བོད་ཡིག་ཏུ་བསྒྱུར་མཁན། ཁྱུང་བུ་གངས་རྒྱན།
དོན་ཚན་དང་པོ། མི་རེ་རེ་ཚང་མར་ཝེར་ཉིའུ་ལི་ཆུ་བོའི་འགྲམ་ས་འཚོ་གནས་བྱེད་དབང་ཡོད་ཅིང་། ཝེར་ཉིག་ལི་ཆུ་བོ་མི་ཚང་མ་གམ་དུ་བཞུར་ཆོག་པའི་དབང་ཆ་ཡོད།
དོན་ཚན་གཉིས་པ། དགུན་ཟུག་ན། མི་ཚང་མར་ཆུ་སྐོལ་དང་དྲོད་རླངས། རྫ་གཡབ་ཁང་པ་བཅས་ཀྱི་ཐོག་ཁང་པ་ཐོབ་ཆོག་པའི་དབང་ཆ་ཡོད།
དོན་ཚན་གསུམ་པ། མི་ཚང་མར་འཆི་བའི་དབང་ཆ་ཡོད་ཀྱང་། ངེས་པར་དུ་འཆི་དགོས་པའི་འོས་འགན་མེད།
དོན་ཚན་བཞི་པ། མི་ཚང་མར་ནོར་འཁྲུལ་ཤོར་བའི་དབང་ཆ་ཡོད།
དོན་ཚན་ལྔ་པ། མི་རེ་རེ་ལ་སྒེར་ཚུགས་ཀྱིས་འཚོ་བ་རོལ་པའི་དབང་ཆ་ཡོད།
དོན་ཚན་དྲུག་པ། མི་ཚང་མར་དགའ་ཞེན་ཆགས་ཆོག་པའི་དབང་ཆ་ཡོད།
དོན་ཚན་བདུན་པ། མི་ཚང་མར་བརྩེ་སེམས་མ་བཅིངས་ཆོག་པའི་དབང་ཆ་ཡོད་ཀྱང་། དེ་ངེས་པར་དུ་དང་ལེན་བྱ་དགོས་པ་ཞིག་མིན།
དོན་ཚན་བརྒྱད་པ། མི་ཚང་མར་ཕུལ་བྱུང་ཅན་དུ་མ་ཆགས་པ་དང་སྐད་གྲགས་མེད་པའི་ཆོག་པའི་དབང་ཆ་ཡོད།
དོན་ཚན་དགུ་པ། མི་ཚང་མར་རང་དགར་སྡོད་ཆོག་པའི་ཁེ་དབང་ཡོད།
དོན་ཚན་བཅུ་པ། མི་ཚང་མར་བྱི་ལར་དགའ་ནས་དེར་བདག་སྐྱོང་བྱེད་ཆོག་པའི་དབང་ཆ་ཡོད།
དོན་ཚན་བཅུ་གཅིག་པ། མི་ཚང་མར་ཁྱི་ལ་གཉོར་ནས་དེའི་ཤི་བའི་བར་ལྟ་སྐྱོང་བྱ་ཆོག་པའི་དབང་ཆ་ཡོད།
དོན་ཚན་བཅུ་གཉིས་པ། ཁྱི་རེ་རེར་ཁྱི་བྱེད་ཆོག་པའི་དབང་ཆ་ཡོད།
དོན་ཚན་བཅུ་གསུམ་པ། བྱི་ལ་རེ་རེར་རང་གི་བདག་པོར་དགའ་བའི་འོས་འགན་མེད་མོད། འོན་ཀྱང་ངེས་པར་དུ་དགོས་མཁོའི་སྐབས་སུ་རོགས་རམ་བྱ་དགོས།
དོན་ཚན་བཅུ་བཞི་པ། སྐབས་འགར་མི་ཚང་མར་རང་གི་འགན་འཁྲི་མི་ཤེས་པའི་དབང་ཆ་ཡོད།
དོན་ཚན་བཅོ་ལྔ་པ། མི་ཚང་མར་དོགས་འདྲི་འདོན་པའི་ཁེ་དབང་ཡོད་མོད། འོན་ཀྱང་འགན་འཁྲི་མིན།
དོན་ཚན་བཅུ་དྲུག་པ། མི་ཚང་མར་བདེ་སྐྱིད་ལྡན་པའི་འཚོ་བ་རོལ་པའི་ཁེ་དབང་ཡོད།
དོན་ཚན་བཅུ་བདུན་པ། མི་ཚང་མར་སྤྲོ་སྣང་མེད་པའི་ཁེ་དབང་ཡོད།
དོན་ཚན་བཅོ་བརྒྱད་པ། མི་ཚང་མར་ཁ་རོག་ཏུ་བསྡད་ཆོག་པའི་དབང་ཆ་ཡོད།
དོན་ཚན་བཅུ་དགུ་པ། མི་ཚང་མར་དད་མོས་བྱེད་དབང་ཡོད།
དོན་ཚན་ཉི་ཤུ་པ། མི་སུ་ཡིན་རུང་དྲག་ཤུགས་སྤྱོད་ཆོག་པའི་དབང་ཆ་མེད།
དོན་ཚན་ཉེར་གཅིག་པ། མི་ཚང་མར་རང་ཉིད་ལ་གདེང་འཇོག་ཆེན་པོ་མི་བྱེད་པའི་དབང་ཆ་ཡོད།
དོན་ཚན་ཉེར་གཉིས་པ། མི་ཚང་མར་ཡུན་གཏན་གྱི་འཚོ་བར་ཡིད་སྨོན་བྱེད་ཆོག་པའི་དབང་ཆ་ཡོད།
དོན་ཚན་ཉེར་གསུམ་པ། མི་ཚང་མར་གནས་ཚུལ་རྒྱུས་ལོན་བྱ་རྒྱུའི་དབང་ཆ་ཡོད།
དོན་ཚན་ཉེར་བཞི་པ། མི་ཚང་མར་དོན་དག་ཅི་ཡང་མི་ཤེས་ཆོག་པའི་དབང་ཆ་ཡོད།
དོན་ཚན་ཉེར་ལྔ་པ། མི་སུ་ཡིན་རུང་རྒྱལ་ཁོངས་གང་ཞིག་ལ་དགའ་ན་དེ་གདམ་ཆོག་པའི་དབང་ཆ་ཡོད།
དོན་ཚན་ཉེར་དྲུག་པ། མི་ཚང་མར་རང་ཉིད་ཀྱི་སྐྱེས་སྐར་ལ་རྟེན་འབྲེལ་ཞུ་བའི་དབང་ཆ་ཡོད་ལ། ཡང་ན་རྟེན་འབྲེལ་མི་བྱེད་པའི་དབང་ཆ་ཡང་ཡོད།
དོན་ཚན་ཉེར་བདུན་པ། མི་ཚང་མས་རང་ཉིད་ཀྱི་མིང་སེམས་ལ་འཛིན་དགོས།
དོན་ཚན་ཉེར་བརྒྱད་པ། མི་སུ་ཡིན་རུང་རང་ལ་དབང་བའི་རྒྱུ་ནོར་དང་མཐོང་ཐོས་ལོངས་སུ་སྤྱད་ཆོག
དོན་ཚན་ཉེར་དགུ་པ། མི་སུ་ཡིན་རུང་རང་ལ་མི་དབང་བའི་དངོས་པོ་རྣམས་ལོངས་སྤྱོད་བྱེད་མི་ཆོག
དོན་ཚན་སུམ་ཅུ་པ། མི་ཚང་མར་ཕ་མ་སྤུན་མཆེད་དང་། གྲོགས་ཉེ་རིང་བཅས་ཡོད་ཆོག་པའི་དབང་ཆ་ཡོད།
དོན་ཚན་སོ་གཅིག་པ། མི་ཚང་མ་རང་ཚུགས་ཡིན་ཆོག
དོན་ཚན་སོ་གཉིས་པ། མི་ཚང་མས་རང་ཉིད་ཀྱི་རང་དབང་ལ་འགན་འཁུར་དགོས།
དོན་ཚན་སོ་གསུམ་པ། མི་ཚང་མར་ངུ་བའི་དབང་ཆ་ཡོད།
དོན་ཚན་སོ་བཞི་པ། མི་ཚང་མར་གོ་ལོག་ཐེབས་པའི་ཁེ་དབང་ཡོད།
དོན་ཚན་སོ་ལྔ་པ། མི་ཚང་མར་མི་གཞན་ལ་ཉེས་པ་བསགས་སུ་བཅུག་པའི་དབང་ཆ་མེད།
དོན་ཚན་སོ་དྲུག་པ། མི་ཚང་མར་སྒེར་གྱི་ཁེ་དབང་གཏན་སྲུང་བྱ་རྒྱུའི་དབང་ཆ་ཡོད།
དོན་ཚན་སོ་བདུན་པ། མི་ཚང་མར་རང་ཉིད་ལ་དབང་བའི་དབང་ཆ་དང་ལེན་མ་བྱེད་ཆོག་པའི་དབང་ཆ་ཡོད།
དོན་ཚན་སོ་བརྒྱད་པ། མི་ཚང་མར་དངངས་འཚབ་ལས་ཐར་ཆོག་པའི་ཁེ་དབང་ཡོད།
དོན་ཚན་སོ་དགུ་པ། ཕམ་གི་མ་བཅུག
དོན་ཚན་བཞི་བཅུ་པ། ཁུ་ཚུག་གིས་སླར་མ་ཟློག