ལོ་དེའི་ཟླ་དགུ་པར་ལུའུ་ཝུའུ་ཞོན་གྱིས་ཅུས་ཅི་གྲོང་ཁྱེར་巨济市གྱི་ཏ་ཡུས་གྲུ་གཟིངས་བཟོ་གྲྭའི་ལས་མཚམས་བཞག་པའི་དོན་རྐྱེན་ནང་། མཆི་འབྱིན་མདེའུ་ཕོག་ནས་གྲོངས་པའི་བཟོ་པ་ལི་ཧྲི་ཁུའེ་李石奎ལ་ངག་ཐོག་རྒྱབ་སྐྱོར་བྱས་པ་མ་ཟད། མྱ་ངན་ཚོགས་ཐོག་ཏུ་བཟོ་པ་དང་བཟོ་ཚོགས་ཀྱིས་རུལ་སུངས་སུ་གྱུར་པའི་སྒེར་གཅོད་སྲིད་གཞུང་ལ་ངོ་རྒོལ་བྱས་ནས་རང་ཉིད་ཀྱི་ཁེ་དབང་བརྩོན་ལེན་བྱ་དགོས་པའི་འབོད་སྐུལ་ཡང་བྱས་པ་རེད། ལུའུ་བོ་ཞོན་གྱིས་ཁྲིམས་འགལ་གྱིས་ལས་མཚམས་འཇོག་པར་རྒྱབ་སྐྱོར་བྱེད་པར་ཁ་གཡར་ནས་ཁོང་ཉིད་འཛིན་བཟུང་ཐེབས་པ་མ་ཟད། ཟླ་དྲུག་གི་རིང་ལ་ཁྲིམས་རྩོད་པའི་དབང་ཆ་འཕྲོག་པའི་ཆད་པ་བཅད།
1987ལོ་ནི་ལྷོ་གོ་རེ་ཡའི་དམངས་གཙོ་ཅན་དུ་འགྱུར་བའི་ལམ་ཚད་རྡོ་རིང་གལ་ཆེན་ཞིག་ཡིན་ཞིང་། ལོ་འདིའི་ཟླ་དྲུག་པའི་ལས་འགུལ་གྱིས་ཐད་ཀར་ཟླ་བཅུ་པའི་ཚེས་ཉེར་བདུན་ཉིན་ལྷོ་གོ་རེ་ཡའི་རྒྱལ་ཚོགས་ཀྱིས་སྤྱི་མཐུན་རྒྱལ་ཁབ་དྲུག་པའི་རྩ་ཁྲིམས་ལ་གྲོས་འཆམ་བྱས་ནས་སྤྱི་མཐུན་རྒྱལ་ཁབ་དྲུག་པ་(མིག་སྔའི་ལྷོ་གོ་རེ་ཡའི་མི་སེར་རྒྱལ་ཁབ་ཆེན་པོ་)་འདི་བཙུགས་པ་རེད། ཟླ་བཅུ་གཉིས་བའི་ཚེས་བཅུ་དགུའི་ཉིན་ལུའུ་ཐའེ་ཡུས་ནི་ལྷོ་གོ་རེ་ཡའི་དམངས་འདེམས་བྱས་པའི་སྲིད་འཛིན་ཐོག་མར་གྱུར།
1987ལོ་ལུའུ་ཝུའུ་ཞོན་གྱི་མི་ཚེའི་ཁྲོད་ཀྱི་ཁ་ཕྱོགས་འགྱུར་མཚམས་གལ་ཆེན་ཞིག་ཡིན་པ་དང་ཁོང་གིས་བཅའ་ཁྲིམས་ལས་སྒོ་སྣ་ཚོགས་ཕྱོགས་ཡོངས་ནས་མཚམས་བཞག་སྟེ་དངོས་སུ་སྲིད་སྟེགས་ལ་ཞུགས་པ་རེད། 1988་ལོའི་ལྷོ་གོ་རེ་ཡའི་སྐབས་བཅུ་གསུམ་པའི་འདེམས་བསྐོ་ཆེན་པོའི་སྔ་ནུབ་ཏུ། ཅིན་ཡིའུ་སན་金泳三(སྲིད་འཛིན་སྐབས་བཅུ་བཞི་བ། འགན་འཛིན་ཡུན་ཚད་ནི1993ལོ་ནས་1998ལོའི་བར་)གྱི་གྲོས་འགོ་དང་རྒྱབ་སྐྱོར་འོག་གཅིག་གྱུར་དམངས་གཙོ་ཚོགས་ཁག་ཏུ་ཞུགས་པ་དང་། སྐབས་བཅུ་གསུམ་པའི་རྒྱལ་ཚོགས་ཀྱི་གྲོས་མིར་བདམས་ཐོན་བྱུང་བ་མ་ཟད་། སྲིད་འཛིན་སྔོན་མའི་སྐུ་འཁོར་དཔོན་རིགས་ཀྱི་ནག་ཉེས་ཐེར་འདོན་བྱེད་པའི་ཁུངས་སྐྱེལ་དག་འབུད་གསན་འཇོག་ཚོགས་འདུའི་听证会ཐོག་བྱས་རྗེས་བཞག་པས། མཚན་སྙན་རྒྱལ་ཡོངས་སུ་ཁྱབ།
གློག་བརྙན་དག་འབུད་པ་ཞེས་པ་2013ལོར་སྟོན་པ་དང་། སྐབས་དེར་ལུའུ་ཝུའུ་ཞོན་འདས་ནས་ལོ་བཞི་འགོར་སོང་། མིང་གྲགས་ཅན་གྱི་འཁྲབ་སྟོན་པ་མང་པོ་ཞིག་གིས་རྩོད་གླེང་དང་ཉེས་དོན་གཞན་པའི་འགན་ཁུར་ལ་གཡོལ་བའི་ཆེད་དུ་འཁྲབ་བྱའི་མི་སྣ་འདི་དང་ལེན་མ་བྱས། དང་ཐོག་འཁྲབ་སྟོན་པ་སུང་ཁང་ཧའོ་宋康昊ཡིས་འཁྲབ་རྒྱུ་དང་ལེན་མ་བྱས། རྗེས་ནས་འཁྲབ་ཁྲིད་པ་དབྱང་ཡུས་ཧྲའོ་杨宇硕ཡི་གོ་སྐོན་འོག་གློག་བརྙན་འདི་དུས་རབས་དམིགས་བསལ་ཅན་གྱི་རྒྱབ་ལྗོངས་འོག་གི་རྟོག་བཟོ་ཡིན་པར་བཅོས་ནས་ད་གཟོད་འཁྲབ་སྟོན་བྱེད་པར་འཐད་པ་བྱུང་། དེ་བས་གློག་བརྙན་འདི་ནི་ལོ་རྒྱུས་སྟེང་གི་དམིགས་བསལ་གྱི་མི་སྣ་ཞིག་གི་རྣམ་ཐར་འཁྲབ་སྟོན་བྱེད་པ་མ་རེད། དེར་བརྟེན། གློག་བརྙན་དག་འབུད་པ་ཞེས་པའི་ནང་མི་སྣ་གཙོ་བོ་སུང་ཡིའུ་ཧྲའོ་དང་ཕག་ཤ་ཚོང་ཁང་གི་མ་རྒན་བར་གྱི་འཁྲབ་སྟོན་ཚང་མ་འཁྲབ་གཞུང་རྩོམ་པ་པོས་གསར་རྩོམ་བྱས་པ་དང་། ཟློས་གར་གྱི་གདོང་གཏུག་ཕན་འབྲས་ཆེ་རུ་གཏོང་ཆེད་བསྒྱུར་བཀོད་བྱས་པ་ང་ཚོས་མཐོང་ཐུབ་བོ།།
གཏན་ནས་བསྐྱུར་མི་རུང་ཞེས་པ་ནི་གློག་བརྙན་ནང་གི་མི་སྣ་སུང་ཡིའུ་ཧྲའོ་ཡི་བསྲུང་བྱའི་གདམས་ངག་རེད། བཟའ་ཟླས་མངལ་སྐྱེད་བྱས་པའི་འགྲོ་གྲོན་སྤྲོད་དགོས་པའི་རྐྱེན་གྱིས་ཁྲིམས་འཛིན་ཡིག་རྒྱུགས་ཀྱི་སློབ་དེབ་ཚོང་སྒྱུར་མི་བྱེད་ཀ་མེད་བྱུང་བ་དང་། ལས་ཡུལ་དུ་དཀའ་ལས་རྒྱག་པ་དང་ཆབས་ཅིག་དཀའ་སྤྱད་ཀྱིས་བསྐྱར་སྦྱོང་བྱས་ཀྱང་གཅིག་རྗེས་གཉིས་མཐུད་ངང་ཁྲིམས་དཔོན་གྱི་རྒྱུགས་མ་འཕྲོད་པ་རེད། འོན་ཀྱང་རྗེས་སུ་ཁོར་ཁྲིམས་རྩོད་པའི་ལག་ཁྱེར་ཐོབ་པ་མ་ཟད་ལས་ཀར་བརྟེན་ནས་ཁེ་བཟང་རག་རྗེས་ཁོང་རང་ཉིད་ཀྱིས་དེ་སྔའི་ཕག་ཤའི་ཚོང་ཁང་དུ་ལོག་ནས་བུ་ལོན་འཇལ་བ་དང་། ཁོང་གིས་ཕག་ཤའི་ཚོང་ཁང་ནས་སློབ་གྲྭར་འགྲོ་ཆོག་པ་གསལ་པོ་ཤེས་ཀྱང་ཁྲོམ་གཞུང་དུ་ཆབ་སྲིད་ལ་ངོ་རྒོལ་ལ་འགྲོ་མཁན་གྱི་སློབ་མ་ཚོར་སྐྱོན་བརྗོད་བྱས། ཁོ་ལ་མཚོན་ན། མཐོ་རིམ་སློབ་གྲྭ་ནས་སློབ་གསོ་མྱོང་རྒྱུ་ནི་ཆུང་དུས་ནས་མ་འགྲུབ་པའི་ཕུགས་བསམ་ཉག་གཅིག་པོ་དེ་ཡིན།
ཁྲིམས་རྩོད་པ་སུང་ཡིའུ་ཧྲུའོ་ཡིས་སློབ་མའི་ལས་འགུལ་ལ་རྒྱབ་སྐྱོར་བྱེད་མཁན་གྱི་གསར་འགྱུར་འགོད་པ་ལ། ཕན་ཐོགས་ཅི་ཡོད། སློབ་མས་འཇིག་རྟེན་འདིའི་ཁ་ལོ་བསྒྱུར་ཐུབ་བམ། སྒོ་ངོ་ཡིས་རྡོ་ལ་བརྒྱབ་ན་འཇུག་འབྲསཤེས་སམ་ཞེས་འཕྱ་སྨོད་བྱས། འདི་ནི་ང་ཚོ་མི་མང་ཆེ་བས་སྤྱི་ཚོགས་སྒྲིག་སྲོལ་ལ་བཟུང་བའི་སེམས་གཏིང་གི་སྐད་ཆ་ཡིན་ཏེ། སེམས་གཏིང་ནས་འཇིག་རྟེན་འདི་དངོས་གནས་ཇེ་བཟང་དུ་འགྲོ་མིན་ལ་དོགས་པ་ཟ་བ་དང་། དངོས་ཡོད་འཚོ་བས་གནོན་ཤུགས་ཕྱིན་རྗེས་བྱ་སྒོང་གིས་བྲག་རྡོ་གཏོར་ཐུབ་པར་ཡིད་ཆེས་བྱེད་ཐབས་མེད། ཐ་ན་སློབ་མའི་ལས་འགུལ་ལ་རྒྱབ་སྐྱོར་བྱེད་མཁན་གྱི་གསར་འགྱུར་འགོད་པས་ཀྱང་ཕྱོགས་གཅིག་ནས་སློབ་མའི་ལས་དབང་ལ་སྙིང་རྗེ་སྐྱེས་ནས་དོན་དངོས་གནས་ཚུལ་གང་ཡང་མི་ཤེས་པའི་ཁྲིམས་རྩོད་པ་སུང་ཡིའུ་ཧྲའོ་ལ་ཁ་གཏད་འཇལ་བ་དང་། ཕྱོགས་གཞན་ཞིག་ནས་སྔར་བཞིན་རང་ཉིད་ཀྱི་སྐྱེས་ཐོབ་ཀྱི་སྙིང་རྗེ་དོར་ནས་མུ་མཐུད་ནས་སྒེར་གཅོད་སྲིད་གཞུང་གི་སྨྱན་གཟུགས་མགྲིན་ཚབ་བྱེད་ཀྱི་ཡོད།
སྒོ་ང་ཡིས་རྡོ་ལ་བརྒྱབ་ན་དགོད་བྲོ་བ་ཞིག་མ་རེད་དམ།
འོན་ཀྱང་རྡོ་མཁྲེགས་པོ་གང་འདྲ་ཡོད་རུང་ཤི་བ་དང་། སྒོ་ང་ཉམས་ཞན་གང་འདྲ་ཡོད་རུང་གསོན་པོ་ཡིན་ཞེས་ཕག་ཤ་ཚོང་ཁང་གི་སྦྱིན་བདག་བུ་ཕུའུ་ཀྲེན་ཡུས་朴镇宇ཡིས་དེ་སྐད་བཤད། རྗེས་སུ་ཁོ་རང་གསང་བའི་ཉེན་རྟོག་པས་འཛིན་བཟུང་བྱས་ཏེ་ཚ་འདྲི་བྱས་ནས་སྙད་བཏགས་ཉེས་མིང་བཙན་ཐབས་ཀྱིས་ངོས་ལེན་ཞུ་རུ་བཅུག
ཆབ་སྲིད་དྲག་ཤུགས་ཀྱི་རླུང་འཚུབ་ལྟེ་གནས་དང་རིང་དུ་གྱེས་པའི་སྐབས་སུ། ང་ཚོ་མི་ཚང་མས་ཁ་ནས་གང་ཐོན་བཤད་པའམ། ཡང་ན་དམ་བཅའ་བཞག་ནས་རང་རང་གི་ལངས་ཕྱོགས་དང་ཆབ་སྲིད་ཀྱི་བསམ་བློ་བརྗོད་ཐུབ་ངེས། འོན་ཀྱང་དྲག་ཤུགས་མ་ལག་གིས་སྙིང་རྗེ་མེད་པའི་སྒོ་ནས་ལང་ཚོའི་ཚེ་སྲོག་ཅིག་མེད་པར་བཟོ་བ་མཐོང་སྐབས། ཁྲིམས་རྩོད་པ་སུང་ཡིའུ་ཧྲའོ་ཡིས་རྒྱུ་ཤེད་ཅན་གྱི་ཕྱོགས་སུ་ལངས་ནས་ཁེ་ཕན་དང་དབང་གྲགས་སོགས་དམིགས་ཆོག་མོད། འོན་ཀྱང་ཁོ་རང་ཉམ་ཆུང་བའི་སྒོ་ངའི་ཕྱོགས་གཅིག་བདམས་སྟེ་སློབ་མའི་ཉེས་མེད་ཁྲིམས་རྩོད་ཀྱི་དག་འབུད་པ་བྱེད་པ་རེད། འདི་ནི་གློག་བརྙན་འདིས་ང་ལ་ཆེས་སེམས་འགུལ་ཐེབས་སུ་འཇུག་པའི་གནས་ཡིན་པ་རེད། གློག་བརྙན་འདིས་སྤྱི་ཚོགས་ཀྱི་གནད་དོན་ཅི་ཞིག་ཚུར་སྣང་བྱས་ཡོད་དམ་ཞེས་འདྲི་བའི་སྐབས་སུ། ངའི་ཀླད་པའི་ནང་དུ་གློ་བུར་དུ་འཆར་ཡོང་བའི་དྲིས་ལན་ཡང་དེ་རེད།
ང་ཚོའི་སྤྱི་ཚོགས་སུ། མགོ་ཁྲག་བཞུར་བའི་སྒོ་ང་དེ་བཟོ་འདོད་མཁན་མེད་ལ། སྒོ་ངའི་ཕྱོགས་ནས་ལངས་འདོད་མཁན་ཡང་མེད། ང་ཚོའི་སྤྱི་ཚོགས་དང་ཆབ་སྲིད། རིག་གནས་བཅས་ཀྱིས་ང་ཚོར་བྲག་རྡོ་ཞིག་བཅའ་དགོས་པའི་བསླབ་བྱ་བལྩོལ་ཀྱིན་ཡོད་ལ། དེ་ལས་ལྡོག་སྟེ་ཉམ་ཆུང་གི་ཕྱོགས་ནས་ལངས་སྟེ་དེ་ཚོར་སྙིང་རྗེ་བསྐྱེད་ན་ཧ་ལམ་དམིགས་བསལ་མེད་པར་སྐྱོ་གར་དུ་གྱུར་འགྲོ།
འོན་ཀྱང་། མི་ལ་ལས་བློ་བརྟན་འགྱུར་མེད་ཀྱིས་སྒོ་ང་ཡི་ཕྱོགས་དེ་འདེམ་ཀྱིན་ཡོད་པ་རེད།