན་སྡེར་མོའི་མིང་གཞན། |
| སྦལ་ལེབ |
རྫ་སོགས་ལས་བཟོས་པའི་ཆང་སྣོད་ལེབ་མོ་ཞིག |
| སྦལ་ལྕོང |
1 སྦལ་པ་དང་ལྕོང་མོ། 2 སྦལ་པའི་ཕྲུ་གུ་ལྕོང་མོ། |
| སྦལ་སྣབས |
ཆུ་བལ། |
| སྦས |
འདས་པ་སྟེ། བྱིས་པ་སྦས་ནས་བརྩེ། འབྲུ་རིགས་མཛོད་དུ་སྦས་ལྟ་བུ། |
| སྦས་གསང |
གཞན་གྱིས་ཧ་མི་གོ་བ་བྱས་པ་སྟེ། སྦས་སྦས་གསང་གསང་ཞེས་ཟེར། |
| སྦས་དོན |
ལྟ་བ་དང་མངོན་རྟོགས་ཀྱི་རིམ་པ་ཁྱད་པར་ཅན། |
| སྦས་པ |
སྦེད་པའི་འདས་པ། |
| སྦས་པའི་རྩ་ཆེན་བརྒྱད |
སྲོག་རྩ་ནག་པོ་ལས་གྱེས་པའི་ལུས་ཕྱིར་མི་མངོན་ཞིང་ཁོག་པའི་ནང་དུ་སྦས་པ་ལྟ་བུའི་དོན་སྣོད་དང་འབྲེལ་བའི་རྩ་གནད་ཆེ་བ་བརྒྱད་དེ། སྙིང་དང་འབྲེལ་བ་གཅིག་གློ་བ་དང་འབྲེལ་བ་གཉིས། མཆིན་པ་དང་འབྲེལ་བ་གཅིག་མཚེར་པ་དང་འབྲེལ་བ་གཅིག་མཁལ་མ་གཡས་གཡོན་དང་འབྲེལ་བ་གཉིས། བསམ་སེ་དང་འབྲེལ་བ་གཅིག་བཅས་སོ། |
| སྦས་བསྐུངས |
མི་མངོན་པར་བྱས་པ། མཚོན་ཆ་སྦས་བསྐུངས་བྱས་པ། |
| སྦས་ཚང |
སྔར་བོད་ཀྱི་རྫོང་ཞིག་གི་མིང་ཡིན་ཞིང༌། དེང་སང་འདམ་གཞུང་རྫོང་གི་སྙིང་གྲོང་ངོ། |
| སྦས་ལུང |
1 གསང་བའི་ཡུལ་ལུང༌། 2 ལུང་ཁུག་བཙན་པོ། |
| སྦས་སྐུངས |
མི་དང་དངོས་རྫས་སོགས་སྦས་ནས་གཞན་ལ་ཤེས་སུ་མི་འཇུག་པའི་བྱ་སྤྱོད་ཀྱི་མིང་སྟེ། མི་ངན་སྦས་སྐུངས་མ་བྱེད་ལྟ་བུ། |
| སྦི་གསང |
ཡུལ མངོན་ཆུང་གི་སྒོ་ནས་གནས་ཚུལ་ལྟ་རྟོག་བྱེད་པའི་འོན་གསེང་ངམ་རྫི་གསང༌། རྒྱལ་སྤྱིའི་གནས་ཚུལ་འགྱུར་ལྡོག་ཇི་བྱུང་རིགས་ལ་སྦི་གསང་དོད་པོའི་སྒོ་ནས་རྟོག་ཞིབ་དབྱེ་འབྱེད་ཀྱིས་ངོས་འཛིན་བྱེད་དགོས། |
| སྦི་སྡི |
ཡུལ བོད་མདའི་མེ་ལེན་གྱི་སྐུད་རྫས་ཤིག |
| སྦིད་པ |
སྦུད་པ། |
| སྦིར |
(བྱེད་འབྲེལ་ལས་ཚིག) གསང་བའི་དོན་སོགས་གང་ས་གང་དུ་བཤད་པའམ་བསྒྲགས་པའི་དོན་ཏེ། དམག་དོན་གསང་བ་དགྲ་ལ་མ་སྦིར། གསང་གཏམ་ཁྲོམ་ལ་མ་སྦིར་ལྟ་བུ། |
| སྦིར་གཏམ |
ཡུལ རང་དགར་ཚོད་ཚོད་ཀྱིས་བཤད་པའི་གཏམ། བློ་བརྟན་པོ་ཡོད་པའི་མི་རྣམས་ཀྱིས་སྦིར་གཏམ་ཇི་ཙམ་ཐོས་ཀྱང་སྤྱོད་ཚུལ་ལ་གཡོ་འགུལ་བཏང་མི་ཡོང༌། |
| སྦིར་སྒྲ |
ཡུལ 1 འཆལ་གཏམ་མམ་དཀྲོག་གཏམ། ཁུངས་ལུང་མེད་པའི་སྦིར་སྒྲ་མ་ཤོད། 2 མེ་མདའ་སོགས་ཀྱི་སྒྲ་ཆེར་གྲག་སྟངས། མེ་སྒྱོགས་ཀྱི་སྦིར་སྒྲ་ཆེ་བ། ཆུ་བྲག་འཐབ་པའི་སྦིར་སྒྲ། |
| སྦུ་གུ |
དབྱུག་པའམ། སྡོང་བུ་སྨྱུག་མ་ལྟ་བུའི་ཁོག་སྟོང༌། ངར་ལྕགས་ཀྱི་སྦུ་གུ། འགྱིག་གི་སྦུ་གུ། སོག་མའི་སྦུ་གུ། པད་མའི་སྦུ་གུ། སྨྱུག་མའི་སྦུ་གུའི་ནང་ནས་ནམ་མཁར་ལྟ་བ། |
| སྦུ་གུའི་སྒྲོ་འདྲ |
ཤ་གསེབ་ན་གནས་པའི་ཁྲག་རྩ་རྐྱང་པ་གཏར་བྱེད་ཀྱི་གཙག་བུ་ཞིག |
| སྦུག |
1 སྦུ་གུའི་བསྡུས་ཡིག སྨྱུག་སྦུག སོག་སྦུག 2 མདོ་སྦུག་གཉིས་སུ་ཕྱེ་བའི་སྦུག ཁང་པའི་སྦུག གཟིམས་ཆུང་སྦུག མཛོད་སྦུག འཁྱག་པའི་སྦུག བློ་སྦུག་དོག་པོ། |
| སྦུག་གཟོང |
ཡི་གེའི་སྦོ་རྐོ་བྱེད་གཟོང་ཞིག |
| སྦུག་ཆལ |
ལྕགས་རིགས་ལི་ལས་གྲུབ་པ་ཕན་ཚུན་བརྡབས་ནས་སྒྲ་འབྱིན་པའི་རོལ་མོ་རིགས་ཤིག་གི་མིང་། |
| སྦུག་ཆོལ |
སྦུག་ཆལ་དང་འདྲ། |
| སྦུག་དམ |
སྔར་བོད་ས་གནས་སྲིད་གཞུང་སྐབས་ཏཱ་ལའི་བླ་མའི་ཐམ་ག། སྦུག་དམ་བཀའི་རྒྱ། |
| སྦུག་པ |
ཡུལ སྔར་བོད་ཀྱི་མངའ་བདག་གི་སྤྱི་རྫས་གཏོང་ལེན་གྱི་སྟངས་འཛིན་བྱེད་མཁན། |
| སྦུག་པོ |
1 མི་མངོན་པའི་གཏིང་ཕུག་རིང་པོ། 2 ཁ་སྦུག་དོག་པོའི་མི། |
| སྦུག་མ |
ནང་གི་ནང༌། ཁང་པ་སྦུག་མ། དངོས་ནོར་སྦུག་མ། |
| སྦུག་མཐུན་བསུ་སྐྱེལ |
ངན་གཡོ་ལྟོ་མཐུན་གྱིས་ཕར་ཚུར་འབོད་སྐྱེལ་བྱེད་པ། དགྲ་ཕྱོགས་དང་སྦུག་མཐུན་བསུ་སྐྱེལ་ཡིན་ཁུལ་གྱིས་དགྲ་ཕྱོགས་ལ་མྱང་ཞིབ་བྱེད་པ། |
| སྦུག་ཟོས |
ལྐོག་ཏུ་ཟོས་པ། སྤྱི་པའི་རྒྱུ་ནོར་སྒེར་གྱིས་སྦུག་ཟོས་བྱས་པ། |
| སྦུག་འདྲེན་ཐལ་ལུས |
སྦ་གསང་ཆད་ལྷག བྱུང་སོང་རྩིས་རྒྱག་རིགས་སྦུག་འདྲེན་ཐལ་ལུས་མེད་པ་ཞིག་བྱུང་འདུག |
| སྦུག་འབྱར |
སྦུག་དམ་འབྱར་མ་སྟེ། སྔར་བོད་ས་གནས་སྲིད་གཞུང་སྐབས་ཏཱ་ལའི་བླ་མའི་སྦུག་ཐམ་ཕབ་ཡོད་པའི་གཞུང་ཡིག |
| སྦུག་རིལ |
ཡུལ རྩྭའམ་རྩིད་མཐིལ་ཅན་གྱི་ཟོན་པ། |
| སྦུག་རྩ |
ཕུག་གི་དོན་རྩ། མིའི་བསམ་པའི་སྦུག་རྩ་མ་ལོན་པར་གསེད་བཀྲོལ་བྱས་ཀྱང་མི་ཕན། ལས་དོན་གྱི་སྦུག་རྩ་ལོན་པ། |
| སྦུག་སོ |
འགྲམ་སྦུག་གི་སོ། |
| སྦུགས |
‘སྦུག’ལ་ལྟོས། |
| སྦུང |
‘འབུང’གི་འབྲི་ཚུལ་གཞན། |
| སྦུངས |
རྙིང 1 སྟོབས་ཤུགས། 2 བརྩོན་པ། 3 དམ་བཅའ། |
| སྦུངས་པ |
རྙིང བསྒྲིམས་པ། |
| སྦུངས་བསྐྱེད |
སྟོབས་བསྐྱེད་པའམ་འབད་རྩོལ་བྱས་པའི་དོན། |
| སྦུངས་བསྐྱེད་པ |
རྙིང 1 སྟོབས་བསྐྱེད་པ། 2 འབད་རྩོལ་བྱས་པ། 3 དམ་བཅའ་བརྟན་པ། |
| སྦུད་པ |
ར་ལྤགས་སོགས་ལས་བཟོས་པའི་མེ་སྦར་བྱེད་ཅིག མེ་འབུད་པར་སྦུད་པ་རྒྱག་པ། སྦུད་པ་ལྡིར་སྒྲ་ཆེ་ཡང་ལག་པའི་འོག་རེད། སྦུད་པ་ཁ་འཕང་མཐོ་ཡང༌། ལག་ཆུང་གཡས་པའི་འོག་རེད། མིང་གི་རྣམ་གྲངས་ལ་ཁོལ་མོ་དང༌། པགས་པ་དབུགས་འབྱིན་པ། སྦུད་ཤན་བཅས་སོ། |
| སྦུད་པ་དབུགས་མངགས |
དོན་དེ་རང་ལ་ཆེད་དུ་དམིགས་པའི་དཔེ། |
| སྦུད་མཆུ |
སྦུད་པའི་མཆུའམ་ཁ། |
| སྦུད་རུ |
རྙིང སྦུད་པའི་མཆུའམ་ཤན་མཆུ། |
| སྦུད་ལིང་གིས་འགྲོ |
རྙིང 1 བུད་ཐུམ་གྱིས་འགྲོ། 2 མགོ་འབུར་རྒྱུ་མེད་པར་གྱུར་པ། |
| སྦུད་ཤན |
སྦུད་པ། |
| སྦུད་སྒམ |
ཤིང་སྒམ་གྱི་སྦུད་པ། |
| སྦུད་སྦུད |
(རྒྱན་ཚིག) རྩ་འཕར་ཚུལ་ཞིག་སྟེ། གཉན་གྱི་རྩ་ནི་ཐུང་ཐུང་སྦུད་སྦུད་འཕར་ཞེས་པ་ལྟ་བུ། |
| སྦུན་གཏེར |
ནས་འབྲུའི་ཕྱི་ལྤགས་མང་པོ་ཕྱོགས་གཅིག་ཏུ་སྤུངས་པ་ལྟར་དགོས་ཕན་མེད་པའི་དཔེ། |
| སྦུན་གོག |
1 ཤིང་གི་ཤུན་པ། 2 འབྲུའི་ཕུབ་མ། |
| སྦུན་པ |
1 ཤུན་པ་དང༌། ཕྱིའི་པགས་པ་དང༌། ཕུབ་མ། འབྲུ་མེད་སྦུན་པ་འཕྱར་ལ་སྙིང་པོ་མེད། 2 བསྲེས་པའམ་རྫུན་མ། |
| སྦུན་ཕུབ |
འབྲུའི་ཤུན་པའམ་པགས་པ། |
| སྦུན་མ |
སྦུན་པ་དང་འདྲ། |
| སྦུན་སྙིགས |
འབྲུ་རིགས་ཀྱི་ཤུན་པ་དང་ལྷད། |
| སྦུབ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)སྣོད་སོགས་ཁ་ས་ངོས་སུ་བསྟན་པའི་དོན་ཏེ། སྣོད་ཁ་སྦུབ་པར་བྱ། སྦུབ་པར་བྱེད་ལྟ་བུ། |
| སྦུབ་ཆ |
སྦུག་ཆལ་གྱི་འབྲི་སྲོལ་གཞན། |
| སྦུབ་ཆལ |
རོལ་མོའམ་ཆ་ལང༌། |
| སྦུབ་ཆུང |
ཆ་ལང་ཆུང་ངུའི་མིང༌། |
| སྦུབ་ཆོལ |
སྦུབ་ཆལ་དང་འདྲ། |
| སྦུབ་པ |
ཐ་དད་པ སྦུབས་པ། སྦུབ་པ། སྦུབས།།སྣོད་ཁ་འོག་ཏུ་སྟོན་པའམ་ཁ་ས་ལ་སྟོན་པ། དཀར་ཡོལ་ཁ་སྦུབས་ཏེ་བཞག་པ། |
| སྦུབ་མོ |
རྙིང བོར་ཤུགས། |
| སྦུབ་སིལ |
ཆ་ལང་དང་སིལ་སྙན། |
| སྦུབས |
1.སྦུབ་པའི་སྐུལ་ཚིག 2 1 སྦུབས་མའི་བསྡུས་མིང༌། 2 མངོན 1) སྒོ་ང། 2) ཕོ་མཚན་གྱི་འབྲས་བུ། |
| སྦུབས |
ཕྱི་ཤུན་ནམ་ཕྱི་ཤུན་གྱི་ཁོངས་ཀྱི་མིང་སྟེ། སྦུབས་སྟོང་། བྱ་སྒོང་གི་སྦུབས། སྒོ་ངའི་སྦུབས་ནས་བྱ་ཕྲུག་འབྱུང་། རུས་སྦལ་གྱི་ཡན་ལག་སྦུབས་སུ་ནུབ་ལྟ་བུ། |
| སྦོ་ཚིལ |
གྲོད་ཚིལ་ལམ། ནང་ཚིལ། |
| སྦོ་ཟླ |
མངོན ཧོར་ཟླ་གཉིས་པ། |
| སྦོ་འཁྲོག་པ |
གྲོད་པ་དང་རྒྱུ་མའི་ནང་དུ་འུར་སྒྲ་སྒྲོག་པ། |
| སྦོ་འུར་བ |
གྲོད་པའམ། རྒྱུ་མའི་ནང་འུར་སྒྲ་འབྱིན་པ། |
| སྦོ་རིལ |
སྦུག་རིལ་དང་འདྲ། |
| སྦོ་རྡོག |
ཡུལ རྐང་པའི་སྔ་རྟིང་ཐད་ཀྱི་ལྷམ་གྱི་རྡོག་པ། |
| སྦོ་ལུག་པ |
ཡུལ ཞིག་པ། དམིགས་བསལ་གྱི་དབང་ཆ་སྦོ་ལུག་པ། |
| སྦོ་ལུག་མ |
སྐ་རགས་མ་བཅིངས་པར་གོས་ལྷུག་པོར་གྱོན་པ། བྲེལ་འཚབ་ཆེན་པོས་སྐ་རགས་འཆིང་ལོང་མེད་པར་སྦོ་ལུག་མར་ཕྱིར་ཐོན་དགོས་བྱུང་འདུག |
| སྦོ་ཤོབ |
འུད་ཤོབ་བམ་ཁ་རྦད། སྐད་ཆ་སྦོ་ཤོབ་ཚ་པོ། |
| སྦོགས |
སྐུལ་ཚིག་སྟེ། སྦོགས་ཤིག་ལྟ་བུ། <ཁ>འབྲུ་རིགས་ཀྱི་ས་བོན་སོགས་ལ་སྨན་རྫས་སོགས་བསྐུས་པའམ་བསྒོ་བའི་དོན་ཏེ། སྨན་གྱིས་ས་བོན་སྦག་དགོས། ས་བོན་སྦག་བྱེད་ཀྱི་སྨན། ས་བོན་སྨན་གྱིས་སྦགས་ན་བཟང་། ས་བོན་སྨན་གྱིས་སྦོགས་ཤིག་ལྟ་བུ། སྦག་ཆ(བག་ཆ)སྟེ། དངོས་རྫས་གྲངས་ཆད་ཀྱི་གཏན་ཕབ་ལྟར་ཕྱོགས་གཅིག་ཏུ་བསྡམས་པའམ་བཏུམས་པའི་ཐུམ་པོའི་མིང་། དཔེར་ན། འབར་ཞུན་སྦག་ཆ་གཅིག ཇ་སྦག་གཅིག་ཅེས་པ་ལྟ་བུ། |
| སྦོང |
ད་ལྟ་བ་སྟེ། ཀོ་གྱོང་སྦོང་གིན་འདུག་ལྟ་བུ། |
| སྦོང་བ |
ཐ་དད་པ སྦངས་པ། སྦང་བ། སྦོངས།། ཆུ་ནང་དུ་སྦོང་བར་བྱེད་པ། ཆུ་ཚ་པོར་གོས་སྦངས་ནས་བཀྲུ་བ། འབྲུ་སོན་ཆུའི་ནང་དུ་སྦོང་བ། འབྲས་ཆུ་ལ་སྦངས་ཏེ་བསིང་བ། མི་ཆུ་ལ་དབྱུག་པར་རང་ཕྱེད་ཀ་སྦོང་དགོས། |
| སྦོངས |
སྐུལ་ཚིག་སྟེ། ལྭ་ཧྲུལ་ཆུ་ལ་སྦོངས་ཤིག་ལྟ་བུ། |
| སྦོད |
དར་སྐུད་ལས་བཟོས་པའི་ཕོད་རྒྱན། དར་ཆའི་སྦོད། མདུང་རིང་སྦོད་དམར་ཅན། སྐྲ་སྦོད། |
| སྦོད་པ |
ཁ་ཚར་དང་ཚར་ལོའི་བརྡ་རྙིང་། |
| སྦོན་པ |
ཟ་བའི་བརྡ་རྙིང་། |
| སྦོམ |
(རྒྱན་ཚིག) དབྱིབས་ཟླུམ་པོའི་རིགས་ཀྱི་ཁོར་ཡུག་གི་ཚད་ཆེ་བ་སྟེ། སྐུད་པ་ཕྲ་སྦོམ། དབྱུག་པ་ཕྲ་སྦོམ་ཞེས་པ་ལྟ་བུ། འདི་ལ་སྦོམས་ཀྱང་འབྲི། སྦོམ་ལ་ལྟོས། |
| སྦོམ་པ |
1.ཐ་དད་པ སྦམས་པ། སྦམ་པ། སྦོམས།། 1 སྡོམ་ཆ་བྱེད་པ། 2 སྡུད་པ། 3 སྲེ་བ། 2. སྦོམ་པོ་དང་དོན་གཅིག་ |
| སྦོམ་པོ |
1. ཕྲ་བ་མིན་པའི་རགས་པ། ཤིང་སྡོང་སྦོམ་པོ། ཐག་པ་སྦོམ་པོ། གཟུགས་པོ་སྦོམ་པོ། སྤྲོ་བའི་ཚོར་བ་སྦོམ་པོར་བརྟས། ཚིག་སྦོམ་པོ། སྐད་ཆ་སྦོམ་པོ་མ་ཤོད། 2. སྡོམ་པའི་མི་མཐུན་ཕྱོགས་ཤིག |
| སྦོམ་པོའི་ལྟུང་བ |
སྔགས་སྡོམ་གྱི་རྩ་བ་དང་རྗེས་སུ་མཐུན་པས་ཡན་ལག་ཡིན་ཞིང༌། སྡོམ་པ་གཏོང་བྱེད་ཀྱི་ཕམ་པ་མིན་ཡང་དངོས་གྲུབ་མྱུར་དུ་འགྲུབ་པ་ལ་གེགས་བྱེད་པའི་ཕྱིར་ཉེས་པ་ལྕི་བས་སྦོམ་པོའི་ལྟུང་བ་ཞེས་བྱའོ། |
| སྦོམ་པོའི་ལྟུང་བ་བརྒྱད |
སྔགས་སྡོམ་གྱི་ཡན་ལག་གི་ལྟུང་བ་བརྒྱད་དེ། དམ་ཚིག་དང་མི་ལྡན་པའི་རིག་མ་བསྟེན་པ། ཚོགས་ཀྱི་འཁོར་ལོར་རྩོད་པ། མཚན་ཉིད་དང་མི་ལྡན་པའི་རིག་མ་ལས་རང་སྟོབས་ཀྱིས་བདུད་རྩི་ལེན་པ། དོན་གཉེར་ལྡན་པའི་སློབ་མར་གསང་སྔགས་ཀྱི་ཆོས་མི་སྟོན་པ། དད་ལྡན་ཆོས་འདྲི་བ་ལ་ཆོས་གཞན་སྟོན་པ། ཉན་ཐོས་ནང་དུ་ཞག་བདུན་ལོང་བར་བསྡད་པ། རྣལ་འབྱོར་ཡེ་ཤེས་དང་མི་ལྡན་པར་སྔགས་པར་རློམ་པ། སྣོད་མིན་ལ་ཟབ་དོན་བཤད་པ་སྟེ་བརྒྱད་དོ། |
| སྦོམ་ཕྲ |
སྦོམ་པ་དང་ཕྲ་བ། ཤིང་སྡོང་གི་མགོ་གཞུག་སྦོམ་ཕྲ་མཉམ་པ། ཕོ་ལ་རྒོད་ཞན་ཡོད་གྱུར་ཀྱང༌། སྲོག་ལ་སྦོམ་ཕྲ་ཡོད་མི་སྲིད། |
| སྦོམ་ལྡིར |
ལུས་སྦོམ་པ་དང་ལྟོ་བ་འབུར་པོ། |
| སྦོམས |
1. སྦོམ་པའི་སྐུལ་ཚིག 2. མཐའ་སྐོར་གྱི་རིང་ཚད། |
| སྦོར |
སྐུལ་ཚིག་སྟེ། ཐབ་ལ་མེ་སྦོར་ཅིག་ལྟ་བུ། (བྱེད་མེད་ལས་ཚིག་མ་འོངས་པ་དང་ད་ལྟ་བ་འདས་པ)ཡན་ལག་གི་སྦར་མོ་གཞན་ལ་འཆང་བའི་དོན་ཏེ། ལག་པ་ཤིང་ལ་སྦར། བྱིས་པ་མ་ལ་སྦར་ལྟ་བུ། སྐུལ་ཚིག་ལ‘ཆེ་སྦོར’འབྲི་སྟེ། ལག་པ་ཤིང་ལ་སྦོར་ཅིག་ལྟ་བུ། |
| སྦོར་བ |
ཐ་དད་པ སྦར་བ། སྦར་བ། སྦོར།། འབར་བར་བྱེད་པ། སྒྲོན་མེ་སྦར་བ། མེ་སྦར་ནས་རིང་བརྡ་གཏོང་བ། |
| སྦོལ་བ |
ཐ་དད་པ 1 ཡུལ གཡོ་བ། མར་ཕྱུར་གཅིག་ཏུ་སྦོལ་བ། སྨན་ཕྱེ་དང་མར་ཁུ་སྦོལ་བ། 2 ཕྲུ་སློག་པ། ས་སྟོང་སྦོལ་བ། གསར་སྦོལ། ཞིང་ཁ་སྔོན་མེད་གསར་དུ་སྦོལ་བ། |
| སྦོས |
སྐུལ་ཚིག་སྟེ། ཁང་བར་སྦོས་དང་ལྟ་བུ། |
| སྦོས་པ |
ཐ་མི་དད་པ 1 སྐྲང་བ་དང༌། འབུར་བ། མིག་སྦོས་པ། རྨ་ཁ་སྦོས་ལངས་སུ་སོང་བ། གྲོད་པ་སྦོས་པ། རྐང་པ་སྦོས་པ། སྲན་མ་སྦོས་པ། 2 རྨོངས་སམ་འཐོམས་པ། མགོ་སྦོས་པ། |
| སྦོས་འཚང |
ཁོག་པ་སྦོས་འཁྲོག |
| སྦོས་སྐྲངས |
ཕྱིར་འབུར་དུ་སྦོས་ཤིང་སྐྲངས་པ། ཁོག་པ་སྦོས་སྐྲངས། རྨ་ཤུ་སྦོས་སྐྲངས། |
| སྦྱག |
ལྕགས་ཁེམ་གྱི་མིང་གཞན། (བྱེད་མེད་ལས་ཚིག) རིད་པའི་བརྡ་རྙིང་། |
| སྦྱག་པ |
རྙིང རིད་པ་དང༌། རྗུད་པ། |
| སྦྱག་མ |
ས་རྐོ་བྱེད་ལྕགས་ཁྱེམ། |
| སྦྱག་ཚེ |
ལུས་རྒུད་པའམ་ཤ་སྐམ་པ། དཔྱིད་དགུན་གྱི་དུས་སུ་སྒོ་ཕྱུགས་སྦྱག་ཚེར་གྱུར་པ་རྣམས་ལ་ལོགས་སུ་གསོ་སྐྱོང་བྱེད་དགོས། |
| སྦྱག་ཡུ |
ས་འདྲུའི་ཡོ་བྱད་སྦྱག་མའི་ཡུ་བ། |
| སྦྱག་སློག |
ལྕགས་ཀྱི་སྦྱག་ཁྱེམ་ཆེན་པོས་ས་ཞིང་སྦོལ་སློག ཞིང་ཁར་སྦྱག་སློག་གཏིང་རིང་པོ་བརྒྱབ་པ། སྟོན་ཐོག་བརྔས་འཕྲལ་དུ་སྦྱག་སློག་བརྒྱབ་ན་ཕྱི་ལོར་ལོ་ལེགས་ཡོང་རེ་ཡོད། |
| སྦྱང |
(བྱེད་འབྲེལ་ལས་ཚིག་མ་འོངས་པ) ཡོན་ཏན་འཐོབ་ཆེད་ལག་རྩལ་སོགས་སློབ་པ་དང་ལག་ལེན་ལ་ཡང་ཡང་བཏབ་པའི་དོན་ཏེ། བསླབ་ལ་བརྩོན་པའི་གང་ཟག་གིས། དང་པོར་ང་རོ་རྣམས་སྦྱང་། ཡི་གེ་འབྲི་ཚུལ་སྦྱང་དགོས། རིག་གནས་སྦྱང་། སྦྱང་བྱའི་ཡོན་ཏན་ཞེས་པ་ལྟ་བུ། 2.བང་བ་དང༌། རྗང༌། འབྲུ་སྦྱང་ནང་དུ་ཏིལ་ནག་བླུགས། |
| སྦྱང་གཞི |
1 སྐྱེ་ཤི་བར་དོ་གསུམ། 2 བདེ་གཤེགས་སྙིང་པོ་སེམས་ཅན་ཐམས་ཅད་ཀྱི་རྒྱུད་ལ་གདོད་མ་ནས་རང་ལ་རང་ཆས་སུ་ཡོད་པ། 3 མ་དག་པའི་ཕུང་པོ་ལྔ་སོགས། |
| སྦྱང་ཆོག |
ཆོས་ལུགས་པས་སྡིག་སྒྲིབ་སྦྱང་བ་དང༌། རྣམ་ཤེས་གནས་སྤོར་གྱི་ཆོ་ག་ཞིག |
| སྦྱང་དཀའ་བའི་ས |
བྱང་ཆུབ་སེམས་དཔའི་ས་བཅུའི་ལྔ་པ། ས་འདིར་གནས་པའི་བྱང་ཆུབ་སེམས་དཔའ་རྣམས་ཀྱིས་སེམས་ཅན་སྨིན་པར་བྱེད་པའི་ཚེ་གཞན་གྱི་ལོག་སྒྲུབ་ཀྱིས་ཉོན་མི་མོངས་པས་སེམས་ཅན་གྱི་ཞིང་དང་རང་གི་སེམས་སྦྱང་དཀའ་བ་གཉིས་པོ་དེ་འབྱོངས་པས་ས་ལྔ་པ་སྦྱང་དཀའ་བའོ། |
| སྦྱང་བ |
1. སྦྱོང་བའི་མ་འོངས་པ། 2. རྒྱུན་པ་རྣམས་ལ་གཤིན་པོའི་གོས་ཕུལ་ཏེ་སྒྲིབ་སྦྱོང་གི་ཆོ་ག་འདོན་པ། |
| སྦྱང་བརྩོན |
སྦྱང་བའི་བརྩོན་འགྲུས། ཤེས་ཡོན་སྣ་ཚོགས་སྦྱང་བརྩོན་བྱེད་པ། ལག་རྩལ་སྦྱང་བརྩོན་བྱས་པ། དམག་རྩལ་སྦྱང་བརྩོན་བྱེད་པ། |
| སྦྱང་བྱ |
མེད་སྣང་གློ་བུར་གཉིས་འཛིན་གྱི་དྲི་མ་ཕྲ་རགས་དང་བཅས་པ་སྟེ། དཔེར་ན་ནོར་བུ་ལ་སྒྲིབ་པར་བྱེད་པའི་འདམ་རྫབ་ལྟ་བུའོ། |
| སྦྱང་ཤིང |
ཡི་གེ་འབྲི་སའི་པང་ལེབ་སྟེ། བྱང་ཤིང་ཡང་ཟེར། སྦྱང་ཤིང་གི་སྟེང་དུ་ཡི་གེའི་གཟུགས་རིས་སྦྱངས། |
| སྦྱང་ཤིང་པ |
བྱང་ཤིང་ཐོག་ཡི་གེ་སྦྱོང་མཁན་སློབ་ཕྲུག |
| སྦྱངས |
འདས་པ་སྟེ། དམག་རྩལ་སྦྱངས་ནས་དཔའ་རྩལ་རྒྱས་ལྟ་བུ། |
| སྦྱངས་གོམས |
བསླབས་ནས་ལོབས་པའམ་བྱང་ཆུབ་པ། འཕྲུལ་བཟོའི་ལག་རྩལ་སྦྱངས་གོམས་མཐར་ཕྱིན་པ། |
| སྦྱངས་པ |
སྦྱོང་བའི་འདས་པ། |
| སྦྱངས་པའི་ཡོན་ཏན |
1 བསླབས་ནས་ཤེས་པའི་ཡོན་ཏན། 2 དྷུཏགུཎཿ ཉན་རང་སོགས་ཀྱི་ཀུན་སྤྱོད་ཀྱི་བྱེ་བྲག་ཅིག |
| སྦྱངས་པའི་ཡོན་ཏན་བཅུ་གཉིས |
ཕྱག་དར་ཁྲོད་པ་དང༌། ཆོས་གོས་གསུམ་པ་དང༌། ཕྱིང་པ་བ་དང༌། སྟན་གཅིག་པ་དང༌། བསོད་སྙོམས་པ་དང༌། ཟས་ཕྱིས་མི་ལེན་པ་དང༌། དགོན་པ་བ་དང༌། ཤིང་དྲུང་བ་དང༌། བླ་གབ་མེད་པ་དང༌། དུར་ཁྲོད་པ་དང༌། ཙོག་པུ་བ་དང༌། གཞི་ཇི་བཞིན་པ་བཅས་བཅུ་གཉིས་སོ། |
| སྦྱངས་པའི་ཡོན་ཏན་ལ་གནས་པ |
མངོན ཉན་ཐོས། |
| སྦྱངས་བརྡུངས |
ལྷད་བཏོན་ནས་བརྡུངས་པ། ལྕགས་རྗེན་པ་སྦྱངས་བརྡུངས་བྱས་ནས་ངར་ལྕགས་སུ་གྱུར་པ། |
| སྦྱངས་བརྡུངས་མ |
གསེར་དངུལ་ཟངས་ལྕགས་སོགས་ལྷད་མེད་ལས་བཟོས་པའི་དངོས་པོ། གསེར་སྦྱངས་བརྡུངས་མའི་ལག་གདུབ། |
| སྦྱངས་འབྲས |
1 བསླབས་སྦྱངས་ཀྱི་ལག་རྗེས་སམ་གྲུབ་འབྲས། ཡིག་རྩིས་སྦྱངས་འབྲས་ཐོན་པ། 2 ལམ་གྱིས་དྲི་མ་མཐའ་དག་སྦྱངས་པ་ལས། གཞི་ལ་ཇི་ལྟར་ཡོད་པའི་ཡོན་ཏན་མངོན་དུ་གྱུར་པ་མཐར་ཐུག་པ་སྟེ། དཔེར་ན་འདམ་རྫབ་ལས་གྲོལ་བའི་ཡིད་བཞིན་གྱི་ནོར་བུ་རིན་པོ་ཆེ་ལས་འདོད་རྒུའི་ཆར་འབེབས་པ་ལྟ་བུའོ། |
| སྦྱངས་རྩལ |
བསླབས་སྦྱངས་ཀྱི་ཉམས་མྱོང་ངམ་རྗེས་འབྲས། |
| སྦྱངས་ཤ |
སྦྱངས་པའི་ཉམས་འགྱུར། ཡིག་གཟུགས་སྦྱངས་ཤ་ཐོན་པ། ལག་ཤེས་ཀྱི་བཟོ་བཀོད་སྦྱངས་ཤ་མཐར་ཕྱིན་པར་ཐོན་པ། འཕོང་སྐྱེན་རྩལ་ལག་གི་སྦྱངས་ཤ་ཐོན་པ། |
| སྦྱར |
(བྱེད་འབྲེལ་ལས་ཚིག་མ་འོངས་པ་དང་འདས་པ)དངོས་རྫས་ཀྱི་བར་མཚམས་སྤྱིན་སོགས་ཀྱིས་འབྱར་དུ་བཅུག་པའི་དོན། སྦྱར་བྱའི་ཤོག་གུ། རྩིག་ངོས་ལ་ཤོག་ཁྲ་སྦྱར། ཡིག་ཐུམ་སྦྱར། ཤིང་ལེབ་སྤྱིན་གྱིས་སྦྱར་ལྟ་བུ། |
| སྦྱར་ཀ |
ཕན་ཚུན་སྒྲིག་ཀ། པང་ལེབ་དང་པང་ལེབ་སྦྱར་ཀ་རྒྱག་པ། ཤོག་བུ་དང་ཤོག་བུ་སྦྱར་ཀ་མཐུད་པ། |
| སྦྱར་ཁ |
སྦྱར་ཀ་དང་འདྲ། |
| སྦྱར་གསར |
གསར་དུ་སྐྱེ་བའི་ཤིང་སྦྱར་པ། |
| སྦྱར་ཆགས |
ཡུལ རྫ་མཁན་གྱིས་རྫ་ས་རྡུང་བྱེད་ཀྱི་ལག་ཆ་ཞིག |
| སྦྱར་ཆང |
བཅོས་པའི་ཆང༌། |
| སྦྱར་དུག |
1 རྫས་སྣ་སྦྱར་ཏེ་བཟོས་པའི་དུག 2 ཁ་ཟས་གང་ཞིག་དང་ལྷན་ཅིག་ཏུ་འདྲེས་པར་སྦྱར་བའི་དུག་གི་མིང༌། |
| སྦྱར་དྲི |
སྨན་སོགས་མང་པོ་བསྲེས་པའི་དྲི། |
| སྦྱར་པ |
ཤིང་གི་བྱེ་བྲག་ཅིག་སྟེ་ཤོལ་པོའང་ཟེར། |
| སྦྱར་པང |
ཡུལ པུས་མོ་གཉིས་ཀྱི་བར་དུ་ཤིང་ལེབ་གཉིས་ཁ་སྦྱར་ཏེ་བར་དུ་ལྷམ་མཐིལ་སོགས་འཚེམས་བྱེད། |
| སྦྱར་བ |
སྦྱོར་བའི་འདས་པ་དང་མ་འོངས་པ། |
| སྦྱར་བ་ཅན་གྱི་དོན་གཞན་བཀོད་པ |
དོན་གཞན་བཀོད་པའི་རྒྱན་གྱི་ནང་གསེས་ཤིག་སྟེ། བརྗོད་འདོད་དངོས་པོ་ཞིག་གི་གནས་ལུགས་བསྒྲུབ་བྱར་བཀོད་ནས་དེའི་སྒྲུབ་བྱེད་རིགས་མཚུངས་ཀྱི་དོན་གཞན་ཞིག་སྒྲ་སྦྱར་གྱི་སྒོ་ནས་སྟོན་པའི་རྒྱན་ཞིག |
| སྦྱར་བའི་གཟུགས་ཅན |
གཟུགས་ཅན་གྱི་རྒྱན་གྱི་ནང་གསེས་ཤིག་སྟེ། དཔེ་ཅན་དོན་གྱི་ཁྱད་གཞི་དེ་དཔེའི་ཁྱད་གཞིའི་གཟུགས་སུ་བཀོད་ཅིང༌། ཁྱད་ཆོས་འགའ་ཞིག་ལ་སྒྲ་སྦྱར། འགའ་ཞིག་ལ་དོན་སྦྱར་བའི་རྒྱན་ཞིག |
| སྦྱར་བའི་གསལ་བྱེད |
གསལ་བྱེད་ཀྱི་རྒྱན་གྱི་ནང་གསེས་ཤིག་སྟེ། གསལ་བྱ་དངོས་པོ་གཉིས་ཀྱི་ཁྱད་ཆོས་འདྲ་བ་ཐུན་མོང་དུ་སྦྱར་ཞིང༌། གསལ་བྱེད་གང་རུང་གཅིག་གིས་ཁྱད་གཞི་གཉིས་ཀྱི་གནས་ལུགས་གསལ་བར་བྱེད་པའི་རྒྱན་ཞིག |
| སྦྱར་བའི་དཔེ |
དཔེའི་རྒྱན་གྱི་ནང་གསེས་ཤིག་སྟེ། དཔེ་དང་དོན་གཉིས་ཀར་ཡོད་པའི་དོན་གྱི་མཚུངས་ཆོས་འགའ་ཞིག་ཚིག་གི་རིམ་པ་གཅིག་ལ་མཉམ་པོར་སྦྱར་ཏེ་སྟོན་པའི་རྒྱན་ཞིག |
| སྦྱར་བའི་ཟོལ་བསྟོད |
སྟོབས་ཕུན་ཚོགས་ཀྱི་ཟོལ་བསྟོད། |
| སྦྱར་བའི་འགལ་བ |
འགལ་བའི་རྒྱན་གྱི་ནང་གསེས་ཤིག་སྟེ། སྒྲ་གཅིག་གིས་དོན་གཉིས་སྟོན་པ་སྦྱར་བའི་སྒོ་ནས་གཞི་གཅིག་གི་ཁྱད་ཆོས་འགལ་བས་བྱ་བ་འགལ་བ་སྟོན་པའི་རྒྱན་ཞིག |
| སྦྱར་བའི་རྒྱན |
དོན་རྒྱན་གྱི་ནང་གསེས་ཤིག་སྟེ། རྗོད་བྱེད་ཀྱི་ཚིག་གམ་སྒྲའི་གཟུགས་གཅིག་གིས། བརྗོད་བྱ་སྦྱར་གཞི་དངོས་པོ་གཉིས་ཀྱི་ཁྱད་པར་སྦྱར་ཆོས་རྣམ་གྲངས་གཉིས་ལ་སོགས་པ་གང་རུང་ཕན་ཚུན་སྦྱར་བའི་རྒྱན་ཞིག་སྟེ། ནང་གསེས་རྣམ་གྲངས་དགུ་ནི། ཚིག་ཐ་དད་མིན་པའི་སྦྱར་བ། ཐ་དད་ཚིག་འདྲའི་སྦྱར་བ། བྱ་བ་ཐ་དད་མིན་པའི་སྦྱར་བ། བྱ་བ་འགལ་མིན་གྱི་སྦྱར་བ། འགལ་བའི་ལས་ཅན་གྱི་སྦྱར་བ། ངེས་པ་ཅན་གྱི་སྦྱར་བ། ངེས་པ་འགོག་པའི་སྦྱར་བ། འགལ་མིན་གྱི་སྦྱར་བ། འགལ་བ་ཅན་གྱི་སྦྱར་བ་བཅས་སོ། |
| སྦྱར་བའི་ལྡོག་པ་ཅན |
ལྡོག་པ་ཅན་གྱི་རྒྱན་གྱི་ནང་གསེས་ཤིག་སྟེ། དཔེ་དོན་གཉིས་ཁྱད་ཆོས་གསུམ་གྱི་སྒོ་ནས་མཚུངས་པ་སྒྲ་སྦྱར་ནས་ཐུན་མིན་ཁྱད་ཆོས་རེ་རེའི་སྒོ་ནས་མཚུངས་པ་ལས་ལྡོག་སྟེ་སོ་སོར་འབྱེད་པའི་རྒྱན་ཞིག |
| སྦྱར་བས་འགོག་པ |
འགོག་པའི་རྒྱན་གྱི་ནང་གསེས་ཤིག་སྟེ། དགག་བྱ་གཙོ་བོའི་དངོས་པོ་གང་ཡང་རུང་བ་ཞིག་འགོག་བྱེད་ཕལ་པའི་དངོས་པོ་གཙོ་བོ་དང་མཚུངས་ཆོས་འདྲ་བ་ཞིག་སྒྲ་སྦྱར་གྱིས་བཀོད་ནས་དོན་དུ་གཙོ་བོའི་དངོས་པོ་དེ་ཉིད་འགོག་པར་བྱེད་པའི་རྒྱན་ཞིག |
| སྦྱར་བྱང |
བསྟན་བཅོས་ཀྱི་མཇུག་ཏུ་བཀོད་པའི་རྩོམ་པ་པོའི་མིང༌། |
| སྦྱར་བྱུང |
དངོས་རྫས་དུ་མ་སྦྱར་བ་ལས་བྱུང་བའི་དངོས་རྫས་ཏེ། སྦྱར་བྱུང་གི་དྲི་ཞེས་པ་ལྟ་བུ། 2དཔེ་ཆའི་ཚིག་བརྩམས་པའི་དོན་ཏེ། 《རྒྱལ་སྤྱིའི་གླུ》ཡི་གླུ་ཚིག་ནི་བཟོ་པ་པོ་ཏེ་ཨེས་སྦྱར་བའོ། །གླུ་ཚིག་ལ་དབྱངས་སྦྱར། རྗེས་འཇུག་བཅུ་ཡི་སྦྱོར་བ་ནི། མཉན་བསམ་བསྟན་པའི་ཆེད་དུ་སྦྱར་ཞེས་པ་ལྟ་བུ། 3ཡི་གེ་ཕན་ཚུན་སྦྱར་བའི་དོན་ཏེ། གང་མང་བརྗོད་པའི་དང་པོ་རུ། ཀྱེ་སྦྱར་བ་ནི་བོད་པ་ཡིན་ཞེས་པ་ལྟ་བུ། ０སྦྲེལ་བ་དང་བསྡུར་བའི་དོན་ཏེ། རྗེས་འཇུག་སྦྱོར་བ་མཁས་པ་ན། ལུང་གི་དོན་དང་སྦྱོར་བ་དང་། བླ་མའི་མན་ངག་གསུམ་སྦྱར་ནས། དོན་གྱི་ཐོག་ཏུ་དབབ་པར་བྱ། ཞེས་པ་ལྟ་བུ། １གཤིབས་པ་དང་བསྡུར་བའི་དོན་ཏེ། རང་དཔེ་གཞན་ལ་སྦྱར། ཚིག་དོན་སྦྱོར་དགོས་ལྟ་བུ། ２བསྟན་པ་དང་བཤད་པའི་དོན་ཏེ། བརྡ་སྦྱར། བརྡ་སྦྱོར་བཏང་ལྟ་བུ། ３ངོ་སྤྲོད་བྱས་པའི་དོན་ཏེ། དགེ་རྒན་དང་སློབ་མ་ངོ་སྦྱར་ལྟ་བུ། ４སྒྲུབ་པ་དང་བྱིན་པའི་དོན་ཏེ། ཐོན་སྐྱེད་རུ་ཁག་གིས་ཞིང་དབུལ་རྒན་པོ་ལ་མཐུན་རྐྱེན་སྦྱར། འཚོ་བ་སྦྱོར། སློབ་གྲྭ་ཆེན་མོའི་སློབ་གྲྭ་པའི་འཚོ་བ་གཞུང་གིས་སྦྱར་ལྟ་བུ། |
| སྦྱར་བྱུང་གི་དྲི |
རྫས་ཁ་ཤས་སྦྱར་བ་ལས་བྱུང་བའི་དྲི། དཔེར་ན། རྒྱ་སྤོས་དང་དབུས་སྤོས་ཀྱི་དྲི་ལྟ་བུ། དབྱེ་ན་ཞིམ་མི་ཞིམ་གཉིས་ཡོད། |
| སྦྱར་མ |
1 མང་པོ་ཁ་སྦྱར་ནས་བཟོས་པའི་དངོས་ཆས། ཤིང་སྦྱར་མ། ཤོག་བུ་སྦྱར་མ། རས་སྦྱར་མ། གོས་སྦྱར་མ། 2 ས་རྐོ་བྱེད་ལྕགས་ཁྱེམ། 3 རྙིང ཉེས་པར་སྤྱོད་པ་ཅན། |
| སྦྱར་ཟས |
གཡོས་པའི་ཟས། |
| སྦྱར་ཡིག |
གྱང་སོགས་ལ་སྦྱར་བའི་ཡི་གེ། |
| སྦྱར་སོན |
ཤིང་སྦྱར་པ་གསར་དུ་འཛུགས་རྒྱུའི་སོན། |
| སྦྱིག |
(བྱེད་མེད་ལས་ཚིག) མོ་ཕྱུགས་སྡེབ་སྦྱོར་གྱི་དུས་ལ་བབས་པའི་དོན་ཏེ། མཛོ་མོ་སྦྱིག་དུས་སྡེབ་སྦྱོར་བྱེད་ལྟ་བུ། |
| སྦྱིག་པ |
1 ཡུལ འདྲེད་པ་དང༌། འབྱིད་པ། སྐས་ནས་སྦྱིག་པ། འདམ་ལ་སྦྱིག་པ། སར་སྦྱིག་ནས་ཡར་ལངས་པ། 2 མོ་ཕྱུགས་སྡེབ་སྦྱོར་གྱི་དུས་ལ་བབ་པ། མཛོ་མོ་སྦྱིག་དུས་སྡེབ་སྦྱོར་བྱེད། 3 རྙིང གོས་ཀྱིས་མནན་པ། |
| སྦྱིག་མོ |
སྒྲེན་མོའམ་གོས་མེད་གཅེར་བུ། ལུས་སྟོད་སྦྱིག་མོ། ཕྲུ་གུ་སྦྱིག་མོ་མའི་པང་དུ་འཁུར་བ། |
| སྦྱིན |
མ་འོངས་པ་དང་ད་ལྟ་སྟེ། སྨན་སྦྱིན་མཁན། ཟས་སྦྱིན་མཁན་ཞེས་པ་ལྟ་བུ། ཟར་བཅུག་པའི་དོན་ཏེ། བྱིས་པར་ཟས་བྱིན། རྟ་ལ་ཆས་བྱིན་ལྟ་བུ། ０གོ་སྐབས་ཡོད་དུ་བཅུག་པའི་དོན་ཏེ། ཚིག་བཤད་དབང་བྱིན། གོམ་པ་སྤོ་དབང་བྱིན་ལྟ་བུ། |
| སྦྱིན་གནས |
སྦྱིན་པ་གཏོང་ཡུལ་ལམ། བསོད་ནམས་གསོག་སའམ་མཆོད་པ་འབུལ་ཡུལ། |
| སྦྱིན་དུ་མི་རུང་བའི་དངོས་པོ་ལྔ |
དུག་དང༌། བུད་མེད། མཚོན་ཆ། ཆང༌། གཞན་གནོད་ཆེན་པོ་འབྱུང་བའི་རྫས་ཏེ་ལྔའོ། |
| སྦྱིན་པ |
1. ཐ་དད་པ བྱིན་པ། སྦྱིན། སྦྱིན།། 1 སྟེར་བ་དང༌། སྤྲོད་པ། མི་གཞན་ཞིག་གིས་རང་ལ་བདེ་སྐྱིད་ཀྱི་འཚོ་བ་སྦྱིན་མི་ཡོང༌། བུ་མོ་མནའ་མར་བྱིན། རྒྱུ་དངོས་སྦྱིན་པ། དྲང་བདེན་གྱི་བྱ་གཞག་ལ་རང་གི་ལུས་སྲོག་སྦྱིན་ཕོད་པ། 2 ཁ་སྣོན་རྒྱག་པའམ་བསྲེ་བ། ལྔ་ལ་གསུམ་བྱིན་ན་བརྒྱད། 2 1 སྟེར་བའི་དངོས་པོ། སྦྱིན་པ་གཏོང་བ། མིང་གི་རྣམ་གྲངས་ལ་གཏན་མེད་མཆོད་སྦྱིན་དང༌། གཏོང་ཕོད། དཔལ་སྟུག་སྦྱིན་རླབས་ཅན། རབ་སྟེར། རིས་མེད་སྟེར་བཅས་སོ། 2 སྣོན་རྩིས། |
| སྦྱིན་པ་གསུམ |
སྦྱིན་པའི་ཕར་ཕྱིན་གྱི་སྦྱིན་པ་གསུམ་སྟེ། ཆོས་དང༌། ཟང་ཟིང༌། མི་འཇིགས་པ་བཅས་ཀྱི་སྦྱིན་པའོ། |
| སྦྱིན་པ་བཞི |
ཟང་ཟིང་དང༌། ཆོས་དང༌། མི་འཇིགས་པ་དང༌། བྱམས་པའི་སྦྱིན་པ་སྟེ་བཞི། |
| སྦྱིན་པའི་ཆོས་བཞི |
སྦྱིན་པའི་ཕར་ཕྱིན་གྱི་ཁྱད་ཆོས་བཞི་སྟེ་སེར་སྣ་སོགས་མི་མཐུན་ཕྱོགས་ཉམས་པ་དང༌། ཆོས་ཀྱི་བདག་མེད་རྟོགས་པའི་རྣམ་པར་མི་རྟོག་པ། གང་འདོད་པ་རྫོགས་པར་བྱེད་པ། རིགས་ཅན་གསུམ་སྨིན་པར་བྱེད་པ་བཅས་སོ། |
| སྦྱིན་པའི་དངོས་པོ |
སྦྱིན་པ་སྟེར་རྒྱུའི་དངོས་རྫས། |
| སྦྱིན་པའི་ཕར་ཕྱིན |
དཱནྤཱརྨིཏཱ ཁྱད་ཆོས་བཞི་ལྡན་གྱི་གཏོང་སེམས་དགེ་བ་ས་བོན་དང་བཅས་པ་སྟེ། ཕར་ཕྱིན་དྲུག་གི་ཡ་གྱལ་ཞིག |
| སྦྱིན་པའི་མཐར་གྱིས་པ |
ཤེར་ཕྱིན་དོན་བདུན་ཅུའི་ནང་གསེས། མཐར་གྱིས་པའི་སྦྱོར་བ་གང་ཞིག་སྦྱིན་པའི་ཕར་ཕྱིན་རིམ་ལྡན་དུ་སྒོམ་པའོ། |
| སྦྱིན་པའི་ཞིང |
ཡར་དཀོན་མཆོག་དང༌། མར་ངན་སློང་སོགས་སོ། |
| སྦྱིན་བདག |
1སངས་རྒྱས་ཆོས་ལུགས་པས་རང་ལ་ཟས་གོས་སོགས་མཐུན་རྐྱེན་སྦྱོར་མཁན་ལ་སྦྱིན་བདག་གམ་བསྟན་པའི་སྦྱིན་བདག་ཟེར། 2གླས་པའི་མི་ལ་གླ་སྟེར་མཁན་ནམ། བཟོ་པོ་སོགས་ལ་གླ་ཅུང་ཟད་བྱིན་ནས་བཤུ་གཞོག་བྱེད་མཁན་སྤྱིའི་མིང་། |
| སྦྱིན་བྱུང |
མངོན ལྷ་མིན། |
| སྦྱིན་བྱེད |
མངོན ཚངས་པ། |
| སྦྱིན་མའི་བུ |
མངོན ལྷ་མིན། |
| སྦྱིན་རླབས་ཅན |
གཏོང་ཕོད་ཅན། |
| སྦྱིན་ལེན |
སྟེར་བ་དང་ལེན་པ། གཟིགས་གཟོས་སྦྱིན་ལེན། ལྐོག་རྔན་སྦྱིན་ལེན། ལྟོ་གོས་སྦྱིན་ལེན། |
| སྦྱིན་སྐྱེས |
མངོན ལྷ་མིན། |
| སྦྱིན་སྲེག |
1 རྫས་སྣ་ཚོགས་མེ་ལ་བསྲེགས་ནས་ཉམས་གྲིབ་སོགས་མི་གཙང་བ་འདག་པར་བྱེད་པ་དང་། གཟུངས་སྔགས་བཟླས་བརྗོད་མ་ཚང་བ་ཁ་སྐོང་བར་བྱེད་པ་སོགས་ཀྱི་ཆོས་ལུགས་ཀྱི་ཆོ་ག་ཞིག་མིང་། 2མི་ཤི་བའི་བེམ་པོ་མེར་བསྲེག་པའི་ཞེ་ས་སྟེ། བེམ་པོ་སྦྱིན་སྲེག་བྱས་ལྟ་བུ། |
| སྦྱིན་སྲེག་ཆོ་ག |
མེའི་མཆོད་སྦྱིན་བྱེད་ཐབས། |
| སྦྱིན་སྲེག་ཟ |
མངོན མེ་ལྷ། |
| སྦྱིན་སྲེག་རྫས་ཆ |
མེའི་མཆོད་སྦྱིན་གྱི་ཆས། |
| སྦྱིན་སྲེག་ལག་པ |
མངོན མེ། |
| སྦྱིལ་མོ |
དབུར་ཞལ་རྒྱག་བྱེད་ཀྱི་ཡོ་བྱད་ཅིག འདམ་བག་རློན་པ་སྦྱིལ་མོས་དབུར། |
| སྦྱོང |
ད་ལྟ་བ་སྟེ། ཡོན་ཏན་སྦྱོང་མཁན། ཚན་རིག་ལ་སྦྱོང་གིན་འདུག་ལྟ་བུ། 2.སྨན་གྱིས་རྒྱུ་མ་འཁྲུ་བའི་སྨན་བཅོས་ཤིག་གི་མིང་སྟེ། འཇམ་སྦྱོང་། དྲག་སྦྱོང་ཞེས་པ་ལྟ་བུ། |
| སྦྱོང་ཐར |
སྦྱོང་བརྡར་དང་འདྲ། |
| སྦྱོང་པོ |
ཡུལ དཀའ་ངལ་ཆེན་པོ། མི་གསུམ་གྱི་ཤེད་ང་རང་གཅིག་པུས་འདོན་དགོས་བྱུང་བས་སྦྱོང་པོ་རང་བྱུང་རུང་སྔར་ལྟར་བརྩིགས་པ་དེ་ལ་ངའི་གྱད་རྡོར་གྲགས་པ་ཡིན། |
| སྦྱོང་བ |
ཐ་དད་པ སྦྱངས་པ། སྦྱང་བ། སྦྱོངས།། 1 སློབ་པ། ཡི་གེ་སྦྱོང་བ། ནང་སྦྱོང་བྱེད་པ། སྦེ་ག་སྦྱོང་བ། དམག་རྩལ་ལེགས་པར་སྦྱངས་པ། 2 སྐྱོན་སྤོང་བ་དང༌། འདག་པར་བྱེད་པ། སྐྱོན་ཆ་སྦྱོང་བ། བློ་སྦྱོང༌། སྡིག་པ་སྦྱོང་བ། སྒྲིབ་པ་སྦྱངས་པ། བྱས་རྗེས་བཞག་ནས་ཉེས་པ་སྦྱོང་བ། 3 འཁྲུ་བཤལ་བྱེད་པ། གྲོད་ཁོག་སྦྱངས་ནས་རྒྱུ་མའི་ནང་གི་ཚད་པ་བཅོས་པ། 4 སྟེར་བའམ་གཏོང་བ། སྒྲུབ་རྒྱགས་ཀྱང་རང་གིས་སྦྱངས་ནས་སྒོམ་དུ་འཇུག་པ་ཡིན་པས་དགའ་བར་གྱིས། ཕ་མ་རྒས་ནས་ལས་ཀ་མི་འཕེར་བའི་སྐབས་སུ་ལྟོ་གོས་ཚང་མ་ཕྲུ་གུས་སྦྱོང་བ། 5 འཕྲི་བའི་དོན། སྦྱང་གཞི། སྦྱང་བ། དབུགས་ཀྱིས་སྦྱང༌། སྦྱངས་ལྷག སྦྱངས་ཤུལ། |
| སྦྱོང་བརྡར |
སློབ་སྦྱོང་ཡང་ཡང་བྱེད་ཐབས། སྐད་ཡིག་སྦྱོང་བརྡར་གཏོང་བ། ལག་རྩལ་སྦྱོང་བརྡར་བྱེད་པ། སྦྱོང་བརྡར་འཛིན་གྲྭ། |
| སྦྱོང་བྱེད |
བསྐྱེད་རིམ་དང་རྫོགས་རིམ་གྱིས་བསྡུས་པའི་ལམ། དཔེ་དོན་གྱི་འོད་ཟེར་དང༌། དག་མ་དག་པའི་སྒྱུ་ལུས། བསླབ་པའི་ཟུང་འཇུག་ལ་སོགས་པའི་རྣལ་འབྱོར། དཔེར་ན་འཁྲུད་བྱེད་ཀྱི་ཆུ་དང༌། འདག་རྫས་ལྟ་བུ། |
| སྦྱོང་བྱེད་ཀྱི་ལམ |
གཞི་རྒྱུད་སྦྱོང་བྱེད་ཀྱི་ལམ་སྟེ། འོད་གསལ་དང༌། སྒྱུ་ལུས། སྤྲུལ་བ་བཅས་སོ། |
| སྦྱོང་བྱེད་གསུམ |
1 རླུང་ནད་སྦྱོང་བྱེད་འཇམ་རྩི་དང༌། མཁྲིས་པའི་ནད་སྦྱོང་བྱེད་བཤལ། བད་ཀན་ནད་སྦྱོང་བྱེད་སྐྱུག་གསུམ་མོ། 2 དན་རོག་དང༌། དོང་ག།ཤྲི་ཁཎྜ་སྟེ་གསུམ། |
| སྦྱོང་བྱེད་ལས་ལྔ |
བཤལ་དང༌། སྐྱུག་སྣ་སྨན། འཇམ་རྩི། ནི་རུ་ཧ་བཅས་ལྔ། |
| སྦྱོང་རིམས |
འཁྲུ་ནད་དམ་བཤལ་རིམས། |
| སྦྱོང་སྨན |
རྒྱུ་མ་འཁྲུ་བའི་སྨན་གྱི་མིང་། སྦྱང་གི་ད་ལྟ་བ། |
| སྦྱོངས |
སྐུལ་ཚིག་སྟེ། རིག་གནས་སྦྱོངས་ཤིག་ལྟ་བུ། སེལ་བ་དང་དག་པར་བྱས་པའི་དོན་ཏེ། རྩལ་སྦྱང་བྱས་ནས་ནད་གཞི་སྦྱངས། བསམ་བློ་བཅོས་སྒྱུར་བྱས་ནས་སེམས་ཀྱི་དྲི་མ་སྦྱངས་ལྟ་བུ། ０མེས་བཞུ་བའི་ཐབས་ལ་བརྟེན་ནས་གཏེར་རྡོ་ལས་ལྕགས་སོགས་བླངས་པའི་དོན་ཏེ། གཏེར་རྡོ་བཞུས་ནས་ལྕགས་སྦྱང་། གསེར་སྦྱང་བཙོ་མ་ཞེས་པ་ལྟ་བུ། |
| སྦྱོར |
ད་ལྟ་བ་དང་སྐུལ་ཚིག་སྟེ། ཤོག་གུ་སྦྱོར་མཁན། རི་མོ་སྦྱོར་ཅིག་ལྟ་བུ། ཕན་ཚུན་སྡེབ་པ་སྟེ། 1སྨན་སྡེབ་པའི་དོན། སྨན་སྦྱར། སྨན་སྦྱོར་ཚུལ་ཞེས་པ་ལྟ་བུ། 2.སྟ་གོན་ནམ་གྲ་སྒྲིག་གི་མིང་སྟེ། སྦྱོར་དངོས་མཇུག་གསུམ། བསམ་སྦྱོར་བཟང་བོ། རྒྱལ་ཚུགས་དགའ་སྟོན་གྱི་སྦྱོར་དངོས་ཐམས་ཅད་ཧ་ཅང་ལེགས་པོ་བྱུང་ལྟ་བུ། སྦྱར་གྱི་ད་ལྟ་བ་དང་སྐུལ་ཚིག |
| སྦྱོར་ཀློག |
ཡི་གེའི་སྔོན་རྗེས་མིང་གསུམ་སྦྱར་ཏེ་ཀློག་པའི་མིང༌། |
| སྦྱོར་ཁ |
འབྱར་རྩི་སོགས་ཀྱིས་སྦྱར་བའི་སྲུབས། སྦྱོར་ཁ་མེད་པའི་ལྕགས་སྦུག |
| སྦྱོར་ངག |
རྟགས་གསལ་གྱི་སྦྱོར་བ་འགོད་པའི་ངག་དཔེར་ན། དུ་ལྡན་གྱི་ལ་ལ་ཆོས་ཅན། མེ་ཡོད་དེ། དུ་བ་ཡོད་པའི་ཕྱིར། ཞེས་པ་ལྟ་བུའོ། |
| སྦྱོར་དངོས་མཇུག་གསུམ |
ལས་ཀའི་སྦྱོར་བའམ་སྔོན་འགྲོ། དངོས་གཞི། མཇུག་སྟེ་གསུམ། |
| སྦྱོར་བ |
1. ཐ་དད་པ སྦྱར་བ། སྦྱར་བ། སྦྱོར།། 1 བསྡེབས་ནས་བཟོ་བ་དང༌། ཕན་ཚུན་སྒྲིག་པ། སྨན་ཆང་སྦྱོར་བ། ལུད་སྦྱོར་བ། ཆ་ཆ་བྱས་ནས་སྦྱོར་བ། ཐལ་མོ་སྦྱར་ནས་གུས་འདུད་ཞུ་བ། ཤིང་བུ་གྲུ་བཞི་མང་པོ་སྦྱར་ནས་པང་གཅལ་བཏིང་བ། 2 དངོས་སུའམ་རྣལ་མར་འབྱོར་བར་བྱེད་པ། དཔེ་ཆའི་ཐོག་ནས་སྦྱངས་པའི་ཤེས་ཡོན་རྣམས་ལས་ཀ་ལ་སྦྱོར་བ། ཉེས་ཅན་ཁྲིམས་ལ་སྦྱོར་བ། 3 སྒོམ་པ། 4 འཁྲིག་པ། 2 1 ཐབས་དང༌། སྔོན་འགྲོ། བྱ་སྤྱོད། སྦྱོར་བ་རྩུབ་པོ། འཐབ་འཛིང་བྱེད་པའི་སྦྱོར་བ། དངོས་གཞི་མ་ཚུགས་གོང་དུ་སྦྱོར་བ་འཐུས་ཚང་བྱས་པ། 2 རིགས་པ། རྩོད་པ་ཆེན་པོ་བྱེད་དུས་སོ་སོའི་སྒྲུབ་བྱེད་ཀྱི་སྦྱོར་བ་ཡང་དག་གསལ་པོར་ཤོད་པ། 3 མངོན ཁ་སྦྱོར་སྐབས་ཕོ་མོ་གཉིས་དགོས་པས་གྲངས་གཉིས་མཚོན། 4 ལྔ་བསྡུས་ཀྱི་ནང་གསེས། རེས་འགྲོགས་ཟླ་སྐར་དང་ཉི་དག་གཉིས་བསྲེས་པས་སྦྱོར་བ་འགྲུབ་པ་དེ་ནི། ཚེས་རེར་དབང་བྱེད་ཚུལ་དུ་འཆར་བའི་སྦྱོར་བ་ཉེར་བདུན་པོའི་ལོངས་སྤྱོད་གནས་སུ་གང་ཤར་ནམ་ལངས་ཕན་ཆད་འདས་ཟིན་ཡིན། ཡང་སྐར་རྩིས་ལུགས་ཀྱི་བཤད་སྲོལ་གཞན་ཞིག་ལ་ལྷ་རྒྱལ་ཆེན་རིས་བཞིའི་བུ་བདུན་པོ་དེ་དག་གཟའ་བདུན་དང༌། བུ་མོ་ཉེར་བརྒྱད་དེ་དག་རྒྱུ་སྐར་ཉེར་བརྒྱད་ཡིན་པ་དང༌། དེ་དག་ཕན་ཚུན་ཐུག་སྐབས་སུ་འཆར་བའི་ལྷ་ལ་སྦྱོར་བ་ཟེར། 5 ཤེར་ཕྱིན་དོན་བདུན་ཅུའི་ནང་གསེས། རྟོགས་པ་ལ་རང་དབང་དུ་བྱ་བའི་ཕྱིར་མཁྱེན་གསུམ་བསྡུས་ཏེ་སྒོམ་པའི་སེམས་དཔའི་རྣལ་འབྱོར། |
| སྦྱོར་བ་ཉེར་བདུན |
སྐར་རྩིས་ལུགས་ཀྱི་གཟའ་སྐར་སྦྱོར་བ་ཉེར་བདུན་ཏེ་སེལ་བ་དང༌། མཛའ་བོ། ཚེ་དང་ལྡན་པ། སྐལ་བཟང༌། བཟང་པོ། ཤིན་ཏུ་སྐྲངས་པ། ལས་བཟང༌། འཛིན་པ། ཟུག་རྔུ། སྐྲངས་པ། འཕེལ་བ། ངེས་པ། ཀུན་འཇོམས། དགའ་བ། རྡོ་རྗེ། དངོས་གྲུབ། ཤིན་ཏུ་ལྟུང་བ། མཆོག་ཅན། ཡོངས་འཇོམས། ཞི་བ། གྲུབ་པ། བསྒྲུབ་བྱ། དགེ་བ། དཀར་པོ། ཚངས་པ། དབང་པོ། འཁོན་འཛིན་བཅས་སོ། |
| སྦྱོར་བ་ཕུན་སུམ་ཚོགས་པ |
ཐོག་མར་ཚུལ་ཁྲིམས་དག་འབྲལ་བར་མི་བྱེད་ཅིང་སྒོ་གསུམ་གྱི་ཀུན་སྤྱོད་དག་པ་དང༌། བར་དུ་བསླབ་པ་ལ་གུས་པ་དང་བག་ཡོད་པ་ཤས་ཆེར་གནས་པས་ཉེས་པ་རྒྱུན་དུ་མི་བྱེད་པ་དང༌། མཐའ་མར་བརྒྱ་ལ་བྱས་ནའང་སྡིག་པ་འཆགས་པར་བྱེད་པའོ། |
| སྦྱོར་བ་བཞི |
ཤེར་ཕྱིན་དངོས་པོ་བརྒྱད་ཀྱི་ནང་གསེས། ཉམས་སུ་ལེན་པའི་ལམ་སྦྱོར་བ་བཞི་སྟེ། རྣམ་ཀུན་མངོན་རྫོགས་སྦྱོར་བ་དང༌། རྩེ་མོའི་སྦྱོར་བ་དང༌། མཐར་གྱིས་པའི་སྦྱོར་བ་དང༌། སྐད་ཅིག་མའི་སྦྱོར་བ་རྣམས་སོ། |
| སྦྱོར་བ་བཞིའི་ཆོས་སོ་དྲུག |
ཤེར་ཕྱིན་དོན་བདུན་ཅུའི་ནང་ཚན། སྦྱོར་བ་བཞི་མཚོན་བྱེད་ཀྱི་ཆོས་སུམ་ཅུ་རྩ་དྲུག་སྟེ། རྣམ་རྫོགས་སྦྱོར་བའི་ཆོས་བཅུ་གཅིག་དང༌། རྩེ་མོའི་སྦྱོར་བའི་ཆོས་བརྒྱད་དང༌། མཐར་གྱིས་སྦྱོར་བའི་ཆོས་བཅུ་གསུམ་དང༌། སྐད་ཅིག་མའི་སྦྱོར་བའི་ཆོས་བཞི་བཅས་སོ་དྲུག་གོ། |
| སྦྱོར་བ་བརྒྱ་པ |
1 རྒྱ་གར་གྱི་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པའི་སྨན་གྱི་སྦྱོར་བ་སྣ་ཚོགས་ཡོད་པའི་གསོ་རིག་གི་བསྟན་བཅོས་ཤིག 2 མངོན ཁྱབ་འཇུག |
| སྦྱོར་བ་ཡན་ལག་དྲུག |
སོར་སྡུད། བསམ་གཏན། སྲོག་རྩོལ། འཛིན་པ། རྗེས་དྲན། ཏིང་འཛིན་ཏེ་དུས་འཁོར་རྫོགས་རིམ་རླུང་སྦྱོར་གྱི་དམིགས་པའི་གནད་ཀྱི་གྲས། |
| སྦྱོར་བ་ཡན་ལག་བཅུ |
བྱ་རྒྱུད་ཀྱི་སྦྱོར་བའི་སྤྱོད་པའི་ཡན་ལག་སྟེ། སྔགས་པ་སྒྲུབ་པ་པོ། རང་སྔགས་བསྒྲུབ་པར་བྱ་བའི་ལྷ། གཡོག་སྒྲུབ་པའི་གྲོགས་མཆོག་ལྡོང་རོས་ལ་སོགས་པའི་རྫས། སྦྱོར་བའི་བརྩོན་འགྲུས། དབུས་ལ་སོགས་པའི་ཡུལ་ཕྱོགས། རི་རྩེ་ལ་སོགས་པའི་གཞིའི་གནས། དཔྱིད་ཟླ་དང་སྔ་དྲོ་ལ་སོགས་པའི་དུས། རི་མོ་དང་གཟུགས་སྐུ་ལ་སོགས་པའི་ཡན་ལག་རྫོགས་པའི་ལྷ། འཇིགས་པ་མེད་ཅིང་སྲན་ཆེ་བའི་སེམས་སྟོབས་ཏེ་ཡན་ལག་བཅུའོ། |
| སྦྱོར་བ་རྣམ་དག |
སྦྱོར་བ་ཉེར་བདུན་གྱི་རྩིས་དག |
| སྦྱོར་བཞི |
སྦྱོར་བ་བཞིའི་བསྡུས་མིང༌། |
| སྦྱོར་བའི་ཏིང་ངེ་འཛིན |
བདག་དམ་ཚིག་པར་བསྐྱེད་པ་ལ་ཡེ་ཤེས་པ་དགུག་གཞུག་གིས་གཅིག་ཏུ་འདྲེས་པའོ། |
| སྦྱོར་བའི་དགེ་བ |
དམ་པ་བསྟེན་ཞིང་ཆོས་མཉན་བསམ་སྒྲུབ་པ་ལས་ཐོབ་པ། |
| སྦྱོར་བའི་མཉམ་ཉིད |
ཤེར་ཕྱིན་དོན་བདུན་ཅུའི་ནང་གསེས། གཞི་ཤེས་ཀྱི་སྦྱོར་བ་བསྒོམ་པའི་རྣམ་པ་གང་ཞིག་ཡུལ་ཡུལ་ཅན་ལ་བདེན་ཞེན་འགོག་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར། |
| སྦྱོར་བའི་མཚན་ཉིད |
ཤེར་ཕྱིན་དོན་བདུན་ཅུའི་ནང་གསེས། སྦྱོར་བའི་ངོ་བོའམ་ནུས་པ་མཚོན་བྱེད་ཀྱི་མཁྱེན་པ། |
| སྦྱོར་བའི་མི་དགེ་བ |
ཚེ་འདིར་དགེ་བ་ལས་བཟློག་པའི་ལས་ལ་བརྩོན་པ། |
| སྦྱོར་བའི་ཡོན་ཏན |
ཤེར་ཕྱིན་དོན་བདུན་ཅུའི་ནང་གསེས། སྦྱོར་བ་བསྒོམས་པས་གནས་སྐབས་དང་མཐར་ཐུག་གི་ཐོབ་བྱ་བདུད་ཀྱི་མཐུ་བཅོམ་པ་ལ་སོགས་པའི་ཕན་ཡོན་ཐོབ་པའོ། |
| སྦྱོར་བའི་རྣམ་པ |
ཤེར་ཕྱིན་དོན་བདུན་ཅུའི་ནང་གསེས། ཡུལ་ལམ་མཁྱེན་པའི་རྣམ་པ་གང་ཞིག་སྦྱོར་བའི་བསྒོམ་བྱར་གྱུར་པའོ། |
| སྦྱོར་བའི་ལུང་མ་བསྟན |
ཉོན་མོངས་པ་དང་དགེ་བའི་སེམས་གང་ཡང་མིན་པས་བསྐྱེད་པའི་སྤྱོད་ལམ་དང་བཟོའི་གནས་སོ། |
| སྦྱོར་བའི་སྐྱོན |
ཤེར་ཕྱིན་དོན་བདུན་ཅུའི་ནང་གསེས། ཐེག་ཆེན་གྱི་སྦྱོར་བ་སྐྱེ་བ་དང༌། སྒོམ་པས་གནས་པ་དང༌། རྫོགས་པ་གང་རུང་ལ་བར་དུ་གཅོད་པའི་བདུད་ལས། |
| སྦྱོར་བའི་སྤྱོད་པ |
བྱ་རྒྱུད་ཀྱི་ལམ་གྱི་མངོན་རྟོགས་སྤྱོད་པའི་སྒོ་བཞིའི་ནང་གསེས་ཏེ། སྐུའི་རིགས་རྣམ་པར་སྣང་མཛད་དང༌། གསུང་གི་རིགས་འོད་དཔག་མེད། ཐུགས་ཀྱི་རིགས་མི་བསྐྱོད་པ་སྟེ་རིགས་གསུམ་གྱི་ལྷ་བསྙེན་པ་དང་དངོས་གཞིའི་དེ་ཉིད་བཞི་བསྒོམ་པའོ། |
| སྦྱོར་བྱེད |
མངོན 1 བུད་མེད། 2 སྨད་འཚོང་མ། |
| སྦྱོར་བྲལ་མ |
ལུས་ཀྱི་རྩའི་བྱེ་བྲག་ཅིག |
| སྦྱོར་འཇགས |
སྤྱི་ལ་རྒྱུན་འཇགས་སུ་བཞག་པའི་ནོར་རྫས། |
| སྦྱོར་འབུལ་ཞུས་པ |
སྦྱིན་བདག་གིས་ས་ཞིང་སོགས་མཆོད་རྒྱུན་ལ་སྦྱར་ནས་ཕུལ་བ། |
| སྦྱོར་ལམ |
ལམ་ལྔའི་ནང་གསེས། རྣམ་པར་གྲོལ་བའི་འཇུག་ངོགས་གང་ཞིག་ངེས་འབྱེད་ཆ་མཐུན་གྱི་དགེ་རྩ་རྣམས་ཐོབ་སྟེ། བདེན་པ་མངོན་པར་རྟོགས་པ་ལ་སྦྱོར་ཞིང༌། སྒོམ་བྱུང་གི་ཤེས་རབ་ཀྱིས་གཟུང་བ་རང་བཞིན་མེད་པར་རྟོགས་པ་དང་དབང་པོ་ལྔ་དང་སྟོབས་ལྔ་བསྒོམས་པས། སྤང་བྱ་ཀུན་བཏགས་རྣམས་རྣམ་པར་གནོན་པའི་ཚུལ་གྱིས་སྤོང་ཞིང༌། ཏིང་ངེ་འཛིན་དང་གཟུངས་དང་མངོན་ཤེས་སོགས་ཀྱི་ཡོན་ཏན་ཐོབ་པར་བྱེད་པའི་ལམ་མོ། |
| སྦྱོར་ལམ་ངེས་འབྱེད་ཆ་བཞི |
ངེས་འབྱེད་ཆ་མཐུན་བཞི་དང་དོན་གཅིག |
| སྦྱོར་ལམ་ཆོས་མཆོག |
འཇིག་རྟེན་པའི་དགེ་བ་རྣམས་ཀྱི་མཆོག་ཐོབ་པའི་སྦྱོར་ལམ་སྟེ་སྦྱོར་ལམ་བཞིའི་ནང་གསེས་ཤིག |
| སྦྱོར་ལམ་དྲོད |
མཐོང་ལམ་གྱི་ཡེ་ཤེས་མེ་ལྟ་བུའི་ལམ་དེ་སྐྱེ་བའི་སྔ་ལྟས་སུ་དྲོད་དང་མཚུངས་པའི་ལམ་དང་པོ་སྐྱེ་བ་སྟེ་སྦྱོར་ལམ་བཞིའི་ཡ་གྱལ་ཞིག |
| སྦྱོར་ལམ་བཞི |
སྦྱོར་ལམ་ངེས་འབྱེད་ཆ་མཐུན་བཞི་སྟེ། དྲོད་དང༌། རྩེ་མོ། བཟོད་པ། ཆོས་མཆོག་བཅས་སོ། |
| སྦྱོར་ལམ་བཟོད་པ |
ཆོས་ཟབ་མོ་སྟོང་པ་ཉིད་ལ་མི་སྐྲག་པའི་བཟོད་པ་གསར་དུ་ཐོབ་པའི་སྦྱོར་ལམ་སྟེ་སྦྱོར་ལམ་བཞིའི་ཡ་གྱལ་ཞིག |
| སྦྱོར་ལམ་རྩེ་མོ |
དགེ་བའི་རྩ་བ་གཡོ་བའི་རྩེ་མོར་སོན་པའི་སྦྱོར་ལམ་སྟེ་སྦྱོར་ལམ་བཞིའི་ཡ་གྱལ་ཞིག |
| སྦྱོར་ལྡན |
མངོན མཚན་མོ། |
| སྦྱོར་སྒྲོལ |
འཁྲིག་ཐབས། |
| སྦྲ |
འབྲོག་པའི་སྦྲ་ནག་གི་མིང་། བོད་ཀྱི་རུས་ཤིག |
| སྦྲ་ཁག |
སྦྲ་ཁྱིམ་ཁག |
| སྦྲ་ཁྱིམ |
སྦྲའི་ཁང་པ། |
| སྦྲ་གུར |
རེ་ལྡེ་ལས་བཟོས་པའི་གུར། སྦྲ་གུར་ཕུབ་པ། |
| སྦྲ་ཆེན |
ཧོར་སྦྲ་ཆེན་ཏེ་རྫོང་ཞིག་བོད་རང་སྐྱོང་ལྗོངས་ཀྱི་བྱང་ཤར་ངོས་རྒྱལ་མོ་རྔུལ་ཆུའི་སྟོད་རྒྱུད་ཀྱི་ཡན་ལག་སོག་ཆུ་རྒྱུད་དུ་ཡོད། རྫོང་མི་དམངས་སྲིད་གཞུང་དེ་སྟར་ཐང་དུ་ཡོད། |
| སྦྲ་ཐག |
སྦྲ་གུར་གྱི་ཐག་པ། |
| སྦྲ་དུད |
འབྲོག་རུའི་ཐེམ་དུད། |
| སྦྲ་ནག་ཤོག་པ |
སྦྲ་ནག་གི་ནང་དུ་སྡོད་མཁན་འབྲོག་པའི་སྡེ་ཚོ། |
| སྦྲ་པ |
འབྲོག་པ། |
| སྦྲ་འཛིན་རི་ཕྱུགས |
སྦྲ་འཛིན་ནི་འབྲོག་པ་སྟེ། འབྲོག་པའི་རི་ཕྱུགས་ནོར་ལུག་གོ། |
| སྦྲ་ཡོལ |
རྩིད་སྣམ་གྱིས་བཟོས་པའི་ཡོལ་བ། |
| སྦྲ་ར |
སྦྲ་གུར་གྱི་མཐའ་སྐོར་དུ་བསླངས་པའི་ར་བ། |
| སྦྲ་རེ |
སྦྲ་གུར་བཟོ་བྱེད་ཀྱི་རེ་ལྡེ། |
| སྦྲ་ཤིང |
སྦྲ་གུར་གྱི་ཀ་རྒྱུག |
| སྦྲ་ས |
སྦྲ་གུར་དབུབ་སའི་ས་ཆ། |
| སྦྲག |
ཡིག་འཕྲིན་སྐྱེལ་གཏོང་གི་ལས་དོན་ཏེ་རྒྱ་གར་སྐད་ཌཱཀ་གི་ཟུར་ཆག ཌཱཀ ད་ལམ་ཅ་ལག་ཁ་ཤས་སྦྲག་ཐོག་ལ་བཏང་ཡོད། |
| སྦྲག་ཁང |
ཡིག་འཕྲིན་སྐྱེལ་མིའི་སྡོད་ཁང༌། |
| སྦྲག་པ |
1.ཐ་དད་པ སྦྲགས་པ། སྦྲག་པ། སྦྲོགས།། 1 ཕན་ཚུན་སྦྲེལ་བ། དོན་གནད་དེ་དག་སྦྲགས་ནས་གྲོས་བསྡུར་གྱིས་ཐག་གཅོད་དགོས། དངོས་ཡོད་གནས་ཚུལ་དང་སྦྲགས་ནས་བསམ་གཞིགས་བྱེད་པ། ཡིག་རིགས་སུམ་སྦྲགས། འགྲེལ་པ་བཞི་སྦྲགས། གློག་བརྙན་གྱི་པར་གཞི་བོད་སྐད་རང་སྦྲགས། གཟུགས་རྗེས་གྲིབ་སྦྲགས། 2 སྤྲད་པ། ཅ་ལག་འདི་རྣམས་ཕར་སྦྲག་དགོས། 2.ཡིག་འཕྲིན་སྐྱེལ་མཁན། |
| སྦྲགས |
(བྱེད་འབྲེལ་ལས་ཚིག) བསྡུར་བ་དང་མཉམ་དུ་བསྒྲིགས་པའི་དོན་ཏེ། སུམ་རྟགས་རྩ་འགྲེལ་སྦྲགས་ནས་ཁྲིད། དཔེ་ཆ་མ་ཡིག་དང་བུ་ཡིག་སྦྲགས་ནས་བལྟས་ལྟ་བུ། |
| སྦྲགས་པ |
སྦྲག་པའི་འདས་པ། |
| སྦྲགས་བགོད |
བགོད་བྱེད་གྲངས་གནས་གཉིས་ཡན་ཆད་ཡོད་པའི་བགོད་རྩིས། |
| སྦྲགས་མ |
མཉམ་སྦྲགས་སམ། ཟུང་འབྲེལ། རྟ་དང་མི་སྦྲགས་མ། སྤགས་དང་སྤགས་འདེད་སྦྲགས་མ། |
| སྦྲང་གནས་ཅན |
མངོན སྦྲང་ཤིང༌། |
| སྦྲང་གཡབ |
སྦྲང་མ་སྐྲོད་བྱེད་རྔ་ཡབ། |
| སྦྲང་གཤོག |
སྦྲང་མའི་གཤོག་པ། |
| སྦྲང་ཆང |
སྦྲང་རྩི་ལས་བཟོས་པའི་ཆང༌། |
| སྦྲང་ཆར |
1ཆར་བ་ཆུང་ངུའི་མིང་། 2ལོ་ཏོག་ལ་ཕན་པའི་ཆར་བའི་མིང་སྟེ། ཟླ་གསུམ་པའི་སྦྲང་ཆར་ཞེས་པ་ལྟ་བུ། |
| སྦྲང་ཐ |
རྙིང མི་གཙང་བ་ལ་འཁོར་བའི་སྦྲང་མ།.. |
| སྦྲང་དཀར |
སྦྲང་རྩི་དཀར་པོ། |
| སྦྲང་དུས |
མངོན ས་ག་ཟླ་བ། |
| སྦྲང་ནག |
ཤ་སྦྲང་ནག་པོ། |
| སྦྲང་ནང་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་མཚོ་སྣ་རྫོང་ཁོངས་མོན་ཡུལ་དུ་ཡོད། |
| སྦྲང་ནང་ཚོ་དྲུག |
སྔར་བོད་ས་གནས་སྲིད་གཞུང་ཁོངས་མོན་ཡུལ་གྱི་ས་ཁུལ་ཚོ་དྲུག་སྟེ། སེང་གེ་རྫོང་དང་སྨྱུག་མ་གདོང༌། ཕྱུག། རླི། ནམ་ཞི་དང་ཐེམ་སྤང༌། སང་རྟི། རྡི་རང་སྟེ་དྲུག་ད་ལྟ་མཚོ་སྣ་རྫོང་དུ་ཡོད། |
| སྦྲང་ནོར་བུ |
སྦྲང་བུའི་རིགས་ཤིག |
| སྦྲང་བུ |
གཤོག་པ་སྲབ་མོ་ཉིས་ལྡན་དང་བཞི་ལྡན་གྱི་འབུ་རིགས་ཤིག ཤ་སྦྲང༌། རྩི་སྦྲང༌། ནགས་སྦྲང༌། དུག་སྦྲང༌། |
| སྦྲང་བུ་མཆུ་རིང |
དུག་སྦྲང་ཞིག |
| སྦྲང་བུའི་སྐྱུགས་པ |
མངོན སྦྲང༌། |
| སྦྲང་མ |
སྦྲང་རྩི་གསོག་པའི་བུང་བ། མེ་ཏོག་དྲི་ཞིམ་པས་གཡུའི་སྦྲང་མ་འཁོར་བ། མིང་གི་རྣམ་གྲངས་ལ་རྐང་དྲུག་དང༌། འཁོར་འགྲོ། འཁོར་བྱེད། གེ་སར་སྤྱོད། གེ་སར་འཛིན། རྒྱན་ཅན། བཅུད་བརྟུལ་ཞུགས། བཅུད་སྦྱིན། བཅུད་འཛིན། མཆོག་སྦྱིན། ཉམ་ཆུང་དབང་པོ། རྡུལ་འཆང༌། རྡུལ་ཉལ། སྤོས་ངད་ལྡན། བུང་བ། སྦྲང་རྩི་སྐྱེས། སྦྲང་རྩི་སྐྱོང༌། སྦྲང་རྩི་འཇོམས། སྦྲང་རྩི་འཐུང༌། སྦྲང་རྩི་འདོད། སྦྲང་རྩི་སྤྱོད་བྱེད། སྦྲང་རྩི་བྱེད་པ། སྦྲང་རྩི་མྱོང༌། སྦྲང་རྩིའི་བརྟུལ་ཞུགས། སྦྲང་རྩིའི་དྲི་མྱོང༌། སྦྲང་རྩིའི་ཟས་ཅན། མི་གནས་འཁོར་འགྲོ། མེ་ཏོག་འཇུག་མེ་ཏོག་འཐུང༌། མེ་ཏོག་འཐོར་བ། མེ་ཏོག་མྱོང་བ། མེ་ཏོག་ཟས་ཅན། མེ་ཏོག་ལ་རྩེ། ར་ཡིག་གཉིས་པ། རི་སྐྱེས། རོ་མྱོང༌། གསུམ་སྒྲ་ཅན་བཅས་སོ། |
| སྦྲང་མོ་ཆེ |
སྦྲང་མ་ཆེན་པོ། |
| སྦྲང་ཚང |
སྦྲང་བུའི་སྡོད་གནས། |
| སྦྲང་ཟླ |
མངོན ཧོར་ཟླ་གསུམ་པ། |
| སྦྲང་འབུ |
སྦྲང་མ་དང་འབུ། |
| སྦྲང་ཡབ |
སྦྲང་གཡབ་དང་འདྲ། |
| སྦྲང་རོ |
1 སྦྲང་རྩིའི་རོ། 2 སྦྲང་མ་ཤི་བའི་རོ། |
| སྦྲང་རྒུན |
རྙིང རྒུན་འབྲུམ། |
| སྦྲང་རྒོད |
1 མ་བཏུལ་བའི་སྦྲང་རྩི། 2 དུག་ཅན་གྱི་སྦྲང་མ། |
| སྦྲང་རྩི |
1 བུང་བས་བསགས་པའི་རྩི་མངར་མོ། སྤུ་གྲིའི་སོ་ལ་སྦྲང་རྩི་བྱུག་པ། མིང་གི་རྣམ་གྲངས་ལ་མངར་ལྡན་དང༌། སྤྲ་ཚིལ་ལོ། 2 རོ་མངར། ཞུ་རྗེས་དྲོད། ནུས་པས་ལུས་སྟོབས་ཉམས་པ་གསོ་བ་དང༌། མིག་ནད་བར་འགྲིབ། རྩ་དཀར་གྱི་ནད། དབང་པོ་མི་གསལ་བ། ཤ་འཕེལ་གྱི་ནད་བཅས་ལ་ཕན། བད་ཀན་དང༌། ཆུ་སེར་ལ་ཕན་པའི་སྨན་གྱི་ནུས་པ་རྩར་འཁྲིད་པར་བྱེད། |
| སྦྲང་རྩི་བསྐྱེད |
མངོན ཧོར་ཟླ་བཞི་པ། |
| སྦྲང་རྩི་བྱེད་པ |
མངོན སྦྲང་བུ། |
| སྦྲང་རྩི་མྱོང |
མངོན སྦྲང་བུ། |
| སྦྲང་རྩི་འཇོམས |
མངོན སྦྲང་མ། |
| སྦྲང་རྩི་འཐུང |
མངོན སྦྲང་བུ། |
| སྦྲང་རྩི་འཛིན |
མངོན 1 བུང་བ། 2 མེ་ཏོག་པད་མ། |
| སྦྲང་རྩི་སྐྱོང |
མངོན སྦྲང་མ། |
| སྦྲང་རྩིའི་ཁ་ལོ་པ |
མངོན འདོད་ལྷ། |
| སྦྲང་རྩིའི་དྲི་མྱོང |
མངོན སྦྲང་མ། |
| སྦྲང་རྩིའི་ཕོ་ཉ |
མངོན ཨ་མྲའི་ཤིང༌། |
| སྦྲང་རྩིའི་བུ |
མངོན 1 ཁྱབ་འཇུག 2 བུང་བ། |
| སྦྲང་རྩིའི་བློ་གྲོས |
ཁ་ཆེའི་ཆོས་ལུགས་སྐྲུན་མཁན་མདྷྲུ་མུཏི་ཡིན་པར་བཤད། |
| སྦྲང་རྩིའི་ཚིགས་མ |
སྦྲང་རྩི་བཏུལ་བའི་སྙིགས་མ། |
| སྦྲང་རྩིའི་རྒྱལ་མཚན |
མངོན པད་མ། |
| སྦྲང་རྩིའི་སྒྲ |
མངོན ཁུ་བྱུག་གི་སྐད། |
| སྦྲང་ལྷག |
སྦྲང་ལྷད་དང་དོན་གཅིག་ |
| སྦྲང་ལྷད |
སྦྲང་སྙིགས། |
| སྦྲང་ཤིང |
ཤིང་རིགས་ཤིག་གི་མིང༌། |
| སྦྲང་སྐྱོབ |
མངོན ཉལ་གུར་རམ་རྔ་ཡབ། |
| སྦྲང་སྙིགས |
ནི་སྤྲ་ཚིག་ཡང་ཟེར་ཞིང་། སྦྲང་རྩི་ལས་བླངས་པའི་རྫས་ཤིག་སྟེ། རྒྱ་སྐད་དུ་ལ་ཟེར། |
| སྦྲད |
འབྲད་ཀྱི་འབྲི་ཚུལ་གཞན། |
| སྦྲན |
(བྱེད་འབྲེལ་ལས་ཚིག་མ་འོངས་པ་དང་འདས་པ)བརྡ་བཏང་བའམ་གོ་བརྡ་སྤྲད་པའི་དོན་ཏེ། གཏམ་སྙན་རྣ་ལ་སྦྲན་པར་བྱ། འཕྲིན་ཡིག་རྣ་ལ་སྦྲན་ནས་ལྟ་བུ། |
| སྦྲན་པ |
སྦྲོན་པའི་འདས་པ་དང་མ་འོངས་པ། |
| སྦྲབས་པ |
ཁ་ཟས་ཀྱི་བརྡ་རྙིང་། |
| སྦྲམ |
ལྭ་བའི་འཁོབས་ཀྱི་མིང་སྟེ། བོད་ལྭ་འཁོབས་སྦྲམ་ཅན(ཡུལ་སྐད་དུ་སྦྱམ་ཟེར)ཞེས་པ་ལྟ་བུ། 2.དུག་སྦྲུལ།… |
| སྦྲམ་ཆེན |
གཉིད་ཆེ་བའི་སྦྲུལ་ཞིག |
| སྦྲམ་པོ |
བརླིང་བ། དབྱིབས་ཆེ་བ། ཁོག་པ་སྦྲམ་པོ། སྐུ་ལུས་སྦྲམ་པོ། |
| སྦྲམ་བུ |
དབྱིབས་གྲུ་བཞིའམ་ལེབ་ལྕུག་ལྟ་བུའི་དངོས་པོ། གསེར་སྦྲམ་བུ། ཟངས་སྦྲམ་བུ། ལྕགས་སྦྲམ་བུ། |
| སྦྲིད |
(བྱེད་མེད་ལས་ཚིག) ལུས་ཀྱི་ཁག་གཅིག་གི་ཚོར་བའི་དབང་བོ་མི་གསལ་བར་གྱུར་པའི་དོན་ཏེ། རྐང་བ་སྦྲིད། ཁ་སྦྲིད་པའི་སྣང་བ་འཆར། ཤ་སྦྲིད་ལྟ་བུ། སྣ་ནང་ལ་ཟུག་རེག་ལང་སྐབས་བྱུང་བའི་སྣང་ཚུལ་ཞིག་སྟེ། ཆམ་པ་བྱུང་ནས་སྦྲིད། སྣ་སྦྲིད་བྱུང་ལྟ་བུ། |
| སྦྲིད་གཏམ |
ཡུལ མགོ་སྐོར་གཏོང་བའི་སྐད་ཆ། |
| སྦྲིད་པ |
1.ཐ་མི་དད་པ རྩ་དཀར་གྱི་ནད་སོགས་ཀྱིས་ལུས་སྦྲིད་ནས་ཚོར་བ་ཉམས་པ། རྐང་པ་སྦྲིད་ནས་འགྲོ་མི་ནུས། གྲིབ་ཕོག་ནས་གཟུགས་ཕྱེད་སྦྲིད་པ། 2.སྣ་བུག་གཡས་གཡོན་གྱི་རོ་རྐྱང་གི་རྩ་སྣེ་གཉིས་ལ་ཐལ་རྡུལ་ཕོག་པ་སོགས་ལས་བྱུང་བའི་ཧབ་སྦྲིད་རྒྱག་པ། དུ་བ་སྣ་ཁུང་དུ་འཚངས་ནས་སྦྲིད་པ་རྒྱག་པ། སི་པན་གྱི་དྲི་མ་ཚོར་ནས་སྦྲིད་པ་ལྡང་བ། |
| སྦྲིད་སྨན |
ཚོར་བ་ཉམས་བྱེད་ཀྱི་སྨན། ནད་པར་སྦྲིད་སྨན་བླུད་ནས་གཤག་ལས་བྱེད་པ། |
| སྦྲིབས |
ལྟོགས་པའི་བརྡ་རྙིང་། |
| སྦྲིབས་པ |
རྙིང ལྟོགས་པ། |
| སྦྲུ |
(བྱེད་འབྲེལ་ལས་ཚིག་མ་འོངས་པ)འབྲུ་རིགས་སམ་དེ་དང་རྣམ་པ་འདྲ་བའི་རྫས་ཀྱི་རིགས་གཤེར་ཁུས་བརླན་པར་བྱ་བའི་དོན་ཏེ། གྲོ་ནས་ཆུས་སྦྲུ་བར་བྱ་ལྟ་བུ། |
| སྦྲུ་བ |
ཐ་དད་པ སྦྲུས་པ། སྦྲུ་བ། སྦྲུས།། གཡོ་བའམ་རྫི་བ། སྤགས་སྦྲུས་ཏེ་བཟས། ཐུད་སྦྲུ་བ། གྲོ་ཞིབ་སྦྲུས་ནས་རྒྱ་ཐུག་བཟོས་པ། |
| སྦྲུག་པ |
རྙིང ཟད་པ། |
| སྦྲུད |
ད་ལྟ་བ་སྟེ། གྲོ་སྦྲུད་མཁན། གྲོ་སྦྲུད་བྱེད་ཀྱི་ཆུ་ཞེས་པ་ལྟ་བུ། |
| སྦྲུམ |
(བྱེད་མེད་ལས་ཚིག)མོའི་མངལ་དུ་ཕྲུ་གུ་ཆགས་པའི་དོན་ཏེ། བུད་མེད་མངལ་སྦྲུམ། མངལ་སྦྲུམ་པར་གྱུར་ལྟ་བུ། |
| སྦྲུམ་པ |
ཐ་མི་དད་པ མངལ་ཆགས་པ། བ་ལ་བེའུ་སྦྲུམ་པ། རང་གི་མངལ་དུ་ཁྱེའུ་སྦྲུམ་པ་ཚོར་བ། |
| སྦྲུམ་མ |
1 མངལ་ཆགས་པའི་བུད་མེད། མིང་གི་རྣམ་གྲངས་ལ་མངལ་ཆགས་མ་དང༌། མངལ་ལྡན་མ། ཕྲུ་གུ་སྐྱེ། བུ་ཆེ་མ། ལུས་ལྕི་མ། ལུས་མི་བདེ། སེམས་ཅན་ཞུགས། སྲོག་ཆགས་ལྡན་བཅས་སོ། 2 མངོན འདོད་ཆགས་སྤྱོད་པའི་བུད་མེད། |
| སྦྲུམ་ལྡན་མ |
ཕྲུ་གུ་འཁོར་བའམ་མངལ་ཆགས་པའི་བུད་མེད། |
| སྦྲུལ |
1 སེམས་ཅན་སྦྲུལ། གྲིབ་བསིལ་ནང་དུ་སྦྲུལ་འཁྱིལ་ནས་བསྡད་པ། སྦལ་པས་ང་སྦོམ། སྦྲུལ་གྱིས་ང་རིང༌། མིང་གི་རྣམ་གྲངས་ལ་ཀུན་འགྲོ་དང༌། རྐང་སྦས། ཁུང་དུ་ཉལ། འཁོར་ལོ་ཅན། འཁྱིལ་པ། འཁྱོག་འགྲོ། གྱ་གུར་འགྲོ། ངན་པའི་ཟས་ཅན། ལྕེ་གཉིས་པ། ཉལ་བྱེད། གཉིད་མི་སད། ལྟོ་འགྲོ། ལྟོ་འཕྱེ། ཐིག་ལེའི་སྣ། དུག་གི་མཚོན་ཆ་ཅན། དུག་འཛིན། གདེངས་ཀ་ཆེན་པོ། འཕེལ་ཀ་ཅན། བ་ལང་སྣ། བྲང་འགྲོ། མིག་གིས་ཐོས། གཟར་བུ་མགོ། རླུང་ཟས་ཅན། ལག་འགྲོ། ལོགས་རིང༌། ས་ལ་འཕྱེ་བཅས་སོ། 2 ལོ་འཁོར་བཅུ་གཉིས་ཀྱི་ཡ་གྱལ་ཞིག མེ་སྦྲུལ། 3 ཀླུ་ཆེན་བརྒྱད་དུ་ཕྱེ་བའི་ལྟོ་འགྲོ་སྟེ་སྦྲུལ་ལ་བརྒྱད་ཡོད་པས་གྲངས་བརྒྱད་མཚོན། |
| སྦྲུལ་གདུག་པ |
དུག་གི་ཁ་རླངས་གཏོང་བའི་དུག་སྦྲུལ། སྦྲུལ་གདུག་པ་ལས་ཐུ་བའི་སྐྱེ་བོ་ངན་པ། |
| སྦྲུལ་གདུབ |
སྦྲུལ་ལས་བྱས་པའི་རྐང་ལག་གི་རྒྱན། |
| སྦྲུལ་གདོང་གཉིས་པ |
སྦྲུལ་མགོ་གཉིས་ཡོད་པ་ཞིག |
| སྦྲུལ་གྱི་གདེངས་ཀ |
སྦྲུལ་མགོ་གྱེན་གདེངས་ཏེ་སྦྲུལ་གྱི་དབུ་རྒྱན། |
| སྦྲུལ་གྱི་པགས་པ |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་མངར་ལ་ཁ་བ། ཞུ་རྗེས་དྲོད། ནུས་པས་ཤ་བཀྲ་དང༌། གླང་ཤུ་སོགས་པགས་ནད་ཀྱི་རིགས་དང༌། ཤ་མ་མ་ཐོན་པ་སོགས་ལ་ཕན། |
| སྦྲུལ་གྱི་རྒྱལ་པོ |
མངོན ཀླུ། |
| སྦྲུལ་གྱི་སྙིང་པོ |
ཙན་དན་གྱི་བྱེ་བྲག་ཅིག མིང་གི་རྣམ་གྲངས་ལ་སྔོ་སངས་དང་ཙན་དན་མཆོག་གོ། |
| སྦྲུལ་གྱི་སྤྲོག་མ |
སྦྲུལ་འཇུག་སའི་སྣོད། |
| སྦྲུལ་དུག |
རྒྱུ་བའི་དུག་གི་ནང་ཚན་སྦྲུལ་གྱི་སོ་བརྒྱབ་པ་ལས་བྱུང་བའི་དུག |
| སྦྲུལ་མགོ |
1 སྦྲུལ་གྱི་མགོ། 2 ལྒང་པའི་ནང་དུ་རྡེའུ་ཆགས་པ་འདོན་བྱེད་ཀྱི་ཡོ་བྱད་ཅིག |
| སྦྲུལ་མགོ་ལོག |
སྦྲུལ་མགོ་གཉིས་ཡོད་པ་ཞིག |
| སྦྲུལ་མདུད་སྦྲུལ་བཤིག |
རང་གིས་བྱས་པའི་ལས་དོན་རང་གིས་ཁུངས་སྐྱེལ་དགོས་པའི་དཔེ། ལས་རྙོག་དེ་ཚོ་ལེ་ཐོགས་སོ་སོ་རང་གིས་སྦྲུལ་བདུད་སྦྲུལ་བཤིག་བྱེད་དགོས། |
| སྦྲུལ་མིག |
ཤ་གསེབ་ཏུ་མདེའུ་ལུས་པ་ཡོད་མེད་ཡང་བསྐྱར་བརྟག་བྱེད་ཐུར་སྤྱད་སྦྲུལ་མིག་ཅན་ཞིག |
| སྦྲུལ་མེ |
སྦྲུལ་གྱི་ཁ་རླངས། |
| སྦྲུལ་ཚིལ |
སྲོག་ཆགས་ཀྱི་སྨན་ཞིག་མེས་འཚིག་པར་ཕན། |
| སྦྲུལ་ཟླ |
ཧོར་ཟླ་བཞི་པ། |
| སྦྲུལ་འཛིན |
མངོན དུག་འཇོམས་སྨན་པ། |
| སྦྲུལ་ལོ |
ལོ་སྐོར་བཅུ་གཉིས་གྲས་ཤིག |
| སྦྲུལ་ཤ |
1 སྔོ་ཞིག 2 སྲོག་ཆགས་སྦྲུལ་གྱི་ཤ། |
| སྦྲུལ་ཤད |
དབུ་མེད་ཀྱི་ཡི་གེ་འགའ་ཞིག་གི་ཐོག་མར་བྲི་རྒྱུའི་མགོ་ཤད་འདི་དང༌། དབུ་ཅན་གྱི་ཡི་གེ་འགའ་ཞིག་གི་ཐོག་མར་བྲི་རྒྱུའི་མགོ་ཤད༌༈ འདི་ལྟ་བུའི་མིང༌། |
| སྦྲུལ་ཤུན |
སྦྲུལ་ལྤགས། ལོ་ལྟར་ཆགས་ཀྱི་དགུན་གཉིད་རྗེས་སུ་སྦྲུལ་ཤུན་ཐེངས་རེ་བརྗེ་ཟེར། |
| སྦྲུལ་སྐྲག་བྱེད |
མངོན གླ་རྩི། |
| སྦྲུས |
འདས་པ་དང་སྐུལ་ཚིག་སྟེ། གྲོ་ཆུས་སྦྲུས་ནས་ཕྱེ་འཐག་དགོས། གྲོ་སྐམ་པོ་ཆུས་སྦྲུས་ཤིག་ལྟ་བུ། |
| སྦྲུས་པ |
སྦྲུ་བའི་འདས་པ། |
| སྦྲུས་བརྫིས |
རླན་ནམ། སྣུམ་ལ་ཕྱེ་བསྲེས་ཏེ་བརྫི་བ། བསྙལ་བའི་གྲོ་ཞིབ་སྦྲུས་བརྫིས་བྱེད་པ། |
| སྦྲེ |
ཝའི་རིགས་ཤིག་ཡིན་ཞིང་། གཟུགས་དབྱིབས་ཝ་དང་འདྲ་ལ་པགས་པའི་གྲ་ཁ་ཝ་ལས་རྩུབ་པ་ཞིག་ཡིན། འདི་ལ་དབྲེ་འབྲི་བའང་ཡོད། གནག་དང་རའི་རྩིད་པས་བཏགས་པའི་ཐགས་དངོས(སྦྲ་བཟོ་བྱེད)ཀྱི་མིང་སྟེ། རེ་ལྡེ་ཡང་ཟེར། |
| སྦྲེ་དྲི |
དྲི་ཆུའམ་གཅིན་གྱི་དྲི། |
| སྦྲེ་བ |
རྙིང འགྲེ་ལོག་བྱེད་པ། |
| སྦྲེ་མོང |
རྙིང སྲེ་མོང༌། |
| སྦྲེང |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ) རོལ་མོ་རྒྱུད་ཅན་གྱི་རྒྱུད(སྐུད་པ་ལྟ་བུ)བསྒུལ་ཏེ་འདར་དུ་བཅུག་ནས་སྒྲ་འབྱིན་པའི་དོན་ཏེ། པི་ཝང་སྦྲེང་བར་བྱ། ཏམ་བུ་ར་སྦྲེང་གིན་འདུག་ལྟ་བུ། 2.(རྒྱན་ཚིག) རྭ་དང་དབྱུག་པ་སོགས་ཧྲེང་བོར་གནས་པའི་རྣམ་པ་སྟེ། ལུག་གི་རྭ་འཕྲེད་ལ་སྦྲེང་། ཤིང་གི་ཡལ་ག་སྦྲེང་ནས་འདུག རྣ་བ་སྦྲེང་ལྟ་བུ། (ཁ་སྐད་དུ་སྦྱེང་ཟེར) |
| སྦྲེང་བ |
ཐ་དད་པ སྦྲེངས་པ། སྦྲེང་བ། སྦྲེངས།། 1 སྒྲིག་པ། ཚང་མ་གྲལ་དུ་སྦྲེངས་ནས་བསྡད། ཁྲོམ་སྐོར་དུ་འགྲོ་མི་རྣམས་སྦྲེངས་སྦྲེངས་བྱས་ནས་མདུན་དུ་སྐྱོད་པ། 2 འདྲེན་པ་དང༌། འཐེན་པ། པི་ཝང་སྦྲེངས་ནས་གླུ་དབྱངས་ལེན། གཞུ་རྒྱུད་སྦྲེངས་ནས་མདའ་འཕེན་པ། མགྲོན་པོར་ཆང་སྦྲེངས་པ། 3 འཕྱར་བ། བུམ་ཆུ་སྦྲེང་བ། ཆུ་རྒྱུན་སྦྲེང་བ། ཕུབ་མ་སྦྲེང་བ། མགོ་ལ་ཆུ་སྦྲེངས་ཏེ་སྐྲ་བཀྲུས། |
| སྦྲེང་ཚར |
སྦྲེངས་ཚར་དང་འདྲ། |
| སྦྲེངས |
1.སྦྲེང་བའི་སྐུལ་ཚིག 2.ཕྲེང་སྟར། སེར་སྦྲེངས། ཕྱུགས་སྦྲེངས་མ་ཆད་པ། འགྲིམ་འགྲུལ་སྦྲེངས་མ་ཆད་པ། |
| སྦྲེངས་པ |
སྦྲེང་བའི་འདས་པ། |
| སྦྲེངས་ཚར |
གྲལ་ལམ་བསྟར་ཕྲེང༌། |
| སྦྲེབས |
གྲང་ལྟོགས་ཀྱིས་མནར་བའི་བརྡ་རྙིང་། སྐེམ་པོའི་བརྡ་རྙིང་དུའང་བཤད། |
| སྦྲེབས་པ |
རྙིང 1 རིད་པའམ། སྐེམ་པ། 2 འཁྱགས་པ། 3 ལྟོགས་པ། |
| སྦྲེའུ |
རྙིང བྱེ་མ། |
| སྦྲེལ |
(བྱེད་འབྲེལ་ལས་ཚིག་འདས་སྐུལ་གཉིས་ལ་ད་དྲག་ཡོད)ཕན་ཚུན་མཐུད་པར་བྱེད་པའམ་འབྲེལ་དུ་བཅུག་པ་སྟེ། རྨོན་དོར་གཉའ་ཤིང་གིས་སྦྲེལ། ངེད་གཉིས་ལག་སྦྲེལ། ལྭ་སྲུབས་སྐུད་པས་སྦྲེལ་ཅིག ཡུལ་ལུགས་དང་ཕྱི་ལུགས་ཟུང་དུ་སྦྲེལ་ནས་ཆུ་བེད་བསྐྲུན། བོད་ལུགས་ཀྱི་གསོ་རིག་དང་ནུབ་ཕྱོགས་པའི་ལུགས་ཀྱི་གསོ་རིག་ཟུང་དུ་སྦྲེལ་ནས་སྨན་བཅོས་བྱེད་ལྟ་བུ། |
| སྦྲེལ་གདུང |
སྣེ་མཐུད་པའི་གདུང་མ། |
| སྦྲེལ་ཐག |
ཕན་ཚུན་སྦྲེལ་བྱེད་ཀྱི་ཐག་པ། ཕྱུགས་ཀྱི་སྦྲེལ་ཐག དོ་ཡ་ཕན་ཚུན་སྦྲེལ་ཐག |
| སྦྲེལ་པོ |
1 ཆའམ་ཟུང༌། རྫོང་སྦྲེལ་ལམ་རྫོང་སྡོད་སྦྲེལ་པོ། 2 ཐུན་མོངས། ལས་སྣེ་སྦྲེལ་པོ། |
| སྦྲེལ་བ |
ཐ་དད་པ ཆད་པ་མཐུད་པ་དང༌། འགོ་མཇུག་ཕན་ཚུན་ཟུང་དུ་སྦྲགས་པའམ་སྦྱོར་བ་དང་སྡེབ་པ། དཔུང་གཤིབ་ལག་སྦྲེལ། སྒོ་ཕྱུགས་རྭ་སྦྲེལ། སྐེ་སྦྲེལ། ཕྱག་སྦྲེལ། ཕོ་མོ་ཁ་སྦྲེལ། ལུག་ཤ་མགོ་སྦྲེལ། ཕྱི་ནང་ལག་སྦྲེལ། ཉིན་མཚན་མགོ་སྦྲེལ། ལག་གདངས་དཔུང་སྦྲེལ། |
| སྦྲེལ་མ |
ཕན་ཚུན་མཐུད་མ། ནོར་སྦྲེལ་མ། ཤོག་ལྷེ་གསུམ་སྦྲེལ་མ། བྱ་བ་སྦྲེལ་མ། |
| སྦྲེལ་མཐུད |
འགོ་མཇུག་བར་མཚམས་མེད་པར་རྒྱུན་མཐུད་པ། སྣམ་བུ་སྦྲེལ་མཐུད། སྐུད་པ་སྦྲེལ་མཐུད་བྱེད་པ། ལས་ཀ་སྔ་ཕྱི་སྦྲེལ་མཐུད། |
| སྦྲེལ་ཟླ |
འབྲེལ་བ་ཡོད་མཁན་གཉིས། འཐུས་མི་སྦྲེལ་ཟླ། ལས་རོགས་སྦྲེལ་ཟླ། |
| སྦྲེས |
འཁྱག་ལྟོགས་ཀྱི་སྡུག་བསྔལ་མྱངས་པའི་བརྡ་རྙིང་། ཕྱོགས་གཅིག་ཏུ་དྲིལ་བའི་དོན། |
| སྦྲེས་པ |
རྙིང 1 འཁྱགས་བཀྲེས། 2 ཕྱོགས་གཅིག་ཏུ་འདྲིལ་བ། |
| སྦྲོག |
སྦྲགས་ཀྱི་ད་ལྟ་བར་སྦྲོག་འབྲི་བའང་ཡོད། |
| སྦྲོགས |
སྦྲགས་ཀྱི་སྐུལ་ཚིག་ལ་སྦྲོགས་འབྲི་བའང་ཡོད། |
| སྦྲོན |
ད་ལྟ་བ་དང་སྐུལ་ཚིག་སྟེ། རྩ་ཁྲིམས་ཀུན་ལ་སྦྲོན་དགོས། སྙན་སྦྲོན། སྦྲོན་ཅིག་ལྟ་བུ། འབོད་པའམ་འགུགས་པའི་དོན་ཏེ། གྲོགས་སུ་སྦྲན། གྲོགས་ཁ་ཤས་སྦྲན་ནས་ལས་ཀ་བྱས་ལྟ་བུ། |
| སྦྲོན་པ |
ཐ་དད་པ སྦྲན་པ། སྦྲན་པ། སྦྲོན།། འབོད་པ་དང༌། འགུགས་པ། ར་མདར་སྦྲོན་པ། གྲོགས་འབོད་པར་སྦྲོན་པ། མགྲོན་དུ་སྦྲོན་པ། གྲོགས་སུ་སྦྲོན་པའི་ངོ་མི་ཟློག མྱ་ངན་སྦྲོན་བརྡ། ངོ་ཆེན་དུ་སྦྲོན་པ། འཕྲིན་ཡིག་སྦྲན་ཀྱང་ལན་གང་ཡང་བྱུང་མེད། |
| སྨ |
རྙིང 1 དམའ་བ། 2 དམན་པའམ་ཞན་པ། |
| སྨ་འབེབ |
གཞན་ལ་མཐོང་ཆུང་བྱེད་པའི་ཚིག་བཤད་པ་སྟེ། གཞན་ལ་སྨ་འབེབ་མ་བྱེད་ལྟ་བུ། |
| སྨ་འབེབས |
གཟེངས་བསྟོད་ཀྱི་ལྡོག་ཕྱོགས་ཏེ། ངོ་དམའ་རུ་གཏོང་བའི་ངན་སྨྲས། མི་ཉམ་ཆུང་ལ་སྨ་འབེབས་མ་བྱེད། |
| སྨ་ར |
ཁ་རྒྱན་ནམ་ཁ་སྤུ། གདོང་གི་སྨ་ར་བྱུལ་བྱུལ་བྱས་ནས་གཏམ་སྨྲ་བ། |
| སྨག |
1 མུན་པ་མུན་ནག 2 སྨན་ཞིག |
| སྨག་ཁྲན |
རྒྱ རྟ་སྒའི་འོག་ཏུ་རྒྱག་རྒྱུའི་གདན་ཞིག |
| སྨག་ཆད |
རྙིང 1 མ་རིག་པ་མེད་པ། 2 སྨག་རུམ་མེད་པ། |
| སྨག་རུམ |
མུན་པ་འཐུག་པོ། མཚན་མོ་སྨག་རུམ་འཐིབས་དུས་ཐུར་ལམ་གཡང་ས་ཅན་དུ་འགྲོ་དཀའ། སྐྱ་མདའ་ཤར་ནས་སྨག་རུམ་ཡལ། |
| སྨག་རྒྱུ |
ཕོ་རིལ་ནག་པོ། |
| སྨག་ཤད |
སྤེན་མ་དང་དབྱིབས་འདྲ་བའི་ཤིང་ཕྲན་སྡོང་བུ་ཞིག་ཡིན། ཡུལ་སྐད་དུ་སྨག་ག་ཟེར། |
| སྨག་ཤོག |
རྟ་སྒའི་སྟེང་དུ་རྒྱག་རྒྱུའི་ཁ་གདན་ཞིག |
| སྨག་སྦྲན |
སྨག་ཁྲན་དང་འདྲ། |
| སྨང་ཚེར |
རྙིང ཨ་ར་འཐོག་བྱེད་ཀྱི་འཇབ་རྩེ། |
| སྨད |
སྟོད་ཀྱི་ལྡོག་ཟླ། ལུས་སྨད། ལུང་པའི་སྨད་ཆ། སྟོད་སྨད་བར་གསུམ། དགུན་སྨད། ལོ་སྨད། ཟླ་སྨད། ཚེ་སྨད། |
| སྨད |
(བྱེད་འབྲེལ་ལས་ཚིག་འདས་པ) མི་ལ་ངན་སྨོས་བྱས་བའི་དོན་ཏེ། བསྟོད་པས་དགའ་བར་མི་འགྱུར་ཞིང་། སྨད་པས་མི་དགར་མི་འགྱུར་ལ། ཞེས་པ་ལྟ་བུ། 2.སྲོག་ཆགས་ལུས་ཀྱི་ལྟེ་བའི་མན་ཆད་ཀྱི་མིང་སྟེ། ལུག་ཤ་ཁོག་སྨད། ལུས་སྟོད་སྨད། སྨད་གཡོགས་ཞེས་པ་ལྟ་བུ། དབྱིབས་དམའ་བའི་ཕྱོགས་ཀྱི་མིང་སྟེ། རིའི་སྟོད་སྨད། རྨ་ཆུའི་སྨད། འབྲི་ཆུའི་སྨད་ཅེས་པ་ལྟ་བུ། ０སྔ་ཕྱི་གཉིས་ཀྱི་ཕྱི་མའི་མིང་སྟེ། དཔེ་ཆ་དེབ་སྟོད་ཆ་དང་སྨད་ཆ། ལོ་སྨད་ཟླ་སྨད་ཅེས་པ་ལྟ་བུ། |
| སྨད་ཁམས |
སྔར་མདོ་ཁམས་ཞེས་པའི་མིང་གི་རྣམ་གྲངས། |
| སྨད་ཁེབས |
ཟླ་མཚན་འགོག་བྱེད་ཀྱི་རས། |
| སྨད་ཁོག |
ལུས་ཀྱི་སྨད་ཁོག ལུག་ཤ་སྨད་ཁོག ཚགས་ཤ་སྨད་ཁོག |
| སྨད་གཟུག |
ཤའི་སྨད་ཁོག་གི་ཕྱེད་ཀ། |
| སྨད་གཡོགས |
སྨད་གོས་ཤིག |
| སྨད་གཡོགས་གོང་བ |
སྨད་གཡོགས་ཀྱི་ཁ་ལ་བཏང་བའི་གོང་བ། |
| སྨད་གོས |
སྨད་གཡོགས། མིང་གི་རྣམ་གྲངས་ལ་མཐང་གོས་དང༌། འདོམས་དཀྲིས། སྨད་དཀྲིས། སྨད་གཡོགས། སྨད་ཤམ། ཤམ་ཐབས་བཅས་སོ། |
| སྨད་ཆ |
འོག་གམ་གཤམ་གྱི་ཕྱོགས་དང༌། རྗེས་མའི་ཆ་ཤས། གཙང་པོའི་སྨད་ཆ། དཔེ་ཆའི་སྟོད་ཆ་དང་སྨད་ཆ། |
| སྨད་ཆད |
རྙིང མ་སྨད་པ། |
| སྨད་ཆུ |
འབབ་ཆུ་ཞིག་བོད་རང་སྐྱོང་ལྗོངས་ཀྱི་བྲག་གཡབ་རྫོང་ཁོངས་སུ་ཡོད་ཅིང༌། ཟླ་ཆུའི་ཡན་ལག་ཅིག་ཡིན། |
| སྨད་ཆེན་མ |
མངོན བུད་མེད་མཛེས་མ། |
| སྨད་དཀྲིས |
ལུས་སྨད་དུ་གྱོན་བྱའམ། དཀྲི་བྱའི་གོས། |
| སྨད་ནག |
ཟླ་སྨད་ནག་པོའི་བསྡུས་ཚིག་ |
| སྨད་པ |
1. སྨོད་པའི་འདས་པ་དང་མ་འོངས་པ། 2. སྨད་ཕྱོགས་པ། |
| སྨད་པ་ས་གཞན་ན་གནས་པ |
སྤྱོད་པ་གཞན་ན་གནས་པའི་གཞིའི་ནང་གསེས། ནན་ཏུར་བཞི་བྱེད་པའོ། |
| སྨད་པའི་ཆ་ལས་བསྟོད་པ |
ཆའི་རྒྱན་གྱི་ནང་གསེས་ཤིག་སྟེ། གཡོ་ཟོལ་གྱི་ཚིག་གིས་བསྟོད་ར་བཏང་བའི་ཁུལ་བྱས་ནས་དོན་ལ་སྨད་ར་ཕབ་པའི་ཚུལ་སྟོན་པའི་ཆའི་རྒྱན་ཞིག |
| སྨད་པའི་དཔེ |
དཔེའི་རྒྱན་གྱི་ནང་གསེས་ཤིག་སྟེ། དཔེ་ཅན་དོན་གྱི་གནས་ལུགས་ཅུང་ཟད་ལྷག་པར་སྟོན་པའི་ཕྱིར། དཔེ་ལ་སྨད་ར་བཏང་བའི་ཚུལ་གྱིས་དོན་དུ་དཔེ་དོན་མཚུངས་པར་སྟོན་པའི་རྒྱན་ཞིག |
| སྨད་པའི་མཚུངས་སྦྱོར |
མཚུངས་སྦྱོར་གྱི་རྒྱན་གྱི་ནང་གསེས་ཤིག་སྟེ། བརྗོད་འདོད་སྨད་ཡུལ་ལ་ཉེས་སྐྱོན་གྱི་སྨད་ར་མཚུངས་པར་སྟོན་པའི་རྒྱན་ཞིག |
| སྨད་མ |
དངོས་པོ་དང་ལུང་པ་སོགས་ཀྱི་སྨད་ཕྱོགས། |
| སྨད་མདོ་ཁམས་སྒང་དྲུག |
བོད་ཡུལ་སྟོད་སྨད་བར་གསུམ་དུ་ཕྱེ་བའི་སྨད་མདོ་ཁམས་སྒང་དྲུག་ཅེས་པའི་སྒང་དྲུག་ནི། ཟལ་མོ་སྒང་དང༌། ཚ་བ་སྒང༌། སྨར་ཁམས་སྒང༌། སྤོ་འབོར་སྒང༌། དམར་རྫ་སྒང༌། མི་ཉག་རབ་སྒང་བཅས་དྲུག་སྟེ། དེ་རྣམས་རི་ཆུའི་རྒྱུག་ཕྱོགས་ལ་བསྟུན་ནས་ཞིབ་ཙམ་བཤད་ན་འབྲི་ཆུ་དང་ཉག་ཆུའི་བྱང་རྒྱུད་བར་གྱི་ས་ཁུལ་ལ་ཟལ་མོ་སྒང་དང༌། རྒྱལ་མོ་རྔུལ་ཆུ་དང་རྫ་ཆུའི་བར་ལ་ཚ་བ་སྒང༌། རྫ་ཆུ་དང་འབྲི་ཆུའི་བྱང་རྒྱུད་བར་གྱི་ས་ཁུལ་ལ་སྨར་ཁམས་སྒང༌། འབྲི་ཆུ་དང་ཉག་ཆུའི་ལྷོ་རྒྱུད་བར་གྱི་ས་ཁུལ་ལ་སྤོ་འབོར་སྒང༌། མཚོ་སྔོན་ཞིང་ཆེན་ཁོངས་རྨ་ཆུའི་ལྷོ་ནས་ཉག་ཆུའི་སྟོད་ཀྱི་ཤར་བར་ལ་དམར་རྫ་སྒང༌། ཉག་ཆུའི་ཆུ་སྐེད་ཀྱི་ཤར་རྒྱུད་ལ་མི་ཉག་རབ་སྒང་བཅས་ཟེར། |
| སྨད་ཚིག |
སྨད་ར་གཏོང་བའི་ངག |
| སྨད་འགོ |
ཕྱུགས་ཀྱི་ལུས་སྨད་ན་བའི་འགོ་ནད་ཅིག |
| སྨད་འཆལ |
འཆལ་པོ་འཆལ་མོའི་སྤྱོད་པ། |
| སྨད་འཇལ |
སྔ་དུས་གཞན་གྱི་ཆུང་མར་ལོག་པར་སྤྱད་པའི་ཁྲིམས་འཇལ་ཞིག |
| སྨད་འདུལ |
མདོ་ཁམས་སྨད་ཀྱི་ཡུལ་ནས་དར་ཞིང་བརྒྱུད་པའི་འདུལ་བའི་སྡོམ་རྒྱུན་ཏེ་རྒྱལ་པོ་གླང་དར་མས་བསྟན་པ་བསྣུབས་པ་ན། སྨར་གཡོ་གཙང་གསུམ་མདོ་སྨད་དན་ཏིག་གི་ཡུལ་གྲུར་བྱོན་ནས། རྒྱ་ནག་གི་ཧྭ་ཤང་ཀེ་ཝང་དང༌། གྱི་ཕན་གཉིས་བཅས་ལྔ་ཚོགས་ཀྱིས་བླ་ཆེན་དགོངས་པ་རབ་གསལ་བསྙེན་པར་རྫོགས། ཁོང་གིས་ཀླུ་མེས་ཚུལ་ཁྲིམས་ཤེས་རབ་དང༌། ལོ་སྟོན་རྡོ་རྗེ་དབང་ཕྱུག་སོགས་དབུས་གཙང་གི་མི་བཅུ་བསྙེན་པར་རྫོགས། དེ་ནས་རིམ་བཞིན་དབུས་གཙང་གི་ཕྱོགས་སུ་འདུལ་བའི་སྡོམ་རྒྱུན་སྤེལ་ཞིང་མཆེད་པའོ། |
| སྨད་འདོགས |
སྨད་དུ་འདོགས་རྒྱུའི་ཡི་གེ། ཡ་ར་ལ་ཝ |
| སྨད་འཚོང་གནས |
སྨད་འཚོང་མའི་སྡོད་ཁང༌། མིང་གི་རྣམ་གྲངས་ལ་སྐྱེ་བོ་ཀུན་འཇུག་དང༌། འཁྲིག་པའི་ཁྱིམ། རྩེ་དགའི་ཁང་པ་བཅས་སོ། |
| སྨད་འཚོང་མ |
སྤྱི་ཚོགས་རྙིང་པར་འཚོ་བའི་དོན་དུ་གཟུགས་འཚོང་བའི་བུད་མེད། མིང་གི་རྣམ་གྲངས་ལ་ངན་རོལ་མ་དང༌། རྟགས་ཅན་མ། ཐུན་མོང་བུད་མེད། འདོད་པའི་རྩེན་མ། སྦེད་བྱེད། སྦྱོར་བྱེད། ཚོགས་པའི་བུད་མེད། ཚོགས་ཅན་མ། གཟུགས་འཚོང་མ། རེས་མ་བཅས་སོ། |
| སྨད་ར |
འཕྱ་སྨོད་དམ་སྨ་འབེབས། རང་སྣང་གང་ཤར་གྱིས་གཞན་ལ་སྨད་ར་གཏོང་བ། |
| སྨད་རུས |
གཟུགས་པོའི་ཁོག་སྨད་ཀྱི་རུས་པ། |
| སྨད་རྒྱས་མ |
སྨད་ཆེན་མ་དང་དོན་གཅིག་ |
| སྨད་རྒྱུད |
གཤམ་སྨད་ཀྱི་ཕྱོགས། གཙང་པོའི་སྨད་རྒྱུད། ལུང་གཞུང་གི་སྨད་རྒྱུད། གྲོང་ཁྱེར་གྱི་སྨད་རྒྱུད། |
| སྨད་རྒྱུད་པ |
སྤྱི་ལོའི་དུས་རབས་བཅོ་ལྔ་པར་རྗེ་ཙོང་ཁ་པའི་སློབ་མ་ཤེས་རབ་སེང་གེས་ལྷ་སར་ཕྱག་བཏབ་པའི་སྔགས་ཀྱི་གྲྭ་ཚང་ཞིག |
| སྨད་ཤམ |
1 སྨད་གཡོགས་སམ་སྨད་གོས། 2 གོས་ཆེན་གྱི་བྱེ་བྲག་ཅིག |
| སྨན |
ལུས་ལ་ཕན་ཞིང་ནད་འཇོམས་པར་བྱེད་པའི་གཉེན་པོའི་རྫས་ཏེ། ནང་གསེས་སུ་དབྱེ་ན་རིན་པོ་ཆེའི་སྨན་དང༌། སའི་སྨན། རྡོའི་སྨན། ཤིང་གི་སྨན། རྩིའི་སྨན། ཐང་གི་སྨན། སྔོའི་སྨན། སྲོག་ཆགས་ཀྱི་སྨན་བཅས་བརྒྱད་མཆིས་སོ། མིང་གི་རྣམ་གྲངས་ལ་རྐྱེན་སྨན་དང༌། ནད་སེལ། རྩི། རྩི་སྨན། འཚོ་བྱེད། གསོས་སྨན་བཅས་སོ། |
| སྨན་ཁང |
1 ནད་ལ་བརྟག་བཅོས་བྱེད་སའི་ལས་ཁང༌། 2 སྨན་འཇོག་སའི་ཁང་པ། |
| སྨན་ཁབ |
ནད་པར་སྨན་ཆུ་འཛུགས་པའི་ཁབ་སྦུབས་སྟོང་ཞིག |
| སྨན་ཁུག |
སྨན་བླུག་སའི་ཁུག་མ། |
| སྨན་ཁྱེམ |
སྨན་ཕྱེ་འཇལ་བྱེད་ཀྱི་ཡོ་བྱད་ཅིག |
| སྨན་ཁྲོག |
གཏེར་ཁ་ནས་བྱུང་བའི་སྨན་དང་། མ་བཏུལ་བའི་སྨན། རྫས་སྦྱོར་གྱི་ནུས་པ་ངེས་ཅན་ཡོད་པའི་རྫས་ཀྱི་མིང་སྟེ། སྨན་ནག—མེ་རྫས། ཨ་བྲ་གསོད་པའི་སྨན་ཞེས་པ་ལྟ་བུ། |
| སྨན་གཅིའུ |
ནད་པའི་བཤང་ལམ་དུ་གཏོང་རྒྱུའི་སྦུ་གུའི་སྨན་སྦྱོར་ཞིག་གི་མིང༌། |
| སྨན་གཉེར |
སྨན་གྱི་དོ་དམ་བྱེད་མཁན། |
| སྨན་གཞུང |
སྨན་དཔྱད་ཀྱི་ཐབས་སྟོན་པའི་རིག་གཞུང་སྟེ། རྒྱ་གར་གྱི་ཡན་ལག་བརྒྱད་པ་དང༌། རྒྱ་ནག་གི་ཟླ་བའི་རྒྱལ་པོ། བོད་ཀྱི་དཔལ་ལྡན་རྒྱུད་བཞི་ལྟ་བུའོ། |
| སྨན་གཞོང |
སྨན་འདུལ་སའི་རྡོའི་གཞོང་པ་ལྟ་བུ། |
| སྨན་གཤོངས |
སྨན་སྣ་ཚོགས་སྐྱེ་བའི་ཡུལ་ལྗོངས། |
| སྨན་གྱི་གཞི |
འདུལ་བ་གཞི་བཅུ་བདུན་ལས། བདེར་གནས་རྐྱེན་གྱི་གཞི་ལྔའི་ནང་གསེས་ཟས་མཐའ་གཉིས་སུ་མ་ལྷུང་བའི་སྒོ་ནས་བདེ་བར་གནས་པ་སྨན་གྱི་གཞི་སྟེ། འདོད་ཁམས་པའི་ལུས་འཚོ་བའི་རྟེན་དུ་གྱུར་པའི་དྲི་རོ་རེག་བྱ་གསུམ་གྱིས་བསྡུས་པའི་ཁམ་ཟས་ནི་ལུས་གསོ་བར་ཕན་ཞིང་ནད་སེལ་བས་སྨན་ཞེས་བཏགས་པའོ། |
| སྨན་གྱི་གྲོང་ཁྱེར་ལྟ་ན་སྡུག |
གསོ་བ་རིག་པའི་དཔལ་ལྡན་རྒྱུད་བཞི་འཆད་ཉན་མཛད་པའི་ཡུལ་དབུས་ཀྱི་གྲོང་ཁྱེར་ཆེན་པོའི་མིང་སྟེ། དེའི་ངོས་འཛིན་ཐད་འོག་མིན་གནས་དང༌། ཨོ་རྒྱན་ཡུལ། རྡོ་རྗེ་གདན། རྣམ་སྣང་གངས་ཅན་ཞིང༌། སྨན་གྱི་ནགས། རང་ལུས་ཀྱི་གནས་བཅས་བཞེད་ཚུལ་མི་འདྲ་བ་སྣ་ཚོགས་མཆིས་པས་དཔྱད་པར་བྱའོ། |
| སྨན་གྱི་ཆུ |
1 ག་བུར་དང༌། ཙན་དན་དཀར་པོ་ལྟ་བུ་ཤིན་ཏུ་བསིལ་བའི་སྨན་གྱིས་ནུས་པ་ཆུ་དང་མཐུན་པའི་ལས་བྱེད་པའི་ཆ་ནས་བཏགས་པ་ཞིག 2 རླུང་མཁྲིས་བད་ཀན་ལྡན་འདུས་སེལ་བར་བྱེད་པའི་སྨན་ཆུ་རིགས་ལྔ། 3 སྨན་ཁོང་དུ་འཕུལ་བར་བྱེད་པའི་ཆུ་སྟེ་རླུང་ལ་གར་ཆང་དང༌། མཁྲིས་པར་གངས་ཆུ། བད་ཀན་ལ་ཆུ་བསྐོལ་བཅས་སོ། |
| སྨན་གྱི་ནུས་པ་བརྒྱད |
སྨན་རིགས་ལ་ཡོད་པའི་ནུས་པ་བརྒྱད་དེ། ལྕི་སྣུམ་བརྟུལ་དང་རྣོ་བ་དང༌། ཡང་རྩུབ་ཚ་བསིལ་རྣམ་པ་བརྒྱད། |
| སྨན་གྱི་ཕབས་རྟ |
སྨན་སྦྱོར་བྱེད་དུས་འདེབས་རྒྱུའི་སྨན་གྱི་ནུས་པ་འདོན་བྱེད་རུ་རྩི་ལྟ་བུ། |
| སྨན་གྱི་བླ་བཻཌཱུརྻ་འོད་ཀྱི་རྒྱལ་པོ |
ནད་ཀྱི་འཇིགས་པ་ལས་སྐྱོབ་པར་མཛད་པའི་སངས་རྒྱས་སྐུ་མདོག་སྔོན་པོ་དབུ་ལ་གཙུག་ཏོར་དང༌། ཞབས་ལ་འཁོར་ལོས་མཚན་པ། ཕྱག་གཡས་ན་ནད་ཀྱི་གཉེན་པོ་ཨ་རུ་ར་དང༌། གཡོན་པས་ལྷུང་བཟེད་བསྣམས་པ་ཞིག་གི་མཚན། |
| སྨན་གྱི་མཐུ |
སྨན་གྱི་གཙོ་བོའི་ནུས་ཤུགས་ཏེ། ཚ་བས་གྲང་ནད་འཇོམས་པ་དང༌། བསིལ་བས་ཚ་ནད་འཇོམས་པ་ལྟ་བུའོ། |
| སྨན་གྱི་འབྲས་བུ |
ཟག་བཅས་ཀྱི་དགེ་བ་དང་མི་དགེ་བ་གང་རུང་གི་རྣམ་པར་སྨིན་པའི་རྒྱུ་ལས་སྐྱེས་པ་སྟེ། ཟག་བཅས་ཉེར་ལེན་གྱི་ཕུང་པོ་ལྟ་བུ། |
| སྨན་གྱི་ཡོན་ཏན་བཅུ་བདུན |
འཇམ་པ་དང༌། ལྕི་བ། དྲོ་བ། སྣུམ་པ། བརྟན་པ་བཅས་རླུང་སེལ་བའི་ཡོན་ཏན་ལྔ། གྲང་བ་དང༌། རྟུལ་བ། བསིལ་བ། མཉེན་པ། སླ་བ། སྐམ་པ་བཅས་མཁྲིས་པ་སེལ་བའི་ཡོན་ཏན་དྲུག་སྐྱ་བ་དང༌། ཚ་བ། ཡང་བ། རྣོ་བ། རྩུབ་པ། གཡོ་བ་བཅས་བད་ཀན་སེལ་བའི་ཡོན་ཏན་དྲུག་བཅས་བསྡོམས་པས་བཅུ་བདུན་ནོ། |
| སྨན་གྱི་རྒྱལ་པོ |
ཨ་རུ་རའི་མིང་གི་རྣམ་གྲངས་ཤིག |
| སྨན་གྱི་རྒྱུད་བཞི |
གཡུ་ཐོག་ཡོན་ཏན་མགོན་པོས་བརྩམས་པའི་བོད་ཀྱི་རྩ་ཆེའི་སྨན་གཞུང་རྩ་རྒྱུད་དང༌། བཤད་རྒྱུད། མན་ངག་རྒྱུད། ཕྱི་མའི་རྒྱུད་བཅས་བཞི། |
| སྨན་གྱི་ལྗོངས |
མངོན སྤང་རི། |
| སྨན་གྱི་ལྡེ་གུ |
སྨན་བསྐོལ་བའི་སྐྱོ་མ། |
| སྨན་གྱི་ཤན |
རྫས་ཀྱི་ཤན་གྱི་ནང་གསེས་ཤིག་སྟེ། ཐུན་ཚོད་དུ་རུང་བའི་སྨན་དང༌། ཞག་བདུན་པའི་སྨན་རྣམས་རང་རང་གི་བྱིན་གྱིས་བརླབས་པའི་ཐུན་ཚོད་ཀྱི་མཐའ་ལས་འདས་པ་ན། གསོག་འཇོག་གི་སྤང་བ་བསྐྱེད་པའོ། |
| སྨན་གྱི་སྦྱོར་སྡེ |
ནད་སོ་སོའི་གཉན་པོའི་སྨན་རོ་ནུས་ཞུ་རྗེས་སོགས་མཐུན་པར་སྦྱོར་བའི་སྡེ་ཚན་ཏེ། རིན་ཆེན་རིལ་ནག་ཆེན་མོ་དང༌། རཏྣ་བསམ་འཕེལ་ལྟ་བུ་ལའོ། |
| སྨན་གླིང |
རྫོང་ཞིག་བོད་རང་སྐྱོང་ལྗོངས་ཀྱི་ལྷ་ས་གྲོང་ཁྱེར་གྱི་ཤར་ངོས་ཡར་ཀླུངས་གཙང་པོའི་འགྲམ་དུ་ཡོད་ཅིང༌། རྫོང་མི་དམངས་སྲིད་གཞུང་དེ་དུང་དོར་དུ་ཡོད། |
| སྨན་ཆང |
དོན་སྣོད་ཀྱི་ནད་གང་དང་འཕྲོད་པའི་སྨན་དང་ནས་གཉིས་མཉམ་དུ་བཙོས་ཏེ་ཕབས་རྩི་སྦྱར་ཏེ་བསྙལ་ནས་ལངས་པའི་ཚེ་བཏུང་དགོས་པའི་རླུང་ནད་སེལ་བའི་སྐོམ་གྱི་ནང་ཚན་ཞིག |
| སྨན་ཆུ |
1 སྨན་གཏོང་བྱེད་ཀྱི་ཆུ་ཁོལ། 2 སྨན་ཡོད་པའི་རིའི་ཆུ། 3 ལུས་ལ་ཕན་ཆེ་བའི་ཆུ། 4 འབབ་ཆུ་ཞིག་བོད་རང་སྐྱོང་ལྗོངས་ཀྱི་གཉའ་ནང་རྫོང་ཁུལ་དུ་ཡོད། ཆུ་འགོ་ཤི་ཤ་སྦང་མ་ནས་བྱུང་ཞིང་བུམ་ཆུའི་ཡན་ལག་ཅིག་ཡིན། |
| སྨན་ཆུ་རིགས་ལྔ |
རླུང་ནད་སེལ་བའི་སྨན་ཆུ་མདོག་སྔོ་ལ་རོ་མངར་བ་དང༌། མཁྲིས་ནད་སེལ་བའི་སྨན་ཆུ་མདོག་སེར་ལ་རོ་ཁ་བ། བད་ཀན་གྱི་ནད་སེལ་བའི་སྨན་ཆུ་མདོག་སྐྱ་ལ་རོ་སྐྱུར་བ། ཁྲག་ནད་སེལ་བའི་སྨན་ཆུ་མདོག་དམར་ལ་རོ་བསྐ་བ། ཆུ་སེར་གྱི་ནད་སེལ་བའི་སྨན་ཆུ་མདོག་སྨུག་ལ་རོ་ཚ་བ་བཅས་ཏེ་ལྔའོ། |
| སྨན་ཆེན |
ལྡུམ་བུ་བོང་བའི་མིང་གཞན། ０(བྱེད་མེད་ལས་ཚིག) ཕན་པའི་བརྡ་རྙིང་སྟེ། ཤ་ཚ་བ་བའི་སྙིང་གཏམ་སེམས་ལ་སྨན་ཞེས་པ་ལྟ་བུ། |
| སྨན་ཉི་དགའ |
སྔོ་ཞིག |
| སྨན་ཐང |
སྨན་བསྐོལ་བའི་ཁུ་བ་དང༌། སྨན་དང་སྦྱར་བའི་བཏུང་བ། |
| སྨན་ཐུན |
སྨན་གཏོང་ཐེངས་རེའི་སྤོམ་ཚད། |
| སྨན་ཐུར |
1 སྨན་ཚད་འཇལ་བྱེད་དང་སྨན་བླུག་བྱེད་ཀྱི་ཁེམ་བུ། 2 མིག་འགྲིབ་བསལ་བྱེད་དང༌། གློ་རྣག་འདོན་བྱེད་ཀྱི་ལག་ཆ་ལྟ་བུ་དཔྱད་ཀྱི་ཆ་བྱད། |
| སྨན་ཐོ |
ན་ཚ་གང་ཞིག་འཆོས་བྱེད་སྨན་གྱི་མིང་དང༌། ཚད་མང་ཉུང༌། བཀོལ་སྟངས་སོགས་བཀོད་པའི་ཡི་གེ། |
| སྨན་དཀར |
བོད་སྐྱེས་ལ་ཕུག་བཙོས་པའི་ཁུ་བ་སྟེ། ནུས་པས་སོ་རྙིལ་སྐྲངས་པ་དང༌། སྒྱིད་ཆུ་འཁུམས་པ་སོགས་རྐང་འབམ་གྱི་ནད་འཇོམས། |
| སྨན་དཔྱད |
སྨན་དང་བཅོས་ཐབས། |
| སྨན་དཔྱད་ཟས་སྤྱོད |
ནད་པ་གསོ་བར་བྱེད་པའི་ཐབས་ཤེས་བཞི་སྟེ། སྦྱོར་བ་སྨན་དང༌། ཆ་བྱད་དཔྱད། འཚོ་བ་ཟས། བྱ་བ་སྤྱོད་ལམ་བཅས་སོ། |
| སྨན་དཔྱད་ཟླ་བའི་རྒྱལ་པོ |
དུས་རབས་བརྒྱད་པའི་ནང་ཆོས་རྒྱལ་ཁྲི་སྲོང་ལྡེའུ་བཙན་གྱི་དུས་སུ་རྒྱ་ནག་གི་ཧྭ་ཤང་མ་ཧཱ་ཡ་ན་དང༌། ལོ་ཆེན་བཻ་རོ་ཙ་ན་གཉིས་ཀྱིས་བསྒྱུར་པའི་རྒྱ་ནག་གི་སྨན་གཞུང་ཞིག་སྟེ། དེ་མཛད་པ་པོ་འཕགས་པ་འཇམ་དཔལ་ལ་བཞེད་པ་དང༌། སློབ་དཔོན་ཀླུ་སྒྲུབ་ལ་བཞེད་པ། རྒྱ་ནག་གི་སྨན་པ་མཁས་པ་ཞིག་ལ་བཞེད་པ། མཁས་མང་མཉམ་དུ་བགྲོས་ནས་བརྩམས་པར་བཞེད་པ་བཅས་མི་འདྲ་བ་མཆིས་སོ། |
| སྨན་ནད |
བཙན་དུག་དང༌། ཐང་ཕྲོམ་ལྟ་བུ་དུག་ཤས་ཡོད་པའི་སྨན། |
| སྨན་ནུས |
སྨན་གྱི་ནུས་ཤུགས། |
| སྨན་པ |
1. ཐ་མི་དད་པ ཕན་པ། འཛུགས་སྐྲུན་ལ་སྨན་པ། རྒྱལ་ཇུས་དམངས་འཚོར་སྨན་པ། 2. ལྷ་རྗེའམ་གསོ་རིག་པ། སྨན་པ་དོར་བའི་ནད་པ་དེར། སྨན་བཟང་རྙེད་པ་ག་ལ་སྲིད། མིང་གི་རྣམ་གྲངས་ལ་སྐྱོན་ཤེས་དང༌། མཁྱུད་དཔྱད། ནད་འཇོམས། ནད་སེལ། ཚེ་རིག་འཚོ་བྱེད། གསོ་དཔྱད་མཁན། གསོ་རིག་པ། ལྷ་རྗེ་བཅས་སོ། |
| སྨན་པ་དཀའ་བཅུ་བ |
རྒྱུད་བཞི་རྩ་འགྲེལ་དང༌། ཆ་ལག་ཁ་སྐོང༌། མདོ་བྱང་བཅས་བློར་ཐོན་ཅིང༌། དེ་དག་ལག་ལེན་དུ་སྤྱོད་ཤེས་པའི་སྨན་པའི་མཚན་སྙན། |
| སྨན་པ་བསྡུས་ར་བ |
རྩ་རྒྱུད་དང༌། བཤད་རྒྱུད། ཕྱི་མ་རྒྱུད་བཅས་ཀྱི་རྩ་འགྲེལ་ཆ་ལག་དང་བཅས་པའི་དོན་བློར་ཚུད་ཅིང་ལག་ལེན་བྱ་ཤེས་པའི་སྨན་པའི་མཚན་སྙན། |
| སྨན་པ་འབུམ་རམས་པ |
གསོ་བ་རིག་པའི་གཞུང་ལུགས་དང་ལག་ལེན་གང་ལ་ཐོགས་པ་མེད་པའི་སྨན་པ་མཁས་པའི་མཚན་སྙན་ཞིག་སྟེ། རྒྱུད་བཞི་རྩ་འགྲེལ་དང༌། ཆ་ལག་ཁ་སྐོང༌། མདོ་བྱང༌། ཕྱོགས་རིགས་ཀྱི་སྨན་པ་དགུས་བསྒྱུར་པའི་གསོ་དཔྱད་ཀྱི་གཞུང༌། བོད་ཀྱི་མཁས་པ་མི་དགུས་མཛད་པའི་གཞུང་སྨན་དཔྱད་ཟླ་བའི་རྒྱལ་པོ། བདུད་རྩི་བུམ་པ་ཆེ་ཆུང༌། ཡན་ལག་བརྒྱད་པའི་སྙིང་པོ་བསྡུས་པ། དྲང་སྲོང་སྙན་རྒྱུད། ཚིག་དོན་ཟླ་ཟེར་སོགས་ཀྱི་རྩ་འགྲེལ། ཁ་སྐོང༌། ཆ་ལག་རྣམས་བློ་ལ་ཐོན་ཅིང༌། དེ་དག་གི་དོན་ལག་ལེན་དུ་སྒྲིལ་ཤེས་པ་ལ་བྱའོ། |
| སྨན་པ་རབ་འབྱམས་པ |
གསོ་བ་རིག་པའི་གཞུང་ལུགས་དང་ལག་ལེན་གང་ལ་བྱང་ཆུབ་པའི་སྨན་པ་མཁས་པའི་མཚན་སྙན་ཞིག་སྟེ། རྒྱུད་བཞི་རྩ་འགྲེལ་དང༌། ཆ་ལག་ཁ་སྐོང༌། མདོ་བྱང༌། བོད་ཀྱི་མཁས་པ་མི་དགུས་མཛད་པའི་གསོ་དཔྱད་ཀྱི་གདམས་པ། སྨན་དཔྱད་ཟླ་བའི་རྒྱལ་པོ། བདུད་རྩི་བུམ་པ་རྩ་འགྲེལ་ཆ་ལག་དང་བཅས་པ་བློ་ལ་ཐོན་ཅིང་ལག་ཤེས་ཁོང་དུ་ཆུབ་པ་ལ་བྱའོ། |
| སྨན་པའི་རྒྱལ་པོ |
1 སངས་རྒྱས་སྨན་བླའི་མཚན་གྱི་རྣམ་གྲངས་ཤིག 2 རྒྱ་གར་དུ་འཚོ་བྱེད་གཞོན་ནུ་དང༌། བོད་དུ་རྗེ་བཙུན་གཡུ་ཐོག་ཡོན་ཏན་མགོན་པོ་གསར་རྙིང་གཉིས་ལྟ་བུ། |
| སྨན་ཕོར |
སྨན་བླུག་སྣོད་ཀྱི་བྱེ་བྲག་ཅིག |
| སྨན་ཕྱེ |
སྨན་བཏགས་པའི་ཕྱེ་མ། |
| སྨན་བཅོས |
ནད་གཞི་རང་རང་གི་གཉེན་པོའི་སྨན་བཏང་ནས་ནད་འཇོམས་པར་བྱེད་པའི་ཐབས། |
| སྨན་བཏགས་པ |
1 སྨན་ཕྱེ་མར་བཏགས་པ། 2 ཕན་འདོགས་བྱས་པ། |
| སྨན་བཞི |
བཅས་ལྡན་དགེ་སློང་གིས་བསྟེན་དུ་རུང་བའི་དྲི་རོ་རེག་གསུམ་གྱི་བདག་ཉིད་དུ་གྱུར་པའི་ཁམ་གྱི་ཟས་ཏེ། དུས་རུང་གི་སྨན་དང༌། ཐུན་ཚོད་དུ་རུང་བའི་སྨན་དང༌། ཞག་བདུན་པའི་སྨན་དང་འཚོ་བཅངས་ཀྱི་སྨན་བཅས་བཞིའོ། |
| སྨན་བཟང་རོ་ཁ |
འཕྲལ་ལ་གནོད་པ་ལྟར་སྣང་ཡང༌། ཕུགས་སུ་ཕན་ཆེ་བའི་དཔེ། སྨན་བཟང་རོ་ཁ་ནད་ལ་ཕན། |
| སྨན་བཟི |
བཙན་དུག་དང༌། ཐང་ཕྲོམ་ལྟ་བུ་དུག་ཡོད་པའི་སྨན་གྱི་ནུས་པས་ཁ་ལྕེ་དང་རྐང་ལག་སོགས་སྦྲིད་དེ་ཆང་གིས་མྱོས་པ་ལྟར་གྱུར་པའི་དོན། |
| སྨན་བསང |
སྨན་སྣ་ཚོགས་སྦྱར་བའི་བདུག་པ། |
| སྨན་བསྟེན་པ |
སྨན་འཐུང་བ། |
| སྨན་བསྡུས་ཨེ་ཝཾ |
དུས་རབས་བཅོ་བརྒྱད་པའི་ནང་དཔལ་སྤུངས་སི་ཏུ་ཆོས་ཀྱི་འབྱུང་གནས་ཀྱི་སློབ་མ་ཀརྨ་ངེས་ལེགས་བསྟན་འཛིན་གྱིས་མཛད་པའི་མན་ངག་གི་སྐོར་གཅིག་ཏུ་བསྡུས་པའི་བདག་ཉིད་པོད་གཉིས་ཏེ། ཨེ་ནི་ནད་བརྟག་ཐབས་དང༌། ཝཾ་ནི་སྨན་བསྡུ་སྦྱོར་གྱི་སྐོར་ཡིན་ནོ། |
| སྨན་བྱིན་རླབས |
བསྙེན་པར་རྫོགས་པས་སྨན་བཞི་གང་རུང་ལོངས་སྤྱོད་པ་ན། སྨན་དེ་ཉིད་བྱིན་ལེན་བྱས་ཏེ། སྦྱོར་བ་ལེན་ཡུལ་དེ་ཉིད་རྒན་ན་ཕྱག་གསུམ་བྱ། མདུན་དུ་ཙོག་པུར་འདུག་གཉིས་ཀའི་ལག་པ་གཡོན་པར་བཞག་གཡས་པས་སྟེང་དུ་དགབ་ནས་སྨན་བྱིན་རླབས་ཀྱི་ཆོ་ག་ལ་ཐུགས་གཏད་པར་ཞུས་ཏེ། དངོས་གཞི་སྨན་བཞིའི་བྱིན་རླབས་ཀྱི་ཆོ་ག་ལན་གསུམ་བརྗོད་དེ་ཐབས་ལེགས་བྱ། རྗེས་སུ་ཕྱག་བྱས་ཏེ། བཀའ་དྲིན་ཆེ་ཞུ་བ་དང༌། ཡུལ་གྱིས་ཆོས་བཞིན་འདུལ་བ་བཞིན་མཛད་པ་ངོ་མཚར་ཆེ་ཞེས་བརྗོད་པ་བཅས་སོ། |
| སྨན་བླ |
སངས་རྒྱས་ཤིག་གི་མཚན། |
| སྨན་མཆོག |
ནུས་པ་ཆེ་བའི་སྨན་ཏེ་ཨ་རུ་རྣམ་རྒྱལ་ལྟ་བུ། |
| སྨན་མཐུ |
སྨན་གྱི་ནུས་ཤུགས། |
| སྨན་མར |
སྨན་གྱི་དྭངས་མ་མར་ལ་བསྟིམས་ཏེ་ལུས་སྟོབས་གསོ་བ་སོགས་ལ་ཕན་པའི་སྨན་སྦྱོར་ཞིག |
| སྨན་མིང་སྒྲ་སྦྱོར་ངེས་པ |
ཁ་ཆེ་པཎ་ཆེན་ཟླ་བ་མངོན་པ་དགའ་བས་མཛད་པའི་ཟླ་ཟེར་གྱི་སྨན་མིང་རྣམས་ལོགས་སུ་བཀོད་པའི་སྨན་གྱི་བསྟན་བཅོས་ཤིག |
| སྨན་ཙེ |
མན་ཙི་དང་འདྲ། |
| སྨན་ཚ་བ་གསུམ |
ཕོ་བ་རིས། པི་པི་ལིང༌། སྨན་སྒ་དང་གསུམ། |
| སྨན་ཚགས |
སྨན་རྩིང་ཞིབ་རིམ་པ་འབྱེད་བྱེད་ཀྱི་ཡོ་བྱད་ཅིག |
| སྨན་ཚད |
སྨན་གྱི་སྦྱོར་ཚད་དམ་ཐུན་ཚད། |
| སྨན་ཟབ་པ |
ཕན་སྟོབས་ཆེ་བའི་སྨན། |
| སྨན་ཟུག་པ |
སྨན་ནད་ལ་འཕྲོད་པ། ཐེངས་དང་པོ་བཏང་བའི་སྨན་ཟུག་ན་ད་དུང་བསྟུད་ནས་གཏོང་དགོས། |
| སྨན་ཟོང |
སྨན་གྱི་རྒྱུ་ཆའི་རིགས། |
| སྨན་འཕྱག་ཕག་ཟེ |
སྨན་གྱི་རོ་སྙིགས་འཕྱག་བྱེད་ཀྱི་ཡོ་བྱད་ཅིག |
| སྨན་འཕྲོད་པ |
སྨན་གྱིས་ཕན་པ། |
| སྨན་འུ་སུ |
སྔོ་ཞིག |
| སྨན་ཡིག |
སྨན་དཔེ་སྟེ་གསོ་བ་རིག་པའི་སྐོར་གྱི་གཞུང་ལུགས་དང༌། ལག་ལེན་རྣམས་སྟོན་པར་བྱེད་པའི་ཡི་གེ། |
| སྨན་ཡོན |
1 སྨན་གྱི་ཡོན་ཏན། 2 སྨན་གྱི་རིན། |
| སྨན་རམ |
སྔོ་ཞིག |
| སྨན་རམས་པ |
གསོ་བ་རིག་པའི་གཞུང་དོན་འཆད་རྩོད་རྩོམ་གསུམ་གང་ལའང་ཐོགས་པ་མེད་པའི་སྨན་པ་མཁས་པའི་ཆེ་མིང༌། |
| སྨན་རི་ཤོད་ལྕགས་ཟམ |
ཡུན་ནན་ཞིང་ཆེན་གྱི་འཇོལ་རྫོང་ཁོངས་ཟླ་ཆུའི་ཐོག་ལ་བཙུགས་པའི་ལྕགས་ཟམ་ཞིག |
| སྨན་རིགས |
སྨན་གྱི་རིགས་སྤྱི། |
| སྨན་རིལ |
སྨན་གྱི་ཕྱེ་མ་ལ་བརླན་ཕབ་ནས་མགོ་བསྡུས་ཏེ་གོང་བུར་དྲིལ་བའི་རིལ་བུ། |
| སྨན་རོ |
1 ཁུ་བ་བཏོན་པའི་སྨན་སྙིགས། 2 སྨན་གྱི་བྲོ་བའི་རོ། སྨན་རོ་བསྐ་རུང་ནད་ལ་ཕན། སྙིང་གཏམ་རྩུབ་རུང་མི་ལ་ཕན། |
| སྨན་རྙིང |
སྨན་ཙེ་རྙིང་མ་སྟེ། སྲིན་འབུའི་དར་སྐུད་ལས་བཟོས་པའི་གྲུའུ་ཙེ་སེར་པོ་ཤིང་ལོ་དང་ཤིང་ཏོག་གི་རི་མོ་ཡོད་པ་ཞིག |
| སྨན་རྟ |
1 ནད་རང་རང་གི་གཉེན་པོའི་སྨན་རྣམས་རྟ་ཞོན་པ་ལྟར་འཕྲལ་དུ་ནད་ཀྱི་སྟེང་དུ་འཁྲིད་པར་བྱེད་པའི་དོན་ཏེ། རླུང་ལ་བུ་རམ། མཁྲིས་པར་ཀ་ར། བད་ཀན་ལ་སྦྲང་རྩི་བཅས་སོ། 2 སྨན་ཁོང་དུ་འཕུལ་ཞིང་ནད་ཀྱི་མཚན་ཉིད་འཇོམས་པའི་རྟ་སྟེ། རླུང་ལ་གར་ཆང༌། མཁྲིས་པར་ཆུ་བསྐོལ་གྲང་མོའམ་ཆུ་བསིལ། བད་ཀན་ལ་ཆུ་བསྐོལ་བཅས་སོ། |
| སྨན་རྩི |
སྨན། |
| སྨན་རྩིས |
སྨན་དཔྱད་དང་རྩིས་རིག |
| སྨན་རྫུས |
སྨན་ངོ་མ་མ་ཡིན་པ། |
| སྨན་ལེན་པ |
1 སྨན་ལུས་ལ་འཕྲོད་པ། 2 སྨན་པ་ལས་སྨན་ལེན་པ། |
| སྨན་ལོག་པ |
སྨན་ནོར་བ། |
| སྨན་ལྔ |
སླེ་ཏྲེས། རྒྱ་མཚོ་ལྦུ་བ། ཀཎྜ་ཀ་རི། དབང་པོ་ལག་པ། ཤུ་དག་དཀར་པོ། |
| སྨན་ལྗོངས |
1 སྨན་རིགས་མང་པོ་སྐྱེ་བའི་ཡུལ། 2 མཆོག་ཏུ་གྱུར་པའི་ཡུལ་ཁམས། 3 མངོན སྤང་རི། |
| སྨན་ལྟ་བུའི་སེམས་བསྐྱེད |
སེམས་བསྐྱེད་ཉེར་གཉིས་ཀྱི་ནང་གསེས། ས་དྲུག་པ་བའི་རྒྱུད་ཀྱི་ཤེར་རབ་ཀྱི་ཕར་ཕྱིན་དང་ལྡན་པའི་སེམས་བསྐྱེད་ནི་ཆགས་སོགས་ཉོན་མོངས་པ་དང་གཟུང་བར་རྟོག་པ་སོགས་ཤེས་བྱའི་སྒྲིབ་པའི་ནད་རབ་ཏུ་ཞི་བར་བྱེད་པས་ན་སྨན་ལྟ་བུའོ། |
| སྨན་ལྷད |
སྨན་ལ་བསྲེས་པའི་སྐྱོན། |
| སྨན་ཤར |
བུ་མོ་གཞོན་ནུ་ཞེས་པའི་ཕལ་སྐད་དེ། བུ་ཆུང་གཞོན་ནུ་ལ་སྟག་ཤར་ཟེར། |
| སྨན་ཤིང |
སྨན་གྱི་ཤིང༌། |
| སྨན་ཤེལ |
རྡོ་ཞིག |
| སྨན་སག |
རུས་པར་རྩུབ་རྡར་རྒྱག་བྱེད་ཀྱི་ཡོ་བྱད་ཅིག |
| སྨན་སེམས |
ཕན་སེམས། མི་དམངས་ལ་སྨན་སེམས་ཁོ་ནས་ལས་དོན་ཧུར་བརྩོན་བྱེད་པ། ནད་གཞི་འཚོ་ཐབས་ལ་སྨན་སེམས་ཀྱིས་སྨན་བཅོས་ཞིབ་ཚགས་བྱེད་པ། |
| སྨན་སྐུ |
སྨན་འདམ་གྱི་སྐུ་འདྲ། |
| སྨན་སྒ |
སྒ་སྨུག་གི་མིང་གི་རྣམ་གྲངས་ཤིག |
| སྨན་སྒ་སྐམ་པོ |
སྨན་བཅའ་སྒ་སྐམ་པོ། |
| སྨན་སྙིགས |
སྨན་གྱི་རོ་མ། |
| སྨན་སྟར་ཞུན |
ཤིང་སྨན་ཞིག |
| སྨན་སྟོབས |
ཚ་གྲང་གི་ནད་འཇོམས་པའི་སྨན་གྱི་ནུས་ཤུགས། |
| སྨན་སྡོང་མཚོ |
སྤང་འཁོར་མཚོའང་ཟེར། བོད་རང་སྐྱོང་ལྗོངས་ཀྱི་རུ་ཐོག་རྫོང་གི་ནུབ་རྒྱུད་ན་ཡོད། |
| སྨན་སྣ |
1 སྨན་རིགས་སྣ་ཚོགས། 2 ཟས་ཀྱི་བྲོ་བ་འདོན་བྱེད་ཤ་སྨན། |
| སྨན་སྤོས |
སྨན་སྣ་ཚོགས་སྦྱར་བའི་སྤོས་སྦྱོར་ཞིག |
| སྨན་སྦྱོར |
སྨན་གྱི་སྦྱོར་སྡེབ་ཀྱི་བསྡུས་ཚིག་ |
| སྨན་ཧྲོབ |
སྨན་ཁྲམ་ཁྲུམ། |
| སྨར |
དངོས་སུ་དངོས་རྫས་ཉོ་བའི་རིན་གོང་རྩི་བྱེད་ཀྱི་སྡེ་ཚན་བྱེད་ཆོག་པའི་དངོས་རྫས་ཁྱད་པར་བ་སྒོར་མོ་སོགས་ཀྱི་མིང་སྟེ། དཔེར་ན་སྔོན་ཆད་ཀྱི་གསེར་དངུལ་གྱི་དོང་ཙེ་དང་ད་ལྟའི་དམངས་སྒོར་ལྟ་བུའི་ཚོང་རྫས་ཁྱད་པར་བ་རྣམས་ནི་སྨར་ཡིན། དངོས་རྫས་ལ་ཟོང་ཟེར། དཔེར་ན་རྟ་རིན་ཕྱེད་ཀ་སྨར་དང་ཕྱེད་ཀ་ཟོང་བྱིན་ལྟ་བུ། |
| སྨར་ཁམས |
རྫོང་ཞིག་བོད་རང་སྐྱོང་ལྗོངས་ཀྱི་ཤར་རྒྱུད་ན་ཡོད། དེའི་ཤར་ངོས་འབྲི་ཆུའི་ཕ་རོལ་ནི་སི་ཁྲོན་ཞིང་ཆེན་ཡིན། རྫོང་དེའི་ནུབ་རྒྱུད་དུ་ཟླ་ཆུ་འབབ་ཅིང་ལྷོ་ངོས་ཡུན་ནན་ཞིང་ཆེན་དང་འབྲེལ་ནས་ཡོད། རྫོང་མི་དམངས་སྲིད་གཞུང་དེ་སྒར་ཐོག་ཏུ་ཡོད། |
| སྨར་ཁམས་སྒང |
ཆབ་མདོའི་རྫུ་ཆུ་དང༌། འབྲི་ཆུ་གཉིས་དབར་དུ་ཆགས་པའི་ས་རྒྱུད། དེང་སྐབས་ཆབ་མདོ་དང༌། བྲག་གཡབ། སྨར་ཁམས་སྒར་ཐོག་སོགས་ཀྱི་ཡུལ་ལུང་གི་སྤྱི་མིང༌། |
| སྨར་ཁོག་ཆུ |
རྒྱལ་རོང་རྒྱལ་མོའི་རྔུལ་ཆུའི་ཆུ་ལག་ཅིག་ཆུ་འགོ་མཚོ་སྔོན་ཞིང་ཆེན་ཁོངས་མགོ་ལོག་བོད་རིགས་རང་སྐྱོང་ཁུལ་ནས་བྱུང་སྟེ་ལྷོ་ཕྱོགས་སུ་གཅིག་སྒྲིལ་དང་པད་མ་རྫོང་བརྒྱུད་ནས་མཐར་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་ནས་རྒྱལ་རོང་རྒྱལ་མོ་རྔུལ་ཆུར་འབབ། |
| སྨར་ཁྲག་ཟོང་གསུམ |
སྔར་བོད་ཀྱི་ཁྲིམས་སྲོལ་དུ་མི་བསད་པའི་ཉེས་ཆད་དུ་མི་སྟོང་ཞེས་འཇལ་དགོས་པ་དེ་སྤྲོད་ལེན་སྐབས་གསེར་སོགས་དངོས་པོ་རྩ་ཆེན་རིགས་ལ་སྨར་དང༌། འབྲུ་ནོར་སོགས་དངོས་པོ་གོ་ཆོད་རིགས་ལ་ཁྲག་དང༌། དངོས་རིགས་མཁོ་མེད་སྤུས་ཞན་རིགས་ལ་ཟོང་ཞེས་གསུམ་དུ་ཕྱེ་སྲོལ་ཡོད་པ་དེའོ། སྨར ཁྲག ཟོང |
| སྨར་གཡོ་གཙང་གསུམ |
རྒྱལ་པོ་གླང་དར་གྱིས་བསྟན་པ་བསྣུབས་སྐབས། མདོ་སྨད་ཀྱི་ཕྱོགས་སུ་བྱོན་ནས། བླ་ཆེན་དགོངས་པ་རབ་གསལ་བསྙེན་པར་རྫོགས་མཁན་གྱི་སློབ་དཔོན་གསུམ་སྟེ། སྨར་ཤཱཀྱ་མུ་ནེ། གཡོ་དགེ་བའི་འབྱུང་གནས། གཙང་པ་རབ་གསལ་རྣམས་སོ། |
| སྨར་ཆུ |
བོད་རང་སྐྱོང་ལྗོངས་ཁོངས་གོ་འཇོ་རྫོང་གི་ནུབ་རྒྱུད་ནས་འབབ་ཅིང༌། རིམ་གྱིས་རི་ཆུ། རྩེ་ཆུ་སོགས་དང་འདྲེས་རྗེས་གོ་འཇོ་རྫོང་གི་བྱང་ཤར་མཚམས་སུ་འབྲི་ཆུའི་ནང་དུ་འབབ། |
| སྨར་པོ |
1 གཙང་མ་དང་སྐྱོན་མེད་སྤུས་དག གསེར་སྨར་པོ། དངུལ་སྨར་པོ། འབྲུ་སྨར་པོ། ཁེ་བཟང་སྨར་པོ། 2 ཕན་ཐོགས་ཆེན་པོ། ད་རེས་ཁྱེད་ཀྱིས་ལས་རོགས་བཏང་བ་དེ་སྨར་པོ་བྱུང༌། |
| སྨར་ཚང |
ཕག་གྲུ་བཀའ་བརྒྱུད་ཀྱི་ནང་གསེས་ཤིག |
| སྨར་ཚང་ཤེས་རབ་སེང་གེ |
སྨར་ཚང་བཀའ་བརྒྱུད་ཀྱི་སྲོལ་གཏོད་པོ་ཡིན། ཕྱིས་སུ་ལུགས་དེ་ཁམས་དཔལ་ཡུལ་གྱི་རྙིང་མ་པ་དང་གཅིག་ཏུ་དྲིལ་ནས་དེའི་བླ་མ་རྣམས་ལ་ཀརྨ་པའི་ཡང་སྲིད་ཟེར། |
| སྨར་འདེགས |
སྣམ་རས་ཀོ་ཤོག་སོགས་ཕྱི་འཐུམ་དང༌། སྒམ་དང༌། སྒྱེ་ཕད་སོགས་བླུག་སྣོད་ཕྱི་རྫས་ཀྱི་ལྗིད་གྲིབ་ཕུད་པའི་ནང་དངོས་སྨར་ཟོག་རྐྱང་པ་གང་ཡིན་གྱི་ལྗིད་ཚད། |
| སྨར་རི |
རྩ་ཆེའི་དངོས་རིགས་ཀྱི་རིན་ཐང༌། |
| སྨར་རྐྱང |
གསེར་དངུལ་རྐྱང་པ་ལྟ་བུའི་ནོར་གཅེས་པ། དངུལ་སྨར་རྐྱང༌། འབྲུ་ནས་སྨར་རྐྱང༌། |
| སྨར་ལུད |
རུལ་སུངས་ཀྱི་ལུད་སྣུམ་གཤེར་ཅན། |
| སྨར་སྨར་ལྡིག་ལྡིག |
ཡུལ ཟོག་རོ་མིན་པའི་གཅེས་ནོར་སྨར་རྐྱང༌། གཞུང་གི་འབྲུ་མཛོད་ནང་དུ་འབྲུ་རིགས་ལྷད་མེད་སྨར་སྨར་ལྡིག་ལྡིག་གིས་ཡོངས་སུ་ཁེངས་ཡོད་པ། |
| སྨལ་པོ |
སྐར་མ་མགོ། |
| སྨལ་པོ་ཟླ་ཕྱེད |
ཉི་སྐར་ལྔ་དང་ཆུ་ཚོད་ལྔ་བཅུ། སྤྱི་ཟླ་བདུན་པའི་ཚེས་བཅུ་གཉིས་སྐོར་ལ་སྨལ་པོ་ཟླ་ཕྱེད་ཅེས་ཞག་བཅོ་ལྔ་བརྩི་བའོ། |
| སྨལ་པོའི་གདོང་ཆར |
དབྱར་ཉི་ལྡོག་ནས་ལོག་ཞག་ཉི་ཤུའི་མཚམས་སུ་སྨལ་པོའི་གདོང་ཆར་ཞེས་པ་ཆར་ངེས་པར་དུ་འབབ་ཟེར། |
| སྨལ་བོ |
སྐར་མ་མགོ་ཞེས་པའི་སྐར་ཚོགས་ཀྱི་མིང་གཞན། |
| སྨལ་ཟླ |
སྨལ་པོའི་ཟླ་བ་སྟེ་ཧོར་ཟླ་བཅུ་གཅིག་པ། |
| སྨས་པ |
རྙིང ཞེ་སྡང༌། |
| སྨས་པ་ལེན་པ |
རྙིང བརྙས་ཆོས་བྱེད་པ། |
| སྨི་ལི |
མུ་ལིའི་འབྲི་ཚུལ་གཞན་ཞིག་ |
| སྨིག་མ |
སྨྱུག་མ་ཡི་འབྲི་ཚུལ་གཞན། |
| སྨིག་རྒྱུ |
བྱེ་ཐང་དུ་མཁའ་དབུགས་ཀྱི་གཡོ་འགུལ་ལ་བརྟེན་ནས་ཆུ་བོ་ཆེན་པོ་འབབ་པ་ལྟ་བུའི་སྣང་བའམ་དེ་འདྲའི་མཁའ་དབུགས་ཀྱི་གཡོ་འགུལ་གྱི་མིང་སྟེ། གྱ་གྱུའི་རི་མོ་གཡོ་བའི་འོད། ཁྲག་ཁྲིག་སྣང་བ་རྒྱང་རིང་ཆུ། རི་དྭགས་སྲེད་སྐྱེད་འཆིར་འཇུག་པ། བར་སྣང་ཆུ་རླབས་སྨིག་རྒྱུའོ་ཞེས་པ་ལྟ་བུ། |
| སྨིན |
(བྱེད་མེད་ལས་ཚིག) <ཀ>རྩི་ཤིང་གི་འབྲས་བུའམ་ས་བོན་སྐྱེ་བའི་ཚད་རྫོགས་པའི་དོན་ཏེ། རྩི་ཤིང་སྨིན། ཤིང་ཏོག་སྨིན། ལོ་ཏོག་སྨིན་ལྟ་བུ། <ཁ>དོན་ལ་བསམ་བློ་གཏོང་བའི་ནུས་པ་ཡོད་པར་གྱུར་པའི་དོན་ཏེ། སེམས་སྨིན། ཤེས་རྒྱུད་སྨིན་ལྟ་བུ། <ག>མི་ཡར་སྐྱེའི་ལོ་ཚད་ལོངས་པའི་དོན་ཏེ། ན་ཚོད་སྨིན། དགོངས་ལོ་སྨིན་ལྟ་བུ། <ང>འབྲས་བུ་བྱུང་བའི་དོན་ཏེ། རྩོལ་བ་བྱས་པའི་འབྲས་བུ་སྨིན་ལྟ་བུ། སྨིན་མ་ཞེས་པའི་ཚིག་བསྡུས་པ། |
| སྨིན་གྲོལ |
སྨིན་བྱེད་ཀྱི་དབང་དང༌། གྲོལ་བྱེད་ཀྱི་ཁྲིད། |
| སྨིན་གྲོལ་གླིང་དགོན་པ |
བོད་རང་སྐྱོང་ལྗོངས་གྲྭ་ནང་རྫོང་ཁོངས་སུ་ཏཱ་ལའི་བླ་མ་སྐུ་ཕྲེང་ལྔ་པའི་བླ་མ་གཏེར་བདག་གླིང་པས་རབ་བྱུང་བཅུ་གཅིག་པའི་མེ་འབྲུག་ལོར་བཏབ་པའི་རྙིང་མ་ལྷོ་བརྒྱུད་ལུགས་ཀྱི་དགོན་པའི་གཙོ་བོ་ཞིག་རབ་བྱུང་བཅུ་གཉིས་པའི་ས་ཁྱི་ལོར་སོག་པོ་ཇུན་གར་གྱིས་མེར་བསྲེགས་བཏང་ཡང་རྗེས་སུ་ཞིག་གསོ་བྱས་ཤིང༌། སྔར་དགོན་པ་འདིར་ཁམས་དང་ཨ་མདོའི་ས་ཁུལ་ཁག་གི་རྙིང་མ་པའི་གྲྭ་པ་ཆོས་དང་སྨན་རྩིས་སོགས་སྦྱོང་བར་ཡོང་མཁན་ཤིན་ཏུ་མང༌། |
| སྨིན་དབྲག |
མིག་གི་སྨིན་མ་གཉིས་ཀྱི་བར། |
| སྨིན་དྲུག |
རྒྱུ་སྐར་ཉི་ཤུ་རྩ་བརྒྱད་ཀྱི་ཡ་གྱལ་ཞིག མིང་གི་རྣམ་གྲངས་ལ་ཀརྟི་ཀ་དང༌། མ་དྲུག་བུ། མང་པོ་སྐྱེས་བཅས་སོ། |
| སྨིན་དྲུག་ཟླ་བ |
ཧོར་ཟླ་དགུ་བའི་ཚེས་བཅུ་དྲུག་ནས་བཅུ་པའི་བཅོ་ལྔའི་བར་ལ་སྨིན་དྲུག་ཟླ་བ་ཟེར། |
| སྨིན་པ |
ཐ་མི་དད་པ ཚད་དུ་སོན་པའམ་ལེགས་པར་གྲུབ་པ། ན་ཚོད་སྨིན་པ། ལོ་འབྲས་ལེགས་པར་སྨིན་པ། མ་སྨིན་པའི་གཞོན་ནུ་མ། ལག་ལེན་བྱས་ནས་ཉམས་མྱོང་ཡོངས་སུ་སྨིན་པ། |
| སྨིན་པ་གསོད |
མངོན བརྒྱ་བྱིན། |
| སྨིན་ཕྲག |
མིག་གི་སྨིན་མ་གཉིས་ཀྱི་བར། |
| སྨིན་བདུན |
རྒྱུ་སྐར་ཞིག |
| སྨིན་བརྡའ |
མིག་གི་སྨིན་ལྤགས་བསྒུལ་ནས་གཏོང་བའི་བརྡ། |
| སྨིན་མ |
མིག་གི་གོང་ན་ཡོད་པའི་སྤུའི་མིང་། ཡུལ་སྐད་དུ་རྫི་མ་ཟེར། ཚིག་བསྡུས་ན་སྨིན་ཞེས་འབྲི་ཆོག་སྟེ། སྨིན་མའི་བར་མཚམས་ལ་སྨིན་མཚམས་ཟེར་བ་ལྟ་བུ། |
| སྨིན་མ་འཇམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཆོས་འདུལ་བ་འཇམ་པོ་ལ་མཁས་པ་ཉིད་ཀྱིས་སྨིན་མའི་སྤུ་འཇམ་པ། |
| སྨིན་མ་སྡུད་པ |
1 ཁོང་ཁྲོའི་རྣམ་འགྱུར་སྟོན་པ། མི་ངན་བྱ་ངན་མཐོང་འཕྲལ་སྨིན་མ་སྡུད་པ། 2 ཡིད་མི་བདེ་བའི་ཉམས་སྟོན་པ། རང་དོན་ཇི་བཞིན་ལམ་དུ་མ་ལྷོངས་པས་སྨིན་མ་སྡུད་པ། |
| སྨིན་མ་སྣུམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཐུགས་ཀྱི་རྒྱུད་དགེ་བས་བརླན་པ་ཉིད་ཀྱིས་སྨིན་མ་མདོག་སྣུམ་པ། |
| སྨིན་མཚམས |
སྨིན་མ་གཉིས་ཀྱི་བར། |
| སྨིན་མའི་དཔེ་བྱད་བཞི |
དཔེ་བྱད་བཟང་པོ་བརྒྱད་ཅུའི་གྲས་ཤིག་སྟེ། སྨིན་ཚུགས་རིང་བ་དང༌། སྨིན་མ་འཇམ་པ་དང༌། སྨིན་མ་སྣུམ་པ་དང༌། སྨིན་མའི་སྤུ་མཉམ་པ་བཅས་བཞིའོ། |
| སྨིན་མའི་སྤུ་མཉམ་པའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། ཀུན་ཏུ་སྐྱོན་གཟིགས་པ་ཉིད་ཀྱིས་སྨིན་མའི་སྤུ་རིང་ཐུང་མཉམ་པ། |
| སྨིན་ཚུགས་རིང་བའི་དཔེ་བྱད |
སངས་རྒྱས་ཀྱི་དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། རྟག་ཏུ་ཕྱི་རྗེས་སུ་གཟིགས་པ་ཉིད་ཀྱིས་སྨིན་མ་གཉིས་ཀྱི་སྨིན་ཚུགས་རིང་བ། |
| སྨིན་ལ་མ་སྨིན |
སྨིན་ཉེ་བའི་མཚམས། ཤིང་ཏོག་སྨིན་ལ་མ་སྨིན་པ། རྨ་འབྲས་སྨིན་ལ་མ་སྨིན། |
| སྨིན་ལེགས |
བཞིན་རས་དང་ལུས་ཡག་པའི་དོན་ཏེ། གཞོན་ནུ་སྨིན་ལེགས་ཞེས་པ་ལྟ་བུ། |
| སྨིན་ལེགས་མ |
མཛེས་མའམ་བུད་མེད་སྤྱི། |
| སྨིན་ལྡན |
མངོན རུ་རྟ། |
| སྨུག |
སྨུག་པ་ཡི་ཚིག་བསྡུས་པ། སྨུག་པོ་ཡི་ཚིག་བསྡུས་པ། |
| སྨུག་ཁུ |
གཏོར་མར་འབྱུག་བྱ་སྨུག་རྩིའི་ཁུ་བ། |
| སྨུག་ཆུང |
1 དུད་འགྲོའི་སྤུ་མདོག་བྱེ་བྲག་ཅིག སྨུག་ཆུང་དྲེལ་གྱི་ཁལ་དེ། ཁ་དཀར་རྐྱང་ལ་འགན་དཀྲིས། 2 སྔོ་ཞིག |
| སྨུག་ཆུང་མདན་ཡོན |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་རུས་ཆག་སྦྱོར། ལྷ་བ་གསོ། |
| སྨུག་ཐུང |
སྣུམ་བཙོས་ཁ་ཟས་ཀྱི་བྱེ་བྲག་ཅིག |
| སྨུག་དགའ་གངས་རི |
རི་བོ་ཞིག་བོད་རང་སྐྱོང་ལྗོངས་ཀྱི་ཤན་རྩ་རྫོང་གི་དབུས་རྒྱུད་དུ་ཡོད། |
| སྨུག་དྲི |
ཤ་རྙིང་པའི་དྲི་མ་ཞིག |
| སྨུག་ནག |
ཚོས་གཞི་སྨུག་ནག གོས་ཆེན་སྨུག་ནག རས་ཡུག་སྨུག་ནག |
| སྨུག་པ |
ས་ངོས་ལ་ཉེ་བའི་ཆུ་རླངས་དེ་གྲང་རེག་ལ་ཕྲད་ནས་ཆུ་རྡུལ་ཕྲ་མོར་གྱུར་རྗེས་མཁའ་དབུགས་ཀྱི་ནང་དུ་ལྡིང་བའི་ཆུ་ཟེགས་ཡིན། སྨུག་པ་དང་རྣམ་པ་མཚུངས་པའི་དངོས་པོ་ལའང་འཇུག་སྟེ། དུ་སྨུག ས་སྨུག་ཅེས་པ་ལྟ་བུ། |
| སྨོན་ལམ |
1སྨོན་པ་དང་འདྲ་སྟེ། ཁྱེད་ཕུང་ཁམས་བདེ་བར་སྨོན་ལམ་འདེབས་ལྟ་བུ། 2ཆོས་ལུགས་ཀྱི་ཆོ་ག་ཞིག་གི་མིང་སྟེ། བསྔོ་བ་སྨོན་ལམ་ཡང་ཟེར། |
| སྨོན་ལམ་གཏོར་རྒྱག |
སྔར་ཧོར་ཟླ་དང་པོའི་ཚེས་ཉེར་བཞི་ཉིན་སྨོན་མཇུག་གཏོར་ཟོར་འཕེན་པའི་བྱེད་སྒོ། བྱེད་སྒོར་གཞུག་མཁན་གྲས་སུ་དགའ་ལྡན་ཁྲི་པ་དང༌། རྩེའི་རྣམ་རྒྱལ་གྲྭ་ཚང༌། འབྲས་སྤུངས་སྔགས་པ་གྲྭ་ཚང༌། སོག་ཆས་སྤྲས་པའི་རྟ་པ་བརྒྱ་ཕྲག་ཁ་ཤས་བཅས་ཡོད། |
| སྨོན་ལམ་གྱི་ཕར་ཕྱིན |
ཚེ་རབས་གར་སྐྱེས་ཀྱང་བྱང་ཆུབ་ཀྱི་སེམས་དང་མི་འབྲལ་ཞིང་སེམས་ཅན་ཐམས་ཅད་ཀྱི་དོན་དུ་ཕ་རོལ་ཏུ་ཕྱིན་པའི་སྤྱོད་པ་རྒྱུན་མི་གཅོད་པར་གྱུར་ཅིག་ཅེས་སྨོན་ལམ་དུ་བཏབ་པའོ། |
| སྨོན་ལམ་ངན་པ |
ལོག་སྨོན། |
| སྨོན་ལམ་ཆེན་པོ |
རབ་བྱུང་བདུན་པའི་ས་གླང་ལོའི་ཟླ་བ་དང་པོར་རྗེ་ཙོང་ཁ་པའི་དགོངས་བཞེད་ལྟར་ལྷ་ལྡན་གཙུག་ལག་ཁང་དུ་བཙུགས་པའི་ཤཱཀྱ་ཐུབ་པའི་ཆོ་འཕྲུལ་དུས་ཆེན། རྗེ་ཙོང་ཁ་པ་འདས་རྗེས་ལོ་བཅུ་དགུའི་རིང་མཚམས་ཆད། ཏཱ་ལའི་བླ་མ་སྐུ་ཕྲེང་གཉིས་པ་དགེ་འདུན་རྒྱ་མཚོའི་རིང་ལ་སླར་གསོ་མཛད་པ་ནས་བཟུང་ལོ་རེ་བཞིན་འཚོག་རྒྱུའི་རྒྱུན་སྲོལ་ཞིག་ཏུ་གྱུར་ཅིང་ཏཱ་ལའི་བླ་མ་སྐུ་ཕྲེང་ལྔ་པའི་རིང་ལ་རྩོད་གྲྭ་ཚུགས་ཏེ་སེ་འབྲས་དགའ་གསུམ་གྱི་གྲྭ་པའི་ནང་ནས་ལྷ་རམས་པ་ཞེས་པའི་དགེ་བཤེས་ཀྱི་དམ་བཅའ་བཞག་སྨོན་ལམ་འཚོག་རིང་ལ་ལྷ་ས་གྲོང་ཁྱེར་གྱི་སྒྲིགས་ལམ་འབྲས་སྤུངས་དགོན་གྱི་དགེ་བསྐོས་ཀྱིས་འགན་ཁུར་བྱེད། |
| སྨོན་ལམ་ཚོགས་ཤིང |
སྨོན་ལམ་སྐབས་བསྡུ་བའི་མེ་ཤིང་གི་ཁྲལ། |
| སྨོན་ལམ་ལ་དབང་བ |
བྱང་ཆུབ་སེམས་དཔའི་དབང་བཅུའི་ནང་ཚན་ཞིག་སྟེ། སངས་རྒྱས་ཀྱི་ཞིང་དང་དུས་གང་དུ་ཅི་དགའ་བར་མངོན་པར་རྫོགས་པར་བྱང་ཆུབ་པ་ཀུན་ཏུ་སྟོན་པའོ། |
| སྨོན་སེམས |
1 ཡིད་ཀྱིས་མོས་པའམ། འདུན་པའི་སེམས། 2 སྨོན་པ་དང་འཇུག་པའི་སེམས་ཀྱི་ཡ་གྱལ་ཞིག |
| སྨོས |
(བྱེད་འབྲེལ་ལས་ཚིག) བཤད་པའི་དོན་ཏེ། སྨོས་ཅི་དགོས། ལྟ་ཅི་སྨོས། སྨོས་མ་དགོས། སྟག་ཀྱང་གླང་ཆེན་ལ་སྐྲག་ན། ཝ་སྐྱེས་ལྟ་ཅི་སྨོས། རྒན་པོས་ཀྱང་སློབ་སྦྱོང་བྱེད་དགོས་ན། བྱིས་པ་ཚོས་སློབ་སྦྱོང་བྱེད་དགོས་པ་ནི་སྨོས་མ་དགོས་པ་རེད་ལྟ་བུ། སྨྲ་ཡི་ད་ལྟ་བ་ལ་སྨོས་འབྲི་བའང་ཡོད། |
| སྨོས་ཅི |
སྨོས་ཅི་དགོས་དང་དོན་གཅིག་ |
| སྨོས་ཅི་དགོས |
ཤོད་མི་དགོས། རྨོན་ཕྱུགས་ཡོད་པ་སྨོས་ཅི་དགོས། ཞིང་ལས་འཕྲུལ་འཁོར་ཡང་མང་པོ་འདུག བོད་ཡུལ་གྱི་རི་རྩེར་དབྱར་གྱི་དུས་སུའང་ཁ་བ་སྐྱ་ཐིང་ངེར་ཡོད་ན་དགུན་གྱི་དུས་སུ་ནི་སྨོས་ཅི་དགོས། |
| སྨོས་པ |
ཐ་དད་པ རྗོད་པ་དང༌། སྨྲ་བ། གཏམ་སྨོས་པ། གཞུང་དོན་སྨོས་པ། ཁོས་སྨོས་པ། |
| སྨོས་མེད |
ཤོད་མི་དགོས་པ། ཆང་ཡོད་པ་སྨོས་མེད་རེད། ཨ་རག་ཀྱང་མང་པོ་འདུག |
| སྨོས་འདྲིན |
རྙིང འདྲིས་ཆེ་བའི་གྲོགས། |
| སྨྱག་ཀ |
རྙིང སྨྱན་ཀ་དང་མཚུངས་ཏེ་གཉེན་ཀ། |
| སྨྱག་ཤད |
སྨག་ཤད་དང་འདྲ། |
| སྨྱགས་བཅད་དེ་བྲོས་པ |
རྙིང ཐང་ཆད་ཆད་དུ་བྲོས་པ། |
| སྨྱང |
རྨྱང་གི་འབྲི་ཚུལ་གཞན། |
| སྨྱང་བ |
རྙིང བརྐྱང་བ། |
| སྨྱན |
གཉེན་སྒྲིག་དང་གཉེན་སྒྲིག་གི་མཚམས་སྦྱོར་བྱེད་པའི་བྱ་སྤྱོད་ཀྱི་མིང་སྟེ། སྨྱན་བྱེད་པ། སྨྱན་བྱེད་མཁན་ཞེས་པ་ལྟ་བུ། |
| སྨྱན་ཀ |
རྙིང གཉེན་སྒྲིག |
| སྨྱན་ཀ་བྱེད་པ |
རྙིང 1 བག་མ་གཏོང་ལེན་སོགས་གཉེན་སྒྲིག་གི་གྲོས་བྱེད་པ། 2 བག་མ་གཏོང་ལེན་བྱེད་པ། |
| སྨྱན་ཁ |
སྨྱན་ཀ་དང་འདྲ། |
| སྨྱན་ཁ་སྦྱོར་བ |
རྙིང ཕོ་མོ་གཉེན་སྒྲིག་པའམ་མཐུན་སྦྱོར་བྱེད་པ། |
| སྨྱན་ག |
སྨྱན་ཀ་དང་འདྲ། |
| སྨྱན་པ |
རྙིང ཕོ་མོ་གཉེན་སྦྱོར་བྱེད་མཁན། |
| སྨྱན་བྱེད་པ |
རྙིང 1 བག་མ་གཏོང་ལེན་གྱི་གྲོས་བྱེད་པ། 2 བག་མ་གཏོང་ལེན་བྱེད་པ། |
| སྨྱན་བྱེད་པའི་ལྷག་མ |
དགེ་འདུན་ལྷག་མ་བཅུ་གསུམ་ལས། སེམས་ཅན་ལ་ཆགས་པ་ལས་གྱུར་པའི་ལྷག་མའི་ནང་གསེས། འཕྲིན་ལན་གསུམ་བསྐྱལ་བའི་སྒོ་ནས་སྔར་མི་མཐུན་པའི་སྐྱེས་པ་དང་བུད་མེད་འཁྲིག་པ་བསྟེན་པ་ལ་མཐུན་པར་སྦྱར་བའོ། |
| སྨྱར་པོ |
རྙིང སྨར་པོ། |
| སྨྱི་གུ |
རྙིང 1 ཡི་གེ་འབྲི་བྱེད། 2 སྨྱུག་ཕྲན། |
| སྨྱིག |
སྨྱི་གུའི་བསྡུས་ཡིག་ |
| སྨྱིག་མ |
རྙིང ཤིང་སྨྱུག་མ། སྨྱིག་མ་རིང་པོ་ཕོན་པོར་བྱས་ཏེ་བརྩོན་པ་ཆེན་པོས་རྒྱབ་ཏུ་ཁུར་ནས་འོང༌། |
| སྨྱིན་མ |
རྙིང སྨིན་མ་དང་འདྲ། |
| སྨྱུ་གུ |
1 ཡི་གེ་འབྲི་བྱེད། 2 སྨྱུག་ཕྲན། |
| སྨྱུ་གུ་ཅན |
མངོན ཡི་གེ་འབྲི་མཁན། |
| སྨྱུ་གུ་འཛིན་པ |
ཡི་གེ་འབྲི་མཁན། |
| སྨྱུག |
སྨྱུག་གུ་ཡི་མིང་མཐའ་བསྡུས་པ། སྨྱུག་མ་ཡི་མིང་མཐའ་བསྡུས་པ། |
| སྨྱུག་ཁ |
1 འབྲི་མཁན་གྱི་འབྲི་སྨྱུག་གི་ཁ། 2 གཏར་རྩའི་སྟེང་གཙག་བུ་གསེག་ཁ་ཕྲན་བུ་བྱས་ནས་བཟུང་སྟེ་གཏར་དགོས་པའི་གཙག་བུ་བརྡེག་ཐབས་ཤིག |
| སྨྱུག་ཁའི་གསེག |
བོད་ཡིག་བཟབ་གཤར་འབྲི་བྱེད་ཀྱི་སྨྱུ་གུའི་ཁ་དབྱིབས། |
| སྨྱུག་ཁྱིམ |
སྨྱུག་མས་བཟོས་པའི་ཁང་པ། |
| སྨྱུག་ཁྱོགས |
སྨྱུག་མས་བཟོས་པའི་འགྱོགས་བྱམས། |
| སྨྱུག་ཁྲོག |
སྨྱུ་གུ་བླུགས་ནས་ཁྲོག་ཁྲོག་ཟེར་བའི་སྒྲ་སྒྲོག་པ་ལ་བརྟེན་ནས་མིང་བཏགས་པའི་སྨྱུག་སྣོད། |
| སྨྱུག་གདུགས |
སྨྱུག་མས་བཟོས་པའི་ཉི་གདུགས། |
| སྨྱུག་གཞོན |
ཡལ་ག་མ་རྒྱས་པའི་སྨྱུག་གསར། |
| སྨྱུག་གཟེབ |
སྨྱུག་མས་བཟོས་པའི་སྣོད་གྲུ་བཞི་ལྟ་བུ། |
| སྨྱུག་གཟེར |
སྨྱུག་མས་བཟོས་པའི་གཟེར་བུ། |
| སྨྱུག་གསར |
གསར་སྐྱེས་སྨྱུག་ལྗང༌། |
| སྨྱུག་གུ |
ཡི་གེ་འབྲི་བྱེད་ཀྱི་ཡོ་བྱད་ཀྱི་མིང་། མིང་བསྡུས་ན་སྨྱུག་ཅེས་འབྲི་ཆོག་སྟེ། ལྕགས་སྨྱུག ཤིང་སྨྱུག སྤུ་སྨྱུག་ཅེས་པ་ལྟ་བུ། |
| སྨྱུག་གྲི |
སྨྱུག་ཁ་བཟོ་བྱེད་ཀྱི་གྲི། |
| སྨྱུག་གླིང |
1 སྨྱུག་མ་སྐྱེས་པའི་གླིང་ག། 2 སྨྱུག་མའི་གླིང་བུ། |
| སྨྱུག་ཅུ་གང |
ཅུ་གང་རིགས་གསུམ་གྱི་ནང་ཚན་ལྡུམ་རར་འཛུགས་པའི་སྨྱུག་མའི་རིགས་ཤིག་གི་རྐང་ལས་བྱུང་བའི་སྨན། |
| སྨྱུག་ཐོགས |
མངོན ཡི་གེ་འབྲི་མཁན། |
| སྨྱུག་ཕྱར |
སྨྱུག་བཤགས་ཀྱིས་བསླས་པའི་ཕྱར་བ། |
| སྨྱུག་ཕྲན |
སྨྱུག་མ་ཆུང་ངུ། |
| སྨྱུག་བཤགས |
སྲབ་མོར་བཤགས་པའི་སྨྱུག་ལེབ། |
| སྨྱུག་བུ |
1 ཡི་གེ་འབྲི་བྱེད། 2 སྨྱུག་མ་ཆུང་བ། |
| སྨྱུག་བྱ |
སྨྱུག་ཚལ་དང་ཤིང་ནགས་སོགས་ལ་སྡོད་པའི་བྱ་ཞིག |
| སྨྱུག་མ |
ཤིང་ཞིག མིང་གི་རྣམ་གྲངས་ལ་གླིང་བུ་ཤིང་དང༌། ཆུ་ཤིང༌། ལྤགས་པའི་སྙིང་པོ། འབྲས་བུས་འཇིག་སྦུབས་ལྡན། སྨྱུག་རྒོད། རྩྭ་ཡི་རྒྱལ་མཚན། རྩྭ་ཡི་ཏོག་ཚིགས་བརྒྱ་པ། འོད་མའི་མྱུ་གུ། རླུང་གིས་སྒྲ་སྒྲོག་རླུང་འབུད་ཅན། ལས་ཤིང༌། ཤུན་པ་མཁྲེགས། སྲིན་ཅན་བཅས་སོ། |
| སྨྱུག་མ་མཁན |
1 སྨྱུག་མའི་ཅ་ལག་བཟོ་མཁན། 2 མདའ་བཟོ་མཁན། |
| སྨྱུག་མ་མདའ་རྒྱུ |
མདའ་བཟོ་བྱེད་ཀྱི་སྨྱུག་མ། |
| སྨྱུག་མཁན |
སྨྱུག་མའི་ལས་ཀ་བྱེད་མཁན། |
| སྨྱུག་མའི་པར་བུ |
སྨྱུག་བཤགས་ཀྱིས་བསླས་པའི་སྣོད། |
| སྨྱུག་མའི་ཝ་ཤུ |
སྨྱུག་སྡོང་ལས་བཟོས་པའི་ཨོར་པའམ་ཝ་ཁ། |
| སྨྱུག་ཚད |
ཡུལ ཐིག་ཚད་འཇལ་བྱེད་ཀྱི་སྨྱུག་མ། |
| སྨྱུག་ཚལ |
སྨྱུག་མ་མང་པོ་སྐྱེས་ཡོད་པའི་ས། |
| སྨྱུག་ཚིགས |
སྨྱུག་མའི་བར་ཚིགས། |
| སྨྱུག་ཞུ |
སྨྱུག་མས་བསླས་པའི་ཞྭ་མོ། |
| སྨྱུག་འཛིན |
ཡི་གེ་འབྲི་མཁན། |
| སྨྱུག་ར |
སྨྱུག་མ་ལས་བཟོས་པའི་ར་བ། |
| སྨྱུག་རིལ |
1 རས་གཞིའི་མཐའ་རྒྱོང་བྱེད་ཀྱི་སྨྱུག་རིལ་ཕྲ་པོ། 2 སྨྱུག་རིལ་ཁོག་སྟོང་ཕྲ་མོ། 3 སྨྱུ་གུ་རིལ་མོ། |
| སྨྱུག་རིས |
1 སྨྱུག་མའི་དབྱིབས་གཟུགས་ཀྱི་རི་མོ། 2 སྨྱུག་རིས་ཅན་གྱི་རུམ་སོགས། |
| སྨྱུག་རྩ |
སྨྱུག་མའི་མྱུ་གུ། |
| སྨྱུག་རྩི་ཅུ་གང |
སྨྱུག་ཅུ་གང་གི་མིང་གཞན་ཞིག་ |
| སྨྱུག་ལྕག |
སྔ་དུས་བོད་ཀྱི་སློབ་ཕྲུག་ཚོའི་ལག་པའམ་འགྲམ་པར་གཞུ་བྱེད་སྨྱུག་ལེབ་ཅིག |
| སྨྱུག་ལྗང |
ཁ་དོག་སེར་ལ་ལྗང་ཤས་ཆེ་བ། |
| སྨྱུག་ཤད |
སྨྱུག་མའི་སྐྲ་ཤད། |
| སྨྱུག་ཤད་རྒྱག་པ |
སྨྱུག་བཟོས་ཤད་སྤྱད་ཀྱིས་སྐྲ་སོགས་ཀྱི་འཛིངས་བསང་བ། |
| སྨྱུག་སྒམ |
སྨྱུག་མས་བཟོས་པའི་སྒམ། |
| སྨྱུག་སྔོན་ཚི་བ |
སྨྱུག་མ་གཞོན་ནུའི་ཕྱི་རྩི་ཁཎྜ་བྱས་པའི་ཞུན་ཁུ་སྟེ། རོ་མངར། ཞུ་རྗེས་བསིལ། ནུས་པས་བྱང་ཁོག་གི་རྨ་ཚད་དང༌། མོ་ནད་ཁྲག་ཚབས། ཚ་བ་རྙིང་པ་སོགས་ལ་ཕན། |
| སྨྱུག་སྡེར |
སྨྱུག་མས་བཟོས་པའི་སྡེར་མ། |
| སྨྱུག་སྡོང |
སྨྱུག་མའི་སྡོང་པོ། |
| སྨྱུག་སྦུབས |
སྨྱུག་མའི་ཁོག་ནང་གི་སྟོང་ཆ། |
| སྨྱུག་སློམ |
སྨྱུག་མས་བཟོས་པའི་སློ་མ། |
| སྨྱུགས |
(བྱེད་འབྲེལ་ལས་ཚིག) མདུང་དང་ཐག་པ་སོགས་ཇེ་རིང་དུ་གཏོང་བ་སྟེ། མདུང་སྨྱུགས། ཐག་པ་ཐུར་དུ་སྨྱུགས་ལྟ་བུ། ནང་ལ་བཅུག་པའི་བརྡ་རྙིང་། |
| སྨྱུགས་པ |
རྙིང བཅུག་པ། |
| སྨྱུང |
(བྱེད་འབྲེལ་ལས་ཚིག) དུས་རེ་ཞིག་ལ་ཟས་སྐོམ་མི་སྤྱོད་པར་སྡུག་བསྲན་བྱེད་པ་སྟེ། ནད་པས་ལྟོ་སྨྱུང་ལྟ་བུ། |
| སྨྱུང་གནས |
དུས་རེ་ཞིག་ལ་ཟས་མི་ཟ་བའི་ཆོས་ལུགས་ཀྱི་ཆོ་ག་ཞིག (རྒྱན་ཚིག) རྩེ་མོ་རྣོ་བའི་དོན་ཏེ། མགོ་སྨྱུང་། སྣ་སྨྱུང་ཞེས་པ་ལྟ་བུ། |
| སྨྱུང་བ |
1. ཐ་དད་པ སྨྱུངས་པ། སྨྱུང་བ། སྨྱུངས།། 1 ལྟོགས་པར་བྱེད་པ་དང༌། བཟའ་བཏུང་གཅོད་པ། ལྟོ་ཆས་སྨྱུང་བ། 2 ཉུང་དུ་གཏོང་བ། མི་འབོར་སྨྱུང་བ། 2. དབྱིབས་འཇོང་མོ་དང་རིང་པོ། སྣ་སྨྱུང་བ། མགོ་སྨྱུང་བ། |
| སྨྱུང་བུ |
ཀོ་བཟོ་པའི་ཀོ་བ་འབིགས་བྱེད་ཀྱི་ཡོ་བྱད་ལྟ་བུའི་མིང་། |
| སྨྱུང་སྨྱུང |
བཟོ་དབྱིབས་འཇོང་འཇོང་ལྟ་བུ། རྡོ་སྨྱུང་སྨྱུང༌། མར་སྒམ་སྨྱུང་སྨྱུང༌། སྒྲོམ་བུ་སྨྱུང་སྨྱུང༌། |
| སྨྱུངས |
སྨྱུང་བའི་སྐུལ་ཚིག་ |
| སྨྱུངས་པ |
སྨྱུང་བའི་འདས་པ། |
| སྨྱུར |
(བྱེད་འབྲེལ་ལས་ཚིག) མགྱོགས་པར་བྱེད་པའི་དོན་ཏེ། ལས་ཀ་སྨྱུར་ཅིག་ལྟ་བུ། |
| སྨྱུར་བ |
རྙིང དུས་ཡུན་མྱུར་དུ་གཏོང་བ་དང༌། ཉེ་རུ་གཏོང་བ། |
| སྨྱེ |
(རྒྱན་ཚིག) ཉམ་ཐག་པའམ་ཞན་པའི་དོན་དུ་བཤད། |
| སྨྱེ་བ |
རྙིང ཉམས་པའམ་ཞན་པ། |
| སྨྱེ་ཚིག |
ཉེ་ཚིག་གམ་འཁྲིག་ཚིག |
| སྨྱེན |
རྙིང ཁྱེའུ་དང་བུ་མོའི་ཁ་ལོ་བྱེད་པ། |
| སྨྱོ |
(བྱེད་མེད་ལས་ཚིག་མ་འོངས་པ་དང་ད་ལྟ་བ)དབང་རྩ་ལ་ནད་བྱུང་ནས་ཤེས་རིག་འཆོལ་བའི་དོན་ཏེ། སྨྱོ་བྱེད་ཀྱི་ནད་ཅེས་པ་ལྟ་བུ། |
| སྨྱོ་ནད |
དྲན་རིག་འཆོལ་བའི་ནད་རིགས་ཤིག་གི་མིང་། |
| སྨྱོ་བ |
ཐ་མི་དད་པ སྨྱོས་པ། སྨྱོ་བ།། སེམས་འཁྲུལ་བ་དང༌། རིག་པ་རྣལ་དུ་མི་གནས་པའམ། རང་བཞིན་དུ་མི་གནས་པ། ཚད་ནད་ཀྱིས་སྨྱོས་པ། ཁྱི་སྨྱོན་པའི་དུག་འགོས་ནས་སྨྱོ་བ། |
| སྨྱོ་བརྫུ |
མ་སྨྱོ་ཡང་སྨྱོ་ཁུལ་བྱེད་པ། ཕྱི་ཚུལ་དུ་སྨྱོ་བརྫུ་བཏབ་ནས་དོན་ལ་རང་དོན་གཉེར། |
| སྨྱོ་བྱེད་ནད |
སྙིང་ཡིད་འཇུག་གི་བུ་ག་འཁྲུགས་ནས་དྲན་པ་ཉམས་ཤིང་རྣམ་ཤེས་གཞན་དབང་དུ་གྱུར་པ་ཞིག་སྟེ། ནང་གསེས་སུ་དབྱེ་ན་རླུང་ལས་གྱུར་པ་དང༌། མཁྲིས་པ་ལས་གྱུར་པ། བད་ཀན་ལས་གྱུར་པ། འདུས་པ་ལས་གྱུར་པ། ཡིད་གདུང་ལས་གྱུར་པ། དུག་ལས་གྱུར་པ། གདོན་ལས་གྱུར་པ་བཅས་བདུན་མཆིས་སོ། |
| སྨྱོ་མཁན |
རིག་པ་རྣལ་དུ་མི་གནས་པའི་མི། |
| སྨྱོ་ཚུབ་ཚུབ |
སྨྱོ་བའི་མངོན་ཚུལ་ཞིག |
| སྨྱོ་འབོག |
སེམས་སྨྱོས་ཏེ་བརྒྱལ་བའམ། འགྱེལ་པའི་མིང༌། |
| སྨྱོ་ལབ |
དྲན་ཤེས་མི་བརྟན་པའི་གཏམ་བརྗོད། |
| སྨྱོ་ཧམ |
དྲན་ཤེས་མི་བརྟན་པ་ལྟ་བུའི་ཧམ་པ་སྟེ་ཧམ་པ་ཚོད་མེད། |
| སྨྱོང་བ |
རྙིང རྐྱོང་བ། |
| སྨྱོན |
སྨྱོན་པ་སྟེ་སྨྱོ་ནད་བྱུང་བའི་མི་དང་ཕྱུགས། དཔེར་ན་ཁྱི་སྨྱོན་ཞེས་པ་ལྟ་བུ། |
| སྨྱོན་པ |
སེམས་རྣལ་དུ་མི་གནས་པའི་མི་དང་དུད་འགྲོ་སོགས། ཁྱི་སྨྱོན་པ། གླང་ཆེན་སྨྱོན་པ། མི་སྨྱོན་པ། སྨྱོན་པ་དང་རྩོད་པ་མི་རྒྱག |
| སྨྱོན་མ |
བུད་མེད་སྨྱོན་པ། |
| སྨྱོན་སྤྱོད |
སྨྱོན་པའི་སྤྱོད་པ་སྟེ་སྤྱོད་པ་གང་བྱུང་མང་བྱུང་བྱེད་པའི་དཔེ། |
| སྨྱོས |
འདས་པ་སྟེ། ཁྱི་སྨྱོས་ན་རང་མི་ལའང་རྨུག་ལྟ་བུ། |
| སྨྱོས་པ |
སྨྱོ་བའི་འདས་པ། |
| སྨྲ |
(བྱེད་འབྲེལ་ལས་ཚིག་མ་འོངས་པ་དང་ད་ལྟ་བ)བཤད་པ་དང་བརྗོད་པའི་དོན་ཏེ། སྨྲ་བྱའི་གཏམ། སྨྲ་ཤེས་དོན་གོ་བ། ངག་སྨྲ་མཁན་ཞེས་པ་ལྟ་བུ། |
| སྨྲ་བ |
1. ཐ་དད་པ སྨྲས་པ། སྨྲ་བ། སྨྲོས།། རྗོད་པ་དང༌། ཤོད་པ། གཏམ་སྨྲས་ན་དོན་རྟོགས། ལན་སྨྲ་བ། སླར་སྨྲ་བ། སྙན་པར་སྨྲ་བ། རྒྱུ་མེད་པར་སྨྲ་བ།..རྒྱུ་རྟག་པར་སྨྲ་བ། ཅང་མི་སྨྲ་བར་འཁོད་པ། མཚུངས་པར་སྨྲ་བ། 2. གཏམ་དང༌། སྐད་ཆ། རྩོད་པ་ཕམ་ནས་སྨྲ་བ་ཆད་པ། སྨྲ་བ་ལ་གཅེས་སྤྲས་དགོས་པའི་ཆོས། སྨྲ་མང་བྱུར་གྱི་སྣ་འདྲེན། བསམ་མང་འདུན་མའི་དཀྲུག་ཤིང༌། |
| སྨྲ་བ་ངན་པ |
གཏམ་ཕྱིན་ཅི་ལོག་པའམ་མི་ལེགས་པ། |
| སྨྲ་བ་བཅད |
1. གཏམ་ཤོད་པའི་བར་མཚམས་བཅད་པ། དགོས་མེད་ཀྱི་སྨྲ་བ་བཅད་པ། 2. མངོན དྲང་སྲོང༌། |
| སྨྲ་བཅད |
1 ངག་བཅད་པ་སྟེ་གཏམ་མི་སྨྲ་བ། སྨྱུང་གནས་ཀྱི་ཟས་བཅད་ཉིན་སྨྲ་བཅད་བྱེད་པ། 2 མངོན ལྐུགས་པ་སྨྲ་མི་ཤེས་པ། |
| སྨྲ་བདེ |
ཤོད་མཁས་པ། དྲང་བདེན་གྱི་ལས་བྱེད་བདེ། དྲང་བདེན་གྱི་གཏམ་སྨྲ་བདེ། |
| སྨྲ་བའི་གཞི |
གཏམ་ཤོད་པའི་གླེང་གཞི། |
| སྨྲ་བའི་ཟླ |
གཏམ་ཤོད་སའི་ཁ་གཏད། |
| སྨྲ་བའི་འབབ་སྟེགས |
མངོན ལྕེ། |
| སྨྲ་བའི་རྒྱལ |
མངོན འཇམ་དབྱངས། |
| སྨྲ་བའི་ལྷ |
མངོན འཇམ་དཔལ། |
| སྨྲ་བའི་ལྷ་མོ |
མངོན དབྱངས་ཅན་མ། |
| སྨྲ་བའི་སྒོ |
མངོན ཁ། |
| སྨྲ་བརྗོད |
ལབ་བརྗོད། གཏམ་འཆལ་སྨྲ་བརྗོད། |
| སྨྲ་བསམ་བརྗོད་མེད |
སྟོང་ཉིད། |
| སྨྲ་བྱེད |
མངོན ཁ། |
| སྨྲ་མཁན་ནེ་ཙོ |
མི་སྐད་ཤེས་པའི་ནེ་ཙོ། |
| སྨྲ་མཁས |
1 གཏམ་བཤད་མཁས་པོ། མིང་གི་རྣམ་གྲངས་ལ་ངག་གི་དབང་པོ་དང༌། ཚིག་གི་བདག་གསུང་ལྡན་བཅས་སོ། 2 མངོན གཟའ་ཕུར་བུ། |
| སྨྲ་མཆུ |
ཁ། བྱས་རྗེས་ཕྲན་བུ་བྱུང་ཙམ་ནས་སྨྲ་མཆུ་བདེ་པོས་བདེན་ཡུས་ཤོད་པ་ནི་ཁྲེལ་གད་འཆོར་བའི་གནས་རེད། |
| སྨྲ་མཆུ་ཅན |
མངོན གཡོ་ཅན། |
| སྨྲ་འཆལ |
དོན་མེད་ཀྱི་གཏམ། |
| སྨྲ་རྒྱུ |
བཤད་རྒྱུའི་སྐད་ཆ། སྒྲུང་གཏམ་སྨྲ་རྒྱུ་མང་པོ་ཡོད་པ། དྲང་བདེན་གྱི་རྒྱུ་མཚན་སྨྲ་རྒྱུ་ཆད་པ། |
| སྨྲ་ལྕེ |
ལྕེ། སྐྱེས་ནས་སྨྲ་ལྕེ་དིག་ལྐུགས། དངོས་སུ་ལག་ཏུ་མི་ལེན་པར་སྨྲ་ལྕེ་བདེ་པོ་ཙམ་གྱིས་ཅི་ཕན། སྐད་ཆ་སློབ་སྦྱོང་བྱེད་དུས་སྨྲ་ལྕེ་སྒྲ་གསལ་གང་ཐུབ་བྱེད་དགོས། |
| སྨྲ་ལྡིབ |
གཏམ་གསལ་པོ་མེད་པ། |
| སྨྲ་སྒོ |
མངོན ངག་གམ་གཏམ་གྱི་འབྱུང་ཁུངས་ཁ། |
| སྨྲ་སྒོ་མཚོན་ཆ |
བོད་ཀྱི་བརྡ་སྤྲོད་པའི་གཞུང་རྙིང་པ་ཞིག་སྟེ། མིང་དང༌། ཚིག་དང༌། ཡི་གེ་གསུམ་གྱི་ཚོགས་རྣམས་གསལ་བར་སྟོན་པའི་གཞུང༌། དུས་རབས་བཅུ་གཅིག་པར་པཎྜི་ཏ་སྨྲི་ཏི་ཛྙཱ་ན་སྟེ་དྲན་པའི་ཡེ་ཤེས་གྲགས་པས་མཛད་པའོ། |
| སྨྲག་ཤིརྵ |
ལེགས ཧོར་ཟླ་བཅུ་གཅིག་པ། |
| སྨྲང |
རྙིང རིག་བྱེད་དམ་ངག་སྐད།…2.བྲམ་ཟེའི་ཆོས་ལུགས་ཀྱི་བསྟན་བཅོས་ཤིག་གམ་ཆོས་དཔེ་ཞིག་གི་མིང་། |
| སྨྲང་གསོལ་བ |
རྙིང གསང་གཏམ་ཤོད་པ། |
| སྨྲང་བ |
རྙིང སྨྲ་བ། |
| སྨྲང་ཚིག |
རྙིང 1 སྨྲ་བའི་གཏམ། 2 གསང་བའི་ཚིག |
| སྨྲང་འདོན |
རྙིང 1 གསང་ཚིག་འདོན་པ། 2 ལུང་འདོན་པ། |
| སྨྲས |
འདས་པ་སྟེ། འདི་སྐད་ཅེས་སྨྲས་སོ་ལྟ་བུ། |
| སྨྲས་པ |
1 སྨྲ་བའི་འདས་པ། 2 གཤམ་དུ་ལན་འདེབས་རྒྱུའམ། ཚིགས་བཅད་འགོད་པ། |
| སྨྲིག |
རྙིང གོས་ཚོས་མ། ངུར་སྨྲིག་གི་ཆོས་གོས། |
| སྨྲེ |
སྡུག་བསྔལ་གྱི་བརྡ་རྙིང་། |
| སྨྲེ་བ |
རྙིང 1 གཅོང་སྐད། 2 སྡུག་བསྔལ། 3 ངན་པར་སྨྲ་བ། |
| སྨྲེ་སྔགས |
ཡིད་གདུང་བའི་སྡུག་སྐད་དམ། སྡུག་བསྔལ་བའི་ཚིག སེམས་སྡུག་ཆེན་པོ་བྱུང་ནས་སྨྲེ་སྔགས་དིར་དིར་སྒྲོག་པ། ན་ཚ་དྲག་པོ་ཇི་ལྟར་བྱུང་ཡང་སྨྲེ་སྔགས་མི་འདོན་པ། |
| སྨྲེག་པ |
རྙིང 1 ཉམས་དང་འཁོས་ཀ། 2 རྩ་བ། 3 ལྷག་མ། |
| སྨྲེང |
(བྱེད་མེད་ལས་ཚིག) ཡུལ་སྐད་ལ་ལར་སྐྱོ་བའི་དོན་ཏེ། ཞེ་སྨྲེང—ཞེ་སྐྱོ། སེམས་སྨྲེང—སེམས་སྐྱོ་ལྟ་བུ། |
| སྨྲེང་གླུ |
སྐྱོ་གླུའི་མིང་། གསང་བའི་བརྡ་རྙིང་། ０བཤད་པའི་བརྡ་རྙིང་། |
| སྨྲེང་བ |
རྙིང སྨྲ་བ། |
| སྨྲེང་ཚིག |
རྙིང གསང་བའི་ཚིག |
| སྨྲོས |
སྐུལ་ཚིག་སྟེ། གསང་གཏམ་སྨྲོས་ཤིག་ཅེས་པ་ལྟ་བུ། |
| སྩལ་བ |
སྩོལ་བའི་འབྲི་ཚུལ་གཞན་ཞིག་ |
| སྩེལ |
སེལ་གྱི་བརྡ་རྙིང་། |
| སྩེལ་བ |
རྙིང སེལ་བ། |
| སྩོགས |
སོགས་ཀྱི་བརྡ་རྙིང་། ཁྱིམ་མཚེས་ཀྱི་བརྡ་རྙིང་། |
| སྩོགས་པ |
རྙིང སོགས་པ། ལ་སོགས་པ ལ་སྩོགས་པ་ |
| སྩོལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) བྱིན་པའི་ཞེ་ས་སྟེ། བཀའ་ལུང་སྩོལ་མཁན། བྱ་དགའ་སྩོལ་ཅིག་ལྟ་བུ། |
| སྩོལ་བ |
ཐ་དད་པ བསྩལ་བ། བསྩལ་བ། སྩོལ།། 1 སྤྲོད་པའི་ཞེ་ས་སྟེ་གནང་བ། བཀའ་སློབ་སྩོལ་དུ་གསོལ། བཀའ་ལན་བསྩལ་བ། 2 ལས་ལ་སྦྱོར་བ་དང་བྱེད་དུ་འཇུག་པ། སློབ་སྦྱོང་བྱེད་དུ་སྩོལ་བ། ཚུར་ལོག་ཡོང་དུ་བསྩལ་བ། 3 རྙིང སེལ་བ། |
| སྭརོད་ཡི་རྒྱུད |
དབྱངས་འཆར་རྒྱུད། |
| སྭསྟི |
ལེགས བསོད་ནམས་དང༌། བདེ་ལེགས། བཀྲ་ཤིས། |
| སྭཱཧཱ |
ལེགས གཞི་ཚུགས་པ་སྟེ་གཟུངས་སྔགས་ཀྱི་མཇུག་སྡུད་ཀྱི་དོན། |
| སྲ |
(རྒྱན་ཚིག) དངོས་རྫས་ཀྱི་ཆ་ཤས་རྣམས་ཚགས་དམ་པ་དང་། སྤུས་ཀ་མཁྲེགས་པའི་དོན་ཏེ། སྙི་བ་ཡི་ལྡོག་ཟླ། དཔེར་ན། སྲ་ཤིང་། སྲ་འཐས། སྲ་མཁྲེགས། ཤིང་དབྱུག་ཧ་ཅང་སྲ་བ་ཞིག ས་སྲ་མོ་ལ་རྐང་བ་སྙི་མོ་གཏད་ལྟ་བུ། |
| སྲ་པོ |
སྲ་བ་དང་འདྲ། |
| སྲ་བ |
གྱོང་པོ་དང་མཁྲེགས་པ་དང་འཐས་པ། རྒས་སྲ། མར་ཀོ་སྲ་པོ། ཞིང་ས་སྲ་བ། ཤིང་སྲ་བ། སྲ་བའི་བྲག་རི་མ་བརྐོས་ན། ཟབ་མོའི་གཏེར་དང་མི་འཕྲད་དོ། གཟར་མོའི་རི་ལ་མ་སོང་ན། རྔོན་ཤ་གྲོག་དང་མི་འཕྲད་དོ། |
| སྲ་བརྐྱང |
དགེ་སློང་གི་ཆོས་གོས་མ་ཞིག་པ་སྒམ་སྣོད་ལྟ་བུའི་ནང་དུ་བརྐྱངས་ཏེ་འཇུག་པ་ལ་སྲ་བརྐྱང་ཞེས་གྲགས། སྲ་བརྐྱང་འདིང་བ། |
| སྲ་བརྐྱང་གདིང་བ |
ལྟུང་བ་བཅུ་བག་ཡངས་སུ་བྱས་པས་རང་དོན་བདེ་བ་ལ་གནས་པ་དང༌། གཞན་དོན་སྦྱིན་པ་པོའི་བསོད་ནམས་འཕེལ་བའི་ཆེད་དུ། དབྱར་རྙེད་ཀྱི་རྒྱུ་ལས་བྱུང་བའི་ཆོས་གོས་གསུམ་ཕྲུག་ཡན་ཆད་ལ། དབྱར་གནས་གྲོལ་བའི་ཕྱི་ཉིན་ནས་ཟླ་བ་ལྔའི་བར་དུ་སྲ་བརྐྱང་འདིང་བའི་ཆོ་ག་བཞིན་གདིང་བའོ། |
| སྲ་བརྐྱང་གི་གཞི |
ཀཋནི གོས་ཀྱི་གཞི་གསུམ་གྱི་ཡ་གྱལ། བག་ཡངས་དང་འབྲེལ་བ་སྲ་བརྐྱང་གི་གཞི་སྟེ། ཆོས་གོས་དྲས་དྲུབ་བྱེད་པའི་གཞི་སྤང་ལེབ་ནི་སྲ་བརྐྱང་གི་དངོས་པོ་མཚན་ཉིད་པ་དང༌། འདིར་དགེ་འདུན་སྤྱི་ལ་དབང་བའི་ཆོས་གོས་རྣམས་གསུམ་ལ་འདྲ་བ་རྒྱུ་མཚན་དུ་བྱས་ནས་བཏགས་པ་སྟེ། སྤང་ལེབ་ཀྱིས་ཆོས་གོས་ལ་ཁྱབ་པ་དང༌། འཁུམ་པ་བརྐྱང་བ་དང༌། ཆོས་གོས་ཀྱི་ཚད་གཅིག་ཏུ་འགྱུར་བ་ལྟར། འདིས་ཀྱང་འདིང་བ་པོས་ཐམས་ཅད་ལ་ཁྱབ་ཅིང༌། གནང་བ་དང་འབྲེལ་བས་ལྟུང་བ་བཅུའི་བག་ཡངས་པ་དང༌། འདིང་བ་པོ་རྣམས་བློ་གཅིག་ཏུ་མཐུན་པས་སྲ་བརྐྱང་ཞེས་སུ་གྲགས། |
| སྲ་བརྐྱང་དབྱུང་བ |
སྲ་བརྐྱང་གདིང་བ་འདི་ཕྱིས་དབྱུང་བར་བྱ་བ་སྟེ། སྲ་བརྐྱང་དེ་མཚམས་གཞན་དུ་ཕྱིན་པ་དང༌། ལས་བསྐོ་བ་མཚམས་གཞན་དུ་སྐྱ་རེངས་ཤར་བ་དང༌། དེར་གཏོགས་ཀྱི་དགེ་འདུན་དག་མཚམས་ཁོངས་སུ་མི་གཏོགས་པར་སྲ་བརྐྱང་གི་རྙེད་པ་མི་སློང་ཞིང་མཚམས་འདིར་འོང་བའི་བསམ་པ་རྒྱུན་ཆད་པ་སོགས་རང་འཇུག་བྲལ་དང༌། དབོ་ཟླ་སྟེ་དཔྱིད་ར་བའི་ཉའམ་རྐྱེན་དབང་གིས་དེའི་སྔ་རོལ་ཏུ་དབྱུང་བ་བཅོས་མའི་དབྱུང་བ་རྣམས་སོ། |
| སྲ་བརྐྱང་འདིང་བའི་ཆོ་ག |
དབྱར་རྙེད་ཀྱི་རྒྱུ་ལས་བྱུང་བའི་ཆོས་གོས་གསུམ་ཕྲུག་ཡན་ཆོད་ལ་སྲ་བརྐྱང་འདིང་བའི་ཉིན་པར་དགེ་སློང་རྣམས་ཀྱི་ཆོས་གོས་ཀྱི་བྱིན་རླབས་ཕྱུང་ནས་གསོལ་གཉིས་ལས་ཀྱིས་ཐུགས་བསྟུན་པ་དང༌། འདིང་བ་པོ་བསྐོ་བ་སོགས་སྦྱོར་བ་དང༌། དབྱར་ཁས་ལེན་པའི་དགེ་སློང་རྣམས་ཀྱིས་དབྱར་གནས་བྱེད་པའི་གནས་དེར་དབྱར་གནས་གྲོལ་བའི་དགག་དབྱེའི་ཕྱི་ཉིན་ཚེས་བཅུ་དྲུག་གི་ནངས་པར་ལྷན་ཅིག་འདུས་པ་ལ་ལས་བསྐོ་བས་སྔགས་ལན་གསུམ་བརྗོད་ནས་གོ་བར་བྱ་བ་དངོས་གཞི་དང་དགེ་འདུན་གྱིས་ཡི་རང་བརྗོད་ནས་ལས་བསྐོ་བས་ཚགས་སྐོང་བྱེད་པ་ལས་མཚམས་ཀྱི་ཕྱི་རོལ་ཏུ་མི་འཁྱེར་བ་དང༌། དུས་དུས་སུ་རླུང་སེང་དང་རྡུལ་སྤྲུགས་སོགས་རྗེས་ཀྱི་བྱ་བ་དམ་ཚིག་བསྲུང་བ་བཅས་སོ། |
| སྲ་བརྟན |
སྲ་ཞིང་བརྟན་པ། སྲ་བརྟན་དུ་གཏོང་བ། རྨང་གཞི་སྲ་བརྟན། མི་དམངས་ཀྱི་སྲིད་དབང་ཧ་ཅང་སྲ་བརྟན་དུ་གནས་པ། སྲ་བརྟན་ཕུགས་འཕེར། སྲ་བརྟན་མི་འགྱུར་བ། |
| སྲ་མཁྲེགས |
མཁྲེགས་པོ། བཟའ་བཅའ་སྲ་མཁྲེགས། སྲ་མཁྲེགས་སྟོབས་ལྡན། |
| སྲ་མོ |
སྲ་བ་དང་འདྲ། |
| སྲ་འཁྱག |
འཁྱག་རོམ་སོགས་མཁྲེགས་ཤིང་ཧ་ཅང་གྲང་བ། |
| སྲ་འཐས |
མཁྲེགས་པོ། |
| སྲ་འཐེང |
རླུང་ནད་ཀྱི་རིགས་ཤིག་རླུང་རྟིང་པའི་ཆུ་བ་ལ་ཞུགས་ནས་འཐེང་འགྲོས་བྱ་དགོས་པ་ཞིག |
| སྲ་འབྲས |
རྒྱ་སྐད་དུ་ཧྲི་ལེན་ཙི་ཟེར་བའི་འབྲུ་སྨན་ཞིག འགྱུར་བ་མེད་པ་དང་ཞུམ་པ་མེད་པའམ་བཟོད་བསྲན་ཆེ་བའི་དོན་ཏེ། སེམས་སྲ་བ། བུ་དཔའ་བོའི་སྙིང་སྟོབས་ལྕགས་ལས་སྲ། རྔ་མོང་ལྟོགས་ཁ་ནས་སྲ། འབྲི་གཡག་འཁྱག་ཁ་ནས་སྲ། སྲ་བརྟན་འགྱུར་བ་མེད་པ་ཞེས་པ་ལྟ་བུ། 2. ཤིང་སྨན་གྱི་རིགས་ཤིག་སྟེ། རོ་ཚ་ལ་བསྐ་ཞིང་ཁ་བ། ཞུ་རྗེས་དྲོད། ནུས་པས་མཁལ་མའི་གྲང་བ་སེལ། |
| སྲ་རྨ་སྒང |
ཡུན་ནན་ཞིང་ཆེན་གྱི་འབའ་ལུང་རྫོང་གི་བྱང་རྒྱུད་དུ་ཡོད་པའི་རི་བོ་ཞིག |
| སྲ་རྩི |
སྲ་རྩི་ཤིང་ཟེར་བའི་ཤིང་སྡོང་ཞིག་གི་ཚི་བ་སོགས་ཀྱིས་བཟོས་པའི་བྱུག་རྩི་ཞིག་གི་མིང་། ད་ལྟའི་ཡིག་ཆི་རིགས་ཀྱི་སྤྱི་མིང་། ０དྲག་པོ་དང་སྟོབས་ཆེ་བའི་དོན་ཏེ། ཐག་པ་སྲ་གཅོད་བྱས། ཁས་ལེན་སྲ་འཛིན་བྱས་ལྟ་བུ། |
| སྲ་རྩི་པོག |
སྲ་རྩི་སྤོག་དང་འདྲ། |
| སྲ་རྩི་ཤིང |
1 སྲ་རྩི་འདོན་སའི་ཤིང༌། 2 མངོན སྤོས་དཀར་ཤིང༌། |
| སྲ་རྩི་སྤོག |
སྤོས་དཀར་གྱི་མིང༌། |
| སྲ་རྩི་སྤོས |
སྲ་རྩི་སྤོག་དང་འདྲ། |
| སྲ་ཤིང |
ཤིང་མཁྲེགས་པོ། |
| སྲ་ཤོག |
ཤོག་བུ་མཁྲེགས་པོ། |
| སྲ་སྐམ |
མཁྲེགས་པ་དང་སྐམ་པའི་བསྡུས་ཚིག ཞིང་ས་སྲ་སྐམ། ས་གཞི་སྲ་སྐམ་ཆེ་བ། |
| སྲ་སྙི |
མཁྲེགས་པོ་དང་སྙི་པོ་གཉིས་ཀྱི་བསྡུས་ཚིག |
| སྲ་སྲེ |
1 ཕན་ཚུན་མཉམ་སྲེ་བྱེད་པ། 2 རྙིང སྡིག |
| སྲང |
1 འདེགས་བྱེད་རྒྱ་མ་དང་ཉ་ག་ཐུར་མ་བཅས་ཀྱི་མིང༌། ཐུར་སྲང༌། རྒྱ་སྲང༌། སྲང་ལ་གཡོ་སྒྱུ་མི་བྱེད། ཡང་ལྕི་སྲང་ལ་བཏེག སྲང་ལ་གཞལ་བ། མིང་གི་རྣམ་གྲངས་ལ་འཇལ་བྱེད་དང༌། ཉ་ག།འདེགས་བྱེད་བཅས་སོ། 2 ཁྲོམ་ལམ་དང་ཁང་པའི་དབར་གྱི་འགྲོ་ལམ། ཁྲོམ་སྲང༌། ཁང་པའི་སྲང་ལམ། 3 ལྗིད་ཚད་འཇལ་བྱེད་ཚད་གཞི། གསེར་སྲང༌། དངུལ་སྲང༌། སྲང་གང་ལ་ཞོ་བཅུ་ཡོད། |
| སྲང་གཞི |
འདེགས་རྫས་གང་རུང་འཇོག་སའི་སྲང་ཕོར་རམ་ཉག་མཐིལ། |
| སྲང་གསེང |
སྲང་དབྲག་སྟེ་ཁང་པ་སོགས་ཀྱི་བར་གསེང༌། |
| སྲང་གི་ཁྱིམ |
ཁྱིམ་བཅུ་གཉིས་ཀྱི་བདུན་པ། ཁྱིམ་ཞག་ཉི་བར་སྐར་བཅུ་གསུམ་དང་ཆུ་ཚོད་སུམ་ཅུ་ཡིན་ཚེ་ཉི་མ་སྲང་ཁྱིམ་ལ་སླེབས། ལྷོ་གླིང་དབུས་མའི་ཚངས་ཐིག་སྟེང་སྟོན་ཉིན་མཚན་མཉམ། |
| སྲང་ཆ |
ལྕི་ཡང་འཇལ་བྱེད་ཀྱི་ཡོ་བྱད་ཅིག་གི་མིང་། 2.གསེར་དངུལ་སོགས་ཀྱི་སྲང་གྲངས་ཆ་ཤས།.. |
| སྲང་ཐག |
རྒྱ་ཐུར་རམ། ཉ་གའི་སྲང་མདའ་དང༌། སྲང་གཞིའི་བར་དུ་བཏགས་པའི་སྐུད་པ། |
| སྲང་ཕོར |
རྒྱ་མའམ། ཉ་གའི་མཐིལ་གཞི། |
| སྲང་བར |
ཁང་པ་དང་ར་བ་སོགས་ཀྱི་བར་སྟོང༌། |
| སྲང་མཐིལ |
སྲང་ཕོར་དང་དོན་གཅིག་ |
| སྲང་མདའ |
ཞོ་དང་ཕུན་སོགས་ཀྱི་རྟགས་བཀོད་ཡོད་པའི་སྲང་ཆའི་དབྱུ་གུའི་མིང་། སྲང་ལམ་སྟེ། ཕྱོགས་གཉིས་ན་ཁང་བ་ཡོད་པའི་བར་ལམ་གྱི་མིང་། འདི་ལ་རྒྱ་སྲང་ཡང་ཟེར། |
| སྲང་མདོ |
ལམ་སྲང་གི་འགག་མདོའམ་འདུས་མདོ། |
| སྲང་མིག |
ཐུར་མདའ་འམ་ཉག་མདའ་ལ་བརྐོས་པའི་རི་མོ། |
| སྲང་འཇལ |
གསེར་དངུལ་སོགས་ཀྱི་ལྕི་ཡང་ཚད་སྲང་ལ་འཇལ་བ། ཟ་འབྲུ་ལ་སྲང་འཇལ་བྱེད་པ། |
| སྲང་འདེགས |
གསེར་དངུལ་སོགས་སྲང་ལ་འདེགས་པར་བྱེད་པ། |
| སྲང་རྡོ |
ཐུར་རྡོའམ། ཉག་རྡོ། |
| སྲང་ལམ |
ཁྲོམ་གཞུང་དབར་གྱི་བཤུལ་ལམ། གྲོང་གི་སྲང་ལམ། སྲང་ལམ་དོག་ས། སྲང་ལམ་བཞི་མདོ། |
| སྲང་སྐར |
གསེར་དངུལ་སོགས་གྲངས་ཚད་མང་ཉུང་རྩི་ཚུལ་གྱི་སྲང་ལ་ཡོད་པའི་སྐར་མ། |
| སྲང་སྐུད |
རྒྱ་ཐུར་རམ། ཉ་གའི་སྲང་མདའ་དང༌། སྲང་གཞིའི་བར་དུ་བཏགས་པའི་སྐུད་པ། |
| སྲང་སྒོ |
སྲང་ལམ་གྱི་མདོ། |
| སྲད |
1 དབྱར་དུས་ཞིང་སྟེང་དུ་སྐྱེ་བའི་སྔོ་ལྡུམ་མམ་སྣོར་རྩྭ། 2 གཙང་བཀྲ་ཤིས་ལྷུན་པོའི་ནུབ་ཕྱོགས་ཀྱི་ཡུལ་ཞིག |
| སྲད |
(བྱེད་འབྲེལ་ལས་ཚིག་ད་ལྟ་བ)དངོས་རྫས་ཀྱི་ནང་ལ་འདྲེས་པའི་ཆུ་ཇེ་ཉུང་དུ་གཏོང་བའི་དོན་ཏེ། ཞིང་པས་འབྲུ་རིགས་རློན་པ་སྲད་ཀྱིན་འདུག་ལྟ་བུ། མ་འོངས་པ་དང་འདས་པ་ལ་བསྲད་དང་སྐུལ་ཚིག་ལ་སྲོད་འབྲི། |
| སྲད་དཀར |
1 སྐུད་པ་དཀར་པོ། 2 སྔོ་སྨན་གྱི་རིགས་ཤིག་སྟེ། རོ་མངར་ལ་ཁ་བ། ཞུ་རྗེས་དྲོད། ནུས་པས་དུག་ནད་དང༌། མཆེར་ཚད་སེལ། དམུ་ཆུ་དང༌། སྐྱ་རྦབ་སྦྱོང༌། |
| སྲད་དམར |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་བད་ཀན་སྨུག་པོ་ལ་ཕན། རྨ་གསོ། ཁྲག་གཅོད། |
| སྲད་ནག |
སྔོ་སྨན་གྱི་རིགས་ཤིག་སྟེ། རོ་ཁ་ལ་ཚ་བ། ཞུ་རྗེས་སྙོམས། ནུས་པས་ཆུ་འགགས་འབེབས། དུག་ནད་སྐྱུག |
| སྲད་བུ |
ཐིག་འདེབས་བྱེད་ཀྱི་སྐུད་པའི་མིང་སྟེ། ཡོངས་གྲགས་ལ་ཐིག་སྐུད་ཟེར། |
| སྲད་བུའི་མེ་ཏོག་ཅན |
མངོན རས་བལ་ཤིང༌། |
| སྲད་བུས་དཀྲི་བ |
སྲད་བུས་བྲེ་བའང་ཟེར། སྐུ་གཟུགས་ལ་བྱ་སོགས་འབབ་ཅིང་བྱ་ཐལ་གཏོང་བ་སོགས་འགོག་ཆེད་སྐུད་པའི་དྲ་བ་འཐེན་པ། |
| སྲད་མ |
ལོ་མང་སྐྱེ་བའི་རྩྭ་ལྡུམ་སྲད་མའི་རིགས་ཤིག་གི་མིང་སྟེ། དེ་ལ་སྲད་མ་དཀར་བོ་དང་སྲད་མ་དམར་བོ། སྲད་མ་སེར་བོ། སྲད་མ་སྨུག་པོ། སྲད་མ་ནག་པོ། དུག་སྲད། བྱིས་སྲད། གླ་བ་སྲད་མ་སོགས་རིགས་མང་ཙམ་ཡོད། ཚིག་བསྡུས་ན་སྲད་ཅེས་འབྲི་ཆོག་སྟེ། སྲད་མ་དཀར་བོ་ལ་སྲད་དཀར་ཟེར་བ་ལྟ་བུ། |
| སྲད་རྒྱུད |
སྔར་ཙོང་ཁ་པ་བློ་བཟང་གྲགས་པའི་སློབ་མ་ཤེས་རབ་སེང་གེ་ནས་རིམ་བཞིན་བརྒྱུད་པའི་རིང་ལུགས། |
| སྲད་སེར |
སྔོ་སྨན་གྱི་རིགས་ཤིག་སྟེ། རོ་ཁ་ལ་བསྐ། ཞུ་རྗེས་བསིལ། ནུས་པས་རྨ་གསོ། ཁྲག་གཅོད། |
| སྲད་སྒོར |
ཡུལ ལྷམ་གྱི་མགོ། |
| སྲད་སྨུག |
སྔོ་སྨན་གྱི་རིགས་ཤིག་སྟེ། རོ་མངར་ལ་ཁ་བ། ཞུ་རྗེས་དྲོད། ནུས་པས་ཆུ་འགགས་འབེབས། སྐྱ་རྦབ་དང་དམུ་ཆུ་སྦྱོང་བར་བྱེད། མིང་གི་རྣམ་གྲངས་ལ་ཁལ་སྲལ་བྲེ་བོ་དང༌། ཁལ་སྲལ་སྨུག་པོ། སྔོན་མོ་ཆུ་འདྲེན། བྲག་མིན་སྤང་ལ་དགག་པ། དམུ་ཆུའི་གསང་ལྡུམ། སྨུག་ནག་ཟིལ་པ། སྨུག་པོ་རྟག་ངུ། སྨུག་པོ་དར་ཡ་ཀན། གཟི་མདངས་མེད་པ། ཤེལ་གླང་ཉ་དུག་གསང་བ་སྨན་རྒྱལ་བཅས་སོ། |
| སྲན་ཆུང |
སྲན་མ་ཆུང་ངུ་དམར་སྐྱ་ལེབ་མོ་ཞིག སྲན་ཆུང་ཕྱེ་མ། |
| སྲན་ཆེན |
རྒྱ་སྲན་མ་ཟེར་བ་མཁལ་མ་ལྟ་བུ་དེའམ་སྲན་ཆེན་ལེབ་མོ་ཞིག |
| སྲན་ཆོས |
མངོན སེར་སྣ། |
| སྲན་དཀར |
སྲན་མ་དཀར་པོ། |
| སྲན་དམར |
སྲན་ཆུང་དམར་པོ། |
| སྲན་དེས་མ |
བཟོད་བསྲན་ཆེ་ལ་རང་བཞིན་བཟང་བའི་བུད་མེད། |
| སྲན་ནག |
སྲན་མ་ཕྱི་ལྤགས་ནག་པོ་ཡིན་པ་ཞིག |
| སྲན་པ |
ཐ་དད་པ བསྲན་པ། བསྲན་པ། སྲོན།། སྡུག་རུས་བྱེད་ཐུབ་པའམ་བཟོད་ཐུབ་པ། རྐྱེན་ངན་དང་འཕྲད་ཀྱང་བསྲན་ཐུབ་པ། སྡུག་བསྔལ་སྲན་པ། སྲན་བླ། སྲན་མི་ཐུབ་པ། སྲན་ཚུགས་པ། སྲན་འཛུགས་པ། སྲན་དཀའ་བ། |
| སྲན་ཕུང |
སྲན་མ་སྤུངས་པའི་ཕུང་པོ། གཉེན་བཤེས་དགྲར་ལངས་མ་བུ་གསུམ། སྲན་ཕུང་བེར་ཀས་གཏོར་བ་བཞིན། |
| སྲན་ཕུབ |
སྲན་མའི་གང་བུའི་ཤུན་པ། |
| སྲན་ཕྱེ |
སྲན་མ་བཏགས་པའི་ཕྱེ་མ་སྟེ་སྲན་རྩམ། |
| སྲན་བཤོས |
1 སྲན་མའི་བཟའ་བཅའི་རིགས། 2 སྲན་རྩམ་གྱི་གཏོར་མ། |
| སྲན་མ |
འབྲུའི་བྱེ་བྲག་ཅིག རྒྱ་སྲན་མ། བོད་སྲན། མོན་སྲན་སྔེའུ། སྲན་མའི་གང་བུ། ཕྱེད་བགོས་སྲན་མ་ཉིས་གཤག་ལྟར་བྱེད་པ། མིང་གི་རྣམ་གྲངས་ལ་ནས་ཀྱི་འཁྲི་ཤིང་དང༌། འཕྲོག་བྱེད། ཙ་ན་ཀ། ཚོགས་ཅན་བཅས་སོ། |
| སྲན་མ་ཤིང |
ཤིང་སྨན་ཞིག |
| སྲན་མེ |
སྲན་མའི་མེ་ཏོག |
| སྲན་མྱུག |
སྲན་མའི་ལྗང་པ། |
| སྲན་ཚོད |
སྲན་མའི་ཚོད་མ། |
| སྲན་ཡོས |
བརྔོས་པའི་སྲན་མ། |
| སྲན་རིལ |
འབྲུའི་བྱེ་བྲག་ཅིག སྲན་རློན། སྲན་མ་རློན་པ། |
| སྲན་རྒོད |
རི་ལ་སྐྱེས་པའི་སྔོ་སྲན་མ་འདྲ་བ་ཞིག |
| སྲན་རྡོག་མགོ |
སྐྲ་མེད་མགོ་རིལ་ལ་བཏགས་པའི་མིང་ངན། |
| སྲན་རྩམ |
སྲན་མས་བཟོས་པའི་རྩམ་པ། |
| སྲན་ལེབ |
སྲན་མ་ལེབ་མོ། |
| སྲན་ལྗང |
སྲན་མ་ཁ་དོག་ལྗང་གུ། |
| སྲན་སྐྱོ |
སྲན་ཕྱེའམ་སྲན་རྩམ་གྱི་ཐུག་པ། |
| སྲན་སྔེའུ |
མོན་ཡུལ་སོགས་ནས་ཐོན་པའི་སྲན་ཆུང༌། |
| སྲབ |
རྟ་སོགས་ཀྱི་ཁ་ལོ་སྒྱུར་བྱེད་ཀྱི་ལྕགས་སྒྲོག སྲབ་ཁ་བསྐྱོགས་ནས་སྡོད། |
| སྲབ་ཀྱི་ཁ་དུར |
རྙིང སྲབ་མཐུར་རམ་སྲབ་མདའ། |
| སྲབ་ཀྱི་ལྕེ་མདུད |
ཡུལ སྲབ་ལྕགས་ཀྱི་ཁ་རུའི་རྩེའི་མདུད་མཚམས། |
| སྲབ་ཁུག |
སྲབ་འགུགས་དང་འདྲ། |
| སྲབ་གཟེར |
རྟའི་སྲབ་ལྕགས་སྡོམ་བྱེད་ཀྱི་གཟེར་བུ། |
| སྲབ་གོར |
སྲབ་སྒོར་དང་འདྲ། |
| སྲབ་པ |
ཐ་དད་པ བསྲབས་པ། བསྲབ་པ། སྲོབས།། སྲབ་མོར་བཟོ་བ། བག་ཆགས་སྲབ་པ། འགྲོ་ཆེ་བས་ལྷམ་མཐིལ་བསྲབས་པ། ཉོན་མོངས་བསྲབས་པ། |
| སྲབ་པོ |
མཐུག་ཚད་ཆུང་བ། རས་སྲབ་པོ། གྱོན་པ་སྲབ་མོ། སྙིང་སྟོབས་སྲབ་མོ། ཀླད་པ་སྲབ་པོ། སྲབ་མོར་གཏུབ་པ། ལྕགས་ལེབ་སྲབ་པོ། ཤིང་ལེབ་སྲབ་པོ། |
| སྲབ་བི་སྲིབ་བི |
དགོང་མོ་མུན་རུབ་མ་རུབ་མཚམས་ཀྱི་སྣང་བ། མིག་གསལ་པོས་ས་སྲབ་སྲིབ་དུས་སུའང་རྒྱང་རིང་མཐོང༌། ངའི་མིག་ཡག་པོ་མེད་པས་སྲབ་བི་སྲིབ་བི་ཞིག་མ་གཏོགས་མཐོང་མ་བྱུང༌། |
| སྲབ་མཐུག |
སྲབ་པ་དང་མཐུག་པའི་བསྡུས་མིང༌། སྲབ་མཐུག་འཚམས་པོ། |
| སྲབ་མཐུར |
རྟ་དྲེལ་ལ་བསྐོན་རྒྱུའི་སྲབ་དང་མཐུར་མགོའི་བསྡུས་ཚིག ལག་པས་བཞོན་པའི་སྲབ་མཐུར་ནས་བཟུང་ནས་དལ་བུར་འགྲོ་བ། |
| སྲབ་མདའ |
རྟ་དྲེལ་གྱི་སྲབ་ལ་བཏགས་པའི་ཐིག་གུའི་མིང་སྟེ། རྟ་དྲེལ་འདོགས་བྱེད་དང་འཁྲིད་བྱེད་བྱེད་ཆོག |
| སྲབ་མོ |
སྲབ་པོ་དང་འདྲ། |
| སྲབ་ཞན |
སྲབ་ཅིང་ཧྲུལ་བའམ་སྲབ་ལ་སྤུས་ཀ་སྡུག་པ། |
| སྲབ་འགུགས |
རྟ་དྲེལ་སོགས་བཞོན་པ་གང་ཡིན་ཁ་སྐྱོག་པའི་སྲབ་ཀྱི་ཐག་པའི་ཁུག་པ་ཅན་སྒའི་སྔ་རུར་བསྐོན་རྒྱུ་ཞིག |
| སྲབ་འཐུག |
སྲབ་མཐུག་དང་འདྲ། |
| སྲབ་ལྕགས |
རྟ་སྲབ་ཀྱི་ཁ་ལྕགས། |
| སྲབ་ཤུ |
ཡུལ སྲབ་ལྕགས་ཀྱིས་རྟའི་ཁ་གཡས་གཡོན་ལ་བཟོས་པའི་རྨ། |
| སྲབ་སྐྱོག |
སྲབ་སྐྱོགས་དང་འདྲ། |
| སྲབ་སྐྱོགས |
རྟ་དྲེལ་གྱི་སྲབ་སྒུལ་བྱེད་ཀྱི་ཐིག་གུའི་མིང་། (རྒྱན་ཚིག) དངོས་རྫས་ལེབ་མོའི་ངོས་གཅིག་ནས་གཅིག་གི་བར་གྱི་ཚད་ཆུང་བའི་དོན་ཏེ། རས་ཀྱི་སྲབ་མཐུག ལྕགས་ལེབ་སྲབ་པོ། ཤིང་ལེབ་སྲབ་མོ། བསྲབ་ཅིང་འཇམ་པའི་གོས་ཞེས་པ་ལྟ་བུ། ０བསྲབ་ཀྱི་ད་ལྟ་བ། |
| སྲབ་སྒ་སྟན་ཆ་ཚང |
རྟ་དྲེལ་གྱི་སྒ་ཆས་ཆ་ཚང༌། |
| སྲབ་སྒོར |
སྲབ་ཀྱི་ཁ་རུ་གཡས་གཡོན་དུ་ཡོད་པའི་ལྕགས་ཀྱི་ཨ་ལོང་སྒོར་མོ་གཉིས། |
| སྲབ་སྲིབ |
སྲབ་བི་སྲིབ་བིའི་བསྡུས་ཚིག་ |
| སྲམ |
ཆུ་འགྲམ་དུ་གནས་པའི་སྲོག་ཆགས་ཤ་གཟན་རིགས་ཤིག་སྟེ། ཆུ་ལ་རྐྱལ་མཁས་ཤིང་ཉ་བསད་ནས་བཟའ་བ་ཞིག་ཡིན། སྲམ་ལྤགས་ནི་པགས་རིགས་རྩ་ཆེན་ཞིག་ཡིན་ཞིང་། ལྭ་བའི་གོང་བ་དང་ཞྭ་སོགས་བཟོ་ཆོག |
| སྲམ་གྱི་མཆིན་པ |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་མངར། ཞུ་རྗེས་དྲོད། ནུས་པས་ཆུ་འགགས་ཀྱི་ནད་དང༌། ཟླ་མཚན་འགགས་པ་ལ་ཕན། |
| སྲམ་མདོག |
སྲམ་གྱི་སྤུ་མདོག |
| སྲམ་ལྤགས |
ཆུ་སྲམ་དང་བྲག་སྲམ་གྱི་པགས་པ། |
| སྲམ་ཤ |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་མངར། ཞུ་རྗེས་དྲོད། ནུས་པས་མཁལ་རྐེད་ཀྱི་དྲོད་ཉམས་པ་དང༌། ཁུ་བ་ཟད་པ་སོགས་ལ་ཕན། |
| སྲལ |
གཟབ་གཟབ་བྱེད་པའི་བྱ་སྤྱོད་ཀྱི་མིང་སྟེ། མདོ་སྨད་ཀྱི་ཡུལ་སྐད་ལ་སྲལ་ལེན་ཞེས་པ་དང་འདྲ་ཞིང་། ཧྲ་དང་སྒྲ་མཚུངས་པར་བཀླག་དགོས། དཔེར་ན། ཕྱུགས་འཚོ་སྐྱོང་ལ་སྲལ་ལེན་བྱེད་དགོས། སློབ་སྦྱོང་ལ་སྲལ་ལེན་བྱོས་ལྟ་བུ། (རྒྱན་ཚིག)བཟང་བ་དང་ལེགས་པ་ཕུན་སུམ་ཚོགས་པ་སོགས་ཀྱི་དོན་ཏེ། ཨ་མདོའི་ཡུལ་སྐད་དུ་ཧྲ་དང་སྒྲ་མཚུངས་པར་བཀླག་དགོས། དཔེར་ན། ས་ཆ་འདི་ངོ་མ་སྲལ་གི་ཞེས་པ་ལྟ་བུ། 2.བར་གསེབ། |
| སྲལ་བ |
1 རིག་པ་སྒྲིམ་ནས་གཟབ་གཟབ་བྱེད་པ། 2 བཟང་བ་དང་ལེགས་པ་ཕུན་སུམ་ཚོགས་པ་སོགས་ཀྱི་དོན་ཏེ། ཨ་མདོའི་ཡུལ་སྐད་དུ་ཧྲ་ཞེས་པའི་ཟུར་ཆག |
| སྲལ་ལེན |
ཡུལ གཟབ་གཟབ་བྱེད་པའི་བྱ་སྤྱོད། ཕྱུགས་འཚོ་སྐྱོང་ལ་སྲལ་ལེན་བྱེད་དགོས། སློབ་སྦྱོང་ལ་སྲལ་ལེན་བྱོས། |
| སྲས |
བུ་ཡི་ཞེ་ས། |
| སྲས་ཀྱི་ཐུ་བོ |
1 སློབ་མའི་གཙོ་བོ། 2 བུ་རྒན་པའམ་བཟང་ཤོས། |
| སྲས་པོ |
བུའི་ཞེ་ས། སློབ་དཔོན་གྱི་སྲས་པོས་འདི་རྣམས་སྒྲུབ་རྒྱགས་མཛོད་ཅིག་ཅེས་ཕྱེ་སྒྱེ་གང་དང་ཆུ་སྡོར་བཟང་པོ་རྣམས་བྱིན་བྱུང༌། |
| སྲས་མཁར་དགུ་ཐོག |
བོད་རང་སྐྱོང་ལྗོངས་ཀྱི་ལྷོ་བྲག་རྫོང་ཁོངས་སུ་ཡོད་པའི་བཀའ་བརྒྱུད་པའི་དགོན་པ་སྔར་མི་ལ་རས་པས་ཕྱག་བཏབ་པ་ཞིག་དེའི་ནང་ལ་རྩ་ཆེན་གྱི་དཔེ་ཆ་དང་ལྡེབས་རིས་སོགས་ཡོད། |
| སྲས་མོ |
བུ་མོའི་ཞེ་ས། |
| སྲས་སྐུ་ཞབས |
སྐུ་དྲག་གི་བུའི་ཞེ་ས། |
| སྲས་སྲོས |
སྐུ་དྲག་གི་བུ་བུ་མོའི་ཞེ་སའི་བསྡུས་མིང༌། |
| སྲི |
འདྲེ་གདོན་ཞིག་གམ་མི་རྒྱུད་ཚེ་ལོ་མཐར་མ་ཕྱིན་པར་ལོ་གྲངས་ངེས་ཅན་གི་སྟེང་དུ་འཆི་བའི་སྣང་ཚུལ་ལ་སྲི་ཟེར (བྱེད་མེད་ལས་ཚིག) གཅིན་ཅུང་ཟད་རེ་ཅུང་ཟད་རེ་ལས་གཏོང་མི་ཐུབ་པའི་ནད་རྟགས་ཤིག་གི་མིང་སྟེ། བོད་ཀྱི་གསོ་བ་རིག་པའི་གཞུང་དུ་གཅིན་ནད་ལ་གཅིན་སྲི། གཅིན་སྙི། གཅིན་ཁ་སྲ་བ་ཞེས་པའི་ནད་རྟགས་གསུམ་བཤད་ཡོད་པའི་ནང་གི་གཅིན་སྲི་བའི་དོན། 2.(བྱེད་འབྲེལ་ལས་ཚིག་ད་ལྟ་བ)རྒྱུ་ནོར་སོགས་གྲོན་ཆུང་དང་སེར་སྣ་བྱེད་པའི་དོན་ཏེ། ཐུན་མོང་གི་ནོར་རྫས་སྲི་མཁན་ཞེས་པ་ལྟ་བུ། |
| སྲི་ཁྲི་བཙན་པོ |
སྲིབ་ཁྲི་བཙན་པོ་དང་འདྲ། |
| སྲི་གནོན |
གནོད་བྱེད་གདོན་གཟུགས་ཀྱི་རྣམ་པ་འབྲུབ་ཁུང་གྲུ་གསུམ་གྱི་ནང་དུ་སྦ་གནོན་གྱི་ཆོ་ག། |
| སྲི་བ |
ཐ་དད་པ བསྲིས་པ། བསྲི་བ། སྲིས།། 1 འགྲོ་སོང་སྤྱོད་མཁས་བྱེད་པ། དུས་ཚོད་སྲི་བ། མི་ཤུགས་བསྲི་ཚགས། མང་མྱུར་ལེགས་སྲི། དོན་མེད་ཆུད་ཟོས་སུ་མི་གཏོང་བར་བསྲི་བ། 2 སྐྱིལ་བ། གཅིན་སྲི་བ། མཆིན་པར་ཆུ་བསྲིས་པ། |
| སྲི་ཞུ |
བཀུར་སྟི་དང་ཞབས་འདེགས། སྲི་ཞུ་ལེགས་པར་ཞུས་པ། རང་བཞིན་གྱིས་ཡིད་གཞུངས་ཤིང་སྲི་ཞུར་བརྩོན་པ། |
| སྲི་ཤིང |
ཛཱ་ཏིའི་ཤིང༌། |
| སྲི་སྲི་བ |
རྒྱུན་དུ་ནོར་རྫས་ཆུད་ཟོས་སུ་མི་གཏོང་བའི་ཐབས་བྱེད་པ། |
| སྲིང |
(བྱེད་འབྲེལ་ལས་ཚིག་ད་ལྟ་བ) ཡུན་ཇེ་རིང་དུ་གཏོང་བའི་དོན་ཏེ། ངར་ཤུགས་ཡུན་སྲིང་མཁན་ཞེས་པ་ལྟ་བུ། 2.སྲིང་མོ་ལ་ལྟོས། |
| སྲིང་བ |
ཐ་དད་པ བསྲིངས་པ། བསྲིང་བ། སྲིངས།། 1 རིང་དུ་གཏོང་བ། ཀོ་ཐག་རིང་དུ་བསྲིངས་པ། ཚེ་སྲིང་བ། དུས་ཡུན་རིང་དུ་སྲིང་བ། 2 སྤེལ་བ། ཕ་མས་ཕྲུ་གུ་སྐྱེད་སྲིང་བ། 3 སྐུར་བ་དང་སྤྲིང་བ། ཡི་གེ་བསྲིངས་ཀྱང་འབྱོར་ལན་མ་བྱུང༌། 4 འཕེན་པ། ཐག་རིང་དུ་བསྲིངས་པ། |
| སྲིང་བཏགས་ཐོན་ཟོག |
སྲིང་སྐུད་ཀྱིས་བཏགས་པའི་རས་ཆ་སོགས། |
| སྲིང་བལ |
རས་ཀྱི་རྒྱུ་ཆ། |
| སྲིང་མོ |
ཕོས་རང་དང་ཕ་མ་གཅིག་པའི་མོ་ལ་སྲིང་མོ་ཟེར། རང་ལས་ཆུང་བའི་མོ་ལ་སྲིང་མོ་དང་ཆེ་བ་ལ་ཨ་ཆེ་ཟེར་བའང་ཡོད། ཚིག་བསྡུས་ན་སྲིང་ཞེས་འབྲི་ཆོག་སྟེ། མིང་བོ་དང་སྲིང་མོ་ལ་མིང་སྲིང་ཟེར་བ་ལྟ་བུ། |
| སྲིང་མོ་རྒན་པ |
ཕ་མ་གཅིག་པའི་བུའི་སྤུན་བུ་མོ་རྒན་པ། |
| སྲིང་འཁོར |
སྲིང་སྐུད་དཀྲི་བྱེད་ཀྱི་འཁོར་ལོ། |
| སྲིང་སྐུད |
རས་བལ་ལས་བཟོས་པའི་སྐུད་པ། |
| སྲིངས |
སྐུལ་ཚིག་སྟེ། བརྩོན་པའི་དུས་ཡུན་སྲིངས་ཤིག་ལྟ་བུ། བསྐུར་བའི་དོན་ཏེ། ཡི་གེ་སྲིང་། འཕྲིན་ཡིག་བསྲིངས་ནས་ལས་བཅོལ་བྱས་ལྟ་བུ། ０བརྐྱང་བའི་དོན་ཏེ། ལག་པ་བསྲིངས་ནས་དཔེ་ཆ་བླངས་ལྟ་བུ། |
| སྲིད |
1 འཇིག་རྟེན་ནམ་སྤྱི་ཚོགས་ཀྱི་བྱ་གཞག རྒྱལ་སྲིད། ཆོས་སྲིད། ནང་སྲིད། དམངས་སྲིད། ནོར་སྲིད། 2 དཀྱུས། སྲིད་རིང་བ། སྲིད་ཐུང་བ། བདག་གིས་དང་པོར་ཤིང་འདིའི་སྲིད་ང་ཉིད་ཀྱི་ལུས་ཚད་ཙམ་དུ་མཐོང་ངོ། |
| སྲིད |
(ལས་ཚིག་རྗེས་མཐུན་པ)ཐུབ་པའམ་ཆོག་པ་དང་ཡོད་པའི་དོན་ཏེ། ཆུ་ཅི་ཙམ་བསྐོལ་ཡང་འབར་མི་སྲིད། རྩྭ་སྨན་ཐུན་གཅིག་གིས་ནད་ཆེན་པོ་གསོ་སྲིད། ཡོད་སྲིད། བདེན་སྲིད། འབྱུང་སྲིད། མཐོང་སྲིད། འཇིག་རྟེན་ན་མི་སྲིད་པ། དཔེ་མི་སྲིད་པ། སྲིད་མཐའ་ཙམ། ཚེ་ལོ་བརྒྱ་ལྷག་ལོན་པའི་མི་ནི་སྲིད་མཐའ་ཙམ་རེད། སྲིད་པ་ཙམ་རེད། ག་ལ་སྲིད། སྐྱོན་ཀུན་ཟད་ཡོན་ཏན་ཀུན་ལྡན་ཞིག་ག་ལ་སྲིད་ཅེས་པ་ལྟ་བུ། (ཚབ་ཚིག) ཚད་དང་དུས་ངེས་ཅན་གྱི་དོན་ཏེ། ཇི་སྲིད་འཚོ་བའི་བར་དུ་སློབ་སྦྱོང་བྱེད། ཚེ་ལོ་ཅི་ཙམ་ཐུབ་ན་དུས་དེ་སྲིད་ཀྱི་བར་དུ་མི་དམངས་ལ་ཞབས་འདེགས་ཞུ་ལྟ་བུ། 2. འཇིག་རྟེན་ནམ་སྤྱི་ཚོགས་ཀྱི་མིང་སྟེ། འཇིག་རྟེན་མིའི་སྲིད་པ། སྲིད་ན་འགྲན་ཟླ་དང་བྲལ་བ། སྲིད་པའི་གཏམ་དཔེ་ཞེས་པ་ལྟ་བུ། ཆབ་སྲིད་དང་ཆབ་སྲིད་ཀྱི་བྱ་བའི་སྐོར་གྱི་མིང་སྟེ། རྒྱལ་སྲིད། སྲིད་དོན། དམངས་སྲིད། ནོར་སྲིད་ཅེས་པ་ལྟ་བུ། |
| སྲིད་གཞུང |
རྒྱལ་ཁབ་ཀྱི་དབང་འཛིན་ལས་ཁུངས་ཀྱི་ལག་བསྟར་ལས་ཁུངས་ཏེ་རྒྱལ་ཁབ་ཀྱི་སྲིད་འཛིན་ལས་ཁུངས་ལ་ཟེར། མི་དམངས་སྲིད་གཞུང༌། བཀས་བཀོད་རྒྱུད་འཛིན་གྱི་གོང་མའི་སྲིད་གཞུང༌།.དེ་ནི་གྲལ་རིམ་གྱིས་དབང་སྒྱུར་བྱེད་ཀྱི་ཡོ་བྱད་ལྟ་བུ་ཡིན། ０དངོས་རྫས་རིང་བོའི་རིགས་ཀྱི་སྣ་རིང་ཐུང་གི་ཚད་དེ། སྲིད་དུ་རིང་བ། དར་ཆ་སྲིད་རིང་བ་ཞེས་པ་ལྟ་བུ། |
| སྲིད་གསུམ |
སྲིད་པ་གསུམ་གྱི་བསྡུས་མིང༌། |
| སྲིད་གསུམ་རྣམ་རྒྱལ |
མངོན གཟའ་སྒྲ་གཅན་གྱི་མིང༌། |
| སྲིད་ཇུས |
རྒྱལ་ཁབ་དང་ཆབ་སྲིད་ཀྱི་ཕྱོགས་ཁག་གིས་རང་གི་དམིགས་ཡུལ་ངེས་ཅན་ཞིག་བསྒྲུབ་པའི་ཆེད་དུ་རང་གི་ཆབ་སྲིད་ཀྱི་ལམ་ཕྱོགས་ལྟར། དུས་སྐབས་དེ་གའི་གནས་ཚུལ་དང་ལོ་རྒྱུས་ཀྱི་ཆ་རྐྱེན་ལ་སྦྱར་ནས་གཏན་ལ་ཕབ་པའི་ཚད་གཞི་བྱ་སྤྱོད་ཐམས་ཅད་ཀྱི་རྟེན་གཞི་བྱེད་ཆོག་པ་ཞིག་གི་མིང་སྟེ། ཨ་མི་རི་ཀའི་དཔལ་འབྱོར་སྲིད་ཇུས་ལྟ་བུ། |
| སྲིད་ཏང |
གྲལ་རིམ་ཞིག་གམ། རིམ་གྲས་ཤིག་གམ། ཚོགས་པ་ཞིག་མཚོན་བྱེད་ཡིན་པར་མ་ཟད། དེའི་ཁེ་ཕན་སྒྲུབ་ཆེད་དུ་འཐབ་རྩོད་བྱེད་པའི་ཆབ་སྲིད་ཀྱི་རྩ་འཛུགས་ཤིག་ཀྱང་ཡིན། |
| སྲིད་དབང |
ཆབ་སྲིད་ཀྱི་དབང་ཆ། སྲིད་དབང་སྒེར་གཅོད། སྲིད་དབང་སྒེར་འཛིན། སྲིད་དབང་འཛིན་པ། སྲིད་དབང་འཛུགས་ལུགས། སྲིད་དབང་རྫུས་མ། |
| སྲིད་དོ་ཅོག |
ཡོད་དོ་ཅོག་སྟེ་ཡོད་ཚད། |
| སྲིད་དོན |
ཆབ་སྲིད་ཀྱི་དོན། |
| སྲིད་ན་སྤྱོད་པ |
ཆབ་སྲིད་ཀྱི་བྱ་བ་བྱེད་མཁན། |
| སྲིད་པ |
1.རུང་བ་དང་བཏུབ་པ། བདེ་སྡུག་ལེགས་ཉེས་ཅི་ཡང་འབྱུང་སྲིད་པ། སྔ་མའི་ལོ་རྒྱུས་དང་གཏམ་དཔེ་ཚང་མར་མི་སྲིད་པ་ཡིན། ཉི་ཟླ་སྐར་གསུམ་དུས་གཅིག་ཏུ་མཐོང་ཐུབ་པ་ནི་སྲིད་པ་ཙམ་ཡིན། ཡོན་ཏན་སློབ་པའི་དུས་ན་སྡུག་བདེ་བར་སྡོད་ལ་མཁས་མི་སྲིད། རྡོ་གོར་མོར་མེ་ཏོག་སྐྱེ་མི་སྲིད། 2 1 འཁོར་བ། འཆི་སྲིད། བར་སྲིད། སྐྱེ་སྲིད། སྲིད་པའི་འཁོར་ལོ། 2 རྒྱུ་ལས་དང་ཉོན་མོངས་པའི་བག་ཆགས་བརྟས་ནས་ཚེ་ཕྱི་མར་ཁམས་གསུམ་དུ་སྐྱེ་བ། 3 ཡོད་པའི་དོན་ཏེ་རྟེན་འབྲེལ་ཡན་ལག་བཅུ་གཉིས་ཀྱི་ནང་ཚན་བཅུ་པ། 4 མངོན 1)ས་འོག་ས་སྟེང་ས་བླའི་ས་གསུམ་ཡོད་པས་གྲངས་གསུམ་མཚོན། 2)འདོད་གཟུགས་ཀྱིས་ཕྱེ་བའི་ལྷ་ལ་བརྒྱད་དང༌། སྐྱེ་གནས་ཀྱིས་ཕྱེ་བའི་དུད་འགྲོ་ལ་བཞི། མི་དང་དམྱལ་བ་སྟེ་སྲིད་པ་ལ་བཅུ་བཞི་ཡོད་པས་གྲངས་བཅུ་བཞི་མཚོན། |
| སྲིད་པ་གསུམ |
1 ས་འོག་དང༌། ས་སྟེང༌། ས་བླ་བཅས་གསུམ། 2 སྐྱེ་སྲིད་དང༌། འཆི་སྲིད། བར་སྲིད་བཅས་གསུམ། 3 སྔགས་རྙིང་མའི་ལུགས་ལྟར་ན་ལུས་སྣང་བ་འདོད་པའི་སྲིད་པ། ངག་ཕྱེད་སྣང་གཟུགས་ཀྱི་སྲིད་པ། ཡིད་མི་སྣང་གཟུགས་མེད་པའི་སྲིད་པ་སྟེ་གསུམ་མོ། 4 ལྷའི་སྲིད་པ་དང༌། ཀླུའི་སྲིད་པ། མིའི་སྲིད་པའོ། |
| སྲིད་པ་ཅན་གྱི་རྒྱན |
དོན་རྒྱན་གྱི་ནང་གསེས་ཤིག་སྟེ། འཇིག་རྟེན་ན་ཡོངས་གྲགས་ཀྱི་རྒྱུ་བཟློག་ནས། མ་གྲགས་པའི་ཕྱི་ནང་གི་རྒྱུ་གཞན་ཅུང་ཟད་ཙམ་གྱི་འབྲས་བུ་སྟོན་པའི་རྒྱན་ཞིག་སྟེ། ནང་གསེས་རྣམ་གྲངས་གསུམ་ནི། ཕྱིའི་རྒྱུ་གཞན་ཅུང་ཟད་སྟོན་པའི་སྲིད་པ་ཅན། ནང་གི་རྒྱུ་གཞན་ཅུང་ཟད་སྟོན་པའི་སྲིད་པ་ཅན། ནང་གི་རྒྱུ་གཞན་ཅུང་ཟད་སྟོན་པའི་སྲིད་པ་ཅན། འབྲས་བུ་རང་གི་ངོ་བོ་ཙམ་སྟོན་པའི་སྲིད་པ་ཅན་རྣམས་སོ། |
| སྲིད་པ་ཆགས་པའི་ལྷ་དགུ |
འོ་དེ་གུང་རྒྱལ་ལ་བུ་བརྒྱད་བྱུང་སྟེ། ཡར་ལྷ་ཤམ་པོ། གཉན་ཆེན་ཐང་ལྷ། རྨ་ཆེན་སྦོམ་ར། སྒྱོགས་ཆེན་ལྡོང་ར། སྒམ་པོ་ལྷ་རྗེ། ཞོགས་ལྷ་རྒྱུག་པོ། ཇོ་བོ་གཡུལ་རྒྱལ། ཤེའུ་ཁ་རག་རྣམས་སོ། འདི་དག་སྟོད་མངའ་རིས་སྐོར་གསུམ་དང༌། བར་དབུས་གཙང་རུ་བཞི། སྨད་མདོ་ཁམས་སྒང་གསུམ་སྟེ་བོད་ཀྱི་སྟོད་སྨད་བར་གསུམ་ལ་གནས་སོ། |
| སྲིད་པ་ཐ་མ་པ |
སྲིད་པའི་གནས་འདིར་ལས་ཀྱི་དབང་གིས་སླར་སྐྱེ་བ་ལེན་མི་དགོས་པའི་ཕྱིར་ན་སྲིད་པ་ཐ་མ་པ་སྟེ། ཉན་རང་དགྲ་བཅོམ་འཐོབ་ཀ་མའི་གང་ཟག་དང༌། ས་བཅུའི་བྱང་ཆུབ་སེམས་དཔའ་རྣམས། |
| སྲིད་པ་བདུན |
ལྷ། མི། དུད་འགྲོ། ཡི་དྭགས། དམྱལ་བ། བར་དོ། ལས་ཀྱི་སྲིད་པ་བཅས་བདུན། |
| སྲིད་པ་བཞི |
སྔོན་དུས་ཀྱི་སྲིད་པ་དང༌། འཆི་སྲིད། བར་སྲིད། སྐྱེ་སྲིད་དེ་བཞི། |
| སྲིད་པ་བར་མ |
བར་སྲིད་ཀྱི་མིང་སྟེ་འཆི་སྲིད་དང་སྐྱེ་སྲིད་ཀྱི་བར་དུ་གྲུབ་པས་ན་སྲིད་པ་བར་མ་ཟེར། |
| སྲིད་པ་བྱེད་པོ |
མངོན མོ་མཚན། |
| སྲིད་པ་མ |
མངོན ལྷ་མོ་ཨུ་མ། |
| སྲིད་པ་མཐར་བྱེད |
མངོན སངས་རྒྱས། |
| སྲིད་པ་འཇིགས |
མངོན ལྷ་དབང་ཕྱུག |
| སྲིད་པ་འཕོ་བ |
ཤོ་ལོ་ཀ་བདུན་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང༌། དཱ་ན་ཤཱི་ལ་དང༌། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པའོ། |
| སྲིད་པ་འཚོལ་བ |
བར་སྲིད་ཀྱི་མིང་སྟེ་སྐྱེ་སྲིད་འཚོལ་བའི་ངང་ཚུལ་ཅན། |
| སྲིད་པ་ལན་བདུན་པ |
བུལ་ཀྱང་སྲིད་པར་ལན་བདུན་དུ་འཁོར་རྗེས་དགྲ་བཅོམ་པ་ཐོབ་པའོ། |
| སྲིད་པ་སད་པོ |
བོན་པོའི་སྤྲུལ་སྐུའི་མཚན། |
| སྲིད་པ་སུམ་ཅུ་རྩ་གཅིག |
གཟུགས་མེད་ཁམས་བཞི་དང༌། གཟུགས་ཁམས་བཅུ་དྲུག་འདོད་ཁམས་བཅུ་གཅིག་བཅས་སོ། |
| སྲིད་པ་ཧོ |
སྤར་ཁ་བརྒྱད་དང༌། སྨེ་བ་དགུ་སོགས་བྲིས་པའི་ཐང་ག། ཧོ |
| སྲིད་པའི་གངས་རྒན |
སྲིད་པའི་གངས་རི་སྟེ། གནའ་རབས་ནས་ཆགས་པའི་གངས་རི། སྲིད་པའི་གངས་རྒན་ཡིན་མིན། ཉི་མ་ཤར་དུས་ཤེས་ཡོང༌། |
| སྲིད་པའི་ཆུ་བོ |
ཆུ་བོ་བཞིའི་ཡ་གྱལ་ཞིག་སྟེ། ཁམས་གོང་མའི་མ་རིག་པ་དང་ལྟ་བ་མ་གཏོགས་པའི་ཉོན་མོངས་པ་རྣམས་སོ། |
| སྲིད་པའི་བྱེ་མ |
ཡུལ 1 ལུགས་པར་བཟོ་བྱེད་ཀྱི་བྱེ་མ། 2 དུས་སྔ་རབས་ནས་ཡོད་པའི་བྱེ་མའི་ཕུང་པོ། |
| སྲིད་པའི་མིག |
མངོན ཉི་མ། |
| སྲིད་པའི་ཟག་པ |
ཟག་པ་བཞིའི་ཡ་གྱལ། ཁམས་གོང་མའི་མ་རིག་པ་དང་ལྟ་བ་ལས་གཞན་པའི་ཉོན་མོངས་པ་རྣམས་སོ། |
| སྲིད་པའི་ཟླ་བ |
ཉི་མས་སྲང་ཁྱིམ་སྤྱོད་པའི་ཟླ་བའམ་ཧོར་ཟླ་དགུ་པ། |
| སྲིད་པའི་འཁོར་ལོ |
དགོན་པ་དང་ལྷ་ཁང་ཁག་གི་སྒོ་འཕྱོར་འོག་བྲིས་པའི་རི་མོ་ཞིག་གི་མིང་སྟེ་ཟླུམ་སྐོར་ཕྱི་ནང་བཞི་ཡོད་པའི་དཀྱིལ་དུ། འདོད་ཆགས། ཞེ་སྡང༌། གཏི་མུག་གསུམ་མཚོན་བྱེད་དུ། ཕུག་རོན། སྦྲུལ། ཕག་པ་གསུམ་གྱི་གཟུགས་བརྙན་དང༌། དེའི་ཕྱི་ལ་བདེ་འགྲོ་དང༌། ངན་འགྲོའི་འགྲོ་ལམ་མཚོན་བྱེད་ལམ་དཀར་ནག་གཉིས། དེའི་ཕྱི་ལ་ཆ་ལྔ་བགོས་པའི་སྟེང་གི་ཆ་གཉིས། ལྷ་དང་མིའི་འཇིག་རྟེན། འོག་གི་ཆ་གསུམ་གྱི་དཀྱིལ་དུ་དམྱལ་བ། གཡས་སུ་དུད་འགྲོ། གཡོན་དུ་ཡི་དྭགས། དེའི་ཕྱི་ལ་རྟེན་འབྲེལ་བཅུ་གཉིས་མཚོན་བྱེད། ལོང་བ། རྫ་མཁན། སྤྲེའུ། གྲུ་རྫིང༌། ཁང་སྟོང༌། མི་གཉིས་འོ་བྱེད་པ། མིག་ལ་མདའ་ཕོག་པ། ཆང་འཐུང་བ། ཤིང་ཏོག་ལེན་པ། སྦྲུམ་མ། ཕྲུ་གུ་སྐྱེ་བ། མི་རྒད་པོ་དང་ཤི་བའི་རོ་བཅས་བྲིས་ཡོད། |
| སྲིད་པའི་འདོད་ཆགས |
ཁམས་གོང་མ་གཉིས་ཀྱི་འདོད་ཆགས་ཏེ་དེ་དག་འདོད་པ་ལ་འདོད་ཆགས་དང་བྲལ་ཞིང་ཡང་སྲིད་པར་འཕེན་པའི་འདོད་ཆགས་ཡིན་ནོ། |
| སྲིད་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། ལེན་པའི་རྐྱེན་གྱིས་ལུས་ངག་ཡིད་གསུམ་གྱི་སྒོ་ནས་ཡང་སྲིད་མངོན་པར་འགྲུབ་པར་བྱེད་པའི་ལས་སྟོབས་དང་ལྡན་པ་མངོན་དུ་བྱེད་པའོ། |
| སྲིད་པའི་ཡན་ལག་གི་བག་ཆགས |
ལས་དགེ་བ་དང་མི་དགེ་བའི་བག་ཆགས་ཏེ། སྲིད་པའམ་འཁོར་བར་སྐྱེ་འཆི་སྣ་ཚོགས་སྒྲུབ་པར་བྱེད་པའི་ནུས་པའོ། |
| སྲིད་པའི་རྩ |
ལུས་ཀྱི་དབང་པོ་དང༌། རྣམ་ཤེས། ཕུང་པོ། ཕོ་མོའི་དབང་པོ་བཅས་ཀྱི་རྟེན་གནས་སུ་གྱུར་པའི་རྩ། |
| སྲིད་པའི་རྩ་བ |
ཕྲ་རྒྱས་སམ་ཉོན་མོངས་པ། |
| སྲིད་པའི་རྩ་བོ་ཆེ་རྣམ་བཞི |
ཀླད་པ་ལ་གནས་པའི་དབང་པོ་ཡུལ་ལ་འཆར་བ་བྱེད་པའི་རྩ་དང༌། སྙིང་ལ་གནས་པའི་དྲན་པའི་དབང་པོ་གསལ་བར་བྱེད་པའི་རྩ། ལྟེ་བ་ལ་གནས་པའི་ལུས་ཀྱི་ཕུང་པོ་ཆགས་པར་བྱེད་པའི་རྩ། མཚན་མ་ལ་གནས་པའི་བུ་ཚ་རིགས་རྒྱུད་འཕེལ་བར་བྱེད་པའི་རྩ་བཅས་སོ། |
| སྲིད་པའི་རྩེ་མོ |
སྲིད་པ་གསུམ་གྱི་ཡང་རྩེ། |
| སྲིད་པའི་ལམ |
མངོན མོ་མཚན། |
| སྲིད་བློན |
སྔར་བོད་ས་གནས་སྲིད་གཞུང་སྐབས་ཀྱི་སྲིད་དབང་འཛིན་པའི་བློན་པོ་ཆེ་ཤོས། |
| སྲིད་མཐའ |
1 ཤིན་ཏུ་འབྱུང་དཀའ་བའི་དོན། འཇིག་རྟེན་ཐོག་ལོ་བརྒྱ་ལྷག་བརྟན་མཁན་གྱི་མི་སྲིད་མཐའ་མ་བཀག་པ་ཙམ་ཡིན། 2 འཁོར་བའི་མཐའ་འམ་མཇུག |
| སྲིད་མཐའ་ལ་མི་གནས་པའི་གཞི་ཤེས |
ཐབས་སྙིང་རྗེ་ཆེན་པོས་ཟིན་ཅིང་མི་རྟག་སོགས་བཅུ་དྲུག་གང་རུང་མངོན་སུམ་དུ་རྟོགས་པའི་ཐེག་ཆེན་འཕགས་པའི་མཁྱེན་པ། |
| སྲིད་མིན་གྱི་དཔེ |
དཔེའི་རྒྱན་གྱི་ནང་གསེས་ཤིག་སྟེ། དཔེའི་དངོས་པོ་ལས་རང་གི་གནས་ཚུལ་དང་མི་མཐུན་པའི་དངོས་པོ་འབྱུང་མི་སྲིད་པ་བཞིན་དུ་དཔེ་ཅན་གྱི་དངོས་པོ་ལས་ཀྱང་རང་གི་གནས་ཚུལ་དང་མི་མཐུན་པའི་དངོས་པོ་འབྱུང་མི་སྲིད་པ་སྟོན་པའི་རྒྱན་ཞིག |
| སྲིད་ཞི |
སྲིད་པ་འཁོར་བ་དང༌། ཞི་བ་མྱང་འདས་ཟེར་བའི་བསྡུས་མིང༌། |
| སྲིད་ཞི་མཉམ་ཉིད་ཀྱི་སྦྱོར་བ |
ཤེར་ཕྱིན་དོན་བདུན་ཅུའི་ནང་གསེས། སྲིད་པ་འཁོར་བ་དང་ཞི་བ་མྱང་འདས་གཉིས་རང་བཞིན་མེད་པར་རྟོགས་ནས་སྒོམ་པའི་སྦྱོར་བའོ། |
| སྲིད་ཞིའི་བདེ་སྐྱིད |
1 སྲིད་པ་འཁོར་བ་དང༌། ཞི་བ་མྱང་འདས་གཉིས་ཀྱི་བདེ་བ་དང་སྐྱིད་པ། 2 སྔར་བོད་ས་གནས་སྲིད་གཞུང་བཀའ་ཤག་གི་ལས་ཐམ་ལྟེ་བའི་ཁ་རིས་ཀྱི་ཚིག་གཞི། 3 ཁ་བཏགས་ལེགས་གྲས་ཤིག |
| སྲིད་ཞེང |
དཀྱུས་ཞེང༌། |
| སྲིད་འབྱོར |
འཁོར་བའི་ཕུན་ཚོགས། |
| སྲིད་འཚོ་བ |
1 རྒྱལ་པོའམ་བློན་པོ་ཆེན་པོ། 2 སྲིད་དོན་གྱི་འགོ་འཛིན་པ། 3 བུ་ཆུང་གསོ་བའམ་སྲུང་བ། |
| སྲིད་འཛིན |
སྲིད་ཀྱི་དབང་ཆ་འཛིན་པ། སྲིད་འཛིན་ཏང༌། སྲིད་འཛིན་ལས་ཁུངས། སྲིད་འཛིན་ས་ཁུལ། |
| སྲིད་རིང |
དཀྱུས་སུ་རིང་བ། |
| སྲིད་རྩེ |
སྲིད་པའི་རྩེ་མོའི་བསྡུས་མིང༌། |
| སྲིད་རྩེའི་མཐར་ཐུག་པར་འགྲོ་བ |
གོང་དུ་འཕོ་བ་གང་ཚངས་རིས་ནས་ཚངས་ཆེན་མ་གཏོགས་པ་འབྲས་བུ་ཆེ་བའི་བར་ཐམས་ཅད་བརྒྱུད་ཅིང༌། དེ་ནས་གཟུགས་མེད་བཞི་རིམ་གྱིས་སོང་ནས་མཐར་སྲིད་རྩེའི་རྟེན་ལ་འདའ་བའི་རིགས་ཅན་ནོ། |
| སྲིད་རྩེའི་སྙོམས་འཇུག |
གཟུགས་མེད་སྙོམས་འཇུག་བཞིའི་ཡ་གྱལ། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ལ་དམིགས་པ་རྩེ་གཅིག་ཏུ་འཇུག་པའི་ཏིང་ངེ་འཛིན་ནོ། |
| སྲིད་ལོ |
སྔར་རྒྱལ་པོ་རྣམས་ཀྱིས་སྲིད་སྐྱོང་བའི་ལོ་མིང༌། |
| སྲིད་ལྡན |
མངོན ཟླ་བ། |
| སྲིད་སྐྱོང |
སྔར་བོད་ས་གནས་ཀྱི་སྲིད་དབང་འཛིན་མཁན་གཙོ་བོའི་མིང༌། |
| སྲིད་སྒྲུབ |
1 བརྒྱ་བྱིན་གྱི་བུ། 2 དཀར་པོ། 3 ཤཱཀྱ་མུ་ནེ་དང་དུས་ཐོག་གཅིག་ལ་བྱུང་བའི་སྐད་གྲགས་ཅན་གྱི་རྩིས་རིག་པ་ཞིག |
| སྲིད་སྒྲུབ་མ |
མངོན ཆུ་བོ་སི་ཏཱ། |
| སྲིད་སྡེ |
གཉེན་ཚན་ནམ་གྲོང་སྡེ། |
| སྲིད་སྲུང་གི་རིག་བྱེད |
ཨཐརྦབེདཿ སྔར་རྒྱ་གར་བྲམ་ཟེའི་ཆོས་ལུགས་ཀྱི་གཞུང་བཞིའི་ཡ་གྱལ་ཞིག་སྟེ་བགེགས་དབང་ཞི་བྱེད་ཀྱི་དྲག་ལས་སྟོན་པའི་རིག་བྱེད། |
| སྲིད་སྲུང་འཛིན |
མངོན ལྷ་དབང་ཕྱུག |
| སྲིན |
སྲོག་ཆགས་སྲིན་བུའི་རིགས་ཀྱི་སྤྱི་མིང་སྟེ། ས་སྲིན། ཁོང་སྲིན་ཞེས་པ་ལྟ་བུ། |
| སྲིན་ཁུང |
1 མིག་དང་རྣ་བའི་བར་གྱི་སྲིན་ཚང་ངམ་ཡ་ཁུང་ཟེར་བ། 2 སྲིན་བུའི་ཚང༌། |
| སྲིན་གྱི་མེ |
1 སྡོམ་དང་འདྲ་བའི་གདུག་འབུ་ཞིག་སྟེ་མི་ལ་སོ་བཏབ་ན་འཆི་བར་འགྱུར་བ། 2 སྲིན་བུ་མེ་ཁྱེར། |
| སྲིན་གླང |
གླང་འཐབ་རིགས་བཞིའི་ནང་ཚན་ཕོ་ལོང་སོགས་སུ་སྲིན་ཁྲོས་པའི་གླང་འཐབ་ཤིག |
| སྲིན་ཅན |
མངོན སྨྱུག་མ། |
| སྲིན་ཐོར |
པགས་ནད་ཀྱི་རིགས་ཐོར་པ་རྩེ་དཀར་ཞིང་ནག་པོ་འབྱུང་བ་ཞིག |
| སྲིན་ནད |
ཁོང་སྲིན་དང༌། མགོ་སྲིན། པགས་སྲིན་སོགས་ལུས་ཀྱི་སྲིན་བུ་ནད་དུ་གྱུར་པའི་མིང༌། |
| སྲིན་པོ |
རཱཀྵསཿ 1 གདུག་འདྲེ་སྤྱིའི་མིང༌། སྲིན་པོ་ལང་ཀ་མགྲིན་བཅུ། བུ་འདི་ནི་སྲིན་པོ་ལྟ་བུར་བཞིན་དང་སྐྲ་དམར་ཞིང་མཆེ་བ་དང་ལྡན་པའི་མཚན་ལྟས་ངན་པ་ཞིག་གོ། མིང་གི་རྣམ་གྲངས་ལ་ཀུན་གསོད་དང༌། མཁའ་འགྲོ་སྐྱེས། མགྲིན་དམར་ཅན། སྒྲ་སྒྲོག་ཐུན་མཚམས་སྟོབས། འབོད་སྒྲོག་མི་ལ་འཚེ། མིག་དམར། མཚན་རྒྱུ། མཚན་སྤྱོད། ཤ་རྗེན་ཟ། ཤ་ཟ་ཁྲག་འཐུང༌། རོ་ཟན། བསོད་ནམས་སྐྱེ་བོ་བཅས་སོ། 2 མངོན གཏེར་དགུ་ལ་སྲུང་བ་པོ་སྲིན་པོ་དགུ་ཡོད་པས་གྲངས་དགུ་མཚོན། བཤད་སྲོལ་གཞན་ཞིག་ལ་ལངྐའི་གྲོང་ཁྱེར་དགུའི་བདག་པོ་སྲིན་པོ་དགུ་ཡོད་པས་གྲངས་དགུ་མཚོན། 3 ཤིང་ཡོས་ལོ། |
| སྲིན་པོ་ཁྲོས་པ |
ལྷ་སྐུའི་རྣམ་འགྱུར་ཞིག |
| སྲིན་པོ་དབང |
སྲིན་པོའི་རྒྱལ་པོ། སྲིན་པོ་ནི་མི་ཤ་ཟ་མཁན་རྔ་ཡབ་གླིང་སོགས་སུ་ཡོད་པ་མིའི་བྱེ་བྲག་ཅིག་ཡིན། མིང་གི་རྣམ་གྲངས་ལ་དགའ་བྱེད་དགྲ་བོ་དང༌། མགྲིན་བཅུ་པ། སྒྲ་སྒྲོག་རྒྱལ་པོ། དལ་འཛིན་རྒྱལ། གདོང་བཅུ་པ། བདེན་བྲལ་གཙོ་བོ། ནོར་སྦྱིན་གཅུང་པོ། གནས་བཞི་པ། འོད་ཡངས་བུ། ར་བ་ཎ། ལངྐའི་བདག་པོ། གསོད་བདག་སྐྱེས། བསོད་ནམས་སྐྱེ་བོའི་དབང་ཕྱུག་ལྷོ་ནུབ་ཕྱོགས་སྐྱོང་བཅས་སོ། |
| སྲིན་པོ་མིར་བརྫུས |
མི་ངན་མི་བཟང་དུ་བརྫུས་པའི་དཔེ། |
| སྲིན་ཕོལ |
སྲིན་བུ་ཡོད་པའི་ཕོལ་མིག་གི་རྨ། |
| སྲིན་ཕྲན་མ |
མངོན གྲོག་མ། |
| སྲིན་བལ |
དར་སྲིན་གྱིས་བསྐྱུགས་པའི་ཤིང་བལ་ལྟ་བུའི་དངོས་རྫས་དར་གོས་འཐག་བྱེད་ཀྱི་རྒྱུ། མི་དང་སྲོག་ཆགས་ཀྱི་ནད་རིགས་ཤིག་གི་མིང་སྟེ། ཕྱི་ནང་གི་སྲིན་བུའམ་སྐྱེ་དངོས་ཕྲ་མོའི་རིགས་ལ་བརྟེན་ནས་བྱུང་བའི་ནད་རིགས་ལ་བརྟེན་ནས་བྱུང་བའི་ནད་རིགས་ཀྱི་སྤྱི་མིང་། ０སྲིན་པོ་ལ་ལྟོས། |
| སྲིན་བལ་སྟན་གྱི་སྤང་བ |
སྤང་ལྟུང་སུམ་ཅུའི་ནང་གསེས། རིན་ཐང་ཅན་གྱི་དངོས་པོ་སྲིན་བལ་ལྟ་བུ་ལས་གྲུབ་པའི་འཁོར་གསུམ་ཁེབས་པའི་མཐའི་ཚད་དུ་ལོངས་པའི་སྟན་བྱེད་པའོ། |
| སྲིན་བུ |
འབུ་སྲིན་ཏེ་སྲོག་ཆགས་ཕྲ་མོ། རྒྱུ་སྲིན། ཁོང་སྲིན། སྲིན་བུ་མེ་ཁྱེར། དར་སྲིན། |
| སྲིན་བུ་གླང་འཐབ |
ཕོ་སྲིན་གླང་འཐབ་ཟེར་བའི་ནད། |
| སྲིན་བུ་དམར་ལེབ |
མ་རུ་རྩེའི་མིང་གི་རྣམ་གྲངས་ཤིག |
| སྲིན་བུ་མིར་ཁི |
ཀླད་པའི་ནང་དུ་གནས་པའི་སྲིན་བུ་ཕྲུ་མོ་ཞིག་སྟེ། འདི་ནད་དུ་གྱུར་ན་བརྒྱལ་གཟེར་དུ་འགྱུར། |
| སྲིན་བུ་མེ་ཁྱེར |
མཚན་མོ་གྲོད་པ་ནས་མེ་འོད་འཚེར་བའི་སྦྲང་བུ་ཞིག སྲིན་འབུ་མེ་ཁྱེར་གྱིས་ཉི་མ་ལ་འགྲན་པ། མིང་གི་རྣམ་གྲངས་ལ་དཀར་འོད་དང༌། མཁའ་སྣང༌། ཉིན་མི་གསལ། ནམ་མཁའི་མུ་ཁྱུད། ནམ་མཁའི་འོད། འོད་ཀྱི་ས་བོན། འོད་ཅན། ལམ་འོད་བཅས་སོ། |
| སྲིན་བུ་ཚེར་མ |
མངོན སྲོག་ཆགས་སྡིག་པ་རྭ་ཅན། |
| སྲིན་བུ་འགུལ |
དུས་ཚིགས་ཤིག་སྟེ་ཧོར་ཟླ་གཉིས་པའི་དབུགས་ཐོབ་ནས་འབུ་སྲིན་དབུགས་རྒྱུ། དཔྱིད་ཀྱི་རླུང་ཆེན་ལྡང༌། རྩི་ཤིང་ཁ་འབུས་པའི་དུས་ཚིགས་ཡིན། |
| སྲིན་བུ་འཇོམས |
མངོན འོད་སྤྱིའི་མིང༌། |
| སྲིན་བུ་ལངས་པའི་མོ་ནད |
མངལ་གྱི་སྲིན་བུ་མ་ར་ཀ་དང༌། ཨ་སོ་ཀ་ཁྲོས་པའི་ནད་དེ། ནད་རྟགས་སུ་མཚན་མ་གཡའ་ཞིང༌། ནུ་མ་དང་རྐེད་པ་སོགས་ན་བ་དང༌། ཤ་འཕྲལ་དུ་སྐེམ་ཞིང༌། སྐྱེས་པ་དང་འཕྲད་སྙིང་འདོད་པ་བཅས་སོ། |
| སྲིན་བུ་ལྡན་བུ |
རྙིང འབུའི་བྱེ་བྲག་ཅིག་སྟེ་མེ་ཁྱེར། |
| སྲིན་བུའི་དུག |
རྒྱུ་བའི་དུག་རིགས་ཀྱི་ནང་ཚན་སྲིན་བུ་ཨ་ལང་ཀ་སོགས་ལས་བྱུང་བའི་དུག |
| སྲིན་བུའི་རི |
མངོན གྲོག་མའི་ཚང་ངམ་གྲོག་མཁར། |
| སྲིན་བུའི་སྒོ |
མངོན རྐུབ། |
| སྲིན་བུའི་སྦུབས |
དར་འབུ་སོགས་ཀྱིས་བཟོས་པའི་ཚང༌། |
| སྲིན་བྱ |
མཚན་མོར་འཕུར་སྐྱོད་བྱེད་པའི་བྱ་རིགས་ཤིག མིང་གི་རྣམ་གྲངས་ལ་གད་མོའི་དབྱངས་ལྡན་དང༌། འགལ་འདུའི་རྫུན་ཅན། ཉིན་མོ་ཡིབ། ཉིན་མོར་དགའ་བྲལ། འབྱུང་པོའི་བྱ། མིག་སེར་ཅན། སེར་སྐྱའི་ལྟ་བྱེད་བཅས་སོ། |
| སྲིན་མཛུབ |
ལག་པའི་མཐེ་བོ་ནས་མར་བརྩིས་པའི་མཛུབ་མོ་བཞི་པ་སྟེ་མིང་མེད་ཀྱང་ཟེར། |
| སྲིན་མོ |
ཤ་ཟ་མིའི་བྱེ་བྲག་སྲིན་མོ། |
| སྲིན་མོ་གན་རྐྱལ |
སྔར་གྱི་བཤད་སྲོལ་དུ་བོད་ཡོངས་ཀྱི་ས་དཔྱད་དེ་སྲིན་མོ་གན་རྐྱལ་དུ་འགྱེལ་འདྲའི་དབྱིབས་ལྟ་བུར་ཡོད་ཅེས་གསལ། |
| སྲིན་མོ་ལྷ་ཁང |
ལྷོ་ཁ་ས་ཁུལ་ཁོངས་མཚོ་སྣ་རྫོང་འོག་མོན་ཡུལ་ཁུལ་གྱི་དགོན་པ་ཞིག་སྲོང་བཙན་སྒམ་པོས་བཏབ་པའི་ལྷ་ཁང་བརྒྱ་རྩ་བརྒྱད་ཀྱི་ནང་གསེས་ཤིག་ཏུ་བཤད། |
| སྲིན་ཚང |
1 མིག་དང་རྣ་བའི་བར་གྱི་ཡ་ཁུང་ཤ་ཀོང་ཀོང་ཡོད་ས། 2 སྲིན་བུ་ཡོད་པའི་ཚང༌། |
| སྲིན་ཞལ |
སྲིན་པོ་ཁྲོས་པའི་གདོང༌། |
| སྲིན་ཟམ |
ཁང་པ་ཕན་ཚུན་བར་ཐོག་སྟེང་ནས་འགྲོ་སའི་ཟམ་པ། རྒྱལ་པོའི་ཕོ་བྲང་གཉིས་དངུལ་གྱི་སྲིན་ཟམ་གྱིས་སྦྲེལ་བ། |
| སྲིན་འཇོམས |
སྲིན་ནད་ལ་ཕན་པའི་སྨན་ནམ། སྲིན་བུ་གསོད་པའི་སྨན། |
| སྲིན་འབུ |
སྲིན་བུ་དང་འདྲ། |
| སྲིན་རིགས |
ལུས་ལ་ལྷན་སྐྱེས་སུ་མཆིས་པའི་སྲིན་བུའི་རིགས་བཅུ་གཅིག་སྟེ། ཕྱི་སྲིན་ལ་ཤིག་སྲོ་དང༌། ནང་གནས་ལ་ཕོ་བའི་བད་སྲིན། མཁྲིས་སྲིན་ལ་སོ་སྲིན་མིག་སྲིན། པགས་སྲིན། གཞང་སྲིན། རྒྱུ་སྲིན། མཚན་མའི་སྲིན། ཁྲག་སྲིན། ཀླད་སྲིན་ཡ་མ་དཀར་ནག་གཉིས། རླུང་སྲིན་ལོང་ལ་གནས་པ་བཅས་སོ། |
| སྲིན་ལག |
ལག་པའི་མཛུབ་མོ་བཞི་པའི་མིང་སྟེ། སྲིན་མཛུབ་ཀྱང་ཟེར། |
| སྲིན་ལག་རྒྱབ་རྩ |
སྲིན་ལག་གི་རྩ་བའི་ཚིགས་ནས་མཁྲིག་མའི་ཕྱོགས་སུ་ཚོན་གང་གཞལ་བའི་སར་ཡོད་པའི་གཏར་རྩ་ཞིག་སྟེ། དེ་གཏར་ན་ཕོ་ཚད་དང༌། རྒྱུ་གཟེར་སོགས་ལ་ཕན། |
| སྲིན་ལོང |
སྣོད་དྲུག་གི་ཡ་གྱལ་ལོང་གའི་གཡས་གཡོན་དབུས་གསུམ་གྱི་གནས་སྟངས་ལ་བརྟེན་ནས་ཁྲག་ལོང་དང་རྩམ་ལོང༌། སྲིན་ལོང་ཞེས་དབྱེ་བས་འདིར་ལུས་ཀྱི་གཡོན་ངོས་ཀྱི་ལོང་གའི་ཆ་ཤས་ལའོ། |
| སྲིན་ཤིང |
ལོ་མ་དར་སྲིན་གསོ་བྱེད་ཀྱི་ཟས་བྱེད་པའི་ཤིང་སྡོང་རིགས་ཤིག་གི་མིང་སྟེ། སྲིན་ཤིང་སྣ་མ་ཡང་ཟེར། སྟོང་སྐུད་ཀྱི་རྒྱུ་ཆ་བཟོ་མཁན་དར་འབུས་ཟ་བའི་ཤིང༌།.. |
| སྲིན་ཤིང་སྣ་མ |
ཤིང་སྨན་གྱི་རིགས་ཤིག་སྟེ། ཡུལ་སྐད་དུ་སྟག་བུ་ཆུང་དང་ཀོ་བླངས་པ་ཡང་ཟེར་བས་ལོ་སྡོང་ཁཎྜ་བྱས་ན་སྲིན་ནད་སེལ། འབྲས་བུས་ཁོང་སྲིན་ལ་ཕན། མིང་གི་རྣམ་གྲངས་ལ་ཀོ་བླངས་པ་དང༌། སྟག་ཆུང་པ། སྟག་བུ་ཆུང༌། ཛ་ཡ་དཀར་པོ་བཅས་སོ། |
| སྲིན་སྐུད |
སྲིན་བུ་ལས་བྱུང་བའི་སྐུད་པ་སྟེ་དར་སྐུད། |
| སྲིན་སྐྲན |
ཕོ་བ་དང་ལོང་གའི་གནས་སུ་སྲིན་བུ་དང་བེ་སྣབས་ལྷན་དུ་དྲུ་བུར་འདྲིལ་བའི་སྐྲན་གྱི་མིང༌། |
| སྲིབ |
རི་བོ་སོགས་ཀྱི་བྱང་ངོས་སམ་ཉི་འོད་མི་འཆར་བའི་གནས་ཀྱི་མིང་སྟེ། ཉིན་རྩྭ་སྲིབ་རྩྭ། ཁང་བ་སྲིབ་འཁྱགས། སྲིབ་ལོགས་ཞེས་པ་ལྟ་བུ། གསོ་བ་རིག་པར་བཤད་པའི་གདགས་སྲིབ་ཅེས་པའི་སྲིབ་ཀྱི་དོན་ཏེ། གདགས་སྲིབ་ཅེས་པ་ནི་ཉིན་མོ་གདགས་དང་མཚན་མོ་སྲིབ། ཚ་ནད་གདགས་དང་གྲང་ནད་སྲིབ། ལུས་སྟོད་གདགས་དང་ལུས་སྨད་སྲིབ། ནད་པའི་རྩ་ལ་ལྟ་སྐབས་མཛུབ་མོའི་ཡར་ཟུར་གདགས་དང་མར་ཟུར་སྲིབ་ཟེར་བ་སོགས་ཀྱི་གདགས་སྲིབ་ལ་བརྟེན་ནས་འགལ་བ་སྣ་ཚོགས་འགྲེལ་བཤད་བྱེད་པའི་གསོ་བ་རིག་པའི་བཤད་ཚུལ་ཞིག ０བསྲིབ་ཀྱི་ལྟ་བ། 2 ད་ལྟ་བ་སྟེ། ལས་རྔ་སྲིབ་ལ་ཁད་ཡོད་ལྟ་བུ། |
| སྲིབ་ཁྲི་བཙན་པོ |
གདགས་ཁྲི་བཙན་པོ་དང་སྲིབ་ལྷ་སྔོན་མོ་གཉིས་ཀྱི་སྲས། སྔར་གྱི་བོད་རྒྱལ་བདུན་པ་སྟེ་གནམ་གྱི་ཁྲི་བདུན་གྱི་ཡ་གྱལ་ཞིག |
| སྲིབ་ནག |
1 གྲིབ་མ་ནག་ཡོ་རེ་བ། 2 སྲིབ་ཀྱི་རི་ནག་ཆག་གེར་ཡོད་པ། |
| སྲིབ་ནགས |
སྲིབ་རིར་སྐྱེས་པའི་ནགས་ཚལ་ལམ། ཉི་འོད་མི་ཕོག་པའི་སར་སྐྱེ་བའི་ནགས་ཚལ། |
| སྲིབ་ནད |
སིབ་བིའི་ན་ཚ། |
| སྲིབ་པ |
ཐ་མི་དད་པ རུབ་པ་དང་འཐིབ་པའམ་སྒྲིབ་པ། ས་སྲིབ་པ། ན་བུན་སྲིབ་པ། |
| སྲིབ་ཚལ |
ཉི་འོད་མི་ཕོག་པའི་ནགས་ཚལ། |
| སྲིབ་རི |
ཉི་འོད་མི་ཕོག་པའི་རི། |
| སྲིབ་ལུང |
ཉི་འོད་མི་ཕོག་པའི་ལུང་པ། |
| སྲིབ་སྐྱིད་ལ |
ལ་ཞིག་བོད་རང་སྐྱོང་ལྗོངས་ཀྱི་རྩ་མདའ་རྫོང་གི་ནུབ་རྒྱུད་དུ་ཡོད། |
| སྲིབས |
སྲིབ་ཀྱི་འབྲི་ཚུལ་གཞན། བསྲིབ་ཀྱི་སྐུལ་ཚིག ལས་ཀ་འདི་དེ་རིང་སྲིབས་ཤིག་ལྟ་བུ། |
| སྲིའུ |
སྐྱེས་ནས་ཡུན་རིང་མ་ལོན་པའི་བྱིས་པའི་མིང་སྟེ། གསོ་བ་རིག་པར་བྱིས་པའི་ནད་གསོ་བ་ལ་སྲིའུ་གསོ་བ་ཟེར་ལྟ་བུ། |
| སྲིལ |
སྣམ་བུ་དང་ཐེར་མ་སོགས་སྤུ་རིགས་ཀྱི་དངོས་རྫས་རྨུགས་ནས་རལ་བར་བྱེད་པའི་སྲིན་བུ་ཞིག་གི་མིང་སྟེ། ཡུལ་སྐད་ལ་ལར་འབུ་སྲིལ་ཟེར། འབུ་མུག་པའམ། འབུ་མུག་མ། སྣམ་ཕྱིང་སོགས་བལ་གྱིས་བཟོས་པའི་དངོས་པོ་རྣམས་ཟ་བའི་སྲོག་ཆགས་ཤིག… |
| སྲིས |
སྐུལ་ཚིག་སྟེ། ཐུན་མོང་གི་རྒྱུ་ནོར་སྲིས་ཤིག་ལྟ་བུ། |
| སྲིས་རྒྱ |
ཡུལ རི་མོའི་མེ་ཏོག་ལ་དམར་མདངས་འདོན་བྱེད་ཀྱི་ཚོས་ཤིག |
| སྲུ |
སྲུ་མོ་སྟེ། ཕུ་བོའི་ཆུང་མ་ནི་ནུ་བོའི་སྲུ་མོ་ཡིན། གཉེན་སྒྲིག་བྱས་པའི་བུད་མེད་ཀྱི་མིང་སྟེ། མ་སྲུ། མ་སྲུ་མོ་ཞེས་པ་ལྟ་བུ། |
| སྲུ་བ |
ཡུལ བླུག་པ། ཇ་སྲུ་བ། |
| སྲུ་མོ |
ཨ་མའི་སྤུན་བུད་མེད་ཀྱི་རིགས། |
| སྲུག |
དཀྲུགས་པ་ཡི་ཡུལ་སྐད། སྲུས་ལ་ལྟོས། |
| སྲུང |
(བྱེད་འབྲེལ་ལས་ཚིག་ད་ལྟ་བ) གནོད་པ་བཀག་འགོག་གི་དོན་ཏེ། རྒྱལ་ཁབ་ཀྱི་མཐའ་མཚམས་སྲུང་མཁན། ལོ་ཏོག་སྲུང་བ་ཞེས་པ་ལྟ་བུ། |
| སྲུང་དམག |
རང་ས་སྲུང་མཁན་དམག་མི། |
| སྲུང་བ |
1. ཐ་དད་པ བསྲུངས་པ། བསྲུང་བ། སྲུངས།། 1 སྐྱོབ་པ་དང་སྐྱོང་བ། འགོག་སྲུང༌། གསང་སྲུང༌། ལུས་སྲུང༌། ཚེ་སྲུང༌། བདེ་ཐང་སྲུང་བ། བདེ་འཇགས་སྲུང་བ། སྒོ་སྲུང༌། ཁྱིམ་སྲུང་རྒྱལ་སྐྱོབ། རྒྱལ་མཚམས་སྲུང་བ། 2 གནོད་འཚེ་འགོག་པའམ་ཟློག་པར་བྱེད་པ། བར་ཆད་ལས་སྲུང་བ། གནོད་འཚེ་ལས་སྲུང་བ། སྲོག་གི་འཇིགས་པ་ལས་སྲུང་བ། 3 བརྩི་འཁུར་བྱེད་པ། ཚུལ་ཁྲིམས་སྲུང་བ། ཁས་ལེན་དམ་བཅའ་སྲུང་བ། སྒྲིགས་ལམ་སྲུང་བ། རྙིང་སྲོལ་སྲུང་བ། བཀའ་དོན་བརྩི་སྲུང༌། 2. སྐྱོབ་བྱེད། སྲུང་བ་བཏགས་པ། སྲུང་བ་བྱེད་པ། 2. སྲུང་སྐྱོབ་ལ་མཁོ་བའི་ཆས་དང་ཉེར་སྤྱད་སོགས་ཀྱི་མིང་ལ་འཇུག་པ་ནི། ལུས་ལ་སྲུང་བ་བཙན་པོ་གྱོན(ལུས་ལ་ཁྲབ་རྨོག་སོགས་མཚོན་ཆ་འགོག་བྱེད་བཟང་བོ་གྱོན)ལྟ་བུ། |
| སྲུང་བ་པའི་སྡེ |
མང་བཀུར་སྡེ་བ་གསུམ་གྱི་ཡ་གྱལ་ཞིག |
| སྲུང་བ་པོ |
1 དགྲ་བོ་སོགས་སྲུང་མཁན། 2 མངོན སྲིན་པོ། |
| སྲུང་བརྩི |
ཁྲིམས་ལུགས་སྲུང་ཞིང་བཀའ་ལ་བརྩི་འཇོག སྲིད་ཇུས་ལ་སྲུང་བརྩི་བྱེད་པ། སྲུང་བརྩི་ཞུ་བ། |
| སྲུང་བྱེད |
1 དགྲ་བོ་སོགས་སྲུང་བྱེད། 2 མངོན 1) ཉི་མ། 2) ཟླ་བ། 3) ལྕགས་རི། 4) གོ་མཚོན་སོགས། |
| སྲུང་བྱེད་ཅན |
མངོན དབང་ཕྱུག་ཆེན་པོ། |
| སྲུང་བྱེད་མ |
མངོན མཚན་མོ། |
| སྲུང་མ |
1སྲུང་སྐྱོབ་བྱེད་མཁན་གྱི་དམག་མི་སོགས་ཀྱི་མིང་སྟེ། སྒོ་ལ་སྲུང་མ་བཞག་ལྟ་བུ། 2དགོན་སྡེ་དང་ཁྱིམ་ཚང་། མི་སྒེར་སོ་སོས་ཆེད་དུ་གཉེར་ནས་བསྟེན་པའི་ལྷ་ལ་སྲུང་མ་ཟེར། |
| སྲུང་མ་ཁང |
མགོན་ཁང༌། |
| སྲུང་མ་ཅན |
མངོན བཙུན་མོའི་ཕོ་བྲང༌། |
| སྲུང་མདུད |
མཚོན་སོགས་ཀྱི་གནོད་པ་སྲུང་ཕྱིར་སྔགས་བཏབ་པའི་སྐུད་པ་སོགས་མདུད་པ་ཅན་དད་མོས་བྱེད་མཁན་གྱི་སྐེ་ལ་འདོགས་རྒྱུ་ཞིག |
| སྲུང་མཛད |
1 སྲུང་མཁན། 2 མངོན སངས་རྒྱས། |
| སྲུང་འཁོར |
1ཕྱི་དགྲ་འགོག་བྱེད་ཀྱི་ར་བའི་མིང་ལ་བོད་ཡིག་གནའ་དཔེར་སྲུང་འཁོར་ཟེར། 2ཤོག་གུ་དང་རས་སོགས་ཀྱི་ཐོག་ལ་གཟུངས་སྔགས་དང་མཚོན་དོན་དཔེ་རིས་སོགས་བྲིས་ནས་ལུས་ལ་འདོགས་རྒྱུ་ཞིག་གི་མིང་། རྫས་སྔགས་དམིགས་རིམ་སོགས་ཀྱི་སྲུང་བའི་འཁོར་ལོ།. |
| སྲུང་འཁོར་བ |
སྔགས་པའམ་སྔགས་འཆང༌། |
| སྲུང་འཁོར་བསྒོམ་པ |
དཀྱིལ་འཁོར་བསྒྲུབ་པ་དང་དབང་བསྐུར་བ་སོགས་ཀྱི་སྔོན་དུ་སྟེང་འོག་ཕྱོགས་མཚམས་ཐམས་ཅད་རྡོ་རྗེའི་ར་བ་དང་གུར་ཁང་གིས་མཚམས་བཅད་པའོ། |
| སྲུང་འགོག |
རང་ས་སྲུང་ཞིང་ཕ་རོལ་པོ་འགོག་པ། ཨང་གསར་འབད་ལེན་གྱིས་སྲུང་འགོག་བྱེད་པ། |
| སྲུང་འདོམས |
ཉེས་སྐྱོན་མི་ཡོང་ཕྱིར་སྲུང་བ་དང་འདོམས་པར་བྱེད་པ། |
| སྲུང་རྫས |
གེགས་བར་དང་མཚོན་སོགས་སྲུང་བའི་རྫས་ཆ། |
| སྲུང་སེམས |
1 དམ་དུ་འཛིན་པའི་བསམ་པ། 2 འཚོ་བའམ་བྱ་ར་བྱེད་པའི་སེམས། |
| སྲུང་སྐུད |
སྲུང་བར་བྱེད་པའི་སྐུད་པ། |
| སྲུང་སྐྱེལ |
ལམ་བར་གནོད་པ་སྲུང་བའི་ཕྱིར་འགྲོ་རོགས་བྱེད་པ། |
| སྲུང་སྐྱེས |
མངོན བརྒྱ་བྱིན་གྱི་རྡོ་རྗེ། |
| སྲུང་སྐྱོང |
སྲུང་ཞིང་སྐྱོང་བ། མི་ཕྱུགས་སྲུང་སྐྱོང༌། ཕྲུ་གུ་སྲུང་སྐྱོང་བྱེད་པ། |
| སྲུང་སྐྱོབ |
སྲུང་ཞིང་སྐྱོབ་པ། སྤྱང་ཀི་ལ་སྲུང་སྐྱོབ། རྐུན་མ་ལ་དཔའ་དར། |
| སྲུང་སྡོམ |
ཁས་བླངས་པའི་དོན་ལས་མི་འགལ་བར་སྲུང་ཞིང་སྡོམ་པར་བྱེད་པ། |
| སྲུངས |
སྐུལ་ཚིག་སྟེ། ལོ་ཏོག་སྲུངས་ཤིག་ལྟ་བུ། ལྟ་རྟོག་བྱས་པའི་དོན་ཏེ། བཙོན་མ་སྲུང་། ནད་པ་སྲུང་ལྟ་བུ། ０ཁྲིམས་ལུགས་སོགས་དང་འགལ་བ་མི་བྱེད་པའི་དོན་ཏེ། ཁྲིམས་སྲུང་། སྡོམ་པ་སྲུང་ལྟ་བུ། |
| སྲུན |
(རྒྱན་ཚིག) རྒོད་པོའི་ལྡོག་ཟླ་སྟེ། གཅན་གཟན་མི་སྲུན་པ། རྟ་སྲུན་མོ་ཞེས་པ་ལྟ་བུ། 2. (བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) རྟ་དང་གླང་བོ་སོགས་འདུལ་སྦྱོང་བྱེད་པའི་དོན་ཏེ། རྟ་རྒོད་སྲུན་གྱིན་འདུག རྟ་རྒོད་སྲུན་ཅིག་ལྟ་བུ། མ་འོངས་པ་དང་འདས་པ་ལ་བསྲུན་འབྲི། |
| སྲུན་པ |
སྲུན་པོ་དང་འདྲ། |
| སྲུན་པོ |
བསྲུན་པོ་ཡང་ཟེར། ཞི་ཞིང་དུལ་བ་དང་གཡུང་བ། རྟ་མཆོག་སྲུན་པོ། ཞུམ་བུ་སྲུན་པོ། བློ་མི་སྲུན་པ། |
| སྲུབ |
(བྱེད་འབྲེལ་ལས་ཚིག་ད་ལྟ་བ) ཆུ་དང་འོ་མ་སོགས་གཤེར་ཁུའི་རིགས་དཀྲུག་པའི་དོན་ཏེ་འོ་མ་སྲུབ་མཁན་ཞེས་པ་ལྟ་བུ། |
| སྲུབ་ཀ |
སྔོ་སྨན་གྱི་རིགས་ཤིག་སྟེ། གཞུང་ལྟ་ཁོག་སྟོང་། ལོ་མ་ཉག་ཆེན་ཅན་མེ་ཏོག་སེར་བོ། འབྲས་བུ་ནི་ས་བོན་ནར་མོ་མང་བོ་འཁོར་ལོ་ལྟར་ཆགས་པ་ཞིག ས་བོན་དང་ལོ་མ་སོགས་སྨན་བྱེད་ཆོག རོ་ཚ། ཞུ་རྗེས་དྲོད། ནུས་པས་རྨ་རུལ་བ་གཅོད། སྐྲན་ནད་བཤིག་མེ་དྲོད་གསོ། ཆུ་སེར་འདྲེན། མིང་གི་རྣམ་གྲངས་ལ་རྩ་ཏ་ར་དང༌། རྩ་སྲུབ་མ། སྲུམ་མ། ར་སྲུས་བཅས་སོ། |
| སྲུབ་ཐག |
འོ་མ་སོགས་སྲུབ་བྱེད་ཀྱི་སྲུབ་ཤིང་འཐེན་ཐག |
| སྲུབ་པ |
ཐ་དད་པ བསྲུབས་པ། བསྲུབ་པ། སྲུབས།། 1 དཀྲོགས་པ། འོ་མ་བསྲུབས་ནས་མར་བཏོན་པ། ཇ་བསྲུབས་མ་སྲུབས་ཤིག ཡིད་སྲུབ། 2 རྡར་བ། གཙུབ་ཤིང་བསྲུབས་ནས་མེ་བྱུང༌། |
| སྲུབ་བྱེད |
1 འོ་མ་དང་ཇ་སོགས་དཀྲོག་བྱེད། 2 མངོན 1) ཉི་མ། 2) གྲུའི་སྐྱ་བ། |
| སྲུབ་མ |
1 མདོང་མོའི་རྒྱ་ལོ། 2 བར་སྲུབ། |
| སྲུབ་ཤིང |
སྲུབ་བྱེད་དམ། དཀྲོག་བྱེད་ཀྱི་ཤིང༌། |
| སྲུབ་སྣོད |
ཇ་མདོང་དང་འོ་མ་སྲུབ་སྣོད། |
| སྲུབས |
སྐུལ་ཚིག་སྟེ། འོ་མ་སྲུབས་ཤིག་ལྟ་བུ། དངོས་རྫས་ཀྱི་སྣེ་མོ་གཤེར་ཁུའི་ནང་ལ་བཙུགས་པའི་དོན་ཏེ་སྨྱུ་གུ་སྣག་ཚའི་ནང་དུ་བསྲུབས་ནས་ཡི་གེ་བྲིས་ལྟ་བུ། 2. སྲུབས་ཀ་སྟེ་དངོས་རྫས་འབྲེལ་མཚམས་སམ་གས་མཚམས་ཀྱི་མིང་། དཔེར་ན། རྩིག་སྲུབས—རྩིག་པའི་སྲུབས་ཀ ལྭ་བའི་སྲུབས། བྲག་སྲུབས་ཞེས་པ་ལྟ་བུ། |
| སྲུབས་ཀ |
གོས་སོགས་ཀྱི་སྲུབས་ཀའི་དོན། |
| སྲུབས་གནོན |
དབུར་རྡེལ་ལམ། དབུར་ཏི་སྟེ་ཚེམ་བུ་བའི་ཡོ་བྱད་ཅིག |
| སྲུབས་དབར |
སྲུབས་དབྲག་དང་འདྲ། |
| སྲུབས་དབྲག |
སྒོ་སོགས་ཀྱི་བར་སྲུབས་སམ། གསེང་དབར། སྲུབས་དབྲག་སེང་པོ། |
| སྲུབས་མེད་གོས |
ཚེམ་སྲུབས་མི་མངོན་པའི་གོས་བཟང་ཁྱད་པར་བ་ཞིག |
| སྲུབས་ཟན |
ཚེམ་བུའི་སྲུབས་བར་དུ་གཏོང་བའི་ཚངས། སྲུབས་ཟན་གཏོང་བ། |
| སྲུབས་ཟིན |
པགས་རིགས་ཀྱི་གྱོན་ཆས་བཟོ་སྐབས་སྲུབས་བར་ལ་བཙེམས་པའི་སྐྱི་མོ་སོགས་ཀྱི་མིང་སྟེ། ཀོ་ལྷམ་གྱི་སྲུབས་ཟིན། སློག་པའི་སྲུབས་ཟིན་ཞེས་པ་ལྟ་བུ། སྲུབ་ཀྱི་སྐུལ་ཚིག |
| སྲུབས་ལྷན |
བར་སྲུབས་འགོག་བྱེད་ཀྱི་ལྷན་པ། |
| སྲུབས་ཤིང |
གས་སྲུབས་བར་དུ་འཇུག་རྒྱུའི་ཤིང༌། |
| སྲུལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཚྭ་ཆུ་སོགས་འགྱུར་བྱེད་ཀྱི་རྫས་བཏབ་པའི་གཤེར་ཁུའི་ནང་ཀོ་པགས་སོགས་སྦངས་ནས་ལས་སྣོན་བྱས་པའི་དོན་ཏེ། ཀོ་བ་སྲུལ་གྱིན་ཡོད། པགས་པ་སྲུལ་ཅིག། གསོ་མ་སྲུལ་ཅིག་ལྟ་བུ། |
| སྲུལ་པོ |
ལུས་ཀྱི་པགས་པ་རྩུབ་པོར་གྱུར་པའི་པགས་ནད་ཀྱི་རིགས་ཤིག་གི་མིང་སྟེ། ལུས་སྲུལ་པོ་ཞེས་པ་ལྟ་བུ། |
| སྲུལ་བ |
རྙིང རུལ་བ། |
| སྲུས |
སྨིན་ལ་ཁད་པའི་གྲོ་ནས་ཀྱི་འབྲུ་རྡོག་གསར་པ། སྙེ་མའི་འབྲུ་མ་སྨིན་པའི་སྲུས་ལྕག་གི་ལྕིག་གི། མིང་གི་རྣམ་གྲངས་ལ་བྱིས་པའི་བཟའ་བྱ་དང༌། རྨ་མེད། སོ་མ་མ་ཉམས་པ་བཅས་སོ། 2. འབྲུ་རིགས་ཀྱི་སྤྱི་མིང་སྟེ། འབྲུའི་རིན་གོང་ལ་སྲུས་གོང་ཟེར་བ་ལྟ་བུ། |
| སྲུས་ཐུག |
སྙེ་མའི་འབྲུ་མ་སྨིན་པའི་སྲུས་ཀྱིས་བསྐོལ་བའི་ཐུག་པ། |
| སྲེ |
(བྱེད་འབྲེལ་ལས་ཚིག་ད་ལྟ་བ) དངོས་རྫས་གཉིས་ཡན་མཉམ་དུ་བསྡེབས་པའི་དོན་ཏེ། ཆུ་དང་འོ་མ་སྲེ་རུང་། ལུག་ཁྱུ་སྲེ་ཆོག་ལྟ་བུ། |
| སྲེ་ད |
ལོ་ཏོག་གི་སྙེ་ཚད་ལོངས་པའི་འབྲས་བུ་མེད་པ་ཁ་དོག་ནག་པོ་ཅན། |
| སྲེ་ནག |
ཐབ་སྣོད་ཀྱི་མཐིལ་དུ་ཆགས་པའི་ནག་དྲེག |
| སྲེ་ནག་མདོག |
ཁ་དོག་ནག་སེར། |
| སྲེ་བ |
ཐ་དད་པ བསྲེས་པ། བསྲེ་བ། སྲེས།། སྤེལ་བའམ་འདྲེ་བར་བྱེད་པ། ཉ་ཉུང་མཉམ་བསྲེ། འོ་མའི་ནང་ཆུ་བསྲེས་པ། ཆ་གཉིས་སྲེ་བ། སྐད་ཆའི་ནང་ལ་རྫུན་བསྲེས། བཟང་པོའི་ནང་ལ་ངན་བསྲེས། |
| སྲེ་བོ |
ཐིག་ལེ་མང་བོས་ཁྱབ་པའི་མདོག་གི་མིང་སྟེ། མདོག་སྲེ་བོ། ངོ་སྲེ་བོ་ཞེས་པ་ལྟ་བུ། ཚིག་བསྡུས་ན་སྲེ་ཞེས་འབྲི་ཆོག་སྟེ། རྟ་སྲེ་ནག སྦྲུལ་ཞིག་སྲེ་ཏིག་གེ་འཁྱིལ་འདུག་ལྟ་བུ། 2. བསྲེ་བོ་དང་འདྲ། |
| སྲེ་མོ |
ཨ་བྲ་དང་བྱི་བ་སོགས་ཟ་བའི་གཅན་གཟན་ཆུང་ངུ་ཞིག་སྟེ། སྲེ་མོག་དང་སྲེ་མོང་ཟེར་བའང་ཡོད། 1 སྲེ་མོང་དང་འདྲ། 2 རྙིང མི་དྲེད། |
| སྲེ་མོག |
མདོག་སྨུག་ནག |
| སྲེ་མོང |
ནེའུ་ལེ། |
| སྲེ་མོང་ཤ |
སྲོག་ཆགས་ཀྱི་སྨན་གྱི་རིགས་ཤིག་སྟེ། རོ་མངར། ཞུ་རྗེས་སྙོམས། ནུས་པས་གདོན་ནད་འཇོམས། ཤ་དུག་དང༌། ལྷོག་པ། ཁ་ནད། ཆུ་སེར་གྱི་ནད་བཅས་ལ་ཕན། |
| སྲེ་ཟན |
བྲ་བོ་བཏགས་པའི་ཕྱེ་མ། |
| སྲེ་ལོང |
1 རྐང་པའི་རུས་འབུར། རྐང་བའི་མགོ་དང་རྗེ་ངར་འབྲེལ་མཚམས་ཀྱི་ཚིགས་པའི་མིང་ངམ་ཚིགས་མཚམས་དེར་ཕྱི་ནང་ལ་འབུར་བའི་རུས་ཚིགས་འབུར་བོ་དེའི་མིང་། 2 མི་ཡི་སྲེ་ལོང་ནི་རྐང་པའི་རྟིང་པའི་རུས་པ་དང༌། དུད་འགྲོའི་སྲེ་ལོང་ནི་རྐང་པའི་ཚིགས་གཉིས་པའི་ཐོག་གི་རུས་པ། |
| སྲེག |
(བྱེད་འབྲེལ་ལས་ཚིག་ད་ལྟ་བ) དངོས་རྫས་ལ་མེ་འབར་དུ་བཅུག་པའི་དོན་ཏེ། ཤོག་ཧྲུལ་མེ་ལ་སྲེག་གིན་འདུག གད་སྙིགས་མེས་སྲེག་གིན་འདུག་ལྟ་བུ། |
| སྲེག་ཁང |
མི་ཤི་བའི་བེམ་པོ་མེ་ལ་སྲེག་པའི་ཁང་བའི་མིང་། མེ་དང་ཚ་དྲོད་ཀྱིས་དངོས་རྫས་འགྱུར་ལྡོག་འབྱུང་དུ་བཅུག་པའི་དོན་ཏེ། ས་ཚིག་བསྲེགས། ལྕགས་བསྲེགས། ཤ་བསྲེགས་མ། སྲེག་ཤ་ཞེས་པ་ལྟ་བུ། ０མེ་དང་དངོས་རྫས་ཚ་དྲོད་ཅན་གྱིས་ལུས་ལ་རྨ་བཏོད་པའི་དོན་ཏེ། ཆུ་ཁོལ་ཚ་མོས་ཁ་སྲེག་ལྟ་བུ། |
| སྲེག་གནས |
དུར་ཁྲོད། |
| སྲེག་པ |
1. ཐ་དད་པ བསྲེགས་པ། བསྲེག་པ། སྲེགས།། ཚིག་པའམ་གདུང་བར་བྱེད་པ། ཤོག་བུ་མེར་བསྲེགས། ཕུང་པོ་མེར་སྲེག་པ། གདོང་པ་ཉི་མས་བསྲེགས་པ། འདོད་ཆགས་ཀྱིས་སྲེག་པ། མེ་སྟག་གཅིག་གིས་རྩྭ་ཐང་སྲེག 2. བྱ་ཞིག་སྟེ་གཤོག་བཀྲ་ཡང་ཟེར། བཟང་པོ་སེམས་ལ་བཞག་ན་བྱི་བས་གླང་ཆེན་སློང༌། ངན་པ་སེམས་ལ་བཞག་ན་སྲེག་པས་དགྲ་ཤ་ལེན། 3. བྱ་གོང་མ་སྲེག་གི་མིང་གཞན་ཏེ། གོང་མོ་ལ་ལྟོས། |
| སྲེག་པའི་རྒྱ |
དཔེ་ཆའི་ཁ་བྱང་གི་གཡས་གཡོན་སོགས་སུ་མཛེས་རྒྱན་དུ་འབྲི་བའི་རི་མོ་ཞིག |
| སྲེག་བྱེད |
མངོན 1 མེ། 2 མེ་ལྷ། 3 ལྷ་དབང་ཕྱུག 4 པི་པི་ལིང༌། |
| སྲེག་བྱེད་རྡོ |
མངོན མེ་ཤེལ། |
| སྲེག་བླུགས |
སྦྱིན་སྲེག་གི་མིང༌། |
| སྲེག་ཟ |
མངོན 1 མེ། 2 མེ་ལྷ། |
| སྲེག་རྫས |
སྦྱིན་སྲེག་གི་རྫས། |
| སྲེག་ཤ |
བྱ་སྲེག་པའི་ཤ། |
| སྲེག་ཤིང |
1 མེ་ཤིང་ངམ། བུད་ཤིང༌། 2 སྦྱིན་སྲེག་གི་ཤིང༌། |
| སྲེགས |
སྲེག་པའི་སྐུལ་ཚིག་ |
| སྲེད |
(བྱེད་མེད་ལས་ཚིག) སེམས་ཞེན་ཞིང་ཆགས་པའི་དོན་ཏེ་ཆང་ལ་ཧ་ཅང་མ་སྲེད་ལྟ་བུ། 2.སྐུལ་ཚིག་སྟེ། ཁྱོད་ཀྱིས་གད་སྙིགས་རྣམས་སྲེགས་ཤིག་ལྟ་བུ། |
| སྲེད་པ |
1. ཐ་མི་དད་པ ཞེན་པའམ། ཆགས་པ། འདུ་འཛི་ལ་སྲེད་པ། རྒྱུ་ནོར་ལ་སྲེད་པ། 2 1 ཚོར་བ་སྡུག་བསྔལ་དང་འབྲལ་བར་འདོད་ལ། ཚོར་བ་བདེ་བ་དང་འཕྲད་ཅིང་འགྲོགས་པར་འདོད་པ་སྐོམ་གྱིས་གདུང་བ་ལྟ་བུ་སྟེ་རྟེན་འབྲེལ་བཅུ་གཉིས་ཀྱི་བརྒྱད་པ། 2 ཞེན་ཆགས། ཤ་སྲེད། ཆང་སྲེད། གཉིད་སྲེད། སྲེད་པ་གཅོད་པ། སྲེད་པ་མེད་པ། |
| སྲེད་པ་གསུམ |
འཆི་སྐབས་སུ་ཡོད་པའི་འདོད་སྲེད། འཇིགས་སྲེད། སྲིད་སྲེད་བཅས་གསུམ། |
| སྲེད་པའི་ཆུ་བོ |
ཆུ་བོ་བཞིའི་ཡ་གྱལ་ཞིག་སྟེ། འདོད་པའི་ཁམས་ཀྱི་མ་རིག་པ་དང་ལྟ་བ་མ་གཏོགས་པའི་ཉོན་མོངས་པ་རྣམས་སོ། |
| སྲེད་པའི་ཟླ་བ |
ཉི་མས་སེང་ཁྱིམ་སྤྱོད་པའི་ཟླ་བ་སྟེ། ཧོར་ཟླ་བདུན་པ། |
| སྲེད་པའི་ཡན་ལག |
རྟེན་འབྲེལ་ཡན་ལག་བཅུ་གཉིས་ཀྱི་ནང་གསེས། ཚོར་བའི་རྒྱུ་ལས་ཡུལ་གྱི་རོ་མྱོང་བ་དང༌། དེ་ལ་དགའ་ཞིང་ཞེན་པ་སྐྱེ་བས་ཡང་སྲིད་སྡུད་པར་བྱེད་པའོ། |
| སྲེད་བྱེད |
མངོན 1 བྱ་རྒོད། 2 འདོད་ལྷ། |
| སྲེད་བྱེད་མདའ |
མདའ་ལྔའི་ཡ་གྱལ་ཞིག |
| སྲེད་མེད་བུ |
མངོན ཁྱབ་འཇུག |
| སྲེད་ཞེན |
དགའ་བའམ་ཆགས་པ། ལོངས་སྤྱོད་ལ་སྲེད་ཞེན་ཆེ་བ། |
| སྲེལ |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ཉར་ཚགས་བྱེད་པའམ་གཅེས་སྤྲས་བྱེད་པའི་དོན་ཏེ། རྟ་གྲགས་སྐད་ཆེ་དུས་བཙོང་དགོས། མི་གྲགས་སྐད་ཆེ་དུས་སྲོལ་དགོས་ཞེས་པ་ལྟ་བུ། |
| སྲེལ་བ |
ཐ་དད་པ བསྲེལ་བ། བསྲེལ་བ། སྲེལ།། 1 འཆང་བའམ་འཛིན་པ་དང༌། ཉར་བདག་བྱེད་པ། རྒྱུ་ནོར་མང་པོ་བསྲེལ། 2 སྤེལ་བ། རིང་བསྲེལ། |
| སྲེས |
སྐུལ་ཚིག་སྟེ། ལུག་ཁྱུ་སྲེས་ཤིག་ལྟ་བུ། དོན་ཚན་གཉིས་ཡན་ཁྱད་པར་མ་ཕྱེ་བར་ཕན་ཚུན་ནོར་བར་བྱས་པའི་དོན་ཏེ། ཚིག་གོང་འོག་བསྲེས། དོན་མང་བོ་མ་བསྲེས་པར་བཤད་ལྟ་བུ། ０གྲངས་ཀའི་སྟེང་དུ་གྲངས་ཀ་བསྣན་པའི་དོན་ཏེ། ལྔ་དང་ལྔ་བསྲེས་པས་བཅུ་ཡིན་ལྟ་བུ། |
| སྲོ |
(བྱེད་འབྲེལ་ལས་ཚིག་ད་ལྟ་བ)ཉི་འོད་དང་མེ་སོགས་ལ་བརྟེན་ནས་དྲོས་སུ་འཇུག་པའི་དོན་ཏེ། ལག་པ་མེ་ལ་སྲོ་བཞིན་འདུག་ཅེས་པ་ལྟ་བུ། 2. ལུས་ཕུང་གི་ལུས་ཟུངས་དང་སེམས་ཀྱི་ནུས་པ་སོགས་ཀྱི་མིང་ལ་འཇུག་སྟེ། རྟ་ནོར་འཚོ་སྐྱོང་བཟང་བོ་བྱས་ནས་ལུས་ཇེ་བཟང་དུ་འོངས་པ་ལ་སྲོ་བབས་ཟེར་བ་དང་། མིས་སེམས་ཤུགས་སྒྲིམ་པ་ལ་སྲོ་སྒྲིམ་ཟེར་བ་ལྟ་བུ། ཡི་གེ་སློབ་དུས་སྲོ་བསྒྲིམ་དགོས། རྟ་ནོར་བཀོལ་རྗེས་གསོས་ནས་སྲོ་འབབ་པར་བྱེད་དགོས་ལྟ་བུ། |
| སྲོ་ཁང |
བསྲོ་ཁང་དང་འདྲ། |
| སྲོ་གང |
དྲོད་ཚད་རན་པ་ཞིག་རྒྱུན་འཁྱོངས་བྱས་ནས་རྩི་ཤིང་སྐྱེད་སྲིང་བྱེད་པའི་ཁང་བ། |
| སྲོ་བ |
ཐ་དད་པ བསྲོས་པ། བསྲོ་བ། སྲོས།། ཉི་མ་དང་མེར་དྲོ་བར་བྱེད་པ་དང་སྐམ་པར་བྱེད་པ། ལག་པ་མེར་བསྲོས་ཏེ་ཡི་གེ་བྲིས། གོས་རློན་པ་མེར་བསྲོ་བ། ཉི་མར་བསྲོས་པས་ལུས་པོ་དྲོ་བ། |
| སྲོ་མ |
1 ཤིག་གི་སྒོ་ང། རང་མགོའི་ཤིག་ལ་མ་མཐོང་བར་མི་མགོའི་སྲོ་མ། 2 ཉི་རྡུལ་བདུན་གྱི་ཚད། 3 སྔོ་སྨན་ཞིག |
| སྲོ་མ་ནག་པོ |
སྔོ་སྨན་གྱི་རིགས་ཤིག་སྟེ། རོ་མངར། ཞུ་རྗེས་སྙོམས། ནུས་པས་བཅུད་ལེན་དང་ལུས་སྟོབས་སྐྱེད། |
| སྲོ་ལོ |
ལོ་མང་སྐྱེ་བའི་རྩི་ཤིང་རིགས་མི་འདྲ་བ་གསུམ་ཀྱི་སྤྱི་མིང་ཡིན། |
| སྲོ་ལོ་དཀར་པོ |
སྔོ་སྨན་གྱི་རིགས་ཤིག་སྟེ། རོ་མངར། ཞུ་རྗེས་བསིལ། ནུས་པས་གློ་ཚད་དང༌། རིམས་ཚད་ལ་ཕན། མིང་གི་རྣམ་གྲངས་ལ་གངས་ཀྱི་སེང་ཆུང་དང༌། གངས་སྤྲུལ་དཀར་པོ། སྟག་སྨན་ཟིལ་པ་ཅན། བྱ་རྒོད་བུ་གསོ། ཡུ་མོ་གློ་སྨན། སེང་སྐྱ་རལ་པ་ཅན། སྲོལ་ཆུང་པ་བཅས་སོ། |
| སྲོ་ལོ་དཀར་བོ |
ལོ་མང་སྐྱེ་བའི་རྩྭ་ལྡུམ་ཞིག་ཡིན་ལ་རྩ་བ་སྨན་བྱེད་ཆོག |
| སྲོ་ལོ་དམར་པོ |
སྔོ་སྨན་གྱི་རིགས་ཤིག་སྟེ། རོ་བསྐ་ལ་མངར་ཁ། ཞུ་རྗེས་བསིལ། ནུས་པས་གློ་བ་གསོ་ཞིང་གློ་ཚད་སེལ། བཅུད་ལེན་གྱི་རྫས་སུའང་འགྲོ། |
| སྲོ་ལོ་དམར་བོ |
ལོ་མང་སྐྱེ་བའི་རྩྭ་ལྡུམ་མཐོ་ཚད་ལ་ལིས་སྨིས་ལྔ་ནས་བཅོ་ལྔ་བར་ཡོད་པ། རྩ་བ་སྦོམ་པོ་ཤིང་འདྲ་བ་ཞིག་ཡིན་ལ་སྨན་བྱེད་ཆོག ཡང་རྒྱ་སྐད་དུ་ཐང་ཀུ་ཐེ་ཧུན་ཅིན་ཐེན་ཟེར་བའི་རྩི་ཤིང་རིགས་ཤིག་ལའང་སྲོ་ལོ་དམར་བོ་ཟེར། བོད་ཀྱི་སྨན་པས་རྩྭ་སྨན་རིགས་འདི་གསུམ་གའི་སྤྱི་མིང་ལ་སྲོ་ལོ་ཟེར། དཔེ་ཆ་གཞན་དུ་སྲོ་ལོ་ནི་ཤིང་དྲིལ་དང་། རྒྱ་སྐད་དུ་པ་ལན་ཀིན་ཟེར་བའི་རྩྭ་སྨན་རིགས་ཤིག་ལ་ངོས་འཛིན་པའང་ཡོད། |
| སྲོ་ལོ་སུག་འདྲ |
སྲོ་ལོ་དཀར་པོའི་མིང་གི་རྣམ་གྲངས་ཤིག |
| སྲོ་ལོ་སྨུག་པོ |
སྔོ་སྨན་གྱི་རིགས་ཤིག་སྟེ། རོ་ཚ་ལ་མངར། ཞུ་རྗེས་བསིལ། ནུས་པས་གློ་བའི་ཚད་པ་དང་རིམས་ཚད་སེལ། |
| སྲོ་ལོང |
བྱའི་བྱེ་བྲག་ཅིག་སྟེ་འབྲོམ་སྟོན་གྱི་གསུང་ལས་བྱུང༌། |
| སྲོ་ཤད |
སྲོ་མ་འདོན་བྱེད་ཀྱི་སྐྲ་ཤད། |
| སྲོ་ཤི་བ |
རྙིང དཔའ་ཞུམ་པ། |
| སྲོ་ཤིག |
ལུས་ལས་སྐྱེས་པའི་སྲིན་བུ་ཤིག་དང༌། དེ་ལས་སྐྱེས་པའི་སྒོ་ང་སྲོ་མ་གཉིས་ཀྱི་བསྡུས་མིང༌། |
| སྲོ་སྒོང |
བསྲོ་ཁང་དང་འདྲ། |
| སྲོག |
1 འདུལ་བ་དང༌། ཆོས་མངོན་པ་སོགས་ལས་ལུས་ཅན་གྱི་དྲོད་དང་རྣམ་ཤེས་ཀྱི་རྟེན་དུ་གྱུར་པའི་དབང་པོ་གཙོ་པོ་དང༌། མདོ་དང་བསྟན་བཅོས་གཞན་དག་ལས་སེམས་ཅན་གསོན་པོར་འཚོ་ཞིང་གནས་ཐུབ་པའི་ནུས་པ་དབུགས་དང་བཅས་པ་ལ་སྲོག་ཟེར། སྲོག་གི་བར་ཆད། སྲོག་གཏོང་བ། སྲོག་ཐར་བ། སྲོག་མཐར་བྱེད་པ། སྲོག་སྐྱོབ་པ། སྲོག་འཕྲོག་པ། སྲོག་འབུལ་བ། རང་སྲོག་འབེན་བཙུགས། ལུས་སྲོག་བློས་བཏང༌། སྲོག་སྐྱོབ་རྨས་སྐྱོར། སྲོག་རྐྱེན་དུ་གཏོང་བ། སྲོག་ཐོག་གི་ཁྲིམས་གཅོད་བྱེད་པ། རང་ཉིད་ཀྱི་སྲོག་ལ་ཇི་ཡང་མི་སྙམ་པ། རྒྱལ་ཁ་མ་ཐོབ་ན་སྲོག་དང་བྲལ་ཡང་ལོག་མི་འགྲོ་བ། 2 ནག་རྩིས་པས་བརྟག་བྱའི་སྲོག་ལུས་དབང་ཐང་གསུམ་གྱི་ཡ་གྱལ་ཞིག་སྟེ། བྱི་གླང་སྟག་ཡོས་སོགས་བཅུ་གཉིས་སོ། |
| སྲོག་ཁྲིམས |
སྲོག་ཐོག་ཉེས་ཆད་གཏོང་བའི་ཁྲིམས། |
| སྲོག་གཅོད |
གསོད་པ། སྲོག་གཅོད་སྤངས་པ། སྲོག་གཅོད་གཤེད་མ་མཐོང་བ་བཞིན་དུ་བྲོས་སོང༌། རང་ཁ་གསེར་གྱི་སྒོ་ནང་ནས། རང་སྲོག་གཅོད་པའི་སྟ་རེ་བུད། |
| སྲོག་གཅོད་ནད་དགུ |
འཚོ་བ་གསུམ་ཟད་པ་དང༌། འདུ་བ་གཤེད་དུ་བབས་པ། སྦྱོར་བ་མཚུངས་པ། གནད་དུ་མཚོན་སོགས་བབས་པ། རླུང་ནད་སྲོག་རྟེན་ཆད་པ། ཚ་བ་ལ་འདས་པ། གྲང་བ་གཏིང་དུ་འཁར་བ། ཟུངས་ཀྱིས་མི་ཐུབ་པ། འབྱུང་པོའི་གདོན་གྱི་རྣམ་པར་འཚེ་བ་བཅས་སོ། |
| སྲོག་གཅོད་པའི་ཕམ་པ |
ཕམ་པ་བཞིའི་ནང་གསེས། གཞི་མིའམ་མིར་ཆགས་པ། བསམ་པ་གསོད་པར་འདོད་པས། སྦྱོར་བ་མཚོན་དུག་སྔགས་ཀྱིས་གསོད་པར་བརྩམས་པའམ། གཞན་ལ་གསོད་དུ་བཅུག་ནས། མཐར་ཐུག་གཞན་གྱི་སྲོག་གི་དབང་པོ་འགག་པའོ། |
| སྲོག་གནས |
མངོན སྙིང༌། |
| སྲོག་གཤེད |
1 སྲོག་གི་བར་གཅོད་དེ། ཞག་སྐག་དང༌། ཟླ་སྐག་གམ་ལོ་སྐག་ལྟ་བུ། 2 སྲོག་གཅོད་མཁན། |
| སྲོག་གི་ཀ་བ |
སྲོག་ཁམས་ཀྱི་རྟེན་དུ་གྱུར་པའི་རྩ། |
| སྲོག་གི་དབང་པོ |
སེམས་ཅན་རིས་མཐུན་པར་སྔོན་ལས་ཀྱི་དབང་གིས་ཅི་ཙམ་གནས་པའི་དུས་ངེས་པ་ཚེ་ཞེས་བརྗོད་པ་སྟེ་དྲོད་དང་རྣམ་ཤེས་ཀྱི་རྟེན་དུ་གྱུར་པ་གང་ཡིན་པ་དེའོ། |
| སྲོག་ཅན |
1 སེམས་ཅན། 2 དབྱངས་ལྡན་གྱི་གསལ་བྱེད། |
| སྲོག་ཆགས |
1 སེམས་ལྡན་སྤྱིའི་མིང༌། 2 འབུ་སྲིན་ཆེ་ཆུང་གི་རིགས། སྲོག་ཆགས་གྲོག་མ་མིག་མེད་ཀྱང༌། མིག་ལྡན་གཞན་ལས་ལྷག་པར་མགྱོགས། མིང་གི་རྣམ་གྲངས་ལ་སྐྱེ་ལྡན་དང༌། སྐྱེ་བོ། ལུས་ཅན། སེམས་ཅན། སྲོག་ཅན་བཅས་སོ། |
| སྲོག་ཆགས་དང་ལྡན་པར་འདེབས་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྲོག་ཆགས་ཡོད་པ་ཤེས་བཞིན་དུ་ཆུ་ལ་རྩྭ་དང་རྩྭ་ལ་ཆུ་སོགས་བཏབ་ནས་ལོངས་སྤྱོད་པའོ། |
| སྲོག་ཆགས་ལྡན |
མངོན བུད་མེད་སྦྲུམ་མ། |
| སྲོག་ཆགས་ལྡན་པའི་ཆུ་ལོངས་སུ་སྤྱོད་པའི་ལྟུང་བྱེད |
ལྟུང་བྱེད་འབའ་ཞིག་པ་དགུ་བཅུའི་ནང་གསེས། སྲོག་ཆགས་དང་བཅས་པའི་ཆུ་བཏུང་བ་དང་དེར་ཁྲུས་བྱེད་པ་སོགས་དང༌། རྩྭ་ཤིང་ལ་ལོངས་སྤྱོད་པའོ། |
| སྲོག་ཆུང |
ཡི་གེ་ཀློག་སྐབས་ཁའི་ནང་ནས་ཕྱི་རོལ་ཏུ་དབུགས་ཐོན་ཆུང་བའི་འདོན་ཚུལ། |
| སྲོག་ཆེན |
ཡི་གེ་ཀློག་སྐབས་ཁའི་ནང་ནས་ཕྱི་རོལ་ཏུ་དབུགས་ཐོན་ཆེ་བའི་འདོན་ཚུལ། |
| སྲོག་ཉེན |
སྲོག་གི་ཉེན་ཁ། |
| སྲོག་ཉེས |
སྲོག་ཐོག་གི་ཉེས་ཆད་གཏོང་བའི་ཁྲིམས། |
| སྲོག་ཐར |
ཚེ་ཐར་ཏེ་སྲོག་གཅད་པར་འོས་པ་ཞིག་སྲོག་མ་བཅད་པར་གློད་པའི་མིང༌། སྲོག་ཐར་གཏོང་བ། སྲོག་ཐར་གཏོང་ཡུལ་མཚེའུ། |
| སྲོག་ཐོག་ཁྲིམས་གཅོད |
སྲོག་འཕྲོག་པའི་ཁྲིམས་གཅོད། |
| སྲོག་ཐོག་ཉེས་ཆད |
སྲོག་ཐོག་ཁྲིམས་གཅོད་དང་དོན་གཅིག་ |
| སྲོག་དབང |
སྲོག་གི་དབང་པོའི་བསྡུས་མིང༌། |
| སྲོག་དབུགས |
སྲོག་རྟེན་དབུགས་རླུང༌། སྲོག་དབུགས་མ་ཆད་བར། སྲོག་དབུགས་ཆད་པ། སྲོག་དབུགས་རྒྱུ་བ། |
| སྲོག་ཕན |
མངོན ལྷམ། |
| སྲོག་བསྡོས |
སྲོག་གི་ཉེན་ཁར་མི་འཛེམ་པ། སྲོག་དང་བསྡོས་ནས་དགྲ་བོ་འགོག་པ། |
| སྲོག་བྲལ |
1 ཤི་བ། 2 མངོན རོ། |
| སྲོག་མཁྲེགས་པོ |
སྤྱོད་ཤན་ཆེ་བ། |
| སྲོག་མེད |
1 སེམས་མེད་བེམ་པོའི་དངོས་པོ། 2 ཡུལ མཁྲེགས་པོ་མེད་པ། 3 དབྱངས་མེད་ཀྱི་གསལ་བྱེད་ཡི་གེ། |
| སྲོག་མེད་དབུགས |
མཆོད་མེ། |
| སྲོག་ཟུངས |
ལུས་ཀྱི་ནུས་སྟོབས། ལོ་ན་དར་མའི་སྐབས་སུ་སྲོག་ཟུངས་བཟང་བ། |
| སྲོག་ཟོན |
སྲོག་སྐྱོན་འབྱུང་བའི་དོགས་ཟོན། རང་རེ་མ་བུ་གཉིས་ཀའི་ཕྱིར་དུ་སྲོག་ཟོན་དམ་པོར་གྱིས། |
| སྲོག་འགྲོ |
འཆི་བའམ་སྲོག་ལ་ཐུག་པ། |
| སྲོག་འདོར་བ |
རང་སྲོག་བློས་གཏོང་བ། སྲོག་འདོར་བར་ནུས་པའི་ཞབས་འདེགས་ཞུ་བ། |
| སྲོག་འཚོ་བ |
1 མ་ཤི་བའམ་གསོན་པ། ད་དུང་སྲོག་འཚོ་ཙམ་དུ་གནས་ཡོད་པ། 2 ཚེ་ཡུན་རིང་གནས་ཐབས་བྱེད་པ། |
| སྲོག་འཛིན་རླུང |
ལུས་ཀྱི་རྩ་བའི་རླུང་ལྔའི་ཡ་གྱལ་སྤྱི་བོ་ཀླད་པའི་སྦུབས་སུ་གནས་པ་ཞིག་སྟེ། བྱེད་ལས་བློ་རྣོ་བ་དང༌། དབང་པོ་གསལ་བ། སེམས་རྗེས་སུ་འཛིན་པར་བྱེད། |
| སྲོག་རྟེན |
སྙིང་ངམ་བླའམ་ཚེ། |
| སྲོག་རྩ |
1 སྲོག་ཁམས་ཀྱི་རྟེན་དུ་གྱུར་པའི་རྩ། 2 འཁོར་བའི་རྩ་ཐམས་ཅད་ཀྱི་རྩ་བར་གྱུར་ཅིང་སྲོག་འཛིན་བྱེད་ཀྱི་རྩ། |
| སྲོག་རྩ་དཀར་ནག |
སྲོག་གནས་པའི་རྩ་བ་ལྟར་གྱུར་པས་ན་སྲོག་རྩ་ཞེས་ཟེར་ཏེ། དེ་ལ་ནང་གསེས་སུ་དབྱེ་ན་སྙིང་དང་འབྲེལ་ཞིང་ཁྲག་རྒྱུ་བའི་སྲོག་རྩ་ནག་པོ་དང༌། ཀླད་པ་དང་འབྲེལ་ཞིང་རླུང་རྒྱུ་བའི་སྲོག་རྩ་དཀར་པོ་གཉིས་སོ། |
| སྲོག་རླུང |
1 སྲོག་འཛིན་གྱི་རླུང་ནད་དུ་གྱུར་པ་ཞིག་སྟེ། ནད་རྟགས་སུ་སེམས་འཕྱོ་བ་དང༌། གཉིད་ཡེར། རེས་བརྒྱལ་བའམ་བོག་པར་འགྱུར་བ་ཞིག 2 སྲོག་ཚེའི་རྟེན་བྱེད་པའི་སྲོག་འཛིན་གྱི་རླུང༌། |
| སྲོག་ལ་འཆུམས་པ |
རྙིང སྲོག་ལ་ཆགས་པ། |
| སྲོག་ལན |
གཞན་སྲོག་བཅད་པའི་ལན། སྲོག་ལན་འཇལ་བ། བློན་པོ་འདི་དང་སྲོག་ལན་ཡང་ཡང་ཆགས། |
| སྲོག་ལུས་དབང་ཀླུང་བཞི |
ནག་རྩིས་ལས་བཤད་པའི་ལོ་རྒན་དྲུག་ཅུ་པོ་རེ་རེ་ལ་སྲོག་གི་ཁམས་དང༌། ལུས་ཀྱི་ཁམས། དབང་ཐང་གི་ཁམས། ཀླུང་རྟའི་ཁམས་བཅས་བཞི་རེ་ཡོད་པས་ཕན་ཚུན་མཐུན་མི་མཐུན་བརྟག་པའོ། |
| སྲོག་ལུས་དབང་ཐང |
ནག་རྩིས་ལས་བཤད་པའི་ལོ་རྒན་དྲུག་ཅུ་པོ་རེ་རེ་ལ་སྲོག་གི་ཁམས་དང༌། ལུས་ཀྱི་ཁམས། དབང་ཐང་གི་ཁམས་རེ་ཡོད་པས་ཕན་ཚུན་མཐུན་མི་མཐུན་བརྟག་པའོ། དཔེར་ན། དེ་ནས་རྒྱ་ནག་ས་གླང་ནི། བརྟག་པའི་རྩིས་ཀྱི་ཆོ་ག་ལ། དེ་ནས་གླང་གི་མདོག་བསྟན་པ། གང་བརྩིའི་གནམ་ལོའི་དབང་ཐང་མགོ། སྲོག་གི་ཁམས་ནི་ལུས་པོ་སྟེ། གནམ་ལོའི་ལུས་ཁམས་ཕོ་བའོ། ཞེས་པ་ལྟ་བུ། |
| སྲོག་ལྡན |
1 སེམས་ཅན། 2 གསོན་པོར་གནས་བཞིན་པ། སྲོག་ལྡན་སྟོབས་ཤུགས། |
| སྲོག་ལྷ |
འགོ་བའི་ལྷ་ལྔའི་ཡ་གྱལ། |
| སྲོག་ཤིང |
1 གཞུང་ཤིང༌། 2 གཙོ་བོའམ། སྙིང་པོ།…3. རྩིག་དངོས་སྲ་བརྟན་བྱེད་ཆེད་རྩིག་དངོས་ཀྱི་དཀྱིལ་ལ་བཞག་པའི་ཤིང་དང་ལྕགས་སོགས་ཀྱི་དཀྱིལ་སྙིང་གི་མིང་། 4. ཤིང་རྟ་དང་རླངས་འཁོར་སོགས་ཀྱི་འཁོར་ལོ་གཉིས་ཀྱི་ལྟེ་བ་སྦྲེལ་བྱེད་ཀྱི་གཏུན་གྱི་མིང་། |
| སྲོག་ཤིང་གཟེད་བྱེད |
སྲོག་ཤིང་རྟེན་སའམ་རྟེན་ཡུལ། |
| སྲོག་སྐྱབས |
ལུས་སྲོག་འཇིགས་པ་ལས་སྒྲོལ་བར་བྱེད་པ་མགོན་པོའམ་སྐྱབས་ཡུལ། |
| སྲོག་སྡོམ་གཟེར་བཞི |
མ་ཧཱ་ཡོ་གའི་བསྐྱེད་རིམ་གྱི་གནད་ཀྱི་གཟེར་བཞི་སྟེ། ཏིང་ངེ་འཛིན་ལྷའི་གཟེར། སྙིང་པོ་སྔགས་ཀྱི་གཟེར། དགོངས་པ་མི་འགྱུར་བའི་གཟེར། འཕྲོ་འདུ་ཕྱིན་ལས་ཀྱི་གཟེར་རྣམས་སོ། འདི་དག་ནི་འཁོར་འདས་ཀྱི་ཆོས་ཐམས་ཅད་གཉིས་མེད་ཡེ་ཤེས་ཀྱི་སྲོག་སྡོམ་པར་བྱེད་པའི་གཟེར་བུ་བཞིའོ། |
| སྲོག་སྦྱིན |
1 སྲོག་སྐྱོབ་པ། 2 སྲོག་སྦྱིན་པར་གཏོང་བ། |
| སྲོང |
(བྱེད་འབྲེལ་ལས་ཚིག་ད་ལྟ་བ) འཁྱོག་གུག་ཡོ་བ་སོགས་ཀྱི་རྣམ་པ་ལས་དྲང་བོར་བྱེད་པའི་དོན་ཏེ། འཁྱོག་པོ་སྲོང་མཁན་ཞེས་པ་ལྟ་བུ། |
| སྲོང་པོ |
དྲང་པོ་སྟེ་ཀྱོག་ཀྱོག་མིན་པ། མདའ་སྨྱུག་སྲོང་པོ། མི་བློ་ཁོག་སྲོང་པོ། འགྲོ་ལམ་སྲོང་པོ། |
| སྲོང་བ |
ཐ་དད་པ བསྲངས་པ། བསྲང་བ། སྲོངས།། དྲང་པོར་བྱེད་པ། མདའ་དྲང་པོར་མ་བསྲངས་ན་འབེན་ལ་མི་ཐེབས། རང་རྒྱུད་དྲང་པོར་སྲོང་བ། ལུས་དྲང་པོར་སྲོང་བ། |
| སྲོང་བཙན་སྒམ་པོ |
གནམ་རི་སྲོང་བཙན་དང་ཚེ་སྤུང་བཟའ་གཉིས་ཀྱི་སྲས། བོད་རྒྱལ་གདུང་རབས་སོ་གསུམ་པ་འདིའི་རིང་ལ་པོ་ཏ་ལའི་རི་ལ་ཕོ་བྲང་བརྩིགས། བོད་ཡིག་གི་སྲོལ་བཏོད། སངས་རྒྱས་ཀྱི་ཆོས་ཐོག་མར་བོད་ཡིག་ཏུ་བསྒྱུར། བཀའ་ཡི་ཁྲིམས་ཡིག་ཆེན་པོ་རྣམ་དྲུག་མཛད་པ་སྟེ། དེ་ཡང་དང་པོ་བོད་ཡུལ་རུ་ཆེན་ལྔ་རུ་ཕྱེ་བ་དང༌། ཡུལ་གྱི་དབང་རིས་རྣམ་པ་བཅོ་བརྒྱད་བཅད་པ། རྒོད་ཀྱི་སྟོང་སྡེ་དྲུག་ཅུ་རྩ་གཅིག་ཕྱེ་བ། གཡུང་གི་མི་སྡེ་ཁེང་དང་ཡང་ཁེང་ཕྱེ་བ། ཞང་གསུམ་བློན་བཅས་དབུས་ཀྱི་འདུན་ས་འཛིན་པ། དཔའ་སྡེ་གསུམ་གྱིས་མཐའ་ཡི་སོ་ཁ་སྲུང་བ་བཅས་སྲིད་འཛིན་གནད་དྲུག་དང༌། གཉིས་པ་བཀའ་འགྲོས་ཆེན་པོ་དྲུག་གསུམ་པ་ཡིག་ཚངས་དྲུག་བཞི་པ་བཀའ་ཡི་ཕྱག་རྒྱ་དྲུག་ལྔ་པ་རྐྱེན་དྲུག་དྲུག་པ་དཔའ་མཚན་དྲུག་བཅས་དྲུག་ཚན་དྲུག་གིས་བོད་ཀྱི་ཁོས་སུམ་ཅུ་སོ་དྲུག་གཏན་ལ་ཕབ། ལྷ་ཆོས་དགེ་བ་བཅུ་དང༌། མི་ཆོས་གཙང་མ་བཅུ་དྲུག་གི་སྲོལ་བཙུགས་ནས་རྒྱལ་སྲིད་བཟུང༌། བལ་བཟའ་ཁྲི་བཙུན་ཁབ་ཏུ་བཞེས། ལྕགས་གླང་ལོར་རྒྱ་བཟའ་ཝུན་ཤིང་ཀོང་ཇོ་བཙུན་མོར་བསུས། ར་ས་འཕྲུལ་སྣང་གི་གཙུག་ལག་ཁང་དང༌། ར་མོ་ཆེ་ཞེས་པའི་གཙུག་ལག་ཁང་བཞེངས། མི་ཆེན་གྱི་བུ་རྣམས་རྒྱ་ནག་ཏུ་ཡོན་ཏན་སློབ་ཏུ་བཏང་སྟེ་རྒྱ་ནག་ཡུལ་ནས་ཆོས་དང༌། སྨན། རྩིས། སྒྱུ་རྩལ། དཔལ་འབྱོར་སོགས་ཀྱི་སྲོལ་རྒྱུན་སྣ་ཚོགས་བོད་དུ་དྲངས། བོད་ཁམས་དར་ཞིང་རྒྱས་པར་གྱུར་ཅིང༌། མེས་རྒྱལ་སྤུན་ཟླ་མི་རིགས་བར་གྱི་མཐུན་འབྲེལ་ལ་ཕྱག་རྗེས་མི་དམན་པ་མཛད། ཐང་གི་རྒྱལ་པོས་དེ་ལ་མག་པའི་ཆོ་ལོ་ཧཕུ་མ་དུའུ་ཝེ་ཞེས་དང་མཚོ་ནུབ་མའི་རྒྱལ་པོ་ཤིང་ཧེའི་ཁྱུན་དབང་ཞེས་པའི་ཆོ་ལོ་དང༌། སླར་ཙུང་དབང་ཞེས་པའི་ཆོ་ལོ་ཡང་བསྐུར། རྗེ་འདི་དང་མོངས་བཟའ་གཉིས་ལ་སྲས་གུང་རི་གུང་བཙན་བྱུང་ཡང་ཡབ་རྗེའི་གོང་དུ་འདས་པས་རྒྱལ་ས་དབོན་སྲས་མང་སྲོང་མང་བཙན་ལ་བསྐུར། དེ་དག་གི་ལོ་ཚིགས་ལ་བཞེད་ཚུལ་མི་འདྲ་བ་མང་ངོ། |
| སྲོང་བོ |
(རྒྱན་ཚིག) དྲང་བོའི་དོན་ཏེ། སེམས་སྲོང་བོ། སྲོང་བོར་བཤད་པ་ཞེས་པ་ལྟ་བུ། |
| སྲོངས |
སྲོང་བའི་སྐུལ་ཚིག་སྟེ། དབྱུག་པ་འཁྱོག་པོ་འདི་སྲོངས་ཤིག་ལྟ་བུ། 2. བཤད་དགོས་པའི་དོན་རྣམས་རྒྱས་པར་བཤད་པའི་དོན་ཏེ། ཚིག་གི་གཞུང་བསྲངས་ཞེས་པ་ལྟ་བུ། 3. དགོང་མོ་སྟེ་ནམ་སྟོད་ཀྱི་ཆ།… |
| སྲོད |
མཚན་མོའི་དུས་ལ་དུམ་བུ་ལྔ་བྱས་པའི་དུམ་བུ་དང་པོའི་མིང་། སྲད་ཀྱི་སྐུལ་ཚིག |
| སྲོད་ཐོ |
སྲོད་དང་ཐོ་རངས། |
| སྲོད་བྱིངས |
ས་རུབ་སྟེ་མུན་ནག |
| སྲོད་མུན |
ནམ་སྟོད་ཀྱི་མུན་ནག |
| སྲོད་འཁོར |
ཕག་གི་དུས་ཚོད་དེ་མཚན་མོའི་དུས་ཚོད་ཆ་དྲུག་ཏུ་བགོས་པའི་ཆ་གསུམ་པ། |
| སྲོད་འཇིང |
ནམ་སྟོད་ཀྱི་དཀྱིལ་ལམ་རྐེད་པ། |
| སྲོད་ཡོལ |
མཚན་མོའི་སྟོད་ཆ་བརྒལ་ནས་ནམ་ཕྱེད་མ་ཟིན་བར། |
| སྲོད་ལ་ཟ |
མངོན སྲིན་པོ་སྤྱིའི་མིང༌། |
| སྲོད་ལ་རྒྱུ |
མངོན སྲིན་པོ། |
| སྲོད་ལོང |
1 ཉིན་མོ་མིག་ལ་སྐྱོན་མ་མཆིས་ཀྱང་མཚན་མོ་ས་སྲོད་དུས་མིག་གིས་གཟུགས་མི་མཐོང་བ་ལོང་བ་ལྟར་འགྱུར་བ་ཞིག 2 མིག་འགྲིབས། |
| སྲོན |
སྲན་པའི་སྐུལ་ཚིག་ |
| སྲོབས |
(བྱེད་འབྲེལ་ལས་ཚིག་ད་ལྟ་བ་དང་སྐུལ་ཚིག) ན་ཟུག་དང་སྡུག་བསྔལ་སོགས་མྱངས་པ་ལ་ཞུམ་པ་མེད་པའི་དོན་ཏེ། ན་ཟུག་སྲོན་མཁན། ན་ཟུག་སྲོན་ཅིག་ལྟ་བུ། |
| སྲོལ |
1 ལུགས། སྔ་སྲོལ། བར་སྲོལ། ཕྱི་སྲོལ། ད་སྲོལ། བཤད་སྲོལ། ལུགས་སྲོལ། ལམ་སྲོལ། ཁྲིམས་སྲོལ། སྲོལ་འགྱུར་བ། སྲོལ་ཆགས་པ། སྲོལ་གཏོད་པ། སྲོལ་བཏོན་དར་སྤེལ། སྲོལ་དུ་འགྱུར་བ། སྲོལ་འཛུགས་པ། སྲོལ་ལོག་པ། སྲོལ་གསར། 2 ཤུལ། རྨ་སྲོལ། ཤིང་རྟའི་སྲོལ། |
| སྲོལ་ཀ |
ཤིང་རྟ་སོགས་སོང་བའི་ཤུལ་དང་ལམ་ཆེན་གྱི་མིང་སྟེ། ཤིང་རྟའི་སྲོལ་ཞེས་པ་ལྟ་བུ། ཁྲིམས་སྲོལ་དང་། ལུགས་སྲོལ། ཕྱག་སྲོལ་སོགས་ཀྱི་སྤྱི་མིང་སྟེ། ཡུལ་སྲོལ། སྔ་སྲོལ་ད་གནས། སྲོལ་བཟང་བཙུགས། ཡི་གེའི་སྲོལ་བཏོད་ལྟ་བུ། ０ཐོང་གཤོལ་གྱིས་ལོག་བརྒྱབ་ཤུལ་གྱི་ཤུར་མོའི་མིང་སྟེ། སྲན་ཆེན་སྲོལ་ནང་ལ་བཏབ་ལྟ་བུ། |
| སྲོལ་ཁ |
ལུགས་སྲོལ། མི་རིགས་ཀྱི་སྲོལ་ཁ། ལུང་པའི་སྲོལ་ཁ། སྲོལ་ཁ་འབྱེད་པ། |
| སྲོལ་གཏོད |
སྲོལ་འབྱེད་དང་དོན་གཅིག་ |
| སྲོལ་གོང |
རྙིང སྐེའམ་མགྲིན་པ།…2. རྫ་རི་མཐོ་སར་སྐྱེ་བའི་རྩྭ་ལྡུམ་ཞིག་སྟེ། གཞུང་རྟ་སྦོམ་པོ་ཆིག་རྐྱང་ཁོག་སྟོང་ཡིན། མེ་ཏོག་འདབ་མ་སེར་བོ་ཅན། འདི་ལ་སྲོལ་གོང་སེར་བོའམ་ཡུ་མོ་སྲོལ་གོང་ཡང་ཟེར། |
| སྲོལ་གོང་གི་རིགས |
སྔོ་ཞིག |
| སྲོལ་གོང་དམར་བོ |
རྫ་རི་མཐོ་སར་སྐྱེ་བའི་རྩྭ་ལྡུམ་གཞུང་རྟ་ཐུང་ལ་མེ་ཏོག་དམར་བོ་ཅན་ཞིག་ཡིན། སྲོལ་གོང་དམར་སེར་གཉིས་ཀའི་ལོ་མ་དང་མེ་ཏོག་སྨན་བྱེད་ཆོག |
| སྲོལ་གོང་པ |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་མགོ་བོ་ཆག་པ་གསོ་ཞིང༌། རུས་ཚད། དུག་ཚད་བཅས་ལ་ཕན། མིང་གི་རྣམ་གྲངས་ལ་བྲི་ཀུ་ར་ཎ་དང༌། ཡུ་མོ་ཨོལ་གོང་ངོ་ |
| སྲོལ་གོང་སེར་པོ |
སྔོ་ཞིག |
| སྲོལ་གོང་སྨུག་པོ |
སྔོ་ཞིག |
| སྲོལ་ངན |
དམན་པའི་ལུགས་དང་ལམ་ཐ་ཞན། སྲོལ་ངན་རྒྱུན་ཆགས། སྲོལ་ངན་སྣུབ་པ། སྲོལ་ངན་ནུབ་པ། |
| སྲོལ་བཟང |
ལུགས་སྲོལ་ཡག་པོ། སྲོལ་བཟང་འབྱེད་པ། གནའ་བོའི་སྲོལ་བཟང་པོ་ནུབ་པ་མེད་པ། |
| སྲོལ་འདེབས |
ལོ་ཏོག་གི་ས་བོན་ལོག་བརྒྱབ་པའི་སྲོལ་ནང་ལ་འདེབས་པའི་ཞིང་ལས་ལག་རྩལ་ཞིག་གི་མིང་། |
| སྲོལ་འབྱེད |
1 ལུགས་སྲོལ་གསར་དུ་འབྱེད་པ། 2 ལམ་སྲོལ་གསར་དུ་འབྱེད་པ་པོ། |
| སྲོལ་འཛིན |
1 ལུགས་སྲོལ་འཛིན་པ། 2 ལམ་སྲོལ་འཛིན་པ་པོ། |
| སྲོལ་རྒྱུན |
རྒྱུན་གྱི་ལུགས་སྲོལ་ལམ། ཡུལ་ཆོས། སྲོལ་རྒྱུན་བཟང་པོ། རྒན་ལ་གཞོན་གྱིས་བཀུར་བ་ནི། ཡ་རབས་སྐྱེ་བོའི་སྲོལ་རྒྱུན་ཡིན། |
| སྲོལ་ལམ |
རྒྱུན་གྱི་སྲོལ་ལུགས་སམ། ཡུལ་ཆོས། གནའ་བོའི་སྲོལ་ལམ་ལས་འདས་པ། |
| སྲོས |
སྲོ་བའི་སྐུལ་ཚིག་སྟེ། ཁ་ལག་སྲོས་ལྟ་བུ། 2. ཉི་མ་ནུབ་ནས་ཐོག་མར་མུན་པ་ཅུང་ཟད་འཐིབས་པའི་དུས་ཀྱི་མིང་སྟེ། ས་སྲོས་ལ་ཟླ་བ་ཤེར་ལྟ་བུ། |
| སྲོས་པ |
ཐ་མི་དད་པ ས་རུབ་པ། ས་སྲོས་པ། མུན་སྲོས་པ། ས་སྲོས་མུན་རུབ་ཁྱི་ཡི་དུས་ཚོད་ཡིན། |
| སླ |
(རྒྱན་ཚིག) དཀའ་ཚེགས་མེད་པའམ་ཆུང་བའི་དོན་ཏེ། ས་རློན་པ་བརྐོ་སླ། ཤིང་སྐམ་པོ་འབར་སླ། ཤེས་སླ་མོ། གོ་སླ་བའི་ཚིག་ཅེས་པ་སོགས་ལྟ་བུ། གཤེར་ཁུར་འདྲེས་པའི་སྙིགས་མ་ཉུང་བའི་དོན་ཏེ། སྐྱོ་མ་གར་སླ་རན་པ། བག་ཆུ་སླ་མོ། ཕྱེ་ཐུག་ཧ་ཅང་སླ་བ་ཞེས་པ་ལྟ་བུ། |
| སླ་ང |
ཟས་གཡོ་བྱེད་ཀྱི་ཁྲོ་ལྕགས་ཀྱི་སྣོད་ཟངས་ང་ཡི་མིང་གཞན། ཡི་གེ་བསྡུས་ན་སླང་ཞེས་འབྲི་ཆོག་སྟེ། ཁྲོ་ལྕགས་ཀྱི་སླ་ང་ལ་ཁྲོ་སླང་དང་། འཁར་བའི་སླ་ང་ལ་འཁར་སླང་། ལྕགས་ཀྱི་སླ་ངར་ལྕགས་སླང་ཟེར་བ་ལྟ་བུ། |
| སླ་ཆོས |
སླ་བཅོས་དང་འདྲ། |
| སླ་དྭངས |
ཁུ་བ་སླ་ཞིང་དྭངས་པ། གསོལ་ཇ་སླ་དྭངས། |
| སླ་པོ |
གར་པོ་མིན་པ་སོགས་ཀྱི་དོན་དུ་གོ་བའི་སླ་བ་དང་འདྲ། |
| སླ་བ |
1.ཐ་དད་པ བསླས་པ། བསླ་བ། སློས།། སྐྲ་བསླས་པ། སྨྱུག་མས་སློ་མ་བསླས་པ། ཐག་པ་བཞི་བསླས། ཆུ་མིག་དགུ་སྒྲིལ་གྱི་འུར་རྡོ་སླ་བ། 2 1 གར་པོ་མིན་པ། ཐུག་པ་སླ་པོ། ཆང་སླ་པོ། གར་སླ་འཚམས་པོ། 2 དཀའ་མིན། གོ་སླ་བ། ལས་སླ་པོ་མིན་པ། ཚོན་ལོག་སླ་མོ། བྱ་བ་རྣམས་སྒྲུབ་པར་སླ་པ། 3 རོ་དང་ནུས་པ་དྭངས་མ། སྨན་ནུས་སླ་བ། སྨན་གྱི་ཡོན་ཏན་སླ་བ། |
| སླ་བཅོས |
རུ་ང་ཞིབ་ཚགས་མེད་པ། རང་འཁྲིའི་ལས་འགན་ལ་ཁྲལ་མངོན་སླ་བཅོས་བྱེད་མི་རུང༌། |
| སླ་མོ |
གར་པོ་མིན་པ་སོགས་ཀྱི་དོན་དུ་གོ་བའི་སླ་བ་དང་འདྲ། |
| སླ་ཙ |
སླད་ཚ་དང་འདྲ། |
| སླག་པ |
པགས་པས་བཟོས་པའི་ལྭ་བའི་མིང་། སློག་པའམ། པགས་རྩག ཚར་སླག ལུག་སླག…2. ཚིག་བསྡུས་ན་སླག་ཅེས་འབྲི་ཆོག་སྟེ། ར་ལྤགས་ཀྱི་ལྭ་བ་ལ་ར་སླག་ཟེར་བ་ལྟ་བུ། འདི་རྩག་ཅེས་བཀླག་དགོས་ཤིང་སློག་པ་འབྲི་བའང་ཡོད། |
| སླགས་པ |
1.སླག་པ་དང་འདྲ། 2.རྙིང 1)བཀོད་པ། 2)སྐྱོན་བྱུང་བ། 3)བཀླགས་པ། 4)གཏད་པ། 5)ཉེན་པ། |
| སླང |
སླ་ངའི་བསྡུས་ཡིག ལྕགས་སླང༌། རྔོད་སླང༌། ཚལ་སླང༌། |
| སླང་དྲེག |
སླ་ངའི་ཕྱི་རོལ་ཏུ་ཆགས་པའི་དུ་བའི་དྲེག་པ། |
| སླང་སྡེར |
སླ་ང་ཁ་གཡེར་བ། |
| སླད |
1 ཆེད་དང་ཕྱིར། འཚོ་བའི་སླད་དུ་ངལ་རྩོལ་བྱེད། ཞིང་ལ་ཆུ་གཏོང་བའི་སླད་དུ་ཡུར་བ་བཟོ། ལོ་ཐོག་འབྱུང་བའི་སླད་དུ་སོ་ནམ་བྱེད་པ། སླད་དུའང་ཁོ་བོ་ལ་འགྲན་དུ་བཟོད་ན་ཅི་དགའ་བར་དཔུང་སྐྱོད་ཅིག 2 སླད་མའི་བསྡུས་ཚིག 3. ཉེ་ལོགས་དང་ཉེ་གམ་གྱི་མིང་སྟེ། བུ་ཕྲུག་ཨ་མའི་སླད་ན་སྐྱིད། དགེ་རྒན་བཟང་བོའི་སླད་ཀྱི་སློབ་མ། སྒྱུག་མོ་བཙན་པོའི་སླད་ཀྱི་མནའ་མ་ཞེས་པ་ལྟ་བུ། (འདིར་སླད་ནི་རྩད་དང་སྒྲ་མཚུངས་པར་བཀླག་དགོས) རྗེས་མའི་དོན་ཏེ། རྗེས་འབྲང་བ་ལ་སླད་འབྲང་བ་ཟེར་བ་ལྟ་བུ། |
| སླད་ཆ |
རྗེས་མའི་སྐབས་སམ། རྗེས་ཀྱི་དུས། སླད་ཆར་ཕྱག་བྲིས་ཡང་ཡང་ཡོད་པ་ཞུ། |
| སླད་དུ |
(བསྣན་ཚིག) ཆེད་དུ་དང་དོན་འདྲ་སྟེ། ནད་སོས་སླད་དུ་སྨན་བསྟེན་ལྟ་བུ། ཚིག་བསྡུས་ན་སླད་ཅེས་འབྲི་ཆོག་སྟེ། དེ་སླད་བརྩོན་པ་མ་བྱས་ཡོན་ཏན་འབྱོར་བ་དཀའ། དེ་སླད་བརྩོན་པ་ཆུ་བོའི་རྒྱུན་བཞིན་བསྟེན་ལྟ་བུ། |
| སླད་ཕྱིན |
རྗེས་སུའམ་ཕྱིན་ཆད། སླད་ཕྱིན་ཆད་ཀྱང་དེ་ལྟར་ཡོང་སྲིད། |
| སླད་བཞིན |
ཕྱིར་ཡང་ངམ། སླར་ཡང༌། སླད་བཞིན་བཤད་པ། སླད་བཞིན་ཕེབས་པ། |
| སླད་མ |
མ་འོངས་པའམ་ཕྱིས་ཀྱི་དོན་ཏེ། ཕྱི་མ་དང་རྗེས་མ། ད་ལྟ་མ་ཟད་སླད་མ་ལའང་ཧུར་བརྩོན་བྱེད་དགོས། ཁྱེད་སྔོན་ལ་ཕེབས། ང་སླད་མ་ནས་ཡོང༌། |
| སླད་ཙ |
སླད་ཚ་དང་འདྲ། |
| སླད་ཚ |
དྲི་ཆེན་ནམ། སྐྱག་པ། |
| སླད་འདོམས་ཁྲིམས་གཅོད |
རྗེས་སུ་བཀག་སྡོམ་བྱེད་ཐུབ་པའི་ཁྲིམས་གཅོད། |
| སླད་རོལ |
1 ཕྱི་རོལ། ཁང་པའི་སླད་རོལ། 2 རྗེས་མ། སླད་རོལ་གྱི་གནས་ཚུལ། |
| སླད་ལ |
ཡུལ ཞིན་པ་དང་ལར་རྒྱ། མི་རིགས་ཀྱི་སླད་ལ་བོར་མི་རུང༌། |
| སླད་ས |
རྙིང སྐྱག་པ། |
| སླན |
ཕྱིན་ཆད་ཀྱི་དོན་ཏེ། སླན་ཆད་ཀྱང་ཉེས་པ་མི་བྱ་ལྟ་བུ། |
| སླན་ཆད |
རྙིང ཕྱིན་ཆད་དམ་རྗེས་སུ། |
| སླན་པ |
རྙིང ཡང་བསྐྱར། |
| སླར |
རྙིང 1 ཅུང་ཟད་བརྔོས་པ། 2 ཉམས་པའམ། གར་པོ་མིན་པར་འགྱུར་བ། |
| སླར་གཟུགས |
སྐུ་འདྲའི་གཟུགས། |
| སླར་གྲིབ་མ |
མངོན གཟུགས་བརྙན། |
| སླར་དུག |
དུག་བོང་ང། |
| སླར་བརྗོད |
1 ལན་འདེབས་པ། 2 མངོན བྲམ་ཟེ། |
| སླར་བསྡུ |
1 ཚིག་དོན་གང་རུང་གི་རྫོགས་མཚམས་སུ་འཐོབ་པའི་ཕྲད་གཞན་དབང་ཅན་ཡིན་ལ་དེའི་སྒྲ་སྦྱོར་ཚུལ་ནི་ད་དྲག་ཅན་གྱི་མཐར་ཏོ་དང༌། མཐའ་མེད་ལ་འོ་འཐོབ་པ། གཞན་རྣམས་མིང་མཐའི་རྗེས་འཇུག་རང་དང་མཐུན་པར་སྦྱར་དགོས། ན་རོ། གོ་ངོ་དོ་ནོ་བོ་མོ་འོ་རོ་ལོ་སོ ཏོ ད་དྲག ཏོ འ འོ ངའོ། དེ་ཁྱིའོ། ཡོད་དོ། རྫོགས་སོ། སྐྱོ་སྐྱོ་སེམས་པ་སྐྱོ་འོ། རྨོངས་རྨོངས་བློ་སེམས་རྨོངས་སོ། འཁྲུག་འཁྲུག་སེམས་པ་འཁྲུག་གོ། འདར་འདར་ལུས་སེམས་འདར་རོ། 2 ཡི་གེ་བཅུ་གཅིག་པོ་དེ་དག་སོ་སོའི་རྗེས་སུ་ཅོག་ཅེས་པ་སྦྱར་ན་ཚང་མའམ་ཐམས་ཅད་ཀྱི་དོན་དུ་འཇུག ཅོག ཡོད་དོ་ཅོག བསྒྱུར་ཏོ་ཅོག ཤེས་སོ་ཅོག བྱའོ་ཅོག |
| སླར་བྱད་མཐུན |
མངོན གཟུགས་བརྙན་གྱི་འཕྲུལ་སྤར། |
| སླར་བྱུང |
མངོན དུས་ཚོད། |
| སླར་ཞིང |
ཕྱིར་ཞིང་སྟེ་ཕྱི་དུས་ཡང་ཡང༌། དོན་གལ་པོ་ཆེ་ལ་སླར་ཞིང་གྲོས་བསྡུར་བྱེད། |
| སླར་ཡང |
བསྐྱར་བའམ་བསྣན་པའི་དོན། ཁོ་རང་སླར་ཡང་སོང་བ། སྔར་སྨྲས་པར་མ་ཟད་ད་ལྟ་སླར་ཡང་སྨྲ་བ། |
| སླར་སྐྱེ |
མངོན 1 སྐྲ། 2 སེན་མོ། |
| སླས |
(བྱེད་འབྲེལ་ལས་ཚིག) རྩི་ཤིང་ཕྲ་མོ་སོགས་བསྒྲིལ་ནས་ཡོ་བྱད་སོགས་སྐྲུན་པའི་དོན་ཏེ། སེལ་བོ་སླས། འུར་ཆ་སླས། སྐྲ་སླས་ཞེས་པ་ལྟ་བུ། 2. བཙུན་མོའི་འཁོར་གྱི་བུད་མེད། .. 3 གཉེན་འཁོར། |
| སླས་ཀྱི་ལྷ་ཁང |
ལྷ་ཁང་གི་ཡན་ལག་ལྷ་ཁང་ཆུང་ངུ། |
| སླས་པ |
བསླས་པའི་ལྷས་མ། |
| སླས་མ |
སླས་པའི་དངོས་རྫས་ཀྱི་མིང་སྟེ། འབོབ་སླས་མ་ཞེས་པ་ལྟ་བུ། |
| སླས་ར |
མཚེར་རའམ་ལྷས་ར། དབྱར་སླས། དགུན་སླས། སླས་ར་ནོར་གྱིས་གང༌། |
| སླུ |
(བྱེད་འབྲེལ་ལས་ཚིག་ད་ལྟ་བ)གཡོ་སྒྱུ་དང་རྫུན་གཏམ་གྱིས་མགོ་བསྐོར་གཏོང་བ་སྟེ། དོགས་ཟོན་མ་བྱས་ན་མི་ངན་པས་སླུ་ཉེན་ཆེ། སླུ་མཁན། སླུ་བྲིད། སླུ་སེམས། སླུ་ཚིག་ཅེས་པ་ལྟ་བུ། |
| སླུ་ཁྲིད |
མགོ་སྐོར་བཏང་ནས་ཁྲིད་པ། |
| སླུ་གུ |
རྙིང ཆང་སྣོད་དམ། ཇ་དང་ཞོའི་སྣོད་རྫེའུ་ཞིག |
| སླུ་བ |
ཐ་དད་པ བསླུས་པ། བསླུ་བ། སླུས།། འདྲིད་པའམ་འབྲིད་པ་དང་མགོ་སྐོར་གཏོང་བ། རྒྱུ་ནོར་བསླུས་ཏེ་འཁྱེར་རྩིས་བྱེད། ཁ་ཡག་གིས་མི་བསླུས། མགོ་བསྐོར་གྱིས་རྟ་དེད། ངན་པས་རྐྱེན་དང་འཕྲད་ཚེ་སླུ་བར་བྱེད། |
| སླུ་བྱེད |
1 མགོ་སྐོར་གཏོང་བ། 2 སླུ་མཁན། 3 མངོན 1.ཝ་མོ། 2.ཅེ་སྤྱང༌། 3.མེ། 4.མེ་ལྷ། |
| སླུ་བྱེད་ཀྱི་གབ་ཚིག |
དངོས་པོ་གཞན་ལ་གྲགས་པའི་སྒྲ་སྟོབས་ལྡན་མཛེས་པར་བརྗོད་ནུས་པ་ལྷ་བུ་དག་གིས་དོན་དེ་གབ་ནས་གང་དུ་མི་མཛེས་པ་ལྟ་བུ་ཞིག་ཏུ་འཁྲུལ་བས་སླུ་བ་ནི་སླུ་བྱེད་གབ་ཚིག་གི་རྒྱན། |
| སླུ་འདྲིད |
མགོ་སྐོར་གཏོང་བ།…2. སླུ་འདྲིད་དང་འདྲ། |
| སླུས |
སླུ་བའི་སྐུལ་ཚིག་ |
| སླེ |
(བྱེད་འབྲེལ་ལས་ཚིག་ད་ལྟ་བ)སླས་པའི་དོན་ཏེ། སེལ་བོ་སླེ་ལྟ་བུ། མ་འོངས་པར་བསླེ་དང་འདས་པར་བསླེས། སྐུལ་ཚིག་ལ་སླེས་འབྲི། |
| སླེ་ཁ |
བལ་གྱི་གདན་ནམ་ཕྱར་བའི་མིང་། 2.རྙིང ཁ་ཀྱོག་ཀྱོག… |
| སླེ་ཏྲེས |
ཤིང་སྨན་གྱི་རིགས་ཤིག་སྟེ། རོ་མངར་ཁ་བསྐ་ལ་ཚ་བ། ཞུ་རྗེས་སྙོམས། ནུས་པས་རླུང་ཚད་དང༌། རིམས་ཚད། དྲེག་གྲུམ། ཚད་རྙིང་བྱེར་བ། ཚ་བ་མ་སྨིན་པ་སོགས་ལ་ཕན། མིང་གི་རྣམ་གྲངས་ལ་གུ་རི་ཙི་དང༌། རྒྱུད་ལྡན། བཅད་སྐྱེས། མཆོག་གི་ལུས། བདུད་རྩི། ན་ཚོད་གནས། སླེ་སྐེད་པ་བཅས་སོ། |
| སླེ་བ |
1 མིག་ཀྱོག་ཀྱོག 2 ཡན་ལག་སྐྱོན་ཅན། |
| སླེ་བོ |
སྨྱུག་མ་དང་ལྕུག་མ་སོགས་ཀྱིས་བསླེས་པའི་ས་རྡོ་འཁུར་བྱེད་དམ་ཕྱུགས་ལ་འགེལ་ཆོག་པའི་ཡོད་བྱད་ཅིག་གི་མིང་སྟེ། སེལ་བོ་ཡང་ཟེར། |
| སླེ་མིག |
མིག་ཀྱོག་ཀྱོག |
| སླེ་མོ |
1 རི་དྭགས་ཀྱི་པགས་པས་བཟོས་པའི་ཆར་གོས། 2 ཡུལ རེ་ལྡེའི་ཕྱ་རའམ། ཕྱར་བ། |
| སླེ་འཇམ |
1.འཇམ་རྩིའི་ནང་ཚན་རླུང་རྐྱང་པ་ལ་བསྔགས་པའི་སྦྱོར་བ་ཞིག་སྟེ། ལུག་ཤའི་ཚོ་ཁུ་དང་འབྲི་ཡི་འོ་མ་མར་ཞུན་བཅས་ཀྱི་སྟེང་དུ་རུ་རྟ་དང༌། དེ་བ་དྭ་རུ། པི་པི་ལིང༌། རྒྱམ་ཚ། ཨ་རུ་རྣམས་ཀྱི་ཕྱེ་མ་སྦྱར་ནས་རྐྱལ་བུའི་ནང་བླུགས་ཏེ་བཤང་ལམ་ནས་མས་བཏང་བྱ་དགོས་པ་ཞིག 2.སླ་པོའམ་འཇམ་པོ། |
| སླེ་འདམ་ཅན |
མཚན་མ་དང་བཤང་ལམ་འདྲེས་པའི་ནད་ན་མཁན་བུད་མེད། |
| སླེ་འདམས་པ |
མཚན་མ་ཆད་པའི་སྐྱེས་པ། |
| སླེ་ཡོན |
སེམས་གྱ་གྱུར་ཅན་ནམ། དྲང་པོ་མིན་པ། བསམ་པ་སླེ་ཡོན་ཅན། |
| སླེབ |
(བྱེད་མེད་ལས་ཚིག་ད་ལྟ་བ)གནས་སུ་ཕྱིན་པའི་དོན་ཏེ། ཕ་ཡུལ་ལ་སླེབ་ཁར་ཚང་མ་དགའ་ལྟ་བུ། |
| སླེབ་པ |
ཐ་མི་དད་པ སླེབས་པ། སླེབ་པ།། འབྱོར་བ་དང་རྟོལ་བ། བྱེས་འགྲུལ་རང་གནས་སུ་སླེབས་པ། ཁྲལ་འབབ་སླེབ་ཡོང༌། ཚོང་ཟོག་རྣམས་ཐག་རིང་ནས་སླེབས་པ། |
| སླེབས |
སྐུལ་ཚིག་ཡིན། 1 ཕོད་དམ། ནུས་ཤུགས། རྐང་ཐང་ལས་རྟ་པ་སླེབས་མགྱོགས། སླེབས་ཆེ་དཀྱུས་རིང༌། 2 ཁེ་འབབ་དང༌། ཐོབ་ཆ། ཕན་སླེབས། ཁེ་སླེབས། |
| སླེབས་ཐོ |
ཇི་ཙམ་ལ་འབྱོར་བའི་དུས་ཚོད་སྔ་ཕྱིའི་མིང་ཐོ། |
| སླེབས་པ |
སླེབ་པའི་འདས་པ། |
| སླེབས་རྟགས |
འབྱོར་ཚེས་བཀོད་པའི་མིང༌། |
| སླེའུ |
ར་སྤུ་སོགས་ལས་བཏགས་པའི་ཕྱར་བའམ་མལ་ཁེབས། སླེའུའི་སྣོད། སླེའུའི་ཕྱར་བ། སླེའུ་དཀར་པོ་ཞིག་གཡར་བ་ཉིན་མཚན་མེད་པའི་གོས་སུ་བྱས། |
| སླེའོ |
གཏམ་མམ་སྐད་ཆ། ངེད་ཡབ་སྲས་ཀྱི་སླེའོ་ཉན། |
| སླེལ་གོག |
ཙེལ་པོའམ་སླེལ་པོ། |
| སླེལ་པོ |
ས་རྡོ་སོགས་བླུགས་ནས་འཁྱེར་རྒྱུའི་སྣོད། ཕ་རིའི་ལྕི་བ་མ་ལོན། ཚུ་རིའི་སླེལ་པོ་ཡང་མ་ལོན། |
| སླེལ་ཕྱར |
རེ་ཏའམ། རེ་ལྡེ་ལས་བཟོས་པའི་སླེའུ་འམ་ཕྱར་བ། |
| སླེས |
སླེ་ཡི་སྐུལ་ཚིག |
| སློ |
སྲོག་ཆགས་རྩྭ་གཟན་རིགས་ཀྱི་གྲོད་པའི་ནང་གི་རྩྭ་ཆས་ཞུས་པའི་རྫས་རིགས་ཀྱི་མིང་། |
| སློ་དྲོན |
ལྟོ་བའི་ནང་གི་བཙོ་ཚ་པོ། |
| སློ་མ |
1 སྨྱུག་བཤགས་ཀྱིས་བསླས་པའི་ལུགས་སྣོད་ཁེབས་གཅོད་ཅན། 2 ཡུལ འབྲུ་འཕྱར་སྣོད།…3.སྨྱུག་མ་དང་ལྕུག་མས་སླས་པའི་ཟས་སོགས་འཇོག་སྣོད་ཀྱི་མིང་སྟེ། མཚོ་སྔོན་ཡུལ་སྐད་དུ་ཁོ་ལ་ཟེར། ཡུལ་སྐད་ལ་ལར་སློ་འབོ་ཡང་ཟེར། |
| སློག |
(བྱེད་འབྲེལ་ལས་ཚིག་ད་ལྟ་བ) ཕྱི་ནང་དང་སྟེང་འོག་གོ་ལྡོག་པའི་དོན་ཏེ། ལྭ་བ་ཕྱི་ནང་མ་སློག སྡོང་བོ་མགོ་མཇུག་མ་སློག་ལྟ་བུ། |
| སློག་གོས |
སློག་པའི་གོས་སམ། ལུག་ཆེན་གྱི་ཕགས་པའི་གོས། |
| སློག་ཆ |
1 དངོས་པོ་བླངས་པའི་སྐྱིན་ཚབ་ཕྱིར་སྤྲོད་བྱ་རྒྱུའི་ཆ་ཤས། 2 འབུལ་མཚོན་དངོས་པོ་ཆ་ཚང་མི་ལེན་པར་ཕྱིར་སློག་པའི་ཆ་ཤས། |
| སློག་པ |
1.ཐ་དད་པ བསློགས་པ། བསློག་པ། སློགས།། 1 ས་རྒོད་སོགས་གསར་དུ་སྦོལ་བ་དང༌། ཕྱི་ནང་ངམ་སྟེང་འོག་སྒྱུར་བ། ཐང་སྟོང་བསློགས་ནས་ས་ཞིང་བཟོས། ཁང་རྙིང་བསློགས་ནས་གསར་དུ་བཟོ། ཕགས་རྩག་ཕྱི་ནང་བསློགས་ཏེ་སེང་གེ་འཁྲབ། 2 ལོག་ཏུ་འཇུག་པ། བང་མི་དེ་ཕྱིར་སློགས་ཤིག འཁོན་ལན་སློག་པ། ཚོང་སློག་ཚོང་གི་བཞི་ཟུར་ཡིན། བཟང་པོའི་བཟང་ལན་འཇལ་བར་ལོ་དང་ཟླ་བ་དགོས། ངན་པའི་ངན་ལན་སློག་པར་ཞོགས་ལས་གཅིག་གིས་ཆོག 2.པགས་རྩག སློག་པ་གཡོགས་མེད། སློག་ཧྲུལ། |
| སློག་རུལ |
པགས་པའི་གོས་རྙིང་རལ་རུལ།…3. སླག་པ་དང་དོན་འདྲ། |
| སློགས |
སྐུལ་ཚིག་སྟེ། སྒྱེ་ཕྱི་ནང་སློགས་ཤིག་ལྟ་བུ། སྔར་འགྲོ་བའི་ཁ་ཕྱོགས་སྒྱུར་བའི་དོན་ཏེ། རྟ་ཁ་ཕྱིར་བསློགས་ནས་བརྒྱུགས་ལྟ་བུ། ０ས་སོགས་བརྐོ་བའམ་མངོན་པར་བླངས་པའི་དོན་ཏེ། ས་བརྐོ་རྡོ་སློག ས་སློག་རྡོ་སློག ནང་སློག(ནང་གློང)ཕྲུ་སློག(ལོག་རྒྱག་པ)ཅེས་པ་ལྟ་བུ། １དངོས་རྫས་སླར་སྤྲད་པའི་དོན་ཏེ། ཚོང་རྫས་ཉོས་རྗེས་སྐྱོན་མཐོང་ན་སླར་སློག་ཆོག སྒོར་ཟུར་དྲུག་གིས་སིལ་ཏོག་ཉོས་པའི་རིན་ལ་སྒོར་གཅིག་ཕར་བྱིན་ན་སྒོར་ཟུར་བཞི་ཚུར་སློག་དགོས་ལྟ་བུ། |
| སློང |
(བྱེད་འབྲེལ་ལས་ཚིག་ད་ལྟ་བ) སྐྱེ་རུ་འཇུག་པའམ་འབྱུང་དུ་བཅུག་པའི་དོན་ཏེ། མང་ཚོགས་ལས་འགུལ་སློང་དགོས། ངར་ཤུགས་སློང་མཁན། དགྲ་ནག་གིས་ང་ལ་ཞེ་སྡང་སློང་གིན་འདུག ཟས་རུལ་གྱིས་ནད་གཞི་སློང་སྲིད་ལྟ་བུ། |
| སློང་ཆང |
བག་མ་སློང་སྟེར་གྱི་དན་ཆང༌། སློང་ཆང་བཏང་བ། |
| སློང་ཆང་ཚེས་གྲངས |
སློང་ཆང་གི་ཚེས་གྲངས་བརྩི་བ་སྟེ། བོད་ཀྱི་ཡུལ་སྲོལ་ལྟར་སློང་ཆང་འདྲེན་པའི་གཟའ་སྐར་ཚེས་གྲངས་བརྩི་བ།… |
| སློང་ཕོར |
སྤྲང་པོའི་ཕོར་པ། |
| སློང་བ |
ཐ་དད་པ བསླང་པ། བསླང་བ། སློངས།། 1 སྒྲེང་བ་དང་ལྡང་དུ་འཇུག་པ། དར་ཆེན་སློང་བ། མལ་ནས་བསླངས་པ། རྒྱལ་མཚན་གྱེན་དུ་བསླང་བ། ནད་རོ་རྙིང་པ་སློང་བ། ཁང་པའི་རྩིག་རྨང་སློང་བ། ཁ་སློང་བ། འབེན་སློང་བ། འཁྲུག་རྐྱེན་སློང་བ། གཅིག་ངར་གཅིག་སློང༌། ཆགས་སྒོ་སློང་བ། དམག་འཁྲུག་སློང་བ། 2 དོན་དུ་གཉེར་བ་དང་གཞན་ལ་རེ་ནས་ཞུ་བ། ལྟོ་གོས་བསླངས་པ། བསོད་སྙོམས་སློང་བ། བག་མ་སློང་བ། ཆང་བསླངས་པ། སློང་སྐད་འདོན་པ། སློང་བ་པོ། སློང་བས་འཚོ་བ། |
| སློང་བའི་དགེ་བ |
དད་སོགས་དགེ་བའི་སེམས་གྱིས་ཀུན་ནས་བསླང་བའི་ལུས་ངག་གི་ལས་རྣམས། |
| སློང་བའི་དགེ་སློང |
ལོང་བ་དང་སྤྲང་པོ་ལྟ་བུ་མི་གཞན་གྱི་ས་ནས་འཚོ་བ་སློང་བ་ལ་དགེ་བ་སློང་བ་ཞེས་པའི་མིང་བཏགས་པའོ། |
| སློང་བའི་མི་དགེ་བ |
རྩ་ཉོན་དང་ཉེ་ཉོན་སོགས་ཀྱིས་ཀུན་ནས་བསླང་བའི་ལུས་ངག་གི་ལས་ཐམས་ཅད། |
| སློང་བའི་སྤང་བ |
སྤང་ལྟུང་སུམ་ཅུའི་ནང་གསེས། རང་ལ་ཆོས་གོས་རྣམ་གསུམ་ཡོད་བཞིན་དུ་འཁོར་གསུམ་ཁེབས་པའི་ཚད་དུ་ལོངས་པའི་གོས་སམ་རྒྱུ་ཉེ་དུ་མ་ཡིན་པའི་ཁྱིམ་པ་ལས་སློང་བའོ། |
| སློང་བར་བྱེད |
མངོན 1 བྱེའུ་ཁུག་རྟ། 2 ཁང་བྱེའུ། 3 རྩངས་པ་ཁ་རལ། |
| སློང་མོ |
1 བསོད་སྙོམས་དང་ལྡོམ་བུ། སློང་མོ་བ། སློང་མོ་སློང་བ། 2 བུད་མེད་སྤྲང་པོ། |
| སློང་འདྲ |
ཡུལ འབོལ་གདན་དཔངས་མཐོན་པོ་ཞིག |
| སློང་འབེབས་ཞུ་བ |
ཁ་མཆུ་བར་འདུམ་བྱས་ཆོག་པ་ཞེས་སྔར་ཕུལ་སྙན་ཞུ་ཕྱིར་འཐེན་ཞུ་བ། |
| སློང་རྐྱེན |
སྐུལ་སློང་ཡོང་བའི་ཤུགས་རྐྱེན་ནམ་རྒྱུ་རྐྱེན། |
| སློང་སྟེར་ག་འཛོལ |
སྟེར་མཁན་ལས་སློང་མཁན་དབང་ཆ་ཆེ་བ་སྟེ། དབང་ཆེ་ཆུང་ག་འཛོལ་བའི་དཔེ། |
| སློངས |
སྐུལ་ཚིག་སྟེ། ངར་སེམས་སློངས་ཤིག་ལྟ་བུ། ཟས་ནོར་སོགས་སྟེར་བར་ཞུ་བའི་དོན་ཏེ། བྱིས་པས་མ་ལ་ཟས་བསླངས། དབུལ་བོས་ལྟོ་བསླངས་ནས་སྲོག་འཚོ་ཐབས་བྱས་ལྟ་བུ། ０གཉིད་སད་དུ་འཇུག་པའི་དོན་ཏེ། བྱིས་པ་གཉིད་བསླངས། གཉིད་སློངས་ཤིག བློ་རྨོངས་པའི་གཉིད་ལས་བསླངས་ལྟ་བུ། １ཡར་འགྲེང་དུ་འཇུག་པའི་དོན་ཏེ། དར་ཤིང་སློང་གིན་འདུག ཀ་བ་བསླངས་ཟིན་ལྟ་བུ། ２རྒྱུ་རྐྱེན་བྱེད་པའི་དོན་ཏེ། ཕན་སེམས་ཀྱིས་ཀུན་ནས་བསླངས་ཏེ……། ཞེ་སྡང་གིས་ཀུན་ནས་བསླངས་ཏེ……ཞེས་པ་ལྟ་བུ། |
| སློད |
སློད་པའི་སྐུལ་ཚིག་ |
| སློད་པ |
ཐ་དད་པ བསླད་པ། བསླད་པ། སློད།། ལྷད་འཇུག་པ་དང་སྐྱོན་སྲེ་བ། ནམ་མཁའི་རང་མདངས་སྤྲིན་གྱིས་བསླད། མི་གཤིས་བཟང་པོ་ངན་པས་བསླད། ཁ་ཟས་ཞིམ་པོ་ཧམ་དྲིས་བསླད། གཟུགས་པོ་བདེ་ཐང་ནད་ཀྱིས་སློད། |
| སློན |
སློན་པའི་སྐུལ་ཚིག་ |
| སློན་པ |
1.ཐ་དད་པ བསླན་པ། བསླན་པ། སློན།། 1 སྡུད་པ་དང་སྦྱོར་བའམ་ཟླ་སྒྲིལ་གཏོང་བ། ཚུ་རོལ་གྱི་མི་རྣམ་ཕ་རོལ་གྱི་མི་ཚོའི་ཟླ་བོར་བསླན་པ། ཞུམ་བུ་དུད་འགྲོའི་ཕྱོགས་སུ་བསླན། ལྕགས་རག་ཟངས་གསུམ་ལྕགས་རིགས་སུ་བསླན་ཆོག 2 ཚེམ་བུ་རྒྱག་པ། ལྷན་པ་ལེགས་པར་སློན། 3 ཡུལ་འགྲིམ་པའམ་བསྐོར་བ། དགུན་ལྷོ་བལ་བསླན། དབྱར་བྱང་འགྲོག་བསླན་ནས་ཉོ་ཚོང་བྱས། 2.རྙིང སྐྱུགས་པ། |
| སློབ |
(བྱེད་འབྲེལ་ལས་ཚིག་ད་ལྟ་བ)གཞན་ལས་ཡོན་ཏན་སློབ་པའམ། གཞན་ལ་ཡོན་ཏན་སློབ་པའི་དོན་ཏེ། དགེ་རྒན་གྱིས་སློབ་མ་ལ་ཡི་གེ་སློབ་ཀྱིན་འདུག སློབ་མས་ཡི་གེ་སློབ་པའི་སྒང་ཡིན། ཡོན་ཏན་སློབ་མཁན་ཞེས་པ་ལྟ་བུ། |
| སློབ་ཁང |
སློང་སྦྱོང་བྱེད་སའི་ཁང་པ། |
| སློབ་ཁྱད |
ཡོན་ཏན་སློབ་ཚུལ་གྱི་ཁད་པར་རམ་གོ་ |
| སློབ་ཁྲིད |
སློབ་སྦྱོང་གི་ནང་དོན་ངོ་སྤྲོད་བྱེད་པ། |
| སློབ་གཉེར |
ཡོན་ཏན་དོན་དུ་གཉེར་བའི་བྱ་སྤྱོད་ཀྱི་མིང་སྟེ། སློབ་གྲྭར་སློབ་གཉེར་བྱེད་དུ་འགྲོ་ལྟ་བུ། |
| སློབ་གཉེར་པ |
ཡོན་ཏན་སློབ་ཀྱིན་ཡོད་པའི་མིའམ་སློབ་གྲྭ་པའི་མིང་། |
| སློབ་གསར |
སློབ་སྦྱོང་ལ་ཞུགས་མ་ཐག་པའམ། སློབ་སྦྱོང་བྱས་མ་ཐག་པའི་མི། |
| སློབ་གསོ |
ཤེས་རིག་གོང་དུ་སྤེལ་ཐབས་སམ། གོ་རྟོགས་མཐོ་རུ་གཏོང་བའི་བསླབ་བྱ། སློབ་སྟོན་དང་གསོ་སྐྱོང་བྱེད་པའི་བྱ་བའི་མིང་སྟེ། |
| སློབ་གྲོགས |
མཉམ་དུ་སློབ་སྦྱོང་བྱེད་མཁན་གྱི་གྲོགས་མཆེད། |
| སློབ་གྲྭ |
སློབ་སྦྱོང་བྱེད་སའི་གནས་ཁང༌། སློབ་གྲྭ་གྲོལ་བ། སློབ་གྲྭ་སྒོ་དབྱེའི་མཛད་སྒོ། སློབ་གྲྭ་ཆགས་ཡུལ། སློབ་གྲྭ་ནས་ཐོན་པ། སློབ་གྲྭའི་སྒྲིགས་ལམ། སློབ་གྲྭའི་སློབ་གསོ། སློབ་གྲྭ་བ། |
| སློབ་གྲྭ་ཆུང་བ |
བྱིས་པ་རྣམས་ལ་ཐོག་མའི་ཤེས་ཡོན་སློབ་གསོ་བྱེད་སའི་སློབ་གྲྭ་ཡིན་ཞིང༌། དེར་བྱིས་པ་རྣམས་ལ་སྒོ་ཀུན་ནས་གཞི་རྩའི་སློབ་གསོ་གཏོང་ས། |
| སློབ་གྲྭ་ཆེ་བ |
རིགས་ལམ་མཐོ་གྲས་སློབ་གསོ་བྱེད་སའི་སློབ་གྲྭ་སྟེ། སློབ་གྲྭ་ཆེ་མོའམ། སློབ་གྲྭ་ཆེན་པོའང་ཟེར། |
| སློབ་གྲྭ་པ |
སློབ་གྲྭར་སློབ་སྦྱོང་བྱེད་ཀྱིན་ཡོད་པའི་མི། |
| སློབ་གྲྭ་བ |
སློབ་གྲྭའི་ནང་སློབ་སྦྱོང་བྱེད་བཞིན་པའི་མི་སྟེ་སློབ་མའམ་སློབ་ཕྲུག་ཀྱང་ཟེར། |
| སློབ་གྲྭ་འབྲིང་བ |
ལོ་ཆུང་བྱིས་པ་ཤེས་ཡོན་འབྲིང་གྲས་སློབ་གསོ་བྱེད་སའི་སློབ་གྲྭ། |
| སློབ་ཐབས |
སློབ་སྦྱོང་བྱེད་ཐབས། |
| སློབ་ཐུན |
སློབ་གྲྭར་དགེ་རྒན་གྱི་སློབ་ཁྲིད་ཐེངས་གཅིག་གི་དུས་ཡུན་གྱི་མིང་། |
| སློབ་དཔོན |
1 ཡོན་ཏན་སློབ་མཁན་དགེ་རྒན། 2 ཤིང་བཟོ་བའི་ཐིག་ཤིང༌། 3 ཨཱཙརྻ རང་གི་སློབ་མ་ལ་ཆོས་དང་ཟང་ཟིང་གི་སྒོ་ནས་ཕན་འདོགས་པའི་དགེ་བའི་བཤེས་གཉེན། |
| སློབ་དཔོན་གྱི་དཔེ་མཁྱུད |
1དགེ་རྒན་གྱི་མིང་། 2དགེ་རྒན་ཆེན་མོའི་མིང་། |
| སློབ་དཔོན་གྱི་དབང་དྲུག |
རྣལ་འབྱོར་གྱི་འཇུག་སྒོའི་དབང་བཅུ་གཅིག་ལས། སློབ་དཔོན་གྱི་དབང་དྲུག་སྟེ་ཕྱིར་མི་ལྡོག་པའི་དབང༌། གསང་བའི་དབང༌། རྗེས་གནང༌། ལུང་བསྟན། དབུགས་དབྱུང༌། གཟེངས་བསྟོད་དེ་དྲུག་གོ། |
| སློབ་དཔོན་དཔའ་བོ |
2.འཕགས་ཡུལ་གྱི་ཆེན་པོ་བཞིའི་ཡ་གྱལ་སློབ་དཔོན་དཔའ་བོ་སྟེ། རྒྱ་གར་ནུབ་ཕྱོགས་སུ་ཡབ་བྲམ་ཟེ་ཆེའི་རིག་བྱེད་ཡན་ལག་བརྒྱད་ལ་བྱང་ཆུབ་པ་སྨན་པ་ཆེན་པོ་སེང་གེ་གསང་བ་དང༌། ཡུམ་རིན་ཆེན་དངོས་གྲུབ་གཉིས་ཀྱི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་བྲམ་ཟེའི་ཆོས་རིག་བྱེད་བཞི་དང༌། རིག་བྱེད་ཀྱི་ཡན་ལག་བཞི། ཉེ་བའི་ཡན་ལག་བཞི། ལས་དྲུག་སོགས་ལ་མཁས་པར་སྦྱངས། ཁྱད་པར་དུ་ཡབ་ལས་གསོ་བ་རིག་པ་བསླབས་པས་ཚེགས་མེད་དུ་མཁྱེན། ཕྱི་པའི་བསྟན་པ་ལ་ཞུགས། གསུང་སྙན་པས་རྟ་དབྱངས་སུ་གྲགས། མུ་སྟེགས་རྟག་པ་སྨྲ་བའི་ལུགས་ལ་མཁས་པར་གྱུར་ནས་ནུབ་ཕྱོགས་ཀྱི་ནང་པའི་པཎྜི་ཏ་རྣམས་དང་བརྩད་པས་རྟ་དབྱངས་རྒྱལ་ཏེ་ནང་པའི་བསྟན་པ་བསྣུབས་ནས་ཕྱི་པའི་ལུགས་སུ་བསྒྱུར་ཞིང་ལྷོ་ཕྱོགས་སུ་རྩོད་པར་ཕེབས་པ་ལས། སློབ་དཔོན་ཀླུ་སྒྲུབ་ཀྱི་སློབ་མ་འཕགས་པ་ལྷ། རྟ་དབྱངས་དང་ཕྱི་ནང་གི་གྲུབ་མཐའ་རྩོད་པར་ཕེབས་ནས་རྟ་དབྱངས་ཚར་བཅད་དེ་ནང་པའི་རིང་ལུགས་སུ་བསྒྱུར། ཕྱིས་སུ་དཔལ་མགོན་ཀླུ་སྒྲུབ་ཡབ་སྲས་ཀྱི་སློབ་མ་མཛད། ཕྱི་ནང་གཉིས་ཀྱི་གྲུབ་མཐའ་དང་སྙན་ངག་སོགས་རིག་བྱེད་ལ་ཤིན་ཏུ་མཁས་པར་གྱུར། མཚན་དཀོན་ཅོག་འབངས་ཞེས་གྲགས། སྔར་སངས་རྒྱས་ཀྱི་བསྟན་པ་ལ་གནོད་པའི་ལས་བྱས་པ་རྣམས་བཤགས་པའི་ཆེད་དུ་སྟོན་པ་རིན་པོ་ཆེའི་སྐྱེས་རབས་ལ་བསྟོད་པ་བརྒྱ་རྩ་བརྒྱད་ཀྱིས་མཚོན་པའི་བསྟན་བཅོས་སྤྱི་དང༌། ཁྱད་པར་དུ་གསོ་བ་རིག་པའི་གཞུང་ཡན་ལག་བརྒྱད་པ་ཆེན་པོ། ཡན་ལག་བརྒྱད་པ་ལ་འཇུག་པ། ཡན་ལག་བརྒྱད་པའི་སྙིང་པོ་བསྡུས་པ། དེའི་རང་འགྲེལ་སོགས་རིག་པའི་གནས་ལྔའི་གཞུང་མང་དུ་མཛད་པར་གྲགས་སོ། ། |
| སློབ་དཔོན་དྲུག |
དམ་ཚིག་དང་སྡོམ་པ་སྦྱིན་པའི་སློབ་དཔོན་དང༌། བཟླས་ལུང་སྦྱིན་པའི་སློབ་དཔོན། རྒྱུད་བཤད་པའི་སློབ་དཔོན། མན་ངག་སྟོན་པའི་སློབ་དཔོན། དབང་བསྐུར་བའི་སློབ་དཔོན། ལས་བྱེད་པའི་སློབ་དཔོན་བཅས་དྲུག |
| སློབ་དཔོན་མངོན་གྱུར |
བསྙེན་པར་རྫོགས་པའི་མངོན་གྱུར་བཅུའི་ཡ་གྱལ་ཞིག་སྟེ། ལས་ཀྱི་སློབ་དཔོན་དང༌། གསང་སྟེ་སྟོན་པའི་སློབ་དཔོན་གཉིས་དངོས་སུ་ཞུགས་པའོ། |
| སློབ་དཔོན་ལྔ |
འདུལ་བ་ནས་བཤད་པའི་སློབ་དཔོན་ལྔ་སྟེ། དགེ་ཚུལ་གྱི་སློབ་དཔོན་དང༌། གསང་སྟེ་སྟོན་པའི་སློབ་དཔོན། ལས་ཀྱི་སློབ་དཔོན། གནས་སྦྱིན་པའི་སློབ་དཔོན། ཀློག་གི་སློབ་དཔོན། |
| སློབ་དུས |
སློབ་སྦྱོང་བྱེད་པའི་དུས་ཚོད། |
| སློབ་དེབ |
སློབ་སྦྱོང་བྱེད་རྒྱུའི་དཔེ་དེབ། |
| སློབ་པ |
1.ཐ་དད་པ བསླབས་པ། བསླབ་པ། སློབས།། གཞན་ལས་ཡོན་ཏན་སློབ་པའམ་གཞན་ལ་ཡོན་ཏན་སློབ་པ། ང་ལ་སློབ། ངས་བསླབ། ལུས་རྩལ་བསླབས། ལེགས་པར་སློབས་ཤིག མ་བསླབས་པས་མི་ཤེས། ཤེས་ཡོན་སློབ་འདོད་པ། 2 1 བསླབ་བྱ། བཀའ་སློབ། 2 མཐོང་ལམ་དང་ཐོས་ལམ་ལ་གནས་པ། ཉན་ཐོས་སློབ་པ། རང་རྒྱལ་སློབ་པ། བྱང་སེམས་སློབ་པ། 3 རྙིང འབུལ་བ། |
| སློབ་པ་ཕྱིར་མི་ལྡོག་པ |
ཤེར་ཕྱིན་དོན་བདུན་ཅུའི་ནང་གསེས། སྲིད་ཞི་གང་དུ་ཡང་མི་ལྟུང་བར་ངེས་པའི་རྟགས་དང་ལྡན་པའི་སེམས་དཔའ་སྦྱོར་མཐོང་སྒོམ་གསུམ་ལ་གནས་པ་རྣམས་སོ། |
| སློབ་ཕྲུག |
སློབ་སྦྱོང་བྱེད་མཁན་གྱི་དགེ་ཕྲུག |
| སློབ་བརྒྱུད |
སློབ་མ་གཅིག་ནས་དེའི་སློབ་མ་སོགས་མཐའ་མའི་སློབ་མའི་བར་དུ་མར་འདེད་པའི་བརྒྱུད་རིམ་ལ་སློབ་བརྒྱུད་ཟེར་བ་དང༌། བླ་མ་གཅིག་ནས་དེའི་བླ་མ་སོགས་ཐོག་མའི་བླ་མའི་བར་དུ་ཡར་འདེད་པའི་བརྒྱུད་རིམ་ལ་བླ་བརྒྱུད་ཟེར། |
| སློབ་བཤད |
1 མི་ལ་བསླབ་བྱ་བྱས་པ། 2 སློབ་སྦྱོང་གི་དོན་གནད་བཤད་པ། 3 ལམ་འབྲས་སློབ་བཤད་ཀྱི་བསྡུས་མིང༌། |
| སློབ་བུ |
སློབ་མའམ། དགེ་ཕྲུག་གམ་སློབ་ཕྲུག…2. དགེ་རྒན་གྱིས་རང་གི་སློབ་མ་ལ་སྙིང་ཉེ་བའི་འབོད་ཚུལ་ཞིག་སྟེ། བུ་སློབ་ཀྱང་ཟེར། |
| སློབ་མ |
བསླབ་བྱ་ཚུལ་བཞིན་དུ་ལེན་མཁན་དགེ་ཕྲུག བླ་སློབ། དཔོན་སློབ། དགེ་སློབ། དངོས་སློབ། ཞལ་སློབ། ཡང་སློབ། སློབ་མ་སྐྱ་བོ། སློབ་མ་རབ་ཏུ་བྱུང་བ། |
| སློབ་མ་ཉན་ཐོས་ཀྱི་ལམ |
ཤེར་ཕྱིན་དོན་བདུན་ཅུའི་ནང་གསེས། ལམ་ཤེས་གང་ཞིག་གང་ཟག་གི་བདག་མེད་ཙམ་རྟོགས་པའི་ཉི་ཚེ་བའི་མཁྱེན་པ་སྟེ། ཉན་ཐོས་ཀྱི་ལམ་ཤེས་པའི་ལམ་ཤེས་སོ། |
| སློབ་མ་དཀྱིལ་འཁོར་དུ་འཇུག་པ |
སློབ་མ་ལ་དངོས་སུ་དབང་བསྐུར་བའི་ཉེ་བའི་སྔོན་འགྲོ་སྟེ། གདོང་གཡོགས་དང་བཅས་ཏེ་དཀྱིལ་འཁོར་དུ་འཇུག་པ་ཕྱི་འཇུག་དང༌། ནང་འཇུག་དཀྱིལ་འཁོར་མཐོང་བའི་བདག་ཉིད་ཅན་དུ་གཞུག་པའོ། |
| སློབ་མ་སྟ་གོན |
དབང་གི་སྟ་གོན་གྱི་ཆོ་ག་སྟེ། ཀུན་སློང་བཅོས་ཤིང་ནང་དབང་བསྐུར་བ། གསོལ་བ་གདབ་ཅིང་འཛིན་དུ་གཞུག་པ། སྡོམ་པ་གཟུང་ཞིང་བྱིན་གྱིས་བརླབ་པ། དངོས་གྲུབ་བརྟག་ཕྱིར་སོ་ཤིང་དོར་བ། ངག་ཉེས་སྦྱང་ཕྱིར་ཁྱོར་ཆུ་བླུད་པ། རྨི་ངན་བཟློག་ཕྱིར་ཀུ་ཤ་གཏད་པ། བར་ཆད་ཞི་ཕྱིར་དཔུང་སྐུད་གདགས་པ། སྤྲོ་བ་བསྐྱེད་ཕྱིར་ཆོས་བཤད་པ། མཚན་ལྟས་བརྟག་ཕྱིར་རྨི་ལམ་བརྟག་པ་རྣམས་སོ། |
| སློབ་མའི་ཆོས་བཞི |
སློབ་མ་བྱར་འོས་པའི་ཁྱད་ཆོས་སམ་མཚན་ཉིད་བཞི་སྟེ་མི་ཕྱེད་པའི་དད་པ་དང༌། མི་ལྡོག་པའི་བརྩོན་འགྲུས། གཞན་དྲིང་མི་འཇོག་པའི་གསུང་རབ། བཤེས་གཉེན་ལ་དད་གུས། |
| སློབ་མའི་དབང་ལྔ |
རྣལ་འབྱོར་རྒྱུད་ཀྱི་འཇུག་སྒོ་དབང་བཅུ་གཅིག་ལས་སློབ་མའི་དབང་ལྔ་སྟེ་རིག་པའི་དབང་ལྔའོ། |
| སློབ་མའི་བྱ་བ་ལྔ |
བཤེས་གཉེན་འཚོལ་བ་ལ་སྐྱོ་བ་མེད་པ་དང༌། སྐུ་ལྟ་བས་ཆོག་མི་ཤེས་པར་བྱ་བ། དེས་བསྟན་པ་དང་རྗེས་སུ་མཐུན་པར་འཛིན་པ། དེའི་ཐབས་མཁས་སྤྱོད་པ་ལ་མི་ཁྲོ་བ། དེ་ལས་རྟོགས་པ་ཐེབས་པར་བགྱི་བ་བཅས་སོ། |
| སློབ་མའི་མཚན་ཉིད་གསུམ |
བློ་གསལ་བ་དང༌། ཤེས་འདོད། བླ་མར་གུས་པ། |
| སློབ་མའི་མཚན་ཉིད་ལྔ |
བློ་གཟུ་བོར་གནས་པ་དང༌། བློ་གྲོས་ལྡན་པ། དོན་གཉེར་ཆེ་བ། གུས་པ། ཡིད་གཏོད་པ། |
| སློབ་ཚིག |
བསླབ་བྱའི་ཚིག་གཞི། |
| སློབ་འབངས |
ཆོས་ཞུ་མྱོང་བའི་སློབ་མ། |
| སློབ་རྒྱུད |
རིགས་གནས་སོགས་ཁྲིད་པའི་རྒྱུད་པ་འཛིན་མཁན་རྣམས་ལ་སློབ་རྒྱུད་ཟེར། |
| སློབ་ལམ་བཞི |
ཐར་པ་ཆ་མཐུན་དང༌། ངེས་འབྱེད་ཆ་མཐུན། དོན་མངོན་རྟོགས། རྗེས་ལ་མངོན་རྟོགས། |
| སློབ་ལོབ་འགན་ལེན |
དགེ་རྒན་གྱིས་སློབ་རྒྱུ་དང༌། དགེ་ཕྲུག་གིས་ཤེས་པའི་འགན་ལེན། |
| སློབ་སེང |
སློབ་སྦྱོང་བྱེད་པའི་དུས་ཚོད་ཀྱི་བར་སེང༌། |
| སློབ་སྐྱོང |
ཤེས་ཡོན་སློབ་པ་དང༌། འཚོ་བས་སྐྱོང་བ། |
| སློབ་སྟངས |
སློབ་ཁྲིད་བྱེད་ལུགས། |
| སློབ་སྟོན |
བསླབ་བྱ་བརྒྱབ་ནས་མཛུབ་སྟོན་བྱེད་པ། |
| སློབ་སྦྱོང |
ཤེས་ཡོན་གྱི་གནས་ལ་དོན་གཉེར་བྱེད་པ། ཉིན་མཚན་ཀུན་ཏུ་སློབ་སྦྱོང་ལ་བརྩོན་འགྲུས་བྱེད་པ། དཀའ་སྤྱད་ཀྱིས་སློབ་སྦྱོང་བྱེད་པ། |
| སློབས |
སློབ་པའི་སྐུལ་ཚིག་ |
| སློམ |
སྐུལ་ཚིག་སྟེ། ཡོན་ཏན་སློབས་ཤིག་ལྟ་བུ། |
| སློས |
1.སླ་བའི་སྐུལ་ཚིག 2.རྙིང ཟློས་པ། |
| སློས་པ |
ཡུལ བརྗོད་པའམ་བཤད་པ། ཁ་བརྡར་སློས་པ། |
| ཧ |
བོད་ཡིག་གསལ་བྱེད་ཉེར་དགུ་པ་འདིའི་ང་རོ་འདོན་ཚུལ་ལ་སྐྱེ་གནས་འགྲིན་པ་དང༌། བྱེད་པ་མགྲིན་པ། ནང་གི་རྩོལ་བ་མགྲིན་པ་ཕྱེ་བ་དང༌། ཕྱིའི་རྩོལ་བ་སྲོག་ཆེན་དྲོ་ཞིང་སྒྲ་ལྡན་པ། 1.མིང་གཞིའི་མོ་གཤམ་གྱི་ཡི་གེ་ཞིག 2.དབུགས་ཀྱི་ཧ། ཧ་རྒྱག་པ། མེ་ལོང་ལ་ཧ་འདེབས་པ། |
| ཧ་གཉིད་སད་པ |
བསམ་པ་རྙེད་པ། ཕྲུ་གུ་དེ་ལོ་ལོན་ནས་ཧ་གཉིད་སད་དེ་མི་རྒན་པར་གུས་ཞབས་བྱེད་སྟངས་ཤེས་ཀྱི་འདུག |
| ཧ་གོ |
ཤེས་པའམ་རྟོགས་པའི་དོན་ཏེ། དཔའ་བོ་ཡིན་མིན་གཡུལ་དུ་སོང་ན་ཧ་གོ་ཡོང་ལྟ་བུ། བར་དུ་དགག་སྒྲ་སྦྱར་ནའང་ཆོག་སྟེ། ཧ་མ་གོ ཧ་མི་གོ་ལྟ་བུ། |
| ཧ་གོ་བ |
ཤེས་པའམ་རྟོགས་པ། ངས་ཧ་གོ་བྱུང༌། ཧ་གོ་ལ་མ་གོ། ཁོས་ཧ་མ་གོ། མི་ཚང་མས་ཧ་གོ་དོན་རྟོགས་བྱས་པ། རྩད་གཅོད་བྱས་ཀྱང་ཧ་གོ་འདི་གོ་མེད་པ། |
| ཧ་ཅང |
(བསྣན་ཚིག) ཚད་ལས་འདས་པའམ་ཁྱད་དུ་འཕགས་པའི་དོན་ཏེ། ས་ཆ་ཧ་ཅང་ཆེ། དར་ཆ་ཧ་ཅང་མཐོ། རི་བོ་ཧ་ཅང་བརྗིད། སྤང་ལྗོངས་ཧ་ཅང་བདེ། སྨན་འདིས་ཧ་ཅང་ཕན་ལྟ་བུ། |
| ཧ་ཆ |
ཡུལ འཕྱ་གད་ཆེར་དགོད་པ། མི་མང་གིས་ཧ་ཆ་རྒྱག་པ། |
| ཧ་ནི |
(རྒྱན་ཚིག) ཡུལ་སྐད་ལ་ལར་ཡོད་ཚད་ཐམས་ཅད་ཀྱི་དོན་ཏེ། མི་ཧ་ནི་འཚོགས་དགོས་ལྟ་བུ། འདི་ལ་ཧ་ནི་བོ་ཞེས་ཟེར་བའང་ཡོད། |
| ཧ་ནུ་མན་ཐ |
རིག་བྱེད་གཏམ་རྒྱུད་ལྟར་རྒྱལ་པོ་ར་མ་ཎས་སྲིན་པོ་དང་འཐབ་སྐབས་ཀྱི་འཐབ་གྲོགས་ཁྱབ་འཇུག་གི་སྤྲུལ་པ་སྤྲེལ་རྒྱལ་རྫུ་འཕྲུལ་ཅན་ཞིག་ |
| ཧ་ནེ་ཧོན་ནེ |
ཡུལ འཐོམ་མེ་བ། ཧ་ནེ་ཧོན་ནེ་བྱས་ན་དོན་དག་ལེགས་པར་ཤེས་མི་ཐུབ། |
| ཧ་ནེ་ཧོར་ནེ |
ཧན་ཧོན་ལ་ལྟོས། |
| ཧ་པ |
ཡུལ 1 མ་རྩ་མེད་པར་ཚོང་པ་ཆེན་པོ་ཡིན་མདོག་བྱེད་མཁན། 2 བུ་ལོན་མང་པོ་ཟུག་ཡོད་པའི་མི། ཧ་མི། |
| ཧ་བ |
ཧ་ནས་བ་བར་སོ་སོར་བསྡུ་བའི་ལེགས་སྦྱར་གྱི་གསལ་བྱེད་ཡི་གེ་རྣམས། ཧ་བ ཧ བ ཧ་ཡ་ཝ་ར་ལ་ཉ་ཎ་ན་ང་མ་ཛྷ་ཌྷ་དྷ་གྷ་བྷ་ཛ་ཌ་ད་ག་བ ཀ་ལཱ་པ |
| ཧ་བཏབ |
ཁ་ནས་ཧ་ཞེས་པའི་སྒྲ་དང་མཉམ་དུ་དབུགས་རླངས་བཏོན་པ། མེ་ལོང་ལ་ཧ་བཏབ་པ་ལྟ་བུར་རང་ཡལ་དུ་འགྲོ་བ། |
| ཧ་བེ་ཧོ་བེ |
བྲེད་དངངས་ཚ་པོ། ལྟོ་ཆས་མ་བཟས་པར་ཧ་བེ་ཧོ་བེ་བྱས་ནས་ཕྱིན་སོང༌། |
| ཧ་བེ་ཧོབ་བེ |
ཧབ་ཧོབ་ལ་ལྟོས |
| ཧ་མིང་ཅན |
མངོན ལྷ་དབང་ཕྱུག་ཆེན་པོ། |
| ཧ་ཞུ་ཧུ་འཁྱགས |
ཡུལ 1 ཚ་གྲང་མི་བཟོད་པ་སྟེ་བཟོད་བསྲན་མེད་པ། ཧ་ཞུ་ཧུ་འཁྱགས་ཀྱིས་བྱ་བ་གང་ཡང་མི་འགྲུབ། 2 འགྱུར་ལྡོག་ཆེ་བ། ལས་དོན་སྒྲུབ་དུས་ཧ་ཞུ་ཧུ་འཁྱགས་བྱས་ན་མི་འགྲིག |
| ཧ་ཡང |
དངུལ་མདོག་ལྟར་དཀར་བ་དང་འོད་འཚེར་བའི་ལྕགས་རིགས་མཉེན་མོ་ཞིག་སྟེ། བ་མ་སོགས་ཉེར་མཁོའི་སྣོད་བཟོ་བྱེད་ཀྱི་རྒྱུ་ཆ་བཟང་བོ་ཞིག་ཡིན་ལ། འདི་ལ་ཧ་ཡང་ཧ་ཟེར་བའང་ཡོད། |
| ཧ་ཡང་ཧ |
དངུལ་བརྫུས་མ། |
| ཧ་ཡོ |
ཡུལ ཐང་ཆད་པའི་སྐད། དཀའ་ལས་ཁག་བྱུང་ཧ་ཡོ། ཧ་ཡོ་ངལ་གསོ་རྒྱག་གོ། |
| ཧ་རི |
ལེགས འཕྲོག་བྱེད་དམ་སེང་གེ། |
| ཧ་རི་ཊ |
ལེགས རི་དྭགས། |
| ཧ་རི་ཎ |
ལེགས རི་དྭགས། |
| ཧ་རི་ཏ་ཀ |
ལེགས ཨ་རུ་ར། |
| ཧ་རི་ཙན་དན |
ལེགས 1 ཙན་དན་དཀར་པོ། 2 ལྷའི་ལྗོན་ཤིང༌། |
| ཧ་རི་རྟ་ཅན |
མངོན བརྒྱ་བྱིན། |
| ཧ་རི་ཧུ་རི |
ཡུལ ལས་ཀ་ཞིབ་ཚགས་སམ་རུ་ངར་མི་བྱེད་པ། ལས་ཀ་བྱེད་སྟངས་ཧ་རི་ཧུ་རི། |
| ཧ་རི་ཧོ་རི |
(རྒྱན་ཚིག) སྤྱོད་པ་རྩིང་བོའི་དོན་ཏེ། ཧ་རི་ཧོ་རི་བྱས་ན་རྟག་པར་ནོར་འཁྲུལ་ཡོང་ཞེས་པ་ལྟ་བུ། འདི་ལ་ཧ་རེ་ཧུ་རེ་དང་ཧ་ར་ཧུ་རེ་ཞེས་ཟེར་སྲོལ་ཡང་ཡོད། |
| ཧ་རིའི་རྟ་ཅན |
ཧ་རི་རྟ་ཅན་དང་འདྲ། |
| ཧ་རེ |
འདྲ་གཟུགས་ཀྱི་བརྡ་རྙིང་། |
| ཧ་རེ་བ |
1 བར་སྟོང་དང་བུ་ག། 2 མིག་གིས་ལྟ་ཚུལ་གྱི་ཁྱད་པར། མིག་ཐད་ཀར་ཧ་རེ་ལྟ་བ། |
| ཧ་རེ་ལོང་བ |
ཅེ་རེ་ལོང་བ་སྟེ། མིག་གི་བཟོ་ཙམ་ཡོད་པ་ལས་དོན་དུ་མཐོང་མི་ཐུབ་པ། |
| ཧ་རེ་ཧུ་རེ |
ཧ་རི་ཧུ་རི་དང་འདྲ། |
| ཧ་རྒོད |
ཤུགས་ཆེན་གྱི་གད་མོ། |
| ཧ་རླངས |
ཧ་ཞེས་དབུགས་ཕྱིར་དབྱུང་བའི་ཁ་རླངས་ཚ་མོ། |
| ཧ་ལ |
བོང་ང་ནག་པོ། ཧ་ལའི་དུག་དང་བཟང་དྲུག་གཉིས། སྐྱེས་པའི་ངོས་ནས་མཉམ་ན་ཡང༌། ཕན་གནོད་མི་གཅིག་ཁ་ཁ་རེད། |
| ཧ་ལ་གནས |
ཚོགས་བདག་སྟེ་གླང་ཆེན་གྱི་མགོ་ཡོད་པའི་ནོར་ལྷ་ཞིག |
| ཧ་ལ་ཤོར་བ |
ཡུལ མི་ངན་གྱིས་ཁ་བསླུས་བརྒྱབ་སྟེ་རང་གི་དངུལ་དངོས་དེའི་ལག་ཏུ་ཤོར་བ། |
| ཧ་ལམ |
(བསྣན་ཚིག) ཐག་ཉེ་བ་དང་ཕལ་ཆེ་བའི་དོན་ཏེ། བྱིས་པ་འདི་ལོ་ལྔ་ཧ་ལམ་ལོན་ཡོད། དེ་རིང་ཁོ་ཕ་ཡུལ་ལ་ཧ་ལམ་བསླེབས་ཡོད། རི་དྭགས་རྐྱང་ནི་བོང་བུ་དང་ཧ་ལམ་འདྲ། ལུག་ཁྱུ་འདིར་ལུག་སུམ་བརྒྱ་ཧ་ལམ་ལོངས། ད་ལོའི་ལས་ཀ་ཟླ་བཅུ་པར་ཧ་ལམ་འགྲུབ་ལྟ་བུ། |
| ཧ་ལས་པ |
བསམ་ཡུལ་ལས་འདས་པའི་ངོ་མཚར་རམ་ཡ་མཚན་བྱུང་བའི་བློ་འཆར་ཚུལ་ཞིག རང་དབང་མེད་པར་ཧ་ལས་བྱུང༌། ཧ་ལས་རྒྱུ་ཅི་ཡོད། ཧ་ལས་ཤིང་ངོ་མཚར་བ། ཧ་ལས་ཧོན་འཐོར། མི་རྣམས་ཧ་ལས་ཏེ་ཁ་གདངས་མིག་གདངས་ནས་ལུས་པ། |
| ཧ་ལཱ་ཧ་ལ |
ལེགས 1 སྤྱན་རས་གཟིགས་རིགས་ལྔའི་ནང་ཚན་ཞིག 2 འཇམ་དཔལ་དབྱངས་ཀྱི་མཚན་གྱི་བྱེ་བྲག་ཅིག |
| ཧ་ལིའུ |
སོག སྲམ་ལྤགས་ཀྱི་མིང༌། |
| ཧ་ལེ་ཧོ་ལེ |
ཧ་རི་ཧུ་རི་དང་དོན་གཅིག་ |
| ཧ་ལེན |
སྤྲོད་དམིགས་གང་ཡང་མེད་པར་གཞན་གྱི་ས་ནས་དངུལ་དངོས་བུ་ལོན་ལེན་པ། |
| ཧ་ལོ |
ལྕམ་པའི་རིགས་ཤིག ཧ་ལོའི་མེ་ཏོག་ཡལ་ནས་འགྲོ། འདི་ལ་མེ་ཏོག་ཧ་ལོ་དང་རྒྱ་ལྕམ་ཧ་ལོ་ཡང་ཟེར། |
| ཧ་ལོ་དཀར་པོའི་མེ་ཏོག |
རྒྱ་ལྕམ་མེ་ཏོག་དཀར་པོ་འཆར་བ་ཞིག་སྟེ། རོ་མངར་ལ་ཚ། ཞུ་རྗེས་སྙོམས། ནུས་པས་མཁལ་ཚད་དང༌། མངལ་ཚད། ཁུ་བ་འཛག་པ་སོགས་ལ་ཕན། |
| ཧ་ལོག་པ |
ཡུལ 1 མ་རྩ་སྟོངས་པ། ཚོང་པ་ཧ་ལོག་པ། 2 ནོར་བའམ་འཕྱུགས་པ། ཡང་བསྐྱར་ཧ་ལོག་པ། |
| ཧ་ཤིག |
རྒྱ ཁུ་དཀར་ཏེ་རྡོ་སྨན་གྱི་རིགས་ཤིག་རོ་མངར། ཞུ་རྗེས་བསིལ། ནུས་པས་མིག་རིམས་སེལ། རྩ་ནད་སྦྱོང་བར་བྱེད། མིང་གི་རྣམ་གྲངས་ལ་ཀ་ཀོ་ཏྲིག་དང༌། ཁ་ཊཾ་ག། ཁུ་དཀར། ཐོད་ལེ་ཀོར། ཧ་ཤིགྒི་བཅས་སོ། |
| ཧ་ས |
ལེགས ཧ་ནས་སའི་བར་ཏེ་ལེགས་སྦྱར་སྐད་ཀྱི་གསལ་བྱེད་ཐམས་ཅད་ཀྱི་མིང༌། ཧ་ས ཀྵ ཧ ས |
| ཧ་ས་དབྱངས་མེད |
རྒྱ་གར་གྱི་གསལ་བྱེད་དབྱངས་མ་ཞུགས་པ་མཐའ་དག་ཧ་ས |
| ཧ་སག |
ཨེ་ཤ་ཡའི་མི་རིགས་ཤིག་གནས་ཡུལ་ཞིན་ཅང་ཡུ་གུར་རང་སྐྱོང་ལྗོངས་དང་ཀན་སུའུ་ཞིང་ཆེན་སོགས་ཡིན། 1982 ལོའི་སྡོམ་རྩིས་ལྟར་མི་གྲངས་ཁྲི་ཕྲག 90 ལྷག་ཙམ་ཡོད། 90 1982 |
| ཧ་སྒྲ |
གད་མོའི་སྒྲ། |
| ཧ་ཧ |
1 འཇིགས་སྐྲག་བསྐུལ་བའི་སྒྲ། 2 འཕྱ་སྨོད་བྱེད་པའི་གད་མོ།…3. དགོད་པའི་སྒྲ། |
| ཧ་ཧ་སྒྲོག |
མངོན 1 བྱ་བཞད། 2 བྱ་འུག་པ། |
| ཧ་ཧ་ཧེ་ཧེ |
བཞད་གད་ཀྱི་སྒྲ་ཙམ། |
| ཧ་ཧར་རྒོད་པ |
1 གད་མོ་ཧ་ཅང་ཆེ་བ། 2 དུར་ཁྲོད་ཆེན་པོ་བརྒྱད་ཀྱི་ནང་གསེས་ཤིག |
| ཧག་སྒྲ |
ལུད་པ་འཕེན་པའི་སྒྲ་དང་མགྲིན་པ་འགགས་པའི་སྒྲ། མགྲིན་པ་འགགས་པའི་སྦུབས་ནས་ཧག་སྒྲ་འདོན། |
| ཧང |
(རྒྱན་ཚིག) ཁོང་སྟོང་སོགས་ནས་འོད་འཕྲོས་པ་སྟེ། ཐབ་ལ་མེ་སྦར་ནས་དམར་ཧང་ཧང་བྱེད། དཀར་ཁུང་ཁྲ་ཧང་ངེ་འདུག་ལྟ་བུ། ཁེངས་དྲེགས་དང་ཤོམ་ར་ངོམ་པའི་རྣམ་པ་སྟེ། འཕྱོར་བོ་ཁྲོམ་དུ་ཧང་། གར་པ་དོ་རར་ཧང་ལྟ་བུ། |
| ཧང་གཏམ |
བྱུང་རྒྱལ་གྱི་གཏམ། |
| ཧང་ཆུ |
རྨ་ཆུའི་སྟོད་རྒྱུད་ཀྱི་ཆུ་ལག་ཅིག་མཚོ་སྔོན་ཞིང་ཆེན་ཁོངས་མཚོ་ལྷོ་བོད་རིགས་རང་སྐྱོང་ཁུལ་གྱི་ཞིན་ཧའེ་རྫོང་དུ་ཡོད། |
| ཧང་དུ |
བལ་པོའི་སྐད་ཡིན་ཏེ། བཙུན་པ་ཞེས་པའི་དོན། |
| ཧང་བ |
ཡུལ 1 བསམ་བློ་གཏོང་མི་ཐུབ་པར་སེམས་སྟོར་བ་ལྟར་གྱུར་པ། སེམས་ཧང་བ། 2 དབུགས་ཧང་བའམ་དབུགས་འཚང་བ། རྐང་ཐང་དུ་ཤབ་རྒྱུག་གིས་ཕྱིན་པས་དབུགས་ཧང་བ། |
| ཧང་བུག |
1 བར་གྱི་སྐྱོན་དང་རལ་སྐྱོན། ཁང་པ་དང་ར་བ་ཚང་མར་ཞིག་རལ་གྱིས་ཧང་བུག་ཞུགས་པ། 2 སྐྱོན་དང་ནོར་འཁྲུལ། ལས་ཀ་འདི་བྱས་ན་ཧང་བུག་གང་ཡང་མི་འདུག |
| ཧང་བུབ |
ཧང་བུག་དང་དོན་གཅིག་ |
| ཧང་ཚང |
སྐྱོན་ཞུགས་པ། གཞུང་སྒེར་མཉམ་བསྲེས་ཀྱི་ཧང་ཚང་བྱུང་བ། |
| ཧང་ཚིག |
བསམ་བློ་མ་བཏང་བའི་གཏམ་བྱུང་རྒྱལ། |
| ཧང་ཟོམ |
ནོར་འཁྲུལ་གྱི་ཁྱད་པར་རམ། མི་མཐུན་པ། ཧང་ཟོམ་གཏོང༌། ཧང་ཟོམ་ཚ་པོ། གཏོང་ཡོང་གི་རྩིས་ལ་ནོར་འཁྲུལ་གྱི་ཧང་ཟོམ་བྱུང༌། མི་འདི་གཉིས་གཟུགས་པོ་རིང་ཐུང་ཧང་ཟོམ་མི་འདུག |
| ཧང་འགྲོས |
ཧང་རྒྱག་གི་འགྲོས་ཏེ་མ་བརྟགས་པའི་འགྲོ་སྟངས་སམ་ཁེངས་དྲེགས་ཀྱི་རྣམ་པའི་འགྲོ་སྟངས་ཤིག ཕོ་རོག་རྒྱགས་པ་ལྟར་ཧང་འགྲོས་བྱེད། |
| ཧང་འགྲོས |
1ཁེངས་དྲེགས་ཀྱི་རྣམ་པའི་འགྲོ་སྟངས་ཤིག་སྟེ། ཕོ་རོག་བརྒྱགས་པ་ལྟར་ཧང་འགྲོས་མ་བྱེད་ལྟ་བུ། 2འོལ་ཚོད་བྱེད་པའི་བྱ་སྤྱོད་ཀྱི་མིང་སྟེ། དོན་ཆེན་ལ་ཧང་འགྲོས་བྱེད་མི་རུང་ལྟ་བུ། |
| ཧང་རལ |
སྐྱོན་ཞུགས་པའམ། ཤོད་སྟངས་དང་བྱེད་སྟངས་རྩིང་པོ། |
| ཧང་རྒྱ |
རང་འཁོས་དང་མི་འཚམས་པའི་སྤྲོས་གཤོམ་གྱི་བློ་རྒྱའི་སྤྱོད་ཚུལ། བརྒྱ་བཤིག་སྟོང་འགུགས་ཀྱི་སྤྲོས་གཤོམ་ཧང་རྒྱ་ཚ་པོ། |
| ཧང་རྒྱ་ཚ་བོ |
མངོན་སུམ་ལ་བསྙོན་པའི་རྫུན་གཏམ། |
| ཧང་རྒྱག |
བརྟག་དཔྱད་མེད་པའི་ཧོལ་རྒྱུག རང་མཚམས་ཧང་རྒྱག་གིས་ལས་ཀ་བྱས་པ། |
| ཧང་ཤེད |
1 ཤོད་སྟངས་དང་བྱེད་སྟངས་རྩིང་པོ། རང་སྣང་གང་དྲན་གྱིས་ཧང་ཤེད་མ་བྱེད། ཧང་ཤེད་ཅན་གྱི་གཏམ། 2 རང་ཤེད་ཚ་པོ། ཧང་ཤེད་ཚ་པོ། ཧང་ཤེད་ཨུ་ཚུགས་ཀྱིས་ཡོ་བསྲང་མི་བྱེད་པ། |
| ཧང་སང་བ |
ཡུལ ཆེས་ཆེར་ཧ་ལས་པ། ཧ་ལས་ཧང་སང་བ། |
| ཧང་སོང |
ཧང་ཟོམ་དང་དོན་གཅིག་ |
| ཧང་ཧང |
སྟོང་སྣང་འཆར་ཚུལ། སེམས་མི་དགའ་བས་སྙིང་སྟོང་ཧང་ཧང་དུ་གྱུར། སེམས་དགའ་ཧང་ཧང༌། |
| ཧད |
(བསྣན་ཚིག) ཚད་མྱུར་བ་དང་གློ་བུར་བའི་དོན་ཏེ། ཧད་ཀྱིས་ལངས་ལྟ་བུ། (བྱེད་མེད་ལས་ཚིག) ཧ་ལས་པ་དང་རྣམ་རིག་ཉམས་པ་སྟེ། དགྲ་དམག་སྐྲག་ནས་ཧད། ཧད་ནས་བལྟས་ལྟ་བུ། |
| ཧད་དེ |
ཅི་བསམ་འདི་དྲན་མེད་པར་ཧོན་ཐོར་དུ་གནས་པ། དྲན་མེད་ཧད་དེ་མ་སྡོད་མནོ་བསམ་ཐོངས། |
| ཧད་དེ་བ |
སེམས་མི་གསལ་བའམ། དྲན་པ་འཐོར་བའི་ཉམས། ཅི་དྲན་འདི་དྲན་མེད་པར་རེ་ཞིག་ཧད་དེ་བར་ལུས། |
| ཧད་དེ་འཇོག་པ |
བློའི་འཇོག་ལུགས་འདི་ཡིན་འདི་མིན་འཕྲོ་འདུ་བཀག་ནས་ཧ་ཐང་ངེར་འཇོག་པ། |
| ཧད་པོ |
དྲན་མེད་དམ་དྲན་འཐོར། ཞེད་ནས་ཧད་པོར་ཤི་བ། |
| ཧད་པོར |
རྙིང གློ་བུར། |
| ཧད་ཧད |
(རྒྱན་ཚིག) མགོ་འཐོམ་པའི་རྣམ་པ་སྟེ། སྐྲག་ནས་ཧད་ཧད་བྲོས། ཧད་ཧད་བརྒྱུགས་ལྟ་བུ། |
| ཧད་ཧད་པོ |
1 དྲན་པ་འཐོར་བ་ལྟར་གྱུར་པའི་ཚུལ། དངངས་སྐྲག་སྐྱེས་ནས་སེམས་ཧད་ཧད་པོར་གྱུར་པ། 2 དབུགས་ཧད་ཇེ་ཆེར་ཕྱིན་པ། ཐང་ཆད་ནས་དབུགས་ཧད་ཧད་པོར་གྱུར་པ། |
| ཧན |
སོག རྒྱལ་པོ། ནོ་མོན་ཧན། དཱ་ཧན། |
| ཧན་ཏང |
(རྒྱན་ཚིག) མུན་འཐོམ་གྱི་རྣམ་པ་སྟེ། ཧ་ལས་ནས་ཧན་ཏང་བར་གྱུར་ལྟ་བུ། |
| ཧན་ནེ་ཧོན་ནེ |
དོ་སྣང་ཆུང་བ། སྐད་ཆ་ཉན་དུས་ཧན་ནེ་ཧོན་ནེ་བྱས་ན་དོན་སེམས་ལ་མི་ངེས། |
| ཧན་ཧོན |
(རྒྱན་ཚིག) རྒས་ནས་དྲན་པ་མི་གསལ་བར་གྱུར་པའི་དོན་ཏེ། ཡུལ་སྐད་ལ་ལར་ཧ་ནེ་ཧོན་ནེ་ཟེར། དཔེར་ན། ཁྱི་རྒན་ཧ་ནེ་ཧོན་ནེ་ཞེས་པ་ལྟ་བུ། 2. ཧ་ནེ་ཧོན་ནེའམ་འན་ནེ་འོན་ནེའི་བསྡུས་ཚིག་ |
| ཧབ |
1 ཞེན་ཆགས་ཆེ་བའི་རྣམ་པའམ། ཤིན་ཏུ་རྔམས་པའི་ཚུལ། ཧབ་སྒྲ། ཧབ་ལོག 2 གློ་བུར་དུ་བྱུང་ཚུལ། ཧབ་རྒྱུག ཧབ་དགོད། |
| ཧབ་གཤགས |
འགྲན་བསྡུར་གྱི་རྩོད་གླེང་ངམ་ཧབ་ཐོབ་ཀྱི་ཁ་རྩོད། ཧབ་གཤགས་མཉམ་བྱེད། |
| ཧབ་ཆ |
སྐད་མཐོན་པོ་ཕྱུང་ནས་བགད་པའི་སྒྲའི་མིང་སྟེ། སློབ་ཁང་དུ་ཧབ་ཆ་མ་རྒྱག་ལྟ་བུ། |
| ཧབ་ཆི |
སྦྲིད་པ་སྟེ་སྣ་འཚངས་པ་སོགས་ཀྱི་རྐྱེན་ལས་དབང་མེད་དུ་སྒྲ་ཧབ་ཆི་ཧབ་ཆི་ཞེས་འབྱིན་པ། ཧབ་ཆི་བརྒྱབ་པ། |
| ཧབ་ཐོབ |
ཤིན་ཏུ་རྔམས་པའི་ཚུལ་གྱིས་འདོད་པ་ཐོབ་ཐབས་བྱེད་པ། ལས་འགན་ཧབ་ཐོབ་རྒྱག་པ། ཚོང་ཟོག་ཧབ་ཐོབ་ཀྱིས་ཉོ་བ། |
| ཧབ་བཅད |
འདོད་ཞེན་གྱིས་འཕྲོག་པ། ཇག་པས་ཚོང་པ་རྣམས་ཀྱི་རྒྱུ་ནོར་ཧབ་བཅད་ཀྱིས་འཕྲོག་བཅོམ་བྱས། |
| ཧབ་བེ་ཧོབ་བེ |
རུ་ངར་ཞིབ་ཚགས་མེད་པ། བྱ་བ་ཧབ་བེ་ཧོབ་བེ་བྱས་ན་ཁུངས་ཐུབ་ག་ལ་ཡོང༌། |
| ཧབ་འཐུང |
འདོད་རྣམས་ཆེན་པོས་འཐུང་བ། |
| ཧབ་འཚེམ |
ཡུལ ཧྲལ་འཚེམ་མམ་རོབ་ཙམ་འཚེམ་པ། དོ་པོ་རྣམས་ཧབ་འཚེམ་རྒྱག་པ། |
| ཧབ་ཤ |
རྒྱུ་ནོར་སོགས་འཕྲོག་པའི་བྱ་སྤྱོད་ཀྱི་མིང་སྟེ། སྤྱི་ནོར་ལ་ཧབ་ཤ་མ་བྱེད་ལྟ་བུ། |
| ཧབ་ཤང་མཚེའུ |
རྒྱ དབང་པོ་ལག་པའི་མིང་གི་རྣམ་གྲངས་ཤིག |
| ཧབ་ཤང་ཙེའུ |
ཧབ་ཤང་མཚེའུ་དང་འདྲ། |
| ཧབ་ཤང་ཚེའུ |
ཧབ་ཤང་མཚེའུ་དང་འདྲ། 2. རྒྱ་སྐད་དུ་ཞན་རིན་ཀྲང་ཟེར་བའི་སྨན་གྱི་རྩ་བ་ཞིག་སྟེ། དེ་ཉིད་དབང་ལག་ལ་ངོས་འཛིན་པའང་ཡོད། |
| ཧབ་སྒྲ |
རྔམས་སྟབས་ཀྱི་ཅ་ཅོའི་སྒྲ། ཟ་འཐུང་ཧབ་སྒྲ་དིར་དིར་དེ་འདྲ་མ་བྱེད། |
| ཧབ་སྦྲིད |
སྦྲིད་པ། ཆམ་པ་ཕོག་པས་ཧབ་སྦྲིད་བརྒྱབ་པ། |
| ཧབ་ཧབ |
རྒྱུན་དུ་ཞེན་ཆགས་ཆེན་པོ་དང༌། ཡང་ཡང་བྱེད་ཚུལ། ཟས་ཞིམ་ལ་ཧབ་ཧབ་བྱེད་པ། རྒྱུ་ནོར་ལོངས་སུ་སྤྱོད་པར་ཧབ་ཧབ་མི་རྔམ་པ། |
| ཧབ་ཧོབ |
ཞིབ་ཚགས་མེད་པ། ཁ་ཟས་ཧབ་ཧོབ་ཀྱི་ཟ་བ།…2. (རྒྱན་ཚིག) བྱ་སྤྱོད་རྣལ་དུ་མི་འབེབ་པའི་དོན་ཏེ། ཧབ་ཧོབ་ཏུ་སོང་ན་ལམ་འཆུག་ཉེན་ཆེ་ལྟ་བུ། ཡུལ་སྐད་དུ་ཧ་བེ་ཧོབ་བེ་ཟེར། |
| ཧམ་ཁྱེར |
1 ཧམ་པས་ཁྱེར་བ་སྟེ་དངོས་པོ་སོགས་འདོད་པས་བདག་པོ་བྱས་པ། གཞན་གྱི་རྒྱུ་ནོར་ཧམ་ཁྱེར་བྱས་པ། 2 རླན་ཞུགས་ཏེ་རུལ་གྲབས་བྱས་པ། ཁ་ཟས་ཧམ་ཁྱེར། ཤ་རྙིང་ཧམ་ཁྱེར། |
| ཧམ་ཆེན |
ཧམ་པ་ཤོད་མཁན། མི་ཧམ་ཆེན་གྱིས་ཧམ་པ་ཤོད། རྐུན་མ་ཧམ་ཆེན་གྱིས་མི་གསོད། |
| ཧམ་དྲི |
ཟས་སོགས་རུལ་གྲབས་བྱེད་པའི་དྲི། བཞའ་ཚན་ཡོད་སར་ཟས་ལ་ཧམ་དྲི་ཞུགས་དོགས་ཀྱི་བག་ཟོན་བྱེད་དགོས། |
| ཧམ་པ |
1 འཐོབ་འདོད་ཀྱི་བརྣབ་སེམས། ཟ་ཧམ། འཐུང་ཧམ། བློ་ཧམ། 2 རང་ཚོད་མ་ཟིན་པ། མི་ཧམ་པ་ཆེན་པོ། སྐད་ཆ་ཧམ་པ་མ་ཤོད། ཧམ་པ་དཔའ་ཐལ། ཧམ་པ་བཤད། ཧམ་པས་འཁྱེར། ཧམ་པ་འཛུགས། ཧམ་པ་རི་ཙམ་བཤད་ནས། བདེན་པ་གཡག་ཙམ་འཐོབ་རེ། 3 ལྟོ་ཆས་དང་སྣོད་སོགས་ལ་རུལ་སུངས་ཀྱི་གཡའ་ཞུགས་པ། ཧམ་པ་བརྒྱབ་པ། |
| ཧམ་ཕོད་ཅན |
ཧ་ཅང་ཧམ་པ་ཚ་པོ། |
| ཧམ་བཟུང |
ཧམ་འདོད་ཀྱིས་བདག་པོ་སྤྲོད་པ། ཁྲིམས་འགལ་ཧམ་བཟུང༌། |
| ཧམ་བཟོས |
གཞན་ནོར་ཧམ་པ་ཟོས་པ། |
| ཧམ་བཤད |
མ་ཡིན་ཡིན་ཚུལ་སོགས་ཀྱི་རྫུན་གཏམ། དཀྲོག་གཏམ་ཧམ་བཤད། ཧམ་བཤད་མགོ་སྐོར། |
| ཧམ་བསྙོན |
ཧམ་པས་སྐྱོན་འཛུགས། ཧམ་བསྙོན་བྱས་ཀྱང་ཕན་ཐོགས་གང་ཡང་མེད། |
| ཧམ་ཟོས |
ཐུན་མོང་གི་རྒྱུ་ནོར་སོགས་བརྐུ་ཐབས་ཀྱིས་བླངས་པའི་ཉེས་སྤྱོད་ཀྱི་མིང་། |
| ཧམ་འཁྱེར |
འཁྱེར་མི་འོས་པའི་རྒྱུ་ནོར་ཧམ་པ་བྱས་ནས་འཁྱེར་བའི་བྱ་སྤྱོད་ཀྱི་མིང་། |
| ཧམ་འདོད |
ཧམ་ཆེའི་འདོད་པ། ཧམ་འདོད་ངོམས་མེད། ཧམ་འདོད་ཀྱིས་གཞན་ལ་བཙན་འཛུལ་བྱེད་པ། |
| ཧམ་ཡུ |
རྙིང ང་རྒྱལ། |
| ཧམ་ཡུས |
བསྙོན་ཧམ་གྱི་ཡུས། བྱས་རྗེས་ཧམ་ཡུས་འཚོང་བ། རྫུན་གཏམ་གྱིས་ཧམ་ཡུས་དྲངས་པ། མི་མང་པོའི་ཁྲོད་དུ་ཧམ་ཡུས་མ་ཤོད། |
| ཧམ་རྫུན |
གང་ལའང་མི་བལྟོས་པའི་ཧམ་པ་ཚ་པོའམ་རྫུན་ཚ་པོ། |
| ཧམ་ལུ |
ཡུལ ཕྲུ་གུའི་ལྷམ། |
| ཧམ་ཤེད |
དཔུང་ངོམ་མམ་ཁྲིམས་མེད་ལུགས་མེད། འོས་མེད་ཧམ་ཤེད། ཧམ་ཤེད་གང་འདོད། ཧམ་ཤེད་ཁྲལ་བསྡུ། |
| ཧམ་སེམས |
འདོད་པ་ཆེན་པོ། ཧམ་སེམས་རྒྱུན་བཅངས། ཧམ་སེམས་ཆེར་འབར། ཧམ་སེམས་ཆེ་ལ་ངོ་ཚ་མེད། |
| ཧམ་སྤུ |
རུལ་སུངས་སུ་གྱུར་པའི་གཡའ་སྤུ། |
| ཧམ་སྨྱོན |
འདོད་ཧམ་གྱིས་སྨྱོ་བ་ལྟ་བུ། ཧམ་སྨྱོན་ཚུར་རྒོལ། ཧམ་སྨྱོན་གྱིས་འཁྲུག་རྐྱེན་སློང་བ། |
| ཧར |
1.འུར་སྒྲོག་པའི་གཏམ། ཧར་བཤད། ཧར་ཚ་པོ། ཁོའི་སྐད་ཆ་དེ་དག་ཧར་རེད། ཧར་མ་ཤོད། ཧར་ཚ་པོས་ཧར་གཏམ་མ་བཤད་ན། ཧར་ཆུང་ངུ་གད་མོ་ཤོར་དོན་མེད། 2.གློ་བུར། ཧར་གྱིས་ཁྲོ་བ། ཧར་གྱིས་སྡོད་པ། སྒྱེ་སྟོང་ཧར་ལང་མི་ཐུབ། མིག་ཧར་ཏེ་ལྟ་བ། ཡང་ན་ཞག་གསུམ་གཤིབས་པས་ཤེས། ཡང་ན་ཧར་ཏེ་བལྟས་པས་ཤེས། |
| ཧར་གཏམ |
འུད་གཏམ། |
| ཧར་གདོང |
རྒྱ མཚོ་སྔོན་ཁུལ་གྱི་ཡུལ་ཞིག་གི་མིང་རྙིང༌། |
| ཧར་གོང |
ཟོག་གོང་ཡང་ཏིག་མ་འགྲིག་གོང་འུད་ཀྱིས་ཕབ་པའི་རིན་གོང༌། |
| ཧར་ཅན |
མི་ཧམ་པ་ཅན་ནམ་ཁྲམ་པ། |
| ཧར་ཆེན |
ཧར་ཆེན་པོ་སྟེ། མ་ཡིན་པ་ཐམས་ཅད་ཡིན་པར་ཤོད་པ་རྫུན་གཏམ་འུད་ཀྱིས་སྒྲོག་པ་པོ། |
| ཧར་ཐོན |
གློ་བུར་དུ་ཐོན་པ། ཁྱོད་མཚམས་དམ་པོ་ཧར་ཐོན་བྱེད་པའི་རྒྱུ་མཚན་ཅི་ཡིན། |
| ཧར་པ |
1 མི་ཧམ་པ་ཅན་ནམ་ཁྲམ་པ། 2 བར་མཚམས། དེ་གཉིས་ཀྱི་བར་ན་ཧར་པ་མི་ཤོང་བ་ཙམ་ཞིག་འདུག རྩིག་པ་གཉིས་ཀྱི་བར་སྟོང་ཧར་པ། |
| ཧར་པོ |
1 ཚོན་མདངས་རྣམ་པར་བཀྲ་བ་དང་རྒྱང་བཀྲག་ཆེ་བ། གྱོན་པ་ཧར་པོ། ཧར་པོ་བཟོ་བ། མིག་ལམ་དུ་ཧར་པོར་བཀྲ་བ། 2 ཡུལ དཀྲོག་དཀྲོག་ཆེ་བ། སྤྱོད་པ་ཧར་པོ། མི་དེ་ཧར་པོ་ཞིག་ཡོད་པས་གང་བྱས་པ་ཚང་མ་སྤམ་པོ་ཞིག་ལས་མི་ཡོང༌། 3 མིག་གདངས་ཏེ་ལྟ་ཚུལ། མིག་གཉིས་ཧར་པོར་གདངས་ཏེ་ལྟ། ཧར་པོར་ལྟ་བ། |
| ཧར་བར་མི་ཤོང |
1 མི་ཚད་ཙམ་ཤོང་བའི་བར་སྟོང་ཆེ་བ། 2 ལས་ཀ་ཧང་ཟོམ་ཆེ་བའི་དཔེ། |
| ཧར་མིག |
ཁུང་བུ། རྩིག་དབར་ལ་ཧར་མིག་གཅིག་བཏོན་པ། |
| ཧར་འདོན |
ཧར་ཐོན་དང་དོན་གཅིག་ |
| ཧར་ལངས |
གློ་བུར་དུ་ལངས་པ། གྲལ་གྱི་ནང་ནས་ཧར་ལངས་བྱས་པ། |
| ཧར་སྒོམ |
མིག་གིས་ཧར་རེ་ལྟ་བའམ་ཅེར་རེ་བལྟས་ཏེ་སྒོམ་པ། |
| ཧར་སྒྲ |
ཐང་ཆད་པའི་ངལ་སྒྲའམ་གཉིད་དུས་ཀྱི་སྔུར་སྒྲ། འཆི་ཁའི་ཧར་སྒྲ། ཧར་སྒྲ་ཚ་པོ། |
| ཧར་ཧུར |
ཧ་རི་ཧུ་རིའི་བསྡུས་ཚིག་ |
| ཧལ |
(བྱེད་མེད་ལས་ཚིག) ཁ་གདངས་ནས་དབུགས་ཐུང་ལ་རྩུབ་པ་འབྱིན་རྔུབ་བྱེད་པའི་དོན་ཏེ། ཁྱི་ཚ་བས་གདུང་ནས་ཧལ། གཡག་ལ་ལ་འགོས་ནས་ཧལ་ལྟ་བུ། |
| ཧལ་བ |
ཡུལ དབུགས་འཚང་བ། ངལ་དུབ་ཀྱིས་དབུགས་ཧལ་བ། གཉིད་རྨུགས་ཀྱིས་ཧལ་བ། རྒྱུགས་པས་དབུགས་ཧལ་བ། |
| ཧལ་ལེ་བ |
དབུགས་འཚང་བའི་ངང་ཚུལ། དབུགས་ཧལ་ལེ་བར་རྒྱུག་བཞིན་འོང་བ། |
| ཧལ་ལེ་ཧོལ་ལེ |
རུ་ངར་ཞིབ་ཆ་མེད་པའི་ལས་སྟངས། བསམ་བློ་ཧལ་ལེ་ཧོལ་ལེས་དོན་གནད་མི་རྟོགས། ལས་ཀ་ཧལ་ལེ་ཧོལ་ལེ་བྱས་ན་གྲ་འགྲིག་པོ་མི་ཡོང༌། |
| ཧལ་ཤ |
དབུགས་ཧལ་བའི་ཉམས། ངལ་དུབ་ཀྱིས་ཧལ་ཤ་ཐོན་པ། |
| ཧལ་ཧ |
སོག མོང་གོལ་ཁལ་ཁའི་ཡུལ། |
| ཧལ་ཧལ |
དབུགས་ཧལ་བའི་ངང་ཚུལ། |
| ཧལ་ཧོལ |
ཧལ་ལེ་ཧོལ་ལེའི་བསྡུས་ཚིག་ |
| ཧས་པ |
ཧལ་བ་དང་འདྲ། 2. དག་ཡིག་ལ་ལར་འགྱུར་ཁུགས་དང་དོགས་པ་ཟ་བ། ནོར་བ་སོགས་ལ་འཇུག་པར་བཤད། |
| ཧས་པོ་རི |
བོད་ཀྱི་རི་ཆེན་བཞིའི་ཡ་གྱལ་ཞིག་ལྷོ་ཁ་བསམ་ཡས་སུ་ཡོད། |
| ཧཱུཾ་གཅིག་ཏུ་དྲིལ |
ལེགས སྙིང་པོར་དྲིལ་བ། ཡོད་ཚད་ཚང་མ་ཧཱུཾ་གཅིག་ཏུ་དྲིལ་བ། |
| ཧཱུཾ་ང |
ལེགས ཧཱུཾ་གི་ཀླད་ཀོར་ངར་འབོད་པའི་ལུགས། ང་ཧཱུཾ ང |
| ཧཱུཾ་མཛད |
ལེགས ཁྲོ་བོ་ཧཱུཾ་མཛད། |
| ཧཱུཾ་རྡུགས |
ལེགས འུ་ཐུག་པ། |
| ཧི་ཀ |
1 ལུས་ཀྱི་ཚ་གྲང་འཁྲུགས་པས་དབུགས་ཀྱི་རྒྱུ་བ་འཁྲུགས་ཏེ་དབུགས་སྐྱུགས་པ་ལྟར་ཐོན་སྒྲ། 2 འཕོ་བ་སྦྱོང་སྐབས་རྣམ་ཤེས་གྱེན་སྤོར་མར་འབེབས་བྱེད་པར་སྐད་ཁོང་ནས་དབྱུང་ཞིང་རྐན་གྱི་སྦུབས་ནས་འདོན་པའི་སྒྲ་ཞིག |
| ཧི་མ་ལ་ཡ |
ལེགས རི་བོ་གངས་ཅན། རི་བོ་འདི་ནི་འཛམ་གླིང་ཐོག་རི་རྒྱུད་མཐོ་ཤོས་དང༌། ཆེས་རིང་ཤོས་ཤིག་སྟེ། རང་རྒྱལ་གྱི་བོད་རང་སྐྱོང་ལྗོངས་ཀྱི་ནུབ་ཕྱོགས་སུ་ཆགས་ཡོད་ཅིང༌། ནུབ་པ་ཅི་སི་ཐན་གྱི་བྱང་མཐའ་ནས་ཧིན་རྡུ་དང༌། བལ་པོ། འབྲས་ལྗོངས། ཤར་འབྲུག་ཡུལ་གྱི་བར་དུ་བརྐྱངས་པའི་རིང་ཚད་སྤྱི་ལེ་2450 ཙམ་དང༌། ཞེང་ཚད་ལྷོ་ནས་བྱང་བར་སྤྱི་ལེ་200 ནས་350 བར་ཡོད་པ། མཐོ་ཚད་ཆ་སྙོམས་བྱས་ན་རྒྱ་མཚོའི་ངོས་ལས་སྨི་6000 ཙམ་གྱིས་མཐོ་བ་ཡོད་ཅིང༌། དེའི་ནང་ནས་མཐོ་ཤོས་ཇོ་མོ་གླང་མ་ཟེར་བ་དེ་ནི་རྒྱ་མཚོའི་ངོས་ལས་སྨི་8848.13 མཐོ་བ་ཡིན། རི་རྒྱུད་འདིའི་བྱང་ལ་ཡོད་པའི་ཏི་སེ་གངས་རི་ལ་ཧི་མ་ལ་ཡ་བྱང་མ་ཟེར། 2450 200350 6000 8848.13 |
| ཧི་ཧི |
1 སྒེག་པའི་གད་མོའམ་མཛེས་པའི་རྣམ་འགྱུར་གྱི་གད་མོ། 2 ཁྲོ་བའི་གད་མོ་ཞིག |
| ཧིན |
མ་དགའ་བའམ་མཐོང་ཆུང་བྱེད་པ་མཚོན་པའི་སྣ་སྒྲ་ཞིག |
| ཧིན་དྷུ |
རྒྱ་གར་གྱི་མིང་གཞན་ཏེ། སིན་དྷུ་ཞེས་པའི་སྒྲ་འགྱུར་བར་མངོན། |
| ཧུ |
སྒྲའི་བྱེ་བྲག་ཅིག་སྟེ། ཐུག་པ་ཧུ་ཧུ་འཐུང་། ཕག་གིས་ཧུ་སྒྲ་བསྒྲགས། རྔུར་བ་ཧུ་རུ་རུ་འཐེན་ལྟ་བུ། |
| ཧུ་ཁྱུ |
ཐང་ཆད་སྐབས་དབུགས་རིང་གཏོང་བའི་སྒྲ། |
| ཧུ་ཆིན |
རྒྱ པི་ཝང་གི་བྱེ་བྲག་ཅིག |
| ཧུ་ཆིན་འཁྲོལ་འཛིན |
སྔར་ལྷ་ལྡན་སྨོན་ལམ་གྱི་དུས་སུ་ཧུ་ཆིན་བཏང་ཆོག་པ་ཞེས་ཚོགས་ཆེན་ཞལ་ངོར་དགོངས་པ་ཞུས་པའི་འཁྲོལ་འཛིན། |
| ཧུ་ཐུག་ཐུ |
ཧོ་ཐོག་ཐུ་དང་འདྲ། |
| ཧུ་རུ་རུ |
ཆུ་དོང་དུ་བབས་པའམ། ཇ་ཆང་སོགས་འཐུང་བའི་སྒྲ་ལྟ་བུ། |
| ཧུ་རེ་བ |
མིག་གིས་ཅེ་རེར་ལྟ་བ། ཕྲུ་གུས་རྩེད་མོ་རྩེ་ཆས་ལ་མིག་ཧུ་རེ་བར་ལྟ་བ། |
| ཧུ་སྒྲ |
ཁ་ནས་ཧུ་ཧུ་ཟེར་བའི་སྒྲ། |
| ཧུ་ཧུ |
ཐུག་པ་ཚ་པོ་སོགས་འཐུང་སྐབས་ཀྱི་ཕུ་ཕུ་དང་ཧུ་ཧུ་ཟེར་བའི་སྒྲ། ཧུ་ཧུ་མི་བྱ། |
| ཧུང་ལ |
རྒྱ ཐེལ་ཙེ་རྒྱག་པར་དགོས་པའི་ལ་ཆ་ལྟ་བུ་ཞིག |
| ཧུང་ལ |
སྦྲང་རྩིའི་ནང་ནས་བླངས་པའི་རྫས་ཤིག་གི་མིང་སྟ། རྒྱ་སྐད་ཀྱི་སྒྲ་ཡིན། |
| ཧུང་ལའི་རྒྱ་སྡེམ |
ཞུ་ཡིག་གི་རྒྱ་སྐོགས་ལ་ཐེའུ་སོགས་ཕབ་ནས་རྒྱ་བཅད་རྒྱག་སྟངས། |
| ཧུད |
མྱ་ངན་སྐྱེས་པ་མཚོན་པའི་སྒྲ་ཞིག་སྟེ། ཀྱེ་མ་ཀྱེ་ཧུད། ཨུ་ཧུད་ལགས་ཞེས་པ་ལྟ་བུ། |
| ཧུད་ཧུད་པོ |
རྙིང ཤིན་ཏུ་རྩུབ་པ། |
| ཧུབ |
1.ཆུའམ་ཆང་སོགས་ཁ་གང༌། ཧུབ་རྒྱག་པ། ཨ་རག་ཧུབ་གང་བཏུང༌། ཆུ་ཧུབ་གང༌། ཧུབ་གཅིག ཧུབ་དོ། 2. བཏུང་བ་འཐུང་ཚུལ། ཇ་ཆུ་ཧུབ་རྒྱག་གིས་འཐུང་བ། ཐུག་པ་ཧུབ་ཀྱིས་འཐུང༌། རྒྱ་མཚོ་ཧུབ་ཀྱིས་འཐུང་བ། |
| ཧུབ་འདེབས |
བཏུང་བའི་རིགས་ཁ་ནང་ལ་རྔུབ་ཐེངས་གཅིག་གི་ཚད་ཀྱི་མིང་སྟེ། ཆུ་ཧུབ་གང་འཐུངས་ནས་སྐོམ་པ་སེལ་ལྟ་བུ། ཨ་མདོའི་ཡུལ་སྐད་དུ་གྲོ་ཕྱེ་སོགས་སྲབ་མོར་བྱས་པའི་ཐུག་པའི་མིང་། |
| ཧུབ་རེས |
ཕོར་པ་གཅིག་གི་ནང་ནས་རེས་སྐོར་གྱིས་འཐུང་བ། |
| ཧུབ་ལོག |
ཧུབ་ཆེན་པོས་ཡང་ཡང་འཐུང་སྐྱོར། ཆུ་ཧུབ་ལོག་བརྒྱབ་སྟེ་འཐུང་བ། |
| ཧུབ་སྐོར |
བཏུང་བ་ཧུབ་འཐུང་གི་རེས་སྐོར། ཕོར་པ་གཅིག་གི་ནང་དུ་ཆང་ཧུབ་སྐོར་བྱས་ཏེ་བཏུང་བ། |
| ཧུའུ་རི་ཙེ |
རྒྱ ཁ་དོག་གི་ཁྱད་པར་མ་གཏོགས་བོད་ཀྱི་སེར་སྐྱ་མང་པོས་དགུན་དུས་གྱོན་རྒྱུའི་ཞྭ་མོ་ཞིག |
| ཧུར |
(རྒྱན་ཚིག) མིག་གི་རྣམ་འགྱུར་ཞིག་སྟེ། གཅིག་གིས་གཅིག་ལ་མིག་ཧུར་ཧུར་བལྟས། ཧུར་རེ་བལྟས་ལྟ་བུ། སྒྲའི་བྱེ་བྲག་ཅིག་སྟེ། ཧུར་སྒྲ་གྲགས་ལྟ་བུ། |
| ཧུར་ཐག |
འབད་རྩོལ། ཞིང་ལས་ཧུར་ཐག་བྱས་ནས་ལོ་ལེགས་ཡོང་ཐབས། ཧུར་ཐག་འབད་ཐག་གིས་ངལ་རྩོལ་གྱིས། ཧུར་ཐག་འབད་ཐག་གིས་སློབ་སྦྱོང་བྱེད་པ། |
| ཧུར་ཐུམས |
ཛཿ ཟེར་བ་སྟེ་དྲག་ལས་སྐབས་ཀྱི་དགུག་སྔགས་གྲས་ཤིག |
| ཧུར་པ |
(རྒྱན་ཚིག) ཡང་ཟོར་ཆེ་ལ་རྣམ་རིག་བཀྲ་བ་སོགས་ཀྱི་དོན་ཏེ། མི་ཧུར་པ་ཞིག་རེད། རྟ་ཧུར་པ་དེར་ཞོན་ལྟ་བུ། ཡུལ་སྐད་དུ་ཧུ་ར་ཟེར་བ་དང་འདྲ། འདི་ལ་ཧུར་པོ་འབྲི་བའང་ཡོད། |
| ཧུར་པོ |
1 ལྷུར་པོ་ཡང་ཟེར། བརྩོན་པ་ཆེན་པོའམ་དོ་ཁུར་ཆེ་བ། ལས་རོགས་ཧུར་པོ། ལས་ཀ་ལ་ཧུར་པོ། གཞན་དོན་ཧུར་པོར་འཛིན་པ། གྲ་སྒྲིག་ཧུར་སྦྱོར། 2 རིག་པ་སྒྲིམ་པོ། བློ་རྩེ་ཧུར་པོ། མིག་ཧུར་པོར་ལྟ་བ། |
| ཧུར་བག་ཅན |
འབད་རྩོལ་ཅན། |
| ཧུར་བརྩོན |
སྙིང་རུས་ཀྱིས་འབད་སྟངས། ལས་དོན་ལ་ཧུར་བརྩོན་གྱིས་ཞུགས་པ། ཧུར་བརྩོན་གྲོན་ཆུང་གིས་རྒྱལ་ཁབ་འཛུགས་སྐྲུན་བྱེད་པ། ཧུར་བརྩོན་དཀའ་ཐུབ། ཧུར་བརྩོན་ཅན། |
| ཧུར་འབུངས་ཞེ་བསྐྱེད |
ཧུར་བརྩོན་ཆེ་བསྐྱེད། བྱ་བ་གང་བྱེད་ཀྱང་ཧུར་འབུངས་ཞེ་བསྐྱེད་ཀྱིས་བྱས་ན་མི་འགྲུབ་པ་མེད། |
| ཧུར་རེ་བ |
མིག་ཅེར་རེ་བར་ལྟ་བ། མདུན་ཕྱོགས་ལ་ཧུར་རེ་བར་ལྟ་བ། |
| ཧུར་སེམས |
བརྩོན་འགྲུས་ཆེ་བའི་སྙིང་སྟོབས། ལས་དོན་ཧུར་སེམས་ལྷོད་མེད་བྱེད་པ། |
| ཧུར་སྐྱེད |
བརྩོན་འགྲུས་ཆེན་པོ་བྱེད་པ། སྙིང་རུས་ཧུར་སྐྱེད། སྟོབས་འབྱོར་ཡོང་ཐབས་ཧུར་སྐྱེད་བྱེད་པ། |
| ཧུར་ཧུར |
1 བྱ་བྱིའུའི་གཤོག་སྒྲ་དང་མེ་མདའི་མདེའུའི་སྒྲ། བྱ་ཁྱུ་ཧུར་ཧུར་གྱིས་འཕུར། 2 ངོ་མཚར་གྱིས་ལྟ་བ། ངོ་མི་ཤེས་པའི་མི་གཅིག་ལ་མིག་ཧུར་ཧུར་ལྟ་བ། |
| ཧུས |
《ཚིག་གི་གཏེར་མཛོད》དུ་རླན་གྱི་མིང་གཞན་ཡིན་པར་བཤད། |
| ཧུས་ཧུས |
རྒྱ་ནག་གི་གྲངས་ཉུང་མི་རིགས་ཤིག་སྟེ། འདི་ལ་ཧོས་ཧོས་ཞེས་འབྲི་བའང་ཡོད། |
| ཧེ |
1.ཧེ་ཧེ་ཞེས་པའི་བཞད་གད་ཀྱི་སྒྲ། 2 1 ངོ་ཤེས་པའི་མི་དང་འཕྲད་ཚེ་ཧེ་ཟེར་བ། 2 ཀྱེ། |
| ཧེ་བག |
ཁྱད་པར་རམ་ཧང་ཟོམ། ཞུ་དོན་ལ་འགལ་འཛོལ་གྱི་ཧེ་བག་ཆེན་པོ་མེད། བྱུང་སོང་རྩིས་འབོར་གྱི་བར་ལ་ཧེ་བག་ནོར་འཁྲུལ་མང་ཙམ་འདུག ས་མཚམས་ཐིག་རྟགས་ཀྱི་བར་ལ་ཐལ་འཁུམས་ཀྱི་ཧེ་བག་ཆེན་པོ་འདུག ཧེ་བག་ཤིག་ཙམ་ལ་ཁྱད་པར་མཛོ་ཙམ་ཞིག…2. དག་ཡིག་ལ་ལར་བར་ཁྱད་དམ་ཁྱད་པར་གྱི་མིང་ཡིན་པར་བཤད། |
| ཧེ་བཛྲ |
ལེགས ཀྱེ་རྡོ་རྗེ། |
| ཧེ་མ |
ལེགས 1 གསེར། 2 མེ་ཏོག་ཙམ་པ་ཀ། |
| ཧེ་མ་བཱ་དཱ |
ལེགས འཛམ་གླིང༌། |
| ཧེ་རམ་པ |
ལེགས ཚོགས་བདག |
| ཧེ་རུ་ཀ |
ལེགས 1 ཁྲག་འཐུང༌། 2 འཁོར་ལོ་བདེ་མཆོག 3 ཁྲོ་བོ་སྤྱིའི་མིང༌། |
| ཧེ་རུ་ཀའི་ཆས |
རུས་པའི་དབུ་རྒྱན་དང༌། རྣ་རྒྱན། མགུལ་རྒྱན། མཆོད་ཕྱིར་ཐོགས། ལག་གདུབ། རྐང་གདུབ་སྟེ་རུས་པའི་རྒྱན་དྲུག་དང༌། གཙུག་ཏོར་སྟག་ཤམ་སོགས། |
| ཧེ་ཧེ |
1 དགའ་བའི་གད་མོ། 2 འཇིགས་སྐྲག་བསྐུལ་བའི་གད་མོ། |
| ཧེབ |
རྒྱུ་ནོར་སོགས་ལ་ཞེན་ཆགས་ཆེ་བའི་བྱ་སྤྱོད་ཀྱི་མིང་སྟེ། སྦྲ་རྒན་ལ་ཧེབ་མ་ལང་སྦྲ་ཆུང་ལ་ཡིད་མ་ཆད་ཅེས་པ་ལྟ་བུ། |
| ཧེབ་ལངས |
འདོད་རྔམས་སྐྱེས་པ། མི་རྒྱུ་འཕྲོག་འདོད་ཀྱི་ཧེབ་ལངས་པ། |
| ཧེའུ |
རྒྱ བཀས་བཀོད་རྒྱུད་འཛིན་ལམ་ལུགས་སྐབས་ཀྱི་གོ་གནས་ཤིག |
| ཧེལ་ཀོ |
བོད་ཀྱི་རུས་ཤིག |
| ཧོ་ཐི |
ཤིན་ཅང་གི་ལུང་པ་ཞིག |
| ཧོ་ཐོག་ཐུ |
སོག ཧུ་ཐུག་ཐུ་ལའང་ཟེར། འཕགས་པ་སྟེ་བླ་ཆེན་གྱི་གོ་མིང༌། འདི་ནི་མཉྫུ་གོང་མས་བོད་དང་སོག་པོའི་སྤྲུལ་པའི་སྐུ་ཆེན་པོ་ལ་གནང་བའི་གོ་ས་ཞིག་ཡིན། གོ་ས་འདི་དག་ཐོབ་པའི་སྤྲུལ་པའི་སྐུ་ཚང་མ་མཉྫུའི་ཀྲུང་དབྱང་གི་ལས་ཁུངས་ཁྱད་པར་ཅན་གྱི་དེབ་ལ་འཁོད་ཡོད། བོད་ཀྱི་ཧོ་ཐོག་ཐུ་ཆེན་པོ་ཁ་ཤས་ཀྱིས་ས་གནས་སྲིད་གཞུང་གི་སྲིད་འཛིན་ཡང་བྱས་ཆོག |
| ཧོ་ར་ཎ |
ལེགས རྟ་བབས། སྔར་ཕོ་བྲང་སོགས་ཀྱི་སྒོ་ཆེན་གྱི་ཕྱི་རོལ་ཏུ་ཁང་བརྩེགས་ཀྱི་དབྱིབས་ཅན་སྒོ་ལྟ་བུ་དང༌། རྡོ་རིང་ཡོད་ཅིང༌། བློན་དང་འབངས་རྣམས་འདིར་སླེབས་ན་ཚང་མ་རྟ་ལས་འབབ་དགོས་པའི་རྒྱུ་མཚན་གྱིས་འདི་ལ་རྟ་བབས་ཀྱི་མིང་བཏགས་པ་ཡིན། |
| ཧོ་ཤོད |
སོག མོང་གོལ་ཚོ་བཞིའི་ཡ་གྱལ་ཞིག་ཨོ་རོད་ལ་ལྟོས། |
| ཧོ་སྒྲ་ཀུ་སྒྲ |
ཧོ་ཧོ་དང་ཀུ་ཀུ་ཞེས་པའི་སྒྲ་སྟེ་འཇིགས་རྔམ་སྟོན་པའི་སྒྲ། |
| ཧོ་ཧོ |
ཟིལ་གྱིས་གནོན་པའི་གད་མོ། སྒེག་ཉམས་ཀྱི་གད་མོ་དགོད་པའི་སྒྲ་ཞིག |
| ཧོང་ཐོར |
ཧོང་གཏོར། ཧོང་འཐོར། ཧོང་སྟོར། ཧོང་རྡོལ་རྣམས་ནི་དྲན་པ་སྟོར་བའམ་ཉམས་པའི་དོན། |
| ཧོང་ལེན |
རྒྱ སེར་ཚོས་ཏེ་སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་ཁྲག་ངན་སྐེམ། དོན་སྣོད་ཀྱི་ཚ་བ་དང༌། འཁྲུགས་ཚད། རྒྱུ་གཟེར་བཅས་ལ་ཕན། མིང་གི་རྣམ་གྲངས་ལ་ཁྲ་ཡི་སྡེར་མོ་དང༌། ག་བུར་ཟིལ་གནོན། བདུད་རྩི་ཀ་བྷེ་ཏ། སྤུ་ཙེ་ཤེལ། བྱ་རྒན་སུག་པ། མ་མ་ཀ་ལ། འཚོ་བྱེད། གཡའ་རུག་པ། ཤིང་སྐྱེས། ཤིང་ཟ་བ་བཅས་སོ། |
| ཧོང་ལེན་སེར་པོ |
མྱང་རྩི་སྤྲས་ཀྱི་མིང་གི་རྣམ་གྲངས་ཤིག |
| ཧོན |
ནད་ཐོག་མར་ཕོག་སྐབས་ཨམ་ཅོག་ཐུར་དུ་གུག་པ་དང༌། ཁོག་འདར་བརྒྱབ་སྟེ་ཉིན་ཤས་ནས་ལྟོ་ཆས་མ་འཇུ་བར་ཁྲག་བཤལ་ཏེ་འཅི་བའི་ཕྱུགས་ནད་ཅིག |
| ཧོན་ནད |
གནག་གི་གོར་ནད་ཀྱི་མིང་གཞན། 2. ཧོན་དང་དོན་གཅིག་ |
| ཧོན་འཐོར་བ |
ཞེད་ནས་དྲན་པ་འཐོར་བ། གཏམ་རྔམ་པོ་ཆེའམ་འཇིགས་སྐྲག་ཅན་གློ་བུར་ཐོས་པས་རེ་ཞིག་ཧོན་འཐོར་སོང༌། |
| ཧོན་སྟོར་བ |
ག་བྱེད་འདི་བྱེད་མེད་པར་གྱུར་པ། ཧོན་འཐོར་བའང་ཟེར། རང་ལ་རྐྱེན་ངན་བྱུང་བས་ཧོན་སྟོར་བ། |
| ཧོབ་དེ་ཁ་ལ |
ཡུལ གློ་བུར་རམ། དེ་མ་ཐག་ལ། མལ་སའི་ནང་ནས་ཧོབ་དེ་ཁ་ལ་ལངས་པ། |
| ཧོབ་ཧོབ |
ཡུལ གློ་བུར། ཧོབ་ཧོབ་ལ་རྒྱུ་གཟེར་ལངས་པ། |
| ཧོམ |
བགེགས་ཀྱི་ལིང་གའམ་དྲག་པོའི་མངོན་སྤྱོད།…2. སྦྱིན་སྲེག་བྱེད་སའི་ས་དོང་གྲུ་གསུམ་གྱི་མིང་། |
| ཧོམ་ཁུང |
ཆོས་ལུགས་པའི་དྲག་པོ་མངོན་སྤྱོད་ཀྱི་དོང་གྲུ་གསུམ། |
| ཧོམ་ཤིང |
སྦྱིན་སྲེག་གི་ཤིང་སྟེ་དྲག་པོ་མངོན་སྤྱོད་ཀྱི་རྫས། |
| ཧོམ་སྤར |
བགེགས་ཀྱི་ལིང་ག་སྲེག་བྱེད་ཀྱི་མེ་སྤར་བ། |
| ཧོམ་སྲེག |
1 དྲག་པོའི་སྦྱིན་སྲེག 2 བགེགས་ཀྱི་ལིང་ག་མེར་སྲེག་པ། |
| ཧོར |
དུས་སྔ་ཕྱི་མི་འདྲ་བར་ངོས་འཛིན་ཚུལ་ཐ་དད་པ་བྱུང་སྟེ། ཏཱ་དབེན་རྒྱལ་རབས་ཡན་ཆད་ལ་ཕལ་ཆེར་ཡུ་གུར་རིགས་ལ་ཟེར་ཞིང༌། ཏཱ་དབེན་གྱི་དུས་སུ་མོང་གོལ་རིགས་ལ་ཟེར། དེ་ཚུན་ཆད་དུ་སྐབས་འགར་འ་ཞ་སྟེ་ཐུ་ཡུ་ཧུན་རིགས་ལ་ཟེར། དེང་སང་བོད་བྱང་ཐང་དུ་སྡོད་པའི་འབྲོག་པ་དང༌། མཚོ་སྔོན་ཞིང་ཆེན་གྱི་བྱང་ཤར་ཁུལ་དུ་སྡོད་པའི་ཧོར་རིགས་ལའང་ཟེར། བོད་ཡིག་གི་གནའ་དཔེར་སོག་རིགས་ལ་ཧོར་ཟེར། |
| ཧོར་ཀོང |
ཧོར་ཁོང་དང་འདྲ། |
| ཧོར་ཁོག་ཁག་ལྔ |
སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་ཁོངས་རྟའུ་དང༌། བྲག་མགོ། ཏྲེ་བོ། དཀར་མཛེས། སྟོང་སྐོར་བཅས་ཀྱི་སྤྱི་མིང༌། |
| ཧོར་ཁོང |
ཡུལ བར་བར་གྱི་སྟོང་ཆ། |
| ཧོར་ཁོངས |
1 ཧོར་ཁོང་དང་འདྲ། 2 ཧོར་སོག་གི་ཁོངས་གཏོགས། |
| ཧོར་གོས |
ཧོར་རྒྱལ་པོའི་སྐབས་ཀྱི་གོས་ཆེན་ཚོན་ཁྲ་ཞིག |
| ཧོར་གྱི་མེ་བཙའ |
གོ་སྙོད་སྣུམ་ལྡན་ཕྱིང་པའི་ནང་དྲིལ་ནས་མར་ཁུའི་ནང་བཙོས་ཏེ་གཟེར་སར་བདུག་དགོས་པ་ཞིག |
| ཧོར་གླིང |
ཧོར་དང་གླིང་གཉིས་འཁྲུགས་པའི་གེ་སར་སྒྲུང་གི་སྡེ་ཚན་ཞིག |
| ཧོར་གླུ |
ཧོར་པས་གཏོང་བའི་གླུ། |
| ཧོར་ཏིང |
ཧོར་ཡུལ་ནས་བྱུང་བའི་མཆོད་ཏིང༌། |
| ཧོར་དུད |
བྱང་འབྲོག་ཧོར་གྱི་དུད་ཚང༌། |
| ཧོར་པ |
1 བོད་ལྗོངས་བྱང་ཕྱོགས་སུ་ཡོད་པའི་ཨ་པོ་ཧོར། ཧོར་ལ་བརྒྱབ་པ་མ་མཐོང༌། ཐུད་ཟ་བ་མཐོང༌། 2 ཁམས་ཏྲེ་ཧོར་གྱི་མི། ཧོར་ཁོག་ཁག་ལྔ་ལ་ལྟོས། |
| ཧོར་པ་དཀར་པོ |
བྱ་ཁྲ་དཀར་པོ། |
| ཧོར་ཕོ |
ཧོར་པ་སྐྱེས་པ། གཏམ་ཨ་ཕས་གཏོང་རྒྱུ་ཨ་མས། མདའ་ཧོར་ཕོས་རྒྱག་རྒྱུ་ཧོར་མོས། |
| ཧོར་མོ |
བོད་བྱང་ཐང་གི་འབྲོག་པའི་བུད་མེད། ཧོར་མོའི་ཆས། |
| ཧོར་མོའི་པགས་རྩག |
ཧོར་མོའི་དགུན་ཆས་སྲམ་ལྤགས་དང་རས་འཇའ་བསྒྲིགས་ཀྱི་རྒྱན་ཅན། |
| ཧོར་ཟླ |
ཧོར་ལུགས་ཀྱི་ལོ་ཟླ་བརྩི་སྟངས་ཤིག ཧོར་ཟླ ཧོར་ཟླ་དང་པོའི་མིང་གི་རྣམ་གྲངས་ལ་ཀམ་པ་དང༌། དཀའ་ཐུབ་ཟླ་བ། ཆོ་འཕྲུལ། མཆུ་ཟླ། རྟ་ཟླ། འདུ་བྱེད་ཟླ་བ། དཔྱིད་ཟླ་ར་བ། མཱ་གྷ་བཅས་སོ། ཧོར་ཟླ་གཉིས་པའི་མིང་གི་རྣམ་གྲངས་ལ་ཁྲ་ཟླ་དང༌། རྣམ་ཤེས་ཟླ་བ། དཔྱིད་ཟླ་འབྲིང་པོ། ཕལྐུ་ཎ། དབོ་ཟླ། འབྲས་ལྡན། སྦོ་ཟླ། རོ་ཧི་ཏ་བཅས་སོ། ཧོར་ཟླ་གསུམ་པའི་མིང་གི་རྣམ་གྲངས་ལ་དྲི་ཞིམ་ལྡན་དང༌། འདོད་དུས་ཟླ། ནག་ཟླ། དཔྱིད་ཟླ་ཐ་ཆུང༌། སྦྲང་ཟླ། མིང་གཟུགས་ཟླ། མོ་ཧ་ཏི། མྱོས་བྱེད་ཟླ་བ། ཙི་ཏྲ། ཡིད་སྲུབས་ཟླ་བ་བཅས་སོ། ཧོར་ཟླ་བཞི་པའི་མིང་གི་རྣམ་གྲངས་ལ་སྐྱེ་མཆེད་ཟླ་བ་དང༌། སྒྲུབ་བྱེད། བེ་ཤ་ཁ། བྷ་དྲ། དབྱར་ཟླ་ར་བ། སྦྲང་རྩི་སྐྱེད། མེ་ཏོག་ལྡན། ས་ག་ཟླ་བ་བཅས་སོ། ཧོར་ཟླ་ལྔ་པའི་མིང་གི་རྣམ་གྲངས་ལ་ངེས་སྲེག་དང༌། འདོད་འཕེལ། སྣྲོན་ཟླ། དབྱར་ཟླ་འབྲིང་པོ་བཅས་སོ། ཧོར་ཟླ་དྲུག་པའི་མིང་གི་རྣམ་གྲངས་ལ་ཀུརྨ་དང༌། ཆུ་སྟོད་ཟླ་བ། བྲེའི་ཟླ་བ། དབྱར་ཟླ་ཐ་ཆུང༌། གཙང་མའི་ཟླ་བ། ཚོར་བའི་ཟླ་བ་བཅས་སོ། ཧོར་ཟླ་བདུན་པའི་མིང་གི་རྣམ་གྲངས་ལ་མཁའ་སྤྲིན་ཅན་དང༌། གྲོ་བཞིན་ཟླ་བ། སྟོན་ཟླ་ར་བ། ནམ་མཁའི་ཐོད་ལྡན། མ་ཀ་ར། མྱོས་ཟླ། ཤྲ་བ་ཎ། སྲེད་པའི་ཟླ་བ་བཅས་སོ། ཧོར་ཟླ་བརྒྱད་པའི་མིང་གི་རྣམ་གྲངས་ལ་རྐང་པ་དང༌། ཁྱུ་མཆོག་ཅན། ཁྲུམས་ཟླ། སྟོན་ཟླ་འབྲིང་པོ། ནོར་ལྡན། སྤྲིན་བཟང༌། བ་གླང་རྐང༌། བྷ་དྲ་བ། བཟང་པོའི་ཟླ་བ་བཅས་སོ། ཧོར་ཟླ་དགུ་པའི་མིང་གི་རྣམ་གྲངས་ལ་གླུ་དབྱངས་ཟླ་བ་དང༌། རྒོད་མ་ཅན། ལྟད་སྦྱོར། ལྟད་མོའི་ཟླ་བ། སྟོན་ཟླ་ཐ་ཆུང༌། ཐ་སྐར་ཟླ་བ། དབྱུག་གུ་གཅིག་པ། མི་ཀི་རི། རྩི་ཐོག་ཟླ་བ། སྲིད་པའི་ཟླ་བ། གསལ་བའི་བུ་མོ། ཨ་ཤྭ་ནི་བཅས་སོ། ཧོར་ཟླ་བཅུ་པའི་མིང་གི་རྣམ་གྲངས་ལ་སྐྱེ་བའི་ཟླ་བ་དང༌། ཀརྟི་ཀ། གླུ་དབྱངས་ཅན། དགུན་ཟླ་ར་བ། མགོ་ལས་སྐྱེས། མང་པོ་འཛིན། སྨིན་དྲུག་ཟླ་བ། ས་ག་སྐྱེས་བཅས་སོ། ཧོར་ཟླ་བཅུ་གཅིག་པའི་མིང་གི་རྣམ་གྲངས་ལ་རྒ་ཤིའི་ཟླ་བ་དང༌། དགུན་ཟླ་འབྲིང་པོ། མགོ་ཟླ། སྨལ་པོའི་ཟླ་བ། སྨྲག་ཤིརྵ། ཚིམ་བྱེད་ཟླ་བ། བཟོད་ལྡན་མ། རི་དྭགས་མགོ། ལོའི་ཐོག་མ་བཅས་སོ། ཧོར་ཟླ་བཅུ་གཉིས་པའི་མིང་གི་རྣམ་གྲངས་ལ་རྒྱལ་ཟླ་དང༌། དགུན་ཟླ་ཐ་ཆུང༌། ནུས་ཟླ། པཽ་ཥ། མ་རིག་ཟླ་བ། མེ་ཏོག་ལྡན། ཚིམ་བྱེད་ཟླ་བཅས་སོ། |
| ཧོར་ཟླ་བ |
རབ་བྱུང་བཞི་པའི་མེ་ཕག་ལོར་ཧོར་ཇིང་གིར་རྒྱལ་པོས་མི་ཉག་གི་ལག་ནས་རྒྱལ་ས་ཐོབ་པའི་ཟླ་བར་བཀྲ་ཤིས་པའི་དགའ་སྟོན་བྱས་པ་མཆུ་ཟླ་ལོ་གསར་དུ་བཟུང་བ་དཀྱུས་སུ་ཤོར་བས། མིང་ལའང་ཧོར་གྱི་ཟླ་བ་དང་པོར་གྲགས་ཞེས་རྒྱལ་དབང་ལྔ་པའི་རྩིས་དཀར་ནག་དྲིས་ལན་ལས་གསུངས་ཤིང༌། དུས་འཁོར་རང་ལུགས་ལ་ནག་ཟླ་སོགས་ཉ་སྐར་བརྩི་བ་ལས། དང་པོ་གཉིས་པ་སོགས་ཨང་གྲངས་ཀྱི་སྒོ་ནས་བརྩི་སྲོལ་མེད་དོ། སྤྱིར་དགུན་ཉི་ལྡོག་རྗེས་ཀྱི་ཟླ་བ་གཉིས་པ་དེ་ལོ་གསར་གྱི་ཟླ་བ་དང་པོ་དང༌། དེ་ནས་གཉིས་པ་གསུམ་པ་སོགས་བརྩི་བ་ནི་རྒྱ་ནག་ཞཱ་རྒྱལ་རབས་ཀྱི་རྗེས་འབྲངས་ཡིན་ཀྱང༌། སོག་པོ་ལ་བརྒྱུད་ནས་བོད་དུ་དར་བའི་རྐྱེན་གྱིས་ཧོར་ཟླ་ཞེས་གྲགས། དེ་ཡང་ཟླ་ཤོལ་འདོན་ཚུལ་ལུགས་གཉིས་མི་འདྲ་བས་སྐབས་འགར་ཟླ་བ་གཅིག་གི་སྔ་ཕྱི་ཡོད་དོ། |
| ཧོར་འདྲ |
སྔར་བོད་ས་གནས་སྲིད་གཞུང་གི་སྐུ་ཚབ་བང་ཆེན་ཏེ། བོད་མི་སེར་གྱིས་རྒྱལ་པོ་ཧོར་གྱི་སྐུ་ཚབ་བང་ཆེན་ལ་གུས་བཀུར་སྣེ་ལེན་ཇི་བཞིན་ཞུས་པ་ལྟར་སྡེ་པ་གཞུང་གི་སྐུ་ཚབ་བང་ཆེན་ལའང་དེ་བཞིན་བྱེད་དགོས་པའི་གཏན་འབེབས་ཡོད་སྟབས་མིང་དེ་ལྟར་གྲགས། |
| ཧོར་འདྲ་དོས་དྲག |
སྔ་དུས་དཔོན་པོས་བཏང་བའི་ཁྲལ་སྡུད་མཁན་དབང་ཤུགས་ཆེ་བ། |
| ཧོར་འདྲ་ཟ་རྐང་གི་ཞལ་ལྕེ |
ཞལ་ལྕེ་བཅུ་དྲུག་གི་ནང་གསེས་ཤིག་སྟེ། ཧོར་དུས་གོང་མའི་མི་སྣ་དང་འདྲ་བར་རྒྱལ་ཁབ་ཀྱི་དོན་གཅོད་མི་སྣ་ལ་སྡོད་སྒྲིག་དང༌། ཟ་ཆས་སྟོན་ཆས་སོགས་སྤྲོད་ལེན་བྱེད་ལུགས་ཀྱི་ཁྲིམས། |
| ཧོར་ཡིག |
སོག་པོའི་ཡི་གེ། |
| ཧོར་ཡིག་གསར་པ |
བོད་ཀྱི་རབ་བྱུང་ལྔ་པའི་ས་སྦྲུལ་ལོར་ཡོན་རྒྱལ་རབས་ཀྱི་གོང་མ་སེ་ཆེན་ཧན་གྱིས་རེ་འདུན་བཏོན་པ་ལྟར་འགྲོ་མགོན་འཕགས་པས་བོད་ཡིག་དཔེར་བླངས་ནས་བཟོས་པའི་སོག་ཡིག་གསར་པ། ཡིག་སྲོལ་འདི་བཏོན་པ་ནས་བཟུང་རྒྱལ་ཐམ་གྱི་ཁ་ཡིག་དང༌། བཀའ་ཤོག་ཚང་མ་ཡིག་རིས་འདིའི་ཐོག་ནས་འབྲི་དགོས་ཞེས་རྒྱལ་པོས་རྒྱལ་ཡོངས་ལ་གཏན་འབེབས་བྱས་ཀྱང་སླད་ཡིག་རིས་འདི་བཞིན་དར་རྒྱུན་ཆེར་མ་བྱུང༌། སོག་ཡིག་དང་ཐམ་ཡིག་གསར་པ་བཟོས་པའི་ཡིག་ཕུད་དང་ཐམ་ཕུད་གཅིག་བོད་ས་གནས་ཀྱི་གསང་ཕུ་དགོན་པར་ཡོད་ཟེར། |
| ཧོར་སེར་ཁག་ལྔ |
ཧོར་ཁོག་ཁག་ལྔ་དང་འདྲ། |
| ཧོར་སྤྱི |
སྔར་བོད་ས་གནས་སྲིད་གཞུང་སྐབས་ཧོར་ཚོ་པ་སོ་དགུའི་སྤྱི་ཁྱབ། |
| ཧོར་སྦུབ |
ཧོར་རྒྱལ་པོའི་སྐབས་ཧོར་ཡུལ་ནས་ཐོན་པའི་རོལ་མོའི་སྦུབ་ཆལ། |
| ཧོལ |
(བྱེད་འབྲེལ་ལས་ཚིག) ས་ཞིང་གི་ས་འབོལ་བའམ་སོབ་པར་བྱེད་པ་སྟེ། ཡུར་མ་ཡུར་ནས་ས་ཧོལ་ལྟ་བུ། |
| ཧོལ་འགྲོས |
རགས་པའི་འགྲོ་ཚུལ་ལམ་མ་བརྟགས་མ་དཔྱད་པར་གང་བྱུང་གིས་འགྲོ་སྟངས། |
| ཧོལ་རྒྱུག |
ཧ་ལེ་ཧོ་ལེ། བྱ་བ་ཧོལ་རྒྱུག་ཁོ་ན་བྱས་པ།…2. ཧོལ་རྒྱུག་དང་འདྲ། |
| ཧོལ་སྤྱོད |
མ་བརྟགས་པའི་སྤྱོད་པ།…2.སྤྱོད་པ་འཆལ་བོའི་མིང་། |
| ཧྭ |
1 གོས་ཀྱི་མཐའ་དང་གོང་བ། པད་མ་ཧྭ་གོར། 2 རྒྱ རི་མོ།…3. ལྭ་བའི་ལོགས་གཉིས་ཀྱི་ཧར་སྒོའི་མིང་། རིའི་ཉག་ག་དང་རྩིག་པའི་བར་མཚམས་ཕྱེ་བའི་ཉག་གའི་མིང་སྟེ། ཧྭ་ཉག་ཅེས་པ་ལྟ་བུ། |
| ཧྭ་ཤང |
རྒྱ སྔར་རྒྱ་གར་གྱི་སྐད་རིགས་ཆེན་པོ་བཞིའི་ནང་གསེས་རང་བཞིན་གྱི་སྐད་དུ་ཁོ་ཤ་དང༌། ལེགས་སྦྱར་གྱི་སྐད་དུ་ཨུ་པཱ་དྷྱཱ་ཡ་ཞེས་པ་སྟེ་མཁན་པོའི་སྐད་དོད་ཟུར་ཆག…2. རྒྱའི་བཙུན་པའི་མིང་། |
| ཧྭ་ཤང་དགེ་བསྲུང |
རྒྱ་ནག་གི་བཙུན་པའི་མིང་བྱེ་བྲག་པ་ཞིག་བླ་ཆེན་དགོངས་པ་རབ་གསལ་གྱི་སྔོན་ཙམ་ལ་རྒྱ་ནག་ཀྲེ་ཅང་དུ་བྱུང་བའི་བཙུན་པ་ཞིག་རྒྱུན་དུ་རས་ཁུག་ཁྱེར་ནས་སུ་ཐུག་ལ་བསླངས་ཏེ་འཚོ་བ་བསོད་སྙོམས་ལ་བརྟེན་ཐོག་གནས་ངེས་མེད་དུ་སྡོད་ཅིང་གཏམ་ཆ་མེད་དུ་སྨྲ་བ་སྨྱོན་པའི་བརྟུལ་ཞུགས་ཅན་རང་ཉིད་རྗེ་བཙུན་བྱམས་པའི་སྤྲུལ་པར་སྨྲ་བ་ཞིག་ཡིན། རྒྱ་ནག་གི་ནང་པའི་གཙུག་ལག་ཁང་གི་སྒོ་མཆོར་ཕལ་ཆེ་བར་ཧྭ་ཤང་གྲོད་འཕྱང་བའི་སྐུ་འདྲ་ཞིག་འབྲི་སྲོལ་ཡོད་པ་དེ་བཙུན་པ་འདིའི་འདྲ་བརྙན་ཡིན་པར་གྲགས། |
| ཧྭ་ཤང་མ་ཧཱ་ཡ་ན |
ཆོས་རྒྱལ་ཁྲི་སྲོང་ལྡེ་བཙན་གྱི་དུས་སུ་རྒྱ་ནག་ནས་བོད་དུ་ཡོང་སྟེ་སྟོན་མུན་ཞེས་ཅིག་ཅར་པའི་ལུགས་སྤེལ་བ་ལ། དགེ་མི་དགེའི་རྣམ་རྟོག་གང་ཡིན་ཡང་འཁོར་བར་འཆིང་བྱེད་ཡིན་པ་དང༌། ཅི་ཡང་ཡིད་ལ་མི་བྱེད་པ་ཁོ་ནས་ཐར་པ་ཐོབ་པ་འདོད་མཁན་ཞིག་ཡིན། འབྲོ་བཟས་གཙོས་པའི་བོད་ཕལ་མོ་ཆེ་དེའི་རྗེས་སུ་ཞུགས། ཕྱིས་སུ་སློབ་དཔོན་ཀ་མ་ལ་ཤཱི་ལ་དང་རྩོད་པས་ཕམ་སྟེ། བཙན་པོས་ཧྭ་ཤང་གི་ལུགས་མི་བྱེད་པའི་བཀས་བཅད་པས་རྒྱ་ནག་ཏུ་ལོག |
| ཧྭགས |
བུར་ཤིང་གི་ཀ་ར་མཆོག་གམ་བྱེ་མ་ཀ་རའི་མིང་། སྦྲང་རྩིའི་ནང་ནས་བླངས་པའི་རྫས་དཀར་བོ་རྒྱ་སྐད་དུ་ལ་ཟེར་བའི་མིང་། |
| ཧྭགས་ཀྱི་ལ་དུ |
བུ་རམ་དང་སྦྲང་རྩི་སོགས་མངར་ཆ་བསྲེས་པའི་ཁ་ཟས་རོ་ལྡན། |
| ཧྭང་ཏི |
རྒྱ གོང་མ། |
| ཧྲ་ཏག་ཏག |
ཡུལ སྲ་བའམ་ཏན་ཏིག གཟུགས་པོ་བདེ་ཐང་ཧྲ་ཏག་ཏག ལས་དོན་ཧྲ་ཏག་ཏག་སྒྲུབ་པ། |
| ཧྲ་ཐང་ཐང |
1 ལས་ཀ་འཇོན་པོ། ལས་དོན་གོ་འཕེར་ཧྲ་ཐང་ཐང་འདུག 2 གཟུགས་པོ་ཐང་པོ། གཟུགས་པོ་ཧྲ་ཐང་ཐང་འདུག |
| ཧྲ་ལེ་ཧྲི་ལེ |
1 ཧྲིལ་མོ་ཡིན་ལ་མིན་ལ་ཏེ། བཟོ་དབྱིབས་གཅིག་ཏུ་མ་ངེས་པའི་དངོས་པོ་ཆང་ཆུང་སྣ་ཚོགས་ཀྱི་མིང༌། དེ་རིང་འདི་གར་དངོས་པོ་སྒྲིལ་ཁ་ཧྲ་ལེ་ཧྲི་ལེ་མང་པོ་ཞིག་བསྐྱལ་བྱུང༌། 2 ཡུལ ཟན་རིལ་སླ་མོ་ཕན་ཚུན་འབྱར་སྟངས་ཤིག |
| ཧྲག |
བར་སྟོང་གི་མིང་སྟེ། སྦྲའི་ཧྲག་བར། བྲག་གི་ཧྲག་བར། ངེད་རྣམས་གངས་ཧྲག་ཏུ་འདེང་ངོ་ལྟ་བུ། (རྒྱན་ཚིག) ཧྲག་པོ་སྟེ་འཇོན་པོའི་དོན། |
| ཧྲག་པ |
ཧྲག་པོ་དང་འདྲ། |
| ཧྲག་པོ |
ནུས་ཅན་དང་གོ་འཕེར་པོ། དཔུང་ཧྲག་པོ། གོ་ཧྲག རྟ་ཧྲག་དམག་ཧྲག |
| ཧྲག་བསྡུས |
ཧྲགས་བསྡུས་དང་འདྲ། |
| ཧྲག་ཧྲག |
1 མཉེན་པོ་མིན་པའི་གྱོང་པོ། ཀོ་བ་ཧྲག་ཧྲག རས་ཧྲག་ཧྲག གྱོན་པ་ཧྲག་ཧྲག་ཅིག་གྱོན་པ། 2 ཧྲུག་ཧྲུག་མིན་པ། བུད་ཤིང་ཧྲག་ཧྲག མི་འདི་རྣམས་ཧྲག་ཧྲག་ཞེ་གཅིག་རེད། རིན་དངུལ་ཧྲག་ཧྲག་སྤྲད་ཆོག 3 སྒྲ་ཞིག |
| ཧྲག་ཧྲུག |
ཧྲག་གེ་ཧྲུག་གེ་སྟེ། རྡོག་ཆེན་པོ་མེད་པའི་ཆུང་རྩག རྡོ་ཧྲག་ཧྲུག ཤ་ཧྲག་ཧྲུག |
| ཧྲགས |
(རྒྱན་ཚིག) རེག་བྱ་རྩུབ་པའི་དོན་ཏེ། སག་རྡར་ལྟར་ཧྲགས་པ། རྩིད་གདན་ལྟར་ཧྲགས་པ་ཞེས་པ་ལྟ་བུ། དངོས་རྫས་རྩུབ་མོའི་རིགས་ཕན་ཚུན་གཙུབ་པའི་སྒྲའི་བྱེ་བྲག་སྟེ། ཤིང་ལ་སག་རྡར་བརྒྱབ་ན་ཧྲགས་སྒྲ་གྲགས་ལྟ་བུ། |
| ཧྲགས་བསྡུས |
གལ་ཆེ་ཕྱོགས་བསྡུས། ཚིག་དོན་གལ་ཆེ་ཧྲགས་བསྡུས་ཟུར་དུ་བཀོད། |
| ཧྲང |
ཧྲེང་གི་འབྲི་ཚུལ་གཞན། |
| ཧྲང་གོང |
ཧ་ཅང་གྱོང་པོ། ཀོ་བ་ཧྲང་གོང༌། ལག་པ་ཧྲང་གོང༌། གོ་མེད་ཧྲང་གོང་གི་མི་ལ་བསླབ་བྱ་བྱས་ཀྱང་ཕན་ཐོགས་དཀའ། |
| ཧྲང་ངེ་བ |
རྗེན་ནེ་བ། གོས་མེད་དམར་ཧྲང་ངེ་བ། |
| ཧྲང་ཏོ |
མཁྲེགས་པོ། གཉའ་ཧྲང་ཏོར་གྱུར་པ། ལུས་དང་ཡན་ལག་འཁྱགས་ནས་ཧྲང་ཏོར་གྱུར་པ། མི་དེ་གང་བཤད་མི་ཉན་པ་ཧྲང་ཏོ་ཞིག་ཆགས་འདུག |
| ཧྲང་པོ |
ཡུལ 1 དྲེད་པོ་དང་རྩིང་པོ། མི་ཧྲང་པོ། བསམ་པ་ཧྲང་པོ། 2 ཧྲེང་པོ་དང་འདྲ། |
| ཧྲང་བ |
ཡུལ 1 ངན་ལང་ཤོར་བ། སྤྱོད་ངན་ལང་ལ་ཤོར་ནས་ཧྲང་བ། 2 རེངས་པོར་གྱུར་པ། ཀོ་བ་ཧྲང་བ། |
| ཧྲང་མའོ |
རྒྱ སྔར་བོད་ཀྱི་སྐུ་དྲག་ཕྱོགས་འགྲུལ་སྐབས་གྱོན་རྒྱུའི་ཞྭ་མོ་ཞིག |
| ཧྲང་ཧྲང |
ཡུལ 1 ཡ་མེད་པའི་ཆིག་རྐྱང༌། ཁོ་ཧྲང་ཧྲང་བྱས་ནས་ཕྱིན་པ། 2 ཤ་སྐམ་ནས་རུས་པ་ཕྱིར་དོན་པའི་རྣམ་པ། རྩིབ་མ་ཧྲང་ཧྲང་དུ་དོན་པ། |
| ཧྲད |
འབྲད་དང་དོན་འདྲ། |
| ཧྲད་པ |
ཡུལ ལག་པའི་སོར་མོས་འབྲད་སྟངས། གདོང་ལ་སྦར་ཧྲད་མ་རྒྱག སྡེར་ཧྲད་རྒྱག་པ། |
| ཧྲད་ཧྲད |
ལག་པས་བྲད་བྲད་བྱེད་པ། བླ་མས་སྒོ་ལ་ཧྲད་ཧྲད་འགའ་མཛད་པ། |
| ཧྲབ་ཧྲིབ |
རབ་རིབ་བམ་གསལ་པོ་རང་མིན་པ། གཟུགས་ཧྲབ་ཧྲིབ་ཅིག་མཐོང༌། |
| ཧྲམ་མེ |
(རྒྱན་ཚིག) རྨ་འབྲུམ་ལུས་ལ་ཁྱབ་པ་ལྟ་བུའི་དོན་ཏེ། ལུས་ལ་རྨ་འབྲུམ་ཧྲམ་མེར་ཁྱབ་ལྟ་བུ། |
| ཧྲམ་མེ་ཧྲོམ་མེ |
ཡུལ ཐང་ཆད་པའི་ཉམས། ལམ་ཐག་རིང་པོར་རྐང་ཐང་དུ་ཕྱིན་ནས་གཟུགས་པོ་ཧྲམ་མེ་ཧྲོམ་མེར་གྱུར་སོང༌། |
| ཧྲལ |
གས་སྲུབས་དང་ཧྲག་བར་གྱི་མིང་སྟེ། ཁྲག་རྩ་དེ་གློ་བའི་ཧྲལ་གཉིས་ལ་ཟུག་ལྟ་བུ། |
| ཧྲལ་ཐུག |
ནས་ཆག་གམ་གྲོ་ཆག་གི་ཐུག་པ། |
| ཧྲལ་པོ |
1 1 བར་ཚགས་དམ་པོ་མེད་པ་དང་ཞིབ་པོ་མིན་པ། ཡིག་དབར་ཧྲལ་པོ། སྣམ་བུའི་ཐགས་ཧྲལ་ཧྲལ་ཞིག་ལས་མེད། ཚེམ་བུ་ཧྲལ་པོ། སོ་ཕྲེང་ཧྲལ་བ། བཞུགས་གྲལ་ཧྲལ་པོ། 2 རལ་པོ། གོས་རྩབ་ཧྲལ། 3 མི་སྲུན་པའམ་མ་དུལ་བ་དང་རྩིང་པོ། སེམས་ཧྲལ་པོ། རང་གཤིས་ཧྲལ་པོ། 2. རྙིང འཆལ་བའམ་འདོད་ཞེན་ཅན། |
| ཧྲལ་བ |
ཧྲལ་པོ་དང་འདྲ། |
| ཧྲལ་ལེ་ཧྲུལ་ལེ |
རལ་པ་རལ་རྐྱང༌། གོས་ཧྲལ་ལེ་ཧྲུལ་ལེ་ཞིག་ལས་གྱོན་རྒྱུ་མེད་པ། |
| ཧྲལ་ཧྲལ |
1 བར་གསེང་ཆེ་བ། 2 རྩིང་པོ། རྩམ་པ་ཧྲལ་ཧྲལ། |
| ཧྲལ་ཧྲུལ |
1 རྙིང་ཤིང་རལ་བ། ཆས་གོས་ཧྲལ་ཧྲུལ། 2 ངན་ངོན་ནམ་ཐབས་ཆག ལྟོ་ཆས་ཧྲལ་ཧྲུལ། ཡོ་བྱད་ཧྲལ་ཧྲུལ། |
| ཧྲིག |
(རྒྱན་ཚིག) རྙིང་ཞིང་རལ་བའམ་མི་གཙང་བ་སྟེ། ཤོག་བུ་ཧྲལ་ཧྲུལ། ཟས་ཧྲལ་ཧྲུལ་ཞེས་པ་ལྟ་བུ། |
| ཧྲིག་གེ |
གསལ་སིང་ངེ་བ། མིག་ཧྲིག་གེ་བར་ལྟ་བ། |
| ཧྲིག་པ |
ཡུལ གཅོད་པའམ་གཏུབ་པ། ཤིང་དུམ་བུར་ཧྲིག་པ། སྐེ་ཧྲིག་པ། |
| ཧྲིག་ཧྲིག |
རིག་རིག་ལྟ་བ་དང༌། ཅེར་གྱིས་ལྟ་བ་དང༌། འབུར་ཚུགས་སུ་ལྟ་བ་དང༌། གྲུང་གྲུང་ལྟ་བ། མིག་ཧྲིག་ཧྲིག་གིས་ལྟ་བ། |
| ཧྲིངས་པ |
ཐ་མི་དད་པ 1 ངན་ལང་ཤོར་བ། ཕྲུ་གུ་ལ་བྱམས་དྲགས་ནས་གཉའ་བ་ཧྲིངས་པ། 2 མཉེན་པོ་མཁྲང་དུ་སོང་བ། དགུན་དུས་ལག་པ་ཧྲིངས་པ། 3 སླ་བ་སྲ་རུ་སོང་བ། མར་ཁུ་ཧྲིངས་པ། ཞག་ཚིལ་ཧྲིངས་པ། |
| ཧྲིད |
(རྒྱན་ཚིག) སྐྲངས་པའི་རྨ་སྙི་ཞིང་གཉེར་མ་བྱུང་བ་སྟེ། སྐྲངས་ཧྲིད་པར་གྱུར་ལྟ་བུ། |
| ཧྲིབ་ཙམ |
དུས་ཡུན་ཐུང་ངུ། སྤྲིན་གྱིས་ཉི་མ་ཧྲིབ་ཙམ་ཞིག་ལ་བསྒྲིབས་སོང༌། ཚུར་ཧྲིབ་ཙམ་ཕེབས་རོགས། |
| ཧྲིལ |
(རྒྱན་ཚིག) ཆ་ཤས་རྣམས་ཚང་བའི་དོན་ཏེ། ལུག་ཤ་ཧྲིལ་བོ་ལུས་ཧྲིལ་བོ་ཞེས་པ་ལྟ་བུ། (བསྣན་ཚིག) མ་འདུས་པ་མེད་པའི་དོན་ཏེ། ཚ་བ་དང་གྲང་བའི་ནད་རྟགས་རྣམ་པ་གཉིས་སུ་ཧྲིལ་གྱིས་དྲིལ་ལ་བརྟག་པར་བྱའོ་ཞེས་པ་ལྟ་བུ། |
| ཧྲིལ་པོ |
1 གཟུགས་དབྱིབས་ཟླུམ་པོ་དང་རིལ་པོ། དབྱིབས་བོད་སྲན་ལྟར་ཧྲིལ་པོ་ཞིག་རེད། ཧྲིལ་མོར་འདྲིལ་བ། 2 ཐམས་ཅད་དང༌། གང་པོ་དང༌། ཡོངས་རྫོགས་དང༌། ཆ་ཚང༌། ལོ་ཧྲིལ་པོ། མི་ཚེ་ཧྲིལ་པོ། རྒྱུ་ནོར་ཧྲིལ་པོ། ཧྲིལ་གྱིས་གཏུམ་པ། མི་ཚེ་ཧྲིལ་པོའི་གཏན་གྲོགས། |
| ཧྲིལ་བ |
ཧྲིལ་པོ་དང་འདྲ། |
| ཧྲིལ་མོ |
ཧྲིལ་པོ་དང་འདྲ། |
| ཧྲིལ་འཛིན |
ཉི་ཟླ་ཧྲིལ་པོ་འཛིན་ཚུལ། |
| ཧྲིལ་ལེ་བ |
དབྱིབས་ཟླུམ་ཟླུམ། རིལ་བུ་ཧྲིལ་ལེ་བ་ཆུང་ངུ་ཞིག |
| ཧྲིལ་ཧྲིལ |
དབྱིབས་ཟླུམ་ཟླུམ། མིག་ཧྲིལ་ཧྲིལ། ཟན་རིལ་ཧྲིལ་ཧྲིལ། |
| ཧྲིལ་ཧྲིལ་དྲིལ་བ |
1 རིལ་གྱིས་བཟླུམས་པ། 2 མདོར་བསྡུས་པ། ཡི་གེ་ཐམས་ཅད་དབྱངས་གསལ་གྱི་ནང་དུ་ཧྲིལ་ཧྲིལ་དྲིལ་བ། |
| ཧྲིལ་ཧྲིལ་འགྲོ་བ |
ངམ་ངམ་ཤུགས་ཀྱིས་འགྲོ་བ་སྟེ། རང་གིས་ངང་གིས་འགྲོ་བ། |
| ཧྲུག |
(རྒྱན་ཚིག) རྡོག་པོ་ཆུང་བའི་དོན་ཏེ། རྡོག་བཅག་ནས་ཧྲུག་ཧྲུག་ཏུ་བཏང་ལྟ་བུ། སྲ་འཐས་ཀྱི་དངོས་པོ་འཆའ་བའམ་གཅོག་པའི་སྒྲ་ལྟ་བུ་སྟེ། བྱིས་པས་ཡོས་ཧྲུག་ཧྲུག་འཆའ། འཕྲུལ་འཁོར་གྱིས་རྡོ་ཧྲུག་ཧྲུག་བཅག་ལྟ་བུ། |
| ཧྲུག་གེ |
1 དངོས་པོ་སྲ་བའི་རིགས་འཆའ་བའམ་གཅོག་པའི་སྒྲ་ཞིག རྒྱུས་པ་ཧྲུག་གེར་བལྡད། 2 དུམ་བུར་འགྲོ་ཚུལ་ཞིག མི་རྟ་མང་པོ་ཧྲུག་གེར་བཏང་སྟེ་རྒྱལ་ཁ་བླངས། |
| ཧྲུག་ཆག |
དུམ་བུར་བཅག་པ། རྟ་ཡིས་འཕྲ་ཐོ་བརྒྱབ་ནས་རྐང་པ་ཧྲུག་ཆག་ཏུ་བཏང་བ། |
| ཧྲུག་པ |
ཧྲུག་པོ་དང་འདྲ། |
| ཧྲུག་པོ |
རྩག་རྩིག་གམ་དུམ་བུ་ཆུང་ཆུང༌། ལྕགས་ཧྲུག ཟངས་ཧྲུག དྲས་ཧྲུག ཤིང་ཧྲུག་ཧྲུག |
| ཧྲུག་ཧྲུག |
1 དཀར་ཡོལ་སོགས་ཆག་པའི་དུམ་བུ་ཆུང་ཆུང༌། 2 སོ་ཡིས་ཟས་ལྡད་པ་ལྟ་བུའི་སྒྲ། |
| ཧྲུད |
(རྒྱན་ཚིག) རྩུབ་པོའམ་བཅུད་མེད་པའི་དོན་ཏེ། ཟས་ཧྲུད་པོ་རོ་མེད་པ་ཞེས་པ་ལྟ་བུ། |
| ཧྲུད་པ |
ཡུལ མི་གསར་པ་ཡོང་སྐབས་རྒོད་མདོག་བྱེད་པའི་ཀྲོག་ཀྲོག་མཁན། མྱི་ཧྲུད་དམ། མྱི་ཧྲུད་ཧྲུད། |
| ཧྲུད་པོ |
ཧྲུད་པ་དང་འདྲ། |
| ཧྲུད་ཧྲུད་པོ |
1 རྩུབ་པ། སག་རྡར་གྱི་ལེབ་ངོས་ཧྲུད་ཧྲུད་པོ་ཡོད་པ། 2 བྲོ་བ་མེད་པ། ལྕེའི་ནུས་པ་ཉམས་ན་ཟས་ཧྲུད་ཧྲུད་པོར་འགྱུར་བ། |
| ཧྲུབ་པ |
ཧྲོབ་པའི་ལྡོག་པ། ཤ་ཧྲུབ་པ་འཚོད་བདེ། རྡོ་ཧྲུབ་པ་འགྲེམས་བདེ། |
| ཧྲུབ་ཧྲུབ |
ཡུལ ཞིབ་མོར་གཏུབ་སྟངས། ཚལ་ཧྲུབ་ཧྲུབ་ཡག་པོ་ཞིག་གཏུབས་སོང༌། |
| ཧྲུམ |
(རྒྱན་ཚིག) སྒྲའི་བྱེ་བྲག་ཅིག་སྟེ། ཁྱིས་རུས་པ་ཧྲུམ་ཧྲུམ་འཆའ་ལྟ་བུ། |
| ཧྲུམ་ཧྲུམ |
ཡུལ འབོལ་འབོལ་དུ་གཏུབ་སྟངས། རྒྱ་ཐུག་ཧྲུམ་ཧྲུམ་དུ་གཏུབ་བཞིན་ཡོད་པ། |
| ཧྲུའུ་ཡན་ཚལ |
རྒྱ ཚྭ་ཁུའི་ནང་དུ་བསྙལ་བའི་སྔོ་ཚལ་ཞིག་གི་མིང༌། |
| ཧྲུལ |
(རྒྱན་ཚིག) རྙིང་ནས་རལ་བར་གྱུར་པ་སྟེ། གོས་ཧྲུལ། ལྭ་བ་ཧྲུལ་བོ། ཁང་ཧྲུལ། ཁང་བ་ཧྲུལ་བོ་ཞེས་པ་ལྟ་བུ། |
| ཧྲུལ་པོ |
རལ་པོ། རྩབ་ཧྲུལ། རལ་ཧྲུལ། རྙིང་ཧྲུལ། གོས་སུ་རས་ཧྲུལ་པོ་གྱོན། གོས་ཧྲུལ་པོ་གྱོན་ཞིང་ལག་ཏུ་འཁར་བ་ཐོགས་པ། |
| ཧྲུལ་བ |
ཧྲུལ་པོ་དང་འདྲ། |
| ཧྲུལ་བུ |
ཧྲུལ་པོ་དང་འདྲ། |
| ཧྲུལ་སྐྱོན |
ཉམས་གོག་གི་སྐྱོན། གྱོན་པ་ཧྲུལ་སྐྱོན། ལྷམ་གོག་ཧྲུལ་སྐྱོན། |
| ཧྲེང |
(རྒྱན་ཚིག) མཉེན་འགུག་བྱེད་དཀའ་བའི་དོན་ཏེ། ལུས་ཧྲེང་བོ། རྐེད་པ་ཧྲེང་བོར་གྱུར་ལྟ་བུ། རྐྱང་བའམ་གཅིག་པུའི་དོན་ཏེ། མི་ཧྲེང་། ཕོ་ཧྲེང་། མོ་ཧྲེང་ཞེས་པ་ལྟ་བུ། |
| ཧྲེང་ངེ |
1 རྗེན་ནེ། གཟུགས་པོ་དམར་ཧྲེང་ངེ་བ། 2 ཀེར་རེ། མི་གཅིག་ཕ་གིར་ཧྲེང་ངེར་ལངས་འདུག |
| ཧྲེང་པོ |
1 གྲོགས་མེད་ཁེར་རྐྱང༌། ཕོ་ཧྲེང༌། མོ་ཧྲེང༌། 2 གོས་མེད་གཅེར་བུ། གཟུགས་པོ་དམར་ཧྲེང༌། ཤ་མདོག་སྔོ་ཧྲེང༌། མི་ཧྲེང་གྲོགས་མེད། |
| ཧྲེང་བ |
ཧྲང་བའི་འབྲི་ཚུལ་གཞན་ཞིག་ |
| ཧྲེང་ཧྲེང |
མི་སོགས་རོགས་ཟླ་མེད་པ་ཁེར་རྐྱང༌། |
| ཧྲེངས |
ཧྲེང་གི་འབྲི་ཚུལ་གཞན། |
| ཧྲེམ |
(རྒྱན་ཚིག) ལུས་ཀྱི་སྐྲངས་རྡོག་སྲ་ཞིང་མཁྲེགས་པ་ལྟ་བུ་སྟེ། སྐྲངས་པ་ཧྲེམ་མེ་བ་ཞེས་པ་ལྟ་བུ། |
| ཧྲེམ་པོ |
སྲ་མཁྲེགས། ཁྲག་སྐྲན་ཧྲེམ་པོ། སྐྲངས་པ་ཧྲེམ་མེ་བ། |
| ཧྲོག |
ས་གདན་དང་ཁ་གདན་འཐག་བྱེད་ཤིང་སྒྲོམ་གྱི་ཡས་མས་གཉིས་ལ་ཡོད་པའི་ཤིང༌། |
| ཧྲོག་པ |
ཞིབ་པའི་ལྡོག་ཕྱོགས། སྨན་ཧྲོག་པ། ཕྱུར་བ་ཧྲོག་པ། རྡོ་ཤིང་ཧྲོག་ཧྲོག |
| ཧྲོག་པོ |
ཧྲོག་པ་དང་འདྲ། |
| ཧྲོག་ཧྲོག |
ཧྲོག་པ་དང་དོན་གཅིག་ |
| ཧྲོབ |
(རྒྱན་ཚིག) དུམ་བུ་ཆུང་ངུར་བསིལ་བའི་རྡོག་པོའི་མིང་སྟེ། དངུལ་ཧྲོབ། སྨན་ཧྲོབ་ཅེས་པ་ལྟ་བུ། |
| ཧྲོབ་པ |
རྩིང་བའམ་ཞིབ་ཞིབ་མིན་པ། སྔ་མ་བས་རྗེས་མ་འདི་ཧྲོབ་པ་འདུག ཕྱུར་བ་ཧྲོབ་ཧྲོབ། སྨན་ཧྲོབ་ཧྲོབ་རྣམས་ཞིབ་མོར་རྫོག་པ། རྩམ་པ་ཧྲོབ་ཧྲོབ། |
| ཧྲོབ་པོ |
ཧྲོབ་པ་དང་འདྲ། |
| ཧྲོབ་སྲང |
ཞིབ་མོ་མིན་པའི་འདེགས་རྒྱ། |
| ཧྲོབ་ཧྲོབ |
ཧྲོབ་པ་དང་དོན་གཅིག་ |
| ཧྲོལ |
རལ་དང་དོན་འདྲ། |
| ཧྲོལ་བ |
རྙིང དབྲལ་བ། |
| ཨ |
བོད་ཡིག་གསལ་བྱེད་སུམ་ཅུ་པའམ། ལ་ལས་དབྱངས་གསལ་གཉིས་ཆོད་ཀྱི་ཡི་གེར་འདོད་པ་འདིའི་ང་རོ་འདོན་ཚུལ་ལ་སྐྱེ་གནས་མགྲིན་པ་དང༌། བྱེད་པ་མགྲིན་པ་ལྕེ་རྩ་དང་སྦྱར་བ། ནང་གི་རྩོལ་བ་མགྲིན་པ་བཙུམ་པ། ཕྱིའི་རྩོལ་བ་སྲོག་ཆེན་སྒྲ་ལྡན། 1 གང་ཟག་གི་མིང་འགའི་སྔོན་དུ་བཅུག་ནས་སྙིང་ཉེ་བའི་དོན་སྟོན་པའི་ཚིག་གྲོགས་ཤིག ཨ་ཕ། ཨ་མ། ཨ་ཁུ། ཨ་ཞང༌། ཨ་རོགས། 2 མིང་འགའི་སྔོན་དུ་བཅུག་ན་སེམས་ཀྱི་ཚོར་བ་དྲག་པོ་ཞིག་ཕྱིར་མངོན་ཐུབ་བྱེད་ཀྱི་ཚིག་གྲོགས་ཤིག ཨ་ཁ་ཁ། ཨ་ཚ་ཚ། ཨ་མཚར། ཨ་ཕམ་པ་ལ། ཨ་ཡ་མཚན། 3 ཡུལ 1)ཨང་སྒྲ་ཟུར་ཆག་པ་ཞིག་སྟེ། ཚིག་འགའི་མཇུག་ཏུ་བཅུག་ནས་སྐུལ་ཚིག་སྟོན་རོགས་བྱེད་པའི་ཚིག་གྲོགས་ཤིག དེ་འདྲས་མ་བྱེད་ཨ། མགྱོགས་པོ་ཕེབས་ཨ། དཔེ་ཆ་ལྟོས་ཨ། 2)ཡིན་ནམ། ཡོད་དམ། ཡོང་བཅས་ཀྱི་སྔོན་དུ་བཅུག་ནས་ཐེ་ཚོམ་མམ་དྲི་བ་སྟོན་པའི་ཚིག་གྲོགས་ཤིག ཡིན་ཡོད་ཡོང ཁོང་རྒྱ་རིགས་ཨ་ཡིན། རྒན་ལགས་སླེབས་ཨ་ཡོད། སང་ཉིན་ཁ་བ་འབབ་ཨ་ཡོང༌། |
| ཨ་ཀ་མ |
སྟོན་རྒྱབ་ཀྱི་རི་ཁའི་ལྕི་བ་སྐམ་ཐག་ཆོད་པ་སེར་ག་མའི་མིང༌། |
| ཨ་ཀ་རུ |
ཨ་ག་རུ་དང་འདྲ། |
| ཨ་ཀམ |
ཨ་ཀ་མའི་བསྡུས་ཚིག་ |
| ཨ་ཀར |
ཨ་ཀ་རུའི་བསྡུས་ཚིག་ |
| ཨ་ཀི |
གྲངས་ཀ་མཚོན་བྱེད་ཀྱི་ཡིག་རྟགས་ཤིག་སྟེ བོད་ཀྱི་ཨང་ཀི་ནི་༡༢༣༤༥༦༧༨༩༠དང་ ཡོངས་གྲགས་ལ་བཀོལ་བའི་ཨང་ཀི་ནི1234567890འདི་ལྟར་འབྲི འདི་ལ་ཨ་གི་ཞེས་འབྲི་བའང་ཡོད |
| ཨ་ཀོར |
བུད་མེད་ཀྱི་རྣ་རྒྱན། གསེར་གྱི་ཨ་ཀོར་བཏགས་པ། |
| ཨ་ཀྱང |
ཡུལ སྔར་བཤད་ཀྱི་གཏམ་དེ་རྩེད་མོ་ཡིན་པར་སྟོན་པའི་ཚིག ཨ་ཀྱང་དགོངས་པ་མ་འཚོམས་སྐུ་རྩེད་ཞུས་པ་ཡིན། |
| ཨ་ཀྱུ |
ཡུལ རྒྱུ་སྒྲིམ་བྱེད་ཀྱི་འཕང་ལོའི་རྩེའི་ལྕགས་ཀྱུ། |
| ཨ་ཀྱོག་པ་ཀྱོག |
ཡུལ དྲང་པོ་མིན་པ། ལས་ཀ་བྱེད་སྟངས་ཨ་ཀྱོག་པ་ཀྱོག སྐད་ཆ་ཨ་ཀྱོག་པ་ཀྱོག འགྲོ་ལམ་ཨ་ཀྱོག་པ་ཀྱོག |
| ཨ་ཀྲད |
ལྷམ་རྡོག་ལ་གླན་པའི་ཀོ་ཀྲད་རྙིང་པའམ། རྡོག་པ་རྙིང་པ། |
| ཨ་ཀྲོང |
ཐང་སྨན་གྱི་རིགས་ཤིག་སྟེ། ནང་གསེས་སུ་མཁན་པ་ཨ་ཀྲོང་དང༌། རྩྭ་ཨ་ཀྲོང༌། ཤིང་ཨ་ཀྲོང་བཅས་རིགས་གསུམ་མཆིས། རོ་མངར་ལ་སྐྱུར་ཞིང་ཁ། ཞུ་རྗེས་བསིལ། ནུས་པས་གློ་ཚད་དང༌། གྲེ་ཚད། ཨོལ་ཀྲོང་གི་ཚད་པ་བཅས་ལ་ཕན།…2. ཨ་ཀྲོང་ལ་མཁན་པ་ཨ་ཀྲོང་དང་ ཨ་ཀྲོང་དཀར་པོ་རིགས་གཉིས་ཡོད མཁན་པ་ཨ་ཀྲོང་ལ་མཁན་ཨ་ཀྲོང་ཡང་ཟེར་ཏེ མཁན་པའི་རིགས་ལོ་མ་དངུལ་མདོག་ཅན་མེ་ཏོག་སེར་བོ་བཞད་པ་ཞིག་ཡིན ཨ་ཀྲོང་དཀར་བོ་ནི་རྫ་རི་མཐོ་སར་སྐྱེ་བའི་རྩྭ་ལྡུམ་གྱི་རིགས་ལོ་མ་ཚོམ་བུ་ས་ངོས་སུ་ཁྱབ་པར་སྐྱེ་ཞིང་རྩ་བ་རིང་ལ་ཕྲ་བ་ཞིག་ཡིན |
| ཨ་ཀྲོང་རིགས་གསུམ |
ཨ་ཀྲོང་ལ་ལྟོས། |
| ཨ་ཁ |
ཡིད་ཕམ་པ་དང་ཧང་སང་བ་སྟོན་པའི་སྒྲ་ཞིག ཨ་ཁ། ག་འདྲ་འདུག ཨ་ཁ། དེ་ག་རང་ཡིན་པ་རེད། ཨ་ཁ། བྱིས་པ་རྟ་ཐོག་ནས་ལྷུང་ལ་ཁད་ཅིག་བྱས། ཨ་ཁ། ཁྱེད་ཡིན་ནམ། |
| ཨ་ཁ་ཁ |
1 སེམས་ཕམ་པའི་ཚིག ཨ་ཁ་ཁ་ཕངས་པ་ལ། 2 འགྱོད་པ་སྐྱེས་པའི་ཚིག ནོར་འཁྲུལ་དེ་འདྲ་བྱུང་བ་ཨ་ཁ་ཁ་འགྲིག་མ་སོང༌། |
| ཨ་ཁ་བ |
ལེགས གཤིས་ངན་ནམ་རང་བཞིན་ངན་པ། |
| ཨ་ཁ་མ |
ཡག་པོ་མེད་པའམ་ཕན་ཐོགས་མེད་པའི་མི་དང་དངོས་པོར་བཏགས་པའི་ངན་མིང་ཞིག |
| ཨ་ཁུ |
ཕའི་སྤུན་ཟླ། ཨ་ཁུ་རྒན་པ། ཨ་ཁུ་གཞོན་པ། མིང་གི་རྣམ་གྲངས་ལ་ཁུ་བོ་དང༌། ཕ་ཡི་སྤུན་ཟླའོ། |
| ཨ་ཁུ་ལྷ་ཤིང་ཤུག་པ |
ལྷ་མོ་འཁྲབ་སའི་དཀྱིལ་དུ་འཛུགས་པའི་ཤིང་ཞིག |
| ཨ་ཁུ་སྡོམ་ཐག |
ཡུལ སྲོག་ཆགས་སྡོམ། |
| ཨ་ག་མ |
ཨ་ཁ་མ་དང་འདྲ། |
| ཨ་ག་རུ |
ལེགས ལྕི་མེད་དམ་སྙིང་སེལ་ཏེ་ནང་གསེས་སུ་དབྱེ་ན་ཨར་སྐྱ་དང༌། ཨར་ནག་ཨར་དམར་བཅས་རིགས་གསུམ་མཆིས། མིང་གི་རྣམ་གྲངས་ལ་ཐལ་བའི་སྙིང་པོ་དང༌། དྲི་ཞིམ་ལྗོན་པ། འདབ་ཟུང་ཅན། ནགས་ཀྱི་ཙན་དན། མི་བདག་དགའ། མཛེས་སྦྱིན་བྱེད་བཅས་སོ། 2. ཨ་ག་རུ་དངོས་ནི་འབྲོང་རྭ་ལྟར་ནག་པའི་ཤིང་རིགས་མེར་བསྲེགས་ན་དྲི་ཞིམ་འཐུལ་བ་ཞིག་ཡིན དེ་ལ་ཨ་ག་རུ་སྐྱ་བོ་དང་ཨ་ག་རུ་ཁྲ་བོ ཨ་ག་རུ་གོ་སྙོད་སོགས་རིགས་མི་འདྲ་བ་མང་ཙམ་ཡོད རྒྱ་སྐད་དུ་ཁྲིན་ཞང་མུ་ཟེར ཚིག་བསྡུས་ན་ཨ་གར་དང་ཨར་ཞེས་འབྲི་སྟེ ཨ་ག་རུ་རིགས་གསུམ་ལ་ཨ་གར་རིགས་གསུམ་དང་ཨ་ག་རུ་ནག་པོ་ལ་ཨར་ནག་ཟེར་བ་ལྟ་བུ ལོ་མང་སྐྱེ་བའི་རྩྭ་སྨན་གྱི་རིགས་ལོ་མ་མཁན་སྐྱ་དང་དབྱིབས་མཚུངས་ཤིང་མེ་ཏོག་སྔོན་པོ་དྲི་ཞིམ་བྲོ་བ་ཞིག |
| ཨ་ག་རུ་ནག་པོ |
ཨ་ག་རུའི་རིགས་མདོག་ནག་ཤས་ཆེ་བ་ཞིག་སྟེ། རོ་ཁ་ལ་ཚ། ཞུ་རྗེས་སྙོམས། ནུས་པས་སྙིང་དང༌། སྲོག་རྩའི་ནད་ལ་མཆོག་ཏུ་བསྔགས། |
| ཨ་གར |
ཨ་ག་རུའི་བསྡུས་ཚིག་ |
| ཨ་གར་དམར་པོ |
ཨ་ག་རུའི་རིགས་མདོག་དམར་ཤས་ཅན་གོ་སྙོད་ཀྱི་དྲི་མ་མནམ་པ་ཞིག་སྟེ། ནུས་པས་སྙིང་དང་སྲོག་རྩའི་ཚ་བ་དང་ཁྱད་པར་དུ་ཚད་རླུང་སེལ། མིང་གི་རྣམ་གྲངས་ལ་གོ་སྙོད་མ་དང༌། གོ་སྙོད་ཨ་གར། ཏཱ་གྷ་ར། ཨར་དམར་བཅས་སོ། |
| ཨ་གསར |
གསར་འདོད་དམ། གསར་འགྲོགས་ཏེ་དངོས་པོ་གསར་འདྲིས་རིགས་ལ་དགའ་སྣང་ཆེན་པོ་བྱེད་པ། མཛའ་བཤེས་ཨ་གསར་ཆེ་ན་ཡུན་རིང་མི་འཁྱོང༌། ཨ་གསར་བློ་འགྱུར། ཨ་གསར་བྱེད་པ། ཨ་གསར་ཚ་པོ། ཨ་གསར་རྟ་ལས་མགྱོགས། མཇུག་མ་ལུག་ལས་ཐུང༌། ཨ་གསར་སྤེན་མའི་མེ་ལྕེ་དེ། འབར་སྐབས་དྲོ་རུང་འབར་ཡུན་ཐུང༌། |
| ཨ་གྲགས་གངས་ལྷ |
རི་བོ་ཞིག་བོད་རང་སྐྱོང་ལྗོངས་ཀྱི་དཔའ་ཤོད་རྫོང་གི་ལྷོ་ངོས་དང་རྫ་ཡུལ་རྫོང་གི་བྱང་ངོས་སུ་ཡོད། |
| ཨ་གྲོ |
གྲོ་རྡོག་ཆེ་ཞིང་སྤུས་ལེགས་པ་ཞིག |
| ཨ་ཅག |
ཡུལ 1 བུད་མེད། 2 སྤུན་ཟླ་བུ་མོ་རྒན་པ། ཨ་ཅག་ལགས། ཁྱེད་རང་ག་དུས་ཕེབས་པ། |
| ཨ་ཅང |
ཧ་ཅང་དང་དོན་འདྲ |
| ཨ་ཅང་ཅང |
ཤོད་མི་དགོས་ཞེས་པའམ། ལོས་བདེན་ཟེར་བའི་དོན། ཕྲུ་གུས་ཀྱང་སྒྲུབ་ཐུབ་ན། མི་རྒན་པས་ཨ་ཅང་ཅང༌། རླངས་འཁོར་ཡང་ཤིན་ཏུ་མགྱོགས་ན། གནམ་གྲུ་ནི་ཨ་ཅང་ཅང༌། དགུན་ཡང་དྲོ་ན། དབྱར་ཁ་ནི་ཨ་ཅང་ཅང༌། |
| ཨ་ཅང་ཆེ |
བཤད་མི་དགོས་སམ་སྨོས་ཅི་དགོས། འཇིགས་དྲགས་ནས་ཞིང་ཁང་གི་ཕྱོགས་ལ་འགྲོ་བ་དག་ཨ་ཅང་ཆེ་སྟེ་མིག་ཀྱང་བལྟ་མི་ཕོད་པ་ཙམ་ཡོད། |
| ཨ་ཅུག |
ཡུལ ར་ལུག་སོགས་ཀྱི་པུས་ཚིགས་རུས་ཆུང༌། ཁམས་སོགས་བོད་ཀྱི་ས་ཁུལ་གྱི་བྱིས་པ་ཚོས་རུས་ཆུང་གྲུ་བཞི་དེ་ཤར་ནུབ་རྟ་དྲེལ་སོགས་ཀྱི་དབྱེ་བ་བྱས་ནས་རྩེད་མོ་བརྩེས་ཏེ་རྟ་དྲེལ་རྩེ་བར་ཟེར། |
| ཨ་ཅེ |
1 ཡུལ བུད་མེད། ཨ་ཅེའི་ཕྱུ་པ། 2 མོ་སྤུན་རྒན་པ། |
| ཨ་ཅེ་རྒྱ་བཟའ |
བོད་རྗེ་སྲོང་བཙན་སྒམ་པོས་བློན་པོ་མགར་ཐང་ཐའི་ཙུང་གི་སྲས་མོ་བཙུན་མོར་ཞུ་བར་བཏང་ལུགས་དང༌། ཀོང་ཇོ་བོད་དུ་ཡོང་ལུགས་སོགས་ཀྱི་ལོ་རྒྱུས་རྣམས་དམངས་ཀྱི་ངག་རྒྱུན་གཞིར་བཞག་སྟེ་བསྒྲིགས་པའི་བོད་ཀྱི་ཟློས་གར་ལྷ་མོ་བའི་འཁྲབ་གཞུང་ཞིག |
| ཨ་ཅེ་ལྷ་མོ |
བྱེ་བྲག་གི་མིང་སྤྱི་ལ་བཏགས་པ་ཞིག་སྟེ་ལྷ་མོའི་ཆས་ཀྱིས་སྤྲས་པའི་བོད་ཀྱི་ཟློས་གར་ཞིག ཨ་ཅེ་ལྷ་མོ་འཁྲབ་པ། |
| ཨ་ཅོར |
སོག སོག་སྐད་ཨར་ཆོལ་གྱི་ཟུར་ཆག་སྟེ། གདོང་འཕྱིད་རས། ཨ་ཅོར་སྤུ་མ། |
| ཨ་ཆད་ཨུ་ཐུག |
འ་ཆད་འུ་ཐུག་སྟེ་ཐང་ཆད་ནས་ཐབས་ཟད་པ། |
| ཨ་ཆི་ཐུ |
སོག དྲིན་ཅན་ཏེ་ཧོར་གྱི་གོ་སའི་མིང་ཟུར། རྭ་སྒྲེང་ཨ་ཆི་ཐུ་ནོ་མོན་ཧན།… |
| ཨ་ཆི་ཐོ |
ཨ་ཆི་ཐུ་དང་འདྲ། |
| ཨ་ཆུ |
ཨ་ཆུ་ཆུ་དང་འདྲ། 2. གྲང་རེག་གིས་གདུངས་པའི་དབང་གིས་ཁ་ནས་འབྱིན་པའི་སྒྲ་སྟེ ཨ་ཆུ་ཆུ་གྲང་བ་ལ་ཞེས་པ་ལྟ་བུ |
| ཨ་ཆུ་ཆུ |
འཁྱགས་ནས་སྐད་འདོན་པའི་སྒྲ། གྲང་བས་འཁྱགས་ནས་ཨ་ཆུ་ཆུ་ཟེར་བ། |
| ཨ་ཆུ་ཟེར་བ |
ཧུཧུབཿ གྲང་དམྱལ་བརྒྱད་ཀྱི་ཡ་གྱལ་ཞིག་སྟེ། གྲང་བའི་ཟུག་རྔུ་བསྲན་མི་བཟོད་པར་སྨྲེ་ངག་རྒྱུན་མི་འཆད་པར་འདོན་པ། |
| ཨ་ཆུང |
འ་ཆུང་དང་འདྲ། |
| ཨ་ཆེ |
ཡུལ རང་ལས་རྒན་པའི་སྤུན་མོ།…2. ཕ་མ་གཅིག་ལས་སྐྱེས་པའི་སྤུན་གྱིས་སྔོན་སྐྱེས་མོ་ལ་ཨ་ཆེ་ཟེར འདི་ལ་ཨ་ཅེ་དང་ཨ་ལྕེ་འབྲི་བའང་ཡོད |
| ཨ་ཆེན་གངས་རྒྱབ |
རི་བོ་ཞིག་སྟེ། ཨ་མྱེ་རྨ་ཆེན་ཡིན་ཞིང་མཚོ་སྔོན་ཞིང་ཆེན་གྱི་ཤར་ལྷོའི་རྒྱུད་དུ་ཡོད། |
| ཨ་ཆེན་ཐང |
ཐང་ཆེན། |
| ཨ་ཆོར |
ཨ་ཅོར་དང་འདྲ། |
| ཨ་ཇོ |
གཅེན་པོའམ། ཇོ་ཇོ། རི་དང་ནགས་གསེབ་ཐམས་ཅད་དུ་ཉུལ་ཡང་ཨ་ཇོ་མ་རྙེད་པས་སྡུག་བསྔལ་གྱིས་མནན་ཞིང་བཞུགས་སོ། |
| ཨ་ཉན |
ཡུལ 1 ཕག་ཉན། གཞན་གྱི་སྐད་ཆ་ཨ་ཉན་མ་བྱེད། 2 རེ་བ། དོན་དག་ལེགས་འགྲུབ་ཡོང་རྒྱུའི་ཨ་ཉན་བྱས་པ། |
| ཨ་ཉོག |
ཡུལ ཕྲུ་གུའམ་བྱིས་པ། ཨ་ཉོག་ངུ་སྡིགས་མི་རྒན་ཤི་སྡིགས། ཨ་ཉོག་ཁྱི་གུ་རྟེའུ་ཆུང་གསུམ། ལས་བྱས་པ་མེད་དེ་ཀུན་གྱིས་བྱམས། |
| ཨ་ཏ |
རྒྱ སྐྱེད་བྱེད་ཕ། |
| ཨ་ཏི་ཡོ་ག |
སྔགས་རྙིང་མའི་གཞུང་རྣམས་སུ། རྫོགས་ཆེན་ཨ་ཏི་ཡོ་ག་ནི་སྤྲོས་བྲལ་རང་བྱུང་གི་ཡེ་ཤེས་ལ་རྒྱ་ཆད་དང་ཕྱོགས་ལྷུང་བྲལ་བས་ཐེག་པ་མཐའ་དག་གི་དོན་ཡོངས་སུ་རྫོགས་པས་རྩེ་མོར་གྱུར་པ་ཡིན་ལ། སྣང་སྲིད་འཁོར་འདས་ཀྱི་ཆོས་ཐམས་ཅད་རང་བྱུང་ཡེ་ཤེས་ཀྱི་རོལ་བར་ཤར་བ་ལས་གཞན་དུ་མེད་ཅིང༌། གཞི་གནས་རང་བྱུང་གི་ཡེ་ཤེས་དེ་ལམ་ཀ་དག་ཁྲེགས་ཆོད་དང་ལྷུན་གྲུབ་ཐོད་རྒལ་གྱི་ཉམས་ལེན་གྱིས་སྣང་བཞི་མཐར་ཕྱིན་ནས་འབྲས་བུ་གཞི་ཐོག་ཏུ་གྲོལ་བ་སྟེ་གཞོན་ནུ་བུམ་སྐུའི་གཏན་སྲིད་ཟིན་པའོ། |
| ཨ་ཏི་ཡོ་གའི་ཐེག་པ |
སྔགས་རྙིང་མའི་ཐེག་པ་རིམ་དགུའི་ཡ་གལ་ཞིག་ཤིན་ཏུ་རྣལ་འབྱོར་རྫོགས་པ་ཆེན་པོའི་ཐེག་པ་སྟེ། འཇུག་སྒོ་རིག་པའི་རྩལ་བཞིས་སྨིན་པར་བྱས་ཏེ། ལྟ་བ་སེམས་ལས་འདས་པའི་རིག་པ་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་ཀུན་ཁྱབ་སྤྲུལ་སྐུ་སྟེ་སྐུ་གསུམ་གྱི་རང་ཞལ་ལ་ལྟ་བ་དང༌། སྒོམ་པ་ཀ་དག་ཁྲེགས་ཆོད་དང༌། ལྷུན་གྲུབ་ཐོད་རྒལ་གྱི་ཉམས་ལེན་དང་སྦྱར་ནས། སྤྱོད་པ་ཅིར་སྣང་ཐམས་ཅད་ཆོས་ཉིད་ཀྱི་རོལ་པར་ཤར་བས་སྤང་བླང་རེ་དོགས་མེད་པར་བཞག་པས། འབྲས་བུ་སྣང་བཞི་མཐར་ཕྱིན་ཏེ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ཏེ་ཡེ་ཤེས་བླ་མའི་སའམ་དཔལ་ཀུན་ཏུ་བཟང་པོའི་གོ་འཕང་གཞོན་ནུ་བུམ་སྐུའི་གཏན་སྲིད་ཟིན་པར་འདོད་པའོ། |
| ཨ་ཏི་ཤ |
ཕུལ་དུ་བྱུང་བ་སྟེ། རྒྱ་གར་ཤར་ཕྱོགས་ཟ་ཧོར་རྒྱལ་པོའི་སྲས་སུ་ཆུ་རྟ་ལོར་འཁྲུངས། མཚན་དཔལ་མར་མེ་མཛད་ཡེ་ཤེས་ཏེ། མ་ག་དྷཱའི་གཙུག་ལག་གནས་ཆེན་འགའི་ཚོགས་ཀྱི་བདག་པོ་མཛད། ལྷ་བླ་མ་ཡེ་ཤེས་འོད་དང་བྱང་ཆུབ་འོད་ཀྱིས་འབད་པས་གདན་དྲངས་ནས་བོད་དུ་བྱོན་ཏེ་མདོ་སྔགས་ཐམས་ཅད་བསྡུས་ནས་ལམ་ཉམས་སུ་ལེན་པའི་རིམ་པར་དྲིལ་བ་བྱང་ཆུབ་ལམ་གྱི་སྒྲོན་མ་ཞེས་བྱ་བ་གཙོ་བོར་བྱས་པའི་གཞུང་ཉི་ཤུ་ལྷག་ཙམ་མཛད་པའི་སྒོ་ནས་བསྟན་པ་རྒྱས་པར་སྤེལ་བས་བསྟན་པ་ཕྱི་དར་དང་བཀའ་གདམས་པའི་སྲོལ་བཏོད། གཞན་ཡང་གསོ་རིག་གི་གཞུང་ཡན་ལག་བརྒྱད་པ་བཙམས། མངའ་རིས་སུ་ལོ་གསུམ་དང༌། དབུས་གཙང་དུ་ལོ་དགུ་བཞུགས། དུང་ལོ་བདུན་ཅུ་རྩ་གསུམ་པ་ཤིང་རྟ་ལོ་ལ་འདས། སངས་རྒྱས་ཀྱི་བསྟན་པ་དང་རིག་གནས་སྤེལ་བ་ལ་བོད་དུ་བཀའ་དྲིན་ཆེ་བས་གངས་ཅན་པས་ཇོ་བོ་རྗེ་ཞེས་ཞེ་སར་བརྗོད། |
| ཨ་ཏིག་ཡང་ཏིག |
ཡུལ གཏན་གཏན། རིམ་གོང་སྒྲིག་རྒྱུ་མེད་པའི་ཨ་ཏིག་ཡང་ཏིག་ཡིན། |
| ཨ་ཏོ |
ཕལ་ཆེར་རམ། ཧ་ལམ། མནོ་བ་བཞིན་དུ་ཨ་ཏོ་གྲུབ། |
| ཨ་ཐཱ |
ལེགས གསོ་དཔྱད་ལས་བྱུང་བའི་བརྡ་སྟེ། ནད་ཞི་བར་གྱུར་ཅིག་ཅེས་པའི་དོན། |
| ཨ་ཐོ་བ |
རྙིང བཟང་པོ། |
| ཨ་ཐོད |
ཐོད་པ། |
| ཨ་ཐོད་རི་མོ |
བསོད་ནམས། |
| ཨ་དགོས་ཆུང |
ཐབས་ཟད་པ། མི་ཁྱོད་ལ་སྐྲག་ན་ཨ་དགོས་ཆུང༌། |
| ཨ་དརྴ |
ལེགས མེ་ལོང༌། |
| ཨ་དོན |
སྐྱེ་མེད་དམ་སྟོང་ཉིད། |
| ཨ་དྲུང |
1 སྔར་བོད་ས་གནས་སྲིད་གཞུང་གི་ཡི་གེ་སྐྱེལ་མཁན་རྟ་ཤད་པ། 2 སྔར་དགོན་སྡེའི་མཁན་པོ་ཁག་གི་རྟ་གཡོག |
| ཨ་དྲུང་རྟ་བཞོན |
ཨ་དྲུང་རྟ་ཤད་དང་དོན་གཅིག་ |
| ཨ་དྲུང་རྟ་ཤད |
སྔར་བོད་ས་གནས་སྲིད་གཞུང་སྐབས་འཕྲིན་སྐྱེལ་བར་ཤར་རྒྱག་འགྲོ་མཁན་གྱི་རྟ་པ། |
| ཨ་ན |
ལེགས རྒྱ་གར་འགྲོ་དངུལ་གྱི་ཚད་གཞི་ཞིག་སྟེ། ཨ་ན་བཅུ་དྲུག་ལ་སྒོར་མོ་གཅིག་གོ། |
| ཨ་ན་མ་ན |
ཡུལ འདྲ་བའམ། གཅིག་པ་གཅིག་རྐྱང༌། ཕ་བུ་གཉིས་བྱད་གཟུགས་ཨ་ན་མ་ན་རེད། གསེར་དང་ར་གན་གཉིས་ཁ་དོག་ཨ་ན་མ་ན་ཡོང༌། གཡུ་དང་དོ་ལོ་སྔོ་མདོག་ཨ་ན་མ་ན་ཡིན། གཟི་བྱིན་ནི་ཉི་མ་དང་ཨ་ན་མ་ནའོ། |
| ཨ་ན་ཨ་ར |
ན་ཚ་བྱུང་བའི་སྐད། |
| ཨ་ནན |
ཡུལ ཕ་མས་བུ་ཕྲུག་ཆུང་ཤོས་ལ་འབོད་པའི་གཅེས་མིང༌། |
| ཨ་ནུ |
1 བྱིས་པའམ་གཞོན་ནུ། 2 ཆུང་ངུའམ་ཕྲ་མོའི་དོན། 3 སློབ་དཔོན་ཨ་ནུའམ་ཐུ་མི། 4 ནུ་བོའི་གཅེས་མིང༌། |
| ཨ་ནུ་ཡོ་ག |
སྔགས་རྙིང་མའི་གཞུང་རྣམས་སུ། རྫོངས་པ་ཨ་ནུ་ཡོ་ག་ནི་སྣོད་བཅུད་ཐམས་ཅད་ལྷའི་རང་བཞིན་དུ་དབྱིངས་ནས་སངས་རྒྱས་པར་རྟོགས་པའི་སྤྲོས་བྲལ་གྱི་མཐའ་གང་དུའང་མ་དམིགས་པའི་རང་བཞིན་གྱིས་ཐབས་བསྐྱེད་པའི་རིམ་པ་ཤས་ཆུང་ཞིང༌། རྫོགས་པའི་རིམ་པ་ཤེས་རབ་རྩ་ཐིག་རླུང་གི་རྣལ་འབྱོར་ལ་བརྟན་དབབ་བཟུང་ལྡོག་ཁྱབ་ཀྱི་སྦྱོར་བ་བདེ་སྟོང་གཉིས་སུ་མེད་པའི་ཡེ་ཤེས་བསྐྱེད་ཅིང༌། བདེ་གསལ་མི་རྟོག་པའི་གནས་ལུགས་ལམ་དུ་བྱེད་པས་ཚེ་འདིར་གྲོལ་བའི་རང་བཞིན་ཅན་ནོ། |
| ཨ་ནུ་ཡོ་གའི་ཐེག་པ |
སྔགས་རྙིང་མའི་ཐེག་རིམ་དགུའི་ནང་གསེས་རྗེས་སུ་རྣལ་འབྱོར་གྱི་ཐེག་པ་སྟེ། འཇུག་སྒོ་ཕྱི་དབང་རྒྱུད་ཀྱི་ཆུ་བོ་བཅུ། ནང་དབང་འབྱུང་བའི་ཆུ་བོ་བཅུ་གཅིག་སྒྲུབ་དབང་གྲགས་པའི་ཆུ་བོ་བཅུ་གསུམ། གསང་དབང་རྫོགས་པའི་ཆུ་བོ་གཉིས་ཏེ། དབང་མཆོག་སུམ་ཅུ་རྩ་དྲུག་གིས་སྨིན་པར་བྱས་ནས། ལྟ་བ་ཀུན་བཟང་དཀྱིལ་འཁོར་གསུམ་གྱི་ངོ་བོར་གཏན་ལ་ཕབ་ནས། སྒོམ་པ་དོན་གྱི་རྗེས་སུ་འཇུག་པ་རྣམ་པར་མི་རྟོག་པའི་ངང་ལ་འཇོག་པ་དང༌། ཡི་གེའི་རྗེས་སུ་འཇུག་པ་བསྐྱེད་སྔགས་བརྗོད་པ་ཙམ་གྱིས་རྩལ་སྣང་ལྷའི་དཀྱིལ་འཁོར་དུ་གསལ་བ་གྲོལ་ལམ་དང༌། ཐབས་ལམ་སྟེང་འོག་གི་སྒོ་ལ་བརྟེན་ནས་ལྷན་སྐྱེས་ཀྱི་ཡེ་ཤེས་བསྐྱེད་པར་བྱེད་ཅིང༌། སྤྱོད་པ་སྣང་སེམས་ཐམས་ཅད་བདེ་བ་ཆེན་པོའི་ཡེ་ཤེས་ཀྱི་རོལ་པར་ཤེ་པའི་སྒོ་ནས་བླང་དོར་མེད་པར་སྤྱོད་པའི་ཉེ་རྒྱུས། འབྲས་བུ་ལམ་ལྔའི་ངོ་བོར་གྱུར་པའི་རྣལ་འབྱོར་ལྔ་དང༌། ས་བཅུ་མཐར་ཕྱིན་ཏེ་ཀུན་ཏུ་བཟང་པོའི་གོ་འཕང་ཐོབ་པར་འདོད་དོ། |
| ཨ་ནུ་སྣང་གྲགས |
བོད་ཡིག་གི་སྲོལ་གཏོད་པ་པོ་ཐུ་མི་སམ་བྷོ་ཊའི་ཡབ། |
| ཨ་ནེ |
1 ཕའི་སྲིང་མོའམ། གཅེན་མོ་དང་གཅུང་མོ། ཨ་ནེ་ཆུང་བ། 2 བཙུན་མ། ཨ་ནེའི་དགོན་པ། ཨ་ནེའི་དབུ་མཛད། ཨ་ནེས་བཙུགས་པའི་ཟམ་པ། ཨ་ནེས་ཐར་པ་བཟོ་བ། |
| ཨ་པ |
ཡུལ 1 ཧ་ལས་པའི་ཚིག ཨ་པ་དེ་འདྲའི་ལྟད་མོ་ཆེ་བ་ལ། 2 མི་བཟོད་པའི་ཚིག ཨ་པ་སྡུག་བསྔལ་དྲག་ལ་རྩུབ་པ་འདི་འདྲ་མྱོང་བ་ཨང༌། |
| ཨ་པ་རཱ་ཛི་ཏ |
ལེགས 1 གཞན་གྱིས་མི་ཐུབ་པ། 2 སྨན་ཤུ་དག་དཀར་པོ། 3 རྣམ་སྲས་ཀྱི་འཁོར་ནོར་ལྷ་ཞིག |
| ཨ་པ་ལ |
ཡུལ ཧང་སང་བ་དང༌། ངོ་མཚར་བའི་ཚིག ཨ་པ་ལ་དེ་འདྲའི་ཡག་པ་ལ། ཨ་པ་ལ་དེ་འདྲའི་ཡུན་རིང་པོ་འགོར་སོང༌། |
| ཨ་པོ |
1 ཁྱིམ་བདག་དང༌། སྤུན་མཆེད་རྒན་པ། ཨ་པོ་ང་ཡིན། དབྱུག་པ་མདུང་ཡིན། 2 ཨ་པོ་ཧོར་གྱི་བསྡུས་ཚིག་ |
| ཨ་པོ་ཧོར |
བྱང་པའི་སྐྱེས་པའམ་འབྲོག་པ། |
| ཨ་ཕ |
1 ཁྱིམ་གྱི་བདག་པོ། 2 སྐྱེད་བྱེད་ཕ། ཨ་ཕ་མེད་ཅེས་གོ་སྟོད་སྟོང་པ་དང༌། ཨ་མ་མེད་ཅེས་གོ་སྨད་སྟོང་པར་ལུས་མི་ཡོང༌། |
| ཨ་ཕ་རྒྱ་བོ |
ཡུལ ནས་ཀྱི་བྱེ་བྲག་ཅིག |
| ཨ་ཕིམ |
རྒྱ སྔོ་སྨན་ཞིག་སྐྱུག་བཤལ་དང༌། གཟེར་འཇགས། གློ་འགོག་པ་བཅས་ལ་ཕན་ཞིང༌། དུག་རྫས་ཤིག་ཀྱང་ཡིན། |
| ཨ་ཕིམ་སྐྱ་གོག |
ཡུལ མར་མེད་པར་ཕྱུར་བ་ཆུར་བརྫིས་པའི་ཐུད། |
| ཨ་ཕོ |
ཡུལ ཕོ་རྒོད་པོའམ་ཕོ་ཁྱོ་ག། དཀའ་ངལ་ཇི་ཙམ་ཆེ་ན་ཡང༌། ཨ་ཕོ་ང་རང་འཇིགས་མི་དགོས། ཨ་ཕོ་རང་གིས་མ་འཇོན་ན། སྐྱབས་མི་ལ་བཅོལ་བ་ལས་ཀྱི་མཐའ། ཨ་ཕོ་རང་གིས་འཇོན་ན། དགའ་ལྡན་ཁྲི་ལ་བདག་པོ་མེད། |
| ཨ་ཕོ་ཧོར |
ཨ་པོ་ཧོར་དང་འདྲ། |
| ཨ་ཕྱག་གཟེར་འཇོམས |
སྔོ་སྨན་གྱི་རིགས་ཤིག་སྟེ། རོ་ཁ་ལ་བསྐ། ཞུ་རྗེས་བསིལ། ནུས་པས་མགོ་བོའི་རུས་པ་ཆག་པ་སྦྱོར། རྨའི་ཤའུ་གསོ། ཁྲག་རླུང་གིས་སྟོད་གཟེར་འཇོམས། ཆུ་སེར་སྐེམ། མིང་གི་རྣམ་གྲངས་ལ་གནོད་སྦྱིན་མིག་དང༌། སྤང་གི་གུར་གུམ། མིང་ཅན་སེར་ཆུང༌། མེ་ཏོག་གུར་གུམ། རང་འཐག་མགོ། ལུག་མིག་སེར་པོ། ལྷ་ཁང་གུར་གུམ། ཨ་བྱག་གུར་གུམ་བཅས་སོ། |
| ཨ་ཕྱི |
ཨ་ཕྱི་མའི་བསྡུས་ཚིག 2. མེས་མོའི་འབོད་མིང་ |
| ཨ་ཕྱི་མ |
1 ཕ་དང་མའི་ཨ་མ། མིང་གི་རྣམ་གྲངས་ལ་ཕྱི་མོ་དང༌། མ་ཡི་མ། ཨ་ཕྱི་བཅས་སོ། 2 འབྲི་གུང་པའི་སྲུང་མ་ཞིག |
| ཨ་ཕྱུག་ཚག་པ |
ཡུལ འབུ་ཆ་ག་པ། |
| ཨ་ཕྲག |
ཨམ་ཕྲག་གི་འབྲི་ཚུལ་གཞན |
| ཨ་ཕྲུག |
1 བུ་ཕྲུག 2 རྒྱུག་ཁྱིའམ། དགོས་ངེས་སྐབས་བསྐུལ་རྒྱུའི་གཡོག་པོ།… |
| ཨ་ཕྲུམ |
ཡུལ ཕྲུམ་རུས། |
| ཨ་ཕྲེང |
དབྱངས་ཡིག ཨ་ཕྲེང་ཀ་ཕྲེང༌། |
| ཨ་བ |
ལེགས ཨ་ནས་བ་བར་སོ་སོར་བསྡུ་བའི་ཡི་གེ་སྟེ་ལེགས་སྦྱར་སྐད་ཀྱི་དབྱངས་དང་སྒྲ་ལྡན་སྤྱིའི་མིང༌། ཨ་བ ཨ་བ ཨ་ཨི་ཨུ་རྀ་ལྀ་ཨེ་ཨཻ་ཨོཾ་ཨཽ་ཧ་ཡ་ཝ་ར་ལ་ཉ་ཎ་ན་ང་མ་ཛྷ་ཌྷ་དྷ་གྷ་བྷ་ཛ་ཌ་ད་ག་བ་ |
| ཨ་བ་གླང་མགོ |
གཤིན་རྗེའི་ལས་མཁན། |
| ཨ་བ་དྷཱུ་ཏཱི |
ལེགས 1 ལེན་པ་དང༌། འཇིགས་པ། ངོ་ཚ་བ། སྤངས་པ་བཅས་ལ་འཇུག་ཅིང༌། སྐབས་འདིར་ཀུན་སྤངས་ལ་གོ་བ། 2 འཆི་བ་སྲེག་བྱེད་དེ། ལུས་ཀྱི་རླུང་ཁམས་ཀྱི་རྟེན་བྱེད་པའི་རྩ་དབུ་མའི་མིང་གི་རྣམ་གྲངས་ཤིག |
| ཨ་བ་བྷྲཾ་ཤ |
ལེགས ཡུལ་མི་བྱིངས་ཀྱི་སྐད་ལས་ཟུར་ཆག་པའམ་ཉམས་པའི་སྐད་དེ་རྒྱ་གར་གྱི་སྐད་རིགས་ཆེན་པོ་བཞིའི་ནང་གསེས་ཤིག |
| ཨ་བ་རི |
མཐོང་ཆུང་གི་སྙིང་རེ་རྗེ། མི་ཁྱོད་འདྲའི་རྒོད་མདོག་ཨ་བ་རི། |
| ཨ་བ་ལོ་ཀི་ཏཿ |
ལེགས སྤྱན་རས་གཟིགས། |
| ཨ་བང |
ཨ་ནེའི་ཁྱོ་བོའི་འབོད་མིང་སྟེ འདི་ལ་བང་པོ་ཡང་ཟེར |
| ཨ་བར |
སྨན་ཨ་རུ་དང་བ་རུ་རའི་བསྡུས་ཚིག |
| ཨ་བར་སྐྱུར་གསུམ |
སྨན་ཨ་རུ་ར་དང༌། བ་རུ་ར། སྐྱུ་རུ་ར་གསུམ་གྱི་བསྡུས་ཚིག |
| ཨ་བརྟན |
1 བརྟན་བརྟན་ཡིན་པ། 2 སྐར་མ་བརྟན་པ། |
| ཨ་བོ |
ཡུལ 1 ཁྱོ་གའམ་མི་སྐྱ། 2 བདག་གམ་ང་རང༌། ཨ་བོའི་བཀོད་པ་ཁོག་ན་ཡོད།…3. ཡུལ་ལ་ལར་ཕུ་བོ་དང་དོན་འདྲ། |
| ཨ་བོ་ཙི |
(རྒྱན་ཚིག) ཡུལ་སྐད་ལ་ལར་སླ་བ་དང་སྐྱོན་མེད་པ གལ་ཆེན་མིན་པ་སོགས་ཀྱི་དོན |
| ཨ་བྱག |
ཨ་བྱག་གཟེར་འཇོམས་དང་ཨ་བྱག་ཚེར་སྔོན་གྱི་སྤྱི་མིང༌། ཨ་ཕྱག་ཀྱང་སྣང༌། |
| ཨ་བྱག་གཟེར་འཇོམས |
སྔོ་ཞིག |
| ཨ་བྱག་གཟེར་འཇོམས |
སྡོང་བུ་ཁྲུ་གང་དོ་སྐྱེ་ཞིང་ལོ་མ་ཉག་ཆེན་མེ་ཏོག་འདབ་མ་སེར་བོ་ཁུར་མོང་གི་མེ་ཏོག་དང་འདྲ |
| ཨ་བྱག་ཚེར་སྔོན |
སྔོ་སྨན་གྱི་ནང་ཚན་ལོ་སྡོང་ཚེར་མ་ཅན་མེ་ཏོག་སྔོན་པོ་འཆར་བ་ཞིག་སྟེ། རོ་ཁ། ཞུ་རྗེས་བསིལ། ནུས་པས་རུས་ཚད་དང༌། རུས་པ་གས་ཆག་ཤོར་བ། ལུས་སྟོད་དང་རྩིབ་ལོགས་གཟེར་བ་སོགས་ལ་ཕན། མིང་གི་རྣམ་གྲངས་ལ་སྔོན་པོ་དར་ཡ་ཀན་དང༌། སྔོན་པོ་བདེ་སྐྱེད། ཆུ་འབྱིན་རྒྱལ་མོ། མའ་གཞུ་ཅན། ཚེར་མ་དར་བཏུམ། ཟུག་རྔུ་འདྲེན་བྱེད། ཨ་ཙ་རའི་རློག་འབྲས་བཅས་སོ། |
| ཨ་བྱག་ཚེར་སྔོན |
རྫ་རི་མཐོན་པོར་སྐྱེ་བའི་རྩྭ་ལྡུམ་སྡོང་བུ་ལ་ཚེར་མ་འདྲ་བའི་བ་སྤུས་ཁྱབ་ཅིང་ མེ་ཏོག་སྔོན་པོ་རྒྱ་མེན་གྱི་མེ་ཏོག་ལྟ་བུ་བཞད་པ་ཞིག་ཡིན |
| ཨ་བྲ |
ཨབ་ར་དང་དོན་གཅིག་ |
| ཨ་བྲས |
རྩྭ་ཐང་ལ་གཏོར་བརླག་ཆེན་པོ་བྱེད་པའི་བྲ་རིགས་གནོད་པ་ཅན་ཞིག་ཡིན། བྲ་བོ་ཞེས་པའི་ཚིག་བསྡུས་པ། ０བྲ་མ་ཞེས་པའི་ཚིགས་བསྡུས་པ། |
| ཨ་བྷི་དྷརྨ |
ལེགས ཆོས་མངོན་པ། |
| ཨ་བྷི་དྷརྨ་ཀོ་ཥཱ་ཀཱ་རི་ཀཱ |
ལེགས བོད་སྐད་དུ་ཆོས་མངོན་པའི་མཛོད་ཀྱི་ཚིག་ལེའུར་བྱས་པ། རྒྱ་གར་གྱི་སློབ་དཔོན་དབྱིག་གཉེན་གྱིས་མཛད་པ། |
| ཨ་བྷི་ཥ |
ལེགས དུག་མེད་ཅེས་པ་སྔོ་སྨན་གྱི་རིགས་ཤིག་སྟེ། རོ་མངར། ཞུ་རྗེས་བསིལ། ནུས་པས་མགོ་བོའི་རུས་པ་ཆག་པ་དང༌། དུག་ཚད་སེལ། |
| ཨ་མ |
1 ལུས་སྐྱེད་བྱེད་ཀྱི་མ། དྲིན་ཅན་ཨ་མ། ཨ་མ་འབོད་ལོང་མེད་པ། ཨ་མ་མ་གཏོགས་མི་མི་ཤེས། ཐབ་ཀ་མ་གཏོགས་ས་མི་ཤེས། 2 ཁྱིམ་འཛིན་བུད་མེད་རྒན་པ། ཨ་མ་རྒད་མོ། 3 མངོན ཡུངས་ཀར་གྱི་འབྲས་བུ།…4. ཡུལ་སྐད་ལ་ལར་ཧ་ལས་པའམ་ངོ་མཚར་བའི་སྒྲ |
| ཨ་མ་ན་སེ |
ལེགས ཡིད་ལ་མི་བྱེད་པ། |
| ཨ་མ་ཚད་རྡོ |
བོད་ཀྱི་ཞིང་གའི་དཀྱིལ་རྟགས་སུ་འཛུགས་པའི་རྡོ། |
| ཨ་མ་ལེ་ཧོ |
ཡུལ དགའ་བའི་གཞས་ཚིག་ཅིག་ |
| ཨ་མཆོག |
རྣ་བ། ཨ་མཆོག་རྒྱབ་ཀྱི་ལྷགས་པ། ཨ་མཆོག་བཀོག་ནས་རྐུབ་ཀྱི་ལྷན་པ། རི་མགོ་ཐམས་ཅད་མིག་དང༌། རྩིག་ཁུག་ཐམས་ཅད་ཨ་མཆོག་རེད། |
| ཨ་མཆོག་ལྟེབ་ཚིགས |
ཡུལ རེ་བ་ཟད་པའི་དཔེ། འགྲུབ་ཐབས་མེད་པས་ཨ་མཆོག་ལྟེབ་ཚིགས་བརྒྱབ་སྟེ་སྡོད་པ་ལས་འོས་མེད། |
| ཨ་མཆོད |
གྲོང་པའི་རིམ་གྲོ་བྱེད་མཁན་གྲྭ་བཙུན་དཀྱུས་མ། ཨ་མཆོད་ཡོན་ཏན་ཕད་གོག་གང༌། ཕད་གོག་ལུས་ན་ཡོན་ཏན་ལུས། |
| ཨ་མདོ |
1 ས་ཁུལ་ཞིག་བ་ཡན་ཧ་རའི་ཤར་ངོས་རི་བོ་ཆེན་པོ་ཨ་ཆེན་གངས་རྒྱབ་དང་མདོ་ལ་གཉིས་ཀྱི་མིང་གཅིག་ཏུ་བསྡོམས་པའི་མན་ཆད་ལ་ཨ་མདོ་ཟེར་བའི་བཤད་སྲོལ་གཅིག་དང༌། མདོ་ཞེས་པའི་མིང་འདིའི་སྔོན་འཇུག་མ་ཡིག་གསལ་པོར་ཀློག་དུས་ཨ་སྒྲ་ཞིག་རང་བཞིན་གྱིས་བྱུང་བས་ཨ་མདོ་ཟེར་བའི་བཤད་སྲོལ་ཡང་འདུག་མཚོ་སྔོན་ཞིང་ཆེན་དང༌། ཀན་སུའུ་ཞིང་ཆེན་གྱི་ལྷོ་རྒྱུད། སི་ཁྲོན་ཞིང་ཆེན་གྱི་ནུབ་བྱང་རྒྱུད་བཅས་བོད་རིགས་ཀྱི་ས་ཆར་ཟེར། མདོ མ ཨ མདོ ཨ་མདོ 2 རྫོང་ཞིག་བོད་རང་སྐྱོང་ལྗོངས་ཀྱི་གྲོང་ཁྱེར་ལྷ་སའི་བྱང་ངོས་སུ་ཡོད། རྫོང་མི་དམངས་སྲིད་གཞུང་དེ་བྲག་ནག་ཏུ་ཡོད། |
| ཨ་མདོ་མགོ་རིལ |
ཡུལ ཨ་མདོ་ཕྱོགས་ནས་ཁྱེར་ཡོང་བའི་ཁབ་ཅིག་གི་མིང༌། |
| ཨ་མདོའི་ཆས |
ཨ་མདོའི་ཆས་གོས་སམ་གྱོན་ལུགས། |
| ཨ་མཚར་པོ |
1 ཡ་མཚན་པོའམ། ངོ་མཚར་པོ། འཕྲུལ་ཆས་ཨ་མཚར་པོ། 2 ཁྱད་མཚར་པོ། ས་བོན་མ་བཏབ་པར་མྱུ་གུ་སྐྱེ་བ་དེ་ཨ་མཚར་པོ། |
| ཨ་མའི་བུ |
མི་གོ་ཆོད་དམ། ཕོ་ཁྱོ་ག། |
| ཨ་མའི་ཨོ་ལོ |
མི་གོ་ཆོད་དམ། ཕོ་ཁྱོ་ག། |
| ཨ་མའོ |
ཡུལ 1 གདུང་བའི་འབོད་སྒྲ། ཨ་མའོ་ང་རབ་ཏུ་ཕམ། ཤིན་ཏུ་ཕམ་མོ། 2 འཇིགས་སྐྲག་གི་ཚིག ཨ་མའོ་ང་རེ་འཇིགས། ཅི་རང་དྲག |
| ཨ་མི་ཏཱ་བྷ |
ལེགས འོད་དཔག་མེད། |
| ཨ་མི་དེ་བ |
ཨ་མི་ཏཱ་བྷ་དང་འདྲ། |
| ཨ་མེས |
1 སྤོ་བོའམ་མེས་པོ། རང་གི་ཕ་ཡི་ཕ་དང་དེ་དང་མི་རབས་མཚུངས་པའི་ཕོའི་འབོད་མིང་། མེས་པོའི་འབོད་མིང་། 2 ཇོ་བོ་རྗེའི་སློབ་མ་གཙང་པ་ཡིན་པ་དེའི་མིང་ཆ་ཚང་ལ་ཨ་མེས་བྱང་ཆུབ་འབྱུང་གནས་ཟེར། |
| ཨ་མོ་ནིག |
1 རྡོ་ཤོ་ཕོ་རོག་གམ། ཕུལ་རྡོ་སྟེ་རྡོ་ནག་གྲུ་བཞི་ཞིག་གི་མིང༌། མང་ཆེ་བ་ལྷོ་བྲག་ནས་ཐོན་ཞིང༌། ཁ་རྒྱུན་དུ་ལྷའི་གནས་སུམ་ཅུ་རྩ་གསུམ་གྱི་ལྷའི་རྡོ་ཡིན་པར་བཤད། 2 གདན་ཁྲ་བོ་རིང་པོ། |
| ཨ་མྱེ |
ཡུལ ཕའི་ཕ་དང༌། མའི་ཕ། |
| ཨ་མྱེ་དཀར་ལྡང |
རི་བོ་ཞིག་མཚོ་སྔོན་ཞིང་ཆེན་ཁོངས་རྨ་ལྷོ་བོད་རིགས་རང་སྐྱོང་ཁུལ་གྱི་རྩེ་ཁོག་རྫོང་ཁོངས་སུ་ཡོད། |
| ཨ་མྱེས་རི་ཆེན |
རི་བོ་ཞིག་མཚོ་སྔོན་ཞིང་ཆེན་ཁོངས་རྨ་ལྷོ་བོད་རིགས་རང་སྐྱོང་ཁུལ་གྱི་ཐུང་རིན་རྫོང་ཁོངས་སུ་ཡོད། |
| ཨ་མྱེས་རྨ་ཆེན |
1 གངས་རི་ཞིག་རྨ་རྒྱལ་སྦོམ་ར་དང་རྨ་རྒྱལ་གངས་རིའང་ཟེར། མཚོ་སྔོན་ཞིང་ཆེན་གྱི་ཤར་ལྷོ་རྒྱུད་དུ་ཡོད། དེའི་མཐོ་ཚད་རྒྱ་མཚོ་ངོས་ལས་སྨི་6282 ཡོད། 2 མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་གྱི་སར་གནས་པའི་གཞི་བདག་ཆེན་པོ་ཞིག |
| ཨ་མྱེས་རྨ་ཆེན་གངས་ཀྱི་རི་བོའི་དཀར་ཆག |
བོད་སྲིད་པ་ཆགས་པའི་ལྷ་དགུའི་ཡ་གྱལ་དུ་གྲགས་པའི་ཨ་མྱེས་རྨ་རྒྱལ་ཞེས་པའི་གཞི་བདག་གཉན་པོའི་ལོ་རྒྱུས་ཀྱི་དཀར་ཆག |
| ཨ་མྲ |
1 ཤིང་སྡོང་ཨ་མྲའམ། དེའི་ཤིང་ཐོག་སྟེ། བསེ་ཡབ་ཀྱི་བཟོ་ལྟ་ནང་བཞིན་ཡིན་ཞིང༌། ཐོག་མཐའ་བར་གསུམ་དུ་ཁ་དོག་འདྲ་འདྲ་ཡིན་པས་སྨིན་པ་ཡིན་མིན་ཤེས་དཀའ་བ་ཞིག མིང་གི་རྣམ་གྲངས་ལ་རྐང་དྲུག་ཚེས་དང༌། མངོན་འདོད། དཔྱིད་ཀྱི་ཤིང༌། བུད་མེད་དགའ། སྦྲང་རྩིའི་ཕོ་ཉ། རོ་ལྡན་བཅས་སོ། 2 འབྲས་ཤིང་གི་བྱེ་བྲག་ཅིག 3. རྒྱ་སྐད་དུ་མང་ཀོ་ཟེར་བའི་ཤིང་ཏོག་དེའི་མིང་ རྒྱ་སྐད་དུ་ཧྲི་ཙི་ཟེར་བའི་ཤིང་ཏོག་ལ་ངོས་འཛིན་པའང་ཡོད |
| ཨ་མྲ་མཆོག |
ཨ་མྲའི་ཤིང་ཡག་ཤོས་སམ། དེའི་ཤིང་ཏོག་ཡག་ཤོས། མིང་གི་རྣམ་གྲངས་ལ་བཅུད་བཟང་དང༌། དཔྱིད་ཀའི་གཉེན་ནོ། |
| ཨ་མྲའི་འཁུར་བ |
ཤིང་ཐོག་ཨ་མྲ་ལས་བཟོས་པའི་བཅའ་བ། |
| ཨ་མྲྀ་ཏ |
ལེགས 1 འཆི་བ་མེད་པ། 2 བདུད་རྩི། |
| ཨ་ཙ་མ |
རྙིང ཕངས་པོ་བྱེད་པའི་ཚིག་གམ། སྙིང་རྗེའི་ཉམས། ཨ་ཙ་མ། དེ་མི་ལེགས་པ་ཞིག་བྱས་སོང༌། |
| ཨ་ཙ་ཙ |
ཨ་ཚ་ཚ་དང་འདྲ། |
| ཨ་ཙ་ར |
ལེགས 1 སློབ་གཉེར་བ། 2 རྒྱ་གར་གྱི་སྔགས་མཁན་རྣལ་འབྱོར་པ། 3 བཞད་གད་སློང་མཁན། |
| ཨ་ཙ་ར་གླང་ཁྲིད |
སྔར་བོད་ཀྱི་དགོན་པ་ཁག་གི་འདུ་ཁང་གི་སྒོ་མཆོར་དང༌། སྐུ་དྲག་གམ་བླ་མའི་གཟིམས་ཤག་ཚོམས་ཆེན་རྣམས་ཀྱི་ལྡེབས་སུ་ཨ་ཙ་རའི་རྣམ་པ་ཅན་གྱི་ནོར་ལྷས་གླང་ཆེན་ནོར་བུས་བཀང་བ་ཞིག་ཁྲིད་པའི་རི་མོ་འབྲི་སྲོལ་ཡོད། ཨ་ཙ་ར་ནི་ཚོགས་བདག་གླང་སྣའི་སྤྲུལ་པ་ཡིན་ལ། གླང་ཆེན་ནི་དེའི་བཞོན་པ་ཡིན་པར་བཤད་ཅིང༌། ལོངས་སྤྱོད་ཕུན་སུམ་ཚོགས་པ་འབྱུང་བའི་རྟེན་འབྲེལ་གྱི་ཆེད་དུ་བྲིས་པའི་ལྡེབས་རིས་ཤིག |
| ཨ་ཙི |
1 ཧ་ལས་པ་དང༌། ཡ་མཚན་སྐྱེ་བ། འཇིགས་དངངས་སྐྱེ་བ་སོགས་བརྗོད་པའི་ཚིག ཨ་ཙི། དེ་འདྲ་ཁྱད་མཚར། ཨ་ཙི། དེ་འདྲ་མ་བྱེད། ཨ་ཙི། ཕྱགས་ཕེབས་གནང་བྱུང༌། 2 ཀུ་རེ་ཡིན་པར་སྟོན་པའི་ཚིག ཨ་ཙི། རྩེད་མོ་ཡིན།…2. ཧ་ལས་པའི་སྒྲ་སྟེ ཨ་ཙེ་ཞེས་འབྲི་བའང་ཡོད |
| ཨ་ཙི་ཙི |
ཨ་ཙི་དང་འདྲ། |
| ཨ་ཙུག |
ཡུལ ཐེ་ཚོམ་དང༌། དྲི་བའི་ཚིག སྐྱིད་སྡུག་ལེགས་ཉེས་ཨ་ཙུག་ཡོང༌། ལས་ཀ་འདི་འདྲ་བྱས་ན་ཨ་ཙུག |
| ཨ་ཙེ |
ཨ་ཙི་དང་འདྲ། |
| ཨ་ཚ |
ན་ཟུག་ལྡང་བའི་སྒྲ། ཁ་འོ་མས་བསྲེགས་ཀྱང་ཨ་ཚ་མི་ཟེར། བུ་ཕ་མས་བརྡུངས་ཀྱང་བསམ་པ་མི་སྡུག |
| ཨ་ཚ་ཚ |
ཚ་རེག་མ་བཟོད་པའི་སྡུག་སྐད། ཨ་ཚ་ཚ། རྨ་ཁ་ལ་ཚ་རེག་གི་ཟུག་རྔུ་ཚབས་ཆེན་ལྡང་བྱུང༌། མེས་ཚིག་ནས་ཨ་ཚ་ཚ་ཟེར། |
| ཨ་ཚག་ཚག་པ |
ཡུལ འབུ་ཆ་ག་པ། |
| ཨ་ཝ |
1 སྒོ་འབྱེད་དེ་སྔོ་སྨན་གྱི་རིགས་ཤིག་རོ་ཁ། ཞུ་རྗེས་བསིལ། ནུས་པས་མིག་ནད་དང༌། དུག་ནད་སེལ། བྱང་ཁོག་གི་རྨའི་རྣག་ཆུ་སྐེམ། 2 སྔོ་སྨན་ཀོ་ཤ། 3 ཡུལ སྔར་བོད་ཀྱི་མི་དྲག་ཚོའི་ཕྲུ་གུའི་ཞེ་སའི་མིང༌། ཨ་ཝ་འཁོར་བ། ཨ་ཝ་སྲས། ཨ་ཝ་སྲས་མོ། |
| ཨ་ཝ་དྷཱུ་ཏི |
ལེགས རྩ་དབུ་མ། ལུས་རྩའི་གཙོ་གསུམ་གྱི་ཡ་གྱལ་ཞིག |
| ཨ་ཝརྟ |
རླུང་ནད་རིགས་ཀྱི་དབྱེ་བ་ཉི་ཤུའི་ནང་ཚན་ལུས་རྒུར་ཞིང་འཁུན་པ་འདོན་ལ་དབུགས་འབྱིན་དཀའ་བ་ཞིག |
| ཨ་ཞང |
མའི་མིང་པོ་རྒན་གཞོན། |
| ཨ་ཞང་ཚ་བོ |
ཞང་པོ་དང་ཚ་བོ། |
| ཨ་ཞི་ལ |
རྔ་བ་བོད་རིགས་རང་སྐྱོང་ཁུལ་གྱི་ཁོངས་རྔ་བ་རྫོང་གི་ལ་ཞིག |
| ཨ་ཞེ |
ཡུལ ཁྱིམ་བདག་མོ། |
| ཨ་ཟིང་སྟག་སེང |
སྔར་ལྷ་ལྡན་སྨོན་ལམ་ཆེན་མོའི་བྱམས་པ་གདན་འདྲེན་གྱི་ཞོགས་པ་ལྷ་སའི་བར་སྐོར་དུ་འཁུར་ཡོང་བའི་སྟག་དང་སེང་གེའི་གསོབ་ཆེན་ཞིག་ཡོད་པ་དེའི་མིང༌། |
| ཨ་འཇོག |
ཡུལ རྟ་སྒའི་སྟེང་གི་གདན། |
| ཨ་འཐས |
ཨུ་ཚུགས་ཏེ་སྲ་འཐས་ཀྱི་རང་བཞིན་དུ་འཛིན་པའམ་བདེན་པར་ཞེན་པ། ལག་རྩལ་ཨ་འཐས་ཀྱིས་བསླབ་པ། རང་ལུགས་ཨ་འཐས་ཨུ་ཚུགས་ཀྱིས་དམ་པོར་འཛིན་པ།...(རྒྱན་ཚིག) ཡིད་ལ་རྟག་པར་ཤར་ཞིང་བདེན་པར་འཛིན་པའི་དོན་ཏེ སེམས་ཀྱི་སྣང་བ་ཨ་འཐས་པ ལྟ་ཚུལ་ཨ་འཐས་པ་ཞེས་པ་ལྟ་བུ |
| ཨ་འབྲས |
ཤིང་སྨན་གྱི་རིགས་ཤིག་སྟེ། རོ་ཚ་ལ་ཁ་ཞིང་བསྐ་བ། ཞུ་རྗེས་དྲོད། ནུས་པས་མཁལ་མའི་གྲང་བ་སེལ། |
| ཨ་འུ་ཙི |
ཨའུ་ཙི་དང་འདྲ། |
| ཨ་འོ |
ཡུལ ཐེ་ཚོམ་གྱི་ཚིག ཨ་འོ་ག་འདྲ་ཡིན་ནམ། |
| ཨ་ཡ |
འགྱོད་པའམ། ཡི་ཐང་ཆད་པའི་ཚིག ཨ་ཡ་ང་ཅི་དྲག ཨ་ཡ་ང་རེ་འགྱོད། ཨ་ཡ་ང་རེ་གནོང༌། ཨ་ཡ་ང་རེ་ངལ། |
| ཨ་ཡས |
ཡུལ ཨ་ཕྱི། |
| ཨ་ཡི་ལ |
ལ་ཞིག་བོད་རང་སྐྱོང་ལྗོངས་ཀྱི་སྒར་རྫོང་གི་ནུབ་རྒྱུད་ན་ཡོད། |
| ཨ་ཡི་ལ་རི་རྒྱུད |
རི་རྒྱུད་ཅིག་བོད་རང་སྐྱོང་ལྗོངས་ཀྱི་སྟོད་མངའ་རིས་ཀྱི་རྩ་མདའ་རྫོང་དང་སྒར་རྫོང་གི་མཚམས་སུ་ཡོད་ཅིང༌། སེང་གེ་གཙང་པོ་དང་གླང་ཆེན་གཙང་པོ་གཉིས་ཀྱི་མཚམས་འབྱེད་རི་བོ་ཡིན། |
| ཨ་ཡུ |
གནག་ཕྱུགས་དང་ར་ལུག་ལ་རྭ་ཅོ་མེད་པའི་ཡུ་བོ་ཡུ་མོ་སྤྱིའི་མིང༌།…2. ཁུ་ཡུ་ཡི་མིང་གཞན |
| ཨ་ཡུ་མ |
རྭ་ཅོ་མེད་པའི་གནག་ཕྱུགས་དང་ར་ལུག |
| ཨ་ཡུ་ཥེ |
ལེགས ཚེ། |
| ཨ་ཡུར |
ལེགས ཚེ། |
| ཨ་ཡོ |
ངལ་བའམ་བློ་མི་བདེ་བའི་ཚིག |
| ཨ་ཡོད་ད་ཡོད |
ཡུལ ཡག་ཤོས་སམ་སྙིང་པོ། ཨ་ཡོད་ནང་གི་ད་ཡོད། སྒོ་ངའི་ནང་གི་སེར་ཐིག |
| ཨ་ར |
1 ཨ་ར་ར་དང་འདྲ། 2 ཁའི་སྨ་ར། ཨ་ར་དཀར་པོ། ཕུ་ཕར་བརྒྱབ་པས་ཨ་ར་ཚུར་ལངས། 2. འཇིགས་པ་ལས་བསྐྱབ་པར་ཞུ་བའི་འོ་དོད་ཀྱི་སྒྲ། |
| ཨ་ར་བ |
བོད་ཀྱི་ཟློས་གར་འཁྲབ་མཁན་གྱི་བྱེ་བྲག་ཅིག |
| ཨ་ར་ར |
1 ལུས་ན་ཚ་བྱུང་ནས་སྐད་ཤོར་བའི་ཚིག རྐང་པ་ན་བྱུང་ཨ་ར་ར། མགོ་བོ་བརྡབས་བྱུང་ཨ་ར་ར། 2 ཁའི་སྨ་ར། |
| ཨ་ར་ཨུ་རུ |
ནད་མི་བཟོད་པའི་སྒྲ། ཨ་ར་ཨུ་རུའི་སྐད་དེ་སེམས་ཀྱི་གཅོང༌། |
| ཨ་རག |
མྱོས་བྱེད་ཀྱི་བཏུང་བའི་བྱེ་བྲག…2. རླངས་ཆུ་ལས་ཐོན་པའི་ཆང་གི་རིགས་ལ་ཡུལ་ལ་ལར་ཨ་རག་ཟེར |
| ཨ་རང |
ཡུལ ཐེ་ཚོམ་གྱི་ཚིག འདི་འདྲ་ཞང་པོའི་བློ་ལ་ཨ་རང་ཤོང༌། |
| ཨ་རང་ད་རང |
དངོས་གནས་དང༌། ངོ་མའམ། ངོ་ཐོག དབྱར་ཨ་རང་ད་རང་གི་ཉི་མ་ཚ་པོ། རྒན་རྒོན་ཨ་རང་ད་རང་གི་ན་ཚོད་སླེབས་དུས། |
| ཨ་རིག |
ཨ་མདོ་ས་ཁུལ་གྱི་ཚོ་བ་ཞིག་གི་མིང་ |
| ཨ་རིལ |
རླིག་འབྲས་ཀྱི་མིང་གཞན |
| ཨ་རུ |
1 འབྲོང་གི་རྭ་ལས་བཟོས་པའི་ར་ལུག་གི་འོ་མ་འཇོ་སྣོད་ཧོར་བྱང་ལུགས། 2 སྨན་གྱི་བྱེ་བྲག་ཅིག ཨ་རུ་ཆུང་ཡང་བཟང་དྲུག་མེ་ཏོག་ཆུང་ཡང་མཆོད་རྫས། |
| ཨ་རུ་གསེར་མདོག |
ཨ་རུ་ར་སྤྱི་དང༌། ཁྱད་པར་དུ་འཕེལ་བྱེད་ཟླུམ་པོའི་མིང་གི་རྣམ་གྲངས་ཤིག |
| ཨ་རུ་ནག་ཆུང |
ཨ་རུ་འཇིགས་མེད་ཟུར་ལྔའི་རིགས་ཤིག…2. རྒྱ་སྐད་དུ་ཆིན་གོ་ཟེར་བའི་འབྲུ་སྨན་ཞིག་ཡིན |
| ཨ་རུ་བདུད་རྩི་ཤ་མཐུག |
ཨ་རུ་ཤ་ཆེན་གྱི་མིང་གི་རྣམ་གྲངས་ཤིག |
| ཨ་རུ་མཆུ་སྨྱུང |
སྨན་ཨ་རུ་ར་མཆུ་རྣོན་པོ་ཅན། |
| ཨ་རུ་འཇིགས་མེད |
ཨ་རུ་རིགས་ལྔའི་ཡ་གྱལ་ཞིག་སྟེ། རོ་བསྐ་ལ། ཚ་ཞིང་ཁ་བ། ནུས་པས་གདོན་ནད་དང་ཁྱད་པར་དུ་མིག་ལ་ཕན། |
| ཨ་རུ་འཕེལ་བྱེད |
ཨ་རུ་རིགས་ལྔའི་ཡ་གྱལ་ཞིག་སྟེ། རོ་བསྐ་ལ། བག་ཙམ་མངར་བ། ནུས་པས་རྨ་འདྲུབ་པ་དང༌། ལུས་བརྟས་པར་བྱེད། |
| ཨ་རུ་ར |
ཧརཱིཏཀཱི ཤིང་སྨན་ཞིག མིང་གི་རྣམ་གྲངས་ལ་བརྒྱ་བྱིན་སྤོས་དང༌། བཅུད་ལེན། འཇིགས་མེད། བདུད་རྩི་གསེར་ལྡན། ནད་འདོར། ནད་མེད། ཕན་པ་ཅན་བཅས་སོ། |
| ཨ་རུ་རིགས་ལྔ |
ཨ་རུ་རྣམ་རྒྱལ་དང༌། ཨ་རུ་འཇིགས་མེད། ཨ་རུ་ཤ་ཆེན། ཨུ་རུ་འཕེལ་བྱེད། ཨ་རུ་སྐེམ་པོ་སུལ་མང་ལྔའོ། |
| ཨ་རུ་རྣམ་རྒྱལ |
ཨ་རུ་རིགས་ལྔའི་གཙོ་བོ་དང་ཤིན་ཏུ་དཀོན་པ་ནོར་བུ་ལྟ་བུ་ཞིག་སྟེ། རོ་དྲུག་དང་ལྡན་པ། ཞུ་རྗེས་གསུམ་དང༌། ནུས་པ་བརྒྱད་ཚང་བ། ཡོན་ཏན་བཅུ་བདུན་ཡོངས་སུ་རྫོགས་པ། ནད་ཐམས་ཅད་ཀྱི་གཉེན་པོ་བླ་ན་མེད་པ་ཞིག་གོ། |
| ཨ་རུ་ཤ་ཆེན |
ཨ་རུ་རིགས་ལྔའི་ཡ་གྱལ་ཞིག་སྟེ། རོ་བསྐ་ལ། མངར་ཞིང་སྐྱུར། ནུས་པས་ལུས་ཀྱི་ཤ་ཚིལ་རྒྱས་ཤིང་ལུས་སྟོབས་ཉམས་པ་གསོ། |
| ཨ་རུ་ཤིང |
ཤིང་སྨན་ཞིག |
| ཨ་རུ་སྐེམ་པོ་སུལ་མང |
ཨ་རུ་རིགས་ལྔའི་ཡ་གྱལ་ཞིག་སྟེ། རོ་བསྐ་ལ་ཁ། ནུས་པས་བྱིས་པའི་ནད་དང༌། བྱིས་གདོན་བྱ་འདྲེ་ལ་ཕན། མིང་གི་རྣམ་གྲངས་ལ་མཆུ་སྙུང་དང་མཆུ་རིང་ངོ། |
| ཨ་རེ |
1 ཡ་མཚན་པའམ། རེ་བ་བྱེད་པ། གཟུགས་པོ་བདེ་ཐང་བྱུང་ན་ཨ་རེ་སྐྱིད། བུ་ཕ་མ་དང་ཕྲད་ན་ཨ་རེ་དགའ། ས་ཆ་དེ་ཨ་རེ་མཛེས་པོ་ཞིག་འདུག དེ་རིང་གྲོགས་པོ་དང་ཕྲད་པས་ཨ་རེ་དགའ་བ་ཞིག་བྱུང༌། 2 བློས་གཏོང་མི་བྲ་བའམ། གཅེས་པའི་ཚིག དངོས་སྤྱད་འདི་ཨ་རེ་ཕངས་དགོས་པའི་གཅེས་ནོར་ཡིན། 3 ཧ་ཅང་འགྱོད་པའི་ཚིག ནོར་འཁྲུལ་བྱུང་བ་ཨ་རེ་ཕངས། |
| ཨ་རེ་མཚར |
ངོ་མཚར་བའི་སྒྲ་སྟེ ཨ་མཚར་ཡང་ཟེར |
| ཨ་རོ |
ན་ཚ་མི་བཟོད་པའི་གཅོང་སྐད། |
| ཨ་རོག |
འབོད་པའི་སྒྲ |
| ཨ་རོག་ཁྱ |
ནད་མེད་པར་གྱུར་ཅིག |
| ཨ་རོགས |
གྲོགས་པོ། ཨ་རོགས་མདའ་འདྲ་བྱས་ན་མདའ་འདྲ་བྱེད། གཞུ་འདྲ་བྱས་ན་གཞུ་འདྲ་བྱེད། |
| ཨ་རོང |
བོད་ཀྱི་རུས་ཤིག |
| ཨ་རྐ་ཤི |
ལེགས ཉི་མ་ཤིང༌། |
| ཨ་རྩ་མཚོ |
མཚོ་ཞིག་བོད་རང་སྐྱོང་ལྗོངས་ཀྱི་ལྷ་རི་རྫོང་ཁོངས་སུ་ཡོད། |
| ཨ་རྫ་ཀའི་དོག་པ |
1 མེ་ཏོག་ཅིག་སྟེ། མེ་ཏོག་ཉི་དགའི་འདབ་མ་ལ་ངོས་འཛིན་མཁན་ཡང་ཡོད། 2 ལྕམ་པའི་འབྲས་བུ། |
| ཨ་ལ |
ཨ་ལ་ལ་དང་འདྲ། |
| ཨ་ལ་པ་ལ |
དམན་པའམ། ཐེབས་ཆག སྤུས་ཚད་ཨ་ལ་པ་ལ། ཡིག་གཟུགས་ཨ་ལ་པ་ལ། རོ་བཅུད་ཨ་ལ་པ་ལ། ལས་ཀ་བྱེད་སྟངས་ཨ་ལ་པ་ལ། |
| ཨ་ལ་ལ |
ངོ་མཚར་བ་དང༌། དགའ་བའི་ཚིག དུས་ཚིགས་རྟེན་འབྲེལ་མཛད་སྒོ་ཨ་ལ་ལ། ཨ་ལ་ལ། སྐྱེས་གཟུགས་མཛེས་པ་ལྷ་མོ་དང་འདྲ་བ་ལ། |
| ཨ་ལ་ལ་ཧོ |
ཨ་ལ་ལ་དང་འདྲ། |
| ཨ་ལ་ལའོ |
ཨ་ལ་ལ་དང་འདྲ། |
| ཨ་ལ་སྤུ་ཡུག |
ཡུལ ཁྱི་ཤིང་ཚེར་མ་ཅན། |
| ཨ་ལ་ཨོམ་བགླིལ |
ཡུལ གང་ཡོད་ཡོད་གཅིག་ཏུ་བསྡུས་པ། |
| ཨ་ལག་ནོའུར |
སོག མཚོ་སྔོ་རིང༌། |
| ཨ་ལགས |
ཡུལ 1 སྤྲུལ་པའི་སྐུ། 2 གཞན་ལ་གུས་པ་ཞུ་བའི་ཚིག སྤྱང་ཀི་ལག་པ་ཆག་ཀྱང༌། ར་ལ་ཨ་ལགས་མི་ཞུ། |
| ཨ་ལང་ཀ |
སྲིན་བུ་ཨ་ལང་ཀ་ཞེས་སོ་ལ་དུག་ཡོད་པ་རྒྱུ་བའི་དུག་གི་ཁོངས་ཤིག |
| ཨ་ལན |
བོས་པའི་ལན། ཨ་ལན་སློག་པ། ཨ་ལན་འདེབས་པ། སྐད་གསང་པོས་བོས་ནས་ཁོས་ཨ་ལན་འབྱིན་པ་ཐོས་བྱུང༌། |
| ཨ་ལའི |
དྲན་སོས་པའི་ཚིག་ལ་གོ་བའི་ཨ་ལས་དང་འདྲ། |
| ཨ་ལས |
1 མ་འདོད་པའི་ཚིག ཨ་ལས་དེ་འདྲ་བྱས་ན་འགྲིགས་ཀྱི་མ་རེད། 2 དྲན་སོས་པའི་ཚིག ཨ་ལས་དེ་འདྲ་ཡིན་པར་གཞི་ནས་ཧ་གོ་བྱུང༌། |
| ཨ་ལས་ལ་མོ |
གླུ་གཏོང་སྐབས་གླུ་ཚིག་གི་ཚབ། |
| ཨ་ལི |
ཨཱ་ལི་དང་འདྲ། |
| ཨ་ལུ |
ཡུལ བྱིས་པ། ཨ་ལུ་མ་ངུ་དང༌། ཨ་མ་སླེབས་ཡོང༌། |
| ཨ་ལུང |
ཨ་ལོང་གི་འབྲི་ཚུལ་གཞན |
| ཨ་ལེ |
1 འཕྱ་ལས་ཀུ་རེའི་ཚིག་སྟེ་ཕལ་ཆེར་བྱིས་པའི་ངག ལེ ཨ་ལེ་ངོ་རེ་ཚ། ཨ་ལེ་ཁ་སྐྱེངས། ཨ་ལེ་ཞབས་འདྲེན་པ། 2 ཅུང་ཟད་ངང་བསྲིང་བའི་དོན། ལེ ཨ་ལེ་བཞུགས་དང༌། ཨ་ལེ་བཞེས། ཨ་ལེ་སྒུག་རོགས། |
| ཨ་ལོ་ཀྱོག་ལོ |
མི་འདོད་པའི་རྣམ་འགྱུར། ལས་ཀ་གང་བཅོལ་ལ་ཨ་ལོ་ཀྱོག་ལོ་བྱེད་ཀྱི་འདུག |
| ཨ་ལོག |
1 ཕར་ཚུར་འགྲེ་ལྡོག རྟ་དྲེལ་གྱིས་བྱེ་མའི་སྟེང་དུ་ཨ་ལོག་རྒྱག་པ། 2 ཁ་གཏིང་བརྗེ་སྒྱུར། ཉི་མར་བསྐམས་པའི་ཚར་མ་ཨ་ལོག་རྒྱག་པ། འདི་ནི་ལག་པ་ཨ་ལོག་རྒྱག་པ་ལྟ་བུའི་ལས་སླ་པོ་ཞིག་ཡིན། མཚན་མོར་གཉིད་མ་ཁུག་ནས་ཨ་ལོག་ཡང་ཡང་རྒྱག་པ། |
| ཨ་ལོང |
1 འཇུ་སའམ་འཆང་སའི་སྒོར་སྒོར། སྒོའི་ཨ་ལོང༌། ཟངས་ཀྱི་ཨ་ལོང༌། གྲིའི་ཨ་ལོང༌། ཞགས་པའི་ཨ་ལོང༌། 2 རྣ་རྒྱན། གསེར་གྱི་ཨ་ལོང༌། 3 ཡུལ གསེར་དངུལ་གྱི་སོར་རྒྱན་རིན་ཆེན་གྱི་ཕྲ་ཅན། |
| ཨ་ལོང་ཁ་ཟ |
རྐུབ་དང་བཤང་ལམ། |
| ཨ་ལོང་མེ་ལོང |
བདེ་ཞིང་སྙོམ་ལ་མཐའ་ཡངས་པའི་དོན་ཏེ ཐང་ཨ་ལོང་མེ་ལོང་ཞེས་པ་ལྟ་བུ |
| ཨ་ལོང་འཕྲུལ་རྩེད |
ཨ་ལོང་གནམ་དུ་འཕངས་པ་དབྱུག་པའི་རྩེར་འཁོར་ཏེ་མར་མི་ལྷུང་བ་སོགས་ཀྱི་འཕྲུལ་རྩལ་སྣ་ཚོགས་བྱེད་པའི་རྩེད་མོ། |
| ཨ་ལོང་ཡང་ལོང |
1 ཨ་ལོང་དུ་སླར་ཡང་ཨ་ལོང་བརྒྱུས་པའི་དབྱིབས་དང་རྣམ་པ། ལྕགས་ཐག་ཅིག་ཨ་ལོང་ཡང་ལོང་དུ་བརྒྱུས་པ། 2 བསྐྱར་ཟློས་བྱེད་པ། ཚིག་གཅིག་གཏམ་གཅིག་ཨ་ལོང་ཡང་ལོང་བྱས་ནས་བཤད་པ། |
| ཨ་ལོང་སྒོར་མོ |
1 གསེར་དངུལ་རག་སོགས་ཀྱིས་བཟོས་པའི་རྣ་རྒྱན་ཟླུམ་པོ། 2 ཟངས་ལྕགས་སོགས་ལས་བཟོས་པའི་ཐག་ལུང་རྒྱུད་བྱེད་སྒོར་སྒོར། |
| ཨ་ལོངས |
མུ་ཁྱུད་ཟླུམ་པོའི་མིང་སྟེ ལྕགས་ཀྱི་ཨ་ལོང་ ཤིང་གི་ཨ་ལོང་ཞེས་པ་ལྟ་བུ |
| ཨ་ལྕི |
རྙིང ཕའི་མ། |
| ཨ་ལྕོག |
ཡུལ རྣ་བ། ཨམ་ཅོག་ལའང་སྣང༌། |
| ཨ་ཤག |
ཡུལ གྲོགས་པོ། |
| ཨ་ཤད |
1. བོད་ཡིག་གི་ཚིག་མགོ་མཚོན་པའི་རྟགས་༄༅། འདིའི་མིང་སྟེ། དབུ་ཁྱུད་ཀྱང་ཟེར། 2. ཝརྟུ་ཡི་གེའི་ཨ་ཐུང་གི་དོད་བོད་ཡིག་གི་ཆིག་ཤད་རིང་པོ་ལྟ་བུ། ཨ 2 ཨ་ཐུང་ཤད་ཀྱི་རྣམ་པ་ཅན། ཨ |
| ཨ་ཤིང |
ཡུལ སྒོ་གནོན་བྱེད་གཏན་ཤིང་དང་འཁོར་གཏན་དང་འཕྲེད་གཏན་སོགས། |
| ཨ་ཤུ |
མེ་ཏོག་སེར་བོ་བཞད་པའི་ཤིང་སེ་བའི་རིགས་ཤིག |
| ཨ་ཤེ |
ཁ་བཏགས་ལེགས་གྲས་གཉིས་པ། |
| ཨ་ཤོ་ཀ |
ལེགས ཤིང་མྱ་ངན་མེད་དང༌། དེའི་མེ་ཏོག…2.ཁ་བཏགས་རིགས་ཤིག |
| ཨ་ཤོ་གནྡྷ |
ལེགས རྟ་ཡི་དྲི་ཅན་ཏེ་བ་སྤུའི་མིང་གི་རྣམ་གྲངས་ཤིག |
| ཨ་ཤོམ |
མ་རྨོས་པའི་ལོ་ཏོག |
| ཨ་ཤྭ་ཀ |
ཨ་ཤོ་ཀ་དང་འདྲ། |
| ཨ་ཤྭ་ཀྵ་ར |
ལེགས རྟ་ཡི་དྲི་ཆུ་སྟེ། དངུལ་ཆུ་བཙོ་བཀྲུ་ཆེན་མོའི་སྐབས་སུ་མཁོ་བའི་དུག་འདོན་བྱེད་ཀྱི་རྫས་ཤིག |
| ཨ་ཤྭ་གནྡྷ |
ལེགས སྔོ་སྨན་ཞིག |
| ཨ་ཤྭ་ཏྠ |
ལེགས རྡོ་རྗེ་གདན་གྱི་བྱང་ཆུབ་ལྗོན་ཤིང༌། |
| ཨ་ཤྭ་ནི |
ལེགས ཧོར་ཟླ་དགུ་པ། |
| ཨ་ཤྭ་རཏྣ |
ལེགས རྟ་མཆོག་རིན་པོ་ཆེ། རྒྱལ་སྲིད་སྣ་བདུན་གྱི་ཡ་གྱལ། |
| ཨ་ས |
སྐྲངས་པ་སོགས་ལ་དུགས་བྱེད་པའི་སྨན་བསྲེས་པའི་ཟན་བརྫིས་མའི་མིང་སྟེ རྨ་ཁ་སྐྲངས་པར་ཨ་སས་བདུག་པར་བྱ་ལྟ་བུ |
| ཨ་སམ |
1 ཐང་གར་པོའམ། ཐུག་པ་སྐྱོ་མ། 2 བོད་ཀྱི་ལྷོ་མཚམས་ཀྱི་ཡུལ་ཞིག་ |
| ཨ་སུ་ར |
ལེགས ལྷ་མ་ཡིན། |
| ཨ་སོ |
ཨ་སོ་ཀ་དང་འདྲ། |
| ཨ་སོ་ཀ |
བུད་མེད་ཀྱི་མཚན་མར་གནས་པའི་སྲིན་བུ་ཞིག་སྟེ། དེ་ནད་དུ་གྱུར་ན་མཚན་མ་སྐྲངས་ཤིང་གཡའ་ཟ་བྱེད་པ་ཞིག |
| ཨ་སོ་ལི་ཀ |
ལག་པའི་གྲུ་ཁུག་ཏུ་ཡོད་པའི་སྙིང་དང་འབྲེལ་བའི་འཕར་རྩ་ཞིག |
| ཨ་སྐྱ |
ཡུལ མི་ནག་སྐྱ་བོ། |
| ཨ་སྒོར |
ཨ་ཀོར་དང་འདྲ། |
| ཨ་སྔོན |
གནམ། ཁ་ཕོ་དགུང་ཨ་སྔོན་གྱི་འབྲུག་སྒྲ་ལས་ཆེ་བ། དགུང་ཨ་སྔོན་དབྱིངས་ནས་ཉི་ཟླ་འགྲིམ། སྨག་ནག་པོའི་མུན་པའི་ཕ་ཡུལ་ཤོར།…2.རྣ་ལུང་གི་མིང་གཞན |
| ཨ་སྔོན་ཁིས་ཁ |
སི་ཁྲོན་ཞིང་ཆེན་རྔ་བ་བོད་རིགས་རང་སྐྱོང་ཁུལ་གྱི་ཁོངས་མཛོད་དགེ་རྫོང་གི་ལ་ཞིག |
| ཨ་སྔོན་མཐོངས |
དགུང་སྔོན་གྱི་དཀྱིལ། |
| ཨ་སྟོང |
གཡལ་བའམ་གླལ་བ་སྟེ། ལུས་ཐང་ཆད་ནས་གཉིད་འདོད་དམ། གཉིད་སད་མ་ཐག་ཏུའམ། གྲོད་པ་ལྟོགས་ནས་ཁ་གདངས་ཏེ་དབུགས་གཏོང་བའི་རྣམ་འགྱུར། ཨ་སྟོང་རྒྱག་པ། |
| ཨ་སྡུག |
ཐ་ཤལ་དང་ཐབས་སྡུག ཨ་སྡུག་ང་འདྲ་བ་ཡིན་ཡང་དེ་འདྲ་མི་བྱེད། མཐོ་རྒྱལ་པོ་ནས་དམའ་ཨ་སྡུག་གི་བར། |
| ཨ་སྦྱར |
1 ཆུ་ཁོལ་དང༌། ཇ་འཇམ་གང་རུང་གི་ནང་དུ་མར་གྱི་སྡོར་ཕྲན་བུ་བཏབ་པའི་སྐྱོ་མ་སླ་མོའི་མིང་ཡིན་ཏེ། དེ་འཇུ་སླ་བ་དང་མ་ཞུ་བ་རྣམས་སེལ་བར་བྱེད་དོ། 2 ལེགས་སྦྱར་སྐད་ལུགས་ལ་མིང་གི་སྔོན་དུ་ཨ་ཡིག་སྦྱར་བས་དགག་པ་དང༌། ཐེ་ཚོམ་སྟོན་པ། ཨ འཆི་བའི་སྐད་དོད་མྲྀ་ཏ་ཟེར་བའི་སྔོན་དུ་དགག་ཚིག་ཨ་སྦྱར་བ། མྲྀ་ཏ ཨ ཨ་མྲྀ་ཏཿ |
| ཨ་སྲུ |
རང་གི་ཕུ་བོའི་ཆུང་མའི་འབོད་མིང་། 2.ཡུལ མའི་སྤུན་མོ།… |
| ཨ་ཧ |
1 གད་སྒྲ། ཨ་ཧ་ཁྱོད་ཀྱི་སྤྱོད་པ་མཐོང་ན་དགོད་རེ་ཤོར། 2 ཧ་ལས་པའི་ཚིག ཨ་ཧ་དེ་འདྲའི་མགྱོགས་པ་ལ། |
| ཨ་ཧ་ཧ |
ཨ་ཧ་དང་འདྲ། |
| ཨ་ཧུང |
ཨི་སི་ལ་མུའམ་ཁ་ཆེའི་ཆོས་ལུགས་ཀྱི་འགོ་འཛིན། |
| ཨ་ཧོ |
ཡ་མཚན་བྱེད་པའམ། ངོ་མཚར་བའི་ཚིག ཨ་ཧོ་ངོ་མཚར་རྨད་དུ་བྱུང༌། ཨ་ཧོ་དེ་འདྲའི་སྙིང་རྗེ་བ་ལ། |
| ཨ་ཧོ་ཡེ |
ཨ་ཧོ་དང་འདྲ། |
| ཨ་ཧྲང་ད་ཧྲང |
གནམ་གྲང་ཟུག་ཆེ་ཤོས། དགུན་ཨ་ཧྲང་ད་ཧྲང༌། |
| ཨ་ཧྲུག་ཅ་ཧྲུག་ལེགས་ཤོས་སམ |
བཟང་ཤོས་གང་ཡིན་པ། ཚོང་ཟོག་ཨ་ཧྲུག་ཅ་ཧྲུག |
| ཨག་པ |
ཡུལ ལྷུང་བའམ། ཟགས་པ། ཤིང་རྩེ་ནས་ཤིང་ཏོག་ཨག་པ། རི་ལྡེབས་ནས་རྦབ་རྡོ་ཨག་པ། བརྟན་བརྟན་བྱས་ན་མ་གཏོགས་ཨག་འགྲོ་འོང༌། |
| ཨག་ཚོམ |
ཨོག་ཚོམ་དང་འདྲ། |
| ཨག་ཟ་བ |
མིའི་ཁའི་མ་མགལ་དང་འགྲམ་པར་སྐྱེས་པའི་སྤུའི་མིང་2.ཐེ་ཚོམ་ཟ་བ།.. |
| ཨག་ཟ་བ |
དོགས་པ་ཟ་བའི་བརྡ་རྙིང་ |
| ཨག་ཟེར |
ཡུལ གཤེ་གཤེའམ། རྫིག་རྫིག་གཏོང་བའི་བླ་དྭགས་ཏེ་བཀའ་བཀྱོན་གནང་བའི་སྒྲ་ཙམ། བཀའ་བསླབ་ཁ་ལ་མ་ཉན་ན་ཨག་ཟེར་ཡོང༌། སྤྱི་རྫས་འཕྲོ་བརླག་ཏུ་བཏང་ན་ཨག་ཟེར་ཡོང༌། |
| ཨག་ལིག |
ཤིང་སྨན་ཞིག་དྲི་ཆུ་འབེབས་པ་དང་ལྷོད་འཇགས་པར་ཕན། |
| ཨག་སྟྱ |
ལེགས དྲང་སྲོང་རི་བྱིའམ་སྐར་མ་ཞིག |
| ཨང |
1 བསྐུལ་མ་གཏོང་བར་མཚོན་བྱེད་ཚིག་གྲོགས་ཤིག ལེགས་པར་ཉོན་ཨང༌། སེམས་ལ་ཞོག་ཨང༌། 2 ཐེ་ཚོམ་ཟ་བར་མཚོན་བྱེད་ཚིག་གྲོགས་ཤིག ཁྱོད་ཅི་ལ་མི་འགྲོ་ཨང༌། 3 ལན་སྒྲ་མཚོན་པའི་སྒྲ། མ་ཡིས་བོས་ཀྱང་ཨང་མི་ཁུག |
| ཨང་ཀ |
སྙིང་ཉེ་བའམ་ནན་ཏན་བྱེད་པ་མཚོན་པའི་སྒྲ་སྟེ རང་ལུགས་གཏད་སོ་ཡོད་པར་གྱིས་ཤིག་ཨང་ ལངས་ཕྱོགས་བརྟན་པོ་གྱིས་ཤིག་ཨང་ཞེས་པ་ལྟ་བུ ཨ་ལན་སྟེར་བ་མཚོན་པའི་སྒྲ་སྟེ བོས་ཀྱང་ཨང་མི་ཁུག་པའི་ཁེངས་དྲེགས་ཅན་ཞིག་མ་བྱེད་ལྟ་བུ ０འོག་གམ་འདོམས་ཀྱི་མིང་སྟེ ཨང་རྟ(འོག་རྟ)ཨང་རག(འདོམས་འགེབ་བྱེད་ཀྱི་གྱོན་ཆས་རིགས་ཤིག)ཨང་ཐུང(དོར་མ་ཐུང་ངུ)ཞེས་པ་ལྟ་བུ 2. |
| ཨང་ཀི |
མང་ཉུང་ངམ་སྔ་ཕྱིའི་མཚོན་བྱེད་རྩིས་གྲངས། མི་གྲངས་ཀྱི་ཨང་ཀི་མང༌། ཁང་མིག་གི་ཨང་ཀི་ཉུང༌། འབོར་གྲངས་ཨང་ཀི་དང་པོ། སྤུས་ཚད་ཨང་ཀི་འབྲིང་བ། ཨང་ཀི་ཐ་མའི་ཁོངས་གཏོགས། ཨང་ཀི་ལོན་པ། ཨང་ཀི་བཀོད་པ། |
| ཨང་གསར |
ལས་ཀ་དངོས་གཞི་བྱས་ཆོག་ཆོག་གི་སྔོན་འགྲོའི་གྲ་སྒྲིག དགའ་བསུའི་ཨང་གསར་བྱེད་པ། འཛིངས་ཆོག་གི་ཨང་གསར་བྱེད་པ། |
| ཨང་གསར་སྦེ་ལེན |
གྲབས་གསར་དང་ལེན་གྱིས་གང་ཡང་བྱས་ཆོག་ཆོག དགྲ་བོས་ཚུར་རྒོལ་ནམ་བྱས་ལ་དེ་ལན་དེ་འཇལ་བྱེད་རྒྱུར་ཨང་གསར་སྦེ་ལེན་ཡིན། |
| ཨང་གི་ར |
ལེགས ཆུ་ཕོ་སྤྲེལ་ལོ། |
| ཨང་གྲངས |
ཨང་ཀི་ཐོག་ནས་བཀོད་པའི་གྲངས་འབོར། ཨང་གྲངས་འབོད་པ། ཨ་གྲངས་འགོད་པ། ཨང་གྲངས་སྒྲིག་པ། |
| ཨང་ཉན |
ཡུལ རེ་བ་བྱེད་པའི་བརྡ། ལག་སོན་ཡོང་བསམ་པའི་ཨང་ཉན་མ་བྱེད། |
| ཨང་འགའ་རག |
རྙིང རླུང་སྒོམ་མཁན་སོགས་ཀྱི་དོར་མ་ཡུ་ཐུང༌། |
| ཨང་ཡིག |
1 གྲངས་ཀ་མཚོན་བྱེད་ཀྱི་བརྡ། 2 སྔོན་འཇུག་དང་རྗེས་འཇུག་མིང་གཞི་སོགས་གསལ་བྱེད་ངོ་མ་མ་བྲིས་པར་ཨང་ཀིས་ཚབ་བྱས་ནས་བྲིས་པ་ཞིག 1 2 3 4 5 6 7 8 ཀ་ཁ་ག་ང་ཅ་ཆ་ཇ་ཉ་9 10 11 12 13 14 15 16 ཏ་ཐ་ད་ན་པ་ཕ་བ་མ་17 18 19 20 21 22 23 24 ཙ་ཚ་ཛ་ཝ་ཞ་ཟ་འ་ཡ་25 26 27 28 29 30 ར་ལ་ཤ་ས་ཧ་ཨ 281324(I)ཿསྤྱི། 18(O). 3. 28ཿཚོགས། 25(I). 4ཿ རིང༌། 26(U). 3. 28ཿལུགས། |
| ཨང་རག |
ཨང་འགའ་རག་གི་བསྡུས་ཚིག་ |
| ཨང་རས |
ཨང་རག་དང་འདྲ། |
| ཨང་རྟ |
ཨང་རག་གི་དོར་རྟ། |
| ཨང་རྟགས |
ཨང་གྲངས་མཚོན་བྱེད་ཀྱི་བརྡའམ་ཡི་གེ་སོགས། |
| ཨང་རྩིས |
རྩིས་ཀྱི་བྱེ་བྲག་ཅིག་སྟེ། སྣོན་འཕྲི་སྒྱུར་བགོད་སོགས་ཀྱི་རྩིས་རྒྱག་པ། |
| ཨང་ལན |
བརྡ་ལན། ཨང་ལན་ཁུག་པ། ཨང་ལན་གསལ་ལ་མ་གསལ། ཨང་ལན་ཐུང་བ། |
| ཨངྒི་ར |
ཨང་གི་རའི་འབྲི་ཚུལ་གཞན་ཞིག་ |
| ཨན |
1 ཨན་སྟོང་སྟེ་རྒྱབ་རུས་དང་པོའི་ཚིགས། 2 ཨན་གཏད་ཀྱི་བསྡུས་ཚིག་ |
| ཨན་ཁྲིའུ |
རྙིང གླེགས་བམ་གྱི་གཞིའམ་སྟེགས་བུ། |
| ཨན་གཏད |
སྔ་དུས་ཤིང་ལས་བཟོས་པའི་རྐང་པ་འཆིང་བྱེད་ཀྱི་བཙོན་ཆས་ཤིག |
| ཨན་ཏ་སྠ |
ལེགས མཐར་གནས་ཡི་གེ་བཞི་སྟེ་ཡ་ར་ལ་ཝ། ཡ་ར་ལ་ཝ |
| ཨན་ཏར |
ཨན་རྡར་དང་འདྲ། |
| ཨན་ད་རྙིལ |
ཨིནྡྲནཱིལ རྡོ་ནོར་བུའི་རིགས་སྔོན་པོ་ཞིག |
| ཨན་དར |
ཨིནྡྲ་ནཱི་ལ་ཡི་མིང་གཞན |
| ཨན་པང |
འང་པན་དང་འདྲ། |
| ཨན་ཚིགས |
རྒྱབ་རུས་དང་པོའི་ཚིགས། |
| ཨན་འདར |
ཟས་ལས་སའི་ཤིང་ལེབ་ཀྱི་མིང་ |
| ཨན་རྡར |
ཡུལ 1 ཤ་སོགས་གཏུབ་སའི་ཤིང་ལེབ། 2 མཆོད་གཏོར་སྒྲིག་སའི་ཤིང་ལེབ། |
| ཨན་ལ |
ལ་ཞིག་བོད་རང་སྐྱོང་ལྗོངས་ཀྱི་རུ་ཐོག་རྫོང་གི་ནུབ་རྒྱུད་དུ་ཡོད། མཐོ་ཚད་རྒྱ་མཚོའི་ངོས་ནས་སྨི་5316 ཡོད། |
| ཨན་སྟོང |
མགྲིན་པ་ཨེན་ཙམ་སྒུར་བའི་ཚེ་སྒལ་ཚིགས་འབུར་པོ་ཞིག་འབྱུང་བས་དེ་ལའོ། |
| ཨབ |
ལྭ་བ་སོགས་ཚེམ་སྐབས་ཐོག་མར་སྐུད་ཚིགས་རིང་བོ་བྱས་ནས་རགས་ཙམ་བཙེམས་ནས་མི་འཆོལ་བར་བྱེད་ཐབས་ཀྱི་མིང་ |
| ཨབ་ཅོར |
གནས་སྐོར་བ། ཨབ་ཅོར་ལ་ཡ་ང་བ་མ་རེད། རྡོག་ཁྲེས་ལ་ཤ་ཚ་བ་རེད། |
| ཨབ་ཏང |
ཡུལ སྦེ་ཀ། ཨབ་ཏང་འཆང༌། མི་གཉིས་ཨབ་ཏང་ཚད་པ། |
| ཨབ་པ |
ཡུལ 1 ཧམ་སེམས་ཀྱིས་འཕྲོག་པ། རྒྱུ་ནོར་ཨབ་པ། ཨབ་བརྩི་ཁོག་བཅུག དབང་ཆ་ཨབ་པ། 2 གྲང་བས་འཁོབ་པ། ལག་པ་འཁྱགས་ནས་ཨབ་སོང༌། |
| ཨབ་བཏབ་པ |
ཡུལ གཞན་ནོར་ཧམ་པས་བླངས་པ། |
| ཨབ་ཡག |
ཡུལ ཆུ་འཁོར་གྱི་སྟེང་དུ་བསྒར་ནས་རྩམ་པ་འཕྱག་བྱེད་ཀྱི་ཤིང༌། |
| ཨབ་ར |
ཙི་ཙིའི་བྱེ་བྲག་ཅིག |
| ཨབ་རིལ |
ཡུལ ཟོང་མིན་སྨར། གསེར་དངུལ་ཨབ་རིལ་མཛོད་དུ་སྦས། |
| ཨབ་རྟ |
ཨ་བྲའི་རྟ་བྱིའུ་ཞིག་སྟེ། ཨ་བྲ་དང་མཉམ་དུ་སྡོད་པའི་བྱིའུ་ཞིག |
| ཨམ་ཀྲོང |
ཡུལ 1 ཀོང་པོའི་ཤ་ཁྱི། 2 ཨ་མཆོག་ཀྲོང་ཀྲོང༌། 3 རེ་བ། སྟོང་བསམ་གྱི་ཨམ་ཀྲོང་མ་བྱེད། |
| ཨམ་ཁྲལ |
སྔར་བོད་ས་གནས་སྲིད་གཞུང་སྐབས་བོད་འབྲོག་ཕྱུགས་རིགས་སྤྱིའི་ཨ་མཆོག་གི་གྲངས་འབོར་ལ་གཞིགས་ནས་བཀལ་བའི་ཁྲལ་ལུགས་ཤིག |
| ཨམ་གནོན |
ཡུལ ལྷམ་གྱི་ནང་མཐར་གནོན་བྱེད་སྣམ་བུ། |
| ཨམ་གཙིགས |
ལུས་ཀྱི་རྩོལ་བ་ཤུགས་ཆེན་སྒྲིམ་པ་དང༌། སེམས་ཧ་ཅང་ཁྲོས་པའི་སྐབས་སུ་འབྱུང་བའི་རྣམ་འགྱུར་ཞིག་སྟེ། ཡ་སོས་མ་མཆུ་མནན་ནས་ཁ་འཐམ་པའི་རྣམ་འགྱུར། ཨམ་གཙིགས་བསྡམས་ནས་ཁུར་ཆེན་དཔུང་པར་འདེགས་པ། ཨམ་གཙིགས་བསྡམས་ནས་དགྲ་བོ་དང་འཐབ་པ། |
| ཨམ་གཙིགས་ཁོག་བཅུག |
ཧ་ཅང་ཚིག་པ་ཟ་བའམ་སྡུག་བསྔལ་བྱུང་ནས་ཡ་སོ་དང་མ་སོ་དམ་པོར་བསྡམས་པའི་བྱ་སྤྱོད་ཀྱི་མིང་སྟེ ཨམ་གཙིགས་བསྡམས་ནས་དགྲ་ལ་འཐབ་ཅེས་པ་ལྟ་བུ |
| ཨམ་གུག |
རྣ་གཤོག་གི་རྩེ་མོ་མར་གུག་པ། |
| ཨམ་ཆས |
ཨ་མདོའི་གྱོན་ཆས། |
| ཨམ་ཆོག |
ཡུལ རྣ་བ། |
| ཨམ་ཐེར་ར |
ཡུལ ཨ་མཆོག་གི་དབྱིབས་ཐེར་ཐེར་ཅན་ལ་སྨོད་ཚིག དགྲ་བོ་ཨམ་ཐེར་ར་ཚབ་ཚུབ་བྱས་ནས་བྲོས་སོང༌། |
| ཨམ་ཕོའི་ཆས |
ཨ་མདོའི་ས་ཁུལ་གྱི་སྐྱེས་པའི་གྱོན་ཆས། |
| ཨམ་ཕྲག |
ལྟོ་བའི་ཐད་ཀྱི་གོས་ལྟེབས་བར་སྲུབ། ཅ་ལག་ཆང་ཆུང་ཨམ་ཕྲག་ཏུ་བསྡུ་བ། སྟོད་གོས་ཨམ་ཕྲག་མེད་པ། སྟོད་གོས་ཨམ་ཕྲག་ཡོད་པ། ཨམ་ཕྲག་ནང་ལ་གང་ཡོད་མཛོག་མགོས་ཤེས།…2. ལྭ་བའི་སྟེང་གི་ཁུག་མ བོད་ལྭའི་རུམ |
| ཨམ་ཕྲག་ལག་རྒྱུས |
རུམ་ནང་གང་ཡོད་ལག་པར་རྒྱུས་ཡོད་པ་སྟེ་རང་རྒྱུས་རང་ལ་ཡོད་པའི་དཔེ། རང་གི་གནས་ཚུལ་ཚང་མ་བློ་མངའ་སེམས་གསལ་ཨམ་ཕྲག་ལག་རྒྱུས་རེད། |
| ཨམ་བན |
སྔར་མན་ཇུ་གོང་མའི་སྐབས་བོད་བཞུགས་སྐུ་ཚབ། བོད་བཞུགས་ཨམ་བན་ལ་ལྟོས། |
| ཨམ་བསྙལ |
ཡུལ ཨ་མཆོག་རྒྱབ་ཕྱོགས་སུ་བསྙལ་བ་སྟེ་རེ་བ་ཟད་པ། དོན་དེ་ལག་སོན་ཡོང་རྒྱུ་ཨམ་བསྙལ་རེད། |
| ཨམ་མཆོག |
ཨམ་ཆོག་དང་འདྲ། |
| ཨམ་འབྱར |
རྣ་གཤོག་མགོ་ལ་འབྱར་བའི་མི་ལ་སྨོད་ཚིག |
| ཨམ་རལ |
རྣ་ཤལ་གྱི་མིག་ཁུང་མཚམས་ནས་རལ་བ། |
| ཨམ་རྡུམ |
རྣ་བ་ཐུང་ཐུང༌། |
| ཨམ་ལུག |
རྣ་རྩེ་མར་འཕྱང་བ། ཤ་ཁྱི་ཨམ་ལུག་ཅིག་འདུག རྟ་དེ་མ་གཞི་ཡག་པོ་འདུག་ཀྱང༌། ཨམ་ལུག་རེད། |
| ཨའུ |
ཕའི་མ་དང་མའི་མ། |
| ཨའུ་བཞི་དགའ |
ཡུལ བཙས་མ་བརྔས་རྗེས་སྙེ་མ་སོགས་སྡུད་བྱེད་ཀྱི་ལག་ཆ་ཞིག |
| ཨའུ་ཙི |
ཡུལ རུང་བ་དང༌། བཟོད་པ་དང༌། ཆོག་པ་དང༌། ལས་སླ་བའི་ཕལ་སྐད། བཞོན་རྟ་བྱུང་ན་རླངས་འཁོར་མ་བྱུང་ཡང་ཨའུ་ཙི། ལམ་རོགས་བྱུང་ན་སྐྱེལ་མ་མ་བྱུང་ཡང་ཨའུ་ཙི། སྐུ་གཟུགས་བདེ་པོ་ཡོད་དམ། ལགས་ཨའུ་ཙི་ཡོད། ཨའུ་ཙི་དང་གྲོགས་པོ་བྱས་ན། ཨ་ཁ་ཁ་རྒྱུན་མི་འཆད། |
| ཨའུ་ཙི་པ |
རྙིང སྐྱོན་མི་ཡོང་བ། |
| ཨར |
ཨ་ག་རུ་ཞེས་པའི་ཚིག་བསྡུས་ནས་འབྲི་ཚུལ ཨར་བོ་ཞེས་པའི་ཚིག་བསྡུས་པ |
| ཨར་ཀ |
ཁང་པར་ཞལ་བ་གཏོང་བྱེད་ཀྱི་ས་མཁྲེགས་པོ་ཞིག ཨར་ཀ་གཅོག་པ། ཨར་ཁྲིམས་བསྡམས་པ། རང་བྱུང་གི་ས་རྡོ་རིགས་ཤིག་གི་མིང་སྟེ ཨར་འདམ་གྱི་ཚབ་བྱེད་ཆོག ཚིག་བསྡུས་ན་ཨར་ཞེས་འབྲི |
| ཨར་ཀའི་མེ་ཏོག |
སྤྲ་བའི་མེ་ཏོག |
| ཨར་ཀོང |
ཡུལ སྔར་བོད་ཀྱི་དྲུང་འཁོར་ཚོས་རྒྱ་ལུ་ཆས་སྤྲོས་སྐབས་ཀྱི་ཞྭ་མོ། |
| ཨར་ཁང |
ཆང་ཁང༌། |
| ཨར་ཁྲལ |
སྔ་དུས་དགོན་པ་ཁག་དང་སྐུ་དྲག་ལ་རང་ཁོངས་མི་སེར་ནས་ཨར་པོ་རྒྱག་རྒྱུའི་ཁྲལ། |
| ཨར་ག |
ཨར་ཀ་དང་འདྲ། |
| ཨར་གཏད |
ནན་ལ་གཏད་པའམ། གནད་ལ་བཀར་བའི་དོན། འཐུས་ཤོར་མི་ཡོང་བའི་ཨར་གཏད་བྱེད་པ། གཙོ་ཆེའི་དགོངས་དོན་ཨར་ལ་གཏད་པ། |
| ཨར་གཞས |
ཨར་ལས་བྱེད་སྐབས་ཕན་ཚུན་གཞོགས་འདེགས་ཡོང་བ་དང་ལུས་ཐང་ཆད་པ་ཆུང་དུ་གཏོང་རྒྱུར་གཏོང་བའི་གཞས། |
| ཨར་ཆོར |
སོག གདོང་འཕྱིད་རས། |
| ཨར་ཇག |
ཡུལ་ཁམས་བསྐོར་ནས་རྐུ་བྱེད་མཁན་དང་འཕྲོག་བཅོམ་བྱེད་མཁན་ཇག་པ། རྒྱུ་ནོར་མི་ཕྱུགས་ལ་ཨར་ཇག་འཕྲོག་རྡུང་བྱེད་པ། |
| ཨར་ནག |
ཨ་ག་རུ་ནག་པོའི་བསྡུས་ཚིག་ |
| ཨར་པ |
1 ཇག་པ། ཨར་སྤྱོད། 2 ཆང་པ། |
| ཨར་པོ |
ས་རྡོའི་ལས་ཀ། ཨར་པོ་རྒྱག་པ། ཨར་པོ་རྒྱུག |
| ཨར་པོ་བ |
ཁང་པ་སོགས་གསར་རྒྱག་བྱེད་སྐབས་ས་རྡོ་འོར་འདྲེན་བྱེད་མཁན། |
| ཨར་པོའི་དོ་དམ |
སྔར་གཞུང་གི་ཨར་པོ་རྒྱག་རྒྱུ་དང་འགྲོ་གྲོན་གཏོང་མཁན་འགོ་ཁྲིད། |
| ཨར་བཙུན |
རྙིང རབ་བྱུང་ཆང་འཐུང་མཁན། |
| ཨར་བརྟེན |
འགན་བཟོད་པའམ། ཕུགས་ཐུབ་པ། དུས་ཡུན་རིང་པོ་ཨར་བརྟེན་ཐུབ་པ། གཟུགས་པོས་ཨར་བརྟེན་གྱི་མ་རེད། |
| ཨར་བོ |
རྩིག་པ་རྒྱག་པ་སོགས་ས་རྡོའི་ལས་ཀའི་མིང་ |
| ཨར་མོ་ནིག |
ཨ་མོ་ནིག་དང་འདྲ། |
| ཨར་ཚོས |
ཡུལ རྔ་མོང་གི་སྤུའི་མདོག་གམ། སྟར་ཁའི་པགས་པའི་ཚོས་མདོག |
| ཨར་ཞལ |
ཨར་ཀ་བཅགས་པའི་ཞལ་བ། |
| ཨར་ཞྭ |
བྱང་འབྲོག་རྣམས་ཀྱིས་གྱོན་རྒྱུའི་གཟབ་ཞྭ། |
| ཨར་འདམ |
ཨར་ཀའི་འདམ་བག |
| ཨར་རྒྱག་གི་འུ་ལག |
སྔར་བོད་མངའ་བདག་གི་སྡོད་ཁང་ཨར་པོ་རྒྱག་དུས་ཞིང་བྲན་ལ་ཨར་རྒྱུག་འུ་ལག་གི་མི་ཁྲལ་བསྡུ་སྲོལ་ཞིག…2.དེང་རབས་རྩིག་ལས་ལ་མཁོ་བའི་རྡོ་ཐལ་གྱི་རིགས |
| ཨར་རྒྱབ་པ |
ཨར་པོ་རྒྱག་མཁན་རྣམས་ཀྱི་ལས་རྒྱབ་པ། |
| ཨར་རྫ་བེ་སོག |
བོད་རང་སྐྱོང་ལྗོངས་ཀྱི་སྙན་རོང་རྫོང་གི་མིང་རྙིང༌། |
| ཨར་ལ་གཏད |
ཐབས་ཟད་པའི་གནས་སུ་གཅར་བའི་དོན་ཏེ སྤྱི་ཚོགས་རྙིང་བར་ཞིང་བདག་གིས་ཞིང་དབུལ་ཨར་ལ་གཏད ཨར་ལ་གཏད་ནས་བྱ་ཐབས་ཟད་ལྟ་བུ ཨར་ཀ་ཡི་ཚིག་བསྡུས་པ |
| ཨར་ལས |
ཁང་པ་གསར་རྒྱག་སྐབས་ཀྱི་ས་རྡོའི་ལས་ཀ། ཨར་ལས་རྒྱུ་ཆ། ཨར་ལས་མ་གནས། ཨར་ལས་ཇུས་འགོད། |
| ཨར་སྐོན |
ཨར་ཀོང་དང་འདྲ། |
| ཨར་སྐྱ |
ཨ་ག་རུའི་རིགས་མདོག་སྐྱ་ལ་གསོབ་པ་ཞིག་སྟེ། རོ་ཁ་ལ་ཅུང་ཚ། ཞུ་རྗེས་སྙོམས། ནུས་པས་སྙིང་རླུང་དང༌། སྲོག་རླུང་འཇོམས། |
| ཨར་ཨུར |
ཨ་ར་ཨུ་རུའི་བསྡུས་ཚིག་ |
| ཨརྒྷཾ |
ལེགས མཆོད་ཡོན། |
| ཨརྫ་ཀ |
ལེགས 1 མེ་ཏོག་ལྕམ་པའམ་ཉི་དགའི་འབྲས་བུ། 2 སྲིན་བལ། |
| ཨརྫུ་ན |
ཤིང་དུག་མོ་ཉུང༌། |
| ཨརྷན |
ལེགས དགྲ་བཅོམ་པ་དང༌། མཆོད་འོས་པ་གཉིས་སུ་བསྒྱུར་རིགས་ཀྱང་དོན་གྱི་དབང་བཙན་པར་བྱས་ན་དགྲ་བཅོམ་དུ་བསྒྱུར་དགོས། |
| ཨརྻ་དེ་ཝ |
འཛམ་གླིང་མཛེས་པའི་རྒྱན་དྲུག་གི་ཡ་གྱལ། དབུ་མའི་སློབ་དཔོན་ཨརྻ་དེ་ཝ་ནི་སྟོན་པ་འདས་ནས་ལོ་ལྔ་བརྒྱ་ཙམ་ན་ཡུལ་སིངྒ་ལའི་གླིང་གི་རྒྱལ་པོ། པཉོར༄༅་ཤྲིངྒ་ར་ཞེས་བྱ་བའི་པདྨའི་ཚལ་དུ་སྐུ་འཁྲུངས། འཕགས་པ་ཀླུ་སྒྲུབ་སློབ་དཔོན་དུ་བསྟེན་ནས་ཕྱི་ནང་གི་གྲུབ་མཐའ་ལ་མཁས་པའི་རྩེར་སོན། མུ་སྟེགས་ཀྱི་སྟོན་པ་མཁས་པ་རྟ་དབྱངས་རྩོད་པས་ཚར་བཅད་དེ་རྗེས་སུ་བཟུང༌། དབུ་མ་བཞི་བརྒྱ་པ་དང༌། ཡེ་ཤེས་སྙིང་པོ་ཀུན་ལས་བཏུས་པ། སྤྱོད་བསྡུས་སྒྲོན་མེ་སོགས་མདོ་རྒྱུད་ཀྱི་གཞུང་མང་དུ་བརྩམས་སོ། |
| ཨལ་ཐན་ཧན |
སོག་པོ་ཐུ་མེད་ཀྱི་འགོ་དཔོན་ཞིག་ཡིན་ཞིང༌། རབ་བྱུང་དགུ་པའི་ས་ལུག་ལོར་ཁོས་རང་གི་དམག་དཔུང་ཁྲིད་དེ་ཨ་མདོའི་ས་ཁུལ་བཟུང༌། རབ་བྱུང་བཅུ་པའི་ལྕགས་ལུག་ལོར་ཁོ་ལ་ཏཱ་མིང་རྒྱལ་པོས་གོ་གནས་གནང༌། རབ་བྱུང་བཅུ་པའི་མེ་བྱི་ལོར་གདན་དྲངས་པ་ལྟར་རྒྱལ་དབང་གསུམ་པ་བསོད་ནམས་རྒྱ་མཚོ་ཨ་མདོ་ལ་ཕེབས། རབ་བྱུང་བཅུ་པའི་ས་བྱི་ལོར་རྒྱལ་དབང་དེ་ཉིད་ལ་ཁོས་གཟེངས་བསྟོད་ཞུས། སོག་ཡུལ་དུ་བསྟན་པ་དར་བ་ལ་སྨན་པར་གྱུར། |
| ཨལ་སྟོང |
ཨ་སྟོང་སྟེ། ངལ་དུབ་ཀྱི་གླལ་བ། གྲོད་ཁོག་ལྟོགས་ནས་ཨལ་སྟོང་རྒྱག་པ། |
| ཨཤྭདྠ |
མངོན 1 ཁྱབ་འཇུག 2 མྱ་ངན་མེད་པའི་ཤིང༌། |
| ཨསྨ་གརྦྷ |
ལེགས རྡོ་ཡི་སྙིང་པོ་སྟེ་ཆུ་ཡི་ནང་གི་རྡོ་ལས་སྐྱེས་པའི་ཚུལ་དུ་འབྱུང་བའི་རིན་པོ་ཆེའི་རིགས་ནུས་པས་མཆིན་པའི་དུག་ནད་སེལ་ནུས་པ་ཞིག |
| ཨཱ་ག་མ |
ལེགས འགྲོགས་བྱེད་པ། |
| ཨཱ་ཙརྻ |
ཨ་ཙ་ར་དང་འདྲ། |
| ཨཱ་རྻ་དེ་ཝ |
ཨརྻ་དེ་ཝ་དང་དོན་གཅིག་ |
| ཨཱ་ལི |
ལེགས ཨ་ཕྲེང་སྟེ་དབྱངས་ཀྱི་ཡི་གེ། ཨཱ་ལིའི་སྡེ་ཚན། |
| ཨཱ་ལི་ཀཱ་ལི |
ལེགས ཨ་ཕྲེང་ཀ་ཕྲེང་ངམ་དབྱངས་གསལ། |
| ཨཱ་ལི་གསལ་བྱེད |
བོད་ཡིག་ལྟར་ན་དབྱངས་ཀྱི་བྱ་བ་གསལ་བར་བྱེད་པའི་ཨི་ཨུ་ཨེ་ཨོ་བཞི་གའི་སྒྲ་དང་ཡིག་གཟུགས། ཨི་ཨུ་ཨེ་ཨོ གི་གུ |
| ཨཱ་ལི་དང་པོ |
གི་གུའི་མིང་དང༌། དེ་བཞིན་དུ་ཨཱ་ལི་གཉིས་པ་དང༌། གསུམ་པ། བཞི་པ་བཅས་ཀྱང་རིགས་འགྲེ་ཆོག ཨི གི་གུ |
| ཨཱ་ལི་བཞི |
བོད་ཡིག་དབྱངས་བཞི་སྟེ་ཨི་ཨུ་ཨེ་ཨོ། |
| ཨཱ་ལིའི་བྱ་བ |
དབྱངས་ཡིག་གི་བྱེད་ལས། |
| ཨཱརྻ་ཏཱ་ར |
ལེགས འཕགས་མ་སྒྲོལ་མ། དཔྲལ་པའི་དཀྱིལ་ན་སིནྡྷུ་རའི་ཐིག་ལེའི་སྟེང་ན་ཨཱརྻ་ཏཱ་ར་ནས་རྡོག་ཙམ་ཞིག་ཡོད། |
| ཨཱརྻ་དེ་བ |
ཨརྻ་དེ་ཝ་དང་འདྲ། |
| ཨི |
བོད་ཡིག་གི་གི་གུ་མཚོན་བྱེད་ཀྱི་དབྱངས ཆང་གི་བརྡ་རྙིང་ |
| ཨི་ཀ་རྒྱག་པ |
1 སྐྱིགས་བུའམ་ཨིག་ཀ་རྒྱག་པ། 2 རྙིང གཏམ་དང་རྩོམ་གྱི་འགོ་འཛུགས་པ། |
| ཨི་ཁུང |
བུ་ག་ཆུང་ངུའི་མིང་ |
| ཨི་ཐི་བ |
སྙིང་པོའི་དོན། |
| ཨི་མིང་ཅན |
མངོན 1 འདོད་ལྷའི་བུ། 2 བདུད་དགའ་རབ་དབང་ཕྱུག |
| ཨི་ཙི་ལུ་གུ |
ཡུལ སྣང་མེད་དུ་མཆན་ཁུང་འོག་སོགས་ལ་སོར་མོས་སུག་སུག་བྱས་པ་ལས་བྱུང་བ་ག་ག་ཚིལ་གྱི་མིང་གཞན་ཞིག |
| ཨི་ལ་བི་ལའི་རྒྱུད |
མངོན རྣམ་ཐོས་སྲས། |
| ཨི་ལྡན་གྱི་རྣམ་དབྱེ |
གི་དང་གིས་སོགས་བཅུ་ཡིན་ལ་སྒྲ་སྦྱོར་ནི་རྗེས་འཇུག་ད་བ་ས་གསུམ་གྱི་མཐར་ཀྱི་དང་ཀྱིས། རྗེས་འཇུག་ག་ངའི་མཐར་གི་དང་གིས། རྗེས་འཇུག་ན་མ་ར་ལའི་མཐར་གྱི་དང་གྱིས། རྗེས་འཇུག་འ་དང་མཐའ་མེད་མཐར་འི་ཡི་དང་འིས་ཡིས་གང་བདེར་སྦྱོར་བ་དང༌། འིས་ཀྱི་ཚབ་ལ་སྐད་གསར་བཅད་ལྟར་མིང་མཐར་ས་ཡིག་རྐྱང་པ་སྦྱར་བས་འཐུས། དོན་ནི་རྣམ་དབྱེ་དྲུག་པ་འབྲེལ་སྒྲ་དང༌། གསུམ་པ་བྱེད་སྒྲ་ནང་གསེས་དང་བཅས་པར་འཇུག་གོ། ཨི གི་གུ གི་ཀྱི་གྱི་འི་ཡི གིས་ཀྱིས་གྱིས་འིས་ཡིས ག་ང གི གིས། ད་བ་ས ཀྱི ཀྱིས། ན་མ་ར་ལ གྱི གྱིས་འ འི་ཡི འིས་ཡིས། ས འིས ད་དྲག ཀྱི ཀྱིས |
| ཨི་ཤོ་ལེགས |
འབྲོང་ཞེར་ལེགས་དང་སྨན་བུ་མོ་གཉིས་ཀྱི་སྲས། སྔར་བོད་རྒྱལ་བཅོ་ལྔ་པ་སྟེ་སའི་ལེགས་དྲུག་གི་ཡ་གྱལ་ཞིག |
| ཨི་སི་ལ་མུ |
འཛམ་གླིང་གི་ཆོས་ལུགས་གཙོ་ཆེ་བའི་གྲས་ཤིག་སྤྱི་ལོ་དུས་རབས་བདུན་པའི་དུས་འགོར་མཧ་མདྷིས་སྲོལ་གཏོད་བྱས་ཤིང༌། ཡ་གླིང་གི་ནུབ་རྒྱུད་དང་ཧྥེ་གླིང་གི་བྱང་རྒྱུད་དུ་དར་ཁྱབ་ཆེ། ཐང་རྒྱལ་རབས་ཀྱི་སྐབས་སུ་རང་རྒྱལ་དུ་སྤེལ། |
| ཨིག་ཀ |
སྐྱིགས་བུ། |
| ཨིག་བུ |
སྐྱིགས་བུ། |
| ཨིག་སྒྲ |
ཨིག་ཀའམ་སྐྱིགས་བུའི་སྒྲ། |
| ཨིགས་པ |
སྐྱིག་པ་སྟེ། མཆིན་དྲི་རེངས་འཁུམས་བྱས་ནས་བྱུང་བའི་དབུགས་གཏོང་འཐེན་གྱི་འགྱུར་ཚུལ་ཞིག |
| ཨིན་དྲ་བྱཱ་ཀ་ར་ཎ |
ལེགས སྒྲ་གཞུང་ཞིག་སྟེ། རྒྱ་གར་གྱི་གཏམ་རྒྱུད་དུ། ལྷའི་དབང་པོ་བརྒྱ་བྱིན་གྱིས་བརྩམས་ཟེར། |
| ཨིནྡྲ་ནཱི་ལ |
ལེགས བོད་ཀྱི་སྐད་དུ་བསྒྱུར་ན་ཨིནྡྲ་དབང་སྔོན་དང༌། ནཱི་ལ་སྔོན་པོ་ལ་འཇུག་པས་དབང་སྔོན་ཞེས་འགྱུར། རྡོ་རིགས་ཀྱི་རིན་པོ་ཆེ་སྔོན་པོ་ཞིག |
| ཨིནྡྲ་ནཱི་ལ |
རིན་པོ་ཆེ་སྔོན་པོ་ཞིག |
| ཨིནྡྲ་རྙིལ |
ཨིནྡྲ་ནཱི་ལའི་འབྲི་ཚུལ་གཞན་ཞིག་ |
| ཨིམ་ཆི |
ཨེམ་ཆི་དང་འདྲ། |
| ཨིས |
ཡུལ ཆང་གི་མིང༌། |
| ཨུ |
བོད་ཡིག་གི་ཞབས་ཀྱུ་མཚོན་པའི་དབྱངས |
| ཨུ་ཁང |
དབུ་ཁང་སྟེ། སྔར་བལ་ཡུལ་དུ་ཙན་དན་གྱི་ལྗོན་པ་ལས་རང་གྲུབ་ཏུ་བྱུང་བའི་འཕགས་པ་མཆེད་བཞིའི་ཡ་གྱལ་ཞིག་འཕགས་པ་མཆེད་བཞིར་ལྟོས། |
| ཨུ་ཏྲ་ཡ་ན |
སྔར་རྒྱ་གར་ལྷོ་ཕྱོགས་ཀྱི་གྲོང་ཁྱེར་སྒྲ་སྒྲོག་གི་རྒྱལ་པོ་ཤཱཀྱ་མུ་ནེ་དང་དུས་མཉམ་པ་དེས་རྒྱལ་པོའི་གོ་གནས་བུ་ལ་སྤྲད་དེ་བཅོམ་ལྡན་འདས་ཀྱི་དྲུང་དུ་རབ་ཏུ་བྱུང་ནས་དགེ་སློང་བསྒྲུབས་པ། |
| ཨུ་ཐུག་པ |
འུ་ཐུག་པ་དང་འདྲ། |
| ཨུ་དུམ་བཱ་ར |
ལེགས 1 ཨུ་དུམ་ཝ་རའམ། ཨུ་དུམྦ་ར་ཡང་སྣང༌། བོད་སྐད་དུ་བསྒྱུར་ན་མཆོག་འཕགས་སམ་ཆེར་འཛགས་ཏེ། བདུད་འཇོམས་ཤིང་ཟེར་བ་འདིའི་མེ་ཏོག་ལོ་མའི་མཐར་སྐྱེ་བ་དང༌། འཆར་རྒྱུ་དཀའ་ལ་ཡལ་རྒྱུ་སླ་བས་ཧ་ཅང་དཀོན་པོ་དང༌། འཕྲལ་དུ་ཡལ་འགྲོ་བའི་དཔེར་འཇོག་སའི་མེ་ཏོག་ཅིག 2 མཛེ་ནད་ཀྱི་ཤ་རོ་ཞིག |
| ཨུ་ནན |
ཨུ་ཚུགས་ཚ་པོའམ། ནན་ཏན། འཕྲལ་དུ་བྱེད་རོགས་ཨུ་ནན་རྗོད་པ། |
| ཨུ་པ་ལི |
ཨུཔཱལི་དང་འདྲ། |
| ཨུ་པའི་རྒྱུད |
ལྟ་བ་དང་སྤྱོད་པ་ཆ་མཉམ་པར་སྤྱོད་པའི་རྒྱུད། |
| ཨུ་པཱ་ས་ཀ |
ཨུཔཱསིཀའི་འབྲི་ཚུལ་གཞན་ཞིག་ཨུ་པཱ་སི་ཀའི་འབྲི་ཚུལ་ཡང་སྣང༌། |
| ཨུ་མ |
ལེགས དབང་ཕྱུག་ཆེན་པོའི་ཆུང་མ། |
| ཨུ་མའི་བདག་པོ |
མངོན ལྷ་དབང་ཕྱུག་ཆེན་པོ། |
| ཨུ་མཱ་གོ་རཱི |
ལེགས དབང་ཕྱུག་གི་བཙུན་མོ། མིང་གི་རྣམ་གྲངས་ལ། དཀའ་ཟློག་མ་དང་རི་སྐྱེས་སོ། |
| ཨུ་མུ་སུ |
སོག ཨུ་མོ་སུའམ་ཨུ་མོ་སུ་ལུའང་སྣང༌། རྐང་པའི་ཤུབས། |
| ཨུ་མཿ |
ཨུ་མའི་འབྲི་ཚུལ་གཞན་ཞིག་ཨུ་མའི་མངལ་ཁྲག་བྲག་ཞུན་གྱི་མིང་གི་རྣམ་གྲངས་ཤིག |
| ཨུ་ཙ་ཏིང་ག |
ལེགས མཆོང་ཞིང་འགྲོ་བའོ། |
| ཨུ་ཚུགས |
ནན་ཏན། ཨུ་ཚུགས་མཐར་སྐྱེལ་བྱས་པ། ལྐུགས་པ་ཨུ་ཚུགས་གོ་མེད་ཉག་རྐྱང་མ་བྱེད། ལས་དོན་ཨུ་ཚུགས་ཧུར་བརྩོན་གྱིས་བྱེད་པ། ཨུ་ཚུགས་ཀྱིས་ཞྭ་དཔེ་ལྷམ་འགེབས། ཨུ་ཚུགས་ཚ་པོ། |
| ཨུ་ཚུགས |
ནན་ཆེ་བའི་བྱ་སྤྱོད་ཀྱི་མིང་སྟེ ཟ་མི་འདོད་པའི་ཟས་ཨུ་ཚུགས་མ་བྱེད་ལྟ་བུ |
| ཨུ་ཟུར་ཁ |
ཕྲག་མགོ་ནས་གྱེན་དུ་ཆག་གང་གཞལ་བའི་གནས་ཀྱི་མིང༌། |
| ཨུ་ཟུར་ཁུག་པ |
ལུས་ཀྱི་དཔུང་རྩའི་བྱེ་བྲག་ཅིག |
| ཨུ་ཡོ |
ཡུལ ཁྱི་ཕྲུག |
| ཨུ་ཡོན |
རྒྱ 1 ཨུ་ཡོན་ལྷན་ཁང་གི་ཁོངས་མི། 2 ཆེད་དམིགས་ཀྱི་ལས་འགན་སྒྲུབ་པར་བསྐོས་པའི་མི་སྣར་ཟེར། |
| ཨུ་ཡོན་ལྷན་ཁང |
རང་རྒྱལ་གྱི་སྲིད་གཞུང་རིམ་པ་ཁག་དང༌། སྲིད་ཏང༌། ཚོགས་ཁག་ལས་ཁུངས། སློབ་གྲྭ་སོགས་ཐུན་མོང་གིས་འགོ་ཁྲིད་བྱེད་པའི་རྩ་འཛུགས་ཤིག |
| ཨུ་རུས་མུ་རུས |
ཡུལ གང་ཐུབ་ཅི་ཐུབ། ལས་ཀ་ཨུ་རུས་མུ་རུས་བྱས་ན་ལེགས་པར་འགྲུབ་ཡོང༌། |
| ཨུ་རྒྱན |
ཨཽ་ཊི་ཡ་ན་སྟེ་འཕུར་འགྲོ་ཞེས་པ་ཟུར་ཆག་པ་དང་སྔར་རྒྱ་གར་ནུབ་ཕྱོགས་ཀྱི་རྒྱལ་པོ་ཨིནྡྲ་བྷུ་ཏི་བྱོན་པའི་ཡུལ། |
| ཨུ་རྒྱན |
གནའ་དུས་ཀྱི་ཧིན་དུ་ཕྱེད་གླིང་ནུབ་ཕྱོགས་ཀྱི་རྒྱལ་ཁབ་ཅིག་གི་མིང་སྟེ ད་ལྟའི་ཨ་ཧྥུ་ཧན་ཟེར་བའི་རྒྱལ་ཁབ་དེ་ཡིན་པར་བཤད |
| ཨུ་རྒྱན་པ་རིན་ཆེན་དཔལ |
རབ་བྱུང་བཞི་པའི་ལྕགས་སྟག་ལོར་འཁྲུངས། རབ་བྱུང་ལྔ་པའི་ས་བྱ་ལོར་འདས། སྟོད་འབྲུག་རྒོད་ཚང་པ་མགོན་པོ་རྡོ་རྗེ་དང་ཀརྨ་པཀྵིའི་སློབ་མ་དང༌། རང་བྱུང་རྡོ་རྗེའི་བླ་མ་ཡིན། འབྲོག་ལོ། ཆག་ལོ། ཙ་མི་གསུམ་ཀའི་དུས་འཁོར་གྱི་ཁྲིད་རྒྱུན་ཡོངས་རྫོགས་ཐོབ་ནས་རྒྱལ་པོ་གོ་བེ་ལས་གདན་དྲངས་པ་ལྟར་པེ་ཅིན་ཕོ་བྲང་དུ་ཕེབས་ཏེ་དུས་འཁོར་གྱི་དབང་བསྐུར། རྣམ་ཐར་དུ་དེ་སྐབས་ཨོ་རྒྱན་དང་ཛཱ་ལན་དྷ་ར་ཕྱོགས་ཀྱི་གནས་ཚུལ་གསལ་བས་དེང་སང་གི་ལོ་རྒྱུས་སྨྲ་བ་རྣམས་ཀྱིས་རྩིས་མཐོང་ཆེན་པོ་བྱེད། |
| ཨུ་ལི |
ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱི་ས་ཆ་ཞིག |
| ཨུ་ལུ |
ཟངས་ལྕགས་རྫ་སོགས་ཀྱིས་བཟོས་པའི་སྣོད་སྤྱད་ཁ་ཆུང་ལ་ལྟོ་བ་ཆེ་བ་ཞིག |
| ཨུ་ཤི་རི |
རྩྭ་དྲེས་མའམ་དེ་སྐྱེས་པའི་རི། |
| ཨུ་སུ |
བལ་སྐུད་སོགས་ཀྱིས་བསླས་པའི་གྱོན་ཆས་རིགས། ཨུ་སུའི་ཞྭ་མོ། ཨུ་སུའི་སྟོད་ཐུང༌། |
| ཨུ་ཧུ་ལགས |
སེམས་འགྱོད་གདུང་ངམ་ཡིད་ཕམ་པའི་ཚིག |
| ཨུ་ཧུ་ཧུ |
སེམས་འགྱོད་གདུང་ངམ་ཡིད་ཕམ་པའི་ཚིག |
| ཨུག་ཆོས |
ཨུག་ཆོས་དཀར་པོ་དང་ཨུག་ཆོས་དམར་པོའི་བསྡུས་མིང༌། ཨུག་ཆོས་མེ་ཏོག་ངས་ཀྱང་བྱས། མཛོ་མོ་རྭ་ཀྱོག་ཁྱོད་ལའང་ཡོད། |
| ཨུག་ཆོས་དཀར་པོ |
སྔོ་སྨན་གྱི་རིགས་ཤིག་སྟེ། རོ་ཁ། ཞུ་རྗེས་བསིལ། ནུས་པས་ཆུ་སེར་ཕྱིར་འདྲེན་པར་བྱེད། |
| ཨུག་ཆོས་དམར་པོ |
སྔོ་སྨན་གྱི་རིགས་ཤིག་སྟེ། རོ་ཁ་ལ་མངར། ཞུ་རྗེས་བསིལ། ནུས་པས་རྣ་བའི་ནད་དང༌། ཕོ་བ་སྦོས་པ། གླང་ཐབས། བཤང་བ་མ་ཐོན་པ། ཤ་མ་འགགས་པ་བཅས་ལ་ཕན། |
| ཨུང་གུ |
ཡུལ སྒྲོན་མེ། |
| ཨུཏྤལ |
ལེགས 1 མེ་ཏོག་པད་སྔོན། མིང་གི་རྣམ་གྲངས་ལ་ཆུ་སྐྱེས་སྔོན་པོ་དང༌། སྟེང་འཐུང༌། དབང་མཆོག་མིག་གི་གཉེན། སའི་གདུ་བུ་བཅས་སོ། 2 སྔོ་སྨན་གྱི་རིགས་ཤིག་ནང་གསེས་དཀར་པོ་དང༌། སྔོན་པོ། དམར་པོ། སེར་པོ་བཞི་མཆིས་པས་དཀར་པོས་བད་རླུང༌། སྔོན་པོས་ཚད་པ་དང་མཁྲིས་པ། དམར་པོས་ཁྲག་ནད་འཇོམས། སེར་པོས་བད་ཀན་སྐྱུགས་པར་བྱེད་པ་བཅས་སོ། |
| ཨུཏྤལ་དཀར་པོ |
ཀུ་མུད་དེ། ཆུ་སྐྱེས་དཀར་པོའམ་ཟླ་བའི་དྲི་ཡང་ཟེར། མིང་གི་རྣམ་གྲངས་ལ་ཆུར་སྒྲོག་སྟེང་འཐུང་དཀར་པོ། མཚན་མོ་བཞད་བཅས་སོ། |
| ཨུཏྤལ་དམར་པོ |
ཆུ་སྐྱེས་དམར་པོ། མིང་གི་རྣམ་གྲངས་ལ་དཔལ་ཁྱིམ་དང༌། དཔལ་གྱི་ལག་པ། བུང་བ་དགའ་བཅས་སོ། |
| ཨུཏྤལ་ལྟར་གས་པ |
གྲང་དམྱལ་བརྒྱད་ཀྱི་ནང་གསེས་དམྱལ་བའི་སེམས་ཅན་གྱི་ལུས་འཁེངས་ནས་བཞི་ཚལ་དུ་གས་པའོ། |
| ཨུཏྤལ་སེར་པོ |
1 ཨུཏྤལ་མེ་ཏོག་སེར་པོ་འཆར་བ་ཞིག 2 ཆུ་སྐྱེས་མེ་ཏོག་ཅིག |
| ཨུཏྤལ་སྔོན་པོ |
1 མེ་ཏོག་ཨུཏྤལ་གྱི་རིགས་སྔོན་པོ། མིང་གི་རྣམ་གྲངས་ལ་ཆུ་སྐྱེས་སྔོན་པོ་དང༌། དཔལ་དགའོ། 2 སྔོ་སྨན་གྱི་རིགས་ཤིག་སྟེ། རོ་མངར་ལ་བསྐ། ཞུ་རྗེས་བསིལ། གློ་ཚད་དང་མཆིན་ཚད་སོགས་ཚ་བའི་ནད་རིགས་དང༌། དེ་མིན་ཚ་ཆུ་དང་འབམ་ཆུ་བཅས་ལ་ཕན། |
| ཨུཔཱལི |
ལེགས ཉན་ཐོས་ཉེ་བར་འཁོར་བ། |
| ཨུཔཱསིཀ |
ལེགས གཏན་ཁྲིམས་སྲུང་བའི་དགེ་བསྙེན། |
| ཨུར་ཆ |
འུར་ཆ་ཡི་འབྲི་སྲོལ་གཞན |
| ཨུར་ཤིང |
ཕོར་པ་དཀྲུགས་ཟིན་ལ་འོད་འདོན་བྱེད་ཤིང་བུ་རྩེ་མོའི་མདུན་ངོས་འཇམ་པོ་ཞིག |
| ཨེ |
1. བྱ་ཚིག་གི་སྔོན་དུ་སྦྱར་ཞིང་དྲི་བ་སྟོན་པའི་ཚིག་གྲོགས་ཤིག ཨེ་ཚར། ཨེ་དྲན། ཨེ་ཡིན། ཨེ་འདྲ་མི་འདྲ་བསྡུར་བ། ཉམ་ཆུང་སྦྲང་བུའི་ལས་བསྐོས་འདི་འདྲ། ཀྱེ་ཧུད་མཐོན་པོའི་གནམ་གྱིས་ཨེ་དགོངས། ཨེ་སྦྱར་མི་སྦྱར་བྱེད་རྒྱུ་མེད། རྡོ་ལ་སྦྱིན་སྦྱར་བྱེད་རྒྱུ་མེད། 2. ས་མིང་ཞིག་བོད་རན་སྐྱོང་ལྗོངས་ཀྱི་ཆུ་གསུམ་རྫོང་ཁོངས་ཀྱི་ཡུལ་དེ་ཨེ་ཡིག་གི་གཟུགས་འདྲ་བ་ཞིག་ཡོད་པས་མིང་དེ་ལྟར་ཐོགས། ཨེ ཨེ་ལྷ་རྒྱ་རི། ཨེ་ཆུ་མདོ་སྒང་གི་མི་ལུས་ལས། ལུང་པ་རྩྭ་ཆུ་འཛོམས་སའི་རི་དྭགས་སྐྱིད། 3. བོད་ཡིག་གི་འགྲེང་བུ་མཚོན་པའི་དབྱངས དོགས་པ་ཟ་བའམ་དྲི་བ་བྱེད་པའི་སྒྲ་སྟེ་ཨེ་ཡོད ཨེ་ཡིན ཨེ་ཟ ང་ཚོ་འགྲོ་ཨེ ང་རྟ་ལ་ཞོན་ཨེ་ཞེས་པ་ལྟ་བུ |
| ཨེ་ཀ་ཤ་ཅན |
ཨེ་འགྲེང་པོ་གཉིས་བརྩེགས་ཅན། ཨེ ཨཻ |
| ཨེ་ཀོར |
བུད་མེད་ཀྱི་རྣ་རྒྱན། |
| ཨེ་ཁང |
ཏཱ་ལའི་དང་བོད་ས་གནས་སྲིད་གཞུང་གི་གཞུང་ཡིག་དང་དཔེ་ཆ་སོགས་གཙང་བྲིས་བྱེད་མཁན་ལས་ཁུངས། |
| ཨེ་ཁུང |
ཨི་ཁུང་དང་འདྲ། |
| ཨེ་གསང |
མོ་མཚན། |
| ཨེ་དྲུང |
ཨེ་པ་དྲུང་ཡིག་སྟེ། སྔར་བོད་ས་གནས་སྲིད་གཞུང་སྐབས་ལྷོ་ཁ་ཨེ་ནས་ཡོང་བའི་འབྲུ་ཚའི་ཡིག་གཟུགས་འབྲི་མཁན་གྱི་དྲུང་ཡིག |
| ཨེ་ན་ཡ |
ལེགས རི་དྭགས་ཤྭ་བ། སངས་རྒྱས་ཀྱི་གསུང་ལ་གུས་པར་བྱས་ཏེ་བྱིན་པས་བྱིན་པ་རི་དྭགས་ཨེ་ན་ཡའི་ལྟ་བུ། |
| ཨེ་ནི |
ཡུལ དེ་ནས། ཨེ་ནི་གཏམ་ཞིག་ཤོད་དང༌། ཨེ་ནི་དེ་མིན་པའི་སྐད་ཆ་ག་རེ་འདུག |
| ཨེ་ནྱ་ཡ |
ཨེ་ན་ཡའི་འབྲི་ཚུལ་གཞན་ཞིག་ |
| ཨེ་ནྱ་ཡ་ན |
ཨེ་ན་ཡའི་འབྲི་ཚུལ་གཞན་ཞིག་ |
| ཨེ་པ་ཡོན་བདག |
སྔར་བོད་ས་གནས་སྲིད་གཞུང་སྐབས་དབུས་ཀྱི་ལྷོ་ཁ་ཨེ་ནས་ཡོང་བའི་ཡིག་གཟུགས་འབྲུ་ཚ་འབྲི་མཁན་གཙོ་བོ། |
| ཨེ་བྲིས |
ཨེ་པ་དྲུང་ཡིག་གིས་བྲིས་པའི་ཡིག་གཟུགས། |
| ཨེ་མ |
ངོ་མཚར་བའི་ཚིག ཨེ་མ་དེ་ནི་ངོ་མཚར་ཤིན་ཏུ་ཆེའོ། ཨེ་མ་མཚར། |
| ཨེ་མ་ཧོ |
ངོ་མཚར་ཆེ་ཟེར་བའི་བརྡ། ཨེ་མ་ཧོ། དེ་འདྲའི་ཁྱད་མཚར། ཡུལ་དུས་འདིར་བདེ་སྐྱིད་འཛོམས་པ་ཨེ་མ་ཧོ། འཛིན་མ་འདི་ཡང་རྒྱ་མཚོ་ཆེན་པོ་མ་ནུབ་པར་ཤིན་ཏུ་ལྕི་བའི་ཁུར་ཆེན་པོ་འདི་འདྲ་ཐེག་པ་ནི་ཨེ་མ་ཧོ་ཤིན་ཏུ་སྟོབས་དང་ལྡན་ལ་ངོ་མཚར་བའི་གནས་ཤིག་གོ། |
| ཨེ་མའོ |
ངོ་མཚར་ཆེ་བའི་ཚིག |
| ཨེ་ཝཾ |
ཨེ་ཡིག་ཤེས་རབ་སྟོང་པ་ཉིད་དང༌། ཝཾ་ཡིག་ཐབས་བདེ་བ་ཆེན་པོ་མཚོན་པར་བྱེད་པ་སྟེ། གང་དེ་བཞིན་ཉིད་ནི་ཆོས་ཉིད་ཀྱི་སེམས་ཡིན་པའི་གནད་ཀྱི་རྣམ་པའམ་སྣང་བ་དང་བཅས་པ་ཡིན་ཞིང༌། རྣམ་པ་སྣ་ཚོགས་པའི་རང་བཞིན་ཅན་དེ་ཉིད་ལ་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད། རྣམ་པ་ཐམས་ཅད་པ། དབང་པོ་ཐམས་ཅད་པ་ཞེས་སོགས་ཀྱི་མིང་དུ་བཏགས་པ་ཨེ་ཡིག་གི་དོན་ཡིན་ནོ། སེམས་ཀྱི་རང་བཞིན་གྱི་ཚུལ་དེ་ཉིད་སེམས་ཅན་ནས་སངས་རྒྱས་ཀྱི་བར་དུ་འགྱུར་བ་མེད་པ། སོ་སོ་རང་གི་རིག་པའི་མཚན་ཉིད་ཅན་གྱི་ནང་གི་རིག་པ་ཡིན་ལ། མཆོག་ཏུ་མི་འགྱུར་བའི་བདེ་བ་ཆེན་པོ་སྟེ་ཆོས་གསུམ་ལྡན་དེ་ལ་དེ་བཞིན་ཉིད། རྒྱུའི་རྡོ་རྗེ་འཛིན་པ། དང་པོའི་སངས་རྒྱས་སོགས་ཀྱི་མིང་དུ་བརྗོད་པ་ཝཾ་ཡིག་གི་དོན་ཡིན་ནོ། ཨེ ཝཾ ཨེ ཝཾ |
| ཨེ་ཝཾ་ཟུང་འཇུག |
རྣམ་ཀུན་མཆོག་ལྡན་གྱི་སྟོང་ཉིད་དང༌། མཆོག་ཏུ་མི་འགྱུར་བའི་བདེ་ཆེན་གཉིས་དབྱེར་མེད་ཟུང་དུ་འཇུག་པའོ། ཨེ་ཝཾ |
| ཨེ་རཎྜ |
ལེགས དན་རོག |
| ཨེ་རིས |
ཨེ་བྲིས་དང་དོན་གཅིག་ |
| ཨེ་རེ་འདོད་ཀྱིས |
རྙིང གང་འདོད་གྱིས་ཤིག་ཅེས་པའོ། |
| ཨེ་ལ |
ལེགས ཤིང་ཞིག |
| ཨེ་ལ་ཕྲ་མོ |
སུག་སྨེལ་གྱི་མིང་གི་རྣམ་གྲངས་ཤིག |
| ཨེ་ལྷ་རྒྱ་རི་བ |
བོད་ལྷོ་ཁ་ས་ཁུལ་ཁོངས་ཨེ་ཟེར་བའི་ཡུལ་ལུང་གི་དཔོན་ཚང་རྙིང་པ་ཞིག་ཡིན་པ་དེའི་རིགས་རུས་སྔར་བོད་རྒྱལ་གཉའ་ཁྲི་བཙན་པོ་ནས་བརྒྱུད་པ་ཡིན་ཟེར་བས་ཕྱིས་སུ་རྒྱལ་པོ་ཁྲི་འདོན་བྱེད་སྒོའི་གཟུགས་བརྙན་ཕྲན་ཙམ་ཡང་ལྷག་འདུག |
| ཨེ་ཤ |
རྙིང ཨ་ཤི་ཟེར་བ་ལྟ་བུ་སྙིང་རྗེ་བའི་ཚིག |
| ཨེ་ཤོ་ལེགས |
པུ་དེ་གུང་རྒྱལ་དང་འོམ་ཐང་རྨང་གཉའ་གཉིས་ཀྱི་སྲས། སྔར་བོད་རྒྱལ་བཅུ་པ་སྟེ་སའི་ལེགས་དྲུག་གི་ཡ་གྱལ་ཞིག |
| ཨེ་ཨེ |
ངོ་མཚར་བ་དང༌། ཧ་ལས་པའི་སྒྲ། ཨེ་ཨེ། དེ་ནི་སྔར་མ་ཐོས་ཀྱི་གཏམ་གསར་རང་རེད། |
| ཨེན |
ཅུང་ཟད། ནོར་འཁྲུལ་ཨེན་ཙམ་བྱུང་བ། ན་ཚ་ཨེན་ནེ་དྲག་འདུག ཁྱོད་རང་ཨེན་ཅིག་སྒུགས་ཤིག རྔན་པ་ཨེན་རེ་སྤྲད་པ། བྱ་བ་ཨེན་རེ་འཕྱུགས་པས། ཆགས་སྒོ་རི་ཙམ་ལང་ཡོང༌། 2. (བསྣན་ཚིག) ཚད་ཉུང་བའམ་ཆུང་བའི་དོན་ཏེ ཨེན་ཙམ་སྨན ཨེན་རེ་འཐུང་ སྨན་གྱི་སྡེབ་ཀ་འདིར་གླ་རྩི་ཨེན་ཙམ་བསྡེབ་དགོས་ལྟ་བུ |
| ཨེན་ཆུང |
ཡུལ བཙུན་པ་ལོ་ཆུང་ངམ། གྲྭ་པ་ཆུང་ཆུང༌། |
| ཨེམ་ཆི |
སོག སྨན་པ། |
| ཨེར་ཁ |
ཡུལ རྟ་དྲེལ་གྱི་སྐེ་རྒྱན་ཞིག་སྟེ། གཡེར་ཁ། |
| ཨེར་ཏེ་ནི |
སོག 1 རིན་པོ་ཆེ་སྟེ་སོག་པོའི་གོ་མིང་ཞིག་ཡིན་ཞིང་སྤྱི་ལོ་1713 ལོར་མན་ཇུའི་གོང་མ་བདེ་སྐྱིད་རྒྱལ་པོས་པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལ་ཨེར་ཏེ་ནི་ཞེས་པའི་གོ་ས་བསྩལ་བ་དེ་ནས་བཟུང་པཎ་ཆེན་རིམ་བྱོན་ཨེར་ཏེ་ནིའི་ཆེ་མིང་ལྡན་པར་གྱུར། 2 གསེར་ཐམ། |
| ཨོ |
བོད་ཡིག་གི་ན་རོ་མཚོན་པའི་དབྱངས |
| ཨོ་ཏན་ཏ་པཱུ་རི |
ལེགས འཕུར་བྱེད་ཀྱི་གྲོང་ཁྱེར་ཏེ། རྒྱ་གར་གྱི་གཙུག་ལག་ཁང་འདི་སློབ་དཔོན་སེང་བཟང་གི་སྦྱིན་བདག་ཆོས་རྒྱལ་དྷརྨ་པ་ལའི་རྒྱལ་རབས་གཅིག་ཙམ་གྱི་སྔོན་དུ་བཞེངས་པར་མངོན། བསམ་ཡས་གཙུག་ལག་ཁང་དེ་མཁན་པོ་ཞི་བ་འཚོས་ཞལ་བཀོད་མཛད་ནས་ཨོ་ཏན་ཏ་པཱུ་རིའི་བཀོད་པ་ལྟར་བཞེངས་པར་བཤད། |
| ཨོ་ཐོག |
སོག འབྲོག་པ། |
| ཨོ་པ |
རྙིང ཐམས་ཅད། |
| ཨོ་མུ་སུ |
ཨུ་མུ་སུའི་འབྲི་ཚུལ་གཞན་ཞིག་ |
| ཨོ་མོ་སུ་ལུ |
ཨུ་མུ་སུའི་འབྲི་ཚུལ་གཞན་ཞིག་ |
| ཨོ་ཚོད |
རང་མཚམས་འོལ་ཚོད། རང་ཤེད་ཐག་གཅོད་ཀྱི་ཨོ་ཚོད་ཚ་པོ། བྱ་བ་ཆེ་ཆུང་གང་ཡིན་རུང༌། ཨོ་ཚོད་བྱས་པས་ཕུགས་མི་རྟོགས། |
| ཨོ་ཟོབ |
མི་ཤེས་ཤེས་རྫུའམ། ཁྲམ་པ། མི་འཇོན་འཇོན་མདོག་གི་ཨོ་ཟོབ་བྱས་ན་མཇུག་ཏུ་རྫུན་ཕུགས་རྡོལ་ཡོང༌། |
| ཨོ་ཡོ |
ཡུལ ཁྱི་གུ། ཨོ་ཡོ་ངར་ངར་བྱེད་ཀྱང་རང་ཁྱིམ་གྱི་སྒོ་མི་ཁེགས། |
| ཨོ་རོད |
སོག་པོའི་ཨོས་ལོད་ཟེར་བའི་སྤྱི་མིང་སྟེ། ནང་གསེས་ལ་ཧོ་ཤོད། ཇུན་གར། ཐོར་གོད། ཐུ་མེད་བཅས་ཚོ་པ་བཞི་ཡོད། མཚོ་སྔོན་དང་ཞིན་ཅང་ཕྱོགས་ཀྱི་འབྲོག་པ་བོད་སྐད་དུ་མདོར་བསྡུས་ཏེ་སྟོད་སོག་ཟེར་བ་དེ་ཉིད་ཡིན། |
| ཨོ་རོད་ཇུན་གར |
སོག ཨོ་རོད་ཚོ་པ་བཞིའི་ནང་གསེས་ཀྱི་ཇུན་གར། |
| ཨོ་རོད་ཚོ་པ་བཞི |
ཨོ་རོད་ལ་ལྟོས། |
| ཨོ་རྒྱན |
ཨུ་རྒྱན་གྱི་འབྲི་ཚུལ་གཞན |
| ཨོ་རྒྱན་པད་མ |
སློབ་དཔོན་པདྨ་འབྱུང་གནས། |
| ཨོ་རྒྱན་ཟ་ཧོར་མ |
ཟ་ཧོར་རྒྱལ་པོའི་ཆ་ལུགས་སྤྲས་པའི་སློབ་དཔོན་པད་མའི་སྐུ་བརྙན། |
| ཨོ་རྒྱན་རིན་པོ་ཆེ |
སློབ་དཔོན་པད་མ་འབྱུང་གནས་ཀྱི་མཚན་གཞན་ཞིག |
| ཨོ་རྒྱན་སྒྲོལ་མ |
སྒྲོལ་མའི་རྣམ་གྲངས་ཏེ། ཨོ་རྒྱན་རིམ་པའི་སྒྲོལ་མ། |
| ཨོ་རྒྱན་སྨིན་གྲོལ་གླིང |
སྨིན་གྲོལ་གླིང་གི་མིང་ཆ་ཚང༌། |
| ཨོ་ལོ |
1 སྔ་དུས་ལྷ་ས་སྨོན་ལམ་ཆེན་མོའི་ཇ་འདྲེན་མཁན། 2 ཡུལ བྱིས་པ་སྤྱིའི་མིང༌། ཨོ་ལོ་གསོ་སྐྱོང་ཕ་མའི་ལས་འགན་རེད། ཕོ་གཞོན་ནམ་གཞོན་ནུ། |
| ཨོ་ལོ་ལོ |
བྱིས་པ་ཆུང་ངུ་གཉིད་ཐབས་ཀྱི་ཚིག ཨོ་ལོ་ལོ། ཨོ་ལོ་ལོ། གཉིད་སྐྱིད་པོ་ཉོལ། ཨོ་ལོ་ལོ། |
| ཨོ་ལོག |
དབྱུག་པ་ཡི་མིང་གཞན ཡུལ་སྐད་ལ་ལར་ཨོ་ཅོ་ཟེར་ཏེ མི་མཁོ་ཨོ་ཅོ་སྐམ་པོ་མཁོ་བའི་ཉི་མ་ལན་གཅིག་ཅེས་པ་ལྟ་བུ |
| ཨོ་ལོག་ཡུ་བའམ |
དབྱུག་པ། |
| ཨོ་ཤུའི་ཆུ |
ཡུལ ཤྭ་འོད་རྒྱུགས་པའི་ཆུ། |
| ཨོ་ཤེས |
ཡུལ སྐུ་མཁྱེན། རྒན་ལགས། ཨོ་ཤེས། དཔེ་ཆ་འདི་ང་ལ་གཡར་རོགས་གནང༌། ཨོ་ཤེས་སྐུ་མཁྱེན་ཟེར་ན་སྙིང་རྗེ་དགོས། |
| ཨོག་ཀོར |
དབུགས་འབྱིན་རྔུབ་བྱེད་པའི་དབང་བོའི་དུམ་བུ་ཞིག་སྟེ ཡར་སྣེ་ཨོལ་སྒོ་དང་འབྲེལ་ཞིང་མར་སྣེ་ཨོལ་བ་དང་འབྲེལ དེ་ནི་ཕྲུམ་རུས་ཨ་ལོང་མ་དང་ཕྲུམ་རུས་ལྦ་རྡོག ཕྲུམ་རུས་ལོ་འདབ་སོགས་འདུས་ནས་གྲུབ ཨོག་ཀོར་གྱི་ཁོང་ན་སྐད་འབྱིན་བྱེད་ཀྱི་རྒྱུད་ཅིག་ཡོད་པས་ན ཨོག་ཀོར་ནི་སྐད་འབྱིན་བྱེད་ཀྱང་ཡིན དེ་ལ་ཨོག་སྐོར་ཡང་ཟེར། 2. ཨོག་སྐོར་དང་འདྲ། |
| ཨོག་ཏི |
རྟའི་རྐེ་དང་ལྐོག་མ་རུ་སྐྲངས་པ་དང་རྣག་འབྱུང་བའི་ནད་ཅིག |
| ཨོག་དཀར |
གཅན་གཟན་རིགས་ཞུམ་བུ་ལས་ཆེ་ཙམ་པ་འབྲས་ལྗོངས་དང་བལ་པོའི་ཤར་རྒྱུད་ནས་ཐོན་པ་ཞིག |
| ཨོག་དོང |
ཡུལ མགྲིན་པའམ། མིད་པ། |
| ཨོག་དོམ |
བཞོན་རྟའི་ཨོག་མའི་འོག་ཏུ་འདོགས་རྒྱུ་རྔ་དམར་གྱི་དོམ་དོམ་སྟེ། སྔར་བོད་ས་གནས་སྲིད་གཞུང་གི་དྲུང་རིགས་སེར་སྐྱའི་གོ་གནས་ཆེ་ཆུང་མཚོན་རྟགས་ཤིག |
| ཨོག་མ |
ཡུལ མགྲིན་པའི་མདུན་ཕྱོགས། ཨོག་ལྤགས། སྙིང་ནས་མི་དགའ་ན་ཨོག་མ་ཡན་གྱི་སྐད་ཆ་སྙན་པོ་ཅི་ཕན། |
| ཨོག་ཚ |
ཨོག་དཀར་དང་བྱི་ལ་འདྲེས་པའི་ཕྲུ་གུ། |
| ཨོག་ཚར |
ཨོག་ཚོམ་དང་འདྲ། 2. ཨག་ཚོམ་གྱི་མིང་གཞན |
| ཨོག་ཚར་ཅན |
1 ཨོག་ཚོམ་ཡོད་མཁན། 2 མངོན ར། |
| ཨོག་ཚོམ |
མ་ལེ་ལ་སྐྱེས་པའི་སྤུ། སྐྲ་དང་ཨོག་ཚོམ་དུང་ལྟར་དཀར་བ། ངོ་གདོང་སྐྱ་སེང་ངེ་ཨོག་ཚོམ་འབྱིལ་བཞིན་སྨྲས་པ། ཨོག་ཚོམ་བྱུག་བྱུག་བྱས་ནས་གཏམ་ཤོད་ན་གདེང་དང་སྤོབས་པ་ཡོད་པའི་རྟགས་རེད།…2. ཨག་ཚོམ་གྱི་མིང་གཞན |
| ཨོག་ཚོམ་ཅན |
ཨོག་ཚར་ཅན་དང་དོན་གཅིག་ |
| ཨོག་ཞོལ |
ལྐོག་ཤལ། |
| ཨོག་འཇོལ |
ལྐོག་ཤལ། |
| ཨོག་འཛུམ |
མཆུ་འགུལ་བའི་ཚེ་ཨོག་མའི་སྟེང་དུ་གཉེར་མ་ཤིག་གེ་བའི་འཛུམ་ཞིག་འབྱུང་བས་དེའོ། |
| ཨོག་རིལ |
རྟ་བོང་སོགས་ཀྱི་བྲུན། |
| ཨོག་རྒྱ |
མ་ལེའི་ཨག་ཚོམ་དང་འགྲམ་པའི་རྒྱའི་སྤུ།…2. ཨག་ཚོམ་གྱི་མིང་གཞན |
| ཨོག་ཤལ |
ལྐོག་ཤལ། |
| ཨོག་སྐོར |
མགྲིན་པའི་མདུན་ཕྱོགས། |
| ཨོག་སྒྲོག |
1 སྲབ་མཐུར་གྱི་འོག་སྒྲོག 2 ཞྭ་མོའི་འོག་སྒྲོག |
| ཨོག་སྟེགས |
སྒོམ་ཤིང་སྟེ། སྒོམ་རྒྱག་སྐབས་ཀྱི་ཨོག་མའི་སྟེགས། |
| ཨོང |
ཨོང་བ་ལ་ལྟོས ཨོང་དོ་ལ་ལྟོས |
| ཨོང་གོང |
1 རྐུབ་ཀྱི་རྒྱབ་ངོས། 2 མེ་ཤིང་ལྕི་བའམ་རྟ་སྦངས། |
| ཨོང་དོ |
རྐུབ་ཤའི་མིང་ ཚིག་བསྡུས་ན་ཨོང་ཞེས་འབྲི་ཆོག་སྟེ ཨོང་ཤ་ཨོག་བཙོག་ཅེས་པ་ལྟ་བུ |
| ཨོང་བ |
གནག་གི་བྲུན་སྐམ་པོ ཚིག་བསྡུས་ན་ཨོང་ཞེས་འབྲི་ཆོག་སྟེ ཨོང་ལེབ་ཨོང་རྡོག་ཅེས་པ་ལྟ་བུ |
| ཨོང་རས |
1 སྨད་གོས། 2 སྒྲོན་མེའི་སྡོང་རས། |
| ཨོང་རིལ |
རྟ་སྦངས། ཨོང་རིལ་མེ་ཡིས་ལྕགས་མི་བཞུ། ནུས་མེད་གཏམ་གྱིས་དོན་མི་འགྲུབ། མི་ངན་ཕྱི་འཇམ་ནང་རྩུབ་བོང་བུའི་ཨོང་རིལ་འདྲ། |
| ཨོང་ཤ |
ལུས་ཀྱི་འཕོངས་ཤ། |
| ཨོང་སྟེགས |
ཨོང་དོ་བཞག་ནས་སྡོད་ཆོག་པའི་སྟེགས་བུའི་མིང་ |
| ཨོམ |
སྐྱོར་ཤིང་ངམ། མགོ་གཙོ། |
| ཨོམ་ཚུགས |
མཁར་རྒྱུག་ལ་ལག་པ་དང་བྲང་གི་ལྗིད་བཀལ་ཏེ་ངལ་བསོ་བ། |
| ཨོམ་ཤིང |
ཡུལ འགྱོགས་ཤིང༌། |
| ཨོར་ཁུང |
ཝ་ཁའམ། ཨོར་པ་འཇུག་སའི་ཁུང་བུ། ཆུ་འགྲོའི་ཨོར་ཁུང༌། |
| ཨོར་པ |
ཡུལ ཆུ་རྒྱུག་སའི་ཝ་མཆུ། ཐོག་ཀ་རྒྱ་ཆེ་ཡང་འགྲོ་ས་ཨོར་པའི་ནང་རེད། |
| ཨོར་བ |
དབོར་བ་དང་འདྲ། |
| ཨོར་འཐོམ |
རང་ཤེད། མི་ཨོར་འཐོམ་ཚ་པོ་ལ་ངང་རིང་གིས་བསླབ་བྱ་བརྒྱབ་ན་གཞི་ནས་ཡར་ཐོན་དུ་འགྲོ་ཐུབ་པ། རང་ལ་བདེན་པ་མེད་ན་ཨོར་འཐོམ་བཤད་པས་ཁུངས་མི་འཁྱོལ། |
| ཨོལ་ཀྲོང |
གློ་བ་ནས་གྲེ་བའི་བར་དུ་ཟུག་པའི་དབུགས་རྒྱུ་བའི་ལམ་གློ་ཡུ་ཡང་ཟེར་བ་དེའི་མིང་གི་རྣམ་གྲངས་ཤིག |
| ཨོལ་ཁུང |
ཆུ་འགྲོ་སའི་བུ་ག། ཨོལ་ཁུང་བརྟོལ་བས་འཁྱིལ་ཆུ་ཤར་རར་རྒྱུག་པ། |
| ཨོལ་གོང |
སྐེའི་མདུན་ངོས།…2. 《བཻ་སྔོན》དུ་དབུགས་འབྱིན་རྔུབ་བྱེད་པའི་གློ་ཡུའི་མིང་ཡིན་པར་བཤད |
| ཨོལ་གོང་འཛུམ |
ཡུ་མོ་ཨོལ་གོང་ངམ་སྲོལ་གོང་ཡང་ཟེར། འདིའི་ལོ་མ་དང་སྡོང་པོ་རྣམས་ཁུ་མང་དང་འདྲ་བའི་མེ་ཏོག་སེར་པོ་ཁ་ཟུམ་པ། |
| ཨོལ་ཆམ |
རྟ་དྲེལ་ཨོལ་ཆམ་གྱི་ནད་ཕོག་ཚེ་གློ་རྒྱག་མི་ཐུབ་པར་ཡུན་རིང་ན་ནས་ཤ་སྐེམ་པ་དང༌། གཙོ་བོར་ཨོག་མའི་འོག་མའི་འོག་གམ་གཞན་དུའང་རྡོལ་ཏེ་རྣག་ཁྲག་ཐོན་པའི་རྟ་དྲེལ་གྱི་འགོ་ནད་ཅིག |
| ཨོལ་བ |
དབུགས་འབྱིན་རྔུབ་བྱེད་པའི་ཆ་ལག་ཅིག་ཡིན དེ་ནི་ཕྲུམ་རུས་ཨ་ལོང་མ་མང་བོ་མཐུད་ནས་གྲུབ་པའི་སྦུ་གུ་ལྡེམ་ཤུགས་ཅན་ཞིག་ཡིན ཨོལ་བའི་མར་སྣེ་དུམ་བུ་གཉིས་སུ་གྱེས་ནས་གློ་བ་གཡས་གཡོན་གཉིས་ལ་འབྲེལ ཡུལ་སྐད་ལ་ལར་ཨོལ་གྲོག་ཟེར སྐེའི་མདུན་ངོས་ལ་ཨོལ་བ་ཟེར |
| ཨོལ་མ |
ཨོག་ཀོར་གྱི་མིང་གཞན ཨོལ་བ་ཡི་མིང་གཞན སྐེའི་མདུན་ངོས་ཀྱི་མིང་གཞན |
| ཨོལ་མདུད |
མགྲིན་པའི་མདུན་ངོས་ཀྱི་འབུར་མདུད། |
| ཨོལ་མདུད |
ཨོལ་སྒོའི་ཆ་ཤས་སྐེ་མདུན་དུ་འབུར་བའི་ཁག་གི་མིང་ |
| ཨོལ་འཛུམ |
མ་མཆུའི་འོག་ཏུ་ཁ་འགུལ་དུས་གཉེར་མ་ཞིག་འབྱུང་བས་དེའི་མིང༌། |
| ཨོལ་རྐ |
ཨོལ་བའི་སྟེང་གི་མེ་བཙའ་འཕེན་ས་ཞིག་གི་མིང་ 2.ཆུ་རྐ་སོ་སོར་གྱེས་པའི་རྐ་ཆུང་གི་མིང་སྟེ ཆུ་ཨོལ་རྐ་གཅིག་ཅེས་པ་ལྟ་བུ |
| ཨོལ་རྔམས |
འོལ་རྔམས་ཀྱི་འབྲི་ཚུལ་གཞན་ཏེ འོལ་ཀ་ལ་ལྟོས |
| ཨོལ་སྐོ |
མ་མཆུའི་འོག་གི་ཤ་རུས་འབུར་པོའི་མིང༌། |
| ཨོལ་སྒོ |
ཁའི་ནང་ཕུགས་ན་ཤ་སྐྱི་འདྲེས་པ་ལས་གྲུབ་པའི་སྦུ་གུ་ཞིག་ཡིན་ཞིང་ དེ་ནི་དབུགས་འབྱིན་རྔུབ་དང་ཟས་མིད་པ་གཉིས་ཀའི་ལམ་ཐུན་མོང་བ་ཞིག་ཡིན སྦུ་གུ་དེ་དུམ་བུ་གསུམ་དུ་བགོས་པའི་དུམ་བུ་སྟོད་མ་ལ་སྣའི་ཨོལ་སྒོ་དང་དུམ་བུ་བར་མར་ཁའི་ཨོལ་སྒོ དུམ་བུ་སྨད་མ་ཨོག་ཀོར་གྱི་རྒྱབ་ན་ཡོད་པར་ཨོག་སྐོར་གྱི་ཨོལ་སྒོ་ཞེས་ཟེར་ཆོག |
| ཨོཾ |
1 སྐུ་རྡོ་རྗེ་སོགས་མཚོན་དོན་མང་པོ། 2 སྔགས་ཀྱི་མགོ་འདྲེན་བྱེད། |
| ཨོཾ་མ་ཎི་པདྨེ་ཧཱུྃ |
ལེགས སྤྱན་རས་གཟིགས་ཀྱི་སྙིང་པོ་གཟུངས་སྔགས་ཡི་གེ་དྲུག་མའོ། |
| ཨོཾ་མཛད་མ |
སྒྲོལ་མའི་མིང་གི་རྣམ་གྲངས། |
| ཨོཾ་སྭསྟི |
ལེགས བདེ་ལེགས་སུ་གྱུར་ཅིག་ཅེས་དཔེ་ཆའི་འགོར་འབྲི་བའི་ཤིས་བརྗོད་ཀྱི་སྐད་དོད་ཅིག |
| ཨཽ་ཌི་ཡཱ་ན |
ལེགས ཨུ་རྒྱན་ཡུལ། ཨུ་རྒྱན་ལ་ལྟོས། |
| ཨཽཊྱཱ་ན |
ཨཽ་ཌི་ཡཱ་ནའི་འབྲི་ཚུལ་གཞན་ཞིག་ |
| ཨྱོན |
ཨུ་རྒྱན་གྱི་འབྲི་ཚུལ་གཞན་ཞིག་ |
| ཨྱཽན |
ཨུ་རྒྱན་གྱི་འབྲི་ཚུལ་གཞན་ཞིག་ཟུར་བཀོད། |