སེང་གེ་ལུག་ཁར་ཤོར་བ་狮入羊口ཞེས་པའི་གློག་བརྙན་ལ་བལྟས་ཚར་རྗེས། ནམ་གུང་ཆུ་ཚོད་བཅུ་གཉིས་པར་ཉལ་ཁྲིའི་ཐོག་ཉལ་བསྡད། གཉིད་འདོད་སྤུ་ཙམ་ཡང་མེད། གློག་བརྙན་གྱི་ཁུངས་སྣེ་གསུམ་དང་མི་སྣ་དྲུག་ཀླད་པའི་ནང་དུ་ཕར་འགྲོ་ཚུར་འོང་བྱེད་པ་དང་། དཔའ་ངར་ཞུམ་མེད་དང་གཡོ་ཁྲམ་ཟོལ་ལྡན། ཕུགས་བསམ་རིང་ལུགས་དང་ཕྱིར་འཐེན་རིང་ལུགས། སྲིད་ཚོང་བའི་ངོ་གདོང་དང་སྨྱན་གཟུགས་ཀྱི་ལངས་ཕྱོགས་བཅས་ཞིབ་བརྗོད་བྱེད་པ་དོན་དངོས་དང་མཐུན་ལ་མངོན་གསལ་ཡིན་པ་དང་། བློ་གསལ་དོན་རྟོགས་ཤིག་རེད།
འོན་ཀྱང་ཕར་འཁོར་ཚུར་འཁོར་བྱས་ནས་གཉིད་མི་ཁུག་པའི་རྒྱུ་རྐྱེན་ནི་ཁུངས་སྣེ་དང་པོ་སྟེ་གློག་བརྙན་ཁྲོད་ཀྱི་དབུལ་ཕོངས་རྒྱལ་ཁབ་ཀྱི་སྤྱི་ཚོགས་དམའ་རིམ་ནས་ཡོང་བའི་སློབ་ཆེན་ལོ་རིམ་གསུམ་པའི་སློབ་མ་གཉིས་ཀྱིས་ཁྲིད་སྟེགས་སྟེང་ནས་གླེན་རྟགས་ཀྱིས་རྩོད་ལན་འདེབས་པ་དང་། རང་ཉིད་བྱང་ཆུབ་ཅིང་སྤྱང་གྲུང་ལྡན་པར་རློམ་པའི་སློབ་གྲོགས་ཚོའི་ཁོང་ཉིད་ཀྱི་ཆབ་སྲིད་ལངས་ཕྱོགས་དོགས་པ་ཟ་བ་དང་། མཇུག་མཐར་དམག་མི་བསྡུ་བའི་མཚན་ཐོ་ཡིག་ཆ་གཉིས་ཀྱིས་མི་ཚང་མ་ཁ་རོག་གེར་འདུག་ཏུ་བཅུག དེ་ནས་ཁུངས་སྣེ་གཉིས་པ་དགེ་རྒན་ཆེན་མོ་དང་ཐའོ་ཏི་བར་ལ་ཁ་བརྡ་བྱུང་། དགེ་རྒན་ཆེན་མོས། ང་ཁོ་ཚོ་རང་འགུལ་གྱིས་དམག་ལ་ཞུགས་པའི་ཐག་གཅོད་ལ་འཐད་པ་མིན། འོན་ཀྱང་ངས་ཁོ་ཚོས་ཐག་གཅོད་འདི་བྱེད་པའི་ཀུན་སློང་ལ་བརྩི་བཀུར་བྱེད། སློབ་མ་ཐའོ་ཏིས་བཤད་རྒྱུར། རྒྱུ་མཚན་ནི་ཁོ་ཚོ་ནི་མཁལ་མགོའི་གཤེར་རྨེན་肾上腺素ནམ་ཧོར་རྒྱུག་གི་ཕྱོགས་ཁག་ཡིན་ནམ། དགེ་རྒན་ཆེན་མོས། མིན། དེ་ལ་འཇིགས་པ་མེད་ཟེར། སྐྲག་རུང་སྔར་བཞིན་རྒྱུན་འཁྱོངས་བྱེད་པས་འཇིགས་པ་མེད། འདི་ནི་སྙིང་སྟོབས་ངོ་མ་ཡིན་ཟེར། དེ་ནས་ཁུངས་སྣེ་གསུམ་པ་གྲོས་ཞུགས་པ་ཨེ་ཨར་ཝུན་གྱིས་ཨ་ཧྥུ་གན་ན་སི་ཐན་ལ་དམིགས་པའི་འཆར་གཞི་མེད་པའི་དམག་སྤྱོད་གསར་པའི་ཁྲོད། ནོར་འཁྲུལ་གྱི་གསང་འཕྲིན་འདི་གཉིས་ཐ་ལི་པན་塔利班དྲག་ཆས་རྩ་འཛུགས་ལག་ཏུ་ཤོར་བས། གོང་གི་འཇིགས་པ་མེད་པའི་ན་གཞོན་འདི་གཉིས་འཆི་ལམ་དུ་བརྫང་།
འཇིག་རྟེན་དུ་ཐའོ་ཏི་འདྲ་བ་མང་པོ་ཡོད། ཁོ་ཚོ་སྔོན་ཆད་མཚར་སྣང་ཆེ་ལ་དྲང་བདེན་གྱི་འདུ་ཤེས་དྲག་པས་འཚོ་བ་དང་མ་འོངས་པར་སྤྲོ་སེམས་ཀྱིས་ཁེངས་ཡོད། འོན་ཀྱང་ད་ཆ་འཇིག་རྟེན་གྱི་དངོས་ཡོད་གནས་ཚུལ་ལ་བརྒྱུད་མྱོང་བའི་ཁོང་ཚོར་སྔར་ཡོད་ཀྱི་སྤྲོ་སྣང་མེད་པར་གྱུར་ནས་ལངས་ཕྱོགས་སྟོན་ནུས་པའི་ལྟ་བ་མི་འདོན་པར། རིམ་བཞིན་ཁ་ཁུ་སིམ་པོར་སྡོད་ཀྱི་ཡོད། བསམ་ཡུལ་ལས་འདས་པའི་དོན་རྐྱེན་མ་བྱུང་ན། ཐའོ་ཏི་དང་འདྲ་བ་རྣམས་ཀྱིས་མྱུར་དུ་སྒྲ་ཅི་ཡང་མེད་པར་ཁོང་ཁྲོ་ལངས་པ་ནས་ཁ་ཁུ་སིམ་པོར་གྱུར་སྲིད། རྗེས་སུ་ཐའོ་ཏི་ལ་བསམ་ཡུལ་ལས་འདས་པའི་དོན་རྐྱེན་བྱུང་། ཕུགས་བསམ་རིང་ལུགས་པའི་དགེ་རྒན་ཆེན་མོས་ཁོ་རང་ལ་ཁ་ཏ་སློབ་གསོ་འདི་ལྟར་བཏང་ཡོད་དེ། རོ་མ罗马་མེ་རུ་འབར་བཞིན་ཡོད་པ་དང་། གནད་དོན་མེ་རྒྱག་མཁན་གྱི་ཐོག་ཏུ་མེད་དེ། ཁོ་ཚོའི་སྤྱི་ཚོགས་རུལ་སུང་དུ་གྱུར་ནས་སྐྱོབ་ཐབས་མེད་པར་གྱུར་ཡོད། སྤྱི་ཚོགས་ཤིག་ལ་མེ་སྐྱོན་ཐེབས་དུས། ང་ཚོ་ཚང་མས་ཟུར་ནས་ལྟད་མོ་ལྟ་བ་དང་། ལ་ལས་ཐེ་ཚོམ་སྤུ་ཙམ་ཡང་མེད་པར་སྤྲོ་སྐྱིད་གཏོང་བ། ལ་ལས་སྐབས་དང་བསྟུན་ནས་འཕྲོག་བཅོམ་བྱེད་ཀྱི་ཡོད་ཅེས་བཤད།