སྨན་རིག་གི་ཤེས་བྱ་མཐར་ཕྱིན་པ་བོད་ཡུལ་དུ་བསྲིངས་པ།

མེར་ཤ་ཏུང་སྨན་བཅོས་ལག་དེབ་ནི་སྨན་རིག་གི་ཁྱབ་ཁོངས་ཡོངས་སུ་ཁྱབ་པའི་གནད་དོན་སྟོང་ཕྲག་མང་པོ་འདུས་པའི་སྨན་རིག་གི་གནས་ཚུལ་གྱི་ཁུངས་མཐུན་ཞིག་ཡིན། ལག་དེབ་འདི་ནི་སྨན་བཅོས་ཆེད་ལས་མི་སྣ་དང་། དེ་བཞིན་མི་དམངས་སྤྱིར་བཏང་བ་བཅས་ལ་རིན་མེད་ཀྱི་སྤྱི་ཕན་ཞབས་ཞུ་ཞིག་ཏུ་སྤྲད་ཡོད།ལག་དེབ་འདི་སྤྱི་ལོ ༡༨༩༩ ལོར་ཐོག་མར་འགྲེམས་སྤེལ་བྱས་པ་དང་། མིག་སྔར་ཨ་རི་དང་ཁེ་ན་ཌ་ཕུད་པའི་ས་ཁུལ་གཞན་དག་ལ་《ཨེམ་ཨེས་ཌི་སྨན་བཅོས་ལག་དེབ།》(《MSD Manual》) ཞེས་འབོད་ཀྱི་ཡོད་པ་མ་ཟད། འཛམ་གླིང་ཐོག་སྤྱོད་ཆེ་ཤོས་ཀྱི་སྨན་རིག་གནས་ཚུལ་གྱི་ཁུངས་མཐུན་གྲས་ཀྱི་གཅིག་ཀྱང་ཡིན།བདེ་ཐང་གི་གནས་ཚུལ་ཐོབ་པ་ནི་མི་ཚང་མས་ལོངས་སུ་སྤྱོད་འོས་པའི་ཐོབ་ཐང་ཞིག་ཡིན་པ་དང་། མི་རེ་རེ་ལ་སྨན་རིག་གི་གནས་ཚུལ་ཡང་དག་དང་སྟབས་བདེ་བའི་ཐོག་ནས་ལག་སོན་བྱེད་པའི་ཐོབ་ཐང་ཡོད་པར་ཡིད་ཆེས་བརྟན་པོ་བྱེད་ཀྱི་ཡོད། དེར་བརྟེན་ནད་པར་གོ་རྟོགས་ལྡན་པའི་ཐག་གཅོད་བྱེད་ཐུབ་པ་དང་། ནད་པ་དང་ཆེད་ལས་སྨན་ཞབས་པ་བར་གྱི་འབྲེལ་བ་སེམས་ཐག་ཉེ་རུ་གཏོང་བ། དེ་བཞིན་འཛམ་གླིང་ཡོངས་ཀྱི་སྨན་བཅོས་བདེ་ཐང་གི་གྲུབ་འབྲས་ལེགས་སུ་གཏོང་བ་བཅས་ཀྱི་ཆེད། ང་ཚོས་མིག་སྔར་ཆེས་ལེགས་ཤོས་ཀྱི་སྨན་རིག་གནས་ཚུལ་རྣམས་སྲུང་སྐྱོབ་དང་། ཉར་ཚགས། དེ་བཞིན་བགོ་བཤའ་བྱེད་པའི་འགན་འཁྲི་ལེན་གྱི་ཡོད།