སྨན་བཅོས་ཆུ་ཚད་དང་། དངོས་ཟོག་གི་ཚད་གཞི། མི་རེའི་ཆ་སྙོམས་ཀྱི་སྔོན་དཔག་ཚེ་ཚད་སོགས་ཕྱོགས་གང་ཅིའི་ཐད་ནས་བལྟས་ན། ད་ལྟ་ནི་མིའི་རིགས་ཀྱི་ལོ་རྒྱུས་ཐོག་གི་འཚོ་བར་ཆེས་འཚམ་པའི་དུས་སྐབས་ཤིག་རེད། མཉམ་འབྲེལ་རྒྱལ་ཚོགས་ཀྱིས་འཛམ་གླིང་བདེ་སྐྱིད་ཉིན་མོར་ཀེ་ལོ་ཕུའུ་དམངས་འདོད་བརྟག་དཔྱད་盖洛普民意调查བྱས་ནས་སྤེལ་བའི་༼འཛམ་གླིང་བདེ་སྐྱིད་སྙན་ཞུ་༽ཁྱབ་བསྒྲགས་བྱས་ཡོད་ལ། འཛམ་གླིང་ཡོངས་ཀྱི་རྒྱལ་ཁབ་བརྒྱ་དང་ལྔ་བཅུ་ལྷག་གི་ནང་། ཧྥུན་ལན་ཨང་དང་པོ་དང་ཨ་ཧྥུ་གན་ནི་སི་ཐན་ཨང་མཐའ་མ་རེད། སྤྱི་ཚོགས་གསོལ་ཐང་高福利་ཆེ་བ་དང་སྤྱི་ཚོགས་ཀྱི་ཡིད་ཆེས་བྱེད་ཚད་མཐོ་བ། མི་སྒེར་གྱི་ཡོང་འབབ་དང་། ལས་ཞུགས་ཀྱི་ཚད། བཟའ་མིའི་ཁྱིམ་ཚང་གི་གོ་གནས། བདེ་འཇགས་གནས་ཚུལ་བཅས་ནི་རྒྱལ་དམངས་ཀྱི་བདེ་སྐྱིད་ཚོར་སེམས་ལ་ཤུགས་རྐྱེན་ཐེབས་པའི་རྒྱུ་རྐྱེན་གལ་ཆེན་ཞིག་ཡིན་པ་གདོན་མི་ཟ། འོན་ཀྱང་ཀེ་ལོ་ཕུའུ་ཡི་བརྟག་དཔྱད་ཁྲོད་རྒྱུན་གཏན་གྱི་མྱོང་ཚོར་ལ་ཚོད་དཔག་བྱས་ན། ཨང་རིམ་ཨང་དང་པོ་ནི་ཕ་ན་མ་རྒྱལ་ཁབ་ཡིན་པ་དང་ཀེ་སི་ཏ་ལི་ཅ་ཡི་ཨང་རིམ་ཡང་མདུན་གྲལ་དུ་སླེབས་ཡོད། དེའི་ཕྱིར། རྒྱལ་ཁབ་དེ་གཉིས་ཀྱི་དཔལ་འབྱོར་ཆུ་ཚད་ཡོ་རོབ་བྱང་མའི་རྒྱལ་ཁབ་ལས་ཧ་ཅང་ཞན་པོ་ཡོད་ཀྱང་རྒྱལ་དམངས་ཀྱི་བདེ་སྐྱིད་ཀྱི་ཚད་ཧ་ཅང་མཐོ་པོ་ཡོད། ཅིའི་ཕྱིར་འདི་འདྲའི་བར་ཁྱད་ཡོད་པ་རེད་དམ། བདེ་སྐྱིད་ནི་དོན་དངོས་སུ་ཅི་ཞིག་གིས་ཐག་གཅོད་བྱེད་པ་རེད་དམ།
བདེ་སྐྱིད་ལ་ཞིབ་འཇུག་བྱེད་པའི་མཁས་པ་ཏན་ནེ་འར་M ཧའེ་པུའུ་ལུན་ལ་མི་དམངས་ཤོག་སྒོར་བྱེ་བ་གསུམ་དང་ས་ཡ་ལྔ་ཙམ་གྱི་ཞིབ་འཇུག་གྲོན་དངུལ་ཐོབ་མྱོང་བ་དང་། ཁོས་ལོ་གསུམ་གྱི་དུས་ཚོད་སྤྱད་དེ་དེང་རབས་འཛམ་གླིང་གི་འཚོ་བ་ཇི་ལྟར་སྔར་ལས་བདེ་སྐྱིད་ལྡན་པར་ཞིབ་འཇུག་བྱས། དེའི་སྔོན་ལ་ཁོང་གིས་ཨོ་ཁི་སི་ཧྥོ་ཏི་སློབ་གྲྭ་ཆེན་མོའི་དཔེ་སྐྲུན་ཁང་གི་གདན་ཞུས་ལྟར་མིང་ལ་༼བདེ་སྐྱིད༽ཟེར་པའི་དེབ་ཆུང་ཐུང་ངུ་ཞིག་བྲིས་པ་སྟེ། མཚན་ཉིད་རིག་པ་དང་། སེམས་ཁམས་རིག་པ། མི་ཆོས་རིག་པ་བཅས་ཀྱི་ཁྲོད་དུ་བདེ་སྐྱིད་ལ་ཞིབ་འཇུག་གཏིང་ཟབ་བྱས། དེའི་དམིགས་ཡུལ་ནི་མི་དཀྱུས་མ་དག་ལ་བདེ་སྐྱིད་ཀྱི་འཚོ་བ་འཛུགས་སྐྲུན་བྱེད་པར་ཕྱོགས་སྟོན་ཞིག་འདོན་སྤྲོད་བྱ་རྒྱུ་དེ་རེད།
བདེ་སྐྱིད་ལ་སྔར་ལས་ཁ་གསལ་བའི་མཚན་ཉིད་གསར་བ་འཇོག་དགོས།
ཁྱོད་བདེ་སྐྱིད་ལྡན་ནམ་ཞེས་དེ་སྔ་རྒྱ་ནག་གི་ལེ་ཚན་གསར་འགོད་པས་ལམ་འགྲོ་བར་སྐབས་བསྟུན་ངང་འདྲི་ཚིག་དེ་བཏོན་ནས་རྒྱལ་དམངས་ཀྱི་བདེ་སྐྱིད་ཚོར་སེམས་ལ་བརྟག་དཔྱད་བྱས། དེར་གད་མོ་ཤོར་དགོས་པའི་ལན་མང་པོ་ཐོབ། མི་མང་ཆེ་བས་ལན་འདེབས་སྐབས་ང་ལ་བདེ་སྐྱིད་ལྡན་ཞེས་པའི་ལན་ཚད་ལྡན་ཞིག་བཏབ་ཡོད། ལན་འདིས་ལེ་ཚན་བདེ་བླག་ངང་སྤེལ་དུ་བཅུག་མོད། འོན་ཀྱང་བཅར་འདྲི་བྱ་ཡུལ་གྱིས་བདེ་སྐྱིད་ཀྱི་འཚོ་བ་རོལ་བཞིན་པ་མཚོན་ཐུབ་བམ།
ཏན་ནེ་འར་M ཧའེ་པུའུ་ལུན་གྱིས་བལྟས་ན་དེ་ནི་”་བརྟག་དཔྱད་རིགས་ནུས་པ་གཏན་ནས་མེད་པ་ཞིག་”་ཡིན་ཞིང་། འདྲི་ཚིག་དེ་འདྲི་མཁན་གྱིས་བདེ་སྐྱིད་ནི་ཡང་སྙིང་ཅི་ཞིག་ཡིན་པ་གསལ་པོར་ཤེས་མེད་པའམ་ཡང་ན་ཁོ་ཚོས་སྟབས་བདེའི་སྒོ་ནས་འཚོ་བའི་བློ་ཡིད་ཚིམ་ཚད་དེ་བདེ་སྐྱིད་དང་གཅིག་མཚུངས་སུ་བརྩིས་པ་ཙམ་རེད། བདེ་སྐྱིད་ལ་མཚན་ཉིད་འཇོག་དགོས་ན། ཧའེ་པུའུ་ལུན་གྱིས་རྒྱུན་ལྡན་གྱི་བདེ་སྐྱིད་སྐོར་གྱི་སྤྱི་མཚན་དུ་གྱུར་པའི་གྲོས་བསྡུར་སྟབས་བདེར་བཟོས་ནས། སེམས་ཁམས་རིག་པའི་རྣམ་པ་ཞིག་ཏུ་གོ་བ་བླངས་ཏེ། སེམས་ཁམས་རྣམ་པའི་རིགས་པའི་གཞུང་ལུགས་དང་། སྐྱིད་འདོད་རིང་ལུགས་ཀྱི་རིགས་པའི་གཞུང་ལུགས། འཚོ་བར་བློ་ཡིད་ཚིམ་ཚད་ཀྱི་རིགས་པའི་གཞུང་ལུགས་བཅས་གཞི་རྩའི་རིགས་པའི་གཞུང་ལུགས་གསུམ་འདུས་པར་བྱ་རྒྱུའི་གྲོས་འགོ་བཏོན་པ་རེད།
དབྱིན་ཡིག་གི་ཁྲོད་དུ་”་བདེ་སྐྱིད་”་དང་”་སྤྲོ་སྐྱིད་”་ཚང་མར་happy་ཞེས་པའི་ཐ་སྙད་འདི་སྤྱད་ཡོད་ལ། དེས་ཐད་ཀར་སེམས་ཁམས་རྣམ་པའི་རིགས་པའི་གཞུང་ལུགས་ཞེས་པར་འགྲེལ་བཤད་བྱས་ཡོད།གཞུང་ལུགས་འདིའི་འདོད་ཚུལ་ལྟར་ན། བདེ་སྐྱིད་ནི་སེམས་ཁམས་བཟང་པོ་ཡོད་པ་དེ་རེད། མི་ཞིག་གི་རྣམ་འགྱུར་ཧ་ཅང་བཟང་བ་དང་། དགའ་ཞེན་ཆེ་བའི་བྱ་དངོས་ཁྲོད་དུ་གནས་པ། ཡང་ན་སེམས་ཁྲལ་མེད་པ། འཛུམ་མདངས་རྒྱུན་དུ་བཞད་པ་བཅས་ནི་བདེ་སྐྱིད་ཀྱི་རྣམ་པར་བརྩིས་ཆོག བསམ་ཚུལ་དེ་རིགས་ཡོང་བ་བྱེད་པར་ཡང་གཞི་རྩའི་དམིགས་ཚད་གསུམ་ཡོད་པ་སྟེ། དང་པོ་ནི་རྨང་གཞིའི་བདེ་འཇགས་ཀྱི་ཚོར་སྣང་ཡིན་པ་ལས་མཐའ་འཁོར་གྱི་ཁོར་ཡུག་ལ་དོགས་ཟོན་ཆེན་པོ་བྱེད་མི་དགོས་པ་ཡིན། ཧའེ་པུའུ་ལུན་གྱིས་བཤད་ན། འདི་ནི་མི་དང་རང་ཉིད་ཀྱི་མི་ཚེ་མཐུན་སྦྱོར་ཡོང་བ་ཡིན་པ་དང་། དོན་ཚན་གཉིས་པ་ནི་འཚོ་བའི་ནང་ཞུགས་ཚད་ནས་མཚོན་དགོས། སེམས་ཁམས་རིག་པ་བ་སྨི་ཧ་ལི་ཆི་ཁེ་སེན་སྨི་ཧ་ལའེ་ཡི་སེམས་རྒྱུན་བྱ་བའི་ཐ་སྙད་ཀྱིས་གཞུང་ལུགས་འདིའི་གོ་དོན་དེ་རིགས་སྔར་ལས་ལྷག་པར་ཞིབ་བརྗོད་བྱེད་ཐུབ་པ་སྟེ། ལུས་སེམས་གཉིས་ཀ་བྱེད་སྒོ་ཞིག་གི་ནང་དུ་ཞུགས་ནས་བློ་གཅིག་སེམས་གཅིག་གི་ཚད་ལ་སླེབས་ཐུབ་པ་དང་། གསུམ་པ་ནི་ཟག་བཅས་སུ་ཡིན་རུང་རང་སྣང་ཐོག་རང་ཉིད་ཀྱི་མི་ཚེ་རིན་ཐང་ལ་ཁས་ལེན་མིན་དེར་ཐུག་ཡོད།
སེམས་ཁམས་བདེ་སྐྱིད་ཀྱི་ཕྱོགས་ནས་བཤད་ན། སེམས་ཁྲལ་དང་སྐྱོ་སྣང་གི་རྣམ་པ་མིན་ན། བདེ་སྐྱིད་ཐོབ་ཡོད་རེད། དེས་མ་ཚད་བདེ་སྐྱིད་དེ་རིགས་ནི་སྐྱིད་འདོད་རིང་ལུགས་ཀྱི་རིགས་པའི་གཞུང་ལུགས་ཀྱི་དུས་ཐུང་སྤྲོ་སྣང་ཉམས་ལེན་དང་མི་འདྲ་བར། རྒྱུན་མཐུད་ཀྱི་རྣམ་པ་ཞིག་དང་། ཆེས་ཕུགས་བསམ་ལྡན་པའི་གནས་སྟངས་ཤིག་ཡིན་ངེས། འཚོ་བའི་བློ་ཡིད་ཚིམ་ཚད་ནི་མི་སྒེར་གྱིས་འཚོ་བའི་རྣམ་པར་རང་སྣང་གི་ཤན་འབྱེད་བྱས་པ་མཚོན་པ་དང་། བདེ་སྐྱིད་ཀྱི་ཚད་གཞི་དང་བསྡུར་ན་ནོར་འཛོལ་ཧ་ཅང་ཆེན་པོ་བྱུང་ཡོད་པས། མི་མང་པོ་ཞིག་གིས་རང་ཉིད་ཀྱི་མི་ཚེ་ལ་བློ་ཡིད་ཚིམ་པོ་བྱེད་ཀྱི་ཡོད་ཀྱང་འཚོ་བར་བདེ་སྐྱིད་ལྡན་པའི་ངེས་པ་མེད།
ཝསྐྱིད་འདོད་རྣམ་པའི་སྤྲོ་སྣང་དང་། རང་སྣང་སྟེང་ནས་མི་ཚེའི་ཡིད་ཚིམ་ཚད་དང་བདེ་སྐྱིད་ལ་དབྱེ་འབྱེད་བྱེད་ན། ང་ཚོས་སྔར་ལས་ལྷག་པའི་སྒོ་ནས་བདེ་སྐྱིད་ཀྱི་གྲུབ་ཚུལ་ལ་རྒྱུས་ལོན་བྱེད་ཐུབ་པ་དང་། དེ་ལས་སྟབས་བདེ་བའི་སྒོ་ནས་བདེ་སྐྱིད་ཐོབ་བྱེད་ཀྱི་ཐབས་ལམ་འཚོལ་ཐུབ།
བདེ་སྐྱིད་ལ་མཁོ་བའི་མཐུན་རྐྱེན་ནི་རྙོག་འཛིང་མ་ཡིན།
ཧའེ་པུའུ་ལུན་གྱིས་ང་ཚོར་བདེ་སྐྱིད་ནི་དགེ་མཚན་ལྡན་པའི་བསམ་ཚུལ་ཞིག་ཡིན་པ་དང་། ཡུན་རིང་རྒྱུན་འཁྱོངས་བྱེད་ཐུབ་པའི་སེམས་ཁམས་བཟང་པོ་ཞིག་ཡིན་པ་ཤེས་སུ་བཅུག་ཡོད། འོ་ན་བདེ་སྐྱིད་ནི་གང་ནས་ཡོང་བ་ཡིན་ནམ། གཞི་རྒྱུ་ཡིས་བདེ་སྐྱིད་ཚོར་བའི་ནུས་པ་ཐག་གཅོད་བྱེད་ཐུབ་བམ། སྒོར་མོ་ཇི་ལྟར་མང་ན་དེ་ལྟར་བདེ་སྐྱིད་ལྡན་ནམ། ང་ཚོས་རང་ཉིད་ཀྱི་བདེ་སྐྱིད་ཐག་གཅོད་ཐུབ་བམ་ཞེ་ན།
བདེ་སྐྱིད་ལ་ཞིབ་འཇུག་བྱེད་པའི་མཁས་པ་རྣམས་ཀྱིས་དྲི་བ་འདི་དག་ལ་ལན་འདེབས་པར་ཞིབ་འཇུག་དང་བརྟག་དཔྱད་སྣ་ཚོགས་བྱས། གཞི་རྒྱུའི་ཐག་གཅོད་སྨྲ་བ་基因决定论དོར་ཟིན་པ་དང་། བདེ་སྐྱིད་ཀྱི་ཚོར་བའི་རྒྱུད་འདེད་རང་བཞིན可遗传性་མེད་པ་མ་ཟད། སེམས་ཁམས་སྙོམས་སྒྲིག་གི་ཐད་ལ། མིའི་རིགས་ལ་ཧ་ལས་དགོས་པའི་ལེགས་སྒྲིག་དང་གོམས་ལོབས་ཀྱི་ནུས་པ་ཡོད། ཧའེ་པུའུ་ལུན་གྱིས་བདེ་སྐྱིད་ཞིབ་འཇུག་པ་ཚོས་ངོས་འཛིན་གཅིག་མཐུན་བྱུང་བའི་བདེ་སྐྱིད་ཡོང་ཁུངས་གསལ་ཐོ་ལྔ་ལེགས་སྒྲིག་བྱས་པ་སྟེ་། དེ་དག་གི་ཁྲོད་དུ་བདེ་འཇགས་ཚོར་སེམས་དང་། གུ་ཡངས་བའི་འཚོ་བའི་རྣམ་འགྱུར་། རང་བདག་དབང་ཆ་། མིའི་བར་གྱི་བརྩེ་བའི་འབྲེལ་བ། དེ་བཞིན་རྩལ་ནུས་དང་དོན་སྙིང་ལྡན་པའི་བྱེད་སྒོ་བཅས་རེད་སོགས་འདུས། དེ་ལས་གཞན། ད་དུང་ཚན་པ་དྲུག་པ་ཡོད། རང་བྱུང་ཁམས་དང་མཉམ་གནས་བྱེད་པ། འོན་ཀྱང་ཐ་མ་དེར་མིག་སྔར་ད་དུང་ཞིབ་འཇུག་གི་ཐབས་ལམ་སྤྱད་ནས་བདེན་དཔང་བྱ་ཐབས་བྲལ།
ཧའེ་པུའུ་ལུན་གྱིས་བསྟན་དོན། དེའི་ཁྲོད་ཀྱི་ཆེས་གལ་ཆེ་བ་གཉིས་ནི། གཅིག་ནི་མིའི་བར་གྱི་འབྲེལ་བ་ཡིན།་འདིས་ང་ཚོ་ནི་སྤྱི་ཚོགས་འབྲེལ་འདྲིས་སྲོག་ཆགས་ཡིན་པའི་ངོ་བོ་མཚོན་ཡོད། ང་ཚོར་གྲོགས་པོ་དང་གཉེན་ཉེ་ཡི་འདུག་རོགས་དགོས་ལ། སྤྱི་ཚོགས་ཀྱི་རྒྱབ་སྐྱོར་ཡང་དགོས། གཞན་ཡང་རྩལ་ནུས་དགོས་པ་དང་དོན་སྙིང་ལྡན་པའི་བྱེད་སྒོ་ལྔ་པ་དེ་ཡིན། དེ་ཐོག་ནས་ང་ཚོ་ལག་ལེན་འདེབས་མཁན་གྱི་སྲོག་ཆགས་ཞིག་ཡིན་པའི་ངོས་ནས་བྱ་བ་དངོས་སྒྲུབ་དགོས་པའི་ངོ་བོ་མཚོན་ཡོད། དོན་ཚན་འདི་ནི་བདེ་སྐྱིད་ཀྱི་མཚན་ཉིད་ཁྲོད་ཀྱི་ཐེ་ཞུགས་ཚོར་བར་ཐད་ཀར་འབྲེལ་བ་ཡོད་པ་དང་། ཏག་ཏག་དེང་རབས་ཀྱི་མི་དང་ལས་ཀའི་བར་གྱི་འབྲེལ་བར་གསལ་བཤད་བྱེད་ཐུབ། ལས་གཉེར་ངན་པ་ཞིག་གིས་མི་ལ་ཤུགས་རྐྱེན་ངན་པ་ཐེབས་སྲིད་པ་རེད། གལ་ཏེ་བྱ་བས་མི་ལ་སེམས་ཁམས་ཀྱི་མྱོང་ཚོར་སྟེར་མ་ཐུབ་ན། མི་ནི་གཞན་དབང་གི་གླ་ཕོགས་བྲན་གཡོག་ཏུ་འགྱུར་བར་གདོན་མི་ཟ། མི་ཞིག་གིས་སྒོར་མོའི་ཆེད་དུ་བྱ་བ་སྒྲུབ་ན་བདེ་སྐྱིད་ཐོབ་དཀའ། མི་སུ་ཡིན་རུང་ཡིད་ཚིམ་པའི་ཚོར་བ་སྟེར་ཐུབ་པའི་བྱ་བ་སྒྲུབ་རྒྱུ་དང་རྒྱུན་མཐུད་ཀྱི་སེམས་ཁམས་持续心流ཉམས་ལེན་བྱེད་ཐུབ་པའི་ལས་ཀ་སྒྲུབ་ན་ནི་ད་གཟོད་གླ་ཕོགས་ཀྱི་བྲན་བཀོལ་ལས་ཐར་བའི་ཡང་དག་པའི་བྱེད་ཐབས་ཡིན།
དེའི་ཐོག་ནས་བལྟས་ན་བདེ་སྐྱིད་ཀྱི་མྱོང་ཚོར་ཐོབ་པ་བྱ་རྒྱུ་ནི་ཧ་ཅང་རྙོག་འཛིང་ཆེ་བའི་བྱ་བ་ཞིག་མིན་པར། གོང་གི་རྩིས་ཁྲ་འདི་ལྔ་བོ་དང་བསྡུར་ནས་འཚོ་བར་ཞིབ་ལྟ་བྱས་ན། རང་ངོས་ནས་འཚོ་བའི་སེམས་ཤུགས་ཀྱི་མི་འདང་ས་ཁ་གསབ་བྱེད་ཐུབ།
བདེ་སྐྱིད་ལྡན་པ་ཙམ་གྱིས་མི་འདང་བར་བདེ་སྐྱིད་ལས་འགོངས་དགོས།
ཧའེ་པུའུ་ལུན་གྱི་ཤོད་ཚུལ་ལྟར་ན། བདེ་སྐྱིད་ནི་སྤྱི་མཚན་དུ་གྱུར་པ་དང་རྙོག་འཛིང་ཆེ་བའི་དོན་སྤྱི་ཞིག་ནས་སེམས་ཁམས་རིག་པའི་རྣམ་པ་ཞིག་ཏུ་ཁུ་བསྡུ་བྱས་པ་དང་། ཐ་ན་གོང་དུ་བརྗོད་པའི་སྟབས་བདེའི་སྡེབ་སྦྱོར་རེའུ་མིག་གྲུབ་སྟེ་བདེ་སྐྱིད་ལྡན་པའི་འཚོ་བ་སྐྲུན་འདོད་མཁན་ལ་མགྱོགས་མྱུར་ཕྱོགས་སྟོན་ཞིག་མཁོ་འདོན་བྱས་ཡོད། ཡིན་ན་ཡང་། སེམས་ཁམས་སྟེང་གི་ཉམས་ལེན་བཟང་བོ་ཐོབ་པ་ལས་གཞན། མི་ཚེའི་ཁྲོད་དུ་དེ་ལས་གལ་ཆེ་བའི་དངོས་པོ་ཡོད། ཧེ་པོ་ལོན་གྱིས་བཤད་པ་ལྟར། མཛེས་སྡུག་ལྡན་པའི་མི་ཚེ་ནི་ཁྱད་དུ་འཕགས་པའི་བྱ་འགུལ་གྱིས་གྲུབ་པ་ཡིན། གཙོ་བོ་ནི་ཁྱོད་ཀྱིས་དོན་དངོས་སུ་སྒྲུབ་པའི་བྱ་བ་ཡིན་པ་ལས་ཁྱོད་ཀྱིས་སྒྲུབ་འདོད་པའི་རྣམ་པ་མིན།
སུའུ་ཀེ་ལ་ཏི་ཡིས་ལོ་ངོ་ཉིས་སྟོང་ལྷག་གི་སྔོན་ནས་གལ་ཏེ་མི་ཞིག་གི་ལུས་ལ་ཟ་འཕྲུག་ལངས་ན་ཁོས་གང་དགའ་གང་སྐྱིད་ཀྱིས་འཕྲུག་ཆོག་པ་དང་། ཚེ་གང་བོར་ཟ་འཕྲུག་ལངས་ནས་འཕྲུག་བསྡད་ན་ཁོའི་མི་ཚེ་འདི་བདེ་སྐྱིད་ཅིག་ཏུ་བརྩི་ཆོག་གམ་ཞེས་དྲི་བ་བཏོན་ཡོད། ཚན་རྟོག་གློག་བརྙན་ཁྲོད་འཕྲུལ་ཆས་ཀྱིས་མིའི་རིགས་ཀྱི་ཉམས་ལེན་ལ་ལད་ཟློས་བྱས། ཡིན་ན་ཡང་། ཚེ་གང་བོར་རྫོགས་མཐའ་མེད་པའི་བདེ་སྐྱིད་ཀྱི་ཚོར་བ་ཡོད་པའི་དབང་དུ་བཏང་ནའང་། གལ་ཏེ་བདེ་སྐྱིད་ཀྱི་གོ་རྟོགས་མ་མཐོ་ཚེ། མི་བདེན་རྫུན་སྒྲིག་གི་ཚེ་སྲོག་གི་མྱོང་ཚོར་འདི་རིགས་ལ་ཡིད་སྨོན་འཆོར་དགོས་དོན་གང་ཡང་མེད།
དེར་བརྟེན། དེ་བས་ཕུན་སུམ་ཚོགས་པའི་མི་ཚེ་ཐོབ་དགོས་ན། ད་དུང་བདེ་སྐྱིད་ཀྱི་རིམ་པ་དེ་བས་མཐོ་བར་དོ་ཁུར་བྱས་ནས་ཉམས་ལེན་དང་བྱེད་སྒོ་གང་དེའི་རིན་ཐང་ལྟ་བར་རྟོག་ཞིབ་བྱེད་དགོས། རིམ་པ་སྔར་ལས་མཐོ་བའི་བདེ་སྐྱིད་ཀྱི་ཚོར་བ་འདི་རིགས་ལ་ཞིབ་འཇུག་པས་བསོད་སྐྱིད福祉(well-being)་ཞེས་འབོད་པ་དང་། གོང་བརྗོད་ཀྱི་སྤྱོད་བཟང་ལག་བསྟར་དང་རང་ཉིད་མངོན་འགྱུར་བྱས་ནས་མི་ཚེ་ཕུན་སུམ་ཚོགས་པའི་སྡེབ་སྦྱོར་རེའུ་མིག་ནང་དུ་ཞུགས་ཡོད། སྤྱོད་བཟང་ལག་ལེན་བསྟར་རྒྱུའི་སྐོར་ལ་ནུབ་ཕྱོགས་ཀྱི་ཤུགས་རྐྱེན་ཆེ་ཤོས་ལྡན་པའི་གཞུང་ལུགས་ནི་ཡ་ལི་ཧྲི་ཏུའོ་ཏེ་ནས་བྱུང་བ་དང་། ཁོང་གིས་༼ཉི་ཁོ་མ་ཁེའི་མི་ཆོས་རིག་པ་༽ཞེས་པའི་ནང་། སྤྱོད་བཟང་རིགས་བཅུ་གཅིག་བཀོད་ཡོད་པ་སྟེ། བློ་སྟོབས་དང་། ཚོད་འཛིན། གཏོང་ཕོད་ཆེ་བ། མཚར་སྡུག་མངོན་པ། གུ་ཡངས་བ། ངང་རྒྱུད་རིང་པོ། གཞུང་དྲང་། སྤྱང་གྲུང་ལྡན་པ། མཛའ་མཐུན། ངོ་ཚ་ཁྲེལ་ཡོད། དྲང་བདེན་བཅས་ཡིན། སྤྱོད་བཟང་འདི་དག་ལ་བརྩི་སྲུང་བྱས་ན་ད་གཟོད་དབྱར་མཚོ་རྒྱས་པ་ལྟར་འཕེལ་རྒྱས་སུ་འགྲོ་བའི་འཚོ་བ་བཟང་པོ་ཐོབ་ཐུབ། ཁྱད་དུ་འཕགས་པའི་གཤིས་རྒྱུད་འདི་དག་མི་གཤིས་ཀྱི་ཐུན་མོང་གི་ཆ་རུ་རྩ་བ་ཚུགས་པས་དེ་ནི་བདེ་སྐྱིད་འབྱུང་ཁུངས་ཀྱི་གཞི་རྩ་རུ་བརྩིས་ཆོག
ཧའེ་པུའུ་ལུན་གྱིས་ཡང་བྱིས་སྒྲུང༼་གླང་རྒན་ཧྥེ་ཏི་ནན་ཏེ༽ཞེས་པ་དཔེར་དྲངས་ནས་རང་ཉིད་མངོན་འགྱུར་གྱི་གོ་དོན་ལ་འགྲེལ་བཤད་བརྒྱབ་པ་རེད། གླང་རྒན་ཧྥེ་ཏི་ནན་ཏི་ཡིས་གླང་གཞན་པས་སྒྲུབ་པའི་བྱ་བ་སྒྲུབ་མི་འདོད་པར། མེ་ཏོག་གི་དྲི་ཞིམ་སྣོམ་དགོས་རུང་གླང་འཛིང་འཁྲབ་སྟོན་ལ་ཞུགས་འདོད་ཀྱིན་མེད།དེ་བས་གླང་རྒན་རང་ཉིད་བློ་བདེ་བག་ཕེབས་ཡིན་ན་ཡང་སྤྱི་ཚོགས་ལ་བྱས་རྗེས་གང་ཡང་བཞག་མེད་པས་བདེ་སྐྱིད་དེར་དོན་སྙིང་ཆེན་པོ་མི་ལྡན།
ཏན་ཉིར་M་. ཧའེ་པུའུ་ལུན་གྱིས་༼བདེ་སྐྱིད་༽ཅེས་པའི་དུས་འགོར་དེང་སྐབས་རྒྱལ་ཁབ་མང་པོའི་མི་དམངས་ཀྱིས་བདེ་སྐྱིད་དོན་གཉེར་བྱེད་སྟངས་དེར་ལས་ཆོད་མེད་པར་མ་ཟད་རྨེག་མེད་དུ་གཏོང་བའི་རང་བཞིན་ཡང་ལྡན་འདོད་ཀྱིན་ཡོད། འོན་ཀྱང་དཔེ་ཆ་ཆུང་ཆུང་འདིའི་ཀློག་པ་པོས་ལྟ་ཕྱོགས་གསར་བ་ཞིག་གི་ངོས་ནས་བདེ་སྐྱིད་ཀྱི་ཚོར་བ་དེ་མི་ཚེའི་ཁྲོད་ཀྱི་གོ་གནས་ལ་བལྟ་ཐུབ་པར་ཡིད་ཆེས་ཡོད་ལ། གོང་སྨྲོས་ཀྱི་ནང་དོན་འདི་དག་འདུས་བའི་བསམ་འཆར་གཞིར་བཟུང་ནས། དམིགས་ཡུལ་ཡོད་པའི་སྒོ་ནས་རང་ཉིད་ཀྱི་འཚོ་བ་ལ་བདེ་སྐྱིད་བསྐྲུན་ཐུབ།